Andhra Pradesh

సాక్షి,గుంటూరు: జిల్లా కోర్టులో తెనాలి పోలీసులకు బిగ్‌షాక్‌ తగిలింది. గత ఏడాది ఏప్రిల్‌లో దేశ వ్యాప్తంగా సంచలనం సృష్టించిన తెనాలి టూటౌన్, త్రీటౌన్ పోలీసుల థర్డ్‌ డిగ్రీ వ్యవహారంలో కీలక పరిణామం చోటుచేసుకుంది. కానిస్టేబుల్ చిరంజీవిపై నలుగురు యువకులు హత్యాయత్నం చేశారంటూ పోలీసులు నమోదు చేసిన కేసును జిల్లా కోర్టు కొట్టివేసింది. చిరంజీవిపై యువకులు హత్యాయత్నం చేశారనడానికి తగిన ఆధారాలు లేవని స్పష్టం చేస్తూ.. పోలీసులు బనాయించింది తప్పుడు కేసని తేల్చిచెప్పింది.గత ఏడాది ఏప్రిల్‌లో తెనాలిలో కానిస్టేబుల్ చిరంజీవిపై నలుగురు యువకులు హత్యాయత్నం చేశారంటూ టూటౌన్ పోలీస్ స్టేషన్‌లో కేసు నమోదైంది. ఈ నేపథ్యంలో ముగ్గురు యువకులను పోలీసులు అదుపులోకి తీసుకున్నారు. అయితే, వారిని విచారించే పేరుతో నడిరోడ్డుపై నడిపిస్తూ, ఊరంతా తిప్పుతూ,అందరూ చూస్తుండగా లాఠీలతో తీవ్రంగా కొట్టారు. ఈ ఘటనకు సంబంధించిన దృశ్యాలు సోషల్ మీడియాలో వైరల్ కావడంతో పాటు దేశవ్యాప్తంగా సంచలనం సృష్టించాయి. పోలీసుల థర్డ్‌ డిగ్రీ ప్రయోగంపై తీవ్ర విమర్శలు వ్యక్తమయ్యాయి.ఈ కేసుకు సంబంధించి జిల్లా కోర్టు తాజాగా విచారణ జరిపింది. పోలీసుల తరపున ప్రవేశపెట్టిన ఆధారాలను పరిశీలించిన న్యాయస్థానం.. కానిస్టేబుల్‌పై హత్యాయత్నం జరిగినట్లు ఎలాంటి బలమైన సాక్ష్యాధారాలు లేవని వెల్లడించింది. ఈ మేరకు కేసును కొట్టివేస్తూ తీర్పు వెలువరించడంతో పోలీసు శాఖలో ఈ తీర్పు చర్చనీయాంశమైంది.

సాక్షి, కాకినాడ‌ జిల్లా: ఏపీలో ప్రజాస్వామ్యం ఉందా? లేదా? అంటూ వైఎస్సార్‌సీపీ నేత, మాజీ మంత్రి కురసాల కన్నబాబు మండిపడ్డారు. మంగళవారం ఆయన మీడియాతో మాట్లాడుతూ.. నియంత సామ్రాజ్యంలా‌ ఉందని ప్రజలు అనుకుంటున్నారు.. ప్రశ్నించేవారిని అణిచివేసేలా దుర్మార్గంగా ప్రవర్తిస్తుంది. అధికారులను అడ్డదారుల్లో వాడుకుంటుందన్నారు. ఉద్యోగుల పట్ల చంద్రబాబుకు చాలా చులకన. అన్ని వర్గాలాన్నే ప్రభుత్వ ఉద్యోగులు కూడా మోసపోయారు. ఇప్పుడు సచివాలయం ఉద్యోగులు మోసపోయారు. పరిపాలన వికేంద్రీకరణ లక్ష్యంతో వైఎస్ జగన్ సచివాలయాలు ఏర్పాటు చేయాలని విప్లవాత్మకమైన నిర్ణయం తీసుకున్నారు. 15,004 సచివాలయాలు నిర్మించి.. 1,34,000 ఉద్యోగులను నియమించారు. సచివాలయం వ్యవస్థే వృధా అన్నట్లు మంత్రులు మాట్లాడుతున్నారు’’ అంటూ కన్నబాబు దుయ్యబట్టారు.‘‘అక్రమ కేసులు పెట్టి సచివాలయం ఉద్యోగులను భయబ్రాంతులకు గురి చేస్తున్నారు. ఆంద్రజ్యోతిలో సచివాలయాల మీద పచ్చి అబద్దాలను వండి వర్చారు. గ్రామాల్లోకి వెళ్లి సచివాలయాల ఉద్యోగులు ఎలా పని చేస్తున్నారో అడగండి. వైఎస్‌ జగన్ మీద ద్వేషం తప్పా.. మీకు మరేమీ లేదు. ఉద్యోగులను గౌరవంగా చూసుకుంటానని చంద్రబాబు ఎన్నికల‌ మానిఫెస్టోలో చెప్పారు. తమ‌ హక్కుల కోసం అడిగితే ఉద్యోగులపై కేసులు పెడతారా?...చంద్రబాబు చేతిలో పోలీస్ శాఖ కీలు బొమ్మగా మారిపోయింది. సచివాలయం ఉద్యోగులకు ఎలాంటి జీవోలు గత పాలనలో ఇచ్చామో ఆఫీస్‌కి వెళ్లి వెతుక్కోండి. సచివాలయం వ్యవస్థను రద్దు చేస్తారా? అని సూటిగా చంద్రబాబును అడుగుతున్నా?. సచివాలయ వ్యవస్థను కుదించే కార్యక్రమం చంద్రబాబు చేస్తున్నారు. కోవిడ్‌లో సచివాలయం ఒక యూనిట్‌గా ప్రజలకు సేవలందాయి. సచివాలయం ఉద్యోగులను వైఎస్ జగన్ ప్రభుత్వం చాలా గౌరవంగా చూసింది. మీ చేతగానితనాన్ని సచివాలయం ఉద్యోగులపై ఎందుకు రుద్దుతారు చంద్రబాబు?..ఉద్యోగుల‌ మీద ప్రజల్లో నెమ్మదిగా పాయిజన్ ఎక్కిస్తున్నారు. వచ్చిన ప్రభుత్వ ఆదాయం ఉద్యోగులకు సరిపోతుందని చెబుతున్నారు. పి-4 పథకంలో దాతలు దొరకకపోతే.. ఉద్యోగులే దాతలుగా మారాలని ఒత్తిడి తెచ్చారు. ఇప్పడు సచివాలయం ఉద్యోగులపై కేసులు పెట్టి పోలీస్ స్టేషన్ల చుట్టూ తిప్పిస్తున్నారు. మీ ఎల్లో మీడియా ఉందని పేట్రేగిపోతున్నారు. ప్రభుత్వాన్ని ఎవరూ ప్రశ్నించకూడదూ?. పెయిడ్ ఇన్‌ఫ్లుయెన్సర్లను తీసుకువచ్చారు. మీ తండ్రి కొడుకులను వాళ్లు తమ భుజాన ఎత్తుకుని మోయాలిఇన్‌ఫ్లుయెన్స్‌ కోల్పోయిన వాళ్లే ఇన్‌ఫ్లుయెన్సర్లను పెట్టుకుంటారు. అసలు సమస్యలను వదిలేసి వైఎస్ జగన్‌పై దూషణలతో ఎంతకాలం నెట్టుకొస్తారు. ఉద్యోగులు ఏం పాపం చేశారని వారిపై మీ రెడ్‌బుక్ ప్రయోగిస్తున్నారు. ఉద్యోగులు వాళ్ల హక్కుల కోసం ప్రశ్నిస్తే తప్పా..? ఎకరం రూ.99 లకు కార్పోరేట్ సంస్థలకు కట్టబెడితే ఒప్పా? అని ఎల్లో‌ మీడియాను అడుగుతున్నా....భీమడోలు షుగర్ ఫ్యాక్టరీని పప్పు బెల్లంలా గతంలో చంద్రబాబు అమ్మేశారు. ఇప్పుడు మరికొన్ని సహకార చక్కెర కర్మాగారాలను అమ్మేసే ప్రయత్నం జరుగుతుంది. రైతులు దీనికి ఒప్పుకోవడం లేదు. త్వరలో ఉద్యమానికి సిద్ధమవుతున్నారు. రాష్ట్రాన్ని అధోగతి పాలు చేస్తుంటే వైఎస్సార్‌సీపీ చూస్తూ ఊరుకోదు. సచివాలయం ఉద్యోగులపై కేసులు పెట్టడం దుర్మార్గం.. అమానుషం’’ అంటూ కురసాల కన్నబాబు ధ్వజమెత్తారు.ఇదీ చదవండి: కొల్లు రవీంద్రకు ఇదే నా ఛాలెంజ్: పేర్ని కిట్టు

సాక్షి, విశాఖపట్నం: విశాఖ స్టీల్‌ప్లాంట్‌లో మరో ప్రమాదం జరిగింది. స్టీల్‌ప్లాంట్‌ ఎస్‌ఎంఎస్‌-1లో ప్రమాదం చోటుచేసుకుంది. ల్యాడిల్‌ నుంచి ద్రవపు ఉక్కు నేలపాలైంది. గతంలో ఇదే విభాగంలో ప్రమాదం జరిగి కార్మికులు మృతిచెందిన సంగతి తెలిసిందే. ప్రత్యేక పూజల తర్వాత తిరిగి ఇవాళ సీడీసీ ప్రారంభమైంది. సీడీసీ తిరిగి ప్రారంభించిన రోజు స్టీల్‌ప్లాంట్‌లో ప్రమాదం చోటుచేసుకుంది. ఎవరికి ఏమీ కాకపోవడంతో కార్మికులు ఊపిరిపీల్చుకున్నారు.కాగా, గత జులైలో స్టీల్‌ప్లాంట్ కోకోవేన్ విభాగంలో ప్రమాదం జరిగిన సంగతి తెలిసిందే. ఈ ఘటనలో కాంట్రాక్ట్ కార్మికుడు మృతి చెందారు. ఐరన్ పడటంతో తీవ్ర గాయాలతో మృతిచెందారు. జూన్‌ నెలలో విశాఖ స్టీల్‌ప్లాంట్‌లో జరిగిన అగ్ని ప్రమాదంలో 10 మంది ప్రాణాలు కోల్పోయారు. ప్లాంట్‌లో తరుచుగా ప్రమాదాలు జరుగుతూనే ఉన్నాయి. ప్రధానంగా గ్యాస్‌ లీకేజ్‌, పేలుళ్లు, ద్రవ లోహం లీకేజ్‌ వంటి ఘటనలు జరుగుతూనే ఉండటంతో విశాఖ స్టీల్‌ ప్లాంట్‌లో కార్మికుల భద్రత ప్రశ్నార్థకరంగా మారింది.ఇదీ చదవండి: తిరుపతిలో ఘోర ప్రమాదం

సాక్షి, కృష్ణా జిల్లా: కొల్లు రవీంద్రలా కడుపులో కత్తులు పెట్టుకుని తిరిగేవాళ్లం కాదని వైఎస్సార్‌సీపీ కృష్ణా జిల్లా అధ్యక్షుడు పేర్ని నాని అన్నారు. ఇవాళ(మంగళవారం) మచిలీపట్నం నియోజకవర్గ ఆ పార్టీ విస్తృతస్థాయి సమావేశం జరిగింది. పార్టీ బలోపేతం, రాబోయే స్థానిక సంస్థల ఎన్నికల సన్నద్ధత, భవిష్యత్ కార్యాచరణపై కార్యకర్తలకు పేర్ని నాని దిశానిర్దేశం చేశారు.ఈ సందర్భంగా పేర్ని నాని మాట్లాడుతూ.. కులం చూసి ఓటేయమని తానెప్పుడూ అడగలేదన్నారు. కొల్లు రవీంద్ర నీకు ఎన్ని బూతులు వచ్చో.. నాకు అంతకంటే ఎక్కువే బూతులు వచ్చు. నేనూ బందరులోనే పుట్టా.. బందరులోనే చదువుకున్నా. నేను తిట్టాలంటే శత సహస్ర నామాలు లాగా నువ్వు పుస్తకం రాసుకున్నా సరిపోదు. గాలి ఉంటే గెలుస్తావ్.. గాలి లేకపోతే గెలవలేవు. బందరు అభివృద్ధి గురించి మాట్లాడే అర్హత మీకు లేదు’’ అంటూ పేర్ని నాని దుయ్యబట్టారు.‘‘నా తండ్రి, నేను బందరుకు ఏం చేశామో ప్రజలకు తెలుసు. తరకటూరు పంపుల చెరువు నా తండ్రి చేసిందే. బందరులో 132కేవి పవర్ సబ్ స్టేషన్ నిర్మాణం చేయించింది నా తండ్రి. తీర ప్రాంత గ్రామాలకు మంచినీరు అందించిన ఘనత నా తండ్రిది. బందరులో 25 వేల మందికి ఇళ్లపట్టాలిచ్చిన చరిత్ర మాది. నువ్వు ఇప్పుడు టిడ్కో ఇళ్లు కట్టామని చెప్పుకుంటున్న భూమి కొన్నది కూడా మేమే...నీ మంత్రి పదవి కోసం బెల్ కంపెనీని నిమ్మకూరుకు తాకట్టు పెట్టిన చరిత్ర నీది. కృష్ణా యూనివర్శిటీ బందరుకు తెచ్చాం. ప్రభుత్వ నర్సింగ్ కాలేజీ బందరుకు తెచ్చాం. మెడికల్ కాలేజీను బందరుకు తీసుకొచ్చాం. గ్రామ గ్రామానికి తరకటూరు చెరువు నుంచి మంచినీరు తీసుకెళ్లాం. తారు రోడ్డు అంటే తెలియని అనేక గ్రామాలకు రోడ్డు వేయించాం.’’ అని పేర్ని నాని వివరించారు.‘‘కరెంట్ ఆపితే తప్ప మంచినీటి ఇవ్వలేని పరిస్థితి. నేను మంత్రిగా ఉన్నప్పుడు కరెంట్ ఇవ్వాలని ధర్నా చేయించావు. ఇప్పుడు నువ్వు మంత్రివే కదా... అధికారం మీదే కదా? గంట పాటు కరెంట్ ఆపకుండా ఎందుకు మంచినీరు ఇవ్వలేకపోతున్నారు?. కాపులకు ఏం చేశావ్.. అని నన్ను అడుగుతున్నావ్. నువ్వేం చేశావ్.. కాపులకు సమాధానం చెప్పు. మున్సిపల్ ఛైర్మన్ పదవిని ఆర్యవైశ్యుల వద్ద 60 లక్షలు వసూలు చేసింది నువ్వు. ఫలానా పదవి ఇస్తానని... నేను ఏనాడూ ఎవరికి టిక్కెట్లు ఇవ్వలేదు...కష్టపడి పనిచేసే వారికి ... నికార్సైన వారికే మేం టిక్కెట్లు ఇచ్చాం. జనసేనలో నిఖార్సైన డబ్బులేని కాపులెవరూ కనిపించలేదా నీకు?. ఎందుకు డబ్బున్నోడికే మేయర్ టిక్కెట్ ఇస్తామంటున్నారు. వైఎస్‌ జగన్ సాయంతో స్థలాలు కొని నిజాయితీగా 25 వేల ఇళ్లపట్టాలిచ్చాం. 25 వేల మందికి ఇళ్ల పట్టాలిచ్చిన నాకు దొంగ పట్టాలివ్వాల్సిన కర్మ పట్టలేదు. మేం ఇచ్చింది దొంగ పట్టాలైతే ఇంటింటికి వీఆర్వోలను ఎందుకు తిప్పుతున్నావు. నన్ను తప్పుడు కేసుల్లో ఇరికించేందుకు అధికారులను ఇబ్బంది పెడుతున్నావు. పేర్ని నాని ఏరోజూ ఏ ఒక్కరి ఇల్లు కూల్చలేదు...నీ కోసం పనిచేసిన జనసేన కార్యకర్తను కూల్చి వేయించిన చరిత్ర నీది. కోర్టు ఆర్డర్ ఉన్నప్పటికీ గుమ్మటాల చెరువులో ఈరోజుకీ నువ్వు ఇళ్లు అమ్ముకుంటున్నావు. బందరుకు నువ్వేం చేశావో.. నువ్వు ఏం తెచ్చావో చెప్పే దమ్ముందా?. గిలకలదిండిలో 22 బెల్టు షాపులు పెట్టించావ్. దొంగతనంగా బయోడీజిల్ అమ్మే దొంగవి నువ్వు. పాపపు సొమ్ముతో బీచ్‌లో 63 అడుగుల వినాయకుడు పెడితే మీ పాపాలు పోతాయా?. రైతులు సాగుకు నీరు లేక నానా అవస్థలు పడుతుంటే నువ్వు పట్టించుకున్నావా?’’ అంటూ పేర్ని నాని నిలదీశారు.ఇదీ చదవండి: కొల్లు రవీంద్రకు ఇదే నా ఛాలెంజ్: పేర్ని కిట్టు

సాక్షి, కృష్ణా జిల్లా: అధికారం పోగానే కొందరు తెల్లారికే కండువా మార్చేసి దర్జాగా తిరిగేస్తున్నారని.. కానీ కార్యకర్తలే పార్టీకి, మాకు అండగా ఉన్నారని వైఎస్సార్‌సీపీ మచిలీపట్నం నియోజకవర్గ ఇంఛార్జ్‌ పేర్ని కిట్టు అన్నారు. నియోజకవర్గ వైఎస్సార్‌సీపీ విస్తృత స్థాయి సమావేశంలో ఆయన మాట్లాడుతూ.. ఇంటిపై టీడీపీ జెండా ఉన్నా.. వైఎస్సార్‌సీపీ ప్రభుత్వంలో పథకాలు అందించాం. ఎన్నికల్లో ఇచ్చిన ఒక్క హామీనైనా కూటమి సర్కార్‌ నెరవేర్చిందా? అంటూ ప్రశ్నించారు.‘‘కొల్లు రవీంద్రకు ఇదే నా ఛాలెంజ్. గతంలో టీడీపీ తరపున మేయర్ క్యాండెట్ కోసం నువ్వెంత తీసుకున్నావు? నేను చెప్పింది అబద్ధమైతే బందరుకోటలో కట్టిన గుడిలో ప్రమాణం చేద్దాం. కొల్లు రవీంద్ర దయచేసి మాతో నిన్ను పోల్చుకోకు. సీట్లు అమ్ముకునే నీకు, పార్టీ శ్రేణులను కుటుంబసభ్యులు అనుకునే మాకు చాలా తేడా ఉంది...బయట ఒకలా.. లోపల ఒకలా బతికే నువ్వు కూడా మాకు నీతులు చెబితే ఎలా?. పోర్టు పేరుతో 33 వేల ఎకరాలు తీసుకుని జనాన్ని మింగేయాలనుకుంది మీరు.. కేవలం 1700 ఎకరాల ప్రభుత్వ భూమిలో వైఎస్‌ జగన్ పోర్టు కట్టి చూపించారు’’ అని పేర్ని కిట్టు పేర్కొన్నారు.ఇదీ చదవండి: కూటమికి బిగ్‌ షాక్‌.. బొలిశెట్టి సంచలన వ్యాఖ్యలు

సాక్షి,తిరుపతి: నగరంలోని డీబీఆర్‌ రోడ్డులోని శ్రీ కన్వెన్షన్ సమీపంలో ఘోర ప్రమాదం చోటుచేసుకుంది. భవన నిర్మాణ పనులు జరుగుతున్న సమయంలో క్రేన్, జేసీబీ విరిగిపడిన దుర్ఘటనలో ముగ్గురు దుర్మరణం చెందగా, మరో ముగ్గురు తీవ్రంగా గాయపడ్డారు.శ్రీ కన్వెన్షన్ పక్కనే ఉన్న స్థలంలో నంది గ్రూప్ ఆఫ్ హోటల్స్ ఆధ్వర్యంలో నూతన భవన నిర్మాణం జరుగుతోంది. ఇందులో భాగంగా సుమారు 30 అడుగుల మేర పునాదులు తీస్తున్నారు. ఈ క్రమంలో మట్టి తోలుతున్న జేసీబీ,క్రేన్ అకస్మాత్తుగా విరిగిపడటంతో అక్కడే పనిచేస్తున్న కార్మికులపై పడ్డాయి.ఈ ప్రమాదంలో ముగ్గురు అక్కడికక్కడే ప్రాణాలు కోల్పోయారు. మృతులు ఒరిస్సాకు చెందిన వలస కూలీ రామారావు, శ్రీకాకుళానికి చెందిన సైట్ ఇంజనీర్ సందీప్, తిరుపతికి చెందిన సెక్యూరిటీ గార్డు గంగయ్య (45)గా గుర్తించారు. తీవ్రంగా గాయపడిన బీహార్ రాష్ట్రానికి చెందిన షేక్ ఫర్హాన్, నౌషాన్, అలాగే మల్లవరానికి చెందిన మురుగయ్యలను ఆస్పత్రికి తరలించి మెరుగైన వైద్యం అందిస్తున్నారు.అధికారుల పరిశీలనప్రమాద స్థలాన్ని తిరుపతి మున్సిపల్ కార్పొరేషన్ కమిషనర్ జయకృష్ణ పరిశీలించారు. అనంతరం ఆయన మాట్లాడుతూ.. ఈ దుర్ఘటనలో ముగ్గురు మృతి చెందడం బాధాకరమని, క్షతగాత్రులకు మెరుగైన చికిత్స అందిస్తున్నామని తెలిపారు. ఇదీ చదవండి: ఒక్కసారి పుట్టింటికి పంపండి... రెండ్రోజులు ఉండి వస్తా!

ఆంధ్రప్రదేశ్‌: నిండుచూలాలు... ఒకసారి పుట్టింటికెళ్లి అమ్మనాన్నను మాట్లాడొద్దామనుకొంది. అందుకు అత్త ఒప్పుకోకపోగా... సూటిపోటి మాటలతో బాధపెట్టింది.. మనస్థాపం చెందిన నాలుగు నెలల గర్భిణి అక్షయ ఉరి వేసుకొని ఆత్మహత్య చేసుకొంది. ఈ ఘటన కణేకల్లు మండలంలోని నల్లపంల్లి గ్రామంలో ఆదివారం రాత్రి చోటు చేసుకొంది.పోలీసుల కథనం మేరకు వివరాలు.. అనంతపురానికి చెందిన కృష్ణ కూతురు అక్షయకు కణేకల్లు మండలంలోని నల్లంపల్లిలోని అక్క నాగేవేణి కొడుకు మహేష్‌కిచ్చి ఎనిమిది నెలల క్రితం వివాహం చేశాడు.పెళ్లయినప్పటి నుంచి అత్త, కోడలి మధ్య నిత్యం ఏదో విషయంలో గొడవ జరుగుతూ ఉండేది. ఈ విషయాన్ని అక్షయ తన తల్లిదండ్రులకు ఫోన్‌ చేసి చెప్పి బాధపడేది. అక్షయ గర్భం దాల్చింది. ప్రస్తుతం నాలుగు నెలల గర్భిణి.15 రోజుల క్రితం అక్షయ తల్లిదండ్రులు నల్లంపల్లి గ్రామానికొచ్చి తమ కూతుర్ని మా ఇంటికి తీసుకెళ్తాం.. కొన్నాళ్లూ ఉండి వస్తుందని అడిగితే నాగవేణి ఒప్పుకోలేదు. ఈ క్రమంలో ఆదివారం అక్షయ ఒక్కసారి పుట్టింటికి పంపండి... రెండ్రోజుల ఉండి వస్తానని అడిగింది. అందుకు అత్త ససేమిరా అనింది. ఇప్పుడు వెళ్లొద్దని.. ఐదు నెలలు పూర్తయ్యాక వెళ్లు.. పంపిస్తానంటూ కస్సుబుస్సు మనింది. ఇప్పుడే వెళ్తానంటే వెళ్లు.. మళ్లీ రావద్దని గట్టిగా చెప్పింది.బేల్దారి పని చేస్తున్న కొడుకు మహేష్‌ రెండ్రోజుల నుంచి పనికి వెళ్లకుండా ఇంట్లో ఉండటంతో ఇంటిపట్టున ఉంటే కుటుంబం గడిచేదెలా? అంటూ కొడుకును కూడా నాగవేణి మందలించింది. దీంతో మహేష్‌ విసుగు చెంది ఆదివారం రాత్రి ఆలస్యంగా ఇంటికొచ్చాడు. అప్పటికే ఆమె ఇంట్లోని బెడ్‌ రూమ్‌లో ఫ్యాన్‌కు ఉరి వేసుకొని ఆత్మహత్య చేసుకొని విగతజీవిగా కనిపించింది. అక్షయ గర్భిణి కావడంతో మృతదేహానికి అనంతపురం సర్వజనాస్పత్రిలో పోస్టుమార్టం చేయించారు. బాధిత తండ్రి కృష్ణ పోలీసులకు ఇచ్చిన ఫిర్యాదు మేరకు..అత్త నాగవేణి, అల్లుడు మహేష్‌, ఆడబిడ్డ కవిత, ఆమె భర్త రాజుపై కేసు నమోదు చేసినట్లు ఎస్‌ఐ నాగమధు తెలిపారు.గమనిక..మనిషికి ఉండేది ఒక్కటే జీవితం. ఆత్మహత్య అన్ని సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి. ఫోన్‌ నెంబర్లు: 040-66202000/040-66202001; మెయిల్: roshnihelp@gmail.comఇదీ చదవండి: ప్రేమించాలని వేధింపులు.. విద్యార్థిని విషాదం!ద

సాక్షి, విశాఖ: సోషల్ మీడియా ఇన్‌ఫ్లూయెన్సర్లకు డబ్బులు ఇవ్వడాన్ని తాను వ్యతిరేకిస్తున్నానని పర్యావరణవేత్త బొలిశెట్టి సత్యనారాయణ అన్నారు. ప్రభుత్వం చేసిన మంచిని మాత్రమే చెప్పి.. తప్పులను చెప్పకుండా ఉండేందుకు డబ్బులు ఇవ్వడం ఒక రకంగా లంచం ఇవ్వడమేనని వ్యాఖ్యానించారు. ప్రభుత్వంలో ఉన్న తప్పొప్పులను రెండింటినీ చెప్పే వారికి మాత్రమే డబ్బులు ఇవ్వాలని సూచించారు. మంచిని మాత్రమే ప్రచారం చేసి.. చెడును ప్రజలకు చెప్పకపోతే చివరికి ప్రజల్లో తిరుగుబాటు వచ్చే పరిస్థితి ఉంటుందని బొలిశెట్టి అన్నారు. ప్రభుత్వ పనితీరుపై సోషల్ మీడియా వేదికల్లో వాస్తవాలను చెప్పాల్సిన అవసరం ఉందన్నారు.కొండల పరిరక్షణకు ప్రత్యేక చట్టాలు..విశాఖలో జరుగుతున్న పర్యావరణ విధ్వంసాన్ని కాపాడాల్సిన బాధ్యత డిప్యూటీ సీఎం పవన్‌ కల్యాణ్‌పై ఉందని బొలిశెట్టి అన్నారు. కొండలను రక్షించేందుకు ప్రత్యేక చట్టాలను తీసుకురావాలని డిమాండ్‌ చేశారు. ఇష్టానుసారంగా కొండలను తవ్వడం వల్ల పర్యావరణానికి విఘాతం కలుగుతుందని పేర్కొన్నారు. ఇటీవల కూడా విశాఖలో పర్యావరణ అంశాలపై బొలిశెట్టి సత్యనారాయణ పలు అభ్యంతరాలు వ్యక్తం చేస్తున్నారు. ఆయన గతంలో జనసేనలో పర్యావరణ విభాగం బాధ్యతల్లో ఉండగా.. 2026 మార్చిలో పార్టీ అధికారిక బాధ్యతల నుంచి తప్పుకున్నట్లు జనసేన ప్రకటించింది.ఎమ్మెల్యే వంశీపై విమర్శలు..విశాఖకు చెందిన ఎమ్మెల్యే వంశీపై కూడా బొలిశెట్టి విమర్శలు చేశారు. ఎమ్మెల్యే వంశీకి జనసేన సిద్ధాంతాలు ఇంకా వంటపట్టలేదని ఘాటు విమర్శలు చేశారు. ఆయన ఇంకా వ్యాపారవేత్తగానే వ్యవహరిస్తున్నారని ఆరోపించారు. స్థానిక సంస్థల ఎన్నికల్లో పర్యావరణాన్ని కాపాడే వారికి ఓట్లు వేయాలని ప్రజలకు బొలిశెట్టి పిలుపునిచ్చారు.ఇదీ చదవండి: కొత్త సెక్షన్లతో కేసులు.. సచివాలయ ఉద్యోగుల్లో ఆందోళన

ఏపీ ప్రభుత్వం ప్రచారం విషయంలో వెనుకడుగు వేయడం లేదు. కొత్తగా సోషల్ మీడియాలో ప్రచారం చేసేవారికి ప్రభుత్వం పరోక్ష వేతనం చెల్లించడానికి రెడీ అయింది. ఇది ఒకరకంగా పరీక్ష లేకుండానే క్రీడా కోటాలో కొందరికి టీచర్ల ఉద్యోగాలు ఇచ్చిన చందంగా కనిపిస్తుంది. ముఖ్యమంత్రి చంద్రబాబు నాయుడు ఆధ్వర్యంలోని కూటమి సర్కార్, ఇప్పటికే తనకు అనుకూలంగా పనిచేస్తున్న దాదాపు ఎనభై శాతం ప్రధాన మీడియాకాని, వందల సంఖ్యలో ఉన్న యూట్యూబ్ చానళ్లు తమ ప్రచారానికి సరిపోవడం లేదని అనుకుంటోందా? లేక వాటిని జనం నమ్మడం లేదన్న అభిప్రాయానికి వచ్చిందా అన్నది తెలియదు కాని, సోషల్ మీడియా ఇన్‌ఫ్లూయెన్సర్ల పేరుతో అంటే ప్రభావశీలురతో కంటెంటె పెట్టిస్తారట. దానికి భారీగా చెల్లింపులు చేస్తారట.కొత్తగా పెన్షన్‌ల కోసం దరఖాస్తు చేసుకున్నవారందరికి నాలుగువేల రూపాయల చొప్పున మంజూరు చేయడానికి డబ్బులు లేవని మంత్రి అచ్చెన్నాయుడు ఆ మధ్య ఉపన్యాసం ఇచ్చారు. ఉద్యోగుల జీతాలకే ప్రభుత్వ ఆదాయంలో 94-98 శాతం ఖర్చు అవుతోందని ముఖ్యమంత్రి చంద్రబాబు నాయుడు స్వయంగా తెలిపారు. సంపద సృష్టించే మార్గాలు కనబడడం లేదని, ఐడియాలు ఉంటే ఇవ్వండని ప్రజలనే ఆయన సలహా కోరారు. అవన్ని వాస్తవమా? కాదా? అన్నది మనం చెప్పలేం.కాని, చంద్రబాబు ప్రభుత్వం తాజాగా మంత్రివర్గ సమావేశంలో తీసుకున్న నిర్ణయం ప్రకారం సోషల్ మీడియాలో కూటమి సర్కార్ పక్షాన, చంద్రబాబుతో పాటు ఉప ముఖ్యమంత్రి పవన్ కళ్యాణ్, మంత్రి లోకేష్‌ల పక్షాన ప్రచారం చేయడానికి ఒక్కొక్కరికి 15 వేల రూపాయల నుంచి లక్షన్నర వరకు ఇస్తారట. ప్రభుత్వం ఇచ్చే కంటెంట్ పోస్టు చేస్తే ఒక రేటు, స్వయంగా తయారు చేసే కంటెంట్‌కు మరో రేటు ఉంటుందట. ప్రభుత్వం ఇచ్చే గ్రాఫిక్స్ పోస్టింగ్‌లకు కేటగిరిని బట్టి 500 రూపాయల నుంచి 1500 రూపాయల వరకు ఇస్తారట. ఆడియో, వీడియో పోస్టింగ్‌లకైతే 750 నుంచి రెండువేల రూపాయల వరకు ఇస్తారట. సొంతంగా తయారు చేసే వీడియోలకు గాను క్రియేటర్స్‌కు 2500 నుంచి ఇరవైవేల వరకు చెల్లిస్తారట. దీనికి ఏవో కండిషన్లు అని చెప్పినా, చివరికి ఏమి జరుగుతుందో ఊహించుకోవచ్చు.ఎన్నివేల మందిని ఇందుకోసం వినియోగించుకుంటారో, ఎంత బడ్జెట్ కేటాయిస్తారో వెల్లడించలేదు. హిమచల్ ప్రదేశ్, రాజస్తాన్, పంజాబ్‌లలో వివిధ పద్దతులలో ఇలాంటి స్కీములను అమలు చేస్తున్నారట. యూపీలో ఆయా సోషల్ మీడియా ఫ్లాట్ పారంలకు నేరుగా డబ్బులు ఇస్తారట. వీటిని కాపీ చేసి ఏపీ ప్రభుత్వం వీటిని అమలు చేస్తోందన్నమాట. ఇప్పటికే డిజిటల్ కార్పొరేషన్‌తో ప్రభుత్వ ప్రచారం చేస్తుంటుంది. అందులో కూడా కంటెంట్ తయారు చేస్తారు. ఈనాడు, ఆంధ్రజ్యోతి, తదతర మీడియా సంస్థలకు ప్రచార ప్రకటన రూపంలో, ఇతరత్రా భారీగానే లబ్ది చేకూర్చుతున్నారన్న విమర్శలు ఉన్నాయి. వారు మరీ ఏకపక్షంగా టీడీపీ కరపత్రాలుగా ప్రచారం చేస్తుండడంతో ప్రజలలో విశ్వసనీయత తగ్గిపోతోంది.ఈ నేపథ్యంలో ఈ కొత్త ఐడియాను తీసుకువచ్చి ప్రజాధనాన్ని వెచ్చించబోతున్నారన్నమాట. నిజంగానే ప్రజలకు సంబంధించిన సమస్యలు ఏవైనా పోస్టు చేస్తే ఫర్వాలేదు. ప్రభుత్వం ఇచ్చే గ్రాఫిక్స్, వీడియోలు అంటే కేవలం ప్రభుత్వ నేతల ప్రచారమే అత్యధికశాతం ఉంటుందన్నది బహిరంగ రహస్యమే. దానికి తోడు ఇప్పుడు ఈ ఇన్‌ఫ్లూయేన్సర్‌లు వైఎస్సార్‌సీపీ సోషల్ మీడియాలో వచ్చే విషయాలకు వ్యతిరేకంగా ప్రచారం చేయాలన్నమాట. అలాగే ఇండిపెండెంట్‌గా పనిచేసే యూట్యూబర్లు వెలికితీసే వాస్తవాలను ఖండించాలన్నమాట. వైఎస్సార్‌సీపీ నేతలపై బురద చల్లే పనిలో నేర్పరితనం ప్రదర్శించాలన్నమాట. డైవర్షన్ రాజకీయాలలో భాగస్వాములవ్వాలన్నమాట.ఇదీ చదవండి: దానం ఎపిసోడ్‌.. డిఫెన్స్‌లో కాంగ్రెస్‌, రేవంత్‌? ఉదాహరణకు డీఎస్సీ అక్రమాలపై వైఎస్సార్‌సీపీ ఆధారాలు చూపుతున్నప్పుడు అవేవి సరికావన్నట్లుగా ప్రచారం చేయాలి. ఇలాంటి డైవర్షన్ విషయాలలో చంద్రబాబును మించిన మొనగాడు మరొకరు ఉండకపోవచ్చు. డీఎస్సీ స్కామ్‌పై నిరసన చెప్పడానికి వెళ్లిన వైఎస్సార్‌సీపీవారిపై దాడి చేసింది టీడీపీవారు లేదా టీడీపీ యువగళం టీమ్‌ అన్నది బహిరంగ రహస్యమే. వారే ఈ విషయం చెప్పుకున్నారు. కాని వ్యూహాత్మకంగా గురువులపై వైఎస్సార్‌సీపీ దాడి అని చంద్రబాబే ప్రచారం ఆరంభించారు. అది నిజం కాదని ఆయనకు తెలుసు. పోలీసులకు తెలుసు. లేదా రెండు వైపులా ఏమైనా గొడవ జరిగితే ఇరుపక్షాలకు చెందినవారిమీద కేసులు పెట్టవచ్చు.అదేమి కాకుండా వైఎస్సార్‌సీపీపైన ఎంత వీలైతే అంత బురద చల్లడం, జగన్‌పై పిచ్చి, పిచ్చి ఆరోపణలు చేయడంతో అసలు స్కామ్‌ను దారి మళ్లించాలన్నది వారి వ్యూహమన్నమాట. దీనికోసం ఈ సోషల్ మీడియా ఇన్‌ఫ్లూయెన్సర్‌లు ఎంత బాగా పనిచేసి అంతగా వ్యూస్ సంపాదిస్తే వారికి అంతగా డబ్బు వస్తుందన్నమాట. ఇదంతా టీడీపీ తరపున ఇప్పటికే పనిచేస్తున్నవారికి డబ్బులు ఇవ్వడానికే ఈ స్కీమ్ తెచ్చారని వైఎస్సార్‌సీపీ నేతలు విమర్శిస్తున్నారు. డీఎస్సీలో పరీక్షలు లేకుండా టీచర్ ఉద్యోగాలు కొంతమందికి ఇచ్చి అప్రతిష్ట తెచ్చుకున్న నేపథ్యంలో ఈ స్కీమ్ ప్రకారం తమకు కావల్సిన వారికి ప్రభుత్వం డబ్బు ఇష్టారీతిన వెచ్చించే అవకాశం ఉండవచ్చన్నది కొందరి అనుమానం.ఒకవైపు ఇలా జనం డబ్బుతో వారినే మభ్య పెట్టడానికో, నమ్మించడానికో సోషల్ మీడియాను ఉపయోగించుకుంటూ, మరో వైపు పోలీసుల ద్వారా తమకు వ్యతిరేకంగా స్కామ్‌లను బయటపెడుతున్న సోషల్ మీడయాను అణచివేయడానికి ప్రభుత్వం అన్ని ప్రయత్నాలు చేస్తోంది. ఆ క్రమంలో చివరికి అమెరికాకు చెందిన పోలీస్ వ్యవస్థ ఎఫ్‌బీఐ పేరుతో కూడా నకిలీ ఫిర్యాదులు చేయడానికి ఏపీ పోలీసు వ్యవస్థ సిగ్గుపడకపోవడం దారుణంగా ఉంటుంది.ఎవరైనా వేరే సంస్థ పేరుతో తప్పుడు ఫిర్యాదు చేస్తే కేసులు పెట్టే పోలీసులే స్వయంగా సోషల్ మీడియా ప్లాట్ ఫాంలకు నకిలీ ఫిర్యాదులు చేయడం ఏమిటి? తద్వారా ప్రభుత్వానికి ఇబ్బంది కలిగించే వాస్తవ పోస్టులను తొలగించేలా చూడడం ఏమిటి? ఏపీలో పోలీసు వ్యవస్థ ఎంతసేపు వైఎస్సార్‌సీపీ సోషల్ మీడియాను అణచివేయడం, వారిపై తప్పుడు ఆరోపణలు చేయడం, వారి అక్కౌంట్లను మూసివేయించడం పనిలోనే బిజీగా ఉంటున్నట్లు కనిపిస్తుంది.ఎక్స్‌లో 150 ఖాతాలు తొలగింపచేశారట. సుమారు 800 పోస్టులు తొలగించారట. చివరికి జడ శ్రవణ్ వంటివారు మీడియా సమావేశాలలో చేసే విమర్శల వీడియోలు కొన్నిటిని సైతం ఇండియాలో కనబడకుండా చేస్తున్నారంటే ప్రభుత్వం సోషల్ మీడియాకు ఎంత భయపడుతోందో అర్థం చేసుకోవచ్చు. అందుకే ఈ కొత్త ఐడియాను ప్రవేశపెట్టి టీడీపీ సోషల్ మీడియా యాక్టివిస్టులకు ఉపాధి స్కీము కింద ప్రభుత్వ ధనాన్ని ఖర్చు పెట్టబోతున్నారన్నమాట. అంత మాత్రాన ప్రభుత్వంపై పెరుగుతున్న వ్యతిరేకత తగ్గుతుందా? అన్నది సందేహమే!-కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత.

సాక్షి, విశాఖపట్నం: ఆంధ్రా మెడికల్‌ కాలేజీలో విషాదం నెలకొంది. ఐదు రోజుల వ్యవధిలో ఇద్దరు మెడికల్‌ పీజీ విద్యార్థులు ఆత్మహత్యకు పాల్పడటం కలకలం రేపుతోంది. ఈ నెల 24న మెడికో శైలజ ఇంట్లో ఉరి వేసుకుని ఆత్మహత్య చేసుకోగా.. తాజాగా నిన్న మరో మెడికో శ్రావణి ఆత్మహత్య చేసుకుంది. దీంతో, ఆంధ్ర మెడికల్‌ కాలేజీలో ఏం జరుగుతోందన్న చర్చ మొదలైంది. శైలజ, శ్రావణి ఇద్దరూ ఆంధ్రా మెడికల్‌ కాలేజీలో పీజీ చదువుతున్నారు. ఈ నెల 24న శైలజ ఇంట్లో ఉరి వేసుకుని బలవన్మరణానికి పాల్పడింది. తాజాగా చిన్న వాల్తేరులో అద్దె ఇంట్లో ఉంటున్న శ్రావణి ఆత్మహత్య చేసుకున్నట్లు పోలీసులు తెలిపారు. శ్రావణి స్వస్థలం హైదరాబాద్‌గా గుర్తించారు. ఆత్మహత్యకు ముందు శ్రావణి సూసైడ్‌ నోట్‌ రాసినట్లు తెలుస్తోంది. తన మృతికి ఎవరూ బాధ్యులు కారని అందులో పేర్కొన్నట్లు సమాచారం. ఈ రెండు ఘటనలు త్రీ టౌన్‌ పోలీస్‌ స్టేషన్‌ పరిధిలో చోటుచేసుకున్నాయి.ఈ సందర్భంగా సాక్షి టీవీతో మెడికో శ్రావణి తల్లి పద్మ మాట్లాడుతూ..‘శ్రావణి ఒత్తిడి వలనే చనిపోయింది. ఈఎన్‌టీ కోర్స్ నచ్చలేదని నాకు చెప్పింది. ఆంధ్రా మెడికల్ కాలేజీ నుంచి బయటకు వచ్చేస్తానని చెప్పింది. శ్రావణి చాలా బాగా చదువుకునేది. ఉస్మానియాలో ఎంబీబీఎస్‌ చేసింది. కాలేజీలో ఒత్తిడి ఉంది అనేది వాస్తవం. మా కుటుంబంలో నా కుమార్తె మొదటి డాక్టర్ అని ఎన్నో కలలు కన్నాం. ఇంతలోనే ఇలా జరుగుతుందని అనుకోలేదు. పోలీసులకు అన్ని వాస్తవాలు చెప్తా’ అని అన్నారు.కాగా, ఐదు రోజుల క్రితమే మెడికో శైలజ ఆత్మహ­త్య­కు పాల్ప­డ్డారు. విశాఖపట్నం మూడో పట్టణ పోలీ­సులు తెలిపిన వివరాల ప్రకారం.. రామ్‌నగర్‌లో తల్లిదండ్రులతో కలిసి ఉంటున్న విద్యార్థిని ఎండీ జనరల్‌ మెడిసిన్‌ ఫైనల్‌ ఇయర్‌ చదువుతున్నారు. ఇటీవల జరిగిన పరీక్షలను అనుకున్న స్థాయిలో రాయలే­కపోయానని, తీవ్ర ఒత్తిడికి గురవుతున్నట్టు తోటి విద్యార్థులు, కుటుంబ సభ్యుల వద్ద బాధపడుతుంది. ఈ క్రమంలో గురువారం పరీక్ష ఉండగా ఉదయం ఇంట్లోనే ఫ్యాన్‌కు చున్నీతో ఉరిపోసుకుని ఆత్మహ­త్యకు పాల్ప­డింది. ఈ ఘటనతో ఏఎంసీ క్యాంపస్‌లో విషాద ఛాయలు అలముకున్నాయి. ఘటనపై తోటి విద్యార్థులు, అధ్యాప­కులు దిగ్భ్రాంతి వ్యక్తం చేశారు. ఘట­నా స్థలాన్ని పరి­శీ­లించిన పోలీసులు కేసు నమోదు చేసి దర్యాప్తు చేస్తున్నారు.వరుసగా ఇద్దరు పీజీ మెడికల్‌ విద్యార్థులు ఆత్మహత్యకు పాల్పడటంతో ఆంధ్రా మెడికల్‌ కాలేజీలో విషాద ఛాయలు అలుముకున్నాయి. రెండు ఘటనలపై కేసులు నమోదు చేసిన పోలీసులు దర్యాప్తు చేస్తున్నారు. ఆత్మహత్యలకు దారితీసిన పరిస్థితులపై వివరాలు సేకరిస్తున్నారు.ఇదీ చదవండి: ‘డబ్బులిస్తాం.. డప్పు కొట్టండి’

సాక్షి, విజయవాడ: ఏపీలో సచివాలయ ఉద్యోగుల ‘చలో విజయవాడ’ ఆందోళనపై పోలీసులు కేసులు నమోదు చేయడం చర్చనీయాంశంగా మారింది. విజయవాడలోని సత్యనారాయణపురం పోలీస్‌స్టేషన్‌ పరిధిలో 46 మంది, మాచవరం పోలీస్‌స్టేషన్‌ పరిధిలో 24 మందిపై పోలీసులు కేసులు నమోదు చేశారు. ఈ పరిణామంతో సచివాలయ ఉద్యోగుల్లో ఆందోళన వ్యక్తమవుతోంది.తమ దీర్ఘకాలిక సమస్యలు పరిష్కరించాలని కోరుతూ ఉద్యోగులు సెప్టెంబర్‌ 27న ‘చలో విజయవాడ’కు పిలుపునిచ్చారు. నిరసనకు అనుమతి లేదని పోలీసులు ముందుగానే ఉద్యోగులను ఎక్కడికక్కడే అడ్డుకున్నారు. రాష్ట్రంలోని వివిధ ప్రాంతాల నుంచి విజయవాడకు వచ్చిన ఉద్యోగులను పోలీసులు పలు ప్రాంతాల్లో అడ్డుకుని అదుపులోకి తీసుకున్నారు. విజయవాడలోనే సుమారు 600 మంది ఉద్యోగులను వివిధ పోలీస్‌స్టేషన్లకు తరలించినట్లు ఉద్యోగ సంఘాలు పేర్కొన్నాయి.కేసులు.. అరెస్టులు..సత్యనారాయణపురం, మాచవరం పోలీస్‌స్టేషన్ల పరిధిలో నమోదైన కేసుల్లో BNSS సెక్షన్ 170 ప్రయోగించారు. ఈ సెక్షన్ ప్రకారం ఎటువంటి ముందస్తు నోటీసులు లేకుండా, మేజిస్టేట్ అనుమతి లేకుండా అరెస్ట్ చేసే అవకాశం ఉంది. ఈ నేపథ్యంలో సచివాలయ ఉద్యోగులను అరెస్ట్ చేస్తారంటూ ప్రభుత్వం లీకులు ఇస్తోంది. పోలీసులు అరెస్టులకు సిద్ధం అయినట్లు తెలుస్తోంది. సచివాలయ ఉద్యోగులను ప్రభుత్వ చర్యలు భయబ్రాంతులకు గురి చేస్తున్నాయి. కేసుల పేరుతో ఉద్యోగుల పట్ల కూటమి సర్కార్‌ కఠినంగా ప్రవర్తిస్తోంది. అంతేకాకుండా. నిరసనల్లో పాల్గొన్న 45మందిని సస్పెండ్ చేయాలని కూడా చూస్తున్నట్టు సమాచారం. ప్రభుత్వానికి వ్యతిరేకంగా మాట్లాడారంటూ చర్యలకు సిద్ధమైనట్టు తెలుస్తోంది.ఇదీ చదవండి: ‘డబ్బులిస్తాం.. డప్పుకొట్టండి’

అనంతపురం: తాడిపత్రిలో పోలీసు వ్యవస్థ నిర్వీర్యం కావడంతో శాంతి భద్రతలు ప్రశ్నార్థకంగా మారాయి. తాడిపత్రి ఏఎస్పీ, డీఎస్పీ పోస్టులు ఖాళీగా ఉన్నాయి. ఐపీఎస్ అధికారి అయిన ఏఎస్పీ రోహిత్ బదిలీ తర్వాత మరొక ఐపీఎస్ అధికారిని కూటమి ప్రభుత్వం ఇంకా నియమించలేదు. దీంతో ప్రస్తుతానికి తాడిపత్రి బాధ్యతలను గుంతకల్లు డీఎస్పీ చూసుకుంటున్నారు. తాడిపత్రి నియోజకవర్గం రౌడీ మూకలు పెట్రేగిపోతున్నా, పోలీసు ఉన్నతాధికారులు పట్టించుకోవడం లేదు. తాజాగా తాడిపత్రి లో టీడీపీ నేత జేసీ ప్రభాకర్ రెడ్డి వర్గీయులు చెలరేగిపోయారు. వైఎస్సార్ సీపీ సమన్వయకర్త, మాజీ ఎమ్మెల్యే కేతిరెడ్డి పెద్దారెడ్డి ఇంటి వద్ద వాహనం ధ్వంసం చేశారు. బోలేరో వాహనంలో వచ్చి, పెద్దారెడ్డి కాన్వాయ్‌కి చెందిన ఓ వాహనం అద్దాలను జేసీ వర్గీయులు ధ్వంసం చేశారు. అర్ధరాత్రి సమయంలో ఈ ఘటన చోటుచేసుకుంది. ఈ ఘటనపై పోలీసులు విచారణ చేపట్టారు. బహిరంగంగా ఇరువర్గాల దాడులుమరోవైపు బహిరంగంగా ఇరువర్గాల మధ్య దాడుల చోటుచేసుకున్నాయి. అప్పు విషయంలో నౌషద్ - సయ్యద్ వర్గాల దాడులు జరిగాయి. కర్రలతో విచక్షణా రహితంగా దాడులు చేసుకోవడంతో ఇద్దరికి తీవ్ర గాయాలయ్యాయి. వారిని ఆసుపత్రికి తరలించి చికిత్స అందిస్తున్నారు.

సాక్షి, కడప: కడప టీడీపీలో అంతర్గత విభేదాలు మరోసారి తెరపైకి వచ్చాయి. కడప మేయర్‌ పదవిని బలిజలకు కేటాయించాలని కోరుతూ కాపు జేఏసీ కన్వీనర్‌ విజయ్‌కుమార్‌ పార్టీ ఎన్నికల పరిశీలకుడు దీపక్‌ రెడ్డిని కలవడం చర్చనీయాంశంగా మారింది. ఎమ్మెల్యే మాధవి రెడ్డికి వ్యతిరేకంగా మేయర్‌ పదవి కోసం డిమాండ్‌ చేయడంపై ఆగ్రహం వ్యక్తమైన నేపథ్యంలో.. అర్ధరాత్రి విజయ్‌కుమార్‌కు చెందిన కారును గుర్తు తెలియని వ్యక్తులు ధ్వంసం చేసినట్లు బలిజ నేతలు ఆరోపిస్తున్నారు.జిల్లాకు వచ్చిన టీడీపీ ఎన్నికల పరిశీలకుడు దీపక్‌రెడ్డిని కలిసిన విజయ్‌కుమార్‌.. కడప మేయర్‌ సీటును బలిజలకు ఇవ్వాలని కోరినట్లు తెలుస్తోంది. ఈ పరిణామం స్థానిక టీడీపీలో వర్గ విభేదాలను మరింత తీవ్రతరం చేసినట్లు పార్టీ వర్గాల్లో చర్చ జరుగుతోంది. ఇదే సమయంలో ఎమ్మెల్యే మాధవి రెడ్డి తీరును ప్రశ్నిస్తున్నందుకే తమ వర్గానికి చెందిన నేతలపై దాడులు జరుగుతున్నాయని కొందరు టీడీపీ బలిజ నేతలు ఆరోపిస్తున్నారు. ఇప్పటికే ఎమ్మెల్యే తీరును మరో బలిజ నేత చెన్నంశెట్టి మురళీ బహిరంగంగా ప్రశ్నించినట్లు వారు చెబుతున్నారు.మరోవైపు ఎమ్మెల్యే మాధవిరెడ్డికి వ్యతిరేకంగా పార్టీ అధిష్ఠానం పంపిన నేతలను టీడీపీలోని కొందరు స్థానిక నాయకులు కలుస్తున్నట్లు సమాచారం. ఈ పరిణామాల నేపథ్యంలో కడప టీడీపీలో అంతర్గత రాజకీయాలు మరింత వేడెక్కుతున్నాయి. విజయ్‌కుమార్‌ కారును ధ్వంసం చేసిన ఘటనపై సంబంధిత వ్యక్తులపై కఠిన చర్యలు తీసుకోవాలని టీడీపీలోని బలిజ నేతలు డిమాండ్‌ చేస్తున్నారు. ఈ ఘటనకు బాధ్యులెవరు, రాజకీయ విభేదాలే కారణమా అన్నది తేలాల్సి ఉంది.ఇదీ చదవండి: ‘డబ్బులిస్తాం.. డప్పుకొట్టిండి’

సాక్షి ఒంగోలు: వైఎస్సార్‌సీపీ అధినేత, మాజీ సీఎం వైఎస్‌ జగన్‌ మంగళవారం పార్టీ ప్రచార విభాగం రాష్ట్ర అధ్యక్షుడు కాకుమాను రాజశేఖర్‌ కుటుంబాన్ని పరామర్శించారు. వైఎస్‌ జగన్‌ రాకతో భారీగా పార్టీ నేతలు, కార్యకర్తలు అక్కడికి తరలివచ్చారు. ఇటీవల మరణించిన వైఎస్సార్‌సీపీ ప్రచార విభాగం రాష్ట్ర అధ్యక్షుడు కాకుమాను రాజశేఖర్‌ నివాసానికి వచ్చిన ఆయన కుటుంబ సభ్యులను పరామర్శించి, ధైర్యం చెప్పారు. కాగా, ఇటీవల డీఎస్సీలో అక్రమాలపై వైఎస్సార్‌సీపీ నిరసనలు చేపట్టింది. ఈ సందర్భంగా శాప్‌ ఆఫీసు ఎదుట జరిగిన పోలీసుల తోపులాట కారణంగా రాజశేఖర్‌ అస్వస్థతకు గురై మృతి చెందిన విషయం తెలిసిందే. అంతకుముందు.. వైఎస్‌ జగన్‌ ఒంగోలు వస్తున్న నేపథ్యంలో భారీ సంఖ్యలో పార్టీ కార్యకర్తలు, అభిమానులు అక్కడికి చేరుకున్నారు. జననేత వైఎస్‌కు ఘన స్వాగతం పలికారు. ఈ క్రమంలో భారీ జనసందోహం మధ్య వైఎస్‌ జగన్‌.. రాజశేఖర్‌ ఇంటికి చేరుకుని ఆయన కుటుంబ సభ్యులను పరామర్శించారు. వారికి అండగా ఉంటానని హామీ ఇచ్చారు.

దేశీయ రైల్వే రవాణా వ్యవస్థను ఆధునీకరించడం, ప్రయాణికుల సౌకర్యాలను మెరుగుపరచడం, సరుకు రవాణా సామర్థ్యాన్ని పెంచడమే లక్ష్యంగా భారతీయ రైల్వే శాఖ రూ.345 కోట్ల విలువైన కీలక మౌలిక సదుపాయాల ప్రాజెక్టులకు ఆమోదం తెలిపింది. ఈ మేరకు రైల్వే మంత్రిత్వ శాఖ అధికారిక ప్రకటన విడుదల చేసింది. ఈ నూతన ప్రాజెక్టుల్లో ఆంధ్రప్రదేశ్, ఒడిశా, ఉత్తరప్రదేశ్ రాష్ట్రాలకు ప్రాధాన్యత లభించింది.ఆంధ్రప్రదేశ్‌కు నూతన వీక్లీ ఎక్స్‌ప్రెస్ఆంధ్రప్రదేశ్‌లోని కోస్తా, రాయలసీమ ప్రాంతాల మధ్య రైలు అనుసంధానాన్ని మరింత బలోపేతం చేస్తూ దక్షిణ తీర రైల్వే (సౌత్‌ కోస్ట్‌ రైల్వే) పరిధిలో మచిలీపట్నం - కర్నూలు సిటీ మధ్య కొత్త ట్రై-వీక్లీ (వారానికి మూడు రోజులు) ఎక్స్‌ప్రెస్ రైలు సర్వీస్‌కు రైల్వే శాఖ అనుమతి ఇచ్చింది.499 కిలోమీటర్ల మేర సాగే ఈ రైలు విజయవాడ మీదుగా నడుస్తుంది. మచిలీపట్నంలో సోమ, బుధ, శనివారాల్లో సాయంత్రం 04:55 గంటలకు బయలుదేరి మరుసటి రోజు ఉదయం 05:45 గంటలకు కర్నూలు సిటీ చేరుకుంటుంది. తిరుగు ప్రయాణంలో కర్నూలు సిటీలో మంగళ, గురు, ఆదివారాల్లో ఉదయం 09:30 గంటలకు బయలుదేరి అదే రోజు రాత్రి 21:35 గంటలకు మచిలీపట్నం చేరుకుంటుంది. ఈ రైలు గుడివాడ, విజయవాడ, నరసరావుపేట, వినుకొండ, దొనకొండ, మార్కాపూర్ రోడ్, గిద్దలూరు, నంద్యాల తదితర ముఖ్యమైన స్టేషన్లలో ఆగుతుంది.యూపీలో కవచ్ 4.0సరుకు రవాణాలో కీలకమైన ఒడిశాలోని బార్బిల్-బోలానిఖదాన్ 6 కిలోమీటర్ల సింగిల్ లైన్ సెక్షన్‌ను రూ.122 కోట్ల అంచనా వ్యయంతో డబ్లింగ్ (రెండో ట్రాక్) చేయడానికి ఆమోదం తెలిపారు. ఇది ఇనుప ఖనిజం, పెల్లెట్ల రవాణా సామర్థ్యాన్ని ఏటా మరో 8.9 మిలియన్ టన్నులకు పెంచుతుంది.మరోవైపు రైలు ప్రమాదాల నివారణకు ఉద్దేశించిన స్వదేశీ పరిజ్ఞానం ‘కవచ్ 4.0’ విస్తరణకు పెద్దపీట వేశారు. ఉత్తర ఈశాన్య రైల్వే పరిధిలోని వారణాసి డివిజన్‌కు చెందిన 614.75 రూట్ కిలోమీటర్లలో రూ.223 కోట్ల అంచనా వ్యయంతో ఈ సురక్షిత వ్యవస్థను ఏర్పాటు చేయనున్నారు. ఈ ప్రాజెక్టుల వల్ల ప్రయాణికులకు సమయం ఆదా కావడంతో పాటు సరుకు రవాణా వేగవంతమై దేశ ఆర్థిక వ్యవస్థకు కొత్త ఊపు లభించనుంది.ఇదీ చదవండి: అలర్ట్‌.. అక్టోబరు 1 నుంచి నిబంధనలు మార్పు

ఉమ్మడి మద్రాస్‌ రాష్ట్రంలోనే అత్యంత పురాతనమైనది ఒంగోలు పురపాలక సంఘం. ఇది 1876లో ఏర్పడింది. అప్పటి ఆంగ్ల ప్రభుత్వం 1876 సెప్టెంబర్‌ 30న ‘మద్రాస్‌ టౌన్స్‌ ఇంప్రూవ్‌ మెంట్‌ యాక్ట్‌ ఆఫ్‌ 1871’ ప్రకారం అఫిషియల్‌ గజెట్‌ నోటిఫికేషన్‌ ద్వారా థర్డ్‌ గ్రేడ్‌ పురపాలక సంఘంగా ఏర్పాటు చేసింది. 1970లో ఒంగోలు జిల్లా ఏర్పడగా జిల్లా కేంద్రమయ్యింది. 1972లో జిల్లా పేరును ‘ప్రకాశం’గా మార్చడంతో ప్రకాశం జిల్లా కేంద్రం అయ్యింది.2001లో అన్నవరప్పాడు, మామిడిపాలెం గ్రామాలను కలుపుకొని స్పెషల్‌గ్రేడ్‌ పురపాలక సంఘం అయ్యింది. అలాగే పెరుగుతున్న జనాభాకు అనుగుణంగా 2012 జనవరి 25న కార్పొరేషన్‌గా అవతరించింది. అప్పుడు సమీప గ్రామాలైన కొప్పోలు, త్రోవగుంట, వెంగముక్కపాలెం, దసరాజుపల్లి, ముక్తినూతలపాడు, పెళ్ళూరు, పేర్నమిట్ట, చెర్వు కొమ్ముపాలెం, అగ్రహారం, గుడిమెల్లపాడు కార్పొ రేషన్‌లో విలీనమయ్యాయి.1867 జనాభా లెక్కల ప్రకారం ఒంగోలు జనాభా 5,832 కాగా, అది 1881కి 10,300కి పెరిగింది. నేటికి అది 2,52,739కి చేరుకుంది. 132.45 చదరపు కిలోమీటర్ల వైశాల్యం కలిగి 1,53,628 మంది అక్షరాస్యులు (83.4 శాతం) ఉన్నారు. ఒంగోలు గిత్తలకు ప్రసిద్ధి. పురపాలక సంఘంగా ఏర్పడిన నాటినుండి ఆనందరావు పంతులు, బి.ఆర్‌. నారా యణ పంతులు, రావుసాహెబ్‌ పి.వి. కృష్ణారావు, వరదా శ్రీరాములు నాయుడువంటి సమర్థులు, ప్రజారంజకులైన పాలకులు చక్కని పాలన అందించారు. ఒంగోలు మున్సిపాలిటీకి వరదా శ్రీరాములు నాయుడు ప్రజలచే ఎన్నికైన ప్రథమ చైర్మన్‌. ఆయన 1934 వరకు కొనసాగారు.1934 అక్టోబరులో ధారా గోపాలశాస్త్రి ఏకగ్రీవంగా ఎన్నికయ్యారు. అలా ఎన్నికైన శాస్త్రిగారు అనేక పర్యాయాలు ఏకగ్రీవంగా ఎన్నికవుతూ వచ్చారు. 1934 నుండి 1952 వరకు అంటే 18 ఏళ్లు ఒంగోలు మున్సిపల్‌ చైర్మన్‌ గా పనిచేసి చరిత్ర సృష్టించారు. చైర్మన్‌ గా ధారా ఉన్న కాలంలోనే భారతదేశం స్వాతంత్య్రాన్ని పొందింది. వీరి పాలనా కాలంలోనే స్థాపించిన ‘శర్మ కళాశాల’కు పురపాలక సంఘం తరపున 50 వేల రూపాయల విరాళాన్ని ఇవ్వడం ద్వారా ఒంగోలులో విద్యా వికాసానికి శ్రీకారం చుట్టారు. అప్పుడే నాటు బాబురావు పార్క్‌ ఏర్పాటయ్యింది. ఒంగోలు పట్టణం విద్యుదీకరించబడింది. మద్రాస్‌ గవర్నర్‌ ఆర్డర్‌ హువ్‌ ఒంగోలు రాగా వారికి పౌర సన్మానాన్ని నిరాకరించి పురపాలక సంఘం దేశభక్తిని ప్రదర్శించింది.2026 సెప్టెంబర్‌ నాటికి 150 సంవత్సరాలు పూర్తిచేసుకొంటున్న సందర్భాన్ని పురస్కరించుకొని జిల్లా యంత్రాంగం అనేక కార్యక్రమాలకు శ్రీకారం చుట్టింది. పురపాలక సంఘంగా ఏర్పడి కార్పొరేషన్‌ స్థాయికి ఎదిగిన ఒంగోలు దినదినాభివృద్ధి చెందాలని ఆశిద్దాం.– డా. డి. వెంకటేశ్వర రెడ్డి, ప్రొఫెసర్, డిపార్ట్‌మెంట్‌ ఆఫ్‌ హిస్టరీ, ఆంధ్ర కేసరీ యూనివర్సిటీ, ఒంగోలు (సెప్టెంబర్‌ 30 నాటికి ఒంగోలు పురపాలక సంఘానికి 150 ఏళ్లు)ఇదీ చదవండి: నవ్విపోదురు గాక!

సాక్షి, అమరావతి: ప్రపంచవ్యాప్తంగా ఏటా 23 లక్షల నుంచి 25 లక్షల మంది చిన్నారులు పుట్టుకతోనే వచ్చే గుండె లోపాలు(కంజెనిటల్‌ హార్ట్‌ డిసీజ్‌)తో జని్మస్తున్నారు. ఈ విషయాన్ని వరల్డ్‌ హార్ట్‌ ఫెడరేషన్‌ తాజాగా విడుదల చేసిన ‘వరల్డ్‌ హార్ట్‌ రిపోర్ట్‌–2026’ నివేదికలో వెల్లడించింది. ఆ నివేదిక ప్రకారం ప్రస్తుతం భూగోళంపై దాదాపు 1.6 కోట్ల మంది ఈ సమస్యతో జీవిస్తున్నారు. గడిచిన 30 ఏళ్లలో వైద్యరంగం ఎంతో పురోగతి సాధించినప్పటికీ అభివృద్ధి చెందుతున్న, అల్పాదాయ దేశాల్లోని చిన్నారులకు ఇంకా నాణ్యమైన వైద్యం అందడం లేదు. నవజాత శిశువుల మరణాలకు గుండె జబ్బులే ప్రధాన కారణంగా నిలుస్తున్నట్లు వరల్డ్‌ హార్ట్‌ ఫెడరేషన్‌ ఆందోళన వ్యక్తంచేసింది. ప్రతి వెయ్యి జననాల్లో 5.7 మందిలో సమస్య ⇒ భారతదేశంలో పరిస్థితులపై ఉత్తర భారత్‌లో అధ్యయనం చేయగా ప్రతి వెయ్యి సజీవ జననాల్లో 5.7 మంది శిశువులు గుండె కింద గదుల మధ్య రంధ్రం(వెంట్రిక్యులర్‌ సెప్టల్‌ డిఫెక్ట్‌) సమస్యతో జని్మస్తున్నారని వరల్డ్‌ హార్ట్‌ రిపోర్ట్‌ వెల్లడించింది. ⇒ భారత్‌లో పీడియాట్రిక్‌ గుండె శస్త్రచికిత్స కోసం ఆస్పత్రిలో చేరితే సగటున రూ.2,01,898 వరకు ఖర్చు అవుతోంది. ⇒ గుండెలో రంధ్రం పూడ్చే సర్జరీకి రూ.65,000 నుంచి రూ.4.50 లక్షల వరకు ఖర్చు చేయాల్సి వస్తోంది. ⇒ కేరళం ప్రభుత్వం అమలు చేసిన ‘హృదయం’ ప్రాజెక్ట్‌ ప్రపంచానికే ఒక గొప్ప మార్గదర్శకమని ఆ నివేదిక కొనియాడింది. ఈ విధానంతో ఎందరో చిన్నారుల ప్రాణాలు నిలిచాయని వెల్లడించింది. ⇒ సంపన్న దేశాల్లో 80 శాతానికి పైగా శిశువులకు అవసరమైన గుండె సర్జరీలు పుట్టిన వెంటనే అందుబాటులో ఉంటున్నాయి. అల్పాదాయ, నిరుపేద దేశాల్లో ఇది కేవలం 0 నుంచి 5 శాతం మందికే పరిమితం అవుతోంది.పుట్టుకతో గుండె జబ్బులకు కారణాలు ఇలా..⇒ ‘వరల్డ్‌ హార్ట్‌ రిపోర్ట్‌’ ప్రకారం 40శాతం జన్యుపరమైన లోపాలతోనే గుండె జబ్బులు వస్తున్నాయి. క్రోమోజోమ్‌ లోపాలు 8–10 శాతం బాధ్యత వహిస్తున్నాయి. ⇒ గర్భధారణకు ముందు తల్లికి డయాబెటిస్‌ ఉంటే శిశువుకు గుండె జబ్బు వచ్చే ప్రమాదం 2.5 నుంచి 5 రెట్లు పెరుగుతుంది. ⇒ తల్లి స్థూలకాయంతో ఉంటే శిశువుకు గుండె జబ్బుల ముప్పు 29శాతం ఎక్కువ అవుతుంది. ⇒ గర్భధారణ సమయంలో వాయు కాలుష్యంతో 23శాతం ముప్పు పెరగ్గా, గర్భం దాల్చిన తొలి 3 నుంచి 8 వారాల్లో తీవ్రమైన ఎండల బారినపడితే గుండె లోపాల తీవ్రత పెరుగుతుందని ఆ నివేదిక వివరించింది.

సాక్షి, అమరావతి: తిరుమల శ్రీవారి శ్రీవాణి ట్రస్టు నిధులను కొల్లగొట్టేందుకు సరికొత్త కుతంత్రానికి చంద్రబాబు సర్కారు తెరతీసింది. ట్రస్టు నిధులతో గుళ్లు నిర్మాణం పేరుతో భారీ అవినీతికి ప్రణాళిక రచించింది. రూ.300 కోట్లతో చేపట్టిన 1,950 గుళ్ల నిర్మాణాన్ని భక్తుల కమిటీల ముసుగులో టీడీపీ నేతలకే అప్పగించి దాగుడుమూతలాడుతోంది. మరో మూడు వేల గుళ్ల నిర్మాణాన్నీ ఇలాగే వెన్నుపోటు పార్టీ నేతలకు అప్పగించేందుకు కుట్రపన్నుతోంది. శ్రీవాణి ట్రస్టు నిధులను పలారంలా పంచేందుకు తెగిస్తోంది. దీనిపై సర్వత్రా విమర్శలు వినిపిస్తున్నాయి. శ్రీవాణి ట్రస్టుపై గతంలో దు్రష్పచారం గత ప్రభుత్వంలో శ్రీవారి ట్రస్టు ద్వారా ఆలయాల నిర్మాణానికి అప్పటి ముఖ్యమంత్రి వైఎస్‌ జగన్‌మోహన్‌రెడ్డి శ్రీకారంచుట్టారు. అప్పట్లో నిధుల దురి్వనియోగం అంటూ టీడీపీ అధినేత చంద్రబాబు నాయుడు, జనసేన అధ్యక్షుడు పవన్‌కళ్యాణ్‌ వారి అనుయాయులు తీవ్ర దు్రష్పచారం చేశారు. అధికారంలోకి వచ్చాక ఆ ఆరోపణలను నిరూపించలేక చతికిలపడిన చంద్రబాబు బృందం ఇప్పుడు ఆ ట్రస్టు నిధులను తమ వారికి దోచిపెట్టేందుకు కుట్రపన్నింది. గత ప్రభుత్వంలో గుడుల నిర్మాణ పనులను పూర్తి పారదర్శకంగా పోటీ టెండరు విధానంలో అప్పగించగా.. ప్రస్తుత చంద్రబాబు భక్తుల కమిటీల పేరుతో గ్రామాల్లోని అధికార టీడీపీ నేతలకే అప్పగించడం గమనార్హం.గత రెండేళ్ల కాలంలో దాదాపు రూ.300 కోట్ల విలువైన 1,950 గుళ్ల నిర్మాణ పనులను ఆయా కమిటీలకు అప్పగించింది. గ్రామాల్లో ఉండే సర్పంచి పదవీ కాలం ముగిసిన తర్వాత ముఖ్యమంత్రి చంద్రబాబే దేవదాయశాఖ సమీక్ష సమావేశంలో.. స్థానిక ప్రజాప్రతినిధుల సమన్వయంతో జిల్లా అధికార యంత్రాంగం ఆధ్వర్యంలో చేపట్టాలని ఆదేశాలు జారీ చేయడంతో, గ్రామాల్లో టీడీపీ కూటమి నేతలే కమిటీలుగా ఏర్పడి ఆ పనులను దక్కించుకున్నట్టు దేవదాయ శాఖలో చర్చ సాగుతోంది.వాస్తవానికి రూ.700 కోట్లతో ఐదువేల గుడుల నిర్మా­ణానికి అనుమతులిచ్చారు. అయితే తొలుత 1,950 గుడుల నిర్మా­ణాలను టీడీపీ కూటమి నేతలకు అప్పగించిన సర్కారు మిగిలిన గుడుల నిర్మాణ బాధ్యతలను ఇలాగే అప్పగించేందుకు సిద్ధపడుతోంది. గత ప్రభుత్వంలో మంజూరు చేసిన గుళ్లను రద్దుచేసి మరీ..టీటీడీ శ్రీవాణి ట్రస్టు నిధులతో మత్స్యకార, బలహీన వర్గాల కాలనీల్లో గుళ్ల నిర్మాణానికి వైఎస్‌ జగన్‌మోహన్‌రెడ్డి ప్రభుత్వం శ్రీకారం చుట్టింది. రాష్ట్ర వ్యాప్తంగా మొత్తం 4,111 ఆలయాల నిర్మాణాలకు అనుమతులు మంజూరు చేసింది. 2024 జూన్‌లో ఆ ప్రభుత్వం దిగిపోయే నాటికే అందులో 622 ఆలయాల నిర్మాణాన్ని పూర్తిచేసింది.మరో 1,765 ఆలయాల నిర్మాణ పనులు పురోగతిలో ఉన్నాయి. అయితే, కూటమి ప్రభుత్వం అధికారం చేపట్టాక గత ప్రభుత్వంలో మంజూరై ప్రారంభ దశలో ఉన్న 1,724 ఆలయాల పనుల టెండర్లను రద్దు చేశారు. ఆ తర్వాత కొత్త గుళ్ల నిర్మాణానికి అనుమతులిచ్చి దోపిడీకి శ్రీకారం చుట్టారనే విమర్శలు అన్ని వర్గాల నుంచీ వినిపిస్తున్నాయి.

సాక్షి, అమరావతి : గత ప్రభుత్వం అనాలోచితంగా గ్రామ, వార్డు సచివాలయాల వ్యవస్థను తీసుకొచ్చిందని.. లక్ష ఉద్యోగాలను ఒక్కసారిగా భర్తీ చేయడం తగదని రాష్ట్ర మంత్రి డోలా బాల వీరాంజనేయులు వ్యాఖ్యానించడంపై ఉద్యోగ వర్గాలు, ప్రజల నుంచి తీవ్ర ఆగ్రహం వ్యక్తం అవుతోంది. 2019లో అప్పటి జగన్‌మోహన్‌రెడ్డి ప్రభుత్వం అధికారంలోకి వచ్చిన వెంటనే గ్రామ, వార్డు సచివాలయ వ్యవస్థ ఏర్పాటు చేసి.. రాష్ట్ర వ్యాప్తంగా 15,004 గ్రామ, వార్డు సచివాలయాలు ఏర్పాటు చేసింది. ఆయా సచివాలయాల్లో పని చేసేందుకు 1.34 లక్షల కొత్త శాశ్వత ప్రభుత్వ ఉద్యోగాలను సృష్టించింది. నాలుగు నెలల వ్యవధిలో నియామక ప్రక్రియను పూర్తి చేసింది. ఉద్యోగ నియామకంతో పాటే ఆయా కేటగిరి ఉద్యోగులకు సర్వీసు రూల్స్‌ ఖరారు చేసింది. వివిధ ప్రభుత్వ శాఖల ద్వారా జీవోలు కూడా జారీ అయ్యాయి. గ్రామ, వార్డు సచివాలయాల్లో మొత్తం 19 కేటగిరిల ఉద్యోగులు పని చేస్తుండగా, అందులో 17 కేటగిరి ఉద్యోగులకు ఆ ఐదేళ్ల కాలంలో పదోన్నతుల ఛానల్స్‌కు రూపకల్పన చేసి, ఆ మేరకు విధి విధానాలతో 2024కు ముందే పలువురు గ్రామ, వార్డు సచివాలయ ఉద్యోగులకు పదోన్నతులు సైతం కల్పించింది. మిగతా రెండు కేటగిరీలైన ఇంజనీరింగ్‌ అసిస్టెంట్లతో పాటు వెల్ఫేర్‌ ఎడ్యుకేషన్‌ అసిస్టెంట్‌ ఉద్యోగుల పదోన్నతుల ఛానల్స్‌ విధివిధానాల రూపకల్పన సైతం 2024 నాటికే దాదాపు పూర్తయింది. తుది ఆమోదం, జీవోలు విడుదలకు ముందే ఎన్నికల నోటిఫికేషన్‌తో అప్పట్లో ఆ ప్రక్రియ ఆగిపోగా.. చంద్రబాబు ప్రభుత్వం ఏర్పడి ఇప్పటికే 27 నెలలు పూర్తవుతున్నా, దానిని పూర్తి చేయలేదు. ఇప్పుడు దీనిపై ఉద్యోగులు ఎక్కడ ప్రశ్నిస్తారని.. మంత్రితో విలేకరుల సమావేశంలో పాల్గొన్న ఆ శాఖ కార్యదర్శి కాటంనేని భాస్కర్‌ ఆయా రెండు కేటగిరి ఉద్యోగుల పదోన్నతుల విధివిధానాలపై 15 రోజుల్లో జీవోలు ఇస్తామంటూ పేర్కొనడం గమనార్హం. అప్పట్లోనే గెజిట్‌ నోటిఫికేషన్‌ మరోవైపు, అప్పట్లో ప్రతిపక్షంలో ఉన్న పార్టీలు గ్రామ, వార్డు సచివాలయ వ్యవస్థను తప్పుపడుతూ మాట్లాడుతుండటంతో నియమాకాలు జరిగిన ఉద్యోగులకు మరింత ఉద్యోగ భద్రత కల్పించేందుకు ప్రత్యేక చట్టం తీసుకొచ్చి సచివాలయ ఉద్యోగుల నియామక ప్రక్రియపై గత ప్రభుత్వం గెజిట్‌ నోటిఫికేషన్‌ సైతం జారీ చేసింది. ఇదిలా ఉండగా చంద్రబాబు ప్రభుత్వం అధికారంలోకి వచ్చాక రేషనలైజేషన్‌ పేరిట ఒక్కో గ్రామ, వార్డు సచివాలయంలో ఉండే ఉద్యోగుల సంఖ్యను కుదించింది. ఈ ప్రక్రియలో వేలాది మంది ఉద్యోగులను మిగులు ఉద్యోగులుగా తేల్చింది. ఇతర ప్రభుత్వ శాఖల్లో పెద్ద సంఖ్యలో ఖాళీగా ఉన్న పోస్టులు భర్తీ చేయని కారణంగా.. ఆయా శాఖల్లో ఉద్యోగుల అవసరం పెరగడంతో.. గ్రామ, వార్డు సచివాలయాల్లో మిగులు ఉద్యోగులుగా తేలి్చన వారిని ఆయా శాఖలకు డిప్యూటేషన్‌పై పంపేందుకు చర్యలు చేపట్టింది. అలా ఆయా శాఖలకు సర్దుబాటు చేసింది. కాగా, వైఎస్‌ రాజశేఖరరెడ్డి ప్రభుత్వం టీచర్లకు నోషనల్‌ ఇంక్రిమెంట్‌ అమలు చేస్తూ 2009 జనవరి 5వ తేదీ జీవో ఎంఎస్‌ నెంబరు 2 జారీ చేశారని ఉద్యోగులు గుర్తు చేస్తున్నారు. తద్వారా నోషనల్‌ ఇంక్రిమెంట్లు అసాధ్యమని మంత్రి డోలా చెప్పిన మాటలు అవాస్తవమని స్పష్టం చేస్తున్నారు. లబ్ధిదారుల ఇంటి వద్దకే సేవలు అందించిన వ్యవస్థపై చంద్రబాబు ప్రభుత్వం ఇంత నిస్సిగ్గుగా ఎదురు దాడి చేయడం సరికాదని ప్రజలు ఆగ్రహం వ్యక్తం చేస్తున్నారు.

ఈ ప్రశ్నలకు బదులేదీ?⇒ 11.30 గంటలకు ఛాతీలో నొప్పిగా ఉందని సీఐ చెబితే, ఆస్పత్రికి తీసుకువెళ్లడానికి గంట సమయం ఎందుకు పట్టింది? ⇒ ముందు రోజు బందోబస్తులో ఉండి అర్ధరాత్రి 2.30 గంటలకు సీఐ ఇంటికి వెళ్లడం నిజం కాదా? ⇒ మళ్లీ తెల్లవారుజామున 4 గంటలకల్లా బందోబస్తుకు రావడం వాస్తవం కాదా? ⇒ ఉదయం నుంచి ఛాతీలో అసౌకర్యంగా ఉందని సహచరులతో అనడం నిజం కాదా? ⇒ ఉదయం 11 గంటలప్పుడు జీప్‌ డ్రైవర్‌ను తీసుకుని ఆస్పత్రికి వెళ్లడం వాస్తవం కాదా? ⇒ సీఐ జీపు దిగి నడుచుకుంటూ ఆస్పత్రిలోకి వెళ్లినట్లు సీసీ ఫుటేజీలో కనిపిస్తున్నది నిజం కాదా? ⇒ లోపల ఆయన డాక్టర్‌ వద్ద ఉండగా ఉన్నతాధికారుల నుంచి ఫోన్‌ రాగానే తిరిగి ధర్నా చౌక్‌కు వచ్చేయడం వాస్తవం కాదా? ⇒ఆయన అనారోగ్యాన్ని దాచి ఉద్యోగులపై నింద మోపడం ఎవరి కోసం? సాక్షి ప్రతినిధి, విజయవాడ: గ్రామ, వార్డు సచివాలయ ఉద్యోగుల ఆందోళన ఉవ్వెత్తున ఎగసి పడటం, ప్రభు­త్వం పట్ల తీవ్ర వ్యతిరేకత ఉందన్న సంకేతాలు ప్రజల్లోకి వెళ్లడంతో వారిని వేధించడానికి సన్నాహాలు మొద­లయ్యాయి. ఆదివారం జరిగిన ఆందోళనలో విజ­యవాడ నున్న పోలీసు స్టేషన్‌ సీఐ అహ్మద్‌ అలీ గుండె­నొప్పితో మృతి చెందిన ఘటనను అడ్డం పెట్టుకుని అనుమానాస్పద మృతిగా కేసు నమోదు చేయించారు. దీన్ని ఈ ఉద్యమంలో చురుకు­గా పాల్గొన్న సచివాలయ ఉద్యోగులపై మోపేందుకు ప్రభుత్వం సన్నాహాలు చేస్తోంది. ఆస్పత్రి రిపోర్టులో, పంచనామాలో.. ధర్నాలో జరిగిన తోపులాట వల్ల సీఐ మృతి చెందినట్లు గంజి సుధాకర్‌ అనే కానిస్టేబుల్‌తో ఫిర్యాదు చేయించారు.గ్రామ, వార్డు సచివాలయ ఉద్యోగులు ధర్నా చౌక్‌ వద్ద ధర్నా చేపడుతున్నందున ఆదివారం తెల్లవారుజామున 4 గంటల సమయంలో సీఐతో కలిసి అక్కడికి బందోబçస్తుకు వచ్చామని కానిస్టేబుల్‌ సుధాకర్‌ ఫిర్యాదులో పేర్కొన్నారు. ‘ఉదయం 11.30 గంట­ల సమయంలో అలంకార్‌ సెంటర్‌కు వేలాదిగా ఉద్యోగులు కేకలు వేసుకుంటూ గుంపులుగా రావడంతో ధర్నాకు అనుమతి లేనందున అక్కడి నుంచి వెళ్లిపోవాలని తాము పలుమార్లు చెప్పినా వారు పట్టించుకోలేదు. పైగా సీఐని నెట్టుకుంటూ వెళ్లా­రు. సీఐ ప్రమాదవశాత్తు కింద పడిపోయారు.నేను వెళ్లి కూర్చొబెట్టి.. నీళ్లు తాగించాను. ఛాతీలో నొప్పిగా ఉందని చెప్పడంతో మధ్యాçహ్నం 12.45కి విజయవాడ సూర్యారావుపేటలోని ఆంధ్రా హార్ట్‌ అండ్‌ బ్రెయిన్‌ ఆస్పత్రికి తీసుకెళ్లి జాయిన్‌ చేశాం. వెంటనే డాక్టర్లు పరీక్షించి సీపీఆర్‌ కూడా చేశారు. ఎంత ప్రయత్నించినా ఫలితం దక్కలేదు. మధ్యాహ్నం 2.10 గంటల సమయంలో సీఐ మరణించినట్లుగా డాక్టర్లు ప్రకటించారు’ అని కానిస్టేబుల్‌ తన ఫిర్యాదులో పేర్కొన్నారు. వైద్యానికి ఎందుకంత ఆలస్యం? 11.30 గంటలకు తోపులాట జరిగితే.. ఛాతీలో నొప్పిగా ఉందని సీఐ చెబితే, పక్కనే కిలోమీటర్‌ దూరంలో ఉన్న ఆస్పత్రికి తీసుకువెళ్లడానికి గంట ఎందుకు పట్టిందన్న అంశంపై ప్రభుత్వం సమాధానం చెప్పడం లేదు. వాస్తవానికి ముందు రోజు బందోబస్తులో ఉండి అర్ధరాత్రి 2.30 గంటలకు ఇంటికి వెళ్లిన సీఐ.. మళ్లీ తెల్లవారుజామున 4 గంటలకల్లా బందోబస్తుకు వచ్చినట్లు తోటి పోలీసులు చెబుతున్నారు. ఉదయం నుంచి ఛాతీలో అసౌకర్యంగా ఉండటంతో ఉదయం 11 గంటలప్పుడు జీప్‌ డ్రైవర్‌ను తీసుకుని పల్లెం పెద్దేశ్వరరావు ఆస్పత్రికి వెళ్లినట్లు సీసీ ఫుటే­జ్‌లో ఉంది.జీపు దిగి నడుచుకుంటూ లోపలికి వెళ్లిన ఆయన డాక్టర్‌ వద్ద ఉండగానే పై అధికారుల నుంచి ఫోన్‌ వచ్చిందని, ఇక్కడ ఇంత హడావిడి జరుగుతుంటే అనారోగ్యం సాకుతో వెళ్లిపోవడమేంటని ఆగ్రహం వ్యక్తం చేయడంతో డాక్టర్‌ వద్ద గ్యాస్‌ టాబ్లెట్, యాస్పిరిన్‌ టాబ్లెట్‌ తీసుకుని, టెస్టులకు మళ్లీ వస్తానంటూ సీఐ అలీ ధర్నా చౌక్‌కు వచ్చేసినట్లు సమాచారం. మళ్లీ వచ్చిన తర్వాత ఛాతీ నొప్పి ఎక్కువ అవ్వడంతో 12.45 గంటలకు ఆంధ్రా హాస్పిటల్‌కు వెళ్లడం, అక్కడ ఆయన మరణించ­డం జరిగిపోయింది. ఉన్నతాధికారుల ఒత్తిడి వల్లే అలీ చనిపోయాడని తోటి సి­బ్బంది చెబుతున్నారు.ఈ అనుకోని ఘటనను కూడా ప్రభుత్వం రా­జకీయానికి వా­డు­కో­వడంమేంటని వారు ప్రశ్నిస్తున్నారు. పోలీసు అధికారుల సంఘం పేరుతో వచ్చిన ప్రెస్‌నోట్‌లోనూ సచివాలయ సిబ్బంది ఆందోళనలో అ­ల్లరి మూకలు ప్రవేశించాయంటూ పేర్కొనడం సచివాలయ ఉద్యోగులపై కేసు పె­ట్టేందుకేనన్న అను­మా­నాలున్నాయి. ఉద్యమంలో పాల్గొ­న్న వారి­లో 46 మందిపై సత్యనారాయణపు­రం స్టేషన్‌లో 170 బిఎన్‌ఎస్‌ సెక్షన్‌ కింద అక్రమ కేసు నమోదు చేశారు. మాచవరం స్టేషన్‌లో 24 మందిపై సెక్షన్‌ 170 బిఎన్‌ఎస్‌ కింద అక్రమ కేసులు నమోదు చేశారు.

సాక్షి, అమరావతి: తమ సమస్యలు పరిష్కరించాలని కోరడమే పాపమైపోయిందని గ్రామ, వార్డు సచివాలయ ఉద్యోగులు చంద్రబాబు సర్కారుపై మండిపడుతున్నారు. ఎన్నిమార్లు విన్నవించినా ప్రభుత్వం పట్టించుకోనందునే ‘ఛలో విజయవాడ’ కార్యక్రమం చేపట్టాల్సి వచ్చిందని.. అంత మాత్రాన తామేదో క్రిమినల్స్‌ అన్నట్లు వ్యవహరించడం దారుణం అని ఆగ్రహం వ్యక్తం చేస్తున్నారు. విజయవాడలో ధర్నా చేసిన గ్రామ, వార్డు సచివాలయ ఉద్యోగులపై కేసులు నమోదు చేసిన విషయం తెలిసిందే. అదర్స్‌ అంటూ పలువురు ఉద్యోగులపై కేసులు నమోదు చేయడాన్ని ఉద్యోగ సంఘం నేతలు తప్పుపడుతున్నారు. నిరంతరం ప్రజలకు సేవలు అందిస్తున్న ప్రభుత్వ ఉద్యోగులనే ప్రభుత్వం క్రిమినల్స్‌గా చూడడం దారుణమంటూ మండిపడుతు­న్నారు.నెలలు, సంవత్సరాల తరబడి ప్రభుత్వానికి తమ సమస్యలు పరిష్కరించండి అంటూ అనేక వినతిపత్రాలు ఇచ్చినా పట్టించుకోని పరిస్థితుల్లో ప్రభుత్వానికి తమ గొంతు బలంగా వినిపించాలన్న ఉద్దేశంతో విజయవాడలో నిరసన చేపట్టడం నేరమా అంటూ తప్పుపడుతున్నారు. గ్రామ, వార్డు సచివాలయ వ్యవస్థను గత వైఎస్‌ జగన్‌మోహన్‌రెడ్డి ప్రభుత్వం ఏర్పాటు చేసిందన్న కారణంగా ప్రస్తుత చంద్రబాబు ప్రభుత్వం ఈ వ్యవస్థపైనే కక్షసాధింపు ధోరణితో వ్యవహరిస్తోందన్న చర్చ ఉద్యో­గుల్లో సాగుతోంది. ప్రభు­త్వం అమలు చేసే అనేక సంక్షేమ కార్యక్రమాలు క్షేత్ర స్థాయిలో అమలు చేసే పట్టిష్ట వ్యవస్థ లేకపోవడంతో అప్పట్లో ప్రజల గడప వద్దకే ప్రభుత్వ కార్యక్రమాలు అన్న నినాదంతో 2019లో అప్పటి ప్రభుత్వం ఈ వ్యవస్థకు శ్రీకారం చుట్టిన విష­యం తెలిసిందే.అప్పట్లో సచివాలయ వ్యవస్థకు దేశమంతటా ప్రశంసలు దక్కాయి. మరోవైపు వలంటీర్ల ద్వారా లబ్ధిదారుల గడప వద్దకే ప్రభుత్వ సేవలు అందించడాన్ని పలు రాష్ట్రాలు పరిశీలించి అభినందించాయి. వీటన్నింటినీ జీర్ణించుకోలేని చంద్రబాబు సర్కారు.. ఏకంగా ఆ వ్యవస్థనే నిర్వీర్యం చేసేందుకు కంకణం కట్టుకుందని, ఈ క్రమంలోనే వలంటీర్లకు రెట్టింపు జీతం ఇస్తామని ఓట్లు వేయించుకుని.. తీరా గద్దెనెక్కాక వారిని ఇంటికి పంపిందని ఉద్యోగులు చర్చించుకుంటున్నారు.ప్రస్తుతం గ్రామ, వార్డు సచివాలయంలో పనిచేసే ఉద్యోగుల సంఖ్యను తగ్గించి ఉద్యోగులందరినీ ఛిన్నాభిన్నం చేయగా, ఇప్పుడు సమస్యలు చెప్పుకోవడానికి వచ్చిన ఉద్యోగులపై క్రిమినల్స్‌ ముద్రవేసే ప్రయత్నాలను అన్ని వర్గాల ప్రజలు, ఉద్యోగులు తప్పు పడుతున్నారు. పైగా అనారోగ్యంతో సీఐ మృతి చెందడాన్ని ఉద్యోగులకు ముడి పెట్టి కేసులు నమోదు చేస్తుండటం దుర్మార్గమని ఆవేదన వ్యక్తం చేస్తున్నారు. ఇదంతా కక్ష సాధింపేనని స్పష్టం చేస్తున్నారు. సమస్యల పరిష్కారంపై రాతపూర్వక హామీ ఇవ్వాల్సిందే సచివాలయ ఉద్యోగుల సమస్యల పరిష్కారానికి సంబంధించి రాష్ట్ర ప్రభుత్వం రాతపూర్వక హామీ ఇవ్వా­ల్సిందే. ధర్నా చౌక్‌లో నిరసన కార్యక్ర­మానికి అను­మతి ఇవ్వాలని కోరినా ప్రభుత్వం అనుమతించలేదు. జేఏసీ పిలుపు మేరకు సుదూర ప్రాంతాల నుంచి తరలి వచ్చిన ఉద్యోగులను పోలీ­సులు ఎక్కడికక్కడ కట్టడి చేయడం.. నిర్భంధించడం రాష్ట్రమంతా చూసింది. ఉద్యోగులు ఎక్కడా దౌర్జన్యం చేయలేదు.తమ బాధను వినిపించడానికి తాపత్రయ పడ్డారు. ఈ కార్యక్రమానికి బందోబస్తు కోసం వచ్చి గుండెపోటుతో మరణించిన సీఐ అలీకి ఉద్యోగుల తరఫున ప్రగాఢ సంతాపం తెలుపుతు­న్నాం. అయితే ఆయన మరణానికి ఉద్యోగులే కారణం అనడం సరి­కాదు. తక్కువ వేతనంతో కన్సాలిడేటెడ్‌ పద్ధతిలో పనిచేసిన ఉద్యోగులు, ఉపాధ్యాయులకు నోషనల్‌ ఇంక్రిమెంట్లు మంజూరు చేసిన సందర్భాలు ఉన్నా­యి. జేఏసీ నేతలపై విధించిన సస్పెన్షన్లను ఎత్తివే­యాలి. ఉద్యోగులపై పెట్టిన కేసులు ఉపసంహరించుకోవాలి. టీవీ–5 సాంబశివరావు ప్రభుత్వ ఉద్యోగు­లను ‘గంజాయి బ్యాచ్, బ్లేడ్‌ బ్యాచ్‌’ వంటి పదాలతో సంబోధించడం సబబు కాదు. – విప్పర్తి నిఖిల్‌ కృష్ణ, గ్రామ, వార్డు సచివాలయ ఉద్యోగుల సంఘం రాష్ట్ర అధ్యక్షుడు

సాక్షి, అమరావతి: బీసీలను చంద్రబాబు ప్రభుత్వం మోసం చేస్తోందని సుప్రీంకోర్టు సీనియర్‌ న్యాయవాది, అఖిల భారత వెనుకబడిన తరగతుల ఫెడరేషన్‌ వ్యవస్థాపక అధ్యక్షుడు జస్టిస్‌ వంగల ఈశ్వరయ్య సోమవారం హైకోర్టుకు నివేదించారు. ఆంధ్రప్రదేశ్‌లో సమగ్ర కులగణన, సామాజిక–ఆర్థిక–రాజకీయ సర్వే పూర్తిచేయకుండానే స్థానిక ఎన్నికలకు ప్రభుత్వం సిద్ధమవడం బీసీల హక్కులను హరించడమేనంటూ ఆల్‌ ఇండియా బీసీ ఫెడరేషన్‌ ఏపీ రాష్ట్ర విభాగం గౌరవాధ్యక్షుడు డాక్టర్‌ ఆల వెంకటేశ్వర్లు హైకోర్టులో గత ఏడాది పిటిషన్‌ దాఖలు చేసిన విషయం తెలిసిందే. ఈ వ్యాజ్యంలో తనను మరో పిటిషనర్‌గా చేర్చుకుని తన వాదనలు వినాలంటూ ఈశ్వరయ్య తాజాగా ఇంప్లీడ్‌ పిటిషన్‌ దాఖలు చేశారు. ఈ వ్యాజ్యంపై సోమవారం జస్టిస్‌ బీఎస్‌ భానుమతి విచారణ జరిపారు. ఈ సందర్భంగా ఈశ్వరయ్య స్వయంగా హైకోర్టు కొచ్చి వాదనలు వినిపించారు. వాదనలు విన్న న్యాయమూర్తి జస్టిస్‌ భానుమతి, తాజాగా దాఖలైన ఇంప్లీడ్‌ పిటిషన్‌పైన అలాగే 2025లో ఆల వెంకటేశ్వర్లు దాఖలు చేసిన ప్రధాన వ్యాజ్యంలో కౌంటర్‌ దాఖలు చేసేందుకు ప్రభుత్వానికి చివరి అవకాశం ఇచ్చారు. తదుపరి విచారణ నాటికి కౌంటర్లు దాఖలు చేసి తీరాల్సిందేనని తేల్చి చెప్పారు. తదుపరి విచారణను అక్టోబర్‌ 1కి వాయిదా వేస్తూ ఉత్తర్వులు జారీ చేశారు. బీసీలకు 34 శాతం రిజర్వేషన్ల కల్పనపై ప్రధాన న్యాయమూర్తి నేతృత్వంలోని ధర్మాసనం ఇటీవల తీర్పు రిజర్వ్‌ చేసిన నేపథ్యంలో తాజా పిటిషన్లు జస్టిస్‌ బీఎస్‌ భానుమతి బెంచ్‌ ముందుకు వచ్చిన విషయం గమనార్హం. ఈశ్వరయ్య వాదనల్లో ముఖ్యాంశాలు.. – స్థానిక ఎన్నికల్లో బీసీలకు 34 శాతం రిజర్వేషన్లు కల్పిస్తూ చంద్రబాబు ప్రభుత్వం తీసుకొచ్చిన జీవో వల్ల ఎలాంటి ప్రయోజనం ఉండదు. ఆ జీవో ఏ కోర్టులో కూడా నిలబడదు. ఇది తెలిసే, బీసీలకు 34 శాతం రిజర్వేషన్లు కల్పిస్తూ ప్రభుత్వం జీవో ఇచ్చింది. – సుప్రీంకోర్టు తీర్పు ప్రకారం మొత్తం రిజర్వేషన్లు 50 శాతం దాటడానికి వీల్లేదు. దీనిని అధిగమించేందుకు రాష్ట్ర ఉభయ సభల్లో తీర్మానాలు చేసి వాటిని కేంద్రానికి పంపి చట్టం తీసుకొస్తేనే బీసీలకు వారి జనాభాకు అనుగుణంగా రిజర్వేషన్లు దక్కుతాయి. – తమిళనాడులో కూడా ఇలాగే చేయడంతో ఇందుకు అనుగుణంగా కేంద్రం చట్టం చేసింది. దీని వల్ల తమిళనాడులో బీసీ రిజర్వేషన్లతో కలుపుకుంటే మొత్తం రిజర్వేషన్లు 69 శాతానికి చేరాయి. దీంతో అక్కడ ఏ కోర్టు కూడా జోక్యం చేసుకోలేని పరిస్థితి ఉంది. – అయితే చంద్రబాబు ప్రభుత్వం కూడా ఇలా తీర్మానాలు చేసి కేంద్రానికి పంపే అవకాశం ఉన్నప్పటికీ, ఆ పని చేయకుండా బీసీలకు నామమాత్రపు రిజర్వేషన్లు కల్పిస్తూ జీవోలిచ్చింది. దీని వల్ల బీసీలకు అన్యాయమే జరుగుతుంది తప్ప, న్యాయం జరిగే అవకాశమే లేదు.

చేబ్రోలు: ప్రభుత్వ వైద్యుల నిర్లక్ష్యం, ఆర్టీసీ సిబ్బంది అమానుష వైఖరితో ఒక వికలాంగ గర్భిణి ప్రాణాపాయ స్థితికి చేరుకుని, రాత్రి వేళ ఆర్టీసీ బస్సులోనే ప్రసవించిన ఘటన ఇది. బస్సులో పురిటి నొప్పులతో బాధ పడుతున్నా, ప్రయాణికులు వేడుకొన్నా బస్సు సిబ్బంది కనికరం చూపకపోగా, బస్సులోనే ప్రసవించిన వికలాంగురాలిని నడి రాత్రి వేళ రోడ్డుపై దించేసి వెళ్లిపోయారు. అదే బస్సులో ఉన్న ‘సాక్షి’ విలేకరి చొరవతో తల్లి, బిడ్డ ప్రాణాపాయ స్థితి నుంచి బయటపడ్డారు. బాపట్ల మండలం వెదుళ్లపల్లికి చెందిన వికలాంగురాలు ఆర్తిన లావణ్యకు ఆరేళ్ల కిందట గొర్రెల కాపరి గోపిరాజుతో వివాహమైంది.వీరికి ఇప్పటికే ఒక పాప ఉంది. రెండోసారి గర్భిణిగా ఉన్న లావణ్య సోమవారం బాపట్ల ప్రభుత్వ వైద్యశాలకు వెళ్లింది. వైద్యులు కడుపులోని బిడ్డ తక్కువ బరువు ఉన్నాడని మెరుగైన వైద్యం కోసం గుంటూరు జీజీహెచ్‌కి వెళ్లమని సూచించారు. ఆమె అంబులెన్స్‌లో గుంటూరు జీజీహెచ్‌కు వెళ్లగా కాన్పుకు ఇంకా పది రోజుల సమయం ఉందని ఇంటికి వెళ్ళిపోవాలని సూచించారు. లావణ్య తన అమ్మమ్మ, అక్కలతో కలసి గుంటూరు బస్టాండ్‌లో చీరాల డిపోకు చెందిన విజయవాడ – చీరాల ఆర్టీసీ బస్సులో బాపట్లకు తిరుగు ప్రయాణమయ్యారు. నొప్పులతో విలవిల్లాడినా కనికరించని డ్రైవర్, కండక్టర్‌ బస్సు బయల్దేరిన కొద్దిసేపటికే నారాకోడూరు సమీపంలో లావణ్యకు పురిటి నొప్పులు ప్రారంభమయ్యాయి. బస్సును సమీపంలోని ఆస్పత్రికి తీసుకెళ్లాలని కుటుంబ సభ్యులు ప్రయాణికులు కూడా కోరినా డ్రైవర్, కండక్టర్‌ కనికరం చూపించలేదు. తీవ్ర నొప్పులతో తల్లడిల్లిన లావణ్య నారాకోడూరు–చేబ్రోలు గ్రామాల మధ్య బస్సులోనే మగబిడ్డకు జన్మనిచి్చంది. ప్రసవమైన తర్వాత అయినా సమీపంలోని చేబ్రోలు ఆస్పత్రికి తీసుకెళ్లాలని ప్రాథేయపడినా కండక్టర్‌ ఒప్పుకోలేదు. రాత్రి వేళ, నిస్సహాయ స్థితిలో ఉన్న వికలాంగ బాలింతను, కనీసం బొడ్డు కూడా కోయని నవజాత శిశువును రోడ్డు పక్కన నిర్దాక్షిణ్యంగా దించేసి వెళ్లిపోయారు. ప్రాణాలు కాపాడిన ’సాక్షి’ రిపోర్టర్‌ అదే బస్సులో గుంటూరు నుంచి బాపట్లకు వెళ్తున్న బాపట్ల రూరల్‌ ‘సాక్షి’ విలేకరి అంగిరేకుల కోటేశ్వరరావు వెంటనే స్పందించారు. బాధితులతోపాటు బస్సు దిగి ఆటోను మాట్లాడారు. అందులో తల్లిని, బిడ్డను చేబ్రోలు ప్రాథమిక ఆరోగ్య కేంద్రానికి తరలించారు. ఈ పీహెచ్‌సీలోనూ ఒక్క డాక్టర్‌ కానీ, హెడ్‌ నర్స్‌ కానీ లేరు. మెయిన్‌ రోడ్డు పక్కన ఉన్న ఆస్పత్రిలో రెండు గంటల పాటు బాధితులు ప్రాణాలు అరచేతిలో పెట్టుకుని నిరీక్షించాల్సి వచ్చింది. అప్పటికీ వైద్యులు రాకపోవడంతో చివరికి ఆటోలోనే ఉన్న బాలింతకు అక్కడ ఉన్న డ్యూటీ నర్స్‌ ప్రాథమిక చికిత్స అందించారు. బిడ్డ బొడ్డు తాడు కత్తిరించారు. పుట్టిన బాబు తక్కువ బరువుతో ఉండి, ఊపిరి తీసుకోవడానికి ఇబ్బంది పడుతుండటంతో ప్రత్యేక వాహనంలో రాత్రి సమయంలో గుంటూరు జీజీహెచ్‌కి తరలించారు. బాధ్యులపై చర్యలకు డిమాండ్‌ పది రోజుల సమయం ఉందని చెప్పి నిర్లక్ష్యంగా పంపించేసిన గుంటూరు జీజీహెచ్‌ వైద్యులు, రాత్రి వేళ ప్రసవమైనా రోడ్డుపై దించేసిన ఆర్టీసీ సిబ్బంది, అందుబాటులో లేని చేబ్రోలు పీహెచ్‌సీ సిబ్బంది తీరుపై సర్వత్రా విమర్శలు వస్తున్నాయి. నిర్లక్ష్యంగా వ్యవహరించిన వైద్య అధికారులు, సిబ్బంది, అమానుషంగా వ్యవహరించిన బస్సు డ్రైవర్, కండక్టర్‌పై చర్యలు తీసుకోవాలని కుటుంబ సభ్యులు, స్థానికులు డిమాండ్‌ చేశారు.

సాక్షి, న్యూఢిల్లీ: ఉన్నత చదువుల కోసం పొరుగు రాష్ట్రమైన ఆంధ్రప్రదేశ్‌కు వెళ్లిన తెలంగాణ విద్యార్థినికి సుప్రీంకోర్టులో చుక్కెదురైంది. వైద్య విద్య తదితర కోర్సుల ప్రవేశాల్లో స్థానికత నిర్ధారణకు సంబంధించి రాష్ట్ర ప్రభుత్వ నిబంధనలు, రాష్ట్రపతి ఉత్తర్వులే తుది నిర్ణయమని స్పష్టం చేసింది. వరుసగా నాలుగేళ్లు ఎక్కడ చదివితే అక్కడే స్థానికులు అవుతారన్న నిబంధన అమల్లో ఉన్నప్పుడు, దానికి విరుద్ధంగా ప్రత్యేక మినహాయింపులు కోరడం కుదరదని తేల్చిచెప్పింది. ఏపీలో ఇంటర్మీడియెట్‌ చదివిన తనకు తెలంగాణలో స్థానికత కలి్పంచేలా ఆదేశాలివ్వాలని కోరుతూ జెల్లా అంకిత అనే విద్యార్థిని దాఖలు చేసిన స్పెషల్‌ లీవ్‌ పిటిషన్‌ను సోమవారంన్యాయమూర్తులు జస్టిస్‌ పీఎస్‌ నరసింహ, జస్టిస్‌ ఆ­లోక్‌ ఆరాధేలతో కూడిన ధర్మాసనం కొట్టివేసింది. అసలేం జరిగింది? ఎల్‌కేజీ నుంచి పదో తరగతి వరకు 12 ఏళ్ల పాటు తెలంగాణలోనే చదివిన అంకిత.. రెండేళ్ల ఇంటర్మీడియట్‌ను ఏపీలో పూర్తి చేసింది. ప్రవేశాల సమయంలో స్థానికత నిర్ధారణకు వచ్చే సరికి అంకితకు ఇబ్బందులు ఎదురయ్యాయి. ఇంటర్, అంతకుముందు రెండేళ్లు అంటే వరుసగా నాలుగేళ్లు ఎక్కడ చదివితే వారినే స్థానికులుగా పరిగణిస్తామన్న నిబంధనల ప్రకారం ఆమెకు తెలంగాణలో స్థానిక కోటాకు అర్హత లేకుండా పోయింది.దీనిపై ముందుగా ఆమె తెలంగాణ హైకోర్టును ఆశ్రయించగా, స్థానికతకు సంబంధించిన నిబంధనలను హైకోర్టు సమర్థించింది. దీంతో ఆమె సుప్రీంకోర్టును ఆశ్రయించింది. పిటిషనర్‌ తరఫు న్యాయవాది వాదనలు వినిపిస్తూ.. పిటిషనర్‌ కేవలం ఉన్నత విద్యాభ్యాసం కోసమే రెండేళ్లు ఏపీకి వెళ్లిందని తెలిపారు. విద్యార్థిని తండ్రి, తాత కూడా తెలంగాణలోనే నివసిస్తున్నారని, ఈ పరిస్థితుల్లో స్థానికతను నిరాకరిస్తే అటు ఏపీలో, ఇటు తెలంగాణలో ఎక్కడా స్థానికత వర్తించకుండా ఆమె నష్టపోతుందని వాదించారు.రాష్ట్రపతి ఉత్తర్వులను ఉల్లంఘించలేం: సుప్రీంకోర్టు వాదనలు విన్న ధర్మాసనం స్థానికతకు సంబంధించిన ప్రభుత్వ జీవోను హైకోర్టు ఇప్పటికే సమర్థించిన విషయాన్ని గుర్తుచేసింది. ఈ జీవోను వర్తింపజేస్తే, అందులోని ’నాలుగేళ్ల నిబంధన’ప్రకారమే ప్రక్రియ నడుస్తుందని తేల్చిచెప్పింది. ‘తండ్రి ఎక్కడ ఉంటున్నారనే దానితో సంబంధం లేదు. చదువు కోసం మీరు రాష్ట్రం దాటి వెళ్లారు. ఇక్కడ రాష్ట్రపతి ఉత్తర్వులు అమల్లో ఉంటాయి. ఆ ఉత్తర్వులు అమల్లో ఉన్నప్పుడు వాటిని కాదని మీకు ఎలాంటి ప్రత్యేక ప్రయోజనం కల్పించలేం. అది రాష్ట్రపతి ఉత్తర్వులను ఉల్లంఘించడమే అవుతుంది‘అని న్యాయమూర్తి జస్టిస్‌ పీఎస్‌ నరసింహ స్పష్టం చేశారు. నిబంధనల ప్రకారం పిటిషనర్‌కు ఇతర ప్రత్యామ్నాయం ఏదీ లేదంటూ ధర్మాసనం కేసును కొట్టివేసింది.

సాక్షి, అమరావతి: రాష్ట్రంలో ఇసుక అక్రమ తవ్వకాలపై దాఖలైన ప్రజా ప్రయోజన వ్యాజ్యం (పిల్‌)పై హైకోర్టు సోమవారం తీవ్రంగా స్పందించింది. పిల్‌పై విచారణ జరిపిన సీజే ధర్మాసనం, ఇసుక అక్రమ తవ్వకాలను అడ్డుకునే వ్యవస్థ ఏదీ రాష్ట్రంలో లేకపోవడంపై విస్మయం వ్యక్తం చేసింది. అధికారులు పట్టించుకోకపోవడం వల్లే అక్రమ తవ్వకాలు జరుగుతున్నాయని తేల్చి చెప్పింది. వీటిని అడ్డుకునేందుకు సమర్థవంతమైన వ్యవస్థ, యంత్రాంగం ఉండి తీరాలని స్పష్టం చేసింది. అక్రమ తవ్వకాలను అడ్డుకునేందుకు ఓ అధికారిని నియమించాలంది. తద్వారా అక్రమ తవ్వకాలు జరిగితే ఈ అధికారిని బాధ్యుడిని చేసి, తగిన చర్యలు తీసుకునేందుకు అవకాశం ఉందని తెలిపింది. తగిన వ్యవస్థను రూపొందించే విషయంలో మీ వైఖరి ఏమిటో చెప్పాలని రాష్ట్ర ప్రభుత్వాన్ని ఆదేశించింది. తనిఖీలు నిర్వహించేందుకు తమ వద్ద తగినంత మంది సిబ్బంది లేరని, అక్రమ మైనింగ్‌ జరగకుండా చూడాల్సిన బాధ్యత రెవెన్యూ అధికారులపై ఉందని వాదనల సందర్భంగా ప్రభుత్వ న్యాయవాది (మైన్స్‌) సాయి విహారి పేర్కొనడాన్ని ధర్మాసనం తీవ్రంగా తప్పుపట్టింది. ఈ మొత్తం వ్యవహారంపై పూర్తిస్థాయిలో విచారణ జరుపుతామన్న ధర్మాసనం, ఇసుక అక్రమ తవ్వకాలపై ఇప్పటికే దాఖలైన వ్యాజ్యాలతో ఈ పిల్‌ను కూడా జత చేయాలని రిజిస్ట్రీని ఆదేశించింది. ఈ మేరకు ఉత్తర్వులు జారీ చేసిన ప్రధాన న్యాయమూర్తి (సీజే) జస్టిస్‌ లీసా గిల్, న్యాయమూర్తి జస్టిస్‌ చల్లా గుణరంజన్‌ ధర్మాసనం తదుపరి విచారణను ఈ నెల 30కి వాయిదా వేసింది. పెద్ద తలకాయల జోలికి వెళ్లడం లేదు: పిటిషనర్‌ వాదనలు బాపట్ల జిల్లా, చీరాల మండలం, కవురివారిపాలెం గ్రామ పరిధిలో పెద్ద ఎత్తున ఇసుక అక్రమ తవ్వకాలు జరుగుతున్నాయని, దీని వెనుక పెద్ద తలకాయలున్నాయని, దీంతో అధికారులు ఎలాంటి చర్యలు తీసుకోవడం లేదంటూ ఆమంచి కృష్ణమోహన్‌ ఈ పిల్‌ దాఖలు చేశారు. పిటిషనర్‌ తరఫు న్యాయవాది మనోజ్‌ సోమవారం వాదనలు వినిపిస్తూ, ‘కవురివారిపాలెం గ్రామంలోని పలు సర్వే నంబర్లలో విచక్షణారహితంగా అక్రమంగా ఇసుక తవ్వకాలు జరుపుతూ పర్యావరణానికి తీవ్ర హాని కలిగిస్తున్నారు. దీని వెనుక అధికార పార్టీకి చెందిన వారు ఉండటంతో అధికారులు ఎలాంటి చర్యలు తీసుకోవడం లేదు. కేవలం వాహన డ్రైవర్లపై కేసులు పెట్టి చేతులు దులుపుకుంటున్నారు. అసలు సూత్రధారులను మాత్రం వదిలేస్తున్నారు’ అని విన్నవించారు.

సాక్షి, అమరావతి: కృష్ణా నదీ యాజమాన్య బోర్డు (కేఆర్‌ఎంబీ) 21వ సర్వసభ్య సమావేశం హైదరాబాద్‌లోని బోర్డు కార్యాలయంలో అక్టోబర్‌ 1న జరగనుంది. సమావేశంలో చర్చించే అంశాల జాబితా(అజెండా)లో 10 అంశాలను చేర్చాలని రాష్ట్ర జల వనరుల శాఖ ప్రత్యేక ప్రధాన కార్యదర్శి శశిభూషణ్‌కుమార్‌ ప్రతిపాదించారు. ఈ మేరకు బోర్డు సభ్య కార్యదర్శి సతీష్‌ కాంబోజ్‌కు లేఖ రాశారు. అజెండాలో చేర్చడానికి ప్రతిపాదించిన అంశాలు ఇవే.. 2026–27లోనూ కృష్ణా జలాలను 66:34 నిష్పత్తిలో ఏపీ, తెలంగాణ కృష్ణా జలాలను పంపిణీ చేయాలి. ఎడమ గట్టు కేంద్రంలో విద్యుదుత్పత్తి చేస్తూ శ్రీశైలం ప్రాజెక్టును తెలంగాణ సర్కార్‌ ఖాళీ చేస్తోంది. తాగునీటి అవసరాల రీత్యా తెలంగాణను విద్యుదుత్పత్తి చేయకుండా నియంత్రించాలి. అపెక్స్‌ కౌన్సిల్‌ రెండో సమావేశంలో తీసుకున్న నిర్ణయం ప్రకారం కృష్ణా బోర్డు కార్యాలయాన్ని విజయవాడకు తరలించాలి. కృష్ణా బోర్డు పరిధిని నిర్దేశిస్తూ 2021, జూలై 15న కేంద్రం జారీ చేసిన గెజిట్‌ నోటిఫికేషన్‌ అమలు చేయాలి. తెలంగాణ అనుమతి లేకుండా చేపట్టిన సుంకిశాల, పాలమూరు–రంగారెడ్డి, కల్వకుర్తి సామర్థ్యం అదనంగా 15 టీఎంసీల పెంపు, అచ్చంపేట ఎత్తిపోతల, నారాయణపేట–కొడంగల్‌ ఎత్తిపోతల, వైరా నదిపై జవహర్‌ ఎత్తిపోతల, రేలంపాడు రిజర్వాయర్‌ సామర్థ్యం పెంపు, గూడెందొడ్డి రిజర్వాయర్‌ సామర్థ్యం పెంపు, పులిచింతల ఎగువ, దిగువన రాజీవ్‌ ఎత్తిపోతల, జన్‌పహాడ్‌ ఎత్తిపోతల, బెట్టె తాండ ఎత్తిపోతల, నక్కగూడెం, ముక్త్యాల ఎత్తిపోతల, మున్నేరు–పాలార్‌ లింక్‌ ద్వారా 50 టీఎంసీల మళ్లింపును నిలుపుదల చేయాలి. సాగర్‌ ఎడమ కాలువ నష్టాలను లెక్కించాలి. సాగర్‌ కుడి, ఎడమ కాలువ వద్ద గేజ్‌లను ఎప్పటికప్పుడు పర్యవేక్షించాలి.

సాక్షి, అమరావతి: గ్రామ, వార్డు సచివాలయ ఉద్యోగులపై కూటమి ప్రభుత్వ వేధింపులు పరాకాష్టకు చేరాయని ఆంధ్రప్రదేశ్‌ గవర్నమెంట్‌ ఎంప్లా­యీస్‌ ఫెడరేషన్‌ చైర్మన్‌ కాకర్ల వెంకటరామిరెడ్డి మండిపడ్డారు. తాడేపల్లిలో సోమవారం ఆయన విలేకరులతో మాట్లాడారు. ఉద్యోగుల సమ­స్యలు పరిష్కరించలేని సర్కారు శాంతియుత పోరాటం చేపడితే అక్రమ కేసులతో వేధిస్తోందని విమర్శించారు. ఇలా వేధిస్తూ నిత్య నరకం చూపేకంటే ఒక్కసారే ఉద్యోగులను ఎన్‌కౌంటర్‌ చేయండంటూ చంద్రబాబు సర్కారుపై ధ్వజమెత్తారు.టీడీపీ ప్రభుత్వం వచ్చినప్పటి నుంచి గ్రామ/వార్డు సచివాలయ ఉద్యోగులపై పనిభారం తీవ్రంగా పెరిగిందని, వందలాది మంది ఉద్యోగులు చనిపోయారని ఆవేదన వ్యక్తం చేశారు. ఆ బాధలు తాళలేకే సచివాలయ ఉద్యోగులు పోరుబాట పట్టారని వివరించారు. ఉద్యోగుల ఆవేదనను అర్థం చేసుకోవాల్సిన సర్కారు అక్రమ కేసులతో కక్షసాధించడం తగదని పేర్కొన్నారు. సీఐ అలీ మరణానికి సచివాలయ ఉద్యోగులు కారణమంటూ అక్రమ కేసు నమోదు చేయడం దారుణమని, దీనికి సంబంధించిన ఎఫ్‌ఐఆర్‌ కాపీని కాకర్ల చూపించారు.సీఐ అలీ ఉద్యోగుల తోపులాటతో కింద పడ్డారని తప్పుడు ఫిర్యాదుచేశారని, సర్కారు వద్ద ఉన్న వీడియోల్లో అయినా అలీ కిందపడినట్టు ఉందా? అని ప్రశ్నించారు. సీఐ గుండెపోటుతో మరణించారని తొలుత ప్రకటించిన సర్కారు.. ఇప్పుడు ఆ నెపం సచివాలయ ఉద్యోగులపై నెట్ట­డం ఏమిటని నిలదీశారు. శాంతియుతంగా నిరసన చేస్తున్న ఉద్యోగులపై లాఠీచార్జి చేయ­డమే కాకుండా వారిపై అక్రమ కేసులు కట్టడం దారుణమని కాకర్ల విమర్శించారు. తోటి ఉద్యోగులపై కక్ష సాధిస్తుంటే ఏం చేస్తున్నారు? గ్రామ/వార్డు సచివాలయ ఉద్యోగులపై జరిగిన లాఠీచార్జిపై ఎందుకు నోరు మెదపటం లేదని ఉద్యోగ సంఘాల నేతలను కాకర్ల ప్రశ్నించారు. తోటి ఉద్యోగులపై అక్రమ కేసులు పెడితే స్పందిం­చని నాయకత్వం ఎందుకని నిలదీశారు. న్యాయమైన డిమాండ్లతో ఆందోళన చేస్తున్న ఉద్యో­గులను బ్లేడ్, గంజాయి బ్యాచ్‌ అంటూ వ్యాఖ్యానించిన ఎల్లో మీడియా కరోనా వైరస్‌ కంటే నీచమైందని మండిపడ్డారు. గత ప్రభుత్వంలో టీచర్లు ధర్నా చేస్తూ అప్పటి సీఎం వైఎస్‌ జగన్‌ని బహిరంగంగా విమర్శించినా ఎలాంటి కేసులూ నమోదు చేయలేదని గుర్తుచేశారు. గ్రామ/వార్డు సచివాలయ ఉద్యోగులపై వేధింపులు తక్షణమే ఆపాలని, అక్రమ కేసులు, సస్పెన్షన్లను ఉపసంహరించుకోవాలని కాకర్ల వెంకటరామిరెడ్డి డిమాండ్‌ చేశారు.

సాక్షి, అమరావతి: మాజీ సీఎం వైఎస్‌ జగన్‌ మంగళవారం ఒంగోలులో పర్యటించనున్నారు. ఉదయం 11 గంటలకు తాడేపల్లిలోని నివాసం నుంచి బయలుదేరి ఒంగోలు చేరుకుంటారు. అక్కడ ఇటీవల మరణించిన వైఎస్సార్‌సీపీ ప్రచార విభాగం రాష్ట్ర అధ్యక్షుడు కాకుమాను రాజశేఖర్‌ నివాసానికి వెళ్లి ఆయన కుటుంబ సభ్యులను పరామర్శిస్తారు. అనంతరం వైఎస్‌ జగన్‌ తిరుగు ప్రయాణమవుతారు.

సాక్షి, అమరావతి: వెన్నుపోటు పార్టీ కూటమి ప్రభుత్వ పాలనలో దళితులు, పేదలు, బడుగు బలహీన వర్గాలపై అణచివేత, వివక్ష పెరిగిపోయాయని వైఎస్సార్‌సీపీ నాయకులు ధ్వజమెత్తారు. తాడేపల్లిలోని వైఎస్సార్‌సీపీ కేంద్ర కార్యాలయంలో సోమవారం మహాకవి గుర్రం జాషువా, విప్లవవీరుడు భగత్‌సింగ్‌ జయంతి వేడుకలను ఘనంగా నిర్వహించారు. వైఎస్సార్‌సీపీ నాయకులు, కార్యకర్తలు పెద్ద ఎత్తున పాల్గొని గుర్రం జాషువా, భగత్‌సింగ్‌ చిత్రపటాలకు పూలమాలలు వేసి ఘనంగా నివాళులు అరి్పంచారు. ఈ సందర్భంగా వైఎస్సార్‌సీపీ నేతలు మాట్లాడుతూ... సమాజంలో కులాంతరాలు, అంటరానితనం, వివక్షను రూపుమాపేందుకు మహాకవి గుర్రం జాషువా తన సాహిత్యాన్ని ఒక ఆయుధంగా మలుచుకున్నారని నేతలు కొనియాడారు.అస్పృశ్యతను ఎదుర్కొంటూ ఆయన రాసిన ప్రతి కవిత, కావ్యం సమాజానికి కనువిప్పు కలిగించాయని గుర్తుచేశారు. దేశ స్వాతంత్య్రం కోసం, బ్రిటిష్‌ సామ్రాజ్యవాదానికి వ్యతిరేకంగా పోరాడి 23వ ఏటనే ప్రాణాలను తృణప్రాయంగా వదిలిన భగత్‌సింగ్‌ త్యాగం యువతకు ఆదర్శమని పేర్కొన్నారు. మాజీ సీఎం వైఎస్‌ జగన్‌ పాలనలో పేద, అణగారిన వర్గాలకు విద్య, వైద్యం, సంక్షేమం అందించడానికి, రాజకీయ ప్రాతినిథ్యం, రక్షణ కల్పించడానికి, సామాజిక గౌరవాన్ని పెంపొందించడానికి అత్యంత ప్రాధాన్యత ఇచ్చారని గుర్తుచేశారు.ఇందుకు భిన్నంగా చంద్రబాబు పాలనలో అణగారిన వర్గాల ఆత్మగౌరవాన్ని దెబ్బతీసే పరిస్థితులు నెలకొన్నాయని ఆందోళన వ్యక్తంచేశారు. జాషువా, భగత్‌సింగ్‌ ఆశయాలను స్ఫూర్తిగా తీసుకుని ప్రజా వ్యతిరేక విధానాలపై పోరాటం కొనసాగిస్తామని వైఎస్సార్‌సీపీ నాయకులు స్పష్టంచేశారు. ఈ కార్యక్రమంలో ఎమ్మెల్సీ లేళ్ల అప్పిరెడ్డి, మాజీ ఎంపీ నందిగం సురేష్ , వైఎస్సార్‌సీపీ ఎస్సీ సెల్‌ వర్కింగ్‌ ప్రెసిడెంట్‌ కొమ్మూరి కనకారావు పాల్గొన్నారు.

సాక్షి, అమరావతి: సీఎం చంద్రబాబు ప్రచార యావతార స్థాయికి చేరింది. ప్రజలేమనుకుంటారన్న జంకు ఏమాత్రం లేకుండా నిస్సిగ్గుగా తన డప్పు కొట్టించుకోవడానికి ప్రజా ధనాన్ని దోచి పెట్టేందుకు బరితెగించడం విస్తుగొలుపుతోంది. ఒక పక్క డబ్బుల్లేవంటూనే మరో పక్క భారీ ఎత్తున దుబారా వ్యయాలకు పాల్పడుతున్నారు. సోషల్‌ మీడియా ఇన్‌ఫ్లుయెన్సర్లకు ప్రభుత్వ ఖజానా నుంచి భారీగా దోచి పెట్టేందుకు ఏకంగా పాలసీ పేరుతో చంద్రబాబు ప్రభుత్వం ఉత్తర్వులను జారీ చేసింది. ప్రభుత్వ ఖజానా నుంచి డబ్బులిస్తామని.. తమకు డప్పు కొట్టండంటూ చంద్రబాబు సర్కారు సోషల్‌ మీడియా ఇన్‌ఫ్లుయెన్సర్లకు భారీ ఆఫర్‌ ఇచ్చింది. సోషల్‌ మీడియా ఇన్‌ఫ్లుయెన్సర్ల పాలసీ తక్షణం అమల్లోకి వచ్చిందని సాధారణ పరిపాలన శాఖ (రాజకీయ) ముఖ్య కారదర్శి జె.శ్యామలరావు సోమవారం ఉత్తర్వులు జారీ చేశారు. ఆంధ్రప్రదేశ్‌ రాష్ట్రానికి సోషల్‌ మీడియా ఇన్‌ఫ్లుయెన్సర్ల ఎంప్యానెల్‌మెంట్‌ విధానాన్ని ప్రభుత్వం ఆమోదించిందని, ఇందుకు అనుగుణంగా అవసరమైన చర్యలు తీసుకోవాల్సిందిగా ఏపీ డిజిటల్‌ కార్పొరేషన్‌ లిమిటెడ్‌ (ఏపీడీసీఎల్‌) ఎండీకి ఉత్తర్వుల్లో సూచించారు. తమకు కావాల్సిన సోషల్‌ మీడియా ఇన్‌ఫ్లుయెన్సర్లతో ప్రభుత్వ పెద్దలు ముందుగానే మాట్లాడుకున్నారు. ఇప్పటికే సమాచార శాఖ, ఏపీడీసీఎల్‌ రాష్ట్ర వ్యాప్తంగా ఉన్న సోషల్‌ మీడియా కంటెంట్‌ సృష్టికర్తలతో ఏప్రిల్, మే నెలలో సమావేశాలను నిర్వహించింది. ఏప్రిల్‌ 17వ తేదీన నిర్వహించిన సమావేశంలో ఆఫ్‌లైన్‌లో 48 మంది, ఆన్‌లైన్‌లో 69 మంది ఇన్‌ఫ్లుయెన్సర్‌లు పాల్గొన్నారు. మే 19వ తేదీన నిర్వహించిన సమావేశంలో ప్రత్యేకంగా 10,000 పైన ఫాలోవర్లు ఉన్న కంటెంట్‌ క్రియేటర్‌లను చేర్చుకోవడంపై దృష్టి పెట్టారు. ఉత్తర్వుల్లోని కీలకాంశాలు ⇒ ప్రభుత్వ సమాచార ప్రసారాలను, ప్రజా చైతన్య ప్రచారాలను విస్తృతం చేయగల సోషల్‌ మీడియా ఇన్‌ఫ్లుయెన్సర్‌లను గుర్తించడం, ధృవీకరించడం ఎంప్యానెల్‌ చేయడం. ⇒ ప్రభుత్వ సంక్షేమ పథకాలు, మౌలిక సదుపాయాల అభివృద్ధి, ఇతర అన్ని కార్యక్రమాలపై కం­టెంట్‌ను చురుకుగా ప్రచారం చేయడం.. వ్యాప్తి చేయడం ఇందులో భాగం. ఆంధ్రప్రదేశ్‌ 28 జిల్లాలంతటా ఈ ప్రచారం కొనసాగుతుంది. ⇒ ఈ విధానం కింద చేసే ఖర్చులన్నింటి ఉద్దేశం ప్రామాణిక ప్రభుత్వ సమాచారాన్ని వ్యాప్తి చేయడం. ⇒ ఆంధ్రప్రదేశ్‌లో పనిచేస్తూ, అధికారిక ఏపీడీసీఎల్‌ ఎంప్యానెల్‌మెంట్‌ కోరుతున్న ఫేస్‌బుక్, ఇన్‌స్టా్రగామ్, యూట్యూబ్, ట్విటర్‌ (ఎక్స్‌)లోని సోషల్‌ మీడియా కంటెంట్‌ సృష్టికర్తలందరికీ ఇది వర్తిస్తుంది. ⇒ ప్రారంభ ఎంప్యానెల్‌మెంట్‌ ఏడాది కాలానికి ఉంటుంది. సంతృప్తికరమైన పనితీరు ఆధారంగా, అథారిటీ విచక్షణ మేరకు ఈ కాల పరిమితిని మరో రెండు సంవత్సరాల కాలానికి (ఒకసారికి ఒక సంవత్సరం చొప్పున) పొడిగించవచ్చు. ⇒ ప్రచురించే ప్రభుత్వ సంబంధిత కంటెంట్‌ నిష్పక్షపాతంగా, సమాచార యుక్తంగా, పక్షపాత రహితంగా ఉండేలా చూసుకోవాలి. ⇒ పాకిస్తానీ మూలం ఉన్న కంటెంట్, రక్షణ సంబంధిత కార్యకలాపాల ప్రత్యక్ష ప్రసారంపై ఉన్న పరిమితులతో సహా, భారత ప్రభుత్వ సమాచార, ప్రసార మంత్రిత్వ శాఖ సూచనలకు అనుగుణంగా ఉండాలి. ⇒ ఏపీడీసీఎల్‌ ధృవీకరించిన అధికారిక సోషల్‌ మీడి­యా ఇన్‌ఫ్లుయెన్సర్‌గా గుర్తింపు కార్డు ఉండాలి. ⇒ సందర్భం, కార్యక్రమ అవసరాలను బట్టి ప్రభుత్వ కార్యక్రమాలకు, ఈవెంట్లకు ప్రవేశం. ⇒ పనితీరు రికార్డు, సానుకూల ప్రభుత్వ ప్రచారానికి చేసిన కృషి ఆధారంగా, డిపార్ట్‌మెంట్‌ చేపట్టే చెల్లింపు ద్రవ్య ప్రచారాలలో ప్రాధాన్యత. ⇒ గుర్తింపు పొందిన ఇన్‌ఫ్లుయెన్సర్లకు ఈవెంట్‌కు ముందు ప్రవేశం, డ్రోన్‌ అనుమతుల కోసం ఎస్‌వోపీలు జారీ.పారితోషికం ఇలా..ఇన్‌ఫ్లుయెన్సర్లే రూపొందించిన ఆడియో, విజువల్స్‌ పోస్ట్‌ చేయడం.. అథారిటీ అందించిన ఆడియోృవిజువల్స్‌ను పోస్ట్‌ చేయడం.. అథారిటీ అందించిన గ్రాఫిక్స్‌ను పోస్ట్‌ చేయడం ఆధారంగా పారితోషికాన్ని ప్రకటించారు. లక్ష ఫాలోవర్స్‌ పైగా ఉంటే ఏ కేటగిరీ.. వీరు ఒక పోస్టు రూపొందించి పోస్టింగ్‌ చేస్తే రూ.15,000 ⇒ 50 వేల నుంచి 99,999 ఫాలోవర్స్‌ ఉన్న బీ కేటగిరీ వారికి ఒక పోస్టింగ్‌కు రూ.7,500 ⇒ 25 వేల నుంచి 49,999 ఫాలోవర్స్‌ ఉన్న సీ కేటగిరీ వారికి ఒకపోస్టింగ్‌కు రూ.5,000⇒ 10 వేల నుంచి 24,999 ఫాలోవర్స్‌ ఉన్న డీ కేటగిరీ వారికి ఒక పోస్టింగ్‌కు రూ.2,500 అథారిటీ అందించిన గ్రాఫిక్స్‌ను పోస్ట్‌ చేస్తే ఏృకేటగిరీ వారికి రూ.1,500, బీ కేటగిరీకి రూ.1,000, సీ కేటగిరీకి రూ.750, డీ కేటగిరీ వారికి రూ.500 వరకు ⇒ అథారిటీ అందించిన ఆడియోృవిజువల్స్‌ను పోస్ట్‌ చేస్తే ఏృకేటగిరీ వారికి రూ.2,000, బీ కేటగిరీకి రూ.1,500, సీ కేటగిరీకి రూ.1,000, డీ కేటగిరీ వారికి రూ.750 వరకు

సాక్షి ప్రతినిధి, కాకినాడ: ఉమ్మడి తూర్పు గోదావరి జిల్లాలో టీడీపీ కూటమి ‘కట్ట’ప్పలు మైనింగ్‌ మాఫియా అవతారమెత్తి చెలరేగిపోతున్నారు. టీడీపీ, జనసేన నేతల నేతృత్వంలో ‘ఆ ఊరు నీది.. ఈ ఊరు నాది’ అని పంపకాలు వేసుకుని మరీ ప్రాంతాల వారీగా పాగావేసి గ్రావెల్‌ను అక్రమంగా తరలించుకుపోతున్నారు. అడ్డూ అదుపూ లేకుండా పోలవరం కట్ట(గట్ల)లను గుల్ల చేసేస్తూ గ్రావెల్‌ను అక్రమంగా తవ్వి తరలించుకుపోతున్నారు. తద్వారా రూ.కోట్లు కొల్లగొడుతున్నారు. కేవలం ఒక్క పోలవరం గట్ల నుంచి తరలించిన మట్టి విలువే సుమారు రూ.15 కోట్ల నుంచి రూ.20 కోట్లకు పైగా ఉంటుందన్న ఆరోపణలున్నాయి. పోలవరం కాలువపై కన్ను పోలవరం ఎడమ కాలువ పనులు తూర్పు గోదావరి, కాకినాడ జిల్లాల పరిధిలో చేపట్టారు. కాలువ తవ్వకాల సమయంలో భారీ స్థాయిలో మట్టి సమకూరింది. మట్టిపై కూటమి నేతలు కన్నేశారు. అక్రమ దందాకు దిగారు. పోలవరం కాలువ గట్లను, గట్ల పక్కన నిల్వ ఉంచిన మట్టిని రాత్రి, పగలు అన్న తేడా లేకుండా తరలించేస్తున్నారు. కాలువకు ఇరువైపులా 30, 40 అడుగుల ఎత్తున ఉన్న గట్లను ఇష్టారాజ్యంగా తవ్వి, తరలించేస్తున్నారు.భారీ యంత్రాలను వినియోగించి మట్టిని ప్రభుత్వ పనుల పేరుతో ప్రైవేటు లే–అవుట్లకు తరలించి సొమ్ము చేసుకుంటున్నారు. లారీ గ్రావెల్‌ దూరాన్ని బట్టి రూ.7 వేల నుంచి రూ.8 వేల వరకు విక్రయిస్తున్నారు. తుని నియోజకవర్గంలోని తేటగుంట, శంఖవరం మండలం మండపం ప్రాంతాల్లో డంప్‌ చేసిన మట్టిని లారీల కొద్దీ తరలిపోతోంది. ఈ అక్రమ తంతు వెనుక ఓ టీడీపీ కీలక నేత ఉన్నట్టు సమాచారం. గోకవరం, జగ్గంపేట మండలాల పరిధిలో పోలవరం గట్లపై ఓ ప్రజాప్రతినిధి కనుసన్నల్లో మట్టి తవ్వేశారు. పవన్‌ ఇలాకాలో.. డిప్యూటీ సీఎం పవన్‌ ఇలాకాలో మట్టి మాఫియా బరితెగిస్తోంది. కొండలు, ఆధ్యాతి్మక క్షేత్రాలను సైతం వదలడం లేదు. గొల్లప్రోలు మండలం చందుర్తి సమీపంలోని పోలవరం గట్లను సైతం గుల్ల చేసేస్తోంది. అడ్డగోలుగా తవ్వకాలు చేపట్టి తరలించేస్తోంది. ఈ అక్రమ వ్యవహారం వెనుక జనసేన నేతలు కీలక భూమిక పోషిస్తున్నట్టు విమర్శలున్నాయి. దీంతో అధికారులు సైతం అటువైపు కన్నెత్తి కూడా చూడటం లేదని విమర్శలు వ్యక్తమవుతున్నాయి. పంపాకు గర్భశోకం పంపా రిజర్వాయర్‌లో గ్రావెల్, మట్టిని కమర్షియల్‌ లే–అవుట్ల అభివృద్ధికి వినియోగిస్తూ రూ.లక్షల్లో వసూళ్లకు దిగారు. ఓ ప్రజాప్రతినిధి వెనుక ఉండి తన బినామీలతో పంపా రిజర్వాయర్‌లో మొక్కుబడిగా అనుమతులు తీసుకుని నిబంధనలను తుంగలో తొక్కి అక్రమంగా తవ్వకాలు సాగించారు. పంపాలో మట్టిని తవ్వేందుకు అన్నవరానికి చెందిన కూటమి నేతలు బినామీల పేరుతో క్యూబిక్‌ మీటర్‌ రూపాయి చొప్పున 10 వేల క్యూబిక్‌ మీటర్ల వ్యవసాయ భూమి సారవంతం చేసుకునేందుకు మట్టిని తవ్వుకునేందుకు రాష్ట్ర సాగునీటి వనరుల శాఖ నుంచి అనుమతులు పొందారు.నిబంధనలు తుంగలో తొక్కి ఎక్స్‌కవేటర్లు, పొక్లెయిన్లతో రోజుకి 100 నుంచి 120 లారీల వరకు మట్టిని గొల్లప్రోలు, చేబ్రోలు, తుని రూరల్, కాకినాడ తదితర ప్రాంతాల్లోని కమర్షియల్‌ లే–అవుట్లు, ఇటుక బట్టీలకు తరలించారు. లారీ మట్టిని రూ.5 వేల నుంచి రూ.10 వేల చొప్పున అమ్ముకుని రూ.కోట్లు కొల్లగొట్టారు. ఇందులో సింహభాగం ఓ సీనియర్‌ ప్రజాప్రతినిధి జేబులోకి వెళ్లినట్టు విమర్శలున్నాయి. అనుమతి కొంత.. తవ్వకాలు కొండంత తూర్పుగోదావరి జిల్లా రాజానగరం నియోజకవర్గంలో మురారి, కలవచర్ల, గాదరాడ ప్రాంతాల్లోని పోలవరం గట్లను మాఫియా కరిగించేస్తోంది. పోలవరం గట్టు నుంచి రోడ్డు పనుల నిమిత్తం కేవలం 3 వేల క్యూబిక్‌ మీటర్ల మేర మాత్రమే మట్టిని తవి్వ, తరలించాల్సి ఉంది. నిబంధనలు తుంగలో తొక్కి అడ్డగోలు వ్యవహారానికి తెరతీస్తున్నారు. కేవలం రెండు నెలల వ్యవధిలోనే 85 వేల క్యూబిక్‌ మీటర్ల గ్రావెల్‌ ఫ్లైవర్‌ పనులకు, మరో 85 వేల క్యూబిక్‌ మీటర్ల మట్టి ప్రైవేటు అవసరాలకు అక్రమంగా తరలించినట్టు విమర్శలున్నాయి. చెరువులనూ చెరబట్టి..కాకినాడ జిల్లా తొండంగి మండలం పైడికొండలో సుమారు 13 ఎకరాల విస్తీర్ణంలో సుడి చెరువులో నిబంధనలు అతిక్రమించి మట్టిని తరలించేశారు. వాస్తవానికి చెరువు పూడికతీత మీటర్‌ కంటే ఎక్కువ లోతు చెరువులో మట్టిని తవ్వకూడదన్నది నిబంధన. ఎటువంటి వాణిజ్య ప్రయోజనాలకూ మట్టిని తరలించకూడదు. కానీ టీడీపీ నేతలు ఇష్టానుసారంగా తవ్వకాలు సాగించేశారు. 60 నుంచి 100 అడుగుల లోతున తవ్వి తరలించేశారు. ప్రతి రోజూ 150 లారీలు, టిప్పర్లలో మట్టి అక్రమంగా తరలించి రోజుకు రూ.15 లక్షలకు పైగా దండుకుంటున్నారు. నిద్ర నటిస్తున్న అధికారులు గ్రావెల్‌ దందా యథేచ్ఛగా సాగుతున్నా.. ఇరిగేషన్, మైనింగ్‌ అధికారులు మాత్రం పట్టించుకున్న దాఖలాలు లేవన్న విమర్శలు వెల్లువెత్తుతున్నాయి. ఎన్ని లారీలకు అనుమతులు తీసుకున్నారు? ఎన్ని లారీలు తరలించారు? కాలువ గట్టుపై ఏ మేరకు తవ్వకాలు చేపట్టారు? అని ఆరా తీయడంలో మీనమేషాలు లెక్కిస్తున్నారు. అధికార పార్టీ నేతలు కావడంతో అటువైపు కన్నెత్తి చూడటం లేదన్న విమర్శలున్నాయి. ప్రతిష్టాత్మకమైన పోలవరం ప్రాజెక్టు గట్టునే కొల్లగొడుతుంటే అధికారుల్లో చలనం లేకపోవడం విస్మయానికి గురిచేస్తోంది.నెలకు రూ.50 కోట్లకు పైగా దోపిడీ ప్రభుత్వ స్థలాల్లో మట్టి తవ్వితే ప్రభుత్వ అభివృద్ధి పనులకు, ప్రజా అవసరాలకు మాత్రమే వినియోగించాలి. కానీ ఉమ్మడి తూర్పుగోదావరి జిల్లా పరిధిలో క్షేత్ర స్థాయిలో పరిస్థితి అందుకు భిన్నంగా ఉంది. నల్లరేగడి మట్టిని కడియం, ఆలమూరు, రావులపాలెం ప్రాంతాల్లోని ఇటుక బట్టీలు, భవన సముదాయాల నిర్మాణాలు, రియల్‌ ఎస్టేట్‌ వెంచర్లు ఎత్తు చేసేందుకు తరలిస్తున్నారు. ఎర్రమట్టి అయితే కడియపులంకలోని నర్సరీలకు తరలిస్తున్నారు. నల్లరేగడి, ఇసుక నేలల్లోని మట్టిని టిప్పర్‌కి రూ.10 వేలు, ఎర్ర మట్టి (గ్రావెల్‌) రూ.20 వేల నుంచి రూ.25 వేల చొప్పున విక్రయిస్తున్నారు. చెరువు మట్టి లారీకి రూ.3,500 తీసుకుంటున్నారు. ప్రతి రోజూ 500 లారీల మట్టి తరలుతోంది. ఇలా రోజుకు రూ.2 కోట్లకు పైగా అక్రమార్కుల జేబుల్లోకి వెళుతున్నట్టు సమాచారం. నెలకు రూ.50 కోట్లకు పైగా ఆదాయం గడిస్తున్నట్టు విమర్శలున్నాయి.

సాక్షి,అమరావతి/ గాంధీనగర్‌ (విజయవాడ సెంట్రల్‌): తమ న్యాయమైన సమస్యలు పరిష్కరించా లని అంబేడ్కర్‌ గురుకులాల పార్ట్‌ టైం ఉద్యోగులు గళమెత్తారు. విజయవాడ ధర్నా చౌక్‌లో సో­మ­వారం మహా ధర్నా చేపట్టారు. ధర్నాను ప్రారంభించిన మాజీ ఎమ్మెల్సీ కేఎస్‌ లక్ష్మణరావు మాట్లా­డుతూ..విద్యాలయాలు, కళాశాలల్లో పనిచేస్తోన్న పార్ట్‌టైమ్‌ ఉపాధ్యాయులు, అధ్యాపకుల సమస్యలను ప్రభుత్వం వెంటనే పరిష్కరించాలని డిమాండ్‌ చేశారు. 1,800 మంది పార్ట్‌టైమ్‌ ఉపాధ్యాయులు, అధ్యాపకులు ఏళ్ల తరబడి సేవలందిస్తున్నప్పటికీ, వారి సమస్యలు మాత్రం పరిష్కారం కావడం లేదని ఆవేదన వ్యక్తం చేశారు. వేతనాలు సకాలంలో అందకపోవడంతో కుటుంబాలను పోషించుకోవడానికి తీవ్ర ఇబ్బందులు ఎదుర్కొంటున్నారని చెప్పారు. కులవివక్ష వ్యతిరేక పోరాట సంఘం (కేవీపీఎస్‌) రాష్ట్ర ప్రధాన కార్యదర్శి ఆండ్ర మాల్యాద్రి మాట్లాడుతూ..పెండింగ్‌ వేతనాలను వెంటనే విడుదల చేయాలన్నారు. సమస్యలను త్వరితగతిన పరిష్కరించేందుకు ప్రత్యేక ఫిర్యాదుల పరిష్కార విభాగం, సంక్షేమ కమిటీ ఏర్పాటు చేయాలని డిమాండ్‌ చేశారు. ధర్నాలో గురుకుల పాఠశాల పేరెంట్స్‌ అసోసియేషన్‌ రాష్ట్ర అధ్యక్షుడు పిల్లా చంద్రం, ఏపీటీఎఫ్‌ రాష్ట్ర అధ్యక్షురాలు సీహెచ్‌ మంజుల, డాక్టర్‌ బీఆర్‌ అంబేడ్కర్‌ గురుకులాల పార్ట్‌టైమ్‌ టీచర్స్‌ అండ్‌ లెక్చరర్స్‌ అసోసియేషన్‌ ఆంధ్రప్రదేశ్‌ అధ్యక్షుడు బొల్లిపోగు ఇస్మాయిల్, కార్యదర్శి కె.వర్మ పాల్గొన్నారు.

సాక్షి, న్యూఢిల్లీ: ఏపీ హైకోర్టులో 15 ఏళ్లుగా పనిచేస్తున్న ఒకే బ్యాచ్‌కి చెందిన ఉద్యోగుల్లో కొందరిని పర్మీనెంట్‌ చేసి, మరికొందరిని ఔట్‌సోర్సింగ్‌ విధానంలో ఉంచడంపై రాష్ట్ర ప్రభుత్వంపై సుప్రీంకోర్టు ఆగ్రహం వ్యక్తం చేసింది. కొందరికి పర్మీనెంట్, మరికొందరికి ఔట్‌సోర్సింగ్‌ ఏమిటని సోమవారం రాష్ట్ర ప్రభుత్వాన్ని ప్రశ్నించింది. ఇలాంటి వైఖరిపై తీవ్ర అభ్యంతరం వ్యక్తం చేసిన ధర్మాసనం, ఉద్యోగుల క్రమబద్దీకరణకు సంబంధించి రెండు వారాల్లో రెగ్యులరైజేషన్‌ డ్రాఫ్ట్‌ స్కీమ్‌ సమర్పించాలని ప్రభుత్వాన్ని ఆదేశించింది. తదుపరి విచారణను అక్టోబర్‌ 13కు వాయిదా వేసింది. రొక్కం వేణుగోపాల్‌ రావు, ఇతరులు దాఖలు చేసిన పిటిషన్‌పై న్యాయమూర్తులు జస్టిస్‌ అరవింద్‌ కుమార్, జస్టిస్‌ విపుల్‌ ఎం. పంచోలిలతో కూడిన ధర్మాసనం ఈ మేరకు ఆదేశాలు ఇచ్చింది. ఉమ్మడి ఆంధ్రప్రదేశ్‌లో దాదాపు 15 ఏళ్ల క్రితం హైకోర్టు పరిధిలో 140 ఫాస్ట్‌ ట్రాక్, స్పెషల్, స్పెషల్‌ మేజి్రస్టేట్‌ కోర్టులను ఏర్పాటు చేసి, డ్రైవర్లు, ప్యూన్లు, అటెండర్లు, స్టెనోగ్రాఫర్లు, రికార్డ్‌ అసిస్టెంట్లను నియమించారు. రాష్ట్ర విభజన అనంతరం తెలంగాణ హైకోర్టు తన పరిధిలోని ఉద్యోగులందరినీ క్రమబద్దీకరించింది. ఏపీలో మాత్రం కొందరిని పర్మీనెంట్‌ చేసి, మరికొందరి పోస్టులను ఔట్‌సోర్సింగ్, తాత్కాలిక పోస్టులుగా మార్చారు. ఈ నేపథ్యంలో ఏపీ హైకోర్టులోని దాదాపు 200 మంది ఉద్యోగుల్లో సగంమంది గతంలో రిట్‌ దాఖలు చేయగా, అనంతరం ప్రభుత్వం వారిని రెగ్యులరైజ్‌ చేసింది. ఆలస్యంగా ఆశ్రయించిన మిగతా ఉద్యోగుల అభ్యర్థనను తిరస్కరించింది. దీంతో వారు సుప్రీంకోర్టును ఆశ్రయించారు.

సాక్షి, అమరావతి: ముఖ్యమంత్రి చంద్రబాబుకు అత్యంత సన్నిహితుడు, బీజేపీ ఎంపీ సీఎం రమేష్ ­కు రాష్ట్ర ప్రభుత్వం భారీ నజరానా ఇచ్చింది. కుప్పం బ్రాంచి కెనాల్‌లో రమేష్ కు చెందిన రిత్విక్‌ ప్రాజెక్ట్స్‌ చేపట్టిన పనుల అంచనా వ్యయాన్ని పెంచేసి, భారీ ప్రయోజనం చేకూర్చిందని ఇంజినీరింగ్‌ నిపుణులు చెబుతున్నారు. కుప్పం బ్రాంచ్‌ కెనాల్‌లో 0 నుంచి 66.95 కిలోమీటర్ల వరకు లైనింగ్‌ పనులను ఆర్నెల్లలో పూర్తి చేయాలనే షరతుతో 2024 డిసెంబర్‌ 14న రూ.81.43 కోట్ల అంచనాతో జలవనరుల శాఖ టెండర్లు పిలిచింది.ఆ పనులను 85.46 కోట్ల (జీఎస్టీ, సీనరేజి వంటి పన్నులు కాకుండా)కు దక్కించుకున్న రిత్విక్‌ ప్రాజెక్ట్స్‌ సకాలంలో పూర్తి చేయలేకపోయింది. టెండర్‌ నిబంధనలను తుంగలో తొక్కుతూ ఎస్‌ఎఫ్‌ఆర్‌సీ (స్టీల్‌ ఫైబర్‌ రీయిన్‌ఫోర్స్‌డ్‌ కాంక్రీట్‌) విధానంలో లైనింగ్‌ చేశారు. అత్యంత నాసిరకంగా చేసిన ఈ లైనింగ్‌ గతేడాది కాలువలో నీటి ప్రవాహానికి ఎక్కడికక్కడ దెబ్బతింది. సకాలంలో పనులు పూర్తి చేయని రిత్విక్‌ ప్రాజెక్ట్స్‌ నుంచి లిక్విడేటెడ్‌ డ్యామేజస్‌ వసూలు చేయాలి. కానీ చంద్రబాబు ప్రభు­త్వం కనీసం నోటీసులు కూడా జారీ చేయలేదు. పైగా, పనుల పూర్తికి గడువును పొడిగించింది. మరోపక్క చీఫ్‌ ఇంజినీర్స్‌ కమిటీతో నివేదిక పేరుతో అదనంగా పనులు చేశారని చూపుతూ అంచనా వ్యయాన్ని రూ.99.20 కోట్ల నుంచి రూ.126.25 కోట్లకు పెంచింది. ఈ మేరకు జలవనరుల శాఖ సోమవారం ఉత్తర్వులు జారీ చేసింది. దీనివల్ల రి త్విక్‌ ప్రాజెక్ట్స్‌ సంస్థకు రూ.40.79 కోట్ల మేర ప్రయోజనం చేకూరుతుందని చెబుతున్నారు. నాసిరకం పనులు చేసిన ఈనాడు కిరణ్‌ వియ్యంకుడికీ బహుమానం హంద్రీ–నీవా రెండో దశ ప్రధాన కాలువకు సిమెంట్‌ కాంక్రీట్‌ లైనింగ్‌ చేస్తే భూగర్బ జలాలు అడుగంటిపోతాయని, బోర్లు, బావులు ఎండిపోతాయంటూ రైతులందరూ ముక్తకంఠంతో తీవ్రంగా వ్యతిరేకించినా 216.3 కి.మీ. నుంచి 400 కి.మీ. వరకూ లైనింగ్‌ పనులకు రూ.936.70 కోట్లతో 2024 డిసెంబర్‌ 3న జలవనరుల శాఖ పరిపాలన అనుమతి ఇచ్చింది. ఇందులో రెండో ప్యాకేజీ (ప్రధాన కాలువ) 260 కి.మీ. నుంచి 300 కి.మీ. లైనింగ్‌తోపాటు 285.1 కి.మీ. నుంచి 287.1 కి.మీ. వరకు టన్నెల్‌ నిర్మాణ పనులకు రూ.158.19 కోట్లు కేటాయించింది.గతేడాది ఈ పనులకు రూ.117.63 కోట్ల అంచనాతో పిలిచిన టెండర్లలో రూ.123.24 కోట్లకు కోట్‌ చేసిన ఈనాడు కిరణ్‌ వియ్యంకుడు రాయల రఘుకు చెందిన ఆర్వీఆర్‌ ప్రాజెక్ట్స్‌ సంస్థకు కట్టబెట్టింది. ఇక్కడ నాసి రకంగా పనులు చేయడం వల్ల ఒక సీజన్‌లో కాలువలో నీటి ప్రవాహానికే లైనింగ్‌ ఎక్కడికక్కడ దెబ్బతింది. కాంట్రాక్టు ఒప్పందం మేరకు ఆర్నెల్లలోగా పనులు పూర్తిచేయడంలో విఫలమైన ఆర్వీఆర్‌ ప్రాజెక్ట్స్‌ సంస్థపై చర్యలు తీసుకోవాల్సిన చంద్రబాబు సర్కారు.. పనుల పూర్తికి గడువు పొడగించడమే కాకుండా, అంచనా వ్యయా­న్ని రూ.158.19 కోట్ల నుంచి రూ.337.90 కోట్లకు పెంచేస్తూ సోమవారం ఉత్తర్వులు జారీ చేసింది. తద్వారా రాయల రఘు సంస్థకు పెద్ద ఎత్తున ప్రయోజనం చేకూర్చింది. చంద్రబాబు ప్రభుత్వ డీపీటీ (దోచుకో.. పంచుకో.. తినుకో)కి ఈ రెండు ప్రాజెక్టులు మరో నిదర్శనమంటూ ఇంజినీరింగ్‌ నిపుణులు వ్యాఖ్యానిస్తున్నారు.

ఆంధ్రప్రదేశ్‌లో చంద్రబాబు ప్రభుత్వం ఇప్పుడు కొత్తగా ‘సోషల్‌ మీడియా వార్‌’కు తెర లేపింది. నిజానికి మీడియాను వాడుకోవడంలో ఆయనను మించిన రాజకీయ నాయకుడు భారత దేశంలోనే లేరంటే అతిశయోక్తి కాదు. ఈ నేపథ్యంలో... సోషల్‌ మీడియాను ప్రభుత్వ పథకాల ప్రచారానికి వాడుకోవాలని బాబు ప్రభుత్వం ఇటీవల తీసుకున్న నిర్ణయాన్ని పరిశీలించాల్సి ఉంటుంది! ప్రభుత్వాలు తమ సంక్షేమ పథకాలను, అభివృద్ధి కార్యక్రమాలను ప్రజల్లోకి తీసుకెళ్లేందుకు ప్రచార సాధనాలను ఉపయోగించు కోవడం కొత్తేమీ కాదు. అయితే సోషల్‌ మీడియా యుగంలో ఆ ప్రచారానికి కొత్త రూపం వచ్చింది. యూట్యూబ్, ఫేస్‌బుక్, ఇన్‌స్టాగ్రామ్, ఎక్స్‌ వంటి వేదికల ద్వారా ప్రజలను చేరుకోగలిగేఇన్‌ ఫ్లుయెన్సర్లను అధికారికంగా ఎంప్యానెల్‌ చేసి, వారికి పారితో షికం చెల్లించే విధానాన్ని ప్రభుత్వం తాజాగా కేబినెట్‌ ఆమోదంతో ముందుకు తీసుకువచ్చింది.ప్రభుత్వ వివరణ ప్రకారం సంక్షేమ పథకాలు, మౌలిక వస తులు, అభివృద్ధి కార్యక్రమాల సమాచారాన్ని ప్రజల్లోకి తీసుకెళ్లడమే దీని ఉద్దేశం. యువత ఎక్కువగా ఉపయోగించే డిజిటల్‌ వేదికల ద్వారా ప్రభుత్వ సేవలు, పథకాల సమాచారం ప్రజలకు చేరడం ప్రయోజనకరమే కావచ్చు. కానీ ప్రజాధనంతో ఏర్పడే ఏ ప్రచార వ్యవస్థకైనా పారదర్శకత, జవాబుదారీతనం తప్పనిసరి. ఎందుకంటే ఇక్కడే ఒక సున్నితమైన రేఖ ఉంది. అది ప్రభుత్వ సమాచార ప్రచారానికి– అధికార పార్టీ రాజకీయ ప్రచారానికీ మధ్య రేఖ. ఆ రేఖ చెరిగిపోకుండా చూడటం ప్రజాస్వామ్య ప్రభుత్వాల బాధ్యత. ప్రచార మాధ్యమం రాజకీయ పరిణామాలను ప్రభావితం చేయగల మహత్తర శక్తి.పారదర్శకత ముఖ్యంఒక యూట్యూబ్‌ వీడియో, ఒక రీల్, ఒక వైరల్‌ పోస్టు కొన్ని గంటల్లోనే లక్షల మందిని చేరగలదు. అందుకే నేటి రాజకీయ ప్రచా రంలో సోషల్‌ మీడియా అత్యంత ప్రభావశీలమైన సాధనాల్లో ఒకటిగా మారింది. అందుకే పారదర్శకంగా ప్రభుత్వం ఇన్‌ఫ్లుయెన్స ర్లను అధికారికంగా ఎంప్యానెల్‌ చేయాలి. ఎవరెవరిని ఎంపిక చేశారు? ఎంతమంది ఉన్నారు? వారి ఛానళ్లు, ఫాలోవర్ల సంఖ్య ఎంత? ఏ కేటగిరీలో ఎంపిక చేశారు? ఎంత పారితోషికం నిర్ణయించారు? ఏ ప్రభుత్వ కార్యక్రమం కోసం ఎంత చెల్లించారు?– ఈ వివరాలన్నీ ప్రజల ముందుంచాలి. ప్రభుత్వం ఒక పబ్లిక్‌ సోషల్‌ మీడియా ఇన్‌ ఫ్లుయెన్సర్‌ రిజిస్ట్రీ ఏర్పాటు చేయాలి. ఎందుకంటే అది ముఖ్యమంత్రి వ్యక్తిగత డబ్బు కాదు, ఆయన డబ్బా కొట్టడానికి... అది ప్రజల డబ్బు. ప్రజల కోసమే వెచ్చించాలి. ప్రస్తుతం ప్రకటించిన విధానంలో ఫాలోవర్ల స్థాయిని బట్టి వేర్వేరు కేటగిరీలకు చెల్లింపులు నిర్ణయించినట్లు ప్రభుత్వం తెలిపింది.ప్రచారంలో పారదర్శకత ముఖ్యం. ప్రజలు, జర్నలిస్టులు, ప్రతి పక్షాలు, పౌరసమాజం ఆ వ్యవస్థను పరిశీలించాలి. ప్రభుత్వ పథ కాల ప్రచారం ఎక్కడితో ముగుస్తోంది? రాజకీయ ప్రచారం ఎక్కడ మొదలవుతోంది? అన్నది ప్రశ్నించగలగాలి. ఏపీ ప్రభుత్వం ఇప్పుడు దీనిని ఒక అధికారిక విధానంగా, ఎంప్యానెల్‌మెంట్, చెల్లింపుల వ్యవస్థతో ముందుకు తీసుకురావడం వల్ల పారదర్శకతపై చర్చ మరింత అవసరమైంది. ప్రభుత్వానికి ప్రచారం అవసరం. ప్రజలకు సమాచారం అవసరం. కానీ ప్రజాస్వామ్యానికి అంతకంటే ఎక్కువగా పారదర్శ కత అవసరం. సోషల్‌ మీడియా నేటి రాజకీయ బ్రహ్మాస్త్రమైతే, దాన్ని ప్రయోగించే వ్యవస్థకు ప్రజాస్వామ్య నియంత్రణ కూడా ఉండాలి. అందుకే ప్రశ్న ఒక్కటే... ఇన్‌ ఫ్లుయెన్సర్లను ఎవరు ప్రభావితం చేస్తున్నారు? ఇన్‌ ఫ్లుయెన్సర్లకే ‘ఇన్‌ ఫ్లుయెన్సర్‌’ ఎవరు?– వీరేంద్ర కాపర్తి ‘ సీనియర్‌ జర్నలిస్ట్‌

ఏలూరు: వైఎస్సార్‌సీపీనే లక్ష్యంగా పేట్రేగిపోతున్న టీడీపీ గూండాలు.. మళ్లీ రెచ్చిపోయిన ఘటన ఏలూరులోని అశోక్‌నగర్‌లో చోటు చేసుకుంది. వైఎస్సార్‌సీపీ కార్యాలయం వద్దకు చేరుకున్న టీడీపీ కార్యకర్తలు.. ఆపీస్‌పై దాడికి యత్నించారు. ఈ సమాచారం అందుకున్న పోలీసులు ఘటనా స్థలికి చేరుకుని పరిస్థితిని అదుపులోకి తెచ్చేందుకు యత్నిస్తున్నారు. ఈ క్రమంలో పోలీసులతో టీడీపీ కార్యకర్తలు వాగ్వాదానికి దిగారు. ఎటువంటి హింసాత్మక ఘటనలు జరగకుండా ఉండేందుకు అశోక్‌నగర్‌లో భారీగా పోలీసులను మోహరించారు. దెందులూరులో అబ్బయ్య చౌదరి పార్టీ కార్యకర్తలతో సమావేశం అనంతరం.. టీడీపీ మూకలు రెచ్చిపోయాయి. అటు దెందులూరు, ఇటు ఏలూరులోని వైఎస్సార్‌సీపీ శ్రేణులే లక్ష్యంగా పేట్రేగిపోయాయి. టీడీపీ కార్యకర్తల దుశ్చర్యపై దెందలూరు మాజీ ఎమ్మెల్యే అబ్బయ్య చౌదరి మాట్లాడుతూ.. ‘ లా అండ్ డాక్టర్ ఏమైందో అర్థం కావటం లేదు. నిన్నే మా కార్యకర్తలపై రక్తం వచ్చేలా కొట్టి దాడి చేశారు. కొత్త రాజ్యాంగం ఏమన్నా నడుస్తుందో ఏమో అర్థం కావడం లేదు. జంగారెడ్డిగూడెం మా పార్టీ కార్యక్రమంలో పాల్గొని వేగివాడలో.. మా కార్యకర్త కుటుంబంలో వివాహానికి వెళ్లి.. వస్తుండగా.. నా కారు పైకి వచ్చి నాపై దాడి చేసే ప్రయత్నం చేశారు. మాజీ శాసనసభ్యుడునైన నాకు రాష్ట్రంలో తిరిగే హక్కు లేదా....?’ అని ప్రశ్నించారు.ఇదీ చదవండి: చంద్ర‌బాబు స‌ర్కారుపై కాకర్ల ధ్వ‌జం

పామర్రు(కృష్ణాజిల్లా): జిల్లాలోని పామర్రు నియోజకవర్గం పరిధిలోని లంకపల్లి లంక భూముల అన్యాక్రాంతం పై జిల్లా కలెక్టర్‌కు మాజీ ఎమ్మెల్యే కైలే అనిల్ కుమార్ ఫిర్యాదు చేశారు. ఈ మేరకు జాయింట్‌ కలెక్టర్‌ నవీన్‌కు వినతిపత్రం అందజేశారు. దీనిలో భాగంగా కైలే అనిల్‌కుమార్‌ మీడియాతో మాట్లాడుతూ.. ‘కూటమి ప్రభుత్వం అక్రమార్జనే ధ్యేయంగా వ్యవహరిస్తుంది. లంకపల్లి గ్రామ పరిధిలోని సుమారు 300 ఎకరాల భూములను రి సర్వే పేరుతో అక్రమార్కులు కబ్జా చేశారు. పామర్రు ఎమ్మెల్యే , అధికారులు కుమ్మక్కై 200 కోట్ల విలువైన భూములు దోచుకునేందుకు కుట్ర చేస్తున్నారు. గతంలో ఇదే విషయంపై జిల్లా కలెక్టర్‌కు ఫిర్యాదు చేసినా స్పందన కరువైంది. 300 ఎకరాల భూమిని రికార్డులు తారుమారు చేసి అన్యాయంగా ఇసుక తవ్వకాలను కూటమి నేతలు చేపడుతున్నారు. రైతులకు సంబంధించిన భూములను నదిలో ఉన్నట్లుగా నివేదికలు రూపొందించారు. జిల్లా ఉన్నతాధికారులు ఇసుక మాఫియా ఆగడాలను అరికట్టేలా చర్యలు చేపట్టాలి. వైఎస్సార్‌సీపీ ఆధ్వర్యంలో పామర్రులో జరిగే ఇసుక అక్రమాలపై రాజీలేని పోరాటాలు సాగిస్తాం. గ్రీన్ ట్రిబ్యునల్ ఆదేశాలను సైతం పట్టించుకోకుండా రోజుకు 400 టిప్పర్ల ఇసుకను అన్యాయంగా తరలించుకుని పోతున్నారు’ అని ఆందోళన వ్యక్తం చేశారు.ఇదీ చదవండి: ‘మరోసారి చంద్రబాబు రహస్య విదేశీ టూర్‌’

తాడేపల్లి: రాష్ట్రం ఓవైపు ఉద్యోగులు, నిరుద్యోగుల ఆందోళనలతో అట్టుడుకుతోందని, మరోవైపు కరువు, వరదలతో రైతులు కష్టాల్లో ఉన్నారని, అయినా ఇవేవీ పట్టించుకోకుండా సీఎం చంద్రబాబు మూడు రోజులుగా రహస్య పర్యటనల్లో ఉన్నారని వైఎస్సార్సీపీ రాష్ట్ర ప్రధాన కార్యదర్శి నందమూరి లక్ష్మీపార్వతి మండిపడ్డారు. రాష్ట్రంలో సమస్యల్ని వదిలేసి చంద్రబాబు దోచుకున్న డబ్బు దాచుకోవడానికి విదేశాలకు రహస్య టూర్లు చేస్తుంటే, కేంద్రం మొద్దునిద్రలో ఉందని లక్ష్మీపార్వతి ఆక్షేపించారు. గతంలో సీఎంగా ఉండగా వైఎస్‌ జగన్‌మోహన్‌రెడ్డి సీబీఐ కోర్టు అనుమతితో, వివరాలు ఇచ్చి విదేశాలకు వెళ్లినా కారుకూతలు కూసిన లోకేష్..ఇప్పుడు తన తండ్రి ఎక్కడికి వెళ్లాడో సమాధానం చెప్పాలని లక్ష్మీపార్వతి డిమాండ్ చేశారు. ప్రెస్ మీట్లో లక్ష్మీపార్వతి ఇంకేమన్నారంటే..సమస్యలు గాలికొదిలేసి చంద్రబాబు రహస్య టూర్లుమూడు రోజులైనా చంద్రబాబు అడ్రస్ లేడు, అయినా ఆయన ఇక్కడే ఉన్నట్లు పచ్చ మీడియా బిల్డప్ లు ఇస్తోంది. చంద్రబాబు ఈ రహస్య ప్రయాణాలు ఎందుకు పెట్టుకుంటున్నారు ?, రాష్ట్రవ్యాప్తంగా ఓవైపు ఆందోళనలు, మరోవైపు కరువు, ఇంకోవైపు అతివృష్టితో ఉత్తరాంధ్ర వరదలు వచ్చి మునిగిపోయింది. ఉత్తరాంధ్రలో వరదలతో రైతులు తీవ్రంగా నష్టపోయారు. అటు రాయలసీమలో చూస్తే కరవుతో రైతులు ఇబ్బందులు పడుతున్నారు. రాష్ట్రంలో నిరుద్యోగులు ఆందోళనలు చేస్తూనే ఉన్నారు. మరోవైపు డీఎస్సీ అభ్యర్ధులు న్యాయం కోసం రోడ్డెక్కుతున్నారు. ఇలా ఎటు చూసినా కల్లోలమే. ఇన్ని రకాల సమస్యలు రాష్ట్రాన్ని చుట్టుముడుతుంటే, జనం ఆందోళనలు చేస్తుంటే.. ముఖ్యమంత్రి ఎటుపోయాడు? ఏ ప్రభుత్వంలో అయినా ముఖ్యమంత్రి ఇలా చెప్పకుండా, తాను ఎక్కడికి పోతున్నాడో కూడా చెప్పలేని పరిస్ధితుల్లో ఉన్నాడా? గతంలోనూ చంద్రబాబు ఫ్యామిలీ టూర్ పేరుతో ఇలాంటి పర్యటనలే చేశాడు. కస్టమ్స్ తనిఖీ కూడా ఉండదు కాబట్టి సూట్ కేసులతో స్పెషల్ ఫ్లైట్లతో తిరుగుతుంటాడు. ఇలా ప్రతీసారీ తాను దోచుకున్న డబ్బు దాచుకోవడానికి వెళ్లి వస్తుంటాడు. మాల్దీవులు, ఇండోనేషియా, మారిషస్, సింగపూర్ వంటి దేశాలకు వెళ్లి డబ్బులు దాచుకుంటూ ఉంటాడు. సింగపూర్ లో అయితే ఓ పెద్ద హోటలే కట్టేశారు. అప్పట్లో దావూద్ ఇబ్రహీంతో చెప్పి తన సమస్య పరిష్కరించుకున్నాడు. ఏ ముఖ్యమంత్రి అయినా ఇలా చేస్తాడా ? భారత దేశంలో ఏ ముఖ్యమంత్రి అయినా గతంలో అయినా ఇలా చేశాడా? కేంద్రం ఎందుకు ఆయనపై నిఘా పెట్టలేకపోతోందా ? ఓ ముఖ్యమంత్రి వ్యక్తిగత టూర్ పేరుతో ఇలా రహస్య పర్యటనలు చేయాల్సిన అవసరం ఏమొచ్చింది ?జగన్ వివరాలు ఇచ్చి వెళ్లినా కారుకూతలు కూసేవారుజగన్ మోహన్ రెడ్డి గారు అయితే గతంలో ఏ దేశం వెళ్తున్నారో సీబీఐకి, కోర్టుకు వివరాలు ఇచ్చి మరీ వెళ్లారు. అవి వ్యక్తిగత పర్యటనలు అయినా సరే ఏ దేశం వెళ్తున్నారో వివరాలు మాత్రం ఇచ్చేవారు. కానీ ఇవాళ చంద్రబాబు మాత్రం ఎందుకు ఆ పని చేయలేకపోతున్నారు. దోపిడీ సొమ్ము దాచుకోవడానికే ఇలా చెప్పకుండా రహస్యంగా టూర్లకు వెళ్తున్నారన్న అనుమానాలు వస్తున్నాయి. గతంలో జగన్ మోహన్ రెడ్డి గారు సీబీఐ అనుమతి తీసుకుని మరీ విదేశాలకు వెళ్తే.. బుర్రా బుద్దీ లేని సకల శాఖ మంత్రి లోకేష్ మాత్రం కారుకూతలు కూశారు. అలాంటి హీనసంస్కారంతో పెరిగిన వ్యక్తి .. స్టాన్ ఫర్డ్ యూనివర్శిటీ స్టూడెంట్ అంటే నమ్మలేం. ఎందుకంటే లోకేష్ ప్రవర్తన, బాడీ లాంగ్వేజ్ వీధి రౌడీలా ఉంటుంది. చూసే వాళ్లకు అంత హీనంగా ఉంటుంది. జగన్మోహన్ రెడ్డి గారు వివరంగా టూర్ వివరాలు ఇచ్చి వెళ్లినా కారుకూతలు కూసిన పచ్చ మీడియా ఇప్పుడు చంద్రబాబు ఎక్కడున్నాడో సమాధానం చెప్పాలి కదా. ముఖ్యమంత్రి రాష్ట్రంలో లేకపోయినా ఉన్నట్లు ప్రచారాలు చేస్తున్న ఎల్లో మీడియా .. రాష్ట్రాన్ని దిగజారుస్తోంది. మీరంతా ఆంధ్రప్రదేశ్ ను 50 ఏళ్లు వెనక్కి తీసుకుపోయారు. గతంలో జగన్మోహన్ రెడ్డి గారు తెచ్చిన పరిశ్రమలన్నీ ఎటుపోయాయి, పెట్టుబడిదారులంతా రాష్ట్రం వదిలి పారిపోతున్నారు. మీ రెడ్ బుక్ దోపిడీ వ్యవస్థ అందరినీ ఆ స్ధాయిలో భయపెడుతోంది. పార్టీలో కార్యకర్తలు, ఎమ్మెల్యేలు, మంత్రులు ఓ పరిశ్రమ వస్తే చాలు లంచాల కోసం వేధిస్తున్నారు. దీనికి ప్రభుత్వం ఏం సమాధానం చెబుతుంది? నదుల గర్భాన్ని తొలిచేసి మరీ ఇసుక అమ్ముకుంటున్నారు. వేల సంవత్సరాలుగా పూజలందుకుంటున్న కొండల్ని సైతం సీఎం రమేశ్ వంటి వారు తవ్వేస్తున్నారు. ఎంపీగా దొంగచాటుగా ఎన్నికైన ఇలాంటి వ్యక్తికి అక్కడి సంపద దోచుకునే హక్కు ఎక్కడిది ?చంద్రబాబు, లోకేష్‌కు ప్రజల ఉసురు తప్పదుజగన్మోహన్ రెడ్డి గారి హయాంలో అమలు చేసిన సంక్షేమం, విద్య, వైద్యంలో అభివృద్ది వల్ల ఏ రోజూ పేదవాడు రోడ్డుపైకి రాలేదు. అది నిజమైన విజన్. నాడు-నేడులో స్కూల్స్ అభివృద్ది చేసి పిల్లల డ్రాప్ అవుట్ లేకుండా చేశారు. కానీ ఇప్పుడు వేల మంది విద్యయార్దులు స్కూల్స్ మానేస్తున్నారు. 40 ఏళ్ల చంద్రబాబు అనుభవం అంతా ఏమైంది ? చంద్రబాబుకు పాలన చేతకాదని నేను ఎప్పటి నుంచో చెబుతూనే ఉన్నాను. ఫ్యామిలీ టూర్ల పేరుతో దోపిడీ చేసిన డబ్బంతా చంద్రబాబు విదేశాలకు తరలిస్తుంటే కేంద్రం నిద్రపోతోందా ? కేంద్రానికి బాధ్యత లేదా ? నిఘా వర్గాలకు బాధ్యత లేదా ? డబుల్ ఇంజన్ సర్కార్ కాబట్టి ఈ దోపిడీని కేంద్రం ప్రోత్సహిస్తూనే ఉంటుందా ? డీఎస్సీలో ఒక్కో ఉద్యోగం 15లక్షలకు అమ్ముకున్నారు కాబట్టి, ఆ డబ్బంతా తరలించేందుకు రహస్య టూర్లు వేస్తున్నారు. ఈ విషయం ప్రజలకూ అర్దమైంది. వీళ్లు రహస్య టూర్ అనేసరికి ఎంత సొమ్ము తీసుకుపోతున్నావంటూ సోషల్ మీడియాలో జనం ప్రశ్నిస్తున్నారు. మీరు విమర్శించేటప్పుడు కాస్తయినా బుర్ర ఉపయోగించండి. జగన్మోహన్ రెడ్డి గారిపై పిచ్చి ప్రేలాపనలు చేసే లోకేష్.. తన భాషలోనే తన తండ్రి ఎక్కడికి వెళ్లాడో అడుగు. మళ్లీ ఇలాంటి పిచ్చిపిచ్చి మాటలు మాట్లాడితే మర్యాద దక్కదని లోకేష్ ను హెచ్చరిస్తున్నాం. రాష్ట్రంలో తాగడానికి నీళ్లు లేవు, వ్యవసాయానికి నీళ్లు లేవు. ఇవన్నీ వదిలేసి చంద్రబాబు రహస్య టూర్లు వేస్తారా? ఈ టూర్ నుంచి వచ్చాక అయినా చంద్రబాబు తన రహస్య టూర్ వివరాలు బయటపెట్టకపోతే బాధ్యతారాహిత్యంగానే ప్రజలు భావించాల్సి ఉంటుంది. అసలు ముఖ్యమంత్రిని సైతం పట్టించుకునే పరిస్ధితి లేదు. జగన్మోహన్ రెడ్డి గారు ముఖ్యమంత్రిగా ఉండగా జనం కడుపులో చల్ల కదలకుండా హాయిగా నిద్రపోయారు, పిల్లల్ని బాగా చదివించుకున్నారు, రైతులు కరువు లేకుండా నదులు, చెరువులు ఉప్పొంగి ప్రవహించాయి. రాయలసీమలో సైతం నదులు, కాలువలు నిండి పంట దిగుబడులు పెరిగాయి. చంద్రబాబు అడుగుపెట్టగానే అంతా నాశనమైంది. రాజశేఖర్ రెడ్డి గారు చెప్పినట్లు కరువు, చంద్రబాబు కవల పిల్లలు. నీ కొడుకు లోకేష్ ఒక్కటే బాగుపడాలా? ఒక్కడిని కాపాడేందుకు డీఎస్సీ తప్పుల్ని కప్పిపుచ్చుతున్నారు. ప్రశ్నించిన వారిపై కేసులు పెట్టిస్తున్నారు. ఇదేం పాలన చంద్రబాబూ? ఒక్కసారైనా నీకు పశ్చాత్తాపం కలగదా ? కొన్ని లక్షల కోట్లు ఇప్పటికే సంపాదించుకున్నాం.. ఇప్పటికైనా పేద వర్గాలకు న్యాయం చేయాలని తండ్రీ కొడుకులు ఎందుకు అనుకోరు. అమరావతి పేరుతో చంద్రబాబు దోపిడీ చేస్తే, డీఎస్సీ స్కాం పేరుతో లోకేష్ దోపిడీ చేస్తున్నారు. వీరిద్దరికీ మానవత్వం లేదు, ఎప్పుడు కనువిప్పు అవుతుందో కూడా తెలియదు. కాలం విధించే శిక్షలకు మీరిద్దరూ సిద్దంగా ఉండండి. ఇంత మంది ప్రజల్ని బాధపెట్టిన ఉసురు మీకు కచ్చితంగా తగులుతుంది. దాన్ని అనుభవించడానికి చంద్రబాబు, లోకేష్ సిద్దపడాలని లక్ష్మీపార్వతి హెచ్చరించారు.ఇదీ చదవండి: చంద్ర‌బాబు స‌ర్కారుపై కాకర్ల ధ్వ‌జం

సాక్షి, తాడేపల్లి : గ్రామ, వార్డు సచివాలయ ఉద్యోగులపై కూట‌మి ప్ర‌భుత్వ‌ వేధింపులు పరాకాష్ఠకు చేరాయని ఆంధ్రప్రదేశ్ గవర్నమెంట్ ఎంప్లాయీస్ ఫెడరేషన్ చైర్మన్ కాకర్ల వెంకట‌రామిరెడ్డి మండిప‌డ్డారు. సోమ‌వారం ఆయ‌న మీడియాతో మాట్లాడుతూ.. శాంతియుతంగా నిర‌స‌న తెలిపిన ఉద్యోగుల‌పై చంద్ర‌బాబు స‌ర్కారు అక్ర‌మ కేసులు పెట్టించింద‌ని ఆరోపించారు. ఉద్యోగులను లాఠీలతో కొట్టిందేకాక మళ్ళీ అక్రమ కేసులు పెడతారా?, సెలవు రోజు వచ్చి ధర్నా చేసినా తప్పేనా? అని ప్ర‌శ్నించారు. పోలీసుల లాఠీచార్జిపై ఉద్యోగ సంఘాలు మౌనం వ‌హించ‌డంపై ఆవేద‌న వ్య‌క్తం చేశారు.''సీఐ అలీ చనిపోవడానికి కారణం సచివాలయ ఉద్యోగులేనని మరో కేసు పెట్టారు. సీఐ అలీ తోపులాటలో కింద పడినట్టు తప్పుడు ఫిర్యాదు చేశారు. మీ దగ్గరున్న వీడియోలలో ఎక్కడైనా అలీ కింద పడినట్టు ఉందా? ఉద్యోగులను ఇంతగా వేధించేకంటే ఒక్కసారే ఎన్‌కౌంటర్ చేయండి. అప్పుడైనా ప్రభుత్వ కక్ష తీర్చుకోండి. ఉద్యోగ సంఘాల నేతలు ఈ లాఠీఛార్జిపై ఎందుకు నోరు మెదపటం లేదు? తోటి ఉద్యోగులపై అక్రమ కేసులు పెడితే స్పందించని నాయకత్వం ఎందుక''ని ప్ర‌శ్నించారు.కరోనా కంటే నీచమైన వైరెస్ ఎల్లోమీడియా''ధర్నా చేసిన ఉద్యోగులను బ్లేడ్ బ్యాచ్, గంజాయి బ్యాచ్ అంటూ ఒక ఛానల్ లో మాట్లాడారు. ఆ మాట్లాడిన యాంకర్ గంజాయి తాగి మాట్లాడుతున్నాడు. కరోనా కంటే నీచమైన వైరెస్ ఎల్లోమీడియా. రాష్ట్రాన్ని సర్వనాశనం చేయటానికి ఎల్లోమీడియా పని చేస్తోంది. ఉద్యోగులకు రూ.30 వేల కోట్లు ఇచ్చామని చంద్రబాబు చెప్పారు. ఆ నగదు ఏ ఉద్యోగికి ఇచ్చారో ప్రభుత్వం చెప్పాలి. సమాచార హక్కు కింద అడిగితే ఎవరికీ ఇవ్వలేదని ఆర్ధిక శాఖ చెప్పింది. మరి చంద్రబాబు సీఎం హోదాలో పచ్చి అబద్దాలు చెప్పడం ఎందుక''ని కాక‌ర్ల నిల‌దీశారు.ఇదీ చ‌ద‌వండి: చంద్ర‌బాబు స‌ర్కారుపై ఉద్యోగుల తిరుగుబాటుచంద్రబాబు మాట వింటే నష్టపోయేది టీచర్లే''గ్రామ, వార్డు సచివాలయ ఉద్యోగులు ధైర్యం గా పోరాటం చేశారు. ఎన్ని కేసులు పెట్టినా న్యాయపోరాటం చేద్దాం. ప్రభుత్వం దిగి వచ్చేదాకా పోరాటం చేద్దాం. ఎంత అణిచివేయాలని చూస్తే అంతగా ఎదుగుతాం. టీచర్లతో రాజకీయం చేయటం చంద్రబాబుకు అలవాటు. కర్నూలు, విజయవాడ, విశాఖలో వారితో ధర్నా చేయించారు. చంద్రబాబు మాటలు విని రాజకీయాలు చేస్తే నష్టపోయేది టీచర్లేన‌''ని కాకర్ల వెంకట‌రామిరెడ్డి అన్నారు.

అనంతపురం: మండల కేంద్రంలోని నార్పల రైతు సేవా సహకార సంఘం (సొసైటీ)లో రూ.30 లక్షల గోల్‌మాల్‌ ఘటనలో బాధ్యులపై చర్యలు తీసుకోకపోవడం విమర్శలకు తావిస్తోంది. అధికారుల విచారణ సమయంలో సొసైటీ ఇన్‌చార్జ్‌ సీఈఓ తారక బ్రహ్మానందరెడ్డి పొంతనలేని సమధానాలు చెప్పడం, చైర్మన్‌ ఉమా మహేశ్వరనాయుడు అందుబాటులో లేకపోవడం.. వచ్చిన తర్వాత కూడా వివరణ ఇవ్వక పోవడం చర్చనీయాంశంగా మారింది.అవకతవకలకు సంబంధించిన ఆధారాలు, ఫిర్యాదులు అధికారుల దృష్టికి తీసుకెళ్లినట్లు సభ్యులు చెబుతున్నారు. అయితే విచారణలు, తనిఖీలు, నివేదికల పేరుతో ప్రక్రియ సాగుతున్నప్పటికీ తుది చర్యలు ఏమిటన్నది మాత్రం స్పష్టత లేదు. ఇదిలా ఉండగా.. నాలుగు రోజుల క్రితం రూ.3.85 లక్షలు, మరొక రోజు రూ.2 లక్షలు బ్యాంకు ఖాతాల్లో జమచేసినట్లు సమాచారం . అయితే మొత్తం బకాయిలు ఇంకా చెల్లించకపోవడంతో సభ్యుల్లో ఆందోళన కొనసాగుతోంది. కొంత కొంత మొత్తాన్ని జమ చేయడం వల్ల అసలు వ్యవహారంపై స్పష్టత రాదని, పూర్తి లెక్కలు బయటపెట్టాలని సభ్యులు కోరుతున్నారు. ఆరోపణలొస్తే నోరు మెదపరా?రైతు పక్షపాతిగా ఉంటామని ఎమ్మెల్యే బండారు శ్రావణిశ్రీ తరచూ చెబుతుంటారు. అయితే రైతులకు సంబంధించిన సహకార సంఘంలో రూ.30 లక్షల మేర ఆర్థిక అవకతవకలు జరిగాయంటూ ఆరోపణలు వస్తున్నా నోరు మెదపడం లేదు. సొసైటీ చైర్మన్‌ ఉమామహేశ్వరనాయుడు తన అనుచరుడు కావడం వల్లనే ఈ వ్యవహరంపై ఎమ్మెల్యే స్పందించడం లేదని, సంబంధిత అధికారులు కూడా చర్యలు తీసుకోవడం లేదని స్థానికులు చర్చించుకుంటున్నారు.ఇదీ చదవండి: సీఈసీ జ్ఞానేష్‌కుమార్‌ను తక్షణం తొలగించాలి

సాక్షి, వైఎస్సార్‌ జిల్లా: జిల్లాలోని పులివెందుల బస్టాండ్‌కు అరుదైన గుర్తింపు లభించింది. పర్యాటకులకు అందుబాటులో ఉన్న అత్యుత్తమ బస్టాండ్‌గా అవార్డు దక్కింది. రాజమండ్రిలో నిర్వహించిన పర్యాటక అవార్డుల కార్యక్రమంలో పులివెందుల బస్‌ టెర్మినల్‌కు ఈ పురస్కారాన్ని అందజేశారు.స్టేట్‌ ఆఫ్‌ ఆర్ట్‌ సదుపాయాలతో ఆదర్శవంతమైన బస్టాండ్‌గా దీన్ని నిర్మించినట్లు అధికారులు చెబుతున్నారు. ప్రయాణికులకు సౌకర్యాలు, భద్రత, మౌలిక వసతులను దృష్టిలో పెట్టుకుని టెర్మినల్‌ను తీర్చిదిద్దినట్లు పేర్కొన్నారు. పర్యాటకుల రాకపోకలకు అనువుగా ఉండటంతో పాటు.. ఆధునిక సదుపాయాలు ఉండటం ఈ గుర్తింపుకు కారణమని తెలిపారు. వైఎస్‌ జగన్‌మోహన్‌రెడ్డి సొంత నియోజకవర్గమైన పులివెందులలో.. ఆయన సీఎంగా ఉన్నప్పుడే దీనిని నిర్మించడం గమనార్హం.జగన్‌ హయాంలోనే నిర్మాణంపులివెందుల బస్‌ టెర్మినల్‌ను రూ.38 కోట్ల వ్యయంతో నిర్మించారు. 2022 డిసెంబర్‌ 24న అప్పటి ముఖ్యమంత్రి వైఎస్‌ జగన్‌మోహన్‌రెడ్డి దీనిని ప్రజలకు అంకితం చేశారు. ఆసియాలోనే అతిపెద్ద బస్టాండ్‌గా దీనిని నిర్మించారు. బస్టాండ్‌లో ఒకేసారి 225 మంది కూర్చునేలా సీటింగ్‌ సదుపాయం కల్పించారు. మొత్తం 95 బెంచీలు ఏర్పాటు చేశారు. ప్రయాణికుల అవసరాలను దృష్టిలో పెట్టుకుని 13 మరుగుదొడ్లు నిర్మించారు. వికలాంగులు కూడా సులభంగా రాకపోకలు సాగించేలా సదుపాయాలు కల్పించారు.55 సీసీ కెమెరాలతో నిఘాప్రయాణికుల భద్రతకు కూడా ప్రత్యేక ప్రాధాన్యం ఇచ్చారు. బస్టాండ్‌ పరిసరాల్లో 55 సీసీ కెమెరాలు ఏర్పాటు చేశారు. వీటి ద్వారా 24 గంటల పాటు నిఘా ఉండేలా చర్యలు తీసుకున్నారు. ప్రయాణికులకు సౌకర్యవంతమైన వాతావరణంతో పాటు భద్రత కల్పించేలా టెర్మినల్‌ను రూపొందించారు. పర్యాటక రంగానికి సంబంధించిన కార్యక్రమంలో పులివెందుల బస్టాండ్‌కు అవార్డు రావడంతో స్థానికులు, ప్రయాణికులు హర్షం వ్యక్తం చేస్తున్నారు. ఆధునిక వసతులతో నిర్మించిన ఈ టెర్మినల్‌కు లభించిన గుర్తింపు పులివెందుల ప్రత్యేకతను మరోసారి చాటిందని పేర్కొంటున్నారు.ఇదీ చదవండి: కాకుమాను కుటుంబానికి పరామర్శ.. ఒంగోలుకు వైఎస్‌ జగన్‌

కేదార్‌నాథ్‌: ఉత్తరాఖండ్‌లోని కేదార్‌నాథ్‌ యాత్ర మార్గంలో కొండచరియలు విరిగిపడటంతో చిక్కుకుపోయిన సుమారు 1,500 మంది యాత్రికులను అధికారులు సురక్షితంగా తరలిస్తున్నారు. ఆదివారం అర్ధరాత్రి సమయంలో చిర్‌బాసా ప్రాంతంలో యాత్రికులు చిక్కుకుపోయినట్లు సమాచారం అందడంతో ఎస్‌డీఆర్‌ఎఫ్‌, ఎన్‌డీఆర్‌ఎఫ్‌, డీడీఆర్‌ఎఫ్‌ బృందాలు సంయుక్తంగా సహాయక చర్యలు చేపట్టాయి. వీరిలో ఆంధ్రప్రదేశ్‌కు చెందినవారు ఉన్నట్టు సమాచారం. తూర్పుగోదావరి జిల్లా రాయవరం మండలానికి చెందిన 45 మంది యాత్రికులు చిక్కుకుపోయినట్లు తెలుస్తోంది. దర్శనాలు ముగించుకుని తిరుగు ప్రయాణంలో ఉండగా ప్రమాదం జరిగినట్లు సమాచారం. తమతో పాటు వేలాది మంది యాత్రికులు ఇక్కడే నిలిచిపోయినట్లు రాయవరం యాత్రికులు చెబుతున్నారు. ఈ వివరాలను ఫోన్ ద్వారా యాత్రికుడు పీవీ కృష్ణారెడ్డి తెలియజేశారు. కాగా ఈ యాత్రికుల క్షేమంపై కుటుంబ సభ్యుల ఆందోళన చెందుతున్నారు.సోన్‌ప్రయాగ్‌కు సుమారు 3 కిలోమీటర్ల దూరంలో ఉన్న చిర్‌బాసా ప్రాంతంలో ఈ ఘటన చోటుచేసుకుంది. కొండచరియలు విరిగిపడటంతో మార్గంలో భారీగా మట్టి, రాళ్లు పేరుకుపోయాయి. అంతేకాకుండా కొండపై నుంచి రాళ్లు పడుతుండటంతో యాత్రికుల రాకపోకలు ప్రమాదకరంగా మారాయి. సమాచారం అందుకున్న వెంటనే సబ్‌ ఇన్‌స్పెక్టర్‌ ఆశిష్‌ డిమ్రీ నేతృత్వంలోని ఎస్‌డీఆర్‌ఎఫ్‌ బృందం ఘటనా స్థలానికి చేరుకుంది. పరిస్థితిని అంచనా వేసిన అనంతరం ఎస్‌డీఆర్‌ఎఫ్‌, ఎన్‌డీఆర్‌ఎఫ్‌, డీడీఆర్‌ఎఫ్‌ సిబ్బంది సంయుక్తంగా సహాయక చర్యలు ప్రారంభించారు.ప్రమాదకరమైన కొండచరియల ప్రాంతాన్ని యాత్రికులు సురక్షితంగా దాటేలా రెస్క్యూ సిబ్బంది మార్గనిర్దేశం చేశారు. అనంతరం వారిని మరోవైపునకు చేర్చి గౌరీకుండ్‌కు తరలించారు. ఈ ఘటనలో యాత్రికులందరినీ సురక్షితంగా తరలించినట్లు అధికారులు తెలిపారు. ఇదిలా ఉండగా, ఉత్తరాఖండ్‌లో భారీ వర్షాలు కురుస్తుండటంతో చార్‌ధామ్‌ యాత్ర వరుసగా రెండో రోజూ నిలిచిపోయింది. వర్షాలు, కొండచరియల కారణంగా యాత్రికుల భద్రత దృష్ట్యా అధికారులు అప్రమత్తంగా వ్యవహరిస్తున్నారు.ఇదీ చదవండి: అజిత్ పవార్‌ను తలచుకుని సునేత్ర కన్నీరు

సాక్షి, విజయనగరం: ఏపీలో సచివాలయ ఉద్యోగుల పట్ల ప్రభుత్వం, పోలీసులు వ్యవహరించిన తీరును మండలి ప్రతిపక్ష నేత బొత్స సత్యనారాయణ తప్పుబట్టారు. మహిళలపై పోలీసులు దుర్మార్గంగా ప్రవర్తించారని ఆగ్రహం వ్యక్తం చేశారు. ప్రభుత్వం వెంటనే సచివాలయ ఉద్యోగుల సమస్యలను పరిష్కరించాలని డిమాండ్‌ చేశారు.మండలి ప్రతిపక్ష నేత బొత్స సత్యనారాయణ తాజాగా విజయనగరంలో మీడియాతో మాట్లాడుతూ.. ఏపీలో వైఎస్సార్‌సీపీ తెచ్చిన సచివాలయ వ్యవస్థ విజయవంతంగా నడిచింది. దేశం మెచ్చే విధంగా గ్రామ సచివాలయ వ్యవస్థను తీసుకొచ్చాం. ప్రజల వద్దకే పాలన తీసుకురావాలని వైఎస్‌ జగన్‌ ప్రయత్నం చేశారు. తమ సమస్యలు పరిష్కరించాలని సచివాలయ ఉద్యోగులు ఆందోళన చేపట్టారు. పోలీసులతో ప్రభుత్వం దుర్మార్గ పాలన సాగిస్తోంది. మహిళలపై పోలీసులు దుర్మార్గంగా ప్రవర్తించారు. పోలీసులు వ్యవహరించిన తీరును తీవ్రంగా ఖండిస్తున్నాం. ప్రజాస్వామ్యంలో ఇలా చేయడం తప్పు. ప్రజాస్వామ్యంలో తమ అభిప్రాయాలను చెప్పే హక్కు అందరికీ ఉంటుంది. వందలాది మంది సచివాలయ ఉద్యోగులను నిర్భంధించారు. గ్రామ సచివాలయ ఉద్యోగులు గొంతెమ్మ కోర్కెలు ఏపీ కోరలేదు. సచివాలయ ఉద్యోగుల సమస్యలను వెంటనే పరిష్కరించాలి.మొన్నటి వర్షాలకు పంటలు బాగా దెబ్బతిన్నాయి. పంటలు దెబ్బతిన్నా ప్రభుత్వంలో చలనం లేదు. రైతులకు నష్టపరిహారం ఇస్తామని చెప్పడం లేదు. వైఎస్సార్‌సీపీ ప్రభుత్వంలో పంట దెబ్బతిన్న రైతులను ఆదుకున్నాం. రైతులకు నష్టపరిహారం, ఇన్‌పుట్‌ సబ్సిడీ ఇచ్చి అండగా నిలిచాం​. ఏ ఒక్క రైతుకైనా కూటమి ప్రభుత్వం నష్టపరిహారం ఇచ్చింది?. అరటి, బొప్పాయి, మొక్క జొన్న, వరి పంటలు నాశనం అయ్యాయి. ఇన్సూరెన్స్ లేదు. కొత్త విధానం తెచ్చాము అన్నారు. ఏదీ ఆ విధానం? అని ప్రశ్నించారు. ఈ రెండున్నర ఏళ్లలో రైతులకు జరిగిన నష్ట పరిహారం ఇవ్వాలి. మొక్కుబడిగా కాదు. సక్రమంగా ఇవ్వాలి. అరటి, బొప్పాయి పంటలకు ఎకరాకు లక్ష రూపాయలు పెట్టుబడి అవుతుంది. మొక్క జొన్నకు 50 వేలు అవుతుంది. ప్రభుత్వం తక్షణమే నష్ట పరిహారం ప్రకటించాలి. పరిపాలన గాలికి వదిలేసారు. ఒక్క పోలీస్ స్టేషన్‌లో తప్ప ఎక్కడా ఆక్టివిటీ లేదు. పోలీస్ స్టేషన్‌లలో అన్నీ సెటిల్‌మెంట్స్‌ జరుగుతున్నాయి. పరిపాలన అంటే పోలీస్ వ్యవస్థ కాదు. పోలీస్ అధికారులు దిగువ స్థాయి వారికి సూచనలు ఇవ్వండి. మళ్ళీ బ్రిటిష్ పాలన తీరును తీసుకురండి. ఇది మంచి విధానం కాదు’ అంటూ ఘాటు విమర్శలు చేశారు. ఇదీ చదవండి: రేపు ఒంగోలుకు వైఎస్‌ జగన్‌

సాక్షి, తాడేపల్లి: వైఎస్సార్‌సీపీ అధినేత వైఎస్‌ జగన్‌.. రేపు(మంగళవారం) ఒంగోలులో పర్యటించనున్నారు. వైఎస్సార్‌సీపీ నేత కాకుమాను రాజశేఖర్‌ కుటుంబాన్ని వైఎస్‌ జగన్‌ పరామర్శించనున్నారు. కాగా, ఇటీవలి డీఎస్సీలో అక్రమాలపై వైఎస్సార్‌సీపీ నిరసనలు చేపట్టింది. ఈ సందర్భంగా శాప్‌ ఆఫీసు ఎదుట జరిగిన పోలీసుల తోపులాట కారణంగా రాజశేఖర్‌ అస్వస్థతకు గురై మృతి చెందిన విషయం తెలిసిందే.

సాక్షి, తాడేపల్లి: నేడు భగత్‌ సింగ్‌ జయంతి. ఈ సందర్భంగా వైఎస్సార్‌సీపీ అధినేత వైఎస్‌ జగన్‌.. భగత్‌ సింగ్‌కు నివాళి అర్పించారు. బ్రిటిష్‌ పాలనను ధైర్యంగా ఎదిరించిన ఆయన పోరాట స్ఫూర్తి, దేశభక్తి తరతరాలకు మార్గదర్శకమని కొనియాడారు.వైఎస్సార్‌సీపీ అధినేత వైఎస్‌ జగన్ ఎక్స్‌ వేదికగా..‘దేశం కోసం జీవించడం అంటే ఏమిటో.. మాతృభూమి స్వేచ్ఛ కోసం సర్వస్వాన్ని త్యాగం చేయడం ఎంత గొప్పదో.. తన జీవితంతో చాటిన అమరవీరుడు భగత్‌ సింగ్‌. బ్రిటిష్‌ పాలనను ధైర్యంగా ఎదిరించిన ఆయన పోరాట స్ఫూర్తి, దేశభక్తి తరతరాలకు మార్గదర్శకం. ఆ మహావీరుడి జయంతి సందర్భంగా మనస్ఫూర్తిగా నివాళులర్పిస్తున్నాను’ అని పోస్టు చేశారు. దేశం కోసం జీవించడం అంటే ఏమిటో, మాతృభూమి స్వేచ్ఛ కోసం సర్వస్వాన్ని త్యాగం చేయడం ఎంత గొప్పదో తన జీవితంతో చాటిన అమరవీరుడు భగత్‌ సింగ్‌ గారు. బ్రిటిష్‌ పాలనను ధైర్యంగా ఎదిరించిన ఆయన పోరాట స్ఫూర్తి, దేశభక్తి తరతరాలకు మార్గదర్శకం. ఆ మహావీరుడి జయంతి సందర్భంగా మనస్ఫూర్తిగా… pic.twitter.com/aZVzUhZarA— YS Jagan Mohan Reddy (@ysjagan) September 28, 2026 ఇదీ చదవండి: చంద్రబాబు సర్కార్‌ మరో దుర్మార్గం..

ఎన్నికల హామీలను నెరవేర్చడంలో విఫలమైన చంద్రబాబు నేతృత్వంలోని కూటమి ప్రభుత్వం.. ప్రశ్నిస్తున్న వాళ్లపై ఉక్కుపాదం మోపుతోందన్న విమర్శలు నానాటికీ పెరిగిపోతున్నాయి. తమ సమస్యల పరిష్కారం కోసం గళమెత్తిన గ్రామ, వార్డు సచివాలయ ఉద్యోగులకు తాజాగా కేసుల రూపంలో షాక్‌ తగిలింది. ప్రభుత్వంపై తమ అసంతృప్తిని వ్యక్తం చేసేందుకు విజయవాడకు తరలివచ్చిన ఉద్యోగులపై పోలీసు కేసులు నమోదు కావడం చర్చనీయాంశంగా మారింది.గ్రామ, వార్డు సచివాలయ ఉద్యోగులు తమ సమస్యల పరిష్కారం కోసం ‘చలో విజయవాడ’కు పిలుపునిచ్చారు. ఆదివారం రాష్ట్రంలోని వివిధ ప్రాంతాల నుంచి ఉద్యోగులు విజయవాడకు చేరుకుని నిరసనలో పాల్గొన్నారు. ఈ క్రమంలో ఉద్యోగులతో పోలీసుల దౌర్జన్యంగా వ్యవహరించడంతో తీవ్ర ఉద్రిక్తతలు చోటు చేసుకున్నాయి. అయితే ఈ కార్యక్రమంలో పాల్గొన్న వాళ్లపైనే ఇప్పుడు కేసులు నమోదు కావడం ఇప్పుడు చర్చనీయాంశంగా మారింది. అనుమతులు లేకుండా నిరసన కార్యక్రమంలో పాల్గొన్నారనే కారణంతో సత్యనారాయణపురం పోలీసులు 46 మంది ఉద్యోగులపై కేసులు నమోదు చేసినట్లు సమాచారం.తమ సమస్యలను ప్రభుత్వం దృష్టికి తీసుకెళ్లేందుకు శాంతియుతంగా నిరసన తెలిపిన ఉద్యోగులపై కేసులు నమోదు చేయడంపై ఉద్యోగ వర్గాల్లో ఆందోళన వ్యక్తమవుతోంది. ఎన్నికల్లో ఇచ్చిన హామీలు నెరవేర్చకపోగా.. న్యాయబద్ధమైన తమ డిమాండ్లు తెలియజేసేందుకు ప్రయత్నిస్తే కేసులు పెట్టడం ఎంతవరకు సమంజసమని వారు ప్రశ్నిస్తున్నారు.గ్రామ, వార్డు సచివాలయ ఉద్యోగులు కొంతకాలంగా తమ విధులు, పని భారం, సేవా సంబంధిత అంశాలపై పలు సమస్యలను ప్రభుత్వం దృష్టికి తీసుకెళ్తున్నారు. ఈ క్రమంలో ‘చలో విజయవాడ’ కార్యక్రమం నిర్వహించారు. తాజాగా ఆ కార్యక్రమంలో పాల్గొన్న వాళ్లపైనా కేసులు నమోదు కావడంతో ఉద్యోగుల్లో మరింత ఆందోళన నెలకొంది.చలో విజయవాడలో పాల్గొన్నందుకు కేసులు నమోదు చేయడం ద్వారా ప్రభుత్వం ఉద్యోగుల గొంతు నొక్కే ప్రయత్నం చేస్తోందనే విమర్శలు వినిపిస్తున్నాయి. తమ సమస్యలపై నిరసన తెలిపిన ఉద్యోగులపై పెట్టిన కేసులను వెంటనే ఉపసంహరించుకోవాలని ఉద్యోగ వర్గాలు డిమాండ్‌ చేస్తున్నాయి.ఇదీ చదవండి: నాదీ హామీ.. న్యాయం చేసి తీరతాం: వైఎస్‌ జగన్‌

దేశంలో పౌరులకు ఆదాయపు పన్ను ఉంటుందని అందరికీ తెలుసు. నిర్ణీత మొత్తం కంటే ఎక్కువ సంపాదించే వారంతా ఆదాయపు పన్ను చెల్లించాల్సి ఉంటుంది. వివిధ రంగాల్లో ఎక్కువ జీతాలు తీసుకునేవారంతా ఇన్‌కమ్‌ ట్యాక్స్‌ చెల్లిస్తున్నారు. అయితే ముఖ్య మంత్రులు, మంత్రులు వంటి హోదాల్లో ఉన్న వారికి కూడా పెద్ద మొత్తంలో జీతాలు ఉంటాయి. మరి వీరంతా తమకొచ్చే జీతంపై ఆదాయపు పన్నును తామే చెల్లిస్తున్నారా.. లేక ప్రభుత్వం చెల్లిస్తోందా? ప్రభుత్వం చెల్లిస్తోంది అంటే వారు కట్టాల్సిన ట్యాక్స్‌ ప్రజలుగా మనం కడుతున్నట్లే..సాధారణ ఉద్యోగి జీతం ఒక పరిమితిని దాటితే ఆదాయపు పన్ను చెల్లించాల్సిందే. ప్రైవేట్ ఉద్యోగి అయినా, ప్రభుత్వ ఉద్యోగి అయినా.. తన ఆదాయానికి వర్తించే నిబంధనల ప్రకారం ట్యాక్స్ చెల్లిస్తారు. అయితే ముఖ్యమంత్రి, మంత్రుల విషయంలో మాత్రం ప్రత్యేక నిబంధనలు ఉన్నాయి. ముఖ్యంగా ఆంధ్రప్రదేశ్, తెలంగాణ రాష్ట్రాల్లో ముఖ్యమంత్రి, మంత్రుల జీతం, అలవెన్సులు, పెర్క్విజిట్లకు సంబంధించిన ఆదాయపు పన్నును రాష్ట్ర ప్రభుత్వమే భరించేలా చట్టాల్లో నిబంధనలు ఉన్నాయి. అంటే.. ఆ పన్ను వ్యక్తిగతంగా సీఎం లేదా మంత్రి భరించకుండా ప్రభుత్వ ఖజానా నుంచి చెల్లిస్తుంది.ఏపీలో ఉన్న నిబంధనలేంటి?ఆంధ్రప్రదేశ్‌లో అమల్లో ఉన్న వేతనాల చెల్లింపు చట్టం, 1953లోని సెక్షన్ 3(4) ఈ విషయాన్ని స్పష్టంగా చెబుతోంది. ముఖ్యమంత్రి, ఉప ముఖ్యమంత్రి, ఇతర మంత్రులకు ఈ చట్టం కింద లభించే జీతం, అలవెన్సులు, పెర్క్విజిట్లకు సంబంధించిన ఆదాయపు పన్నును రాష్ట్ర ప్రభుత్వమే భరించాలి.అంటే ముఖ్యమంత్రి హోదాలో అందుకునే జీతం, సంబంధిత అలవెన్సులు, పెర్క్విజిట్లపై వర్తించే ఇన్‌కమ్ ట్యాక్స్ విషయంలో ఆ మొత్తాన్ని ప్రభుత్వమే చెల్లిస్తుంది. అయితే సీఎం లేదా మంత్రి ఇతర వ్యక్తిగత ఆదాయాలు పొందితే వాటికి ఈ నిబంధన వర్తించదు. ఈ ప్రత్యేక మినహాయింపు చట్టంలో పేర్కొన్న జీతం, అలవెన్సులు, పెర్క్విజిట్లకే పరిమితం.ప్రస్తుతం ఆంధ్రప్రదేశ్ ముఖ్యమంత్రిగా చంద్రబాబు నాయుడు కొనసాగుతున్నారు. కొన్ని ప్రకారం సీఎంగా ఆయనకు లభిస్తున్న పారితోషికం నెలకు సుమారు రూ.3.35 లక్షలు. ఇందులో జీతంతో పాటు వివిధ రకాల అలవెన్సులు కలిసి ఉంటాయి.తెలంగాణలోనూ ఇదే నిబంధనతెలంగాణలో కూడా ఇదే తరహా నిబంధన కొనసాగుతోంది. వేతనాల చెల్లింపు చట్టం, 1953లోని సెక్షన్ 3(4) ప్రకారం ముఖ్యమంత్రి, ఉప ముఖ్యమంత్రి, ఇతర మంత్రులకు ఈ చట్టం కింద లభించే జీతం, అలవెన్సులు, పెర్క్విజిట్లకు సంబంధించిన ఆదాయపు పన్నును రాష్ట్ర ప్రభుత్వమే భరించాలి.ప్రస్తుతం తెలంగాణ ముఖ్యమంత్రిగా రేవంత్ రెడ్డి ఉన్నారు. 2026-27 బడ్జెట్ పత్రాల్లో ఆయన ప్రాథమిక నెల జీతం రూ.4.11 లక్షలుగా తొలిసారి వివరాలు వెల్లడైనట్లు ది హిందూ నివేదించింది. అయితే బేసిక్ జీతంతో పాటు ఇతర అలవెన్సులు, సౌకర్యాలు వేర్వేరుగా ఉండొచ్చు.మరి ప్రజల డబ్బుతో ట్యాక్స్ కడుతున్నారా?రాష్ట్ర ప్రభుత్వానికి వచ్చే ప్రధాన ఆదాయ వనరుల్లో ప్రజలు చెల్లించే వివిధ పన్నులు, ఫీజులు, కేంద్రం నుంచి వచ్చే నిధులు, ఇతర ప్రభుత్వ ఆదాయాలు ఉంటాయి. వీటన్నింటి నుంచి ప్రభుత్వ ఖజానా ఏర్పడుతుంది. అదే ఖజానా నుంచి ప్రభుత్వ ఉద్యోగుల జీతాలు, సంక్షేమ పథకాలు, మౌలిక వసతుల ఖర్చులతో పాటు చట్టప్రకారం సీఎం, మంత్రుల జీతానికి సంబంధించిన ఆదాయపు పన్ను వంటి చెల్లింపులు కూడా జరుగుతాయి.ఇలా చూస్తే.. ఏపీ, తెలంగాణలో ముఖ్యమంత్రి, మంత్రుల అధికారిక జీతం-అలవెన్సులకు సంబంధించిన పన్ను భారం చివరకు ప్రభుత్వ ఖజానాపైనే పడుతుంది. అంటే ఆ చెల్లింపు ప్రభుత్వ వ్యయంగా మారుతుంది.ఇదీ చదవండి: ఆస్తులు ఉచితమే.. అప్పులూ ఉచితమే!!

విశాఖపట్నం: మద్యం మత్తులో కారు నడుపుతూ ఓ నేవీ ఉద్యోగి హల్‌చల్‌ చేసిన ఘటన గాజువాకలో చోటుచేసుకుంది. చిన్న గంట్యాడ జంక్షన్‌ వద్ద ట్రాఫిక్‌ పోలీసులు డ్రంక్‌ అండ్‌ డ్రైవ్‌ తనిఖీలు నిర్వహిస్తున్నారు. ఈ సమయంలో గణేశ్‌ భోస్లే అనే నేవీ ఉద్యోగి కారులో అటుగా వచ్చాడు. పోలీసులు కారును ఆపేందుకు ప్రయత్నించగా.. ఆయన వాహనాన్ని ఆపకుండా వేగంగా ముందుకు వెళ్లాడు.ఈ క్రమంలో అదుపు తప్పిన కారు వరుసగా వాహనాలపైకి దూసుకెళ్లింది. దీంతో ఏడు ద్విచక్ర వాహనాలతో పాటు మరో రెండు కార్లను ఢీకొట్టడంతో అక్కడ కొద్దిసేపు గందరగోళం పరిస్థితి ఏర్పడింది. అయితే, ఈ ఘటనలో పలువురు గాయపడినట్లు పోలీసులు తెలిపారు. దీంతో స్థానికులు, వాహనదారులు ఒక్కసారిగా భయాందోళనకు గురయ్యారు. అనంతరం ట్రాఫిక్‌ పోలీసులు కారును పట్టుకుని, డ్రైవర్‌ను అదుపులోకి తీసుకున్నారు.అలాగే, డ్రంక్‌ అండ్‌ డ్రైవ్‌ తనిఖీల్లో భాగంగా డ్రైవర్‌ గణేశ్‌కు బ్రెత్‌ అనలైజర్‌ పరీక్ష నిర్వహించేందుకు పోలీసులు ప్రయత్నించారు. అయితే ఆయన పరీక్షకు సహకరించకపోవడంతో రక్త నమూనా పరీక్షల కోసం కేజీహెచ్‌కు తరలించారు. వైద్య పరీక్షల్లో మద్యం సేవించినట్లు నిర్ధారణ అయినట్లు పోలీసులు తెలిపారు. ఈ ఘటనపై గాజువాక ట్రాఫిక్‌ పోలీసులు కేసు నమోదు చేసి దర్యాప్తు చేస్తున్నారు.ఇదీ చదవండి: మాటామాటా పెరిగి.. భార్యను రోకలి బండతో కొట్టి...

‘నా కొడుకు జాగ్రత్త అమ్మా’ అని పుట్టింటిలో చంటి బిడ్డను వదిలి న్యాయబద్ధంగా రావాల్సిన హక్కులు, డిమాండ్ల కోసం ప్రజాస్వామ్య పద్ధతిలో జరుగుతున్న నిరసనలో పాల్గొనడానికి వచ్చాను. ఇన్ని అవాంతరాలు, ఇన్ని ఆంక్షలు ఎదురవ్వడం నిజంగా బాధాకరం. మాకు మాత్రమే ఎందుకు ఈ ఆంక్షలు? నా లాంటి ఎంతో మంది మహిళా ఉద్యోగులు వారి పిల్లలను, కుటుంబాలను వదిలి, ఉద్యోగ సమస్యల కోసం ఇక్కడికి వచ్చారు. మా గోడు చెప్పుకునేందుకు అనుమతి లేదంటున్న వారికి మా వంటి తల్లుల మనసులోని బాధ కనిపించ లేదా? మేమేమీ చట్టాన్ని ఉల్లంఘించడానికి రాలేదు. మా సమస్యలను శాంతియుతంగా, ప్రజాస్వామ్య పద్ధతిలో తెలియజేయడానికి మాత్రమే వచ్చాం. మా గొంతు వినండి. మా బాధను అర్థం చేసుకోండి. – సచివాలయ సగటు మహిళా ఉద్యోగి ఆవేదన, ఆక్రందన సాక్షి, అమరావతి: ఎన్నికలకు ముందు ఇచ్చిన హామీలు అమలు చేయకుండా మోసం చేస్తున్న చంద్రబాబు.. ఉద్యోగుల వ్యతిరేక చర్యలను నిరసిస్తూ ప్రభుత్వ ఉద్యోగులు తిరగబడ్డారు. ఐఆర్, పీఆర్సీ అమలు చేయడంతో పాటు ఐదు పెండింగ్‌ డీఏలు.. మొత్తంగా రూ.40 వేల కోట్ల బకాయిలు చెల్లింపులపై ఇచ్చిన హామీ ఎందుకు అమలు చేయడం లేదంటూ నిలదీశారు. దీంతో పాటు సచివాలయ ఉద్యోగులకు న్యాయబద్ధంగా రావాల్సిన నోషనల్‌ ఇంక్రిమెంట్లు, జూనియర్‌ అసిస్టెంట్‌ స్థాయి హోదా, సొంత మండలాల్లో నియామకాలకు వీలు, జీవో 11 రద్దు వంటి అంశాలపై నినదిస్తూ నిప్పులు చెరిగారు. ప్రభుత్వ బెదిరింపులు లెక్క చేయక, అడుగడుగునా పోలీసు నిర్బంధాలను దాటుకుని వేలాది మంది గ్రామ, వార్డు సచివాలయ ఉద్యోగులు ఆదివారం విజయవాడకు చేరుకొని సర్కారు తీరుపై కదం తొక్కారు. ఆయా డిమాండ్ల సాధనకు ‘ఛలో విజయవాడ’ కార్యక్రమానికి పిలువునివ్వగా.. ప్రభు­త్వం అడుగడుగునా అడ్డంకులు సృష్టించింది. ఉద్యో­గులు విజయవాడ వచ్చే అన్ని మార్గాల్లో ప్రత్యేక చెక్‌ పోస్టులు ఏర్పాటు చేసి మార్గం మధ్య­లోనే పలువురిని నిర్బంధించింది. వారిని ఆయా ప్రాంతాల్లోని పోలీసు స్టేషన్లకు తరలించింది. అయి­నా వేల సంఖ్యలో ఉద్యోగులు వివిధ మార్గాల్లో చేరుకుని ‘ఛలో విజయవాడ’ కార్యక్రమాన్ని విజయవంతం చేశారు. విజయవాడ అలంకార్‌ సెంటర్‌ చుట్టుపక్కల దాదాపు 500 మంది పోలీసులు మోహరించి.. అన్ని వైపులా బారికేడ్లు ఏర్పాటు చేసినా, ఉద్యోగులు ఉదయం 9 గంటల కల్లా పెద్ద సంఖ్యలో ధర్నా చౌక్‌ ప్రాంతానికి చేరుకున్నారు. ఓ వైపు పోలీసులు ఉద్యోగులను అక్కడి నుంచి తరలించే ప్రయత్నం చేసినా.. చీమల దండు మాదిరి ఉద్యోగులు వెల్లువెత్తడంతో 10 గంటలకు ఆ ప్రాంతం వారితో కిక్కిరిసింది. మధ్యాహ్నం దాకా నిమిష నిమిషానికీ వారి సంఖ్య మరింతగా పెరిగిపోయింది. సాయంత్రం వరకు వివిధ ప్రాంతాల నుంచి వస్తూనే ఉన్నారు. ఉద్యోగులు ఇలా తరలి రావడంతో ప్రభుత్వం పోలీసులకు కనుసైగ చేయడంతో అక్కడ పరిస్థితి తీవ్ర ఉద్రిక్తతకు దారితీసింది. మహిళా ఉద్యోగులను ఈడ్చుకుంటూ.. ధర్నా చౌక్‌కు చేరుకున్న ఉద్యోగులను పోలీసులు కొంత మంది చొప్పున విభజిస్తూ పోలీసు వాహనాల్లోకి బలవంతంగా ఎక్కించుకుని వెళ్లే ప్రయత్నం చేయడంతో 10.30 గంటలకు ఉద్యోగులు ప్లకార్లు ప్రదర్శిస్తూ, నినాదాలు చేశారు. దీంతో పోలీసులు సచివాలయ ఉద్యోగుల చొక్కా పట్టుకొని లాక్కుంటూ వాహనాల్లోకి ఎక్కించారు. మహిళా ఉద్యోగులను మగ పోలీసులే చుట్టు ముట్టి ఈడ్చుకుంటూ తీసుకెళ్లి వాహనాల్లోకి తోసేశారు. ఈ క్రమంలో కొందరు సచివాలయ ఉద్యోగులను పోలీసులు పొట్టలో, ఇతర భాగాల్లో పిడి గుద్దులతో హింసించినట్టు ఉద్యోగ సంఘాల నేతలు ఆగ్రహం వ్యక్తం చేశారు. మరోవైపు ఉద్యోగులను ఎక్కించిన వాహనాలు అక్కడి నుంచి కదలకుండా మిగతా ఉద్యోగులు చుట్టుముట్టి ఆందోళన కొనసాగించారు. దీంతో వాహనాల్లో ఎక్కించిన ఉద్యోగులను కిందకు దించి వేయక తప్పలేదు. అనంతరం ఉద్యోగులను వందలాది మంది పోలీసులు చుట్టుముట్టడంతో రోడ్డుపైనే కూర్చొని ఆందోళన కొనసాగించారు. లాఠీలతో చెదరగొట్టిన పోలీసులు ఉద్యోగులను వాహనాల్లో ఎక్కించి అక్కడి నుంచి తరలించే ప్రయత్నం సఫలం కాకపోవడంతో.. పోలీసులు ఆ ప్రాంతాన్ని చుట్టు ముట్టి మండుటెండలో ఆందోళన కొనసాగిస్తున్న ఉద్యోగులను డ్రోన్ల సహాయంతో పర్యవేక్షిస్తూ ఉండిపోయారు. మధా్నహ్నం ఒంటి గంటకు అదనపు పోలీసు బలగాలను రప్పించి 1.20 గంటలకు లాఠీలతో ఉద్యోగులను చెదరగొట్టేందుకు ప్రయత్నించారు. అయితే, మహిళా సచివాలయ ఉద్యోగులు ముందు వరుసలో ఉండి పోలీసులకు ఎదురు తిరగడంతో రోప్‌ పార్టీలతో వెనక్కి నెట్టుకుంటూ వెళ్లారు. దీంతో ఉద్యోగులు రెండు గ్రూపులుగా విడిపోయి, అలంకార్‌ సెంటర్‌కు అటు, ఇటు రోడ్డుపై కూర్చొని ఆందోళన కొనసాగించారు. వందల మంది చనిపోయినా పట్టదా? భద్రత విధుల్లో ఉన్న సీఐ ఒకరు గుండెపోటుకు గురై ఆసుపత్రిలో చేరిన అనంతరం మరణించిన సంఘటనను చూపుతూ.. ఆందోళన విరమింపజేసేందుకు పోలీసులు ప్రయత్నించారు. ఈ సందర్భంగా ఉద్యోగులు మాట్లాడుతూ.. ‘గ్రామ, వార్డు సచివాలయాల్లో ఉద్యోగుల సంఖ్యను తగ్గిస్తూ ప్రభుత్వం కక్ష పూరితంగా రేషనలైజేషన్‌ ప్రక్రియ చేపట్టింది. మితిమీరి ఇంటింటి సర్వేలు చేయించింది. సెలవు రోజుల్లో కూడా విధులకు హాజరు కావాలని ఆదేశించింది. దీంతో మాపై పని ఒత్తిడి పెరిగింది. ఈ ఒత్తిడి తట్టుకోలేక ఈ రెండేళ్లలో వందలాది మంది ఉద్యోగులు చనిపోయారు. వారి కుటుంబాలను ఆదుకోవాలని అనేక వినతిపత్రాల ద్వారా కోరినా ఈ ప్రభుత్వం పట్టించుకోలేదు. చిన్న స్థాయి ఉద్యోగులమైన మేము సమస్యలు చెప్పకోవడానికి వస్తుంటే ప్రభుత్వం ఇన్ని ఆంక్షలు పెట్టడం న్యాయమా? రెండేళ్లుగా పట్టించుకోని ప్రభుత్వం.. ఇప్పుడైనా మా ఆవేదన తెలుసుకోవాలి. ఉద్యోగం చేస్తాం గానీ, ఊడిగం చేయం. మీరు (పోలీసులు) కూడా ఉద్యోగులే కదా.. మా డిమాండ్లు న్యాయమైనవా.. కాదా.. మీరే చెప్పండి’ అని నిలదీశారు. పోలీస్‌స్టేషన్‌లో మహిళా ఉద్యోగుల నిర్బంధంఅటు శ్రీకాకుళం జిల్లా మొదలు ఇటు అనంతపురం, చిత్తూరు జిల్లాల నుంచి బస్సులు, రైళ్లలో వచ్చే ఉద్యోగులను దారిపొడవునా తెల్లవారుజాము నుంచే ఎక్కడికక్కడ పోలీసులు నిర్బంధించారు. విజయవాడ రైల్వే స్టేషను, బస్సు స్టేషన్‌­లో వందల మంది పోలీసులు ఉద్యోగులను అడ్డుకొని సమీప పోలీసు స్టేషన్లకు తరలించారు. విజయవాడ నగరంలో పోలీసు స్టేషన్లతో పాటు సమీప ప్రాంత పోలీసు స్టేషన్లన్నీ గ్రామ, వార్డు సచివాలయ ఉద్యోగులతో నిండిపోయాయి. పదుల సంఖ్యలో మహిళా ఉద్యోగులను కృష్ణలంక పోలీస్‌ స్టేషన్‌కు తరలించి తాళం వేశారు. 109 మంది ఉద్యోగులను బస్టాండ్‌లో అదుపులోకి తీసుకున్నారు. అక్కడ నుంచి బస్సుల్లో 39 మందిని ఇబ్రహీంపట్నం పోలీస్‌ స్టేషన్‌కు, 70 మందిని పెదకాకాని పోలీస్‌ స్టేషన్‌కు తరలించారు. ఎస్‌ఎన్‌పురం పోలీస్‌స్టేషన్‌తో పాటుగా కంకి­పాడు, ఉయ్యూరు, ఇబ్రహీంపట్నం తదితర పోలీస్‌ స్టేషన్‌లు ఆదివారం సచివాలయాల ఉద్యోగులతోనే నిండిపోయా­యి. 70 మందిపై 35(3) సెక్షన్‌ మేరకు కేసులు పెట్టారు. ఈ కేసులను విజయవాడ సత్యనారాయణపురం పోలీస్‌ స్టేషన్‌కు బదిలీ చేశారు. ఉద్యోగుల నుంచి, రాష్ట్ర ప్రజల నుంచి తీవ్ర వ్యతిరేకత వ్యక్తమవుతుండటంతో రాత్రి 8, 9 గంటల తర్వాత 41 నోటీసులతో పాటు 35 (3) సెక్షన్‌ కాగితాలపై సంతకాలు చేయించుకుని, ఆధార్‌ జిరాక్స్‌ తీసుకుని వదిలేశారు. తిండి పెట్టలేదు సరికదా.. అనారోగ్యంతో ఉన్నామని చెప్పినా రాత్రి వరకూ కనికరించలేదని ఉద్యోగులు వాపోయారు. కాల కృత్యాలు తీర్చుకోవడానికి కూడా అనుమతించలేదని మండిపడ్డారు. కాగా, పోలీసుల తీరుతో బస్టాండ్, రైల్వే స్టేషన్‌లో సాధారణ ప్రయాణికులు సైతం తీవ్ర ఇబ్బందులు ఎదుర్కొన్నారు. ఇబ్రహీంపట్నం పోలీస్‌ స్టేషన్‌కు తరలించిన 70 మందికి మధ్యాహ్నం భోజన సదుపాయం కూడా కల్పించకపోవడంతో వారు ఆకలితో అలమటించారు. ఈ క్రమంలో ఉద్యోగ సంఘం నేత వెంకట్రామిరెడ్డి, సీఐటీయూ నేతలు అక్కడికి వెళ్లి వారిని పరామర్శించారు. మరోవైపు, రాష్ట్రమంతటా అన్ని చోట్ల ప్రభుత్వ తీరును వ్యతిరేకిస్తూ సచివాలయ ఉద్యోగులు నిరసన ర్యాలీలు చేపట్టారు. మేమేమన్నా తీవ్రవాదులమా?మా న్యాయమైన సమస్యలను పరిష్కరించా­లని రెండేళ్లుగా ప్రభుత్వానికి వినతుల రూపంలో తెలియజేసినా ఉపయోగం లేకపోయింది. దీంతో రాజ్యాంగ బద్దంగా శాంతి­యుత నిరసన తెలియజేసేందుకు వెళ్తున్న మమ్మల్ని పోలీసు­లు అడ్డుకుని ఎక్కడికక్కడ పోలీస్‌ స్టేషన్‌లకు తరలించడం దుర్మార్గం. పోలీసుల్లాగే మేము కూడా ప్రభుత్వ ఉద్యోగులమే. అయినా వారు మాతో ఇంత అమానుషంగా ప్రవర్తించి, నిర్బంధించి తీసుకువెళ్లడం దారుణం. మేమేమన్నా తీవ్రవాదుల్లా కనిపిస్తున్నామా? మమ్మల్ని నిర్బంధించినంత మాత్రాన పోరాటం ఆగదు. ప్రభుత్వం దిగివచ్చి మా న్యాయమైన సమస్యలను పరిష్కరించే వరకు పోరాటం కొనసాగుతుంది. – రాజ్‌కుమార్, శ్రీలక్ష్మీ దంపతులు, రాజమండ్రి

సాక్షి, రాజమహేంద్రవరం: స్థానిక ఎన్నికలు సమీపిస్తుండడం వల్లే బీసీలకు 34 శాతం రిజర్వేషన్లు అంటూ చంద్రబాబు డ్రామాలాడుతున్నాడని వైఎస్సార్‌సీపీ బీసీ నాయకులు ధ్వజమెత్తారు. సత్తా ఉంటే ఆ రిజర్వేషన్లకు చట్టబద్ధత కల్పించాలని, కేంద్రంలోనూ ఎన్‌డీఏ ప్రభుత్వమే ఉన్నందున పార్లమెంట్‌లో బిల్లు పెట్టి ఆమోదింపజేయాలని డిమాండ్‌ చేశారు. వైఎస్సార్‌సీపీ తూర్పుగోదావరి జిల్లా అధ్యక్షుడు, మాజీ మంత్రి చెల్లుబోయిన వేణుగోపాలకృష్ణ అధ్యక్షతన వెన్నుపోటు పార్టీ వంచనపై ఉమ్మడి తూర్పు, పశ్చిమ గోదావరి జిల్లాల్లోని బీసీల గర్జన సదస్సు రాజమహేంద్రవరం రూరల్‌ నియోజకవర్గ పరిధిలోని కాతేరులో ఆదివారం నిర్వహించారు. బీసీలకు ఏం చేశారో చెప్పాలి: బొత్స శాసనమండలిలో ప్రతిపక్ష నేత బొత్స సత్యనారాయణ మాట్లాడుతూ.. టీడీపీ కూటమి ప్రభుత్వం వచ్చాక రెండున్నరేళ్లలో బీసీలకు ఏం చేశారో చెప్పాలని డిమాండ్‌ చేశారు. బీసీలంటే వెనుకబడిన వర్గాలు కాదు.. బ్యాక్‌ బోన్‌ అని గుర్తించిన మాజీ సీఎం వైఎస్‌ జగన్‌ వారిని ప్రోత్సహించి ప్రాధాన్యమిచ్చారని గుర్తుచేశారు. ముగ్గురు బీసీ ఎమ్మెల్యేలను డిప్యూటీ సీఎంలను చేశారని కొనియాడారు. చంద్రబాబు మాత్రం స్వలాభం కోసం అప్పులు చేస్తూ దోపిడీకి పాల్పడుతున్నారని విమర్శించారు. 50 ఏళ్లు నిండిన బీసీలకు పింఛన్లు ఇస్తామని చెప్పి మోసం చేశారన్నారు. అందరం ఐక్యంగా పోరాడదామని బొత్స పిలుపునిచ్చారు. బీసీల తరఫున వైఎస్సార్‌సీపీ పోరాటం: చెల్లుబోయిన బలహీన వర్గాలను చంద్రబాబు నిత్యం మోసం చేస్తున్నారని మాజీమంత్రి చెల్లుబోయిన వేణుగోపాలకృష్ణ, వైఎస్సార్‌సీపీ బీసీ సెల్‌ రాష్ట్ర అధ్య క్షుడు, ఎమ్మెల్సీ రమేష్‌ యాదవ్‌ ధ్వజమెత్తారు. స్థానిక ఎన్నికల కోసమే 34 శాతం రిజర్వేషన్‌ డ్రామాలాడుతున్నాడని విమర్శించారు. ఉప ముఖ్యమంత్రిని చేసేందుకు ఒక్క బీసీ ఎమ్మెల్యే దొరకలేదా అని ప్రశ్నించారు. పవన్‌కళ్యాణ్‌ పక్కన కూర్చునేందుకు బీసీలకు అర్హత లేదా అని నిలదీశారు. బీసీలను నేటికీ కులవృత్తిదారులుగానే బాబు చూస్తున్నారని, ఆదరణ పథకం కోసం రూ.3 వేల కోట్లు కేటాయించామని చెబుతున్నా నేటికీ ఒక్క రూపాయి కూడా ఖర్చుచేయలేదని చెప్పారు. చేయూత పేరిట మహిళలకు ప్రతినెలా రూ.1,500 ఇస్తామని హామీ ఇచ్చి మోసం చేశారని, రుణాల కోసం 3 లక్షల మంది దరఖాస్తు చేసుకుంటే ఒక్కరికీ మంజూరు చేయలేదని మండిపడ్డారు. కుట్టుశిక్షణ తీసుకున్న మహిళలకు మెషిన్లు కూడా ఇవ్వలేని దుస్థితిలో చంద్రబాబు ప్రభుత్వం ఉందని ఎద్దేవా చేశారు. స్థానిక ఎన్నికల్లో సత్తా చాటుదామన్నారు. క్రెడిట్‌ చోరీయే చంద్రబాబు పని: మాజీ మంత్రులుమాజీ మంత్రులు సీదిరి అప్పలరాజు, ధర్మాన కృష్ణదాస్, బూడి ముత్యాలనాయుడు మాట్లాడుతూ.. చంద్రబాబు ప్రభుత్వం ఫీజు రీయింబర్స్‌మెంట్‌ బకాయిలు చెల్లించకపోవడంతో బీసీ, ఎస్సీ, ఎస్టీ, మైనార్టీ విద్యార్థులను కళాశాలల యాజమాన్యాలు ఇబ్బందులకు గురిచేస్తున్నాయని ఆవేదన వ్యక్తంచేశారు. హాస్టళ్లలో సరైన వసతులులేక బీసీ విద్యార్థులు అవస్థలు పడుతున్నారన్నారు. ప్రభుత్వాస్పత్రుల్లో టార్చ్‌లైట్ల వెలుగుల్లో ఆపరేషన్లు చేసే పరిస్థితి నెలకొందని ఆందోళన వ్యక్తంచేశారు. ఇదేంటని ఎవరైనా ప్రశ్నిస్తే తప్పుడు కేసులతో బీసీ నాయకులను అరెస్ట్‌ చేస్తున్నారన్నారు. ఇంకెంతకాలం ఇలాంటి పాలన భరిస్తామని ప్రశ్నించారు. ప్రభుత్వ పాఠశాలలు, ఆస్పత్రుల్లో గత సీఎం వైఎస్‌ జగన్‌ వసతులు కల్పించి అభివృద్ధి చేస్తే చంద్రబాబు క్రెడిట్‌ చోరీకి పాల్పడుతున్నాడని మండిపడ్డారు. వైఎస్‌ జగన్‌ ముఖ్యమంత్రి కాకపోయి ఉంటే ప్రభుత్వ పాఠశాలలన్నింటినీ బాబు ప్రైవేటుపరం చేసేవాడన్నారు. పేద విద్యార్థులకు ఇంగ్లిష్‌ మీడియం విద్యను దూరం చేసిన దుర్మార్గుడు చంద్రబాబు అని విమర్శించారు. 56 కార్పొరేషన్లు ఏర్పాటుచేసి బీసీల అభ్యున్నతికి పాటుపడిన బీసీల ఆత్మబంధువు జగన్‌ అని కొనియాడారు. చంద్రబాబు ప్రభుత్వాన్ని గోదావరిలో కలిపేస్తాం మాజీ మంత్రులు జోగి రమేష్, విడదల రజని, మాజీ స్పీకర్‌ తమ్మినేని సీతారాం మాట్లాడుతూ, చంద్రబాబు ప్రభుత్వాన్ని గోదావరిలో కలిపేసే రోజులు దగ్గరలోనే ఉన్నాయన్నారు. బీసీలకు 34 శాతం రిజర్వేషన్లతో స్థానిక ఎన్నికలు నిర్వహించే సత్తా చంద్రబాబుకు ఉందా అని ప్రశ్నించారు. ఎన్నికలొచ్చినప్పుడే ఆదరణ, ముందడుగు అంటూ డ్రామాలాడుతున్నాడని మండిపడ్డారు. బీసీల రక్షణకు చట్టం తీసుకొస్తామని మాయ చేశారన్నారు. మహాత్మా జ్యోతీరావు ఫూలే ఆశయాలను దివంగత మహానేత వైఎస్సార్, మాజీ సీఎం వైఎస్‌ జగన్‌మోహన్‌రెడ్డి ఆచరణలో చేసి చూపించారని కొనియాడారు. బీసీ, ఎస్సీ, ఎస్టీ, మైనార్టీ విద్యార్థులు ఉన్నత చదువులు చదువుకునేందుకు తండ్రీకొడుకులు బాటలు వేశారని గుర్తుచేశారు. బీసీలకు ఉప ముఖ్యమంత్రులుగా, మంత్రులుగా, రాజ్యసభ సభ్యులుగా అవకాశమిచ్చింది వైఎస్‌ జగనే అన్నారు. 2029లో జగన్‌ను సీఎంను చేసుకునేందుకు ఐక్యంగా కృషి చేద్దామన్నారు. బీసీలకు వైఎస్‌ జగన్‌ చేసిన మేలును అందరికీ వివరిద్దామన్నారు. వివిధ అంశాలపై సదస్సులో తీర్మానాలు చేశారు. బీసీ సెల్‌ రాష్ట్ర వర్కింగ్‌ ప్రెసిడెంట్‌ నౌడు వెంకటరమణ, మాజీ ఎంపీలు మార్గాని భరత్‌రామ్, బెల్లాన చంద్రశేఖర్, ఎమ్మెల్సీలు కుడుపూడి సూర్యనారాయణ, కవురు శ్రీనివాస్, మాజీ ఎమ్మెల్సీ మేకా శేషుబాబు, మాజీ ఎమ్మెల్యేలు పొన్నాడ సతీష్, రౌతు సూర్యప్రకాశరావు, కడుబండి శ్రీనివాసరావు, పార్లమెంటరీ కో–ఆర్డినేటర్లు గూడూరి శ్రీనివాస్, గూడూరి ఉమాబాల, ఏపీ గ్రీనింగ్‌ అండ్‌ బ్యూటిఫికేషన్‌ కార్పొరేషన్‌ మాజీ చైర్మన్‌ చందన నాగేశ్వర్, వివిధ కార్పొరేషన్ల మాజీ చైర్మన్లు, ఉమ్మడి తూర్పు, పశ్చిమ గోదా వరి జిల్లాల బీసీ సెల్‌ అధ్యక్షులు, ఏఎంసీ మాజీ చైర్మన్లు పాల్గొన్నారు.

సాక్షి, అమరావతి: హక్కుల కోసం.. ఆత్మగౌరవం కోసం శాంతియుతంగా జరగాల్సిన గ్రామ, వార్డు సచివాలయ ఉద్యోగుల నిరసనపై చంద్రబాబు ప్రభుత్వం నిరంకుశంగా ఉక్కుపాదం మోపింది. ప్రొబేషన్‌ డిక్లరేషన్, ప్రమోషన్‌ ఛానల్, సీనియారిటీ తదితర సమస్యలను పరిష్కరించాలని సచివాలయ ఉద్యోగులు కోరుతున్నారు. రెండేళ్ల ఇంక్రిమెంట్, వేతన బకాయిలు, కనీస మూల వేతనం పెంపు, జీఓ నంబర్‌ 11 రద్దు వంటి డిమాండ్లను నెరవేర్చాలని ప్రభుత్వాన్ని అడుగుతున్నారు. ఆదివారం, సెలవు రోజుల్లో బలవంతంగా తమ చేత పని చేయించవద్దని కోరుతున్నారు. వీటిని సాధించుకోవడం కోసం ఇన్నాళ్లూ ఎన్ని విజ్ఞప్తులు చేసినా, మంత్రి నుంచి అధికారుల వరకూ ఎంత మందికి ఎన్ని వినతులు ఇచ్చినా, చర్చలు జరిపినా ఎలాంటి ఫలితం లేదు. చివరికి విసిగిపోయి ఆందోళనకు సిద్ధమయ్యారు. కానీ అడ్డంకులను దాటుకుని వేలాదిగా తరలివచ్చిన సచివాలయ ఉద్యోగులపై చంద్రబాబు పోలీసులను ఉసిగొల్పారు. దాంతో విజయవాడ ధర్నా చౌక్‌ వద్ద ఆదివారం ఖాకీ దళాలు దౌర్జన్యకాండకు తెగబడ్డాయి. బీటెక్, ఎంటెక్, ఏంబీఏ, డిగ్రీ, పీజీ వంటి ఉన్నత చదువులు చదివి, సమాజంలో గౌరవంగా బతుకుతున్న ఉద్యోగులను నేరస్థుల్లా, టెర్రరిస్టుల్లా చూశారు. శాంతియుతంగా నిరసన తెలపాలని వచ్చిన వారిని చితక్కొట్టారు. మహిళా ఉద్యోగుల పట్ల అమానుషంగా వ్యవహరించారు. మగ పోలీసులే మహిళల జుత్తు పట్టుకుని ఈడ్చి పడేశారు. దుస్తులు చించి అవమానించారు. అసలు తమను ఎందుకు కొడుతున్నారో తెలియక, కొడుతున్న వారు కూడా సాటి ప్రభుత్వ ఉద్యోగులే అయినా వారెందుకు తమపై విరుచుకు పడుతున్నారో అర్థం కాక సచివాలయ ఉద్యోగులు ఉక్కిరిబిక్కిరి అయ్యారు. ఒంటి మీద లాఠీ దెబ్బలు ఎక్కడబడితే అక్కడ తగులుతుంటే గావు గేకలు పెట్టారు. పోలీసు వ్యాన్లలో పశువుల్లా కుక్కి వారిని పోలీస్‌స్టేషన్లకు తరలించారు. అక్కడ గదుల్లో లోపలపెట్టి స్టేషన్‌కు తాళాలు వేసి, తినడానికి తిండి, తాగడానికి మంచి నీరు కూడా ఇవ్వకుండా నిర్బంధించారు. సమస్యలు విన్నవించుకోవడం కోసం ధర్నా చేపడితే, దానిని రణరంగంగా మార్చిన రాష్ట్ర ప్రభుత్వ పెద్దల దమననీతిపై ఉద్యోగులు తీవ్ర ఆగ్రహం వ్యక్తం చేశారు. తమను ఎంతగా అణచి వేయాలని చూసినా, వెనక్కి తగ్గేది లేదంటూ రెట్టించిన ఉత్సాహంతో ముందుకు కదిలారు. ఒక వైపు ఉద్యోగులను పోలీసులు నిలువరిస్తే, మరోవైపు నుంచి భారీ సమూహంలా వచ్చి, అడ్డుగోడలు బద్దలు కొట్టారు. నిర్బంధాలను పటాపంచలు చేసి..ప్రభుత్వం విధించిన ఆంక్షలు, పోలీసుల హెచ్చరికలు, ముందస్తు నిర్బంధాల మధ్య కూడా సచివాలయ ఉద్యోగులు సోషల్‌ మీడియా ఆధారంగా పరస్పర సమాచారాన్ని పంచుకుంటూ అత్యధికంగా విజయవాడ చేరుకున్నారు. ఈ కార్యక్రమానికి అనుమతి లేదని పోలీసులు స్పష్టం చేసిన నేపథ్యంలో ‘ఛలో విజయవాడ’ ఊహించని రీతిలో విజయవంతం కావడం రాష్ట్ర వ్యాప్తంగా చర్చనీయాంశంగా మారింది. జిల్లాల్లోనూ ఉద్యోగులను అడ్డుకునే చర్యలు చేపట్టినప్పటికీ వేలాదిగా ఉద్యోగులు విజయవాడకు చేరుకున్నారు. దీని వెనుక జెన్‌జీ యువత మాస్టర్‌ ప్లాన్‌ ఉంది. ప్రణాళికలో భాగంగా.. విజయవాడకు కొందరు రెండు రోజుల ముందే వచ్చేశారు. ఎవరు వస్తున్నారనే దానిపై సామాజిక మాధ్యమాల్లో అభిప్రాయ సేకరణ వంటివి చేపట్టారు. రైల్వేస్టేషన్లు, బస్టాండ్లు, ఇతర ప్రాంతాల నుంచి ఎలా చేరుకోవాలన్న దానిపై గ్రూపుల్లో సమాచారం పంచుకున్నారు.. ఒక మార్గంలో అడ్డంకులు ఎదురైతే ప్రత్యామ్నాయ మార్గాన్ని ఎంచుకునేలా ముందుగానే ప్లాన్‌–బి (ప్రణాళిక) రూపొందించుకున్నారు.సోషల్‌ మీడియానే సమాచార వేదిక వాట్సాప్, ఫేస్‌బుక్, ఇన్‌స్టాగ్రామ్, టెలిగ్రామ్, ఎక్స్‌ వంటి వేదికలను సచివాలయ ఉద్యోగులు విస్తృతంగా ఉపయోగించారు. ఎక్కడ పోలీసులు అడ్డుకున్నారు? ఎవరిని అదుపులోకి తీసుకున్నారు? విజయవాడలో ఎక్కడికి చేరుకోవాలి? వంటి సమాచారాన్ని ఎప్పటికప్పుడు వెనుక వస్తున్న వారికి చేరవేశారు. బస్సుల్లో, రైళ్లలో వస్తున్న వారు బస్టాండ్లు, రైల్వే స్టేషన్ల వరకు చేరుకోకుండానే ముందు స్టేజీల్లో ఎక్కడ దిగాలనేదానిపై సూచనలు చేశారు. పోలీసుల నిర్బంధానికి సంబంధించి ఎప్పటికప్పుడు సమాచారం చేరవేసుకున్నారు. వ్యక్తిగత, కుటుంబ సమస్యలను ప్రస్తావిస్తూ భావోద్వేగపూరిత పోస్టులు కూడా విస్తృతంగా షేర్‌ చేశారు. అవి మరింతగా ఉద్యమ స్ఫూర్తిని రగిల్చాయి.ఎక్కడ అడ్డుకుంటే అక్కడే..ముందు రోజు రాత్రి రైళ్లు, బస్సుల్లో వస్తున్న వారిని పోలీసులు అదుపులోకి తీసుకున్నారు. వాహనాలు దించి, వారిని పోలీస్‌స్టేషన్లకు తరలించారు. వందలాదిగా వస్తున్న వారిని వెనక్కి వెళ్లిపొమ్మంటూ అడ్డుకున్నారు. దీంతో ఉద్యోగులు ఎక్కడ అడ్డుకుంటే అక్కడే తమ గళాన్ని వినిపించారు. తమ హక్కుల కోసం నినదించారు. ఆ దృశ్యాలను వీడియోల రూపంలో సామాజిక మాధ్యమాల్లో షేర్‌ చేశారు.భయపెట్టలేని ముందస్తు అరెస్టులు.. సస్పెన్షన్లుఛలో విజయవాడకు ముందు నుంచే ఉద్యోగులపై నిఘా, ముందస్తు నిర్బంధాలు, అరెస్టులు చేపట్టారు. తెల్ల కాగితాలపై వారి చేత సంతకాలు చేయించుకున్నారు. గ్రామ, వార్డు సచివాలయ ఉద్యోగుల సంఘాల ముఖ్య నేతలను విధుల నుంచి సస్పెండ్‌ చేశారు. ఛలో విజయవాడకు సంబంధించిన సోషల్‌ మీడియా కార్యకలాపాలను సైతం నియంత్రించారు. అంతేకాకుండా సామాజిక మాధ్యమాల్లో తప్పుడు పోస్టులు పెట్టిం చారు. ఉద్యోగులను ఏమార్చే ప్రయత్నం చేశారు. ఉద్యమంలో పాల్గొంటే క్రమశిక్షణ చర్యలు తీసుకుంటామంటూ కలెక్టర్లు, కమిషనర్లు హెచ్చరించారు. అయినా అవేవీ ఉద్యోగులను భయపెట్టలేకపోయాయి. ఢిల్లీని వణికించిన ‘కాక్రోచ్‌’ తిరుగుబాటుకు కొనసాగింపుగా అన్నట్లు ఏపీలో కదంతొక్కిన జెన్‌ జీ యువతరం మరోసారి స్వాతంత్రోద్యమంలో ‘స్టూడెంట్‌ మూమెంట్‌’ను గుర్తుచేసింది. రాత్రయినా ఏమాత్రం ఉద్యమ స్ఫూర్తిని కోల్పోకుండా సెల్‌ఫోన్‌ వెలుగులోనే ఆందోళన కొనసాగించి రాష్ట్ర ప్రభుత్వంపై తీవ్ర వ్యతిరేకతను చాటిచెప్పింది.

సాక్షి, అమరావతి: గ్రామ, వార్డు సచివాలయ ఉద్యోగులు రాజ్యాంగబద్ధంగా, శాంతియుతంగా తమ సమస్యలను చెప్పుకోవడానికి విజయవాడ ధర్నా చౌక్‌కు వస్తే వారిపై పోలీసులతో దాడిచేయించటం దుర్మార్గమని ఆంధ్రప్రదేశ్‌ గవర్నమెంట్‌ ఎంప్లాయిస్‌ ఫెడరేషన్‌ చైర్మన్‌ కాకర్ల వెంకటరామిరెడ్డి ధ్వజమెత్తారు. ఆయన ఆదివారం తాడేపల్లిలో మీడియాతో మాట్లాడారు. న్యాయమైన కోర్కెలపై ధర్నా చేస్తున్న మహిళా ఉద్యోగులను రోడ్డు మీద ఈడ్చుకొంటూ లాక్కుపోవటం అమానుషమన్నారు. ‘లాక్కెళ్లిన మహిళా ఉద్యోగులను బస్సుల్లో వేసి పిడిగుద్దులు గుద్ది గాయపరుస్తారా? ఉద్యోగులపై లాఠీఛార్జ్‌ చేయించడం అత్యంత దారుణం. మహిళా ఉద్యోగులని కూడా చూడకుండా పోలీస్‌ స్టేషన్లలో నిర్బంధిస్తారా? ఉద్యోగులను గౌరవంగా చూసుకోవటమంటే ఇదేనా చంద్రబాబూ..? తమకు ఇచ్చిన హామీల గురించి ఉద్యోగులు ప్రశ్నిస్తే డిస్మిస్‌ చేస్తారు. లాఠీలతో కొట్టిస్తారు. పోలీస్‌స్టేషన్‌లో నిర్బంధిస్తారు. మనం ప్రజాస్వామ్య దేశంలో ఉన్నామా? లేక ఆఫ్ఘనిస్తాన్‌లో ఉన్నామా? ఉద్యోగులపై ఇంత కర్కశంగా వ్యవహరిస్తారా? వందల మందిని అరెస్టు చేశారు. వారికి సంఘీభావం తెలపడానికి మాచవరం పోలీస్‌స్టేషన్‌కు వెళ్లిన మమ్మల్ని అడ్డుకున్నారు. తీసుకెళ్లిన భోజనాలను కూడా వారికి ఇవ్వనీయలేదు. అక్రమంగా నిర్బంధించిన వందలాది మంది సచివాలయ ఉద్యోగులను ప్రభుత్వం వెంటనే బేషరతుగా విడుదల చేయాలి. సమస్యలు చెప్పుకోవడానికి వస్తే చర్చలు జరపాల్సింది పోయి, డీజీపీ స్థాయి నుంచి ఎస్పీలకు ఆదేశాలిచ్చి ఉద్యోగులు రాకుండా అడ్డుకుంటారా? ఇదేమైనా నియంతృత్వ రాజ్యమా? పోలీస్‌స్టేషన్లకు తరలించిన ఉద్యోగులపై చర్యలు తీసుకుంటే సహించబోం’ అని చెప్పారు. పోలీసులూ.. మీ తోటి ఉద్యోగులపై కర్కశంగా వ్యవహరించవద్దు అని సూచించారు. ప్రభుత్వం ఎన్ని అడ్డంకులు సృష్టించినా గ్రామ, వార్డు సచివాలయ ఉద్యోగులు చేసిన ధర్నా సక్సెస్‌ అయింది. వారి ధైర్యానికి హ్యాట్సాఫ్‌ చెబుతున్నామన్నారు. ఉద్యోగులకు అడుగడుగునా అండగా ఉంటామని చెప్పారు. అధైర్యపడొద్దని సూచించారు. ఉద్యోగులకు న్యాయబద్ధంగా రావాల్సినవాటిని దసరా లోపు ఇవ్వాలని డిమాండ్‌ చేశారు. ప్రభుత్వం స్పందించకపోతే రానున్న స్థానికసంస్థల ఎన్నికల్లో తడాఖా చూపుతామని హెచ్చరించారు. గ్రామ సచివాలయ ఉద్యోగులపై కక్ష సాధిస్తున్నారా? ‘వైఎస్‌ జగన్‌మోహన్‌రెడ్డి తెచ్చిన వ్యవస్థ కాబట్టి గ్రామ సచివాలయ ఉద్యోగులపై కక్ష సాధిస్తున్నారా? హార్ట్‌ ఎటాక్‌తో చిన్న వయసులోనే ఉద్యోగులు చనిపోతున్నారు. దీనికి కారణం ప్రభుత్వం వేధింపులు, పని ఒత్తిడే. చిన్నచిన్న ఉద్యోగుల మీద ఈ స్థాయి ఒత్తిడి అవసరమా? రోజుకొక సర్వే పెట్టి వేధిస్తున్నారు. యోగాంధ్ర అనగానే సచివాలయ ఉద్యోగులనే యోగా గురువుల అవతారం ఎత్తిస్తున్నారు. పీ4 అనగానే కుటుంబాల దత్తత... అంటూ సచివాలయ ఉద్యోగులను తిప్పుతున్నారు. ఉత్సవాలు జరిగితే టాయిలెట్ల దగ్గర కాపలా పెడుతున్నారు. పెట్రోలు కొరత రాగానే బంకుల దగ్గర కాపలా పెడుతున్నారు. ఇలా ప్రతిదీ వారికే అప్పగించి వేధిస్తున్నారు. పండుగలు, ఆదివారాలు కూడా లేకుండా అడ్డమైన పనులు చేయిస్తున్నారు. ఆఫీసులో లేకుండా రోడ్లవెంట తిప్పుతున్నారు. సచివాలయ ఉద్యోగులతో వెట్టిచాకిరీ చేయించటం దుర్మార్గం. గతంలో ఏ ప్రభుత్వం కూడా ఇంత టార్చర్‌ పెట్టలేదు. కరోనా వంటి విపత్కర పరిస్థితుల్లో కూడా ప్రజలకు మందులు, ఆహారం, ప్రభుత్వ సేవలు చేరవేయడంలో సచివాలయ వ్యవస్థ ఎంతో కీలకంగా పనిచేసింది.ప్రజలకు సంక్షేమ పథకాలు చేరవేయడం నుంచి సర్వేలు, వివిధ ప్రభుత్వ కార్యక్రమాల వరకు సచివాలయ ఉద్యోగులే ముందుండి పనిచేస్తున్నారు. అలాంటి వ్యవస్థను కుదించి ఉద్యోగులపై మరింత పనిభారం మోపడం సరికాదు. 15,004 సచివాలయాలను 7,715కు కుదించే చర్యలపై ప్రభుత్వం పునరాలోచించాలి. ఉద్యోగులను అణచివేయడం కాదు.. వారితో చర్చించి సమస్యలను పరిష్కరించాలి’ అని వెంకట్రామిరెడ్డి పేర్కొన్నారు. ఉద్యోగుల పక్షాన రాజకీయాలకు అతీతంగా రాష్ట్ర ప్రజలు అండగా నిలవాలని కోరారు. గ్రామ, వార్డు సచివాలయ ఉద్యోగుల ధర్నా సందర్భంగా బందోబస్తు డ్యూటీలో ఉన్న సీఐ మృతికి ప్రభుత్వమే బాధ్యత వహించాలన్నారు. ఉద్యోగుల ధర్నా జరగకుండా అణచివేయాలనే ప్రభుత్వ నిరంకుశ ధోరణి వల్లే సీఐ మృతి చెందారని ఆయన పేర్కొన్నారు.

పాయకాపురం (విజయవాడరూరల్‌)/లబ్బీపేట (విజయవాడతూర్పు): విజయవాడ ధర్నా చౌక్‌ వద్ద ఆదివారం బందోబస్తు విధుల్లో ఉన్న నున్న పోలీస్‌స్టేషన్‌ సీఐ ఎస్‌కే అహ్మద్‌ ఆలీ (54) గుండెపోటుతో ప్రాణాలు కోల్పోయారు. ఆయనకు భార్యతోపాటు ఐదేళ్లు, ఏడేళ్ల వయసున్న ఇద్దరు కుమారులు ఉన్నారు. సచివాలయ ఉద్యోగుల ఆందోళన సందర్భంగా విధుల్లో ఉన్న సీఐ ఉదయం 11 గంటల సమయంలో అలసటగా ఉందంటూ డ్రైవర్‌ను తీసుకుని సూర్యారావుపేటలోని ఒక ప్రైవేటు ఆస్పత్రికి వెళ్లారు. అక్కడ డాక్టర్‌కు సమస్యను చెప్పడంతో ఈసీజీ, ఎకో చేద్దామన్నారు. డాక్టర్‌తో మాట్లాడుతుండగానే, ‘ఎక్కడ ఉన్నా వెంటనే రావాలంటూ’ ఏసీపీ నుంచి ఫోన్‌ వచ్చింది. దీంతో మళ్లీ వస్తానని డాక్టర్‌కు చెప్పి సీఐ ధర్నా చౌక్‌ వద్దకు వచ్చేశారు. అలా వచ్చిన కాసేపటికే సీఐ తీవ్ర గుండెపోటుతో కుప్పకూలారు. చికిత్సకోసం ఆసుపత్రికి తరలించగా, అప్పటికే ఆయన మృతిచెందినట్లు వైద్యులు ధ్రువీకరించారు. వారంరోజులుగా అలీ నలతగానే ఉంటూ విధులు నిర్వహించినట్లు కుటుంబ సభ్యులు పేర్కొన్నారు. సీఐ అలీ స్వగ్రామం ఏలూరు సమీపంలోని గోపన్నపాలెం. ఆయన 1996 ఎస్‌ఐగా విధుల్లో చేరారు. అనంతరం ఏలూరు జోన్‌లోని ఉభయగోదావరిజిల్లాలతో పాటు, కృష్ణాజిల్లాలో ఎస్‌ఐగా, సీఐగా విధులు నిర్వహించారు. మరికొద్ది నెలల్లో ఏసీపీగా ఉద్యోగోన్నతి పొందనున్న తరుణంలో ఆకస్మికంగా మరణించారు.అత్యంత బాధాకరం: పోలీసు అధికారుల సంఘం సీఐ ఎస్‌కే అహ్మద్‌ ఆలీ ఆకస్మిక మృతిపట్ల ఆంధ్రప్రదేశ్‌ పోలీసు అధికారుల సంఘం తీవ్ర దిగ్భ్రాంతిని వ్యక్తంచేసింది. ఈ ఘటన అత్యంత బాధాకర, దురదృష్టకరమని విచారం వ్యక్తంచేసింది. ఆయన మరణం పట్ల సంతాపం ప్రకటిస్తూ, కుటుంబ సభ్యులకు ప్రగాఢ సానుభూతిని తెలియచేసింది. సీఐ కుటుంబానికి అన్ని విధాలా అండదండలు అందిస్తామని హామీ ఇచ్చిన సీపీ ఎస్‌వీ రాజశేఖరబాబు, అడ్మిన్‌ డీసీపీ కేజీవీ సరితలకు సంఘం ధన్యవాదాలు తెలియజేసింది.

సాక్షి, అమరావతి : పొట్టకూటి కోసం పోలీస్‌ ఉద్యోగం చేస్తున్న వారు చంద్రబాబు ఆదేశాలతో తోటి ప్రభుత్వోద్యోగుల పొట్టలు కొట్టేలా ఉక్కుపాదం మోపడంపై సర్వత్రా విమర్శలు వెల్లువెత్తుతున్నాయి. ప్రభుత్వ అక్రమాలు.. వైఫల్యాలపై ప్రతిపక్ష వైఎస్సార్‌సీపీ నుంచి ఉద్యోగుల వరకు చేస్తున్న వరుస ఉద్యమాలపై పోలీస్‌ బలాన్ని ప్రయోగిస్తున్న చంద్రబాబు తీరుపై ఆగ్రహావేశాలు మిన్నంటుతున్నాయి. రెడ్‌బుక్‌ పాలనలో ప్రభుత్వం చెప్పిందే తరువాయి కొందరు పోలీసులు పేట్రేగిపోయి భయోత్పాతం సృష్టిస్తున్నారు. విజయవాడ ధర్నాచౌక్‌లో ఆదివారం భారీ నిరసన చేపట్టిన గ్రామ, వార్డు సచివాలయ ఉద్యోగులపట్ల పోలీసులు ప్రవర్తించిన తీరు అత్యంత అమానుషంగా ఉంది. సచివాలయ ఉద్యోగులపై విరుచుకుపడి తమ ప్రతాపం చూపించారు. మహిళలని కూడా చూడకుండా మగ పోలీసులే జుట్టుపట్టి ఈడ్చేసి కర్కశంగా ప్రవర్తించారు. చివరికి.. వివిధ పోలీస్‌స్టేషన్లలో ఉదయం నుంచి రాత్రి వరకు నిర్బంధానికి గురైన మహిళా ఉద్యోగులను టాయిలెట్స్‌కు కూడా అనుమతించలేదు. అనారోగ్య సమస్యలతో ఇబ్బందిపడుతున్న వారిని మందులు తెచ్చుకుంటామని మొరపెట్టుకున్నా కనికరించకుండా రాక్షసంగా వ్యవహరించారు. భోజనం కూడా పెట్టని పోలీసులు విజయవాడ గాంధీనగర్‌ ధర్నాచౌక్‌కు చేరుకున్న ఉద్యోగులపట్ల పోలీసులు అమానవీయంగా ప్రవర్తించడంతో తోపులాటలు జరిగాయి. మహిళా ఉద్యోగులను మగ పోలీసులు ఈడ్చేసి మరీ పోలీసు వాహనాల్లోకి బలవంతంగా ఎక్కించారు. మహిళా సిబ్బందిని నున్న, సింగ్‌నగర్, మాచవరం, కృష్ణలంక, ఉయ్యూరు తదితర పోలీస్‌స్టేషన్లకు తరలించారు. క్రిమినల్స్‌ను చూసినట్లు వారిపట్ల పోలీసులు దారుణంగా వ్యవహరించారు. వారికి భోజనం కూడా పెట్టకుండా ఆకలితో అలమటించేలా చేశారు. మాచవరం పోలీస్‌స్టేషన్‌లో ఉన్న సచివాలయ ఉద్యోగుల­కు భోజనం తీసుకెళ్లిన ఉద్యోగుల సంఘ నేత కాకర్ల వెంకట్రామిరెడ్డిని పోలీసులు అనుమతించలేదు. దీంతో తాము తెచ్చిన భోజనమైనా ఉద్యోగులకు అందించండి? లేకుంటే మీరైనా భోజనం పెట్టండి అంటూ వెంకట్రామిరెడ్డి పోలీసులను కోరారు. అయినా పట్టించుకోని పోలీసులు భోజనాన్ని సచివాలయ ఉద్యోగులకు పెట్టకుండానే రాక్షసంగా వ్యవహరించారు. ఆ ఇద్దరి మరణాలు సర్కారు హత్యలే.. ఇక చంద్రబాబు ప్రభుత్వ తీవ్ర నిర్బంధం కారణంగానే వైఎస్సార్‌సీపీ నేత కాకుమాను రాజశేఖర్, తాజాగా ఆదివారం విజయవాడ నున్న సీఐ అహ్మద్‌ అలీ మృతిచెందారు. ఈ రెండు ఘటనలు సర్కారు హత్యలేనని విమర్శలు వెల్లువెత్తుతున్నాయి. డీఎస్సీ స్కామ్‌పై సీబీఐ విచారణ చేయాలని, నైతిక బాధ్యత వహించి లోకేశ్‌ మంత్రి పదవికి రాజీనామా చేయాలని డిమాండ్‌ చేస్తూ ఈనెల 21న విజయవాడ శాప్‌ కార్యాలయం వద్ద వైఎస్సార్‌సీపీ నిర్వహించిన ఆందోళనలో పాల్గొన్న ఆ పార్టీ నేత, లిడ్‌ క్యాప్‌ మాజీ చైర్మన్‌ కానుమాను రాజశేఖర్‌పై పోలీసులు దాడిచేయడంతో ఆయన తీవ్ర ఒత్తిడికి గురై కిందపడిపోయారు. తీవ్ర అస్వస్థతకు గురైన ఆయన్ను ఆసుపత్రిలో చేర్చి ప్రాథమిక చికిత్స అందించారు. ఆ తర్వాత ఆయనపై పోలీసులు అక్రమ కేసులు పెట్టి మానసికంగా వేధించడంతో తీవ్ర ఒత్తిడికి గురై చివరికి గుండెపోటుతో మృతిచెందారు. ఇప్పుడు విజయవాడ ధర్నాచౌక్‌లో ఆదివారం సచివాలయ ఉద్యోగుల ఆందోళనను భగ్నం చేయడానికి విధులు నిర్వర్తిస్తున్న నున్న సీఐ అహ్మద్‌ అలీ గుండెపోటుకు గురయ్యారు. ఆయనను ఆసుపత్రికి తరలించినప్పటికీ ప్రాణాలు దక్కలేదు. చంద్రబాబు ప్రభుత్వ తీవ్ర ఒత్తిడివల్లే సీఐ గుండెపోటుకు గురయ్యారని సహచర పోలీసులు ఆరోపిస్తున్నారు. ఇదే ధర్నాలో పోలీసుల దాడులు, దౌర్జన్యాలకు అనేక మంది సచివాలయ ఉద్యోగులు సొమ్మసిల్లి పడిపోవడం, గాయాలపాలయ్యారు.

సాక్షి, అమరావతి: పేద, మధ్యతరగతి ప్రజలకు సంజీవని లాంటి ఆరోగ్యశ్రీ పథకానికి చంద్రబాబు ప్ర­భు­త్వం దారుణంగా వెన్నుపోటు పొడుస్తూ సీఎం రిలీఫ్‌ ఫండ్‌ (సీఎంఆర్‌ఎఫ్‌) పేరుతో అంతులేని దోపిడీకి తెరలేపిందని ప్రకాశం జిల్లా వైఎస్సార్‌సీపీ అద్దంకి నియోజకవర్గ సమన్వయకర్త డాక్టర్‌ అశోక్‌కుమార్‌ ఆరోపించారు. తాడేపల్లి వైఎస్సార్‌సీపీ కేంద్ర కార్యాలయంలో ఆదివారం ఆయన మాట్లా­డుతూ.. చంద్రబాబు ప్రభుత్వం వచ్చిన ఈ 22 నెలల్లోనే ఏకంగా రూ.1,298 కోట్లను సీఎంఆర్‌ఎఫ్‌ కింద డ్రా చేసి.. ఇందులో రూ.వెయ్యి కోట్లు ఆరోగ్యశ్రీ పరిధిలోని వ్యాధులకే కేటాయించడం భారీ కుంభకోణానికి నిదర్శనమని చెప్పారు. ఒకవైపు ఆరోగ్యశ్రీ నెట్‌వర్క్‌ ఆసుపత్రులకు రీయింబర్స్‌మెంట్‌ కింద చెల్లించాల్సిన రూ.3,000 కోట్లకు పైగా బకాయిలు పెట్టి ఆ పథకాన్ని నిర్వీర్యం చేస్తున్నారని.. మరోవైపు, అధికార కూటమి ఎమ్మెల్యేలు, ఎంపీ­లు, వారి అనుయాయులకు చెందిన ఆసుపత్రుల­కు సీఎం రిలీఫ్‌ ఫండ్, ఆరోగ్యశ్రీ నిధులను అడ్డగోలు­గా దోచిపెడుతున్నారని అశోక్‌కుమార్‌ తెలి­పా­రు. పేషెంట్లు లేకపోయినా దొంగ ఎల్వోసీలు సృష్టించి కోట్లాది రూపాయల ప్రజాధనాన్ని కొల్ల­గొడు­తున్నా ముఖ్యమంత్రి చంద్రబాబు కనీసం పట్టించుకోకపోవడం ఆయన అవినీతి పాలనకు నిదర్శనమని మండిపడ్డారు. చంద్రబాబు ప్రభు­త్వం అధికారంలోకి వచ్చినప్పటి నుంచి సీఎంఆర్‌ఎఫ్‌ ద్వారా విడుదల చేసిన నిధులపై శ్వేతపత్రం విడుదల చేయాలని, స్వతంత్ర సంస్థతో ఫోరెన్సిక్‌ ఆడిట్‌ నిర్వహించాలని ఆయన డిమాండ్‌ చేశారు. ఇక ప్రభుత్వాసుపత్రుల్లో రోగులకు కనీసం మందు­లు కూడా దొరకని దుస్థితి నెలకొందని.. అద్దంకి ని­యో­జకవర్గంలోని ప్రభుత్వాస్పత్రిని చూస్తే 50 పడకలు కూడా సరిగ్గాలేవని, అది ఒక భూత్‌ బంగ్లాలా మారిందని అశోక్‌కుమార్‌ చెప్పారు. ప్రభు­త్వం కనీస మౌలిక వసతులు కల్పించడంలేదన్నారు.

కృష్ణలంక(విజయవాడతూర్పు): కేంద్ర ప్రభుత్వం కనుసన్నల్లో పనిచేస్తున్న చీఫ్‌ ఎలక్షన్‌ కమిషనర్‌ (సీఈసీ) జ్ఞానేష్‌ కుమార్‌పై తక్షణం పార్లమెంటులో అవిశ్వాస తీర్మానం ప్రవేశపెట్టి ఆయనను అభిశంసించాల్సిన అవసరం ఉందని పలువురు రాజకీయ, ప్రజా సంఘాల నాయకులు ఉద్ఘాటించారు. ఎస్‌ఐఆర్‌ ప్రక్రియను నిలిపివేయాలని, ఓటర్ల జాబితా నుంచి తొలగించిన ఓట్లను పునరుద్ధరించాలని వారు డిమాండ్‌ చేశారు. విజయవాడలో వామపక్ష పార్టీల ఆధ్వర్యంలో సీపీఎం రాష్ట్ర కార్యదర్శివర్గ సభ్యుడు వై.వెంకటేశ్వరరావు అధ్యక్షతన ఆదివారం ‘ఓటర్ల జాబితాల అక్రమాలు–ప్రజాస్వామ్య పరిరక్షణ’ అనే అంశంపై అఖిలపక్ష రౌండ్‌టేబుల్‌ సమావేశం జరిగింది.ఎన్నికల వ్యవస్థలో జరుగుతున్న కుట్రలకు వ్యతిరేకంగా ఈ నెల 28, అక్టోబర్‌ 2వ తేదీలలో నిర్వహించే దేశవ్యాప్త నిరసన, ఆందోళన కార్యక్రమాలను జయప్రదం చేయాలని రౌండ్‌టేబుల్‌ సమావేశం ఏకగ్రీవంగా తీర్మానించింది. ఈ సందర్భంగా వక్తలు మాట్లాడుతూ ‘దేశంలో సక్రమంగా, స్వేచ్ఛగా ఎన్నికలు జరగడం లేదు. వ్యవస్థల్లో జరుగుతున్న అక్రమాలపై ప్రజలను చైతన్య పరచాలి. ఎన్నికల కమిషనర్ల ఎంపిక ప్రక్రియలోకి సీజేఐని తీసుకుని, ఆయన అధ్యక్షతన కొత్త కమిటీని ఏర్పాటు చేయాలి. రాష్ట్రంలో 32 లక్షల ఓట్లను అన్యాయంగా తొలగించారు. ఈ ఓట్ల తొలగింపు ప్రక్రియపై అనేక అనుమానాలు ఉన్నాయి. ఎన్నికల్లో విశ్వసనీయతను పెంపొందించేందుకు వైఎస్సార్‌సీపీ అధినేత వైఎస్‌ జగన్‌ చేసిన సూచనలను అమలుచేయాలి. ఎన్నికల్లో అక్రమాలను సమర్థించేలా టీడీపీ వ్యవహరిస్తున్న తీరు గర్హనీయం’అని పేర్కొన్నారు. సమావేశంలో వైఎస్సార్‌సీపీ నేత, మాజీ ఎమ్మెల్యే మల్లాది విష్ణు, సీపీఎం రాష్ట్ర కార్యదర్శి వి.శ్రీనివాసరావు, రైతు నాయకుడు వడ్డే శోభనాద్రీశ్వరరావు, కేంద్ర మాజీమంత్రి జె.డి.శీల, సీపీఐ జాతీయ కార్యవర్గ సభ్యురాలు అక్కినేని వనజ, ఓటు పరిరక్షణ వేదిక కన్వీనర్‌ సుంకర రాజేంద్రప్రసాద్, మాజీ ఐఏఎస్‌ అధికారి విజయ్‌కుమార్, జనచైతన్య వేదిక నాయకుడు వి.లక్ష్మణరెడ్డి, సీపీఐ (ఎంఎల్‌) లిబరేషన్‌ నాయకుడు హరినాథ్, న్యూడెమోక్రసీ నాయకులు పి.పొలారి, ఎం.రామకృష్ణ, సామాజికవేత్త కుర్రా వసుంధర తదితరులు మాట్లాడారు.

సాక్షి ప్రతినిధి, కడప: అధికారం అండతో టీడీపీ నేతలు రోజురోజుకు మరింత పేట్రేగిపోతున్నారు. ప్రకృతి సంపదను నిలువునా దోచేస్తున్నారు. రాత్రి పగలు తేడా లేకుండా పాపాఘ్ని నదిలో ఇసుకను తోడేస్తున్నారు. వైఎస్సార్‌ కడప జిల్లా వేంపల్లె నుంచి బెంగళూరుకు నిత్యం పదుల సంఖ్యలో భారీ టిప్పర్లతో ఇసుక తరలిస్తున్నారు. చంద్రబాబు కూటమి సర్కార్‌ ప్రవేశపెట్టిన ఉచిత ఇసుక తెలుగుతమ్ముళ్ల అక్రమార్జనకు మార్గంగా మారింది. కోట్లాది రూపాయలు సంపదను కొల్లగొడుతున్నారు. ఇసుక తరలింపుతో భూగర్భ జలాలు అడుగంటుతాయని రైతులు ప్రత్యక్ష ఆందోళనకు దిగినా అధికారులు నిమ్మకు నీరెత్తినట్లుగా వ్యవహరిస్తున్నారు. వెరశి పాపాఘ్ని నదికి గర్భశోకం తప్పడంలేదు. పులివెందుల నియోజకవర్గంలోని వేంపల్లె, చక్రాయపేట మండలాల్లో పాపాఘ్ని నది ప్రవహిస్తోంది. పాపాఘ్నిలో నాణ్యమైన ఇసుక ఉంది. బెంగళూరు నగరంలో ఇసుక డిమాండ్‌ ఉండడంతో అక్రమార్కులు దృష్టి పాపాఘ్నిపై పడింది. వేంపల్లె నుంచి నిత్యం 60కి పైగా టిప్పర్లు, వందలాది ట్రాక్టర్లతో ఇసుక తరలించుకెళ్తున్నారు. బెంగళూరులో టిప్పర్‌ ఇసుక ధర రూ.లక్షకు పైగా పలుకుతుండటంతో వీరు భారీగా సొమ్ము చేసుకుంటున్నారు. పొక్లెయిన్లతో తవ్వకాలు తెలుగుదేశం పార్టీ నాయకులు వేంపల్లె, చక్రాయపేట మండలాల్లోని పాపాఘ్ని నదిలో పొక్లెయిన్‌లు పెట్టి యథేచ్చగా ఇసుక తవ్వేస్తున్నారు. రెండు మండలాల్లో నిత్యం వంద టిప్పర్ల ఇసుకను అక్రమంగా తరలించేస్తున్నారు. టీడీపీ నియోజకవర్గ ఇన్‌చార్జి సమీప బంధువు కనుసన్నల్లో రెండు మండలాల్లో ఇసుక అక్రమ రవాణా జోరుగా కొనసాగుతోంది. ఇసుక అక్రమ రవాణా కోసం పాపాఘ్ని నదిలో ఏకంగా గ్రావెల్‌ మట్టితో రోడ్డు ఏర్పాటు చేశారు. గత కొన్ని రోజులుగా దుర్గామల్లేశ్వరస్వామి ఆలయ సమీపంలో ఇసుకను డంప్‌ చేసి ట్రాక్టర్లు, టిప్పర్లతో తరలించారు. ఆపై ఏకంగా పాపాఘ్ని నదిలోకి గ్రావెల్‌ మట్టి రోడ్డును ఏర్పాటు చేసుకుని ట్రాక్టర్లు, టిప్పర్లతో నేరుగా తరలిస్తున్నారు. అక్రమ తవ్వకాల వల్ల ఏర్పడిన గోతుల్లోని వర్షపునీటిలో చిక్కుకుని అద్దాలమర్రి వద్ద అన్నదమ్ములైన ఇద్దరు యువకులు మృత్యువాత పడ్డారు. అయినా అధికారుల్లో చలనం కనిపించలేదు. మరోవైపు భూగర్భజలాలు అడుగంటిపోతున్నాయని, ఇసుక తరలింపు ఆపాలని రైతులు ప్రత్యక్ష ఆందోళనకు దిగినా అధికారులు పట్టించుకోలేదు. పైగా అక్రమార్కులు రైతులపై దౌర్జన్యానికి దిగారు. ఎమ్మెల్యే బంధువు అండ పాపాఘ్ని నది జిల్లాలో పులివెందుల, కమలాపురం నియోజకవర్గాల్లో ప్రవహిస్తోంది. వేంపల్లె, చక్రాయపేట ప్రాంతాల్లో పులివెందుల టీడీపీ నేత సమీప బంధువు కనుసన్నులల్లో ఇసుక అక్రమ రవాణా నడుస్తుంటే, వీరపునాయునిపల్లె, పెండ్లిమర్రి, వల్లూరు మండలాల్లో టీడీపీ ఎమ్మెల్యే సమీప బంధువు అండతో ఇసుక అక్రమ రవాణా కొనసాగుతోంది. టీడీపీ నేతలు ప్రధాన పట్టణాలు, నగరాలకు ఇసుక తరలిస్తున్నారు. జిల్లాకు చెందిన ముఖ్య అధికారికి నెల మామూళ్లు అందుతుండటం వల్లే ఇసుక అక్రమ రవాణా గురించి రెవెన్యూ, మైనింగ్‌ అధికారులు పట్టించుకోవడంలేదని పలువురు ఆరోపిస్తున్నారు.

సాక్షి, అమరావతి : ఇచ్చిన హామీలు అమలు చేయాలని అడిగిన ఉద్యోగులపై చంద్రబాబు సర్కార్‌ పాశవికంగా దాడి చేయడం అమానుష చర్య అని వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి మండిపడ్డారు. ‘ఐఆర్‌ లేదు.. పీఆర్సీ లేదు. మేం పీఆర్సీ చైర్మన్‌ను నియమిస్తే మీరు వెళ్లగొట్టారు. ఉద్యోగులకు హక్కుగా ఇవ్వాల్సిన 5 డీఏలు పెండింగ్‌. ఉద్యోగులు రోడ్డెక్కితే.. అప్పుడు అందులో రెండు డీఏలు ఇస్తానని ప్రకటించి, అరియర్స్‌ చెల్లింపునకు కూడా వాయిదాలు పెట్టారు. సరెండర్‌ లీవ్స్‌ పెండింగ్‌. ఉద్యోగులకు పెట్టిన బకాయిలు దాదాపు రూ.40 వేల కోట్లు. ఇవి ఇవ్వాలని అడిగిన గ్రామ, వార్డు సచివాలయాల ఉద్యోగులపై పోలీసులు లాఠీఛార్జి చేయడం అత్యంత తీవ్రమైన విషయం’ అని ఆగ్రహం వ్యక్తం చేశారు. వారి డిమాండ్లపై ప్రభుత్వం చర్చలు జరపనప్పుడు, ప్రజాస్వామ్యయుతంగా వారి గొంతును వినిపించడం నేరం ఎలా అవుతుందని ప్రశ్నించారు. ‘ఆందోళన చేస్తే ఈ రకంగా లాఠీలతో కొడతారా? మహిళలని చూడకుండా గాయపరుస్తారా? ఈడ్చి పడేస్తారా? శాంతియుత ఆందోళనలపై దాడులు చేసే అధికారం మీకు ఎవరిచ్చారు? ధర్నా కోసం వస్తున్న వారిని అడ్డుకుని పోలీస్‌స్టేషన్లలో నిర్బంధించి నరకయాతన పెడతారా? ధర్నా జరగనీయకుండా పెద్ద సంఖ్యలో ఉద్యోగులను అడ్డగోలుగా సస్పెండ్‌ చేయడం దారుణం కాదా? చంద్రబాబూ.. ఇది ప్రజాస్వామ్యమేనా? రోజురోజుకూ మీ నిరంకుశత్వం పెరిగిపోతోంది? ఉద్యోగులకు వెన్నుపోటు పొడవడమే మీ లక్ష్యం. అధికారం చేతిలో ఉందికదా అని ఏం చేసినా చెల్లుబాటు అవుతుందని అనుకుంటే ఎలా?’ అని నిలదీశారు. గ్రామ, వార్డు సచివాలయాల ఉద్యోగులే కాదు.. ఇవాళ ఏ ఉద్యోగి అయినా రోడ్డెక్కుతున్నారంటే కారణం మేనిఫెస్టోలో మీరు హామీలు ఇచ్చి, తీరా అధికారంలోకి వచ్చిన తర్వాత ఆ ఉద్యోగులందరికీ వెన్నుపోటు పొడవటమే అన్నారు. మీరు అధికారంలోకి వస్తానే ఐఆర్‌ అన్నారు. పీఆర్సీ అన్నారు. తీరా చూస్తే ఏవీ లేవని ధ్వజమెత్తారు. ఈ మేరకు ఆదివారం ఆయన సామాజిక మాధ్యమం ‘ఎక్స్‌’లో పోస్టు చేశారు. ఉద్యోగులు ఆందోళన చేస్తున్న సమయంలో మహిళా ఉద్యోగిని పోలీసులు ఈడ్చుకెళ్తున్న ఫొటోను ట్యాగ్‌ చేశారు. ఈ సందర్భంగా వైఎస్‌ జగన్‌ ఇంకా ఏమన్నారంటే.. అధికారంలోకి వచ్చినప్పటి నుంచి సచివాలయ వ్యవస్థపై కక్ష మీరు సీఎం సీట్లోకి వచ్చిన తొలి రోజు నుంచే.. మేం దేశంలో ఎక్కడా లేని విధంగా, పరిపాలనలో విప్లవాత్మక చర్యగా తీసుకొచ్చిన గ్రామ, వార్డు సచివాలయాలపై కక్షగట్టారు. గ్రామ స్థాయిలోనే 540కి పైగా సేవలందించిన, మా మానస పుత్రికలైన గ్రామ, వార్డు సచివాలయాలు, వలంటీర్‌ వ్యవస్థ నిర్వీర్యమే లక్ష్యంగా.. ఆ వ్యవస్థలపై నిరంతరం దాడి చేస్తూనే ఉన్నారు. గ్రామ స్వరాజ్యం కనబడకుండా చేసేందుకు కుట్రలు పన్నుతూనే ఉన్నారు. ఒకే నోటిఫికేషన్‌తో దేశ చరిత్రలో ఎప్పుడూ లేని విధంగా 1.34 లక్షల శాశ్వత ఉద్యోగాలను, వలంటీర్ల రూపంలో మరో 2.6 లక్షల ఉద్యోగాలను గ్రామ, వార్డు స్థాయిలో పారదర్శక పాలన కోసం మేం సృష్టించాం. హేతు బద్ధీకరణ పేరుతో మీరు శాశ్వతంగా 30 వేల ఉద్యోగాలకు ఎసరు పెట్టడమే కాకుండా, వలంటీర్లకు మేం ఇచ్చే రూ.5 వేల జీతాన్ని రూ.10 వేలు చేస్తామంటూ కల్లబొల్లి కబుర్లు చెప్పి, తీరా అధికారంలోకి వచ్చాక వారికీ వెన్నుపోటు పొడిచారు. ఇప్పుడు వలంటీర్లు అందించే సేవలనూ సచివాలయాల ఉద్యోగుల నెత్తిమీద పెట్టి, మోయలేని పని భారాన్ని మోపారు. పారదర్శకతకూ, ఇంటి వద్దకే పాలనకూ తెరదించారు. మీరు పెడుతున్న కష్టాలు, వేధింపులు భరించలేక ఒత్తిడికి గురై కొందరు, బలవన్మరణానికి పాల్పడి మరికొందరు.. ఇలా ఈ రెండున్నరేళ్ల మీ దుర్మార్గ పరిపాలనలో ఏకంగా సుమారు 100 మంది ఉద్యోగులు ప్రాణాలు కోల్పోయారు. మరి ఇన్ని కష్టాలు పడుతున్నప్పుడు, వారి బాధలు వినాలనే ఉద్దేశం మీకు లేనప్పుడు, వారు శాంతియుత ఆందోళన ద్వారా తమ గొంతు వినిపించాలనుకోవడం తప్పు ఎలా అవుతుంది? ఈ లాఠీఛార్జి ఘటనపై న్యాయ విచారణకు ఆదేశించడమే కాకుండా, ఉద్యోగులకు క్షమాపణ చెప్పండి. వారిపై విధించిన సస్పెన్షన్లను బేషరతుగా ఎత్తివేయండి’ అని వైఎస్‌ జగన్‌ డిమాండ్‌ చేశారు.గ్రామ–వార్డు సచివాలయాల వ్యవస్థను మరింత బలోపేతం చేస్తాం ఈ సందర్భంగా గ్రామ, వార్డు సచివాలయాల ఉద్యోగులకు వారి జగనన్నగా నేను హామీ ఇస్తున్నాను. దేవుడి దయ, ప్రజలందరి ఆశీస్సులతో వైఎస్సార్‌సీపీ అధికారంలోకి రాగానే గ్రామ–వార్డు సచివాలయాల వ్యవస్థను మునుపటి కంటే మరింత బలోపేతం చేస్తాం. తద్వారా గ్రామ స్వరాజ్యం మూడు పువ్వులు – ఆరుకాయలుగా వర్దిల్లుతుంది, మాట ఇస్తే, మాటమీద నిలబడే విశ్వసనీయ పాలన మళ్లీ ఉజ్వలిస్తుంది. ఉద్యోగులు తమ బాధ్యతలను గొప్పగా నిర్వర్తించేలా, ప్రజలకు అద్భుతమైన సేవలు మళ్లీ అందేలా, దేశం అంతా మన వైపు చూసేలా అన్ని రకాల చర్యలు తీసుకుంటాం. ఇప్పటికే రెండున్నరేళ్లు అయిపోయింది. ఇక మిగిలింది రెండున్నరేళ్లు మాత్రమే. కళ్లు మూసుకుంటే ఆ కాలం కూడా ఇట్టే గడిచి పోతుంది. మన అందరి ప్రభుత్వం తప్పక వస్తుంది. తప్పకుండా మీకు న్యాయం జరుగుతుంది.

సాక్షి, అమరావతి: కడుపు మండి రోడ్డెక్కిన గ్రామ, వార్డు సచివాలయ ఉద్యోగులను చంద్రబాబు సర్కారు బురి­డీ కొట్టించేందుకు బరితెగించింది. తమ న్యాయమైన డిమాండ్లు పరిష్కరించాలని వారు కొన్నాళ్లుగా కో­రు­తున్నా, సర్కారు ఖాతరు చేయలేదు. దీంతో తాడో­పేడో తేల్చుకోవడానికి ఆదివారం ‘చలో విజయ­వాడ’కు తరలివచ్చారు. పోలీసుల ఆంక్షలకు వెరవలేదు.. ధర్నాచౌక్‌లో లాఠీలు ఝళిపించినా భయపడ­లేదు. ధర్నా కొనసాగించారు. దీంతో ఉద్యమాన్ని పక్క­దారి పట్టించేలా ప్రభుత్వం పట్టణ సచివాలయ ఉద్యోగులకు పదోన్నతులు అంటూ సవాలక్ష లోపాలతో ఉత్తర్వులు జారీ చేసింది. ఈ ఉత్తర్వుల్లో పేర్కొన్న అంశాలను చూసిన సచివాలయ ఉద్యోగులు సర్కారు మోసపూరిత విధానాలపై నిప్పులు చెరుగుతున్నారు. కీలక అంశాలపై స్పష్టత ఏది? ప్రభుత్వం ఇచ్చిన ఉత్తర్వుల్లో ప్రమోషన్లకు సంబంధించి స్పష్టత లేదు. 815 జూనియర్‌ అసిస్టెంట్‌ పోస్టులు, 1,630 గ్రేడ్‌–1 పోస్టులు ఏర్పాటు చేసినా.. అర్హులైన ఉద్యోగులకు ప్రమోషన్లు ఎప్పటిలోగా ఇస్తారో ఉత్తర్వుల్లో చెప్పలేదు. పే ఫిక్సేషన్‌పై స్పష్టత లేదు. ఒక కేడర్‌ నుంచి మరో కేడర్‌కు ప్రమోషన్‌ వచ్చినప్పుడు జీతాన్ని ఏ విధంగా నిర్ణయిస్తారో పేర్కొనలేదు. జీతం పెరుగుదలపై క్లారిటీ ఎక్కడ? ప్రమోషన్‌ వచ్చిన ఉద్యోగికి జీతం ఎంత పెరుగుతుంది? అదనపు ఇంక్రిమెంట్‌ ఇస్తారా? గ్రేడ్‌–1కి వెళ్లినప్పుడు వేతన ప్రయోజనం ఉంటుందా? అన్న వివరాలు లేవు. అరియర్స్‌ ప్రస్తావన కూడా లేదు. 2019 నుంచి ప్రమోషన్‌ కోసం ఎదురు చూస్తున్న ఉద్యోగులకు గత కాలానికి సంబంధించిన ఆర్థిక ప్రయోజనాలు లేదా అరియర్స్‌ ఇస్తారా? అన్నదానిపై స్పష్టత లేదు. సీనియారిటీ నిర్ణయం ఎలా? ప్రమోషన్ల సమయంలో నియామక తేదీ, కేడర్‌లో సీనియారిటీ, రోస్టర్‌ తదితర అంశాల్లో దేనిని ప్రాతిపదికగా తీసుకుంటారో స్పష్టం చేయలేదు. అడ్మినిస్ట్రేటివ్‌ సెక్రటరీలకు ప్రమోషన్లు ఇచ్చిన తర్వాత ఏర్పడే ఖాళీల ఆధారంగా డేటా ప్రాసెసింగ్‌ సెక్రటరీలకు అవకాశం కల్పించనున్నారు. దీంతో ఒక దశ పూర్తయిన తర్వాతే మరో దశ మొదలయ్యే పరిస్థితి ఉంటుంది. అది కూడా ఎంత కాలం పడుతుందో తెలియని పరిస్థితి.శానిటేషన్, ప్లానింగ్‌ కేడర్లలో 815 చొప్పున పోస్టులను గ్రేడ్‌–1కు అప్‌గ్రేడ్‌ చేశారు. అయితే వీటికి ప్రమోషన్లు ఎప్పుడు, ఏ విధంగా ఇస్తారన్నది స్పష్టంగా లేదు. ఉన్న ఖాళీల్లో మిగులు పోస్టులను సర్దుబాటు చేయడం వల్ల ప్రభుత్వంపై అదనపు భారం ఉండదని చెబుతున్నారు. అయితే ప్రమోషన్‌ పొందిన ఉద్యోగులకు వేతనపరంగా ఎలాంటి ప్రయోజనం కల్పిస్తారన్నది ఉత్తర్వుల్లో వివరించలేదు. రెండు కేటగిరీల ఊసే లేదు వార్డు వెల్ఫేర్‌ అండ్‌ ఎడ్యుకేషన్, వార్డు అమెనిటీస్‌ సెక్రటరీల ప్రమోషన్లపై సంబంధిత శాఖల సిఫార్సులు వచ్చిన తర్వాత నిర్ణయం తీసుకుంటామని ప్రభుత్వం తెలిపింది. దీంతో ఈ ఉద్యోగులకు ఇంకా స్పష్టమైన గడువు తెలుపలేదు. హడావుడిగా ఉద్యోగుల హోదాలు, బాధ్యతలను మార్చే అంశం ప్రస్తావించిన సర్కారు.. కొత్త జాబ్‌ చార్ట్, అధికారాలు, జవాబుదారీతనం, తదుపరి ప్రమోషన్‌కు అవసరమైన అర్హతలపై స్పష్టత ఇవ్వక పోవడంపై సచివాలయ ఉద్యోగులు మండిపడుతున్నారు. ప్రమోషన్ల అమలు గడువు, సీనియారిటీ, పే ఫిక్సేషన్, జీతభత్యాలు, అరియర్స్‌పై స్పష్టమైన మార్గదర్శకాలు లేని ఈ ఉత్తర్వులు ఉత్తిత్తివేనని ఆగ్రహం వ్యక్తం చేస్తున్నారు.

సాక్షి, అమరావతి : సచివాలయ ఉద్యోగులపై సర్కారు ఉక్కుపాదం మోపినా వారెవరూ వెరవలేదు. పోలీసులను ప్రయోగించినా.. ఎక్కడికక్కడ అరెస్టులు చేసినా.. అడుగడుగునా ఆంక్షలు పెట్టినా భయపడలేదు. తమ ఆవేదనను తెలియజేయడానికి వివిధ మార్గాల ద్వారా విజయవాడలోని ధర్నా చౌక్‌కు గ్రామ, వార్డు సచివాలయ ఉద్యోగులు వేలాదిగా తరలివచ్చారు. పోలీసులు హెచ్చరించినా.. లాఠీలు ఝుళిపించినా.. క్రిమినల్‌ కేసులు నమోదుచేస్తామని భయపెట్టినా బెదరకుండా వారి ఆవేదనను వెల్లడించారు. తమకు వెట్టిచారికీ నుంచి విముక్తి కల్పించాలని, నోషనల్‌ ఇంక్రిమెంట్లు ఇవ్వాలని నినదించారు. ఈ సందర్భంగా ఎవరెవరు ఏమన్నారంటే..బాసిజం తగ్గించాలి సచివాలయ ఉద్యోగులమంటే చులకన అయిపోయాం. మాపై బాసిజం పెరిగిపోయింది. పని ఒత్తిడితో సతమతమవుతున్నాం. అనధికారిక డిప్యుటేషన్లతో నలిగిపోతున్నాం. అయినా మా సమస్యలు పరిష్కరించడానికి ప్రభుత్వానికి మనసు ఒప్పడంలేదు. 650 మంది సచివాలయ ఉద్యోగులు చనిపోతే ప్రభుత్వం కనీసం స్పందించలేదు. వారి కుటుంబాలకు దిక్కెవరు? తక్షణమే మా డిమాండ్లు పరిష్కరించాలి. – ధనలక్ష్మి, సచివాలయ ఉద్యోగి, గుంటూరు మేం మర యంత్రాలమా?సచివాలయ ఉద్యోగులంటే మర యంత్రాల్లా ప్రభుత్వం చూస్తోంది. ఒక జాబ్‌చార్ట్‌ లేకుండా అన్ని పనులు చెబుతోంది. అన్ని శాఖల అధికారులు మాపై పెత్తనం చెలాయిస్తున్నారు. మాకు రావాల్సిన ఆర్థిక ప్రయోజనాలు మాత్రం కల్పించడంలేదు. న్యాయమైన మా డిమాండ్లు పరిష్కరించాలని ప్రభుత్వాన్ని కోరుతున్నా పట్టించుకోకపోవడంతో విధిలేని పరిస్థితుల్లో ఆందోళనబాట పట్టాం. ప్రభుత్వం పోలీసులతో అణగదొక్కించడం అన్యాయం. మహిళా ఉద్యోగులని చూడకుండా జుట్టు పట్టుకుని లాగి ఈడ్చిపడేశారు. – సుంకర మహాలక్ష్మి, సచివాలయ ఉద్యోగి సాకులు మానుకోవాలి సచివాలయ ఉద్యోగులతో అన్ని రకాల పనులు చేయిస్తున్న ప్రభుత్వం సమస్యలు పరిష్కరించడానికి మాత్రం సాకులు చెబుతోంది. 1,896 మంది పశుసంవర్థక సహాయకుల ప్రొబేషన్‌ డిక్లేర్‌ చేయకుండా తాత్సారం చేస్తోంది. మాతో 24 గంటలూ రకరకాల పనులు చేయిస్తోంది. పనిఒత్తిడి తట్టుకోలేక చనిపోయిన ఉద్యోగుల కుటుంబాలకు ఇంతవరకు న్యాయం చేయలేదు. సస్పెన్షన్ల పేరుతో బెదిరించడం దారుణం. – కేవీ రాజశేఖర్‌బాబు, పశుసంవర్థక సహాయకుల సంఘం రాష్ట్ర అధ్యక్షుడుసమస్యలు చెప్పడానికి స్వేచ్ఛలేదా?అన్ని శాఖల పనులు సచివాలయ ఉద్యోగులతో చేయిస్తున్నారు. మల్టీ బాసిజమ్‌తో నలిగిపోతున్నాం. 423 జీఓ అమలుకాకముందే శానిటేషన్‌ సెక్రటరీలపై ఒత్తిడి పెంచారు. కానీ, ఆర్థికపరమైన ప్రయోజనాలను మాత్రం ప్రభుత్వం కల్పించడంలేదు. మా సమస్యలు చెప్పుకోవడానికి వస్తే క్రిమినల్స్‌ను చూసినట్లు చూస్తున్నారు. ప్రభుత్వం భేషజాలకు పోకుండా సచివాలయ ఉద్యోగుల న్యాయమైన డిమాండ్లు పరిష్కరించాలి. – సృజన, సచివాలయ ఉద్యోగి

తాడేపల్లి: తమ డిమాండ్లను నెరవేర్చాలంటూ నిరసనకు దిగిన గ్రామ, వార్డు సచివాలయ ఉద్యోగులపై పోలీసుల లాఠీచార్జ్‌ చేయడాన్ని వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి తీవ్రంగా ఖండించారు. గ్రామ, వార్డు సచివాలయాల ఉద్యోగులపై చంద్రబాబు సర్కార్‌ పాశవిక దాడి చేసిందని, ఇది ఒక అమానుష చర్య అంటూ ఆగ్రహం వ్యక్తం చేశారు. ప్రభుత్వ ఉద్యోగులపై పోలీసులు లాఠీఛార్జి అత్యంత తీవ్రమైన విషయమని, వారి డిమాండ్లపై ప్రభుత్వం చర్చలు జరపనప్పుడు, ప్రజాస్వామ్యయుతంగా వారి గొంతును వినిపించడం నేరం ఎలా అవుతుంది? ప్రశ్నించారు. ఈ మేరకు సచివాలయ ఉద్యోగులపై ‍ కూటమి ప్రభుత్వం అమానుష చర్యలను ఖండించారు వైఎస్‌ జగన్‌.చంద్రబాబు… ఇది ప్రజాస్వామ్యమేనా?‘ఆందోళన చేస్తే ఈ రకంగా లాఠీలతో కొడతారా?, మహిళలని చూడకుండా గాయపరుస్తారా? ఈడ్చి పడేస్తారా?, శాంతియుత ఆందోళనలపై దాడులు చేసే అధికారం మీకు ఎవరిచ్చారు?, ధర్నాకోసం వస్తున్న వారిని అడ్డుకుని పోలీస్‌స్టేషన్లలో నిర్భంధించి నరకయాతన పెడతారా?, ధర్నా జరగనీయకుండా పెద్ద సంఖ్యలో ఉద్యోగులను అడ్డగోలుగా సస్పెండ్‌ చేయడం దారుణం కాదా?, చంద్రబాబు గారూ… ఇది ప్రజాస్వామ్యమేనా?, రోజురోజుకూ మీ నిరంకుశత్వం పెరిగిపోతోంది?, అధికారం చేతిలో ఉందికదా అని ఏం చేసినా చెల్లుబాటు అవుతుందని అనుకుంటే ఎలా?, చంద్రబాబూ… గ్రామ, వార్డు సచివాలయాల ఉద్యోగులే కాదు. ఇవాళ ఏ ఉద్యోగి అయినా రోడ్డెక్కుతున్నారంటే, కారణం మేనిఫెస్టోలో మీరు హామీలు ఇచ్చి, తీరా అధికారంలోకి వచ్చిన తర్వాత ఆ ఉద్యోగులందరికీ వెన్నుపోటు పొడవటమే.ఐఆర్‌ లేదు.. పీఆర్‌సీ లేదు..మీరు అధికారంలోకి వస్తానే ఐ.ఆర్‌.అన్నారు, పీఆర్‌సీ అన్నారు. తీరా ఐ.ఆర్‌.లేదు, పీఆర్‌సీ లేదు. మేం పీఆర్సీ ఛైర్మన్‌ను నియమిస్తే వెళ్లగొట్టారు.ఉద్యోగులకు హక్కుగా ఇవ్వాల్సిన 5 డీఏలు పెండింగ్‌. ఉద్యోగులు రోడ్డెక్కితే, అప్పుడు అందులో 2 డీఏలు ఇస్తానని ప్రకటించి, అరియర్స్‌ చెల్లింపునకు కూడా వాయిదాలు పెట్టారు. సరెండర్‌ లీవ్స్‌ పెండింగ్. ఉద్యోగులకు పెట్టిన బకాయిలు దాదాపు రూ.4౦వేల కోట్లు. వీటికితోడు , మీరు ఆ సీట్లోకి వచ్చిన తొలిరోజు నుంచే, మేం దేశంలో ఎక్కడాలేని విధంగా, పరిపాలనలో విప్లవాత్మక చర్యగా, తీసుకొచ్చిన గ్రామ, వార్డు సచివాలయాలపై కక్ష గట్టారు. గ్రామ స్థాయిలోనే 54౦ కిపైగా సేవలందించిన, మా మానసపుత్రికలైన గ్రామ, వార్డు సచివాలయాలు, వాలంటీర్‌ వ్యవస్థ నిర్వీర్యమే లక్ష్యంగా, మీరు ఆ వ్యవస్థలపై నిరంతరం దాడిచేస్తూనే ఉన్నారు.గ్రామ స్వరాజ్యం కనబడకుండా కుట్రలుగ్రామ స్వరాజ్యం కనబడకుండా చేసేందుకు కుట్రలు పన్నుతూనే ఉన్నారు. ఒకే నోటిఫికేషన్‌తో దేశచరిత్రలో ఎప్పుడూ లేని విధంగా 1.34 లక్షల శాశ్వత ఉద్యోగాలను, వాలంటీర్ల రూపంలో మరో 2.6 లక్షల ఉద్యోగాలను గ్రామ, వార్డు స్థాయిలో పారదర్శక పాలనకోసం మేం సృష్టిస్తే, హేతు బద్ధీకరణ పేరుతో శాశ్వతంగా 30వేల ఉద్యోగాలకు ఎసరు పెట్టడమే కాదు.. వాలంటీర్లకు మేం ఇచ్చే రూ.5వేల జీతాన్ని, రూ.10వేలు చేస్తామంటూ కల్లబొల్లి కబుర్లు చెప్పి, తీరా అధికారంలోకి వచ్చాక వారికీ వెన్నుపోటు పొడిచారు. ఇప్పుడు వాలంటీర్లు అందించే సేవలనూ సచివాలయాల ఉద్యోగుల నెత్తిమీద పెట్టి, మోయలేని పనిభారాన్ని పెట్టారు. పారదర్శకతకూ, ఇంటివద్దకే పాలనకూ తెరదించారు. మీరు పెడుతున్న కష్టాలు, వేధింపులు భరించలేక ఒత్తిడికి గురై కొందరు, బలవన్మరణానికి పాల్పడి మరికొందరు, ఇలా ఈ రెండున్నరేళ్ల మీ దుర్మార్గ పరిపాలనలో ఏకంగా సుమారు 100 మంది ఉద్యోగులు ప్రాణాలు కోల్పోయారు. మరి ఇన్ని కష్టాలు పడుతున్నప్పుడు, వారి బాధలు వినాలనే ఉద్దేశం మీకు లేనప్పుడు, వారు శాంతియుత ఆందోళన ద్వారా తమ గొంతు వినిపించాలనుకోవడం తప్పు ఎలా అవుతుంది?,ఉద్యోగులకు క్షమాపణ చెప్పండి..చంద్రబాబూ.. వెంటనే ఈ లాఠీఛార్జి ఘటనపై న్యాయవిచారణకు ఆదేశించడమే కాకుండా, ఉద్యోగులకు క్షమాపణ చెప్పండి. వారిపై విధించిన సస్పెన్షన్లను బేషరతుగా ఎత్తివేయండి. ఈ సందర్భంలో గ్రామ, వార్డు సచివాలయాల ఉద్యోగులకు వారి జగనన్నగా నేను హామీ ఇస్తున్నాను. దేవుడి దయ, ప్రజలందరి ఆశీస్సులతో వైఎస్సార్‌సీపీ ప్రభుత్వం అధికారంలోకి రాగానే, గ్రామ-వార్డు సచివాలయాల వ్యవస్థను మునుపటికంటే మరింత బలోపేతం చేస్తాం. . తద్వారా గ్రామ స్వరాజ్యం మూడు పువ్వులు, ఆరుకాయలుగా వర్దిల్లుతుంది, మాట ఇస్తే, మాటమీద నిలబడే విశ్వసనీయ పాలన మళ్లీ ఉజ్వలిస్తుంది. ఉద్యోగులు తమ బాధ్యతలను గొప్పగా నిర్వర్తించేలా, ప్రజలకు అద్భుతమైన సేవలు మీ ద్వారా మళ్లీ అందేలా, దేశం మీవైపు చూసేలా అన్నిరకాల చర్యలు తీసుకుంటాం. ఇప్పటికే రెండున్నరేళ్లు అయిపోయింది. ఇక మిగిలింది రెండున్నరేళ్లు మాత్రమే. కళ్లు మూసుకుంటే ఆ కాలంకూడా ఇట్టే గడిచిపోతుంది. మన అందరి ప్రభుత్వం తప్పక వస్తుంది. తప్పకుండా మీకు న్యాయం జరుగుతుంది’ అని స్పష్టం చేశారు.ఇదీ చదవండి: సచివాలయ ఉద్యోగులపై ఉక్కుపాదం

పి.గన్నవరం(డాక్టర్ బి.ఆర్ అంబేద్కర్ కోనసీమ జిల్లా): ఇటీవల పి గన్నవరం ఎమ్మెల్యే గెడ్డి సత్యనారాయణ సమక్షంలో తమ పార్టీ నుంచి భారీ చేరికలు అని చెప్పి మీడియాను తప్పుదోవ పట్టించారని వైఎస్సార్‌సీపీ నేత గన్నవరపు శ్రీనివాస్‌ ఆగ్రహం వ్యక్తం చేశారు. తెలుగుదేశం పార్టీ కార్యకర్తలను జనసేన పార్టీలో చేర్చుకొని, వారిని వైఎస్సార్‌సీపీ కార్యకర్తలుగా చూపించారన్నారు. ముంగండపాలెంలో టిడిపి కార్యకర్తలను వైఎస్సార్‌సీపీ కార్యకర్తలుగా చూపించడం విడ్డూరంగా ఉందన్నారు. వైఎస్సార్‌సీపీ నుంచి వచ్చారని చెబుతున్న వారి టీడీపీ సభ్యత్వాలు బయటపెడుతున్నామన్నారు. టీడీపీ నేతలను జనసేనలో చేర్చుకునే ఈ హడావుడి చేస్తున్నారని మండిపడ్డారు.

తాడేపల్లి: గ్రామ, వార్డు సచివాలయ ఉద్యోగులపై ప్రభుత్వానికి ఎందుకంత కక్ష అని నిలదీశారు వైఎస్సార్‌సీపీ ఎమ్మెల్సీ కల్పలతారెడ్డి. మహిళా ఉద్యోగులను కూడా రోడ్డు మీద ఈడ్చెకెళ్లడం దుర్మార్గమన్నారు. ఇదేనా మహిళకు ఇచ్చే గౌరవం అంటూ ప్రశ్నించారు కల్పలతారెడ్డి. ‘వైఎస్ జగన్ తెచ్చిన వ్యవస్థ అని కోపమా?, మహిళా ఉద్యోగులను కూడా రోడ్డు మీద పడేసి లాగడం దుర్మార్గం. తలలు పగిలే పోలీసులు కొట్టడం సిగ్గుచేటు. తిరుపతిలో కూడా ధర్నా చేస్తున్న నర్సింగ్ స్టూడెంట్స్‌ని జుట్టు పట్టుకుని లాగారు. ఉద్యోగులు న్యాయ బద్దమైన సమస్యల పరిష్కారానికి ధర్నా చేస్తే అరెస్టులు చేస్తారా?, ధర్నాకు సంబంధించి గ్రామ, వార్డు సచివాలయ ఉద్యోగులు ముందే చెప్పారు. అయినప్పటికీ ప్రభుత్వం పట్టించుకోలేదు. పైగా యూనియన్ నేతలపై సస్పెన్షన్ వేటు వేశారు. వారి హక్కుల గురించి అడిగితే అరెస్టులు చేయటం దుర్మార్గం. అరెస్టు అయిన వారందరినీ బేషరతుగా రిలీజ్ చేయాలి’ అని డిమాండ్‌ చేశారు.ఇదీ చదవండి: విజయవాడ ధర్నా చౌక్‌లో తీవ్ర ఉద్రిక్తత

సాక్షి, తాడేపల్లి: చంద్రబాబుది నియంతృత్వ పాలన.. ఈ నిరంకుశ పాలనలో ఎవరికీ రక్షణ లేదని వైఎస్సార్‌సీపీ ఎమ్మెల్సీ లేళ్ల అప్పిరెడ్డి మండిపడ్డారు. ఆదివారం ఆయన మీడియా సమావేశంలో మాట్లాడుతూ.. సమస్యలపై నిరసనలు తెలిపితే అరెస్టులు చేయటం దుర్మార్గం అంటూ దుయ్యబట్టారు. ప్రతి పక్షంలో ఉన్నప్పుడు గొంతు చించుకున్న చంద్రబాబు ఇప్పుడు ఉద్యమాలపై ఉక్కు పాదం మోపుతారా?’’ అంటూ నిలదీశారు.‘‘గ్రామ, వార్డు సచివాలయ ఉద్యోగులు ధర్నా చేస్తే ప్రభుత్వం ఎందుకు సహించలేక పోతోంది?. ఉన్నతాధికారులతో గ్రామ సచివాలయ ఉద్యోగులను వేధించటం అన్యాయం. ఉద్యోగులపై వేధింపులను చూసి సభ్య సమాజం సిగ్గుతో తల దించుకుంటోంది. సమస్యలను గాలికి వదిలేసి చంద్రబాబు విదేశాలలో రహస్య పర్యటనకు వెళ్లటం సిగ్గుచేటు. శాప్ ఆఫీసు ఎదుట నకిలీ టీచర్లతో నకిలీ ధర్నాలు చేయించిన ఘనత ఈ ప్రభుత్వానిది’’ అని లేళ్ల అప్పిరెడ్డి ఆగ్రహం వ్యక్తం చేశారు.‘‘గ్రామ సచివాలయ ఉద్యోగులు ధర్నా చేయిద్దని పోలీసులతో నోటీసులు ఇప్పిస్తారా?. ఉద్యోగులకు సమస్యలు ఉండవా? పరిష్కారం కోరుకోకూడదా?. ఉద్యమిస్తే ఉక్కుపాదంతో అణచివేయడం దుర్మార్గపు చర్య. గ్రామ, వార్డు సచివాలయ ఉద్యోగులు చాలా చిన్నవారు. అలాంటి వారిపైకి పోలీసులను ఉసిగొల్పటం అన్యాయం. సాటి ఉద్యోగుల విషయంలో పోలీసులు కూడా సంయమనం పాటించాలి. తోటి ఉద్యోగులపై లాఠీలు ఝుళిపించటం సరికాదు’’ అంటూ అప్పిరెడ్డి ధ్వజమెత్తారు.‘‘కరోనా లాంటి విపత్కర పరిస్థితులలో కూడా పని చేసింది ఈ నిరుద్యోగులే. అలాంటి వారి సమస్యల పరిష్కారానికి ప్రభుత్వం ముందుకు రావాలి. సచివాలయ ఉద్యోగులను అరెస్టు చేసి పోలీసు స్టేషన్లకు తరలించారు. కనీసం తాగడానికి మంచినీరు కూడా ఇవ్వటం లేదు. ఈ దుర్మార్గపు చర్యలను ఖండిస్తున్నాం. ప్రభుత్వం మొండి వైఖరి వీడి ఉద్యోగుల సమస్యలు పరిష్కరించాలి’’ అని లేళ్ల అప్పిరెడ్డి డిమాండ్‌ చేశారు.ఇదీ చదవండి: ‘రక్షక భటులు.. రాక్షస భటులుగా మారిపోయారు’

సాక్షి,తూర్పుగోదావరి : వెన్నుపోటు పార్టీ వంచనపై బీసీ గర్జన సమావేశం జరిగింది. ఈ సమావేశంలో కూటమి ప్రభుత్వంపై వైఎస్సార్‌సీపీ బీసీ విభాగం రాష్ట్ర అధ్యక్షుడు రమేష్ యాదవ్, బొత్స సత్యనారాయణ, విడదల రజిని ఆగ్రహం వ్యక్తం చేశారు. బీసీలకు ఇచ్చిన హామీలను అమలు చేయడంలో ప్రభుత్వం విఫలమైందని వారు విమర్శించారు.ఈ సందర్భంగా రాజ్యాధికారం ఉంటేనే సమాజం ముందుకెళ్లే అవకాశం ఉంటుందని మాజీ మంత్రి బొత్స సత్యనారాయణ స్పష్టం చేశారు. ప్రజాస్వామ్యంలో రాజ్యాధికారంతోనే ఆర్థిక, సామాజిక, రాజకీయ రంగాల్లో బలంగా ఉండగలమని తెలిపారు. రాష్ట్ర విభజన తర్వాత బీసీలను ఏ ప్రభుత్వాలు గుర్తించాయి. ఎవరి హయాంలో అభివృద్ధి జరిగిందనే అంశాన్ని ప్రజలు బేరీజు వేసుకోవాలని పిలుపునిచ్చారు.రాష్ట్ర జనాభాలో 50 శాతానికి పైగా ఉన్న బీసీలను బ్యాక్‌వర్డ్ కాదు బ్యాక్‌బోన్ అని చెప్పిన ఏకైక నాయకుడు పార్టీ అధినేత, మాజీ సీఎం వైఎస్‌ జగన్‌మోహన్‌ రెడ్డి అని రమేష్‌ యాదవ్‌ కొనియాడారు. యాదవ సమాజంలో ఇద్దరికి మంత్రివర్గంలో స్థానం కల్పించిన ఘనత వైఎస్‌ జగన్‌కే దక్కుతుందన్నారు. స్థానిక సంస్థల్లో బీసీలకు 34 శాతం రిజర్వేషన్లు వెంటనే అమలు చేయాలని, ఉప ముఖ్యమంత్రి పదవిని బీసీ వర్గానికి కేటాయించాలని సభ ద్వారా ప్రభుత్వాన్ని డిమాండ్ చేశారు.తాము కూడా కింది స్థాయి నుంచి వచ్చిన వాళ్లమేనని పేర్కొన్న మాజీ మంత్రి విడదల రజిని.. ప్రస్తుత ప్రభుత్వంలో బీసీలకు ఎక్కడెక్కడ గుర్తింపు లోపించిందనే దానిపై అధ్యయనం జరగాలన్నారు. ఎన్నికల్లో ఇచ్చిన హామీ మేరకు బీసీ రక్షణ చట్టం ఇప్పటిదాకా రాలేదని, మహిళలకు అందిస్తామన్న సహాయం అందలేదని, లబ్ధిదారులకు పింఛన్లు కూడా తగ్గిపోయాయని మండిపడ్డారు.

సాక్షి, తాడేపల్లి: గ్రామ సచివాలయ ఉద్యోగులపై ఉక్కు పాదం అన్యాయం.. వారు రాజ్యాంగబద్దంగా గళాన్ని విప్పితే అణచివేస్తారా? అంటూ వైఎస్సార్‌సీపీ నేత, మాజీ ఎమ్మెల్యే టీజేఆర్‌ సుధాకర్‌ బాబు మండిపడ్డారు. ఆదివారం ఆయన మీడియాతో మాట్లాడుతూ.. ఇప్పటికే అరెస్టు చేసిన వందలాది మంది ఉద్యోగులను బేషరతుగా విడుదల చేయాలని ఆయన డిమాండ్‌ చేశారు.‘‘గాంధీజీ కలలు కన్న గ్రామ స్వరాజ్యం కోసం వైఎస్ జగన్ సచివాలయ వ్యవస్థను తెస్తే చంద్రబాబు దాన్ని సర్వనాశనం చేశారు. ధర్నా చేస్తున్న ఉద్యోగులను లాఠీలతో కొట్టించటం అన్యాయం. విద్యుత్ ఛార్జీలు తగ్గించాలని కోరితే కాల్పులు జరిపించిన వ్యక్తి చంద్రబాబు. డీఎస్సీ అక్రమాలపై ఉద్యమం చేసిన మా వాళ్లపై పోలీసులతో దాడులు చేయించారు. ఆ దాడుల్లో మా నేత కాకుమాను రాజశేఖర్ చనిపోయారు. రక్షక భటులు రాక్షస భటులుగా మారిపోయారు’’ అని టీజేఆర్‌ ధ్వజమెత్తారు.ఈ ఘటనకు‌ బాధ్యడిని చేస్తూ డీజీపీపై సుమోటోగా కేసు నమోదు చేయాలి. గ్రామ, వార్డు సచివాలయ ఉద్యోగుల డిమాండ్లు సహేతుకమైనవి. వాటిని పరిష్కరించాల్సిన ప్రభుత్వం వేధింపులకు దిగటం అన్యాయం. శాప్ కార్యాలయం ఎదుట ధర్నా చేసిన వారిపై రౌడీషీట్లు ఓపెన్ చేస్తారా?. మా ఎమ్మెల్సీలు తలశిల, లేళ్ల అప్పిరెడ్డి రౌడీషీటర్లు అయితే చంద్రబాబు, లోకేష్ కూడా రౌడీషీటర్లే. కరోనా సమయంలో గ్రామ సచివాలయ ఉద్యోగులే‌ ప్రజలను కాపాడారు. అలాంటి వారి‌ సమస్యలు పరిష్కారం చేయకపోగా పోలీసులతో కొట్టిస్తారా?’’ అంటూ టీజేఆర్‌ ఆగ్రహం వ్యక్తం చేశారు.ఇదీ చదవండి: సీఎం పర్యటనల ఈవెంట్స్‌ ఖర్చు రూ.44.62 కోట్లు

సాక్షి, తూర్పుగోదావరి జిల్లా: కూటమి ప్రభుత్వంలో ఉప ముఖ్యమంత్రిగా బీసీలు పనికిరారా? అంటూ వైఎస్సార్‌సీపీ నేత, మాజీ ఎంపీ మార్గాని భరత్‌ రామ్‌ మండిపడ్డారు. రాజమండ్రి రూరల్‌ కాతేరులో నిర్వహించిన ‘వెన్నుపోటు పార్టీ వంచన’పై బీసీ గర్జన సభలో ఆయన మాట్లాడుతూ.. చంద్రబాబు బీసీలను వాడుకుంటున్నారంటూ ఆగ్రహం వ్యక్తం చేశారు.బీసీలకు మంచి చేయాలనే ఉద్దేశం వైఎస్‌ జగన్‌కు మాత్రమే ఉంది. ప్రభుత్వానికి బుద్ధి వచ్చే విధంగా తీర్పు ఇవ్వాలి. రేపు జరగబోయే స్థానిక సంస్థల యుద్ధం మన ఆత్మగౌరవానికి సంబంధించింది.‌ ఆత్మగౌరవం నిలబడాలంటే వైఎస్సార్‌సీపీ విజయం సాధించాలని మార్గాని భరత్‌ పిలుపునిచ్చారు.మాజీ మంత్రి సీదిరి అప్పలరాజు మాట్లాడుతూ.. మన నాయకుడు గతంలోనే జయహో బీసీ అంటూ నినాదం ఇచ్చారు. వెన్నుపోటు నాయకులు అలవికాని, అబద్ధపు హామీలు ఇచ్చి అధికారంలోకి వచ్చారు. ఎంతకాలం ఇటువంటి పరిపాలన?. బీసీలను ఆర్థికంగా, రాజకీయంగా గుర్తించింది వైఎస్‌ జగన్‌ మాత్రమే. బీసీలకు 34 శాతం రిజర్వేషన్ ఇచ్చేస్తామని ఇప్పుడు చెప్పటం మరో వెన్నుపోటు. బీసీలు గుర్తింపు పెరగాలంటే వైఎస్‌ జగన్‌ను మళ్లీ ముఖ్యమంత్రిని చేసుకోవాలి’’ అని ఆయన పేర్కొన్నారు.జోగి రమేష్ మాట్లాడుతూ.. రానున్న ఎన్నికల్లో కూటమి ప్రభుత్వాన్ని గోదావరిలో కలిపేందుకు సిద్ధంగా ఉండండి. ఉభయ గోదావరి జిల్లాల్లో మార్పు వచ్చింది‌.‌ దానికారణం బీసీలే.. బీసీ, ఎస్సీ, ఎస్టీ మైనారిటీల్లో ఇంటికి ఇద్దరు ఉద్యోగస్తులయ్యారంటే అది కేవలం వైఎస్సార్ చలవే. సాధారణ నాయకులను సైతం అసెంబ్లీలో కూర్చోబెట్టిన ఘనత వైఎస్‌ జగన్‌కే దక్కుతుంది.. 29 రాష్ట్రాల్లో ఓకే నాయకుడు.. ఒకే పార్టీ, ఒకే అజెండాతో 40 శాతం ఓట్లు సాధించిన ఒకే ఒక్క నాయకుడు వైఎస్ జగన్

సాక్షి, విశాఖపట్నం: జీవీఎంసీ 52వ వార్డు అంబ్కేదర్‌నగర్‌లో శనివారం రాత్రి వినాయక నిమజ్జనం ఊరేగింపులో విషాదం చోటుచేసుకుంది. డీజే మోత మధ్య ఉత్సాహంగా డ్యాన్స్‌ చేస్తున్న ఓ వ్యక్తి ఒక్కసారిగా కుప్పకూలి మృతి చెందాడు. ఎన్‌ఏడీ ప్రాంతంలో చిన్నచిన్న పనులు చేసుకుంటూ జీవించే ఆ వ్యక్తి ఊరేగింపులో డ్యాన్స్‌ చేస్తుండగా కళ్లు తిరిగి పడిపోయాడు. 108 సిబ్బంది పరిశీలించి అప్పటికే మృతి చెందినట్లు నిర్ధారించారు.స్థానికులు ఇతడిని ఆర్‌ అండ్‌ బీ అని పిలుస్తుంటారు. పోలీసులు మృతదేహాన్ని కేజీహెచ్‌కు తరలించారు. డీజే భారీ శబ్దం, వైబ్రేషన్ల కారణంగానే అతడు మృతి చెందాడని స్థానికులు అంటున్నారు. అయితే మృతికి అసలు కారణం పోస్టుమార్టం నివేదికలో తేలాల్సి ఉంది. మితిమీరిన శబ్ద కాలుష్యం... చిన్నారులు, వృద్ధులు, ఇతర అనారోగ్య సమస్యలు ఉన్నవారి ఆరోగ్యంపై తీవ్ర దుష్ప్రభావాన్ని చూపుతోంది.సాధారణంగా మనుషుల చెవులు 60 నుంచి 70 డెసిబెల్స్‌ వరకు శబ్దాన్ని తట్టుకోగలవు. కానీ ఊరేగింపుల్లో వాడే డీజేలు 100 నుంచి 110 డెసిబెల్స్‌కుపైగా శబ్ద తీవ్రతను కలిగి ఉంటున్నాయి. ఇది ఆరోగ్యానికి అత్యంత ప్రమాదకరమని వైద్య నిపుణులు చెబుతున్నారు. మరో ఘటనలోయాదాద్రి భువనగిరి జిల్లా మోత్కూరు మున్సిపల్‌ కేంద్రంలో శుక్రవారం రాత్రి డీజే సౌండ్‌తో వినాయక విగ్రహాలను నిమజ్జనానికి తరలించారు. అదే సమయంలో ఇసుక తరలించే ఎడ్ల బండ్లు కూడా చెరువుకట్ట ప్రాంతానికి చేరుకున్నాయి.ఈ క్రమంలో డీజే సౌండ్‌కు రెండు ఎద్దులు బెదిరి చెరువు కట్ట సమీపంలోని బృందావన్‌ కాల్వలోకి బండితో సహా దూకాయి. ఇది గమనించిన బండిపై ఉన్న వ్యక్తి ముందుగానే పక్కకు దూకాడు. ఎద్దులు పడిన చోట బురద ఉండటంతో వాటికి ఎలాంటి గాయాలు కాలేదు. దీంతో అంతా ఊపిరి పీల్చుకున్నారు. ఊరేగింపుల సమయంలో డీజేలు ఏర్పాటు చేయడం పట్ల స్థానికులు ఆందోళన వ్యక్తం చేస్తున్నారు.ఇదీ చదవండి: రైలులో ఎంపీ భార్యకు ‘భయానక’ అనుభవం

వైఎస్ఆర్ కడప జిల్లా: ఆడపిల్ల పుట్టిందని ఆ తల్లిదండ్రులు ఏనాడూ దిగులు పడలేదు.. ఇద్దరూ ఆడపిల్లలే అయ్యారని అస్సలు అధైర్యపడలేదు. పైగా వారిని కొడుకులతో సమానంగా, ఎంతో బాధ్యతగా పెంచారు. తాము నమ్ముకున్న పవిత్రమైన వృత్తినే ఆ బిడ్డలకు స్ఫూర్తిగా చూపించారు. ఫలితంగా తల్లిదండ్రులిద్దరూ వైద్యులు.. కూతుళ్లిద్దరూ వైద్యులే అయి, ఒకే కుటుంబంలో నాలుగు వైద్య దీపాలను వెలిగిస్తున్నారు. ప్రొద్దుటూరుకు చెందిన డాక్టర్‌ పెద్దిరెడ్డి ప్రభాకర్‌రెడ్డి చిల్డ్రన్స్ స్పెషలిస్టుగా, ఆయన భార్య డాక్టర్‌ భాగ్యమ్మ గైనకాలజిస్టుగా సేవలందిస్తున్నారు. వైద్య వృత్తిలో వారు చూపిన అంకితభావాన్ని చిన్నప్పటి నుంచే చూస్తూ పెరిగిన వారి ఇద్దరు కుమార్తెల్లోనూ వైద్యులుగా ఎదగాలన్న ఆకాంక్ష బలంగా నాటుకుంది. కూతుళ్లను కేవలం చదివించడం మాత్రమే కాకుండా.. జీవితంలో ఒక లక్ష్యాన్ని ఏర్పరుచుకొని, దానిని చేరుకునే వరకు కష్టపడేలా తల్లిదండ్రులు తీర్చిదిద్దారు. స్కిన్‌ స్పెషలిస్ట్‌గా పెద్ద కుమార్తె.. పెద్ద కుమార్తె గ్రీష్మబిందు 2016లో నెల్లూరులోని నారాయణ మెడికల్‌ కాలేజీలో ఎంబీబీఎస్‌లో చేరారు. వైద్య విద్యను విజయవంతంగా పూర్తి చేసిన ఆమె.. అనంతరం చెన్నైలోని ప్రతిష్టాత్మక శ్రీరామచంద్ర మెడికల్‌ కాలేజ్‌లో ఎండీ పూర్తి చేసి, ప్రస్తుతం స్కిన్‌ స్పెషలిస్ట్‌గా మారి రోగులకు అద్భుతమైన వైద్య సేవలు అందిస్తున్నారు. ఢిల్లీ వేదికగా చిన్న కుమార్తె.. చిన్న కుమార్తె నవ్యశ్రీ సైతం అక్క, కన్నవారి అడుగుజాడల్లోనే నడిచారు. ఈమె 2020లో దేశ రాజధాని ఢిల్లీలోని అత్యంత ప్రతిష్టాత్మకమైన ఎల్‌హెచ్‌ఎంసీలో ఎంబీబీఎస్‌ సీటు సాధించారు. తాజాగా వైద్య విద్యను అత్యంత విజయవంతంగా పూర్తి చేసి, అధికారికంగా వైద్య రంగంలోకి అడుగుపెట్టారు. ఇలా తల్లిదండ్రుల వృత్తిని చూసి ప్రేరణ పొందిన ఇద్దరు కుమార్తెలు.. అదే వృత్తిని ఎంచుకొని తమ తల్లిదండ్రుల కోరికను నెరవేర్చడం విశేషం. ‘ఇద్దరు ఆడపిల్లలే అని ఎప్పుడూ బాధపడలేదు’ – డాక్టర్‌ ప్రభాకర్‌రెడ్డి దంపతులు ‘మాకు ఇద్దరు కూతుళ్లు పుట్టారని ఏనాడూ బాధపడలేదు. ఆడపిల్లలను చక్కగా చదివించి, తమ కాళ్లపై తాము నిలబడేలా తీర్చిదిద్దాలనే ఆలోచనతో పెంచాం. పిల్లలకు లక్ష్యాన్ని నిర్దేశించడమే కాకుండా.. ఆ లక్ష్యాన్ని సాధించే వరకు వారికి అండగా నిలిచాం. ఆడపిల్లలు పుట్టడం లోటు కాదు.. వారికి సరైన విద్య, ప్రోత్సాహం, అవకాశాలు అందిస్తే కుటుంబానికే కాదు.. సమాజానికి కూడా గర్వకారణంగా నిలుస్తారు.’

సచివాలయ ఉద్యోగుల ధర్నా అప్‌డేట్స్‌.. కృష్ణాజిల్లా:ఆత్కూరు పోలీసుల నిర్బంధంలో 32 మంది మహిళా సచివాలయ సిబ్బందిఉదయం నుంచి స్టేషన్ లో నే ఉంచిన పోలీసులుఆధార్ కార్డులు ఇచ్చి... సంతకాలు పెడితేనే వదిలిపెడతామంటున్న పోలీసులువేర్వేరు జిల్లాలకు వెళ్లాల్సిన వారు కావడంతో ఆందోళనలో సచివాలయ మహిళా ఉద్యోగులురాత్రి 9 గంటల దాటినా ఆత్కూరు పోలీస్ స్టేషన్ లో ఉంచడంతో ఆగ్రహం వ్యక్తం చేస్తున్న సచివాలయ మహిళా ఉద్యోగులుకృష్ణా జిల్లాఉయ్యూరు రూరల్, టౌన్ పోలీస్ స్టేషన్‌లో 183 మంది సచివాలయం ఉద్యోగులు ఉదయం ధర్నా చౌక్ నుంచి సచివాలయ ఉద్యోగులను తీసుకొచ్చిన పోలీసులు రాత్రి 9 అవుతున్న ఇంకా స్టేషషన్‌లోనే సచివాలయ ఉద్యోగులు ఆధార్ కార్డులు ఇచ్చి సంతకాలు పెట్టాలంటూ పోలీసులు ఒత్తిడి ఆధార్ కార్డులతో మీకేం పని అంటూ ప్రశ్నిస్తున్న ఉద్యోగులు ఇంకా స్టేషన్ లోనే ఉండడంతో ఆగ్రహానికి వ్యక్తం చేస్తున్న మహిళ ఉద్యోగులువిజయవాడ: పటమట పోలీస్ స్టేషన్ లో సచివాలయ ఉద్యోగులు నిర్బంధంఉదయం 7 గంటలకు బస్టాండ్ ,రైల్వే స్టేషన్‌లో అరెస్ట్ చేసి స్టేషన్‌కు తరలించిన పోలీసులుపన్నెండు గంటలుగా పటమట పోలీస్ స్టేషన్‌లోనే ఉంచేసిన పోలీసులుఇంకా స్టేషన్‌లోనే ఉన్న మహిళా ఉద్యోగులు పైఅధికారులు చెబితేనే పంపిస్తామంటున్న పోలీసులునోటీసులపై సంతకాలు పెట్టాలి..ఆధార్ కార్డులు ఇవ్వాలని ఇబ్బంది పెడుతున్న పోలీసులువిజయవాడ ధర్నాచౌక్‌ వద్ద రణరంగ వాతావరణం11 గంటలుగా గ్రామ, వార్డు సచివాలయ ఉద్యోగుల నిరసనవారిపై పోలీసుల లాఠీ చార్జ్‌డిమాండ్లపై ప్రభుత్వం స్పష్టత ఇచ్చేవరకూ వెనక్కి తగ్గేది లేదంటున్న ఉద్యోగులు టార్చ్‌లైట్ల వెలుగులోనే ఆందోళనసాయంత్రం అయినా కొనసాగుతున్న సచివాలయ ఉద్యోగుల ఆందోళన.సెల్‌ఫోన్ టార్చ్‌లైట్లు ఆన్ చేసి “We Want Justice” అంటూ నినాదాలుఎన్టీఆర్ జిల్లా: ఇబ్రహీంపట్నం పోలీస్ స్టేషన్ వద్ద సచివాలయ ఉద్యోగులకు మాజీ ఉద్యోగ సంఘ నాయకులు వెంకట్రామిరెడ్డి సంఘీభావంన్యాయమైన డిమాండ్ల కోసం శాంతియుతంగా ఆందోళన చేస్తున్న సచివాలయ ఉద్యోగులను అరెస్టు చేయడం అన్యాయంకుటమి ప్రభుత్వం ఉద్యోగుల పట్ల అమానుషంగా వ్యవహరిస్తుంది.ప్రభుత్వానికి సమస్యలను చెప్పుకునే అవకాశం కూడా ఇవ్వడం లేదుకూటమి ప్రభుత్వం ఏర్పడిన తర్వాత అనేక కారణాలతో దాదాపు 100 మంది ఉద్యోగులు చనిపోయారుప్రభుత్వం ఏర్పడిన తర్వాత వాలంటీర్లను తొలగించి సచివాలయం ఉద్యోగులపై పని భారాన్ని మోపారుసచివాలయ ఉద్యోగులను సాధారణ ప్రభుత్వ ఉద్యోగులుగా గుర్తించాలిసచివాలయ ఉద్యోగుల ఆందోళనకు తాను అండగా ఉంటానని, ప్రభుత్వం దిగి వచ్చి సమస్యలు పరిష్కారం చేయాల్సిందే గ్రామ, వార్డు సచివాలయ ఉద్యోగులపై ప్రభుత్వానికి ఎందుకంత కక్ష?: కల్పలతారెడ్డి, ఎమ్మెల్సీవైఎస్ జగన్ తెచ్చిన వ్యవస్థ అని కోపమా?మహిళా ఉద్యోగులను కూడా రోడ్డు మీద పడేసి లాగడం దుర్మార్గంతలలు పగిలే పోలీసులు కొట్టడం సిగ్గుచేటుఇదేనా మహిళా ఉద్యోగులకు ఇచ్చే గౌరవం?తిరుపతిలో కూడా ధర్నా చేస్తున్న నర్సింగ్ స్టూడెంట్స్‌ని జుట్టు పట్టుకుని లాగారుఉద్యోగులు న్యాయ బద్దమైన సమస్యల పరిష్కారానికి ధర్నా చేస్తే అరెస్టులు చేస్తారా?ధర్నాకు సంబంధించి గ్రామ, వార్డు సచివాలయ ఉద్యోగులు ముందే చెప్పారుఅయినప్పటికీ ప్రభుత్వం పట్టించుకోలేదుపైగా యూనియన్ నేతలపై సస్పెన్షన్ వేటు వేశారువారి హక్కుల గురించి అడిగితే అరెస్టులు చేయటం దుర్మార్గంఅరెస్టు అయిన వారందరినీ బేషరతుగా రిలీజ్ చేయాలితిరుపతి: తిరుపతి ఓల్డ్‌ మున్సిపల్‌ కార్యాలయం ఎదుట నిరసనకు దిగిన సచివాలయ ఉద్యోగులున్యాయపరమైన సచివాలయం ఉద్యోగుల డిమాండ్లను వెంటనే పరిష్కరించాలికూటమి ప్రభుత్వం పాలనలో సచివాలయం ఉద్యోగులపై కక్ష సాధింపు చర్యలుకూటమి ప్రభుత్వ కక్ష సాధింపు చర్యలను ఖండిస్తున్నాంవిజయవాడలో సచివాలయం ఉద్యోగులపై లాఠీ చార్జీని ఖండిస్తూ నిరసన పోలీస్‌ స్టేషన్లలో భోజనాలు కూడా ఇవ్వని పోలీసులుమాచవరం పోలీస్‌ స్టేషన్‌కు వెళ్లిన ఉద్యోగుల సంఘం నాయకుడు వెంకట్రామిరెడ్డిఉద్యోగులకు భోజనాలు ఇవ్వడానికి వెళ్లిన వెంకట్రామిరెడ్డివెంకట్రామిరెడ్డిని భోజనాలు ఇవ్వకుండా అడ్డుకున్న పోలీసులునానా బాధలు ఎదుర్కొంటున్న అరెస్టైన సచివాలయ ఉద్యోగులు సచివాలయ వ్యవస్థను చంద్రబాబు సర్వ నాశనం చేశారు: సుధాకర్‌బాబురాజ్యింగ బద్ధంగా గళం విప్పితే అణిచివేస్తారా?ధర్నా చేస్తున్న వారిపి లాఠీచార్జ్‌ దుర్మార్గంసమస్యలు పరిష్కారం చేయకపోగా, పోలీసులతో కొట్టిస్తారా?రక్షకభటులు, రాక్షస భటులుగా మారిపోయారువిజయవాడ ధర్నా చౌక్‌లో తీవ్ర ఉద్రిక్తతసచివాలయ ఉద్యోగులను ఈడ్చిపడేస్తున్న పోలీసులుమహిళా ఉద్యోగులను సైతం ఈడ్చుకెళ్లిన పోలీసులుమహిళా ఉద్యోగిని జట్టుపట్టుకుని ఈడ్చేసిన పోలీసులుఉద్యోగులను బలవంతంగా లాక్కెళ్తున్న పోలీసులుఉద్యోగుల పట్ల అమానుషంగా ప్రవర్తించిన పోలీసులుపోలీసులతో సచివాలయ ఉద్యోగలు వాగ్వాదం, తోపులాటతోపులాటలో పలువురు సచివాలయ ఉద్యోగులకు గాయాలువిజయవాడ: పోలీసులు దౌర్జన్యం వ్యవహరిస్తున్నారు: ఉద్యోగులుశాంతియుత ఆందోళనను అడ్డుకోవడం సరికాదుకూటమి ప్రభుత్వం దుర్మార్గంగా వ్యవహరిస్తోంది విజయవాడ: ఇబ్రహీంపట్నం పీఎస్‌లో సచివాలయ ఉద్యోగులు71 మంది ఉద్యోగులను అదుపులోకి తీసుకుని పీఎస్‌కు తరలింపుభోజనం కూడా చేయలేదని, మమ్మల్ని విడిచిపెట్టాలని సచివాలయ ఉద్యోగుల ఆవేదనమమ్మల్ని వైఎస్సార్‌సీపీ కార్యకర్తలుగా ప్రభుత్వం చూస్తోందిమాకు కూడా అన్ని రకాల బెన్‌పిట్స్‌ ఇవ్వాలిఉద్యోగులు అరెస్టునెల్లూరు నుండి ప్రైవేటు బస్సులో విజయవాడ చేరుకున్న సచివాలయ ఉద్యోగులు అరెస్టుఅరెస్టు చేసిన ఉద్యోగులను మాచవరం పోలీస్ స్టేషన్ కు తరలింపుఉదయం నుండి తిండి తిప్పలు లేకుండా నిర్భందం.ప్రభుత్వ ఉద్యోగులపై ప్రభుత్వమే ఉక్కుపాదం మోపడంపై ఉద్యోగుల ఆవేదన, ఆగ్రహంవిజయవాడలో మహిళా ఉద్యోగులను సైతం ఈడ్చుకెళ్లిన పోలీసులు.పోలీసులతో ఉద్యోగుల వాగ్వాదం, తోపులాట.శాంతియుత ఆందోళన వద్దని ఉద్యోగుల ఆవేదన విజయవాడ..కొనసాగుతున్న సచివాలయ ఉద్యోగుల ఆందోళనధర్నా చౌక్‌ వద్దకు చేరుకున్న పోలీస్ బలగాలులాఠీలతో రంగ ప్రవేశం చేసిన పోలీసులుఅరెస్టులకు సిద్దమైన పోలీసులునాలుగు గంటలుగా కొనసాగుతున్న నిరసనమంత్రి వచ్చే వరకు కదిలేది లేదని స్పష్టం చేసిన సచివాలయ ఉద్యోగులు..పోలీసులు, కూటమి సర్కార్‌ తీరుపై ఉద్యోగుల మండిపాటు. కృష్ణా జిల్లా..గన్నవరం వద్ద సచివాలయ మహిళా ఉద్యోగులను అడ్డుకున్న పోలీసులు.తణుకు నుండి ప్రైవేటు ట్రావెల్స్ బస్సులో ఛలో విజయవాడ కార్యక్రమానికి బయల్దేరిన 60 మంది ఉద్యోగులు.పోలీసుల తీరుకు ఆగ్రహం వ్యక్తం చేస్తున్న మహిళా ఉద్యోగులు.శాంతియుతంగా నిరసన తెలిపేందుకు వెళుతుంటే అడ్డుకోవడం దారుణమంటూ ఉద్యోగుల ఆగ్రహందద్దరిల్లిన విజయవాడ..సచివాలయ ఉద్యోగుల నిరసనతో దద్దరిల్లిన బెజవాడలెనిన్ సెంటర్ జంక్షన్‌కు పోటెత్తిన సచివాలయ ఉద్యోగులులెనిన్ సెంటర్‌కు వచ్చే అన్ని దారులను మూసేసిన పోలీసులుపోలీసులు ఎక్కడ అడ్డుకుంటే అక్కడే బైఠాయించి నిరసన చేస్తున్న సచివాలయ ఉద్యోగులుఆందోళన చేస్తున్న సచివాలయ ఉద్యోగులను అరెస్ట్ చేస్తున్న పోలీసులుపోలీసులు, ప్రభుత్వం తీరుపై సచివాలయ ఉద్యోగులు ఫైర్పోలీసుల ఓవరాక్షన్‌..ఉద్యోగుల పట్ల అమానుషంగా ప్రవర్తించిన పోలీసులు.సచివాలయ ఉద్యోగులను ఈ‍డ్చిపడేసిన పోలీసులు.పోలీసుల తీరుపై సచివాలయ ఉద్యోగుల ఆగ్రహంపోలీసులు దౌర్జన్యంగా ప్రవర్తిస్తున్నారు.విజయవాడలో ఉద్రిక్తత..రోడ్డుపై బైఠాయించి గ్రామ సచివాలయ ఉద్యోగుల ఆందోళన. పోలీసుల దిగ్బంధంలో ధర్నా చౌక్రణరంగంగా మారిన విజయవాడధర్నా చౌక్ రాకుండా అన్ని వైపుల బారికేడ్లతో మూసేసిన పోలీసులుఎక్కడికి అక్కడ సచివాలయ ఉద్యోగులను అరెస్టు చేస్తున్న పోలీసులుపోలీసుల వలయాన్ని ఛేదించి లెనిన్ సెంటర్ వరకు చేరుకున్న సచివాలయ ఉద్యోగులులెనిన్ సెంటర్‌కు వేలాదిగా తరలివచ్చిన ఉద్యోగులులెనిన్ సెంటర్లో రోడ్డుపై బైఠాయించి నిరసనలువిజయవాడలో సచివాలయ ఉద్యోగుల ఆందోళనరోడ్డుపై బైఠాయించి నిరసన తెలుపుతున్న సచివాలయ ఉద్యోగులుఉద్యోగులను ఈడ్చిపడేస్తున్న పోలీసులుపోలీసుల తీరుపై సచివాలయ ఉద్యోగులు ఫైర్విజయవాడలో ఉద్రిక్తత..విజయవాడ ధర్నాచౌక్‌ వద్ద ఉద్రిక్తత.ఛలో విజయవాడకు రాకుండా ఎక్కడికక్కడ ఉద్యోగుల అరెస్ట్‌. వియ్‌ వాంట్‌ జస్టిస్‌ అంటూ సచివాలయ ఉద్యోగుల నినాదాలు. 👉చలో విజయవాడ కార్యక్రమానికి వెళ్లకుండా రాష్ట్రవ్యాప్తంగా సచివాలయ ఉద్యోగులను పోలీసులు అదుపులోకి తీసుకుంటున్నారు. ఈ క్రమంలో కూటమి ప్రభుత్వం, పోలీసుల తీరుపై ఉద్యోగ సంఘాలు ఆగ్రహం వ్యక్తం చేస్తున్నాయి. అర్ధరాత్రి నుంచే బస్సులు, రైళ్ల నుంచి ఉద్యోగులను దించి.. బస్టాండ్లు, రైల్వే స్టేషన్ల వద్దే అరెస్టులు చేస్తున్నారని పేర్కొన్నాయి.👉విజయవాడలోనే దాదాపు 600 మంది సచివాలయ ఉద్యోగులను పోలీసులు అదుపులోకి తీసుకున్నట్లు ఉద్యోగ సంఘాలు చెబుతున్నాయి. అదుపులోకి తీసుకున్న వారిని నగరంలోని వివిధ పోలీస్‌ స్టేషన్లకు తరలిస్తున్నారు. రాష్ట్రంలోని పలు ప్రాంతాల నుంచి విజయవాడకు బయలుదేరిన గ్రామ, వార్డు సచివాలయ ఉద్యోగులను మార్గమధ్యంలోనే పోలీసులు అడ్డుకున్నట్లు ఉద్యోగ సంఘాలు ఆరోపిస్తున్నాయి. కొందరిని బస్సుల నుంచి, మరికొందరిని రైళ్ల నుంచి దించి అదుపులోకి తీసుకున్నారని పేర్కొన్నాయి.👉చలో విజయవాడకు హాజరుకాకుండా ఉద్యోగులను అడ్డుకోవడం, అరెస్టులు చేయడంపై ఉద్యోగ సంఘాలు ఆగ్రహం వ్యక్తం చేస్తున్నాయి. గ్రామ, వార్డు సచివాలయ ఉద్యోగులపై ప్రభుత్వం నిర్బంధ చర్యలకు పాల్పడుతోందని ఆరోపిస్తూ నిరసన వ్యక్తం చేస్తున్నాయి.

సాక్షి, అమరావతి: విద్యుత్‌ వెలుగులు ఇవ్వాల్సిన తీగలే ప్రాణాలు తీస్తున్నాయి. వర్షం, ఈదురుగాలులు వస్తే చాలు.. ఎక్కడ ఏ తీగ తెగిపడుతుందో.. ఎక్కడ ఏ స్తంభం విరిగిపడుతుందో.. ఎవరికి షాక్‌ కొడుతుందోనన్న ఆందోళన కలుగుతోంది. ఇళ్ల వద్ద నుంచి పొలాల వరకు, రోడ్ల నుంచి పండుగల మండపాల వరకు.. విద్యుత్‌ భద్రత ప్రశ్నార్థకంగా మారుతోంది. రెండేళ్లుగా చోటుచేసుకున్న వరుస ఘటనలు ఈ ప్రమాద తీవ్రతను కళ్లకు కడుతున్నాయి. తెగిపడే వైర్లు, ఎక్కడికక్కడ వేలాడే లైన్లు, రక్షణ వ్యవస్థలు లేని విద్యుత్‌ ట్రాన్స్‌ఫార్మర్లు, ఇతర పరికరాల్లో లోపాలు, నామమాత్రంగానే జరుగుతున్న విద్యుత్‌ భద్రత తనిఖీలు ప్రజల ప్రాణాలకు ముప్పుగా మారుతున్నాయి. రాష్ట్రంలో ఏటా 900కుపైగా విద్యుత్‌ ప్రమాదాల వల్ల ప్రాణాలు కోల్పోతుండగా, తాజాగా రాష్ట్రంలో వాయుగుండం ప్రభావంతో కురిసిన వర్షాలకు విద్యుత్‌ తీగలు తెగిపడి వేర్వేరు ప్రాంతాల్లో ఆరుగురు మృత్యువాత పడ్డారు. ప్రభుత్వ నిర్లక్ష్యానికి ఇది నిదర్శనమనే విమర్శలు బాధితుల నుంచి వ్యక్తమవుతున్నాయి. నివేదికలో విస్తుగొలిపే వాస్తవాలు » కేంద్ర విద్యుత్‌ ప్రాధికార సంస్థ (సీఈఏ): కూటమి ప్రభుత్వం అధికారంలోకి వచ్చిన 2024–25 ఆర్థిక సంవత్సరంలో రాష్ట్రంలో మొత్తం 776 విద్యుత్‌ ప్రమాదాలు నమోదయ్యాయి. 426 మంది చనిపోయారు. వీటిలో కేవలం విద్యుత్‌ సంస్థల నిర్లక్ష్యం వల్ల మరణించిన వారి సంఖ్య 332. » పార్లమెంటుకు కేంద్ర విద్యుత్‌ శాఖ గణాంకాలు: తీగలు లేదా కండక్టర్లు తెగిపడటం వల్ల 2024–25లో 39 మంది మృతి చెందగా.. 2025–26లో ఈ మరణాలు 159కి ఎగబాకాయి. అంటే ఒక్క ఏడాదిలోనే మరణాల సంఖ్య భారీగా 120 పెరిగింది. పెరుగుదల సుమారు 308 శాతంగా నమోదయ్యింది. » జాతీయ నేర గణాంకాల సంస్థ (ఎన్‌సీఆర్‌బీ): ఆంధ్రప్రదేశ్‌లో ఏటా 900 విద్యుత్‌ ప్రమాదాలు జరుగుతున్నాయి. దేశవ్యాప్తంగా నమోదయ్యే విద్యుత్‌ ప్రమాదాల్లో అధిక శాతం 11 రాష్ట్రాల్లోనే జరుగుతుండగా వాటిలో ఏపీ కూడా ఉంది. » కేంద్ర విద్యుత్‌ ప్రాధికార సంస్థ (సీఈఏ): ఏడాదిలో సగటున రోజుకు ఇద్దరి కంటే ఎక్కువ మంది విద్యుత్‌ ప్రమాదాలకు బలయ్యారు. లైవ్‌ విద్యుత్‌ వైర్, పరికరాన్ని అనుకోకుండా తాకడం వల్లే 242 మంది మృతి చెందారు. ఇదే కేటగిరీలో 41 మంది గాయపడ్డారు. భద్రతా చర్యలను పాటించకపోవడం, పర్యవేక్షణ లోపం వల్ల మరో 17 మంది మృతి చెందారు. పరికరాల లోపాలతో 26 మంది, అనధికారిక పనులతో 23 మంది ప్రాణాలు వదిలారు. 111 పెంపుడు జంతువులు కూడా అసువులుబాసాయి. » ప్రయాస్‌ ఎనర్జీ గ్రూప్‌ అధ్యయనం: విద్యుత్‌ ప్రమాదాల్లో సుమారు 70 శాతం పంపిణీ స్థాయిలోనే జరుగుతున్నాయి.కారణాలు ఏమిటి? » పాత స్తంభాలు, వేలాడే తీగలు, రక్షణ పరికరాల కొరత వంటి సమస్యలు ప్రమాద తీవ్రతను పెంచుతున్నాయి. విద్యుత్‌ స్తంభాలు, తీగలు దెబ్బతిని, తెగిన తీగలు నీటిలో పడి ప్రాణాంతకంగా మారుతున్నాయి. » బోర్‌వెల్‌ విద్యుత్‌ పరికరాల్లో లోపాలు, సరైన ఎర్తింగ్‌ లేకపోవడం, అనధికార విద్యుత్‌ కంచెలు ప్రమాదాలకు దారితీస్తున్నాయి. » పండుగల సమయంలో టెంట్లు, ఇనుప జెండా కర్రలు, బ్యానర్లు విద్యుత్‌ తీగలకు సమీపంగా ఏర్పాటు చేయడం కూడా ముప్పుగా మారుతోంది. » రోడ్లు, పొలాలు, ఇళ్ల పరిసరాల్లో లైన్లు తెగిపడినప్పుడు అవి లైవ్‌లో (విద్యుత్‌ ప్రసారం) ఉన్నాయా లేదా అన్నది సాధారణ ప్రజలకు తెలియదు. విద్యుత్‌ సిబ్బంది సకాలంలో స్పందించడం లేదు. వర్షపు నీటిలో పడిన తీగ మరింత ప్రమాదకరం. ముందస్తు తనిఖీలు, దెబ్బతిన్న స్తంభాలు, తీగల మార్పు, భద్రతా చర్యలపై ప్రభుత్వం దృష్టి సారించకపోవడం ప్రమాదాల తీవ్రతను పెంచుతోంది. » వారంలో ఒక రోజు విద్యుత్‌ లైన్ల తనిఖీలు, నెలలో ఒకసారి సబ్‌ స్టేషన్‌ తనిఖీ పేరుతో విద్యుత్‌ సరఫరా నిలిపివేయడం వంటి చర్యలు తీసుకుంటున్నా, క్షేత్రస్థాయిలో ఫలితాలు సరిగా ఉండడం లేదు. కూటమి ప్రభుత్వంలో కొన్ని ఘోర విద్యుత్‌ ప్రమాదాలు2024 1. జూలై 23, 2024 – ప్రకాశం జిల్లా, కనిగిరి సమీపం, పునుగోడు: బైక్‌పై వెళ్తున్న ముగ్గురు యువకులపై హైటెన్షన్‌ విద్యుత్‌ తీగ తెగిపడటంతో ముగ్గురూ మృతి చెందారు. 2. సెప్టెంబర్‌ 8, 2024 – పల్నాడు జిల్లా, పొట్లూరు: వినాయక మండపంలో లైట్లు ఏర్పాటు చేస్తుండగా లైవ్‌ వైర్‌ తగిలి 18 ఏళ్ల వేదసహాయం మృతి చెందాడు. 3. అక్టోబర్‌ 20, 2024 – కాకినాడ జిల్లా, సామర్లకోట: టెర్రస్‌పై బట్టలు ఆరేస్తుండగా అక్కడున్న విద్యుత్‌ వైర్‌ తగిలి తల్లి, కుమారుడు ఇద్దరూ మృతి చెందారు. 4. నవంబర్‌ 4, 2024 – తూర్పుగోదావరి జిల్లా, ఉండ్రాజవరం మండలం, తాడిపర్రు: విగ్రహావిష్కరణ కోసం ఫ్లెక్సీ కడుతుండగా లైవ్‌ వైర్‌ తగిలి నలుగురు యువకులు మృతి చెందగా, మరో వ్యక్తి గాయపడ్డాడు. 2025 1. ఫిబ్రవరి 24, 2025 – గుంటూరు జిల్లా, పెదకాకాని: గోశాలలో సంపు శుభ్రం చేస్తూ మోటార్‌ను రిపేర్‌ చేయడానికి ప్రయత్నించిన సమయంలో ఒకరికి విద్యుత్‌ షాక్‌ తగిలింది. అతడిని కాపాడేందుకు వెళ్లిన మరో ముగ్గురూ షాక్‌కు గురయ్యారు. నలుగురూ ప్రాణాలు వదిలారు. 2. మే 26, 2025 – శ్రీకాకుళం జిల్లా, కంచిలి మండలం, చిల్లపుట్టిగ: స్థానిక ఉత్సవాల్లో సీరియల్‌ లైటింగ్‌కు ఉపయోగించిన వైర్‌ తెగి రోడ్డుపై పడటంతో విద్యుదాఘాతం జరిగింది. ముగ్గురు చనిపోయారు. మరో ముగ్గురు గాయపడ్డారు. 3. జూలై 6, 2025 – కర్నూలు జిల్లా, ఆదోని మండలం, పెద్దతుంబలం: ఇంటి నిర్మాణానికి నీరు పంప్‌ చేస్తుండగా మోటార్‌ను తాకిన 13 ఏళ్ల బాలుడు మహేష్‌ మృతి చెందాడు. 4. ఆగస్టు 27, 2025 – కాకినాడ: వాలీబాల్‌ ఆడేందుకు పోల్స్‌ ఏర్పాటు చేస్తుండగా లైవ్‌ వైర్‌ తగిలి 19 ఏళ్ల యువకుడు మృతి చెందాడు. మరో ఐదుగురు గాయపడ్డారు. 5. డిసెంబర్‌ 1, 2025 – ప్రకాశం జిల్లా, త్రిపురాంతకం మండలం, కొత్త అన్నసముద్రం: ఐదుగురికి విద్యుత్‌ షాక్‌ తగలగా ఇద్దరు అక్కడికక్కడే మృతి చెందారు, మరో ముగ్గురికి తీవ్ర గాయాలయ్యాయి.2026 1. జనవరి 25, 2026 – నెల్లూరు జిల్లా, వరికుంటపాడు మండలం, బోనిగర్లపాడు: పంటను జంతువుల నుంచి రక్షించేందుకు పొలం చుట్టూ అక్రమంగా ఏర్పాటు చేసిన లైవ్‌ విద్యుత్‌ కంచెను తాకి 18 ఏళ్ల ఇద్దరు యువకులు మృతి చెందారు. 2. మార్చి 30, 2026 – అనంతపురం: కోవ్వూరు నగర సచివాలయానికి చెందిన ఎనర్జీ అసిస్టెంట్‌ వెంగముని ఏఖీ లైవ్‌ వైర్‌కు తగిలి తీవ్రంగా గాయపడి ఆసుపత్రికి తరలించేలోపు ప్రాణాలు వదిలాడు. 3. ఏప్రిల్‌ 4, 2026 – పార్వతీపురం మన్యం జిల్లా, సాలూరు మండలం, మామిడిపల్లి: గోడ ఎక్కే సమయంలో పంప్‌సెట్‌ ఎలక్ట్రికల్‌ ప్యానెల్‌ను పట్టుకోవడంతో 9వ తరగతి విద్యార్థి మృతి చెందాడు. 4. మే 28, 2026 – కృష్ణా జిల్లా, పమిడిముక్కల మండలం, లంకపల్లి: భారీ వర్షాలు, ఈదురుగాలుల సమయంలో విద్యుత్‌ ప్రమాదాలు చోటుచేసుకున్నాయి. లంకపల్లిలో నీరు తీసుకునేందుకు వెళ్లిన ఇంటర్‌ విద్యార్థిని విద్యుత్‌ ప్రమాదంలో మృతి చెందింది. మరో వ్యక్తి విద్యుత్‌ తీగ కారణంగా మృతి చెందాడు. 5. జూన్‌ 21, 2026 – విశాఖపట్నం, మధురవాడ: రోడ్డుపై క్రికెట్‌ ఆడుతున్న 6 ఏళ్ల బాలుడు, బంతి తీసుకునే క్రమంలో బయటకు వేలాడుతున్న ఎర్తింగ్‌ వైర్‌ను తాకి మృతి చెందాడు. ఆ ప్రాంతంలో అండర్‌గ్రౌండ్‌ కేబుల్‌ పనుల సమయంలో వైర్‌ బయటకు వచ్చి వేలాడుతూ ఉండటం ప్రమాదానికి కారణమైంది. 6. జూలై 3, 2026 – వైఎస్సార్‌ కడప జిల్లా, ప్రొద్దుటూరు మండలం, దొరసానిపల్లె: ఓ వ్యక్తి విద్యుత్‌ షాక్‌తో మృతి చెందిన ఘటనపై కుటుంబ సభ్యుల ఫిర్యాదుతో పోలీసు­లు మృతదేహాన్ని వెలికితీసి పోస్టుమార్టం నిర్వహించారు. 7. సెప్టెంబర్‌ 24, 2026 – అనకాపల్లి జిల్లా, నాతవరం మండలం, గొల్లవీధి: భారీ వర్షాల సమయంలో ఇంటి పైభాగం నుంచి వేలాడుతున్న సపోర్ట్‌ వైర్‌ను తాకడంతో తల్లీకూతురు మృతి చెందారు. భర్త నాగరాజు వైర్‌ను తొలగించేందుకు ప్రయత్నించగా విద్యుదాఘాతానికి గురై గాయపడ్డాడు. 8. సెప్టెంబర్‌ 24, 2026 – పశ్చిమగోదావరి జిల్లా, పెంటపాడు మండలం, జట్లపాలెం: ఎనిమిదవ తరగతి, ఆరవ తరగతి చదువుతున్న ఇద్దరు బాలురు ఆడుకుంటూ అక్కడున్న ఎర్త్‌ వైర్‌ను తాకడంతో విద్యుత్‌ షాక్‌కు గురై చనిపోయారు. 9. సెప్టెంబర్‌ 24, 2026 – బాపట్ల జిల్లా, చెరువు ఉప్పరపాలెం: సరుకులు తెచ్చుకునేందుకు ఇంటి నుంచి బయటకు వచ్చిన ఓ మహిళ విద్యుత్‌ స్తంభం నుంచి తెగిపడిన వైరును తొక్కడంతో షాక్‌కు గురై మరణించింది. తల్లి షాక్‌కు గురవ్వడాన్ని గమనించి కాపాడేందుకు వచ్చిన ఆమె కుమారుడు కూడా అదే విద్యుత్‌ షాక్‌తో ప్రాణాలు కోల్పోయాడు.

సాక్షి, అమరావతి: ప్రజల ప్రశాంత జీవనానికి ఆటంకాలు కలిగించే నిందితులను ముందుజాగ్రత్తగా అరెస్ట్‌ చేసి నిర్బంధించడానికి సంబంధించి ప్రివెంటివ్‌ డిటెన్షన్‌ (పీడీ) చట్టం కింద జారీ చేసే ముందస్తు నిర్బంధ ఉత్తర్వుల్లో సహేతుక కారణాలను పేర్కొని తీరాల్సిందేనని డీటైనింగ్‌ అథారిటీ అయిన జిల్లా కలెక్టర్లకు హైకోర్టు స్పష్టం చేసింది. అలా కారణాలు లేకుండా జారీ చేసిన ఉత్తర్వులు ఎంతమాత్రం చెల్లుబాటు కావని తేల్చిచెప్పింది. ఒక నిందితుడి విషయమై శ్రీపొట్టి శ్రీరాములు నెల్లూరు జిల్లా కలెక్టర్‌ జారీ చేసిన ముందస్తు నిర్బంధ (పీడీ) ఉత్తర్వులను హైకోర్టు తప్పుపట్టింది. జిల్లా కలెక్టర్‌ తన పీడీ ఉత్తర్వుల్లో సహేతుక, సంతృప్తికరమైన కారణాలను పేర్కొనలేదని స్పష్టం చేసింది. జిల్లా కలెక్టర్‌ 2025 డిసెంబర్‌ 2న పీడీ ఉత్తర్వులను, ధ్రువీకరిస్తూ రాష్ట్ర ప్రభుత్వం ఈ ఏడాది ఫిబ్రవరిలో జారీచేసిన జీవోను హైకోర్టు రద్దు చేసింది. నిందితుడిని తక్షణమే విడుదల చేయాలని ప్రభుత్వాన్ని ఆదేశించింది. ఈ మేరకు న్యాయమూర్తులు జస్టిస్‌ రవినాథ్‌ తిల్హరి, జస్టిస్‌ చింతలపూడి పురుషోత్తం కుమార్‌లతో కూడిన ధర్మాసనం ఇటీవల తీర్పు వెలువరించింది. ఈ కేసు అంశాలను పరిగణనలోకి తీసుకున్న ధర్మాసనం, ఇతర జిల్లాల పరిధిలో నేరాలకు పాల్పడిన నిందితులపై నమోదైన కేసులను పరిగణనలోకి తీసుకునే సమయంలో, ఆ ఘటనలు తమ జిల్లా పరిధిలో ప్రజా జీవనానికి, శాంతి భద్రతలకు ఏ విధంగా విఘాతం కలిగిస్తాయన్న విషయాన్ని డిటెన్షన్‌ ఉత్తర్వుల్లో స్పష్టంగా పేర్కొనాల్సిందేనని స్పష్టం చేసింది.

భవిష్యత్‌లో కరోనా వంటి మహమ్మారులు ముంచుకొస్తే మన సన్నద్ధత ఏమిటి? వైరస్‌లను ల్యాబ్‌లోనే తుదముట్టించే వ్యూహం ఉందా? వీటికి సమాధానం హైదరాబాద్‌లోని రెండు దేశీయ అత్యున్నత ల్యాబ్స్‌ సీఎస్‌ఐఆర్‌–ఐఐసీటీ (ఇండియన్‌ ఇన్‌స్టిట్యూట్‌ ఆఫ్‌ కెమికల్‌ టెక్నాలజీ), సీఎస్‌ఐఆర్‌–సీసీఎంబీ (సెంటర్‌ ఫర్‌ సెల్యులార్‌ అండ్‌ మాలిక్యులర్‌ బయాలజీ) సంయుక్తంగా చేపట్టిన ‘యాంటీ–వైరల్‌ మిషన్‌’. రాబోయే 10–20 ఏళ్లలో ప్రపంచాన్ని పట్టిపీడించే సరికొత్త వైరస్‌లను, అపరిచిత మహమ్మారులను ఎదుర్కొనేందుకు దేశాన్ని సన్నద్ధం చేయడం ఈ మిషన్‌ లక్ష్యం. వైరస్‌ బయాలజీని, అది శరీరంలో ఎలా వ్యాప్తి చెందుతుందో హైదరాబాద్‌లోని సీసీఎంబీ పరిశోధిస్తే... దాన్ని చంపే కెమికల్‌ ఫార్ములాను ఐఐసీటీ ల్యాబ్‌ తయారు చేస్తోంది. దీంతో సరికొత్త చరిత్రకు శ్రీకారం చుడుతోంది. విదేశీ టెక్నాలజీతో సంబంధం లేకుండా దేశీయంగానే ఎమ్మార్‌ఎన్‌ఏ వ్యాక్సిన్‌ ప్లాట్‌ఫారమ్‌ను ఇక్కడే సిద్ధం చేస్తున్నారు. దీనివల్ల రాబోయే రోజుల్లో కొత్త వైరస్‌ వస్తే కేవలం కొన్ని వారాల్లోనే వ్యాక్సిన్‌ డిజైన్‌ చేయొచ్చు. సాధారణంగా కొత్త మందులు కనిపెట్టడానికి 10–12 ఏళ్లు పడుతుంది. అందుకే ఇప్పటికే మార్కెట్లో సురక్షితంగా ఉన్న పాత మందులనే కొత్త వైరస్‌ల నివారణకు వాడేలా పరిశోధనలు వేగవంతంగా జరుపుతున్నాం. అతిప్రమాదకర వైరస్‌లపైనా రిస్క్‌ లేకుండా ప్రయోగాలు చేసేందుకు వీలుగా హైసెక్యూరిటీ బయో–సేఫ్టీ–3 (బీఎస్‌ఎల్‌–3) ల్యాబ్స్‌ ఈ మిషన్‌లో కీలక పాత్ర పోషిస్తున్నాయి. ఈ నేపథ్యంలో సీఎస్‌ఐఆర్‌–ఐఐసీటీ డైరెక్టర్‌ డా.డి.శ్రీనివాసరెడ్డితో ‘సాక్షి’ ప్రత్యేక ఇంటర్వ్యూ. ప్రశ్న: ఇతర వ్యాధుల కోసం మార్కెట్లో ఉన్న సురక్షిత ఔషధాలను కొత్త వైరస్‌లపై పునర్వినియోగించడంలో మీ పరిశోధన ఏ దశకు చేరుకుంది? జవాబు: ఇతర అనారోగ్య సమస్యలున్న కోవిడ్‌–19 రోగులపై ఉమిఫెనోవిర్, నిక్లోసమైడ్, కొల్చిసిన్‌ వంటి ఔషధాలతో క్లినికల్‌ ట్రయల్స్‌ నిర్వహించడం ద్వా­రా సీఎస్‌ఐఆర్‌ గణనీయమైన ప్రయత్నా­లు చేసింది. సన్‌ ఫార్మా, ఐసీజీఈబీలతో కలిసి ఫైటోఫార్మాస్యూటికల్‌పైనా క్లినికల్‌ ట్ర­య­ల్‌ నిర్వహించాం. అలాగే అశ్వగంధ సహా మూ­­డు ఆయుష్‌ ఔషధాలను సార్స్‌–కోవ్‌–2 నివారణ వినియోగం కోసం క్లినికల్‌ విధానంలో మూల్యాంకనం చేశాం. ఫలితంగా ప్రజలకు ఔషధాలు త్వరితగతిన అందుబాటులోకి వచ్చే అవకాశముంది. ప్రశ్న: వ్యాక్సిన్‌ అభివృద్ధిలో అత్యంత ప్రభావవంతంగా నిలుస్తున్న ఎమ్మార్‌ఎన్‌ఏ వ్యాక్సిన్‌ సాంకేతికతను హైదరాబాద్‌ ప్రయోగశాలల్లో స్వదేశీయంగా అభివృద్ధి చేస్తున్నట్లు వార్తలు వచ్చాయి. దీనిపై ఏమంటారు? జవాబు: అవును, నిజమే. ఎమ్మార్‌ఎన్‌ఏ వ్యాక్సిన్‌ డెలివరీలో అత్యంత కీలకమైన భాగం ‘అయనీకరణ లిపిడ్లు’. వీటిని ఐఐసీటీ స్వదేశీ పరిజ్ఞానంతో అభివృద్ధి చేస్తోంది. ప్రస్తుతం మా వద్ద కొన్ని స్వదేశీ లిపిడ్లు ఉన్నాయి. వాటిని జంతు నమూనాల్లో కూడా విజయవంతంగా పరీక్షించాం. నూతన యాంటీజెన్‌ ఎమ్మార్‌ఎన్‌ఏ నిర్మాణ భాగాన్ని సీసీఎంబీ చేపడుతోంది. ఈ రెండు సంస్థలు కలిసి, భారీస్థాయి ఉత్పత్తికి అనువైన ఎమ్మార్‌ఎన్‌ఏ–ఎల్‌ఎన్‌పీ ప్లాట్‌ఫామ్‌ సాంకేతికతను రూపొందించాయి. కొత్త వైరస్‌ వెలుగుచూస్తే కొన్ని వారాల్లోనే వ్యాక్సిన్‌ను సిద్ధం ప్లాట్‌ఫామ్‌ను మనం సిద్ధం చేస్తున్నాం. ప్రశ్న: కోవిడ్‌ అనంతర కాలంలో భవిష్యత్‌ వైరస్‌లను ఎదుర్కొనేందుకు సీసీఎంబీ, ఐఐసీటీ సంయుక్తంగా ప్రారంభించిన యాంటీ–వైరల్‌ మిషన్‌ పురోగతి ఎలా ఉంది? జవాబు: సార్స్‌–కోవ్‌–2పై పనిచేసే నూతన చికిత్సా ఔషధాలను కనుగొని, అభివృద్ధి చేసే లక్ష్యంతో 10 సీఎస్‌ఐఆర్‌ ప్రయోగశాలల భాగస్వామ్యంతో ‘సీఎస్‌ఐఆర్‌ యాంటీవైరల్‌ మిషన్‌ (2021–25)’ను పాన్‌–సీఎస్‌ఐఆర్‌ కార్యక్రమంగా ప్రారంభించాం. ఇందులో ఐఐసీటీ, ఎన్‌ఐఐఎస్టీ, ఎన్సీఎల్, ఐఐఐఎం, ఐఐసీబీ, సీఎల్‌ఆర్‌ఐ, సీడీఆర్‌ఐ, ఇహ్‌బాస్‌ (ఐహెచ్‌బీటీ), సీసీఎంబీ, యూఆర్డీఐపీ సంస్థలు పాల్గొన్నాయి. ఈ మిషన్‌కు ఐఐసీటీ నోడల్‌ ప్రయోగశాలగా వ్యవహరించింది. 1,300 నూతన అణువులను సంశ్లేషించి, వాటి యాంటీవైరల్‌ సామర్థ్యాన్ని పరీక్షించాం. ఈ మిషన్‌ ద్వారా 13 నూతన పేటెంట్‌ దరఖాస్తులు దాఖలయ్యాయి. ప్రస్తుతం పరిశ్రమల ఆర్థిక సహకారంతో చేపట్టిన రెండో దశలో నాలుగు చిన్న అణువులు, ఒక ఫిక్స్‌డ్‌ డోస్‌ కాంబినేషన్‌ ప్రీక్లినికల్‌ అభివృద్ధి దశలో ఉన్నాయి.ప్రశ్న: ప్రమాదకరమైన వైరస్‌ కల్చర్ల నిర్వహణకు, పరీక్షించడానికి అవసరమైన బీఎస్‌ఎల్‌–3 ప్రయోగశాల పురోగతి ఎలా ఉంది?జవాబు: సీసీఎంబీ, ఐఐబీటీ సంస్థలు అత్యాధునిక బీఎస్‌ఎల్‌–3 సదుపాయాలను ఏర్పాటు చేసి, సార్స్‌–కోవ్‌–2 యాంటీవైరల్‌ పరీక్షలను సమర్థవంతంగా నిర్వహించాయి.ప్రశ్న: భారత్‌ ప్రపంచ ఫార్మా హబ్‌గా పేరొందినప్పటికీ, ఔషధ తయారీలో వాడే కీలక ముడి పదార్థాల కోసం చైనాపై ఆధారపడాల్సి వస్తోంది. దీన్ని తగ్గించడానికి ఏమైనా ప్రయత్నాలు జరిగాయా? జవాబు: యాంటీవైరల్‌ మిషన్‌ ప్రధానంగా నూతన ఔషధ ఆవిష్కరణ లక్ష్యంగా చేపట్టిందే అయినప్పటికీ, ఇతరసీఎస్‌ఐఆర్‌ నిధులతో మా ప్రయోగశాలలు ఫావిపిరావిర్‌ వంటి కీలక యాంటీవైరల్‌ ఔషధాల తయారీప్రక్రియలను అభివృద్ధి చేసి పరిశ్రమలకు బదిలీ చేశాయి. అంతేకాకుండా, దిగుమతులపై ఆధారపడటాన్ని తగ్గించేందుకు పదేళ్లుగా సీఎస్‌ఐఆర్‌ ప్రత్యేక మిషన్‌పై దృష్టి పెట్టింది. పారాసిటమాల్‌ సహా పలు కీలక ఔషధ ప్రక్రియలను స్వదేశీ తయారీ కోసం పరిశ్రమలకు ఇప్పటికే బదిలీ చేశాం. ప్రశ్న: భవిష్యత్‌ యాంటీవైరల్‌ ఔషధాలు తక్కువ ధరలో లభిస్తాయా? జవాబు: అందుకు ప్రయత్నాలు జరుగుతున్నాయి. ఫావిపిరావిర్‌ తయారీ సాంకేతికతను అభివృద్ధి చేసి సిప్లాకు సీఎస్‌ఐఆర్‌ బదిలీ చేసింది. అలాగే వ్యాక్సిన్‌ అడ్జువెంట్‌ తయారీ సాంకేతికతను భారత్‌ బయోటెక్‌కు బదిలీ చేస్తే, వారు దానిని కోవాగ్జిన్‌ తయారీలో వినియోగించారు. యాంటీవైరల్స్‌ మాత్రమే కాకుండా, అందరికీ అందుబాటు ధరల్లో వైద్య సేవలు అందించే లక్ష్యంతో తక్కువ వ్యయంతో కూడిన ఏపీఐలు, కేఎస్‌ఎంల అభివృద్ధి కోసం సీఎస్‌ఐఆర్‌ పలు ప్రముఖ సంస్థలతో ఒప్పందాలు కుదుర్చుకుంది. ప్రశ్న: జంతువుల నుంచి మనుషులకు సోకే జూనోటిక్‌ వ్యాధుల ముప్పు పెరుగుతోంది. వీటిని ఎదుర్కోవడానికి యాంటీ వైరల్‌ మిషన్‌ ఎలా ఉపయోగపడుతుంది? జవాబు: యాంటీవైరల్‌ మిషన్‌ మొదటి దశ 2025తో ముగిసినప్పటికీ, పలు వైరస్‌ కుటుంబాల్లో ఉమ్మడిగా ఉండే సంరక్షిత హోస్ట్, వైరల్‌ యంత్రాంగాలను లక్ష్యంగా చేసుకుని ’పాన్‌–వైరల్‌’ చికిత్సలపై పరిశోధననుముందుకు తీసుకెళ్లాలని సీఎస్‌ఐఆర్‌ నిర్ణయించింది. ఇటువంటి బ్రాడ్‌–స్పెక్ట్రమ్‌ విధానాల వల్ల ’డిసీజ్‌ ఎక్స్‌’వంటి తెలియని కొత్త వ్యాధికారకాలు వచ్చినా వేగంగా చికిత్స అందించడం సాధ్యమవుతుంది. మహమ్మారి వచ్చిన ప్రతిసారీ కొత్త ఔషధాన్ని సున్నా నుంచి తయారు చేయాల్సిన భారం తప్పుతుంది. ప్రశ్న: యాంటీ వైరల్‌ మిషన్‌ ప్రాజెక్టు అంతిమ లక్ష్యం ఏమిటి? ఇది హైదరాబాద్‌ను ఏ స్థాయికి చేరుస్తుంది? జవాబు: ప్రస్తుతం ఈ మిషన్‌ ముగిసినప్పటికీ, ఐఎన్డీ దరఖాస్తు దాఖలు చేసి క్లినికల్‌ ట్రయల్స్‌లోకి ప్రవేశించే లక్ష్యంతో టాప్‌–5 లీడ్‌ అణువుల ప్రీక్లినికల్‌ అభివృద్ధి ముమ్మరంగా సాగుతోంది. ఇది హైదరాబాద్‌ను ప్రపంచ ఔషధ ఆవిష్కరణ పటంలో అత్యున్నత స్థానంలో నిలబెడుతుంది. ప్రశ్న: జీవశాస్త్రంలో సీసీఎంబీ, రసాయన శాస్త్రంలో ఐఐసీటీ... ఈ రెండు దిగ్గజ సంస్థల సమన్వయం ఎలా సాగింది? జవాబు: సీసీఎంబీ తన బీఎస్‌ఎల్‌–3 సదుపాయం ద్వారా వైరల్‌ జీవశాస్త్రం, వ్యాధి యంత్రాంగాల మూల్యాంకనంలో పాలుపంచుకోగా.. ఐఐసీటీ మెడిసినల్‌ కెమిస్ట్రీ, స్ట్రక్చర్‌–బేస్డ్‌ డ్రగ్‌ డిజైన్, చిన్న అణువుల ఆప్టిమైజేషన్‌లో కీలక పాత్ర పోషించాయి. ప్రశ్న: భవిష్యత్తులో కొత్త వైరల్‌ వేరియంట్లు వెలుగుచూస్తే, మన స్వదేశీ ప్లాట్‌ఫామ్‌ ద్వారా ఎంత వేగంగా స్పందించగలం? జవాబు: మేము నెలకొల్పిన స్కేలబుల్‌ ఎమ్మార్‌ఎన్‌ఏ–ఎల్‌ఎన్‌పీ ప్లాట్‌ఫామ్‌ సాంకేతికత ప్రస్తుతం నాన్‌–జీఎల్ప దశలో ఉంది. స్వదేశీ అయనీకరణ లిపిడ్లతో దీని పనితీరును ఇప్పటికే నిరూపించాం. భవిష్యత్తులో కొత్త వేరియంట్‌ వస్తే, దాని జన్యు క్రమం తెలిసిన వెంటనే కేవలం ఎమ్మార్‌ ఎన్‌ఏ క్రమాన్ని మారిస్తే సరిపోతుంది. ఫార్ములేషన్, తయారీ ప్రక్రియలు ముందే సిద్ధంగా ఉంటాయి కాబట్టి, అతి తక్కువ సమయంలోనే కొత్త వ్యాక్సిన్‌ను సిద్ధం చేయడం సాధ్యమవుతుంది. -కె.రాహుల్‌

సాక్షి, అమరావతి: సీఎం చంద్రబాబు జిల్లా పర్యటనల్లో ఈవెంట్‌ మేనేజ్‌మెంట్‌ పనులకు భారీగా వ్యయం చేశారు. వివిధ జిల్లాల్లో సీఎం కార్యక్రమాలకు సంబంధించిన ఈవెంట్‌ మేనేజ్‌మెంట్‌ పనులను మాన్‌ డెకరేటర్స్‌ సంస్థ నిర్వహించింది. ఇందుకోసం రూ.44.62కోట్లు ఖర్చుచేసినట్టు మాన్‌ డెకరేటర్స్‌ సంస్థ పేర్కొంది. తమకు చెల్లించాల్సిన బకాయిల్లో కనీసం 50 శాతం మంజూరు చేయాలని మాన్‌ డెకరేటర్స్‌ సాధారణ పరిపాలన శాఖను కోరింది. అలాగే, వివిధ జిల్లాల్లో సీఎం జరిపిన పర్యటనలకు సంబంధించిన ఖర్చుల నిమిత్తం బడ్జెట్‌ విడుదల చేయాలని కోరుతూ చిత్తూరు, ప్రకాశం, నంద్యాల, కర్నూలు, పల్నాడు, అనంతపురం, అంబేడ్కర్‌ కోనసీమ, అన్నమయ్య, తూర్పు గోదావరి, శ్రీసత్యసాయి, విజయనగరం, ఎస్‌పీఎస్‌ఆర్‌ నెల్లూరు, కాకినాడ, తిరుపతి కలెక్టర్ల నుంచి వివిధ తేదీల్లో ప్రతిపాదనలు సాధారణ పరిపాలన శాఖకు అందాయి. మాన్‌ డెకరేటర్స్‌కు సంబంధించి 50 శాతం నిధులను విడుదల చేయడానికి చేసిన అభ్యర్థన పరిశీలించిన తరువాత ఆర్థిక శాఖకు సాధారణ పరిపాలన శాఖ పంపింది. దీనిపై ఆర్థిక శాఖ బకాయి మొత్తంలో 50 శాతం మాన్‌ డెకరేటర్స్‌కు చెల్లించేలా రూ.22.31 కోట్ల అదనపు బడ్జెట్‌ నిధులు విడుదలకు ఉత్తర్వులు జారీచేసింది. ఈ చెల్లింపులు షెడ్యూల్‌ ఆఫ్‌ రేట్స్‌ (ధరల పట్టిక) ఖరారు, చర్చలకు లోబడి, అలాగే 2026–27 ఆర్థిక సంవత్సరంలో తగిన సమయంలో అనుబంధ గ్రాంట్ల ద్వారా నిధులు సమకూరే వరకు ట్రెజరీ నియంత్రణ, త్రైమాసిక నియంత్రణ ఉత్తర్వుల నుంచి మినహాయింపుతో చెల్లింపులకు ఆర్థిక శాఖ నిధులు విడుదల చేసింది. అయితే, మాన్‌ డెకరేటర్స్‌కు రూ.11.71 కోట్లు చెల్లించేందుకు పరిపాలన ఆమోదం తెలుపుతూ సాధారణ పరిపాలన శాఖ (రాజకీయ) ముఖ్యకార్యదర్శి జె.శ్యామలరావు శనివారం ఉత్తర్వులు జారీచేశారు.

తుని: ప్రభుత్వం అమలు చేస్తున్న మధ్యాహ్న భోజన పథకం సాంబారులో బల్లి పడి కాకినాడ జిల్లా తుని ప్రభుత్వ మహిళా జూనియర్‌ కళాశాల విద్యార్థినులు 19 మంది తీవ్ర అస్వస్థతకు గురయ్యారు. ఈ ఘటన శనివారం మధ్యాహ్నం జరిగింది. విద్యార్థినులు తుని ప్రభుత్వ ఏరియా వైద్యశాలలో చికిత్స పొందుతున్నారు. మహిళా జూనియర్‌ కళాశాలకు మధ్యాహ్న భోజనాన్ని తొండంగి మండలం బెండపూడికి చెందిన అల్లూరి సీతారామరాజు ట్రస్టు శనివారం సరఫరా చేసింది. బాలికలు భోజనం చేస్తుండగా సాంబారులో బల్లి కనిపించింది. భోజనం తిన్న 19 మంది విద్యార్థినులు వాంతులు కావడంతో తీవ్ర అస్వస్థతకు గురయ్యారు. వీరిని తుని ప్రభుత్వ ఏరియా ఆసుపత్రికి తరలించారు. ఆస్పత్రి సూపరింటెండెంట్‌ మహేష్‌ విద్యార్థినులను పరీక్షించారు. ఫుడ్‌ పాయిజన్‌ కావడంతో సెలైన్లు ఎక్కించారు. ఎవరికీ ప్రాణాపాయం లేదని చెప్పారు. కళాశాల ప్రిన్సిపాల్‌ విజయలక్ష్మి ఈ విషయం బయటకు పొక్కకుండా జాగ్రత్తలు తీసుకున్నారు. తల్లిదండ్రులకు సమాచారం ఇవ్వకుండా బాధితులను ఆస్పత్రిలో చేర్పించి ఇంటికి వెళ్లిపోయారు. 19 మంది విద్యార్థినులు ఆస్పత్రి పాలైనా ప్రిన్సిపాల్‌ బాధ్యతా రాహిత్యంగా వ్యవహరించడంపై విద్యార్థుల తల్లిదండ్రులు ఆగ్రహం వ్యక్తం చేశారు. విద్యా శాఖ ఉన్నతాధికారులూ దీనిపై స్పందించలేదు. మీడియాకు కనీస సమాచారం ఇవ్వలేదు. 120 మంది విద్యార్థినులకు అస్వస్థతతొండూరు అంబేడ్కర్‌ బాలికల గురుకుల పాఠశాలలో ఆహారం కలుషితం తొండూరు: వైఎస్సార్‌ కడప జిల్లా తొండూరులోని అంబేడ్కర్‌ బాలికల గురుకుల పాఠశాలలో 120 మంది విద్యార్థినులు అస్వస్థతకు గురయ్యారు. శుక్రవారం రాత్రి భోజనం చేసిన తరువాత వీరందరికి వాంతులు, విరేచనాలు కావడంతో ఆహారం కలుషితమై ఉంటుందని భావిస్తున్నారు. వీరిలో 20 మందిని శనివారం తొండూరు ప్రభుత్వాసుపత్రికి తరలించి చికిత్స అందించారు. మిగిలిన 100 మందికి స్థానిక వైద్యాధికారి గవాస్కర్‌రెడ్డి పాఠశాలలోనే వైద్య సేవలు అందించారు. ఈ ఘటనకు ముందు శుక్రవారం ఉదయం నులి పురుగుల నివారణ కార్యక్రమంలో భాగంగా పీహెచ్‌సీ వైద్యులు విద్యార్థినులతో ఆల్బెండజోల్‌ మాత్రలు మింగించారు. ఆహారం కలుషితం కావడానికి కేర్‌ టేకర్‌ అమ్ములు నిర్లక్ష్యమే కారణమని ఈ సందర్భంగా విద్యార్థినుల తల్లిదండ్రులు ఆరోపించారు. మెను ప్రకారం కాకుండా కోడిగుడ్డు కూర వడ్డించారని, అది పాడై ఉంటుందని మండిపడ్డారు. పులివెందుల ఆర్డీఓ చిన్నయ్య తొండూరు ప్రభుత్వ వైద్యశాలకు వెళ్లి విద్యార్థినులను పరామర్శించారు. ఇలాంటి ఘటనలు పునరావృతం కాకుండా చూసుకోవాలని ప్రిన్సిపల్‌ ఉషారాణిని హెచ్చరించారు. కాంట్రాక్టర్‌ కూరగాయలు అందించకపోవడంతో కోడిగుడ్డు కూర వడ్డించినట్టు ఆమె తెలిపారు.

⇒ సహకార రంగంలో ఉన్న డెయిరీలనే కాదు.. చక్కెర కర్మాగారాలకు సైతం సమా«ధి కట్టిన చరిత్ర చంద్రబాబుదే. ⇒ 1995కు పూర్వం 11 సహకార, 19 ప్రైవేటు చక్కెర కర్మాగారాలుండేవి. చంద్రబాబు ముఖ్యమంత్రి కాగానే చిత్తూరు, రేణిగుంట, కోవూరు, ఎన్‌వీఆర్‌ అండ్‌ ఏడీఆర్‌ జంపని సహకార చక్కెర కర్మాగారాలను మూసేయించారు. ఆ తర్వాత వైఎస్సార్‌ అధికారంలోకి వచ్చీరాగానే వాటిని పునరుద్దరించారు. వాటికి ఆర్ధిక చేయూతనిచ్చి లాభాల బాట పట్టేలా చేశారు. ⇒ చంద్రబాబు 2019లో వెళ్తూ వెళ్తూ అనకాపల్లి జిల్లా వీవీ రమణ షుగర్స్‌ (తుమ్మపాల)ఫ్యాక్టరీని మూతేయించారు. ⇒ మూతపడిన 9 పరిశ్రమలను పునరుద్ధరించడానికి ఒక్కో చక్కెర కర్మాగారానికి రూ.60 కోట్ల నుంచి రూ.100 కోట్ల వరకు అవసరం. ఆ దిశగా చంద్రబాబు ఏనాడు ఆలోచించలేదు. చెరకు రైతులను, కార్మికు లను ఆదుకుందామనే ఉదార బుద్ధీ లేదు. ⇒ 9 చక్కెర కర్మాగారాలకు సంబంధించి రూ.2,500 కోట్ల విలువైన 771 ఎకరాల భూములపై సర్కారు కన్ను పడింది. వాటిలోని యంత్రాలు, ఇతర సామగ్రిని కలిపితే మొత్తం ఆస్తుల విలువ రూ.3 వేల కోట్లకు పైమాటే. వీటికి ఉన్న అప్పులు రూ.1300 కోట్లకు మించిలేవు. ఈ లెక్కన సర్కారు కుతంత్రం ఏమిటో ఇట్టే తెలుస్తోంది. ఈ ఫ్యాక్టరీలకు లిక్విడేషన్‌ ప్రక్రియ చేపట్టడం పట్ల ఉద్యమించడానికి రైతులు సిద్ధమవుతున్నారు. సాక్షి, అమరావతి: ఉమ్మడి రాష్ట్రంలో నిజాం షుగర్స్, ఆల్విన్‌ వంటి 53 ప్రభుత్వ రంగ సంస్థలను అస్మదీ­యులకు ధారాదత్తం చేసిన చంద్రబాబు తాజాగా రూ.3 వేల కోట్ల విలువైన 9 సహకార చక్కెర కర్మాగా­రాల భూములు, ఆస్తులను కారుచౌకగా అనుయా­యులకు తెగనమ్మేందుకు సిద్ధమయ్యారు. ఇదే లక్ష్యంతో ప్రస్తుత చంద్రబాబు సర్కారు మూడు కర్మాగారాలకు నేరుగా లిక్విడేషన్‌ (పరిశ్రమను శాశ్వతంగా మూసేసి ఆస్తులు తెగనమ్మడం) ప్రకటించగా, మరో ఐదు కర్మాగారాలకు లిక్విడేషన్‌ ప్రకటించేందుకు ఆదేశాలు జారీ చేసింది. కడప ఫ్యాక్టరీకి ఇదివరకే లిక్విడేషన్‌ ప్రకటించింది. పొరుగునున్న తమిళనాడు, కర్ణాటక రాష్ట్రాలు ఉత్పత్తి పరివర్తన ప్రోత్సాహకం (టీపీఐ– ట్రాన్సిషన్‌ ప్రొడక్షన్‌ ఇన్సెంటివ్‌) కింద ఆర్థిక చేయూతనిస్తూ చెరకు రైతులకు భరోసా కల్పిస్తున్నాయి. తమిళనాడు ప్రభుత్వం ఏకంగా టన్నుకు రూ.600 ఇవ్వడమే కాకుండా, కనీస మద్దతు ధరగా ఈ ఏడాది రూ.4 వేలు నిర్ణయించి చెరకు రైతులకు అండగా నిలుస్తుంటే.. ఒకప్పుడు దక్షిణాదిన చెరకు సాగుకు కేరాఫ్‌గా నిలిచిన ఏపీలో మాత్రం చంద్రబాబు సర్కారు చెరకు రైతులను పీకనులిమే కార్యక్రమాలకు తెగబడింది. అధికారంలోకి వచ్చింది మొదలు ప్రభుత్వ భూములను తమ తాబేదార్లకు కారుచౌకగా కట్టబెడుతున్న చంద్రబాబు బృందం.. అదే బాటలో చక్కెర కర్మాగారాల భూము­లు, ఆస్తులను కూడా గుటకాయ స్వాహా చేసేందుకు ఉవ్విళ్లూరుతోంది. కమీషన్లు దండుకుని తన వాళ్లకు పప్పు బెల్లాల్లా దోచిపెట్టేందుకు సిద్ధమవుతోంది. దాదాపు రూ.2,500 కోట్ల విలువైన భూములతో పా­టు దాదాపు రూ.500 కోట్లకు పైగా విలువైన మిష­నరీ, ఇతర విలువైన ఆస్తులను సైతం దొడ్డి దారిన కాజేయాలని బాబు సర్కారు ఎత్తుగడ వేసింది. చక్కెర కర్మాగారాలకు సమాధి కట్టింది చంద్రబాబేరాష్ట్రంలో సహకార రంగంలో ఉన్న డెయిరీలనే కాదు.. చక్కెర కర్మాగారాలకు సైతం సమా«ధి కట్టిన చరిత్ర చంద్రబాబుదే. 1995కు పూర్వం 11 సహకార, 19 ప్రైవేటు చక్కెర కర్మాగారాలుండేవి. చంద్రబాబు ముఖ్యమంత్రి కాగానే చిత్తూరు, రేణిగుంట, కోవూరు, ఎన్‌వీఆర్‌ అండ్‌ ఏడీఆర్‌ జంపని సహకార చక్కెర కర్మాగారాలను మూసేయించారు. ఆ తర్వాత వైఎస్సార్‌ అధికారంలోకి వచ్చీరాగానే వాటిని పునరుద్దరించారు. వాటికి ఆర్ధిక చేయూతనిచ్చి లాభాల బాట పట్టేలా చేశారు. చంద్రబాబు.. 2019లో వెళ్తూ వెళ్తూ అనకాపల్లి జిల్లా వీవీ రమణ షుగర్‌ (తుమ్మపాల) ఫ్యాక్టరీని మూతేయించారు. సహకార రంగంలో నడుస్తున్న ఏకైక షుగర్‌ ఫ్యాక్టరీ అయిన చోడవరం షుగర్స్‌ (గోవాడ)లో 2025­–26లో క్రషింగ్‌ నిలిపి వేసి మూతపడేలా చేశారు. దీంతో సహకార రంగంలో ఉన్న కర్మాగారా­లన్నీ శాశ్వతంగా మూత పడినట్లైంది. చంద్రబాబు దివాళ కోరు చర్యల కారణంగా ప్రైవేటు రంగంలో నడిచే 16 ప్రైవేటు కర్మాగారాలు సైతం మూత పడ్డాయి. ప్రస్తుతం కృష్ణా జిల్లా ఉయ్యూరు, చిత్తూరులోని నింద్ర, శ్రీకాకుళం జిల్లాలోని సంకలి షుగర్‌ ఫ్యాక్టరీలు మాత్రమే అరకొర క్రషింగ్‌తో ప్రైవేటు రంగంలో కొనసాగుతున్నాయి. అది కూడా 45 లక్షల టన్నుల క్రషింగ్‌ సామర్థ్యం కల్గిన ఈ కర్మాగారాలు కేవలం 12 లక్షల టన్నులకు మించి క్రషింగ్‌ చేయలేని స్థితికి చేరాయి. ఒకప్పుడు దాదాపు 3 లక్షల ఎకరాల్లో సాగైన చెరకు ప్రస్తుత ఖరీఫ్‌ సీజన్‌లో 45 వేల ఎకరాలకు పరిమితమైందంటే చంద్రబాబు నిర్వాకమేనని ప్రత్యేకించి చెప్పక్కర్లేదు. ఇటీవలే మూతపడిన చోడవరం కో ఆపరేటివ్‌ షుగర్‌ ఫ్యాక్టరీ (గోవాడ) రూ.800 కోట్లు ఖర్చు చేస్తే పూర్వ వైభవం మూతపడిన 8 పరిశ్రమలను పునరుద్ధరించడానికి ఒక్కో చక్కెర కర్మాగారానికి రూ.60 కోట్ల నుంచి రూ.100 కోట్ల వరకు అవసరం. ఈ లెక్కన రూ.800 కోట్ల వరకు ఖర్చు పెడితే వీటికి పూర్వ వైభవం వస్తుందనేది సుస్పష్టం. కానీ ఆ దిశగా చంద్రబాబు ఏనాడు ఆలోచన చేసిన పాపాన పోలేదు. మరొక వైపు తమిళనాడు రాష్ట్ర ప్రభుత్వం మాదిరిగా బోనస్‌ ప్రకటిస్తే రాష్ట్రంలో చెరకు సాగు విస్తీర్ణం గణనీయంగా పెరుగుతుంది. ఫలితంగా చెరకు రైతులకు ఆదాయం పెరగడమే కాకుండా కార్మికులకు ఉపాధి లభిస్తుంది. ఇవేమీ పట్టని చంద్రబాబు సర్కారు లిక్విడేషన్‌కు తెరతీసింది. భీమ్‌సింగ్, ఏటికొప్పాక, తాండవ షుగర్‌ ఫ్యాక్టరీలకు నేరుగా లిక్విడేషన్‌కు అనుమతిచ్చింది. శ్రీవెంకటేశ్వర, చిత్తూరు, కోవూరు, తుమ్మపాల, జంపని ఫ్యాక్టరీలను సైతం లిక్విడేషన్‌ చేసేందుకు ఆదేశాలు జారీ చేసింది. ఇటీవలే మూత పడేలా చేసిన చోడవరం ఫ్యాక్టరీని కూడా లిక్విడేషన్‌ చేసేందుకు సిద్ధమైంది. కడప ప్యాక్టరీకి ఇదివరకే లిక్విడేషన్‌ ప్రకటించింది. కార్మికులు, అన్నదాతల ప్రయోజనాలకు గండి కొడుతూ దశాబ్దాల చరిత్ర ఉన్న ఈ కర్మాగారాలను కారుచౌకగా ప్రైవేటు సంస్థలకు ధారాదత్తం చేయడానికి సిద్ధపడింది. 10 వేల టన్నుల క్రషింగ్‌ సామర్థ్యం ఉన్న ఈ కర్మాగారాల్లో 1,944 మందికి పైగా కార్మికులు ఉన్నారు. 65 వేల మందికి పైగా రైతులు చెరకు సరఫరా చేస్తున్నారు.అన్నదాతల్లో తీవ్ర ఆగ్రహం లిక్విడేషన్‌ ఇచ్చేసిన ఎనిమిది చక్కెర కర్మాగారాలు ఆయా జిల్లాల్లో జాతీయ రహదారుల పక్కనే ఉన్నాయి. వీటికి సుమారు 771 ఎకరాల భూములు ఉన్నాయి. బహిరంగ మార్కెట్లో ఎకరం విలువ రూ.10 కోట్ల వరకు ఉంది. ఈ లెక్కన వాటి ధర మొత్తంగా దాదాపు రూ.2,500 కోట్ల పైమాటే. వాటిలోని యంత్రాలు, ఇతర సామగ్రిని కలిపితే కర్మాగారాల మొత్తం ఆస్తుల విలువ రూ.3 వేల కోట్లకు పైగానే ఉంది. వీటికి ఉన్న అప్పులు దాదాపు రూ.1300 కోట్లకు మించి లేవు. అయితే ప్రభుత్వం వీటికి లిక్విడేషన్‌ ప్రక్రియ చేపట్టడం పట్ల రైతుల్లో ఆందోళన వ్యక్తమవుతోంది. మూత పడిన చక్కెర కర్మాగారాలను పునరుద్ధరించేందుకు కృషి చేస్తామంటూ ఎన్నికలప్పుడు నమ్మబలికి, ఓట్లు దండుకున్న చంద్రబాబు.. ఇప్పుడు కర్మాగారాలను పూర్తిగా మూత వేయడమే కాకుండా వాటి భూములు, ఆస్తులు కొల్లగొట్టాలని చూస్తుండడం పట్ల మండిపడుతున్నారు. ప్రభుత్వం తీసుకున్న నిర్ణయంపై ఆయా ఫ్యాక్టరీల పరిధిలోని రైతులు, రైతు సంఘాలు ఆందోళన బాట పడుతున్నాయి.అండగా నిలిచిన వైఎస్‌ జగన్‌ ప్రభుత్వం సహకార చక్కెర కర్మాగారాలకు సంబంధించి బాబు ఎగ్గొట్టిన బకాయిలతో సహా ఐదేళ్లలో రైతులకు రూ.93.56 కోట్లు వైఎస్‌ జగన్‌ ప్రభుత్వం చెల్లించి అండగా నిలిచింది. చోడవరం, విజయరామ, తాండవ, ఏటికొప్పాక ఫ్యాక్టరీలు ఆర్థిక సంస్థలకు చెల్లించాల్సిన రుణ బకాయిలు రూ.252.91 కోట్లను సైతం చెల్లించింది. ఉద్యోగుల బకాయిలు రూ.100 కోట్లకు పైగా చెల్లించింది. మొత్తంగా రూ.450 కోట్లు చె­ల్లించి అండగా నిలిచింది. చెరకు రైతులకు వైఎ­స్సార్‌ రైతు భరోసా కింద ప్రతి ఏటా మూడు వి­డ­తల్లో రూ.13,500 చొప్పున పెట్టుబడి సాయం అందించింది. పంట నష్ట పరిహారంతో పాటు సున్నా వడ్డీ రాయితీ, పైసా భారం పడకుండా పంటల బీమా పరిహారం అందించింది. మరో వైపు మంత్రి వర్గ ఉప సంఘం సిఫార్సుల మేరకు బాబు హయాంలో మూత పడిన అనకాపల్లి, తాండవ, ఏటికొప్పాక, విజయ రాయ కర్మాగా­రా­లతో పాటు గతంలో బాబు నిర్వాకంతో మూత పడిన ఇతర సహకార చక్కెర కర్మాగారాల ఆస్తులు పూ­ర్తిగా రైతులకు మాత్రమే చెందాలన్న సంకల్పంతో వీటిని ఆహార శుద్ధి పరిశ్రమలుగా మార్చేందుకు కార్యాచరణ సిద్ధం చేసింది. స్థాని­కంగా లభించే పంట ఉత్పత్తులను ప్రాసెసింగ్‌ చేయడం ద్వారా వాటికి అదనపు విలువ చేకూ­ర్చి, తద్వారా రైతులకు అదనపు లబ్ధి చేకూర్చా­లని సంకల్పించింది. పైగా ఈ పరిశ్రమలన్నింటినీ ప్రభుత్వమే స్వయంగా నిర్మించి.. లీజు పద్ధతిన వాటి నిర్వహణను మాత్రమే ఆసక్తి గల రైతు ఉత్పత్తిదారుల సంఘాలకు అప్పగించాలని యో­చించింది. కర్మాగారాల ఆస్తులపై కానీ, స్థలాల­ను లీజుకిచ్చే ఆలోచన కూడా చేయలేదు.అప్‌గ్రేడ్‌ చేయాలిలా⇒ చక్కెర తయారీతో పాటు చెరకుపిప్పి ఆధారిత సహ ఉత్పత్తి, విద్యుత్‌ ఉత్పత్తి, ఇథనాల్, బయోమాస్, (గ్యాస్‌), బయో ఫెర్టిలైజర్‌ తదితరాలు ఉత్పత్తి చేసేలా అప్‌గ్రేడ్‌ చేయాలి. విద్యుత్‌ను సొంత అవసరాలకు ఉపయో­గించుకుని, మిగతాది గ్రిడ్‌కు విక్రయించవచ్చు.⇒ చెరకు రసం నుంచి పంచదార తయారీలో మిగిలి పోయిన ద్రావణం నుంచి జ్యూస్, బిృహెవీ, సిృహెవీ మొలాసిస్‌ తయారు చేయొచ్చు.⇒ క్రషింగ్‌ సీజన్‌ ముగిశాక కూడా బాయిలర్‌ను ఉపయోగించి విద్యుత్‌ ఉత్పత్తి చేసి విక్రయించవచ్చు.⇒ సీబీజీ (బయోగ్యాస్‌ తయారీ). ఇది చూడటానికి, వాడటానికి మనం వాహనాలకు వాడే సీఎన్‌జీ (కంప్రెస్డ్‌ నేచురల్‌ గ్యాస్‌) లాగే ఉంటుంది. మంచి ప్రత్యామ్నాయ ఇంధనంగా పని చేస్తుంది. వీటన్నింటి ద్వారా అదనపు ఆదాయ మార్గాలు సృష్టించాలి.రాష్ట్రంలోని 11 సహకార చక్కెర కర్మాగారాల పరిస్థితి.. 1. చోడవరం కో–ఆపరేటివ్‌ షుగర్స్‌ లిమిటెడ్, గోవాడ, అనకాపల్లి జిల్లా (2025–26 క్రషింగ్‌ సీజన్‌ నుంచి పని చేయడం లేదు)2. ఆమదాలవలస కో–ఆపరేటివ్‌ షుగర్స్‌ లిమిటెడ్, ఆమదాలవలస, శ్రీకాకుళం జిల్లా (సుప్రీంకోర్టులో వ్యాజ్యం) 3. శ్రీ విజయరామ గజపతి కో–ఆపరేటివ్‌ షుగర్స్‌ లిమిటెడ్, భీమసింగి, విజయనగరం జిల్లా (లిక్విడేషన్‌) 4. ఏటికొప్పాక కో–ఆపరేటివ్‌ అగ్రికల్చరల్‌ అండ్‌ ఇండస్ట్రియల్‌ సొసైటీ లిమిటెడ్, దార్లపూడి, అనకాపల్లి జిల్లా (లిక్విడేషన్‌)5. తాండవ కో–ఆపరేటివ్‌ షుగర్స్‌ లిమిటెడ్, పాయకరావుపేట, అనకాపల్లి జిల్లా (లిక్విడేషన్‌)6. ఎన్‌వీఆర్‌ అండ్‌ ఏడీఆర్‌ కో–ఆపరేటివ్‌ షుగర్స్‌ లిమిటెడ్, జంపని, బాపట్ల జిల్లా (లిక్విడేషన్‌)7. కడప కో–ఆపరేటివ్‌ షుగర్స్‌ లిమిటెడ్, తౌలతాపురం, వైఎస్సార్‌ కడప జిల్లా (లిక్విడేషన్‌)8. అనకాపల్లి వి.వి.రమణ కో–ఆపరేటివ్‌ షుగర్స్‌ లిమిటెడ్, తుమ్మపాల, అనకాపల్లి జిల్లా (లిక్విడేషన్‌)9. కోవూరు కో–ఆపరేటివ్‌ షుగర్‌ ఫ్యాక్టరీ లిమిటెడ్, నెల్లపోరె, ఎస్‌పీఎస్‌ఆర్‌ నెల్లూరు జిల్లా (లిక్విడేషన్‌)10 శ్రీ వెంకటేశ్వర కో–ఆపరేటివ్‌ షుగర్‌ ఫ్యాక్టరీ లిమిటెడ్, గాజులమండ్యం, తిరుపతి జిల్లా (లిక్విడేషన్‌)11. చిత్తూరు కో–ఆపరేటివ్‌ షుగర్స్‌ లిమిటెడ్, చిత్తూరు, చిత్తూరు జిల్లా (లిక్విడేషన్‌)రాష్ట్రంలోని 19 ప్రైవేట్‌ చక్కెర కర్మాగారాల పరిస్థితి 1. ఈఐడీ ప్యారీ (ఇండియా) లిమిటెడ్, సంకిలి, శ్రీకాకుళం జిల్లా2. కేఎస్పీ షుగర్‌ అండ్‌ ఇండస్ట్రీస్‌ లిమిటెడ్, వుయ్యూరు, కృష్ణా జిల్లా3. ఎస్‌ఎన్‌జే షుగర్‌ అండ్‌ డిస్టిలరీస్‌ లిమిటెడ్, నింద్రా, చిత్తూరు జిల్లాచంద్రబాబు సర్కారు ప్రోత్సాహం కరువై మూత పడిన కర్మాగారాలు.. 4. రాయలసీమ షుగర్స్‌ లిమిటెడ్, నంద్యాల జిల్లా 5. కేబీడీ షుగర్స్‌ అండ్‌ డిస్టిలరీస్‌ లిమిటెడ్, పుంగనూరు, చిత్తూరు జిల్లా 6. జయపూర్‌ షుగర్స్‌ లిమిటెడ్, చాగల్లు, తూర్పు గోదావరి జిల్లా7. వీఆర్‌కే షుగర్స్‌ లిమిటెడ్, పోతవరం, పశ్చిమ గోదావరి జిల్లా 8. ది ఆంధ్రా షుగర్స్‌ లిమిటెడ్, యూనిట్‌–1, తణుకు, పశ్చిమ గోదావరి 9. డెల్టా షుగర్స్‌ లిమిటెడ్, హనుమాన్‌ జంక్షన్, కృష్ణా జిల్లా 10. ఎంపీ షుగర్స్‌ లిమిటెడ్, నాయుడుపేట, ఎస్‌పీఎస్‌ఆర్‌ నెల్లూరు11. కేఎస్‌ పీ షుగర్స్‌ లిమిటెడ్, లక్ష్మీపురం, కృష్ణా జిల్లా 12. సుదాలగుంట షుగర్స్‌ లిమిటెడ్, యూనిట్‌–1, బి.ఎన్‌. కండ్రిగ, చిత్తూరు 13. సుదాలగుంట షుగర్స్‌ లిమిటెడ్, యూనిట్‌–2, పొదలకూరు, ఎస్‌పీఎస్‌ఆర్‌ నెల్లూరు జిల్లా 14. శ్రీ సర్వారాయ షుగర్స్‌ లిమిటెడ్, చెల్లూరు, తూర్పు గోదావరి జిల్లా 15. నవభారత్‌ వెంచర్స్‌ లిమిటెడ్, సామర్లకోట, తూర్పు గోదావరి జిల్లా 16. ది ఆంధ్రా షుగర్స్‌ లిమిటెడ్, యూనిట్‌–3, భీమడోలు, పశ్చిమ గోదావరిజిల్లా 17. నాటెమ్స్‌ షుగర్‌ ప్రైవేట్‌ లిమిటెడ్, నింద్రా, చిత్తూరు 18. ఎన్‌సీఎస్‌ షుగర్స్‌ లిమిటెడ్, విజయనగరం జిల్లా19. ది ఆంధ్రా షుగర్స్‌ లిమిటెడ్, యూనిట్‌–2, తాడువాయి, పశ్చిమ గోదావరి జిల్లాచోడవరం క్రషింగ్‌ కొనసాగించాలి3 ఎకరాల్లో దశాబ్దాలుగా చెరకు సాగుచేసే వాడిని. చోడవరం క్రషింగ్‌ నిలిపి వేయడంతో రెండేళ్లుగా చెరకు సాగును వదిలేశాను. క్రషింగ్‌ నిలిపి వేయడం వల్ల 1,500 మంది ఉద్యోగులు రోడ్డున పడ్డారు. 24 వేల మంది రైతులతో పాటు దాదాపు లక్ష మందికి పైగా వ్యవసాయ కూలీలకు ఉపాధి లేకుండా పోయింది. ఇప్పటికైనా ఫ్యాక్టరీని పునరుద్ధరించి క్రషింగ్‌ను కొనసాగించాలి.– సత్యారావు, ఖండిపల్లి, చోడవరం మండలం, అనకాపల్లి జిల్లాజీవో 250ని వెంటనే రద్దు చేయాలిరాష్ట్రంలోని 8 సహకార చక్కెర పరిశ్రమలను మూసేస్తూ సహకార చక్కెర పరిశ్రమల ఆస్తులను అమ్మేందుకు తెచ్చిన జీవో 250ని ప్రభుత్వం వెంటనే ఉపసంహరించుకోవాలి. చెరకు రైతులకు గిట్టుబాటు ధరకు తోడ్పడే రాష్ట్ర సలహా బోర్డును 2002లోనే చంద్రబాబు మూసేశారు. చెరకు పరిశోధన కేంద్రాలకు ఆయనే మంగళం పాడారు. సహకార ఫ్యాక్టరీలు, వాటికి చెందిన భూములు, ఆస్తులన్నీ చెరకు రైతులకు చెందినవే. ఫ్యాక్టరీల జనరల్‌ బాడీ ఆమోదం, సమ్మతి లేకుండా నష్టాల సాకుతో అమ్మడం కుదరదు. ఇది సహకార చట్టాల స్ఫూర్తికి విరుద్ధం. న్యాయ పోరాటం, ఉద్యమాలతో చెరకు కార్మాగారాలను కాపాడుకుంటాం.– వి.క్రిష్ణయ్య, రాష్ట్ర అధ్యక్షుడు, ఆంధ్రప్రదేశ్‌ రైతు సంఘం

సాక్షి, అమరావతి: రాష్ట్ర ప్రభుత్వంలో పవర్‌ కోటరీ దెబ్బకు విద్యుత్‌ కంపెనీలు పారిపోతున్నాయి. రెండు నెలల కాలంలోనే విద్యుత్‌ రంగం నుంచి నాలుగు ప్రధాన కంపెనీలు రూ.25,221 కోట్ల విలువైన భారీ పెట్టుబడులను ఉపసంహరించుకుని వెళ్లిపోయాయంటే పరిస్థితి తీవ్రతకు అద్దం పడుతోంది. ఇప్పటికే నెల్లూరు జిల్లా నుంచి టాటా పవర్‌ ఒడిశాకు, తిరుపతి జిల్లా నుంచి వెబ్‌సోల్‌ సంస్థ పశ్చిమ బెంగాల్‌కు వెళ్లిపోయిన విషయం తెలిసిందే. తాజాగా నంద్యాల జిల్లా అవుకు పంప్డ్‌ స్టోరేజ్‌ ప్రాజెక్టుకు ఆర్‌వీఆర్‌ ప్రాజెక్టు దండం పెట్టి మరీ తప్పుకుంది. ఇదే సమయంలో మెఘా ఇంజినీరింగ్‌ అండ్‌ ఇన్‌ఫ్రాస్ట్రక్చర్స్‌ కంపెనీ అన్నమయ్య జిల్లా కొమ్మూరు వద్ద ప్రతిపాదిత 2,000 మెగావాట్ల పంప్డ్‌ స్టోరేజ్‌ పవర్‌ ప్రాజెక్టు నుంచి తప్పుకుంది. చంద్రబాబు సర్కారు అధికారంలోకి వచ్చిన కొత్తల్లో 2024 నవంబర్‌ 18న కొమ్మూరు వద్ద సుమారు రూ.10,300 కోట్లతో పంప్డ్‌ స్టోరేజ్‌ ప్లాంట్‌ను ఏర్పాటు చేయడానికి ప్రభుత్వానికి ప్రతిపాదనలు పంపింది. 2025 జనవరి 30న మూడవ ఎస్‌ఐపీబీ ఈ ప్రతిపాదనకు ఆమోదం తెలపడమే కాకుండా అనేక ప్రోత్సాహకాలను ప్రకటిస్తూ 2025 ఫిబ్రవరి 7న జీవో ఎంఎస్‌ నెంబర్‌ 16 జారీ చేసింది. ఈజ్‌ ఆఫ్‌ డూయింగ్‌ కాదు.. స్పీడ్‌ ఆఫ్‌ డూయింగ్‌ అంటూ ప్రచారం చేసుకుంటున్న ఈ ప్రభుత్వం, జీవో విడుదలైన 20 నెలల తర్వాత కూడా పనులు ప్రారంభించలేకపోయింది. ఇదే మెఘా ఇంజనీరింగ్‌ కంపెనీయే ఇప్పుడు రూ.10,300 కోట్ల విలువైన కీలక పంప్డ్‌ స్టోరేజ్‌ ప్రాజెక్టు నుంచి వైదొలగడంపై అధికార వర్గాల్లో పెద్ద ఎత్తున చర్చకు దారి తీసింది. అన్ని రకాల అధ్యయనాలన్నీ పూర్తి చేసుకున్న తర్వాతే ఈ ప్రాజెక్టుకు దాఖలు చేసుకున్న మెఘా ఇంజనీరింగ్‌.. ఇప్పుడు పర్యావరణ అనుమతులు లభించడం కష్టం అంటూ ప్రాజెక్టు నుంచి వైదొలగడం వెనుక పవర్‌ సెంటర్‌ కప్పం సెగ గట్టిగా తగిలిందని సమాచారం. ఇలా ఒకదాని వెనుక మరో కంపెనీ విద్యుత్‌ రంగం నుంచి వైదొలుగుతుండటం రాష్ట్రంలో తీవ్ర చర్చనీయాంశంగా మారింది. ఏ రాష్ట్రం ఇవ్వని రీతిలో టాటా పవర్‌కు కారు చౌకగా భూమిని ఇవ్వడంతో పాటు, భారీగా రాయితీలు ఇచ్చినా కూడా వెళ్లిపోయిందని, ఇదే బాటలో వెబ్‌సోల్‌ కూడా వెళ్లి పోవడం వెనుక సర్కారు కోటరీలోని ప్రధాన పవర్‌ సెంటర్‌ కప్పం దెబ్బే కారణమని అధికారులు పేర్కొంటున్నారు. రాష్ట్రం నుంచి రూ.31,256 కోట్ల పెట్టుబడులు ఔట్‌ ఎస్‌ఐపీబీ, రాష్ట్ర మంత్రి మండలి ఆమోదం తర్వాత.. జీవోలు వచ్చాక కంపెనీలు రాష్ట్రం నుంచి వెళ్లిపోతున్నాయి. కేవలం విద్యుత్‌ రంగం నుంచే రెండు నెలల్లో నాలుగు కంపెనీల ద్వారా రూ.రూ.25,221 కోట్ల విలువైన పెట్టుబడులు వెళ్లిపోయాయి. ఇవి కాకుండా ఇతర రంగాల నుంచి వెళ్ళిపోయిన కంపెనీలు అజాద్‌ మొబిలిటీ, జిన్‌ఫ్రా, ఐస్పేస్‌ వంటి వాటిని తీసుకుంటే ఈ విలువ ఇప్పుడు రూ.31,256 కోట్లు దాటింది. వచ్చే నవంబర్‌లో సీఐఐఐ పెట్టుబడుల సమావేశం ముందు ఇలా వరుసపెట్టి కంపెనీలు వెళ్లిపోతుండటం పారిశ్రామిక వర్గాల్లో కలకలం రేపుతోంది.

అద్దంకి: భార్యపై అనుమానం పెనుభూతమైంది. రెండు హత్యలకు దారి తీసింది. ఈ విషాద ఘటన ప్రకాశం జిల్లా సంతమాగులూరు మండలం ఏల్చూరు గ్రామంలో శుక్రవారం అర్ధరాత్రి జరిగింది. స్థానికులు, పోలీసుల కథనం ప్రకారం.. ఏల్చూరుకు చెందిన మీసరగండి వసంతరాయుడుకు మార్కాపురం జిల్లా పెద్దారవీడు మండలం కలనూతల గ్రామానికి చెందిన వీరనారాయణమ్మ(30)కు పదమూడేళ్ల క్రితం వివాహం జరిగింది. వసంతరాయుడు లారీ డ్రైవర్‌. వీరికి పదకొండేళ్ల అబ్బాయి, ఎనిమిది నెలల పాప ఉంది. రెండేళ్ల క్రితం ఒక వికలాంగ కుమారుడు అనారోగ్యంతో మృతిచెందాడు. వసంతరాయుడు తన భార్య మరో వ్యక్తితో వివాహేతర సంబంధం పెట్టుకుందని తరచూ అనుమానపడుతూ గొడవలు పడుతూ ఉండేవాడు. ఈ క్రమంలోనే శుక్రవారం మధ్యాహ్నం స్థానిక పోలీస్‌ స్టేషన్‌లో భార్యపై ఫిర్యాదు చేశాడు. పోలీసులు అతని అత్త చిలకపాటి వీర బ్రహ్మేశ్వరి(50)తోపాటు మామను పిలిపించి మాట్లాడారు. ‘మీ అల్లుడు కోపంగా ఉన్నాడు.. కుమార్తెను మీ ఊరికి తీసుకెళ్లండి’ అని సూచించారు. అయితే వారు ఊరికి వెళ్లకుండా వసంతరాయుడు ఇంటికి వెళ్లారు. శుక్రవారం అర్ధరాత్రి సమయంలో మరో వ్యక్తితో కలిసి వచ్చిన వసంతరాయుడు ఆవేశంతో కత్తితో భార్య వీరనారాయణమ్మ గొంతు కోశాడు. అడ్డొచ్చిన అత్త బ్రహ్మేశ్వరిపైనా కత్తితో దాడి చేసి గొంతు కోశాడు. దీంతో బ్రహ్మేశ్వరి అక్కడికక్కడే మరణించింది. స్థానికుల సమాచారంతో ఘటనా స్థలానికి చేరుకున్న సంతమాగులూరు సీఐ శేషగిరిరావు కొన ఊపిరితో ఉన్న వీరనారాయణమ్మను చికిత్స నిమిత్తం వాహనంలో వైద్యశాలకు తరలించారు.ఆమె అక్కడ చికిత్స పొందుతూ శనివారం మృతిచెందినట్లు పోలీసులు తెలిపారు. పరారైన వసంతరాయుడిని పోలీసులు అదుపులోకి తీసుకుని స్టేషన్‌కు తరలించారు. మరో నిందితుని పాత్రపైనా విచారణ చేపట్టారు. దాడికి ఉపయోగించిన కత్తిని స్వాధీనం చేసుకున్నారు. సీఐ శేషగిరిరావు ఇచ్చిన సమాచారం మేరకు దర్శి డీఎస్పీ బాల­మురళీకృష్ణ, బల్లికురవ ఎస్సై నాగరాజు ఘటనా స్థలానికి చేరుకుని వివరాలు తెలుసుకున్నారు. నిందితుని మామ వీరనారాయణ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నారు. గ్రామంలో శాంతి భద్రతలకు విఘాతం కలగకుండా ఏఎస్సై శ్రీనివాసరావు, సిబ్బంది అక్కడికి చేరుకుని దర్యాప్తు చేపట్టారు.

నిడదవోలు: తూర్పుగోదావరి జిల్లా ఉండ్రాజవరం సెంటర్‌లో ఏర్పాటు చేసిన దివంగత వంగవీటి మోహనరంగా విగ్రహం తొలగింపును ప్రశ్నించిన కాపులపై పోలీసులు రెచ్చిపోయారు. విచక్షణారహితంగా లాఠీచార్జ్‌ జరిపి పలువురిని అదుపులోనికి తీసుకున్నారు. తొలుత రంగా కుమార్తె ఆశాకిరణ్‌ ఉండ్రాజవరంలో రంగా విగ్రహం ఏర్పాటు చేసిన ప్రాంతాన్ని శనివారం పరిశీలించారు. రెండు రోజులుగా చోటుచేసుకున్న ఘటనలను ఆశాకిరణ్‌కు చెబుతూ భారీ ఎత్తున కాపులు గుమిగూడారు. ఆ సమయంలో కొవ్వూరు డీఎస్పీ డి.దేవకుమార్, నిడదవోలు సీఐ పీవీజీ తిలక్‌ పోలీస్‌ సిబ్బందితో అక్కడకు వచ్చి శాంతిభద్రతల సమస్యలు తలెత్తుతాయని అక్కడి నుంచి వెళ్లిపోవాలంటూ ఆశాకిరణ్‌పై దౌర్జన్యానికి దిగారు. ఈ క్రమంలో తీవ్ర వాగ్వాదం, ఘర్షణ వాతా­వరణం చోటుచేసుకుంది. ఈ నేపథ్యంలో పోలీసులు లాఠీచార్జ్‌ చేశారు. ఆశాకిరణ్‌ ఇద్దరు బాడీగార్డులతో పాటు నలుగురిని వ్యాన్‌లో ఎక్కించుకుని పెరవలి పోలీస్‌ స్టేషన్‌కు తరలించారు. దీనిపై ఆశాకిరణ్‌ తీవ్ర నిరసన వ్యక్తం చేస్తూ రోడ్డుపై బైఠాయించి కాపులతో పాటు ధర్నాకు దిగారు. కొవ్వూరు ఆర్డీవో ఆనందరావు, తహసీల్దార్‌ పీఎన్‌డీ ప్రసాద్‌లు ఆశాకిరణ్‌తో చర్చించి ఆమెను శాంతింపజేసే ప్రయత్నం చేశారు. అనంతరం ఆమె మీడియాతో మాట్లాడుతూ ‘పేద, బడుగు, బలహీన వర్గాల కోసం రంగా ప్రాణం ఇచ్చారని, ఆయన విగ్రహాల ఏర్పాటును ఎవరైనా అడ్డుకునేందుకు ప్రయత్నిస్తే ఖబడ్దార్‌.. అంటూ హెచ్చరించారు. కాగా, విగ్రహాన్ని తొలగించి, దిమ్మను ధ్వంసం చేసిన ప్రదేశంలోనే రంగా విగ్రహాన్ని ఏర్పా­టు చేసేందుకు తన ఇంటి ముందు ఉన్న స్థలాన్ని ఇచ్చేందుకు ఆయన అభిమాని కోటిపల్లి తాతారావు ముందుకొచ్చారు. దీంతో అక్కడే విగ్రహం ఏర్పాటు చేసేందుకు రంగా అభిమానులు అంగీకరించారు.

సాక్షి, అమరావతి/నెహ్రూనగర్‌ (గుంటూరు ఈస్ట్‌): రెండేళ్లకు పైగా ప్రభుత్వానికి వివిధ రూపాల్లో తమ వినతులు తెలియజేసినా ఫలితం లేకపోవడంతో తమ పెండింగ్‌ సమస్యల పరిష్కారానికి గ్రామ, వార్డు సచివాలయ ఉద్యోగులు ఆదివారం (27న) విజయవాడలో భారీ ఎత్తున ‘ఛలో విజయవాడ’ ఆందోళనకు సిద్ధమయ్యారు. ఇక్కడకు చేరుకునేందుకు శనివారమే అన్ని జిల్లాల నుంచి వేలాది మంది ఉద్యోగులు తమ పనిచేసే చోటు నుంచి విజయవాడకు బయల్దేరినట్లు ఉద్యోగ సంఘ నేతలు తెలిపారు. అయితే, ఈ కార్యక్రమాన్ని అడ్డుకునేందుకు చంద్రబాబు ప్రభుత్వం ఉద్యోగులపై అన్ని రకాల నిర్బంధాలను ప్రయోగిస్తోందని ఉద్యోగ సంఘ నేతలు మండిపడుతున్నారు. వాస్తవానికి.. ఆదివారం ప్రభుత్వ ఉద్యోగులెవరికైనా సెలవే. కానీ, మూడ్రోజుల క్రితం కురిసిన వర్షాలను సాకుగా చూపి గ్రామ, వార్డు సచివాలయ ఉద్యోగులందరూ వారు పనిచేసే కేంద్రంలోనే తదుపరి ఆదేశాలు జారీచేసే వరకు అందుబాటులో ఉండాలంటూ శుక్రవారం ప్రభుత్వం ఆదేశించింది. ఉన్నతాధికారుల ముందస్తు అనుమతిలేకుండా ఎవరూ తాము పనిచేసే కేంద్రాన్ని వదిలి వెళ్లకూడదని ఆదేశాలు జారీచేయడంతో పాటు హెడ్‌క్వార్టర్‌లో అందుబాటులో లేని ఉద్యోగులపై చర్యలు తీసుకోవాలంటూ కలెక్టర్లకు సూచించింది. అయితే, ప్రభుత్వం ఎన్ని ఆంక్షలు పెట్టినా ఛలో విజయవాడ కార్యక్రమాన్ని విజయవంతం చేసి తీరుతామని ఉద్యోగ సంఘ నేతలు తేల్చి చెబుతున్నారు. తాజాగా గుంటూరులో వార్డు ఎమినిటీస్‌ సెక్రటరీ సస్పెన్షన్‌ మరోవైపు.. ఛలో విజయవాడ కార్యక్రమంలో ఉద్యోగులెవరూ పాల్గొనకుండా చేయాలన్న లక్ష్యంతో రెండ్రోజులుగా చంద్రబాబు సర్కారు గ్రామ, వార్డు సచివాలయ ఉద్యోగ సంఘ నేతలను సస్పెండ్‌ చేస్తోంది. ఈ కార్యక్రమంలో కీలకంగా వ్యవహరిస్తున్నారన్న ఆరోపణలు చేస్తూ శనివారం ఆంధ్రప్రదేశ్‌ గ్రామ, వార్డు సచివాలయ ప్రభుత్వోద్యోగుల సంఘం రాష్ట్ర అధ్యక్షుడు, గుంటూరులో వార్డు ఎమినిటీస్‌ సెక్రటరీ ఎస్‌కే అబ్దుల్‌ రజాక్‌ను నగర మున్సిపల్‌ కమిషనర్‌ కె.మయూర్‌ అశోక్‌ శనివారం సస్పెండ్‌ చేశారు. ‘చలో విజయవాడ’ పేరిట సోషల్‌ మీడియా గ్రూపుల్లో తోటి సిబ్బందిని రెచ్చగొట్టడంతో ఈ చర్యలు తీసుకున్నట్లు ఉత్తర్వుల్లో పేర్కొన్నారు. ఇవే ఆరోపణలతో విలేజీ సర్వేయర్స్‌ అసోసియోషన్‌ రాష్ట్ర అధ్యక్షుడు, శ్రీకాకుళం జిల్లా రణస్థలం మండలం జేఆర్‌ పురం సచివాలయ సర్వేయర్‌ బురాడ మధుబాబును శుక్రవారం ప్రభుత్వం సస్పెండ్‌ చేసిన విషయం తెలిసిందే. మరోవైపు.. గ్రామ, వార్డు సచివాలయ ఉద్యోగులు ఛలో విజయవాడ కార్యక్రమంలో పాల్గొనకుండా చేసేందుకు జిల్లాల్లో క్రియాశీలకంగా ఉండే ఉద్యోగులకు పోలీసులు ఫోనుచేసి హెచ్చరిస్తున్నారని ఉద్యోగ సంఘ నేతలు ఆరోపించారు. పైగా.. తమ కదలికలపై స్పెషల్‌ బ్రాంచ్‌ పోలీసులు నిఘా పెట్టినట్లు వారు చెబుతున్నారు. రెండు విడతల చర్చల్లో తేలకే.. ఇదిలా ఉంటే.. రెండేళ్లుగా వివిధ సందర్భాల్లో ప్రభుత్వానికి వినతిపత్రాలు అందజేస్తూ వస్తున్న ఉద్యోగులు తమ సమస్యలను ఈనెల 23కల్లా పరిష్కరించని పక్షంలో 24 నుంచి ప్రత్యక్ష కార్యాచరణను మొదలుపెట్టనున్నట్లు సచివాలయ ఉద్యోగ సంఘాల ఐక్యవేదిక పది రోజుల క్రితమే గ్రామ, వార్డు సచివాలయ శాఖ డైరక్టర్‌ కార్యాలయంలో నోటీసులు అందజేసింది. కానీ, 23న ఈ శాఖ మంత్రి డోలా బాలవీరాంజనేయలుతో జరిగిన సమావేశంలో పెండింగ్‌ అంశాలపై ఎలాంటి హామీ ఇవ్వలేదని ఉద్యోగ సంఘ నేతలు చెబుతున్నారు. అలాగే, శుక్రవారం గ్రామ, వార్డు సచివాలయ శాఖ డైరక్టర్‌ శివప్రసాద్‌తో జరిగిన భేటీలోనూ ప్రభుత్వం మొండివైఖరినే అవలంభించినట్లు ఉద్యోగ సంఘ నేతలు తెలిపారు. ఉద్యోగుల డిమాండ్లు.. – నోషనల్‌ ఇంక్రిమెంట్లను ప్రభుత్వం వెంటనే మంజూరుచేసి సచివాలయ ఉద్యోగులను జూనియర్‌ అసిస్టెంట్‌ కేడర్‌గా గుర్తించాలి. – గ్రామ, వార్డు సచివాలయ ఉద్యోగుల డిప్యూటేషన్లన్నీ రద్దుచేయాలి. – ఒకే సమయంలో వివిధ శాఖల అధికారులు సచివాలయ ఉద్యోగులకు వేర్వేరు పనులు అప్పగిస్తున్నారు. ఈ మలీ్టబాసిజంవల్ల ఉద్యోగులు తీవ్ర పనిఒత్తిడికి గురవుతున్నారు. ఈ పరిస్థితి లేకుండా సింగిల్‌ లైన్‌ డిపార్ట్‌మెంట్‌ పరిధిలోనే ఉద్యోగులు పనిచేసేలా ఆదేశాలివ్వాలి. – పని ఒత్తిడివల్ల ఉద్యోగుల మరణాలకు కారణమైన అధికారులపై ఒక కమిటీ వేసి మూడునెలల్లోపు విచారణ చేయాలి. అధికారి నిర్లక్ష్యం లేదా పనిఒత్తిడి కారణమని తేలితే, సంబంధిత అధికారిపై మూడునెలల్లోపే చర్యలు తీసుకోవాలి. ఆయా విచారణ కమిటీల్లో సచివాలయ ఉద్యోగ ప్రతినిధిని కూడా నియమించాలి. – గ్రామ, వార్డు సచివాలయంలో ప్రతీఒక్క పోస్టుకు ప్రమోషన్‌ ఛానల్‌ ఇచ్చే క్రమంలో కనీస బేసిక్‌ పే రూ.30,000కు తగ్గకుండా చూడాలి. – జాయింట్‌ స్టాఫ్‌ కౌన్సిల్‌లో సచివాలయ ఉద్యోగ సంఘాలకు కూడా ప్రాతినిధ్యం ఇవ్వాలి.. జీఓ–11 రద్దు చేయాలి. సత్యనారాయణపురం (విజయవాడ సెంట్రల్‌): రాష్ట్రంలోని గ్రామ, వార్డు సచివాలయ ఉద్యోగులు ఆదివారం (నేడు) విజయవాడలో చేపట్టనున్న ధర్నా, నిరసన ర్యాలీలకు ఎలాంటి అనుమతుల్లేవని, వీటిని అతిక్రమించిన వారిపై చట్టప్రకారం చర్యలు తీసుకుంటామని డీసీపీ గుణ్ణం రామకృష్ణ తెలిపారు. విజయవాడ సత్యనారాయణపురం పోలీస్‌స్టేషన్‌లో శనివారం ఆయన మీడియాతో మాట్లాడారు. గ్రామ, వార్డు సచివాలయ ఉద్యోగుల సమస్యలపై నిరసన తెలిపేందుకు ఈనెల 27న ఎన్టీఆర్‌ జిల్లా పోలీస్‌ కమిషనరేట్‌ పరిధిలో ధర్నాకు అనుమతులు కోరారని తెలిపారు. అయితే, నగరంలో బీఎన్‌ఎస్‌ఎస్‌ సెక్షన్‌–163, పోలీస్‌ యాక్ట్‌ సెక్షన్‌–30 ప్రకారం నిషేధాజ్ఞలు అమలులో ఉన్నందున శాంతిభద్రతలను దృష్టిలో ఉంచుకుని ఆ కార్యక్రమానికి అనుమతులు నిరాకరించామని ఆయన వెల్లడించారు. వర్షాల కారణంగా నగరంలో వరద ముంపు సవాళ్లు, వినాయక నిమజ్జన కార్యక్రమాలు, ఊరేగింపులు, ట్రాఫిక్‌ అంతరాయాలు, శాంతిభద్రతల పరిరక్షణ, ట్రాఫిక్‌ నియంత్రణ పనుల్లో పోలీస్‌ యంత్రాంగం, ఇతర సిబ్బంది తీవ్రంగా నిమగ్నమై ఉన్నారన్నారు. ఈ నేపథ్యంలో ధర్నాకు అనుమతులు నిరాకరించామని డీసీపీ చెప్పారు.

సాక్షి, విజయనగరం జిల్లా: చంద్రబాబు ప్రభుత్వం వచ్చినప్పటి నుండి రైతులకి నష్టాలేనని వైఎస్సార్‌సీపీ నేత బొత్స సత్యనారాయణ అన్నారు. చీపురుపల్లి మండలంలో ఈదురుగాలులకు నేలకు ఒరిగిన బొప్పాయి, అరటి పంటలను బొత్స సత్యనారాయణ, వైఎస్సార్‌సీపీ జిల్లా అధ్యక్షుడు బెల్లాన చంద్రశేఖర్ పరిశీలించారు. అనంతరం బొత్స మీడియాతో మాట్లాడుతూ.. అరటి, బొప్పాయి రైతులకు లక్షల్లో పెట్టుబడి నష్టం కలిగిందన్నారు.‘‘ఈ సర్కార్‌కు దయ దాక్షిణ్యం లేదు. ఎంతసేపు దోచుకోవడమే. మీ ప్రభుత్వం తాలూకా రైతు విధానం ఏంటి? విపత్తుల్లో ప్రభుత్వం ఒక్క రూపాయి ఇచ్చిన పరిస్థితి లేదు. చాలా కర్కశంగా ఉంది. బొప్పాయి, అరటికి పెట్టుబడి నష్టం ఇవ్వండి. అరటి, బొప్పాయికి ఎకరాకు లక్ష రూపాయలు ఇవ్వాలి. మొక్కజొన్నకి రూ.50 వేలు ఇవ్వాలి. గత తుపాను నష్టం కూడా ఇప్పుడు కలిపి ఇవ్వాలి’’ అని బొత్స డిమాండ్ చేశారు.‘‘మూడు రోజులుగా గ్రామాల్లో కరెంటు లేదు.. ఇప్పటికి పునరుద్ధరణ చేయలేదు. కరెంటు ఆగితే ప్రత్యామ్నాయం ఎందుకు చేయలేదు. జిల్లాలో వరి, పత్తి, మొక్కజొన్న, అరటి, బొప్పాయి పంటలు నష్టం జరిగింది క్రాప్‌ ఇన్సూరెన్స్‌ కాకి ఎత్తుకెళ్లిపోయింది. గత ప్రభుత్వం ఇన్సూరెన్స్ కట్టేది. ఈ ప్రభుత్వం కట్టడం లేదు.. ఈ ప్రభుత్వంలో రైతులు ఎలా బతుకుతారు?. ఏమైనా అడిగితే, సమాధానం చెప్పకుండా రాజకీయం చేస్తున్నారు’’ అంటూ బొత్స దుయ్యబట్టారు.ఇదీ చదవండి: 8 చక్కెర కర్మాగారాల అమ్మకం

సాక్షి, విజయనగరం: విజయనగరం జిల్లాలో విషాదం చోటుచేసుకుంది. మెరకముడిదాం మండలం బుధరాయవలస గ్రామంలో కోనేరులో స్నానానికి దిగి ముగ్గురు బాలురు ప్రమాదవశాత్తూ నీటిలో మునిగి మృతి చెందారు. ఇద్దరి మృతదేహాలు లభ్యం కాగా, మరొకరి కోసం గాలింపు చర్యలు చేపట్టారు.ఇదీ చదవండి: విజయవాడ మిస్సింగ్‌ కేసులో షాకింగ్ ట్విస్ట్‌..

విజయవాడ: రేపు గ్రామ వార్డ్‌ సచివాలయ ఉద్యోగుల జరప తలపెట్టిన ఛలో విజయవాడకు పోలీసులు అనుమతి ఇవ్వలేదు. వారిని నిర్బంధించే దిశగా పోలీసుల కార్యాచరణ కనిపిస్తోంది. తమ డిమాండ్ల సాధనకై ఇప్పటికే ప్రభుత్వంతో రెండుసార్లు జరిపిన చర్చలు విఫలం కావడంతో గ్రామ వార్డ్‌ సచివాలయ ఉద్యోగులు ఛలో విజయవాడకు పిలుపునిచ్చారు. అయితే దీన్ని అడ్డుకోవాలని కూటమి ప్రభుత్వ పెద్దలు ప్రయత్నిస్తున్నారు. ప్రతీ జిల్లాలోనూ ఎస్పీల ద్వారా ప్రెస్‌మీట్‌లు పెట్టించి మరీ వారిని బెదిరిస్తున్నారు. ఎవరైనా ఛలో విజయవాడ కార్యక్రమంలో పాల్గొంటే వారిపై చట్టపరమైన చర్యలు తీసుకుంటామని బెదిరింపులకు దిగుతున్నారు. దాంతో రేపటి గ్రామ వార్డ్‌ సచివాలయ ఉద్యోగుల ఛలో విజయవాడ కార్యక్రమంపై సందిగ్థం కొనసాగుతోంది. ఎట్టి పరిస్థితుల్లోనూ వెనక్కి తగ్గేదే లేదని ఆ ఉద్యోగుల సంఘం జేఏసీ హెచ్చరిస్తోంది. తమ డిమాండ్ పై స్వష్టమైన ఆదేశాలు వొచ్చే వరకు వెనక్కి తగ్గమని అంటోంది. ఇదీ చదవండి: పడితే మొదటి కత్తిపోటు నా మీదే పడాలి’

ఉండ్రాజవరం(తూర్పుగోదావరి జిల్లా): ఉండ్రాజవరంలో మరోసారి ఉద్రిక్త పరిస్థితులు చోటు చేసుకున్నాయి. వంగవీటి రంగా విగ్రహాన్ని తొలగించడంపై ఆయన కుమార్తె ఆశాకిరణ్‌ ఉండ్రాజవరం చేరుకన్నారు. ఈ క్రమంలోనే ఆశాకిరణ్‌ను పోలీసులు అడ్డుకున్నారు. దాంతో పోలీసులకు, ఆశాకిరణ్‌కు మధ్య తీవ్ర వాగ్వాదం చోటు చేసుకుంది. పోలీస్‌ స్టేషన్‌లో ఉన్న తన తండ్రి విగ్రహాన్ని తిరిగి ఇవ్వాలని ఆశా కిరణ్‌ డిమాండ్‌ చేశారు. రంగా విగ్రహం తొలగించిన చోటే ఆశాకిరణ బైఠాయించి నిరసన చేపట్టారు. అదే రంగా అభిమానులను పోలీసులు చెదరగొట్టారు. మరొకవైపు ఆశా కిరణ్ వ్యక్తిగత సెక్యూరిటీ సిబ్బంది ఇద్దరిని , ఉండ్రాజవరం రంగా అభిమానుల్లో నలుగురిని పోలీసులు అరెస్ట్‌ చేశారు. వారిని వెంటనే విడుదల చేయాలని ఆశా కిరణ డిమాండ్‌ చేశారు. పోలీసు లాఠీచార్జ్‌ చేస్తే నా పైనే మొదటి దెబ్బ పడాలి. కత్తిపోటు పడితే నా పైనే పోటుపడాలి. రంగా అభిమానులు వెంట ఎవరున్నా లేకపోయినా నేనున్నా. రంగా విగ్రహం ఎక్కడైనా ఆపితే ఖబర్దార్. వంగవీటి రంగాకి ఒక పార్టీ లేదు ఒక కులం లేదు. రంగా మీద అభిమానంతో పెట్టుకునే విగ్రహాలకి పార్టీ, కులం ఆపాదించొద్దు’ అని హెచ్చరించారు. ఇదీ చదవండి: ‘వ్యవస్థల్ని ధ్వంసం చేస్తే అదే మిమ్మల్ని నాశనం చేస్తుంది’

విజయవాడ: డీఎస్సీ అక్రమాల్లో ముఖ్యమంత్రి చంద్రబాబు, మంత్రి నారా లోకేష్‌ చేసిన తప్పులు బయటపడ్డాయని, వారు తప్పు చేశామని ఒప్పుకోవాలని మాజీ మంత్రి, వైఎస్సార్‌సీపీ నేత శైలజానాథ్‌ డిమాండ్‌ చేశారు. ‘దౌర్జన్యంతో డీఎస్సీ అంశాన్ని పక్కదోవ పట్టించే ప్రయత్నం చేస్తున్నారు. మీ అధ్వర్యంలో జరిగిన డీఎస్సీలో ఏం చేశారో అందరికీ అర్థమైంది. మేం తప్పు చేయలేదంటే సీబీఐ విచారణ చేయించుకుని కడిగిన ముత్యంలా బయటకు రండి. ఈ అంశంలో మంత్రి లోకేష్‌ రాజీనామా చేయాలి’ అని డిమాండ్‌ చేశారు. సాయికృష్ణ ఉదంతంలో పోలీసులకు సుప్రీంకోర్టు చివాట్లు పెట్టింది. అసలు గతంలో మీ పార్టీ అధికారంలో ఉన్న సమయంలో ఊచకోతల వల్లే అట్రాసిటీ చట్టం వచ్చింది. తిరిగి ఆ చట్టాలు మా మీద ప్రయోగం చేస్తున్నారు. దమ్ముంటే లోకల్ బాడీ ఎన్నికల్లో మా మీద పోటీ చేసి గెలవాలి. వ్యవస్థల్ని ధ్వంసం చేయాలి అనుకుంటే అది మిమ్మల్ని నాశనం చేస్తుంది.ఇదీ చదవండి: సీపీకి ఆధారాలిచ్చాం.. లోకేశ్‌పైనా రౌడీషీట్‌ తెరవాల్సిందే!: అంబటి

కాకినాడ: రైల్వే రక్షక దళం (ఆర్‌పీఎఫ్‌) పోలీసులు ఓ యువకుడిని రైల్వే ట్రాక్‌పై కొట్టుకుంటూ నడిపించుకుని తీసుకెళ్లిన ఘటన విమర్శలకు దారి తీసింది. వివరాలివీ.. ల్యాప్‌టాప్‌లు దొంగిలిస్తున్నాడనే ఆరోపణలపై ఆ యువకుడిని సామర్లకోట రైల్వే స్టేషన్‌లో ఆర్‌పీఎఫ్‌ సిబ్బంది శుక్రవారం పట్టుకున్నారు. అతడిని స్టేషన్‌లో రైల్వే ట్రాక్‌పై కొట్టుకుంటూ నడిపించుకుని తీసుకెళ్లి, ప్రభుత్వ రైల్వే పోలీసుల(జీఆర్‌పీ)కి అప్పగించారు. ప్లాట్‌ఫారంపై అందరూ చూస్తూండగానే ఈ సంఘటన జరిగింది. దీనికి సంబంధించిన వీడియో సామాజిక మాధ్యమాల్లో రావడం చర్చనీయాంశంగా మారింది. తమ కళ్ల ముందే ఆ యువకుడిని ఆవిధంగా తరలించడంపై ప్రయాణికుల నుంచి పెద్ద ఎత్తున విమర్శలు వచ్చాయి. ఏ తప్పు చేసినప్పటికీ ఆ యువకుడిని ఇలా ట్రాక్‌పై నడిపిస్తూ, కొట్టడం సరికాదని ప్రయాణికులు అంటున్నారు. సామాన్య ప్రయాణికులు ట్రాక్‌పై నడిస్తే రూ.500 జరిమానా వేసిన ఆర్‌పీఎఫ్, ఇప్పుడు తామే ట్రాక్‌పై ఓ వ్యక్తిని ఈడ్చుకుంటూ తీసుకెళ్లడాన్ని పలువురు తప్పు పట్టారు. ఇది ప్రయాణికుల భద్రత నిబంధనలకు విరుద్ధమని, ఆ సమయంలో రైలు వస్తే ప్రమాదం జరిగే అవకాశం ఉంటుందని అంటున్నారు. ల్యాప్‌టాప్‌లు దొంగిలిస్తున్న యువకుడిని అదుపులో తీసుకున్నామని, దీనిపై విచారణ కొనసాగుతుందని రైల్వే పోలీసులు చెప్పారు.ఇదీ చదవండి: వియత్నాం పర్యటనకు ఇంగ్లిష్‌ టీచర్‌ శిరీష

సాక్షి, విజయవాడ: డీఎస్సీ నిరసన సందర్భంగా వైఎస్సార్‌సీపీ నేతలు, కార్యకర్తలపై నమోదు చేసిన కేసుల్ని ఎత్తేయాలని ఆ పార్టీ నేతలు నగర పోలీస్‌ కమిషనర్‌ను కలిశారు. ఉమ్మడి కృష్ణా, గుంటూరు జిల్లాలకు చెందిన వైఎస్సార్‌సీపీ నాయకులు బృందాలుగా శుక్రవారం విజయవాడ పోలీస్‌ కమిషనరేట్‌కు వెళ్లి.. సీపీ రాజశేఖర్‌బాబుకు తమ వద్ద ఉన్న ఆధారాలతో వినతిపత్రం అందించారు. డీఎస్సీ ఆందోళనలో జరిగిన ఘటనలకు సంబంధం లేని వారిపైనా కేసులు పెట్టారని ఈ సందర్భంగా వారు సీపీ దృష్టికి తీసుకెళ్లారు.ఫిర్యాదు అనంతరం మాజీ మంత్రి, గుంటూరు వైఎస్సార్‌సీపీ జిల్లా అధ్యక్షుడు అంబటి రాంబాబు మీడియాతో మాట్లాడారు. డీఎస్సీ నిరసన సమయంలో వైఎస్సార్‌సీపీ నేతలపై పోలీసులు మితిమీరిన చర్యలకు పాల్పడ్డారని అన్నారాయన. ‘అక్రమ కేసుల వ్యవహారంపై సీపీని కలిసేందుకు వచ్చాం. మా నేతలు లెక్కలేనంత మందిపై కేసులు బనాయించారు. ఎక్కడికి రావాలో చెబితే అక్కడికి వచ్చిన విచారణకు హాజరవుతామని, అంతేగానీ ఇళ్ల మీదకు రావొద్దని విజ్ఞప్తి చేస్తూ పోలీసులకు ఓ వినతి పత్రం ఇవ్వాలనుకుంటున్నాం అని అంబటి వ్యాఖ్యానించారు.‘‘విజయవాడలో మల్లాది విష్ణు ధర్నా చేస్తే దాడి చేశారు. దాడి చేసిన వారిపై ఒక్క కేసైనా పెట్టారా? కోడిగుడ్లతో దాడి చేసిన టీడీపీ వారిపై ఒక్క కేసు కూడా పెట్టలేదు. డీఎస్సీ నిరసనల విషయంలోనూ అంతే’’ అని ఆయన అన్నారు. పోలీసులు తప్పుడు కేసులు పెట్టి చివరకు అభాసుపాలవుతున్నారని విమర్శించారు.‘పోలీసులు చట్ట ప్రకారం వ్యవహరించాలి’కోర్టులు అక్షింతలు వేసినా పోలీసుల తీరు మారడం లేదని అంబటి రాంబాబు వ్యాఖ్యానించారు. పోలీసులు చట్ట ప్రకారం వ్యవహరించాలని, రాజకీయ ఒత్తిళ్లకు లోబడి కేసులు పెట్టడం సరికాదని అన్నారు. డీఎస్సీ నిరసనకు సంబంధించిన కేసుల్లో సెక్షన్‌ 307 పెట్టారని.. అలాగే ఎస్సీ నేతలపైనే ఎస్సీ, ఎస్టీ అట్రాసిటీ చట్టం కేసులు పెట్టడం ఆశ్చర్యకరమని అన్నారాయన. గాదె సాయికృష్ణ కేసును కూడా అంబటి ప్రస్తావించారు. ఈ కేసులో పోలీసులు జైలుకు వెళ్లాల్సిన పరిస్థితి వస్తుందని వ్యాఖ్యానించారు. రాష్ట్రంలో పోలీసు వ్యవస్థ విఫలమైందని తేల్చేశారాయన. ‘లోకేశ్‌పై కూడా రౌడీషీట్‌ పెట్టాలి’మంత్రి నారా లోకేశ్‌పై కూడా అంబటి రాంబాబు తీవ్ర వ్యాఖ్యలు చేశారు. చట్టానికి వ్యతిరేకంగా వ్యవహరించేవారిపై చర్యలు ఉండాలని, ప్రజాప్రతినిధులపై రౌడీషీట్లు తెరవడం ఏ ప్రాతిపదికన జరుగుతోందని ప్రశ్నించారు. మంత్రి లోకేశ్‌పై మాముళ్ల దందా నడిపిస్తున్నారని.. ఆయనపై కూడా రౌడీషీట్‌ పెట్టాలని అంబటి అన్నారు. పోలీసులు సివిల్ వార్ కోరుకుంటున్నారా?: ఎమ్మెల్సీ యేసురత్నంమేం ముందుగా చెప్పి నిరసనకు వస్తే అసలు వాళ్లకు(టీడీపీ నేతలకు) ఎలా అనుమతి ఇచ్చారు. ఇవాళ ఒక ప్రభుత్వం ఉంటుంది.. రేపు మరొకటి వస్తుంది. పోలీసులు పొలిటికల్ పార్టీల ఉచ్చులో పడొద్దు. పోలీసులు అంతర్యుద్ధం కోరుకుంటున్నారా? ఎలాంటి కేసులు పెట్టాలో వాళ్లకు తెలియదా ?. ఎవరి ప్రోద్బలంతోనే హత్యాయత్నం, అట్రాసిటీ కేసులు పెడితే మీరే సమాధానాలు చెప్పాలి. యూనిఫారం వేసుకుని ఇలాంటి తప్పులు చేయవద్దు. అని వైఎస్సార్‌సీపీ ఎమ్మెల్సీ యేసురత్నం హితవు పలికారు. చంద్రబాబు, లోకేష్ డీఎస్సీ విషయంలో చేసిన తప్పులు బయటపడ్డాయి. తప్ప చేశామని ఒప్పుకోవాలి.. ఆ శాఖ మంత్రి లోకేశ్‌ రాజీనామా చేయాలి. దౌర్జన్యంతో డీఎస్సీ అంశాన్ని పక్కదోవ పట్టించే ప్రయత్నం చేస్తున్నారు. మీ అధ్వర్యంలో జరిగిన డీఎస్సీ లో ఏం చేశారో అందరికీ అర్థమైంది. మేం తప్పు చేయలేదంటే సీబీఐ విచారణ చేయించుకుని కడిగిన ముత్యంలా బయటకు రండి. సాయికృష్ణ ఉదంతంలో పోలీసులను సుప్రీం కోర్టు చివాట్లు పెట్టింది. అసలు గతంలో మీ పార్టీ అధికారంలో ఉన్న సమయంలో ఊచకోతల వల్లే అట్రాసిటీ చట్టం వచ్చింది. తిరిగి ఆ చట్టాలు మామీద ప్రయోగం చేస్తున్నారు. దమ్ముంటే లోకల్ బాడీ ఎన్నికల్లో మామీద పోతే చేసి గెలవాలి. వ్యవస్థల్ని ధ్వంసం చేయాలి అనుకుంటే అది మిమ్మల్ని నాశనం చేస్తుంది అని మాజీ మంత్రి సాకే శైలజానాథ్ అన్నారు. పోలీసులు పక్షపాత వైఖరితో ముందుకు వెళ్తుంది. మా పార్టీలో క్రియాశీలకంగా పనిచేస్తున్న వారిపై అక్రమ కేసులు పెట్టే ప్రయత్నం చేస్తున్నారు. అర్ధరాత్రి ఇళ్లలోకి వెళ్లిన మా పార్టీ నేతలను తీసుకువెళ్తున్నారు. ఆరోజు నిరసన కార్యక్రమాన్ని పోలీసు డ్రోన్లు మొత్తం పర్యవేక్షించాయి. నాపైన కేసులు పెట్టిన వారిపై దాడి చేసి ఉంటే ఆ కేసులు బయటపెట్టాలి. మా నిరసన దగ్గరకు అసలు టీడీపీ వాళ్ళు ఎలా వచ్చారు. మాపైన దాడి చేసిన వారిపై ఎందుకు చర్యలు తీసుకోలేదు. డీఎస్సీ అంశాన్ని పక్కదారి పట్టించేందుకు టీడీపీ వాళ్ళతో మాపై దాడి చేయించారు. మేం అడుగుతుంది ఒక్కటే డీఎస్సీపై సీబీఐ విచారణ జరగాలి.. లోకేష్ రాజీనామా చేయాలి. నిరుద్యోగుల పక్షాన వైఎస్సార్‌సీపీ ఎప్పుడూ అండగా ఉంటుంది. మీరు ఫైనల్ గా కేసుల్లో ఉన్నవారి లిస్ట్ ఇవ్వండి.. అందరం స్టేషన్ దగ్గరకు వస్తాం. పోలీసులు మీ తీరు మార్చుకోకుంటే భవిష్యత్ కార్యాచరణ ప్రకటిస్తాం అని వైఎస్సార్‌సీపీ ఎమ్మెల్సీ లేళ్ల అప్పిరెడ్డి అల్టిమేటం జారీ చేశారు. డీఎస్సీ నియామకాల్లో అవకతవకలపై విచారణ కోరుతూ సెప్టెంబర్‌ 21న విజయవాడలోని శాప్‌ కార్యాలయం వద్ద వైఎస్సార్‌సీపీ ఆందోళన చేపట్టింది. ఆ సందర్భంగా టీడీపీ గూండాలు వైఎస్సార్‌సీపీ శ్రేణులపై దుర్మార్గంగా దాడులు జరిపారు. అనంతరం వైఎస్సార్‌సీపీ నేతలపైనే ఆశ్యర్యకరరీతిలో భారీగా కేసులు నమోదు కావడం కొసమెరుపు.ఇదీ చదవండి: పాత బండ్లకు కొత్త స్టిక్కర్లు.. ఓరీ నీ బిల్డప్‌ తగలేయ్యా!

తాడేపల్లి : చంద్రబాబు పబ్లిసిటీకి అడ్డూ అదుపు లేకుండా పోయిందని వైఎస్సార్‌సీపీ అధికార ప్రతినిధి పుత్తా శివశంకర్ ఆగ్రహం వ్యక్తం చేశారు. వేల కోట్ల రూపాయలు ప్రచారానికే ఖర్చు చేస్తున్నారని, ఇప్పుడు సోషల్ మీడియా ఇన్‌ఫ్లుయన్సర్‌లతో కూడా పబ్లిసిటీ చేసుకుంటారట అని శివశంకర్ పేర్కొన్నారు. వారితో అబద్దాలు ప్రచారం చేయిస్తారా? ప్రజలకు సమాచారాన్ని అందించడానికి ఐ ఆండ్‌ పిఆర్ వ్యవస్థ ఉంది. ఇప్పటికే రూ.330 కోట్లు ఆ వ్యవస్థ ద్వారా ఖర్చు చేశారు. ఇంకా కాంక్లైవ్ పేరుతో వందల కోట్లు నేషనల్ మీడియా ద్వారా పబ్లిసిటీ చేసుకున్నారు. ఆ డబ్బులు ప్రజల అవసరాలకు ఖర్చు చేయొచ్చుకదా? అని శివశంకర్ ‍ప్రశ్నించారు.రైతులు, నిరుద్యోగులు, విద్యార్థుల సమస్యలు కనపడటం లేదా? అంటూ వైఎస్సార్‌సీపీ అధికార ప్రతినిధి పుత్తా శివశంకర్ సీఎం చంద్రబాబును నిలదీశారు. వరదల వల్ల మునిగిపోయిన అమరావతిపై వారితో చెప్పించగలరా?, రాయలసీమ కరువు గురించి చెప్పించగలరా?, ఆ సమస్యలపై ఇన్‌ఫ్లుయన్సర్‌లతో మాట్లాడించండి. ఫాలోవర్స్‌ని బట్టి డబ్బులు ఇస్తామని ప్రభుత్వం చెప్తోంది. ఇన్‌స్టా, ఎక్స్, ఫేస్‌బుక్‌లలో డబ్బులు ఇస్తే ఫేక్ ఫాలోవర్స్ ని క్రియేట్ చేసుకోవచ్చు. అలాంటి ఫేక్ ఫాలోవర్స్‌కు డబ్బులు ఖర్చు చేస్తారా? అసలు చంద్రబాబు ప్రభుత్వం ఎవరి కోసం పని చేస్తోంది? ఉత్తరాంధ్ర వరదల్లో మునిగిపోతే చంద్రబాబు విదేశాలకు వెళ్లిపోతారా? రాష్ట్ర ప్రజల సమస్యలు చంద్రబాబుకు పట్టవా? అంత రహస్యంగా చంద్రబాబు విదేశాలకు వెళ్లాల్సిన అవసరం ఏంటి? అని నిలదీశారు.

కర్నూలు: ప్రభుత్వ ఆస్పత్రి అంటే పేద, మధ్య తరగతి ప్రజలకు భరోసా. అత్యవసర సమయంలో ప్రాణాలు కాపాడే వైద్య సిబ్బంది అక్కడ 24 గంటలు అందుబాటులో ఉంటారన్న నమ్మకం. కానీ అందుబాటులో ఒక్కరూ కూడా లేకపోతే పరిస్థితి ఎలా ఉంటుందో పెద్ద హరివాణం 30 పడకల ప్రాథమిక ఆరోగ్య కేంద్రంలో చోటు చేసుకున్న ఘటన ప్రశ్నిస్తోంది. ప్రసవ వేదనతో ఆసుపత్రికి వచ్చిన గర్భిణికి వైద్య సిబ్బంది అందుబాటులో లేకపోవడంతో ఆమె బంధువులే లేబర్‌ రూంకు తీసుకెళ్లి ప్రసవం చేయాల్సి వచ్చింది. ఈ ఘటన కలకలం రేపుతోంది. గొప్పలు చెప్పుకునే చంద్రబాబు ప్రభుత్వం ఈ ఘటనపై ఏం సమాధానం చెబుతుందనిగ్రామస్తులు ప్రశ్నిస్తున్నారు.ఉదయం 8 గంటలకు ఆసుపత్రికి.. కర్నూలు జిల్లా ఆదోని మండలం పెద్దహరివాణం గ్రామానికి చెందిన పవిత్ర రెండో కాన్పు కోసం పురిటి నొప్పులతో బుధవారం ఉదయం 8 గంటలకు పీహెచ్‌సీ కేంద్రానికి చేరుకున్నారు. ఆమె వెంట నానమ్మ లక్ష్మమ్మ, బంధువులు దేవేంద్ర, స్వామిదాస్, హనుమంతమ్మ ఉన్నారు. అయితే ఆ సమయంలో ఆసుపత్రిలో వైద్య సిబ్బంది ఒక్కరంటే ఒక్కరూ అందుబాటులో లేకపోయారు. ఒకవైపు నొప్పులతో గర్భిణి పవిత్ర అల్లాడిపోతూ కేకలు పెడుతున్నారు. ఆస్పత్రి సిబ్బందికి, ఉన్నతాధికారులకు ఫోన్‌ చేసినా ఎవరూ స్పందించలేదు. పవిత్ర పరిస్థితి విషమంగా మారడంతో చివరకు బంధువులే ఆస్పత్రిలోని లేబర్‌ రూంకు తీసుకెళ్లి తమకు తెలిసిన మిడిమిడి జ్ఞానంతో కాన్పు చేశారు. పవిత్ర ఆడబిడ్డకు జన్మనిచ్చారు. గ్రామ పెద్ద రాకతో కదలిక తీవ్ర ఆందోళన చెందిన పవిత్ర అన్న స్వామిదాస్‌ గ్రామ పెద్ద ఆదినారాయణ రెడ్డికి ఫోన్‌ చేసి సమా చారం అందించారు. ఆయన హుటాహుటిన ఆస్పత్రికి చేరుకుని సిబ్బంది విధులపై ఆరా తీశారు. అనంతరం డిప్యూటీ డీఎంహెచ్‌ఓ డాక్టర్‌ సత్యవతిని ఫోన్‌లో సంప్రదించగా పొంతన లేని సమాధానం రావడంతో పవిత్ర బంధువులు ఆగ్రహం వ్యక్తం చేశారు. అత్యవసర సమయంలో సిబ్బంది ఎక్కడ? ప్రసవం వంటి అత్యవసర పరిస్థితుల్లో వైద్య సిబ్బంది అందుబాటులో లేకపోవడంపై గ్రామస్తులు ఆగ్రహం వ్యక్తం చేస్తున్నారు. సకాలంతో వైద్య సహాయం అందకపోవడంతో బంధువులే ప్రసవం చేయాల్సి రావడం ఆందోళన కలిగించే అంశమని గ్రామస్తులు అంటున్నారు. ఏదైనా అనుకోని ఘటన జరిగి ఉంటే తల్లి, శిశువు ప్రాణాలకు ముప్పు ఏర్పడేదని ఆవేదన వ్యక్తం చేస్తున్నారు. ఈ ఘటనపై ఉన్నతాధికారులు వెంటనే విచారణ చేపట్టి వాస్తవాలను వెలుగులోకి తీసుకురావాలని గ్రామస్తులు కోరుతున్నారు. ఇదీ చదవండి: విజయవాడ మిస్సింగ్‌ కేసులో షాకింగ్ ట్విస్ట్‌.. టాటూ వల్లే కళ్యాణి..

ఎవరైనా వెయ్యి రూపాయలతో అయ్యే పనికి ఐదువేలో, పది వేలో ఖర్చు చేస్తారా? అలా చేస్తామని అంటే జనం ఏమని అనుకుంటారు? అయితే చేతకాని తనమన్నా కావాలి. లేదా ఏదైనా స్వార్ధ ప్రయోజనం ఉండి ఉంటుందని అనుకోరా? సరిగ్గా ఇదే రీతిలో ఏపీ రాజధాని అమరావతి గ్రామాలలో జరుగుతోందనిపిస్తోంది.కొత్త ఎయిర్ పోర్టు కోసం ఇరవై వేల ఎకరాలు, రైల్వే లైన్, గ్రిడ్ రోడ్డు విస్తరణ వంటి కోసం 6212 ఎకరాలు తీసుకుంటారట. ఎయిర్ పోర్టుకు ఐదువేల ఎకరాలు సరిపోతుంది. కాని నాలుగురెట్లు ఎక్కువగాను, రైల్వేలైన్, తదితర అవసరాలకు 1581 ఎకరాలు చాలు. కాని నాలుగు రెట్లు అదనంగా పూలింగ్ చేస్తారట. ఇప్పటికే విజయవాడ సమీపంలోని గన్నవరం వద్ద అంతర్జాతీయ విమానాశ్రయం ఉంది. గతంలో దాని విస్తరణకు రైతులనుంచి భూములు తీసుకున్నారు. ఆ రైతులందరికి పూర్తి స్థాయి న్యాయం జరగలేదని ఈ మధ్యనే ఎయిర్ పోర్టు వద్ద ధర్నా కూడా జరిగింది.అయితే కొంతమంది పలుకుబడి కలిగినవారు ఈ భూములకు బదులు అమరావతి ప్రాంతంలో విలువైన ప్లాట్లు పొందారని కూడా చెబుతారు. దీనిని పక్కనబెడితే కూటమి ప్రభుత్వానికి లేడికి లేచిందే పరుగు అన్నట్లుగా, కొత్తగా మరో విమానాశ్రయం కట్టాలన్న ఆలోచన వచ్చింది. అది కూడా విజయవాడ, గుంటూరులకు సుదూరంగా ఉండే మారుమూల గ్రామాలలో కావడం విశేషం. ఇందుకోసం ఐదువేల ఎకరాలు అవసరమట. కాని 20వేల ఎకరాలు సేకరించవలసి ఉంటుందని పురపాలక శాఖ మంత్రి పీ.నారాయణ ప్రకటించారు. అదేమిటి? నాలుగు రెట్లు అధికంగా భూములు తీసుకోవడం ఏమిటన్న సందేహం ఎవరికైనా రావచ్చు. దానికి ఆయన ఇచ్చిన జవాబు ఏమిటంటే 20వేల ఎకరాలు తీసుకుంటే ప్రభుత్వానికి ఐదువేల ఎకరాలే మిగులుతుందట. మిగిలిన భూమిలో ప్లాట్లు అభివృద్ది చేసి రైతులకు ఇవ్వవలసి ఉంటుందట. అలాగే విద్యాసంస్థలు, ఆస్పత్రులు ఇతర అవసరాలకు కేటాయించాలట. ఇదే ప్రకారం రైల్వే లైన్, ఇన్నర్ రింగ్ రోడ్డు, గ్రిడ్ రోడ్లకు కూడా తీసుకుంటారట.ముఖ్యమంత్రి చంద్రబాబు నాయుడు గతంలో కేంద్రానికి రాసిన ఒక లేఖ ప్రకారం ప్లాట్ల అభివృద్దికి ఎకరాకు రెండు కోట్లు వ్యయం అవుతుంది. అది ఇప్పుడు మరికొంత పెరిగిందేమో తెలియదు. ఈ రకంగా చూస్తే ఎయిర్ పోర్టు భూమి పోను మిగిలిన 15వేల ఎకరాలనే పరిగణనలోకి తీసుకుంటే ఎకరాకు మినిమమ్ రెండు కోట్ల చొప్పున ముప్పైవేల కోట్ల వ్యయం అవుతుందన్నమాట. ఇంత భారీ వ్యయం చేసే బదులు అవసరమైన ఐదువేల ఎకరాలకు రెండు కోట్ల చొప్పున లెక్కగట్టి ఇస్తే పదివేల కోట్లు సరిపోతుంది కదా!లేదా మూడు కోట్లు ఇచ్చినా 15వేల కోట్లు అవుతుంది.రైల్వే లైన్ తదితర అవసరాలకోసం ఈ ప్రకారం లెక్కవేస్తే ప్లాట్ల అభివృద్దికే 18వేల కోట్లు అవుతుంది. కాని కొనుగోలు చేస్తే పది, పన్నెండువేల కోట్లు మించి కాకపోవచ్చు. దీనిని వదలి ఒక రియల్ ఎస్టేట్ వెంచర్ మాదిరి ఎందుకు భూములు సేకరిస్తున్నట్లు? రైతులకు ప్లాట్ల అభివృద్ది జరిగే వరకు కౌలు రూపేణా, రుణాల మాఫి రూపేణా, ఇతరత్రా కోట్ల రూపాయల మెత్తాలను వెచ్చించవలసి ఉంటుంది. దీనిని బట్టి ఏం అర్దం అవుతుంది. వెయ్యి రూపాయల ఖర్చు అయ్యేదానిని మూడు, నాలుగు రెట్లకు పెంచుతున్నారనిపించదా? ప్రభుత్వం ఏదో రకంగా దీనిని సమర్ధించుకోవచ్చు. కానీ అందులో హేతుబద్దత ఎంత అన్నదే చర్చ.ఇదీ చదవండి: నాడు ప్రశంసలు.. నేడు విమర్శలు.. బాబుకు కొత్త ఆందోళన!హైదరాబాద్ శంషాబాద్ వద్ద రైతుల నుంచి భూములను ప్రభుత్వం తీసుకుని పరిహారం చెల్లించిన అనుభవం ఉన్నప్పటికీ ఏపీ ప్రభుత్వం పూలింగ్ వైపే వెళుతోంది. రైతుల నుంచి భూములు తీసుకోవడంతో పచ్చని పంట పొలాలను నాశనం చేయడం ఒక ఎత్తు అయితే, వారి వద్దే భూములు ఉంటే ఎప్పుడైనా తమకు నచ్చిన రేటుకు అమ్ముకునే అవకాశం ఉండడం మరో ఎత్తుగా ఉంటుంది. వీటన్నిటిని కాదని ప్రభుత్వం భూములు తీసుకోవడం, నిర్మాణాల పేరిట వేల కోట్ల రూపాయలను అప్పు తెచ్చి మరీ వ్యయం చేయడంపై విమర్శలు వస్తున్నాయి.మాజీ మంత్రి, రైతు నాయకుడు వడ్డే శోభనాద్రీశ్వరరావు, మాజీ ఐఎఎస్, లిబరేషన్ కాంగ్రెస్ అధ్యక్షుడు విజయకుమార్ తదితరులు ముందుగా ఇప్పటికే తీసుకున్న భూమిని అభివృద్ది చేయకుండా కొత్తగా భూములు తీసుకోవడం ఏమిటని, పలు అనుభవాల రీత్యా చంద్రబాబునునమ్మడం ఎలా అని ప్రశ్నించారు. రెండో దశ భూ సేకరణ అంటే అవినీతికోసమేనని మరో మాజీ ఐపీఎస్ అధికారి ఏబీ వెంకటేశ్వరరావు కొంతకాలం క్రితం ఆరోపించారు. ఎవరు ఎన్ని హితోక్తులు చెప్పినా, విమర్శలు చేసినా.. ప్రభుత్వం మాత్రం తగ్గడం లేదు. ఆయా భవనాల నిర్మాణానికి పెడుతున్న వ్యయం చూస్తే ఎవరికైనా దిమ్మదిరగాల్సిందే.శాశ్వత సచివాలయ టవర్ల అద్దాలకు 2455 కోట్లు వ్యయం చేయబోతున్నారు. ఇందులో తొలుత ఉన్న అంచనా వ్యయం కన్నా 500 కోట్లు అధికంగా ఉందని మీడియాలో వార్తలు వచ్చాయి. అమరావతిలో విద్యుత్ సరఫరాను ప్రైవేటుకు అప్పగించాలన్నది మరో ఆలోచనట. దీనిపై నివేదికలు తయారు చేయడానికి టెండర్లు పిలిచారు. ఇప్పటికే వేల కోట్ల వ్యయం చేసి అండర్ గ్రౌండ్ విద్యుత్ సరఫరా, పంపిణీ వ్యవస్థను సీఆర్డిఏ తయారు చేస్తోంది. అంతా సిద్దం అయ్యాక ప్రైవేటువారికి దీనిని అప్పగిస్తారా? లేక ముందే ప్రైవేటుకు అప్పగిస్తారా? అన్న చర్చ జరుగుతోంది. ఇదంతా వినియోగదారులపై భారం కాదా అన్నది కొందరి సందేహం.అమరావతి చుట్టూరా అవుటర్ రింగ్ రోడ్డు నిర్మాణం చేయాలన్నది మరో ప్రతిపాదన. కేంద్రం దీనిపై కొన్ని అభ్యంతరాలు చెబుతున్నా రాష్ట్ర ప్రభుత్వం ఒప్పుకోవడం లేదు. సుమారు 30వేల కోట్ల వ్యయం అవుతుందని అంచనా అయితే ఇందులో రాష్ట్రం కూడా నాలుగువేల కోట్లకు పైగా భరించాల్సి ఉంటుందట. అసెంబ్లీ కొత్త భవనాన్ని నిర్మించడంలో భాగంగా కేవలం భవన శిఖరం(డూమ్) నిర్మాణానికి 660 కోట్లకు పరిపాలన అనుమతులు మంజూరు చేశారట. పార్లమెంటు కొత్త భవనం, తెలంగాణ సచివాలయంలకు పెట్టిన ఖర్చుతో పోల్చితే ఏపీ ఖర్చు గుండె బేజారెత్తిస్తుందని చెప్పాలి.కొండవీటి వాగు వరదనుంచి రక్షణ పొందడానికి కొన్నివందల కోట్లు వ్యయం చేస్తున్నారు. కృష్ణానది కుడి కరకట్ట విస్తరణకు 443 కోట్లు వెచ్చించబోతున్నారు. వివిధ ప్రభుత్వ కార్యాలయాలకు సెంట్రలైజ్‌డ్ కూలింగ్ వ్యవస్థ కోసం 415 కోట్లు పెట్టబోతున్నారు. గవర్నర్ నివాస భవన సముదాయానికే 200 కోట్లకు పైగా ఖర్చు అవుతుందని అంచనా అట. అమరావతిలో పెడుతున్న ఖర్చులో ఇవి కొన్నే. ఇందులో దుబారా, అవినీతిపై ఎవరైనా ప్రశ్నించినా పట్టించుకునే దశలో చంద్రబాబు సర్కార్ లేదు. మొత్తం రాష్ట్ర ప్రజలందరినుంచి వసూలు చేసే పన్నులలో నుంచే అమరావతి అప్పులను తీర్చవలసి ఉంటుంది. ఒకపక్క ఎల్ నినో కారణంగా కరువు తాండవిస్తుంటే, మరో పక్క అమరావతిలో వేల కోట్ల రూపాయలను విచ్చలవిడిగా వెచ్చించడం న్యాయమా అని సామాన్యుడు ప్రశ్నించినా వినే నాధుడు లేడు.-కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత.

సాక్షి, ఎన్టీఆర్‌ జిల్లా: ఎన్టీఆర్‌ జిల్లా ఇబ్రహీంపట్నంలో మహిళ శరీర భాగాలు లభ్యమైన కేసులో పోలీసులు కీలక పురోగతి సాధించారు. మృతురాలిని మంగళగిరికి చెందిన కళ్యాణిగా గుర్తించారు. చేతిపై ఉన్న టాటూ ఆధారంగా ఆమెను గుర్తించినట్లు పోలీసులు తెలిపారు. ఈ నెల 17న కళ్యాణి కనిపించకుండా పోగా.. అదే రోజు ఆమె హత్యకు గురైనట్లు దర్యాప్తులో ప్రాథమికంగా నిర్ధారించినట్లు సమాచారం. కళ్యాణి కనిపించకుండా పోయినప్పటి నుంచి ఆమె సోదరుడు ఆచూకీ కోసం వెతుకుతున్నాడు. ఈ క్రమంలో ఇన్‌స్టాగ్రామ్‌లో ఉన్న ఫొటోల ఆధారంగా ఆమె చేతిపై ఉన్న టాటూను గుర్తించి పోలీసులకు సమాచారం అందించినట్లు తెలుస్తోంది.ఏం జరిగిందంటే.. ఇబ్రహీంపట్నం సమీపంలోని ఎన్టీటీపీఎస్‌ చన్నీళ్ల కాలువలో రెండ్రోజులుగా మహిళకు సంబంధించిన శరీర భాగాలను వేర్వేరు సమయాల్లో స్థానిక పోలీసులు స్వాధీనం చేసుకున్నారు. మొదటిగా శుక్రవారం మహిళ మొండెంను సేకరించి విజయవాడ ప్రభుత్వాసుపత్రికి తరలించారు. మృతదేహం పరిస్థితి మేరకు హత్యగా భావించి, ఆ దిశగా పలు కోణాల్లో వివరాల గురించి ఆరా తీస్తున్నారు. అయితే మొండెం లభించిన తర్వాత తల, చేతులు, కాళ్లు శనివారం లభించాయి. ఎక్స్‌ఎల్‌ సైజులో ఉన్న బ్లూ రంగు టాప్‌ పంజాబీ డ్రస్‌, లెగ్గిన్‌, బంగారు రంగులో ఉన్న ముక్కు పుడక, చెవి రింగులు, గాజులు, వెండి పట్టీలు, చేతిపై నల్లని ఈక టాటూను గుర్తించారు.ఇక, ఈ కేసులో భవానీపురానికి చెందిన షఫీని ఇబ్రహీంపట్నం పోలీసులు అదుపులోకి తీసుకుని విచారిస్తున్నారు. పోలీసుల ప్రాథమిక దర్యాప్తు ప్రకారం.. కళ్యాణికి, షఫీకి గతంలో పరిచయం ఉండగా, వీరి మధ్య వివాహేతర సంబంధం కొనసాగుతున్నట్టు అనుమానం వ్యక్తమవుతోంది. కాగా, ఆమె కుమారుడిని షఫీ పెంచుకుంటున్నట్లు తెలుస్తోంది. కుమారుడి విషయంలో ఇద్దరి మధ్య కొంతకాలంగా వివాదం ఉన్నట్లు సమాచారం. తన కుమారుడిని తనకు అప్పగించాలని కళ్యాణి షఫీపై ఒత్తిడి తెచ్చినట్లు పోలీసులు అనుమానిస్తున్నారు. ఈ క్రమంలోనే షఫీ ఆమెను హత్య చేసి ఉంటాడని ప్రాథమికంగా నిర్ధారణకు వచ్చినట్లు సమాచారం. అయితే ఈ కేసులో పూర్తి కారణాలు, హత్యకు సంబంధించిన ఇతర వివరాలను పోలీసులు దర్యాప్తు చేస్తున్నారు.

శ్రీకాకుళం క్రైమ్‌ : ఒకటి కాదు రెండు కాదు దాదాపు 110 చోరీల కు పాల్పడిన వున్నా రాంబాబు మళ్లీ జిల్లా పోలీసు లకు పట్టుబట్టాడు. ఇతడి స్వస్థలం విజయనగరం జిల్లా చీపురుపల్లి. విజయవాడ సిటీ, కృష్ణా, విశాఖ పట్నం సిటీ, అనకాపల్లి, విజయనగరంలోనే కాక మన జిల్లాలో ఇతనిపై ఇప్పటికే 110 చోరీలకు సంబంధించి పాత కేసులు నమోదై ఉన్నాయి. జి.సిగ డాంకు చెందిన గిడిజాల కోటేశ్వరరావుతో కలసి 32 చోరీల్లో 112 తులాల బంగారాన్ని దోచేసి గత ఏడాది జనవరి 18న జేఆర్‌ పురం సీఐ ఎం.అవ తారం బృందానికి పట్టుబడి జైలుకు వెళ్లాడు. తాజాగా జిల్లాలో మరో 10 చోరీ కేసుల్లో పాల్గొని అదే సీఐ అవతారం బృందానికి శుక్రవారం పట్టుబడటంతో అరెస్ట య్యి కటకటాల పాలయ్యాడు. నిందితుడైన రాంబాబు నుంచి రూ. 41,50,000లు విలువ చేసే 1.29 కిలోల వెండి, 300 గ్రాముల బంగారం, రూ. 2,62,000 నగదు పోలీసులు స్వా«దీనం చేసుకున్నారు. జిల్లా కేంద్రంలోని గూనపాలెం సమీప సబ్‌డివిజనల్‌ కార్యాలయంలో డీఎస్పీ సీహెచ్‌ వివేకా నంద దీనికి సంబంధించిన వివరాలను విలేకరులకు వెల్లడించారు. వివరాల్లోకి వెళ్తే.. ఈ ఏడాది ఆగస్టు 28న జి.సిగడాంకు చెందిన టంకాల సత్యనారాయణ తన భార్యతో కలసి బంధువుల ఫంక్షన్‌కు విజయవాడ వెళ్లగా ఆయన ఇంటిలో చోరీ జరిగింది. సీఐ ఎం.అవతారం దర్యాప్తు చేపట్టి ఈనెల 24న జి.సిగడాం మండలం నడిమివలస జంక్షన్‌ వద్ద ఎస్‌ఐ అప్పలసూరి, సిబ్బందికి రాంబాబు చిక్కడంతో అదుపులోకి తీసుకున్నారు. సీఐ అవతారం విచారణ చేయగా అనేక విషయాలు బయటపడ్డాయి. రాంబాబు రూటే సెపరేటు.. పగటి పూట తాళం వేసిన ఇళ్లను రాంబాబు టార్గెట్‌ చేస్తాడు. ఇంటి వద్ద దాచే తాళాలనే తీసి ఇంట్లోకి చొరబడతాడు. ఇంట్లో వారికి అనుమానం రాకుండా ఒకటి రెండు వస్తువులకు మించి చోరీ చేయడు. ఇంటి దొంగ చేసిన పనిగా క్రియేట్‌ చేసి వారిలో వారే కొట్టుకునేటట్లు చేస్తాడు. ఎక్కడా వేలి ముద్రలు పడకుండా జాగ్రత్త పడతాడు. క్రికెట్‌ మోసానికి గురై.. ఇంటర్‌ వరకు చదివిన రాంబాబుకు మొబైల్‌ అప్లికేషన్లు, హార్డ్‌వేర్‌ వంటి సాంకేతిక పరిజ్ఞానంలో ప్రావీణ్యముంది. చిన్నప్పటినుంచి క్రికెట్‌పై మక్కువ ఉండటంతో విజయవాడలో తన అత్తగారింటి వద్దనున్నప్పుడు అక్కడి కోచ్‌ వద్ద మెలకువలు నేర్చుకున్నాడు. రంజీ జట్టు ఎంపిక విషయంలో కోచ్‌ మోసం చేయడంతో తట్టుకోలేక వ్యసనాల బాట పట్టాడు. క్రికెట్‌ బెట్టింగ్‌ కోసం డబ్బులు దుబారాగా ఖర్చుపెట్టేవాడు. చోరీ చేసిన ఆభరణాలను తన తల్లికి ఆరోగ్యం బాగోలేదని అబద్ధాలు చెప్పి స్నేహితులకు చెప్పి వారి ద్వారా బ్యాంకుల్లోనూ, ఫైనాన్స్‌ కంపెనీల్లో తాకట్టుపెట్టి డబ్బును పొందేవాడు. జైలుకు వెళ్లడం.. బెయిల్‌పై రావడం 2018 జనవరి 18న కోటేశ్వరరావుతో కలిసి పట్టు బడి అరెస్టై జైలుకు వెళ్లిన రాంబాబు బెయిల్‌పై విడుదలైన కొన్ని నెలలకే విజయవాడ సిటీ పరిధి లో జరిగిన చోరీల కేసులో పట్టుబడి జైలుకు వెళ్లా డు. మళ్లీ బెయిల్‌పై విడుదలై విశాఖపట్నం జిల్లా ఆనందపురంలో చోరీల కేసులో జైలుకు వెళ్లాడు. అక్కడా బెయిల్‌ పొంది విజయనగరం బొబ్బిలి పోలీసులకు చోరీల కేసులో పట్టుబడి చివరిసారిగా జైలుకెళ్లాడు. ఈ ఏడాది జులైలో విడుదలైన రాంబాబు మళ్లీ చోరీల బాట పట్టి సీఐ అవతారం సమక్షంలోని జె.ఆర్‌.పురం, సిగడాం పోలీసులకు పట్టుబడ్డాడని, నిందితున్ని రిమాండ్‌కు తరలిస్తున్నామ ని డీఎస్పీ వివేకానంద వెల్లడించారు.

సాక్షి, సత్యసాయి జిల్లా: ఏపీ వైద్య ఆరోగ్య శాఖ మంత్రి సత్యకుమార్‌ వ్యవహారం చర్చనీయాంశంగా మారింది. గత వైఎస్సార్‌సీపీ హయాంలో కొనుగోలు చేసిన అంబులెన్స్‌లకు స్టిక్కర్లు మార్చి.. కొత్త వాహనాల మాదిరిగా ఆర్భాటంగా మంత్రి సత్యకుమార్‌ కార్యక్రమం ప్రారంభించారంటూ విమర్శలు వెల్లువెత్తుతున్నాయి.ధర్మవరం పట్టణంలో జరిగిన ఈ కార్యక్రమం వివాదాస్పదంగా మారడంతో స్థానికంగా పలువురు నేతలు, ప్రజలు అభ్యంతరం వ్యక్తం చేస్తున్నారు. మంత్రిపై సెటైర్లు వేస్తున్నారు. వైఎస్‌ జగన్‌ ప్రభుత్వ హయాంలో 2023లో కొనుగోలు చేసిన 71 అంబులెన్స్‌లను మంత్రి సత్యకుమార్‌ కొత్తగా జెండా ఊపి మళ్లీ ప్రారంభించారు. అలాగే 104 వాహనాలకు కొత్త స్టిక్కర్లు మార్చి వాటిని ‘ఆరోగ్య రథాలు’గా బిల్డప్‌ ఇచ్చారంటూ విమర్శలు వస్తున్నాయి.ఇప్పటికే వినియోగంలో ఉన్న లేదా గతంలో కొనుగోలు చేసిన వాహనాలకు కేవలం స్టిక్కర్లు మార్చి కొత్తగా ప్రారంభించడం ద్వారా కూటమి ప్రభుత్వం క్రెడిట్‌ తీసుకునే ప్రయత్నం చేసిందని వైఎస్సార్‌సీపీ నేతలు, స్థానిక ప్రజలు ఆరోపణ చేశారు. ధర్మవరంలో మంత్రి సత్యకుమార్‌ నిర్వహించిన కార్యక్రమం నేపథ్యంలో ఈ వ్యవహారం స్థానికంగా చర్చకు దారితీసింది.స్టిక్క‌ర్లు మార్చి.. పెయింటింగ్ వేసి.. కొత్తవిగా ప్రారంభంవివాదంలో ఏపీ వైద్య ఆరోగ్య శాఖ మంత్రి సత్యకుమార్ 108 వాహ‌నాల‌కు స్టిక్కర్లు మార్చి పాత వాహనాలను ఆర్భాటంగా ప్రారంభించిన మంత్రి సత్యకుమార్ వైఎస్ జగన్ హయాంలో 2023లో కొనుగోలు చేసిన 71 అంబులెన్స్ లను జెండా ఊపి ప్రారంభించిన… pic.twitter.com/8IMnkPXTyk— Telugu Feed (@Telugufeedsite) September 26, 2026ఇదీ చదవండి: టీడీపీ ఎమ్మెల్యే మాధవి రెడ్డికి బిగ్‌ షాక్‌

విశాఖపట్నం: మహిళా పోలీసుల పట్ల అనుచితంగా ప్రవర్తించిన కేసులో న్యాయవాది చందన గీతా ప్రసన్నను కోర్టులో హాజరుపరిచేందుకు ద్వారకానగర్‌ పోలీసులు పీటీ వారెంట్‌ దాఖలు చేయనున్నారు. ఇటీవల సైబర్‌ క్రైమ్‌ పోలీసులు అదుపులోకి తీసుకునే సమయంలో గీతా ప్రసన్న మహిళా పోలీసు సిబ్బందితో వాగ్వాదానికి దిగడంతో పాటు, వారి విధులకు ఆటంకం కలిగించారని పోలీసులు తెలిపారు. అంతేకాకుండా తన చెవిపోగుతో తనకు తానే గాయపరచుకునేందుకు ప్రయతి్నంచారని పేర్కొన్నారు. ఈ ఘటనపై ద్వారకానగర్‌ పోలీస్‌ స్టేషన్‌లో కేసు నమోదు చేశారు.ప్రస్తుతం సైబర్‌ క్రైమ్‌ కేసులో ఆమె సెంట్రల్‌ జైలులో రిమాండ్‌లో ఉన్నారు. వ్యక్తిగత ఫొటోలు, వీడియోలు, ఆడియోలు, ఇతర సున్నితమైన సమాచారాన్ని దురి్వనియోగం చేస్తూ బాధితులను బెదిరింపులకు, బ్లాక్‌మెయిల్‌కు గురిచేయడం, సోషల్‌ మీడియా, ఇతర డిజిటల్‌ మాధ్యమాల ద్వారా పరువు నష్టం కలిగించే చర్యలకు పాల్పడినట్లు వచ్చిన ఫిర్యాదుల ఆధారంగా సైబర్‌ క్రైమ్‌ పోలీసులు కేసు నమోదు చేశారు. ఈ కేసులో ఆమెను అరెస్టు చేసి సెంట్రల్‌ జైలుకు తరలించారు. వ్యక్తిగత వీడియోలు, ఇతర సున్నితమైన సమాచారాన్ని ఉపయోగించి బాధితులపై ఒత్తిడి తీసుకురావడం, తమకు అనుకూలంగా వీడియోలు చేయాలని బెదిరించడం, లేనిపక్షంలో ఆ సమాచారాన్ని మీడియా ద్వారా ప్రచారం చేస్తామని హెచ్చరించినట్లు పోలీసుల ప్రాథమిక దర్యాప్తులో వెల్లడైంది.దర్యాప్తులో సేకరించిన సాక్ష్యాలు, సాక్షుల వాంగ్మూలాలు, సాంకేతిక ఆధారాల ఆధారంగానే ఆమెను అరెస్టు చేసినట్లు పోలీసులు తెలిపారు. అయితే అరెస్టు సమయంలో ముగ్గురు మహిళా కానిస్టేబుళ్లు విధుల్లో ఉన్నారని, వారి విధులకు ఆటంకం కలిగించేలా గీతా ప్రసన్న వ్యవహరించారని పోలీసులు పేర్కొన్నారు. ఈ మేరకు మహిళా కానిస్టేబుల్‌ పిట్టా జయలక్ష్మి ద్వారకానగర్‌ పోలీస్‌ స్టేషన్‌లో ఫిర్యాదు చేశారు.ఫిర్యాదు ఆధారంగా కేసు నమోదు చేసిన పోలీసులు, తదుపరి విచారణ నిమిత్తం గీతా ప్రసన్నను కోర్టులో హాజరుపరిచేందుకు నేడో, రేపో పీటీ వారెంట్‌ దాఖలు చేయనున్నారు. ఇదీ చ‌ద‌వండి: కస్టమర్‌ లేకుండానే తుర్రుమన్న ర్యాపిడో రైడర్‌

విశాఖపట్నం: భీమిలి మండలంలో ప్రేమ వివాహం ఘర్షణకు దారితీసింది. ప్రేమించి పెళ్లి చేసుకున్నారన్న కక్షతో యువతి బంధువులు యువకుడి తరఫు వారిపై కత్తులు, కర్రలతో దాడికి పాల్పడ్డారు. ఈ ఘటనలో నలుగురు తీవ్రంగా గాయపడగా.. గొడవను ఆపబోయిన ఒక స్పెషల్‌ బ్రాంచ్‌ (ఎస్‌బీ) హెడ్‌ కానిస్టేబుల్‌పై కూడా దాడి చేసి గాయపరిచారు. వివరాల్లోకి వెళితే.. భీమిలి మండలంలోని మజ్జిపేటకు చెందిన గంగరాజు, తగరపువలస బంగ్లామెట్టకు చెందిన నీలిమ కొంతకాలంగా ప్రేమించుకుని వివాహం చేసుకున్నారు. అయితే వీరి పెళ్లిని యువతి తరఫు బంధువులు తీవ్రంగా వ్యతిరేకించారు. ఈ విషయమై ఇరువర్గాల మధ్య ఘర్షణ చెలరేగడంతో వివాదం పోలీసు స్టేషన్‌కు చేరింది. దీంతో పోలీసులు ఇరువర్గాలను స్టేషన్‌కు పిలిపించి సీఐ దివాకర్‌ యాదవ్‌ వారికి సర్దిచెప్పి, గొడవలకు దూరంగా ఉండాలని హెచ్చరించి పంపించారు. అడ్డుకుని మరీ దాడి.. : పోలీస్‌ స్టేషన్‌ నుంచి గంగరాజు, అతని వర్గీయులు వెళుతుండగా.. మార్గమధ్యలో వ్యవసాయ మార్కెట్‌ సమీపంలో యువతి నీలిమ వర్గీయులైన ఇంటి సతీ‹Ù, లావేటి వెంకటేష్, ఇంటి నర్సింగ్‌ మరికొందరితో కలిసి వారిని అడ్డుకున్నారు. ముందస్తు పథకం ప్రకారం కత్తులు, కర్రలతో విచక్షణారహితంగా దాడి చేశారు. ఈ దాడిలో సంపంగి ముత్యాలమ్మ (22), నీలాపు అప్పారావు (43), మీసాల బంగారయ్య (45), నీలాపు లక్ష్మి (35) తీవ్రంగా గాయపడ్డారు. హెడ్‌ కానిస్టేబుల్‌పై కూడా.. : అదే సమయంలో ఆ మార్గంలో వెళుతున్న స్పెషల్‌ బ్రాంచ్‌ (ఎస్‌బీ) హెడ్‌ కానిస్టేబుల్‌ ఊడికల ఆనంద్‌ గొడవను చూసి ఆగి, వారిని వారించేందుకు ప్రయతి్నంచారు. అయితే దుండగులు హెడ్‌ కానిస్టేబుల్‌ అని కూడా చూడకుండా ఆయనపై విరుచుకుపడి తీవ్రంగా కొట్టడంతో పాటు, ఆయన సెల్‌ఫోన్లను పగులగొట్టారు. సమాచారం అందుకున్న స్థానిక పోలీసులు వెంటనే సంఘటనా స్థలానికి చేరుకుని, తీవ్రంగా గాయపడ్డ క్షతగాత్రులను చికిత్స నిమిత్తం ప్రభుత్వ ఆసుపత్రికి తరలించారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. ఇదీ చదవండి: భార్యను చంపేసి.. పరుపులో చుట్టేసి..

ప్రొద్దుటూరు(వైఎస్‌ఆర్‌ జిల్లా ): అధికారంలో ఎవరుంటే వారి కాళ్ల కింద తివాచీ పరచడం, సీట్లలో ఎవరు కూర్చుంటే వారి ఫొటోలకు దండలేయడం కొందరు అధికారులకు వెన్నతో పెట్టిన విద్య. ప్రొద్దుటూరు మున్సిపల్‌ కమిషనర్‌ తూతిక శ్రీనివాస విశ్వనాథ్‌ కూడా ఇప్పుడు ఇదే ‘రాజకీయ భక్తి’ మార్గంలో నడుస్తూ బ్యూరోక్రసీ చరిత్రలోనే నిలిచిపోయే సరికొత్త వివాదాలకు కేరాఫ్‌ అడ్రస్‌గా మారారు. కమిషనర్‌ ఛాంబర్‌లో రాజ్యాంగబద్ధమైన హోదాలో ఉన్న ఉప ముఖ్యమంత్రి పవన్‌ కళ్యాణ్‌ ఫొటో ఉండేది. అయితే స్థానిక కూటమి ఎమ్మెల్యే నంద్యాల వరదరాజులరెడ్డిపై ఉన్న అమితమైన ‘ప్రేమ’ కొద్దీ, పవన్‌ ఫొటోను గుట్టుచప్పుడు కాకుండా పక్కనబెట్టి.. అదే స్థానంలో ఎమ్మెల్యే ఫొటోను తగిలించేశారు. ప్రభుత్వ ప్రొటోకాల్‌ను, నిబంధనలను బూజు పట్టిన కాగితాల్లా పక్కన పారేసి, స్థానిక బాస్‌ను ప్రసన్నం చేసుకునేందుకు కమిషనర్‌ పడిన తాపత్రయం అంతా ఇంతా కాదు. నెటిజన్ల షాక్‌.. కమిషనర్‌ యూ–టర్న్‌ డ్రామా అయితే, ఈ ‘ఫొటో మార్పిడి’ వ్యవహారాన్ని గమనించిన కొందరు నెటిజన్లు శుక్రవారం ఉదయం సోషల్‌ మీడియాలో కమిషనర్‌ అత్యుత్సాహంపై తీవ్రస్థాయిలో ట్రోలింగ్‌ మొదలుపెట్టారు. డిప్యూటీ సీఎం ఫొటో తీసేసి ఎమ్మెల్యే ఫొటో పెట్టడం ఏ చట్టంలో ఉందంటూ నెటిజన్లు ప్రశ్నించేసరికి కమిషనర్కు ఒక్కసారిగా చెమటలు పట్టాయి. వెంటనే తప్పు తెలుసుకున్న ఆయన.. పక్కన పారేసిన పవన్‌ కళ్యాణ్‌ ఫొటోను చకచకా తెచ్చి మళ్లీ పాత స్థానంలోనే తగిలించారు. అంతటితో ఆగకుండా, ఆ ఫొటోకు భక్తిశ్రద్ధలతో సెల్యూట్‌ చేస్తూ.. ‘సెల్యూట్‌ బాస్‌.. మనది విడదీయరాని బంధం, గుండెల్లో గూడు కట్టుకున్న అనుబంధం. అందుకో నా సెల్యూట్‌ బాస్‌.. మా పవన్‌ బాస్‌’ అంటూ తన అధికారిక సోషల్‌ మీడియా గ్రూపుల్లో కవిత్వాలు, పోస్టులు గుప్పించారు. రాజకీయాలు చేయాలనుకుంటే రాజీనామా చెయ్‌: ప్రజా సంఘాల ఆగ్రహం మున్సిపల్‌ కమిషనర్‌ హోదాలో ఉండి ఒక రాజకీయ నాయకుడిలా పవన్‌ కళ్యాణ్‌కు ఈ స్థాయి భజన చేస్తూ ఎలా పోస్టులు పెడతారంటూ దీనిపై ప్రజా సంఘాలు తీవ్రస్థాయిలో మండిపడ్డాయి.ఎమ్మార్పీఎస్ రాష్ట్ర అధికార ప్రతినిధి సుధాకర్‌ మాదిగ, జాతీయ మాలమహానాడు అధ్యక్షుడు గోసా మనోహర్, దళిత సంఘం నాయకుడు ఎమ్మన్యుయేల్‌ కమిషనర్‌ వ్యవహార శైలిపై నిప్పులు చెరిగారు. కూటమి నేతలపై అంతగా ప్రేమ ఉంటే ఉద్యోగానికి రాజీనామా చేసి, నేరుగా ఆ పార్టీల్లో చేరి జెండాలు మోసుకోవాలని ఘాటుగా విమర్శించారు. మరో తప్పు.. అంబేద్కర్‌తో పోలికా?! ప్రజా సంఘాల నుంచి విమర్శలు మరింత ముదరడంతో కమిషనర్‌ కంగారులో మరో తప్పిదానికి తెరలేపారు. ఈ వివాదాన్ని డైవర్ట్‌ చేయడానికి.. తాను గతంలో రాజ్యాంగ నిర్మాత డాక్టర్‌ బి.ఆర్‌.అంబేద్కర్‌ చిత్రపటానికి పూలమాల వేసి నమస్కరిస్తున్న ఒక పాత ఫొటోను తీసుకొచ్చి మళ్లీ అదే గ్రూపులో పోస్ట్‌ చేశారు. ఈ చర్యతో ప్రజా సంఘాల ఆగ్రహం కట్టలు తెంచుకుంది. దేశానికి రాజ్యాంగం రాసిన మహనీయుడు బాబాసాహెబ్‌ అంబేద్కర్‌ను, ఒక రాజకీయ పార్టీ నాయకుడైన పవన్‌కళ్యాణ్‌ను ఒకే తాటిపై తెచ్చి పోలుస్తారా?ఎంతటి అజ్ఞానం అంటూ వారు తప్పుబ ట్టారు. కుర్చీ కాపాడుకోవడానికి ప్రొటోకాల్‌ను ఖూ నీ చేసి,దొరికిపోయాక కవర్‌ చేసుకోవడానికి అంబేద్కర్‌ ను వాడుకుంటున్న కమిషనర్‌ తీరుపై ఇప్పుడు సోషల్‌ మీడియాలో విపరీతమైన ట్రోలింగ్‌ సాగుతోంది. ఇదీ చదవండి: టీడీపీ ఎమ్మెల్యే మాధవి రెడ్డికి భారీ షాక్‌

సాక్షి, కడప: కడపలో అధికార టీడీపీలో రాజకీయ అంతర్గత విభేదాలు బహిర్గతమయ్యాయి. కడప ఎమ్మెల్యే మాధవి రెడ్డిపై టీడీపీ నేత చెన్నంశెట్టి మురళీ తీవ్రస్థాయిలో ఆరోపణలు చేస్తూ సవాల్‌ విసిరారు. అసెంబ్లీ ఎన్నికల్లో పార్టీ కార్యకర్తల బలంతో గెలిచారని, ఇప్పుడు అదే కార్యకర్తలను పక్కనపెట్టి వలస వచ్చిన వారికి ప్రాధాన్యం ఇస్తున్నారని ఆయన ఆరోపించారు. ‘దమ్ముంటే ఈ కార్పొరేషన్‌ ఎన్నికల్లో మీరు నిలబెట్టే అభ్యర్థులను గెలిపించుకోండి’ అంటూ ఎమ్మెల్యేకు సవాల్‌ చేశారు. దీంతో, టీడీపీ నేతల రాజకీయం చర్చనీయాంశంగా మారింది. గత రెండేళ్లలో కడప టీడీపీని నాశనం చేశారని ఆరోపిస్తూ చెన్నంశెట్టి మురళీ ఆడియో విడుదల చేశారు. పార్టీ జెండా మోసిన కార్యకర్తలు, నాయకులను విస్మరించి.. ఇతర పార్టీల నుంచి వచ్చిన వారికి ప్రాధాన్యం ఇస్తున్నారని ఆరోపించారు. ఎమ్మెల్యే వెంట అసలైన టీడీపీ కార్యకర్త ఒక్కరూ లేరని వ్యాఖ్యానించారు. కడప కార్పొరేషన్‌లోని అన్ని డివిజన్లలోనూ ఇదే పరిస్థితి ఉందని పేర్కొన్నారు. మాధవిరెడ్డి గెలుపు కోసం పోరాడి, కేసులు ఎదుర్కొన్న పార్టీ కార్యకర్తలను సైతం విస్మరించారని మురళీ ఆరోపించారు. చివరకు సొంత పార్టీ కార్యకర్తలపైనే దాడులకు దిగుతూ కేసులు పెట్టించడం దారుణమని అన్నారు.మంత్రులను తీసుకొచ్చి ప్రచారం చేసినా, పోలీసుల అండతో.. రౌడీషీటర్ల సహకారంతో ఎన్నికలకు వెళ్లినా ఓటమి తప్పదని మురళీ సంచలన వ్యాఖ్యలు చేశారు. కచ్చితంగా మీ ఓటమి ఖాయం. ప్రస్తుతం ఎమ్మెల్యే మాధవి రెడ్డి కంటే వ్యతిరేక వర్గానికే అధిక బలం ఉందని ఆయన పేర్కొన్నారు. దమ్ముంటే ఇప్పుడు మీ సొంత బలంతో గెలవండి చూద్దాం అంటూ సవాల్‌ విసిరారు. కార్పొరేషన్‌ ఎన్నికల నేపథ్యంలో ఈ వ్యాఖ్యలు కడప టీడీపీలోని అంతర్గత విభేదాలను మరోసారి తెరపైకి తెచ్చాయి.ఇదీ చదవండి: వరదల్లో ప్రజలు.. ఫారిన్‌ టూర్‌లో చంద్రబాబు ఫ్యామిలీ

సీలేరు: తీవ్ర వాయుగుండం ప్రభావంతో భారీవర్షాలు కురిసి రహదారులు తెగిపోవడంతో ఆస్పత్రికి వెళ్లే దారిలేక అల్లూరి జిల్లాలో బాలింత మృతిచెందింది. గూడెంకొత్తవీధి మండలం దారకొండ పంచాయతీ పరిధిలోని గంగవరం గ్రామంలో పాంగి సన్యాసిరావు భార్య లావణ్య (28) మగబిడ్డకు జన్మనిచ్చి మరణించింది. నిండుగర్భిణి అయిన ఆమె వాయుగుండం ప్రభావానికి ముందు అనారోగ్యానికి గురవడంతో కుటుంబసభ్యులు దారకొండ ఆస్పత్రికి తీసుకెళ్లి వైద్యం చేయించారు. ఇదిలా ఉండగా భారీ వర్షాలకు గంగవరం గ్రామానికి సమీపంలోని ఒడిశా వెళ్లే ప్రధాన రహదారిపై ఉన్న వంతెన నాలుగురోజుల కిందట కొట్టుకుపోయింది. గ్రామానికి అవతల ఉన్న మరో చిన్న వంతెన కూడా తెగిపోయింది. దీంతో గ్రామానికి రాకపోకలు పూర్తిగా నిలిచిపోయాయి. గురువారం సాయంత్రం లావణ్యకు ఇంటివద్ద ప్రసవ నొప్పులు ప్రారంభమయ్యాయి. కుటుంబసభ్యులు, గ్రామస్తులు ఆమెను ఎలాగైనా ఆస్పత్రికి తరలించాలని గంటల తరబడి ప్రయత్నించారు. గ్రామానికి రెండు వైపులా వర్షపు నీరు ఉధృతంగా ప్రవహిస్తుండటంతో సాధ్యం కాలేదు. ఈలోగా ఇంటివద్దే లావణ్య మగశిశువుకు జన్మనిచ్చి కోమాలోకి వెళ్లి మృతిచెందింది. దారకొండ ఆస్పత్రి సిబ్బంది వైద్య ఆరోగ్యశాఖ జిల్లా అధికారులకు సమాచారం అందించారు. వర్షాలతో రహదారులు తెగిపోయి అత్యవసర సమయంలో ఆస్పత్రికి తరలించలేకపోవడంతో లావణ్య ప్రాణాలు కోల్పోయిందని కుటుంబసభ్యులు, గ్రామస్తులు కన్నీరుమున్నీరయ్యారు.

సాక్షి, అమరావతి: తీవ్ర వాయుగుండం ప్రభావంతో రాష్ట్రంలో ఆందోళనకర పరిస్థితులు నెలకొన్న సమయంలో ముఖ్యమంత్రి చంద్రబాబు కుటుంబ సమేతంగా విదేశీ పర్యటనకు వెళ్లారన్న వార్తలపై సోషల్‌ మీడియాలో తీవ్ర చర్చ జరుగుతోంది. ఆయన ఏ దేశానికి వెళ్లారు? ఎక్కడ బస చేస్తారు? అనే కనీస సమాచారాన్ని కూడా ప్రభుత్వం బయటపెట్టకపోవడం చర్చనీయాంశంగా మారింది. ఒక రాష్ట్ర ముఖ్యమంత్రి మూడు రోజులపాటు ఎక్కడ ఉంటారో ప్రజలకు తెలియని పరిస్థితి నెలకొనడంపై సర్వత్రా విమర్శలు వ్యక్తమవుతున్నాయి. తుపాన్, భారీ వర్షాలతో ఉత్తరాంధ్ర సహా పలు జిల్లాల్లో ప్రజలు తీవ్ర ఇబ్బందులు పడుతున్నారు. సహాయక చర్యలు, నష్టం అంచనా, బాధితులకు పరిహారం వంటి పనులు ఇంకా కొనసాగాల్సిన సమయంలో ముఖ్యమంత్రి రాష్ట్రాన్ని వీడి వెళ్లడమేమిటని నెటిజన్లు ప్రశ్నిస్తున్నారు. గతంలోనూ రహస్యమే.. చంద్రబాబు విదేశీ పర్యటనలపై గోప్యత ఇదే మొదటిసారి కాదు. ఈ ఏడాది జనవరిలో నూతన సంవత్సర వేళ ఆయన విదేశాలకు వెళ్లినప్పుడు కూడా పర్యటన వ్యక్తిగతమా? అధికారికమా? అన్నది ప్రభుత్వం స్పష్టం చేయలేదు. ఆయన పర్యటన లండన్, సింగపూర్, బాలి అంటూ రకరకాల ప్రచారాలు జరిగాయి. సాధారణ పరిపాలన శాఖకే సమాచారం లేదన్న విమర్శలు కూడా వచ్చాయి. తన జీవితం తెరిచిన పుస్తకం అని చెప్పుకునే ముఖ్యమంత్రి తన పర్యటనల విషయంలో ఎందుకింత రహస్యం పాటిస్తున్నారన్న ప్రశ్నలకు ఇప్పటికీ సమాధానం లేదు. ఉద్యోగికి ఒక న్యాయం.. సీఎంకు మరో న్యాయం తుపాన్‌ అత్యవసర పరిస్థితుల్లో విధులకు ఆటంకం కలిగించారంటూ శ్రీకాకుళం జిల్లాలో గ్రామ సర్వేయర్ల సంఘం రాష్ట్ర అధ్యక్షుడు మధుబాబును ప్రభుత్వం సస్పెండ్‌ చేసింది. ‘ఆదివారం సెలవు రోజున తలపెట్టిన శాంతియుత నిరసనకు పిలుపు ఇవ్వడమే తప్పుగా భావించి’ మధుబాబుపై ప్రభుత్వం కక్షసాధింపు చర్యలకు పాల్పడింది. ‘తుపాన్‌ ఎమర్జెన్సీ’ పేరుతో వేటువేసింది. ఇంతటి తుపాన్‌ తీవ్రత ఉన్నప్పుడు.. సీఎం కుటుంబంతో విదేశాలకు వెళ్లడం ఏమిటని ఉద్యోగ వర్గాలు ప్రశ్నిస్తున్నాయి. నిబంధనలు ఉద్యోగులకేనా, పాలకులకు వర్తించవా అని నిలదీస్తున్నాయి. కుటుంబంతో విదేశాలకు సీఎం చంద్రబాబు ముఖ్యమంత్రి చంద్రబాబు కుటుంబంతోసహా విదేశాలకు వెళ్లినట్లు తెలిసింది. శుక్రవారం నుంచి మూడు రోజుల పాటు ఈ పర్యటన ఉంటుందని, ఇది పూర్తిగా వ్యక్తిగతమని అధికార వర్గాలు చెబుతున్నాయి. ముఖ్యమంత్రి ఏ దేశానికి వెళ్లారు? ఎక్కడ బస చేస్తారు? అనే అంశాలపై కనీస సమాచారం కూడా ప్రభుత్వం బయటపెట్టకపోవడం గమనార్హం.

సాక్షి ప్రతినిధి, ఒంగోలు: రాష్ట్రంలో చంద్రబాబు ప్రభుత్వం దౌర్జన్యకాండ సాగిస్తోందని వైఎస్సార్‌సీపీ నేతలు ధ్వజమెత్తారు. హైదరాబాద్‌లో హఠాన్మరణం చెందిన వైఎస్సార్‌సీపీ ప్రచార కమిటీ రాష్ట్ర అధ్యక్షుడు కాకుమాను రాజశేఖర్‌ భౌతికకాయాన్ని ఆయన స్వస్థలమైన ఒంగోలులోని క్లౌపేటలో శుక్రవారం వైఎస్సార్‌సీపీ పార్లమెంటరీ పార్టీ నేత వైవీ సుబ్బారెడ్డి, పార్టీ స్టేట్‌ కో–ఆర్డినేటర్‌ సజ్జల రామకృష్ణారెడ్డితోపాటు, పలువురు పార్టీ నేతలు, నాయకులు సందర్శించారు. పూలమాలలు వేసి నివాళులర్పిం­ంచారు. పార్టీకి రాజశేఖర్‌ చేసిన సేవలను కొనియాడారు. కాకుమాను కుటుంబ సభ్యులను పరామర్శించారు. డీఎస్సీలో అక్రమాలపై విజయవాడలో నిర్వహి­ంచిన శాంతియుత నిరసన కార్యక్రమంలో పోలీ­సులు చేసిన లాఠీచార్జీతోపాటు, నెట్టివేయడంవల్లే తీవ్ర అస్వస్థతకు గురై మరణించారని కాకుమాను కుటుంబ సభ్యులు వివరించారు. కార్యక్రమంలో దర్శి ఎమ్మెల్యే, వైఎస్సార్‌సీపీ జిల్లా అధ్యక్షుడు బూచేపల్లి శివప్రసాదరెడ్డి, మాజీ మంత్రులు మేరుగు నాగార్జున, ఆదిమూలపు సురేష్, మాజీ జెడ్పీ చైర్‌ పర్సన్‌ బూచేపల్లి వెంకాయమ్మ, మాజీ ఎమ్మెల్యే టీజేఆర్‌ సుధాకరబాబు, వైఎస్సార్‌సీపీ ఒంగోలు పార్టీ సమన్వయకర్త చుండూరు రవి­బాబుతో పాటు పలువురు పార్టీ నాయకులు పాల్గొన్నారు. ఖాకీలు వేధింపులవల్లే కాకుమాను మరణం: వైవీ, సజ్జల అనంతరం వైవీ సుబ్బారెడ్డి, సజ్జల రామకృష్ణారెడ్డి మాట్లాడుతూ.. ప్రజా సమస్యలపై రాజీలేని పోరాటం చేసిన యోధుడు కాకుమాను రాజశేఖర్‌ అని పేర్కొన్నారు. కాకుమాను కుటుంబానికి వైఎస్సార్‌సీపీ పూర్తి అండగా ఉంటుందని చెప్పారు. కాకుమాను ఇటీవల వెన్నుపోటు ప్రభుత్వ ప్రజా వ్యతిరేక విధానాలపై రౌండ్‌ టేబుల్‌ సమావేశాలు నిర్వహిస్తూ రాష్ట్రవ్యాప్తంగా పర్యటించారని, డీఎస్సీలో అక్రమాలపై ఈనెల 22న విజయవాడ, శాప్‌ ఆఫీస్‌ వద్ద జరిగిన శాంతియుత నిరసనలో పాల్గొన్నారని పేర్కొన్నారు. ఆ సమయంలో పోలీసులు లాఠీచార్జీకి దిగి నెట్టివేయడం వల్ల రెండుసార్లు కాకుమాను కిందపడి తీవ్ర అస్వస్థతకు గురయ్యారని, ఆ తర్వాత అక్రమ కేసులు బనాయించి అర్ధరాత్రిళ్లు ఇంటిపై పడి టెర్రరిస్టుల మాదిరి వేధించడంతో తీవ్ర మానసిక ఒత్తిడికి లోనయ్యారని, మెరుగైన వైద్యం కోసం హైదరా బాద్‌ వెళ్లిన కొద్దిసేపటికే తుదిశ్వాస విడిచారని ఆవేదన వ్యక్తంచేశారు. నిరసన గళాన్ని అణగదొక్కడానికి చంద్రబాబు సర్కారు నరమేధం సాగిస్తోందని విమర్శించారు. బాబు దుర్మార్గ పాలనను ప్రజలు గమని­ంచాలని విన్నవించారు. అధికారం ఉందని పోలీసు వ్య­వస్థను కిరాయి సైన్యంలా వాడుకుంటూ చంద్రబాబు ప్రభుత్వం సాగిస్తున్న దౌర్జన్యకాండను ప్రజా క్షేత్రంలో ఎండగడతామని స్పష్టంచేశారు. మాజీ ఎమ్మె­ల్యే టీజేఆర్‌ సుధాకర్‌బాబు మాట్లాడుతూ, డీఎస్సీ నిరసనలో పోలీసుల లాఠీచార్జితో తీవ్ర అస్వస్థతకు గురైన కాకుమాను అదేరోజు సాయంత్రం ఆ­స్ప­త్రిలో చూపించుకున్నారని, శరీరం బాగా నొప్పు­లున్నాయని, బీపీ బాగా పెరిగిందని, జ్వరం కూడా వచ్చిందని తనకు మెసేజ్‌ పెట్టారని ఆవేదన వ్యక్తంచేశారు.

సాక్షి, అమరావతి : స్మార్ట్‌ఫోన్‌ తెరపై ఒక్క క్లిక్‌.. క్షణాల్లో 80ల నాటి రెట్రో రూపం, సరదాగా మాట్లాడే యానిమేషన్‌ అవతార్, సోషల్‌ మీడియా రీల్స్‌లో లైకుల వర్షం కురిపించే చిన్న వీడియో క్లిప్‌.. నేటి ఆధునిక సమాజం ఈ కృత్రిమ మేధ (ఏఐ) సృష్టిస్తున్న దృశ్య మాయాజాలంలో మైమరచి పోతోంది. అయితే.. వర్చువల్‌ క్లౌడ్‌లో జరిగే ఈ తేలికపాటి వినో­దం వెనుక నేలమీద ఉన్న స్వచ్ఛమైన జలవనరులు నిశ్శబ్దంగా ఆవిరై పోతున్నాయి. ప్రపంచవ్యాప్తంగా దాహం కేకలు మిన్నంటుతున్న తరుణంలో.. మన చేతివేలి కొన చేసే అనవసర క్లిక్కు సమాజాన్ని నీటి కరువు కష్టాల తీరానికి చేరుస్తోందని నిపుణులు హెచ్చరిస్తున్నారు. కనిపించని డిజిటల్‌ దాహం..కృత్రిమమేధ అనేది కేవలం గాల్లో తేలే అల్గారిథమ్‌ కాదు. దాని మనుగడకు అంతర్జాతీయంగా విస్తరించిన భారీ డేటా సెంటర్లు, లక్షలాది హై–ఎండ్‌ గ్రాఫిక్స్‌ ప్రాసెసింగ్‌ యూనిట్లు (జీపీయూ) నిరంతరం పనిచేయాలి. ఈ సర్వర్లు పనిచేసేటప్పుడు ఉత్పన్నమయ్యే విపరీతమైన వేడిని నియంత్రించడానికి శీతలీకరణ టవర్ల (కూలింగ్‌ టవర్స్‌) ద్వారా నీటిని నిరంతరం ప్రవహింపజేస్తారు. ఉష్ణోగ్రతను తగ్గించే క్రమంలో స్వచ్ఛమైన మంచినీరు నేరుగా వాతావరణంలోకి ఆవిరైపోతుంది. డేటా సెంటర్లను 24 గంటలూ నడిపేందుకు అవసరమయ్యే భారీ విద్యుత్‌ ఉత్పత్తిలో (బొగ్గు ఆధారిత ప్లాంట్లు) అపారమైన నీరు పరోక్షంగా ఖర్చవుతుంది. ప్రత్యక్షంగా డేటా సెంటర్లలోని సర్వర్ల వేడిని తగ్గించడానికి, ఏఐ కోసం అవసరమైన భారీ విద్యుత్‌ను ఉత్పత్తి చేసే పవర్‌ ప్లాంట్లలోను, ఏఐ చిప్‌లు, సెమీ కండక్టర్లను తయారుచేసే ప్లాంట్లలోను అత్యంత స్వచ్ఛమైన అల్ట్రా–ప్యూర్‌ వాటర్‌ వినియోగిస్తున్నారు.ఒక క్లిక్‌.. ఎంత నీటిని హరిస్తోందంటే..అంతర్జాతీయ పరిశోధన సంస్థలైన యూనివర్సిటీ ఆఫ్‌ కాలిఫోర్నియా, యునైటెడ్‌ నేషన్స్‌ యూనివర్సిటీ (జపాన్‌) ఏఐ ఆధారిత ఒక్కో డిజిటల్‌ ప్రక్రియకు ఖర్చయ్యే నీటి లెక్కలను వెల్లడించాయి. మనం నిత్యం జెమినీ, చాట్‌ జీపీటీలను అడిగే సాధారణ టెక్ట్స్‌ ప్రశ్నకు దాదాపు 25 మిల్లీలీటర్లు, సగటున 20 ప్రశ్నలకు దాదాపు 500 మిల్లీలీటర్ల (అరలీటరు) నీరు ఖర్చవుతోంది. ఇప్పుడు ట్రెండీగా మారిన 80ల నాటి రెట్రో ఏఐ ఫొటో తయారీకి 30 మిల్లీలీటర్లు అంటే రెండుగుక్కల నీరు ఆవిరవుతోంది. మనకు నచ్చినట్టు పరిపూర్ణమైన ఫొటోకోసం ఒకవ్యక్తి సగటున 10 నుంచి 15 సార్లు రీ–ట్రై చేసినప్పుడు సుమారు లీటరు వరకు ఖర్చవుతుంది. 5 నుంచి 10 సెకన్ల నిడివిగల ఒక్క ఏఐ వీడియో కోసం దాదాపు 4.1 లీటర్ల నీరు ఆవిరవుతోంది. వీడియోల్లో ప్రతి ఫ్రేమ్‌ను క్లిష్టమైన డిఫ్యూజన్‌ మోడళ్ల ద్వారా రెండర్‌ చేయాల్సిరావడమే ఇందుకు కారణంగా నిపుణులు చెబుతున్నారు.మనదేశంలో సంక్షోభ తీవ్రత..మనదేశం ప్రపంచంలోనే అత్యధిక జనాభా కలిగిన దేశం మాత్రమే కాదు.. అత్యంత తీవ్రమైన జలసంక్షోభాన్ని ఎదుర్కొంటున్న దేశాల్లో ఒకటిగా మారబోతున్నట్టు యూఎన్‌వో ఆందోళన వ్యక్తంచేస్తోంది. నీతి ఆయోగ్‌ కాంపోజిట్‌ వాటర్‌ మేనేజ్‌మెంట్‌ ఇండెక్స్‌ ప్రకారం.. దేశంలో దాదాపు 60 కోట్లమంది ప్రజలు తీవ్రమైన నీటికొరతను ఎదుర్కొంటున్నారు. ప్రపంచంలో వెలికితీసే మొత్తం భూగర్భ జలాల్లో 25 శాతం మన దేశంలోనే జరుగుతోంది. మరోపక్క భారత్‌ డేటా సెంటర్ల హబ్‌గా మారుతోంది. ముంబై, చెన్నై, హైదరాబాద్, నోయిడా, విశాఖపట్నం వంటి నగరాలు డేటా సెంటర్ల కేంద్రాలుగా శరవేగంగా మారుతున్నాయి. ఇప్పటికే తాగునీటి కోసం వేసవిలో ట్యాంకర్లపై ఆధారపడే ఈ మెట్రో నగరాల్లో భారీ సర్వర్ల నిర్వహణ స్థానిక ప్రజల తాగునీటిపై తీవ్రమైన ఒత్తిడి తెస్తోందని నిపుణులు పేర్కొంటున్నారు. ఈ మితివీురిన పోకడ నియంత్రణ లేకుండా కొనసాగితే రాబోయే కాలంలో మానవాళికి కష్టాలు తప్పవని హెచ్చరిస్తున్నారు.ముందున్నది గడ్డు కాలం..» 2022 చివర్లో జనరేటివ్‌ ఏఐ విస్తరణ ప్రారంభమైనప్పటి నుంచి ఇప్పటివరకు ఏఐ డేటా సెంటర్లు ప్రత్యక్షంగా, పరోక్షంగా లక్ష కోట్ల (ట్రిలియన్‌) లీటర్ల నీటిని వినియోగించాయి. » యూఎన్‌ యూనివర్సిటీ నివేదిక ప్రకారం ప్రపంచవ్యాప్తంగా డేటా సెంటర్లు ఏడాదికి దాదాపు 4.5 ట్రిలియన్‌ లీటర్ల నీటిని వినియోగిస్తున్నాయి. ఇందులో ఏఐ వాటా దాదాపు 20 శాతం (750 బిలియన్‌ లీటర్ల నుంచి 900 బిలియన్‌ లీటర్లు). » నాలుగేళ్లుగా ఏఐ ట్రైనింగ్, ప్రాసెసింగ్, చిప్‌ తయారీకి 3 ట్రిలియన్‌ లీటర్లకు పైగా నీటిని వినియోగించారు. » వాటర్‌ రీసెర్చ్‌ అధ్యయనం ప్రకారం.. ఏఐ వినియోగం ఇలాగే పెరిగితే 2027 నాటికి ఏటా 6.6 ట్రిలియన్‌ లీటర్లకు చేరుకోవచ్చని అంచనా. ఇది డెన్మార్క్‌ లేదా యూకే వంటి దేశాల వార్షిక గృహావసర నీటి వినియోగంతో సమానం.అంతర్జాతీయంగా జల సంక్షోభం..ఈ వినోద వినియోగం ప్రపంచంలో నెలకొన్న వాస్తవ పరిస్థితులతో పోల్చినప్పుడు తీవ్రమైన పర్యావరణ అసమానతలను బయటపెడుతోందని నిపుణులు ఆందోళన వ్యక్తంచేస్తున్నారు. ఐక్యరాజ్యసమితి నివేదికల ప్రకారం ప్రస్తుతం ప్రపంచవ్యాప్తంగా 220 కోట్ల మందికి పైగా ప్రజలకు సురక్షితమైన తాగునీరు అందుబాటులో లేదు. మరో 350 కోట్ల మంది కనీసం సంవత్సరంలో ఒక నెలపాటు తీవ్రమైన నీటి ఎద్దడిని అనుభవిస్తున్నారు. చవకైన భూమి, పన్ను మినహాయింపులు, అనుకూల వాతావరణం పేరుతో బహుళజాతి టెక్‌ సంస్థలు తీవ్ర నీటికొరత ఉన్న ప్రాంతాల్లోనే డేటా సెంటర్లను నిర్మిస్తున్నాయి. అమెరికాలోని అయోవా, అరిజోనా వంటి ప్రాంతాల్లో స్థానిక మున్సిపాలిటీల తాగునీటి సరఫరాలో 20 శాతం వరకు ఈ సర్వర్లే లాగేసుకుంటున్నాయి. నీటివనరులు కలుషితమై లేదా అడుగంటిపోవడంవల్ల ఆఫ్రికా, పశ్చిమాసియా దేశాల నుంచి లక్షలాదిమంది ప్రజలు వలసబాట పడుతుండగా, మరోవైపు విలాసవంతమైన డిజిటల్‌ వినోదం కోసం రోజూ కోట్లాది లీటర్ల నీటిని ఆవిరి చేసేస్తున్నారు.భారత్‌లో 60% ఏఐ రీల్స్‌ కోసమే..భారతదేశంలో నిత్యం 7 నుంచి 10 కోట్లమంది క్రియాశీల ఏఐ వినియోగదారులు ఉన్నారు. సేల్స్‌ఫోర్స్, ప్యూ రీసెర్చ్, కాంటర్‌ సంస్థ గ్లోబల్‌ సర్వే, అధ్యయనం ప్రకారం భారతదేశంలో చాట్‌జీపీటీ, మిడ్‌జర్నీ, లెన్సా, పర్‌చాన్స్‌ వంటివి ఉపయోగించే మొత్తం క్రియాశీల భారతీ­యుల్లో దాదాపు 3.5 కోట్లమంది (38 శాతం) కేవలం కాలక్షేపం, సరదా, వినోదం కోసమే వాడుతున్నారు. వైరల్‌ ట్రెండ్స్‌ నడిచే సమయాల్లో (ఉదా.. మెట్రో ఫి­ల్టర్లు, యానిమేట్‌ అవతార్లు వచ్చినప్పుడు) ఈ సంఖ్య 5 కోట్లు దాటుతోంది. సోషల్‌ మీడియాలో వైరల్‌ ట్రెండ్‌లు నడిచే రోజుల్లో ఈ అనవసర విని­యోగదారుల సంఖ్య అంతకుమించుతోంది. జెన్‌–­జీ (వయసు 16–24) యువతలో 60% మంది రీల్స్, ఫేస్‌–స్వాప్, మీమ్స్‌ కోసమే గంటల తరబడి సర్వర్లను రీ–జనరేట్‌ చేస్తూ నీటిని కరి­గి­స్తున్నారు.

సాక్షి, అమరావతి: రాష్ట్రంలోని సహకార చక్కెర కర్మాగారాలను కొనసాగించడం ఇక ఎంతమాత్రం సాధ్యం కాదని రాష్ట్ర ప్రభుత్వం ప్రకటించింది. వివిధ ఆర్థికసంస్థలకు చెల్లించాల్సిన రుణ బకాయిలతో పాటు రైతులు, ఉద్యోగుల బకాయిలను.. ఆస్తులను తెగనమ్మడం ద్వారా చెల్లించాలని నిర్ణయించింది. క్రషింగ్‌ లేక ఇటీవలే మూతపడిన మూడు చక్కెర కర్మాగారాలను నేరుగా విక్రయించేందుకు (లిక్విడేషన్‌కు) అనుమతి ఇచ్చిన ప్రభుత్వం మరో ఐదు ఫ్యాక్టరీల విషయంలో హైకోర్టు ఆదేశాల తర్వాత నిర్ణయం తీసుకోనుంది. ఈ మేరకు పరిశ్రమలు, వాణిజ్యశాఖ జీవో ఎంఎస్‌ నంబర్‌ 250 జారీచేసింది.శ్రీవిజయరామ గజపతి కో–ఆపరేటివ్‌ షుగర్స్‌ (భీమసింగ్‌), ఏటికొప్పాక కో–ఆపరేటివ్‌ అగ్రికల్చరల్‌ అండ్‌ ఇండ్రస్టియల్‌ సొసైటీ (దార్లపూడి), తాండవ కో–ఆపరేటివ్‌ షుగర్స్‌ (పాయకరావుపేట) కర్మాగారాల లిక్విడేషన్‌కు ప్రభుత్వం నేరుగా అనుమతి ఇచ్చింది. చెరకు కొరత, పాతబడిన యంత్రాల కారణంగా కొంతకాలంగా ఈ మూడు కర్మాగారాల్లో క్రషింగ్‌ను నిలిపేశారు. మరోవైపు ఇప్పటికే మూతపడిన శ్రీ వేంకటేశ్వర కో–ఆపరేటివ్‌ షుగర్స్‌(గాజులమండ్యం), చిత్తూరు కో–ఆపరేటివ్‌ షుగర్స్‌ (చిత్తూరు), కోవూరు కో–ఆపరేటివ్‌ షుగర్‌ ఫ్యాక్టరీ (నెల్లూరు), అనకాపల్లి వి.వి.రమణ కో–ఆపరేటివ్‌ షుగర్స్‌ (తుమ్మపాల), ఎన్‌.వి.ఆర్‌.–ఏ.డి.ఆర్‌. కో–ఆపరేటివ్‌ షుగర్స్‌ (జంపని) విషయంలో న్యాయపరమైన ప్రక్రియ కొనసాగుతున్నందున, హైకోర్టు ఆదేశాల మేరకు లిక్విడేషన్‌ ప్రక్రియను ప్రారంభించేందుకు ఏర్పాట్లు చేయాలని ఆదేశించింది. జనరల్‌ బాడీ సమావేశాల నిర్వహణ కోసం ఆయా జిల్లాల జాయింట్‌ కలెక్టర్లను లిక్విడేటర్లుగా నియమించే అవకాశం కల్పించారు. ఈ ఎనిమిది కర్మాగారాల ఆస్తులను నగదుగా మార్చి ఆర్థికసంస్థలు, ఇతర రుణదాతలకు బకాయిలు చెల్లించిన తరువాత మిగిలే మొత్తాన్ని ప్రభుత్వ రుణాల పూర్తి, తుది పరిష్కారానికి వినియోగించాలని ఆదేశించింది. వేతన బకాయిలకోసం ఏపీఐఐసీ నుంచి రూ.66.57 కోట్ల రుణం శ్రీవిజయరామ గజపతి, ఏటికొప్పాక, తాండవ షుగర్‌ ఫ్యాక్టరీల పరిధిలో 1,114 మంది ఉద్యోగుల జీతాలు–వేతనాలు, రిటైర్మెంట్‌ ఇతర ప్రయోజనాలకు సంబంధించి రూ.40.20 కోట్ల బకాయిలున్నాయి. వీటితోపాటు కోవూరు, జంపని కర్మాగారాల పరిధిలో 840 మంది ఉద్యోగులకు రూ.26.37 కోట్ల బకాయిలున్నాయి. తొలుత ఈ మొత్తం 1,954 మంది ఉద్యోగులకు రూ.66.57 కోట్ల బకాయిలను చెల్లించేందుకు ప్రాధాన్యతనిస్తూ ఈ మొత్తాన్ని ఏపీఐఐసీ నుంచి రుణం రూపంలో తీసుకోవడానికి ప్రభుత్వం అనుమతి ఇచ్చింది. తర్వాత ఆయా కర్మాగారాల ఆస్తులను అమ్మగా వచ్చిన సొమ్ము నుంచి ఏపీఐఐసీకి తిరిగి చెల్లించాలని ఆ ఉత్తర్వుల్లో పేర్కొంది. ఈ ఎనిమిది చక్కెర కర్మాగారాలు ప్రభుత్వం నుంచి, ఏపీ ఇరిగేషన్‌ డెవలప్‌మెంట్‌ కార్పొరేషన్‌ (ఏపీఐడీసీ), ఆప్కాబ్, డీసీసీబీల నుంచి తీసుకున్న రుణాల మొత్తం రూ.1,300 కోట్లకుపైగా ఉంది. ఆయా కర్మాగారాల ఆస్తులను అమ్మగా వచ్చిన మొత్తం నుంచి ఈ రుణాలను చెల్లించేందుకు ఏర్పాట్లు చేస్తున్నారు. చోడవరం షుగర్‌ ఫ్యాక్టరీ రైతు బకాయిలకు రూ.28.43 కోట్లు.. అనకాపల్లి జిల్లా చోడవరం కోఆపరేటివ్‌ షుగర్స్‌ లిమిటెడ్‌ (గోవాడ) పరిధిలో 2024–25 సీజన్‌లో క్రషింగ్‌కు సంబంధించి రైతులకు చెల్లించాల్సిన రూ.28.43 కోట్ల బకాయిల కోసం ప్రభుత్వం రుణం మంజూరు చేసింది. ఈ మేరకు పరిపాలనా ఆమోదమిస్తూ ప్రభుత్వం శుక్రవారం ఉత్తర్వులిచ్చింది. ఈనెల 17న జరిగిన మంత్రుల బృందం సమావేశంలో చోడవరం ఫ్యాక్టరీకి రూ.28.43 కోట్ల రుణ సాయం అందించాలని ప్రభుత్వానికి సిఫార్సు చేసింది. సొసైటీ విక్రయాల ద్వారా వచ్చే మొత్తంతో ఈ రుణాన్ని తిరిగి వసూలుచేయాలని సూచించింది.

సాక్షి, అమరావతి/సాక్షి ప్రతినిధి, శ్రీకాకుళం/చింతూరు/ సాక్షి, పాడేరు/నెట్‌వర్క్, : భారీ వర్షాలు, గాలులతో ఉత్తరాంధ్ర రైతుకు కోలుకోలేని దెబ్బ తగిలింది. పొలాల్లో నీరు నిలవడంతో పంటలు పూర్తిగా ముంపునకు గురయ్యాయి. రైతులు పెట్టిన పెట్టుబడి అంతా నీటిపాలైంది. పొలాల్లోంచి నీళ్లు వెళ్లిపోయాక పంటలు ఏ మేరకు కోలుకుంటాయనేది ప్రశ్నార్థకంగా మారింది. ప్రధానంగా గోదావరి, కృష్ణా డెల్టాల్లో సాగైన వరి పంట ముంపు బారిన పడింది. ఎకరాకు సుమారు 20–25 క్వింటాళ్ల దిగుబడిని పరిగణనలోకి తీసుకుంటే, క్వింటాల్‌కు రూ.2,300 చొప్పున ఉత్పత్తి విలువ సుమారు రూ.46 వేల నుంచి రూ.57,500 వరకు ఉంటుంది. దీనికి ఎకరాకు రూ.25–35 వేల వరకు పెట్టుబడి కలిస్తే.. పంట పూర్తిగా దెబ్బతిన్న సందర్భంలో రైతుపై సుమారు రూ.70 వేల వరకు నష్టం పడే అవకాశం ఉంది. మొక్కజొన్న ఎకరాకు 25–30 క్వింటాళ్ల వరకు దిగుబడి వస్తుందని పరిగణిస్తే.. పంట పూర్తిగా మునిగితే ఉత్పత్తి విలువతో పాటు రూ.25–32 వేల వరకు పెట్టిన పెట్టుబడి కూడా రైతుకు తిరిగి రాకుండా పోతుంది. మొత్తం నష్టం ఎకరానికి సుమారు రూ.45–55 వేల పరిధిలో ఉండే అవకాశం ఉంది. పత్తి పంటలో విత్తనం, ఎరువులు, పురుగు మందులు, కూలీల ఖర్చులు అధికంగా ఉండటంతో పెట్టుబడి భారం ఎక్కువ. ఎకరాకు రూ.30–40 వేల వరకు పెట్టుబడి పెట్టే పరిస్థితుల్లో పంట పూర్తిగా దెబ్బతింటే దిగుబడి విలువతో కలిపి రైతుకు సుమారు ఎకరానికి రూ.50–75 వేల వరకు నష్టం సంభవించే అవకాశం ఉంది. మిరప సాగులో పెట్టుబడి ఇతర పంటలతో పోలిస్తే ఎక్కువ. ఎకరాకు రూ.60 వేల నుంచి రూ.90 వేల వరకు ఖర్చు అయ్యే పరిస్థితుల్లో పంట పూర్తిగా పోతే పెట్టుబడి నష్టంతో పాటు చేతికందాల్సిన ఉత్పత్తి విలువ కూడా కోల్పోవాల్సి ఉంటుంది. దీంతో ఎకరాకు రూ.లక్ష నుంచి రూ.1.5 లక్షల వరకు నష్టం తప్పదు. అరటి తోటల్లో పంట పూర్తిగా దెబ్బతింటే ఇప్పటికే చేసిన పెట్టుబడితో పాటు మార్కెట్‌కు రావాల్సిన ఉత్పత్తి కూడా కోల్పోవాల్సి ఉంటుంది. తోట వయసు, సాగు విధానం, దిగుబడి ఆధారంగా ఎకరాకు రూ.1.5 లక్షల నుంచి రూ.2.5 లక్షల వరకు నష్టం సంభవించే అవకాశం ఉంది. వంకాయ, బెండ, టమాటా తదితర పంటలు కుళ్లిపోయే అవకాశం ఉందని రైతులు ఆందోళన వ్యక్తం చేస్తున్నారు. పూర్తిగా పంట పోతే ఎకరాకు రూ.50 వేల నుంచి రూ.1.20 లక్షల వరకు నష్టం తప్పదని కన్నీటి పర్యంతం అవుతున్నారు. ఆశలు నేలకూలాయి ఈ రైతు పేరు కూనిబిల్లి మోహనరావు. శ్రీకాకుళం జిల్లా జి.సిగడాం మండలం బాతువ గ్రామం. 14 ఎకరాల్లో బొప్పాయి తోట వేశాడు. మంచి కాపు వచ్చింది. పంట చక్కగా చేతికి వస్తుందని సంతోష పడుతున్న సమయంలో వర్షం, రాకాసి గాలుల ధాటికి చెట్లు సగానికి విరిగిపడ్డాయి. మరికొన్ని పూర్తిగా నేలకూలాయి. రూ.50 లక్షల వరకు నష్టం వాటిల్లిందని రైతు మోహనరావు కన్నీటి పర్యంతం అయ్యాడు. ప్రభుత్వం వెంటనే ఆదుకో వాలని కోరుతున్నాడు. అధికారిక అంచనాలే కీలకం పంట పూర్తిగా మునిగినప్పుడు రైతుకు నష్టం కేవలం పొలంలో కనిపించే పంట విలువకే పరిమితం కాదు. విత్తనాలు, ఎరువులు, పురుగు మందులు, కూలీలకు పెట్టిన డబ్బు కూడా తిరిగి రాదు. మరోవైపు అదే భూమిలో తిరిగి సాగు చేయాలంటే కొత్తగా పెట్టుబడి పెట్టాల్సిన పరిస్థితి వస్తుంది. దీంతో ఒకే సీజన్‌లో రైతుపై రెండు వైపులా ఆర్థిక భారం పడుతుంది. ప్రస్తుతం పేర్కొన్న నష్టం గణాంకాలు పంట పూర్తిగా దెబ్బతిన్నట్లయితే వచ్చే ప్రాథమిక ఆర్థిక అంచనాలు మాత్రమే. వాస్తవ నష్టాన్ని పంటల వారీగా, మండలాల వారీగా క్షేత్ర స్థాయి ఎన్యూమరేషన్‌ అనంతరం మాత్రమే నిర్ధారణకు వస్తాయి. ముఖ్యంగా వరి పంటలో ముంపు వ్యవధి, పంట దశ, నేలవాలిన పరిస్థితి, గింజ నాణ్యత ఆధారంగా నష్టం మారుతుంది. రెండు రోజుల వాన.. రెండు రకాల నష్టం. ఒకటి ఇప్పటికే పెట్టిన పెట్టుబడి.. మరొకటి చేతికందాల్సిన పంట. ఈ రెండూ పోతే రైతు మళ్లీ సాగు చేసే పరిస్థితి లేదు. ఇప్పటివరకు అందిన ప్రాథమిక అంచనాల ప్రకారం రాష్ట్రంలో దాదాపు 30 వేల ఎకరాల్లో పంటలు నీటమునిగాయి. ఒక్క శ్రీకాకుళం జిల్లాలోనే 18148 ఎకరాల్లో వరి, 1147 ఎకరాల్లో మొక్కజొన్న, 235 ఎకరాల్లో పత్తి, 1575 ఎకరాల్లో ఉద్యాన పంటలు.. మొత్తం 21,107 ఎకరాల్లో పంటలు దెబ్బతిన్నాయి. అంబేద్కర్‌ కోనసీమ జిల్లాలో 1,842 ఎకరాలు, కాకినాడ జిల్లాలో 1,885 ఎకరాల్లో వరి నీట మునిగింది. నాగావళి, వంశధార ముంపు గ్రామాలు, అల్లూరి సీతారామరాజు, ఏలూరు, కృష్ణా, గుంటూరు జిల్లాల లెక్కలు తేలితే నష్టం మరింత పెరగనుంది. పలు కుటుంబాల్లో విషాదం తీవ్ర వాయుగుండం రాష్ట్రంలో మృత్యు ఘోషను మిగిల్చింది. మూడు రోజులపాటు కురిసిన వర్షాలు రాష్ట్రంలో 12 మందిని బలిగొన్నాయి. శుక్రవారం కాకినాడ జిల్లా తాళ్లరేవు మండలం చినవలసలో వర్షానికి నానిన ఇంటి గోడ కూలి లక్ష్మీనారాయణ (8) అనే బాలుడు కన్ను మూశాడు. పోలవరం జిల్లా మారేడుమిల్లి మండలంలో శుక్రవారం కొండవాగు దాటుతుండగా బలిజ సుబ్బమ్మ (70) ప్రవాహంలో కొట్టుకుపోయారు. విజయనగరం జిల్లా దత్తిరాజేరు మండలం పెదకడలో ఎడతెరిపి లేని వర్షం, చలికి తాళలేక సమిరెడ్డి పరదేశమ్మ (65), నంగిరెడ్డి లక్మం నాయుడు (63) మృతి చెందారు. వాయుగుండం తీరం దాటకముందే పార్వతీపురం మన్యం జిల్లా సీతానగరం మండలంలో పొంగిపొర్లుతున్న తోటపల్లి కాలువలో విజయవాడకు చెందిన యువకుడు హేమంత కృష్ణ గల్లంతయ్యాడు. ఏలూరు జిల్లా బుట్టాయిగూడెం మండలం కేర్‌ పురం సమీపంలోని తూర్పు కాలువలో గురువారం రాత్రి పూనెం భాస్కరరావు కొట్టుకుపోయాడు. శుక్రవారం అతని మృతదేహం బయటపడింది. పోటెత్తుతున్న గోదావరి ఎగువ రాష్ట్రాల్లో కురుస్తున్న భారీ వర్షాలతో గోదావరికి వరద పోటెత్తుతోంది. ధవళేశ్వరం కాటన్‌ బ్యారేజీ వద్ద శుక్రవారం సాయంత్రానికి 4.11 లక్షల క్యూసెక్కుల వరద ప్రవహిస్తోంది. శనివారం రాత్రికి మొదటి ప్రమాద హెచ్చరిక స్థాయికి వరద చేరుతుందని, ఆదివారం రాత్రి నుంచి తగ్గుముఖం పట్టే అవకాశం ఉందని అధికారులు తెలిపారు. దీంతో కోనసీమ లంక గ్రామాల ప్రజలు బిక్కుబిక్కుమంటున్నారు. కృష్ణా నదికి వరద రావడంతో ప్రకాశం బ్యారేజీ గేట్లన్నీ ఎత్తి 47,125 క్యూసెక్కులు దిగువకు విడుదల చేస్తున్నారు. నాగావళి ఉగ్రరూపంమూడు రోజులుగా ఒడిశాలో కురుస్తోన్న వర్షాలకు ఉమ్మడి విజయనగరం జిల్లాలోని నాగావళి, జంఝావతి, సువర్ణముఖి, వేగావతి నదులు ఉగ్రరూపం దాల్చాయి. తోటపల్లి, జంఝావతి, మడ్డువలస ప్రాజెక్టులు పూర్తిస్థాయిలో నిండడంతో వచ్చి న నీటిని వచ్చినట్టుగా కిందకు విడిచిపెడుతున్నారు. దీంతో నదీతీర గ్రామాలు ముంపునకు గురయ్యాయి. వేలాది ఎకరాల్లో పంటలు నీటమునిగాయి. పార్వతీపురం మన్యం జిల్లా కొమరాడ మండలం దేవునిగుంప గ్రామంలోని ప్రముఖ పుణ్యక్షేత్రం సోమేశ్వరుని ఆలయం పూర్తిగా మునిగిపోయింది. తోటపల్లి బ్యారేజ్‌ నుంచి ఎటువంటి ముందస్తు జాగ్రత్తలు పాటించకుండా 45వేల క్యూసెక్కుల పైబడి వరదనీటిని కిందకు విడిచిపెట్టడంతో ఒక్కసారిగా నాగావళి పొంగి వరద బీభత్సం సృష్టించింది. దీంతో నాగావళి నది తీర గ్రామాలైన అంపిలి, అన్నవరం, ఎరకరాయపురం, మంగళాపురం గ్రామాలకు బాహ్య ప్రపంచంతో సంబంధాలు తెగిపోయాయి. సిక్కోలును ముంచెత్తిన వరద ఒడిశా వర్షాలకు శ్రీకాకుళం జిల్లాలోని మూడు నదీ పరీవాహక ప్రాంతాల్లో మొదటి ప్రమాద హెచ్చరిక జారీ చేయగా, మధ్యాహ్నం 1.15గంటల తర్వాత నాగావళికి రెండో ప్రమాద హెచ్చరిక జారీ చేశారు. నారాయణపురం ఆనకట్టకు మధ్యాహ్నం 1.15 గంటలకు 70వేల క్యూసెక్కుల వరద రావడంతో రెండో ప్రమాద హెచ్చరిక జారీ చేశారు. 73,800 క్యూసెక్కుల వరకు ఇన్‌ఫ్లో వచ్చింది. ఉదయం 8 గంటలకు మొదట ప్రమాద హెచ్చరిక జారీ చేయగా, మధ్యాహ్నం ఒంటి గంటకు నాగావళిలో నీటి ప్రవాహం భారీగా పెరగడంతో రెండో ప్రమాద హెచ్చరిక జారీ చేయక తప్పలేదు. ఉదయం 8 గంటలకు వంశధారకు మొదటి ప్రమాద హెచ్చరిక జారీ చేశారు.తోటపల్లి వద్ద కూడా మొదటి ప్రమాద హెచ్చరిక జారీ చేశారు. శ్రీకాకుళం జిల్లాలోని 28 మండలాల్లో 382 గ్రామాల్లో పంట నీట మునిగింది. 12,041.76 హెక్టార్లలో పంటలు నీట మునిగాయి. పోటెత్తిన శబరినది ఎగువనున్న ఛత్తీస్‌గఢ్, ఒడిశా నుంచి వరద నీటితో పాటు డొంకరాయి జలాశయం నుంచి విడుదల చేసిన నీటితో పోలవరం జిల్లా చింతూరు డివిజన్‌ పరిధిలోని శబరినది ఒక్కసారిగా పోటెత్తింది. చింతూరు వంతెన వద్ద గురువారం రాత్రి 32 అడుగులుగా ఉన్న శబరి నీటిమట్టం శుక్రవారానికి 41 అడుగులకు పెరిగింది. ఎగువ ప్రాంతాల నుంచి వచ్చే వరద మరింత పెరుగుతుందనే అధికారుల ప్రకటనతో నదీ పరీవాహక గ్రామాల ప్రజల్లో ఆందోళన నెలకొంది. చింతూరు మండలం కుయిగూరు, సోకిలేరు, జల్లివారిగూడెం, చంద్రవంక, చీకటి వాగులు పొంగి వరదనీరు గ్రామాల్లోకి ప్రవేశించింది.అప్పులే మిగిలాయిఈ ఫొటోలో కనిపిస్తున్న రైతు పేరు గురాన అయ్యప్ప. విజయనగరం జిల్లా చీపురుపల్లి మండలం కలిశెట్టిబడి గ్రామం. ఈయన రెండు ఎకరాల్లో అరటి పంట సాగు చేశాడు. తుఫాన్‌ ప్రభావంతో ఈదురుగాలులతో కూడిన వానకు అరటి పంట మొత్తం నాశనమైంది. ఎకరాకు రూ.80 వేలు చొప్పున రెండు ఎకరాల్లో రూ.1.6 లక్షలు పెట్టుబడి పెట్టాడు. పంట నేల మట్టం కావడంతో కన్నీరు పెడుతున్నాడు. ఉచిత పంటల బీమా పథకం ఉండి ఉంటే ఇలాంటి సమయాల్లో రైతులకు ఎంతో ఉపయోగంగా ఉండేదని అన్నదాతలు ఆవేదన వ్యక్తం చేస్తున్నారు. మల్లిగూడ రైల్వేస్టేషన్‌ వద్ద ట్రాక్‌ ధ్వంసం ఒడిశాలో కురుస్తున్న భారీ వర్షాలకు కోరాపుట్‌ జిల్లా మల్లిగూడ రైల్వేస్టేషన్‌ వద్ద గురువారం అర్ధరాత్రి 400 మీటర్ల రైల్వేట్రాక్‌ ధ్వంసమైంది. సమీపంలోని విద్యుత్‌ సరఫరా టవర్లతో పాటు హైటెన్షన్‌ విద్యుత్‌ను సరఫరా చేసే భారీ టవర్‌ కూడా నేలకూలంది. వర్షంతో మట్టికోతకు గురవ్వడంతో ట్రాక్‌ ధ్వంసమైంది. దీంతో అరకులోయ నుంచి కోరాపుట్‌ వరకు అన్ని రైళ్లు ఎక్కడికక్కడ నిలిచిపోయాయి. విశాఖ–కిరండూల్‌ పాసింజర్‌ రైళ్లను రద్దు చేశారు. శుక్రవారం ఉదయం నుంచి ట్రాక్‌ పునరుద్ధరణతో పాటు విద్యుత్‌ టవర్ల పునరద్ధరణ పనులను యుద్ధ ప్రాతిపదికన చేపడుతున్నారు. శనివారం మధ్యాహ్నం నుంచి రైళ్ల రాకపోకలు జరగవచ్చని అరకు సెక్షన్‌ రైల్వే అధికారులు తెలిపారు.స్తంభించిన ఏజెన్సీ.. దెబ్బతిన్న ఇళ్లు వాగులు పొంగడంతో అల్లూరి సీతారామరాజు జిల్లా చింతపల్లి మండలంలో 40 గ్రామాలకు, జిల్లాలో మరో 20 గ్రామాలకు రాకపోకలు తెగిపోయాయి. పలుచోట్ల ఇళ్లు దెబ్బతిన్నాయి. పల్నాడు జిల్లాలో పెదమద్దూరు వంతెన నీటమునగడంతో అమరావతి–విజయవాడ మధ్య రాకపోకలు స్తంభించాయి. ఉత్తరాంధ్రలో వంశధార, నాగావళి ఉధృతి శుక్రవారం రోజంతా కొనసాగింది. శ్రీకాకుళం జిల్లా గొట్టా బ్యారేజీ వద్ద 47,400 క్యూసెక్కులు వస్తుండగా, 49,136 క్యూసెక్కులను దిగువకు వదులుతున్నారు. నారాయణపురం ఆనకట్ట వద్ద 63,900 క్యూసెక్కులతో మొదటి ప్రమాద హెచ్చరిక కొనసాగుతోంది. నాగావళి పొంగడంతో పలు గ్రామాలను వరద చుట్టుముట్టింది. మరోవైపు వాయుగుండం బలహీనపడి ఛత్తీస్‌గఢ్‌ వైపు మరలిందని శనివారం ఉదయానికి అల్పపీడనంగా మారుతుందని వాతావరణ శాఖ తెలిపింది. దీని ప్రభావంతో శనివారమూ పిడుగులతో కూడిన వర్షాలు పడతాయని పేర్కొంది.

నిడదవోలు: తూర్పుగోదావరి జిల్లా మండల కేంద్రం అయిన ఉండ్రాజవరంలో శుక్రవారం దివంగత వంగవీటి మోహన రంగా విగ్రహాన్ని తొలగించడం ఉద్రిక్తతకు దారి తీసింది. మే నెలలో కాపు యువత రంగా విగ్రహం ఏర్పాటు చేయాలని ఉండ్రాజవరం గాందీబొమ్మ సెంటర్‌లో దిమ్మ నిర్మించారు. అనంతరం జనసేనకు చెందిన స్థానిక నిడదవోలు ఎమ్మెల్యే, మంత్రి కందుల దుర్గేష్‌ అనుమతి కోసం ఎదురు చూశా­రు. అయితే గ్రామానికి చెందిన పలువురు టీడీపీ నేతలకు వంగవీటి రంగా విగ్రహం ఏర్పాటు ఇష్టం లేకపోవడంతో మంత్రి దుర్గేష్‌ సైతం అనుమతి ఇవ్వడానికి కాలయాపన చేస్తూ వచ్చారు. ఈ క్రమంలో గురువారం అర్థరాత్రి 12 గంటలకు కాపు యువత ఆ దిమ్మపై రంగా విగ్రహాన్ని ఏర్పాటు చేసింది. కాసేపటి తర్వాత.. అర్ధరాత్రి 1.30 సమయంలో ఆ సెంటర్‌లో ఉన్న సీసీ టీవీ కెమెరాలను పక్కకు తప్పించి, టీడీపీకి చెందిన వారు ఆ విగ్రహాన్ని మాయం చేశారు. శుక్రవారం ఉదయం విషయం తెలుసుకున్న కాపు యువత వెంటనే రంగా మరో విగ్రహాన్ని తీసుకువచ్చి 10 గంటలకు అదే దిమ్మపై ఏర్పాటు చేశారు. మొదటిసారి ఏర్పాటు చేసిన విగ్రహం మాయం కావడంపై రోడ్డుపై బైఠాయించి ధర్నా చేపట్టారు. నిడదవోలు సీఐ పీవీజీ తిలక్‌ తన సి­బ్బందితో వచ్చి ఆందోళనకారులతో చర్చించారు. ఓ దశలో పోలీసులు, యువత మధ్య తీవ్ర వాగ్వాదం చేసుకుని తోపులాట జరిగింది. టీడీపీ నేతలు తమను అణగదొక్కుతున్నారని కాపులు ఆగ్రహం వ్యక్తం వ్యక్తం చేశారు. అంతలో కొవ్వూరు డీఎస్పీ డి.దేవకుమార్‌ ఘ­టన స్థలాని­కి చేరుకున్నారు. చర్చలు ఫలించలేదు. దీంతో పోలీసులు రంగా రెండో విగ్రహాన్ని సైతం ఉండ్రాజవరం పోలీస్‌ స్టేషన్‌కు తరలించారు. టీడీ­పీ నేతల ఒత్తిడితో దిమ్మెను సైతం పొక్లెయినర్‌తో ధ్వంసం చేయించారు.విగ్రహాన్నిఏర్పాటు చేసి తీరతాంవైఎస్సార్‌సీపీ రాష్ట్ర అధికార ప్రతినిధి వంగవీటి నరేంద్ర ఉండ్రాజవరంలో వంగవీటి మోహనరంగా విగ్రహం ఏర్పాటు చేసేంత వరకూ ఊరుకునేది లేదని వైఎస్సార్‌సీపీ రాష్ట్ర అధికార ప్రతినిధి, రాధా రంగా మిత్ర మండలి అధ్యక్షుడు వంగవీటి నరేంద్ర హెచ్చరించారు. ఈ మేరకు ఆయన శుక్రవారం ఓ వీడియో విడుదల చేశారు. రంగా విగ్రహం ఏర్పాటుకు టీడీపీ నేతలు అడ్డుపడటంపై ఆగ్రహం వ్యక్తం చేశారు. విగ్రహం ఏర్పాటు విషయంపై రాష్ట్ర మంత్రి కందుల దుర్గేష్ కు పలుమార్లు చెప్పినా అనుమతి లేదంటూ కాలయాపన చేశారని, రాష్ట్రంలో ఏ విగ్రహానికి అనుమతులున్నాయో చెప్పాలని డిమాండ్‌ చేశారు. రంగా విగ్రహాలంటేనే మీకెందుకు అనుమతులు గుర్తుస్తున్నాయని ప్రశ్నించారు. ఎన్టీఆర్‌ విగ్రహాలు రోడ్డుకు అడ్డంగా ఉన్నా ఫర్వాలేదా? అన్నారు. రెండు రోజుల్లో తప్పనిసరిగా ఉండ్రాజవరం వస్తామని, రంగా విగ్రహం పెట్టే వరకూ ఊరుకునేది లేదని వంగవీటి స్పష్టం చేశారు.

గాందీనగర్‌ (విజయవాడ సెంట్రల్‌): తమ న్యాయమైన సమస్యల పరిష్కారం కోసం దశలవారీ ఆందోళనకు సిద్ధమవుతున్నట్లు సీఐటీయూ, ఏఐటీయూసీ, ఇఫ్టూ అనుబంధ ఏపీ అంగన్‌వాడీ వర్కర్స్, హెల్పర్స్‌ యూనియన్లు ప్రకటించాయి. అంగన్‌వాడీలకు వేతనాలు పెంచాలని, రూరల్‌ వర్కర్లకు సంక్షేమ పథకాలు అమలు చేయాలని డిమాండ్‌ చేశాయి. విజయవాడ ప్రెస్‌క్లబ్‌లో శుక్రవారం ఏర్పాటుచేసిన విలేకరుల సమావేశంలో సీఐటీయూ అనుబంధ యూనియన్‌ ప్రధాన కార్యదర్శి కె.సుబ్బరావమ్మ, ఏఐటీయూసీ అనుబంధ సంఘం ప్రధాన కార్యదర్శి కె.లలితమ్మ, ఇఫ్టూ అనుబంధ విభాగం రాష్ట్ర ఉపాధ్యక్షురాలు పద్మావతి మాట్లాడారు. అంగన్‌వాడీ వర్కర్లు, హెల్పర్లు, మినీ వర్కర్లకు 2019 నుంచి వేతనాలు పెరగలేదని చెప్పారు. రకరకాల యాప్‌లు ప్రవేశపెట్టి పనిభారం పెంచారన్నారు. అనేక పోరాటాల ఫలితంగానే 2024 జూలైలో వేతనాలు పెంచుతామని మినిట్స్‌ కాపీ ఇచ్చారని, ఈ ఏడాది మార్చి 2న ఆందోళన చేసిన తరువాత అదేనెల 10న మంత్రి యూనియన్లతో మాట్లాడి త్వరలో వేతనాలు పెంచుతామని హామీ ఇచ్చారని గుర్తుచేశారు. నెలలు గడుస్తున్నా ప్రభుత్వం నేటికీ పట్టించుకోలేదన్నారు. ప్రభుత్వం ఇచ్చిన హామీమేరకు అంగన్‌వాడీలకు కనీస వేతనాలు, ఈఎస్‌ఐ, పీఎఫ్‌ అమలు చేయాలని కోరారు. అంగన్‌వాడీల కుటుంబాలకు వితంతు, వృద్ధాప్య పెన్షన్లు, ఇతర సంక్షేమ పథకాలు అమలుకావడంలేదని చెప్పారు. రేషన్‌ కార్డులు కూడా జారీచేయడం లేదన్నారు. మినీ సెంటర్లను మెయిన్‌ సెంటర్లుగా అప్‌గ్రేడ్‌ చేయాలని కోరారు. రూ.26 వేల కనీస వేతనం, సంక్షేమ పథకాలు ఇవ్వాలని, ప్రమోషన్‌ గైడ్‌లైన్స్‌ జీవో సవరించాలని డిమాండ్‌ చేశారు. నవచేతన యాప్, ఐవీఆర్‌ఎస్‌ కాల్స్‌ను రద్దుచేయాలన్నారు. మెనూ, మెనూ చార్జీలు పెంచాలని కోరారు. ఈ సమస్యలకు పరిష్కారం కోరుతూ అక్టోబర్‌ 2న గాంధీ విగ్రహాలకు వినతిపత్రాలు ఇస్తామని, అక్టోబర్‌ 6న ఎంపీ, ఎమ్మెల్యేలు, మంత్రులకు సామూహిక రాయబారాలు పంపుతామని వారు చెప్పారు. అనంతరం కరపత్రాన్ని ఆవిష్కరించారు. ఈ సమావేశంలో టి.గజలక్ష్మి, కె.ప్రేమ, పార్వతి తదితరులు పాల్గొన్నారు.

సాక్షి, అమరావతి: వివిధ కార్పొరేషన్ల పేరుతో అప్పుల పరంపరను చంద్రబాబు సర్కారు యథే­చ్ఛగా కొనసాగిస్తోంది. తాజాగా.. సాగరమాల ఫైనాన్స్‌ కార్పొరేషన్‌ లిమిటెడ్‌ (ఎస్‌ఎంఎఫ్‌సీఎల్‌) నుంచి ఆంధ్రప్రదేశ్‌ ఇండ్రస్టియల్‌ ఇన్‌ఫ్రాస్ట్రక్చర్‌ కార్పొరేషన్‌ లిమిటెడ్‌ (ఏపీఐఐసీ) రూ.2,500 కోట్లు టర్మ్‌ రుణం తీసుకునేందుకు రాష్ట్ర ప్రభుత్వం అనుమతిస్తూ శుక్రవారం ఉత్తర్వులు జారీచేసింది. ఈ మొత్తం అప్పు, వడ్డీకి ప్రభుత్వం గ్యారెంటీ ఇచ్చింది. ఎస్‌ఎంఎఫ్‌సీఎల్‌కు ఆమోదయోగ్యమైన రీతిలో అసలు, వడ్డీ రెండింటినీ కవర్‌ చేస్తూ రుణ కాలపరిమితి అంతటా చెల్లుబాటయ్యేలా రూ.2,500 కోట్ల రుణానికి హామీ ఇచ్చింది. అలాగే, ఎస్క్రో ఖాతాలో ఏమైనా లోటుపాట్లు ఉంటే వాటి భర్తీకి ఆర్థిక శాఖ ఆమోదంతో ఆంధ్రప్రదేశ్‌ ప్రభుత్వం నుంచి ‘లెటర్‌ ఆఫ్‌ కంఫర్ట్‌’ను కూడా జారీచేసింది. ఈ రుణం పూర్తిగా ఏపీఐఐసీ సొంత వనరులు లేదా భూముల విక్రయం ద్వారా వచ్చే ఆదాయంతోనే తీర్చాలి. వీ­టి­ని తీర్చడంలో ఏపీఐఐసీ విఫలమైనప్పుడు ప్రభు­త్వ హామీ అమలులోకి వస్తుంది. భూముల లీజు, అమ్మకం ద్వారా వచ్చే ఆదాయం మొత్తాన్ని ఎస్క్రో ఖాతాకు మళ్లించాలి.ఎస్‌ఎంఎఫ్‌సీఎల్‌ విధించిన డాక్యుమెంటేషన్, రుణ పంపిణీకి ముందు, పంపిణీ తర్వాత పాటించాల్సిన అన్ని షరతులను పాటించడానికి ఏపీఐఐసీకి అధికారం ఇచ్చా­రు. అలాగే, ఈనెల 30లోగా తీసుకునే రుణానికి 8.40 శాతం వడ్డీగా నిర్ణయించారు. చంద్రబాబు సర్కారు వచ్చి­న తరువాత ఏపీఐఐసీ ద్వారా ప్రభుత్వ గ్యారెంటీతో రూ.8,500 కోట్లు అప్పుచేసింది. ఇప్పుడు చేసే అప్పుతో కలిపి ఏపీఐఐసీ ద్వారా చేసిన అప్పు మొత్తం రూ.11,000 కోట్లకు చేరనుంది.

సాక్షి, అమరావతి: సమస్యలపై గళమెత్తిన ఉద్యోగులపై చంద్రబాబు ప్రభుత్వం మరోమారు కక్ష సాధింపునకు దిగింది. చలో విజయవాడకు పిలుపునిచ్చారన్న నెపంతో విలేజ్‌ సర్వేయర్స్‌ అసోసియేషన్‌ రాష్ట్ర అధ్యక్షుడు, రణస్థలం మండలం జె.ఆర్‌.పురం సచివాలయ సర్వేయర్‌ బూరాడ మధుబాబును సస్పెండ్‌ చేసింది. ఈ మేరకు శ్రీకాకుళం జిల్లా కలెక్టర్‌ స్వప్నిల్‌ దినకర్‌ పుండ్కర్‌ ఆదేశాలు జారీ చేశారు. సోషల్‌ మీడియా గ్రూపుల ద్వారా సర్వేయర్లను రెచ్చగొట్టారని, తుపాను అత్యవసర సమయంలో విధులకు, రీసర్వేకు ఆటంకం కలిగించారని ఉత్తర్వుల్లో పేర్కొన్నారు. విచారణ ముగిసే వరకు సస్పెన్షన్‌ కొనసాగుతుందని, అనుమతి లేకుండా హెడ్‌ క్వార్టర్స్‌ విడిచి వెళ్లరాదని ఆంక్షలు విధించారు. మధుబాబు సంఘాన్ని గుర్తింపు లేని సంఘంగా ఉత్తర్వుల్లోనే పేర్కొనడం గమనార్హం. సెలవు రోజు నిరసన.. విధులకు ఆటంకమెలా? తుపాను రాకముందే సెప్టెంబర్ 17న చలో విజయవాడ­పై ఎస్‌జీఎస్‌డబ్ల్యూ డైరెక్టర్‌కు ముందస్తు నోటీసు ఇచ్చామని, తుపాను దృష్ట్యా 25న తలపెట్టిన చలో కలెక్టరేట్‌ కార్యక్రమాన్ని స్వచ్ఛందంగా రద్దు చేసుకున్నామని ఉద్యోగ సంఘాలు చెబుతున్నాయి. తుపాను తగ్గడంతో 27న ఆదివారం సెలవు రోజున శాంతియుతంగా కార్యక్రమం చేపడుతున్నామని, అది విధులకు ఎలా ఆటంకమవుతుందని ప్రశ్నిస్తున్నాయి. సస్పెన్షన్‌ ఉపసంహరించాలి మధుబాబు సస్పెన్షన్‌ అసంబద్ధమని ఎస్‌జీఎస్‌డబ్ల్యూ ఐక్య వేదిక రాష్ట్ర ప్రతినిధి, సర్వేయర్స్‌ అసోసియేషన్‌ రాష్ట్ర ప్రధాన కార్యదర్శి మహేష్‌ నాయుడు తీవ్రంగా ఖండించారు. ఇప్పటికే ఆవేదనలో ఉన్న 1.27 లక్షల మంది సచివాలయ ఉద్యోగులు, వారి కుటుంబాల్లో ఈ చర్య మరింత ఆగ్రహం రగిలిస్తుందని, నాయకులపై వరుస చర్యలతో ఉద్యమాన్ని అణచాలనుకోవడం సమస్యను తీవ్రతరం చేస్తుందని హెచ్చరించారు. సస్పెన్షన్‌ తక్షణమే ఉపసంహరించకపోతే 27న చలో విజయవాడను మరింత పెద్ద ఎత్తున నిర్వహిస్తామని హెచ్చరించారు. రాష్ట్రవ్యాప్తంగా ఉద్యోగులు చలో శ్రీకాకుళం కార్యక్రమానికి తరలివస్తారని స్పష్టం చేశారు.

సాక్షి, అమరావతి: డీఎస్సీ స్పోర్ట్స్‌ కోటాలో చోటుచేసుకున్న అక్రమాలపై ఆధారాలతో ప్రశ్నిస్తున్న వైఎస్సార్‌సీపీ నేతల గొంతు నొక్కేందుకు వెన్నుపోటు పార్టీ కూటమి ప్రభుత్వం పోలీసు కేసులను అడ్డుపెట్టుకుంటోందని వైఎస్సార్‌సీపీ ఉమ్మడి కృష్ణా, గుంటూరు జిల్లాల నేతలు మండిపడ్డారు. తాడేపల్లిలోని పార్టీ కేంద్ర కార్యాలయంలో వారితో పార్టీ స్టేట్‌ కో– ఆర్డినేటర్‌ సజ్జల రామకృష్ణారెడ్డి సమావేశమై పార్టీ నేతలపై అక్రమ కేసులు, అరెస్టులపై చర్చించారు. అనంతరం మాజీ మంత్రులు అంబటి రాంబాబు, వెలంపల్లి శ్రీనివాస్, పేర్ని నాని, జోగి రమేష్, ఎమ్మెల్సీలు లేళ్ల అప్పిరెడ్డి, మొండితోక అరుణ్‌కుమార్, మురుగుడు హను­మంతరావు, యేసురత్నం, మాజీ ఎమ్మెల్యేలు మల్లాది విష్ణు, టీజేఆర్‌ సుధాకర్‌బాబు, స్వామిదాస్, ఎన్టీఆర్‌ జిల్లా పార్టీ అధ్యక్షుడు దేవినేని అవినాష్‌ మీడియాతో మాట్లాడుతూ.. డీఎస్సీ వ్యవహారంపై సమాధానం చెప్పకుండా నిరసనకు వెళ్లిన నేతలు, కార్యకర్తలపై తీవ్ర సెక్షన్లతో కేసులు నమోదు చేయడం దారుణమని మండిపడ్డారు. ఆయుధం,గాయం లేకపోయినా, రక్తపు చుక్క కన్పించకపోయినా హత్యాయత్నం కేసు ఎలా నమోదు చేశారని నిలదీశారు. న్యాయస్థానాన్ని ఆశ్రయిస్తాం ‘మఫ్టీలో వచ్చి నాయకులను అరెస్టు చేయడం, ఇళ్ల చుట్టూ తిరిగి భార్యాపిల్లలను భయపెట్టడం ప్రజాస్వామ్య పద్ధతి కాదు. కేసులు పెట్టాలనుకుంటే అందరిపై పెట్టండి.. మే­మంతా వస్తాం. అరెస్టు చేసి కోర్టులో హాజరు పరచండి. చట్ట ప్రకారం బెయిల్‌ తీసుకుంటాం. రాత్రిపూట అరెస్టు­లు, మఫ్టీలో తీసుకెళ్లడంపై కోర్టును ఆశ్రయిస్తాం. డీఎస్సీ అక్రమాలపై మేము శాంతియుతంగా నిరసనకు వచ్చాం. ఐదు రోజుల ముందే పోలీసులకు సమాచారమిచ్చాం. అయినా మాపై కేసులు పెట్టి, ఎఫ్‌ఐఆర్‌లలో ‘వైఎస్సార్‌సీపీ సానుభూతిపరులు’, ‘ఇతరులు’ అంటూ ఎవరినైనా కే­సుల్లోకి లాగే ప్రయత్నం చేస్తున్నారు. స్థానిక సంస్థల ఎన్ని­కల్లో మేము బయట ఉండకూడదనే ఉద్దేశంతోనే ఈ కేసులు పెడుతున్నారు. ఈనెల 26న వైఎస్సార్‌సీపీ నేతలందరం విజయవాడ సీపీని కలిసి వినతిపత్రం ఇస్తాం. పోలీసుల తోపులాటలో మా పార్టీ నేత కాకుమాను రాజశేఖర్‌ తీవ్రంగా గాయపడి మృతి చెందిన ఘటనకు బాధ్యత వహించాలి. దాడి చేసిన వారిపై చర్యలు తీసుకోకుండా మాపైనే ఎస్సీ–ఎస్టీ కేసులతో పాటు, సెక్షన్‌–307 కింద కేసులు పెట్టడం ఏమిటి? ఎన్ని కేసులు పెట్టినా ఎదుర్కొంటాం వీడియో ఆధారాలతో పోలీసుల తీరును ప్రశ్నిస్తున్నాం. పార్టీ ఎస్సీ విభాగం నేత వేమూరు నియోజకవర్గ సమన్వయకర్త వరికూటి అశోక్‌బాబు పైనా ఎస్సీ, ఎస్టీ కేసు పె­ట్టారు. ఎందరిపై ఎన్ని కేసులు పెట్టినా న్యాయ పరంగా దీటుగా ఎదుర్కొంటాం. రెడ్‌బుక్‌ తరహా చర్యలతో పార్టీని అణచి వేయాలని చూస్తే ప్రజల తరఫున రెట్టింపు పౌరుషంతో పోరాటాన్ని మరింత తీవ్రతరం చేస్తాం. శాప్‌ కార్యా­లయం వద్ద టీడీపీకి అనుకూలంగా ఉన్న వారికి నిరసనకు అవకాశమిచ్చా­రు. డీఎస్సీ అక్రమాలపై మేము ఆధారాల­తో ప్రశ్నిస్తుంటే ప్రభుత్వం సమాధానం చెప్పడం లేదు’ అని వైఎస్సార్‌సీపీ నేతలు అన్నారు. ఈ సమావేశంలో వివిధ నియోజకవర్గాల సమన్వయకర్తలు అంబటి మురళి, డై­మండ్‌ బాబు, వరికూటి అశోక్‌బాబు, నూరి ఫాతిమా, వడ్డి రఘురాం, దొంతిరెడ్డి వేమారెడ్డి, దేవభక్తుని చక్రవర్తి, పార్టీ ప్రధాన కార్యదర్శులు పూడి శ్రీహరి, పొన్నవోలు సుధాకర్‌రెడ్డి, పార్టీ లీగల్‌ సెల్‌ రాష్ట్ర అధ్యక్షుడు మలసాని మనోహర్‌రెడ్డి, మాజీ మేయర్‌ భాగ్యలక్ష్మి పాల్గొన్నారు.

సాక్షి, అమరావతి: ఎన్నికల సంఘం వంటి రాజ్యాంగబద్ధ సంస్థలపై ప్రజలకు సంపూర్ణ విశ్వాసం ఉన్నప్పుడే ప్రజాస్వామ్యం బలంగా నిలబడుతుందని వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి పేర్కొన్నారు. సీఈసీ నియామక చట్టాన్ని పునఃసమీక్షించాలన్నారు. ఇద్దరు ఎన్నికల కమిషనర్లు పలుమార్లు నిర్ణయాలు, ఓటర్ల జాబితాలు, ఈసీఐనెట్‌ (ఎలక్షన్‌ కమిషన్‌ ఇంటర్‌నెట్‌)నిర్వహణపై అభ్యంతరాలు వ్యక్తం చేసినట్లు జాతీయ మీడియాలో కథనాలు వెలువడటం ప్రజల్లో తీవ్రమైన ప్రశ్నలు, సందేహాలకు దారితీస్తోందన్నారు. ఈ మేరకు శుక్రవారం ఆయన సామాజిక మాధ్యమం ‘ఎక్స్‌’లో పోస్టు చేశారు. ఆ పోస్టులో వైఎస్‌ జగన్‌ ఇంకా ఏమన్నారంటే.. ఆరోపణల కంటే వాస్తవాలపై స్పష్టత పరస్పరం ఆరోపణలు చేసుకోవడం కంటే.. ఏ అభ్యంతరాలు నమోదు అయ్యాయి? వాటిపై ఎలాంటి చర్యలు తీసుకున్నారు? ఓటర్ల జాబితాలో పేర్లను చేర్చడం, తొలగించడం, తిరిగి చేర్చడం వంటి ప్రక్రియలు ఎంత పారదర్శకంగా జరిగాయి? అనే అంశాలపై ప్రజలకు స్పష్టత అవసరం. ఈ అంశాలపై ప్రజల్లో విశ్వాసం కల్పించే చర్యలు తీసుకోవాలి. అంతిమంగా ఎన్నికల ప్రక్రియపై ప్రజల విశ్వాసాన్ని మరింత బలోపేతం చేయాలి. ప్రతి పౌరుడి ఓటు హక్కును కాపాడాలి. ఎలాంటి భయం లేకుండా ప్రజలు తమ ఓటు హక్కును వినియోగించుకునేలా వ్యవస్థలను మరింత పటిష్టం చేయాల్సిన అవసరం ఉంది. పారదర్శకతతో పాటు నమ్మకమూ అవసరం ప్రజాస్వామ్యంలో పారదర్శకత ఉండటం మాత్రమే కాకుండా.. పారదర్శకత ఉన్నదనే నమ్మకం కూడా ప్రజల్లో కలగాలి. గతంలో తమ మద్దతు పొందిన చీఫ్‌ ఎలక్షన్‌ కమిషనర్, ఇతర ఎన్నికల కమిషనర్ల నియామకం, సేవా నిబంధనలు, పదవీ కాల చట్టం–2023ను ప్రస్తుత పరిస్థితుల నేపథ్యంలో పునఃసమీక్షించాల్సిన అవసరం ఉంది. ముగ్గురు సభ్యుల కమిటీతో నియామకాలు కేంద్ర ప్రభుత్వం (అధికార పార్టీ) ముందుకు వచ్చి, ప్రస్తుతం నెలకొన్న భయాలు, అనుమానాలను తొలగించే విధంగా ఒక సాధారణ విశ్వసనీయమైన విధానాన్ని పునరుద్ధరించాలి. ఎన్నికల కమిషనర్‌ నియామకాన్ని మళ్లీ ముగ్గురు సభ్యులతో కూడిన కమిటీ ద్వారా చేపట్టేలా చట్ట సవరణ తీసుకురావాలి. ఈ కమిటీలో లోక్‌సభ ప్రతిపక్ష నేత, భారత ప్రధాన న్యాయమూర్తి, ప్రధానమంత్రి ఉండాలి. తనకు పరీక్ష నిర్వహించే పరీక్షకుడిని విద్యార్థి తానే నియమించుకోవడం అనేది.. పరీక్షకుడు ఎంత నిజాయితీపరుడైనా ఆరోపణలకు అవకాశం కల్పిస్తుంది. అందుకు బదులుగా తటస్థమైన వ్యక్తి లేదా వ్యవస్థ ద్వారా నియామకం జరగడం మరింత సముచితం. ఇలాంటి మార్పు ఎన్నికల సంఘంపై ప్రజల్లో ఉన్న గౌరవం, విశ్వాసాన్ని తిరిగి నెలకొల్పేందుకు దోహద పడుతుంది. ఏపీలో ఎస్‌ఐఆర్‌ పైనా అభ్యంతరాలు ఆంధ్రప్రదేశ్‌లో ఎస్‌ఐఆర్‌ (సర్‌) ప్రక్రియ సందర్భంగా అధికారంలో ఉన్న పార్టీ తన అధికారాన్ని దుర్వినియోగం చేసినందున ఈ అంశం మరింత ప్రాధాన్యత సంతరించుకొంది. అనేక సందర్భాల్లో తాము చేసిన అనేక విజ్ఞప్తులను పట్టించుకోలేదు. స్థానిక సంస్థల ఎన్నికల ప్రక్రియలో నియోజకవర్గాలు, డివిజన్ల పునర్విభజన జరిగిన తీరుపైనా ప్రతిపక్ష పార్టీగా వ్యక్తం చేసిన అభ్యంతరాలను పక్కన పెట్టారు. ఇలాంటి చర్యలు ఎన్నికల ప్రక్రియపై ప్రజల్లో ఉన్న విశ్వాసాన్ని బలహీన పరుస్తాయి. ప్రజాస్వామ్యంలో ఏ సంస్థ ఎలా పని చేస్తుందో అంచనా వేయడానికి పారదర్శకత, జవాబుదారీతనం నిజమైన ప్రమాణాలు. వీటిని కాపాడటం ఆ సంస్థ ప్రాథమిక బాధ్యత’ అని వైఎస్‌ జగన్‌ స్పష్టం చేశారు. సార్‌ మీ సాయం మరువలేంవైఎస్‌ జగన్‌కు వైఎస్సార్‌ ఆరోగ్యశ్రీ ద్వారా లబ్దిపొందిన కుటుంబం కృతజ్ఞతలు చిన్నారి ఆరోగ్య పరిస్థితిని తెలుసుకున్న వైఎస్‌ జగన్‌ సాక్షి, అమరావతి: ‘సార్‌.. మీరు చేసిన సాయం ఎప్పటికీ మరువలేం..’ అని మాజీ సీఎం, వైఎస్సార్‌సీపీ అధినేత వైఎస్‌ జగన్‌మోహన్‌రెడ్డికి వైఎస్సార్‌ ఆరోగ్యశ్రీ ద్వారా లబ్ధి పొందిన దంపతులు కృతజ్ఞతలు తెలిపారు. వైఎస్‌ జగన్‌ను గన్నవరం ఎయిర్‌పోర్ట్‌లో ఏలూరు జిల్లా నూజివీడు నియోజకవర్గం కొర్లగుంటకు చెందిన మహేష్, వినీల దంపతులు తమ కుమార్తె ధన్సికతో సహా శుక్రవారం కలిశారు. ధన్సిక 2019లో రెండు నెలల పాపగా ఉన్న సమయంలో తీవ్ర అనారోగ్యానికి గురైందని తెలిపారు. అ­ప్పటికి కొద్ది రోజుల క్రితమే ముఖ్యమంత్రిగా వైఎస్‌ జగన్‌ బాధ్యతలు స్వీకరించారని చెప్పా­రు. చిన్నారి ధన్సికతో ఆప్యాయంగా మాట్లాడుతున్న వైఎస్‌ జగన్‌ ఆ సమయంలో వైఎస్సార్‌ ఆరోగ్యశ్రీ కింద ఏలూరులోని ఆశ్రం ఆస్పత్రిలో మెదడుకి సంబంధించి అత్యంత క్లిష్టమైన న్యూరో సర్జరీ ఉచితంగా చేశారని, తమ కుమార్తె కోలుకుందని వైఎస్‌ జగన్‌కు వివరించారు. ఆపరేషన్‌ తర్వాత తమ కుమార్తె ఆరోగ్యంగా ఉందని చెప్పారు. అత్యంత క్లిష్ట సమయంలో తమకు అండగా నిలిచి పాపకు సకాలంలో వైద్య సాయం అందిం­చేలా చేసిన వైఎస్‌ జగన్‌కు ఎప్పటికీ రుణపడి ఉంటామని మహేష్, వినీల దంపతులు చెప్పారు. ఈ సందర్భంగా చిన్నారి ధన్సికను వైఎస్‌ జగన్‌ ఆప్యాయంగా పలకరించారు. ఆమె ఆరోగ్య పరిస్థితి గురించి తల్లిదండ్రులను అడిగి తెలుసుకున్నారు. బాగా చదువుకోవాలని చిన్నారిని వైఎస్‌ జగన్‌ ఆశీర్వదించారు. చిన్నారి, ఆమె తల్లిదండ్రుల కోరిక మేరకు వారితో కలిసి సెల్ఫీ దిగారు.

కృష్ణాజిల్లా: మాజీ మంత్రి కొడాలి నాని కనబడటం లేదని నాలుగు నెలల క్రితం టీడీపీ వాళ్లు ఆనందపడ్డారని, ఇప్పుడేమో గుడివాడలో ఉన్న సమస్యలు టీడీపీ నేతల వెంట పడుతున్నాయని మాజీ మంత్రి పేర్ని నాని చెప్పారు. చంద్రబాబు ఏ సమస్య గురించీ పట్టించుకోరని తెలిపారు.గుడివాడ నియోజకవర్గ వైసీపీ విస్తృతస్థాయి సమావేశంలో పేర్ని నాని మాట్లాడుతూ.. చంద్రబాబు, లోకేశ్‌ ఫారిన్ టూర్లపై హట్ కామెంట్స్ చేశారు. ‘‘నిన్నటి నుంచి చంద్రబాబు కనపడటం లేదు. చంద్రబాబు ఫారిన్ వెళ్లారని ఎవరో చెబుతున్నారు. వెళ్లారని చెప్పరు.. ఏ ఊరో చెప్పరు... ఏ దేశంలో ఉన్నారో చెప్పరు. ఒకరు సీఎం.. మరొకరు మంత్రి ఏ దేశం వెళ్లారో కూడా చెప్పుకోలేకపోతున్నారు.ఫలానా దేశం వెళుతున్నాం...ఈ రాష్ట్రానికి ఇది సాధించడానికి వెళుతున్నామని దమ్ముగా చెప్పాలి కదా? చంద్రబాబు, లోకేశ్‌ దేశం దాటి వెళితే ఏ దేశం వెళ్లారో కూడా చెప్పరు. క్రమశిక్షణ లేని పెంపకం. నోటికి ఏది వస్తే అది వాగడం లోకేశ్‌కు అలవాటు. జగన్ సీఎంగా ఉన్నప్పుడు లండన్‌కు మందులు వేసుకోవడానికి వెళుతున్నాడని లోకేశ్‌ మాట్లాడేవారు. మీ నాన్న ఎందుకు ఫారిన్ వెళుతున్నాడో చెప్పగలరా లోకేశ్‌? ఏ మందు వేసుకోవడానికి మీ నాన్నను విదేశాలకు పంపించారు?ప్రతిపక్షంలో ఉన్నప్పుడు నారా లోకేశ్‌ ఏది పడితే అది మాట్లాడారు. రాష్ట్రంలో బాధ్యత లేని ప్రభుత్వం నడుస్తోంది. బాధ్యత లేని ముఖ్యమంత్రి, బాధ్యత లేని మంత్రి ఈ రాష్ట్రంలో ఉన్నారు. ఇంకా రెండున్నరేళ్లున్నా వీళ్లెప్పుడు పోతారా? అని జనం ఎదురుచూస్తున్నారు. ప్రజలే కాదు టీడీపీ కార్యకర్తలు కూడా ఎదురుచూస్తున్నారు’’ అని చెప్పారు.‘‘చంద్రబాబు రైతులకు నీళ్లు లేవంటే పట్టించుకోరు. ఎల్ నినో ఉంది.. పంటలు సాగు చేయొద్దంటారు. పిల్లలకు ఫీజు రీయింబర్స్‌మెంట్ ఇవ్వరు. హాస్టల్ ఫీజులు వేయరు...మెస్ ఛార్జీలు ఇవ్వరు. రోడ్లు వేయరు. గ్రామాల్లో మంచినీళ్లు రావు. సమస్యలన్నీ ఎక్కడ వేసిన గొంగళి అక్కడే అన్న చందంగా ఉన్నాయి. పరిష్కారం దేవుడే చూస్తాడని మాట్లాడతారు. ఈ మాత్రం దానికి ఆయనెందుకు సీఎంగా?’’ అని పేర్ని నాని అన్నారు.

అనపర్తి(తూర్పుగోదావరి జిల్లా): జిల్లాలోని అనపర్తి నియోజకవర్గంలో కూటమి అరాచకాలు కొనసాగుతూనే ఉన్నాయి. రంగంపేట మండలం దొంతమూరు గ్రామంలో వైఎస్సార్‌సీపీకి చెందిన కుటుంబంపై టీడీపీ శ్రేణులు దాడికి పాల్పడ్డాయి. ఒకే కుటుంబానికి చెందిన ముత్యం వీరబాబు, సత్తిబాబు, సూర్యవేణిలపై టీడీపీ గూండాలు దాడులకు దిగారు. తొలుత వారితో ఘర్షణకు దిగి వారు ఉంటున్న ఇంటిని కూల్చేశారు. ఈ ఘటనలో గాయపడిన బాధితులను అనపర్తిలోని ఏరియా ఆసుపత్రిలో చేర్చించి చికిత్స అందిస్తున్నారు. బాధితులను మాజీ ఎమ్మెల్యే డా. సత్తి సూర్యనారాయణరెడ్డి పరామర్శించారు.

సాక్షి, తాడేపల్లి: కేంద్ర ఎన్నికల సంఘంలో విభేదాలపై వైఎస్సార్‌సీపీ అధ్యక్షుడు,మాజీ ముఖ్యమంత్రి వైఎస్ జగన్‌మోహన్‌రెడ్డి ఆందోళన వ్యక్తం చేశారు. కమిషనర్ల మధ్య అభిప్రాయ బేధాలు తలెత్తటంపై ఎక్స్‌లో వైఎస్‌ జగన్‌ పోస్టు చేశారు. ‘‘ఎన్నికల సంఘం వంటి రాజ్యాంగ సంస్థలపై ప్రజలకు సంపూర్ణ విశ్వాసం ఉండాలి.. అప్పుడే ప్రజాస్వామ్యం బలంగా నిలబడుతుంది. ఎన్నికల సంఘంలోనే ఇద్దరు ఎన్నికల కమిషనర్ల మధ్య అభిప్రాయ భేదాలు అనే వార్తలు ఆందోళన కలిగిస్తున్నాయి’’ అని వైఎస్‌ జగన్‌ ట్వీట్‌ చేశారు.‘‘ముఖ్యంగా ఓటర్ల జాబితాల నిర్వహణ సహా అనేక అంశాల్లో బేధాభిప్రాయాలు వచ్చినట్టు జాతీయ మీడియాలో కథనాలు వచ్చాయి. ఇవి ప్రజల్లో అనేక ప్రశ్నలకు దారితీశాయి. ఆ మీడియా కథనాల ప్రకారం గత పది నెలల్లోనే 14 సందర్భాల్లో అభ్యంతరాలు వ్యక్తం అయ్యాయి. అయితే ఎన్నికల సంఘం మాత్రం ఇవన్నీ సహజమే అంటోంది. బేధాభిప్రాయాలు ఉన్నా తుది నిర్ణయాలు ఏకగ్రీవంగానే తీసుకున్నామని చెప్తోంది. కానీ ప్రజల్లో నెలకొన్న సందేహాలను ఎన్నికల సంఘం నివృత్తి చేయాలి..ఆరోపణలు–ప్రత్యారోపణలకు పరిమితం కాకుండా ఏయే అంశాలపై అభ్యంతరాలు నమోదయ్యాయి?. వాటిపై ఏ చర్యలు తీసుకున్నారో ప్రజలకు తెలియాలి. ఓటర్ల జాబితాలో పేర్ల చేర్పులు, తొలగింపులు, పునరుద్ధరణ ప్రక్రియ ఎంత పారదర్శకంగా జరిగింది?. ఓటర్ల జాబితాల నిర్వహణలో క్షేత్రస్థాయి అధికారులకు ఎంత స్వతంత్రత ఉంది?. అనే అంశాలపై స్పష్టత అవసరం. ప్రతి పౌరుడి ఓటు హక్కును పరిరక్షించడం, ఎన్నికల ప్రక్రియపై ప్రజలకు నమ్మకాన్ని కలిగించటం అత్యంత ముఖ్యం. ప్రజాస్వామ్యంలో పారదర్శకత ఉండటమే కాదు. పారదర్శకత ఉందనే నమ్మకం కూడా ప్రజలకు కలగాలి. 2023లో తీసుకొచ్చిన నూతన చట్టానికి మేము మద్దతు ఇచ్చాం. కానీ ప్రస్తుత పరిస్థితుల నేపథ్యంలో ఆ చట్టాన్ని మరోసారి సమీక్షించాల్సిన అవసరం ఉంది..ఎన్నికల సంఘంపై ఎలాంటి అనుమానాలకు తావులేకుండా చూడాలి. ప్రజల్లో విశ్వాసాన్ని పెంచే వ్యవస్థను ఏర్పాటు చేయాలి. ఎన్నికల కమిషనర్ల నియామకానికి ప్రధానమంత్రి, సుప్రీంకోర్టు ప్రధాన న్యాయమూర్తి, లోక్‌సభ ప్రతిపక్ష నేత సభ్యులుగా ఉండే ముగ్గురు సభ్యుల కమిటీ విధానాన్ని తిరిగి తీసుకు రావాలి. ఆ మేరకు చట్ట సవరణపై ఆలోచించాలి. విద్యార్థే పరీక్ష పెట్టే వారిని నియమించే పరిస్థితి ఉంటే.. ఆ వ్యక్తి ఎంత నిజాయితీపరుడైనా అనుమానాలకు తావిస్తుంది. అందుకే నియామకాలు పారదర్శకంగా ఉండేలా వ్యవస్థ ఉండాలిఇదీ చదవండి: సాయం అంటే ఇది.. థాంక్యూ జగన్‌ మామయ్య..అలాంటి మార్పు ఎన్నికల సంఘం ప్రతిష్ఠను, దానిపై ప్రజలకు ఉన్న విశ్వాసాన్ని మరింత బలోపేతం చేస్తాయి. ఆంధ్రప్రదేశ్‌లో SIR ప్రక్రియ సందర్భంగా ప్రతిపక్షంగా మేము అనేక అభ్యంతరాలను చెప్పాం. కానీ వాటికి సరైన స్పందన ఎన్నికల సంఘం నుండి రాలేదు. స్థానిక సంస్థల ఎన్నికలకు సంబంధించిన డీలిమిటేషన్ ప్రక్రియలోనూ.. వార్డులు, డివిజన్ల పునర్విభజనపై ప్రతిపక్షంగా మేము అనేక అభ్యంతరాలను తెలిపాం. కానీ వేటినీ పరిగణనలోకి తీసుకోకపోవటం ఆందోళనకరం. ఇలాంటి పరిస్థితులే ఎన్నికల ప్రక్రియపై ప్రజల్లో సందేహాలకు కారణమవుతాయి..అందుకే పారదర్శకత, జవాబుదారీతనం ఎన్నికల వ్యవస్థకు ప్రాథమిక ప్రమాణాలుగా ఉండాలి. ప్రతి అర్హుడైన పౌరుడి ఓటు హక్కును కాపాడటం.. ఎలాంటి భయం లేదా అనుమానం లేకుండా ఆ హక్కును వినియోగించుకునేలాబుండాలి. ఆ వ్యవస్థను బలోపేతం చేయడం ఎన్నికల వ్యవస్థ ముందున్న అత్యంత ముఖ్యమైన బాధ్యత’’ అని వైఎస్‌ జగన్‌ పేర్కొన్నారు.Democracy can stand only when people have complete confidence in constitutional institutions such as the Election Commission. National media reports that two Election Commissioners raised objections on several occasions to decisions, electoral rolls and the management of ECINet…— YS Jagan Mohan Reddy (@ysjagan) September 25, 2026

సాక్షి, విజయవాడ: గాదె సాయికృష్ణ లాకప్‌డెత్‌ కేసులో సీఐ నాగరాజుకు రెండో ఏజేఎంఎఫ్‌సీ కోర్టు షాక్‌ ఇచ్చింది. డిఫాల్ట్‌ బెయిల్‌ పొందేందుకు నాగరాజు అర్హుడు కాదని కోర్టు తేల్చి చెప్పింది. సిట్‌ అసంపూర్తిగా ఛార్జ్‌షీట్‌ దాఖలు చేసిందని డిఫాల్ట్‌ బెయిల్‌ మంజూరు చేయాలని సీఐ నాగరాజు కోరగా.. బెయిల్‌ పొందేందుకు నాగరాజు అర్హుడు కాదని న్యాయస్థానం స్పష్టం చేసింది. డిఫాల్ట్ బెయిల్‌పై ఇవాళ(శుక్రవారం) కోర్టులో వాదనలు ముగిశాయి. డిఫాల్ట్ బెయిల్ డిస్మిస్ చేస్తూ కోర్టు ఉత్తర్వులిచ్చింది.కాగా, సాయికృష్ణ కస్టోడియల్‌ డెత్‌కు సంబంధించి గురువారం సుప్రీంకోర్టు కీలక వ్యాఖ్యలు చేసింది. దీనికి సంబంధించి హైకోర్టు ముందున్న వ్యాజ్యాలపై తీర్పు వెలువడిన అనంతరం, అవసరమైతే ఈ అంశంపై జోక్యం చేసుకుంటామని జస్టిస్‌ విక్రమ్‌ నాథ్, జస్టిస్‌ అగస్టిన్‌ జార్జ్‌ మసీహ్, జస్టిస్‌ సందీప్‌ మెహతాలతో కూడిన త్రిసభ్య ధర్మాసనం స్పష్టంచేసింది. తదుపరి విచారణను అక్టోబర్‌ 26వ తేదీకి వాయిదా వేసింది. ఈ కేసులో అసలు దోషులు, ఉన్నతాధికారుల పాత్రను తేల్చాలని, దర్యాప్తును సీబీఐకి అప్పగించాలని వైఎస్సార్సీపీ ఎంపీ మద్దిల గురుమూర్తి దాఖలు చేసిన పిటిషన్‌ విచారణ సందర్భంగా ధర్మాసనం తాజా వ్యాఖ్యలు చేసింది.‘ఏపీ హైకోర్టులో ఇప్పటికే ఈ కేసుకు సంబంధించిన న్యాయ ప్రక్రియ ముగింపు దశలో ఉంది. హైకోర్టు తీర్పు వచ్చే వరకు వేచి చూడడం సబబు’ అని వ్యాఖ్యానించింది. అంతక్రితం విచారణ ప్రారంభమైన వెంటనే పిటిషనర్‌ గురుమూర్తి తరఫున సీనియర్‌ న్యాయవాది నిఖిల్‌ గోయల్, న్యాయవాదులు అల్లంకి రమేష్‌, రాళ్ల మమత వాదనలు వినిపిస్తూ, ఈ కేసుకు సంబంధించిన పరిణామాలను ధర్మాసనం దృష్టికి తీసుకొచ్చారు. సాయికృష్ణ కనిపించకపోవడంపై తల్లి దాఖలుచేసిన హెబియస్‌ కార్పస్, అలాగే కేసును సీబీఐకి అప్పగించాలన్న పిటిషన్లు హైకోర్టులో పెండింగ్‌లో ఉన్న సంగతి తెలిసిందే.ఇదీ చదవండి: రైలులో ఎంపీ భార్యకు ‘భయానక’ అనుభవం

తాడేపల్లి : డీఎస్సీ అక్రమాలపై సీబీఐ విచారణ జరిగే వరకు తమ పోరాటం ఆగదని వైఎస్సార్‌సీపీ నేత, మాజీ మంత్రి పేర్ని నాని హెచ్చరించారు. ఎన్ని కేసులు పెట్టినా, ఎంతమందిని జైళ్లలో పెట్టినా డీఎస్సీ అక్రమాలపై వెనక్కి తగ్గేదే లేదన్నారు. తప్పుడు సర్టిఫికెట్లు, అర్హతలపై వస్తున్న ప్రశ్నలకు ప్రభుత్వం సమాధానం చెప్పాల్సిన అవసరముందన్నారు. వైఎస్సార్‌సీపీ నేతలను రౌడీలు, గూండాలు అని ముద్రవేస్తే డీఎస్సీ అక్రమాలపై ప్రశ్నలు మాయమైపోవన్నారు. అనుకూల మీడియాతో ఎంత ప్రచారం చేయించినా చంద్రబాబు, లోకేష్‌ డీఎస్సీ విధానాన్ని కప్పిపుచ్చలేరన్నారు. ‘సెప్టెంబర్ 21న శాప్‌ కార్యాలయానికి వెళ్లింది సీబీఐ విచారణ కోరుతూ మెమొరాండం ఇవ్వడానికే. మా కార్యక్రమం గురించి పోలీసులకు ముందుగానే సమాచారం ఇచ్చాం.. అయినా అక్కడ ఘర్షణకు దారితీసిన పరిస్థితులు ఎలా ఏర్పడ్డాయి?, స్పోర్ట్స్ కోటాలో ఉద్యోగాలు పొందిన సుమారు 300 మంది టీచర్లు రాష్ట్రం నలుమూలల నుంచి విజయవాడకు ఎలా వచ్చారు?, పిల్లలకు పాఠాలు చెప్పాల్సిన టీచర్లకు ఒకేసారి సెలవులు ఎవరిచ్చారు? ఆన్ డ్యూటీపై వచ్చారా? ప్రభుత్వం చెప్పాలి. ప్రొబేషన్‌లో ఉన్న టీచర్లు స్కూళ్లు వదిలి ప్రభుత్వ కార్యాలయం ముందు కార్యక్రమానికి రావడానికి సర్వీస్ రూల్స్ అనుమతిస్తాయా?, డీఈలు,, ఆర్జేడీలు, స్కూల్ ఎడ్యుకేషన్ కమిషనర్ దీనిపై ఎందుకు స్పందించడం లేదు?, టీచర్లకు ఏసీ బస్సులు ఎవరు ఏర్పాటు చేశారు? విజయవాడలో వసతి, భోజన ఏర్పాట్లు ఎవరు చేశారు?, శాప్‌ కార్యాలయం వద్ద షామియానాలు, కుర్చీలు, మైకులకు అనుమతి ఎవరిచ్చారు? ప్రభుత్వం సమాధానం చెప్పాలి. వైఎస్సార్‌సీపీ నేతలపై ఫిర్యాదులు ముందుగానే సిద్ధం చేశారనే అనుమానాలకు పోలీసులు సమాధానం చెప్పాలి.ఇక సాయికృష్ణ లాకప్‌ డెత్‌ కేసుకు సంబంధించి పేర్ని నాని మాట్లాడుతూ.. ఈ కేసులో హైకోర్టు చీఫ్‌ జస్టిస్‌ బెంచ్‌నే తప్పుదోవ పట్టించే యత్నం చేశారంటే ఎంత బరితెగింపు?, ఐపీఎస్ అధికారులు హైకోర్టుకే వాస్తవాలు తెలియకుండా చేయాలని ప్రయత్నించడం అత్యంత తీవ్రమైన విషయం. నేరస్తుడైతే కోర్టు శిక్షించాలి.. ఖాకీ యూనిఫాం ఉందని ఎవరినైనా హింసించే అధికారం పోలీసులకు ఎవరిచ్చారు?, విజయవాడ సీపీ రాజశేఖర్‌బాబును, డీజీపీని అడుగుతున్నాం. పోలీసులకు ఇష్టారాజ్యంగా వ్యవహరించే అధికారం ఏ రాజ్యాంగం ఇచ్చింది?, సాయికృష్ణను స్టేషన్‌కు తీసుకెళ్లిన తర్వాత ఏం జరిగింది? ఆయన మరణానికి బాధ్యులెవరో నిగ్గు తేలాలి. సాయికృష్ణ కేసులో పోలీసులను జగన్ ప్రశ్నిస్తే చంద్రబాబు, పవన్, లోకేష్ ఎదురుదాడి చేశారు. ఇప్పుడు ఏం సమాధానం చెబుతారు?, నిజాలు బయటకు రావడానికి ఆలస్యం కావచ్చు.. కానీ ఎంతటి అధికారంలో ఉన్నవారైనా నిజం నుంచి తప్పించుకోలేరు.164 సీట్ల బలం ఉందనే అధికార మదంతో వ్యవహరించినా చట్టం ముందు సమాధానం చెప్పాల్సిందే. సాయికృష్ణ వ్యవహారంలో నిజాలు బయటకు వస్తున్నట్లే దగా డీఎస్సీలోనూ నిజాలు బయటకు వస్తాయి. రాష్ట్రవ్యాప్తంగా 800 నుంచి 1,000 మంది వైఎస్సార్‌సీపీ నేతలను లక్ష్యంగా చేసుకున్నారనే అనుమానాలు ఉన్నాయి. కార్యక్రమానికి రాని వారి పేర్లు కూడా కేసుల్లో ఉంటే.. ఆ కేసులు ఎలా తయారయ్యాయో ప్రభుత్వం చెప్పాలి. వైఎస్సార్‌సీపీ వికలాంగ విభాగం నాయకుడిపై దాడి జరుగుతుంటే అక్కడున్న పోలీసులు ఎందుకు అడ్డుకోలేదు?, అరెస్టు ఎందుకు చేస్తున్నారో, ఏ కేసులో చేస్తున్నారో సంబంధిత వ్యక్తికి చట్టప్రకారం తెలియజేయాల్సిందే. అరెస్టుల విషయంలో సుప్రీంకోర్టు మార్గదర్శకాలను పోలీసులు తప్పనిసరిగా పాటించాలి. రాజకీయ ఒత్తిళ్లకు తలొగ్గి చట్టవిరుద్ధ చర్యలకు పాల్పడితే సంబంధిత అధికారులే చట్టపరమైన పరిణామాలను ఎదుర్కోవాల్సి వస్తుంది’ అని హెచ్చరించారు.ఇదీ చదవండి: ‘బాబు అండతో చెలరేగుతున్న ఏ ఒక్క అధికారినీ వదలం’

తాడేపల్లి : టీడీపీ గూండాల దాడిలో తమ దళిత నేత కాకుమాను రాజశేఖర్‌ మృతిచెందారని, ఆయనపై దాడి చేసిన పోలీసులపై చర్యలు తీసుకోవాలని వైఎస్సార్‌సీపీ నేత, మాజీ ఎమ్మెల్యే టీజేఆర్‌ సుధాకర్‌బాబు డిమాండ్‌ చేశారు. డీఎస్సీ అక్రమాలకు సంబంధించి తాము శాంతియుతంగా నిరసన చేస్తే టీడీపీ గూండాలు దాడి చేశారని, ఆ దాడిలో తమ పార్టీకి చెందిన నేత రాజశేఖర్‌ మృతిచెందారన్నారు. దీనింతటికీ కారణం కూటమి ప్రభుత్వమే కారణమన్నారు. బాబు అండతో చెలరేగుతున్న ఏ ఒక్క అధికారినీ వదలమని హెచ్చరించారు టీజేఆర్‌. ఈరోజు(శుక్రవారం, సెప్టెంబర్‌ 25వ తేదీ) తాడేపల్లి వైఎస్సార్‌సీపీ కేంద్ర కార్యాలయం నుంచి మీడియాతో టీజేఆర్‌ మాట్లాడుతూ.. ‘డీఎస్సీ అక్రమాలపై చర్చకు వస్తానని నారా లోకేషే చెప్పారు. లోకేష్ మొట్టమొదటి రాజకీయ అడుగే దొడ్డి దారిన వేశారు. లోకేష్‌ది ఒక మంత్రి స్థాయి అని తెలుసుకోవాలి. కానీ ఆయన అంతకంటే ఎక్కువ ఊహించుకుంటున్నారు. లోకేష్‌ తన యువగళం బ్యాచ్‌కే ఉద్యోగాలిచ్చారు. శాప్‌ ఆఫీసుకి వస్తామని ముందే ప్రకటించాం. లోకేష్‌ అక్కడకు వచ్చి వాస్తవాలు చెప్పవచ్చు కదా.. ?, శాప్ ఆఫీసుకు ఫేక్ సర్టిఫికేట్ టీచర్లు ఎందుకు వచ్చారు?, టీడీపీ గూండాలు మాపై దాడి చేశారు. ఆ దాడిలో మా దళిత నేత కాకుమాను రాజశేఖర్ మృతి చెందారు. రాజశేఖర్ పై దాడి చేసిన పోలీసులపై చర్యలు తీసుకోవాలి’ అని డిమాండ్‌ చేశారు. ఇదీ చదవండి: ‘అక్రమాలపై ప్రశ్నిస్తే అర్ధరాత్రి ఇళ్లలో చొరబడతారా?

సాక్షి, తాడేపల్లి: తమపై అక్రమ కేసులకు నిరసనగా రేపు(శనివారం) సీపీని కలుస్తాం.. అక్రమ కేసులపై ప్రశ్నిస్తామని వైఎస్సార్‌సీపీ గుంటూరు జిల్లా అధ్యక్షుడు అంబటి రాంబాబు అన్నారు. శుక్రవారం ఆయన మీడియాతో మాట్లాడుతూ.. డీఎస్సీ అక్రమాలపై ప్రశ్నిస్తే పోలీసులు అర్ధరాత్రి ఇళ్లలో చొరబడతారా? అంటూ దుయ్యబట్టారు. జైల్లో ఉంచటానికి అట్రాసిటీ, హత్యాయత్నం కేసులు పెడుతున్నారు. నారా లోకేష్ పెత్తనంలో పోలీసులు వైఖరి ఇలా ఉంది’’ అంటూ అంబటి ఆగ్రహం వ్యక్తం చేశారు.‘‘అసలు ఈ సెక్షన్లు ఎలా పెడతారని కోర్టు ప్రశ్నిస్తే ప్రభుత్వ లాయరు దగ్గర సమాధానం లేదు. వైఎస్సార్‌సీపీ నేతలందరిపై రౌడీముద్ర వేయాలని చూస్తున్నారు. కాదంబరి జత్వానీ కేసులో కూడా పోలీసులు దగ్గరుండి దుర్గగుడికి తీసుకెళ్లారు. ఇప్పుడు దొంగ టీచర్లను కూడా అలాగే దుర్గ గుడికి తీసుకెళ్లి దర్శనం చేయించారు. అప్పుడు జత్వానీనీ, ఇప్పుడు దొంగ టీచర్లను కాక పడుతున్నారు. కానీ ఈ కేసులు ఏవీ నిలబడవు’’ అని అంబటి వ్యాఖ్యానించారు.‘‘కాకుమాను రాజశేఖర్ మృతికి పోలీసుల వైఖరే కారణం. శాప్ ఎదుట ధర్నాలో పాల్గొన్న రాజశేఖర్‌పై పోలీసులు దాడి చేశారు. రౌడీషీట్లు ఇష్టానుసారం ఓపెన్ చేయటం సిగ్గుచేటు. ఈడీ కేసులకు భయపడను. ఈడీ విచారణకు పూర్తిగా సహకరిస్తాను. ఎల్లోమీడియాలో ఊహా కథనాలు రాస్తున్నారు’’ అని అంబటి రాంబాబు ధ్వజమెత్తారు.ఇదీ చదవండి: సాయం అంటే ఇది.. థాంక్యూ జగన్‌ మామయ్య

సాక్షి, విజయవాడ: సాయం పేరుతో ప్రకటనలు.. కెమెరా ముందు హామీలు.. ఆ తర్వాత పట్టించుకోని పరిస్థితులు చాలానే చూస్తుంటాం. కానీ ఓ చిన్నారికి అత్యంత ఖరీదైన వైద్యం అవసరమైనప్పుడు.. కుటుంబం ఆ భారాన్ని మోయలేని స్థితిలో ఉన్న వేళ జగనన్న సాయం ఆదుకుంది. ఇప్పుడు అదే చిన్నారి ఆరోగ్యంగా ఎదుగుతుండగా.. సాయం మరువని ఆమె తల్లిదండ్రులు వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డిని కలిశారు. ఆ భావోద్వేగ దృశ్యాలు సోషల్‌ మీడియాలో వైరల్‌గా మారాయి.నూజివీడు నియోజకవర్గంలోని కొర్లగుంటకు చెందిన మహేష్‌, వినీల దంపతుల కుమార్తె ధన్సిక. చిన్నతనంలోనే ఆమె అనారోగ్యానికి గురైంది. పరిస్థితి తీవ్రంగా ఉండటంతో 2019లో న్యూరో సర్జన్‌ పర్యవేక్షణలో అత్యంత క్లిష్టమైన, ఖరీదైన శస్త్రచికిత్స అవసరమైంది. ఆ సమయంలో వైఎస్‌ జగన్‌మోహన్‌రెడ్డి ముఖ్యమంత్రిగా ఉన్న ప్రభుత్వం అమలు చేసిన ‘డాక్టర్‌ వైఎస్సార్‌ ఆరోగ్యశ్రీ’ పథకం ద్వారా ఆ వైద్యాన్ని కుటుంబానికి ఉచితంగా అందించినట్లు తల్లిదండ్రులు తెలిపారు. ఖరీదైన ఆపరేషన్‌ ఖర్చును భరించే పరిస్థితి తమకు లేకపోవడంతో ఆరోగ్యశ్రీ తమకు ఎంతో ఉపయోగపడిందని చెప్పారు.వైఎస్‌ జగన్‌ను కలిసిన దంపతులుప్రస్తుతం ధన్సిక పూర్తిగా కోలుకుని ఎలాంటి ఆరోగ్య సమస్యలు లేకుండా ఉందని మహేష్‌, వినీల తెలిపారు. ఈ సందర్భంగా వైఎస్‌ జగన్‌ను మర్యాదపూర్వకంగా కలసి.. తమ కుమార్తెకు అందిన వైద్య సహాయానికి కృతజ్ఞతలు తెలిపారు. చిన్నారితో ముచ్చటించిన జగన్‌ధన్సికను చూసిన వైఎస్‌ జగన్‌ ఆప్యాయంగా పలకరించారు. ఆ సమయంలో ఆ చిన్నారి భావోద్వేగానికి గురై కన్నీరు పెట్టుకుంది. ఓదార్చిన ఆయన ఆమెతో కొద్దిసేపు ముచ్చటించి.. బాగా చదువుకోవాలని ఆశీర్వదించారు. అనంతరం స్వయంగా సెల్ఫీ కూడా తీశారు. ఈ సందర్భంగా కుటుంబ సభ్యులు గతంలో ఎదుర్కొన్న పరిస్థితులను, ఆరోగ్యశ్రీ ద్వారా అందిన వైద్యాన్ని గుర్తుచేసుకున్నారు.చిన్నతనంలోనే తీవ్రమైన అనారోగ్య సమస్యను ఎదుర్కొన్న ధన్సిక.. ఖరీదైన శస్త్రచికిత్స అనంతరం ఇప్పుడు పూర్తి ఆరోగ్యంతో ఉండటం కుటుంబానికి ఊరటనిచ్చిందని తల్లిదండ్రులు తెలిపారు. ఒకప్పుడు చికిత్స కోసం ఆందోళన చెందిన కుటుంబం.. ఇప్పుడు అదే చిన్నారి ఆరోగ్యంగా ఉండటాన్ని చూస్తూ ఆనందం వ్యక్తం చేస్తోంది. ఆరోగ్యశ్రీ ద్వారా అందిన చికిత్సకు కృతజ్ఞతగా జగన్‌ను కలిసిన ఈ కుటుంబం భేటీకి సంబంధించిన దృశ్యాలే ఇప్పుడు సోషల్‌ మీడియాలో వైరల్‌గా మారాయి.

సాక్షి, ప్రకాశం: వైఎస్సార్‌సీపీ రాష్ట్ర ప్రచార విభాగం అధ్యక్షుడు కాకుమాను రాజశేఖర్‌ హఠాన్మరణం.. ఏపీ రాజకీయ శ్రేణుల్ని తీవ్ర దిగ్భ్రాంతికి గుర చేసింది. గుండెపోటుతో హైదరాబాద్‌ నివాసంలో ఆయన కన్నుమూశారు. ఆయన మృతికి సంతాపంగా పార్టీకి సంబంధించిన కొన్ని కార్యక్రమాలను వాయిదా వేశారు. ఈ క్రమంలో శుక్రవారం ఆయన పార్థివదేహానికి పార్టీ కీలక నేతలు నివాళులర్పించారు.ఒంగోలులోని క్లోపేటలో రాజశేఖర్‌ భౌతికకాయానికి రాజ్యసభ సభ్యుడు వైవీ సుబ్బారెడ్డి నివాళులర్పించారు. కాకుమాను మృతి వైఎస్సార్‌సీపీకి తీరని లోటని చెప్పారాయన. పార్టీ బలోపేతానికి రాజశేఖర్‌ ఎంతో కృషి చేశారని, కార్యక్రమాల్లో చురుగ్గా పాల్గొన్నారని గుర్తుచేశారు. కుటుంబ సభ్యులకు ప్రగాఢ సానుభూతి తెలిపారు.రాజశేఖర్‌ పార్టీ వ్యవహారాల్లో అత్యంత క్రియాశీలకంగా పనిచేశారని పార్టీ రాష్ట్ర సమన్వయకర్త(కోఆర్డినేటర్‌) సజ్జల రామకృష్ణారెడ్డి గుర్తు చేశారు. వ్యక్తిగతంగా తాను మంచి స్నేహితుడిని కోల్పోయానని, అలాగే పార్టీకి ఇది పూడ్చలేని లోటని అన్నారు. రాజశేఖర్‌ కుటుంబాన్ని త్వరలో పార్టీ అధినేత వైఎస్‌ జగన్‌మోహన్‌రెడ్డి పరామర్శిస్తారని తెలిపారు. పోలీసులు దుర్మార్గంగా వ్యవహరించినందుకే..ఇటీవల విజయవాడలో డీఎస్సీ అంశంపై పార్టీ చేపట్టిన నిరసన సందర్భంగా పోలీసులు వ్యవహరించిన తీరుపై సజ్జల, వైవీ సుబ్బారెడ్డి మండిపడ్డారు. పోలీసులు కాకమాను రాజశేఖర్‌ను తోపులాట పేరిట ఛాతిపై బలంగా నొక్కారని.. కిందపడేసి మరీ ఆ పనే చేశారని అంటున్నారు. ఆ ఘటన తర్వాత ఒత్తిడికి గురై ఆయనకు గుండెపోటు వచ్చిందని పేర్కొన్నారు.

సాక్షి, తాడేపల్లి: నేడు గాన గంధర్వుడు ఎస్పీ బాలసుబ్రహ్మణ్యం వర్ధంతి. ఈ సందర్భంగా వైఎస్సార్‌సీపీ అధినేత వైఎస్‌ జగన్‌.. ఎస్పీ బాలుకు నివాళి అర్పించారు. వైఎస్‌ జగన్‌ ఎక్స్‌ వేదికగా..‘తన అద్భుతమైన గాత్రంతో పాటకు ప్రాణం పోసి.. ప్రపంచవ్యాప్తంగా కోట్లాది మంది హృదయాల్లో.. చిరస్థాయిగా నిలిచిన మహా గాయకుడు ఎస్పీ బాలసుబ్రహ్మణ్యం.తెలుగుతో పాటు ఎన్నో భాషల్లో వేలాది పాటలు పాడి, భారతీయ సంగీత ప్రపంచంలో తనకంటూ ప్రత్యేకమైన స్థానం సంపాదించుకున్న ఆయన మన తెలుగు జాతికి గర్వకారణం. నేడు ఎస్పీ బాలసుబ్రహ్మణ్యం వర్ధంతి సందర్భంగా ఆయనకు నివాళులర్పిస్తున్నాను’ అని పోస్టు చేశారు.ఇదీ చదవండి: రెడ్‌బుక్‌ పాలనలో మరో అంకం..

ఏపీలో భారీ వర్షాలు అప్‌డేట్స్‌.. తీవ్ర వాయుగుండం కారణంగా ఉత్త­రాంధ్ర భారీ వర్షాలతో విలవిల్లాడింది.అన్నవరం గ్రామంలోకి వరద నీరుశ్రీకాకుళం: జలదిగ్బంధంలో పాలకొండ పరిసర గ్రామాలుఅన్నవరం గ్రామంలోకి చేరిన వరద నీరుఅన్నవరం సహా పలు గ్రామాలకు నిలిచిన రాకపోకలుఎగువ నుంచి భారీగా పాలకొండకు చేరుతున్న వరద నీరుమళ్ళీ వరద పెరిగే అవకాశం ఉందంటున్న అధికారులునదీ పరివాహక ప్రాంత ప్రజలకు అల‌ర్ట్‌భారీ వర్షాలతో వంశధార, నాగావళి నదులకి పెరుగుతున్న వరద ఉధృతినాగావళి వరద ప్రవాహంతోటపల్లి వద్ద ప్రస్తుత ఇన్ ఫ్లో 24639, ఔట్ ఫ్లో 23250 క్యూసెక్కులునారాయణపురం అనకట్ట వద్ద రెండవ ప్రమాద హెచ్చరిక జారీప్రస్తుత ఇన్ ఫ్లో , ఔట్ ఫ్లో 76000 క్యూసెక్కులువంశధార వరద ప్రవాహంగొట్టా బ్యారేజ్ వద్ద కొనసాగుతున్న మొదటి ప్రమాద హెచ్చరికప్రస్తుత ఇన్ ఫ్లో 43860, ఔట్ ఫ్లో 46197 క్యూసెక్కులుఅత్యవసర సహాయక చర్యలకు ప్రత్యేక బృందాలునదీ పరివాహక ప్రాంత ప్రజలు తగిన జాగ్రత్తలు తీసుకోవాలినదిలో ఈతకు వెళ్లడం, చేపలు పట్టడం లాంటివి ప్రమాదకరం- ప్రఖర్ జైన్, ఎండీ, ఆంధ్రప్రదేశ్ విపత్తుల నిర్వహణ సంస్థకొట్టుకుపోయిన వంతెనపోలవరం జిల్లా మారేడుమిల్లి మండలం చట్లవాడ పంచాయతీ పరిధిలో కొట్టుకుపోయిన వంతెనకొండ వాగుల ఉధృతికి కనుమరుగైన పొట్లవాడ– బొదులూరు గ్రామాల మధ్య రహదారికి అనుసంధానంగా ఉన్న వంతెనవంతెన కొట్టుకుపోవడంతో గ్రామాల మధ్య రాకపోకలకు ఇబ్బందులునీట మునిగిన కొప్పుల వారి వీధిఏలూరు జిల్లా చింతలపూడి పట్టణంలో అకాల వర్షానికి నీట మునిగిన కొప్పుల వారి వీధిఇళ్ల లోపలకి చేరిన వర్షపు నీరు.. భయభ్రాంతులకు గురవుతున్న కాలనీ వాసులుతక్షణమే అధికారులు స్పందించి, సహాయ చర్యలు చేపట్టాలని కోరుతున్న ప్రజలుతీర ప్రాంతాలపై ప్రత్యేక నిఘా: శ్రీకాకుళం కలెక్టర్శ్రీకాకుళం జిల్లా బూర్జ మండలం అల్లెన గ్రామంలో కలెక్టర్, ఎస్పీ పర్యటనక్షేత్రస్థాయిలో వర్షాభావ పరిస్థితులపై పరిశీలనఅధికారులతో కలిసి పరిస్థితిని సమీక్షించిన కలెక్టర్ స్వప్నిల్ దినకర్ పుండ్కర్జిల్లా వ్యాప్తంగా పరిస్థితి పూర్తి అదుపులోనే ఉందన్న కలెక్టర్నీటి ప్రవాహం అధికంగా ఉన్న లోతట్టు, తీర ప్రాంతాలపై ప్రత్యేక నిఘాపలు పోలీస్ స్టేషన్ల పరిధిలో క్షేత్రస్థాయిలో పర్యటిస్తున్న పోలీసులుఅత్యవసర పరిస్థితుల్లో తీసుకోవాల్సిన జాగ్రత్తలపై ప్రజలకు సూచనలునీట మునిగిన గ్రామాలు.. రాకపోకలకు అంతరాయంపార్వతిపురం మన్యం జిల్లా పాలకొండ మండలంలో వాయుగుండం ప్ర‌భావంజలదిగ్బంధంలో గొట్టమంగళాపురం, ఎరకరాయిపురం, అంపిలి, గోపాలపురం అన్నవరం గ్రామాలురాకపోకలకు అంతరాయం, సహాయక చర్యల కోసం ఎదురుచూస్తున్న బాధితులుఒట్టిగెడ్డ రిజర్వాయర్‌లోకి చేరుతున్న వరదనీరు.. రెండు గేట్లు ఎత్తి దిగువకు నీరు విడుదలప్రధాన రహదారిపై ఉన్న కాజ్‌వేపై వరదనీరు ప్రవహించడంతో సుమారు 38 గిరిజన గ్రామాలకు నిలిచిన రాకపోకలుశ్రీకాకుళం..నాగావళి నదికి పెరిగిన వరద ఉధృతి..ప్రజలు అప్రమత్తంగా ఉండాలని హెచ్చరిస్తున్న అధికారులు..నాగావళికి భారీగా చేరుతున్న వరద..ఇప్పటికే మొదటి ప్రమాద హెచ్చరిక జారీ చేసిన అధికారులు..నాగావళి పరివాహక ప్రాంతాల్లో మైక్ సెట్స్ ద్వారా అప్రమత్తంగా ఉండాలని హెచ్చరిక..ప్రవాహం మరింత పెరుగుతుందని అంచనా..పల్నాడు జిల్లా..అమరావతి, పెదకూరపాడు మండలాల్లో కుండపోత వర్షంపొంగి ప్రవహిస్తున్న వాగులు, వంకలుపెదమద్దూరు బ్రిడ్జి అప్రోచ్ రోడ్డు పైనుండి వరద అమరావతి-విజయవాడ మధ్య నిలిచిన రాకపోకలుపరస-కంభంపాడు మధ్య లోలెవెల్ చప్టాపై భారీగా వరద ప్రవాహంవరద కారణంగా నిలిచిన రాకపోకలువిజయవాడ..దుర్గగుడి ఘాట్ రోడ్డులో విరిగిపడిన కొండచరియలురెండు రోజులుగా కురుస్తున్న భారీ వర్షాల ప్రభావంతో విరిగిపడిన కొండచరియలుమరమ్మత్తుల నేపధ్యంలో ఘాట్ రోడ్డు మూసివేయడంతో తప్పిన ప్రమాదంఘాట్ రోడ్డులో విరిగిపడిన కొండచరియలను పరిశీలించిన జిల్లా కలెక్టర్ లక్ష్మీశ , దుర్గగుడి ఈవో శీనానాయక్మడ్డువలస రిజర్వాయర్‌కు పోటెత్తిన వరద నీరువిజయనగరం జిల్లా: సువర్ణముఖి, వేగవతి నదుల నుండి మడ్డువలస రిజర్వాయర్ కు పోటెత్తిన వరద నీరు7 గేట్లు ఎత్తి 3 వేల క్యూసెక్కుల నీరు దిగువ ప్రాంతానికి విడుదలపార్వతీపురం మన్యం జిల్లా ఒట్టిగెడ్డ రిజర్వాయర్‌లోకి చేరుతున్న వరదనీరురెండు గేట్లు ఎత్తి నీటిని దిగువకు విడుదలప్రధాన రహదారిపై ఉన్న కాజ్‌వేపై వరదనీరు ప్రవహించడంతో సుమారు 38 గిరిజన గ్రామాలకు నిలిచిన రాకపోకలుశ్రీకాకుళం..నాగావళి నదికి పెరిగిన వరద ఉధృతి..ప్రజలు అప్రమత్తంగా ఉండాలని హెచ్చరిస్తున్న అధికారులు..నాగావళికి భారీగా చేరుతున్న వరద..ఇప్పటికే మొదటి ప్రమాద హెచ్చరిక జారీ చేసిన అధికారులు..నాగావళి పరివాహక ప్రాంతాల్లో మైక్ సెట్స్ ద్వారా అప్రమత్తంగా ఉండాలని హెచ్చరిక..ప్రవాహం మరింత పెరుగుతుందని అంచనా..పల్నాడు జిల్లా..అమరావతి, పెదకూరపాడు మండలాల్లో కుండపోత వర్షంపొంగి ప్రవహిస్తున్న వాగులు, వంకలుపెదమద్దూరు బ్రిడ్జి అప్రోచ్ రోడ్డు పైనుండి వరద అమరావతి-విజయవాడ మధ్య నిలిచిన రాకపోకలుపరస-కంభంపాడు మధ్య లోలెవెల్ చప్టాపై భారీగా వరద ప్రవాహంవరద కారణంగా నిలిచిన రాకపోకలువిజయవాడ..దుర్గగుడి ఘాట్ రోడ్డులో విరిగిపడిన కొండచరియలురెండు రోజులుగా కురుస్తున్న భారీ వర్షాల ప్రభావంతో విరిగిపడిన కొండచరియలుమరమ్మత్తుల నేపధ్యంలో ఘాట్ రోడ్డు మూసివేయడంతో తప్పిన ప్రమాదంఘాట్ రోడ్డులో విరిగిపడిన కొండచరియలను పరిశీలించిన జిల్లా కలెక్టర్ లక్ష్మీశ , దుర్గగుడి ఈవో శీనానాయక్శ్రీకాకుళం..నాగావళి, వంశధార నదులకు మొదటి ప్రమాద హెచ్చరికనారాయణపురం ఆనకట్ట వద్ద 60వేల క్యూసెక్కులకు చేరిన వరద ప్రవాహంనాగావళి, వంశధారలో పెరుగుతున్న వరద ఉధృతిలోతట్టు, నదీ పరివాహక ప్రాంతాల ప్రజలు అప్రమత్తంగా ఉండాలన్న కలెక్టర్అధికారులు సూచిస్తే వెంటనే సురక్షిత ప్రాంతాలకు తరలి వెళ్లాలని ఆదేశంనదిలోకి దిగడం, ఈత కొట్టడం, చేపలు పట్టడం, నది దాటడం చేయొద్దని హెచ్చరికఅత్యవసర పరిస్థితుల్లో వెంటనే రెవెన్యూ, ప్రభుత్వ యంత్రాంగాన్ని సంప్రదించాలని సూచనఏలూరు జిల్లా..భారీ వర్షాలకు ఏలూరు ఏజెన్సీలో పొంగిన వాగులు, వంకలుకొయ్యలగూడెం మండలం కన్నాపురం వద్ద కాజ్‌వేపై ప్రవహిస్తున్న తూర్పు, పడమర కాలువలుకన్నాపురం వద్ద రాత్రి తూర్పు కాలువలో గల్లంతైన భాస్కర్ మృతిగల్లంతైన ప్రదేశానికి కిలోమీటర్ దూరంలో కాలువలో భాస్కర్ మృతదేహాన్ని గుర్తించిన స్థానికులుజంగారెడ్డిగూడెం మండలం పట్టిన పాలెం వద్ద ప్రవహిస్తున్న జల్లేరు వాగుకొండ వాగుల ఉధృతి నేపథ్యంలో గుబ్బల మంగమ్మ తల్లి దర్శనాలు నిలిపివేతఎర్ర కాలవ ప్రాజెక్టుకు కొనసాగుతున్న వరద ఉధృతిప్రాజెక్టులోకి వచ్చి చేరుతున్న 370 క్యూసెక్కుల వరద నీరుప్రస్తుత ప్రాజెక్టు నీటిమట్టం 79 మీటర్లుప్రాజెక్టు పూర్తిస్థాయి నీటిమట్టం 83.50 మీటర్లుకాకినాడ జిల్లా..పిఠాపురం నియోజకవర్గంలో పొంగిపొర్లుతున్న ఏలేరు కాలువ, సుద్దగడ్డ వాగుఏలేరు కాలువ వరద నీటితో పిఠాపురం రూరల్ జములపల్లి, నర్సింగపురంలో చెరువులను తలపిస్తున్న పంటలువందలాది ఎకరాల్లో నీట మునిగిన వరి చేనుసుద్దగడ్డ వరద నీటితో గొల్లప్రోలు-సూరంపేట, గొల్లప్రోలు-తాటిపర్తి రహదారిపై రాకపోకలు నిలిపివేతఅవస్ధలు పడుతున్న వాహనదారులుతీవ్ర వాయుగుండం కారణంగా ఉత్త­రాంధ్ర భారీ వర్షాలతో విలవిల్లాడింది. ఎడతెరిపి లేని వర్షాలు, ఈదురుగాలులతో శ్రీకాకుళం, విజయనగరం, పార్వతీపురం మన్యం, విశాఖ జిల్లాలు అతలాకుతలమయ్యాయి. మరోవైపు.. రానున్న మూడు గంటల్లో ఏలూరు, ఎన్టీఆర్, కృష్ణా, గుంటూరు, పల్నాడు జిల్లాల్లోని కొన్ని ప్రాంతాలలో పిడుగులతో కూడిన వర్షాలు కురిసే అవకాశం ఉందని రాష్ట్ర విపత్తుల నిర్వహణ సంస్థ పేర్కొంది. ఈ నేపథ్యంలో ఆరెంజ్‌ అలర్ట్‌ విధించింది. రేపు ఉదయానికి అల్పపీడనం బలహీనపడే అవకాశం ఉంది. నేడు ఉత్తర కోస్తాకు భారీ వర్ష సూచన. విజయనగరం జిల్లా..ఒడిషాలో వర్షం ప్రభావంతో నాగావళి నదికి వరద ఉధృతి..తోటపల్లి రిజర్వాయర్‌లోకి 40వేల క్యూసెక్కుల వరద నీరు ఇన్‌ఫ్లో8 గేట్లు ఎత్తి దిగువకు 40 వేల క్యూసెక్కుల వరద నీటిని విడిచి పెడుతున్న అధికారులు.తోటపల్లి ప్రాజెక్ట్ వద్ద రెండో ప్రమాద హెచ్చరిక జారీ చేసిన జిల్లా కలెక్టర్.రిజర్వాయర్ బ్యాక్ వాటర్, పరిసర ప్రాంత గ్రామాలకు రెడ్ అలర్ట్..జలదిగ్బంధంలో కలికోట గ్రామం.నీట మునిగిన పంటలు కూరగాయల సాగు.విజయవాడ..ఎన్టీఆర్ జిల్లాలో కొనసాగుతున్న భారీ వర్షాలుభారీ వర్షాల కారణంగా ఎన్టీఆర్ జిల్లాలోని అన్ని ప్రభుత్వ, ప్రైవేటు పాఠశాలలు, కళాశాలలకు సెలవు.ఎన్టీఆర్ జిల్లా కలెక్టర్ ఆదేశాలు.కృష్ణాజిల్లా.. మచిలీపట్నంలో భారీగా వర్షం....ఈదురుగాలులతో కూడిన వర్షంతో పలు ప్రాంతాల్లో విద్యుత్ అంతరాయంకుండపోత వానతో జలమయంగా మారిన రహదారులుచెరువులను తలపిస్తున్న ప్రధాన రహదారులులోతట్టు ప్రాంతాలతో పాటు ప్రధాన రహదారులు సైతం జలమయం👉తీవ్ర వాయుగుండం కారణంగా ఉత్త­రాంధ్ర భారీ వర్షాలతో విలవిల్లాడింది. గురువారం రోజంతా ఎడతెరిపి లేని వర్షాలు, ఈదురుగాలులతో శ్రీకాకుళం, విజయనగరం, పార్వతీపురం మన్యం, విశాఖ జిల్లాలు అతలాకుతలమయ్యాయి. విశాఖలో కైలా­సపురం, వెంకోజీపాలెం, చైతన్య నగర్‌ తదితర ప్రాంతాల్లో కొండచరియలు విరిగిపడటంతో ప్రజలు భయాం­దోళనలకు గురయ్యారు. విజయవాడలో భారీ వర్షానికి భవానీపురం హెచ్‌బీ కాలనీ, ఇందిరా ప్రియదర్శిని కాలనీ రోడ్లలో మోకాటి లోతులో నీళ్లు నిలిచాయి.👉అనకాపల్లి, కాకినాడ, ఉభయ గోదావరి, ఏలూరు, కృష్ణా, ఎన్టీఆర్‌ జిల్లాల్లోనూ భారీ నష్టం వాటిల్లింది. నదులు, వాగులు గ్రామాలను చుట్టుముట్టాయి. వంతెనలు కూలి, రోడ్లు కోతకు గురై అనేక గ్రామాలకు రాకపోకలు స్తంభించాయి. టెక్కలి, పాతపట్నంలో 33 కేవీ స్తంభాలు, ఏడు మండలాల్లో 11 కేవీ స్తంభాలు విరిగిపోవడంతో వందలాది పల్లెలు అంధకారంలో మగ్గాయి. వేగావతి నది ఉధృతితో బొబ్బిలి పట్టణానికి తాగునీటి సరఫరాను నిలిపివేశారు. అరకులోయలో నిత్యావసరాల కోసం గిరిజనులు ప్రాణాలకు తెగించి వాగులు దాటుతున్నారు. పొంచి ఉన్న ప్రమాదం...రెండు రోజులు కుండపోతతో నేల పూర్తిగా నీటితో నిండిపోయింది. ఇక నీటిని పీల్చుకునే స్థితిలో లేదు. అందుకే ఇకపై కురిసే మోస్తరు వర్షం కూడా నేరుగా వాగులు, వంకల్లోకి చేరి ఆకస్మిక వరదలకు దారితీయవచ్చని తెలిపింది. అనకాపల్లి, కాకినాడ, విశాఖ, విజయనగరం, శ్రీకాకుళం, పార్వతీపురం మన్యం, అల్లూరి సీతారామరాజు జిల్లాల్లో ఆకస్మిక వరదల ముప్పు ఉందని వాతావరణ శాఖ హెచ్చరించింది. కొండవాలు ప్రాంతాల్లో కొండచరియలు విరిగిపడే ప్రమాదం కూడా ఉంది.

సాక్షి, న్యూఢిల్లీ: సంచలనం సృష్టించిన కాపు యువకుడు గాదె సాయికృష్ణ కస్టోడియల్‌ డెత్‌కు సంబంధించి గురువారం సుప్రీంకోర్టు కీలక వ్యాఖ్యలు చేసింది. దీనికి సంబంధించి హైకోర్టు ముందున్న వ్యాజ్యాలపై తీర్పు వెలువడిన అనంతరం, అవసరమైతే ఈ అంశంపై జోక్యం చేసుకుంటామని జస్టిస్‌ విక్రమ్‌ నాథ్, జస్టిస్‌ అగస్టిన్‌ జార్జ్‌ మసీహ్, జస్టిస్‌ సందీప్‌ మెహతాలతో కూడిన త్రిసభ్య ధర్మాసనం స్పష్టంచేసింది. తదుపరి విచారణను అక్టోబర్‌ 26వ తేదీకి వాయిదా వేసింది. ఈ కేసులో అసలు దోషులు, ఉన్నతాధికారుల పాత్రను తేల్చాలని, దర్యాప్తును సీబీఐకి అప్పగించాలని వైఎస్సార్సీపీ ఎంపీ మద్దిల గురుమూర్తి దాఖలు చేసిన పిటిషన్‌ విచారణ సందర్భంగా ధర్మాసనం తాజా వ్యాఖ్యలు చేసింది. ‘ఏపీ హైకోర్టులో ఇప్పటికే ఈ కేసుకు సంబంధించిన న్యాయ ప్రక్రియ ముగింపు దశలో ఉంది. హైకోర్టు తీర్పు వచ్చే వరకు వేచి చూడడం సబబు’ అని వ్యాఖ్యానించింది. అంతక్రితం విచారణ ప్రారంభమైన వెంటనే పిటిషనర్‌ గురుమూర్తి తరఫున సీనియర్‌ న్యాయవాది నిఖిల్‌ గోయల్, న్యాయవాదులు అల్లంకి రమేష్‌, రాళ్ల మమత వాదనలు వినిపిస్తూ, ఈ కేసుకు సంబంధించిన పరిణామాలను ధర్మాసనం దృష్టికి తీసుకొచ్చారు. సాయికృష్ణ కనిపించకపోవడంపై తల్లి దాఖలుచేసిన హెబియస్‌ కార్పస్, అలాగే కేసును సీబీఐకి అప్పగించాలన్న పిటిషన్లు హైకోర్టులో పెండింగ్‌లో ఉన్న సంగతి తెలిసిందే.

సాక్షి,అమరావతి: వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి ఆదేశాల మేరకు పశ్చిమ గోదావరి జిల్లా ఆచంట నియోజకవర్గానికి చెందిన గుంటూరి పెద్ది రాజును రాష్ట్ర కార్యదర్శి(పార్లమెంట్‌)గా, కాకినాడ జిల్లా ప్రత్తిపాడు నియోజకవర్గానికి చెందిన అంగూరి లక్ష్మీశివకుమారిని రాష్ట్ర అధికార ప్రతినిధిగా నియమించారు. ఈ మేరకు పార్టీ కేంద్ర కార్యాలయం గురువారం ప్రకటన విడుదల చేసింది.

సాక్షి, అమరావతి : రెడ్‌బుక్‌ పాలనలో రాత్రివేళ కూడా పౌరుల ప్రశాంతతను దెబ్బతీసేలా చంద్రబాబు ప్రభుత్వం పోలీసులను అడ్డుపెట్టుకుని భయాందోళనలు సృష్టిస్తోంది. గురువారం రాత్రి విజయవాడ తదితర ప్రాంతాల్లో పోలీసులను పురిగొల్పి అక్రమ కేసులు, అరెస్టులు, నోటీసులతో రెడ్‌బుక్‌ పాలనకు నిదర్శనంగా నిలిచింది. డీఎస్సీ అక్రమాలపై సీబీఐ విచారణ చేయాలని, నైతిక బాధ్యత వహిస్తూ మంత్రి పదవికి లోకేశ్‌ రాజీనామా చేయాలని వైఎస్సార్‌సీపీ ఆధ్వర్యంలో యువత, విద్యార్థులు ఈ నెల 21న విజయవాడలోని స్పోర్ట్స్‌ అథారిటీ ఆప్‌ ఆంధ్రప్రదేశ్‌(శాప్‌) కార్యాలయం వద్ద ఆందోళన చేపట్టిన విషయం తెల్సిందే.శాంతియుతంగా ఆందోళన నిర్వహిస్తున్న వారిపై లోకేశ్‌ యువగళం రౌడీ దళం దాడికి దిగింది. పోలీసుల వద్ద నుంచి లాఠీలు లాక్కొని దాడులు చేయడం పట్ల సర్వత్రా విమర్శలు వ్యక్తమయ్యాయి. అదే రోజున ఆందోళలను భగ్నం చేయడానికి విఫలయత్నం చేసిన పోలీసులు అడుగడుగునా వైఎస్సార్‌సీపీ శ్రేణులను అడ్డుకున్నారు. హౌస్‌ అరెస్టులు చేయడంతో పాటు పలువురిని పోలీస్‌ స్టేషన్‌కు తరలించి నిర్బంధించారు.అయినా చంద్రబాబు ఉక్రోశం చల్లారక.. ఐదేళ్ల క్రితం జరిగిన టీడీపీ కార్యాలయం వద్ద చోటుచేసుకున్న ఘటనను సాకుగా చూపి 51 మందిపై రౌడీషీట్లు తెరవాలని నిర్ణయించారు. ప్రజా వ్యతిరేకతకు భయపడి ఆ ప్రయత్నం నుంచి వెనక్కుతగ్గి.. మరో రీతిలో వేధించేందుకు కుతంత్రం రచించారు. ఈ క్రమంలో శాప్‌ కార్యాలయం వద్ద ఆందోళన జరిగిన నాలుగు రోజులకు వీడియో ఫుటేజి ద్వారా 260 మందిని గుర్తించినట్టు పోలీసులు తీరుబడిగా రెడ్‌బుక్‌ టెర్రర్‌లో మరో అంకానికి తెరలేపారు. వారందరిపైనా కేసులు నమోదు చేసే ప్రక్రియను చేపట్టారు. ఈ నేపథ్యంలో గురువారం రాత్రి పలువురు ఇళ్లకు వెళ్లి పోలీసులు హల్‌చల్‌ చేశారు. చంద్రబాబు, లోకేశ్‌లను సంతృప్తి పరచడానికి పోలీసులు వేధింపు చర్యలకు దిగడంపై విమర్శలు వెల్లువెత్తుతున్నాయి.ఖాకీల అత్యుత్సాహం ⇒ డీఎస్సీ అక్రమాలపై నిరసన తెలిపిన వైఎస్సార్‌సీపీ శ్రేణులపై పోలీసులు వ్యవహరించిన తీరు తీవ్ర విమర్శలకు తావిస్తోంది. శాంతియుత నిరసన తెలపడం నేరమన్నట్లుగా వ్యవహరిస్తూ నాలుగు రోజుల తర్వాత అక్రమ కేసులు, అరెస్టులు అంటూ వేధింపులకు దిగడం దారుణమని ప్రజలు తప్పుబడుతున్నారు. ప్రజాస్వామ్యాన్ని ఖూనీ చేస్తున్నట్టు ఉందని మండిపడుతున్నారు. ⇒ మహిళలు అని కూడా చూడకుండా గురువారం రాత్రి విజయవాడ నగర మాజీ మేయర్, వైఎస్సార్‌సీపీ మహిళా నేత రాయన భాగ్యలక్ష్మి ఇంటికి వెళ్లిన పోలీసులు.. అరెస్టు చేయడానికి వచ్చామని చెప్పారు. నగర మొదటి పౌరురాలిగా సేవలు అందించిన తన పట్ల పోలీసుల తీరు బాగోలేదని, మహిళ పట్ల పోలీసులు వ్యవహరించే తీరు ఇదేనా.. అని ఆమె ఘాటుగా ప్రశ్నించారు. దీంతో పోలీసులు కేసుకు సంబంధించిన నోటీసును అందించి వెనుదిరిగారు. ⇒ మరో మహిళా నేత పసుపులేటి వెంకటేశ్వరమ్మ ఇంటికి వెళ్లిన పోలీసులు.. అరెస్టు చేసేందుకు వచ్చినట్టు చెప్పడంతో ఆమె సైతం తీవ్రంగా మండిపడ్డారు. దీంతో శుక్రవారం ఉదయం 11 గంటలకు పోలీస్‌ స్టేషన్‌కు రావాలని నోటీసు ఇచ్చి వెళ్లారు. ⇒ విజయవాడ సెంట్రల్‌ నియోజకవర్గంలో మైనారిటీ వర్గానికి చెందిన న్యాయవాది సుభానీని సింగ్‌నగర్‌ పోలీసులు తీసుకెళ్లారు. 64వ డివిజన్‌ మాజీ కార్పొరేటర్‌ యర్రగోళ్ల శ్రీరామయాదవ్‌ను కూడా తీసుకెళ్లారు. అమిత్‌ను టాస్క్ ఫోర్స్‌ పోలీసులు, గెల్లిపోగు రాజును సూర్యారావుపేట పోలీసులు, వలీని సింగ్‌నగర్‌ పోలీసులు రాత్రివేళ తీసుకెళ్లడంతో వారి కుటుంబ సభ్యులు ఆందోళన చెందుతున్నారు. ఒక్క విజయవాడలోనే సుమారు 70 మంది వైఎస్సార్‌సీపీ నాయకులు, కార్యకర్తల ఇళ్లకు వెళ్లిన పోలీసులు.. అరెస్టులు అంటూ భయాందోళనలు సృష్టించారు. ⇒ నందిగామ నియోజకవర్గానికి చెందిన పలువురు నేతలను గురువారం రాత్రి విజయవాడ పోలీసులు తీసుకెళ్లారు. కంచికచర్ల వైఎస్సార్‌సీపీ నగర అధ్యక్షుడు వేమా సురే‹Ù, నందిగామకు చెందిన బెజవాడ రాజశేఖర్‌ను మాచవరం పోలీసులు తీసుకెళ్లడంతో వారి కుటుంబ సభ్యులు ఆవేదన వ్యక్తం చేస్తున్నారు. ఇంకా పలువురు నేతలపై కేసులు ఉన్నాయని, అరెస్టు చేస్తామని పోలీసులు హెచ్చరించినట్లు చెబుతున్నారు. డీఎస్సీ స్కామ్‌పై శాంతియుత నిరసన తెలిపితే అక్రమ కేసులు, అరెస్టులతో పోలీసులు టెర్రర్‌ రేపడాన్ని ప్రజలు తప్పుబడుతున్నారు.

ముఖ్యమంత్రిగారూ.. 20 లక్షల ఉద్యోగాలన్నారు.. లేదంటే నిరుద్యోగ భృతి కింద నెలకు రూ.3,000 చొప్పున ఇస్తానన్నారు. రెండున్నరేళ్లలో రూ.90 వేలు ఎగ్గొట్టారు. ఇన్‌ఫ్లుయెన్సర్స్‌ ఈ మోసాన్ని ప్రచారం చేయడానికేనా? ఓ నిరుద్యోగి ప్రశ్న ఇది.ఆడబిడ్డ నిధి పథకం కింద నెలకు రూ.1,500 చొప్పున ఏడాదికి రూ.18వేలు ఇస్తానన్నారు. రెండున్నరేళ్లలో రూ. 45 వేలు ఎగ్గొట్టారు. సోషల్‌ మీడియాలో ఈ మోసాన్ని ఎలా ప్రచారం చేయించబోతున్నారు? 18 ఏళ్లు నిండిన ఓ యువతి ప్రశ్న ఇది.50 ఏళ్లు దాటిన ఎస్సీ, ఎస్టీ, బీసీ, మైనార్టీలకు పించన్లన్నారు. ఈ రెండున్నరేళ్లలో రూ. 1,20,000 ఎగ్గొట్టారు. ఈ వంచనను ఎలాంటి వీడియోలతో పాపులర్‌ చేయబోతున్నారు? 50 ఏళ్లు దాటిన అనేకమంది వేస్తున్న ప్రశ్న ఇది.ఐదు డీఏలు పెండింగ్‌.. పీఆర్‌సీ లేదు, ఐఆర్‌ లేదు.. రూ. 40వేల కోట్లకు పైగా పెండింగ్‌.. అధికారంలోకి రాగానే అమలుచేస్తానని అనేక వాగ్దానాలు చేశారు.. మోసపోయాం.. ఈ అన్యాయాన్ని ఎలా ప్రెజెంట్‌ చేయబోతున్నారు? ఓ ప్రభుత్వ ఉద్యోగి ప్రశ్న ఇది. సాక్షి, అమరావతి: రెండున్నరేళ్లయింది. యువతకు నిరుద్యోగ భృతి ఇవ్వడానికి మనసు రావడం లేదు. 18 ఏళ్లు నిండిన మహిళలకు ఆడబిడ్డ నిధి అమలు చేయడానికి, 50 ఏళ్లు నిండిన వాళ్లకు పెన్షన్‌ ఇవ్వడానికి చేతులు రావడం లేదు. ఉద్యోగుల బకాయిలకు దిక్కులేదు. సున్నావడ్డీ పథకానికి సున్నా చుట్టేయడంతో డ్వాక్రా మహిళల కష్టాలు అన్నీ ఇన్నీ కావు. విద్యాదీవెన, వసతి దీవెన బకాయిల ఊసెత్తకపోవడంతో విద్యార్థులు చదువులు మానేయాల్సిన పరిస్థితి. లేదా అప్పులు చేసి కట్టాల్సివస్తోంది. మేనిఫెస్టోలో ఇచ్చిన హామీలు.. సూపర్‌సిక్స్, సూపర్‌ సెవన్‌ వాగ్థానాలన్నీ అటకెక్కాయి. ఇచ్చిన హామీలే కాదు.. గత ప్రభుత్వం ఇచ్చిన అనేక పథకాలకు నీళ్లొదిలేశారు. ‘ఎంత మోసగాడివయ్యా బాబూ’ అని జనం చర్చించుకుంటున్నారు. సంపద సృష్టిస్తానంటూ బీరాలు పలికి లక్షల కోట్ల అప్పులతో బండి నడిపిస్తూ అదేదో గొప్ప విజనరీ పరిపాలనలా ఎల్లో మీడియాలో ప్రచారం చేయించుకోవడం.. ‘వాట్‌ ఎ థాట్‌.. వాట్‌ ఏ విజన్‌’.. పాలన పాతాళంలో... ప్రచారం మాత్రం ఆకాశంలో... చేయనిది చేసినట్టు చెప్పుకోవడంలో చంద్రబాబును మించినవారెవరూ లేరు. ఇప్పటికే సాగుతున్న ఈ బూటకపు ప్రచారాన్ని ఇంకా కొత్త ఎత్తులకు తీసుకెళ్లడం కోసం చంద్రబాబు సర్కార్‌ కొత్త కొత్త మార్గాలను వెతుకుతోంది. కొత్తగా సోషల్‌ మీడియా ఇన్‌ఫ్లుయెన్సర్స్‌తో సొంత డబ్బా కొట్టించుకునేందుకు ఓ పాలసీ తెచ్చారు. ఇందుకోసం కోట్లు కోట్లు కుమ్మరించబోతున్నారు. అంటే ఐటీడీపీ వంటి ఆన్‌లైన్‌ పసుపు దళానికి దీపావళి ముందుగానే వచ్చేసిందన్నమాట. సోషల్‌ మీడియా ఇన్‌ఫ్లుయెన్సర్స్‌ అంటే ఆ ముసుగులో తెలుగుదేశం పార్టీ కోసం సోషల్‌ మీడియాలో అబద్ధపు ప్రచారం జోరుగా చేస్తున్న వారి కోసమే ఈ పాలసీ. వాళ్లకు ప్రజాధనాన్ని దోచిపెట్టడానికే ఈ పాలసీ. ఎంపిక చేసిన ఒక్కో ఇన్‌ఫ్లుయెన్సర్‌కు నెలకు రూ.1.5 లక్షల వరకు ఇవ్వబోతున్నారంటే అర్ధం చేసుకోవచ్చు ప్రజాధనాన్ని ఏ స్థాయిలో దుర్వినియోగం చేయబోతున్నారో.. భగ్గుమంటున్న రాష్ట్రం.. ఎన్నికల మేనిఫెస్టోలో అలవిమాలిన హామీలిచ్చిన చంద్రబాబు సూపర్‌ సిక్స్, సూపర్‌ సెవెన్‌ పథకాలు ఎగ్గొట్టి దాదాపు రూ.2,06,744.46 కోట్లకు పైగా పంగనామం పెట్టడంపై రాష్ట్రప్రజలు రగిలిపోతున్నారు. ఈ మోసాలపై ఇన్‌ఫ్లుయెన్సర్స్‌ ఏం ప్రచారం చేస్తారని నిలదీస్తున్నారు. హామీ ఇచ్చిన పథకాలకు దిక్కులేదు కానీ ప్రచారం కోసం కోట్లు కోట్లు ప్రజాధనం వ్యయం చేస్తుండటం మరింత ఆగ్రహావేశాలను రగిల్చింది. చేసిందేమీ లేకపోయినా ప్రచారం కోసం కొత్తగా సోషల్‌ మీడియా ఇన్‌ఫ్లుయెన్సర్స్‌ పాలసీ తీసుకురావడంపై నిరుద్యోగులు, ఎస్సీ, ఎస్టీ, మైనార్టీలు, మహిళలు ఆగ్రహం వ్యక్తం చేస్తున్నారు. పథకాలకు డబ్బులు లేవంటూనే ప్రచారం కోసం కోట్లు కుమ్మరిస్తుండడంపై మండిపడుతున్నారు. ముందు మాకిచ్చిన ఎన్నికల హామీలను అమలు చేయాలంటూ డిమాండ్‌ చేస్తున్నారు. ఎంత ప్రచారం చేస్తే అంత డబ్బు.. ఇప్పటికే ఏపీ డిజిటల్‌ కార్పొరేషన్‌ ద్వారా సోషల్‌మీడియా ప్రచారానికి కోట్లు ఖర్చు చేస్తున్న రాష్ట్ర ప్రభుత్వం తాజాగా సోషల్‌ మీడియా ఇన్‌ఫ్లుయెన్సర్స్‌ను పెద్ద ఎత్తున వినియోగించుకోవడానికి రంగం సిద్ధం చేసింది. ఇప్పటికే ముఖ్యమంత్రి చంద్రబాబు పర్యటనల ముందు ఇన్‌ఫ్లుయెన్సర్స్‌ ద్వారా ప్రచారం నిర్వహిస్తున్న రాష్ట్ర ప్రభుత్వం ఇప్పుడు వీరిని మరింత విస్తృతంగా వినియోగించుకోవడానికి ఏకంగా ఒక పాలసీనే తీసుకువచ్చింది. బుధవారం జరిగిన మంత్రివర్గ సమావేశంలో సోషల్‌ మీడియా ఇన్‌ఫ్లుయెన్సర్స్‌ పాలసీ(ఎస్‌ఎంఐఎస్‌)కి ఆమోదముద్ర వేసింది. ఫేస్‌బుక్, ఇన్‌స్ట్రాగామ్, యూట్యూబ్, ఎక్స్‌ (ట్విట్టర్‌) వంటి సామాజిక మాధ్యమాల్లో బాగా ప్రాచుర్యంలో ఉన్న ఇన్‌ఫ్లుయెన్సర్స్‌ను గుర్తించి వారి చేత ప్రచారం చేయించడానికి కోట్ల రూపాయల ప్రజాధనం దుర్వినియోగం చేయనున్నారు. డిజిటల్‌ ప్రచారం, ప్రజా సమాచారాన్ని బలోపేతం చేయడానికి సోషల్‌ మీడియా కంటెంట్‌ క్రియేటర్లతో సమావేశాలు నిర్వహించి ఆంధ్రప్రదేశ్‌ సోషల్‌ మీడియా ఇన్‌ఫ్లుయెన్సర్ల పాలసీ ముసాయిదాను రూపొందించనున్నట్లు మంత్రి కొలుసు పార్థసారధి ప్రకటించారు. ఈ పాలసీ కింద లక్ష మందికిపైగా ఫాలోయర్స్‌ ఉన్నవారు వారే స్వయంగా ఒక వీడియో తయారు చేస్తే రూ15,000 చెల్లిస్తారు. అదే ఫాలోవర్స్‌ సంఖ్య 50,000 నుంచి లక్షలోపు ఉంటే రూ.7,500, ఫాలోవర్స్‌ 25,000 నుంచి 50వేలు లోపు ఉంటే రూ.5,000, 10వేల నుంచి 25వేల లోపు ఫాలోవర్స్‌ ఉంటే రూ.2,500 ఇవ్వడానికి సూత్రప్రాయంగా అంగీకరించారు. అదే ప్రభుత్వమే కంటెంట్‌ ఇస్తే రూ.500 నుంచి రూ.1,500 వరకు చెల్లిస్తారు. ఈ విధంగా ఒకొక్క ఇన్‌ఫ్లుయెన్సర్‌కు గరిష్టంగా నెలకు రూ.1.50 లక్షలు చెల్లించనున్నారు. ఇందుకోసం విశ్వసనీయ ఇన్‌ఫ్లుయెన్సర్లను గుర్తించి, ధ్రువీకరించి వీరందరినీ ఎంప్యానల్‌ చేసి తొలుత ఏడాదిపాటు వినియోగించుకుంటామని, ఆపైన అవసరమైతే మరో రెండేళ్లు వినియోగించుకుంటామని తెలిపారు. టీడీపీ కార్యకర్తలకు ఉపాధి కోసమే.. లోకేశ్‌ యువగళం పాదయాత్రలో పనిచేసిన టీడీపీ కార్యకర్తలకు ఉపాధి కల్పించడానికి ఏపీ డిజిటల్‌ కార్పొరేషన్‌ను అడ్డంగా వాడుకుంటున్నారు. కార్యకర్తలను భారీ వేతనాలతో ఏపీ డిజిటల్‌ కార్పొరేషన్‌లో నియమించుకున్నారు. సోషల్‌ మీడియా ప్రత్యేక అధికారి, కంటెంట్‌ డెవలపర్స్, అనలిస్టులు, డిజిటల్‌ ప్రచారకులు పేరిట 85 మందికిపైగా ఔట్‌సోర్సింగ్‌ విధానంలో నియమించుకొని వీరికి నెలకు రూ.25 వేల నుంచి రూ.1.75 లక్షల వరకు వేతనాలు చెల్లిస్తున్నారు. వీరికి అదనంగా ప్రతీ మంత్రి పేషిలో జరిగే కార్యకలాపాలు తక్షణం తెలుసుకోవడానికి 48 మంది సోషల్‌ మీడియా ఎగ్జిక్యూటివ్స్‌ను నియమించారు. వీరంతా ఆ మంత్రిత్వ శాఖలో జరిగే కార్యక్రమాలు కాకుండా ప్రతిపక్షాలను విమర్శిస్తూ పోస్టింగ్‌లు, కథనాలను తయారు చేస్తుంటారు. గత రెండేళ్ల కాలంలో కేవలం సోషల్‌ మీడియా కార్యకర్తల కోసమే సుమారు రూ.160 కోట్ల వరకు ప్రజాధనం వ్యయం చేయడం గమనార్హం. ఇప్పుడు దీనికి అదనంగా ఇన్‌ఫ్లుయెన్సర్స్‌ను నియమించుకొని మరిన్ని వందల కోట్లు దోచిపెట్టడానికి రంగం సిద్ధం చేస్తోంది. అబద్ధపు ప్రచారానికి ప్రజల సొమ్మా?చంద్రబాబు ఎన్నికల వాగ్దానాన్ని నమ్మి పింఛన్‌ కోసం ఎదురు చూస్తున్న 50 ఏళ్లు దాటినవారు చాలా మంది ఉన్నారు. అటువంటి వారందరికీ మొండిచేయి చూపించి సోషల్‌ మీడియా వారికి నెలనెలా లక్షలకు లక్షలు ఇవ్వాలని ప్రభుత్వం తీసుకున్న నిర్ణయం చాలా దుర్మార్గం. మున్సిపల్‌ ఎన్నికలు సమీపిస్తున్న సమయంలో తెలుగుదేశం ప్రభుత్వం గొప్పగా పనిచేస్తోందంటూ సోషల్‌ మీడియాలో అబద్ధపు ప్రచారం చేసేవారికి ప్రజల సొమ్మును ధారాదత్తం చేస్తున్నారంటే ఇంతకంటే అన్యాయం ఎక్కడా ఉండదు. – గుణ్ణం రామకృష్ణ, కొత్తూరు, రామచంద్రపురం, డాక్టర్‌ బీఆర్‌ అంబేడ్కర్‌ కోనసీమ జిల్లాహామీలకు దిక్కులేదు కానీ..హామీలు అమలు చేసేందుకు ఖజానాలో సొమ్ములేదని చంద్రబాబు చెబుతున్నారు. టీడీపీ అనుకూల సోషల్‌ మీడియా యాక్టివిస్టులకు లబ్ధి చేకూర్చేందుకు జీఓ జారీచేశారు. ప్రజాధనంతో ప్రచారానికి తెరతీశారు. ఇదెక్కడి అన్యాయం. నిరుద్యోగ భృతి లేదు. ఆడబిడ్డ నిధి లేదు. పింఛన్లు లేవు. పార్టీ అనుకూల వర్గాలకు లబ్ధిచేకూర్చడాన్ని ప్రజలు గమనిస్తున్నారు. – రాజేంద్రనాయుడు, పొట్లి గ్రామం, విజయనగరంజిల్లామీ కార్యకర్తలకు దోచిపెట్టేందుకేనా..చంద్రబాబు ప్రజలకు కూడా వెన్నుపోటు పొడిచారు. హామీలను అటకెక్కించారు. రాజకీయ లబ్ధి కోసమే సోషల్‌ మీడి­యా ఇన్‌ఫ్లుయెన్సర్ల పేరుతో ఐటీడీపీ కార్యకర్తలకు భారీగా నిధు­లు దోచిపెట్టేందుకు సిద్ధమయ్యారు. నిరు­ద్యోగ భృతి ఇవ్వడం లేదు. ఆడబిడ్డ నిధిలేదు. 50 ఏళ్లకే పింఛన్‌ లేదు. కానీ సోషల్‌ మీడియా పేరుతో ఏ విధంగా డబ్బులు ఇస్తారు? – గాతల సందీప్, జువ్వలపాలెం, పశ్చిమగోదావరి జిల్లాసొంత డబ్బాకు... ప్రజాధనమా....!బాబు సర్కార్‌ సొంత ప్రచారం కోసం ప్రజాధనాన్ని వెచ్చించేందుకు మరో ఎత్తు వేసింది. స్థానిక ఎన్నికల నేపథ్యంలో సోషల్‌ మీడియా ఇన్‌ప్లూయన్సర్స్‌ పాలసీ అంటూ సరికొత్త డ్రామాకు తెరలేపారు. ఇది కేవలం టీడీపీ కార్యకర్తలకు ప్రజాధనాన్ని ధారాదత్తం చేసేందుకు పన్నిన కుట్ర. రాష్ట్రంలో నిరుద్యోగులు రోడ్డున పడి అల్లాడుతున్నారు. కూటమి ప్రభుత్వం ఏర్పడి రెండన్నరేళ్లు గడిచినా నిరుద్యోగ భృతి ఊసే లేదు. ఆడబిడ్డ నిధి అంటూ ప్రగల్భాలు పలికి మహిళలను నిలువునా ముంచేశారు. ఎస్సీ, ఎస్టీ, బీసీ, మైనారిటీ వర్గాలకు 50ఏళ్లకే పింఛన్‌ మాటే ఎత్తడంలేదు. ఇంతదారుణంగా ఇచ్చిన హామీలకు తిలోదకాలు వదిలి, టీడీపీ కార్యకర్తలను ఉత్సాహపరిచేందుకు ఇన్‌ఫ్లూయన్సర్‌ పాలసీని తెస్తున్నారు. సోషల్‌ మీడియా ద్వారా ప్రజలను నమ్మించే ప్రయత్నం తప్ప ప్రజలకు ఒరిగేది ఉండదు. – సుందరరాజు, నేషనల్‌ లా స్టూడెంట్స్‌ అసోసియేషన్‌ జాతీయ అధ్యక్షులు, తిరుపతి

సాక్షి, అమరావతి: మెగా డీఎస్సీ పేరిట ప్రతిభా­వంతులను దగా చేసినట్టే డాక్టర్‌ కావాలన్న ప్రతిభావంతులైన విద్యార్థుల ఆశలను చంద్రబాబు ప్రభుత్వం నీరుగారుస్తోంది. డీఎస్సీ నోటిఫికేషన్‌కు ముందు కుట్రపూరిత జీవోలు తెచ్చి స్పోర్ట్స్‌ కోటా కింద టీచర్‌ పోస్టులను అడ్డదారుల్లో అమ్మేసుకున్నారు. అదే తరహాలో 2026–27 విద్యా సంవత్సరం ఎంబీబీఎస్‌ ప్రవేశాలకు ముందు జీవో–102 తీసుకొచ్చి రాష్ట్రంలోని ఎస్సీ, ఎస్టీ, బీసీ, మైనార్టీ విద్యార్థులకు చంద్రబాబు సర్కారు తీవ్ర అన్యాయం తలపెట్టింది. నీట్‌ యూజీ మెరిట్‌ ఆధారంగా ఓపెన్‌ కేటగిరీలో ఎస్సీ, ఎస్టీ, బీసీ, మైనార్టీ విద్యార్థులకు దక్కాల్సిన ప్రభుత్వ సీట్లను వారికి దక్కకుండా ప్రభుత్వమే కుట్ర చేసిందనే ఆరోపణలు వెల్లువెత్తుతున్నాయి. 2026–27 విద్యా సంవత్సరానికి సంబంధించి రెండు విడతలుగా ప్రభుత్వ కోటా ఎంబీబీఎస్‌ సీట్లను ఆరోగ్య విశ్వవిద్యాలయం భర్తీ చేసింది. దీంతో మెరిట్‌ ఆధారంగా ఎస్సీ, ఎస్టీ, బీసీ, మైనార్టీ విద్యార్థులకు దక్కాల్సిన 70కు పైగా సీట్లు గల్లంతయ్యాయి. వైఎస్‌ జగన్‌ హయాంలో విద్యార్థులకు మేలు జరిగేలా..రాష్ట్రంలో ఎంబీబీఎస్, బీడీఎస్‌ ప్రవేశాల కౌన్సెలింగ్‌లో పారదర్శక విధానాలను మాజీ సీఎం వైఎస్‌ జగన్‌మోహన్‌రెడ్డి ప్రభుత్వం ప్రవేశపెట్టింది. ఇందులో భాగంగా కార్యదర్శి స్థాయిలోని ఇద్దరు ఐఏఎస్‌లు, ఇద్దరు నిపుణులైన విద్యావేత్తలు, ఇద్దరు న్యాయవాదులతో కమిటీ వేసి అధ్యయనం చేయించింది. ఆ కమిటీ సిఫార్సుల మేరకు 2020 డిసెంబర్‌లో జీవో–151 తెచ్చింది. అప్పటి నుంచి ఎంబీబీఎస్, బీడీఎస్‌ కౌన్సెలింగ్‌ సమయంలో రాష్ట్రంలో అందుబాటులో ఉన్న అన్ని వైద్య, దంత కాలేజీలకు ఒకేసారి ప్రా«ధాన్యత క్రమంలో విద్యార్థులు ఆప్షన్లుగా ఎంచుకునేవారు. ఈ క్రమంలో కౌన్సెలింగ్‌ సమయంలో విద్యార్థుల నీట్‌ ర్యాంక్‌ల ఆధారంగా తొలుత ఓపెన్‌ కేటగిరీ సీట్లను కేటాయించే వారు. విద్యార్థులు అందుబాటులో ఉన్న అన్ని కాలేజీలను ఆప్షన్లులుగా ఎంచుకోవడంతో వారిచి్చన ప్రాధాన్యత ఆధారంగా తొలుత ఓపెన్‌ సీట్లన్నీ భర్తీ చేసేవారు. ఓపెన్‌లో సీట్లు దక్కించుకున్న ఎస్సీ, ఎస్టీ, బీసీ, మైనార్టీ విద్యార్థులను మెరిటోరియస్‌ రిజర్వ్‌డ్‌ కేటగిరీ (ఎంఆర్‌సీ) కింద పరిగణించి, వారికి తదుపరి స్లైడింగ్‌ అవకాశం ఇచ్చేవారు. ఓపెన్‌లో సీటు దక్కించుకున్న కాలేజీ కంటే వారి రిజర్వేషన్‌ కేటగిరీలో ఇంకా మంచి కాలేజీలో సీట్‌ వస్తే ఇచ్చేవారు. మిగిలిన సీట్లను సైతం ఉమ్మడి రాష్ట్రంలో ఉన్నత విద్యా ప్రవేశాల్లో రిజర్వేషన్ల అమలు కోసం ప్రవేశపెట్టిన జీవో–550కు భంగం వాటిల్ల కుండా భర్తీ చేసేవారు. చంద్రబాబు సర్కారు రాగానే..ఇలా 2020 నుంచి 2025 వరకూ సాఫీగా సాగిన కౌన్సెలింగ్‌ ప్రక్రియకు చంద్రబాబు ప్రభుత్వం తెచ్చిన జీవో–102 గొడ్డలి పెట్టుగా మారింది. 2026–27 కౌన్సెలింగ్‌ ప్రారంభించడానికి ముందు ఈ ఏడాది జూలై 30న ప్రభుత్వం జీవో–102 జారీ చేసింది. అన్ని రౌండ్ల కౌన్సెలింగ్‌కు ఒకేసారి కాకుండా ప్రతి రౌండ్‌కు విద్యార్థులు ఆప్షన్లు నమోదుచేయాలని ప్రభుత్వం ఆదేశించింది. అదేవిధంగా విద్యార్థులు అందుబాటులో ఉన్న కళాశాలలను తప్పనిసరిగా ఆప్షన్లుగా ఎంచుకోవాలన్న నిబంధనను పూర్తిగా ఎత్తేశారు. ప్రభుత్వమే అన్ని కాలేజీలను ఆప్షన్లుగా ఎంచుకునే అవసరం లేదని తేల్చేయడంతో విద్యార్థులు తమకు నచ్చిన కొన్ని కాలేజీలనే ఆప్షన్లుగా నమోదు చేసుకున్నారు. దీంతో అసాధారణ ప్రతిభ కనబరిచిన ఎస్సీ, ఎస్టీ, బీసీ, మైనార్టీ విద్యార్థులు ఓపెన్‌ కేటగిరీకి కాకుండా వారి రిజర్వేషన్లకు పరిమితం అయ్యే దుస్థితిని ప్రభుత్వమే సృష్టించినట్లయింది.మెరుగైన ర్యాంకర్‌కు రిజర్వేషన్‌.. తక్కువ ర్యాంకర్‌కు ఓపెన్‌చంద్రబాబు ప్రభుత్వం తెచ్చిన జీవో–102 ఫలితంగా నీట్‌ యూజీలో అసాధారణ ప్రతిభ కనబరిచిన విద్యార్థులు రిజర్వేషన్‌ కేటగిరీలకు, వారి కంటే తక్కువ ర్యాంక్‌ సాధించిన వారు ఓపెన్‌ కేటగిరీల్లో సీట్లు పొందాల్సి వచ్చింది. మొదటివిడత సీట్ల కేటాయింపుల్లో ఆంధ్రా యూనివర్సిటీ రీజియన్‌లో ఓపెన్‌ కేటగిరీలో కటాఫ్‌ ర్యాంక్‌ 71,547, ఎస్వీయూ రీజియన్‌లో 94,966 నమోదైంది. అయితే, ఈ రెండు రీజియన్లలోనూ ఓపెన్‌ కటాఫ్‌ కంటే ఎంతో మెరుగైన ర్యాంక్‌ తెచ్చుకున్న విద్యార్థులకు హెల్త్‌ యూనివర్సిటీ రిజర్వేషన్‌ విభాగాల్లో సీట్లే కేటాయించింది. ఇలా రెండు రీజియన్లలో 70 మందికిపైగా విద్యార్థులను రిజర్వేషన్‌ కోటాలోకి తోసేశారు. గుంటూరు మెడికల్‌ కాలేజీలో 31,325 ర్యాంక్‌ సాధించిన విద్యార్థికి బీసీ–బీ కేటగిరి కింద సీటు ఇచ్చారు. ఇదే కాలేజీలో బీసీ–బీ కేటగిరీకి చెందిన 55,233 ర్యాంక్‌ సాధించిన విద్యార్థికి ఎంఆర్‌సీ కింద సీటు కేటాయించారు. ఇలా 31,325 ర్యాంక్‌ సాధించిన విద్యార్థి కంటే ఎక్కువ ర్యాంక్‌ సాధించిన 14 మంది బీసీ–బీ విద్యార్థులు ఎంఆర్‌సీలో గుంటూరు మెడికల్‌ కాలేజీలోనే సీట్లు దక్కించుకున్నారు. ఇక రెండు రీజియన్లలోనూ ఓపెన్‌ కటాఫ్‌ కంటే మెరుగ్గా 23,550, 30,307, 30,611, 31,325, 37,039 వంటి ర్యాంక్‌లు సాధించిన విద్యార్థులను రిజర్వేషన్‌ విభాగాల్లో సర్దుబాటు చేశారు. సుప్రీంకోర్టు తీర్పులు, జీవో–­550 ప్రకారం అసాధారణ ప్రతిభ కనబరిచిన 70 మంది విద్యార్థులు ఓపెన్‌ కేటగిరీలో సీట్లు దక్కించుకుని ఉంటే.. ఎస్సీ, ఎస్టీ, బీసీ, మైనార్టీ విభాగాలకు చెందిన మరో 70 మందికి ఎంబీబీఎస్‌ సీట్లు దక్కేవి. అలా దక్కకుండా ప్రభుత్వమే వెనుకబడిన వర్గాల విద్యార్థులకు జీవో–102తో వెన్నుపోటు పొడిచింది.షరతు ఎత్తేసి.. అన్ని కాలేజీలు ఎంచుకోవాలని సూచనజీవో–151 ప్రకారం విద్యార్థులు అన్ని కాలేజీలను తప్పనిసరి­గా ఆప్షన్లుగా ఎంచుకోవాలనే షరతు ఉండేది. ఈ షరతుతో వి­ద్యార్థులకు అన్యాయం కలిగిన సందర్భాలు రాష్ట్రంలో ఇప్పటివరకూ చోటు చేసుకోలేదు. ఇదిలా ఉండగా అకారణంగా జీవో­–151 రద్దు చేసి జీవో–102 తీసుకురావడం ద్వారా విద్యార్థులు అన్ని కాలేజీలను ఎంపిక చేసుకునే పద్ధతిని ఎత్తేసి మొదటి రౌండ్‌ కౌన్సెలింగ్‌లో బీసీ, ఎస్సీ, ఎస్టీ, మైనార్టీ విద్యార్థులు తీ­వ్రంగా నష్టపోయాక వర్సిటీ వీసీ, రిజిస్ట్రార్‌ విద్యార్థులకు ఉచి­త సలహాలు ఇచ్చారు. అందుబాటులో ఉన్న కాలేజీలను వి­ద్యా­ర్థులు ఎంపిక చేసుకోవాలని సూచించారు. గుంటూరు కాలే­జీలో బీసీ–బీ కోటాలో సీటు దక్కించుకున్న విద్యార్థి రెండో రౌండ్‌లో సీటు అప్‌గ్రేడ్‌ చేసుకోవడానికి ప్రయత్నించారు. ఈ సందర్భంగా రెండు ఆప్షన్లు నమోదు చేసిన వెంటనే మిగిలిన కాలేజీలు ఎంపిక చేసుకోవడానికి వీల్లేకుండా పోయింది. దీంతో బాబు సర్కార్‌ చేసి­న మా­­ర్పు­లపైనా విద్యార్థులు, తల్లిదండ్రులు అనుమానాలు వ్య­క్త­ం చేస్తున్నారు.

సాక్షి, అమరావతి: సీఎం చంద్రబాబు ఏడాది పాలన సంబరాలకు రాష్ట్ర ప్రభుత్వం రూ.7,29,03,156లను ఖర్చు చేసింది. ఏడాది పాలన పూర్తయిన నేపథ్యంలో గత ఏడాది జూన్‌ 23న ఏపీ సచివాలయం వెనుక ఉన్న ప్రాంగణంలో సభ నిర్వహించారు. ఈ సభ ఖర్చులకు సంబంధించి ప్రణాళికా శాఖ జారీ చేసిన ఉత్తర్వులపై ఆర్థికశాఖ పలు వ్యాఖ్యలు చేసింది. ఈ నేపథ్యంలో ఆ సభ నిర్వహణకు సంబంధించిన ఖర్చులపై ప్రణాళికా శాఖ ముఖ్య కార్యదర్శి పీయూష్ కుమార్‌ గురువారం సవివరమైన ఉత్తర్వులు జారీ చేశారు. మూడు జిల్లాల కలెక్టర్లతోపాటు ఏపీఎస్‌ఆర్‌టీసీ వీసీ అండ్‌ ఎండీకి ఈ మొత్తం నిధులను విడుదల చేయనున్నట్లు ఉత్తర్వుల్లో స్పష్టంచేశారు. గుంటూరు జిల్లా కలెక్టర్‌కు రూ.4,94,64,946, కృష్ణా జిల్లా కలెక్టర్‌కు రూ.2,17,76,139, ఎన్టీఆర్‌ జిల్లా కలెక్టర్‌కు రూ.1,15,748, ఏపీఎస్‌ఆర్‌టీసీ వీసీ అండ్‌ ఎండీకి రూ.15,46,323లు చొప్పున విడుదల చేయనున్నట్లు వివరించారు.

సాక్షి, అమరావతి: ఓటర్ల జాబితా ప్రత్యేక సమగ్ర సవరణ (సర్‌) ప్రక్రియ ముగిసి, తుది ఓటర్ల జాబితాను ప్రచురించిన తరువాతే స్థానిక సంస్థల ఎన్నికలు నిర్వహించేలా రాష్ట్ర ఎన్నికల సంఘాన్ని ఆదేశించాలని వైఎస్సార్‌సీపీ హైకోర్టును అభ్యర్థించింది. ఇందుకు సంబంధించి దాఖలైన పిటిషన్‌ను ప్రధాన న్యాయమూర్తి (సీజే) జస్టిస్‌ లీసా గిల్, న్యాయమూర్తి జస్టిస్‌ చల్లా గుణరంజన్‌లతో కూడిన ధర్మాసనం గురువారం విచారించింది. ఈ సందర్భంగా వైఎస్సార్‌సీపీ తరఫున సీనియర్‌ న్యాయవాది సుబ్రమణ్య శ్రీరాం తుది వాదనలు వినిపిస్తూ.. ‘మేం ఎన్నికలను వాయిదా వేయాలని కోరడంలేదు. సర్‌ ప్రక్రియ ముగిసి, తుది ఓటర్ల జాబితాను ప్రచురించిన తరువాతే స్థానిక సంస్థల ఎన్నికలు నిర్వహించాలని కోరుతున్నాం. 2026 జనవరి 1ని అర్హత తేదీగా తీసుకుని అసెంబ్లీ ఓటర్ల జాబితా ఆధారంగా ఎన్నికలు నిర్వహించేందుకు ఎస్‌ఈసీ చర్యలు చేపట్టడం సరికాదు. దీనివల్ల పెద్ద సంఖ్యలో పౌరులు ఓటు హక్కు కోల్పోతారు. నామినేషన్ల ముగింపు తేదీ నాటికి జరిగే అన్ని సవరణలను పరిగణనలోకి తీసుకుని అనుబంధ ఓటర్ల జాబితా విడుదలచేస్తే మాకు ఎలాంటి అభ్యంతరం లేదు. సర్‌లో భాగంగా కేంద్ర ఎన్నికల సంఘం ప్రచురించిన ముసాయిదా ఓటర్ల జాబితాలో రాష్ట్రంలో సుమారు 15.22 లక్షల మంది మరణించిన వారు, 7.37 లక్షల నకిలీ ఓట్లు, పెద్ద సంఖ్యలో శాశ్వ­తంగా వేరే ప్రాంతాలకు వెళ్లిన వారి పేర్లు నమోదై ఉన్నాయి. సర్‌ప్రక్రియ పూర్తికాకముందే 01.01.2026 అర్హత తేదీతో పాత, తప్పుల తడకగా ఉన్న అసెంబ్లీ ఓటర్ల జాబితా ఆధారంగా రాష్ట్ర ఎన్నికల సంఘం స్థానిక ఎన్నికలకు వెళ్లడం వల్ల ఒకే ప్రాంతంలో అసెంబ్లీకి ఒక జాబితా, స్థానిక సంస్థలకు మరొక జాబితా ఉంటుంది. మరణించిన, నకిలీ ఓటర్లు స్థానిక జాబి­తాలో కొనసాగడం వల్ల రిజర్వేషన్లు, రోటేషన్‌ విధా­నం దెబ్బతింటుంది. పంచా­యతీ రాజ్‌ చట్టం, మున్సిపాలిటీల చట్టం ప్రకారం స్థానిక సంస్థలకు ప్రత్యేకమైన ఓటర్ల జాబితా ఉండదు. అది పూర్తిగా అసెంబ్లీ ఓటర్ల జాబితా ఆధారంగానే తయారవుతుంది. చట్ట సవరణల ద్వారా జూలై 1ని కూడా అర్హత తేదీగా ఆమోదించినప్పటికీ, రాష్ట్ర ఎన్నికల సంఘం మాత్రం 01.01.2026 తేదీనే ఎంచుకోవడం ఏకపక్షం. ఎన్నికల సంఘం తీరు వల్ల స్వేచ్ఛాయుతంగా, నిష్పాక్షికంగా ఎన్నికలు జరిగే అవకాశం ఉండదు. పారదర్శకతకు స్థాన­ం లేకుండా పోతుంది’ అని వివరించారు. కాగా, రాష్ట్ర ఎన్ని­కల సంఘం తరఫున న్యాయవాది నర్సీ­ప­ట్నం అశ్వనీకుమార్‌ వాదనలు వినిపిస్తూ, సవరించిన తుది జాబితా కోసం వేచిచూస్తే ఎన్ని­కల సన్నాహకాలన్నీ వృధా అవుతాయన్నారు. సర్‌ ప్రక్రి­య ము­గిసే వరకు స్థానిక ఎన్నికలను ఆపాల్సిన అవసరం లేదని రాష్ట్ర ప్రభుత్వం తరఫున అడ్వొకేట్‌ జనరల్‌ (ఏజీ) దమ్మాలపాటి శ్రీనివాస్‌ పేర్కొన్నారు.తీర్పు రిజర్వ్‌» సర్‌ ప్రక్రియ ముగిసి, తుది ఓటర్ల జాబితాను ప్రచురించిన తరువాతే స్థానిక సంస్థల ఎన్నికలు నిర్వహించేలా రాష్ట్ర ఎన్నికల సంఘాన్ని ఆదేశించాలని కోరుతూ వైఎస్సార్‌సీపీ దాఖలు చేసిన పిటిషన్‌పై ఇరుపక్షాల వాదనలు విన్న ధర్మాసనం తీర్పును రిజర్వ్‌ చేసింది. » బీసీ జనగణన చేపట్టి, అందుకు అనుగుణంగా రిజర్వేషన్‌ ఖరారు చేసి, ఆ తరువాతే స్థానిక సంస్థలు, గ్రామపంచాయితీలకు ఎన్నికలు నిర్వహించేలా రాష్ట్ర ప్రభుత్వాన్ని ఆదేశించాలని కోరుతూ బీసీ సంఘం రాష్ట్ర అధ్యక్షుడు కేశన శంకరరావు దాఖలు చేసిన పిల్‌లో కూడా గురువారం వాదనలు ముగిశాయి. ఈ వ్యాజ్యంలో కూడా సీజే ధర్మాసనం తీర్పును రిజర్వ్‌ చేసింది. పిటిషనర్‌ తరఫున సీనియర్‌ న్యాయవాది సత్యప్రసాద్‌ వాదనలు వినిపిస్తూ, బీసీ జన గణన చేసిన తరువాతే స్థానిక ఎన్నికలు పెట్టాలని రాష్ట్ర ప్రభుత్వాన్ని పలు సందర్భాల్లో ఇదే హైకోర్టు ఆదేశించిందన్నారు. » గ్రామ పంచాయతీ ఎన్నికల్లో బీసీలను ఏబీసీడీఈలుగా ఉపవర్గీకరించి రిజర్వేషన్లు కల్పించాలని కోరుతూ విజయనగరం జిల్లాకు చెందిన దుర్గాప్రసాద్‌ దాఖలు చేసిన ప్రజా ప్రయోజన వ్యా­జ్యంలో కూడా వాదనలు ముగిశాయి. ఇందులో కూడా ధర్మాసనం తీర్పును రిజర్వ్‌ చేసింది.

సాక్షి, అమరావతి: హంద్రీ–నీవా సుజల స్రవంతి పథకం రెండో ప్రధాన కాలువ లైనింగ్‌ పనుల్లో రెండో ప్యాకేజీ అంచనా వ్యయాన్ని రూ.158.19 కోట్ల నుంచి రూ.337.90 కోట్లకు పెంచేందుకు రాష్ట్ర మంత్రివర్గం ఆమోద ముద్ర వేయడం ద్వారా ఈనాడు కిరణ్‌ వియ్య­ంకుడు రాయల రఘుకు చెందిన ఆర్వీఆర్‌ ప్రాజెక్ట్స్‌ సంస్థకు భారీ నజరానా ఇచి్చంది. నాసిరకంగా పనులు చేయడం వల్ల ఒక సీజన్‌లో కాలువలో నీటి ప్రవాహానికే.. లైనింగ్‌ ఎక్కడికక్కడ దెబ్బతింది. కాంట్రాక్టు ఒప్పందం మేరకు ఆర్నెలల్లో పనులు పూర్తిచేయడంలో విఫలమైన ఆర్వీఆర్‌ ప్రాజెక్ట్స్‌ సంస్థపై చర్యలు తీసుకోవాల్సిన చంద్రబాబు సర్కార్‌.. పనుల పూర్తికి గడువు పొడగించడమే కాకుండా.. అంచనా వ్యయాన్ని రూ.179.71 కోట్లు పెంచేయడం ద్వారా భారీ ఎత్తున ప్రయోజనం చేకూర్చిందని ఇంజినీరింగ్‌ నిపుణులు ఎత్తిచూపుతున్నారు. డీపీటీ (దోచుకో.. పంచుకో.. తినుకో)కి ఇది మరో నిదర్శనమంటూ ఆరోపిస్తున్నారు. హంద్రీ–నీవా రెండో దశ ప్రధాన కాలువకు సిమెంట్‌ కాంక్రీట్‌ లైనింగ్‌ చేస్తే భూగర్బ జలాలు అడుగంటిపోతాయని.. బోరు, బావులు ఎండిపోతాయంటూ రైతులందరూ ముక్తకంఠంతో తీవ్రంగా వ్యతిరేకించినా సరే 216.3 కి.మీ నుంచి 400 కి.మీ వరకు లైనింగ్‌ చేసే పనులకు రూ.936.70 కోట్లతో 2024 డిసెంబర్‌ 3న జల వనరుల శాఖ పరిపాలన అను­మతి ఇచ్చింది. ఇందులో రెండో ప్యాకేజీ (ప్రధాన కాలువ 260 కి.మీ నుంచి 300 కి.మీ లైనింగ్‌తోపాటు 285.1 కి.మీ నుంచి 287.1 కి.మీ వరకు టన్నెల్‌ నిర్మాణ పనులకు రూ.158.19 కోట్లు కేటాయించింది. గతేడాది ఈ పనులకు రూ.117.63 కోట్ల అంచనాతో జల వనరుల శాఖ పిలిచిన టెండర్లలో రూ.123.24 కోట్లకు కోట్‌ చేసిన ఆర్వీఆర్‌ ప్రాజెక్ట్స్‌ సంస్థకు కట్టబెట్టింది. నాణ్యతకు పాతర.. అక్రమాల జాతర హంద్రీ–నీవా రెండో దశ ప్రధాన కాలువ లైనింగ్‌ పనులు ఆర్నెలల్లోగా పూర్తి కావాలన్నది కాంట్రాక్టు ఒప్పందంలోని ప్రధాన నిబంధన. కానీ.. గడువులోగా పనులు పూర్తి చేయడంలో ఆర్వీఆర్‌ ప్రాజెక్ట్స్‌ విఫలమైంది. నిబంధనల ప్రకారం ఆ సంస్థపై లిక్వి­డేటెడ్‌ డ్యామేజస్‌ నిబంధన కింద నోటీసు జారీ చేసి.. నష్టపరిహారాన్ని వసూలు చేయాలి. కానీ.. ఆ సంస్థపై ఎలాంటి చర్యలు తీసుకోలేదు. అత్యంత నాసిరకంగా పనులు చేయడంలో 2025 సీజన్‌లో కాలువలో నీటి ప్రవాహానికే లైనింగ్‌ ఎక్కడికక్కడ దెబ్బతింది. మిగిలిన పనులను 2026 జనవరి నుంచి జూలై వరకు చేశారు. ఈ పనుల అంచనా వ్యయాన్ని రూ.158.19 కోట్ల నుంచి రూ.337.90 కోట్లకు పెంచేస్తూ జల వనరుల శాఖ పంపిన ప్రతిపాదనపై బుధవారం కేబినెట్‌ ఆమోదముద్ర వేసేసింది. ఏడాదిలో సిమెంటు, స్టీల్, కంకర, డీజిల్, పెట్రోల్‌ వంటి ధరల్లో పెద్దగా వ్యత్యాసం లేదు. పైగా ఇసుక ఉచితం. ఈ నేపథ్యంలో అంచనా వ్యయం పెరగడానికి ఆస్కారమే లేదు. అలాంటప్పుడు ఒకేసారి రూ.179.71 కోట్ల మేర అంచనా వ్యయాన్ని పెంచేయడంలో ఆంతర్యమేమిటని ఇంజినీరింగ్‌ నిపుణులు ప్రశ్నిస్తున్నా­రు. డీపీటీలో భాగంగానే అంచనా వ్యయాన్ని పెంచేశారంటూ ఆరోపిస్తున్నారు.పోలవరం ఎడమ కాలువలోనూ ఇదే తీరుపోలవరం ఎడమ కాలువ ఐదో ప్యాకేజీ (93.7 నుంచి 111.487 కిలోమీటర్ల వరకు) పనులను రూ.181.60 కోట్లకు సాబీర్‌ డ్యామ్‌ వాటర్‌ వర్క్స్‌ 2005 మార్చి 23న దక్కించుకుంది. 2014లో చంద్రబాబు సీఎం అయ్యాక.. ఈ పనుల్లో 5.754 కిలోమీటర్ల కాలువ తవ్వకం, 11.001 కిలోమీటర్ల పొడవున లైనింగ్, 33 కాంక్రీట్‌ నిర్మాణ పనులను ఏపీడీఎస్‌ఎస్‌ (ఆంధ్రప్రదేశ్‌ డీటెయిల్డ్‌ స్టాండర్డ్‌ స్పెసిఫికేషన్స్‌)లో 60–సీ నిబంధన కింద సాబీర్‌ డ్యామ్‌ వాటర్‌ వర్క్స్‌ నుంచి తొలగించింది. ఆ పనులను రూ.142.88 కోట్లకు యనమల వియ్యంకుడు, ప్రస్తుత టీడీపీ ఎమ్మెల్యే (మైదుకూరు) పుట్టా సుధాకర్‌ యాదవ్‌కు చెందిన పీఎస్‌కే–హెచ్‌ఈఎస్‌ (జేవీ)కు 5ఏ ప్యాకేజీ కింద 2016 నవంబర్‌ 30న నామినేషన్‌ పద్ధతిలో కట్టబెట్టింది. సాబీర్‌ డ్యామ్‌ వాటర్‌ వర్క్స్, పుట్టా సుధాకర్‌ యాదవ్‌ సంస్థ చేసిన పనులు పోగా 5, 5ఏ ప్యాకేజీల్లో 2024 నాటికి రూ.81.63 కోట్ల విలువైన పనులు మిగిలాయి. ఆ పనుల వ్యయాన్ని 2023–24 ధరల ప్రకారం రూ.352.60 కోట్లకు పెంచేస్తూ 2024 సెప్టెంబర్ 3న ఉత్తర్వులు జారీ చేసింది. అంటే.. రూ.270.97 కోట్ల మేర అంచనా వ్యయాన్ని పెంచేసినట్లు స్పష్టమవుతోంది. ఈ పనులను ఆర్నెల్లోగా పూర్తి చేయాలని గడువు పెట్టి.. రూ.293.66 కోట్లను కాంట్రాక్టు విలువగా నిర్ణయించి 2024 అక్టోబర్‌ 9న టెండర్‌ నోటిఫికేషన్‌ జారీ చేసింది. ఈ టెండర్‌లో వాటిని 4.68 శాతం అధిక ధరకు.. అంటే రూ.307.41 కోట్లకు కోట్‌ చేసిన రాయల రఘుకు చెందిన ‘ఆర్వీఆర్‌ ప్రాజెక్ట్స్‌’కు చంద్రబాబు సర్కార్‌ కట్టబెట్టింది. అంతటితో ఆగకుండా, ఈ పనుల అంచనా వ్యయాన్ని ఒకే­సారి రూ.352.60 కోట్ల నుంచి రూ.796.65 కోట్లకు పెంచేస్తూ 2026 జూన్‌ 5న సర్కార్‌ ఉత్తర్వులు జారీ చేసింది. అంచనా వ్యయం రూ.444.05 కోట్ల మేర పెంచేసినా ఆ పనులను రాయల రఘు సంస్థే చేస్తోండటంపై ఇంజినీరింగ్‌ నిపుణులు విస్తుపోతున్నారు.

సాక్షి, అమరావతి: రాష్ట్రంలో త్వరలో జరిగే స్థానిక సంస్థల ఎన్నికల్లో పోలీసుల బలాన్ని ఉపయోగించుకుని అడ్డదారుల్లో గెలిచేందుకు సీఎం చంద్రబాబు ఎన్నో కుట్రలు చేస్తారని, వాటన్నింటినీ ఎదుర్కొనేందుకు అంతా సిద్ధంగా ఉండాలని పార్టీ శ్రేణులకు వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి పిలుపునిచ్చారు. తాడేపల్లిలోని వైఎస్సార్‌సీపీ కేంద్ర కార్యాలయంలో గురువారం పార్టీ రీజినల్‌ కో–ఆర్డినేటర్లతో ఆయన సమావేశమయ్యారు. ప్రజా సమస్యలపై పోరాటాలు, స్థానిక సంస్థల ఎన్నికల్లో పార్టీ అనుసరించాల్సిన వ్యూహం తదితర అంశాలపై దిశానిర్దేశం చేశారు. స్థానిక సంస్థల ఎన్నికల్లో పార్టీ నుంచి బలమైన అభ్యర్థులను రంగంలోకి దించాలని, వీలైనంత వేగంగా ఆ అభ్యర్థుల ఎంపిక పూర్తి చేయాలని నిర్దేశించారు. ఈ సమావేశంలో వైఎస్‌ జగన్‌ ఇంకా ఏం మాట్లాడారంటే.. అందరి అభిప్రాయంతో అభ్యర్థుల ఎంపిక రాష్ట్రంలో త్వరలో జరిగే స్థానిక సంస్థల ఎన్నికల్లో బలమైన అభ్యర్థులను రంగంలోకి దింపాలి. వీలైనంత వేగంగా ఆ అభ్యర్థుల ఎంపిక పూర్తి కావాలి. అభ్యర్థుల ఎంపికలో మనం తీసుకునే నిర్ణయాలు రేపు వచ్చే ఎన్నికల్లో ఉపయోగపడాలి. పార్టీలో అందరితో మాట్లాడి అభిప్రాయాలు తీసుకోండి. పలు దఫాలుగా వారితో చర్చించి అభ్యర్థుల జాబితా రూపొందించండి. పార్టీని ఒక్కతాటిపైకి తీసుకు వచ్చి ఎన్నికల్లో ముందుకు నడపాలి. ఎప్పటికప్పుడు స్థానిక నాయకత్వాన్ని పర్యవేక్షిస్తూ బలోపేతం చేయాలి. అవన్నీ ప్రజల్లో గట్టిగా ఎండగట్టాలి ‘రాష్ట్రంలో త్వరలో జరిగే స్థానిక సంస్థల ఎన్నికల్లో ఎలాగైనా గెలిచేందుకు పోలీసుల బలాన్ని ఉపయోగించుకోవడంతో పాటు అడ్డదారులతో సీఎం చంద్రబాబు ఎన్నో కుట్రలు చేస్తారు. వాటన్నింటినీ ఎదుర్కోవడానికి మీరంతా సిద్ధంగా ఉండాలి. అందుకోసం ఎక్కడికక్కడ ప్రత్యామ్నాయాలు ఉంచుకోవాలి. అలాగే ఈ రెండున్నరేళ్ల చంద్రబాబు పాలనలో వైఫల్యాలు, మోసాలు, వెన్నుపోట్లను ప్రజలకు గట్టిగా వివరించాలి.వెన్నుపోటు పార్టీ కూటమి ప్రభుత్వంలో జరుగుతున్న దారుణాలనూ ప్రస్తావించాలి. వీటన్నింటితో పాటు, చంద్రబాబు పాలన వల్ల ప్రజలకు జరిగిన నష్టాలను, కష్టాలను సమగ్రంగా చెప్పాలి’ అని వైఎస్‌ జగన్‌ నిర్దేశించారు. వైఎస్సార్‌సీపీ రీజినల్‌ కో–ఆర్డినేటర్లు బొత్స సత్యనారాయణ, పెద్దిరెడ్డి రామచంద్రారెడ్డి, ఆళ్ల అయోధ్య రామిరెడ్డి, వైవీ సుబ్బారెడ్డి, కురసాల కన్నబాబు, గుడివాడ అమర్నాథ్, బూడి ముత్యాలనాయుడు, పీవీ మిథున్‌రెడ్డి ఈ సమావేశంలో పాల్గొన్నారు.

పెంటపాడు/నాతవరం/బాపట్ల టౌన్‌: పశ్చిమగోదావరి, బాపట్ల, అనకాపల్లి జిల్లాల్లో గురువారం విద్యుదాఘాతంతో ఆరుగురు మృత్యువాతపడ్డారు. పశ్చిమగోదావరి జిల్లా పెంటపాడు మండ­లం జట్లపాలెంలోని కొత్తపేటలో 8వ తరగతి చదువుతున్న గండికోట సూర్యప్రకాష్(13), 6వ తరగతి చదువుతున్న సూతని సాయి అఖిల్‌(11) గురువారం వారి ఇళ్లకు సమీపంలోని కొండేటి ప్రసాద్‌ ఇంటి వద్ద ఆడుకుంటూ అక్కడున్న ఎర్త్‌ వైర్‌ను తాకడంతో విద్యుత్‌ షాక్‌కు గురయ్యారు. గమనించిన బంధువులు హుటాహుటిన తాడేపల్లిగూడెంలోని ఏరియా ఆస్పత్రికి తరలించగా అప్పటికే మృతి చెందినట్టు వైద్యులు ధ్రువీకరించారు. పిల్లల తల్లిదండ్రులు కన్నీరు మున్నీరుగా విలపించారు. బాపట్ల జిల్లా చెరువు ఉప్పరపాలెం గ్రామంలో ముద్రబోయిన రమాదేవి(50) గురువారం ఉద­యం సరుకులు తెచ్చుకునేందుకు ఇంటి నుంచి బయటకు వచ్చింది. రెండు రోజులుగా కురుస్తున్న వర్షాలకు అప్పటికే విద్యుత్‌ స్తంభం నుంచి తెగిపడిన వైరును గమనించని ఆమె నడుస్తూ వెళ్లి ఆ వైరును తొక్కడంతో షాక్‌కు గురై కుప్పకూలింది. తల్లి రోడ్డుపై పడి ఉండటాన్ని గమనించిన ఆమె చిన్న కుమారుడు ముద్రబోయిన వెంకటేశ్వర్లు (28) వచ్చి పైకి లేపేందుకు ప్రయత్నిస్తూ అతను కూడా విద్యుత్‌షాక్‌కు గురయ్యాడు. ఇద్దరూ ఘటనా స్థలంలోనే మృతి చెందారు. మృతురాలు రమాదేవికి భర్త సాంబయ్య, మరో కొడుకు ఉన్నారు. మృతుడు వెంకటేశ్వర్లుకు భార్య తేజ, నాలుగేళ్ల కుమారుడు, మూడేళ్ల కుమార్తె ఉన్నారు. విద్యుత్‌ శాఖ అధికారుల నిర్లక్ష్యం వల్లే ఈ దుర్ఘటన జరిగిందని గ్రామస్తులు ఆగ్రహం వ్యక్తం చేశారు. తెగిన వైర్‌ తగలడంతో..అనకాపల్లి జిల్లా నాతవరంలో గురువారం తెల్లవారుజామున చోటుచేసుకున్న విద్యుదాఘాతంతో తల్లి, కుమార్తె మృతి చెందగా.. మామ, అల్లుడు గాయపడ్డారు. గ్రామంలో గొంప చిన్నబ్బాయి (అప్పారావు) ఇంట్లో ఈ దుర్ఘటన జరిగింది. నాతవరం ఎస్‌ఐ వై.తారకేశ్వరరావు తెలిపిన మేరకు.. తెల్లవారుజామున 3:30 గంటల సమయంలో చిన్న­బ్బాయి కుమార్తె రొంగలి జానకి (28) ఇంట్లో బాత్‌రూమ్‌కు వెళ్లింది. భారీ వర్షం కారణంగా విద్యుత్‌ సర్వీసు వైరు తెగిపోయింది. చీకట్లో ఆమెకు ఆ వైరు తగలడంతో షాక్‌ కొట్టి కేకలు వేసింది. ఈ కేకలు విన్న జానకి తల్లి గొంప మంగ (58) పరుగెత్తుకెళ్లి పడిపోయి ఉన్న కుమార్తెను పట్టుకుని ఆమె కూడా విద్యుదాఘాతానికి గురై కేకలు వేస్తూ పడిపోయింది. జానకి భర్త రొంగలి నాగరాజు వెళ్లి వాళ్లను కాపాడేందుకు కర్రతో విద్యుత్‌ వైర్లు తొలగించే ప్రయత్నం చేస్తూ.. ఆయన కూడా విద్యుదాఘాతానికి గురయ్యాడు. మంగ భర్త చిన్నబ్బాయి కూడా కర్ర సాయంతో విద్యుత్‌ వైర్లు తొలగించాలని ప్రయత్నించి షాక్‌కు గురయ్యాడు. ఆ ఇంట్లోంచి పెద్దగా కేకలు వినిపిస్తుండటంతో పక్కింట్లోని అంకంరెడ్డి కుమారి విద్యుత్‌ కార్యాలయానికి, పోలీసులకు సమాచా­రం ఇచ్చారు. అధికారులు వెంటనే విద్యుత్‌ సరఫరా నిలిపేశారు. ఎస్‌ఐ వై.తారకేశ్వరరావు సిబ్బందితో అక్కడికి చేరుకుని బ్యాటరీ లైట్ల వెలుగులో పరిశీలించారు. అప్పటికే మంగ, జానకి మరణించారు. తీవ్ర గాయాలతో అపస్మారకస్థితిలో ఉన్న నాగరాజుకు సీపీఆర్‌ చేశారు. దీంతో కదలిక వచ్చి­న అతడిని 108లో నాతవరం పీహెచ్‌సీకి, అనంతరం మెరుగైన వైద్యం కోసం నర్సీపట్నం ఏరియా ఆస్పత్రికి పంపించారు. చిన్నబ్బాయిని కూడా ఆస్ప­త్రికి తరలించారు. కాగా, మంగకు ఇద్దరు పిల్లలు. కుమారుడు రాజేష్, కుమార్తె జానకి. విజయనగరం జిల్లా కొత్తవలస ఎస్‌ఐగా పనిచేస్తున్న రాజేష్‌.. తల్లి, చెల్లి మృతదేహాలను చూసి కన్నీరుమున్నీరుగా విలపించారు. చిన్నబ్బాయి, ఇతర కుటుంబసభ్యుల రోదన అందరికంట తడిపెట్టించింది. జానకి 15 రోజులు కిందట రెండోసారి మగబిడ్డకు జన్మనిచ్చింది. భార్యను, కుమారుడిని చూసేందుకు మాకవరపాలెం మండలం తమ్మయ్యపాలెం నుంచి నాగరాజు అత్తగారింటికి వచ్చాడు. ఈ నేపథ్యంలో ఈ దుర్ఘటన జరిగింది.

సాక్షి, అమరావతి: చంద్రబాబు ద్వంద్వ విధా­నాలు, స్వార్థ ప్రయో­జనాలకు ఇది మరో నిదర్శ­నం. వైఎస్సార్‌సీపీ ప్రభుత్వం కేంద్ర ప్రభుత్వ రంగ సంస్థ అయిన సోలార్‌ ఎనర్జీ కార్పొరేషన్‌ ఆఫ్‌ ఇండియా (సెకీ)తో కుదుర్చుకున్న విద్యుత్‌ ఒప్పందంపై నానా రగడ చేసిన చంద్రబాబు.. ఇప్పుడు అదే సెకీతో అప్పటికంటే ఎక్కువ ధరకు విద్యుత్‌ కొనడానికి సిద్ధమవు­తున్నారు. పైగా సెకీతో గత ప్రభుత్వం చేసుకున్న ఒప్పందం ప్రకారం యూనిట్‌ రూ.2.49 చొప్పున 7వేల మెగావాట్ల విద్యుత్‌ రాష్ట్రానికి సరఫరా అయ్యేందుకు సిద్ధంగా ఉంది.అయినప్పటికి ఆ విద్యుత్‌ను తీసు­కోకుండా మరల అదే సెకీ నుంచి అధిక ధరకు విద్యుత్‌ కొనుగోళుకు చేయాలను­కుంటున్నారు. ఈ మేరకు బుధవారం జరిగిన మంత్రివర్గ సమావేశంలో నిర్ణయం తీసుకు­న్నారు. ఇది చంద్రబాబు ప్రభుత్వ ద్వంద్వ విధానాలకు నిదర్శ­నమని, ఈ నిర్ణయం వల్ల ప్రజలపై అదనపు చార్జీల భారం పడుతుందని, డిస్కంలు ఆర్థికంగా దెబ్బతింటాయని నిపుణులు స్పష్టం చేస్తున్నారు.అప్పట్లో సెకీతో ఒప్పందం తప్పన్నారువ్యవసాయానికి పగటిపూట 9 గంటలు నిరంతరాయంగా విద్యుత్‌ అందించడం కోసం వైఎస్సార్‌సీపీ ప్రభుత్వం యూనిట్‌ రూ.2.49 చొప్పున అంతర్రాష్ట్ర ప్రసార సిస్టం (ఐఎస్‌టీఎస్‌) చార్జీలు మినహాయింపుతో పాతికేళ్ల పాటు 7 వేల మెగావాట్ల విద్యుత్‌ కొనుగోలుకు సెకీతో ఒప్పందం చేసుకుంది. దీనిపై చంద్రబాబు అండ్‌కో పెద్ద ఎత్తున రాద్ధాంతం చేసింది. ఇది ఖజానాపై ఆర్థిక భారమని తప్పుడు ప్రచారం చేశారు. అతి తక్కువ ధరతో సెకీతో ఒప్పందం కుదుర్చుకున్నప్పటికీ, భారీ అవినీతి జరిగిందంటూ వైఎస్సార్‌సీపీ ప్రభుత్వంపై బురద జల్లుతూనే ఉన్నారు. ఇంత దుష్ప్రచారానికి పాల్పడుతున్న అదే చంద్రబాబు ప్రభుత్వం అదే సెకీతో ఇప్పుడు ఎక్కువ ధరకు విద్యుత్‌ కొనుగోలుకు సిద్ధమైంది. నాటి ఒప్పందం కంటే 15 ఏళ్లు అదనపు దీర్ఘకాలానికి. దీని వెనుక చంద్రబాబు కూటమి ప్రభుత్వ పెద్దల స్వార్ధ ప్రయోజనాలున్నాయన్న విమర్శలు వస్తున్నాయి.పీఎస్పీతో నష్టాలు ఎక్కువేపంప్డ్‌ స్టోరేజ్‌లో ముందుగా విద్యుత్‌తో నీటిని పైకి పంపి.. అవసరమైనప్పుడు తిరిగి విద్యుత్‌ ఉత్పత్తి చేస్తారు. నీటిని పైకి పంపడానికి ముందుగా విద్యుత్‌ కావాలి. కాబట్టి 1 యూనిట్‌ను తిరిగి పొందడానికి 1 యూనిట్‌ కంటే ఎక్కువ విద్యుత్‌ అవసరం. ఈ ప్రక్రియలో విద్యుత్‌ నష్టం తప్పదు. టాటా పవర్‌తో సెకీ కుదుర్చుకున్న ఒప్పందంలో కూడా 24.61 శాతం వార్షిక నష్టంగా పేర్కొన్నారు. అందువల్ల నిల్వ సామర్థ్యాన్ని మొత్తం విద్యుత్‌ ఉత్పత్తిగా పరిగణించలేమని, దీనివల్ల దీర్ఘకాలంలో స్థిర చార్జీల భారం అధికమవుతుందని నిపుణులు చెబుతున్నారు.40 ఏళ్లకు ఒప్పందం అవసరమా?డిస్కంల విద్యుత్‌ అవసరాలు – వనరుల ప్రణాళిక ప్రకారం.. రాష్ట్రానికి 2026–27లో 92,538 మిలియన్‌ యూనిట్లు అవసరం కాగా అది 2028–29 నాటికి 1,05,910 మిలియన్‌ యూనిట్లకు చేరుతుందని అంచనా. అయితే పునరుత్పాదక విద్యుత్‌ కూడా భారీగా అందుబాటులోకి వస్తోంది. ఇప్పటికే పీఎం సూర్యఘర్‌ పథకంతో ఇళ్లపై సోలార్‌ రూఫ్‌ టాప్, వ్యవసాయ పంపుసెట్ల సోలరైజేషన్‌ వంటి కార్యక్రమాల ద్వారా సౌర విద్యుత్‌ ఉత్పత్తి పెంచడానికి కేంద్ర ప్రభుత్వం చర్యలు చేపట్టింది. ఈ నేపథ్యంలో 40 ఏళ్ల పాటు పీఎస్పీ విద్యుత్‌ను అధిక ధరకు కొనుగోలు చేయాల్సిన అవసరం ఏమిటనే ప్రశ్న ఉత్పన్నమవుతోంది.రూ.58,300 కోట్ల భారండిస్కంల తరపున ఆంధ్రప్రదేశ్‌ పవర్‌ డెవలప్‌మెంట్‌ కార్పొరేషన్‌ లిమిటెడ్‌ (ఏపీపీడీసీఎల్‌)1,344 మెగా­వాట్లు/10,752 మెగావాట్‌ అవర్‌ పంప్డ్‌ స్టోరేజ్‌ సామర్థ్యాన్ని సెకీ నుంచి 40 ఏళ్లకు సమకూర్చు­కో­వాలనే ప్రతిపాదనకు రాష్ట్ర మంత్రి మండలి తాజాగా ఆమోదం తెలిపింది. ఈ విద్యుత్‌కు ప్రస్తుతానికి తుది టారిఫ్‌ ప్రకటించలేదు. అయితే ఈ ఏడాది టాటా పవర్‌తో ఇదే తరహా పీఎస్పీ స్టోరేజ్‌ ఒప్పందాన్ని సెకీ కుదుర్చుకుంది.ఈ ఒప్పందంలో ఏడాదికి స్థిర ఛార్జీలు సుమారు రూ.1.084 కోట్లుగా నిర్ణయించారు. అదే రేటు ప్రాతిపదికగా తీసుకుని ఏపీ తీసుకునే 1,344 మొగావాట్లను లెక్కిస్తే.. ఏడాదికి సుమారు రూ.1,458 కోట్లు అవుతుంది. ఈ లెక్కన 40 ఏళ్లకు సుమారు రూ.58,300 కోట్లు. ఒక వేళ ఇంతకన్నా ఎక్కువకు తీసుకుంటే ఖర్చు మరింతగా పెరుగుతుంది. ఇదంతా డిస్కంలు చెల్లించాల్సిందే. అంటే మళ్లీ సర్దుబాటు చార్జీలు, ఇతర రూపాల్లో రాష్ట్ర ప్రజల నుంచే వసూలు చేస్తారు.ఒక్క యూనిట్‌కు రూ.3.7210,752 మెగావాట్‌ అవర్‌ అంటే 1,344 మెగావాట్ల సామర్థ్యంతో సుమారు 8 గంటల పాటు విద్యుత్‌ అందించే సామర్థ్యం. ఇలా రోజూ కచ్చితంగా జరిగితే ఏడాదికి సుమారు 392.4 కోట్ల యూనిట్లు అందించే సామర్థ్యం ఉంటుంది. ఏటా రూ.1,458 కోట్ల ఫిక్స్‌డ్‌ చార్జీలను ఈ గరిష్ట సామర్ధ్యంతో లెక్కిస్తే ఒక్క యూనిట్‌కు సుమారు రూ.3.72 పడుతుంది.అంటే గత ప్రభుత్వం సెకీకి చెల్లిస్తామన్న యూనిట్‌ ధర రూ.2.49 కంటే ఇప్పుడు రూ.1.23 అదనంగా చెల్లించేందుకు చంద్రబాబు సర్కారు సిద్ధమైనట్టు. ఇందులో చార్జింగ్‌ విద్యుత్‌ ఖర్చు, పంపింగ్‌ నష్టాలు, ట్రాన్స్‌మిషన్, ఇతర ఛార్జీలు కలపలేదు. అవికూడా కలిస్తే వ్యయం మరింత పెరిగే అవకాశం ఉంది. నిజానికి సెకీ విద్యుత్‌ ఇప్పటికిప్పుడు తీసుకుని రాష్ట్ర అవసరాలకు వాడుకోవడానికి 7వేల మెగావాట్లు సిద్ధంగా ఉంది. దానిని కాదని అదే సంస్థతో ఇంత ఎక్కువ ధర చెల్లించి విద్యుత్‌ కొనాల్సిన అవసరం ఏ మాత్రం లేదు.‘సెకీ’ సౌర విద్యుత్‌ ఒప్పందం.. ప్రయోజనాలు⇒ అంతర్రాష్ట్ర విద్యుత్‌ సరఫరా ఛార్జీలు (ఐఎస్‌టీఎస్‌) మినహాయించి యూనిట్‌ రూ.2.49 చొప్పున విద్యుత్‌ను సరఫరా చేస్తామంటూ కేంద్ర పునరుత్పాదక ఇంధన శాఖ పర్యవేక్షణలో ఏర్పాటైన ప్రభుత్వ రంగ సంస్థ సెకీ తనకు తానుగా 2021 సెపె్టంబర్‌ 15 రాష్ట్ర ఇంధన శాఖ కార్యదర్శికి లేఖ ద్వారా ప్రతిపాదించింది. అంటే రాష్ట్ర ప్రభుత్వానికి విద్యుత్‌ ఇస్తామని చెప్పింది కేంద్రం. ఒప్పందం జరిగింది కేంద్రానికి, రాష్ట్రానికి మధ్య. ⇒ ఆంధ్ర రాష్ట్ర చరిత్రలోనే ఇంత చవకైన సౌర విద్యుత్‌ కొనుగోలు, అత్యధికంగా 7 వేల మెగావాట్ల కోసం గతంలో ఎప్పుడూ ఏ ప్రభుత్వంలోనూ ఒప్పందం జరగలేదు. డిస్కంలు కూడా ఎప్పుడూ ఇలాంటి చవకైన ధరతో, ఇంత ప్రజోపయోగకరమైన ఒప్పందం చేసుకోలేదు. ⇒ సెకీ విద్యుత్‌ తీసుకోవడం వల్ల ఏటా రూ.3,750 కోట్ల ఆరి్థక ప్రయోజనం చేకూరుతుంది. ⇒ రైతులకు 25 ఏళ్ల పాటు ఉచిత విద్యుత్‌ ఇచ్చి మంచి చేయాలనే సత్సంకల్పంతో, దూరదృష్టితో వైఎస్‌ జగన్‌ ప్రభుత్వం చేసుకున్న అద్భుత ఒప్పందమిది. ⇒ సెకీ విద్యుత్‌ తీసుకోకపోతే అప్పటికే పిలిచిన టెండర్ల కేసు కోర్టులో ఎప్పటికి తేలుతుందో తెలియదు. అది తేలే నాటికి పరికరాల రేట్లు, విద్యుత్‌ ధరలు ఎంతగానో పెరిగేవి. ⇒ కేంద్ర విద్యుత్‌ నియంత్రణ మండలి (సీఈఆర్‌సీ), రాష్ట్ర విద్యుత్‌ నియంత్రణ మండలి (ఏపీఈఆర్‌సీ) రెండూ సెకీ ఒప్పందానికి ఆమోదం తెలిపాయి. ⇒ సెకీ నుంచి విద్యుత్‌ తీసుకోవడం వల్ల పాతికేళ్ల పాటు అంతర్రాష్ట్ర ట్రాన్స్‌మిషన్‌ చార్జీల నుంచి కేంద్రం మినహాయింపు ఇస్తుంది. ⇒ అదే రాష్ట్రంలో విద్యుత్‌ కేంద్రం ఏర్పాటు చేస్తే పాతికేళ్ళు సెంట్రల్‌ గ్రిడ్‌ ఛార్జీలు చెల్లించాలి. రాష్ట్రంలో అంతర్గతంగా సౌర ప్రాజెక్టులు ఏర్పాటు చేస్తే వాటికి కావాల్సిన విద్యుత్‌ లైన్లు, అంతర్గతంగా విద్యుత్‌ ప్రసార వ్యవస్థ బలోపేతం చేయటం తప్పనిసరి. ఈ ఖర్చును బేరీజు వేసుకుంటే బయటి రాష్ట్రాల నుంచి సౌర విద్యుత్‌ తీసుకున్నప్పుడే తక్కువవుతోంది.చంద్రబాబు కుట్రలు పటాపంచలుసెకీతో వైఎస్‌ జగన్‌ ప్రభుత్వం, విద్యుత్‌ పంపిణీ సంస్థ (డిస్కం)లు కుదుర్చుకున్న ఒప్పందంపై కూటమి ప్రభుత్వం దు్రష్పచారం చేసింది. సీఎం చంద్రబాబు విద్యుత్‌ రంగంపై విడుదల చేసిన శ్వేత పత్రంలోనూ సెకీ ఒప్పందాన్ని తప్పుబడుతూ పచ్చి అబద్ధాలతో రాష్ట్ర ప్రజలను ఏమార్చే ప్రయత్నం చేశారు. సెకీ నుంచి విద్యుత్‌ తీసుకుంటే జనరల్‌ నెట్‌వర్క్‌ యాక్సెస్‌ (జీఎన్‌ఏ) నిబంధనల ప్రకారం రూ.3 వేల కోట్ల నుంచి రూ.3500 కోట్ల వరకూ అంతర్రాష్ట్ర విద్యుత్‌ సరఫరా చార్జీలు చెల్లించాల్సి వస్తుందని నమ్మించాలనుకున్నారు. ఎల్లో మీడియా అదే దు్రష్పచారం చేసింది. కానీ, కేంద్ర సంస్థల నిబంధనలు, ఏపీఈఆర్‌సీ ఆదేశాలతో చంద్రబాబు కుట్రలు పటాపంచలయ్యాయి. 2023 ఫిబ్రవరి 7న సీఈఆర్‌సీ జారీ చేసిన నోటిఫికేషన్‌లోనూ అంతర్రాష్ట్ర ప్రసార ఛార్జీల మినహాయింపు గురించి స్పష్టత వచి్చంది. సీఓడీ తేదీ నుంచి 25 సంవత్సరాల పాటు ఈ మినహాయింపు వర్తిస్తుందని సీఈఆర్‌సీ వెల్లడించింది. అయినా, చంద్రబాబు అసత్యాలతో రాష్ట్ర ప్రజలను పక్కదారి పట్టించాలని ప్రయత్నించారు. ఏపీఈఆర్‌సీ ఈ ఏడాది ఆగస్టు 13న జారీ చేసిన ఆదేశాలతో కూడా చంద్రబాబు, ఎల్లో మీడియా ప్రచారమంతా అబద్ధమని స్పష్టమైంది. పైగా గతంలో చంద్రబాబు ప్రభుత్వం రెండింతలకు పైగా ధరలకు ఒప్పందాలు చేసుకొని ప్రజలపై భారం వేయడం తెలిసిందే. చంద్రబాబు చేసిన పని వల్ల డిస్కంలు ఏటా రూ.3,500 కోట్లు చొప్పున దశాబ్దాల పాటు చెల్లించాల్సిన దుస్థితి ఏర్పడింది. చంద్రబాబు ప్రభుత్వం ఈ విషయాన్ని దాచి అప్పట్లో విద్యుత్‌ ఉత్పత్తి లోటు ఉందని టీడీపీ పచ్చి అబద్ధాలు చెప్పింది. ఫలితంగా బాబు హయాంలో విద్యుత్‌ రంగం కుదేలైంది. 2019లో వైఎస్‌ జగన్‌ సీఎం అయ్యాక విప్లవాత్మక నిర్ణయాలతో ఈ రంగాన్ని గాడిలో పెట్టారు. 2024లో మళ్లీ చంద్రబాబు రావడంతో గతం పునరావృతం అవుతోందని విద్యుత్‌ రంగం నిపుణులు ఆందోళన వ్యక్తం చేస్తున్నారు. ఇప్పుడు మళ్లీ అదే కోవలో అత్యధిక ధరలకు విద్యుత్‌ కొనుగోలు ఒప్పందాలు చేసుకునేందుకు చంద్రబాబు రంగం సిద్ధం చేయడమే ఇందుకు నిదర్శనమని చెబుతున్నారు.

సాక్షి, అమరావతి, నెట్‌వర్క్‌: తీవ్ర వాయుగుండం తీరం దాటినా 16 జిల్లాలపై ప్రభావం చూపింది. ప్రధానంగా ఉత్త­రాంధ్ర భారీ వర్షాలతో విలవిల్లాడింది. గురువారం రోజంతా ఎడతెరిపి లేని వర్షాలు, ఈదురుగాలులతో శ్రీకాకుళం, విజయనగరం, పార్వతీపురం మన్యం, విశాఖ జిల్లాలు అతలాకుతలమయ్యాయి. విశాఖలో కైలా­సపురం, వెంకోజీపాలెం, చైతన్య నగర్‌ తదితర ప్రాంతాల్లో కొండచరియలు విరిగిపడటంతో ప్రజలు భయాం­దోళనలకు గురయ్యారు. విజయవాడలో భారీ వర్షానికి భవానీపురం హెచ్‌బీ కాలనీ, ఇందిరా ప్రియదర్శిని కాలనీ రోడ్లలో మోకాటి లోతులో నీళ్లు నిలిచాయి. అనకాపల్లి, కాకినాడ, ఉభయ గోదావరి, ఏలూరు, కృష్ణా, ఎన్టీఆర్‌ జిల్లాల్లోనూ భారీ నష్టం వాటిల్లింది. నదులు, వాగులు గ్రామాలను చుట్టుముట్టాయి. వంతెనలు కూలి, రోడ్లు కోతకు గురై అనేక గ్రామాలకు రాకపోకలు స్తంభించాయి. టెక్కలి, పాతపట్నంలో 33 కేవీ స్తంభాలు, ఏడు మండలాల్లో 11 కేవీ స్తంభాలు విరిగిపోవడంతో వందలాది పల్లెలు అంధకారంలో మగ్గాయి. వేగావతి నది ఉధృతితో బొబ్బిలి పట్టణానికి తాగునీటి సరఫరాను నిలిపివేశారు. అరకులోయలో నిత్యావసరాల కోసం గిరిజనులు ప్రాణాలకు తెగించి వాగులు దాటుతున్నారు. పొంచి ఉన్న ప్రమాదం...రెండు రోజులు కుండపోతతో నేల పూర్తిగా నీటితో నిండిపోయింది. ఇక నీటిని పీల్చుకునే స్థితిలో లేదు. అందుకే ఇకపై కురిసే మోస్తరు వర్షం కూడా నేరుగా వాగులు, వంకల్లోకి చేరి ఆకస్మిక వరదలకు దారితీయవచ్చని తెలిపింది. అనకాపల్లి, కాకినాడ, విశాఖ, విజయనగరం, శ్రీకాకుళం, పార్వతీపురం మన్యం, అల్లూరి సీతారామరాజు జిల్లాల్లో ఆకస్మిక వరదల ముప్పు ఉందని వాతావరణ శాఖ హెచ్చరించింది. కొండవాలు ప్రాంతాల్లో కొండచరియలు విరిగిపడే ప్రమాదం కూడా ఉంది. పొంగిపొర్లుతున్న వాగులు, ఏర్లువర్షాలకు ఎన్టీఆర్‌ జిల్లాలోని కట్టలేరు, వైరాయేరు, ఏనుగు గడ్డ వాగు, ఇతర వాగులు, వంకలు పొంగిపొర్లుతున్నాయి. కోడూరు మండలం పాలకాయతిప్ప వద్ద సముద్రం అల్లకల్లోలంగా మారింది. రాకాసి అలలు సుమారు రెండు మీటర్ల ఎత్తున ఎగసిపడుతున్నాయి. ఎన్టీఆర్‌ జిల్లాతో పోల్చితే కృష్ణా జిల్లాలో వర్ష ప్రభావం తక్కువగా ఉంది. ఉమ్మడి ప్రకాశం జిల్లా ఒంగోలు, దర్శి, సంతనూతలపాడు, అద్దంకి, కొండపి నియోజకవర్గాల్లో ఓ మోస్తరు వర్షం పడింది. రాజమహేంద్రవరంలో వర్షం నీరు, మురుగునీరు కలిసి రోడ్లపై ప్రవహించడంతో తీవ్ర అవస్థలు ఎదుర్కొన్నారు. కాకినాడలో వర్షాలకు జనజీవనం అస్తవ్యస్తంగా మారింది. పంపా నదిలో నీటి మట్టం పెరుగుతోంది. రాజధానికి నిలిచిన రాకపోకలు..రాజధాని ప్రాంతంలో తుళ్లూరు మండలం పెదపరిమి వద్ద కోటేళ్ల వాగు ఉప్పొంగడంతో అమరావతికి రాకపోకలు నిలిచిపోయాయి. తాడికొండ మండలం లాం వద్ద లో లెవల్‌ చప్టాపై కొండవీటి వాగు ఉప్పొంగడంతో రోడ్డుపైకి నీరు చేరింది. అమరావతి, క్రోసూరు మార్గంలో రాకపోకలు నిలిచిపోవటంతో ప్రజలు ఇబ్బందులు పడ్డారు. ముత్తాయపాలెం వద్ద రహదారిపై సుమారు మూడు అడుగుల ఎత్తులో వర్షపు నీరు ప్రవహించింది. కొండవీటి వాగు, మేళ్లవాగు, పెదమద్దూరు వద్ద వాగులు ఉధృతంగా ప్రవహిస్తుండటంతో పొలాలు నీటమునిగాయి. పత్తి చేలలోకి నీరు చేరింది. ఎన్టీఆర్‌ జిల్లా వినగడప వద్ద కట్టలేరు వాగు రోడ్డెక్కడంతో 20 గ్రామాల రాకపోకలకు అంతరాయం ఏర్పడింది. నున్న వద్ద పెదవాగు ఉధృతికి కారు కొట్టుకుపోగా స్థానికులు అందులోని దంపతులను కాపాడారు. పంటలకు నష్టం ఉత్తరాంధ్ర సహా రాష్ట్రంలో పలుచోట్ల వర్షాలు అపార నష్టాన్ని చేకూర్చాయి. వరితో పాటు మొక్కజొన్న, పత్తి, అరటి, బొప్పాయి తదితర ఉద్యాన పంటలు నేలకొరిగాయి. శ్రీకాకుళం, విజయనగరం జిల్లాల్లో పరిస్థితి దారుణంగా ఉంది. ఆంధ్ర–ఒడిశా సరిహద్దు గ్రామాల్లో బహుదా నదిలో వరదనీరు పోటెత్తడంతో ఇచ్ఛాపురం మండలంలో పంట పొలాలన్నీ ముంపునకు గురై పూర్తిగా తుడిచి పెట్టుకుపోయాయి. పద్మనాభపురం గడ్డ ఉప్పొంగడంతో పంటల పొలాలన్నీ నీటమునిగాయి. విజయనగరం జిల్లా చీపురుపల్లి, గరివిడి, వంగర, పూసపాటిరేగ, డెంకాడ, మెరముడిదాం, బొబ్బిలి, రేగిడి, ఆముదాల వలస, నెల్లిమర్ల మండలాల్లో పంటలకు అపార నష్టం వాటిల్లింది. ఉమ్మడి గోదావరి జిల్లాల్లో ఉద్యాన పంటలతో పాటు కూరగాయల పంటలకు నష్టం వాటిల్లిందని ఆవేదన చెందుతున్నారు. వరి ఇప్పుడిప్పుడే పొట్టదశకు చేరుకుంటోంది. మరో రెండు రోజులు ఇదే రీతిలో వర్షాలు కురిస్తే వరి కొంతమేర దెబ్బతినే అవకాశాలు లేకపోలేదంటున్నారు. లంకల్లో కూరగాయల పంటలు చాలా వరకు నీటమునగగా పలు చోట్ల అరటి, బొప్పాయి పంటలు నేలకొరిగాయి. రాయలసీమలో చీని, నిమ్మ లాంటి ఉద్యాన పంటలన్నీ ఇప్పటికే వర్షాభావంతో ఎండుముఖం పట్టాయి. నేలలో తేమ శాతం లేక ఏళ్ల తరబడి సాగుచేసిన ఉద్యాన పంటలు సైతం ఎండిపోయాయి. తాజాగా కురుస్తున్న వర్షాలు అనంతపురం, నంద్యాల జిల్లాలు మినహా మిగిలిన రాయలసీమ జిల్లాల్లో చెప్పుకోతగ్గ స్థాయిలో పడలేదు. నెల్లూరు, ప్రకాశం, పల్నాడు జిల్లాల్లో ఆశించిన స్థాయిలో వర్షాలు కురవలేదు.విశాఖలో కుండపోత» 24 గంటల్లో 28 సెంటీమీటర్ల వర్షం » 50కి పైగా కేంద్రాల్లో అత్యంత భారీ వర్షం » గంటకు 3 కి.మీ. వేగంతో నెమ్మదిగా కదిలిన తీవ్ర వాయుగుండంఆకాశానికి చిల్లు పడినట్లుగా కుండపోత వర్షానికి విశాఖ నగరం ఉక్కిరి బిక్కిరైంది. బుధవారం ఉదయం 8.30 గంటల నుంచి గురువారం ఉదయం 8.30 వరకు 24 గంటల్లో విశాఖలో ఏకంగా 28 సెంటీమీటర్ల వర్షం కురిసింది. ఎండాడలో 27.7, విశాఖ విమానాశ్రయం వద్ద 20 సెంటీమీటర్ల వర్షపాతం నమోదైంది. 20.4 సెంటీమీటర్లకు మించి కురిసే వర్షాన్ని వాతావరణ శాఖ అత్యంత భారీ వర్షంగా వర్గీకరిస్తుంది. ఈసారి విశాఖలో 50కిపైగా కేంద్రాల్లో ఆ స్థాయి వర్షం పడింది. నగరంలో సెపె్టంబర్‌ నెల మొత్తంలో కురవాల్సిన సాధారణ వర్షపాతం 19.1 సెంటీమీటర్లు. కానీ ఒక్క రాత్రిలోనే దానికి దాదాపు ఒకటిన్నర రెట్లు వర్షం కురిసింది. బుధవారం సాయంత్రం మొదలైన వాన గురువారం సాయంత్రం వరకు ఎడతెరిపి లేకుండా కుండపోతగా కురిసింది. వాయుగుండం అతి నెమ్మదిగా కదలడం.. తీరం దాటే ముందు ఆరు గంటల పాటు ఇది గంటకు కేవలం 3 కిలోమీటర్ల వేగంతో కదలడంతో వర్షాలు విస్తారంగా పడ్డాయి. తీరం దాటిన తర్వాత కూడా వాయుగుండం కేంద్రం విశాఖకు 80 కిలోమీటర్ల దూరంలో ఉత్తర–ఈశాన్యంగా ఉండటం వల్ల కూడా భారీ వర్షాలు పడ్డాయి. సముద్రం నుంచి వచ్చిన తేమ గాలులను విశాఖ చుట్టూ ఉన్న కొండలు పైకి నెట్టడంతో మేఘాలు మరింత దట్టంగా మారి కుండపోత కురిసింది. ఈ తీవ్ర వాయుగుండం 2021 సెప్టెంబర్‌లో వచ్చిన గులాబ్‌ తుపానును పోలి ఉందని వాతావరణ శాఖాధికారులు తెలిపారు. పసిఫిక్‌ మహా సముద్రంలో కొనసాగుతున్న ఎల్‌నినో పరిస్థితులు తుపానుగా మారకుండా అడ్డుపడి ఉండవచ్చని నిపుణులు విశ్లేషిస్తున్నారు.

సీలేరు: నాలుగు రోజులుగా కురుస్తున్న వర్షాలకు అల్లూరి సీతారామరాజు జిల్లా గాలికొండ పంచాయతీ చట్రాపల్లి గ్రామాన్ని వరద నీరు ముంచెత్తింది. దీంతో గ్రామంలోని 37 గిరిజన కుటుంబాలు బిక్కుబిక్కుమంటూ బతుకుతున్నాయి. అయినా పునరావాస కేంద్రానికి రావాలన్న అధికారుల వినతిని గిరిజనులు తిరస్కరించారు. రెండేళ్ల క్రితం వర్షాలకు కొండల నుంచి వచ్చిన వరద గ్రామాన్ని ముంచెత్తినప్పుడు తమకు చంద్రబాబు ప్రభుత్వం ఇచ్చిన హామీలను నెరవేర్చాలని పట్టుబడుతున్నారు. 2024లో కురిసిన భారీ వర్షాలకు కొండల పైనుంచి వచ్చిన వరద నీరు చట్రాపల్లి గ్రామాన్ని ముంచెత్తింది. కొండచరియలు విరిగిపడి ఒక గిరిజనుడు మృతి చెందాడు. మరికొందరు గాయపడ్డారు. అప్పటివరకు స్పందించని ప్రభుత్వం.. కొండచరియలు విరిగిపడిన తర్వాత హడావుడి చేసింది. నష్టపరిహారం అందించి గ్రామస్తులను ఆదుకుంటామని, గ్రామంలో మోడల్‌ కాలనీ నిర్మించి ముంపు లేకుండా చూస్తామని, రోడ్డు, రూ.25 లక్షలతో వంతెన నిర్మిస్తామని హామీ ఇచ్చింది. ఈ హామీల్లో ఒక్కటి కూడా ఇప్పటివరకు నెరవేర్చలేదు.వర్షాలు వచ్చిన ప్రతిసారీ పునరావాస కేంద్రానికి తరలించడం, ఆ తర్వాత వదిలేయడం జరుగుతోందే తప్ప, తమ కష్టాలను తీర్చడం లేదని గ్రామస్తులు ఆరోపిస్తున్నారు. ప్రస్తుతం కురుస్తున్న వర్షాలకు కొండల నుంచి నీరంతా గ్రామంలోకి వచ్చేసింది. దీంతో ఇళ్లన్నీ నీట మునిగే పరిస్థితి తలెత్తింది. గురువారం మండల తహసీల్దార్‌ అన్నాజీరావు. ఎంపీడీవో రమణబాబు, పోలీసులు గ్రామానికి వచ్చి పునరావాస కేంద్రానికి రావాలని గిరిజనులను కోరారు. ఇందుకు గ్రామస్తులు ససేమిరా అనడంతో అధికారులు వెనుదిరిగి వెళ్లిపోయారు. సాయంత్రం 5 గంటలకు మరోసారి అధికారులు గ్రామస్తులతో మాట్లాడినా ససేమిరా అన్నారు. మోడల్‌ కాలనీ, రోడ్డు, వంతెన నిర్మించాలని, వర్షం నీరు గ్రామంలోకి రాకుండా చర్యలు తీసుకోవాల్సిందేనని పట్టుబట్టారు.

సాక్షి, విశాఖపట్నం: భారత నౌకాదళ సామర్థ్యాన్ని మరింత పటిష్టం చేసే ప్రతిష్టాత్మక ఫ్లీట్‌ సపోర్ట్‌షిప్‌ (ఎఫ్‌ఎస్‌ఎస్‌) ప్రాజెక్టులో అత్యంత కీలక ఘట్టానికి ముహూర్తం ఖరారైంది. విశాఖపట్నంలోని హిందుస్థాన్‌ షిప్‌యార్డ్‌ లిమిటెడ్‌ (హెచ్‌ఎస్‌ఎల్‌)లో స్వదేశీ పరిజ్ఞానంతో రూపుదిద్దుకుంటున్న తొలి భారీ యుద్ధనౌక ‘ఎఫ్‌ఎస్‌ఎస్‌–1’ అక్టోబర్‌ 6న జలప్రవేశం (ఫ్లోట్‌అవుట్‌) కానుంది. కేంద్ర రక్షణ శాఖ మంత్రి రాజ్‌నాథ్‌సింగ్‌ ఈ కార్యక్రమానికి ముఖ్య అతిథిగా హాజరయ్యే అవకాశం ఉంది.సంక్లిష్ట ప్రొపెల్లర్‌ అమరికలో చరిత్రనౌకను సిద్ధం చేయడంలో భాగంగా, షిప్‌యార్డ్‌ ఇంజనీర్లు అసాధా­రణ నైపుణ్యాన్ని ప్రదర్శించారు. నౌకను వేగంగా ముందుకు నడిపేందుకు కీల­క­మైన ప్రొపెల్లర్‌ సిస్టమ్‌ని అత్యంత ఖచ్చి­తత్వంతో అమర్చారు. టెయిల్‌ షాఫ్ట్, కంట్రోలబుల్‌ పిచ్‌ ప్రొపెల్లర్‌ బ్లేడ్లతో కూడిన ఈ మొత్తం అసెంబ్లీ బరువు ఏకంగా 81 టన్నులు. 7 మీటర్ల వ్యాసం ఉండే ఈ ప్రొపెల్లర్‌లో ఒక్కొక్కటి 7 టన్నుల బరువుండే నాలుగు బ్లేడ్లను విజయవంతంగా బిగించారు. ఇంతటి భారీ యంత్ర భాగాలను నౌక కింద అమర్చడం సాధారణ విషయం కాదు. నౌక కింద ఉండే హల్‌ స్ట్రక్చర్‌­కు, బ్లేడ్‌ తిరిగే ప్రదేశమైన స్వీప్‌ సర్కమ్‌­ఫరెన్స్‌కు మధ్య కేవలం 40 సెం.మీ ఖాళీ మాత్రమే ఉంది. ఏ చిన్న పొరపాటు జరిగి­నా మొత్తం అసెంబ్లీ దెబ్బతింటుంది, మళ్లీ అమర్చ­డాని­కి ఆస్కారం ఉండదు. కానీ, ఇంజనీర్లు ప్రతి మిల్లీమీ­టర్‌ను లెక్కవేసు­కుంటూ, ఎలాంటి లోపం లేకుండా ఈ ఆపరేషన్‌ను విజయవంతంగా పూర్తి చేశా­రు. గతంలో 36 టన్నుల ప్రొపెల్లర్లను అమర్చిన హెచ్‌­ఎస్‌ఎల్‌.. ఈసారి తొలిసారిగా ఏకంగా 81 టన్ను­ల అసెంబ్లీని అమర్చి తన పాత రికార్డులను తానే తిరగరాసింది.నిరంతరాయంగా శత్రువులపై నిఘాభారత రక్షణ మంత్రిత్వ శాఖ నౌకాదళం కోసం సుమారు రూ.19,000 కోట్ల వ్యయంతో 5 ఫ్లీట్‌ సపోర్ట్‌ షిప్‌లని నిర్మించే బాధ్యతను 2023 ఆగస్టులో హెచ్‌ఎస్‌ఎల్‌ దక్కించుకుంది. సుమారు 44 వేల టన్నుల బరువు, 225 మీటర్ల పొడవుండే ఈ భారీ నౌకలు యుద్ధ సమ­యా­ల్లోనూ, సుదీర్ఘ సముద్ర ప్రయాణాల్లోనూ యుద్ధ నౌకలకు ఇంధనం, నీరు, ఆయుధాలు, ఆహారం వంటి అత్యవసర సరఫరాలను నడిసముద్రంలోనే అందిస్తాయి. దీనివల్ల యుద్ధ నౌకలు మళ్లీ పోర్టుకు రాకుండా ఎక్కువ రోజుల పాటు సముద్రంలో ఉండి శత్రువులపై నిఘా పెట్టగలవు. నౌకాదళ సామర్థ్యాన్ని రెట్టింపు చేసే ఈ ప్రాజెక్టులో నిర్మిస్తున్న తొలి నౌకే ఈ ఎఫ్‌ఎస్‌ఎస్‌–1.పూర్తి స్వదేశీ పరిజ్ఞానంఈ అత్యంత క్లిష్టమైన ఏర్పాటు కోసం షిప్‌యార్డు బృందం బయటి దేశాలపై ఆధారపడకుండా వినూత్న పరిష్కారాలను అన్వేషించింది. సొంతంగా కస్ట­మ్‌ డిజైన్‌ లిఫ్టింగ్‌ ఫిక్చర్‌ని తయారు చేసింది. హైడ్రాలిక్‌ మొబైల్‌ లో–బెడ్‌ షిఫ్టర్‌ ద్వారా బరువైన షాఫ్ట్‌ను సురక్షితంగా, ఖచ్చితమై­న స్థానానికి చేర్చారు. తక్కువ ఎత్తు ఉన్న ప్రాంతంలోనూ పనులు సులువుగా జరిగే­లా ఎత్తయిన స్టేజింగ్‌ ప్లాట్‌ఫా­రమ్‌­లను ఏర్పాటు చేసి, సరి­కొత్త ‘టెయిల్‌ షాఫ్ట్‌ ఇన్‌సర్షన్‌’ టెక్నిక్‌ని కూడా వినియోగించా­రు.హైడ్రా­లిక్‌ కప్లింగ్‌ పుష్‌ షాఫ్ట్‌ ఇన్‌సర్షన్‌ టెక్నిక్‌ వాడారు. ఈ అద్భుత ఘట్టం హెచ్‌ఎస్‌ఎల్‌కు చెందిన హల్, ఇంజినీరింగ్, క్వాలిటీ కంట్రోల్‌ బృందాలు, కాంట్రాక్టు సర్వీసు భాగస్వామ్య సంస్థలు సంయుక్తంగా పనిచే­శాయి. ప్రణాళికలో ఖచ్చితత్వం, ఆచర­ణలో ఆవిష్కరణలతో.. ఇండియన్‌ నేవీకి అవసరమైన అత్యంత సంక్లిష్ట ప్రాజె­క్టులను చేపట్టడంలో మేక్‌ ఇన్‌ ఇండియా స్ఫూర్తిని హెచ్‌ఎస్‌ఎల్‌ ముందుకు తీసు­కెళ్తోంది.

బీచ్‌రోడ్డు: ఆంధ్రా మెడికల్‌ కళాశాల­(ఏఎంసీ) పీజీ వైద్య విద్యార్థిని డాక్టర్‌ పి.శైలజ ఆత్మహ­త్య­కు పాల్ప­డ్డారు. విశాఖపట్నం మూడో పట్టణ పోలీ­సులు తెలిపిన వివరాల ప్రకారం.. రామ్‌నగర్‌లో తల్లిదండ్రులతో కలిసి ఉంటున్న విద్యార్థిని ఎండీ జనరల్‌ మెడిసిన్‌ ఫైనల్‌ ఇయర్‌ చదువుతున్నారు. ఇటీవల జరిగిన పరీక్షలను అనుకున్న స్థాయిలో రాయలే­కపోయానని, తీవ్ర ఒత్తిడికి గురవుతున్నట్టు తోటి విద్యార్థులు, కుటుంబ సభ్యుల వద్ద బాధపడుతుంది. ఈ క్రమంలో గురువారం పరీక్ష ఉండగా ఉదయం ఇంట్లోనే ఫ్యాన్‌కు చున్నీతో ఉరిపోసుకుని ఆత్మహ­త్యకు పాల్ప­డింది. ఈ ఘటనతో ఏఎంసీ క్యాంపస్‌లో విషాద ఛాయలు అలముకున్నాయి. ఘటనపై తోటి విద్యార్థులు, అధ్యాప­కులు దిగ్భ్రాంతి వ్యక్తం చేశారు. ఘట­నా స్థలాన్ని పరి­శీ­లించిన పోలీసులు కేసు నమోదు చేసి దర్యాప్తు చేస్తున్నారు. కుటుంబ సభ్యులను పరామర్శించిన ప్రిన్సిపల్‌శైలజ కుటుంబ సభ్యులను కళాశాల ప్రిన్సిపల్‌ డాక్టర్‌ సంధ్యాదేవి పరామర్శించారు. ఘటనకు దారితీసిన కారణాలను అడిగి తెలుసుకుని కుటుంబానికి ప్రగాఢ సానుభూతి తెలిపారు. కుటుంబానికి అండగా నిలిచి అవసరమైన సహాయం అందించాలని వైద్య విద్యా సంచాలకులు డాక్టర్‌ విష్ణువర్ధన్‌ను కోరారు. వైద్య విద్యార్థిని మృతిపై రాష్ట్ర వైద్య, ఆరోగ్య శాఖ మంత్రి సత్యకుమార్‌ యాదవ్‌ సంతాపం వ్యక్తం చేశారు.

సాక్షి, గుంటూరు: కాకుమాను రాజశేఖర్‌ది మరణం కాదు.. ప్రభుత్వ హత్య అని వైఎస్సార్‌సీపీ అద్దంకి ఇన్‌ఛార్జ్‌ డా.చింతలపూడి అశోక్‌కుమార్‌ అన్నారు. ‘‘శాప్‌ వద్ద నిరసనలో పాల్గొన్న కాకుమాను రాజశేఖర్‌ను కిందపడేసి తన్నుతూ గుండెపై పోలీసులు గుద్దారు. వెంటనే రాజశేఖర్‌ ఒంగోలు ఆసుపత్రిలో చేరారు. ఆ తర్వాత ఇబ్బందిపడుతూనే హైదరాబాద్‌ వెళ్లారు. తెల్లవారుజామున గుండెపోటుతో ఆయన మరణించారు. ముమ్మాటికీ కాకుమానుది కూటమి సర్కార్‌ హత్యే’’ అని అశోక్‌కుమార్‌ పేర్కొన్నారు.‘‘కాకుమాను రాజశేఖర్ మరణం చాలా విచారకరం. ఒక డాక్టర్‌గా కాకుమాను రాజశేఖర్ మరణంపై విచారించాను. కాకుమాను రాజశేఖర్‌ది అకాల మరణం కాదు.. కూటమి ప్రభుత్వం చేసిన హత్య అని స్పష్టంగా అర్థం అవుతుంది. డీఎస్సీలో జరిగిన అక్రమాలకు నిరసనగా విజయవాడ శాప్ కార్యాలయం వద్ద జరిగిన నిరసనలో కాకుమాను రాజశేఖర్ పాల్గొన్నారు. ఆ ధర్నాలో కాకుమాను రాజశేఖర్‌ను పోలీసులు గుండెల మీద గుద్దటం, కిందపడేసి తన్నడం నాకు చాలా బాధేసింది...పక్కనున్న వ్యక్తితో రాజశేఖర్ నాకు బాగా ఇబ్బందిగా ఉందని కారులో వెళ్లి కూర్చున్నారు. అదే బాధతో ఒంగోలు వెళ్లి హాస్పటల్లో బీపీ చెక్ చేయించుకున్నారు. అలా ఇబ్బంది పడుతూ డాక్టర్‌కు చూపించుకోవడానికి హైదరాబాద్ వెళ్లారు. తెల్లవారుజామున గుండెపోటుతో ఆయన మరణించారు’’ అని అశోక్‌కుమార్‌ చెప్పారు.ఇదీ చదవండి: గవర్నర్‌ ఆశ్చర్యపోయారు: అంబటి

సాక్షి,విజయవాడ:కోర్టు మొట్టికాయలు వేసినా పోలీసుల తీరు మారలేదు. మాజీ మేయర్ రాయన భాగ్యలక్ష్మిపై పోలీసులు కక్ష సాధింపు చర్యలకు పాల్పడుతున్నారు. శాప్ కార్యాలయం వద్ద జరిగిన ఆందోళనకు సంబంధించి నోటీసులు ఇచ్చే పేరుతో పోలీసులు రాత్రి సమయంలో ఆమె నివాసానికి వెళ్లారు.అర్ధరాత్రి వేళ ఇళ్లకు వచ్చి తప్పుడు కేసులతో భయబ్రాంతులకు గురిచేయడంపై మాజీ మేయర్ భాగ్యలక్ష్మి దంపతులు పోలీసులను తీవ్రంగా నిలదీశారు. కోర్టు చివాట్లు పెట్టినా పోలీసుల తీరులో మార్పు రాలేదని మండిపడ్డారు.

సాక్షి,గుంటూరు: ‘‘డీఎస్సీ స్కామ్‌లో తప్పిదాలు ఒక్కొక్కటిగా బయటకు వస్తున్నాయి. ఇలా కూడా ప్రభుత్వ ఉద్యోగాలు వస్తాయా అని ప్రజలు చర్చించుకుంటున్నారు. ఆ స్కాం రాష్ట్రంలో సంచలనంగా మారింది’’ అని వైఎస్సార్‌సీపీ గుంటూరు జిల్లా అధ్యక్షుడు అంబటి రాంబాబు పేర్కొన్నారు. గురువారం ఆయన మీడియాతో మాట్లాడుతూ.. వైఎస్‌ జగన్‌.. డీఎస్సీలో జరిగిన స్కాం గురించి చెబుతుంటే గవర్నర్ ఆశ్చర్యపోయారన్నారు. చదువుకున్న వారికి ఉద్యోగాలు రావాలి.. వారి కోసం పోరాటం కొనసాగిస్తామని అంబటి అన్నారు.‘‘డీఎస్సీలో అన్యాయం జరిగిందని విజయవాడ శాప్ కార్యాలయం వద్ద నిరసన తెలిపాం. బ్యాంకుల్లో అకౌంట్ ఓపెన్ చేసినట్లు మా నాయకులు, కార్యకర్తలపై రౌడీషీట్లు ఓపెన్ చేస్తే చూస్తూ ఊరుకోం. 21వ తేదీన ఆందోళన చేస్తామని కమిషనర్‌కు వినతిపత్రం ఇచ్చాం. అక్కడకు వాళ్లు చెబుతున్న గురువులు ఎందుకు వచ్చారు?. లోకేష్ దళం మాపైన దాడి చేస్తే పోలీసులు మాపైన కేసులు పెట్టారు. కొంతమంది పోలీసులు లోకేష్ చెప్పినట్లు చేస్తున్నారు. వాళ్లు పోలీసులు రూపంలో ఉన్న రౌడీలు’’ అంటూ అంబటి దుయ్యబట్టారు.డీజీపీ, సీపీకి చెప్తున్నా.. మీకు ఎవరెవరు కావాలో పేర్ల లిస్టు ఇస్తే వాళ్లందరం ప్రత్యేక బస్సుల్లో విజయవాడ కమిషనర్ కార్యాలయానికి వస్తాం. మమ్మల్ని అందరినీ అరెస్ట్ చేయండి. రాత్రిపూట దొంగచాటుగా కోర్టులో హాజరు పరచడానికి సిగ్గుండాలి. ఎస్సీలుపైన ఎస్సీ, ఎస్టీ అట్రాసిటీ కేసు పెట్టడానికి పోలీసులకు సిగ్గుండాలి. నన్ను ఇవాళ విచారణకు రమ్మని ఈడీ చెప్పలేదు’’ అని అంబటి రాంబాబు పేర్కొన్నారు.ఇదీ చదవండి: ఆరోగ్యశ్రీలో వికసించిన 'అవినీతి'

సాక్షి, తిరుపతి: తిరుమలలో చిరుత పులుల సంచారం కలకలం రేపుతోంది. తిరుమల రెండో ఘాట్ రోడ్డులో వాహనదారులకు చిరుత కనిపించింది. వినాయక ఆలయం దాటిన కిలో మీటర్ దూరంలో చిరుత సంచరించింది. దీంతో వాహనదారులు భయబ్రాంతులకు గురయ్యారు. కాగా, రెండు రోజుల క్రితం కూడా తిరుమలకు వెళ్లే అలిపిరి నడకమార్గంలో చిరుత సంచరించడంతో భక్తులు భయంతో పరుగులు తీశారు. లక్ష్మీనరసింహ స్వామి ఆలయ సమీపంలో 2765 మెట్టు దగ్గర చెట్టుపై చిరుత కూర్చొని కనిపించిందని భక్తులు చెబుతున్నారు.ఈ ఏడాది జులైలో కూడా తిరుమల అలిపిరి నడక మార్గంలో చిరుత సంచారం భక్తులను భయాందోళనకు గురిచేసిన సంగతి తెలిసిందే. లక్ష్మీనరసింహస్వామి ఆలయం సమీపంలో చిరుత కనిపించడంతో భక్తులు ఒక్కసారిగా ఉలిక్కిపడ్డారు. ఈ సమాచారం అందుకున్న వెంటనే అటవీశాఖ సిబ్బంది ఘటనాస్థలికి చేరుకున్నారు. శబ్దాలు చేస్తూ చిరుతను నెమ్మదిగా అడవి ప్రాంతం వైపు తరిమారు.ఇదీ చదవండి: Viral Video: పోలీస్‌ స్టేషన్‌లో టీడీపీ కార్యకర్తల వీరంగం

పెంటపాడు: పశ్చిమగోదావరి జిల్లా పెంటపాడు మండలం జట్లపాలెంలో విషాద ఛాయలు అలుముకున్నాయి. ఒకే కుటుంబానికి చెందిన ఇద్దరు చిన్నారులు ఆడుకుంటూ వెళ్లి విద్యుత్‌ షాక్‌కు గురై మృత్యవాతపడ్డారు. ఆడుకోవడానికి వెళ్లిన క్రమంలో ఎర్త్‌వైర్‌ పట్టుకున్నారు చిన్నారులు. ఆ ఎర్త్‌వైర్‌కు విద్యుత్‌ ప్రవహించడంతో సూర్య(14), సాయి(12)లు అక్కడికక్కడే మృతి చెందారు. సూర్య 8వ తరగతి, సాయి 6వ తరగతి చదువుతున్నారు. చిన్నారుల ఆకస్మిక మృతితో కుటుంబ సభ్యుల కన్నీరుమున్నీరవుతున్నారు.