Prakasam District News

స్థానిక సంస్థల ఎన్నికల్లో..ఒంగోలు సబర్బన్‌: రాష్ట్రంలో కూటమి పార్టీల నాయకులు విధ్వంసం సృష్టించి లోకల్‌ బాడీ ఎన్నికల్లో ఆధిపత్యం చలాయిస్తున్నారని, ప్రజాస్వామ్యాన్ని ఖూనీ చేస్తున్నారని రాజ్యసభ ఫ్లోర్‌లీడర్‌, వైఎస్సార్‌ సీపీ రీజినల్‌ కో ఆర్డినేటర్‌ వైవీ సుబ్బారెడ్డి మండిపడ్డారు. ప్రతిపక్ష వైఎస్సార్‌ సీపీ నాయకులు నామినేషన్లు కూడా వేయకుండా అడ్డుకోవడం ప్రజాస్వామ్యానికే తీరని మచ్చ అని అన్నారు. ఒంగోలు కార్పొరేషన్‌ ఎన్నికల ప్రచారంలో భాగంగా గురువారం నగరానికి వచ్చిన ఆయన.. స్థానిక వీఐపీ రోడ్డులోని తన నివాసంలో మీడియాతో మాట్లాడారు. కొందరు అధికారులు, పోలీసులు సైతం అధికార పార్టీ నాయకులకు తొత్తులుగా మారిపోయారని విమర్శించారు. అటువంటి వారిని రానున్న రోజుల్లో వదిలేదు లేదని హెచ్చరించారు. ఎవరైతే అధికారులు వైఎస్సార్‌ సీపీ నాయకుల నామినేషన్లకు అడ్డంపడ్డారో.. వేసిన నామినేషన్లను సైతం ఏ విధంగా తిరస్కరిస్తున్నారో ప్రజలు గమనిస్తున్నారన్నారు. ఈ దారుణాలను కేంద్ర ప్రభుత్వం దృష్టికి తీసుకెళ్తామన్నారు. ఇప్పటికే సుప్రీంకోర్టు దృష్టికి తీసుకెళ్లామని చెప్పారు. అధికార పార్టీ నాయకులు, కొందరు అధికారులు కలిసి రాష్ట్రంలో 22 మున్సిపాలిటీల్లో వైఎస్సార్‌ సీపీ నాయకులు నామినేషన్లు వేయకుండా అడ్డుకుని కూటమి పార్టీ నాయకులను ఏకగ్రీవం చేసుకున్నారని ధ్వజమెత్తారు. ఎంపీటీసీ, జెడ్పీటీసీ ఎన్నికలు అయిపోయిన తర్వాత రాష్ట్రపతి దృష్టికి, సుప్రీంకోర్టు దృష్టికి, జాతీయ మానవ హక్కుల కమిషన్‌ దృష్టికి తీసుకెళ్తామని చెప్పారు. ఎన్నికల సమయంలో చెప్పిన హామీలేవీ అధికారంలోకి వచ్చిన తర్వాత అమలు చేయలేదని, ప్రజలను ప్రలోభపెట్టే కార్యక్రమాలు మాత్రమే చేస్తున్నారని, అందువలన ప్రజలు ఓడిస్తారనే భయంతో ఇతరుల నామినేషన్లను అడ్డుకుంటున్నారని అన్నారు. మీడియా సమావేశంలో ఒంగోలు నగరపాలక సంస్థ వైఎస్సార్‌ సీపీ మేయర్‌ అభ్యర్థి కుప్పం ప్రసాదు, ఒంగోలు అసెంబ్లీ నియోజకవర్గ ఇన్‌చార్జ్‌ చుండూరు రవిబాబు, ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి, పీడీసీసీబీ మాజీ చైర్మన్‌ డాక్టర్‌ మాదాసి వెంకయ్య, పార్టీ రాష్ట్ర కార్యదర్శి ఏ.వెంకటేశ్వరరావు, తదితర నాయకులు పాల్గొన్నారు. వైఎస్సార్‌ సీపీ మేయర్‌, కార్పొరేటర్‌ అభ్యర్థులను గెలిపించాలి... ఒంగోలు సబర్బన్‌/ఒంగోలు సెంట్రల్‌: ఒంగోలు నగరపాలక సంస్థ ఎన్నికల్లో వైఎస్సార్‌ సీపీ తరఫున పోటీచేస్తున్న మేయర్‌, కార్పొరేటర్‌ అభ్యర్థులను గెలిపించాలని ఆ పార్టీ రాజ్యసభ సభ్యుడు, రీజినల్‌ కో ఆర్డినేటర్‌ వైవీ సుబ్బారెడ్డి ఓటర్లను కోరారు. నగరంలో గురువారం వైఎస్సార్‌ సీపీ నిర్వహించిన ఎన్నికల ప్రచార ర్యాలీలో ఆయన పాల్గొన్నారు. భారీగా హాజరైన నాయకులు, కార్యకర్తలు, అభిమానులతో ఒంగోలు నగరం దద్దరిల్లింది. వైవీ సుబ్బారెడ్డి సుడిగాలి పర్యటన చేసి ఆరు డివిజన్లలో ప్రచార కార్యక్రమాలలో పాల్గొన్నారు. అందరినీ ఆప్యాయంగా పలకరించారు. తొలుత 36వ డివిజన్‌లో కొణిజేడు బస్టాండ్‌ సెంటర్‌ నుంచి ప్రచారాన్ని ప్రారంభించారు. ముందుగా కొణిజేడు బస్టాండ్‌ సెంటర్‌లోని లక్ష్మీగణపతిస్వామి ఆలయంలో మేయర్‌ అభ్యర్థి కుప్పం ప్రసాదు, 35, 36 డివిజన్ల కార్పొరేటర్‌ అభ్యర్థులు పసుపులేటి మురళీకృష్ణ, ఎస్‌కే చాన్‌బీ, నాయకులతో కలిసి ప్రత్యేక పూజలు నిర్వహించారు. అనంతరం దేవాలయం సమీపంలోని షాపులు, ఇళ్ల వద్ద పార్టీ అభ్యర్థుల కరపత్రాలిచ్చి ఓట్లు అభ్యర్థించారు. అనంతరం ప్రత్యేక వాహనంపై నిర్వహించిన ర్యాలీలో పాల్గొన్నారు. 35, 36 డివిజన్లతో పాటు 28, 29, 30, 31 డివిజన్లలో ర్యాలీ సాగింది. కొణిజేడు బస్టాండ్‌ నుంచి ప్రారంభమైన ర్యాలీ.. రాజాపానగల్‌రోడ్డు, జయరాం సెంటర్‌, జడ్జీల క్వార్టర్లు, యూనియన్‌ బ్యాంకు, గాంధీ రోడ్డు ఎంట్రన్స్‌ నుంచి బంగారు కొట్టుల వీధి, గాంధీ బజారు మీదుగా ట్రంక్‌ రోడ్డుకు చేరుకుంది. అక్కడి నుంచి గానుగపాలెం, అరవపాలెం, దండుపాలెంలో వాహనం దిగి నడుచుకుంటూ దుకాణాలు, ఇంటింటికి తిరిగి ప్రచారం చేశారు. ర్యాలీల్లో 31, 35, 36 కార్పొరేటర్‌ అభ్యర్థులు మల్లిశెట్టి శ్రీనివాస అయ్యప్ప, పసుపులేటి మురళీకృష్ణ, ఎస్‌కే చాన్‌బీ, 28, 29, 30 డివిజన్ల కార్పొరేటర్‌ అభ్యర్థులు కుట్టుబోయిన కోటేశ్వరరావు (కోటి), కావటి రవికుమార్‌, వేముల రాధికతో కలిసి వైవీ సుబ్బారెడ్డి ఎన్నికల ప్రచారం చేశారు. వైఎస్‌ జగన్‌ నినాదాలతో హోరెత్తిన నగరం... వైవీ సుబ్బారెడ్డితో కలిసి ర్యాలీలో పాల్గొన్న నాయకులు, కార్యకర్తలు వైఎస్‌ జగన్‌ నినాదాలతో హోరెత్తించారు. ర్యాలీలో భారీ సంఖ్యలో నాయకులు, కార్యకర్తలు పాల్గొని వైఎస్‌ జగన్‌తో పాటు వైవీ సుబ్బారెడ్డి, మేయర్‌ అభ్యర్థి కుప్పం ప్రసాదు జై అంటూ నినాదాలతో సందడి చేశారు. పార్టీ శ్రేణులు ర్యాలీలో ముందు నడుస్తుండగా వెనుక ప్రత్యేక వాహనంలో ప్రజలకు అభివాదం చేస్తూ వైవీ సుబ్బారెడ్డి, వైఎస్సార్‌ సీపీ జిల్లా అధ్యక్షుడు, దర్శి ఎమ్మెల్యే బూచేపల్లి శివప్రసాద్‌రెడ్డి, సీఈసీ మెంబర్‌, జెడ్పీ మాజీ చైర్‌పర్సన్‌ బూచేపల్లి వెంకాయమ్మ, ఒంగోలు నియోజకవర్గ ఇన్‌చార్జ్‌ చుండూరు రవిబాబు, మేయర్‌ అభ్యర్థి కుప్పం ప్రసాదు, కార్పొరేటర్‌ అభ్యర్థులు ప్రజలను ఆకర్షించారు. 29వ డివిజన్‌లో మేయర్‌ అభ్యర్థి కుప్పంతో పాటు కార్పొరేటర్‌ అభ్యర్థి కావటి రవికుమార్‌తో కలిసి వాహనం దిగి కాలినడకన గానుగపాలెంతో పాటు అరవపాలెం, దండుపాలెంలో దుకాణాలు, ఇంటింటికి తిరిగి కరపత్రాలు అందజేస్తూ వైవీ సుబ్బారెడ్డి ఓట్లు అభ్యర్థించారు. ఫ్యాన్‌ గుర్తుకు ఓటేసి వైఎస్సార్‌ సీపీ అభ్యర్థులను అత్యధిక మెజారిటీతో గెలిపించాలని ఓటర్లకు విజ్ఞప్తి చేశారు. పార్టీ ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి, మాజీ ఎమ్మెల్యే కసుకుర్తి ఆదెన్న, పీడీసీసీబీ మాజీ చైర్మన్లు డాక్టర్‌ మాదాసి వెంకయ్య, వైఎం ప్రసాదరెడ్డి (బన్నీ), పార్టీ రాష్ట్ర కార్యదర్శి వెంకటేశ్వరరావు, మద్దిపాడు ఏఎంసీ మాజీ చైర్మన్‌ ఇనగంటి పిచ్చిరెడ్డి, పార్టీ జిల్లా గౌడ సంఘ అధ్యక్షుడు తాతా నరసింహగౌడ, రాష్ట్ర బలిజ కార్పొరేషన్‌ మాజీ డైరెక్టర్‌ దాసరి కరుణాకర్‌, పార్టీ రాష్ట్ర జాయింట్‌ సెక్రటరీ దామరాజు క్రాంతికుమార్‌, పలువురు నాయకులు పాల్గొన్నారు.

● జిల్లా ఎన్నికల అధికారి, కలెక్టర్‌ రాజాబాబు ఒంగోలు సబర్బన్‌: మున్సిపల్‌ ఎన్నికల్లో రూట్‌ ఆఫీసర్ల పాత్ర కీలకమని జిల్లా ఎన్నికల అధికారి, కలెక్టర్‌ పి.రాజాబాబు తెలిపారు. ఎన్నికల నిర్వహణ, రూట్‌ ఆఫీసర్ల విధులు, రవాణా–ఓటింగ్‌ విధానంపై మార్గదర్శకాలు జారీ చేశారు. గురువారం తన క్యాంపు కార్యాలయం నుంచి ఎన్నికల అధికారులతో టెలీ కాన్ఫరెన్స్‌ నిర్వహించారు. రూట్‌ ఆఫీసర్ల బాధ్యతలు, సామగ్రి రవాణా, పోలింగ్‌ విధానం, బ్యాలెట్‌ పేపర్‌ మార్కింగ్‌, మడిచే పద్ధతితో పాటు కౌంటింగ్‌ వరకు అధికారులు అనుసరించాల్సిన అన్ని రకాల నిబంధనలపై కలెక్టర్‌ అత్యంత వివరణాత్మక ఆదేశాలు జారీ చేశారు. రూట్‌ ఆఫీసర్లు వారికి కేటాయించిన రూట్‌ పరిధిలోని అన్ని పోలింగ్‌ కేంద్రాలను నిరంతరం పర్యవేక్షించాలని సూచించారు. డిస్ట్రిబ్యూషన్‌ సెంటర్‌ నుంచి పోలింగ్‌ సామగ్రి, బ్యాలెట్‌ బాక్సులు, పోలింగ్‌ సిబ్బంది సురక్షితంగా పోలింగ్‌ కేంద్రాలకు చేరేలా చూడాలని ఆదేశించారు. ఏదైనా కేంద్రంలో సామగ్రి కొరత, బ్యాలెట్‌ బాక్సుల సమస్యలు, సాంకేతిక సందేహాలు తలెత్తితే రూట్‌ ఆఫీసర్లు తక్షణమే స్పందించి పరిష్కరించాలని తెలిపారు. రవాణా ఏర్పాట్ల విషయానికొస్తే, పోలింగ్‌ సామగ్రి, సిబ్బందిని తీసుకెళ్లే వాహనాలు నిర్ణీత రూట్‌ మ్యాప్‌ ప్రకారమే ప్రయాణించాలని, ఎలాంటి కారణం చేతనైనా మార్గం మళ్లించకూడదని స్పష్టం చేశారు. ప్రతి వాహనానికి గట్టి పోలీస్‌ బందోబస్తు ఉండాలని, పోలింగ్‌ ముగిసిన తర్వాత సీల్‌ చేసిన బ్యాలెట్‌ బాక్సులను అత్యంత భద్రత నడుమ నేరుగా స్ట్రాంగ్‌ రూమ్‌లకు చేర్చే రవాణా ప్రక్రియ నిరంతర పర్యవేక్షణలో ఉండాలని సూచించారు. పోలింగ్‌ రోజు అనుసరించాల్సిన విధానాలను వివరించారు. పోలింగ్‌ ప్రారంభానికి ముందే పోలింగ్‌ ఏజెంట్ల సమక్షంలో ఖాళీ బ్యాలెట్‌ పెట్టెలను పరిశీలించి ప్రత్యక్షంగా చూపించిన అనంతరమే నిబంధనల ప్రకారం సీల్‌ చేసి రికార్డులను ప్రారంభించాలని కలెక్టర్‌ ఆదేశించారు. పోలింగ్‌ కేంద్రానికి వచ్చే ప్రతి ఓటరు గుర్తింపును పక్కాగా పరిశీలించి ఎడమ చేతి చూపుడు వేలికి చెరగని సిరా గుర్తు వేసిన తర్వాత ఓటర్ల జాబితా రికార్డులో సంతకం లేదా బొటనవేలి ముద్ర సేకరణ పూర్తయ్యాకే ఓటింగ్‌కు అవకాశం కల్పించాలని తెలిపారు. బ్యాలెట్‌ పేపర్‌ ఉపయోగించే ప్రత్యేక విధానం గురించి వివరించారు. ఓటరు రహస్య ఓటింగ్‌ కంపార్ట్‌మెంట్‌లో తనకు నచ్చిన అభ్యర్థి గుర్తుపై ‘క్రాస్‌ మార్క్‌ స్టాంప్‌’ ముద్రించిన తర్వాత ఓటు మైరా (ఇంకు) ఆరిపోక ముందే బ్యాలెట్‌ పేపరును సరైన పద్ధతిలో మడవాలని ఆదేశించారు. ఆ విధానంపై ఓటర్లకు అవగాహన కల్పించాలని ప్రిసైడింగ్‌ అధికారులను కలెక్టర్‌ ఆదేశించారు.

సీఎస్‌ పురం (పామూరు): స్థానిక సంస్థల ఎన్నికల్లో వైఎస్సార్‌ సీపీ నాయకులు, కార్యకర్తలపై దాడులు, దౌర్జన్యాలకు పాల్పడే వారిని గుర్తించుకుని భవిష్యత్‌లో వారు ఊరు వదిలి పారిపోయేలా చేస్తామని వైఎస్సార్‌ సీపీ రాష్ట్ర ప్రధాన కార్యదర్శి, ఒంగోలు పార్లమెంట్‌ ఇన్‌చార్జి డాక్టర్‌ చెవిరెడ్డి భాస్కర్‌రెడ్డి స్పష్టం చేశారు. సీఎస్‌ పురంలోని వైఎస్సార్‌ సీపీ కార్యాలయంలో గురువారం ఏర్పాటు చేసిన కార్యకర్తల సమావేశంలో చెవిరెడ్డి మాట్లాడారు. గ్రామాల్లో పార్టీలకు అతీతంగా అందరూ ఎంతో ఆప్యాయంగా కుటుంబ సభ్యుల మాదిరిగా ఉంటారని, కానీ ఎన్నికల సందర్భంగా టీడీపీ నాయకులు దౌర్జన్యాలకు పాల్పడుతూ ప్రజల మధ్య అనుబంధాన్ని తెంపేస్తున్నారని ఆగ్రహం వ్యక్తం చేశారు. ఇది హేయమైన చర్యని అన్నారు. ప్రభుత్వం, అధికారులు ప్రజలకు ఓటు వేసుకునే పరిస్థితులు కల్పించాలని, అలా కాకుండా అధికారాన్ని అడ్డుపెట్టుకుని టీడీపీ నాయకుల్లా పనిచేస్తే రానున్న కాలంలో అధికారులు పశ్చాత్తాప్పడేలా మా చర్యలు ఉంటాయని హెచ్చరించారు. వైఎస్సార్‌ సీపీ నాయకులను ఇబ్బందిపెట్టే అధికారుల పేర్లు రాసిపెట్టుకోవాలని, అధికారం మారాక వారికి తగిన గుణపాఠం చెబుతామని స్పష్టం చేశారు. పార్టీ కనిగిరి నియోజకవర్గ ఇన్‌చార్జి దద్దాల నారాయణయాదవ్‌కు అనారోగ్యం కారణంగా హాజరుకాలేకపోయారని చెవిరెడ్డి తెలిపారు. సీఎస్‌ పురం జెడ్పీటీసీ వైఎస్సార్‌ సీపీ అభ్యర్థి దుగ్గిరెడ్డి ప్రతాప్‌ను గెలిపించాలని కోరారు. అనంతరం చెవిరెడ్డిని నాయకులు సన్మానించారు. కార్యక్రమంలో వైఎస్సార్‌ సీపీ మండల అధ్యక్షుడు పాలుగుళ్ల మల్లికార్జునరెడ్డి, మితికాల వరుణ్‌కుమార్‌, పార్టీ జిల్లా ప్రధాన కార్యదర్శి ముత్యాల నారాయణరెడ్డి, వైఎస్సార్‌ టీయూసీ జిల్లా అధ్యక్షుడు మితికాల గురవయ్య, మాజీ ఎంపీపీ భువనగిరి వెంకటయ్య పలువురు నాయకులు పాల్గొన్నారు. మళ్లీ జగన్‌ రావడం ఖాయం : చెవిరెడ్డి ఒంగోలు సబర్బన్‌: వచ్చే ఎన్నికల్లో మళ్లీ జగనన్న సీఎం కావడం ఖాయమని వైఎస్సార్‌ సీపీ ఒంగోలు పార్లమెంట్‌ ఇన్‌చార్జ్‌ డాక్టర్‌ చెవిరెడ్డి భాస్కరరెడ్డి అన్నారు. ఒంగోలు మేయర్‌ అభ్యర్థి కుప్పం ప్రసాద్‌ను గెలిపించాలని కోరుతూ పేర్నమిట్టలోని 50వ డివిజన్‌లో గురువారం రాత్రి ప్రచార ర్యాలీ నిర్వహించారు. పార్టీ సంతనూతలపాడు నియోజకవర్గ ఇన్‌చార్జి, మాజీ మంత్రి మేరుగు నాగార్జున, ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి, మేయర్‌ అభ్యర్థి కుప్పం ప్రసాద్‌తో కలిసి ప్రచారంలో పాల్గొన్నారు. ఈ సందర్భంగా చెవిరెడ్డి మాట్లాడుతూ విద్యావంతుడు, వినయశీలి, అందరివాడైన కుప్పం ప్రసాద్‌ను భారీ మెజారిటీతో గెలిపించాలని ఓటర్లను కోరారు. స్థానిక సంస్థల ఎన్నికల్లో అధికార పార్టీ కుట్రలను తిప్పికొట్టేందుకు వైఎస్సార్‌ సీపీని గెలిపించాలని విజ్ఞప్తి చేశారు. కార్యక్రమంలో పార్టీ సంతనూతలపాడు మండల అధ్యక్షుడు దుంపా చెంచిరెడ్డి, నాయకులు, కార్యకర్తలు పాల్గొన్నారు.

చీమకుర్తి రూరల్‌: వైఎస్సార్‌ సీపీ ప్రభుత్వ హయాంలో ప్రజా సంక్షేమమే ధ్యేయంగా మాజీ ముఖ్యమంత్రి వైఎస్‌ జగన్‌మోహన్‌రెడ్డి సుపరిపాలన అందించారని జిల్లా పరిషత్‌ మాజీ చైర్‌పర్సన్‌, వైఎస్సార్‌ సీపీ సీఈసీ మెంబర్‌ బూచేపల్లి వెంకాయమ్మ అన్నారు. ప్రాదేశిక ఎన్నికల్లో భాగంగా బుధవారం రాత్రి అగ్రహారం గ్రామంలో ఎంపీటీసీ అభ్యర్థి వేమ ఝాన్సీ రాణితో కలిసి ఎన్నికల ప్రచారం నిర్వహించారు. ముందుగా ఆ గ్రామంలో గుడిలో ప్రత్యేక పూజలు చేశారు. గ్రామంలో ఇంటింటికి వెళ్లి ఫ్యాన్‌ గుర్తుకు ఓటేసి వైఎస్సార్‌ సీపీ అభ్యర్థులను గెలిపించాలని కోరారు. ఈ సందర్భంగా బూచేపల్లి వెంకాయమ్మ మాట్లాడుతూ అభివృద్ధి అంటే ఏంటో మాటలతో కాకుండా చేతలతో చేసి చూపించింది వైఎస్సార్‌ సీపీ ప్రభుత్వమన్నారు. జిల్లాకు ఒక ప్రభుత్వ మెడికల్‌ కాలేజీని తీసుకువచ్చిన ఘనత వైఎస్సార్‌ సీపీ దక్కుతుందన్నారు. వైఎస్సార్‌ సీపీ ప్రభుత్వం అందించిన సంక్షేమ పథకాల పేర్లు మార్చడం తప్ప ఈ రెండున్నరేళ్లలో కూటమి ప్రభుత్వం చేసిందేమీ లేదని ఎద్దేవా చేశారు. ఎన్నికల సమయంలో ఇచ్చిన ఏ ఒక్క హామీని నిలబెట్టుకోలేని అసమర్థ ప్రభుత్వం పాలన సాగిస్తోందన్నారు. ఎన్నికల హామీలను నెరవేర్చకుండా స్థానిక సంస్థల ఎన్నికల్లో గెలిచేందుకు కుయుక్తులు పన్నుతున్నారని మండిపడ్డారు. ఈ ఎన్నికల్లో వైఎస్సార్‌ సీపీ అభ్యర్థులను భారీ మెజార్టీతో గెలిపిస్తేనే అధికార వెన్నుపోటు పార్టీకి బుద్ధి వస్తుందన్నారు. పార్టీ మండల అధ్యక్షుడు పమిడి వెంకటేశ్వర్లు ఉపాధ్యక్షుడు శేషురెడ్డి, మాజీ ఎంపీటీసీ విజయలక్ష్మి, మాజీ జెడ్పీటీసీ వేమా శ్రీనివాసరావు, నల్లూరి చంద్ర, ప్రసాద్‌ రెడ్డి, కార్యకర్తలు, మహిళలు పెద్ద సంఖ్యలో పాల్గొన్నారు. వైఎస్సార్‌ సీపీ అభ్యర్థులను ఆశీర్వదించండి అగ్రహారం ఎన్నికల ప్రచారంలో జిల్లా పరిషత్‌ మాజీ చైర్‌పర్సన్‌, వైఎస్సార్‌సీపీ సీఈసీ మెంబర్‌ బూచేపల్లి వెంకాయమ్మ

కందుకూరు రూరల్‌: రామాలయానికి చందాలు ఇవ్వలేదన్న నెపంతో గ్రామంలో 10 కుటుంబాలను కుల పెద్దలు బహిష్కరించారు. ఈ సంఘటన కొండముడుసుపాలెం గ్రామంలోని వడ్డెపాలెంలో జరిగింది. బాధితుల వివరాల ప్రకారం..వడ్డెపాలెంలో సుమారు 200 కుటుంబాలు నివాసం ఉంటున్నాయి. వడ్డెపాలెంలో ఏడాది క్రితం రామాలయం నిర్మించారు. ఆ సమయంలో కుటుంబానికి రూ.10 వేల చందా చెల్లించాలని కుల పెద్దలు నిర్ణయించి వసూలు చేశారు. అయితే ఆ నగదు సరిపోకపోవడంతో ఈ ఏడాది మళ్లీ రూ.4,500 చెల్లించాలని చెప్పారు. అయితే కూలినాలీ చేసుకునే వారు, చర్చికి వెళ్లే కొంత మంది చందాలు ఇవ్వలేమని చెప్పారు. దీనిపై కుల పెద్దలు ఆగ్రహం వ్యక్తం చేశారు. చందాలు ఇవ్వని 10 కుటుంబాల వారిని కుల బహిష్కరణ చేస్తున్నట్లు ప్రకటించారు. కుల బహిష్కరణ చేసిన వారితో మాట్లాడి, వారిని శుభకార్యాలు, అశుభకార్యాలకు ఆహ్వానించినా వారికి రూ.1000 చొప్పున జరిమానా విధిస్తామని చెప్పారు. దీంతో రెండు కుటుంబాల వారు వెంటనే ఆ మొత్తాన్ని చెల్లించారు. వడ్డెపాలెంలో పది కుటుంబాలను బహిష్కరించిన కుల పెద్దలు రామాలయానికి చందాలు ఇవ్వలేదన్న నెపంతో ఆ కుటుంబాలతో మాట్లాడితే రూ.1000 జరిమానా

● ఏపీసీపీడీసీఎల్‌ ఎస్‌ఈ కట్టా వెంకటేశ్వర్లు ఒంగోలు సబర్బన్‌: అర్నాబ్‌ తుఫాను ప్రభావంతో దెబ్బతిన్న డాక్టర్‌ బీఆర్‌ అంబేడ్కర్‌ కోనసీమ జిల్లా, అమలాపురం జిల్లాలకు ప్రకాశం జిల్లా నుంచి విద్యుత్‌ సిబ్బందిని, వాహనాలను పంపించారు. ఈ సందర్భంగా ఏపీసీపీడీసీఎల్‌ ఎస్‌ఈ కట్టా వెంకటేశ్వర్లు గురువారం జెండా ఊపి వాహనాలను, సిబ్బందిని పంపించారు. అర్నాబ్‌ తుఫాను ప్రభావంతో దెబ్బతిన్న విద్యుత్‌ లైన్లను, నేలకొరిగిన విద్యుత్‌ స్తంభాలను పునరుద్ధరించేందుకు ప్రకాశం సర్కిల్‌ నుంచి పది బృందాలకు చెందిన 100 మంది కార్మికులను, వాహనాలను కూడా పంపామన్నారు. అవసరాన్ని బట్టి విద్యుత్‌ పరికరాలతో సహా వాహనాల్లో డాక్టర్‌ బీఆర్‌ అంబేడ్కర్‌ కోనసీమ జిల్లా అమలాపురానికి పంపించామన్నారు. దెబ్బతిన్న విద్యుత్‌ లైన్లు, స్తంభాలను యుద్ధప్రాతిపదికన పునరుద్ధరించి, విద్యుత్‌ సరఫరాను వీలైనంత త్వరగా సాధారణ స్థితికి తీసుకురావడానికి ఈ బృందాలు కృషి చేయనున్నాయి.

సింగరాయకొండ: స్థానిక సంస్థల ఎన్నికల నేపథ్యంలో గోకుల్‌ పాలకేంద్రం వద్ద ఏర్పాటు చేసిన చెక్‌పోస్టును గురువారం జేసీ కల్పనాకుమారి ఆకస్మిక తనిఖీ చేశారు. ఈ సందర్భంగా ఫ్‌లైయింగ్‌ స్క్వాడ్‌ వాహనాల తనిఖీ బృందాలు ఏర్పాటు చేశారా లేదా తహసీల్దార్‌ రాజేష్‌ను అడిగి తెలుసుకున్నారు. ఎన్నికల విధుల్లో ఎక్కడ నిర్లక్ష్యం వహించవద్దని, పారదర్శకంగా జరిగేలా జాగ్రత్తలు తీసుకోవాలని సూచించారు. డిప్యూటీ తహసీల్దార్‌ తానికొండ ప్రసాద్‌, సిబ్బంది పాల్గొన్నారు. ● ఎస్పీ హర్షవర్థన్‌ రాజు ఒంగోలు టౌన్‌: పురపాలక ఎన్నికలు ప్రశాంత వాతావరణంలో సజావుగా జరిగేలా పటిష్ట బందోబస్తు ఏర్పాటు చేసినట్లు ఎస్పీ హర్షవర్థన్‌ రాజు తెలిపారు. 950 మందికి పైగా పోలీసులను బందోబస్తు కోసం నియమించినట్లు చెప్పారు. నగరంలోని సెయింట్‌ జెవియర్‌ స్కూల్‌, పేర్నమిట్ట జెడ్పీ హైస్కూలు, ఇస్లాంపేటలోని డాన్‌ బాస్కో టీఐ, అగ్రహారంలోని అంగన్‌వాడీ పాఠశాల, వెంగముక్కలపాలెంలోని జెడ్పీహెచ్‌ఎస్‌ పాఠశాలలను గురువారం సందర్శించారు. అక్కడి పోలింగ్‌ కేంద్రాలను పరిశీలించారు. మూడు ప్రదేశాల్లో మొత్తం 122 వార్డులు, 104 పోలింగ్‌ లోకేషన్లు, 53 నార్మల్‌, సెన్సిటివ్‌ 32, హైపర్‌ సెన్సిటివ్‌ 19 ఉన్నట్లు వివరించారు. పోలింగ్‌ కేంద్రాల వద్ద భద్రతా ఏర్పాట్లకు సంబంధించిన వివరాలను అఽధికారులను అడిగి తెలుసుకున్నారు. ఎలాంటి అవాంఛనీయ సంఘటనలు జరగకుండా ముందస్తు జాగ్రత్తలు తీసుకోవాలని సూచించారు. శాంతి భద్రతలకు విఘాతం కలగకుండా చూడాలన్నారు. ఎటువంటి భయం, ఒత్తిడి లేకుండా ప్రశాంత వాతావరణంలో ఓటు హక్కు వినియోగించుకునేలా పోలీసు అధికారులు తగిన చర్యలు తీసుకోవాలని ఆదేశించారు. ఎన్నికల విధుల్లో పోలీసులు అప్రమత్తంగా ఉండాలని చెప్పారు. ఎన్నికల రోజున 950 మంది పోలీసులు బందోబస్తులో ఉంటారని తెలిపారు. అతి సున్నితమైన పోలింగ్‌ కేంద్రాల వద్ద అదనపు బలగాలను మోహరించనున్నట్లు పేర్కొన్నారు. స్ట్రాంగ్‌ రూములు, కౌంటింగ్‌ కేంద్రాల వద్ద 24 గంటల భద్రతను కల్పించనున్నట్లు చెప్పారు. ప్రచార గడువు ముగిసిన తరువాత బహిరంగ సభలు, ఊరేగింపులు, లౌడ్‌ స్పీకర్ల వినియోగం, గుంపులుగా ప్రచారం నిర్వహించడం నిషేధమన్నారు. సంబంధిత పురపాలక సంఘాల ఓటర్లు, నాయకులు , కార్యకర్తలు ప్రచార గడువు ముగిసిన వెంటనే పట్టణం విడిచివెళ్లాలని స్పష్టం చేశారు. ఓటర్లకు నగదు, మద్యం పంపిణీ చేయడం, ప్రలోభాలకు గురిచేయడం, బెదిరించడం, బూత్‌ల ఆక్రమణలకు పాల్పడడం, ఆయుధాలు తీసుకెళ్లడం, సామాజిక మాధ్యమాల్లో తప్పుడు ప్రచారం చేయడం చట్టరిత్యా నేరమన్నారు. అభ్యర్థులు, ఓటర్లు, ఏజెంట్లు ఎన్నికల నియమావళిని పాటించాలని, పోలింగ్‌ కేంద్రాలకు 100 మీటర్ల దూరం వరకు గుంపులుగా ఉండరాదని చెప్పారు. ఎస్పీ వెంట అడిషనల్‌ ఎస్పీ యుగంధర్‌ బాబు, డీఎస్పీ రాయపాటి శ్రీనివాసరావు, ఎస్బీ సీఐ శ్రీనివాసరావు, తాలుకా సీఐ విజయకృష్ణ, వీర నాయక్‌, వెంకటేశ్వరరావు పాల్గొన్నారు.

అవినీతి ఏలిక..ఒంగోలు నగరంలో అవినీతి అక్రమాలదే రాజ్యం.. చంద్రబాబు ప్రభుత్వం అధికారంలోకి వచ్చిన రెండున్నరేళ్లలో భూ కబ్జాలు.. ఇసుక దోపిడీ.. మెప్మాలో భారీ కుంభకోణం.. నగరపాలక సంస్థ 150 ఏళ్ల వేడుకల పేరుతో వసూళ్ల పర్వం.. ఇలా ఒక్కొక్కటిగా అక్రమాల బాగోతాలు వెలుగులోకి వస్తున్నాయి. నియోజకవర్గ కీలక ప్రజాప్రతినిధి ఏకంగా ఏడుగురు పీఏలను ఏర్పాటు చేసుకుని ప్రభుత్వ కార్యాలయాల నుంచే నెలవారీ వసూళ్లకు పాల్పడుతున్నారన్న ఆరోపణలు కలకలం రేపుతున్నాయి. కీలక నేత ఇంటి నుంచే మెప్మా అవినీతికి ప్రణాళిక రచించారంటూ రోజుల తరబడి కథనాలు వచ్చినా తీరు మారలేదన్న విమర్శలు వెల్లువెత్తుతున్నాయి. తాజాగా నగరపాలక సంస్థ 150 ఏళ్ల వేడుకలు సైతం వసూళ్లకు వేదికగా మారాయన్న ఆరోపణలు సొంత పార్టీ నేతల్లోనే చర్చనీయాంశమయ్యాయి. ప్రజాసేవ మాటున పైసా వేట.. అధికారాన్ని అడ్డుపెట్టుకుని అందినకాడికి దండుకోవడమే లక్ష్యంగా అధికార కూటమి నేతలు రెచ్చిపోతున్నారు. నగరంలోని హైవే సమీపంలో కేన్సర్‌ హాస్పిటల్‌ సమీపంలోని కార్మికనగర్‌లో గత 15 ఏళ్లుగా నిరుపేద ప్రజలు నివాసముంటున్నారు. ఇప్పుడా భూములకు మంచి ధర రావడంతో కీలక నేత అనుచరుల కన్నుపడింది. రాత్రికిరాత్రే రౌడీలు రంగం సిద్ధం చేశారు. బుల్డోజర్లతో వెళ్లి విధ్వంసకాండ సృష్టించారు. సుమారు 70 నివాసాలను కూల్చివేశారు. కనీసం ఇళ్లలోని సామాన్లు తీసుకుంటామని కాళ్లు పట్టుకుని బతిమాలినా రౌడీల మనసు కరగలేదు. మహిళలని కూడా చూడకుండా బయటకు లాగిపడేశారు. పనులకు వెళ్లి వచ్చి వండుకుంటున్న అన్నాన్ని కూడా కాళ్లతో తన్నేశారు. చిన్నారుల బడి పుస్తకాలను వీధిలో విసిరేశారు. బాధితులు పోలీసుల వద్దకు వెళితే పట్టించుకోలేదు. ప్రైవేటు వ్యక్తుల ముసుగులో కీలక నేత సన్నిహితులు కార్మిక నగర్‌ను కబ్జా చేశారు. కార్మికనగర్‌లో టీడీపీ నాయకులు నేటమట్టం చేసిన పేదల ఇళ్లు (ఫైల్‌)సాక్షి ప్రతినిధి, ఒంగోలు: సాధారణ ఎన్నికలకు ముందు నగరానికి చెందిన కొందరు నాయకులు భూ వివాదాలకు పాల్పడినట్లు ఆరోపణలు వచ్చాయి. అప్పటి ముఖ్యమంత్రి వైఎస్‌ జగన్‌మోహన్‌రెడ్డి ప్రభుత్వం వెంటనే సిట్‌ వేసి విచారణకు ఆదేశించింది. కూటమి ప్రభుత్వం అధికారంలోకి వచ్చిన తర్వాత సిట్‌ విచారణను అటకెక్కించిన కీలక నేత అండ్‌ కో ఒంగోలు తాలూకా పోలీసు స్టేషన్‌ను కేంద్రంగా చేసుకుని భూ కబ్జాలకు పాల్పడినట్లు ఆరోపణలు వచ్చాయి. నగరంలోని మైనార్టీలకు చెందిన ఒక భూ వివాదాన్ని సెటిల్‌ చేసిన వైనంపై స్థానిక ప్రజలు కథలు కథలుగా చెప్పుకుంటున్నారు. మంగమూరుడొంక, ముక్తినూతలపాడు, కార్మిక నగర్‌ వంటి ఎన్నో భూములను సెటిల్‌మెంట్ల పేరుతో కాజేసినట్లు ప్రచారం జరుగుతోంది. సిట్‌లో ఫిర్యాదు చేసిన వారందరినీ తాలూకా పోలీసు స్టేషన్‌కు పిలిపించి బలవంతపు రాజీలు చేయడం వివాదంగా మారింది. ఈ విషయంలో కూటమి నాయకులు మీడియాకు ఎక్కి పరస్పర ఆరోపణలు చేసుకోవడం కూడా జరిగింది. ఒక్క భూ కబ్జాల మీదనే వందలాది కోట్ల రూపాయలు చేతులు మారినట్లు జనం చెవులు కొరుక్కుంటున్నారు. సిట్‌ విచారణ కొనసాగిస్తే అసలు దొంగలు బయటపడతారని నగర ప్రజలు చెప్పుకుంటున్నారు. మెప్మా కుంభకోణంలో మెక్కిందెన్ని కోట్లో... మెప్మాలో జరిగిన అవినీతి గురించి ఎంత తక్కువగా చెప్పుకుంటే అంతమంచిదని కూటమి పెద్దలు గుసగుసలాడుకుంటున్నారు. కీలక నేతకు చెందిన అత్యంత సన్నిహిత వ్యక్తి ఒక్కరే వంద కోట్లు మెక్కేసినట్లు ఆరోపణలు వినిపించాయి. కీలక నేత పీఏలు, ద్వితీయ శ్రేణి నాయకులు కలిపి మొత్తం 500 కోట్ల రూపాయల వరకు అవినీతికి పాల్పడినట్లు ప్రచారం జరిగింది. నిరుపేద, మధ్య తరగతి మహిళలకు ఆర్థిక భరోసా ఇవ్వాల్సిన స్వయం సహాయక గ్రూపులను అడ్డం పెట్టుకుని నకిలీ సభ్యులతో గ్రూపులు సృష్టించి అందినకాడికి బొక్కేసిన వైనం ప్రభుత్వ పెద్దల వద్దకు వెళ్లినప్పటికీ చర్యలేమీ తీసుకోలేదు. పైగా, నామమాత్రంగా విచారణ జరిపి అధికారులు, కిందిస్థాయి సిబ్బంది మీద వేటు వేసి చేతులు దులుపుకున్నారు. ఈ మెప్మా కుంభకోణం విషయంలో కీలక నేత పీఏ ఒకరు విడుదల చేసిన లేఖలో స్పష్టంగా పేర్కొనడం నియోజకవర్గ ప్రజలంతా చూశారు. సుమారు రూ.300 కోట్లు మెక్కేశారన్న ఆరోపణలు వచ్చాయి. ఇంతవరకూ అక్రమార్కులపై ఎలాంటి చర్యలు లేకపోవడం గమనార్హం. ప్రైవేటు సైన్యంతో ఇసుక దోపిడీ... ఒంగోలులో కీలకనేత అత్యంత సన్నిహిత వ్యక్తి కనుసన్నల్లో ఇసుకాసురులు రెచ్చిపోయారు. సదరు నేత పీఏల ద్వారా ప్రైవేటు సైన్యాన్ని ఏర్పాటు చేసుకుని నగరంలోకి వచ్చే ఇసుక టిప్పర్లను అడ్డుకుని కప్పం వసూలు చేయడంపై తీవ్ర వ్యతిరేకత వచ్చింది. టిప్పరు యజమానులపై దాడులకు ఉసిగొల్పారు. దాడులు చేయడమే కాకుండా టిప్పర్లు తీసుకెళ్లి తాలూకా పోలీసు స్టేషన్‌ వద్ద నిలిపివేసి భారీ మొత్తంలో డబ్బు వసూలు చేశారు. టిప్పర్ల నుంచి తీసుకున్న ఇసుక తాలూకు డబ్బులు ఇవ్వకుండా వేధించడంతో టిప్పర్‌ యజమానులు కలెక్టర్‌ కార్యాలయం వద్ద ధర్నా చేయడం సంచలనం సృష్టించింది. మట్టి కొల్లగొడుతున్న దొంగలు... నగరంలోని కొప్పోలు ప్రాంతంలో కీలకనేత 100 ఎకరాల్లో ఒక వెంచర్‌ వేశాడు. దానికి కొత్తపట్నం మండలంలోని చెరువు నుంచి అక్రమంగా మట్టి తరలించుకుపోతుంటే ప్రజలు తిరగబడ్డారు. వందల ట్రాక్టర్లు పెట్టి పగలూరాత్రీ తేడా లేకుండా మట్టి తరలించడంతో కొత్తపట్నం మండల ప్రజలు కొందరు కలెక్టర్‌కు ఫిర్యాదు చేశారు. కొప్పోలు ప్రాంతంలోని చెరువు నుంచి మట్టి తరలించడంతో సమీపంలోని కాలనీలకు వరద ముప్పు ముంచుకొస్తుందని స్థానికులు ఆందోళన వ్యక్తం చేసినా కీలక నేతకు చీమకుట్టినట్లయినా లేకపోవడం గమనార్హం. అంతేగాకుండా గుంటూరుకు చెందిన ఒక మహిళా ఎమ్మెల్యే భర్త తాలూకు వెంచర్‌కు కూడా భారీగా మట్టి తరలించడం వివాదాస్పదమైంది. 150 ఏళ్ల వేడుకల పేరుతో రూ.కోట్లు మెక్కారు... నగరపాలక సంస్థ ఏర్పడి 150 ఏళ్లయింది. ఈ నేపథ్యంలో అట్టహాసంగా వేడుకలు నిర్వహించారు. వేడుకల పేరుతో చేతికి ఎముక లేకుండా ఖర్చు చేశారు. దీనికి మున్సిపల్‌ నిధుల నుంచి ఎంత ఖర్చు పెట్టారో, నగర ప్రముఖుల నుంచి వసూలు చేసిన కోట్లాది రూపాయల నుంచి ఎంత ఖర్చు పెట్టారో చెప్పాలని ప్రతిపక్ష పార్టీలు ప్రశ్నిస్తుంటే నోరు మెదపకపోవడంపై పలు అనుమానాలు వ్యక్తమవుతున్నాయి. 10 పర్సంటేజీ సొమ్ము కీలక నేత జేబులోకి చేరినట్లు నగరంలో కథలు కథలుగా చెప్పుకుంటున్నారు. నిజానిజాల సంగతి ఎలా ఉన్నా చేసిన ఖర్చు విషయంలో పారదర్శకత పాటించకపోవడం గమనార్హం. గత రెండేళ్ల కాలంలో నగర పాలక సంస్థను అవినీతికి మారుపేరుగా మార్చివేసినట్లు ప్రజలు విమర్శిస్తున్నారు. ఏసీబీ దాడులలో మున్సిపల్‌ ఉద్యోగులు పలువురు పట్టుబడ్డారు. ఇంకా అసలు దొంగలు తప్పించుకున్నారన్న వ్యాఖ్యానాలు కూడా వినిపిస్తున్నాయి. నగరంలోని పోతురాజుకాలువను అభివృద్ధి చేస్తానంటూ మాయమాటలు చెప్పి ఎన్నికల్లో గెలిచిన కీలకనేత రెండున్నరేళ్లుగా అటువైపు తొంగి కూడా చూడలేదు. మోంథా తుఫాన్‌ సమయంలో పోతురాజుకాలువ నుంచి వరద నీరు పారేదారిలేక కాలనీల మీద వచ్చి పడింది. దాంతో నగరంలోని 50 కాలనీలకుపైగా నీటమునిగాయి. ఆ తర్వాతైనా పోతురాజు కాలువలో పేరుకుపోయిన చెత్తాచెదారాన్ని శుభ్రం చేయించారా అంటే అదీ లేదు. పోతురాజుకాలువ పరిసర ప్రాంతాల్లో నివసిస్తున్న ప్రజలు కాలువ నుంచి వస్తున్న దుర్వాసనతో అల్లాడిపోతున్నారు. కీలక నేతకు పోతురాజు కాలువ ఏటీఎంగా మారిందన్న ఆరోపణలు వినిపిస్తున్నాయి. నగరం నడిబొడ్డునున్న కొత్త కూరగాయల మార్కెట్‌ మీద కీలక నేత కన్ను పడింది. అంతే.. కోవిడ్‌ సమయంలో బకాయిల మీద వడ్డీ, చక్రవడ్డీలు వేసి వ్యాపారులను వేధించారు. బలవంతంగా వారి దుకాణాలను కూల్చివేశారు. ఏరోజుకారోజు కూరగాయలు అమ్ముకుని పొట్ట నింపుకునే చిరువ్యాపారుల బతుకుల మీద బుల్డోజర్లు నడిపి విధ్వంసం సృష్టించారు. మా కడుపులు కొట్టొద్దంటూ కన్నీళ్లతో బాధితులు వేడుకున్నా వదిలిపెట్టలేదు. ఆక్రమణల పేరుతో కూరగాయల మార్కెట్‌ను ధ్వంసం చేసిన కీలకనేత.. ఇప్పుడు తన అనుచరులకు కొన్ని దుకాణాలు కట్టబెట్టినట్లు తెలుస్తోంది.

ఒంగోలు సిటీ: ప్రకాశం జిల్లా వ్యాప్తంగా జెడ్పీటీసీ, ఎంపీటీసీ ఎన్నికల పోలింగ్‌కు అన్ని ఏర్పాట్లు పూర్తి చేసినట్లు జెడ్పీ సీఈఓ బి.చిరంజీవి వెల్లడించారు. ఒంగోలులోని కలెక్టరేట్‌ మీడియా హాలులో గురువారం నిర్వహించిన విలేకరుల సమావేశంలో ఆ వివరాలు వెల్లడించారు. రాష్ట్ర ఎన్నికల సంఘం మార్గదర్శకాల మేరకు కలెక్టర్‌ ఆధ్వర్యంలో అన్ని శాఖల సమన్వయంతో ఏర్పాట్లు చేసినట్లు తెలిపారు. మున్సిపల్‌ ఎన్నికల నేపథ్యంలో పోలింగ్‌ తేదీని నవంబర్‌ 3 నుంచి 5కు మార్చినట్లు చెప్పారు. ఆ రోజు ఉదయం 7 నుంచి సాయంత్రం 5 గంటల వరకు పోలింగ్‌ జరుగుతుందన్నారు. సాయంత్రం 5 గంటలకు క్యూలైన్లలో ఉన్న ఓటర్లకు స్లిప్పులందించి ఓటు వేసే అవకాశం కల్పిస్తామన్నారు. అవసరమైతే నవంబర్‌ 6న రీపోలింగ్‌ నిర్వహిస్తామని, నవంబర్‌ 7న ఓట్ల లెక్కింపు చేపడతామని వివరించారు. 25 జెడ్పీటీసీ స్థానాలకు 96 మంది పోటీ... జిల్లాలోని 27 మండలాల పరిధిలో రెండు జెడ్పీటీసీ స్థానాలు ఏకగ్రీవమయ్యాయని జెడ్పీ సీఈఓ తెలిపారు. మర్రిపూడి నుంచి గురిజాల రాజు, పొన్నలూరు నుంచి పి.మాధవి టీడీపీ తరఫున ఏకగ్రీవంగా ఎన్నికై నట్లు వెల్లడించారు. మిగిలిన 25 స్థానాలకు 96 మంది అభ్యర్థులు పోటీలో ఉన్నట్లు చెప్పారు. వైఎస్సార్‌ సీపీ నుంచి 25 మంది, టీడీపీ నుంచి 22 మంది, బీఎస్పీ, కాంగ్రెస్‌ నుంచి ఐదుగురు చొప్పున, జనసేన నుంచి ముగ్గురు, సీపీఐ, సీపీఎం తరఫున కలిపి ముగ్గురు, ముగ్గురు స్వతంత్ర అభ్యర్థులు బరిలో ఉన్నట్లు వివరించారు. 220 ఎంపీటీసీ స్థానాలకు ఎన్నికలు... జిల్లాలో మొత్తం 371 ఎంపీటీసీ స్థానాలకుగానూ 151 స్థానాలు ఏకగ్రీవమైనట్లు జెడ్పీ సీఈఓ తెలిపారు. వాటిలో టీడీపీకి 143, జనసేనకు ఐదు, వైఎస్సార్‌ సీపీకి రెండు స్థానాలు దక్కగా, ఒక స్వతంత్ర అభ్యర్థి ఎన్నికయ్యారని చెప్పారు. మిగిలిన 220 స్థానాలకు 599 మంది అభ్యర్థులు పోటీపడుతున్నట్లు వివరించారు. వీరిలో వైఎస్సార్‌ సీపీ నుంచి 211 మంది, టీడీపీ నుంచి 210 మంది, జనసేన నుంచి 25 మంది, సీపీఎం నుంచి ఆరుగురు, కాంగ్రెస్‌ నుంచి ఐదుగురు, బీఎస్పీ నుంచి ముగ్గురు, బీజేపీ, సీపీఐ నుంచి ఒక్కొక్కరు ఉన్నట్లు వెల్లడించారు. పోలింగ్‌ కేంద్రాల వద్ద పటిష్ట భద్రత... జిల్లావ్యాప్తంగా 1,265 పోలింగ్‌ కేంద్రాలు ఏర్పాటు చేసినట్లు సీఈఓ తెలిపారు. దివ్యాంగుల సౌకర్యార్థం ర్యాంపులు, వీల్‌చైర్లు అందుబాటులో ఉంచుతామన్నారు. సుమారు 130 కేంద్రాలను సెన్సిటివ్‌, హైపర్‌ సెన్సిటివ్‌ కేంద్రాలుగా గుర్తించినట్లు చెప్పారు. అవసరమైన చోట మైక్రో అబ్జర్వర్లు, వెబ్‌కాస్టింగ్‌ ఏర్పాటు చేస్తామన్నారు. బ్యాలెట్‌ పేపర్ల ముద్రణ ఒంగోలులోని మూడు ప్రింటింగ్‌ ప్రెస్‌లలో కొనసాగుతోందని, రెండు రోజుల్లో పూర్తి చేసి భద్రపరుస్తామని వివరించారు. 84 జోన్లు.. 144 రూట్లు... పోలింగ్‌ సిబ్బంది రవాణా కోసం జిల్లాను 84 జోన్లు, 144 రూట్లుగా విభజించినట్లు జెడ్పీ సీఈఓ తెలిపారు. ఆర్టీసీ, ప్రైవేట్‌ బస్సుల ద్వారా నవంబర్‌ 4వ తేదీ సాయంత్రానికే సిబ్బందిని వారికి కేటాయించిన కేంద్రాలకు చేరుస్తామన్నారు. ఎన్నికల సంఘం ప్రత్యేక యాప్‌ ద్వారా పోలింగ్‌ శాతాన్ని ఎప్పటికప్పుడు నమోదు చేస్తామని చెప్పారు. జాయింట్‌ కలెక్టర్‌ పర్యవేక్షణలో ఎఫ్‌ఎస్‌టీ, ఎస్‌ఎస్‌టీ, ఎంసీసీ బృందాలు ఎన్నికల ప్రవర్తనా నియమావళి అమలును పర్యవేక్షిస్తున్నట్లు తెలిపారు. ఒంగోలులోనే కౌంటింగ్‌... ఓట్ల లెక్కింపు కోసం ఒంగోలులోని రైజ్‌ కళాశాల, క్విస్‌ కళాశాలలను ఎంపిక చేసినట్లు జెడ్పీ సీఈఓ వెల్లడించారు. కొండపి, కందుకూరు, సంతనూతలపాడు నియోజకవర్గాల పరిధిలోని మండలాల కౌంటింగ్‌ రైజ్‌ కళాశాలలో, దర్శి, అద్దంకి, ఒంగోలు నియోజకవర్గాల పరిధిలోని మండలాల కౌంటింగ్‌ క్విజ్‌ కళాశాలలో నిర్వహించనున్నట్లు వివరించారు. ప్రతి మండలానికి ఒక ఏఆర్‌ఓ బాధ్యతలు నిర్వహిస్తారని, ఫలితాల అనంతరం విజేతలకు ధ్రువీకరణ పత్రాలు అందజేస్తారని చెప్పారు. ఓటర్లు ఎలాంటి భయాందోళనకు గురికాకుండా స్వేచ్ఛగా తమ ఓటు హక్కును వినియోగించుకోవాలని, ఎన్నికలు ప్రశాంతంగా జరిగేందుకు సహకరించాలని జెడ్పీ సీఈఓ చిరంజీవి కోరారు.

మార్కాపురం: స్థానిక జిల్లా పరిషత్‌ బాలుర ఉన్నత పాఠశాల విద్యార్థులు జిమ్నాస్టిక్స్‌లో సత్తా చాటారు. ఈ నెల 27న మార్కాపురంలోని జిల్లా పరిషత్‌ బాలికల ఉన్నత పాఠశాలలో నిర్వహించిన ఉమ్మడి ప్రకాశం జిల్లా స్థాయి జిమ్నాస్టిక్స్‌ పోటీల్లో అండర్‌–14, అండర్‌–17, అండర్‌–19 విభాగాల్లో ప్రతిభ కనబరిచి రాష్ట్రస్థాయి పోటీలకు ఎంపికయ్యారు. వచ్చే నెలలో కర్నూలు డీఎస్‌ఏ స్టేడియంలో జరగనున్న రాష్ట్రస్థాయి జిమ్నాస్టిక్స్‌ పోటీల్లో వీరు పాల్గొననున్నట్లు హెచ్‌ఎం ఎం చంద్రశేఖర్‌రెడ్డి తెలిపారు. అండర్‌–19 విభాగంలో ఎస్‌కే బాజీ, జి.గణేష్‌; అండర్‌–17 విభాగంలో డి. గౌతమ్‌, జి. రంజిత్‌, ఎం. అయ్యప్ప, డి. శ్రీనివాసులు; అండర్‌–14 విభాగంలో జి. గణేష్‌, టి. యెహోషువ, డి. ముస్తాన్‌, ఎల్‌. ప్రేమ్‌కుమార్‌ రాష్ట్రస్థాయి పోటీలకు ఎంపికయ్యారు. విద్యార్థులు రాష్ట్రస్థాయి పోటీలకు ఎంపిక కావడంపై పాఠశాల ఇన్‌చార్జి హెచ్‌ఎం ఎస్‌. సైమన్‌, రవిశేఖర్‌, పాఠశాల సిబ్బంది ఓ. వీరారెడ్డి, రమేష్‌, శివ, పట్టణ ఎస్సై విశ్వనాథరెడ్డి, సిబ్బంధి అభినందించారు. విద్యార్థులకు శిక్షణనిచ్చిన పీడీలు డోలా శ్యామలాదేవి, పి. దామోదర్‌రెడ్డి, ఓ. ఒబులేసు కృషిని ప్రశంసించారు. విద్యార్థులు రాష్ట్రస్థాయి పోటీల్లోనూ అత్యుత్తమ ప్రతిభ కనబరిచి విజయాలు సాధించి పాఠశాలకు, మార్కాపురం ప్రాంతానికి మంచి పేరు తీసుకురావాలని ఆకాంక్షించారు. విద్యార్థుల విజయాల వెనుక ఉపాధ్యాయులు, పీడీల కృషి అభినందనీయమని తెలిపారు.

● దర్శి ఎమ్మెల్యే, వైఎస్సార్‌ సీపీ జిల్లా అధ్యక్షుడు బూచేపల్లి శివప్రసాద్‌రెడ్డి గిద్దలూరు రూరల్‌: వెన్నుపోటు పార్టీకి ఓటమి భయం వల్లే ఎన్నికలకు వెళ్లకుండా అధికార గర్వంతో అక్రమంగా దౌర్జన్యంగా ఏకగ్రీవాలు చేసుకుంటున్నారని దర్శి ఎమ్మెల్యే, వైఎస్సార్‌ సీపీ జిల్లా అధ్యక్షుడు బూచేపల్లి శివప్రసాద్‌రెడ్డి అన్నారు. వైఎస్సార్‌ సీపీ మున్సిపల్‌ చైర్మన్‌ అభ్యర్థి డాక్టర్‌ భూమానరసింహారెడ్డిని గెలిపించాలని కోరుతూ గురువారం పట్టణంలోని గాంధీబొమ్మ సెంటర్‌, మెయిన్‌బజారు, పొట్టిశ్రీరాములు సెంటర్‌, గణేష్‌నగర్‌ మీదుగా వైఎస్సార్‌ సర్కిల్‌ వరకు భారీ ర్యాలీ నిర్వహించారు. ఈ సందర్భంగా ఆయన మాట్లాడుతూ చంద్రబాబు ఎన్నికల సమయంలో ఇచ్చిన హామీలను విస్మరించి ప్రజలను నమ్మించి వెన్నుపోటు పొడిచాడన్నారు. పోలీసులను అడ్డం పెట్టుకుని అరాచక పాలన కొనసాగిస్తున్నారన్నారు. నామినేషన్లు అడ్డుకోవడం, బలవంతపు ఏకగ్రీవాలకు పాల్పడటం వంటి ప్రజాస్వామ్య వ్యతిరేక కార్యకలాపాలకు పాల్పడుతున్న వారిని ప్రజలు గమనిస్తున్నారన్నారు. ప్రజాస్వామ్యాన్ని పరిరక్షించాల్సిన బాధ్యత ప్రతి భారతీయ పౌరుడిపై ఉందన్నారు. ఓటింగ్‌ సమయంలోనూ ఓటర్లు వారి అమూల్యమైన ఓటు హక్కును తప్పకుండా సద్వినియోగం చేసుకోవాలని కోరారు. కరోనా వంటి కష్ట కాలంలో సైతం జగనన్న ప్రభుత్వం ప్రజలు పూర్తి సేవలను అందించిందన్నారు. చంద్రబాబు మాదిరి ప్రజలను నమ్మించి మోసగించడం జగనన్నకు చేతకాదన్నారు. అన్ని వర్గాలకు చెందిన ప్రతి ఒక్కరూ వైఎస్సార్‌ సీపీకి పూర్తి మద్దతు పలుకుతున్నారన్నారు. అందరికీ అందుబాటులో ఉన్న ప్రజల వైద్యుడుగా పేరుపొందిన డాక్టర్‌ భూమా నరసింహారెడ్డి భారీ మెజార్టీతో గెలవడం ఖాయమన్నారు. మాజీ ఎమ్మెల్యే, వైఎస్సార్‌ సీపీ ఇన్‌చార్జి కేపీ నాగార్జునరెడ్డి మాట్లాడుతూ కూటమి ప్రభుత్వంలో అన్ని వర్గాల ప్రజలు విసిగిపోయారన్నారు. మున్సిపల్‌ అభ్యర్థి డాక్టర్‌ భూమా నరసింహారెడ్డి గత 29 ఏళ్ల నుంచి గిద్దలూరు పట్టణంలోనే ఉంటూ పేద ప్రజలకు వైద్య సేవలను అందిస్తూ అందరి డాక్టర్‌గా పేరుగాంచారన్నారు. మున్సిపాలిటీలో వైఎస్సార్‌ సీపీ జెండా ఎగరడం ఖాయమన్నారు. కార్యక్రమంలో వైఎస్సార్‌ సీపీ ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి, రాష్ట్ర ఎగ్జిక్యూటివ్‌ సభ్యుడు, యర్రగొండపాలెం పరిశీలకుడు పిడతల ప్రవీణ్‌కుమార్‌రెడ్డి, యేలం వెంకటేశ్వర్లు, నాయకులు వేమిరెడ్డి రామచంద్రారెడ్డి, మానం బాలిరెడ్డి, ఆర్‌.డి.రామక్రిష్ణ, చేరెడ్డి శ్రీకాంత్‌రెడ్డి, కడప వంశీధరరెడ్డి, ఓబుల్‌రావు, బొర్రా క్రిష్ణారెడ్డి, ఈదుల పాండురంగారెడ్డి, డాక్టర్‌ సూరేపల్లె రామక్రిష్ణ తదితరులు పాల్గొన్నారు.

సాక్షి ప్రతినిధి, ఒంగోలు: ఒంగోలు కార్పొరేషన్‌లో వైఎస్సార్‌ సీపీ అభ్యర్థుల విజయాన్ని కోరుతూ రాజ్యసభ సభ్యుడు, వైఎస్సార్‌ సీపీ రీజినల్‌ కోర్డినేటర్‌ వైవీ సుబ్బారారెడ్డి గురువారం విస్తృతంగా ప్రచారాన్ని చేపట్టనున్నారని పార్టీ ఒంగోలు నియోజకవర్గ ఇన్‌చార్జి చుండూరి రవిబాబు తెలిపారు. సాయంత్రం జయరామ్‌ థియేటర్‌ సెంటర్‌ నుంచి గాంధీరోడ్డు, ట్రంక్‌ రోడ్డుల్లో జరిగే భారీ రోడ్డుషోలో సుబ్బారెడ్డి పాల్గొంటారని చెప్పారు. వైవీ వెంట పార్టీ జిల్లా అధ్యక్షుడు బూచేపల్లి శివప్రసాద్‌రెడ్డి, పార్లమెంట్‌ పరిశీలకుడు బత్తుల బ్రహ్మానందరెడ్డి, వెంకటేశ్వర రెడ్డి తదితరులు పాల్గొని మేయర్‌ అభ్యర్థి కుప్పం ప్రసాద్‌, డివిజన్‌ అభ్యర్థుల తరఫున ప్రచారంలో పాల్గొంటారని పేర్కొన్నారు. ఒంగోలు టౌన్‌: శాంతి భద్రతల పరిరక్షణ కోసం ఎందరో పోలీసులు అమరులై చేసిన త్యాగాల నుంచి స్ఫూర్తి పొందాలని అడిషనల్‌ ఎస్పీ (అడ్మిన్‌) యన్‌.యుగంధర్‌ బాబు పోలీసు సిబ్బందికి సూచించారు. పోలీసు అమరవీరుల వారోత్సవాల్లో భాగంగా వారి త్యాగాలను తలుచుకుంటూ బుధవారం రాత్రి కొవ్వొత్తుల ప్రదర్శన నిర్వహించారు. జిల్లా పోలీసు కార్యాలయం నుంచి కర్నూలు రోడ్డు చౌరస్తా వరకు ర్యాలీ చేశారు. తొలుత పోలీసు అమరవీరుల స్థూపం వద్ద కొవ్వొత్తులు వెలిగించి ఘనంగా నివాళులర్పించారు. పోలీసు అమరవీరులకు జోహార్లు అంటూ నినాదాలు చేశారు. ఈ సందర్భంగా ఏఎస్పీ మాట్లాడుతూ పోలీసుల త్యాగాలను ప్రజలు ఎన్నటికీ మరచిపోరని చెప్పారు. పోలీసు అమరవీరుల పోరాట చరిత్ర భవిష్యత్తరాల్లో దేశభక్తికి ప్రేరణ ఇస్తుందన్నారు. కార్యక్రమంలో ఏఆర్‌ డీఎస్పీ శ్రీనివాసరావు, ఆర్‌ఐలు సీతారామిరెడ్డి, రమణారెడ్డి తదితరులు పాల్గొన్నారు.

మార్కాపురం టౌన్‌: మార్కాపురం మున్సిపాలిటీలో ప్రజలందరికీ సేవ చేసేందుకు వైద్య వృత్తి చేస్తూనే.. రాజకీయాల్లోకి వచ్చానని మాజీ కౌన్సిలర్‌, వైఎస్సార్‌ సీపీ చైర్మన్‌ అభ్యర్థిని డాక్టర్‌ చప్పల్లి కనకదుర్గ అన్నారు. పట్టణాభివృద్ధిపై బుధవారం ‘సాక్షి’తో ప్రత్యేకంగా ఆమె మాట్లాడారు. దివంగత ముఖ్యమంత్రి డాక్టర్‌ వైఎస్‌ రాజశేఖర్‌రెడ్డి సంక్షేమ పథకాలు తీసుకు రావడంతో రాష్ట్రంలోని పేద, మధ్య తరగతి విద్యార్థులు ఉన్నత విద్యను అభ్యసించేందుకు అవకాశం వచ్చింది. ఫీజు రీయింబర్స్‌మెంట్‌, ఉచిత కార్పొరేట్‌ వైద్యం, ఉచిత కరెంటు, ఇందిరమ్మ గృహాలు, గడప గడపకు కార్యక్రమం వంటి ఎన్నో సంక్షేమ పథకాలు అమలు చేసి రాష్ట్ర ప్రజల గుండెల్లో స్థానం సంపాదించారు. మాజీ ముఖ్యమంత్రి వైఎస్‌ జగన్‌మోహన్‌రెడ్డి గత ఐదేళ్ల కాలంలో పార్టీలకతీతంగా ప్రజలందరికీ సంక్షేమ పథకాలు అందించారు. వాలంటీర్లు, సచివాలయాల ద్వారా ప్రజలకు అవసరమైన సేవలన్నింటినీ ఇంటివద్ద నుంచే పొందేలా వ్యవస్థలను రూపొందించారు. ఆయన స్ఫూర్తితో ప్రజలకు మెరుగైన సేవలను అందిస్తానని కనకదుర్గ తెలిపారు. ‘‘డాక్టర్‌ కిశోర్‌ శేఖర్‌రెడ్డి మైస్‌ సంస్థ ద్వారా ప్రజా సేవలో భాగంగా శిథిలావస్థకు చేరిన చెన్నకేశవస్వామి పుష్కరిణి (కోనేరు)ని అభివృద్ధి చేశారు. అలాగే పట్టణ నడిబొడ్డులో ఉన్న గడియార స్తంభం వద్ద గాంధీ పార్కును సుందరంగా తీర్చిదిద్దారు. ఆయన స్ఫూర్తితో గత 30 సంవత్సరాలుగా ప్రజలకు వైద్య సేవలు అందిస్తూ ఎంతో మంది పేద ప్రజల కష్టాలను, ఆర్ధిక పరిస్థితులను చూశాను. 2014, 2021లో కౌన్సిలర్‌గా పోటీ చేసి గెలుపొందాను. అయితే పరిస్థితుల ప్రభావం వలన 2021లో చైర్‌పర్సన్‌గా అవకాశం చేజారింది. ప్రత్యక్ష ఎన్నికలు రావడంతో చైర్‌పర్సన్‌ అభ్యర్థిగా పోటీ చేశానని’’ చెప్పారు. ఆ వివరాలు ఆమె మాటల్లోనే.. అన్నీ ప్రాంతాలు సమాన అభివృద్ధి: మార్కాపురం పురపాలక సంఘ పరిధిలో ప్రధాన వార్డులతోపాటు శివారు కాలనీలు కూడా సమానంగా అభివృద్ధి చేస్తాం. పట్టణ శివారు కాలనీల్లో నేటికీ మౌలిక వసతులు లేక తీవ్ర ఇబ్బందులు పడుతున్నారు. ప్రధానంగా డ్రైనేజీ వ్యవస్థ సరిగా లేకపోవడంతో ప్రజలు వ్యాధుల బారిన పడుతున్నారు. అండర్‌ గ్రౌండ్‌ డ్రైనేజీ వలన కొంత మేర వ్యాధులు ప్రబలే అవకాశం తక్కువగా ఉంటుంది. సీసీ రోడ్లు, వీధిలైట్లు, నీటి సరఫరా మెరుగుపరుస్తాం సాగర్‌ నీరు సక్రమంగా సరఫరా: మార్కాపురం పట్టణానికి దూపాడు నుంచి వచ్చే సాగర్‌ నీరు కొంతమేర అంతరాయం ఏర్పడుతుంది. సాగర్‌ నీటి సరఫరాకు అంతరాయం లేకుండా నిరంతరంగా ప్రజలకు నీటిని అందించేందుకు ప్రణాళికలు రూపొందిస్తాం. మరికొన్ని వార్డుల్లో పైపులైన్లకు మరమ్మతులు లేక నీరు వృథా అవుతోంది. దీంతో ప్రజలు నీటికి ఇబ్బందులు ఎదుర్కొంటున్నారు. ప్రతి ఇంటికి కుళాయిలను ఏర్పాటు చేసి నీరు వృథా కాకుండా ప్రజలకు నీటిని అందిస్తాం. ట్రాఫిక్‌ ఇబ్బందులను తీరుస్తాం: మార్కాపురం పురపాలక సంఘం జిల్లా కేంద్రం కావడంతో ట్రాఫిక్‌కు తీవ్ర అంతరాయం ఏర్పడుతోంది. ప్రజలు, అధికారుల సమన్వయంతో ఇబ్బందులు లేకుండా ట్రాఫిక్‌ ప్రణాళికను రూపొందిస్తాం. ట్రాఫిక్‌ సమస్యకు శాశ్వత పరిష్కారం చూపుతాం. స్థానిక సంస్థల ఎన్నికల్లో వైఎస్సార్‌ సీపీ అభ్యర్థులను గెలిపించాలి: మార్కాపురం మున్సిపల్‌ స్థానిక సంస్థల ఎన్నికల బరిలో నిలిచిన వైఎస్సార్‌ సీపీ చైర్‌పర్సన్‌ అభ్యర్థినైన నన్ను, కౌన్సిలర్‌ అభ్యర్థులందరినీ ఫ్యాన్‌ గుర్తుపై ఓటు వేసి అత్యధిక మెజారిటీతో గెలిపించాలి.

పురపోరు ప్రచారంలో వైఎస్సార్‌ సీపీ అభ్యర్థులు తమ ప్రచారాన్ని ముమ్మరం చేస్తుండగా.. కూటమి పార్టీల్లో మాత్రం సీట్ల సర్దుబాటు చిచ్చు చల్లారడం లేదు. ఒంగోలు కార్పొరేషన్‌ నుంచి గిద్దలూరు మున్సిపాలిటీ వరకు టీడీపీ, జనసేన నేతల మధ్య విభేదాలు బహిరంగ పోరుకు దారితీస్తున్నాయి. ఒంగోలులో జనసేన ప్రచారాన్ని అడ్డుకుంటామన్న హెచ్చరికలు.. అవసరమైతే పోలీసులను రంగంలోకి దింపుతారంటూ కూటమి నేతల నుంచే వస్తున్న ఆరోపణలు రాజకీయ వేడిని పెంచుతున్నాయి. ప్రత్యర్థులతో తలపడాల్సిన మిత్రపక్షాలు.. పరస్పరం కత్తులు దూసుకుంటుండటంతో కూటమి సమన్వయం ప్రశ్నార్థకంగా మారింది. సాక్షి ప్రతినిధి, ఒంగోలు: ఉమ్మడి జిల్లాలో ఒంగోలు నగరపాలక సంస్థతో పాటు, కందుకూరు, కనిగిరి, చీమకుర్తి, అద్దంకి, దర్శి, మార్కాపురం, గిద్దలూరు, పొదిలి మున్సిపాలిటీలు ఉన్నాయి. సాంకేతిక కారణాలతో కందుకూరు, పొదిలిల్లో ఎన్నికలకు బ్రేక్‌ పడింది. టీడీపీ నేతలు పక్క జిల్లాల నుంచి రౌడీమూకలను తీసుకొచ్చి దౌర్జన్యకాండకు తెరతీయడంతో దర్శిలో చైర్మన్‌ అభ్యర్థితో పాటు, వార్డులకు నామినేషన్లు పడలేదు. కనిగిరిలో కూడా ఇదే తంతు. కూటమి నేతలు దౌర్జన్యంగా ఏకగ్రీవాలు చేసుకున్నారు. ఇక ఎన్నికలు జరుగుతున్న ఒంగోలు కార్పొరేషన్‌, మార్కాపురం, అద్దంకి, చీమకుర్తి, గిద్దలూరు మున్సిపాలిటీల్లో వైఎస్సార్‌ సీపీ జోరుగా ఎన్నికల ప్రచారాన్ని చేపడుతోంది. పోలింగ్‌ సమయం దగ్గర పడుతుండడంతో మేయర్‌, చైర్మన్‌, కార్పొరేటర్‌, కౌన్సిలర్‌ అభ్యర్థులు దూకుడు పెంచారు. రోడ్డుషోలు, ర్యాలీలు, ఇంటింటి ప్రచారంతో దూసుకుపోతున్నారు. ఒంగోలులో వైఎస్సార్‌ సీపీ తరఫున రంగంలోకి దిగిన మేయర్‌ అభ్యర్థిఽ కుప్పం ప్రసాద్‌ మొదటి రోజు నుంచి ప్రణాళిక ప్రకారం ప్రచారాన్ని చేపట్టారు. కార్పొరేటర్‌ అభ్యర్థులతో కలిసి నగరంలో విస్తృతంగా పర్యటనలు చేస్తున్నారు. తనదైన శైలిలో ఓటర్లను ఆకట్టుకొంటున్నారు. ఇప్పటికే వైఎస్సార్‌ సీపీ ముఖ్యనేతలు ఆళ్ల అయోధ్య రామిరెడ్డి, చెవిరెడ్డి భాస్కరరెడ్డి, బూచేపల్లి శివప్రసాదరెడ్డి, మాజీ మంత్రి వెలంపల్లి శ్రీనివాస్‌, శ్యామల తదితరులు నగరంలో విస్తృతంగా పర్యటించి వైఎస్సార్‌ సీపీ అభ్యర్థులను గెలిపించాలని ముమ్మరంగా ప్రచారం చేశారు. దీంతో పాటు నియోజకవర్గ ఇన్‌చార్జి చుండూరు రవిబాబు, పార్లమెంటు పరిశీలకుడు బత్తుల బ్రహ్మానందరెడ్డి, నియోజకవర్గ పరిశీలకుడు వెంకటేశ్వరరావు వెన్నంటి ప్రచారంలో చురుకుగా పాల్గొంటున్నారు. మొత్తం మీద ఒంగోలు కార్పొరేషన్‌లో వైఎస్సార్‌ సీపీ అభ్యర్థి చేస్తున్న ప్రచారానికి జనాల నుంచి విశేష స్పందన లభిస్తోంది. ప్రచారంలో ఆపసోపాలు.. కూటమి తరఫున టీడీపీ అభ్యర్థిగా రంగంలోకి దిగిన నల్లమల్లి శిల్ప ప్రచారంలో ఆపసోపాలు పడుతున్నారు. ఇక్కడ ప్రధానంగా టీడీపీ ప్రధాన మిత్రపక్షంగా ఉన్న జనసేనలు నగరంలో 19 డివిజన్లలో నామినేషన్లు వేశారు. నామినేషన్ల పర్వం ముగిసినా ఆయా డివిజన్లల్లో ఇరుపార్టీల అభ్యర్థులు ఎన్నికల రంగంలో నిలిచారు. దీంతో కూటమి పార్టీ కేడర్‌ అయోమయంలో పడిపోయింది. సొంత పార్టీలో ఉన్న వ్యతిరేకత, జనసేన నేతలు సైతం కలిసికట్టుగా పనిచేయక పోవడం, టీడీపీ అభ్యర్థికి ఇబ్బందిగా మారింది. ఆలస్యంగా మేల్కొన్న కూటమి పార్టీ పెద్దలు హడావుడిగా పత్రికా సమావేశం నిర్వహించి జనసేనకు ఆరు డివిజన్లు ఇస్తున్నామని టీడీపీ ప్రకటించింది. మిగిలిన 13 డివిజన్లలో కూటమి పార్టీల మధ్య స్నేహపూర్వక పోటీ ఉంటుందని ప్రకటించడంతో మూడు పార్టీల నాయకులు, కేడర్‌ గందరగోళంలో పడిపోయారు. ఇది టీడీపీ అభ్యర్థికి తలనొప్పిగా మారింది. పై నుంచి అధిష్టానం చెప్పినా క్షేత్రస్థాయిలో పెద్దగా మార్పురాలేదు. వీటికి తోడు ప్రభుత్వంపై ఉన్న వ్యతిరేకత తోడు అవ్వడంతో, టీడీపీ అభ్యర్థికి ఇబ్బందులు తప్పడం లేదు. ప్రచారంలో టీడీపీ అభ్యర్థికి జనం నుంచి స్పందన కనిపించడంలేదు. పోలింగ్‌ సమయం దగ్గర పడుతుండడంతో జనసేనలపై బలప్రయోగానికి టీడీపీ సిద్ధమవుతున్నట్టు ప్రచారం జరుగుతోంది. అవసరమైతే పోలీసులను రంగంలోకి దించాలని టీడీపీ నేతలు యత్నిస్తున్నారని కూటమి నేతలు బహిరంగంగా ఆరోపణలు చేస్తున్నారు. చీమకుర్తిలో ఉధృతంగా ప్రచారం.. చీమకుర్తి మున్సిపాలిటీలో వైఎస్సార్‌ సీపీ చైర్‌పర్సన్‌ అభ్యర్థి మేడగం శ్రీదేవి తన దైన శైలిలో ప్రచారాన్ని ఉధృతం చేశారు. ఆమెకు అండగా పార్టీ అధ్యక్షుడు బూచేపల్లి శివప్రసాదరెడ్డి, సీఈసీ మెంబరు బూచేపల్లి వెంకాయమ్మ, మాజీ మంత్రి మేరుగు నాగార్జున, వైఎస్సార్‌ సీపీ శ్రేణులు అభ్యర్థి విజయం కోసం ముమ్మరంగా ప్రచారం చేస్తున్నారు. టీడీపీ అభ్యర్థి శిద్దా సుధాకర్‌కు సొంత పార్టీలోనే అసమ్మతి నిద్రలేకుండా చేస్తోంది. చాలా మంది కలసిరాకపోవడంతో ప్రచారంలో ఆయన ఎదురీదక తప్పడం లేదు. సమష్టిగా ముందుకు.. గిద్దలూరులో వైఎస్సార్‌ సీపీ అభ్యర్థి భూమా నరసింహారెడ్డి ప్రచారాన్ని హోరెత్తిస్తున్నారు. ఆయన తోడుగా వైఎస్సార్‌సీపీ నేతలు నియోజకవర్గ ఇన్‌చార్జి, మాజీ ఎమ్మెల్యే కుందురు నాగార్జునరెడ్డి, పిడతల ప్రవీణ్‌కుమార్‌ రెడ్డితోపాటు పార్టీ నేతలు సమష్టిగా ప్రచారం చేస్తున్నారు. ఉమ్మడిగా అభ్యర్థి గెలుపు కోసం శ్రమిస్తున్నారు. వైఎస్సార్‌ సీపీ అభ్యర్థులు చేస్తున్న ప్రచారానికి జనాల నుంచి అనూహ్య స్పందన లభిస్తుండంతో, ఇక్కడ అభ్యర్థి గెలుపు నల్లేరు మీద నడకేననే భావన వ్యక్తమవుతోంది. ఇక్కడ కూటమి తరఫున బీజేపీ అభ్యర్థిగా డాక్టర్‌ జేవీ నారాయణ పోటీలో ఉన్నారు. ఇక్కడ బీజేపీకి ఆశించిన బలం లేకపోవడంతో టీడీపీనే నమ్ముకోవాల్సి వస్తోంది. దీనికి తోడు కూటమి నేతల్లో ఉన్న అనైక్యత తన పుట్టి ముంచుతుందనే ఆందోళనలో బీజేపీ అభ్యర్థి ఉన్నట్టు తెలుస్తోంది. అద్దంకిలో పోటాపోటీగా వైఎస్సార్‌ సీపీ అభ్యర్థి వూడత్తు సురేష్‌, టీడీపీ అభ్యర్థి కాకాని అశోక్‌ పోటా పోటీగా ప్రచారం చేస్తున్నారు. వైఎస్సార్‌ సీపీ అభ్యర్థి తరఫున బూచేపల్లి శివప్రసాద్‌రెడ్డి, డాక్టర్‌ చింతలపూడి అశోక్‌ కుమార్‌ విస్తృతంగా ప్రచారం చేస్తున్నారు. ఓటర్లను తమదైన శైలిలో ఆకట్టుకుంటూ ప్రచారంలో ముందుకుపోతున్నారు. దూసుకుపోతున్న డాక్టర్‌.. మార్కాపురం మున్సిపాలిటీ వైఎస్సార్‌ సీపీ చైర్‌పర్సన్‌ అభ్యర్థి డాక్టర్‌ చప్పల్లి కనకదుర్గ ఇంటింటి ప్రచారంతో పాటు, ర్యాలీలు, సోషల్‌ మీడియా ఇలా అన్ని రకాల ప్లాట్‌ ఫారంలతో ప్రచారంలో దూసుకుపోతున్నారు. అక్కడ నియోజకవర్గ ఇన్‌చార్జి, మాజీ ఎమ్మెల్యే అన్నారాంబాబు, మాజీ ఎమ్మెల్యే జంకె వెంకరెడ్డితో పాటు నాయకులంతా ఏకతాటిపై అభ్యర్థి గెలుపు కోసం పక్కా ప్రణాళికతో ప్రచారం చేస్తున్నారు. వైద్యురాలిగా ఆమె అందించిన సేవలు, వైఎస్సార్‌ సీపీ పట్ల ఉన్న ప్రజాదరణ ఆమెకు ప్లస్‌ పాయింట్లుగా నిలుస్తున్నాయి. టీడీపీ అభ్యర్థి వక్కలగడ్డ మల్లిఖార్జునరావు సైతం ప్రచారాన్ని ముమ్మరం చేశారు. టీడీపీ ఎమ్మెల్యే కందుల నారాయణరెడ్డి కూడా తోడుగా ప్రచారంలో పాల్గొంటున్నారు. ఇక్కడ మూడు పార్టీల నేతలు ఎవరికి వారు ప్రచారం చేసుకునిపోతున్నారు. ఎక్కడా సమన్వయం కనిపించడం లేదు.

ఒంగోలు సబర్బన్‌: చంద్రబాబు నాయుడు అనుసరిస్తున్న ప్రజా వ్యతిరేక విధానాలకు విసిగిపోయిన ప్రజలు బుద్ధి చెప్పేందుకు సిద్ధంగా ఉన్నారని వైఎస్సార్‌ సీపీ రాష్ట్ర ప్రధాన కార్యదర్శి, ఒంగోలు పార్లమెంట్‌ ఇన్‌చార్జ్‌ చెవిరెడ్డి భాస్కర్‌ రెడ్డి అన్నారు. ఒంగోలు నగరంలోని లాయర్‌పేటతో పాటు పలు డివిజన్లలో బుధవారం నిర్వహించిన ఎన్నికల ప్రచారంలో పాల్గొన్నారు. 43వ డివిజన్‌ లాయర్‌పేటలో వైఎస్సార్‌ సీపీ మేయర్‌ అభ్యర్ధి కుప్పం ప్రసాదుతో పాటు డివిజన్‌ కార్పొరేటర్‌ అభ్యర్థి, న్యాయవాది శేషు వేణుగోపాల్‌తో కలిసి ఇంటింటి ప్రచారంలో పాల్గొన్నారు. తొలుత లాయరుపేట సాయిబాబా గుడిలో ప్రత్యేక పూజలు చేశారు. అనంతరం నిర్వహించిన వైఎస్సార్‌ సీపీ అభ్యర్థుల ఇంటింటి ప్రచారంలో చెవిరెడ్డి పాల్గొని మాట్లాడారు. ఈ సందర్భంగా ఆయన మాట్లాడుతూ ప్రజలు గత వైఎస్సార్‌ సీపీ ప్రభుత్వ పాలనను, ఈ ప్రభుత్వ పాలనను చూశారని, ఇప్పటికే నిర్ణయానికి వచ్చారని వెల్లడించారు. నిత్యవసర వస్తువుల ధరలు రోజురోజుకీ పెరుగుతున్నాయని, సామాన్య మానవుడు బతికే వీలు లేకుండా పోయిందని వ్యాఖ్యానించారు. చంద్రబాబు నాయుడుకు చెంప చెళ్లుమనిపించేలా తీర్పు ఇచ్చేందుకు స్థానిక సంస్థల ఎన్నికల్లో ప్రజలు సిద్ధంగా ఉన్నారన్నారు. నాయకులు, కార్యకర్తలంతా ఒక తాటిపై ఉండి ఐకమత్యంగా కృషి చేస్తున్నామన్నారు. చంద్రబాబుకు సినిమా చూపించే సమయం దగ్గర పడిందని ఆయన వెల్లడించారు. ఎన్నికల్లో అక్రమాలకు పాల్పడుతూ వైఎస్సార్‌ సీపీ అభ్యర్థులను భయభ్రాంతులకు గురి చేస్తున్న అధికారులు, పోలీసులకు ఒకటే చెబుతున్నామని హెచ్చరించారు. మేము కూడా డిజిటల్‌ బుక్‌ రెడీ చేశామని, అక్రమంగా వ్యవహరిస్తున్న అధికారులను ఏ ఒక్కరినీ వదిలిపెట్టే ప్రసక్తే లేదని చెప్పారు. మరో రెండు సంవత్సరాలు వేచి ఉండండి.. ఈలోపు పద్ధతి మార్చుకోవాలని, లేకుంటే ఫలితం అనుభవించటానికి సిద్ధంగా ఉండాలని హెచ్చరించారు. కుప్పం ప్రసాద్‌ అందరివాడని వినయశీలి, అభివృద్ధి కాంక్ష కలవాడని కితాబిచ్చారు. ఫ్యాను గుర్తుకు ఓటేసి వైఎస్సార్‌ సీపీ అభ్యర్థులను గెలిపించాలని కోరారు. కార్యక్రమంలో వైఎస్సార్‌ సీపీ ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి, నియోజకవర్గ ఇన్చార్జి చుండూరి రవిబాబు, నగర పార్టీ అధ్యక్షుడు కటారి శంకర్‌, పార్టీ రాష్ట్ర కార్యదర్శి ఏ.వెంకటేశ్వరరావు, పార్టీ నాయకులు డీ క్రాంతి కుమార్‌, స్థానిక నాయకులు పాల్గొన్నారు.

చీమకుర్తి రూరల్‌: చంద్రబాబును నమ్మి నిలువునా మోసపోయాం గత అసెంబ్లీ ఎన్నికల్లో జగనన్నను కాదని టీడీపీకి ఓటు వేసి సంక్షేమానికి దూరమయ్యాం...పొరపాటు జరిగిందని ప్రజలే స్వచ్ఛందంగా తరలివచ్చి చెబుతున్న పరిస్థితుల్లో మున్సిపల్‌ ఎన్నికలు టీడీపీ ప్రభుత్వ పతనానికి నాంది పలకనున్నాయని వైఎస్సార్‌ సీపీ జిల్లా అధ్యక్షుడు, దర్శి ఎమ్మెల్యే బూచేపల్లి శివప్రసాద్‌రెడ్డి అన్నారు. ఆయనతో పాటు మాజీ మంత్రి, నియోజకవర్గ ఇన్‌చార్జ్‌ మేరుగు నాగార్జున, సీఈసీ మెంబర్‌ బూచేపల్లి వెంకాయమ్మ, మున్సిపల్‌ చైర్‌పర్సన్‌ అభ్యర్థి మేడగం శ్రీదేవి బుధవారం ఉదయం పాటిమీదపాలెం గ్రామంలో 28 వార్డు అభ్యర్థి మూలే కృష్ణకుమారికి మద్దతుగా ఇంటింటా ఎన్నికల ప్రచారం నిర్వహించారు. హామీల పేరుతో మోసం చేసిన టీడీపీ ప్రభుత్వానికి ఓటమి భయం పట్టుకుందన్నారు. మున్సిపల్‌ ఎన్నికల వార్డు ప్రచారంలో ప్రజల నుంచి వస్తున్న స్పందనే ఇందుకు నిదర్శనమన్నారు. ప్రభుత్వం పట్ల ప్రజల్లో తీవ్రస్థాయిలో వ్యతిరేకత వ్యక్తమవుతున్న తరుణంలో టీడీపీ నాయకుల్లో వణుకు పుడుతోందన్నారు. ఎన్నికల్లో ప్రజల తీర్పుతో 2029లో మళ్లీ జగనన్న పాలన రావడం ఖాయమన్నారు. నవంబర్‌ 1న జరిగే మున్సిపల్‌ ఎన్నికల్లో ఫ్యాన్‌ గుర్తుకు ఓటు వేసి చైర్‌పర్సన్‌ అభ్యర్థి మేడగం శ్రీదేవిని, 28 వార్డుల్లో పోటీ చేస్తున్న వైఎస్సార్‌ సీపీ అభ్యర్థులను అఖండ మెజారిటీతో గెలిపించాలని ఆయన పిలుపునిచ్చారు. అనంతరం జగనన్న కాలనీలో ఎన్నికల ప్రచారం నిర్వహించారు. రెండున్నరేళ్లలో కూటమి పాలన విఫలం: రెండున్నరేళ్ల కూటమి ప్రభుత్వ పాలనలో ప్రజా సమస్యల పరిష్కారంలో పూర్తిగా విఫలమైనట్లు నియోజకవర్గ వైఎస్సార్‌ సీపీ ఇన్‌చార్జి, మాజీ మంత్రి మేరుగు నాగార్జున విమర్శించారు. ఎస్సీ, ఎస్టీ, బీసీ కార్పొరేషన్‌ కింద దరఖాస్తులు తీసుకుని లబ్ధిదారులను మోసం చేశారన్నారు. ఎన్నికల డ్రామాలో భాగంగా పింఛన్ల కోసం అర్జీలు తీసుకుని అర్హులైన పేదలను వంచించారన్నారు. 18 ఏళ్లు నిండిన మహిళలకు ఆడబిడ్డ నిధి రూ.1500, నిరుద్యోగులకు భృతి, పేదలకు ఇళ్లు ఇలా చెప్పిన హామీలు ఏమయ్యాయో ప్రజలు నిలదీయాలని పిలుపునిచ్చారు. ఫ్యాను గుర్తుకు ఓటు వేయండి: వైఎస్సార్‌ సీపీ ఫ్యాను గుర్తుకు ఓటు వేయండి. గత వైఎస్సార్‌ సీపీ హయాంలో చేసిన సంక్షేమం, అభివృద్ధిని గుర్తించండి అని జెడ్పీ మాజీ చైర్‌పర్సన్‌, సీఈసీ మెంబర్‌ బూచేపల్లి వెంకాయమ్మ అన్నారు. మున్సిపల్‌ చైర్‌ పర్సన్‌ అభ్యర్థి మేడగం శ్రీదేవి, 28వ వార్డు కౌన్సిలర్‌ అభ్యర్థి మోలే కృష్ణకుమారిని అధిక మెజార్టీతో గెలిపించాలని కోరారు. కార్యక్రమంలో పట్టణ పార్టీ అధ్యక్షుడు కిష్టపాటి శేఖర్‌ రెడ్డి, కే శివారెడ్డి, సింగం కొండలు, మూలే రమణారెడ్డి, కిష్టపాటి శ్రీనివాసరెడ్డి, మాలకొండయ్య, సూది శ్రీను, మంచ హరికృష్ణ, పాలడుగు సుబ్బు, గంగిరెడ్డి ఓబుల్‌ రెడ్డి, మేడగం హర్షిత్‌, రాజశేఖర్‌ రెడ్డి, సాదినేని వెంకటరావు, సంతోష్‌, సామేలు, కార్యకర్తలు పాల్గొన్నారు.

బేస్తవారిపేట: స్థానిక సంస్థల ఎన్నికల్లో భాగంగా గిద్దలూరు నియోజకవర్గంలోని ఎంపీటీసీ స్థానాలన్నింటినీ బలవంతంగా ఏకగ్రీవం చేసుకున్న పచ్చ నేతలు.. ఇప్పుడు గిద్దలూరు మున్సిపాలిటీలో పట్టునిలుపుకునేందుకు అత్యంత హేయమైన రిగ్గింగ్‌ అస్త్రాన్ని ఎంచుకున్నట్లు ఆరోపణలు వినిపిస్తున్నాయి. ప్రజాస్వామ్యబద్ధంగా సాగాల్సిన పురపాలక సమరాన్ని స్థానిక ఎమ్మెల్యే ముత్తుముల అశోక్‌రెడ్డి ఆదేశాలతో ప్రహసనంగా మార్చేందుకు కూటమి నేతలు సర్వశక్తులూ ఒడ్డుతున్నారు. ఓటమి భయం వెంటాడుతుండటంతో నియోజకవర్గంలో శాంతిభద్రతలను కాలరాస్తూ అధికార యంత్రాంగాన్ని తమ స్వప్రయోజనాల కోసం పావులుగా వాడుకుంటూ కుయుక్తులకు తెరతీశారు. రిగ్గింగ్‌ సంకేతాలు షురూ..! గిద్దలూరు మున్సిపాలిటీ పరిధిలో మొత్తం 28 వార్డుల్లో ఎక్కడా ఏకగ్రీవాలకు అవకాశం దక్కకపోవడంతో కూటమి నాయకుల గుండెల్లో రైళ్లు పరిగెడుతున్నాయి. ప్రజల మద్దతు వైఎస్సార్‌ సీపీకే ఉందని స్పష్టం కావడంతో పోలింగ్‌ రోజు మధ్యాహ్నం ఒంటిగంటకే రిగ్గింగ్‌ పూర్తి చేసుకోవాలని పథకం రచించారు. 12 గంటల్లోపే ఓట్లు వేసుకోండి.. ఆ తర్వాత అంతా రిగ్గింగ్‌ జరిగిపోతుందంటూ అధికారులు, కూటమి నేతలే ప్రజలకు చేరేలా బాహాటంగా ప్రచారం చేస్తుండటం వారి బరితెగింపునకు నిదర్శనంగా నిలుస్తోంది. తాము రిగ్గింగ్‌ చేసుకుంటామని టీడీపీ నాయకులు బహిరంగంగానే వ్యాఖ్యా నిస్తుండటం పట్టణ ప్రజలను విస్మయానికి గురిచేస్తోంది. పోలీసుల సహకారంతో అరాచకానికి కుట్రలు... క్షేత్రస్థాయిలో ఓటర్ల నాడిని గమనించిన కూటమి నేతలు.. ఎలాగైనా వైఎస్సార్‌ సీపీ శ్రేణులను స్తంభింపజేయాలనే లక్ష్యంతో పోలీసు శాఖను రంగంలోకి దించారు. వైఎస్సార్‌ సీపీ ముఖ్య నాయకులు, 28 వార్డుల కౌన్సిలర్‌ అభ్యర్థుల గృహాల్లో నిత్యం అర్ధరాత్రులు తనిఖీల పేరుతో వారి కుటుంబ సభ్యులను భయభ్రాంతులకు గురిచేస్తున్నారు. ప్రచారంలో ఉత్సాహంగా పాల్గొంటున్న యువతను, పార్టీ సానుభూతిపరులను ఫోన్లలో బెదిరించడమే కాకుండా పోలింగ్‌ బూత్‌ ఏజెంట్లుగా కూర్చోవడానికి సిద్ధమైన వారిని పోలీస్‌ స్టేషన్లకు పిలిపించి వేధిస్తున్నారు. పోలింగ్‌ కేంద్రాల్లో కూర్చుంటే అక్రమ కేసులు బనాయించి జైలుకు పంపుతామంటూ బెదిరింపులకు దిగుతూ పచ్చచొక్కాలు తొడుక్కున్నట్లుగా ఖాకీలు వ్యవహరిస్తున్నారు. గిద్దలూరు పురపోరులో బరితెగించేందుకు పచ్చ ముఠా సన్నద్ధం స్థానిక ఎమ్మెల్యే ముత్తుముల ఆదేశాలతో రిగ్గింగ్‌ చేసేందుకు పక్కా పన్నాగం ఖాకీలను అడ్డం పెట్టుకుని వైఎస్సార్‌ సీపీ శ్రేణులపై దౌర్జన్యాలు, తనిఖీల పేరిట వేధింపులు ఓటమి భయంతో అధికారులను పావులుగా వాడుకుంటున్న కూటమి నేతలు నిష్పక్షపాతంగా ఎన్నికలు జరిగితే వీచేది ఫ్యాన్‌ గాలే.. ఈసీ, కలెక్టర్‌, ఎస్పీ తక్షణమే జోక్యం చేసుకోవాలని ప్రజల డిమాండ్‌

కొమరోలు: ఎదురెదురుగా వచ్చిన రెండు ద్విచక్ర వాహనాలు ఢీకొనడంతో యువకుడు మృతిచెందిన సంఘటన మండలంలోని గోపనపల్లె– నరసింహపల్లె రహదారిపై బుధవారం చోటుచేసుకుంది. కొమరోలు నుంచి రక్షింపల్లెకు స్కూటీపై ప్రయాణిస్తున్న నితీష్‌రెడ్డి (22) ఎదురుగా వచ్చిన ఇమ్మడి చంద్రశేఖర్‌ ద్విచక్ర వాహనాన్ని బలంగా ఢీకొట్టాడు. ఈ ప్రమాదంలో నితీష్‌రెడ్డి తలకు తీవ్ర గాయాలవడంతో అక్కడికక్కడే మృతి చెందాడు. విషయం తెలుసుకున్న అతని తల్లిదండ్రులు వెంకటలక్ష్మి, అక్కిరెడ్డి వెంటనే సంఘటన స్థలానికి చేరుకుని శోకసంద్రంలో మునిగిపోయారు. నితీష్‌రెడ్డి ఇంజినీరింగ్‌ మూడో సంవత్సరం చదువుతున్నాడు. చేతికందివచ్చిన కుమారుడి మృతితో ఆ కుటుంబం కన్నీరుమున్నీరైంది. స్థానిక ఎస్సై నాగేంద్రరావు సంఘటన స్థలానికి చేరుకుని కేసు నమోదు చేసి మృతదేహాన్ని గిద్దలూరు ఏరియా వైద్యశాలకు పోస్టుమార్టం నిమిత్తం తరలించి దర్యాప్తు చేపట్టారు. యువకుడు మృతి

ఒంగోలు టౌన్‌: మారిన జీవనశైలి ప్రభావంతో ఇటీవల కాలంలో 40 ఏళ్లలోపు వయసు కలిగిన యువతలో ఎక్కువగా పక్షవాతం కనిపిస్తోంది. ఈ నేపథ్యంలో లక్షణాలు కనిపించిన గంటలోపే చికిత్స అందించాలని, కుటుంబ హిస్టరీ ఉన్న వారు ముందస్తు జాగ్రత్తలు తీసుకోవాలని ప్రముఖ న్యూరాలజిస్ట్‌ కె.అనిల్‌ కుమార్‌ సూచించారు. నేడు ప్రపంచ స్ట్రోక్స్‌ దినోత్సవాన్ని పురస్కరించుకుని పలు విషయాలను ఆయన వివరించారు... పక్షవాతం అనగానే వయసు ఎక్కువగా ఉన్న వారికి వచ్చే వ్యాధిగా సమాజంలో అపోహ ఉంది. ఇది కరెక్టు కాదు. ఇప్పుడు 20 నుంచి 40 ఏళ్లలోపు వారిలో కూడా స్ట్రోక్‌ లక్షణాలు కనిపిస్తున్నాయి. దీనివలన ఉద్యోగ బాధ్యతలు, కుటుంబ జీవితం, ఆర్థిక స్థిరత్వం, ఉపాధి అవకాశాలు ప్రభావితమవుతాయి. అధిక రక్తపోటు, మధుమేహం, ధూమపానం, గుండె సంబంధిత వ్యాధులు, ఇతర ప్రత్యేక కారణాలు పక్షవాతానికి దారితీయవచ్చు. గ్రామీణ ప్రాంతాల్లో పక్షవాతానికి ఎక్కువగా సొంత వైద్యం చేసుకోవడం, నాటు మందులు వాడటం చేస్తుంటారు. కానీ, అది ఆరోగ్యాన్ని మరింత ప్రమాదంలోకి నెట్టే అవకాశం ఉంది. స్ట్రోక్‌ లక్షణాలు కనిపించగానే నిపుణులైన వైద్యులను సంప్రదించి సరైన చికిత్స తీసుకుంటే వ్యాధి నుంచి బయటపడేందుకు అవకాశం ఉంటుంది. మెదడుకు రక్తాన్ని సరఫరా చేసే రక్తనాళంలో అడ్డంకి ఏర్పడినా, మెదడు రక్తనాళం చిట్లి రక్తస్రావం జరిగినా పక్షవాతం వచ్చే అవకాశం ఉంది. ఈ రెండూ అత్యవసరమైనవే.. మెదడుకు స్కానింగ్‌ చేయకుండా అందులో దేని వలన పక్షవాతం కనిపించిందో నిర్ధారించలేరు. కారణాన్ని బట్టి వైద్యం చేయాల్సి ఉంటుంది. యువతలో లక్షణాలు కనిపించకుండానే... చాలా మంది యువతలో ఎలాంటి లక్షణాలు కనిపించకుండానే పక్షవాతం వస్తోంది. బీపీ నియంత్రణలో లేకపోవడం వలన మెదడు రక్తనాళాలకు హాని చేస్తోంది. షుగర్‌ వ్యాధి పెరగడం, కొలెస్ట్రాల్‌, ధూమపానం, శారీరక శ్రమ లేకపోవడం, పోషకాహార లోపం, గుండె లయలో అసాధారణ మార్పులు వంటివి స్ట్రోక్‌కు కారణాలు. నవ్వినప్పుడు మొహం ఒకవైపునకు వాలిపోవడం, ఒక చేయి లేదా కాలు ఆకస్మికంగా బలహీనపడటం లేదా మొద్దుబారడం, మాటలు తడబడటం వంటి లక్షణాలలో ఏ ఒక్కటి కనిపించినా ఒక్క నిముషం కూడా ఆలస్యం చేయకుండా వెంటనే వైద్యుడ్ని సంప్రదించాలి. 40 ఏళ్లలోపు వయసు వారిలోనూ పొంచి ఉన్న పక్షవాతం లక్షణాలు కనిపించిన వెంటనే వైద్యం అందించాలంటున్న డాక్టర్లు నేడు ప్రపంచ స్ట్రోక్స్‌ దినోత్సవం

సీఎస్‌ పురం (పామూరు): ‘నా నామినేషన్‌ ఉపసంహరణ అంతా ఆర్వో సృష్టే.. నేను నా నామినేషన్‌ను ఉపసంహరించుకోలేదు.. దీనిపై పూర్తి విచారణ జరిపి నాకు న్యాయం చేయడంతో పాటు బాధ్యులపై చర్యలు తీసుకోవాలి’ అని సీఎస్‌ పురం మండలంలోని పెదరాజుపాలెం ఎంపీటీసీ స్థానానికి వైఎస్సార్‌ సీపీ అభ్యర్థిగా నామినేషన్‌ దాఖలుచేసిన జొన్నకోతల దివ్యభారతి కోరారు. బుధవారం మీడియాతో ఆమె మాట్లాడారు. ఈ నెల 21వ తేదీ రాజుపాలెం ఎంపీటీసీ అభ్యర్థిగా వైఎస్సార్‌ సీపీ తరఫున తాను నామినేషన్‌ వేసేందుకు వెళ్తే.. టీడీపీ నాయకులు, పోలీసులు అడ్డుకున్నారన్నారు. మళ్లీ 22వ తేదీ వెళ్లి నామినేషన్‌ వేసినట్లు చెప్పారు. ఈ నెల 24వ తేదీ నామినేషన్‌ పత్రాల పరిశీలన పూర్తికాగా, తన నామినేషన్‌ అనుమతించబడిందని ఆరోఓ ధ్రువీకరించారని తెలిపారు. అయితే, 26వ తేదీ వైఎస్సార్‌ సీపీ అభ్యర్థిగా తాను బీ ఫాం ఇవ్వడానికి వెళ్లిన సమయంలో ఆర్‌ఓ లేకపోవడంతో 27వ తేదీ బీఫాం ఇవ్వడం జరిగిందన్నారు. కాగా, రాత్రికి తుదిజాబితాపై విచారణ చేస్తే.. జాబితా ఇంకా విడుదల చేయలేదని సమాచారం అందిందన్నారు. పలు పుకార్లు వస్తుండటంతో దీనిపై అనుమానం వచ్చి విషయాన్ని కలెక్టర్‌, జిల్లా ఎన్నికల అధికారుల దృష్టికి తీసుకెళ్లినట్లు తెలిపారు. దీనిపై ఆర్‌ను సంప్రదించేందుకు యత్నించినా స్పందన లేదన్నారు. 28వ తేదీ ఉదయం కూడా జాబితా లేకపోవడంతో గవర్నర్‌, సీఈఓ, కలెక్టర్‌, అధికారులకు మెయిల్స్‌ ద్వారా సమాచారం ఇచ్చామన్నారు. అనంతరం ఆర్వో బయట ఎదురుకావడంతో మాట్లాడేందుకు యత్నించగా, కార్యాలయానికి రావాలన్నారని, ఆ మేరకు వెళ్లానని తెలిపారు. అక్కడ ఆర్వో శ్రీనివాసరావు మాట్లాడుతూ మీ నామినేషన్‌కు సంబంధించి ఉపసంహరణ పత్రాన్ని మీ మామ అందించాడని చెప్పారని, కానీ, తాను తన నామినేషన్‌ను ఉపసంహరించుకోలేదని తెలిపారు. తానుగానీ, తన ప్రతినిధులుగానీ ఉపసంహరించుకోలేదని, అలా తన నుంచి ఎవరికీ అనుమతి ఇవ్వలేదని పేర్కొన్నారు. తన నామినేషన్‌ ఉపసంహరణ పత్రాన్ని ఇచ్చిన వ్యక్తి ఎవరు, ఆయన పేరు ఏమిటి, ఆయన సమర్పించిన గుర్తింపు పత్రాలేమిటి, తన తరఫున ఆయనకు ఆ అధికారం ఉందని ఆర్వోగా మీరు ఎలా నిర్ధారించారని తాను ప్రశ్నించినట్లు తెలిపారు. దానిపై పూర్తి వివరాలు ఇవ్వాలని కోరానన్నారు. అయితే, ఆర్‌ఓ మాత్రం టీడీపీ నాయకులతో మాట్లాడిస్తానని, వేచి ఉండాలని తనతో చెప్పారన్నారు. ఆర్‌టీఐ దరఖాస్తు కూడా తీసుకోని ఆర్వో... నామినేషన్‌ ఉపసంహరణకు సంబంధించి ఉపసంహరణ పత్రం ఇచ్చిన వ్యక్తి ఎవరు, ఎలా నిర్ధారించారనే దానిపై పూర్తి వివరాలు ఇవ్వాలని, అదేవిధంగా పలు విషయాలపై ధ్రువీకరణ ఇవ్వాలని కోరుతూ ఆర్‌టీఐ దరఖాస్తు అందించబోగా.. సదరు దరఖాస్తును ఆర్‌ఓ తీసుకోకుండా నిరాకరించారని అభ్యర్థి దివ్యభారతి తెలిపారు. దీంతో సదరు దరఖాస్తును స్వీడ్‌ పోస్టు ద్వారా పంపినట్లు చెప్పారు. ఈ విషయంపై ఆర్వోను వివరణ కోరేందుకు ఫోన్‌లో సాక్షి ప్రయత్నించగా ఆర్‌ఓ అందుబాటులోకి రాలేదు. పెదరాజుపాలెం ఎంపీటీసీ అభ్యర్థి నామినేషన్‌ ఉపసంహరించుకున్నట్లు సృష్టించిన వైనం టీడీపీ నాయకులను పిలిపించి మాట్లాడిస్తానన్న ఆర్వో.. పూర్తి విచారణ చేపట్టి న్యాయం చేయాలంటున్న అభ్యర్థి జొన్నకోతల దివ్యభారతి

మర్రిపూడి: బడ్డీ కొట్టు తాళాలను గుర్తుతెలియన వ్యక్తులు పగలగొట్టి అందులోని నగదును అపహరించుకుపోయిన సంఘటన మర్రిపూడిలో మంగళవారం రాత్రి చోటుచేసుకుంది. బాధితుడు తెలిపిన వివరాల ప్రకారం... స్థానిక బస్టాండ్‌ సెంటర్‌లో శ్రీముత్యాలమ్మ పరమేశ్వరి ఆలయ పూజారి మోటుపల్లి యోగయ్య ఆలయ ఆవరణలో 20 ఏళ్లుగా బడ్డీ కొట్టు పెట్టుకుని జీవిస్తున్నాడు. రోజూలాగే మంగళవారం బడ్డీకొట్టు తెరిచి అందులోని సరుకులు అమ్ముకుని రాత్రి కాగానే తాళాలు వేసి భార్యాభర్తలిద్దరు ఇంటికి వెళ్లారు. బుధవారం తెల్లవారుజామున బడ్డీకొట్టు తీసేందుకు యోగయ్యతో పాటు అతని భార్య ఆదిలక్ష్మి రాగా, రెండు తాళాలు పగలగొట్టి ఉన్నాయి. బంకులోని గల్లాపెట్టెలో చిల్లరతో కలిపి సుమారు రూ.3 వేల నగదును గుర్తుతెలియని వ్యక్తులు అపహరించుకుపోయినట్లు గుర్తించారు. పగిలిపోయిన సిమెంట్‌ రాయితో తాళాలు పగలగొట్టి నగదు అపహరించుకుపోయి గల్లాపెట్టెను బడ్డీకొట్టు కింద పడేశారు. ఆ మేరకు యోగయ్య, ఆదిలక్ష్మి దంపతులు స్థానిక పోలీస్‌స్టేషన్‌లో ఫిర్యాదు చేశారు. ఒంగోలు సిటీ: బాపట్ల డిస్ట్రిక్ట్‌ అథ్లెటిక్‌ అసోసియేషన్‌ ఆధ్వర్యంలో బుధవారం చిన్నగంజాంలో నిర్వహించిన ఉమ్మడి జిల్లా స్థాయి నిడ్‌జామ్‌ జూనియర్‌ అథ్లెటిక్‌ ఛాంపియన్‌ షిప్‌ 2026 పోటీలు హోరాహోరీగా జరిగాయి. జూనియర్‌ విభాగంలో పెద్ద ఎత్తున క్రీడాకారులు పాల్గొన్న ఈ పోటీల్లో ఒంగోలుకు చెందిన శిద్దా ఆరాధ్య పాల్గొని విశేష ప్రతిభ ప్రదర్శించారు. నవంబర్‌ 14, 15 తేదీల్లో జరగనున్న రాష్ట్ర స్థాయి అథ్లెటిక్స్‌ పోటీల్లో లాంగ్‌ జంప్‌, షార్ట్‌ బాల్‌, రన్నింగ్‌లో శిద్దా ఆరాధ్య అర్హత సాధించి విజేతగా నిలిచారు. ఈ మేరకు బాపట్ల డిస్ట్రిక్ట్‌ అథ్లెటిక్‌ అసోసియేషన్‌ నిర్వాహకులు పోటీల్లో పాల్గొని అర్హత సాధించిన శిద్దా ఆరాధ్యను అభినందించి మెడల్‌ అందజేశారు. లింగసముద్రం: జాతీయ స్థాయి ఫుట్‌బాల్‌ పోటీలకు మండలంలోని పెదపవని భళేరావ్‌ జిల్లా పరిషత్‌ ఉన్నత పాఠశాల విద్యార్థిని ఎంపికై నట్లు హెచ్‌ఎం టి.శ్రీనివాసులు బుధవారం తెలిపారు. పాఠశాలలో పదో తరగతి చదువుతున్న బత్తాల చాందినీ ఇటీవల రాజమండ్రిలో నిర్వహించిన అండర్‌ – 17 రాష్ట్రస్థాయి ఎస్‌జీఎఫ్‌ ఫుట్‌బాల్‌ పోటీల్లో ప్రకాశం జిల్లా తరఫున ఆడి ప్రతిభ కనబరిచింది. తద్వారా డిసెంబర్‌ 18 నుంచి 22వ తేదీ వరకు జార్ఖండ్‌ రాష్ట్రం రాంచీలో నిర్వహించనున్న జాతీయ స్థాయి పోటీల్లో ఆంధ్రప్రదేశ్‌ తరఫున పాల్గొననుంది. జాతీయ స్థాయి పోటీలకు ఎంపికై న చాందినీని హెచ్‌ఎంతో పాటు పీడీ సీహెచ్‌ వెంకటకృష్ట, ఉపాధ్యాయులు అభినందించారు. ● జేసీ కల్పనా కుమారి నాగులుప్పలపాడు: జెడ్పీటీసీ, ఎంపీటీసీ ఎన్నికల్లో అక్రమంగా నగదు తరలింపు వంటి అంశాలను క్షుణ్ణంగా పరిశీలించి అడ్డుకోవాలని జేసీ కల్పనా కుమారి అధికారులను ఆదేశించారు. నాగులుప్పలపాడులో ఏర్పాటు చేసిన చెక్‌పోస్టును బుధవారం ఆమె పరిశీలించారు. అధికారులకు ఎన్నికల్లో తీసుకోవాల్సిన జాగ్రత్తలు, తనిఖీల గురించి సలహాలు, సూచనలు చేశారు. ఎన్నికల నిబంధనలు తప్పనిసరిగా పాటించాలని స్పష్టం చేశారు. పరిశీలనలో తహసీల్దార్‌ ప్రవీణ్‌ కుమార్‌, డిప్యూటీ ఎంపీడీవో ఆశాలత ఉన్నారు.

సింగరాయకొండ: కొండపి నియోజకవర్గంలో స్థానిక సంస్థల ఎన్నికల నామినేషన్‌ ప్రక్రియలో ప్రాథమిక హక్కులు కాలరాశారని, ఇందులో అధికారుల పాత్ర ప్రధానంగా ఉందని, దీనికి నైతిక బాధ్యత వహిస్తూ మంత్రి స్వామి రాజీనామా చేయాలని వైఎస్సార్‌ సీపీ నియోజకవర్గ ఇన్‌చార్జి, పీఏసీ సభ్యుడు, మాజీ మంత్రి డాక్టర్‌ ఆదిమూలపు సురేష్‌ డిమాండ్‌ చేశారు. స్థానిక సంస్థల ఎన్నికల నామినేషన్‌ ప్రక్రియలో జరిగిన అరాచకాలపై స్థానిక పార్టీ క్యాంపు కార్యాలయంలో బుధవారం విలేకరుల సమావేశం నిర్వహించారు. ఈ సందర్భంగా ఆదిమూలపు సురేష్‌ మాట్లాడుతూ ఈ నెల 14వ తేదీ ఎన్నికల నోటిఫికేషన్‌ విడుదలైనప్పటి నుంచి వైఎస్సార్‌ సీపీ నాయకులు, కార్యకర్తల కుటుంబ సభ్యులే లక్ష్యంగా పోలీసులు తీవ్ర ఇబ్బందులకు గురిచేస్తున్నారన్నారు. నియోజకవర్గంలో 84 ఎంపీటీసీ స్థానాల్లో 45 ఎంపీటీసీలు, 2 జెడ్పీటీసీ స్థానాలను బలవంతంగా ఏకగ్రీవం చేశారని, ఇంతకన్నా దారుణం ఇంకేమైనా ఉందా అని ప్రశ్నించారు. మంత్రి స్వామి, టీడీపీ నాయకులు రాజ్యాంగశక్తులుగా ఉన్న చైర్మన్‌లు మూకుమ్మడిగా ప్రజాస్వామ్యాన్ని ఖూనీ చేశారన్నారు. అడ్డదారిలో గెలిచిన గెలుపు కూడా ఒక గెలుపేనా అని ఎద్దేవా చేశారు. పొన్నలూరులో డీఎస్పీ స్థాయి అధికారులు ఉన్నా కూడా నామినేషన్‌ వేయలేకపోయామని, తీరా నామినేషన్‌ వేస్తే ఎన్నికల అధికారులు నామినేషన్‌ పత్రాలలో కొన్ని కాగితాలు తొలగించి తిరస్కరించారని ఆరోపించారు. మర్రిపూడిలో ఎస్సై సుదర్శన్‌, ఆర్వో అధికార పార్టీ తొత్తులుగా వ్యహరించారని, ఇక్కడ ఏకంగా చిన్నచిన్న కారణాలు చూపి 9 నామినేషన్లు తిరస్కరించారని విమర్శించారు. ఎన్నికల క్షేత్రంలో పోరాడి ప్రజాకోర్టులో దోషిగా నిలబెడతామన్నారు. న్యాయవ్యవస్థ, ప్రజా వ్యవస్థ, ఎన్నికల కమిషన్‌ మీద తమకు నమ్మకం ఉందని, నియోజకవర్గంలో పౌరహక్కులను కాలరాశారని ఆరోపించారు. మర్రిపూడి నియోజకవర్గంలో టీడీపీ వారు వైఎస్సార్‌ సీపీ వారి పేరుతో తప్పుడు నామినేషన్‌ పత్రాలు వేశారని ఆరోపించారు. చిన్న చిన్న కారణాలతో నామినేషన్‌ పత్రాలు తిరస్కరించారని, చివరికి ఆర్డీఓ కోర్టులో అప్పీలుకు వెళితే 5 గంటలకు తీర్పు వివరాలు చెప్పాల్సిన అధికారులు.. రాత్రి 2 గంటల తర్వాత అన్నీ తిరస్కరించారని, ఇంతకన్నా దారుణం ఇంకేమైనా ఉందా అని ఆదిమూలపు సురేష్‌ ఆవేదన వ్యక్తం చేశారు. కొన్ని మండలాల్లో స్క్రూటినీ సమయంలో టీడీపీ వారి నామినేషన్‌ పత్రాల్లో తప్పులుంటే అభ్యర్థులను తీసుకొచ్చి మరీ నామినేషన్లు సరిచేసి ఆమోదించారని, అదే వైఎస్సార్‌ సీపీ వారికి మాత్రం చిన్న చిన్న కారణాలు చూపి తిరస్కరించారని విమర్శించారు. దేశంలో సర్‌ ప్రోగ్రాంపై ఓటు హక్కు కోసం పోరాడుతుంటే.. తమ నియోజకవర్గంలో ఓటు వేసే హక్కు లేదన్న పరిస్థితులున్నాయని ఆందోళన వ్యక్తం చేశారు. తమకు ఓటరు దేవుళ్లే శ్రీరామరక్ష అని, ఈ ఎన్నికల్లో మిగిలిన స్థానాల్లో అఖండ మెజారిటీతో గెలిచి తమ సత్తా చూపిస్తామని ధీమా వ్యక్తం చేశారు. ఎన్నికల్లో జరిగిన అరాచకాలపై హైకోర్టు తలుపు తడతామని, ఏ ఒక్క అధికారినీ వదిలిపెట్టే సమస్యే లేదని అన్నారు. రాజ్యాంగ హక్కులను కాలరాసిన మంత్రి స్వామి... కొండపి నియోజకవర్గంలో మంత్రి స్వామి రాజ్యాంగ హక్కులను కాలరాయడం బాధాకరమని ఆదిమూలపు సురేష్‌ అన్నారు. ప్రజలే అతనికి బుద్ధి చెబుతారన్నారు. మర్రిపూడి, టంగుటూరు, కొండపి, పొన్నలూరు, జరుగుమల్లిలో నామినేషన్ల సమయంలో జరిగిన అరాచకాలను వైఎస్సార్‌ సీపీ మండలాధ్యక్షులు ఇనకొల్లు సుబ్బారెడ్డి, చింతపల్లి హరిబాబు, బచ్చల కోటేశ్వరరావు, దుద్దుగుంట మల్లికార్జునరెడ్డి, పిన్నిక శ్రీనివాసరావులు, ఎంపీపీ అభ్యర్థి యన్నాబత్తిన కార్తీక్‌లు కళ్లకు కట్టినట్లు వివరించారు. పోలీసులు, ఎన్నికల అధికారులు అభ్యర్థులను ఏ విధంగా ఇబ్బందులకు గురిచేశారో చెప్పారు. టీడీపీ గూండాలు ఏ విధంగా దాడులు చేశారో తెలిపారు. విలేకరుల సమావేశంలో పార్టీ మండల అధ్యక్షుడు మసనం వెంకట్రావు, షేక్‌ సుల్తాన్‌, షేక్‌ కరీం, యనమల మాధవి, నూకసాని ప్రసాద్‌, దాసరి శేషయ్య, మిరియం సుధాకర్‌, పాకనాటి సుబ్బారెడ్డి, షేక్‌ అల్లాభక్షు, గొల్లపోతు గోవర్దన్‌, చుక్కా కిరణ్‌కుమార్‌, పెరికాల సునీల్‌, సయ్యద్‌ ఆబిద్‌ఆలీ, తన్నీరు రామకృష్ణ, షేక్‌ ఇస్మాయిల్‌, రేమాండ్స్‌ రాజా, గాదంశెట్టి గుప్తా, సోమిశెట్టి సురేష్‌, షేక్‌ జిలానీ, షేక్‌ అల్లా, నాయకులు, కార్యకర్తలు పాల్గొన్నారు. స్థానిక సంస్థల ఎన్నికల్లో అడ్డగోలుగా వ్యవహరిస్తున్నారు నైతిక బాధ్యత వహిస్తూ మంత్రి స్వామి రాజీనామా చేయాలి విలేకరుల సమావేశంలో మాజీ మంత్రి ఆదిమూలపు సురేష్‌ డిమాండ్‌

కంభం: పంటకాల్వలో పడి గుర్తు తెలియని వ్యక్తి మృతి చెందాడు. ఈ సంఘటన మంగళవారం ఉదయం జరిగింది. వివరాల్లోకి వెళితే..బస్టాండ్‌ వెనుక వైపు ఉన్న ఇరిగేషన్‌ కాలువలో ఓ గుర్తుతెలియని వ్యక్తి మృతదేహాన్ని స్థానికులు గుర్తించి పోలీసులకు సమాచారం ఇచ్చారు. సంఘటనా స్థలానికి చేరుకున్న ఎస్సై శివక్రిష్ణారెడ్డి మృతదేహాన్ని బయటకు తీసి ప్రభుత్వ వైద్యశాలకు తరలించారు. మృతుని శరీరంపై చొక్కా లేదు. సుమారు 35 నుంచి 40 ఏళ్ల వయసుంటుందని, మృతుడు బస్టాండ్‌ పరిసరాల్లో మద్యం సేవిస్తూ తిరుగుతుండేవాడని స్థానికులు చెబుతున్నారు. మార్కాపురం టౌన్‌: స్థానిక ఆర్టీసీ బస్టాండ్‌లో సోమవారం మతిస్థిమితం లేని వ్యక్తి అనుమానాస్పద స్థితిలో మృతి చెందాడు. వివరాల్లోకి వెళితే.. సుమారు 50 ఏళ్ల వయసున్న వ్యక్తి యాచకునిగా జీవనం సాగిస్తున్నాడు. సోమవారం ఉదయం 10 గంటల సమయంలో బస్టాండ్‌లో ప్రయాణికులు కూర్చునే బల్లపై కూర్చొని ఉండగా ఆర్టీసీలో పనిచేసే సిబ్బంది ఒకరు అక్కడి నుంచి వెళ్లిపోవాలని బిచ్చగాడిని పంపే క్రమంలో హోంగార్డు చేతిలో ఉన్న లాఠీతో కొట్టినట్లు ప్రయాణికులు చెబుతున్నారు. ఆ సమయంలో యాచకుడు స్పృహతప్పి పడిపోవడంతో వైద్యశాలకు తరలించారు. వైద్యశాలకు తరలించిన కొద్దిసేపటికి బిచ్చగాడు చికిత్స పొందుతూ మృతి చెందాడు.

నాగులుప్పలపాడు: అర్నాబ్‌ తుఫాన్‌ హెచ్చరికల నేపథ్యంలో తీర ప్రాంతాల ప్రజలను అప్రమత్తం చేయడంతో పాటు ప్రభుత్వ యంత్రాంగం పటిష్ట చర్యలు తీసుకోవాలని కలెక్టర్‌ రాజాబాబు, ఎస్పీ వి.హర్షవర్ధన్‌రాజు అధికారులను ఆదేశించారు. తీర ప్రాంత గ్రామాలైన కనపర్తి, మేకల సోమయ్య పట్టపుపాలెం, చిన్నంగారి పట్టపుపాలెంలలో తీర ప్రాంతాన్ని మంగళవారం పరిశీలించి ఆయా గ్రామాల ప్రజలతో మాట్లాడి జాగ్రత్తలు తెలియజేశారు. అనంతరం అధికారులతో మాట్లాడుతూ తుఫాను తీవ్రత ఎక్కువగా ఉంటుందన్న హెచ్చరికల నేపథ్యంలో ఎవ్వరూ వేటకు వెళ్లకుండా చర్యలు తీసుకోవడంతో పాటు అవసరమైన సామగ్రిని ముందుగానే సిద్ధం చేసుకోవాలన్నారు. వారి వెంట జిల్లా మత్స్యశాఖ అధికారి శ్రీనివాసరావు, డీఎంహెచ్‌ఓ వెంకటేశ్వర్లు, డీపీఓ అనుపమ, విద్యుత్‌ శాఖ ఎస్‌ఈ వెంకటేశ్వర్లు, డీఎస్పీ శ్రీనివాసరావు, తహసీల్దార్‌ ప్రవీణ్‌కుమార్‌ తదితరులు ఉన్నారు.

ఒంగోలు సబర్బన్‌: ఒంగోలు నగరపాలక సంస్థ ఎన్నికల నిర్వహణకు అన్ని ఏర్పాట్లు పూర్తి చేశామని సహాయ ఎన్నికల అధికారి, ఒంగోలు నగర కమిషనర్‌ వెంకట కృష్ణయ్య పేర్కొన్నారు. కలెక్టరేట్‌లోని మీడియా సెంటర్‌లో మంగళవారం విలేకరుల సమావేశం ఏర్పాటు చేసి మున్సిపల్‌ ఎన్నికలకు సంబంధించిన వివరాలు వెల్లడించారు. ఎన్నికల ప్రక్రియ ప్రశాంతంగా, స్వేచ్ఛాయుతంగా, నిష్పక్షపాతంగా నిర్వహించేందుకు చర్యలు తీసుకుంటామన్నారు. ఒంగోలు నగరపాలక సంస్థ పరిధిలోని 62 వార్డులకు సంబంధించి మొత్తం 1,92,873 మంది ఓటర్లు ఉండగా అందులో పురుషులు 92,228, మహిళా ఓటర్లు 1,00,591 మంది, 54 మంది ఇతర ఓటర్లు ఉన్నారని తెలిపారు. వీరి కోసం 224 పోలింగ్‌ కేంద్రాలను ఏర్పాటు చేశామన్నారు. ఒంగోలు నగరపాలక సంస్థ మేయర్‌ పదవికి 14 మంది అభ్యర్థులు, 62 వార్డులకు వివిధ రాజకీయ పార్టీల తరఫున 326 మంది అభ్యర్థులు పోటీలో ఉండగా, 25, 57, 58 డివిజన్‌ అభ్యర్థులు ఏకగ్రీవమయ్యాయన్నారు. 323 మంది అభ్యర్థులు పోటీలో ఉన్నారని తెలిపారు. వల్లూరు సమీపంలోని రైజ్‌ ఇంజినీరింగ్‌ కళాశాలలో ఎన్నికల సామగ్రి పంపిణీ, స్వీకరణ కేంద్రాలను ఏర్పాటు చేసినట్లు చెప్పారు. ఈ నెల 31వ తేదీ ఉదయం 7 గంటల నుంచి పోలింగ్‌ సామగ్రి పంపిణీ ప్రారంభిస్తామని, నవంబర్‌ 1వ తేదీ పోలింగ్‌ ముగిసిన అనంతరం పోలింగ్‌ సిబ్బంది ఎన్నికల సామగ్రిని అదే ప్రాంగణంలో స్వీకరిస్తారన్నారు. రాష్ట్ర ఎన్నికల సంఘం మార్గదర్శకాల ప్రకారం రైజ్‌ ఇంజినీరింగ్‌ కళాశాలలోని మొదటి, రెండవ అంతస్తుల్లో స్ట్రాంగ్‌ రూంలు, ఓట్ల లెక్కింపు హాళ్లను ఏర్పాటు చేశామని తెలిపారు. మొత్తం 500 బ్యాలెట్‌ బాక్సులను రైజ్‌ ఇంజినీరింగ్‌ కళాశాలలోని నిర్దేశిత స్ట్రాంగ్‌ రూములో పోలీసు భద్రత మధ్య భద్రపరిచామని, వాటిని పోలింగ్‌ కేంద్రాలకు తరలించే వరకు పటిష్ట భద్రత కల్పిస్తామన్నారు. ఎన్నికల నిర్వహణ కోసం 22 రవాణా మార్గాలను గుర్తించి, 22 మంది రూట్‌ అధికారులను నియమించామని, వీరిని 6 జోనల్‌ అధికారులు సమన్వయం చేసుకుంటూ రవాణా ఏర్పాట్లను పర్యవేక్షిస్తారన్నారు. పోలింగ్‌, ఓట్ల లెక్కింపుపై ఇప్పటికే 538 మంది ప్రిసైడింగ్‌ అధికారులు, సిబ్బందికి శిక్షణ ఇచ్చామని చెప్పారు. వీరిలో 180 మంది లెక్కింపు సూపర్‌వైజర్లు, సహాయకులు, 17 మంది రిటర్నింగ్‌ అధికారులు, 34 మంది అసిస్టెంట్‌ రిటర్నింగ్‌ అధికారులు ఉన్నారన్నారు. 27వ తేదీ నుంచి 29 వరకు పోస్టల్‌ బ్యాలెట్‌ ద్వారా ఓటు వేసేందుకు సౌకర్యం కల్పించామన్నారు. బహిరంగ సభలు, ర్యాలీలు, ఊరేగింపులు, లౌడ్‌ స్పీకర్ల వినియోగం, ప్రచార వాహనాలు, వేదికలు, పందిళ్లు, బ్యానర్లు, హోర్డింగ్‌లు, పోస్టర్లు తదితర కార్యక్రమాలకు సంబంధిత పోలీసు, ట్రాఫిక్‌, మున్సిపల్‌ లేదా ఇతర శాఖల అనుమతులు అవసరమైన సందర్భాల్లో అభ్యర్థులు లేదా వారి అధీకృత ప్రతినిధులు ముందస్తు అనుమతి పొందాలన్నారు. ఒంగోలు నగరపాలక సంస్థ కార్యాలయంలోని టౌన్‌ ప్లానింగ్‌ విభాగంలో ఎన్నికల సహాయ కేంద్రం పనిచేస్తుందని, ఉదయం 8 గంటల నుంచి రాత్రి 10 గంటల వరకు రెండు షిఫ్టుల్లో ప్రజలకు, రాజకీయ పార్టీలకు, అభ్యర్థులకు సహాయం అందిస్తుందన్నారు. అసిస్టెంట్‌ సిటీ ప్లానర్‌ వివేకానంద నోడల్‌ అధికారిగా వ్యవహరిస్తారన్నారు. సమావేశంలో అసిస్టెంట్‌ కమిషనర్‌ పెరుగు నగేష్‌, ఏసీపీ వివేకానంద్‌, ఎంఈ యేశయ్య ఉన్నారు. మాట్లాడుతున్న ఒంగోలు నగర కమిషనర్‌ వెంకట కృష్ణయ్య, ఇతర మున్సిపల్‌ అధికారులు మేయర్‌తో పాటు 59 మంది కార్పొరేటర్లకు ఎన్నికలు వివరాలు వెల్లడించిన అదనపు ఎన్నికల అధికారి, ఒంగోలు నరగ కమిషనర్‌ వెంకట కృష్ణయ్య

అద్దంకి: గండ్లకమ్మలో దూకి వృద్ధురాలు ఆత్మహత్య చేసుకుంది. ఈ ఘటన మండలంలోని అద్దంకి–దర్శి రహదారిలో మంగళవారం జరిగింది. వివరాల్లోకి వెళితే.. మండలంలోని తిమ్మాయపాలెం గ్రామానికి చెందిన చెక్కా నాగేంద్ర(75) అనారోగ్యంతో బాధపడుతుంది. ఎన్ని మందులు వాడినా తగ్గకపోవడంతో మనస్తాపానికి గురై తాను ఈ రోగంతో బతకలేకపోతున్నానని విషయాన్ని కుమార్తెకు చెప్పింది. ఈ క్రమంలో ఇంట్లో ఎవ్వరూ లేని సమయంలో గ్రామ సమీపంలోని గుండ్లకమ్మ నదిలో దూకి ఆత్మహత్య చేసుకుంది. మృతురాలికి కుమారుడు, కుమార్తె ఉన్నారు. బంధువుల ఫిర్యాదు మేరకు పోలీసులు కేసు నమోదు చేసి, మృతదేహాన్ని పోస్టుమార్టం నిమిత్తం అద్దంకి ప్రభుత్వ వైద్యశాలకు తరలించారు. కంభం: పంటకాల్వలో పడి గుర్తు తెలియని వ్యక్తి మృతి చెందాడు. ఈ సంఘటన మంగళవారం ఉదయం జరిగింది. వివరాల్లోకి వెళితే..బస్టాండ్‌ వెనుక వైపు ఉన్న ఇరిగేషన్‌ కాలువలో ఓ గుర్తుతెలియని వ్యక్తి మృతదేహాన్ని స్థానికులు గుర్తించి పోలీసులకు సమాచారం ఇచ్చారు. సంఘటనా స్థలానికి చేరుకున్న ఎస్సై శివక్రిష్ణారెడ్డి మృతదేహాన్ని బయటకు తీసి ప్రభుత్వ వైద్యశాలకు తరలించారు. మృతుని శరీరంపై చొక్కా లేదు. సుమారు 35 నుంచి 40 ఏళ్ల వయసుంటుందని, మృతుడు బస్టాండ్‌ పరిసరాల్లో మద్యం సేవిస్తూ తిరుగుతుండేవాడని స్థానికులు చెబుతున్నారు. మార్కాపురం: ఉమ్మడి ప్రకాశంజిల్లా స్థాయిలో నిర్వహించిన స్కూల్‌ గేమ్‌ ఫెడరేషన్‌ పోటీల్లో జిమ్నాస్టిక్‌ విభాగంలో మార్కాపురం జెడ్పీ బాలికోన్నత పాఠశాల విద్యార్థులు రాష్ట్రస్థాయి పోటీలకు ఎంపికై నట్లు ఫిజికల్‌ డైరెక్టర్‌ జాహ్నవి, పీఈటీ రోహిణి తెలిపారు. అండర్‌ 14 విభాగంలో మణి, అమూల్య, అండర్‌ 17 విభాగంలో అనూష, మహేశ్వరి, శ్రీవిద్య ఎంపికై నట్లు తెలిపారు. వీరిని హెచ్‌ఎం శ్రీదేవి, ఇన్‌చార్జి విజయభారతి అభినందించారు. కంభం: చైన్నెలో జరిగిన రోడ్డు ప్రమాదంలో కంభం పట్టణానికి చెందిన యువకుడు మృతి చెందాడు. వివరాల్లోకి వెళితే.. పట్టణానికి చెందిన సయ్యద్‌ ఉబేదుల్లా (19) చైన్నెలో బీటెక్‌ చదువుతున్నాడు. సోమవారం రాత్రి ద్విచక్రవాహనంపై వెళ్తుండగా రోడ్డు ప్రమాదం జరిగి మృతి చెందినట్లు తెలిసింది. మృతదేహాన్ని కంభం తీసుకుచ్చేందుకు కుటుంబసభ్యులు, బంధువులు బయలుదేరి వెళ్లారు.

మార్కాపురం అర్బన్‌: జనసేన పార్టీ నుంచి సుమారు 350 కుటుంబాలు వైఎస్సార్‌ సీపీలో చేరాయి. స్థానిక కంభం రోడ్డులోని ఆంజనేయస్వామి గుడి వద్ద ఏర్పాటు చేసిన కార్యక్రమంలో మాజీ ఎమ్మెల్యే, పార్టీ ఇన్‌చార్జి అన్నా రాంబాబు సమక్షంలో బొందిలి కాశీరాంసింగ్‌ నాయకత్వంలో పార్టీలో చేరారు. ఈ సందర్భంగా అన్నా రాంబాబు మాట్లాడుతూ వైఎస్సార్‌ సీపీ ప్రజల పార్టీ, అందుకే ఇంత పెద్ద సంఖ్యలో చేరారన్నారు. సుమారు 350 కుటుంబాల పార్టీలో చేరడం కూటమి ప్రభుత్వానికి కాలం చెల్లే సమయం ఆసన్నమైందన్నారు. కూటమి ప్రభుత్వం అరాచక పాలనను భరించలేకనే వైఎస్సార్‌ సీపీలో చేరినట్లు బొందిలి కాశీరాంసింగ్‌ తెలిపారు. గత ముఖ్యమంత్రి వైఎస్‌ జగన్‌మోహన్‌రెడ్డి అమలు చేసిన సంక్షేమ పథకాలతో లబ్ధి పొందని కుటుంబం లేదన్నారు. కూటమి ప్రభుత్వం ఎన్నికల సమయంలో ఇచ్చిన ఒక్క హామీని అమలు చేయలేదన్నారు. కార్యక్రమంలో పార్టీ నెల్లూరు పార్లమెంట్‌ పరిశీలకుడు, మాజీ ఎమ్మెల్యే జంకె వెంకటరెడ్డి, పట్టణ అధ్యక్షుడు షేక్‌ సలీమ్‌, చైర్మన్‌ అభ్యర్థి డాక్టర్‌ చప్పల్లి కనకదుర్గ, వార్డుల అభ్యర్థులు, కార్యకర్తలు, అభిమానులు పెద్ద సంఖ్యలో పాల్గొన్నారు.

మార్కాపురం టౌన్‌: మున్సిపల్‌ ఎన్నికల విధుల్లో సిబ్బంది అప్రమత్తంగా ఉండి ఎన్నికలను ప్రశాంతంగా నిర్వహించాలని కలెక్టర్‌ ఎం విజయ సునీత అన్నారు. ఎన్నికలను పురస్కరించుకుని పోలింగ్‌ ప్రక్రియపై స్థానిక శ్రీనివాస ఫంక్షన్‌ హాలులో సిబ్బందికి మంగళవారం ప్రత్యేక శిక్షణ నిర్వహించారు. ఈ సందర్భంగా ఆమె మాట్లాడుతూ పోలింగ్‌ రోజున స్టేషన్‌ స్థాయిలో అధికారులు నిర్వహించాల్సిన బాధ్యతలపై స్పష్టమైన అవగాహన కలిగి ఉండాలని సూచించారు. ఎన్నికల సంఘం నిబంధనలను కచ్చితంగా పాటిస్తూ, ఎటువంటి పొరపాట్లకు తావులేకుండా నిష్పక్షపాతంగా విధులు నిర్వహించాలన్నారు. మోడల్‌ కోడ్‌ ఆఫ్‌ కండక్ట్‌, ఈవీఎంల వినియోగం, మాక్‌ పోల్‌ నిర్వహణ, వివిధ రకాల నమోదు ఫారాల భర్తీ ప్రక్రియలను క్షుణ్ణంగా తెలుసుకోవాలని అధికారులను ఆదేశించారు. జాయింట్‌ కలెక్టర్‌ పి. శ్రీనివాసులు మాట్లాడుతూ పోలింగ్‌ కేంద్రాల్లో ఎలాంటి సమస్యలు ఎదురైనా తక్షణమే ఉన్నతాధికారులకు సమాచారం అందించి సమర్థవంతంగా పరిష్కరించుకోవాలన్నారు. శిక్షణలో 444 మంది ప్రిసైడింగ్‌ అధికారులు, ఇతర పోలింగ్‌ అధికారులు పాల్గొన్నారు. శిక్షణలో భాగంగా సందేహాలను నివృత్తి చేస్తూ అధికారులకు అవగాహన కల్పించారు. కార్యక్రమంలో మార్కాపురం నగర మున్సిపల్‌ కమిషనర్‌ నారాయణ పాల్గొన్నారు.

నాగులుప్పలపాడు: మానవ మృగం చేతిలో బలైన చిన్నారి అంత్యక్రియలు స్వగ్రామంలో పూర్తయ్యాయి. ఆదివారం రాత్రి జరిగిన ఘటన అనంతరం చిన్నారి మృతదేహాన్ని సోమవారం పోస్టుమార్టం నిమిత్తం ఒంగోలు జీజీహెచ్‌కు తరలించారు. చిన్నారి తల్లిదండ్రులు హైదరాబాద్‌ నుంచి రావడం ఆలస్యం కావడంతో సోమవారం రాత్రి చిన్నారి మృతదేహనికి పోస్టుమార్టం పూర్తి చేసి తల్లిదండ్రులకు మృతదేహాన్ని అప్పగించారు. అనంతరం బాలిక స్వగ్రామంలో మంగళవారం ఉదయం బంధువులు, తల్లిదండ్రుల ఆర్తనాదాల నడుమ అంత్యక్రియలు పూర్తయ్యాయి. బాధిత కుటుంబానికి బాలల హక్కుల కమిషన్‌ పరామర్శ బాధిత కుటుంబసభ్యులను రాష్ట్ర బాలల హక్కుల పరిరక్షణ కమిషన్‌ సభ్యుడు వి. గాంధీబాబు పరామర్శించారు. జరిగిన ఘటనపై విచారం వ్యక్తం చేసి కుటుంబసభ్యులను ఓదార్చారు. ఈ సందర్భంగా గాంధీబాబు మాట్లాతూ ఇలాంటి ఘటన జరగడం అత్యంత దురదృష్టకరమన్నారు. ఈ ఘటనపై అన్ని కోణాల్లో సమగ్ర దర్యాప్తు చేస్తున్నామని అన్ని సాక్ష్యాధారాలను ప్రభుత్వానికి అందజేసి నిందితుడికి తగిన శిక్ష వేసేలా త్వరితగతిన చర్యలు చేపట్టనున్నట్లు తెలిపారు. పరామర్శించిన వారిలో జిల్లా మహిళా శిశు సంక్షేమ శాఖ పీడీ పద్మ సునంద, డీసీపీ దినేష్‌ కుమార్‌ తెలిపారు. నిందితుడి పరిస్థితి విషమం కేసులో ప్రధాన నిందితుడు అజ్జం ఆనంద్‌ ఆరోగ్య పరిస్థితి విషమంగా ఉన్నట్లు సమాచారం. చిన్నారిపై అఘాయిత్యం చేసి చంపివేసిన అనంతరం పారిపోయేందుకు ప్రయత్నించిన క్రమంలో గ్రామస్తులు పట్టుకొని దేహశుద్ధి చేసి పోలీసులకు అప్పగించారు. అయితే ఆ సమయంలో నిందితుడు తీవ్ర గాయాలతో ఉండటంతో పోలీసులు ఒంగోలు ప్రభుత్వాసుపత్రికి తరలించారు. అక్కడ చికిత్స పొందుతున్న నిందితుడి పల్స్‌ రేటు 30కి పడిపోయినట్లు తెలిసింది.

● కలెక్టర్‌ రాజాబాబు ఒంగోలు సిటీ: ఓట్ల లెక్కింపునకు పకడ్బందీగా ఏర్పాట్లు చేయాలని కలెక్టర్‌ పి.రాజాబాబు అధికారులను ఆదేశించారు. ఒంగోలు మున్సిపల్‌ కార్పొరేషన్‌ ఎన్నికల ఓట్ల లెక్కింపు కేంద్రమైన నగర శివారులోని రైజ్‌ ఇంజినీరింగ్‌ కాలేజీని ఎస్పీ వి.హర్షవర్ధన్‌రాజు, జాయింట్‌ కలెక్టర్‌ కల్పనా కుమారితో కలిసి సోమవారం కలెక్టర్‌ పరిశీలించారు. కౌంటింగ్‌ కోసం చేస్తున్న ఏర్పాట్ల గురించి అధికారులను అడిగి తెలుసుకున్నారు. ఓట్ల లెక్కింపు విధుల్లో పాల్గొనే సిబ్బందికి ఇచ్చిన శిక్షణపై ఆరా తీశారు. కౌంటింగ్‌ కోసం టేబుళ్ల ఏర్పాటు, కేటగిరీల వారీగా పేపర్లను వేరుచేసి 25 చొప్పున కట్టలు కట్టడం, ఓటు వేసిన వారి సంఖ్యతో వాటిని సరిపోల్చడం, లెక్కింపు సమయంలో తీసుకోవాల్సిన జాగ్రత్తలు, కౌంటింగ్‌ హాలులో సరిపడినంత వెలుతురు, సీసీ టీవీల ఏర్పాటు, హాల్లోకి అధికారులు, ఏజెంట్లకు వేరువేరుగా ప్రవేశ మార్గాల ఏర్పాటు, తదితర అంశాలపై కలెక్టర్‌ ఆరా తీశారు. ఎన్నికల సంఘం నిర్దేశించిన నిబంధనల మేరకు ఈ మొత్తం ప్రక్రియ ఉండాలని స్పష్టం చేశారు. ఈ ప్రాంగణంలో భద్రతాపరంగా చేపట్టాల్సిన ఏర్పాట్లపై కూడా అధికారులతో కలెక్టర్‌, ఎస్పీ, జేసీ చర్చించారు. కాగా, కందుకూరు, కొండపి నియోజకవర్గాల్లోని ఎంపీటీసీ, జెడ్పీటీసీ ఓట్ల లెక్కింపు కేంద్రాలను కూడా ఈ కాలేజీ ప్రాంగణంలోనే ఏర్పాటు చేసే అవకాశాన్ని కూడా వారు పరిశీలించారు. కలెక్టర్‌ వెంట అర్బన్‌ ఎలక్షన్స్‌ నోడల్‌ అధికారి వెంకటేశ్వరరావు, జెడ్పీ సీఈవో చిరంజీవి, ఒంగోలు, అద్దంకి, చీమకుర్తి మున్సిపాలిటీల ఆర్వోలు, ఇతర అధికారులు పాల్గొన్నారు.

● రాష్ట్ర స్థాయికి 50 మంది విద్యార్థులు ఎంపిక యర్రగొండపాలెం: స్కూల్‌ గేమ్స్‌ ఫెడరేషన్‌ ఆఫ్‌ ఇండియా (ఎస్‌జీపీఐ) ఆధ్వర్యంలో మార్కాపురంలో నిర్వహించిన జిల్లా స్థాయి అథ్లెటిక్స్‌ ఎంపికలో గణపవరం ఏపీఆర్‌ఎస్‌ విద్యార్థులు ప్రభజనం సృష్టించారు. ఈ గురుకుల పాఠశాల నుంచి 50 మందికి పైగా రాష్ట్ర స్థాయి అథ్లెటిక్స్‌ పోటీలకు ఎంపికై నట్లు ఆ పాఠశాల ప్రిన్సిపాల్‌ గంటా మోహన్‌రెడ్డి, పీఈటీ వై.డేవిడ్‌రాజు సోమవారం తెలిపారు. అండర్‌ 14 విభాగంలో పి.హరీశ్వర్‌రెడ్డి 600, 400 మీటర్ల రన్నింగ్‌లో ప్రథమ స్థానం, బి.శర్మ హైజంప్‌, టి.బాలాజి షాట్‌పుట్‌లో ప్రథమ స్థానం, జి.అమర్‌ 80 మీటర్ల హర్డిల్‌లో, వి.రామకృష్ణ లాంగ్‌ జంప్‌లో ద్వితీయ స్థానం సాధించారు. అండర్‌ 17 విభాగంలో వి.శివప్రసాద్‌ 800 మీటర్ల రన్నింగ్‌, 400 మీటర్ల హార్డిల్‌, 3 కేఎం రన్నింగ్‌లలో, 4్ఠ400 మీటర్ల రిలేలో ప్రథమ స్థానం, టి.సాయిబాలాజీ 100, 200 మీటర్ల రన్నింగ్‌, లాంగ్‌ జంప్‌లలో ద్వితీయ స్థానం, బి.కిషోర్‌ నాయక్‌ హైజంప్‌, ట్రిపుల్‌ జంప్‌లలో ప్రథమ స్ధానం, ఎం.పవన్‌కుమార్‌రెడ్డి జావలిన్‌ త్రోలో ప్రథమ స్థానం, బి.రోహిత్‌ కుమార్‌ 100 మీటర్ల హార్డిల్స్‌లో ప్రథమ స్థానం, వై.వీర వెంకటేశ్వర్లు 100 మీటర్ల హార్డిల్స్‌లో ద్వితీయ, బి.వి.యస్‌.మణికంఠ నాయుడు 5కేఎం రేస్‌ వాక్‌లో ప్రథమ, డి.శివాజి 5 కేఎం రేస్‌వాక్‌లో ద్వితీయ, ఐ.వివేక్‌ జావలిన్‌ త్రోలో ద్వితీయ, వి.హనుమా మహేష్‌ 400 మీటర్ల రన్నింగ్‌లో ద్వితీయ, వి.మహేష్‌ డిస్కస్‌ త్రోలో ప్రథమ స్థానం సాధించారు. అండర్‌ 19 విభాగంలో 400 మీటర్ల రన్నింగ్‌లో ప్రథమ, యం.శివచరణ్‌ ద్వితీయ, హార్డిల్‌లో ప్రథమ, సీహెచ్‌ వెంకటకోటిరెడ్డి 800 మీటర్ల రన్నింగ్‌లో ప్రథమ, 110 మీటర్ల హార్డిల్‌లో ద్వితీయ, కె.యశ్వంత్‌రెడ్డి జావలిన్‌ త్రోలో ప్రథమ, జెడ్‌.డేవిడ్‌ హేమర్‌త్రోలో ప్రథమ, సి.తేజేశ్వర్‌ నాయుడు జావలిన్‌ త్రోలో ద్వితీయ, బి.కార్తికేయ 5 కేఎం రేస్‌వాక్‌లో ప్రథమ, డి.నాసర్‌వలి హైజంప్‌లో ప్రథమ, ఎ.సాయికుమార్‌ 400 మీటర్ల హార్డిల్‌లో ద్వితీయ, అర్‌.అనిల్‌ కుమార్‌ లాంగ్‌జంప్‌లో ద్వితీయ, జె.కార్తిక్‌ క్రాస్‌ కంట్రిలో ప్రథమ, ఎం.ప్రేంచంద్‌ ద్వితీయ స్థానాలు సాధించారు. వీరితో పాటు మరికొంతమంది విద్యార్థులు రాష్ట్ర స్థాయి పోటీలకు ఎంపికై నట్లు వారు తెలిపారు.

● ఎస్పీ హర్షవర్థన్‌రాజు పిలుపు ఒంగోలు టౌన్‌: ప్రతిఒక్కరూ రామాయణం స్ఫూర్తితో కుటుంబ, మానవతా విలువలు పెంపొందించుకోవాలని ఎస్పీ హర్షవర్థన్‌రాజు పిలుపునిచ్చారు. సోమవారం వాల్మీకి మహర్షి జయంతి వేడుకలను స్థానిక జిల్లా పోలీసు కార్యాలయంలో ఘనంగా నిర్వహించారు. వాల్మీకి మహర్షి చిత్రపటానికి పూలమాలలు వేసి నివాళులర్పించారు. ఈ సందర్భంగా ఎస్పీ మాట్లాడుతూ.. ఉన్నతమైన ఆదర్శాలను బోధించే రామాయణాన్ని రచించిన వాల్మీకి మహర్షి.. యుగాలు మారినా స్ఫూర్తిగా నిలిచారని కొనియాడారు. స్వార్థ చింతన వీడి సన్మార్గంలో నడవడమే ఆయనకు ఇచ్చే నిజమైన నివాళి అవుతుందన్నారు. కార్యక్రమంలో ఏఎస్పీ (అడ్మిన్‌) యుగంధర్‌బాబు, ఏఆర్‌ డీఎస్పీ శ్రీనివాసరావు, ఎస్బీ సీఐ శ్రీనివాసరావు, ఆర్‌ఐ సీతారామిరెడ్డి, రమణారెడ్డి పాల్గొన్నారు.

ఒంగోలు సిటీ: కార్పొరేషన్‌ ఎన్నికల్లో మేయర్‌గా తనకు, వైఎస్సార్‌ సీపీ కార్పొరేటర్‌ అభ్యర్థులకు ఓటేసి గెలిపిస్తే సమస్యల పరిష్కారానికి తన వంతు కృషి చేస్తానని వైఎస్సార్‌ సీపీ ఒంగోలు మేయర్‌ అభ్యర్థి కుప్పం ప్రసాద్‌ అన్నారు. స్థానిక 61వ డివిజన్‌ నెహ్రూ కాలనీ, 11వ డివిజన్‌ పులి వెంకటరెడ్డి కాలనీ, రాజీవ్‌ గృహకల్ప, ఇందిరమ్మ కాలనీల్లో శనివారం ఆయన పర్యటించారు. ఇంటింటికీ తిరుగుతూ ఓట్లు అభ్యర్థించారు. ఈ సందర్భంగా స్థానికులు తమ సమస్యలను ఆయన దృష్టికి తీసుకొచ్చారు. గత ప్రభుత్వ హయాంలో మంజూరైన 560 ఇళ్ల స్థలాల పట్టాలను ప్రస్తుత ప్రభుత్వం నిలిపేసిందని, కాలనీలోని యానాదుల కుటుంబాలు ఇళ్లు, స్థలాలు లేక తీవ్ర ఇబ్బందులు పడుతున్నాయని పులివెంకటరెడ్డి కాలనీ వాసులు ఆవేదన వ్యక్తం చేశారు. విద్యుత్‌ స్తంభం లేదనే కారణంతో తన గుడిసెకు కరెంటు సరఫరా చేయడం లేదంటూ మల్లవరపు రమణమ్మ తన బాధను వెళ్లబోసుకున్నారు. రహదారుల దుస్థితి, ప్రభుత్వ పథకాలు అందకపోవడం వంటి సమస్యలను స్థానికులు ప్రస్తావించారు. ఈ సందర్భంగా కుప్పం ప్రసాద్‌ మాట్లాడుతూ ప్రజల సమస్యలను ప్రత్యక్షంగా తెలుసుకునేందుకే గడపగడపకూ వెళ్తున్నామన్నారు. కాలనీవాసులు ఎదుర్కొంటున్న ఇళ్ల స్థలాలు, విద్యుత్‌, రహదారులు, సంక్షేమ పథకాల సమస్యలను గుర్తించామని, ప్రజల కష్టాలను పరిష్కరించేందుకు కృషి చేస్తామన్నారు. వైఎస్సార్‌ సీపీ అభ్యర్థులను ఫ్యాన్‌ గుర్తుపై ఓటు వేసి గెలిపించాలని, 11వ డివిజన్‌ అభ్యర్థి మరపాల స్వాతిని కూడా ఆదరించాలని కోరారు. కాలనీవాసుల సమస్యలు విన్న కుప్పం ప్రసాద్‌ వారికి అండగా ఉంటానని భరోసా ఇచ్చారు. కార్యక్రమంలో నియోజకవర్గ ఇన్‌చార్జి చుండూరి రవిబాబు, కార్పొరేటర్‌ అభ్యర్థి నాగమణి, వైఎస్సార్‌ సీపీ ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి, ఒంగోలు అసెంబ్లీ పరిశీలకుడు వై.వెంకటేశ్వర్లు, మరపాల పూర్ణచంద్రరెడ్డి, యరజర్ల రమేష్‌ తదితరులు పాల్గొన్నారు.

సాక్షి టాస్క్‌ఫోర్స్‌: ఎంపీటీసీ ఎన్నికల్లో అభ్యర్థుల రిజర్వేషన్లను జిల్లా ఎన్నికల అధికారి ఖరారు చేశారు. అందులో కురిచేడు, కురిచేడు దక్షిణం అన్‌రిజర్వుడు మహిళ, కురిచేడు ఉత్తరంను బీసీ మహిళకు కేటాయించారు. కానీ మండల ఎన్నికల అధికారి కురిచేడు దక్షిణం స్థానంలో బీసీ మహిళలతో నామినేషన్లు వేయించినట్లు సమాచారం. దీంతో అభ్యర్థుల నామినేషన్లు చెల్లకుండా పోయాయని కొందరు, కొందరు కూటమి నాయకులను సైతం మోసం చేశారని వారిలో వారే తిట్లపురాణం అందుకున్నారు. కొందరు కూటమి అభ్యర్థులతో అప్పటికప్పుడు నామినేషన్లు మార్చి వేయించి తన స్వామి భక్తిని చాటుకున్నారు.

ఎన్నికలంటే ప్రజల తీర్పు.. కానీ ఉమ్మడి జిల్లాలో మాత్రం బెదిరింపులు, అరెస్టులు, అక్రమ కేసుల భయమే రాజ్యమేలుతోంది. అధికార టీడీపీ నేతల దౌర్జన్యాలకు పోలీసు బలం తోడైంది. ప్రత్యర్థులు నామినేషన్లు వేయకూడదు.. వేసినవారు బరిలో నిలవకూడదు.. నిలిస్తే కేసులతో వేధించాలి.. ఇదే లక్ష్యంగా పచ్చ నేతలు, ఖాకీలు కలిసి ప్రతిపక్ష అభ్యర్థులపై విరుచుకుపడుతున్నారు. అర్ధరాత్రి అరెస్టులు.. నామినేషన్ల ఉపసంహరణకు బెదిరింపులు.. కుటుంబ సభ్యులపైనా ఒత్తిళ్లు.. వెరసి ఎన్నికల ప్రక్రియను భయోత్పాతంగా మార్చేశారు. ప్రజాబలంతో గెలవాల్సిన చోట పోలీసు బలాన్ని ప్రయోగించి ప్రత్యర్థులను భయపెడుతున్నారు. ప్రజాస్వామ్యానికి రక్షకులుగా ఉండాల్సిన ఖాకీలే రాజకీయ పక్షపాతానికి పాల్పడడం వ్యవస్థకే సిగ్గుచేటని ప్రజాస్వామ్యవాదులు మండిపడుతున్నారు. పచ్చపచ్చ ఖాకీ..జులుం జోడీ!

కందుకూరు: కందుకూరు మండలం బడేవారిపాలేనికి చెందిన వైఎస్సార్‌ సీపీ నాయకుడు ఇంటూరి హరిబాబును అక్రమంగా అరెస్టు చేశారని, ఆయన్ను వెంటనే విడుదల చేయాలని డిమాండ్‌ చేస్తూ ఆయన సతీమణి భారతితో పాటు, మరికొందరు మహిళలు సోమవారం రాత్రి డీఎస్పీ కార్యాలయం వద్ద ఆందోళనకు దిగారు. హరిబాబును అక్రమంగా అరెస్టు చేశారని మహిళలు మండిపడ్డారు. వెంటనే విడుదల చేయాలని వారు డీఎస్పీని కోరారు. వైఎస్సార్‌ సీపీ ఎంపీటీసీ అభ్యర్థి సుధాకర్‌ని తీసుకొస్తేనే హరిబాబును విడుదల చేస్తామని స్వయంగా డీఎస్పీ చెప్పడంపై మహిళలు ఆగ్రహం వ్యక్తం చేస్తున్నారు. గ్రామానికి చెందిన వ్యక్తి ఎంపీటీసీగా నామినేషన్‌ వేస్తే హరిబాబుకు ఏం సంబంధం అని ప్రశ్నించారు. ఏ కేసులో అరెస్టు చేశారో కూడా చెప్పకుండా వేధించడం సరైన విధానం కాదని, పోలీసులు బేషరతుగా హరిబాబును విడుదల చేయాలంటూ ఆందోళనకు దిగారు.

కందుకూరు: ఎమ్మెల్యే ఇంటూరి నాగేశ్వరరావు ఆధ్వర్యంలో కందుకూరులో ఏ విధమైన అరాచకపాలన నడుస్తోందో ఎంపీటీసీ, జెడ్పీటీసీ ఎన్నికల ప్రక్రియ జరుగుతున్న తీరును గమనిస్తే అర్థమవుతోందని వైఎస్సార్‌ సీపీ నియోజకవర్గ ఇన్‌చార్జి, మాజీ ఎమ్మెల్యే బుర్రా మధుసూదన్‌యాదవ్‌ అన్నారు. వైఎస్సార్‌ సీపీ నాయకులతో కలిసి సోమవారం డీఎస్పీ బాలసుబ్రహ్మణ్యంను కలిసిన అనంతరం విలేకరులతో బుర్రా మాట్లాడారు. నియోజకవర్గంలోని ఐదు మండలాల్లో వైఎస్సార్‌ సీపీ తరఫున పోటీ చేస్తున్న ఎంపీటీసీ, జెడ్పీటీసీ అభ్యర్థులను నామినేషన్‌లు ఉపసంహరించుకోవాలంటూ అధికార పార్టీ నాయకులు, పోలీసులు పెద్ద ఎత్తున బెదిరింపులకు దిగుతున్నారని ఆందోళన వ్యక్తం చేశారు. డబ్బులిస్తామని, ఒప్పుకోకపోతే ఏదో ఒక కేసుపెట్టి లోపలేస్తామని, కుటుంబ సభ్యులను ఇబ్బంది పెడతామంటూ అనేక రకాలుగా పోలీసులు వేధిస్తున్నారని మండిపడ్డారు. స్వయంగా పోలీసులే ఫోన్‌లు చేసి పోటీలో ఉన్న అభ్యర్థులను బెదిరించడం ఏ ప్రజాస్వామ్యమో అర్థం కావడం లేదన్నారు. అదేమంటే కందుకూరులో బుర్రా రౌడీయిజం చేస్తున్నాడని ఎమ్మెల్యే మాట్లాడుతున్నాడని, అతని రౌడీయిజం ముందు తన రౌడీయిజం ఎంతంటూ ఎద్దేవా చేశారు. బుర్రా మధుసూదన్‌ అనే వ్యక్తి ఇక్కడ నిలబడి ఈ మాత్రమైనా మాట్లాడుతున్నందువలనే కాస్త అదుపులో ఉన్నారని, లేకుంటే టీడీపీ, ఇంటూరి అరాచకాలు ఏ స్థాయిలో ఉండేవో ఊహించడం కూడా కష్టమేనని బుర్రా అన్నారు. నిజంగా నువ్వు భయపడకపోతే పోలీసులను, గూండాలను, గంజాయి బ్యాచ్‌ను పెట్టుకుని ఎందుకు ఎన్నికలు చేస్తున్నావంటూ ఎమ్మెల్యేని ప్రశ్నించారు. అభివృద్ధి చేశానని చెబున్నావు కదా.. అభివృద్ధిని ప్రజలకు వివరించి ఓట్లు అడుగు అంటూ హితవు పలికారు. ఎటువంటి ఆరాచకాలకు తావులేకుండా సక్రమంగా ఎన్నికలు చేసుకోవాలని పదేపదే చెబుతున్నా పట్టించుకోకుండా నీచస్థాయికి దిగజారి ఎన్నికల్లో గెలుపుకోసం అరాచరాలు చేస్తున్నావంటూ ఎమ్మెల్యేపై బుర్రా ధ్వజమెత్తారు. అవినీతిలో కూరుకుపోయి ప్రజల వద్దకు వెళ్లే ధైర్యం లేక రౌడీయిజానికి దిగావంటూ తీవ్ర స్థాయిలో ఆగ్రహం వ్యక్తం చేశారు. విత్‌డ్రా చేసుకోమని ఒత్తిడి చేస్తున్నారు... నామినేషన్‌ విత్‌డ్రా చేసుకోవాలంటూ అధికార పార్టీ నాయకులు తీవ్రంగా ఒత్తిడి చేస్తున్నారని బడేవారిపాలెం ఎంపీటీసీ వైఎస్సార్‌ సీపీ అభ్యర్థి ఉన్నం సుధాకర్‌ కుమారుడు వెంకట్రావ్‌ అన్నారు. అందుకు భయపడి తన తండ్రిని సీక్రెట్‌గా ఉంచామన్నారు. ఈ విషయం పోలీసులకు చెప్పి వీడియో కాల్‌లో తన తండ్రితో మాట్లాడిస్తామన్నా పోలీసులు ఒప్పుకోవడం లేదన్నారు. తన తండ్రిని తీసుకురావాలంటూ గ్రామస్తులను పోలీసులు బెదిరిస్తున్నారన్నారు. గ్రామస్తులను ఇబ్బంది పెట్టవద్దని విజ్ఞప్తి చేశారు. తన తండ్రిని తానే తీసుకువస్తానని పోలీసులకు హామీ ఇచ్చినట్లు తెలిపారు. అలాగే ఎన్నికల కమిషన్‌కు కూడా దీనిపై మెయిల్‌ చేశానని, స్పందించి చర్యలు తీసుకోవాలని డిమాండ్‌ చేశారు. అరాచక పాలనలో ఉన్నాం... ఎంపీటీసీ అభ్యర్థిగా నామినేషన్‌ వేసిన సుధాకర్‌ ఆచూకీ చెప్పమని బెదిరిస్తూ తన భర్తను పోలీసులు అదుపులోకి తీసుకున్నారని జెడ్పీటీసీ మాజీ సభ్యురాలు ఇంటూరి భారతి పోలీసుల తీరుపై తీవ్రస్థాయిలో ఆగ్రహం వ్యక్తం చేశారు. అసలు ప్రజాస్వామ్యంలో ఉన్నామా.. అరాచక పాలనలో ఉన్నామో కూడా అర్థం కావడం లేదన్నారు. దీనిపై డీఎస్పీని కలిస్తే ఆయన స్పందన సరిగా లేదని ఆవేదన వ్యక్తం చేశారు. ఇటువంటి అరాచకాలను ప్రజలు గమనిస్తున్నారని, ఓటుతో కూటమి ప్రభుత్వానికి గుణపాఠం చెబుతారని హెచ్చరించారు. నామినేషన్ల ఉససంహరణ కోసం వైఎస్సార్‌ సీపీ అభ్యర్థులను బెదిరిస్తున్నారు దమ్ముంటే ఎన్నికలను సక్రమంగా నిర్వహించి ఎమ్మెల్యే ఇంటూరి గెలవాలి అరాచకాలపై జిల్లా ఎన్నికల అధికారులు స్పందించి చర్యలు తీసుకోవాలి వైఎస్సార్‌ సీపీ కందుకూరు నియోజకవర్గ ఇన్‌చార్జి బుర్రా మధుసూదన్‌యాదవ్‌

కూటమి పాలనలో..చీమకుర్తి రూరల్‌: కూటమి ప్రభుత్వ పాలనలో సామా న్యుడు బతకలేని పరిస్థితి నెలకొందని, బియ్యం ధరల నుంచి నిత్యావసర సరుకుల ధరల వరకూ భారీగా పెరిగి పేదలు మూడు పూటలా అన్నం తినలేని దుస్థితి ఏర్పడిందని వైఎస్సార్‌ సీపీ జిల్లా అధ్యక్షుడు, దర్శి ఎమ్మెల్యే బూచేపల్లి శివప్రసాద్‌రెడ్డి ఆగ్రహం వ్యక్తం చేశారు. గత వైఎస్సార్‌ సీపీ ప్రభుత్వంలో ఆనాటి సీఎం వైఎస్‌ జగన్‌మోహన్‌రెడ్డి కనీవినీ ఎరుగని రీతిలో సంక్షేమ పథకాలు అమలు చేసి అభివృద్ధి పనులు పూర్తిచేసి సుపరిపాలన అందించారని గుర్తుచేశారు. ప్రజలంతా గమనించి స్థానిక సంస్థల ఎన్నికల్లో ఫ్యాన్‌ గుర్తుకు ఓటేసి వైఎస్సార్‌ సీపీ తరఫున పోటీచేస్తున్న అభ్యర్థులను గెలిపించాలని, తద్వారా చంద్రబాబు ప్రభుత్వానికి గుణపాఠం చెప్పాలని పిలుపునిచ్చారు. వైఎస్సార్‌ సీపీ సీఈసీ సభ్యురాలు బూచేపల్లి వెంకాయమ్మ, సంతనూతలపాడు నియోజకవర్గ ఇన్‌చార్జి, మాజీ మంత్రి మేరుగు నాగార్జునతో కలిసి చీమకుర్తి మున్సిపాలిటీలోని పలు వార్డుల్లో సోమవారం కోలాహలంగా బూచేపల్లి శివప్రసాద్‌రెడ్డి ఎన్నికల ప్రచారం నిర్వహించారు. వైఎస్సార్‌ సీపీ చీమకుర్తి మున్సిపల్‌ చైర్మన్‌ అభ్యర్థి మేడగం శ్రీదేవి, 28 వార్డుల కౌన్సిలర్‌ అభ్యర్థులను గెలిపించాలని కోరారు. బూచేపల్లి, మేరుగు, మేడగం శ్రీదేవితో పాటు 21వ వార్డు కౌన్సిలర్‌ అభ్యర్థి చల్లా శ్రావణి, 22వ వార్డు కౌన్సిలర్‌ అభ్యర్థి నల్లబోలు మోహన్‌ దిన్నేపురంలో ఎన్నికల ప్రచారం నిర్వహించారు. స్థానిక ప్రజలు వారికి హారతులిచ్చి ఘనంగా స్వాగతం పలికారు. ఈ సందర్భంగా బూచేపల్లి శివప్రసాద్‌రెడ్డి మాట్లాడుతూ కూటమి ప్రభుత్వ దుర్మార్గపు పాలనపై ప్రజల నుంచి తీవ్రస్థాయిలో వ్యతిరేకత వస్తోందన్నారు. గత వైఎస్సార్‌ సీపీ ప్రభుత్వంలో నవరత్నాలలో భాగంగా పేదలకు సంక్షేమ పథకాలు అందించామని, ఎన్నికల్లో చెప్పిన వాటితో పాటు చెప్పనవి కూడా అమలు చేశామని వివరించారు. మున్సిపల్‌ ఎన్నికల్లో వైఎస్సార్‌ సీపీ అభ్యర్థులను ఆశీర్వదించాలని, మంచి పాలన అందిస్తామని ఓటర్లను కోరారు. చీమకుర్తిలో వైఎస్సార్‌ సీపీ గెలుపు ఖాయం : మేరుగు నాగార్జున ప్రజలంతా వైఎస్సార్‌ సీపీ వైపు ఉన్నారని, ప్రజల మద్దతుతో చీమకుర్తి మున్సిపాలిటీలో చైర్‌పర్సన్‌ అభ్యర్థి మేడగం శ్రీదేవితో పాటు 28 వార్డుల కౌన్సిలర్‌ అభ్యర్థుల గెలుపు ఖాయమని మేరుగు నాగార్జున అ న్నారు. వైఎస్సార్‌ సీపీ పాలనలో వైఎస్‌ జగన్‌మోహన్‌రెడ్డి అమలు చేసిన సంక్షేమ పథకాల గురించి ప్రజలకు గుర్తు చేస్తున్నారు. కరోనా వంటి విపత్కర పరిస్థి తుల్లోనూ రాష్ట్ర ప్రజలను జగనన్న ఏ విధంగా ఆదుకున్నారో వివరించారు. కూటమి పాలనలో రెండున్నరేళ్లు గా జరుగుతున్న అవినీతి, అక్రమాలపై ప్రజలకు అవగాహన కల్పించారు. మున్సిపల్‌ ఎన్నికల్లో ఫ్యాన్‌ గుర్తుకు ఓటేయాలని ఓటర్లను అభ్యర్థించారు. ప్రచారంలో వైఎస్సార్‌ సీపీ పట్టణ అధ్యక్షుడు కిష్టపాటి శేఖర్‌రెడ్డి, జెడ్పీటీసీ మాజీ సభ్యుడు వేమా శ్రీనివాసరావు, బీసీ సెల్‌ జిల్లా ప్రధాన కార్యదర్శి తెల్లమేకల గాంధీ, మాజీ కౌన్సిలర్లు కాజా మొద్దీన్‌, కాశయ్య, సోమా శేషాద్రి, కన్నెబోయిన సురేష్‌, ఆమదాలపల్లి రామబ్రహ్మం, నాయకులు సూది శ్రీను, మొగిలిచెట్టి వెంకటేశ్వర్లు, మంచ హరికృష్ణ, పాలడుగు సుబ్బు, గంగిరెడ్డి ఓబుల్‌రెడ్డి, గోపారపు ప్రసాదరెడ్డి, మేడగం హర్షిత్‌, రాజశేఖర్‌రెడ్డి, జంషీర్‌, బడే దశరథరామిరెడ్డి, కిష్టపాటి శ్రీనివాసరెడ్డి,శ్రీను,కార్యకర్తలు పాల్గొన్నారు. బియ్యం మొదలు.. నిత్యావసరాల ధరలన్నీ భారీగా పెరిగాయి మూడు పూటలా అన్నం తినేందుకు కూడా పేదలు అవస్థపడుతున్నారు గత వైఎస్సార్‌ సీపీ ప్రభుత్వంలో సుపరిపాలన అందించాం స్థానిక సంస్థల ఎన్నికల్లో ఫ్యాన్‌ గుర్తుకు ఓటేసి వైఎస్సార్‌ సీపీ అభ్యర్థులను గెలిపించండి మోసపూరిత చంద్రబాబు ప్రభుత్వానికి గుణపాఠం చెప్పండి వైఎస్సార్‌ సీపీ జిల్లా అధ్యక్షుడు, దర్శి ఎమ్మెల్యే బూచేపల్లి శివప్రసాద్‌రెడ్డి పిలుపు బూచేపల్లి వెంకాయమ్మ, మేరుగు నాగార్జున, అభ్యర్థులతో కలిసి చీమకుర్తి మున్సిపాలిటీలో ఎన్నికల ప్రచారం

● ఎస్పీ హర్షవర్థన్‌రాజు ఒంగోలు టౌన్‌: విద్యార్థులకు ప్రేరణ కలిగించడంతో పాటు భవిష్యత్తులో వారు పోలీసు శాఖలో చేరేలా ప్రోత్సహించేందుకు ఓపెన్‌ హౌస్‌ కార్యక్రమం నిర్వహిస్తున్నట్లు ఎస్పీ హర్షవర్థన్‌రాజు తెలిపారు. పోలీసు అమరవీరుల త్యాగాలను స్మరించుకుంటూ ప్రతి ఏడాది అక్టోబర్‌ 21 నుంచి 31వ తేదీ వరకు నిర్వహించే స్మారకోత్సవాలలో భాగంగా సోమవారం స్థానిక జిల్లా పోలీసు కార్యాలయంలో పోలీసుశాఖ ఆధ్వర్యంలో ఓపెన్‌ హౌస్‌ కార్యక్రమం నిర్వహించారు. ఎస్పీ ప్రారంభించి మాట్లాడుతూ.. ఈ కార్యక్రమం ద్వారా విద్యార్థులకు పోలీసు శాఖ పనితీరుపై అవగాహన కలుగుతుందని చెప్పారు. పోలీసుల విధులు, ఉపయోగించే ఆయుధాలు, పరికరాలు, బాధ్యతలు, శాంతి భద్రతల పరిరక్షణలో పోలీసుల పాత్ర గురించి తెలుసుకునే అవకాశం ఉంటుందన్నారు. విద్యార్థులు చదువుతో పాటు క్రీడల్లోనూ రాణించాలని, క్రమశిక్షణ అలవరచుకుంటూ ఉన్నత శిఖరాలు అధిరోహించాలని పిలుపునిచ్చారు. ఆకట్టుకున్న ఆయుధాల ప్రదర్శన... పోలీసుశాఖ ఓపెన్‌ హౌస్‌లో భాగంగా విధి నిర్వహణలో భాగంగా పోలీసులు ఉపయోగించే ఆయుధాలను ప్రదర్శించారు. ఏకే –47, 9ఎంఎం గ్లాక్‌ పిస్టల్‌, 5.56 ఎంఎం, 7.62 లైట్‌ మిషన్‌ గన్స్‌, 7.62 ఎంఎం ఎస్‌ఎల్‌ఆర్‌, ఫెడరల్‌ గ్యాస్‌ గన్‌, 303 రాయిట్‌ గన్‌, 303 రైఫిల్‌, ఇన్‌శాస్‌ రైఫిల్‌, 9 ఎంఎం కార్బన్‌, 51 ఎంఎం మోర్టార్‌, మల్టీ షెల్‌ లాంచర్‌, మెటల్‌ డిటెక్టర్‌, డ్రాగన్‌ లైట్‌, ర్యాకర్‌, బాంబు డిస్పోజల్‌ పరికరాలు, బాంబ్‌ బ్యాంకెట్‌, 207 వజ్ర వాహనం, డాగ్‌ స్క్వాడ్స్‌ బృందాలు, ట్రాఫిక్‌ పరికరాలు, డ్రోన్‌ కెమెరాలు, వేలి ముద్రలు సేకరించే పరికరాలను ప్రదర్శించారు. పోలీసు ఆయుధాలను విద్యార్థులు ఎంతో ఆసక్తిగా తిలకించారు. ఉత్సాహపరచిన విన్యాసాలు... పోలీసు అమరవీరుల స్మారకోత్సవాలలో భాగంగా పలు విన్యాసాలను పోలీసులు ప్రదర్శించారు. రాక్సీ, సైరా, మగ్గీ అనే పోలీసు జాగిలాలు ఎస్పీ హర్షవర్థన్‌రాజుకు గౌరవ వందనం చేయడంతో విద్యార్థులు కరతాళ ధ్వనులతో అభినందనలు తెలిపారు. అనంతరం జాగిలాలు హార్డిల్‌ జంప్‌, ఫైర్‌ జంప్‌, ఒబిడియన్స్‌ విన్యాసాలను విద్యార్థులు సంబ్రమాశ్చర్యాలతో తిలకించారు. కార్యక్రమంలో అడిషనల్‌ ఎస్పీ (అడ్మిన్‌) యుగంధర్‌బాబు, ఏఆర్‌ డీఎస్పీ శ్రీనివాసరావు, ఆర్‌ఐలు రమణారెడ్డి, సీతారామిరెడ్డి, ఎస్సైలు పాల్గొన్నారు.

ఒంగోలు సిటీ: నామినేషన్‌ పర్వంలోనే కూటమి పార్టీలు నైతికంగా ఓడిపోయిందని వైఎస్సార్‌ సీపీ రీజినల్‌ కో ఆర్డినేటర్‌ ఆళ్ల అయోధ్య రామిరెడ్డి అన్నారు. ఎన్నికల సమయంలో ఇచ్చిన హామీలను చంద్రబాబు ప్రభుత్వం అమలు చేయకలేకపోయిందని ఆయన విమర్శించారు. ఈ విషయాన్ని విజ్ఞులైన ప్రజలు గుర్తించారన్నారు. వైఎస్సార్‌ సీపీ అభ్యర్థులు నామినేషన్‌ వేస్తే గెలిచిపోతారన్న భయంతో అధికార పార్టీ చేయని కుట్రలు లేవని ధ్వజమెత్తారు. దౌర్జన్యం చేసి నామినేషన్లను అడ్డుకోవడం, చిన్న చిన్న కారణాలు చూపుతూ మా పార్టీ అభ్యర్థుల నామినేషన్లను తిరస్కరించారని విమర్శించారు. ఒంగోలు నగరంలో పార్టీ మేయర్‌ అభ్యర్థి కుప్పం ప్రసాద్‌, 53, 54, 55 డివిజన్లలో పార్టీ అభ్యర్థుల విజయాన్ని కోరుతూ పార్టీ జిల్లా అధ్యక్షుడు, దర్శి ఎమ్మెల్యే బూచేపల్లి శివప్రసాద్‌ రెడ్డి, ఒంగోలు నియోజకవర్గ ఇన్‌చార్జి చుండూరి రవిబాబులతో కలసి ప్రచారాన్ని నిర్వహించారు. రెండున్నరేళ్ల చంద్రబాబు ప్రభుత్వ పాలనపై ప్రజలు విసుగుచెందారని, మళ్లీ జగన్‌మోహన్‌రెడ్డి ముఖ్యమంత్రిని చేయాలని అనుకుంటున్నారన్నారు. ఒంగోలు వైఎస్సార్‌ సీపీకి కంచుకోటగా ఉందన్నారు. సుప్రీం తీర్పును గౌరవించడం లేదు: నామినేషన్ల సందర్భంగా తెలుగుదేశం పార్టీ నేతల అరాచకాలను గుర్తించిన సుప్రీం కోర్టు 19 కార్పొరేషన్లు, మున్సిపాలిటీల్లో తిరిగి నామినేషన్లకు గడువు ఇవ్వాలని సూచించిందని అయోధ్య రామిరెడ్డి తెలిపారు. దానిని అమలు చేయకుండా రాష్ట్ర ఎన్నికల కమిషన్‌ గౌరవించడంలేదని విమర్శించారు. స్వేచ్ఛగా నామినేషన్లు వేసుకునే పరిస్థితి ఉండాలని, అలాగే ఓటర్లు తమ ఓటు హక్కును సైతం వినియోగించుకునేలా ఉండాలన్నారు. అయితే నేడు రాష్ట్రంలో ఆ పరిస్థితులు లేవని గుర్తించిన సుప్రీం కోర్టు ఎన్నికల సంఘానికి పలు సూచనలు చేసిందన్నారు. వాటిని అమలు చేయకపోవడం దారుణమన్నారు. అభ్యర్థుల చేతుల్లోంచి నామినేషన్‌ పత్రాలు దౌర్జన్యంగా లాక్కుని చించేసే పరిస్థితులు చూస్తుంటే కూటమి పార్టీలకు ప్రజలపై నమ్మకం లేనట్టుగా ఉందని విమర్శించారు. మున్సిపల్‌ ఎన్నికలకు సంబంధించి పరిస్థితి ఇలా ఉంటే పరిషత్‌ ఎన్నికల్లో ఇంకా దారుణమైన పరిస్థితులు ఉన్నాయన్నారు. మా ప్రభుత్వ హయాంలో జరిగిన స్థానిక సంస్థల ఎన్నికల్లో పోటీ చేసేందుకు టీడీపీ ముందుకు రాలేదని, ఇప్పుడేమో మా పార్టీ వాళ్లను పోటీ చేయకుండా అడ్డుకుంటోదని విమర్శించారు. సరిగ్గా ఎన్నికల ప్రక్రియ సాగితే కూటమి పార్టీ ఓడిపోతుందని తెలిసే రకరకాల కుట్రలకు తెరతీశారన్నారు. పెరిగిపోయిన నిత్యావసర ధరలు విపరీతంగా పెరిగిపోయాయని, నిరుద్యోగులను ఈ ప్రభుత్వం మోసం చేసిందన్నారు. కూటమి పార్టీల బెదిరింపులకు మా కేడర్‌ జంకదని, ఎన్ని కష్టాలలైనా భరిస్తామన్నారు. ఎట్టి పరిస్థితుల్లో బెదిరేదిలేదన్నారు. దొంగ నామినేషన్లు సిగ్గు..సిగ్గు: స్థానిక సంస్థల ఎన్నికల్లో ప్రజల మద్దతుతో గెలవలేక చంద్రబాబు ప్రభుత్వం ఎన్నో కుట్రలు చేస్తోందని దర్శి ఎమ్మెల్యే, పార్టీ జిల్లా అధ్యక్షుడు బూచేపల్లి శివప్రసాద్‌రెడ్డి ఆరోపించారు. ఎన్నికల్లో గెలవలేక మా పార్టీ అభ్యర్థులను నామినేషన్లు వేయకుండా అడ్డుకున్నారని, ప్రాదేశిక ఎన్నికల్లో మా పార్టీ నాయకుల పేరుతో దొంగ నామినేషన్లు వేయడం సిగ్గుచేటని ధ్వజమెత్తారు. అధికారంలో ఉన్నంత కాలం ఎన్ని కష్టాలు ఎదురైనా వైఎస్‌ జగన్‌మోహన్‌రెడ్డి సంక్షేమ పథకాలు అమలు చేసి పేదలకు అండగా నిలిచారన్నారు. ఒంగోలు మేయర్‌ అభ్యర్థి కుప్పం ప్రసాద్‌ను, డివిజన్లలో నిలబడ్డ అభ్యర్థులను గెలిపించాలని ఆయన కోరారు. ఒంగోలు నియోజకవర్గ ఇన్‌చార్జ్‌ చుండూరి రవిబాబు మాట్లాడుతూ కూటమి ప్రభుత్వంపై ప్రజలు తీవ్ర వ్యతిరేకతతో ఉన్నారని విమర్శించారు. ముఖ్యంగా చంద్రబాబు ప్రభుత్వం నిత్యావసర వస్తువుల ధరలు పెరగడంతో విఫలం అయిందన్నారు. ఆకాశాన్నంటిన ధరలతో సామాన్య ప్రజలు అల్లాడుతున్నారన్నారు. ఒంగోలు నగరంలో దోమల బెడద, మురికి కాలువలు పూడిక తీయక, మంచినీరు రాక తీవ్ర ఇబ్బందులు పడుతున్నారని విమర్శించారు. వైఎస్సార్‌ సీపీ ఒంగోలు నగర మేయర్‌ అభ్యర్థి కుప్పం ప్రసాద్‌ ను గెలిపిస్తే అవినీతి లేని పాలన అందించడంతో పాటు, ప్రజలకు మెరుగైన సేవలు అందిస్తామన్నారు. ఒంగోలు మేయర్‌ అభ్యర్థి కుప్పం ప్రసాద్‌ మాట్లాడుతూ ఎన్నికల ప్రచారంలో ప్రజల నుంచి మంచి స్పందన రావడం ఎంతో సంతోషదాయకమన్నారు. గెలిచిన వెంటనే మొదటిగా డ్రైనేజీ వ్యవస్థ మీద ప్రత్యేక దృష్టి పెడతామన్నారు. కూటమి ప్రభుత్వం అధికారంలోకి వచ్చిన తర్వాత మూడేళ్లలో ఒక్క పనీ సక్రమంగా చేయలేదని విమర్శించారు. పోతురాజు కాలువ పనులు కూడా చేయలేదన్నారు. స్లమ్‌ ప్రాంతాల్లో ఒక్క రూపాయి కూడా ఖర్చు చేయలేదన్నారు. వేసిన రోడ్లనే పగులుగొట్టి పనులు చేయడం తప్ప ఏ పనులూ చేపట్టలేదన్నారు. డివైడర్‌ పగులగొట్టి డివైడర్‌ వేయడం అభివృద్ధి అవుతుందా అని ప్రశ్నించారు. చిన్నపాటి వర్షానికి సైతం ఒంగోలు రోడ్లపై నీరు నిలబడే పరిస్థితి ఉందన్నారు. ప్రచారంలో ప్రజలందరూ వైఎస్‌ జగన్‌మోహన్‌రెడ్డి మళ్లీ అధికారంలోకి రావాలని కోరుకుంటున్నారన్నారు. జగన్నన్నకు ఒంగోలు మేయర్‌, కార్పొరేటర్లు గెలిచి కానుకగా ఇవ్వబోతున్నామన్నారు. కార్యక్రమంలో ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి, ఒంగోలు అసెంబ్లీ పరిశీలకులు వై.వెంకటేశ్వర్లు, ఒంగోలు నగర అధ్యక్షుడు కఠారి శంకరరావు, 53వ డివిజన్‌ కార్పొరేటరు అభ్యర్థి నాలి నాగేంద్రబాబు, 54 డివిజన్‌ కార్పొరేటరు అభ్యర్ధి ఎదురు మాల్యాద్రి, 55 డివిజన్‌ కార్పొరేటరు అభ్యర్ధి పల్నాటి రవీంద్రారెడ్డి, నాయకులు, మహిళా నాయకులు, కార్యకర్తలు పాల్గొన్నారు.

మాట్లాడుతున్న పార్టీ రీజనల్‌ కో ఆర్డినేటర్‌ అయోధ్య రామిరెడ్డి, పక్కన దర్శి ఎమ్మెల్యే పార్టీ జిల్లా అధ్యక్షుడు బూచేపల్లి శివప్రసాద్‌రెడ్డి, ఇతర నేతలు హాజరైన పార్టీ నాయకులు, కార్యకర్తలు, అభిమానులు మార్కాపురం టౌన్‌: రాష్ట్రంలో అరాచక పాలన సాగుతుందని వైఎస్సార్‌ సీపీ రీజనల్‌ కో ఆర్డినేటర్‌ ఆళ్ల ఆయోధ్య రామిరెడ్డి అన్నారు. పట్టణంలోని వైఎస్సార్‌ సీపీ కార్యాలయంలో మాజీ ఎమ్మెల్యే, మార్కాపురం ఇన్‌చార్జి అన్నా రాంబాబు అధ్యక్షతన కార్యకర్తల సమావేశం నిర్వహించారు. ఈ సందర్భంగా ఆయన మాట్లాడుతూ స్థానిక సంస్థల ఎన్నికల్లో సమష్టిగా సత్తా చాటి మెజారిటీ స్థానాలు కై వసం చేసుకునేలా అందరూ పనిచేయాలని పిలుపునిచ్చారు. స్వాతంత్య్రం వచ్చిన తరువాత రాజకీయ పరంగా స్వపక్షం, ప్రతిపక్షం ఉంటుందని, ఆనాడు ఎవరి గౌరవం వారు కాపాడుకుంటూ రాజకీయాలు చేశారన్నారు. ప్రస్తుతం ఏ రాష్ట్రంలో లేనంత అరాచకపాలన చంద్రబాబు పాలనలో రాష్ట్రం రావణకాష్టంగా మార్చారని మండిపడ్డారు. ఎన్నికల్లో ఏ పార్టీ వారైనా నామినేషన్‌ వేసేందుకు స్వతంత్య్రం ఉందని, కానీ రెడ్‌బుక్‌ పాలనలో కేవలం టీడీపీ నాయకులే నామినేషన్లు వేసుకోవడం, వచ్చిన అభ్యర్థులను ఆడ్డుకోవడం అరాచకమన్నారు. కార్యకర్తల కోసం పార్టీ ఎప్పుడూ అండగా నిలుస్తుందన్నారు. వైఎస్సార్‌ సీపీ అభ్యర్థులపైనే దాడి చేసి తిరిగి వైఎస్సార్‌ సీపీ కార్యకర్తలపైనే కేసులు నమోదుచేయడం అన్యాయమన్నారు. ప్రజాక్షేత్రంలో ఓటర్ల అభిప్రాయాలను స్వీకరించాలే తప్ప టీడీపీ ప్రభుత్వం స్థానిక సంస్థల ఎన్నికల్లో గెలవలేమనే భావనతో నామినేషన్లు వేయకుండా దౌర్జన్యాలకు, భౌతిక దాడులకు దిగిందన్నారు. ఎన్నికల్లో వైఎస్సార్‌ సీపీ అభ్యర్థులను మంచి మెజారిటీతో గెలిపించి టీడీపీ ప్రభుత్వానికి బుద్ధి చెప్పాలని కోరారు. ఓటమి భయంతోనే దాడులు.. దర్శి ఎమ్మెల్యే, పార్టీ జిల్లా అధ్యక్షుడు డాక్టర్‌ బూచేపల్లి శివప్రసాద్‌రెడ్డి మాట్లాడుతూ రాక్షస పాలన, వెన్నుపోటు పార్టీ సమయంలో కూడా వైయస్సార్‌సీపి తరుపున పోటీ చేస్తున్న అభ్యర్థులకు పార్టీ అండగా ఉంటుందన్నారు. చంద్రబాబు స్థానిక సంస్థల ఎన్నికల్లో పోటీ చేస్తే ఓడిపోతామనే భావనతో దుర్మార్గపు చర్యలకు పాల్పడుతున్నారన్నారు. ప్రస్తుతం వైయస్సార్‌సీపి నాయకులు, కార్యకర్తలు నిరుత్సాహ పడాల్సిన అవసరం లేదని, పార్టీ ప్రతి కార్యకర్తలకు అండగా ఉంటుందన్నారు. ఎన్నికల్లో ఓటర్లు తమ ఓటు హక్కుతో టీడీపీ ప్రభుత్వానికి బుద్ధి చెప్పాల్సిన సమయం ఆసన్నమైందన్నారు. మాజీ ఎమ్మెల్యే అన్నా రాంబాబు మాట్లాడుతూ మార్కాపురం పురపాలక సంఘంలో 40 వార్డులకు గానూ 37 మంది వైఎస్సార్‌ సీపీ అభ్యర్థులు పోటీలో ఉన్నారన్నారు. టీడీపీ ప్రభుత్వం చేస్తున్న అరాచకాలను, మాఫియాలకు బుద్ధి చెప్పాల్సిన సమయం ఓటర్లకు ఆసన్నమైందన్నారు. రాష్ట్రంలో రెండున్నర సంవత్సరాల్లోనే టీడీపీ ఎమ్మెల్యేలు దోచుకోవడం, దాచుకోవడమే తప్ప రాష్ట్ర ప్రజలకు మేలు చేసిందేమీ లేదన్నారు. ఎన్నికల సమయంలో ఇచ్చిన ఒక్క హామీని సక్రమంగా అమలు చేయకుండా కుంటిసాకులతో రాష్ట్రం అప్పుల్లో ఉందని చెప్పుకోవడం వారికే చెల్లిందన్నారు. ఈ రెండున్నర సంవత్సరాల్లో రాష్ట్ర అభివృద్ధి కోసం రిజర్వు బ్యాంకుతోపాటు వివిధ సంస్థను షూరిటీగా పెట్టి లక్షల కోట్ల రూపాయలను అప్పుగా తెస్తున్నారని విమర్శించారు. మాజీ ఎమ్మెల్యే జంకె వెంకటరెడ్డి మాట్లాడుతూ ప్రతి కార్యకర్త పార్టీకి మూల స్తంభం లాంటివారని, కార్యకర్త లేకపోతే పార్టీ లేదన్నారు. ఐదేళ్ల జగన్‌మోహన్‌రెడ్డి పాలనను, రెండున్నరేళ్ల చంద్రబాబు పాలనను ప్రజలు గమనిస్తున్నారన్నారు. రాష్ట్రంలో టీడీపీ కార్యకర్తలు నామినేషన్లు వేసేందుకు వెళ్లిన అభ్యర్థులపై దాడి చేయడంతో పాటు నామినేషన్‌ పత్రాలను చించివేయడం, నామినేషన్లు వేయనివ్వకుండా అడ్డుకోవడం టీడీపీకే చెల్లిందన్నారు. లక్షల కోట్ల రూపాయలను అమరావతిలో పెట్టుబడి పెట్టి వారి కార్యకర్తలకు ఉపాధి కల్పిస్తున్నారే తప్ప అభివృద్ధి శూన్యమన్నారు. వైఎస్సార్‌ సీపీ అధికారంలోనికి వచ్చిన తరువాత రాష్ట్రంలో ఘర్షణలకు అవకాశం ఇచ్చిన అధికారులను విడిచిపెట్టేది లేదన్నారు. కార్యక్రమంలో కనిగిరి ఇన్‌చార్జి దద్దాల నారాయణ యాదవ్‌, బత్తుల బ్రహ్మానందరెడ్డి, కేవీ రమణారెడ్డి, వెన్న హనుమారెడ్డి, ఉడుముల కోటిరెడ్డి, మార్కాపురం మున్సిపాలిటీ వైఎస్సార్‌ సీపీ చైర్మన్‌ అభ్యర్థి డాక్టర్‌ చప్పల్లి కనకదుర్గ, మాజీ మున్సిపల్‌ చైర్మన్‌ చిర్లంచర్ల బాలమురళీకృష్ణ, మాజీ ఏఎంసీ చైర్మన్‌ గొలమారి శ్రీనివాసరెడ్డి, నారు బాపన్‌రెడ్డి, బట్టగిరి తిరుపతిరెడ్డి, మురారి వెంకటేశ్వర్లు, గుంటక వనజాక్షి, గొట్టం నర్సమ్మ, రోజ్‌లిడియా, ఫరతుల్లాబేగ్‌, కేవీరావు, పార్టీ నాయకులు, కార్యకర్తలు, అభిమానులు పాల్గొన్నారు. స్థానిక సంస్థల ఎన్నికల్లో సమష్టిగా సత్తా చాటుదాం వైఎస్సార్‌ సీపీ రీజనల్‌ కో ఆర్డినేటర్‌ ఆళ్ల ఆయోధ్య రామిరెడ్డి

అధికారులు ఏదో ఒక కారణంతో తొలగించాలనే ఉద్దేశంతో నా నామినేషన్‌ పత్రాన్ని తిరస్కరించారు. ఆస్తులే లేని నాకు ఆస్తులు సక్రమంగా మ్యాచ్‌ కాలేదని, ప్రపోజల్‌ వివరాలు సక్రమంగా లేవని తిరస్కరించినట్లు జాబితాలో పేర్కొన్నారు. ఉదయం మేము పరిశీలనకు వెళ్లనప్పుడు ఈ విషయాలు మాత్రం ఆ విషయం చెప్పలేదు. బద్దిపూడిలో ఇప్పటి వరకు కాంగ్రెస్‌, వైఎస్సార్‌ సీపీ మాత్రమే విజయం సాధించాయి. తెలుగుదేశం పార్టీ ఇంతవరకు విజయం సాధించలేదు. కావాలని ఏకగ్రీవం చేసుకోవడానికి నా నామినేషన్‌ను తిరస్కరించారు. ఉన్నతాధికారులకు ఈ విషయంపై ఫిర్యాదు చేస్తాం. – తుమ్మల నవీన్‌, వైఎస్సార్‌ సీపీ ఎంపీటీసీ అభ్యర్థి, బద్దిపూడి, ఉలవపాడు మండలం, ప్రకాశం జిల్లా

స్థానిక సమరంలో అధికార పార్టీ గూండాలు పోలీసులతో కలిసి అడుగడుగునా కల్పించిన కుట్రలు, ఆటంకాలను దాటుకుని నామినేషన్లు వేసిన వైఎస్సార్‌ సీపీ అభ్యర్థులను పోటీలో లేకుండా చేసేందుకు వెన్నుపోటు పార్టీ మరో కుట్రకు పాల్పడింది. ఎంపీటీసీ, జెడ్పీటీసీ ఎన్నికల బరిలో నిలిచిన అభ్యర్థులను తప్పించడమే లక్ష్యంగా అధికారులతో కుమ్మకై ్క చిన్నచిన్న కారణాలతో నామినేషన్లను తిరస్కరించేలా చేశారు. ప్రజల ఓట్లతో గెలవలేమని తెలిసిన పచ్చనేతలు అడ్డదారిలో పదవులు చేజిక్కించుకునేందుకు గెలిచే అవకాశం ఉన్న స్థానాల్లో వైఎస్సార్‌ సీపీ అభ్యర్థుల నామినేషన్లను పెద్ద ఎత్తున తిరస్కరించడంపై ఆ పార్టీ నాయకులు మండిపడుతున్నారు.సాక్షి ప్రతినిధి, ఒంగోలు: తెలుగుదేశం పార్టీ గూండాలను, పోలీసుల అడ్డంకులను దాటుకుని ప్రాణాలకు తెగించి నామినేషన్‌లు వేశామని సంబరపడే లోపే తిరస్కరణనే ఆయుధంతో వైఎస్సార్‌ సీపీ అభ్యర్థులను ఎన్నికల బరి నుంచి బయటకు పంపుతున్నారు. నామినేషన్‌లు వేసినప్పుడు, పరిశీలన సమయంలో అంతా బాగుందని సర్టిఫికేట్‌ ఇస్తున్న ఎన్నికల అధికారులు ఇంతలోనే మీ నామినేషన్‌ చెల్లదని చెప్తూ కాగితాన్ని చేతుల్లో పెడుతున్నారు. డ్వాక్రా రుణాలు ఉన్నాయి, మీపై పోలీస్‌స్టేషన్‌లో కేసులు నమోదయ్యాయనే సిల్లీ కారణాలతో నామినేషన్‌లను అర్ధరాత్రి తిరస్కరిస్తున్నట్లు ప్రకటించారు. అదీ కూడా ఏ ఎంపీటీసీ, జెడ్పీటీసీ ప్రాదేశికంలో వైఎస్సార్‌ సీపీ గెలిచే అవకాశం ఉంటుందో ఆ అభ్యర్థులను లక్ష్యంగా చేసుకుని నామినేషన్‌ల తిరస్కరణ పేరుతో పోటీలో లేకుండా చేశారు. జిల్లా వ్యాప్తంగా కందుకూరు, కనిగిరి, కొండపి, గిద్దలూరు, అద్దంకి వంటి నియోజకవర్గాల్లో పెద్ద ఎత్తున నామినేషన్‌లను తిరస్కరించారు. ఈ దారుణంపై వైఎస్సార్‌ సీపీ నాయకులు, ప్రజాస్వామికవాదులు మండిపడుతున్నారు.చిన్న కారణాలతో చిల్లర చేష్టలుటీడీపీ నాయకులతో పూర్తిగా కుమ్మకై ్కన ఎన్నికల అధికారులు ఎన్నికల నిబంధనలకు పాతరేస్తున్నారు. ఎన్నికల నోటిఫికేషన్‌లో సైతం లేని చిన్న చిన్న కారణాలను సాకుగా చూపి వైఎస్సార్‌ సీపీ అభ్యర్థుల నామినేషన్‌లను ఇష్టారీతిన తిరస్కరించారు. నామినేషన్‌ల తిరస్కరణకు చూపిన కారణాలను చూస్తే నవ్వురాకమానదు. అసలు డ్వాక్రా గ్రూపుల్లో సభ్యులేకాని అభ్యర్థులకు డ్వాక్రా రుణాలు ఉన్నాయని, పత్రాల్లో సంతకాలు లేవని, అభ్యర్థికి కూడా తెలియకుండా పోలీస్‌స్టేషన్‌లో కేసు ఉందని వంటి సిల్లీ కారణాలు చెప్పి నామినేషన్‌లను తిరస్కరించారు. అదీ కూడా ఏ స్థానంలోనైతే వైఎస్సార్‌ సీపీ కచ్చితంగా విజయం సాధిస్తుందని భావిస్తున్నారో ఆ స్థానం నుంచి పోటీ చేసిన వైఎస్సార్‌ సీపీ అభ్యర్థి నామినేషన్‌ను తిరస్కరించారు. ఉదాహరణకు కందుకూరు మండలంలో 11 ఎంపీటీసీ స్థానాలు ఉన్నాయి. వీటిలో ఆరు నుంచి 7 ఎంపీటీసీ స్థానాల వరకు వైఎస్సార్‌ సీపీ కచ్చితంగా తెలుస్తుందని అంచనా. దీంతో ఎంపీపీ సీటును కూడా వైఎస్సార్‌ సీపీ కై వసం చేసుకునే అవకాశాలు మెండుగా ఉన్నాయి. వైఎస్సార్‌ సీపీ కచ్చితంగా గెలిచే పాలూరు–దొండపాడు, మాచవరం–2 ఎంపీటీసీ స్థానాల నుంచి పోటీ చేసిన అభ్యర్థుల నామినేషన్‌లను తిరస్కరించారు. దీంతో ఆ స్థానాల నుంచి టీడీపీ అభ్యర్థులు పోటీ అనేది లేకుండా ఎంపీటీసీలుగా ఎన్నికవుతారు. అలాగే వలేటివారిపాలెం మండలంలో చుండి, కలవళ్ల, పోకూరు అభ్యర్థుల నామినేషన్‌లను తిరస్కరించారు. ఇలా కందుకూరు నియోజకవర్గంలోనే వైఎస్సార్‌ సీపీ కచ్చితంగా గెలిచే 7 ఎంపీటీసీ స్థానాల్లో అభ్యర్థుల నామినేషన్‌లను తిరస్కరించారు. అలాగే కనిగిరి నియోజకవర్గంలోని 11 మంది అభ్యర్థులకు సంబంధించి 13 నామినేషన్‌లు, కొండపిలో 22 మంది అభ్యర్థుల 26 నామినేషన్‌లను తిరస్కరించారు. ఇలా జిల్లా వ్యాప్తంగా భారీగా వైఎస్సార్‌ సీపీ అభ్యర్థుల నామినేషన్లు తిరస్కరణకు గురయ్యాయి.● కొత్తపట్నం మండలం రాజుపాలెం గ్రామంలో ఎంపీటీసీ అభ్యర్థిగా సింహాద్రి నారాయణమ్మ ఈ నెల 23న నామినేషన్‌ దాఖలు చేసింది. ఈనెలలో డ్వాక్రా గ్రూపులో లక్ష రూపాయల లోను పెట్టుకుంది. ఈ నెల 17న ఆమె అకౌంట్‌లో రుణం డబ్బులు జమకావడంతో అవి తెలియక ఫారంలో రాయలేదని, అది నామినేషన్‌ ఫారంలో చూపించలేదని ఎన్నికల స్పెషల్‌ అధికారి టి.నారాయణ, ఎంపీడీవో శ్రీకృష్ణ తిరస్కరించారు.● కొత్తపట్నం మండలం అల్లూరు–2 ఎంపీటీసీ వైఎస్సార్‌ సీపీ అభ్యర్థిగా బూర్ల పద్మావతి తన కుమారుడికి పీడీఎస్‌ బ్యాంక్‌లో రూ.10 వేలు అప్పు ఉందని అది నామినేషన్‌ ఫారాల్లో రాయలేదని తిరస్కరించారు.మార్కాపురం టౌన్‌: మార్కాపురం పురపాలక సంఘంలో జరగనున్న ఎన్నికల్లో భాగంగా మున్సిపల్‌ చైర్‌పర్సన్‌, కౌన్సిలర్‌ అభ్యర్థుల తుదిజాబితాను సహాయ ఎన్నికల అధికారి, కమిషనర్‌ నారాయణరావు ఆదివారం విడుదల చేశారు. మున్సిపల్‌ చైర్‌పర్సన్‌గా వైఎస్సార్‌ సీపీ తరఫున డాక్టర్‌ చప్పల్లి కనకదుర్గ, టీడీపీ తరఫున వక్కలగడ్డ మల్లిఖార్జున్‌, ఇండిపెండెంట్లుగా 8 మంది, కాంగ్రెస్‌–1, బీసీవై–1 బరిలో ఉన్నారు. వార్డు కౌన్సిలర్‌ అభ్యర్థులుగా వైఎస్సార్‌ సీపీ తరఫున 37 మందితోపాటు వివిధ పార్టీలకు చెందిన మొత్తం 125 మంది అభ్యర్థులు బరిలో ఉన్నట్లు తెలిపారు. మార్కాపురం మున్సిపల్‌ చైర్‌పర్సన్‌ అభ్యర్థిగా చప్పల్లి కనకదుర్గ బరిలో ఉన్నారు.గిద్దలూరు రూరల్‌: స్థానిక మున్సిపల్‌ ఎన్నికల బరిలో 28 వార్డులకు సంబంధించి ఐదుగురు చైర్మన్‌ అభ్యర్థులు, 86 మంది కౌన్సిలర్‌ అభ్యర్థులు పోటీలో నిలబడనున్నట్లు కమిషనర్‌ ఈవీ రమణబాబు ఆదివారం నోటిఫికేషన్‌ విడుదల చేశారు. మొత్తం 123 మంది కౌన్సిలర్లు నామినేషన్లు వేయగా అందులో 37 మంది వారి నామినేషన్లు ఉపసంహరించుకున్నారు. 17 మంది చైర్మన్‌ అభ్యర్థులుగా నామినేషన్‌ వేయగా 12 మంది ఉపసంహరించుకోవడంతో ఐదుగురు చైర్మన్‌ అభ్యర్థులు ఎన్నికల బరిలో నిలవనున్నారు. అందులో వైఎస్సార్‌ సీపీ చైర్మన్‌ అభ్యర్థిగా డా.భూమానరసింహారెడ్డి పోటీలో ఉన్నారు.చీమకుర్తి రూరల్‌: చీమకుర్తి మున్సిపాలిటీలోని 28 వార్డులకు సంబంధించి ఆదివారం రిటర్నింగ్‌ అధికారులు అభ్యర్థులను ఖరారు చేశారు. మొత్తం 67 మంది కౌన్సిలర్‌ అభ్యర్థులు బరిలో నిలిచారు. వీరిలో వైఎస్సార్‌ సీపీ నుంచి 28 మంది, టీడీపీ నుంచి 26 మంది, స్వతంత్ర అభ్యర్థులు 10 మంది, జనసేన నుంచి ఇద్దరు ఉన్నారు. మున్సిపల్‌ చైర్మన్‌ పదవికి ముగ్గురు అభ్యర్థులు పోటీలో ఉన్నారు. వైఎస్సార్‌సీపీ నుంచి మేడగం శ్రీదేవి పోటీ చేస్తున్నారు.అద్దంకి: మునిసిపల్‌ ఎన్నికల్లో భాగంగా వైఎస్సార్‌ సీపీ, టీడీపీ, ఇతర పార్టీల నుంచి పోటీ చేసిన అభ్యర్థుల జాబితాను ఆదివారం మున్సిపల్‌ కమిషనర్‌ ప్రకటించారు. ఇప్పటికే మున్సిపాలిటీలోని 1, 6, 32 వార్డులు ఏకగ్రీవం కావడంతో 29 వార్డులకు, మునిసిపల్‌ చైర్‌పర్సన్‌కు ఎన్నికలు నిర్వహించనున్నట్లు చెప్పారు. మునిసిపల్‌ చైర్మన్‌తోపాటు, వార్డు అభ్యర్థులతో కలుపుకుని మొత్తం 74 మంది అభ్యర్థులు పోటీలో ఉన్నట్లు కమిషనర్‌ వెల్లడించారు.అంతుపట్టని కారణాలను సాకుగా చూపిస్తూ...ఎంపీటీసీ, జెడ్పీటీసీల ఎన్నికల నామినేషన్‌ల ప్రక్రియ ప్రారంభమైన నాటి నుంచి వైఎస్సార్‌ సీపీ అభ్యర్థులను పోటీలో లేకుండా చేసేందుకు అధికార పార్టీ చేయని కుట్ర అంటూ లేదు. ప్రధానంగా పోలీసులను అడ్డుపెట్టుకుని నామినేషన్‌లు వేయకుండా చేయాల్సిన దారుణాలన్నీ చేశారు. నామినేషన్‌ వేసేందుకు వచ్చిన వైఎస్సార్‌ సీపీ అభ్యర్థులపై దాడులు, దౌర్జన్యాలకు పాల్పడడం, నామినేషన్‌ పత్రాలను లాక్కొని చించివేయడం వంటి అరాచకాలు ఎన్నో చేశారు. అయినా సరే వైఎస్సార్‌ సీపీ అభ్యర్థులు మొండిగా పోరాడి అనేక చోట్ల నామినేషన్‌లు దాఖలు చేశారు. వైఎస్సార్‌ సీపీ అభ్యర్థులు పోటీలో ఉంటే తమకు గెలుపు కష్టమనే భావనకు వచ్చిన అధికార పార్టీ నేతలు వారిని ఎలాగైనా పోటీ నుంచి తప్పించేందుకు అధికారులను అడ్డుపెట్టుకుని సరికొత్త కుట్రలకు పదును పెట్టారు. దీనిలో భాగంగా శనివారం జరిగిన అభ్యర్థుల నామినేషన్‌ పరిశీలనలో పెద్ద ఎత్తున వైఎస్సార్‌ సీపీ అభ్యర్థుల నామినేషన్‌లను తిరస్కరిస్తూ అధికారులు ఉత్తర్వులు ఇచ్చారు. నామినేషన్‌లను ఎందుకు తిరస్కరిస్తున్నారో కూడా అభ్యర్థులకు సరైన కారణం చెప్పకుండా తిరస్కరణ పత్రాన్ని చేతిలో పెట్టారు. అధికారులు చెప్పిన కారణాలు చూసి నోరెళ్లబెట్టడం తప్పా ఏమీ చేయలేని పరిస్థితి వైఎస్సార్‌ సీపీ అభ్యర్థులది. ఇంతటి దారుణమైన కుట్రలను గతంలో ఎన్నడూ చూడలేదని, ఎందుకు తిరస్కరించారో కూడా సమాధానం చెప్పేవారు కరువయ్యారని అభ్యర్థులు ఆవేదన వ్యక్తం చేశారు. తిరస్కరించిన అభ్యర్థులు తరువాత ఉన్నతాధికారుల వద్ద అప్పీల్‌కు వెళ్లినా ఏ ప్రయోజనం ఉండడం లేదు. దీంతో అనేక మంది అభ్యర్థులు కోర్టులను ఆశ్రయించేందుకు సిద్ధమవుతున్నారు.తమకు సహేతుకమైన కారణాలు చెప్పకుండా నామినేషన్‌లను తిరస్కరించడంపై అభ్యర్థులు ఎన్నికల అప్పీల్‌ అధికారి వద్ద ఆదివారం మొరపెట్టుకున్నారు. ఎన్నికల నిబంధనల్లో లేని కారణాలను సాకుగా చూపిస్తూ ఎన్నికల రిటర్నింగ్‌ అధికారులు కుట్రపూరితంగా నామినేషన్‌లు తిరస్కరించడంపై తమ వాదనను చెప్పుకున్నారు. అభ్యర్థుల వాదనలను నమోదు చేసుకున్న అప్పీలేట్‌ అధికారులు వారి నామినేషన్‌లను తిరిగి ఆమోదిస్తారా లేదా అనే అంశంపై ఆదివారం వరకు స్పష్టత లేదు. కనీసం ఇక్కడైనా ఉన్నతాధికారులు తమ వాదనలను పరిగణలోకి తీసుకుని తమ నామినేషన్‌లను ఆమోదించాలంటూ అభ్యర్థులు వేడుకుంటున్నారు. లేదంటూ ఇక కోర్టులను ఆశ్రయించడం తప్పా మరో మార్గం లేదంటూ ఆవేదన వ్యక్తం చేస్తున్నారు.

వైఎస్సార్‌ సీపీ హయాంలో చరిత్రలో నిలిచేలా ఒకే ప్రాంతంలో రూ.350 కోట్లు వెచ్చించి 28 వేల మందికి ఇళ్ల పట్టాలు, ఏళ్ల తరబడి నగర ప్రజలు ఎదుర్కొంటున్న మంచినీటి సమస్యను చెక్‌ పెట్టేలా రూ.400 కోట్లతో మంచినీటి పథకం, మరుగునపడిన పోతురాజు కాలువ ఆధునికీకరణకు రూ.98 కోట్లు, పార్కుల అభివృద్ధికి రూ.10 కోట్లు..ఇలా చెప్పుకుంటే ఒకటేంటి వైఎస్సార్‌ సీపీ హయాంలో ఒంగోలు నగరం ప్రగతి పథంలో సాగింది. ప్రజా సంక్షేమమే ధ్యేయంగా వందల కోట్ల రూపాయలు నగర అభివృద్ధికి కేటాయించారు. ఒంగోలు సబర్బన్‌: వైఎస్సార్‌ సీపీ హయాంలో ఒంగోలు నగరంలో అభివృద్ధి పరుగులు తీసింది. ఇళ్ల పట్టాలు, తాగునీరు, డ్రైనేజీ ఇలా ప్రజల మౌలిక అవసరాల కోసం రూ.కోట్లు ఖర్చు చేశారు. రోజు రోజుకు పెరుగుతున్న నగర జనాభా, శివారు ప్రాంత ప్రజలకు సైతం సౌకర్యాలుకల్పించేందుకు రూ.2 వేల కోట్లతో ప్రణాళికలు సిద్ధం చేశారు. అందులో భాగంగా సాగర్‌ జలాలను వాడుకోవటంతో పాటు గుండ్లకమ్మ నుంచి ఏర్పాటు చేసిన మంచినీటి పథకం ద్వారా నగర ప్రజలకు ప్రతి రోజూ మంచినీళ్లు ఇచ్చేలా ప్రణాళికలు సిద్ధం చేశారు. రూ.400 కోట్లతో మంచినీటి పథకం మంజూరు... ఒంగోలు నగర ప్రజలకు మంచినీటి ఎలాంటి ఇబ్బందులు లేకుండా చేసేందుకు, ప్రతి రోజూ మంచినీరు అందించేందుకు రూ.400 కోట్ల వ్యయ అంచనాలతో ప్రణాళికలు రూపొందించారు. రాష్ట్ర ప్రభుత్వ వాటాతో పాటు కేంద్ర ప్రభుత్వం మ్యాచింగ్‌ గ్రాంటు కలుపుకొని పథకాన్ని అమలు చేసేందుకు రంగం సిద్ధం చేశారు. కేంద్ర ప్రభుత్వం నుంచి రావాల్సిన వాటా ధనం రాకపోవడంతో పథకం ఆలస్యమైంది. లేకుంటే ప్రస్తుతం ఒంగోలు నగరంలో ఉన్న పాత మంచినీటి పధకం పైపులైన్లు మొత్తం మార్చి పెరుగుతున్న నగరానికి తగ్గట్టు మంచినీటి సరఫరా పైపులైన్లు మార్చేలా ప్రణాళికలు సిద్ధం చేశారు. శివారు ప్రాంత ప్రజల తాగునీటి ఇక్కట్లను దృష్టిలో ఉంచుకొని పథకాన్ని రూపకల్పన చేశారు. రెండున్నరేళ్లుగా కాలయాపన వైఎస్సార్‌సీపీ ప్రభుత్వంలో మంజూరైన ఈ పథకాన్ని కూటమి ప్రభుత్వంలో పూర్తిగా అటకెక్కింది. అధికారంలోకి వచ్చి రెండున్నరేళ్లు దాటినా ఎమ్మెల్యే దామచర్ల జనార్దన్‌ ఈ పథకాన్ని విస్మరించారు. నగర ప్రజల తాగునీటి సమస్యను చెక్‌ పెట్టేలా రూపొందించిన ఈ పథకాన్ని ముందుకు సాగనీయకుండా ఎమ్మెల్యే కుంటి సాకులు చెబుతూ కాలయాపన చేస్తున్నారన్న విమర్శలు వినిపిస్తున్నాయి. ప్రన్తుతం ఎన్నికలు రావటంతో మళ్లీ మంచినీటి పథఽకం గుర్తొచ్చింది. నగర ప్రజలకు ప్రతి రోజూ మంచినీళ్లూ ఇస్తామని ఓటర్లకు అబద్ధాలు చెబుతున్నారు. రెండున్నరేళ్లుగా ఈ పథకాన్ని గాలికొదిలేసిన ఎమ్మెల్యే...మరోసారి ప్రజలను మోసం చేసేందుకు మున్సిపల్‌ ఎన్నికల ప్రచారంలో ఈ పథకంపై ఆశలు పుట్టిస్తున్నారు. పేదల ఇళ్ల కల నెరవేర్చేందుకు.. ఒంగోలులో అద్దె ఇళ్లలో నివసిస్తున్న నిరుపేదలకు సొంతింటి కలను నిజం చేయాలనే లక్ష్యంతో గత ప్రభుత్వం యరజర్ల గ్రామంలో 818 ఎకరాల ప్రభుత్వ భూమిని గుర్తించింది. ఈ స్థలంలో మెగా టౌన్‌షిప్‌ ఏర్పాటు చేసి ఇళ్ల పట్టాలు పంపిణీ చేయాలని ప్రణాళిక రూపొందించింది. సుమారు 23,531 మంది లబ్ధిదారులకు స్థలాలు కేటాయించేందుకు భూమిని చదును చేయించి, ప్లాట్లుగా విభజించి, హద్దురాళ్లు ఏర్పాటు చేశారు. అయితే అంత మందికి ఒకే ప్రాంతంలో ఇళ్ల పట్టాలు ఇస్తే తన రాజకీయ భవిష్యత్‌ ప్రశ్నార్థకంగా మారుతుందని భావించిన దామచర్ల జనార్దన్‌ తన ప్రధాన అనుచరుడైన ఒంగోలు మండలం సర్వేరెడ్డిపాలెం గ్రామానికి చెందిన మక్కెన శ్రీనివాసరావుతో హైకోర్టులో కేసు వేయించాడు. సదరు స్థలం మైనింగ్‌కు కేటాయించారని హైకోర్టుకు వెళ్లాడు. అయితే సదరు శ్రీనివాసరావు ఆ స్థలాన్ని మైనింగ్‌కు ఇచ్చినప్పుడు..వద్దని శ్రీనివాసరావు ఆందోళనలు సైతం చేశాడు. కేవలం దామచర్ల జనార్దన్‌ కనుసన్నల్లో హైకోర్టుకు వెళ్లడంతో 23 వేల మందికి పట్టాలు పంపిణీకి బ్రేక్‌ పడింది. రూ.350 కోట్లతో 28 వేల మందికి ఇళ్ల పట్టాలు సిద్ధం చేసినా.. దామచర్ల జనార్దన్‌, టీడీపీ నాయకులు ఎన్ని కుయుక్తులు పన్నినా పేదలకు ఇళ్ల పట్టాలు ఇచ్చిరా తీరాలన్న ధృడ సంకల్పంతో అప్పటి ముఖ్యమంత్రి వైఎస్‌ జగన్‌మోహన్‌రెడ్డి ప్రైవేట్‌ భూములు కొనుగోలు చేసైనా ఇద్దామని భావించారు. అందులో భాగంగా శరవేగంగా రైతుల వద్ద 508 ఎకరాల భూముల కొనుగోలు చేసి రూ.350 కోట్లు కేటాయించి 28 వేల మందికి పట్టాలు ఇచ్చేలా అన్ని ఏర్పాట్లు చేశారు. ఎన్నికల కోడ్‌ దగ్గర పడుతుండటంతో లబ్ధిదారులు ఇబ్బంది పడకుండా భరోసా పత్రాలు సైతం పంపిణీ చేశారు. పేదల ఇళ్లపై దామచర్ల కక్ష 2024 ఎన్నికల్లో ఎమ్మెల్యేగా గెలిచిన దామచర్ల జనార్దన్‌ రెండున్నరేళ్లుగా పేదల ఇళ్ల పట్టాలపై కక్ష కట్టాడు. రకరకాల సర్వేల పేరుతో కాలయాపన చేస్తున్నారే తప్ప ఈ రెండున్నరేళ్లలో ఒక్క లబ్ధిదారునికి ఇంటి పట్టా పంపిణీ చేసింది లేదు. కేవలం వైఎస్సార్‌సీపీకి మంచి పేరు వస్తుందన్న కారణంగానే దామచర్ల ఈ పట్టాల పంపిణీ కార్యక్రమాన్ని నిర్వహించకుండా అట కెక్కించారని నగర ప్రజలు ఆగ్రహం వ్యక్తం చేస్తున్నా రు. వైఎస్సార్‌ సీపీ హయాంలో రెవెన్యూ అధికారులు రేయింబవళ్లు కష్టపడి తయారు చేసిన ఇళ్ల పట్టాలు చెప్ప కుప్పల్లా మారిపోయాయి. నగరంలో వేలాది మంది ఇళ్ల పట్టాల కోసం కళ్లు కాయలు కాచేలా ఎదురుచూస్తున్నా పట్టించుకునే వారే కరువయ్యారు. పోతురాజు పనుల్లో ఇంత జాప్యమా.. నగరంలోని ప్రధాన మురుగు బయటకు వెళ్లే పోతురాజు కాలువ ఆధునికీకరణ కోసం వైఎస్సార్‌ సీపీ హయాంలో రూ.98 కోట్లు కేటాయించారు. పనులు దాదాపు పూర్తయ్యాయి. అయితే టీడీపీ కూటమి ప్రభుత్వం అధికారంలోకి వచ్చిన తరువాత పోతురాజు ఆధునికీకరణ పనులు ఒక్క అడుగు కూడా ముందుకు పడలేదు. వర్షాల సమయంలో ఈ పోతురాజు కాలువ వల్ల ఎన్నో ఇబ్బందులు పడుతున్నారు. అంత ప్రాధాన్యం ఉన్న ఈ కాలువ అభివృద్ధిపై దృష్టి సారించకపోవడం పట్ల సర్వత్రా విమర్శలు వ్యక్తమవుతున్నాయి. పార్కులు, జిమ్‌ల అభివృద్ధికి రూ.10 కోట్లు నగర ప్రజల ఆరోగ్యాన్ని దృష్టిలో ఉంచుకుని గత వైఎస్సార్‌ సీపీ హయాంలో సుమారు 30 పార్కుల అభివృద్ధికి రూ.10 కోట్లకు పైగా ఖర్చు చేశారు. పార్కుల్లో వాకింగ్‌ ట్రాక్‌లు, వ్యాయామ పరికరాలు, జిమ్‌ల ఏర్పాటు చేశారు. పోతురాజు కాలువ సిమెంట్‌ వాల్‌ నిర్మాణ పనులు అగ్రహారం వద్ద పేదల ఇళ్లకు సిద్ధం చేసిన జగనన్న కాలనీ లే అవుట్‌(ఫైల్‌) మామిడిపాలెం సమ్మర్‌స్టోరేజీ ట్యాంక్‌ వద్ద ఏర్పాటు చేసిన జిమ్‌, వ్యాయామం షెడ్‌ కొప్పోలు నుంచి గుత్తికొండవారిపాలెం గ్రామం వెళ్ళే రహదారిపై నిర్మించిన బ్రిడ్జి ఒంగోలు నగరానికి రూ.400 కోట్లతో మంచినీటి పథకం మంజూరు చరిత్రలో నిలిచేలా 28 వేల ఇళ్ల పట్టాలిచ్చేందుకు 508 ఎకరాలు కొనుగోలు ఇళ్ల పట్టాల కోసం వైఎస్సార్‌ సీపీ హయాంలో రూ.350 కోట్లు ఖర్చు పోతురాజు కాలువ ఆధునికీకరణ కోసం రూ.98 కోట్లు కేటాయింపు నగర ప్రజల ఆరోగ్యం కోసం, పార్కుల అభివృద్ధికి రూ.10 కోట్లు ఖర్చు

గిద్దలూరు రూరల్‌: ప్రజా వ్యతిరేక పాలన సాగిస్తున్న ప్రభుత్వానికి ఓటు అనే ఆయుధంతో బుద్ధి చెప్పాలని మాజీ ఎమ్మెల్యే, వైఎస్సార్‌ సీపీ గిద్దలూరు ఇన్‌చార్జి కేపీ నాగార్జునరెడ్డి షన్నారు. మున్సిపల్‌ ఎన్నికల్లో ప్రజలు ఫ్యాన్‌ గుర్తుకు ఓటేసి చంద్రబాబు పాలనకు చరమగీతం పాడాలని పిలుపునిచ్చారు. మున్సిపల్‌ చైర్మన్‌ అభ్యర్థి డాక్టర్‌ భూమా నరసింహారెడ్డిని చైర్మన్‌గా గెలిపించాలని కోరుతూ పట్టణంలోని 11,12,13 వార్డుల్లోని గర్రెవారి వీధి, పొట్టి శ్రీరాములు రోడ్డు, లైబ్రరివీధి, ప్రశాంతినగర్‌లల్లో ఆదివారం ముమ్మరంగా ఎన్నికల ప్రచారం నిర్వహించారు. ఈ సందర్భంగా ఆయన చిరువ్యాపారస్తుల వద్దకు, ప్రతి ఇంటికి తిరుగుతూ ఎంతో ఆప్యాయంగా పలకరిస్తూ ఫ్యాన్‌ గుర్తుపై ఓటు వేసి వైఎస్సార్‌సీపీ అభ్యర్థులను గెలిపించాలని కోరారు. మున్సిపల్‌ చైర్మన్‌ పీఠం వైఎస్సార్‌ సీపీ కై వసం చేసుకునేలా ప్రతి కార్యకర్త, నాయకుడు కలిసి ముందుకు సాగాలన్నారు. ప్రజాస్వామ్యానికి విరుద్ధంగా కూటమి ప్రభుత్వం ఇష్టానుసారంగా పాలన సాగిస్తుందన్నారు. ప్రజలు ఓటు అనే ఆయుధంతో మంచి పరిపాలన అందించే నాయకుడిని ఎన్నుకోవాలన్నారు. వైఎస్సార్‌ సీపీ ప్రభుత్వ హయాంలో అభివృద్ధి, సంక్షేమం రెండు కళ్లుగా పాలన సాగిందన్నారు. కానీ రెండున్నరేళ్ల కూటమి పాలనలో అభివృద్ధి పూర్తిగా అటకెక్కిందన్నారు. సంక్షేమ పథకాలను పూర్తిగా విస్మరించారన్నారు. ఈ క్రమంలో ఎన్నికల్లో ప్రజలు పూర్తిగా ఆలోచన చేసి ఓటు వేయాలని కోరారు. గిద్దలూరు పట్టణం అభివృద్ధి చేసేందుకు ప్రజలు వైఎస్సార్‌ సీపీని గెలిపించాలన్నారు. కార్యక్రమంలో వైఎస్సార్‌సీపీ నాయకులు మానం బాలిరెడ్డి, చేరెడ్డి శ్రీకాంత్‌రెడ్డి, కడప వంశీధరరెడ్డి, కడప లక్ష్మీ, బి.ఓబులరావు, పోలేపల్లి శివ, యల్లా మణికంఠ, గోడి వెంకటేశ్వరరెడ్డి, సిఆర్‌ఐ మురళి, మిత్రారెడ్డి, కౌన్సిలర్‌ అభ్యర్థులు పోలేపల్లె పద్మావతి, షేక్‌.ఖాదర్‌బీ, కె.శివశంకర్‌, తదితరులు పాల్గొన్నారు. అరాచక పాలనకు చరమగీతం పాడాలి ఫ్యాను గుర్తుపై ఓటు వేసి గెలిపించండి మాజీ ఎమ్మెల్యే, వైఎస్సార్‌ సీపీ నియోజకవర్గ ఇన్‌చార్జి కేపీ నాగార్జునరెడ్డి

మార్కాపురం టౌన్‌: మార్కాపురం జెడ్పీ సీఈఓగా ఏ జోసెఫ్‌ కుమార్‌ ఆదివారం బాధ్యతలు స్వీకరించారు. అనంతరం జిల్లా కలెక్టర్‌ విజయసునీతను కలిసి బొకే అందించారు. స్థానిక సంస్థల ఎన్నికలను ప్రశాంత వాతావరణంలో, పారదర్శకంగా, నిబంధనలకు అనుగుణంగా, సమర్థవంతంగా నిర్వహించేందుకు అవసరమైన పక్కా ఏర్పాట్లు పూర్తి చేయాలని సూచించారు. అధికారులతో నిరంతరం సమన్వయం చేసుకోవాలన్నారు. ఎన్నికల ప్రక్రియను విజయవంతం చేయడంతో పాటు జిల్లా పరిధిలో గ్రామీణాభివృద్ధి, సంక్షేమపథకాలు, పంచాయతీరాజ్‌ కార్యకలాపాలను అత్యంత పారదర్శకంగా క్షేత్రస్థాయికి తీసుకెళ్లడమే ప్రథమ ప్రాధాన్యత అని జోసెఫ్‌ కుమార్‌ తెలిపారు. కార్యక్రమంలో జిల్లా పరిషత్‌ అధికారులు, సిబ్బంది పాల్గొన్నారు. దర్శి: మండలంలోని కొత్తపల్లి జిల్లా పరిషత్‌ హైస్కూల్‌కు చెందిన వల్లెపు రామ్‌చరణ్‌, పి. మణికంఠలు గుంటూరు జిల్లా తెనాలిలో ఈ నెల 10న జరిగిన అండర్‌–14,అండర్‌–17 హ్యాండ్‌బాల్‌ మీట్‌లో ప్రతిభ కనపరిచారు. వీరి ప్రతిభ ఆధారంగా జాతీయస్థాయి పోటీలకు ఎంపికయ్యారు. ఈ నెల 27వ తేదీ నుంచి 31వ తేదీ వరకు మధ్యప్రదేశ్‌లోని ఉమారియాలో జరిగే నేషనల్‌ మీట్‌లో రాష్ట్ర జట్టు తరఫున పాల్గొంటారు. ప్రతిభ కనపరిచిన విద్యార్థులను, జిల్లాస్థాయిలో మార్కాపురంలో జరిగిన పోటీల్లో ప్రతిభ కనపరిచిన మరి కొందరు క్రీడాకారులను ఉపాధ్యాయులు అభినందించారు. ఒంగోలు టౌన్‌: నగరం నడిబొడ్డులోని లాడ్జిలో వ్యభిచారం నిర్వహిస్తున్న ముఠాపై టాస్క్‌ఫోర్స్‌ పోలీసులు దాడి చేసి పట్టుకున్నారు. పోలీసుల కథనం ప్రకారం...ఒంగోలు నగరంలోని కర్నూలు రోడ్డులో వ్యభిచారం జరుగుతున్నట్లు టాస్క్‌ఫోర్స్‌ పోలీసులకు సమాచారం వచ్చింది. పక్కా సమాచారం అందుకున్న టాస్క్‌ఫోర్స్‌ పోలీసులు వెంటనే రంగంలోకి దిగారు. సీఐ కమలాకర్‌ ఆధ్వర్యంలో ఎస్సై చెంచయ్య, సిబ్బంది కలిసి ఆకస్మిక దాడులు నిర్వహించారు. దాడుల్లో ముగ్గురు మహిళలు, ఇద్దరు విటులతో పాటుగా లాడ్జి యజమానిని పోలీసులు అదుపులోకి తీసుకున్నారు. తదుపరి చర్యల నిమిత్తం ఒన్‌టౌన్‌ పోలీసులకు అప్పగించారు. ● రూ.5 లక్షల ఆస్తి నష్టం అద్దంకి: విద్యుత్‌ షార్ట్‌ సర్క్యూట్‌తో గుడిసెలు దగ్ధమయ్యాయి. ఈ సంఘటన మండలంలోని తిమ్మాయపాలెంలోని అద్దంకి–దర్శి రహదారి లోని బట్టీల వద్ద ఆదివారం జరిగింది. వివరాల్లోకి వెళితే..తిమ్మాయపాలెం గ్రామానికి చెందిన అడుసుమల్లి హనుమంతరావు దర్శి రహదరిలోని పొలాల్లో గత కొన్నేళ్లుగా ఇటుక బట్టీ నిర్వహిస్తున్నాడు. ఈ క్రమంలో ఆ బట్టీల వద్దకు వచ్చి ఇటుక కోసే కూలీల నివాసం కోసం షెడ్లు వేశాడు. వారు అందులో నివాసం ఉంటూ ఇటుక పనులు చేస్తుంటారు. ఈ క్రమంలో ఆదివారం గుడిసెలకు పక్కనే ఉన్న విద్యుత్‌ స్థంభం నుంచి సప్‌లై వైరు తెగి గుడిసె మీద పడడంతో మంటలు చెలరేగాయి. ఉలిక్కిపడిన కూలీలు గుడిసెల నుంచి బయటకు వచ్చారు. కాసేపట్లో మంటలు ఎగిసిపడడంతో స్థానికులు అగ్నిమాపక శాఖాధికారులకు సమాచారం ఇవ్వగా వారు హుటాహుటిన సంఘటనా స్థలికి చేరుకొని మంటలను అదుపు చేసే లోపే పది గుడిసెల వరకు దగ్ధమయ్యాయి. గుడిసెల్లోని కూలీల సామాను, బియ్యం, ఇతర సామాగ్రి మొత్తం కాలిపోయాయి. ప్రమాదంలో రూ.5 లక్షల మేర నష్టంవాటిల్లిందని బట్టీ యజమాని హనుమంతరావు వాపోయాడు.

ఒంగోలు సబర్బన్‌: ప్రకాశం భవన్‌లో సోమవారం కలెక్టర్‌ పి.రాజా బాబు ఆధ్వర్యంలో నిర్వహించనున్న ప్రజాసమస్యల పరిష్కార వేదిక (మీకోసం–పీజీఆర్‌ఎస్‌) కార్యక్రమాన్ని రద్దు చేస్తున్నట్లు డీఆర్‌ఓ పి.వెంకట రమణ తెలిపారు. ఈ మేరకు ఆయన విడుదల చేసిన ప్రకటనలో స్థానిక సంస్థల ఎన్నికల నేపథ్యంలో కార్యక్రమాన్ని రద్దు చేసినట్లు చెప్పారు. జిల్లా యంత్రాంగం మొత్తం ఎన్నికల నిర్వహణలో ఉన్నందున ఈ నిర్ణయం తీసుకున్నామన్నారు. ఒంగోలు టౌన్‌: ఎన్నికల కోడ్‌ ముగిసే వరకు జిల్లా పోలీసు కార్యాలయంలో నిర్వహించే ప్రజా సమస్యల పరిష్కార వేదికను తాత్కాలికంగా రద్దు చేస్తున్నట్లు ఎస్పీ హర్షవర్థన్‌ రాజు శనివారం ఒక ప్రకటనలో తెలిపారు. జిల్లాలో ఎంపీటీసీ, జెడ్పీటీసీ, గ్రామ పంచాయతీ ఎన్నికలు జరుగుతున్న నేపథ్యంలో ఎన్నికల కోడ్‌ అమలులో ఉందన్నారు. ఎన్నికలు ప్రశాంతంగా, సజావుగా జరిగేలా చూసేందుకు పోలీసులు బందోబస్తు, భద్రతా విధుల్లో నిమగ్నమై ఉన్నారని, దీంతో ప్రజా సమస్యల పరిష్కార వేదికను రద్దు చేస్తున్నట్లు వివరించారు. సంతనూతలపాడు: స్కూల్‌ గేమ్స్‌ ఫెడరేషన్‌ ఆధ్వర్యంలో ఈనెల 26వ తేదీ సోమవారం అండర్‌ 14, అండర్‌ 17 విభాగాల్లో ఉమ్మడి ప్రకాశం జిల్లా బాలబాలికల హాకీ జట్ల ఎంపికలు నిర్వహించనున్నట్లు జిల్లా కార్యదర్శులు పి. శివశంకర్‌, ఎం.రాజ్యలక్ష్మి శనివారం సంయుక్త ప్రకటనలో తెలిపారు. సంతనూతలపాడు మండలం మైనంపాడు ప్రభుత్వ ఉన్నత పాఠశాలలో ఈ ఎంపికలు నిర్వహించనున్నట్లు పేర్కొన్నారు. ఎంపికల్లో పాల్గొనే క్రీడాకారులు తప్పనిసరిగా లీప్‌ యాప్లో రిజిస్ట్రేషన్‌ చేసుకోవాలని, 26వ తేదీ ఉదయం 9.30 గంటలకు పాఠశాలకు చేరుకోవాలని సూచించారు. అలాగే అవసరమైన గుర్తింపు నంబర్‌ను వెంట తీసుకురావాలని తెలిపారు. అండర్‌ 14 విభాగంలో నవంబర్‌ 2013 తర్వాత జన్మించిన వారు, అండర్‌ 17 విభాగంలో నవంబర్‌ 2010 తర్వాత జన్మించిన వారు ఎంపికలకు అర్హులని వివరించారు. మరిన్ని వివరాలకు పీఈటీలు డి.శ్రీనివాసరావు 7989440879, తిరుమలశెట్టి రవికుమార్‌ 9951578357లను సంప్రదించాలని సూచించారు. మార్కాపురం టౌన్‌: పట్టణంలోని మెప్మా కార్యాలయంలో ఏర్పాటు చేసిన జెడ్పీటీసీ నామినేషన్ల స్క్రూటినీ కేంద్రాన్ని ఎస్పీ పంకజ్‌ కుమార్‌ మీనా శనివారం పరిశీలించారు. నామినేషన్ల పరిశీలన ప్రక్రియ ప్రశాంతంగా, సజావుగా నిర్వహించేందుకు చేపట్టిన భద్రతా ఏర్పాట్లను సిబ్బందితో సమీక్షించారు. ఈ సందర్భంగా కేంద్రం వద్ద విధులు నిర్వర్తిస్తున్న పోలీస్‌ అధికారులు, బందోబస్తు సిబ్బందికి ఎన్నికల ప్రవర్తనా నియమావళిని కచ్చితంగా అమలు చేస్తూ, విధుల్లో ఎలాంటి నిర్లక్ష్యానికి తావులేకుండా అప్రమత్తంగా వ్యవహరించాలని ఆదేశించారు. ఒంగోలు సబర్బన్‌: ఎన్నికల సంఘం రూపొందించిన హ్యాండ్‌ బుక్‌ (మ్యాన్యువల్‌)పై రిటర్నింగ్‌ అధికారులు సంపూర్ణ అవగాహన ఉండాలని జిల్లా ఎన్నికల పరిశీలకులు కె.హెప్సిబా రాణి అన్నారు. మునిసిపల్‌ ఆర్‌వోలు, ఏఆర్‌వోలు, ఈవోలు, ఏఈవోలకు ఎన్నికల కౌంటింగ్‌ ప్రక్రియపై శనివారం ప్రకాశం భవనంలో నిర్వహించిన శిక్షణ కార్యక్రమంలో ఆమె పాల్గొన్నారు. హెప్సిబా రాణి మాట్లాడుతూ నామినేషన్ల పూర్తితో ఎన్నికల ప్రక్రియ సగం ముగిసిందన్నారు. ఎన్నికలు, కౌంటింగ్‌ కూడా సజావుగా పూర్తయ్యేలా అప్రమత్తంగా ఉండాలని సూచించారు. కలెక్టర్‌ మాట్లాడుతూ ఎన్నికలు సమర్థంగా నిర్వహించడానికి నిశిత పరిశీలన, నిరంతర పర్యవేక్షణ అవసరమన్నారు. సమావేశంలో డీఆర్‌ఓ పీవీ రమణ, అర్బన్‌ ఎలక్షన్‌న్‌ నోడల్‌ ఆఫీసర్‌ ఎం.వెంకటేశ్వరరావు, ఇతర అధికారులు పాల్గొన్నారు.

ఒంగోలు సబర్బన్‌: ఒంగోలు నగరపాలక సంస్థ ఎన్నికల ప్రచారంలో వైఎస్సార్‌ సీపీ మేయర్‌ అభ్యర్థి కుప్పం ప్రసాద్‌, కార్పొరేటర్‌ అభ్యర్థులు దూకుడు పెంచారు. తమదైనశైలిలో ప్రజలను ఆకట్టుకుంటూ ముందుకు సాగుతున్నారు. ప్రజలతో మమేకమై ఇసీ్త్ర బండి నిర్వాహకుడి నుంచి కూరగాయల వర్తకుల వరకు అందర్నీ ఆత్మీయంగా పలకరిస్తూ వారి పనుల్లో చేదోడుగా నిలుస్తూ నేను మీ వాడిని అనిపించుకుంటున్నారు. దీంతో ఓటర్ల నుంచి మంచి ఆదరణ కనిపిస్తోంది. ఒంగోలు 20వ డివిజన్‌ కార్పొరేటర్‌ అభ్యర్థి పొట్లూరు వెంకాయమ్మతో కలిసి మేయర్‌ అభ్యర్థి కుప్పం ప్రసాద్‌ శనివారం ఎన్నికల ప్రచారం నిర్వహించారు. స్థానిక కోదండరామస్వామి ఆలయంలో పూజలు చేశారు. అనంతరం పోలేరమ్మ ఆలయంలో పూజల్లో పాల్గొన్నారు. రెండున్నరేళ్లుగా కూటమి పాలకులు ఏం చేశారు..? ఎన్నికల ప్రచారంలో కుప్పం ప్రసాద్‌ మాట్లాడుతూ కార్పొరేషన్‌ అని చెప్పడానికి సిగ్గుపడేలా 20వ డివిజన్‌ ఉందన్నారు. కనీసం గ్రావెల్‌ రోడ్లు కూడా లేని దుస్థితి నెలకొందని, కూటమి పాలకులు రెండున్నరేళ్లుగా ఏం చేస్తున్నారని విరుచుకుపడ్డారు. కాలువల్లో ఎక్కడికక్కడే చెత్త పేరుకుపోయిందన్నారు. పారిశుధ్య సమస్య ఎక్కువగా ఉందని, దోమల బెడదతో ప్రజలు అనేక ఇబ్బందులు పడుతున్నారని మండిపడ్డారు. మున్సిపల్‌ నిధులను ఈ ప్రాంత అభివృద్ధికి ఎందుకు ఖర్చుచేయడం లేదో చెప్పాలని నిలదీశారు. 41వ డివిజన్‌లోని సుబ్బయ్యకాలనీ, జెడ్పీ కాలనీ, మిలటరీ కాలనీల్లోనూ కుప్పం ప్రసాద్‌ ఎన్నికల ప్రచారం చేశారు. వైఎస్సార్‌ సీపీ ఒంగోలు నియోజకవర్గ ఇన్‌చార్జి చుండూరి రవిబాబు, ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి, ఒంగోలు నగర అధ్యక్షుడు కటారి శంకర్‌, స్థానిక నాయకులు పాల్గొన్నారు. ఒంగోలులో మేయర్‌ అభ్యర్థి కుప్పం ప్రసాద్‌, కార్పొరేటర్‌ అభ్యర్థులు ముమ్మరంగా ఎన్నికల ప్రచారం 41వ డివిజన్‌లో పాల్గొన్న చుండూరి రవిబాబు, బత్తుల బ్రహ్మానందరెడ్డి

సాక్షి ప్రతినిధి, ఒంగోలు: స్థానిక ఎన్నికల్లో గెలుపే లక్ష్యంగా అధికార తెలుగుదేశం పార్టీ బరితెగించింది. ప్రతిపక్ష వైఎస్సార్‌ సీపీ అభ్యర్థులను నామినేషన్లు వేయకుండా అడ్డుకున్న ఆ పార్టీ నేతలు కొత్త మోసానికి తెరతీశారు. వైఎస్సార్‌ సీపీ పేరుతో టీడీపీ వారే నామినేషన్లు వేసి ఎన్నికల ప్రక్రియను అపహాస్యం పాలు చేశారు. కనిగిరి, గిద్దలూరు, యర్రగొండపాలెం, మార్కాపురం, దర్శి, కొండపి నియోజకవర్గాల్లో మొత్తం మీద 82 ఫేక్‌ నామినేషన్లు వేసి నయా కుట్రలకు తెరతీసింది. నియోజకవర్గాల వారీగా అందిన సమాచారం మేరకు కనిగిరిలో 21, గిద్దలూరులో 23, కొండపి నియోజకవర్గం మర్రిపూడిలో 18, యర్రగొండపాలెంలో 12, మార్కాపురంలో 5, దర్శిలో 3 ఈ తరహా నామినేషన్లు దాఖలైనట్లు ఆరోపణలు ఉన్నాయి. దీనిపై ప్రజలు ఆ పార్టీని ఛీత్కరించుకుంటున్నారు. ఇవిగో ఉదాహరణలు మార్కాపురం నియోజకవర్గంలోని తర్లుపాడు మండలం సీతానాగులవరం ఎంపీటీసీ స్థానం నుంచి టీడీపీ కార్యకర్త నాగేళ్ల ఆంజనేయులు వైఎస్సార్‌సీపీ అభ్యర్థి పేరుతో నామినేషన్‌ దాఖలు చేశారు. యర్రగొండపాలెం మండలం గురిజేపల్లి ఎంపీటీసీ స్థానం నుంచి టీడీపీ నాయకుడు భవనం మల్లారెడ్డి కూడా వైఎస్సార్‌సీపీ తరఫున నామినేషన్‌ వేశారు. గిద్దలూరు నియోజకవర్గం కంభంలో అయితే భార్యభర్తలు ఒకరు టీడీపీ తరఫున, మరొకరు వైఎస్సార్‌సీపీ తరఫున నామినేషన్‌ వేయడం తీవ్ర విమర్శలకు దారితీసింది. కోర్టులను తప్పుదోవ పట్టించే యత్నమా? పరిషత్‌ నామినేషన్ల సందర్భంగా మార్కాపురం జిల్లాలోని పలు ప్రాంతాల్లో ఉద్రిక్తతలు చోటుచేసుకున్నాయి. వైఎస్సార్‌ సీపీ అభ్యర్థులను అడ్డుకోవడం, నామినేషన్‌ పత్రాలు చించివేయడం, మహిళా అభ్యర్థుల పట్ల దురుసుగా ప్రవర్తించడం వంటి ఘటనలు జరిగినట్లు ఆ పార్టీ నేతలు ఆరోపిస్తున్నారు. తమకు నామినేషన్లు వేసే అవకాశం కల్పించలేదంటూ వైఎస్సార్‌ సీపీ న్యాయస్థానాలను ఆశ్రయిస్తున్న నేపథ్యంలో.. ఆ పార్టీ పేరుతో నామినేషన్లు వేయడం వెనుక కోర్టులను తప్పుదోవ పట్టించే ఉద్దేశం ఉందనే అనుమానాలు వ్యక్తమవుతున్నాయి. ప్రతిపక్ష అభ్యర్థులు కూడా పెద్ద సంఖ్యలో నామినేషన్లు దాఖలు చేసినట్లు చూపించేందుకే ఈ ఎత్తుగడ వేశారనేది వైఎస్సార్‌ సీపీ నాయకుల ఆరోపణ. ఈ వ్యవహారంపై రాజకీయ వర్గాల్లో తీవ్ర చర్చ జరుగుతోంది.

ఎన్నికల ప్రచారంలో భారీగా పాల్గొన్న వైఎస్సార్‌ సీపీ నాయకులు, కార్యకర్తలు చీమకుర్తి రూరల్‌: కూటమి ప్రభుత్వం ఏర్పడి రెండున్నర సంవత్సరాలు గడుస్తున్నప్పటికీ చీమకుర్తి మున్సిపాలిటీలో తాగునీటి సమస్య పరిష్కారంపై ఒక్క అడుగు కూడా ముందుకు వేయలేదని వైఎస్సార్‌ సీపీ జిల్లా అధ్యక్షుడు, దర్శి ఎమ్మెల్యే బూచేపల్లి శివప్రసాద్‌రెడ్డి విమర్శించారు. గత వైఎస్సార్‌ సీపీ ప్రభుత్వంలో చీమకుర్తి మున్సిపాలిటీలో రూ.63 కోట్లతో అభివృద్ధి పనులు చేశామని చెప్పారు. అభివృద్ధి చేసే వైఎస్సార్‌ సీపీ ప్రభుత్వం కావాలో.. విధ్వంసం చేసే కూటమి ప్రభుత్వం కావాలో ప్రజలే నిర్ణయించాలన్నారు. చీమకుర్తి మున్సిపాలిటీలోని 14, 15, 16 వార్డుల్లో వైఎస్సార్‌ సీపీ సంతనూతలపాడు నియోజకవర్గ ఇన్‌చార్జి మేరుగు నాగార్జున, మున్సిపల్‌ చైర్‌పర్సన్‌ అభ్యర్థి మేడగం శ్రీదేవి, కౌన్సిలర్‌ అభ్యర్థులతో కలిసి శనివారం బూచేపల్లి ఎన్నికల ప్రచారం నిర్వహించారు. 14వ వార్డు కౌన్సిలర్‌ అభ్యర్థి పేరం కోటేశ్వరి, 15వ వార్డు అభ్యర్థి దేవరకొండ పద్మ, 16వ వార్డు అభ్యర్థి సోమ పార్వతి, స్థానిక నాయకులు, కార్యకర్తలు పూలమాలలతో బూచేపల్లి, మేరుగు, మేడగంకు ఘనంగా స్వాగతం పలికారు. ప్రజలు హారతులతో బ్రహ్మరథం పట్టారు. ఓటర్లతో బూచేపల్లి మాట్లాడుతూ గత వైఎస్సార్‌ సీపీ ప్రభుత్వంలో అభివృద్ధి, సంక్షేమంతో కూడిన సుపరిపాలన అందించామన్నారు. కూటమి ప్రభుత్వం వచ్చిన రెండున్నరేళ్లలో చంద్రబాబు ఇచ్చిన ఎన్నికల హామీలు కూడా అమలు చేయలేదని విమర్శించారు. సూపర్‌ సిక్స్‌ పథకాల అమలులో సైతం విఫలమయ్యారన్నారు. ఆనాడు వైఎస్‌ జగన్‌మోహన్‌రెడ్డి ప్రభుత్వం నవరత్నాలలో భాగంగా చెప్పినవాటితో పాటు చెప్పని వాటిని కూడా చేయగా.. నేడు చంద్రబాబు చెప్పినవి కూడా చేయకుండా ప్రజలకు ద్రోహం చేస్తున్నాడన్నారు. స్థానిక సంస్థల ఎన్నికల్లో చంద్రబాబుకు ప్రజలు గుణపాఠం చెప్పాలన్నారు. వైఎస్సార్‌ సీపీ ఫ్యాన్‌ గుర్తుకు ఓటేసి పార్టీ చైర్‌పర్సన్‌ అభ్యర్థి మేడగం శ్రీదేవి, కౌన్సిలర్‌ అభ్యర్థులను గెలిపించాలని కోరారు. వైఎస్సార్‌ సీపీతోనే అభివృద్ధి : మేరుగు నాగార్జున వైఎస్సార్‌ సీపీ పరిపాలనలోనే అభివృద్ధి, సంక్షేమం సాధ్యమని వైఎస్సార్‌ సీపీ సంతనూతలపాడు నియోజకవర్గ ఇన్‌చార్జి మేరుగు నాగార్జున అన్నారు. చీమకుర్తి మున్సిపాలిటీలో వైఎస్సార్‌ సీపీ చైర్‌పర్సన్‌, కౌన్సిలర్‌ అభ్యర్థులను గెలిపించాలని కోరారు. గడప గడపకు వెళ్లి ప్రజలను కలిసి వారి సమస్యలు తెలుసుకున్నారు. ఏకలవ్య నగర్‌, బండ కాలనీ, పల్లపోతువారివీధి, విడతలపూడి రోడ్డులో శనివారం విస్తృతంగా ఎన్నికల ప్రచారం నిర్వహించారు. వైఎస్సార్‌ సీపీతోనే మున్సిపాలిటీ అభివృద్ధి సాధ్యమని, మాజీ సీఎం వైఎస్‌ జగన్‌మోహన్‌రెడ్డి సారథ్యంలోనే చీమకుర్తి మున్సిపాలిటీకి మేలు జరిగిందని ఓటర్లకు వివరించారు. వైఎస్సార్‌ సీపీ అభ్యర్థులను గెలిపించాలని, ప్రజలకు అండగా ఉంటామని భరోసా ఇచ్చారు. కార్యక్రమంలో వైఎస్సార్‌ సీపీ చీమకుర్తి పట్టణ అధ్యక్షుడు కిష్టపాటి శేఖర్‌రెడ్డి, నాయకులు మంచ హరికృష్ణ, కంజుల ప్రతాపరెడ్డి, కాజా మొద్దీన్‌, సోమ శేషాద్రి, సోమ పార్వతి, మేడగం హర్షిత్‌, కాశయ్య, కిష్టపాటి శ్రీనివాసరెడ్డి, మాజీ కౌన్సిలర్లు బడే అయ్యప్పరెడ్డి, పాటిబండ్ల గంగయ్య, తప్పక బాబూరావు, పత్తి కోటేశ్వరరావు, కార్యకర్తలు, మహిళలు పాల్గొన్నారు.

ఒంగోలువన్‌టౌన్‌: నగరంలోని జిల్లా జైలును జిల్లా న్యాయ సేవాధికార సంస్థ ఇన్‌చార్జి కార్యదర్శి, సీనియర్‌ సివిల్‌ జడ్జి సీహెచ్‌ రామకృష్ణ శనివారం సందర్శించారు. ఈ సందర్భంగా జైలులోని ఖైదీలకు కల్పిస్తున్న వసతి, భోజన సదుపాయాలను జడ్జి స్వయంగా పరిశీలించారు. ఈ సందర్భంగా ఖైదీలతో ముఖాముఖిగా మాట్లాడి వారికి అందుతున్న సదుపాయాల గురించి వివరాలు అడిగి తెలుసుకున్నారు. భోజనం నాణ్యత, ఇతర సౌకర్యాల విషయంలో ఖైదీలకు ఎలాంటి ఇబ్బందులు ఎదురవుతున్నాయో అడిగి తెలుసుకున్నారు. ఖైదీలకు అందుబాటులో ఉన్న ఉచిత న్యాయ సహాయ సేవల గురించి వివరించారు. న్యాయ సాయం అవసరమైన ఖైదీలు జిల్లా న్యాయ సేవాధికార సంస్థను సంప్రదించవచ్చని, అర్హులైన వారికి నిబంధనల ప్రకారం ఉచిత న్యాయ సాయం అందించనున్నట్లు తెలిపారు. ప్రతి ఖైదీకి న్యాయపరమైన హక్కులపై అవగాహన కల్పించడం, అవసరమైన న్యాయ సహాయం అందించడం జిల్లా న్యాయ సేవాధికార సంస్థ ప్రధాన లక్ష్యమని పేర్కొన్నారు. జైలు సూపరింటెండెంట్‌ రాజకుమార్‌, జైలర్‌ అప్పలనాయుడు, డిప్యూటీ లీగల్‌ ఎయిడ్‌ కౌన్సిల్‌ పి వీర రాఘవులు, న్యాయవాదులు, న్యాయ సేవా సహాయకులు పాల్గొన్నారు.

ఒంగోలు సబర్బన్‌: పోలింగ్‌ సామగ్రి నిర్వహణ, కౌంటింగ్‌ ఏర్పాట్లలో ఎలాంటి లోపాలు లేకుండా అప్రమత్తంగా విధులు నిర్వహించాలని కలెక్టర్‌, జిల్లా ఎన్నికల అధికారి పి.రాజాబాబు స్పష్టం చేశారు. జాయింట్‌ కలెక్టర్‌ కల్పనాకుమారితో కలిసి శనివారం ఆయన ఒంగోలు నగర శివారులో ఉన్న రైజ్‌ ఇంజినీరింగ్‌ కాలేజీని సందర్శించారు. ఒంగోలు మున్సిపల్‌ కార్పొరేషన్‌ ఎన్నికలకు సంబంధించిన సామగ్రి డిస్ట్రిబ్యూషన్‌, రిసెప్షన్‌, స్ట్రాంగ్‌ రూములు, కౌంటింగ్‌ కేంద్రం కూడా ఈ కాలేజీ ప్రాంగణంలోనే అధికారులు ఏర్పాటు చేశారు. ఈ దృష్ట్యా ఆయా పనుల పురోగతిని కలెక్టర్‌ పరిశీలించారు. ఎన్నికలకు అవసరమైన మొత్తం 101 స్టాట్యూటరీ, నాన్‌ స్టాట్యూటరీ సామగ్రిని నిర్వహిస్తున్న తీరును తనిఖీ చేశారు. మున్సిపల్‌ కార్పొరేషన్‌లోని 224 పోలింగ్‌ కేంద్రాలకు అవసరమైన ఈ సామగ్రిని ఆయా పోలింగ్‌ స్టేషన్ల వారీగా శనివారం సాయంత్రానికే సిద్ధం చేయాలని అధికారులను ఆదేశించారు. ఓట్ల లెక్కింపునకు అవసరమైన బారికేడ్ల ఏర్పాటు, బ్యాలెట్‌ బాక్స్‌లను సిద్ధం చేసిన తీరును కూడా ఆయన పరిశీలించారు. ఎన్నికల సంఘం నిబంధనల మేరకు అవసరమైన అన్ని ఏర్పాట్లు చేయాలని కలెక్టర్‌ స్పష్టం చేశారు.

దర్శి: దర్శి మండలం బసిరెడ్డిపల్లి ఎంపీటీసీగా తన భార్య అనంతలక్ష్మి నామినేషన్‌ వేయడానికి వెళితే తనను, తన బావమర్ధిని టీడీపీ మూకలు విచక్షణా రహితంగా కొట్టారని మనస్తాపం చెంది పురుగులమందు తాగి శుక్రవారం ఆత్మహత్యాయత్నం చేసిన కాసు సుబ్బారెడ్డి ఒంగోలు ప్రైవేటు ఆస్పత్రిలో చికిత్స పొందుతున్నారు. దర్శి ఎమ్మెల్యే, వైఎస్సార్‌ సీపీ జిల్లా అధ్యక్షుడు డాక్టర్‌ బూచేపల్లి శివప్రసాద్‌రెడ్డి శనివారం ఆస్పత్రికి వెళ్లి సుబ్బారెడ్డిని పరామర్శించారు. ఆయన కుటుంబ ఆరోగ్యం విషయం వైద్యులను అడిగి తెలుసుకున్నారు. వారి కుటుంబానికి అండగా ఉంటామని హామీ ఇచ్చారు.

కంభం: అనంతపురం–అమరావతి జాతీయ రహదారిపై రెండు చోట్ల జరిగిన రోడ్డు ప్రమాదాల్లో నలుగురికి గాయాలయ్యాయి. శుక్రవారం రాత్రి స్థానిక వై.జంక్షన్‌ వద్ద హైవేపై వేగంగా వెళ్తున్న స్పోర్ట్స్‌ బైక్‌ ఓ ఆటోను ఢీకొట్టడంతో ఆటో బోల్తాపడింది. ఈ ప్రమాదంలో ద్విచక్ర వాహనం నడుపుతున్న యువకుడికి గాయాలయ్యాయి. శనివారం సాయంత్రం హైవేపై ఉన్న డివైడర్‌ సమీపంలో చాయ్‌వనం వద్ద వేగంగా స్పోర్ట్స్‌ బైక్‌పై వెళ్తున్న యువకులు మరో ద్విచక్ర వాహనాన్ని ఢీకొట్టడంతో ఒకరికి తీవ్రగాయాలవగా.. మరో ఇద్దరికి స్వల్పగాయాలయ్యాయి. క్షతగాత్రులను కంభం ప్రభుత్వ వైద్యశాలకు తరలించి చికిత్స అందించారు. ఇటీవల పలువురు యువకులు స్పోర్ట్స్‌ బైక్‌లపై మితిమీరిన వేగంతో పెద్ద పెద్ద శబ్దాలు చేసుకుంటూ పట్టణంలో తిరుగుతూ ప్రజలు, విద్యార్థులను ఇబ్బందులకు గురిచేస్తున్నారని స్థానిక ప్రజలు వాపోతున్నారు. మితిమీరిన వేగంతో వెళ్తుండటంతో ప్రమాదాలు జరుగుతున్నాయని, పోలీసులు దృష్టి సారించి తగిన చర్యలు తీసుకోవాలని ప్రజలు కోరుతున్నారు. నలుగురికి గాయాలు

కందుకూరు: నేను కందుకూరు రూపురేఖలు మార్చాను.. వందల కోట్లతో అభివృద్ధి చేశానని నిత్యం గొప్పలు చెప్పుకునే స్థానిక ఎమ్మెల్యే ఇంటూరి నాగేశ్వరరావు.. చేసిన అభివృద్ధిని ప్రజలకు చెప్పి స్థానిక సంస్థల ఎన్నికల్లో ఓట్లు వేయించుకుని గెలవకుండా ఎంపీటీసీ స్థానాల్లో గెలిచేందుకు దాడులు, దౌర్జనాలు ఎందుకు చేస్తున్నాడంటూ వైఎస్సార్‌ సీపీ నియోజకవర్గ ఇన్‌చార్జి, మాజీ ఎమ్మెల్యే బుర్రా మధుసూదన్‌యాదవ్‌ నిలదీశారు. స్థానిక కార్యాలయంలో శనివారం నిర్వహించిన విలేకరుల సమావేశంలో ఆయన మాట్లాడారు. ఎంపీటీసీ, జెడ్పీటీసీ నామినేషన్ల సందర్భంగా మూడు రోజుల పాటు నియోజకవర్గంలో టీడీపీ గూండాలు చేసిన అరాచకం అంతా ఇంతా కాదన్నారు. కడప, కావలితో పాటు నియోజకవర్గంలోని అన్ని మండలాల నుంచి రౌడీలను పోగేసి నామినేషన్‌ కేంద్రాల వద్ద వైఎస్సార్‌ సీపీ అభ్యర్థులపై దాడులకు తెగబడ్డారన్నారు. నామినేషన్‌ కేంద్రాల్లో వందల మంది టీడీపీ మూకలు ఉంటే.. ఆ కేంద్రానికి 100 మీటర్ల దూరంలో వైఎస్సార్‌ సీపీ శ్రేణులను పోలీసులు అడ్డుకున్నారని చెప్పారు. నామినేషన్‌లు వేయడానికి వెళ్లిన తమ అభ్యర్థులచే నామినేషన్‌లు వేయించకుండా పోలీసులు ఉద్దేశపూర్వకంగా అడ్డుకున్నారని వివరించారు. ఇటు పోలీసుల అడ్డంకులు, రౌడీల దాడులను ఎదుర్కొని నామినేషన్‌ కేంద్రంలోకి వెళితే.. కేంద్రంలో మాటువేసిన వందల మంది టీడీపీ మూకలు వైఎస్సార్‌ సీపీ అభ్యర్థుల నామినేషన్‌ పత్రాలను లాక్కుని చించివేశారన్నారు. ఇటువంటి పరిస్థితుల్లో ఎన్నికల కమిషన్‌కు, కలెక్టర్‌, ఎస్పీలకు పెద్ద ఎత్తున ఫిర్యాదు పంపితే.. చివరిరోజు వైఎస్సార్‌ సీపీ అభ్యర్థులు నామినేషన్‌లు వేసుకునేందుకు అవకాశం కల్పించారన్నారు. లింగసముద్రం నామినేషన్‌ కేంద్రంలో 2000 మంది టీడీపీ మూకలు స్వైరవిహారం చేశారని, తమ పార్టీ అభ్యర్థులను కొట్టారని వివరించారు. అభ్యర్థులను కిడ్నాప్‌ చేశారు... నామినేషన్‌లు వేయడానికి వెళ్లిన తమ అభ్యర్థులను టీడీపీ నాయకులు కిడ్నాప్‌ చేశారని బుర్రా ఆరోపించారు. వీఆర్‌ కోట స్థానం నుంచి నామినేషన్‌కు వెళ్లిన ఇద్దరు అభ్యర్థులపై దాడిచేసి కొట్టి కిడ్నాప్‌ చేశారని చెప్పారు. దీనిపై జిల్లా ఎస్పీకి ఫిర్యాదు చేస్తే శుక్రవారం రాత్రి వారిని తీసుకెళ్లి ఇంటి దగ్గర వదిలిపెట్టారన్నారు. దీనిపై కేసు నమోదు చేయాల్సిన లింగసముద్రం ఎస్సై తిరిగి తమ అభ్యర్థినే బెదిరిస్తున్నారని, ఫిర్యాదు చేస్తే.. టీడీపీ వాళ్లు చంపేస్తారంటూ బెదిరిస్తున్నారన్నారు. బాధితుడిచే తెల్లకాగితంపై సంతకం చేయించుకుని ఎస్సైకి ఇష్టం వచ్చినట్లు రాసుకున్నారని చెప్పారు. లింగసముద్రం ఎస్సైపై ప్రైవేట్‌ కేసులు దాఖలు చేస్తామని వివరించారు. నామినేషన్ల తిరస్కరణ నీ ఘనత కాదా..? ఇన్ని దాడులు, దౌర్జన్యాలు ఎదుర్కొని ప్రాణాలు తెగించి నామినేషన్‌లు వేసుకుంటే కుట్రపూరితంగా వైఎస్సార్‌ సీపీ అభ్యర్థుల నామినేషన్లను తిరస్కరిస్తున్నారంటూ బుర్రా మండిపడ్డారు. ఎక్కడైతే వైఎస్సార్‌ సీపీ గెలిచే అవకాశం ఉందో ఆయా స్థానాల్లో తమ అభ్యర్థుల నామినేషన్లు తిరస్కరించడం అన్యాయం కాదా అని ప్రశ్నించారు. మాచవరం, పాలూరు–దొండపాడు, బద్దిపూడి, చుండి, తదితర ప్రాదేశికాల్లోని నామినేషన్లను అడ్డగోలుగా తిరస్కరిస్తున్నారన్నారు. ఇంతకంటే దౌర్భాగ్యం ప్రజాస్వామ్యంలో మరొకటి ఉండదన్నారు. ఎమ్మెల్యే ఇంటూరి నాగేశ్వరరావుకి ఎన్నికలను ఎదుర్కొని గెలిచే సత్తా లేదని, అందువలనే అడ్డదారిలో గెలిచేందుకు కుట్రలు చేస్తున్నారని ఆరోపించారు. ఎంపీటీసీ, జెడ్పీటీసీ ఎన్నికల్లో అడ్డదారిలో గెలవడమా నీ ఘనత నామినేషన్లలోనే దాడులు, దౌర్జన్యాలనే కొత్త సంస్కృతి తెచ్చావు ఎన్నికలు జరిగితే గెలవలేమని వైఎస్సార్‌ సీపీ అభ్యర్థుల నామినేషన్లు తిరస్కరించేలా కుట్రలు పన్నావు అభివృద్ధిపై గొప్పలు చెప్పుకునే నీవు.. ఎన్నికలను ఎదుర్కొనేందుకు భయమెందుకు..? త్వరలో జరిగే ఎన్నికల్లో ఇంకెన్ని ఘనకార్యాలు చేస్తావో.. కందుకూరు ఎమ్మెల్యే ఇంటూరిపై వైఎస్సార్‌ సీపీ నియోజకవర్గ ఇన్‌చార్జి బుర్రా ధ్వజం కందుకూరుకు కొత్త సంస్కృతి తెచ్చావు... ఎన్నికల్లో దాడులు చేసి నామినేషన్‌ పత్రాలు చించి గెలిచే సంస్కృతి గతంలో కందుకూరులో ఎప్పుడూ లేదని, ఎమ్మెల్యే ఇంటూరి నాగేశ్వరరావు కొత్తగా కందుకూరు నియోజకవర్గానికి ఆ సంస్కృతి తీసుకొచ్చారని బుర్రా మధుసూదన్‌యాదవ్‌ మండిపడ్డారు. ఎంపీటీసీ, జెడ్పీపీటీసీ నామినేషన్ల సందర్భంగా ఆ పార్టీ చేసిన అరాచకాలు చూసిన తర్వాత కందుకూరులో ఆ పార్టీకి 20 ఏళ్ల పాటు ఎందుకు అధికారం ఇవ్వలేదో అర్థమవుతోందన్నారు. అధికారం ఎవ్వరికీ శాశ్వతం కాదనే విషయాన్ని ఎమ్మెల్యే ఇంటూరితో పాటు ఆ పార్టీ నాయకులు, కార్యకర్తలు గుర్తుపెట్టుకోవాలని హెచ్చరించారు. వచ్చే ఎన్నికల్లో ఓడితే ఇంటూరి అడ్రస్‌ లేకుండా పోతాడని, ఆ తర్వాత టీడీపీ కార్యకర్తల పరిస్థితి ఏంటో అర్థం చేసుకోవాలని హితవు పలికారు. ఎమ్మెల్యే చెప్పిన విధంగా దాడులు, దౌర్జన్యాలకు పాల్పడి చెడ్డ పేరు తెచ్చుకోవద్దని సూచించారు. నామినేషన్లలోనే ఇంత అరాచకం ఉంటే ఇక ఎన్నికల్లో ఆ టీడీపీ గూండాలు ఏ స్థాయిలో బరి తెగిస్తారో తలచుకుంటే తనకే భయమేస్తుందన్నారు. ఇక ఓట్లు వేయడానికి వచ్చే సామాన్యుల పరిస్థితి ఎలా ఉంటుందో ఊహించుకోవాలని అన్నారు.

సాక్షి టాస్క్‌ఫోర్స్‌: నామినేషన్‌ వేస్తుంటే రెండు సార్లు అడ్డుకుని విచక్షణా రహితంగా కొట్టారని కాసు సుబ్బారెడ్డి అనే వ్యక్తి పురుగుమందు తాగి ఆత్మహత్యాయత్నానికి పాల్పడ్డాడు. ఈ సంఘటన దర్శి పట్టణంలో శుక్రవారం జరిగింది. బాధితుడు కాసు సుబ్బారెడ్డి కుమారుడు గోవర్ధన్‌రెడ్డి తెలిపిన వివరాల ప్రకారం.. కాసు సుబ్బారెడ్డి, ఆయన భార్య అనంతలక్ష్మి వైఎస్సార్‌ సీపీ బసిరెడ్డిపల్లె ఎంపీటీసీగా నామినేషన్‌ వేయాలని మండల పరిషత్‌ కార్యాలయానికి వెళ్లారు. అక్కడ ఉన్న ఎస్సై అడ్డుకుని లాఠీతో విచక్షణారహితంగా కొట్టారు. నామినేషన్‌ వేస్తే కేసులు పెడతామని బెదిరించి వెనక్కి పంపేశారు. ఇంతలో దర్శికి వచ్చిన ఎస్పీ హర్షవర్ధన్‌రాజు ఎవరైనా నామినేషన్‌ వేసుకోవచ్చని ఓపెన్‌గా ప్రకటించారు. ఇది తెలుసుకున్న సుబ్బారెడ్డి అక్కడే ఉండి తన బావమరిది శివారెడ్డిని తోడుగా పంపి అనంతలక్ష్మితో నామినేషన్‌ వేసేందుకు వెళ్లారు. అక్కడ టీడీపీ నేతలు ఉండటంలో ముందుగా కలెక్టర్‌కు ఫోన్‌ చేసి నామినేషన్‌ వేయనీయడం లేదని ఫిర్యాదు చేశారు. కలెక్టర్‌ ఫోన్‌లైన్‌లో ఉండి నామినేషన్‌ వేసేందుకు పంపించారు. మొదటి, రెండో బారికేడ్‌ల వద్ద కానిస్టేబుల్‌తో కలెక్టర్‌ ఫోన్‌లో చెప్పి పంపారు. నామినేషన్‌ సెంటర్‌ వద్దకు వెళ్లే సరికి టీడీపీ నేతలు అకస్మాత్తుగా వచ్చి కలెక్టర్‌ ఫోన్‌ లైన్‌లో ఉండగానే విచక్షణా రహితంగా కొట్టారు. ఒకసారి పంపితే మళ్లీ వచ్చారా.. అంటూ టీడీపీ నేతలు నామినేషన్‌ పత్రాలు లాక్కుని చించేసి దాడి చేశారు. కలెక్టర్‌ లైన్‌లో ఉన్నారని చెప్తున్నా వినిపించుకోకుండా పోలీసుల కళ్లెదుటే దారుణంగా కొట్టి పంపారు. దమ్ముంటే నామినేషన్‌ వేయండంటూ వేలు చూయించి హెచ్చరికలు జారీ చేస్తూ అవమానకరంగా అసభ్య పదజాలంతో దూషించారు. ఆ తర్వాత ఫోన్‌లో కలెక్టర్‌ను శివారెడ్డి నిలదీశారు. దీంతో కలెక్టర్‌ సీఐకి ఫోన్‌ చేసి వారికి భద్రత కల్పించి వారితో నామినేషన్‌ వేయించాలని ఆదేశించారు. దీంతో సీఐ ఆదేశాల మేరకు వారి వద్దకు వెళ్లిన ఎస్సై తాను నామినేషన్‌కు తీసుకుని వెళ్తానని చెప్పగా మొదట వస్తే మీరే కొట్టి పంపారు.. మళ్లీ వస్తే టీడీపీ నేతలు కొట్టారు.. పోలీసుల ముందు టీడీపీ నేతలు కొడితేనే చూస్తూ ఉండిపోయారు.. మీ మీద నాకు నమ్మకం లేదు. మమ్మల్ని మళ్ళీ కొట్టిస్తారని తెగేసి చెప్పాడు. దీంతో ఎస్సై అక్కడి నుంచి వెళ్లిపోయారు. తనను, తన బావమరిదిని విచక్షణారహితంగా కొట్టారన్న మనస్తాపంతో కాసు సుబ్బారెడ్డి నామినేషన్‌ సెంటర్‌కు కూతవేటు దూరంలో గడియారం స్తంభం సెంటర్‌లో పురుగుమందు తాగి ఆత్మహత్యాయత్నానికి పాల్పడ్డాడు. విషయం తెలుసుకున్న కుటుంబ సభ్యులు ఆయన్ను ప్రభుత్వ ఆస్పత్రికి తీసుకెళ్లారు. ప్రస్తుతం ఆయన పరిస్థితి ఆందోళనకరంగా ఉంది. పరిస్థితి మరింత విషమంగా ఉండటంతో అంబులెన్స్‌లో ఒంగోలులోని ఓ ప్రైవేట్‌ ఆస్పత్రికి తీసుకెళ్లారు. అక్కడ 72 గంటలు గడిస్తేగానీ ఏ విషయం చెప్పలేమని వైద్యులు చెప్పినట్లు కుటుంబ సభ్యులు తెలిపారు. టీడీపీ గూండాలు దాడి చేయడంతో ఆత్మహత్యాయత్నం

ఒంగోలు సబర్బన్‌: రాష్ట్ర ఎన్నికల సంఘానికి, జిల్లా ఎన్నికల పరిశీలకులకు క్షేత్రస్థాయిలో పనిచేసే మైక్రో అబ్జర్వర్లే కళ్లు, చెవులు వంటి వారని జిల్లా ఎన్నికల పరిశీలకులు కె. హెప్సిబా రాణి అన్నారు. ప్రకాశం భవనంలో మైక్రో అబ్జర్వర్లకు శుక్రవారం నిర్వహించిన శిక్షణ కార్యక్రమంలో కలెక్టర్‌ పి.రాజా బాబు, జాయింట్‌ కలెక్టర్‌ కల్పనా కుమారిలతో కలిసి ఆమె పాల్గొన్నారు. ఈ సందర్భంగా హెప్సిబా రాణి మాట్లాడుతూ పోలింగ్‌ కేంద్రాల్లో మౌలిక వసతుల కల్పన, బీఎల్‌వో హెల్ప్‌ డెస్క్‌, ఇతర సౌకర్యాలను సూక్ష్మస్థాయిలో పరిశీలించడంలో మైక్రో అబ్జర్వర్లదే కీలకపాత్ర అన్నారు. ఎన్నికల మాన్యువల్‌ ప్రకారం ఈ దిశగా విధులపై అవగాహన పెంచుకోవాలన్నారు. కలెక్టర్‌ మాట్లాడుతూ ఎన్నికల విధుల్లో పాల్గొనే సిబ్బంది అందరికీ అవసరమైన శిక్షణ ఇస్తున్నట్లు చెప్పారు. మైక్రో అబ్జర్వర్లు కూడా పూర్తిస్థాయి అవగాహనతో విధులకు వెళ్లేలా చర్యలు తీసుకుంటున్నట్లు తెలిపారు. శిక్షణతో పాటు పవర్‌ పాయింట్‌ ప్రజెంటేషన్‌, చెక్‌ లిస్ట్‌ ద్వారా విధులపై అవగాహన కల్పిస్తున్నామన్నారు. బ్యాలెట్‌ బాక్స్‌లను నిర్వహించే విధానంపైనా ప్రత్యక్ష అవగాహన కల్పించేలా శిక్షణ కార్యక్రమాన్ని రూపొందించామన్నారు. సమావేశంలో అర్బన్‌ ఎలక్షన్‌ నోడల్‌ అధికారి ఎం.వెంకటేశ్వరరావు, ఎల్‌.డీ.ఎం.రమేష్‌, ట్రైనీ డిప్యూటీ కలెక్టర్‌ రాజా మ్యాత్యూ పాల్గొన్నారు.

● తుమ్మలబైలులో పర్యటించిన రాష్ట్ర గిరిజన సంక్షేమ శాఖ కార్యదర్శి మురళీధర్‌రెడ్డి పెద్దదోర్నాల: గిరిజనగూడేల్లో మౌలిక వసతుల కల్పనకు కృషి చేస్తున్నట్లు రాష్ట్ర గిరిజన సంక్షేమ శాఖ కార్యదర్శి మురళీధర్‌రెడ్డి తెలిపారు. పెద్దదోర్నాల మండల పరిధిలోని తుమ్మలబైలు గిరిజన గూడేన్ని శుక్రవారం ఆయన సందర్శించారు. మండలంలో రెండో రోజు పర్యటించి తుమ్మలబైలు గిరిజన గూడెంలో సమస్యలు తెలుసుకున్నారు. గూడెంలో ఐటీడీఏ, ఆర్‌డీటీ స్వచ్ఛంద సంస్థల సహకారంతో నిర్వహిస్తున్న మాడపాకులతో ప్రసాదం కప్పులు, భోజనం ప్లేట్ల తయారీ కేంద్రాన్ని పరిశీలించారు. అనంతరం ఉఫాది హామీ పథకం ద్వారా సాగుచేస్తున్న మామిడి తోటను సందర్శించారు. గూడెంలో ఏర్పాటు చేసిన స్వాతంత్య్ర సమరయోధులైన హనుమంతప్ప, బయ్యన్నల విగ్రహాలకు పూలమాలలు వేసి నివాళులర్పించారు. కార్యక్రమంలో ఐటీడీఏ శ్రీశైలం ప్రాజెక్టు అధికారి నాయుడు, తదితరులు పాల్గొన్నారు.

గిద్దలూరు రూరల్‌: ప్రమాదవశాత్తూ రైలు నుంచి జారిపడి ఇద్దరు మృతిచెందిన సంఘటనలు రెండు వేర్వేరు ప్రాంతాల్లో చోటుచేసుకున్నాయి. గిద్దలూరు పట్టణానికి చెందిన మద్దిరాల లక్ష్మీదేవి (46) తన భర్త పాండుతో కలిసి హైదరాబాద్‌ వెళ్లి శుక్రవారం తిరిగి గిద్దలూరు వచ్చింది. స్థానిక రైల్వేస్టేషన్‌లో రైలు దిగే సమయంలో ప్లాట్‌ఫాం నంబర్‌ 2లో రైలుకు – ప్లాట్‌ఫాంకు కొంత గ్యాప్‌ ఉండటం వలన ప్రమాదవశాత్తూ జారి రైలు చక్రాల కింద పడి రెండు ముక్కలై అక్కడికక్కడే మృతిచెందింది. భర్త పాండు పెద్దగా కేకలు వేసి రైలును నిలిపేందుకు ప్రయత్నించాడు. ఈలోపే లక్ష్మీదేవి శరీరం రెండు ముక్కలై అతని కళ్లముందే రైలు చక్రాల కిందపడి మృతిచెందడంతో తట్టుకోలేక తల్లడిల్లిపోయాడు. సమాచారం అందుకున్న నంద్యాల జీఆర్‌పీఎఫ్‌ పోలీసులు సంఘటన స్థలానికి చేరుకుని మృతదేహాన్ని పోస్టుమార్టం నిమిత్తం గిద్దలూరు ప్రభుత్వ వైద్యశాలకు తరలించారు. కేసు నమోదు చేసుకుని దర్యాప్తు చేపట్టారు. మృతురాలు గిద్దలూరు మండలం తంబళ్లపల్లె గ్రామంలో అంగన్‌వాడీ టీచర్‌గా పనిచేస్తుంటుంది. ఆమె భర్త పట్టణంలో ఏషియన్‌ పెయింటింగ్‌ వ్యాపారం చేస్తుండగా, ఇద్దరు పిల్లలున్నారు. సోమరాజుపల్లి రైల్వే గేటు వద్ద గుర్తుతెలియని వ్యక్తి... సింగరాయకొండ: మండలంలోని సోమరాజుపల్లి రైల్వే గేటు సమీపంలో రైలు నుంచి జారిపడి సుమారు 45 ఏళ్ల వయసున్న గుర్తు తెలియని వ్యక్తి శుక్రవారం మృతి చెందాడు. రైల్వే జీఆర్‌పీ పోలీసుల కథనం ప్రకారం... నలుపు రంగు నిండు చేతుల చొక్కా, నీలి రంగు జీన్స్‌ ప్యాంటు ధరించి నల్లని ఒకపేట మొలతాడు, మెడలో ఎరుపురంగు దారానికి రుద్రాక్ష కలిగిన వ్యక్తి ప్రమాదవశాత్తూ రైలు నుంచి జారి పడి మృతిచెందాడు. మృతుని సమాచారం తెలిసిన వారు ఒంగోలు రైల్వే పోలీస్‌స్టేషన్‌ ఎస్సై టి.శ్రీరామ్‌ (9247575632)ను సంప్రదించాలని రైల్వే జీఆర్‌పీ పోలీసులు కోరారు. మృతదేహాన్ని పోస్టుమార్టం నిమిత్తం ఒంగోలు జీజీహెచ్‌కి తరలించి కేసు నమోదు చేసి దర్యాప్తు చేస్తున్నట్లు ఎస్సై టి.శ్రీరామ్‌ తెలిపారు. వేర్వేరు ప్రాంతాల్లో ప్రమాదాలు కళ్లముందే భార్య మరణంతో తల్లడిల్లిన భర్త

చీమకుర్తి నెహ్రూనగర్‌లో ఎన్నికల ప్రచారం నిర్వహిస్తున్న బూచేపల్లి శివప్రసాద్‌రెడ్డి, మేరుగు నాగార్జున, మేడగం శ్రీదేవి, సోమా శైలజ, బొడ్డుబోయిన లీలావతి, నాయకులు చీమకుర్తి అంబేడ్కర్‌నగర్‌లో ఓట్లు అభ్యర్థిస్తున్న బూచేపల్లి శివప్రసాద్‌రెడ్డి, బూచేపల్లి వెంకాయమ్మ, మేరుగు నాగార్జున, మేడగం శ్రీదేవి, దుడ్డు కోటేశ్వరమ్మ, దుడ్డు అంజమ్మ, నాయకులు చీమకుర్తి రూరల్‌: ఎన్నికలంటే ఐదేళ్ల భవిష్యత్తును నిర్ణయించే ప్రజా తీర్పని.. అందుకే మంచి చేసే నాయకులనే ఎన్నుకోవాలని వైఎస్సార్‌ సీపీ జిల్లా అధ్యక్షుడు, దర్శి ఎమ్మెల్యే బూచేపల్లి శివప్రసాద్‌రెడ్డి ప్రజలకు పిలుపునిచ్చారు. ఫ్యాన్‌ గుర్తుకు ఓటేస్తేనే సుపరిపాలన అందుతుందన్నారు. స్థానిక సంస్థల ఎన్నికల్లో వైఎస్సార్‌ సీపీ అభ్యర్థులను గెలిపించాలని కోరారు. చీమకుర్తి మున్సిపాలిటీలోని 8, 9 వార్డుల్లో వైఎస్సార్‌ సీపీ చైర్‌పర్సన్‌ అభ్యర్థి మేడగం శ్రీదేవి, 8 వార్డు అభ్యర్థి సోమా శైలజ, 9 వార్డు అభ్యర్థి బొడ్డుబోయిన లీలావతితో కలిసి శుక్రవారం ఉదయం బూచేపల్లి శివప్రసాద్‌రెడ్డి, పార్టీ సంతనూతలపాడు నియోజకవర్గ ఇన్‌చార్జి, మాజీ మంత్రి మేరుగు నాగార్జున ఇంటింటికి తిరిగి ఎన్నికల ప్రచారం నిర్వహించారు. ఈ సందర్భంగా ఓటర్లతో బూచేపల్లి శివప్రసాద్‌రెడ్డి మాట్లాడుతూ గత వైఎస్సార్‌ సీపీ ప్రభుత్వంలో మాదిరిగా ప్రజలకు మంచి పరిపాలన అందిస్తామని, వైఎస్సార్‌ సీపీ అభ్యర్థులను గెలిపించి తమకు అవకాశం ఇవ్వాలని కోరారు. ఎన్నికల సందర్భంగా పట్టణ ప్రజలకు ఇస్తున్న హామీలన్నీ అమలు చేస్తామని చెప్పారు. ప్రస్తుత సీఎం చంద్రబాబు మాదిరిగా ఇచ్చిన హామీలను మరిచి ప్రజలను మోసం చేయకుండా గత ప్రభుత్వ హయాంలో ఆనాటి సీఎం వైఎస్‌ జగన్‌మోహన్‌రెడ్డి మాదిరిగా ప్రతి ఒక్క హామీని అమలు చేసి ఇచ్చిన మాట నిలబెట్టుకుంటామని అన్నారు. చీమకుర్తి పట్టణ ఓటర్లంతా ఫ్యాన్‌ గుర్తుకు ఓటేసి చైర్‌పర్సన్‌ అభ్యర్థి మేడగం శ్రీదేవితో పాటు 28 వార్డుల కౌన్సిలర్‌ అభ్యర్థులను భారీ మెజార్టీతో గెలిపించాలని కోరారు. మేరుగు నాగార్జున మాట్లాడుతూ ఇచ్చిన హామీలను విస్మరించి ప్రజలను మోసగించే కూటమి పార్టీ అభ్యర్థులను కాకుండా ప్రజా సమస్యలపై అవగాహన కలిగి ఉండి పట్టణ అభివృద్ధిపై స్పష్టమైన ఆలోచనతో ముందుకు సాగే వైఎస్సార్‌ సీపీ అభ్యర్థులను ఆదరించాలని ఓటర్లను కోరారు. వైఎస్సార్‌ సీపీతోనే ప్రజల జీవితాల్లో మార్పు వస్తుందని, మున్సిపల్‌ ఎన్నికల్లో వైఎస్సార్‌ సీపీ చైర్‌పర్సన్‌ అభ్యర్థి మేడగం శ్రీదేవితో పాటు కౌన్సిల్‌ అభ్యర్థులను గెలిపించుకుంటేనే పట్టణం అభివృద్ధి చెందుతుందని అన్నారు. తొలుత వార్డు అభ్యర్థుల ఆధ్వర్యంలో నాయకులు, కార్యకర్తలు, ప్రజలు కలిసి పూల వర్షంతో బూచేపల్లి, మేరుగు, మేడగంకు ఘనంగా స్వాగతం పలికారు. 1, 5 వార్డుల్లో... చీమకుర్తి పట్టణంలోని 1, 5 వార్డుల్లో శుక్రవారం సాయంత్రం వైఎస్సార్‌ సీపీ నాయకులు ఎన్నికల ప్రచారం నిర్వహించారు. పార్టీ జిల్లా అధ్యక్షుడు బూచేపల్లి శివప్రసాద్‌రెడ్డి, సంతనూతలపాడు నియోజకవర్గ ఇన్‌చార్జి మేరుగు నాగార్జున, పార్టీ సీఈసీ సభ్యురాలు బూచేపల్లి వెంకాయమ్మ, మున్సిపల్‌ చైర్‌పర్సన్‌ అభ్యర్థి మేడగం శ్రీదేవి, 1వ వార్డు అభ్యర్థి దుడ్డు కోటేశ్వరమ్మ, 5వ వార్డు అభ్యర్థి దుడ్డు అంజమ్మ ఇంటింటికి తిరిగి ప్రచారం చేశారు. వైఎస్సార్‌ సీపీ ఫ్యాన్‌ గుర్తుకు ఓటేసి చైర్‌పర్సన్‌ అభ్యర్థితో పాటు 28 వార్డుల కౌన్సిలర్‌ అభ్యర్థులను గెలిపించా లని ఓటర్లను కోరారు. వార్డు అభ్యర్థులు గోపారపు పూర్ణచంద్రరావు, సోమా శేషాద్రి, మూలే కృష్ణకుమారి, పార్టీ పట్టణ అధ్యక్షుడు కిష్టపాటి శేఖర్‌రెడ్డి, జిల్లా బీసీ సెల్‌ ప్రధాన కార్యదర్శి తెల్లమేకల గాంధీ, జెడ్పీటీసీ మాజీ సభ్యుడు వేమా శ్రీనివాసరావు, నాయకులు మంచ హరికృష్ణ, కంజుల ప్రతాపరెడ్డి, వేణు, బెల్లం వెంకటరావు, కాజా మొహిద్దీన్‌, మేడగం హర్షిత్‌, కాశయ్య, జడ రాజు, కిష్టపాటి శ్రీనివాసరెడ్డి, సూరి శ్రీను, పొన్నపల్లి నాగేశ్వరరావు, తప్పెట బాబూరావు, సూరి శీను, దుడ్డు మార్కు, దాసరి సుబ్బరాయుడు బొత్తుల రమేష్‌, మాణిక్యం, బొంత వెంకటేశ్వ ర్లు, కడి మంకమ్మ, ధర్నాసి సోనియా, అంకిత, మాజీ కౌన్సిలర్లు, కార్యకర్తలు, మహిళలు పాల్గొన్నారు. స్థానిక సంస్థల ఎన్నికల్లో వైఎస్సార్‌ సీపీ అభ్యర్థులను గెలిపించండి చీమకుర్తి మున్సిపాలిటీలో ఎన్నికల ప్రచారంలో పార్టీ జిల్లా అధ్యక్షుడు బూచేపల్లి శివప్రసాద్‌రెడ్డి పిలుపు

ఒంగోలు సిటీ: ప్రకాశం జిల్లాలో జెడ్పీటీసీ స్థానాలకు నామినేషన్ల దాఖలు ప్రక్రియ శుక్రవారం ముగిసింది. జిల్లాలోని 27 జెడ్పీటీసీ స్థానాలకు మొత్తం 225 నామినేషన్లు దాఖలయ్యాయి. శుక్రవారం ఒక్కరోజే 120 నామినేషన్లు దాఖలైనట్లు అధికారిక నివేదిక వెల్లడించింది. ఇప్పటి వరకు నమోదైన నామినేషన్లలో తెలుగుదేశం పార్టీ అభ్యర్థులు 101 మంది, వైఎస్సార్‌ సీపీ అభ్యర్థులు 79 మంది నామినేషన్లు వేశారు. పార్టీలు, స్వతంత్రుల వారీగా.. టీడీపీ తరఫున 101, వైఎస్సార్‌సీపీ తరఫున 79 నామినేషన్లు దాఖలయ్యాయి. జనసేన పార్టీ నుంచి 11, కాంగ్రెస్‌ నుంచి 5, ఆమ్‌ ఆద్మీ పార్టీ, బీఎస్పీ, బీజేపీ, సీపీఎంల నుంచి మూడేసి నామినేషన్లు నమోదయ్యాయి. ఇతర పార్టీల నుంచి ఒక నామినేషన్‌ దాఖలైంది. స్వతంత్ర అభ్యర్థులుగా 16 మంది నామినేషన్లు వేశారు. మొత్తంగా 27 జెడ్పీటీసీ స్థానాలకు ఇప్పటి వరకు 225 నామినేషన్లు నమోదయ్యాయి. నామినేషన్ల దాఖలు ప్రక్రియ ముగిసిన అనంతరం అభ్యర్థుల తుది బరిలో ఎంత మంది ఉంటారో స్పష్టత రానుంది. ఎంపీటీసీ స్థానాలకు 1977 మంది నామినేషన్లు జిల్లా వ్యాప్తంగా 27 మండలాల్లో టీడీపీకి 943 మంది, వైఎస్సార్‌ సీపీకి 794 మంది, ఇతరులు 240 మంది చొప్పున మొత్తం 1977 మంది అభ్యర్థులు నామినేషన్లు దాఖలు చేశారు.

గిద్దలూరు రూరల్‌: ప్రజాస్వామ్యపద్ధతిలో నిర్వహించాల్సిన ఎన్నికలను కూటమి ప్రభుత్వ అరాచకపాలనలో అడ్డగోలుగా నిర్వహిస్తున్నారని, దుష్టశక్తులతో తాము పోరాడలేక ఎన్నికలను బాయ్‌కాట్‌ చేస్తున్నామని గిద్దలూరు మాజీ ఎంపీపీ కడప వంశీధరరెడ్డి ప్రకటించారు. గిద్దలూరు పట్టణంలోని వైఎస్సార్‌ సీపీ కార్యాలయం ఎదుట శుక్రవారం నిర్వహించిన విలేకరుల సమావేశంలో ఆయన మాట్లాడారు. వైఎస్సార్‌ సీపీ నాయకులను కనీసం నామినేషన్లు కూడా వేయనివ్వకుండా అడ్డుకున్న టీడీపీ నాయకులకు ప్రజాస్వామ్య పద్ధతులు తెలియకపోవడం చాలా బాధాకరమన్నారు. ఎంపీటీసీగా నామినేషన్లు వేయడానికి వెళ్తున్న వారిపై దౌర్జన్యం చేసి దాడులకు పాల్పడి వారి చేతిలో ఉన్న నామినేషన్‌ పత్రాలను బలవంతంగా లాక్కుని చించిపడేయడం దారుణమని అన్నారు. పోలీసులు, టీడీపీ నాయకులు కుమ్మక్కయి నామినేషన్‌ కేంద్రాల వద్ద వైఎస్సార్‌ సీపీ నాయకులను టార్గెట్‌ చేసి ఇబ్బందులు పెట్టారన్నారు. నామినేషన్‌ కేంద్రం వద్ద 144 సెక్షన్‌ అమలులో ఉంటే.. టీడీపీ నాయకులు గుంపులుగా ఉండటమేంటని ప్రశ్నించారు. తమ పార్టీ నాయకులు మాత్రం కేవలం నలుగురు మాత్రమే వెళ్లాలంటూ.. టీడీపీకి చెందిన వారు మాత్రం గుంపులుగా వెళ్లడానికి ఎలా అనుమతిచ్చారని ప్రశ్నించారు. బయటి నుంచి గూండాలను తెప్పించి మరీ నామినేషన్‌ కేంద్రాల వద్ద ఉంచి దాడులకు పాల్పడ్డారన్నారు. ప్రజాస్వామ్య పద్ధతిలో ప్రజాక్షేత్రంలో పోరాడేందుకు వైఎస్సార్‌ సీపీ ఎల్లప్పుడూ సిద్ధంగా ఉంటుందిగానీ.. అడ్డగోలుగా వ్యవహరించే అరాచకశక్తులతో పోరాడేందుకు తమ పార్టీ నాయకులు సిద్ధంగా లేరన్నారు. గత మూడు రోజులుగా నిర్వహించిన ఎంపీటీసీ, జెడ్పీటీసీ ఎన్నికల నామినేషన్ల ప్రక్రియలో కేవలం టీడీపీ నాయకులు మాత్రమే నామినేషన్లు వేసి ఏకగ్రీవాలు చేసుకోవాలని చూస్తున్నారన్నారు. ఏకగ్రీవం అంటే పోటీలో నిలబడే నాయకులు స్వచ్ఛందంగా నామినేషన్‌ ఉపసంహరణ చేసుకుంటే జరిగే ప్రక్రియ అని, అంతేగానీ.. ఇటువంటి హేయమైన చర్యలకు పాల్పడి ఏకగ్రీవాలు చేసుకోవడం ప్రజాస్వామ్యానికి గొడ్డలిపెట్టు అని వంశీధరరెడ్డి ఖండించారు. టీడీపీ వారి విధానాలను తీవ్రంగా తప్పుబట్టారు. నామినేషన్‌ వేయడానికి వెళ్లిన వైఎస్సార్‌ సీపీ నాయకులపై అక్రమ కేసులు బనాయించడం పోలీసులకు పరిపాటిగా మారిందన్నారు. టీడీపీ గూండాల చర్యలకు నిరసనగా ఈ ఎన్నికల్లో తమ పార్టీ అభ్యర్థులు పోటీలో నిలబడకుండా తప్పుడు ఎన్నికల విధానాన్ని వ్యతిరేకిస్తూ ఎన్నికలకు దూరంగా ఉండదలచినట్లు ఆయన తెలిపారు. కార్యక్రమంలో వైఎస్సార్‌ సీపీ నాయకులు ఓబులరావుయాదవ్‌, మురళి, శ్రీరంగం, పాండురంగారెడ్డి, రామకృష్ణారెడ్డి, కృష్ణారెడ్డి, తదితరులు పాల్గొన్నారు. ఎంపీటీసీ ఎన్నికలను బాయ్‌కాట్‌ చేస్తున్నాం గిద్దలూరు మాజీ ఎంపీపీ కడప వంశీధరరెడ్డి

ఒంగోలు సిటీ: రైతు సాధికార సంస్థ ఆధ్వర్యంలో ఒంగోలు మండలం యరజర్ల గ్రామంలో నిర్వహిస్తున్న ప్రకృతి వ్యవసాయ క్షేత్రాన్ని న్యూయార్క్‌ నుంచి వచ్చిన అంతర్జాతీయ ప్రతినిధుల బృందం, రాష్ట్ర కార్యాలయ ప్రతినిధులు శుక్రవారం సందర్శించారు. మామిడి మొక్కల మధ్యలో చేపట్టిన పీఎండీఎస్‌ (ప్రీ–మాన్సూన్‌ డ్రై సోయింగ్‌) విధానాన్ని, ఏటీఎం (ఎనీ టైమ్‌ మనీ) విధానంలో సాగు చేస్తున్న వివిధ రకాల కూరగాయలు, ఇతర పంటలను పరిశీలించారు. ప్రకృతి వ్యవసాయంలో అంతర పంటల సాగు, భూమిని సమర్థంగా వినియోగించుకోవడం, రైతులకు ఏడాది పొడవునా ఆదాయం పొందే అవకాశాలను ప్రకృతి వ్యవసాయ యూనిట్‌ ఇన్‌చార్జి రాధా సింగమనేని వివరించారు. అనంతరం రైతు బబ్బూరి హరిబాబు నిమ్మ తోటను సందర్శించి అక్కడ అనుసరిస్తున్న ప్రకృతి వ్యవసాయ పద్ధతులను పరిశీలించారు. జీవామృతం తయారీ విధానాన్ని ప్రత్యక్షంగా చూశారు. పేస్‌ కాలేజీ ఫీల్డ్‌ను కూడా బృందం సందర్శించగా, ప్రకృతి వ్యవసాయ సిబ్బంది పాల్గొన్నారు.

ఒంగోలు సబర్బన్‌: నగరపాలక సంస్థ ఎన్నికల ప్రచారం ముమ్మరంగా సాగుతోంది. వైఎస్సార్‌ సీపీ మేయర్‌ అభ్యర్థి కుప్పం ప్రసాద్‌తో పాటు ఆ పార్టీ కార్పొరేటర్‌ అభ్యర్థులు నగరంలోని అన్ని డివిజన్లలో జోరుగా ప్రచారం చేసుకుంటూ ప్రజాదరణ పొందడంలో ముందంజలో ఉన్నారు. ఎక్కడికక్కడ స్థానిక నాయకులు, ప్రజలను కలుపుకునిపోతూ తన ఎన్నికల ప్రచారాన్ని కుప్పం ప్రసాద్‌ హోరెత్తిస్తున్నారు. ఎన్నికల ప్రచారంలో భాగంగా శుక్రవారం ఒంగోలు కోటవీధిలో ప్రచారం చేయడంతో సందడి నెలకొంది. 29వ డివిజన్‌లో వైఎస్సార్‌ సీపీ కార్పొరేటర్‌ అభ్యర్థిగా పోటీ చేస్తున్న కావటి రవి తన కుటుంబ సభ్యులు పద్మావతి, యశస్విని, సుభాషిణి.. ఒంగోలు మేయర్‌ అభ్యర్థి కుప్పం ప్రసాద్‌ తన సతీమణి కుప్పం ప్రసన్నకుమారితో కలిసి ఇంటింటి ప్రచారం నిర్వహించారు. స్థానిక ప్రజల నుంచి కుప్పం ప్రసాద్‌కు ఘన స్వాగతం లభించింది. పలుచోట్ల మహిళలు మంగళహారతులతో స్వాగతం పలకగా, ప్రజలు ఆత్మీయంగా పలకరించారు. ఏ వీధికెళ్లినా సందడి, కేరింతలు, ఆనందోత్సాహాలు కనిపించాయి. నగరంలో దాదాపు 6 డివిజన్లలో ఇప్పటికే కుప్పం పర్యటించి ఎన్నికల ప్రచారం పూర్తి చేశారు. మహిళలతో మమేకమవుతూ ప్రచారం చేస్తున్నారు. వైఎస్సార్‌ సీపీ నాయకులు క్రాంతి కుమార్‌, యరజర్ల రమేష్‌, మాజీ కార్పొరేటర్‌ ఇంతియాజ్‌, షేక్‌ ఆశిష్‌, షేక్‌ వలి తదితరులు పాల్గొన్నారు.

మద్దిపాడు: మండలంలోని కందుల ఓబులరెడ్డి గుండ్లకమ్మ జలాశయంలో శుక్రవారం ఉదయం స్పెషల్‌ డిప్యూటీ కలెక్టర్‌ మాధురి, మత్స్యశాఖ జేడీ శ్రీనివాసరావు చేపపిల్లలు విడుదల చేశారు. ఈ సందర్భంగా మాధురి మాట్లాడుతూ కేంద్ర ప్రభుత్వం మత్స్యకారుల కోసం అమలు చేస్తున్న పథకాలను సద్వినియోగం చేసుకుని జీవనప్రమాణాలు మెరుగుపరుచుకోవాలని సూచించారు. జేడీ శ్రీనివాసరావు మాట్లాడుతూ గుండ్లకమ్మ రిజర్వాయర్‌లో మొత్తం 11,58,000 చేపపిల్లలు విడుదల చేస్తున్నట్లు చెప్పారు. చేపపిల్లల బరువు తూచి రిజర్వాయర్‌లోకి వదులుతున్నట్లు తెలిపారు. చేపపిల్లలను పట్టకుండా కట్టుదిట్టమైన చర్యలు తీసుకోనున్నట్లు వెల్లడించారు. రిజర్వాయర్‌లో లైసెన్సు లేకుండా పలువురు వ్యక్తులు చేపలు పడుతున్నారని, ఇతర ప్రాంతాల నుంచి వచ్చిన వారు ఇక్కడ చేపలు పడుతుంటే తమకు జీవనాధారం పోతోందని అధికారుల ఎదుట పలువురు మత్స్యకారులు వాపోయారు. గుండ్లకమ్మ రిజర్వాయర్‌లో ఉన్న లైసెన్స్‌డ్‌ చేపల వేటగాళ్లు బయటి ప్రాంతాల వ్యక్తులను రానీయవద్దని, అధికారులు కూడా మీకు సహకరిస్తారని జేడీ తెలిపారు. స్థానిక మత్స్యకారులు ఎక్కువ మంది బుట్టలు పెడుతున్నారని, వాటివలన చేపపిల్లలు చిక్కిపోతాయని, బుట్టలు పెట్టకుండా చర్యలు తీసుకోవాలని స్థానిక అధికారులను జేడీ ఆదేశించారు. బుట్టలు తీసుకొస్తున్న మత్స్యకారులను స్వయంగా ఆపి ప్రశ్నించారు. బుట్టలు పెడితే చర్యలు తీసుకుంటామని హెచ్చరించారు. కొందరు మత్స్యకారులు తమకు మోపెడ్‌, బాక్స్‌లు కావాలని జేడీని కోరారు. కార్యక్రమంలో జిల్లా మత్స్యకారుల సంఘ అధ్యక్షుడు పేరయ్య, ఎఫ్‌డీఓ ఆశా, ఏఎఫ్‌ఓ రమేష్‌, ఫీల్డ్‌మెన్‌ తిరుపతయ్య, వీఎఫ్‌ఏ స్వప్న, సాగరమిత్రలు, మత్స్యకార నాయకులు జీవరత్నం, సిరిబాబు, మేకల శ్రీను, లాజర్‌, రమేష్‌, ఇండ్ల శ్రీను, కావూరి అంకమ్మరావు, రాజు, యోహాన్‌, తదితర మత్స్యకారులు పాల్గొన్నారు.

పరిషత్‌ పోరు కాస్తా పల్నాటి యుద్ధాన్ని తలపించింది. నామినేషన్ల కేంద్రాల్లో టీడీపీ మూకల దాడులు.. ప్రతిపక్ష అభ్యర్థులకు అడ్డంకులు.. పత్రాల చించివేతలు.. పోలీసుల ప్రేక్షక పాత్రలతో మూడు రోజుల పాటు ఉమ్మడి జిల్లాలో ఎంపీటీసీ, జెడ్పీటీసీ నామినేషన్ల ప్రక్రియ సాగింది. ప్రజాస్వామ్యమా.. ఆటవిక రాజ్యమా అన్న సందేహం కలిగించేలా సంఘటనలు చోటుచేసుకున్నాయి. చివరిరోజు వైఎస్సార్‌ సీపీ కీలక నేతలు గృహ నిర్బంధంతో తమకు అడ్డేలేదన్న స్థాయిలో టీడీపీ గూండాలు చివరి రోజు నామినేషన్‌ ప్రక్రియలో చెలరేగిపోయారు. పలుచోట్ల వైఎస్సార్‌ సీపీ అభ్యర్థులు నామినేషన్లు వేయలేక వెనుదిరగాల్సి వచ్చింది. పరిషత్‌ పోరు..రణరంగమే!సాక్షి ప్రతినిధి, ఒంగోలు: నామినేషన్‌ వేస్తుంటే రెండు సార్లు అడ్డుకుని విచక్షణా రహితంగా కొట్టారని కాసు సుబ్బారెడ్డి అనే వ్యక్తి పురుగుమందు తాగి ఆత్మహత్యకు యత్నించాడు. ఒంగోలులోని ఓ ప్రైవేటు ఆస్పత్రిలో ప్రాణాలతో పోరాడుతున్నాడు.. ఎస్పీ ఉన్నారనే నమ్మకంతో దర్శి నియోజకవర్గంలో వైఎస్సార్‌ సీపీ అభ్యర్థులు నామినేషన్‌ వేసేందుకు వెళ్లారు. అయితే అక్కడ నుంచి ఎస్పీ వెళ్లిన వెంటనే నామినేషన్‌ వేసేందుకు వెళ్లిన అభ్యర్థులపైన స్థానిక పోలీసులు సహకారంతో టీడీపీ గుండాలు దాడికి పాల్పడ్డారు. దాడిలో నామినేషన్‌ వేసేందుకు వెళ్లిన వైఎస్సార్‌ సీపీ అభ్యర్థి ఆవుల మోహన్‌రెడ్డికి తీవ్ర గాయాలయ్యాయి. తర్లుపాడు మండలంలో టీడీపీ గూండాలు ఎంపీటీసీ స్థానాలకు ఒక్కనామినేషన్‌ కూడా వేయనివ్వలేదు. ఈ విషయాన్ని కలెక్టర్‌, ఎస్పీల దృష్టికి తీసుకెళ్లేందుకు వచ్చిన వైఎస్సార్‌ సీపీ నాయకులను టీడీపీ గూండాలు వెంబడించి మరీ దాడులు చేశారు. ఈ ఘటనలో ఐదుగురు నేతలు గాయపడ్డారు. ఎంపీటీసీ, జెడ్పీటీసీ సభ్యుల నామినేషన్‌ల దాఖలకు చివరి రోజైన శుక్రవారం కూడా జిల్లా వ్యాప్తంగా టీడీపీ గూండాలు బరితెగించారు. నామినేషన్‌ కేంద్రాల వద్ద మాటు వేసి పోలీసుల కళ్లముందే వైఎస్సార్‌ సీపీ అభ్యర్థులపై దాడులకు తెగబడ్డారు. ప్రధానంగా కనిగిరి, మార్కాపురం, గిద్దలూరు, కందుకూరు, యర్రగొండపాలెం తదితర నియోజకవర్గాల్లో పచ్చ మూకలు రెచ్చిపోయాయి. డమ్మీ అభ్యర్థులను లోపలపెట్టి సమయం ముగిసేలా చేయడం, నామినేషన్‌ కేంద్రాల వద్దకు వచ్చిన వైఎస్సార్‌ సీపీ అభ్యర్థులు దాడి చేసి తీవ్రంగా కొట్టడం, వారి చేతుల్లోని నామినేషన్‌ పత్రాలను చించివేయడం, మహిళా అభ్యర్థుల పట్ల అసభ్యకరంగా ప్రవర్తించడం వంటి దుశ్చర్యలకు ఒడిగట్టారు. నామినేషన్‌ కేంద్రాల వద్ద టీడీపీ గూండాలను ఎదిరించి నామినేషన్‌లు వేయడం అభ్యర్థులకు ప్రాణ సంకటంగా మారింది. మార్కాపురం నియోజకవర్గం కొనకనమిట్ల నామినేషన్‌ కేంద్రంలోకి వైఎస్సార్‌ సీపీ అభ్యర్థులను అనుమతించకపోవడంతో అక్కడి వచ్చిన ఓఎస్డీ కాళ్లు పట్టుకుని మరీ వైఎస్సార్‌ సీపీ అభ్యర్థులు బతిమాలుకోవాల్సి వచ్చింది. తమ నామినేషన్‌లు వేయించాలంటూ కాళ్లుపట్టుకుని మరీ వేడుకున్నారు. ఇదే మండలంలోని వాగుమడుగు ఎంపీటీసీ ప్రాదేశికం నుంచి నామినేషన్‌ వేయడానికి వచ్చిన మొవ్వ తిరుపతమ్మ అనే వైఎస్సార్‌ సీపీ మహిళా అభ్యర్థి పట్ల టీడీపీ గూండాలు రాక్షసంగా ప్రవర్తించారు. పోలీసుల సమక్షంలోనే ఆమె చేతుల్లోని నామినేషన్‌ పత్రాలను చించివేశారు. చీరనుసైతం లాగేసి దుశ్సాసన పర్వానికి తెరతీశారు. ● పొదిలి జెడ్పీటీసీ స్థానానికి నామినేషన్‌ వేసేందుకు వైఎస్సార్‌సీపీ నేత గుజ్జుల సంజీవ్‌రెడ్డి పార్టీ జిల్లా అధ్యక్షుడు బూచేపల్లి శివప్రసాద్‌రెడ్డితో కలసి మార్కాపురం నామినేషన్‌ కేంద్రానికి బయలుదేరారు. దారిలో మార్కాపురం ఎమ్మెల్యే సోదరుడి కుమారుడు రోహిత్‌రెడ్డి అనుచరులు నామినేషన్‌ పత్రాలను చించేసేందుకు యత్నించారు. దీంతో తేరుకుని వైఎస్సార్‌ సీపీ నాయకులు వెంటనే సదరు అనుచరుడి నుంచి తిరిగి లాక్కున్నాడు. దీంతో అక్కడ కొద్దిసేపు ఆందోళనకర పరిస్థితి ఏర్పడింది. అనంతరం నామినేషన్‌ సెంటరులోనికి పెద్ద సంఖ్యలో తన అనుచరులతో వచ్చేందుకు ప్రయత్నించగా పట్టణ ఎస్సై విశ్వనాథరెడ్డి, సిబ్బందితో వారిని అడ్డుకున్నారు. కొంతసేపు ఇరువురి మధ్య వాగ్వాదం చోటుచేసుకుంది. పొదిలి మండలం పాములపాడు ఎంపీటీసీ స్థానంలో నామినేషన్‌ వేయడానికి వెళ్లిన జేమ్స్‌ నామినేషన్‌ పత్రాలను చించేశారు. వెంబడించి మరీ దాడి.. తర్లుపాడు మండలంలో టీడీపీ గూండాల ఆగడాలతో వైఎస్సార్‌ సీపీ తరఫున ఒక్కరూ నామిషన్‌ దాఖలు చేయలేదు. టీడీపీ నేతల దాడుల గురించి వివరించేందుకు తర్లుపాడు నాయకులు శుక్రవారం మాజీ ఎమ్మెల్యే, వైఎస్సార్‌ సీపీ ఇన్‌చార్జి అన్నా రాంబాబును మార్కాపురంలోని ఆయన నివాసంలో కలిశారు. గురువారం జరిగిన ఘటనను ఆయన దృష్టికి తెచ్‌చ్రాు. అనంతరం టీడీపీ నేతల దాడులను కలెక్టర్‌, ఎస్‌పీల దృష్టికి తీసుకెళ్లేందుకు మార్కాపురంలోని ఎస్పీ కార్యాలయానికి వెళ్లారు. అయితే అధికారులు లేరనే సమాచారం తెలుసుకుని తిరిగి వెళ్తున్న క్రమంలో టీడీపీ గూండాలు వైఎస్సార్‌సీపీ అభ్యర్థులపై రాళ్లతో, కర్రలతో విచక్షణా రహితంగా దాడులు చేశారు. ప్రాణ భయంతో పరుగులు తీసినా వెంబడించి మరీ దాడులు చేశారు. ఈ దాడుల్లో ఐదుగురు నాయకులు గాయపడ్డారు. ఎంపీటీసీలు నామినేషన్లు దాఖలు చేయాలని ఎంత ప్రయత్నించినా, టీడీపీకి చెందిన వందలాది రౌడీ మూకలు కర్రలతో, రాళ్లతో దాడులు చేశారు. మండలంలో 10 ఎంపీటీసీ స్థానాలు ఉండగా ఒక్క స్థానానికి కూడా నామినేషన్‌ దాఖలు చేయనివ్వలేదని అభ్యర్థులు ఆందోళన చెందారు. పోతలపాడు మాజీ సర్పంచి గాయం శ్రీనివాస్‌ రెడ్డిని కర్రలతో దాడి చేయడంతో తీవ్రంగా గాయాలయ్యాయి. బొర్రారెడ్డి, కలుజువ్వలపాడు మంద కొండారెడ్డి, మంద శివారెడ్డి, జనుమాల జాన్‌కి కూడా గాయాలయ్యాయి. ● పీసీపల్లిలో టీడీపీ గూండాలు రెచ్చిపోయారు. మండలంలో 11 ఎంపీటీసీ స్థానాలు ఉండగా వైఎస్సార్‌ సీపీ తరఫున ఒక్క నామినేషన్‌ కూడా అభ్యర్థులు దాఖలు చేయలేకపోయారంటే పరిస్థితి ఎంత దారుణంగా ఉందో తెలుస్తోంది. వైఎస్సార్‌ సీపీ అభ్యర్థులు నామినేషన్లు వేయనీయకుండా చివరి రోజైన శుక్రవారం కూడా పచ్చనేతలు అడుగడుగునా అడ్డు తగిలి గొడవపడ్డారు. పోలీసులు కూడా వారికి వత్తాసు పలకడంతో పోలీసులు, నాయకుల మధ్య తీవ్ర తోపులాట జరిగింది. తమను నామినేషన్‌ వేయనీయకుండా అడ్డుకుంటున్నారంటూ వైఎస్సార్‌ సీపీ నాయకులు ఎంపీపీ అభ్యర్థి హోలు జయరామ్‌ రెడ్డి వరలక్ష్మి, మండల ఉపాధ్యక్షుడు భూమిరెడ్డి కొండారెడ్డి, శబరికంఠారెడ్డి, మణికంఠ, ద్వారశిల జయరాం రెడ్డి, డీ బ్రహ్మారెడ్డి, వెంకటేశ్వర్లు, రమణారెడ్డి, నారాయణరెడ్డి, శివ కొండారెడ్డి, కలపని నరేష్‌ చౌదరి, గోపవరపు వెంకటేశ్వరరెడ్డి, వెంగల్‌ రెడ్డి, సుదర్శనం, నారాయణ, పర్చూరు రమేష్‌ తదితరులు నామినేషన్‌ కేంద్రం ధర్నా చేసి నిరసన తెలిపారు. కొందరు టీడీపీ నాయకులే వైఎస్సార్‌ సీపీ తరఫున డమ్మీ నామినేషన్లను దాఖలు చేశారని..ఇంత దిగజారుడు రాజకీయాలు ఎన్నడూ వైఎస్సార్‌ సీపీ నాయకులు ఆగ్రహం వ్యక్తం చేశారు. ● బేస్తవారిపేటలో స్థానిక సంస్థల ఎన్నికల్లో పోలీసులు దుర్మార్గంగా వ్యవహరిస్తున్నారని మాజీ ఎంపీపీ వేగినాటి ఓసూరారెడ్డి అన్నారు. శుక్రవారం రెండోసారి నామినేషన్‌ వేసేందుకు తరలివెళ్తున్న సమయంలో హైవేరోడ్డుపై నామినేషన్‌ ప్రక్రియను అడ్డుకునేందుకు టీడీపీ శ్రేణులు మొహరించడంతో రోడ్డుపై బైఠాయించి నిరసన వ్యక్తం చేశారు. ● బేస్తవారిపేట నామినేషన్‌ కేంద్రం ఎంట్రన్స్‌ పక్కనే కాపుకాసి ఉన్న టీడీపీ శ్రేణులు ఒక్కసారిగా హైవేరోడ్డుపైకి వచ్చారు. కర్రలు, కారంపొడి పెట్టుకుని రెచ్చగొట్టే చర్యలకు పాల్పడ్డారు. అదే సమయంలో పక్కనే ఉన్న పోలీసులు మిన్నకుండిపోయారు. ● రాచర్లలో జనసేన పార్టీ తరఫున మండలంలోని అనుములపల్లె ఎంపీటీసీ స్థానానికి గౌతవరం గ్రామానికి చెందిన మార్తోట ప్రసాద్‌ సతీమణి నామినేషన్‌ వేసేందుకు కార్యాలయం వద్దకు వెళ్లగానే టీడీపీ నాయకులు పత్రాలు లాక్కోవడానికి ప్రయత్నించగా పోలీసుల సాయంతో నామినేషన్‌ వేయించారు. ● గిద్దలూరు మండలం జయరాంపురం గ్రామం వైఎస్సార్‌ సీపీ ఎంపీటీసీ అభ్యర్థి చెందిన బత్తుల శివప్రసాద్‌ యాదవ్‌ వెల్లుపల్లె ఎంపీటీసీగా నామినేషన్‌ వేసేందుకు కార్యాలయంలోని అధికారులకు తన నామినేషన్‌ పత్రాలను అందజేసేందుకు వచ్చాడు. ఈలోగా అతడి చేతిలో ఉన్న నామినేషన్‌ పత్రాలను టీడీపీ నాయకులు లాక్కున్నారు. కనిగిరి నియోజకవర్గంలోని ప్రాదేశిక నామినేషన్ల పర్వంలో శుక్రవారం కూడా అరాచకం సాగింది. పార్టీ కనిగిరి ఇన్‌చార్జి డాక్టర్‌ దద్దాల నారాయణ యాదవ్‌తో పాటు మరి కొందరు పార్టీ నేతలను హౌస్‌ అరెస్ట్‌ చేశారు. పీసీపల్లి మండలంలో నామినేషన్లు వేసేందుకు వచ్చిన పార్టీ అభ్యర్థులను పోలీసులు అడ్డుకున్నారు. దీంతో పోలీస్‌, అధికారుల వైఖరికి నిరసనగా పార్టీ అభ్యర్థులు ధర్నా చేశారు. వెలిగండ్ల, హెచ్‌ఎంపాడు, కనిగిరి మండలాల పార్టీ నాయకులకు పోలీసులు నోటీసులు ఇచ్చి గృహ నిర్బంధం చేశారు. ● కనిగిరిలో పార్టీ అభ్యర్థులు నామినేషన్లు వేయకుండా భయభ్రాంతులకు గురి చేశారు. పార్టీ కనిగిరి ఇన్‌చార్జి డాక్టర్‌ దద్దాల నారాయణ యాదవ్‌తో పాటు, మరి కొందరు పార్టీ మండల నాయకులు గృహ నిర్బంధం చేసి, పార్టీ అభ్యర్థులు నామినేషన్లు దాఖలు చేయకుండా అడ్డుకున్నారు. ● పీసీపల్లిలో వైఎస్సార్‌ సీపీ అభ్యర్థులను నామినేషన్‌ వేయనీయకుండా పోలీసులు అడ్డుకున్నారు. ఎంపీపీ అభ్యర్థి పోలు వరలక్ష్మి, పోలు జయరాంరెడ్డి, పాతకొట్టు పిచ్చిరెడ్డిల ఆధ్వర్యంలో పార్టీ శ్రేణులు నామినేషన్లు వేసేందుకు వెళ్లగా పోలీసులు నిలువరించారు. మధ్యాహ్నం తర్వాత నామినేషన్లు వేయాలని చెప్పి.. ఆపిన పోలీసులు సాయంత్రం వరకు వేయనీయలేదు. దీంతో పార్టీ శ్రేణులు నామినేషన్‌ కేంద్రం వద్దకు వెళ్లకుండా పోలీసులు అభ్యర్థులను నెట్టేశారు. దీంతో కొద్దిసేపు ఉద్రిక్త వాతావరణం నెలకొంది. పోలీసుల వైఖరిని నిరసిస్తూ.. పార్టీ నేతలు ధర్నా చేశారు. అనంతరం అధికార పార్టీ దౌర్జన్యాలను, పోలీసుల ఏక పక్ష వైఖరిపై విలేకర్ల సమావేశంలో ధ్వజమెత్తారు. ● సీఎస్‌పురంలో వైఎస్సార్‌ సీపీ అభ్యర్థులు రెండో సెట్‌ నామినేషన్‌ వేసేందుకు వెళ్లగా టీడీపీ గూండాలు.. పోలీసుల సహకారంతో అడ్డుకున్నారు. దీంతో అక్కడ కొద్దిసేపు గందరగోళం నెలకొంది. ● పామూరు మండలంలో సీపీఎం అభ్యర్థి నామినేషన్‌ వేసేందుకు వెళ్లగా పచ్చమూకలు అడ్డుకున్నారు. దీంతో సీపీఎం నాయకులు బైఠాయించి ధర్నా చేశారు. పోలీసులు భయాందోళనకు గురి చేయడంతో నామినేషన్లకు వెళ్లకుండా నిలువరించారు. ● హెచ్‌ఎంపాడు మండలంలో నాయకుల గృహ నిర్బంధం చేశారు. పార్టీ మండల అధ్యక్షుడు, ఎంపీపీ అభ్యర్థి యక్కంటి శ్రీనివాసులరెడ్డి, వేశపోగు గురుప్రసాద్‌, గాండ్లపర్తి ఆదినారాయణరెడ్డి, మధుసూదన్‌ రెడ్డిలతో పాటు మరి కొందర్ని పోలీసులు హౌస్‌ అరెస్ట్‌ చేశారు. వైఎస్సార్‌ సీపీ పేరు మీద టీడీపీ నాయకుల నామినేషన్లు వైఎస్సార్‌ సీపీ అభ్యర్థులు నామినేషన్లు వేయనీయకుండా అడుగడుగునా అడ్డుతగిలిన టీడీపీ నాయకులు నామినేషన్ల ప్రక్రియ సజావుగా జరిగిందని భ్రమ కల్పించేందుకు మార్కాపురం జిల్లాలో పలుచోట్ల వైఎస్సార్‌ సీపీ పేరు మీద దొంగ నామినేషన్లు దాఖలు చేశారు. కంభం మండలంలో 7, గిద్దలూరులో 2, రాచర్లలో 6, బేస్తవారిపేటలో 3, కొమరోలులో 5, అర్థవీడు మండలంలో 4 నామినేషన్లను టీడీపీ వారే వైఎస్సార్‌ సీపీ పేరు మీద దొంగ నామినేషన్లు వేశారు. అదేవిధంగా పీసీపల్లి మండలంలో 9, హనుమంతునిపాడులో 2, కనిగిరిలో 1, వెలిగండ్లలో 6, పామూరు మండలంలో 7 నామినేషన్లు వైఎస్సార్‌ సీపీ పేరు మీద టీడీపీ అభ్యర్థులు వేశారు. యర్రగొండపాలెంలో 12 దొంగ నామినేషన్లు దాఖలయ్యాయి. నామినేషన్‌ల చివరి రోజు లింగసముద్రం నామినేషన్‌ కేంద్రం రణరంగాన్ని తలపించింది. వందల మంది టీడీపీ గూండాలు అక్కడే మాటువేసి వైఎస్సార్‌ సీపీ అభ్యర్థులపై మూకుమ్మడి దాడులకు తెగబడ్డారు. మాలకొండరాయునిపాలెం ఎంపీటీసీ స్థానం ఎస్సీ వర్గానికి రిజర్వ్‌ చేశారు. పిడతల కొండలరావుతో పాటు, మరో ముగ్గురు దళితులు నామినేషన్‌లు వేసేందుకు కేంద్రానికి వెళ్లారు. పెద్ద సంఖ్యలో మాటువేసిన టీడీపీ అగ్రవర్ణ గూండాలు ఒక్కసారిగా వీరిపై దాడికి తెగబడ్డారు. ఇష్టం వచ్చినట్లు కొట్టి నామినేషన్‌ పత్రాలు లాక్కొని చించేశారు. దీంతో ప్రాణభయంతో టీడీపీ గూండాల నుంచి తప్పించుకుని అక్కడి నుంచి పరారయ్యారు. ఆ తరువాత పోలీసులను ఆశ్రయించడంతో సీఐ రమేష్‌బాబు తన వాహనంలో తీసుకొచ్చి వీరిచేత నామినేషన్‌ వేయించాల్సిన దుస్థితి నెలకొంది. అడిషనల్‌ ఎస్పీ సీహెచ్‌ వెంకటేశ్వర్లు, ఏఆర్‌ డీఎస్పీ శ్రీనివాసులు, సబ్‌కలెక్టర్‌ దామెర హిమవంశీ లింగసముద్రం కేంద్రాన్ని పరిశీలించి పలు సూచనలు చేశారు. అయినా సరే టీడీపీ గూండాల దాడులను మాత్రం పోలీసులు ఆపలేకపోయారు.

● వైఎస్సార్‌ సీపీ ఒంగోలు ఇన్‌చార్జి చుండూరి రవిబాబు ఒంగోలు సిటీ: ఎన్నికల్లో ప్రజాస్వామ్యబద్ధంగా పోటీ చేసి గెలవాలే తప్ప, ప్రత్యర్థి పార్టీ అభ్యర్థులను బెదిరించడం, ప్రలోభాలకు గురిచేయడం, పోటీ నుంచి తప్పుకోవాలని ఒత్తిడి చేయడం సరికాదని వైఎస్సార్‌ సీపీ ఒంగోలు నియోజకవర్గ ఇన్‌చార్జి చుండూరి రవిబాబు విమర్శించారు. ఒంగోలులోని వైఎస్సార్‌ పీ జిల్లా కార్యాలయంలో బుధవారం నిర్వహించిన విలేకరుల సమావేశంలో ఆయన మాట్లాడారు. 56, 57వ డివిజన్లలో గత మూడు రోజులుగా బెదిరింపులు, ప్రలోభాల పర్వం కొనసాగుతోందని ఆరోపించారు. గతంలో వైఎస్సార్‌సీపీ అభ్యర్థులపై భూకబ్జాలు, కుంభకోణాలకు సంబంధించి ఆరోపణలు చేసిన టీడీపీ నాయకులు.. ఇప్పుడు ఈడీ కేసులు, బంగారం, డబ్బుల మార్పిడికి సంబంధించి ఆరోపణలు ఎదుర్కొంటున్న అభ్యర్థినే తీసుకువచ్చి మేయర్‌ అభ్యర్థిగా నిలబెట్టడం ఏంటని నిలదీశారు. గతంలో ఇతరులపై ఆరోపణలు చేసిన నాయకులు, ఇప్పుడు అనుసరిస్తున్న వైఖరిపై ప్రజలకు సమాధానం చెప్పాలని డిమాండ్‌ చేశారు. అభ్యర్థుల కుటుంబాలను వేధించడం దారుణం చదువుకున్న యువతికి టికెట్‌ ఇచ్చామని చెబుతున్న టీడీపీ నాయకులు మహిళా అభ్యర్థుల కుటుంబాలను భయభ్రాంతులకు గురిచేస్తున్నారని రవిబాబు ఆరోపించారు. 57వ డివిజన్‌ వైఎస్సార్‌సీపీ కార్పొరేటర్‌ అభ్యర్థి ఆనం ప్రత్యూషను పోటీ నుంచి తప్పుకోవాలని బెదిరించారని, ఆమె సోదరుడిని చంపేస్తామని హెచ్చరించారని పేర్కొన్నారు. ఈ ఘటనపై సమగ్ర విచారణ జరపాలని కోరారు. వైఎస్సార్‌సీపీ అభ్యర్థుల భార్యలు, తల్లులు, పిల్లలను సైతం మానసికంగా వేధించడం ఎంతవరకు సమంజసమని ప్రశ్నించారు. బలముంటే ఎన్నికల్లో నేరుగా పోటీ చేసి గెలవాలని, బెదిరింపులు, కిడ్నాప్‌ ఆరోపణలకు తావిచ్చే చర్యలకు పాల్పడకూడదని హితవు పలికారు. వ్యాపారులపై అధికారుల ఒత్తిళ్లు.. ఆర్యవైశ్యులకు టికెట్లు కేటాయించిన సందర్భంలోనూ వ్యాపారులను లక్ష్యంగా చేసుకుంటున్నారని రవిబాబు ఆరోపించారు. వైఎస్సార్‌సీపీ తరఫున పోటీ చేస్తున్న వ్యాపారులకు చెందిన మందుల దుకాణాలపై డ్రగ్‌ ఇన్‌స్పెక్టర్లు తనిఖీలు నిర్వహించాల్సిన అవసరం ఏమొచ్చిందని ప్రశ్నించారు. రాజకీయ కారణాలతో వ్యాపారులను ఇబ్బందులకు గురిచేస్తున్నారనే అనుమానాలకు తావివ్వకూడదన్నారు. ఎన్నికల్లో పోటీ చేసే అభ్యర్థులపై ఒత్తిడి తీసుకురావడం సరైన పద్ధతి కాదని పేర్కొన్నారు. కూటమిలో ఐక్యత కరువు కూటమిలో ఐక్యత లేక ఒకే స్థానానికి బీ–ఫారాలు మార్చుకుంటూ పోటీ చేసే పరిస్థితి ఏర్పడిందన్నారు. టీడీపీ టికెట్లను వ్యాపారులకు, అవకాశవాదులకు కేటాయించిందని ఆరోపించారు. మరోవైపు వైఎస్సార్‌సీపీ అభ్యర్థులు ఆత్మస్థైర్యంతో ఎన్నికల్లో పోటీ చేస్తున్నారని తెలిపారు. వైఎస్సార్‌సీపీ అభ్యర్థులు నగరంలోని 62 డివిజన్లలో పోటీ చేసేందుకు సిద్ధమయ్యారని చెప్పారు. బెదిరింపులు, ప్రలోభాలతో అభ్యర్థులను పోటీ నుంచి తప్పించే ప్రయత్నాలు ఎందుకు చేస్తున్నారని ప్రశ్నించారు. ఎన్నికలు ప్రజాస్వామ్యబద్ధంగా, ప్రశాంత వాతావరణంలో జరిగేలా చూడాలని డిమాండ్‌ చేశారు. 25వ డివిజన్‌ నుంచి రాజేష్‌ అనే అభ్యర్థిని భయపెట్టి బెదిరించి కిడ్నాప్‌ చేశారన్నారు. అదే డివిజన్‌లో వి.శ్రీకాంత్‌కు బీ–ఫారం ఇచ్చినా పంపించినా ఆర్‌ఓ పక్షపాతంగా వ్యవహరించి అసత్యాలు ప్రచారం చేశారని, ఈ వ్యవహారంలో ఆర్‌ఓపై చర్యలు తీసుకోవాలన్నారు. ఆ డివిజన్‌ నుంచి శ్రీకాంత్‌ తమ పార్టీ అభ్యర్థిగానే పోటీలో ఉంటారని, ఎన్నికల సంఘం కేటాయించే గుర్తుతో ఆయన బరిలోకి దిగుతారని రవిబాబు పేర్కొన్నారు. హౌసింగ్‌ బోర్డు ప్రాంతంలో శ్రీకాంత్‌ తమ పార్టీ అభ్యర్థిగా పోటీ చేస్తున్నారని స్పష్టం చేశారు. బీ–ఫారం చించేయడం దుర్మార్గం: కుప్పం ప్రసాద్‌ ఒంగోలులోని రామ్‌నగర్‌ మున్సిపల్‌ హైస్కూల్‌లో వైఎస్సార్‌సీపీ ఒంగోలు మేయర్‌ అభ్యర్థి కుప్పం ప్రసాద్‌ మాట్లాడుతూ 25వ డివిజన్‌ అభ్యర్థికి బీ–ఫారం ఇచ్చేందుకు వచ్చిన వ్యక్తిని కొట్టి, పత్రాన్ని చించేశారని, ఇది దుర్మార్గమైన చర్య అని మండిపడ్డారు. ప్రజాస్వామ్యంలో ఎన్నికల ద్వారా ప్రత్యర్థులను ఎదుర్కోవాలే తప్ప, అభ్యర్థిని కొట్టి బీ–ఫారం చించేయడం పిరికిపంద చర్య అని దుయ్యబట్టారు. ప్రశాంతంగా ఉన్న ఒంగోలులో అశాంతిని సృష్టించేందుకు టీడీపీ ప్రభుత్వం ప్రయత్నిస్తోందని ఆరోపించారు. పోలీసు వ్యవస్థను అడ్డుపెట్టుకుని రాజకీయ చర్యలకు పాల్పడటం సరైన పద్ధతి కాదని హెచ్చరించారు.

సింగరాయకొండ: స్థానిక సంస్థల ఎన్నికలు రెడ్‌బుక్‌ రాజ్యాంగం ప్రకారమే నడుస్తున్నాయని మాజీ మంత్రి, వైఎస్సార్‌ సీపీ పీఏసీ సభ్యుడు, నియోజకవర్గ ఇన్‌చార్జి డాక్టర్‌ ఆదిమూలపు సురేష్‌ ధ్వజమెత్తారు. మండల పరిషత్‌ ఎన్నికలకు సంబంధించి ఆయన విలేకరుల సమావేశంలో మాట్లాడారు. ఎన్నికల్లో టీడీపీకి ఒక రూల్‌, వైఎస్సార్‌ సీపీకి మరో రూల్‌ అమలు చేస్తున్నారని ఆరోపించారు. టీడీపీ గుండాలు నామినేషన్‌ కేంద్రాల వద్దే ఉండి నామినేషన్‌ వేసేందుకు వచ్చిన వారిని భయభ్రాంతులకు గురిచేస్తున్నా పోలీసులు ఎందుకు పట్టించుకోవడం లేదని ప్రశ్నించారు. పోలీసులు టీడీపీకి అమ్ముడుపోయారని, అందుకు ఈ నామినేషన్ల ప్రక్రియే నిదర్శనమన్నారు. టీడీపీ మండల పార్టీ అధ్యక్షుడు మించల బ్రహ్మయ్య..ఆ పార్టీ గూండాలతో కలిసి వైఎస్సార్‌ సీపీ అభ్యర్థులపై దాడి చేసి నామినేషన్‌ పత్రాలు చించారని ఆరోపించారు. పాకల–2, కలికవాయ, పాతసింగరాయకొండ, బింగినపల్లి, సింగరాయకొండ–5 ప్రాదేశికాల అభ్యర్థులు నామినేషన్లు వేసేందుకు వెళుతుండగా మార్గమధ్యంలో టీడీపీ గూండాలు లాక్కొని దాడి చేసి పేపర్లు చింపివేశారన్నారు. సింగరాయకొండ–5 ప్రాదేశికానికి షేక్‌ రహీం నామినేషన్‌ వేసేందుకు వెళుతుండగా..ఆ సమయంలో ఎంపీడీఓ కార్యాలయం వద్ద మించల బ్రహ్మయ్య అతని బృందం దాడి చేసి నామినేషన్‌ పత్రాలు చించివేశారని, అయినా వారు మరో నామినేషన్‌ వేశారన్నారు. ఇదంతా ఆర్‌ఓ సమక్షంలో జరిగిందని, వివరాలన్నీ సీసీ కెమెరాలో కూడా రికార్డైనా పోలీసుల చర్యలు లేవన్నారు. ఎదురొడ్డి నామినేషన్‌ దాఖలు.. వైఎస్సార్‌ సీపీ అభ్యర్థులు టీడీపీ గూండాలకు బెదరక ఎదురొడిడ్‌ నామినేషన్లు వేశారని ప్రశంసించారు. తాను రెండు సార్లు నామినేషన్‌ కేంద్రం వద్దకు వెళ్లి వైఎస్సార్‌ సీపీ కార్యకర్తలకు జరుగుతున్న అన్యాయంపై పోలీసులను నిలదీశానన్నారు. తాను 8 మంది అభ్యర్థులతో నామినేషన్‌ పత్రాలతో వెళుతుండగా టీడీపీ గూండాలు లాక్కునేందుకు ప్రయత్నించారని, ఇంత కంతా దారుణం ఇంకోటి ఉందా అని ప్రశ్నించారు. నామినేషన్‌ పత్రాలను చించివేస్తున్నారని ఎస్సై ఎల్‌ సుధీర్‌కుమార్‌కు మొరబెట్టుకుంటే కానిస్టేబుల్‌ను నామినేషన్‌ కేంద్రం వరకు తోడుగా పంపించారని, అయినా బ్రహ్మయ్య అనే వ్యక్తి ముగ్గురి వద్ద నామినేషన్‌ పత్రాలు చించివేశాడని మండిపడ్డారు. పోలీసులు రెడ్‌బుక్‌ ప్రకారం నడుచుకుంటుంటే ఇక ఎన్నికలు ఎందుకని ప్రశ్నించారు. పొన్నలూరు మండలంలో నామినేషన్లు వేయకుండా అడ్డుకున్నారని, కొండపిలో అభ్యర్థులను లోపలికి పోకుండా పోలీసులు అడ్డుకున్నారని, మర్రిపూడి అయితే ఆర్‌ఓ నామినేషన్‌ పత్రాలు తీసుకోలేదని ఆరోపించారు. చాలా మండలాల్లో అభ్యర్థులకు ధృవీకరణ పత్రాలు ఇవ్వకుండా అడ్డుకున్నారని ఆరోపించారు. ఎన్నికల తతంగాన్ని ప్రజలు గమనిస్తున్నారని రాబోయే రోజుల్లో ప్రజలే వీరికి బుద్ధి చెబుతారన్నారు. పార్టీ మండల అధ్యక్షుడు మసనం వెంకట్రావు, షేక్‌ సుల్తాన్‌, షేక్‌ కరీం, యన్నాబత్తిన కార్తీక్‌, సయ్యద్‌ ఆబిద్‌ఆలీ, యనమల మాధవి, సామంతుల శ్రీకాంత్‌రెడ్డి, పాకనాటి సుబ్బారెడ్డి, మాదాల శంకర్‌, మలినేని వెంకటేశ్వర్లు, నూకసాని ప్రసాద్‌, దాసరి శేషయ్య, శ్రీహరిరెడ్డి, నాగేశ్వరరెడ్డి, కృష్ణారెడ్డి, గౌరవరపు ప్రభాకరరెడ్డి, మిరియం సుధాకర్‌, కోమిట్ల వెంకారెడ్డి పాల్గొన్నారు.

ఒంగోలు టౌన్‌: గుర్తు తెలియని వాహనం ఢీకొని ఇద్దరు యువకులు మృతి చెందారు. పోలీసుల కథనం ప్రకారం...ఒంగోలు నగరంలోని రాంనగర్‌ 2వ లైనుకు, పేర్నమిట్టకు చెందిన కొండప నాయుడు (25), రిత్విక్‌ రెడ్డి (24) అనే ఇద్దరు యువకులు పెళ్లూరు, వల్లూరు గ్రామాల మధ్య జరిగిన రోడ్డు ప్రమాదంలో మరణించారు. టంగుటూరు వైపు నుంచి ఒంగోలు వస్తుండగా మంగళవారం అర్ధరాత్రి దాటిన తరువాత ఈ ప్రమాదం జరిగింది.. గుర్తు తెలియని వాహనం ఢీకొనడంతో అక్కడికక్కడే మృతి చెందినట్లు భావిస్తున్నారు. తాలుకా పోలీసులు కేసు నమోదు చేసి దర్యాప్తు చేస్తున్నారు. మృతదేహాలను పోస్టుమార్టం నిమిత్తం జీజీహెచ్‌కు తరలించారు. ● రూ 40 లక్షల విలువైన బంగారు ఆభరణాలు మాయం కందుకూరు: పట్టణంలో దొంగలు రెచ్చిపోయారు. దసరా వేడుకల వేళ దాదాపు రూ. 40 లక్షల విలువైన బంగారు ఆభరణాలు అపహరించారు. ఈ సంఘటన ఆలస్యంగా వెలుగులోకి వచ్చింది. పట్టణంలోని కాళిదాసువారి వీధిలో నివాసం ఉండే రిటైర్డు బ్యాంకు ఉద్యోగి దాసరి రమణయ్య కుటుంబం మంగళవారం మధ్యాహ్నం కాలనీలో జరిగిన అమ్మవారి ఊరేగింపు ఉత్సవాల్లో పాల్గొన్నారు. ఉత్సవాల తరువాత కాలనీలోని వారంతా కలిసి పాకల సముద్రతీరానికి వెళ్లారు. ఆ సమయంలో ఇంట్లో వృద్ధుడైన రమణయ్య మాత్రమే ఇంట్లో ఉన్నాడు. సముద్ర స్నానికి వెళ్లి తిరిగి వచ్చిన కుటుంబ సభ్యులకు ఇంట్లోని బీరువా వద్ద బంగారు ఉంగరాలు కింద పడి ఉండటాన్ని గమనించారు. ఆందోళనతో బీరువా తాళాలు తీసి చూడగా బీరువాలో ఉండాల్సిన దాదాపు రూ 40 లక్షల విలువైన 200 గ్రాముల బంగారు ఆభరణాలు మాయమయ్యాయి. అయితే బీరువాకు వేసిన తాళాలు వేసినట్టే ఉండడం, బంగారం మాత్రం మాయం కావడంపై బాగా తెలిసిన వారు చేసిన పనే అనే అనుమానాలు వ్యక్తమవుతున్నాయి. బాధితులు పోలీసులను ఆశ్రయించారు. అయితే బుధవారం సాయంత్రం వరకు కూడా పోలీసులు సంఘటనా స్థలాన్ని పరిశీలించలేదు. ఎస్సైకి విషయం చెప్పితే తాను అందుబాటులో లేనని, తరువాత వచ్చి చూస్తానంటూ చెప్తున్నారని బాధితులు ఆవేదన వ్యక్తం చేస్తున్నారు. సాక్షి ప్రతినిధి, ఒంగోలు: స్థానిక సంస్థల ఎన్నికల్లో భాగంగా మున్సిపాలిటీల్లో నామినేసన్ల ఉపసంహరణ పర్వం బుధవారంతో ముగిసింది. అద్దంకిలో వైఎస్సార్‌ సీపీ, టీడీపీ, ఇండిపెండెంట్ల నుంచి ఏడు నామినేషన్లు దాఖలా కాగా ఒకటి ఉపసంహరించుకోగా, ఆరు నామినేషన్లు మిగిలాయి. గిద్దలూరులో మున్సిపల్‌ ఎన్నికల బరిలో 28 వార్డులకు సంబంధించి 5 మంది చైర్మన్లు, 85 మంది కౌన్సిలర్లు పోటీలో నిలబడనున్నట్లు కమిషనర్‌ ఈ.వి.రమణబాబు బుధవారం నోటిఫికేషన్‌ విడుదల చేశారు. మొత్తం 123 మంది కౌన్సిలర్లు నామినేషన్లు వేయగా అందులో 38 మంది వారి నామినేషన్లు ఉపసంహరణ చేసుకున్నారు. 17 మంది చైర్మన్‌ అభ్యర్దులుగా నామినేషన్‌ వేసి 12 మంది ఉపసంహరించున్నారు. 5 మంది ఎన్నికల బరిలో నిలువనున్నారు.

ఒంగోలు సబర్బన్‌: జిల్లాలో ఎంపీటీసీ, జెడ్పీటీసీ ఎన్నికలకు నామినేషన్ల ప్రక్రియ సజావుగా సాగేలా అన్ని చర్యలు తీసుకున్నట్లు కలెక్టర్‌ పి.రాజాబాబు తెలిపారు. తొలిరోజు నామినేషన్లు వేసేవారు ఎలాంటి ఇబ్బంది పడకుండా సంబంధిత పత్రాలను సమర్పించినట్లు చెప్పారు. ఈ ఎన్నికలకు బుధవారం నుంచి నామినేషన్లు ప్రారంభమైన నేపథ్యంలో ఎస్పీ వి.హర్షవర్ధన్‌ రాజు, జాయింట్‌ కలెక్టర్‌ కల్పనా కుమారిలతో కలిసి బుధవారం ప్రకాశం భవనంలోని ఎన్నికల మీడియా సెంటర్లో ఏర్పాటుచేసిన విలేకరుల సమావేశంలో వివరాలు ఆయన వెల్లడించారు. దర్శి, తాళ్లూరు, ముండ్లమూరులో నామినేషన్లకు చేసిన ఏర్పాట్లను స్వయంగా తాను పరిశీలించినట్లు కలెక్టర్‌ చెప్పారు. నామినేషన్ల దాఖలుకు ఎలాంటి ఇబ్బంది కలగకుండా చూడాలని అధికారులకు, పోలీసు సిబ్బందికి ఆదేశాలు జారీ చేసినట్లు తెలిపారు. ఎన్నికల సంఘం నిబంధనల మేరకు నామినేషన్‌ వేసే వ్యక్తితో పాటు మరో ఇద్దరిని మాత్రమే లోపలికి అనుమతించాలని చెప్పామన్నారు. నామినేషన్‌ దాఖలులో ఏమైనా ఇబ్బందులు ఎదురైతే కలెక్టరేట్లో 1077 టోల్‌ ఫ్రీ నెంబర్‌కు కాల్‌ సెంటర్‌ ఏర్పాటు చేశామని, దీని ద్వారా తమ దృష్టికి తీసుకురావచ్చు అని కలెక్టర్‌ తెలిపారు. ఎన్నికల నిర్వహణలో రాజకీయ పార్టీలు కూడా సహకరించాలని ఆయన కోరారు. ఎన్‌ఓసీ, నో డ్యూస్‌ సర్టిఫికెట్లు లేకపోయినా అభ్యర్థులు తమ నామినేషన్లను సమర్పించవచ్చని కలెక్టర్‌ తెలిపారు. మున్సిపల్‌ ఎన్నికలకు నామినేషన్ల సమయంలో దర్శిలో చోటు చేసుకున్న పరిణామాల దృష్ట్యా రాష్ట్ర ఎన్నికల సంఘం ఆదేశాల మేరకు పోటీలో నిలిచిన అభ్యర్థుల తుది జాబితాను ప్రకటించకుండా నిలిపివేస్తున్నట్లు వివరించారు. ఎస్పీ మాట్లాడుతూ కందుకూరు, సింగరాయకొండ ప్రాంతాల్లో పర్యటించి భద్రతాపరంగా చేపట్టిన చర్యలను పరిశీలించినట్లు చెప్పారు. సమస్యాత్మక ప్రాంతాలలో ప్రత్యేక పోలీసులతో బందోబస్తు ఏర్పాటు చేశామన్నారు. నామినేషన్ల సెంటర్లకు వంద మీటర్ల నిబంధన కచ్చితంగా అమలయ్యేలా చూస్తున్నామన్నారు. ఎన్నికల్లో ఇబ్బందులు ఎదురైతే టోల్‌ఫ్రీ నంబర్‌ – 1077కు ఫోన్‌ చేయండి దర్శిలో తుది జాబితా ప్రకటించకుండా నిలిపివేత ఎన్నికల కమిషన్‌ ఆదేశాల మేరకు నిర్ణయం అధికారులతో ఎన్నికల పరిశీలకులు

ఓటమి భయంతోనేకందుకూరు రూరల్‌: ‘ఎమ్మెల్యే ఇంటూరి నాగేశ్వరరావు కందుకూరులో పాత రోజులను గుర్తు చేస్తున్నార’ని మాజీ ఎమ్మెల్యే, వైఎస్సార్‌ సీపీ కందుకూరు ఇన్‌చార్జి బుర్రా మధుసూదన్‌రావు అన్నారు. కందుకూరు వైఎస్సార్‌ సీపీ కార్యాలయంలో బుధవారం ఏర్పాటు చేసిన విలేకరుల సమావేశంలో ఆయన మాట్లాడారు. కందుకూరులో కొత్త శకం మొదలైందన్నారు. ఎప్పుడో 30 ఏళ్ల క్రితం ఇటువంటి దౌర్జన్యాలు ఉండేవన్నారు. మళ్లీ ఆ సాంప్రదాయాన్ని ఇంటూరి నాగేశ్వరరావు రూపంలో కందుకూరు ప్రజలకు చూపిస్తున్నారని గుర్తు చేశారు. నియోజకవర్గంలోని ఐదు మండలాల నుంచి వైఎస్సార్‌ సీపీ అభ్యర్థులు నామినేషన్లు తీసుకువస్తే కేంద్రాల వద్ద 100 నుంచి 200 మంది టీడీపీ గూండాలను ఈ మండలం నుంచి ఆ మండలానికి..ఆ మండలం నుంచి ఈ మండలానికి తరలిస్తున్నారని మండిపడ్డారు. గుడ్లూరుకు కావలి నుంచి మనుషులను రప్పించుకుని నామినేషన్లు వేసే దగ్గర, చుట్టుపక్కల పెట్టి కార్యాలయంలోకి నామినేషన్లు వేయకుండా అడ్డుకోవడం పోలీసుల కర్తవ్యంగా మారిందన్నారు. ఏదో ఒక విధంగా లోపలికి వెళితే అక్కడ అభ్యర్థులపై దాడి చేయడం, నామినేషన్‌ పేపర్లు చించివేయడం, బయటకు నెట్టడం వంటివి చేస్తున్నారన్నారు. ఎన్‌ఓసీలు ఇచ్చే అధికారులు అధికార పార్టీ నేతలు భయభ్రాంతులకు గురిచేస్తున్నారని, ఏ పేపర్‌ ఇచ్చినా బదిలీ లేదా సస్పెండ్‌ చేయిస్తామని బెదిరిస్తున్నారని, ఇదే సంస్కృతి అని ప్రశ్నించారు. రెండున్నరేళల్లో ఎంతో అభివృద్ధి చేశానని ఎమ్మెల్యే ఇంటూరి మీడియా ముందు ఉదరగొట్టేవారని, మరీ అంత అభివృద్ధి చేస్తే ఇంత భయం దేనికన్నారు. దమ్ము ధైర్యం ఉంటే రౌడీయిజం లేకుండా ఎన్నికలకు రావాలని సవాల్‌ విసిరారు. వైఎస్సార్‌ సీపీ అభ్యర్థులు నామినేషన్‌ వేయనీయకుండా పోలీసులకు పచ్చచొక్కాలు వేసి వారితో రౌడీయిజం చేయిస్తున్నావని, ఇదే సంస్కృతి అని మండిపడ్డారు. రాజకీయాలు, పదవులు శాశ్వతం కాదని, ప్రజలంతా గమనిస్తున్నారని విషయం తెలుసుకోవాలని హితవు పలికారు. అవినీతి, అక్రమాల వల్లే భయం.. నియోజకవర్గంలో ఇసుక, మట్టి, బియ్యం, లిక్కర్‌ మాఫియాతో పాటు గుడ్లూరులో కల్తీ మద్యం కూడా తయారు చేశారన్నారు. ఎన్ని రకాలుగా అవినీతి చేయ్యాలో అన్ని రకాలుగా అవినీతి చేసి పీకల్లోతు అవినీతిలో కూరుకుపోయారు. దీంతో ఎన్నికలకు వెళితే ఓడిస్తారనే భయంతోనే వైఎస్సార్‌ సీపీ అభ్యర్థులు నామినేషన్లు వేయనీయకుండా అడ్డుకుంటున్నారన్నారు. గుడ్లూరులో జరిగిన సంఘటనపై ఎన్నిక కమిషన్‌కు ఫిర్యాదు చేస్తామన్నారు. నామినేషన్‌ కేంద్రంలో గుండాలు, కార్యకర్తలను పెట్టి వైఎస్సార్‌ సీపీ అభ్యర్థులను నామినేషన్‌ వేయకుండా అడ్డుకుంటున్న పోలీసులు, అధికారులపై నివేదిస్తామన్నారు. అభివృద్ధని ఊదరగొడుతున్నావ్‌ కదా..పోటీకి భయమెందుకు కందుకూరులో పాత రోజులు గుర్తు చేస్తున్న ఎమ్మెల్యే ఇంటూరి ఈ సంస్కృతిని చూసే 30 ఏళ్లు టీడీపీని దూరంగా పెట్టారు దమ్ముధైర్యం ఉంటే ఎన్నికల్లో పోటీకి దిగాలి నామినేషన్‌ కేంద్రాల వద్ద వందల సంఖ్యలో టీడీపీ గూండాలు పోలీసులు పచ్చ చొక్కా చేసుకొని డ్యూటీ గుడ్లూరు సంఘటనపై ఎన్నికల కమిషన్‌కు ఫిర్యాదు చేస్తాం మాజీ ఎమ్మెల్యే, కందుకూరు ఇన్‌చార్జి బుర్రా మధుసూదన్‌ యాదవ్‌ ధ్వజం

యర్రగొండపాలెం: ప్రజాస్వామ్యం చంద్రబాబు చెప్పు చేతుల్లో ఖూనీ అవుతోందని, అరాచకంగా, అతి క్రూరంగా రాజకీయాలు నడుస్తున్నాయని ఎమ్మెల్యే, వైఎస్సార్‌ కాంగ్రెస్‌ పార్టీ రాష్ట్ర అధికార ప్రతినిధి తాటిపర్తి చంద్రశేఖర్‌ అన్నారు. బుధవారం ఆయనను పోలీసులు హౌస్‌ అరెస్ట్‌ చేశారు. ఈ సందర్భంగా ఆయన విలేకరులతో మాట్లాడారు. పుల్లలచెరువులో 10 మంది వైఎస్సార్‌ సీపీ నాయకులపై కర్రలు, రాళ్లతో టీడీపీ వాళ్లు దాడి చేశారని, వందల సంఖ్యలో పచ్చ వర్గీయులు ఉన్నా పోలీసులు వాళ్లను ఏమీ అనకుండా విచక్షణా రహితంగా వైఎస్సార్‌ సీపీ నాయకులపై లాఠీచార్జి చేశారని అరోపించారు. ఎంపీటీసీ స్థానాలకు నామినేషన్లు వేసేందుకు వచ్చిన గిరిజనుల నామినేషన్‌ పత్రాలు చించేశారని, ఇదేనా ప్రజాస్వామ్యం అని ఆయన ప్రశ్నించారు. ఆడలేక మద్దెల ఓడు రాజకీయానికి చంద్రబాబు పెట్టింది పేరని, ఆయన వెన్నుపోటు రాజకీయాలకు ముందుంటారని మరో సారి రుజువైందన్నారు. తనను సాయంత్రం 5 గంటల వరకు హౌస్‌ అరెస్ట్‌ చేశారని, రాష్ట్రం రాక్షస రాజ్యాన్ని తలపిస్తోందని, ప్రజాస్వామ్యం వ్యవస్థ ఉన్నట్లు లేదని, పోలీస్‌ వ్యవస్థ పనిచేస్తున్నట్లు లేదని, కలెక్టర్‌, ఆ పై అధికారులు స్పందిస్తున్న పరిస్థితులు లేవని మండిపడ్డారు. ఈ విధంగా రెచ్చకొట్టి నామినేషన్‌ ప్రక్రియలో పాల్గొనాలనుకుంటే దానికి తాము బదులు తీర్చుకుంటామని హెచ్చరించారు. నామినేషన్లు స్వేచ్ఛగా వేసుకునేందుకు కలెక్టర్‌, ఎస్పీలు చర్యలు తీసుకోవాలని కోరారు. సమావేశంలో మాజీ ఎంపీపీలు దొంతా కిరణ్‌గౌడ్‌, మూడమంచు బాలగురవయ్య, మాజీ జెడ్పీటీసీ చేదూరి విజయభాస్కర్‌ పాల్గొన్నారు.

ప్రజాస్వామ్యంపైపరిషత్‌ పోరులోనూ దాడులు..దౌర్జన్యాలు..మారని ఖాకీల తీరుపరిషత్‌ పోరులోనూ అధికార మదం పట్టపగ్గాల్లేకుండా విరుచుకుపడింది. ప్రజాస్వామ్యాన్ని పాతరేసి.. ప్రతిపక్షాల గొంతు నులిమి.. నామినేషన్ల ప్రక్రియనే భయానకంగా మార్చేశారు. జెడ్పీటీసీ, ఎంపీటీసీ స్థానాలకు నామినేషన్లు వేయకుండా టీడీపీ శ్రేణులు అడ్డుపడగా.. కొన్ని చోట్ల పోలీసులు సైతం వారికి వంతపాడారు. మహిళా అభ్యర్థులపై దాడులు చేస్తూ చీరలు లాగి అవమానించారు. నామినేషన్‌ పత్రాలు చించేశారు.. రాళ్లతో విరుచుకుపడ్డారు. ఖాకీలే లాఠీలకు పనిచెప్పి భయోత్పాతం సృష్టించారు. నామినేషన్లు వేయడానికి వస్తే అక్రమ కేసులు బనాయిస్తామంటూ బెదిరింపులకు దిగారు. గిద్దలూరు నియోజకవర్గంలో వార్తలు సేకరిస్తున్న విలేకర్లపైనా దాడులు చేసి సెల్‌ఫోన్లు లాక్కొని, కేసులు పెట్టి జైలుకు పంపిస్తామంటూ హెచ్చరించారు. బుధవారం నామినేషన్ల తొలిరోజే ఉమ్మడి ప్రకాశం జిల్లాలోని పలు నియోజకవర్గాల్లో చోటుచేసుకున్న ఈ ఘటనలు.. పరిషత్‌ పోరులో ప్రజాస్వామ్యానికి పట్టిన దుస్థితికి అద్దం పట్టాయి. సాక్షి ప్రతినిధి, ఒంగోలు: ఉమ్మడి జిల్లాలో మున్సిపల్‌ ఎన్నికల నామినేషన్‌ల ప్రక్రియతో ప్రారంభమైన టీడీపీ గూండాల అరాచకాలు ఎంపీటీసీ, జెడ్పీటీసీ అభ్యర్థుల నామినేషన్‌ల పర్వంలో మరింత బరితెగించాయి. పోలీసులను అడ్డుపెట్టుకుని వైఎస్సార్‌ సీపీ అభ్యర్థుల నామినేషన్‌లను అడ్డుకుంటూ గూండాగిరికి దిగుతున్నారు. ఏకంగా నామినేషన్‌ కేంద్రాల్లోనే తిష్టవేసి ప్రత్యర్థుల నామినేషన్‌ పత్రాలను లొక్కొని చించేస్తున్నారు. ప్రకాశం జిల్లాలో మూడు మండలాల్లో, మార్కాపురం జిల్లాలో 8 మండలాల్లో పోలీసులు, టీడీపీ గూండాలు తెగబడి నామినేషన్‌ పత్రాలు చించేశారు. దీంతోపాటు ప్రకాశం జిల్లాలో 14 మండలాల్లో, మార్కాపురం జిల్లాలో 13 మండలాల్లో వైఎస్సార్‌ సీపీ అభ్యర్థులు నామినేషన్‌లు వేయలేకుండా అడ్డుకొన్నారు. దీంతో తొలిరోజే జిల్లాలో నామినేషన్‌ ప్రక్రియ భయానకంగా మారింది. తొలిరోజు జరిగిన దాడులు ఇవే.. మార్కాపురం నియోజకవర్గం పొదిలిలో కేంద్రంలో నామినేషన్‌ వేసేందుకు వెళ్లిన వైఎస్సార్‌ సీపీ ఎంపీటీసీ అభ్యర్థి దొనపాటి శ్రావణి పట్ల టీడీపీ గూండాలు దుశ్శాసన పర్వానికి ఒడిగట్టారు. నామినేషన్‌ కేంద్రంలోనే ఆమె చీరలాగి, చేతుల్లోని నామినేషన్‌ పత్రాలు చించివేసి రక్తం వచ్చేలా కొట్టి బయటకు నెట్టేశారు. దీంతో ఆమె పార్టీ పరిశీలకుడు కేవీ రమణారెడ్డితో కలిసి రోడ్డుపై బైఠాయించి ఆందోళన చేశారు. పోలీసులు సమక్షంలోనే ఇది జరగడం శోచనీయం. ● కనిగిరి నియోజకవర్గం పీసీపల్లి మండలంలో నామినేషన్‌ వేసేందుకు వెళ్లిన వైఎస్సార్‌ సీపీ ఎంపీపీ అభ్యర్థిని పోలు వరలక్ష్మి నామినేషన్‌ పత్రాలను టీడీపీ గూండాలు లొక్కొని చించేశారు. సీఎస్‌పురం మండలం పెదరాజుపాలెం ఎంపీటీసీ అభ్యర్థి జొన్నపూతల దివ్యభారతి నామినేషన్‌ పత్రాలను సైతం చించేశారు. ● గిద్దలూరు నియోజకవర్గం బేస్తవారిపేట మండలంలో కోర్టు ఆర్డర్‌ కాపీలను ఏఆర్‌ఓకు చూపించేందుకు వెళ్తున్న బేస్తవారిపేట మాజీ ఎంపీపీ వేగినాటి ఓసూరారెడ్డి, ఎంపీపీ అభ్యర్థి షేక్‌ మున్వర్‌బాషాలను టీడీపీ నాయకులు, కార్యకర్తలు అడ్డుకున్నారు. మాట్లాడుతుండగానే చేతిలో ఉన్న కోర్టు ఆర్డర్‌ కాపీలను లాక్కొని టీడీపీ ఎంపీపీ అభ్యర్థి గంగయ్య చింపేశాడు. అదే సమయంలో నామినేషన్‌ వేసేందుకు అక్కడికి వచ్చిన ఎంపీటీసీ అభ్యర్థి పీ ఈశ్వరరెడ్డి నామినేషన్‌ పత్రాలను రౌడీలలాగా మీదపడి లాక్కున్నారు. దీంతో వారు అక్కడే బైఠాయించి నిరసన వ్యక్తం చేశారు. నామినేషన్‌ వేయనీయకపోవడంతో నేకునాంబాద్‌ గ్రామానికి చెందిన వైఎస్సార్‌ సీపీ ఎంపీటీసీ అభ్యర్థి ఎస్‌ శ్రీరాములు పురుగుమందు తాగి ఆత్మహత్యాయత్నం చేశారు. గిద్దలూరు నియోజకవర్గం కంభం నాయక్‌వీధి ఎంపీటీసీ అభ్యర్థి షేక్‌ మహమ్మద్‌ రఫీ నామినేషన్‌ వేసేందుకు వెళ్లి కార్యాలయం ఆవరణలో హెల్ప్‌డెస్క్‌ వద్ద పత్రాలు చూపిస్తున్న తరుణంలో అక్కడికి చేరుకున్న టీడీపీ నాయకులు దౌర్జన్యంగా వారి వద్ద నుంచి నామినేషన్‌ పత్రాలు లాక్కొని చింపేశారు. ఈ తతంగం అంతా ఎంపీడీఓ ఎదురుగా జరిగింది. అధికారులు ఏర్పాటు చేసిన కెమెరామెన్‌ సైతం అంత గొడవ జరుగుతున్నా వీడియో తీయకపోవడం గమనార్హం. అనంతరం కందులాపురం తూర్పు అభ్యర్థి పెరుమారెడ్డి నందిరెడ్డి, కందులాపురం పడమర అభ్యర్థి బొర్రా నాగభూషణం నామినేషన్‌ వేసేందుకు వెళ్తుండగా పోలీసులు చూస్తుండగానే నామినేషన్‌ పేపర్లను టీడీపీ నాయకులు దౌర్జన్యంగా లాక్కొని చించేశారు. ఇదే నియోజకవర్గం అర్థవీడు, రాచర్ల మండలంలో పచ్చమూకలు రెచ్చిపోయాయి. విలేకర్లపైనా దాడులకు తెగబడ్డాయి. కొమరోలు ‘సాక్షి’ విలేకరి సెల్‌ఫోనును లాక్కున్నారు. అర్ధవీడులో సైతం ఓ పత్రికా విలేకరి ఫోనును లాక్కున్నారు. ఫొటోలు తీస్తే కేసులు పెట్టి లోపల తోయిస్తామని బెదిరించారు. అర్ధవీడు మాజీ ఎంపీపీ గొటిక రాజేశ్వరరెడ్డిపై రాళ్లతో దాడి చేశారు. దర్శి నియోజవకర్గం ముండ్లమూరు వైఎస్సార్‌సీపీ ఎంపీటీసీ అభ్యర్థిని సూదిదేవర నాగమణి నామినేషన్‌ పత్రాలను లాక్కొని చించి బయటకు నెట్టారు. ● కందుకూరు నియోజకవర్గం గుడ్లూరు నామినేషన్‌ కేంద్రంలో వైఎస్సార్‌ సీపీ అభ్యర్థులను నామినేషన్‌లు వేసేందుకు పోలీసులు అనుమతించలేదు. నామినేషన్‌ కేంద్రంలో గంటల తరబడి టీడీపీ గూండాలు తిష్టవేసి నామినేషన్‌ పత్రాలు లాక్కొని చించేశారు. విషయం తెలుసుకున్న పార్టీ ఇన్‌చార్జీ బుర్రా మధుసూదన్‌యాదవ్‌ గుడ్లూరు చేరుకుని పోలీసులతో వాగ్వాదానికి దిగారు. ఇదెక్కడి అన్యాయమంటూ నిలదీశారు. దీంతో కొద్దిసేపు అక్కడ ఉద్రిక్తత వాతావరణం నెలకొంది. ఇలా అనేకచోట్ల వైఎస్సార్‌ సీపీ అభ్యర్థుల నామినేషన్‌లు దాఖలు చేయకుండా టీడీపీ గూండాలు అడ్డుకున్నాయి. ● కొనకనమిట్ల మండలానికి సిద్ధవరం ఎంపీటీసీ స్థానానికి వైఎస్సార్‌ సీపీ తరఫున రావినూతల ప్రసన్నకుమారి, కాట్రగుంట ఎంపీటీసీ స్థానానికి మోరా అరుణ నామినేషన్‌ వేసేందుకు సాయంత్రం 4 గంటల తరువాత నామినేషన్‌ కేంద్రానికి వెళ్లారు. అప్పటికే మండల టీడీపీ నేత పెరికె సుఖ్‌దేవ్‌ అలియాస్‌ బూన్‌ తన మనుషులతో లోపలికి ప్రవేశించి నామినేషన్‌ వేస్తున్న ప్రసన్న కుమారి, అరుణల చేతులలో ఉన్న నామినేషన్‌ పత్రాలను లాక్కొని చించేసి బయటకు పరుగు తీశారు. ఇది అన్యాయం అంటూ అభ్యర్థులతో పాటు మండల పార్టీ కన్వీనర్‌ మోరా శంకర్‌రెడ్డి టీడీపీ నేతను నిలదీశారు. అప్పటికే నామినేషన్‌ కేంద్రం పరిసరాల్లో ఉన్న టీడీపీ గూండాలు శంకర్‌రెడ్డిపై గొడవకు దిగారు. పోలీసులు కలుగచేసుకొని ఇరువురినీ పక్కకు పంపారు. కాగా అప్పటికే వైఎస్సార్‌ సీపీకి చెందిన కొంత మంది టీడీపీ గూండాలను చుట్టుముట్టి పట్టుకోవడానికి ప్రయత్నించడంతో కార్యాలయం గోడ దూకి పరారయ్యారు. కేంద్రాల వద్ద పోలీస్‌ గూండాగిరి... చెప్పేటందుకే శ్రీరంగనీతులు అన్న సామెతగా తయారైంది పోలీసుల పరిస్థితి. ఎంపీటీసీ, జెడ్పీటీసీ నామినేషన్‌ల ప్రారంభం సందర్భంగా కేంద్రాల వద్ద మైక్‌లు ఏర్పాటు చేసిన పోలీసులు నీతి వాక్యాలు పెద్ద ఎత్తున ప్రచారం చేస్తున్నారు. నామినేషన్‌లు ప్రశాంతంగా వేసుకోవాలని, ఎవరైనా అడ్డుకుంటే వెంటనే పోలీసుల దృష్టికి తీసుకురావాలి వంటి నీతి వాక్యాలు చాలానే పెట్టారు. కానీ అసలు పోలీసులే నామినేషన్‌లు వేసే అభ్యర్థుల పాలిట సైంధవులగా మారి దౌర్జన్యాలకు దిగుతుంటే ఇంకెవరికి చెప్పుకోవాలో అర్థంకాని పరిస్థితి అభ్యర్థులది. ఉద్దేశపూర్వకంగా వైఎస్సార్‌ సీపీ అభ్యర్థులను కేంద్రంలోకి వెళ్లకుండా అడ్డుకోవడం, కావాలనే రెచ్చగొట్టేలా ప్రవర్తించి కేసులు పెట్టాలనే దురుద్దేశపూరిత కుట్రలకు పాల్పడడం, సమయం ముగిసే వరకు వైఎస్సార్‌ సీపీ అభ్యర్థులను అడ్డగించి తరువాత సమయం ముగిసింది అని చెప్పి అక్కడి నుంచి పంపేయడం వంటి అనేక దుశ్చర్యలకు పోలీసులు పాల్పడుతున్నారు. పుల్లలచెరువు మండలం పుల్లలచెరువులోని ఎంపీటీసీ 1, 2 స్థానాలకు భానవత్‌ సరోజాభాయ్‌, యాకసిరి రఘు నామినేషన్‌ వేసేందుకు వెళ్లారు. అదే సమయంలో వివిధ గ్రామాల నుంచి వచ్చిన వందలాది మంది పచ్చమూకలు ఒక పథకం ప్రకారం వారిపై దాడులకు దిగారు. అక్కడే ఉన్న పోలీసులు పచ్చమూకల జోలికి వెళ్లకుండా వైఎస్సార్‌ సీపీ అభ్యర్థులు, వారిని బలపరిచేందుకు అక్కడికి వెళ్లిన వారిపై లాఠీలతో దాడులు చేశారు.దర్శిలో ఆగని దాష్టీకం... మున్సిపల్‌ నామినేషన్ల సందర్భంగా పోలీసులే...పచ్చగుండాల మాదిరిగా వైఎస్సార్‌సీపీ అభ్యర్థులను అడ్డుకొని, టీడీపీ గూండాలకు సహకరించారు. పోలీసులే లాఠీఛార్జి చేస్తున్న సమయంలో ఎస్సైకి తగిలిన గాయం సాకుగా చూపి, వైఎస్సార్‌ సీపీ అభ్యర్థులు, నాయకులు, కార్యకర్తలపై కేసులు నమోదు చేశారు. మొదట 21 మంది, ఇతరులు అంటూ హత్యాయత్నం కేసు నమోదు చేశారు. దాని తరువాత టీడీపీ నియోజకవర్గ స్థాయి నేత ఒత్తిడితో దాని సంఖ్య 131 మందికి చేర్చేలా చేశారు. ఇంకా నియోజకవర్గంలో ఉన్న ముఖ్య నేతలను కేసులో ఇరికించే యత్నం చేస్తున్నారు. దీంతో నియోజకవర్గంలో జెడ్పీటీసీ, ఎంపీటీసీ ఎన్నికల్లో పోటీచేసే వైఎస్సార్‌ సీపీ అభ్యర్థులకు ఫోన్‌ చేసి, నామినేషన్‌ కేంద్రాల వద్దకు వస్తే కేసులో మీపేర్లు చేర్చి ఆరెస్టు చేస్తామని హెచ్చరికలు జారీ చేస్తున్నారు. సుప్రీంకోర్టు ఆదేశాలతో నామినేషన్‌ గడువు ఇవ్వడంతో, పట్టణంలో క్రియాశీలకంగా వైఎస్సార్‌ సీపీ నేతల పేర్లు కేసుల్లో చేర్చేలా టీడీపీ నేతలు పోలీసులపై ఒత్తిడి తెస్తున్నారు. మొత్తం మీద దర్శిలో స్థానిక పోలీసుల ఆగడాలకు అడ్డు అదుపూ లేకుండా పోతోంది. ఘటన సమయంలో లేని వారిని కేసులో పెట్టడంతో, పోలీసులపై, న్యాయ పోరాటం చేసేందుకు పలువురు సిద్ధమవుతున్నారు. ఈ విషయమై ఇప్పటికే ఉమ్మడి ప్రకాశం జిల్లా వైఎస్సార్‌ సీపీ అధ్యక్షుడు, దర్శి ఎమ్మెల్యే శివప్రసాదరెడ్డి ఎన్నికల కమిషన్‌కు ఫిర్యాదు చేశారు. గెలవలేకే గూండా గిరి టీడీపీ నేతలు గెలవడం చేతకాక ఇలాంటి దుర్మార్గాలకు పాల్పడుతున్నారు. నామినేషన్‌ వేయడానికి లోపలికి వెళ్లి పత్రాలు ఇస్తుంటే టీడీపీ నేత తన మనుషులతో పత్రాలు లాక్కొని పోలీసుల ముందే చించడం దుర్మార్గం. అసలు టీడీపీ నేతను లోపలకు ఎందుకు రానిచ్చారు. ఇలాంటి దుర్మార్గులకు బుద్ధిచెప్పే రోజులు దగ్గర పడ్డాయి. నామినేషన్‌ కేంద్రంలో అలజడి సృష్టించిన సుఖ్‌దేవ్‌ బూన్‌పై చర్యలు తీసుకోవాలి. – ప్రసన్న కుమారి, అరుణ, కొనకనమిట్ల మండలం నామినేషన్‌ కోసం వెళితే చించేశారు వైఎస్సార్‌ సీపీ తరఫున ముండ్లమూరు ఎంపీటీసీగా నామినేషన్‌ వేసేందుకు ముండ్లమూరు ఎంపీడీఓ కార్యాలయానికి వెళ్లాం. టీడీపీ మాజీ ఎంపీపీ మందలపు వెంకట్రావు, మాజీ జెడ్పీటీసీ కే నాగరాజు దౌర్జన్యం చేసి నామినేషన్‌ పత్రాలు లాక్కుని చించేశారు. పోలీసులు అక్కడే ఉన్నా నోరు మెదపడం లేదు. 500 మంది టీడీపీ కార్యకర్తలు అక్కడే ఉండి రౌడీల్లా నామినేషన్‌ పత్రాలు లాక్కుని చించేస్తున్నా పోలీసులు గుడ్లప్పగించి చూస్తున్నారు. కలెక్టర్‌, ఎస్పీలు కల్పించుకుని నాకు రక్షణ కల్పించి నామినేషన్‌లు వేయించి ప్రజాస్వామ్యాన్ని కాపాడాలి. – సూదిదేవర నాగమణి, ముండ్లమూరు వైఎస్సార్‌ సీపీ ఎంపీటీసీ అభ్యర్థి

● ఎన్నికల వ్యయ పరిశీలకుడు వివేక్‌ ఒంగోలు సబర్బన్‌: స్థానిక సంస్థల ఎన్నికల్లో సోషల్‌ మీడియా కంటెంట్‌ పట్ల అత్యంత అప్రమత్తంగా ఉండాలని జిల్లా వ్యయ పరిశీలకుడు వివేక్‌ సూచించారు. ఒంగోలు కలెక్టరేట్‌లోని కమాండ్‌ కంట్రోల్‌ రూమ్‌లో బుధవారం ఏర్పాటు చేసిన మీడియా సెంటర్‌లో ప్రకాశం జిల్లా వ్యయ పరిశీలకుడు వివేక్‌ జిల్లాలోని సోషల్‌ మీడియా ఇన్‌ఫ్లూయెన్సర్లు, కంటెంట్‌ క్రియేటర్లతో ఆయన ప్రత్యేక పర్యవేక్షణ సమావేశాన్ని నిర్వహించారు. ఈ సందర్భంగా ఆయన మాట్లాడుతూ ఎన్నికల ప్రవర్తనా నియామవాళి అమల్లో ఉన్నందున సోషల్‌ మీడియాల్లో ప్రచురించే ప్రతి పోస్ట్‌, రీల్‌, వీడియో, కంటెంట్‌పై కమాండ్‌ కంట్రోల్‌ రూమ్‌లోని మీడియా సర్వేలెన్స్‌ బృందాలు నిరంతరం ప్రత్యేక నిఘా ఉంచుతున్నాయని తెలిపారు.కులాలు, మతాలు, వర్గాల మధ్య విభేదాలు రేకెత్తించేలా గానీ, శాంతిభద్రతలకు విఘాతం కలిగించేలా గానీ, అభ్యర్థుల వ్యక్తిగత ప్రతిష్టను భంగపరిచేలా గానీ ఎటువంటి వివాదాస్పద కంటెంట్‌ను తయారు చేయడం లేదా సోషల్‌ మీడియాలో పోస్ట్‌ చేస్తే కఠిన చర్యలు ఉంటాయని హెచ్చరించారు. రాజకీయ పార్టీలు లేదా పోటీ చేసే అభ్యర్థుల తరఫున సోషల్‌ మీడియా వేదికగా చేసే ప్రచారాలు, చెల్లింపుల కంటెంట్‌, బ్రాండ్‌ కొల్లాబరేషన్లు అన్నీ కూడా నేరుగా అభ్యర్థుల ఎన్నికల వ్యయం పరిధిలోకి వస్తాయని స్పష్టం చేశారు. ఇన్‌ఫ్లూయెన్సర్లు పొందే ప్రచార రుసుంలను షాడో అబ్జర్వేషన్‌ రిజిస్టర్‌లో నమోదు చేస్తామని, వీటిని పారదర్శకంగా ఎన్నికల అధికారులకు వెల్లడించాల్సి ఉంటుందని గుర్తుచేశారు. అభ్యర్థుల ప్రచార సంబంధ ప్రకటనలు లేదా వీడియోలను సోషల్‌ మీడియాలో పోస్ట్‌ చేసే ముందు జిల్లా స్థాయి మీడియా సర్టిఫికేషన్‌ అండ్‌ మానిటరింగ్‌ కమిటీ నుంచి ముందస్తు అనుమతి పొందాలన్నారు. స్థానిక సంస్థల ఎన్నికలు ప్రశాంతమైన వాతావరణంలో, స్వేచ్ఛగా, పారదర్శకంగా నిర్వహించేందుకు సోషల్‌ మీడియా ప్రతినిధులు, క్రియేటర్లు పూర్తి సహకారం అందించాలని కోరారు. సమావేశంలో జిల్లా ఎక్స్పెండేచర్‌ మానిటరింగ్‌ కమిటీ నోడల్‌ అధికారి తిరుపతయ్య, ఇతర అధికారులు పాల్గొన్నారు.

ఒంగోలు టౌన్‌: పాలనలో పూర్తిగా విఫలమైన ముఖ్యమంత్రి చంద్రబాబు స్థానిక సంస్థల ఎన్నికల్లో వైఎస్సార్‌ సీపీ అభ్యర్థులు నామినేషన్లు వేయకుండా రాష్ట్రంలో దాడులు, అరాచకాలతో భయాందోళనలు సృష్టించేందుకు కుట్రలు చేస్తున్నారని దర్శి ఎమ్మెల్యే, వైఎస్సార్‌ సీపీ జిల్లా అధ్యక్షుడు బూచేపల్లి శివప్రసాద్‌ రెడ్డి ఆరోపించారు. వైఎస్సార్‌ సీపీ జిల్లా కార్యాలయంలో బుధవారం నిర్వహించిన విలేకరుల సమావేశంలో ఆయన మాట్లాడారు. స్థానిక సంస్థల ఎన్నికల్లో వైఎస్సార్‌ సీపీ అభ్యర్థులు పోటీ చేయకుండా మూడు రకాల ప్లాన్‌లను అమలు చేస్తున్నారని తెలిపారు. ఎంపీ మిధున్‌ రెడ్డితో పాటు ఎమ్మెల్యేల మీద దాడులు చేయడం, అల్లర్లు సృష్టించడం ద్వారా దర్శి, పల్నాడు, రాయలసీమల్లో నామినేషన్లు వేయకుండా అడ్డుకోవడం చేశారని వివరించారు. ఎన్నికల్లో పోటీ చేసే అభ్యర్థులు పోలీసు ఎన్‌ఓసీ, పంచాయతీ నో డ్యూ సర్టిఫికెట్లు సమర్పించాలని నిబంధన పెట్టారని, ఎవరైనా వైఎస్సార్‌ సీపీ తరఫున పోటీ చేయడానికి ఎన్‌ఓసీ కోసం దరఖాస్తు చేసుకుంటే వారింటికి పోలీసులు వెళ్లి బెదిరింపులకు వైఎస్సార్‌ సీపీ అభ్యర్థులు నామినేషన్లు వేయకుండా ఆటంకాలు అభ్యర్థులకు నామినేషన్లు వేయవద్దని పోలీసుల బెదిరింపులు దర్శిలో ఎస్సై మీద దాడి చేశారని 131 మంది మీద అక్రమంగా కేసులు నమోదు ఎన్నికలు జరిగితే ఓడిపోతామనే భయంతోనే చంద్రబాబు కుయుక్తులు నామినేషన్లు వేయడానికి, వేసిన అభ్యర్థులకు రక్షణ కల్పించడానికి కలెక్టర్‌ భరోసా ఇవ్వాలి కనిగిరిలో ప్లాన్‌ ప్రకారమే నామినేషన్‌ తిరస్కారం విలేకరుల సమావేశంలో దర్శి ఎమ్మెల్యే, వైఎస్సార్‌ సీపీ జిల్లా అధ్యక్షుడు బూచేపల్లి శివప్రసాద్‌ రెడ్డి

బేస్తవారిపేట: మాజీ ఎమ్మెల్యే, వైఎస్సార్‌ సీపీ గిద్దలూరు ఇన్‌చార్జి కేపీ నాగార్జునరెడ్డిని గురువారం పోలీసులు హౌస్‌ అరెస్ట్‌ చేశారు. మార్కాపురం ఎస్సై నోటీసులు అందచేసి మార్కాపురంలోని స్వగృహంలో మాజీ ఎమ్మెల్యే కేపీని బయటకు రానివ్వకుండా అడ్డుకున్నారు. ఈ సందర్భంగా కేపీ మాట్లాడుతూ పోలీసులను అడ్డుపెట్టుకుని స్థానిక సంస్థల ఎన్నికల్లో కూటమి ప్రభుత్వం దుర్మార్గానికి పాల్పడుతుందన్నారు. గిద్దలూరు నియోజకవర్గంలో వైఎస్సార్‌ సీపీ అభ్యర్థులతో ఒక్క నామినేషన్‌ కూడా వేయనీయకుండ నామినేషన్‌ కేంద్రాల వద్ద అలజడి సృష్టిస్తున్నారన్నారు. కంభం: నామినేషన్‌ వేయకముందే వైఎస్సార్‌ సీపీ ఎంపీపీ అభ్యర్థి షేక్‌ మున్నా(డిష్‌ మున్నా)ను పోలీసులు అదుపులోనికి తీసుకున్నారు. తెల్లవారుజాము నుంచే పలువురు వైఎస్సార్‌ సీపీ నాయకులకు, అభ్యర్థులకు పోలీసులు నోటీసులు జారీ చేసారు. ఎంపీపీ అభ్యర్థి డిష్‌ మున్నాతో పాటు వైఎస్సార్‌సీపీ స్టేట్‌యూత్‌ వింగ్‌ సెక్రటరీ నెమలిదిన్నె చెన్నారెడ్డి, నాయకులు శరభారెడ్డి, రఫి, గురుమూర్తి, జాకీర్‌, రాఘవలను పోలీసులు అదుపులోకి తీసుకొని సాయంత్రం వరకు స్టేషన్‌లో ఉంచారు. సింగరాయకొండ: పాకల తీరంలో గురువారం తెల్లవారుజామున మళ్లీ సోనాబోట్లు హల్‌చల్‌ చేశాయి. తెల్లవారుజామున 6:30 గంటల సమయంలో పాండిచ్చేరి రాష్ట్రం కరైకల్‌కు చెందిన సోనాబోట్లు తీరానికి 8 కిలోమీటర్ల దూరం వేట సాగించాల్సి ఉండగా కేవలం 50 మీటర్ల దూరంలో వేట సాగించారు. దీంతో పాకల పంచాయతీకి చెందిన చంద్రయ్య అనే మత్స్యకారుని వల తెగి సుమారు రూ. 10 వేల నష్టం వాటిల్లింది. చాలా రోజులుగా సోనాబోట్లు తీరంలో వేటాడుతున్నా అడ్డుకునే వారే లేరన్నారు. నెలకు సుమారు 25 రోజుల పాటు సోనాబోట్ల తాకిడి ఉందని మత్స్యకారులు వాపోతున్నారు. రెండు రోజుల క్రితం పాకల పోతయ్యగారిపట్టపుపాలెంకు చెందిన చిట్టిబాబు అనే మత్స్యకారునికి చెందిన రూ.30 వేల విలువైన వల కూడా ధ్వంసమైంది. ఈ విధంగా ప్రతిరోజు ఏదో మత్స్యకారుని వల ధ్వంసం నష్టపోవడం, వేలాది రూపాయల వలతో పాటు వేటాడిన చేపలు కూడా సముద్రం పాలవుతున్నాయని మత్స్యకారులు వాపోతున్నారు. ఇప్పటికై నా అధికారులు స్పందించి సోనాబోట్లను తీరంలో వేటాడకుండా అడ్డుకోవాలని మత్స్యకారులు విజ్ఞప్తి చేస్తున్నారు. పొదిలి రూరల్‌: ఆటో బోల్తా పడి 8 మందికి గాయాలయ్యాయి. ఈ సంఘటన మండలంలోని మల్లవరం సబ్‌స్టేషన్‌ సమీపంలో గురువారం జరిగింది. వివరాల్లోకి వెళితే..దర్శి నుంచి ప్రయాణికులను ఎక్కించుకొని పొదిలికి వస్తున్న ఆటో మల్లవరం సబ్‌స్టేషన్‌ వద్దకు రాగానే బోల్తా పడింది. ప్రమాదంలో ఆటోలో ఉన్న ప్రయాణికులు ఒకరిపై ఒకరు పడటంతో పలువురికి గాయాలయ్యాయి. స్థానికుల సమాచారంతో 108 వాహనంలో సంఘటనా స్థలికి చేరుకొని క్షతగాత్రులను పొదిలి ప్రభుత్వ వైద్యశాలకు తరలించారు. వీరిలో దామా వెంకట్రావుకు తలకు బలమైన గాయమైంది. ఒంటేరు నవీన్‌ కాలుకు తీవ్ర గాయం కావడంతో మెరుగైన వైద్యం నిమిత్తం ఒంగోలుకు తరలించారు. ఆస్పత్రిలో చికిత్స పొందుతున్న నవీన్‌ తలకు గాయమైన దామా వెంకట్రావు

● యర్రగొండపాలెం ఎమ్మెల్యే, వైఎస్సార్‌ సీపీ రాష్ట్ర అధికార ప్రతినిధి తాటిపర్తి చంద్రశేఖర్‌ ధ్వజం యర్రగొండపాలెం: రాష్ట్రంలో పోలీసు వ్యవస్థను అడ్డుపెట్టుకొని చంద్రబాబు ప్రభుత్వం వైఎస్సార్‌ సీపీ వర్గీయులపై దాడులు చేయిస్తోందని యర్రగొండపాలెం ఎమ్మెల్యే, పార్టీ రాష్ట్ర అధికార ప్రతినిధి తాటిపర్తి చంద్రశేఖర్‌ విమర్శించారు. స్థానిక సంస్థల ఎన్నికల ప్రక్రియలో భాగంగా వరుసగా రెండో రోజు గురువారం పోలీసులు తనను హౌస్‌ అరెస్ట్‌ చేశారని ఆయన తెలిపారు. ఈ సందర్భంగా ఏర్పాటు చేసిన విలేకరుల సమావేశంలో చంద్రశేఖర్‌ మాట్లాడుతూ నామినేషన్‌ కేంద్రాల వద్ద టీడీపీకి చెందిన వ్యక్తులు రాళ్లు, కర్రలతో మోహరించి వైఎస్సార్‌ సీపీ నాయకులు, కార్యకర్తలపై దాడులకు పాల్పడుతున్నారని ఆరోపించారు. మరోవైపు వైఎస్సార్‌ సీపీ ఎమ్మెల్యేలు, ఇన్‌చార్జిలను పోలీసులు హౌస్‌ అరెస్ట్‌ చేసి, తమ పార్టీ అభ్యర్థులు నామినేషన్లు వేయకుండా అడ్డుకుంటున్నారని విమర్శించారు. యర్రగొండపాలెం చరిత్రలో ఎన్నడూ లేని విధంగా ఎంపీపీ అభ్యర్థిగా పోటీ చేస్తున్న టీడీపీకి చెందిన వ్యక్తి కర్రతో దాడికి దిగిన ఘటన చోటుచేసుకుందని ఆయన పేర్కొన్నారు. ఇలాంటి ఘటనలకు పాల్పడే వ్యక్తికి ఎంపీపీ పదవిలో కొనసాగే అర్హత లేదన్నారు. రాజకీయ ప్రయోజనాల కోసం పోలీసులను అడ్డుపెట్టుకొని రక్తపాతం సృష్టించేందుకు ప్రయత్నిస్తున్నారని ఆరోపించారు. ప్రజాస్వామ్యబద్ధంగా ఎన్నికలు జరిగితే గెలిచే అవకాశం లేదనే భయంతోనే దాడులకు దిగి నామినేషన్లు వేయనీయకుండా అడ్డుకుంటున్నారని చంద్రశేఖర్‌ విమర్శించారు. రౌడీలను తీసుకొచ్చి దాడులు చేయించినంత మాత్రాన వారు హీరోలు కాలేరని, జరుగుతున్న పరిణామాలను ప్రజలు గమనిస్తున్నారని, తగిన సమయంలో బుద్ధి చెప్పేందుకు సిద్ధంగా ఉన్నారన్నారు. యర్రగొండపాలెం, త్రిపురాంతకం సీఐలు, ఎస్సైలు టీడీపీ నాయకుల ఒత్తిళ్లకు తలొగ్గి వ్యవహరిస్తున్నారని ఆయన ఆరోపించారు. వైఎస్సార్‌ సీపీ అభ్యర్థులను నామినేషన్‌ వేసేందుకు వెళితే అక్కడ దాడులు చేసి భయభ్రాంతులకు గురిచేస్తున్నారన్నారు. ఎన్నికలు ప్రశాంతంగా, నిష్పక్షపాతంగా జరిగేలా కలెక్టర్‌, రాష్ట్ర ఎన్నికల సంఘం, రిటర్నింగ్‌ అధికారులు చర్యలు తీసుకోవాలని చంద్రశేఖర్‌ కోరారు. వైఎస్సార్‌ సీపీ ప్రభుత్వ హయాంలో అప్పటి ముఖ్యమంత్రి వైఎస్‌ జగన్‌మోహన్‌రెడ్డి ప్రజాస్వామ్యబద్ధంగా ఎన్నికలు నిర్వహించారని ఆయన గుర్తుచేశారు. టీడీపీకి మెజారిటీ ఉన్న గ్రామాల్లో తమ పార్టీ జోక్యం చేసుకోలేదని, దౌర్జన్యాలకు పాల్పడి ఆ గ్రామాలను తమ ఖాతాలో వేసుకునే రాజకీయాలకు తమ పార్టీ ఎప్పుడూ పాల్పడలేదని పేర్కొన్నారు. సమావేశంలో వైఎస్సార్‌ సీపీ జిల్లా ఉపాధ్యక్షుడు ఒంగోలు మూర్తిరెడ్డి, మండల అధ్యక్షుడు ఏకుల ముసలారెడ్డి తదితరులు పాల్గొన్నారు.

సాక్షి టాస్క్‌ ఫోర్స్‌: స్థానిక సంస్థల ఎన్నికల్లో టీడీపీ నేతలు గూండాగిరి చేస్తున్నారు. ఏకంగా నామినేషన్‌ కేంద్రంలోనే అభ్యర్థులను నామినేషన్‌ పత్రాలను లాక్కెళ్లారు. ఈ సంఘటన కొండపిలో గురువారం జరిగింది. వివరాల్లోకి వెళితే..కొండపి మండలం వెన్నూరు ప్రాదేశికానికి వైఎస్సార్‌ సీపీ అభ్యర్థిగా పూనాటి శ్రీను నామినేషన్‌ వేసేందుకు వెళ్లాడు. అయితే అప్పటికే అక్కడే వేచి ఉన్న టీడీపీ గూండాలు పూనాటి శ్రీను చేతుల్లోని నామినేషన్‌ పత్రాలు లాక్కెళ్లారు. నామినేషన్‌ కేంద్రంలోకి టీడీపీ గూండాలు వచ్చి పేపర్లు లాక్కెళుతుంటే పోలీసులు, ఎన్నికల అధికారులు ఏం చేస్తున్నారని స్థానికంగా చర్చ సాగుతోంది. అభ్యర్థుల చేతిలో నామినేషన్‌ పత్రాలు లాక్కెళ్లిన వారిపై చర్యలు తీసుకోవాలని కలెక్టర్‌కు ఫిర్యాదు చేశారు. ● సెల్ఫీ వీడియో తీసి ఆత్మహత్య మార్కాపురం టౌన్‌: పట్టణంలోని నాగులవరం రోడ్డులో ఉంటూ బెంగళూరులో సాఫ్ట్‌వేర్‌ ఉద్యోగిగా పనిచేస్తున్న పోతిరెడ్డి రవీంద్రారెడ్డి (34) ఓ లాడ్జిలో ఆత్మహత్య చేసుకున్నారు. పోలీసులు తెలిపిన వివరాల ప్రకారం..రవీంద్రారెడ్డి బెంగళూరులో సాఫ్ట్‌వేర్‌ ఉద్యోగం చేస్తూ అక్కడే నివసిస్తున్నాడు. బెంగుళూరులో ఇంటిని కూడా కొనుగోలు చేశాడు. ఈ క్రమంలో బంధువులతో పాటు పాటు తెలిసిన వారి వద్ద అప్పులు చేశాడు. అయితే వాటిని చెల్లించాలని కొంతకాలంగా ఒత్తిడి రావడంతో ఒత్తిడిని తట్టుకోలేక కొనుగోలు చేసిన ఇంటిని అమ్మి అప్పులు తీర్చాలని కుటుంబ సభ్యులకు తెలిపినట్టు సమాచారం. ఈ క్రమంలో మనస్తాపంతో లాడ్జిలో ఉరేసుకొని ఆత్మహత్య చేసుకున్నాడు. మృతదేహాన్ని పోస్టుమార్టం నిమిత్తం జీజీహెచ్‌కు తరలించారు. పట్టణ ఎస్సై కేసు నమోదు చేసి దర్యాప్తు చేస్తున్నారు. ● జిల్లా కలెక్టర్‌, జిల్లా ఎన్నికల అధికారి రాజాబాబు ఒంగోలు సబర్బన్‌: ఎన్నికల విధుల్లో పాల్గొంటున్న సిబ్బంది తమ బాధ్యతల నిర్వహణలో నిర్లక్ష్యం లేకుండా పని చేయాలని, అలా కాకుండా ఇష్టారీతిన చేస్తే చర్యలు తప్పవని కలెక్టర్‌ పి.రాజాబాబు హెచ్చరించారు. ఆర్‌వోలు, వివిధ విభాగాల నోడల్‌ ఆఫీసర్లతో గురువారం ఆయన టెలికాన్ఫరెనన్స్‌ నిర్వహించారు. జెడ్పీటీసీ, ఎంపీటీసీలకు శుక్రవారం కూడా నామినేషన్లు ప్రక్రియ ఉన్నందున నామినేషన్ల ప్రక్రియ సజావుగా జరిగేలా చర్యలు తీసుకోవాలన్నారు. నిబంధనలకు లోబడి నామినేషన్‌ వేసే వారితో పాటు ఇద్దరినీ అనుమతించాలని, నిర్ణీత గడువు లోగా ఉన్న వారిని నామినేషన్‌ వేసే లాగా చర్యలు తీసుకోవాలని ఆయన సూచించారు. ఎన్నికల ప్రవర్తన నియమావళి ఉల్లంఘన జరగకుండా అనుక్షణం అప్రమత్తంగా ఉండి పర్యవేక్షించాలని కలెక్టర్‌ స్పష్టం చేశారు. కౌంటింగ్‌ కేంద్రాల్లో మౌలిక సదుపాయాలు, బ్యాలెట్‌ బాక్స్‌ల భద్రత, బ్యాలెట్‌ పేపర్లు, ఇతర ఎన్నికల సామాగ్రి సమకూర్చుకోవడంలో జాప్యం లేకుండా చూసుకోవాలన్నారు. క్షేత్రస్థాయిలో పనిచేస్తున్న ఎఫ్‌ఎస్‌టీ, ఎస్‌ఎస్‌టీ, వీఎస్‌టీవీవీవీ బృందాలు అప్రమత్తంగా ఉండేలా చూడాలని కలెక్టర్‌ చెప్పారు. ఎన్నికల విధులలో నిర్లక్ష్యం వహిస్తే కఠిన చర్యలు తప్పవని ఆయన హెచ్చరించారు.

కంభం: కంభం మండల కేంద్రంలో ఎంపీటీసీల నామినేషన్ల కార్యక్రమం గురువారం టీడీపీ వర్సెస్‌ జనసేనలా సాగింది. ఉదయం చిన్నకంభం ఎంపీటీసీ స్థానానికి జనసేన అభ్యర్థి నామినేషన్‌ వేసేందుకు రాగా, టీడీపీ నాయకులు అడ్డుకుని వెనక్కి పంపించేశారు. రెండు పార్టీల నాయకుల మధ్య కొంతసేపు వాగ్వాదం జరిగింది. సాయంత్రం 4.30 గంటల తర్వాత మరో జనసేన మహిళా అభ్యర్థి నామినేషన్‌ వేసేందుకు రాగా, లోపలికి వెళ్లనీయకుండా టీడీపీ నాయకులు విశ్వప్రయత్నాలు చేశారు. సమయం ముగిసిపోయే వరకు వారిని లోపలికి వెళ్లనీయకపోవడంతో వెనుతిరడం వారి వంతైంది. మొత్తానికి గురువారం టీడీపీ వారివి 2 నామినేషన్లు మాత్రమే దాఖలయ్యాయి. కూటమిలో భాగంగా 30 శాతం సీట్లు తమకు కేటాయిస్తామని చెబుతున్నప్పటికీ.. ఇలా తమను నామినేషన్లు దాఖలు చేయనీయకుండా అడ్డుకోవడం అన్యాయమని జనసేన నేతలు వాపోయారు. పార్టీ రాష్ట్ర కార్యాలయానికి వెళ్లి తమకు జరిగిన అన్యాయాన్ని చెప్పుకుంటామని వారు పేర్కొన్నారు.

● కలెక్టర్‌ విజయ సునీత మార్కాపురం: జిల్లా పరిధిలో ఎన్నికలను పారదర్శకంగా, నిష్పక్షపాతంగా, ప్రశాంత వాతావరణంలో నిర్వహించేందుకు అన్ని రకాల ఏర్పాట్లను పకడ్బందీగా పూర్తి చేశామని కలెక్టర్‌, జిల్లా ఎన్నికల అధికారి ఎం విజయసునీత స్పష్టంచేశారు. కలెక్టరేట్‌ కాన్ఫరెన్సు హాలులో ప్రభుత్వ మైనారిటీ సంక్షేమ శాఖ కార్యదర్శి, జిల్లా ఎన్నికల సాధారణ పరిశీలకుడు సీహెచ్‌ శ్రీధర్‌కు జిల్లాలోని ఎన్నికల సన్నాహాలను కలెక్టర్‌ వివరించారు. జిల్లాలోని అన్ని పోలింగ్‌ కేంద్రాలకు అవసరమైన ఎన్నికల సిబ్బందిని కేటాయించామని, బ్యాలెట్‌ పెట్టెల లభ్యత, వాటి పనితీరు, భద్రతను తనిఖీ చేసినట్లు కలెక్టర్‌ పేర్కొన్నారు. ప్రాథమిక సౌకర్యాలు కల్పిస్తున్నట్లు, ఓటు వేయడానికి వచ్చే ప్రజలు, వృద్ధులు, దివ్యాంగులకు ఎలాంటి ఇబ్బందులు కలగకుండా పోలింగ్‌ కేంద్రాల వద్ద తాగునీరు, మరుగుదొడ్లు, నీడ కోసం టెంట్లు, ర్యాంప్‌ వసతులను ఏర్పాటు చేసినట్లు తెలిపారు. సమస్యాత్మక ప్రాంతాలపై దృష్టి.. జిల్లా పరిధిలోని సమస్యాత్మక, తీవ్ర సమస్యాత్మక పోలింగ్‌ స్టేషన్లను ప్రత్యేకంగా గుర్తించి, అక్కడ అదనపు పోలీస్‌ బలగాలు, వెబ్‌కాస్టింగ్‌, సీసీ కెమెరాల నిఘా ఏర్పాటు చేసినట్లు వివరించారు. ఓట్ల లెక్కింపు జరిగే కౌంటింగ్‌ కేంద్రాల వద్ద పటిష్ట భద్రత, నిరంతర సీసీటీవీ నిఘా ఏర్పాటు చేసినట్లు తెలిపారు. ఎన్నికలకు సంబంధించి వచ్చే ఫిర్యాదులు, అభ్యంతరాలపై ఎప్పటికప్పుడు స్పందించి తక్షణ పరిష్కారం చూపేందుకు ప్రత్యేక కంట్రోల్‌ రూమ్‌ను ఏర్పాటు చేసినట్లు కలెక్టర్‌ వెల్లడించారు. ఎన్నికల సాధారణ పరిశీలకుడు సీహెచ్‌ శ్రీధర్‌ ఏర్పాట్లపై సంతృప్తి వ్యక్తంచేశారు. ఎన్నికల ప్రక్రియ అంతా సజావుగా సాగేలా కృషి చేయాలని అధికారులకు సూచించారు. జాయింట్‌ కలెక్టర్‌ పి. శ్రీనివాసులు, ఎస్పీ పంకజ్‌ కుమార్‌ మీనా, ఓఎస్డీ (అడ్మిన్‌) నవజ్యోతి మిశ్రా, డీఆర్‌ఓ శ్రీదేవి, డీపీఓ కుప్పిలి ఫణీంద్ర, మార్కాపురం మున్సిపల్‌ కమిషనర్‌ నారాయణరావు, జిల్లా నైపుణ్యాభివృద్ధి అధికారి కంచి బాబు తదితరులు పాల్గొన్నారు.

కొండపి: వైఎస్సార్‌ సీపీ అభ్యర్థులను నామినేషన్లు వేయనీయకుండా అడ్డుకుంటూనే ఉన్నారని, అలాంటప్పుడు ఎన్నికలు ఎందుకని మాజీ మంత్రి, వైఎస్సార్‌ సీపీ పీఏసీ సభ్యుడు, నియోజకవర్గ ఇన్‌చార్జి డాక్టర్‌ ఆదిమూలపు సురేష్‌ మండిపడ్డారు. నామినేషన్ల ప్రక్రియ జరుగుతున్న విధానంపై స్థానిక వైఎస్సార్‌ సీపీ కార్యాలయంలో ఏర్పాటుచేసిన విలేకరుల సమావేశంలో ఆయన మాట్లాడారు. రాష్ట్రంలో ఎన్నడూ లేని విధంగా నూతన విధానాన్ని ప్రభుత్వం పోలీసులు సహకారంతో నెలకొల్పిందన్నారు. వైఎస్సార్‌ సీపీ తరఫున వెన్నూరు నుంచి నామినేషన్‌ దాఖలు చేసేందుకు వెళితే అప్పటికే వేచి ఉన్న టీడీపీ వ్యక్తులు నామినేషన్‌ పత్రాలు చించివేశారన్నారు. పొన్నలూరు, మర్రిపూడి మండలాల్లో పోలీసులు పచ్చ చొక్కాలు ధరించి విధులు నిర్వర్తిస్తున్నారని ఎద్దేవా చేశారు. కొన్ని ప్రాంతాల్లో నామినేషన్లు వేయనీయిస్తున్నా పరిశీలనలో ఎన్ని తిరస్కస్తారో, ఎన్ని ప్రాదేశికాల్లో ఎన్నికలు నిర్వహిస్తారో వారికే తెలుసన్నారు. టీడీపీ నాయకులు గూండాయిజాన్ని ప్రదర్శిస్తున్నారని, పోలీసులు వారిని అడ్డుకోకుండా వైఎస్సార్‌ సీపీ కార్యకర్తలను ఇబ్బందులకు గురి చేస్తున్నారని ఆగ్రహం వ్యక్తం చేశారు. ఎన్నికలను సజావుగా నిర్వహించాల్సిన బాధ్యత పోలీసులకు ఉన్నా ఏకపక్ష ధోరణితో పోలీసులు వ్యవహరిస్తున్నారని, ఇది ఎంతవరకు సమంజసం అని ప్రశ్నించారు. గతంలో ఎన్నడూ లేని విధంగా అభ్యర్థులను నామినేషన్లు వేయనీయకుండా అడ్డుకోవడం ఏంటని ప్రశ్నించారు. అన్ని స్థానాల్లో మీ అభ్యర్థుల నామినేషన్‌ వేసుకొని మీరే పోటీలో ఉండి మీరే గెలిచినట్లు ప్రకటించుకోవచ్చు కదా అని మంత్రిపై మండిపడ్డారు. ఎల్లకాలం ఇదే ప్రభుత్వం అధికారంలో ఉండదన్న విషయాన్ని పోలీసులు గుర్తించుకోవాలని హితవు పలికారు. నియోజకవర్గంలో ఎన్నికల తీరుపై కలెక్టర్‌ దృష్టికి తీసుకువెళ్లి అభ్యర్థులకు భద్రత కల్పించాలని కోరతామన్నారు. మండల కన్వీనర్‌ బచ్చల కోటేశ్వరరావు, గొట్టిపాటి మురళి, ఆరికట్ల కోటిలింగయ్య, బొక్కిసం సుబ్బారావు, మారెడ్డి వెంకటాద్రి రెడ్డి,వేముల రమేష్‌, మండవ మాల కొండయ్య, చింతల వెంకటేశ్వర్లు, శ్రీను, సుధాకర్‌, ప్రసాద్‌, నారాయణ, వేముల ప్రసాద్‌, కోటరాజు, నాయకులు, కార్యకర్తలు పాల్గొన్నారు.

ఒంగోలు సబర్బన్‌: కొండపి అసెంబ్లీ నియోజకవర్గంలో స్థానిక సంస్థల ఎన్నికలు మొత్తం రాష్ట్ర మంత్రి డోలా బాలవీరాంజనేయస్వామి, మారిటైం బోర్డు చైర్మన్‌ దామచర్ల సత్య కనుసన్నల్లో జరుగుతున్నాయని, అధికారులు, పోలీసులు సైతం ఎన్నికల నిబంధనలు అతిక్రమించి టీడీపీ నాయకులు ఏం చెబితే అదే చేస్తున్నారని వైఎస్సార్‌ సీపీ కొండపి నియోజకవర్గ ఇన్‌చార్జి, మాజీ మంత్రి ఆదిమూలపు సురేష్‌ జిల్లా ఎన్నికల అధికారి, కలెక్టర్‌ పి.రాజాబాబుకు ఫిర్యాదు చేశారు. కొండపి, పొన్నలూరు, మర్రిపూడి మండలాల వైఎస్సార్‌ సీపీ నాయకులతో కలిసి గురువారం ఒంగోలు వచ్చిన ఆదిమూలపు సురేష్‌.. స్థానిక ప్రకాశం భవన్‌లో కలెక్టర్‌ను కలిసి కొండపి నియోజకవర్గంలో టీడీపీ గూండాలు, వారికి తోడుగా పోలీసులు చేస్తున్న అరాచకాలను పూసగుచ్చినట్లు వివరించారు. వైఎస్సార్‌ సీపీ తరఫున జెడ్పీటీసీ, ఎంపీటీసీ అభ్యర్థులుగా నామినేషన్లు వేయడానికి వెళ్తున్న వారిని అడ్డగించి మరీ నామినేషన్‌ పత్రాలు లాక్కుని చించివేశారని కలెక్టర్‌కు వివరించారు. ఇంత జరుగుతున్నా పోలీసులు చోద్యం చూస్తూ ప్రేక్షకపాత్ర వహించారన్నారు. కందుకూరు డీఎస్పీ రఘురామయ్య కొండపి సీఐ రమణయ్యలు దుర్మార్గంగా వ్యవహరిస్తున్నారన్నారు. కొండపి మండలం వెన్నూరు ఎంపీటీసీ స్థానంలో వైఎస్సార్‌ సీపీ అభ్యర్థుల నామినేషన్లు పడకూడదని దామచర్ల సత్య చెప్పి మరీ అరాచకాలు సృష్టిస్తున్నారన్నారు. ఏకగ్రీవం చేయాలన్నదే మంత్రి స్వామి, దామచర్ల సత్య కుట్రగా ఉందన్నారు. నియోజకవర్గంలోని టీడీపీ నాయకులు అనుమోలు రాజా, అనుమోలు సుధాకర్‌, మండవ మురళి, దాసరి కృష్ణారావు, మాదాల శ్రీనుతో పాటు బయట ప్రాంతాలైన చీరాల, హైదరాబాద్‌ నుంచి గూండాలను పొన్నలూరులో దించారని వివరించారు. కొండపికి చెందిన కిరణ్‌, బూదాటి రవి, నేతి రవి, కట్టుబడిపాలెం దామా మురళి, గొర్రెపాటి రామయ్య, ఆయన తమ్ముడు శ్రీనివాసరావు, పోలినేని వెంకటేశ్వర్లు, ఏకంగా వైఎస్సార్‌ సీపీ నాయకుల నుంచి నామినేషన్‌ పత్రాలు లాక్కుని చించివేసిన ఏడూరి శంకర్‌, ఉప్పలపాడు బ్రాందీ షాపులో పనిచేసే టీడీపీ నాయకుడు కోటా వెంకటేశ్వర్లు, మర్రిపూడి మండలంలో అరాచకాలు సృష్టిస్తున్న టీడీపీ నాయకుల పేర్లను కలెక్టర్‌కు ఆదిమూలపు సురేష్‌ వివరించారు. వారిలో టీడీపీ మండల అధ్యక్షుడు గోపిరెడ్డి శ్రీనివాసరెడ్డి, మాకినేని శ్రీను, మర్రిపూడి నరసింహస్వామి గుడి చైర్మన్‌ గొంటు హనుమారెడ్డి, మాజీ జెడ్పీటీసీ తుళ్లూరు నరసారెడ్డి, లెక్కల భాస్కర్‌తో పాటు మరికొండరు కలిసి దుర్మార్గాలు చేశారని చెప్పారు. టీడీపీ నాయకులతో కలిసి కందుకూరు డీఎస్పీ, కొండపి సీఐ, పొన్నలూరు ఎస్‌ఐలు, సిబ్బంది ఎన్నికల నిబంధనలను అడ్డంగా ఉల్లంఘించి టీడీపీ కార్యకర్తల్లా వ్యవహరిస్తున్నారని కలెక్టర్‌కు ఫిర్యాదు చేశారు. ఆదిమూలపు సురేష్‌ వెంట వైఎస్సార్‌ సీపీ కొండపి నియోజకవర్గ నాయకులైన పొన్నలూరు మాజీ జెడ్పీటీసీ బెజవాడ వెంకటేశ్వర్లు, పార్టీ పొన్నలూరు మండల అధ్యక్షుడు మల్లికార్జునరెడ్డి, వైఎస్సార్‌ సీపీ జెడ్పీటీసీ, ఎంపీటీసీ అభ్యర్థులు కాటా మాధవ్‌, ఐనాబత్తుల మాధవ్‌, తదితరులు పాల్గొన్నారు. కొండపి నియోజకవర్గంలో మంత్రి స్వామి, దామచర్ల సత్య కనుసన్నల్లో అరాచకాలు చేస్తున్నారు నామినేషన్లు చించివేసి ప్రజాస్వామ్యాన్ని ఖూనీ చేశారు గొర్రెపాటి రామయ్య, ఆయన తమ్ముడు శ్రీను అరాచకాలు దారుణం పోలీసులు సైతం ఎన్నికల నిబంధనలు అతిక్రమించారు టీడీపీ రౌడీలకు వత్తాసు పలుకుతున్నారు వైఎస్సార్‌ సీపీ కొండపి నియోజకవర్గ ఇన్‌చార్జి, మాజీ మంత్రి ఆదిమూలపు సురేష్‌ వైఎస్సార్‌ సీపీ నాయకులతో కలిసి జిల్లా ఎన్నికల అధికారి, కలెక్టర్‌ రాజాబాబుకు ఫిర్యాదు

టీడీపీ..పోలీసుప్రాదేశిక పోరులోనూ పచ్చమూకల స్వైరవిహారం మహిళా అభ్యర్థులపై సైతం టీడీపీ గూండాల ఆగడాలు సుప్రీంకోర్టు మొట్టికాయలు వేసినా పోలీసుల తీరు మారలేదు. అధికార పార్టీ నేతల దౌర్జన్యాలకు అడ్డుకట్ట పడలేదు. ప్రజాస్వామ్యానికి పునాదులైన ఎన్నికల ప్రక్రియను బలప్రయోగంతో బలితీసుకునే ప్రయత్నాలు ఆగలేదు. ఉమ్మడి ప్రకాశం జిల్లాలో ప్రాదేశిక ఎన్నికల నామినేషన్ల రెండో రోజూ అధికార టీడీపీ అరాచకాలు కొనసాగాయి. ప్రతిపక్ష వైఎస్సార్‌ సీపీ అభ్యర్థులను అడ్డుకునేందుకు కిరాయి మూకలు బరితెగించాయి. మహిళా అభ్యర్థులపైనా దాడులకు తెగబడ్డాయి. నామినేషన్‌ పత్రాలను చించివేసి అభ్యర్థులను గాయపరిచాయి. ఇదంతా జరుగుతున్నా అడ్డుకోవాల్సిన పోలీసులు ప్రేక్షక పాత్రకే పరిమితమయ్యారన్న విమర్శలు వెల్లువెత్తాయి. పైగా అధికార పార్టీ మూకలకు అండగా నిలిచి ప్రతిపక్ష అభ్యర్థుల నామినేషన్లకు ఆటంకాలు సృష్టించారనే ఆరోపణలొచ్చాయి. ఈ దౌర్జన్యాలపై కనిగిరి, మార్కాపురం నియోజకవర్గాల్లో వైఎస్సార్‌ సీపీ ఇన్‌చార్జిలు ధర్నాలకు దిగారు. న్యాయస్థానం హెచ్చరికలనూ భేఖాతరు చేయకుండా సాగిన ఈ దమనకాండతో రెండోరోజూ నామినేషన్ల ప్రక్రియలో అధికార పార్టీ బలప్రయోగమే పైచేయిగా నిలిచింది. గిద్దలూరు ప్రభుత్వ వైద్యశాలలో చికిత్స పొందుతున్న సీపీఎం నాయకుడు ఆవులయ్య పొన్నలూరు: టీడీపీ మూకలు చించివేసిన నామినేషన్‌ పత్రాలుతిమ్మాపురం: వైఎస్సార్‌ సీపీ అభ్యర్థి రంగలక్ష్మమ్మ నామినేషన్‌ను చించిపడేస్తున్న టీడీపీ నాయకుడుపీసీ పల్లి: వైఎస్సార్‌ సీపీ అభ్యర్థులను అడ్డుకుంటున్న పోలీసులుకొనకనమిట్ల నామినేషన్‌ కేంద్రం వద్ద హల్‌చల్‌ చేస్తున్న టీడీపీ గూండాలు సాక్షి ప్రతినిధి, ఒంగోలు: జెడ్పీటీసీ, ఎంపీటీసీ ఎన్నికల నామినేషన్ల ప్రకియలో రెండోరోజూ పచ్చమూకలు, కిరాయి గూండాల దాడులతో ఉమ్మడి జిల్లా రణరంగంగా మారింది. నామినేషన్‌ కేంద్రాల వద్ద మాటువేసి వైఎస్సార్‌ సీపీ అభ్యర్థుల నామినేషన్‌ పత్రాలను లాక్కుని చించివేయడం, భౌతిక దాడులకు పాల్పడటం, మహిళా అభ్యర్థుల పట్ల సైతం అసభ్యకరంగా ప్రవర్తించడం వంటి దురాగతాలకు దిగారు. వారికి పోలీసులు సంపూర్ణ సహకారాన్ని అందించారు. దీంతో జిల్లాలోని కనిగిరి, కొండపి, మార్కాపురం, దర్శి, గిద్దలూరు వంటి నియోజకవర్గాల్లో గురువారం నామినేషన్‌ల ప్రక్రియ పూర్తి గందరగోళంగా మారింది. ● కొండపి నియోజకవర్గంలో రెండో రోజూ నామినేషన్ల ప్రక్రియలో వైఎస్సార్‌ సీపీ అభ్యర్థులకు ఇక్కట్లు తప్పలేదు. పొన్నలూరు మండలంలో వైఎస్సార్‌ సీపీ అభ్యర్థులు నామినేషన్లు వేయనీయకుండా పెద్ద ఎత్తున బయట వ్యక్తులను తీసుకొచ్చారు. కందుకూరు డీఎస్పీ బాలసుబ్రహ్మణ్యం ఆధ్వర్యంలో పోలీసులు కూడా టీడీపీ వర్గీయులకే సహకరించారు. దీంతో టీడీపీ, వైఎస్సార్‌ సీపీ శ్రేణుల మధ్య ఘర్షణ వాతావరణం ఏర్పడగా.. పోలీసులు వైఎస్సార్‌ సీపీ శ్రేణులనే నిలువరించే ప్రయత్నం చేశారు. విషయం తెలుసుకున్న మాజీ మంత్రి, వైఎస్సార్‌ సీపీ కొండపి నియోజకవర్గ ఇన్‌చార్జి డాక్టర్‌ ఆదిమూలపు సురేష్‌ పొన్నలూరు వెళ్లి వైఎస్సార్‌ సీపీ అభ్యర్థుల నామినేషన్‌కు సహకరించాలని డీఎస్పీ చేతులు పట్టుకుని వేడుకున్నారు. ఆ తర్వాత కాళ్లు పట్టుకునే ప్రయత్నం చేశారు. చివరకు ఇద్దరు వైఎస్సార్‌ సీపీ అభ్యర్థులు మాత్రమే నామినేషన్లు వేశారు. కొండపి మండలంలో వెన్నూరు ప్రాదేశికానికి టీడీపీ ఎంపీపీ అభ్యర్థి పోటీ చేస్తుండటంతో ఆ స్థానం నుంచి వైఎస్సార్‌ సీపీ అభ్యర్థులెవ్వరూ నామినేషన్‌ వేసేందుకు వీల్లేదని టీడీపీ పెద్దల ఆదేశాలతో పచ్చనేతలు రెచ్చిపోయారు. ● మార్కాపురం నియోజకవర్గంలోని కొనకనమిట్ల, తర్లుపాడు కేంద్రాల్లో వైఎస్సార్‌ సీపీ అభ్యర్థులను నామినేషన్‌ల కేంద్రంలోకి పోలీసులు అనుమతించలేదు. మహిళా అభ్యర్థులు రోడ్డుపై ఆందోళనకు దిగారు. నామినేషన్‌ కేంద్రం వద్ద వందల సంఖ్యలో టీడీపీ గూండాలు మొహరించి కవ్వింపు చర్యలకు దిగారు. కర్రలు, రాడ్లు, రాళ్లతో వైఎస్సార్‌ సీపీ అభ్యర్థులపై దాడులు చేశారు. ఈ దాడిలో పలువురు వైఎస్సార్‌ సీపీ అభ్యర్థులకు గాయాలయ్యాయి. కొనకనమిట్లలో అభ్యర్థులతో నామినేషన్‌ కేంద్రం వద్ద ఆందోళన చేశారు. ● గిద్దలూరు మండల కేంద్రంలో నామినేషన్‌ వేసేందుకు వెళ్లిన తిమ్మాపురం ఎంపీటీసీ అభ్యర్థి జంగాల రంగలక్ష్మమ్మ నామినేషన్‌ పత్రాలు లొక్కుని చించివేశారు. సీపీఎం ఎంపీటీసీ అభ్యర్థి పోషణ అంజమ్మ నామినేషన్‌కు మద్దతుగా వెళ్లిన ఆవులయ్యపై టీడీపీ గూండాలు దాడి చేసి రక్తం వచ్చేలా తీవ్రంగా కొట్టారు. బేస్తవారిపేటలో బీజేపీ అభ్యర్థి బేస్తవారిపేట–2 ఎంపీటీసీ స్థానానికి నాగమల్లి శైలజ నామినేషన్‌ వేసేందుకు కేంద్రంలోకి వెళ్లిన సమయంలో టీడీపీ వ్యక్తులు పత్రాలు లాక్కెళ్లారు. శైలజ, బీజేపీ నేతలు గట్టిగా నిలదీయడంతో రేపు నామినేషన్‌ వేయిస్తామని చెప్పి పంపారు. మళ్లీ మధ్యాహ్నం మూడు గంటల సమయంలో బీజేపీ నేతలతో నామినేషన్‌ వేసేందుకు వెళ్లినప్పటికీ మళ్లీ టీడీపీ నాయకులు అడ్డుకుని వెళ్లగొట్టారు. ● కొమరోలు ఒకటి, రెండు, మూడు ప్రాదేశిక స్థానాలకు నామినేషన్‌ వేసేందుకు సీపీఎం నాయకుడు ఆవులయ్యతో పాటు పోనాని అంజమ్మ తన అభ్యర్థులతో కలిసి మధ్యాహ్నం 3 గంటలకు పోలీసులు ఏర్పాటు చేసి బ్యారికేడ్ల వద్దకు వెళ్లగా.. మూడు గంటలకు రావాలని చెప్పారు. టీడీపీ నాయకులకు నామినేషన్‌ వేసేందుకు అనుమతిస్తున్నారని, ప్రతిపక్షాలకు ఎందుకు ఇవ్వడం లేదని సీపీఎం నాయకుడు ఆవులయ్య ప్రశ్నించారు. మధ్యాహ్నం మూడు గంటలకు వచ్చి నామినేషన్‌ వేయాలని ఎస్సై నాగేంద్రరావు సూచించడంతో ఆయన మాటను గౌరవించి అంజమ్మ తన బృందంతో వెనక్కి వెళ్లిపోయారు. మళ్లీ మూడు గంటలకు రావడంతో అక్కడున్న టీడీపీ నాయకులు పోలీసుల సమక్షంలోనే సీపీఎం నాయకుడు ఆవులయ్యపై దాడి చేశారు. ఈ దాడిలో ఆవులయ్య తలకు తీవ్రగాయాలు కావడంతో కిందపడిపోయాడు. అక్కడున్న సీపీఎం అభ్యర్థులు వెంటనే 108 వాహనానికి సమాచారం అందించడంతో వెంటనే 108 వాహనంలో గిద్దలూరు ఏరియా వైద్యశాలకు తరలించారు. అనంతరం సీపీఎం నాయకురాలు అంజమ్మ మాట్లాడుతూ తమ నాయకుడికి ఏమైనా జరిగితే ప్రభుత్వానిదే బాధ్యతని అన్నారు. ● కనిగిరి నియోజకవర్గంలోని వెలిగండ్ల నామినేషన్‌ కేంద్రంలో వైఎస్సార్‌ సీపీ అభ్యర్థులు నామినేషన్‌లు వేయకుండా టీడీపీ మూకలు అడ్డుకున్నాయి. తమకు నామినేషన్‌లు వేసే అవకాశం కల్పించాలని వైఎస్సార్‌ సీపీ అభ్యర్థులు పోలీసుల కాళ్లుపట్టుకుని మరీ వేడుకున్నారు. ● దర్శి నియోజకవర్గం దొనకొండలో నామినేషన్‌ వేసేందుకు వెళ్లిన ఆరుగురు వైఎస్సార్‌ సీపీ అభ్యర్థులను గేటు వద్దే అడ్డుకున్న టీడీపీ గూండాలు విచక్షణారహితంగా దాడిచేసి గాయపరిచారు. ఇక ముండ్లమూరులో ఈదర గ్రామం ఎంపీటీసీ అభ్యర్థిగా అంబాని రాధాకుమారి నామినేషన్‌ వేయగా నరసరావుపేట నుంచి వచ్చిన టీడీపీ గూండాలు అధికారుల చేతుల్లోని నామినేషన్‌ పత్రాలు లాక్కుని మరీ చించివేశారు. ● కురిచేడు మండలంలో వైఎస్సార్‌ సీపీ అఽభ్యర్థులు నామినేషన్‌ కేంద్రానికి వచ్చారని తెలుసుకున్న దర్శి ఇన్‌చార్జి గొట్టిపాటి లక్ష్మి మామ కడియాల రమేష్‌ 50 మంది గూండాలను తీసుకుని వచ్చారు. లోపల నామినేషన్లు వేసి బయటకు వస్తున్న వైఎస్సార్‌ సీపీ మండల కన్వీనర్‌, అభ్యర్థులపై కర్రలు, రాడ్లతో విచక్షణా రహితంగా దాడిచేశారు. దుస్తులు చింపి రశీదులు లాక్కుని చించివేశారు. కొట్టవద్దని ప్రాధేయపడుతున్నా వినకుండా ‘వైసీపీ నా కొ...ల్లారా.. మీకు ఎంత దమ్ముంటే నామినేషన్‌ వేస్త్రారా..? మిమల్ని నరకానికి పంపుతా’ అంటూ విచక్షణా రహితంగా దాడి చేశారు. ఈ దాడిలో వైఎస్సార్‌ సీపీ మండల కన్వీనర్‌, బీసీ నాయకులు యన్నాబత్తుల వెంకట సుబ్బయ్యకు తీవ్రగాయాలయ్యాయి. మిగతా వారు కూడా గాయపడగా ప్రైవేటు ఆస్పత్రులకు తరలించారు. ● తాళ్లూరు మండలంలో గురువారం తీవ్ర ఉద్రిక్తత చోటుచేసుకుంది. నామినేషన్లు దాఖలు చేసేందుకు వెళ్తున్న వైఎస్సార్‌ సీపీ మహిళా అభ్యర్థులను అడ్డుకోవడంతో పాటు వారిపై దాడులు చేసి బెదిరింపులకు పాల్పడ్డారు. నరసరావుపేట ప్రాంతం నుంచి పెద్ద సంఖ్యలో వ్యక్తులను తాళ్లూరు మండల కేంద్రానికి తీసుకొచ్చి దాడులు చేయించి వారి సెల్‌ఫోన్లు పగలగొట్టారు. ఈ ఘటనలను వీడియో తీస్తున్న స్థానికులపై కూడా గుంపుగా దాడి చేశారు. తురకపాలెం, రాజానగరం, తూర్పు గంగవరం తదితర గ్రామాలకు చెందిన వైఎస్సార్‌ సీపీ మహిళా ఎంపీటీసీ అభ్యర్థులను నామినేషన్లు వేయకుండా అడ్డుకున్నారు. నామినేషన్లు వేస్తే చంపేస్తామంటూ బెదిరించారు. ● కందుకూరు నియోజకవర్గంలోని లింగసముద్రం కేంద్రంలో నామినేషన్‌లు వేసేందుకు వెళ్లిన వైఎస్సార్‌ సీపీ అభ్యర్థులను ఉద్దేశపూర్వకంగా పోలీసులు అడ్డుకుని లోపలికి అనుమతించలేదు. మధ్యాహ్నం తర్వాత పంపుతామంటూ కాలయాపన చేసి సమయం ముగిసిన తరువాత అభ్యర్థులను లోపలికి పంపి సమయం అయిపోయిందంటూ డ్రామాలాడారు. అలాగే వలేటివారిపాలెంలో వైఎస్సార్‌ సీపీ అభ్యర్థుల నామినేషన్‌ పత్రాలను టీడీపీ గూండాలు చించివేశారు. మారని పోలీసుల తీరు... స్థానిక సంస్థల ఎన్నికల్లో శాంతి భద్రతల పరిరక్షణకు సంబంధించి సుప్రీంకోర్టు తలంటుతున్నా పోలీసుల పనితీరులో మాత్రం మార్పురావడం లేదు. నామినేషన్‌ కేంద్రాల్లో టీడీపీ గూండాలకు కొమ్ముకాయడమే తమ పని అన్నట్లు విధులు నిర్వర్తిస్తున్నారు. రెండో రోజు కూడా వైఎస్సార్‌ సీపీ అభ్యర్థుల నామినేషన్లు అడ్డుకోవడంలో పోలీసులే సైంధవ పాత్ర పోషించారు. నామినేషన్‌ వేసేందుకు వచ్చిన అభ్యర్థులను ఉద్దేశపూర్వకంగా అడ్డుకోవడం, తర్వాత పంపిస్తామంటూ నమ్మబలికి సమయం ముగిసేలా డ్రామాలాడటం, ఆ సమయానికి టీడీపీ నాయకులను పిలిపించి దాడులు చేయించడం వంటివాటికి పాల్పడుతున్నారు. అలాగే నామినేషన్‌ కేంద్రాల్లోనే వందల మంది టీడీపీ మూకలు కర్రలు, రాడ్లు, రాళ్లతో మాటువేసి దాడులు చేస్తుంటే కనీసం నివారించే ప్రయత్నం కూడా పోలీసులు చేయడం లేదు. నామినేషన్‌లు వేసేందుకు వస్తున్న మహిళా అభ్యర్థుల పట్ల గంజాయి, మద్యం మత్తులో జోగుతున్న టీడీపీ గూండాలు అత్యంత అసభ్యకరంగా ప్రవర్తిస్తున్నారు. కేంద్రాలకు వెళ్లిన మహిళా అభ్యర్థులను అడ్డుకుని పత్రాలు లాక్కునే క్రమంలో వారి చీరలు లాగడం, దుస్తులు చించివేయడం, మీద చేతులు వేయడం వంటి దుస్సహాసాలకు ఒడిగడుతున్నారు. ఇదంతా పోలీసుల సమక్షంలోనే జరుగుతున్నా కనీసం వారించే ప్రయత్నం చేయకపోవడంపై మహిళా అభ్యర్థులు కన్నీటి పర్యంతమవుతున్నారు. మనం ఏ సమాజంలో బతుకుతున్నామంటూ పోలీసులు తీరుపై తీవ్ర నిరసన వ్యక్తం చేస్తున్నారు. వైఎస్సార్‌ సీపీ ముఖ్యనాయకుల ఆందోళన... నామినేషన్ల ప్రక్రియలో వైఎస్సార్‌ సీపీ అభ్యర్థులపై దాడుల నేపథ్యంలో వైఎస్సార్‌ సీపీ కీలక నాయకులు రోడ్లపై ఆందోళనలకు దిగారు. పార్టీ మార్కాపురం నియోజకవర్గ ఇన్‌చార్జి అన్నా రాంబాబు పొదిలిలో అభ్యర్థులతో కలిసి పెద్ద ఎత్తున రోడ్డుపై ధర్నాకు దిగారు. అలాగే మాజీ మంత్రి ఆదిమూలపు సురేష్‌ పొన్నలూరులో అభ్యర్థులతో కలిసి నిరసన వ్యక్తం చేశారు. లింగసముద్రం కేంద్రం వద్ద వైఎస్సార్‌ సీపీ కందుకూరు నియోజకవర్గ ఇన్‌చార్జి బుర్రా మధుసూదన్‌యాదవ్‌ పెద్ద ఎత్తున ఆందోళన చేపట్టారు. పోలీసులు, ఎన్నికల అధికారులు ఉద్దేశపూర్వకంగా నామినేషన్లను అడ్డుకుంటున్నారంటూ ఆరోపించారు. ● యర్రగొండపాలెంలో ఎమ్మెల్యే తాటిపర్తి చంద్రశేఖర్‌ను, కనిగిరిలో వైఎస్సార్‌ సీపీ నియోజకవర్గ ఇన్‌చార్జి దద్దాల నారాయణయాదవ్‌ను పోలీసులు హౌస్‌ అరెస్టు చేశారు. ఈ సంఘటనలను బట్టి చూస్తే ఎంపీటీసీ, జెడ్పీటీసీ ఎన్నికల నామినేషన్ల ప్రక్రియలో ఏ స్థాయిలో పచ్చనేతల గూండాయిజం రాజ్యమేలుతోందో అర్ధం చేసుకోవచ్చు. యర్రగొండపాలెం: వైఎస్సార్‌ సీపీ ఎంపీటీసీ అభ్యర్థిని కుమారుడు సుబ్బారెడ్డిపై దాడివెలిగండ్ల: నామినేషన్‌కు పంపించాలని ఎస్సై కాళ్లు పట్టుకుంటున్న వైఎస్సార్‌ సీపీ అభ్యర్థి

ఒంగోలు టౌన్‌: ‘‘ఒంగోలు నగరంలోని ప్రతి మూల ఉన్న సమస్యలన్నీ నాకు తెలుసు. పార్టీ ఆవిర్భావం నుంచి పనిచేస్తున్నాను. కోవిడ్‌ మహమ్మారి సమయంలో ఎందరికో సేవలు చేశాను. నన్ను గెలిపించండి...మీ రుణం తీర్చుకుంటాను’’ అని వైఎస్సార్‌ సీపీ మేయర్‌ అభ్యర్థిగా పోటీ చేస్తున్న కుప్పం ప్రసాద్‌ విజ్ఞప్తి చేశారు. వైఎస్సార్‌ సీపీ జిల్లా కార్యాలయంలో సోమవారం నిర్వహించిన విలేకరుల సమావేశంలో ఆయన మాట్లాడారు. నగరంలో చిన్నపాటి వర్షం కురిసినా నడవలేని పరిస్థితి ఉందని, నగరాభివృద్ధి ఎక్కడ వేసిన గొంగళి అక్కడే ఉందని చెప్పారు. అండర్‌ డ్రైనేజీ వ్యవస్థ ఏర్పాటు చేసి ప్రజలకు ఇబ్బంది లేకుండా చేయడానికి కృషి చేస్తానని తెలిపారు. ఎన్నో ఏళ్లుగా నగరంలో నివశిస్తున్న నిరుపేద, మధ్య తరగతి ప్రజలకు నివాస స్థలాలు లేకపోవడంతో ఇబ్బంది పడుతున్నారని, పెరిగిపోయిన అద్దెలు చెల్లించలేక బాధపడుతున్నారని ఆవేదన వ్యక్తం చేశారు. తనను గెలిపిస్తే అర్హులైన ప్రతి ఒక్కరికీ నివాస స్థలాల పంపిణీకి కృషి చేస్తానని మాట ఇస్తున్నానని తెలిపారు. పార్టీ నగర అధ్యక్షుడిగా పనిచేసినప్పుడు చిన్న తుఫాన్లు వచ్చినప్పుడు కూడా మారుమూల ప్రాంతాలకు వెళ్లి భోజన సదుపాయాలు ఏర్పాటు చేసిన విషయాన్ని గుర్తు చేశారు. నగర ప్రజలకు ఆటవిడుపు కోసం ఎమ్యూజ్‌మెంట్‌ పార్క్‌ ఏర్పాటు చేస్తానని తెలిపారు. వచ్చే కార్పొరేషన్‌ ఎన్నికల్లో ఫ్యాన్‌ గుర్తుకు ఓట్లు వేసి గెలిపించాలని మనవి చేశారు. సమావేశంలో దర్శి ఎమ్మెల్యే, వైఎస్సార్‌ సీపీ జిల్లా అధ్యక్షుడు బూచేపల్లి శివ ప్రసాద్‌ రెడ్డి, ఈసీ మెంబర్‌ బూచేపల్లి వెంకాయమ్మ, ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి, నియోజకవర్గ ఇన్‌చార్జి చుండూరి రవిబాబు, పట్టణ అధ్యక్షుడు కటారి శంకర్‌, రాష్ట్ర కార్యదర్శులు వెంకటేశ్వరరావు, కె.రమణా రెడ్డి, మాజీ ఎమ్మెల్యే కసుకుర్తి ఆదెన్న తదితరులు పాల్గొన్నారు.

సాక్షి ప్రతినిధి, ఒంగోలు: ఎన్నికలు సజావుగా జరిగితే ఓడిపోతామన్న భయంతోనే ముఖ్యమంత్రి చంద్రబాబు వైఎస్సార్‌ సీపీ అభ్యర్థులను నామినేషన్లు వేయకుండా పోలీసుల ద్వారా అడ్డుకున్నారని దర్శి ఎమ్మెల్యే, వైఎస్సార్‌ సీపీ జిల్లా అధ్యక్షుడు బూచేపల్లి శివప్రసాద్‌ రెడ్డి ఆరోపించారు. రాష్ట్రంలో కూటమి పాలన పట్ల ప్రజల్లో తీవ్రమైన వ్యతిరేకత ఉందని తెలుసుకున్న చంద్రబాబు స్థానిక ఎన్నికల్లో దొడ్డిదారిని గెలవడానికి కూట్రపూరితంగా వైఎస్సార్‌ సీపీ అభ్యర్థులు నామినేషన్లు వేయకుండా అడ్డుకున్నారని విమర్శిఽంచారు. వైఎస్సార్‌ సీపీ జిల్లా కార్యాలయంలో సోమవారం నిర్వహించిన విలేకరుల సమావేశంలో ఆయన మాట్లాడారు. కూటమి పాలనకు రెఫరెండంగా

9వ డివిజన్‌ నుంచి పోటీ చేస్తున్న చర్చిల్‌ గిఫ్ట్‌ అనే అభ్యర్థిని విత్‌డ్రా చేసుకోవాలంటూ సోమవారం ఒక సీఐ, కొందరు పోలీసులతో కలిసి ఇంటికి వెళ్లి అతడి తల్లి తేళ్ల సుజన్‌ కుమారిని బెదిరింపులకు గురి చేసినట్లు సమాచారం. ఈ మేరకు చర్చిల్‌ తల్లి రోదిస్తూ మీడియాతో మాట్లాడిన వీడియో సోషల్‌ మీడియాలో హల్‌చల్‌ చేస్తోంది. అంతేకాకుండా మరో డివిజన్‌ అభ్యర్థిని కూడా బెదిరించినట్లు తెలిసింది. మొత్తం మీద ఐదుగురు అభ్యర్థులతో విత్‌డ్రా చేయించేందుకు టీడీపీ పెద్దలు కుట్రలు చేస్తున్నట్టు ఆరోపణలు వినిపిస్తున్నాయి. కనిగిరిలో కొనసాగుతున్న అరాచకపర్వం మున్సిపల్‌ ఎన్నికల నామినేషన్ల ప్రక్రియలో భాగంగా కనిగిరిలో మూడు రోజులుగా పచ్చమూకలు పోలీసులు రెచ్చిపోతున్నారు. పోలీసుల సమక్షంలోనే టీడీపీ గూండాలు తీవ్ర దాష్టీకానికి తెగబడుతున్నారు. సోమవారం జరిగిన నామినేషన్‌ పత్రాల పరిశీలన ప్రక్రియ తీవ్ర గందరగోళానికి దారితీసింది. నామినేషన్‌ వేసిన అభ్యర్థులను పరిశీలనకు కూడా లోపలికి వెళ్లనీయకుండా, సుమారు 200 మంది పచ్చగూండాలు కర్రలు, రాళ్లతో నామినేషన్‌ కేంద్రం వద్దే బైఠాయించి అభ్యర్థులను భయబ్రాంతులకు గురిచేశారు. వైఎస్సార్‌ సీపీ టెంట్‌లను కూల్చివేశారు. నామినేషన్‌ల పరిశీలన ప్రక్రియ ప్రారంభం కాగానే ముందుగా వెళ్లిన అభ్యర్థుల చేతుల్లోని పత్రాలను టీడీపీ గూండాలు, మహిళలను అడ్డంపెట్టుకుని చించేశారు. టీడీపీ గూండాలను అడ్డుకుని నామినేషన్‌లు వేసిన అభ్యర్థులను లోపలికి పంపించే ప్రయత్నం కూడా అక్కడ ఉన్న పోలీసులు చేయలేదు. అంటే పోలీసులు అధికార పార్టీకి ఏవిధంగా కొమ్ముకాస్తున్నారో అర్థం చేసుకోవచ్చు. ఈ సమయంలో అక్కడకు వచ్చిన వైఎస్సార్‌సీపీ నియోజకవర్గ ఇన్‌చార్జ్‌ డాక్టర్‌ దద్దాల నారాయణయాదవ్‌, మున్సిపల్‌ చైర్మన్‌ అభ్యర్థి పులి శాంతిరెడ్డి అభ్యర్థులకు కనీస రక్షణ కల్పించాలని పోలీసులను కోరినా పట్టించుకోలేదు. అభ్యర్థులను లోపలికి తీసుకెళ్లే పని తమది కాదంటూ పోలీసులు నిర్లక్ష్యంగా సమాధానం చెప్పారు. పచ్చగూండాలు, పోలీసుల దౌర్జన్యానికి వ్యతిరేకంగా అక్కడే బైఠాయించిన దద్దాల తీవ్ర స్థాయిలో ధ్వజమెత్తారు. అక్కడే ఉన్న సీఐ, ఎస్సైలు తీవ్ర స్థాయిలో హెచ్చరిస్తూ భయాందోళనకు గురిచేశారు. నామినేషన్‌ల పత్రాల పరిశీలన ప్రక్రియ ముగిసే వరకు ఈ నిరసన కొనసాగింది. వైఎస్సార్‌ సీపీ శ్రేణులను 100 మీటర్ల దూరంలో నిలిపేసిన పోలీసులు, అధికార పార్టీ టీడీపీ గూండాలను మాత్రం యథేచ్ఛగా నామినేషన్‌ కేంద్రంలోకి వదిలిపెట్టారు. టీడీపీ పార్లమెంట్‌ ఒంగోలు అధ్యక్షుడు, ఎమ్మెల్యే ఉగ్ర నరసింహారెడ్డి కనుసన్నల్లోను పచ్చమూకలు దాడులకు దిగుతున్నారని దద్దాల నారాయణ ధ్వజమెత్తారు. పరిషత్‌ పోరుకు ముందుగానే బెదిరింపులు ఎంపీటీసీ, జెడ్పీటీసీ ఎన్నికలకు సంబంధించి సోమవారం ఎన్నికల నోటిఫికేషన్‌ విడుదలైంది. ఈనెల 21 నుంచి 23వ తేదీ వరకు ఎన్నికల్లో పోటీచేసే అభ్యర్థులు నామినేషన్‌లు దాఖలు చేసేందుకు అవకాశం కల్పించింది. అయితే పురపాలక ఎన్నికల నామినేషన్‌ల మాదిరి ఎంపీటీసీ, జెడ్పీటీసీ అభ్యర్థుల నామినేషన్‌లను అడ్డుకోనేందుకు అధికార పార్టీ నేతల కనుసన్నల్లో ఓ పక్కా వ్యూహం రెడీ చేస్తున్నట్లు సమాచారం. ఈ మేరకు ఇప్పటి నుంచే పోలీసులు రంగంలోకి దిగి ప్రతిపక్ష వైఎస్సార్‌ సీపీ అభ్యర్థులను భయాందోళనలకు గురిచేస్తున్నారు. ఎంపీటీసీ, జెడ్పీటీసీ స్థానాలకు నామినేషన్‌లు వేయడానికి వీలు లేదని, బలవంతంగా నామినేషన్‌లు వేస్తే ఇబ్బందులు పడతారంటూ ఇప్పటికే వైఎస్సార్‌ సీపీ నేతలను కలిసి హెచ్చరికలు చేస్తున్నారు. పోలీసుల ఈ పచ్చపాత వైఖరిపై తీవ్ర స్థాయిలో విమర్శలు వ్యక్తమవుతున్నా పోలీసుల మాత్రం తమ వైఖరిని మార్చుకోవడం లేదు.

కనిగిరి/పీసీపల్లి: ప్రజాస్వామ్యబద్ధంగా గెలవలేమనే దురుద్దేశంతో టీడీపీ నేతలు పచ్చచొక్కాలు వేసుకున్న పోలీసులను అడ్డుపెట్టుకుని దాష్టీకానికి తెగబడ్డారని వైఎస్సార్‌ సీపీ కనిగిరి ఇన్‌చార్జి డాక్టర్‌ దద్దాల నారాయణ యాదవ్‌ ధ్వజమెత్తారు. నామినేషన్ల పరిశీలనలో భాగంగా సోమవారం టీడీపీ రౌడీల దౌర్జన్యాన్ని ఖండిస్తూ అధికారులు, పోలీసుల తీరును ప్రశ్నిస్తూ నామినేషన్‌ కేంద్రం అయిన మున్సిపల్‌ ఆఫీసు వద్ద సోమవారం బైఠాయించి నిరసన తెలిపారు. అనంతరం పార్టీ మున్సిపల్‌ చైర్మన్‌ అభ్యర్థి పులి శాంతిరెడ్డితో కలిసి విలేకర్లతో మాట్లాడారు. కనిగిరి మున్సిపల్‌ చైర్మన్‌ అభ్యర్థిగా పులి శాంతిరెడ్డిని ప్రకటించడంతో కూటమి నేతలు సగం ఓడారని, నామినేషన్‌ ర్యాలీని చూసి పూర్తిగా ఓడిపోయారన్నారు. నామినేషన్‌ ప్రక్రియ ప్రారంభం రోజు నుంచే ఎన్నికల అధికారులు, పోలీసులు అరాచకానికి పాల్పడుతున్నారని, అధికారపార్టీ కనుసన్నల్లో పనిచేస్తున్నారని విమర్శించారు. నామినేషన్ల దరఖాస్తు చివరి రోజు 8 నామినేషన్ల పత్రాలను అధికారుల చేతుల్లో నుంచి లాక్కుని పచ్చ గుండాలు చించేశారని తీవ్రంగా మండిపడ్డారు. ఎమ్మెల్యే ఉగ్ర కనుసన్నల్లోనే పచ్చ మూకల దాడులు: టీడీపీ ఒంగోలు పార్లమెంట్‌ అధ్యక్షుడు, కనిగిరి ఎమ్మెల్యే ముక్కు ఉగ్ర నరసింహా రెడ్డి కనుసన్నల్లోనే సుమారు 200 మంది రౌడీలను, అందులో 15 మంది మహిళలను లోపల పెట్టి నామినేషన్‌ పత్రాలు వేసేందుకు వచ్చిన వారిని భయభ్రాంతులకు గురిచేసి లాక్కుని చించారని దద్దాల మండిపడ్డారు. పరిశీలన రోజు కూడా లోపలికి రానివ్వకుండా దౌర్జన్యం చేశారని, బీహార్‌ను తలదన్నేలా రాష్ట్రంలో జంగిల్‌ రాజ్‌ పాలన సాగుతోందన్నారు. రెండేళ్లలో మీరు ఏం అభివృద్ధి చేశారో చెప్పుకుని ప్రజా క్షేత్రంతో గెలవాలేకానీ ఓటమి భయంతో బరితెగింపు చర్యలకు పాల్పడటం దిగజారుడుతనమన్నారు. టీడీపీ రౌడీలు సృష్టించిన అరాచకాన్ని, దౌర్జన్య కాండను ప్రతి అంశాన్ని వీడియోలు చిత్రీకరిస్తున్నామని, కాలం అన్నీ గుర్తుపెట్టుకుంటుందన్నారు. పచ్చ రౌడీలకు తప్పక రిటన్‌ గిఫ్ట్‌ ఇస్తామని దద్దాల హెచ్చరించారు. వైఎస్సార్‌ సీపీ మున్సిపల్‌ మహిళా అభ్యర్థులను కొట్టారని కొందరు ఆస్పత్రిలో చేరారని చెప్పారు. మున్సిపల్‌ ఆఫీసును పచ్చమూకల ఆఫీసుగా మార్చిన ప్రతి పోలీసు అధికారి, ఎన్నికల అధికారుల జాబితా సిద్ధం చేశామని, వాటిని వైఎస్సార్‌ సీపీ అధినేత వైఎస్‌ జగన్‌ మోహన్‌రెడ్డికి పంపిస్తున్నట్లు తెలిపారు. భవిష్యత్తులో వారంతా తగిన మూల్యం చెల్లించక తప్పదన్నారు. వైఎస్‌ జగన్‌ మోహన్‌రెడ్డే కాబోయే ముఖ్యమంత్రి. కనిగిరిలో వైఎస్సార్‌ సీపీ జెండా ఎగరవేస్తాం అని ధీమా వ్యక్తం చేశారు. వైఎస్సార్‌ సీపీ మున్సిపల్‌ చైర్మన్‌ అభ్యర్థి, 32 మంది కౌన్సిలర్‌ అభ్యర్థులను ఏడిపించిన వారిని ఎవరినీ వదిలిపెట్టమన్నారు. పచ్చ నేతల దుర్మార్గాలకు భయపడేది లేదని, ధైర్యంగా ముందుకెళ్తామని స్పష్టం చేశారు. ఈ దుర్మార్గ చర్యలను ఎన్నికల ఉన్నతాధికారులకు, పోలీసుల ఉన్నతాధికారులకు చెప్పినా కనీసం లోపలికి వెళ్లనివ్వలేదని, దీనిపై ఎన్నికల సంఘానికి ఫిర్యాదు చేస్తున్నట్లు దద్దాల చెప్పారు. పోలీసులు పచ్చచొక్కాలు వేసుకున్నారు: పోలీస్‌ అధికారులు పచ్చ చొక్కాలు వేసుకున్నారు, ప్రభుత్వ ఉద్యోగులుగా వ్యవహరించడం లేదని, అధికార పార్టీ ఎమ్మెల్యే, కూటమి నేతల ఆదేశానుసారం పనిచేస్తున్నారని డాక్టర్‌ దద్దాల ధ్వజమెత్తారు. పోలీసుల అధికారుల సమక్షంలోనే నామినేషన్‌ పత్రాలను లాక్కున్నా కనీసం పట్టించుకోవడం లేదన్నారు. నామినేషన్ల పరిశీలన సందర్భంగా లోపలికి వెళ్లిన అభ్యర్థుల పత్రాలను బలవంతంగా లాక్కున్నారని, కొట్టేందుకు తరుముకున్నారని, అభ్యర్థులు భయంతో బయటకు వచ్చారన్నారు. పోలీసులు ఉండి కూడా ఆవైపు వెళ్లడం లేదని, కనీసం అభ్యర్థులకు రక్షణ కల్పించడం లేదన్నారు. పత్రికా స్వేచ్ఛను కాలరాశారు: కూటమి నేతలు, అధికారులు కలిసి పత్రికా స్వేచ్ఛను కాలరాస్తున్నారని తీవ్రంగా విమర్శించారు. కనీసం ఎన్నికల కేంద్రంలో సమాచార సేకరణ, వీడియోల చిత్రీకరణ కూడా చేయకుండా విలేకర్లపై ఆంక్షలు పెట్టి అడ్డుకుంటున్నారని ధ్వజమెత్తారు. కొందరు విలేకర్ల సెల్‌ఫోన్లను కూడా టీడీపీ గూండాలు లాక్కున్నారని, పోలీసులు, అధికారులు చూసి కూడా పట్టించుకోలేదన్నారు. సమావేశంలో మున్సిపల్‌ చైర్మన్‌ అభ్యర్థి పులి శాంతిరెడ్డి, సిరుప వెంకట గోవర్ధన్‌రెడ్డి, మాజీ మున్సిపల్‌ చైర్మన్‌ గఫార్‌, మాజీ ఏఎంసీ చైర్మన్‌ చింతగుంట్ల సాల్మన్‌, మాజీ జెడ్పీటీసీ మడతల కస్తూరిరెడ్డి, సూరసాని మోహన్‌రెడ్డి, నాయకులు జీ ఆదినారాయణరెడ్డి, కటికల వెంకటరత్నం, వాకుమళ్ల రాజశేఖరరెడ్డి, డాక్టర్‌ నాయబ్‌ రసూల్‌, ఆయిమల్ల నాగమణి, డాక్టర్‌ ఆవుల కృష్ణారెడ్డి, పులి రాధాకృష్ణారెడ్డి, సూరసాని నరసారెడ్డి, జీ బొర్రారెడ్డి, ఓకే రెడ్డి, పార్టీ వివిధ విభాగాల నాయకులు, కౌన్సిలర్‌ అభ్యర్థులు, పట్టణ నాయకులు తదితరులున్నారు.

ఒంగోలు నగర అభివృద్ధి కుప్పం ప్రసాద్‌తోనే సాధ్యమని బూచేపల్లి స్పష్టం చేశారు. ఒంగోలు కార్పొరేషన్‌ సమస్యలపై పూర్తిగా అవగాహన ఉన్న కుప్పం ప్రసాద్‌ వంటి నాయకుడి అవసరం ఎంతో ఉందన్నారు. నగరంలోని శివారు ప్రాంతాల్లో ఉన్న మంచినీటి సమస్య, సీసీ రోడ్లు, డ్రైనేజీ వ్యవస్థలను మెరుగుపరచాలన్న ఆలోచన ఉన్న నాయకుడు మన పార్టీ తరఫున అభ్యర్థిగా పోటీ చేస్తున్నారని వివరించారు. వైఎస్సార్‌ సీపీ ప్రభుత్వంలో ఆర్యవైశ్య కార్పొరేషన్‌ చైర్మన్‌గా పనిచేసిన విద్యావంతుడు, నిబద్ధత కలిగిన నాయకుడిగా పేరున్న ప్రసాద్‌ ను ఎంపిక చేయడం పట్ల అన్నీ వర్గాల ప్రజల నుంచి సానుకూలత వ్యక్తమవుతోందని తెలిపారు. సమావేశంలో వైఎస్సార్‌సీపీ సీఈసీ సభ్యురాలు బూచేపల్లి వెంకాయమ్మ, ఒంగోలు పార్లమెంట్‌ పరిశీలకులు బత్తుల బ్రహ్మానందరెడ్డి, ఒంగోలు ఇన్‌చార్జి చుండూరి రవిబాబు, మున్సిపల్‌ చైర్మన్‌ అభ్యర్థి కుప్పం ప్రసాద్‌, కసుకుర్తి ఆదెన్న, వై వెంకటేశ్వరరావు, కేవీ రామణారెడ్డి, కఠారి శంకర్‌ తదితరులు పాల్గొన్నారు.

● పరిశీలించిన కలెక్టర్‌ రాజాబాబు, ఎస్పీ హర్షవర్థన్‌ రాజు ఒంగోలు టౌన్‌: ఎంపీటీసీ, జెడ్పీటీసీ ఎన్నికలకు సంబంధించి జిల్లా కేంద్రమైన ఒంగోలులో రెండు కౌంటింగ్‌ సెంటర్లను ఏర్పాటు చేయాలని కలెక్టర్‌ పి.రాజాబాబు నిర్ణయించారు. నగరంలోని పేస్‌, క్విజ్‌ ఇంజినీరింగ్‌ కాలేజీల్లో వీటిని ఏర్పాటు చేయనున్నట్లు తెలిపారు. సోమవారం ఎస్పీ హర్షవర్ధన్‌ రాజుతో కలిసి పేస్‌, క్విస్‌ కాలేజీలను పరిశీలించారు. ఈ కేంద్రాల్లోనే స్ట్రాంగ్‌ రూంలు ఏర్పాటు చేయనున్నట్లు తెలిపారు. వీటికి సంబంధించిన కేటాయింపు, ఇతర ఏర్పాట్లపై దృష్టి సారించాలని అధికారులను ఆదేశించారు. కలెక్టర్‌ పరిశీలనలో జెడ్పీ సీఈఓ చిరంజీవి, మున్సిపల్‌ కమిషనర్‌ వెంకట కృష్ణయ్య, ఇతర అధికారులు పాల్గొన్నారు. ఒంగోలు సబర్బన్‌: కలెక్టర్‌ పీ రాజాబాబు కలెక్టర్‌ కార్యాలయంలోని కమాండ్‌ కంట్రోల్‌ కేంద్రాన్ని, మీడియా సెంటర్లను సోమవారం పరిశీలించారు. అక్కడి సిబ్బందితో మాట్లాడి ఎప్పటికప్పుడు విషయాలు సేకరించి నమోదు చేయాలన్నారు. రిజిస్టర్లను పరిశీలించి నమోదు ప్రక్రియను సక్రమంగా చేయాలని ఆయన సూచించారు. అప్రమత్తతో విధులు నిర్వహించాలని ఆదేశాలు జారీ చేశారు. మీడియా సెంటర్‌లో అన్ని వసతులు ఉండేటట్లు ఏర్పాటు చేయాలని అధికారులకు సూచించారు.

ఒంగోలు సబర్బన్‌: నగరంలోని నామినేషన్‌ కేంద్రాలను ఆదివారం జాయింట్‌ కలెక్టర్‌, జిల్లా అదనపు ఎన్నికల అధికారి కల్పనా కుమారి క్షేత్రస్థాయిలో ఆకస్మికంగా తనిఖీ చేశారు. నగరంలోని డీఆర్‌ఆర్‌ఎం మున్సిపల్‌ హైస్కూల్‌, రామానగర్‌ జెడ్పీహెచ్‌ఎస్‌ పాఠశాల, పీవీఆర్‌ బాలుర హైస్కూల్స్‌లో ఏర్పాటు చేసిన నామినేషన్‌ కేంద్రాలను సందర్శించి, అక్కడ నామినేషన్ల స్వీకరణ కోసం చేసిన ఏర్పాట్లను, మౌలిక వసతులను పరిశీలించారు. ఈ సందర్భంగా జేసీ మాట్లాడుతూ నామినేషన్‌ ప్రక్రియ మొత్తాన్ని సీసీ కెమెరాల ద్వారా నిరంతరం పర్యవేక్షించాలని, ప్రతి రికార్డును పా రదర్శకంగా నిర్వహించాలని అధికారులను ఆశించారు. నగరపాలక సంస్థ కమిషనర్‌ కృష్ణయ్య, సంబంధిత అధికారులు, సిబ్బంది పాల్గొన్నారు. మద్దిపాడు: ముందు వెళుతున్న తమిళనాడు లారీని ఐషర్‌ వాహనం ఢీకొన్న ఘటనలో హైదరాబాద్‌ నాగోల్‌కు చెందిన డ్రైవర్‌ మృతి చెందాడు. ఈ ఘటన ఆదివారం తెల్లవారు జామున జాతీయరహదారిపై జరిగి,ది. వివరాల్లోకి వెళితే..నాగోల్‌కు చెందిన శిరగోరి నరహరి (35) ఈరోడ్‌ నుంచి హైదరాబాద్‌కు ఐషర్‌ వాహనంలో లోడు తీసుకుని వెళుతున్న క్రమంలో మండలంలోని గుండ్లాపల్లి ఫ్‌లైఓవర్‌ పై ఒంటి గంట సమయంలో ముందు వెళుతున్న తమిళనాడు లారీని వెనుక నుంచి ఢీకొట్టడంతో ఐషర్‌ క్యాబిన్‌ నొక్కుకు పోయి నరహరి ఐషర్‌ వాహనంలో ఇరుక్కుపోయాడు. స్థానికులు సమాచారం ఇవ్వడంతో హైవే పోలీసులు ఘటనా స్థలానికి చేరుకుని నరహరిని క్యాబిన్‌ నుంచి బయటకు లాగారు. అనంతరం అతనిని ఒంగోలు రిమ్స్‌కు తరలించగా అక్కడ ఆయన చికిత్స పొందుతూ 2.30 గంటల సమయంలో మృతి చెందినట్లు స్టేషన్‌కు సమాచారం వచ్చింది. మృతుని భార్య స్వప్న ఫిర్యాదు మేరకు మద్దిపాడు పోలీసులు కేసు నమోదు చేసి దర్యాప్తు చేస్తున్నారు. కొత్తపట్నం: ఆటో బోల్తా పడి వ్యక్తి మృతి చెందాడు. పోలీసులు తెలిపిన వివరాలు మేరకు.. కొత్తపట్నం గంగమ్మ కాలనీలో నివాసం ఉంటున్న కట్టా సంతోష్‌ (45) జీవాలను కోసి మాంసం విక్రయిస్తూ జీవనం సాగిస్తున్నాడు. ఆదివారం కొత్తపట్నం నుంచి ఆటోలో గాడెదను ఎక్కించుకుని అదే గ్రామానికి చెందిన ఫిలిప్‌తో కలిసి గమళ్లపాలెం వెళ్లారు. అక్కడ మాంసం విక్రయించి తిరిగి వస్తుండగా ఆటో బోల్తా పడింది. ప్రమాదంలో బలమైన గాయాలు కావడంతో అక్కడికక్కడే మృతి చెందాడు. మృతుని తండ్రి ఫిర్యాదు మేరకు ఎస్సై వేముల సుధాకర్‌ నమోదు చేసి దర్యాప్తు చేస్తున్నారు.

● ఎమ్మెల్యే తాటిపర్తి చంద్రశేఖర్‌ ధ్వజం యర్రగొండపాలెం: ప్రజాస్వామ్య పోరులో గెలువలేక టీడీపీ వర్గీయులు దాడులకు దిగుతున్నారని వైఎస్సార్‌ సీపీ వర్గీయులను నామినేషన్‌ కేంద్రాలవద్ద అటకాయించి నామినేషన్‌ ఫారాలు చించి వేస్తున్నారని ఎమ్మెల్యే, వైఎస్సార్‌ సీపీ రాష్ట్ర ప్రతినిధి తాటిపర్తి చంద్రశేఖర్‌ ధ్వజమెత్తారు. స్థానిక మంజునాధ కల్యాణ మండపంలో ఆదివారం ఏర్పాటు చేసిన పెద్దారవీడు మండల వైఎస్సార్‌ సీపీ విస్తృత సమావేశంలో ఆయన పాల్గొని మాట్లాడారు. సమావేశానికి మండల పార్టీ అధ్యక్షుడు పాలిరెడ్డి కృష్ణారెడ్డి అధ్యక్షత వహించారు. పక్కదారిలో అధికారంలోకి వచ్చిన కూటమి ప్రభుత్వం స్థానిక సంస్థల ఎన్నికలను సైతం అదే పద్ధతిలో చేచిక్కించుకోవాలనుకుంటున్నారని, అటువంటి పరిస్థితి ఎదుర్కొనేందుకు నాయకులు, కార్యకర్తలు సిద్ధంగా ఉండాలన్నారు. మండలంలోని ఎంపీపీ, జెడ్పీటీసీ పీఠాలను వైఎస్సార్‌ సీపీ వర్గీయులే అత్యధిక మెజార్టీతో దక్కించుకోవాలని, ప్రతి పంచాయతీలో ఉన్న ఎంపీటీసీ స్థానాలు, సర్పంచ్‌లను గెలిపించుకోవటానికి కార్యకర్తలు తమవంతు కృషి చేయాలని ఆయన పిలుపునిచ్చారు. గ్రామ నాయకత్వమే సమావేశాలు ఏర్పాటు చేసుకొని అభ్యర్థులను ఎంపిక చేసుకోవాలని, అప్పుడే తామందరం అనుకున్న లక్ష్యాలు నెరవేరుతాయని తెలిపారు. రాష్ట్రంలో రెండున్నరళ్లుగా అరాచకాలు సృష్టిస్తున్న చంద్రబాబు ప్రభుత్వ వైఫల్యాలను ప్రజల ముందుకు తీసుకొని వెళ్లాలని, గత ప్రభుత్వ కాలంలో అప్పటి ముఖ్యమంత్రి వైఎస్‌ జగన్‌మోహన్‌రెడ్డి చేపట్టి అమలుపరిచిన పథకాల గురించి వివరించి ఓటు అడగాలని ఆయన అన్నారు. టీడీపీ వర్గీయులకు అటువంటి పరిస్థితి లేదని, ప్రజల ముందుకు వెళ్లలేకే దాడులకు పాల్బడుతున్నారని, ప్రజా స్వామ్యంగా ఎన్నికల బరిలో దిగుతున్న వైఎస్సార్‌ సీపీ వర్గీయుల ధాటికి తట్టుకోలేని పరిస్థితిలో వారు ఉన్నారని, చేసేదిలేక పోలీసుల అండదండలతో నామినేషన్లను అడ్డుకుంటున్నారని మండిపడ్డారు. అటువంటి బెదిరింపులకు భయపడకుండా వైఎస్సార్‌ సీపీ కార్యకర్తలు ఎన్నికల బరిలో దిగుతారన్నారు. ప్రతి ఎంపీటీసీ, సర్పంచ్‌ల స్థానాల్లో తమ వర్గీయులు పోటీలో ఉంటారని, అందుకు ఎదుర్కొనేందు సిద్ధంగా ఉండాలన్నారు. మాజీ ఎంపీపీ దుగ్గెంపూడి వెంకటరెడ్డి, మాజీ జెడ్పీటీసీ యేర్వ చలమారెడ్డి, వివిధ విభాగాల నాయ కులు జి.వెంకటేశ్వరరెడ్డి, షేక్‌ బుజ్జి, యేర్వ చిన్నకోటిరెడ్డి, పోతంపల్లి వెంకటరెడ్డి, తోకల ఆవులయ్య, శేషసేనారెడ్డి, వేలూరి నారాయణరెడ్డి, ఆదినారాయణ యాదవ్‌, గోపాల్‌రెడ్డి, ఉప్పలపాటి పెద్దకాశయ్య, మూల రమణారెడ్డి, ఆదాం, ఎం.రామస్వామిరెడ్డి, సుబ్బయ్య, రామాయపాలెం సుబ్బాడ్డి, మూడమంచు రాజారావు, వెన్నా రామిరెడ్డి, నాగరాజు, దండా కృష్ణారెడ్డి, పోతంపల్లి రామాంజనేయరెడ్డి, వెన్నా శివకృష్ణారెడ్డి పాల్గొన్నారు. సమావేశంలో మాట్లాడుతున్న ఎమ్మెల్యే తాటిపర్తి చంద్రశేఖర్‌ సమావేశంలో పాల్గొన్న పెద్దారవీడు మండల నాయకులు, కార్యకర్తలు

పోలీసులే..వైఎస్సార్‌ సీపీ అభ్యర్థుల నామినేషన్ల దాఖలు సందర్భంలో చోటు చేసుకున్న సంఘటనల నేపథ్యంలో తహసీల్దార్‌ అక్కడికి చేరుకున్నారు. ఈ సమయంలో వైఎస్సార్‌ సీపీ అభ్యర్థులు తహసీల్దార్‌ కాళ్లు మొక్కి, నామినేషన్‌లు వేసుకునేలా సాయం చేయాలని వేడుకున్నారు. ఈ దృశ్యం అక్కడ ఉన్న అధికారులు, స్థానికుల హృదయాలను సైతం కదిలిచింది. వైఎస్సార్‌ సీపీ అభ్యర్థుల బాధను చూసిన తహసీల్దార్‌ ఉన్నతాధికారులతో మాట్లాడి మీకు విషయం చెప్తానని చెప్పి అక్కడి నుంచి అడ్రస్‌ లేకుండా మాయమైపోయాడు. తరువాత పోలీసులు యథావిధిగా తమ డ్రామాను కొనసాగించారు. సాక్షిప్రతినిధి, ఒంగోలు: దర్శి మున్సిపల్‌ ఎన్నికల్లో వైఎస్సార్‌ సీపీ అభ్యర్థులు నామినేషన్‌లు వేయనీయకుండా అడ్డుకునేందుకు రెండు రోజులుగా టీడీపీ గూండాలు, పోలీసులు కలిసికట్టుగా తమ కుట్రలను పక్కాగా అమలు చేశారు. శనివారం వైఎస్సార్‌ సీపీ అభ్యర్థులను నామినేషన్‌లు వేయకుండా అడ్డుకుని టీడీపీ గూండాలకు సహకరించిన పోలీసులు, నామినేషన్‌లు చివరి రోజైనా ఆదివారం మరింత బరితెగించారు. మధ్యాహ్నం 12.30 గంటల వరకు టీడీపీ అభ్యర్థులు నామినేషన్‌లు వేసుకోవాలని, ఆ తరువాత వైఎస్సార్‌ సీపీ అభ్యర్థులు నామినేషన్‌లు దాఖలు చేయాలంటూ పోలీసులు సూచించారు. ఈ మేరకు టీడీపీ అభ్యర్థులు తమ నామినేషన్‌లు వేసుకునేలా దగ్గరుండి అన్ని ఏర్పాట్లు చేశారు. పోలీసులు సూచించిన విధంగా 12.30 గంటలకు నామినేషన్‌లు వేసేందుకు 28 వార్డుల వైఎస్సార్‌ సీపీ కౌన్సిలర్‌ అభ్యర్థులతోపాటు, చైర్మన్‌ అభ్యర్థి నామినేషన్‌ కేంద్రానికి బయలుదేరారు. అయితే డీఎస్పీ కార్యాలయం వద్ద రోడ్డుకు ముళ్లకంచెలను అడ్డుగా పెట్టిన వారిని పోలీసులు అడ్డుకున్నారు. నామినేషన్‌లు వేసేందుకు వెళ్తుంటే ఎందుకు అడ్డుకుంటున్నారని, తాము శాంతియుతంగా నామినేషన్‌లు వేసుకుంటామని వైఎస్సార్‌ సీపీ అభ్యర్థులు విజ్ఞప్తి చేశారు. అయినా పోలీసులు అనుమతి నిరాకరించి ర్యాలీగా వెళ్లడానికి వీలు లేదంటూ కదలనివ్వలేదు. దీంతో పోలీసులు, వైఎస్సార్‌ సీపీ శ్రేణులకు మధ్య తోపులాటలు చోటు చేసుకున్నాయి. దీంతో పోలీసులు ఒక్కసారిగా లాఠీచార్జ్‌కు దిగారు. నామినేషన్‌ వేయడానికి వచ్చిన మహిళా అభ్యర్థులతోపాటు, వైఎస్సార్‌ సీపీ నాయకులపై, శ్రేణులపై లాఠీలతో విరుచుకుపడ్డారు. పోలీస్‌ లాఠీ దెబ్బలకు తాళలేక నాయకులు, శ్రేణులు ఎటువారు అటు చెల్లాచెదురయ్యారు. అయినా సరే పోలీసులు వెంటపడి మరీ దొరికిన వారిని దొరికినట్టు లాఠీలతో చితకబాదారు. నామినేషన్‌లు వేయిస్తామని నమ్మబలికి... ఉద్రిక్త పరిస్థితులు కొంత తగ్గిన తరువాత తాము నామినేషన్‌లు వేసుకునేందుకు అనుమతించాలని వైఎస్సార్‌ సీపీ అభ్యర్థులు మరోసారి పోలీసులకు వేడుకున్నారు. ఒక్కొక్కరుగా వస్తే మీతో నామినేషన్‌లు వేయిస్తామంటూ పోలీసులు ముందు నమ్మబలికారు. పోలీసులు చెప్పినట్లు ఒక్కొక్కరుగా నామినేషన్‌లు వేసేందుకు వైఎస్సార్‌ సీపీ అభ్యర్థులు సిద్ధమయ్యారు. అయితే ఇక్కడ కూడా పోలీసులు మీ అనుచరులను ఇక్కడి నుంచి పంపించి వేస్తే మిమ్మల్ని నామినేషన్‌ కేంద్రంలోకి పంపిస్తామంటూ కొత్త నాటకానికి తెరలేపారు. ఇదెక్కడి అన్యాయం అంటూ వైఎస్సార్‌ సీపీ శ్రేణులు మరోసారి పోలీసులను నిలదీశాయి. దీంతో ఆగ్రహించిన పోలీసులు మరోసారి వైఎస్సార్‌ సీపీ శ్రేణులపై లాఠీచార్జ్‌కు దిగారు. దీంతో మరోసారి తీవ్ర ఉద్రిక్త పరిస్థితులు నెలకొన్నాయి. ఎస్సైని కొట్టారంటూ డ్రామా... ఒకటికి నాలుగుసార్లు పోలీసులే వైఎస్సార్‌ సీపీ శ్రేణులను అడ్డుకునేందుకు లాఠీచార్జ్‌ చేశారు. ఆ సమయంలో జరిగిన ఘర్షణలో ఓ ఎస్సైకు తలకు గీసుకుపోయిన చిన్నగాయమైంది. ఈ సంఘటనను ప్రధాన అస్త్రంగా చేసుకుని వైఎస్సార్‌ సీపీ వాళ్లు పోలీసులపై దాడి చేశారంటూ హైడ్రామా నడిపారు. నామినేషన్‌లు వేసేందుకు అనుమతించాలంటూ అడ్డుకున్నారు. లేనిపోని సాకులు చెప్తూ వైఎస్సార్‌ సీపీ శ్రేణులపై లాఠీచార్జ్‌ చేస్తూ గందరగోళ వాతావరణాన్ని అక్కడ సృష్టించారు. అయినా నామినేషన్‌లు వేస్తామంటూ వైఎస్సార్‌ సీపీ అభ్యర్థులు పట్టుబట్టారు. ఈ క్రమంలో వైఎస్సార్‌ సీపీ అభ్యర్థుల చేతుల్లోని నామినేషన్‌ పత్రాలను పోలీసులే లాక్కుని చించివేయడం గమనార్హం. ఇలా కావాలనే ఉద్దేశపూర్వంగా పోలీసులు లేనిపోని సాకులు చెప్తూ, నామినేషన్‌ల దాఖలు చివరి సమయం మధ్యాహ్నం మూడు గంటలు దాటే వరకు డ్రామా కొనసాగించారు. చివరకు నామినేషన్లు వేసే సమయం ముగిసిపోయింది తామేమీ చేయలేం అంటూ చేతులెత్తేశారు. వైఎస్సార్‌ సీపీ శ్రేణులను కవ్విస్తున్నా... దర్శిలో ఈ నిబంధనలు అన్నీ కేవలం వైఎస్సార్‌ సీపీ అభ్యర్థులకు మాత్రమే. అదే సమయంలో కర్రలు, రాడ్‌లు, రాళ్లు వంటి మారణాయుధాలతో అక్కడే మోహరించిన టీడీపీ గూండాలను మాత్రం పోలీసులు పట్టించుకోలేదు. ఒకపక్క నామినేషన్‌లు వేసుకునేందుకు పోలీసులను వైఎస్సార్‌ సీపీ అభ్యర్థులు వేడుకుంటుంటే మరోవైపు వందల సంఖ్యలో గుమిగూడిన టీడీపీ గూండాలు వైఎస్సార్‌ సీపీ అభ్యర్థుల వైపు ఈలలు, కేకలు వేస్తూ కవ్వింపు చర్యలకు దిగారు. ఈ సమయంలో కనీసం వారిని వారించే ప్రయత్నాన్ని కూడా పోలీసులు చేయకపోవడం గమనార్హం. ఎమ్మెల్యే హౌస్‌ అరెస్టు వైఎస్సార్‌ సీపీ అభ్యర్థుల నామినేషన్‌లు అడ్డుకోవడమే లక్ష్యంగా పోలీసులు ఉదయం నుంచి పక్కా ప్లాన్‌ ప్రకారం వ్యవహరించారు. దీనిలో భాగంగా స్థానిక ఎమ్మెల్యే, వైఎస్సార్‌ సీపీ జిల్లా అధ్యక్షుడు బూచేపల్లి శివప్రసాద్‌రెడ్డిని తన ఇంటిలోనే నిర్బంధించారు. బయటకు రావడానికి వీలు లేదంటూ పెద్ద ఎత్తున పోలీసులను ఎమ్మెల్యే ఇంటి వద్ద కాపలాగా పెట్టి బయటకు రాకుండా అడ్డుకున్నారు. వైఎస్సార్‌ సీపీ అభ్యర్థుల మనోస్థైర్యాన్ని దెబ్బతీసేందుకు పోలీసులు ఈ కుట్రను అమలు చేశారు. శనివారం దర్శి ఎమ్మెల్యే బూచేపల్లి శివప్రసాదరెడ్డి వైఎస్సార్‌ సీపీ అభ్యర్థులు నామినేషన్‌ వేసేందుకు రక్షణ కల్పించాలని కలెక్టర్‌, ఎస్పీలను కోరారు. ఎన్నికల కమిషన్‌కు ఫిర్యాదు చేశారు. ఆదివారం నామినేషన్‌లు వేసేందుకు ఇబ్బంది లేకుండా చేస్తామని చెప్పినా రక్షణ కల్పించాల్సిన సీఐ నరహరి నాగమల్లేశ్వరరావు, డీఎస్పీ బాలమురళీ కృష్ణలు పచ్చ గుండాల అవతారం ఎత్తి పలుమార్లు కవ్వించి లాఠీచార్జి చేసి, వైఎస్సార్‌ సీపీ అభ్యర్థులను నామినేషన్‌లు వేయకుండా అడ్డుకొన్నారు. వైఎస్సార్‌ సీపీ అభ్యర్థులు నామినేషన్‌ వేయకుండా చేయడంలో టీడీపీ నేతల కంటే పోలీసులే ప్రధాన భూమిక పోషించారు. దర్శి పట్టణంలో ప్రజలు సైతం పోలీసుల దాష్టీకం చూసి వీరు పోలీసులా ఖాకీ చొక్కాలు ధరించిన పచ్చ గుండాలా అని చర్చించుకోవడం గమనార్హం. టీడీపీ నాయకుడి అనుమతి తీసుకుని రా...అభ్యర్థులకు ఎస్సై సూచన దర్శి నామినేషన్‌ల ప్రక్రియలో పోలీసుల అరాచకపర్వం ఏ స్థాయిలో ఉందో చెప్పడానికి ఈ సంఘటన ప్రత్యక్ష నిదర్శనం. 6వ వార్డు నుంచి స్వతంత్ర అభ్యర్థిగా నామినేషన్‌ వేసేందుకు రఘు అనే అభ్యర్థి నామినేషన్‌ కేంద్రంలోకి వెళ్లాడు. అయితే అక్కడే ఉన్న ఓ ఎస్సై రఘుని అడ్డుకుని నామినేషన్‌ పత్రాలు చూపించాలని డిమాండ్‌ చేశాడు. పత్రాలు తీసుకుని టీడీపీ నాయకునికి చూపించి అతని అనుమతి తీసుకుని రావాలని పంపించారు. నామినేషన్‌ కేంద్రంలోనే ఉన్న టీడీపీ నాయకుడి కర్ణా శ్రీను వద్దకు రఘును పంపించారు. రఘు నామినేషన్‌ పత్రాలను లాక్కున్న కర్ణా శ్రీను నీవు ఎవరి తరఫున నామినేషన్‌ వేయడానికి వచ్చావో మాకు తెలుసు, మర్యాదగా ఇక్కడి నుంచి వెళ్తే బాగుంటుంది.. లేదంటే తన్నులు తింటావంటూ బెదిరింపులకు దిగాడు. పైగా నామినేషన్‌ వేయనిచ్చే ప్రసక్తే లేదని, కేంద్రం నుంచి వెళ్లిపోవాలని సదరు టీడీపీ నాయకుడు బెదిరించాడు. దీంతో చేసేదేమీ లేక రఘు అక్కడి నుంచి నామినేషన్‌ వేయకుండానే వెళ్లిపోయాడు. పోలీసులే ఇంత దారుణంగా వ్యవహరిస్తే ఇక ప్రజాస్వామ్యం ఎక్కడ ఉందంటూ ఆవేదన వ్యక్తం చేశాడు. వైఎస్సార్‌ సీపీ అభ్యర్థి నామినేషన్‌ను బలపరిచేందుకు వచ్చిన వ్యక్తిని చుట్టుముట్టి లాఠీలతో కొడుతున్న పోలీసులుప్రజాస్వామ్యంలో ఎన్నికలను స్వేచ్ఛాయుత వాతావరణంలో జరిగేలా చూడాల్సిన పోలీసులే పచ్చచొక్కాలు వేసుకుని అధికార పార్టీకి కొమ్ముకాస్తే ఎన్నికల నిర్వహణ ఏవిధంగా ఉంటుందో చెప్పడానికి దర్శి మున్సిపల్‌ ఎన్నికల నామినేషన్‌ల ప్రక్రియ ప్రత్యక్ష నిదర్శనంగా నిలిచింది. టీడీపీ అభ్యర్థులకు పోటీ లేకుండా చేసేందుకు పోలీసులే కంకణం కట్టుకుని మరీ వైఎస్సార్‌ సీపీ అభ్యర్థులపై లాఠీలతో విరుచుకుపడి, నామినేషన్‌లు వేయకుండా పత్రాలు చించేశారు. చివరకు వైఎస్సార్‌ సీపీ చైర్మన్‌ అభ్యర్థి సహా వార్డు సభ్యుల అభ్యర్థులను నామినేషన్లు వేయనీయకుండా అడ్డుకుని ప్రజాస్వామ్యాన్ని కాలరాశారు.

ఒంగోలు సబర్బన్‌: ఒంగోలు నగరాన్ని రాష్ట్రంలోనే మోడల్‌ కార్పొరేషన్‌గా తీర్చిదిద్దుతానని వైఎస్సార్‌ సీపీ తరఫున మేయర్‌ అభ్యర్థిగా నామినేషన్‌ వేసిన వైఎస్సార్‌ సీపీ రాష్ట్ర వాణిజ్య విభాగం అధ్యక్షుడు కుప్పం ప్రసాద్‌ పేర్కొన్నారు. స్థానిక ఒంగోలు నగర పాలక సంస్థ కార్యాలయంలో ఆదివారం ఆయన ఎన్నికల రిటర్నింగ్‌ అధికారి, ఒంగోలు ఆర్డీవో టీ.చంద్రశేఖర్‌ వద్ద నామినేషన్‌ పత్రాలు దాఖలు చేశారు. అనంతరం వైఎస్సార్‌ సీపీ ఒంగోలు అసెంబ్లీ నియోజకవర్గ ఇన్‌చార్జ్‌ చుండూరు రవిబాబుతో కలిసి మీడియాతో మాట్లాడారు. పార్టీ ఆవిర్భావం నుంచి పార్టీకి ఎంతగానో సేవ చేస్తూ వచ్చానని, పార్టీలో కష్టపడి పనిచేసిన వారికి కచ్చితంగా గుర్తింపు ఉంటుందని కుప్పం ప్రసాద్‌ చెప్పారు. మేయర్‌ పదవిని గెలుచుకొని అధినేత వైఎస్‌ జగన్‌ మోహన్‌ రెడ్డికి గిఫ్ట్‌గా ఇస్తానన్నారు. వైఎస్సార్‌ సీపీ ప్రభుత్వంలో అమలు చేసిన సంక్షేమ పథకాలు ప్రజల్లో ఇప్పటికీ మరువలేకున్నారని చెప్పారు. ఒంగోలు నగర పార్టీ అధ్యక్షుడుగా ఎనిమిదేళ్లు కష్టపడి పనిచేశానన్నారు. ప్రతి వార్డు తిరిగానని, నగరంలోని ప్రతి మనిషితో తనకు అవినాభావ సంబంధం ఉందన్నారు. ఒంగోలు నగరంలో వరదలు వచ్చినప్పుడు మారుమూల ప్రాంతాలకు వెళ్లి కష్టాల్లో ఉన్న ప్రజలకు అండగా నిలిచామని చెప్పారు. కూటమి పాలనలో నగర అభివృద్ధి శూన్యం: టీడీపీ కూటమి ప్రభుత్వంలో ఒంగోలు నగరం అభివృద్ధి జరగలేదని కుప్పం ప్రసాద్‌ అన్నారు. చిన్న వర్షం పడితేనే నగరం జలమయం అవుతుందని గుర్తు చేశారు. అండర్‌ గ్రౌండ్‌ డ్రైనేజీ మాటలకే పరిమితమైందని విమర్శించారు. పేద ప్రజలకు ప్లాట్లు ఇస్తామని చెప్పి రెండున్నరేళ్లు పూర్తయినా వాటి ఊసే లేదని ధ్వజమెత్తారు. ఒంగోలు నగరాన్ని అభివృద్ధి దిశగా పరుగులు తీయిస్తానని హామీ ఇచ్చారు. ఒంగోలు నగర ప్రజలు ఒక్క అవకాశం తనకు ఇవ్వాలని వేడుకున్నారు. అభివృద్ధిని చేసి చూపిస్తానన్నారు. తనపై నమ్మకం ఉంచి మేయర్‌ అభ్యర్థిత్వం వచ్చేందుకు సహకరించిన రాజ్యసభ ఫ్లోర్‌ లీడర్‌ వైవీ.సుబ్బారెడ్డి, పార్టీ రీజనల్‌ కో ఆర్డినేటర్‌ అయోధ్య రామిరెడ్డి, మాజీ ఎమ్మెల్యే, పార్లమెంటరీ పార్టీ నాయకుడు చెవిరెడ్డి భాస్కర్‌రెడ్డి, వైఎస్సార్‌ సీపీ జిల్లా అధ్యక్షుడు, దర్శి ఎమ్మెల్యే డాక్టర్‌ బూచేపల్లి శివ ప్రసాద్‌ రెడ్డి, ఒంగోలు నియోజకవర్గ పార్టీ ఇన్‌చార్జ్‌ చుండూరి రవి బాబు, ఒంగోలు నగర పార్టీ అధ్యక్షుడు కఠారి శంకర్‌తో పాటు పలువురు నాయకులకు కృతజ్ఞతలు తెలిపాడు. ఒంగోలు నగరంలో ఓట్ల భూకంపం సృష్టిస్తాం : చుండూరు రవిబాబు ఒంగోలు నగరంలో నగర పాలక సంస్థ ఎన్నికల్లో వైఎస్సార్‌ సీపీ తరఫున ఓట్ల భూకంపం సృష్టిస్తా మని ఒంగోలు అసెంబ్లీ నియోజకవర్గ ఇన్‌చార్జ్‌ చుండూరు రవిబాబు ధీమా వ్యక్తం చేశారు. ఒంగోలు నగర పాలక సంస్థ ఎన్నికల్లో పార్టీకి చెందిన అందరు కార్పొరేటర్‌ అభ్యర్థులను అత్యధిక మెజారిటీలతో గెలిపించుకుంటామని చెప్పారు. పార్టీ విధేయుడైన నాయకుడికి పార్టీ మేయర్‌ అభ్యర్థిత్వాన్ని ఇచ్చామన్నారు. వైఎస్సార్‌ సీపీ తరఫున డివిజన్లలో ఎంపిక చేసిన కార్పొరేటర్‌ అభ్యర్థులను కూడా పార్టీ కోసం పనిచేసే కార్యకర్తలను నిలబెట్టామని వివరించారు. టీడీపీ కూటమి నాయకులు ఎటువంటి అభ్యర్థిని ఎంపిక చేశారో ఒంగోలు నగర ప్రజలు అర్థం చేసుకుంటున్నారన్నారు. ప్రస్తుతం టీడీపీ కూటమి పార్టీల తరఫున మేయర్‌గా పోటీలో నిలబెట్టిన అభ్యర్థి భర్త నల్లమల్లి బాలు మీద ఎమ్మెల్యే దామచర్ల గతంలో ఎన్ని ఆరోపణలు చేశారో ఒకసారి గుర్తు చేసుకోవాలన్నారు. ఒంగోలు నగరంలో ఓట్ల భూకంపం సృష్టిస్తాం అని చెప్పారు. కార్యక్రమంలో ఉమ్మడి ప్రకాశం జిల్లా పార్లమెంట్‌ పరిశీలకుడు బత్తుల బ్రహ్మానంద రెడ్డి, పార్టీ రాష్ట్ర కార్యదర్శి కే.వెంకటేశ్వరరావు, ఒంగోలు నగర పార్టీ అధ్యక్షుడు కఠారి శంకర్‌, కుప్పం సతీమణి ప్రసన్న కుమారితో పాటు పలువురు పార్టీ నాయకులు పాల్గొన్నారు.

● ఎన్నికల పరిశీలకురాలు హెబ్సిబా రాణి ఒంగోలు సబర్బన్‌: స్థానిక సంస్థల ఎన్నికలు ప్రజాస్వామ్యబద్ధంగా జరిగేలా అధికారులు సమష్టిగా కృషి చేయాలని జిల్లా ఎన్నికల పరిశీలకురాలు, రాష్ట్ర గృహ నిర్మాణ శాఖ కార్యదర్శి హెబ్సిబా రాణి సూచించారు. పురపాలక ఎన్నికలకు సంబంధించిన అన్ని విభాగాల నోడల్‌ అధికారులతో ప్రకాశం భవనంలోని కలెక్టర్‌ కాన్ఫరెన్సు హాలులో ఆదివారం సమీక్ష సమావేశం నిర్వహించారు. ఎన్నికలు సమర్థంగా నిర్వహించడానికి సమగ్ర ప్రణాళిక అవసరమన్నారు. ఎన్నికల విధుల్లో ఉండే అధికారులు ప్రతిక్షణం అప్రమత్తంగా ఉండాలని సూచించారు. ముందస్తు ప్రణాళిక, నిరంతర పర్యవేక్షణ ఉండాలన్నారు. ఎన్నికల కమిషన్‌ నియమ నిబంధనలు అవగాహన చేసుకుని, పక్కాగా అమలు చేయాలన్నారు. సామాజిక మాధ్యమాల్లో అసత్య ప్రచారాలు జరుగుతుంటే వాటిని తక్షణమే అరికట్టాలన్నారు. నిబంధనలు, నిబంధనలు ఏమాత్రం ఉల్లంఘన జరగకుండా అధికారులంతా కలిసికట్టుగా పనిచేయాలని చెప్పారు. మీ సామర్థ్యాలను రుజువు చేసుకునే గొప్ప సమయంగా అభివర్ణించారు. ఎన్నికల సమయంలో పోటీ చేస్తున్న అభ్యర్థులు ఖర్చులపై క్షేత్రస్థాయిలో నిఘా ఉంచాలని ఎన్నికల వ్యయ పరిశీలకులు పి.వివేక్‌ చెప్పారు. ఫ్లయింగ్‌ స్క్వాడ్‌, స్టాటిక్‌ సర్వైలెన్స్‌ బృందాలు క్షేత్రస్థాయిలో పర్యటించాలని ఆదేశించారు. క్షేత్రస్థాయిలో గుర్తించిన ప్రతి అంశాన్ని దస్త్రాల్లో నమోదు చేయాలని, ఎప్పటికప్పుడు ఎన్నికల కమిషన్‌కు సమాచారం అందించాలన్నారు. స్థానిక సంస్థల ఎన్నికలు ప్రకాశం జిల్లాలో ప్రశాంత వాతావరణంలో జరిపేందుకు అన్ని చర్యలు తీసుకున్నామని జిల్లా ఎన్నికల అధికారి, కలెక్టర్‌ పి.రాజాబాబు స్పష్టం చేశారు. ఒంగోలు నగరపాలక సంస్థ, అద్దంకి, చీమకుర్తి, దర్శి నగరపాలక సంస్థల్లోని 150 వార్డుల్లో ఎన్నికల నిర్వహణకు సమగ్ర ప్రణాళిక రూపొందించామన్నారు. సమస్యాత్మక, తీవ్రసమస్యాత్మక పోలింగ్‌ కేంద్రాలపై ప్రత్యేక దృష్టి సారించామన్నారు. ఎస్పీ వి.హర్షవర్ధన్‌ రాజు మాట్లాడుతూ ఎలాంటి అవాంఛనీయ సంఘటన జరగకుండా ముందస్తు ఏర్పాట్లు చేసుకున్నామన్నారు. 12 చెక్‌ పోస్టులు, 11 స్టాటిక్‌ సర్వైలెన్స్‌ బృందాలు, 13 ప్రత్యేక బృందాలను నియమించామన్నారు. దర్శి మున్సిపాలిటీలో అదనపు బలగాలను నియమించినట్లు వివరించారు. స్థానిక సంస్థల ఎన్నికలు సమర్ధంగా నిర్వహించడానికి సూక్ష్మ ప్రణాళిక ఉండాలని జిల్లా జాయింట్‌క కలెక్టర్‌ కల్పనాకుమారి తెలిపారు. ఎన్నికల నియమ నిబంధనలను అధికారులు అధ్యయనం చేయాలన్నారు. జిల్లా రెవిన్యూ అధికారి వెంకటరమణ తదితరులు పాల్గొన్నారు.

నామినేషన్లు అడ్డగించడమేదర్శి: నామినేషన్‌ వేయకుండా అడ్డుకోవడమే ప్రజాస్వామ్యమా అని వైఎస్సార్‌ సీపీ జిల్లా అధ్యక్షుడు, దర్శి ఎమ్మెల్యే డాక్టర్‌ బూచేపల్లి శివప్రసాద్‌రెడ్డి ప్రశ్నించారు. స్థానిక వైఎస్సార్‌ సీపీ నియోజకవర్గ కార్యాలయంలో నాయకులు, కార్యకర్తల సమక్షంలో ఆదివారం ఆయన మాట్లాడారు. దర్శిలో ఎమ్మెల్యేగా గెలిచానని నన్ను టార్గెట్‌ చేసి ఇక్కడ నామినేషన్‌లు వేయకుండా చేస్తున్నారని చెప్పారు. గెలిచిన 11 మంది ఎమ్మెల్యేల్లో తాను ఒకడిని అని, జిల్లా పార్టీ అధ్యక్షుడినని కావాలని ఇక్కడ నామినేషన్‌లు వేయకుండా అడ్డుకున్నారన్నారు. ‘‘ఉదయం పోలీస్‌ అధికారులు దర్శిలో మా నివాసానికి వచ్చి 300 మంది పోలీసు బందోబస్తు ఉంచాం.. మమ్మల్ని నమ్మండి మేం మీవాళ్లందరినీ తీసుకెళ్లి నామినేషన్‌లు వేయిస్తామని నమ్మబలికారు. మీరు బయట తిరిగితే గొడవలు జరిగే ప్రమాదం ఉందని చెప్పారు. గొడవల వాతావరణం వద్దనుకుని మళ్లీ పోలీసులను నమ్మాం. పోలీస్‌లు బాధ్యత తీసుకుంటామంటే హౌస్‌ అరెస్ట్‌ చేసినా భరించా. ముందు టీడీపీ వాళ్లు నామినేషన్‌ వేస్తారు. తరువాత వైఎస్సార్‌ సీపీ వాళ్ల చేత వేయిస్తాం అని చెప్పారు. గం.12.30 కు మమ్మల్ని రమ్మన్నారు. మేం డీఎస్పీ కార్యాలయం వద్దకు వచ్చే సరికి మా వాళ్లను వెళ్లనీయకుండా అడ్డుకున్నారు. అప్పటికే టీడీపీ నేతలను నామినేషన్‌ కార్యాలయం వద్ద నుంచి పంపకుండా వేలాది మంది కర్రలు పట్టుకుని ఉన్నారు. వారిని మాత్రం మాట కూడా అనకుండా అక్కడే ఉంచారు. నామినేషన్‌ వేసేందుకు వెళ్తున్న మమ్మల్ని మాత్రం అడ్డుకుని లాఠీచార్జిలు చేశారు. మహిళలని కూడా చూడకుండా బూటు కాళ్లతో, లాఠీలతో విచక్షణా రహితంగా కొట్టారు. ఇదేనా పోలీస్‌ ప్రజాస్వామ్యం. 200 మంది మా కార్యకర్తలను ఇష్టారాజ్యంగా కొట్టి దారుణంగా ప్రవర్తించారని’’ ఆవేదన వ్యక్తం చేశారు. తమ కార్యకర్తలపై పోలీసుల ప్రవర్తన ఎంతగానో బాధించిందన్నారు. వెన్నపూస వెంకటరెడ్డి, మిగిలిన అభ్యర్థులు ఎంతో ధైర్యంగా తన నామినేషన్‌ వేసేందుకు ప్రయత్నించారని చెప్పారు. అందరికీ ముందు రోజుల్లో తప్పకుండా మంచి జరుగుతుందని భరోసా ఇచ్చారు. కార్యక్రమంలో వైఎస్సార్‌ సీపీ నాయకులు, కార్యకర్తలు, అభిమానులు పాల్గొన్నారు.

సాక్షి ప్రతినిధి, ఒంగోలు: జిల్లాలో ఒక కార్పొరేషన్‌, ఆరు మున్సిపాలిటీ ఎన్నికలకు సంబంధించి నామినేషన్ల ప్రక్రియ ముగిసింది. మూడు రోజుల నామినేషల ప్రక్రియలో భాగంగా ఆదివారం చివరి రోజు కావడంతో అధిక సంఖ్యలో అభ్యర్థులు నామినేషన్లు దాఖలు చేశారు. సాయంత్రం 3 గంటల వరకు నామినేషన్లను స్వీకరించారు. ఒంగోలు మేయర్‌ స్థానానికి 32, కార్పొరేటర్ల అభ్యర్థులుగా 635 నామినేషన్లు ఒంగోలు సబర్బన్‌: ఒంగోలు నగరపాలక సంస్థ ఎన్నికలకు నామినేషన్ల ఘట్టం పూర్తయింది. మేయర్‌ స్థానానికి 32 నామినషేన్లు దాఖలు కాగా, కార్పొరేటర్ల అభ్యర్థులుగా 635 నామినేషన్లు దాఖలయ్యాయి. ఆదివారం వైఎస్సార్‌ సీపీ మేయర్‌ అభ్యర్థి కుప్పం ప్రసాద్‌ రెండు సెట్ల నామినేషన్లు దాఖలు చేయగా, ఆయన సతీమణి ప్రసన్నకుమారి మరో సెట్‌ నామినేషన్‌ దాఖలు చేశారు. మరో రెండు సెట్లు పార్టీ తరఫున డమ్మీ అభ్యర్థులు నామినేషన్లు వేశారు. టీడీపీ తరఫున 4 నామినేషన్లు దాఖలయ్యాయి. మేయర్‌ అభ్యర్థులుగా ఇండిపెండెంట్లు 21 మంది, బీఎస్పీ1, కాంగ్రెస్‌ 1 నామినేషన్లు వేశారు. కార్పొరేటర్‌ అభ్యర్ధులుగా మొత్తం 635 మంది నామినేషన్లు దాఖలు చేశారు. వైఎస్సార్‌సీపీ తరపున 194 మంది, టీడీపీ తరుపున 281 మంది, జనసేన తరఫున 73 మంది, బీజేపీ 14, కాంగ్రెస్‌ 9, సీపీఎం 3, సీపీఐ 2, బీఎస్పీ 2, ఇతర పార్టీలు 4, స్వతంత్రులు 73 మంది నామినేషన్లు దాఖలు చేశారు. అద్దంకి చైర్మన్‌ స్థానానికి 17 , కౌన్సిలర్‌ అభ్యర్థులుగా 196 నామినేషన్లు అద్దంకి: మున్సిపాలిటీ ఎన్నికల్లో భాగంగా నామినేషన్ల స్వీకరణ ప్రక్రియ ముగిసింది. మొత్తం రెండు రోజుల్లో అద్దంకి మున్సిపాలిటీ నుంచి చైర్మన్‌ అభ్యర్థిగా 17 నామినేషన్లు, వార్డులకు 196 నామినేషన్లు దాఖలయ్యాయి. చైర్మన్‌ అభ్యర్థిగా వైఎస్సార్‌ సీపీ నుంచి 7 నామినేషన్లు, టీడీపీ నుంచి 6, స్వతంత్రులుగా 3, సీపీఐ నుంచి ఒక నామినేషన్‌ దాఖలైంది. మొత్తం 32 వార్డులకు సంబంధించి వైఎస్సార్‌ సీపీ నుంచి 85, టీడీపీ నుంచి 92, జనసేన 11, బీజేపీ 2, స్వతంత్రులు 4, కాంగ్రెస్‌ ఒకటి, సీపీఐ నుంచి ఒక నామినేషన్‌ దాఖలైంది. ఆదివారం సాయంత్రం 3 గంటల వరకే నామినేషన్ల దాఖలు కావడంతో అభ్యర్థులు ఆ లోపే లోపలికి వెళ్లగా రిటర్నింగ్‌ అధికారులు వారికి టోకెన్లు ఇచ్చి నామినేషన్లు స్వీకరించారు. ఎన్నికల అధికారి మున్సిపల్‌ కమిషనర్‌ రవీంద్ర పర్యవేక్షించారు. సీఐ సుబ్బరాజు నామినేషన్ల స్వీకరణ కేంద్రాల వద్ద 144 సెక్షన్‌ అమలు చేశారు. మున్సిపల్‌, ప్రకాశం బాలికల పాఠశాలకు ఇరువైపులా 100 మీటర్ల మేర ఎటువంటి వాహనాలకు అనుమతి లేకుండా బారికేడ్లు ఏర్పాటు చేశారు. ఎటువంటి అవాంఛనీయ సంఘటన జరుగకుండా సిబ్బంది పర్యవేక్షించారు. చీమకుర్తి చైర్మన్‌ అభ్యర్థులుగా 17.. కౌన్సిలర్‌ అభ్యర్థులుగా 172 నామినేషన్లు చీమకుర్తి రూరల్‌: చీమకుర్తి మున్సిపాలిటీలో ఆదివారం చైర్మన్‌, కౌన్సిలర్‌ అభ్యర్థులుగా మొత్తం 189 నామినేషన్లు దాఖలయ్యాయి. చైర్మన్‌ అభ్యర్థులుగా 17 నామినేషన్లు దాఖలు కాగా వైఎస్సార్‌సీపీ నుంచి 6, టీడీపీ నుంచి 6, కాంగ్రెస్‌ నుంచి 1, సీపీఐ నుంచి 1, స్వతంత్ర అభ్యర్థులు 3 నామినేషన్లు వేశారు. కౌన్సిలర్‌ అభ్యర్థులుగా 172 నామినేషన్లు దాఖలయ్యాయి. వీటిలో వైఎస్సార్‌ సీపీ నుంచి 71, టీడీపీ నుంచి 78, సీపీఐ నుంచి 1, జనసేన నుంచి 9, స్వతంత్ర అభ్యర్థులుగా 13 నామినేషన్లు సమర్పించారు. మార్కాపురం చైర్‌పర్సన్‌కు 21 నామినేషన్లు కౌన్సిలర్‌ అభ్యర్థులుగా 306 నామినేషన్లు మార్కాపురం టౌన్‌: మార్కాపురం పురపాలక సంఘం నుంచి చైర్‌పర్సన్‌ స్థానానికి 21 నామినేషన్లు, కౌన్సిల్‌ సభ్యులుగా 306 నామినేషన్లు దాఖలయ్యాయి. తొలి రోజు ఒక్క నామినేషన్‌ కూడా దాఖలు కాలేదు. ఈ నెల 17న వివిధ పార్టీల నుంచి 88 నామినేషన్లు దాఖలయ్యాయి. ఆదివారం చివరి రోజు కావడంతో అధిక సంఖ్యలో నామినేషన్లు వేసేందుకు వివిధ పార్టీల అభ్యర్థులు వచ్చారు. చైర్‌పర్సన్‌ అభ్యర్థులుగా వైఎస్సార్‌ సీపీ నుంచి 6, టీడీపీ నుంచి 6, కాంగ్రెస్‌ 1, భారత చైతన్య యువజన పార్టీ 1, స్వతంత్రులుగా 4 మొత్తం 18 నామినేషన్లు దాఖలయ్యాయి. కౌన్సిలర్‌ అభ్యర్థులుగా వైఎస్సార్‌ సీపీ నుంచి 113, టీడీపీ నుంచి 79, బీఎస్పీ 1, బీజేపీ 9, సీపీఐ 4, సీపీఎం 2, జనసేన 5, స్వతంత్రులుగా 8 మొత్తం 221 నామినేషన్లను ఆదివారం అభ్యర్థులు సమర్పించారు. మార్కాపురం పురపాలక సంఘానికి సంబంధించి నామినేషన్‌లు ముగిసిన నాటికి చైర్మన్‌ అభ్యర్థులుగా 21, కౌన్సిల్‌ సభ్యుల అభ్యర్థులుగా 306 నామినేషన్‌లను సమర్పించినట్లు కమిషనర్‌, ఎన్నికల సహాయ అధికారి నారాయణరావు తెలిపారు. గిద్దలూరు చైర్మన్‌ అభ్యర్థులుగా 17.. కౌన్సిలర్‌ అభ్యర్థులుగా 123 నామినేషన్లు గిద్దలూరు రూరల్‌: స్థానిక మున్సిపల్‌ కార్యాలయంలో ఆదివారం అన్ని పార్టీల నుంచి మున్సిపల్‌ చైర్మన్‌ అభ్యర్థులుగా 16, కౌన్సిలర్‌ అభ్యర్థుళుగా 74 మొత్తం 90 మంది నామినేషన్లు దాఖలయ్యాయి. వైఎస్సార్‌ సీపీ నుంచి మున్సిపల్‌ చైర్మన్‌ అభ్యర్థిగా డాక్టర్‌ భూమానరసింహారెడ్డి పార్టీ నియోజకవర్గ ఇన్‌చార్జి కేపీ నాగార్జునరెడ్డితో కలిసి నామినేషన్‌ దాఖలు చేశారు. 28 వార్డులకు సంబంధించి కౌన్సిలర్‌ అభ్యర్థులుగా టీడీపీ నుంచి 15 మంది, వైఎస్సార్‌ సీపీ నుంచి 36, స్వతంత్రులుగా 9, బీజేపీ నుంచి 2, బీఎస్పీ నుంచి 2, సీపీఎం 1, జనసేన నుంచి 9 మొత్తం 74 నామినేషన్లు దాఖలయ్యాయి. చైర్మన్‌ స్థానం కోసం బీజేపీ 4, టీడీపీ 1, వైఎస్సార్‌ సీపీ 3, స్వతంత్రులు 8 మొత్తం 16 నామినేషన్లు దాఖలయ్యాయి. రెండు రోజుల్లో కౌన్సిలర్లుగా 123, ఛైర్మన్‌ అభ్యర్థి కోసం 17 నామినేషన్లు దాఖలు కాగా. ఎన్నికల అధికారి ఈవీ రమణబాబు ఆధ్వర్యంలో అధికారులు అధికారులు నామినేషన్ల పత్రాల అఫిడవిట్‌లను క్షుణ్ణంగా పరిశీలించారు. కనిగిరిలో చైర్మన్‌ అభ్యర్థులుగా 10, కౌన్సిలర్‌ అభ్యర్థులుగా 170 నామినేషన్లు కనిగిరి/పీసీపల్లి: కనిగిరి మున్సిపాలిటీ సంబంధిం చైర్‌పర్సన్‌ అభ్యర్థులుగా 10 నామినేషన్లు, వార్డు కౌన్సిలర్‌ అభ్యర్థులుగా 170 నామినేషన్లు దాఖలయ్యాయి. చైర్మన్‌ అభ్యర్థులుగా కాంగ్రెస్‌ పార్టీ 1, వైఎస్సార్‌ సీపీ 5, టీడీపీ 4 నామినేషన్లు వేశారు. వార్డు కౌన్సిలర్లుగా బీజేపీ 4, సీపీఐ 2, సీపీఎం 2, వైఎస్సార్‌ సీపీ 71, టీడీపీ 80, బీసీవై 1, స్వతంత్ర అభ్యర్థులు 10 మొత్తం 170 నామినేషన్లు దాఖలు చేశారు.వైఎస్సార్‌ సీపీ ఒంగోలు మేయర్‌ అభ్యర్థిగా నామినేషన్‌ దాఖలు చేస్తున్న కుప్పం ప్రసాద్‌మార్కాపురం వైఎస్సార్‌ సీపీ చైర్మన్‌ అభ్యర్థిగా నామినేషన్‌ వేస్తున్న డాక్టర్‌ చెప్పల్లి కనకదుర్గ

సాక్షి ప్రతినిధి, ఒంగోలు: కనిగిరిలో పోలీసుల అండతో టీడీపీ గూండాలు పెట్రేగిపోయారు. నామినేషన్‌ కేంద్రాలను తమ అదుపులోకి తీసుకుని బీభత్సం సృష్టించారు. నామినేషన్‌ కేంద్రం ఆవరణలోకి వందలాది మంది టీడీపీ గూండాలను దగ్గరుండి పోలీసులు అనుమతించారు. వైఎస్సార్‌ సీపీ నాయకులు, శ్రేణులను మాత్రం నామినేషన్‌ కేంద్రంలోకి కూడా అనుమతించకుండా పోలీసులు దగ్గరుండి దాడులు చేశారు. వైఎస్సార్‌ సీపీ అభ్యర్థితో పాటు కేవలం ఇద్దరిని మాత్రమే నామినేషన్‌ కేంద్రంలోకి అనుమతించారు. అయితే టీడీపీ నేతలు పక్కా ప్రణాళికతో ఆర్వో వద్దనే 15 మంది టీడీపీ గుండాలను పెట్టారు. అందులో 10 మంది మగ, మరో 5 మంది ఆడవారిని ఉంచారు. వైఎస్సార్‌ సీపీ అభ్యర్థి పురుషులు అయితే ఈ 10 మంది గూండాలు నామినేషన్‌ పత్రాలు మర్యాదగా ఇచ్చిపోవాలని బెదిరింపులకు దిగారు. ఇవ్వకపోతే కొట్టి పత్రాలు లాక్కొని బయటకు నెట్టడం కనిపించింది. మహిళా అభ్యర్థులైతే ఆర్వో వద్దనే ఉన్న ఐదు మంది మహిళలు వారి నుంచి నామినేషన్‌ పత్రాలను లాక్కున్నారు. ఇలా 10, 7, 32, 31, 17, 18 వార్డులకు సంబంధించిన అభ్యర్థుల నామినేషన్‌ పత్రాలను చించేశారు. చైర్మన్‌ అభ్యర్థి తల్లి నామినేషన్‌ను సైతం ... కనిగిరిలో వైఎస్సార్‌ సీపీ చైర్‌పర్సన్‌ అభ్యర్థిగా పులిశాంతి నామినేషన్‌ వేశారు. ఈమె తల్లి పులి లక్ష్మీ 32వ వార్డుకు నామినేషన్‌ వేసేందుకు ఆర్వో వద్దకు వెళ్లారు. ఆర్వో చేతికి నామినేషన్‌ పత్రాలను ఇచ్చారు. అయితే వెంటనే డీఎస్పీ, సీఐ, ఎస్సై చేరుకుని ఆర్వో చేతిలోంచి పత్రాలను లాక్కొని చించి బయటకు పంపించి వేశారు. నామినేషన్‌ కేంద్రంలోనే భయానక వాతావరణాన్ని సృష్టించారు. వైఎస్సార్‌ సీపీ శ్రేణులపై పోలీసుల దాడి నామినేషన్‌ కేంద్రం ఆవరణలోనే 400 మంది టీడీపీ గూండాలు టెంట్‌ వేసుకుని హంగామా చేస్తున్నా పోలీసులు కనీసం పట్టించుకోలేదు. అయితే వైఎస్సార్‌ సీపీ అభ్యర్థులను నామినేషన్‌లు వేయకుండా టీడీపీ గూండాలు పత్రాలను చించి వేస్తున్నారనే విషయం తెలుసుకుని నియోజకవర్గ ఇన్‌చార్జ్‌ డాక్టర్‌ దద్దాల నారాయణ ఆధ్వర్యంలో వైఎస్సార్‌ సీపీ శ్రేణులు పెద్ద ఎత్తున అభ్యర్థులతో నామినేషన్‌ వేయించేందుకు సిద్ధమయ్యారు. అయితే వీరిని నామినేషన్‌ కేంద్రానికి 400 మీటర్ల దూరంలోనే బారికేడ్‌లు పెట్టి డీఎస్పీ, సీఐ, ఐదుగురు ఎస్సైలు పెద్ద ఎత్తున పోలీసులు మోహరించి వారిని అడ్డుకుని లాఠీలు ఝళిపించి భయభ్రాంతులకు గురిచేశారు. సీఐ సుబ్రహ్మణ్యం, ఎస్సై సందీప్‌లు ఓవర్‌యాక్షన్‌ చేశారు. మొత్తం మీద ఏడుగురు వైఎస్సార్‌ సీపీ కౌన్సిలర్‌ అభ్యర్థుల నామినేషన్‌లు వేయకుండా పోలీసులు అడ్డుకుని గందరగోళం సృష్టించారు. 18వ వార్డు కౌన్సిలర్‌ అభ్యర్థిపై భౌతిక దాడి.. వైఎస్సార్‌ సీపీ 18వ వార్డు కౌన్సిలర్‌ అభ్యర్ధి ఎస్‌కే సమీరాపై అతని భర్త ఎస్‌కే ఉమర్‌ ఫారూక్‌, బంధువుపై అధికార పార్టీ పార్టీ నాయకులు తీవ్రంగా దాడి చేశారు. అలాగే పదో వార్డుకు చెందిన వైఎస్సార్‌ సీపీ అభ్యర్థి షఫీ నామినేషన్‌ పత్రాలను లాక్కుని చించేశారు. సమీరా..రోడ్డుపై పడుకుని తీవ్ర నిరసన వ్యక్తం చేసింది. టీడీపీ పట్టణ అధ్యక్షుడు ఫిరోజు, వార్డు అభ్యర్ధి ఎస్‌కే ఖాదర్‌లు కొట్టి నామినేషన్‌ పత్రాలు లాక్కుని చించేశారని సమీరా, ఆమె భర్త ఎస్‌కే ఉమర్‌ ఫరూక్‌లు కన్నీటి పర్యంతమయ్యారు. పోలీసు అధికారులు సైతం అధికార పార్టీ వారికి అండగా నిలిచి తమను బెదిరిస్తున్నారని ఆరోపించారు. దీంతో పోలీసులు ఆమెను బలవంతంగా అక్కడి నుంచి పంపించారు. పోలీసులు కాళ్లు పట్టుకున్నా లోపలికి పంపలేదు.. 18వ వార్డు వైఎస్సార్‌ సీపీ కౌన్సిలర్‌ అభ్యర్ధి సమీరా..మళ్లీ నామినేషన్‌ దాఖలు చేసేందుకు పత్రాలు తీసుకుని గం.2.45కు నామినేషన్‌ కేంద్రం వద్దకు వచ్చింది. అయినా పోలీసులు లోపలికి అనుమతించ లేదు. అభ్యర్థి సమీరా కాళ్లు పట్టుకున్నా లోపలికి పంపలేదు. దీంతో పోలీసుల తీరుపై, అధికార పార్టీ నేతల దౌర్జన్యంపై పార్టీ కనిగిరి కనిగిరి ఇన్‌చార్జి దద్దాల నారాయణ యాదవ్‌, పార్టీ మున్సిపల్‌ అభ్యర్థి పులి శాంతిరెడ్డి, పీడీసీసీబీ మాజీ చైర్మన్‌ వైఎం ప్రసాద్‌రెడ్డి, పార్టీ నాయకులు తీవ్రంగా ధ్వజమెత్తారు.

● పల్నాడు, ప్రకాశం జిల్లా జట్లకు ప్రథమస్థానం మార్కాపురం టౌన్‌: జిల్లా కబడ్డీ అసోసియేషన్‌ 52వ రాష్ట్రస్థాయి జూనియర్‌ బాల బాలికల కబడ్డీ ఛాంపియన్‌షిప్‌ పోటీలు ఆదివారం పట్టణంలోని జిల్లా పరిషత్‌ ఉన్నత పాఠశాలలో హోరాహోరీగా ముగిశాయి. మూడు రోజుల పాటు జరిగిన పోటీల్లో బాలుర విభాగంలో ఫైనల్‌లో పల్నాడు–విజయనగరం జట్లు తలపడగా పల్నాటు జట్టు విజేతగా నిలిచింది. మూడో స్థానంలో కర్నూలు, శ్రీకాకుళం జిల్లా జట్లు ఉమ్మడిగా నిలిచాయి. బాలికల విభాగంలో ఫైనల్‌లో ప్రకాశం–విశాఖపట్నం జిల్లాల జట్లు నువ్వా నేనా అన్నట్లు పోటీపడగా ప్రకాశం జిల్లా జట్టు విజేతగా నిలవగా, విశాఖపట్నం జిల్లా జట్టు రన్నరప్‌గా నిలిచాయి. శ్రీకాకుళం సత్యసాయి జిల్లా జట్లు ఉమ్మడిగా మూడవ స్థానంతో సరిపెట్టుకున్నాయి. ఛాంపియన్‌షిప్‌ పోటీలను రాష్ట్ర కబడ్డీ అసోసియేషన్‌ అధ్యక్ష, కార్యదర్శులు కేవీ ప్రభావతి, యలమంచిలి శ్రీకాంత్‌, రాష్ట్ర కబడ్డీ జట్టు సెలక్షన్‌ కమిటీ సభ్యుల పర్యవేక్షణలో ఎలాంటి అవాంతరాలు లేకుండా ఆహ్లాదకర వాతావరణంలో సజావుగా ముగిసాయి. ఈ క్రీడా పోటీల్లో ఆంధ్రప్రదేశ్‌ రాష్ట్రంలోని ఉమ్మడి 28 జిల్లాల బాల, బాలికల జట్లు పాల్గొన్నాయి. విజేతలకు అతిథుల చేతుల మీదుగా బహుమతులు ప్రదానం చేశారు. ప్రధానోపాధ్యాయుడు మునగాల చంద్రశేఖర్‌రెడ్డి ఆధ్వర్యంలో జరిగిన కార్యక్రమానికి బహుమతి ప్రదానోత్సవానికి మార్కాపురం జిల్లా విద్యాశాఖాధికారి సామా సుబ్బారావు, డివిజనల్‌ ఉప విద్యాశాఖ అధికారి పి. శ్రీనివాసులు, జాతీయ అవార్డు గ్రహీత టి.జగన్నాథ్‌, గ్రూప్‌ 1 అధికారి సుజిత్‌కుమార్‌రెడ్డి హాజరయ్యారు. పీఈటీలు, వ్యాయామ ఉపాధ్యాయులు,క్రీడాకారులు పాల్గొన్నారు.

మార్కాపురం: జిల్లాస్థాయి స్కేటింగ్‌ పోటీల్లో మార్కాపురానికి చెందిన విద్యార్థి శర్విన్‌ రెండు బంగారు పతకాలు గెల్చుకున్నాడు. రాష్ట్రస్థాయి స్కేటింగ్‌ ఫెడరేషన్‌ ఆఫ్‌ ఇండియా ఆధ్వర్యంలో జిల్లా కేంద్రం మార్కాపురం మార్కెట్‌ యార్డులో నిర్వ హించిన పోటీల్లో 2 విభాగాల్లో పాల్గొని ప్రతిభ కనబరిచి బంగారు పతకాలు సాధించాడు. ● పోలీసులకు పలు సూచనలు చేసిన ఎస్పీ పంకజ్‌కుమార్‌ మీనా మార్కాపురం టౌన్‌: మార్కాపురం పట్టణ, రూరల్‌ పోలీసుస్టేషన్‌లను ఎస్పీ పంకజ్‌కుమార్‌ మీనా శనివారం తనిఖీ చేశారు. ఈ సందర్భంగా పోలీసుస్టేషన్‌ల్లో రికార్డులు పరిశీలించారు. పోలీసుస్టేషన్‌ ఆవరణను పరిశీలించి పలు సూచనలు చేశారు. పోలీసుస్టేషన్‌కు వచ్చే ఫిర్యాదుదారులతో మర్యాదపూర్వకంగా నడుచుకోవాలని సూచించారు. ఇచ్చిన ఫిర్యాదును మానవతా దృక్పథంతో పరిష్కరించాలన్నారు. మున్సిపల్‌ ఎన్నికల సందర్భంగా విధుల పట్ల పోలీసులు అప్రమత్తంగా ఉండాలని, ఎటువంటి అవాంఛనీయ సంఘటనలు జరగకుండా చూడాలని ఆదేశించారు. ఈయన వెంట డీఎస్పీ నిమ్మగడ్డ సత్యనారా యణ, సీఐ అల్తాఫ్‌ హుస్సేన్‌, ఎస్సైలు విశ్వనాథరెడ్డి, వేమన, పోలీసు సిబ్బంది ఉన్నారు. ఒంగోలు సబర్బన్‌: ప్రకాశం జిల్లా స్థానిక సంస్థల ఎన్నికలకు అబ్జర్వర్‌గా రాష్ట్ర ప్రభుత్వ గృహ నిర్మాణ శాఖ స్పెషల్‌ సెక్రటరీ హెప్సిబా రాణిని ఎన్నికల కమిషన్‌ నియమించింది. అందులో భాగంగా ఆమె శనివారం జిల్లా కేంద్రం ఒంగోలుకు వచ్చారు. ఒంగోలు వచ్చిన అబ్జర్వర్‌ ప్రకాశం భవన్‌కు చేరుకున్నారు. ఈ సందర్భంగా అబ్జర్వర్‌ను డీఆర్‌ఓ వెంకటరమణ, బీసీ కార్పొరేషన్‌ ఈడీ ముప్పూరి వెంకటేశ్వరరావు, హౌసింగ్‌ శాఖ పీడీ శ్రీనివాస్‌తో పాటు తదితరులు కలిసి స్వాగతం పలికారు.

కందుకూరు: ఒకే ఒరలో రెండు కత్తులు వరగవు అన్న చందంగా తయారైంది నియోజకవర్గంలో కూటమి పార్టీల పరిస్థితి. స్థానిక సంస్థల ఎన్నికల్లో సీట్ల పంపకాన్ని తేల్చుకోలేక బహిరంగ విమర్శలకు దిగుతున్నారు. కూటమిలో కీలకంగా ఉన్న జనసేనకు తీవ్ర అన్యాయం జరుగుతోందని, తమకు కనీసం మర్యాద కూడా దక్కడం లేదంటూ వాపోతున్నారు. ఈ మేరకు శనివారం టీడీపీ కార్యాలయం వద్ద చోటు చేసుకున్న సంఘటనలతో రెండు పార్టీ మధ్య విభేదాలు ఒక్కసారి బహిర్గతమయ్యాయి. ఎమ్మెల్యే ఇంటూరి తీరుపై తీవ్ర విమర్శలు ప్రస్తుతం స్థానిక సంస్థల ఎన్నికల హడావుడి జోరుగా ఉంది. కూటమి పార్టీలైన టీడీపీ, జనసేన మధ్య మాత్రం పొత్తు కుదరడం లేదు. ఈ నేపథ్యంలో టీడీపీతో సీట్ల పంపకం తేల్చుకునేందుకు జనసేన నియోజకవర్గ మాజీ ఇన్‌చార్జి, ప్రస్తుతం స్థానిక సంస్థల జనసేన పరిశీలకుడు పులి మల్లికార్జున శనివారం టీడీపీ కార్యాలయానికి వెళ్లారు. అక్కడే ఉన్న ఎమ్మెల్యే ఇంటూరి నాగేశ్వరరావును కలిసి సీట్ల పంపకంపై వినతి పత్రం ఇచ్చే ప్రయత్నం చేశారు. ఎమ్మెల్యే నాగేశ్వరరావు కనీసం పులి మల్లికార్జునతో మాట్లాడేందుకు కూడా ఆసక్తి చూపకపోగా వినతి పత్రం స్వీకరించేందుకు నిరాకరించి వెళ్లిపోయారు. దీంతో తీవ్ర ఆగ్రహానికి గురైన పులి మల్లికార్జున ఎమ్మెల్యే తీరుపై బహిరంగ విమర్శలకు దిగారు. నియోజకవర్గంలో జనసేనకు కనీస మర్యాద దక్కడం లేదని, నియోజకవర్గంలోని ఐదు జెడ్పీటీసీ స్థానాల్లో ఒక స్థానం అయినా జనసేనకు ఇవ్వాలని అడుగుతుంటే పట్టించుకోవడం లేదని ఆగ్రహం వ్యక్తం చేశారు. వలేటివారిపాలెం జెడ్పీటీసీ స్థానం ఎస్సీలకు రిజర్వ్‌ అయిన నేపథ్యంలో ఆ స్థానం నుంచి జనసేన అభ్యర్థికి అవకాశం ఇవ్వాలని కోరుతున్నా పట్టించుకోవడం లేదన్నారు. మూడు నెలల క్రితమే వేరే వ్యక్తికి మాట ఇచ్చానని చెప్తున్నారని, అదే సందర్భంలో కందుకూరు మండల జెడ్పీటీసీ సీటు ఇవ్వమని అడిగితే గతంలో ఏఎంసీ చైర్మన్‌ ఇస్తానని ఇవ్వలేక పోయిన టీడీపీ నాయకుడికి ఆ సీటు కేటాయించినట్లు ఎమ్మెల్యే చెప్తున్నారన్నారు. ఐదు జెడ్పీటీసీ స్థానాల్లో ఒక్కటి కూడా జనసేనకు ఇచ్చేందుకు ఎందుకు నిరాకరిస్తున్నారని ప్రశ్నించారు. ఇదేం పొత్తు ధర్మం అని నిలదీశారు. ఈ విషయాన్ని తమ పార్టీ అధినేత పవన్‌కళ్యాణ్‌, ముఖ్యమంత్రి నారా చంద్రబాబునాయుడు, మంత్రి లోకేష్‌ దృష్టికి తీసుకెళ్తామన్నారు. దళితులమని అవమానిస్తున్నారా? జనసేన తరఫున నియోజకవర్గ ఇన్‌చార్జిగా పనిచేసిన తాను సీట్ల కేటాయింపుపై మాట్లాడేందుకు వస్తే కనీసం పట్టించుకోకపోవడం ఏంటని, అదే బీజేపీ నాయకులు వస్తే మాత్రం వారితో మాట్లాడేందుకు సమయం ఉంటుందా.. అని ఎమ్మెల్యేని ప్రశ్నించారు. అంటే బీజేపీ నాయకులు తమ కులం వాళ్లు కాబట్టి ఎమ్మెల్యే గౌరవించి మాట్లాడుతున్నారని, అదే జనసేన తరఫున దళితులం కాబట్టి అవమానిస్తున్నారని మల్లికార్జున ఆగ్రహం వ్యక్తం చేశారు. టీడీపీ కార్యాలయం ముందే రోడ్డుపై తీవ్ర స్థాయిలో ఆగ్రహం వ్యక్తం చేస్తుండటంతో కార్యాలయం నుంచి బయటకు వచ్చిన ఎమ్మెల్యే అనుచరుడు సురేష్‌ బయటకు వచ్చి ఆయన్ను సముదాయించే ప్రయత్నం చేశారు. కూర్చొని మాట్లాడుకుందాం..అంటూ నచ్చజెప్పే ప్రయత్నం చేశారు. మల్లికార్జున మాత్రం తన ఆగ్రహాన్ని బహిరంగంగానే వ్యక్తం చేస్తూ ఎమ్మెల్యే తీరుపై తీవ్ర స్థాయిలో విమర్శలు చేశారు. సీట్ల కేటాయింపులో అన్యాయం జరుగుతోందంటూ జనసేన నాయకుడు పులి మల్లికార్జున ఆగ్రహం ఎమ్మెల్యే ఇంటూరి నాగేశ్వరరావు కనీస మర్యాద ఇవ్వడం లేదంటూ తీవ్రస్థాయిలో ధ్వజం కందుకూరు నియోజకవర్గంలో జనసేన అంత చులకనైందా..అంటూ నిలదీత ఎన్నికలకు ముందే కూటమిలో విభేదాలు బహిర్గతం

● వైఎస్సార్‌ సీపీ రాష్ట్ర అధికార ప్రతినిధి జూపూడి ఒంగోలు సిటీ: రాష్ట్రంలో ఎన్నికలను ప్రశాంత వాతావరణంలో నిర్వహించాలని, కూటమి ప్రభుత్వం గూండాగిరితో ఎన్నికలు జరుపుతోందని వైఎస్సార్‌ సీపీ రాష్ట్ర అధికార ప్రతినిధి జూపూడి ప్రభాకరరావు ధ్వజమెత్తారు. శనివారం ఒంగోలు వైఎస్సార్‌ కాంగ్రెస్‌ పార్టీ జిల్లా కార్యాలయంలో జరిగిన విలేకర్ల సమావేశంలో ఆయన మాట్లాడారు. జూపూడి ప్రభాకరరావు మాట్లాడుతూ రాష్ట్రంలో ఎలాంటి గొడవలు లేకుండా ఎన్నికలు జరపాల్సిన బాధ్యత ఎన్నికల కమిషన్‌పై ఉందన్నారు. ఒంగోలు నగర మేయర్‌ అభ్యర్థి కుప్పం ప్రసాద్‌కు పార్టీ రాష్ట్ర కమిటీ తరఫున అభినందనలు తెలుపుతున్నామన్నారు. రాష్ట్ర వ్యాప్తంగా కూటమి ప్రభుత్వంపై ఉన్న వ్యతిరేకతతో ప్రజలు ఉన్నారనే భయంతో నామినేషన్‌ వేస్తున్న అభ్యర్థులు, వైఎస్సార్‌ సీపీ నాయకులపై టీడీపీ దాడులు చేస్తోందని విమర్శించారు. పుంగనూరు, ధర్శవరంలో జరిగిన సంఘటనలే దీనికి నిదర్శమన్నారు. అధికారపార్టీ దాడులతో నామినేషన్‌ వేస్తున్న అభ్యర్థులు, నాయకులపై దాడులు చేస్తే వైఎస్సార్‌ సీపీ ఊరుకోదని హెచ్చరించారు. ఒంగోలు నగర మేయర్‌ అభ్యర్థి కుప్పం ప్రసాద్‌ ఎన్నికను పార్టీ అధినేత వైఎస్‌ జగన్‌మోహన్‌రెడ్డి చాలా ప్రతిష్టాత్మకంగా తీసుకున్నారని చెప్పారు. రాష్ట్రంలోని వివిధ సమస్యలపై వైఎస్సార్‌ సీపీ పోరాటాలు చేస్తోందన్నారు. కుప్పం ప్రసాద్‌ గెలుపునకు ప్రతి ఒక్కరూ సహకరించాలని కోరారు. కార్యక్రమంలో ఒంగోలు నియోజకవర్గ ఇన్‌చార్జి చుండూరి రవిబాబు, ఒంగోలు అసెంబ్లీ పరిశీలకులు వై.వెంకటేశ్వర్లు, ఒంగోలు నగర అధ్యక్షుడు కఠారి శంకరరావు, కొత్తపట్నం మండల అధ్యక్షుడు లంకపోతు అంజిరెడ్డి, వైఎస్సార్‌ సీపీ నాయకులు మల్లికార్జున్‌, జనార్దన్‌, నాయకులు పాల్గొన్నారు.

● 50 మందిని ఆహ్వానించిన ఇన్‌చార్జి చుండూరి ఒంగోలు సిటీ: ఒంగోలు నగరంలోని 35వ డివిజన్‌కు చెందిన జనసేన పార్టీ డివిజన్‌ అధ్యక్షుడు పసుపులేటి మురళీకృష్ణ (నాయుడు)తో పాటు ఆయన అనుచరులు సుమారు 50 మంది శనివారం వైఎస్సార్‌ కాంగ్రెస్‌ పార్టీలో చేరారు. వైఎస్సార్‌ సీపీ ఒంగోలు అసెంబ్లీ నియోజకవర్గ ఇన్‌చార్జి చుండూరి రవిబాబు సమక్షంలో ఈ చేరికలు జరిగాయి. 35వ డివిజన్‌ అధ్యక్షుడు పసుపులేటి మురళీకృష్ణ ఆధ్వర్యంలో 50 మంది అనుచరులు వైఎస్సార్‌ సీపీలో చేరారు. ఈ సందర్భంగా చుండూరి రవిబాబు పార్టీ కండువాలు కప్పి పార్టీలోకి ఆహ్వానించారు. రవిబాబు మాట్లాడుతూ విద్యావేత్త పసుపులేటి మురళీకృష్ణ జనసేన పార్టీ నుంచి తమ పార్టీలోకి రావడం చాలా సంతోషమన్నారు. కూటమిలో భాగస్వాములైన మురళీకృష్ణ వంటి నాయకులకు అన్యాయం జరిగిందన్నారు. తాము చదువుకున్న వారి ప్రోత్సహించాలని, రాజకీయాల పట్ల నిబద్ధత ఉన్న మురళీకృష్ణను పార్టీలోకి ఆహ్వానించి 35 డివిజన్‌ కార్పొరేటరుగా ప్రకటించామన్నారు. 35వ డివిజన్‌ ప్రజలందరూ మురళీకృష్ణ నమ్మకమైన వ్యక్తి అని, పార్టీ కోసం కష్టపడి పనిచేసిన వ్యక్తి అన్నారు. ఒంగోలు నగర మేయర్‌ అభ్యర్థి కుప్పం ప్రసాద్‌ మొదటి నుంచి పార్టీ కోసం కష్టపడి పనిచేసిన వ్యక్తి అని కొనియాడారు. ఒంగోలు నగర మేయర్‌ అభ్యర్థి కుప్పం ప్రసాద్‌, 35వ డివిజన్‌ అభ్యర్థి పసుపులేటి మురళీకృష్ణ గెలిపించాలని కోరారు. అంతకు ముందు పార్టీ కార్యాలయంలో జరిగిన సమావేశంలో పార్టీ ప్రధాన కార్యదర్శి, అధికార ప్రతినిధి జూపూడి ప్రభాకరరావు మాట్లాడుతూ నామినేషన్‌ వేస్తున్న అభ్యర్థులపై, నాయకుల మీద టీడీపీ నాయకులు దాడులు చేస్తే వైఎస్సార్‌ సీపీ చూస్తూ ఊరుకోదని హెచ్చరించారు. ఒంగోలు నగర మేయర్‌ అభ్యర్థి కుప్పం ప్రసాద్‌ను నగర ప్రజలు గెలిపించాలని కోరారు. కార్యక్రమంలో వైఎస్సార్‌ సీపీ నగర అధ్యక్షుడు కటారి శంకరరావు, ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి, ఒంగోలు అసెంబ్లీ పరిశీలకులు వెంకటేశ్వర్లు నాయుడు, ఒంగోలు మేయర్‌ అభ్యర్థి కుప్పం ప్రసాద్‌ పాల్గొన్నారు. నాగులుప్పలపాడు మండలంలో.. ● కూటమి నుంచి చేరిన వారిని ఆహ్వానించిన మాజీ మంత్రి మేరుగు నాగార్జున నాగులుప్పలపాడు: మండలంలోని చదలవాడ, అగ్రహరం చీర్వానుప్పలపాడు గ్రామాల్లోని టీడీపీ, జనసేన పార్టీల నుంచి పలువురు నాయకులు శనివారం వైఎస్సార్‌ సీపీ సంతనూతలపాడు నియోజకవర్గ సమన్వయకర్త, మాజీ మంత్రి మేరుగు నాగార్జున సమక్షంలో ఆ పార్టీలో చేరారు. చదలవాడ గ్రామానికి చెందిన గూడూరి పోతురాజు తన అనుచరలతో జనసేన పార్టీ నుంచి, అగ్రహారం గ్రామానికి చెందిన బత్తుల అంజయ్య తన కుటుంబ సభ్యులతో కలిసి మేరుగు నాగార్జున, మండల నాయకుల సమక్షంలో వైఎస్సార్‌ సీపీలో చేరారు. వీరికి సమన్వయకర్త మేరుగ నాగార్జున పార్టీ కండువా కప్పి ఆహ్వానించారు. కార్యక్రమంలో పార్టీ సీనియర్‌ నాయకులు నలమలపు కృష్ణారెడ్డి, ఇనగంటి పిచ్చిరెడ్డి, మారెళ్ల బంగారుబాబు, పోలవరపు శ్రీమన్నారాయణ, పొద పవన్‌, తోకల శ్రీను, జిలకర కిరణ్‌, కోడె సుబ్బయ్య, మల్లెల నాగరాజు ఉన్నారు.

సంఘటన స్థలాన్ని పరిశీలిస్తున్న ఎస్‌ఐ, స్థానికులు నవీన్‌రెడ్డి మృతదేహం కొనకనమిట్ల: మండల కేంద్రం కొనకనమిట్లలో శనివారం ఓ యువకుడి హత్య కలకలం రేపింది. భూవివాదాల నేపథ్యంలో యువకుడిని కొనకనమిట్ల నుంచి కాట్రగుంట వెళ్లే దారి పక్కన ఉన్న కొండ ప్రాంతంలో విచక్షణా రహితంగా కొట్టి చంపిన ఆనవాళ్లు కనిపిస్తున్నాయి. కొనకనమిట్లకు చెందిన పునుగోటి గురవారెడ్డి కుమారుడు నవీన్‌రెడ్డి (27)కి తన బంధువులైన సూరవరపు వెంకటేశ్వరరెడ్డి కుటుంబ సభ్యులకు గతంలో భూతగాదాలు ఉన్నాయి. గతంలో ఇరువర్గాలు పోలీసుస్టేషన్లో కేసులు కూడా పెట్టుకున్నట్లు సమాచారం. ఏడాదిగా ఇరు కుటుంబాలు అప్పుడప్పుడూ గొడవలు పడిన సందర్భాలు ఉన్నాయి. బంధువులే కొట్టి చంపారు.. తన కుమారుడు నవీన్‌రెడ్డిని తమ బంధువులైన సూరవరపు వెంకటేశ్వరరెడ్డి, కుమారుడు నారాయణ, సూరవరపు తిరుపతిరెడ్డి, పునుగోటి చంద్రశేఖర్‌, పునుగోటి వెంకటేశ్వరరెడ్డి, పునుగోటి గరటారెడ్డిలు కావాలనే కక్ష పెట్టుకుని పొలం వెళ్లిన నవీన్‌రెడ్డిని వెంటాడి విచక్షణా రహితంగా కర్రలతో కొట్టి చంపారని తండ్రి గురవారెడ్డి ఆరోపిస్తున్నాడు. హత్యకు కారణాలు తెలిపారు. ఆయన కథనం ప్రకారం.. గతేడాది పొలం తగాదా కారణంగా గొడవలు జరగగా తన కుమారుడిని సూరవరపు వెంకటేశ్వరెడ్డి కుటుంబ సభ్యులు విపరీతంగా కొట్టడంతో నవీన్‌రెడ్డి తలకు తీవ్ర గాయమైంది. అప్పట్లో వైద్యశాలలో చూపించారు. అప్పటి నుంచి నవీన్‌రెడ్డి మానసిక పరిస్థతి కూడా బాగా లేదు. నాలుగు నెలల క్రితం పనిపై హైదరాబాద్‌ వెళ్లి ఇటీవల ఇంటికి వచ్చాడు. నవీన్‌రెడ్డి శుక్రవారం మధ్యాహ్నం ఇంటి నుంచి బయటకు వెళ్లాడు. గంట తర్వాత ఫోన్‌ చేయగా కాట్రగుంట దారిలో తన పొలం వద్దకు వెళ్లినట్లు తెలిపాడు. ఆ తర్వాత ఫోన్‌ చేయగా ఫోన్‌ స్విచ్‌ ఆఫ్‌ వచ్చింది. రాత్రి అయినా ఇంటికి రాకపోవడంతో కాట్రగుంట దారిలో వెతకగా కొంతమంది ఎవరినో తరుముకుంటూ కొండ దారిన వెల్లినట్లు పొలాల నుంచి వచ్చే కూలీలు తెలిపారు. రాత్రంతా కుమారుడి కోసం వెతికారు. తన కుమారుడిని తమ బంధువులే కొట్టి చంపారని నిర్థారణకు వచ్చి శనివారం ఉదయం కొండ ప్రాంతంలో మృతదేహాన్ని గుర్తించారు. ఆరుగురు కళ్లల్లో కారం చల్లి కర్రలతో కొట్టి చంపారని నవీన్‌రెడ్డి తండ్రి ఆరోపించాడు. నిందితులు ఆరుగురిని అరెస్టు చేసి కేసు నమోదు చేసి చట్టపరంగా శిక్షించాలని తండ్రి పోలీసులను కోరాడు. నిందితులకు అధికార పార్టీ నాయకుల అండదండలు ఉన్నాయని హతుడి బంధువులు ఆరోపిస్తున్నారు. సంఘటన స్థలం వద్ద పరిస్థితి చూసి నవీన్‌రెడ్డి తల్లి రమణమ్మ, బంధువులు భోరున విలపించారు. సంఘటన స్థలాన్ని పరిశీలించిన పోలీసులు కొనకనమిట్ల సమీపంలోని కొండ ప్రాంతంలో యువకుడి హత్య జరిగినట్లు తెలసుకున్న పోలీసులు సంఘటన స్థలాన్ని పరిశీలించారు. ఇన్‌చార్జి సీఐ వినోద్‌కుమార్‌, ఎస్‌ఐ శ్రీకాంత్‌, క్రైం పోలీసులు హత్యకు కారణాలు అడిగి తెలుసుకున్నారు. గుంటూరు నుంచి వచ్చిన ఫోరెన్సిక్‌ క్లూస్‌ టీమ్‌ కూడా సంఘటన స్థలంలో వేలిముద్రలు సేకరించింది. మృతుడు నవీన్‌రెడ్డి తండ్రి గురవారెడ్డి ఇచ్చిన ఫిర్యాదు మేరకు కేసు నమోదు చేస్తున్నట్లు ఎస్‌ఐ శ్రీకాంత్‌ తెలిపారు. హత్యకు కారణాలపై దర్యాప్తు చేస్తున్నట్లు వెల్లడించారు. నవీన్‌రెడ్డి (ఫైల్‌)మృతుడి తండ్రి గురవారెడ్డి భూతగాదాల నేపథ్యంలో కొట్టి చంపిన బంధువులు బంధువులే తన కుమారుడిని హత్య చేశారంటున్న తండ్రి నిందితులను కాపాడేందుకు ప్రయత్నిస్తున్న టీడీపీ నేతలు

సాక్షి ప్రతినిధి,ఒంగోలు : ఉమ్మడి ప్రకాశం జిల్లాలో మున్సిపాలిటీ, నగరపంచాయతీ ఎన్నికల్లో భాగంగా రెండో రోజు శనివారం నామినేషన్లు భారీగా దాఖలయ్యాయి. అద్దంకిలో 37, మార్కాపురంలో 88, దర్శిలో 17, చీమకుర్తిలో 50, గిద్దలూరులో 50, కనిగిరిలో 50, ఒంగోలులో 119 నామినేషన్లను వివిధ పార్టీల తరఫున అభ్యర్థులు సపర్పించారు. మొత్తంగా 411 నామినేషన్లు వచ్చాయి. ఒంగోలులో వైఎస్సార్‌సీపీ మేయర్‌ అభ్యర్థి కుప్పం ప్రసాద్‌ తరఫున ఆయన సతీమణి, అద్దంకి చైర్మన్‌ అభ్యర్థి ఉడత్తు సురేష్‌, కనిగిరి చైర్‌పర్సన్‌ అభ్యర్థి పులిశాంతిరెడ్డి, మార్కాపురంలో చైర్‌పర్సన్‌ అభ్యర్థి కనక దుర్గ తరఫున మాజీ ఎమ్మెల్యే, నియోజకవర్గ ఇన్‌చార్జి అన్నారాంబాబు నామినేషన్‌ వేశారు. కుప్పం తరఫున రెండు సెట్ల నామినేషన్లు ఒంగోలు సబర్బన్‌: వైఎస్సార్‌ సీపీ ఒంగోలు మేయర్‌ అభ్యర్థి కుప్పం ప్రసాదు తరఫున ఆయన సతీమణి కుప్పం ప్రసన్నకుమారి మేయర్‌ డమ్మీ అభ్యర్థిగా శనివారం నామినేషన్‌ వేశారు. ఒంగోలు నగరపాలక సంస్థ కార్యాలయంలో శనివారం రిటర్నింగ్‌ అధికారి, ఒంగోలు ఆర్డీఓ టి.చంద్రశేఖరనాయుడుకు నామినేషన్‌ పత్రాలు అందజేశారు. అదేవిధంగా ఒక సెట్‌ భర్త నామినేషన్‌ కూడా రిటర్నింగ్‌ అధికారికి అందజేశారు. దాంతో రెండు సెట్ల నామినేషన్లు దాఖలు చేసినట్లయింది. నామినేషన్‌ కార్యక్రమానికి వైఎస్సార్‌ సీపీ జిల్లా కార్యాలయం నుంచి మాజీ ఎమ్మెల్సీ, రాష్ట్ర అధికార ప్రతినిధి జూపూడి ప్రభాకరరావు అదేకారులో కుప్పం ప్రసాదు దంపతుల వెంట ఒంగోలు నగరపాలక సంస్థ కార్యాలయం వరకూ వచ్చారు. నామినేషన్‌ పత్రాలు సమర్పించే సమయంలో కుప్పం ప్రసన్న కుమారి వెంట వైఎస్సార్‌ సీపీ లీగల్‌ సెల్‌ జిల్లా అధ్యక్షుడు నగరికంటి శ్రీనివాసరావు, రాష్ట్ర సూర్యబలిజ కార్పొరేషన్‌ మాజీ డైరెక్టర్‌ దాసరి కరుణాకర్‌తో పాటు పలువురు వైఎస్సార్‌ సీపీ నాయకులు ఉన్నారు.

సమావేశానికి హాజరైన వైఎస్సార్‌ సీపీ కార్యకర్తలు, నాయకులు కార్యకర్తలను ఉద్దేశించి మట్లాడుతున్న ఎమ్మెల్యే తాటిపర్తి చంద్రశేఖర్‌ ● ఎమ్మెల్యే తాటిపర్తి చంద్రశేఖర్‌ పుల్లలచెరువు: స్థానిక సంస్థల ఎన్నికల్లో ఎంపీటీసీ, జెడ్పీటీసీ, సర్పంచ్‌ స్థానాల్లో వైఎస్సార్‌ సీపీ బలపరిచిన అభ్యర్థుల విజయమే లక్ష్యంగా పార్టీ నాయకులు శక్తి వంచన లేకుండా పనిచేయాలని యర్రగొండపాలెం శాసనసభ్యుడు, పార్టీ రాష్ట్ర అధికారి ప్రతినిధి తాటిపర్తి చంద్రశేఖర్‌ పిలుపు ఇచ్చారు. పుల్లలచెరువులో శనివారం వైఎస్సార్‌ సీపీ మండల అధ్యక్షుడు దోమకాలు వెంకటేశ్వర్లు అధ్యక్షతన నిర్వహించిన పార్టీ కార్యకర్తల సమావేశంలో ఆయన మాట్లాడారు. ఎంపీటీసీ, జెడ్పీటీసీలతో పాటు గ్రామల్లో సర్పంచ్‌ స్థానాల్లోనూ బలమైన అభ్యర్థులను బరిలో నిలబెడతామని స్పష్టం చేశారు. అభ్యర్థుల విజయానికి నాయకులు, కార్యకర్తలు సమష్టిగా కృషి చేయాలని కోరారు. గత వైఎస్సార్‌ సీపీ ప్రభుత్వ హయాంలో మాజీ ముఖ్యమంత్రి వైఎస్‌ జగన్‌మోహన్‌రెడ్డి అమలు చేసిన సంక్షేమ, అభివృద్ధి కార్యక్రమాలను, ప్రస్తుత కూటమి ప్రభుత్వ వైఫల్యాలను గ్రామాల్లో ప్రజలకు వివరించాలని సూచించారు. పార్టీ అభ్యర్థుల గెలుపు కోసం సైనికుల్లా పనిచేయాలని పిలుపు నిచ్చారు. బీసీలకు 34 శాతం అంటే ఇదేనా? రాష్ట్రంలో బీసీలను కూటమి నాయకుడు చంద్రబాబు మోసం చేస్తున్నారని, బీసీలకు స్థానిక సంస్థల్లో 34 శాతం మేరకు సీట్లు ఇస్తానని నమ్మబలికి నేడు పుల్లలచెరువు మండలంలోని 19 సర్పంచ్‌ స్థానాలు ఉండగా ఒక్క స్థానం కూడా ఇవ్వలేదన్నారు. ఇదేనా బీసీలకు ఆత్మగౌరవం అంటే, రాష్ట్రంలో అనేక ప్రాంతాల్లో బీసీలకు అన్యాయం జరిగిందని విమర్శించారు. మాజీ ముఖ్యమంత్రి వైఎస్‌ జగన్‌మోహన్‌రెడ్డి పరిపాలనలో బీసీలకు ఎంత స్థానం ఎందో నేడు కూటమి ప్రభుత్వంలో బీసీలకు జరుగుతున్న అన్యాయాన్ని ఆలోచన చేయాలని ఎమ్మెల్యే కోరారు. పుల్లలచెరువు రెండో పులివెందుల కావాలి పుల్లలచెరువు మండలాన్ని రాష్ట్రంలో రెండో పులివెందులుగా చెబుతుంటారని, ఎప్పడూ పుల్లలచెరువు మండలం వైఎస్సార్‌ సీపీ అడ్డాగానే పేరు తెచ్చుకుందని, త్వరలో జరిగే స్థానిక ఎన్నికల్లో కూడా వైఎస్సార్‌ సీపీ బలపరిచిన అభ్యర్థులను గెలిపించి జగనన్నను మళ్లీ ముఖ్యమంత్రిగా చేసుకునేందుకు స్థానిక ఎన్నికల్లో అభ్యర్థులు గెలిచి ఆయనకు కానుకగా ఇవ్వాలన్నారు. నియోజకవర్గంలో కూటమి నాయకులు చేస్తున్న మోసాలను, అన్యాయాలను ప్రజలు గమనిస్తున్నారని, రాబోయో ఎన్నికల్లో నియోజకవర్గ ప్రజలు బుద్ధి చెబుతారని ఎమ్మెల్యే తాటిపర్తి హెచ్చరించారు. మిథున్‌రెడ్డిపై దాడికి ఖండన వైఎస్సార్‌ సీపీ ఎంపీ పెద్దిరెడ్డి మిథున్‌రెడ్డిపై జరిగిన దాడిని తీవ్రంగా ఖండిస్తున్నామని తాటిపర్తి చంద్రశేఖర్‌ పేర్కొన్నారు. ఎంపీ స్థాయిలో ఉన్న ప్రజాప్రతినిధిపై దాడి జరగడం ప్రజాస్వామ్య విలువలకు విరుద్ధమన్నారు. ప్రజాప్రతినిధులు తమ అభిప్రాయాలను స్వేచ్ఛగా వ్యక్తం చేస్తూ ప్రజల తరఫున పని చేసే వాతావరణం కల్పించాల్సిన బాధ్యత ప్రభుత్వంపై ఉందన్నారు. ప్రస్తుతం రాష్ట్రంలో జరుగుతున్న శాంతిభద్రతల పరిస్థితిపై ఆందోళన కలిగిస్తున్నాయని విమర్శించారు. కూటమి ప్రభుత్వం ఎలాంటి అణిచివేత చర్యలకు పాల్పడినా వైఎస్సార్‌ సీపీ ప్రజా స్వామ్య పద్ధతుల్లో ప్రజల పక్షాన నిలబడి ప్రజా సమస్యలపై పోరాటం కొనసాగిస్తుందని స్పష్టం చేశారు. కార్యక్రమంలో రాష్ట్ర పంచాయతీవింగ్‌ వైస్‌ ప్రెసిడెంట్‌ బి.సుబ్బారెడ్డి, రాష్ట్ర ఎస్సీ సెల్‌ జాయింట్‌ సెక్రటరీ ఎల్‌.రాములు, మాజీ జెడ్పీటీసీ వాగ్యానాయక్‌, జిల్లా కార్యవర్గ సభ్యుడు కె.జానకి రఘు, మాజీ సర్పంచ్‌లు సత్యనారాయణరెడ్డి, ఆవుల కోటిరెడ్డి, వెంకటేశ్వరనాయక్‌, ద్వారకచర్ల కోటిరెడ్డి, యండ్రపల్లి స్వామి, ఆవుల రవణారెడ్డి, పీఏసీఎస్‌ మాజీ చైర్మన్‌ కృష్ణ, మహిళా మండల అధ్యక్షరాలు రమణమ్మ, యూత్‌ అధ్యక్షుడు కె.దినేష్‌ యాదవ్‌, నాయకులు జక్క వెంకటేశ్వర్లు, నాసర్‌రెడ్డి, ప్రసాద్‌, పంది గంగరాజు, ఏడుకొండలు, లక్ష్మానాయక్‌, చరణ్‌రెడ్డి, నాసర్‌రెడ్డి, గాలిరెడ్డి పాల్గొన్నారు.

ఖాకీల సాక్షిగా..దర్శిలో మున్సిపల్‌ ఎన్నికల నామినేషన్లలో టీడీపీ మూకల హల్‌చల్‌ సాక్షి ప్రతినిధి, ఒంగోలు: దర్శి మున్సిపల్‌ ఎన్నికల నామినేషన్లలో శనివారం జరిగిన టీడీపీ అరాచకపర్వానికి పోలీసులదే కీలకపాత్ర అని ఆరోపణలు వెల్లువెత్తుతున్నాయి. దర్శి మున్సిపల్‌ ఎన్నికల శాంతిభద్రతల ఇన్‌చార్జిగా వ్యవహరిస్తున్న ఏఎస్పీ యుగంధర్‌బాబు నేతృత్వంలో గూండాగిరికి వ్యూహరచన చేశారని, టీడీపీ గూండాలను దగ్గరుండి పోలీసులే ప్రోత్సహిస్తూ వైఎస్సార్‌ సీపీ శ్రేణులపై తెగబడేలా ఏఎస్పీ కనుసన్నల్లోనే దాడులను ప్రోత్సహించారని విమర్శలు వినిపిస్తున్నాయి. ఒక డీఎస్పీ, ఒక సీఐ, ముగ్గురు ఎస్సైలు, 30 మంది కానిస్టేబుళ్లు నామినేషన్‌ కేంద్రం వద్ద విధుల్లో ఉన్నాగానీ.. ప్రేక్షకపాత్రకే పరిమితమయ్యారు. నామినేషన్‌ వేసేందుకు వచ్చిన వైఎస్సార్‌ సీపీ నేతలపై టీడీపీ గూండాలు కర్రలు, రాళ్లతో దాడులకు తెగబడుతున్నా అక్కడే ఉన్న పోలీసులు కనీసం వారించలేదు. అదే సందర్భంలో వైఎస్సార్‌ సీపీ అభ్యర్థుల చేతుల్లోని నామినేషన్‌ పత్రాలను లాక్కుని మరీ చించివేస్తుంటే పోలీసులు పట్టించుకున్న పాపాన పోలేదు. ప్రధానంగా దర్శి మున్సిపాలిటీలో శాంతిభద్రతలను పర్యవేక్షిస్తున్న ఏఎస్పీ యుగంధర్‌బాబు, సీఐ నాగమల్లేశ్వరరావులే దగ్గరుండి మరీ దాడులను ప్రోత్సహించారని పెద్ద ఎత్తున విమర్శలు వ్యక్తమవుతున్నాయి. ఇదిలా ఉండగా శనివారం ఐదుగురు వైఎస్సార్‌ సీపీ అభ్యర్థులు నామినేషన్లు వేశారని, వారి వద్ద స్లిప్పులు కూడా ఉన్నాయని, అయితే ఆన్‌లైన్‌లో మూడు నామినేషన్‌లే చూయిస్తున్నారని, మిగతా రెండు నామినేషన్‌లు ఏమయ్యాయో తెలియడం లేదని అభ్యర్థులు ఆందోళన చెందుతున్నారు.పల్నాడు పచ్చమూకల దాడులు, దౌర్జన్యాలు, హింసాకాండతో దర్శి అట్టుడికిపోయింది. నామినేషన్ల దశ నుంచే జంగిల్‌ రాజ్యాన్ని తలపించే పరిస్థితులు పట్టణంలో నెలకొన్నాయి. పొరుగుప్రాంతాల నుంచి వచ్చిన వందలాది మంది పోలీసుల సమక్షంలోనే భయానక వాతావరణాన్ని సృష్టించారు. వైఎస్సార్‌ సీపీ అభ్యర్థులను నామినేషన్‌ వేయకుండా అడ్డుకోవడంతో పాటు నామినేషన్‌ పత్రాలను చించివేస్తూ పేట్రేగిపోయారు. ప్రజాస్వామాన్ని అపహాస్యం చేసే విధంగా పచ్చగూండాలు వ్యవహరించారు. శనివారం దర్శి పట్టణంలో జరిగిన దౌర్జన్యకాండ అడుగడుగునా పోలీసుల వైఫల్యాన్ని ఎత్తిచూపింది. సాక్షి ప్రతినిధి, ఒంగోలు: మార్కాపురం మున్సిపాలిటీ చైర్‌పర్సన్‌ అభ్యర్థిగా డాక్టర్‌ చప్పలి కనకదుర్గను ఎంపికచేసినట్టు పార్టీ కేంద్రకార్యాలయం తెలిపింది. డాక్టర్‌ వృత్తితో పాటు మార్కాపురం తాజామాజీ కౌన్సిలర్‌. శ్రీశైలం ట్రస్ట్‌బోర్డు మెంబర్‌గా పనిచేశారు. మార్కాపురం రెడ్‌క్రాస్‌ చైర్మన్‌గా పనిచేశారు. ప్రస్తుతం ఆమె వైఎస్సార్‌సీపీ ఇంటలెక్చువల్‌ ఫోరం రాష్ట్ర ప్రధాన కార్యదర్శిగా ఉన్నారు. పట్టణంలోన్ని అన్ని వర్గాల వారితో మంచి సంబధాలు ఉన్నాయి. ఇదిలా ఉండగా టీడీపీ ఒంగోలు మేయర్‌ అభ్యర్థిగా నల్లమల్లి శ్రీశిల్ప, చీమకుర్తి నగరపంచాయతీకి శిద్దా సుధాకర్‌, కనిగిరికి అచ్చాల తిరుపతమ్మను అభ్యర్థులుగా ప్రకటించింది. దర్శి, గిద్దలూరుకు జనసేన, బీజేపీలు ప్రకటించాల్సి ఉంది. మార్కాపురం టౌన్‌: స్థానిక కలెక్టరేట్‌లో ఈ నెల 19వ తేదీ జరగాల్సిన పీజీఆర్‌ఎస్‌ కార్యక్రమాన్ని రద్దు చేసినట్లు కలెక్టర్‌ విజయసునీత శనివారం ఒక ప్రకటనలో తెలిపారు. మహర్ణవమి పండుగ సందర్భంగా రాష్ట్ర ప్రభుత్వం సెలవు ప్రకటించిందనందున పీజీఆర్‌ఎస్‌ కార్యక్రమాన్ని రద్దు చేసినట్లు చెప్పారు. జిల్లా ప్రజలు ఈ విషయాన్ని గమనించాలని కోరారు.సాక్షి ప్రతినిధి, ఒంగోలు: ప్రశాంతతకు మారుపేరుగా ఉన్న దర్శి పట్టణంలో ప్రజాస్వామ్యం ఖూనీ అయింది. మున్సిపల్‌ చైర్మన్‌, కౌన్సిలర్ల నామినేషన్లు వేయకుండా పల్నాడు ప్రాంతం నుంచి వచ్చిన వందలాది మంది అలజడి సృషించారు. ఓ పథకం ప్రకారం నామినేషన్‌ కేంద్రం వద్ద దారికాచి దాడులకు తెగబడ్డారు. సార్వత్రిక ఎన్నికల నుంచే పట్టణంలో ఇలాంటి ఘటనలు జరుగుతూనే ఉన్నాయి. ఎన్నికల సమయంలో, ఎన్నికలైన తర్వాత కూడా ప్రతిపక్ష వైఎస్సార్‌ సీపీ నేతలపై దాడులు జరుగుతూనే ఉన్నాయి. అధికారులను తమ గుప్పెట్లో పెట్టుకుని అధికార పార్టీ నాయకులు పాల్పడుతున్న అరాచకాలకు అంతేలేకుండా పోతోంది. నియోజకవర్గంలో యథేచ్ఛగా సహజసంపదను కొల్లగొడుతున్న వారు స్థానిక సంస్థల ఎన్నికల్లో శాంతిభద్రతలకు విఘాతం కలిగించేలా వ్యవహరిస్తున్నారంటూ ప్రజాస్వామ్యవాదులు మండిపడుతున్నారు. అంతా పథకం ప్రకారమే... పురపోరుకు సంబంధించి శుక్రవారం నామినేషన్‌ ప్రక్రియ ప్రారంభమైంది. శనివారం పెద్ద ఎత్తున నామినేషన్‌లు వేసేందుకు వైఎస్సార్‌ సీపీ అభ్యర్థులు సిద్ధమయ్యారు. వీరిలో దర్శి మున్సిపల్‌ చైర్మన్‌ వెన్నపూస వెంకట్‌రెడ్డి, మేడం మోహన్‌రెడ్డితో పాటు 3వ వార్డు నుంచి వెదురు మణికంఠారెడ్డి, 9వ వార్డు నుంచి పేరం వెంకటనర్సారెడ్డి, 11వ వార్డు నుంచి మేడం సుభాషిణి, 17వ వార్డు నుంచి అన్నవరపు రవితో పాటు మొత్తం 28 వార్డులకు కౌన్సిలర్‌ అభ్యర్థులు నామినేషన్‌లు వేసేందుకు ఉదయం నామినేషన్‌ కేంద్రాలకు బయలుదేరారు. వీరిని నామినేషన్లు వేయకుండా అడ్డుకునేందుకు టీడీపీ ముందుగానే ప్లాన్‌ సిద్ధం చేసుకుందని సమాచారం. అందులో భాగంగానే ఆ పార్టీకి చెందిన కడియాల రమేష్‌, కర్ణా శ్రీను ఆధ్వర్యంలో నరసరావుపేట ప్రాంతం నుంచి వచ్చిన దాదాపు 200 మందికిపైగా రౌడీమూకలు నామినేషన్‌ కేంద్రమైన బాలికల ఉన్నత పాఠశాల వద్ద కర్రలు, కత్తులు, రాళ్లతో వైఎస్సార్‌ సీపీ అభ్యర్థులపై దాడులకు తెగబడ్డారు. దీంతో ఆ ప్రాంతంలో ఒక్కసారిగా భీతావహ వాతావరణం నెలకొంది. ఏం జరుగుతుందో కూడా అర్థంగాని తీవ్ర ఉద్రిక్త పరిస్థితి నెలకొంది. అంతటితో ఆగకుండా నామినేషన్‌ కేంద్రంలోకి వెళ్లి మరీ వైఎస్సార్‌ సీపీ అభ్యర్థుల చేతుల్లోని నామినేషన్‌ పత్రాలు లాక్కొని చించి వేసి కొట్టి బయటకు నెట్టి వేశారు. టీడీపీ రౌడీలను ఎదుర్కొని నామినేషన్‌లు వేసే పరిస్థితి లేకపోవడంతో వైఎస్సార్‌ సీపీ అభ్యర్థులు అక్కడి నుంచి వెనుదిరిగారు. ఇదిలా ఉండగా ఎన్నికల విధుల్లో భాగంగా నామినేషన్‌ కేంద్రం వద్ద ఉన్న ముండ్లమూరు సాక్షి రిపోర్టర్‌ కొణతం సురేష్‌రెడ్డిపై సైతం టీడీపీ గూండాలు దాడి చేశారు. మూకుమ్మడిగా 20 మంది టీడీపీ గూండాలు ఒక్కసారిగా చుట్టుముట్టి విలేకరిపై దాడి చేశారు. ఇక్కడుంటే చంపేస్తామని బెదిరించారు. ఇక్కడ ఇన్‌చార్జిగా వ్యవహరిస్తున్న అడిషనల్‌ ఎస్పీ యుగంధర్‌బాబు, సీఐ నాగమల్లేశ్వరరావు తెరవెనుక పాత్ర పోషించారన్న ఆరోపణలు వినిపిస్తున్నాయి. మాయమాటలు చెప్పి ప్రేక్షకపాత్ర వహించి... నామినేషన్‌ కేంద్రం వద్ద పచ్చ గూండాలు వైఎస్సార్‌ సీపీ అభ్యర్థులపై దాడులకు తెగబడుతున్నారన్న సమాచారం అందుకున్న స్థానిక ఎమ్మెల్యే, వైఎస్సార్‌ సీపీ జిల్లా అధ్యక్షుడు బూచేపల్లి శివప్రసాద్‌రెడ్డి కనిగిరి నుంచి హుటాహుటిన దర్శి చేరుకున్నారు. వైఎస్సార్‌ సీపీ అభ్యర్థులను వెంటబెట్టుకుని మరోసారి నామినేషన్‌ కేంద్రం వద్దకు బయలుదేరారు. పోలీసులు సైతం టీడీపీ గూండాలను ప్రోత్సహిస్తూనే వైఎస్సార్‌ సీపీ శ్రేణులను ఎక్కడికక్కడ అడ్డుకున్నారు. లా అండ్‌ ఆర్డర్‌ సమస్య ఉందంటూ మీరు వెళ్లేదానికి లేదంటూ అడ్డుచెప్పారు. అదే సమయంలో నామినేషన్‌ కేంద్రం చుట్టూ వందలాది మంది టీడీపీ గూండాలు ఉన్నా పట్టించుకోలేదు. సీఐ నాగమల్లేశ్వరరావు వైఎస్సార్‌ సీపీ శ్రేణులను కవ్వించే విధంగా ఓవరాక్షన్‌ చేశారని తెలుస్తోంది. మేము దగ్గరుండి నామినేషన్లు వేయిస్తామని పోలీసు అధికారుల మాటలు నమ్మి నామినేషన్‌ కేంద్రానికి బయలుదేరిన వైఎస్సార్‌ సీపీ అభ్యర్థులపై పచ్చమూకలు దాడులు చేస్తున్నా పట్టించుకోకుండా పక్కకు వెళ్లిపోవడం విమర్శలకు దారితీసింది. ప్రజాస్వామ్యంలో ఇదేనా ప్రజలకు పోలీసులు కల్పించే రక్షణ అని దర్శి ఎమ్మెల్యే శివప్రసాద్‌రెడ్డి నిలదీశారు. వీటన్నింటిని ఎన్నికల కమిషన్‌ దృష్టికి తీసుకెళ్తామని, సదరు అధికారులపై వెంటనే చర్యలు తీసుకుని స్వేచ్ఛగా నామినేషన్లు వేసే విధంగా చూడాలని ఆయన కోరారు. చివరి రోజైనా వేయనిస్తారా..? పురపాలక ఎన్నికల్లో పోటీ చేసే అభ్యర్థులు నామినేషన్‌లు వేసేందుకు ఆదివారం చివరి రోజు. ఒక రోజు ముందుగానే దర్శి మున్సిపాలిటీలో చైర్మన్‌ స్థానంతో పాటు కౌన్సిలర్‌ స్థానాలకు నామినేషన్‌లు వేసేందుకు వైఎస్సార్‌ సీపీ అభ్యర్థులు ముందుకు వచ్చారు. కానీ, టీడీపీ రౌడీల దాడులతో నామినేషన్‌లు వేసే పరిస్థితి లేకుండా పోయింది. దీంతో చివరి రోజు అన్ని స్థానాలకు నామినేషన్‌లు వేసేందుకు వైఎస్సార్‌ సీపీ అభ్యర్థులు సిద్ధమయ్యారు. ఎన్నికల సంఘం ఉన్నతాధికారులు తక్షణం జోక్యం చేసుకుని తమకు స్వేచ్ఛగా నామినేషన్‌లు వేసే అవకాశం కల్పించాలని, తమకు రక్షణ కల్పించాలని వైఎస్సార్‌ సీపీ శ్రేణులు డిమాండ్‌ చేస్తున్నారు. అదే సందర్భంలో చివరి రోజు టీడీపీ రౌడీలను సమర్థవంతంగా ఎదుర్కొనేందుకు ప్రణాళికను వైఎస్సార్‌ సీపీ సిద్ధం చేసుకుంటుంది. ఈ నేపథ్యంలో దర్శిలో ఎటువంటి దౌర్జన్యాలు, దాడులకు తావులేకుండా నామినేషన్లు వేసే విధంగా అధికారులు చర్యలు తీసుకోవాలని కోరుతున్నారు. అధికార పార్టీకి అనుకూలంగా.. దర్శి ఎంఈఓ–2 బి.రమాదేవి 9, 10, 11, 12 పోలింగ్‌ బూత్‌లకు ఎలక్ట్రోరల్‌ ఆఫీసర్‌ వ్యవహరిస్తున్నారు. ఉదయం 11.15 గంటలకు వైఎస్సార్‌ సీపీ 9వ వార్డు అభ్యర్థి పేరం వెంకటనర్సారెడ్డి, 11వ వార్డు అభ్యర్థి మేడగం సుభాషిణి నామినేషన్‌లు వేసేందుకు వెళ్లిన సమయంలో 45 నిముషాల పాటు పత్రాలు తీసుకోకుండా కాలయాపన చేశారు. ఈ లోపు టీడీపీ ఇన్‌చార్జి గొట్టిపాటి లక్ష్మి మామ కడియాల రమేష్‌, కడియాల శివ లోపలికి వచ్చిన ఎలక్ట్రోరల్‌ ఆఫీసర్‌ చేతిలో ఉన్న నామినేషన్‌ ఫారాలు తీసుకుని చించివేశారు. అదేమని అడగ్గా.. నా కొడకల్లారా.. నామినేషన్‌ వేసే ధైర్యం మీకెక్కడిదని బెదిరించారు. అక్కడే ఉన్న ఎన్నికల అధికారిని అడగ్గా.. ఆమె విసిగించుకుని కావాలంటే రేపు నామినేషన్‌ వేసుకోండని సమాధానం చెప్పారు.

దర్శి: దర్శిలో మున్సిపల్‌ ఎన్నికలకు నామినేషన్లు వేసే కార్యాలయం చుట్టూ వందలాది మంది టీడీపీ వాళ్లు కర్రలు, రాళ్లు పట్టుకుని ఉన్నాగానీ పోలీసులు వారిని ఏమీ అనకుండా వదిలేశారని స్థానిక ఎమ్మెల్యే, వైఎస్సార్‌ సీపీ జిల్లా అధ్యక్షుడు బూచేపల్లి శివప్రసాద్‌రెడ్డి ఆగ్రహం వ్యక్తం చేశారు. వైఎస్సార్‌ సీపీ అభ్యర్థులపై టీడీపీ రౌడీల దాడులను ఖండిస్తూ దర్శిలోని ఆ పార్టీ నియోజకవర్గ కార్యాలయంలో వైఎస్సార్‌ సీపీ సీఈసీ సభ్యురాలు, జెడ్పీ మాజీ చైర్‌పర్సన్‌ బూచేపల్లి వెంకాయమ్మతో కలిసి శనివారం ఏర్పాటు చేసిన విలేకరుల సమావేశంలో ఆయన మాట్లాడారు. శనివారం మధ్యాహ్నం 12 గంటలకు వైఎస్సార్‌ సీపీ చైర్మన్‌ అభ్యర్థి నామినేషన్‌ వేసేందుకు వెళ్లారని, స్థానిక గడియార స్తంభం సెంటర్‌ వద్ద నామినేషన్‌కు వెళ్లడానికి లేదని పోలీసులు ఆపారని తెలిపారు. తాను ఎస్పీకి ఫోన్‌ చేసి ఇక్కడ జరుగుతున్న గొడవల గురించి వివరించానన్నారు. ఆ తర్వాత దర్శి డీఎస్పీ, సీఐ, ఎస్సైలు మా వద్దకు వచ్చి మీరందరూ అక్కడికి వస్తే గొడవలు జరుగుతాయని, మమ్మల్ని నమ్మి మీ అభ్యర్థిని మాతో పంపాలని, మేం దగ్గరుండి నామినేషన్‌ వేయిస్తామని నమ్మించి అభ్యర్థిని వారితో తీసుకెళ్లారన్నారు. వంద మందికిపైగా పోలీసులు చుట్టూ ఉన్నాగానీ.. వారు తీసుకెళ్లిన వైఎస్సార్‌ సీపీ చైర్మన్‌ అభ్యర్థిపై టీడీపీ రౌడీలు దాడి చేశారని, పోలీసులు ప్రేక్షకపాత్ర పోషించారని బూచేపల్లి ధ్వజమెత్తారు. మిమ్మల్ని నమ్మినందుకు మీరు మాకిచ్చే బహుమతి ఇదేనా..? అని డీఎస్పీ, సీఐలను ప్రశ్నించారు. పోలీసులు నిస్సహాయ స్ధితిలో ఉండి కావాలనే వైఎస్సార్‌ సీపీ చైర్మన్‌ అభ్యర్థిపై దాడి చేయించి ఇబ్బంది పెట్టారని బూచేపల్లి ఆరోపించారు. తమ అభ్యర్థిని చంపాలని చూస్తున్నా.. పోలీసులు మాత్రం అలాగే చూస్తూ ఉన్నారంటే.. వారు ఎవరికి కాపలా కాస్తున్నారని ప్రశ్నించారు. టీడీపీ అభ్యర్థులు మాత్రం నామినేషన్లు వేసుకుంటున్నారు.. మా అభ్యర్థులను మాత్రం నామినేషన్లు వేయనీయడం లేదు.. ఇదేనా మీ చిత్తశుద్ధి అని ప్రశ్నించారు. ప్రజాస్వామ్యంలో ప్రజల తీర్పు ముఖ్యమని పోలీసులకు హితవు పలికారు. ఎన్నో ఏళ్లుగా ఇక్కడ రాజకీయాలు చేస్తున్నామని, మున్సిపల్‌ చైర్మన్‌ కోసం ఇంత రాద్దాంతం చేయడం ఇప్పుడే చూస్తున్నామని తీవ్రస్థాయిలో అసహనం వ్యక్తం చేశారు. నేడు నామినేషన్లకు చివరిరోజు కావడంతో తమ అభ్యర్థులు నామినేషన్లు వేస్తారని, ఎవరికీ భయపడేది లేదని, భయపడ్డామనుకుంటే అది మీ పొరపాటేనని బూచేపల్లి స్పష్టం చేశారు. గొడవలు లేకుండా ఉండాలని ఒకసారి పోలీసులను నమ్మితే.. వారు మాత్రం మమ్మల్ని నమ్మించి దెబ్బకొట్టారని.. దర్శిలో మినహా జిల్లాలో ఎక్కడా అల్లర్లు లేవని.. అంతటా ప్రశాంతంగా నామినేషన్ల ప్రక్రియ జరుగుతోందని తెలిపారు. ఇక్కడ మాత్రమే ఇలా జరుగుతుందంటే కారణం ఎవరో ప్రజలందరూ చూస్తూనే ఉన్నారన్నారు. ప్రశాంతంగా ఉండే దర్శిలో గొడవలు, అల్లర్లు, కొట్లాటలు వంటి నూతన సంస్కృతికి పోలీసులు అడ్డుకట్ట వేయాలని విజ్ఞప్తి చేశారు. ప్రజాస్వామ్యాన్ని దృష్టిలో పెట్టుకుని బందోబస్తు ఏర్పాటు చేసి ప్రశాంతంగా నామినేషన్లు వేయించాల్సిన బాధ్యత పోలీసుల చేతుల్లోనే ఉందన్నారు. డీజీపీ, కలెక్టర్‌, ఎస్పీలు స్పందించి ఆదివారం జరిగే నామినేషన్లు ప్రజాస్వామ్య పద్ధతిలో జరిగేలా చూడాలని బూచేపల్లి కోరారు. విలేకర్ల సమావేశంలో పలువురు వైఎస్సార్‌ సీపీ నాయకులు పాల్గొన్నారు.

కురిచేడు: స్థానిక సంస్థల ఎన్నికల్లో ప్రతి పంచాయతీ, ప్రతి ఎంపీటీసీ, జెడ్పీటీసీ స్థానాల్లో పోటీ చేసేందుకు వైఎస్సార్‌ సీపీ సిద్ధంగా ఉందని ఆ పార్టీ జిల్లా అధ్యక్షుడు, దర్శి ఎమ్మెల్యే డాక్టర్‌ బూచేపల్లి శివప్రసాద్‌రెడ్డి తెలిపారు. వెనకడుగు వేసేది లేదని, వెన్ను చూపేది లేదని, దేనికై నా సిద్ధమని స్పష్టం చేశారు. స్థానిక దర్శి రోడ్డులోని గుంటకనాసరరెడ్డి కళ్యాణ మండపంలో శుక్రవారం పార్టీ సీఎంసీ సభ్యురాలు, జిల్లా పరిషత్‌ మాజీ చైర్‌పర్సన్‌ బూచేపల్లి వెంకాయమ్మతో కలిసి మండలంలోని అన్ని గ్రామాల నాయకులు, కార్యకర్తలతో స్థానిక సంస్థల ఎన్నికలపై సమీక్ష సమావేశం నిర్వహించారు. ప్రతి గ్రామం నుంచి ప్రతి పదవికి పోటీచేసేందుకు సన్నద్ధంగా ఉన్నామన్నారు. పోటీ చేసే వారి జాబితా తయారు చేశారు. ప్రతిఒక్కరూ పార్టీ అధ్యక్షుడు వైఎస్‌ జగన్‌మోహన్‌రెడ్డి మాటకు కట్టుబడి వీరసైనికుల్లా పనిచేసేందుకు సిద్ధంగా ఉండాలని పిలుపునిచ్చారు. కూటమి ప్రభుత్వం చేస్తున్న మోసాలను ఎండగడుతూ గత వైఎస్సార్‌ సీపీ ప్రభుత్వంలో వైఎస్‌ జగన్‌మోహనరెడ్డి చేసిన అభివృద్ధి, సంక్షేమ పథకాలను ప్రజలకు తెలియజేస్తూ ఎన్నికల సమరంలో ముందుకు సాగాలని సూచించారు. గత వైఎస్సార్‌ సీపీ పాలనలో అప్పటి ప్రతిపక్ష పార్టీ కొన్నిచోట్ల పోటీ చేయలేకపోయిందని, కానీ, ప్రస్తుతం ప్రతిపక్షంలో ఉన్న వైఎస్సార్‌ సీపీ అన్ని స్థానాల్లో పోటీకి సిద్ధంగా ఉందని బూచేపల్లి ప్రకటించారు. కూటమి పాలనలో ఆకాశాన్నంటిన నిత్యావసరాల ధరలు... కూటమి పాలనలో నిత్యావసరాల ధరలన్నీ ఆకాశాన్నంటి పేద, మధ్య తరగతి ప్రజలు పచ్చడి మెతుకులు కూడా తినలేని పరిస్థితి నెలకొందని బూచేపల్లి ఆందోళన వ్యక్తం చేశారు. 25 కిలోల బియ్యం బస్తా రూ.2 వేలు పలుకుతోందన్నారు. పంటలు పండిద్దామంటే ఎల్‌నినో వలన చుక్క నీరు లేదని, కరువు తాండవిస్తూ తాగునీరు కూడా దొరక్క ప్రజలు విలవిల్లాడుతున్నారని ఆవేదన చెందారు. కూటమి ప్రభుత్వం కనీస కరువు నివారణ చర్యలు కూడా చేపట్టకుండా ప్రజలను గాలికొదిలేసిందని బూచేపల్లి మండిపడ్డారు. గత వైఎస్సార్‌ సీపీ ప్రభుత్వంలో కరోనా కష్టకాలంలో కూడా ప్రజలకు ఇబ్బందులు లేకుండా జగనన్న చర్యలు చేపట్టిన విషయాన్ని వివరించారు. ప్రజలు ఆలోచించుకుని తిరిగి రాజన్న రాజ్యం కోసం జగనన్నను సీఎంను చేసుకునేందుకు సహకరించాలని కోరారు. స్థానిక సంస్థల ఎన్నికల్లో పోటీచేసే అభ్యర్థులకు అన్ని విధాలుగా అండగా ఉంటామని భరోసా ఇచ్చారు. కార్యక్రమంలో వైఎస్సార్‌ సీపీ ట్రేడ్‌ యూనియన్‌ కార్యదర్శి షేక్‌ సైదా, ఎస్సీ సెల్‌ జిల్లా అధ్యక్షుడు ఎం.దేవప్రసాదు, జిల్లా అధికార ప్రతినిధి గోగులముడి లింగారెడ్డి, జెడ్పీటీసీ మాజీ సభ్యుడు నుసుం వెంకట నాగిరెడ్డి, మండల అధ్యక్షుడు వైవీ సుబ్బయ్య, ఉపాధ్యక్షులు ఊట్ల వెంకటేశ్వర్లు, పోతిరెడ్డి నాగిరెడ్డి, ప్రధాన కార్యదర్శులు అంకె గోపాలకృష్ణ, సారెడ్డి నాగిరెడ్డి, మహిళా విభాగం మండల అధ్యక్షురాలు మూలె నాగమణి, బోధనంపాడు గ్రామ అధ్యక్షుడు వేమా వెంకటేశ్వర్లు, నాయకులు కే కృష్ణయ్య, కే నాగేశ్వరరావు, బీ వెంకటనర్సయ్య, వెంకటనారాయణ, కే నరసింహులు, బీ మహేష్‌, షేక్‌ కాశిం, కండె గంగయ్య, రమణారెడ్డి, ఇందూరి సుబ్బారెడ్డి, పి.వెంకటరెడ్డి, చెంచయ్య, కర్నాటి వెంకటరెడ్డి, సుబ్బారెడ్డి, ఆర్‌.గురుప్రసాదు, నుసుం సుబ్బారెడ్డి, చంటి, చెన్నంశెట్టి గురవయ్య, ఆసుపల్లి చెన్నారెడ్డి, పెండ్యాల సాంబశివరావు, చిన్ని కార్తీక్‌, నారు రమణారెడ్డి, గుంజా ఫణీంద్ర, నక్కా బుజ్జి, నక్కా అంజి, కే జోసఫ్‌, నాయకులు, కార్యకర్తలు పాల్గొన్నారు.

కనిగిరి: పొక్లెయిన్‌ తగిలి దివ్యాంగుడు మృతిచెందిన సంఘటన శుక్రవారం పామూరు బస్టాండ్‌ వద్ద చర్చి సెంటర్‌ సమీపంలో జరిగింది. పోలీసులు తెలిపిన వివరాల ప్రకారం.. వెలిగండ్ల మండలం ఎంపీడీఓ కార్యాలయంలో అటెండర్‌గా విధులు నిర్వహిస్తున్న దివ్యాంగుడైన తమ్మనేని ప్రదీప్‌రెడ్డి (36) రోడ్డుపై నడుచుకుంటూ వెళ్తుండగా, వేగంగా వచ్చిన పొక్లెయిన్‌ ఢీకొట్టింది. అతనిపైకి వాహనం ఎక్కడంతో కాళ్లకు, పొట్టకు తీవ్ర గాయాలయ్యాయి. వెంటనే స్థానిక ఆస్పత్రికి తరలించి ప్రాథమిక చికిత్స నిర్వహించి మెరుగైన వైద్యం కోసం ఒంగోలు తరలిస్తుండగా మార్గమధ్యంలో అతను మరణించాడు. ఆ మేరకు పోలీసులు కేసు నమోదు చేసి దర్యాప్తు చేస్తున్నారు.

గిద్దలూరులో వైఎస్సార్‌ సీపీలో చేరుతున్న వారికి పార్టీ కండువాలు వేసి ఆహ్వానిస్తున్న కేపీ నాగార్జునరెడ్డిటీడీపీ నుంచి వైఎస్సార్‌ సీపీలో చేరిన నాయకులుగిద్దలూరు రూరల్‌: స్థానిక సంస్థల ఎన్నికల్లో వైఎస్సార్‌ సీపీ అభ్యర్థుల గెలుపు ఖాయమని ఆ పార్టీ గిద్దలూరు నియోజకవర్గ ఇన్‌చార్జి, మాజీ ఎమ్మెల్యే కేపీ నాగార్జునరెడ్డి స్పష్టం చేశారు. పట్టణంలోని ఆర్టీసీ బస్టాండ్‌ సమీపంలో గల వైఎస్సార్‌ సీపీ కార్యాలయంలో శుక్రవారం గిద్దలూరు మున్సిపాలిటీలోని 18వ వార్డుకు చెందిన టీడీపీ నాయకుడు మానం ప్రభాకర్‌రెడ్డి, 24వ వార్డు నుంచి చింతలపూడి బాలరాజుయాదవ్‌, 26వ వార్డు నుంచి షేక్‌ హారోన్‌, 12వ వార్డుకు చెందిన అల్తాఫ్‌, ఖాదర్‌బీ, మరికొంతమంది కేపీ నాగార్జునరెడ్డి సమక్షంలో వైఎస్సార్‌ సీపీలో చేరారు. వారికి పార్టీ కండువాలు వేసి ఆహ్వానించిన కేపీ మాట్లాడుతూ చంద్రబాబు ప్రభుత్వంపై ప్రజల్లో పూర్తి వ్యతిరేకత ఉందని, అదే మనల్ని గెలిపిస్తుందని అన్నారు. ప్రజలను చైతన్యవంతులను చేసే బాధ్యతను ప్రతి కార్యకర్త, నాయకుడు భుజాలపై వేసుకోవాలని సూచించారు. ప్రజల్లో వైఎస్సార్‌ సీపీపై చెరగని అభిమానం ఉందన్నారు. ప్రతి కార్యకర్త, నాయకుడు కలిసికట్టుగా పనిచేయాల్సిన సమయం ఆసన్నమైందన్నారు. పార్టీకి కార్యకర్తలే నిజమైన మూలస్తంభాలన్నారు. వైఎస్సార్‌ సీపీ కోసం ప్రతి కార్యకర్త, నాయకుడు అంకిత భావంతో పనిచేయాలని కోరారు. స్థానిక సంస్థల ఎన్నికలను సమర్థవంతంగా ఎదుర్కొనేందుకు ప్రణాళికాబద్ధంగా వ్యూహాలు రచించుకోవాలన్నారు. కూటమి ప్రభుత్వం వైఎస్సార్‌ సీపీ కార్యకర్తలను అనేక ఇబ్బందులకు గురిచేస్తున్నప్పటికీ పార్టీ కోసం కష్టపడి పనిచేస్తున్న కార్యకర్తలను పార్టీ ఎప్పటికీ విస్మరించదన్నారు. చంద్రబాబు నిరంకుశ పాలనపై ప్రజలు పూర్తిగా విసిగివేసారిపోయారన్నారు. ప్రజల నుంచి వైఎస్సార్‌ సీపీ నాయకులు, కార్యకర్తలను వేరు చేసి ఏకపక్షంగా చంద్రబాబు మాట్లాడటం చాలా దారుణమన్నారు. కార్యకర్తలకు అండగా నిలబడి వారి తరఫున పోరాడేందుకు పార్టీ, తాను ఎల్లప్పుడూ సిద్ధంగా ఉన్నట్లు తెలిపారు. కార్యకర్తలు ఐక్యమత్యంతో ముందుకు సాగాలని సూచించారు. జగనన్న పాలనలో అన్ని వర్గాల ప్రజలు అభివృద్ధి చెందారని, నేడు కూటమి పాలనలో ఆ పరిస్థితి లేదని అన్నారు. వైఎస్సార్‌ సీపీ అధిష్టానం ఆదేశాలకు కట్టుబడి ప్రతి ఒక్క కార్యకర్త, నాయకుడు కలిసిమెలిసి పనిచేసి గిద్దలూరు మున్సిపాలిటీలో అఖండ విజయం సాధించాలని పిలుపునిచ్చారు. జగనన్నను తిరిగి మనం ముఖ్యమంత్రిగా చూసేందుకు సైనికులవలే పనిచేయాల్సిన అవసరం ఉందన్నారు. రాబోయే జగనన్న ప్రభుత్వంలో కార్యకర్తల అభీష్టం మేరకే పరిపాలన సాగుతుందని కేపీ నాగార్జునరెడ్డి స్పష్టం చేశారు. కార్యక్రమంలో వైఎస్సార్‌ సీపీ నాయకులు డాక్టర్‌ భూమా నరసింహారెడ్డి, కడప వంశీధరరెడ్డి, చేరెడ్డి శ్రీకాంత్‌రెడ్డి, మానం బాలిరెడ్డి, బొర్రా క్రిష్ణారెడ్డి, డాక్టర్‌ రఫీ, ఈదుల పాండురంగారెడ్డి, రాజయ్యయాదవ్‌, గఫూర్‌, వెంకటరామిరెడ్డి, తదితరులు పాల్గొన్నారు.

ఒంగోలు సబర్బన్‌: పురపాలక ఎన్నికలు సజావుగా జరిగేలా చర్యలు చేపట్టాలని, అందుకు అనుగుణంగా ప్రణాళికతో పనిచేయాలని జిల్లా ఎన్నికల అధికారి, కలెక్టర్‌ పీ రాజాబాబు తెలిపారు. మున్సిపల్‌ ఎన్నికల నిర్వహణపై శుక్రవారం స్థానిక మున్సిపల్‌ కార్పొరేషన్‌ కార్యాలయాన్ని జిల్లా ఎన్నికల అధికారి ఆకస్మికంగా తనిఖీ చేశారు. నామినేషన్‌ ప్రక్రియ నిర్వహిస్తున్న రిటర్నింగ్‌ అధికారి కార్యాలయాన్ని ఆయన పరిశీలించారు. తదుపరి అధికారులతో సమావేశం అయ్యారు. పురపాలక ఎన్నికలు ప్రశాంత వాతావరణంలో జరగాలంటే అధికారులు బాధ్యతతో అలసత్వం లేకుండా పనిచేయాలని కలెక్టర్‌ హెచ్చరించారు. ఎన్నికల నిర్వహణకు నాలుగు జోన్‌లుగా విభజించిన నేపథ్యంలో జోనల్‌ అధికారులను నియమించాలన్నారు.62 వార్డులు ఉండగా, 21 రూట్‌ ఆఫీసర్లను నియమించాలని ఆదేశించారు. ఎంసీసీ కమిటీని శుక్రవారం నియమించాలన్నారు. ఎలాంటి లోపాలకు తావు లేకుండా చూసుకోవాలని పలు సూచనలు చేశారు. ఒంగోలు నగరపాలక సంస్థ పరిధిలో 62 డివిజన్లు ఉండగా తొలి రోజు నామినేషన్‌ ప్రక్రియపై కలెక్టర్‌ ఆరా తీశారు. ఒంగోలు నగరపాలక సంస్థ మేయర్‌ స్థానానికి మొదటిరోజు ఎలాంటి నామినేషన్‌ దాఖలు కాలేదని కమిషనర్‌ కలెక్టర్‌ దృష్టికి తెచ్చారు. వార్డు మెంబర్‌కు ఒక నామినేషన్‌ దాఖలైందని వివరించారు. తదుపరి రిటర్నింగ్‌ అధికారులతో ఆయన మాట్లాడారు. ఆయన వెంట ఒంగోలు నగర పాలక సంస్థ రిటర్నింగ్‌ ఆఫీసర్‌, ఒంగోలు ఆర్డీవో టి.చంద్రశేఖర్‌, ఒంగోలు నగర పాలక సంస్థ కమిషనర్‌ వెంకట కృష్ణయ్య, మున్సిపల్‌ కార్పొరేషన్‌ అధికారులు, సిబ్బంది ఉన్నారు.

సమావేశంలో మాట్లాడుతున్న మాజీ మంత్రి డాక్టర్‌ ఆదిమూలపు సురేష్‌ హాజరైన వైఎస్సార్‌ సీపీ శ్రేణులు మర్రిపూడి: స్థానిక ఎన్నికల సమరానికి వైఎస్సార్‌ సీపీ సిద్ధంగా ఉందని ఆ పార్టీ పీఏసీ సభ్యుడు, కొండపి నియోజకవర్గ ఇన్‌చార్జి, మాజీ మంత్రి డాక్టర్‌ ఆదిమూలపు సురేష్‌ తెలిపారు. శుక్రవారం మర్రిపూడిలో పార్టీ మండల అధ్యక్షుడు ఇనుకొల్లు సుబ్బారెడ్డి నివాసంలో పార్టీ మండల నాయకులతో స్థానిక సంస్థల ఎన్నికలపై సమావేశం నిర్వహించి మాట్లాడారు. వైఎస్సార్‌ సీపీ తరఫున పోటీలో ఉన్న అభ్యర్థులకు దిశా నిర్దేశం చేసి భరోసా కల్పించారు. ఈ సందర్భంగా ఆదిమూలపు సురేష్‌ మాట్లాడుతూ రాష్ట్రంలో అరాచక పాలన నడుస్తోందన్నారు. మంత్రి స్వామి అండతో కొండపి నియోజకవర్గంలో పోలీసులు పెచ్చుమీరి ప్రవర్తిస్తున్నారన్నారు. పోలీస్‌ యంత్రాంగం కూటమి నాయకులకు కొమ్ముకాస్తోందని మండిపడ్డారు. ఓటమి భయంతో కూటమి నేతలు గ్రామాల్లో ఎన్నికల రిజర్వేషన్లు మార్పించుకున్నారని విమర్శించారు. వైఎస్సార్‌ సీపీ గ్రామస్థాయి నాయకులను బెదిరించడం, పాతకేసులు తోడటం, అక్రమ కేసులు బనాయించడం, బైండోవర్‌ కేసులు పెట్టడం దారుణమన్నారు. స్థానిక సంస్థల ఎన్నికల్లో బీసీలకు వెన్నుపోటు పొడిచే విధంగా రిజర్వేషన్ల డ్రామా నడిచిందని ఎద్దేవా చేశారు. కూటమి ప్రభుత్వం ఏర్పడిన ఆరు నెలలకే వ్యతిరేకం మూటకట్టుకుందని, రెండున్నర సంవత్సరాలకు ప్రస్తుతం తారాస్థాయికి చేరిందని విమర్శించారు. రాష్ట్ర ప్రజలు కూటమి ప్రభుత్వాన్ని ఓడించాలని కుతూహలంగా ఉన్నారన్నారు. ప్రతి మండలంలో కూటమి ప్రభుత్వానికి వ్యతిరేకంగా పవనాలు వీస్తున్నాయన్నారు. జెడ్పీటీసీ, ఎంపీటీసీ, సర్పంచ్‌ ఎన్నికల్లో అన్ని స్థానాల్లో పోటీకి వైఎస్సార్‌ సీపీ అభ్యర్థులు సిద్ధంగా ఉన్నారన్నారు. మర్రిపూడి మండలంలోని 11 ఎంపీటీసీ, ఒక జెడ్పీటీసీ, 21 గ్రామ పంచాయతీలకు పోటీచేసే అభ్యర్థులు గెలుపే లక్ష్యంగా పనిచేయాలని పిలుపునిచ్చారు. బరిలో ఉన్న అభ్యర్థులు ఎలాంటి బెదిరింపులకు లోను కాకూడదన్నారు. ఎలాంటి ఇబ్బందులు వచ్చినా తన దృష్టికి తీసుకురావాలన్నారు. కొండపి నియోజకవర్గంలో ఇప్పటికే 80 శాతం అభ్యర్థులను ఖరారు చేసినట్లు తెలిపారు. మరో రెండు రోజుల్లో మిగిలిన గ్రామాల్లో అభ్యర్థుల ఎంపిక పూర్తవుతుందని ఆదిమూలపు సురేష్‌ భరోసా ఇచ్చారు. సమావేశంలో వైఎస్సార్‌ సీపీ నాయకులు ఇనుకొల్లు పిచ్చిరెడ్డి, బోద రమణారెడ్డి, మాకినేని వెంకట్రావు, మాచేపల్లి నాగయ్య, మొల్లల శివరామిరెడ్డి, ఉస్తేలమూరి చెన్నారెడ్డి, బొల్లినేని నాగేశ్వరరావు, ఏ కొండారెడ్డి, పీ కృష్ణమూర్తి, ఐ.మాదిరెడ్డి, జీ రమణారెడ్డి, ఐ.సుబ్బారెడ్డి, పీ సంజివరెడ్డి, వీ అంజిరెడ్డి, గురిజాల రమేష్‌ (చిన్నారి), గురిజాల యోబు, కోండ్రు ఇజ్రాయిల్‌, ఏ కోటేశ్వరరావు, నాగరాజు, నరసింహారావు, ఎం.రమణయ్య, పీ సుబ్బారెడ్డి పాల్గొన్నారు. వైఎస్సార్‌ సీపీ అభ్యర్థులను గెలిపించుకోవాలి ఓటమి భయంతోనే రిజర్వేషన్లు మార్చిన కూటమి వైఎస్సార్‌ సీపీ పీఏసీ సభ్యుడు, మాజీ మంత్రి డాక్టర్‌ ఆదిమూలపు సురేష్‌

ఒంగోలు సిటీ: జనసేన పార్టీ నుంచి పలువురు నాయకులు, కార్యకర్తలు వైఎస్సార్‌ కాంగ్రెస్‌ పార్టీలో చేరారు. ఒంగోలు బండ్లమిట్టకు చెందిన కావేటి రవి, మాజీ కార్పొరేటర్‌ ఇంతియాజ్‌ సహా 20 మందిని వైఎస్సార్‌ సీపీలోకి ఒంగోలు నియోజకవర్గ ఇన్‌చార్జి చుండూరి రవిబాబు, ఒంగోలు మేయర్‌ అభ్యర్థి కుప్పం ప్రసాద్‌, ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి, ఒంగోలు అసెంబ్లీ పరిశీలకుడు వై.వెంకటేశ్వరరావు, ఒంగోలు నగర అధ్యక్షుడు కఠారి శంకరరావు ఆహ్వానించారు. ఒంగోలులోని వైఎస్సార్‌ సీపీ కార్యాలయంలో నిర్వహించిన సమావేశంలో వారికి పార్టీ కండువాలు కప్పి సాదరంగా ఆహ్వానించారు. ఈ సందర్భంగా ఒంగోలు నియోజకవర్గ ఇన్‌చార్జ్‌ చుండూరి రవిబాబు మాట్లాడుతూ పార్టీ స్థాపించినప్పటి నుంచి వైఎస్సార్‌ సీపీకి అంకితభావంతో సేవలందిస్తున్న కుప్పం ప్రసాద్‌ను ఒంగోలు నగర మేయర్‌ అభ్యర్థిగా ప్రకటించడం సంతోషకరమన్నారు. ఆయన గెలుపు కోసం జగనన్న అభిమానులు, పార్టీ కార్యకర్తలు సమష్టిగా కృషి చేయాలని పిలుపునిచ్చారు. కుప్పం ప్రసాద్‌ వైఎస్సార్‌ సీపీకి ఎనలేని సేవలు అందించారని, ఆయనను గెలిపించుకోవాల్సిన బాధ్యత ప్రతి కార్యకర్తపై ఉందన్నారు. మాజీ ముఖ్యమంత్రి వైఎస్‌ జగన్‌మోహన్‌రెడ్డి పాలనలో కరోనా సమయంలోనూ ప్రజలకు సంక్షేమ పథకాలు అందించారని కొనియాడారు. ఆ ప్రభుత్వ హయాంలో వ్యాపారులకు అనుకూల వాతావరణం ఉండేదని పేర్కొన్నారు. ప్రస్తుత చంద్రబాబు ప్రభుత్వంలో నిత్యావసర వస్తువుల ధరలు పెరగడంతో పేద, మధ్యతరగతి ప్రజలు ఇబ్బందులు ఎదుర్కొంటున్నారని విమర్శించారు. ప్రభుత్వానికి ప్రజల కష్టాలపై బాధ్యత లేదని ఆరోపించారు. చంద్రబాబు ప్రభుత్వానికి తగిన గుణపాఠం చెప్పేలా ఒంగోలు వైఎస్సార్‌ సీపీ మేయర్‌ అభ్యర్థి కుప్పం ప్రసాద్‌ విజయానికి ప్రతి ఒక్కరూ కృషి చేయాలని కోరారు.

● దర్శి, అద్దంకి, గిద్దలూరు, చీమకుర్తిలకు వైఎస్సార్‌సీపీ అభ్యర్థుల ఖరారు ● అద్దంకి, మార్కాపురానికి టీడీపీ అభ్యర్థులప్రకటన సాక్షి ప్రతినిధి, ఒంగోలు: కూటమి పార్టీల కంటే పురపోరులో వైఎస్సార్‌ సీపీ ముందుకు దూసుకుపోతోంది. పక్కా ప్రణాళికతో అభ్యర్థులను ప్రకటిస్తూ కదనరంగంలో సత్తా చాటేందుకు వేగంగా అడుగులు వేస్తోంది. కూటమి పార్టీలు పొత్తులతో సతమతమవుతూ అభ్యర్థుల ఖరారుపై గందరగోళంలో ఉండగా వైఎస్సార్‌ సీపీ ఉమ్మడి జిల్లాలో ఒంగోలు కార్పొరేషన్‌తో పాటు ఐదు మున్సిపాలిటీలకు అభ్యర్థులను ప్రకటించింది. గురువారం రాత్రి ఒంగోలు కార్పొరేషన్‌ మేయర్‌ అభ్యర్థిగా పార్టీ రాష్ట్ర వాణిజ్య విభాగం అధ్యక్షుడు, ఆర్యవైశ్య కార్పొరేషన్‌ మాజీ చైర్మన్‌ కుప్పం ప్రసాద్‌, కనిగిరి మున్సిపల్‌ చైర్‌పర్సన్‌ అభ్యర్థిగా పులిశాంతిలను ప్రకటించింది. శుక్రవారం రాత్రి పార్టీ కేంద్రకార్యాలయం విడుదలజేసిన జాబితాలో దర్శి, చీమకుర్తి, గిద్దలూరు, అద్దంకిలకు అభ్యర్థుల పేర్లు ఉన్నాయి. దర్శికి వెన్నపూస వెంకటరెడ్డి, చీమకుర్తికి మేడగం శ్రీదేవి, గిద్దలూరుకు భూమా నరసింహారెడ్డి, అద్దంకికి ఉడత్తు సురేష్‌ను పార్టీ ఖరారు చేసింది. దర్శి అభ్యర్థి వెన్నపూస వెంకటరెడ్డి(మహేష్‌) 15 సంవత్సరాలుగా దర్శి మండల కన్వీనర్‌గా పనిచేశారు. కార్యకర్తలకు ఏ ఇబ్బందులు వచ్చినా అండగా నిలబడ్డారు. అద్దంకి అభ్యర్థి ఉడుత్తు సురేష్‌ ఆర్యవైశ్య సామాజిక వర్గానికి చెందిన వారు. ఆయన నియోజకవర్గం వాణిజ్య విభాగం అధ్యక్షునిగా ఉన్నారు. పట్టణంలోని అన్ని వర్గాల వారితో మంచి సంబంధాలు ఉన్నాయి. చిన్నపాటి వ్యాపారం చేసుకుంటూ అంచెలంచలుగా ఎదిగారు. పట్టణంలో మంచి పేరు ప్రఖ్యాతులున్నాయి. చీమకుర్తి మున్సిపల్‌ చైర్‌పర్సన్‌ అభ్యర్థిగా ఎంపికై న మేడగం శ్రీదేవి గతంలో చీమకుర్తి సొసైటీ ప్రెసిడెంట్‌గా పనిచేశారు. ఆమె భర్త రమణారెడ్డి కూడా చీమకుర్తి సొసైటీ ప్రెసిడెంట్‌గా పనిచేశారు. గిద్దలూరు అభ్యర్థి భూమా నరసింహారెడ్డి పట్టణంలో వైద్యునిగా అందరికీ సుపరిచితులు. అందరితో మంచి సంబంధాలు ఉన్నాయి. ఇదిలా ఉండగా తెలుగుదేశం పార్టీ విడుదలజేసిన అభ్యర్థుల జాబితాలో మార్కాపురానికి వక్కలగడ్డ మల్లికార్జున, అద్దంకికి కాకాణి అశోక్‌ పేర్లను ప్రకటించారు. ఒంగోలు కార్పొరేషన్‌కు సంబంధించి గంటకోపేరు ప్రచారానికి వస్తోంది.

స్థానిక సంస్థల ఎన్నికల్లో సత్తా చాటాలి స్థానిక సంస్థల ఎన్నికల్లో సత్తా చాటేలా వైఎస్సార్‌ సీపీ కార్యకర్తలు కృషి చేయాలని మాజీ మంత్రి ఆదిమూలపు సురేష్‌ అన్నారు. మర్రిపూడిలో ఆయన మాట్లాడారు. పురపాలక ఎన్నికల వేళ కూటమిలో సీట్ల కుంపటి రాజుకుంటోంది. ఆశించిన స్థానాలు దక్కక జనసేన, బీజేపీ శ్రేణులు అసంతృప్తితో రగిలిపోతుండగా.. దర్శి, గిద్దలూరులో చైర్మన్‌ పీఠాలపై ఆశలు పెట్టుకున్న టీడీపీ నేతలకు నిరాశ ఎదురైంది. ఒంగోలు కార్పొరేషన్‌లో డివిజన్ల పంపకం కొలిక్కిరాకపోవడం, కేటాయించిన స్థానాల్లోనూ టీడీపీ అభ్యర్థుల కోసం పావులు కదుపుతుండటంతో మూడు పార్టీల మధ్య విభేదాలు ముదురుతున్నాయి. నామినేషన్ల ప్రక్రియ ప్రారంభమైనా అభ్యర్థులపై స్పష్టత కరువవడంతో మూడు పార్టీల శ్రేణుల్లో గందరగోళం నెలకొంది. మరోవైపు వైఎస్సార్‌ సీపీ అభ్యర్థుల ఎంపికను పూర్తి చేసుకుని నామినేషన్లకు సిద్ధమైంది. కూటమి సీట్ల పంచాయితీ ప్రత్యర్థికి కలిసొస్తుందా అన్న చర్చ రాజకీయ వర్గాల్లో సాగుతోంది. సీటు జారి..సీన్‌ మారి..!

ఉలవపాడు: పెదపట్టపుపాలెంగ్రామం.. తీరప్రాంతంలో బలమైన మత్స్యకార గ్రామం. 98 శాతం మంది మత్స్యకారులు, రెండు శాతం ఓసీ, ఎస్టీలు నివాసం ఉంటారు. ఇక్కడ ఇంతవరకు స్థానిక సంస్థల్లో సర్పంచ్‌, ఎంపీటీసీలకు సంబంధించి ఎన్నికలు జరగలేదు. గ్రామం అంతా కూర్చుని ఒక నిర్ణయం తీసుకుంటారు. వారే సర్పంచ్‌, ఎంపీటీసీలుగా నామినేషన్‌ వేస్తారు.. ఏకగ్రీవమవుతారు. ఉలవపాడు మండల పరిధిలోని చాకిచర్ల గ్రామ పంచాయితీ పరిధి నుంచి 1998 జూన్‌లో పెదపట్టపుపాలెం గ్రామ పంచాయితీ 4239 మంది జనాభాతో ఏర్పడింది. అప్పటి నుంచి ఇప్పటివరకు 5 సార్లు గ్రామ పంచాయతీ ఎన్నికలు నిర్వహించగా ఐదుసార్లు ఏకగ్రీవంగానే సర్పంచ్‌లు ఎన్నికయ్యారు. 2005 లో పెదపట్టపుపాలెం ఎంపీటీసీ ప్రాదేశికంగా ఏర్పడింది. అప్పటి నుంచి ఇప్పటివరకు 4 సార్లు ఎంపీటీసీ ఎన్నికలు జరగగా 4 సార్లు ఎంపీటీసీ సభ్యులను ఏకగ్రీవంగానే ఎన్నుకున్నారు. ఇప్పుడు ఆరోసారి సర్పంచ్‌ ఎన్నికలు, ఐదోసారి ఎంపీటీసీ ఎన్నికలు జరగనున్నాయి. ఈగ్రామంలో మొత్తం 3439 మంది ఓటర్లున్నారు. ఈ సారి కూడా గ్రామ కాపులు, పెద్దలు గ్రామస్తులతో కలిసి సర్పంచ్‌, ఎంపీటీసీలను నిర్ణయించనున్నట్లు సమాచారం. ఇప్పటివరకు ఐదుసార్లు మత్య్సకారులే ఎంపీటీసీలుగా ఎన్నికయ్యారు. సర్పంచ్‌ లుగా 4 సార్లు మత్య్సకారులు ఎన్నికవ్వగా ఒకసారి మాత్రం ఎస్టీ మహిళను ఏకగ్రీవంగా ఎన్నుకున్నారు. 15 ఏళ్ల క్రితం వరకు ఎమ్మెల్యే, ఎంపీ, జెడ్పీటీసీ ఎన్నికల సమయంలో కూడా గ్రామం అంతా నిర్ణయించుకుని ఒక అభ్యర్థికే ఓటు వేసేవాళ్లు. కానీ ప్రస్తుతం పార్టీల వారీగా ఓట్లు వేస్తున్నారు. సర్పంచ్‌, ఎంపీటీసీ ఎన్నికలు మాత్రం ఏకగ్రీవంగానే జరుగుతున్నాయి. ప్రస్తుతం సర్పంచ్‌ అన్‌రిజర్వుడు మహిళకు కేటాయించారు. కానీ బీసీ మత్స్యకార మహిళనే సర్పంచ్‌గా ఎంపిక చేయనున్నట్లు సమాచారం. ఎంపీటీసీ కూడా అన్‌రిజర్వుడు కాగా మత్య్సకార వ్యక్తినే ఎంపిక చేయనున్నట్లు సమాచారం. ఏకగ్రీవ పంచాయతీలకు అందించే పారితోషికాలను కూడా గతంలో ఈ పంచాయతీ అందుకుంది. ఇప్పటివరకు సర్పంచ్‌, ఎంపీటీసీ ఎన్నికలే జరగని గ్రామం పెదపట్టపుపాలెంలో గ్రామ నిర్ణయమే అంతిమం పెద్దలు నిర్ణయించినవారే సర్పంచ్‌, ఎంపీటీసీలు

కొమరోలు: మూడు నెలలుగా తాగునీరు సరఫరా చేయకపోవడంతో సహనం నశించిన మహిళలు ఖాళీ బిందెలతో రోడ్డెక్కి నిరసన తెలిపిన ఘటన మార్కాపురం జిల్లా కొమరోలు పట్టణంలో శుక్రవారం జరిగింది. కొమరోలులోని సినిమా హాల్‌ వీధి, ఇస్లాంపేట కాలనీల్లో గడిచిన మూడు నెలలుగా తాగునీరు అందడం లేదని ఆ కాలనీల్లో నివసించే మహిళలు ఖాళీ బిందెలు తీసుకుని స్థానిక పంచాయతీ కార్యాలయం ఎదుగా ఉన్న హైవే రోడ్డుపై నిరసన వ్యక్తం చేశారు. పంచాయతీ అధికారులు సకాలంలో నీటి పన్నులు వసూలు చేసుకుంటున్నారే తప్ప తాగునీటి సమస్యపై ఎలాంటి చర్యలు తీసుకోవడం లేదని మండిపడ్డారు. హైవేపై నిరసనతో వాహనాల రాకపోకలు నిలిచిపోయాయి. సమాచారం అందుకున్న పంచాయతీ కార్యదర్శి గీత వచ్చి బోర్లకు సంబంధించిన పైపులు ఏర్పాటు చేసి తాగునీటి సమస్య పరిష్కరించేలా చర్యలు తీసుకుంటామని చెప్పడంతో మహిళలు నిరసన విరమించారు. మార్కాపురం టౌన్‌: మార్కాపురం జిల్లా పరిషత్‌ (బాలురు) ఉన్నత పాఠశాలలో 52వ రాష్ట్రస్థాయి జూనియర్‌ బాలబాలికల కబడ్డీ చాంపియన్‌షిప్‌ పోటీలు శుక్రవారం ఉత్సాహంగా ప్రారంభమయ్యాయి. ఈ సందర్భంగా ప్రధానోపాధ్యాయుడు ఎం.చంద్రశేఖర్‌ రెడ్డి ఆధ్వర్యంలో నిర్వహించిన కార్యక్రమంలో డీఈఓ సామా సుబ్బారావు ముఖ్యఅతిథిగా హాజరయ్యారు. పోటీలను రాష్ట్ర కబడ్డీ అసోసియేషన్‌ అధ్యక్షులు కె.వి.ప్రభావతి, సెక్రటరీ వై.శ్రీకాంత్‌, వర్కింగ్‌ ప్రెసిడెంట్‌ యన్‌.అర్జునరావు, ట్రెజరర్‌ యం.సుబ్బరాజు పర్యవేక్షిస్తున్నారు. ఈ క్రీడా పోటీల్లో రాష్ట్రంలోని 28 జిల్లాల జూనియర్‌ బాల బాలికల జట్లు పాల్గొన్నాయి. ఆదివారం సెమీఫైనల్‌, ఫైనల్‌ మ్యాచ్‌లు జరుగుతాయని ఆర్గనైజింగ్‌ సెక్రటరీ పి.దామోదర్‌ రెడ్డి తెలిపారు. కార్యక్రమంలో వ్యాయామ ఉపాధ్యాయులు వై సీనయ్య, శంకర్‌, చెంచయ్య నాయుడు, వెంకటేశ్వర్లు, కోటేశ్వరరావు, జాహ్నవి ప్రియ, కె.ఓబులేసు పాల్గొన్నారు.

● వైఎస్సార్‌ సీపీ చైర్‌పర్సన్‌ అభ్యర్థి శాంతిరెడ్డి, నాయకుడు గోవర్దన్‌రెడ్డి ఆగ్రహం కనిగిరి: మున్సిపల్‌ ఎన్నికల్లో పోటీ చేసే అభ్యర్థులు నామినేషన్‌ వేసేందుకు సరైన పత్రాల సెట్‌ను అధికారులు, సిబ్బంది అందించకపోవడంపై వైఎస్సార్‌ సీపీ నుంచి కనిగిరి మున్సిపల్‌ చైర్‌పర్సన్‌ అభ్యర్థిగా పోటీచేస్తున్న పులి శాంతిరెడ్డి, ఆ పార్టీ మున్సిపల్‌ విభాగం అధ్యక్షుడు సిరుప వెంకట గోవర్దన్‌రెడ్డి ఆగ్రహం వ్యక్తం చేశారు. నామినేషన్‌ పత్రాల సెట్‌లోని ఫారాలన్నీ సక్రమంగా అందజేయకపోవడంపై శుక్రవారం ఎన్నికల నిర్వహణ అధికారులు, సిబ్బందిని నిలదీశారు. కనీస అవగాహన లేకుండా నామినేషన్‌ సెట్‌లోని కొన్ని పత్రాలు మాత్రమే ఇవ్వడంపై గట్టిగా ప్రశ్నించారు. దీంతో హడావిడి కారణంగా తాము పరిశీలించలేదని, అందుబాటులో ఉన్న పత్రాల సెట్లను అందజేశామని చెప్పి.. మరో సెట్‌ పత్రాలను సిబ్బంది అందజేశారు. అయితే, రెండో సారి కూడా ఉద్దేశపూర్వకంగా పొంతన లేని.. నామినేషన్‌ సెట్‌కు సరిపోల్చని పత్రాలివ్వడంపై శాంతిరెడ్డి, గోవర్దన్‌రెడ్డి తీవ్ర అసహనం వ్యక్తం చేశారు. ఎన్నికల ప్రక్రియలో అధికారులు పూర్తి నిష్పక్షపాతంగా, నిజాయితీగా వ్యవహరించాలని, మరోసారి ఇలా జరిగితే ఉన్నతాధికారులకు ఫిర్యాదు చేస్తామని హెచ్చరించారు. అలా జరగకుండా జాగ్రత్తలు తీసుకుంటామని అధికారులు తెలిపారు.

బల్లికురవ: పొలం వెళ్లొస్తానని ఇంట్లో చెప్పి వెళ్లిన రైతును హతమార్చి బంగారు నగలు దోపిడీ చేసిన ఘటన బల్లికురవ మండలంలోని గొర్రెపాడు గ్రామ సమీపంలో పొలాల్లో శుక్రవారం జరిగింది. గ్రామానికి చెందిన మక్కెన వెంకటేశ్వర్లు (58) తనకున్న కొద్దిపాటి పొలంలో వ్యవసాయం చేస్తూ గ్రామంతో పాటు పరిసర గ్రామాల్లో భూముల కొనుగోళ్లు, అమ్మకాలకు మధ్యవర్తిగా వ్యవహరిస్తున్నారు. శుక్రవారం ఉదయం 10 గంటల ప్రాంతంలో గ్రామం నుంచి వెలమవారిపాలెం వెళ్లే మట్టిరోడ్డులో తనకున్న పొలాన్ని చూసి వస్తానని భార్య సుజాతకు చెప్పాడు. సాయంత్రం తిరిగి ఇంటికి రాకపోవడంతో పాటు ఫోన్‌ స్విచాఫ్‌ వస్తుండటంతో కుటుంబ సభ్యులు వెతుకులాడారు. పొలంలో తలకు తీవ్రగాయాలతో కిందపడి ఉండటంతో చికిత్స కోసం కొప్పెరపాడు వైద్యశాలకు తీసుకెళ్లారు. అక్కడి వైద్యులు పరీక్షించి చనిపోయినట్లు ధ్రువీకరించారు. మృతుని చేతికి ఉన్న నాలుగు ఉంగరాలు, మెడలో ఉన్న బంగారపు గొలుసు, సెల్‌ఫోన్‌ చోరీకి గురయ్యాయి. అవన్నీ సుమారు 10 సవర్ల వరకు ఉంటాయని కుటుంబ సభ్యులు తెలిపారు. బంగారు ఆభరణాల కోసమే వెంకటేశ్వర్లును దొంగలు హతమార్చి ఉంటారని కుటుంబ సభ్యులు అనుమానిస్తున్నారు. ఘటన స్థలాన్ని, మృతదేహాన్ని సంతమాగులూరు సీఐ శేషగిరిరావు, ఎస్సై వై.నాగరాజు పరిశీలించారు. మృతునికి భార్య సుజాత, కుమారుడు. కుమార్తె ఉన్నారు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు.

● రెండు ద్విచక్రవాహనాలు ఢీకొని యువకుడికి తీవ్ర గాయాలు పెద్దదోర్నాల: ఎదురెదురుగా వస్తున్న రెండు ద్విచక్ర వాహనాలు ఒకదానికొకటి ఢీకొని ఒకరికి తీవ్రగాయాలయ్యాయి. ఈ సంఘటన పెద్దదోర్నాలలోని శ్రీశైలం రహదారిలోని టీవీఎస్‌ షోరూం ఎదురుగా శుక్రవారం చోటుచేసుకుంది. ఈ ప్రమాదంలో ఓ ద్విచక్ర వాహనంపై ప్రయాణిస్తున్న మండల కేంద్రంలోని సుందరయ్య కాలనీకి చెందిన పాల్తి శివస్వామినాయక్‌ తీవ్రంగా గాయపడ్డాడు. మరో ద్విచక్రవాహనంపై ఉన్న యువకుడికి ఎటువంటి గాయాలు కాలేదు. ప్రమాద సమాచారం తెలుసుకున్న 108 ఈఎంటీ బాసా, పైలట్‌ ప్రశాంత్‌ హుటాహుటిన సంఘటన స్థలానికి చేరుకుని క్షతగాత్రుడిని పెద్దదోర్నాల ప్రభుత్వ వైద్యశాలకు తరలించగా వైద్య సిబ్బంది పరీక్షలు నిర్వహించిన అనంతరం మెరుగైన వైద్యం కోసం నరసరావుపేటకు సిఫార్సు చేశారు. సంఘటనపై కేసు నమోదు చేసుకుని దర్యాప్తు చేపట్టనున్నట్లు పోలీసులు తెలిపారు.

పెద్దారవీడు: మోటార్‌ సైకిల్‌పై వెళ్తున్న యువకుడిని ఎదురుగా వచ్చిన లారీ ఢీకొట్టడంతో అక్కడికక్కడే మృతి చెందాడు. ఈ సంఘటన పెద్దారవీడు మండల పరిధిలోని తోకపల్లి గ్రామ సమీపంలో గురువారం అర్ధరాత్రి జరిగింది. స్థానికులు తెలిపిన వివరాల ప్రకారం.. దోర్నాల మండలం కటకానిపల్లి గ్రామానికి చెందిన ఉప్పాల రాజారావు (24) గురువారం సాయంత్రం మోటార్‌ సైకిల్‌పై పెద్దారవీడు ఎస్సీకాలనీలో వివాహానికి వచ్చాడు. వివాహం అనంతరం త్రిపురాంతకం మండలం విశ్వనాథపురం గ్రామానికి మోటార్‌ సైకిల్‌పై బయలుదేరాడు. మార్గమధ్యంలో జాతీయ రహదారిపై తోకపల్లి గ్రామ సమీపంలోకి రాగానే హనుమాన్‌జంక్షన్‌కుంట నుంచి మార్కాపురం వైపు వెళ్తున్న లారీ ఢీకొట్టింది. ఈ ప్రమాదంలో రాజారావు అక్కడికక్కడే మృతి చెందాడు. మృతుడికి ఇటీవల త్రిపురాంతకం మండలం విశ్వనాథపురం గ్రామానికి చెందిన మహిళతో వివాహమైంది. భార్య దగ్గరకు వెళ్తున్న సమయంలో ప్రమాదం చోటుచేసుకుంది. భార్య, తల్లిదండ్రులు, బంధువులు కన్నీరుమున్నీరయ్యారు.

● సీపీఎం పిలుపు ఒంగోలు టౌన్‌: ప్రజలకు ఇచ్చిన మాట నెరవేర్చని టీడీపీ, జనసేన, బీజేపీ కూటమిని స్థానిక ఎన్నికల్లో చిత్తుగా ఓడించాలని సీపీఎం నాయకులు పిలుపునిచ్చారు. ఒంగోలు నగర సమగ్ర అభివృద్ధి, ప్రజా సమస్యల పరిష్కారం, సామాజిక న్యాయం, పారదర్శక పాలన అందించే అభ్యర్థులకు ఓట్లేసి గెలిపించాలని అభ్యర్ధించింది. స్థానిక సీపీఎం కార్యాలయంలో శుక్రవారం ఎన్నికల ప్రణాళికను నగర కమిటీ నాయకులు చీకటి శ్రీనివాసరావు, తంబి శ్రీనివాసరావు, ఎన్‌.వీరాస్వామి, బీవీ రావు, రమేష్‌, మహేష్‌ విడుదల చేశారు. ఈ సందర్భంగా చీకటి శ్రీనివాసరావు మాట్లాడుతూ ప్రతి ఇంటికి నీరు, ప్రతి కాలనీకి రోడ్డు, ప్రతి కుటుంబానికి నివాసం, ప్రతి యువతీ యువకుడికి ఉపాధి అనే నినాదంతో ఎన్నికలకు పోతున్నట్లు తెలిపారు. ప్రతి ఇంటికీ రోజూ మంచినీరు ఇవ్వాలని, పోతురాజు కాలువలో పూడిక తొలగింపు చేయాలని, ఆక్రమణల నివారణకు చర్యలు తీసుకోవాలని డిమాండ్‌ చేశారు. శివారు కాలనీలను అభివృద్ధి చేయాలని, నాణ్యమైన సిమెంట్‌, బిటీ రోడ్లు వేయాలని కోరారు. అర్హులైన ప్రతి ఒక్కరికీ నివాస స్థలాలు పంపిణీ చేయాలని, ప్రభుత్వ పాఠశాలల్లో మౌలిక వసతులు కల్పించాలని, తక్కువ ఖర్చుతో చదువుకునే సౌకర్యం కల్పించాలని కోరారు. స్థానిక యువతకు ఉపాధి కల్పించేందుకు పరిశ్రమలను ఏర్పాటు చేయాలని, నైపుణ్యాభివృద్ది కేంద్రాలను ఏర్పాటు చేసి నిరుద్యోగులకు ఉచితంగా శిక్షణ ఇవ్వాలన్నారు. రిమ్స్‌లో సూపర్‌ స్పెషాలిటీ సేవలను విస్తరించాలని, పట్టణ ఆరోగ్య కేంద్రాలను బలోపేతం చేయాలని సూచించారు. శ్మశాన వాటికల్లో సౌకర్యాలను మెరుగుపరచాలని కోరారు. కొత్త పాలనా కాలం ప్రారంభమైన వెంటనే తాగునీరు, డ్రైనేజీ, పారిశుద్యం, వీధి దీపాలు, గుంతల రోడ్లు, ముంపు ప్రాంతాల సమస్యలను పరిష్కరించాలని డిమాండ్‌ చేశారు. ప్రజా సమస్యలపై పోరాడే వారికే ఓట్లు వేసి గెలిపించాలని ప్రజలకు విజ్ఞప్తి చేశారు.

ఒంగోలు సబర్బన్‌: పురపాలక ఎన్నికల నామినేషన్‌ ప్రక్రియలో అధికారులు బాధ్యతతో విధులు నిర్వర్తించాలని జిల్లా ఎన్నికల అధికారి, కలెక్టర్‌ రాజాబాబు తెలిపారు. మున్సిపల్‌ ఎన్నికల నామినేషన్‌ ప్రక్రియపై ఈఆర్‌ఓలు, ఏఈఆర్‌ఓ లకు మొదటి దశ శిక్షణ కార్యక్రమం గురువారం స్థానిక ప్రకాశం భవనంలోని కలెక్టర్‌ కాన్ఫరెన్స్‌ హాల్‌లో నిర్వహించారు. ఎన్నికల ప్రక్రియలో నియమ నిబంధనలు పక్కాగా పాటించాలని కలెక్టర్‌ చెప్పారు. ఉల్లంఘించిన వారిపై క్రమశిక్షణ చర్యలు ఉంటాయని హెచ్చరించారు. నామినేషన్‌ ప్రక్రియలో ఈఆర్‌ఓలు, ఏఈఆర్‌ఓలు విధులు, నిర్వహించాల్సిన విధివిధానాలపై పూర్తిస్థాయిలో అవగాహన ఉండాలన్నారు. ఈ నెల 16 నుంచి 18వ తేదీ వరకు మున్సిపాలిటీలలో పోటీచేసే అభ్యర్థుల నుంచి నామినేషన్ల స్వీకరణ ప్రక్రియ సమర్థంగా నిర్వహించాలన్నారు. ఉదయం 11 గంటల నుంచి సాయంత్రం మూడు గంటల్లోగా నామినేషన్ల స్వీకరణ చేపట్టాలన్నారు. 19వ తేదీన నామినేషన్ల పరిశీలన పారదర్శకంగా చేపట్టాలన్నారు. 21వ తేదీ అభ్యర్థుల నామినేషన్ల ఉపసంహరణ, అదే రోజు పోటీలో ఉండే అభ్యర్థుల తుది జాబితా ప్రకటించాలన్నారు. తప్పులు, పొరపాట్లు చేయకుండా ఎన్నికల ప్రవర్తన నియమావళిపై పూర్తిస్థాయి అవగాహన ఉండాలన్నారు. ఎవరికీ ఎలాంటి మినహాయింపులు ఉండవని, తప్పులు చేస్తే క్రమశిక్షణ చర్యలు ఉంటాయని స్పష్టం చేశారు. ఎన్నికలు ముగిసే వరకు చిత్తశుద్ధితో విధులు నిర్వహించాలన్నారు. ఆర్‌ఓ కార్యాలయాల వివరాలు ముందుగానే సంబంధిత వార్డుల్లోని ప్రజలకు ప్రకటించాల్సి ఉందన్నారు. ఆ ప్రాంతంలో లా అండ్‌ ఆర్డర్‌ అమలు కోసం పోలీసులకు సమాచారం అందించాలన్నారు. ఈఆర్‌ఓల వద్ద ఓటర్ల జాబితా ఉండాలని, విధుల నిర్వహణపై చెక్‌ లిస్ట్‌ పరిశీలించుకోవాలని సూచించారు. బీసీ కార్పొరేషన్‌ ఈడీ, స్వర్ణ గ్రామ, వార్డు సచివాలయాల జిల్లా ఇన్చార్జి అధికారి ఎం.వెంకటేశ్వరరావు మాట్లాడుతూ మున్సిపల్‌ ఎన్నికల నామినేషన్‌ ప్రక్రియపై ఈఆర్‌ఓలు, ఏఈఆర్‌ఓలు ప్రత్యేక దృష్టి సారించాలన్నారు. నామినేషన్‌ ప్రక్రియ ముందు, నామినేషన్ల స్వీకరణ, పరిశీలన, తిరస్కరణ, అభ్యర్థుల అర్హత వంటి పలు అంశాలపై క్షుణ్ణంగా వివరించారు. కార్యక్రమంలో ఒంగోలు నగర పాలక సంస్థ కమిషనర్‌ వెంకటకృష్ణయ్య, ఆర్డీఓ టి.చంద్రశేఖర్‌, ఈఆర్‌ఓలు, ఏఈఆర్‌ఓలు, తదితరులు పాల్గొన్నారు.

మర్రిపూడి: పిడుగుపాటుకు గేదెల కాపరి మృతి చెందాడు. ఈ సంఘటన మండలంలోని తంగెళ్ల పంచాయతీ అయ్యవారిపాలెంలో గురువారం జరిగింది. బంధువులు తెలిపిన వివరాల ప్రకారం.. మండలంలోని తంగెళ్ల పంచాయతీ అయ్యవారిపాలెం గ్రామానికి చెందిన జ్యాష్టి శ్రీను (55) రోజువారీగా తన గేదెలను తోలుకుని ఊరికి తూర్పు వైపున ఉన్న కుమ్మరివారి పొలం వెళ్లాడు. గేదెలు మేపుకుంటున్న సమయంలో ఉరుములతో కూడిన వర్షం కురిసింది. ఆ సమయంలో శ్రీను సమీపంలో ఉన్న తాటిచెట్టు కిందకు చేరుకున్నాడు. ఒక్కసారిగా పెద్ద మెరుపుతో కూడిన ఉరుము వచ్చి తాడిచెట్టుపై పిడుగు పడింది. దీంతో శ్రీను అక్కడికక్కడే మృతి చెందినట్లు బంధువులు తెలిపారు. గేదెలు పొలం నుంచి ఇంటికి వచ్చినా శ్రీను రాకపోవడంతో బంధువులు పొలం వెళ్లి వెతికారు. చెట్టు కింద విగతజీవిగా పడి ఉన్న శ్రీను మృతదేహాన్ని చూసి బంధువులు పెద్ద ఎత్తున విలపించారు. మతునికి భార్య, ఇద్దరు కుమారులు ఉన్నారు.

గిద్దలూరు రూరల్‌: కుటుంబ కలహాల కారణంగా రైలు కిందపడి ఓ వ్యక్తి ఆత్మహత్యకు పాల్పడ్డాడు. ఈ సంఘటన మండలంలోని కె.ఎస్‌.పల్లె సమీప రైల్వే ట్రాక్‌పై గురువారం వేకువ జామున జరిగింది. అందిన వివరాల ప్రకారం.. రాచర్ల మండలం జె.పి.చెరువు గ్రామానికి చెందిన టి.సుబ్బయ్య (55) తరుచూ మద్యం తాగి కుటుంబ సభ్యులతో ఘర్షణ పడేవాడు. ఈ నేపథ్యంలో కుటుంబ సభ్యులతో బుధవారం ఘర్షణ పడి గిద్దలూరు వచ్చాడు. నంద్యాల వైపు నుంచి గుంటూరు వైపుగా వెళ్లే రైలు కిందపడి ఆత్మహత్యకు పాల్పడ్డాడు. మృతదేహం గుర్తుపట్టలేనంతగా నుజ్జునుజ్జయ్యాయి. సమాచారం అందుకున్న నంద్యాల జీఆర్‌పీఎఫ్‌ సిబ్బంది సంఘటన స్థలానికి చేరుకుని కేసు నమోదు చేసి దర్యాప్తు చేపట్టారు. మృతదేహాన్ని పోస్టుమార్టం కోసం గిద్దలూరు ప్రభుత్వ వైద్యశాలకు తరలించారు. ● ఇద్దరికి గాయాలు పొదిలి రూరల్‌: అదుపుతప్పి కారు బోల్తా పడటంతో ఇద్దరికి గాయాలయ్యాయి. ఈ సంఘటన పొదిలి మండలంలోని ఉప్పలపాడు వద్ద గురువారం జరిగింది. స్థానికుల కథనం ప్రకారం.. పొదిలి విశ్వనాథపురంలో నివాసం ఉంటున్న రాచమళ్ల వెంకట రామిరెడ్డితో పాటు జానీ సొంత పనులపై కారులో ఒంగోలు వెళ్లి తిరిగి పొదిలి వస్తున్నారు. మార్గమధ్యంలోని ఉప్పలపాడు సమీపంలో అదుపుతప్పి కారు బోల్తా పడింది. అందులో ప్రయాణిస్తున్న రాచమళ్ల వెంకటరామిరెడ్డితో పాటు జానీకి గాయాలయ్యాయి. కారు ధ్వంసమైంది. స్థానికులు వెంటనే 108కు సమాచారం అందించగా క్షతగాత్రులను పొదిలి ప్రభుత్వ ఆస్పత్రికి తరలించారు. వైద్యులు వెంటనే క్షతగాత్రులకు ప్రథమ చికిత్స అందించారు. యర్రగొండపాలెం: స్థానిక సంస్థల ఎన్నికల సందర్భంగా గురువారం పోలీసులు వివిధ రాజకీయ పార్టీలకు చెందిన 470 మందిని బైండోవర్‌ చేసుకున్నారు. యర్రగొండపాలెం మండలంలో 160 మంది, పుల్లలచెరువు మండలంలో 250, పెద్దదోర్నాల మండల పరిధిలో 60 మంది చొప్పున బైండోవర్‌ చేసినట్లు సీఐ అజయ్‌కుమార్‌ తెలిపారు. స్థానిక సంస్థల ఎన్నికలు ప్రశాంతంగా జరిగేలా తీసుకుంటున్న చర్యల్లో భాగంగా 51 పంచాయతీల్లో ఉన్న అనుమానితులను బైండోవర్‌ చేసుకున్నామని, మరి కొంతమందిని బైండోవర్‌ చేసుకోనున్నట్లు చెప్పారు. ● ఆ శాఖ ఎస్‌ఈ కట్టా వెంకటేశ్వర్లు ఒంగోలు సబర్బన్‌: వినియోగదారులకు నిరంతరాయంగా నాణ్యమైన విద్యుత్‌ అందించాలని ఏపీసీపీడీసీఎల్‌ జిల్లా ఎస్‌ఈ కట్టా వెంకటేశ్వర్లు సూచించారు. స్థానిక రామ్‌నగర్‌లోని విద్యుత్‌ భవన్‌లో గురువారం విద్యుత్‌ అధికారులతో ఆయన సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ వ్యవసాయ విద్యుత్‌ కనెక్షన్లు సీనియారిటీ ప్రకారం రైతులకు ఎప్పటికప్పుడు అందించాలన్నారు. విద్యుత్‌ పరివర్తకాల పనితీరును, స్మార్ట్‌ మీటర్ల గురించి అధికారుల నుంచి సమాచారం అడిగి తెలుసుకున్నారు. విద్యుత్‌ శాఖ మీద ప్రజల అభిప్రాయం, నిరంతరాయ, నాణ్యమైన విద్యుత్‌ అందించడం కోసం తీసుకోవాల్సిన చర్యలు..వాటి ప్రణాళికలు గురించి చర్చించారు. జీఐఎస్‌ మ్యాపింగ్‌, డీఆర్‌టీ మ్యాపింగ్‌ అన్ని 33 కేవీ, 11 కేవీ ఫీడర్లు, ట్రాన్స్‌ఫార్మర్లకు అనుసంధానమైన సర్వీసుల వివరాలన్నీ ఆన్‌లైన్‌లో పొందుపరచడం ద్వారా వినియోగదారులకు సత్వరం సేవలు అందిచవచ్చిని చెప్పారు. విద్యుత్‌ కలెక్షన్లు, బకాయిలు మీద సమీక్ష నిర్వహించారు. వ్యవసాయ విద్యుత్‌ కనెక్షన్లు ఇచ్చే విషయంలో అధికారులు ఎవరూ నిర్లక్ష్యం వహించకుండా త్వరగా పనులు పూర్తి చేయాలని ఆదేశించారు. అంతరాయం లేని నాణ్యమైన విద్యుత్‌ అందరికీ అందించాలని, దానికోసం ఫీడర్‌ పెట్రోలింగ్‌ చేసి లోపాలను సరి చేయాలని, తద్వారా ప్రజలకు విద్యుత్‌ శాఖ పట్ల శాటిస్పేక్షన్‌ లెవెల్స్‌ పెరుగుతాయని తెలిపారు. కార్యక్రమంలో ఈఈలు, డీఈఈలు, ఏఈఈలు పాల్గొన్నారు. యర్రగొండపాలెం: ఉద్యోగం ఇప్పిస్తామని ఆశ చూపించి రూ.5.80 లక్షలు కాజేసినట్లు గురువారం బాధితుడు నేనావత్‌ నాగరాజు నాయక్‌ గురువారం స్థానిక పోలీస్‌స్టేషన్‌లో ఫిర్యాదు చేశాడు. పోలీసుల కథనం ప్రకారం.. త్రిపురాంతకానికి చెందిన కె.చంద్రశేఖరరావు, రాజమండ్రికి చెందిన చిన్నారావు, విజయవాడకు చెందిన అజయ్‌కుమార్‌లు 2024లో నాగరాజు నాయక్‌కు ఇరిగేషన్‌ శాఖలో జూనియర్‌ అసిస్టెంట్‌ ఉద్యోగం ఇప్పిస్తామని చెప్పి విడతల వారీగా రూ.5.80 లక్షలు తీసుకున్నారని, ఉద్యోగం ఇప్పించక పోవడంతోపాటు ఫిర్యాది నుంచి తీసుకున్న డబ్బులు ఇవ్వకుండా మోసపు మాటలు చెప్తూ కాలం గడుపుతూ వచ్చారని తెలిపారు. బాధితుడు ఇచ్చిన ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు ఎస్సై ఎం.దేవకుమార్‌ తెలిపారు.

దర్శి: స్థానిక సంస్థల ఎన్నికల నేపథ్యంలో ఎస్పీ వి.హర్షవర్థన్‌ రాజు గురువారం దర్శి మున్సిపాలిటీ పరిధిలోని ప్రభుత్వ జూనియర్‌ కళాశాల, గాంధీనగర్‌లోని ప్రాథమిక పాఠశాల, చింతలపాలెం మండల పరిషత్‌ ప్రాథమిక పాఠశాలలోని పోలింగ్‌ కేంద్రాలు, చెక్‌పోస్ట్‌ వద్ద భద్రత ఏర్పాట్లను పరిశీలించారు. ఎన్నికల నిర్వహణకు సంబంధించిన ఏర్పాట్లపై అధికారులతో ఆయన సమీక్షించారు. పోలింగ్‌ కేంద్రాల వద్ద భద్రత ఏర్పాట్లు, మౌలిక సదుపాయాలు, భౌగోళిక పరిస్థితులు, రాకపోకల మార్గాలు, రూట్‌ మ్యాప్‌లు, స్ట్రాంగ్‌ రూమ్‌ల భద్రత తదితర అంశాలను ఆయన క్షేత్రస్థాయిలో పరిశీలించారు. ఎన్నికల ప్రక్రియ సజావుగా, ప్రశాంతంగా జరిగేలా ముందస్తు ప్రణాళికతో పటిష్ట భద్రత చర్యలు చేపట్టాలని సంబంధిత పోలీసు అధికారులను ఎస్పీ ఆదేశించారు. పోలింగ్‌ కేంద్రాల వద్ద ఓటర్లకు ఎలాంటి అసౌకర్యం కలగకుండా క్యూలైన్ల ఏర్పాటు, ట్రాఫిక్‌ నియంత్రణ, పోలీసు బందోబస్తు తదితర అంశాలపై ప్రత్యేక దృష్టి సారించాలని ఆదేశించారు. గత ఎన్నికల అనుభవాలను దృష్టిలో ఉంచుకుని సమస్యాత్మక ప్రాంతాలపై ప్రత్యేక నిఘా ఏర్పాటు చేయాలని, ఎన్నికల ప్రక్రియకు విఘాతం కలిగించే అవకాశం ఉన్న వ్యక్తులను గుర్తించి చట్టప్రకారం ముందస్తు చర్యలు చేపట్టాలని సూచించారు. ఎన్నికల ప్రవర్తనా నియమావళిపై ప్రజలకు విస్తృతంగా అవగాహన కల్పించాలని, ఎన్నికల సమయంలో ఎలాంటి అవాంఛనీయ ఘటనలు చోటుచేసుకోకుండా పోలీసు అధికారులు అప్రమత్తంగా వ్యవహరించాలన్నారు. ఈ సందర్భంగా ఎస్పీ హర్షవర్థన్‌ రాజు మాట్లాడుతూ మున్సిపల్‌ ఎన్నికలకు సంబంధించి నోటిఫికేషన్‌ విడుదలైన నేపథ్యంలో శుక్రవారం నుంచే నామినేషన్ల ప్రక్రియ ప్రారంభం అవుతుందన్నారు. ఈ నేపథ్యంలో ఎన్నికల ప్రవర్తనా నియమావళి అమల్లోకి వచ్చిందన్నారు. ఈ క్రమంలో దర్శి మున్సిపల్‌ పరిధిలోని మూడు సమస్యాత్మక పోలింగ్‌ లొకేషన్లను సందర్శించి ఒకేలొకేషన్‌లో ఎక్కువ పోలింగ్‌ స్టేషన్లు ఉండటం, గతంలో జరిగిన సంఘటనలు, ఇతర అంశాలను పరిగణనలోకి తీసుకుని సమస్యాత్మక ప్రాంతాలను గుర్తించినట్లు తెలిపారు. దర్శి మున్సిపాలిటీ పరిధిలో 28 వార్డులు, 14 పోలింగ్‌ లొకేషన్లు, 51 పోలింగ్‌స్టేషన్లు ఉండగా సుమారు 29 వేల మందికిపైగా ఓటర్లు ఉన్నారన్నారు. ఎన్నికల సమయంలో ఓటర్లు ప్రశాంత వాతావరణంలో తమ ఓటు హక్కు వినియోగించుకునేలా పోలీసు శాఖకు, జిల్లా యంత్రాంగానికి ప్రజలు సహకరించాలని కోరారు. రాజకీయ పార్టీల నాయకులు, అభ్యర్థులు ఎన్నికల ప్రవర్తనా నియమావళికి లోబడి ఎన్నికలు పారదర్శకంగా, ప్రశాంతంగా జరిగేందుకు సహకరించాలని విజ్ఞప్తి చేశారు. ఎన్నికల ప్రక్రియలో దర్శి మున్సిపల్‌ పరిధిలో మూడు చెక్‌పోస్టులను ఏర్పాటు చేసినట్లు తెలిపారు. గత నెల రోజులుగా విస్తృతంగా పల్లెనిద్ర కార్యక్రమాలు, పోలింగ్‌ స్టేషన్ల విజిట్‌, సమస్యాత్మక గ్రామాల పర్యటనలు, నాన్‌ బెయిల్‌బుల్‌ వారెంట్ల అమలు పరచటం, రౌడీషీటర్లు, ట్రబుల్‌ మాంగర్స్‌ను ముందస్తుగా బైండోవర్‌ చేసినట్లు తెలిపారు. ఎన్నికల నిర్వహణకు ప్రశాంత వాతావరణాన్ని కల్పించి ఎలాంటి అవాంఛనీయ సంఘటనలకు తావులేకుండా ఎన్నికలు స్వేచ్ఛగా, శాంతియుతంగా, నిష్పక్షపాతంగా జరిగేలా పోలీసు శాఖ కృషి చేస్తోందని ఎస్పీ వివరించారు. కార్యక్రమంలో అడిషనల్‌ ఎస్పీ ఎన్‌.యుగంధర్‌బాబు, దర్శి డీఎస్పీ బాలసుబ్రహ్మణ్యం, ఎస్బీ ఇన్‌స్పెక్టర్‌ శ్రీనివాసరావు, దర్శి సీఐ నాగమల్లేశ్వరరావు, దర్శి ఎస్సై ఏడుకొండలు ఉన్నారు. ఎస్పీ హర్షవర్థన్‌ రాజు

ఒంగోలు సిటీ: కూటమి ప్రభుత్వం అధికారంలోకి వచ్చిన తర్వాత ప్రజలకు ఇచ్చిన హామీలను అమలు చేయడంలో విఫలమైందని వైఎస్సార్‌ సీపీ ఒంగోలు నియోజకవర్గ ఇన్‌న్‌చార్జి చుండూరి రవిబాబు విమర్శించారు. గురువారం ఒంగోలులోని పార్టీ కార్యాలయంలో జరిగిన సమావేశంలో చుండూరి రవిబాబు మాట్లాడుతూ వ్యాపారులు అప్పులపాలుకాకుండా, మధ్యతరగతి కుటుంబాలపై ఆర్థిక భారం పడకుండా చూడటంతో పాటు విద్య, వైద్య రంగాల్లో ప్రజలకు మెరుగైన సేవలు అందించాల్సిన బాధ్యత ప్రభుత్వంపై ఉందన్నారు. వైఎస్సార్‌ సీపీ హయాంలో విద్య, వైద్యం, సంక్షేమానికి ప్రాధాన్యమిచ్చామని ఆయన గుర్తు చేశారు. విద్య, వైద్య రంగాలపై నిర్లక్ష్యం తగదు పేద, మధ్యతరగతి విద్యార్థులకు నాణ్యమైన ఆంగ్ల మాధ్యమం అందుబాటులో ఉండాలని, ప్రైవేట్‌ విద్యాసంస్థల ఫీజుల భారం తల్లిదండ్రులను ఇబ్బందులకు గురిచేయకుండా చర్యలు తీసుకోవాలని రవిబాబు సూచించారు. అదేవిధంగా ఆరోగ్యశ్రీ ద్వారా అర్హులైన ప్రతి ఒక్కరికీ మెరుగైన వైద్య సేవలు అందేలా చూడాలని కోరారు. విద్య, వైద్యం కోసం కుటుంబాలు అప్పులు చేయాల్సిన పరిస్థితి రాకూడదన్నారు. హామీల అమలుపై నిలదీత ఎన్నికల సమయంలో ఇచ్చిన హామీల అమలుపై చంద్రబాబు ప్రభుత్వం ప్రజలకు సమాధానం చెప్పాలని రవిబాబు డిమాండ్‌ చేశారు. మహిళలకు నెలకు రూ.1,500 అందిస్తామన్న హామీ, 20 లక్షల ఉద్యోగాల కల్పన వంటి అంశాలపై ప్రభుత్వం తన వైఖరిని స్పష్టం చేయాలన్నారు. ఉద్యోగాల భర్తీ పారదర్శకంగా జరగాలని, నిరుద్యోగులకు న్యాయం చేయాలని పేర్కొన్నారు. ప్రజా సంక్షేమం, నాణ్యమైన విద్య, మెరుగైన వైద్యం, యువతకు ఉపాధి అవకాశాల కల్పనే లక్ష్యంగా వైఎస్సార్‌ సీపీకి ప్రజలు మద్దతు ఇవ్వాలని చుండూరి రవిబాబు కోరారు. వ్యాపారులపై అప్పుల కత్తి హామీల అమలులో చంద్రబాబు విఫలం వైఎస్సార్‌ సీపీని గెలిపిస్తే ప్రజా సంక్షేమానికి పెద్దపీట ఒంగోలు నియోజకవర్గ ఇన్‌చార్జి చుండూరి రవిబాబు టీడీపీ నుంచి వైఎస్సార్‌ సీపీలోకి చేరికలు సోఫియా బాచి ఆధ్వర్యంలో పలువురు చేరిక ఒంగోలు నగరంలో తెలుగుదేశం పార్టీకి చెందిన ఏడో డివిజన్‌ నాయకురాలు, ఏపీ నూర్‌బాషా కార్పొరేషన్‌ మాజీ డైరెక్టర్‌ షేక్‌ సోఫియా బాచి, షేక్‌ బాచీ దంపతులు ఒంగోలులోని వైఎస్సార్‌ సీపీ జిల్లా కార్యాలయంలో జరిగిన కార్యక్రమంలో ఒంగోలు నియోజకవర్గ ఇన్‌చార్జి చుండూరి రవిబాబు వారికి పార్టీ కండువాలు కప్పి వైఎస్సార్‌ సీపీలోకి ఆహ్వానించారు. ఒంగోలు నియోజకవర్గ వైఎస్సార్‌ సీపీ ఇన్‌చార్జి చుండూరి రవిబాబు, ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి, ఒంగోలు నగర అధ్యక్షుడు కటారి శంకరరావు, ఒంగోలు మైనారిటీ సెల్‌ అధ్యక్షుడు చాంద్‌బాషా ఆధ్వర్యంలో చేరికలు జరిగాయి. కార్యక్రమంలో పార్టీ నాయకులు పాల్గొన్నారు.

సాక్షి ప్రతినిధి, ఒంగోలు: కూటమిలో సీట్ల సర్దుబాటు పంచాయితీ కొనసాగుతుండగా.. వైఎస్సార్‌ సీపీ ఒంగోలు కార్పొరేషన్‌తో పాటు కనిగిరి మున్సిపాలిటీకి అభ్యర్థులను ప్రకటించి స్థానిక ఎన్నికల రంగంలో ముందుకు దూసుకుపోతోంది. ముందు నుంచీ పార్టీ స్థానిక ఎన్నికలపై కసరత్తును వేగవంతం చేసింది. జిల్లా, నియోజకవర్గ, మండల స్థాయిల్లో ఇప్పటికే సన్నాహక సమావేశాలు నిర్వహించింది. మేయర్‌, మున్సిపల్‌ చైర్మన్‌, వార్డు సభ్యులు, జెడ్పీటీసీ, ఎంపీటీసీ స్థానాల్లో పోటీకి ఆసక్తి చూపుతున్న ఆశావహుల జాబితాలను సిద్ధం చేసింది. నియోజకవర్గాల వారీగా సమీక్షలు నిర్వహించి తుది జాబితాలను పార్టీ కేంద్ర కార్యాలయానికి పంపినట్లు సమాచారం. గురువారం రాత్రి పార్టీ రాష్ట్ర వ్యాప్తంగా 27 మంది అభ్యర్థుల జాబితాను విడుదలజేసింది. ఒంగోలు కార్పొరేషన్‌, కనిగిరి మున్సిపాలిటీలకు అభ్యర్థులను ఖరారు చేసింది. ఆర్యవైశ్య కార్పొరేషన్‌ మాజీ చైర్మన్‌, పార్టీ వాణిజ్య విభాగం రాష్ట్ర అధ్యక్షుడు కుప్పం ప్రసాద్‌ను ఒంగోలు మేయర్‌ అభ్యర్థిగా ప్రకటించింది. అలాగే కనిగిరి మున్సిపాలిటీకి సంబంధించి మున్సిపాలిటీ వైస్‌ చైర్మన్‌ పులిశాంతిని చైర్‌పర్సన్‌ అభ్యర్థిగా ఖరారు చేసింది. పార్టీ ఆవిర్భావం నుంచి అంటిపెట్టుకొని ఉన్న కుప్పం ప్రసాద్‌ మేయర్‌ అభ్యర్థిగా రంగంలో దిగనున్నారు. ఒంగోలు నగర పాలక సంస్థలో ప్రధాన సామాజిక వర్గాల్లో ఒకటైన వైశ్య సామాజిక వర్గానికి చెందిన కుప్పంను ఎంపిక చేశారు. పార్టీ ఆవిర్భావం నుంచి పార్టీకి ఎంతగానో సేవ చేస్తూ వచ్చిన కుప్పం పార్టీ ఒంగోలు నగర అధ్యక్షుడుగా పనిచేశారు. కనిగిరి మున్సిపల్‌ చైర్‌పర్సన్‌ అభ్యర్థిగా ఎంపికై న పులి శాంతి గోవర్ధన్‌రెడ్డి దివంగత కేంద్ర మంత్రి పులి వెంకట రెడ్డి మనవరాలు. తండ్రి దివంగత పులి వెంకట రమణారెడ్డి జెడ్పీటీసీల సంఘం ఉపాధ్యక్షుడిగా వ్యవహరించారు. ఈమె తాజా మాజీ మున్సిపల్‌ వైస్‌ చైర్మన్‌, ప్రస్తుతం పార్టీ నియోజకవర్గ మహిళా అధ్యక్షురాలిగా పార్టీలో బాధ్యతలు నిర్వహిస్తున్నారు. ఇదిలా ఉండగా మార్కాపురం, గిద్దలూరు, దర్శి, చీమకుర్తి, అద్దంకి మున్సిపాలిటీలకు సంబంధించి అభ్యర్థుల ఎంపిక కూడా కొలిక్కి వచ్చినట్లు తెలిసింది. కష్టపడేవారికి సముచిత స్థానం.. పార్టీ అధినేత, మాజీ ముఖ్యమంత్రి వైఎస్‌ జగన్‌ మోహన రెడ్డి తనపై నమ్మకం ఉంచి ఒంగోలు మేయర్‌ అభ్యర్ధిత్వం తనకు ఇవ్వటం ఎంతో సంతోషంగా ఉందని కుప్పం ప్రసాద్‌ అన్నారు. పార్టీలో కష్టపడి పనిచేసిన వారికి కచ్చితంగా గుర్తింపు ఉంటుందని పార్టీ కేడర్‌కు ఒక భరోసా ఇచ్చినట్లయిందన్నారు. ఒంగోలు మేయర్‌ పదవిని గెలుచుకొని అధినేత వైఎస్‌ జగన్‌ మోహన్‌ రెడ్డికి కానుకగా ఇస్తానన్నారు. ఒంగోలు నగరంలో టీడీపీ కూటమి ప్రభుత్వం చేస్తున్న పరిపాలన లోపభూయిష్టంగా ఉందని, వైఎస్సార్‌సీపీ ప్రభుత్వంలో అమలు చేసిన సంక్షేమ పథకాలు ప్రజలు ఇప్పటికీ మరువలేకున్నారని చెప్పారు. తనపై నమ్మకం ఉంచి మేయర్‌ అభ్యర్దిత్వం వచ్చేందుకు సహకరించిన రాజ్యసభ ఫ్లోర్‌ లీడర్‌ వైవీ.సుబ్బారెడ్డి, పార్టీ రీజనల్‌ కో ఆర్డినేటర్‌ అయోధ్య రామిరెడ్డి, ఒంగోలు పార్లమెంట్‌ ఇన్‌చార్జి చెవిరెడ్డి భాస్కర రెడ్డి, వైఎస్సార్‌సీపీ జిల్లా అధ్యక్షుడు డాక్టర్‌ బూచేపల్లి శివ ప్రసాద రెడ్డి, ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి, ఒంగోలు నియోజకవర్గ పార్టీ ఇన్‌చార్జ్‌ చుండూరి రవిబాబు, ఒంగోలు నగర పార్టీ అధ్యక్షుడు కఠారి శంకర్‌తో పాటు పలువురు నాయకులకు కృతజ్ఞతలు తెలిపారు. కనిగిరిలో జోష్‌.. పులి శాంతి రెడ్డి పేరును వైఎస్సార్‌ సీపీ మున్సిపల్‌ చైర్మన్‌ అభ్యర్థిగా అధిష్టానం ఖరారు చేయడంతో పార్టీ శ్రేణుల్లో జోష్‌ పెరిగింది. రాజకీయ కుటుంబ నేపథ్యంతో పాటు, విద్యావంతురాలు కావడం, పట్టణంలో విస్తృత స్థాయి పరిచయాలు ఉండటం ఆమెకు కలిసొచ్చే అంశం. పులి శాంతిరెడ్డి పేరు ఖరారు కావడంతో పార్టీ నాయకులు, కార్యకర్తలు, శ్రేణులు, అభిమానులు అభినందనలు తెలిపారు.

గిద్దలూరు రూరల్‌: అధికారపార్టీపై వ్యతిరేకతే మన గెలుపు అవుతుందని వైఎస్సార్‌ సీపీ గిద్దలూరు ఇన్‌చార్జి కేపీ నాగార్జునరెడ్డి అన్నారు. పట్టణంలోని ఆర్టీసీ బస్టాండ్‌ సమీపం వైఎస్సార్‌ సీపీ కార్యాలయంలో గురువారం మున్సిపాలిటీలోని 8వ వార్డుకు చెందిన టీడీపీ నాయకులు పల్లె పుల్లారెడ్డి, బోగాని హరికృష్ణ, పలుకూరి శివకుమార్‌లతో పాటు మరికొంత మంది కేపీ నాగార్జునరెడ్డి సమక్షంలో వైఎస్సార్‌ సీపీలో చేరారు. ఈ సందర్భంగా ఆయన మాట్లాడుతు చంద్రబాబు ప్రభుత్వంపై ప్రజలల్లో పూర్తి వ్యతిరేకత ఉందని, అదే మనల్ని గెలిపిస్తుందన్నారు. ప్రజలను చైతన్యవంతులను చేసే బాధ్యత ప్రతి కార్యకర్త, నాయకుడు భుజాలపై వేసుకోవాలన్నారు. వైఎస్సార్‌ కాంగ్రెస్‌ పార్టీ కోసం ప్రతి కార్యకర్త, నాయకుడు అంకిత భావంతో పనిచేయాలని, వైఎస్సార్‌ కాంగ్రెస్‌ పార్టీని ప్రజల్లోకి తీసుకెళ్లాల్సిన అవసరం ఎంతైన ఉందన్నారు. ప్రజల్లో వైఎస్సార్‌ కాంగ్రెస్‌ పార్టీపై చెరగని అభిమానం ఉందన్నారు. ప్రతి కార్యకర్త నాయకుడు కలిసికట్టుగా పని చేయాల్సిన సమయం దగ్గరపడిందన్నారు. పార్టీకి కార్యకర్తలే నిజమైన బలమన్నారు. ఎన్నికల సంఘం నిర్ణయించిన రిజర్వేషన్ల దృష్ట్యా పోటీల్లో ఆయా రిజర్వేషన్లకు సంబంధించిన నాయకులు ఎన్నికలకు సిద్ధం కావాలన్నారు. ఎన్నికలను సమర్థంగా ఎదుర్కొనేందుకు ఒక ప్రణాళికబద్ధంగా తగిన వ్యూహాలు రచించుకోవాలన్నారు. కార్యకర్తలను అనేక ఇబ్బందులకు గురిచేస్తున్నా పార్టీ కోసం పనిచేసే కార్యకర్తలను ఎప్పటికీ విస్మరించమన్నారు. కార్యకర్తలకు అండగా నిలబడి వారి తరఫున పోరాడేందుకు పార్టీ ఎల్లప్పుడు సిద్ధంగా ఉంటుందని భరోసా ఇచ్చారు. కార్యకర్తలు ఐక్యంగా ముందుకు సాగాలని సూచించారు. జగనన్న పాలనలో అన్ని వర్గాల ప్రజలు అభివృద్ధి చెందారని, నేడు ఆ పరిస్థితి లేదన్నారు. జగనన్నను తిరిగి మనం ముఖ్యమంత్రిగా చూసేందుకు సైనికులవలే పనిచేయాల్సిన అవసరం ఉందని పేర్కొన్నారు. రాబోయే జగనన్న ప్రభుత్వంలో కార్యకర్తల అభిష్టం మేరకు ప్రభుత్వం కొనసాగుతూ ప్రజలకు అండగా నిలుస్తుందన్నారు. ప్రతి కార్యకర్త, నాయకుడు గ్రామాలు, వార్డుల్లో ఉన్న సమస్యలను గుర్తించాలని కేపీ నాగార్జునరెడ్డి సూచించారు. కార్యక్రమంలో వైఎస్సార్‌ సీపీ నాయకులు వేమిరెడ్డి రామచంద్రారెడ్డి, చేరెడ్డి శ్రీకాంత్‌రెడ్డి, మానం బాలిరెడ్డి, డాక్టర్‌ సూరేపల్లె రామకృష్ణ, కాజ, పోలేపల్లె శివ, మత్తయ్య, యర్రమూరి భాస్కర్‌, కన్న పాల్గొన్నారు.

ఒంగోలు సబర్బన్‌: మున్సిపల్‌ ఎన్నికలకు పటిష్ట భద్రత చర్యలు తీసుకోవాలని జిల్లా ఎన్నికల అధికారి, కలెక్టర్‌ పి.రాజాబాబు సూచించారు. మున్సిపల్‌ ఎన్నికలకు సంబంధించిన స్ట్రాంగ్‌ రూమ్స్‌, కౌంటింగ్‌ సెంటర్‌, రిసెప్షన్‌, డిస్ట్రిబ్యూషన్‌ సెంటర్‌ల ఏర్పాటు కోసం నగరంలోని క్విస్‌ ఇంజినీరింగ్‌ కళాశాల, రైజ్‌ ఇంజినీరింగ్‌ కళాశాల భవన సముదాయాలను ఎస్పీ వి.హర్షవర్థన్‌ రాజుతో కలిసి కలెక్టర్‌ గురువారం పరిశీలించారు. పురపాలక సంఘాల ఎన్నికలు ప్రశాంత వాతావరణంలో నిర్వహించాలని కలెక్టర్‌ చెప్పారు. జిల్లాలోని అన్ని మున్సిపాలిటీలకు సంబంధించిన స్ట్రాంగ్‌ రూమ్స్‌ను జిల్లా కేంద్రం ఒంగోలు నగరంలోనే ఏర్పాటు చేయాలన్నారు. ఎన్నికల కమిషన్‌ మార్గదర్శకాలను అనుసరించి రిసెప్షన్‌ సెంటర్‌, డిస్ట్రిబ్యూషన్‌ సెంటర్‌లు ఉండాలన్నారు. అదే మాదిరిగా స్ట్రాంగ్‌ రూమ్స్‌, కౌంటింగ్‌ సెంటర్లు ఎన్నికల కమిషన్‌ సూచించినట్లుగానే ఏర్పాటు చేయాలన్నారు. నిబంధనలు పక్కాగా పాటించాలని పలు సూచనలు చేశారు. పటిష్టమైన భద్రత మధ్య స్ట్రాంగ్‌ రూమ్స్‌, కౌంటింగ్‌ సెంటర్లో ఉండేలా ప్రణాళికలు రూపొందించుకోవాలన్నారు. ఎక్కడ ఎలాంటి సమస్యలు రాకుండా చర్యలు తీసుకోవాలన్నారు. ఎన్నికల కమిషన్‌ మార్గదర్శకాలు తూచా తప్పకుండా పాటించాలని అధికారులకు సూచించారు. ఆయన వెంట జిల్లా ఎస్పీ వి.హర్షవర్ధన్‌రాజు, డీఆర్‌ఓ పి.వెంకటరమణ, జెడ్పీ సీఈవో చిరంజీవి, ఒంగోలు నగర పాలక సంస్థ కమిషనర్‌ వెంకట కృష్ణయ్య, తదితర మున్సిపాలిటీల కమిషనర్లు, ఎన్నికల విభాగం పర్యవేక్షకులు సీహెచ్‌ శ్రీనివాసరావు పాల్గొన్నారు. మున్సిపల్‌ ఎన్నికలకు స్ట్రాంగ్‌ రూమ్స్‌ ఎంపిక చేయాలి పలు కళాశాలలను పరిశీలించిన కలెక్టర్‌ రాజాబాబు

సంతమాగులూరు (అద్దంకి): సాక్షాత్‌ విద్యుత్‌ శాఖ మంత్రి సొంత నియోజకవర్గం అద్దంకిలో వ్యవసాయ విద్యుత్‌ పరిస్థితి దారుణంగా మారింది. తరుచూ విద్యుత్‌ కోతలు, లోవోల్టేజీ సమస్యతో పంటలు ఎండిపోతున్నాయని ఆగ్రహించిన సంతమాగులూరు మండలంలోని ఐదు గ్రామాల రైతులు బుధవారం ఆందోళనకు దిగారు. కొమ్మలపాడు, మామిళ్లపల్లి, మక్కెనవారిపాలెం, కుందూరు, ఏల్చూరు గ్రామాలకు చెందిన సుమారు 200 మంది రైతులు కొమ్మలపాడు విద్యుత్‌ సబ్‌స్టేషన్‌ను ముట్టడించి అద్దంకి–నార్కెట్‌పల్లి రాష్ట్రీయ రహదారిపై ధర్నా చేశారు. ధర్నా సమాచారం తెలుసుకున్న సంతమాగులూరు పోలీసులు అక్కడికి చేరుకుని ధర్నా చేస్తున్న వారిని ఎందుకు చేస్తున్నారనే విషయం అడగకుండా అక్కడి నుంచి వారిని నెట్టేసే ప్రయత్నం చేశారు. రైతులు ప్రతిఘటించడంతో చేసేంది లేక సర్ది చెప్పి ధర్నాను విరమింపజేశారు. రెండు నెలలుగా లోవోల్టేజీ సమస్య రెండు నెలలుగా లోవోల్టేజీ సమస్యతో వ్యవసాయ మోటార్ల నుంచి నీరు సక్రమంగా రావడం లేదని, దీంతో తాము సాగు చేసిన మిరప తదితర పంటలు ఎండిపోతున్నాయని రైతులు వాపోయారు. రైతులకు రోజుకు తొమ్మిది గంటల విద్యుత్‌ సరఫరా చేస్తామని ప్రభుత్వం ప్రకటించినప్పటికీ ఆ హామీ అమలుకు నోచుకోవడం లేదన్నారు. బుధవారం ఉదయం 6.30 గంటలకు సరఫరా కావాల్సిన విద్యుత్‌ ఉదయం 10 గంటలకు వచ్చిందని చెప్పారు. విద్యుత్‌ లోవోల్టేజీతో మోటార్లు కాలిపోతుండగా మరోవైపు మిరప పంట ఎండిపోయే పరిస్థితి ఏర్పడిందని ఆవేదన వ్యక్తం చేశారు. అధికారుల నిర్లక్ష్యంపై ఆగ్రహం విద్యుత్‌ సమస్యలను పలుమార్లు సంబంధిత అధికారుల దృష్టికి తీసుకెళ్లినా పరిష్కారం లభించలేదని రైతులు మండిపడ్డారు. విద్యుత్‌ అధికారి దీపక్‌రెడ్డికి సమస్యలు వివరించినప్పటికీ పరిస్థితిలో మార్పు రాలేదని పేర్కొన్నారు. విద్యుత్‌ శాఖ మంత్రి గొట్టిపాటి రవికుమార్‌ ప్రాతినిధ్యం వహిస్తున్న ప్రాంతంలోనే రైతులు ఇలాంటి ఇబ్బందులు ఎదుర్కోవడం ఏమిటని ప్రశ్నించారు. వ్యవసాయానికి నిరంతరాయంగా విద్యుత్‌ సరఫరా చేసి తమను ఆదుకోవాలని డిమాండ్‌ చేశారు. సీఐ జోక్యంతో ఆందోళన విరమణ రైతుల ఆందోళనతో ఉద్రిక్త పరిస్థితులు నెలకొనగా సమాచారం అందుకున్న సీఐ శేషగిరి అక్కడికి చేరుకుని రైతులతో మాట్లాడారు. వారి సమస్యలను ఉన్నతాధికారులు, మంత్రి దృష్టి తీసుకెళ్లి పరిష్కారానికి కృషి చేస్తామని హామీ ఇచ్చారు. దీంతో రైతులు శాంతించి ఆందోళన విరమించారు. విద్యుత్‌ సమస్యను తక్షణమే పరిష్కరించకపోతే పంటలు పూర్తిగా దెబ్బతిని తీవ్రంగా నష్టపోతామని రైతులు ఆవేదన వ్యక్తం చేశారు. ఈ సందర్భంగా సీపీఐ మండల కార్యదర్శి ఖాదర్‌బాషా మాట్లాడుతూ రైతుల విద్యుత్‌ సమస్యలను అధికారులు వెంటనే పరిష్కరించాలని డిమాండ్‌ చేశారు. రైతుల ఇబ్బందులు పట్టించుకోకపోతే మరోసారి విద్యుత్‌ సబ్‌స్టేషన్‌ను ముట్టడిస్తామని హెచ్చరించారు. ఆందోళనలో ఆయా గ్రామాలకు చెందిన రైతులు పెద్ద సంఖ్యలో పాల్గొన్నారు. లోవోల్టేజీపై రైతుల ఆగ్రహం అద్దంకి–నార్కెట్‌పల్లి హైవే దిగ్బంధం కొమ్మాలపాడు విద్యుత్‌ సబ్‌స్టేషన్‌ ముట్టడి కూటమి ప్రభుత్వంలో రైతు కంటతడి కూటమి ప్రభుత్వ హయాంలో రైతులు తమ పంటలు ఎండిపోతున్నాయని కంట తడి పెట్టే పరస్థితి నెలకొందని వైఎస్సార్‌ సీపీ అద్దంకి నియోజకవర్గ ఇన్‌చార్జి డాక్డర్‌ చింతలపూడి అశోక్‌కుమార్‌ ఆవేదన వ్యక్తం చేశారు. కొమ్మాలపాడులో కడుపుమండిన రైతుల ధర్నా విషయమై ఆయన స్పందించారు. ఆయన మాట్లాడుతూ రైతు సుభిక్షంగా ఉంటేనే దేశం సుభిక్షంగా ఉంటుందన్నారు. ఇప్పటికై నా అఽధికారులు, విద్యుత్‌ శాఖ మంత్రి పట్టించుకుని, సిగ్గుతో తలదించుకుని, సరైన విధంగా విద్యుత్‌ను సరఫరా చేయాలని డిమాండ్‌ చేశారు. – డాక్టర్‌ చింతలపూడి అశోక్‌కుమార్‌

సింగరాయకొండ: తౌషిక్‌, తల్లి మౌలాబీ కుటుంబానికి వైఎస్సార్‌ సీపీ ఎప్పుడూ అండగా ఉంటుందని, వారిద్దరి మృతిపై సీబీఐ విచారణ జరిపి దోషులను కఠినంగా శిక్షించాలని, జరుగుమల్లి బీసీ వసతి గృహం ఘటనపై సమగ్ర విచారణ జరపాలని కొండపి నియోజకవర్గ వైఎస్సార్‌ సీపీ ఇన్‌చార్జి, మాజీ మంత్రి డాక్టర్‌ ఆదిమూలపు సురేష్‌ ప్రభుత్వాన్ని డిమాండ్‌ చేశారు. స్థానిక పార్టీ క్యాంపు కార్యాలయంలో బుధవారం సాయంత్రం ఆయన విలేకరుల సమావేశం నిర్వహించారు. డాక్టర్‌ సురేష్‌ మాట్లాడుతూ ఆరు నెలల క్రితం విద్యార్థి తౌషిక్‌ మృతిపై తల్లిదండ్రులు పలు ఆరోపణలు చేస్తే అప్పటి సీఐ, ఎస్సైలు పట్టించుకోకుండా అనుమానాస్పద మృతి కేసు నమోదు చేసి దోషులను కాపాడే ప్రయత్నం చేశారని ఆరోపించారు. దీనిపై పోలీసులు, మంత్రి స్వామి, ఎంపీ మాగుంట కాని పట్టించుకోలేదని, చివరకు ముఖ్యమంత్రి చంద్రబాబు, డిప్యూటీ సీఎం పవన్‌కళ్యాణ్‌ను కలిసినా ప్రయోజనం లేకపోవడంతో మానసికంగా ఆవేదన చెందిన తల్లి మౌలాబీ ఆత్మహత్యకు పాల్పడిందని, ఇది ముమ్మాటికీ ప్రభుత్వ నిర్లక్ష్యంతో జరిగిన హత్యేనని ఆరోపించారు. ఇంత జరుగుతున్నా ఆ కుటుంబాన్ని మంత్రి స్వామి పరామర్శించిన దాఖలాలు లేవని, మైనార్టీలు అంటే మంత్రి స్వామికి చిన్నచూపని ఆరోపించారు. జ్యుడిషియల్‌ విచారణ చేయాలి ఈ నెల 12వ తేదీన ఒంగోలులో శాంతియుత ర్యాలీలో పాల్గొనేందుకు వెళ్లిన వైఎస్సార్‌ సీపీ మైనారిటీ నాయకులను పోలీసులు అక్రమంగా అరెస్టు చేసి కొత్తపట్నం, చీమకుర్తి, జరుగుమల్లి పోలీస్‌స్టేషన్‌ల్లో నిర్బంధించారని మాజీ మంత్రి సురేష్‌ ఆరోపించారు. సామాన్యునికి జరిగిన అన్యాయాన్ని ప్రశ్నించే హక్కు కూడా కూటమి ప్రభుత్వంలో లేదా అని ప్రశ్నించారు. చివరికి పోలీసులు అరెస్టు చేసిన వారిలో మౌలానాలు కూడా ఉన్నారని, నమాజ్‌ చేసుకోవాలని కోరినా పోలీసులు పట్టించుకోలేదని విమర్శించారు. ఇటీవల ఒంగోలుకు పార్టీ నాయకుడు కాకుమాను రాజశేఖర్‌ కుటుంబాన్ని పరామర్శించేందుకు వచ్చిన మాజీ ముఖ్యమంత్రి వైఎస్‌ జగన్‌మోహన్‌రెడ్డిని కలిసేందుకు మౌలాబీ కుటుంబ సభ్యులు ప్రయత్నిస్తే ఆ సమాచారం తెలుసుకున్న పోలీసులు వారిని గృహ నిర్బంధం చేశారని ఆరోపించారు. తౌషిక్‌ మృతి కేసును తప్పుదారి పట్టించిన సీఐ హజరత్తయ్యను ముస్లింల అక్రమ అరెస్టుకు ఉపయోగించడం దారుణమన్నారు. తౌషిక్‌ కేసులో నిందితులైన స్కూల్‌ యాజమాన్యానికి పోలీసులు అండగా నిలుస్తున్నారని, వారిని అరెస్టు చేసేందుకు ఎందుకు వెనకాడుతున్నారో అర్థం కావడం లేదన్నారు. సీబీఐ విచారణ వేసి మొదటి నుంచి కేసును విచారిస్తే తప్ప వాస్తవాలు వెలుగులోకి వచ్చే అవకాశం లేదని, అలాగే 12వ తేదీ ఘటనపై జ్యుడిషియల్‌ విచారణ జరిపించాలని డిమాండ్‌ చేశారు. బీసీ హాస్టల్‌ ఘటనపై విచారణ జరపాలి జరుగుమల్లిలోని బీసీ బాలికల వసతి గృహంలో బాలికలకు రక్షణ లేకపోవడం దారుణమన్నారు. సంక్షేమశాఖ మంత్రి స్వామి ఇలాకాలో బీసీలకు భధ్రత లేకపోవటం అన్యాయమన్నారు. హాస్టల్‌కు వార్డెన్‌ను కూడా నియమించలేని చేతగాని ప్రభుత్వంగా గుర్తింపు సాధించిందని ఎద్దేవా చేశారు. తమ పిల్లలకు హాస్టల్లో భధ్రత లేదని భావించిన తల్లిదండ్రులు టీసీలు తీసుకుని వెళ్లిపోయారని ఆవేదన వ్యక్తం చేశారు. బీసీ విద్యార్థినులకు భధ్రత కల్పించలేని అసమర్థ ప్రభుత్వంగా చంద్రబాబు ప్రభుత్వాన్ని విమర్శించారు. హాస్టల్‌ ఘటనపై సమగ్ర విచారణ జరిపి ఇందులో బాధ్యులను కఠినంగా శిక్షించి విద్యార్థినులకు పూర్తిస్థాయిలో భద్రత కల్పించాలని, తక్షణమే వార్డెన్‌ను నియమించాలని ప్రభుత్వాన్ని డాక్టర్‌ ఆదిమూలపు సురేష్‌ డిమాండ్‌ చేశారు. పార్టీ మండలాల అధ్యక్షులు మసనం వెంకట్రావు, చింతపల్లి హరిబాబు, బచ్చల కోటేశ్వరరావు, ఇంకొల్లు సుబ్బారెడ్డి, పిన్నిక శ్రీనివాసరావు, బెజవాడ వెంకటేశ్వర్లు, షేక్‌ సుల్తాన్‌, షేక్‌ కరీం, మాదాల శంకర్‌, దాసరి శేషయ్య, పాకనాటి సుబ్బారెడ్డి, నూకసాని ప్రసాద్‌, ప్రభాకరరెడ్డి, మిరియం సుధాకర్‌, యనమల మాధవి పాల్గొన్నారు. వైఎస్సార్‌ సీపీ నాయకుల అరెస్టుపై జ్యుడిషియల్‌ విచారణ జరపాలి వైఎస్‌ జగన్‌ను కలవకుండా మౌలాబీ కుటుంబ సభ్యుల హౌస్‌ అరెస్టు అన్యాయం మౌలాబీ కుటుంబానికి అండగా వైఎస్సార్‌ సీపీ మైనారిటీ విభాగం తౌషిక్‌ కేసుపై కనీస స్పందన లేని మంత్రి బాలవీరాంజనేయస్వామి జరుగుమల్లి బీసీ హాస్టల్‌ ఘటనపై సమగ్ర విచారణ జరపాలి విలేకరుల సమావేశంలో మాజీ మంత్రి ఆదిమూలపు సురేష్‌

● అక్కడికక్కడే యువకుడి మృతి సంతమాగులూరు (అద్దంకి): రోడ్డు ప్రమాదంలో ఓ యువకుడు అక్కడికక్కడే మృతి చెందాడు. ఈ సంఘటన పాతమాగులూరు సమీపంలో బుధవారం జరిగింది. స్థానికుల కథనం ప్రకారం.. దొనకొండ మండలం కొచ్చర్లకోట గ్రామానికి చెందిన చింతగుంట్ల వెంకట ఆంజనేయులు (25) స్వగ్రామం నుంచి నరసరావుపేట వైపు బైకుపై వెళ్తున్నాడు. ఈ క్రమంలో మండలంలోని పాతమాగులూరు సమీపంలోకి రాగానే గుంటూరు నుంచి మార్కాపురం వెళ్తున్న కారు బైకును ఢీకొట్టింది. బైకుపై ఉన్న ఆంజనేయులు తీవ్రంగా గాయపడి అక్కడికక్కడే మృతి చెందాడు. స్థానికుల సమాచారం మేరకు పోలీసులు సంఘటన స్థలానికి చేరుకుని కేసు నమోదు చేశారు. మృతదేహాన్ని పోస్టుమార్టం కోసం వైద్యశాలకు తరలించారు. మార్కాపురం టౌన్‌: ఓ యువకుడు అనుమానాస్పద స్థితిలో మృతి చెందాడు. ఈ సంఘటన పట్టణంలోని భగత్‌సింగ్‌ కాలనీ సమీపంలో బుధవారం జరిగింది. పోలీసులు తెలిపిన వివరాల ప్రకారం..బి.కాశీనాయక్‌ (20) డిగ్రీ చదివి ఇంటి వద్ద ఉంటున్నాడు. బంధువుల పెళ్లికి వెళ్లేందుకు సిద్ధంగా ఉండగా అనుకోని పరిస్థితుల్లో నోటి నుంచి రక్తపు వాంతులతో ఒక్కసారిగా కుప్పకూలాడు. దీంతో అక్కడ ఉన్న బంధువులు హుటాహుటిన పట్టణంలోని ఓ ప్రైవేటు వైద్యశాలకు తరలించారు. అక్కడి వైద్యులు ప్రభుత్వ వైద్యశాలకు తీసుకెళ్లాలని సూచించారు. ప్రభుత్వ వైద్యశాలకు తీసుకెళ్లగా పరిశీలించిన వైద్యులు మృతిచెందినట్లు నిర్ధారించారు. తండ్రి సతీష్‌ నాయక్‌ ఫిర్యాదు మేరకు పట్టణ ఎస్సై విశ్వనాథరెడ్డి కేసు నమోదు చేసి దర్యాప్తు చేస్తున్నారు. గిద్దలూరు రూరల్‌: మండలంలోని బురుజుపల్లె తండా గ్రామ శివారుల్లో నాటుసారా బట్టీని స్థానిక ఎకై ్సజ్‌ శాఖ అధికారులు దాడులు నిర్వహించి ధ్వంసం చేశారు. గ్రామ శివారుల్లో నాటుసారా తయారు చేస్తున్నారని సమాచారం అందడంతో ఎకై ్సజ్‌ శాఖ సీఐ జయరావు తన సిబ్బందితో సంఘటన స్థలానికి చేరుకుని నాటుసారా బట్టీని ధ్వంసం చేశారు. నాటుసారా తయారీ కేంద్రం సమీపంలో 3 లీటర్ల నాటుసారాను స్వాధీనం చేసుకున్నారు. అక్కడి పరిసర ప్రాంతంలో అనుమానాస్పదంగా సంచరిస్తున్న బురుజుపల్లె తండాకు చెందిన చిన్ననాయక్‌ అనే వ్యక్తిని అదుపులోకి తీసుకున్నారు.

గుంటూరు రూరల్‌: మండలంలోని చౌడవరంలోని చేతన పాఠశాలలో మూడు రోజులుగా నిర్వహిస్తున్న రోటరీ డిస్ట్రిక్ట్‌ 3150 లీడర్‌షిప్‌ అవార్డ్స్‌ కార్యక్రమం బుధవారం ముగిసింది. తెలంగాణ, గుంటూరు, ప్రకాశం జిల్లాల నుంచి వివిధ ఇంటరాక్ట్‌ క్లబ్‌ల సభ్యులు పాల్గొన్నారు. ఈ రైలాను రోటరీ జిల్లా 3150 గవర్నర్‌ ఎలక్ట్‌ ముళ్లపూడి హరిహరప్రసాద్‌ ప్రారంభించారు. కార్యక్రమంలో మోటివేషనల్‌ స్పీకర్‌ ప్రదీప్‌ మాట్లాడుతూ విద్యార్థులు తమ లక్ష్యాలను నిర్ణయించుకుని వాటిని సాధించుకోవాలన్నారు. వ్యక్తిత్వ నిపుణులు డాక్టర్‌ సరస్వతిప్రదీప్‌ మాట్లాడుతూ ఆధునిక యుగంలో జరుగుతున్న మార్పులకు పిల్లలు పాజిటివ్‌గా స్పందించాలని కోరారు. గోకరాజు హైమావతి మాట్లాడుతూ నైతికత, విలువల గురించి, లక్ష్మీనారాయణ నాయకత్వ లక్షణాల గురించి వివరించారు. రోటరీ జిల్లా 3150 గవర్నర్‌ నామినీ ప్రసాద్‌ మాట్లాడుతూ రోటరీ గుంటూరు ఆదర్శ్‌ సేవలను కొనియాడారు. కార్యక్రమంలో క్లబ్‌ అధ్యక్షురాలు అన్నే శివకుమారి, కార్యదర్శి జవ్వాది జయశ్రీ, కోశాధికారి విజయ, రైలా క్యాంపు కన్వీనర్‌ మన్నే అనూరాధ, అశోక, రాణి, గాయత్రీ, డాక్టర్‌ పద్మజ, రైలా చైర్మన్‌ మామిడి సుబ్బారావు, ఈదర గిరీష్‌, చేతన రఘురామ్‌, మరుధ్వతి, రోటరీ పూర్వ గవర్నర్‌లు వడ్లమాని రవి, అన్నే రత్న ప్రభాకర్‌, తాళ్ల రాజశేఖర్‌, క్లబ్‌ సభ్యులు సునీత, శివరంజని పాల్గొన్నారు. ఒంగోలువన్‌టౌన్‌: జిల్లాలోని ఎస్సీ యువతకు ఆంధ్రప్రదేశ్‌ షెడ్యూల్డ్‌ కులాల సహకార ఆర్థిక సంస్థ ఆధ్వర్యంలో నేషనల్‌ స్కిల్‌ డెవలప్‌మెంట్‌ కార్పొరేషన్‌ సహకారంతో ఎస్సీ యువతకు వివిధ రంగాల్లో నైపుణ్యాభివృద్ధి శిక్షణ కార్యక్రమాలు నిర్వహించనున్నట్లు జిల్లా షెడ్యూల్డ్‌ కులాల సేవా సహకార సంఘం లిమిటెడ్‌ కార్యనిర్వాహక సంచాలకులు కె.అర్జున్‌నాయక్‌ బుధవారం ఒక ప్రకటనలో తెలిపారు. కార్యక్రమంలో భాగంగా రాష్ట్రంలో గుర్తించిన శిక్షణ కేంద్రాల్లో ఒకటైన ఒంగోలు భాగ్యనగర్‌ 4వ లైన్‌, 11వ అడ్డ రోడ్డులో ఉన్న డీఆర్‌డీఏ–టీటీడీసీలో జూనియర్‌ సాఫ్ట్‌వేర్‌ డెవలపర్‌ కోర్సులో శిక్షణ అందించనున్నట్లు తెలిపారు. బీటెక్‌ అర్హత కలిగిని ఎస్సీ అభ్యర్థులు ఉచిత శిక్షణకు దరఖాస్తు చేసుకోవచ్చన్నారు. అదే విధంగా ఇండియా–ఇశ్రాయేల్‌ ఫ్రేమ్‌వర్క్‌ అగ్రిమెంట్‌లో భాగంగా ఏఎన్‌ఎం, జీఎన్‌ఎంఈ, బీఎస్సీ నర్సింగ్‌ పూర్తి చేసిన అర్హులైన ఎస్సీ మహిళా అభ్యర్థులకు ఇశ్రాయేల్‌ దేశంలో హోంబేస్డ్‌ కేటగిరీ ఉద్యోగ అవకాశాలు కల్పించేందుకు ప్రత్యేక శిక్షణ ఇవ్వనున్నట్లు పేర్కొన్నారు. ఎంపికై న అభ్యర్థులకు నెలకు రూ.2 లక్షల వరకు వేతనంతో ఉద్యగావకాశాలు ఉన్నట్లు తెలిపారు.

కొనకనమిట్ల: ఇటీవల పల్నాడు జిల్లా కారంపూడిలో జరిగిన రాష్ట్రస్థాయి అండర్‌–14 రెజ్లింగ్‌ పోటీల్లో పాల్గొని సత్తా చాటిన గొట్లగట్టు జెడ్పీ పాఠశాల విద్యార్థి పి.సాంబశివ జాతీయస్థాయి పోటీలకు ఎంపియ్యారని పాఠశాల హెచ్‌ఎం టి.ఆదినారాయణ, పీడీ ఎన్‌.ఝాన్సీరాణి అన్నారు. పీడీ ఝాన్సీరాణి మాట్లాడుతూ పాఠశాలకు చెందిన క్రీడాకారులు పి.సాంబశివ, వి.ప్రతాప్‌లు పాకలలో జరిగిన జిల్లాస్థాయి అండర్‌–14 రెజ్లింగ్‌ పోటీల్లో పాల్గొని ప్రతిభ కనబరచటంతో కారంపూడిలో జరిగే రాష్ట్ర స్థాయి పోటీలకు ఎంపికయ్యారని అన్నారు. క్రీడాకారులను అభినందించారు.

● ఎస్పీ హర్షవర్థన్‌ రాజు ఒంగోలు టౌన్‌: జిల్లాలో వివిధ పనుల కోసం వచ్చే విదేశీయులకు ఆశ్రయం కల్పిస్తున్న హోటళ్లు, గెస్ట్‌ హౌస్‌లు, గృహ యజమానులు, హాస్టళ్లు, ఆశ్రమాలు, సత్రాలు, విద్యా సంస్థలు, ఇతరా సంస్థల నిర్వాహకులు వారి వివరాలు తెలియజేయాలని ఆదేశించారు. బుధవారం ఎస్పీ కార్యాలయంలో ఆయన విలేకరులతో మాట్లాడుతూ తమ వద్ద ఆశ్రయం పొందుతున్న విదేశీయుల రాక, బస, బయల్దేరే సమయాలకు సంబంధించిన వివరాలు తప్పసినరిగా తెలియజేయాలని సూచించారు. నేపాల్‌, భూటాన్‌ పౌరులతో సహా డిజిటల్‌ రిపోర్టింగ్‌ ద్వారా నమోదు చేసి 24 గంటల్లోపు ఫారినర్స్‌ రిజస్ట్రేషన్‌ ఆఫీసర్‌, సూపరింటెండెంట్‌ ఆఫ్‌ పోలీసుకు సమాచారం అందివ్వాలన్నారు. విదేశాల నుంచి విద్య, వైద్యం, పర్యటనల కోసం జిల్లాకు వచ్చే వారి సంఖ్య పెరిగిపోయిందని తెలిపారు. విదేశీలయుల పాస్‌పోర్ట్‌, వీసా, వ్యక్తిగత వివరాలు, వసతి వివరాలను ది ఇమ్మిగ్రేషన్‌ అండ్‌ పారినర్స్‌ చట్టం 2025, సెక్షన్‌ 8 ప్రకారం తప్పనిసరిగా వెబ్‌సైట్‌ ద్వారా నమోదు చేసి కార్యాలయంలో అందించాల్సిన బాధ్యత నిర్వాహకుల మీద ఉందన్నారు. ఆన్‌లైన్‌ వ్యవహారంలో ఆయా సంస్థల యాజమాన్యాలు నిర్లక్ష్యం చేయవద్దని స్పష్టం చేశారు. నిబంధనలు ఉల్లంఘిస్తే కఠిన చర్యలు తీసుకుంటామని ఎస్పీ హర్షవర్థన్‌ రాజు హెచ్చరించారు.

దర్శి: స్థానిక సంస్థల ఎన్నికల కోడ్‌ అమలులోకి వచ్చిన నేపథ్యంలో తొలిరోజు బుధవారమే దర్శి ప్రాంతానికి చెందిన అధికారుల పచ్చపాతం ప్రదర్శించారు. పట్టణంలో దివంగత సీఎం వైఎస్‌ రాజశేఖర్‌రెడ్డి విగ్రహానికి ముసుగేశారు. టీడీపీ నేతల ఫ్లెక్సీలు మాత్రం యథేచ్ఛగా దర్శనమిస్తున్నాయి. కురిచేడు రోడ్డులో నగర పంచాయతీ నిధులతో నిర్మించిన బస్‌షెల్డర్‌పై టీడీపీ ఇన్‌చార్జి గొట్టిపాటి లక్ష్మి ఫొటోలతో ఉన్న డిజిటల్‌ బోర్డులు అలాగే ఉంచారు. గడియారం స్తంభం సెంటర్‌లో ఆమెకు కట్టి ఉన్న ఫ్లెక్సీలను కూడా తీయకుండా అలాగే ఉంచారు. దీనికి తోడు తహసీల్దార్‌ కార్యాలయంలో ఎన్నికల కోడ్‌కు ముందు ప్రారంభించిన శిలాఫలకానికి కూడా మూత వేయలేదు. పట్టణంలో ఎన్నికల అధికారులు పచ్చనేతల్లా వ్యవహరిస్తున్నారనేందుకు ఇది నిదర్శనంగా కనిపిస్తోంది. మహానేత వైఎస్సార్‌ విగ్రహానికి ముసుగు వీధుల్లో యథేచ్ఛగా టీడీపీ ఫ్లెక్సీలు పచ్చనేతల్లా ప్రవర్తిస్తున్న అధికారులు

ఒంగోలు సిటీ: సింగరాయకొండలోని చైతన్య పాఠశాల నవోదయ కోచింగ్‌ కేంద్రంలో చదువుకుంటున్న కనిగిరికి చెందిన పదేళ్ల బాలుడు తౌషిక్‌ అనుమానాస్పద మృతి ఘటనపై ఆంధ్రప్రదేశ్‌ బాలల హక్కుల పరిరక్షణ కమిషన్‌ తక్షణమే స్పందించి సమగ్ర విచారణ చేపట్టాలని రాష్ట్ర బాలల హక్కుల పరిరక్షణ కమిషన్‌ మాజీ సభ్యురాలు బత్తుల పద్మావతి డిమాండ్‌ చేశారు. తౌషిక్‌ మృతిపై తల్లిదండ్రులు వ్యక్తం చేసిన అనుమానాలు, వేధింపులకు సంబంధించిన ఆరోపణలు, అందుబాటులో ఉన్న వైద్య, పోస్టుమార్టం నివేదికలు, పోలీసు దర్యాప్తు వివరాలను నిష్పక్షపాతంగా పరిశీలించి వాస్తవాలు వెలికితీయాలని ఆమె కోరారు. న్యాయం కోసం పోరాడిన బాలుడి తల్లి మరణించిన ఘటన మరింత విషాదకరమని పేర్కొంటూ బాధిత కుటుంబానికి న్యాయం చేయాలని విజ్ఞప్తి చేశారు. రాష్ట్ర వ్యాప్తంగా నవోదయ, సైనిక్‌ స్కూల్‌ కోచింగ్‌ కేంద్రాలు, ప్రైవేట్‌ హాస్టళ్లలో విద్యార్థుల భద్రత, వసతి, ఆహారం, వార్డెన్ల ప్రవర్తన, బాలలపై శారీరక, మానసిక వేధింపుల నివారణకు పటిష్ట పర్యవేక్షణ అవసరమన్నారు. అనుమతులు లేకుండా నిర్వహిస్తున్న సంస్థలను గుర్తించి నిబంధనలు ఉల్లంఘించిన యాజమాన్యాలపై చట్టప్రకారం చర్యలు తీసుకోవాలని డిమాండ్‌ చేశారు. తౌషిక్‌ మృతి ఘటనపై ఏపీ ఎస్‌సీపీసీఆర్‌ సుమోటోగా కేసు స్వీకరించి విచారణ చేపట్టాలన్నారు. ప్రత్యేక విచారణ కమిటీని ఏర్పాటు చేసి బాలుడి మృతికి దారితీసిన పరిస్థితులపై సమగ్ర విచారణ జరపాలన్నారు. పాఠశాల యాజమాన్యం, వార్డెన్‌ లేదా ఇతరుల నిర్లక్ష్యం, వేధింపులు ఉన్నట్లు తేలితే బాధ్యులపై చట్టప్రకారం చర్యలు తీసుకోవాలన్నారు. పర్యవేక్షణలో నిర్లక్ష్యం వహించిన విద్యాశాఖ అధికారుల పాత్రపై విచారణ జరపాలన్నారు. రాష్ట్రవ్యాప్తంగా కోచింగ్‌ కేంద్రాలు, ప్రైవేట్‌ హాస్టళ్ల అనుమతులు, భవన భద్రత, అగ్నిమాపక ఏర్పాట్లు, విద్యార్థుల రికార్డులు, బాలల రక్షణ ప్రమాణాలపై ప్రత్యేక తనిఖీలు నిర్వహించాలన్నారు. జాతీయ బాలల హక్కుల పరిరక్షణ కమిషన్‌ మార్గదర్శకాలను అమలు చేసి పిల్లల భద్రతకు పటిష్ట పర్యవేక్షణ వ్యవస్థను ఏర్పాటు చేయాలన్నారు.

ఒంగోలు సబర్బన్‌: ప్రకాశం జిల్లాలో దీపావళి పండుగను పురస్కరించుకొని, బాణసంచా విక్రయించడానికి తాత్కాలిక దుకాణాలు ఏర్పాటు చేయదలచిన వ్యాపారులు దరఖాస్తు చేసుకోవాలని డీఆర్‌ఓ కే.వెంకట రమణ పేర్కొన్నారు. ఈ మేరకు బుధవారం ఆయన తన చాంబర్‌లో వివిధ శాఖల అధికారులతో సమీక్ష నిర్వహించారు. ఈ సందర్భంగా ఆయన మాట్లాడుతూ ఈనెల 15 నుంచి 24వ తేదీ వరకు సంబంధిత మీ సేవా కేంద్రాలు, గ్రామ– వార్డు సచివాలయాల ద్వారా దరఖాస్తు చేసుకోవాలన్నారు. అందు కోసం దరఖాస్తుతో పాటు చిరునామా ధ్రువీకరణ పత్రం, ఆధార్‌ కార్డు నకలు, మూడు పాస్‌పోర్ట్‌ సైజు ఫొటోలు, వయస్సు ధ్రువీకరణ పత్రం, రూ.10 స్టాంప్‌ పేపర్‌ నోటరీ చేయించిన అఫిడవిట్‌, వాణిజ్య శాఖ ఎన్‌ఓసీ, పోలీసు శాఖ ధ్రువీకరణ పత్రం, అగ్నిమాపక శాఖ ధ్రువీకరణ పత్రం, సంబంధిత గ్రామ పంచాయతీ, మునిసిపాలిటీ ధ్రువీకరణ పత్రం ఇవ్వాలన్నారు. 18 ఏళ్లలోపు వయస్సున్న వారికి లైసెన్సులు మంజూరు చేయరన్నారు. సంబంధిత అధికారులు గుర్తించిన అనువైన ప్రదేశాల్లో మాత్రమే తాత్కాలిక దుకాణాలు ఏర్పాటు చేసుకోవాలని చెప్పారు. రద్దీ ప్రాంతాలు, జనావాసాల మధ్య దుకాణాలకు అనుమతి ఉండదన్నారు. బాణసంచా దుకాణాల చుట్టూ 50 మీటర్ల పరిధిలో తగిన ఖాళీ స్థలం ఉండేలా చూడాలన్నారు. ఒక దుకాణానికి మరొక దుకాణానికి మధ్య కనీసం 3 మీటర్ల దూరం ఉండాలని, ప్రతి దుకాణం వద్ద అగ్నిప్రమాద నివారణ చర్యల్లో భాగంగా నీరు, ఇసుక తప్పనిసరిగా అందుబాటులో ఉంచుకోవాలన్నారు. బాణాసంచా విక్రయాలకు వచ్చేనెల 7 నుంచి 9వ తేదీ వరకు మాత్రమే అనుమతి ఉంటుందని చెప్పారు. 9వ తేదీ సాయంత్రం 7 గంటలలోపు దుకాణాలను ఖాళీ చేయాలన్నారు. ఆసక్తి గల వ్యాపారులు నిర్ణీత గడువులోగా దరఖాస్తు చేసుకొని, సంబంధిత నిబంధనలు, భద్రతా సూచనలను తప్పనిసరిగా పాటించాలని పేర్కొన్నారు.

జె.పంగులూరు: వ్యవసాయం కోసం విద్యుత్‌ స్తంభం ఎక్కి వైర్‌ తగిలించబోయే సమయంలో విద్యుదాఘాతానికి గురై వ్యక్తి మృతి చెందాడు. ఈ సంఘటన మండలంలోని కొండమంజులూరులో మంగళవారం జరిగింది. వివరాలు.. గ్రామానికి చెందిన కొలకలూరి బాబు (54) పొలానికి నీరు పెట్టేందుకు ప్రయత్నించాడు. ఎల్‌సీ తీసుకోకుండా స్తంభం ఎక్కడంతో ఒక్కసారిగా షాక్‌ తగిలింది. కిందపడటంతో తల వెనుక భాగం వద్ద గాయమై అక్కడికక్కడే మరణించాడు. మృతదేహాన్ని పోస్టుమార్టం కోసం మార్టూరు ప్రభుత్వ వైద్యశాలకు తరలించినట్లు గ్రామస్తులు తెలిపారు. మృతుడికి భార్య రాణి, ఇద్దరు కుమారులు ఉన్నారు. సింగరాయకొండ: నిద్రమత్తు కారణంగా కారు అదుపుతప్పి రోడ్డు మార్జిన్లోకి దూసుకెళ్లింది. ఈ ఘటన మంగళవారం ఉదయం 6.30 గంటల సమయంలో మండల పరిధిలో ఎమర్జెన్సీ ల్యాండింగ్‌పై మూలగుంటపాడులోని పోలేరమ్మ గుడి సమీపంలో జరగ్గా ఇద్దరికి స్వల్ప గాయాలయ్యాయి. పోలీసుల కథనం ప్రకారం...రాజమండ్రికి చెందిన ఓబుల్‌రెడ్డి, రాజేశ్వరిలు తమ కుమార్తెతో కలిసి దసరా సెలవులు రావటంతో కడప నుంచి స్వగ్రామం రాజమండ్రికి కారులో బయలుదేరారు. కారు ఎమర్జెన్సీ ల్యాండింగ్‌పై పోలేరమ్మ తల్లి గుడి సమీపంలోకి రాగానే నిద్రమత్తు కారణంగా కారు అదుపుతప్పి రోడ్డు మార్జిన్లోని గుంతలోకి దూసుకుపోయింది. ఈ ఘటనలో కారు ముందు భాగం తీవ్రంగా దెబ్బతింది. స్వల్ప గాయాలపాలైన భార్యాభర్తలిద్దరిని 108లో ఒంగోలు జీజీహెచ్‌కు తరలించారు. ఈ ఘటనపై కేసు నమోదు చేసి దర్యాప్తు చేస్తున్నట్లు ఎస్సై ఎల్‌ సుధీర్‌కుమార్‌ వివరించారు. కొండపి: స్థానిక పొగాకు వేలం కేంద్రంలో మంగళవారం నిర్వహించిన వేలంలో 215 బేళ్లు తిరస్కరణకు గురైనట్లు వేలంకేంద్ర నిర్వహణ అధికారి ఎం శంకరరావు తెలిపారు. క్లస్టర్‌ పరిధిలోని నేతివారిపాలెం, రామచంద్రపురం గ్రామాల రైతులు 1104 బేళ్లను వేలానికి తీసుకురాగా 889 బేళ్లను కొనుగోలు చేసి 215 బేళ్లను తిరస్కరించారు. గరిష్ట ధర రూ.250, కనిష్ట ధర రూ.110, సరాసరి ధర రూ.196.32గా నమోదైంది. టంగుటూరు: రైతులు వేలానికి అనుగుణంగా నాణ్యమైన పొగాకు బేళ్లు తీసుకొని వచ్చి అధిక ధరలు పొందాలని వేలం నిర్వహణాధికారి సత్య శ్రీనివాస్‌ తెలిపారు. వేలం కేంద్రాన్ని మంగళవారం కారుమంచి గ్రామానికి చెందిన రైతులు 1000 బేళ్లను వేలానికి తీసుకురాగా 834 బేళ్లను కొనుగోలు చేసి 166 బేళ్లను తిరస్కరించారు. గరిష్ట ధర రూ.250, కనిష్ట ధర రూ.110, సరాసరి ధర రూ.195.87గా నమోదైంది. వేలంలో 12 కంపెనీల ప్రతినిధులు పాల్గొన్నారు.

పొదిలి: పట్టణంలోని ఓ లాడ్జిలో యువకుడు అనుమానాస్పద స్థితిలో మృతి చెందాడు. ఈ సంఘటన మంగళవారం వెలుగులోకి వచ్చింది. పోలీసులు, బంధువుల కథనం ప్రకారం.. పొదిలికి చెందిన సయ్యద్‌ కరీముద్దీన్‌ (23) తన స్నేహితుని నిశ్చితార్థం ఉండటంతో సోమవారం స్నేహితులతో కలిసి పట్టణంలోని ఓ లాడ్జిలో గది అద్దెకు తీసుకున్నాడు. రాత్రి కొంత మంది స్నేహితులతో కలిసి కరీముద్దీన్‌ కూడా అందులో బస చేశాడు. మరుసటి రోజు ఉదయం ఎవరి దారిన వారు వెళ్లారు. కరీముద్దీన్‌ ఎంతకూ లేవక పోవడంతో లాడ్జి సిబ్బంది అతడిని లేపే ప్రయత్నం చేశారు. ఎంతకూ లేవక పోవడంతో లాడ్జి సిబ్బంది, స్నేహితులు కలిసి వైద్యశాలకు తరలించారు. అప్పటికే మృతి చెందినట్లు వైద్యులు నిర్థారించారు. అనంతరం పోలీసులకు సమాచారం ఇచ్చారు. ఎస్సై రాజేష్‌ తన సిబ్బందితో లాడ్జిని, వైద్యశాలలో మృతదేహాన్ని పరిశీలించిన వివరాలు నమోదు చేసుకున్నారు. కేసు నమోదు చేసి విచారణ చేస్తున్నట్లు చెప్పారు. మృతదేహాన్ని పోస్టుమార్టం కోసం పొదిలి వైద్యశాలకు తరలించారు.

● సీఆర్‌డీఏ, మున్సిపల్‌ అడ్మినిస్ట్రేషన్‌ ఉన్నత స్థాయి టీమ్‌తో కలెక్టరేట్‌లో సమీక్ష ఒంగోలు సబర్బన్‌: ప్రభుత్వం చేపడుతున్న ప్రాంతీయ ఆర్థిక అభివృద్ధి ప్రణాళికలో భాగంగా ప్రకాశం జిల్లా సమగ్ర స్వరూపాన్ని మార్చేందుకు పటిష్టమైన చర్యలు ప్రారంభమయ్యాయని కలెక్టర్‌ పి.రాజాబాబు పేర్కొన్నారు. స్థానిక కలెక్టరేట్‌లోని మినీ కాన్ఫరెన్స్‌ హాల్‌లో మంగళవారం సీఆర్‌డీఏ, మున్సిపల్‌ అడ్మినిస్ట్రేషన్‌ శాఖలకు చెందిన ఉన్నతస్థాయి అధ్యయన బృందంతో కలెక్టర్‌ ప్రత్యేక సమీక్ష సమావేశం నిర్వహించారు. స్మిత జె కుట్టుకట్‌ నేతృత్వంలోని ముగ్గురు సభ్యుల నిపుణుల టీమ్‌ జిల్లాలోని ఆర్థిక, పారిశ్రామిక అభివృద్ధి అవకాశాలపై అధ్యయనం చేయడానికి ఒంగోలు వచ్చారు. ఈ సమావేశంలో జిల్లా కలెక్టర్‌ పి.రాజా బాబు మాట్లాడుతూ వ్యవసాయం, పరిశ్రమలు, సేవ రంగం అపారమైన అభివృద్ధి అవకాశాలను వెలికితీయడం, ఇక్కడి సహజ సిద్ధమైన వనరులను అమరావతి రీజియన్‌లోని పొరుగు జిల్లాల వనరులతో అనుసంధానించడమే ఈ నివేదిక ప్రధాన ఉద్దేశమని స్పష్టం చేశారు. రామాయపట్నం వద్ద పోర్టు నిర్మాణంతో పాటు దానికి అవసరమైన అనుబంధ మౌలిక సదుపాయాల కల్పనకు తగిన చర్యలు తీసుకుంటామని అధికారులు వెల్లడించారు. జిల్లాలో పారిశ్రామిక పురోగతికి, మౌలిక సదుపాయాల విస్తరణకు, పెట్టుబడుల ఆకర్షణకు అడ్డంకిగా మారిన క్షేత్రస్థాయి సాంకేతిక, ఆర్థిక ప్రతిబంధకాలను తొలగించడంపై కలెక్టర్‌ స్వయంగా సమగ్ర డేటా, గ్రాఫికల్‌ విశ్లేషణతో కూడిన పవర్‌ పాయింట్‌ ప్రెజెంటేషన్‌ ఇచ్చారు. ఈ అధ్యయన బృందం ప్రభుత్వానికి ఒక నమూనా నివేదిక సమర్పిస్తుందని, దాని ఆధారంగా జిల్లా ప్రత్యేక పారిశ్రామిక ప్యాకేజీలు, మౌలిక ప్రాజెక్టులు, ఆర్థిక కేటాయింపులను పొందుతుందని వివరించారు. సమావేశంలో జిల్లా ముఖ్య ప్రధాన ప్రణాళికాధికారి సుధాకర్‌ రెడ్డి, ఏపీఐఐసీ జెడ్‌ఎం మదన్‌ మోహన్‌, పరిశ్రమల శాఖ అధికారి శ్రీనివాసరావులతో పాటు సంబంధిత శాఖల జిల్లా అధిపతులు, రీజినల్‌ ప్లానింగ్‌ నిపుణులు, ఇతర ఉన్నతాధికారులు పాల్గొన్నారు.

చీమకుర్తి రూరల్‌: చీమకుర్తి మున్సిపాలిటీలోని 28 వార్డులకు రిజర్వేషన్లు కేటాయించారు. ఎస్టీ, ఎస్సీ, బీసీ, మహిళలు, జనరల్‌ కేటగిరీల వారీగా వార్డులను విభజించారు. రిజర్వేషన్ల వివరాలు ఈ విధంగా ఉన్నాయి. ఎస్టీ: 2 వార్డులు ఎస్టీ మహిళకు 15వ వార్డు, జనరల్‌కు 25వ వార్డు కేటాయించారు. ఎస్సీ: 4 వార్డులు ఎస్సీ మహిళలకు 1, 5వ వార్డులు, జనరల్‌కు 4, 6వ వార్డులు కేటాయించారు. బీసీ: 8 వార్డులు బీసీ మహిళలకు 8, 10, 21, 23వ వార్డులు, జనరల్‌కు 9, 19, 20, 26వ వార్డులు కేటాయించారు. జనరల్‌ మహిళలు: 7 వార్డులు 3, 11, 13, 14, 16, 24, 27వ వార్డులు మహిళలకు కేటాయించారు. అన్‌రిజర్వుడ్‌ జనరల్‌: 7 వార్డులు 2, 7, 12, 17, 18, 22, 28వ వార్డులను అన్‌రిజర్వుడ్‌ జనరల్‌ కేటగిరీకి కేటాయించారు. మద్దిపాడు: మండల కేంద్రం మద్దిపాడు బీసీకాలనీకి చెందిన యువకునిపై పోక్సో కేసు నమోదు చేసినట్లు ఎస్‌ఐ వెంకట సూర్య తెలిపారు. బీసీ కాలనీకి చెందిన చెల్లి వరస అయ్యే 14 సంవత్సరాల బాలికపై యువకుడు అత్యాచార యత్నం చేయడంతో బాలిక తల్లిదండ్రుల ఫిర్యాదు మేరకు యువకునిపై పోక్సో కేసు నమోదు చేసినట్లు ఎస్‌ఐ తెలిపారు. యర్రగొండపాలెం: దసరా శరన్నవరాత్రి ఉత్సవంలో భాగంగా త్రిపురాంతకంలో వెలసిన బాల త్రిపుర సుందరీదేవి అమ్మవారు మంగళవారం చంద్రఘంట అలంకరణలో భక్తులకు దర్శనం ఇచ్చారు. వేదపండితులు అమ్మవారికి ప్రత్యేక పూజలు చేశారు. రాత్రి బాల త్రిపుర సుందరీదేవిని వ్యాఘ్ర వాహనంపై ఊరేగించారు.

కొత్తపట్నం: మండలంలోని కొత్తపట్నం, రంగాయపాలెంలో ప్రకృతి వ్యవసాయం చేస్తున్న క్షేత్రాలను ఎంఎస్‌ స్వామినాథన్‌ పరిశోధన సంస్థ బృందం మంగళవారం పరిశీలించారు. జిల్లా ప్రాజెక్టు మేనేజర్‌ సుభాషిణి పర్యవేక్షణలో ఎంఎస్‌ స్వామినాథన్‌ పరిశోధనా సంస్థకు చెందిన ఏడుగురు సభ్యుల బృందం అయిన డాక్టర్‌ ఈడీ ఇజ్రాయెల్‌ అలివర్‌ కింగ్‌, డాక్టర్‌ గోపినాథ్‌, ప్రశాంత్‌ పరిడా, డాక్టర్‌ త్రిప్తి, డాక్టర్‌ మీరా సుందరరాజన్‌, నందీష్‌, శ్రీకాంత్‌రెడ్డి, అంజలి వ్యవసాయ క్షేత్రాలను సందర్శించారు. కొత్తపట్నం గ్రామంలో అంకమ్మతల్లి జీవ వనరుల కేంద్రాన్ని సందర్శించిన బృందానికి, కేంద్రం సభ్యులు కషాయాలు, ద్రావణాల తయారీ విధానాన్ని ప్రదర్శించి వివరించారు. అలాగే ప్రకృతి వ్యవసాయంలోని తొమ్మిది సార్వత్రిక సూత్రాలను వివరించి వాటి ప్రాముఖ్యతను తెలిపారు. రామలింగం జ్యోతి కాటా సురేంద్ర సాగు చేస్తున్న ప్రకృతి వ్యవసాయ పంటలను పరిశీలించి రసాయన వ్యవసాయానికి, ప్రకృతి వ్యవసాయానికి మధ్య ఉన్న తేడాలు, సాగు పద్దతులు, రైతుల అనుభవాల గురించి అడిగి తెలుసుకున్నారు. మహిళా సంఘాల ద్వారా ప్రకృతి వ్యవసాయాన్ని ఎలా ముందుకు తీసుకెళ్తున్నారో మహిళా సంఘ సభ్యులతో బృందం నేరుగా మాట్లాడి తెలుసుకున్నారు. ఆరోగ్యం పోష కాహారం విభాగం ఆధ్వర్యంలో నిర్వహిస్తున్న ప్రకృతి వ్యవసాయ ఫుడ్‌బాస్కెట్‌ కార్యక్రమాన్ని పరిశీలించారు. కార్యక్రమంలో పరిశోధనా సంస్థ బృంద సభ్యులు రైతు సాధికార సంస్థ రాష్ట్ర కార్యాలయ ప్రతినిధులు, జిల్లా ప్రాజెక్టు మేనేజర్‌ సుభాషిణి, ప్రకృతి వ్యవసాయ సిబ్బంది పాల్గొన్నారు.

దొనకొండ: అంగట్లో అన్ని ఉన్నా అల్లుడి నోట్లో శని అన్నట్లు అధికారుల తీరు ఉంది. చందవరం మొదటి సమ్మర్‌ స్టోరేజిలో నీరు ఫుల్‌గా ఉన్నా అధికారులు ముందస్తు చర్యలు తీసుకోక పోవడంతో తాగునీరు సరఫరా చేయలేకపోతున్నారు. మండల కేంద్రం దొనకొండలోని ముస్లిం బజార్‌, వీవీపురం, బ్రహ్మరావుపేట, బేతేలుపురం, అరబస్తాన్‌, ఓబ్బాపురంలోని ప్రజలకు నెలల తరబడి తాగేందుకు మంచినీరు సరఫరా కావడం లేదు. గుక్కెడు మంచి నీరు కోసం ఆయా ప్రాంతాల ప్రజలు బాధలు అన్నీ ఇన్నీ కావు. ఎల్‌నినో ప్రభావంతో వర్షాకాలం వేసవి కాలం తలపిస్తోంది. ఆర్‌డబ్ల్యూఎస్‌ అధికారులు మంచినీటి సరఫరా కోసం ఎటువంటి ముందస్తు చర్యలు తీసుకోక పోవడంతో మంచినీటికి ఇబ్బందులు ఎదుర్కొంటున్నామని ప్రజలు నలుగురు చేరిన చోట చర్చించకుంటున్నారు. అధికారులకు దొనకొండ ఏ పాపం చేసిందో తెలియదు కానీ వారి నిర్లక్ష్యమే ప్రజలకు శాపంగా మారింది. వారం రోజుల్లో దసరా పండగ వస్తుందని, నీరు సరఫరా చేయగలరా.. అనే ప్రశ్న ప్రశ్నార్థకంగా మిగిలింది. దొనకొండ ప్రజలకు చుక్క కూడా నీరు అందించలేక అధికారులు విఫలమయ్యారని పెద్ద ఎత్తున విమర్శలు వస్తున్నాయి. ఈ విషయం కూటమి ప్రజాప్రతినిధులకు తెలిసిన కూడా పట్టించుకోక పోవటం దారుణమంటున్నారు. ఇప్పటికై నా అధికారులు దొనకొండ ప్రజలను దృష్టిలో ఉంచుకుని సాగర్‌ జలాలు సరఫరా చేయాలని కోరుతున్నారు. ఈ విషయంపై ఏఈ కిరణ్‌కుమార్‌ను వివరణ కోరగా కాంట్రాక్ట్‌ సిబ్బందికి జీతాలు చెల్లించక పోవడంతో వారు సమ్మె చేస్తున్నారని, వారి బ్యాంకులో జీతాల కోసం చెక్‌ వేశామని, రెండు రోజుల్లో జీతాలు చెల్లించే విధంగా చర్యలు తీసుకుని దొనకొండ ప్రజలకు సాగర్‌ జలాలు సరఫరా చేస్తామని తెలిపారు. నెలల తరబడి సరఫరాకాని సాగర్‌ జలాలు ముందస్తు చర్యలు తీసుకోని అధికారులు

బిల్లా ఆచూకీ కోసం గాలింపు గచ్చిబౌలి: గేమింగ్‌ బెట్టింగ్‌ ముఠాలోని ప్రధాన నిందితుడైన తిరుమల వెంకటేశ్‌ అలియాస్‌ బిల్లా కోసం ప్రత్యేక పోలీసు బృందాలు రంగంలోకి దిగాయి. ప్రకాశం జిల్లా దర్శికి చెందిన తిరుమల వెంకటేశ్‌ వీవీ హైట్స్‌లో ఫ్లాట్‌ అద్దెకు తీసుకొని కొంతకాలంగా క్రికెట్‌, టెన్నిస్‌, క్యాసినో, క్యారమ్‌, చెస్‌ తదితర గేమ్‌ బెట్టింగ్‌లు నిర్వహిస్తున్నాడు. రోజూ వందలాది మంది బెట్టింగ్‌ కాస్తూ రూ.లక్షల్లో నష్టపోతున్నారు. వెంకటేష్‌ తన అనుచరులతో కలిసి దందా నిర్వహిస్తూ దాదాపు రూ.8 కోట్లు దండుకున్నట్లు తెలుస్తోంది. వెంకటేష్‌తోపాటు అతడి అనుచరులు పిండి పవన్‌ దుర్గేశ్‌, పొలిశెట్టి సత్య ఫణీంద్ర ఆచూకీ కోసం ఏపీలోని దర్శి, తిరుపతి, ఇతర ప్రాంతాల్లో ప్రత్యేక బృందాలు గాలిస్తున్నాయి. దర్శి: యువత జీవితాలను ఛిద్రం చేస్తున్న ఆన్‌లైన్‌ బెట్టింగ్‌ దందా మరోసారి తెరపైకి వచ్చింది. హైదరాబాద్‌లోని గచ్చిబౌలి పోలీసులు ఆన్‌లైన్‌ బెట్టింగ్‌ నిర్వహిస్తున్న పది మందిని గుర్తించి కేసు నమోదు చేయగా వారిలో దర్శికి చెందిన తిరుమల వెంకటేష్‌ అలియాస్‌ బిల్లా ఏ–1 నిందితుడిగా ఉన్నాడు. గతంలోనూ బెట్టింగ్‌ వ్యవహారంలో ఆరోపణలు ఎదుర్కొన్న వ్యక్తి మళ్లీ ఇదే కేసులో చిక్కడం చర్చనీయాంశమైంది. కొండాపూర్‌లోని రాజేశ్వరీ నగర్‌ పరిధిలో వీవీ హైట్స్‌ భవనంలోని ఆరో అంతస్తు ఫ్లాట్‌ నంబర్‌ 601లో ఆన్‌లైన్‌ గేమింగ్‌ బెట్టింగ్‌ నిర్వహిస్తున్నట్లు పోలీసులకు సమాచారం అందింది. దీంతో ఎస్‌ఓటీ పోలీసులు దాడులు నిర్వహించారు. ఈ వ్యవహారంలో తిరుమల వెంకటేష్‌ (ఏ1), పిండి పవన్‌ దుర్గేష్‌ (ఏ2), పోలిశెట్టి సత్యఫణీంద్ర సచ్చిన్‌ (ఏ3), బండారు కిరణ్‌ (ఏ4), కొమ్మిరిశెట్టి శివరామ్‌ (ఏ5), సందు నరేష్‌ (ఏ6), నారపుశెట్టి అభి అయ్యప్ప (ఏ7), కుర్రా భరత్‌ (ఏ8), కొల్లుకొండ ఆంజనేయులు (ఏ9), సలీమ్‌ (ఏ10)పై గచ్చిబౌలి పోలీసులు కేసు నమోదు చేశారు. నిందితుల వద్ద రూ.13,74,740 నగదు, మూడు ల్యాప్‌టాప్‌లు, 16 సెల్‌ఫోన్లు, 41 ఎయిర్‌టెల్‌ పేమెంట్‌ బ్యాంక్‌ కిట్లు, 11 ఏటీఎం కార్డులు, 15 ఎయిర్‌టెల్‌ సిమ్‌ కార్డులు, మరో పది మొబైల్‌ ఫోన్లు స్వాధీనం చేసుకున్నట్లు సమాచారం. బెట్టింగ్‌ లావాదేవీలకు సంబంధించిన వివరాలతో కూడిన మూడు నోట్‌ పుస్తకాలను కూడా పోలీసులు స్వాధీనం చేసుకున్నారు. ఈ వ్యవహారంలో మరిన్ని లావాదేవీలు, ఇతరుల పాత్రపై దర్యాప్తు కీలకంగా మారింది. గతంలోనూ ఆరోపణలు ఎస్పీగా హర్షవర్ధన్‌రాజు బాధ్యతలు చేపట్టిన తొలినాళ్లలో క్రికెట్‌ బెట్టింగ్‌పై ప్రత్యేక దృష్టి సారించినట్లు సమాచారం. దర్శి కేంద్రంగా రాష్ట్రవ్యాప్తంగా బెట్టింగ్‌ కార్యకలాపాలు సాగుతున్నాయన్న సమాచారంతో స్థానిక పోలీసులకు తెలియకుండా అద్దంకి సీఐతో దాడులు నిర్వహించి పలువురిని అరెస్టు చేశారు. ఆ సమయంలో ఏ–1గా ఉన్న బిల్లాను కేసు నుంచి తప్పించారంటూ స్థానిక పోలీసులపై ఆరోపణలు వెల్లువెత్తాయి. ఆ తర్వాత బిల్లా కొంతకాలం విదేశాలకు వెళ్లినట్లు, తిరిగి దర్శికి వచ్చి మళ్లీ బెట్టింగ్‌ కార్యకలాపాలు కొనసాగించినట్లు స్థానికంగా ప్రచారం జరుగుతోంది. తాజాగా హైదరాబాద్‌లో నమోదైన కేసులో ఏ–1 నిందితుడిగా పేరు రావడంతో ఈ వ్యవహారం మరోసారి చర్చనీయాంశమైంది. హైదరాబాద్‌లో వ్యక్తులను ఏర్పాటు చేసుకుని బెట్టింగ్‌ కార్యకలాపాలు నిర్వహించినట్లు, ఇటీవల బ్యాంకు ఖాతాల ద్వారా సుమారు రూ.3 కోట్ల మేర లావాదేవీలు జరిగినట్లు పోలీసుల వద్ద ఆధారాలు ఉన్నాయని సమాచారం. అధికార పార్టీ నేతల అండతో దర్శి నియోజకవర్గంలో బెట్టింగ్‌ దందా సాగుతోందన్న ఆరోపణలు కలకలం రేపుతున్నాయి. హైదరాబాద్‌లో బెట్టింగ్‌ నిర్వహిస్తూ పట్టుబడిన వారిలో నియోజకవర్గానికి చెందిన టీడీపీ ముఖ్యనేత మద్దతుదారులు ఉండటం గమనార్హం. యువత జీవితాలు బలవుతుంటే రాజకీయ పలుకుబడితో నిర్వాహకులపై చర్యలు తీసుకోకపోవడంపై విమర్శలు వెల్లువెత్తుతున్నాయి. గచ్చిబౌలిలో పది మందిపై కేసు ఏ–1గా దర్శికి చెందిన బిల్లా బిల్లా దర్శి టీడీపీ ముఖ్యనేత ప్రధాన అనుచరుడు గతంలోనూ ఆరోపణలు..మళ్లీ అదే దందా బెట్టింగ్‌ రాయుళ్లకు రక్షణా? దర్శి నియోజకవర్గంలో బెట్టింగ్‌ నిర్వాహకులకు రాజకీయ అండ ఉందన్న ఆరోపణలు పెద్ద ఎత్తున వినిపిస్తున్నాయి. టీడీపీ నియోజకవర్గ ఇన్‌చార్జి గొట్టిపాటి లక్ష్మీకి బిల్లా ప్రధాన అనుచరుడిగా వ్యవహరిస్తున్నాడని స్థానికంగా ప్రచారం జరుగుతోంది. టీడీపీ కార్యక్రమాలకు ఫ్లెక్సీలు ఏర్పాటు చేయడం, తిరునాళ్లలో ప్రభలు ఏర్పాటు చేయడం వంటి కార్యక్రమాల్లో చురుగ్గా పాల్గొంటూ ముఖ్యనేతకు దగ్గరగా ఉంటున్నాడని తెలిసింది. దీంతో బిల్లాపై చర్యలు తీసుకోవడంలో వెనుకంజ వేస్తున్నారన్న విమర్శలు వినిపిస్తున్నాయి. బెట్టింగ్‌ మాఫియా వల్ల యువత భవిష్యత్తు దెబ్బతింటున్న నేపథ్యంలో, ఈ వ్యవహారంలో ఉన్న ప్రతి ఒక్కరి పాత్రపై సమగ్ర విచారణ జరపాలని ప్రజలు కోరుతున్నారు.

హనుమంతునిపాడు: అటవీ ప్రాంతంలో జామాయిల్‌ కర్రను అక్రమంగా నరికించి సొమ్ము చేసుకుంటున్న అక్రమార్కులను ఫారెస్టు అధికారులు మంగళవారం అదుపులోకి తీసుకున్నారు. మండల పరిధి కోటతిప్పల రెవెన్యూ ఫారెస్టులో సర్వే నంబర్‌ 67లో 600 ఎకరాల్లో జామాయిల్‌ సాగు ఏపుగా పెరిగి ఉంది. ఇటీవల కొందరు కూలీలను తీసుకెళ్లి ఫారెస్టులో జామాయిల్‌ కర్రను నరికి రహస్యంగా తరలించి సొమ్ము చేసకుంటున్నారు. టన్ను జామాయిల్‌ కర్ర రూ.10 వేలు చొప్పున అమ్ముకొని సొమ్ము చేసుకుంటున్నారని గ్రామస్తులు ఫారెస్టు అధికారులకు ఫిర్యాదు చేశారు. ఫారెస్టు అధికారుల వివరణ కోటతిప్పల రెవెన్యూ ఫారెస్టు సర్వే నంబర్‌ 67లో జామాయిల్‌ కర్ర నరికిస్తున్న విషయంపై సంబంధిత అధికారులను సాక్షి వివరణ కోరింది. కర్రను దొంగతనంగా నరికి అమ్ముకుంటున్న విషయం వాస్తవమేనన్నారు. మంగళవారం నిందితులు కుందురు నరిసింహారెడ్డి (తిమ్మారెడ్డిపల్లి), ఏలూరి శ్రీనివాసులురెడ్డి (కిచ్చంపల్లి), కె.నారాయణరెడ్డి (దాసరిపల్లి), ముక్కు శ్రీనివాసులురెడ్డి (దాసరిపల్లి)ని అదుపులోకి తీసుకున్నట్లు చెప్పారు. నిందితులు ఇప్పటికే నాలుగు లారీల కర్రను తరలించారని, నలుగురి నుంచి లక్ష రూపాయలు జరిమానా కట్టించుకుని వదిలేశామని చెప్పారు. ఇక నుంచి ఫారెస్టులో జామాయిల్‌ కర్రను దొంగతనంగా విక్రయిస్తే చర్యలు తీసుకుంటామని ఫారెస్టు డీఆర్‌ఓ నాయక్‌, గార్డు నరిసింహులు తెలిపారు. లోడ్‌లకు లోడ్‌లు తరలిస్తున్న అక్రమార్కులు అటవీ అధికారుల అదుపులో నిందితులు

● రాష్ట్ర సీఎస్‌, ఇతర ఉన్నతాధికారులతో కలెక్టర్‌ వీడియో కాన్ఫరెన్స్‌ ఒంగోలు సబర్బన్‌: స్థానిక సంస్థల ఎన్నికల నిర్వహణకు సంబంధించి రాష్ట్ర ప్రభుత్వ చీఫ్‌ సెక్రటరీ బి.సాయి ప్రసాద్‌, పీఆర్‌ అండ్‌ ఆర్‌డీ స్పెషల్‌ సీఎస్‌ కాంతిలాల్‌ దండే, మున్సిపల్‌ అడ్మినిస్ట్రేషన్‌ అండ్‌ అర్బన్‌ డెవలప్మెంట్‌ కమిషనర్‌ కృష్ణ తేజ తదితరులతో కలిసి కలెక్టర్‌, జిల్లా పరిషత్‌ ముఖ్య కార్యనిర్వహణ అధికారి, సంబంధిత అధికారులతో మంగళవారం వీడియో కాన్ఫరెన్స్‌ నిర్వహించారు. ఈ కార్యక్రమానికి కలెక్టర్‌ పి.రాజాబాబు కలెక్టర్‌ కార్యాలయంలోని వీసీ హాల్‌ నుంచి పాల్గొన్నారు. స్థానిక సంస్థల ఎన్నికల్లో రిజర్వేషన్‌ ప్రక్రియలో భాగంగా ముందుగా ఎస్టీ, ఎస్సీ, బీసీ, మహిళా రిజర్వేషన్లను విధిగా పాటించాలని ఈ సందర్భంగా చీఫ్‌ సెక్రటరీ అధికారులకు సూచించారు. నిబంధనలకు విరుద్ధంగా ఎటువంటి చర్యలు తీసుకోవద్దని, సిఫార్సులను ఆమోదించవద్దన్నారు. ఎస్సీ, ఎస్టీ రిజర్వేషన్లకు సంబంధించి 2011 సెన్సెస్‌ గణాంకాలను ఆధారంగా చేసుకోవాలని ఆయన తెలిపారు. ఎన్నికల నిర్వహణకు అవసరమైన ముందస్తు చర్యలు తీసుకోవాలని అందులో భాగంగా పోలింగ్‌ సిబ్బంది ఏర్పాటు , రూట్‌ ఆఫీసర్లు, జోనల్‌ ఆఫీసర్‌ నియామకం చేపట్టాలన్నారు. వార్డు, మండలం జిల్లాలకు సంబంధించి నివేదికలను త్వరితగతిన ఇవ్వాలని ఆయన సూచించారు. ఎన్నికల ప్రక్రియను వేగవంతం చేయాలన్నారు. ఈ కార్యక్రమంలో జిల్లా రెవెన్యూ అధికారి పి.వెంకటరమణ, బీసీ కార్పొరేషన్‌ ఈడీ వెంకటేశ్వరరావు, జిల్లా పరిషత్‌ ముఖ్య కార్యనిర్వహణ అధికారి చిరంజీవి, ఒంగోలు మున్సిపల్‌ కమిషనర్‌ వెంకట కృష్ణయ్య, డీపీఓ అనుపమ ఇతర అధికారులు పాల్గొన్నారు.

దర్శి: స్థానిక సంస్థల ఎన్నికలే లక్ష్యంగా పోలీసులు బైండోవర్‌ కేసులు పెడుతున్నారు. సాధారణంగా రౌడీషీటర్లు, గతంలో గొడవలు చేసిన వారు, వివాదాస్పద వ్యక్తులపై శాంతియుతంగా ఎన్నికలు జరగాలనే ఉద్దేశంతో బైండోవర్‌ కేసులు పెడుతుంటారు. అయితే దర్శిలో అలా జరగడం లేదు. వైఎస్సార్‌ సీపీలో యాక్టివ్‌గా ఉన్న నాయకులను టార్గెట్‌ చేసి ఎన్నికల్లో పోటీ చేసే వారిపై బైండోవర్‌ కేసులు పెట్టడంపై తీవ్ర విమర్శలకు తావిస్తోంది. మంగళవారం శివరాజనగర్‌కు చెందిన 15 మందిపై బైండోవర్‌ కేసులు పెట్టాలని పిలిపించారు. దీంతో టీడీపీ వారిని కూడా పిలిపించండని పోలీసులను నాయకులు కోరగా వాళ్లతో మీకెందుకు, వాళ్లను తర్వాత పిలిపిస్తామని చెప్పారు. ఎప్పుడూ ఇరుపార్టీల వారిని ఒకేసారి పిలిచి బైండోవర్‌ చేసేవారని, ఇప్పుడు టీడీపీ నాయకులను ఎందుకు బైండోవర్‌ చేయడం లేదని ప్రశ్నించగా పోలీసుల నుంచి మౌనమే సమాధానం వస్తోంది. వార్డుల్లో యాక్టివ్‌గా ఉండే వైఎస్సార్‌ సీపీ వాళ్లను బైండోవర్‌ చేసి టీడీపీలో తూతూమంత్రంగా అనామకుల పేర్లు రాస్తున్నారన్న విమర్శలు వినిపిస్తున్నాయి. ఇరువురిని ఒకేసారి పిలిపించి బైండోవర్‌ చేయాలని వైఎస్సార్‌ సీపీ నేతలు కోరుతున్నారు. వార్డుకు 15 మంది వైఎస్సార్‌ సీపీ నేతల బైండోవర్‌ టీడీపీ నేతల వైపు చూడని పోలీసులు

పొదిలి రూరల్‌: రెండు బైకులు ఢీకొని ఇద్దరు మృతిచెందగా ఒకరికి తీవ్రగాయాలైన సంఘటన సోమవారం రాత్రి పొదిలి మండలంలోని మల్లవరం సమీపంలోని రాజీవ్‌నగర్‌ వద్ద జరిగింది. ఈ ప్రమాదంలో పొదిలి మండలం పాములపాడు పంచాయతీలోని గొల్లపల్లికి చెందిన పేరం చెంచిరెడ్డి (55), మూగచింతల గ్రామానికి చెందిన వేల్పుల కార్తీక్‌ (20) మృతి చెందగా, గొల్లపల్లికి చెందిన సోము పుల్లారెడ్డి తీవ్రంగా గాయపడ్డాడు. స్థానికులు తెలిపిన వివరాల ప్రకారం.. పేరం చెంచిరెడ్డి ఈ నెల 16వ తేదీ జరగనున్న కూతురు పెళ్లికి చెప్పడానికి ద్విచక్ర వాహనంపై సోము పుల్లారెడ్డి వచ్చి తిరిగి స్వగ్రామానికి వెళ్తున్నారు. మల్లవరం సమీపంలోని రాజీవ్‌నగరం సమీపంలో మూగచింతల గ్రామానికి చెందిన వేల్పుల కార్తీక్‌ బైకుపై ఎదురుగా రాగా ఢీకొన్నారు. దీంతో రెండు వాహనాలపై ఉన్న ముగ్గురూ తీవ్రంగా గాయపడ్డారు. స్థానికులు 108కు సమాచారం అందించగా, సంఘటన స్థలానికి వచ్చి గాయపడిన వారిని పొదిలి ప్రభుత్వాస్పత్రికి తరలించారు. అక్కడి వైద్యులు ప్రథమ చికిత్స చేసి మెరుగైన వైద్యం కోసం ఒంగోలు తరలిస్తుండగా మార్గం మధ్యలో పేరం చెంచిరెడ్డి, వేల్పుల కార్తీక్‌ మృతి చెందారు. పుల్లారెడ్డి తీవ్రగాయాలతో చికిత్స పొందుతున్నారు. విషయం తెలుసుకున్న పోలీసులు.. సంఘటన స్థలానికి చేరుకుని దర్యాప్తు చేపట్టారు. మృతిచెందిన వారి కుటుంబ సభ్యులు, బంధువుల రోదనలు మిన్నంటాయి. మృతిచెందిన పేరం చెంచిరెడ్డి, వేల్పుల కార్తీక్‌