Sangareddy District News

ఐదుగురికి గాయాలు కొండపాక(గజ్వేల్‌): ఆటోను హార్వెస్టర్‌ ఢీకొట్టిన ఘటనలో ఐదుగురు గాయపడ్డారు. ఈ ఘటన కుకునూరుపల్లి పోలీస్టేషన్‌ పరిధిలో కొడకండ్ల గ్రామ శివారులో మంగళవారం చోటు చేసుకుంది. వివరాలు ఇలా.. హైదరాబాద్‌లోని రామంతాపూర్‌ నుంచి ఒకే కుటుంబానికి చెందిన సాయిబాబ, సువతి, రాజేశ్వరితో పాటు ఇద్దరు చిన్న పిల్లలు కలిసి ఆటోలో కొమురవెళ్లి మల్లన్న దర్శనం కోసం వస్తున్నారు. ఈ క్రమంలో కొడకండ్ల నుంచి హార్వెస్టర్‌ చిన్ని కిష్టాపూర్‌ వైపునకు వెళ్తూ ఆటోను ఢీకొట్టింది. దీంతో ఆటో రాజీవ్‌ రహదారిపై రెండు పల్టీలు కొట్టింది. ఆటోలో ఉన్న సాయిబాబ తలకు గాయాలవ్వగా మిగతా నలుగురికి స్వల్ప గాయాలయ్యాయి. ఆపకుండా వెళ్తున్న హార్వెస్టర్‌ను స్థానికులు పట్టుకున్నారు. అంబులెన్సులో క్షతగాత్రులను గజ్వేల్‌ ప్రభుత్వ ఆసుపత్రికి తరలించారు. ఈ విషయమై ఎస్సై బాలకృష్ణను సంప్రదించగా ఎలాంటి ఫిర్యాదు రాలేదన్నారు.

కంగ్టి (నారాయణఖేడ్‌): నిద్రించిన చోటే అనుమానాస్పద స్థితిలో వ్యక్తి సజీవ దహనం అయ్యాడు. ఈ ఘటన మండలంలోని దెగుల్‌వాడీలో సోమవారం అర్ధరాత్రి చోటు చేసుకుంది. ఎస్‌ఐ దుర్గారెడ్డి వివరాల ప్రకారం.. గ్రామానికి చెందిన గూనె జరప్ప (42) రోజూ మాదిరిగానే సోమవారం రాత్రి ఇంటి ముందు పడుకున్నాడు. అర్ధరాత్రి మంచంతో సహా జరప్ప దగ్ధమై ఉండటం చూసిన అదే గ్రామానికి చెందిన వ్యక్తి హైదరాబాద్‌లో ఉండే మృతుడి సోదరుడు రఘునాథ్‌కు సమాచారం అందించాడు. అతడు గ్రామానికి వచ్చి చూడగా జరప్ప నిద్రిస్తున్న స్థలం వద్ద మంచానికి ఉండే తాడు దగ్గర రెండు కరెంటు వైర్లు తెగిపోయి కనిపించింది. దీంతో కరెంటు తీగ తెగిపడడంతో సజీవ దహనం అయ్యాడా? లేక మరేదైనా కారణం ఉందా? అనుమానం వ్యక్తం చేస్తూ మృతుడి సోదరుడు పోలీసులకు ఫిర్యాదు చేశాడు.

కొల్చారం(నర్సాపూర్‌): జీవన ఎరువుల వాడకంతో భూమి సారం, పంట దిగుబడి పెరుగుతుందని భారతీయ చిరుధాన్యాల పరిశోధన సంస్థ ప్రధాన శాస్త్రవేత్త డాక్టర్‌ ఉమాకాంత్‌ పేర్కొన్నారు. మంగళవారం మండలంలోని రంగంపేటలో కేత్‌ బచావో అభియాన్‌ కార్యక్రమంపై రైతులకు అవగాహన కార్యక్రమం నిర్వహించారు. ఈ కార్యక్రమానికి ఉమాకాంత్‌, మరో శాస్త్రవేత్త సేవా నాయక్‌ హాజరై మాట్లాడారు. మట్టి నమూనా సేకరణ, పరీక్షల ద్వారా కలిగే లాభాలను సమగ్రంగా వివరించారు. సమగ్ర పోషక యాజమాన్య పద్ధతిలో భాగంగా పచ్చి రొట్టె ఎరువులు, జీవన ఎరువులు వాడుతూ నేల ఆరోగ్యాన్ని కాపాడాలన్నారు. ఎల్‌నినో ప్రభావం వల్ల యాసంగిలో వరికి బదులుగా, తక్కువ నీటి అవసరమున్న ఆరుతడి పంటలు జొన్న, మొక్కజొన్న, శనగ, పొద్దు తిరుగుడును సాగు చేయాలని రైతులకు సూచించారు. కార్యక్రమంలో కేవీకే శాస్త్రవేత్త డాక్టర్‌ ప్రతాప్‌ రెడ్డి, మండల వ్యవసాయ అధికారి శ్వేత, ఏఈఓ స్రవంతి, ఉప సర్పంచ్‌ సురేశ్‌, రైతులు పాల్గొన్నారు.

గజ్వేల్‌రూరల్‌: రాష్ట్రస్థాయి సెపక్‌ తక్రా పోటీలకు గజ్వేల్‌–ప్రజ్ఞాపూర్‌ మున్సిపాలిటీ పరిధి ఆర్‌అండ్‌ఆర్‌ కాలనీలోని జడ్పీహెచ్‌ఎస్‌కు చెందిన ఆరుగురు విద్యార్థులు ఎంపికై నట్లు పాఠశాల ప్రధానోపాధ్యాయుడు కరీమొద్దీన్‌, పీడీ ప్రశాంత్‌ పేర్కొన్నారు. మంగళవారం వారు మాట్లాడుతూ ఇటీవల జిల్లా స్థాయిలో జరిగిన పోటీల్లో విద్యార్థులు జీ.కావేరి, జీ. శ్యాంకిశోర్‌, జీ.రాహుల్‌, ఏ.భూలక్ష్మి, జీ.లాస్య, మీనాక్షి ప్రతిభ చాటి రాష్ట్రస్థాయి పోటీలకు ఎంపికయ్యారు. ఈనెల 12 నుంచి 14 వరకు జనగామలో జరిగే 70వ ఎస్‌జీఎఫ్‌ రాష్ట్రస్థాయి సెపక్‌తక్రా పోటీల్లో పాల్గొంటారని తెలిపారు. కార్యక్రమంలో అమ్మ ఆదర్శ పాఠశాల కమిటీ సభ్యులు, ఉపాధ్యాయులు పాల్గొన్నారు. కంగ్టి (నారాయణఖేడ్‌): పేకాట రాయుళ్లను పోలీసులు అరెస్టు చేశారు. ఈ ఘటన మండలంలోని ఘన్‌పూర్‌ గ్రామంలో చోటు చేసుకుంది. ఎస్‌ఐ దుర్గారెడ్డి వివరాల ప్రకారం.. విశ్వసనీయ సమాచారం మేరకు పేకాట స్థావరంపై దాడులు చేసి, మంగళవారం 12 మందిని పట్టుకున్నారు. వీరి వద్ద రూ.38,250 నగదు, పేక ముక్కలను స్వాధీనం చేసుకొని కోర్టులో హాజరు పరచనున్నట్లు తెలిపారు. ఎక్కడైనా పేకాట ఆడితే పోలీసులకు సమాచారం అందించాలని, వారి వివరాలు గోప్యంగా ఉంచుతామని పేర్కొన్నారు. నిజాంపేట(మెదక్‌): మండల కేంద్రంలోని శ్రీ దత్తసాయి, శ్రీనివాస మద్యం దుకాణాలను మంగళవారం ఎకై ్సజ్‌ శాఖ ఎస్సై విక్రమ్‌ ఆధ్వర్యంలో తనిఖీలు చేపట్టారు. ఈ సందర్భంగా ఆయన మాట్లాడుతూ.. రోజు వారీగా స్టాక్‌ వివరాలను రిజిస్ట్రేషన్‌లో పొందుపరచాలన్నారు. ఎమ్మార్పీ ధరలకే మద్యం విక్రయించాలని, అధిక ధరలకు విక్రయిస్తే చట్టపరమైన చర్యలు తీసుకుంటామన్నారు. ఈ కార్యక్రమంలో ట్రైనింగ్‌ ఎకై ్సజ్‌ ఎస్‌ఐ షరీఫ్‌, కానిస్టేబుల్‌ బాల్‌రాజు, రజిత, కృష్ణ గౌడ్‌, రవీందర్‌ రెడ్డి, వైన్స్‌ నిర్వాహకులు శ్రీనివాస్‌ గౌడ్‌, శివ, నవీన్‌, మధు, ప్రశాంత్‌, వేణు, శ్రీకాంత్‌, ఉన్నారు. యజమానిపై కేసు నమోదు తూప్రాన్‌: అనుమతులు లేకుండా అక్రమంగా మట్టిని తరలిస్తున్న టిప్పర్‌ను పోలీసులు సీజ్‌ చేశారు. ఎస్సై గంగరాజు కథనం ప్రకారం.. తూప్రాన్‌ పోలీస్‌ స్టేషన్‌ పరిధిలోని నాగులపల్లి శివారులో అక్రమంగా మట్టి తరలిస్తున్నట్లు విశ్వసనీయ సమాచారం అందింది. దీంతో సోమవారం రాత్రి పోలీసులు నాగులపల్లి బ్రిడ్జి సమీపంలో ప్రత్యేక తనిఖీలు చేపట్టారు. ఈ క్రమంలో మట్టి లోడుతో వెళ్తున్న టిప్పర్‌ను ఆపి పరిశీలించగా, మట్టి రవాణాకు సంబంధించి అనుమతి పత్రాలు లేవని తేలింది. దీంతో వాహనాన్ని పోలీసులు వెంటనే సీజ్‌ చేసి స్టేషన్‌న్‌కు తరలించారు. వాహన యజమాని వెంగలి శ్రీనివాస్‌పై కేసు నమోదు చేశారు. ఉద్యాన వర్సిటీ వీసీ రాజిరెడ్డి ములుగు(గజ్వేల్‌): ఉద్యాన పంటల్లో చీడపీడలను ముందుగానే గుర్తించి పురుగుల మందులు వినియోగించేలా ఆధునిక సాంకేతిక పరిజ్ఞానం దోహదపడుతుందని కొండా లక్ష్మణ్‌ తెలంగాణ ఉద్యాన విశ్వవిద్యాలయం వీసీ డాక్టర్‌.రాజిరెడ్డి తెలిపారు. చీడపీడల ఉధృతిని ముందస్తుగా అంచనా వేసి రైతులకు శాసీ్త్రయ సలహాలు అందించేందుకు విశ్వవిద్యాలయం, బెంగుళూరుకు చెందిన ఫైల్లో (అగ్రిహాక్‌ టెక్నాలజీస్‌ ప్రైవేట్‌ లిమిటెడ్‌) సంస్థతో మంగళవారం అవగాహన ఒప్పందం కుదుర్చుకుంది. ఈ సందర్భంగా వీసీ మాట్లాడుతూ.. ఈ సాంకేతిక వ్యవస్థ అమలుతో పురుగుల మందుల అనవసర వినియోగం తగ్గి, సాగు ఖర్చులు తగ్గడంతో పాటు నాణ్యమైన ఉత్పత్తుల సాధనకు దోహదపడుతుందన్నారు. కార్యక్రమంలో విశ్వవిద్యాలయ అధికారులు పాల్గొన్నారు.

బాలుడిపై కేసు హవేళిఘణాపూర్‌(మెదక్‌): బాలికను లైంగిక వేధింపులకు గురి చేసిన ఘటనలో బాలుడిపై కేసు నమోదైంది. వివరాలు ఇలా.. మెదక్‌ పట్టణంలో నివాసం ఉంటున్న 16 ఏళ్ల బాలుడు అదే వీధిలో ఉన్న 13 ఏళ్ల బాలికను లైంగిక వేధింపులకు గురి చేశాడు. ఈ ఘటనపై పోలీసులకు ఫిర్యాదు చేయడంతో అతడిపై కేసు నమోదు చేశారు. అధికారుల తీరుపై మండిపడుతున్న ప్రజలు హవేళిఘణాపూర్‌(మెదక్‌): పర్యావరణాన్ని కాపాడాల్సిన అధికారులే పెద్దపెద్ద చెట్లను నరకడం ఏమిటని ప్రజలు ప్రశ్నిస్తున్నారు. మండల పరిధిలోని గాజిరెడ్డిపల్లి పాఠశాల ఆవరణలో కోతులు వస్తున్నాయనే సాకుతో విద్యార్థులకు నీడగా ఉన్న పెద్ద చెట్లను తొలగించడంపై గ్రామస్తులు ఆగ్రహం వ్యక్తం చేస్తున్నారు. మొక్కలు నాటి ఏళ్లుగా పెరిగిన చెట్లకు అధికారుల అవగాహన లోపంతోనే ఇలాంటి పరిస్థితి దాపురించిందని తెలిపారు. సంబంధిత అధికారులపై చర్యలు తీసుకొని, ఇలాంటి ఘటనలు పునరావృతం కాకుండా చూడాలని ప్రజలు కోరుతున్నారు.

పటాన్‌చెరు టౌన్‌: వ్యక్తి అదృశ్యమైన ఘటన ఇస్నాపూర్‌ పోలీస్‌ స్టేషన్‌ పరిధిలో చోటు చేసుకుంది. సీఐ మహేశ్‌ వివరాల ప్రకారం.. ఇంద్రేశం మున్సిపల్‌ పరిధిలోని పెద్ద కంజర్లకు చెందిన దీపక్‌ లోహ్రా (43) ఈ నెల 1న ఇంటి నుంచి బయటకు వెళ్లి తిరిగి రాలేదు. దీంతో కుటుంబ సభ్యులు స్థానికంగా, తెలిసిన వారి వద్ద వెతికినా ఆచూకీ లభించలేదు. తండ్రి అదృశ్యంపై కుమారుడు సేవక్‌ మంగళవారం పోలీసులకు ఫిర్యాదు చేశాడు. రావురూకుల గ్రామంలో బాలుడు.. సిద్దిపేటరూరల్‌: బాలుడు అదృశ్యమైన ఘటన మండల పరిధిలోని రావురూకుల గ్రామంలో చోటుచేసుకుంది. ఎస్సై నవత కథనం ప్రకారం.. గ్రామానికి చెందిన చత్రి రమేశ్‌కు ఇద్దరు కుమారులు. చిన్న కుమారుడు మధు (14) 9వ తరగతి చదువుతున్నాడు. ఇటీవల అర్బన్‌ మండలం తడ్కపల్లిలోని విద్యారణ్య ఆవాస విద్యాలయం హాస్టల్‌లో చేర్పించారు. గత నెల 27న హాస్టల్‌లో ఉండటం ఇష్టం లేదని పారిపోగా అదేరోజు రాత్రి బస్టాండులో దొరికాడు. అప్పటి నుంచి ఇంటి వద్దే ఉంటున్నాడు. ఇదిలా ఉండగా సోమవారం ఇంటివద్ద ఉన్న తండ్రి ద్విచక్ర వాహనాన్ని తీసుకుని ఇంట్లో నుంచి వెళ్లిపోయాడు. గ్రామంలో, చుట్టుప్రక్కల వెతికినా ఆచూకీ లభించలేదు. తండ్రి ఫిర్యాదు మేరకు పోలీసులు మిస్సింగ్‌ కేసు నమోదు చేశారు.

దుబ్బాక: వివాహిత ఆత్మహత్యకు పాల్పడింది. ఈ ఘటన దుబ్బాక పట్టణంలో సోమవారం రాత్రి చోటు చేసుకుంది. ఎస్‌ఐ కీర్తి రాజు కథనం ప్రకారం.. కామారెడ్డి జిల్లా దేవునిపల్లికి చెందిన న్యాంతాబాద్‌ వైష్ణవి(26)కి దుబ్బాక పట్టణానికి చెందిన గజభీంకార్‌ వినయ్‌ కుమార్‌తో 2024 నవంబర్‌లో వివాహం జరిగింది. వీరికి 11 నెలల బాబు ఉన్నాడు. కొన్ని రోజులుగా భర్త, అత్తింటి వారితో గొడవలు జరుగుతున్నాయి. ఈ క్రమంలోనే తీవ్ర మానసిక వేదనకు గురైన ఆమె జీవితంపై విరక్తి చెంది ఇంట్లోని బెడ్రూమ్‌లో ఫ్యాన్‌కు చీరతో ఉరివేసుకుని మృతి చెందింది. పోలీసులు పంచనామా నిర్వహించి, మృతదేహాన్ని పోస్టు మార్టం నిమిత్తం దుబ్బాక ఆస్పత్రికి తరలించారు. మృతురాలి తల్లి భాగ్యలక్ష్మి ఫిర్యాదు మేరకు కేసు నమోదు చేశారు. అనారోగ్య సమస్యలతో వ్యక్తి.. తొగుట(దుబ్బాక): అనారోగ్య సమస్యలతో వ్యక్తి జీవితంపై విరక్తి చెంది ఆత్మహత్యకు పాల్పడ్డాడు. ఈ ఘటన మండలంలోని బంజేరుపల్లిలో మంగళవారం చోటుచేసుకుంది. తొగుట ఎస్‌ఐ నవీన్‌ కథనం ప్రకారం.. గ్రామానికి చెందిన మేకల సిద్దిరాములు (48) కొంతకాలంగా అనారోగ్య సమస్యతో బాధపడుతున్నాడు. ఈ క్రమంలో కుటుంబీకులు చికిత్స చేయించారు. ఆరోగ్యం కుదుటపడకపోవడంతో తీవ్ర మనోవేదనకు గురయ్యాడు. ఈ క్రమంలో మంగళవారం ఉదయం సిద్దిపేట ఆస్పత్రికి వెళ్తున్నానని భార్య నిర్మలకు చెప్పాడు. ఆమె వ్యవసాయ పనులకు వెళ్లగా మధ్యాహ్నం బావి వద్దకు వెళ్లి చెట్టుకు ఉరేసుకుని తనువు చాలించాడు. మృతునికి కుమారుడు, కూతురు ఉన్నారు. పెద్దరాజుపేటలో వృద్ధుడు.. చేర్యాల(సిద్దిపేట): వృద్ధుడు బలవన్మరణానికి పాల్పడిన ఘటన మండలంలోని పెద్దరాజుపేటలో చోటు చేసుకుంది. స్థానికులు, కొమురవెల్లి పోలీసుల కథనం ప్రకారం.. గ్రామానికి చెందిన బొల్లె చంద్రయ్య(60) కొద్ది రోజులుగా భూ సమస్య ఎదుర్కొంటున్నాడు. కాగా మంగళవారం ఇంటి సమీపంలోని చెట్టుకు ఉరివేసుకుని మృతి చెందాడు. ఈ విషయమై మృతుడి కుమారుడు పోలీసులకు ఇచ్చిన ఫిర్యాదులో బెదిరింపులు, భూ సమస్యతో ఒత్తిడికి గురై ఆత్మహత్య చేసుకుని ఉంటాడని అనుమానం వ్యక్తం చేశాడు.

రామాయంపేట(మెదక్‌): దారికి అడ్డొచ్చిన కుక్కను తప్పించబోయి రోడ్డుపై పడిపోయిన వ్యక్తి మృతి చెందాడు. ఈ ఘటన సోమవారం రాత్రి రామాయంపేట వద్ద జాతీయ రహదారిపై చోటు చేసుకుంది. పోలీసుల కథనం ప్రకారం.. నార్సింగి మండల కేంద్రానికి చెందిన మోతుకు లక్ష్మణ్‌(50) స్కూటీపై రామాయంపేటకు వచ్చి తిరిగి స్వగ్రామానికి వెళ్తున్నాడు. ఈ క్రమంలో పట్టణ శివారులో అడ్డుగా వచ్చిన కుక్కను తప్పించబోయి లక్ష్మణ్‌ కిందపడి తీవ్రగాయాలపాలయ్యాడు. అటుగా వెళ్తున్న ఓ వ్యక్తి పోలీసులకు సమాచారం అందజేశాడు. అంబులెన్సులో బాధితున్ని ఆసుపత్రికి తరలించగా, అప్పటికే మృతి చెందాడు. మృతుని కుమారుడు వేణు ఫిర్యాదు మేరకు ఎస్‌ఐ నారాయణ కేసు నమోదు చేశారు. గాయపడిన వ్యక్తి.. న్యాల్‌కల్‌(జహీరాబాద్‌): రోడ్డు ప్రమాదంతో తీవ్ర గాయాలై ఆస్పత్రిలో చావు బతుకుల మధ్య కొట్టుమిట్టాడుతున్న యువకుడు చివరకు తనువు చాలించాడు. న్యాల్‌కల్‌కు చెందిన ఇద్దరు యువకులు జహీరాబాద్‌ సమీపంలో మహీంద్రా అండ్‌ మహీంద్రా పరిశ్రమలో పని చేసేందుకు ద్విచక్ర వాహనంపై వెళ్తున్నారు. ఈ క్రమంలో మండల పరిధిలోని న్యామతాబాద్‌ గ్రామ శివారులో సోమవారం తెల్లవారు జామున రోడ్డుపై ఆగి ఉన్నలారీ ఢీకొట్టి తీవ్ర గాయాల పాలయ్యారు. అందులో బొల్లి శ్రీకాంత్‌ మృతి చెందగా, ఎలుకరి సాయి కిరణ్‌ ఆసుపత్రిలో చికిత్స పొందుతున్న విషయం తెలిసిందే. మంగళవారం ఉదయం అతడు మృతి చెందాడు.

● మూడిళ్లకు నిప్పు ● రూ.3లక్షల ఆస్తి నష్టం తొగుట(దుబ్బాక): ప్రమాదవశాత్తు ఇంటికి నిప్పంటుకుని సుమారు రూ.3లక్షల ఆస్తి నష్టం వాటిల్లింది. ఈ ఘటన మండలంలోని తుక్కాపూర్‌లో మంగళవారం చోటుచేసుకుంది. బాధిత కుటుంబీకులు, గ్రామస్తుల కథనం ప్రకారం.. గ్రామానికి చెందిన చిక్కుడు నారాయణ కుటుంబం ఇంటికి తాళం వేసి వ్యవసాయ పనులకు వెళ్లారు. కొద్దిసేపటికి ఇంట్లో మంటలు రావడంతో చుట్టుప్రక్కల వారు గమనించి ఆర్పేందుకు ప్రయత్నించారు. ఈ క్రమంలో మంటలు అధికమై పక్క ఇళ్లకు వ్యాపించాయి. గ్రామస్తులు వెంటనే అగ్నిమాపక కేంద్రానికి సమాచారం అందించారు. వెంటనే వారు ఘటనా స్థలానికి చేరుకుని మంటలను అదుపు చేశారు. ఈ ప్రమాదంలో చిక్కుడు నారాయణ కూతురు వివాహం కోసం కొనుగోలు చేసిన కూలర్‌, ఫ్రిడ్జ్‌ వంటి వస్తువులతో పాటు దుస్తులు, బియ్యం కాలిబూడిదయ్యాయి. సమీపంలోని కనకయ్య, మల్లయ్య ఇళ్లకు మంటలు వ్యాపించి నష్టం వాటిల్లింది. రెవెన్యూ అధికారులు ఘటనా స్థలాన్ని పరిశీలించి పంచనామా నిర్వహించారు.

ప్రశాంత్‌నగర్‌(సిద్దిపేట): పదో తరగతి విద్యార్థుల ఆధార్‌ కార్డులు, జనన ధ్రువీకరణ పత్రాలు, యూడైస్‌ ప్లస్‌ డేటాలో చిన్నపాటి తప్పులు దొర్లితే సవరించే అధికారం ప్రధానోపాధ్యాయులకు ఇవ్వాలని బడ్జెట్‌ స్కూల్స్‌ మేనేజ్‌మెంట్‌ అసోసియేషన్‌ ఆఫ్‌ తెలంగాణ స్టేట్‌ జనరల్‌ సెక్రెటరీ జగ్గు మల్లారెడ్డి అన్నారు. మంగళవారం బీస్మాట్‌ జిల్లా కార్యాలయంలో నిర్వహించిన జిల్లా సమావేశానికి ఆయన ముఖ్య అతిథిగా హాజరై మాట్లాడారు. పదో పరీక్షల సన్నద్ధతపై దృష్టి పెట్టాల్సిన సమయంలో విద్యార్థుల పేర్లు, ఇంటి పేర్లు, అక్షర దోషాలు, పేర్ల మధ్య ఖాళీల సవరణకు విద్యార్థుల తల్లిదండ్రులు విద్యాశాఖ కార్యాలయాల చుట్టూ తిరగాల్సి వస్తుందని పేర్కొన్నారు. తక్షణమే పాఠశాల విద్యాశాఖ సంచాలకులు ప్రధానోపాధ్యాయులకు సవరణ వెసులుబాటు అవకాశం ఇవ్వాలన్నారు. కార్యక్రమంలో బీస్మాట్‌ నాయకులు సత్యం, శ్రీకాంత్‌, రవీందర్‌రెడ్డి, సికిందర్‌, వెంకటేశ్‌, సాగర్‌, తదితరులు పాల్గొన్నారు.

హుస్నాబాద్‌ డివిజన్‌ పరిధిలో నిత్యం 85 వేల లీటర్ల పాలను ఉత్పత్తి చేసి కరీంనగర్‌, ముల్కనూర్‌ డెయిరీలకు సరఫరా చేస్తున్నారు. రైతులు పాల ఉత్పత్తి వైపు మళ్లితే పాల సేకరణ పెరుగుతుందని డెయిరీ అధికారులు అంచనా వేసి సౌకర్యాలను ఏర్పాటు చేస్తున్నారు. డివిజన్‌ పరిధిలోని అక్కన్నపేట, కోహెడ, హుస్నాబాద్‌ మండలాల్లో 16,135 గేదెలు, 16,538 పాడి పశువులు ఉన్నట్లు అధికారుల లెక్కలు చెబుతున్నాయి. కరువుతో పంటలు ఎండిపోవడంతో రైతులు పశువులను కాపాడుకునేందుకు ఇతర ప్రాంతాల నుంచి పశుగ్రాసం కొనుగోలు చేయగా గ్రామాల్లో పశుగ్రాసానికి డిమాండ్‌ పెరుగుతుంది. వరి కోతల తర్వాత పశుగ్రాసంను కాల్చివేసే రైతులు ఇప్పుడు పోగుచేసి విక్రయిస్తున్నారు. పశుగ్రాసానికి సాయం పశువులను పెంచుకొనే రైతులకు వీబీజీ రామ్‌జీ పథకంలో ఎకరాకు రూ.14వేలు ఆర్థిక సహాయం అందిస్తున్నారు. దాహార్తి తీర్చడానికి ఊరూరా నీటి తొట్లు నిర్మించి పశువులకు తాగునీటి సమస్యలు తీర్చనున్నారు. పశువుల మేతకు లోటు రాకుండా సబ్సిడీపై గడ్డి విత్తనాలను పశుసంవర్ధకశాఖ ఆధ్వర్యంలో పంపిణీకి చర్యలు చేపడుతున్నారు. డెయిరీల నుంచి రైతులకు గేదెలు, ఆవుల కొనుగోలుకు బ్యాంకుల ద్వారా రుణాలను ఇప్పించడానికి ప్రణాళికలను సైతం సిద్ధం చేస్తుండటం గమనార్హం. ప్రభుత్వం కూడా సబ్సిడీపై పాడి గేదెల కొనుగోలుకు రుణాలు అందిస్తే పాల ఉత్పత్తితో జీవనోపాధి పొందుతామని రైతులు వాపోతున్నారు. పశుగ్రాసం పెంచుకుంటే ఎకరానికి రూ.14 వేలు రైతులు పశువుల మేత కోసం పశుగ్రాసం పెంచుకుంటే వీబీజీ రామ్‌జీ పథకంలో ఎకరానికి రూ.14వేల ఆర్థిక సహాయం అందిస్తాం. పశువులకు వేసవిలో దాహార్తిని తీర్చడానికి గ్రామాల్లో నీటి తొట్లు నిర్మిస్తున్నాం. రైతులు ఆయా గ్రామాల్లోని ఫీల్డు అసిస్టెంట్లను సంప్రదించి పశుగ్రాసం కోసం పేర్లు నమోదు చేసుకోవాలి. – పద్మ, ఏపీఓ, హుస్నాబాద్‌

పటాన్‌చెరు: వేగంగా అభివృద్ధి చెందుతున్న ఏఐ, డేటా సైన్స్‌ రంగాల్లో అనిశ్చితిని పరిష్కరించేందుకు రఫ్‌ సెట్‌ సిద్ధాంతం కీలకమని నిపుణులు పేర్కొన్నారు. మంగళవారం ఇస్నాపూర్‌ మున్సిపల్‌ పరిధిలోని రుద్రారం గీతం స్కూల్‌ ఆఫ్‌ సైన్స్‌ గణిత, గణాంక శాస్త్ర విభాగం ఆధ్వర్యంలో ‘ఏఐ, డేటా సైన్స్‌ కోసం రఫ్‌ సెట్‌ సిద్ధాంతం’ అంశంపై ఒకరోజు వర్క్‌ షాప్‌ నిర్వహించారు. రఫ్‌ సెట్‌ సిద్ధాంత వ్యవస్థాపకుడు ప్రొఫెసర్‌ జిడ్జిస్లావ్‌ పావ్లాక్‌ శతజయంతి సందర్భంగా ఈ కార్యక్రమాన్ని ఏర్పాటు చేశారు. మాజీ ప్రొఫెసర్‌ సి.ఆర్‌.రావు, ప్రొఫెసర్‌ సల్మాన్‌ అబ్దుల్‌ మోయిజ్‌, ఎంజీఐటీ కంప్యూటర్‌ సైన్స్‌ విభాగాధిపతి ప్రొఫెసర్‌ టి.వి.రజనీకాంత్‌ పాల్గొని రఫ్‌ సెట్‌ సిద్ధాంతం గణిత పునాదులు, ఆధునిక అనువర్తనాలపై తమ పరిశోధన అనుభవాలను పంచుకున్నారు. కార్యక్రమంలో విద్యార్థులు పాల్గొన్నారు. గీతంలో ఒక రోజు వర్క్‌ షాప్‌

బోర్ల తవ్వకాలకు బ్రేక్‌బోర్ల తవ్వకాలపై ప్రభుత్వం నిషేధం విధించింది. ఎల్‌నినో ప్రభావంతో తగినన్ని వర్షాలు పడకపోవడంతో రోజు రోజుకు భూగర్భ జలమట్టం పడిపోతోంది. దీంతో భూగర్భ జలమట్టం పడిపోకుండా ఉండేందుకు ప్రభుత్వం వాల్టా చట్టాన్ని కఠినతరం చేయనుంది. బోర్ల తవ్వకాలకు అనుమతులు తప్పని సరి ఉన్నా నీటి వనరులు ఆశించిన మేరకు ఉండటంతో ఇప్పటివరకు అధికారులు చూసీచూడనట్లుగా ఉండిపోయారు. ప్రస్తుతం ఉమ్మడి జిల్లాలో భూగర్భ జలాలు పడిపోతుండటంతో బోరు వేసేందుకు అనుమతులు తప్పనిసరి చేసింది. అనుమతులు లేకుండా బోర్లు వేస్తే వాహనాలను సీజ్‌ చేసేందుకు అధికారులు సమాయాత్తం అవుతున్నారు. – జహీరాబాద్‌ రానున్న రోజుల్లో మరింత భూగర్భ జలాలు పడిపోయే ప్రమాదం ఉండటంతో బోర్ల తవ్వకాలపై నిషేధం విధించారు. 2026 వానాకాలం సీజన్‌లో లోటు వర్షపాతం కారణంగా సంగారెడ్డి జిల్లాలో 28 మండలాలను, సిద్ధిపేట జిల్లాలో 8 మండలాలను, మెదక్‌ జిల్లాలో ఒక మండలాన్ని కరువు మండలాలుగా ప్రభుత్వం ప్రకటించింది. సంగారెడ్డి జిల్లాలో కోహీర్‌, జహీరాబాద్‌ మండలాలను అత్యంత కరువు మండలాలుగా ప్రకటించగా సిద్ధిపేట జిల్లాలో కోమరవెల్లి మండలాన్ని తీవ్ర కరువు మండలంగా ప్రకటించింది. మెదక్‌ జిల్లాలో మనోహరాబాద్‌ మండలాన్ని కరువు మండలంగా ప్రకటించగా, అదే జిల్లాలో లోటు వర్షపాతం ఉన్న నర్సాపూర్‌, చిలప్‌చెడ్‌ మండలాలను మాత్రం కరువు కింద ప్రకటించలేదు. రిగ్గుల యజమానులకు ఆదేశాలు బోర్ల తవ్వకాలపై నిషేధం విధించినందున ఎట్టి పరిస్థితుల్లో బోర్లు తవ్వవద్దంటూ రిగ్గుల యజమానులకు అధికారులు ఆదేశాలు జారీ చేశారు. వారితో ప్రత్యేకంగా సమావేశాలు ఏర్పాటు చేసి నిబంధనలను విధిగా పాటించాలని, లేనట్లయితే రిగ్గులను సీజ్‌ చేస్తామని హెచ్చరించారు. ప్రజల దాహార్తిని తీర్చేందుకు అత్యవసరంగా బోర్లు వేయాల్సిన అవసరం ఉంటే అందుకు అధికారులు అనుమతించనున్నారు. మున్సిపాలిటీల్లో, గ్రామాల్లో తాగునీటి అవసరాలకు బోర్లు తవ్వుకునే వెసులుబాటు కల్పించారు. పారిశ్రామిక అవసరాలకు నో పరిశ్రమలకు మాత్రం నీటిని సరఫరా చేసేందుకు ఎలాంటి అనుమతులు లేవని అధికార యంత్రాంగం స్పష్టం చేసింది. పరిశ్రమలకు నీటి వినియోగం అధికం అవుతుండటమే ఇందుకుకారణంగా చెబుతున్నారు. భూగర్భ జలాలను పొదుపుగా వినియోగించడం అత్యవసరంగా మారింది. దీంతో బోర్ల తవ్వకాలపై రెవెన్యూ, భూగర్భజల శాఖలు ప్రత్యేకంగా దృష్టి సారించాయి. నిబంధనలు కఠినతరం బోర్ల తవ్వకాలకు ఎలాంటి అనుమతలు ఇవ్వడం లేదు. వాస్తవానికి చట్టప్రకారం బోరు తవ్వకాలకు అనుమతులు తప్పనిసరి తీసుకోవాల్సి ఉంటుంది. ఈ విషయమై ఇప్పటికే బోరు రిగ్గుల యజమానులకు అదేశాలు జారీ చేశాం. పరిశ్రమలకు నీటిని సరఫరా చేసినా చర్యలు తీసుకోవడం జరుగుతుంది. –దశరథ్‌, తహసీల్దార్‌–జహీరాబాద్‌అనుమతులు పొందాల్సిందే! వ్యవసాయ రంగంతోపాటు వ్యక్తిగత బోర్లు వేసుకోవాలన్నా ప్రభుత్వం నుంచి అనుమతులు పొందాల్సిందే. ప్రభుత్వం తాగునీటి కోసం బోర్లు వేయాలన్నా అనుమతులు ఉండాల్సిందే. తెలంగాణ వాటర్‌–ల్యాండ్‌ అండ్‌ ట్రీస్‌(వాల్టా) చట్టం 2002 ప్రకారం కొత్తగా బోరు తవ్వాలంటే సంబంధిత మండల తహశీల్దార్‌ల నుంచి ముందస్తు అనుమతులు తీసుకోవాల్సి ఉంటుంది. వ్యవసాయ రంగం వారు భూమికి సంబంధించిన పట్టాదారు పాసు పుస్తకం, సర్వే నంబర్‌, బోరు వేయాలనుకునే ప్రదేశం, నీటి వినియోగ అవసరాలతో దరఖాస్తు చేయాల్సి ఉంటుంది. అధికారులు క్షేత్రస్థాయిలో పరిశీలించి నీటి లభ్యతను పరిగణలోకి తీసుకుని అనుమతులు ఇస్తారు. పరిశ్రమలు, వాణిజ్య అవసరాలకు భూగర్భ జలాలను వినియోగించాలంటే సంబంధిత శాఖ నుంచి అవసరమైన ఎన్‌ఓసీ పొందాల్సి ఉంటుంది. ప్రస్తుతం నీటి సమస్య తలెత్తుతున్నందున వ్యవసాయ, వ్యక్తిగత బోర్ల అనుమతులకు ప్రభుత్వం బ్రేక్‌ వేసింది.

రైతు సంఘం జిల్లా అధ్యక్షుడు గొల్లపల్లి సంగారెడ్డి ఎడ్యుకేషన్‌: అఖిల భారత కిసాన్‌ సభ (ఏఐకేఎస్‌) 36వ జాతీయ మహాసభలను ఈ నెల 15 నుంచి 18వ తేదీ వరకు నల్లగొండ పట్టణంలో నిర్వహించనున్నట్లు రైతు సంఘం జిల్లా అధ్యక్షుడు గొల్లపల్లి జయరాజు తెలిపారు. సంగారెడ్డి జిల్లా కేంద్రంలోని సుందరయ్య భవన్‌ నుంచి ఐలమ్మ విగ్రహం వరకు మంగళవారం రైతు సంఘం ఆధ్వర్యంలో బైక్‌ ర్యాలీ నిర్వహించారు. ఈ సందర్భంగా జయరాజు మాట్లాడుతూ..కేంద్రంలోని మోదీ ప్రభుత్వం అమెరికాతో కుదుర్చుకున్న స్వేచ్ఛా వాణిజ్య ఒప్పందాలను రద్దు చేయాలని డిమాండ్‌ చేశారు. స్వామినాథన్‌ కమిషన్‌ సిఫార్సుల ప్రకారం రైతులకు మద్దతు ధర కల్పించడంతోపాటు, మద్దతు ధరకు చట్టబద్ధత కల్పించాలన్నారు. 60 ఏళ్లు నిండిన ప్రతీ రైతుకు నెలకు రూ.6 వేల పెన్షన్‌ ఇవ్వాలని, సహకార సంఘాలను బలోపేతం చేయాలని కోరారు. కౌలు రైతులను ఆదుకునేందు కు ప్రభుత్వం ప్రత్యేక చర్యలు తీసుకోవాలన్నారు. రైతుల సమస్యలను జాతీయస్థాయిలో చర్చించేందుకు నిర్వహిస్తున్న మహాసభలకు రైతులు పెద్ద సంఖ్యలో తరలిరావాలని పిలుపునిచ్చారు. కార్యక్రమంలో రైతు సంఘం జిల్లా కార్యదర్శి రమేశ్‌గౌడ్‌, సీఐటీయూ జిల్లా కార్యదర్శి సాయిలు, రైతు సంఘం జిల్లా నాయకులు పాల్గొన్నారు. రైతు వ్యతిరేక విధానాలపై ఉద్యమాలు జహీరాబాద్‌ టౌన్‌: కేంద్ర, రాష్ట్ర ప్రభుత్వాలు రైతు, కార్మిక వ్యతిరేక విధానాలు అవలంభిస్తున్నాయని సీపీఎం జిల్లా కార్యదర్శి మల్లేశం ఆరోపించారు. పట్టణంలో బుధవారం నిర్వహించిన ఏరియా కమిటీ సమావేశంలో ఆయన పాల్గొని మాట్లాడుతూ ప్రభుత్వాలు అనుసరిస్తున్న వైఖరి పట్ల ఉద్యమాలు చేస్తామని చెప్పారు. ఈ నెల 15న నల్లగొండ బహిరంగ సభకు జహీరాబాద్‌ ప్రాంతం నుంచి రైతులు తరలిరావాలని ఆయన కోరారు.

పాడి వైపు... రైతుల చూపు ఎల్‌నినో కారణంగా సాగు పనులు వదులుకుని రైతులు పాడి వైపు మొగ్గుచూపుతున్నారు. వివరాలు 8లో uరూ.75 కోట్లవిక్రయించకుండానే మరొకరిపై పట్టా మార్పు ఎలా సాధ్యం? సాక్షిప్రతినిధి, సంగారెడ్డి: రామచంద్రాపురం మండలం పరిధిలో ఉన్న విలువైన భూమి అది. సుమారు రూ.75 కోట్లు విలువ చేసే ఈ మూడు ఎకరాల భూమిని పట్టాదారు విక్రయించలేదు. తహసీల్దార్‌ రిజిస్ట్రేషన్‌ కూడా చేయలేదు. కానీ ఈ భూమి మరొకరి పేరుపై మారిపోయింది. పట్టాదారు పాసుపుస్తకాలు కూడా జారీ అయినట్లు భూ భారతి పోర్టల్‌లో నమోదైంది. రాష్ట్రవ్యాప్తంగా భూ భారతి పోర్టల్‌లో జరిగిన అక్రమ లావాదేవీలపై సీఐడీ విచారిస్తోంది. ఈ మేరకు రామచంద్రాపురం తహసీల్దార్‌ సరస్వతికి నోటీసులు జారీ చేసిన సీఐడీ, ఈ మేరకు తమ కార్యాలయానికి పిలిపించి ఈ అక్రమ లావాదేవీ ఎలా జరిగిందనే అంశంపై ఆరా తీసినట్లు తెలుస్తోంది. రాష్ట్రవ్యాప్తంగా పలు జిల్లాల్లో జరిగిన భూభారతి అక్రమ లావాదేవీలపై సీఐడీ విచారణ చేపట్టింది. ఇందులో భాగంగా ఈ విలువైన భూలావాదేవీపై దర్యాప్తు చేస్తోంది. ఒకరి భూమి మరొకరి పేరుపైకి మారాలంటే జరిగే ప్రాసెస్‌ను తహసీల్దార్‌ సీఐడీ అధికారులకు వివరించినట్లు సమాచారం. మూడు నెలల క్రితం కేసు నమోదు తమకు తెలియకుండానే..తమ ప్రమేయం లేకుండానే భూభారతి పోర్టల్‌లో ఈ భూ లావాదేవీలు జరిగినట్లు జిల్లా అధికారుల దృష్టికి రావడంతో రామచంద్రాపురం పోలీస్‌స్టేషన్‌లో తహసీల్దార్‌ సరస్వతి ఫిర్యాదు చేశారు. ఈ ఫిర్యాదు ఆధారంగా రామచంద్రాపురం పోలీసులు కేసు నమోదు చేశారు. జిల్లా కలెక్టర్‌ కూడా ఈ ట్రాన్సాక్షన్‌పై సీసీఎల్‌ఏకు నివేదిక కూడా ఇచ్చారు. ఈ నివేదికను పరిశీలించిన సీసీఎల్‌ఏ ఈ కేసును సీఐడీకి బదిలీ చేసి సిట్‌తో దర్యాప్తు చేయిస్తున్నట్లు రెవెన్యూ వర్గాలు పేర్కొంటున్నాయి. ఈ కేసును దర్యాప్తు చేస్తున్న సీఐడీ అధికారులు ఇప్పటికే పలువురు రెవెన్యూ సిబ్బందిని అదుపులోకి తీసుకుని విచారిస్తున్నారు. జిల్లాలో మరికొన్ని చోట్ల.. జిల్లాలో మరికొన్ని మండలాల్లో ఇలాంటి అక్రమ లావాదేవీలు జరిగినట్లు సీఐడీ దృష్టికి వెళ్లింది. వీటిపైనా దర్యాప్తు కొనసాగుతోంది. ఈ వ్యవహరాల్లో రెవెన్యూ అధికారులు గానీ, సిబ్బంది ప్రమేయం ఉందా? లేదంటే అవుట్‌సోర్సింగ్‌ సిబ్బంది హస్తం ఉందా? అనేదానిపై సీఐడీ అధికారులు లోతైన దర్యాప్తు చేస్తున్నారు. బ్యాక్‌ ఎండ్‌లో ఎలా జరిగింది? ధరణి పోర్టల్‌ స్థానంలో రాష్ట్ర ప్రభుత్వం భూభారతి పోర్టల్‌ను తీసుకు వచ్చిన విషయం విదితమే. ఈ పోర్టల్‌ను ప్రభుత్వం ప్రతిష్టాత్మకంగా తీసుకుంది. ఈ నేపథ్యంలో అధికారుల ప్రమేయం లేకుండానే ట్రాన్సాక్షన్‌లు జరగడం..తహసీల్దార్‌ థంబ్‌, డిజిటల్‌ సిగ్నిచర్‌ లేకుండానే భూమి మరొకరి పేరుపై మారడం, ఈ మేరకు మ్యూటేషన్‌ కూడా జరిగి..పట్టాదారు పాసుపుస్తకం జారీ కావడంతో ఈ పోర్టల్‌ భద్రత ప్రశ్నార్థకంగా మారింది. దీంతో ఇలాంటి లావాదేవీలు ఎలా జరిగిందనే దానిపై సమగ్ర విచారణ చేపట్టిన సీఐడీ బ్యాక్‌ఎండ్‌లో ఎవరి ప్రమేయం ఉందనే అంశంపై ఆరా తీస్తోంది. ఇందుకోసం ఏదైనా మాల్వేర్‌ను వాడారా అని కూడా విచారిస్తున్నట్లు సమాచారం.

● సీపీఐ రాష్ట్ర సహాయ కార్యదర్శి నర్సింహా డిమాండ్‌ ● సింగూర్‌ ప్రాజెక్టు మరమ్మతులు వెంటనే చేపట్టాలిసంగారెడ్డి ఎడ్యుకేషన్‌: ఎల్‌నినో ప్రభావంతో వర్షపాతం తగ్గి కరువు పరిస్థితులు నెలకొన్న నేపథ్యంలో తెలంగాణ రైతాంగాన్ని ఆదుకునేందుకు కేంద్ర ప్రభుత్వం తక్షణమే రూ.25 వేల కోట్ల ప్రత్యేక ప్యాకేజీ ప్రకటించాలని సీపీఐ రాష్ట్ర సహాయ కార్యదర్శి నర్సింహా డిమాండ్‌ చేశారు. కరువు ప్రభావంతో రైతులు, వ్యవసాయ కూలీలు, చేతివృత్తిదారులు తీవ్ర ఇబ్బందులు ఎదుర్కొంటున్నారని ఆవేదన వ్యక్తం చేశారు. సంగారెడ్డి జిల్లా కలెక్టరేట్‌ ఎదుట సీపీఐ ఆధ్వర్యంలో మంగళవారం నిర్వహించిన ఛలో కలెక్టరేట్‌ ధర్నాలో ఆయన పాల్గొని మాట్లాడారు. వాతావరణ మార్పులు, ఎల్‌నినో ప్రభావంతో సకాలంలో వర్షాలు కురవక పంటలు దెబ్బతిని రైతులు తీవ్రంగా నష్టపోయారన్నారు. పంట నష్టపోయిన రైతులకు పరిహారం అందించడంతోపాటు ఉపాధి కోల్పోయిన వ్యవసాయ, భవన నిర్మాణ కార్మికులకు ప్రత్యేక ఆర్థిక సహాయం అందించాలని కోరారు. సంగారెడ్డి జిల్లాకు జీవనాధారంగా ఉన్న సింగూర్‌ ప్రాజెక్టు మరమ్మతులను యుద్ధ ప్రాతిపదికన చేపట్టాలని డిమాండ్‌ చేశారు. అనంతరం జిల్లా అదనపు కలెక్టర్‌ పాండుకు వినతిపత్రం అందజేశారు. జిల్లాలోని 28 కరువు ప్రభావిత మండలాల్లో తక్షణ సహాయక చర్యలు చేపట్టాలని, రైతులు, వ్యవసాయ కార్మికులు, భవన నిర్మాణ కార్మికులు, పేద కుటుంబాలను ఆదుకోవాలని కోరారు.ఘనంగా సదర్‌ వేడుకలు

ఉత్తమ సేవలపై జిల్లా అధికారుల పలు సూచనలు జహీరాబాద్‌: జహీరాబాద్‌, కోహీర్‌ మండలాల్లో ఉన్న 108 వాహనాలను క్లస్టర్‌ ప్రోగ్రాం మేనేజర్‌ సామ్రాట్‌, జిల్లా మేనేజర్‌ నరేశ్‌యాదవ్‌ మంగళవారం ఆకస్మికంగా తనిఖీ చేశారు. అంబులెన్స్‌లోని వైద్య పరికరాలు, మెడికల్‌ స్టాక్‌, వాటి పనితీరుతోపాటు రికార్డులను పరిశీలించారు. డ్యూటీలో ఉన్న సిబ్బందికి తగిన సూచనలు చేశారు. కేసు రాగానే 30 నిమిషాలలో వాహనం స్టార్ట్‌ చేసుకుని వెళ్లి రోగికి తగిన వైద్యం అందిస్తూ దగ్గర్లో ఉన్నటువంటి ఆస్పత్రిలో చేర్పించాలన్నారు. మండల ప్రజలందరికీ అందుబాటులో ఉండాలన్నారు. కార్యక్రమంలో హుస్సేన్‌, 108 ఎమర్జెన్సీ టెక్నీషియన్స్‌ విజయ్‌కుమార్‌, రాజ్‌కుమార్‌, పైలెట్లు శ్రీనివాస్‌, హమీద్‌, 102 సిబ్బంది పాల్గొన్నారు. నాణ్యమైన విద్యుత్‌ అందించాలిఎమ్మెల్యే మాణిక్‌రావు జహీరాబాద్‌: రైతులు, వినియోగదారులకు నాణ్యమైన విద్యుత్‌ను అంతరాయం లేకుండా సరఫరా చేయాలని ఎమ్మెల్యే కె.మాణిక్‌రావు అధికారులకు సూచించారు. జహీరాబాద్‌లో డివిజన్‌స్థాయి విద్యుత్‌ శాఖ అధికారులతో మంగళవారం సమీక్ష నిర్వహించారు. ఈ సందర్భంగా ఆయన మాట్లాడుతూ...రైతులకు వ్యవసాయ అవసరాల నిమిత్తం ప్రత్యేక శ్రద్ధ తీసుకుని విద్యుత్‌ను అందించాలన్నారు. గ్రామాలు, పట్టణాల్లో విద్యుత్‌ సమస్యలపై ప్రజల వైపు నుంచి వచ్చే ఫిర్యాదులను వెంటనే పరిష్కరించాలన్నారు. విద్యుత్‌ అంతరాయాలు ఏర్పడినప్పుడు ఆలస్యం చేయకుండా తక్షణ చర్యలు చేపట్టాలని ఆదేశించారు. విద్యుత్‌ ప్రమాదాల నివారణకు అవసరమైన ముందుజాగ్రతలు తీసుకోవాలన్నారు. అధికారులు విద్యుత్‌ సమస్యలను పరిష్కరించే విషయంలో బాధ్యతాయుతంగా పనిచేయాలని స్పష్టం చేశారు. కొనుగోలు కేంద్రాల్లోనే వరికి మద్దతు ధరసీడీసీ చైర్మన్‌ గడీల రాంరెడ్డి సదాశివపేట(సంగారెడ్డి): ప్రభుత్వం నిర్ణయించిన మద్దతు ధరకే రైతులు వరి ధాన్యం కొనుగోలు కేంద్రాల్లోనే విక్రయించాలని సీడీసీ చైర్మన్‌ గడీల రాంరెడ్డి పేర్కొన్నారు. వ్యవసాయ మార్కెట్‌యార్డ్‌ ఆవరణలో ప్రాథమిక వ్యవసాయ సహకారపరపతి సంఘం ఆధ్వర్యంలో మంగళవారం వరి కొనుగోలు కేంద్రం ప్రారంభించారు. ఈ సందర్భంగా ఆమె మాట్లాడుతూ...కనీస మద్దతు ధర్వ క్వింటాల్‌కు ఏ గ్రేడ్‌ రూ.2,461, సాధారణ రకం రూ.2,440 బోనస్‌ రూ.500 కలిపి మొత్తం క్వింటాల్‌కు రూ.2,961 ప్రభుత్వం అందిస్తుందన్నారు. రైతులు పండించిన వరి ధాన్యం నాణ్యత ప్రమాణాలకు అనుకూలంగా పరిశుభ్రపరిచి ఎండబెట్టి కొనుగోలు కేంద్రానికి తీసుకురావాలన్నారు. కార్యక్రమంలో తహసీల్దార్‌ హరిచంద్రప్రసాద్‌, మార్కెట్‌ కమిటీ వైస్‌ చైర్మన్‌ కందికృష్ణ, పీఏసీఎస్‌ చైర్మన్‌ పబ్బతి రత్నాకర్‌రెడ్డి, ఆత్మకమిటీ చైర్మన్‌ వై.ప్రభు, మండలపార్టీ అధ్యక్షుడు ఒగ్గు శ్రీనివాస్‌, సర్పంచులు మోహన్‌గౌడ్‌ పాల్గొన్నారు. హుస్నాబాద్‌: ఢిల్లీ సాహి త్య సదస్సుకు హాజరుకావాలని హుస్నాబాద్‌కు చెందిన ప్రముఖ కవి, రచయిత, జన జాగృతి వ్యవస్థాపకుడు ముక్కెర సంపత్‌ కుమార్‌కు ఆహ్వానం అందింది. బహుజన సాహిత్య అకాడమీ ఆధ్వర్యంలో న్యూఢిల్లీలో ఈ నెల 15న నిర్వహించనున్న జాతీయ సదస్సుకు సంపత్‌ కుమార్‌ గౌరవ అతిథిగా పాల్గొనేందుకు అంతర్జాతీయ అద్యక్షుడు నల్లా రాధాకృష్ణ ప్రత్యేక ఆహ్వానం అందించారు.

● రైతులు, యాజమాన్యాల సమావేశంలో అదనపు కలెక్టర్‌ సంగీత జహీరాబాద్‌: జిల్లాలోని చెరుకు రైతులకు ఎదురవుతున్న సమస్యలను పరిష్కరించేలా కేన్‌ అధికారులు తగిన చర్యలు చేపట్టాలని జిల్లా అదనపు కలెక్టర్‌ సంగీత ఆదేశించారు. కలెక్టరేట్‌లో కేన్‌ కమిషన్‌ ఆధ్వర్యంలో మంగళవారం చెరుకు రైతులు, ఆయా కర్మాగారాల యాజమాన్యాలతో సమావేశం ఏర్పాటు చేశారు. సమావేశానికి అదనపు కలెక్టర్‌ సంగీత హాజరై రైతులు, యాజమాన్యాలతో చర్చించారు. ఈ సందర్భంగా రైతులు పలు సమస్యలను ఆమె ముందుంచారు. చెరుకు పంటకు రాయికోడ్‌లోని గోదావరి–గంగా, సంగారెడ్డిలోని గణపతి షుగర్స్‌ యాజమాన్యాలు గిట్టుబాటు ధర ఇవ్వడం లేదని, పక్క జిల్లాల్లోని కర్మాగారాల యాజమాన్యాలు తమ చెరుకు పంటకు అధిక ధర ఇచ్చేందుకు ముందుకు వస్తున్నా జిల్లాలోని యాజమాన్యాలు మొక్కుబడి ధరను ఇచ్చేందుకు నిర్ణయించాయని రైతులు ప్రస్తావించారు. జోన్‌ పరిధిలోని చెరుకు పంటను ఇతర జోన్లకు ఎలా తరలిస్తారని యాజమాన్యాలు అభ్యంతరం వ్యక్తం చేస్తున్నాయ ని రైతులు ఆవేదన వ్యక్తం చేశారు. పక్కనే ఉన్న కర్ణాటక, మహారాష్ట్రల్లోని యాజమాన్యాలు టన్నుకు రూ.3,600 ధర చెల్లించి, చెరుకు కోత, రవాణ ఖర్చులను వారే భరిస్తున్నారని అదనపు కలెక్టర్‌ దృష్టికి తెచ్చారు. గోదావరి–గంగా టన్నుకు రూ.4,050, అరకిలో చక్కెర ఇచ్చేందుకు నిర్ణయించాయని, చెరుకు కోత–రవాణ ఖర్చులు పోను రూ.3,050 మాత్రమే ధర వస్తోందని వివరించారు. ఇందుకు ఆమె స్పందిస్తూ పక్క జిల్లాలు, పక్క రాష్ట్రాలు అధిక ధరను ఎలా ఇవ్వగలుగుతున్నాయని, మీరెందుకు ఇవ్వలేకపోతున్నారని యాజమాన్యాలను ప్రశ్నించారు. ఇందుకు వారు సమాధానమిస్తూ రికవరీ ఆధారంగా కర్మాగారాలు ధరను చెల్లిస్తున్నాయని తెలిపారు. సాధించే రికవరీని ఎవరు నమోదు చేస్తున్నారని, రికవరీ సక్రమంగా నమోదు చేస్తున్నారా అని ప్రశ్నించారు. మూడు రోజుల్లో చెరుకు ధర విషయాన్ని యాజమాన్యాలు వెల్లడించాలన్నారు. జహీరాబాద్‌లోని ట్రైడెంట్‌ కర్మాగారంలో డిసెంబర్‌ చివరి వారంలో క్రషింగ్‌ను ప్రారంభించేందుకు ఏర్పాట్లు చేసుకుంటున్నట్లు కర్మాగారం ప్రతినిధులు పేర్కొన్నారు. సమావేశంలో కేన్‌ అసిస్టెంట్‌ కమిషనర్‌ రాజశేఖర్‌, సీడీసీ చైర్మన్లు ముబీన్‌, రాంరెడ్డి, రాయికోడ్‌లోని గోదావరి–గంగా, సంగారెడ్డిలోని గణపతి షుగర్స్‌, మాగి, కామా రెడ్డిలోని గాయత్రి షుగర్స్‌, జహీరాబాద్‌లోని ట్రైడెంట్‌ షుగర్స్‌ కర్మాగారాల యాజమాన్యాలు, జహీరాబాద్‌, సంగారెడ్డి ప్రాంతాల రైతులు పాల్గొన్నారు.

● మృత్యువాత పడుతున్న వాహనదారులు ● రోజురోజుకీ పెరుగుతున్న చలి తీవ్రత ● ఉదయం 8:00 దాటినా తగ్గని పొగమంచు సంగారెడ్డి జోన్‌: శీతాకాలం కావడంతో కొన్ని రోజులుగా ఉదయం 8 గంటలు దాటినా పొగ మంచు తీవ్రత తగ్గటం లేదు. చలి తీవ్రత రోజురోజుకీ పెరుగుతోంది. అయితే వేకువజామున ప్రయాణించే వాహనదారులు పొగమంచుతో తీవ్ర అవస్థలు పడుతున్నారు. కొన్నిచోట్ల ప్రమాదాలకు కూడా గురవుతున్నారు. ఇటీవల న్యాల్‌కల్‌ మండల పరిధిలోని న్యామతాబాద్‌ చౌరస్తాలో పొగమంచు కారణంతో రోడ్డు ప్రమాదం జరిగి ఇద్దరు మృత్యువాత పడటమే ఇందుకు నిదర్శనం. తప్పని ప్రయాణం.. వివిధ పరిశ్రమల్లో పనిచేసే వారు, కూలీలు, పాఠశాలకు వెళ్లే విద్యార్థులకు, వర్తక, వ్యాపారస్తులకు ప్రయాణాలు తప్పడం లేదు. వాహనాలపై వెళ్లే క్రమంలో పొగమంచు కారణంతో లైట్లు వేసుకుంటున్నారు. దగ్గరకు వచ్చేంతవరకు ఎదురుగా ఉన్న వాహనాలు కనిపించటం లేదు. పొగమంచు ఎక్కువగా ఉండటంతో భారీ వాహనాలు రోడ్డు పక్కన నిలిపి ఉంచుతున్నారు. ఒక్కసారిగా వాహనాలు కనిపించడంతో ప్రమాదాల బారిన పడుతున్నారు. ఇటీవల న్యాల్‌కల్‌ మండల పరిధిలోని న్యామతాబాద్‌ చౌరస్తాలో పొగ మంచు కారణంతో రోడ్డు ప్రమాదం జరిగి ఇద్దరు మృత్యువాత పడ్డారు. అదేవిధంగా వివిధ ప్రాంతాలలో ప్రమాదాలు జరిగి స్వల్ప గాయాలతో బయటపడుతున్నారు. పోలీసు అధికారుల సూచనలు చలికాలంలో పొగమంచు కారణంగా రోడ్డు ప్రమాదాలు జరిగే అవకాశం ఎక్కువగా ఉంటుందని, ప్రజలు వీలైనంత వరకు పొగమంచు సమయంలో ప్రయాణాలను వాయిదా వేసుకోవాలని ఎస్పీ పరితోశ్‌ పంకజ్‌ సూచించారు. పరిమిత వేగంతో ప్రయాణించడం ద్వారా ప్రమాదాలను నివారించుకోవచ్చని చెప్పారు. వాహ నాలు నడిపేటప్పుడు వాహనాల హెడ్‌లైట్లు, ఇండికేటర్లు వినియోగించాలని, పొగమంచు సమయంలో లో–బీమ్‌ లైట్లు ఉపయోగించాలని సూచించారు. ద్విచక్ర వాహనదారులు తప్పనిసరిగా హెల్మెట్‌ ధరించాలని, కార్లు, ఇతర నాలుగు చక్రాల వాహనాల్లో ప్రయాణించేవారు సీట్‌బెల్ట్‌ పెట్టుకోవాలని తెలిపారు.

● రోడ్డు ప్రమాదంలో తండ్రి, కూతురు మృతి ● తల్లి, కొడుకుకు తీవ్రగాయాలుహుస్నాబాద్‌రూరల్‌: రోడ్డు ప్రమాదంలో తండ్రి, కూతురు మరణించగా, తల్లి,కొడుకుకు గాయాలయ్యాయి. ఈ ఘటన మండలం పందిల్ల జాతీయ రహదారిపై సోమవారం చోటు చేసుకుంది. స్థానికుల కథనం ప్రకారం.. కరీంనగర్‌ జిల్లా కొండాపూర్‌ గ్రామానికి చెందిన పైడిపెల్లి శ్రీకాంత్‌(33) కూతురు మహాన్వి(7) భార్య స్వాతి, కుమారుడు శ్రీహాన్‌లతో కలిసి హైదరాబాద్‌లో క్యాబ్‌ నడుపుతూ జీవనం సాగిస్తున్నాడు. కొండాపూర్‌లో దగ్గరి బంధువు దశదినకర్మకు రావడానికి తన కారు లేకపోవడంతో మరో కారులో కుటుంబ సభ్యులతో కలిసి వస్తున్నాడు. పందిల్ల శివారులో పోచమ్మ దేవాలయం సమీపంలో ట్రాక్టర్‌, కారు ఎదురెదురుగా ఢీకొన్నాయి. కారు నుజ్జు నుజ్జు కావడంతో శ్రీకాంత్‌, కూతురు మహాన్వి అక్కడికక్కడే మరణించారు. సీఐ శ్రీధర్‌, ఎస్సై లక్ష్మారెడ్డి ఘటనా స్థలానికి చేరుకొని క్షతగాత్రులను 108లో హుస్నాబాద్‌ ప్రభుత్వ ఆస్పత్రికి తరలించారు. ప్రథమ చికిత్స అనంతరం మెరుగైన వైద్యం కోసం తల్లి స్వాతి, కొడుకు శ్రీహాన్‌లను కరీంనగర్‌ ఆస్పత్రికి తరలించారు. శ్రీకాంత్‌ మృతదేహం కారులో ఇరుక్కుపోవడంతో తాళ్ల సహాయంతో కారు డోర్లను తెరిచి బయటకు తీశారు. కూతురు మృతదేహం వద్ద తల్లి రోదిస్తుంటే అటుగా వెళ్లే వారు సైతం అయ్యో పాపం అంటూ కన్నీరు పెట్టారు. మృతుడి తమ్ముడు పైడిపెల్లి సతీశ్‌ ఫిర్యాదు మేరకు కేసు నమోదు చేశారు. మృత దేహలకు పోస్టుమార్టం అనంతరం కుటుంబ సభ్యులకు అప్పగించినట్లు ఎస్సై పేర్కొన్నారు. బైక్‌ ఢీకొట్టడంతో ఆర్మీ జవాన్‌.. గజ్వేల్‌: రోడ్డు ప్రమాదంలో ఆర్మీ జవాన్‌ మృతి చెందాడు. ఈ ఘటన జగదేవ్‌పూర్‌ మండలంలోని పీర్లపల్లి గ్రామ శివారులో చోటు చేసుకుంది. వివరాలు ఇలా.. యాదాద్రి–భువనగిరి జిల్లా తుర్కపల్లి మండలం కొండాపూర్‌ గ్రామానికి చెందిన మహేందర్‌(24) భారత సైన్యంలో పనిచేస్తున్నాడు. గత నెల 18న స్వగ్రామానికి వచ్చాడు. తిరిగి ఈనెల 19న విధుల్లో చేరాల్సి ఉంది. ఈ క్రమంలోనే సోమవారం మహేందర్‌ పనిమీద తన స్వగ్రామం నుంచి జగదేవ్‌పూర్‌ మండల కేంద్రానికి బైక్‌పై వచ్చాడు. పని ముగించుకొని తిరిగి తన గ్రామానికి వెళ్తున్నాడు. ఈ క్రమంలోనే హైదరాబాద్‌ నుంచి కొమురవెళ్లి దర్శనానికి ఆరుగురు వ్యక్తులు 3 బైకులపై వస్తున్నారు. ఇందులో మహబూబ్‌నగర్‌ జిల్లా పసాల గ్రామానికి చెందిన కృష్ణయ్య, రామలింగప్ప ఒక ద్విచక్ర వాహనంపై వస్తూ.. పీర్లపల్లి వద్ద ఎదురుగా వస్తున్న మహేందర్‌ను ఢీకొట్టారు. దీంతో అతడు అపస్మారక స్థితికి చేరుకున్నాడు. చికిత్స పొందుతూ మహేందర్‌ కన్నుమూశాడు. రామలింగప్ప, కృష్ణయ్యకు గాయాలయ్యాయి. రామలింగప్పను హైదరాబాద్‌లోని ఉస్మానియా ఆస్పత్రికి తరలించారు.

ఝరాసంగం(జహీరాబాద్‌): దక్షిణ కాశీగా ప్రసిద్ధి చెందిన కేతకీ సంగమేశ్వర ఆలయంలో సోమ వారం భక్తుల సందడి నెలకొంది. అమావాస్యను పురస్కరించుకొని తెలుగు రాష్ట్రాలతో పాటు కర్ణాటక, మహారాష్ట్రలోని వివిధ ప్రాంతాల భక్తులు అధిక సంఖ్యలో తరలివచ్చారు. తెల్లవారు జామునే ఆలయ ఆవరణలోని గుండంలో పవిత్ర పుణ్యస్నానాలు ఆచరించి జల లింగానికి పూజలు చేశారు. అనంతరం గర్భగుడిలోని పార్వతీ పరమేశ్వరులను దర్శించుకునేందుకు క్యూలైన్లలో వేచి ఉన్నారు. ఆలయ అర్చకులు స్వామివారి తీర్థ ప్రసాదాలు అందించి ఆశీర్వదించారు.

ఫార్మాకు తోడు.. జిల్లాలో పలుచోట్ల పడిపోయిన గాలి నాణ్యత సూచి సాక్షిప్రతినిధి, సంగారెడ్డి: ఫార్మా, రసాయన, పైరాలసిస్‌ వంటి పరిశ్రమల నుంచి నిత్యం వెలుగువడుతున్న హానికరమైన వాయువులు ఒకవైపు.. పటాకుల పొగ మరోవైపు.. జిల్లా వాసుల కాలుష్య కష్టాలు మరింత పెరిగాయి. సాధారణంగా పరిశ్రమల నుంచి వచ్చే కాలుష్యంతోనే జిల్లా వాసులు ఉక్కిరిబిక్కిరి అవుతున్నారు. దీనికి తోడు పటాకుల పొగతో గాలి నాణ్యత మరింత పడిపోయింది. ఆదివారం సాయంత్రం నుంచి అర్ధరాత్రి వరకు జిల్లాలో గాలినాణ్యత భారీగా క్షీణించినట్లు కాలుష్య నియంత్రణ మండలి (పీసీబీ) గుర్తించింది. సగటున ఏక్యూఐ (గాలి నాణ్యత సూచి) 148గా నమోదైందని ఆ శాఖ అధికారులు పేర్కొంటున్నారు. ఇతర వెబ్‌సైట్లలో ఈ సమయంలో ఏక్యూఐ 300 దాటిందంటే కాలుష్య తీవ్రత ఏ స్థాయిలో ఉందో ఇట్టే అర్థం చేసుకోవచ్చు. ప్రధానంగా సంగారెడ్డి, పటాన్‌చెరు, అమీన్‌పూర్‌, సదాశివపేట, జహీరాబాద్‌ వంటి పట్టణ ప్రాంతాలతో పాటు, హత్నూర, కొండాపూర్‌, కంది వంటి మండలాల్లోని పరిశ్రమలు ఉన్న గ్రామాల్లోనూ వాయు నాణ్యత పడిపోవడం ఇటు గ్రామీణ ప్రాంత వాసులను కూడా ఇబ్బందులకు గురి చేస్తోంది. పడిపోయిన వాయు నాణ్యత జిల్లాలో పాశమైలారం పారిశ్రామిక వాడలో సింఫనీ పార్కు, ఐఐటీహెచ్‌ కంది, ఇక్రిశాట్‌లలో కాలుష్య నియంత్రణ మండలికి సంబంధించి ఆన్‌లైన్‌ మానిటరింగ్‌ స్టేషన్లు ఉన్నాయి. వీటికి తోడు సంగారెడ్డి, రామచంద్రాపురం (జీహెచ్‌ఎంసీ), పటాన్‌చెరుల్లో మ్యాన్‌వల్‌గా గాలి నాణ్యతను పరిశీలిస్తారు. ఆదివారం రాత్రి 7 గంటల నుంచి రాత్రి 10 గంటల వరకు వాయు నాణ్యత దారుణంగా పడిపోయినట్లు గుర్తించారు. సింఫనీపార్కులో అత్యధిక సగటున ఏక్యూఐ 148కి నమోదు చేసిందని పీసీబీ ప్రకటించినప్పటికీ.. అత్యధికంగా ఏక్యూఐ 300 దాటినట్లు సమాచారం. పీసీబీ గణాంకాల ప్రకారం 148 ఏక్యూఐ ఉంటే మాడరేట్‌గా పరిగణిస్తామని ఆశాఖ అధికారులు చెబుతున్నారు. ఏక్యూఐ 0 నుంచి 50 లోపు ఉంటే గాలి నాణ్యత బాగున్నట్లు. 51 నుంచి 100 వరకు ఉంటే సంతృప్తికరంగా భావిస్తారు. 101–150 వరకు మాడరేట్‌గా పేర్కొంటారు. ఏక్యూఐ మాడరేట్‌గా ఉంటే సెన్సిటివ్‌ హెల్త్‌ ఇష్యూస్‌ ఉన్న వారి ఆరోగ్యంపై దుష్ప్రభావం చూపుతుంది. 150– 200 ఆరోగ్యవంతుల ఆరోగ్యంపైనా తీవ్ర ప్రభావం పడుతుందని చెబుతున్నారు. 200 దాటితే తీవ్ర ప్రమాదమని హెచ్చరిస్తున్నారు. ఈసారి సగటు ఏక్యూఐ 148గా నమోదైందని పీసీబీ అధికారులు చెబుతున్నారంటే వాస్తవానికి గాలి కాలుష్యం ఏ స్థాయిలో ఉందో అర్థం చేసుకోవచ్చు. దూళితో పాటు సల్ఫర్‌, నైట్రోస్‌ ఆకై ్సడ్‌ గాలిలో దుమ్ము, దూళి అత్యధికంగా ఉన్నట్లు పీసీబీ పరిశీలనలో తేలింది. అలాగే సల్ఫర్‌కు సంబంధించిన పార్టికల్స్‌, నైట్రైట్‌, కార్బన్‌ సంబంధించిన పార్టికల్స్‌ గాలిలో కలిసిపోవడంతో నాణ్యత పడిపోవడానికి కారణమని చెబుతున్నారు. వీటి స్థాయి మరింత పెరిగితే ఊపిరి పీల్చుకోవడం ఇబ్బందిగా మారుతుంది. ఈ గాలిని పీల్చితే దీర్ఘకాలంలోనే కాదు, స్వల్పకాలంలోనే శ్వాసకోశ సంబంధిత వ్యాధుల బారిన పడే ప్రమాదం ఉందని వైద్యులు హెచ్చరిస్తున్నారు. ఆదివారం రాత్రి అత్యధిక సగటు ‘ఏక్యూఐ 148’ సింఫనీ పార్కులోని పీసీబీ ఆన్‌లైన్‌ మానిటరింగ్‌ కేంద్రంలో రికార్డు ఇతర వెబ్‌సైట్‌లలో అంతకు మించి నమోదు గాలి కాలుష్యంతో ప్రజలు ఉక్కిరిబిక్కిరి ప్రజారోగ్యంపై తీవ్ర ప్రభావం గాలి నాణ్యతను ఎప్పటికప్పుడు మానిటరింగ్‌ చేశాం. జిల్లాలో ఉన్న ఆన్‌లైన్‌ మానిటరింగ్‌ కేంద్రాలతో పాటు, మాన్యువల్‌ స్టేషన్ల ద్వారా నాణ్యతను పరిశీలిస్తున్నాం. మోడరేట్‌గా నమోదైంది. ఆదివారం సగటు అత్యధిక ఏక్యూఐ 148గా నమోదైంది. వాయు, నీటి కాలుష్య నియంత్రణకు పకడ్బందీ చర్యలు తీసుకుంటున్నాం. – విజయలక్ష్మి, ఎన్విరాన్‌మెంట్‌ ఇంజనీర్‌, పీసీబీ, సంగారెడ్డి

● ఎల్‌నితో పంటలకు తీవ్ర నష్టం ● అందని ప్రభుత్వ పథకాలు, సబ్సిడీలు మునిపల్లి(అందోల్‌): కౌలు రైతులు తీవ్ర సంక్షోభంలో కొట్టుమిట్టాడుతున్నారు. కుటుంబ పోషణ కోసం భూములు కౌలుకు తీసుకొని సాగు చేస్తే ఎల్‌నినో ప్రభావంతో పంటలు నష్టపోయి దిక్కుతోచని స్థితిలో ఉన్నారు. ఆశించిన స్థాయిలో దిగుబడి రాకపోవడంతో తెచ్చిన అప్పులు తీర్చలేక సతమతం అవుతున్నారు. సర్కారు అందించే పథకాలు, సబ్సిడీలు, పంట నష్టపరిహారం తమకు అందడం లేదని దిగులు చెందుతున్నారు. జిల్లాలో భూమి నాణ్యతను బట్టి ఎకరాకు రూ.12 వేల నుంచి రూ.18 వేల వరకు చెల్లించి కొంత మంది రైతులు కౌలుకు తీసుకొని పత్తి సాగు చేస్తున్నారు. ఇంకొంత మంది బోరు బావులు, నీటి సౌకర్యం ఉన్న భూములకు రూ. 20 వేల నుంచి రూ.25 వేల వరకు చెల్లించి కౌలుకు తీసుకున్నారు. అయితే ఈ సీజన్‌లో పత్తి అనుకున్న స్థాయిలో పండకపోవడంతో తీవ్రంగా నష్టపోయారు. మరో పంట వేయాలా..? వద్దా అని సందిగ్ధంలో ఉన్నారు. ఎల్‌నినో ప్రభావంతో వర్షాలు పడకపోవడంతో ప్రస్తుతం బోరు బావులు అడుగంటాయి. నీరున్నా విద్యుత్‌ కొరతతో పంటలు సాగు చేస్తే చేతికొస్తుందో లేదోనని చాలా మంది వెనుకంజ వేస్తున్నారు. పత్తి దిగుబడి అంతంత మాత్రంగానే వచ్చిందని, దానికి సైతం గిట్టుబాటు ధర దొరకని పరిస్థితి ఏర్పడిందని కౌలు రైతులు వాపోతున్నారు. సీసీఐలో పత్తి క్వింటాల్‌కు రూ.8,667 చొప్పున నిర్ణయించారు. అయితే సీసీఐలో అమ్ముకునే రైతులు స్లాట్‌ బుక్‌ చేసుకోవాలని అధికారులు చెబుతున్నారు. బయట వ్యాపారస్తులు రూ.8700 నుంచి రూ.9,200 లోపు కొనుగోలు చేస్తున్నారు. అందులో సైతం పత్తి నాణ్యతను చూసి ధర నిర్ణయిస్తున్నారని పలువురు చెబుతున్నారు. కౌలుకు తీసుకున్న రైతులకు పట్టాదారు పాస్‌బుక్‌లు లేకపోవడంతో వ్యాపారులకే ఎంతకో కొంతకు పంటను అమ్ముకుంటున్నారు.

హత్నూర(సంగారెడ్డి): మండలంలోని మధుర గ్రామానికి చెందిన బీఆర్‌ఎస్‌ నాయకులు ఉదయ్‌ కిరణ్‌, నర్సింహులు పాదయాత్రగా ఎర్రవల్లి ఫాంహౌస్‌కు చేరుకున్నారు. అక్కడ మాజీ సీఎం కేసీఆర్‌ను కలిసి దీపావళి శుభాకాంక్షలు తెలిపారు. నాచారం లక్ష్మీనరసింహ స్వామి ప్రసాదాన్ని అందించారు. మరోసారి ముఖ్య మంత్రిగా బాధ్యతలు చేపడితేనే రాష్ట్రం బాగుపడుతుందని, రైతుల సమస్యలు తీరుతాయని ఆకాంక్షిస్తూ పాదయాత్ర చేపట్టినట్లు కేసీఆర్‌కు వివరించారు. ఆయన వారిని అభినందించి సత్కరించారు. కార్యక్రమంలో సర్పంచ్‌ నవీన్‌గౌడ్‌, ఉదయ్‌ కిరణ్‌, రాజీవ్‌ గాంధీ, నర్సింహ, శ్రీకాంత్‌, ప్రవీణ్‌ కుమార్‌ తదితరులు పాల్గొన్నారు. కల్హేర్‌(నారాయణఖేడ్‌): జిల్లాలోని మధ్యతరహా ప్రాజెక్టు నల్లవాగు కాల్వలను సబ్‌ కలెక్టర్‌ ఉమాహారతి సోమవారం పరిశీలించారు. మండలంలోని బీబీపేట్‌ వద్ద డీ–4 కెనాల్‌ను పర్యవేక్షించారు. ఇటీవల సాగు నీరు అందించేందుకు కాల్వల్లో పూడికతీత పనులు చేశారా? అని క్షేత్రస్థాయిలో పరిశీలించారు. అధికారులతో మాట్లడి వివరాలు తెలుసుకున్నారు. కార్యక్రమంలో డీఎస్పీ వెంకట్‌రెడ్డి, కంగ్టీ సీఐ వెంకట్‌రెడ్డి, ఏఈ మల్లేశం, కాంగ్రెస్‌ నాయకులు బండారి సాయిలు తదితరులు పాల్గొన్నారు. ఎమ్మెల్యే సునీతారెడ్డి హత్నూర (సంగారెడ్డి): ప్రస్తుత పరిస్థితుల్లో రైతులకు ఇబ్బందులు లేకుండా ధాన్యాన్ని కొనుగోలు చేయాలని ఎమ్మెల్యే సునీతారెడ్డి అధికారులకు సూచించారు. సోమవారం సాయంత్రం మండలంలోని గుండ్లమాచునూరులో ధాన్యం కొనుగోలు కేంద్రాన్ని ప్రారంభించి మాట్లాడారు. ఇప్పటికే రైతులు పంటలు ఎండిపోయి తీవ్రంగా నష్టపోయారని ఆవేదన వ్యక్తం చేశారు. కొనుగోలు కేంద్రాలకు తెచ్చిన ధాన్యాన్ని వెంటనే కొనుగోలు చేసి రైతుల ఖాతాల్లో డబ్బులు వేయాలని తెలిపారు. కొనుగోళ్లు త్వరగా చేయకపోతే కర్షకులు నష్టపోయే ప్రమాదం ఉందన్నారు. కార్యక్రమంలో సర్పంచ్‌ శ్రీహరి, ఉపసర్పంచ్‌ శంకర్‌, ఏపీఎం రాజశేఖర్‌, బీఆర్‌ఎస్‌ మండల పార్టీ అధ్యక్షుడు రామచంద్రారెడ్డి, నాయకులు కృష్ణ, ఇబ్రహీం, వీరేందర్‌, ఆగమయ్య తదితరులు పాల్గొన్నారు. నర్సాపూర్‌: ప్రభుత్వ భూములు అన్యాక్రాంతమవుతున్నాయని, వాటిని కాపాడాలని ఎంపీ రఘునందన్‌రావు జిల్లా ఇన్‌చార్జి మంత్రి వివేక్‌ ను కోరారు. ఈమేరకు సోమవారం నర్సాపూర్‌ పర్యటనకు వచ్చిన సందర్భంగా ఆయనకు వినతిపత్రం అందజేశారు. పట్టణానికి చెందిన పలు సర్వే నంబర్లలోని భూములు ఆక్రమణలకు గురవుతున్నాయని వివరించారు. వాటిని కాపాడేందుకు కఠిన చర్యలు తీసుకోవాలని విజ్ఞప్తి చేశారు. ఎంపీ వెంట జిల్లా బీజేపీ అధ్యక్షుడు మల్లేశ్‌గౌడ్‌, పలువురు నాయకులు ఉన్నారు. ఇదే విషయమై పలువు రు కాంగ్రెస్‌ నాయకులు సైతం మంత్రి దృష్టికి తీసుకెళ్లినట్లు తెలిసింది. అలాగే పలువురు తమ తమ సమస్యలపై మంత్రికి వినతిపత్రాలు అందజేశారు.

● మంత్రి వివేక్‌ ● చిన్నకంజర్లలో ‘మా ఇందిరమ్మ ఇంట్లో దీపావళి’ వేడుకలు పటాన్‌చెరు టౌన్‌: పేదల సొంతింటి కలను సాకారం చేయడమే లక్ష్యంగా కాంగ్రెస్‌ ప్రభు త్వం ఇందిరమ్మ ఇళ్ల పథకాన్ని ప్రతిష్టాత్మకంగా అమలు చేస్తోందని మంత్రి వివేక్‌ అన్నారు. ఇప్పటికే రెండు లక్షల ఇళ్ల నిర్మాణం చేపట్టామని, మరో రెండు లక్షల ఇళ్లను మంజూరు చేయనున్నట్లు వెల్లడించారు. ఆదివారం ఇంద్రేశం మున్సిపాలిటీ పరిధిలోని చిన్నకంజర్ల లో ‘మా ఇందిరమ్మ ఇంట్లో దీపావళి’ కార్యక్రమంలో పటాన్‌చెరు నియోజకవర్గ ఇన్‌చార్జి కాటా శ్రీనివాస్‌గౌడ్‌, ఐఎన్‌టీయుూసీ జిల్లా అధ్యక్షుడు నర్సింహారెడ్డి, మార్కెట్‌ కమిటీ చైర్మన్‌ శివానందం, వైస్‌ చైర్మన్‌ మదాస్‌ రాజశేఖర్‌, కాంగ్రెస్‌ శ్రేణులతో కలిసి మంత్రి పాల్గొన్నారు. సీఎం రేవంత్‌రెడ్డి జన్మదినాన్ని పురస్కరించుకొని ఇందిరమ్మ ఇంట్లో కేక్‌ కట్‌ చేసి, లబ్ధిదారుల కుటుంబంతో కలిసి భోజనం చేశారు. ఈసందర్భంగా మంత్రి మాట్లాడుతూ.. గత ప్రభుత్వం డబుల్‌ బెడ్రూం ఇళ్ల పేరుతో ప్రజలకు హామీలిచ్చి, ఆశించిన స్థాయిలో నిర్మాణాలు చేపట్టలేదని విమర్శించారు. కాంగ్రెస్‌ ప్రభుత్వం పేదల సంక్షేమానికి పెద్దపీట వేస్తూ 200 యూనిట్ల ఉచిత విద్యుత్‌, సన్నబియ్యం, పెన్షన్లు వంటి పథకాలు అమలు చేస్తోందన్నారు. ప్రభుత్వ పాఠశాలల్లో పౌష్టికాహారం, యంగ్‌ ఇండియా పాఠశాలలు, ఉపాధ్యాయ నియామకాలతో విద్యారంగాన్ని బలో పేతం చేస్తున్నామని తెలిపారు. యువతకు ఉపాధి కల్పించేందుకు ప్రతి నియోజకవర్గంలో అడ్వాన్‌న్స్‌డ్‌ టెక్నాలజీ సెంటర్లను ఏర్పాటు చేయనున్నట్లు చెప్పారు.

● ఆగి ఉన్న లారీని ఢీకొట్టిన బైక్‌ ● ఒకరు మృతి, మరొకరికి తీవ్ర గాయాలున్యాల్‌కల్‌(జహీరాబాద్‌): పొగ మంచు వల్ల రోడ్డుపై ఆగి ఉన్న లారీని ఢీకొట్టి ఓ యువకుడు మృతి చెందగా, మరో యువకుడు తీవ్ర గాయాలై చావు బతుకుల మధ్య కొట్టుమిట్టాడుతున్నాడు. ఈ ఘటన మండల పరిధిలో సోమవారం తెల్లవారు జామున చోటు చేసుకుంది. హద్నూర్‌ ఎస్‌ఐ సుజిత్‌ కథనం ప్రకారం.. న్యాల్‌కల్‌కు చెందిన బొల్లి శ్రీకాంత్‌(19), ఎరుకల సాయి కిరణ్‌(21) ఇద్దరు జహీరాబాద్‌ సమీపంలో గల మహీంద్రా అండ్‌ మహీంద్రా పరిశ్రమలో తాత్కాలిక పద్ధతిలో పని చేస్తున్నారు. రోజు మాదిరిగానే సోమవారం తెల్లవారు జామున బైక్‌పై పరిశ్రమకు బయలు దేరారు. ఈ క్రమంలో న్యామతాబాద్‌ గ్రామ శివారులో అల్లాదుర్గం–మెటల్‌కుంట రోడ్డుపై నిలిపిన లారీని ఢీకొట్టారు. దీంతో ఇద్దరికి తీవ్ర గాయాలయ్యాయి. వారిని ఆస్పత్రికి తరలిస్తుండగా మార్గ మధ్యలో శ్రీకాంత్‌ మృతి చెందాడు. తీవ్ర గాయాలైన సాయి కిరణ్‌ను జహీరాబాద్‌కు, అక్కడి నుంచి హైదరాబాద్‌కు తరలించారు. ప్రస్తుతం యువకుని పరిస్థితి విషమంగా ఉంది. తెల్లవారు జామున పొగ మంచుతో రోడ్డుపై నిలిపిన లారీ కనిపించక పోవడంతో ఈ ప్రమాదం జరిగి ఉండవచ్చని పలువురు పేర్కొంటున్నారు. మృతుడు శ్రీకాంత్‌తో పాటు తీవ్ర గాయాలైన సాయికిరణ్‌కు వివాహం కాలేదు. పోలీసులు కేసు నమోదు చేసి దర్యాప్తు చేస్తున్నారు.

జిల్లా ఉపాధి కల్పన అధికారి ప్రియాంక సిద్దిపేటరూరల్‌: వివిధ దేశాల్లో అందుబాటులో ఉన్న ఉద్యోగ అవకాశాలను అందించేందుకు నిర్వహిస్తున్న టామ్‌ కామ్‌ అభ్యర్థుల నమోదు కార్యక్రమాన్ని సద్వినియోగం చేసుకోవాలని జిల్లా ఉపాధి కల్పన అధికారి ప్రియాంక ఒక ప్రకటనలో తెలిపారు. నైపుణ్యం , సెమీ స్కిల్డ్‌ నైపుణ్యం కలిగిన వారికి విదేశాల్లో ఉద్యోగ అవకాశాలు కల్పించడమే లక్ష్యంగా తెలంగాణ ఓవర్సీస్‌ మ్యాన్‌ పవర్‌ కంపెనీ లిమిటెడ్‌ , రాష్ట్ర కార్మిక, ఉపాధి కల్పన, కర్మాగారాల శాఖ ప్రధాన లక్ష్యమని పేర్కొన్నారు. ఈ నెల 11న సిద్దిపేట ప్రభుత్వ నర్సింగ్‌ కళాశాలలో అభ్యర్థుల నమోదు చేసుకోనున్నట్లు తెలిపారు. ఆసక్తి కలిగిన వారు వివిధ దేశాలు, ఉద్యోగాల వివరాలు, అర్హతల కోసం www.tomcom. telangana.gov.in వెబ్‌సైట్‌ను సంప్రదించాలని సూచించారు. ఎకో బిక్స్‌ ప్రాజెక్ట్‌ రాష్ట్ర స్థాయికి ఎంపిక మద్దూరు(హుస్నాబాద్‌): జిల్లా స్థాయి 32వ జాతీయ బాలల సైన్స్‌ కాంగ్రెస్‌ పోటీల్లో దూల్మిట్ట ఉన్నత పాఠశాల విద్యార్థులు పర్యావరణ పరిరక్షణే లక్ష్యంగా రూపొందించిన వెల్త్‌ ఫ్రమ్‌ వేస్ట్‌ –కో బిక్స్‌ ప్రాజెక్టు రాష్ట్ర స్థాయి పోటీలకు ఎంపికై నట్లు ప్రధానోపాధ్యాయుడు చిలక వెంకటయ్య తెలిపారు. ఈ సందర్భంగా ఆయన మాట్లాడుతూ పాఠశాలల్లో తొమ్మిదో తరగతి చదువుతున్న వేణుగోపాల్‌, కృష్ణ మనోహర్‌ రూపొందించిన ప్లాస్టిక్‌ వ్యర్థాలను ఉపయోగకరమైన ఎకో బిక్స్‌గా మలుస్తూ రూపొందించిన ఈప్రాజెక్టు రాష్ట్ర స్థాయికి ఎంపికై ందన్నారు. ప్రాజెక్టు గైడ్‌ టీచర్‌ శ్రీనివాస్‌రెడ్డిలతో పాటు విద్యార్థులను అభినందించారు. రాష్ట్ర స్థాయి పోటీల్లోనూ విజయం సాధించి గుర్తింపు తీసుకురావాలని ఆకాంక్షించారు. ఫీజు రీయింబర్స్‌మెంట్‌ విడుదల చేయాలి సిద్దిపేటరూరల్‌: మూడేళ్లుగా పెండింగ్‌లో ఉన్న ఫీజు రీయింబర్స్‌మెంట్‌ను ప్రభుత్వం వెంటనే విడుదల చేయాలని కోరుతూ పొన్నాల వెంకట సాయి నర్సింగ్‌ కళాశాల విద్యార్థులు సోమవారం కలెక్టరేట్‌ ఎదుట ప్లకార్డులతో నిరసన తెలిపారు. ఈ సందర్భంగా విద్యార్థులు, వారి తల్లిదండ్రులు మాట్లాడుతూ.. ప్రభుత్వం చెల్లించే ఫీజు రీయింబర్స్‌మెంట్‌పై ఆధారపడి తమ పిల్లలను నర్సింగ్‌ కళాశాలలో చేర్పించామన్నారు. ప్రతి సంవత్సరానికి రూ. 36 వేల చొప్పున మూడు సంవత్సరాల్లో ఒక్క రూపాయి కూడా రాకపోవడంతో కళాశాల యాజమాన్యం ఫీజులు అడుగుతోందన్నారు. వేలల్లో ఫీజులు చెల్లించలేని పరిస్థితిలో ఉన్నామని, తమ పిల్లల భవిష్యత్తు అంధకారమయ్యే పరిస్థితి నెలకొందన్నారు. ఇప్పటికైనా ప్రభుత్వం ఫీజు రీయింబర్స్‌మెంట్‌ను విడుదల చేయాలన్నారు. అనంతరం కలెక్టరేట్‌లో వినతిపత్రాన్ని అందజేశారు. చోరీలకు పాల్పడుతున్న వ్యక్తి అరెస్ట్‌ దుబ్బాకటౌన్‌: చోరీలకు పాల్పడిన వ్యక్తిని పోలీసులు అరెస్ట్‌ చేశారు. ఎస్‌ఐ టి.రేణుక బేగంపేట పోలీస్‌ స్టేషన్‌లో కేసు వివరాలు వెల్లడించారు. శనివారం వర్గల్‌ మండలం నెంటూర్‌ గ్రామానికి చెందిన బణపురం శ్రీనివాస్‌ తన ఇంటి పక్కన గుడిసెలో బోర్‌ మోటార్‌ పైపు కప్లింగ్‌, వాహనం జాకీ, ఎలక్ట్రీషియన్‌ సామగ్రిని ఉంచాడు. వాటిని ఎవరో గుర్తు తెలియని వ్యక్తులు అపహరించారు. బాధితుడి ఫిర్యాదు మేరకు కేసు నమోదు చేసి పోలీసులు దర్యాప్తు చేపట్టారు. ఈ క్రమంలో ఆదివారం శాకారం రోడ్‌ వద్ద ఓ వ్యక్తి అనుమానాస్పదంగా ద్విచక్ర వాహనంపై వెళ్తుండగా అతడ్ని అదుపులోకి తీసుకొని విచారించగా నేరాన్ని ఒప్పుకున్నాడు. అతని వద్ద ద్విచక్ర వాహనం, బోర్‌ మోటార్‌ పైపు కప్లింగ్‌, జాకీలు స్వాధీనం చేసుకొని రిమాండ్‌కు తరలించారు.

పోలీస్‌ కమిషనర్‌ రష్మీ పెరుమాళ్‌కొండపాక(గజ్వేల్‌): చదువుకు పేదరికం, అనాథ అన్న సమస్యలు ఎంత మాత్రం అడ్డుకావని సిద్దిపేట పోలీస్‌ కమిషనర్‌ రష్మీ పెరుమాళ్‌ పేర్కొ న్నారు. మండల కేంద్రం శివారులో గల నిశాంత్‌ బాలసదనం అనాథాశ్రమంలో సీపీ విద్యార్థులతో కలిసి దీపావళీ పండుగ జరుపుకున్నారు. ఈ సందర్భంగా నోట్‌ బుక్కులు, పెన్నులు తదితర సామగ్రితో పాటు మిఠాయిలు పంచి టపాసులు పేల్చుతూ ఆనందాన్ని పంచుకున్నారు. అనంతరం బాలసదనం భవనం శిథిలావస్థలోకి చేరుకోవడంతో వర్షాకాలంలో పిల్లలు ఇబ్బందులు ఎదుర్కొంటున్నారని ఇన్‌చార్జి రమాదేవి సీపీ దృష్టికి తీసుకెళ్లా రు. భవనం మరమ్మతులతోపాటు ఇతర సమస్యలున్నా పరిష్కరిస్తామని భరోసానిచ్చారు. విద్యార్థు ల సమస్యలను అడిగి తెలుసుకున్నారు. అనంతరం సీపీ మాట్లాడుతూ.. పిల్లల బాగు కోసం దాతలు సహాయ సహకారాలు అందించాలన్నారు. అంతకు ముందు అష్టాదశ శక్తి పీఠం ఉమామహేశ్వర స్వామి దేవాలయంలో ప్రత్యేక పూజలు చేశారు. కార్యక్రమంలో సీపీ కార్యాలయ స్పెషల్‌ బ్రాంచ్‌ సీఐ లతీఫ్‌, సీఐ శ్రీనివాస్‌, ఎస్సై బాలకృష్ణ, బాలసదనం వార్డెన్‌ వెంకటేశ్‌, పోలీసులు పాల్గొన్నారు.

వృద్ధుడి మృతితూప్రాన్‌: దీపావళి పండుగ వేళ మనోరాబాద్‌ మండలం పర్కిబండ గ్రామంలో తీవ్ర విషాదం చోటుచేసుకుంది. ఇంటి ముందు వెలిగించిన దీపం అంటుకొని వృద్ధుడు ప్రాణాలు కోల్పోయాడు. ఎస్‌ఐ సుభాష్‌ గౌడ్‌ వివరాల ప్రకారం... గ్రామానికి చెందిన వృద్ధుడు నిమ్మల మల్లేశ్‌(70) దివ్యాంగుడు. దీపావళి రోజు ఇంటి ముందు ప్రమిదలతో దీపాలు వెలిగించి పెట్టారు. ఈ క్రమంలో ఇంట్లో నుంచి బయటకు వస్తున్న క్రమంలో ప్రమాదవశాత్తు ఆయన కట్టుకున్న లుంగీకి దీపపు మంటలు అంటుకున్నాయి. చూస్తుండగానే మంటల్లో మల్లేశ్‌ తీవ్రంగా కాలిపోయాడు. గమనించిన కుటుంబ సభ్యులు వెంటనే స్పందించి, ఆయనను హుటాహుటిన తూప్రాన్‌ ప్రభుత్వ ఆస్పత్రికి తరలించారు. అక్కడ ప్రాథమిక చికిత్స అనంతరం, సికింద్రాబాద్‌లోని గాంధీకి తరలించారు. అక్కడ చికిత్స పొందుతూ సోమవారం ఉదయం మల్లేశ్‌ మృతి చెందినట్లు ఎస్‌ఐ సుభాష్‌ గౌడ్‌ ఽతెలిపారు. పోలీసులు కేసు నమోదు చేశారు. స్పృహ కోల్పోయి వ్యక్తి.. పటాన్‌చెరు టౌన్‌: వ్యక్తి స్పృహ కోల్పోయి మృతి చెందాడు. ఈ ఘటన ఇస్నాపూర్‌ పోలీస్‌ స్టేషన్‌ పరిధిలో చోటు చేసుకుంది. సీఐ మహేశ్‌ వివరాల ప్రకారం.. పటాన్‌చెరు పట్టణంలోని వెంకటేశ్వర కాలనీకి చెందిన చేనగల పర్వతాలు (50) కూలి పని చేసుకుని జీవనం సాగిస్తున్నాడు. భార్య రేణుక ఓ కంపెనీలో పనిచేస్తుంది. ఈ క్రమంలో సోమవారం ఉదయం ఆమె విధులకు వెళ్లింది. ఇంద్రేశంలో ఓ వ్యక్తి రూ.4 వేల బాకీ ఉన్నాడని, ఆ డబ్బులు తీసుకొచ్చేందుకు వెళ్తున్నట్లు భార్యకు ఫోన్‌న్‌లో తెలిపాడు. అనంతరం ఉదయం 11 గంటల సమయంలో ఇంద్రేశంలోని హెచ్‌పీ పెట్రోల్‌ బంక్‌ ఎదురుగా ఉన్న కల్లు కాంపౌండ్‌ సమీపంలో పర్వతాలు స్పృహ కోల్పోయి పడిపోయాడు. స్ధానికులు 108లో పటాన్‌న్‌చెరు ప్రభుత్వ ఆస్పత్రికి తరలించారు. అక్కడ చికిత్స పొందుతూ మృతి చెందినట్లు వైద్యులు తెలిపారు. భార్య ఫిర్యాదు మేరకు పోలీసులు కేసు నమోదు చేశారు. తామరపూల కోసం చెరువులోకి వెళ్లి.. సిద్దిపేటకమాన్‌: తామర పూల కోసం చెరువులోకి వెళ్లి వ్యక్తి మృతి చెందాడు. ఈ ఘటన సిద్దిపేట పట్టణంలో చోటు చేసుకుంది. వన్‌టౌన్‌ సీఐ మహేందర్‌రెడ్డి వివరాల ప్రకారం.. పట్టణానికి చెందిన దుర్గాప్రసాద్‌ (36) ఎలక్ట్రీషియన్‌, కూలీ పనులు చేస్తూ... భార్య, ఇద్దరు పిల్లలతో కలిసి స్థానిక నల్లపోచమ్మ నగర్‌లో ఉంటున్నాడు. ఈ నెల 6న సిద్దిపేటకు చెందిన పూలు విక్రయించే సయ్యద్‌, దుర్గాప్రసాద్‌ను, మస్తాన్‌ను తీసుకుని తామర పూల కోసం కోమటి చెరువు వద్దకు వెళ్లారు. ఈ క్రమంలో దుర్గాప్రసాద్‌, మస్తాన్‌ ఇద్దరు పూలు కోయడానికి చెరువులోకి దిగారు. కాగా దుర్గాప్రసాద్‌కు ఈత రావడంతో ఎక్కువ దూరం వెళ్లగా ప్రమాదవశాత్తు చెరువులోపల ఉన్న వేర్లు చుట్టుకొని ఊపిరాడక ఒడ్డుకు రాలేకపోయాడు. మస్తాన్‌ ఒడ్డుకు చేరుకున్నాడు. దుర్గాప్రసాద్‌ బయటకు రాకపోవడంతో ఒడ్డుపై ఉన్న ఇద్దరు వ్యక్తులు భయపడి ఎవరికి చెప్పకుండా అక్కడి నుంచి వెళ్లిపోయారు. దుర్గాప్రసాద్‌ ఇంటికి రాకపోవడంతో అతడి ఆచూకీ కోసం కుటుంబ సభ్యులు శనివారం పోలీసులకు ఫిర్యాదు చేయగా మిస్సింగ్‌ కేసు నమోదు చేశారు. ఆదివారం ఉదయం చెరువులో అతడి మృతదేహం నీటిపై తేలి కనిపించింది. గజ ఈతగాళ్ల సాయంతో మృతదేహాన్ని బయటకు తీసి మార్చురీకి తరలించారు. రైల్వే ట్రాక్‌పై వ్యక్తి మృతదేహం రామచంద్రాపురం(పటాన్‌చెరు): రైలు పట్టాలపై గుర్తుతెలియని వ్యక్తి మృతదేహం లభ్యమైంది. రైల్వే పోలీసుల కథనం ప్రకారం.. ఆదివారం మధ్యాహ్నం కీమెన్‌ జితేశ్‌ రైలు పట్టాలను తనిఖీ చేస్తున్న సమయంలో తెల్లాపూర్‌, లింగంపల్లి రైల్వే స్టేషన్‌ మధ్యలో రైల్వేట్రాక్‌పై గుర్తు తెలియని వ్యక్తి మృతదేహం ఉండటంతో రైల్వే పోలీసులకు సమాచారం అందించాడు. మృతుడి వయస్సు 45ఏళ్లు ఉంటాయని, మొలదారానికి తాళం చెవి ఉన్నట్లు తెలిపారు. మృతుడి ఒంటిపై ఎరుపు రంగు రౌండ్‌ నెక్‌ టీషర్ట్‌, నలుపు రంగు లోయర్‌ ధరించి ఉన్నాడు. మృతుడు గుర్తు తెలియని రైలు కింద పడి ఆత్మహత్య చేసుకొని ఉండవచ్చని లేదా రైలు ప్రయాణం చేస్తూ ప్రమాదవశాత్తు జారి పడి మృతి చెంది ఉండవచ్చని అనుమానిస్తున్నారు. ఎవరికై నా మృతుడి వివరాలు తెలిస్తే వెంటనే వికారాబాద్‌ రైల్వే పోలీసులను సంప్రదించాలని కోరారు.

రూ. 12 లక్షల ఆస్తి నష్టంకొండపాక(గజ్వేల్‌): షార్ట్‌ సర్క్యూట్‌తో ఆటోమొబైల్‌ షాపు దగ్ధమైంది. దీంతో సుమారు రూ.12 లక్షల విలువ చేసే సామగ్రి కాలి బూడిదైంది. ఈ ఘటన కుకునూరుపల్లిలో సోమవారం చోటు చేసుకుంది. వివరాలు ఇలా.. గ్రామానికి చెందిన భువనగిరి చందు రాజీవ్‌ రహదారి ప్రక్కన లక్ష్మి నర్సింహ ఆటో మొబైల్‌ దుకాణం నడుపుతున్నాడు. దీపావళీ సందర్భంగా రాత్రి దుకాణంలో పూజలు చేసి మూసివేసి ఇంటికెళ్లాడు. సోమవారం ఉదయం దుకాణం లోంచి పొగలు వస్తున్న విషయాన్ని తపాస్‌పల్లి సత్యనారాయణ ఫోన్‌ ద్వారా చందుకు సమాచారం అందించగా దుకాణం వద్దకు చేరుకొని షట్టర్‌ను తెరిచాడు. వెనక భాగంలో ఉన్న సబ్జా పైనుంచి పొగలు వస్తుండటంతో నీటితో ఆర్పే ప్రయత్నం చేశాడు. చూస్తుండగానే మంటలు దుకాణం మొత్తం వ్యాపించాయి. వెంటనే అగ్నిమాపక సిబ్బందికి ఫోన్‌ చేసి చెప్పారు. ఫైర్‌ ఇంజిన్‌ ఘటనా స్థలికి వచ్చేలోపు దుకాణంలో ఉన్న విలువైన వస్తువులు కాలి బూడిదయ్యాయి. పూజల కోసం వెలిగించిన దీపాలతో విద్యుత్తు షార్ట్‌ సర్క్యూట్‌ జరిగి దుకాణం దగ్ధమైనట్లు బాధితుడు అనుమానం వ్యక్తం చేశాడు. విఘ్నేశ్వర కాలనీలో.. నర్సాపూర్‌: టపాసుల నిప్పురవ్వలంటుకొని పండుగ వేళ ఓ ఇంట్లో అగ్ని ప్రమాదం జరిగింది. వివరాలు ఇలా... పట్టణంలోని విఘ్నేశ్వర కాలనీలో నివాసం ఉండే శ్రీనివాస్‌గుప్తా ఆదివారం రాత్రి స్థానిక గుడిలో పూజలు చేసేందుకు కుటుంబ సభ్యులతో కలిసి వెళ్లాడు. ఇంటి చుట్టుపక్కల నివాసం ఉన్న గుర్తు తెలియని వ్యక్తులు టపాసులు కాల్చడంతో నిప్పు రవ్వలు శ్రీనివాస్‌గుప్తాకు చెందిన ఇంటి మొదటి అంతస్తులోని కిటికీ ద్వారా బెడ్రూమ్‌లో పడ్డాయి. దీంతో పరుపులు, టీవీ, బట్టలు, ఇతర సామాన్లు కాలి బూడిదయ్యాయి. కిటికీ నుంచి పొగ రావడాన్ని చుట్టుపక్కల వారు గుర్తించి శ్రీనివాస్‌గుప్తాకు, అగ్నిమాపక అధికారులకు చెప్పారు. ఫైర్‌ సిబ్బంది వచ్చి మంటలను అదుపు చేశారు.

ములుగు(గజ్వేల్‌): మండలంలోని తానెదార్‌పల్లి, తండా గ్రామాలకు కేటాయించిన హనుమాన్‌ ఆలయ స్థలాన్ని కాపాడాలని దీక్ష చేస్తున్న గ్రామస్తులకు సోమవారం బీఆర్‌ఎస్‌ నాయకులు మద్దతు తెలిపారు. ఎమ్మెల్సీ యాదవరెడ్డి, ఉమ్మడి మెదక్‌ జిల్లా డీసీసీబీ డైరెక్టర్‌ అంజిరెడ్డి, బీఆర్‌ఎస్‌ రాష్ట్ర యువజన కార్యదర్శి జుబేర్‌పాష, మాజీ ఎంపీటీసీ లింగారెడ్డి తదితరులు దీక్ష శిబిరాన్ని సందర్శించి గ్రామస్తుల సమస్యలను తెలుసుకున్నారు. ఈ సందర్భంగా ఆ రెండు గ్రామాల ప్రజలు మాట్లాడుతూ బీఆర్‌ఎస్‌ ప్రభుత్వ హయాంలో హనుమాన్‌ ఆలయ నిర్మాణానికి స్థలం కేటాయించి ప్రభుత్వ నిధులతో కొంతమేర నిర్మాణం పనులు చేపట్టారని తెలిపారు. అయితే వివిధ కారణాలతో నిర్మాణం మధ్యలోనే నిలిచిపోయిందన్నారు. కాగా విలువైన ఆలయ స్థలాన్ని స్థానిక అధికార పార్టీ నాయకులు రెవెన్యూ అధికారుల సహకారంతో రిజిస్ట్రేషన్‌ చేయించుకున్నారని ఆరోపించారు. ఈ చర్యతో ఆలయ నిర్మాణానికి ఆటంకం కలగడమే కాకుండా రెండు గ్రామాల ప్రజలకు అన్యాయం జరుగుతోందని ఆవేదన వ్యక్తం చేశారు. ఎమ్మెల్సీ యాదవరెడ్డి గజ్వేల్‌ ఆర్డీఓతో ఫోన్‌లో మాట్లాడి సమస్యను పరిష్కరించాలని కోరారు.

మనస్తాపంతో వ్యక్తి ఆత్మహత్యచిన్నశంకరంపేట(మెదక్‌): పొలం అమ్మిన డబ్బులు ఇవ్వకపోవడంతో వ్యక్తి ఆత్మహత్యకు పాల్పడ్డాడు. ఈ ఘటన నార్సింగి మండలం శంకాపూర్‌ గ్రామంలో ఆదివారం చోటు చేసుకుంది. నార్సింగి ఏఎస్‌ఐ రవీందర్‌ కథనం ప్రకారం.. గ్రామానికి చెందిన మన్నే భూమయ్య(60) వ్యవసాయ కూలిగా జీవిస్తున్నాడు. తన ఇద్దరు కూతుర్ల వివాహాలు చేశాడు. ఈ క్రమంలో తన సోదరుడు బాలయ్యకు పొలం అమ్మగా రూ.3 లక్షలు ఇవ్వాల్సి ఉంది. నగదు ఇవ్వకపోగా తన పూరి గుడిసెను తొలగించి ఇల్లు నిర్మిస్తానని చెప్పడంతో వీరు అద్దె ఇంట్లోకి వెళ్లారు. దీంతో 40 గజాల ఖాళీ స్థలాన్ని సోదరుడు ఇతరులకు విక్రయించాడు. ఇదేమని అడిగితే సరైన సమాధానం ఇవ్వకపోవడంతో మనస్తాపానికి గురైన భూమయ్య సోమవారం గ్రామశివారులోని కుంట వద్ద చెట్టుకు ఉరివేసుకొని మృతి చెందాడు. రైలు కిందపడి వ్యాపారి.. అప్పులు తీర్చలేక వ్యాపారి ఆత్మహత్యకు పాల్పడ్డాడు. ఈ ఘటన మండలంలోని మిర్జాపల్లి రైల్వేస్టేషన్‌ సమీపంలో ఆదివారం చోటు చేసుకుంది. కామారెడ్డి రైల్వే ఎస్‌ఐ లింబాద్రి కథనం ప్రకారం.. రామాయంపేట మండలం ఆర్‌.వెంకటపూర్‌కి చెందిన బొమ్మర్ల రాజేందర్‌(44) గ్రామంలో కిరాణం దుకాణం నడుపుతూ జీవిస్తున్నాడు. ఇటీవల ఇంటి నిర్మాణం కోసం రూ.9 లక్షల హౌసింగ్‌ లోన్‌ తీసుకున్నాడు. ఇతర అవసరాలకు మరో రూ.20 లక్షల వరకు ఇతరుల వద్ద అప్పు చేశాడు. అప్పులు తీర్చలేక మనోవేదనకు గురైన రాజేందర్‌ మూడు రోజుల క్రితం ఇంటి నుంచి ఎవరికీ చెప్పకుండా బయటకు వెళ్లాడు. కుటుంబ సభ్యులు ఆచూకీ కోసం వెతికారు. ఈ క్రమంలోనే కాచిగూడ నుంచి రైలులో మిర్జాపల్లి వచ్చిన ఆయన నిజామాబాద్‌ వైపు నుంచి వస్తున్న ఎక్స్‌ప్రెస్‌ రైలుకు ఎదురుగా వెళ్లి ఆత్మహత్య చేసుకున్నాడు. మృతుడికి భార్య, ఇద్దరు 13 ఏళ్ల పిల్లలు ఉన్నారు. భార్య ఫిర్యాదు మేరకు కేసు నమోదు చేశారు.

●సాగు చేయకున్నా రైతులకు పెట్టుబడి సాయం ●ఎల్‌నినో నేపథ్యంలో ప్రభుత్వం నిర్ణయం ఎల్‌నినో ప్రభావంతో ఏర్పడిన కరువు నుంచి రైతాంగాన్ని ఆదుకొనేందుకు ప్రభుత్వం చర్యలు ప్రారంభించింది. ఈ యాసంగిలో పంటలు సాగు చేసినా, చేయకపోయినా కర్షకులందరికీ రైతు భరోసా ఇవ్వాలని సూత్రప్రాయంగా నిర్ణయించినట్లు తెలిసింది. దీంతో రైతులకు కొంత ఊరట కలిగే అవకాశం ఉంది. – నారాయణఖేడ్‌ ఇప్పటికే వానాకాలం సీజన్‌లో వర్షాభావంతో దిగుబడులు రాక రైతులు నష్టాలను చవి చూశారు. పెసర, మినుము, సోయా, వరి, నూనెగింజలు ఇతరత్ర పంటల నూర్పిళ్లు అయిపోయాయి. పత్తి, కంది పంటలు మాత్రమే కమతాల్లో మిగిలాయి. పత్తి దిగుబడులు రాక భారీగా రైతులు నష్టపోయారు. కంది పంట కూడా వర్షాభావం వల్ల ప్రస్తుతం పూత దశలో ఉన్న పంట పూత రాలిపోతుండడం వల్ల దిగుబడులు భారీగా తగ్గే ప్రమాదం ఉందని ఆందోళన చెందుతున్నారు. వర్షాకాలం పంటలు దెబ్బతిన్న రైతులను యాసంగిలో ఆదుకోవాలన్న నిర్ణయంలో ప్రభుత్వం ఉన్నట్లు అధికారులు పేర్కొంటున్నారు. రైతు భరోసా ఇవ్వాలన్న విషయంపై ఇటీవల మంత్రివర్గ సమావేశంలో కూడా చర్చించినట్లు చెబుతున్నారు. ప్రభుత్వం ఇబ్బందుల్లో ఉన్నా ఎట్టి పరిస్థితుల్లోనూ పెట్టుబడి సాయం ఇవ్వాలని ప్రజాప్రతినిధులు, అధికారవర్గాల సూచనలతో ప్రభుత్వం ఆ దిశగా చర్యలు చేపడుతున్నట్లు సమాచారం. సరైన సమయంలో పెట్టుబడి సాయం కానీ, కరువు కాలంలో ఇన్‌పుట్‌ సబ్సిడీ కింద గానీ రైతు భరోసా నిధులు ఇచ్చే అవకాశం ఉన్నట్లు తెలుస్తోంది. తగ్గనున్న సాగు విస్తీర్ణం జిల్లాలో యాసంగిలో సాగు విస్తీర్ణం భారీగా తగ్గే అవకాశాల ఉన్నాయి. వానాకాలంలో జిల్లాలో అన్ని రకాల పంటలు కలిపి 7,09,160 ఎకరాల్లో రైతులు వివిధ రకాల పంటలు సాగు చేశారు. ఇందులో అధికంగా పత్తి 3,53,714 ఎకరాల్లో, వరి 1,29,367, కంది 74,715, సోయా 72,326, పెసర 8,343, మినుము 6,319 ఎకరాల్లో సాగు చేశారు. గతేడాది యాసంగిలో 3,09,748 ఎకరాల్లో మాత్రమే రైతులు పంట సాగు చేపట్టారు. వానాకాలంతో పోల్చుకుంటే సంగం విస్తీర్ణం తగ్గింది. అప్పడు వరి 1.31 లక్షల ఎకరాల్లో సాగు చేస్తే జొన్న 92,497, శనగ 30,908, మొక్కజొన్న 8,798, చెరకు 7,800, తెల్లకుసుమ 6,264 ఎకరాల్లో సాగు చేసినట్లు వ్యవసాయశాఖ గణాంకాలు చెబుతున్నాయి. కాగా ఈ ఏడాది యాసంగిలో మరింత భారీగా సాగు తగ్గే అవకాశం ఉంది. అధికంగా రైతులు శనగ, జొన్న, మొక్కజొన్న, తెల్లకుసుమ, నువ్వులు, సన్‌ఫ్లవర్‌ తదితర పంటలు సాగును పెంచే అవకాశాలు ఉన్నాయి. వరికి బదులుగా పట్టణాలకు దగ్గరగా ఉన్న చోట్ల, రవాణ అనుకూలత ఉన్న రైతులు కూరగాయల సాగును చేపట్టే అవకాశాలు ఉన్నాయి. గతేడాదితో పోలిస్తే ఈ యాసంగిలో సగం వరకు సాగు తగ్గే అవకాశాలు ఉంది. భూగర్భజలాలు అడుగంటడంతో పెట్టుబడులు నష్టపోతామని రైతులు సాగు తగ్గించే యోచనలో ఉన్నారు. ఇప్పటికే వానాకాలం పంటల దిగుబడులు రాక నష్టపోయిన రైతులకు ఈ యాసంగిలో ప్రభుత్వం రైతు భరోసా ఇవ్వడం వల్ల కొంత ప్రయోజనం చేకూరనుంది. జిల్లాలో 2025– 26 ఆర్థిక సంవత్సరంలో 3,60,464 మంది రైతులకు రూ.418 కోట్లను రైతు భరోసా కింద ప్రభుత్వం రైతుల ఖాతాల్లో జమ చేసింది. కాగా, ఇప్పటివరకు పంటలు సాగయ్యే భూములకే ప్రభుత్వం రైతు భరోసా ఇస్తోంది. కానీ ఈసారి సాగు తగ్గినా కరువు పూట రైతులకు పూర్తిస్థాయిలో పెట్టుబడి సాయం ఇవ్వాలని నిర్ణయించినట్లు తెలుస్తోంది.

● ఇంటి నుంచే తెచ్చుకుంటున్న తాగునీరు ● ప్రహరీ లేక విష పురుగుల సంచారం ● తుక్కితండాలో సర్కారు బడి దుస్థితి అక్కన్నపేట(హుస్నాబాద్‌): ప్రభుత్వ పాఠశాలల్లో మౌలిక సౌకర్యాల మాట అటుంచితే కొన్ని స్కూళ్లల్లో కనీసం తాగునీటి వసతి లేకపోవడంతో విద్యార్థులు ఇబ్బంది పడుతున్నారు. సిద్దిపేట జిల్లా అక్కన్నపేట మండలం కపూర్‌నాయక్‌తండా గ్రామపంచాయతీ పరిధిలోని తుక్కితండాలో ఉన్న ప్రభుత్వ ప్రాథమిక పాఠశాలలో దాహం కేకలు వినిపిస్తున్నాయి. గుక్కెడు తాగునీటి కోసం చిన్నారులు పడరానీ కష్టాలు పడుతున్నారు. అయితే పాఠశాలలో 1వ తరగతి నుంచి 5వ తరగతి వరకు ఉంది. అందులో మొత్తం 25 మంది విద్యార్ధులు ఉండగా, ఇద్దరు ప్రభుత్వ ఉపాధ్యాయులు ఉన్నారు. ఇందులో ఒక మహిళ ఉపాధ్యాయురాలు ఉన్నారు. ప్రహరీ లేక.. పాఠశాల చుట్టు ప్రహరీ గోడ లేకపోవడంతో లోనికి విషపురుగులు పాములు, తేళ్లు, ఇతర విష కీటకాలు వస్తున్నాయని చెబుతున్నారు. అయితే, ప్రహరీ గోడ నిర్మాణానికి రూ.10లక్షలు మంజూరు కాగా సదరు కాంట్రాక్టర్‌ గుంతలు తీసి పనులను మధ్యలోనే ఆపేశాడు. దీంతో ప్రస్తుతం పాఠశాల ఆవరణలో గుంతలు ఉండటంతో విద్యార్థులు, ఉపాధ్యా యులు ప్రమాదాలకు గురవుతున్నారు. ఈ విషయంపై పలుమార్లు అధికారుల దృష్టికి తీసుకెళ్లినా ఎవరూ పట్టించుకోవడం లేదని ఉపాధ్యాయులు వాపోయారు. ఇప్పటికై నా జిల్లా విద్యాశాఖ అధికారులు దృష్టి సారించి తాగునీటి సమస్యను పరిష్కరించాలని విద్యార్థులు, వారి తల్లిదండ్రులు కోరుతున్నారు.తాగునీటి తండ్లాట.. ప్రస్తుతం ఈ పాఠశాలలో మంచినీటి సౌకర్యం లేదు. బోరు, బావులు అసలే లేవు. ఆర్వో ప్లాంట్‌ లేదు.. ఉన్న ఒక చేతిపంపు మాత్రమే చేతులు, కాళ్లు, పేట్లు శుభ్రం చేయడానికి ఉపయోగిస్తు న్నారు. తాగడానికి మాత్రం విద్యార్థులే వారి ఇంటి నుంచి ఒక బాటిల్‌ వాటర్‌ను తెచ్చుకుంటున్నారు. కాగా, మధ్యాహ్నం వరకు ఇంటి నుంచి తీసుకొచ్చిన వాటర్‌ అయిపోతుందని విద్యార్థులు చెబుతున్నారు. అలాగే టాయిలెట్లు లేకపోవడంతో విద్యార్థులు, ఉపాధ్యాయులు ఒంటికి, రెంటికి బయటకు వెళ్లాల్సిన దుస్థితి నెలకొంది.విద్యార్థులకు, ఉపాధ్యాయులకు తప్పని అవస్థలుమా దృష్టికి వచ్చింది పాఠశాలలో తాగునీటి ఇబ్బందుల విషయం మా దృష్టికి వచ్చింది. జిల్లా ఉన్నతాధికారులకు కూడా చెప్పాం. అలాగే ప్రహరీ గోడ సదరు కాంట్రాక్టర్‌ను త్వరగా నిర్మించాలని సూచించాం. తాగునీటి ఇబ్బందులు తలెత్తకుండా ప్రత్యేక చర్యలు తీసుకునేలా చర్యలు తీసుకుంటాం. – గుగులోతు రంగా నాయక్‌, ఎంఈఓ.

● అదనపు కలెక్టర్లు సంగీత, పాండు ● ప్రజావాణిలో 32 వినతుల స్వీకరణ సంగారెడ్డి జోన్‌: ప్రజావాణి అర్జీలను అధికారులు క్షుణ్ణంగా పరిశీలించి, సత్వరమే పరిష్కరించాలని అదనపు కలెక్టర్లు సంగీత, పాండు ఆదేశించారు. సోమవారం కలెక్టరేట్‌లో నిర్వహించిన ప్రజావాణిలో ప్రజల నుంచి వినతులు స్వీకరించారు. ఈసందర్భంగా వారు మాట్లాడుతూ.. ప్రజలు తమ సమస్యల పరిష్కారం కోసం సమర్పించే ప్రతి అర్జీకి ప్రాధాన్యం ఇవ్వాలన్నారు. పెండింగ్‌లో ఉంచకుండా సంబంధిత శాఖల అధికారులు ఎప్పటికప్పుడు పరిశీలించి, నిర్దేశిత గడువులోగా పరిష్కరించాలని సూచించారు. మొత్తం 32 వినతులు రాగా, సంగారెడ్డి డివిజన్‌లో 9, నారాయణఖేడ్‌ 1, జహీరాబాద్‌ 1, సంగారెడ్డి కలెక్టరేట్‌లో 21 అర్జీలు వచ్చాయి. అందోల్‌ డివిజన్‌ నుంచి ఎలాంటి వినతులు అందలేదు. కార్యక్రమంలో జెడ్పీ సీఈఓ జానకిరెడ్డి, జిల్లా సాంఘిక సంక్షేమ శాఖ ఉపసంచాలకులు అఖిలేశ్‌ రెడ్డి, జిల్లా వైద్యారోగ్యశాఖ అధికారి డాక్టర్‌ లలితాదేవి, జిల్లా పశుసంవర్ధక శాఖ అధికారి వసంతకుమారి, వివిధ శాఖల జిల్లా అధికారులు, సిబ్బంది పాల్గొన్నారు.

ఇద్దరికి తీవ్ర గాయాలు జహీరాబాద్‌: మండలంలోని హుగ్గెల్లి గ్రామ శివారులో 65వ జాతీయ రహదారిపై శనివారం అదుపుతప్పి కారు బోల్తా పడింది. కారులో ఉన్న ఇద్దరు వ్యక్తులు తీవ్రంగా గాయపడ్డారు. హైదరాబాద్‌ నుంచి కర్ణాటకలోని మన్నెల్లికి వెళ్తున్న క్రమంలో కారు అదుపుతప్పి మూడు పల్టీలు కొట్టింది. ఈ క్రమంలో కారు బెలూన్లు తెరుచుకోవడంతో ప్రాణాపాయం తప్పింది. ప్రమాదంలో సిద్దన్న, మొగులప్ప గాయపడ్డారు. వీరిని 108లో ప్రథమచికిత్స అందించి ప్రభుత్వాస్పత్రికి తరలించారు. సంగారెడ్డి: పట్టణంలోని బ్లింకిట్‌ ఆన్‌లైన్‌ మార్కెట్‌లో జిల్లా ఆహార భద్రతాధికారులు శనివారం సాయంత్రం తనిఖీలు నిర్వహించారు. ఈ సందర్భంగా మార్కెట్‌లో విక్రయిస్తున్న వివిధ ఆహార పదార్థాల నాణ్యతను పరిశీలించారు. పప్పులు, మైదా తదితర ఆహార పదార్థాల నమూనాలను సేకరించి పరీక్షల నిమిత్తం ప్రయోగశాలకు పంపించనున్నట్లు జిల్లా ఆహార భద్రతాధికారి రాజేశ్వర్‌ తెలిపారు. ఆహార భద్రతా నిబంధనల ప్రకారం మార్కెట్‌ యజమానికి నోటీసులు జారీ చేసినట్లు పేర్కొన్నారు. ప్రయోగశాల పరీక్షల నివేదిక ఆధారంగా తదుపరి చర్యలు తీసుకుంటామని అధికారులు వెల్లడించారు. రేగోడ్‌(మెదక్‌): మండలంలోని ఓ హాస్టల్‌లో శనివారం ఉదయం ఓ విద్యార్థిని గాయపడటంతో తీవ్ర అస్వస్థతకు గురైనట్లు సమాచారం. ఘటన జరిగిన వెంటనే హాస్టల్‌ సిబ్బంది అంబులెన్స్‌కు సమాచారం అందించినట్లు తెలిసింది. శనివారం తెల్లవారుజామున 3 గంటల 42 నిమిషాలకు ఫోన్‌ రావడంతో హుటాహుటిన అక్కడికి చేరుకున్న 108 సిబ్బంది విద్యార్థినిని మొదట రేగోడ్‌ ప్రభుత్వ ఆసుపత్రికి తరలించారు. అక్కడ ప్రాథమిక చికిత్స అనంతరం మెరుగైన వైద్యం కోసం నారాయణఖేడ్‌ ప్రభుత్వ ఆస్పత్రికి తరలించినట్లు సమాచారం. అయితే విద్యార్థినికి గాయం ఎలా జరిగింది? హాస్టల్‌లో ఏం జరిగింది? అనే విషయాలు ఇంకా తెలియాల్సి ఉంది. ● పప్పులు, మైదా నమూనాల సేకరణ ● యజమానికి నోటీసులు ● తెల్లవారుజామున విద్యార్థినికి గాయం ● 108లో రేగోడ్‌ ప్రభుత్వ ఆస్పత్రికి తరలింపు

చేర్యాల(సిద్దిపేట): మండల పరిధిలోని ఆకునూరు గ్రామ శివారు మాసిరెడ్డిపల్లిలో ఇరిగేషన్‌ శాఖ పరిధిలో నమోదైన తాళ్లకుంట చెరువు కట్ట ధ్వంసం వివాదాస్పదంగా మారింది. సదరు కట్ట తమ పట్టా భూమిలో ఉందనే కారణంతో కొందరు వ్యక్తులు కట్టను ధ్వంసం చేసినట్లు సమాచారం. అంతే కాకుండా అక్కడ ఉన్న తాటి చెట్లను తొలగించారని స్థానిక గౌడ కులస్తులు ఎకై ్సజ్‌ పోలీసులకు ఫిర్యాదు చేశారు. ఈ ఘటనపై ఇరిగేషన్‌ అధికారులు పోలీసులకు ఫిర్యాదు చేశారు. స్థానిక ఎకై ్సజ్‌ పోలీసులు ఘటనా స్థలానికి వెళ్లి విచారణ చేపట్టారు. ఈ విషయమై ఇరిగేషన్‌ ఏఈ నజియాతో మాట్లాడగా తాను సెలవులో ఉన్నానని, కుంట కట్ట ధ్వంసం చేస్తున్నట్లు సమాచారం అందగానే సిబ్బందికి చెప్పి పోలీసులకు ఫిర్యాదు చేయించామన్నారు. ఘటనా స్థలానికి వెళ్లి విచారణ చేసిన అనంతరం చర్యలు తీసుకుంటామన్నారు. పోలీసులకు ఫిర్యాదు చేసిన ఇరిగేషన్‌ అధికారులు

పటాన్‌చెరు టౌన్‌: పారిశ్రామిక, రెవెన్యూ పరంగా కీలకమైన పటాన్‌చెరు అభివృద్ధికి నోచుకోవడం లేదని ఎమ్మెల్సీ అంజిరెడ్డి విమర్శించారు. శనివారం అధికారులతో కలిసి పటాన్‌చెరు, బండ్లగూడలో మార్నింగ్‌ వాక్‌ నిర్వహించి సమస్యలను క్షేత్రస్థాయిలో పరిశీలించారు. ప్రధాన రహదారు లు, కాలనీల్లో చెత్త పేరుకుపోవడం, మురుగు నీటి సమస్య, తాగునీటి సరఫరాలో అంతరాయం, వీధి దీపాల నిర్వహణలో నిర్లక్ష్యం వంటి సమస్యలను స్థానికులు ఆయన దృష్టికి తీసుకొచ్చారు. ఈసందర్భంగా ఎమ్మెల్సీ మాట్లాడుతూ.. ప్రభుత్వ పాఠశాలలు, అంగన్‌వాడీ కేంద్రాల్లో కనీస వసతులు లేవని ఆవేదన వ్యక్తం చేశారు. బండ్లగూడ గోపాల్‌రెడ్డి కాలనీలో డ్రైనేజీ, పింఛన్‌ సమస్యలను పరిష్కరించాలన్నారు. దోషం చెరువు 16 ఎకరాల స్థలాన్ని ఆక్రమణల నుంచి కాపాడాలని హైడ్రా కమిషనర్‌ రంగనాథ్‌కు ఫోన్‌ చేసినట్లు తెలిపారు. వారంలోగా సమస్యలన్నీ పరిష్కరించాలని అధికారులను ఆదేశించారు. పటాన్‌చెరు సమగ్ర అభివృద్ధికి తన వంతుగా కృషి చేస్తానని హామీ ఇచ్చారు. కార్యక్రమంలో బీజేపీ జిల్లా అధ్యక్షురాలు గోదావరి, జిల్లా ప్రధాన కార్యదర్శి రాజశేఖర్‌ రెడ్డి, డివిజన్‌ అధ్యక్షులు, స్థానిక ప్రజలు, అధికారులు పాల్గొన్నారు.

ఇంటెక్‌వేల్‌లోకి రాని నది నీరు ● మోటార్లతో పంపింగ్‌కు ఏర్పాట్లు ● రెండు రోజులకోసారి నీటి సరఫరారాయికోడ్‌(అందోల్‌): మంజీర నదిలో నీరు అడుగంటుతోంది. ఏటా ఇదే సమయంలో నీటితో కళకళలాడేది. ప్రస్తుతం నీరు లేక వెలవెలబోతోంది. మండలంలోని పాంపాడ్‌, సిరూర్‌, మోరట్గా, మామిడిపల్లి, కర్చల్‌ తదితర గ్రామాల సమీపం నుంచి ప్రవహించే నదిలో బండరాళ్లు తేలడంతో పాంపాడ్‌ మిషన్‌ భగీరథ గ్రిడ్‌కు చెందిన ఇంటెక్‌వెల్‌లోకి సాధారణ నీటి ప్రవాహం నిలిచిపోయింది. దీంతో తాగునీటి సరఫరాకు అంతరాయం ఏర్పడగా, అధికారులు నదిలోని నీరు ఇంటెక్‌వెల్‌లోకి మళ్లించడానికి పెద్ద కాలువ తీయించారు. కానీ ఫలితం లేకుండా పోకపోవడంతో మూడు పెద్ద మోటార్లను నది నీటిలో దింపి నీటిని పంప్‌ చేస్తున్నారు. అక్కడి నుంచి మహబత్‌పూర్‌ సమీపంలోని పంప్‌హౌస్‌లో నీటిని శుద్ధి చేసి రెండు రోజులకోసారి తాగునీటిని సరఫరా చేస్తున్నారు. 44 గ్రామాలకు తాగునీరు పాంపాడ్‌లో మిషన్‌ భగీరథ గ్రిడ్‌ ద్వారా 44 గ్రామాలకు తాగునీటిని సరఫరా చేస్తారు. అందులో రాయికోడ్‌ మండలంలోని 33 గ్రామాలు, మునిపల్లి మండలంలోని 8 గ్రామాలు, ఝరాసంగం మండలంలోని 3 గ్రామాలున్నాయి. నదిలో నీటి లభ్యత ఇప్పుడే ఇలా ఉంటే వేసవిలో నీటి ఇబ్బందులు ఏ స్థాయిలో ఉంటాయోనని ప్రజలు ఆందోళన వ్యక్తం చేస్తున్నారు. ప్రత్యామ్నాయ ఏర్పాట్లు మంజీర నది ద్వారా వచ్చే ఏడాది సంక్రాంతి వరకు నీటి సరఫరా చేయవచ్చని అధికారులు అంచనా వేశారు. అనంతరం తలెత్తే ఇబ్బందులపై ప్రత్యామ్నాయ ఏర్పాట్లు చేయాలని పంచాయతీ కార్యదర్శులకు, ఏఈలకు ఉన్నతాధికారులు ఆదేశాలు జారీ చేశారు. అవసరమైన గ్రామాల్లో అద్దె బోరు, బావులు, ట్యాంకర్ల ద్వారా నీటిని అందించే ఏర్పాట్లు చేయాలని సూచించారు. కొత్త బోర్ల తవ్వకం, పాత బోర్ల మరమ్మతులు తదితర పనులు చేపట్టి తాగునీటికి ఇబ్బందులు లేకుండా చూస్తా మని తెలిపారు. ఇప్పటికే గ్రామాల్లో నీరు వృథా చేస్తే చర్యలు తప్పవని చాటింపు చేయిస్తున్నారు. ఎల్‌నినో ప్రభావం, నీటి సమస్యలపై ప్రజలకు అవగాహన కల్పిస్తున్నారు.ప్రత్యేక ఆదేశాలిచ్చాం ప్రభుత్వ ఆదేశాల మేరకు వివిధ శాఖల క్షేత్రస్థాయి సిబ్బందికి తాగునీటి సరఫరాలో ఇబ్బందులు లేకుండా ప్రత్యేక ఆదేశాలిచ్చాం. తాగునీటి సమస్యలు తతెత్తకుండా ప్రత్యామ్నాయ ఏర్పాట్లపై ప్రణాళికలు సిద్ధం చేయించాం. నీటి పొదుపుపై ప్రజల్లో చైతన్యం కల్పిస్తున్నాం. – జగదీశ్‌, రాయికోడ్‌ మండల ప్రత్యేకాధికారి

పటాన్‌చెరు: నిబంధనలు పాటించని ఆస్ప త్రులపై చర్యలు తప్పవని డీఎంహెచ్‌ఓ అలితాదేవి అన్నారు. శనివారం బీరంగూడ ప్రాంతాల్లోని పలు ప్రైవేట్‌ ఆస్పత్రులను ఆకస్మికంగా తనిఖీ చేశారు. రోగులకు అందుతున్న వైద్య సేవలు, నిబంధనల అమలును పరిశీలించారు. ఆస్పత్రుల్లో ప్రతి రోజు పరిసరాల పరిశుభ్రత పాటించాలని, ఎంటీపీ సర్టిఫికెట్లు ఉన్న ఆస్పత్రుల్లో మాత్రమే సంబంధిత సేవలు అందించాలని సూచించారు. సిబ్బంది అందరికీ గుర్తింపు కార్డులు ఉండాలని సూచించారు. తనిఖీల్లో డాక్టర్‌ రజని, ఇతర అధికారులు పాల్గొన్నారు.

నారాయణఖేడ్‌: ఖేడ్‌ సాంఘిక సంక్షేమ బాలుర గురుకుల పాఠశాలకు చెందిన 16 మంది విద్యార్థులు క్రీడల్లో రాష్ట్రస్థాయి పోటీలకు ఎంపికై నట్లు ప్రిన్సిపాల్‌ శ్రీనివాస్‌ చారి, పీడీ లక్ష్మీనారాయణ, పీఈటీ రవీందర్‌ తెలిపారు. హత్నూరలోని డా.బీఆర్‌ అంబేడ్కర్‌ కళాశాలలో నిర్వహించిన 12వ జోనల్‌ స్థాయి పోటీల్లో ప్రతిభ కనబర్చి రాష్ట్ర స్థాయిలో నిర్వహించే వివిధ క్రీడాపోటీలకు ఎంపికయ్యారని చెప్పారు. ఎంపికై న వారిలో అండర్‌ –14 విభాగంలో ఒకరు, అండర్‌ –17 విభాగంలో 13 మంది, అండర్‌ –19 విభాగంలో ఇద్దరు ఎంపికై నట్లు వివరించారు. ఈ సందర్భంగా ఎంపికైన వారిని పలువురు అభినందించారు. ఖో–ఖో పోటీలకు విద్యార్థిని.. కొండపాక(గజ్వేల్‌): మండలంలోని సిర్సనగండ్ల హైస్కూల్‌కు చెందిన విద్యార్థినీ ఎర్రోళ్ల మనీషా రాష్ట్ర స్థాయి ఖో–ఖో పోటీలకు ఎంపికై ందని ఫిజికల్‌ డైరెక్టర్‌ ఉప్పలయ్య తెలిపారు. ఈనెల 6న సిద్దిపేటలో జరిగిన ఉమ్మడి మెదక్‌ జిల్లా అండర్‌ –17 బాలికల విభాగం ఖో–ఖో పోటీల్లో ప్రతిభ చాటింది. తూంకుంటలో జరిగే రాష్ట్ర స్థాయి పోటీల్లో పాల్గొననుందని తెలిపారు.

దీపావళి అనగానే దీపాలు గుర్తుకొస్తాయి. గతంలో దీపాలను మట్టి ప్రమిదల్లోనే వెలిగించేవారు. ప్రస్తుతం వీటి స్థానంలో రాజస్తాన్‌, గుజరాత్‌లో రసాయనాలతో తయారు చేసిన ప్రమిదలు, చైనా విద్యుత్‌ దీపాలు మార్కెట్‌లో దర్శనమిస్తున్నాయి. ఒక్క మట్టి ప్రమిద తయారీకి రూ పాయి నుంచి రూ.5 వరకు ఖర్చవుతుంది. మా ర్కెట్‌లో రూ.2 నుంచి 10 వరకు విక్రయిస్తు న్నారు. కానీ, ప్రస్తుతం మార్కెట్‌లో తక్కువ ధరకే రసాయనాలు, విద్యుత్‌ దీపాలు లభిస్తుండటంతో మట్టి ప్రమిదలకు గిరాకీ తగ్గింది. ప్రభుత్వం ఆదుకోవాలి దీపావళి పండుగ వచ్చిందంటే గతంలో చేతి నిండా పని ఉండేది. ఇప్పుడు మిషన్‌లపై తయారీ చేసిన ప్రమిదలు మార్కెట్‌లో భారీగా వచ్చాయి. వీటితో పాటు విద్యుత్‌ దీపాల రాకతో మట్టి ప్రమిదలకు గిరాకీ తగ్గింది. ప్రభుత్వం మమ్మల్ని ఆదుకోవాలి. –మల్లేశ్వరి, మట్టి ప్రమిదల తయారీదారులు, సిద్దిపేట

రామాయంపేట(మెదక్‌): దీపావళి పండుగ వేళ వెలుగులు విరజిమ్ముతుంటే, నిరుపేదల జీవితాలు మాత్రం చీకట్లోనే మగ్గుతున్నాయి. పండుగ వేళ అందరూ కొత్త దుస్తులు ధరించి బాణసంచాలు కాలుస్తుంటే, రెక్కాడితే గాని డొక్కాడని నిరుపేదలు మాత్రం పొట్ట చేతపట్టుకొని దేశ సంచారం చేస్తున్నారు. ఎక్కడికి వెళ్లినా గుడిసెలు వేసుకొని చిన్న , చిన్న వ్యాపారాలు చేసుకుంటున్నారు. వరంగల్‌ జిల్లా నర్సంపేటకు చెందిన బుడగ జంగాలకు చెందిన పది కుటుంబాలు రెండు నెలల క్రితం తమ గ్రామాన్ని వదిలి కుటుంబాలతోపాటు రామాయంపేటకు వలస వచ్చి పట్టణ శివారులో గుడిసెలు వేసుకొని ఉంటున్నారు. గ్రామాల్లో తిరుగుతూ ఇనుప మంచాలు అమ్ముతూ జీవిస్తున్నామని, తమ వ్యాపారానికి సరైన ఆదరణ కరువై తిండికి అలమటిస్తున్నామని వాపోయారు. ఏడాదిలో రెండు నెలలు మాత్రమే స్వస్థలాల్లో ఉంటున్నామని, మిగతా పది నెలలు దేశ సంచారానికే పరిమితమవుతున్నామని చెప్పారు. పండుగల వేళ తాము అర్ధాకలితోనే గడపాల్సి వస్తుందన్నారు.

చిలప్‌చెడ్‌(నర్సాపూర్‌): ఓ మహిళ తాను చనిపోతూ మరి కొందరి జీవితాల్లో వెలుగులు నింపింది. వివరాలు ఇలా.. మండల పరిధిలోని గౌతాపూర్‌ గ్రామానికి చెందిన కుమ్మరి అనిత(38), తన భర్త అంజయ్య ఇద్దరు మెదక్‌డిపోలో ఆర్టీసీ కండక్టర్లుగా విధులు నిర్వహిస్తున్నారు. కాగా వారం క్రితం అనిత అధిక రక్తపోటుతో తీవ్ర అస్వస్థతకు గురైంది. దీంతో హైదరాబాద్‌లోని నిమ్స్‌లో చేరిన ఆమె చికిత్స పొందుతూ, బ్రైయిన్‌ స్ట్రోక్‌తో శనివారం ఉదయం తుది శ్వాస విడిచింది. తీవ్ర విషాదంలో ఉన్న కుటుంబసభ్యులు ఆమె అవయవాలను మరొకరి ప్రాణాలు కాపాడటానికి ఇవ్వాలని నిర్ణయం తీసుకున్నారు. అనంతరం జీవన్‌దాన్‌కు అవయవదానం చేశారు. పుట్టెడు దుఃఖంలో సైతం అనిత కుటుంబసభ్యులు తీసుకున్న నిర్ణయంపై, తెలంగాణ వర్కర్స్‌ యూనియన్‌ మెదక్‌ డిపో కమిటీ హర్షం వ్యక్తం చేసింది. నిమ్స్‌ ఆసుపత్రి సిబ్బంది, పోస్ట్‌మార్టమ్‌ చేయించిన పోలీసులు, అనిత మృతదేహానికి నివాళులర్పించారు. అందరితో కలివిడిగా ఉండే అనిత మృతితో గ్రామంలో విషాదచాయలు అలుముకున్నాయి.

● యథేచ్ఛగా టపాసుల దుకాణాలు ● చుట్టూ హాస్టళ్లు, కార్యాలయాల సముదాయాలు ● అధికారుల ఉదాసీనత నారాయణఖేడ్‌: దీపావళి పండగ కోసం ఏర్పాటు చేసిన బాణసంచా (టపాసుల) దుకాణాలు నిబంధనలకు విరుద్ధంగా ఏర్పాటు చేయడంతో ప్రజల ప్రాణాలకు ముప్పుగా పరిణమిస్తుంది. దుకాణాల ఏర్పాటుకు అవసరమైన నిబంధనలు నిర్వాహకులు పాటించకుండా ఏర్పాటు చేస్తుండడం.. అధికారులు పరిశీలించి మరీ వంత పాడడం విమర్శలకు తావిస్తోంది. నారాయణఖేడ్‌ పట్టణంలోని తహశీల్‌ గ్రౌండ్‌లో 23 టపాసుల దుకాణాలు ఏర్పాటు చేశారు. ఇవి పూర్తి నిబంధనలకు విరుద్ధంగా ఉన్నాయి. అలాగే రెండు హాస్టళ్ల సమీపంలోనే ఈ గ్రౌండ్‌ ఉంది. సబ్‌ కలెక్టర్‌ నివాస గృహం ముందే దర్జాగా దుకాణాలు వెలిశాయి. ఇంజనీరింగ్‌, ఇరిగేషన్‌, ఆర్‌అండ్‌బీ, అటవీశాఖ, లైబ్రరీతో పాటు నివాస ప్రాంతాల సమీపంలో ఉన్నాయి. ఈ దుకాణాలకు జిల్లా పోలీస్‌, కలెక్టర్‌ కార్యాలయం నుంచి అనుమతులు పొందాల్సి ఉంది. దర్జాగా అనుమతులు పేలుడు పదార్థాల (టపాసుల) దుకాణాలకు మున్సిపల్‌ అధికారులు యథేచ్ఛగా ఎన్‌ఓసీ జారీ చేశారు. నిబంధనలు పాటించాల్సిన అగ్నిమాపక శాఖ అధికారులు నిమ్మకు నీరెత్తారు. రెవెన్యూ, పోలీసులు అధికారులు పరిశీలించి మరీ పట్టనట్లు వ్యవహరిస్తున్నారు. మున్సిపల్‌ కమిషనర్‌, శానిటరీ అధికారి స్వయంగా దుకాణాలను పరిశీలించినా, చర్యలు తీసుకోకపోవడం విమర్శలకు తావిస్తోంది. చర్యలు తీసుకుంటాం దుకాణాలను పరిశీలించి చర్యలు తీసుకోవాలని ఎస్‌ఐకి సూచించినట్లు డీఎస్పీ వెంకట్‌రెడ్డి, సీఐ శ్రీనివాస్‌రెడ్డి తెలిపారు. నిబంధనలకు విరుద్దంగా ఉంటే చర్యలు తీసుకుంటామన్నారు. తాము కేవలం ఎన్‌ఓసీ మాత్రమే ఇచ్చినట్లు మున్సిపల్‌ శానీటరీ అధికారి శ్రీనివాస్‌ పేర్కొన్నారు. వచ్చే ఏడాది దూరంగా ఏర్పాటు చేస్తామని ఫైర్‌ అధికారి వీరేశం తెలిపారు. ఈ సారి ప్రమాదం జరిగితే ఎవరు బాధ్యులని ప్రశ్నిస్తే అధికారులు మౌనం పాటించారు. భారీగా పెరిగిన ధరలు సంగారెడ్డి క్రైమ్‌: బాణాసంచా మోతలు.. కాకరపూల కాంతులు.. చిచ్చుబుడ్ల జిలుగుల మధ్య దీపావళి జరుపుకుంటారు. అయితే గతేడాదితో పోలిస్తే ఈసారి టపాకాయల ధరలు భారీగా పెరిగాయి. ఏకంగా 20 నుంచి 30% మేర పెరగడంతో మధ్య తరగతి ప్రజలు టపాసుల కొనుగోలు తగ్గించారు. సంగారెడ్డి పట్టణంలో చిచ్చుబుడ్ల బాక్సు ధర రూ.200–600, భూచక్రాల బాక్స్‌ సైజును బట్టి రూ.50–300, రాకెట్లు బాక్స్‌ ధర రూ.150–150 వరకు విక్రయిస్తున్నారు. దీంతో సామాన్యులు టపాకాయలు కొనాలంటే ఒకటికి రెండుసార్లు ఆలోచిస్తున్నారు. కాగా, గతంతో పోలిస్తే విక్రయాలు భారీగా పడిపోయాయని వ్యాపారులు చెబుతున్నారు.

తొగుట(దుబ్బాక): ఆత్మహత్యకు పాల్పడిన మహిళ చికిత్స పొందుతూ మృతి చెందింది. ఈ ఘటన మండలంలోని చందాపూర్‌లో చోటుచేసుకుంది. తొగుట ఎస్‌ఐ నవీన్‌ కథనం ప్రకారం.. గ్రామానికి చెందిన గుడ్డోజి కవిత(39) ఎన్‌ఆర్‌ఈజీఎస్‌లో ఫీల్డ్‌ అసిస్టెంట్‌గా విధులు నిర్వహిస్తుంది. ఆమె భర్త సత్యాచారి వ్యవసాయం చేస్తూ కుటుంబాన్ని పోషిస్తున్నాడు. ఈ క్రమంలో వ్యవసాయానికి పెట్టుబడి, పిల్లల చదువులకు చేసిన అప్పులు పెరిగిపోయాయి. దీంతో కుటుంబ పోషణ ఇబ్బందిగా మారింది. ఈ క్రమంలో కుటుంబ ఆర్థిక ఇబ్బందులను తట్టుకోలేక కవిత ఈ నెల 1న ఇంట్లో పురుగుల మందు తాగింది. గమనించిన కుటుంబీకులు వెంటనే సిద్దిపేట ప్రభుత్వ ఆస్పత్రికి తరలించారు. అక్కడ చికిత్స పొందుతూ శుక్రవారం అర్ధరాత్రి మరణించినట్టు ఎస్‌ఐ తెలిపారు. మృతురాలికి కూతురు, కుమారుడు ఉన్నారు. పోలీసులు కేసు నమోదు చేసి దర్యాప్తు చేస్తున్నారు.

● ముగ్గురు అరెస్ట్‌ ● 6 ద్విచక్ర వాహనాల స్వాధీనం రామచంద్రాపురం(పటాన్‌చెరు): జల్సాలకు అలవాటై ద్విచక్ర వాహనాల చోరీలకు పాల్పడుతున్న ముగ్గురు సభ్యుల ముఠాను పోలీసులు అరెస్టు చేశారు. శనివారం ఏసీపీ శ్రీనివాస్‌ కుమార్‌ కేసు వివరాలు వెల్లడించారు. రంగారెడ్డి జిల్లా శివరాంపల్లి పరిధిలోని ఇంద్రానగర్‌ కాలనీలో నివాసముండే సర్పరాజ్‌, మహమ్మద్‌ గౌస్‌, సయ్యద్‌ ముస్తఫాలు జల్సాలకు అలవాటు పడి సులభంగా డబ్బు సంపాదించాలనే ఉద్దేశంతో బైక్‌ చోరీలకు పాల్పడుతున్నారు. తాళం వేయకుండా వదిలేసిన ద్విచక్ర వాహనాలను గుర్తించి అపరిస్తున్నారు. ఈ క్రమంలో చోరీ చేసిన వాహనాలను బెల్‌ కాలనీ సమీపంలో దాచిపెట్టి విక్రయించేందుకు ప్రయత్నించినట్లు పోలీసులకు సమాచారం అందింది. దీంతో క్రైం సిబ్బంది వారిని అదుపులోకి తీసుకుని వారి వద్ద నుంచి రూ.3లక్షల విలువైన 6బైక్‌లను స్వాధీనం చేసుకున్నారు. రామచంద్రాపురం, పటాన్‌చెరు, సంగారెడ్డి, రాజేందర్‌నగర్‌, ఆర్‌జీఐ పోలీస్‌స్టేషన్‌ పరిధిలో ఈ ముఠా చోరీలకు పాల్పడినట్లు పోలీసులు తెలిపారు. కేసును ఛేదించిన ఇన్‌స్పెక్టర్‌ లాల్‌ నాయక్‌, డిటెక్టివ్‌ ఇన్‌స్పెక్టర్‌ శ్రీకార్‌ బాబు, హెడ్‌ కానిస్టేబుల్‌ గోపీకృష్ణ రెడ్డి, కానిస్టేబుల్స్‌ ప్రకాశ్‌, శ్రీనివాస్‌, మహేశ్‌, రవిలను ఏసీపీ అభినందించారు.

బెజ్జంకి(సిద్దిపేట): మండలంలోని తోటపల్లి పీహెచ్‌సీని జిల్లా వైద్యాధికారి (డీఎంహెచ్‌ఓ) ధన్‌రాజ్‌ శనివారం ఆకస్మిక తనిఖీ చేశారు. ఈ సందర్భంగా ల్యాబ్‌, ఫార్మసీ స్టోర్‌ను పరిశీలించారు. ఆరోగ్య కార్యక్రమాల రికార్డులు తనిఖీ చేసి వైద్య సిబ్బందితో సమావేశం నిర్వహించారు. అనంతరం ఆయన మాట్లాడుతూ రోగులకు వైద్య సేవలు అందించడంతో పాటు జాతీయ ఆరోగ్య కార్యక్రమాలు అమలు చేయాలన్నారు. ఈ కార్యక్రమంలో వైద్యాధికారి కృష్ణతేజ, శ్రీనివాస్‌, మధు, వాణి, ఆశ వర్కర్లు పాల్గొన్నారు. హైకోర్టు ఆదేశాలతో బ్రేక్‌ సంగారెడ్డి: సంగారెడ్డి మున్సిపల్‌ పరిధిలోని చికెన్‌, మటన్‌, చేపల విక్రయ దుకాణాల నుంచి వేస్టేజ్‌కు సంబంధించి నిర్వహించాల్సిన బహిరంగ వేలం ప్రక్రియ రద్దయింది. హైదరాబాద్‌ హైకోర్టు జారీ చేసిన మధ్యంతర ఉత్తర్వుల నేపథ్యంలో పురపాలక సంఘం కీలక నిర్ణయం తీసుకున్నట్లు మున్సిపల్‌ కమిషనర్‌ శ్రీనివాస్‌ రెడ్డి తెలిపారు. శనివారం ఉదయం 11.30 గంటలకు నిర్వహించాల్సిన బహిరంగ వేలం ప్రక్రియను నిలిపివేస్తున్నట్లు ప్రకటించారు. కోర్టు ఆదేశాలతో వేలం నిలిపివేయడం ప్రజలకు, సంబంధిత వ్యాపారులకు ఊరట కలిగించింది.

పాపన్నపేట(మెదక్‌): పాపన్నపేట మండల కేంద్రానికి చెందిన కోనం బేతయ్య, సుగుణ దంపతులకు ఇద్దరు కుమారులు. పెద్ద వాడు దివాకర్‌ ఒకటో తరగతి, రెండోవాడు ప్రభాకర్‌ అంగన్‌వాడీలో చదువుతున్నారు. రెక్కాడితే గాని డొక్కాడని ఈ కుటుంబానికి ఫూట గడవడమే కష్టం. తరతరాలుగా పల్లెల్లో తిరుగుతూ , పాత సామాను కొని అమ్ముకుంటూ పొట్టపోసుకుంటున్నారు. 80 ఏళ్ల స్వాతంత్య్ర భారతంలో పూరి గుడిసె నుంచి పక్కా ఇంటిలోకి, భిక్షాటన నుంచి వంట చేసుకొని తినే పరిస్థితికి మారడమే వారి జీవితంలో వచ్చిన మార్పు. దీపావళి పండుగ రోజు అందరి లాగా టపాసులు పేలుస్తూ ఆనందంతో గంతులేసే బాల్యం అక్కడ కనిపించదు. ఊరంతా రంగు రంగుల విద్యుత్‌ దీపాలతో వెలిగి పోతుంటే.. బుడగ జంగాల కాలనీ మాత్రం ఎప్పటి లాగే అమావాస్య చీకట్లో.. మిణుకు మిణుకు మనే దీపాల మధ్య మూగబోతోంది. ఉన్నవాళ్ల ఇళ్లలో లక్ష్మిపూజలు జరుగుతుంటే.. ఇక్కడ మాత్రం పేదరికం రాజ్యమేలుతుంది. తోటి స్నేహితులు టపాసులు కాలుస్తుంటే.. ఆ పిల్లలు వారిని చూస్తూ ఆనందపడుతుంటారు. పిల్లలు టపాసులు కొనిచ్చే పరిస్థితి మాకెక్కడిది సారూ అంటూ నిస్సహాయత వ్యక్తం చేస్తున్నారు. ఇది ఒక్కరి బేతయ్య కుటుంబం కథ కాదు. నిజాం రాజ్యంలో అతి పెద్ద రెండో సంస్థానంగా వెలుగొందిన పాపన్నపేట సంస్థానాఽధీశుల సమాధుల పక్కన బతుకు పోరాటం చేస్తున్న రెండొందల మంది బుడగ జంగాల జీవన గాథ ఇది. ఇక్కడ ఉన్న 35 ఇళ్లలో సుమారు 10 కుటుంబాలు, గుడిసెల్లోనే జీవన పోరు కొనసాగిస్తున్నాయి. తరాలు గడిచినా..తల రాతలు మారని సుమారు 200 మంది కళ్లల్లో దీపావళి కనిపించని పరిస్థితి ఇప్పటికీ కొనసాగుతూనే ఉంది.

జహీరాబాద్‌: చెరకు రైతులకు న్యాయమైన ధర ఇచ్చే వరకు వెనక్కి తగ్గమని, ఆందోళన చేపట్టి గిట్టుబాటు ధర సాధించుకోవాలని రైతులు, రైతు సంఘం నాయకులు ఏకగ్రీవంగా తీర్మానం చేశారు. శనివారం పట్టణంలోని ఓ ఫంక్షన్‌ హాల్‌లో జహీరాబాద్‌ ప్రాంత చెరకు రైతులు సమావేశమయ్యారు. ప్రధానంగా చెరకు పంటకు గిట్టుబాటు ధర చెల్లించాలని యాజమాన్యాలను డిమాండ్‌ చేశారు. పక్కనే ఉన్న కర్ణాటక, మహారాష్ట్రలో అక్కడి కర్మాగారాల యాజమాన్యాలు చెల్లించే ధరలను పరిగణలోకి తీసుకోవాలన్నారు. చెరుకు కోత, రవాణా ఖర్చులను యాజమాన్యాలే భరిస్తూ టన్నుకు రూ.4వేలు తగ్గకుండా ధర ప్రకటించాలన్నారు. అనంతరం రైతులు సీడీసీ చైర్మన్‌ ముబీన్‌ను కలిసి వినతిపత్రం అందజేశారు. ఈసందర్భంగా సీడీసీ చైర్మన్‌ మాట్లాడుతూ.. రైతుల డిమాండ్లను ప్రభు త్వం దృష్టికి తీసుకెళతామన్నారు. అంతే కాకుండా యాజమాన్యాల ముందు ప్రతిపాదించి, గిట్టుబా టు ధర ఇచ్చేలా కృషి చేస్తానన్నారు. యాజమాన్యా లు చెరుకు రైతులకు గిట్టుబాటు ధరను చెల్లించే విషయంలో ఉదాసీనంగా వ్యవహరిస్తే ప్రభుత్వం జోక్యం చేసుకుని పరిష్కరించేలా చూస్తామని సెట్వి న్‌ కార్పొరేషన్‌ చైర్మన్‌ ఎన్‌.గిరిధర్‌రెడ్డి అన్నారు.

కుటుంబ సభ్యులతో కలిసి సంతోషంగా జరుపుకునే పండుగ దీపావళి. ఇళ్లు, దుకాణాల్లో లక్ష్మి పూజలు నిర్వహించి, దీపాలు వెలిగించి, టపాసులు కాల్చి అంగరంగ వైభవంగా పండగను జరుపుకుంటారు. కాగా టపాసులు కాల్చే సమయంలో పిల్లలు, పెద్దలు జాగ్రత్తలు పాటించాలని వైద్యులు సూచిస్తున్నారు. అయితే ఊరంతా విద్యుత్‌ దీపాలతో వెలిగిపోతుంటే.. రెక్కాడితే గాని డొక్కాడని నిరుపేదల జీవితాలు మాత్రం చీకట్లోనే మగ్గుతున్నాయి. దీపావళి పండుగ సందర్భంగా విభిన్న కథనాలు.. కుటుంబ సమేతంగా జరుపుకొనే పండుగ దీపావళి.. పూజలు నిర్వహించి.. దీపాలు వెలిగించిప్రశాంత్‌నగర్‌(సిద్దిపేట): పూర్వం నరకాసురుడు తన రాజ్యంలో ఉన్న ప్రజలను కష్టాల పాలు చేస్తూ, సీ్త్రలను చెరబడుతూ, ముల్లోకాల్లో ఉండే దేవతగణాలను, రుషులు, మునులను పీడించే వాడు. శ్రీకృష్ణుడు, సత్యభామ సమేతంగా వెళ్లి చతుర్దశి నాడు నరకాసురుడిని అంతమొందిస్తారు. అందువల్ల చతుర్దశి నాడే దీపావళి పండుగను నిర్వహిచుకోవడం ఆనవాయితీగా వస్తుంది. కేదారేశ్వర వ్రతం... దీపావళి నుంచి కార్తీక పౌర్ణమి వరకు కేదారేశ్వరుల అనుగ్రహం కోసం ప్రజలు నోములు చేస్తారు. ఇందులో సీ్త్రలు తాము సౌభాగ్యంగా ఉండాలని తమ కుటుంబం అష్టైశ్వర్యాలను కల్గి ఉండాలని పార్వతీదేవిని పూజిస్తారు. నోము నోచుకున్న రోజు సీ్త్రలకు వాయినాలు ఇస్తారు. కుటుంబంలోని మహిళలందరూ పూజలో పాల్గొంటారు. కేదారేశ్వర వ్రతానికి అవసరమైన కుండలు, పసుపు, కుంకుమ, పూలు, ఇతర పూజ సామగ్రి కొనుగోళ్లతో మార్కెట్‌లు సందడిగా మారాయి. ధరలు పెరిగాయని, కొనుగోళుదారులు వాపోతున్నారు.

సిద్దిపేటకమాన్‌: పిల్లలు, కుటుంబ సభ్యులతో కలిసి సంతోషంగా జరుపుకునే పండుగ దీపావళి. ఈ పండుగ వేళ టపాసులు కాల్చే సమయంలో పిల్లలు, పెద్దలు జాగ్రత్తలు పాటించాలని వైద్యులు సూచిస్తున్నారు. ● టపాసులు కాల్చే సమయంలో చిన్న పిల్లలను దూరంగా ఉంచాలి ● ఇంట్లో కాల్చవద్దు. బహిరంగ ప్రదేశాల్లో, ఆరు బయట మాత్రమే కాల్చాలి ● నిప్పు రవ్వలు దుస్తులపై పడి వ్యాపించకుండా ఉండేందుకు కాటన్‌ దస్తులు ధరిస్తే మంచిది. ● గ్యాస్‌ సిలిండర్లు, ఇతర మండే పదార్థాలకు టపాసులను దూరంగా పెట్టాలి. ● టపాసులు కాల్చిన తర్వాత వచ్చే పొగతో చిన్న పిల్లలు, వృద్ధులు, శ్వాస సంబంధ సమస్య ఉన్న వారు ఇబ్బందిపడే అవకాశం ఉంది. దూరంగా ఉండాలి ● చేతుల్లో పట్టుకుని కాల్చకూడదు.

కొండపాక(గజ్వేల్‌): భర్త మద్యానికి బానిసవ్వడంతో భార్య ఆత్మహత్యకు పాల్పడింది. ఈ ఘటన కుకునూరుపల్లి పోలీస్టేషన్‌ పరిధిలోని కొడకండ్ల గ్రామ శివారులో శనివారం చోటు చేసుకుంది. ఎస్సై బాలకృష్ణ కథనం ప్రకారం.. పశ్చిమ బెంగాల్‌ రాష్ట్రంలోని క్షుద్రంపల్లికి చెందిన రోహిత్‌సింగ్‌ నాలుగేళ్లుగా హాచరీస్‌ ఫాంలో కూలీ పనులు చేస్తున్నారు. కాగా నెల కింద అతడి బంధువులు లిల్లీరాయ్‌,అభిజిత్‌ రాయ్‌ దంపతులు ఇదే హాచరీస్‌కు పని కోసం వచ్చి అతడి గదిలో ఉంటున్నారు. భర్త అభిజిత్‌ రాయ్‌ మద్యానికి బానిసవ్వడంతో లిల్లీరాయ్‌(22) పలు మార్లు తాగొద్దని మందలించింది. అయినా మద్యం తాగడం మానకపోవడంతో మనస్తాపానికి గురై ఆమె ఇంట్లో ఫ్యానుకు ఉరేసుకొని మృతి చెందింది. రోహిత్‌సింగ్‌ ఫిర్యాదుతో పోలీసులు కేసు నమోదు చేశారు. మృతదేహాన్ని బంధువులకు అప్పగించారు. అనారోగ్యంతో వృద్ధుడు.. చేర్యాల(సిద్దిపేట): పురుగుల మందు తాగి వృద్ధుడు ఆత్మహత్య చేసుకున్న ఘటన పట్టణ కేంద్రంలో శనివారం చోటు చేసుకుంది. స్థానికులు, పోలీసుల కథనం ప్రకారం.. పట్టణ కేంద్రానికి చెందిన ముస్త్యాల మల్లయ్య(83) కొంత కాలంగా అనారోగ్యంతో బాధపడుతున్నాడు. దీంతో మానసిక వేదనతో ఆయన శుక్రవారం ఉదయం ఇంట్లో నుంచి వెళ్లిపోయాడు. రాత్రి ఇంటికి రాలేదు. దీంతో కుటుంబ సభ్యులు పోలీసులకు సమాచారం ఇవ్వగా ఆచూకీ కోసం వెతికే క్రమంలో పట్టణ శివారులోని ఓ వ్యవసాయ బావి వద్ద మృతి చెంది ఉండటం గమనించారు. మృతుడు పురుగుల మందు తాగి ఆత్మహత్య చేసుకున్నట్లు గుర్తించారు. కేసు నమోదు చేసి దర్యాప్తు చేస్తున్నట్లు ఎస్‌ఐ అపూర్వరెడ్డి తెలిపారు. భార్య ఆత్మహత్య

నారాయణఖేడ్‌: టీపీసీసీ అధ్యక్షుడు మహేశ్‌ కుమార్‌ గౌడ్‌ను శనివారం హైదరాబాద్‌లోని ఆయన నివాసంలో డీసీసీ అధ్యక్షుడు చంద్రశేఖర్‌రెడ్డి మర్యాదపూర్వకంగా కలిశారు. ఈసందర్భంగా పుష్పగుచ్ఛం అందజేసి దీపావళి శుభాకాంక్షలు తెలిపారు. జిల్లాలో కాంగ్రెస్‌ను క్షేత్రస్థాయి నుంచి మరింత పటిష్టం చేయడంతో పాటు ప్రజా సమస్యల పరిష్కారానికి ప్రజా ప్రతినిధులు, నాయకులు, కార్యకర్తలను సమన్వయం చేసుకుంటూ ముందుకు సాగా లని మహేశ్‌ కుమార్‌ గౌడ్‌ సూచించారు. పార్టీ బలోపేతానికి నిరంతరం కృషి చేయాలన్నారు. ‘తోషిబా’లో సీఐటీయూ జయకేతనం పటాన్‌చెరు టౌన్‌: ఇస్నాపూర్‌ మున్సిపాలిటీ పరిధిలోని రుద్రారం తోషిబా పరిశ్రమలో శనివారం జరిగిన యూనియన్‌ ఎన్నికల్లో ఐఎన్‌టీయూసీ, బీఎంఎస్‌ కూటమిపై సీఐటీయూ 50 ఓట్ల మెజార్టీతో విజయం సాధించింది. దీంతో మల్లికార్జున్‌ ఐదోసారి యూనియన్‌ అధ్యక్షుడిగా ఎన్నికయ్యారు. ఈసందర్భంగా పరిశ్రమలో కార్మికులు విజయోత్సవాలు నిర్వహించారు. మల్లికార్జున్‌ మాట్లాడుతూ.. మెరుగైన వేతన ఒప్పందాలు, కార్మిక సంక్షేమం, సౌక ర్యాల కల్పన సీఐటీయూతోనే సాధ్యమన్నారు. కార్మికుల మధ్య విభేదాలు సృష్టించి అడ్డదారిలో గెలవాలనుకున్న వారికి ఈ విజయం చెంపపెట్టని అన్నారు. కార్యక్రమంలో సీఐటీయూ జిల్లా కోశాధికారి, యూనియన్‌ వర్కింగ్‌ ప్రెసిడెంట్‌ రాజయ్య, ఉపాధ్యక్షులు పాండురంగారెడ్డి, వాజిద్‌ అలీ, అనంతరావు, అతిమేల మాణిక్‌, వెంకటేశ్వర్లు, శ్రీరాములు, రాజు తదితరులు పాల్గొన్నారు. విద్యార్థికి అరుదైన గౌరవంసదాశివపేట రూరల్‌(సంగారెడ్డి): మండలంలోని నిజాంపూర్‌ కాలనీ ప్రభుత్వ ప్రాథమిక పాఠశాలలో మూడో తరగతి చదువుతున్న చిట్కుల అనుదీప్తికి అరుదైన గౌరవం దక్కింది. గత విద్యా సంవత్సరంలో 90 శాతం కన్నా ఎక్కువ హాజరు ఉండడంతో రాష్ట్ర విద్యాశాఖ డైరెక్టర్‌ నవీన్‌ నికోలస్‌ విద్యార్థిని అభినందిస్తూ ప్రశంసాపత్రం అందించారు. ఈసందర్భంగా హెచ్‌ఎం రామకృష్ణ, సర్పంచ్‌ తులసి మాట్లాడుతూ.. మిగతా విద్యార్థులు కూడా అనుదీప్తిని ఆదర్శంగా తీసుకోవాలని సూచించారు. కార్యక్రమంలో వార్డు సభ్యులు నిర్మల, ఉపాధ్యాయులు నవనీత, అంగన్‌వాడీ టీచర్‌ సువర్ణ, విద్యార్థుల తల్లిదండ్రులు పాల్గొన్నారు. రాష్ట్రస్థాయి పోటీలకు ఎంపిక హవేళిఘణాపూర్‌(మెదక్‌): క్రీడల్లో పాల్గొనే విద్యార్థులకు ఏకాగ్రత, చురుకుదనం, వేగం అవసరమని డీఈఓ రాజు అన్నారు. శనివారం జిల్లా కేంద్రంలోని పీఎన్‌ఆర్‌ ఇండోర్‌ స్టేడియంలో పాఠశాల క్రీడా సమాఖ్య ఆధ్వర్యంలో నిర్వహించిన అండర్‌–14, 17 బాలుర విభా గాల్లో ఉమ్మడి జిల్లాస్థాయి షటీల్‌ పోటీలు విజయవంతంగా ముగిశాయి. ఈ పోటీల్లో ఉమ్మడి మెదక్‌ జిల్లాకు చెందిన సుమారు 200 మంది క్రీడాకారులు ఉత్సాహంగా పాల్గొన్నారు.

జిల్లా హౌసింగ్‌ ప్రాజెక్ట్‌ డైరెక్టర్‌ చలపతిరావు సంగారెడ్డి జోన్‌: ఇందిరమ్మ పథకంలో నిర్మించుకున్న ఇళ్లలో జిల్లావ్యాప్తంగా ఈనెల 8న దీపావళి వేడుకలు నిర్వహించాలని రాష్ట్ర ప్రభుత్వం నిర్ణయించిందని జిల్లా హౌసింగ్‌ ప్రాజెక్ట్‌ డైరెక్టర్‌ చలపతిరావు తెలిపారు. పేద కుటుంబాల సొంతింటి కలను సాకారం చేస్తూ, ప్రతి నిరుపేద కుటుంబానికి సొంత ఇల్లు కల్పించాలనే లక్ష్యంతో పథకాన్ని అమలు చేస్తోందన్నారు. జిల్లాలో మొత్తం 14,445 ఇందిరమ్మ ఇళ్లు మంజూరు కాగా, ఇప్పటివరకు 6,617 ఇళ్లు పూర్తయ్యాయని వివరించారు. 7,828 ఇళ్లు వివిధ దశలలో ఉన్నట్లు చెప్పారు. పూర్తయిన ప్రతి ఇందిరమ్మ ఇంటి ముందు గోడపై మా ఇందిరమ్మ ఇంట్లో దీపావళి లోగో స్టిక్కరింగ్‌తో పాటు లబ్ధిదారుల వివరాలను పెయింటింగ్‌ వేస్తామన్నారు. పండగ రోజు లబ్ధిదారులు కుటుంబ సభ్యులతో కలిసి నూతన ఇందిరమ్మ ఇంటి ఎదుట దీపాలు వెలిగించి, కుటుంబ సభ్యులతో ఫొటోలు తీసి యాప్‌లో అప్‌లోడ్‌ చేయాలని పంచాయతీ కార్యదర్శులకు సూచించారు. హత్నూర(సంగారెడ్డి): ‘వీబీజీరాంజీ’ పథకంలో ఎక్కువ కూలీలకు పని కల్పించి హత్నూర మండలం జిల్లాలోనే ఆదర్శంగా నిలిచిందని డీఆర్‌డీఏ అదనపు పీడీ బాలరాజ్‌ అన్నారు. శుక్రవారం హత్నూర రైతు వేదికలో 17వ విడత సామాజిక తనిఖీ కార్యక్రమంలో 10 గ్రామాల ఫీల్డ్‌ అసిస్టెంట్లు, పంచాయతీ కార్యదర్శులను అభినందించి సర్టిఫికెట్లు అందించారు. ఏడాది కాలంలో 4.33 కోట్ల పనులను పూర్తిచేసేందుకు జిల్లాలో ఎక్కువ కూలీలు పనిచేసిన మండలముగా హత్నూర గుర్తింపు పొందిందన్నారు. కొన్ని గ్రామాల్లో చిన్న చిన్న పొరపాట్లు వెలుగు చూశాయని, వాటిని సరిదిద్దుకోవాలని సూచించారు. కార్యక్రమంలో ఏపీడీ మధులత, ఇన్‌చార్జి ఎంపీడీఓ యూసుఫ్‌, ఏఈపీఆర్‌ శశిధర్‌, ఏపీఓ ప్రవీణ్‌, పలు గ్రామాల సర్పంచ్‌లు, కూలీలు పాల్గొన్నారు. పటాన్‌చెరు టౌన్‌: ఇంద్రేశం మున్సిపాలిటీ పరిధిలోని పెద్దకంజర్ల తెలంగాణ గిరిజన సంక్షేమ గురుకుల పురుషుల డిగ్రీ కళాశాలలో ‘వికసిత్‌ భారత్‌ యంగ్‌ లీడర్స్‌ డైలాగ్‌– యూత్‌ పార్లమెంట్‌’ జిల్లాస్థాయి కార్యక్రమాన్ని ఘనంగా నిర్వహించారు. ఈసందర్భంగా ‘వన్‌ నేషన్‌– వన్‌ ఎలక్షన్‌’ అంశంపై విద్యార్థులకు వక్తృత్వ పోటీలు నిర్వహించారు. పోటీల్లో మొదటి బహుమతిని సంగారెడ్డి గిరిజన గురుకుల లా కళాశాల విద్యార్థి శివకుమార్‌, రెండో బహుమతిని పెద్దకంజర్ల గురుకుల డిగ్రీ కళాశాల విద్యార్థి బల్భీం, మూడో బహుమతిని తారా డిగ్రీ కళాశాల విద్యార్థిని మాల్వీనా గెలుచుకున్నారు. జిల్లా యువజన అధికారి రంజిత్‌రెడ్డి మాట్లాడుతూ.. విజేతలు రాష్ట్రస్థాయి పోటీలకు ఎంపికయ్యారని, అక్కడ ప్రతిభ చూపితే జాతీయస్థాయి పోటీల్లో పాల్గొనే అవకాశం ఉంటుందని తెలిపారు. కార్యక్రమంలో డీసీఓ డాక్టర్‌ శ్రీనివాస్‌, ప్రిన్సిపాల్‌ సునీలా, అధ్యాపకులు పాల్గొన్నారు. అల్లాదుర్గం(మెదక్‌): పేదలు ఉచిత న్యాయ సేవలను సద్వినియోగం చేసుకోవాలని జూనియర్‌ సివిల్‌ జడ్జి సుచరిత అన్నారు. శుక్రవారం స్థానిక కోర్టులో జాతీయ న్యాయ సేవా దినోత్సవాన్ని నిర్వహించారు. ఈసందర్భంగా ఆమె మాట్లాడుతూ.. సమాజంలోని ప్రతి ఒక్కరూ చట్టాలపై అవగాహన కలిగి ఉండాలన్నారు. చట్టపరమైన సమస్యలు ఎదురైనప్పుడు వాటిని పరిష్కరించుకునేందుకు, చట్టబద్ధమైన మార్గాలను అనుసరించాలని సూచించారు. మండల లీగల్‌ సర్వీస్‌ కమిటీ ద్వారా గ్రామీణ ప్రాంత ప్రజలకు ఉచిత న్యాయ సహాయం అందుబాటులో ఉందని, ఆర్థిక స్థోమత లేని పేదలు ఈ అవకాశాన్ని సద్వినియోగం చేసుకోవాలన్నారు.

పటాన్‌చెరు: వాతావరణ మార్పులను ఎదుర్కొంటూ పర్యావరణ పరిరక్షణకు సమష్టిగా కృషి చేయాలని విద్యావేత్తలు సూచించారు. పటాన్‌చెరులోని డాక్టర్‌ ఏపీజే అబ్దుల్‌ కలాం ప్రభుత్వ డిగ్రీ కళాశాలలో రాజనీతి శాస్త్ర విభాగం ఆధ్వర్యంలో ఐసీఎస్‌ఎస్‌ఆర్‌, రూసా నిధులతో నిర్వహించిన రెండు రోజుల జాతీయ సదస్సు శుక్రవారం ముగిసింది. ‘వాతావరణ అంశాలు, విధానం, శాస్త్రం, మానవాళి భవిష్యత్తు’ అనే అంశంపై మూడు సాంకేతిక సమావేశాలు నిర్వహించారు. వాతావరణ మార్పుల తీవ్రత, వాటి ప్రభావాలు, పర్యావరణహిత చర్యలు, హరిత భారత నిర్మాణంపై పలువురు విద్యావేత్తలు అవగాహన కల్పించారు. జేఎన్‌యూ ప్రొఫెసర్‌ శిరీష, ఓయూ ప్రొఫెసర్లు, ఐఐటీ హైదరాబాద్‌ ప్రొఫెసర్‌ సుబ్ర హ్మణ్యం తదితరులు ప్రసంగించారు.

జహీరాబాద్‌: చెరుకు పంటకు గిట్టుబాటు ధర ప్రకటించాలని కోరుతూ రైతులు ఆందోళన బాట పట్టేందుకు సిద్ధం అవుతున్నారు. పక్కనే ఉన్న కర్ణాటకలోని కర్మాగారాలు ఇచ్చే ధర అయినా ఇవ్వాలని డిమాండ్‌ చేస్తున్నారు. ఆందోళన బాట పట్టేందుకు గాను శనివారం జహీరాబాద్‌లో సమావేశం కావాలని నిర్ణయించారు. ఇందులో పలు అంశాలపై తీర్మానాలు చేయనున్నారు. అందుకు అనుగుణంగా కార్యాచరణ చేపట్టాలని యోచిస్తున్నారు. టన్నుకు రూ.4వేల ధర చెల్లించాలని డిమాండ్‌ చేస్తున్నారు. కర్ణాటకలో టన్నుకు రూ.3,300 ధర చెల్లించడంతో పాటు చెరుకు కోత, రవాణ ఖర్చులను భరించేందుకు యాజమాన్యాలు ముందుకు వచ్చినట్లు తెలిసింది. ఇక్కడ టన్నుకు చెరుకు కోత, రవాణ ఖర్చులు పోను రూ.3,100 దాటడం లేదని రైతులు ఆవేదన వ్యక్తం చేస్తున్నారు. బహిరంగ మార్కెట్లో చక్కెర క్వింటాలుకు రూ.5,500 ధర పలుకుతోందని గుర్తు చేస్తున్నారు. ఈ లెక్కన టన్నుకు రూ.4,500 ధర చెల్లించినా తక్కువే అనే అభిప్రాయాన్ని వ్యక్తం చేస్తున్నారు. ఇందులో భాగంగా అనుసరించాల్సిన విధానాలపై చర్చించేందుకు సమావేశం ఏర్పాటు చేశారు.గిట్టుబాటు ధర కోసం నేడు కార్యాచరణ

హత్నూర(సంగారెడ్డి): పంటలు ఎండి రైతులు అరిగోస పడుతున్నా ప్రభుత్వానికి పట్టడం లేదని మాజీ మంత్రి హరీశ్‌రావు ఆగ్రహం వ్యక్తం చేశారు. శుక్రవారం మండలంలోని ఎలిగేగుట్ట తండా, భీమ్లా, దేవుని గుట్ట తండా, సిరిపురం, నస్తీపూర్‌ గ్రామాల్లో ఎండిపోయిన వరి పంటలను ఎమ్మెల్యేలు సునీతారెడ్డి, చింతా ప్రభాకర్‌తో కలిసి పరిశీలించి రైతులను ఓదార్చారు. ఈసందర్భంగా హరీశ్‌రావు మాట్లాడుతూ.. రైతులకు తక్షణ సహాయం అందించాలని డిమాండ్‌ చేశారు. వరి కోతలు ప్రారంభమైన ఈ సమయంలో సర్వే నిర్వహించడం వల్ల ఏం ప్రయోజనం ఉంటుందని ప్రశ్నించారు. ఎండిన పంటలు పశువుల మేతగా మారాయని ఆవేదన వ్యక్తం చేశారు. ప్రభుత్వం రైతు బీమా, భరోసా, పూర్తిస్థాయిలో రుణమాఫీ చేయకపోవడంతో రైతులు తీవ్రంగా నష్టపోయారని ఆందోళన వ్యక్తం చేశారు. అనంతరం రైతులతో మాట్లాడి ఎంత పెట్టుబడి పెట్టారు.. ఎంత పంట ఎండిపోయింది.. అప్పు ఎలా తీరుస్తారంటూ అడిగి తెలుసుకున్నారు. నష్టపోయిన వరి పంట ఎకరాకు రూ. 30 వేల చొప్పున చెల్లించాలన్నారు. కేసీఆర్‌ హయాంలోనే రైతులకు మేలు జరిగిందని అన్నారు. కార్యక్రమంలో రాష్ట్ర మాజీ అసంఘటిత కార్మిక సంక్షేమ బోర్డు చైర్మన్‌ దేవేందర్‌ రెడ్డి, మాజీ మెదక్‌ జిల్లా గ్రంధాలయ సంస్థ చైర్మన్‌ చంద్రగౌడ్‌, మాజీ ఎంపీపీలు నర్సింలు, ఆంజనేయులు, హరికృష్ణ, బీఆర్‌ఎస్‌ మండల పార్టీ అధ్యక్షుడు రామచంద్రారెడ్డి, రమణగౌడ్‌, సర్పంచ్‌లు ప్రమీల, నవీన్‌గౌడ్‌, మధు, శోభారాణి, ఎల్లయ్య, మల్లేశం, నాయకులు దామోదర్‌రెడ్డి, నరసింహారెడ్డి, మధు, రవి, మహేందర్‌, స్వామి, దశరథ, అజ్జు, ఇబ్రహీం, అర్జున్‌, కృష్ణతో పాటు పలు గ్రామాల నాయకులు పాల్గొన్నారు. ప్రభుత్వంపై మాజీ మంత్రి హరీశ్‌రావు ఫైర్‌ హత్నూర మండలంలో ఎండిన పంటల పరిశీలన

హుస్నాబాద్‌: ముఖ్యమంత్రి రేవంత్‌రెడ్డి నాయకత్వంలో ఉప ముఖ్యమంత్రి భట్టి విక్రమార్క నేతృత్వంలో గౌరవెల్లి, గండిపెల్లి ప్రాజెక్టులను పూర్తి చేసి ఈ ప్రాంతాన్ని సస్యశ్యామలం చేస్తామని మంత్రి పొన్నం ప్రభాకర్‌ వ్యాఖ్యానించారు. ఎమ్మెల్యే క్యాంప్‌ కార్యాలయంలో ఆయన శుక్రవారం విలేకరుల సమావేశం నిర్వహించారు. ఈ సందర్భంగా మంత్రి పొన్నం ప్రభాకర్‌ మాట్లాడుతూ..ప్రాజెక్టులకు అవసరమైన నిధులు మంజూరుతోపాటు, సుప్రీంకోర్టులో ఉన్న కేసును క్లియరెన్స్‌ చేసుకున్నామన్నారు. గౌరవెల్లి ప్రాజెక్టు కాలువల భూ సేకరణ ప్రక్రియను వేగవంతం చేశామని, భూ నిర్వాసితులకు పరిహారం చెల్లిస్తున్నామని తెలిపారు. గౌరవెల్లి, గండిపల్లి కవల ప్రాజెక్టులను పూర్తి చేసి గండిపల్లి ద్వారా 14 వేల ఎకరాలకు సాగునీరు అందిస్తామన్నారు. గతేడాది హుస్నాబాద్‌ నియోజకవర్గానికి 3,500 ఇందిరమ్మ ఇళ్లు మంజూరు చేశామని, ప్రస్తుతం మరో 2వేల ఇళ్లు రానున్నాయని తెలిపారు. ఈ దీపావళి పండుగకు ఇళ్ల లబ్ధిదారులతో కలిసి వేడుకలు నిర్వహించుకోవాలని సూచించారు. దీపావళి తర్వాత నియోజకవర్గంలోని 136 ధాన్యం కేంద్రాల్లో కొనుగోళ్లు ప్రారంభిస్తామని తెలిపారు. ఈ నెల 16 నుంచి మండలాల వారీగా దివ్యాంగులు, వృద్ధులకు ఉపకరణాల పంపిణీ కార్యక్రమాన్ని నిర్వహిస్తామన్నారు. ఇందిరాగాంధీ జయంతి సందర్భంగా సిద్దిపేట జిల్లాలో చిలుకపచ్చ రంగులో చీరల పంపిణీ కార్యక్రమాన్ని సీఎం లాంఛనంగా ప్రారంభిస్తారని తెలిపారు. అదే సభా వేదికపై ప్రతీ ఒక్కరికి రూ.5లక్షల ఇందిరమ్మ భీమా పథకాన్ని సీఎం రేవంత్‌ రెడ్డి ప్రారంభిస్తారని తెలిపారు. ఇంజనీరింగ్‌ కళాశాలను ప్రతిష్టాత్మకంగా తీర్చిదిద్దుతాం హుస్నాబాద్‌ శాతావాహన ఇంజనీరింగ్‌ కళాశాలను రాష్ట్రంలోనే ప్రతిష్టాత్మక విద్యా సంస్థగా తీర్చిదిద్దుతామని మంత్రి పొన్నం ప్రభాకర్‌ పేర్కొన్నారు. పట్టణంలోని లక్ష్మిగార్డెన్‌లో శుక్రవారం ఇంజనీరింగ్‌ కళాశాల కొత్త విద్యార్థుల పరిచయ వేడుక కార్యక్రమాన్ని నిర్వహించారు. ప్రథమ సంవత్సరంలో అత్యుత్తమ ప్రతిభ కనబరిచిన విద్యార్ధికి ల్యాప్‌ టాప్‌ అందజేశారు. అనంతరం మంత్రి పొన్నం ప్రభాకర్‌ మాట్లాడుతూ నాలుగేళ్ల కోర్సు పూర్తయ్యేలోగా విద్యార్థులకు క్యాంపస్‌ సెలక్షన్స్‌ వచ్చేలా ప్రత్యేక శిక్షణ అందిస్తామన్నారు. దీపావళి రోజున ఇందిరమ్మ ఇళ్లల్లో వేడుకలు చీరల పంపిణీ, రూ.5లక్షల బీమా ప్రారంభం మంత్రి పొన్నం ప్రభాకర్‌

పాపన్నపేట(మెదక్‌)/సంగారెడ్డిజోన్‌ : ప్రతి కుటుంబానికి ఇందిరమ్మ జీవిత బీమా కల్పించాలని ప్రభుత్వం నిర్ణయించింది. ఈ నెల 19న సిద్దిపేట కేంద్రంగా ఈ పథకం ప్రారంభించేందుకు సమాయత్తం అవుతోంది. ఇక నుంచి కుటుంబ పెద్ద లేదా సంపాదించే వ్యక్తి మరణిస్తే రూ.5 లక్షల ఆర్థిక సాయం చేసేలా పథకాన్ని రూపొందించారు. ఈనెల 20 నుంచి 30 వరకు తహసీల్దార్లు, పంచాయతీ కార్యదర్శులు దరఖాస్తులు స్వీకరిస్తారు. కాగా, జిల్లాలో 2011 జనాభా లెక్కల ప్రకారం 3,29,208 కుటుంబాలు ఉన్నాయి. పాత పథకాలన్నీ విలీనం గతంలో అమల్లో ఉన్న రైతు బీమాను ఆగస్టు 13 నుంచి నిలిపివేశారు. గత జూన్‌ 2న ఇందిరమ్మ బీమా పథకాన్ని అమలు పరిచే ఉద్దేశంతో పథకాన్ని కొనసాగించలేదనే అభిప్రాయాలు వెలుబడ్డాయి. కాగా పాస్‌పుస్తకం ఉన్న 60 ఏళ్ల లోపు రైతులు ప్రమాదంలోనే గాక, సహజంగా మరణించినా రూ. 5 లక్షల బీమా చెల్లించేవారు. దీనికి ప్రభుత్వం ప్రీమియం చెల్లించి, ఎల్‌ఐసీ ద్వారా అమలు చేసింది. అలాగే మహిళా స్వయం సహాయక సంఘాల సభ్యులకు రూ.10 లక్షలు ప్రమాద బీమా, సహజ మరణానికి రూ.2 లక్షల బీమా పథకం అమలవుతుంది. కార్మిక శాఖ ద్వారా ఆటో డ్రైవర్లు, ఇతర వర్గాల వారికి రూ.5 లక్షల ప్రమాద బీమా పథకం ద్వార సహాయం అందుతుంది. వడదెబ్బ ఇతర కారణాలతో కుటుంబ పెద్ద మరణిస్తే రూ.4 లక్షల సామాజిక బీమా పథకాన్ని రెవెన్యూ శాఖ అమలు చేస్తుంది. ఇవి గాక మరికొన్ని వర్గాలకు బ్యాంకులు, ఇతర బీమా పథకాలు అమలవుతున్నాయి. ఇవన్నీ 60 ఏళ్ల లోపు వారికే అమలు చేస్తున్నారు. వీటన్నింటిని ఒకే గూటి కిందకు తెచ్చి, ఇందిరమ్మ బీమా పథకం వర్తింప చేయాలనే ఆలోచనలో ప్రభుత్వం ఉన్నట్లు తెలుస్తోంది. ఈయితే పూర్తి స్థాయి విధి విధానాలు నిర్వహించే శాఖ, నిధుల కేటాయింపుపై త్వరలోనే ఉత్తర్వులు జారీ అయ్యే అవకాశం ఉందని సమాచారం. ఈ విషయమై పాపన్నపేట తహసీల్దార్‌ సతీశ్‌కుమార్‌ను ‘సాక్షి’ వివరణ కోరగా, పూర్తిస్థాయి ఆదేశాలు రాలేదని పేర్కొన్నారు. 19న సిద్దిపేటలో ప్రారంభం 20 నుంచి దరఖాస్తుల స్వీకరణ కుటుంబ పెద్ద మరణిస్తే రూ.5 లక్షల ఆర్థిక సాయం జిల్లాలో 3,29,208 కుటుంబాలు

జహీరాబాద్‌ రోడ్ల విస్తరణ పనుల్లో జాప్యంజహీరాబాద్‌ పట్టణంలోని రోడ్ల విస్తరణ పనులు ఆశించిన స్థాయిలో ముందుకు సాగడం లేదు. దాదాపు రెండు నెలలు కావొస్తున్నా మొక్కుబడిగా పనులు సాగుతుండటంపై సర్వత్రా విమర్శలు వెల్లువెత్తుతున్నాయి. హనుమాన్‌ మందిరం రహదారిపై 60 శాతం మేర కట్టడాలు తొలగించే పనులు పూర్తయ్యాయి. మిగితా పనులు మందకొడిగా సాగడం, పలువురు విస్తరణకు అభ్యంతరం తెలుపుతూ కోర్టును ఆశ్రయించడంతో మరింత జాప్యం జరుగుతుందనే అభిప్రాయం వ్యక్తమవుతోంది. హనుమాన్‌ మందిర్‌, భవానీమందిర్‌, లతీఫ్‌ రోడ్లను 40 ఫీట్ల వంతున విస్తరించాలని నిర్ణయించారు. 40 ఫీట్ల రహదారికి వదిలి ఇరువైపులా 5 ఫీట్ల వంతున సెట్‌ బ్యాక్‌ తీసుకొని కట్టడాలు తొలగించుకోవాలని అధికారులు ఆదేశాలు జారీ చేశారు. 5 ఫీట్ల స్థలంలో మురికి కాలువ నిర్మాణంతో పాటు వ్యాపార సంస్థలకు వచ్చే వాహనాల పార్కింగ్‌ కోసం ఉపయోగపడుతుందని అధికారులు సూచించారు. వ్యాపారులు మాత్రం 40 ఫీట్లకే కట్టడాలను తొలగించుకుంటున్నారు. భవిష్యత్తును దృష్టిలో పెట్టుకొని కొందరు మాత్రమే 5 ఫీట్ల వంతున సెట్‌ బ్యాక్‌ తీసుకొని కట్టడాలు చేపడుతున్నారు. విస్తరణ పనులు మందకొడిగా సాగుతుండడంతో ఆయా రహదారులపై రాకపోకలకు ఇబ్బందులు తలెత్తుతున్నాయని పలువురు వాపోతున్నారు. రాజకీయ ఒత్తిళ్లే కారణమా? రాజకీయ ఒత్తిడి కారణంగానే రోడ్ల విస్తరణ పనులు మందగించానే ఆరోపణలున్నాయి. కొందరు ప్రజాప్రతినిధులు దుకాణాల యజమానులకు మద్ధతుగా నిలుస్తున్నారనే విమర్శలున్నాయి. రహదారులను ఆక్రమించుకొని వ్యాపారాలు కొనసాగించే విషయంలో ఎంతటి రాజకీయ ఒత్తిళ్లు ఉన్నా వెనక్కి తగ్గవద్దంటూ ప్రజల వైపు నుంచి వాదన వినిపిస్తోంది. రాజకీయ నేతల జోక్యాన్ని అధికారులు ఏ మాత్రం పరిగణలోకి తీసుకోవద్దనే అభిప్రాయం ప్రజల వైపు నుంచి వ్యక్తం అవుతోంది. ట్రాఫిక్‌ ఇబ్బందులు తీరేందుకు వీలుగా చేపట్టిన రోడ్ల విస్తరణ ప్రశంసనీయమైనదే అనే అభిప్రాయం సర్వత్రా వ్యక్తం అవుతోంది. రాజకీయ పలుకుబడితో విస్తరణ పనులకు ఆటంకం కలిగించే నేతల తీరు పట్ల ప్రజల పైపు నుంచి అసంతృప్తి వ్యక్తం అవుతోంది. పలువురు స్వచ్ఛందంగా కట్టడాల తొలగింపు మరికొందరు తొలగించుకునేందుకు నిరాసక్తత వెనక్కి తగ్గబోమంటున్న అధికారులు రెండు నెలల క్రితం జహీరాబాద్‌ పట్టణంలోని పలు రోడ్ల విస్తరణకు మున్సిపల్‌ అధికార యంత్రాంగం శ్రీకారం చుట్టింది. సెప్టెంబర్‌ 15 నుంచి వ్యాపారులు స్వచ్ఛందంగా ముందుకు వచ్చి ఆక్రమణలను తొలగించుకునే పనులు చేపట్టారు. దీంతో భవానీ మందిర్‌, హనుమాన్‌ మందిర్‌, లతీఫ్‌ రోడ్ల విస్తరణ పనులు చేపట్టారు. అయితే ఇప్పటివరకు ఆశించిన స్థాయిలో పనులు పూర్తి కాలేదు. రాజకీయ ఒత్తిళ్లతోనే జాప్యం జరుగుతుందని పలువురు ఆరోపిస్తున్నారు. – జహీరాబాద్‌రోడ్ల విస్తరణకు గాను చేపట్టిన మాస్టర్‌ ప్లాన్‌ యధావిధిగా కొనసాగుతుంది. ఈ విషయంలో ఏ మాత్రం వెనక్కి తగ్గేది లేదు. త్వరలో రహదారులపై మిగిలిపోయి ఉన్న దుకాణాలను తొలగిస్తాం. కోర్డుకు వెళ్లిన వారిని సైతం కలిసి వారిని సమాధానపరిచి పనులను ముందుకు తీసుకెళతాం. ఎలాంటి ఒత్తిడులకు తలొగ్గబోం. – శ్రీనివాస్‌రావు, టౌన్‌ ప్లానింగ్‌ అధికారి, జహీరాబాద్‌

సంగారెడ్డి జోన్‌: ఎల్‌నినో పరిస్థితులు, రాబోయే వేసవిని దృష్టిలో ఉంచుకొని జిల్లాలో ఎక్కడా తాగునీటి కొరత తలెత్తకుండా ఇప్పటి నుంచే ప్రణాళికలు రూపొందించి, ముందస్తు చర్యలు చేపట్టాలని అదనపు కలెక్టర్‌ పాండు అధికారులను ఆదేశించారు. శుక్రవారం కలెక్టరేట్‌లో జిల్లా స్థాయి కమిటీ సమీక్ష నిర్వహించారు. ఈసందర్భంగా ఆయన మాట్లాడుతూ.. వర్షపాతం లోటు ఏర్పడే అవకాశాలు ఉన్నందున రాబోయే వేసవిలో తాగునీటి సమస్యలు తలెత్తకుండా ప్రణాళిక రూపొందించుకోవాలన్నారు. తాగునీటి సరఫరాకు అత్యధిక ప్రాధాన్యం ఇవ్వాలని, అందుబాటులో ఉన్న భూగర్భ, ఉపరితల నీటి వనరులను పొదుపుగా వినియోగించుకోవాలన్నారు. ఈనెల 15 నుంచి డిసెంబర్‌ 31 వరకు జిల్లావ్యాప్తంగా తాగునీటి సరఫరా మౌలిక సదుపాయాలపై ప్రత్యేక డ్రైవ్‌ నిర్వహించాలన్నారు. ఇందులో భాగంగా గ్రామాలల్లోని తాగునీటి సరఫరా వ్యవస్థలు, పైపులైన్లు, నీటి వనరులు, పంపులు, మోటార్ల పనితీరును క్షేత్రస్థాయిలో పరిశీలించాలి. లీకేజీలు, మరమ్మతులు అవసరమైన ప్రాంతాలు, సరఫరాలో ఉన్న లోపాలను గుర్తించి వెంటనే పరిష్కరించాలని అధికారులను ఆదేశించారు. వర్షపు నీరు వృథా కాకుండా ఒడిసిపట్టి భూగర్భజలాలను పెంపొందించుకోవాలన్నారు. సమావేశంలో జెడ్పీ సీఈఓ జానకిరెడ్డి, నీటిపారుదల శాఖ ఈఈ జైభీం, భూగర్భజలాల అభివృద్ధి శాఖ డీడీ మోహన్‌, ఆర్‌బబ్ల్యూఎస్‌ ఎస్‌ఈ పాషా, మిషన్‌ భగీరథ్‌ గ్రిడ్‌ ఈఈ విజయలక్ష్మి తదితరులు పాల్గొన్నారు.అదనపు కలెక్టర్‌ పాండు

సదాశివపేట(సంగారెడ్డి): రాహుల్‌గాంధీని ప్రధానమంత్రిని చేయడం కాదు, జగ్గారెడ్డి ముందు సంగారెడ్డిలో ఎమ్మెల్యేగా గెలవాలని ఎంపీ రఘునందన్‌ సవాల్‌ విసిరారు. శుక్రవారం సదాశివపేటలో జరిగిన మెగా జాబ్‌మేళాకు హాజరైన అనంతరం విలేకరులతో మాట్లాడారు. దేశంలో ఉన్న మొత్తం ఎంపీ స్థానాలు, రాబోయే డీలిమిటేషన్‌ ప్రక్రియపై కనీస అవగాహన లేకుండా మాట్లాడుతున్నారని విమర్శించారు. జిల్లాలో కాంగ్రెస్‌ పరిస్థితిని ముందుగా చక్కబెట్టుకోవాలని హితవు పలికారు. తెలంగాణలో మళ్లీ ఎన్నికల నాటికి కాంగ్రెస్‌ ఎక్కడ ఉంటుందో తెలియదన్నారు. సింగూర్‌ నుంచి 25 టీఎంసీలు కిందకు వదిలి ఏడాది కాలంగా మరమ్మతులు చేయకపోతే నోరు మూసుకుని కూర్చున్న కాంగ్రెస్‌ పెద్దలను సదాశివపేట, సంగారెడ్డి ప్రజలు అడుగుతున్నారని విమర్శించారు. మూడు టీఎంసీలు మాత్రమే సింగూర్‌ ప్రాజెక్టులో ఉన్నాయని, కిందకు వదలడం ఆపి మెదక్‌ జిల్లాకు తాగునీరు సరఫరా చేయాలని ప్రజలు కోరుతున్నారని తెలిపారు. రాహుల్‌గాంధీ ప్రధాని అని కలలోనే కాంగ్రెస్‌ నాయకులు జీవించడం ఖాయమని ఎద్దేవా చేశారు. డిగ్రీ కళాశాలలో మౌలిక వసతులు కల్పనకు కృషి చేస్తానని హామీ ఇచ్చారు. కాగా జాబ్‌ మేళాలో 22 కంపెనీలు పాల్గొనగా, 400 మంది నిరుద్యోగులు హజరయ్యారు. 191 మంది నిరుద్యోగులు వివిధ కంపెనీల్లో ఉద్యోగాలకు ఎంపికయ్యారు. కార్యక్రమంలో మున్సిపల్‌ కమిషనర్‌ శివాజీ, బీజేపీ మెదక్‌ పార్లమెంట్‌ నియోజకవర్గ కన్వీనర్‌ కోవూరి సంగమేశ్వర్‌, నియోజకవర్గ ఇన్‌చార్జి రాజేశ్వర్‌రావు దేశ్‌పాండే, పట్టణ అధ్యక్షురాలు రాజేశ్వరీ, నాయకులు తోట చంద్రశేఖర్‌, మాణిక్‌రావు తదితరులు పాల్గొన్నారు.జగ్గారెడ్డికి ఎంపీ రఘునందన్‌ కౌంటర్‌

కొమురవెల్లి(సిద్దిపేట): కొమురవెల్లి మల్లికార్జున స్వామి ఆలయంలో తలనీలాలు సేకరించే టెండర్‌ అక్టోబర్‌ 31తో ముగిసింది. ఈనెల 1 వతేదీ నుంచి ఆలయ అధికారులు తలనీలాలను నూతన టెండర్‌ నిర్వహించే వరకు సేకరించుకోవాల్సి ఉంటుంది. కాగా తలనీలాలు సేకరించిన కాంట్రాక్టర్‌ వెళ్లి పోవాల్సి ఉండగా, సేకరించే బాక్సు, కాంట్రాక్టర్‌కు చెందిన ఉద్యోగి అక్కడే విధులు నిర్వహిస్తున్నాడు. దీంతో భక్తులు స్వామి వారికి సమర్పించే తలనీలాలు ఏ డబ్బాలోకి వెళ్తున్నాయోనని భక్తులు పలు అనుమానాలు వ్యక్తం చేస్తున్నారు. ఈ విషయంపై ఆలయ ఈఓ సుధాకర్‌ రెడ్డిని వివరణ కోరగా.. ముగిసిన టెండర్‌ దారుని బాక్సు, తలనీలాలు సేకరించే గదివద్ద ఉన్నది వాస్తవమేనని తెలిపారు. తాను ప్రస్తుతం హైదరాబాద్‌లో ఉన్నానని, కొమురవెల్లికి వచ్చిన వెంటనే కాంట్రాక్టర్‌ డబ్బాను తొలగించనున్నట్లు తెలిపారు. పటాన్‌చెరు టౌన్‌: డ్రంకెన్‌ డ్రైవ్‌లో పట్టుబడిన వాహనదారులకు సంగారెడ్డి జిల్లా కోర్టు జరిమానా విధించింది. ఈ ఘటన పటాన్‌చెరు ట్రాఫిక్‌ పోలీస్‌ స్టేషన్‌ పరిధిలో చోటుచేసుకుంది. ట్రాఫిక్‌ సీఐ ప్రసాద్‌రావు వివరాల ప్రకారం.. గురువారం నిర్వహించిన డ్రంకెన్‌డ్రైవ్‌లో 12 మందిని పట్టుకున్నారు. శుక్రవారం సంగారెడ్డి కోర్టులో హాజరుపర్చగా వారికి రూ.14,500 జరిమానా విధించింది. సిద్దిపేట పట్టణంలో.. సిద్దిపేటకమాన్‌: మద్యం తాగి వాహనాలు నడిపిన పలువురికి కోర్టు జరిమానాతో పాటు జైలు శిక్ష విధించింది. సిద్దిపేట ట్రాఫిక్‌ సీఐ ముత్యంరాజు వివరాల ప్రకారం.. పట్టణంలోని పలు ప్రాంతాల్లో నిర్వహించిన డ్రంకెన్‌ డ్రైవ్‌ తనిఖీల్లో 60మంది పట్టుబడ్డారు. వీరిని శుక్రవారం సిద్దిపేట కోర్టులో హాజరుపర్చగా న్యాయమూర్తి రూ.5,78,000 జరిమానా, వీరిలో ఒకరికి పది, ఆరుగురికి మూడు, ఇద్దరికి రెండు రోజుల జైలు శిక్ష విధించారు. అలాగే డ్రైవింగ్‌ లైసెన్స్‌ లేకుండా వాహనాలు నడుపుతూ పట్టుబడిన 20మందికి ఒక్కొక్కరికి రూ.10వేల జరిమానా విధించినట్లు సీఐ తెలిపారు. చేగుంట(తూప్రాన్‌): విద్యుత్‌ షాక్‌తో మహిళ మృతి చెందింది. ఈ ఘటన మండలంలోని రెడ్డిపల్లి గ్రామంలో శుక్రవారం చోటు చేసుకుంది. స్థానికులు, పోలీసుల వివరాల ప్రకారం.. రెడ్డిపల్లి గ్రామానికి చెందిన ముప్పిడి సత్తమ్మ(67) ఇంట్లో వాషింగ్‌ మిషన్‌ ప్లగ్‌ పెడుతున్న క్రమంలో విద్యుత్‌ షాక్‌కు గురైంది. దీంతో ఆమె అక్కడికక్కడే మృతి చెందింది. స్థానికులు, పోలీసులకు సమాచారం అందించగా ఘటనా స్థలానికి చేరుకున్న ఎస్‌ఐ చైతన్యకుమార్‌రెడ్డి పంచనామా నిర్వహించారు. మృతురాలి కోడలు రజిత ఫిర్యాదు మేరకు పోలీసులు కేసు నమోదు చేశారు.

బైకును తగులబెట్టిన బాలురు కౌడిపల్లి(నర్సాపూర్‌): పెట్రోల్‌ అయిపోయిందని బాలురు బైకును తగులబెట్టారు. ఈ ఘటన మండలంలోని మహమ్మద్‌నగర్‌ ముండ్రాయిగేట్‌ సమీపంలో జాతీయ రహదారిపై శుక్రవారం చోటుచేసుకుంది. స్థానికుల వివరాల ప్రకారం.. హైదరాబాద్‌ ఐడీపీఎల్‌కు చెందిన రెండు బైక్‌లపై ఐదుగురు బాలురు ఏడుపాయలకు వచ్చి తిరిగి వెళ్తున్నారు. కాగా ముండ్రాయిగేట్‌ సమీపంలోకి రాగానే ఒక బైక్‌లో పెట్రోల్‌ అయిపోవడంతో మరోబైక్‌పై ఉన్న యువకులకు ఫోన్‌చేసి పెట్రోల్‌ తెమ్మని చెప్పా రు. పెట్రోల్‌ పోసినా బైక్‌ స్టార్ట్‌ కాలేదు. దీంతో పెట్రోల్‌తో బైకును తగులబెట్టారు. ముగ్గురు యువకులు బైక్‌పై వెళ్లగా మరో ఇద్దరు అక్కడే ఉన్నారు. స్థానికులు ఆరా తీయగా జరిగిన విషయం చెప్పారు. కాగా ఈ ఘటనపై పోలీసులను వివరణ కోరగా.. విచారణ చేస్తున్నామని, ఎలాంటి ఫిర్యాదు అందలేదని చెప్పారు.

పటాన్‌చెరు టౌన్‌: తప్పిపోయిన ఇద్దరు బాలురను పటాన్‌చెరు పోలీసులు 12 గంటల్లోనే గుర్తించి, సురక్షితంగా తల్లిదండ్రులకు అప్పగించారు. వివరాల్లోకి వెళితే.. ఇంద్రేశంకు చెందిన సాయిచరణ్‌ కుమారులు హర్ష్‌ (13), దక్ష్‌ (11) ఈ నెల 5న సాయంత్రం 4 గంటలకు పటాన్‌చెరు వెంకటేశ్వర కాలనీలోని నానమ్మ ఇంటి నుంచి బయటకు వెళ్లి తిరిగి రాలేదు. కుటుంబ సభ్యులు ఎంత వెతికినా ఆచూకీ లభించకపోవడంతో పోలీసులకు ఫిర్యాదు చేశారు. దీంతో పోలీసులు కేసు నమోదు చేసి దర్యాప్తు చేపట్టారు. సీఐ రవీందర్‌, ఎస్‌ఐ వినోద్‌ పర్యవేక్షణలో ప్రత్యేక చర్యలు చేపట్టి.. బాలుడు హర్ష్‌ తీసుకెళ్లిన ఫోన్‌ ఆధారంగా లొకేషన్‌ను ట్రేస్‌ చేసి మహారాష్ట్రలోని సోలాపూర్‌లో ఉన్నట్లు గుర్తించారు. అనంతరం వారిని సురక్షితంగా తల్లిదండ్రులకు అప్పగించారు. పోలీసుల వేగవంతమైన చర్యలపై కుటుంబ సభ్యులు కృతజ్ఞతలు తెలిపారు. తల్లిదండ్రులకు అప్పగించిన పోలీసులు

రామచంద్రాపురం(పటాన్‌చెరు): గంజాయి విక్రయిస్తున్న ఇద్దరిని కొల్లూరు పోలీసులు అదుపులోకి తీసుకున్నారు. ఈ ఘటన తెల్లాపూర్‌ డివిజన్‌ పరిధిలో శుక్రవారం చోటుచేసుకుంది. పోలీసుల కథనం ప్రకారం.. బీహార్‌కు చెందిన ఇర్ఫాన్‌ అలాం, అజరుద్దీన్‌ అన్సారీ కలిసి ఈనెల 2వ తేదీన బీహార్‌ సరిహద్దు ప్రాంతంలో ఓ గుర్తు తెలియని వ్యక్తి నుంచి రెండు కిలోల గంజాయిని కొనుగోలు చేశారు. కాగా వారు నివాసం ఉంటున్న తెల్లాపూర్‌ పరిధిలోని జేపీ కాలనీకి తీసుకొచ్చారు. శుక్రవారం సాయంత్రం ఓ లేబర్‌ క్యాంపు వద్ద విక్రయించేందుకు సిద్ధమయ్యారు. ఈ విషయం తెలుసుకున్న పోలీసులు ఇద్దరిని అదుపులోకి తీసుకొని, రిమాండ్‌కు తరలించారు. వారి వద్ద నుంచి 1.904 కిలోల గంజాయిని స్వాధీనం చేసుకున్నారు.

● పోషకాహార లోపమే ప్రధాన కారణం ● తాజా పండ్లు, ఆకుకూరలు తీసుకోవాలి ● జాగ్రత్తలు పాటించాలంటున్న వైద్యులు సిద్దిపేటకమాన్‌: యుక్త వయసు బాలికలు, గర్భిణులు రక్తహీనత (ఎనీమియా)తో బాధపడుతున్నారు. 15 నుంచి 49ఏళ్ల వయసు గల మహిళలు, గర్భిణులు సరైన పౌష్టికాహారం తీసుకోకపోవడంతో రక్తహీనతతో ఇబ్బందులు పడుతున్నారు. రక్తహీనత ఇటీవలి కాలంలో గర్భిణులను వేధిస్తున్న ప్రధాన సమస్య. పోషకాహారం తగిన మోతాదులో తీసుకోకపోవడమే దీనికి ప్రధాన కారణం. మనం రోజు తీసుకునే ఆహారపు అలవాట్లలో మార్పులు, సరైన సమయంలో ఆహారం తీసుకోకపోవడం వల్లే ఈ సమస్య తీవ్రమవుతుందని వైద్యులు పేర్కొంటున్నారు. ఈ సమస్యను అధిగమించాలంటే గర్భిణులు సరైన సమయంలో పోషకాహారం తీసుకోవాలని సూచిస్తున్నారు. వైద్య పరీక్షలు తప్పనిసరి మాతృత్వం మహిళలకు ఓ వరం. తల్లికి ఎలాంటి ఆరోగ్య సమస్య ఎదురు కాకుండా ఉండాలన్నా, పుట్టబోయే బిడ్డ శారీరకంగా, మానసికంగా ఎదుగుదల సరిగా ఉండాలన్నా, ప్రసవానంతరం ఎలాంటి ఇబ్బందులు తలెత్తకుండా ఉండాలన్నా రక్తంలో హిమోగ్లోబిన్‌ శాతం తగినంత ఉండాలి. అప్పుడే తల్లి, పుట్టబోయే బిడ్డ ఇద్దరూ ఆరోగ్యంగా ఉంటారు. సిద్దిపేట ప్రభుత్వ మెడికల్‌ కళాశాల అనుబంధ జనరల్‌ ఆస్పత్రి, ఇతర ప్రభుత్వ, ప్రైవేటు ఆస్పత్రుల్లో వైద్య పరీక్షలు, డెలివరీ కోసం వచ్చే గర్భిణుల్లో చాలా మందికి రక్తహీనత సమస్య ఉన్నట్లు వైద్యులు పేర్కొటున్నారు. సిద్దిపేట ప్రభుత్వాస్పత్రిలో గైనకాలజీ విభాగంలో ప్రతిరోజు ఓపీ విభాగంలో 400మందికి పైగా వైద్య పరీక్షలు నిర్వహిస్తున్నారు. ప్రతి నెల సుమారు 500మందికి పైగా ప్రసవం కోసం ఆస్పత్రికి వస్తుంటారు. వీరిలో 30శాతం మంది రక్తహీనత సమస్యతో బాధపడుతున్న వారు ఉన్నారు. ఈ సమస్య ఉన్నవారు ప్రసవానంతరం త్వరగా అలసిపోవడం, ఆయాసం రావడం వంటి లక్షణాలు కనిపిస్తాయి. రక్తహీనత సమస్యను అధిగమించాలంటే గర్భిణులు సరైన పోషకాలు కలిగిన ఆహారం తీసుకోవాలి. ప్రతి రోజు రాత్రి 8గంటలు, మధ్యాహ్నం రెండు గంటలు నిద్రపోవాలి. తాజా పండ్లు, ఆకుకూరలు, కోడిగుడ్లు, క్యారెట్‌, బీట్‌రూట్‌, దానిమ్మ, అంజీర్‌, బెల్లంతో తయారు చేసినవి తీసుకోవాలని వైద్యులు సూచిస్తున్నారు.

కొండాపూర్‌(సంగారెడ్డి): మండల పరిధిలోని అనంతసాగర్‌ చౌదరి చెరువులో మొసళ్ల సంచారం కలకలం రేపుతోంది. వివరాలు ఇలా.. చెరువు పరిసర ప్రాంతాల్లో అనేక మంది రైతులకు వ్యవసాయ భూములు ఉండటంతో ఉదయం, సాయంత్రం వేళల్లో పొలాలకు రాకపోకలు సాగిస్తుంటారు. పంటలకు నీరు పెట్టడం, మోటార్లు ఆన్‌ చేసేందుకు , పంటలకు కాపలా ఉండటానికి రాత్రి పొలాలకు వెళ్లాల్సి వస్తుంది. అయితే చెరువు కట్టపై మొసళ్లు సంచరిస్తుండటంతో ఎప్పుడు ఏ ప్రమాదం ముంచుకొస్తుందోనని అనంత సాగర్‌ రైతులు ఆందోళన చెందుతున్నారు. చౌదరి చెరువులో మొసళ్ల సంచారంపై అటవీశాఖ అధికారులు తక్షణమే స్పందించాలని రైతులు కోరుతున్నారు. రైతులకు, పశువులకు ఎలాంటి ప్రమాదం జరగకుండా ముందస్తు చర్యలు చేపట్టాలన్నారు. హెచ్చరిక బోర్డులు ఏర్పాటు చేసి, మొసళ్లను సురక్షిత ప్రాంతానికి తరలించే చర్యలు తీసుకోవాలని విజ్ఞప్తి చేస్తున్నారు.

సిద్దిపేటకమాన్‌: పలువురు పోగొట్టుకున్న సెల్‌ఫోన్‌లను నూతన టెక్నాలజీ సాయంతో పోలీసులు గుర్తించి బాధితులకు అందజేసినట్లు సీపీ రష్మీ పెరుమాళ్‌ తెలిపారు. ఈ సందర్భంగా ఆమె మాట్లాడుతూ.. సిద్దిపేట పోలీసు కమిషనరేట్‌ పరిధిలో పలువురు తమ సెల్‌ఫోన్లు పొగొట్టుకున్నట్లు పోలీసు స్టేషన్‌లో ఫిర్యాదు చేశారన్నారు. సీఈఐఆర్‌ పోర్టల్‌ నూతన టెక్నాలజీ సాయంతో పోలీసులు సెల్‌ఫోన్లను గుర్తించి కమిషనరేట్‌లో బాధితులకు అందజేసినట్లు తెలిపారు. నెల రోజుల్లో సుమారు రూ.10లక్షల విలువైన 56 సెల్‌ఫోన్లను గుర్తించి బాధితులకు అందజేసినట్లు పేర్కొన్నారు. కార్యక్రమంలో అదనపు డీసీపీ కుశాల్కర్‌, పోలీసు అధికారులు పాల్గొన్నారు.

హవేళిఘణాపూర్‌(మెదక్‌): యువతలో దాగి ఉన్న నైపుణ్యాన్ని వెలికి తీసేందుకు యువజనోత్సవాలు ఏర్పాటు చేశామని జిల్లా అదనపు కలెక్టర్‌ నగేశ్‌ అన్నారు. శుక్రవారం జిల్లా కేంద్రంలోని స్టేడియంలో నిర్వహించిన యువజన ఉత్సవాలను ఆయన ప్రారంభించారు. అనంతరం మాట్లాడుతూ.. యువత ఉత్సవాల్లో పెద్ద సంఖ్యలో పాల్గొనడం అభినందనీయమన్నారు. గ్రామీణ, పట్టణ ప్రాంతాల్లో ఉన్న యువతకు సమాన అవకాశాలు కల్పించామని, ఈ ఉత్సవాల్లో సాంస్కృతిక, జానపద, నృత్యాలు, కవిత, రచన పోటీలు, వక్తృత్వ పోటీలు, చిత్రలేఖనం తదితర పోటీలను ఏర్పాటు చేయాలన్నారు. యువత ఈ అవకాశాన్ని సద్వినియోగం చేసుకోవాలని పిలుపునిచ్చారు. కార్యక్రమంలో జిల్లా యువజన క్రీడల నిర్వాహణ అధికారి రమేశ్‌, పీడీలు, పీఈటీలు, క్రీడాకారులు పాల్గొన్నారు. అదనపు కలెక్టర్‌ నగేశ్‌

నారాయణఖేడ్‌: హకీంపేటలోని తెలంగాణ రాష్ట్ర క్రీడాపాఠశాల గ్రౌండ్‌లో గురువారం నిర్వహించిన ఎస్‌జీఎఫ్‌ రాష్ట్ర స్థాయి అండర్‌ –19 ఆర్చరీ ఇండియన్‌ రౌండ్‌ విభాగంలో ఖేడ్‌ జిల్లాపరిషత్‌ ఉన్నత పాఠశాల పూర్వ విద్యార్థి తరుణ్‌ కాంస్య పతకం సాధించారు. కాగా డిసెంబరు 19న మహారాష్ట్రలోని అమరావతిలో నిర్వహించనున్న జాతీయస్థాయి పోటీలకు ఎంపికై నట్టు పాఠశాల హెచ్‌ఎం మన్మధ కిశోర్‌ తెలిపారు. 2024 –25 విద్యాసంవత్సరంలో పాఠశాలలో పదో తరగతి చదివిన తరుణ్‌ తన తండ్రి జనార్దన్‌ ప్రోత్సాహంతో క్రీడల్లో ప్రతిభ చాటాడని పేర్కొన్నారు. విద్యార్థిని ఉపాధ్యాయులు యాదగిరి, రాజశేఖర్‌, చంద్రశేఖర్‌, పీడీ సంగ్రాం అభినందించారు. సిద్దిపేటజోన్‌ /గజ్వేల్‌రూరల్‌: అండర్‌ 19 స్కూల్‌ గేమ్స్‌ ఫెడరేషన్‌ క్రికెట్‌ రాష్ట్ర స్థాయి పోటీలకు సిద్దిపేట యువకులు ఎంపికయ్యారు. మహబుబ్‌ నగర్‌లో జరిగిన క్రికెట్‌ పోటీల్లో ఉమ్మడి మెదక్‌ జిల్లా జట్టులో ప్రాతినిధ్యం వహించిన సిద్దిపేట యువకులు చేతన్‌ నిఖిల్‌, అభిరామ్‌ రాష్ట్ర జట్టుకు ఎంపికయ్యారు. ఈ సందర్భంగా సిద్దిపేట క్రికెట్‌ అసోసియేషన్‌ సెక్రెటరీ మల్లికార్జున్‌ వారిని అభినందించారు. దుబ్బాకటౌన్‌: దౌల్తాబాద్‌ మండలంలో ప్రజలకు అత్యవసర వైద్య సేవలు అందిస్తున్న 108 అంబులెన్స్‌ను జిల్లా నిర్వహణ అధికారి నరేశ్‌ ఆకస్మికంగా తనిఖీ చేశారు. ఈ సందర్భంగా అంబులెన్స్‌లో అందుబాటులో ఉన్న అత్యవసర మందులు, వైద్య పరికరాలు, ఆక్సిజన్‌ సదుపాయాలతో పాటు పలు రికార్డులను పరిశీలించారు. అనంతరం 108 సిబ్బంది అందిస్తున్న సేవలపై సంతృప్తి వ్యక్తం చేశారు. అత్యవసర సమయాల్లో స్పందించి ప్రజలకు మెరుగైన వైద్య సేవలు అందించాలని సిబ్బందికి సూచించారు. అంబులెన్స్‌లో అవసరమైన మందులు, పరికరాలు ఎల్లప్పుడూ అందుబాటులో ఉంచుకోవాలన్నారు. మెడికల్‌ టెక్నీషియన్‌ దేవేందర్‌, పైలట్‌ నర్సింహులు పాల్గొన్నారు. కౌడిపల్లి(నర్సాపూర్‌): యువతి అదృశ్యమైంది. ఈ ఘటన మండల పరిధిలో చోటు చేసుకుంది. శుక్రవారం స్థానిక ఎస్‌ఐ నీరేశ్‌ వివరాల ప్రకారం.. మండలంలోని కొట్టాల గ్రామానికి చెందిన దువ్వూరి వెంకటేశం చిన్నకూతురు వైష్ణవి(19) ఇంట్లో బట్టలు ఉతికిన అనంతరం బయట ఆరబెడతానని చెప్పి వెళ్లింది. తిరిగి ఇంట్లోకి రాలేదు. కొద్దిసేపటికి గ్రామంలో వెతికినా ఆచూకీ లభించలేదు. కాగా గ్రామానికి చెందిన ఓ యువకునిపై అనుమానం వ్యక్తం చేశారు. పోలీసులు కేసు నమోదు చేసి, దర్యాప్తు చేస్తున్నారు. కౌడిపల్లి(నర్సాపూర్‌): అక్రమంగా ఇసుక తరలిస్తున్న టిప్పర్‌ను పోలీసులు సీజ్‌ చేశారు. ఎస్‌ఐ నీరేశ్‌ కథనం ప్రకారం.. శుక్రవారం ఉదయం హెడ్‌ కానిస్టేబుల్‌ శ్రీనివాస్‌, రాములు ఇద్దరు పెట్రోలింగ్‌ డ్యూటీ చేస్తున్నారు. కాగా ధర్మాసాగర్‌గేట్‌ వద్ద ఇసుక లోడ్‌తో ఉన్న టిప్పర్‌ ఓ షాపు వద్ద ఖాళీ చేస్తుండగా ఇసుక అనుమతులు, వేబిల్‌ చూపించాలని కానిస్టేబుల్స్‌ అడిగారు. టిప్పర్‌ డ్రైవర్‌ వద్ద ఎలాంటి పేపర్లు లేకపోవడంతో టిప్పర్‌ను సీజ్‌ చేసి కేసు నమోదు చేశారు.

చిలప్‌చెడ్‌(నర్సాపూర్‌): ప్రతి పౌరుడు తమ ఇంటి పరిసరాల్లో నీరు నిల్వ లేకుండా చూసుకోవాలని జిల్లా పౌరసరఫరాల అధికారి నిత్యానంద్‌గౌడ్‌ అన్నారు. శుక్రవారం ఆయన మండలంలోని సోమక్కపేట్‌ గ్రామంలో సర్పంచ్‌ దుర్గాచలంతో కలిసి డ్రై డే కార్యక్రమం నిర్వహించారు. ఈ సందర్భంగా ఆయన మాట్లాడుతూ.. ఇంట్లో ఉన్న డ్రమ్ములు, టైర్లు, పడేసిన కొబ్బరిబొండాలు, ఖాళీ సీసాలు, పాడైన కూలర్లలో నీరు ఉంటే పారబోయాలన్నారు. తద్వారా దోమలు, సీజనల్‌ వ్యాధుల భారిన పడకుండా ఉంటారని తెలిపారు. అలాగే మురికి కాలువల్లో బ్లీచింగ్‌, మురికి గుంటల్లో ఆయిల్‌బాల్స్‌ వేయించాలని సూచించారు. ఈ కార్యక్రమంలో పంచాయతీ కార్యదర్శి మోహన్‌, ఆశావర్కర్‌ సుజాత, తదితరులు పాల్గొన్నారు. జిల్లా పౌరసరఫరాల అధికారి నిత్యానంద్‌గౌడ్‌

మెదక్‌జోన్‌: మహిళలు, బాలికల భద్రతకు అత్యంత ప్రాధాన్యత ఇవ్వాలని అదనపు ఎస్పీ విక్రాంత్‌కుమార్‌ సింగ్‌ పేర్కొన్నారు. జిల్లా కేంద్రంలోని షీటీం, భరోసా కేంద్రాలను శుక్రవారం తనిఖీ చేశారు. ఈ సందర్భంగా షీ టీం పనితీరు, ఇప్పటివరకు నమోదు చేసిన కేసులు, అందిన ఫిర్యాదులు, వాటిపై తీసుకున్న చర్యలను సమీక్షించారు. సంబంధిత రికార్డులను క్షుణ్ణంగా పరిశీలించి, ఎప్పటికప్పుడు నవీకరించాలని ఆదేశించారు. మహిళలు, బాలికలను వేధించే ఆకతాయిలపై నిరంతరం నిఘా ఉంచాలని, బస్టాండ్లు, కళాశాలలు, రద్దీ ప్రాంతాల్లో ప్రత్యేక పర్యవేక్షణ చేపట్టాలని సూచించారు. విద్యాసంస్థల్లో మహిళల భద్రత, సైబర్‌ నేరాలు, సోషల్‌ మీడియా వేధింపులపై అవగాహన కార్యక్రమాలు నిర్వహించాలన్నారు. అనంతరం భరోసా కేంద్రాన్ని సందర్శించి బాధితులకు అందిస్తున్న సేవలు, కౌన్సెలింగ్‌, ఫిర్యాదుల పరిష్కార విధానాలను పరిశీలించారు. ఈ తనిఖీలో భరోసా ఎస్‌ఐ సుచరిత, కోఆర్డినేటర్‌ సౌమ్య, భరోసా, షీ టీం సిబ్బంది పాల్గొన్నారు. అదనపు ఎస్పీ విక్రాంత్‌ కుమార్‌ సింగ్‌

● ముగ్గురి రిమాండ్‌, ఒకరు పరారీ ● 2 కత్తులు, నకిలీ తుపాకీ, స్వాధీనం ● వివరాలు వెల్లడించిన ఎస్పీ పరితోశ్‌ పంకజ్‌ సంగారెడ్డి జోన్‌: వరుస దారి దోపిడీలకు పాల్పడుతున్న అంతర్రాష్ట్ర దొంగల ముఠాను పోలీసులు అరెస్టు చేసి రిమాండ్‌కు తరలించారు. శుక్రవారం ఎస్పీ పరితోశ్‌ పంకజ్‌ కేసు వివరాలు వెల్లడించారు. మహారాష్ట్రలోని లాతూర్‌, పూనే, బారామతి ప్రాంతాలకు చెందిన హసన్‌ సమీర్‌ షేక్‌, సంతోష్‌ సెగర్‌ దగుడు, నౌషాద్‌ జాకీర్‌ సయ్యద్‌, రఫీక్‌ శంషొద్దీన్‌ షేక్‌ ముఠాగా ఏర్పడి గత నెల 17 నుంచి 25 వరకు చిరాగ్‌పల్లి, కోహిర్‌, సదాశివపేటతో పాటు కర్ణాటక హుమ్నాబాద్‌ ప్రాంతంలో దారి దోపిడీకి పాల్పడ్డారు. అర్ధరాత్రి జాతీయ రహదారి పక్కనే నిలిపి ఉన్న కార్ల వద్దకు వెళ్లి, కత్తులు తుపాకీతో బెదిరించి బంగారు ఆభరణాలతో పాటు నగదును దోచుకొని పరారయ్యారు. చోరీ సొత్తును తమకు పరిచయం ఉన్న వ్యక్తి ద్వారా లాతూర్‌లో బంగారు దుకాణంలో విక్రయించి, వచ్చిన డబ్బులు పంచుకున్నారు. ఈ ఘటనపై అప్రమత్తమైన పోలీసులు, సీసీఎస్‌, జహీరాబాద్‌, సబ్‌ డివిజన్‌, సదాశివపేట పోలీసు అధికారులతో ప్రత్యేక బృందాలు ఏర్పాటు చేసి దర్యాప్తు ప్రారంభించారు. పోలీసులకు దొరికారిలా.. నిందితులు మరోసారి దారి దోపిడీ చేసేందుకు ప్రణాళిక రూపొందించుకున్నారు. గురువారం రాత్రి హసన్‌ సమీర్‌ షేక్‌, సంతోష్‌ సెగర్‌ దగుడు, నౌషాద్‌ జాకీర్‌ సయ్యద్‌ ముగ్గురు కలిసి దోపిడీ చేసేందుకు మహారాష్ట్ర నుంచి నెంబర్‌ ప్లేటు లేని ద్విచక్ర వాహనంపై జహీరాబాద్‌ వైపు వస్తున్నారు. ఈ క్రమంలో చిరాగ్‌పల్లి పరిధిలోని మాడిగి చౌరస్తా వద్ద పోలీసులు వాహనాల తనిఖీ నిర్వహిస్తున్నారు. కాగా నిందితులు పోలీసులను చూసి పారిపోతుండగా అదుపులోకి తీసుకొని విచారించారు. జిల్లాలో జరిగిన మూడు, కర్ణాటక రాష్ట్రం హుమ్నాబాద్‌ వద్ద దారి దోపిడీ వీళ్లే చేసినట్లు గుర్తించారు. ఇదే దోపిడీలో నిందితుడిగా ఉన్న రఫీక్‌ శంషొద్దీన్‌ షేక్‌ పరారీలో ఉన్నాడు. నిందితుల నుంచి నకిలీ తుపాకీ, రెండు కత్తులు, మూడు సెల్‌ఫోన్లు, ద్విచక్ర వాహనం, ఇతర సామగ్రిని స్వాధీనం చేసుకున్నారు. కాగా నిందితులపై మహారాష్ట్రలో చోరీలు, దోపిడీ కేసులున్నాయి. సమావేశంలో డీఎస్పీలు సత్తయ్య గౌడ్‌, సైదా నాయక్‌, సీఐ రవి, ఎస్‌ఐలు నరేశ్‌, వినయ్‌ కుమార్‌ పాల్గొన్నారు.

విద్యార్థుల ధర్నా కోహెడరూరల్‌(హుస్నాబాద్‌): మండలంలోని శనిగరం గ్రామంలోని జిల్లా పరిషత్‌ ఉన్నత పాఠశాలలో ఉపాధ్యాయుల కొరత తీర్చాలని కోరుతూ పదోతరగతి విద్యార్థులు పాఠశాల ఎదుట ధర్నాకు దిగారు. పరీక్షలు సమీపిస్తున్న తరుణంలో తమకు సరిపడా ఉపాధ్యాయులు లేకపోవడం వల్ల చదువులు సక్రమంగా సాగడం లేదని సిలబస్‌ పూర్తి కాలేదని విద్యార్థులు ఆవేదన వ్యక్తం చేశారు. తమ భవిష్యత్తును దృష్టిలో ఉంచుకుని విద్యాశాఖ ఉన్నతాధికారులు తక్షణమే స్పందించి ఖాళీగా ఉన్న ఉపాధ్యాయ పోస్టులను భర్తీ చేయాలని లేదా ప్రత్యామ్నాయంగా డిప్యుటేషన్‌ ఉపాధ్యాయులను నియమించి తమకు న్యాయం చేయాలని విద్యార్థులు డిమాండ్‌ చేశారు. ప్రభుత్వ ఆస్పత్రిలో అరుదైన ఆపరేషన్‌ దుబ్బాకటౌన్‌: దుబ్బాక ప్రభుత్వ ఆస్పత్రిలో వైద్యులు అరుదైన ఘనత సాధించారు. మిరుదొడ్డి మండలం రుద్రారం గ్రామానికి చెందిన 34 ఏళ్ల గర్భిణికి స్కానింగ్‌ లో 2.2 కిలోల ఫైబ్రాయిడ్‌ గడ్డ ఉన్నట్లు గుర్తించారు. ఈ క్లిష్టమైన కేసును సవాలుగా తీసుకున్న మెడికల్‌ సూపరింటెండెంట్‌ డాక్టర్‌ హేమరాజ్‌ సింగ్‌ బృందం గురువారం ఒకే ఆపరేషన్‌ లో సిజేరియన్‌ ప్రసవంతో పాటు ఫైబ్రాయిడ్‌ గడ్డను తొలగించారు. 3 కిలోల బరువుతో బిడ్డ జన్మించగా తల్లీబిడ్డలు ఆరోగ్యంగా ఉన్నారని వైద్యులు తెలిపారు. ఈ ఆపరేషన్‌ లో గైనకాలజిస్ట్‌ డాక్టర్‌ శ్రావంతి, మత్తు వైద్యుడు ప్రేమ్‌ కిషోర్‌, సిబ్బంది పాల్గొన్నారు. 956 గ్రాముల గంజాయి స్వాధీనం తూప్రాన్‌: మెదక్‌ జిల్లా మనోహరాబాద్‌ మండలం కాళ్లకల్‌ గ్రామ పరిధిలోని కేఎల్‌ఆర్‌ గ్రీన్‌ వెంచర్‌లో గురువారం ఎకై ్సజ్‌ అధికారులు ఆకస్మిక తనిఖీలు నిర్వహించి 956 గ్రాముల ఎండు గంజాయిని స్వాధీనం చేసుకున్నారు. బీహార్‌కు చెందిన జ్యోతిష్‌ కుమార్‌ (22)ను అరెస్ట్‌ చేశారు. ఎకై ్సజ్‌ డిప్యూటీ కమిషనర్‌ చంద్రయ్యగౌడ్‌, సూపరింటెండెంట్‌ ఎల్‌. నరసింహారెడ్డి ఆదేశాల మేరకు డీటీఎఫ్‌ సీఐ గోపాల్‌ ఆధ్వర్యంలో ప్రత్యేక బృందం దాడులు నిర్వహించింది. మాదకద్రవ్యాల అక్రమ రవాణాపై నిరంతరం నిఘా ఉంచామని, గంజాయి సంబంధిత సమాచారం ఉంటే అధికారులకు తెలియజేయాలని సీఐ గోపాల్‌ కోరారు. ఈ దాడుల్లో ఎకై ్సజ్‌ సిబ్బంది పుండరీకం, వహీద్‌, స్రవంతి, షాహిద్‌ పాల్గొన్నారు. కంకర క్రషర్‌లో ప్రమాదం తెగిన కార్మికుడి చెయ్యి పటాన్‌చెరు టౌన్‌: ఇస్నాపూర్‌ మున్సిపల్‌ పరిధిలోని లక్డారంలో ఉన్న ఓ కంకర క్రషర్‌లో గురువారం ఘోర ప్రమాదం చోటుచేసుకుంది. స్థానిక క్రషర్‌లో పనిచేస్తున్న మధ్యప్రదేశ్‌కు చెందిన ఉమేష్‌ (27) గురువారం తెల్లవారుజామున విధి నిర్వహణలో ఉండగా ప్రమాదవశాత్తు యంత్రంలో చిక్కుకున్నాడు. ఈ క్రమంలో అతని కుడిచేయి నజ్జునజ్జు కావడంతోపాటు తెగిపడింది. ఈ ప్రమాదంలో తీవ్రంగా గాయపడిన కార్మికుడిని తోటి సిబ్బంది వెంటనే చికిత్స నిమిత్తం బీరంగూడలోని ఒక ప్రైవేట్‌ ఆస్పత్రికి తరలించారు. పరిస్థితి విషమంగా ఉండటంతో అక్కడ ప్రాథమిక చికిత్స అందించిన అనంతరం మెరుగైన వైద్యం కోసం హైదరాబాద్‌ బేగంపేట్‌లోని ప్రైవేట్‌ ఆస్పత్రికి తరలించారు. ఈ ఘటనపై పటాన్‌చెరు పోలీసులను సంప్రదించగా, తమ సిబ్బందిని హైదరాబాద్‌ ఆస్పత్రికి పంపించామని, చికిత్స పొందుతున్న బాధితుడు ఇచ్చే స్టేట్‌ మెంట్‌ ఆధారంగా కేసు నమోదు చేసి చట్టపరమైన చర్యలు తీసుకుంటామని సీఐ తెలిపారు. రోడ్డు ప్రమాదంలో విద్యార్థికి గాయాలుపాపన్నపేట(మెదక్‌): మండల కేంద్రంలో గురువారం జరిగిన రోడ్డు ప్రమాదంలో ఇంటర్‌ విద్యార్థి తీవ్రంగా గాయపడ్డాడు. బాధితుల కథనం ప్రకారం.. నార్సింగి గ్రామానికి చెందిన దుర్గాప్రసాద్‌ పాపన్నపేట జూనియర్‌ కళాశాలలో ఇంటర్‌ ద్వితీయ సంవత్సరం చదువుతున్నాడు. కళాశాల విరామ సమయంలో మల్లంపేట రోడ్డు వైపు వెళ్లి తిరిగి వస్తుండగా ఎక్స్‌ఎల్‌ వాహనం ఢీకొట్టింది. ఈ ప్రమాదంలో అతడికి తీవ్ర గాయాలయ్యాయి. వెంటనే స్థానిక పీహెచ్‌సీకి తరలించి, మెరుగైన చికిత్స కోసం మెదక్‌లోని ఓ ప్రైవేట్‌ ఆస్పత్రికి తరలించారు.

● ఓయూ సీనియర్‌ ప్రొఫెసర్‌ సుధాకర్‌ రెడ్డి ● ప్రభుత్వ డిగ్రీ కళాశాలలో జాతీయ సదస్సు ప్రారంభం పటాన్‌చెరు టౌన్‌: వాతావరణ మార్పులు ఆర్థిక, సామాజిక, ప్రకృతి అంశాలపై తీవ్ర ప్రభావం చూపుతున్నాయని ఉస్మానియా యూనివర్సిటీ సీనియర్‌ ప్రొఫెసర్‌ సుధాకర్‌ రెడ్డి అన్నారు. గురువారం పటాన్‌చెరు ప్రభుత్వ డిగ్రీ కళాశాలలో ‘శీతోష్ణస్థితి అంశాలు– విధానం, శాస్త్రం, మానవ భవిష్యత్తు’ అనే అంశంపై రెండు రోజుల జాతీయ సదస్సు గురువారం ప్రారంభమైంది. ఐసీఎస్‌ఎస్‌ఆర్‌, కళాశాల విద్యాశాఖ సహకారంతో నిర్వహించిన సదస్సుకు ప్రిన్సిపాల్‌ ప్రవీణ అధ్యక్షత వహించారు. ముఖ్య అతిథిగా సుధాకర్‌ రెడ్డి హాజరై మాట్లాడారు. పర్యావరణ పరిరక్షణపై విద్యార్థులు, యువతలో అవగాహన పెంపొందించాల్సిన అవసరం ఉందన్నారు. వాతావరణ శాస్త్రవేత్త ప్రొఫెసర్‌ పురుషోత్తం రెడ్డి మాట్లాడుతూ.. భూతాపం, వాతావరణ మార్పులకు మానవ కార్యకలాపాలే ప్రధాన కారణమని అన్నారు. పటాన్‌చెరు పారిశ్రామిక కాలుష్యం గతంలో పలు గ్రామాల ప్రజల ఆరోగ్యంపై తీవ్ర ప్రభావం చూపిందని గుర్తుచేశారు. సమావేశంలో ప్రొఫెసర్‌ శ్రీలత, రాజేంద్రప్రసాద్‌, డాక్టర్‌ సుజాత, ప్రొఫెసర్‌ హిమాబిందు, అధ్యాపకులు, విద్యార్థులు పాల్గొన్నారు.

వర్గల్‌(గజ్వేల్‌): వ్యవసాయ విద్యను క్షేత్రస్థాయి అనుభవాలతో అనుసంధానిస్తే అది రైతుల అభ్యున్నతి, విద్యార్థుల నైపుణ్యాభివృద్ధికి దోహదపడుతుందని సిద్దిపేట జిల్లా గౌరారం కావేరి వర్సిటీ వైస్‌చాన్సలర్‌ డాక్టర్‌ వి.ప్రవీణ్‌రావు పేర్కొన్నారు. వర్సిటీలో గురువారం స్కూల్‌ ఆఫ్‌ అగ్రికల్చర్‌ ఆధ్వర్యంలో రైతులు–విద్యార్థుల ముఖాముఖి కార్యక్రమం నిర్వహించారు. కార్యక్రమంలో భాగంగా వర్సిటీ వ్యవసాయ క్షేత్రాలను రైతులు సందర్శించారు. ఆధునిక సాగు పద్ధతులు, పరిశోధన కార్యక్రమాలను పరిశీలించారు. కావేరి సీడ్స్‌ పరిశ్రమలో విత్తనాల ఉత్పత్తి, శుద్ధి, ప్రాసెసింగ్‌, నాణ్యత ప్రమాణాలపై అవగాహన పొందారు. అనంతరం ముఖాముఖి సమావేశంలో సాగులో ఎదుర్కొంటున్న సమస్యలు, క్షేత్రస్థాయి అనుభవాలను రైతులు విద్యార్థులతో పంచుకున్నారు. వారికి విద్యార్థులు ఆధునిక వ్యవసాయ సాంకేతికతలు, శాసీ్త్రయ సాగు పద్ధతులను వివరించారు. ఈ సందర్భంగా వీసీ మాట్లాడుతూ...తరగతి గది విజ్ఞానానికి క్షేత్రస్థాయి అనుభవాన్ని జోడించడమే వర్సిటీ లక్ష్యమన్నారు. రైతులు, విద్యార్థులు, విద్యాసంస్థలు, వ్యవసాయ పరిశ్రమల మధ్య సమన్వయం, వ్యవసాయ రంగాభివృద్ధికి దోహదపడుతుందని తెలిపారు. కార్యక్రమంలో డీన్‌ డాక్టర్‌ జి.పుష్పలత, ప్రొఫెసర్‌ పి.సురేందర్‌బాబు పాల్గొన్నారు.

జిల్లా గ్రంథాలయ సంస్థ చైర్మన్‌ చంద్రం సిద్దిపేటఎడ్యుకేషన్‌: ప్రభుత్వ విద్యా సంస్థలను బలోపేతం చేయడం ద్వారా పేద, మధ్యతరగతి విద్యార్థులకు నాణ్యమైన విద్య అందుతుందని జిల్లా గ్రంథాలయ సంస్థ చైర్మన్‌ దరిపల్లి చంద్రం తెలిపారు. ఎంతోమందిని ఉన్నత విద్యావంతులుగా తీర్చిదిద్దిన సిద్దిపేట ప్రభుత్వ డిగ్రీ, పీజీ అటానమస్‌ కళాశాలను అభివృద్ధి చేసుకోవాల్సిన బాధ్యత ప్రతీ ఒక్కరిపై ఉందని ఆయన అభిప్రాయపడ్డారు. స్థానిక కళాశాలను గురువారం ఆయన సందర్శించి ప్రిన్సిపాల్‌, అధ్యాపకులతో కలిసి కళాశాల వసతులు, అభివృద్ధి పనులపై చర్చించారు. అనంతరం ఆయన మాట్లాడుతూ..కళాశాల అభివృద్ధికి, విద్యార్థులకు మెరుగైన సేవలను అందించేందుకు కాంగ్రెస్‌ ప్రభుత్వం సిద్ధంగా ఉందన్నారు. కళాశాలకు అవసరమైన పనులకు సంబంధించిన పూర్తి వివరాలను తనకు అందిస్తే ప్రభుత్వం దృష్టికి తీసుకువెళ్లి సాధ్యమైనంత త్వరగా పనులను పూర్తి చేయిస్తానని చెప్పారు. కార్యక్రమంలో కళాశాల ప్రిన్సిపాల్‌ డాక్టర్‌ సునీత, అధ్యాపకులు, మాజీ కౌన్సిలర్‌ బుచ్చిరెడ్డి, డీసీసీ ఉపాధ్యక్షుడు మంద పాండు, నాయకులు బాల్‌నర్సు, నరేష్‌ తదితరులు పాల్గొన్నారు.

సంగారెడ్డి టౌన్‌: బాల కార్మిక వ్యవస్థను పూర్తిగా నిర్మూలించాలని జిల్లా న్యాయ సేవాధికార సంస్థ కార్యదర్శి సౌజన్య అన్నారు. జాతీయ న్యాయ సేవల దినోత్సవాన్ని పురస్కరించుకొని గురువారం సంగారెడ్డిలోని జువైనల్‌ జస్టిస్‌ బోర్డులో న్యాయ అవగాహన కార్యక్రమం నిర్వహించారు. ఈసందర్భంగా ఆమె మాట్లాడుతూ.. విద్యార్థులు తమ హక్కుల గురించి తెలుసుకోవాలని, బాల్య వివాహాల నిర్మూలన, అక్రమ రవాణ, దోపిడీ నివారణను అరికట్టాలన్నారు. ఎక్కడైనా పిల్లలపై అన్యాయం జరిగితే సంబంధిత శాఖల అధికారులకు తెలియజేయాలని సూచించారు. కార్యక్రమంలో న్యాయవాదులు, విద్యార్థులు, ఉపాధ్యాయులు తదితరులు పాల్గొన్నారు. సంగారెడ్డి జోన్‌: మహిళా సంఘాల సభ్యులు వ్యాపారవేత్తలుగా ఎదగాలని డీఆర్డీఏ ఉమాహారతి సూచించారు. గురువారం పట్టణంలోని కార్యాలయంలో జిల్లా మహిళా సమాఖ్య సమావేశం నిర్వహించారు. ఈసందర్భంగా ఆమె మాట్లాడుతూ.. మహిళా సంఘాల సభ్యులు వ్యాపార రంగంలో రాణించి, ప్రతి మండల సమాఖ్య ఆదాయం వచ్చే కార్యక్రమాలు చేపట్టాలన్నారు. అందుకు అవసరమయ్యే శిక్షణ పెట్టుబడి సహకారం అందిస్తామన్నారు. మంజూరైన మండల సమాఖ్య భవనాలు త్వరితగతిగా పూర్తి చేయాలన్నారు. ఎల్‌నినో నేపథ్యంలో ప్రతి ఒక్కరూ ఇంకుడు గుంతలు నిర్మించుకోవాలని సూచించారు. అవకాశం ఉన్నవారు నీటి కుంటలు ఏర్పాటు చేయాలన్నారు. సమావేశంలో జిల్లా సమాఖ్య అధ్యక్షురాలు యోగేశ్వరి, అదనపు డీఆర్డీఓ సూర్యారావు తదితరులు పాల్గొన్నారు. జహీరాబాద్‌ టౌన్‌: రైతు భరోసా నిధులు అకౌంట్లలో జమ అయ్యాయంటూ మెసేజ్‌లు వస్తున్నాయి. గురువారం పలువురు రైతుల సెల్‌ఫోన్‌కు మెసేజ్‌లు రాగా, నిజమే అనుకొని రైతులు సంతోషపడ్డారు. రబీ పంటల సాగుకు పెట్టుబడి సాయం వచ్చిందని మురిసిపోయారు. అయితే బ్యాంకు బ్యాలెన్స్‌ చెక్‌ చేసుకోగా డబ్బులు కనిపించకపోవడంతో నిరాశచెందారు. ఇదే విషయమై వ్యవసాయ శాఖ అధికారులను సంప్రదించగా ఎవరి అకౌంట్లలోనూ డబ్బులు జమ చేయలేదని స్పష్టం చేశారు. రైతులకు ఫేక్‌ మెసేజ్‌లు వస్తున్నాయని, వాటిని నమ్మవద్దని చెప్పారు. నారాయణఖేడ్‌: ఎల్‌నినో ప్రభావం, వాతావరణ మార్పులతో నష్టపోయిన రైతులను తక్ష ణమే ప్రభుత్వం ఆదుకోవాలని సీపీఐ రాష్ట్ర సహాయ కార్యదర్శి నరసింహ డిమాండ్‌ చేశా రు. మనూరు, నారాయణఖేడ్‌ మండలాల్లో దెబ్బతిన్న పంటలను యూనియన్‌ నాయకులతో కలిసి గురువారం పరిశీలించారు. ఈసందర్భంగా ఆయన మాట్లాడుతూ.. వరికి రూ.30 వేలు, వాణిజ్య పంటలకు రూ.50వేల చొప్పున ఎకరాకు నష్టపరిహారం చెల్లించాలన్నారు. రైతుల పక్షాన ఈనెల 10న రాష్ట్రవ్యాప్తంగా కలెక్టరేట్ల ఎదుట ఆందోళనలు చేపడతామని హెచ్చరించారు. కార్యక్రమంలో జిల్లా కార్యదర్శి సయ్యద్‌ జలాలుద్దీన్‌, సహాయ కార్యదర్శులు ఆనంద్‌, రెహమాన్‌, ఏఐవైఎఫ్‌ రాష్ట్ర అధ్యక్షుడు మర్రి శ్రీమాన్‌ పాల్గొన్నారు.

కొండాపూర్‌ (సంగారెడ్డి): భార్యాభర్తల మధ్య కొంతకాలంగా కొనసాగుతున్న కుటుంబ కలహాల కారణంగా మనస్తాపానికి గురై ఓ వ్యక్తి ఉరివేసుకుని ఆత్మహత్యకు పాల్పడ్డాడు. ఈ విషాద ఘటన కొండాపూర్‌ మండల పరిధిలోని మల్లేపల్లిలో బుధవారం రాత్రి చోటుచేసుకుంది. ఎస్సై సోమేశ్వరి తెలిపిన వివరాల ప్రకారం.. మల్లేపల్లికి చెందిన బోయిని నాగరాజుకు అతని భార్య సుజాతకు మధ్య కొంతకాలంగా తరచూ గొడవలు జరుగుతున్నాయి. ఈ క్రమంలో మనస్పర్ధలు తీవ్రమై మూడేళ్ల క్రితం సుజాత భర్తను విడిచిపెట్టి గొల్లపల్లిలోని తన పుట్టింటికి వెళ్లిపోయింది. కాగా, 20 రోజుల క్రితం ఇరువైపుల కుటుంబ పెద్దలు సమక్షంలో పంచాయితీ నిర్వహించి నచ్చజెప్పడంతో సుజాత తిరిగి మల్లేపల్లిలోని భర్త వద్దకు వచ్చింది. అయినప్పటికీ ఇద్దరి మధ్య మళ్లీ గొడవలు మొదలయ్యాయి. దీంతో తీవ్ర మనస్తాపానికి గురైన నాగరాజు నవంబర్‌ 4వ తేదీ రాత్రి 8 గంటల సమయంలో ఇంట్లో పడుకుంటానని చెప్పి వెళ్లి, గదిలోని ఫ్యాన్‌కు ఉరివేసుకున్నాడు. కుమారుడి మృతిపై తండ్రి రామచందర్‌ ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్సై తెలిపారు.

పటాన్‌చెరు టౌన్‌: పేదలకు అందాల్సిన రేషన్‌ బియ్యాన్ని సరిహద్దు దాటించి అక్రమంగా తరలిస్తున్న ముఠా గుట్టును ఎస్‌ఓటీ, పటాన్‌చెరు పోలీసులు రట్టు చేశారు. పటాన్‌చెరు పోలీస్‌స్టేషన్‌ పరిధిలో గురువారం తెల్లవారుజామున నిర్వహించిన సంయుక్త తనిఖీల్లో భారీగా రేషన్‌ బియ్యం పట్టుబడింది. ఎస్‌ఐ రాజు తెలిపిన వివరాల ప్రకారం.. హైదరాబాద్‌లోని కర్మన్‌ఘాట్‌ ప్రాంతం నుంచి కర్ణాటక రాష్ట్రానికి రేషన్‌ బియ్యాన్ని లారీలో అక్రమంగా రవాణా చేస్తున్నట్లు పోలీసులకు ముందస్తు సమాచారం అందింది. దీంతో ఎస్‌ఓటీ అధికారులతో కలిసి పటాన్‌చెరు పోలీసులు జాతీయ రహదారి శివారులో నిఘా ఏర్పాటు చేసి వాహనాల తనిఖీలు చేపట్టారు. ఈ క్రమంలో అనుమానాస్పదంగా వచ్చిన లారీని నిలిపి తనిఖీ చేయగా, అందులో అక్రమంగా లోడ్‌ చేసిన 23.2 టన్నుల పీడీఎస్‌ రేషన్‌ బియ్యం ఉన్నట్లు గుర్తించారు. బియ్యంతో పాటు లారీని స్వాధీనం చేసుకున్న పోలీసులు, అక్రమ రవాణాకు పాల్పడుతున్న ప్రదీప్‌ రెడ్డిని అదుపులోకి తీసుకున్నారు. ఈ ఘటనపై కేసు నమోదు చేసుకుని, దర్యాప్తు జరుపుతున్నట్లు ఎస్‌ఐ తెలిపారు.

●విద్యార్థులకు తప్పని తిప్పలు ●భూ క్రయవిక్రయాలకు ఆటంకాలుహత్నూర(సంగారెడ్డి): స్టాంప్‌ పేపర్ల కొరతతో పలువురు ఇబ్బందులకు గురవుతున్నారు. ప్రస్తుతం స్కాలర్‌షిప్‌ కోసం విద్యార్థులకు స్టాంపు పేపర్లు అవసరం. మండలంలో స్టాంప్‌ వెండర్ల వద్ద 10, 20, 100 రూపాయల స్టాంప్‌ పేపర్లు కరువయ్యాయి. జిల్లాలోని పలు మండలాల్లో సైతం ఇదే పరిస్థితి ఉన్నట్లు తెలిసింది. దీంతో జిల్లా కేంద్రాలకు వెళ్లి తెచ్చుకోవాల్సిన పరిస్థితి ఏర్పడింది. గత రెండు, మూడు నెలలుగా కొరత ఉన్నప్పటికీ అధికారులు మాత్రం తమకేమీ పట్టనట్టు వ్యవహరిస్తున్నారని పలువురు వాపోతున్నారు. భూములు ఇతర రిజిస్ట్రేషన్ల కోసం విలువకు సరిపడా పేపర్‌ బాండ్లు మార్కెట్లో అందుబాటులో లేవు. దీంతో మండలం నుంచి 30 కిలోమీటర్ల దూరంలో ఉన్న జిల్లా కేంద్రానికి వెళ్లి తెచ్చుకుంటున్నారు. భూముల రిజిస్ట్రేషన్‌తో పాటు, వారసత్వ వీలునామా, పత్రాలకు విలువైన స్టాంప్‌ పేపర్లు లేక తక్కువ వాటితోనే సరిపెట్టుకుంటున్నారు. దీంతో ప్రభుత్వ ఖజానాకు గండిపడుతుంది. ప్రధానంగా రూ.20, 50 పేపర్‌ బాండ్ల కొరత ఉంది. ప్రజల అవసరాలకు తగిన స్టాంప్‌ పేపర్లు లేక తమ విక్రయాలు పడిపోయాయని స్టాంప్‌ వెండర్లు ఆవేదన వ్యక్తం చేస్తున్నారు. అధిక ధరలకు విక్రయం అందుబాటులో ఉన్న స్టాంపు పేపర్లను పలుచోట్ల స్టాంప్‌ పెండర్లు అధిక ధరలకు విక్రయిస్తున్నారన్న ఆరోపణలు ఉన్నాయి. కొరతను ఆసరాగా చేసుకొని అందిన కాడికి దండుకుంటున్నారని సమాచారం. ప్రతీ లావాదేవిలో స్టాంప్‌ పేపర్లు అవసరం ఉండడంతో తప్పని పరిస్థితిలో అధిక ధరలకు కొనుగోలు చేస్తున్నారు. ఇప్పటికై నా అధిక ధరలకు విక్రయిస్తున్న వారిపై చర్యలు తీసుకోవాలని పలువురు కోరుతున్నారు.గత కొన్ని రోజులుగా స్టాంప్‌ పేపర్ల కొరత ఉన్న మాట వాస్తవం. రిజిస్ట్రార్‌ కార్యాలయానికి వెళ్తే అందుబాటులో లేవని చెబుతున్నారు. దీంతో ఏం చేయాలో తెలియడం లేదు. – సాయికుమార్‌, స్టాంప్‌ వెండర్‌, దౌల్తాబాద్‌

రూ. 20 వేలు స్వాధీనంసిద్దిపేటకమాన్‌: మేకలు, గొర్రెలు దొంగతనానికి పాల్పడుతున్న అంతర్‌ జిల్లా ముఠాలోని ఒక నిందితుడిని పోలీసులు అరెస్ట్‌ చేసి రిమాండ్‌కు తరలించారు. ఈ ఘటన సిద్దిపేట పట్టణంలో చోటు చేసుకుంది. సిద్దిపేట టూటౌన్‌ ఎస్‌ఐ సైఫ్‌అలీఖాన్‌తో కలిసి సీఐ మురళి కేసు, నిందితుడి వివరాలను గురువారం వెల్లడించారు. సిద్దిపేట పట్టణం నర్సాపూర్‌ చౌరస్తా సమీపంలో మారబోయిన నర్సింహులు గత నెల 16న ద్విచక్ర వాహనంపై వచ్చిన గుర్తు తెలియని వ్యక్తులు ఓ మేకను ఎత్తుకెళ్లారు. బాధితుడి కుమారుడు నవీన్‌ ఫిర్యాదు మేరకు టూటౌన్‌ పోలీసులు కేసు దర్యాప్తు చేపట్టారు. సిద్దిపేట నర్సాపూర్‌ చౌరస్తా వద్ద పోలీసులు గురువారం వాహనాల తనిఖీ నిర్వహిస్తుండగా అనుమానాస్పదంగా వెళ్తున్న కరీంనగర్‌ జిల్లా మానకొండూరు మండలం గట్టుదుద్దెనపల్లికి చెందిన గోలెనా కుమార్‌ అలియాస్‌ జికె కుమార్‌ (30) అదుపులోకి తీసుకుని విచారించారు. తన స్నేహితులతో కలిసి మేకలు, గొర్రెలు దొంగిలిస్తున్నట్లు, సిద్దిపేటలో దొంగిలించిన మేకను కరీంనగర్‌లో గుర్తుతెలియని వ్యక్తికి రూ. 20 వేలకు విక్రయించినట్లు తాను చేసిన నేరాన్ని ఒప్పుకున్నట్లు పోలీసులు తెలిపారు. దీంతో నిందితుడిని అరెస్ట్‌ చేసి అతడి నుంచి రూ. 20 వేలు స్వాధీనం చేసుకుని, రిమాండ్‌కు తరలించినట్లు సీఐ తెలిపారు.

● వృద్ధురాలి మెడలోంచి పుస్తెలతాడు అపహరణ ● నిందితుడి అరెస్ట్‌, రిమాండ్‌ సిద్దిపేటకమాన్‌: ఆన్‌లైన్‌ క్యాసినో గేమ్స్‌కు బానిసైన వ్యక్తి సుమారు రూ.25లక్షలు నష్టపోయాడు. సులభంగా అప్పులు తీర్చేందుకు దొంగతనం చేయా లని నిర్ణయించుకున్నాడు. ఒంటరి మహిళే లక్ష్యంగా ఇంట్లోకి వచ్చి వృద్ధురాలి మెడలోంచి బంగారు పుస్తెలతాడు తస్కరించాడు. పోలీసులు సీసీ కెమరాల సాయంతో ఘటన జరిగిన 12గంటల్లోపే నిందితుడిని గుర్తించి అరెస్ట్‌ చేసి, రిమాండ్‌కు తరలించారు. ఈ ఘటన జిల్లా కేంద్రం సిద్దిపేటలో చోటు చేసుకుంది. సిద్దిపేట ఏసీపీ కార్యాలయంలో గురువారం నిర్వహించిన విలేకరుల సమావేశంలో వన్‌ టౌన్‌ సీఐ మహేందర్‌రెడ్డితో కలిసి ఏసీపీ రవిందర్‌రెడ్డి కేసు, నిందితుడి వివరాలను వెల్లడించారు. రాజన్న సిరిసిల్ల జిల్లా ఇల్లంతకుంట మండలం తాళ్లపల్లికి చెందిన నాంపల్లి మహేశ్‌ (30) కొద్ది కాలంగా సిద్దిపేట పట్టణం శ్రీనగర్‌ కాలనీలో కుటుంబంతో కలిసి అద్దె ఇంట్లో నివాసం ఉంటున్నాడు. మహేష్‌ కారు డ్రైవర్‌గా పనిచేస్తున్నాడు. మహేష్‌ కొంత కాలంగా ఆన్‌లైన్‌ క్యాసినో గేమ్స్‌కు బానిసై గత ఏడు నెలలుగా సుమారు రూ.25లక్షల వరకు నష్టపోయాడు. అప్పులు తీర్చేందుకు తన కుటుంబ సభ్యుల బంగారాన్ని సైతం వివిధ ఫైనాన్స్‌ సంస్థల్లో తాకట్టు పెట్టాడు. మరి కొంత మంది వద్ద అప్పులు కూడా చేశాడు. గతంలో కారు డ్రైవర్‌గా పనిచేస్తున్న సమయంలో పట్టణంలోని పాత మార్కెట్‌ ప్రాంతానికి చెందిన రాజేశం కుటుంబంతో రెండు సార్లు డ్రైవర్‌గా వెళ్లాడు. అతడి భార్య పెంటమ్మ ఇంట్లో ఒంటరిగా ఉంటుందని తెలుసుకున్నాడు. బుధవారం సాయంత్రం పెంటమ్మ ఇంటికి వెళ్లాడు. ఆమె భర్త ఇంట్లో లేడని నిర్ధారించుకుని మాస్క్‌ ధరించిన నిందితుడు వృద్ధురాలితో మాటలు కలిపి తాగడానికి నీళ్లు అడిగాడు. ఆమె నీళ్లు ఇచ్చే సమయంలో ఆమె మెడలో ఉన్న ఆరు తులాల బంగారు పుస్తెల తాడు లాక్కెళ్లాడు. బాధితురాలి ఫిర్యాదు మేరకు పోలీసులు కేసు దర్యాప్తు చేపట్టారు. సీసీ పుటేజీ ఆధారంగా నిందితుడిని గుర్తించి అరెస్ట్‌ చేసి బంగారు పుస్తెలతాడు, కారును స్వాధీనం చేసుకుని రిమాండ్‌కు తరలించినట్లు ఏసీపీ తెలిపారు.

● ముస్తాబైన బంగారం దుకాణాలు ● షాపులలో ప్రత్యేక ఆఫర్లు సాక్షి, సిద్దిపేట: దీపావళి పండుగకు ముందు అశ్వాయుజ మాసంలో పౌర్ణమి తర్వాత వచ్చే త్రయోదశిని ధన త్రయోదశి(ధన్‌ తెరాస్‌)గా వ్యవహరిస్తారు. నేడు ధన త్రయోదశి...లక్ష్మీ స్వరూపమైన బంగారాన్ని ధన్‌ త్రయోదశి కొనుగోలు చేసి ఇంటికి తీసుకువెళ్తే మంచిదని, లక్ష్మీదేవి రాకతో సిరి సంపదలు, సుఖశాంతులతో తులతూగుతామనేది ప్రజల విశ్వాసం. అందుకే ఈ రోజున బంగారం కొనుగోలు చేయడాన్ని చాలామంది ఆనవాయితీగా భావిస్తారు. అక్షయ తృతీయ, ధన త్రయోదశి రోజుల్లో ప్రతీ ఒక్క,రు బంగారం కొనుగోలు చేస్తారు. అందుకనుగుణంగా బంగారు నగల దుకాణాలు ముస్తాబయ్యాయి. ముందస్తుగా వందలాది రకాల ఆభరణాలు అందుబాటులో ఉంచి కొనుగోలుదారులకు ప్రత్యేక ఆఫర్లను ప్రకటించాయి. ధరలు పెరిగినా బంగారం ధరలు పెరిగినా కొనుగోలు చేసేందుకు ఆసక్తి కనబరుస్తున్నారు. ధన్‌ తెరాస్‌ను దృష్టిలో ఉంచుకుని అర గ్రాము నుంచి 5 గ్రాముల కాయిన్‌లను అందుబాటులో ఉంచారు. ధన్‌ తెరాస్‌ను దృష్టిలో ఉంచుకుని ముందస్తుగానే పలు ఆభరణాలు బుక్‌ చేసుకుని అడ్వాన్స్‌లు సైతం ఇచ్చారు. ధన్‌తెరాస్‌ రోజున ఇంటికి తీసుకెళ్లేందుకు ప్రణాళికలు సిద్ధం చేసుకున్నారు.

కోహెడరూరల్‌(హుస్నాబాద్‌): కోహెడ మండల కేంద్రంలోని బాడుగుల చెరువుకట్ట కింద గల ప్రభుత్వ భూమిలో అక్రమంగా నిర్మించిన కట్టడాలను రెవెన్యూ అధికారులు గురువారం తొలగించారు. బడుగుల చెరువు కింద సర్వే నంబర్‌ 1227లో తహసీల్దార్‌ నవీన్‌ కుమార్‌ ఆధ్వర్యంలో రెవెన్యూ అధికారులు సర్వే నిర్వహించి ప్రభుత్వ భూమికి హద్దులు నిర్ణయించారు. అనంతరం సదరు భూమిలో అక్రమంగా నిర్మించిన కోహెడకు చెందిన పొన్నాల భూపతి ఫంక్షన్‌హాల్‌లోని కొంతభాగంతోపాటు కోహెడ 01వ వార్డు బీజేపీ సభ్యుడు కట్ట ప్రవీణ్‌ నిర్మిస్తున్న ఇంటిని జేసీబీ సహాయంతో తొలగించే చర్యలు చేపట్టారు. కాగా, ఈ విషయం తెలుసుకున్న బీజేపీ నియోజకవర్గ నాయకుడు కోమటిరెడ్డి రాంగోపాల్‌రెడ్డి, జిల్లా ప్రధానకార్యదర్శి ఖమ్మం వెంకటేశం, నాయకులతో కలిసి ఘటనా స్థలానికి చేరుకున్నారు. కట్ట ప్రవీణ్‌కు ఇంటి స్థలం కేటాయించి, ఇందిరమ్మ ఇల్లు మంజూరు చేసే విధంగా హామీ ఇవ్వాలని తహసీల్దార్‌, సర్పంచ్‌లను డిమాండ్‌ చేశారు. అలాగే బీజేపీ వార్డు సభ్యుడు కట్ట ప్రవీణ్‌ ఇంటిని మాత్రమే కూల్చివేయడంపై అభ్యంతరం వ్యక్తం చేస్తూ, ప్రభుత్వ భూమిలో ఉన్న మిగతా అక్రమ నిర్మాణాలను కూడా తొలగించాలని డిమాండ్‌ చేశారు.

రైల్వే బ్రిడ్జిల వద్ద అప్రోచ్‌ రోడ్లు చిధ్రమై ప్రమాద ఘంటికలను మోగిస్తున్నాయి. ఆదమరిచి వాహనాలు నడిపితే ప్రమాదం తప్పని దుస్థితి. పరిస్థితి ఇంత అధ్వానంగా ఉన్నా.. లోపాలను సవరించడంలో రైల్వే శాఖ, ఆర్‌అండ్‌బీ నిర్లక్ష్యం ప్రదర్శిస్తున్నాయి. మనోహరాబాద్‌–గజ్వేల్‌–సిద్దిపేట వరకు సుమారుగా 78కిలోమీటర్ల పొడవునా ఇదే దుస్థితి నెలకొంది. ఈ రోడ్ల దుస్థితిపై ప్రజాగ్రహం వెల్లువెత్తుతుండగా, తరుచూ ఆందోళన కార్యక్రమాలుజరుగుతున్నాయి. – గజ్వేల్‌ అధ్వానంగా అప్రోచ్‌ రోడ్లుమెదక్‌ జిల్లా మనోహరాబాద్‌ నుంచి కొత్తపల్లి వరకు 151.36కిలోమీటర్ల పొడవున ఈ న్యూబ్రాడ్‌గేజ్‌ లైన్‌ నిర్మాణం జరుగుతుండగా.. రూ. 1160.47కోట్లను వెచ్చిస్తున్నారు. ఉత్తర తెలంగాణ అభివృద్ధిలో ఈ రైల్వేలైన్‌ కీలక మలుపుగా మారనుంది. ప్రస్తుతం మెదక్‌ జిల్లా మనోహరాబాద్‌ నుంచి గజ్వేల్‌ మీదుగా సిద్దిపేట వరకు రైల్వేలైన్‌ పనులు పూర్తికాగా రైలు కూడా నడుస్తోంది. ఈ లైన్‌పై నిర్మించిన ఆర్‌యూబీ(రైల్‌ అండర్‌ బ్రిడ్జి)ల వద్ద అప్రోచ్‌ రోడ్లు, బ్రిడ్జిల కింద ఉన్న సీసీ రోడ్ల పరిస్థితి ప్రస్తుతం ఆందోళన కలిగిస్తున్నది. పలు ప్రదేశాల్లో ఇలా..? ప్రధానంగా నాచారం గుట్ట సమీపంలోని వేలూరు వద్ద, తూప్రాన్‌ మండలం మల్కాపూర్‌ వద్ద, గజ్వేల్‌ మండలం ధర్మారెడ్డిపల్లి వద్ద చేగుంట మార్గంలో, గజ్వేల్‌–సిద్దిపేట రోడ్డు మార్గంలో వీ–మార్ట్‌ సమీపంలో, క్యాసారం రింగురోడ్డు వద్ద, కుకునూర్‌పల్లి, లకుడారం, కొమురవెల్లి, దుద్దెడ వద్ద ఆర్‌యూబీలను నిర్మించారు. భవిష్యత్‌ అవసరాలను దృష్టిలో ఉంచుకొని ఆయా రోడ్లను నాలుగులేన్లు విస్తరించి బ్రిడ్జిలను నిర్మించారు. బ్రిడ్జి కింద రోడ్లను సీసీతో నిర్మించారు. ఈ రోడ్ల పనులు నాసిరకంగా సాగటం ప్రస్తుతం చిధ్రమయ్యాయి. ప్రత్యేకించి ధర్మారెడ్డిపల్లి దాటిన తర్వాత ఉన్న బ్రిడ్జి వద్ద పరిస్థితి భయానకంగా మారింది. ఇక్కడి అప్రోచ్‌ రోడ్డుకు భారీ గుంతలు ఏర్పడ్డాయి. బ్రిడ్జి కింద ఉన్న రోడ్డు నాణ్యతాలోపం కారణంగా ఇనుపచువ్వలు తేలి..ప్రమాదఘంటికలను మోగిస్తున్నది. నాచారంగుట్ట సమీపంలోని వేలూరు వద్ద కూడా ఇదేరకమైన పరిస్థితి ఉంది. తూప్రాన్‌ మండలం మల్కాపూర్‌ వద్ద నిర్మించిన బ్రిడ్జి వంకర్లు తిరిగి ఉన్నది. సమన్వయలోపమే కారణం.. అప్రోచ్‌ రోడ్ల దుస్థితి, రైల్వే బ్రిడ్జిల వద్ద ప్రమాద ఘంటికల నివారణలో రైల్వే, ఆర్‌అండ్‌బీ శాఖల సమన్వయలోపం బయటపడుతోంది. గతంలో ఈ అంశాలపై జరిగిన ఉన్నతస్థాయి సమీక్షల్లో రైల్వే అధికారుల నిర్లక్ష్యం వల్లే పనులు నాసిరకంగా సాగి...బ్రిడ్జిల కింద నిర్మించిన రోడ్లు రైలు రాకముందే ధ్వంసమయ్యాయని ఆర్‌అండ్‌బీ అధికారులు వాదించారు. మేం భవిష్యత్తు అవసరాలను దృష్టిలో ఉంచుకొని బ్రిడ్జిల వద్ద రోడ్లను నాలుగు లేన్లుగా నిర్మించామని అందువల్ల కొన్ని సమస్యలు వచ్చాయని రైల్వే శాఖ వాదించింది. ఎవరి వాదన ఎలా ఉన్నా.. రోడ్లు, బ్రిడ్జిల దుస్థితి మాత్రం మారలేదు. కొన్నిచోట్ల పంచాయతీరాజ్‌ శాఖకు చెందిన అప్రోచ్‌ రోడ్లు కూడా దెబ్బతిని ఉన్నాయి. ఈ రోడ్ల దుస్థితిపై తరుచూ ఆందోళన కార్యక్రమాలు జరుగుతున్నాయి. తాజాగా ధర్మారెడ్డిపల్లి వద్ద బుధవారం ధర్నా, రాస్తారోకో కార్యక్రమాలు జరిగాయి. అంతకుముందు కూడా వివిధ రూపాల్లో నిరసన కార్యక్రమాలు చేపట్టారు.బాగు చేయిస్తాం రైల్వే బ్రిడ్జిల వద్ద ఉన్న మా ఆర్‌అండ్‌బీ అప్రోచ్‌ రోడ్లను బాగుచేయిస్తాం. త్వరలోనే పనులు చేపడతాం. బ్రిడ్జి కింద సీసీ రోడ్లు దెబ్బతింటే ఉంటే రైల్వే శాఖ మరమ్మత్తులు చేపట్టాల్సి ఉన్నది. – నిఖిత, డిప్యూటీఈఈ గజ్వేల్‌ అర్‌అండ్‌బీ

డీఎస్‌ఓ బాల సరోజజహీరాబాద్‌ టౌన్‌: ప్రభుత్వ ఆదేశాలను పాటించకుండా అధిక ధరలకు బియ్యం విక్రయిస్తే నిబంధనల ప్రకారం కఠిన చర్యలు తీసుకుంటామని జిల్లా పౌర సరఫరాల శాఖ అధికారి బాల సరోజ హెచ్చరించారు. తహసీల్దార్‌ కార్యాలయంలో గురువారం బియ్యం విక్రయదారులతో సమావేశం నిర్వహించారు. ఈసందర్భంగా ఆమె మాట్లాడుతూ.. ప్రభుత్వం నిర్ణయించిన ధరల ప్రకారం బీపీటీ, కేఎన్‌ఎం రకం సన్నబియ్యం కిలో గరిష్టంగా రూ. 66, తెలంగాణ సోనా రూ. 74, హెచ్‌ఎంటీ, జేఎస్‌ఆర్‌ కిలో రూ.79కు మించి విక్రయించరాదన్నారు. ఈ ధరలు వినియోగదారలుకు స్పష్టంగా కనిపించేలా దుకాణాల్లో ధరల పట్టికను ప్రదర్శించాలన్నారు. ఇక నుంచి తనిఖీలు చేపడతామని, గరిష్ట ధరల కంటే ఎక్కువకు విక్రయాలు చేపడితే చర్యలు తీసుకుంటామన్నారు. అక్రమంగా బియ్యం నిల్వలు చేస్తే గోదాంల తనిఖీలు నిర్వహిస్తామన్నారు. ప్రభుత్వం పేదలకు పంపిణీ చేస్తున్న సన్నబియ్యం పక్కదారి పట్టకుండా పర్యవేక్షణ చేపడుతామన్నారు. సమావేశంలో తహసీల్దార్‌ దశరత్‌, ఇన్‌స్పెక్టర్‌ సాయన్న, పౌరసరఫరాల శాఖ అధికారి బస్వరాజ్‌ తదితరులు పాల్గొన్నారు.

పటాన్‌చెరు టౌన్‌: పట్టణంలోని వేంకటేశ్వర కాలనీలో ఇద్దరు అన్నదమ్ములు అకస్మాత్తుగా అదృశ్యమైన విషాద ఘటన పటాన్‌చెరు పోలీస్‌ స్టేషన్‌ పరిధిలో చోటుచేసుకుంది. ఎస్‌ఐ వినోద్‌ తెలిపిన వివరాల ప్రకారం.. ఇంద్రేశానికి చెందిన సాయిచరణ్‌కు ఇద్దరు కుమారులు హర్ష్‌ (13), దక్షు (11) ఉన్నారు. పెద్ద కుమారుడు హర్ష్‌ ఇంద్రేశం మున్సిపల్‌ పరిధిలోని పెద్దకంజర్ల గురుకుల పాఠశాలలో 8వ తరగతి చదువుతుండగా, చిన్న కుమారుడు దక్షు పటాన్‌చెరు ప్రభుత్వ ఉన్నత పాఠశాలలో 6వ తరగతి అభ్యసిస్తున్నాడు. చిన్న కుమారుడు దక్షు పటాన్‌చెరులోని వేంకటేశ్వర కాలనీలో నానమ్మ మందాకిని వద్ద ఉంటూ చదువుకుంటున్నాడు. ఈ నెల 1న పెద్ద కుమారుడు హర్ష్‌ కూడా హెయిర్‌ కటింగ్‌ కోసం వేంకటేశ్వర కాలనీలోని నానమ్మ ఇంటికి వచ్చాడు. కాగా, ఈ నెల 4వ తేదీ సాయంత్రం 4 గంటల సమయంలో ఇద్దరు కలిసి ఇంటి నుంచి బయటకు వెళ్లారు. రాత్రి 8 గంటలైనా పిల్లలు తిరిగి రాకపోవడంతో ఆందోళన చెందిన నానమ్మ వెంటనే తల్లిదండ్రులకు సమాచారం అందించింది. బంధువులు, స్నేహితుల ఇళ్లు, పరిసర ప్రాంతాల్లో గాలించినా బాలుర ఆచూకీ లభించలేదు. దీంతో గురువారం తండ్రి సాయిచరణ్‌ పటాన్‌చెరు పోలీస్‌ స్టేషన్‌లో ఫిర్యాదు చేశారు. తండ్రి ఫిర్యాదు మేరకు పోలీసులు కేసు నమోదు చేసుకుని, ఆచూకీ కోసం గాలింపు చర్యలు వేగవంతం చేశారు.

● అకస్మాత్తుగా చెలరేగిన మంటలు ● సురక్షితంగా బయటపడిన కార్మికులు ● ఊపిరి పీల్చుకున్న యాజమాన్యం కంది (సంగారెడ్డి): సంగారెడ్డి జిల్లా కంది సమీపంలోని ప్రముఖ ఎలక్ట్రిక్‌ ద్విచక్ర వాహనాల తయారీ సంస్థ ’ప్యూర్‌ ఈవీ’ పరిశ్రమలో గురువారం తెల్లవారుజామున భారీ అగ్నిప్రమాదం సంభవించింది. ఉదయం సుమారు 3 గంటల ప్రాంతంలో పరిశ్రమ ప్రాంగణంలో అకస్మాత్తుగా మంటలు ఎగిసిపడ్డాయి. ప్రమాద సమాచారం అందుకున్న వెంటనే సంగారెడ్డి, పరిసర ప్రాంతాల నుంచి ఫైర్‌ సిబ్బంది, పోలీసులు హుటాహుటిన ఘటనా స్థలానికి చేరుకున్నారు. మూడు ఫైర్‌ ఇంజన్లతో దాదాపు కొన్ని గంటల పాటు శ్రమించి మంటలను పూర్తిగా అదుపులోకి తీసుకొచ్చారు. ప్రమాద సమయంలో అక్కడ విధులు నిర్వర్తిస్తున్న కార్మికులంతా అప్రమత్తమై సురక్షితంగా బయటకు రావడంతో ఎలాంటి ప్రాణనష్టం జరగకపోవడంతో అందరూ ఊపిరి పీల్చుకున్నారు. అయితే, బ్యాటరీలతో నడిచే ఈవీ స్కూటర్లను తయారు చేసే ఈ ప్యూర్‌ ఈవీ పరిశ్రమలో అగ్నిప్రమాదం సంభవించడం ఇది వరుసగా మూడోసారి కావడం గమనార్హం. ప్రాథమిక అంచనా ప్రకారం విద్యుత్‌ షార్ట్‌ సర్క్యూట్‌ కారణం కావొచ్చునని అధికారులు భావిస్తున్నారు.

మాట్లాడుతున్న అనూష రెడ్డి కొండాపూర్‌(సంగారెడ్డి): ఎల్‌నినో ప్రభావంతో వాతావరణంలో చోటుచేసుకునే మార్పులు, వర్షాభావ పరిస్థితులను దృష్టిలో ఉంచుకొని రైతులు ముందస్తు సాగు ప్రణాళికలు రూపొందించుకోవాలని ఉద్యాన, పట్టు పరిశ్రమ డివిజన్‌ అధికారి అనూషరెడ్డి సూచించారు. మండల పరిధిలోని మాచెపల్లిలోగురువారం ఎల్‌నినో, ఆయిల్‌పామ్‌ సాగుపై రైతులకు అవగాహన సదస్సు నిర్వహించారు. ఈసందర్భంగా ఆమె మాట్లాడుతూ.. ఆయిల్‌పామ్‌ సాగు దీర్ఘకాలికంగా రైతులకు ఆదాయాన్ని ఇచ్చే పంట అని తెలిపారు. నాణ్యమైన మొక్కలను ఎంపిక చేసుకోవడంతో పాటు శాసీ్త్రయ పద్ధతుల్లో సాగు చేపట్టాలన్నారు. ఎరువుల యాజమాన్యం, డ్రిప్‌ ఇరిగేషన్‌ ద్వారా నీటి వినియోగం, చీడపీడల నివారణ చర్యలపై రైతులకు అవగాహన కల్పించారు. ప్రభుత్వం అందిస్తున్న రాయితీలు సద్వినియోగం చేసుకోవాలని కోరారు. కార్యక్రమంలో ఏఓ గణేష్‌, ఏఈఓ రవి, పంచాయతీ కార్యదర్శి హంసలేఖ, రైతులు తదితరులు పాల్గొన్నారు. డివిజన్‌ ఉద్యాన అధికారి అనూషరెడ్డి

పంట రుణం..● అంతలోపు తీసుకున్న రుణాల చెల్లింపునకు ఏడాది గడువు ● ఎస్‌ఎల్‌బీసీ ఆదేశాల అమలుకు కసరత్తు ● జిల్లాలో 1.20 లక్షల మంది రైతుల ఖాతాలు సాక్షిప్రతినిధి, సంగారెడ్డి: కరువు మండలాలను ప్రకటించిన ప్రభుత్వం రైతుల పంట రుణాలకు సంబంధించి మారటోరియం అమలు చేసేందుకు సన్నాహాలు చేస్తోంది. గత ఖరీఫ్‌ సీజన్‌కు సంబంధించి పంట రుణాలపై ఏడాది పాటు మారటోరియం విధించనుంది. ఈ రుణాలు చెల్లించేందుకు రైతులకు ఏడాది పాటు గడవు లభించనుంది. కానీ ఈ ఏడాది కాలానికి సంబంధించిన వడ్డీ మాత్రం రైతులే చెల్లించాల్సి ఉంటుంది. అక్టోబర్‌ 24ను కటాఫ్‌గా నిర్ణయించింది. అంటే ఈ తేదీ లోపు పంట రుణాలు తీసుకున్న రైతులకు ఈ మారటోరియం వర్తించనుందని బ్యాంకింగ్‌ వర్గాలు పేర్కొంటున్నాయి. ఈ మేరకు మారటోరియంను పకడ్బందీగా అమలు చేయాలని ఎస్‌ఎల్‌బీసీ (రాష్ట్ర స్థాయి బ్యాంకర్ల కమిటీ) నుంచి ఆదేశాలు అందాయి. ఈ ఆదేశాల మేరకు ఈ మారటోరియాన్ని అమలు చేయాలని జిల్లాలోని పంట రుణాలు మంజూరు చేసిన బ్యాంకర్లను జిల్లా అధికార యంత్రాంగం ఆదేశించింది. 269 బ్రాంచుల్లో.. గత ఖరీఫ్‌ సీజన్‌లో జిల్లావ్యాప్తంగా ఉన్న రైతులకు సంబంధించిన 1.20 లక్షల ఖాతాల ద్వారా రూ. 2,520 కోట్లు రుణాలు ఇచ్చినట్లు లీడ్‌ బ్యాంక్‌ అధికారులు తెలిపారు. ఈ మారటోరియానికి అర్హులైన రైతులెవరనేది గుర్తించనున్నారు. ఈ మేరకు బ్యాంకుల వారీగా వివరాలు సేకరిస్తున్నారు. జిల్లాలో జాతీయ, ప్రైవేట్‌, సహకార బ్యాంకులన్నీ కలిసి 269 బ్రాంచులున్నాయి. ఇందులో 46 బ్రాంచ్‌లు పట్టణాల్లో ఉండగా, 91 బ్రాంచ్‌లు గ్రామీణ ప్రాంతాల్లో ఉన్నాయి. అలాగే సెమీ అర్బన్‌ ప్రాంతాల్లో మరో 132 బ్రాంచ్‌ల్లో రైతులు ఖాతాదారులుగా ఉన్నారు. వీటిలో అత్యధికంగా టీజీబీ బ్యాంక్‌ బ్రాంచ్‌లు 53 ఉండగా, ఎస్‌బీఐకి చెందినవి 49 ఉన్నాయి. ప్రైవేట్‌ రంగ బ్యాంకు హెచ్‌డీఎఫ్‌సీ 16, కెనరా బ్యాంకు 19, డీసీసీబీ 21 బ్రాంచుల్లో రైతులు పంట రుణాలు తీసుకున్నారు. సిబిల్‌ స్కోరుకు ఢోకా లేదు కానీ.. మారటోరియానికి అర్హులైన రైతులకు పంట రుణాలు చెల్లించేందుకు ఏడాది పాటు గడువు ఉంటుంది. ఈ ఏడాది పాటు చెల్లించపోయినప్పటికీ ఆ రైతుల సిబిల్‌ స్కోర్‌కు ఎలాంటి ఇబ్బందులు ఉండవని బ్యాంక్‌ అధికారులు పేర్కొంటున్నారు. అలాగే ఎన్‌పీఏ (నాన్‌ పెర్ఫార్మింగ్‌ అసెట్స్‌) జాబితాలోకి కూడా ఖాతాలు వెళ్లవు. కానీ ఈ ఏడాది పాటు వడ్డీ మాత్రం చెల్లించాల్సి ఉంటుందని చెబుతున్నారు. ఎవరైన రైతులు వడ్డీ భారమవుతుందని భావించినట్లయితే తమ రుణాలు చెల్లించుకోవచ్చని చెబుతున్నారు. రాష్ట్ర ప్రభుత్వం ఇటీవల కరువు మండలాలను ప్రకటించిన విషయం విధితమే. జిల్లాలో మొత్తం 28 మండలాలను కరువు మండలాల జాబితాలో చేర్చారు. ఇందులో కోహీర్‌, జహీరాబాద్‌ మండలాల్లో తీవ్ర కరువు పరిస్థితులు నెలకొన్నట్లు, మిగిలిన మండలాల మోడరేట్‌ కరువు ఉన్నట్లు గుర్తించారు. దీంతో జిల్లాలోని అన్ని మండలాల రైతులు మారటోరియానికి అర్హులవుతారని బ్యాంకింగ్‌ వర్గాలు చెబుతున్నాయి. మారటోరియం, రుణాల రీషెడ్యూల్‌కు సంబంధించి ఎస్‌ఎల్‌బీసీ నుంచి వచ్చిన ఆదేశాలను అమలు చేసేందుకు చర్యలు చేపట్టామని లీడ్‌ బ్యాంక్‌ మేనేజర్‌ సుధీర్‌కుమార్‌ ‘సాక్షి’ ప్రతినిధితో పేర్కొన్నారు.

సిద్దిపేటరూరల్‌: బియ్యం దుకాణాల్లో 26 కిలోల బస్తా తూకం వేస్తే 24 కిలోలు మాత్రమే వస్తుందంటూ ‘సాక్షి’ దినపత్రికలో ‘బియ్యం మాయం’శీర్షికతో బుధవారం ప్రచురితమైన కథనానికి జిల్లా పౌర సరఫరాల శాఖ స్పందించింది. ఈ సందర్భంగా డీసీఎస్‌ఓ బ్రహ్మరావు మేరకు జిల్లాలో తక్కువ తూకం..అధిక ధరలకు బియ్యం విక్రయిస్తున్నారనే వార్త పత్రికలో వచ్చిన ప్రచురణకు స్పందనగా బియ్యం మిల్లులు, హోల్‌సేల్‌, రిటైల్‌ బియ్యం వ్యాపార కేంద్రాల్లో క్రమం తప్పకుండా తనిఖీలు నిర్వహించనున్నట్లు తెలిపారు. ప్రభుత్వం నిర్ణయించిన గరిష్ఠ చిల్లర ధరలకే వినియోగదారులకు బియ్యం విక్రయించేలా చూడాలని పౌర సరఫరాల శాఖ కమిషనర్‌ ఆదేశాలు జారీ చేశారన్నారు. కలెక్టర్‌, జిల్లా పౌర సరఫరాలశాఖ, లీగల్‌ మెట్రాలజీ శాఖ అధికారులతోపాటు జీఎస్టీ అధికారులు, ఇతర సంబంధిత శాఖల అధికారులతో కూడిన తనిఖీ బృందాన్ని ఏర్పాటు చేసినట్లు తెలిపారు. ఈ బృందం జిల్లా వ్యాప్తంగా తనిఖీలు నిర్వహించి, నిబంధనలను ఉల్లంఘించిన వారిపై చర్యలు తీసుకుంటున్నారని, ఇప్పటివరకు మొత్తం 27 తనిఖీలు నిర్వహించగా, అక్రమాలకు పాల్పడిన 5 వ్యాపార సంస్థలపై కేసులు నమోదు చేసినట్లు వెల్లడించారు. ప్రభుత్వం నిర్ణయించిన ధరల మేరకు బియ్యం విక్రయించాలని సూచించారు. ప్యాకింగ్‌ చేసిన బియ్యం బస్తాల వాస్తవ బరువును ధృవీకరించడం, విక్రయ ధరలను పర్యవేక్షించడం, ప్రజలకు సరసమైన ధరలకు బియ్యం అందుబాటులో ఉండేలా చూడడానికి ప్రతీ రోజు తనిఖీలు చేస్తామని తెలిపారు.

శివ్వంపేట(నర్సాపూర్‌): మండల పరిధి కొంతాన్‌పల్లి శివారులోని ఓ రైస్‌ మిల్లులో గురువారం స్థానిక పోలీసుల సహకారంతో ఈగల్‌ టీం తనిఖీలు నిర్వహించింది. రైస్‌ మిల్లులో పనిచేస్తున్న బీహార్‌కు చెందిన కూలీలకు పరీక్షలు నిర్వహించారు. అనంతరం వారి నుంచి శాంపిల్స్‌ సేకరించి పరీక్షల నిమిత్తం ల్యాబ్‌కు పంపించారు. నిషేధిత గంజాయి, ఇతర మత్తు పదార్థాలు సేవించినట్లు నిర్ధారణ అయితే సంబంధిత వ్యక్తులపై చట్టపరమైన చర్యలు తీసుకుంటామని అధికారులు తెలిపారు.వ్యక్తి బైండోవర్‌ బెజ్జంకి(సిద్దిపేట): డబుల్‌ బెడ్రూం ఇళ్ల వద్ద ఇరుగు పొరుగు వారితో తరుచూ గొడవలు పడుతున్న అలకుంట సుధాకర్‌ను గురువారం బెజ్జంకి తహసీల్దార్‌ శ్రీకాంత్‌ వద్ద బైండోవర్‌ చేశారు. కాలనీలో శాంతి భద్రతలకు భంగం కలిగిస్తు ఇబ్బందులకు గురిచేస్తున్నారని వచ్చిన ఫిర్యాదు మేరకు బైండోవర్‌ చేసినట్లు తహసీల్దార్‌ తెలిపారు. విద్యుదాఘాతంతో ఎలక్ట్రీషియన్‌కు తీవ్ర గాయాలు మద్దూరు(హుస్నాబాద్‌): విద్యుత్‌ షాక్‌తో ఎలక్ట్రీషియన్‌కు తీవ్ర గాయాలైన ఘటన మండలంలోని గాగ్గిళ్లాపూర్‌లో గురువారం చోటు చేసుకుంది. వివరాలిలా ఉన్నాయి. గ్రామానికి చెందిన పుప్పాల హరీశ్‌ కొన్నేళ్లుగా గ్రామంలో ప్రైవేట్‌ ఎలక్ట్రీషియన్‌గా పని చేస్తున్నారు. గాగ్గిళ్లాపూర్‌–వల్లంపట్ల గ్రామాల మధ్య 11 కేవీ విద్యుత్‌ స్తంభం వద్ద ఫ్యూజ్‌వైరు పోయిందని రామచంద్రారెడ్డి అనే రైతు జేఎల్‌ఎం అశోక్‌ కు ఫిర్యాదు చేశారు. సమస్యను పరిష్కరించాలని హరీశ్‌ను అశోక్‌ సూచించారు. ఈక్రమంలో ఫ్యూజ్‌వైర్‌ సరిచేస్తుండగా విద్యుదాఘాతానికి గురయ్యారు. దీంతో హరీశ్‌కు తీవ్ర గాయాలు కావడంతో వెంటనే కుటుంబ సభ్యులు చేర్యాల ప్రభుత్వ ఆస్పత్రికి తరలించగా అక్కడి వైద్యుల సూచన మేరకు సిద్దిపేటలోని ఓ ప్రైవేట్‌ ఆసుపత్రికి తరలించారు. కాగా తన భర్తకు విద్యుత్‌ షాక్‌కు గురయ్యేందుకు కారణమైన జేఎల్‌ఎం అశోక్‌, ఆపరేటర్‌ లక్ష్మణ్‌, రైతు రామచంద్రారెడ్డిపై చర్యలు తీసుకోవాలని బాధితుడి భార్య మౌనిక పోలీస్‌స్టేషన్‌ లో ఫిర్యాదు చేశారు. ఈ మేరకు కేసు నమోదు చేసినట్లు ఎస్‌ఐ ఆసీఫ్‌ తెలిపారు.

● మహిళా సంఘాలతో ఏర్పాటు ● ఒక్కోదానికి రూ. 2.2 కోట్ల అంచనా ● చిరు ధాన్యాల సాగుకు ప్రోత్సాహకం సంగారెడ్డి జోన్‌: వ్యవసాయ రంగంలో చిరుధాన్యాల సాగును ప్రోత్సహిస్తూ మహిళా సంఘాల సభ్యులకు మరింత ఆదాయం పెంపొందించే దిశగా రాష్ట్ర ప్రభుత్వం అడుగులు వేస్తుంది. కోటి మంది మహిళలను కోటీశ్వరులను చేయడమే లక్ష్యంగా ప్రత్యేక పథకాలు అమలు చేస్తుంది. తాజాగా మిల్లెట్‌ కేఫ్‌లను ఏర్పాటు చేసేందుకు చర్యలు చేపట్టింది. దీంతో మహిళా స్వయం సంఘాల సభ్యులకు మరింత ఉపాధి, ఆదాయం లభించనుంది. పెరగనున్న సాగు విస్తీర్ణం మిల్లెట్‌ కేఫ్‌ల ఏర్పాటుతో జిల్లాలో చిరుధాన్యాలు సాగు విస్తీర్ణం పెరగనుంది. రాగులు, జొన్నలు, మినుములు, సజ్జలు, కొర్రలు, సామలు వంటి పంటలు జిల్లాలో 15 నుంచి 20 వేల ఎకరాల విస్తీర్ణంలో సాగవుతున్నాయి. సుమారు 20 ఏళ్ల క్రితం చిరుధాన్యాల సాగు విస్తీర్ణం సుమారు 40 వేల ఎకరాల వరకు ఉండేది. వాణిజ్య పంటలలో ప్రధాన పంట పత్తి సాగు విస్తీర్ణం పెరగడంతో క్రమంగా చిరుధాన్యాల సాగు విస్తీర్ణం తగ్గింది. ఎల్‌నినో నేపథ్యంలో వర్షాభావ పరిస్థితుల దృష్ట్యా తక్కువ నీటితో సాగయ్యే చిరుధాన్యాలతో పాటు ఇతర పంటలు సాగు చేయాలని ప్రభుత్వం నిర్ణయించింది. కేఫ్‌ల ఏర్పాటుతో క్రయవిక్రయాలు ఎక్కువగా జరగటంతో వీటికి ప్రాధాన్యత సంతరించుకుంటుంది. మరింత ఉపాధి, ఆదాయం మహిళా సంఘాలు ప్రారంభమైన మొదట్లో సభ్యులు చిన్న మొత్తంలో రుణాలు తీసుకొని చిన్న చిన్న వ్యాపారాలు నిర్వహించారు. మారుతున్న పరిస్థితులకు అనుగుణంగా ప్రభుత్వం అందించే పథకాలను అందిపుచ్చుకొని పెట్టుబడిదారులుగా మారి ఉపాధితో పాటు ఆదాయం పొందుతున్నారు. పాఠశాల విద్యార్థులకు యూనిఫాంలు కుట్టడం, కమ్యూనిటీ మేనేజ్‌మెంట్‌ ట్రైనింగ్‌ సెంటర్ల నిర్వహణతో పాటు ఇందిరా మహిళా శక్తి హోటల్‌ తదితర వ్యాపారాలు నిర్వహిస్తున్నారు. ప్రతి మండల సమాఖ్య ఆధ్వర్యంలో జిల్లావ్యాప్తంగా 26 బస్సులను కొనుగోలు చేసి ఆర్టీసీకి అద్దెకు ఇచ్చారు. ఈవిధంగా ప్రతి నెల ఒక్కో బస్సు ద్వారా రూ. 69,468 ఆదాయం పొందుతున్నారు. అదేవిధంగా సంగారెడ్డి పట్టణంలో జిల్లా సమాఖ్య ఆధ్వర్యంలో మహిళా పెట్రోల్‌ బంక్‌ను ఏర్పాటు చేసి నిర్వహణ చేస్తున్నారు. దీంతో సభ్యులు ఉపాధితో పాటు ఆదాయం పొందుతున్నారు. ఇప్పటికే పలుచోట్ల ఏర్పాటు ఆరోగ్యకరమైన అలవాట్లను ప్రోత్సహించడంతో పాటు చిరుధాన్యాల పోషక విలువలను నేటి తరానికి అందించాలనే లక్ష్యంతో ప్రభుత్వం మిల్లెట్‌ కేఫ్‌ల ఏర్పాటుకు నిర్ణయించింది. ఇప్పటికే రాష్ట్రంలో పలుచోట్ల నిర్మాణ పనులు కొనసాగుతున్నాయి. వాటిని త్వరలో ప్రారంభించనున్నారు. ఒక్కో నిర్మాణానికి రూ.2.2 కోట్ల పెట్టుబడి అవసరం ఉన్నట్లు అధికారులు గుర్తించారు. ఇండియన్‌ ఇన్‌స్టిట్యూట్‌ ఆఫ్‌ మిల్లెట్స్‌ రీసెర్చ్‌, ఏపీపీసీ సంస్థలతో కేఫ్‌ నిర్వహణకు ఒప్పందాలు కుదుర్చుకున్నారు. జిల్లాలోని అధిక డిమాండ్‌ ఉన్న ప్రాంతాలను గుర్తించి ఏర్పాటు చేసేందుకు ప్రణాళికలు సిద్ధం చేస్తున్నారు. పెరుగుతున్న ఆదరణ కరోనా అనంతరం మిల్లెట్‌ ఫుడ్‌కు ఆదరణ పెరుగుతుంది. జహీరాబాద్‌ ప్రాంతంలో ఎక్కువగా చిరు ధాన్యాలను సాగు చేస్తుంటారు. ఇక్కడి డెక్కన్‌ డెవలప్‌మెంట్‌ సొసైటీ, అరణ్య వ్యవసాయ శాశ్వత సంస్థ ఆధ్వర్యంలో మహిళా రైతులు ఎలాంటి రసాయనాలు వినియోగించకుండా చిరు ధాన్యాల పంటలు సాగు చేస్తుంటారు. ఈ పంటలను నేరుగా జిల్లా అధికారులకు, ఇతరులకు విక్రయిస్తుంటారు.

ఎల్‌నినో ప్రభావంతో పంట నష్టపోయిన రైతులను ఆదుకునేందుకు ప్రభుత్వం చర్యలు చేపట్టింది. కేంద్రానికి నివేదించి తగిన పరిహారం అందించే దిశగా కృషి చేస్తుంది. ఎకరాకు రూ.10 వేల వరకు చెల్లించేలా మార్గదర్శకాలు రూపొందిస్తుంది. ఇందులో కేంద్రం వాటా ఉండనుంది. ఈమేరకు సర్వేను త్వరితగతిన పూర్తి చేసేందుకు జిల్లా అధికార యంత్రాంగం రంగంలోకి దిగింది. – నారాయణఖేడ్‌ జిల్లాలో బుధవారం ప్రారంభమైన పంట నష్టం సర్వే ఈనెల 10వ తేదీ వరకు కొనసాగనుంది. జరిగిన పంట నష్టం ఆధారంగా ఎకరాకు రూ.10 వేల చొప్పున పరిహారం అందించనున్నట్లు అధికార వర్గాల ద్వారా తెలిసింది. 33 శాతం పైగా జరిగిన పంట నష్టాలకే పరిహారం దక్కనుంది. ముఖ్యంగా దీర్ఘకాలిక పంటలైన పత్తి, కంది పంటలకు ఈ పరిహారం అందనుంది. జిల్లాలో జూన్‌ నుంచి అక్టోబర్‌ వరకు 755.9 మి.మీ వర్షపాతం నమోదు కావాల్సి ఉండగా, కేవలం 569.3 మి.మీ మాత్రమే కురిసింది. స్వల్పకాలిక పంటలైన పెసర, మినుము పంటలు 90 రోజుల్లో కోతకు రావడంతో ఎల్‌నినో ప్రభావం ఉన్నా మొదట్లో కురిసిన వర్షాలకు తగు మోతాదులోనే దిగుబడులు వచ్చాయి. సోయా, వరి పంట కోతలు పూర్తయ్యాయి. ప్రస్తుతం కమతాల్లో పత్తి, కంది పంటలు (స్టాండింగ్‌ క్రాప్‌) మాత్రమే ఉన్నాయి. వీటినే అధికారులు సర్వే నిర్వహించి పరిహారానికి లెక్కించనున్నారు. మూడు రకాలుగా విభజన దెబ్బతిన్న పంటలను అధికారులు మూడు రకాలుగా లెక్కించనున్నారు. 33 నుంచి 50 శాతం వరకు దెబ్బతిన్న పంటలు ఒక విభాగంగా, 50 నుంచి 75 శాతం వరకు మరో విభాగం, 75 శాతం కంటే అధికంగా దెబ్బతిన్న పంటలుగా విభజించి లెక్కిస్తారు. 33 శాతం పైగా పంటలు దెబ్బతింటేనే కేంద్రం పరిహారం అందిస్తుంది. జిల్లావ్యాప్తంగా 28 మండలాలను కరువు మండలాలుగా గుర్తించడంతో అధికారుల సర్వే కొనసాగనుంది. పత్తి ఎకరాకు 8 నుంచి 11 క్వింటాళ్ల దిగుబడి రావాల్సి ఉండగా, ఐదు క్వింటాళ్ల వరకే వచ్చాయి. కంది 6 నుంచి 8 క్వింటాళ్లు రావాల్సి ఉంటుంది. ప్రస్తుతం ఈ పంట పూత దశలో ఉంది. 33 శాతం పైగా పంట నష్టపోతేనే లెక్కింపు ఆ పంటలే పరిగణలోకి.. ఈ ఏడాది జూలై, ఆగస్టులో నిర్వహించిన డిజిటల్‌ క్రాప్‌ సర్వేలో నమోదైన ఖరీఫ్‌ పంటలను మాత్రమే అధికారులు పరిగణలోకి తీసుకుని పరిహారం అందజేయనుంది. డిజిటల్‌ సర్వేలో చేర్చని పంటలకు కరువు పరిహారం దక్కే అవకాశాలు లేవు. మండలస్థాయి అధికారులు కనీసం 50 శాతం కరువు ప్రభావిత ప్రాంతాలు, డివిజన్‌ స్థాయి అధికారులు 25 శాతం, జిల్లా స్థాయి అధికారులు 5శాతం ప్రాంతాలను సందర్శించి సర్వే నిర్వహిస్తారు. సర్వే పారదర్శకతను నిర్ధాంరించేందుకు దెబ్బతిన్న పంటల నష్టం వివరాలను సంబంధిత పంచాయతీ కార్యాలయాల్లో ప్రదర్శించనున్నారు. క్షేత్రస్థాయిలో పంట నష్టపరిహారం లెక్కించే అధికారులు ఫొటో క్యాప్చరింగ్‌ చేయనున్నారు. జిల్లాలో పంటల సాగు ఇలా.. పంట ఎకరాలు వరి 1,29,367 కంది 74,715 పత్తి 3,53,714 సోయా 72,326 పెసర 8,343 మినుము 6,319

జహీరాబాద్‌: జహీరాబాద్‌ ప్రాంతంలో వర్షాధారం కింద సాగు చేసిన పంటలు పూర్తిగా దెబ్బతిని రైతులు తీవ్రంగా నష్టపోయారని తెలంగాణ జన సమితి రాష్ట్ర కార్యదర్శి మొగుడంపల్లి ఆశప్ప ఆవేదన వ్యక్తం చేశారు. బుధవారం క్యాంపు కార్యాలయంలో సీఎం రేవంత్‌రెడ్డికి ఎమ్మెల్సీ కోదండరాంతో కలిసి వినతిపత్రం అందజేశారు. జహీరాబాద్‌ ప్రాంతంలో వర్షాధారం కింద రైతులు కంది, మినుము, పెసర, పత్తి, మొక్కజొన్న తదితర పంటలు వేశారని, వర్షాభావం వల్ల పంటలు దెబ్బతిని నష్టపోయారని వివరించారు. పెట్టుబడులు తిరిగి రాక అప్పుల్లో కూరుకుపోయిన రైతులను ఆదుకోవాలని కోరారు. చెరకు పంట దిగుబడులు సైతం సగానికి సగం పడిపోయి రైతులు నష్టపోయారన్నారు. నిమ్జ్‌ భూ నిర్వాసితుల సమస్యలను సైతం సీఎం దృష్టికి తీసుకెళ్లినట్లు తెలిపారు. »»

సంగారెడ్డి టౌన్‌: బాలల హక్కుల పరిరక్షణకు ప్రతి ఒక్కరూ కృషి చేయాలని జిల్లా న్యాయ సేవాధికార సంస్థ కార్యదర్శి సౌజన్య అన్నారు. బుధవారం జాతీయ న్యాయ సేవా దినోత్సవం సందర్భంగా సంగారెడ్డిలోని బాలసదన్‌లో విద్యార్థులకు న్యాయ అవగాహన కార్యక్రమం నిర్వహించారు. ఈసందర్భంగా ఆమె మాట్లాడుతూ.. బాలలపై జరిగే హింస, లైంగిక వేధింపులు, దోపిడీ ఇతర అనుచిత చర్యలను నివారించాల్సిన అవసరం ఉందన్నారు. ప్రజలు, బాలికలకు చట్టాలపై అవగాహన అవసరం అన్నారు. కార్యక్రమంలో న్యాయవాదులు, విద్యార్థులు, సిబ్బందితో పాటు తదితరులు పాల్గొన్నారు.

పటాన్‌చెరు టౌన్‌: ఉమ్మడి మెదక్‌ జిల్లా అండర్‌– 17 బాస్కెట్‌బాల్‌ జట్టుకు పటాన్‌చెరు సెయింట్‌ జోసెఫ్‌ హైస్కూ ల్‌ విద్యార్థులు హరిణి, అర్వన్‌ ఎంపికయ్యారు. జిల్లా పాఠశాలల క్రీడా సమాఖ్య (ఎస్‌జీఎఫ్‌) ఆధ్వర్యంలో నిర్వహించిన పోటీల్లో ప్రతిభ కనబరిచి జిల్లా జట్టులో చోటు సంపాదించారు. ఈ సందర్భంగా బుధవారం కోచ్‌ షేక్‌ అక్బర్‌ మాట్లాడుతూ.. విద్యార్థులు క్రమశిక్షణ, పట్టుదల, నిరంతర సాధనతో ఈ విజయాన్ని సాధించడం ఆనందంగా ఉందన్నారు. భవిష్యత్‌లో రాష్ట్ర స్థాయి పోటీల్లోనూ రాణించాలని ఆకాంక్షించారు. ఓటు చోరీతోనే బీజేపీకి అధికారం పటాన్‌చెరు టౌన్‌: రాహుల్‌గాంధీ ప్రధాని కాలేరని అమిత్‌షా వ్యాఖ్యానించడం సిగ్గుచేటని ఐఎన్‌టీయూసీ జిల్లా అధ్యక్షుడు నర్సింహారెడ్డి విమర్శించారు. బుధవారం పట్టణ కాంగ్రెస్‌ కార్యాలయంలో జరిగిన సమావేశంలో ఆయన మాట్లాడారు. ఏటా 2 కోట్ల ఉద్యోగా లు, ప్రతి ఒక్కరి ఖాతాలో రూ.15 లక్షల జమ వంటి హామీలను మోదీ ప్రభుత్వం నెరవేర్చలేదన్నారు. ఓటు చోరీతోనే బీజేపీ అధికారంలోకి వచ్చిందని ఆరోపించారు. భారత్‌ జోడో యాత్రతో రాహుల్‌గాంధీ ప్రజల ప్రేమాభిమానాలను పొందారని కొనియాడారు. రాబోయే ఎన్నికల్లో కాంగ్రెస్‌కు ప్రజలు, యువత, కార్మి కులు అండగా నిలుస్తారని అన్నారు. సమావేశంలో నాయకులు సంజీవరెడ్డి, మతిన్‌, యువరాజ్‌, సాయిలు పాల్గొన్నారు. మహిళా సంఘాల బలోపేతం హత్నూర(సంగారెడ్డి): గ్రామాల్లో వీఓఏలు మహిళా సమాఖ్య సంఘాల బలోపేతానికి కృషి చేయాలని ఐకేపీ డీపీఎం వెంకటేశ్వర్లు అన్నారు. బుధవారం మండలంలోని ఐకేపీ కార్యాలయంలో గుమ్మడిదల, పటాన్‌చెరు, హత్నూర మండలాలకు సంబంధించిన వీఓఏ లకు శిక్షణ కార్యక్రమం నిర్వహించారు. ఈసందర్భంగా డీపీఎం మాట్లాడుతూ.. మహిళా సంఘాలకు సంబంధించిన రికార్డులను ఎప్పటికప్పుడు సక్రమంగా రాయాలని సూచించారు. రుణాలు ప్రతీ నెల సక్రమంగా చెల్లించేలా వీఓఏలు పనిచేయాలన్నారు. కార్యక్రమంలో ఏపీఎంలు రాజశేఖర్‌, శివకుమార్‌, సీసీలు తదితరులు పాల్గొన్నారు. జాతీయస్థాయి పోటీల్లో విద్యార్థుల సత్తా జహీరాబాద్‌: జాతీయ స్థాయి క్రీడా పోటీల్లో పట్టణానికి చెందిన విద్యార్థులు సత్తా చాటారు. చైన్నెలో ఈనెల 2న నిర్వహించిన 25వ జూనియర్‌ జాతీయ వుషూ ఛాంపియన్‌షి ప్‌–2026లో శ్లోక్‌ సాగర్‌, ఉమా మహేశ్వరీ రాష్ట్ర జట్టు తరఫున పాల్గొని క్రీడా నైపుణ్యాన్ని ప్రదర్శించారు. శ్లోక్‌ సాగర్‌ 6.98 పాయింట్లు, ఉమా మహేశ్వరి 6.86 పాయింట్లు సాధించి ప్రతిభ కనబరిచారు. వజ్ర వీరమార్షల్‌ ఆర్ట్స్‌ అకాడమీ మాస్టర్లు శంకర్‌ సాగర్‌, సిధారెడ్డి, కోచ్‌ సంధ్య చౌహాన్‌ అభినందించారు. దరఖాస్తుల ఆహ్వానంమెదక్‌ కలెక్టరేట్‌: జిల్లా సీ్త్ర, శిశు సంక్షేమ శాఖ ఆధ్వర్యంలో అవుట్‌ సోర్సింగ్‌ పద్ధతిన పలు పోస్టులు భర్తీ చేయనున్నట్లు కలెక్టర్‌ ప్రతిమాసింగ్‌ బుధవారం ఒక ప్రకటనలో పేర్కొ న్నారు. జిల్లాలోని అర్హులైన నిరుద్యోగ యువత దరఖాస్తు చేసుకోవాలని తెలిపారు. మేనేజర్‌, కో ఆర్డినేటర్‌, సోషల్‌ వర్క్‌, సోషియాలజీ, సైకాలజీ, సోషల్‌ వర్కర్‌, డాక్డర్‌, నర్స్‌, ఆయా, సెక్యూరిటీ వంటి పోస్టులు ఖాళీగా ఉన్నట్లు చెప్పారు. ఈనెల 14వ తేదీలోగా దరఖాస్తు చేసుకోవాలన్నారు. పూర్తి సమాచారం, దరఖాస్తు ఫారం కోసం కలెక్టరేట్‌లో సంప్రదించాలని సూచించారు.

కలెక్టరేట్‌ ఏఓ విజయలక్ష్మిసంగారెడ్డి ఎడ్యుకేషన్‌: జిల్లాలో కరువు ప్రభావిత రైతులకు ఆర్థికంగా అండగా నిలిచేందుకు అర్హులైన రైతుల పంట రుణాల రీ షెడ్యూల్‌కు అవసరమైన చర్యలు చేపట్టాలని కలెక్టరేట్‌ ఏఓ విజయలక్ష్మి, లీడ్‌ బ్యాంక్‌ మేనేజర్‌ సుధీర్‌ కుమార్‌ బ్యాంకు అధికారులకు సూచించారు. బుధవారం కలెక్ట రేట్‌లో ఖరీఫ్‌–2026 కరువు సహాయక చర్యల్లో భాగంగా ప్రత్యేక డీసీసీ, డీఎల్‌ఆర్‌ఎల్‌ సమావే శం నిర్వహించారు. ఈసందర్భంగా కలెక్టరేట్‌ ఏఓ మాట్లాడుతూ.. ఆర్బీఐ మార్గదర్శకాలు, సంబంధిత బ్యాంకుల నిబంధనలకు అనుగుణంగా అర్హులైన రైతులకు రుణ పునర్వ్యవస్థీకరణ ప్రయోజనాలు సకాలంలో అందేలా అధికారులు చర్యలు తీసుకోవాలన్నారు. ఇందుకు అవసరమైన రైతుల వివరాలను సక్రమంగా సేకరించి నమోదు చేయాలన్నారు. లీడ్‌ బ్యాంక్‌ మేనేజర్‌ సుధీర్‌ కుమార్‌ మాట్లాడుతూ.. ప్రస్తుత ఆర్థిక సంవత్సరంలో ఏప్రిల్‌ నుంచి సెప్టెంబర్‌ వరకు రెండు త్రైమాసికాల్లో జిల్లాలోని బ్యాంకులు 1,20,065 ఖాతాల ద్వారా రూ.2,520.18 కోట్ల పంట రుణాలను రైతులకు పంపిణీ చేసినట్లు తెలిపారు. జిల్లాలోని మొత్తం 28 మండలాలను కరువు ప్రభావిత మండలాలుగా గుర్తించగా, వాటిలో రెండు మండలాలు తీవ్ర కరువు ప్రభావిత మండలాలుగా, 26 మండలాలు మోస్తరు కరువు ప్రభావిత మండలాలుగా గుర్తించినట్లు వివరించారు. అయితే పంట రుణాల పునర్వ్యవస్థీకరణ అనేది రుణమాఫీ పథకం కాదని, అర్హులైన రైతులకు రుణ చెల్లింపులో వెసులుబాటు కల్పించే ప్రక్రియ మాత్రమేనని స్పష్టం చేశారు. సమావేశంలో ఆర్బీఐ ఎల్‌డీఓ ప్రదీప్‌ చంద్ర, నాబార్డ్‌ ఏజీఎం కృష్ణ తేజ, వ్యవసాయ శాఖ అదనపు డీఏ శ్రీదేవి, వివిధ బ్యాంకుల ప్రతినిధులు, సంబంధిత శాఖల అధికారులు, సిబ్బంది పాల్గొన్నారు »»

రామచంద్రాపురం(పటాన్‌చెరు): జర్నలిస్టుల సమస్యల పరిష్కారానికి ఐక్య ఉద్యమం చేయాల్సిన అవసరం ఉందని ప్రెస్‌ అకాడమీ చైర్మన్‌ శ్రీనివాస్‌ రెడ్డి అన్నారు. బుధవారం పట్టణంలో టీయూడబ్ల్యూజే– ఐజేయూ రాష్ట్ర కార్యవర్గ సమావేశానికి ఆయన ముఖ్య అతిథిగా హాజరై మాట్లాడారు. జర్నలిస్టుల హక్కుల పరిరక్షణకు కృషి చేయాల్సిన బాధ్యత అందరిపైన ఉందన్నారు. బ్లాక్‌ మెయిలింగ్‌ వంటి చర్యలకు పాల్పడకుండా వృత్తి గౌరవాన్ని కాపాడాలన్నారు. జర్నలిస్టులకు ఇళ్ల స్థలాల కేటాయింపు విషయంపై జిల్లాస్థాయిలో పూర్తి వివరాలు సేకరించాలన్నారు. రెండు, మూడు రోజుల్లో ఆ వివరాలను ప్రభుత్వానికి అందించే విధంగా ప్రత్యేక చర్యలు తీసుకున్నట్లు తెలిపారు. మెట్రో రైలు, ఆర్టీసీ పాస్‌లకు సంబంధించిన జర్నలిస్టుల సమస్యలపై సంబంధిత అధికారులతో మాట్లాడి సమస్యను పరిష్కరిస్తామన్నారు. అనంతరం ఐజేయూ స్టీరింగ్‌ కమిటీ సభ్యుడు దేవులపల్లి అమర్‌ మాట్లాడుతూ.. ఢిల్లీలో జరిగిన సమావేశంలో సీఎం రేవంత్‌రెడ్డి దీపావళి సందర్భంగా అర్హతను బట్టి జర్నలిస్టులందరికీ ఇళ్ల స్థలాలు ఇస్తామని హామీ ఇచ్చినట్టు తెలిపారు. కార్యక్రమంలో టీయూడబ్ల్యూజే– ఐజేయూ రాష్ట్ర అధ్యక్షుడు విరహత్‌ అలీ, ప్రధాన కార్యదర్శి రాంనారాయణ, ఉపాధ్యక్షుడు ఫైజల్‌, జిల్లా అధ్యక్షుడు యాదిగిరి, ప్రధాన కార్యదర్శి అనిల్‌, ఎలక్ట్రానిక్‌ మీడియా అధ్యక్షుడు సయ్యద్‌ ఆసీఫ్‌ తదితరులు పాల్గొన్నారు.

సంగారెడ్డి ఎడ్యుకేషన్‌: ప్రభుత్వ శాఖల్లో డిజిటల్‌ పాలనను మరింత సమర్థవంతంగా అమలు చేయడమే లక్ష్యంగా ఈ–శాంక్షన్‌, ఈ–హెచ్‌ఆర్‌ఎంఎస్‌, వామిస్‌ విధానాలపై అధికారులకు శిక్షణ నిర్వహించారు. ఆర్థికశాఖ ఆదేశాల మేరకు బుధవారం కలెక్టరేట్‌ ఆడిటోరియంలో ఈ శిక్షణ కార్యక్రమం ఏర్పాటు చేశారు. ఈ నెల 6వ తేదీ వరకు మూడు రోజుల పాటు దశలవారీగా శిక్షణ ఇవ్వనున్నారు. ఈసందర్భంగా జిల్లా ఖజానా అధికారి శ్రీనివాస్‌ మాట్లాడుతూ.. ప్రభుత్వ శాఖల్లో నిధుల మంజూరు, ఆర్థిక లావాదేవీలను పారదర్శకంగా, వేగవంతంగా నిర్వహించేందుకు ఈ–శాంక్షన్‌ విధానం ఉపయోగపడుతుందన్నా రు. కలెక్టరేట్‌ ఏఓ విజయలక్ష్మి మాట్లాడుతూ.. ఈ–హెచ్‌ఆర్‌ఎంఎస్‌ ద్వారా ఉద్యోగుల సర్వీస్‌ వివరాలు, సెలవులు, ఇతర ఉద్యోగ సంబంధిత అంశాలను ఆన్‌్‌లైన్‌న్‌లో నిర్వహించవచ్చన్నారు. వామిస్‌ ద్వారా ప్రభుత్వ పనులకు సంబంధించిన ఆర్థిక వివరాలు, బిల్లులు, ఖాతాల నిర్వహణను డిజిటల్‌ విధానంలో చేపట్టేందుకు వీలుంటుందని వివరించారు. »»

సదాశివపేటరూరల్‌(సంగారెడ్డి): మండల పరిధి లోని సూరారం శివారులో గల ముంబై జాతీయ రహదారిపై ఉన్న గంగాకత్వ బ్రిడ్జి తీవ్రంగా దెబ్బతిని ప్రమాదకరంగా మారింది. వంతెనపై రహ దారి పైభాగం కుంగిపోయి భారీ రంధ్రం పడటంతో నిత్యం వేల సంఖ్యలో రాకపోకలు సాగించే వాహనదారులు ఇబ్బందులు పడుతున్నారు. ముఖ్యంగా రాత్రి సమయాల్లో, వర్షం పడితే ఈ రంధ్రం కనిపించక పోవడంతో ప్రమాదం జరిగే అవకాశాలు ఉన్నాయని ప్రయాణికులు భయాందోళన చెందుతున్నారు. ఈ విషయం తెలుసుకున్న సంబంధిత అధికారులు తక్షణ భద్రతా చర్యలు చేపట్టారు. రంధ్రం ఉన్న ప్రాంతం వద్ద సిగ్నల్స్‌, సూచిక బోర్డులను అమర్చి వాహనాలను వన్‌–వే అనుమతిస్తున్నారు. ఈ రహదారి పునరుద్ధరణ, మరమ్మతు పనులు పూర్తిగా ముగియడానికి దాదాపు 15 రోజుల సమయం పట్టే అవకాశం ఉందని అధికారులు స్పష్టం చేశారు. బ్రిడ్జిని పరిశీలించిన ఎస్పీ సూరారం శివారులో దెబ్బతిన్న గంగాకత్వ బ్రిడ్జిని బుధవారం సాయంత్రం జిల్లా ఎస్పీ పరితోష్‌ పంకజ్‌ అధికారులతో కలిసి పరిశీలించారు. రహదారిపై వాహనాల రాకపోకలకు ఆటంకం కలగకుండా ముందస్తు రక్షణ చర్యలు తీసుకోవాలని ఆదేశించారు. ఎన్‌హెచ్‌ఏఐ అధికారులతో సమన్వయం చేసుకుంటూ పనులు త్వరగా పూర్తి చేయించాలని సూచించారు. మరమ్మతులు పూర్తయ్యే వరకు ట్రాఫిక్‌ మళ్లింపులు కొనసాగుతాయని, వాహనదారులు పోలీసుల సూచనలు పాటిస్తూ ప్రత్యామ్నాయ మార్గాల్లో ప్రయాణించి సహకరించాలని ఎస్పీ కోరారు. ఎస్పీ వెంట అదనపు ఎస్పీ చైతన్య రెడ్డి, డీఎస్పీ సత్యయ్య గౌడ్‌, ట్రాఫిక్‌ ఇన్‌స్పెక్టర్‌ రామకృష్ణ రెడ్డి, ఎస్‌బీ ఇన్‌స్పెక్టర్‌ సదా నాగరాజు, ఎన్‌హెచ్‌ఏఐ అధికారులు తదితరులున్నారు.

● తొలిసారిగా పంపిణీ ● జిల్లాలో 44 పాఠశాలలు ● 18,913 మంది విద్యార్థులు ప్రభుత్వ పాఠశాలల్లో నాణ్యమైన విద్యతో పాటు సకల సౌకర్యాలు కల్పించేందుకు ప్రభుత్వం చర్యలు చేపట్టింది. ఇప్పటికే టైలు, బెల్ట్‌లు, షూస్‌ అందించిన ప్రభుత్వం, తాజాగా స్టూడెంట్‌ డైరీల పంపిణీకి శ్రీకారం చుట్టింది. దీంతో ప్రైవేట్‌ పాఠశాలల్లో కనిపించే డైరీలు ప్రస్తుతం పీఎంశ్రీ పాఠశాలల్లో కనిపిస్తున్నాయి. – న్యాల్‌కల్‌(జహీరాబాద్‌) జిల్లాలో 812 ప్రాథమిక, 187 ప్రాథమికోన్నత, 218 ఉన్నత, 17 కేజీబీవీలు, 10 ఆదర్శ పాఠశాలలతో పాటు గురుకులాలతో కలిపి మొత్తం 1,249 ప్రభుత్వ పాఠశాలలు ఉన్నాయి. ఆయా పాఠశాలల్లో 1,11,160 మంది విద్యార్థులు చదువుతున్నారు. అందులో 44 పాఠశాలలు పీఎంశ్రీ పథకానికి ఎంపికయ్యాయి. వాటిలో 25 జెడ్పీహెచ్‌ఎస్‌లు, 4 మోడల్‌ స్కూల్స్‌, రెండు ప్రాథమిక పాఠశాలలు, ఒక కేజీబీవీతో పాటు సాంఘీక సంక్షేమ గురుకుల పాఠశాలలున్నాయి. వాటిలో 18,913 మంది విద్యార్థులు విద్యాభ్యాసం చేస్తున్నారు. వారందరికీ డైరీలను అందించేందుకు ప్రభుత్వం దృష్టి సారించింది. కాగా, పీఎంశ్రీ పాఠశాలలకు వచ్చిన స్టూడెంట్‌ డైరీలను ఆయా పాఠశాలలకు అధికారులు పంపిణీ చేస్తున్నారు. ఇప్పటి వరకు 50 శాతం మేర విద్యార్థులకు అందించినట్లు అధికారులు చెబుతున్నారు. మిగిలిన విద్యార్థులకు డైరీలు పంపిణీ కొనసాగుతుందని తెలిపారు. సమగ్ర సమాచారం పీఎంశ్రీ పాఠశాలల్లో చదువుతున్న విద్యార్థులకు మొట్టమొదటి సారిగా పంపిణీ చేస్తున్న స్టూడెంట్‌ డైరీల్లో విద్యార్థుల సమగ్ర సమాచారాన్ని అధికారులు పొందుపర్చారు. విద్యార్థి పేరు, తరగతి, పాఠశాల పేరు, పరీక్షలు, సెలవులు, పని దినాలు తదితర వివరాలతో పాటు విద్యార్థి వ్యక్తిగత వివరాలను కూడా డైరీలో నమోదు చేసుకునేందుకు ఆధార్‌, స్టూడెంట్‌ యూఐడీ నంబర్‌, పుట్టిన తేదీ, రూల్‌ నంబర్‌ అవకాశం కల్పించారు. పాఠశాల ప్రారంభం నుంచి ముగిసే వరకు పని దినాలు, సెలవులు తదితరాలను ప్రతి రోజు విద్యార్థులు డైరీలో రాయాలి. వాటికి ఉపాధ్యాయులు పరిశీలించి సంతకాలు చేయాలి. అంతేకాకుండా వాటిని తల్లిదండ్రులు పరిశీలించి అవసరమైన సలహాలు, సూచనలు అందించేందుకు డైరీలో వీలు కల్పించారు. 50 శాతం పంపిణీ జిల్లాలో 44 పీఎంశ్రీ పాఠశాలలు ఉన్నాయి. వాటిలో 18,913 మంది విద్యార్థులు చదువుతున్నారు. వారందరికీ స్టూడెంట్‌ డైరీలను పంపిణీ చేస్తున్నాం. ఇప్పటివరకు 50 శాతం మేర పాఠశాలలకు పంపిణీ చేశాం. డైరీల వల్ల విద్యార్థులకు ఎంతగానో మేలు జరుగనుంది. – రోహిణి, డీఈఓ

సిద్దిపేటకమాన్‌: బాధితులకు త్వరితగతిన న్యాయం చేకూర్చడంలో ప్రాసిక్యూటర్‌ పాత్ర అత్యంత కీలకమని సిద్దిపేట పోలీసు కమిషనర్‌ రష్మీ పెరుమాళ్‌ పేర్కొన్నారు. బుధవారం సీపీ కార్యాలయంలో ఈ ఏడాదిలో 16 కేసుల్లో నిందితులకు శిక్షలు ఖరారయ్యేలా వాదించిన ప్రత్యేక పబ్లిక్‌ ప్రాసిక్యూటర్‌ సాదుల ఆత్మరాములును సీపీ సన్మానించి, అభినందించారు. 16 కేసులకు గాను 13 కేసులకు సంబంధించి నిందితులకు 20 ఏళ్లు, అంతకుమించి ఎక్కువ కాలం జైలు శిక్ష పడేలా ప్రాసిక్యూషన్‌ వాదనలు వినిపించి, కోర్టు విచారణ సమయంలో పక్కా ఆధారాలు సమర్పించారని తెలిపారు. సమర్థవంతమైన వాదనలతో నేరస్తులకు కఠిన శిక్షలు పడేలా చేయడంలో ఆత్మరాములు చూపిన చొరవ, నిబద్ధతను కొనియాడారు. శాంతి భద్రతల పరిరక్షణ, నేరాల నియంత్రణలో ప్రతిభ చూపిన పోలీస్‌ సిబ్బందిని ప్రోత్సహించడానికి ప్రవేశపెట్టిన సీపీ కనెక్ట్‌ కార్యక్రమంలో 14మంది పోలీస్‌ సిబ్బందిని అభినందించారు. అలాగే మర్కుక్‌ పోలీస్‌ స్టేషన్‌ పరిధిలో ఒక దొంగను పట్టుకోవడంలో సహకరించిన ముగ్గురు వ్యక్తులను ప్రత్యేకంగా అభినందించారు. వారికి ప్రశంసా పత్రాలు, ప్రత్యేక కిట్స్‌ అందజేశారు. ఈ కార్యక్రమంలో అదనపు అడ్మిన్‌ డీసీపీ కుశాల్కర్‌, అదనపు డీసీపీ సుభాష్‌ చంద్రబోస్‌ తదితరులు పాల్గొన్నారు. పోలీస్‌ కమిషనర్‌ రష్మీ పెరుమాళ్‌

హవేళిఘణాపూర్‌(మెదక్‌): రోడ్డు ప్రమాదంలో రైతు మృతి చెందాడు. వివరాలు ఇలా.. మెదక్‌ పట్టణ శివారులోని ఔరంగాబాద్‌కు చెందిన రైతు తిరుపతి కిషన్‌(61) తనకున్న రెండెకరాల్లో పండించిన వరి ధాన్యంను మంగళవారం లెప్రసీ దవాఖాన వద్ద తూకం వేశారు. రాత్రి రైతు బస్తాల వద్ద కాపలా ఉండేందుకు ఇంటి నుంచి ద్విచక్ర వాహనంపై వెళ్తున్నాడు. ఈ క్రమంలో మెదక్‌–బోధన్‌ జాతీయ రహదారి ఔరంగాబాద్‌ గేటు వద్ద రోడ్డు దాటగానే వెనుక నుంచి అతివేగంగా వచ్చిన కారు ఢీకొట్టింది. దీంతో రైతు తిరుపతికి తీవ్ర గాయాలయ్యాయి. వెంటనే అతడ్ని అంబులెన్సులో మెదక్‌కు తరలించగా చికిత్స పొందుతూ మృతి చెందాడు. మృతుని కుటుంబీకుల ఫిర్యాదు మేరకు కేసు నమోదు చేసినట్లు మెదక్‌ టౌన్‌ సీఐ మహేశ్‌ తెలిపారు. మృతునికి భార్య భారతి, ముగ్గురు కుమారులు ఉన్నారు. ఇదిలా ఉండగా కిషన్‌ను ఆస్పత్రికి తీసుకెళ్లిన సమయంలో కరెంటు లేదని, సరైన చికిత్స అందకపోవడంతోనే మృతి చెందాడని కుటుంబీకులు ఆరోపించారు. బైక్‌ అదుపుతప్పి వ్యక్తి.. సంగారెడ్డి : బైక్‌ అదుపుతప్పి కిందపడి వ్యక్తి మృతి చెందాడు. ఈ ఘటన ఉమ్మడి పుల్కల్‌ మండల పరిధిలో మంగళవారం అర్ధరాత్రి చోటు చేసుకుంది. పుల్కల్‌ ఎస్‌ఐ విశ్వజన్‌ వివరాల ప్రకారం.. మండలంలోని ముదిమాణిక్యం గ్రామానికి చెందిన అక్సాన్‌పల్లి శ్రీనివాస్‌ (50) వత్తిరీత్యా డ్రైవర్‌గా పనిచేస్తున్నాడు. మంగళవారం రాత్రి విధులు ముంగించుకొని తన బైక్‌పై సంగారెడ్డి నుంచి వస్తుండగా ప్రమాదవశాత్తు శివంపేట శివారులో బైక్‌ అదుపుతప్పి స్కిడ్‌ కావడంతో కిందపడిపోయాడు. ఈ ప్రమాదంలో ఆయన తలకు తీవ్ర గాయాలయ్యాయి. సమాచారం అందుకున్న కుటుంబ సభ్యులు ఘటనా స్థలానికి చేరుకొని స్థానికుల సహాయంతో అంబులెనన్స్‌లో ప్రభుత్వ ఆస్పత్రికి తరలించారు. అక్కడ చికిత్స పొందుతూ మృతి చెందినట్లు తెలిపారు. పోస్టుమార్టం చేసి మృతదేహాన్ని కుటుంబీకులకు అప్పగించినట్లు ఎస్‌ఐ పేర్కొన్నారు. బస్సు ఢీకొట్టడంతో ద్విచక్ర వాహనదారుడు.. చేగుంట(తూప్రాన్‌): బస్సు ఢీకొట్టడంతో ద్విచక్ర వాహనదారుడు మృతి చెందాడు. ఈ ఘటన మాసాయిపేట మండల పరిధిలో జాతీయ రహదారిపై బుధవారం చోటు చేసుకుంది. స్థానికులు, పోలీసుల వివరాల ప్రకారం.. మండలంలోని పోతాన్‌శెట్టిపల్లి తండాకు చెందిన ధరావత్‌ స్వామి(63) టీవీఎస్‌ మోపెడ్‌పై చేగుంటకు వచ్చి ఇంటికి వెళ్తున్నాడు. ఈ క్రమంలో రామంతపూర్‌ శివారులోకి రాగానే వెనుక నుంచి వస్తున్న ట్రావెల్స్‌ బస్సు మోపెడ్‌ను ఢీకొట్టింది. తలకు తీవ్ర గాయాలైన స్వామి అక్కడికక్కడే మృతి చెందాడు. విషయం తెలుసుకున్న ఎస్‌ఐ చైతన్యకుమార్‌రెడ్డి ఘటనా స్థలానికి చేరుకుని పంచనామా నిర్వహించారు. కేసు నమోదు చేసి, మృతదేహాన్ని పోస్టుమార్టం కోసం తరలించారు. కారు ఢీకొట్టడంతో రైతు మృతి

మద్దూరు(హుస్నాబాద్‌): సీ్త్రనిధి రుణాల బకాయిలను వెంటనే చెల్లించాలని సీ్త్రనిధి సిద్దిపేట జిల్లా రీజినల్‌ మేనేజర్‌ దూదిపాల మోహన్‌రెడ్డి పేర్కొన్నారు. బుధవారం మద్దూరు జాగృతి మండల సమాఖ్య కార్యాలయంలో వీవోఏలతో సీ్త్రనిధి రుణాలపై సమీక్ష సమావేశం ఏర్పాటు చేశారు. ఈ సందర్భంగా మోహన్‌రెడ్డి మాట్లాడుతూ.. మారుమూల మండలమైన మద్దూరులో సీ్త్రనిధి రుణాల వసూళ్లు సరిగా లేవన్నారు. గతంలో మహిళా సంఘాలకు రూ.3కోట్ల నిధులు మంజూరు చేయగా అందులో కేవలం రూ.70లక్షలు మాత్రమే వసూలయ్యాయని తెలిపారు. మిగతా 2.30కోట్ల నిధుల బకాయిలు ఉన్నాయని చెప్పారు. రుణాల రికవరీ కాకపోవడంతో చాలా సంఘాలకు తిరిగి రుణాలు మంజూరు చేయలేని పరిస్థితి నెలకొందన్నారు. రుణాల రికవరీ కోసం మండల స్థాయి ప్రత్యేకంగా కమిటీలు వేసి స్పెషల్‌ డ్రైవ్‌ కార్యక్రమాలను చేపట్టనున్నట్లు తెలిపారు. ఈ ఏడాది మద్దూరు మండలానికి రూ.కోటి సీ్త్రనిధి రుణాలు మంజూరయ్యాన్నారు. అర్హత కల్గిన సంఘాల సభ్యులకే ఈ రుణాలు అందించనున్నట్లు పేర్కొన్నారు. ఈ కార్యక్రమంలో ఏపీఎం ప్రకాశం, సీసీలు తదితరులు పాల్గొన్నారు. రీజినల్‌ మేనేజర్‌ మోహన్‌రెడ్డి

కొండాపూర్‌(సంగారెడ్డి): అప్పులు తీర్చలేక మనస్తాపానికి గురైన ప్రభుత్వ ఉపాధ్యాయుడు ఆత్మహత్యకు పాల్పడ్డాడు. ఈ ఘటన సిద్దిపేట జిల్లా కొండాపూర్‌ మండలంలో బుధవారం చోటు చేసుకుంది. వివరాలు ఇలా... కోహీర్‌ మండలం పీచే ర్యాగడి గ్రామానికి చెందిన మంగలి వీరేశం(33) వికారాబాద్‌ జిల్లా మర్పల్లి మండలం తుమ్మలపల్లి ప్రభుత్వ పాఠశాలలో ఉపాధ్యాయుడిగా పనిచేస్తున్నారు. ఆరేళ్లుగా కొండాపూర్‌ మండలం మల్కాపూర్‌ చౌరస్తాలో నివాసం ఉంటున్నారు. కాగా క్రెడిట్‌ కార్డుల ద్వారా చేసిన అప్పులు పెరిగిపోవడంతో వాటిని ఎలా తీర్చాలో తెలియక తీవ్ర ఆర్థిక ఇబ్బందులు, మానసిక ఒత్తిడికి గురయ్యాడు. ఈ క్రమంలో బుధవారం తెల్లవారుజామున తన నివాసంలో ఉరివేసుకున్నట్లు పోలీసులు తెలిపారు. తండ్రి మంగలి రామచందర్‌ ఫిర్యాదు మేరకు పోలీసులు కేసు నమోదు చేశారు. కొడుకు అర్ధాంతరంగా తనువు చాలించడంతో కుటుంబ సభ్యులు శోకసంద్రంలో మునిగిపోయారు.

సదాశివపేట రూరల్‌(సంగారెడ్డి): పాలమూరు యూనివర్సిటీ నుంచి ప్రతిష్టాత్మకంగా నిర్వహించే జాగృతి యాత్రకు మండలంలోని మెలిగిరిపేట్‌కు చెందిన హర్షితారెడ్డి ఎంపికయ్యారు. గ్రామానికి చెందిన శ్రీనివాస్‌ రెడ్డి, మంజుల దంపతుల రెండవ కుమార్తె హర్షితారెడ్డి పీయూలో ఫార్మసీ రెండో సంవత్సరం చదువుతోంది. దేశవ్యాప్తంగా ఉన్న యువతలో పారిశ్రామిక ఆలోచనలు, నాయకత్వ లక్షణాలు, నూతన ఆవిష్కరణలను ప్రోత్సహించేందుకు ఈ కార్యక్రమాన్ని కేంద్ర సాంకేతిక విద్యామండలి నిర్వహిస్తోంది. దేశ వ్యాప్తంగా 15 రోజుల పాటు పలు ప్రాంతాలను యాత్రలో భాగంగా సందర్శించనున్నారు. ఈ నేపథ్యంలో గ్రామస్తులు, విద్యావంతులు, ప్రజాప్రతినిధులు హర్షం వ్యక్తం చేస్తూ గ్రామానికి గర్వకారణం అని పేర్కొన్నారు. వట్‌పల్లి(అందోల్‌): అంబులెన్స్‌లో గర్భిణి ప్రసవించిన ఘటన బుధవారం చోటుచేసుకుంది. మండల పరిధిలోని దరఖాస్తుపల్లి గ్రామానికి చెందిన అనూష బుధవారం ఉదయం పురిటి నొప్పులతో బాధపడుతుండంతో కుటుంబీకులు 108కు సమాచారం అందించారు. గ్రామానికి చేరుకున్న అంబులెన్స్‌ మహిళను ఆసుపత్రికి తరలిస్తుండగా పురిటి నొప్పులు తీవ్రమై మార్గమధ్యలోనే ప్రసవించి ఆడబిడ్డకు జన్మనిచ్చింది. తల్లి, బిడ్డ క్షేమంగా ఉన్నారని పైలెట్‌ సంతోష్‌ తెలిపారు. అనంతరం తల్లిబిడ్డలను సంగారెడ్డి జిల్లా మాతాశిశు ఆస్పత్రిలో చేర్పించారు. కాపాడిన పోలీసులు మద్దూరు(హుస్నాబాద్‌): ఆత్మహత్యకు యత్నించిన వ్యక్తి ప్రాణాలను పోలీసులు కాపాడారు. ఈ ఘటన దూల్మిట్ట మండలంలోని జాలపల్లి గ్రామంలో చోటు చేసుకుంది. వివరాలు ఇలా.. గ్రామానికి చెందిన ఓ వ్యక్తి మద్యం మత్తులో మద్యంలో పురుగుల మందు కలుపుకొని తాగి ఆత్మహత్యకు యత్నించాడు. కాగా పెట్రోలింగ్‌లో భాగంగా గ్రామంలో ఉన్న పోలీస్‌ కానిస్టేబుల్‌ దిలీప్‌, రాజ్‌కుమార్‌లకు విషయం తెలియగానే అప్రమత్తమై పొలం వద్దకు వెళ్లి అతడికి ప్రాథమిక చికిత్సలో భాగంగా ఉప్పునీరు తాగించారు. అనంతరం అంబులెన్స్‌లో సిద్దిపేట ప్రభుత్వ ఆసుపత్రికి తరలించారు. ప్రాణాపాయం నుంచి వ్యక్తిని కాపాడిన కానిస్టేబుల్స్‌ను సిద్దిపేట సీపీతో పాటు, గ్రామస్తులు అభినందించారు. సిద్దిపేటరూరల్‌: ఇటీవల మండల పరిధిలోని రాఘవాపూర్‌ కస్తూర్బాగాంధీ బాలికల విద్యాలయంలో పదవ తరగతి చదువుతున్న విద్యార్థిని మృతి చెందిన ఘటనపై బుధవారం జిల్లా విద్యాశాఖ చర్యలు చేపట్టింది. విద్యార్థిని దేవులగల్ల లాస్యకు ఎదురైన అనారోగ్య సమస్యకు సంబంధించి పాఠశాల సిబ్బంది సకాలంలో వైద్య సహాయం అందించడంలో నిర్లక్ష్యంగా వ్యవహరించారని ఆరోపణలు వచ్చాయి. ఈ ఆరోపణల నేపథ్యంలో కాంట్రాక్ట్‌ పద్ధతిలో పని చేస్తున్న ప్రత్యేక అధికారి, ఏఎన్‌ఎం, ఇద్దరు ఉపాధ్యాయుల సేవలు రద్దు చేస్తున్నట్లు డీఈఓ రమేశ్‌ ఉత్తర్వులు జారీ చేశారు. చేర్యాల(సిద్దిపేట): మున్సిపల్‌ కార్యాలయంలో సీపీయూ మాయమైన ఘటన ఆలస్యంగా వెలుగులోకి వచ్చింది. మూడు రోజుల క్రితం నుంచి సీపీయూ కనిపించడం లేదని తెలిసింది. ఈ విషయంపై మున్సిపల్‌ కమిషనర్‌ అభిలాష్‌ను వివరణ కోరగా.. సీపీయూ కనిపించడం లేదన్న విషయం తన దృష్టికి వచ్చిందన్నారు. ఈ ఘటనకు సంబంధించి సిబ్బందిని విచారిస్తున్నామని తెలిపారు. సదరు సీపీయూ ట్రేడ్‌ లైసెన్సులను ఆన్‌లైన్‌ చేసేందుకు మాత్రమే వినియోగిస్తారని, అందులో ఎలాంటి డేటా ఉండదని చెప్పారు. అయినా ఈ ఘటనపై పోలీసులకు ఫిర్యాదు చేస్తామన్నారు. భయాందోళనలో ప్రజలు బెజ్జంకి(సిద్దిపేట): సిద్దిపేట జిల్లా శివారు గ్రామమైన తలారువాని పల్లె, కరీంనగర్‌ జిల్లాలోని చీమలకుంటపల్లె గ్రామాల సమీపంలోని వరద కాలువ వద్ద ఎలుగుబంటి సంచారం కలకలం రేపింది. దీంతో సమీప గ్రామాల ప్రజలు భయాందోళనకు గురవుతున్నారు. ఈ గ్రామాల సమీపంలో గల కాలువ ద్వారా పరిసర గ్రామాలైన వడ్లూరు, బేగంపేట గ్రామాలకు వస్తుందేమోనని అనుమానాలు వ్యక్తం చేస్తున్నారు. కాగా ఎలుగుంటి సంచరిస్తున్న వీడియో గ్రామాల్లోని సోషల్‌ మీడియా గ్రూపులలో వైరల్‌ అయింది.

శివ్వంపేట(నర్సాపూర్‌): ఇరవై ఏళ్ల నుంచి ఉన్న విద్యుత్‌ సమస్య పరిష్కారం కావడంతో గ్రామస్తులు సంతోషం వ్యక్తం చేశారు. మండల పరిధిలోని గుండ్లపల్లి గ్రామంలో ప్రమాద భరితంగా నివాస గృహాల వద్ద ట్రాన్స్‌ఫార్మర్‌తో పాటు 11 కేవీ విద్యుత్‌ లైన్‌ మూలంగా పలు ప్రమాదాలు చోటు చేసుకున్నాయి. కాగా విద్యుత్‌ షాక్‌తో ఐదేళ్ల కిత్రం మేసీ్త్ర , రెండు నెలల క్రితం ఎల్లయ్య మృతి చెందాడు. విద్యుత్‌ లైన్‌ను మార్చాలని మీడియాలో కథనాలు, ప్రతినిధులు, గ్రామస్తుల ఒత్తిడితో విద్యుత్‌ అధికారులు స్పందించారు. కాగా ప్రమాద భరితంగా ఉన్న విద్యుత్తు లైన్‌ను తొలగించి మరో మార్గం ద్వారా ఏర్పాటు చేశారు. అలాగే ట్రాన్స్‌ఫార్మర్‌ను ఏర్పాటు చేసి బుధవారం ప్రారంభించారు. విద్యుత్‌ సమస్య పరిష్కారం కావడంతో సర్పంచ్‌ మమత, ఉప సర్పంచ్‌ సత్యనారాయణ, గ్రామస్తులు హర్షం వ్యక్తం చేస్తూ విద్యుత్‌ సిబ్బందిని సన్మానించారు. ప్రమాదభరిత విద్యుత్‌ లైన్‌ తొలగింపు

సంగారెడ్డి క్రైమ్‌: దీపావళి పండుగ వేళ పెద్దల కంటే పిల్లల సందడే ఎక్కువ. టపాసులు కాల్చే సమయంలో జాగ్రత్తలు పాటించాలని, పండుగను సంతోషంగా జరుపుకోవాలని వైద్యులు సూచిస్తున్నారు. బాణసంచా కాల్చే సమయంలో చిన్నారులు, వృద్ధులు జాగ్రత్తగా ఉండాలి. చిన్నపాటి కారణాలవల్ల ప్రతి సంవత్సరం అనేకమంది ప్రమాదాలకు గురవుతున్నారు. జిల్లాలో కంటి చూపు కోల్పోయిన సందర్భాలున్నాయని వైద్యులు హెచ్చరిస్తున్నారు. కాగా చిన్నారులు టపాసులు కాల్చే సమయంలో తల్లిదండ్రులు దగ్గరుండి పర్యవేక్షించాలి. బహిరంగ ప్రదేశాలు, ఆరు బయట మాత్రమే కాల్చాలి పిల్లలు కాల్చే సమయంలో పెద్దలు పక్కనే ఉండాలి గ్యాస్‌ సిలిండర్లు, మండే పదార్థాలకు టపాసులు దూరంగా ఉంచాలి. ఇంట్లో, మేడపై కాల్చడానికి ప్రయత్నించవద్దు. బహిరంగ ప్రదేశాలు, ఆరు బయట మాత్రమే కాల్చాలి. ఒక వేళ అగ్ని ప్రమాదాలు జరిగితే మంటలు ఆర్పేందుకు బకెట్‌లో నీళ్లను పక్కన పెట్టుకోవాలి. నిప్పురవ్వలు దుస్తులపై పడి వ్యాపించకుండా ఉండేందుకు కాటన్‌న్‌ దుస్తులు ధరించాలి. చిన్నచిన్న గాయాలైనప్పుడు సెప్టిక్‌ కాకుండా ఫస్ట్‌ ఎయిడ్‌ కిట్టు అందుబాటులో ఉంచుకోవాలి. పిల్లలు టపాసులు కాల్చే సమయంలో పెద్దలు పక్కనే ఉండటం శ్రేయస్కరం. ఇవి తప్పనిసరి.. టపాసులను ఒకసారి అంటించిన తర్వాత వెలగలేదని వెంటనే దగ్గరకు వెళ్లొద్దు. కొన్నిసార్లు పేలే ప్రమాదం ఉంటుంది. ఏ మాత్రం అజాగ్రత్తగా ఉన్నా.. నిప్పు రవ్వలు పూరి గుడిసెలు, గడ్డివాములపైకి దూసుకెళ్లి అగ్ని ప్రమాదాలు సంభవిస్తాయి. చుడీదార్‌ వేసుకునేవారు వదులుగా ఉన్నవి కాకుండా బిగుతుగా ఉండేవి వేసుకోవాలి. పర్యావరణ హితమెన వాటిని కాల్చితే మంచిది. టపాసులు కాల్చేటప్పడు ఏ మాత్రం అశ్రద్ధ వహించొద్దు. ముఖ్యంగా పిల్లలు టపాసులు కాల్చేటప్పడు తల్లిదండ్రులు పర్యవేక్షించాలి. ప్రమాదాల బారిన పడకుండా పండుగను ఆనందంగా జరుపుకోవాలి. – సందేశ్‌కుమార్‌, జిల్లా అగ్నిమాపక అధికారి చిన్నపిల్లలను టపాసులకు దూరంగా ఉంచడం మంచిది. చేతులతో పట్టుకొని టపాసులు పేల్చటం ప్రమాదకరం. కాలిన గాయాలపై బర్నర్‌ రాయాలి. భారీ టపాసులు కాల్చటం వల్ల పొగతో శ్వాసకోశ సమస్యలు, వినికిడి ఇబ్బందులు వస్తాయి. గర్భిణులు, బాలింతలు జాగ్రత్తగా ఉండాలి. శరీరానికి మంటలు అంటుకుంటే మంటలను అదుపుచేసి కాలిన గాయాలను నీటితో శుభ్రం చేసి వెంటనే దగ్గరలోని ఆస్పత్రికి తరలించాలి. – సువర్ణ రెడ్డి, వైద్యురాలు, సంగారెడ్డి.

జహీరాబాద్‌ టౌన్‌: విద్యుత్‌ షాక్‌తో అసిస్టెంట్‌ లైన్‌మెన్‌(ఏఎల్‌ఎం) అక్కడికక్కడే మృతి చెందాడు. ఈ ఘటన మండలంలోని అనేగుంట పంచాయతీ పరిధిలో గల ఒంటెల గడ్డ తండాలో బుధవారం చోటు చేసుకుంది. జహీరాబాద్‌ రూరల్‌ ఎస్‌ఐ రాజేందర్‌రెడ్డి కథనం ప్రకారం.. న్యాల్‌కల్‌ గ్రామానికి చెందిన హరీశ్‌(28)విద్యుత్‌ శాఖలో అసిస్టెంట్‌ లైన్‌మెన్‌గా పనిచేస్తున్నాడు. ఒంటెల గడ్డ తండాలో కరెంట్‌ స్తంభాల సపోర్టు వైర్లకు విద్యుత్‌ సరఫరా అవుతోందని తండావాసులు ఫిర్యాదు చేయడంతో హరీశ్‌ మరమ్మతులు చేసేందుకు వెళ్లాడు. భవనంపై నుంచి పనిచేస్తున్న క్రమంలో ప్రమాదవశాత్తు సపోర్టు వైర్‌ను పట్టుకోవడంతో ఒక్కసారిగా విద్యుత్‌షాక్‌ తగిలింది. దీంతో ఆయన ఇంటిపై నుంచి కిందపడి తీవ్రగాయాలై అక్కడికక్కడే ప్రాణాలు కోల్పోయాడు. విషయం తెలుసుకున్న ట్రాన్స్‌కో డీఈ.శ్రీనివాస్‌, ఏడీ నాగరాజ్‌, ఏఈ ముఖీం, ఎస్‌ఐ రాజేందర్‌రెడ్డి ఘటనా స్థలానికి చేరుకొని పరిస్థితిని సమీక్షించారు. మృతదేహాన్ని జహీరాబాద్‌ ప్రభుత్వ ఏరియా ఆసుపత్రికి తరలించారు. మృతుడికి భార్య, ఇద్దరు పిల్లలు ఉన్నారు. పోలీసులు కేసు నమోదు చేశారు. కుటుంబాన్ని ఆదుకుంటాం ఆసుపత్రి వద్ద మృతుని కుటుంబ సభ్యులను డివిజన్‌ డీఈ. శ్రీనివాస్‌, ఏడీ నాగరాజ్‌ పరామర్శించి, ఆదుకుంటామని హామీ ఇచ్చారు. శాఖ పరంగా మృతుని భార్యకు ఉద్యోగంతో పాటు హరీశ్‌కి రావాల్సిన అన్ని రకాల ఆర్థిక ప్రయోజనాలను త్వరలో అందజేస్తామని చెప్పారు.

వర్గల్‌(గజ్వేల్‌): చక్కగా చదువుకుని ప్రయోజకుడవుతాడనుకున్న కొడుకు కానరాని తీరాలకు చేరాడు. బలవన్మరణంతో కన్నవారికి కడుపుకోత మిగిల్చాడు. బుధవారం వర్గల్‌ హాస్టల్‌ గదిలో పైకప్పునకు ఉరేసుకుని టెన్త్‌ విద్యార్థి ఆరె రామ్‌చరణ్‌ ఆత్మహత్య చేసుకోవడంతో పుత్రశోకంతో తల్లిదండ్రులు తల్లడిల్లిపోయారు. మర్కూక్‌ మండలం పాతూరుకు చెందిన చిన్న మల్లేశం, లింగమ్మ దంపతులకు గణేష్‌, రామ్‌చరణ్‌ అనే కుమారులున్నారు. కూలీనాలీ పనులతో కాలం వెల్లదీస్తున్న ఆ దంపతులు రామ్‌చరణ్‌ను వర్గల్‌ హాస్టల్‌లో చేర్పించి అక్కడి జెడ్పీహైస్కూల్‌లో పదోతరగతి చదివిస్తున్నారు. బుధవారం హోంవర్క్‌ విషయంలో స్కూల్‌లో ఉపాధ్యాయుడు రామ్‌చరణ్‌ను మందలించడంతో హాస్టల్‌ గదికి చేరుకుని, తండ్రితో ఫోన్‌లో మాట్లాడాడు. ఆ తరువాత కొన్నిగంటల వ్యవధిలోనే హాస్టల్‌ గదిలో కుమారుడు ఆత్మహత్య చేసుకున్నాడు. బాలుని మృతదేహం వద్ద కుటుంబీకుల రోదనలు మిన్నంటాయి.

పటాన్‌చెరు: ప్రైవేట్‌ పాఠశాల ప్రిన్సిపాల్‌పై పోలీసులు కేసు నమోదు చేశారు. ఈ ఘటన ఇస్నాపూర్‌ పోలీస్‌ స్టేషన్‌ పరిధిలో చోటుచేసుకుంది. బాధితురాలు, సీఐ మహేశ్‌ కథనం ప్రకారం.. ముత్తంగికి చెందిన బాధిత మహిళ ఇద్దరు కుమారులు ఇస్నాపూర్‌లోని జ్ఞాన్‌ ఓక్‌ పాఠశాలలో చదువుతున్నారు. ఆమె కుమారుడు పాఠశాలలోని బాలికల బాత్‌రూమ్‌లో ఏదో రాశాడని సరైన ఆధారాలు చూపకుండా, ప్రిన్సిపాల్‌ నిసారుద్దీన్‌ విద్యార్థి తల్లికి రాత్రి కాల్స్‌ చేసి, వాట్సాప్‌ సందేశాలు పంపుతూ ఇబ్బందులకు గురిచేస్తున్నాడు. దీంతో ప్రిన్సిపాల్‌ వ్యవహార శైలిపై బాధితురాలు బుధవారం ఇస్నాపూర్‌ పోలీస్‌ స్టేషన్‌లో ఫిర్యాదు చేసింది. ఈ మేరకు పోలీసులు కేసు నమోదు చేశారు. చేర్యాల(సిద్దిపేట): అక్రమంగా మట్టి తరలిస్తున్న టిప్పర్‌, మూడు ట్రాక్టర్లపై పోలీసులు కేసు నమోదు చేశారు. ఎస్‌ఐ అపూర్వరెడ్డి కథనం ప్రకారం.. మండల పరిధిలోని చుంచనకోటలో అక్రమంగా ఎలాంటి అనుమతులు లేకుండా మట్టిని తరలిస్తున్నారన్న సమాచారం వచ్చింది. ఈ మేరకు సిబ్బంది అక్కడికి వెళ్లి చూడగా మట్టి లోడుతో ఉన్న టిప్పర్‌తో పాటు 3 ట్రాక్టర్లు ఉన్నాయి. పోలీసులు వాటిని వెంటనే స్టేషన్‌కు తరలించి కేసు నమోదు చేశారు. ఎవరైనా గ్రామాల్లో అనుమతులు లేకుండా మట్టిని తరలిస్తే కఠిన చర్యలుంటాయని తెలిపారు. మునిపల్లి(అందోల్‌): లారీ డ్రైవర్‌పై దాడి చేసిన ఇద్దరిపై కేసు నమోదైంది. ఈ ఘటన బుధవారం మండలంలోని కంకోల్‌ సమీపంలో 65వ నంబర్‌ జాతీయ రహదారిపై చోటు చేసుకుంది. బుదేరా ఎస్‌ఐ అరవింద్‌ ఎస్‌ఐ కథనం ప్రకారం.. హైదరాబాద్‌ నుంచి మహారాష్ట్ర వైపు వెళ్తున్న క్రమంలో కంకోల్‌ గ్రామ శివారులోకి రాగానే అజయ్‌ జగదీష్‌, బల్బీమ్‌ దినకర్‌ నడిపిస్తున్న లారీని వెనక నుంచి వచ్చిన పరమేశ్వర్‌ ఓవర్‌ టేక్‌ చేశాడు. నా లారీనే ఓవర్‌ టేక్‌ చేస్తావా అని పరమేశ్వర్‌పై ఇనుప రాడ్‌తో ఇద్దరు కలిసి దాడి చేశారు. దీంతో పరమేశ్వర్‌ తలకు, కుడి చేతికి గాయాలయ్యాయి. బాధితుడి ఫిర్యాదుతో దాడికి పాల్పడిన అజయ్‌ జగదీష్‌, బల్బీమ్‌ దినకర్‌పై పోలీసులు కేసు నమోదు చేశారు. చేగుంట(తూప్రాన్‌): ఇంటి నుంచి బయటకు వెళ్లిన యువతి అదృశ్యమైంది. ఈ ఘటన మండలంలోని మక్కరాజీపేటలో చోటు చేసుకుంది. ఎస్‌ఐ చైతన్యకుమార్‌రెడ్డి వివరాల ప్రకారం.. గ్రామానికి చెందిన వరలక్ష్మి గ్రామంలోని ప్రాథమిక పాఠశాలలో వాలంటరీ టీచర్‌గా పని చేస్తుంది. మంగళవారం సాయంత్రం బట్టలు కుట్టించుకునేందుకు వెళ్తున్నట్లు ఇంట్లో చెప్పి బయటకు వెళ్లింది. రాత్రివరకు ఇంటికి రాకపోవడంతో ఫోన్‌ చేస్తే స్విచ్‌ఆఫ్‌ వచ్చింది. బంధువులు, తెలిసిన వారివద్ద వెతికినా ఆచూకీ లభ్యం కాలేదు. దీంతో తల్లి సుగుణ ఫిర్యాదు మేరకు పోలీసులు కేసు నమోదు చేశారు.

మిరుదొడ్డి(దుబ్బాక): రాష్ట్ర స్థాయి స్కూల్‌ గేమ్స్‌ ఫెడరేషన్‌ అండర్‌ 14 వాలీబాల్‌ క్రీడా పోటీలకు అక్బర్‌పేట–భూంపల్లి మండలంలోని ఖాజీపూర్‌ ప్రభుత్వ ఉన్నత పాఠశాల విద్యార్థినులు ఎంపికై నట్లు ఫిజికల్‌ డైరెక్టర్‌ వి.నరేశ్‌ తెలిపారు. మంగళవారం ఆయన మాట్లాడుతూ.. సంగారెడ్డి జిల్లా దౌల్తాబాద్‌ మండలంలో ఇటీవల జరిగిన ఉమ్మడి మెదక్‌ జిల్లా స్థాయి వాలీబాల్‌ క్రీడా పోటీల్లో వి.సాహితి, కే.కీర్తన అత్యుత్తమ ప్రతిభ చాటి రాష్ట్ర స్థాయి క్రీడా పోటీలకు ఎంపికై నట్లు తెలిపారు. జిల్లా స్థాయి నుంచి ఎంపికై న విద్యార్థులు త్వరలో పటాన్‌చెరులో జరిగే రాష్ట్ర స్థాయి క్రీడా పోటీల్లో పాల్గొంటారని పేర్కొన్నారు. ఈ సందర్భంగా ఎంపికై న విద్యార్థులను ప్రధానోపాధ్యాయుడు లక్ష్మీనర్సింహులు, టీచర్లు జీవన్‌, శ్యామల, మధుసూదన్‌ రెడ్డి, ధన్‌రాజ్‌, పద్మ, స్వామి, దుబ్బరాజయ్య అభినందించారు.

ప్రశాంత్‌నగర్‌(సిద్దిపేట): చిన్నారులు చిన్ననాటి నుంచే సన్మార్గంలో పయనించాలని జమియత్‌ ఉలేమా ప్రతినిధులు అన్నారు. జమియత్‌ ఉలేమా జిల్లా శాఖ ఆధ్వర్యంలో జిల్లా కేంద్రంలో సీరత్‌ ఉన్‌ నబీ కార్యక్రమం నిర్వహించారు. ఇందులో భాగంగా చిన్నారులకు సీరత్‌ క్విజ్‌ పోటీలు నిర్వహించారు. అనంతరం విజేతలకు బహుమతులు, సర్టిఫికెట్లు అందించారు. ఈ సందర్భంగా జమియత్‌ ఉలేమా ప్రతినిధులు మాట్లాడుతూ ఉమ్మడి ఏపీలోని అన్ని జిల్లా కేంద్రాలలో ఈ పోటీలను నిర్వహిస్తున్నామన్నారు. కార్యక్రమంలో హఫీజ్‌, ఖాలిక్‌ అహ్మద్‌, సయ్యద్‌, అబ్దుల్‌ హమీద్‌, అబ్దుల్‌ సలాం తదితరులు పాల్గొన్నారు. జమియత్‌ ఉలేమా ప్రతినిధులు

ప్రారంభం కాని వరి ధాన్యం కొనుగోలు కేంద్రాలు హుస్నాబాద్‌ డివిజన్‌ పరిధిలో వానాకాలం దాదాపు 85 వేల ఎకరాల్లో వరి సాగు చేశారు. కాగా ఎల్‌నినో ప్రభావంతో వానలు లేక దిగుబడులు ఆశించిన మేర రాలేదని రైతులు ఆందోళన చెందుతున్నారు. అయితే మార్కెట్‌లో ధాన్యం ధరలు పెరగడంతో రైతుల వద్ద తక్కువకు వ్యాపారులు కొనుగోలు చేస్తున్నారు. బహిరంగ మార్కెట్‌లో సన్నాలకు రూ.4వేల పైచిలుకు ధర ఉండగా, వ్యాపారులు రూ.3వేల నుంచి రూ.3,400 ధర పెడుతున్నారు. ప్రభుత్వ మద్దతు ధర క్వింటాలుకు రూ.2461 ఉండగా, దొడ్డు వడ్లకు క్వింటాలుకు రైతుల వద్ద రూ.2వేల నుంచి రూ.2,300 కొనుగోలు చేసి, క్వింటాలుకు రూ.2,600 చొప్పున ఎగుమతి చేస్తున్నారు. మార్కెట్‌ అధికారులు బహిరంగ కొనుగోళ్లను ఎందుకు కట్టడి చేయడం లేదని అన్నదాతలు ప్రశ్నిస్తున్నారు. ప్రారంభించని కొనుగోలు కేంద్రాలు ఖరీఫ్‌ వరి పంటను రైతులు కోసి ధాన్యాన్ని కల్లాలకు తరలించి ఆరబెడుతున్నారు. మండలంలో విశాల పరపతి సహకార సంఘం ఆధ్వర్యంలో 27, ఐకేపీ ఆధ్వర్యంలో మూడు కొనుగోలు కేంద్రాలను ప్రారంభించాల్సి ఉంది. కానీ అధికారులకు జిల్లా నుంచి ఆదేశాలు లేకపోవడంతో కేంద్రాలు ప్రారంభం కాలేదు. రైతులు పంట కోసి పది రోజులు గడిచినా కల్లాల్లోనే ధాన్యం ఆరబెడుతున్నారు. అధికారులు స్పందించి ధాన్యం తూకం వేయాలని వాపోతున్నారు. మిల్లుల కేటాయింపులో ఆలస్యం ప్రభుత్వ మద్దతు ధర కంటే తక్కువకే కొనుగోలు కట్టడి చేయని అధికారులు నష్టపోతున్న అన్నదాతలు ప్రభుత్వం వరి ధాన్యం కొనుగోలు కేంద్రాలు ప్రారంభించకపోవడంతో రైతులు దళారులను ఆశ్రయిస్తున్నారు. ఇదే అదునుగా భావించి దళారులు తక్కువ ధరకు కొనుగోలు చేస్తున్నారు. ఇంత జరుగుతున్నా.. బహిరంగ కొనుగోళ్లను మార్కెట్‌ అధికారులు ఎందుకు కట్టడి చేయడం లేదని ప్రశ్నిస్తున్నారు. – హుస్నాబాద్‌రూరల్‌

చేగుంట(తూప్రాన్‌): విచారణలో ఉన్న కేసులను త్వరితగతిన పరిష్కరించాలని జిల్లా అదనపు ఎస్పీ విక్రాంత్‌కుమార్‌సింగ్‌ తెలిపారు. చేగుంట పోలీస్‌ స్టేషన్‌ను మంగళవారం సాయంత్రం ఆకస్మికంగా తనిఖీ చేశారు. ఈ సందర్భంగా రికార్డులను పరిశీలించిన ఎస్పీ విచారణలో ఉన్న కేసులన్నిటినీ త్వరగా పూర్తి చేసేలా చొరవ చూపించాలని ఎస్‌ఐ చైతన్యకుమార్‌రెడ్డికి సూచించారు. పోలీస్‌ స్టేషన్‌ పరిధిలో సిబ్బంది నిర్వహిస్తున్న విధులకు సంబంధించిన వివరాలను తెలుసుకొని పలు సూచనలు చేశారు. ఈ పరిశీలనలో తూప్రాన్‌ సీఐ వెంకట్‌రాజాగౌడ్‌, పోలీస్‌ సిబ్బంది ఉన్నారు. జిల్లా అదనపు ఎస్పీ విక్రాంత్‌కుమార్‌సింగ్‌

వెల్దుర్తి(తూప్రాన్‌): వరి కోస్తుండగా ప్రమాదవశాత్తు హార్వెస్టర్‌ కిందపడి రైతు మృతి చెందాడు. ఈ ఘటన మండలంలోని మహ్మద్‌నగర్‌ పంచాయతీ పరిధి పెద్దమ్మగడ్డ తండాలో మంగళవారం చోటుచేసుకుంది. ఎస్‌ఐ కరుణాకర్‌రెడ్డి వివరాల ప్రకారం.. గ్రామానికి చెందిన రైతు మాలావత్‌ శంకర్‌ (46) తనకున్న 30 గుంటల భూమితో పాటు కంచనపల్లి గ్రామానికి చెందిన పోచయ్య పొలాన్ని కౌలుకు తీసుకొని వరి సాగు చేస్తున్నాడు. మంగళవారం కౌలుకు తీసుకున్న పొలంలో హార్వెస్టర్‌తో వరి కోతలు జరుగుతుండగా, హార్వెస్టర్‌ ఒక్కసారిగా వెనక్కి రావడంతో శంకర్‌ అదుపుతప్పి టైర్ల కిందపడిపోయాడు. తీవ్రంగా గాయపడిన ఆయనను నర్సాపూర్‌కు తరలిస్తుండగా మార్గమధ్యలోనే మృతి చెందాడు. పోలీసులు పంచనామా నిర్వహించి, మృతదేహాన్ని పోస్టుమార్టం నిమిత్తం నర్సాపూర్‌ ఏరియా ఆసుపత్రికి తరలించారు. మృతుడు శంకర్‌కు భార్య భుజాలి, ముగ్గురు కుమార్తెలు, ఒక కుమారుడు ఉన్నారు.

ఎల్‌నినో ప్రభావంతో వ్యాపారులు పాత బియ్యాన్ని క్వింటాలుకు రూ.12వేలకు అమ్ముతున్నరు. మరి ధాన్యం పండించిన రైతులకు బహిరంగ మార్కెట్‌ ధరలు ఎందుకు చెల్లించడం లేదు. రోడ్లపై దళారులు ధాన్యం కొనుగోలు చేస్తుంటే మార్కెట్‌ అధికారులు ఏం చేస్తున్నరు. మద్దతు ధరకు రూ.400 తగ్గించి రైతుల వద్ద కొంటున్నరు. కలెక్టర్‌ స్పందించి చర్యలు తీసుకోవాలి. – కె. వేణుగోపాల్‌రెడ్డి, రైతు సంఘం నాయకుడు మండలంలో 27 ధాన్యం కొనుగోలు కేంద్రాలను ఏర్పాటు చేయడానికి సిద్ధంగా ఉన్నాం. రైతుల వద్ద కొనుగోలు చేసిన ధాన్యాన్ని దిగుమతి చేయడానికి మిల్లులు కేటాయించలే దు. కేటాయించగానే కొనుగోళ్లు ప్రారంభిస్తాం. – ప్రవీణ్‌, సీఈఓ, సహకార సంఘం, హుస్నాబాద్‌

● ప్రారంభానికే పరిమితమైన కొనుగోలు కేంద్రాలు ● అయోమయంలో రైతులు వట్‌పల్లి(అందోల్‌): ఓ వైపు ఎల్‌నినో ప్రభావంతో సరిగా సాగునీరు అందక పంట ఎండిపోగా, మరోవైపు పండిన ధాన్యాన్ని విక్రయించడంలో రైతులకు ఇబ్బందులు తప్పడం లేదు. కొనుగోలు కేంద్రాలు ప్రారంభించినా కాంటా వేయకపోవడంతో ధాన్యం దళారుల పాలవుతోంది. ఇప్పటికే వరి కోతలు కోసి ధాన్యాన్ని ఆరబెట్టి కుప్పలుగా పోసి రైతులు ఎదురుచూస్తున్నారు. ప్రభుత్వ కొనుగోలు నిర్వాహకుల నుంచి హామీ రాకపోవడంతో రైతులు దళారులను ఆశ్రయించక తప్పడం లేదని ఆందోళన చెందుతున్నారు. ఇదే అదనుగా వ్యాపారులు, మిల్లర్లు పల్లెల్లో వాలిపోయి రైతుల అవసరాన్ని ఆసరాగా చేసుకొని ప్రభుత్వ మద్దతు ధర కంటే తక్కువ ధరను చెల్లిస్తూ ధాన్యాన్ని కొనుగోలు చేస్తున్నారు. మబ్బులతో రైతుల్లో ఆందోళన.. మొన్నటి వరకు ఎల్‌నినో ప్రభావంతో తీవ్రమైన ఎండలతో రైతులు ధాన్యాన్ని ఆరబెట్టడంలో ఎక్కడపడితే అక్కడ రోడ్లు, ఖాళీ ప్రదేశాల్లో రాశులుగా పోశారు. రెండు మూడు రోజులుగా మబ్బులు కమ్ముకోవడంతో పాటు జిల్లాలో అక్కడక్కడా చిరు జల్లులు కురువడం రైతులను ఆందోళనకు గురిచేస్తోంది. ధాన్యం ఆరబెట్టేందుకు రైతులు కుటుంబంతో సహా పగలు అక్కడే ఉండి, సాయంత్రానికి ఒక్కచోటికి చేర్చడంలో నానా ఇబ్బందులు ఎదుర్కొంటున్నారు.

హవేళిఘణాపూర్‌(మెదక్‌): ప్రభుత్వం సూచించిన నిర్ణీత ధరలకే బియ్యం విక్రయించాలని జిల్లా పౌరసరఫరాల అధికారి నిత్యానంద్‌ పేర్కొన్నారు. మంగళవారం జిల్లా కేంద్రమైన మెదక్‌లోని ఆయా దుకాణాల్లో ఆకస్మికంగా తనిఖీలు నిర్వహించారు. ఈ సందర్భంగా ఆయన మాట్లాడుతూ ప్రభుత్వం నిర్ణయించిన ధరలు బీపీటీ కేఎన్‌ఎం కిలోకు రూ.66, ఆర్‌ఎన్‌ఆర్‌ తెలంగాణ సోనా రూ.74, హెచ్‌ఎంటీ జేఎస్‌ఆర్‌ రూ.70 కిలో చొప్పున విక్రయించాలని సూచించారు. దుకాణాదారులు నిర్ణీత ధరలకు కాకుండా అధిక ధరలకు విక్రయిస్తే చర్యలు తీసుకుంటామని హెచ్చరించారు. ఈ తనిఖీల్లో అసిస్టెంట్‌ పౌరసరఫరాల అధికారి ఎండీ అబ్దుల్‌ నిస్సార్‌, ఇన్‌స్పెక్టర్‌ నర్సింలు, సిబ్బంది పాల్గొన్నారు. జిల్లా పౌర సరఫరాల అధికారి నిత్యానంద్‌

హవేళిఘణాపూర్‌(మెదక్‌): విద్యార్థులు చదువులకే పరిమితం కాకుండా క్రీడల్లోనూ రాణించాలని జిల్లా విద్యాధికారి రాజు అన్నారు. మంగళవారం జిల్లా కేంద్రమైన మెదక్‌ వెస్లీ పాఠశాల ప్రాంగణంలో ఏర్పాటు చేసిన పీఎంశ్రీ పాఠశాలల కడ్డీ టోర్నమెంట్‌ను ఆయన ప్రారంభించారు. మొదటి రోజు 17 సంవత్సరాలలోపు బాలబాలికలకు కబడ్డీ పోటీలు నిర్వహించగా 31 పీఎంశ్రీ పాఠశాలల నుంచి 650 మంది విద్యార్థులు పాల్గొన్నారు. అనంతరం ఆయన మాట్లాడుతూ.. రూ.50వేల చొప్పున క్రీడా పరికరాల కొనుగోలు కోసం టెండర్‌ ప్రక్రియ పూర్తయిందని తెలిపారు. బాలబాలికలు క్రీడల్లో మంచి నైపుణ్యం ప్రదర్శించి రాష్ట్ర స్థాయిలో రాణించాలని సూచించారు. ఈ పోటీల్లో 12 మంది సభ్యులతో కూడిన బాలుర జట్టు, 12 మందితో కూడిన బాలికల జట్టును ఎంపిక చేసిన వీరు హైదరాబాద్‌లో పోలీస్‌ అకాడమీలో నిర్వహించే క్రీడల్లో పాల్గొంటారన్నారు. కార్యక్రమంలో క్వాలిటీ కో–ఆర్డినేటర్‌ సుదర్శనమూర్తి, పీటీఏటీఎస్‌ రాష్ట్ర వర్కింగ్‌ ప్రెసిడెంట్‌ నాగరాజు, ప్రతినిధులు శ్రీనివాసరావు, మధుసూదన్‌, పీడీలు మాధవరెడ్డి, సత్యనారాయణ, రూపేందర్‌, విజయ్‌కృష్ణ, సురేశ్‌, కిశోర్‌, వినోద్‌ పాల్గొన్నారు. జిల్లా విద్యాధికారి రాజు

వట్‌పల్లి(అందోల్‌): విద్యుత్‌ షాక్‌కు గురై ఒక రైతు మృతి చెందగా, మరోకరికి తీవ్ర గాయాలయ్యాయి. ఈ ఘటన అందోల్‌ మండలం రాంసాన్‌పల్లిలో మంగళవారం చోటుచేసుకుంది. ఎస్‌ఐ శ్రీకాంత్‌ వివరాల ప్రకారం.. గ్రామానికి చెందిన రైతులు తలారి వెంకటేశం(38), మన్నె లక్ష్మయ్య(42)కు గ్రామ శివారులో పక్కపక్కనే భూమి ఉంది. సోమవారం వీచిన గాలిదుమారానికి బోరుబావులకు సరఫరా చేసే విద్యుత్‌ సర్వీస్‌ వైర్లు కట్టి నేలలో పాతిన కట్టె విరిగిపోయింది. దీంతో విద్యుత్‌ వైర్లు పొలంలో పడిపోయాయి. కాగా పొలంలో పడిన వైర్లను మళ్లీ పైకి లేపి కొత్త కట్టెను అమర్చేందుకు వారిద్దరూ కలిసి సాయంత్రం పొలానికి వెళ్లారు. ఈ క్రమంలో పైకి లేపే క్రమంలో వెంకటేశం వైర్లను పట్టుకోగా షాక్‌కు గురై అక్కడికక్కడే మృతి చెందాడు. కట్టెను పట్టుకున్న లక్ష్మయ్య కూడా షాక్‌ తగిలి దూరంగా ఎగిరిపడి గాయాలయ్యాయి. చుట్టుపక్కల రైతులు గమనించి జోగిపేట ప్రభుత్వ ఆసుపత్రికి తరలించారు. లక్ష్మయ్యను సంగారెడ్డి ప్రభుత్వ ఆసుపత్రికి తీసుకెళ్లారు. పోలీసులు కేసు నమోదు చేశారు. కాగా మృతుడు వెంకటేశం వ్యవసాయంతో పాటు పెయింట్‌ వర్కర్‌గా పనిచేస్తున్నాడు. షటిల్‌ కాక్‌ తీసుకునేందుకు వెళ్లి.. పటాన్‌చెరు టౌన్‌: షటిల్‌ కాక్‌ తీసుకునేందుకు వెళ్లి యువకుడు విద్యుత్‌ షాక్‌తో మృతి చెందాడు. ఈ ఘటన జె.పి కాలనీ డివిజన్‌ పరిధిలోని బండ్లగూడలో చోటుచేసుకుంది. స్థానికుల వివరాల ప్రకారం.. బీహార్‌కు చెందిన గౌతం కుమార్‌(19) పారగాన్‌ పరిశ్రమలో కాంటాక్ట్‌ కార్మికుడుగా పని చేస్తూ.. బండ్లగూడలో ఉంటున్నాడు. మంగళవారం ఉదయం షటిల్‌ ఆడుతుండగా కాక్‌ ఇంటిపై పడటంతో తీసేందుకు వెళ్లాడు. ఈ క్రమంలో ఇంటిపై ఉన్న విద్యుత్‌ తీగలు తగలడంతో షాక్‌తో అక్కడికక్కడే మృతి చెందాడు. పోలీసులు మృతదేహాన్ని పోస్టుమార్టం నిమిత్తం ప్రభుత్వాసుపత్రికి తరలించారు. కాగా ఎమ్మెల్యే సోదరుడు, బీఆర్‌ఎస్‌ రాష్ట్ర నాయకులు గూడెం మధుసూదన్‌ రెడ్డి, మాజీ ఎంపీపీ యాదగిరి యాదవ్‌తో కలిసి కుటుంబ సభ్యులను పరామర్శించారు. పరిశ్రమ యాజమాన్యంతో చర్చించి మానవతా దృక్పథంతో ఆర్థిక సహాయం అందించాలని కోరారు. ఒకరికి గాయాలు

మెదక్‌కలెక్టరేట్‌: వీబీజీ–రామ్‌జీ పథకంలో భాగంగా జిల్లావ్యాప్తంగా చేపడుతున్న జలసిరి పనుల్లో పురోగతి సాధించాలని అదనపు కలెక్టర్‌ నగేశ్‌ అధికారులను ఆదేశించారు. మంగళవారం మెదక్‌ సమీకృత కలెక్టరేట్‌లో జిల్లాలోని గ్రామీణ అభివృద్ధి శాఖ ద్వారా చేపడుతున్న జలసిరి పనులు, ఫారం పాండ్‌, ఇంకుడు గుంతలు, వ్యక్తిగత, సామూహిక ఇంకుడు గుంతల నిర్మాణం, బోర్వెల్‌ రిఫ్రో సక్చర్‌, ఇందిరమ్మ ఇండ్ల నిర్మాణం, వికసిత భారత్‌ – గ్రామీణ ఉపాధి, జీవనోపాధి మిషన్‌ హామీ పథకం‘ తదితర పథకాలపై సంబధిత అధికారులతో సమీక్ష సమావేశం నిర్వహించారు. ఈ సమావేశంలో ఆయన పాల్గొని అధికారులకు దిశా నిర్దేశం చేశారు. ఎల్‌నినో నేపథ్యంలో జలసిరి పథకానికి ప్రాధాన్యతనిచ్చి లక్ష్యాలను ఈనెల 20 తేదీలోపు పురోగతి సాధించాలని ఆదేశించారు. అనంతరం అంగన్వాడీ కేంద్రాలకు సరుకులు సరఫరా చేసే కాంట్రాక్టర్లతో సమీక్ష సమావేశం నిర్వహించారు. టెండర్‌లో కోడ్‌ చేసిన గుత్తేదారులు నాణ్యమైన కందిపప్పు అందించాలని సూచించారు. ఈ కార్యక్రమంలో జిల్లా సీ్త్ర, శిశు సంక్షేమ అధికారి హేమ భార్గవి, పౌరసరఫరాల అధికారి నిత్యానంద్‌, మేనేజర్‌ జగదీష్‌, డీఈఓ రాజు, రవాణా శాఖ అధికారి శ్రీకాంత్‌ చక్రవర్తి , డీఆర్డిఓ పీడీ శ్రీనివాసరావు, డీపీఓ యాదయ్య, సంబంధిత గుత్తేదారులు పాల్గొన్నారు.

దుబ్బాకరూరల్‌: ఇంకుడు గుంత తవ్వుతుండగా ఉపాధి కూలీ హఠాత్తుగా కుప్పకూలి మృతి చెందాడు. ఈ ఘటన మండలంలోని ఆకారం గ్రామంలో మంగళవారం చోటు చేసుకుంది. గ్రామస్తుల వివరాలు.. గ్రామానికి చెందిన అబ్బరబోయిన పోచయ్య(61) ఉపాధి పనికి వెళ్లాడు. గ్రామంలోని ప్రభుత్వ పాఠశాల ఆవరణలో ఇంకుడు గుంత తవ్వుతున్నారు. ఈ క్రమంలో పోచయ్య తన చేతిలో ఉన్న గడ్డపారతో ఇంకుడు గుంతను తవ్వుతుండగా ఒక్కసారిగా కుప్పకూలాడు. వెంటనే ప్రక్కన ఉన్న కూలీలు గమనించి స్థానిక డాక్టర్‌కు, అంబులెన్సుకు కాల్‌ చేశారు. వారు వచ్చి చూడగా అప్పటికే మృతి చెందినట్లు నిర్ధారించారు. ఉన్నట్టుండి పోచయ్య ఒక్కసారిగా మృతి చెందడంతో అతని ప్రక్కనే ఉన్న భార్య లబోదిబోమంటూ గుండెలవిసేలా రోధించింది. అక్కడే ఉన్న తోటి కూలీలు కన్నీంటి పర్యంతమయ్యారు. మృతునికి కొడుకు, ముగ్గురు కూతుళ్లు ఉన్నారు. మెదక్‌ మండలంలో.. హవేళిఘణాపూర్‌(మెదక్‌): ఉపాధి హామీ పనులు చేస్తుండగా కూలీ అకస్మాత్తుగా మృతి చెందాడు. ఈ ఘటన మెదక్‌ మండలం మక్తభూపతిపూర్‌ గ్రామంలో మంగళవారం చోటు చేసుకుంది. వివరాలు ఇలా.. గ్రామానికి చెందిన మద్దగుంట నర్సింలు(56) నిత్యంలాగే భార్య దుర్గమ్మతో కలిసి ఉపాధి హామీ పనులకు వెళ్లాడు. పనులు చేస్తుండగా తనకు కళ్లు తిరుగుతున్నాయని చెప్పడంతో భార్య అతడ్ని చెట్టు కిందకు తీసుకెళ్లగానే కుప్పకూలి చనిపోయాడు. మెదక్‌ రూరల్‌ ఎస్‌ఐ సుమన్‌ ఘటనా స్థలానికి చేరుకొని మృతదేహాన్ని పోస్టుమార్టం నిమిత్తం మెదక్‌ ఆస్పత్రికి తరలించారు. పోలీసులు కేసు నమోదు చేశారు. వేర్వేరు చోట్ల ఇద్దరు ఉపాధి కూలీలు మృతి నారాయణఖేడ్‌: నిజాంపేట ఇన్‌చార్జి ఎంపీడీఓగా విధులు నిర్వహిస్తున్న సంగ్రాంను బాధ్యతల నుంచి తొలగిస్తూ జడ్పీ సీఈఓ జానకీరాం మంగళవారం ఉత్తర్వులు జారీ చేశారు. వీబీజీరాంజీ పథకం పనుల్లో నిజాంపేట మండలం జిల్లాలోనే వెనుకబడి ఉండడంతో పాటు పనుల పర్యవేక్షణలో విఫలమైనందున సంగ్రాంను బాధ్యతల నుంచి తొలగించారు. ఆయనను ఖేడ్‌ ఎంపీపీ సూపరింటెండెంట్‌గా నియమించారు. మనూరు ఎంపీఓగా విధులు నిర్వహిస్తున్న మహ్మద్‌ అహ్మద్‌ హుస్సేన్‌కు నిజాంపేట ఎంపీడీఓగా అదనపు బాధ్యతలు అప్పగించారు.

సదాశివపేట రూరల్‌(సంగారెడ్డి): లంచం తీసుకుంటూ ఓ ప్రభుత్వ ఉద్యోగి ఏసీబీ అధికారులకు రెడ్‌హ్యాండెడ్‌గా పట్టుబడ్డాడు. ఏసీబీ మెదక్‌ రేంజ్‌ డీఎస్పీ సుదర్శన్‌ వివరాల మేరకు.. ఓ ఫెర్టిలైజర్స్‌ అండ్‌ ఫెస్టిసైడ్‌ వ్యాపారం ఎలాంటి ఆటంకాలు లేకుండా సాఫీగా సాగడానికి నిర్వాహకుల నుంచి గత నెల 19న మండల వ్యవసాయాధికారి రమేశ్‌ రూ.30వేలు డిమాండ్‌ చేసి, అదే రోజు రూ.10వేలు తీసుకున్నాడు. కాగా మంగళవారం మరో రూ.20వేలను తీసుకుంటుండగా అక్కడే మాటువేసిన ఏసీబీ అధికారులు దాడులు నిర్వహించి రమేశ్‌ను పట్టుకున్నారు. ఏసీబీ అధికారులు అదుపులోకి తీసుకుని కేసు నమోదు చేసి విచారణ చేస్తున్నారు. విచారణ అనంతరం కోర్టులో హాజరుపరుస్తామని తెలిపారు. ఆర్డీఓ సదానందం సిద్దిపేటజోన్‌: సర్‌ ప్రక్రియకు సంబంధించి పెండింగ్‌ ఫారాలన్నింటిని ఈనెల 18లోగా త్వరితగతిన పూర్తి చేయాలని సిద్దిపేట ఆర్డీఓ సదానందం సూచించారు. మంగళవారం మున్సిపల్‌ కార్యాలయంలో బూత్‌లెవల్‌ ఆఫీసర్స్‌, సూపర్‌వైజర్స్‌తో సమీక్ష నిర్వహించారు. పెండింగులో ఉన్న ఫారాలు 6,7,8 వాటిపై ప్రత్యేక దృష్టి సారించాలని సూచించారు. ఈ సమావేశంలో ఎన్నికల డిప్యూటీ తహసీల్దార్‌ మాధవి, తదితరులు పాల్గొన్నారు. హుస్నాబాద్‌: హుస్నాబాద్‌ అడిషనల్‌ జూనియర్‌ సివిల్‌ జడ్జి ఈ.ప్రమీద బదిలీ అయ్యారు. ఈ మేరకు మంగళవారం హైకోర్టు రిజిస్ట్రార్‌ జనరల్‌ ఉత్తర్వులు జారీ చేశారు. ప్రమీద పెద్దపల్లి జిల్లా సుల్తానాబాద్‌ కోర్టు జూనియర్‌ సివిల్‌ జడ్జిగా బదిలీ అయినట్లు ఉత్తర్వుల్లో పేర్కొన్నారు. ప్రశాంత్‌నగర్‌(సిద్దిపేట): శ్రీకృష్ణ దేవరాయ భాషా నిలయం ఆధ్వర్యంలో ప్రతి సంవత్సరం అందిస్తున్న డాక్టర్‌ ఎం.ఎల్‌ నరసింహారావు సాహితీసేవా పురస్కారం 2026 సంవత్సరానికి గాను సిద్దిపేటకు చెందిన ప్రముఖ కవి, రచయిత, కథాశిల్పి ఐతా చంద్రయ్య ఎంపికై నట్లు బాలసాహితీవేత్త రాజేశం తెలిపారు. ఈ నెల 11న హైదరాబాద్‌లో ఆయన పురస్కారం అందుకోనున్నారని చెప్పారు. తెలుగు సాహిత్యంలో విశేష కృషి చేస్తూ అనేక ప్రక్రియల్లో రచనలు చేశారని, శతాధిక గ్రంథకర్త అయిన చంద్రయ్య పురస్కారానికి ఎంపిక కావడం హర్షణీయమన్నారు. ఈ సందర్భంగా జాతీయ సాహిత్య పరిషత్‌ అధ్యక్షుడు ఎన్నవెళ్లి రాజమౌళి, వరుకోలు లక్ష్మయ్య, బస్వరాజ్‌ కుమార్‌, కాల్వ రాజయ్య, సింగీతం నరసింహారావు, ఉప్పరి బాలచంద్రం, పెందోట వెంకటేశ్వర్లు, డాక్టర్‌ బి.సుధాకర్‌ ఆయనకు అభినందనలు తెలిపారు. జిన్నారం(పటాన్‌చెరు): అనుమతులు తీసుకోకుండా బోరుబావి తవ్వకం పనులు చేపట్టడంపై రెవెన్యూ అధికారులు చర్యలు చేపట్టారు. మంగళవారం బొల్లారం డివిజన్‌ పరిధిలో ఎలాంటి అనుమతులు పొందకుండా చేపట్టిన బోరు తవ్వకం పనులను రెవెన్యూ అధికారులు అడ్డుకొని బోర్‌వెల్‌ వాహనాన్ని సీజ్‌ చేశారు. అనంతరం బొల్లారం పోలీసులకు వాహనాన్ని అప్పగించారు. ఇకపై అనుమతులకు విరుద్ధంగా బోరు బావుల తవ్వకాలకు పాల్పడితే కఠిన చర్యలు తప్పవని హెచ్చరించారు. కార్యక్రమంలో ఆర్‌ఐ శ్రీనివాస్‌, పోలీసులు, సిబ్బంది పాల్గొన్నారు. పటాన్‌చెరు టౌన్‌ : డ్రంకెన్‌ డ్రైవ్‌లో పట్టుబడిన వాహనదారులకు సంగారెడ్డి జిల్లా కోర్టు జరిమానా విధించింది. ఈ ఘటన పటాన్‌చెరు ట్రాఫిక్‌ పోలీస్‌ స్టేషన్‌ పరిధిలో చోటు చేసుకుంది. ట్రాఫిక్‌ సీఐ ప్రసాద్‌రావు వివరాల ప్రకారం.. సోమవారం నిర్వహించిన డ్రంకెన్‌డ్రైవ్‌లో 9 మందిని పట్టుకున్నారు. వీరిని మంగళవారం సంగారెడ్డి కోర్టులో హాజరుపర్చగా 9 మందికి రూ. 10,500 జరిమానా విధించినట్లు ట్రాఫిక్‌ పోలీసులు పేర్కొన్నారు. చిన్నకోడూరు(సిద్దిపేట): మండల పరిధిలోని ఇబ్రహీంనగర్‌ మోడల్‌ స్కూల్‌లో (అతిథి అధ్యాపకులు) బోధించడానికి గణిత ఉపాధ్యాయ నియామకానికి అర్హులైన అభ్యర్థులు బుధవారం పాఠశాలలో పూర్తి ధ్రువపత్రాలతో హాజరుకావాలని ప్రిన్సిపాల్‌ సతీశ్‌ కుమార్‌ తెలిపారు. మ్యాథ్స్‌ బోధించడానికి ఎంఎస్సీ మ్యాథ్స్‌, బీఈడీ, టెట్‌ అర్హతతో అనుభవం కలిగిన అభ్యర్థులు పూర్తి బయోడేటాతో ఇంటర్వ్యూకు హాజరుకావాలని సూచించారు.

కంది(సంగారెడ్డి): స్వచ్ఛభారత్‌ మిషన్‌ ఆధ్వర్యంలో గ్రామీణ వ్యర్థాల నిర్వహణపై అధ్యయనం చేసేందుకు ఎంపికై న కంది మండలంలోని కాశీపూర్‌లో మంగళవారం యూనిసెఫ్‌– ఐఐఎం ఇండోర్‌ అధికారుల బృందం పర్యటించింది. ఐఐఎం ఇండోర్‌ ప్రాజెక్ట్‌ అసోసియేట్లు బాలాజీ, ఆదిత్య పాటిదర్‌ గ్రామపంచాయతీ సర్పంచ్‌ వార్డు సభ్యులు, స్వయం సహాయక సంఘాల సభ్యులు, అంగన్‌వాడీ టీచర్లతో సమావేశమై పంచాయతీల్లో చెత్త సేకరణ పారిశుద్ధ్య నిర్వహణ ఏర్పాట్లను పరిశీలించారు. ఈ సందర్భంగా వారు మాట్లాడుతూ... గ్రామీణ ప్రాంతాల్లో గృహాలు, విద్యా, వ్యాపార, ఇతర సంస్థల నుంచి ఉత్పత్తి అవుతున్న వ్యర్థాల పరిమాణాన్ని శాసీ్త్రయ పద్ధతుల్లో అంచనా వేయ డం ఈ అధ్యయనం ముఖ్య ఉద్దేశమన్నారు. కాశీపూర్‌లో ఏడు రోజులపాటు సమగ్ర క్షేత్ర స్థాయి అధ్యయనం నిర్వహించనున్నట్లు వెల్ల డించారు. ఈ అధ్యయనానికి గ్రామస్తులందరూ సహకరించాలని కోరారు. కార్యక్రమంలో సర్పంచ్‌ కృష్ణగౌడ్‌, పంచాయతీ కార్యదర్శి రమేశ్‌తోపాటు గ్రామస్తులు పాల్గొన్నారు. ఖైదీలకు చట్టాలపై అవగాహన తప్పనిసరిజిల్లా న్యాయ సేవాధికార సంస్థ కార్యదర్శి సౌజన్య సంగారెడ్డి టౌన్‌: ఖైదీలకు చట్టాలపై అవగాహన కల్పించాలని జిల్లా న్యాయ సేవాధికార సంస్థ కార్యదర్శి సౌజన్య పేర్కొన్నారు. కంది సెంట్రల్‌ జైలులో మంగళవారం ఆకస్మిక తనిఖీలు నిర్వహించారు. ఈ సందర్భంగా ఆమె మాట్లాడుతూ..ఖైదీలకు ఉచిత న్యాయ సహా యం అందుబాటులో ఉందన్నారు. జైలులోని వివిధ విభాగాలను సందర్శించి ఖైదీలతో మాట్లాడారు. వారికి అందుతున్న ఆహారం, వైద్యం, తాగునీటి తదితర సౌకర్యాల గురించి అడిగి తెలుసుకున్నారు. కార్యక్రమంలో జైలు అధికారులు, న్యాయవాదులు సిబ్బంది తదితరులు పాల్గొన్నారు. కబడ్డీ పోటీలకు ఎంపికై న విద్యార్థులుపాపన్నపేట(మెదక్‌): పీఎంశ్రీ పాఠశాలల అండర్‌–17 విభాగం కబడ్డీ పోటీలలో పాపన్నపేట విద్యార్థినులు రాష్ట్రస్థాయికి ఎంపికయ్యారు. మెదక్‌లో మంగళవారం జరిగిన పోటీల్లో మొత్తం 24 జట్లు పాల్గొనగా పాపన్నపేటకు చెందిన బాలురు, బాలికల జట్లు హైదరాబాద్‌లో జరుగనున్న రాష్ట్రస్థాయి పోటీలకు ఎంపికై నట్లు పీడీ రమేశ్‌,హెచ్‌ఎం మహేశ్వర్‌ ఓ ప్రకటనలో వెల్లడించారు. ఇండస్‌ మెడికేర్‌ పరిశ్రమలో సీఐటీయూ గెలుపు13 ఓట్ల మెజార్టీతో గెలుపొందిన మల్లికార్జున్‌ తూప్రాన్‌: మనోహరబాద్‌ మండలం రామా యంపల్లి గ్రామపంచాయతీ పరిధిలోని ఇండస్‌ మెడికేర్‌ కంపెనీ కార్మిక సంఘం ఎన్నికల్లో సీఐటీయూ ఘన విజయం సాధించింది. పరిశ్రమలో జరిగిన హోరాహోరీ పోరులో సీఐటీయూ తన జయకేతనాన్ని ఎగురవేసింది. కంపెనీలో మొత్తం 63 ఓట్లు ఉండగా, సీఐటీయూ తరఫున పోటీ చేసిన ఆ సంఘం రాష్ట్ర ఉపాధ్య క్షుడు.మల్లికార్జున్‌కు 38 ఓట్లు రాగా..ఆయన సమీప ప్రత్యర్థికి 25 ఓట్లు మాత్రమే లభించాయి. దీంతో మల్లికార్జున్‌ 13 ఓట్ల ఆధిక్యంతో గెలుపొందారు. సీఐటీయూ విజయకేతనం ఎగరేయడంపై కార్మికులు హర్షాతిరేకాలు వ్యక్తం చేస్తూ పెద్ద ఎత్తున సంబరాలు చేసుకున్నారు. కార్యక్రమంలో సీఐటీయూ మెదక్‌ జిల్లా కార్యద ర్శి మల్లేశ్‌, ఎన్‌పీఆర్‌డీ రాష్ట్ర అధ్యక్షుడు అడివ య్య, విద్యుత్‌ రంగ నాయకులు స్వామి పాల్గొన్నారు.

పత్తి పంట క్వింటాలుకు సీసీఐలో రూ.18వేల చొప్పున కొనుగోలు చేసి రైతులను ఆర్థికంగా ఆదుకోవాలి. ఎల్‌నినో ప్రభావంతో పత్తి పంట 12 క్వింటాళ్లు వస్తుందనుకుంటే 2–3 క్వింటాళ్ల చొప్పున పత్తి పంట దిగుబడి రావడంతో తీవ్రంగా నష్టపోవాల్సి వస్తోంది. పత్తి పంటకు ఽకేంద్ర, రాష్ట్ర ప్రభుత్వాలు ధర పెంచి రైతులను ఆదుకునే అవసరం ఉంది. – గంజి ప్రభు (రైతు) సీసీఐలో రూ.8,667 ప్రభుత్వ నిబంధనల ప్రకారం సంగారెడ్డి జిల్లా సీసీఐలో పత్తి క్వింటాలుకు రూ.8,667 చొప్పున కొనుగోలు చేస్తున్నారు. ఆదోని జిల్లాలో మోడల్‌ ధర రూ. 9,200 ఉండగా గరిష్ట ధర రూ.9,500 పలుకుతుందన్నారు. రైతుల ఇష్ట్రపకారం పత్తి పంటను అమ్ముకోవడానికి అవకాశముంది. –శివప్రసాద్‌ (జిల్లా వ్యవసాయాధికారి)

జహీరాబాద్‌: గతంలో ప్రభుత్వ నివాస గృహాల కోసం అధికారులు పోటీపడే వారు. ఇందుకోసం పైరవీలు సైతం చేసేవారు. జహీరాబాద్‌ పట్టణంలోని తహశీల్దార్‌ కార్యాలయం ఎదుట నిర్మించిన నివాస గృహాల సముదాయం ఆర్టీసీ బస్టాండ్‌కు అతి దగ్గరగా ఉండటం, మార్కెట్‌కు వెళ్లేందుకు వీలుగా సౌకర్యవంతంగా ఉండటంతో నివాస గృహాల్లో ఉండేందుకు అధికారులు ఇష్టపడే వారు. అప్పట్లో అద్దె భవనాలు అంతంతమాత్రమే అందుబాటులో ఉండటం, ఉన్న భవనాలు ఇరుకుగా ఉండటం వల్ల ఆయా శాఖల అధికారులు అధికార నివాస గృహాల్లో నివాసం ఉండేందుకు మక్కువ చూపేవారు. నామమాత్రపు అద్దెలు ఉండటమే కాకుండా నివాసముండేందుకు అనువైన ప్రాంతం కావడమే ఇందుకు కారణం. గాలి, వెలుతురు బాగా వచ్చే విధంగా నిర్మాణాలు జరిగాయి. గృహాలకు ఇరువైపులా విశాలమైన ఖాళీ స్థలం ఏర్పాటు చేశారు. ఒక క్వార్టర్‌లో ఒక కుటుంబమే నివాసం ఉండేలా నిర్మాణం చేశారు. అయితే ఇప్పుడవి నిర్వహణ లోపం కారణంగా శిథిలావస్థలకు చేరుకున్నాయి. రెండు క్వార్టర్లలో మినహా మిగతా క్వార్టర్లనీ గత దశాబ్దకాలంగా ఖాళీగానే ఉంటున్నాయి. అయినా వీటి విషయంలో అధికారులు ఏమాత్రం పట్టించుకోవడం లేదనే విమర్శలున్నాయి. ఉత్తమ సేవలందించేందుకే నిర్మాణం విధులు నిర్వహించే చోట అధికారులు నివాసం ఉంటే ప్రజలకు ఉత్తమ సేవలు అందుతాయనే ఉద్దేశంతో ప్రభుత్వం అధికారులకు నివాస గృహాలను నిర్మించింది. రోడ్డు భవనాల శాఖ ఆధ్వర్యంలో 1973 సంవత్సరంలో 17 నివాస గృహాలను నిర్మించారు. వీటిని అద్దె ప్రాతిపదికన కేటాయించారు. నిర్మాణం విషయంలో ప్రత్యేక చొరవ చూపిన ప్రభుత్వం వాటి నిర్వహణ విషయాన్ని గాలికి వదిలేసింది. దీంతో వర్షాకాలంలో కురియడం, వాటికి మరమ్మతులు చేయకపోవడంతో వినియోగించుకునేందుకు వీలు లేకుండా పోయింది. కిటీలు, తలుపులు ఊడటం గోడలు కూలిపోయాయి. దీంతో నివాసమున్న అధికారులు వాటిని వదిలేసి వెళ్లిపోయారు. ప్రస్తుతం పిచ్చమొక్కలు, శిథిలాలతో దర్శనమిస్తున్నాయి. నివాస గృహాలు శిథిలం కావడం, పిచ్చమొక్కలు పెరగడంతో విషపూరిత క్రిమి, కీటకాలకు నిలయంగా మారిందని పరిసర ప్రాంతాల్లో నివాసం ఉండే ప్రజలు ఆవేదన వ్యక్తం చేస్తున్నారు. ప్రభుత్వ దృష్టికి తీసుకెళ్తాం శిథిలమైన నివాస గృహాల విషయమై ఇప్పటివరకు ఎలాంటి ఆలోచన చేయలేదు. వీటి పరిస్థితుల గురించి ప్రభుత్వం దృష్టికి తీసుకెళ్తాం. ప్రస్తుతం గృహాలు నివాసముండేందుకు ఏ మాత్రం అనువుగా లేవు. దీంతో అవి ఖాళీగానే ఉంటున్నాయి. ప్రభుత్వం నుంచి వచ్చే ఆదేశాల మేరకు తదుపరి కార్యచరణ చేపడతాం. –రామకృష్ణ, ఆర్‌అండ్‌బీ ఇన్‌చార్జి డీఈఈ అపార్టుమెంట్లు నిర్మిస్తే ఉపయోగకరం శిథిలమైన నివాస గృహాలను పూర్తిగా కూల్చివేసి, వాటి స్థానంలో కొత్తగా భవనాలు నిర్మిస్తే ఉపయోగకరంగా ఉంటుందనే అభిప్రాయాన్ని పలువురు వ్యక్తం చేస్తున్నారు. అపార్టుమెంట్ల మాదిరిగా పలు అంతస్థుల భవనాలను నిర్మించడం ద్వారా సుమారు 200లకు పైగా కుటుంబాలు నివాసం ఉండేందుకు అవకాశం ఉంటుందంటున్నారు. బహుళ అంతస్థుల భవనాలను నిర్మించడం ద్వారా ఉద్యోగులు నివాసం ఉండేందుకు సౌకర్యంగా మారుతుంది. ప్రభుత్వానికి ఆదాయం సైతం సమకూరుతుంది. లేనట్లయితే సమీకృత ప్రభుత్వ కార్యాలయాల భవనాలను నిర్మించినా ప్రజలకు సౌకర్యవంతంగా ఉంటుందని పలువురు అభిప్రాయపడుతున్నారు. ఈ విషయంలో ప్రభుత్వం, ఉన్నతాధికారులు ప్రత్యేక దృష్టి సారించాలని ప్రజలు కోరుతున్నారు. నాడు అద్దె కోసం పోటీ నేడు కన్నెత్తి చూడని దుస్థితి

● జిల్లాస్థాయి సైన్స్‌కాంగ్రెస్‌లో ఉత్తమ ప్రతిభ కనబరిచిన చిన్నారులు ● విద్యార్థుల్లో శాసీ్త్రయ దృక్పథం పెంపొందించాలి: డీఈఓ రోహిణి సంగారెడ్డి ఎడ్యుకేషన్‌: జిల్లాస్థాయి సైన్స్‌ కాంగ్రెస్‌లో ఉత్తమ ప్రతిభ కనబరిచిన ఐదుగురు విద్యార్థులు రాష్ట్రస్థాయి పోటీలకు ఎంపికై నట్లు జిల్లా విద్యాధికారి రోహిణి వెల్లడించారు. జిల్లా సైన్స్‌ కేంద్రంలో మంగళవారం 32వ జిల్లా స్థాయి నేషనల్‌ చిల్డ్రన్‌ సైన్స్‌ కాంగ్రెస్‌ కార్యక్రమాన్ని ఘనంగా నిర్వహించారు. జిల్లాలోని 100 పాఠశాలల నుంచి రిజిస్ట్రేషన్‌ చేసుకున్న 120 మంది విద్యార్థులు ఈ కార్యక్రమానికి హాజరై తమ శాసీ్త్రయ ప్రాజెక్టులను ప్రదర్శించారు. ఈ సందర్భంగా జిల్లా విద్యాధికారి రోహిణి మాట్లాడుతూ... విద్యార్థులు నిత్యజీవితంలో ఎదురయ్యే సమస్యలకు పరిష్కారాలు కనుగొనే దిశగా ఆలోచించాలన్నారు. ఉపాధ్యాయులు విద్యార్థుల్లో శాసీ్త్రయ నైపుణ్యాలను పెంపొందిస్తూ, శాసీ్త్రయ దృక్పథాన్ని అభివృద్ధి చేసేలా బోధించాలని తెలిపారు. సైన్స్‌ ఉపాధ్యాయులు సేవ్‌ ఫస్ట్‌ ఇన్నోవేషన్‌, ఈ–వేస్ట్‌ మేనేజ్‌మెంట్‌, తెలంగాణ స్కూల్‌ ఇన్నోవేషన్‌ ఛాలెంజ్‌ వంటి కార్యక్రమాల్లోనూ చురుగ్గా పాల్గొని విజయవంతం చేయాలని సూచించారు. రాష్ట్రస్థాయికి ఎంపికై న విద్యార్థులు వీరే.. పటాన్‌చెరులోని త్రివేణి పాఠశాల విద్యార్థి జెస్సీకా, జెడ్పీహెచ్‌ఎస్‌ చౌటకూరు విద్యార్థి వర్షిణి, సదాశివపేటలోని సెయింట్‌ ఆంథోనీస్‌ పాఠశాల విద్యార్థి సుశాంక్‌, రామచంద్రాపురంలోని ఠాగూర్‌ కాన్వెంట్‌ స్కూల్‌ విద్యార్థి స్వరూప్‌, పటాన్‌చెరులోని ఆరిజిన్‌ టెక్నో స్కూల్‌ విద్యార్థి సాయికార్తీక్‌యాదవ్‌ విద్యార్థులు తమ ప్రదర్శనలతో ఉత్తమ ప్రతిభ కనబరిచి రాష్ట్రస్థాయి పోటీలకు ఎంపికయ్యారు. కార్యక్రమానికి న్యాయనిర్ణేతలుగా డాక్టర్‌ విజయ, వెంకట రామచందర్‌, కందయ్య, డాక్టర్‌.అనిత, డాక్టర్‌ వల్లీ సౌభాగ్యం వ్యవహరించారు. కార్యక్రమంలో డీసీఈబీ కార్యదర్శి లింబాజీ, సైన్స్‌ అధికారి సిద్దారెడ్డితోపాటు జిల్లా ఎన్‌సీఎస్‌సీ అసిస్టెంట్‌ కో ఆర్డినేటర్‌ పద్మ, అనిల్‌ కుమార్‌, టీఎస్‌బీఎస్‌ఎఫ్‌ రాష్ట్ర కోశాధికారి బైండ్ల రామకృష్ణ వివిధ పాఠశాలల గైడ్‌ ఉపాధ్యాయులు, విద్యార్థులు పాల్గొన్నారు.

నారాయణఖేడ్‌: నీటిని పొదుపుగా వాడుకుంటూ ఎల్‌నినో సమస్యను అధిగమించాలని ఎమ్మెల్యే డా.సంజీవరెడ్డి కోరారు. ఖేడ్‌ మండల పరిషత్‌లో మంగళవారం అధికారులు, సర్పంచ్‌లతో నిర్వహించిన సమీక్షలో మాట్లాడారు. ఈ ఏడాది గతంలో ఎప్పుడూ లేనివిధంగా ఎల్‌నినో సమస్యతో భూగర్భ జలాలు అడుగంటుతున్నాయన్నారు. అందువల్ల ప్రతీ నీటి చుక్కను వృథా కాకుండా చూడాలన్నారు. ప్రతీ ఇంటి వద్ద ఇంకుడు గుంతను నిర్మించుకునే విధంగా ప్రజలకు అవగాహన కల్పించాలని సూచించారు. గ్రామాల్లో నీటి ఎద్దడి నెలకొనకుండా ఉండటానికి బోరు బావుల్లో సింగిల్‌ ఫేజ్‌ మోటార్లను వినియోగించి నీటి సమస్య రాకుండా చూడాలని సర్పంచులకు సూచించారు. వీబీజీ రాంజీ పథకం కింద ఫామ్‌పాండ్స్‌ నిర్మాణాలు చేపట్టాలన్నారు. ప్రభుత్వ బోరుబావుల వద్ద నీరు వృథా పోకుండా ఫ్లో ట్యాంకులను నిర్మించి పశువులకు కూడా నీటి సమస్య తలెత్తకుండా పశువులు నీటి తొట్లను నిర్మించాలన్నారు. సమీక్షలో ఆత్మ చైర్మన్‌ వినోద్‌ పాటిల్‌ పాల్గొన్నారు.

● సీఐటీయూ డిమాండ్‌ ● డిసెంబర్‌ 15 నుంచి నిరవధిక సమ్మెకొండాపూర్‌(సంగారెడ్డి): కాంగ్రెస్‌ పార్టీ అధికారంలోకి వస్తే ఆశా వర్కర్లకు నెలకు రూ.18 వేల కనీస వేతనం, ఉద్యోగ భద్రత కల్పిస్తామని ఇచ్చిన హామీలను ప్రభుత్వం అమలు చేయాలని సీఐటీయూ డిమాండ్‌ చేసింది. ఆశా వర్కర్ల సమస్యలను పరిష్కరించాలని డిమాండ్‌ చేస్తూ డిసెంబర్‌ 15 నుంచి రాష్ట్రవ్యాప్తంగా నిరవధిక సమ్మె చేపట్టనున్నట్లు సీఐటీయూ జిల్లా నాయకులు తెలిపారు. ఈ మేరకు మంగళవారం సీఐటీయూ ఆధ్వర్యంలో సమ్మె నోటీసును మెడికల్‌ ఆఫీసర్‌ అర్చనకు అందజేశారు. ఈ సందర్భంగా సీఐటీయూ నాయకులు రాజయ్య, బాబురావు మాట్లాడుతూ.. 20 ఏళ్లుగా ప్రజలకు, గర్భిణులకు సేవలందిస్తున్న ఆశా వర్కర్లకు కాంగ్రె స్‌ ప్రభుత్వం ఎన్నికల మేనిఫెస్టోలో ఇచ్చిన హామీలను అమలు చేయడంలో విఫలమైందని విమర్శించారు. ఏఎన్‌ఎం, జీఎన్‌ఎం శిక్షణ పొందిన ఆశా వర్కర్లకు పదోన్నతి అవకాశాలు కల్పించాలని, ప్రభుత్వ పథకాలన్నీ వర్తింపజేయాలని కోరారు. రిటైర్మెంట్‌ బెనిఫిట్‌గా రూ.5 లక్షలు చెల్లించాలని, పారితోషికంలో సగం పింఛన్‌గా ఇవ్వాలని విజ్ఞప్తి చేశారు. ప్రభుత్వం డిసెంబర్‌ 15లోగా సమస్యలను పరిష్కరించకపోతే రాష్ట్రవ్యాప్తంగా నిరవధిక సమ్మె కొనసాగిస్తామని హెచ్చరించారు. కార్యక్రమంలో ఆశా వర్కర్స్‌ యూనియన్‌ మండల కార్యదర్శి తుల్జ మ్మ, యూనియన్‌ నాయకులు విజేత, వినోద, ప్రమీల, పలువురు ఆశా వర్కర్లు పాల్గొన్నారు.

ఎమ్మెల్యే చింతా ప్రభాకర్‌సదాశివపేట రూరల్‌(సంగారెడ్డి): కాంగ్రెస్‌ ప్రభుత్వ విఫల పాలనపై త్వరలోనే పాదయాత్ర చేపడతామని ఎమ్మెల్యే ప్రభాకర్‌ తెలిపారు. మండలంలోని వెల్టూర్‌ గ్రామ శివారులోని ఓ ఫామ్‌హౌజ్‌లో మంగళవారం బీఆర్‌ఎస్‌ పార్టీ ఆధ్వర్యంలో నిర్వ హించిన ఆత్మీయ సమ్మేళనంలో ఆయన పాల్గొని నాయకులు, కార్యకర్తలనుద్దేశించి మాట్లాడారు. అంతకుముందు పలువురు బీఆర్‌ఎస్‌ కార్యకర్తలు కాంగ్రెస్‌ ప్రభుత్వ పాలనలో తాము ఎదుర్కొంటున్న సమస్యలు, అక్రమ అరెస్టులు, వేధింపులు, అవమానాల గురించి ఎమ్మెల్యే దృష్టికి తీసుకువచ్చారు. కార్యకర్తల సమస్యలను సావధానంగా విన్న చింతా ప్రభాకర్‌ వారికి అండగా ఉంటానని భరోసా ఇచ్చారు. అనంతరం అయన మాట్లాడు తూ.. కాంగ్రెస్‌ ప్రభుత్వం ఇచ్చిన హామీలను అమలు చేయడంలో, ప్రజా సమస్యలను పరిష్కరించడంలో పూర్తిగా విఫలమైందన్నారు. కాంగ్రెస్‌ పార్టీలోని నాయకులే ఒకరిపై ఒకరు విమర్శలు చేసుకుంటూ అంతర్గత కుమ్ములాటలతో కాలం గడుపుతున్నారని, అలాంటి నాయకులు ప్రజలకు ఏం న్యాయం చేస్తారని ప్రశ్నించారు. రైతులకు సాగునీరు అందించలేని అసమర్థ ప్రభుత్వంగా కాంగ్రెస్‌ ప్రభుత్వం మిగిలిపోయిందని మండిపడ్డారు. బీఆర్‌ఎస్‌ పార్టీ బలోపేతానికి ప్రతి ఒక్కరూ కృషి చేయాలని, ప్రజా సమస్యలపై నిరంతరం పోరాటం కొనసాగించాలని పిలుపునిచ్చారు.

ఎమ్మెల్యే గూడెం మహిపాల్‌రెడ్డిపటాన్‌చెరు: రైతులు తమ ధాన్యాన్ని దళారులకు విక్రయించవద్దని ఎమ్మెల్యే గూడెం మహిపాల్‌రెడ్డి పేర్కొన్నారు. ఇంద్రేశం మున్సిపల్‌ పరిధిలోని చిన్నకంజర్ల గ్రామంలో ప్రాథమిక వ్యవసాయ సహకార సంఘం ఆధ్వర్యంలో ఏర్పాటు చేసిన వర్షాకాలం వరి ధాన్యం కొనుగోలు కేంద్రాన్ని మంగళవారం ఎమ్మెల్యే గూడెం మహిపాల్‌రెడ్డి ప్రారంభించారు. ప్రభుత్వం తరఫున కొనుగోలు కేంద్రాలలో అందిస్తున్న వసతులను రైతులను అడిగి తెలుసుకున్నా రు. తుపాను నేపథ్యంలో రైతులకు ఇబ్బందులు కలగకుండా కొనుగోలు కేంద్రాల వద్ద టార్పాలిన్లు ఏర్పాటు చేయడంతోపాటు..కొనుగోలు చేసిన ధా న్యాన్ని వెంటనే గోదాములకు తరలించాలని జిల్లా పౌరసరఫరా శాఖ అధికారికి ఫోన్‌లో సూచించారు. బీఆర్టీయూలో చేరిన హెచ్‌ఎంఎస్‌, ఐఎన్‌టీయూసీ నాయకులు జె.కె.ఫెన్నార్‌ పరిశ్రమకు చెందిన హెచ్‌ఎంఎస్‌, ఐఎన్‌టీయూసీ కార్మిక సంఘాలకు చెందిన కార్మికులు ఎమ్మెల్యే గూడెం మహిపాల్‌రెడ్డి సమక్షంలో బీఆర్టీయూలో చేరారు. కార్మికులందరికీ కార్మిక సంఘం కండువా కప్పి ఆహ్వానించారు. ఈ సందర్భంగా మాట్లాడుతూ...కార్మికుల హక్కుల పరిరక్షణ, వారి సంక్షేమమే లక్ష్యంగా పనిచేస్తున్న బీఆర్టీయూకు రోజురోజుకూ కార్మికుల నుంచి ఆదరణ పెరుగు తోందని ఎమ్మెల్యే గూడెం మహిపాల్‌రెడ్డి పేర్కొన్నారు.

సదాశివపేట(సంగారెడ్డి): ప్రభుత్వ పాఠశాలల్లో ఉపాధ్యాయుల కొరత సమస్యను పరిష్కరించి జీవో 25ను వెంటనే సవరించాలని టీఎస్‌యూటీఎఫ్‌ జిల్లా ప్రధాన కార్యదర్శి బి.సాయిలు డిమాండ్‌ చేశారు. పట్టణంలో జరుగుతున్న ప్రైమరీ లెవెల్‌ స్కూల్‌ కాంప్లెక్స్‌ సమావేశం వద్ద టీఎస్‌యూటీఎఫ్‌ ఆధ్వర్యంలో ఉపాధ్యాయులు నిరసన కార్యక్రమం నిర్వహించారు. ఈ సందర్భంగా ఆయన మాట్లాడుతూ... పాఠశాలల్లో విద్యార్థులకు సౌకర్యాలు ఏర్పాటు చేయడంతోపాటు మౌలిక సదుపాయాల కల్పనకు ప్రయత్నించడం అభినందనీయన్నారు. అయితే పాఠశాలల్లో ఉపాధ్యాయుల కొరతను తీర్చడం విస్మరిస్తూ జీవో 25 ప్రకారం ఉపాధ్యాయుల సర్దుబాటు చేయడం సమంజసం కాదన్నారు. ఉన్నత పాఠశాలల్లో సబ్జెక్టు ఉపాధ్యాయుల కొరతను తీర్చి, ప్రాథమిక పాఠశాలల్లో తరగతికి ఒక టీచర్‌ను ఇవ్వాలని విజ్ఞప్తి చేశారు. 60 మంది విద్యార్థులున్న పాఠశాలల్లో కేవలం ఇద్దరు టీచర్లే ఉండటం సింగిల్‌ టీచర్‌ స్కూల్‌ ఇంకా కొనసాగడం ఎంతవరకు సమంజసమని ప్రశ్నించారు. జిల్లా విద్యాశాఖ అధికారి చొరవ తీసుకుని జిల్లాలో తాత్కాలిక టీచర్ల నియామకం కోసం ప్రయత్నించాలని కోరారు. ఈ కార్యక్రమంలో టీఎస్‌యూటీఎఫ్‌ నాయకులు హెప్సీబా, శ్రీశైలం, పీఆర్‌టీయూ నాయకులు, టీపీటీఎఫ్‌ నాయకులు ఏకానంద్‌, ఉపాధ్యాయులు పాల్గొన్నారు.

● కమ్ముకున్న పొగలు ● భయంతో విద్యార్థుల పరుగులుసిద్దిపేటజోన్‌: జిల్లా కేంద్రంలోని నైన్‌ ఎడ్యుకేషన్‌ కాలేజీలో సోమవారం ప్రమాదవశాత్తు షార్ట్‌ సర్క్యూట్‌ వల్ల అగ్నిప్రమాదం సంభవించింది. ఒక్కసారిగా మంటలు రావడంతో విద్యార్థులు భయంతో పరుగులు తీశారు. వెంటనే అప్రమత్తమైన సిబ్బంది మంటలను అదుపులోకి తేవడంతో ప్రమాదం తప్పింది. వివరాలు ఇలా.. సూడా కార్యాలయం సమీపంలో ఉన్న నైన్‌ ఎడ్యుకేషన్‌ కళాశాల భవనం సెల్లార్‌లో ఉన్న మీటర్‌, డీపీ బాక్స్‌లో ప్రమాదవశాత్తు షార్ట్‌ సర్క్యూట్‌ వల్ల మంటలు వచ్చాయి. దీంతో కళాశాలలో భారీగా పొగలు కమ్ముకున్నాయి. మరోవైపు తరగతి గదుల్లోకి పొగలు రావడంతో విద్యార్థులు పరుగులు తీశారు. సకాలంలో సిబ్బంది మంటలను ఆర్పివేశారు. దీంతో సిబ్బంది, విద్యార్థులు ఊపిరి పీల్చుకున్నారు. విద్యుత్‌ భద్రతా చర్యల వైఫల్యం వల్లే షార్ట్‌ సర్క్యూట్‌ జరిగిందన్న వాదనలు వినిపిస్తున్నాయి.

● అంతర్రాష్ట్ర ముఠాతో సంబంధాలు ● ఐదు కేసుల్లో నిందితుడుపటాన్‌చెరు టౌన్‌: సైబరాబాద్‌ పోలీస్‌ కమిషనరేట్‌ పరిధిలో గంజాయి అక్రమ రవాణాకు పాల్పడుతున్న నిందితుడు సచిన్‌ గంగారాం మారుతి చవాన్‌పై పోలీస్‌ కమిషనర్‌ డాక్టర్‌ రమేశ్‌ పీడీ యాక్ట్‌ ప్రయోగించారు. నిందితుడిని చర్లపల్లి కేంద్ర కారాగారానికి తరలించారు. పోలీసుల వివరాల ప్రకారం.. మహారాష్ట్రలోని సోలాపూర్‌కు చెందిన సచిన్‌ గంగారాం చవాన్‌ సులభంగా డబ్బు సంపాదించాలనే ఉద్దేశంతో గంజాయి అక్రమ రవాణాకు పాల్పడుతున్నాడు. ఆంధ్రప్రదేశ్‌, ఒడిశా రాష్ట్రాల నుంచి భారీగా గంజాయిని సేకరించి వివిధ ప్రాంతాలకు తరలిస్తూ, తన అనుచరులు, వినియోగదారులకు అధిక ధరలకు విక్రయిస్తున్నాడు. కాగా 2020 నుంచి 2026 మధ్య తెలంగాణలో మూడు, మహారాష్ట్రలో ఒకటి, కర్ణాటకలో ఒకటి చొప్పున మొత్తం ఐదు గంజాయి కేసుల్లో నిందితుడిగా ఉన్నట్లు పోలీసులు తెలిపారు. అంతర్రాష్ట్ర స్థాయిలో గంజాయి సేకరణ, రవాణా, పంపిణీ నెట్‌వర్క్‌ను నిర్వహిస్తున్నట్లు వెల్లడైంది. ప్రజారోగ్యం, శాంతిభద్రతలకు ముప్పుగా పరిణమిస్తున్న అతడి కార్యకలాపాలను అరికట్టేందుకు పీడీ యాక్ట్‌ అమలు చేసినట్లు సైబరాబాద్‌ పోలీసులు తెలిపారు. పోలీసులు నిందితుడిని చర్లపల్లి జైలుకు తరలించారు.

పటాన్‌చెరు టౌన్‌: డ్రంకెన్‌ డ్రైవ్‌లో పట్టుబడిన వాహనదారులకు సంగారెడ్డి జిల్లా కోర్టు జరిమా నా విధించింది. ఈ ఘటన పటాన్‌చెరు ట్రాఫిక్‌ పోలీస్‌ స్టేషన్‌ పరిధిలో చోటుచేసుకుంది. ట్రాఫిక్‌ సీఐ ప్రసాద్‌రావు వివరాల ప్రకారంఆదివారం నిర్వహించిన డ్రంకెన్‌ డ్రైవ్‌లో 16 మందిని పట్టుకున్నారు. వీరిని సోమవారం కోర్టులో హాజరు పర్చగా రూ. 21 వేల జరిమానా విధించినట్లు ట్రాఫిక్‌ పోలీసులు పేర్కొన్నారు. జాతీయస్థాయి భగవద్గీత పోటీలకు శ్రీప్రియ ప్రశాంత్‌నగర్‌(సిద్దిపేట): చిన్మయ మిషన్‌ భగవద్గీత పోటీల్లో జిల్లా కేంద్రానికి చెందిన విద్యార్థిని శ్రీప్రియ ద్వితీయ స్థానంలో నిలిచి, జాతీయ స్థాయి పోటీలకు ఎంపికై ందని నిర్వాహకులు తెలిపారు. ఇటీవల కడప జిల్లా కేంద్రంలో జరిగిన పోటీల్లో శ్రీప్రియ ఉమ్మడి ఆంధ్రప్రదేశ్‌లో రెండో స్థానంలో నిలిచిందని చెప్పారు. ఈ నెల 21, 22వ తేదీల్లో మహారాష్ట్రలోని పూణేలో జరుగనున్న జాతీయ స్థాయి పోటీల్లో ఆమె పాల్గొననున్నట్లు తెలిపారు. రాష్ట్ర స్థాయి పోటీలకు విద్యార్థిని..హవేళిఘణాపూర్‌(మెదక్‌): సిద్దిపేట జిల్లాలో జరిగిన మెదక్‌ ఉమ్మడి జిల్లా స్థాయి క్రీడల్లో హవేళిఘణాపూర్‌ జడ్పీ హైస్కూల్‌ విద్యార్థిని బనావత్‌ శైలజ ప్రతిభ కనబర్చినట్టు ఎంఈఓ మధుమోహన్‌ సోమవారం తెలిపారు. ఎస్‌జీఎఫ్‌ అండర్‌–17 బాలికల విభాగంలో 400 మీటర్ల ద్వితీయ స్థానంలో నిలిచి రాష్ట్ర స్థాయిలో జరిగే పోటీలకు ఎంపికై ందని పేర్కొన్నారు. ప్రధానోపాధ్యాయుడు కరుణాకర్‌, ఉపాధ్యాయులు రాజేశం, అశోక్‌, ఉపాధ్యాయులు, విద్యార్థులు విద్యార్థినిని అభినందించారు. బాలికను వేధించిన వ్యక్తికి మూడేళ్ల జైలు చిన్నశంకరంపేట(మెదక్‌): బాలికను వేధింపులకు గురి చేయడమే కాకుండా ప్రశ్నించిన ఆమె సోదరుడిపై రాయితో దాడి చేసిన వ్యక్తికి మూడేళ్ల జైలు శిక్ష, జరిమానా విధిస్తూ మెదక్‌ ఫాస్ట్‌ ట్రాక్‌ పోక్సో కోర్టు తీర్పు వెల్లడించింది. ఎస్పీ డీవీ శ్రీనివాసరావు వివరాల ప్రకారం.. చిన్నశంకరంపేట పోలీస్‌ స్టేషన్‌ పరిధిలో 2024, నవంబర్‌లో ఓ బాలిక ఐకేపీ సెంటర్‌ వైపు వెళ్తుండగా ఆమె పట్ల నిందితుడు గొల్ల మధు అసభ్యంగా ప్రవర్తించాడు. ఈ విషయాన్ని ఇంట్లో చెప్పగా, ఆమె సోదరుడు మధును ప్రశ్నించాడు. దీంతో ఆగ్రహించిన మధు రాయితో అతడిపై దాడి చేశాడు. బాధితుల ఫిర్యాదు మేరకు అప్పటి ఎస్‌ఐ నారాయణ కేసు నమోదు చేసి, సాక్ష్యాధారాలను కోర్టుకు సమర్పించారు. వాదోపవాదాలు విన్న ఫాస్ట్‌ట్రాక్‌ పోక్సో కోర్టు న్యాయమూర్తి నిందితుడికి మూడేళ్ల కఠిన కారాగార శిక్ష, రూ.20వేల జరిమానా విధిస్తూ తీర్పునిచ్చింది. ఈ కేసులో శిక్షపడేలా కృషి చేసిన సిబ్బందిని ఎస్పీ అభినందించారు. మద్యం తాగి వాహనం నడిపిన వ్యక్తికి.. దుబ్బాకటౌన్‌: మద్యం తాగి వాహనం నడుపుతూ పట్టుబడిన వ్యక్తికి న్యాయస్థానం జైలు శిక్ష విధించినట్లు బేగంపేట ఎస్‌ఐ టి.రేణుక సోమవారం తెలిపారు. డ్రంకెన్‌ డ్రైవ్‌ తనిఖీల్లో పట్టుబడిన వ్యక్తిని న్యాయస్థానంలో హాజరుపరచగా ఒక రోజు జ్యుడీషియల్‌ రిమాండ్‌ విధించింది. మద్యం తాగి వాహనాలు నడిపితే చట్టపరమైన చర్యలు తప్పవని హెచ్చరించారు. గల్లంతైన వ్యక్తి మృతదేహం లభ్యం శివ్వంపేట(నర్సాపూర్‌): చేపల వేటకు చెరువులోకి దిగి గల్లంతైన వ్యక్తి మృతదేహం లభ్యమైంది. మండల పరిధిలోని బిజ్లిపూర్‌ గ్రామానికి చెందిన కుక్కల రాజు(33) శనివారం సాయంత్రం చేపలు పట్టేందుకు గ్రామ శివారులోని వీరప్ప చెరువులోకి వెళ్లి గల్లంతయ్యాడు. ఆదివారం ఎన్‌డీఆర్‌ఎఫ్‌ బృందం గాలించినా ఆచూకీ లభించలేదు. సోమవారం ఉదయం మృతదేహం చెరువులో బయటకు తేలింది. మృతదేహాన్ని పోస్టుమార్టం నిమిత్తం నర్సాపూర్‌ ప్రభుత్వ ఆస్పత్రికి తరలించారు. మృతుడి తండ్రి వెంకటేశం ఫిర్యాదు మేరకు పోలీసులు కేసు నమోదు చేశారు.

కొండపాక(గజ్వేల్‌): రాజీవ్‌ రహదారిపై గుర్తు తెలియని వాహనం ఢీకొని గుర్తుతెలియని వ్యక్తి మృతి చెందాడు. ఈ ఘటన కుకునూరుపల్లి మండలంలోని మేదినీపూర్‌ శివారులో చోటు చేసుకుంది. ఎస్సై బాలకృష్ణ కథనం ప్రకారం.. గుర్తుతెలియని వాహనం ఢీకొట్టి వెళ్లడంతో సుమారు 56 ఏళ్ల వయస్సు ఉన్న వ్యక్తి మృతి చెందాడు. ప్రమాదంలో మృతదేహం గుర్తుపట్టలేని విధంగా ఉందన్నారు. మేదినీపూర్‌ శివారులో రాజీవ్‌ రహదారికి ఆనుకొన్ని ఉన్న హోటల్‌ వద్ద ఉన్న సీసీ కెమెల్లో నమోదైన ఆధారంగా వ్యక్తి ఫొటోను బయటకు తీశారు. మృతుని ఎడమ చేతిపై పచ్చ బొట్లు ఉన్నాయని, బ్లాక్‌ కలర్‌ ఫ్యాంట్‌ బ్లూ కలర్‌ టీ షర్టు ధరించి ఉన్నాడని తెలిపారు. ఆచూకీ తెలిసిన వారు పోలీస్టేషన్‌కు సమాచారం అందించాలన్నారు. మృతదేహాన్ని గజ్వేల్‌ ప్రభుత్వ ఆసుపత్రిలో భద్రపరిచారు. చికిత్స పొందుతూ వృద్ధురాలు.. సంగారెడ్డి క్రైమ్‌: చికిత్స పొందుతూ గుర్తుతెలియని వృద్ధురాలు మృతి చెందింది. ఈ ఘటన పట్టణ పోలీస్‌ స్టేషన్‌ పరిధిలో చోటు చేసుకుంది. సీఐ రామునాయుడు వివరాల ప్రకారం.. గత నెల 28న ప్రభుత్వ ఆసుపత్రి ఆవరణలో వృద్ధురాలు అపస్మారక స్థితిలో పడి ఉంది. సిబ్బంది గమనించి ప్రభుత్వ ఆస్పత్రికి తరలించారు. సోమవారం చికిత్స పొందుతూ మృతి చెందినట్లు వైద్యులు తెలిపారు. మృతదేహాన్ని మార్చురీలో భద్రపరిచారు. మృతురాలి వివరాలు తెలిస్తే పట్టణ పోలీసులను సంప్రదించాలని సీఐ తెలిపారు. విద్యుదాఘాతంతో రైతు.. నర్సాపూర్‌ రూరల్‌: విద్యుదాఘాతంతో రైతు మృతి చెందిన ఘటన మండలంలోని ఇబ్రహీంబాద్‌లో సోమవారం చోటుచేసుకుంది. ఎస్‌ఐ రంజిత్‌ రెడ్డి, గ్రామస్తుల వివరాల ప్రకారం.. గ్రామానికి చెందిన అరిగే వెంకటేశం(53), భార్య లక్ష్మి, కొడుకు పవన్‌తో కలిసి వ్యవసాయం చేసుకుంటూ జీవనం సాగిస్తున్నాడు. కాగా తన వ్యవసాయ పొలంలో స్టార్టర్‌ డబ్బా నుంచి బోరు మోటారుకు వెళ్లే కరెంటు వైర్‌ తెగి ఉండటం గమనించకపోవడంతో ప్రమాదవశాత్తు కరెంట్‌ షాక్‌కు గురై అక్కడికక్కడే మృతి చెందాడు. మృతుని భార్య ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.

● మేనమామ ఇంట్లో చోరీ చేసిన అల్లుడు అరెస్ట్‌ ● ఆభరణాలు, నగదు స్వాధీనం ● కేసు వివరాలు వెల్లడించిన సీఐ వట్‌పల్లి(అందోల్‌): ఆ గ్రామంలో ఉన్న ఒకటే సీసీ కెమెరా.. చోరీ చేసిన దొంగను పట్టించింది. సోమవారం జోగిపేట సీఐ అనీల్‌కుమార్‌ కేసు వివరాలు వెల్లడించారు. అందోలు మండల పరిధిలోని మన్‌సాన్‌పల్లి గ్రామానికి చెందిన పిట్ల శ్రీశైలం గత నెల 30న తన కుటుంబంతో కలిసి అల్లాదుర్గ్‌ మండలం ముస్లాపూర్‌లో తన అక్క కూతురు ఎంగేజ్‌మెంట్‌కు వెళ్లి అదే రోజు రాత్రి ఇంటికి వచ్చాడు. కాగా ఇంటి తాళాలు పగులగొట్టి, బీరువాలో ఉన్న 5తులాల బంగారు, 30 తులాల వెండి ఆభరణాలతో పాటు రూ.8 వేల నగదును దొంగలు ఎత్తుకెళ్లినట్లు గుర్తించి పోలీసులకు ఫిర్యాదు చేశాడు. గ్రామంలో ఉన్న సీసీ కెమెరా ఫుటేజీ ఆధారంగా పోలీసులు విచారణ చేపట్టగా చోరీకి పాల్పడిన వ్యక్తి బాధితుడు శ్రీశైలం మరో అక్క కుమారుడైన కొల్చారం మండలం రంగంపేటకు చెందిన సార చంద్రశేఖర్‌గా గుర్తించి అదుపులోకి తీసుకున్నారు. ముస్లాపూర్‌లో జరిగిన ఫంక్షన్‌కు చంద్రశేఖర్‌ కూడా వెళ్లగా అక్కడ మేనమామ శ్రీశైలం, కుటుంబ సభ్యులు అక్కడే ఉండడంతో ఈ చోరీకి ప్లాన్‌ చేశాడు. బైక్‌పై మన్‌సాన్‌పల్లికి వచ్చి మేనమామ ఇంటి తాళాలు పగులగొట్టి నగలను ఎత్తుకెళ్లినట్లు విచారణలో నేరం అంగీకరించాడు. ఇప్పటికే నిందితునిపై పాపన్నపేట పోలీస్టేషన్‌లో పోక్సో కేసు నమోదవ్వగా, అతని ఫోన్‌ను సీజ్‌ చేశారు. దీంతో ఫోన్‌తో పాటు ల్యాప్‌టాప్‌ కొనుక్కోవడానికి తండ్రిని రూ.50 వేలు అడిగితే నిరాకరించాడు. డబ్బుల కోసమే ఈ చోరీకి పాల్పడినట్లు నిందితుడు విచారణలో ఒప్పుకున్నాడు. నిందితుడి నుంచి బంగారు, వెండి ఆభరణాలతో పాటు నగదును స్వాధీనం చేసుకొని రిమాండ్‌కు తరలించారు. ఎస్‌ఐ శ్రీకాంత్‌, కానిస్టేబుల్‌లు సంగమేశ్‌, వీరేశం పాల్గొన్నారు.

సంగారెడ్డి: సంగారెడ్డి జిల్లా చౌటకూరు ప్రభుత్వ పాఠశాలలో ప్రముఖ సినీ నటి, సామాజిక సేవకురాలు మంచు లక్ష్మి సోమవారం డిజిటల్‌ స్మార్ట్‌ క్లాస్‌రూమ్‌ను ప్రారంభించారు. తన సొంత ఎన్జీవో ’టీచ్‌ ఫర్‌ చేంజ్‌ ట్రస్ట్‌’ ఆధ్వర్యంలో ఈ తరగతి గదిని ఏర్పాటు చేశారు. విద్యార్థులకు నాణ్యమైన డిజిటల్‌ విద్యను అందించాలనే లక్ష్యంతో స్మార్ట్‌ ఎల్‌ఈడీ టీవీ, అత్యాధునిక మ్యాటింగ్‌, ఆకర్షణీయమైన పేయింటింగ్స్‌తో తరగతి గదిని తీర్చిదిద్దారు. ఉమ్మడి మెదక్‌ జిల్లా వ్యాప్తంగా 48 ప్రభుత్వ పాఠశాలలను దత్తత తీసుకున్న ఈ ట్రస్ట్‌, గ్రామీణ విద్యార్థుల్లో ఇంగ్లిష్‌ భాషా నైపుణ్యాలు, ఫోనిక్స్‌ సామర్థ్యాలను పెంపొందించేందుకు కృషి చేస్తోంది. ప్రభుత్వ పాఠశాలల్లో కార్పొరేట్‌ స్థాయి విద్యా సదుపాయాలు కల్పిస్తున్న మంచు లక్ష్మి సేవలను స్థానికులు, ఉపాధ్యాయులు అభినందించారు. ఈ కార్యక్రమంలో మాజీ సీడీసీ చైర్మన్‌ సుభాష్‌ రెడ్డి ,గ్రామ సర్పంచ్‌ రాంరెడ్డి, పాఠశాల ప్రధానోపాధ్యాయుడు సుభాష్‌ బాబు, గ్రామస్తులు పాల్గొన్నారు

సంగుపేట – శివ్వంపేట మధ్య రోడ్డు ప్రమాదాలురాంగ్‌రూట్‌లో వాహనాలు నడపడం వల్ల ప్రమాదాలు జరిగే అవకాశం ఉంది. కొద్ది దూరం ప్రయాణం, కొంచెం సమయం తగ్గించుకోవడానికి చేస్తున్న ఇలాంటి పనులు రోడ్డు ప్రమాదాలకు దారి తీస్తున్నాయి. నిబంధనలు పాటిస్తూ ప్రయాణం చేయాలని రోడ్డు భద్రతా అధికారులు సూచిస్తున్నారు. – జోగిపేట(అందోల్‌) సంగారెడ్డి, నాందేడ్‌ – అకోలా రహదారిపై అవసరమైన చోట అండర్‌ పాస్‌ బ్రిడ్జిలను నిర్మించకపోవడంతో వాహనదారులు వారి గ్రామాలకు వెళ్లేందుకు షార్టురూట్‌లో వెళ్తున్నారు. దీంతో రోడ్డు ప్రమాదాలు చోటు చేసుకుంటున్నాయి. అండర్‌ పాస్‌ల నిర్మాణాలు చేపడితే తప్ప ఈ ప్రమాదాలకు అడ్డుకట్ట వేయలేమని స్థానికులు పేర్కొంటున్నారు. సంగుపేట వద్ద నుంచి శివ్వంపేట బ్రిడ్జి వరకు నెలలో ఎక్కడో ఒక చోట ప్రమాదాలు జరుగుతూనే ఉన్నాయి. ఎక్కువగా ప్రాణాలు కోల్పోయిన ఘటనలే అనేకం. సంగుపేట వద్ద అండర్‌ పాస్‌ బ్రిడ్జి నిర్మాణం చేపట్టినా ఈ ప్రాంత వాసులు చందంపేట వైపు వెళ్లేందుకు అడ్డదారుల్లో వెళ్తున్నారు. ఈ క్రమంలో రాంగ్‌రూట్‌లో రోడ్డును దాటేందుకు చేస్తున్న ప్రయత్నాల్లోనే ప్రమాదాలకు గురవుతున్నారు. షార్టు రూట్‌ ప్రమాదకరం.. జాతీయ రహదారిపై రాంగ్‌రూట్‌లోనే వాహనాలను నడుపుతున్నారు. అల్మాయిపేట శివారులో ఉన్న హోటల్‌లో భోజనం, లేదా టీ తాగిన వారు జోగిపేట, సంగుపేట, అల్మాయిపేట, అందోలు, నేరడిగుంట ప్రాంతాలకు వెళ్లేందుకు రాంగ్‌ రూట్‌లోనే కిలోమీటర్‌ వరకు వెళ్తున్నారు. ఈ క్రమంలో ఎదురుగా వచ్చే వాహనాలు వేగంగా వస్తే ప్రమాదాలు చోటు చేసుకునే అవకాశం ఉంది. కాగా నిబంధనలు ఉల్లంఘించకుండా అండర్‌ పాస్‌ల ద్వారా ప్రయాణించి తమ ప్రాంతాలకు వెళ్లాలని అధికారులు సూచిస్తున్నారు.

చేర్యాల(సిద్దిపేట): పట్టణ శివారులోని ఓ వెంచర్‌లో గుర్తుతెలియని వ్యక్తులు క్షుద్రపూజలు చేసిన ఘటన కలకలం రేపుతోంది. రోజు వారీలాగా ఉదయం వాకింగ్‌కు వెళ్లిన వాకర్స్‌ వెంచర్‌లోని ఓ ప్రదేశంలో పసుపు, కుంకుమ, నిమ్మకాయలతో పాటు చిన్న పందిపిల్ల ఉండటం గమనించి ఆందోళనకు గురయ్యారు. గుర్తుతెలియని వ్యక్తులు రాత్రి వేళ ఈ చర్యకు పాల్పడి ఉంటారని అనుమానం వ్యక్తం చేస్తున్నారు. ఈ ఘటన వెనుక కారణాలేమై ఉంటాయన్నది చర్చనీయాంశంగా మారింది. వెంచర్‌లో చోటు చేసుకున్న ఈ క్షుద్ర పూజల ఘటనపై స్థానికులు పలు అనుమానాలు వ్యక్తం చేస్తున్నారు. ఇదే విషయమై ఎస్‌ఐ అపూర్వరెడ్డితో మాట్లాడగా.. తమ దృష్టికి రాలేదని, అలాంటి మూఢనమ్మకాలను నమ్మవద్దని సూచించారు.

హవేళిఘణాపూర్‌(మెదక్‌): దీపావళి పండుగ వేళ టపాసులు విక్రయించే దుకాణాల ఏర్పాటుకు అధికారులు నిబంధనలు కఠినతరం చేశారు. గతంలో మాదిరిగా కాకుండా ఈసారి తూచా తప్పకుండా అమలు చేసేలా చర్యలు తీసుకుంటున్నారు. బాణాసంచా దుకాణం పెట్టుకునేందుకు ఆసక్తి గల వారు ఆన్‌లైన్‌లో రూ.500 చెల్లించి మీసేవలో దరఖాస్తు చేసుకుంటే దానిని ఫైర్‌ శాఖ సిబ్బంది పరిశీలించి అనుమతి ఇవ్వన్నారు. జిల్లాలో ఇప్పటి వరకు 63 మంది ఆన్‌లైన్‌లో నమోదు చేశారు. ఇప్పటికే దుకాణాల ఏర్పాటుకు 63 దరఖాస్తులు రాగా, అందులో వెల్దుర్తి 1, రామాయంపేట–1, శంకరంపేట(ఆర్‌) 1, దుకాణాలకు సంబంధించిన మూడు దరఖాస్తులను రిజక్ట్‌ చేశారు. దుకాణాదారులు ఇరువైపులా మూడు మీటర్లు, ఎదురుగా ఉన్న దుకాణానికి 10మీటర్ల దూరం పాటించేలా ఫైర్‌ సిబ్బంది పర్యవేక్షిస్తున్నారు. షెడ్డు ఏర్పాటు చేసుకున్న ప్రతీ దుకాణాదారుడు తమ వద్ద 200 లీటర్ల నీటి డ్రమ్ములతో పాటు ఫైర్‌సేఫ్టీ కిట్‌లు కూడా అందుబాటులో ఉండాలని సూచిస్తున్నారు. ఫైర్‌ సిబ్బంది అనుమతి పొందిన అనంతరం రెవెన్యూ, పోలీసులు దుకాణం ఏర్పాటును పర్యవేక్షించి అనుమతి ఇవ్వనున్నారు. టపాసుల దుకాణాల ఏర్పాటుకు అనుమతులు తప్పనిసరి సూచనలు పాటించాలి దీపావళి సందర్భంగా టపాసుల దుకాణాలు ఏర్పాటు చేసుకునే వారు ఫైర్‌ సిబ్బంది సూచించిన నిబంధనల మేరకు దుకాణం ఏర్పాటు చేసుకోవాలి. ప్రమాదవశాత్తు ఏదైనా జరిగినా ఇబ్బంది కలుగకుండా జాగ్రత్తలు తీసుకోవాలి. – వెంకటేశ్‌, ఫైర్‌ ఆఫీసర్‌, మెదక్‌

సంగారెడ్డి వైపు నుంచి వచ్చే వాహనాలు అల్మాయిపేటకు వెళ్లాలంటే సంగుపేట వరకు వెళ్లి అండర్‌ బ్రిడ్జి నుంచి రెండు కి.మీ వరకు తిరిగి రావాలి. కాగా అల్మాయిపేట గ్రామస్తులు దగ్గరలోని దర్గా సమీపంలో ప్రధాన రహదారికి అడ్డంగా తాత్కాలికంగా రోడ్డును ఏర్పాటు చేసుకున్నారు. అలాగే సంగుపేట గ్రామస్తులు జోగిపేటకు వెళ్లాలంటే చౌటకూరు సమీపంలో ఉన్న బ్రిడ్జి కింద నుంచి తిరిగి రావాలి. అలా వెళ్లేందుకు ఇబ్బందులు ఏర్పడుతున్నాయని భావించి దర్గా ముందు ఏర్పాటు చేసుకున్న రోడ్డు ద్వారానే జాతీయ రహదారిపైకి వెళ్తున్నారు. ఇలా వెళ్లడం వల్ల ప్రమాదాలు జరుగుతున్నాయి. ఇప్పటి వరకు ప్రైవేట్‌గా ఏర్పాటు చేసుకున్న రోడ్డు వద్ద జరిగిన ప్రమాదాల్లో పదుల సంఖ్యలో మృత్యువాత పడగా, కొంతమంది గాయపడ్డారు.

రక్షణ కల్పించాలని అదనపు కలెక్టర్‌కు బాధితుల వినతిమెదక్‌ కలెక్టరేట్‌: మంత్రాల నెపంతో తమ కుటుంబంపై హత్యాయత్నం చేసిన వారిపై కఠిన చర్యలు తీసుకొని తమకు రక్షణ కల్పించాలని ఆర్టీఐ జిల్లా సెక్రెటరీ మ్యాకల పోచయ్య సహకారంతో బాధితులు అదనపు కలెక్టర్‌ నగేశ్‌కు మొర పెట్టుకున్నారు. ఈ సందర్భంగా పోచయ్య మాట్లాడుతూ.. మెదక్‌ పట్టణంలోని గోల్కోండ వీధి అంబేడ్కర్‌ కాలనీకి చెందిన నర్సపల్లి ప్రసాద్‌ కుటుంబీకులపై సెప్టెంబర్‌ 24న ఇదే కాలనీలోని కొంతమంది దాడిచేసి తీవ్రంగా గాయపర్చినట్లు తెలిపారు. అలాగే కుటుంబంపై పెట్రోల్‌ పోసి చంపే కుట్ర చేసినట్లు ఆరోపించారు. అనంతరం పోలీసులకు ఫిర్యాదు చేసినా, దాడిచేసిన వారిపై కేసు నమోదు చేయలేదన్నారు. అలాగే మళ్లీ ఇటీవల ఆ కుటుంబంపై దాడిచేయగా పాప శరణ్య చేయి విరిగినట్లు తెలిపారు. ఇప్పటికే మూడు సార్లు దాడి చేయడంతో బాధిత కుటుంబం తీవ్ర భయాందోళనలో ఉందని చెప్పారు. మంత్రాల నెపంతో దాడిచేసిన వారిపై చర్యలు తీసుకొని బాధిత కుటుంబానికి రక్షణ కల్పించాలన్నారు. ఈ విషయంపై ఎస్పీకి కూడా ఫిర్యాదు చేసినట్లు పేర్కొన్నారు. ఇలాంటి ఘటన లు పునరావృతం కాకుండా చర్యలు తీసుకోవాలని, అదనపు కలెక్టర్‌ను నగేశ్‌ను కోరినట్లు తెలిపారు.

సంగారెడ్డి జోన్‌: ఎల్‌నినో ప్రభావంతో జరిగిన పంట నష్టం వివరాలను సేకరించాలని సంబంధిత అధికారులకు రాష్ట్ర ప్రభుత్వం ఆదేశాలు జారీ చేసింది. వర్షాభావ పరిస్థితుల కారణంగా సాగు చేసిన పంటలు ఎదుగుదల లేకపోవడం, ఎండిపోవడంతోపాటు కొన్నిచోట్ల దిగుబడులు తగ్గుముఖం పట్టాయి. రాష్ట్ర ప్రభుత్వం ప్రకటించిన కరువు మండలాల్లో క్షేత్రస్థాయిలో పర్యటించి వివరాలు సేకరించేందుకు అధికార యంత్రాంగం సన్నద్ధమవుతోంది. పంట నమోదు చేసి ఉంటేనే.. వ్యవసాయ శాఖ అధికారులు పంట పొలాలను సందర్శించి నష్టం వివరాలు సేకరించనున్నారు. ఆగస్టులో అధికారులు నిర్వహించిన డిజిటల్‌ క్రాప్‌ బుకింగ్‌లో నమోదు చేసి ఉంటేనే నష్ట వివరాలు పరిగణలోకి తీసుకుంటారు. అదేవిధంగా 33%, అంతకుమించి నష్టపోయి ఉంటేనే లెక్కించాలని ప్రభుత్వం ఆదేశాల్లో పేర్కొంది. ప్రతీ పంట పొలాన్ని సందర్శించి, రైతు వివరాలతోపాటు సాగుచేసిన పంట వివరాలు సేకరిస్తారు. ఎన్ని ఎకరాల విస్తీర్ణంలో పంట సాగు చేశారు? ఎంత మేర పంట దెబ్బతింది? తగ్గిన దిగుబడితోపాటు ఇతర వివరాలు సేకరించి నష్టాన్ని అంచనా వేయనున్నారు. రైతు భరోసా యాప్‌లో పొందుపరిచిన డ్రాఅవుట్‌ వానాకాలం 2026 క్రాప్‌ డామేజ్‌ ఎంట్రీ మాడ్యూల్‌ ద్వారా నిర్వహిస్తారు. జిల్లాలో సాగైన పంటలలో పత్తి, సోయాబీన్‌, కంది, జనములు తదితర పంటలకు నష్టం వాటిల్లింది. పారదర్శకంగా వివరాలు నమోదు పంట నష్టం గుర్తింపు పారదర్శకంగా చేపట్టాలని రాష్ట్ర ప్రభుత్వం ఆదేశాలు జారీ చేసింది. గ్రామీణ ప్రాంతాలలో ఉన్న ఏఈవోలు నమోదు చేసిన వివరాలను మండలస్థాయి అధికారులతో పాటు డివిజన్‌, జిల్లా స్థాయి అధికారులు తనిఖీ చేయాల్సి ఉంటుంది. ప్రభుత్వం ప్రకటించిన తీవ్ర కరువు మండలాల్లో స్వయంగా ఉన్నతాధికారులు నష్టాన్ని అంచనా వేయాల్సి ఉంటుంది. మండల అధికారులు 50%, డివిజనల్‌ స్థాయి అధికారులు 25%, జిల్లా అధికారి కనీసం ఐదు శాతం పర్యటించి వివరాలు సేకరించాలని ఆదేశాల్లో పేర్కొంది. గ్రామాల వారీగా నష్టపోయిన వివరాలను సిద్ధం చేయనున్నారు. నష్టపోయిన పంట వివరాలు సంబంధిత గ్రామపంచాయతీలోని నోటీసు బోర్డుపై ప్రచురించాల్సి ఉంటుంది. కలెక్టర్‌ ఆమోదంతో నవంబర్‌ 10 లోపు రాష్ట్ర వ్యవసాయ కమిషనరేట్‌కు పంట నష్ట నివేదికను సమర్పించనున్నారు. వర్షాభావ పరిస్థితుల కారణంగా ఎదగని పత్తి పంట క్షేత్రస్థాయిలో పర్యటించనున్న అధికారులు ఈ నెల 10 లోపు ప్రభుత్వానికి నివేదిక జిల్లాలోని కరువు మండలాలు 28 సీజన్‌లో లోటు వర్షపాతం 18%

ప్రభుత్వ పాఠశాలల్లో విద్యా ప్రమాణాలను పెంచడం.. ఉపాధ్యాయులకు మార్గదర్శనం చేయడం.. విద్యార్థుల్లో ప్రతిభను వెలికితీయడం.. బోధన నూతన పద్ధతులను ప్రోత్సహించడం.. ఇవీ పాఠశాల కాంప్లెక్స్‌ల ప్రధాన లక్ష్యాలు. ఇందుకోసం విద్యాశాఖ ఏటా నిధులు కేటాయిస్తోంది. కానీ క్షేత్రస్థాయిలో ఆ నిధులను కాంప్లెక్స్‌ పరిధిలోని ఉపాధ్యాయుల సమావేశాల భోజనాలకే ఎక్కువగా వినియోగిస్తుండటం గమనార్హం. కాంప్లెక్స్‌ సమావేశం రోజు మధ్యాహ్న భోజనంలోనే ఉపాధ్యాయుల సంఖ్యను కలిపి భోజనం అందిస్తే విద్యార్థుల విద్యాభివృద్ధి లక్ష్యం నెరవేరే అవకాశం ఉంది. – సాక్షి, సిద్దిపేట ఉమ్మడి మెదక్‌ జిల్లా వ్యాప్తంగా ప్రభుత్వ రంగ పాఠశాలలు 2,797 ఉండగా 3,15,112 విద్యార్థులు విద్యను అభ్యసిస్తున్నారు. ఉమ్మడి జిల్లాలో 194 కాంప్లెక్స్‌ స్కూళ్లు ఉన్నాయి. ఒక్కో కాంప్లెక్స్‌ స్కూల్‌కు ప్రభుత్వం రూ.43వేలను మంజూరు చేస్తోంది. ఇందులో కాంటిజెన్సీ ఫండ్‌ కింద రికార్డులు, స్టేషనరీ రూ.3,200, కాంప్లెక్స్‌ హెచ్‌ఎం ఫోన్‌ బిల్‌ రూ.3,600, కాంప్లెక్స్‌ సమావేశంలో టీ, స్నాక్స్‌కు నెలకు రూ.400 చొప్పున 8 నెలలకు రూ. 3,200, క్లస్టర్‌ స్థాయి పోటీలకు రూ.3వేలు, నిర్వహణ కోసం రూ.20వేలు ఖర్చు చేయాలి. కాంప్లెక్స్‌ స్థాయిలో 8 నెలల పాటు నెలకు రెండు నుంచి మూడు సమావేశాలు నిర్వహించాలి. ప్రతి నెలలో రెండు నుంచి మూడు సమావేశాలు ప్రతి నెలలో రెండు నుంచి మూడు కాంప్లెక్స్‌ సమావేశాలు ఉదయం నుంచి సాయంత్రం వరకు కొనసాగుతాయి.. ప్రభుత్వ పాఠశాలలలో ఉపాధ్యాయులకు సైతం మధ్యాహ్న భోజనం చేయాలని విద్యాశాఖ ఉత్తర్వులు ఇచ్చింది. దీంతో ఎక్కువ మంది ఉపాధ్యాయులు మధ్యాహ్న భోజనం పాఠశాలలోనే చేస్తున్నారు. లంచ్‌ బాక్స్‌ను తెచ్చుకోవడం బంద్‌ చేశారు. మూడు నెలలుగా ఈ సమావేశాలకు వచ్చే ఉపాధ్యాయులకు కాంపెక్స్‌ ప్రధానోపాధ్యాయుడే భోజనం ఏర్పాటు చేయాల్సి వస్తుంది. సమావేశానికి ప్రభుత్వం టీ, స్నాక్స్‌ కోసం రూ.400 మాత్రమే కేటాయించింది. దీనితో మిగతా కార్యక్రమాలకు కోత విధిస్తూ ఉపాధ్యాయుల భోజనం కోసం నిధులు ఖర్చు చేస్తున్నట్లు తెలుస్తోంది. రెండు నుంచి మూడు సమావేశాలకు భోజనాల కోసం దాదాపు రూ.15వేలు ఖర్చు చేస్తున్నట్లు విశ్వసనీయ సమాచారం. కాంప్లెక్స్‌ సమావేశం జరిగినే పాఠశాలలో సమావేశానికి వచ్చిన ఉపాధ్యాయుల సంఖ్యను కలిపి వారికి సైతం మధ్యాహ్న భోజనం అందిస్తే నిధులు భోజనాల కోసం ఖర్చు చేయకుండా విద్యార్థుల విద్యాభివృద్ధి కోసం వినియోగించే అవకాశం ఉంటుంది. దీని పై విద్యాశాఖ నిర్ణయం తీసుకోవాలని కాంప్లెక్స్‌ ప్రధానోపాధ్యాయులు కోరుతున్నారు.విద్యార్థుల కార్యక్రమాలకు కోత నిబంధనల ప్రకారమే వినియోగించాలి స్కూల్‌ కాంప్లెక్స్‌లకు కేటాయించే నిధులు నిబంధనల ప్రకారమే వినియోగించాలి. విద్యార్థుల కోసం వినియోగించకుండా ఇతర వాటికి వినియోగించవద్దు. విద్యార్థుల విద్యాభివృద్ధి కోసం సూచనలు సలహాల కోసం కాంప్లెక్స్‌ సమావేశాలు ఉపయోగపడనున్నాయి. – రమేశ్‌, ఇన్‌చార్జీ డీఈఓ, సిద్దిపేట