Anantapur Latest News

అనంతపురం: యువత సృజనాత్మక ఆలోచనలకు పదును పెట్టాలని జేఎన్‌టీయూ(అనంతపురం) వైస్‌ చాన్సలర్‌ డాక్టర్‌ హెచ్‌.సుదర్శనరావు సూచించారు. జేఎన్‌టీయూఏ వేదికగా విస్తార విద్యానిధి ట్రస్ట్‌ ఆధ్వర్యంలో రెండు రోజుల పాటు నిర్వహిస్తున్న ఇన్నోవేటర్స్‌ కాన్‌క్లేవ్‌–2026 శనివారం వర్సిటీ ఆడిటోరియంలో అట్టహాసంగా ప్రారంభమైంది. ఈ సందర్భంగా ఆయన మాట్లాడుతూ నూతన ఆవిష్కరణలకు ప్రోత్సాహం, స్టార్టప్‌లకు సరికొత్త అవకాశాలు, విద్యాసంస్థలు–పరిశ్రమల మధ్య అనుసంధానానికి బలమైన వేదికగా జేఎన్‌టీయూఏ నిలుస్తోందన్నారు. దేశంలోని విద్యా, సాంకేతిక సంస్థలు, పరిశ్రమలు, అంకుర సంస్థలకు చెందిన ప్రతినిధులను ఒకే వేదికపైకి తీసుకువచ్చిన ఈ సదస్సుకు మూడు వేల మందికి పైగా విద్యార్థులు, 300కు పైగా స్టార్టప్‌ల ప్రతినిధులు, 80 మందికి పైగా పరిశ్రమల ప్రముఖులు హాజరు కావడం గొప్ప విషయమన్నారు. ఆవిష్కరణలను ప్రోత్సహించడం, పరిశోధనలను ఆచరణాత్మక పరిష్కారాలుగా మలచడం, యువతలో వ్యవస్థాపక దృక్పథాన్ని పెంపొందించడం, పరిశ్రమల అవసరాలకు అనుగుణంగా సాంకేతిక నైపుణ్యాలను అభివృద్ధి చేయడం ఈ కాన్‌క్లేవ్‌ ప్రధాన లక్ష్యాలని తెలిపారు. విశ్వవిద్యాలయాలు, పరిశ్రమలు, పరిశోధనా సంస్థలు సమన్వయంతో పనిచేసినప్పుడే రాయలసీమ సమగ్రాభివృద్ధి సాధ్యమవుతుందని ఎస్కేయూ వీసీ డాక్టర్‌ ఎన్‌వీఆర్‌ జ్యోతి కుమార్‌ అన్నారు. కార్యక్రమంలో ఏపీ ప్రభుత్వ మాజీ ప్రత్యేక ప్రధాన కార్యదర్శి జేఏ చౌదరి, యాక్సెంచర్‌ గ్లోబల్‌ మేనేజింగ్‌ డైరెక్టర్‌ గోపాల్‌ పింగళి, టాటా ఏఐజీ బోర్డ్‌ ఆఫ్‌ డైరెక్టర్స్‌ సభ్యురాలు విజయ దీప్తి, ఐఈఈఈ ఇండియా కంట్రీ హెడ్‌ అండ్‌ సీనియర్‌ డైరెక్టర్‌ డాక్టర్‌ శ్రీకాంత్‌ చంద్రశేఖరన్‌, ఈథర్‌వింగ్‌ ఏరోస్పేస్‌ సీఈఓ మానేగార్‌ శర్మాస్‌ వలి తదితరులు పాల్గొన్నారు. కాన్‌క్లేవ్‌ తొలిరోజు సుస్థిర ఆవిష్కరణలు, సంస్థల నిర్మాణం, వ్యూహాత్మక సాంకేతికతలు, జాతీయ భద్రత, దేశ సాంకేతిక స్వావలంబన వంటి కీలక అంశాలపై చర్చలు జరిపారు. రెండో రోజు ఆదివారం జాతీయ ప్రగతిలో ఆవిష్కరణల పాత్ర, స్టార్టప్‌ ఇంక్యుబేషన్‌, నిధుల సమీకరణ, సాంకేతికత–చట్టం–పరిపాలన వంటి అంశాలపై చర్చలు జరగనున్నాయి. కృత్రిమ మేధస్సు (ఏఐ), సైబర్‌ భద్రత, భవిష్యత్‌ సాంకేతికతలపై ప్రత్యేక వర్క్‌షాప్‌ నిర్వహించనున్నారు. ఇన్నోవేటర్స్‌ కాన్‌క్లేవ్‌లో జేఎన్‌టీయూఏ వీసీ సుదర్శనరావు హాజరైన 3వేల మందికి పైగా విద్యార్థులు, 300కు పైగా స్టార్టప్‌ కంపెనీల ప్రతినిధులు

ఢిల్లీ అహంకారానికి..అనంతపురం: నగర పాలక సంస్థ ఎన్నికలు ఢిల్లీ అహంకారానికి.. అనంతపురం ఆత్మగౌరవానికి మధ్యే పోటీ అని కర్నూలు మాజీ ఎమ్మెల్యే హఫీజ్‌ఖాన్‌, వైఎస్సార్‌సీపీ మేయర్‌ అభ్యర్థి రమేష్‌గౌడ్‌ అభివర్ణించారు. శనివారం అనంతపురంలోని వైఎస్సార్‌సీపీ జిల్లా కార్యాలయంలో మేయర్‌ అభ్యర్థి రమేష్‌గౌడ్‌తో కలిసి వైఎస్సార్‌సీపీ – మైనార్టీ నాయకులతో సమావేశం నిర్వహించారు. ఈ సందర్భంగా హఫీజ్‌ఖాన్‌, రమేష్‌గౌడ్‌ మాట్లాడుతూ ప్రశాంతంగా ఉన్న అనంతపురంలో మతాల మధ్య చిచ్చు పెట్టేందుకు బీజేపీని రంగంలోకి దించారని ఆగ్రహం వ్యక్తం చేశారు. వక్ఫ్‌ సవరణ చట్టం వంటి నిర్ణయాలతో ముస్లిం మైనారిటీలను తీవ్రంగా ఇబ్బంది పెడుతున్న బీజేపీకి మేయర్‌ స్థానం కేటాయించడంపై టీడీపీ ముస్లిం నాయకులు సమాధానం చెప్పాలని నిలదీశారు. నగరంలో కూటమి ఎమ్మెల్యే అనుచరుల దాడులు, దౌర్జన్యాలు, భూకబ్జాలు పెరిగిపోయాయని మండిపడ్డారు. వైఎస్సార్‌సీపీ మేయర్‌, కార్పొరేటర్‌ అభ్యర్థులను గెలిపిస్తే సేవకులుగా ఉంటారని స్పష్టం చేశారు. 2019–2024 మధ్య వైఎస్సార్‌సీపీ హయాంలో రూ.1200 కోట్లతో నగరాన్ని ఎంతో అభివృద్ధి చేసినట్లు గుర్తు చేశారు. రాష్ట్ర యాదవ సంఘం మాజీ అధ్యక్షుడు హరీష్‌ యాదవ్‌ మాట్లాడుతూ సామాజిక న్యాయం వైఎస్సార్‌సీపీతోనే సాధ్యమన్నారు. ఎన్నికల్లో కూటమి నేతలు డబ్బు, అధికార మదంతో దౌర్జన్యాలు చేస్తున్నారని, అన్ని వర్గాల ప్రజలు ఏకమై కూటమి అభ్యర్థులను తిరస్కరించాలని పిలుపునిచ్చారు. వైఎస్సార్‌సీపీ సీఈసీ సభ్యుడు నదీమ్‌ అహ్మద్‌, మాజీ మేయర్‌ వసీం మాట్లాడుతూ స్థానిక ఎన్నికల సాకుతో నగరంలో ప్రశాంత వాతావరణాన్ని దెబ్బతీసేందుకు కూటమి నేతలు ప్రయత్నిస్తున్నారని విమర్శించారు. ఈ సందర్భంగా 21వ డివిజన్‌కు సంబంధించిన టీడీపీ నాయకులు గఫ్ఫార్‌, షఫీ వైఎస్సార్‌సీపీలో చేరారు. కార్యక్రమంలో పార్టీ ఎస్‌ఈసీ సభ్యులు కోగటం విజయభాస్కర్‌ రెడ్డి, మైనార్టీ విభాగం రాష్ట్ర నాయకులు కాగజ్‌ఘర్‌ రిజ్వాన్‌, వేముల నదీం అహమ్మద్‌, ఏకే ఫయాజ్‌ఖాన్‌, 21వ డివిజన్‌ అభ్యర్థి ఖాజాపీర్‌ తదితరులు పాల్గొన్నారు.

● కలెక్టర్‌ ఆనంద్‌ ఆదేశంఅనంతపురం న్యూ టౌన్‌: మున్సిపల్‌ ఎన్నికల కౌంటింగ్‌ కేంద్రంలో పకడ్బందీగా ఏర్పాట్లు చేయాలని కలెక్టర్‌, జిల్లా ఎన్నికల అధికారి ఓ.ఆనంద్‌ అధికారులను ఆదేశించారు. శనివారం ఆయన నగరంలోని ఎస్‌ఎస్‌బీఎన్‌ డిగ్రీ కళాశాలలో మున్సిపల్‌ ఎన్నికల మెటీరియల్‌ పంపిణీ, కౌంటింగ్‌ కేంద్రం, స్ట్రాంగ్‌ రూమ్‌ని ఎస్పీ పి.జగదీష్‌, అసిస్టెంట్‌ కలెక్టర్‌ సుయాష్‌ కుమార్‌తో కలిసి తనిఖీ చేశారు. ఈ సందర్భంగా కలెక్టర్‌ మాట్లాడుతూ కౌంటింగ్‌ కేంద్రంలో నిబంధనల ప్రకారం అన్ని ఏర్పాట్లు పూర్తి చేయాలన్నారు. మెటీరియల్‌ పంపిణీ సందర్భంగా వర్షం కురిసినా ఇబ్బందులు తలత్తెకుండా ప్రత్యామ్నాయ ఏర్పాట్లను చేపట్టాలన్నారు. కౌంటింగ్‌ కేంద్రంలో ఎన్ని టేబుళ్లు ఏర్పాటు చేస్తారు, ఎన్ని రౌండ్ల కౌంటింగ్‌ చేపడతారు, రిసెప్షన్‌ ఏర్పాటు, తదితర అంశాలపై కలెక్టర్‌ సూచనలు చేశారు. నగరపాలక సంస్థ కమిషనర్‌ జస్వంత్‌ రావు, డీఎస్పీ కరుణాకర్‌రావు తదితరులు పాల్గొన్నారు. స్ట్రాంగ్‌ రూంల తనిఖీ ఉరవకొండ: స్థానిక ప్రభుత్వ జూనియర్‌ కళాశాలలో ఏర్పాటు చేసిన స్ట్రాంగ్‌ రూంలను శనివారం జిల్లా కలెక్టర్‌ ఆనంద్‌, ఎస్పీ జగదీష్‌, అసిస్టెంట్‌ కలెక్టర్‌ సుయాష్‌కుమార్‌ అధికారులతో కలిసి పరిశీలించారు. ఈసందర్భంగా కలెక్టర్‌, ఎస్పీ మాట్లాడుతూ జడ్పీటీసీ, ఎంపీటీసీ ఎన్నికల కౌంటింగ్‌ కోసం ఎలాంటి ఇబ్బందులు లేకుండా చర్యలు తీసుకోవాలన్నారు. ఒక కౌటింగ్‌ కేంద్రంలో కనీసం నాలుగు టేబుళ్లు పట్టేలా ఏర్పాట్లు చేసుకోవాలని సూచించారు. రిసెప్షన్‌, కౌంటింగ్‌ కేంద్రాల వద్ద పటిష్ట భద్రత కల్పించాలన్నారు. డీఎస్పీ శ్రీనివాస్‌, రిటర్నింగ్‌ అధికారి సాలురెడ్డి, తహసీల్దార్‌ అరుణ, ఎంపీడీఓ రవిప్రసాద్‌, సీఐలు మహనంది, ఈరన్న పాల్గొన్నారు.

అనంతపురంలో మేయర్‌ అభ్యర్థి రమేష్‌గౌడ్‌, కార్పొరేటర్‌ అభ్యర్థి టీవీ చంద్రమోహన్‌రెడ్డిని గెలిపించాలని కోరుతున్న వైఎస్సార్‌సీపీ జిల్లా అధ్యక్షుడు అనంత వెంకటరామిరెడ్డి మున్సిపల్‌ ఎన్నికల్లో అభ్యర్థుల ప్రచారం ఊపందుకుంది. శనివారం వర్షం కురుస్తున్నా వైఎస్సార్‌సీపీ మున్సిపల్‌ చైర్‌ పర్సన్‌, కౌన్సిలర్‌ అభ్యర్థులు ఇంటింటికీ తిరుగుతూ ఫ్యాన్‌ గుర్తుకు ఓటు వేసి గెలిపించాలని ఓటర్లను అభ్యర్థించారు. గుంతకల్లులో వృద్ధురాలిని ఓటు అభ్యర్థిస్తున్న చైర్‌పర్సన్‌ అభ్యర్థి ఎన్‌.వెంకటలక్ష్మి తాడిపత్రిలో ప్రచారం చేస్తున్న చైర్‌పర్సన్‌ అభ్యర్థి ఫయాజ్‌

అనంతపురం న్యూ టౌన్‌ : స్థానిక ఎన్నికల్లో టీడీపీ నేతలు చేస్తున్న దురాగతాలపై ప్రశ్నించడమే నేరమా అంటూ జిల్లా పరిషత్‌ తాజా మాజీ చైర్‌పర్సన్‌ బోయ గిరిజమ్మ మండిపడ్డారు. ఈనెల 22న నామినేషన్లు సందర్భంగా వైఎస్సార్‌సీపీకి చెందిన అభ్యర్థులను అనుమతించకపోగా తీవ్రస్థాయిలో పచ్చ గూండాలు దాడి చేయడం అత్యంత దారుణమని ఆమె ఆందోళన వ్యక్తం చేశారు. దీంతో తనను విచారణకు రావాలంటూ పోలీస్‌ నోటీసులు ఇవ్వడం ప్రభుత్వ నిరంకుశత్వానికి నిదర్శనమన్నారు. మనం ప్రజాస్వామ్యంలో ఉన్నామా లేక పాకిస్తాన్లో ఉన్నామా అంటూ ప్రభుత్వంపై ధ్వజమెత్తారు. అన్యాయాన్ని ప్రశ్నిస్తే పోలీసుల ద్వారా వేధింపులకు గురి చేయడం చంద్రబాబుకే చెల్లిందన్నారు. ఇప్పటికై నా ప్రభుత్వం తన తప్పును గుర్తించి ఈ విధమైన వేధింపులకు స్వస్తి పలకాలని హితవుపలికారు.

అనంతపురం న్యూ టౌన్‌: ఈవీఎంల భద్రతపై అప్రమత్తంగా ఉండాలని అధికారులను ఆదేశించారు. పాత ఆర్‌డీఓ కార్యాలయం పక్కన ఏర్పాటు చేసిన ఈవీఎం గోదాములను శనివారం కలెక్టర్‌ అసిస్టెంట్‌ కలెక్టర్‌ సుయాష్‌ కుమార్‌, డీఆర్‌ఓ మలోలతో కలిసి గోదామును తనిఖీ చేశారు. డోర్‌ లాక్‌ సీళ్ల స్థితిని పరిశీలించి ఈవీఎంల రక్షణ చర్యలు, భద్రతప్రమాణాలు ఈసీ మార్గదర్శకాల ప్రకారం అమలవుతున్నాయా అనే అంశాలపై అధికారులతో అడిగి తెలుసుకున్నారు. అనంతరం కలెక్టర్‌ మాట్లాడుతూ గోదాముల వద్ద విధులు నిర్వహిస్తున్న పోలీసు సిబ్బంది ఎల్లప్పుడూ అప్రమత్తంగా ఉండాలన్నారు. పోలీసు లాగ్‌ బుక్‌ను పరిశీలించారు. అలాగే సీసీటీవీ పర్యవేక్షణ వ్యవస్థ పనితీరు, నిరంతర విద్యుత్‌ సరఫరా కొనసాగింపు, అగ్నిమాపక పరికరాల అందుబాటుపై ఆరా తీశారు. స్పెషల్‌ డిప్యూటీ కలెక్టర్‌ ఆనంద్‌, ఎన్నికల విభాగం డిప్యూటీ తహసీల్దార్‌ కనకరాజు సీనియర్‌ అసిస్టెంట్‌ శామ్యూల్‌ బెంజ్‌ మెన్‌ పాల్గొన్నారు. అనారోగ్యంతో ఉపాధ్యాయుడి మృతి బొమ్మనహాళ్‌: మండల కేంద్రానికి చెందిన ఉపాధ్యాయుడు కురుబ మల్లికార్జున (52) అనారోగ్యంతో శనివారం మృతి చెందారు. కొన్నేళ్లుగా క్యాన్సర్‌తో బాధపడుతున్న ఆయన అనంతపురంలోని ఓ ప్రైవేట్‌ ఆస్పత్రిలో చికిత్స పొందుతూ తుదిశ్వాస విడిచినట్లు కుటుంబ సభ్యులు తెలిపారు. మల్లికార్జున బొమ్మనహాళ్‌, కురువల్లి పాఠశాలల్లో ఉపాధ్యాయుడిగా సేవలందించారు. ప్రస్తుతం రాయదుర్గంలో ఉపాధ్యాయుడిగా పని చేస్తున్నారు. ఎమ్మెల్యే కాలవ శ్రీనివాసులు, జనసేన ఇన్‌చార్జ్‌ మంజునాథ్‌తో పాటు పలువురు ఉపాధ్యాయులు మల్లికార్జున మృతదేహానికి పూలమాలలు వేసి నివాళ్పురించారు. మృతుడు మల్లికార్జునకు భార్య, ఇద్దరు పిల్లలు ఉన్నారు. మహిళా కౌన్సిలర్‌ అభ్యర్థికి బెదిరింపులు గుంతకల్లు: వైఎస్సార్‌సీపీ 23వ వార్డు కౌన్సిలర్‌ అభ్యర్థి డీ.జరీనా రీనాతోపాటు ఆమె భర్త విష్ణును ఆదే వార్డుకు చెందిన పలువురు టీడీపీ నాయకులు బెదిరించారు. ఈమేరకు రాష్ట్ర ఎన్నికల కమిషనర్‌కు ఫిర్యాదు చేసినట్లు తెలిపారు. శనివారం వారు మాట్లాడుతూ వైఎస్సార్‌సీపీ తరఫున కౌన్సిలర్‌ టికెట్‌ కేటాయించినప్పటి నుంచి టీడీపీ అభ్యర్థి భర్తతోపాటు ఆమె బంధువులు, సహచరులు వేధింపులకు గురి చేస్తున్నారన్నారు. నామినేషన్‌ వేసేటప్పుడు, బీ–ఫారం అందజేసే సమయంలో తమ పత్రాలను లాక్కునేందుకు ప్రయత్నించినట్లు వాపోయారు. ఎన్నికల ప్రచారం చేయకూడాదని అసభ్య పదజాలంతో దూషిస్తున్నారన్నారు. తమకు మద్దతుగా వచ్చే స్నేహితులను కూడా బెదిరిస్తున్నారన్నారు. దీనిపై ఈ నెల 21న ఎస్‌ఈసీకి ఈమెయిల్‌ ద్వారా ఫిర్యాదు పంపినట్లు తెలిపారు. తమకు ప్రాణాభయం ఉందని, తక్షణమే పోలీసులు రక్షణ కల్పించి బాధ్యులపై చట్టపరమైన చర్యలు తీసుకోవాలని కోరారు.

కూడేరు: ఎంపీడీఓ కార్యాలయంలో శనివారం జరిగిన ఎంపీటీసీల నామినేషన్ల పరిశీలన కార్యక్రమంలో విధులు నిర్వహిస్తున్న ఏఎస్‌ఐ రామానాయుడు ఉన్నట్టుండి కళ్లు తిరిగి కిందపడిపోయాడు. వెంటనే పక్కన ఉన్న వ్యక్తులు అప్రమత్తమై ఏఎస్‌ఐని పట్టుకున్నారు. పోలీసులు ఆయన్ను హుటాహుటిన అనంతపురం ఆస్పత్రికి తరలించారు. అక్కడ పరీక్షించిన వైద్యులు బ్రెయిన్‌ స్ట్రోక్‌ వచ్చినట్లు నిర్ధారించారు. మెరుగైన వైద్యం కోసం బెంగళూరుకు తరలించాలని వైద్యులు సూచించినట్లు తెలిసింది. బైక్‌ను ఢీకొన్న కారు: యువకుడి దుర్మరణం ● మరో ఇద్దరికి తీవ్రగాయాలు కూడేరు: శివరాంపేట సమీపాన అనంతపురం–బళ్లారి ప్రధాన రహదారిపై శనివారం బైక్‌ను కారు ఢీకొన్న ఘటనలో ఓ యువకుడు దుర్మణం చెందాడు. మరో ఇద్దరికి తీవ్రగాయాలయ్యాయి. పోలీసులు అందించిన వివరాలు ఉరవకొండ మండలం చిన్న ముష్టూరుకు చెందిన శేషు(26) సురేంద్ర, వంశీతో కలిసి అనంతపురం నుంచి స్వగ్రామానికి బైక్‌పై బయలుదేరారు. శివరాంపేట సమీపాన బళ్లారి నుంచి అనంతపురం వైపు వస్తున్న కారు అదుపుతప్పి బైక్‌ను ఢీకొంది. ఘటనలో బైక్‌పై ఉన్న ముగ్గురికీ తీవ్రగాయాలయ్యాయి. కారు డ్రైవింగ్‌ చేస్తున్న మహిళ గాయపడింది. ఇదే సమయంలో బైక్‌ వెనుక వస్తున్న ఇటుకల ట్రాక్టర్‌ డ్రైవర్‌ రోడ్డుపై పడిన యువకులను తప్పించే క్రమంలో సడన్‌ బ్రేక్‌ వేయడంతో అదుపుతప్పి రోడ్డుపై పడింది. ఆ సమయంలో అటుఇటూ వాహనాలు రాకపోవడంతో పెద్ద ప్రమాదం తప్పింది. క్షతగాత్రులను 108 వాహనంలో అనంతపురం ఆస్పత్రికి తరలించారు. అక్కడికి వెళ్లగానే శేషు మృతి చెందాడు. మృతుడి తల్లి అనంతపురంలో ఓ ఆస్పత్రిలో స్వీపర్‌గా పని చేస్తోంది. అతడు వ్యవసాయ కూలీ పనులకు వెళుతుంటాడు. ఒక్కగానొక్క కుమారుడు రోడ్డు ప్రమాదంలో మృతి చెందడంతో తల్లి కన్నీరుమున్నీరైంది.

● రాయదుర్గం నియోజకవర్గం కణేకల్లు మండలం ఎర్రగుంట–1 ఎంపీటీసీ స్థానానికి వైఎస్సార్‌సీపీ తరఫున మంజుల రెండు సెట్లు, సునీతమ్మ ఒక సెట్టు చొప్పున మొత్తం మూడు సెట్ల నామినేషన్‌ పత్రాలను దాఖలు చేశారు. అయితే, దాఖలు చేసిన నామినేషన్‌ పత్రాల్లో పోటీ చేసే స్థానం ఎదుట ‘ఎర్రగుంట–1’ అని ఉండాల్సింది పోయి కేవలం ‘ఎర్రగుంట’ అని మాత్రమే రాసి ఉందనే సాకుతో టీడీపీ నాయకులు అభ్యంతరం వ్యక్తం చేశారు. ఆ నిమిషమే అధికారులు సదరు ఇద్దరు అభ్యర్థుల నామినేషన్లను తిరస్కరిస్తూ, ఆర్డీవో అప్పీలుకు వెళ్లాలని సూచించారు. తామన్నీ సక్రమంగా దరఖాస్తులో పొందుపరిచి సమర్పించామని, అధికారులు కూడా ఎర్రగుంట–1 స్థానానికి రశీదు ఇచ్చి డిపాజిట్‌ కూడా కట్టించుకున్నారని, ఇప్పుడే వివరాలు మార్చేసి రభస చేసి.. నామినేషన్‌ను తిరస్కరించారని వైఎస్సార్‌సీపీ నాయకులు ధ్వజమెత్తారు.

శింగనమల మండలంలోని 12 ఎంపీటీసీ స్థానాలకు 74 నామినేషన్లు రాగా.. రెండింటిని తిరస్కరించారు. సలకంచెర్వు ఎంసీటీసీ స్థానానికి వైఎస్సార్‌సీపీ నుంచి నామినేషన్‌ వేసిన అలివేలమ్మ, అంజినమ్మలకు చెవుడు ఉండడంతో పోటీ చేయడానికీ అనర్హులని ప్రకటించారు. వైఎస్సార్‌సీపీ తరఫున అడ్వొకేట్‌ రమణారెడ్డి వాదించారు. చట్టంలో చెవుడు, మూగ రెండూ ఉన్న వారే అనర్హులని, ఒకటి మాత్రమే ఉన్నప్పుడు ఎలా రిజెక్ట్‌ చేస్తారని ప్రశ్నించారు. టీడీపీ నాయకులు ఒత్తిడి చేయడంతో ఆర్‌ఓ లలితమ్మ నామినేషన్‌ పత్రాలను తిరస్కరణ చేసి, అనంతపురం ఆర్డీఓకు రెఫర్‌ చేశారు. స్క్రూటినీలో ‘పచ్చ’ నేతల హల్‌చల్‌ ఆత్మకూరు మండలంలో 11 ఎంపీటీసీ స్థానాలకు వైఎస్సార్‌సీపీ, టీడీపీ, కాంగ్రెస్‌ నుంచి 61 నామినేషన్లు దాఖలయ్యాయి. శనివారం పరిశీలన కార్యక్రమం చేపట్టారు. ఇనుప ముళ్ల కంచెల నడుమ అభ్యర్థుల నామినేషన్లను పరిశీలించారు. అయితే టీడీపీ నేతలు.. వైఎస్సార్‌సీపీ నామినేషన్లు తిరస్కరించాలంటూ అధికారులపై తీవ్రస్థాయిలో ఒత్తిడి చేస్తూ హల్‌చల్‌ చేశారు. ఈ క్రమంలోనే వైఎస్సార్‌సీపీ అభ్యర్థులకు సంబంధించి బి.యాలేరు నుంచి రెండు, వేపచెర్ల, ముట్టాల, సింగంపల్లి నుంచి ఒక్కొక్కటి మొత్తం ఐదు నామినేషన్లను తిరస్కరిస్తూ.. ఆర్డీఓ కోర్టుకు అప్పీలు పంపిస్తున్నట్లు అధికారులు తెలిపారు. చిన్నచిన్న కారణాలతో కక్షకట్టి తిరస్కరించేలా చేశారని వైఎస్సార్‌సీపీ నాయకులు మండిపడ్డారు. ● రాప్తాడు మండలంలో ఎంపీటీసీ ఎన్నికల నామినేషన్ల పరిశీలన అనంతరం వైఎస్సార్‌సీపీకి చెందిన ముఖ్య అభ్యర్థులతో సహా మొత్తం ముగ్గురు నామినేషన్లను అధికారులు తిరస్కరించారు. ఇంకా ఎక్కడెక్కడ ఎన్ని తిరస్కరించారంటే... ● శింగనమల నియోజకవర్గంలోని నార్పల మండలం బొందలవాడ ఎంపీటీసీ అభ్యర్థి నారాయణను ప్రతిపాదించిన వ్యక్తిని పరిశీలనకు రాకుండా చేసి, ఫారంలో ఉన్న సంతకం తనది కాదని ఆ వ్యక్తితో చెప్పించిన వీడియోను అధికారులు పరిగణనలోకి తీసుకుని నామినేషన్‌ను తిరస్కరించారు. నార్పల – 1 అభ్యర్థి ఆదినారాయణమ్మ పంచాయతీకి అద్దె బకాయి చెల్లించలేదన్న సాకుతో నామినేషన్‌ను రిజెక్ట్‌ చేశారు. అదే సమయంలో నార్పల–4 ఎంపీటీసీ జనసేన అభ్యర్థి రాయదుర్గం తేజలక్ష్మి పన్ను బకాయి ఉండటంపై వైఎస్సార్‌సీపీ నాయకులు అభ్యంతరం తెలిపినా పట్టించుకోకుండా అధికారులు ఆమె నామినేషన్‌ను ఆమోదించడం ఏకపక్ష వైఖరికి నిదర్శనంగా నిలిచింది. ● బుక్కరాయసముద్రం – 4 ఎంపీటీసీ అభ్యర్థి కొండయ్యకు సంబంధించి ఓటర్‌ లిస్టులోని సీరియల్‌ నంబర్‌, నామినేషన్‌ దరఖాస్తు ఫారంలో పొందుపరిచిన సీరియల్‌ నంబర్‌ సరిపోలలేదనే కారణంతో నామినేషన్‌ను తిరస్కరించారు. సెల్ఫ్‌ డిక్లరేషన్‌లో సంతకాలు చేయలేదని దండువారిపల్లి ఎంపీటీసీ అభ్యర్థి నాగరాజు, చెన్నంపల్లి అభ్యర్థులు సుబ్బలక్ష్మి, నల్లాని కుమారి, వెంకటాపురం అభ్యర్థి లక్ష్మీదేవి నామినేషన్లను రిజెక్ట్‌ చేశారు. కొర్రపాడు–2 ఎంపీటీసీ అభ్యర్థి కుళ్లాయమ్మ దరఖాస్తు ఫారంలో సంతకం చేయలేదని నామినేషన్‌ను పరిగణనలోకి తీసుకోలేదు. ● తాడిపత్రి మండలంలో బ్రాహ్మణపల్లి, వంగనూరు, బోడాయిపల్లి, ఎర్రగుంటపల్లి, గన్నెవారిపల్లి–2, గన్నెవారిపల్లి–3 ఎంపీటీసీ స్థానాల్లో వైఎస్సార్‌సీపీ అభ్యర్థుల నామినేషన్లను అధికారులు ఉద్దేశపూర్వకంగా తిరస్కరించారు. నామినేషన్‌ పత్రాల్లో కొన్నింటిని గల్లంతు చేసి... పత్రాలు పొందుపరచలేదనే నెపంతో రిజెక్ట్‌ చేశారు. పెద్దపప్పూరు మండలం పెద్ద ఎక్కలూరు, జూటూరు, చిన్న ఎక్కలూరు, నరసాపురం ఎంపీటీసీ స్థానాల్లో నామినేషన్‌ పత్రాలను సరిగా నింపలేదనే సాకుతో అధికారులు తిరస్కరించారు. ● ఉరవకొండ మండలంలో మంత్రి పయ్యావుల కేశవ్‌ స్వగ్రామమైన పెద్దకౌకుంట్లలో రెండు ఎంపీటీసీ స్థానాలను టీడీపీ ఏకగ్రీవం చేసుకున్న తీరుపై అనుమానాలు వ్యక్తమవుతున్నాయి. ఈ స్థానాల్లో వైఎస్సార్‌సీపీ అభ్యర్థులు నామినేషన్లు వేయడానికి సిద్ధపడగా, టీడీపీ నేతలు వారిని తీవ్ర భయాందోళనలకు గురిచేసి, నామినేషన్లు వేయకుండా అడ్డుకున్నారని ఆరోపణలు వెల్లువెత్తాయి. విడపనకల్లు మండలంలోని వి.కొత్తకోట, హావళిగి–1 వైఎస్సార్‌సీపీ ఎంపీటీసీ అభ్యర్థులు సరైన ప్రతాలను పొందుపరచలేదనే సాకుతో అధికారులు నామినేషన్లను తిరస్కరించారు. ఇదిలా ఉండగా నామినేషన్ల పరిశీలనకు సంబంధించిన వివరాలను సాయంత్రం ఏడుగంటలైనా తెలపకుండా ఆర్‌ఓ వెళ్లిపోవడంతో ఇరు పార్టీల అభ్యర్థులు కార్యాలయం వద్ద ఆందోళన వ్యక్తం చేశారు. వైఎస్సార్‌సీపీ నామినేషన్ల తిరస్కరణకు అధికారులపై ఒత్తిడి టీడీపీ నాయకులు అభ్యంతరం తెలపడమే తడవుగా రిజెక్ట్‌.. దాఖలు సమయంలో అన్నీ ఉన్నా.. పరిశీలనలో పత్రాల గల్లంతు వైఎస్సార్‌సీపీ ప్రభావం అధికంగా ఉన్న ప్రాంతాలపైనే గురి ఎన్నికలు జరగకుండానే సింహభాగం స్థానాల కై వసానికి కుట్ర

● జెడ్పీటీసీ, ఎంపీటీసీ ఎన్నికలకు పీఓ, ఏపీఓలను నియామకం ● జాబితాలు చూసి షాక్‌ తిన్న టీచర్లు అనంతపురం ఎడ్యుకేషన్‌: ఎన్నికల విధుల కేటాయింపులో అధికారుల తీరు ఉపాధ్యాయుల్లో తీవ్ర చర్చకు దారితీస్తోంది. ఉద్యోగ విరమణ చేసినవారు, దివ్యాంగులు, రిటైర్మెంట్‌కు దగ్గరలో ఉన్నవారికీ జెడ్పీటీసీ, ఎంపీటీసీ ఎన్నికల విధులు కేటాయించడంతో ఉపాధ్యాయులు విస్మయం వ్యక్తం చేస్తున్నారు. మరోవైపు కొన్ని పాఠశాలల్లో పనిచేస్తున్న ఉపాధ్యాయులందరికీ డ్యూటీలు వేయడంతో శిక్షణ రోజుల్లో పాఠశాలలను ఎలా నిర్వహించాలనే ప్రశ్న తలెత్తుతోంది. జిల్లా వ్యాప్తంగా ఎన్నికల విధుల జాబితాలను పరిశీలించిన ఉపాధ్యాయులు, హెచ్‌ఎంలు అభ్యంతరాలు వ్యక్తం చేస్తున్నారు. ఉద్యోగ విరమణ చేసినా.. విధులా? అనంతపురంలోని అబ్దుల్‌ కలాం ఆజాద్‌ మున్సిపల్‌ కార్పొరేషన్‌ ఉర్దూ ఉన్నత పాఠశాల హెచ్‌ఎంగా పనిచేసిన అనంతరాజు శ్రీదేవి సెప్టెంబరు 30న ఉద్యోగ విరమణ చేశారు. అయినప్పటికీ ఆమెకు ఈ నెల 26, 29 తేదీల్లో అనంతపురం జేఎన్‌టీయూలో నిర్వహించే శిక్షణకు హాజరుకావాలంటూ ఉత్తర్వులు జారీ చేశారు. ఉద్యోగ విరమణ చేసిన వారికి సైతం ఎన్నికల విధులు కేటాయించడం ఎలా జరిగిందన్న ప్రశ్నలు వ్యక్తమవుతున్నాయి. దివ్యాంగులకూ తప్పని డ్యూటీలు అనంతపురం రూరల్‌ మండలం ఉప్పరపల్లి జెడ్పీహెచ్‌ఎస్‌లో తెలుగు పండిట్‌గా పనిచేస్తున్న నాగార్జునకు వంద శాతం దృష్టి వైకల్యం ఉంది. ఆలమూరు జెడ్పీహెచ్‌ఎస్‌ సోషల్‌ టీచర్‌ రమాదేవికి 90 శాతం వైకల్యం ఉండగా, రుద్రంపేట జెడ్పీహెచ్‌ఎస్‌ సోషల్‌ టీచర్‌ తిప్పయ్య కూడా దివ్యాంగుడే. కళ్యాణదుర్గం మండలం తిమ్మసముద్రం ఎంపీయూపీ పాఠశాలలో హిందీ స్కూల్‌ అసిస్టెంట్‌గా పనిచేస్తున్న టి.సమీవుల్లాఖాన్‌కు 55 శాతం శారీరక వైకల్యం ఉంది. వీరందరికీ ఎన్నికల విధులు కేటాయించారు. గతంలో ఎప్పుడూ ఎన్నికల విధులు కేటాయించని దివ్యాంగ టీచర్లకూ ఈసారి కేటాయించడం విశేషం. అనంతపురం నగరంలోని శారదా నగరపాలక ఉన్నత పాఠశాలలోనూ దివ్యాంగ ఉపాధ్యాయులకు విధులు కేటాయించినట్లు తెలిసింది. అందరికీ డ్యూటీలేస్తే బడులు నడిచేదెలా? అనంతపురం నగరంలోని ప్రభుత్వ ఉన్నత పాఠశాల నంబర్‌–1లో ఉపాధ్యాయులందరికీ ఎన్నికల విధుల ఉత్తర్వులు అందాయి. అనంతపురం రూరల్‌ మండలం సిండికేట్‌నగర్‌ జిల్లా పరిషత్‌ ఉన్నత పాఠశాలలోనూ ఇదే పరిస్థితి నెలకొంది. ఒకే పాఠశాలలో పనిచేసే ఉపాధ్యాయులందరినీ ఎన్నికల విధులకు కేటాయిస్తే, శిక్షణ జరిగే రోజుల్లో విద్యార్థులకు బోధన ఎలా కొనసాగించాలనే ఆందోళన హెచ్‌ఎంలను వేధిస్తోంది. పాఠశాలల నిర్వహణకు ప్రత్యామ్నాయ ఏర్పాట్లు చేయాల్సిన అవసరం ఉందని ఉపాధ్యాయులు అభిప్రాయపడుతున్నారు. మినహాయింపులపై స్పష్టత ఏదీ? ప్రత్యేక పరిస్థితులు ఉన్న ఉద్యోగులు, దివ్యాంగులకు ఎన్నికల విధుల నుంచి మినహాయింపు ఉంటుందని అధికారులు ప్రకటించినట్లు ఉపాధ్యాయులు చెబుతున్నారు. అయితే, విడుదలైన జాబితాల్లో దివ్యాంగులు, ఉద్యోగ విరమణ చేసినవారు, ఏడాదిలోపు పదవీ విరమణ చేయనున్నవారి పేర్లు ఉండటంపై అభ్యంతరాలు వ్యక్తమవుతున్నాయి. ప్రిసైడింగ్‌ ఆఫీసర్లు (పీఓలు), అసిస్టెంట్‌ ప్రిసైడింగ్‌ ఆఫీసర్లు (ఏపీఓలు), ఇతర పోలింగ్‌ ఆఫీసర్లుగా (ఓపీఓలు) విద్యాశాఖతో పాటు ఇతర శాఖల ఉద్యోగులను నియమించినప్పటికీ, ఎక్కువగా హెచ్‌ఎంలు, ఉపాధ్యాయులకే బాధ్యతలు కేటాయించారు. శనివారం సాయంత్రం విడుదలైన జాబితాలను పరిశీలించిన ఉపాధ్యాయులు ఖంగుతిన్నారు.

● ఎమ్మెల్సీ వై. శివరామిరెడ్డి ధ్వజం అనంతపురం: స్థానిక సంస్థల ఎన్నికల ప్రక్రియలో చంద్రబాబు ప్రభుత్వం నియంతగా వ్యవహరిస్తోందని వైఎస్సార్‌సీపీ ఎమ్మెల్సీ వై. శివరామిరెడ్డి తీవ్ర ఆగ్రహం వ్యక్తం చేశారు. స్థానిక పార్టీ జిల్లా కార్యాలయంలో నిర్వహించిన ఆయన విలేకరులతో మాట్లాడారు. 40 ఏళ్ల రాజకీయ అనుభవం ఉందని చెప్పుకునే చంద్రబాబుకు స్థానిక సంస్థల ఎన్నికల్లో ఎలా ప్రవర్తించాలో తెలియదా అని ఘాటుగా ప్రశ్నించారు. రాష్ట్ర చరిత్రలో ఎన్నడూ లేనివిధంగా స్థానిక ఎన్నికల్లో హింసను ప్రోత్సహిస్తున్నారని మండిపడ్డారు. విపక్ష అభ్యర్థులను నామినేషన్లు వేయనీయకుండా ఎక్కడికక్కడ అడ్డుకోవడం, దాడులు చేయడం, పత్రాలను బలవంతంగా లాక్కుని చింపివేయడమే టీడీపీ విధానమా అని నిలదీశారు. గుత్తి, గుంతకల్లు తదితర నియోజకవర్గాల్లో వైఎస్సార్‌సీపీ అభ్యర్థుల ఇళ్లకు వెళ్లి వారి కుటుంబ సభ్యులను భయభ్రాంతులకు గురిచేస్తున్నారని పేర్కొన్నారు. గోరంట్లలో మంత్రి అనుచరులు సాక్షాత్తూ ఎన్నికల అధికారి చేతిలో నుంచే నామినేషన్‌ పత్రాలను లాక్కుని చించివేసినా ఇప్పటివరకు ఎందుకు చర్యలు తీసుకోలేదని ప్రశ్నించారు. గుంతకల్లు నామినేషన్‌ కేంద్రాల వద్ద రౌడీలు, గూండాలు అరాచకాలు సృష్టిస్తుంటే అధికారులు పట్టించుకోకపోవడం దారుణమన్నారు. పోలీసు, అధికార యంత్రాంగం వైఫల్యం టీడీపీ గూండాలు బహిరంగంగా దాడులకు పాల్పడుతున్నా పోలీసులు ప్రేక్షక పాత్ర వహించడం దుర్మార్గమని ఆగ్రహం వ్యక్తం చేశారు. ప్రజలకు, అభ్యర్థులకు రక్షణ కల్పించాల్సిన బాధ్యత పోలీసులకు లేదా అని ప్రశ్నించారు. రాజ్యాంగబద్ధంగా నిష్పక్షపాతంగా వ్యవహరించాల్సిన అధికారులు, పచ్చచొక్కాలు వేసుకున్నట్లుగా అధికార పార్టీకి వత్తాసు పలుకుతున్నారని విమర్శించారు. వైఎస్సార్‌సీపీ రాష్ట్ర కార్యదర్శి వీరా రామకృష్ణారెడ్డి, డీసీఎంఎస్‌ మాజీ చైర్మన్‌ సోమర జయచంద్రనాయుడు, మార్కెట్‌ యార్డ్‌ మాజీ చైర్మన్‌ రమణ యాదవ్‌ తదితరులు పాల్గొన్నారు.

అవును.. కొంతసేపు చేయించుకున్నా.. నేను స్వగ్రామం వెళ్లి వచ్చినపుడు ఒంట్లో నలతగా ఉంటే అవుట్‌ సోర్సింగ్‌ ఉద్యోగి అయిన వాచ్‌మెన్‌ (అసిస్టెంట్‌ కుక్‌) మృత్యుంజయతో బాడీ మసాజ్‌ మిషన్‌ ద్వారా కొంతసేపు మసాజ్‌ చేయించుకున్నాను. ఇష్టపూర్వకంగా చేస్తాడనే అనుకున్నాను. కానీ అతను ఇలా చేస్తాడని అనుకోలేదు. పాఠశాలలో శుభ్రంగా ఉండాలని అతనికి చెప్పాను. ఇది నచ్చక.. నాపై అనవసరంగా ఆరోపణలు చేస్తూ రాద్ధాంతం చేస్తున్నాడు. – ఎం.ప్రవీణ్‌ కుమార్‌, ప్రిన్సిపాల్‌, ఎస్టీ గురుకుల పాఠశాల ఉన్నతాధికారులకు నివేదించాం కళ్యాణదుర్గం గిరిజన సంక్షేమ గురుకుల పాఠశాల ప్రిన్సిపాల్‌పై వచ్చిన ఆరోపణలపై సిబ్బందిని విచారించాం. అవుట్‌ సోర్సింగ్‌ సిబ్బందితో మసాజ్‌ చేయించుకోవడం తప్పు. ప్రిన్సిపాల్‌ వివరణనూ తీసుకున్నాం. రాష్ట్రస్థాయి ఉన్నతాధికారులకు నివేదించాం. – ఎం.శ్రీనివాసరావు, డీటీడబ్ల్యూఓ, అనంతపురం కళ్యాణదుర్గం: గురుకుల పాఠశాల ప్రిన్సిపాల్‌ వ్యవహార శైలి వివాదాస్పదంగా మారింది. బాడీ మసాజ్‌ చేయడంతో పాటు తన వ్యక్తిగత పనులకు, ఇంటి పనులకు సిబ్బందిని పురమాయిస్తుండటం, మాట వినకపోతే వేధింపులకు గురిచేస్తుండటం కలకలం రేపుతోంది. ప్రిన్సిపాల్‌ బాడీ మసాజ్‌ చేయించుకుంటున్న దృశ్యం సోషల్‌ మీడియాలో వైరల్‌ అయ్యాయి. బాధితుడు రాసిన లేఖలోని సారాంశం ఇలా ఉంది. కళ్యాణదుర్గంలోని గిరిజన సంక్షేమ బాలుర గురుకుల పాఠశాల ప్రిన్సిపాల్‌గా ఎం.ప్రవీణ్‌కుమార్‌ ఆరు నెలల కిందట బాధ్యతలు స్వీకరించారు. కృష్ణా జిల్లా నుంచి వచ్చిన ఆయన ఇక్కడ ఒంటరిగా ఉంటున్నారు. అయితే ఈయన సిబ్బందితో అనుచితంగా ప్రవర్తిస్తున్నారని, వేధింపులకు గురి చేస్తున్నారనే ఆరోపణలు వెల్లువెత్తుతున్నాయి. బీఎస్సీ, బీఈడీ చేసిన దళవాయి మృత్యుంజయ అవుట్‌సోర్సింగ్‌ కింద అసిస్టెంట్‌ కుక్‌గా పనిచేస్తున్నారు. విద్యార్థులకు వడ్డిస్తున్న భోజనం నాణ్యతగా లేదంటూ మృత్యుంజయను మందలించి.. తన వ్యక్తిగత గదికి పిలిపించుకుని సపర్యలకు వినియోగించుకుంటున్నారు. రోజూ రాత్రి 8 నుంచి 10.30 గంటల వరకు బాడీ మసాజ్‌ మెషిన్‌ ద్వారా మసాజ్‌ చేయించుకుంటున్నారు. అంతటితో ఆగక ఆయన బట్టలు, లోదుస్తులను కూడా శుభ్రం చేయించుకుంటున్నారు. ఆ పనులు చేయడానికి నిరాకరిస్తే మృత్యుంజయను గేటు బయటే పెట్టి పనిష్మెంట్‌ ఇస్తున్నారు. విధిలేని పరిస్థితుల్లో అయిష్టంగా పనులు చేయాల్సి వస్తోందని అసిస్టెంట్‌ కుక్‌ చెబుతున్నాడు. తన భార్యకు ఆరోగ్యం బాగలేదని, ఇంటికెళ్తానని చెప్తే పంపకుండా వేధిస్తున్నాడని తెలిపాడు. ప్రిన్సిపాల్‌ తీరుతో విసిగిపోయిన అసిస్టెంట్‌ కుక్‌ ఈ నెల 22వ తేదీన తన బాధనంతా ఓ లేఖలో రాసి ఎస్టీ కమిషన్‌ సభ్యుడు వెంకటప్ప, స్థానిక ఎమ్మెల్యే దృష్టికి తీసుకుపోయారు. ప్రిన్సిపాల్‌ వేధింపులు తాళలేక ఓ మహిళా సిబ్బంది తన ఉద్యోగానికి రాజీనామా చేసి వెళ్లిపోయిందని, పాఠశాలలో తనకు అనుకూలంగా లేని ఉపాధ్యాయులకు ఏదో ఒక సాకుతో మెమోలు ఇచ్చి వారి నుంచి బలవంతంగా డబ్బు వసూలు చేస్తూ వేధిస్తున్నాడని లేఖలో ఆరోపించాడు. ఈ క్రమంలోనే ప్రిన్సిపాల్‌కు బాడీ మసాజ్‌ చేస్తున్న వీడియో ఒకటి సోషల్‌ మీడియాలో వైరల్‌ అయ్యింది. ఈ ఘటనకు సంబంధించి గిరిజ సంక్షేమ శాఖ అధికారులు విచారణ సైతం చేపట్టారు. మసాజ్‌ చేయాలని అసిస్టెంట్‌ కుక్‌కు హుకుం చేయకుంటే ఉద్యోగం నుంచి తొలగిస్తానని హెచ్చరిక లోదుస్తులు కూడా ఉతికిస్తున్నారంటూ బాధితుడి ఆవేదన అనుకూలంగా లేని ఉపాధ్యాయులకు మెమోలు జారీ చేస్తున్నారు ఎస్టీ కమిషన్‌ సభ్యుడు, ఎమ్మెల్యేకు లేఖ ద్వారా ఫిర్యాదు చేసిన బాధితుడు

● పెనకచెర్ల, ముంటిమడుగు వైఎస్సార్‌సీపీ అభ్యర్థుల నామినేషన్లు పునఃపరిశీలించాలి ● మాజీ మంత్రి శైలజానాథ్‌ డిమాండ్‌ గార్లదిన్నె:రాజకీయంగా ఎదుర్కోలేకే కూటమి నేతలు కుట్రపన్ని అధికారుల చేత వైఎస్సార్‌సీపీ అభ్యర్థుల నామినేషన్లను తిరస్కరింపజేశారని మాజీ మంత్రి, వైఎస్సార్‌సీపీ శింగనమల నియోజకవర్గ సమన్వయకర్త డాక్టర్‌ సాకే శైలజానాథ్‌ ఆగ్రహం వ్యక్తం చేశారు. గార్లదిన్నె ఎంపీడీఓ కార్యాలయంలో ఎంపీటీసీ నామినేషన్ల పరిశీలన నిర్వహించారు. వైఎస్సార్‌సీపీ అభ్యర్థులు బ్యాళ్ల భీమన్న, బీరప్ప నామినేషన్‌ పత్రాల్లో ఆస్తులకు సంబంధించిన పేపర్‌ ఒకటి లేదని ఆర్‌ఓ మంజుల తిరస్కరించారు. ముంటిమడుగు ఎంపీటీసీ అభ్యర్థులు సునీత, నాగలక్ష్మి నామినేషన్లు కూడా రిజెక్ట్‌ చేశారు. అధికార పార్టీ నేతల ఒత్తిడితోనే ఆర్‌ఓ ఏకపక్షంగా వ్యవహరించారంటూ వైఎస్సార్‌సీపీ నాయకులు ఆందోళనకు దిగారు. లోనికెళ్లి అధికారులతో మాట్లాడుతామని ప్రయత్నించగా అధికారులు అడ్డుకున్నారు. అనంతరం అక్కడకు వచ్చిన ఆర్‌ఓతో మాజీ మంత్రి శైలజానాథ్‌ మాట్లాడారు. నామినేషన్‌ సమ ర్పించినప్పుడు అన్నీ సక్రమంగా ఉన్నట్లు ధ్రువీకరించి సంతకం కూడా చేసి.. ఇప్పుడు ఎలా తిరస్కరిస్తారని ప్రశ్నించారు. అధికారులు నిబంధనల ప్రకారం నడుచుకోవాలని సూచించారు. తిరస్కరించిన నామినేషన్లను పునఃపరిశీలన చేసి.. ఆమోదం తెలపాలని డిమాండ్‌ చేశారు. కార్యక్రమంలో రైతు విభాగం జిల్లా అధ్యక్షుడు నారాయణరెడ్డి, మండల అధ్యక్షుడు ఎల్లారెడ్డి, వైఎస్సార్‌సీపీ జిల్లా కార్యదర్శి, బచ్చలన్న, బూత్‌ కమిటీ నియోజకవర్గ అధ్యక్షుడు ఓబిరెడ్డి, మండల బూత్‌ కమిటీ అధ్యక్షులు సుంకిరెడ్డి, హేమసుందర్‌, ఎస్సీ సెల్‌ నియోజకవర్గ అధ్యక్షుడు ఆంజనేయులు, ఆర్టీఐ విభాగం నియోజవర్గ అధ్యక్షుడు నాగరాజు, నాయకులు, కార్యకర్తలు తదితరులు పాల్గొన్నారు. నామినేషన్ల పరిశీలనఅంతా గోప్యమే బుక్కరాయసముద్రం: స్థానిక సంస్థల ఎన్నికల నిర్వహణలో భాగంగా బుక్కరాయసముద్రంలో శనివారం నామినేషన్ల పరిశీలనను అధికారులు గోప్యంగా చేశారని మాజీ మంత్రి శైలజానాథ్‌ మండిపడ్డారు. నామినేషన్ల పరిశీలనలో హెల్ప్‌ డెస్క్‌ అని పేరుకు మాత్రమే పెట్టారని, వాటిలో ఎక్కడా నామినేషన్లను సరిగా పరిశీలించలేదని పలువురు వైఎస్సార్‌సీపీ అభ్యర్థులు తన దృష్టికి తేవడంపై శైలజానాథ్‌ స్పందించారు. అధికార పార్టీ నాయకులను నామినేషన్‌ కేంద్రంలోకి ఎందుకు అనుమతించారని ఎన్నికల అధికారులను ప్రశ్నించారు. స్క్రూట్నీ సమాచారం బయటకు ఎందుకు తెలపడం లేదన్నారు. నామినేషన్ల పరిశీలన, అధికారుల నిర్లక్ష్య ధోరణిపై జిల్లా ఉన్నత అధికారులకు ఫిర్యాదు చేస్తామని శైలజానాథ్‌ తెలిపారు. కార్యక్రమంలో వైఎస్సార్‌సీపీ మండల అధ్యక్షుడు గువ్వల శ్రీకాంత్‌రెడ్డి, నరసింహారెడ్డి తదితరులు పాల్గొన్నారు. యల్లనూరులో ప్రజాస్వామ్యానికి విఘాతం అనంతపురం : శింగనమల నియోజకవర్గం యల్లనూరు మండలంలో స్థానిక ఎన్నికల సందర్భంగా చోటుచేసుకున్న పరిణామాలు ప్రజాస్వామ్యానికి విఘాతం కలిగించేవిగా ఉన్నాయని మాజీ మంత్రి డాక్టర్‌ సాకే శైలజానాథ్‌ ఆవేదన వ్యక్తం చేశారు. తిమ్మంపల్లి వైఎస్సార్‌సీపీ ఎంపీటీసీ అభ్యర్థినిని పోలీస్‌ స్టేషన్‌ వద్దే ఉంచి నామినేషన్‌ వేయకుండా అడ్డుకున్నారని మండిపడ్డారు. ఈ ఘటనలపై జిల్లా ఎన్నికల అధికారి, కలెక్టర్‌ ఆనంద్‌ను శనివారం కలిసి వినతిపత్రం అందజేశారు. వీటిపై విచారణ జరిపి.. అభ్యర్థిని నామినేషన్‌ వేయకుండా అడ్డుకున్న బాధ్యులపై చర్యలు తీసుకోవాలని కోరారు. నిబంధనలన్నీ వైఎస్సార్‌సీపీ వారికేనా? అనంతపురం న్యూటౌన్‌: నిబంధనలన్నీ వైఎస్సార్‌సీపీ అభ్యర్థుల విషయంలోనే వెలుగుచూస్తున్నాయని ఆ పార్టీ శింగనమల నియోజకవర్గ సమన్వయకర్త డాక్టర్‌ సాకే సాకే శైలజనాథ్‌ ధ్వజమెత్తారు. జిల్లా పరిషత్‌ ఎన్నికలకు సంబంధించి నార్పల జెడ్పీటీసీ అభ్యర్థి నామినేషన్‌ తిరస్కరణపై శనివారం రాత్రి స్థానిక రిటర్నింగ్‌ అధికారి విజయలక్ష్మిని శైలజానాథ్‌ కలిసి, వివరాలు అడిగి తెలుసుకున్నారు.

● 450 ఎంపీటీసీ స్థానాలకు 2,450 నామినేషన్లు ● 31 జెడ్పీటీసీ స్థానాలకు 265 నామినేషన్ల దాఖలు అనంతపురం న్యూ టౌన్‌: పరిషత్‌ ఎన్నికలకు సంబంధించి మూడు రోజులుగా సాగిన నామినేషన్ల ఘట్టం శుక్రవారం ముగిసింది. జిల్లాలోని 450 ఎంపీటీసీ స్థానాలకు గాను అన్ని పార్టీలకు సంబంధించి 2,450 మంది అభ్యర్థులు నామినేషన్లను దాఖలు చేశారు. ఇందులో కళ్యాణదుర్గం డివిజన్‌ పరిధిలోని 183 ఎంపీటీసీ స్థానాలకు 984 మంది నామినేషన్లు వేశారు. ఈ డివిజన్‌లో అత్యధికంగా కణేకల్లు మండలంలోని 19 ఎంపీటీసీ స్థానాలకు 138 మంది నామినేషన్లు దాఖ లు చేయడం గమనార్హం. అనంతపురం డివిజన్‌లోని 178 ఎంపీటీసీ స్థానాలకు 959 మంది నామినేషన్లు వేశారు. ఇందులో అత్యధికంగా అనంతపురం రూరల్‌ పరిధిలో ఉన్న 36 ఎంపీటీసీ స్థానాలకు మొత్తం 199 నామినేషన్లు దాఖలు అయ్యాయి. ఇక గుంతకల్లు డివిజన్‌ సంబంధించి 119 స్థానాలకు మొత్తం 507 మంది నామినేషన్లు వేశారు. ఈ డివిజన్లో అత్యధికంగా 23 ఎంపీటీసీ స్థానాలు ఉన్న ఉరవకొండ బరిలో 107 నామినేషన్లు దాఖలయ్యాయి. జిల్లాలోని 31 జెడ్పీటీసీ స్థానాలకు 265 మంది నామినేషన్లు వేశారు. నేడు నామినేషన్ల పరిశీలన పరిషత్‌ ఎన్నికలకు సంబంధించి నామినేషన్ల పరిశీలన కార్యక్రమం శనివారం జరగనుంది. జెడ్పీటీసీ నామినేషన్ల పరిశీలన జిల్లా పరిషత్‌ కార్యాలయం, ఎంపీటీసీ నామినేషన్ల పరిశీలన ఎంపీడీఓ కార్యాలయాల్లో నిర్వహించనున్నారు. నామినేషన్‌ దాఖలు చేసిన అభ్యర్థులు పరిశీలనకు హాజరు కావాల్సి ఉంటుందని ఎన్నికల అధికారులు తెలిపారు.

బెళుగుప్ప: నరసాపురం ఎంపీటీసీ స్థానానికి యలగలవంక గ్రామానికి చెందిన బోయ రాధమ్మ వైఎస్సార్‌సీపీ తరఫున నామినేషన్‌ వేసేందుకు ఎంపీడీఓ కార్యాలయం వద్దకు వచ్చారు. అప్పటికే అక్కడ కాపు కాచి ఉన్న నరసాపురం టీడీపీ నాయకులు ఆర్‌.కె.వెంకటేశులు, ఎర్రగుడి నాయకులు లక్ష్మినారాయణ, మురళి తదితరులు రాధమ్మ చేతిలోని నామినేషన్‌ పత్రాలను లాక్కుని చించేశారు. అభ్యర్థిపై దౌర్జన్యం చేయడాన్ని వైఎస్సార్‌సీపీ ఉరవకొండ నియోజకవర్గ సమన్వయకర్త, మాజీ ఎమ్మెల్యే వై.విశ్వేశ్వరరెడ్డి తీవ్రంగా ఖండించారు. ఘటనపై ఎన్నికల కమిషన్‌కు ఫిర్యాదు చేస్తామని పేర్కొన్నారు. నామినేషన్‌ పత్రాల చించివేత ఘటనపై ఎస్‌ఐ శివ స్పందించారు. మరోసెట్‌ పత్రాలను తెప్పించి వైఎస్సార్‌సీపీ అభ్యర్థి రాధమ్మతో నామినేషన్‌ వేయించారు.

● మాజీ ఎమ్మెల్యే కేతిరెడ్డి పెద్దారెడ్డి ఎంపీటీసీ ఎన్నికల నామినేషన్ల ఘట్టం చివరిరోజు కూడా పెద్దవడుగూరులో టీడీపీ నేత జేసీ ప్రభాకర్‌రెడ్డి వర్గీయులు అడుగడుగునా దాష్టీకానికి పాల్పడ్డారు. వైఎస్సార్‌సీపీ అభ్యర్థులు నామినేషన్లు వేయకుండా తొలి రెండు రోజులూ రాళ్లు, కర్రలతో విరుచుకుపడి భయోత్పాతం సృష్టించారు. ఎన్ని ఆటంకాలు సృష్టించినా మండలంలోని 13 ఎంపీటీసీ స్థానాలకూ నామినేషన్‌ వేసి తీరుతామని వైఎస్సార్‌సీపీ అభ్యర్థులు భీష్మించారు. నామినేషన్లు వేయించేందుకు తాము సహకరిస్తామని సీఐ నరేంద్రరెడ్డి హామీ ఇచ్చారు. ఆ మేరకు చివరిరోజు శుక్రవారం పార్టీ కార్యాలయం వద్ద నుంచి సీఐ తన సిబ్బందితో కలిసి వైఎస్సార్‌సీపీ అభ్యర్థులను ప్రైవేట్‌ వాహనాల్లో ఎక్కించుకుని నామినేషన్‌ కేంద్రానికి బయల్దేరారు. విషయం తెలుసుకున్న టీడీపీ గూండాలు మార్గమధ్యంలో అడ్డగించి రాళ్లు, కట్టెలతో దాడి చేశారు. దీంతో వాహనాలను అక్కడి నుంచి పోలీస్‌ స్టేషన్‌కు తరలించారు. గూండాలను చెదరగొట్టడానికి ప్రయత్నించారు. టీడీపీ వాళ్లతో మంతనాలు చేసిన సీఐ.. తిరిగి వైఎస్సార్‌సీపీ అభ్యర్థులను నామినేషన్‌ కేంద్రానికి వాహనాల్లో తీసుకెళ్లారు. పోలీస్‌ భద్రత నడుమ పెద్దవడుగూరులోని నామినేషన్‌ కేంద్రానికి చేరుకున్న వైఎస్సార్‌సీపీ అభ్యర్థుల్లోని ఓ మహిళ వద్ద నుంచి నామినేషన్‌ పత్రాలు లాక్కుని చించేందుకు టీడీపీ కార్యకర్త ప్రయత్నించగా.. అక్కడున్నవారు అడ్డుకున్నారు. అయినా వారు అంతటితో ఆగలేదు. ఏకంగా నామినేషన్‌ కేంద్రంపై దాడులకు తెగబడ్డారు. కిటికీలను కట్టెలతో బాదారు. వైఎస్సార్‌సీపీ నాయకుల వాహనాలను ధ్వంసం చేశారు. పరిస్థితిని సమీక్షించిన ఎస్పీ జగదీష్‌ పోలీస్‌ బలగాలతో చేరుకోవడంతో టీడీపీ గూండాలు అక్కడి నుంచి పరారయ్యారు. యల్లనూరులో రణరంగం ఎంపీటీసీ ఎన్నికల నామినేషన్ల చివరిరోజు శుక్రవారం యల్లనూరులో టీడీపీ గూండాలు రణరంగం సృష్టించారు. పోలీసుల భద్రత నడుమ వైఎస్సార్‌సీపీ అభ్యర్థులు వెళ్తున్న వాహనాలపై రాళ్లు రువ్వి.. కేకలు వేస్తూ రెచ్చిపోయారు. మండలంలో 10 ఎంపీటీసీ స్థానాలకు గాను 9 స్థానాలకు వైఎస్సార్‌సీపీ అభ్యర్థులు నామినేషన్‌ వేశారు. అయితే తాడిపత్రి మాజీ ఎమ్మెల్యే కేతిరెడ్డి పెద్దారెడ్డి స్వగ్రామం అయిన తిమ్మంపల్లి ఎంపీటీసీ స్థానం నుంచి వైఎస్సార్‌సీపీ అభ్యర్థి నామినేషన్‌ దాఖలు చేయకూడదని టీడీపీ నేత జేసీ ప్రభాకర్‌రెడ్డి వర్గీయులు కుట్ర పన్నారు. తిమ్మంపల్లి ఎంపీటీసీ అభ్యర్థిగా మిద్దె మనీషతో నామినేషన్‌ వేయిస్తామని, అందుకు అవకాశం కల్పించాలని వైఎస్సార్‌సీపీ రాష్ట్ర సంయుక్త కార్యదర్శి భోగతి విజయప్రతాప్‌రెడ్డి, రైతు విభాగం రాష్ట్ర జాయింట్‌ సెక్రటరీ సూరి, యూత్‌ విభాగం రాష్ట్ర జాయింట్‌ సెక్రటరీ వనం రవి, ప్రచార కమిటీ మాజీ అధ్యక్షుడు ఈశ్వరరెడ్డి, మాజీ ఉప సర్పంచ్‌ భాస్కర్‌రెడ్డి, బాలవెంకటరెడ్డి, చిలమకూరు జనార్థన్‌తో పాటు తదితరులు పోలీస్‌స్టేషన్‌ వద్ద రోడ్డుపై ధర్నాకు దిగారు. నామినేషన్‌ వేసేందుకు భద్రత కల్పిస్తామని అడిషనల్‌ ఎస్పీ నాగభూషణం, పుట్లూరు సీఐ వంశీ కృష్ణ, ఎస్‌ఐలు రామాంజనేయరెడ్డి, ధరణిబాబు తెలిపారు. ఈ మేరకు అభ్యర్థి మిద్దె మనీషను వాహనంలో ఎక్కించుకుని అడిషనల్‌ ఎస్పీ ముందు వస్తుండగా.. ‘పచ్చ’ గూండాలు రాళ్లు రువ్వుతూ కేకలు వేసుకుంటూ దూసుకొచ్చారు. దాడుల్లో కోడిమూర్తి గ్రామానికి చెందిన ఓబులేసుకు చెవి, తలకు గాయాలయ్యాయి. ఈ క్రమంలో పోలీసులు గాల్లోకి భాష్పవాయువును ప్రయోగించారు. అనంతరం ప్రత్యేక బలగాలు రంగంలోకి దిగడంతో పరిస్థితి అదుపులోకి వచ్చింది. అయినప్పటికీ మనీషతో నామినేషన్‌ మాత్రం వేయించలేకపోయారు. గుంతకల్లులో నామినేషన్లకు అడ్డంకులు అధికార పార్టీ నాయకుల దౌర్జన్యం, దాడుల కారణంగా గుంతకల్లు మండలంలోని 13 ఎంపీటీసీ స్థానాలకు వైఎస్సార్‌సీపీ అభ్యర్థులు నామినేషన్లు వేయలేకపోయారు. నామినేషన్లు వేసేందుకు కేంద్రం దాకా వచ్చిన అభ్యర్థుల చేతిలోనుంచి పత్రాలను లాక్కుని చించేయడంతో వైఎస్సార్‌సీపీ అభ్యర్థులు నామినేషన్లను బాయ్‌కాట్‌ చేశారు. పెద్దారెడ్డిని ఇంటి నుంచి బయటకు రాకుండా అడ్డుకుంటున్న సీఐ ఆరోహణరావు ప్రాదేశిక ఎన్నికల్లో ఆగని దమనకాండ పోలీసుల కళ్లెదుటే దాడులు.. దౌర్జన్యాలు పచ్చ గూండాలను నిలువరించలేని నిస్సహాయత కొనసాగిన వైఎస్సార్‌సీపీ నాయకుల హౌస్‌ అరెస్టులు తాడిపత్రిటౌన్‌: ‘వైఎస్సార్‌సీపీ కార్యకర్తలపై దాడులు చేసినా.. ఇంటిపై రాళ్లు రువ్వినా.. కేవలం మా పార్టీ అధినేత వైఎస్‌ జగన్‌మోహన్‌రెడ్డి ఆదేశాలతోనే రెండున్నరేళ్లుగా సంయమనం పాటించా. మౌనంగా ఉన్నాం కదా అని తెగేదాకా లాగాలని చూడకు’ అంటూ టీడీపీ నేత జేసీ ప్రభాకర్‌రెడ్డిని మాజీ ఎమ్మెల్యే కేతిరెడ్డి పెద్దారెడ్డి హెచ్చరించారు. స్వగ్రామం యల్లనూరు మండలం తిమ్మంపల్లిలో వైఎస్సార్‌సీపీ ఎంపీటీసీ అభ్యర్థి నామినేషన్‌ వేయకుండా జేసీ అనుచరులైన టీడీపీ గూండాలు దాడులకు తెగబడిన విషయం తెలుసుకున్న పెద్దారెడ్డి.. శుక్రవారం అక్కడికి వెళ్లేందుకు సిద్ధమయ్యారు. ఈ క్రమంలో తాడిపత్రి పట్టణ సీఐ ఆరోహణరావు సిబ్బందితో వచ్చి పెద్దారెడ్డిని హౌస్‌ అరెస్ట్‌ చేశారు. ఈ సందర్భంగా పెద్దారెడ్డి మాట్లాడుతూ జేసీ అనుచరులు వైఎస్సార్‌సీపీ అభ్యర్థులపై దాడులకు తెగబడుతుంటే పోలీసులు అండగా నిలుస్తున్నారని, ఇలాంటి పరిస్థితుల్లో తాడిపత్రి, యల్లనూరు మండలంలో ఎన్నికలకు దూరంగా ఉండాలని నిర్ణయించుకున్నామని చెప్పారు. జేసీ, పోలీసుల అండ చూసుకుని రెచ్చిపోతున్న టీడీపీ మూకలు భవిష్యత్తులో తగిన మూల్యం చెల్లించుకుంటారని హెచ్చరించారు.

● వైఎస్సార్‌సీపీ అభ్యర్థుల నామినేషన్ల తిరస్కరణకు అధికారులపై ఒత్తిడి ● ఎంపీటీసీ స్థానాల ఏకగ్రీవాలతో పట్టు పెంచుకోవాలని పాట్లు సాక్షిప్రతినిధి, అనంతపురం: ఉరవకొండ నియోజకవర్గంలో ఎంపీటీసీ స్థానాలన్నీ అధికార టీడీపీ ఏకగ్రీవం చేసుకునేలా మంత్రి పయ్యావుల కేశవ్‌ కుట్ర పన్నినట్లు తెలుస్తోంది. నియోజకవర్గ పరిధిలోని పలు మండలాలు వైఎస్సార్‌సీపీకి సుదీర్ఘకాలంగా బలమైన కంచుకోటలుగా ఉన్నాయి. క్షేత్రస్థాయిలో ఆ పార్టీకి ఉన్న పట్టును దెబ్బతీసేందుకు, పరిషత్‌ పీఠాలను ఏకగ్రీవంగా కై వసం చేసుకునేందుకు మంత్రి పావులు కదుపుతున్నట్లు సమాచారం. ప్రధానంగా వైఎస్సార్‌సీపీ గెలుపు అవకాశాలు ఉన్న ఎంపీటీసీ స్థానాలు, భారీ మెజారిటీ వచ్చే ఎంపీటీసీ స్థానాలకు దాఖలైన నామినేషన్లను ఏదో ఒక కారణంతో తిరస్కరించాలని ఎన్నికల అధికారులపై ఒత్తిడి తెస్తున్నట్లు సమాచారం. మండలానికి రెండు లేదా మూడు నామినేషన్లు మాత్రమే వైఎస్సార్‌సీపీ తరఫున ఉండేలా చూడాలని మౌఖిక ఆదేశాలు జారీ చేసినట్లు తెలిసింది. నియోజకవర్గంలో మంత్రి పట్టు నిలుపుకోవడానికి ఈ వ్యూహం అమలు చేస్తున్నారనే చర్చ జరుగుతోంది. ప్రజాస్వామ్య వ్యవస్థలో ఓటర్ల తీర్పునకు అవకాశం ఇవ్వకుండా, ఇలా అడ్డదారుల ద్వారా గెలవాలనుకోవడం మంచిది కాదని ప్రజలు మండిపడుతున్నారు. వైఎస్సార్‌సీపీ అభ్యర్థుల వ్యాపారాలపై జీఎస్టీ దాడులు ఉరవకొండ: మంత్రి పయ్యావుల కేశవ్‌ ప్రాతినిధ్యం వహిస్తున్న ఉరవకొండ నియోజకవర్గంలో వైఎస్సార్‌సీపీ ఎంపీటీసీ–జెడ్పీటీసీ అభ్యర్థులను ఎన్నికల బరిలో లేకుండా చేసేందుకు టీడీపీ నేతలు కుట్ర రాజకీయాలకు తెర తీశారు. ఇప్పటికే నామినేషన్లు వేసిన అభ్యర్థులను ప్రత్యక్షంగా, ఫోన్‌ ద్వారా బెదిరింపులకు గురి చేశారు. తాజాగా జీఎస్టీ అధికారులను ఉసిగొలిపి వైఎస్సార్‌సీపీ అభ్యర్థుల షాపులపై దాడులు చేయించారు. శుక్రవారం ఉరవకొండ–1 ఎంపీటీసీ అభ్యర్థి బెలగల్‌ షమ్ము, ఉరవకొండ–2 ఎంపీటీసీ అభ్యర్థి పామిడి జాకీర్‌ వైఎస్సార్‌సీపీ తరఫున నామినేషన్లు దాఖలు చేశారు. ఇద్దరూ మైనార్టీ సామాజిక వర్గంలో బలమైన అభ్యర్థులు కావడంతో.. వారు నామినేషన్లు ఉపసంహరించుకునేలా టీడీపీ నేతలు నీచ రాజకీయాలకు ఒడిగట్టారు. ఆర్థికంగా బలహీనపరిచేందుకు వీరికి చెందిన రెండు జ్యువెలరీ షాపులతో పాటు గుంతకల్లు రోడ్డులోని హార్డ్‌వేర్‌ షాపుపై జీఎస్టీ అధికారులతో దాడులు చేయించారు. పట్టణంలో పదుల సంఖ్యలో జ్యువెలరీ షాపులు, ఇతర వ్యాపార షాపులు ఉన్నా... ఈ మూడు షాపులను మాత్రమే లక్ష్యంగా చేసుకుని దాడులు చేయించటం చర్చనీయాంశంగా మారింది. వైఎస్సార్‌సీపీ నాయకులు ఈడిగ ప్రసాద్‌, బసవరాజు, ఓబన్న తదితరులు మాట్లాడుతూ తమ పార్టీ అభ్యర్థులు నామినేషన్లు ఉపసంహరించుకునేలా మంత్రి ఆదేశాల మేరకే దాడులు అధికారుల ద్వారా దాడులు చేయించారని మండిపడ్డారు. అధికార పార్టీకి ఓటమి భయం పట్టుకుందనేది స్పష్టంగా తెలుస్తోందన్నారు.

అనంతపురం అర్బన్‌: ఎంపీటీసీ, జెడ్పీటీసీ ఎన్నికల నామినేషన్లతో పాటు రాబోయే పంచాయతీ ఎన్నికల్లో నామినేషన్‌ దాఖలు చేసేందుకు వచ్చే అభ్యర్థులను అడ్డుకున్నా, భయభ్రాంతులకు గురిచేసినా సదరు వ్యక్తులపై కఠిన చర్యలు తీసుకుంటామని కలెక్టర్‌, జిల్లా ఎన్నికల అధికారి ఆనంద్‌ హెచ్చరించారు. ఇలాంటి ఫిర్యాదులు అందిన వెంటనే స్పందించి చర్యలు తీసుకోవాలని అధికారులను ఆదేశించారు. ఈ మేరకు ఆయన శుక్రవారం ఒక ప్రకటన విడుదల చేశారు. నిబంధనల ప్రకారం అర్హులైన అభ్యర్థులందరి నామినేషన్లు స్వీకరించాలని ఆర్‌ఓలను ఆదేశించామన్నారు. నామినేషన్‌ వేసేందుకు వెళుతున్న సమయంలో ఎవరైనా అడ్డంకులు సృష్టించినా, అడ్డుకున్నా సంబంధిత రిటర్నింగ్‌ అధికారులు, పోలీసు, రెవెన్యూ అధికారుల దృష్టికి తీసుకురావాలని అభ్యర్థులకు సూచించారు. నిర్భయంగా నామినేషన్‌ దాఖలు చేసేందుకు పోలీసు అధికారులు పూర్తి సహాయ సహకారాలు అందిస్తారన్నారు. ఎన్నికల ప్రక్రియలో ప్రజాస్వామ్య హక్కులను పరిరక్షించేందుకు అధికార యంత్రాంగం సిద్ధంగా ఉందని, అభ్యర్థులు స్వేచ్ఛగా నామినేషన్‌ వేసుకోవచ్చన్నారు.

●వైవీఆర్‌ కుటుంబ సభ్యుల హౌస్‌ అరెస్ట్‌ గుంతకల్లుటౌన్‌: గుంతకల్లు మాజీ ఎమ్మెల్యే, వైఎస్సార్‌సీపీ సమన్వయకర్త వై.వెంకటరామిరెడ్డితో పాటు పార్టీ జిల్లా ఉపాధ్యక్షురాలు నైరుతిరెడ్డి, యువనాయకుడు మంజునాథరెడ్డిని పోలీసులు హౌస్‌ అరెస్ట్‌ చేశారు. ఎంపీటీసీ, జెడ్పీటీసీ ఎన్నికల నామినేషన్‌కు వెళ్లకుండా ఆంక్షలు విధించారు. టూటౌన్‌ సీఐ రమేష్‌కుమార్‌, ఎస్‌ఐ కళ్యాణ్‌ తమ సిబ్బందితో శుక్రవారం ఉదయాన్నే వైవీఆర్‌ నివాసానికి చేరుకుని వారిని బయటకు వెళ్లరాదంటూ గృహ నిర్బంధం చేశారు. ఓటమి భయంతోనే అధికార టీడీపీ దాడులు, దౌర్జన్యాలకు పాల్పడుతూ ప్రజాస్వామ్యాన్ని ఖూనీ చేస్తోందని వైవీఆర్‌ విమర్శించారు. కూటమి పాలకులు, వారికి వత్తాసు పలుకుతున్న అధికారులంతా ప్రజాగ్రహానికి గురికాకతప్పదని ఆయన హెచ్చరించారు. ●వైఎస్సార్‌సీపీ నాయకుల గృహనిర్బంధం పామిడి: మండలంలోని 14 ఎంపీటీసీ స్థానాలకు నామినేషన్‌ వేసేందుకు అభ్యర్థులు శుక్రవారం పామిడిలోని వైఎస్సార్‌సీపీ జిల్లా ఆర్గనైజింగ్‌ ప్రధాన కార్యదర్శి పెమ్మక చెన్నకేశవరెడ్డి నివాసంలో సమావేశమయ్యారు. ఇదే సమయంలో సీఐ మనోహర్‌ వచ్చి పెమ్మక చెన్నకేశవరెడ్డితో పాటు వైఎస్సార్‌సీపీ రాష్ట్ర ప్రధాన కార్యదర్శి చుక్కలూరు దిలీప్‌రెడ్డి, ఎస్టీ సెల్‌ రాష్ట్ర ప్రధాన కార్యదర్శి మురళీనాయక్‌, జిల్లా నాయకులు బోయ రామచంద్ర, బోయ సూరి, పార్టీ పట్టణ, రూరల్‌ కన్వీనర్లు నాగూరు ఈశ్వర్‌రెడ్డి, రమావత్‌ రామకృష్ణనాయక్‌ను గృహ నిర్బంధం చేశారు. అభ్యర్థులపై దాడులు, బెదిరింపులకు పాల్పడుతూ భయానక వాతావరణం సృష్టిస్తున్న ఎమ్మెల్యే గుమ్మనూరు జయరాం అనుచరులు, టీడీపీ మూకలను కట్టడి చేయాల్సిందిపోయి తమను అక్రమంగా నిర్బంధించడం తగదని నాయకులు అన్నారు. ప్రజాస్వామ్యాన్ని కాపాడలేని ఈ ఎన్నికలను బాయ్‌కాట్‌ చేస్తున్నట్లు వైఎస్సార్‌సీపీ నేతలు ప్రకటించారు.

అనంతపురం అర్బన్‌: చంద్రబాబు ప్రభుత్వంలో కూటమి పార్టీల నాయకులు ప్రజాస్వామ్యాన్ని ఖూనీ చేస్తున్నారని సీపీఐ రాష్ట్ర కార్యదర్శివర్గ సభ్యుడు డి.జగదీష్‌ ధ్వజమెత్తారు. శుక్రవారం స్థానిక ఆ పార్టీ కార్యాలయంలో వైఎస్సార్‌సీపీ మేయర్‌ అభ్యర్థి సి.రమేష్‌గౌడ్‌, సీపీఐ రాష్ట్ర కార్యవర్గ సభ్యుడు సి.జాఫర్‌, జిల్లా కార్యదర్శి పాళోయం నారాయణస్వామితో కలిసి ఆయన విలేకరులతో మాట్లాడారు. చంద్రబాబు అధికారాన్ని అడ్డుపెట్టుకుని అధికారపార్టీ నాయకులు ఎన్నడూ లేనంతగా ప్రతిపక్ష పార్టీల అభ్యర్థులపై దౌర్జన్యాలు, దాడులు తెగబడుతున్నారని తెలిపారు. స్థానిక సంస్థల ఎన్నికలు సజావుగా జరిగితే ఓటమి తప్పదనే, అధికార పార్టీ నాయకులు ఇలాంటి దుశ్చర్యలకు పాల్పడుతున్నారని పేర్కొన్నారు. ప్రజా వ్యతిరేక ప్రభుత్వానికి ఓటు వేయొద్దని ప్రజలకు పిలుపునిచ్చారు. స్వేచ్ఛగా జరగాల్సిన ఎన్నికలను ఏకంగా కేంద్రాల వద్ద అధికార పార్టీలకు చెందిన గూండాలు తిష్టవేసి, దాడులకు పాల్పడడం అప్రజాస్వామికమన్నారు. కార్పొరేషన్‌ ఎన్నికల బరిలో ఉన్న వైఎస్సార్‌సీపీ, సీపీఐ అభ్యర్థుల రక్షణకు గన్‌మెన్‌లను ఇవ్వాలని డిమాండ్‌ చేశారు. రమేష్‌గౌడ్‌ను గెలిపించండి వైఎస్సార్‌సీపీ మేయర్‌ అభ్యర్థి సి.రమేష్‌గౌడ్‌ను సీపీఐ పార్టీ బలపరుస్తోందని, ఆయనతో వైఎస్సార్‌సీపీ, సీపీఐ, సీపీఎం అభ్యర్థులకు ఓటు వేసి గెలిపించాలని ప్రజలను జగదీష్‌ కోరారు. అర్బన్‌ ఎమ్మెల్యే అవినీతి, అక్రమాల ఆరోపణలతో సైకిల్‌ గుర్తు లేకుండా కమలం గుర్తు తీసుకొచ్చారని ఎద్దేవా చేశారు. టీడీపీ హయాంలో అభివృద్ధి శూన్యం ఎన్నికల సమయంలో ఇచ్చిన ఏఒక్క హామీని చంద్రబాబు ప్రభుత్వం అమలు చేయలేదని వైఎస్సార్‌సీపీ మేయర్‌ అభ్యర్థి సి.రమేష్‌గౌడ్‌ వాపోయారు. 2014 నుంచి 2019 వరకు టీడీపీ హయాంలో అభివృద్ధి శూన్యమన్నారు. 2019 నుంచి 2024 వరకు వైఎస్సార్‌సీపీ ప్రభుత్వ హాయంలో నగర పరిధిలో వేల కోట్ల రూపాయల వ్యయంతో అభివృద్ధి పనులు జరిగాయని గుర్తు చేశారు. టీడీపీ ప్రభుత్వ రెండున్నరేళ్ల పాలనలో విసిగిపోయామని ప్రజలు బహిరంగంగానే చెబుతున్నారని తెలియజేశారు. ‘సేవ్‌ అనంతపురం’నినాదంతో నగర ప్రజలందరూ ఏకమవ్వడం సంతోషదాయకమన్నారు. 62 డివిజన్లలో జరుగుతున్న పోరు ఢిల్లీ గర్వానికి, అనంతపురం నగర ఆత్మగౌరవానికి మధ్యేనని స్పష్టం చేశారు. టీడీపీ పాలనలో ప్రజాస్వామ్యం ఖూనీ ఎన్నడూ లేనంతగా దౌర్జన్యాలు, దాడులు వైఎస్సార్‌సీపీ, సీపీఐ, సీపీఎం అభ్యర్థులను గెలిపించండి : సీపీఐ నేత జగదీష్‌

● సర్కారీ ఉద్యోగానికి రాజీనామా చేసి రాజకీయాల్లోకి.. ● రాప్తాడు జెడ్పీటీసీ బరిలో వైఎస్సార్‌సీపీ అభ్యర్థినిగా ఆగ్రహారం కావ్య రాప్తాడు రూరల్‌: ప్రభుత్వ ఉద్యోగం.. భద్రమైన భవిష్యత్తుఅయినా ఆమె మనసు మాత్రం ప్రజాజీవితం వైపు మళ్లింది. ఉద్యోగ బాధ్యతలకు రాజీనామా చేసి రాజకీయాల్లోకి అడుగుపెట్టారు ఆగ్రహారం కావ్య. ప్రజలకు సేవ చేయాలనే తలంపుతో రాప్తాడు జెడ్పీటీసీ ఎన్నికల్లో వైఎస్సార్‌సీపీ తరఫున బరిలో నిలిచారు. ఉన్నత విద్య, ఉద్యోగ అనుభవం ఉన్న ఆమె రాజకీయ ప్రస్థానం ఇప్పుడు స్థానికంగా ఆసక్తిని రేకెత్తిస్తోంది. ఉద్యోగాన్ని వీడి.. రాజకీయాల వైపు రాప్తాడు మండలం హంపాపురం గ్రామానికి చెందిన మాజీ ఎంపీటీసీ సభ్యుడు చుక్క సంజీవరాయుడు కోడలు ఆగ్రహారం కావ్య బీటెక్‌ పూర్తి చేశారు. సచివాలయ డిజిటల్‌ అసిస్టెంట్‌గా ఉద్యోగం సాధించారు. అయితే రాజకీయాలపై ఉన్న ఆసక్తి, వైఎస్సార్‌సీపీ అధినేత వైఎస్‌ జగన్‌మోహన్‌రెడ్డిపై అభిమానం, కుటుంబ సభ్యుల ప్రోత్సాహంతో ప్రజాప్రతినిధిగా సేవలందించాలని నిర్ణయించుకుని రాజకీయాల్లోకి వచ్చింది. రాప్తాడు మండల అభివృద్ధికి తనవంతు కృషి, మండలంలో నెలకొన్న ప్రజా సమస్యలు పరిష్కరించడమే లక్ష్యమని కావ్య తెలియజేశారు. రాప్తాడు జెడ్పీటీసీ స్థానానికి వైఎస్సార్‌సీపీ అభ్యర్థిగా ఆగ్రహారం కావ్య శుక్రవారం అనంతపురం జిల్లా పరిషత్‌ కార్యాలయంలో నామినేషన్‌ దాఖలు చేశారు. మండలంలోని అన్ని గ్రామాల్లో ప్రజలను కలుపుకుని, అందరి మద్దతుతో ఎన్నికల ప్రచారం నిర్వహిస్తానని తెలిపారు.

చిలమత్తూరు: రాప్తాడు మాజీ ఎమ్మెల్యే తోపుదుర్తి ప్రకాష్‌రెడ్డి సోదరుడు తోపుదుర్తి రాజశేఖర్‌రెడ్డి, నయనతారెడ్డిలను రాష్ట్ర సరిహద్దు బాగేపల్లి టోల్‌ప్లాజా వద్ద హిందూపురం పోలీసులు అడ్డుకున్నారు. శుక్రవారం బెంగళూరు నుంచి రాప్తాడు వెళ్తున్న వారిని వెళ్లనియ్యలేదు. తాము తప్పనిసరిగా వెళ్లాల్సి ఉందని చెప్పినా వినకపోవడంతో పోలీసుల తీరుపై వారు అసహనం వ్యక్తం చేశారు. తమను అడ్డుకున్నా ప్రజల మనసుల్లో వైఎస్‌ జగన్‌మోహన్‌రెడ్డి ఉన్నారని, టీడీపీకి తగిన సమయంలో ప్రజలే బుద్ధి చెబుతారని పేర్కొన్నారు.

అనంతపురం: ఏఎఫ్‌ ఎకాలజీ సెంటర్‌ ఆధ్వర్యంలో జిల్లాలోని నిరుద్యోగ యువతకు కంప్యూటర్‌, ట్యాలీ కోర్సుల్లో ఉచిత శిక్షణ ఇస్తున్నట్టు సెంటర్‌ డైరెక్టర్‌ డాక్టర్‌ వైవీ మల్లారెడ్డి శుక్రవారం ఓ ప్రకటనలో పేర్కొన్నారు. 45 రోజుల వ్యవధి ఉన్న కోర్సులో కస్టమర్‌ రిలేషన్‌షిప్‌ – సర్వీస్‌, కంప్యూటర్‌ స్కిల్స్‌, టైపింగ్‌, ఎంఎస్‌ ఆఫీస్‌, ట్యాలీ (జీఎస్టీ), స్పోకెన్‌ ఇంగ్లిష్‌, కమ్యూనికేషన్‌ స్కిల్స్‌, లైఫ్‌ స్టైల్స్‌, వర్క్‌ ప్లేస్‌ ఎథిక్స్‌ తదితర అంశాలపై శిక్షణ ఇవ్వనున్నట్టు తెలియజేశారు. ఇంటర్‌ పాస్‌, డిప్లమా/డిగ్రీ/పీజీ – పాస్‌/ఫెయిల్‌ అయ్యి, 19 నుంచి 35 ఏళ్ల మధ్య వయసున్న యువతీ యువకులు అర్హులని చెప్పారు. శిక్షణలో అభ్యర్థులకు మధ్యాహ్న భోజనం ఉచితంగా అందించనున్నట్టు తెలిపారు. శిక్షణ పూర్తి చేసుకున్న వారికి సర్టిఫికెట్ల ప్రదానంతోపాటు వంద శాతం ఉద్యోగ అవకాశాలు కల్పిస్తారు. వివరాలకు 77807 52418ను సంప్రదించవచ్చన్నారు. 26న జిల్లాస్థాయి పారా అథ్లెట్ల ఎంపిక అనంతపురం: జిల్లాస్థాయి పారా జూనియర్‌, సబ్‌ జూనియర్‌ అథ్లెటిక్స్‌ పోటీలు ఈ నెల 26న అనంతపురంలోని అశోక్‌నగర్‌లో ఉన్న ఇండోర్‌ స్టేడియంలో చేపట్టనున్నట్టు జిల్లా పారా స్పోర్ట్స్‌ అసోసియేషన్‌ సెక్రటరీ ఎన్‌.శ్రీనివాసులు శుక్రవారం ఓ ప్రకటన విడుదల చేశారు. ఎంపికై న వారిని ఏపీ పారా స్పోర్ట్స్‌ అసోసియేషన్‌ ఆధ్వర్యంలో త్వరలో జరిగే రాష్ట్రస్థాయి పోటీలకు పంపనున్నట్టు పేర్కొన్నారు. ఆసక్తి ఉన్న పారా అథ్లెట్లు ఈ నెల 26న ఉదయం 9:30 నుంచి 1 గంట లోపు పేర్లు రిజిస్ట్రేషన్‌ చేసుకోవాల్సి ఉంటుంది. రిజిస్ట్రేషన్‌ చేసుకున్న వారికి ఆయా ఈవెంట్లలో పోటీలు నిర్వహించి, ప్రతిభ కనబరిచిన వారిని రాష్ట్రస్థాయి పోటీలకు ఎంపిక చేయనున్నారు. వివరాలకు జిల్లా పారా స్పోర్ట్స్‌ అసోసియేషన్‌ అధ్యక్షుడు శివప్ప 85009 64473, కార్యదర్శి శ్రీనివాసులు 80741 06154ను సంప్రదించవచ్చని తెలిపారు. శెభాష్‌.. సురేష్‌ ● ఇస్రోకు ఎంపికై న చిన్నమట్లగొంది వాసి శింగనమల: మండలంలోని చిన్నమట్లగొంది గ్రామానికి చెందిన ఆకుల సాయిసురేష్‌ ఇస్రో పరీక్ష ఫలితాల్లో ఆలిండియా 28వ ర్యాంక్‌ సాధించినట్టు అతడి తండ్రి సూర్యనారాయణ తెలిపారు. పదో తరగతి వరకు సలకంచెర్వులోని జెడ్పీహెచ్‌ఎస్‌లో చదువుకున్న సురేష్‌ ఇంటర్‌ అనంతపురంలో, బీటెక్‌ ఎస్వీయూలో, ఎం.టెక్‌ ఎన్‌ఐటీ వరంగల్‌లో చదివాడు. ఇస్రోలోని యంత్రాల తయారీ విభాగంలో ఇంజనీర్‌గా ఎంపికై నట్టు కుటుంబసభ్యులు తెలిపారు. ఇస్రోలో సురేష్‌ ఉద్యోగం సాధించడంతో గ్రామస్తులు అభినందనలు తెలియజేశారు.

అనంతపురం సెంట్రల్‌: త్రిపుల్‌ ఐటీలో ఇంటర్‌ చదువుతున్న విద్యార్థిని ఉరి వేసుకొని ఆత్మహత్య చేసుకున్న ఘటన నగరంలోని ఐదో రోడ్డులో జరిగింది. త్రీటౌన్‌ పోలీసులు తెలిపిన వివరాల మేరకు.. స్థానికంగా నివాసముంటున్న సుబ్బరెడ్డి కుమార్తె తనుశ్రీ(18) ఇడుపులపాయ త్రిపుల్‌ ఐటీలో ఇంటర్‌ చదువుతోంది. దసరా సెలవులకు వచ్చిన విద్యార్థిని చదువు విషయంలో ఇబ్బందులు పడుతున్నట్టు తల్లిదండ్రులకు తెలిపింది. సెలవులు ముగియడంతో శనివారం కళాశాలకు బయలుదేరాల్సి ఉంది. ఇంతలోనే ఇంట్లో ఎవరూ లేని సమయంలో ఫ్యాన్‌కు ఉరివేసుకొని ఆత్మహత్య చేసుకుంది. గమనించిన తల్లిదండ్రులు హుటాహుటిన ప్రభుత్వాసుపత్రికి తరలించగా అప్పటికే మృతి చెందినట్టు వైద్యులు ధ్రువీకరించారు. ఘటనాస్థలాన్ని త్రీటౌన్‌ పోలీసులు పరిశీలించి కేసు నమోదు చేసుకొని దర్యాప్తు చేస్తున్నారు.

గుంతకల్లు రూరల్‌: సినీ హీరో విజయ్‌ దేవరకొండ శుక్రవారం కసాపురం శ్రీ నెట్టికంటి ఆంజనేయస్వామిని దర్శించుకున్నారు. రణబాలి సినిమా ప్రేక్షకాదరణ పొందడంతో స్వామివారిని దర్శించుకునేందుకు వచ్చిన ఆయనకు ఆలయ ఈఓ ఎం.విజయరాజు, అర్చక బృందం ఘన స్వాగతం పలికారు. ఆలయంలో స్వామి వారికి విజయ్‌ దేవరకొండ కుటుంబ సభ్యుల తరఫున ప్రత్యేక పూజలు నిర్వహించి తీర్థప్రసాదాలు, ఆశీర్వచనాలు అందజేశారు. ఈ సందర్భంగా సినీ హీరోను చూసేందుకు చుట్టుపక్కల ప్రాంతాల నుంచి అభిమానులు పెద్దఎత్తున ఆలయం వద్దకు తరలివచ్చారు. మొరాయించిన ఆర్టీసీ బస్సు ● గంటన్నర పాటు పడిగాపులు కాసిన ఉద్యోగులు, ప్రయాణికులు కూడేరు: ప్రభుత్వం కండీషన్‌ బస్సులు నడపకపోవడంతో అవి ఎక్కడపడితే అక్కడ మొరాయిస్తుండడంతో సమయానికి అధికారులు విధులకు వెళ్లలేక, ప్రజలు గమ్యస్థానానికి చేరుకోలేక తీవ్ర ఇబ్బంది పడుతున్నారు. వివరాల్లోకి వెళితే.. శుక్రవారం ఉదయం 9 గంటల ప్రాంతంలో కూడేరు మండల శివారు ప్రాంతంలో అనంతపురం నుంచి బళ్లారికి వెళ్తున్న ఆర్టీసీ బస్సు మొరాయించింది. అందులో కూడేరు, ఉరవకొండ, విడపనకల్‌ మండలాల్లో పని చేసే ప్రభుత్వ ఉద్యోగులు, ప్రజలు ఉన్నారు. దాదాపు గంటన్నర పాటు వారు బయట పడిగాపులు కాయాల్సి వచ్చింది. దీంతో ఉద్యోగులు, ప్రయాణికులు సకాలంలో గమ్యస్థానానికి చేరుకోలేక ఇబ్బందులు పడ్డారు. అనంతరం మరొక బస్సు రావడంతో అందులో ఎక్కి వెళ్లారు. ఇప్పటికై నా ఆర్టీసీ అధికారులు కండీషన్‌ ఉన్న బస్సులనే నడపాలని ప్రజలు కోరారు. నామినేషన్ల ప్రక్రియ ప్రశాంతంగా ముగించండి ఆత్మకూరు: ఎంపీటీసీ ఎన్నికలకు సంబంధించిన నామినేషన్ల ప్రక్రియ ప్రశాంతంగా ముగించాలని జిల్లా ఎస్పీ జగదీష్‌ పోలీస్‌ సిబ్బందికి సూచించారు. శుక్రవారం ఆత్మకూరు మండల కేంద్రంలో జరుగుతున్న నామినేషన్ల ప్రక్రియను ఆయన పరిశీలించారు. నామినేషన్ల వేసేందుకు వచ్చిన అభ్యర్థులు ఎలాంటి ఇబ్బందులు తలెత్తకుండా చూసుకోవాలని ఆదేశించారు. అనంతరం ఎంపీడీఓ కార్యాలయానికి వెళ్లి నామినేషన్ల ప్రక్రియపై ఆర్డీఓను అడిగి తెలుసుకున్నారు. ఎలాంటి అవాంఛనీయ సంఘటనలు తలెత్తకుండా జాగ్రత్తలు తీసుకోవాలని పోలీసు సిబ్బందికి సూచించారు. డీఎస్పీ విజయ్‌కుమార్‌, సీఐ హేమంత్‌కుమార్‌, ఆర్‌డీఓ హేమంత్‌కుమార్‌, ఎస్‌ఐ లక్ష్మణరావు పాల్గొన్నారు. నామినేషన్ల పరిశీలనకు అభ్యర్థులు హాజరవ్వాలి ● జెడ్పీ సీఈఓ పి.విజయలక్ష్మి అనంతపురం న్యూ టౌన్‌: జిల్లాలో జెడ్పీటీసీ, ఎంపీటీసీ నామినేషన్ల పరిశీలన (స్క్రూటినీ) ప్రక్రియలో అభ్యర్థులు తప్పక హాజరుకావాలని జెడ్పీటీసీ, ఎంపీటీసీ ఎన్నికల రిటర్నింగ్‌ అధికారి, జిల్లా ప్రజా పరిషత్‌ సీఈఓ పి.విజయలక్ష్మి తెలిపారు. జిల్లా కలెక్టర్‌ తరఫున ఆమె మీడియాకు సమాచారాన్ని అందించారు. జిల్లాలోని మూడు డివిజన్ల పరిధిలో జెడ్పీటీసీ స్థానాలకు, అలాగే అన్ని మండలాల పరిధిలోని ఎంపీటీసీ స్థానాలకు దాఖలైన నామినేషన్ల పరిశీలన (స్క్రూటినీ) శనివారం ఉదయం 8 గంటల నుండి ప్రారంభం కానుందని చెప్పారు. జెడ్పీటీసీ స్థానాలకు సంబంధించి జిల్లా కేంద్రంలోని జిల్లా పరిషత్‌లో, ఎంపీటీసీ స్థానాలకు సంబంధిత మండల పరిషత్‌ కార్యాలయాలలోనూ ఈ ప్రక్రియ జరుగుతుందని చెప్పారు. నామినేషన్లు దాఖలు చేసిన అభ్యర్థులు ఆర్‌ఓలు, సహాయ రిటర్నింగ్‌ అధికారుల సమక్షంలో షెడ్యూల్‌ ప్రకారం జరగబోయే ఈ స్క్రూటినీ ప్రక్రియకు తప్పనిసరిగా హాజరుకావాలని కోరారు. అభ్యర్థులు తమ వెంట అవసరమైన ధ్రువీకరణ పత్రాలను సిద్ధం చేసుకుని సకాలంలో హాజరుకావాలని సీఈఓ తెలియజేశారు.

అనంతపురం ఎడ్యుకేషన్‌: ప్రజాస్వామ్యబద్ధంగా జరగాల్సిన స్థానిక సంస్థల ఎన్నికల్లో అధికార బలాన్ని అడ్డుపెట్టుకుని ప్రతిపక్ష అభ్యర్థులను నామినేషన్లు వేయకుండా అడ్డుకుంటున్నారని మాజీ ఎంపీ గోరంట్ల మాధవ్‌ మండిపడ్డారు. గోరంట్ల మాధవ్‌, వైఎస్సార్‌సీపీ సీనియర్‌ నాయకుడు తోపుదుర్తి చంద్రశేఖర్‌రెడ్డిలను శుక్రవారం రామగిరి మండలానికి వెళ్లకుండా అనంతపురం నగర శివారులోని గోరంట్ల మాధవ్‌ నివాసంలో పోలీసులు హౌస్‌ అరెస్ట్‌ చేశారు. శాంతిభద్రతల సమస్యలు తలెత్తే ప్రమాదం ఉందని, అక్కడికి వెళ్లేందుకు అనుమతించలేమని పోలీసులు స్పష్టం చేశారు. ఈ సందర్భంగా గోరంట్ల మాధవ్‌ మాట్లాడుతూ.. గత మూడు రోజులుగా తనను బయటకు వెళ్లనీయకుండా నిర్బంధిస్తున్నారని ఆవేదన వ్యక్తం చేశారు. రాష్ట్రంలో ప్రజాస్వామ్యాన్ని, రాజ్యాంగాన్ని, సుప్రీంకోర్టు తీర్పును, చివరకు ఎన్నికల ప్రక్రియనే అపహాస్యం చేస్తున్నారని తీవ్ర ఆగ్రహం వ్యక్తం చేశారు. ఎన్నికల్లో పోటీ చేసే అభ్యర్థులకు నామినేషన్లు దాఖలు చేసే అవకాశం కల్పించాల్సిన బాధ్యత అధికారులపై ఉందని, కానీ అందుకు భిన్నంగా ప్రతిపక్ష పార్టీ అభ్యర్థులను అడ్డుకుంటూ, ప్రశ్నించే నాయకులను ఇళ్ల నుంచి బయటకు వెళ్లనివ్వకుండా చేస్తుండడం అప్రజాస్వామికమన్నారు. నామినేషన్‌ కేంద్రాల వద్ద టీడీపీకి చెందిన గూండాలు, రౌడీలు, బ్లేడ్‌బ్యాచ్‌, తాగుబోతులతో పాటు కర్ణాటక నుంచి కిరాయి హంతకులను రప్పించారని ఆరోపించారు. రాళ్లు, రప్పలు, వేటకొడవళ్లతో భయోత్పాతం సృష్టించి ప్రతిపక్ష అభ్యర్థులు నామినేషన్లు వేయకుండా అడ్డుకున్నారని మండిపడ్డారు. నామినేషన్‌ పత్రాలను చించివేయడంతోపాటు దాడులకు పాల్పడ్డారని, మహిళలనే కనికరం లేకుండా దాడులు చేయడం విచారకరమన్నారు. స్వేచ్ఛగా ఎన్నికలు జరిగితే ప్రజలు తిరస్కరిస్తారనే ఆందోళనతో అధికారాన్ని అడ్డుపెట్టుకుని, పోలీసుల సమక్షంలోనే నామినేషన్లను అడ్డుకుంటూ ఏకగ్రీవాలకు ప్రయత్నిస్తుండడాన్ని తీవ్రంగా తప్పుబట్టారు. ప్రశ్నించే హక్కునూ కాలరాస్తున్నారు నామినేషన్ల సందర్భంగా చోటు చేసుకుంటున్న ఘటనలను ప్రశ్నించేందుకు కూడా ప్రతిపక్ష నాయకులకు హక్కు లేకుండా చేస్తున్నారని గోరంట్ల మాధవ్‌ వాపోయారు. ప్రజాస్వామ్యంలో ప్రతిపక్షానికి మాట్లాడే హక్కు, ఎన్నికల్లో పోటీ చేసే హక్కు ఉన్నాయని గుర్తుచేశారు. ఎన్నికల ప్రక్రియ నిష్పక్షపాతంగా జరిగేలా చూడాల్సిన బాధ్యత అధికారులపై ఉందన్నారు. ప్రస్తుత పరిణామాలకు ప్రజలు తగిన సమాధానం చెబుతారన్నారు. 2029 ఎన్నికల్లో చంద్రబాబునాయుడును రాజకీయంగా పాతాళానికి తొక్కి, వైఎస్‌ జగన్‌మోహన్‌రెడ్డిని ముఖ్యమంత్రిని చేయడానికి ప్రజలు సిద్ధంగా ఉన్నారని వ్యాఖ్యానించారు. ప్రజాస్వామ్యాన్ని, ఎన్నికల హక్కులను కాపాడుకోవాల్సిన అవసరం ఉందని పేర్కొన్నారు. భయోత్పాతం సృష్టించి నామినేషన్లు అడ్డుకునే కుట్ర మహిళలపై దాడులకు పాల్పడడం విచారకరం కూటమి తీరుపై మాజీ ఎంపీ గోరంట్ల మాధవ్‌ ధ్వజం రామగిరికి వెళ్లనీయకుండా ఆయనతో పాటు తోపుదుర్తి చంద్రశేఖర్‌రెడ్డిని హౌస్‌ అరెస్ట్‌ చేసిన పోలీసులు

అనంతపురం అర్బన్‌: మునిసిపల్‌ ఎన్నికల పోలింగ్‌ నిర్వహణకు కేటాయించిన అధికారులకు సంబంధించి రెండవ దశ ర్యాండమైజేషన్‌ ప్రక్రియ పూర్తయ్యిందని కలెక్టర్‌, జిల్లా ఎన్నికల అధికారి ఒ.ఆనంద్‌ చెప్పారు. శుక్రవారం కలెక్టరేట్‌లోని ఎన్‌ఐసీలో పోలింగ్‌ అధికారుల రెండవ దశ ర్యాండమైజేషన్‌ను కలెక్టర్‌తోపాటు ఎన్నికల సాధారణ, ఎక్స్‌పెండేచర్‌ పరిశీలకులు స్మరణ్‌రాజ్‌, సుబ్బరాజు పరిశీలించారు. ర్యాండమైజేషన్‌ తీరును ఎన్‌ఐసీ డీఐఓ భారతి వివరించారు. ఈ సందర్భంగా కలెక్టర్‌ మాట్లాడుతూ అనంతపురం నగరపాలక సంస్థతోపాటు జిల్లాలోని గుత్తి, గుంతకల్‌, కళ్యాణదుర్గం, రాయదుర్గం, తాడిపత్రి మున్సిపాలిటీల పరిధిలో 689 పోలింగ్‌ కేంద్రాలు ఏర్పాటు చేశామన్నారు. వీటికి సంబంధిత హెచ్‌ఓడీలు ఎంట్రీ చేసిన డేటా ప్రకారం అధికారుల హోదా ఆధారంగా ప్రిసైడింగ్‌ అధికారులు, అసిస్టెంట్‌ ప్రిసైడింగ్‌ అధికారులు, ఓపీఓలు మొత్తం 4,960 మంది పోలింగ్‌ సిబ్బందిని కేటాయించామన్నారు. అదే విధంగా 20 శాతం అదనంగా సిబ్బంది కేటాయింపు ప్రక్రియ చేపట్టామన్నారు. వీరికి శనివారం స్థానిక నీలం రాజశేఖర్‌రెడ్డి కన్వెన్షన్‌ హాల్‌లో శిక్షణ నిర్వహించి పకడ్బందీగా పోలింగ్‌ నిర్వహణకు చర్యలు తీసుకుంటామన్నారు. కార్యక్రమంలో డీఆర్‌ఓ ఎ.మలోల, స్పెషల్‌ డిప్యూటీ కలెక్టర్‌ పద్మావతి, జిల్లా రిజిస్ట్రర్‌ ఆడిట్‌ భార్గవ్‌, కలెక్టరేట్‌ పరిపాలనాధికారి అలెగ్జాండర్‌, గణాంకాధికారి గిరిధర్‌ తదితరులు పాల్గొన్నారు. రెండో దశ ర్యాండమైజేషన్‌ ప్రక్రియ పరిశీలన మున్సిపల్‌ ఎన్నికల విధుల్లో 4960 మంది వివరాలు వెల్లడించిన కలెక్టర్‌, జిల్లా ఎన్నికల అధికారి ఆనంద్‌

శెట్టూరు: మండల వైఎస్సార్‌సీపీ జెడ్పీటీసీ అభ్యర్థిగా కె.మహాదేవి నామినేషన్‌ పత్రాలు సమర్పించింది. శుక్రవారం ఆమె నాలుగు నెలల చిన్నారిని ఎత్తుకొని నామినేషన్‌ వేయడానికి రావడం అక్కడున్న వారి చేత ఔరా అనిపించేలా చేసింది. స్థానిక సంస్థల ఎన్నికల అధికార పార్టీ నాయకులు చేస్తున్న దౌర్జన్యాలు, అలజడులను చూస్తున్నా.. ఆమె చిన్నారితో నామినేషన్‌ వేయడానికి రావడం పలువురిని అవాక్కు చేసింది. వైఎస్‌ జగన్‌ ఆశయసాధన.. వైఎస్సార్‌సీపీపై మక్కువతో జెడ్పీటీసీగా పోటీ చేస్తున్నట్టు ఆమె తెలిపారు. మండలానికి చెందిన పలువురు వైఎస్సార్‌సీపీ నాయకులతో కలిసి అనంతపురంలోని జెడ్పీ కార్యాలయంలో మహాదేవి తన నామినేషన్‌ పత్రాలు అధికారులకు అందజేశారు. ఆమె వెంట మాజీ జెడ్పీటీసీ మంజునాథ, మండల కన్వీనర్‌ ఎమ్మెఎస్‌ రాయుడు, మాజీ ఎంపీపీ రామభీమప్ప, పెద్ద సంఖ్యలో కార్యకర్తలు పాల్గొన్నారు.

పెద్దవడుగూరులో వైఎస్సార్‌సీపీ నాయకుడు శేషానందరెడ్డిపై టీడీపీ నాయకులు దాడికి తెగబడ్డారు. రెండోరోజు నామినేషన్లు విషయమై చర్చించడానికి పోలీస్‌స్టేషన్‌కు రావాలని పోలీసులు చెప్పడంతో గుత్తి అనంతపురం వైఎస్సార్‌సీపీ నాయకుడు గోవర్ధన్‌రెడ్డి, శేషానందరెడ్డి పోలీస్‌స్టేషన్‌కు వెళ్తుండగా అప్పటికే మార్గమధ్యలో కాపుకాచిన టీడీపీ మూకలు శేషానందరెడ్డిపై దాడి తెగబడ్డారు. పోలీసులు సంఘటనా స్థలానికి చేరుకున్నాక అక్కడి నుంచి పచ్చ మూకలు పరారయ్యాయి. ఒక్క నామినేషన్‌ వేస్తే ఒట్టు పెద్దవడుగూరులోని వైఎస్సార్‌సీపీ కార్యాలయం వద్ద నుంచి అభ్యర్థులు 13 ఎంపీటీసీ స్థానాలకు ఒకేసారి నామినేషన్లు వేయడానికి బయలు దేరుతుండగా సీఐ నరేంద్రరెడ్డి తన సిబ్బందితో అక్కడికి చేరుకొని వైఎస్సార్‌సీపీ నేతలను అడ్డుకున్నారు. తమను కాదని నామినేషన్లు వేయడానికి వెళ్లకూడదన్నారు. దీంతో వారు పోలీసులతో వాగ్వావాదానికి దిగి రోడ్డుపై బైఠాయించారు. 23వ తేదీ వైఎస్సార్‌సీపీ వాళ్లతో నామినేషన్లు వేయించడానికి చర్యలు తీసుకొంటామని హామీ ఇవ్వడంతో వైఎస్సార్‌సీపీ నాయకులు ఆందోళన విరమించారు.

చంద్రబాబు ప్రభుత్వంలో ప్రజాస్వామ్యం ఖూనీ అవుతోందని వైఎస్సార్‌సీపీ జిల్లా అధ్యక్షుడు అనంత వెంకటరామిరెడ్డి, మాజీ మంత్రి శైలజానాథ్‌ అన్నారు. స్థానిక సంస్థల నామినేషన్ల వేళ చంద్రబాబు ప్రభుత్వం చేస్తున్న దాష్టీకాలు, దౌర్జన్యాలకు నిరసనగా కలెక్టర్‌, జిల్లా ఎన్నికల అధికారి ఓ.ఆనంద్‌కు గురువారం వినతిపత్రం అందజేశారు. అనంతరం మీడియాతో మాట్లాడారు. స్థానిక ఎన్నికల్లో వైఎస్సార్‌సీపీ అభ్యర్థులు నామినేషన్లు వేయకుండా అడ్డుకోవడమే లక్ష్యంగా ప్రభుత్వం పోలీసులను పావులుగా వాడుకుంటోందన్నారు. అధికారంలోకి వచ్చిన స్వల్ప కాలంలోనే ప్రతిపక్షాల గొంతు నొక్కేలా ముందస్తు అరెస్టులు, గృహ నిర్బంధాలకు తెగబడటం చంద్రబాబు ప్రభుత్వ వైఫల్యానికే అద్దం పడుతోందని విమర్శించారు. ఎన్నికల ప్రక్రియ స్వేచ్ఛగా, పారదర్శకంగా జరిగేలా జిల్లా యంత్రాంగం తక్షణమే కఠిన చర్యలు తీసుకోవాలని డిమాండ్‌ చేశారు. ప్రజాస్వామ్యబద్ధంగా నామినేషన్లు వేసేందుకు అవకాశం కల్పించకపోతే న్యాయపోరాటం చేస్తామని హెచ్చరించారు.

అనంతపురం 39వ డివిజన్‌ నాయక్‌ నగర్‌లో వైఎస్సార్‌సీపీ కార్యకర్తలపై టీడీపీ నేత, మాజీ డిప్యూటీ మేయర్‌ గంపన్న వర్గీయులు గురువారం దాడికి పాల్పడ్డారు. వైఎస్సార్‌సీపీ కార్యకర్తలు ఆనంద్‌బాబు, శ్రీకాంత్‌కు తీవ్ర గాయాలయ్యాయి. వారిని స్థానిక సర్వజనాస్పత్రికి తరలించారు. బాధితులను వైఎస్సార్‌సీపీ జిల్లా అధ్యక్షుడు అనంత వెంకటరామిరెడ్డి, మేయర్‌ అభ్యర్థి రమేష్‌ గౌడ్‌, పార్టీ నాయకులు అనంత చంద్రారెడ్డి, సాకే చంద్రశేఖర్‌ పరామర్శించారు. ఓటమి భయంతోనే టీడీపీ నాయకులు దాడులకు పాల్పడుతున్నారని అనంత మండిపడ్డారు.

స్థానిక సంస్థల ఎన్నికల వేళ జిల్లాలో అలజడులు కొనసాగుతూనే ఉన్నాయి. ముఖ్యంగా సమస్యాత్మక ప్రాంతమైన తాడిపత్రికి అపఖ్యాతి తీసుకురావడంలో టీడీపీ నేత జేసీ ప్రభాకర్‌రెడ్డి విజయవంతమయ్యారు. గంజాయ్‌, బ్లేడ్‌బ్యాచ్‌ రౌడీలను పెంచి పోషిస్తూ వారితో ప్రత్యర్థులను బెదిరించేందుకు వాడుకుంటున్నారు. మాటవినని వారిని కిడ్నాప్‌ చేయడంతో పాటు ఇళ్ల వద్దకు వచ్చి దాడులు చేయడం, ఆస్తులను ధ్వంసం చేయడం చేస్తున్నారు. మున్సిపాలిటీ ఎన్నికల్లో చేసిన అరాచకాలనే పరిషత్‌ ఎన్నికల్లోనూ కొనసాగిస్తున్నారు. పెద్దవడుగూరులో నామినేషన్‌ వేయకుండా పోలీసులు అడ్డుకోవడంతో అభ్యర్థులంతా రోడ్డుపై బైఠాయించి ఆందోళన చేపట్టారు. రాప్తాడు నియోజకవర్గంలో తమ్ముళ్ల అరాచకం రాప్తాడు నియోజకవర్గం ఆత్మకూరు మండలంలోని ఎంపీటీసీ స్థానాలకు పోటీ చేసే అభ్యర్థులను టీడీపీ గూండాలు అడ్డుకున్నారు. వైఎస్సార్‌సీపీ అభ్యర్థులతో నామినేషన్‌ వేయించేందుకు వెళ్తున్న మాజీ ఎమ్మెల్యే తోపుదుర్తి ప్రకాశ్‌రెడ్డిని వడ్డుపల్లి వద్ద అడ్డుకున్నారు. మండల కేంద్రంలో సుమారు వెయ్యి మంది టీడీపీ గూండాలు మోహరించారు. కట్టెలు, రాళ్లు, రాడ్లతో నిల్చుని భయభ్రాంతులకు గురిచేశారు. దీంతో బుధ, గురువారాల్లో వైఎస్సార్‌సీపీ నుంచి ఏ ఒక్కరూ నామినేషన్‌ వేయలేకపోయారు. అనంతపురం రూరల్‌ మండలంలోనూ పరిటాల అనుచరులు నామినేషన్‌ పత్రాలను చించుతూ స్వైర విహారం చేశారు. వైఎస్సార్‌సీపీ కార్యకర్త బీసీ రాముడిపై విచక్షణ రహితంగా దాడి చేసి గాయపరిచారు. మహిళల చేతుల్లోంచి నామినేషన్ల పత్రాలను తీసుకెళ్లి చించేస్తున్నా పోలీసులు అడ్డుకోకపోవడం గమనార్హం. యల్లనూరులో భయం..భయం జేసీ ప్రభాకర్‌రెడ్డి యల్లనూరు, పుట్లూరుకు తన విష సంస్కృతిని వ్యాపింపజేస్తున్నారు. యల్లనూరులో గురువారం ఉదయం నుంచి టీడీపీ గూండాలు గుంపులుగా తిరుగుతూ ప్రజలను భయభ్రాంతులకు గురి చేశారు. గురువారం యల్లనూరులో వైఎస్సార్‌సీపీ నుంచి ఏ ఒక్క నామినేషన్‌ను వేయించలేదంటే పరిస్థితి ఎలా ఉందో అర్థం చేసుకోవచ్చు. గురువారం ఉదయమే మాజీ ఎమ్మెల్యే కేతిరెడ్డి పెద్దారెడ్డిని యల్లనూరు మండలం తిమ్మంపల్లిలో హౌస్‌ అరెస్ట్‌ చేశారు. ఆ తర్వాత ఆయన్ను తాడిపత్రికి తరలించారు. అలాగే వెన్నపూసపల్లిలోని వైఎస్సార్‌సీపీ రాష్ట్ర సంయుక్త కార్యదర్శి భోగతి విజయ ప్రతాప్‌రెడ్డిని కస్తూర్భా పాఠశాల వద్ద కంచె ఏర్పాటు చేసి అడిషన్‌ ఎస్పీ నాగభూషణం అడ్డుకున్నారు. దీంతో రోడ్డుపై ఎంపీటీసీ అభ్యర్థులతో కలిసి నిరసన తెలిపారు. గుంతకల్లులో ఆటవిక రాజ్యం గుంతకల్లు నియోజకవర్గంలో ఎమ్మెల్యే గుమ్మనూరు జయరాం బరితెగిస్తున్నారు. గుత్తిలో వైఎస్సార్‌సీపీ అభ్యర్థులు నామినేషన్లు వేయకుండా అడ్డుకుని బలవంతంగా ఏకగ్రీవం చేసుకున్న వైనంపై సుప్రీంకోర్టు చీవాట్లు పెట్టినా మార్పురాలేదు. పరిషత్‌ ఎన్నికలకు బుధ, గురువారాల్లో తీవ్ర ఆటంకాలు కల్పించారు. వైఎస్సార్‌సీపీ జిల్లా ఉపాధ్యక్షురాలు నైరుతిరెడ్డి బురఖా వేసుకుని నామినేషన్‌ కేంద్రానికి వెళ్లారు. 13 మంది అభ్యర్థుల పత్రాలను చూపించి, అభ్యర్థులు బయటే ఉన్నారని నామినేషన్లు స్వీకరించాలని కోరినా అధికారులు పట్టించుకోలేదు. టీడీపీ గూండాలు లోనికి వచ్చి ఆమె చేతిలో ఉన్న పత్రాలను బలవంతంగా లాక్కొని చింపేశారు. పచ్చ మూకల అరాచకంపై రోడ్డుపై కూర్చొని ధర్నా చేశారు. ఎంపీటీసీ, జెడ్పీటీసీ నామినేషన్ల వేళ తమ్ముళ్ల బరితెగింపు పలు ప్రాంతాల్లో వైఎస్సార్‌సీపీ శ్రేణులపై రాళ్లు, భౌతికదాడులు నామినేషన్‌ పత్రాలు లాక్కొని చింపేసిన వైనం పోలీసుల ప్రేక్షకపాత్రపై సర్వత్రా విమర్శలు తెల్లవారుజాము నుంచే వైఎస్సార్‌సీపీ నాయకుల అరెస్టులు

ఎన్నికలకు ముందే టీడీపీకి ఓటమి భయం పట్టుకుందని, అందుకే రాప్తాడు నియోజకవర్గంలో వైఎస్సార్‌సీపీ ఎంపీటీసీ అభ్యర్థులను నామినేషన్లు దాఖలు చేయకుండా అడ్డుకుంటున్నాయని మాజీ ఎమ్మెల్యే తోపుదుర్తి ప్రకాష్‌రెడ్డి మండిపడ్డారు. పోలీసుల సమక్షంలోనే దౌర్జన్యాలు జరుగుతున్నా అడ్డుకోవడం లేదని విమర్శించారు. నామినేషన్లకు అడ్డంకులు, దాడులకు నిరసనగా గురువారం సాయంత్రం అనంతపురం కలెక్టరేట్‌ ఎదుట ఎంపీటీసీ అభ్యర్థులతో కలిసి ధర్నా నిర్వహించారు. మాజీ ఎంపీ గోరంట్ల మాధవ్‌, జెడ్పీ మాజీ చైర్‌పర్సన్‌ గిరిజమ్మ, వైఎస్సార్‌సీపీ పంచాయతీరాజ్‌ విభాగం రాష్ట్ర అధ్యక్షుడు వెన్నపూస రవీంద్రారెడ్డి పాల్గొన్నారు. ఈ సందర్భంగా తోపుదుర్తి ప్రకాష్‌రెడ్డి మాట్లాడుతూ.. నియోజకవర్గంలో 81 ఎంపీటీసీ స్థానాలుండగా తొలిరోజు ఒక్క నామినేషన్‌ కూడా దాఖలు చేయనీయలేదన్నారు. కనగానపల్లిలో కొడవళ్లు, కర్రలతో వీరంగం సృష్టించారని, ఎస్‌ఐ వాహనాన్ని పల్టీలు కొట్టించారని పేర్కొన్నారు. అనంతపురం రూరల్‌ ఎంపీడీఓ కార్యాలయం వద్ద వైఎస్సార్‌సీపీ అభ్యర్థులు, నాయకులపై దాడులు జరిగాయన్నారు. రామగిరి, చెన్నేకొత్తపల్లి మండలాల్లోనూ ఇదే పరిస్థితి నెలకొందన్నారు. ఆత్మకూరులో 11 మంది ఎంపీటీసీ అభ్యర్థులను పోలీసులకు అప్పగించినా నామినేషన్లు వేయించలేదని విమర్శించారు. రాప్తాడులో 1995 నాటి దౌర్జన్యపూరిత ఎన్నికల పరిస్థితులు మళ్లీ కనిపిస్తున్నాయని, పరిటాల కుటుంబం కిరాయి మూకలను ప్రోత్సహిస్తూ ప్రజాస్వామ్యాన్ని పరిహాసం చేస్తోందని మండిపడ్డారు. ధర్మవరం, కర్ణాటక రాష్ట్రం నుంచి పెద్ద ఎత్తున క్రిమినల్స్‌, గూండాలు, రౌడీషీటర్లను పరిటాల శ్రీరామ్‌ రప్పించారన్నారు. ఓ మర్డర్‌ కేసులో ముద్దాయిగా ఉన్న ఎమ్మెల్యే పరిటాల సునీత తమ్ముడిని ఆత్మకూరు ఎంపీడీఓ కార్యాలయంలోకి ఎలా అనుమతించారని ప్రశ్నించారు. వరుస ఘటనలపై ఎన్నికల కమిషన్‌కు ఫిర్యాదు చేసినట్లు తెలిపారు. రెండు జిల్లాల కలెక్టర్లు, ఐజీ, ఎస్పీలు జోక్యం చేసుకుని చివరి రోజైనా తమ పార్టీ అభ్యర్థులందరికీ నామినేషన్లు దాఖలు చేసే అవకాశం కల్పించాలని కోరారు.

అనంతపురం: జేఎన్‌టీయూఏలో బజాజ్‌ ఇంజినీరింగ్‌ స్కిల్‌ ట్రైనింగ్‌ (బెస్ట్‌) కేంద్రం ఏర్పాటుకు రంగం సిద్ధమైంది. ఈ మేరకు తంజావూరు సమీపంలోని శస్త్ర డీమ్డ్‌ విశ్వవిద్యాలయంలో ముందడుగు పడింది. జేఎన్‌టీయూఏ వీసీ హెచ్‌.సుదర్శనరావు నేతృత్వంలో అకడమిక్‌ అండ్‌ ప్లానింగ్‌ డైరెక్టర్‌ డాక్టర్‌ ఎస్‌.వి.సత్యనారాయణ, ఎలక్ట్రికల్‌ అండ్‌ ఎలక్ట్రానిక్స్‌ విభాగం హెడ్‌ డాక్టర్‌ ఎం.రామశేఖరరెడ్డి, మెకానికల్‌ ఇంజినీరింగ్‌ విభాగం హెడ్‌ డాక్టర్‌ కె.కళ్యాణిరాధ, ఎలక్ట్రానిక్స్‌ అండ్‌ కమ్యూనికేషన్‌ విభాగం హెడ్‌ డాక్టర్‌ ఎస్‌.అరుణ మస్తానీ బృందం బుధవారం శస్త్ర వర్సిటీలో పర్యటించింది. ఈ సందర్భంగా పరిశ్రమల అవసరాలకు అనుగుణంగా మానవ వనరుల ఉత్పత్తి, ఆధునిక సాంకేతిక నైపుణ్యాభివృద్ధిని అందిపుచ్చుకునేలా బజాజ్‌ ఆటో ఫౌండేషన్‌ సౌజన్యంతో బెస్ట్‌ కేంద్రాన్ని జేఎన్‌టీయూఏలో ఏర్పాటు చేసే సాధ్యాసాధ్యాలపై అధ్యయనం చేసింది.

అనంతపురం న్యూ టౌన్‌: రాష్ట్ర ఎన్నికల కమిషన్‌ నియమావళి ప్రకారం ఒక అభ్యర్థి తన నామినేషన్‌ దాఖలు చేయాలంటే తనతో పాటు మరో ఇద్దరు ప్రతిపాదకులు మాత్రమే వెంట వెళ్లాల్సి ఉంటుంది. అయితే రాష్ట్ర ఆర్థిక మంత్రి పయ్యావుల కేశవ్‌ ఇలాకాలో అలాంటి నిబంధనలు వర్తించడం లేదు. వివరాల్లోకెళితే.. ఉరవకొండ ఎంపీడీఓ కార్యాలయంలో గురువారం చిన్న ముష్టూరు ఎంపీటీసీ స్థానం నుంచి పోటీ చేస్తున్న టీడీపీ అభ్యర్థి నవనీత పదుల సంఖ్యలో నాయకులతో కలిసి నామినేషన్‌ వేశారు. పోలీసులు గాని అసిస్టెంట్‌ రిటర్నింగ్‌ అధికారి గాని రిటర్నింగ్‌ అధికారి గానీ వారిని నిలువరించకపోవడం గమనార్హం. అదే సమయంలో వైఎస్సార్‌సీపీతోపాటు ఇతర పార్టీల అభ్యర్థులు నామినేషన్లు వేసే సమయంలో వారి వెంట కనీసం ఇద్దరు వెళ్లేందుకు అనుమతులు ఉన్నా సవాలక్ష ప్రశ్నలు ఎదుర్కొనాల్సి రావడం అధికారుల ద్వంద్వ నీతికి నిదర్శనమని ఆరోపణలు వినపడుతున్నాయి.

గుంతకల్లు: ప్రశాంతతకు మారుపేరైన గుంతకల్లులో టీడీపీ నాయకులు రెడ్‌బుక్‌ రాజ్యాంగం అమలు చేస్తున్నారని, భవిష్యత్తులో వారు ఇందుకు మూల్యం చెల్లించుకోక తప్పదని మాజీ ఎమ్మెల్యే వై.వెంకటరామిరెడ్డి హెచ్చరించారు. గురువారం స్థానిక పార్టీ కార్యాలయంలో ఆయన విలేకరులతో మాట్లాడారు. మున్సిపల్‌ నామినేషన్లపై సుప్రీంకోర్టు తీర్పుతోనైనా టీడీపీ నేతలకు కనువిప్పు కలుగుతుందనుకున్నామని, అయితే పరిస్థితి అందుకు భిన్నంగా ఉందన్నారు. నామినేషన్ల కేంద్రాల వద్ద పదుల సంఖ్యలో టీడీపీ గూండాలు కత్తులు, రాళ్లు, కొడవళ్లు చేతబట్టుకుని ప్రతిపక్ష పార్టీల అభ్యర్థులను భయపెట్టించి నామినేషన్‌ పత్రాలను బలవంతగా లాక్కొని చించివేస్తున్నారన్నారు. కసాపురం, చింతలాంపల్లి, నక్కనదొడ్డి, నెలగొండ. జి.కొట్టాల అభ్యర్థుల నామినేషన్‌ పత్రాలను పోలీసుల సమక్షంలోనే చించేశారని మండిపడ్డారు. గుత్తి మున్సిపాల్టీ అభ్యర్థి అంజల మూడు సెట్లు నామినేషన్లు వేస్తే..అందులోని కొన్ని పత్రాలను మాయం చేసి స్క్రూట్నీలో ఇన్‌వాలిడ్‌ చేశారని ఆరోపించారు. అధికారులు, పోలీసుల కనుసన్నల్లోనే ఇవన్నీ జరుగుతున్నాయన్నారు. పామిడి 6వ వార్డు అభ్యర్థి రమేష్‌పై కత్తితో దాడి చేసి గాయపరిచినట్లు తెలిపారు. చింతలాంపల్లి ఎంపీటీసీ అభ్యర్థి భర్త బొజ్జనపై ఎంపీడీఓ కార్యాలయం వద్ద పోలీసుల సమక్షంలోనే దాడి చేశారన్నారు. వైఎస్సార్‌సీపీ జిల్లా ఉపాధ్యక్షురాలు నైరుతిరెడ్డి అభ్యర్థులతో కలిసి నామినేషన్‌ వేయడానికి వెళ్లగా ఆమెను బలవంతంగా బయటకు నెట్టివేశారని మండిపడ్డారు. అధికారం శాశ్వతం కాదని, ప్రతి ఒక్కరూ మూల్యం చెల్లించక తప్పదని హెచ్చరించారు. సమావేశంలో జిల్లా ఉపాధ్యక్షురాలు నైరుతిరెడ్డి, సీనియర్‌ నేతలు జింకల రామాంజినేయులు, ఎద్దుల శంకర్‌, పట్టణ, రూరల్‌ అధ్యక్షులు ఖలీల్‌, రాము, ఎస్టీ సెల్‌ రాష్ట్ర ఉపాధ్యక్షుడు ఎన్‌.గోవింద్‌నాయక్‌, నాయకులు వినోద్‌కుమార్‌రెడ్డి, బాబురావు, రంగనాయకులు జయరామిరెడ్డి, వినోద్‌కుమార్‌ రెడ్డి, లింగన్న. అబ్దుల్‌బాసిద్‌, తిక్కస్వామి, బెస్త మనోహర్‌, సోమిరెడ్డి, పవన్‌, విష్ణు తదితరులు పాల్గొన్నారు. పోలీసులు, అధికారుల కనుసన్నల్లోనే టీడీపీ దౌర్జన్యాలు టీడీపీ నేతలు మూల్యం చెల్లించుకోక తప్పదు మాజీ ఎమ్మెల్యే వైవీఆర్‌

స్థానిక సంస్థల ఎన్నికల్లో యథేచ్ఛగా కోడ్‌ ఉల్లంఘన జరుగుతోంది. టీడీపీ అభ్యర్థులు నిబంధనలు ఉల్లంఘిస్తున్నా అధికారులు ఎలాంటి చర్యలూ తీసుకోవడం లేదు. కళ్యాణదుర్గంలో ఓ కౌన్సిలర్‌ అభ్యర్థి ఓటర్లను ప్రలోభపెట్టేలా బోరుబావి తవ్వించాడు. ఇక ఓ ఎంపీటీసీ అభ్యర్థి ఏకంగా టీడీపీ నేతల గుంపుతో నామినేషన్‌ వేయడం విశేషం. అనంతపురంలో మెప్మా ఆర్పీ ఏకంగా పసుపు కండువా కప్పుకుని టీడీపీ కార్పొరేటర్‌ అభ్యర్థి తరఫున ప్రచారం నిర్వహించడం గమనార్హం. కళ్యాణదుర్గం: మున్సిపల్‌ ఎన్నికలలో గెలుపు కోసం టీడీపీ కూటమి 28వ వార్డు కౌన్సిలర్‌ అభ్యర్థి గెల్లీ వెంకట కార్తీక్‌ (చింతపండు కార్తీక్‌) నానా తంటాలు పడుతున్నారు. గురువారం పార్టీ శ్రేణులతో కలిసి ప్రచారాన్ని ప్రారంభించారు. ఓటర్లను ఆకట్టుకునేందుకు బోరు డ్రిల్లింగ్‌ చేయిస్తూ ప్రలోభాలకు గురి చేశారు. టీడీపీ అధికారంలోకి వచ్చి రెండన్నరేళ్లు అవుతున్నా తాగునీటి సమస్యను పరిష్కరించకుండా పట్టించుకోని నేతలు మున్సిపల్‌ ఎన్నికల వేళ ఆర్భాటంగా బోర్లు తవ్వించడంపై స్థానికులు మండిపడుతున్నారు. ఎన్నికల కోడ్‌ ఉన్నప్పటికీ కేవలం ఓట్ల కోసం ఇలా చేయడం ఏంటని పలువురు ప్రశ్నిస్తున్నారు. ఎన్నికల కమిషన్‌ నిబంధనలు ఉల్లంఘించినా ఎన్నికల అధికారులు మాత్రం అటువైపు కన్నెత్తి చూడకపోవడంపై విమర్శలు వెల్లువెత్తుతున్నాయి. టీడీపీ కౌన్సిలర్‌ అభ్యర్థి స్వయానా బోర్లు తవ్విస్తున్నారని తెలిసినా టీడీపీ నేతలు మాత్రం స్థానిక కాలనీవాసులే సొంత డబ్బుతో బోర్లు డ్రిల్లింగ్‌ చేయిస్తున్నారని చెప్పడం గమనార్హం. ప్రలోభాలకు తెర లేపుతున్న అభ్యర్థులపై ఎన్నికల అధికారులు దృష్టి పెట్టాలని ప్రజలు కోరుతున్నారు. టీడీపీ తరఫున మెప్మా ఆర్‌పీ ప్రచారం అనంతపురం: మెప్మాలో ఆర్‌పీ (రీసోర్స్‌ పర్సన్‌)గా పని చేస్తున్న పద్మ అనే మహిళ టీడీపీ కండువా ధరించి ప్రత్యక్షంగా ఎన్నికల ప్రచారంలో పాల్గొన్నారు. నిబంధనల ప్రకారం ప్రభుత్వ వేతనం, గౌరవ వేతనం పొందే సిబ్బంది ఎన్నికల్లో ఏ రాజకీయ పార్టీకీ మద్దతుగా ప్రచారం చేయకూడదు. అయితే 19వ డివిజన్‌లోని రహమత్‌నగర్‌, బాబానగర్‌లో పద్మ ప్రచారం చేశారు. ఎన్నికల అధికారులు ఆమైపె చర్యలు తీసుకోవాలని పలువురు డిమాండ్‌ చేస్తున్నారు. టీడీపీ కండువాతో ప్రచారం చేస్తున్న మెప్మా ఆర్‌పీ పద్మ కళ్యాణదుర్గం 28 వార్డులో బోరు డ్రిల్లింగ్‌ను పరిశీలిస్తున్న టీడీపీ నేతలు ఓటర్లను ఆకట్టుకునేందుకు టీడీపీ అభ్యర్థి తంటాలు అప్పటికప్పుడే బోరు డ్రిల్లింగ్‌

గుంతకల్లు: నామినేషన్‌ కేంద్రాల వద్ద పచ్చమూకలు గుంపులు, గుంపులుగా ఉంటూ కత్తులు, కొడవళ్లతో అభ్యర్థులను భయాభ్రాంతులకు గురి చేస్తున్నారని, వారికి పోలీసు 30 యాక్ట్‌ వర్తించదా అంటూ సీపీఐ రాష్ట్ర కార్యవర్గ సభ్యుడు డీ.జగదీష్‌ పోలీసులను నిలదీశారు. ఎన్నికల్లో రాష్ట్ర వ్యాప్తంగా టీడీపీ గుండాలు సృష్టిస్తున్న అల్లర్లకు నిరసనగా సీపీఐ ఆధ్వర్యంలో రాజ్యాంగాన్ని కాపాడాలంటూ స్థానిక మున్సిపల్‌ కార్యాలయ సమీపంలోని రాజ్యాంగ నిర్మాత డాక్టర్‌ బీఆర్‌ అంబేడ్కర్‌ విగ్రహం వద్ద ప్రతిజ్ఞ కార్యక్రమాన్ని ఏర్పాటు చేశారు. ఈసందర్భంగా సీఐ రమేష్‌కుమార్‌ అక్కడికి చేరుకుని పోలీస్‌ 30 యాక్ట్‌ అమల్లో ఉందని వెంటనే అక్కడి నుంచి వెళ్లిపోవాలని లేనిపక్షంలో మీపై కేసులు పెడతామంటూ జగదీష్‌తోపాటు ఆ పార్టీ నేతలను హెచ్చరించారు. దీంతో జగదీష్‌ సీఐపై మండిపడ్డారు. నామినేషన్‌ కేంద్రాల వద్ద అధికారి పార్టీకి చెందిన కార్యకర్తలు గుంపులుగుంపులుగా కత్తులు, కొడవళ్లతో తిరుగుతూ అభ్యర్థులను భయాబాంత్రులకు గురి చేస్తున్నా ఎందుకు పట్టించుకోవడం లేదని నిలదీశారు. శాంతియుతంగా నిరసన తెలియజేస్తున్న తమను అడ్డుకోవడం మంచి పద్ధతికాదని హితవుపలికారు. ఈ సందర్భంగా జగదీష్‌ విలేకరులతో మాట్లాడుతూ గుంతకల్లులో గుమ్మనూరు మార్క్‌తో ఏకపక్షంగా ఎన్నికల జరిపించాలని చూడటం మంచి పద్ధతి కాదన్నారు. నాయకులు బీ.గోవింద్‌, ఎం.వీరభద్రస్వామి, ఎస్‌ఎండీ గౌస్‌, రామురాయల్‌, ఈశ్వరయ్య, శ్రీనివాసులు పాల్గొన్నారు.

● రోడ్డు ప్రమాదంలో తండ్రీకొడుకు మృతి ● తల్లికి తీవ్రగాయాలు గుంతకల్లు రూరల్‌: తిరుమల వేంకటేశ్వరస్వామి దర్శనార్థం వెళ్తున్న ఓ కుటుంబం రోడ్డు ప్రమాదానికి గురైంది. ఘటనలో తండ్రీకుమారుడు మృతి చెందారు. తల్లి తీవ్రగాయాలపాలైంది. బాధిత కుటుంబ సభ్యులు, పోలీసులు తెలిపిన వివరాలు.. గుంతకల్లు మండలం నెలగొండ గ్రామానికి చెందిన దేవన్నగారి రమేష్‌ గుంతకల్లులోని ఓ ఫర్టిలైజర్‌ షాపులో పని చేసేవాడు. తిరుమల వేంకటేశ్వరస్వామి దర్శనార్థం భార్య, ఇద్దరు కుమారులతో కలిసి గురువారం ఉదయం ఇంటి నుంచి బైక్‌పై రైలులో వెళ్లేందుకు గుంతకల్లుకు బయలుదేరాడు. మార్గమధ్యంలో దోనిముక్కల సమీపంలో ఎదురుగా వస్తున్న కారు బైకును ఢీకొట్టింది. ఘటనలో తీవ్రంగా గాయపడిన రమేష్‌(38) అతడి కుమారుడు మోక్షిత్‌ (8) అక్కడికక్కడే మృతి చెందారు. భార్య గీత, మరో కుమారుడు ప్రణీత్‌ తీవ్రంగా గాయపడ్డారు. క్షతగాత్రులను గుంతకల్లు ఆసుపత్రికి తరలించారు. అనంతరం వైద్యుల సూచన మేరకు అనంతపురం తీసుకెళ్లారు. విమల స్మారక పురస్కారాల విజేతలు వీరే.. అనంతపురం కల్చరల్‌: జాతీయ స్థాయిలో ప్రతిష్టాత్మకంగా అందించే ‘విమల స్మారకశాంతి కథా పురస్కారాల విజేతలను డాక్టర్‌ శాంతి నారాయణ గురువారం వెల్లడించారు. ‘ఇల్లిడిసిన తొమ్మిది కథలు’ రాసిన మారుతీ పౌరోహితం, స్వర్ణకిలారి రచించిన ‘గోడవతల’ కథా సంపుటాలు ఈ ఏడాది విమలా స్మారక పురస్కారాలకు ఎంపిక చేశామన్నారు. వీరందరికీ త్వరలో నగదు పురస్కారంతో పాటు ఘనంగా సత్కరించనున్నట్లు శాంతినారాయణ పేర్కొన్నారు. మృతి చెందిన రమేష్‌(ఫైల్‌), మోక్షిత్‌(ఫైల్‌)

అనంతపురం: జేఎన్‌టీయూఏ వేదికగా ఆంధ్రప్రదేశ్‌ ఎకనమిక్‌ డెవలప్‌మెంట్‌ బోర్డు ఆధ్వర్యంలో శుక్రవారం నిర్వహించనున్న కాన్ఫిడరేషన్‌ ఇండియన్‌ ఇండస్ట్రీ పార్టనర్‌షిప్‌ సమ్మిట్‌ – 2026 (సీఐఐ)లో ఎలాంటి లోటుపాట్లు తలెత్తరాదని కలెక్టర్‌ ఓ.ఆనంద్‌ అధికారులను ఆదేశించారు. జేఎన్‌టీయూఏలోని ఎన్టీఆర్‌ ఆడిటోరియంలో రీజనల్‌ కాన్ఫరెన్స్‌ కోసం చేపట్టిన ఏర్పాట్లను గురువారం జేసీ సి.విష్ణుచరణ్‌, అసిస్టెంట్‌ కలెక్టర్‌ సుయాష్‌కుమార్‌తో కలిసి కలెక్టర్‌ పరిశీలించి మాట్లాడారు. డెలిగేట్లు ఎలాంటి అసౌకర్యానికి గురికాకుండా ఏర్పాట్లు చేయాలన్నారు. పరిశ్రమల శాఖ, ఏపీఐఐసీ, సంబంధిత శాఖల అధికారులు సమన్వయం చేసుకొని ఏపీ పెవిలియన్‌ ఎండ్‌ నుంచి 4 జిల్లాల్లో ప్రాముఖ్యత కలిగిన ఉత్పత్తుల ప్రదర్శన చేపట్టాలన్నారు. ఎంఎస్‌ఎంఈ స్టాల్స్‌ ఏర్పాటు చేయాలన్నారు. పెట్టుబడిదారులు, ప్రతినిధులు, విధాన రూపకర్తలు ప్రధానంగా ఏరోస్పేస్‌–డిఫెన్స్‌, ఆటోమోటివ్‌, ప్రకృతి వ్యవసాయం, హార్టికల్చర్‌, ఫుడ్‌ ప్రాసెసింగ్‌, పునరుత్పాదక శక్తి వంటి కీలక రంగాలపై చర్చించనున్నారన్నారు. జిల్లా పరిశ్రమల శాఖ జీఎం శ్రీనివాసయాదవ్‌, ఏపీఐఐసీ జెడ్‌ఎం నాగకుమార్‌, ఆర్డీఓ ప్రేమంతకుమార్‌, ఐఅండ్‌పీఆర్‌ డీఐపీఆర్‌ఓ ఏ.బాలకొండయ్య, పరిశ్రమల శాఖ ఏడీ రాజశేఖర్‌ రెడ్డి, డీఎస్‌ఓ శోభారాణి పాల్గొన్నారు.

అనంతపురం అర్బన్‌: ఎంపీటీసీ, జెడ్పీటీసీ నామినేషన్ల సందర్భంగా ప్రతిపక్ష అభ్యర్థులపై అఽధికార పార్టీ వ్యక్తులు పోలీసుల సమక్షంలో దాడులు చేయడం దారుణమని సీపీఎం జిల్లా కార్యదర్శివర్గ సభ్యుడు నాగేంద్రకుమార్‌ పేర్కొన్నారు. ఈ వ్యవహారంలో కలెక్టర్‌, ఎస్పీ జోక్యం చేసుకుని బాధ్యులపై కేసులు నమోదు చేయాలని డిమాండ్‌ చేశారు. గురువారం పార్టీ జిల్లా కార్యాలయంలో ఆయన విలేకరులతో మాట్లాడారు. గుంతకల్లు, అనంతపురం రూరల్‌, ఆత్మకూరు, రాప్తాడు, తదితర ప్రాంతాల్లో ఎంపీటీసీ, జెడ్పీటీసీ నామినేషన్ల సందర్భంగా ప్రతిపక్ష పార్టీల అభ్యర్థులపై దాడులు చేయడం, నామినేషన్‌ పత్రాలను చింపివేయడం, ఇతర ప్రాంతాల నుంచి వ్యక్తులను తీసుకొచ్చి దాడులకు పాల్పడటం సరికాదన్నారు. మాజీ ఎమ్మెల్యేలు, ఎమ్మెల్సీలు, మాజీ ఎంపీలను గృహనిర్భందం చేయడం ప్రతిపక్షాల గొంతు నొక్కడమేనన్నారు. దాడులకు పాల్పడిన అధికారపార్టీ వ్యక్తులపై ఒక్క కేసు కూడా ఎందుకు నమోదు కాలేదని నిలదీశారు. ఇంటి భయానక పరిస్థితులను అధికారపార్టీ నాయకులు సృష్టిస్తున్నా కలెక్టర్‌, ఎస్పీ స్పందించకపోవడం శోచనీయమన్నారు. సుమోటోగా విచారణ చేపట్టాలి దాడులపై ఎన్నికల సంఘం సమోటోగా విచారణ చేపట్టి బాధ్యులపై చర్యలు తీసుకోవాలన్నారు. నామినేషన్‌ వేయకుండా అడ్డుకున్న అభ్యర్థులకు మరో అవకాశం కల్పించాలన్నారు. నామినేషన్ల గడువు మరో రెండు రోజులు పొడిగించాలన్నారు. అధికారాన్ని అడ్డుపెట్టుకుని ప్రతిపక్షాల ఎన్నికల హక్కులను కాలరాయడమే రెడ్‌బుక్‌ రాజ్యాంగమా అని ప్రశ్నించారు. స్వేచ్చాయుత, నిష్పక్షపాల ఎన్నికలు జరిగేలా చర్యలు తీసుకోవాలని డిమాండ్‌ చేశారు.

● మరొకరికి తీవ్రగాయాలు.. గుత్తి రూరల్‌: మండలంలోని కొత్తపేట గ్రామ శివారులో 67వ నంబర్‌ జాతీయ రహదారిపై గురువారం రెండు ద్విచక్రవాహనాలు పరస్పరం ఢీకొన్న ప్రమాదంలో ఓ మహిళ దుర్మరణం పాలయ్యారు. మరొకరికి తీవ్రగాయాలయ్యాయి. పోలీసులు తెలిపిన వివరాలు.. మండలంలోని జక్కలచెరువు గ్రామానికి చెందిన సులోచన(32) బొమ్మనహాళ్‌ మండలం సిద్దరాంపురం గ్రామానికి చెందిన తన సోదరుడు మహేంద్ర, మేనకోడలు శ్రీలక్ష్మిలతో కలిసి సరుకుల కొనుగోలుకు గుత్తికి బయలుదేరారు. అయితే కొత్తపేట గ్రామ శివారులోని శ్రీకృష్ణ మందిరం వద్ద గుత్తి నుంచి తాడిపత్రి వైపునకు వెళ్తున్న నంద్యాల జిల్లా డోన్‌ మండలం కొత్త బురుజుల గ్రామానికి చెందిన రంగస్వామి ద్విచక్రవాహనాలు పరస్పరం ఢీకొన్నాయి. ప్రమాదంలో సులోచన, రంగస్వామికి తీవ్ర గాయాలయ్యాయి. శ్రీలక్ష్మి, మహేంద్ర స్వల్ప గాయాలతో బయటపడ్డారు. క్షతగాత్రులను 108 వాహనంలో గుత్తి ప్రభుత్వ ఆసుపత్రికి తరలించారు. సులోచన పరిస్థితి ఆందోళనకరంగా ఉండటంతో అనంతపురం తరలిస్తుండగా మార్గమధ్యలో మృతి చెందింది. రంగస్వామిని మెరుగైన చికిత్స కోసం కర్నూలుకు తరలించారు. ఈ మేరకు పోలీసులు కేసు నమోదు చేసి దర్యాప్తు చేపట్టారు. కొనసాగిన నామినేషన్ల ప్రక్రియ అనంతపురం న్యూ టౌన్‌: జెడ్పీటీసీ, ఎంపీటీసీ నామినేషన్ల స్వీకరణ ప్రక్రియ రెండో రోజూ గురువారం కొనసాగింది. గురువారం జిల్లాలోని 31 జెడ్పీటీసీ స్థానాలకు 92 నామినేషన్లు దాఖలు కాగా ఇందులో వైఎస్సార్‌సీపీ తరఫున మొత్తం 41 మంది నామినేషన్లు వేశారు. ఇక జిల్లాలోని 450 ఎంపీటీసీ స్థానాలకుగాను రెండు రోజులుగా 1,199 మంది అభ్యర్థులు తమ నామినేషన్‌ పత్రాలను దాఖలు చేశారు. ఇందులో 237 మంది వైఎస్సార్‌సీపీ అభ్యర్థులున్నారు. అయితే రాప్తాడు, తాడిపత్రి ఆత్మకూరు మండలాల్లో టీడీపీ నేతల అరాచకంగా కారణంగా ఎంపీటీసీ స్థానాలకు వైఎస్సార్‌సీపీ తరఫున నామినేన్లు దాఖలు కాలేదు.

అనంతపురం సిటీ: జిల్లా సర్వజనాస్పత్రి (జీజీహెచ్‌)కు వచ్చే రోగులకు మెరుగైన వైద్య సేవలు అందించాలని సంబంధిత వైద్యాధికారులకు కలెక్టర్‌ ఆనంద్‌ సూచించారు. ప్రభుత్వ సూపర్‌ స్పెషాలిటీ ఆస్పత్రిలో బుధవారం జరిగిన ఆస్పత్రి అభివృద్ధి కమిటీ సమావేశంలో కలెక్టర్‌ మాట్లాడారు. ఆస్పత్రికి వచ్చే రోగులకు అన్ని విభాగల వైద్యులు అందుబాటులో ఉండేలా చర్యలు తీసుకోవాలన్నారు.ఆస్పత్రి పరిశుభ్రత, మందుల నిల్వ, మంచినీటి సమస్య, డస్ట్‌ బిన్ల నిర్వహణ, కరెంటు లేని సమయంలో ప్రత్యామ్నాయంగా జనరేటర్‌, సీసీ కెమెరాల ఏర్పాటుపై చర్చించారు. అనంతరం గత సమావేశంలోని అజెండాతో పాటు పలు అంశాలపై సమీక్షించారు. సమావేశంలో డిప్యూటీ కలెక్టర్‌ – జీజీహెచ్‌ పాలనాధికారి మల్లికార్జునరెడ్డి, డీఎంహెచ్‌ఓ డాక్టర్‌ వెంకటేశ్వర్లు, జీజీహెచ్‌ సూపరింటెండెంట్‌ డాక్టర్‌ మల్లీశ్వరి, వైద్యులు పాల్గొన్నారు. దరఖాస్తు గడువు పొడిగింపు అనంతపురం సిటీ: మహిళా హెల్త్‌ వర్కర్‌ (ఎంపీహెచ్‌డబ్ల్యూ) కోర్సులో ప్రవేశాలకు దరఖాస్తు గడువు పొడిగించారు. ఈ మేరకు డీఎంహెచ్‌ఓ డాక్టర్‌ కట్టా వెంకటేశ్వర్లు బుధవారం ఓ ప్రకటన విడుదల చేశారు. రెండేళ్ల కాల వ్యవధి గల కోర్సులో వయోపరిమితి లేదని, ఇంటర్మీడియట్‌లో ఉత్తీర్ణత అయ్యి ఉండాలన్నారు. ఆసక్తి ఉన్న మహిళలు http:// cfw.ap.nic.in వెబ్‌సైట్‌ ద్వారా డౌన్‌లోడు చేసుకున్న దరఖాస్తులను భర్తీ చేసి, ఈ నెల 31 లోపు డీఎంహెచ్‌ఓ కార్యాలయంలో అందజేయాలని తెలియజేశారు. నవంబర్‌ 15న అర్హుల జాబితాను ప్రదర్శిస్తామని, ఎంపికై న వారికి అదే నెల 21 నుంచి తరగతులు ప్రారంభమవుతాయని ఆ ప్రకటనలో తెలిపారు. హెచ్చెల్సీ ఉద్యోగి సుధాకర్‌యాదవ్‌ హైడ్రామా అనంతపురం సెంట్రల్‌: ధర్మవరం హెచ్చెల్సీ డివిజన్‌ కార్యాలయం ఎదుట ఓ ఉద్యోగి హైడ్రామా నడిపించాడు. రాజకీయాల్లోకి వెళదామంటే తనకు వీఆర్‌ఎస్‌ ఇవ్వకుండా అధికారులు ఇబ్బందులకు గురి చేస్తున్నారని ఆరోపించారు. వివరాలు.. ధర్మవరం కుడికాలువ డివిజన్‌ కార్యాలయం పరిధిలో వడ్డుపల్లి సబ్‌ డివిజన్‌ సీనియర్‌ అసిస్టెంట్‌గా పని చేస్తున్న ఎ. సుధాకర్‌రాజు ఆమరణ నిరాహార దీక్ష పేరుతో ఆందోళనకు దిగాడు. అనంతపురం కార్పొరేషన్‌కు మేయర్‌గా పోటీ చేసేందుకు వీఆర్‌ఎస్‌కు దరఖాస్తు చేశానన్నారు. అయితే వీఆర్‌ఎస్‌ ఆమోదించేందుకు ఎలాంటి ఇబ్బందులు లేవని, హెచ్చెల్సీ ఎస్‌ఈ వీఆర్‌ఎస్‌ చేస్తామని మాట ఇచ్చారని, అందుకు అనుగుణంగా ఫైల్‌ను రెడీ చేశారని తెలిపారు. అయితే కొందరి వల్ల ఆలస్యం చేస్తున్నారన్నారు. అయితే ప్రభుత్వ ఉద్యోగిగా ఉంటూ ఎలాంటి అనుమతి లేకుండా దీక్ష చేయడం నిబంధనలకు విరుద్ధమని హెచ్చెల్సీ అధికారులు పోలీసులకు ఫిర్యాదు చేసేందుకు సిద్ధమయ్యారు. కాగా ఈవిషయం తెలుసుకున్న సదరు ఉద్యోగి.. దీక్ష విరమించి వెళ్లిపోయారు. దీనిపై హెచ్చెల్సీ ఎస్‌ఈ సుధాకర్‌రావును అడగ్గా.. సదరు ఉద్యోగి వీఆర్‌ఎస్‌ కోసం తన వద్దకు వచ్చారని తెలిపారు. అయితే రూ. 70 లక్షలకు పైగా అతని జీతం నుంచి కోర్టు అటాచ్‌మెంట్స్‌ ఉన్నాయన్నారు. ఈ నేపథ్యంలో వీఆర్‌ఎస్‌ ఇవ్వడానికి కుదరదని స్పష్టం చేశారు.

● పోలీసులకు ఎస్పీ జగదీష్‌ ఆదేశం యల్లనూరు: స్థానిక సంస్థల ఎన్నికలు ప్రశాంతంగా నిర్వహించాలని, సమస్యాత్మక గ్రామాలపై నిఘా ఉంచాలని ఎస్పీ జగదీష్‌ ఆదేశించారు. మంగళవారం యల్లనూరు, పుట్లూరు మండలాల్లో జిల్లా ఎస్పీ పర్యటించారు. ఈ సందర్భంగా ఎస్పీ పోలీస్‌ స్టేషన్లను తనిఖీ చేశారు. పోలింగ్‌ కేంద్రాలను తనిఖీ చేశారు. పుట్లూరు మండలంలోని గరుగుచింతలపల్లి, కోమటికుంట్లలో ఆయన పర్యటించారు. ఏఎస్పీ అశ్విన్‌ మణిదీప్‌, పుట్లూరు సీఐ వంశీకృష్ణ , ఎస్‌ఐలు రామాంజనేయరెడ్డి, సురేంద్రబాబు, ధరణీబాబు పాల్గొన్నారు. నామినేషన్‌ ప్రక్రియ ప్రశాంతంగా జరగాలి ఆత్మకూరు: స్థానిక సంస్థల ఎన్నికల నామినేషన్‌ ప్రక్రియ ప్రశాంతంగా నిర్వహించాలని ఎస్పీ జగదీష్‌ ఆదేశించారు. మంగళవారం ఆత్మకూరులో ఎంపీడీఓ కార్యాలయ ఆవరణాన్ని ఎస్పీ పరిశీలించారు. నిబంధనలు తప్పనిసరిగా పాటించాలని హెచ్చరించారు. అనంతరం స్థానిక పోలీస్‌ స్టేషన్‌లో రాజకీయ పార్టీ నాయకులతో సమావేశం నిర్వహించారు. కార్యక్రమంలో సీఐ హేమంత్‌కుమార్‌, ఎస్‌ఐ లక్ష్మణరావు, ఎంపీడీఓ నాగకృష్ణయ్య, పోలీస్‌లు పాల్గొన్నారు.

● వైఎస్సార్‌సీపీ పీఏసీ సభ్యుడు విశ్వ అనంతపురం/ఉరవకొండ: రాష్ట్రంలో మున్సిపల్‌, కార్పొరేషన్‌ ఎన్నికల నామినేషన్ల స్వీకరణలో టీడీపీ నేతలు కొనసాగించిన విధ్వంస కాండపై సుప్రీంకోర్టు వెలువరించిన తీర్పును స్వాగతిస్తున్నామని, ఈ తీర్పు చంద్రబాబు ప్రభుత్వానికి చెంప పెట్టు అని వైఎస్సార్‌సీపీ పీఏసీ సభ్యుడు విశ్వేశ్వరరెడ్డి పేర్కొన్నారు. బుధవారం స్థానిక వైఎస్సార్‌సీపీ కార్యాలయంలో ఆయన విలేకరులతో మాట్లాడారు. 19 మున్సిపాల్టీల పరిధిలో దారుణమైన హింసా కాండ సృష్టించిన టీడీపీ నేతలు.. తమ పార్టీ సీనియర్‌ ఎంపీలు, మాజీ ఎమ్మెల్యేల వాహనాలపై మారణాయుధాలతో దాడులు చేశారన్నారు. నామి నేషన్‌ వేసేందుకు వచ్చిన అభ్యర్థులపై దాడులు చేసి, మహిళలపైనా దాడులకు తెగబడి ప్రజాస్వామ్యానికి పాతర వేశారన్నారు. తమ పార్టీ అధినేత వైఎస్‌ జగన్‌మోహన్‌రెడ్డి ఆధారాలతో సహా ఎన్నికల కమిషన్‌, గవర్నర్‌తో పాటు సుప్రీంకోర్టు దృష్టికి తీసుకెళ్లడంతో తమకు న్యాయం జరిగిందన్నారు. ఉరవకొండలో మంత్రి కేశవ్‌ అనుచరుల దౌర్జన్యం.. ఉరవకొండ నియోజకవర్గంలో నామినేషన్‌ వేయడానికి సిద్ధవుతున్న తమ పార్టీ అభ్యర్థులను మంత్రి కేశవ్‌ ఆదేశాలతో టీడీపీ నాయకులు బెదిరింపులకు దిగుతున్నారని విశ్వ అన్నారు. ఉరవకొండ, కూడేరు సీఐలతో అభ్యర్థులకు నేరుగా ఫోన్లు చేయించి, నామినేషన్‌ వేస్తే అంతు చూస్తాం అంటూ బెదిరింపులకు దిగుతున్నారన్నారు. మంత్రి కేశవ్‌ స్వగ్రామం కౌకుంట్లలో తమ పార్టీ ఎంపీటీసీ అభ్యర్థులు హనుమంతుతో పాటు మరో అభ్యర్థిని ఉరవకొండ సీఐ మహానంది వారి ఇంటికి వెళ్లి అభ్యర్థుల కళ్లకు గంతలు కట్టి వారిని ఎవరూ గుర్తించని ప్రదేశంలోకి తీసుకెళ్లి దాచారన్నారు. సీఐ స్థాయి వ్యక్తి ఇంతగా దిగజారి మంత్రికి కొమ్ముకాయడం దుర్మార్గమన్నారు. దీనిపై ఎన్నికల కమిషన్‌కు ఫిర్యాదు చేస్తామన్నారు. జిల్లా కలెక్టర్‌, ఎస్పీలకు కూడా టీడీపీ నేతల దౌర్జ న్యాలు, పోలీసుల తీరుపై ఫిర్యాదు చేశామన్నారు. ఓటమి భయంతో మంత్రి కేశవ్‌ కూడా ఇలాంటి దుర్మార్గాలకు పాల్పడడం ప్రజాస్వామ్యాన్ని ఖూనీ చేసినట్లేనని మండిపడ్డారు. కార్యక్రమంలో పార్టీ నాయకులు అశోక్‌, ఏసీ ఎర్రిస్వామి, ఎర్రిస్వామిరెడ్డి, ధనంజయ పాల్గొన్నారు.

యల్లనూరు: మండలం కల్లూరులో దసరా పండుగ పూట విషాదం చోటుచేసుకుంది. విద్యుదాఘాతంతో వినయ్‌కుమార్‌ (17) మృతి చెందాడు. కరెంటు రూపంలో మృత్యువు యువకుడి ప్రాణాలు బలిగొన్న ఘటన కల్లూరులో మంగళవారం చోటు చేసుకుంది. పోలీసులు తెలిపిన మేరకు.. కల్లూరు గ్రామానికి చెందిన లింగయుతుల మల్లికార్జున చిన్న కుమారుడు వినయ్‌కుమార్‌ పండుగరోజు ఇంటికి తాగునీరు పట్టుకునేందుకు మోటారు ఆన్‌ చేశాడు. అయితే మోటారుకు ఉన్న వైరు అర్త్‌ తగిలి విద్యుత్‌ షాక్‌కు గురై, అక్కడికక్కడే మృతి చెందాడు. పండుగరోజు అందరూ సంతోషంగా ఉన్న సమయంలో కరెంటుషాక్‌తో ఒక్కగానొక్క కుమారుడు ప్రాణాలు కోల్పోయి విగతజీవిగా కనిపించడంతో ఆ కుటుంబంలో విషాదం అలుముకుంది. పోస్టుమార్టం నిమిత్తం మృతదేహాన్ని తాడిపత్రి ఆసుపత్రికి తరలించారు. బాధిత కుటుంబ సభ్యుల ఫిర్యాదు మేరకు కేసు నమోదు చేసినట్లు హెడ్‌కానిస్టేబుల్‌ వెంకటేష్‌ తెలిపారు. వ్యక్తి ఆత్మహత్య రాయదుర్గం రూరల్‌: దసరా పండుగ కోసం వచ్చిన ఓ వ్యక్తి ఉరివేసుకుని ఆత్మహత్య చేసుకున్న ఘటన పల్లేపల్లి గ్రామంలో బుధవారం చోటుచేసుకుంది. కుటుంబ సభ్యులు, పోలీసులు తెలిపిన మేరకు.. కర్ణాటక రాష్ట్రం, చిత్రదుర్గం జిల్లా జీరిపల్లికి చెందిన బోయ శివన్న (33) దసరా పండుగ కోసం ఈనెల 18న పల్లేపల్లిలోని అత్తారింటికి వచ్చాడు. తాగుడుకు బానిసైన అతను.. భార్యతో గొడవపడి ఇంటి నుంచి వెళ్లిపోయాడు. అయితే ఈనెల 20న గ్రామ సమీపంలోని చెట్టుకు ఉరివేసుకొని ఆత్మహత్య చేసుకున్నాడు. మృతుడికి భార్య మీనాక్షి, కుమారుడు, కుమార్తె ఉన్నారు. ఘటనపై కేసు దర్యాప్తు చేస్తున్నట్లు పోలీసులు తెలిపారు.

వారిద్దరూ ప్రాణ స్నేహితులు.. అన్నదమ్ముల్లా సరదాగా ఉండేవారు.. పండుగైనా, శుభకార్యమైనా.. ఎక్కడికెళ్లాలన్నా కలిసే ఉండేవారు. దసరా పండుగ సందర్భంగా మంగళవారం ఇద్దరి ఇళ్లలోనూ సరదాగా గడిపారు.. పండుగ సంప్రదాయాలను పూర్తి చేసుకొని, భోజనం చేసిన అనంతరం సినిమాకు వెళ్లాలని నిర్ణయించుకున్నారు. ఎప్పటిలాగే ఇద్దరూ ఒకే బైక్‌పై బయల్దేరారు. అలా ఇంటి నుంచి వెళ్లిన ఇద్దరూ తిరిగి వస్తారని కుటుంబ సభ్యులు ఎదురుచూశారు.. అయితే వారి స్నేహబంధాన్ని చూసి మూడు పదులైనా నిండకనే విధికి కన్నుకుట్టింది. రోడ్డు ప్రమాద రూపంలో మృత్యువు ఇద్దరినీ కబళించింది. మంగళవారం మధ్యాహ్నం అనంతపురం రూరల్‌ మండలం సిండికేట్‌నగర్‌ వద్ద చోటు చేసుకున్న ఈ ఘటన రెండు కుటుంబాల్లో విషాదం నింపింది. – రాప్తాడు రూరల్‌ అనంతపురం రూరల్‌ మండలం అక్కంపల్లి పంచాయతీ సదాశివకాలనీకి చెందిన వికాస్‌కుమార్‌ (24) పెయింటింగ్‌ పనులు చేస్తుంటాడు. అదే కాలనీకి చెందిన చందు అలియాస్‌ విక్కీ (26) ఆటో డ్రైవర్‌గా జీవనం సాగిస్తున్నాడు. రాచానపల్లి వైపు నుంచి అనంతపురం నగరానికి వెళ్తున్న వికాస్‌కుమార్‌, చందు బైక్‌.. సిండికేట్‌నగర్‌ సమీపంలోని బళ్లారి జాతీయ రహదారిపై సిమ్స్‌ ఆస్పత్రి ఎదురుగా ఉన్న యూటర్న్‌ వద్ద ప్రమాదానికి గురైంది. యూటర్న్‌ దాటుతున్న సిండికేట్‌నగర్‌కు చెందిన బైక్‌ను వీరి వాహనం ఢీకొంది. దీంతో బైక్‌ అదుపుతప్పి డివైడర్‌ను బలంగా ఢీకొట్టింది. ఈ ప్రమాదంలో ఇద్దరి తలలకు తీవ్ర గాయాలయ్యాయి. తీవ్ర రక్తస్రావంతో కొన ఊపిరితో కొట్టుమిట్టాడుతున్న వారిని వెంటనే అనంతపురం సర్వజనాస్పత్రికి తరలించారు. అయితే, అప్పటికే ఇద్దరూ మృతి చెందినట్లు వైద్యులు ధ్రువీకరించారు. రెండు కుటుంబాల్లో తీరని విషాదం.. ఈ ప్రమాదం రెండు కుటుంబాల్లో తీరని విషాదాన్ని మిగిల్చింది. వికాస్‌కుమార్‌ తండ్రి పెద్దరెడ్డప్ప సదాశివకాలనీ శాఖ సీపీఐ కార్యదర్శిగా పని చేస్తున్నాడు. ఆయనకు ముగ్గురు కుమారులు. రెండో కుమారుడైన వికాస్‌ ఇలా అర్ధంతరంగా తనువు చాలించడంతో ఆ కుటుంబంలో విషాదం అలముకుంది. మరోవైపు చందు అలియాస్‌ విక్కీది మరింత హృదయవిదారకమైన పరిస్థితి. తండ్రి చంద్రశేఖర్‌ గతంలోనే మృతి చెందాడు. తల్లి లలితమ్మ కూలి పనులు చేసుకుంటూ ఒక్కగానొక్క కుమారుడిని పెంచి పోషిస్తోంది. ఆటో డ్రైవర్‌గా పనిచేస్తున్న చందు..ఆ తల్లికి జీవితంలో అండగా ఉంటాడని ఎన్నో ఆశలు పెట్టుకుంది. అయితే పండుగ రోజే ఆ తల్లి ఆశలన్నీ ఒక్కసారిగా ఆవిరయ్యాయి. రెక్కల కష్టంతో అల్లారుముద్దుగా పెంచిన కొడుకు ఇక తిరిగిరాడన్న నిజాన్ని ఆమె జీర్ణించుకోలేకపోతోంది. ఇద్దరు ప్రాణస్నేహితుల జీవితాలను చిదిమేసిన మృత్యువు పండుగ పూట పెను విషాదం దసరా పండుగ వేళ సినిమాకెళ్తుండగా దుర్ఘటన అనంతపురం రూరల్‌ సదాశివకాలనీలో రెండు కుటుంబాలకు తీరని శోకం

● టికెట్‌ రాక స్వతంత్రులుగా బరిలోకి.. గుంతకల్లు: గుంతకల్లు టీడీపీలో రెబల్స్‌ బెడద అధికమైంది. ఇంతకాలం పార్టీని నమ్ముకొని పనిచేసిన కార్యకర్తలు టికెట్‌ వస్తుందని ఆశిస్తే.. చివరిరకు చుక్కెదురైంది. దీంతో తీవ్ర నిరాశతో కొందరు స్వతంత్ర అభ్యర్థులుగా బరిలో నిలిచారు. ఆది నుంచి టిక్కెట్ల కేటాయింపులో పార్టీ నాయకత్వం నాన్చుడు ధోరణితో వ్యహరించిదన్న విమర్శలు వినింపించాయి. దీనికి తోడు బీజేపీ, జనసేన పార్టీల నుంచి కూడా టిక్కెట్లు కేటాయింపులో టీడీపీకి నిరసన వ్యక్తమయినట్లు తెలుస్తోంది. జెండా మోసిన వారిని పక్కకు పెట్టి భజనపరులకు టిక్కెట్లు ఇచ్చారని రెబల్‌ అభ్యర్థులు రగలిపోతున్నారు. టికెట్‌ దక్కని కొందరు రెబల్‌ అభ్యర్థులుగా బరిలో నిలిచారు. పాత గుంతకల్లులో ఇదీ పరిస్థితి.. = పాత గుంతకల్లుకు చెందిన టీడీపీ సీనియర్‌ నాయకుడు టీ కేశప్ప (6వ వార్డు) ఆవిర్భావరం నుంచి పార్టీలో కొనసాగుతున్నారు. ఉత్తమ కార్యకర్తగా అనేక సార్లు అవార్డులు అందుకున్నారు. క్లస్టర్‌ ఇన్‌చార్జ్‌తోపాటు ఆయన భార్య సుశీలమ్మ, సోదరుడు జయరాముడు, కోడలు సుమలత కౌన్సిలర్లుగా పని చేశారు. అయితే గుమ్మనూరు జయరాం బంధువు రమేష్‌కు 6వ వార్డు బీ–ఫాంను అందజేయడంతో తీవ్ర అసంతృప్తికి వ్యక్తం చేశాడు. దీంతో పాత గుంతకల్లులోని 6వ వార్డుకు నేను (టీ కేశప్ప), 5వ వార్డుకు సుమలత (కోడలు), 11వ వార్డుకు మా అన్న జయరాముడును రెబల్‌ అభ్యర్థులుగా చంద్రబాబు, లోకేష్‌ ఫొటోలతో బరిలో దిగినట్లు విలేకరులకు చెప్పారు. 6 వార్డుకు చెందిన మరో టీడీపీ నాయకుడు శేఖర్‌ కూడా టికెట్‌ అశించాడు. పార్టీ కోసం రూ.లక్షలు ఖర్చు చేసి మోసిపోయినట్లు వాపోయాడు. దీంతో మనస్తాపానికి గురైన శేఖర్‌ భార్య పురుగుల మందు తాగి ఆత్మహత్యయత్నం చేసింది. ఆయను కూడా రెబల్‌ అభ్యర్థిగా బరిలోకి దిగాడు. అదేవిధంగా 41వ వార్డుకు చెందిన మరో సీనియర్‌ నాయకుడు రామచంద్రయ్య పార్టీ టికెట్‌ ఆశించి భంగపడ్డాడు. ఇక జనసేన, బీజేపీ పోటీ చేసిన స్థానాల్లో టీడీపీ నాయకులు అసంతృప్తిగా ఉన్నట్లు సమాచారం. అసంతృప్తలను, రెబల్స్‌ను బుజ్జగించడానికి టీడీపీ నాయకులు చేస్తున్న ప్రయత్నాలు ఫలించడం లేదు.

గార్లదిన్నె: దసరా పండుగకు సొంతూరుకు ఇల్లూరుకు వచ్చి, కుటుంబ సభ్యులతో సంతోషంగా పండుగ చేసుకోవాలనుకున్న అజయ్‌ (25)ను రోడ్డు ప్రమాద రూపంలో మృత్యువు కబళించింది. మరో ఎనిమిది మందికి తీవ్ర గాయాలయ్యాయి. ఈఘటన ఇల్లూరు వద్ద బుధవారం చోటుచేసుకుంది. గార్లదిన్నె మండలం ఇల్లూరుకు చెందిన అజయ్‌ ( 25) మృతిచెందగా, మరో ఎనిమిది మందికి తీవ్ర గాయాలయ్యాయి. పోలీసులు తెలిపిన మేరకు.. ప్రయాణికుల ఆటో బుధవారం కల్లూరు నుంచి బయల్దేరి ఇల్లూరుకు వెళ్తోంది. తీరా ఇల్లూరు జెడ్పీహెచ్‌ఎస్‌ వద్దకు వెళ్లగానే అదే సమయంలో వంశీ, సోమశేఖర్‌ అనే యువకులు ద్విచక్ర వాహనంపై కల్లూరుకు వెళ్తుండగా ఆటో, ద్విచక్ర వాహనం ఢీ కొన్నాయి. ఈ ప్రమాదంలో ఆటోలో ఉన్న రమీజా, భవ్యశ్రీ, రామాంజనమ్మ, వెంకటేష్‌, సుంకమ్మ, నరసక్క,అజయ్‌తో పాటు ద్విచక్ర వాహనదారులు వంశీ, సోమశేఖర్‌కు తీవ్ర గాయాలయ్యాయి. వెంటనే స్థానికులు గమనించి 108 వాహనంలో క్షతగాత్రులను చికిత్స నిమిత్తం పామిడి ప్రభుత్వాస్పత్రికి తరలించారు. అనంతరం మెరుగైన చికిత్స కోసం అనంతపురం ప్రభుత్వ ఆస్పత్రికి రెఫర్‌ చేశారు.

● మాజీ ఎమ్మెల్యే తోపుదుర్తి ప్రకాష్‌రెడ్డి రాప్తాడు రూరల్‌: స్థానిక సంస్థల ఎన్నికల నామినేషన్‌ సందర్భంగా అధికార పార్టీ దౌర్జన్యాలకు పాల్పడుతూ ప్రజాస్వామ్యాన్ని ఖూనీ చేస్తోందని మాజీ ఎమ్మెల్యే తోపుదుర్తి ప్రకాష్‌రెడ్డి మండిపడ్డారు. మున్సిపల్‌ ఎన్నికల్లో అధికార పార్టీ నేతలు కొనసాగిస్తున్న దమనకాండను ఇప్పుడు మండల, గ్రామస్థాయి ఎన్నికలకూ విస్తరించిందన్నారు. బుధవారం ఆయన అనంతపురం నగర శివారులోని తన క్యాంపు కార్యాలయంలో విలేకరులతో మాట్లాడారు. అనంతపురం రూరల్‌, రాప్తాడు, ఆత్మకూరు, చెన్నేకొత్తపల్లి తదితర మండలాల్లో వైఎస్సార్‌సీపీ అభ్యర్థులను నామినేషన్లు వేయకుండా అడ్డుకునేందుకు టీడీపీ వర్గీయులు ప్రయత్నించారన్నారు. ఆత్మకూరులో ఎంపీటీసీ అభ్యర్థి వెంకటేష్‌నాయక్‌పై దాడి చేశారని, అనంతపురం రూరల్‌లో పార్టీ కార్యకర్త శ్రీరామిరెడ్డిపై దాడులకు పాల్పడ్డారన్నారు. చియ్యేడు దళిత మహిళా అభ్యర్థి నామినేషన్‌ పత్రాలను చించివేశారని, రాప్తాడు మండలం మరూరులో ఎంపీటీసీ అభ్యర్థిని ప్రతిమ నామినేషన్‌ వేస్తుండగా పత్రాలను లాక్కుని చించేశారని ఆరోపించారు. చెన్నేకొత్తపల్లి మండలం గంగినేపల్లికి చెందిన అభ్యర్థిని సైతం అడ్డుకున్నారని తెలిపారు. టీడీపీ గూండాలపై పోలీసుల చర్యలేవీ? కుల, ఆదాయ ధ్రువీకరణ పత్రాలు, ఇతర అవసరమైన పత్రాల కోసం అధికారులను సంప్రదించేందుకు వెళ్లిన తమ అభ్యర్థులకు ఇబ్బందులు కల్పిస్తున్నారని ప్రకాష్‌రెడ్డి విమర్శించారు. ఎంపీడీఓ కార్యాలయాల వద్ద టీడీపీ గూండాలు గుమిగూడి భయానక వాతావరణం సృష్టిస్తున్నా పోలీసులు తగిన చర్యలు తీసుకోలేదని ఆరోపించారు. ఈ వ్యవహారంపై డీఐజీతో పాటు అనంతపురం, శ్రీసత్యసాయి జిల్లాల ఎస్పీలకు ఫిర్యాదు చేసినట్లు వెల్లడించారు. ఫ్యాక్షన్‌ రాజకీయాలకు స్వస్తి పలకాలి .. 1995లో పరిటాల రవి హయాంలో జరిగిన పరిణామాలు తనను ప్రజా జీవితంలోకి వచ్చేలా చేశాయని ప్రకాష్‌రెడ్డి గుర్తుచేశారు. ఫ్యాక్షన్‌ కారణంగా ఎన్నో కుటుంబాలు నష్టపోయాయని, అలాంటి పరిస్థితులు మళ్లీ రాకూడదనే ఉద్దేశంతోనే తాను రాజకీయాల్లో ఫ్యాక్షన్‌ కు దూరంగా ఉంటూ ప్రజలకు దగ్గరగా పనిచేశానన్నారు. ఎమ్మెల్యేగా ఉన్న సమయంలోనూ రక్తపాతం జరగకుండా చూసుకున్నానని, 2021 స్థానిక సంస్థల ఎన్నికలు ప్రశాంతంగా జరిగేందుకు సహకరించామని చెప్పారు. రాజకీయ పోటీని ప్రజాస్వామ్యబద్ధంగా ఎదుర్కోవాలే తప్ప దాడులు, బెదిరింపులతో కాదన్నారు. నేడు ఆరు మండలాల్లో పర్యటన.. వైఎస్సార్‌సీపీ అభ్యర్థులు స్వేచ్ఛగా నామినేషన్లు దాఖలు చేసుకునేలా పోలీసులు చర్యలు తీసుకోవాలని ప్రకాష్‌రెడ్డి డిమాండ్‌ చేశారు. గురువారం ఆత్మకూరు, అనంతపురం రూరల్‌, రాప్తాడు, కనగానపల్లి, చెన్నేకొత్తపల్లి, రామగిరి మండలాల్లోని నామినేషన్‌ కేంద్రాలకు వస్తానని ప్రకటించారు. పార్టీ నాయకులు, కార్యకర్తలు, అభిమానులు అభ్యర్థులకు అండగా నిలిచి నామినేషన్ల ప్రక్రియ విజయవంతమయ్యేలా చూడాలని పిలుపునిచ్చారు. 1995 నాటి పరిస్థితులు మళ్లీ పునరావృతం కాకూడదని, ఫ్యాక్షన్‌ రాజకీయాలకు స్వస్తి పలికి ప్రజాస్వామ్యాన్ని కాపాడుకోవాల్సిన బాధ్యత అందరిపై ఉందన్నారు. సమావేశంలో వైఎస్సార్‌సీపీ నాయకులు రంగంపేట గోపాల్‌రెడ్డి, చిట్రెడ్డి సత్యనారాయణరెడ్డి, సాకే వెంకటేశు, మదిగుబ్బ వీరాంజనేయులు, సిండికేట్‌నగర్‌ శ్రీరామిరెడ్డి, మరూరు బండి శ్రీనివాసులు పాల్గొన్నారు.

గుంతకల్లు రూరల్‌: మండలంలోని పాతకొత్తచెరువు వద్ద గుంతకల్లు– గుత్తి జాతీ య రహదారిపై మంగళవారం సాయంత్రం జరిగిన రోడ్డు ప్రమాదంలో వెంకటేశ్వర్లు (60) దుర్మరణం చెందాడు. రూరల్‌ ఎస్‌ఐ బాలముణి తెలిపిన మేరకు.. గుంతకల్లు మిల్లు కాలనీలో భార్య పార్వతి, పిల్లలతో కలిసి నివాసం ఉంటున్న వెంకటేశ్వర్లు గుజిరీ వస్తువులు సేకరించి, విక్రయిస్తూ జీవనం సాగిస్తు న్నాడు. మంగళవారం సాయంత్రం గుజిరీలో వస్తువులు తీసుకెళ్తుండగా పాతకొత్తచెరువు సమీపంలోని ముష్కిషావలీ దర్గా వద్ద రోడ్డు దాటే క్రమంలో గుంతకల్లు నుంచి గుత్తి వైపు వేగంగా వెళ్తున్న కారు ఢీకొట్టింది. ఈ ప్రమాదంలో తీవ్రంగా గాయపడి అక్కడికక్కడే మృతి చెందాడు. అటుగా వెళ్తున్న వాహనదారుల ద్వారా విషయం తెలుసుకున్న పోలీసులు హుటాహుటిన ఘటనా స్థలికి చేరుకొని ప్రమాదం జరిగిన ప్రాంతాన్ని పరిశీలించారు. మృతదేహాన్ని పోస్టుమార్టం నిమిత్తం గుంతకల్లు ప్రభుత్వాస్పత్రికి తరలించి, కేసు దర్యాప్తు చేస్తున్నట్లు పోలీసులు తెలిపారు. ‘నామినేషన్‌ వేస్తే అంతు చూస్తాం’ అనంతపురం: ‘ ప్రభుత్వం మాది.. గ్రామ పంచాయతీ ఎన్నికల్లో మేము పోటీ చేస్తున్నాం.. నీకు తెలియదా? ..ఎంపీటీసీ అభ్యర్థిగా నువ్వు ఎలా పోటీ చేస్తావ్‌.. నువ్వు నామినేషన్‌ వేస్తే నీ అంతు చూస్తాం..’ అంటూ టీడీపీ నాయకులు వైఎస్సార్‌ సీపీ నాయకులను బెదిరించారు. వివరాలు.. గార్లదిన్నె మండల పరిధిలోని ముంటిమడుగు గ్రామ పంచాయతీ ఎంపీటీసీ అభ్యర్థిగా వైఎస్సార్‌సీపీ నాయకుడు తలారి సుబ్బరాయుడు భార్య సునీత నామినేషన్‌ వేసేందుకు ఏర్పాట్లు చేసుకున్నారు. అందులో భాగంగా భర్త తలారి సుబ్బరాయుడు, నాయకులు వెంకటయ్య ఇద్దరు నామినేషన్‌ దాఖలుకు అవసరమైన పత్రా లు సిద్ధం చేసుకునేందుకు బుధవారం గార్లదిన్నెకు వెళ్లి, మీ సేవా కేంద్రం వద్ద ఉన్నారు. ఆ సమయంలో ముంటిమడుగుకు చెందిన టీడీపీ నాయ కులు కారులో వచ్చి వెఎస్సార్‌సీపీ నాయకులను బలవంతంగా కారులో ఎక్కించుకున్నారు. అక్కడి నుంచి ముంటిమడుగులోని టీడీపీ నాయకుడి ఇంటికి తీసుకెళ్లారు. ‘నీవు పోటీ నుంచి తప్పుకో.. లేకుంటే ఇబ్బంది పడుతావ్‌.. అధికారంలో ఉండేది మా ప్రభుత్వం.. మీరు ఏమీ చేసుకోలేరు.. అంటూ బెదిరించినట్లు వైఎస్సార్‌సీపీ నాయకులు ఆవేదన వ్యక్తం చేశా రు. అనంతరం తిరిగి వారి కారులోనే గార్లదిన్నెలో వదిలి వెళ్లిపోయినట్లు తెలిపారు. మేము నామి నేషన్‌ వేసేందుకు ఎన్నికల అధికారులు, పోలీస్‌లు చర్యలు తీసుకోవాలని అభ్యర్థులు కోరుతున్నారు. విత్‌డ్రా చేసుకోవాలని బెదిరింపులు గుంతకల్లుటౌన్‌: పట్టణంలోని 23వ వార్డు వైఎస్సార్‌సీపీ కౌన్సిలర్‌ అభ్యర్థిగా బరిలో దిగనున్న డి.జరీనా భర్త విష్ణును అదే వార్డుకు చెందిన పలువురు టీడీపీ నాయకులు బెదిరించినట్లు విష్ణు విలేకరులకు తెలిపారు. తన భార్య తరఫున పార్టీ బీ–ఫారం మున్సిపల్‌ ఆఫీసులో ఎన్నికల అధికారికి అందజేయడానికి రాగానే అక్కడే ఉన్న టీడీపీ నాయకులు బీ–ఫారం లాక్కునేందుకు యత్నించారు. అతను తప్పించుకునే ప్రయత్నం చేయగా.. అసభ్య పదజాలంతో దూషించారు. అక్కడే ఉన్న వన్‌టౌన్‌ సీఐ శ్రీధర్‌, ఎస్‌ఐలు సురేష్‌, కళ్యాణ్‌లు జోక్యం చేసుకొని టీడీపీ నాయకులను అక్కడి నుంచి పంపివేయడంతో విష్ణు బీ–ఫారంను ఎన్నికల అధికారికి సమర్పించారు. విషయం తెలుసుకున్న మాజీ ఎమ్మెల్యే వై.వెంకటరామిరెడ్డి పార్టీ నాయకులను అక్కడికి పంపి విష్ణును క్షేమంగా పార్టీ కార్యాలయానికి చేర్చారు. సీఐఐ సదస్సుకు ఏర్పాట్లు అనంతపురం అర్బన్‌: జేఎన్‌టీయూ వేదికగా ఈనెల 23న జరగనున్న సీఐఐ పార్ట్‌నర్‌షిప్‌ సమ్మిట్‌–2026 సదస్సు నిర్వహణకు సంబంధించి పటిష్టమైన ఏర్పాట్లు చేయాలని జాయింట్‌ కలెక్టర్‌ సి.విష్ణుచరణ్‌ సంబంధిత అధికారులను ఆదేశించారు. జేఎన్‌టీయూలో సదస్సు నిర్వహణకు చేపట్టిన ఏర్పాట్లను జేసీ బుధవారం పరిశీలించారు. అధికారులకు తగిన సూచనలు, ఆదేశాలిచ్చారు. ఈ సందర్భంగా ఆయన మాట్లాడుతూ రాష్ట్రంలో పెట్టుబడులను ఆకర్షించడానికి ప్రభుత్వం చర్యలు చేపట్టిందన్నారు. అందులో భాగంగా ఏపీ ఎకనామిక్‌ డెవలప్‌మెంట్‌ బోర్డ్‌ (ఏపీఈడీబీ) ఆధ్వర్యంలో సీఐఐ పార్టనర్‌షిప్‌ సమ్మిట్‌ ఈనెల 23న జేఎన్‌టీయూలోని ఎన్‌టీఆర్‌ ఆడిటోరియంలో జరగనుందన్నారు. సదస్సు నిర్వహణకు సంబంధించి అన్ని ఏర్పాట్లు గురువారానికి పూర్తి చేయాలని ఆదేశించారు. సదస్సుకు హాజరయ్యే ప్రతినిధులకు వసతి సదుపాయం కల్పించాలన్నారు. రిజిస్టేషన్‌ ప్రక్రియ, సీటింగ్‌ అరేంజ్‌మెంట్స్‌, ఎంఎస్‌ఎంఈ ఎగ్జిబిషన్‌, భోజన వసతి, తదితర అన్ని ఏర్పాట్లపై ప్రత్యేక దృష్టి సారించాలని ఆదేశించారు. కార్యక్రమంలో అసిస్టెంట్‌ కలెక్టర్‌ సుయాష్‌కుమార్‌, ఆర్‌డీఓ ప్రేమంత్‌కుమార్‌, పరిశ్రమల శాఖ జీఎం శ్రీనివాసయాదవ్‌, ఏపీఐఐసీ జెడ్‌ఎం నాగకుమార్‌, డీఐపీఆర్‌ఓ బాలకొండయ్య, ఈడీబీ రామకృష్ణ, ఈమెంట్‌ మేనేజర్‌ కిశోర్‌, ఇతర అధికారులు పాల్గొన్నారు.

రాప్తాడు రూరల్‌: అధికార తెలుగుదేశం పార్టీకి ‘స్థానిక’ ఎన్నికల్లో ఓటమి భయం పట్టుకుంది. అందుకే రాప్తాడు నియోజకవర్గంలో ప్రతిపక్ష వైఎస్సార్‌సీపీ తరఫున ఎవ్వరూ నామినేషన్లు వేయకుండా దాడులు, దౌర్జన్యాలకు దిగుతోంది. పోలీసుల సమక్షంలోనే యథేచ్ఛగా పేట్రేగిపోతోంది. బుధవారం అనంతపురం రూరల్‌ మండలానికి సంబంధించి ఎంపీడీఓ కార్యాలయంలో ఎంపీటీసీల నామినేషన్ల కేంద్రం ఏర్పాటు చేశారు. కేంద్రానికి వంద మీటర్ల పరిధిలో ఎవరినీ అనుమతించకుండా పోలీసులు బారికేడ్లు ఏర్పాటు చేశారు. అయితే ఆ పరిధికి వెలుపలే టీడీపీ శ్రేణులు గుంపులుగా నిలబడ్డారు. ఈ క్రమంలో సిండికేట్‌నగర్‌కు చెందిన వైఎస్సార్‌సీపీ నాయకులు శ్రీరామిరెడ్డి, భానుకోట శివ పోలీసు క్లియరెన్స్‌ సర్టిఫికెట్‌ (ఎన్‌ఓసీ)పై సీఐ సంతకం తీసుకునేందుకు ఎంపీడీఓ కార్యాలయానికి వెళ్తుండగా అడ్డుకున్నారు. వారి చేతుల్లోని పత్రాలను లాక్కుని చించేయడంతోపాటు శ్రీరామిరెడ్డిపై దాడి చేసి అక్కడి నుంచి వెళ్లగొట్టారు. పాపంపేటలోని విద్యారణ్యనగర్‌కు చెందిన గోపీ, నిజాముద్దీన్‌ కూడా సంతకాల కోసం కార్యాలయంలోకి వెళ్తుండగా అడ్డుకుని, వారి వద్ద ఉన్న పత్రాలను లాక్కుని బెదిరించారు. చియ్యేడు ఎంపీటీసీ స్థానానికి వైఎస్సార్‌సీపీ తరఫున పోటీ చేస్తున్న అభ్యర్థినిని, ఆమె ప్రతిపాదకులను అడ్డుకుని.. నామినేషన్‌ పత్రాలను చించేశారు. విద్యార్హత ఒరిజినల్‌ సర్టిఫికెట్లను కూడా చించేసినట్లు తెలిసింది. కురుగుంటకు చెందిన వైఎస్సార్‌సీపీ నాయకులు కిరణ్‌కుమార్‌రెడ్డి, మాధవరెడ్డి తమ అభ్యర్థినికి సంబంధించిన పత్రాలపై పంచాయతీ కార్యదర్శి సంతకం తీసుకునేందుకు కార్యాలయంలోకి వెళ్తుండగా అడ్డుకుని పత్రాలను చించేశారు. రాప్తాడులోనూ అదే తీరు రాప్తాడు మండల కేంద్రంలో ఉదయం నుంచే టీడీపీ శ్రేణులు నామినేషన్‌ కేంద్రం వద్ద పెద్ద సంఖ్యలో మోహరించాయి. మధ్యాహ్నం మరూరు ఎంపీటీసీ స్థానానికి నామినేషన్‌ దాఖలు చేసేందుకు వచ్చిన వైఎస్సార్‌సీపీ అభ్యర్థిని పూజారి ప్రతిమను అడ్డుకున్నారు. ఆమె చేతిలోని నామినేషన్‌ పత్రాలను లాక్కుని, ఆమెతోపాటు ప్రతిపాదకులపై దాడి చేసి బయటకు పంపారు. ఆ తర్వాత అభ్యర్థిని పూజారి ప్రతిమ, ఆమె ప్రతిపాదకులు సమీపంలోని వైఎస్సార్‌సీపీ నాయకుడు జూటూరు శేఖర్‌ ఇంటికి వెళ్తే.. అక్కడికీ టీడీపీ శ్రేణులు చేరుకున్నాయి, సుమారు వందమంది ఇంటిపై దాడికి దిగుతూ రాళ్లు రువ్వడంతో ఉద్రిక్తత నెలకొంది. పోలీసుల జోక్యంతో చివరకు అక్కడి నుంచి టీడీపీ శ్రేణులను పంపించారు. తాము పరిటాల సునీత వర్గానికి చెందిన వారమంటూ కొందరు కార్యాలయంలోకి వచ్చి బూతులు తిడుతూ తమపై దాడి చేశారని, తమ చేతుల్లోని నామినేషన్‌ పత్రాలను లాక్కున్నారని, నామినేషన్‌ వేస్తే చంపేస్తామంటూ బెదిరించారని పూజారి ప్రతిమ వాపోయారు. కాపుకాచి.. నామినేషన్లు వేయకుండా చేసి.. అధికార తెలుగుదేశం పార్టీ మండల – జిల్లా పరిషత్‌ ప్రాదేశిక ఎన్నికల్లో తనకు పోటీ లేకుండా చేయాలనుకుంటోంది. ఇందు కోసం ఇతర మండలాల నుంచి వందలాది మంది పార్టీ శ్రేణులను ఆత్మకూరు మండల కేంద్రంలోకి దించింది. నామినేషన్‌ కేంద్రం వద్ద ఇరువైపులా కాపు కాచింది. మండలంలో 11 ఎంపీటీసీ స్థానాలు ఉన్నాయి. బుధవారం ఎంపీడీఓ కార్యాలయంలో నామినేషన్ల ప్రక్రియ ప్రారంభమైంది. సింగంపల్లి తండా నుంచి వెంకటేష్‌ నాయక్‌ తన కుమారుడితో కలిసి వైఎస్సార్‌సీపీ తరఫున ఎంపీటీసీ అభ్యర్థిగా నామినేషన్‌ వేసేందుకు ద్విచక్రవాహనంలో వస్తుండగా.. స్థానిక అయ్యప్ప ఆలయం వద్ద ‘పచ్చ’ గుంపు అడ్డుకుంది. నామినేషన్‌ కేంద్రంలోకి వెళ్లరాదంటూ హుకుం జారీ చేసింది. తమను దాటుకుని వెళ్లాలనుకుంటే జాగ్రత్త అంటూ హెచ్చరించింది. దీంతో వారు వెనుదిరిగారు. రోడ్లపై ఎక్కడపడితే అక్కడ ఉన్న ‘పచ్చ’ గుంపును చూసి పలువురు వైఎస్సార్‌సీపీ నాయకులు నామినేషన్‌ కేంద్రంలోనికి వెళ్లలేకపోయారు. సమాచారం అందుకున్న మాజీ ఎమ్మెల్యే తోపుదుర్తి ప్రకాష్‌రెడ్డి ఆత్మకూరు రావడానికి తోపుదుర్తి నుంచి బయల్దేరుతుండగా పోలీసులు అడ్డుకున్నారు. ఆయన ఇంటి నుంచి బయటకు రాకుండా కట్టడి చేశారు. వైఎస్సార్‌సీపీ శ్రేణులపై టీడీపీ మూకల దాడి నామినేషన్‌ పత్రాలు చించేసి.. బెదిరింపులు రాప్తాడు నియోజకవర్గం అంతటా ఘటనలు

అనంతపురం: మున్సిపల్‌ ఎన్నికలకు సంబంధించి నామినేషన్ల ఉపసంహరణ బుధవారం ప్రశాంతంగా పూర్తయింది. ఉపసంహరణల అనంతరం అనంతపురం నగరపాలక సంస్థ మేయర్‌ స్థానానికి 12 మంది, 62 డివిజన్లకు 197 మంది అభ్యర్థులు బరిలో నిలిచారు. రాయదుర్గం మున్సిపల్‌ చైర్‌పర్సన్‌కు ఆరుగురు, 40 వార్డులకు 107 మంది పోటీలో మిగిలారు. గుంతకల్లులో చైర్‌పర్సన్‌కు నలుగురు, 48 కౌన్సిలర్‌ స్థానాలకు 189 మంది బరిలో ఉన్నారు. కళ్యాణదుర్గం మున్సిపల్‌ చైర్‌పర్సన్‌ స్థానానికి ముగ్గురు పోటీలో నిలిచారు. ఇక తాడిపత్రి, గుత్తి మున్సిపల్‌ స్థానాలకు సంబంధించి సుప్రీం కోర్టు తీర్పు మేరకు ఈ నెల 25న బరిలో ఉన్న అభ్యర్థుల వివరాలు ప్రకటిస్తారు.

● వైఎస్సార్‌సీపీ, సీపీఐ అభ్యర్థులను గెలిపించండి ● వైఎస్సార్‌సీపీ జిల్లా అధ్యక్షుడు అనంత అనంతపురం: నగరపాలక సంస్థ ఎన్నికల్లో కూటమి అభ్యర్థికి ఓటు వేస్తే ప్రజలు అవినీతికి అనుమతి ఇచ్చినట్లేనని వైఎస్సార్‌సీపీ జిల్లా అధ్యక్షుడు, మాజీ ఎమ్మెల్యే అనంత వెంకటరామిరెడ్డి పేర్కొన్నారు. నగరం అభివృద్ధి పథంలో ముందుకు సాగాలంటే వైఎస్సార్‌సీపీ మేయర్‌ అభ్యర్థి రమేష్‌ గౌడ్‌ను గెలిపించాలని పిలుపునిచ్చారు. బుధవారం వైఎస్సార్‌సీపీ జిల్లా కార్యాలయంలో ఏర్పాటు చేసిన విలేకరుల సమావేశంలో నాయకులతో కలిసి ఆయన మాట్లాడారు. మేయర్‌ స్థానంతో పాటు 60 కార్పొరేటర్‌ స్థానాల్లో వైఎస్సార్‌సీపీ అభ్యర్థులు, మరో రెండు కార్పొరేటర్‌ స్థానాల్లో సీపీఐ అభ్యర్థులు పోటీ చేస్తున్నారని, ప్రజలు ఆశీర్వదించి గెలిపించాలని కోరారు. చంద్రబాబు ప్రభుత్వం వచ్చాక అనంతపురంలో దాడులు, దౌర్జన్యాలు, అరాచకాలు పెరిగిపోయాయని మండిపడ్డారు. 2019 నుంచి 2024 వరకు ప్రశాంతంగా ఉన్న నగరంలో, గడిచిన ఈ రెండున్నరేళ్లలో పరిస్థితులు ఎలా మారాయో ప్రజలు ఆలోచించాలని విజ్ఞప్తి చేశారు. నామినేషన్ల ఉపసంహరణ తర్వాత వైఎస్సార్‌సీపీ అభ్యర్థులకు బెదిరింపులు ఎక్కువయ్యాయని, ప్రచారం చేస్తే దాడులు చేస్తామని, కేసులు పెడతామని మధ్యవర్తులతో బెదిరిస్తున్నారని ఆరోపించారు. సుప్రీం కోర్టు తీర్పు మేరకు రాష్ట్ర వ్యాప్తంగా 19 చోట్ల నామినేషన్ల స్వీకరణకు సమయం ఇవ్వడం చంద్రబాబు ప్రభుత్వానికి చెంపపెట్టు వంటిదని వ్యాఖ్యానించారు. వైఎస్సార్‌సీపీ పార్లమెంట్‌ పరిశీలకుడు బోరెడ్డి నరేష్‌ కుమార్‌రెడ్డి మాట్లాడుతూ స్థానిక సంస్థల ఎన్నికల్లో కూటమి ప్రభుత్వం ప్రజాస్వామ్యాన్ని ఖూనీ చేసిందని, పోలీసులు అధికార పార్టీకి కొమ్ము కాస్తున్నారని మండిపడ్డారు. ప్రజలు విజ్ఞతతో ఆలోచించి సరైన అభ్యర్థులను గెలిపించాలని కోరారు. ఎమ్మెల్సీ వై.శివరామిరెడ్డి మాట్లాడుతూ నామినేషన్ల పర్వంలో అధికార పార్టీ పోలీసులను అడ్డుపెట్టుకుని వైఎస్సార్‌సీపీ అభ్యర్థులు నామినేషన్లు వేయకుండా అడ్డుకుందన్నారు. గుత్తి మునిసిపాలిటీతో పాటు ప్రస్తుతం ఎంపీటీసీ, జెడ్పీటీసీ ఎన్నికల్లోనూ అరాచకం సృష్టిస్తోందని ధ్వజమెత్తారు. మన అనంతపురాన్ని మనం కాపాడుకుందాం ‘మన అనంతపురాన్ని మనం కాపాడుకుందాం’ నినాదంతో ఎన్నికల్లో ముందుకు వెళ్తామని వైఎస్సార్‌సీపీ మేయర్‌ అభ్యర్థి రమేష్‌ గౌడ్‌ తెలిపారు. 2014–19 మధ్య మూడు ముక్కలాటగా ఉన్న పాలనను చూశామని, 2019–24 మధ్య అనంత వెంకటరామిరెడ్డి నాయకత్వంలో 50 డివిజన్లలో రూ.1200 కోట్లతో అభివృద్ధి పనులు చేపట్టి, ప్రతి ఇంటికీ సంక్షేమం అందించామని గుర్తు చేశారు. గత రెండున్నరేళ్ల కూటమి పాలనలో చిన్న వ్యాపారుల నుంచి పెద్ద వ్యాపారుల వరకు ఆస్తులకు, శాంతిభద్రతలకు రక్షణ లేకుండా పోయిందని ఆవేదన వ్యక్తం చేశారు. ప్రజాస్వామ్యాన్ని కాపాడుకోవడానికి మేధావులు, ఉద్యోగులు, ప్రజలు ఆలోచించి వైఎస్సార్‌సీపీకి ఒక్క అవకాశం ఇవ్వాలని కోరారు. కార్యక్రమంలో వైఎస్సార్‌సీపీ సీనియర్‌ నాయకులు, చిత్తూరు పార్లమెంట్‌ పరిశీలకుడు చవ్వా రాజశేఖరరెడ్డి, పీఏసీ సభ్యుడు మహాలక్ష్మీ శ్రీనివాస్‌, మాజీ మేయర్‌ వసీం, సీఈసీ సభ్యులు నదీం అహ్మద్‌, మీసాల రంగన్న, ఎస్‌ఈసీ సభ్యులు కోగటం విజయభాస్కరరెడ్డి, సీనియర్‌ నాయకులు వైటీ శివారెడ్డి, మైనార్టీ విభాగం రాష్ట్ర ప్రధాన కార్యదర్శి కాగజ్‌ఘర్‌ రిజ్వాన్‌, నాయకులు రంగంపేట గోపాల్‌రెడ్డి, గువ్వల రాజేష్‌రెడ్డి, క్రిస్టియన్‌ మైనార్టీ విభాగం రాష్ట్ర సంయుక్త కార్యదర్శి జానీ, సాంస్కృతిక విభాగం నగర కార్యదర్శి కేశవరెడ్డి పాల్గొన్నారు.

అనంతపురం అర్బన్‌: ‘పోలింగ్‌ బూత్‌ మీ చేతుల్లో ఉంటుంది. పోలింగ్‌ ప్రారంభమైనప్పటి నుంచి పూర్తయ్యేవరకు అక్కడ జరిగే ప్రతి కార్యకలాపానికీ మీదే పూర్తి బాధ్యత. ఎన్నికల విధుల్లో ఉన్నవారు వ్యక్తిగత అభిప్రాయాలు, ఆలోచనలకు తావివ్వకండి. ఎన్నికలకు సంబంధించిన పీఓ హ్యాండ్‌ బుక్‌ (రూల్‌ బుక్‌)లో ఉన్న నిబంధనలు తప్పక పాటించాలి’ అని కలెక్టర్‌, జిల్లా ఎన్నికల అధికారి ఆనంద్‌ ఎన్నికల ప్రిసైడింగ్‌ అధికారులు (పీఓ), అసిస్టెంట్‌ ప్రిసైడింగ్‌ అధికారులను (ఏపీఓ) ఆదేశించారు. మునిసిపల్‌ సాధారణ ఎన్నికలకు సంబంధించి పీఓలు, ఏపీఓలకు బుధవారం నగర శివారులోని నీలం సంజీవరెడ్డి ఫంక్షన్‌ హాలులో శిక్షణ నిర్వహించారు. ఈ సందర్భంగా కలెక్టర్‌ మాట్లాడుతూ ఎన్నికల విధుల్లో సమయపాలన పాటించాలన్నారు. పీఓ హ్యాండ్‌బుక్‌ను క్షుణ్ణంగా చదవి అవగాహన చేసుకోవాలని చెప్పారు. నగర పాలక సంస్థ, మునిసిపాలిటీల్లో పోస్టల్‌ బ్యాలెట్‌ ఫెసిలిటేషన్‌ సెంటర్‌ ఏర్పాటు చేస్తామన్నారు. విధుల్లో ఉన్న వారికి పోస్టల్‌ బ్యాలెట్‌ సదుపాయం ఉంటుందన్నారు. ఎన్నికల విధుల్లో ఉన్న పీఓలు, ఏపీఓలు అప్రమత్తంగా ఉంటూ ఎన్నికలు స్వేచ్ఛగా జరిగేలా సహకరించాలన్నారు. కార్యక్రమంలో ప్రత్యేక డిప్యూటీ కలెక్టర్‌ ఆనంద్‌, నగర పాలక సంస్థ కమిషనర్‌ జశ్వంత్‌రావు, జిల్లా ఆడిట్‌ రిజిస్ట్రార్‌ భార్గవ్‌, డీఓలు అయూబ్‌హుసేన్‌, పీఓలు, ఏపీఓలు పాల్గొన్నారు. బందోబస్తుకు స్థానిక సిబ్బందిని కేటాయిండి స్థానిక సంస్థల ఎన్నికల బందోబస్తుకు స్థానిక సిబ్బందిని కేటాయించాలని కలెక్టర్‌, జిల్లా ఎన్నికల అధికారి ఆనంద్‌ సంబంధిత అధికారులను ఆదేశించారు. ఎన్నికల నిర్వహణపై కలెక్టర్‌ బుధవారం కలెక్టరేట్‌లోని మినీకాన్ఫరెన్స్‌ హాలులో ఎస్పీ జగదీష్‌తో కలిసి అధికారులతో సమావేశం నిర్వహించారు. ఈ సందర్భంగా ఆయన మాట్లాడుతూ ఎన్నికల బందోబస్తుకు బయట నుంచి బలగాలు రావని స్పష్టం చేశారు. పోలింగ్‌ కేంద్రాల్లో యూనిఫాం ధరించిన సిబ్బంది ఉంటే ప్రజల్లో భద్రతాభావం పెరుగుతుందన్నారు. కాబట్టి స్థానికంగా అందుబాటులో ఉన్న సిబ్బందిని విధులకు కేటాయిస్తారన్నారు. ఎన్నికల రోజున ఇతరత్ర విధులు వద్దన్నారు. ఆ రోజున అత్యవసర సిబ్బందితో బేసిక్‌ సర్వీస్‌ నిర్వహించాలన్నారు. మిగిలిన సిబ్బంది వివరాలను ఎస్పీకి ముందుగానే అందించాలని ఆదేశించారు. ఆయా శాఖల అధికారులు తమ సిబ్బందితో వర్క్‌అవుట్‌ చేసి ఏయే ప్రాంతాలకు ఎంత మంది సిబ్బందిని కేటాయించగలో స్పష్టత ఇవ్వాలని ఆదేశించారు. ఆ వివరాలను ఎస్పీకి అధికారికంగా తెలియజేస్తే వారు విధులు కేటాయిస్తారన్నారు. మార్గదర్శకాలకు అనుగుణంగా అన్ని శాఖల అధికారులు తగిన ఏర్పాట్లు చేసుకోవాలని చెప్పారు. సమావేశంలో జైళ్ల శాఖ సూపరింటెండెంట్‌ వేణుగోపాల్‌రెడ్డి, ఫారెస్ట్‌ రేంజ్‌ అధికారి శివరామ్‌, అగ్నిమాపక అధికారి శ్రీనివాసరెడ్డి, తూనికలు కొలతల శాఖ అసిస్టెంట్‌ కంట్రోలర్‌ సుధాకర్‌, ఏపీఎస్‌పీడీసీఎల్‌ ఎస్‌ఈ శేషాద్రిశేఖర్‌, ఎకై ్సజ్‌ శాఖ సూపరింటెండెంట్‌ రామ్మోహన్‌రెడ్డి, కలెక్టరేట్‌ ఏఓ అలెగ్జాండర్‌, ఇతర అధికారులు తదితరులు పాల్గొన్నారు.

● తొలిరోజు 16 జెడ్పీటీసీ నామినేషన్లు ● 180 ఎంపీటీసీ నామినేషన్ల దాఖలు అనంతపురం న్యూ టౌన్‌: జిల్లా పరిషత్‌లో బుధవారం 31 జెడ్పీటీసీ స్థానాలకు నామినేషన్ల ప్రక్రియ ప్రారంభమైంది. ఇందుకు సంబంధించిన ఎన్నికల నోటీసును జిల్లా రిటర్నింగ్‌ అధికారి, జెడ్పీ సీఈఓ విజయలక్ష్మి తన చాంబర్‌లో జారీ చేశారు. ఈనెల 23 సాయంత్రం ఐదు గంటల వరకూ నామినేషన్ల ప్రక్రియ కొనసాగుతుందన్నారు. ఈ నెల 27 లోపు నామినేషన్ల మొత్తం ప్రక్రియ పూర్తి అవుతుందని, నవంబర్‌ మూడో తేదీన ఉదయం 7 గంటల నుంచి సాయంత్రం ఐదు గంటల వరకు ఎన్నికలు ఉంటాయన్నారు. 5వ తేదీన ఎన్నికల కౌంటింగ్‌ ప్రక్రియ కొనసాగుతుందని అనంతరం ఫలితాలను వెల్లడించడం జరుగుతుందని చెప్పారు. మండల పరిషత్‌, జిల్లా పరిషత్‌ ఎన్నికల శాంతియుత ప్రక్రియకు సహకరించాలని కోరారు. తొలిరోజు జిల్లా వ్యాప్తంగా 16 జెడ్పీటీసీ నామినేషన్లు దాఖలయ్యాయి. ఇక మండల పరిషత్‌ ఎన్నికలకు సంబంధించి జిల్లాలోని 450 ఎంపీటీసీ స్థానాలకు గాను ఆయా ఎంపీడీఓ కార్యాలయాల్లో తొలిరోజు 180 మంది తమ నామినేషన్లను దాఖలు చేశారు. ఫిర్యాదు చేస్తే పరిశీలిస్తాం స్థానిక ఎన్నికల్లో ఎవరైనా ఇబ్బందికర పరిస్థితులను ఎదుర్కొంటే, స్థానిక పోలీసుల ద్వారా వెంటనే ఎఫ్‌ఐఆర్‌ నమోదు చేయించి, రాతపూర్వకంగా ఫిర్యాదు చేస్తే పరిశీలిస్తామని కలెక్టర్‌, జిల్లా ఎన్నికల అధికారి ఆనంద్‌ పేర్కొన్నారు. స్క్రూటినీ సమయంలో అభ్యంతరాలు లేదా తప్పులు ఉంటే నిబంధనల ప్రకారం రిటర్నింగ్‌ అధికారులు తగిన నిర్ణయం తీసుకుంటారన్నారు. జిల్లా పరిషత్‌లో జెడ్పీటీసీ ఎన్నికల నామినేషన్ల ప్రక్రియను కలెక్టర్‌ పరిశీలించి, అధికారులకు సూచనలు, సలహాలు అందించారు. అంతకుముందు ఎస్పీ జగదీష్‌ జెడ్పీటీసీ ఎన్నికల నామినేషన్ల ప్రక్రియను, భద్రతను పరిశీలించారు.

● గుంతకల్లు నియోజకవర్గంలో బరితెగించిన ఎమ్మెల్యే అనుచరులు పామిడి: ఎంపీటీసీ నామినేషన్ల తొలిరోజే టీడీపీ గూండాలు కత్తులతో విరుచుకుపడ్డారు. వైఎస్సార్‌సీపీ నాయకులపై దాడిచేసి గాయపరిచారు. బుధవారం పామిడి ఎంపీడీఓ కార్యాలయ సమీపంలోకి గుంతకల్లు ఎమ్మెల్యే అనుచరులు, టీడీపీ కార్యకర్తలతో పాటు స్థానికేతరులు పెద్ద సంఖ్యలో చేరుకున్నారు. అయినా పోలీసులు వారిని అక్కడి నుంచి పంపించలేదు. పామిడి ఎంపీటీసీ–6 వైఎస్సార్‌సీపీ అభ్యర్థి కొత్తపల్లికి చెందిన డ్రైవర్‌ రమేష్‌కు టీడీపీ నేతలతో పాటు స్థానికేతరులు ఫోన్‌ చేసి.. ‘ఎన్నికల్లో పోటీచేస్తే నీ కాళ్లు చేతులు విరుస్తాం’ అని బెదిరించారు. అయినా రమేష్‌ వారి మాటలను ఖాతరు చేయలేదు. పోటీ చేయడానికి సిద్ధమయ్యారు. ఇందులో భాగంగా పెండింగ్‌ ఉన్న ఇంటి గుత్త చెల్లించేందుకని వైఎస్సార్‌సీపీకి చెందిన కత్రిమల రమేష్‌, కొండూరు బబ్లూ తమ్ముడు రమేష్‌తో కలిసి అభ్యర్థి డ్రైవర్‌ రమేష్‌ పంచాయతీ కార్యాలయానికి వెళ్లారు. సమాచారం అందుకున్న టీడీపీ గూండాలు కత్తులు, రాడ్లతో చేరుకుని దాడికి పాల్పడ్డారు. ఈ దాడిలో కత్రిమల రమేష్‌ ఎడమచేతి, బబ్లూ తమ్ముడు రమేష్‌కు కన్ను, కణతిపై గాయాలయ్యాయి. వీరిని ఆస్పత్రికి తరలించకుండా అడ్డుకున్నారు.

● అనంతపురం రేంజ్‌ ఐజీ షిమోషి అనంతపురం సెంట్రల్‌: సమాజ రక్షణకోసం అసువులు బాసిన అమరవీరుల త్యాగాలు మరువలేనివని అనంతపురం రేంజ్‌ ఐజీ షిమోషి అన్నారు. బుధవారం అమరవీరుల సంస్మరణ దినోత్సవాన్ని పురస్కరించుకొని జిల్లా పోలీసు కార్యాలయ ఆవరణలో అమరవీరుల స్తూపం వద్ద ఎస్పీ జగదీష్‌తో కలిసి నివాళులర్పించారు. ఐజీ మాట్లాడుతూ పోలీసు అమరవీరుల కుటుంబాలకు పోలీసుశాఖ ఎల్లవేళలా అండగా ఉంటుందని భరోసా ఇచ్చారు. కలెక్టర్‌ ఓ.ఆనంద్‌ మాట్లాడుతూ పోలీసుశాఖలో కారుణ్య నియామకాలను పూర్తి చేసినట్లు తెలిపారు. జిల్లా యంత్రాంగం, పోలీసుశాఖ సమన్వయంగా రాబోవు ఎన్నికలు సజావుగా నిర్వహించేందుకు పటిష్ట చర్యలు తీసుకుంటున్నట్లు తెలిపారు. ఎస్పీ జగదీష్‌ మాట్లాడుతూ ఈనెల 31 వరకూ అమరవీరుల వారోత్సవాలు జరుపుకోనున్నట్లు తెలిపారు. అనంతరం విధి నిర్వహణలో అసువులు బాసిన కుటుంబాలకు చెక్కులు అందజేశారు. కార్యక్రమంలో అసిస్టెంట్‌ కలెక్టర్‌ సుయేష్‌కుమార్‌, అదనపు ఎస్పీలు నాగభూషణం, ఇలియాస్‌బాషా, అనంతపురం రూరల్‌ ఏఎస్పీ అశ్విన్‌ మణిదీప్‌, డీఎస్పీ కరుణాకర్‌రావు, డీపీఓ, ఏఆర్‌ పోలీసు సిబ్బంది పాల్గొన్నారు. కసాపురంలో వైభవంగా గ్రామోత్సవం గుంతకల్లు రూరల్‌: విజయదశమి పర్వదినాన్ని పురస్కరించుకొని ప్రముఖ పుణ్యక్షేత్రం కసాపురం నెట్టికంటి ఆంజనేయస్వామి దేవస్థానంలో మంగళవారం గ్రామోత్సవం వైభవంగా జరిగింది. వేకువజామునే స్వామివారికి అభిషేకాలు నిర్వహించి, ప్రత్యేక పుష్పాలంకరణలో తీర్చిదిద్దిన అనంతరం భక్తులకు దర్శనం కల్పించారు. సాయంత్రం సీతారామలక్ష్మణ సహిత ఆంజనేయస్వామిని గజవాహనంపై కొలువుదీర్చి ఆలయ ఈవో విజయరాజు, ధర్మకర్త సుగుణమ్మ ఆధ్వర్యంలో ప్రత్యేక పూజలు నిర్వహించారు.

తాడిపత్రి రూరల్‌: పట్టణంలోని శ్రీ భూదేవి, శ్రీదేవి సమేత చింతల వెంకటరమణస్వామి వార్షిక బ్రహ్మోత్సవాలు ఈ నెల 20 నుంచి 28 వరకు నిర్వహించనున్నారు. బ్రహ్మోత్సవాల్లో భాగంగా ప్రతిరోజు భూదేవి, శ్రీదేవి సమేత వేంకటరమణుడు పలు వాహన సేవల్లో భక్తులకు దర్శనమివ్వనున్నారు. ఉత్సవాల నేపథ్యంలో దేవాలయాన్ని దేదీప్యమానంగా అలంకరించారు. వివిధ రకాల పూలమాలలతో దేవాలయాన్ని సుందరంగా తీర్చదిద్దే ఏర్పాట్లలో ఆలయ కమిటీ, సిబ్బంది నిమగ్నమయ్యారు. ● 19న సాయంత్రం సేవాధిపతి ఉత్సవం ● 20న సోమవారం ఉదయం ధ్వజారోహణం మధ్యాహ్నం శమీ దర్శనం, సాయంత్రం శేష వాహన సేవ ● 21న ఉదయం సింహ వాహనం, సాయంత్రం హంస వాహనం ● 22న ఉదయం సూర్యప్రభ వాహనం, రాత్రి చంద్రప్రభ వాహనం ● 23న మోహిని వాహనం, సాయంత్రం గరుడ వాహనం ● 24న కాళింగ మర్ధన అలంకరణ, సాయంత్రం హనుమద్‌ వాహనం ● 25న ఉదయం వేణుగోపాలస్వామి అలంకరణ, సాయంత్రం గజ వాహనం ● 26న ఉదయం స్వామి వారి తిరుకళ్యాణం, మధ్యాహ్నం విందుభోజనం, మధ్యాహ్నం 2 గంటలకు శ్రీ భూదేవి, శ్రీదేవి సమేత చింతల వెంకటరమణస్వామి వారి రథోత్సవం ● 27న ఉదయం తిరుచ్చిలో ఉత్సవం, సాయంత్రం అశ్వవాహనం ● అక్టోబరు 9న వసంతోత్సవం, చక్రస్నానం, సాయంత్రం ద్వాదశ అరాధన, రాత్రి ధ్వజావరోహణ, కుంభప్రోక్షణ, భట్టర్‌ మర్యాద కార్యక్రమాలు నిర్వహించనున్నారు. ముస్తాబైన చింతల వెంకటరమణుడి ఆలయం 23న గరుడ వాహన సేవ, 26న కల్యాణం, రథోత్సవం బ్రహ్మోత్సవాల వివరాలు..

అనంతపురం సెంట్రల్‌: జిల్లా పోలీసు కార్యాలయంలో దసరా పండుగ సందర్భంగా ఆయుధ పూజ సోమవారం ఘనంగా నిర్వహించారు. జిల్లా ఎస్పీ జగదీష్‌ ఆయుధాగరంలో పోలీసులు వినియోగించే ఆయుధాలకు, మోటార్‌ ట్రాన్స్‌పోర్టు విభాగంలోని వాహనాలకు పూజలు చేశారు. దుర్గామాత ఆశీస్సులతో ప్రజలు, పోలీసు కుటుంబాలు సంతోషంగా జీవించాలని ఆకాంక్షించారు. కార్యక్రమంలో ఏఆర్‌ అదనపు ఎస్పీ ఇలియాస్‌బాషా, రూరల్‌ సబ్‌ డివిజన్‌ ఏఎస్పీ అశ్విన్‌ మణిదీప్‌, డీఎస్పీలు కరుణాకర్‌రావు, నీలకంఠేశ్వరెడ్డి, డీపీఓ, ఏఆర్‌ అధికారులు పాల్గొన్నారు. తల్లిపై అలిగి ఇంటి నుంచి వెళ్లి.. ● కుంటలో దూకి ఇంటర్‌ విద్యార్థి ఆత్మహత్య పెద్దవడుగూరు: మండల పరిధిలోని కాశేపల్లి గ్రామానికి చెందిన కాశిరెడ్డి(18) అనే ఇంటర్‌ విద్యార్థి తల్లి మందలించడంతో క్షణికావేశంలో ఇంటి నుంచి వెళ్లిపోయి నీటి కుంటలో దూకి ఆత్మహత్య చేసుకున్నాడు. పోలీసులు తెలిపిన వివరాల మేరకు కాశిరెడ్డి తల్లి పండుగ ఉండడంతో ఆదివారం ఇల్లు సర్దుకుంటోంది. ఇంటికి వచ్చిన కాశిరెడ్డి ఆకలవుతోంది, అన్నం పెట్టాలని తల్లికి చెప్పాడు. పనిలో ఉన్నా, అన్నం చేయడం ఆలస్యమవుతుందని తల్లి చెప్పడంతో వాదనకు దిగాడు. అనంతరం కాశిరెడ్డి అలిగి ఇంటి నుంచి వెళ్లిపోయాడు. ఎంతసేపటికీ ఇంటికి రాకపోవడంతో తల్లితో పాటు బంధువులు గ్రామంలో గాలించారు. అలానే తోటి మిత్రులను ఆరా తీశారు. ప్రయోజనం లేకపోవడంతో ఆలస్యమైనా ఇంటికి వస్తాడులే అని భావించారు. సోమవారం ఉదయం చెన్నారెడ్డి పొలం సమీపంలోని కుంట వద్దకు వెళ్లిన పశువుల కాపర్లు ఓ వ్యక్తి మృతదేహం నీటిపై తేలాడుతున్న దృశ్యాన్ని గమనించి గ్రామస్తులకు చేరవేశారు. పోలీసులకు సమాచారమివ్వగా వారు సంఘటనా స్థలికి చేరుకొని మృతదేహాన్ని వెలికితీశారు. కుటుంబసభ్యుల ఫిర్యాదు మేరకు కేసును దర్యాప్తు చేస్తున్నట్టు ఎస్‌ఐ రాఘవేంద్రప్ప తెలియజేశారు. అప్పుల బాధతో రైతు.. తాడిపత్రి రూరల్‌ : వ్యవసాయం కోసం చేసిన అప్పులు తీర్చలేక ఓ రైతు ఆత్మహత్యాయత్నానికి పాల్పడి చికిత్స పొందుతూ సోమవారం మృతి చెందినట్టు అప్‌గ్రేడ్‌ పోలీసు స్టేషన్‌ సీఐ నారాయణరెడ్డి తెలిపారు. మండలంలోని యర్రగుంటపల్లి గ్రామానికి చెందిన మల్లారెడ్డి (60) తనకున్న పొలంలో వ్యవసాయం చేసి తీవ్రంగా నష్టపోయాడన్నారు. ఈ ఏడాది కూడా సాగు చేసిన కందిపంట వర్షాబావం వల్ల దెబ్బతినడంతో మనస్తాపానికి గురై ఈ నెల 13న పురుగుల మందు తాగి ఆత్మహత్యకు పాల్పడ్డాడు. కుటుంబసభ్యులు మల్లారెడ్డిని చికిత్స నిమిత్తం తాడిపత్రి ప్రభుత్వ ఆసుపత్రికి తరలించారన్నారు. పరిస్థితి విషమించడంతో మెరుగైన చికిత్స నిమిత్తం అనంతపురం ప్రభుత్వ ఆసుపత్రికి తరలించగా సోమవారం మృతి చెందాడని సీఐ తెలిపారు. కుమారుడు నాగవీర ఇచ్చిన ఫిర్యాదు మేరకు కేసును దర్యాప్తు చేస్తున్నట్టు ఆయన వివరించారు. ఉరివేసుకుని యువకుడు.. గార్లదిన్నె: మండల పరిధిలోని కల్లూరుకు చెందిన ఓ యువకుడు ఉరి వేసుకొని ఆత్మహత్య చేసుకున్న ఘటన చోటు చేసుకుంది. సోమవారం ఎస్‌ఐ గౌస్‌ మహమ్మద్‌ బాషా తెలిపిన వివరాల మేరకు గ్రామానికి చెందిన ముకేష్‌(22) అనే యువకుడికి భార్య సంవత్సరం క్రితం విడాకులు ఇచ్చిందన్నారు. రెండో పెళ్లి కాకపోవడతో రోజూ మదనపడుతుండేవాడన్నారు. దీంతో మద్యానికి బానిసవ్వగా ఆదివారం ఇంట్లో ఎవరూ లేని సమయంలో ఉరి వేసుకొని ఆత్మహత్యకు పాల్పడ్డాడు. గమనించిన కుటుంబ సభ్యులు ముకేష్‌ను పామిడి ప్రభుత్వ ఆస్పత్రికి తరలించగా పరీక్షించిన వైద్యులు అప్పటికే చనిపోయినట్టు నిర్ధారించారని ఎస్‌ఐ తెలియజేశారు. తండ్రి దేవాంజనేయులు ఫిర్యాదు మేరకు కేసు నమోదు చేసుకొని దర్యాప్తు చేపడుతున్నట్టు ఎస్‌ఐ తెలిపారు. బాలికకు వేధింపులు ● పోక్సో కేసు నమోదు డి.హీరేహాళ్‌(బొమ్మనహాళ్‌): డి.హీరేహాళ్‌ మండలంలోని ఓ గ్రామానికి చెందిన మైనర్‌ బాలికను వేధిస్తున్నాడనే ఫిర్యాదు మేరకు కర్ణాటక రాష్ట్రంలోని పెన్నంపల్లి గ్రామానికి చెందిన పరమేష్‌ అనే యువకుడిపై పోక్సో చట్టం కింద కేసు నమోదు చేసినట్టు ఎస్‌ఐ గురుప్రసాద్‌రెడ్డి తెలిపారు. బాలిక తల్లి ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్టు ఎస్‌ఐ తెలియజేశారు.

ఉరవకొండ: హామీలు పూర్తిస్థాయిలో నెరవేర్చకపోవడం.. సంక్షేమ ఫలాలు అరకొరగా అందించడం.. ప్రజల్లో తీవ్రమైన వ్యతిరేకత పెల్లుబుకడం.. అధికార కూటమికి స్థానిక సంస్థల ఎన్నికల్లో ఇబ్బందికరంగా మారింది. వైఎస్సార్‌సీపీ గెలుపు తథ్యమనే సంకేతాలు కనిపిస్తున్నాయి. ఇటువంటి పరిస్థితుల్లో ఎలాగైనా గెలిచి తీరాలని రాష్ట్ర ఆర్థిక శాఖ మంత్రి పయ్యావుల కేశవ్‌ ప్రాతినిధ్యం వహిస్తున్న ఉరవకొండ నియోజకవర్గంలో టీడీపీ నైతిక విలువలకు తిలోదకాలిచ్చి.. ‘పచ్చ’ కుట్రలకు తెరలేపింది. ఇందు కోసం నామినేషన్ల ప్రక్రియకు ముందు నుంచే వైఎస్సార్‌సీపీని నిలువరించాలని వ్యూహ రచన చేసింది. ఉరవకొండలో పోలీసుల సహకారంతో ‘బైండోవర్‌ పాలిటిక్స్‌’ అమలు చేసింది. వైఎస్సార్‌సీపీలోని ముఖ్య నేతలందరినీ ‘శాంతిభద్రతల’ పేరుతో స్టేషన్లకు పిలిపించి భయభ్రాంతులకు గురి చేయడం ద్వారా ఎన్నికలను ఏకపక్షంగా చేసుకోవాలని చూస్తున్నారు. దీంతో పాటు పార్టీ తరఫున ఎన్నికల్లో పోటీ చేస్తే ఇబ్బంది పడుతారంటూ హెచ్చరికలు జారీ చేస్తున్నారు. పండుగ పూట కూడా ఉరవకొండ అర్బన్‌, రూరల్‌ పోలీసు స్టేషన్లతో పాటు ఆయా మండలాల్లోని పోలీస్‌ స్టేషన్లకు పార్టీ నాయకులు, కార్యకర్తలను రప్పించి సోమవారం ఉదయం నుంచి సాయంత్రం వరకు అక్కడే పెట్టుకుని పంపారు. నియోజకవర్గంలో కొంతమంది సీఐలు ‘పచ్చ’ చొక్కాలు వేసుకుని పనిచేస్తున్నారన్న ఆరోపణలు వ్యక్తమవుతున్నాయి. ‘బైండోవర్‌’పై ఎస్పీకి ఫిర్యాదు.. పోలీసులు ఇష్టారాజ్యంగా బైండోవర్‌లు నమోదు చేసి.. స్టేషన్ల చుట్టూ తిప్పుకుంటున్నారని వైఎస్సార్‌సీపీ నియోజకవర్గ సమన్వయకర్త వై.విశ్వేశ్వరరెడ్డి ఫోన్‌ ద్వారా ఎస్పీకి ఫిర్యాదు చేశారు. తమ పార్టీ నేతలు కొందరిని పోలీస్‌స్టేషన్లకు రావాలంటూ ఇబ్బందులు పెడుతున్నారన్నారు. దీనిపై విచారణ చేపట్టి చర్యలు తీసుకుంటామని ఎస్పీ హామీ ఇచ్చారు. రాప్తాడులోనూ అదే తంతు.. రాప్తాడు రూరల్‌: స్థానిక ఎన్నికల నేపథ్యంలో బైండోవర్‌ కేసుల నమోదులో పోలీసులు పక్షపాత వైఖరి అనుసరిస్తున్నట్టు ఆరోపణలు ఉన్నాయి. ప్రశాంతంగా ఎన్నికల ప్రక్రియ చేపట్టడంలో భాగంగా పోలీసుల ముందస్తు చర్యలపై ప్రజలకు నమ్మకం కలిగాలి. కానీ అనంతపురం రూరల్‌ మండలంలోని గ్రామాల్లో పోలీసులు ప్రతిపక్ష పార్టీల వారినే తహసీల్దార్‌ వద్ద బైండోవర్‌లు చేస్తున్నారని విమర్శలున్నాయి. ప్రతిపక్షానికే నిబంధనలా? గ్రామాల్లో ఎలాంటి ఘర్షణలు చోటు చేసుకోకుండా ముందస్తు చర్యలు తీసుకోవడం పోలీసుల బాధ్యత. అయితే ఈ చర్యలు రాజకీయ పార్టీలతో సంబంధం లేకుండా సమానంగా ఉండాలి. అనంతపురం రూరల్‌ మండలంలోని కొన్ని గ్రామాల్లో నేర చరిత్ర లేని ప్రతిపక్ష పార్టీ సానుభూతిపరులను సైతం బైండోవర్‌ ప్రక్రియ చేపడుతున్నట్టు తెలుస్తోంది. మరోవైపు అధికార పార్టీకి చెందిన కొందరిని మాత్రమే స్టేషన్‌కు పిలుస్తున్నారని, వారిపై చర్యలు నామమాత్రంగానే ఉంటున్నాయనే వాదన ఉంది. ఇటీవల కొడిమి, నరసనాయనికుంట, తాటిచెర్ల, సోములదొడ్డి, రాచానపల్లి, కక్కలపల్లికాలనీ, కామారుపల్లి, ఆలమూరు, కట్టకిందపల్లి తదితర గ్రామాల్లో చురుగ్గా ఉన్న వైఎస్సార్‌సీపీ సానుభూతిపరులను తహసీల్దారు వద్దకు తీసుకెళ్లి బైండోవర్‌ చేయించారు. ఏకపక్షంగా బైండోవర్‌లు చేయడంపై కొందరు పోలీసు అధికారులను ప్రశ్నిస్తే...‘వారిని మళ్లీ బైండోవర్‌ చేస్తాం’ అంటూ మాట దాటవేసినట్టు చెబుతున్నారు. ఎన్నికల వేళ ఏకపక్ష హెచ్చరికలా? ఎన్నికలు ప్రశాంతంగా జరిగేందుకు సమస్యాత్మక వ్యక్తులను గుర్తించడం, అవసరమైన చోట చట్టప్రకారం బైండోవర్‌ చర్యలు తీసుకోవడం తప్పు కాదు. కానీ ఆ చర్యలు అధికార పార్టీ అనుకూలంగా ఉంటే ఎన్నికలు ఏ విధంగా ప్రశాంత వాతావరణంలో జరుగుతాయనే వాదన ప్రతిపక్ష పార్టీల నుంచి వినిపిస్తోంది. అనంతపురం రూరల్‌ మండలంలో పోలీసుల ఏకపక్ష బైండోవర్‌లపై ఉన్నతాధికారులు దృష్టి సారించి స్థానిక ఎన్నికలు పారదర్శకంగా, నిష్పక్షపాతంగా నిర్వహించేందుకు చర్యలు చేపట్టాలని ప్రజలు కోరుతున్నారు. స్థానిక ఎన్నికల్లో గెలుపే లక్ష్యంగా ‘కూటమి’ కుట్రలు వైఎస్సార్‌సీపీ నేతలు, కార్యకర్తలపై అక్రమంగా బైండోవర్‌ కేసులు స్టేషన్ల చుట్టూ తిప్పి.. భయపెట్టి ఏకపక్షం చేసుకునే ఎత్తుగడ 70 శాతం వైఎస్సార్‌సీపీ నేతల పైనే.. నియోజకవర్గంలో మొత్తం బైండోవర్‌ కేసుల్లో 70 శాతం వైఎస్సార్‌సీపీ నేతలపైనే నమోదయ్యాయి. కూటమి నాయకుల డైరెక్షన్‌లో ఉరవకొండ, కూడేరు, బెళుగుప్ప, విడపనకల్లు, వజ్రకరూరు మండలాల పరిధిలో దాదాపు 70 మంది పార్టీ నాయకులపై పోలీసులు బైండోవర్‌ కేసులు నమోదు చేశారు. ఉరవకొండ అర్బన్‌ పోలీసు స్టేషన్‌కు సోమవారం 15 మంది వైఎస్సార్‌సీపీ నాయకులను పిలిచి బైండోవర్‌ చేశారు.

సాక్షి ప్రతినిధి, అనంతపురం: పట్టణ స్థానిక సంస్థల ఎన్నికలు కూటమి పార్టీల మధ్య చిచ్చు రాజేస్తున్నాయి. పైకి అంతా బాగుందని నటిస్తూ లోలోపల కత్తులు దూసుకుంటున్నారు. ఉమ్మడి జిల్లాలో బీజేపీ, జనసేనకు మూడు స్థానాలు మాత్రమే కేటాయించారు. అనంతపురం మేయర్‌ స్థానాన్ని బీజేపీకి ఇచ్చారు. పుట్టపర్తి, మడకశిర మున్సిపల్‌ చైర్మన్‌ స్థానాలను జనసేనకు కేటాయించారు. వాస్తవానికి ఈ మూడు స్థానాల్లో ఆయా పార్టీలకు ఎలాంటి సంస్థాగత నిర్మాణమూ లేదు. కేడర్‌ కూడా లేకుండానే పొత్తులో భాగంగా ఇవ్వాల్సి వచ్చింది. బరిలో భారీగా అభ్యర్థులు.. అనంతపురం నగరపాలక సంస్థలో 62 డివిజన్లకు టీడీపీ నుంచి 197 మంది, జనసేన నుంచి 24 మంది, బీజేపీ నుంచి 15 మంది అభ్యర్థులు నామినేషన్లు దాఖలు చేశారు. సోమవారం నాటికి కూడా ఏ పార్టీ ఏయే డివిజన్లలో పోటీ చేయాలో నిర్ణయించుకోలేదు. నామినేషన్ల ఉపసంహరణకు రెండు రోజులు మాత్రమే ఉండడంతో బరిలో ఎవరుంటారో.. రెబల్‌గా ఎవరు నిలుస్తారో తెలియక కేడర్‌ అయోమయంలో పడింది. అయితే స్థానిక ఎమ్మెల్యే దగ్గుపాటి ప్రసాద్‌ వర్గం.. మాజీ ఎమ్మెల్యే వైకుంఠం ప్రభాకర్‌చౌదరి వర్గం వేర్వేరుగా నామినేషన్లు దాఖలు చేశారు. దీంతో టీడీపీలో ‘నిప్పు’ రాజుకున్నట్లయ్యింది. వైకుంఠం వర్గానికి చెందిన సందీప్‌ చౌదరి 42వ డివిజన్‌ నుంచి నామినేషన్‌ దాఖలు చేశారు. సోమవారం స్క్రూటినీ ప్రక్రియ కోసం కేంద్రానికి చేరుకున్నారు. అయితే ఎమ్మెల్యే దగ్గుపాటి వర్గానికి చెందిన కొంతమంది వ్యక్తులు సందీప్‌ నుంచి బలవంతంగా పత్రాలు లాక్కుని, దాడి చేసేందుకు ప్రయత్నించారు. ఇంతలో అక్కడున్న పోలీసులు జోక్యం చేసుకుని వారికి సర్దిచెప్పి పంపించారు. గుంతకల్లులోనూ అంతే... గుంతకల్లు మున్సిపాలిటీ చైర్‌పర్సన్‌ అభ్యర్థిగా టీడీపీ నుంచి యశోదగౌడ్‌ నామినేషన్‌ వేశారు. అయితే ఇదే స్థానాన్ని టీడీపీ పట్టణ అధ్యక్షుడు గుణశేఖర్‌ తన బంధువు రాజేశ్వరికి ఇప్పించుకునేందుకు తీవ్రంగా ప్రయత్నించారు. ఎమ్మెల్యే జయరాం కూడా రాజేశ్వరి అభ్యర్థిత్వం వైపే మొగ్గు చూపారు. అయితే మాజీ ఎమ్మెల్యే జితేందర్‌ గౌడ్‌ చక్రం తిప్పి సీటును తన వర్గానికి కేటాయించుకున్నారు. దీంతో టీడీపీలోనే రెండు వర్గాలు ఏర్పడ్డాయని ఆ పార్టీ కార్యకర్తలు చెబుతున్నారు. స్థానిక ఎన్నికల్లో కూటమి పార్టీల మధ్య కుదరని ఏకాభిప్రాయం వార్డుల్లో భారీగా నామినేషన్లు దాఖలు చేసిన వైనం రెబల్స్‌గా బరిలోకి దిగుతారనే భయంలో నేతలు

అనంతపురం: స్థానిక సంస్థల ఎన్నికల్లో వైఎస్సార్‌సీపీ విజయం తథ్యమని జిల్లా అధ్యక్షుడు అనంత వెంకటరామిరెడ్డి స్పష్టం చేశారు. ఓటమి ఖాయమని తెలిసి ‘పచ్చ’ నేతలు వైఎస్సార్‌సీపీ అభ్యర్థులపై దాడులు, దౌర్జన్యాలకు పాల్పడుతున్నారని ధ్వజమెత్తారు. సోమవారం అనంతపురంలోని వైఎస్సార్‌ ట్రేడ్‌ యూనియన్‌ జిల్లా అధ్యక్షుడు ఓబిరెడ్డి ఆధ్వర్యంలో నవోదయ కాలనీకి చెందిన టీడీపీ బూత్‌ కన్వీనర్‌, ఎరికల సంఘం రాష్ట్ర అధ్యక్షురాలు గాయత్రితో పాటు 27, 29 డివిజన్లకు చెందిన పలు కుటుంబాల వారు వైఎస్సార్‌సీపీలో చేరారు. వీరికి జిల్లా అధ్యక్షుడు అనంత వెంకటరామిరెడ్డి, మేయర్‌ అభ్యర్థి రమేష్‌ గౌడ్‌ కండువా కప్పి వైఎస్సార్‌సీపీలోకి సాదరంగా ఆహ్వానించారు. ఈ సందర్భంగా అనంత మాట్లాడుతూ ప్రశాంతతకు మారుపేరైన అనంతపురంలో రెండున్నరేళ్లుగా దోపిడీలు, అరాచకాలు విపరీతంగా పెరిగిపోయాయని ఆందోళన వ్యక్తం చేశారు. పోలీస్‌, రెవెన్యూ యంత్రాంగాన్ని తమ గుప్పిట్లో పెట్టుకుని సామాన్యుల ఇళ్లు, స్థలాలను ఆక్రమిస్తున్నారని, పోలీసులు ప్రేక్షకపాత్ర పోషిస్తున్నారని విమర్శించారు. పేదలకు చెందాల్సిన రేషన్‌ బియ్యాన్ని ఎమ్మెల్యే అనుచరులు బహిరంగంగా బ్లాక్‌ మార్కెట్‌కు తరలిస్తూ సొమ్ము చేసుకుంటున్నారని ఆరోపించారు. ఎన్నికల హామీల అమలులో చంద్రబాబు ప్రభుత్వం ఘోరంగా విఫలమైందన్నారు. నిత్యావసర సరుకుల ధరలు విపరీతంగా పెరిగి సామాన్యుడిపై భారం పడుతున్నా ప్రభుత్వం నిమ్మకు నీరెత్తినట్లు వ్యవహరిస్తోందని మండిపడ్డారు. వైఎస్సార్‌సీపీ అభ్యర్థులకు బ్రహ్మరథం.. చంద్రబాబు పాలనతో నగర ప్రజలు విసుగు చెందారని, ప్రస్తుతం ఏ డివిజన్‌కు వెళ్లినా వైఎస్సార్‌సీపీ అభ్యర్థులకు బ్రహ్మరథం పడుతున్నారని అనంత తెలిపారు. మేయర్‌ అభ్యర్థి రమేష్‌ గౌడ్‌తో పాటు 62 డివిజన్ల కార్పొరేటర్‌ అభ్యర్థులను గెలిపించుకునేందుకు ప్రజలు గట్టి పట్టుదలతో ఉన్నారన్నారు. కార్యక్రమంలో మాజీ కార్పొరేటర్‌ సంపంగి రామాంజనేయులు, నాయకులు చిరంజీవి, గుజ్జల నారాయణ, సంపంగి రవికుమార్‌, సర్దార్‌, తిరుపాలు, శశిధర్‌ రెడ్డి, విజయ్‌, మధు, శ్రీరాములు, హుస్సేన్‌, సాకే రామాంజనేయులు, నాగరాజు, ప్రభాకర్‌, దివాంజీ రాావు, శివశంకర్‌, నారాయణస్వామి, వెంకీ, ఆదామ్‌ తదితరులు పాల్గొన్నారు.

నార్పల: స్థానిక సంస్థల ఎన్నికల వేళ అభ్యర్థి ఎంపిక విషయంలో టీడీపీలోని ఇరువర్గాల మధ్య తీవ్ర వాగ్వాదానికి దారి తీసిన సంఘటన సోమవారం ఉదయం నార్పలలో చోటు చేసుకుంది. స్థానికులు తెలిపిన మేరకు వివరాలు.. స్థానిక ఎన్నికల్లో ఎంపిక చేసిన అభ్యర్థులకు మద్దతివ్వాలని ఎమ్మెల్యే బండారు శ్రావణిశ్రీ, ఆమె వెంట వచ్చిన ఆలం నరసానాయుడు, ఉమామహేశ్వరనాయుడులతో కలిసి మండల కేంద్రంలోని టీడీపీ నాయకుడు ఆకుల ఆంజనేయులును కోరారు. ఈ సందర్భంలో ఎమ్మెల్యే మాట్లాడుతుండగా ఆకుల బాబు కలగచేసుకుని ‘మీకు మేము ఎన్నికల సమయంలో మాత్రమే గుర్తుకు వస్తామని, ఎన్నికల అయిపోయిన తర్వాత మేము గుర్తుండమని’అనడంతో ఆలం వెంకటనరసానాయుడు, ఉమామహేశ్వరనాయుడ ఒక వర్గంగా మారి ఆకుల బాబుతో వాగ్వాదానికి దిగినట్టు సమాచారం. ఇది గమనించిన పోలీసులు, చుట్టు పక్కలవారు పరిస్థితి చేజారిపోతుందని ఆలం వర్గీయులను అక్కడ నుంచి పంపించేయడంతో వివాదం సద్దుమణిగింది. ఎన్నికల్లో అధికార పార్టీ దౌర్జన్యాలు అనంతపురం అర్బన్‌: స్థానిక సంస్థల ఎన్నికల్లో అధికార పార్టీ నాయకులు పోలీసుల సమక్షంలోనే దౌర్జన్యాలకు పాల్పడుతున్నారని సీపీఐ రాష్ట్ర కార్యదర్శివర్గ సభ్యుడు డి.జగదీష్‌ తీవ్రస్థాయిలో మండిపడ్డారు. ప్రతిపక్ష పార్టీల అభ్యర్థులు నామినేషన్‌ వేయకుండా దుర్మార్గంగా అడ్డుకోవడాన్ని సీపీఎం జిల్లా కార్యవర్గం తీవ్రంగా ఖండిస్తోందన్నారు. నామినేషన్ల అడ్డగింతపై హైకోర్టు సుమోటోగా విచారణ చేపట్టాలని కోరారు. సోమవారం స్థానిక జిల్లా పార్టీ కార్యాలయంలో జిల్లా కార్యవర్గ సమావేశంలో జగదీష్‌తోపాటు జిల్లా కార్యదర్శి పాళ్యం నారాయణస్వామి మాట్లాడారు. ప్రజాస్వామ్యబద్ధంగా ఎన్నికల్లో పోటీ చేసే హక్కును అధికార పార్టీ నాయకులు కాలరాస్తున్నారని ఆగ్రహం వ్యక్తం చేశారు. అభ్యర్థులు స్వేచ్ఛగా నామినేషన్‌ దాఖలు చేసే పరిస్థితి లేకపోవడం దురదృష్టకరమని మండిపడ్డారు. సీపీఐ నుంచి టి.రంగయ్య సస్పెండ్‌ తాడిపత్రి సీపీఐ నాయకుడు టి.రంగయ్యను పార్టీ నుంచి సస్పెండ్‌ చేస్తూ జిల్లా కార్యవర్గం ఏకగ్రీవంగా తీర్మానించినట్టు పాళ్యం నారాయణస్వామి పేర్కొన్నారు. వైఎస్సార్‌సీపీతో పొత్తులో భాగంగా 17వ డీవిజన్‌ అభ్యర్థిగా రంగయ్యను నిర్ణయించగా, ఆయన నామినేషన్‌ వేయకుండా అవతలి పార్టీకి మేలు చేసేలా వ్యవహరించడంతో చర్యలు తీసుకున్నట్టు తెలియజేశారు.

ఉరవకొండ: హత్యాయత్నాలు, దాడులు, బెదిరింపులు, అక్రమ అరెస్టులు, గృహ నిర్భంధాలతో సీఎం చంద్రబాబు ఎన్నికల ప్రక్రియను అపహాస్యం చేశారని, వైఎస్సార్‌సీపీ అభ్యర్థులను స్వేచ్ఛగా నామినేషన్‌ వేయనివ్వకుండా అరాచకపర్వం కొనసాగించారని ఆ పార్టీ పీఏసీ సభ్యుడు వై.విశ్వేశ్వరరెడ్డి ధ్వజమెత్తారు. ఆదివారం స్థానిక పార్టీ కార్యాలయంలో ఆయన విలేకరులతో మాట్లాడారు. మున్సిపల్‌ ఎన్నికల్లో వైఎస్సార్‌సీపీ అభ్యర్థులు నామినేషన్‌ వేయడానికి వీలు లేకుండా టీడీపీ నేతలు దాడులకు తెగబడటం దారుణమన్నారు. సీనియర్‌ నాయకులు, వారి వాహనాలపై మారణాయుధాలతో దాడులు చేయడం ప్రజాస్వామ్యాన్ని ఖూనీ చేయడమేనన్నారు. పోలీసులకు ముందే సమాచారం ఉన్నా ఎలాంటి భద్రత కల్పించకుండా ప్రేక్షక పాత్ర పోషించారన్నారు. కొన్ని చోట్ల టీడీపీ నాయకుల డైరెక్షన్‌లో పోలీసులే తమ పార్టీ నాయకులు, కార్యకర్తలపై దాడులు చేయడం కన్పించిందన్నారు. తమ పార్టీ ఎన్నికలను కేంద్ర బలగాలతో నిర్వహించాలని కోరుతున్నా పట్టించుకోవడం లేదన్నారు. పోలీసు వ్యవస్థ పూర్తిగా టీడీపీ నాయకులకు తొత్తుగా మారిందని ఆరోపించారు. టీడీపీ దాడులు, దౌర్జన్యాలను గట్టిగా ఎదుర్కొందాం ఉరవకొండ నియోజకవర్గంలో స్థానిక ఎన్నికల్లో పార్టీ అభ్యర్థులు టీడీపీ నాయకుల దౌర్జన్యాలు, దాడులను గట్టిగా ఎదుర్కొందామని విశ్వ పిలుపునిచ్చారు. నామినేషన్లు వేసుకోవడానికి అవసరమైన పత్రాలు సిద్ధం చేసుకోవాలని సూచించారు. పార్టీ అభ్యర్థులకు తాము ఎప్పడు అండగా ఉంటామని, టీడీపీ నాయకుల బెదిరిస్తే తమ దృష్టికి తీసుకోరావాలని తెలిపారు. పార్టీ పట్టణ కన్వీనర్‌ ఈడిగప్రసాద్‌, రూరల్‌ కన్వీనర్‌ ఎర్రిస్వామిరెడ్డి, మండల సమన్వయకర్త ఓబన్న, రాష్ట్ర నాయకులు బసవరాజు, కౌడిగి గోవిందు, బెలగల్‌ షమ్ము తదితరులు పాల్గొన్నారు. అధికార పార్టీకి తొత్తులుగా పోలీసులు వైఎస్సార్‌సీపీ పీఏసీ సభ్యుడు విశ్వ ధ్వజం

బెళుగుప్ప: కాలువపల్లిలో నివసిస్తున్న పూలకుంట పార్వతమ్మ తన వందో జన్మదిన వేడుకలను ఆదివారం ఘనంగా చేసుకున్నారు. ఈసందర్భంగా ఆమె కేక్‌ కట్‌ చేశారు. పార్వతమ్మ, దివంగత గోవిందరెడ్డి దంపతులకు ఇద్దరు కుమారులు శ్రీనివాసరెడ్డి, వెంకటరామిరెడ్డి, ఐదుగురు కుమార్తెలు సరోజమ్మ, కమలమ్మ, సునందమ్మ, సావిత్రమ్మ, కిష్టమ్మ ఉన్నారు. వీరిలో పెద్ద కూతురు సరోజమ్మ అధ్యాపకురాలిగా ఉద్యోగ విరమణ చేశారు. వంద జన్మదినాలు జరుపుకున్న పార్వతమ్మ ఎలాంటి దీర్ఘకాల జబ్బులు లేకుండా తన పనులు తానే చేసుకుంటూ నేటి తరానికి ఆదర్శంగా నిలిచారని కుటుంబ సభ్యులు, బంధువులు గ్రామస్తులు పేర్కొంటున్నారు. కవితా సంపుటాల ఆహ్వానం అనంతపురం కల్చరల్‌: ప్రతిష్టాత్మకంగా అందించే ‘ఉమ్మడిశెట్టి అవార్డు కోసం కవితా సంపుటాలను ఆహ్వానిస్తున్నట్లు నిర్వాహకుడు, సీనియర్‌ కవి డాక్టర్‌ రాధేయ ఆదివారం ఓ ప్రకటనలో తెలిపారు. 2026లో ప్రచురింపబడిన కవితా సంపుటాలలో ఉత్తమవైనవిగా నిలిచే వాటికి రూ.6 వేలు నగదు బహుమతి, కవికి ఘనంగా సత్కారం ఉంటాయని పేర్కొన్నారు. రచనలు ‘డాక్టర్‌ ఉమ్మడిశెట్టి రాధేయ, చైర్మన్‌, లిటరరీ ట్రస్టు, 13–1–606–1, షిర్డీనగర్‌, రెవెన్యూ కాలనీ, అనంతపురం’ చిరునామాలో చేరేలా పంపాలని, వివరాలకు 9985171411 నంబర్‌లో సంప్రదించాలని సూచించారు. విద్యార్థిని ఆత్మహత్య కనగానపల్లి(చెన్నేకొత్తపల్లి): మండలంలోని న్యామద్దల గ్రామానికి చెందిన బీటెక్‌ విద్యార్థిని ఆదివారం ఉరి వేసుకొని ఆత్మహత్య చేసుకొంది. స్థానికులు, పోలీసులు తెలిపిన వివరాలు.. గ్రామానికి చెందిన చాకలి అరుణ, మంజునాథ్‌ దంపతుల కుమార్తె అమూల్య (19) అనంతపురంలో బీటెక్‌ చదువుతోంది. దసరా సెలవులకు ఇంటికి వచ్చిన ఆమె సెల్‌ఫోన్‌లో చాటింగ్‌ చేసుకొంటూ కాలక్షేపం చేస్తుండగా తల్లి చూచి మందలించింది. మనస్థాపానికి గురైన ఆమె వారి ఇంటి సమీపంలో గడ్డివాము దగ్గర ఉన్న చెట్టుకు ఉరి వేసుకొని ఆత్మహత్య చేసుకొంది. కుక్కను తప్పించబోయి.. ● బైక్‌పై నుంచి పడి వ్యక్తి మృతి బ్రహ్మసముద్రం: కుక్కను తప్పించబోయి అదుపు తప్పి బైక్‌పై నుంచి పడి ఓ వ్యక్తి మృతి చెందాడు. వివరాలు..ఎరడికెర గ్రామానికి చెందిన గొల్ల గోవిందప్ప(42) ఆదివారం తెల్లవారు జామున బైక్‌పై గంగమ్మ వంక వద్దకు వెళ్లి తిరిగి స్వగ్రామానికి బయలుదేరాడు. బ్రహ్మసముద్రం క్రాస్‌ వద్ద ఆకస్మాత్తుగా కుక్క అడ్డురావడంతో దాన్ని తప్పించబోయి బైక్‌ అదుపుతప్పి రోడ్డు పక్కనే ఉన్న గుంతలో పడిపోయాడు. తీవ్రంగా గాయపడిన అతడు అక్కడికక్కడే మృతి చెందాడు. మృతుడికి కుమారుడు, కుమార్తె ఉన్నారు. ఈఘటనపై మృతుడి కుటుంబ సభ్యుల ఫిర్యాదు మేరకు కేసు నమోదు చేసినట్లు ఎస్‌ఐ సాయికుమార్‌ తెలిపారు. విద్యుత్‌ షాక్‌తో రైతు మృతితాడిమర్రి: ఏకపాదంపల్లిలో ఆదివారం జరిగిన విద్యుత్‌ ప్రమాదంలో ఓ రైతు మృతి చెందాడు. పోలీసులు, స్థానికులు తెలిపిన వివరాలు.. గ్రామానికి చెందిన తలారి సాకే రామన్న (65) తనకున్న ఒకటిన్నర ఎకరం పొలంలో ఎకరాలో వేరుశనగ, అర ఎకరాలో చీనీ చెట్లను సాగు చేశాడు. మధ్యాహ్నం 3 గంటల సమయంలో పంటకు నీరు పెట్టడానికి మోటర్‌ ఆన్‌ చేసి వేరుశనగ పంటలో పెరిగిన గడ్డిని తొలగిస్తున్నాడు. ఈ క్రమంలో విద్యుత్‌ స్తంభం నుంచి ట్రాన్స్‌ఫార్మర్‌ వద్దకు చెట్టు మీద లాగిన విద్యుత్‌ తీగ రైతు మీద పడి విద్యుదాఘాతానికి గురయ్యాడు. ఘటనలో తీవ్రంగా గాయపడిన అతడు అక్కడికక్కడే మృతి చెందాడు.

గార్లదిన్నె: స్థానిక సంస్థల ఎన్నికల్లో వైఎస్సార్‌సీపీ నాయకులు, కార్యకర్తలు ఐక్యమత్యంతో ముందుకు సాగితే విజయం తథ్యమని ఆ పార్టీ శింగనమల నియోజకవర్గ సమన్వయకర్త, మాజీ మంత్రి డాక్టర్‌ సాకే శైలజానాథ్‌ పేర్కొన్నారు. ఆదివారం మర్తాడు క్రాస్‌లోని టీ కన్వెన్షన్‌ హాల్లో రైతు విభాగం జిల్లా అధ్యక్షుడు నారాయణరెడ్డి అధ్యక్షతన సమావేశం నిర్వహించారు. ఈసందర్భంగా శైలజానాథ్‌ మాట్లాడుతూ ప్రజల్లో ప్రభుత్వంపై తీవ్ర వ్యతిరేకత ఉందన్నారు. ఎన్నికల్లో హామీల అమలులో కూటమి ప్రభుత్వం పూర్తిగా విఫలమైందన్నారు. సర్వే రిపోర్టుల్లో కూడా వచ్చేది మన ప్రభుత్వమేనని తేలిందన్నారు. ఓటమి భయంతోనే కూటమి నాయకులు అరాచకాలకు పాల్పడుతున్నారన్నారు. కూటమి నేతల కుట్రలను తిప్పికొట్టి వైఎస్సార్‌సీపీ అభ్యర్థులను గెలిపించుకుందామని పిలుపు నిచ్చారు. ప్రతి పంచాయతీలో వైఎస్సార్‌సీపీ జెండా ఎగరవేయాలి ప్రతి పంచాయతీలో వైఎస్సార్‌సీపీ జెండా ఎగరేద్దామని నియోజకవర్గ పరిశీలకులు ఎల్‌ఎం మోహన్‌రెడ్డి అన్నారు. చంద్రబాబు ప్రభుత్వం వైఎస్సార్‌సీపీ శ్రేణులపై అక్రమ కేసులు బనాయిస్తోందన్నారు. అనంతరం ఎంపీటీసీల అభ్యర్థులను ఎంపిక కసరత్తు చేశారు. వైఎస్సార్‌సీపీ మండల అధ్యక్షులు ఎల్లారెడ్డి, పంచాయతీరాజ్‌ ఆర్గనైజింగ్‌ కార్యదర్శి సుధాకర్‌రెడ్డి, పార్టీ జిల్లా కార్యదర్శి బచ్చలన్న, రైతు విభాగం నియోజకవర్గ అధ్యక్షుడు పుల్లారెడ్డి, సోషల్‌ మీడియా జిల్లా కార్యదర్శి అట్ల తాతిరెడ్డి, నియోజకవర్గ, మేధావుల ఫోరం అధ్యక్షులు అనిల్‌కుమార్‌రెడ్డి, నియోజకవర్గ ఆర్టీఐ విభాగం అధ్యక్షుడు నాగరాజు, ఎస్సీ సెల్‌ నియోజకవర్గ అధ్యక్షులు ఆంజనేయులు, నేతలు చీమల శ్రీనివాసులు, చితంబరరెడ్డి, ఆదినారాయణ, గాంధీ, దేవా, జగన్‌ తదితరులు పాల్గొన్నారు. మాజీ మంత్రి డాక్టర్‌ సాకే శైలజానాథ్‌

అనంతపురం న్యూ టౌన్‌: స్థానిక సంస్థల ఎన్నికల నిష్పక్షపాతంగా జరిగేలా అన్ని రాజకీయ పార్టీల నేతలు సహకరించాలని జిల్లా ఎన్నికల పరిశీలకుడు బచ్చు స్మరణ్‌రాజ్‌ కోరారు. ఆదివారం జిల్లా పరిషత్‌లోని సీఈఓ ఛాంబర్‌లో అన్ని రాజకీయ పార్టీల నేతలతో సమావేశాన్ని నిర్వహించారు. ఈసందర్భంగా ఆయన మాట్లాడుతూ జెడ్పీటీసీలకు జిల్లా పరిషత్‌లో, ఎంపీటీసీలకు సంబంధించి ఆయా మండల పరిషత్‌ కార్యాలయాల్లో తగిన సమాచారాన్ని అందిస్తామన్నారు. అభ్యర్థులు ఎన్నికల కోడ్‌ను తప్పనిసరిగా పాటించాలన్నారు. జెడ్పీ సీఈఓ మాట్లాడుతూ సోమవారం ఎంపీటీసీ, జెడ్పీటీసీ ఎన్నికల నోటిఫికేషన్‌ విడుదలవుతుందని తెలిపారు. ఎన్నికల ప్రధాన శిక్షకులు అయిన గోవిందరాజులు నోటిఫికేషన్‌ మొదలు ఎన్నికలు ముగిసే వరకూ పాటించాల్సిన నిబంధనలు వివరించారు. ఈసందర్భంగా వివిధ పార్టీల నేతలు లేవనెత్తిన సందేహాలకు సమాధానాలిచ్చారు. వైఎస్సార్‌ సీపీ నుంచి సి.సోమశేఖర్‌రెడ్డి, వై అమర్‌నాఽథ్‌రెడ్డి, సీపీఎం ఎం బాల రంగయ్య, టి రామాంజనేయులు, బీఎస్పీ కుళ్లాయప్ప, జిలాన్‌ బాషా, హరిప్రసాద్‌, టీడీపీ నారాయణ స్వామి, ఆమ్‌ ఆద్మీ మసూద్‌ వలి తదితరులు పాల్గొన్నారు.

అనంతపురం అర్బన్‌: కలెక్టరేట్‌లో సోమవారం నిర్వహించాల్సిన ప్రజాసమస్యల పరిష్కార వేదిక కార్యక్రమం రద్దు చేసినట్లు కలెక్టర్‌ ఆనంద్‌ ఆదివారం ఒక ప్రకటనలో తెలిపారు. మహర్నవమి పండుగ సందర్భంగా ప్రభుత్వ సెలవు, స్థానిక సంస్థల ఎన్నికల నేపథ్యంలో పరిష్కార వేదిక రద్దు చేసినట్లు తెలియజేశారు. ప్రజలు ఈ విషయాన్ని గమనించి.. వ్యయప్రయాసలకోర్చి కలెక్టరేట్‌కు రావద్దని సూచించారు. నగరపాలక సంస్థలో ఎంసీఎంసీ ఏర్పాటు అనంతపురం అర్బన్‌: స్థానిక సంస్థల ఎన్నికల నేపథ్యంలో మీడియా ధ్రువీకరణ, పర్యవేక్షణ కమిటీ (ఎంసీఎంసీ) ఏర్పాటు చేసినట్లు కలెక్టర్‌, జిల్లా ఎన్నికల అధికారి ఆనంద్‌ తెలిపారు. ఈ కమిటీ పెయిడ్‌ న్యూస్‌ను పర్యవేక్షిస్తుందని పేర్కొన్నారు. నగర పాలక సంస్థ పన్నుల విభాగం (గది 12)లో ఏర్పాటైన ఎంసీఎంసీ తన కార్యకలాపాలను సాగిస్తుందని ఆదివారం ఒక ప్రకటనలో తెలిపారు. కమిటీ ఇదే.. కలెక్టర్‌, జిల్లా ఎన్నికల అధికారి ఎంసీఎంసీ కమిటీ చైర్మన్‌గా వ్యవహరిస్తారు. సభ్యులుగా నగర పాలక సంస్థ కమిషనర్‌, సమాచార శాఖ అధికారి ఉంటారు. పెయిడ్‌ న్యూస్‌ గుర్తింపు ఇలా.. మునిసిపల్‌, జెడ్పీటీసీ, ఎంపీటీసీ ఎన్నికలకు సంబంధించి టీవీ ఛానళ్లు, కేబుల్‌ నెట్‌వర్క్‌, రేడియో, సినిమా హాళ్లు, బహిరంగ ప్రదేశాల్లో ఆడియో విజువల్‌ డిస్‌ప్లేలు, ఈ– పేపర్లు, బల్క్‌ ఎస్‌ఎంఎస్‌లు, వాయిస్‌ మెసేజ్‌లు, సోషల్‌ మీడియాలో రాజకీయ ప్రకటనలను కమిటీ పరిశీలించి ‘పెయిడ్‌ న్యూస్‌’గా ధ్రువీకరిస్తుంది. అనుమతి తీసుకోవాలి.. గుర్తింపు పొందిన లేదా నమోదైన రాజకీయ పార్టీ లేదా వ్యక్తిగత అభ్యర్థి ద్వారా ఏదైనా రాజకీయ ప్రకటన ధ్రువీకరణకు దరఖాస్తు చేసుకోవాలి. ప్రకటన ప్రసారం, ప్రదర్శన ప్రారంభమయ్యే తేదీకి కనీసం ముందు రోజు కమిటీ అనుమతి తీసుకోవాలి. అనెగ్జర్‌–ఏలో దరఖాస్తు.. దరఖాస్తు అనెగ్జర్‌–ఏలో సూచించిన ఫార్మాట్‌లో ఉండాలి. ప్రతిపాదిత ప్రకటనకు సంబంధించిన ఎలక్ట్రానిక్‌ రూపంలో రెండు కాపీలు, దానితో పాటు సక్రమంగా ధ్రువీకరించిన ప్రతిలేఖనం (ట్రాన్స్‌క్రిప్షన్‌), తదితర వివరాలతో సమర్పించాలి. నామినేషన్‌ ప్రక్రియ పరిశీలన అనంతపురం అర్బన్‌: నగర పాలక సంస్థలో నిర్వహించిన నామినేషన్ల ప్రక్రియను ఎన్నికల సాధారణ పరిశీలకుడు బి.స్మరణ్‌రాజ్‌, ఎన్నికల వ్యయ పరిశీలకుడు జి.సుబ్బరాజ్‌ ఆదివారం పరిశీలించారు. అభ్యర్థులు నామినేషన్‌ దాఖలు చేసినప్పటి నుంచి ఎన్నికల ప్రక్రియ ముగిసే వరకు రోజువారీగా ఎన్నికల వ్యయాన్ని పరిశీలించేలా చర్యలు తీసుకోవాలని చెప్పారు. కార్యక్రమంలో నగర పాలక సంస్థ కమిషనర్‌ జశ్వంత్‌రావు, ఆర్డీఓ ప్రేమంత్‌కుమార్‌, టీపీఓ ఓంకార్‌, మాస్టర్‌ ట్రైనర్‌ గోవిందరాజులు, ఆర్‌ఓలు ఉన్నారు. అక్కడక్కడా వర్షాలు అనంతపురం అగ్రికల్చర్‌: జిల్లాలో అక్కడక్కడా వర్షం కురిసింది. శనివారం రాత్రి నుంచి ఆదివారం ఉదయం వరకు 14 మండలాల పరిధిలో 6 మి.మీ సగటు వర్షపాతం నమోదైంది. పెద్దవడుగూరు 41 మి.మీ, యాడికి 40.4, పుట్లూరు 23.4, బ్రహ్మసముద్రం 22.4, తాడిపత్రి 20.4, గుత్తి 15.6 మి.మీతో పాటు శెట్టూరు, పామిడి, బెలుగుప్ప, గుంతకల్లు, యల్లనూరు, కుందుర్పి, కళ్యాణదుర్గం, రాప్తాడు తదితర మండలాల్లో తేలికపాటి వర్షం కురిసింది. రాగల రెండు రోజుల వర్షసూచన ఉన్నట్లు శాస్త్రవేత్తలు చెబుతున్నారు.

రాయదుర్గం: పురపాలక ఎన్నికల్లో నామినేషన్ల ఘట్టం ముగిసింది. ప్రధాన రాజకీయ పార్టీలకు చెందిన అభ్యర్థులు పోటాపోటీగా ఆదివారం మధ్యాహ్నం మూడు గంటల్లోపు నామపత్రాలు సమర్పించారు. రాయదుర్గం వైఎస్సార్‌సీపీ చైర్మన్‌ అభ్యర్థిగా పొరాళ్ల శివకుమార్‌, కూటమి అభ్యర్థిగా టంకశాల హనుమంతు, కాంగ్రెస్‌ అభ్యర్థిగా రఫీక్‌, ఆమ్‌ ఆద్మీపార్టీ అభ్యర్థిగా వెంకటరమణబాబుతో పాటు కూటమి అభ్యర్థిగా టికెట్‌ ఆశిస్తూ మాజీ కౌన్సిలర్‌ పద్మజ నామినేషన్‌ దాఖలు చేశారు. అలాగే 40 వార్డులకు అన్నీ పార్టీల నుంచి పెద్ద ఎత్తున నామినేషన్‌ పత్రాలు సమర్పించారు. పట్టణ జనాభా 75 వేలు కాగా, 53,696 మంది ఓటర్లు ఉన్నారు. ఇందులో మహిళలు 27,827, పురుషులు 25,852, ఇతరులు 17 మంది ఉన్నారు. ఉత్కంఠ రేపుతున్న పురపోరు ప్రధాన రాజకీయ పార్టీలు పురపోరును ప్రతిష్టాత్మకంగా తీసుకున్నాయి. గెలుపు కోసం ఎత్తుకు పై ఎత్తులు వేస్తూ పావులు కదుపుతుండడంతో ఉత్కంఠను తలపిస్తున్నాయి. ఇప్పటికే వైఎస్సార్‌సీపీ చైర్మన్‌ అభ్యర్థి పొరాళ్ల శివకుమార్‌, తన వార్డు కౌన్సిలర్‌ అభ్యర్థుల జట్టుతో ప్రచార పర్వంలో దూసుకుపోతున్నారు. ఓటర్లను ఆకట్టుకునేలా వ్యూహరచనకు శ్రీకారం చుట్టారు. పట్టణంలో ఏమూలకు వెళ్లినా ప్రజలు బ్రహ్మరథం పడుతూ సాదరంగా ఆహ్వానం పలుకుతున్నారు. కూటమిలో ఈ పరిస్థితి కనిపించడం లేదు. చివరి నిమిషం వరకు అభ్యర్థులు నామినేషన్‌ పత్రాలు సమర్పించేందుకు తర్జనభర్జన పడ్డారు. కూటమి చైర్మన్‌ అభ్యర్థిగా టంకశాల నామినేషన్‌ సమర్పిస్తే, అదే పార్టీకి చెందిన మాజీ కౌన్సిలర్‌ పద్మజ పోటీగా మరో నామినేషన్‌ వేయడం చర్చకు దారి తీసింది. ఇలా పలు వార్డుల్లోనూ టీడీపీ, జనసేన, బీజేపీ అభ్యర్థులు పోటాపోటీగా నామినేషన్లు వేశారు. రెబల్‌ అభ్యర్థులతో కూటమికి తలపోటుగా మారింది. గెలుపుపై ధీమా వైఎస్సార్‌సీపీ చైర్మన్‌ అభ్యర్థి పొరాళ్ల శివకుమార్‌ గెలుపుపై ధీమా వ్యక్తం చేస్తున్నారు. ప్రజలు మంచికి మద్దతుగా నిలుస్తారని ఆశాభావం వ్యక్తం చేస్తున్నారు. ఏ ఇంటికి వెళ్లినా గత ప్రభుత్వంలో అప్పటి ముఖ్యమంత్రి వైఎస్‌ జగన్‌ చేసిన మేలును గుర్తుచేస్తున్నారు. ఈ ఒక్క అవకాశం ఇస్తే పట్టణాన్ని సుందరంగా, ఆదర్శవంతంగా తీర్చిదిద్దేలా శాయశక్తులా కృషి చేస్తానని కోరుతున్నారు. ఎన్నికలు నిష్పక్షపాతంగా జరిగితే అన్ని వార్డుల్లోనూ ఫ్యాన్‌ ప్రభంజనం సృష్టిస్తుందని ధీమా వ్యక్తం చేస్తున్నారు. సమన్వయకర్త మెట్టు గోవిందరెడ్డి ఆశీస్సులతో విజయం తప్పక సాధిస్తామని ఘంటా పథంగా చెబుతున్నారు. ప్రతిష్టాత్మకంగా తీసుకున్న ప్రధాన పార్టీలు ముగిసిన నామినేషన్ల ఘట్టం ప్రచారంలో దూసుకుపోతున్న వైఎస్సార్‌సీపీ అభ్యర్థులు కూటమిలో తెగని కుమ్ములాటలు చైర్మన్‌ సహా పలు వార్డుల్లో ఇద్దరు, ముగ్గురు నామినేషన్లు

రాప్తాడు రూరల్‌: రాప్తాడుకు చెందిన ఈశ్వరయ్య, హారిక దంపతులు జాతీయ రహదారి కూడలిలో బెల్లం టీ దుకాణం నిర్వహిస్తూ జీవనం సాగిస్తున్నారు. వీరికి కుమార్తె యశస్విని, కుమారుడు ప్రణవ్‌ తేజ (4) సంతానం. హారిక పుట్టిల్లు పుల్లలరేవు. ప్రణవ్‌తేజను అమ్మమ్మ శివలక్ష్మి, తాత బిల్లే ముత్యాలు పెంచుకుంటున్నారు. ఈ క్రమంలో హారిక శనివారం సాయంత్రం పుట్టింటికి వెళ్లింది. ఆదివారం ఉదయం దసరా పండుగ కోసం కుమారుడిని వెంటబెట్టుకుని రాప్తాడులోని అత్తవారింటికి బయల్దేరింది. ఆ సమయంలో ఆమె సోదరుడు ప్రేమ్‌నాథ్‌ కూడా తోడుగా వెళ్లాడు. అక్కడ ప్రణవ్‌ తేజ కాసేపు అమ్మానాన్నతోపాటు నానమ్మ, తాతతో సరదాగా గడిపాడు. ఆతర్వాత తిరిగి వెళ్తున్న మామయ్య ప్రేమ్‌నాథ్‌ వెంట తానూ వెళ్తానని ప్రణవ్‌తేజ పట్టుబట్టాడు. వద్దని తల్లి వారించినా వినకపోవడంతో చేసేదేమీలేక అమ్మమ్మ ఊరైన పుల్లలరేవుకు పంపించారు. అక్కడ మధ్యాహ్నం 1.30 గంటల సమయంలో ఆడుకునేందుకు ఇంటి సమీపంలోని కల్లందొడ్డి వద్దకు వెళ్లాడు. అక్కడ వరికోతకు వినియోగించే ట్రాక్టర్‌ చక్రాలకు అదనంగా అమర్చే ఇనుప చక్రాన్ని (గేజ్‌ వీల్‌) శుభ్రం చేసి ఓవైపు నిలిపి ఉంచారు. అక్కడికి వెళ్లిన చిన్నారి..ఆ చక్రం వద్ద ఆడుకుంటుండగా అది కదిలి అదుపుతప్పి మీద పడింది. ఛాతిపై చక్రం పడినప్పుడు సమీపంలో ఎవరూలేరు. గేజ్‌వీల్‌ కింద పడిన ప్రణవ్‌తేజ ఊపిరాడక అక్కడికక్కడే ప్రాణాలు కోల్పోయాడు. ప్రమాదం జరిగిన కాసేపటి తర్వాత అటుగా వెళ్లిన వారు ఈ ఘటనను గుర్తించారు. ఇనుప చక్రం కింద ఉన్న చిన్నారిని బయటకు తీశారు. అయితే, అప్పటికే ప్రాణాలు కోల్పోవడంతో కుటుంబ సభ్యులు కన్నీరుమున్నీరయ్యారు. కాసేపటి క్రితం వరకు ఆడుకుంటూ కనిపించిన చిన్నారి..విగత జీవిగా మారడాన్ని చూసి తట్టుకోలేకపోయారు. ఉదయం తల్లి వెంట రాప్తాడుకు వెళ్లిన చిన్నారి అక్కడే ఉండి ఉంటే ఈ ప్రమాదం జరిగేది కాదేమోనని కుటుంబ సభ్యులు గుండెలవిసేలా విలపించారు. తమ ఇంటి ఆశాదీపం, తమ కళ్ల ముందే ఎదగాల్సిన కుమారుడు ఇక లేడన్న నిజాన్ని జీర్ణించుకోలేకపోతున్నారు. దేవుడా.. ఎంత పనిచేశావయ్యా అంటూ తల్లిదండ్రులు పెట్టిన ఆర్తనాదాలు అక్కడున్నవారిని కలచివేశాయి. పండుగ వేళ చిన్నారి ప్రాణాలు కోల్పోవడంతో పుల్లలరేవులో విషాదఛాయలు అలుముకున్నాయి. ఆడుకుంటూ వెళ్లి అనంత లోకాలకు.. ఇనుప చక్రం కింద పడి ప్రాణాలొదిలిన చిన్నారి పుల్లలరేవులో పండుగపూట విషాద ఘటన

అనంతపురం: మున్సిపల్‌ ఎన్నికల్లో తొలి అంకమైన నామినేషన్ల ప్రక్రియ ముగిసింది. ఆదివారంతో జిల్లా పరిధిలోని కార్పొరేషన్‌, మున్సిపాలిటీలలో అన్ని వార్డులు, డివిజన్లకు సంబంధించి అభ్యర్థులు తమ నామినేషన్‌ పత్రాలను అధికారులకు సమర్పించారు. ఎక్కడెక్కడ ఎంతమంది అంటే.. ● చివరిరోజైన ఆదివారం అనంతపురం మేయర్‌ స్థానంతో పాటు 62 కార్పొరేటర్‌ స్థానాలకు అభ్యర్థులు నామినేషన్లు వేశారు. మేయర్‌ స్థానానికి 29 నామినేషన్లు, కార్పొరేటర్‌ స్థానాల కోసం 440 నామినేషన్లను అధికారులు స్వీకరించారు. ● తాడిపత్రి మున్సిపల్‌ చైర్మన్‌ స్థానానికి 10, కౌన్సిలర్‌ స్థానాలకు 206 మంది అభ్యర్థులు నామినేషన్లు దాఖలు చేశారు. ● కళ్యాణదుర్గం మున్సిపల్‌ చైర్మన్‌ స్థానానికి 11, కౌన్సిలర్‌ స్థానాలకు 137 మంది నామినేషన్లు దాఖలు చేశారు. ● రాయదుర్గం మున్సిపల్‌ చైర్మన్‌ స్థానానికి 16, కౌన్సిలర్‌ స్థానాలకు 277 మంది నామినేషన్లు వేశారు. ● గుత్తి మున్సిపల్‌ చైర్మన్‌ స్థానానికి 9, కౌన్సిలర్‌ స్థానాలకు 73 మంది నామినేషన్లు దాఖలు చేశారు. ● గుంతకల్లు మున్సిపల్‌ చైర్మన్‌ స్థానానికి 14, కౌన్సిలర్‌ స్థానాలకు 409 మంది నామినేషన్లు వేశారు. మునిసిపల్‌ ఎన్నికల్లో నామినేషన్ల ఘట్టం పూర్తి

● ఎమ్మెల్సీ వై.శివరామిరెడ్డి ధ్వజం ఉరవకొండ: సీఎం చంద్రబాబుకు ఎన్నికలు ప్రజాస్వామ్యబద్ధంగా, స్వేచ్ఛగా నిష్పక్షపాతంగా జరిపించే దమ్ము లేదా అంటూ ఎమ్మెల్సీ వై.శివరామిరెడ్డి సవాల్‌ విసిరారు. ఈమేరకు ఆయన ఆదివారం ఓ ప్రకటన విడుదల చేశారు. రెండున్నరేళ్ల పాలనలో కూటమి ప్రభుత్వం ఎలాంటి అభివృద్ధి చేయలేదని, ఎన్నికల హామీల అమలులో ఘోరంగా విఫలమైందని తెలిపారు. స్థానిక సంస్థల ఎన్నికల్లో దీని ప్రభావం పడకుండా దాడులు, దౌర్జన్యాలు చేస్తూ రాష్ట్రంలో మారణకాండ సృష్టిస్తున్నారని పేర్కొన్నారు. నిష్పక్షపాతంగా వ్యవహరించాల్సిన పోలీసులు, ఎన్నికల అధికారులు తమ బాధ్యతలను విస్మరించి కూటమి నేతలకు మద్దతు పలకడం సిగ్గుచేటని విమర్శించారు. కడప, పుంగనూరు, రాయచోటి, పులివెందుల, తిరుపతి, గుత్తి, ధర్మవరం తదితర ప్రాంతాల్లో దాడులతో వైఎస్సార్‌సీపీ అభ్యర్థులను నామినేషన్‌ వేయకుండా చేశారని ఆరోపించారు. ప్రతిపక్ష అభ్యర్థులకు రక్షణ కల్పించాల్సిన పోలీసులే అధికార పార్టీకు అనుకులంగా వ్యవహరించడం ప్రజాస్వామ్యాన్ని దిగజారుస్తుందని ఆందోళన వ్యక్తం చేశారు. కూటమి నేతలు చేస్తున్న దాడులే రాబోవు అసెంబ్లీ ఎన్నికల్లో వారి ఓటమికి పునాదులని పేర్కొన్నారు. ఇద్దరి కంటే ఎక్కువ మంది పిల్లలున్నా పోటీకి సై ● తొలగిన 30 ఏళ్ల నాటి నిబంధన బొమ్మనహాళ్‌: స్థానిక సంస్థల ఎన్నికల్లో పోటీ చేసే అభ్యర్ధులకు ఇద్దరి కంటే ఎక్కువ మంది పిల్లలు ఉండరాదు అనే నిబంధనను ప్రభుత్వం తొలగించడంతో ఔత్సాహాకులు ఉత్సాహంగా ఉన్నారు. ఎన్నికల అధికారుల వివరాల ప్రకారం..1994 మే 30న తీసుకొచ్చిన ఆంధ్రప్రదేశ్‌ పంచాయతీ రాజ్‌ చట్టం–1994, సెక్షన్‌ 19(3) ప్రకారం ఇద్దరి కంటే ఎక్కువ సంతానం ఉన్నవారు పంచాయతీ, ఎంపీటీసీ, జెడ్పీటీసీ ఎన్నికల్లో పోటీ చేయడానికి ఆనర్హులుగా ప్రకటించారు. గతంలో కొందరు పిల్లల సంఖ్యను దాచిపెట్టి గెలిచినప్పటికీ ప్రత్యర్థులు ఫిర్యాదు చేయడంతో పదవులు కోల్పోయిన ఉదంతాలు ఉన్నాయి. ఈ సమస్యలను పరిగణనలోకి తీసుకుని ప్రభుత్వం 2024 నవంబర్‌ 24న ఏపీ పంచాయతీ రాజ్‌ , మున్సిపల్‌ చట్ట సవరణ బిల్లుల ద్వారా ఈ నిబంధనను రద్దు చేస్తూ అసెంబ్లీలో తీర్మానం చేసింది. దీంతో ఇద్దరి కంటే ఎక్కువ మంది సంతానం ఉన్నవారు కూడా గ్రామ పంచాయితీ, మున్సిపాలిటీ, మండల పరిషత్‌, జిల్లా పరిషత్‌ ఎన్నికల్లో స్వేచ్ఛగా పోటీ చేసే అవకాశం లభించింది. పోట్లమర్రి ఎల్లమ్మ ఆలయంలో చోరీ బత్తలపల్లి: పోట్లమర్రి గ్రామంలోని ఎల్లమ్మ తల్లి ఆలయంలో శనివారం అర్ధరాత్రి చోరీ జరిగింది. గ్రామస్తులు తెలిపిన సమాచారం.. గ్రామంలోని ఎల్లమ్మ తల్లి ఆలయంలో శనివారం అర్ధరాత్రి గుర్తు తెలియని వ్యక్తులు ఆలయ తలుపులకు ఉన్న తాళాన్ని పగులగొట్టి లోపలికి ప్రవేశించారు. ఆలయంలో ఉన్న బీరువాను ధ్వంసం చేసి అందులో ఉన్న 40 తులాల వెండి కిరీటం, 50 తులాల రెండు వెండి నాగ పడగలు, 18 తులాల వెండి చైను, 20 తులాల వెండి రూపంలో ఉన్న అమ్మవారు, సుమారు రెండు కిలోల వెండి, 4 గ్రాముల బంగారు తాళిబొట్టు ఎత్తుకెళ్లారు. ఆదివారం ఉదయం పూజలు నిర్వహించేందుకు ఆలయ అర్చకులు శ్రీనివాసులు వెళ్లగా చోరీ విషయం వెలుగులోకి వచ్చింది. సమాచారం అందుకున్న పోలీసులు సంఘటనాస్థలానికి చేరుకుని వివరాలు సేకరించారు. ఘటనపై కేసు నమోదు చేసి దర్యాప్తు చేపట్టినట్లు పోలీసులు తెలిపారు.

అనంతపురం సిటీ: ఆర్‌ఎంపీ ఇచ్చిన సూది మందు వికటించి ఓ వృద్ధురాలు మృతి చెందిన ఘటన జిల్లా కేంద్రంలో కలకలం సృష్టించింది. ఆలస్యంగా వెలుగుచూసిన ఈ ఘటనకు సంబంధించి వివరాలు... అనంతపురంలోని సాయినగర్‌ రెండో క్రాస్‌లో నివాసముంటున్న వృద్ధురాలు నరసమ్మ వయోభారం కారణంగా కీళ్ల నొప్పులు, ఆయాసంతో బాధపడుతోంది. ఈ క్రమంలో నొప్పి తీవ్రత భరించలేక ఇబ్బంది పడుతున్న ఆమెను శనివారం ఉదయం పాతూరు తాడిపత్రి బస్టాండ్‌ పరిధిలో ఉన్న మేఘన ప్రథమ చికిత్స కేంద్రానికి కుటుంబసభ్యులు తీసుకెళ్లారు. ఆ సమయంలో ఆమెకు చికిత్స అందజేసిన ఆర్‌ఎంపీ జి.రమణ.. నొప్పి నివారణ కోసమని ఓ ఇంజెక్షన్‌ వేశాడు. అయితే కొద్ది సేపటి తర్వాత వృద్ధురాలి ఆరోగ్యం విషమించి మృతి చెందింది. ఘటనకు ఆర్‌ఎంపీనే కారణమంటూ శనివారం రాత్రి బాధిత కుటుంబసభ్యులు మేఘన ప్రథమ చికిత్స కేంద్రం వద్ద ఆందోళనకు దిగారు. ఆర్‌ఎంపీ కేంద్రం సీజ్‌ విషయం తెలుసుకున్న డీఎంహెచ్‌ఓ డాక్టర్‌ కట్టా వెంకటేశ్వర్లు ఆదేశాల మేరకు నీరుగంటి వీధిలోని అర్బన్‌ పీహెచ్‌సీ వైద్యాధికారి డాక్టర్‌ నాగజ్యోతి, జిల్లా మాస్‌ మీడియా అధికారి ఈ.నాగరాజు ఆదివారం రంగంలో దిగారు. క్షేత్రస్థాయిలో విచారణ చేపట్టి ఆర్‌ఎంపీ జి.రమణకు షోకాజ్‌ నోటీసు జారీ చేయడంతో పాటు ప్రథమ చికిత్స కేంద్రాన్ని సీజ్‌ చేయించారు. ప్రథమ చికిత్స కేంద్రమంటూ బోర్డులు పెట్టి అల్లోపతి వైద్యం, గ్లూకోజ్‌, సైలెన్‌ ఎక్కించడం, ఇంజెక్షన్లు, మాత్రలు, స్టెరాయిడ్‌ ఇవ్వడం లాంటి నిబంధనలకు విరుద్ధంగా వ్యవహరించే ఆర్‌ఎంపీలపై క్రిమినల్‌ చర్యలకు ఫిర్యాదు చేస్తామని ఈ సందర్భంగా డీఎంహెచ్‌ఓ హెచ్చరించారు.

ఉరవకొండ: స్థానిక సంస్థల ఎన్నికల రిజర్వేషన్‌ ప్రక్రియ పక్కదారి పట్టిందా..? మండల పరిషత్‌ ప్రాదేశిక స్థానాల రిజర్వేషన్లకు సంబంధించి చక్కర్లు కొడుతున్న రెండు జాబితాల్లో ఏదీ నిజమైనదో తెలియక అభ్యర్థులు ఆందోళన చెందుతున్నారు. జిల్లా ఎన్నికల అధికారి, కలెక్టర్‌ ద్వారా గెజిట్‌ అయిన జాబితా కంటే ముందుగానే మరో జాబితా బయటకు రావడంపై తీవ్ర విమర్శలు వ్యక్తమవుతున్నాయి. కూటమి నేతలు ఆశించిన విధంగా రిజర్వేషన్లు తమకు అనుకూలంగా లేకపోవడంతో ఈవిధమైన దుష్ప్రచారానికి పాల్పడ్డారా అన్న అనుమానాలు కల్గుతున్నాయి. కొంతమంది పచ్చ మాస్కు వేసుకున్న అధికారుల అత్యుత్సాహం కూడా ఆ నేతలకు అనుకూలంగా మారింది. ఎంపీటీసీల రిజర్వేషన్లకు సంబంధించి ప్రభుత్వం జారీ చేసే నిబంధనావళి పలుమార్లు మారింది. దీంతో పలు మండలాల్లో ఎంపీటీసీ రిజర్వేషన్ల జాబితా తీవ్ర గందరగోళంగా మారింది. మొదట్లో రొటేషన్‌ పద్ధతిలో రిజర్వేషన్‌ ప్రక్రియను కొనసాగించాలని చెప్పడంతో మండల స్థాయి అధికారులు జాబితాలను తయారు చేశారు. దీనిపై సంబంధిత ఆర్‌డీఓలు సంతకాలు కూడా చేశారు. కొన్ని గంటలు గడకవక ముందే రిజర్వేషన్‌ ప్రక్రియ రొటేషన్‌ పద్ధతిపై కాకుండా మొదటి నుంచి ప్రారంభించారు. ఇక్కడే జాబితాల తారుమారు వ్యవహారానికి తెర తీశారు. ముఖ్యంగా కూడేరు, రాప్తాడు తదితర మండలాల్లో ఎంపీటీసీల రిజర్వేషన్‌లకు సంబంధించి గెజిట్‌ జాబితాకు సంబంధం లేకుండా మరో జాబితా వాట్సప్‌లలో చక్కర్లు కొట్టింది. కూడేరు మండలం చోళసముద్రం, కొర్రకోడు ఎంపీటీసీ స్థానాల విషయంలో విభిన్నమైన రిజర్వేషన్లు వెలుగుచూశాయి. మొదటి గెజిట్‌ జాబితాలో చోళసముద్రం అన్‌రిజ్వరుడ్‌ మహిళకు కేటాయించగా, కొర్రకోడు స్థానం ఎస్సీ మహిళకు కేటాయించారు. రెండు రోజుల తరువాత అధికారులు విడుదల చేసిన మరో జాబితాలో చోళసముద్రం ఎస్సీ మహిళకు, కొర్రకోడు స్థానం అన్‌రిజర్వుడ్‌ మహిళకు కేటాయించారు. దీనిపై తీవ్ర గందరగోళం నెలకొంది. జిల్లాలో మహిళా రిజర్వేషన్ల స్థానాలు తక్కువ కావడం వల్ల ఇలా పలుమార్లు తమ జాబితాలు మారాయని కొందరు అధికారులు వెల్లడించడం గమనార్హం. వాట్సప్‌లలో చక్కర్లు కొడుతున్న ఎంపీటీసీ రిజర్వేషన్ల జాబితా కూటమి నేతల కుట్రలంటూ ఆరోపణలు అలాంటిదేంలేదంటున్న అధికారులు గెజిట్‌ జాబితానే సరైనది కూడేరు మండలం ఎంపీటీసీ రిజరేషన్లకు సంబంధించి జిల్లా ఎన్నికల అధికారి ద్వారా గెజిట్‌ అయిన జాబితానే సరైంది. దీని ప్రకారమే ఎన్నికలు నిర్వహిస్తాం. ఈ విషయంలో అభ్యర్థులు ఎవరూ ఆందోళన చెందాల్సిన అవసరం లేదు. – సాజిదా బేగం, కూడేరు రిటర్నింగ్‌ అధికారిజాబితా తారుమారు.. గందరగోళంగా ఎంపీటీసీ రిజర్వేషన్ల జాబితా

● మనస్తాపంతో టీడీపీ పట్టణ అధ్యక్షుడు గుణశేఖర్‌ రాజీనామా గుంతకల్లు: మున్సిపల్‌ చైర్మన్‌ టికెట్‌ కేటాయింపులో టీడీపీ పట్టణ అధ్యక్షుడు ముక్కన్నగారి గుణశేఖర్‌కు భంగపాటు ఎదురైంది. మరొకరికి టికెట్‌ కేటాయించడంతో మనస్తాపం చెందిన ఆయన ఆదివారం తన పదవికి రాజీనామా చేశారు. ఈ సందర్భంగా మీడియాతో మాట్లాడుతూ టీడీపీ ఆవిర్భావం నుంచి తన తండ్రి ముక్కన్న పార్టీకి సేవలందించారన్నారు. జిల్లా అధ్యక్షుడిగా, గుంతకల్లు మున్సిపల్‌ చైర్మన్‌గా 1996–97లో కొనసాగినట్లు వివరించారు. ఆ తర్వాత తన అన్న రామాంజినేయులు కూడా పట్టణ అధ్యక్షుడిగా సేవలందించారని గుర్తు చేశారు. తాను క్లస్టర్‌ ఇన్‌చార్జ్‌గా, కౌన్సిలర్‌గా, ప్రసుత్తం పట్టణ అధ్యక్షుడిగా సేవలందించానని చెప్పారు. మున్సిపల్‌ చైర్మన్‌ స్థానం బీసీ మహిళకు రిజర్వు కావడంతో.. తన మరదలు బోయ రాజేశ్వరికి టికెట్‌ కేటాయించాలని ఎమ్మెల్యే గుమ్మనూరు జయరాం ద్వారా అధిష్టానానికి నివేదించామన్నారు. తమకు సీటు కన్ఫర్మ్‌ అయినట్లు ఐవీఆర్‌ఎస్‌ ద్వారా తెలిపారని, తీరా చూస్తే ఎమ్మెల్యే జితేంద్రగౌడ్‌ కోడలు యశోద పేరు అధికారికంగా ప్రకటించారని ఆవేదన వ్యక్తం చేశారు. ఇలా చేయడం ఎంతవరకు సమంజసమని ప్రశ్నించారు. అందుకే తన మరదలను రెబల్‌ అభ్యర్థిగా బరిలోకి దింపుతున్నట్లు ప్రకటించారు. తన తండ్రి ముక్కన్న, ముఖ్యమంత్రి చంద్రబాబు ఫొటోలు పెట్టుకుని ఓట్లు అభ్యర్థిస్తామని చెప్పారు. కోడ్‌ ఉల్లంఘించి.. నామినేషన్‌ కేంద్రంలోకి కళ్యాణదుర్గం: మున్సిపల్‌ ఎన్నికల నామినేషన్ల ప్రక్రియ చివరి రోజైన ఆదివారం టీడీపీ శ్రేణులు అత్యుత్సాహం చూపారు. నామినేషన్‌ కేంద్రం వద్ద అధికార బలంతో బారికేడ్లను తోసుకుంటూ లోపలికి వెళ్లేందుకు ప్రయత్నించారు. కళ్యాణదుర్గం మున్సిపల్‌ చైర్మన్‌, కౌన్సిలర్‌ స్థానాలకు ఆశావహులు నామినేషన్లను దాఖలు చేశారు. ఈ క్రమంలో నామినేషన్‌ కేంద్రం వద్దకు టీడీపీ ఎమ్మెల్యే అమిలినేని సురేంద్రబాబు రాగానే ఆయన అనుచరులు, పార్టీ కార్యకర్తలు ఒక్కసారిగా కేంద్రం వైపు దూసుకొచ్చారు. ఎన్నికల నిబంధనల ప్రకారం నామినేషన్‌ కేంద్రానికి 100 మీటర్ల దూరంలో ఉండాల్సిన పార్టీ శ్రేణులు హద్దులు దాటి వచ్చారు. ఎన్నికల కోడ్‌ ఉన్నప్పటికీ నామినేషన్‌ కేంద్రం సమీపంలోకి డీజే వాహనాలను, ఇతర వాహనాలను అనుమతించడం పలు విమర్శలకు తావిస్తోంది.

బ్రహ్మసముద్రం: తేనెటీగల దాడిలో గాయపడి చికిత్స పొందుతూ ఓ ఉపాధ్యాయుడు మృతి చెందాడు. పోలీసులు తెలిపిన వివరాలు.. వేపులపర్తి గ్రామంలో దసరా ఉత్సవాల్లో భాగంగా శనివారం క్రికెట్‌ టోర్నీ నిర్వహించారు. గ్రామానికి చెందిన దివ్యాంగ ఉపాధ్యాయుడు గణేష్‌ (34) క్రికెట్‌ మ్యాచ్‌ చూడటానికి ఇతరుల బైక్‌పై వెళ్లాడు. మ్యాచ్‌ సందడితో సమీపంలోని చింతచెట్టులో ఉన్న తేనెటీగలు ఒక్కసారిగా లేచి అక్కడున్న వారిపై దాడి చేశాయి. ఈక్రమంలో అక్కడున్న వారంతా తప్పించుకుని పారిపోయారు. అయితే గణేష్‌ అక్కడే ఉండిపోవడంతో తీవ్రంగా గాయపడ్డాడు. స్థానికులు హుటాహుటిన రాయదుర్గం, ఆ తర్వాత బళ్లారి ప్రభుత్వాస్పత్రికి తీసుకెళ్లారు. చికిత్స ఫలించకపోవడంతో అక్కడే మృతి చెందాడు. గుమ్మఘట్ట మండలం బీటీపీ గ్రామంలో సెకండరీ గ్రేడ్‌ ఉపాధ్యాయుడిగా పని చేస్తున్నాడు. మృతుడికి భార్య నాగమణి, కుమారుడు విహాన్‌, 18 నెలల కుమార్తె ఉన్నారు. ఉపాధ్యాయుడి మృతితో గ్రామంలో విషాదఛాయలు అలుమకున్నాయి.

సాక్షి ప్రతినిధి, అనంతపురం: స్థానిక సంస్థల ఎన్నికలను స్వేచ్ఛగా, నిష్పక్షపాతంగా, పారదర్శకంగా నిర్వహించాల్సిన అధికారులు అధికార పార్టీ కనుసన్నల్లో నడుచుకున్నారు. వారి అడుగులకు మడుగులు ఒత్తుతూ జీ హుజూర్‌ అంటూ సాగిలపడ్డారు. పోలీసులు పూర్తి ఏకపక్షంగా వ్యవహరిస్తూ ప్రజాస్వామ్యానికే పాతరేసేలా ప్రవర్తించారు. జిల్లాలో గుత్తి, తాడిపత్రిలో జరిగిన ఘటనలే ఇందుకు ఉదాహరణగా నిలుస్తున్నాయి. మీ కాళ్లు మొక్కుతాం.. నామినేషన్లు వేసేందుకు సహకరించండి అని పోలీసులను వేడుకున్నా స్పందించలేదంటే పరిస్థితి ఎలా ఉందో అర్థం చేసుకోవచ్చు. గుత్తి మున్సిపాలిటీని ఎలాగైనా దక్కించుకోవాలని లక్ష్యంగా పెట్టుకున్న ఎమ్మెల్యే గుమ్మనూరు జయరాం తన అనుచరులను ప్రతిపక్ష వైఎస్సార్‌సీపీ అభ్యర్థులపైకి ఉసిగొల్పారు. పట్టణంలో ఎక్కడ చూసినా టీడీపీ గూండాలే కనిపించారు. కత్తులు, రాడ్లు పట్టుకుని భయభ్రాంతులకు గురిచేశారు. 19వ వార్డు నుంచి భావమ్మ, 29వ వార్డు నుంచి రంగస్వామి నామినేషన్‌ వేసేందుకు వస్తే వారి చేతుల్లోని పత్రాలను బలవంతంగా లాక్కొని చింపేశారు. మున్సిపల్‌ చైర్‌పర్సన్‌ స్థానానికి వైఎస్సార్‌సీపీ అభ్యర్థిగా అంజల నామినేషన్‌ వేసేందుకు ఉదయం 11.30 గంటలకు కేంద్రంలోపలికి వెళ్తే.. అధికారులు దాదాపు మూడు గంటల పాటు స్పందించలేదు. విషయం తెలుసుకున్న వైఎస్సార్‌సీపీ జిల్లా ఉపాధ్యక్షురాలు నైరుతిరెడ్డి, జిల్లా నాయకుడు మంజునాథ్‌రెడ్డి గుత్తికి వచ్చి కార్యకర్తలతో కలిసి నామినేషన్‌ సెంటర్‌ (మునిసిపల్‌ కార్యాలయం)కు బయలుదేరగా.. మార్గ మధ్యంలో పోలీసులు భారీగా వచ్చి అడ్డుకున్నారు. నామినేషన్‌ కేంద్రానికి వెళ్లడానికి వీల్లేదంటూ ఆటంకాలు సృష్టించారు. వారి తీరుకు నిరసనగా వైఎస్సార్‌సీపీ శ్రేణులతో కలసి ర్యాలీగా బయలుదేరారు. నైరుతిరెడ్డితో పాటు పలువురు నాయకులను పోలీసులు బలవంతంగా జీపులో ఎక్కించుని స్టేషన్‌ వరకు తీసుకెళ్లారు. సమాచారం అందుకున్న పార్టీ శ్రేణులు భారీగా చేరుకోవడంతో వెనక్కు తగ్గిన పోలీసులు వారిని వదిలిపెట్టారు. అనంతరం పోలీసుల తీరుకు నిరసనగా గాంధీ సర్కిల్‌ వద్ద రాస్తారోకో చేపట్టారు. నైరుతిరెడ్డి మాట్లాడుతూ ఎమ్మెల్యే గుమ్మనూరు జయరాం శిఖండి రాజకీయాలు చేస్తున్నారని దుయ్యబట్టారు. సిగ్గు, మానం, ధైర్యం, దమ్ము ఉంటే ఎన్నికల్లో పోటీ చేసి గెలవాలని సవాల్‌ విసిరారు. ఆందోళనతో రెండు గంటల పాటు ఉద్రిక్తత నెలకొంది. అదే సమయంలోనే స్థానిక వ్యవసాయ మార్కెట్‌ యార్డు వద్ద వైఎస్సార్‌సీపీ పట్టణ ఉపాధ్యక్షుడు షఫీపై టీడీపీ మూకలు దాడి చేసి గాయపరిచాయి. ఆ తర్వాత ఎట్టకేలకు అంజల నామినేషన్‌ పత్రాలను అధికారులు స్వీకరించారు. ఎస్‌ఐ కాళ్లు పట్టుకున్నా... మునిసిపల్‌ ఎన్నికల్లో కౌన్సిలర్‌ అభ్యర్థిగా నామినేషన్‌ వేసేందుకు సహకరించాలంటూ గుత్తి పట్టణానికి చెందిన వైఎస్సార్‌ సీపీ నాయకుడు రంగస్వామి..ఎస్‌ఐ సురేష్‌ కాళ్లు పట్టుకుని వేడుకున్నారు. 29వ వార్డు ఎస్టీకి రిజర్వ్‌ అయిందని, తాను నామినేషన్‌ వేయడానికి వెళుతుంటే టీడీపీ నాయకులు పోలీసుల సమక్షంలోనే తన నామినేషన్‌ పత్రాలు లాక్కుని చించివేశారని ఆవేదన వ్యక్తం చేశారు. ఎలాగైనా నామినేషన్‌ వేయించాలని అభ్యర్థించారు. అయినా ఎస్‌ఐ గానీ, పోలీసులు గానీ స్పందించలేదు. గుత్తిలో నామినేషన్ల ప్రక్రియకు తూట్లు పొడిచిన ‘పచ్చ’ గూండాలు వైఎస్సార్‌సీపీ అభ్యర్థులెవరూ కేంద్రానికి రాకుండా అడ్డగింత పోటీ చేస్తే చంపేస్తామంటూ కత్తులు, రాడ్లతో బెదిరింపులు నామినేషన్లు వేసేందుకు సహకరించాలని పోలీసుల కాళ్లు పట్టుకుని అభ్యర్థుల వేడుకోలు తాడిపత్రిలోనూ అరాచకంగా వ్యవహరించిన జేసీ అనుచరులు జేసీ నేతృత్వంలో నామినేషన్‌ కేంద్రం దిగ్బంధం తాడిపత్రి నామినేషన్‌ కేంద్రాన్ని ఆదివారం జేసీ ప్రభాకర్‌రెడ్డి ‘పచ్చ’ మూకలతో అష్టదిగ్బంధం చేశారు. వందలాది మందితో కాపలా పెట్టి.. వైఎస్సార్‌సీపీ అభ్యర్థులు నామినేషన్‌ దాఖలు చేయకుండా చేశారు. దీంతో 14, 32 , 33, 45, 11వ వార్డులకు వైఎస్సార్‌సీపీ అభ్యర్థులు నామినేషన్‌లు వేయలేకపోయారు. ‘పచ్చ’ గుంపును తరిమివేయకుండా పోలీసులు ప్రేక్షకపాత్ర పోషించడం గమనార్హం. ఇక కవరేజీకి వెళ్లిన ‘సాక్షి’ విలేకరులపైకి కూడా వందలాది మంది ‘పచ్చ’ మూకలు దూసుకొచ్చాయి. ఫొటోలు తీసినా, వీడియోలు తీసినా ‘పగిలిపోతాయ్‌’ అంటూ హెచ్చరించారు. మిగిలిన కేంద్రాల్లో ప్రశాంతం అనంతపురం మున్సిపల్‌ కార్పొరేషన్‌తో పాటు గుంతకల్లు, కళ్యాణదుర్గం మున్సిపాలిటీలలో నామినేషన్‌ ప్రక్రియ ప్రశాంతంగా ముగిసింది. అనంతపురం కార్పొరేషన్‌ పరిధిలోని 62 డివిజన్లకు గాను వివిధ పార్టీల అభ్యర్థులు, స్వతంత్రులు నామినేషన్లు సమర్పించారు. కౌన్సిలర్‌ అభ్యర్థి ఇంటిపై దాడి.. తాడిపత్రిటౌన్‌: పట్టణంలో ఆదివారం రాత్రి వైఎస్సార్‌సీపీ కౌన్సిలర్‌ అభ్యర్థులను లక్ష్యంగా చేసుకుని పది మంది ‘పచ్చ’ గూండాలు ద్విచక్రవాహనాల్లో తిరుగుతూ దౌర్జన్యకాండ సాగించారు. 24వ వార్డు అభ్యర్థి కొట్ల షఫీ ఇంటిపై దాడి చేసి, ఫర్నీచర్‌ను ధ్వంసం చేశారు. ఒకటో వార్డు అభ్యర్థి మహమ్మద్‌ జాఫర్‌ అలియాస్‌ చిట్టీ అన్న మాబ్బాషాను బండా మసీదు వద్ద బలవంతంగా కిడ్నాప్‌ చేసి తీసుకెళ్లారు. అలాగే కొంతమంది మహిళా అభ్యర్థులను, క్యాండెట్‌లను బలపరిచిన వ్యక్తులపై బెదిరింపులకు పాల్పడినట్లు తెలిసింది. వైవీఆర్‌ను అడ్డుకున్న పోలీసులు గుత్తి/ గుత్తి రూరల్‌: గుత్తిలో చివరి రోజైన ఆదివారం వైఎస్సార్‌సీపీ కౌన్సిలర్‌ అభ్యర్థుల నామినేషన్‌ పత్రాలను టీడీపీ గూండాలు చించివేసి వెనక్కు పంపుతున్నారని తెలిసి మాజీ ఎమ్మెల్యే వై.వెంకటరామిరెడ్డి గుంతకల్లు నుంచి బయలుదేరారు. విషయం తెలుసుకున్న పోలీసులు గుత్తి మండలం నాగసముద్రం క్రాస్‌ వద్ద బారికేడ్లు, పోలీసు జీపులను అడ్డు పెట్టి మాజీ ఎమ్మెల్యే కాన్వాయ్‌ను అడ్డుకున్నారు. కారు దిగిన వెంకటరామిరెడ్డి గుత్తికి నడిచి వెళ్లేందుకు సిద్ధమవ్వగా పోలీసులు పెద్ద సంఖ్యలో చుట్టుముట్టి కదలనీయలేదు. వాహనాల్లో కాకుండా బైక్‌పై ఒక్కడే వెళ్తానని కోరినా పోలీసులు అనుమతించలేదు. దీంతో వైఎస్సార్‌సీపీ కార్యకర్తలు, పోలీసుల మధ్య వాగ్వాదం చోటు చేసుకుంది. అనంతరం పోలీసుల తీరును నిరసిస్తూ కార్యకర్తలతో కలిసి మాజీ ఎమ్మెల్యే రోడ్డుపైనే ధర్నా చేశారు. వడ్డీతో సహా చెల్లిస్తాం.. చంద్రబాబు ప్రభుత్వ చేతగాని పాలనతో రాష్ట్రం అధోగతి పాలైందని మాజీ ఎమ్మెల్యే వై.వెంకటరామిరెడ్డి అన్నారు. స్థానిక సంస్థల ఎన్నికల్లో గెలవలేమని తెలిసి.. టీడీపీ నాయకులు అడ్డదారులు తొక్కుతూ.. దాడులు, దౌర్జన్యాలు, బెదిరింపులతో ప్రజాస్వామ్యాన్ని ఖూనీ చేస్తూ.. వైఎస్సార్‌సీపీ అభ్యర్థులు నామినేషన్లు వేయకుండా అడ్డుకుంటున్నారని ధ్వజమెత్తారు. దీనికి మూల్యం చెల్లించుకునే రోజు తప్పకుండా వస్తుందన్నారు. తమకూ సమయం వస్తుందని, అధికారంలోకి వచ్చాక వడ్డీతో సహా చెల్లిస్తామని స్పష్టం చేశారు. ప్రజలు తిరగబడి కూటమి నాయకులను రాళ్లతో కొట్టే రోజులు దగ్గర పడ్డాయని హెచ్చరించారు. గుత్తిలో తారస్థాయికి రౌడీయిజం..

కూడేరు: శ్రమకు తగిన వేతనం ఇవ్వాలని, పెండింగ్‌ వేతనాలు వెంటనే ఇవ్వాలని, సమస్యలు పరిష్కరించాలని డిమాండ్‌ చేస్తూ పీఏబీఆర్‌ డ్యాం వద్దనున్న సత్యసాయి తాగునీటి ప్రాజెక్టు ఎదుట కార్మికులు గడ్డి తింటూ శనివారం వినూత్నంగా నిరసన తెలియజేశారు. తమ డిమాండ్ల సాధనకై తొలి రోజు ప్రాజెక్ట్‌ ముందు నిరవధిక సమ్మె ప్రారంభించారు. ఈ సందర్భంగా కార్మిక సంఘం నేతలు మాట్లాడుతూ నాలుగు నెలలుగా వేతనాలు అందక కుటుంబ పోషణ భారమైందన్నారు. పండగ పూట పస్తులుండాల్సిన పరిస్థితి వచ్చిందన్నారు. ప్రభుత్వం , సంబంధిత ఉన్నతాధికారులు స్పందించి పెండింగ్‌లో ఉన్న వేతనాలు, ఇతర సమస్యలు పరిష్కరించాలని వారు కోరారు. కార్యక్రమంలో సంఘం నేతలు శ్రీనివాసులు, గోవిందరాజులు, ఉదయ్‌, ఈశ్వరయ్య, శ్రీనివాసనాయక్‌, కార్మికులు తదితరులు పాల్గొన్నారు. దివ్యాంగులకు ఎన్నికల విధుల నుంచి మినహాయింపు అనంతపురం ఎడ్యుకేషన్‌: స్థానిక సంస్థల ఎన్నికల విధుల కేటాయింపులో దివ్యాంగ ఉద్యోగులకు సాధ్యమైనంత వరకు మినహాయింపు ఇవ్వాలని, ఓటు హక్కు వినియోగించుకునేందుకు అవసరమైన సౌకర్యాలు కల్పించాలని ఆంధ్రప్రదేశ్‌ రాష్ట్ర ఎన్నికల సంఘం సూచించింది. ఈ మేరకు రాష్ట్ర ఎన్నికల సంఘం కార్యదర్శి డాక్టర్‌ ఎ.మల్లికార్జున జిల్లా కలెక్టర్లు, జిల్లా ఎన్నికల అధికారులకు లేఖ జారీ చేశారు. ఆంధ్రప్రదేశ్‌ దృష్టి లోపం ఉన్న ఉద్యోగుల సంఘం ప్రతినిధులు దివ్యాంగుల సమస్యలను రాష్ట్ర ఎన్నికల సంఘం దృష్టికి తీసుకెళ్లారు. రానున్న స్థానిక సంస్థల ఎన్నికల్లో దివ్యాంగ ఉద్యోగులు, సిబ్బందికి ఎన్నికల విధుల నుంచి మినహాయింపు ఇవ్వాలని, రాష్ట్ర వ్యాప్తంగా దివ్యాంగ ఓటర్లకు అందుబాటులో ఉండే ఓటింగ్‌ సదుపాయాలు కల్పించాలని కోరుతూ వినతిపత్రం సమర్పించారు. ఈ వినతిని పరిశీలించిన రాష్ట్ర ఎన్నికల సంఘం, సాధ్యమైనంత వరకు దివ్యాంగులకు ఎన్నికల విధుల నుంచి మినహాయింపు ఇవ్వాలని జిల్లా అధికారులకు సూచించింది. అదే సమయంలో దివ్యాంగ ఓటర్లు తమ ఓటు హక్కును సులభంగా వినియోగించుకునేలా అవసరమైన, అందుబాటులో ఉండే సౌకర్యాలను ఏర్పాటు చేయాలని కోరింది. మున్సిపల్‌ ఎన్నికలు సజావుగా నిర్వహించాలి కళ్యాణదుర్గం రూరల్‌: మున్సిపల్‌ ఎన్నికలు సజావుగా నిర్వహించాలని అధికారులను జాయింట్‌ కలెక్టర్‌ విష్ణుచరణ్‌ ఆదేశించారు. శనివారం పట్టణంలోని మున్సిపల్‌ కార్యాలయలోని నామినేషన్‌ ప్రక్రియను, డిగ్రీ కాలేజ్‌లోని స్ట్రాంగ్‌రూంను అధికారులతో కలిసి ఆయన పరిశీలించారు. మున్సిపల్‌ ఎన్నికలు పకడ్బందీగా నిర్వహించాలన్నారు. శాంతిభద్రతలకు విఘాతం కలిగిస్తే చట్టప్రకారం చర్యలు తప్పవని హెచ్చరించారు. కార్యక్రమం ఆర్‌డీఓ వసంత్‌బాబు, మున్సిపల్‌ కమిషనర్‌ మంజుల, ఎన్నికల ప్రత్యేక అధికారి భాస్కర్‌, అధికారులు పాల్గొన్నారు. ఎన్నికల విధుల నుంచి మినహాయింపు ఇవ్వాలి అనంతపురం ఎడ్యుకేషన్‌: స్థానిక సంస్థల ఎన్నికల విధుల కేటాయింపులో ప్రత్యేక పరిస్థితుల్లో ఉన్న ఉపాధ్యాయులు, ఉద్యోగులకు మినహాయింపు ఇవ్వాలని ఆంధ్రప్రదేశ్‌ ఉపాధ్యాయ సంఘం (ఆపస్‌) జిల్లా అధ్యక్షురాలు కళ్యాణి, ప్రధాన కార్యదర్శి ఎర్రిస్వామి కోరారు. ఈ మేరకు శనివారం ఓ ప్రకటన విడుదల చేశారు. ఆరోగ్య సమస్యలు, కుటుంబ పరిస్థితులు, వయోభారం తదితర అంశాలను పరిగణనలోకి తీసుకొని మానవీయ దృక్పథంతో నిర్ణయం తీసుకోవాలని కోరారు. కేన్సర్‌, గుండె శస్త్రచికిత్సలు చేయించుకున్నవారు. కిడ్నీ సంబంధిత దీర్ఘకాలిక వ్యాధులతో బాధపడుతున్న ఉపాధ్యాయులు, ఉద్యోగులకు ఎన్నికల విధుల నుంచి మినహాయింపు ఇవ్వాలని కోరారు. తీవ్ర అంగవైకల్యం కలిగిన వారి ఆరోగ్య పరిస్థితులను కూడా పరిగణనలోకి తీసుకోవాలని సూచించారు. గర్భిణులు, బాలింతలుగా ఉన్న మహిళా ఉపాధ్యాయులు, ఉద్యోగులకు ఎన్నికల విధుల కేటాయింపులో వెసులుబాటు కల్పించాలని కోరారు. 60 ఏళ్లు పైబడిన ఉపాధ్యాయులు, ఉద్యోగుల వయస్సు, ఆరోగ్య పరిస్థితులను దృష్టిలో ఉంచుకొని తగిన నిర్ణయం తీసుకోవాలని కోరారు.

అనంతపురం ఎడ్యుకేషన్‌: ఆంధ్రప్రదేశ్‌ వైఎస్సార్‌ టీచర్స్‌ అసోసియేషన్‌ (ఏపీ వైఎస్‌ఆర్‌టీఏ) రాష్ట్ర గౌరవ అధ్యక్షుడు అశోక్‌ కుమార్‌రెడ్డిపై విధించిన సస్పెన్షన్‌ను వెంటనే ఎత్తేయాలని ఆ సంఘం అనంతపురం జిల్లా శాఖ డిమాండ్‌ చేసింది. ఈ మేరకు జిల్లా విద్యాశాఖ అధికారి అయ్యుబ్‌ హుస్సేన్‌కు శనివారం వినతిపత్రం అందజేసింది. ఉపాధ్యాయ అర్హత పరీక్ష (టెట్‌)ను రద్దు చేయాలని కోరుతూ కేంద్ర విద్యాశాఖ మంత్రికి వినతిపత్రం అందజేసేందుకు అశోక్‌ కుమార్‌ రెడ్డి ప్రయత్నించారని సంఘం ప్రతినిధులు తెలిపారు. అయితే ఆయన డీఎస్సీకి సంబంధించి వినతిపత్రం ఇచ్చినట్లు భావించి సస్పెండ్‌ చేయడం అన్యాయమని నేతలు అన్నారు. ఈ విషయంలో వాస్తవాలను డీఈఓకు వివరించి, సస్పెన్షన్‌ నిర్ణయాన్ని పునఃపరిశీలించి వెంటనే ఎత్తేయాలని కోరారు. డీఈఓను కలిసిన వారిలో వైఎస్సార్‌టీఏ జిల్లా అధ్యక్షుడు నాగిరెడ్డి, రాష్ట్ర కార్యనిర్వాహక అధ్యక్షుడు గోవిందరెడ్డి, రాష్ట్ర ఉపాధ్యక్షులు వెంకటరమణప్ప, విశ్వనాథరెడ్డి, రవీంద్రారెడ్డి ఉన్నారు.

● ద్విచక్ర వాహనంపై వెళ్తుండగా ప్రమాదం ఉరవకొండ: మండలంలోని చిన్నముష్టూరు సమీపంలో 42వ జాతీయ రహదారిపై ద్విచక్ర వాహనాన్ని కంటైనర్‌ ఢీకొనడంతో మహేశ్వరమ్మ అనే మహిళకు తీవ్ర గాయాలయ్యాయి. వివరాలు.. ఉరవకొండ నుంచి చిన్నముష్టూరుకు మహేశ్వరమ్మ ద్విచక్ర వాహనంపై తన బంధువుతో కలిసి వెళ్తుండగా..అనంతపురం నుంచి బళ్లారి వెళ్తున్న కంటైనర్‌ వేగంగా వచ్చి ఢీకొనింది. దీంతో మహేశ్వరమ్మ రెండు కాళ్లపైన టైరు వెళ్లడంతో తీవ్ర గాయాలయ్యాయి.ఆమెను 108 వాహనం లో ఉరవకొండ ప్రభుత్వాస్పత్రికి తరలించగా, అత్యవసర చికిత్స కోసం అనంతపురానికి తరలించారు. చిన్నముష్టూరు గ్రామస్తుల రాస్తారోకో... జాతీయ రహదారిపై వేగంగా వాహనాలు వెళ్తుండడంతోనే తరచూ ప్రమాదాలు చోటుచేసుకుంటున్నాయని చిన్నముష్టూరు గ్రామస్తులు 42వ జాతీయ రహదారిపై శనివారం రాస్తారోకో చేశారు. గ్రామస్తులు మాట్లాడుతూ భయం భయంగా రోడ్డు దాటాల్సి వస్తోందని, గతంలో అనేక ప్రమాదాలు చోటు చేసుకున్నాయని అన్నారు. స్పీడ్‌ బ్రేకర్లు ఏర్పాటు చేయాలని డిమాండ్‌ చేశారు. హైవేపై ట్రాఫిక్‌కు అంతరాయం కలగడంతో పోలీసులు గ్రామస్తులకు నచ్చజెప్పి, రాస్తారోకో విరమింపజేశారు.

రాజకీయ రంగంలోకొస్తే ‘గౌరవం’తోపాటు ప్రజాసేవ చేయొచ్చని భావించారు.. ప్రజాస్వామ్య పద్ధతిలో రాజ్యాంగ బద్ధ్దంగా ప్రజాప్రతినిధులుగా ఎన్నికయ్యారు.. అంతే పట్టుదలతో పదవీకాలాన్ని సంపూర్ణంగా పూర్తి చేశారు.. అయితే చంద్రబాబు సర్కారు నిర్లక్ష్యంతో జెడ్పీ ప్రాదేశిక సభ్యులకు గౌరవ వేతనం అందలేదు.. పదవీకాలం పూర్తయ్యేలోపు కూడా వేతనం అందకపోవడంతో ఈసురోమంటున్నారు. తిరిగి స్థానిక సంస్థల ఎన్నికలు వచ్చినా బకాయిల విడుదల విషయంపై ప్రభుత్వం స్పందించలేదని నిట్టూరుస్తున్నారు. అనంతపురం న్యూటౌన్‌: ఉమ్మడి అనంతపురం జిల్లాలో మొత్తం 63 మంది జిల్లా పరిషత్‌ ప్రాదేశిక సభ్యులు ఉండేవారు. వీరిలో బోయ గిరిజమ్మ జిల్లా ప్రజా పరిషత్‌ చైర్‌ పర్సన్‌ గానూ, తక్కిన 62 మంది సభ్యులుగా కొనసాగారు. జిల్లా పరిషత్‌ చైర్‌ పర్సన్‌కు నెలవారి గౌరవ వేతనంగా రూ. 8 వేలు చెల్లించాల్సి ఉంటుంది. అదే సమయంలో జెడ్పీటీసీలకు నెలకు రూ.6వేలు గౌరవ వేతనం అందుతుంది. ఈ లెక్కన ఒక చైర్‌ పర్సన్‌, 62 మంది జెడ్పీటీసీలకు కలిపి ఏడాదికి రూ. 50 లక్షలా 88 వేల గౌరవ వేతనం కింద ప్రభుత్వం చెల్లించాల్సి ఉంది. చంద్రబాబు ప్రభుత్వం అధికారంలోకొచ్చినప్పటి నుంచి అంటే గత 30 నెలలుగా జిల్లా ప్రాదేశిక సభ్యులకు ఎలాంటి గౌరవ వేతనం చెల్లించలేదు. ఉమ్మడి అనంతపురం జిల్లాలోని మొత్తం జెడ్పీటీసీలకు గౌరవ వేతన బకాయి ఇప్పటివరకు రూ. కోటి 72 లక్షలా 59 వేలా 949 అందాల్సి ఉంది. ఇప్పటికై నా అందేనా..!? 2024–25 ఆర్థిక సంవత్సరానికి సంబంధించి రూ. 50 లక్షలా 88వేలు, అలాగే 25–26 కు సంబంధించి అంతే మొత్తం అంటే రూ.50 లక్షలా 88వేలతో పాటు 26–27 సంబంధించి సభ్యుల పదవీకాలం ముగిసేంతవరకు చెల్లించాల్సిన మొత్తం ఇప్పట్లో ప్రభుత్వం విడుదల చేసే అవకాశాలు ఎంత మాత్రం కనిపించలేదు. మరోవైపు స్థానిక సంస్థల ప్రజాప్రతినిధులకు చెల్లించాల్సిన గౌరవ వేతనం బడ్జెట్లో చూపించిన మొత్తాలు విడుదలవుతున్నా తిరిగి వెనక్కి వెళ్లడం అంతుపట్టని రహస్యంగామారింది. 2024–25 ఆర్థిక సంవత్సరంలో ప్రభుత్వం రూ.52 లక్షల పైచిలుకు గౌరవ వేతనాలను విడుదల చేసినట్లు నివేదికలు తేటతెల్లం చేస్తున్నాయి. అదేవిధంగా 25–26 ఆర్థిక సంవత్సరంలో రూ. 51లక్షలా 16 వేలా280 నిధులు విడుదలయ్యాయి. అయితే ఆ నిధులు స్థానిక సంస్థల ప్రజాప్రతినిధులకు వేతనాల రూపంలో చెల్లించలేదు. అదే సమయంలో ఆ నిధులన్నీ తిరిగి ప్రభుత్వ ఖాతాకు జమ కావడం గమనార్హం. ఉమ్మడి అనంత జెడ్పీ ప్రాదేశిక సభ్యుల వివరాలు.. జెడ్పీటీసీలకు అందని గౌరవ వేతనం గత నెలలోనే ముగిసిన పదవీకాలం రూ. 1.72 కోట్ల మేర బకాయిలు పట్టించుకోని చంద్రబాబు ప్రభుత్వం

● ‘అనంత’ను కలిసి కృతజ్ఞతలు తెలిపిన రమేష్‌ గౌడ్‌ అనంతపురం: మేయర్‌ అభ్యర్థిగా రమేష్‌గౌడ్‌ను ఖరారు చేయడంతో వైఎస్సార్‌సీపీ శ్రేణుల్లో నూతనోత్సాహం కనిపిస్తోంది. పార్టీ కోసం క్రమశిక్షణ, నిబద్ధతతో పనిచేసినందుకు తగిన గుర్తింపు దక్కిందని ఆనందం వ్యక్తం చేస్తున్నాయి. శనివారం పార్టీ జిల్లా అధ్యక్షుడు, మాజీ ఎమ్మెల్యే అనంత వెంకటరామిరెడ్డిని ఆయన నివాసంలో రమేష్‌గౌడ్‌ మర్యాదపూర్వకంగా కలిశారు. తనపై నమ్మకంతో మేయర్‌ అభ్యర్థిగా అవకాశం కల్పించిన వైఎస్సార్‌సీపీ అధినేత జగన్‌మోహన్‌రెడ్డికి, జిల్లా నేతలకు ప్రత్యేక కృతజ్ఞతలు తెలిపారు. నగరంలోని నాయకులు, కార్యకర్తలు, విభాగాలు, ప్రజాసంఘాలు, వార్డు ఇన్‌చార్జ్‌లు అందరినీ సమన్వయం చేసుకుంటూ, కలసికట్టుగా గెలుపే లక్ష్యంగా ప్రచారం నిర్వహిస్తామని తెలిపారు. అభివృద్ధికి కట్టుబడి ఉన్నాం నగరంలో మౌలిక సదుపాయాల కల్పన, విద్యా వసతులు, డ్రెయినేజీ వ్యవస్థ ఆధునీకరణ, తాగునీటి ఎద్దడి నివారణే ధ్యేయంగా పనిచేస్తామని వైఎస్సార్‌సీపీ జిల్లా అధ్యక్షుడు అనంత వెంకటరామిరెడ్డి తెలిపారు. యువకుడు, విద్యా వంతుడైన రమేష్‌గౌడ్‌కు అందరూ మద్దతిచ్చి భారీ మెజార్టీతో మేయర్‌గా గెలిపించాలని కోరారు.

రాప్తాడు రూరల్‌: ఎదురుగా వస్తున్న వాహనం లైట్ల వెలుతురు కళ్లపై పడటంతో బైకుపై వెళ్తున్న మహమ్మద్‌ జాఫర్‌ (24) అదుపుతప్పి కిందపడి మృతి చెందాడు. ఈ ఘటన శుక్రవారం రాత్రి అనంతపురం రూరల్‌ మండలం కందుకూరు వద్ద చోటుచేసుకుంది. ఇటుకలపల్లి పోలీసులు తెలిపిన వివరాలు.. ధర్మవరం శాంతినగర్‌కు చెందిన మహమ్మద్‌ జాఫర్‌ మున్సిపల్‌ కార్యాలయంలో కాంట్రాక్టు ఉద్యోగిగా పనిచేస్తున్నాడు.వ్యక్తిగత పనిపై బైకుపై అనంతపురం వెళ్లి.. తిరిగి స్నేహితులతో కలిసి రాత్రి ధర్మవరం బయల్దేరాడు. మార్గమధ్యంలో కందుకూరు గ్రామం దాటిన తర్వాత వర్షం పడుతోంది. ఆ సమయంలో ఎదురుగా వస్తున్న వాహన లైట్ల వెలుతురు జాఫర్‌ కళ్లపై పడింది. దీంతో ఒక్కసారిగా బ్రేక్‌ వేయగా, బైకు అదుపుతప్పి బోల్తా పడింది. ఈ ప్రమాదంలో తలకు బలమైన గాయాలు కావడంతో జాఫర్‌ అక్కడికక్కడే మృతి చెందాడు. ఇటుకలపల్లి పోలీసులు ఘటనా స్థలాన్ని పరిశీలించి, మృతదేహాన్ని అనంతపురం సర్వజనాస్పత్రికి తరలించారు. జాఫర్‌ వద్ద లభించిన వివరాల ఆధారంగా కుటుంబ సభ్యులకు సమాచారమందించారు. శనివారం ఉదయం బంధువుల ఫిర్యాదు మేరకు కేసు నమోదు చేసి దర్యాప్తు చేపట్టారు.

● వైఎస్సార్‌సీపీ అభ్యర్థుల నామినేషన్ల దాఖలుకు ఆటంకాలు గుత్తి/గుత్తి రూరల్‌: అధికార తెలుగుదేశం పార్టీకి ఓటమి భయం వెంటాడుతోంది. గుత్తిలో వైఎస్సార్‌సీపీ మున్సిపల్‌ కౌన్సిలర్‌ అభ్యర్థులు నామినేషన్లు దాఖలు చేయకుండా పచ్చ కార్యకర్తలు అడ్డుకోవడమే ఇందుకు నిదర్శనం. శనివారం వైఎస్సార్‌సీపీ తరఫున పలువురు కౌన్సిలర్‌ స్థానాలకు నామినేషన్లు వేసేందుకు రాగా.. మార్గ మధ్యంలోనే టీడీపీ కార్యకర్తలు అడ్డుకున్నారు. పోలీసులు జోక్యం చేసుకుంటే.. వారిపైనా టీడీపీ కార్యకర్తలు తిరగబడ్డారు. అడ్డంకులను దాటుకుని ఆరుగురు అభ్యర్థులు నామినేషన్లు దాఖలు చేశారు. అయితే ఇందులో నాలుగింటిని ఆమోదించి.. రెండింటిని తిరస్కరించారు. నామినేషన్లు ఎందుకు తిరస్కరించారో మాత్రం అధికారులు చెప్పడం లేదు. మాజీ ఎమ్మెల్యేను అడ్డుకున్న పోలీసులు గుత్తి రూరల్‌: వైఎస్సార్‌సీపీ అభ్యర్థులను నామినేషన్లు వేయకుండా అడ్డుకుంటున్నారన్న విషయం తెలియగానే శనివారం మాజీ ఎమ్మెల్యే వై.వెంకటరామిరెడ్డి గుంతకల్లు నుంచి గుత్తికి బయల్దేరారు. సమాచారం తెలుసుకున్న పోలీసులు రజాపురం వద్దకు చేరుకుని రోడ్లపై బారికేడ్లను అడ్డుపెట్టి మాజీ ఎమ్మెల్యేను అడ్డుకున్నారు. ప్రజాస్వామ్య పద్ధతిలో ఎన్నికల్లో పోటీ చేసే హక్కు ప్రతి ఒక్కరికీ ఉంటుందని వెంకటరామిరెడ్డి పేర్కొన్నారు. నామినేషన్లు దాఖలు చేసే స్వేచ్ఛను ఎవ్వరూ అడ్డుకోరాదని పోలీసులకు సూచించారు. అభ్యర్థులను అడ్డుకుని, దాడులకు పాల్పడిన వారిపై తక్షణమే చర్యలు తీసుకోవాలని డిమాండ్‌ చేశారు. వైఎస్సార్‌సీపీ నేతలపై అక్రమ కేసులు గుత్తి పట్టణానికి చెందిన వైఎస్సార్‌ సీపీ రాష్ట్ర అధికార ప్రతినిధి గంటా నరహరితో పాటు పార్టీ నాయకులపై పోలీసులు శుక్రవారం రాత్రి ఎస్సీ, ఎస్టీ అట్రాసిటీ కేసు నమోదు చేశారు. నిందితులపై కాకుండా బాధితుడిపైనే పోలీసులు అక్రమ కేసులు నమోదు చేయడంపై విమర్శలు వస్తున్నాయి. నరహరి శుక్రవారం నామినేషన్‌ పత్రాల కోసం మునిసిపల్‌ కార్యాలయానికి వెళ్లి వస్తుండగా టీడీపీ మూకలు దాడికి పాల్పడ్డాయి. ఆయన కారు అద్దాలు ధ్వంసం చేశారు. అనుచరులపైనా దాడి చేశారు. ఈ ఘటనపై ఆయన పోలీసులకు ఫిర్యాదు చేశారు. అయితే పోలీసులు ఆ ఫిర్యాదును పక్కన పెట్టి గుత్తి ఆర్‌ఎస్‌కు చెందిన టీడీపీ నాయకుడు ఇచ్చిన ఫిర్యాదు మేరకు నరహరితో పాటు మరో పది మందిపై ఎస్సీ, ఎస్టీ అట్రాసిటీ, ఇతర సెక్షన్ల కింద ఆగమేఘాలపై కేసు నమోదు చేశారు. ఇదెక్కడి న్యాయమంటూ వైఎస్సార్‌ సీపీ నాయకులు ప్రశ్నిస్తున్నారు. పైగా గంటాపై ఫిర్యాదు చేసిన టీడీపీ నాయకుడు అసలు గొడవ జరిగిన ప్రాంతంలోనే లేడు. అలాంటప్పుడు అతను ఇచ్చిన ఫిర్యాదును ఎలా పరిగణనలోకి తీసుకుని ఎస్సీ, ఎస్టీ కేసు నమోదు చేస్తారని ఆయన ప్రశ్నిస్తున్నారు.

● విద్యార్థి సంఘాల ప్రకటన అనంతపురం: వైఎస్సార్‌సీపీ మేయర్‌ అభ్యర్థి బీసీ రమేష్‌ గౌడ్‌ విజయాన్ని ఆకాంక్షిస్తూ పలు విద్యార్థి, యువజన సంఘాలు తమ పూర్తి మద్దతును ప్రకటించాయి. శనివారం నగరంలో ఐక్య విద్యార్థి సంఘాల నాయకుల ఆధ్వర్యంలో మీడియా సమావేశం నిర్వహించారు. ఏఐఎస్‌బీ రాష్ట్ర ప్రధాన కార్యదర్శి పాపిరెడ్డిపల్లి పృథ్వీ, పీఎస్‌ఎఫ్‌ రాష్ట్ర ప్రధాన కార్యదర్శి అబ్దుల్‌ ఆలం, పీఎస్‌యూ అధ్యక్షుడు మంజుల నరేంద్ర, ఏఐఎస్‌పీ రాష్ట్ర ఉపాధ్యక్షుడు నరసింహ, ఏఐఎస్‌ఓ రాష్ట్ర ప్రధాన కార్యదర్శి నిరంజన్‌, యూఎస్‌ఎఫ్‌ఐ జిల్లా కార్యదర్శి భీమేష్‌, ఏఐఎస్‌బీ జిల్లా కార్యదర్శి పోతులయ్య, పీఎస్‌ఎఫ్‌ జిల్లా కార్యదర్శి ప్రతిభా భారతి, నాయకులు సాహిత్‌, వినోద్‌, దామూ మాట్లాడారు. 20 సంవత్సరాలుగా నగరంలో విద్యార్థుల సమస్యలపై, విద్యా రంగ అభివృద్ధిపై ఎల్లప్పుడూ ముందుండే నాయకుడు రమేష్‌గౌడ్‌ అని కొనియాడారు. ఆయన గెలుపును కోరుతూ బహిరంగంగా మద్దతు ప్రకటిస్తున్నట్లు తెలిపారు. విద్యార్థులు, యువత సమస్యల పరిష్కారంతో పాటు నగరంలో మౌలిక వసతుల కల్పన, డ్రెయినేజీ వ్యవస్థల పునర్నిర్మాణం, రక్షిత తాగునీరు, నగర సుందరీకరణ వంటి అంశాలపై రమేష్‌ గౌడ్‌ వద్ద స్పష్టమైన ప్రణాళికలు ఉన్నాయని వెల్లడించారు. ప్రజలకు అందుబాటులో ఉండే నాయకుడు, ప్రజా సంక్షేమమే ధ్యేయంగా పనిచేసే సమర్థుడు మేయర్‌ పీఠాన్ని అధిరోహిస్తేనే అనంతపురం అన్ని రంగాల్లో అభివృద్ధి చెందుతుందని అభిప్రాయపడ్డారు. నగర ప్రజలు, ముఖ్యంగా విద్యార్థి లోకం, నిరుద్యోగ యువత అంతా ఐకమత్యంతో రమేష్‌ గౌడ్‌కు తమ అమూల్యమైన ఓటు వేసి అత్యధిక మెజారిటీతో గెలిపించాలని విజ్ఞప్తి చేశారు.

అనంతపురం: స్థానిక సంస్థల ఎన్నికల్లో ఓటమి తప్పదని చంద్రబాబు ప్రభుత్వం దౌర్జన్యాలు, దాడులకు తెగబడుతోందని ఎమ్మెల్సీ మంగమ్మ విమర్శించారు. ఈ మేరకు శనివారం ఓ ప్రకటన విడుదల చేశారు. రాష్ట్రంలో స్థానిక సంస్థల ఎన్నికల ప్రక్రియ మొదలైన తొలి రోజే టీడీపీ నాయకులకు ఓటమి భయం పట్టుకుంది. క్షేత్రస్థాయిలో ప్రజల నుంచి వస్తున్న వ్యతిరేకతను చూసి జీర్ణించుకోలేక ఎలాగైనా గెలవాలనే దురాలోచనతో అధికార పార్టీ నేతలు అరాచకాలకు తెరలేపారని మండిపడ్డారు. రాయచోటి, పుంగనూరు, ధర్మవరం నియోజకవర్గాల్లో జరిగిన ఘర్షణలే ఇందుకు నిదర్శనమన్నారు. ప్రజాస్వామ్యంలో నామినేషన్‌ వేసే హక్కును కూడా కాలరాస్తున్నారని ఆగ్రహం వ్యక్తం చేశారు. ఎంపీ పెద్దిరెడ్డి మిథున్‌ రెడ్డిపై రాళ్ల దాడులు చేయడం, ఆయన భద్రతా సిబ్బందిపై విచక్షణారహితంగా దాడికి తెగబడటం అత్యంత హేయమైన చర్య అన్నారు. అంతటితో ఆగకుండా పార్టీ కార్యాలయాల్లో ఉన్న వాహనాలకు నిప్పు పెట్టి ధ్వంసం చేశారంటే చంద్రబాబు సర్కార్‌ ఎంతటి దారుణాలకు పాల్పడుతుందో అర్థం చేసుకోవచ్చన్నారు. మంత్రి లోకేష్‌ ’రెడ్‌ బుక్‌’ రాజ్యాంగం ప్రకారమే ఇవన్నీ జరుగుతున్నాయని ఆరోపించారు. శాంతిభద్రతలను కాపాడాల్సిన పోలీసులు కూడా అధికార పార్టీకి వత్తాసు పలుకుతున్నారని అన్నారు. స్థానిక సంస్థల ఎన్నికల్లో ఈ అరాచక కూటమి ప్రభుత్వానికి ప్రజలే ఓటుతో తగిన బుద్ధి చెప్పడం ఖాయమని అన్నారు.

అనంతపురం అగ్రికల్చర్‌: బహిరంగ మార్కెట్‌లో బియ్యం ధరలు ఆకాశాన్నంటుతున్నాయి. సామాన్యులు కొనలేని పరిస్థితి. ఈ నేపథ్యంలో పౌరసరఫరాల శాఖ, రైస్‌మిల్లర్ల అసోసియేషన్‌ సంయుక్త ఆధ్వర్యంలో తక్కువ ధరకు బియ్యం అందించేందుకు రైతుబజార్‌లో ప్రత్యేక కౌంటర్‌ ఏర్పాటు చేశారు. ఆధార్‌ కార్డు ఉన్న వారికి కిలో రూ.49 చొప్పున 26 కిలోల బ్యాగును రూ.1,274కు అందిస్తామని ప్రకటించారు. అయితే అవసరాలకు తగినంత నిల్వలు ఉంచడంలో ప్రభుత్వం విఫలమైంది. దీంతో నగరవాసులకు బియ్యం దొరకడం గగనమైపోయింది. సరుకు లేకపోవడంతో శుక్రవారం కౌంటర్‌ బంద్‌ చేశారు. శనివారం వస్తాయని చెప్పడంతో ఉదయం ఎనిమిది గంటలకే నగరవాసులు రైతుబజార్‌కు చేరుకున్నారు. అయితే అప్పటికి బియ్యం సరఫరా కాలేదు. ఎప్పుడు వస్తాయో తెలియదు. ఎండలో నిల్చోలేక ఆధార్‌కార్డులు, రేషన్‌కార్డులు, సంచులు క్యూలో పెట్టి.. చెట్ల కింద పడిగాపులు కాశారు. మధ్యాహ్నం 12 గంటల తర్వాత బియ్యం రావడంతో విక్రయాలు ప్రారంభించారు. రేపు ‘పరిష్కార వేదిక’ రద్దు అనంతపురం అర్బన్‌: కలెక్టరేట్‌లో ఈ నెల 19న నిర్వహించాల్సిన ప్రజాసమస్యల పరిష్కార వేదిక కార్యక్రమం రద్దు చేసినట్లు కలెక్టర్‌ ఆనంద్‌ శనివారం ఒక ప్రకటనలో తెలిపారు. మహర్నవమి, దుర్గాష్టమి, విజయదశమి సందర్భంగా ప్రభుత్వ సెలవుతో పాటు స్థానిక సంస్థల ఎన్నికల నేపథ్యంలో ‘పరిష్కార వేదిక’ రద్దు చేసినట్లు తెలిపారు. ప్రజలు ఈ విషయాన్ని గమనించాలన్నారు. వైఎస్సార్‌సీపీ మున్సిపల్‌ చైర్‌పర్సన్‌ అభ్యర్థిగా వెంకటలక్ష్మి గుంతకల్లుటౌన్‌: గుంతకల్లు మున్సిపల్‌ చైర్‌పర్సన్‌ పీఠానికి మరోసారి బీసీ – వాల్మీకి సామాజిక వర్గానికి వైఎస్సార్‌సీపీ అవకాశం కల్పించింది. చైర్‌పర్సన్‌ అభ్యర్థిగా దివంగత మాజీ ఎమ్మెల్యే గాదిలింగప్ప సతీమణి ఎన్‌.వెంకటలక్ష్మి పేరును పార్టీ శనివారం అధికారికంగా ప్రకటించింది. ఈమె గతంలో వైఎస్సార్‌సీపీ కౌన్సిలర్‌గా ఏకగ్రీవంగా ఎన్నికయ్యారు.

● ఉరివేసుకొని విద్యార్థిని ఆత్మహత్య నార్పల : ఒక్కగానొక్క కుమార్తె అని ఆ తల్లిదండ్రులు ఎంతో గారాబంగా పెంచుతున్నారు.. ఉన్నతంగా చదివిస్తే ఉజ్వల భవిష్యత్‌ ఉంటుందని ఆశించారు..అందుకు తగ్గట్టు ఆమె బాగోగులు చూసుకుంటున్నారు.. పులివెందులలో చదువుతున్న ఆమె.. దసరా సెలవులకు వస్తూ ఆలస్యంగా ఇంటికి చేరుకుందన్న కారణంతో తల్లి మందలించింది. మనస్తాపం చెందిన విద్యార్థిని..క్షణికావేశంలో ఉరివేసుకొని ప్రాణాలు తీసుకుంది. బంగారు భవిష్యత్‌కు బాటలు వేసుకోవాల్సిన వయసులో..ఉన్నపళంగా ప్రాణాలు తీసుకొని కన్నవారికి కడుపుకోత మిగిల్చింది..ఈ విషాదకర ఘటన నార్పలలో శనివారం చోటుచేసుకుంది. పోలీసులు తెలిపిన మేరకు.. మండల కేంద్రంలోని మసీదు కట్టవీధికి చెందిన నీలూరి నాగరాజు, నాగేశ్వరి దంపతులకు తేజస్విని (16) సంతానం. నాగరాజు లారీ డ్రైవర్‌గా పనిచేస్తూ కుమార్తెను ఉన్నతంగా చదివించాలనుకున్నారు. ఆమె పులివెందులలోని లయోల కళాశాలలో డిప్ల్లొమో మొదటి సంవత్సరం చదువుతోంది. దసరా సెలవులకు సొంతూరుకు వచ్చిన సమయంలో రెండుగంటలు ఆలస్యంగా వచ్చిందని తల్లి మందలించింది. మనస్తాపం చెందిన తేజస్విని.. తల్లి దుస్తులు ఆరేసేందుకు వెళ్లగా.. ఇంట్లో ఎవరూలేని సమయంలో ఫ్యాన్‌కు ఉరివేసుకుంది. కాసేపటి తర్వాత తల్లి వచ్చి చూడగా.. అప్పటికే కూతురు ఉరికి వేలాడుతూ విగతజీవిగా కనిపించింది. చేతికి ఎదిగి వచ్చిన కుమార్తె మరణించడంతో ఆ కుటుంబంలో విషాదం నిండింది. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. తేజస్విని (ఫైల్‌)

● గుంతకల్లులో పోటాపోటీగా 156 నామినేషన్లు ● అనంతపురంలో కొనసాగుతున్న నామినేషన్లు ప్రక్రియఅనంతపురంలో నామినేషన్లు వేయడానికి వెళుతున్న వైఎస్సార్‌సీపీ అభ్యర్థులు హస్తవాసి బాగుంటుందని బాలుడి చేతిలో నామినేషన్‌ పత్రాలు చిన్నారితో నామినేషన్‌ కేంద్రానికి వస్తున్న మహిళఅనంతపురం: జిల్లాలో పట్టణ స్థానిక సంస్థల (మున్సిపల్‌) ఎన్నికల నామినేషన్ల ప్రక్రియ రెండో రోజు శనివారం జోరుగా సాగింది. వివిధ రాజకీయ పార్టీలు, స్వతంత్ర అభ్యర్థులు తమ నామినేషన్లను దాఖలు చేయడానికి భారీగా తరలివచ్చారు. ప్రధానంగా కూటమి పార్టీలతో పాటు వైఎస్సార్‌సీపీ అభ్యర్థులు నామినేషన్ల దాఖలు ముమ్మరం చేశారు. ● గుంతకల్లు మున్సిపాలిటీలో పోటాపోటీ వాతావరణం నెలకొంది. రెండో రోజు 156 నామినేషన్లు దాఖలయ్యాయి. ఇందులో చైర్‌పర్సన్‌ పదవికి టీడీపీ తరఫున ఒక నామినేషన్‌ దాఖలైంది. కౌన్సిలర్‌ స్థానాలకు మొత్తం 155 నామినేషన్లు దాఖలు కాగా, ఇందులో టీడీపీ తరఫున 68, వైఎస్సార్‌సీపీ 66, జనసేన 3, సీపీఐ 1, బీజేపీ 1, బీఎస్పీ 1, కాంగ్రెస్‌ 1, స్వతంత్రులు (ఇండిపెండెంట్లు) 14 మంది నామినేషన్లు దాఖలు చేశారు. ● గుత్తి మున్సిపాలిటీలో ప్రధాన పార్టీల మధ్య ఉత్సాహం నెలకొంది. మున్సిపల్‌ కమిషనర్‌/ఎన్నికల అధికారి సురేంద్ర సమక్షంలో శనివారం మొత్తం 41 నామినేషన్లు దాఖలయ్యాయి. చైర్మన్‌ స్థానానికి ఇద్దరు స్వతంత్ర అభ్యర్థులు నామినేషన్లు వేశారు. ఇక కౌన్సిలర్‌ స్థానాలకు 39 నామినేషన్లు దాఖలు కాగా.. ఇందులో టీడీపీ 30, వైఎస్సార్‌సీపీ 4, సీపీఎం 2, బీజేపీ 1, జనసేన 1, ఇండిపెండెంట్‌గా ఒకటి చొప్పున నామినేషన్లు దాఖలయ్యాయి. ● కళ్యాణదుర్గం మున్సిపాలిటీలో 32 వార్డులకు శనివారం 17 నామినేషన్లు దాఖలయ్యాయి. టీడీపీ అభ్యర్థులు 12 చోట్ల, వైఎస్సార్‌సీపీ అభ్యర్థులు 5 చోట్ల నామినేషన్లు వేశారు. ముహూర్తం బాగోలేకపోవడం వల్ల చైర్మన్‌ స్థానానికి ప్రధాన పార్టీల అభ్యర్థులు నామినేషన్‌ వేయలేదు. ● అనంతపురం మున్సిపల్‌ కార్పొరేషన్‌లో నామినేషన్ల సందడి క్రమంగా ఊపందుకుంది. 62 డివిజన్లు ఉన్న నగరపాలక సంస్థలో శనివారం మేయర్‌ స్థానానికి ఒక్క నామినేషన్‌ కూడా దాఖలు కాలేదు. కార్పొరేటర్‌ స్థానాలకు 16 నామినేషన్లు దాఖలయ్యాయి. ఇందులో టీడీపీకి సంబంధించి 12, వైఎస్సార్‌సీపీకి సంబంధించి 4 నామినేషన్లు ఉన్నాయి. ● రాయదుర్గంలో మున్సిపల్‌ చైర్‌పర్సన్‌ స్థానానికి రెండో రోజు శనివారం ఒక నామినేషన్‌ దాఖలు కాగా, కౌన్సిలర్‌ స్థానాలకు 99 నామినేషన్లు దాఖలయ్యాయి. ఇందులో బీజేపీ 2, వైఎస్సార్‌సీపీ 40, కాంగ్రెస్‌ 2, టీడీపీ 47, సీపీఐ 1, జనసేన 4, ఏఐఎంఐఎం 2, ఇండిపెండెంట్లు –1 చొప్పున నామినేషన్లు దాఖలయ్యాయి. తాడిపత్రిలో వైఎస్సార్‌సీపీ చైర్మన్‌ అభ్యర్థిగా నామినేషన్‌ దాఖలు చేసేందుకు వెళ్తున్న ఫయాజ్‌బాషా కళ్యాణదుర్గంలో నామినేషన్‌ దాఖలు చేస్తున్న వైఎస్సార్‌సీపీ కౌన్సిలర్‌ అభ్యర్థి దీప్తి

సాక్షి ప్రతినిధి, అనంతపురం : మున్సిపల్‌ ఎన్నికల నామినేషన్ల ఘట్టం శుక్రవారం మొదలైంది. ప్రశాంత వాతావరణంలో ఈ ప్రక్రియను చేపట్టాల్సి ఉంది. కానీ, పోలీసులు ఏకపక్షంగా వ్యవహరించారు. శ్రీసత్యసాయి జిల్లా ధర్మవరంలో నామినేషన్ల ప్రక్రియ ప్రారంభమైనప్పటి నుంచి బీజేపీ రౌడీలు విధ్వంసం సృష్టించారు. ఉదయం 11.30 నుంచి సాయంత్రం 5 గంటల వరకు రాళ్లు, కర్రలు, రాడ్లతో వైఎస్సార్‌సీపీ శ్రేణులపై విరుచుకుపడ్డారు. బీజేపీ ఇన్‌చార్జ్‌ హరీష్‌ బాబు నేతృత్వంలో సుమారు 200 మంది రౌడీలు అరాచకం సృష్టించారు. వీరికి టీడీపీ గూండాలు కూడా జత కలిశారు. తీవ్రంగా గాయపడిన వైఎస్సార్‌సీపీ శ్రేణులు ధర్మవరంలో బీజేపీ – టీడీపీ గూండాల దాడిలో 22 మందికి పైగా వైఎస్సార్‌సీపీ శ్రేణులకు గాయాలయ్యాయి. వీరిలో అప్రాశ్చెర్వు ఈశ్వరయ్య, ఆదినారాయణ, బగ్గిరి బయపరెడ్డి, బాలంగోపాల్‌, గుండా ఈశ్వరయ్యకు తీవ్ర గాయాలయ్యాయి. పట్ణణంలోని బీఎస్‌ఆర్‌ మున్సిపల్‌ పాఠశాలలో నామినేషన్లు వేసేందుకు వెళుతుండగా ఈ దాడులు జరిగాయి. విషయం తెలుసుకున్న వైఎస్సార్‌సీపీ నియోజకవర్గ సమన్వయకర్త కేతిరెడ్డి వెంకటరామిరెడ్డి గాయపడిన వారిని ఆస్పత్రిలో పరామర్శించిన అనంతరం వారిని వీల్‌చైర్లలో తీసుకొచ్చి ధర్నా చేశారు. మరోవైపు మేడాపురం వెంకటేశ్‌, బాలం గోపాల్‌, ఎర్రగుంట్ల భాగ్యలక్ష్మి, మాసుపల్లి సాయికుమార్‌లు నామినేషన్లు వేసేందుకు వెళుతుండగా వారిని అడ్డగించి.. వారి పత్రాలను కూటమి గూండాలు చించేశారు. తాడిపత్రిలోనూ అవే ఆగడాలు రాష్ట్రంలోనే అత్యంత సమస్యాత్మక ప్రాంతాల్లో తాడిపత్రి ఒకటి. ఇక్కడ టీడీపీ నేత జేసీ ప్రభాకర్‌రెడ్డి బహిరంగంగానే హెచ్చరికలు చేస్తున్నా జిల్లా పోలీసు యంత్రాంగం పట్టించుకోవడం లేదు. వైఎస్సార్‌సీపీ కౌన్సిలర్‌ అభ్యర్థి వేణుగోపాల్‌ ఇంటి వద్ద టీడీపీ గూండాలు రెచ్చిపోయిన సంగతి తెలిసిందే. ప్రతిపక్షానికి భరోసా ఇవ్వడంలో పోలీసులు పూర్తిగా విఫలమవడమే కాకుండా.. అక్రమ కేసులు నమోదు చేస్తూ అగ్నికి ఆజ్యం పోసే ప్రయత్నం చేస్తున్నారు. జేసీ ప్రభాకర్‌రెడ్డి బస్తీమే సవాల్‌ అంటూ మాట్లాడిన దానికి మాజీ ఎమ్మెల్యే కేతిరెడ్డి పెద్దారెడ్డి స్పందిస్తూ జేసీ ఆగడాలను దీటుగా ఎదుర్కొంటామంటూ ప్రెస్‌మీట్‌లో మాట్లాడారు. దీనిపై పోలీసులు బీఎన్‌ఎస్‌ 192, 351(2), 223 సెక్షన్ల కింద కేసు నమోదు చేశారు. వైఎస్సార్‌సీపీ నేతల అంతుచూస్తానని పదేపదే హెచ్చరిస్తూ మాట్లాడుతున్నా జేసీపై ఇప్పటివరకు ఎలాంటి చర్యలూ తీసుకోకపోవడం గమనార్హం. కళ్యాణదుర్గంలో అధికారుల నిర్లక్ష్యం స్థానిక ఎన్నికల వేళ కళ్యాణదుర్గం మున్సిపల్‌ అధికారులు వ్యవహరించిన తీరు తీవ్ర విమర్శలకు తావిస్తోంది. టీడీపీ ఎమ్మెల్యే అమిలినేని డైరెక్షన్‌లో విధులు నిర్వర్తిస్తున్నట్లు స్పష్టమవుతోంది. వైఎస్సార్‌సీపీ మున్సిపల్‌ చైర్‌పర్సన్‌ అభ్యర్థి హర్షిణితో పాటు కౌన్సిలర్‌ అభ్యర్థులు ఇంటి– నీటి పన్ను చెల్లించి నోడ్యూ సర్టిఫికెట్‌ తీసుకునేందుకు మున్సిపల్‌ అధికారులను సంప్రదించారు. అయితే అక్కడ పన్నులు కట్టించుకునేందుకు ససేమిరా అన్నారు. సాంకేతిక సమస్య ఉందని, సిబ్బంది తక్కువగా ఉన్నారని కాలయాపన చేస్తూ వచ్చారు. గంటల తరబడి వేచి చూసినా పట్టించుకోలేదు. అధికారుల తీరును తప్పు పడుతూ వైఎస్సార్‌సీపీ నాయకులు కమిషనర్‌ ఎదుట నిరసన తెలియజేశారు. ఎన్నికల నిబంధనలను పాటించాల్సిన అధికారులు టీడీపీ నేతలు చెప్పినట్లు నడుచుకుంటున్నారని ఆగ్రహం వ్యక్తం చేశారు. ఉమ్మడి జిల్లాలో ‘పచ్చ’ మూక దమనకాండ బరితెగించి దాడులకు ఉసిగొల్పిన ప్రజాప్రతినిధులు కళ్లముందే రాక్షసకాండ సాగుతున్నా పట్టించుకోని పోలీసులు ధర్మవరంలో బీజేపీ ఇన్‌చార్జ్‌ నేతృత్వంలో రెచ్చిపోయిన గూండాలు దాడుల్లో వైఎస్సార్‌సీపీ నేతలకు తీవ్ర గాయాలు.. బాధితులతో కేతిరెడ్డి ధర్నా తాడిపత్రిలో బెదిరింపులకు పాల్పడుతున్న జేసీ ప్రభాకర్‌రెడ్డి అనుచరులు గుత్తిలో వైఎస్సార్‌సీపీ నేత నరహరిపై దాడి.. కారు అద్దాలు ధ్వంసం

● వైఎస్సార్‌సీపీ జిల్లా అధ్యక్షుడు అనంత అనంతపురం ఎడ్యుకేషన్‌: స్థానిక సంస్థల ఎన్నికల్లో ఓటమి భయంతోనే టీడీపీ నాయకులు దాడులు, దౌర్జన్యాలకు పాల్పడుతున్నారని వైఎస్సార్‌సీపీ జిల్లా అధ్యక్షుడు అనంత వెంకటరామిరెడ్డి ఆగ్రహం వ్యక్తం చేశారు. శుక్రవారం అనంత తన నివాసంలో మీడియాతో మాట్లాడారు. ప్రభుత్వంపై ప్రజల్లో వ్యతిరేకత ఉండటంతో అధికార పార్టీ నాయకులు పోలీసు వ్యవస్థను అడ్డుపెట్టుకుని ప్రతిపక్షాలపై దౌర్జన్యాలకు దిగుతున్నారని ఆరోపించారు. పుంగనూరులో నామినేషన్‌ వేసేందుకు వెళ్లిన సమయంలో ఎంపీ మిథున్‌రెడ్డి కాన్వాయ్‌పై దాడి చేసి, వాహనాలను ధ్వంసం చేశారని, రాయచోటిలోనూ వైఎస్సార్‌సీపీ కార్యాలయంపై దాడి జరిగిందని మండిపడ్డారు. ప్రతిపక్ష నాయకులు, వైఎస్సార్‌సీపీ కార్యకర్తలపై దాడులు జరుగుతున్నా పోలీసులు ప్రేక్షకపాత్ర పోషిస్తున్నారని విమర్శించారు. మరోవైపు చురుగ్గా పనిచేసే వైఎస్సార్‌సీపీ కార్యకర్తలను బైండోవర్‌ చర్యల పేరుతో పోలీస్‌ స్టేషన్లకు పిలిపించి వేధిస్తున్నారని ఆరోపించారు. కేంద్ర బలగాలతో ఎన్నికలు నిర్వహించాలి రాష్ట్రంలో ఎన్నికలు ప్రశాంతంగా, నిష్పక్షపాతంగా జరిగేలా ఎన్నికల సంఘం తక్షణమే జోక్యం చేసుకోవాలని అనంత డిమాండ్‌ చేశారు. సమస్యాత్మక ప్రాంతాల్లో కేంద్ర పోలీసు బలగాలతో పటిష్టమైన భద్రత కల్పించాలని కోరారు. ప్రతిపక్ష పార్టీ అభ్యర్థులు స్వేచ్ఛగా నామినేషన్లు వేసుకునేలా, ఓటర్లు ఎలాంటి భయాందోళనలు లేకుండా తమ ఓటు హక్కును వినియోగించుకునేలా చర్యలు తీసుకోవాలన్నారు. ఎన్ని అడ్డంకులు సృష్టించినా వైఎస్సార్‌సీపీ వెనక్కు తగ్గబోదని, దాడులు, దౌర్జన్యాలను ధైర్యంగా ఎదుర్కొంటూ ఎన్నికల్లో పోటీ చేస్తుందని స్పష్టం చేశారు. నామినేషన్ల చివరి రోజు అప్రమత్తంగా ఉండాలి గుత్తి: మున్సిపల్‌ ఎన్నికల నామినేషన్ల చివరి రోజు ఆదివారం అల్లర్లు జరిగే అవకాశముంటుందని, అందరూ అప్రమత్తంగా ఉండాలని కలెక్టర్‌ ఆనంద్‌ మున్సిపల్‌, రెవెన్యూ, పోలీసు అధికారులను ఆదేశించారు. శుక్రవారం గుత్తి మున్సిపల్‌ కార్యాలయంలో నామినేషన్ల ప్రక్రియను కలెక్టర్‌ పరిశీలించారు. అనంతరం జెడ్పీ బాలికల ఉన్నత పాఠశాలలో బ్యాలెట్‌ బాక్సులు, స్ట్రాంగ్‌ రూములు, పోలింగ్‌ కేంద్రాలను పరిశీలించి, మీడియాతో మాట్లాడారు. మొదటి రెండు రోజులు నామినేషన్లు ప్రశాంతంగా జరుగుతాయన్నారు. అయితే చివరి రోజు గొడవలు జరిగే అవకాశముంటుందని పేర్కొన్నారు. గతంలో జరిగిన ఘటనలను దృష్టిలో ఉంచుకుని జాగ్రత్త పడాలని సూచించారు. కార్యక్రమంలో మున్సిపల్‌ కమిషనర్‌ సురేంద్ర, తహసీల్దార్‌ పుష్పవతి, సీఐలు ధరణి కిషోర్‌, మహానంది, రాజు, ఎస్‌ఐ సురేష్‌ తదితరులు పాల్గొన్నారు. 15 తూములకు నీరు కట్‌ ● ఆయకట్టుకు బంద్‌ చేసి ఎంపీఆర్‌కు మళ్లింపు బొమ్మనహాళ్‌: ఆయకట్టుకు నీటి సరఫరా నిలిపివేయడంతో అన్నదాతల్లో ఆందోళన మొదలైంది. కలెక్టర్‌ ఆదేశాల మేరకు శుక్రవారం జీబీసీ ఆయకట్టు, హెచ్‌ఎల్‌ఎంసీ పరిధిలోని 15 తూములకు సంబంధించిన షెట్టర్లు కిందకు దింపి నీటిని బంద్‌ చేసి, ఎంపీఆర్‌కు మళ్లించినట్లు ఎస్‌ఈ సుధాకర్‌రావు, డీఈ దివాకర్‌రెడ్డి తెలిపారు. ఐదు రోజుల అనంతరం ఆయకట్టుకు నీటిని విడుదల చేస్తామని తెలిపారు. జీబీసీ, హెచ్‌ఎల్‌ఎంసీ పరిధిలోని 15 తూముల ఆయకట్టుకు నీటి సరఫరా నిలిపివేసి ఎంపీఆర్‌ డ్యాంకు 650 క్యూసెక్కులు, పీఏబీఆర్‌కు 150 క్యూసెక్కుల నీటిని మళ్లిస్తున్నట్లు తెలిపారు. ఐదు రోజుల పాటు నీరు అందకపోతే పంటల పరిస్థితి ఏమిటని అన్నదాతలు ఆందోళన చెందుతున్నారు. సాగుకు ఇబ్బందులు కలగకుండా చర్యలు తీసుకోవాలని కోరుతున్నారు.

● తండ్రీకొడుకులకు గాయాలు రాయదుర్గం రూరల్‌: ద్విచక్ర వాహనాన్ని కారు ఢీ కొనడంతో తండ్రీ కొడుకులు గాయపడిన ఘటన మండలంలోని కొంతానపల్లి సమీపంలో చోటు చేసుకుంది. బాధితులు, స్థానికులు తెలిపిన వివరాల మేరకు.. బొమ్మనహాళ్‌ మండలానికి చెందిన తండ్రి, కొడుకులు నాగరాజు, రవితేజ ద్విచక్ర వాహనంలో స్వంత పని నిమిత్తం రాయదుర్గం వచ్చి, తిరిగి బొమ్మనహాళ్‌కు వెళ్తుండగా కొంతానపల్లి వద్ద కణేకల్లు వైపు నుంచి రాయదుర్గం వస్తున్న కారు ఢీ కొంది. ఈ ప్రమాదంలో నాగరాజుకు కాలు, కుమారుడు రవితేజకు చేయి విరిగింది. గమనించిన స్థానికులు రాయదుర్గం ప్రభుత్వాసుపత్రికి తరలించగా, ప్రథమ చికిత్స అందించిన వైద్యులు మెరుగైన వైద్యం కోసం అనంతపురం ఆసుపత్రికి రెఫర్‌ చేశారు. ఈ ఘటనపై పోలీసులు కేసు నమోదు చేసుకుని విచారిస్తున్నారు. బీ–ఫారం లేకుంటే..స్వతంత్ర అభ్యర్థే రాయదుర్గంటౌన్‌: మున్సిపల్‌ పోరుకు షెడ్యూల్‌ విడుదల కావడంతో మున్సిపాలిటీలు, కార్పొరేషన్లలో వివిధ పార్టీల తరఫున టికెట్‌ ఆశిస్తూ నామినేషన్‌ పత్రాలు దాఖలు చేస్తుండడంతో సందడి మొదలైంది. ఇదే సమయంలో కార్పొరేషన్‌తోపాటు మున్సిపాలిటీల్లో రాజకీయ నాయకుల హడావుడి సైతం ప్రారంభమైంది. పోటీకి పార్టీ బీ–ఫారం చాలా కీలకం. దీన్ని దక్కించుకునేందుకు కార్పొరేట్‌, కౌన్సిలర్‌, చైర్మన్‌ ఆశావహులు అన్ని విధాలుగా ప్రయత్నిస్తున్నారు. ప్రధాన పార్టీల తరఫున ఎంత మందైనా నామినేషన్లు దాఖలు చేయొచ్చు. నామినేషన్ల ఉపసంహరణ అనంతరం అభ్యర్థులకు పార్టీ బీ–ఫారం ఎవరికిస్తే వారే ఆ పార్టీ గుర్తుపై పోటీ చేస్తారు. లేదంటే స్వతంత్ర అభ్యర్థిగా పరిగణించి ఇతర గుర్తులు కేటాయిస్తారు. ఆర్టీసీ బస్సు ఢీకొని క్రికెట్‌ కోచ్‌కు తీవ్ర గాయాలు రాప్తాడు రూరల్‌: ఆర్టీసీ బస్సు ద్విచక్ర వాహనాన్ని ఢీకొనడంతో క్రికెట్‌ కోచ్‌ తీవ్రంగా గాయపడ్డాడు. ఈ ఘటన అనంతపురం నగర శివారులోని ఆర్డీటీ స్టేడియం సమీపంలో శుక్రవారం ఉదయం చోటు చేసుకుంది. రాప్తాడు పోలీసులు తెలిపిన వివరాల మేరకు.. అనంతపురం నగరం అశోక్‌నగర్‌ నాలుగో క్రాస్‌కు చెందిన ఆర్‌ఆర్‌ ప్రవీణ్‌కుమార్‌ (36) ఆర్డీటీలో క్రికెట్‌ కోచ్‌గా పనిచేస్తున్నాడు. ఉదయం 6 గంటలకు క్రికెట్‌ కోచింగ్‌ ఇచ్చేందుకు తన ద్విచక్ర వాహనం (ఏపీ 39 జేఎం 5520)పై స్టేడియానికి వెళ్తుండగా ధర్మవరం డిపోకు చెందిన ఆర్టీసీ బస్సు అతడి ద్విచక్ర వాహనాన్ని ఢీకొట్టింది. దీంతో ప్రవీణ్‌కుమార్‌ బైక్‌తో సహా రోడ్డుపై పడిపోవడంతో తలకు, రెండు వైపులా పక్కటెముకల వద్ద రక్తగాయాలై అపస్మారక స్థితిలోకి వెళ్లాడు. వెంటనే అతడిని ఓ ప్రైవేట్‌ ఆస్పత్రికి తరలించి చికిత్స అందిస్తున్నారు. తండ్రి ఆర్‌.సుబ్బరాయుడు ఫిర్యాదు మేరకు కేసు నమోదు చేసి దర్యాప్తు చేస్తున్నట్టు పోలీసులు తెలిపారు. రోడ్డు ప్రమాదంలో వైఎస్సార్‌సీపీ నాయకుడు మృతి కణేకల్లు: మండలంలోని జక్కలవడికి గ్రామంలో శుక్రవారం సాయంకాలం జరిగిన రోడ్డు ప్రమాదంలో వైఎస్సార్‌సీపీ నాయకుడు బోయ నరసన్న (65) మృతి చెందాడు. గ్రామస్తుల తెలిపిన మేరకు వివరాలిలా ఉన్నాయి. బోయ నరసన్న యర్రగుంటలో పని ముగించుకొని బైక్‌లో స్వగ్రామానికి బయలుదేరాడు. గ్రామశివారులో ఆంజినేయస్వామి ఆలయం వద్ద బైక్‌ అదుపు తప్పి కిందపడ్డాడు. ప్రమాదంలో తలకు బలమైన గాయాలవ్వడంతో అక్కడికక్కడే మృతి చెందాడు. వైఎస్సార్‌సీపీ నాయకుడు నరసన్న మృతి పట్ల రాయదుర్గం నియోజకవర్గ వైఎస్సార్‌సీపీ సమన్వయకర్త మెట్టు గోవిందరెడ్డి విచారం వ్యక్తం చేశారు. మార్చురీలో నరసన్న మృతదేహాన్ని మెట్టు సందర్శించారు. ఆయన కుమారుడు బోయ రమేష్‌తోపాటు కుటుంబ సభ్యులను ఓదార్చారు. వైఎస్సార్‌సీపీ నాయకులు ఆలేరి రాజగోపాల్‌రెడ్డి, కె. ఉషారాణి, పాటిల్‌ నాగిరెడ్డి, పాటిల్‌ బ్రహ్మానందరెడ్డి, మారెంపల్లి మారెన్న, హళ్లి నాగరాజు, దాసరి శ్రీనివాసులు తదితరులు నివాళులర్పించి తమ ప్రగాఢ సానుభూతిని తెలిపారు. ఓటమి భయంతోనే దాడులు, దౌర్జన్యాలు అనంతపురం ఎడ్యుకేషన్‌: స్థానిక సంస్థల ఎన్నికల్లో ఓడిపోతామన్న భయంతోనే అధికార పార్టీ నాయకులు దాడులు, దౌర్జన్యాలకు తెగబడుతున్నారని వైఎస్సార్‌సీపీ లీగల్‌ సెల్‌ అధ్యక్షుడు గాజుల ఉమాపతి ఆగ్రహం వ్యక్తం చేశారు. అనంతపురంలోని ఆ పార్టీ జిల్లా కార్యాలయంలో శుక్రవారం లీగల్‌ సెల్‌ నాయకులు నిర్వహించిన మీడియా సమావేశంలో ఆయన మాట్లాడారు. పుంగనూరు, రాయచోటి, ధర్మవరం తదితర ప్రాంతాల్లో వైఎస్సార్‌సీపీ అభ్యర్థులు నామినేషన్లు వేయనీయకుండా అడ్డుకోవడంతోపాటు విధ్వంసానికి పాల్పడటాన్ని తప్పుబట్టారు. దాడులకు భయపడమని, ఎన్నికల్లో తమ పార్టీ అభ్యర్థులు పోటీ చేసి తీరుతారని స్పష్టం చేశారు. రాష్ట్రవ్యాప్తంగా ఇలాంటి దాడులను నారా లోకేశ్‌ ప్రోత్సహిస్తున్నారని విమర్శించారు.

కూడేరు: ఉమ్మడి అనంతపురం జిల్లాలో సత్యసాయి తాగునీటి ప్రాజెక్ట్‌లో పని చేస్తున్న కార్మికులు శుక్రవారం రాత్రి నుంచి సమ్మెబాట పట్టారు. కూడేరు మండల పరిధిలోని పీఏబీఆర్‌ డ్యాం వద్ద ఉన్న సత్యసాయి తాగునీటి ప్రాజెక్ట్‌లో మోటర్లు పని చేయకుండా స్విచ్ఛాఫ్‌ చేశారు. ఈ సందర్భంగా తాగునీటి కార్మిక సంఘం నేతలు మాట్లాడారు. ప్రాజెక్ట్‌లో 572 మంది కార్మికులు పని చేస్తున్నట్టు తెలిపారు. పెండింగ్‌లో ఉన్న వేతనాల కోసం సెప్టెంబర్‌ 1 నుంచి 9వ తేది వరకు సమ్మె చేపడితే జిల్లా కలెక్టర్‌ స్పందించి తొందరలోనే బిల్‌ రిలీజ్‌ ఆర్డర్‌(బీఆర్‌ఓ) వచ్చేలా చూస్తానని భరోసా ఇచ్చి సమ్మె విరమింపజేశారన్నారు. బీఆర్‌ఓ వచ్చింది కానీ అందులో డబ్బులు జమ కాలేదని, నాలుగు నెలలుగా వేతనాలందక అవస్థలు పడుతున్నామని వాపోయారు. పెండింగ్‌లో ఉన్న నాలుగు వేతనాలు, 60 మంది కార్మికులకు బకాయిపడ్డ గ్రాట్యుటీ ఇచ్చేంత వరకు సమ్మె విరమించబోమని వారు స్పష్టం చేశారు. సమ్మెలోకి వెళ్తున్నట్టు ఆర్‌డబ్ల్యూఎస్‌కి సమ్మె నోటీసు ఇచ్చినట్టు తెలియజేశారు. కార్యక్రమంలో సీఐటీయూ రాష్ట్ర ఉపాధ్యక్షుడు ఓబులు, సంఘం జిల్లా నేతలు మధుసూదన్‌, శ్రీరాములు, హరి ప్రసాద్‌, వన్నూరప్ప, శ్రీనివాసులుతో పాటు కార్మికులు పాల్గొన్నారు.

గుత్తి మున్సిపాలిటీలో 22వ వార్డుకు వైఎస్సార్‌సీపీ నుంచి దస్తగిరి నామినేషన్‌ వేసేందుకు సిద్ధమయ్యారు. విషయం తెలుసుకున్న ఎమ్మెల్యే గుమ్మనూరు జయరాం అనుచరులు దస్తగిరి ఇంటికి వెళ్లి బెదిరించారు. ఆయన అందుబాటులో లేకపోవడంతో తమ్ముడు జిలాన్‌ను కిడ్నాప్‌ చేశారు. దస్తగిరి పోటీ చేస్తే చంపేస్తామని కుటుంబ సభ్యులను బెదిరించి వెళ్లిపోయారు. సాయంత్రం వైఎస్సార్‌సీపీ రాష్ట్ర అధికార ప్రతినిధి గంటా నరహరిపై ‘పచ్చ’ మూక దాడి చేయడంతో పాటు కారు అద్దాలు ధ్వంసం చేశారు. పోలీసుల కళ్లముందే దాడి జరుగుతున్నా నిలువరించే ప్రయత్నం చేయకపోవడం గమనార్హం. దీంతో గంటా నరహరి అనంతపురం వెళ్లి కలెక్టర్‌, ఎస్పీలను కలిసి ఫిర్యాదు చేశారు. నామినేషన్‌ వేసుకోవడానికి తగిన భద్రత కల్పిస్తామని వారు గంటాకు హామీ ఇచ్చారు. అనంతరం ఆయన మున్సిపల్‌ కార్యాలయానికి వెళ్లి కమిషనర్‌ను కలిస్తే నామినేషన్‌ పత్రాలు ఇచ్చారు. ఈ సందర్భంగా గంటా మీడియాతో మాట్లాడుతూ తమ పార్టీ అభ్యర్థులందరూ శనివారం నామినేషన్‌ వేస్తారని, ఎవ్వరికీ భయపడేది లేదని స్పష్టం చేశారు. గుత్తిలో నరహరి కారు అద్దాలను ధ్వంసం చేసిన దృశ్యం (ఇన్‌సెట్‌) కిడ్నాప్‌నకు గురైన జిలాన్‌

● పార్టీకి, ప్రజలకు మధ్య వారధిగా విశేషమైన సేవలు అనంతపురం: నగరపాలక సంస్థ మేయర్‌ స్థానానికి వైఎస్సార్‌సీపీ అభ్యర్థిగా రమేష్‌గౌడ్‌ను అధిష్టానం ఎంపిక చేసింది. మేయర్‌ స్థానానికి తొలిసారి ప్రత్యక్ష విధానంలో ఎన్నిక జరగనుంది. పార్టీకి, ప్రజలకు మధ్య వారధిగా విశేషమైన సేవలందించిన రమేష్‌ గౌడ్‌ మేయర్‌ అభ్యర్థిగా అవకాశం దక్కించుకున్నాడు. చిట్లూరు రమేష్‌ గౌడ్‌ (బీసీ రమేష్‌ గౌడ్‌) ఉన్నత విద్యావంతుడు. ఎస్కేయూలో ఎమ్మెస్సీ బీఈడీ పూర్తి చేశారు. వ్యక్తిగత అభివృద్ధిని కోరుకోకుండా, వెనుకబడిన తరగతులు, బలహీన వర్గాల, అగ్రవర్ణ పేదలు, ఎస్సీ, ఎస్టీ వర్గాల అభ్యున్నతికి విశేషంగా కృషి చేస్తున్నారు. క్షేత్రస్థాయి నుంచి రాజకీయ ప్రయాణాన్ని ప్రారంభించిన ఆయన.. వివిధ హోదాల్లో బాధ్యతలు నిర్వర్తించారు. బీసీ అసోసియేషన్‌ రాష్ట్ర ప్రధాన కార్యదర్శిగా బహుజన వర్గాల హక్కుల కోసం పోరాడారు. వైఎస్సార్‌సీపీ తరఫున బీసీ సెల్‌ రాష్ట్ర వర్కింగ్‌ ప్రెసిడెంట్‌, జోనల్‌ ఇన్‌చార్జ్‌గా బాధ్యతలు నిర్వర్తిస్తూ, పార్టీకి, ప్రజలకు మధ్య వారధిలా నిలుస్తున్నారు. రాజకీయ నాయకుడిగానే కాకుండా, సామాజిక కార్యకర్తగా ప్రజల మన్ననలు పొందారు. సమాజంలో వెనుకబడిన ప్రతి ఒక్కరికీ సామాజిక, ఆర్థిక సమానత్వం దక్కాలని నిరంతరం పరితపిస్తున్నారు. అంతే కాదు ప్రజలకు ఏ కష్టం వచ్చినా ముందుండి పోరాడే తత్వం ఆయనది. ప్రజా సంక్షేమ కార్యక్రమాలలో, ఉద్యమాలలో క్రియాశీలకంగా పాల్గొంటూ ప్రజల పక్షాన గట్టిగా గళం వినిపిస్తున్నారు. రాయలసీమ ప్రాంత సమగ్రాభివృద్ధి కోసం, ప్రజల జీవన ప్రమాణాలు మెరుగుపడటం కోసం ఆయన చేపట్టిన కార్యక్రమాలు ఎంతో ప్రాముఖ్యత సంతరించుకున్నాయి. ● బీసీ అసోసియేషన్స్‌ జాయింట్‌ యాక్షన్‌ కమిటీ రాష్ట్ర ప్రధాన కార్యదర్శిగా వ్యవహరించి, వెనుకబడిన తరగతుల హక్కులు, విద్య, ఉద్యోగాలలో రిజర్వేషన్లు, సంక్షేమ పథకాల అమలు కోసం ప్రభుత్వాలు, అధికారులతో చర్చలు జరిపారు. సామాజిక సేవ, ఇతర కార్యక్రమాలు: విద్యార్థులకు మద్దతుగా నిలవడం, వైద్య శిబిరాలను నిర్వహించడం, పేదలకు సహాయం చేయడం వంటి సామాజిక సేవా కార్యక్రమాలు నిర్వహించారు. కరోనా కష్ట కాలంలో అనేక మండలాల్లో ప్రజలకు నిత్యావసరాలు, అవసరమైన సహాయ సహకారాలను అందించడంలో కీలక భూమిక పోషించారు. బయోడేటా.. పేరు : చిట్లూరు రమేష్‌ గౌడ్‌ తల్లిదండ్రులు : చిట్లూరు గంగయ్య, శాంతమ్మ పుట్టిన తేదీ : 1984 విద్యార్హత : ఎమ్మెస్సీ, బీఈడీ రాజకీయ ప్రస్థానం: వైఎస్సార్‌సీపీ బీసీ సెల్‌ రాష్ట్ర వర్కింగ్‌ ప్రెసిడెంట్‌

అనంతపురం ఎడ్యుకేషన్‌: ఎంపీ మిథున్‌రెడ్డిని తాలిబన్లు, ఎల్‌టీటీఈ తీవ్రవాదుల తరహాలో టీడీపీ గూండాలు చుట్టుముట్టి హత్యాయత్నానికి ఒడిగట్టారని మాజీ ఎంపీ, వైఎస్సార్‌సీపీ రాష్ట్ర అధికార ప్రతినిధి గోరంట్ల మాధవ్‌ ఆగ్రహం వ్యక్తం చేశారు. పుంగనూరు, రాయచోటిలో ఘటనలు ప్రజాస్వామ్యానికి, రాజ్యాంగానికి గొడ్డలిపెట్ట అని మండిపడ్డారు. ఇలాంటి ఘటనలతో రాష్ట్రాన్ని రావణకాష్టంలా మారుస్తున్నారని ధ్వజమెత్తారు. ధర్మవరంలో బోయ ఈశ్వరయ్య, బయపరెడ్డిలను నామినేషన్లు వేయనీయకుండా దాడికి తెగబడడం పిరికిపంద చర్యగా అభివర్ణించారు. ఇలాంటి ఘటనలు ఎన్నికల ప్రక్రియపై ప్రజల్లో విశ్వాసం సన్నగిల్లే ప్రమాదం ఉందన్నారు. పోలీసు వ్యవస్థ నిష్పక్షపాతంగా పనిచేయాలని గోరంట్ల మాధవ్‌ కోరారు. బాధ్యులపై చర్యలు చేపట్టాలి అనంతపురం: రాజకీయ ప్రత్యర్థులను భయపెట్టడం, పార్టీ కార్యాలయాలపై దాడులకు పాల్పడటం ప్రజాస్వామ్య విలువలకు విరుద్ధమని మాజీ మంత్రి డాక్టర్‌ సాకే శైలజనాథ్‌ పేర్కొన్నారు. పుంగనూరులో ఎంపీ పెద్దిరెడ్డి మిథున్‌రెడ్డిపై, రాయచోటిలో వైఎస్సార్‌సీపీ కార్యాలయంపై జరిగిన దాడిని ఆయన తీవ్రంగా ఖండించారు. దాడులతో ప్రతిపక్ష గొంతును నొక్కేలా చేయాలనుకోవడం దుర్మార్గమని తెలిపారు. ఇలాంటి ఘటనలు ప్రజాస్వామ్యం ఇచ్చిన స్వేచ్ఛకు, రాజ్యాంగ హక్కులకు సవాలు విసరడమేనని పేర్కొన్నారు. అరాచకాలతో రాజకీయంగా పైచేయి సాధించాలని అనుకోవడం సరైన పద్ధతి కాదని తెలియజేశారు. బాధ్యులపై చట్ట ప్రకారం కఠిన చర్యలు చేపట్టాలని డిమాండ్‌ చేశారు.రావణకాష్టంలా రాష్ట్రంరాష్ట్రంలో ప్రజాస్వామ్యం ఖూనీ గుంతకల్లుటౌన్‌: స్థానిక ఎన్నికల్లో ఓటమి భయంతోనే టీడీపీ నాయకులు రాష్ట్రంలో హింసాత్మక చర్యలకు పాల్పడుతూ ప్రజాస్వామ్యాన్ని ఖూనీ చేస్తున్నారని వై.వెంకటరామిరెడ్డి విమర్శించారు. వైఎస్సార్‌సీపీ పార్లమెంట్‌ ఫ్లోర్‌ లీడర్‌ పెద్దిరెడ్డి మిథున్‌రెడ్డి, ఆయన గన్‌మెన్లపై హత్యాయత్నానికి పాల్పడడం సిగ్గుమాలిన చర్యగా పేర్కొన్నారు. స్వేచ్ఛాయుత ఎన్నికల కోసం పారామిలిటరీ బలగాలను రంగంలోకి దింపాలని డిమాండ్‌ చేశారు. గుత్తిలో వైఎస్సార్‌సీపీ 22వ వార్డు అభ్యర్థి దస్తగిరి ఇంట్లోకి టీడీపీ మూకలు చొరబడి మారణాయుధాలతో బెదిరించి దాడికి తెగబడడం హేయమైన చర్య అని చెప్పారు.ఎంపీపై దాడి హేయం ఉరవకొండ: పుంగనూరులో ఎంపీ మిథున్‌రెడ్డిపై టీడీపీ నాయకులు రాళ్లు, కర్రలు, ఇనుపరాడ్లతో దాడికి పాల్పడడం హేయమైన చర్య అని ఎమ్మెల్సీ వై.శివరామిరెడ్డి ధ్వజమెత్తారు. ప్రశాంతంగా జరగాల్సిన నామినేషన్ల ప్రక్రియలో అధికార పార్టీ గూండాలు పేట్రేగిపోయి దాడులకు తెగబడి ప్రజాస్వామ్యానికి తూట్లు పొడిచారన్నారు. ఘటనలపై ఎన్నికల సంఘం దృష్టి సారించి ఎన్నికలు ప్రశాంతంగా జరిగేందుకు అన్ని చర్యలు తీసుకోవాలని కోరారు. ఓటమి భయంతోనే టీడీపీ విధ్వంసాలకు పాల్పడుతోందని, ఎంపీపై దాడి జరుగుతున్న పోలీసులు ప్రేక్షక పాత్ర పోషించడం సిగ్గుచేటన్నారు. వెంటనే దాడి తెగబడిన కూటమి రౌడీలపై కఠిన చర్యలు తీసుకోవాలని కోరారు. ప్రతిపక్షాలను భయపెట్టాలనే కుట్రకళ్యాణదుర్గం: రాజంపేట ఎంపీ, వైఎస్సార్‌సీపీ లోక్‌సభ పక్షనేత పెద్దిరెడ్డి వెంకట మిథున్‌ రెడ్డిపై పుంగనూరులో జరిగిన భౌతికదాడిని మాజీ ఎంపీ, పార్టీ సమన్వయకర్త డాక్టర్‌ తలారి రంగయ్య ఖండించారు. ఒక పార్లమెంట్‌ సభ్యుడిపైనే రాళ్లతో హత్యాయత్నానికి తెగబడటం రాష్ట్రంలో శాంతి భద్రతల క్షీణతకు నిదర్శనమన్నారు. మున్సిపల్‌ ఎన్నికల నామినేషన్ల వేళ ప్రతిపక్షాలను భయపెట్టాలనే కుట్రతోనే టీడీపీ ఈ అరాచకాలకు ఒడిగట్టిందని విమర్శించారు. ఇలాంటి దాడులకు వైఎస్సార్‌సీపీ భయపడబోదని స్పష్టం చేశారు. దాడికి పాల్పడిన నిందితులను పోలీసులు తక్షణమే అరెస్ట్‌ చేసి, కఠినంగా శిక్షించాలని డిమాండ్‌ చేశారు. ఉరవకొండ: పుంగనూరు మున్సిపాల్టీలో నామినేషన్లు వేయడానికి అభ్యర్థులు, నాయకులతో వెళ్తున్న రాజంపేట ఎంపీ, వైఎస్సార్‌సీపీ ఫ్లోర్‌ లీడర్‌ పీవీ మిథున్‌రెడ్డిపై టీడీపీ గూండాలు రాళ్లు, కర్రెలతో దాడులకు తెగబడడం అప్రజాస్వామికమని పార్టీ పీఏసీ సభ్యులు వై.విశ్వేశ్వరరెడ్డి అన్నారు. అలానే రాయచోటి మాజీ ఎమ్మెల్యే శ్రీకాంత్‌రెడ్డిపై దాడిని తీవ్రంగా ఖండించారు. రాష్ట్రంలో స్థానిక ఎన్నికలు శాంతి భద్రతల క్షీణతకు నిదర్శనంగా నిలుస్తున్నాయన్నారు. వైఎస్సార్‌సీపీ అభ్యర్థులు ఎన్నికల్లో నిలబడకుండా టీడీపీ చేస్తున్న అరాచకాలపై ఎన్నికల కమిషన్‌ దృష్టి సారించి, ఎన్నికలు సజావుగా సాగే విధంగా చర్యలు చేపట్టాలని కోరారు. పుంగనూరు, రాయచోటి దాడి కారకులపై కఠిన చర్యలు తీసుకోవాలని డిమాండ్‌ చేశారు.

● జల్లిపల్లిలో ప్రకృతి వ్యవసాయ క్షేత్రాన్ని పరిశీలించిన రాష్ట్రస్థాయి అధికారుల బృందం కూడేరు/అనంతపురం అగ్రికల్చర్‌: ప్రకృతి వ్యవసాయ పద్ధతులతో పండ్ల తోటలు సాగు చేపడితే రైతులకు పెట్టుబడి ఖర్చులు తగ్గడమే కాక అధిక దిగుబడులు సాధించవచ్చని రాష్ట్ర ప్రాజెక్ట్‌ మేనేజ్‌మెంట్‌ (ఎస్‌పీఎంయూ) అధికారులు అన్నారు. శుక్రవారం జిల్లా అధికారి లక్ష్మానాయక్‌ ఆధ్వర్యంలో రాష్ట్రస్థాయి అధికారుల బృందం మండలంలోని జల్లిపల్లిలో రైతు ఆదినారాయణ సాగు చేసిన మామిడి తోటను క్షేత్రస్థాయిలో సందర్శించారు. పంట సాగులో రైతు అవలంబించిన విధానాలపై వారు ఆరా తీశారు. పంట సాగుకు అయ్యే పెట్టుబడి ఖర్చులు, మొక్కల పెరుగుదల, దిగుబడి, పంట నాణ్యత తదితర అంశాలను అడిగి తెలుసుకున్నారు. ప్రకృతి సేద్యంతో భూసారాన్ని కాపాడుకోవడంతో పాటు సాగు ఖర్చులు తగ్గించుకోవచ్చని బృందం అధికారులు రైతులకు సూచించారు. అనంతరం గార్లదిన్నె మండలం కోటంకలో 150 ఎకరాల్లో ప్రకృతి పద్ధతుల్లో సాగు చేసిన 35 ఎకరాల కాంటాక్టు బ్లాక్‌ను సందర్శించారు. అక్కడ రైతు మనోహర్‌ అనుభవాలు తెలుసుకున్నారు. కార్యక్రమంలో ఎన్‌పీఎం డాక్టర్‌ నవీన్‌, కన్సల్టెంట్‌ రాజా, డీపీఎంయూ వైపీ గణేష్‌, కమ్యూనికేషన్‌ కీర్తన పాల్గొన్నారు. మొబైల్‌ పేలడంతో ఇంట్లో మంటలు కంబదూరు(కళ్యాణదుర్గం రూరల్‌): చార్జీంగ్‌ పెట్టిన సమయంలో సెల్‌ఫోన్‌ పేలిన సంఘటన కంబదూరు మండల పరిధిలోని ఓబుగానిపల్లి గ్రామంలో జరిగింది. దివ్యాంగురాలు కావ్య ఇంట్లో ప్రమాదం చోటు చేసుకోగా, మంటలు ఇళ్లంత వ్యాప్తించడంతో ఫ్రిడ్జ్‌, బట్టలు, ఇతర నిత్యవసర వస్తువులు దగ్ధమయ్యాయి. పోలీసులు సంఘటనా స్థలానికి చేరుకుని పరిశీలించారు.

తాడిపత్రిటౌన్‌: స్థానిక సంస్థల ఎన్నికల వేళ సీఐ ఆరోహణరావు, మున్సిపల్‌ కమిషనర్‌ శివరామకృష్ణ అధికార పార్టీకి అనుకూలంగా ఏకపక్ష వైఖరి అవలంబిస్తున్నారని మాజీ ఎమ్మెల్యే కేతిరెడ్డిపెద్దారెడ్డి ధ్వజమెత్తారు. శుక్రవారం ఆయన వైఎస్సార్‌సీపీ మున్సిపల్‌ చైర్మన్‌ అభ్యర్థి హీరాపురం ఫయాజ్‌బాషాతో కలిసి మీడియాతో మాట్లాడారు. టీడీపీ నేత జేసీ ప్రభాకర్‌రెడ్డి ఆగడాలను దీటుగా ఎదుర్కొంటామని అన్నందుకు తనపై బీఎన్‌ఎస్‌ 192, 351(2)233 సెక్షన్ల కింద సీఐ కేసు నమోదు చేశారని మండిపడ్డారు. గత గురువారం రాత్రి తాడిపత్రిలో జేసీ ప్రభాకర్‌రెడ్డి అనుచరుడు రఘు 31 వార్డు సాయిజ్యోతి ఇంటికి వెళ్లి ‘నామినేషన్‌ వేస్తే నీ భర్తను చంపుతాం’ అంటూ బెదిరించాడని ఆరోపించారు. ఈ విషయాన్ని ఎస్పీకి ఫోన్‌లో తెలిపి.. ఆయన సూచనల మేరకు స్టేషన్‌లో ఫిర్యాదు చేసినా కేసు నమోదు చేయలేదన్నారు. ఇక వైఎస్సార్‌సీపీ నాయకులకు పారం–3, 4, 5 ఫారాలు లేకుండా మున్సిపల్‌ కమిషనర్‌ శివరామకృష్ణ నామినేషన్‌ పత్రాలు అందజేశారని, జేసీకి తొత్తుగా మారి ఇలాంటి దుశ్చర్యకు పాల్పడారని ఫయాజ్‌బాషా విమర్శించారు. వీరిపై ఎన్నికల అధికారులు కఠిన చర్యలు తీసుకోవాలని డిమాండ్‌ చేశారు. కేతిరెడ్డిపెద్దారెడ్డి, హీరాపురం ఫయాజ్‌బాషా

● కరస్పాండెంట్‌ ఆలూరు సాంబశివారెడ్డి బుక్కరాయసముద్రం: ఇంజినీరింగ్‌ చదువుతున్న విద్యార్థులకు బంగారు భవిష్యత్తు ఉందని ఎస్‌ఆర్‌ఐటీ ఇంజినీరింగ్‌ కళాశాల కరస్పాండెంట్‌ ఆలూరు సాంబశివారెడ్డి పేర్కొన్నారు. ఆదివారం మండల పరిధిలోని రోటరీపురంలో ఉన్న ఎస్‌ఆర్‌ఐటీ (అటానమస్‌) ఇంజినీరింగ్‌ కళాశాలలో ప్రభవ – 2026 పేరుతో ఫ్రెషర్స్‌డే కార్యక్రమం నిర్వహించారు. ముఖ్య అతిథులుగా ఎస్‌ఆర్‌ఐటీ కళాశాల కరస్పాండెంట్‌ ఆలూరి సాంబశివారెడ్డి హాజరయ్యారు. ముందుగా కళాశాలలో జ్యోతి ప్రజ్వలన చేశారు. అనంతరం ఆయన మాట్లాడుతూ క్రమశిక్షణ, పట్టుదలతో చదివితే ఎంచుకున్న రంగాల్లో రాణించవచ్చన్నారు. నాలుగేళ్లు కష్టపడితే ఉజ్వల భవిష్యత్తు ఉంటుందని తెలిపారు. ప్రతి విద్యార్థి కళాశాల యాజమాన్యం, సిబ్బంది అందించే అవకాశాలను సక్రమంగా సద్వినియోగం చేసుకోవాలని సూచించారు. ప్రిన్సిపల్‌ డాక్టర్‌ బాలక్రిష్ణ మాట్లాడుతూ ప్రతి విద్యార్థి తమ తల్లిదండ్రలు పెట్టుకున్న కలలను నిజం చేయాలన్నారు. ఆలూరు సాంబశివారెడ్డి, జొన్నలగడ్డ పద్మావతి విద్యార్థుల భవిష్యత్తుకు బంగారు బాటలు వేయడం అభినందనీయమన్నారు. టీపీఓ రంజిత్‌రెడ్డి మాట్లాడుతూ తల్లిదండ్రులు తమపై నమ్మకంతో పిల్లలను తమ కళాశాలలో చేర్పించినందుకు ధన్యవాదాలు తెలిపారు. కార్యక్రమంలో భాగంగా విద్యార్థులు చేసిన సాంస్కృతిక కార్యక్రమాలు అలరించాయి.

● కూటమిలో మేయర్‌ సీటు బీజేపీకి ● టీడీపీ నష్టాలు.. జనసేన బలహీనతలు ● గెలుపు భారమంతా కమలం పార్టీపైనే అనంతపురం క్రైం: నగరపాలక సంస్థ మేయర్‌ సీటు బీజేపీకి కేటాయించడం కూటమిలో కొత్త రాజకీయ సమీకరణాలకు తెరలేపింది. స్థానికంగా బలమైన పునాదులు లేని కమలం పార్టీకి అగ్నిపరీక్ష ఎదురైంది. టీడీపీపై ఉన్న వ్యతిరేకత, జనసేనలో కొరవడిన నాయకత్వం పరిస్థితుల నేపథ్యంలో అనంతపురంలో బీజేపీని ముందుకు తెచ్చిన వ్యూహం ఆసక్తికరంగా మారింది. పాపం మూట.. కమలానికి భారం! నగరంలో కబ్జాలు, బెదిరింపులు, దౌర్జన్యాలు, అక్రమ వసూళ్ల ఆరోపణలు అధికార కూటమి ప్రతిష్టను దెబ్బతీస్తున్నాయి. వీటి ప్రభావం ‘స్థానిక’ ఎన్నికల్లో పడితే నష్టపోయేది ఒక్క పార్టీ మాత్రమే కాదు.. కూటమి మొత్తం. జిల్లా కేంద్రం అనంతపురంలో విద్యావంతులు, ఉద్యోగులు, వ్యాపార వర్గాలు, రాజకీయ పరిణామాలను నిశితంగా గమనించే ఓటర్లు గణనీయంగా ఉన్నారు. ఇక్కడి ప్రజల విశ్వాసాన్ని గెలుచుకోవడం కూటమికి కీలకంగా మారింది. ఈ నేపథ్యంలో టీడీపీకి ఎదురయ్యే రాజకీయ నష్టాన్ని తగ్గించడంతో పాటు జనసేన బలహీనతలను అధిగమించే వ్యూహంలో భాగంగా మేయర్‌ సీటును బీజేపీకి కేటాయించినట్లు రాజకీయ వర్గాల్లో చర్చ సాగుతోంది. తేలాల్సింది బలాబలాలే! నగరపాలక సంస్థ ఎన్నికల్లో డివిజన్ల కేటాయింపుపై కూటమి పార్టీల మధ్య సాగిన చర్చలు కొలిక్కి వచ్చాయి. జనసేనకు 20, బీజేపీకి 10, టీడీపీకి 30 కార్పొరేటర్‌ స్థానాలు కేటాయించే ప్రతిపాదనపై నేతలు చర్చించినట్లు సమాచారం. కాగా సీట్ల సంఖ్యతోనే రాజకీయ బలం నిరూపితమవదు. అభ్యర్థుల ఎంపిక, స్థానికంగా ఉన్న పట్టు, కార్యకర్తల మధ్య సమన్వయం, ప్రజల్లో ఉన్న ఆదరణే ఫలితాలను నిర్ణయించనున్నాయి. ముఖ్యంగా బీజేపీకి కూటమిలోని ఇతర పార్టీల నుంచి ఎంతమేర సహకారం అందుతుంది.. అసంతృప్త నేతలను ఎలా సమన్వయం చేస్తారు. డివిజన్లలో ఓట్ల బదిలీ ఎంతవరకు జరుగుతుందన్న ప్రశ్నలు కీలకంగా మారాయి. మొత్తానికి మేయర్‌ పీఠం బీజేపీకి అవకాశమా.. లేక కూటమి రాజకీయ వైఫల్యాల భారమా అనేది ఎన్నికల ఫలితాలే తేల్చనున్నాయి. ఇద్దరూ..ఇద్దరే.. అనంతపురం అర్బన్‌ టీడీపీ ఎమ్మెల్యే దగ్గుపాటి ప్రసాద్‌ పలు వివాదాల్లో చిక్కుకున్నారు. ఆయన చుట్టూ ప్రస్తుతం కుటుంబ సభ్యులు మినహా అనుచర వర్గం, కీలక కార్యకర్తలు చాలా మంది దూరమయ్యారు. ఈ క్రమంలో పార్టీ అధిష్టానం నుంచి కూడా చీవాట్లు తిన్నారు. మొత్తం క్యాడర్‌లో తీవ్రమైన అసంతృప్తికి కారకులయ్యారన్న అపవాదును మూటగట్టుకున్నారు. ● జనసేన నేత, అహుడా చైర్మన్‌ టీసీ వరుణ్‌లో నాయకత్వ లోపం స్పష్టంగా కనిపిస్తోంది. బాధ్యతలు చేపట్టిన నాటి నుంచి నేటి దాకా ఉమ్మడి జిల్లాలో విస్తరించాల్సిన నాయకత్వం ప్రతి గురువారం నిర్వహించే ‘అహుడా గ్రీవెన్స్‌’కే పరిమితమైంది. చిన్న మరుగుదొడ్డి (పింక్‌ టాయిలెట్‌) కూడా నిర్మించలేకపోయారు. స్థానికంగా పార్టీని బలోపేతం చేయడంలో కూడా విఫలమయ్యారు. ఈ క్రమంలో జనసేన రథాన్ని నడిపే సారథే లేడని కార్యకర్తలు బహిరంగంగా విమర్శిస్తున్నారు.

● వైఎస్సార్‌సీపీ సమన్వయకర్త రంగయ్య వెల్లడి కళ్యాణదుర్గం: కళ్యాణదుర్గం మున్సిపల్‌ చైర్‌పర్సన్‌ అభ్యర్థిగా దొడగట్ట హర్షిణి పోటీ చేస్తారని వైఎస్సార్‌ సీపీ సమన్వయకర్త డాక్టర్‌ తలారి రంగయ్య తెలిపారు. గురువారం స్థానిక పార్టీ కార్యాలయంలో జరిగిన సమావేశంలో పార్టీ రాష్ట్ర కార్యదర్శి బోయ తిప్పేస్వామి, సీఈసీ సభ్యుడు మాదినేని ఉమా మహేశ్వర నాయుడుతో కలిసి అభ్యర్థి పేరును ఆయన వెల్లడించారు. ఎన్నికల్లో పార్టీ ఘన విజయం సాధించడమే లక్ష్యంగా నాయకులు, పార్టీ శ్రేణులు సమష్టిగా పనిచేయాలని నేతలు సూచించారు. కార్యక్రమంలో పార్టీ జిల్లా ఉపాధ్యక్షుడు గంగాధరప్ప, లీగల్‌ సెల్‌ జిల్లా ఉపాధ్యక్షుడు హనుమంతరెడ్డి, పార్టీ మండల కన్వీనర్‌ గోళ్ల సూరి, పార్టీ రాష్ట్ర సంయుక్త కార్యదర్శి, కంబదూరు అబ్జర్వర్‌ దొడగట్ట నారాయణ, యాక్టివిటీ జిల్లా కార్యదర్శి యర్రంపల్లి కృష్ణమూర్తి, జిల్లా కార్యనిర్వాహక కార్యదర్శి తలారి సత్తి, నాయకులు భట్టువానిపల్లి అంజి, భీమేష్‌, పార్టీ జిల్లా అధికార ప్రతినిధి గోపారం శ్రీనివాసులు, గాజుల అంజి, షేక్షావలి, పోలార్పు నరేష్‌, లీగల్‌ సెల్‌ తాలూకా అధ్యక్షుడు రామాంజనేయులు, దాదా ఖలందర్‌, మంజు, జానీ పాల్గొన్నారు.

అనంతపురం: ఆర్డీటీ క్రీడా గ్రామంలో నిర్వహిస్తున్న కర్నల్‌ సీకే నాయుడు ట్రోఫీ (అండర్‌–23) ఎలైట్‌ గ్రూప్‌ మల్టీ–డే మ్యాచ్‌లో ఆంధ్ర జట్టు అద్భుత ప్రతిభ కనబర్చారు. మ్యాచ్‌ డ్రాగా ముగిసినా ఆంధ్ర ఆటగాళ్ల ప్రదర్శన క్రీడాభిమానులను ఆకట్టుకుంది. ఆంధ్ర తొలి ఇన్నింగ్స్‌లో 242 పరుగులు సాధించింది. తొలి ఇన్నింగ్స్‌లో 351 పరుగులు చేసి జార్ఖండ్‌ ఆధిపత్యం సాధించినా.. రెండో ఇన్నింగ్స్‌లో 8 వికెట్ల నష్టానికి 271 పరుగులు సాధించిన ఆంధ్ర బ్యాటర్లు సంయమనం ప్రదర్శించి మ్యాచ్‌ డ్రాగా ముగించారు. గరిమెల్ల తేజ (78) అర్ధశతకంతో జట్టును ఆదుకోగా, హనీష్‌ రెడ్డి (36), మున్నంగి అభినవ్‌ (35), వరుణ్‌ సాత్విక్‌ (33), నాటౌట్‌ బ్యాటర్‌ బత్తిన యశ్వంత్‌ (25) పరుగులు జోడించారు. జీఎస్‌పీ తేజ ’ప్లేయర్‌ ఆఫ్‌ ది మ్యాచ్‌’ , ’బెస్ట్‌ బ్యాటర్‌’ అవార్డును కై వసం చేసుకున్నారు. బౌలింగ్‌లో అదరగొట్టిన ఎం.దీపక్‌ ఉత్తమ బౌలర్‌గా నిలిచారు. తొలి ఇన్నింగ్స్‌ లీడ్‌ ఆధారంగా జార్ఖండ్‌ జట్టుకు 3 పాయింట్లు, ఆంధ్ర జట్టుకు 1 పాయింట్‌ దక్కింది. ఈ టోర్నమెంట్‌ను అత్యంత విజయవంతంగా నిర్వహించడంపై క్రికెట్‌ అసోసియేషన్‌ సెక్రటరీ శ్రీధర్‌ హర్షం వ్యక్తం చేశారు. రాబోవు రోజుల్లో అనంతపురం వేదికగా మరిన్ని స్టేట్‌ లెవెల్‌ మ్యాచ్‌లు నిర్వహిస్తామని తెలిపారు. ఆంధ్ర హెడ్‌ కోచ్‌ నిర్మల్‌ కుమార్‌, జార్ఖండ్‌ హెడ్‌ కోచ్‌ ఇషాన్‌ జగ్గీ, మ్యాచ్‌ రెఫ్రీ సిద్ధిఖీ మాట్లాడుతూ అనంతపురంలో మైదా నం, వసతులు సంతృప్తికరంగా ఉన్నాయని, మ్యాచ్‌ చాలా హోరాహోరీగా సాగిందన్నారు. వైఎస్సార్‌సీపీ అనుబంధ విభాగాల్లో పలువురికి చోటు అనంతపురం: జిల్లాకు చెందిన పలువురికి వైఎస్సార్‌సీపీ అనుబంధ విభాగాల్లో చోటు కల్పించారు. ఈ మేరకు పార్టీ కేంద్ర కార్యాల యం గురువారం ఓ ప్రకటన విడుదల చేసింది. వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి ఆదేశాల మేరకు పార్టీ అనుబంధ విభాగాల్లో ఎస్సీ విభాగం జిల్లా సెక్రటరీలుగా రాయదుర్గం నియోజకవర్గానికి చెందిన హరిజన ధనుంజయ, జిల్లా ఎస్టీ సెల్‌ కార్యదర్శిగా గుంతకల్లు నియోజకవర్గం నుంచి రమావత్‌ రమేష్‌ నాయక్‌, జిల్లా రైతు విభాగం కార్యదర్శిగా ఎం.రామిరెడ్డి (రాయదుర్గం), జిల్లా మైనార్టీ విభాగం సెక్రటరీలుగా షేక్‌ షబ్బీర్‌ (తాడిపత్రి), టీకే ఫయాజుద్దీన్‌ (తాడిపత్రి), జిల్లా యువజన విభాగం కార్యదర్శులుగా పందిర్లపల్లి సూర్య తేజారెడ్డి (తాడిపత్రి), వి.మేఘనాథరెడ్డి (తాడిపత్రి), జిల్లా ఐటీ విభాగం సెక్రటరీగా పి.చెన్నకృష్ణారెడ్డి (తాడిపత్రి), జిల్లా విద్యార్థి విభాగం కార్యదర్శిగా పి.హనుమంతకుమార్‌ రెడ్డి (తాడిపత్రి), అనంతపురం నగర బీసీ విభాగం జనరల్‌ సెక్రటరీగా ఎంపీ శివశంకర్‌ (అనంతపురం అర్బన్‌)కు చోటు కల్పించారు. ఇంటెలెక్చువల్‌ ఫోరంలో పలువురికి చోటు.. పార్టీ ఇంటెలెక్చువల్‌ ఫోరంలో పలువురికి స్థానం కల్పించారు. శింగనమల నియోజకవర్గానికి చెందిన సి. మనోహర్‌రెడ్డిని గార్లదిన్నె మండల ఇంటెలెక్చువల్‌ ఫోరం అధ్యక్షుడిగా, ఎస్‌. నారాయణరెడ్డిని శింగనమల మండల ఫోరం అధ్యక్షుడిగా, కె.సత్యనారాయణను బుక్కరాయసముద్రం మండలం ఫోరం అధ్యక్షుడిగా, నార్పల మండల ఫోరం అధ్యక్షుడిగా ఎం.జనార్దన, పుట్లూరు మండల ఫోరం అధ్యక్షుడిగా ఈ.వెంకటసుబ్బారెడ్డి, యల్లనూరు మండల ఫోరం అధ్యక్షుడిగా పి.యోగానందారెడ్డికి చోటు కల్పించారు. రాయదుర్గం మండల రైతు విభాగం కార్యదర్శులుగా కె.చంద్రశేఖరరెడ్డి, బి.గురునాథరెడ్డికి స్థానం దక్కింది.

కూడేరు: క్రమ‘శిక్షణ ఉంటే రంగం ఏదైనా రాణించొచ్చు.. నాయకత్వ లక్షణాలు అలవర్చుకోవచ్చు.. దేశభక్తి పెంపొందించుకోవచ్చు.. ఏ కొలువైనా సునాయాసంగా సాధించొచ్చు.. బంగారు భవిష్యత్‌కు బాటలు వేసుకోవచ్చు.. జీవితాల్లో సరికొత్త వెలుగులు నింపుకోవచ్చు.. కేవలం సైనిక శిక్షణకు మాత్రమే పరిమితం కాకుండా ఐక్యత, క్రమశిక్షణ నినాదంతో ఎన్‌సీసీ (నేషనల్‌ క్యాడెట్‌ కార్ప్స్‌) వందలాది క్యాడెట్లలో ఆత్మవిశ్వాసాన్ని పెంపొందిస్తోంది. పరేడ్‌, డ్రిల్‌, శారీరక దృఢత్వంతోపాటు దేశసేవ పట్ల ఆసక్తిని పెంచుతోంది. కూడేరు మండలం బ్రాహ్మణపల్లివద్దనున్న ఎన్‌సీసీ నగర్‌లో ఏటా వందలాది మంది ఎన్‌సీసీ క్యాడెట్లు నాయకత్వ లక్షణాలు, గ్రూప్‌ (బృంద) స్ఫూర్తి, సామాజిక సేవ, జాతీయ సమైక్యత.. ఇలా ఎన్నో అంశాలపై అవగాహన పొందుతున్నారు. కూడేరు మండల పరిధిలోని బ్రాహ్మణపల్లి సమీపంలో అనంతపురం – బళ్లారి రహదారి పక్కన ఎన్‌సీసీ నగర్‌ 2007 డిసెంబర్‌ 11న ప్రారంభమైంది. అనంతపురానికి చెందిన అప్పటి కెప్టెన్‌ కె.ప్రభాకర్‌ రెడ్డి ఎన్‌సీసీ నగర్‌ ఏర్పాటు కోసం కృషి చేశారు. అప్పటి జిల్లా కలెక్టర్‌ శ్రీధర్‌ ఎన్‌సీసీ నగర్‌ ఏర్పాటుకు అనుమతి ఇచ్చారు. ఏటా ఇక్కడ పది శిక్షణ శిబిరాలను నిర్వహిస్తారు. ప్రతి క్యాంప్‌ 10 రోజులు పాటు కొనసాగుతాయి. ప్రతి క్యాంపులో 500 నుంచి 550 మంది క్యాడెట్లు శిక్షణ పొందుతారు. ఈ శిబిరాల్లో కర్నూలు, నంద్యాల, అనంతపురం, పుట్టపర్తి జిల్లాకు చెందిన సుమారు 500–550 మంది క్యాడెట్లు (పాఠశాల, కళాశాల విద్యార్థినీ విద్యార్థులు) శిక్షణ పొందుతారు. శిక్షణ అత్యంత క్రమశిక్షణతో కూడి ఉంటుంది. 18 ఏళ్ల లో సుమారు 90 వేల మంది క్యాడెట్లు శిక్షణ పొంది బంగారు భవిష్యత్‌కు బాటలు వేసుకున్నారు. శిక్షణతో సరికొత్త నైపుణ్యాలు : ఎన్‌సీసీ శిక్షణ విద్యార్థుల్లో ఆత్మవిశ్వాసాన్ని పెంపొందించేందుకు దోహదపడుతుంది. పరేడ్‌, డ్రిల్‌, శారీరక దృఢత్వం, నాయకత్వ లక్షణాలు, గ్రూప్‌ (బృంద) స్పూర్తి, సామాజిక సేవ, జాతీయ సమైక్యత వంటి అంశాలపై క్యాడెట్లు అవగాహన పొందుతారు. వివిధ సాంస్కృతిక కార్యక్రమాలు, సామాజిక అంశాలపై అవగాహన కార్యక్రమాలు కూడా నిర్వహిస్తారు. సమయ పాలన, బాధ్యతాయుత ప్రవర్తన, తోటి వారితో సమన్వయంతో పని చేయడం వంటి లక్షణాలు అలవర్చుకోవడానికి శిక్షణా శిబిరాలు దోహదపడతాయి. ఎన్‌సీసీ శిక్షణతో క్యాడెట్లకు కలిగే లాభాలు... బంగారు భవిష్యత్‌కు బాటలు: ● ఎన్‌సీసీలో ప్రతిభ చాటి బి, సి సర్టిఫికెట్లు సాధించిన విద్యార్థులకు ఉన్నత విద్యల్లో ప్రత్యేక కోటా లభిస్తుంది. ● ఉద్యోగాల్లో ప్రత్యేక ప్రాధాన్యత: రక్షణ రంగం (ఆర్మీ, నేవీ ఎయిర్‌ ఫోర్స్‌), పోలీస్‌ శాఖతో పాటు పారా మిలటరీ దళాల ఉద్యోగ నియామకాల్లో ఎన్‌సీసీ క్యాడెట్లకు ప్రత్యేక వెయిటే జీ, బోనస్‌ మార్కులు లభిస్తాయి. నాయకత్వ లక్షణాలు: క్యాంపులో కలిసి జీవించడం ద్వారా విద్యార్థుల్లో జట్టు కట్టేతత్వం (టీమ్‌ వర్క్‌), కమ్యూనికేషన్‌ స్కిల్స్‌, లీడర్‌ షిప్‌ క్వాలిటీస్‌ మెరుగవుతాయి. ● వ్యక్తిత్వ వికాసం: సమయ పాలన, కఠిన శ్రమ, ఎలాంటి పరిస్థితులనైనా తట్టుకునే మానసిక ౖధైర్యం శిక్షణతో క్యాడెట్లకు సొంతమతుంది. జిల్లా : అనంతపురం ప్రాంతం: కూడేరు (బ్రాహ్మణపల్లి) ఎన్‌సీసీ నగర్‌ ఏర్పాటైన తేదీ: 2007 డిసెంబర్‌ 11 క్యాడెట్లు పాల్గొనే జిల్లాలు అనంతపురం, శ్రీసత్యసాయి, కర్నూలు, నంద్యాల ఏడాదిలో జరగనున్న క్యాంపులు (సుమారు): 10 ప్రతి క్యాంపులో పాల్గొననున్న క్యాడెట్లు (సుమారు) : 500 నుంచి 550 ఏడాదిలో శిక్షణ పొందే క్యాడెట్లు (సుమారు) : 5,000 నుంచి 5,500 ఎన్‌సీసీ శిబిరాలతో విద్యార్థుల జీవితాల్లో వెలుగు ఎన్‌సీసీ నగర్‌లో ఏటా ఏడు శిక్షణ శిబిరాలు

అనంతపురం కల్చరల్‌: సెంటిమెంటు అనేది రాజకీయ నాయకులకు, సినిమా యాక్టర్లకు కాస్తంత ఎక్కువగానే ఉంటుంది. ఏ పనిచేయాలన్న సరే మంచి ముహూర్తం లేకుండా అడుగేయరు. ప్రస్తుతం స్థానిక ఎన్నికల వేడి రాజుకోవడంతో మళ్లీ జ్యోతిష్యుల చుట్టూ అభ్యర్థులు ప్రదక్షిణ చేస్తున్నారు. మరో పదిహేనురోజుల్లో మునిసిపల్‌ అభ్యర్థుల భవితవ్యం తేలిపోనున్నా నామినేషన్ల ప్రక్రియ కీలకం కాబట్టి శుభముహూర్తాల వేట అప్పుడే మొదలైంది. ఉన్నది తక్కువ సమయమేనైనా ప్రచారమైనా..నామినేషన్లయినా ఏ సమయంలో ప్రారంభించాలి .. ముహూర్తం మంచిదా కాదా అని బేరీజు వేసుకుంటున్నారు. దీంతో జ్యోతిష్యులు, పురోహితులకు డిమాండ్‌ పెరిగిపోయింది. మంచి ముహూర్తాలివే... నేటి నుంచే నామినేషన్ల ప్రక్రియ ప్రారంభం కానుంది. తొలిరోజు ముహూర్తం అంటే 16న షష్టి, శుక్రవారం మూలా నక్షత్రం కావడంతో బలమైందని జ్యోతిష్యులంటున్నారు. ఈనెల 18న ఆదివారం ఉత్తారాషాడ నక్షత్రం కూడా మరింత బలం చేకూరేలా చేస్తుంది. రాజ్యాధికారం దక్కే రవి శుభకరుడు కావడం కలిసొచ్చే అంశమని పురోహితులు చెబుతున్నారు. మధ్యలో వచ్చే 17 నిజంగానే మధ్యస్థంగానే ఉంటుందంటున్నారు. మాకు కూడా అవసరమే .. హేతువాదులు, నాస్తికులు, దేవుడిని, జాతకాలను నమ్మమని చెప్పుకునే కమ్యూనిస్టులు, అభ్యుదయవాదులు కూడా స్నేహితుల వద్ద ముహూర్తాల ప్రస్తావన తెస్తున్నారు. జిల్లాలో కమ్యూనిస్టు నాయకులు పోటీ చేస్తుండడంతో అభ్యర్థులు నేరుగా కాకుండా వారి చుట్టాలు లేదా కార్యకర్తలు జ్యోతిష్యులను సంప్రదించి ఎలాగైనా మంచి ముహూర్తం నాడు నామినేషన్లు వేయడానికి చూస్తున్నారని పురోహితులు, జ్యోతిష్యులు చెబుతున్నారు. ఎక్కువ మంది వస్తున్నారు సాధారణంగా చిన్నపాటి కార్యక్రమాలు చేసినా పంచాంగం చూసే ముహూర్తం పెడతాం. ఎన్నిలంటే చాలా మంది జీవన్మరణ సమస్యగా చూస్తారు. ఎక్కువ మంది మా దగ్గరకొచ్చి నామినేషన్ల కోసం మంచి ముహూర్తాలను ఖరారు చేసుకుంటున్నారు. ఉన్న గడువు కూడా మూడురోజులే కాబట్టి ఉన్నంతలో నామనక్షత్రాల ఆధారంగా ముహూర్తాలు పెట్టించుకుంటున్నారు. – వాసుదేవరావు, జ్యోతిష్యులు, రాప్తాడు నేడు మొదలు కానున్న నామినేషన్ల ప్రక్రియ ముహూర్తం కోసం జ్యోతిష్యులు, పురోహితుల వద్దకు అభ్యర్థుల క్యూ

పెద్దపంజాణి: చిత్తూరు జిల్లా పెద్దపంజాణి మండలంలోని పుంగనూరు–పలమనేరు హైవే లింగాపురం సమీపం వద్ద గురువారం జరిగిన రోడ్డు ప్రమాదంలో ఒకరు మృతిచెందగా, మరో ముగ్గురు తీవ్రంగా గాయపడ్డారు. పోలీసులు తెలిపిన మేరకు.. కదిరికి చెందిన మహబూబ్‌ బాషా కుమారుడు సాధిక్‌ (27), భార్య నఫీజ్‌, స్నేహితుడు అజర్‌ దంపతులతో కలసి కారులో కదిరి నుంచి చిత్తూరులోని ఓ వివాహ కార్యక్రమానికి హాజరయ్యారు. తిరుగు ప్రయాణంలో కారు నడుపుతున్న సాధిక్‌ అదుపు చేయలేక లింగాపురం సమీపంలో కల్వర్టును ఢీకొన్నాడు. ఈ ప్రమాదంలో సాధిక్‌ అక్కడికక్కడే మృతిచెందాడు. స్థానికులు వీరిని పుంగనూరు ప్రభుత్వ ఆస్పత్రికి తరలించారు. దీనిపై పెద్దపంజాణి పోళీసులు కేసు నమోదు చేసి విచారిస్తున్నారు. అప్పుల బాధతో రైతు ఆత్మహత్య యల్లనూరు:అప్పుల బాధ తాళలేక రైతు ఆత్మహత్య చేసుకున్నాడు. ఈ ఘటన యల్లనూరు మండలంలో చోటు చేసుకుంది. పోలీసులు తెలిపిన వివరాల మేరకు... చిలమకూరు గ్రామానికి చెందిన గూగూటి చిన్నకుళ్లాయప్ప కుమారుడు శేఖర్‌ (50)కు మూడెకరాల పొలం ఉంది. వివిధ పంటలు సాగు చేసినా సక్రమంగా పండలేదు. అప్పులు రూ.20 లక్షల వరకు చేశాడు. అలాగే కుమార్తెకు ఇటీవల పెళ్లి చేయగా.. అంతలోనే అల్లుడు అనారోగ్యంతో మృతిచెందాడు. ఒకవైపు అప్పులు, మరోవైపు కుమార్తె జీవితం కష్టాల్లో పడడంతో తీవ్ర మనోవేదనకు గురయ్యాడు. ఈ క్రమంలో గురువారం వ్యవసాయ పొలానికి వెళ్లి వేపచెట్టుకు ఉరి వేసుకుని మృతి చెందాడు. అటుగా వెళ్లిన వారు గమనించి కుటుంబ సభ్యులకు సమాచారం ఇచ్చారు. మృతదేహాన్ని పోస్టుమార్టం నిమిత్తం తాడిపత్రి ప్రభుత్వాస్పత్రికి తరలించారు. మృతుడికి భార్య బయమ్మ, కుమారుడు, కుమార్తె ఉన్నారు. పోలీసులు కేసు నమోదు చేశారు. కేబుల్‌ దొంగల పట్టివేత బత్తలపల్లి: తంబాపురంలో వెంకటకృష్ణారెడ్డికి చెందిన సపోటా తోటలో అనంతపురానికి చెందిన ఇసాక్‌, ప్రతాప్‌ కేబుల్‌ను దొంగలించి మోటారు సైకిల్‌పై పారిపోతుండగా కాపలాదారు సాకే చిన్న పెద్దన్న, కుమారుడు రవి అప్రమత్తమై నిందితులను గురువారం పట్టుకున్నారు. బత్తలపల్లి బ్లూ కోల్ట్స్‌ సిబ్బంది నిందితులతో పాటు ద్విచక్ర వాహనాన్ని, కేబుల్‌ను స్వాధీనం చేసుకుని, పోలీస్‌ స్టేషన్‌కు తరలించారు. కేసు దర్యాప్తు చేస్తున్నట్లు తెలిపారు.

అనంతపురం ఎడ్యుకేషన్‌: ఉపాధ్యాయ ఉద్యోగాల కోసం ఏళ్ల తరబడి ఎదురుచూస్తున్న నిరుద్యోగులకు మళ్లీ నిరాశే మిగులుతోంది. మెగా డీఎస్సీలోనూ అరకొర పోస్టులతో సరిపెట్టిన ప్రభుత్వం.. తాజాగా విడుదల చేసిన ప్రాథమిక నోటిఫికేషన్‌లోనూ ఉమ్మడి అనంతపురం జిల్లాకు తగినన్ని పోస్టులు కేటాయించలేదు. ముఖ్యంగా ఎస్జీటీ పోస్టుల భర్తీలో తీవ్ర అన్యాయం జరిగింది. ఎంతో ఆశతో ఉన్న తమను ఈ సారి కూడా ప్రభుత్వం మోసం చేసిందని అభ్యర్థులు ఆవేదన వ్యక్తం చేస్తున్నారు. ఉమ్మడి జిల్లాలో 170 దాకా ఎస్జీటీ ఖాళీలున్నట్లు చూపించి.. తీరా నోటిఫికేషన్‌లో మాత్రం అనంతపురం జిల్లాకు 26 పోస్టులే ప్రకటించడంపై ఆగ్రహం వ్యక్తం చేస్తున్నారు. శ్రీసత్యసాయి జిల్లాలో ఒక్క ఎస్జీటీ పోస్టు కూడా లేకపోవడం తమను మరింత కలవరపెడుతోందని వాపోతున్నారు. ఎన్నో ఆశలు..అరకొర పోస్టులు స్థానిక సంస్థల ఎన్నికల నోటిఫికేషన్‌ విడుదలకు ముందు రోజు ప్రభుత్వం హడావుడిగా డీఎస్సీ ప్రాథమిక నోటిఫికేషన్‌ విడుదల చేసింది. అనంతపురం జిల్లాలో మొత్తం 108 పోస్టులు భర్తీ చేయనున్నట్లు ప్రకటించగా.. వాటిలో 66 స్కూల్‌ అసిస్టెంట్‌ పోస్టులు, 26 ఎస్జీటీ పోస్టులు, ఏడు స్పెషల్‌ ఎడ్యుకేషన్‌ స్కూల్‌ అసిస్టెంట్‌ పోస్టులు, తొమ్మిది స్పెషల్‌ ఎడ్యుకేషన్‌ ఎస్జీటీ పోస్టులు ఉన్నాయి. ఇక శ్రీసత్యసాయి జిల్లాలో 42 స్కూల్‌ అసిస్టెంట్‌ పోస్టులు, ఏడు స్పెషల్‌ ఎడ్యుకేషన్‌ స్కూల్‌ అసిస్టెంట్‌ పోస్టులు, తొమ్మిది స్పెషల్‌ ఎడ్యుకేషన్‌ ఎస్జీటీ పోస్టులు కలిపి మొత్తం 58 పోస్టులు ప్రకటించారు. సాధారణ ఎస్జీటీ పోస్టులు ఒక్కటీ లేకపోవడం గమనార్హం. 170 ఖాళీలుంటే.. 26 పోస్టులేనా? ఉమ్మడి జిల్లాలో ఇటీవల 170 ఎస్జీటీ పోస్టులను ఖాళీలుగా చూపించారని, అలాంటప్పుడు డీఎస్సీ నోటిఫికేషన్‌లో ఇంత తక్కువ పోస్టులు ఎలా ప్రకటిస్తారని అభ్యర్థులు ప్రశ్నిస్తున్నారు. అనంతపురం జిల్లాకు కేటాయించిన 26 పోస్టుల్లో తెలుగు, ఉర్దూ, కన్నడ మాధ్యమాలకు ఎన్ని పోస్టులు కేటాయిస్తారో కూడా స్పష్టత లేదని అంటున్నారు. మాధ్యమాల వారీగా పోస్టుల విభజన జరిగితే తమకు ఎన్ని అవకాశాలు ఉంటాయోనని ఆందోళన చెందుతున్నారు. ఖాళీలన్నీ భర్తీ చేస్తేనే తమకు ఉద్యోగావకాశాలు లభిస్తాయని, పరిమిత సంఖ్యలో పోస్టులు ప్రకటిస్తే ఏళ్ల తరబడి శ్రమించినా ఫలితం ఉండదని ఆవేదన వ్యక్తం చేస్తున్నారు. 90 మార్కులొచ్చినా ఉద్యోగం రాదేమో గత డీఎస్సీలో మంచి మార్కులు సాధించినా పోస్టుల సంఖ్య తక్కువగా ఉండటంతో ఉద్యోగం పొందలేకపోయామని పలువురు అభ్యర్థులు చెప్తున్నారు. ఈసారి కూడా కేవలం 26 ఎస్జీటీ పోస్టులే ప్రకటిస్తే 90 మార్కులు సాధించినా ఉద్యోగం వస్తుందో లేదోనని ఆందోళన వ్యక్తం చేస్తున్నారు. ఏళ్ల తరబడి చదువుకుంటూ, కుటుంబాల ఆశలను మోస్తూ ఉపాధ్యాయ ఉద్యోగాల కోసం సిద్ధమవుతున్న తమకు నోటిఫికేషన్‌ నిరాశ మిగిల్చిందని వాపోతున్నారు. టెట్‌ పరీక్షలను వరుసగా నిర్వహిస్తున్న ప్రభుత్వం.. ఉపాధ్యాయ పోస్టులను మాత్రం తగిన స్థాయిలో భర్తీ చేయకపోవడమేంటని ప్రశ్నిస్తున్నారు. ఖాళీలన్నీ భర్తీ చేయకుండా నోటిఫికేషన్‌లు విడుదల చేయడం వల్ల నిరుద్యోగులకు ఒరిగేదేమిటని నిలదీస్తున్నారు. డీఈఓను కలిసిన నిరుద్యోగ అభ్యర్థులు.. పోస్టుల కేటాయింపుపై ఆందోళన వ్యక్తం చేసిన నిరుద్యోగ అభ్యర్థులు గురువారం జిల్లా విద్యాశాఖ అధికారి ఆయూబ్‌ హుస్సేన్‌ను కలిసి తమ సమస్యలను వివరించారు. ఉమ్మడి జిల్లాలో ఉన్న ఖాళీలకు అనుగుణంగా పోస్టులు ప్రకటించాలని, ఎస్జీటీ పోస్టుల సంఖ్యను పెంచేలా ఉన్నతాధికారుల దృష్టికి తీసుకెళ్లాలని కోరారు. డీఎస్సీ కొత్త ప్రాథమిక నోటిఫికేషన్‌లోనూ అన్యాయమే ఉమ్మడి అనంతపురం జిల్లాకు అరకొర పోస్టులు 170 దాకా ఎస్జీటీ ఖాళీలుంటే.. నోటిఫికేషన్‌లో 26 మాత్రమే శ్రీసత్యసాయి జిల్లాలో ఎస్జీటీ పోస్టులు ‘0’

ఎన్నికల సమయాల్లో రాజకీయ పార్టీ నేతలు, కార్యకర్తల నోట వినిపించే మాట బైండోవర్‌. పాత నేరస్తులు, రౌడీషీటర్లతో పాటు ఒక వ్యక్తితో శాంతిభద్రతలకు విఘాతం కలుగుతుందని భావించినా, ఆయన చర్యలు అనుమానాస్పదంగా ఉన్నా.. ఆ వ్యక్తిని పోలీసులు తహసీల్దార్‌ లేదా ఆర్డీఓ ఎదుట హాజరుపరుస్తారు. ఆ వ్యక్తితో చట్టవ్యతిరేక చర్యలు, కార్యకలాపాల్లో పాల్గొనబోనని బాండ్‌ పేపర్‌పై లిఖిత పూర్వకంగా హామీ తీసుకొని సొంత పూచీకత్తుపై విడుదల చేస్తారు. బైండోవర్‌ను ‘బాండ్‌ ఫర్‌ గుడ్‌ బిహేవియర్‌’ అని అంటారు. బైండోవర్‌ అయిన వ్యక్తి చట్టవ్యతిరేక కార్యకలాపాలకు పాల్పడితే అతన్ని 24 గంటల్లో అరెస్ట్‌ చేస్తారు. – గుంతకల్లు టౌన్‌:

అనంతపురం ఎడ్యుకేషన్‌: గ్రామాల్లో రాజకీయ ఉత్కంఠకు ఎట్టకేలకు తెరపడింది. జిల్లా ఎన్నికల అధికారి, కలెక్టర్‌ ఆనంద్‌ గురువారం సాయంత్రం రిజర్వేషన్ల గెజిట్‌ నోటిఫికేషన్‌ విడుదల చేశారు. జిల్లాలోని 576 గ్రామ పంచాయతీల సర్పంచ్‌ పదవులు, 5,820 వార్డు సభ్యుల స్థానాల రిజర్వేషన్లపై స్పష్టత వచ్చింది. మారనున్న సమీకరణాలు గ్రామాల్లో సర్పంచ్‌ పదవిని దక్కించుకోవాలని కొంతకాలంగా ప్రయత్నాలు చేస్తున్న నాయకులకు రిజర్వేషన్ల ప్రకటన కీలకంగా మారింది. తమ సామాజిక వర్గానికి అవకాశం దక్కిన గ్రామాల్లో పోటీకి సిద్ధమవుతున్న నేతలు.. రిజర్వేషన్‌ అనుకూలించని చోట ప్రత్యామ్నాయాలపై దృష్టి సారిస్తున్నారు. మరోవైపు గ్రామాల్లో బలాబలాలు, సామాజిక సమీకరణాలు, స్థానిక రాజకీయ పరిస్థితులను బేరీజు వేసుకుంటూ ప్రధాన పార్టీల నాయకులు వ్యూహాలకు పదును పెడుతున్నారు. గ్రామాల్లో ఎన్నికల సందడి రిజర్వేషన్ల ప్రక్రియ పూర్తికావడంతో ఎన్నికల నిర్వహణపై ఉత్కంఠ పెరిగింది. గ్రామ పంచాయతీ ఎన్నికలను మూడు విడతల్లో నిర్వహించనున్నారు. తొలి విడత పోలింగ్‌ నవంబర్‌ 26న, రెండో విడత నవంబర్‌ 29న, మూడో విడత డిసెంబర్‌ 2న జరగనుంది. గెజిట్‌ విడుదలతో రిజర్వేషన్లపై నెలకొన్న అనిశ్చితి తొలగినా, గ్రామాల్లో అసలు రాజకీయ పోరు ఇప్పుడే మొదలుకానుంది. సర్పంచ్‌ పదవితో పాటు వార్డు స్థానాలు దక్కించుకునేందుకు అభ్యర్థులు ప్రయత్నాలు ముమ్మరం చేయనున్నారు. వార్డు స్థానాల్లోనూ స్పష్టత గ్రామ పంచాయతీ వార్డు సభ్యుల స్థానాల రిజర్వేషన్లపైనా స్పష్టత వచ్చింది. జిల్లాలోని 5,820 వార్డుల్లో ఎస్టీలకు 240, ఎస్సీలకు 990, బీసీలకు 1,662, జనరల్‌ కేటగిరీలో 2,928 స్థానాలను కేటాయించారు. వీటిలో మహిళలకు 2,902, జనరల్‌ కేటగిరీలో 2,918 స్థానాలు ఉన్నాయి. సర్పంచ్‌ స్థానాల్లో ఎవరెక్కడ? జిల్లాలోని మొత్తం 576 గ్రామ పంచాయతీల్లో ఎస్టీలకు 18, ఎస్సీలకు 97, బీసీలకు 165, జనరల్‌ కేటగిరీలో 296 సర్పంచ్‌ స్థానాలను కేటాయించారు. మహిళలకు 287, జనరల్‌ కేటగిరీలో 289 స్థానాలు దక్కాయి. 576 పంచాయతీలు, 5,820 వార్డులకు రిజర్వేషన్ల ఖరారు గెజిట్‌ నోటిఫికేషన్‌ విడుదల చేసిన కలెక్టర్‌ పంచాయతీలకు సంబంధించి ఎస్టీలకు 18, ఎస్సీలకు 97, బీసీలకు 165, జనరల్‌కు 296 వార్డుల్లో ఎస్టీలకు 240, ఎస్సీలకు 990, బీసీలకు 1.662, జనరల్‌కు 2,928 స్థానాలు

● మున్సిపల్‌ చైర్మన్‌ అభ్యర్థిగా హీరాపురం ఫయాజ్‌బాషా ● మాజీ ఎమ్మెల్యే కేతిరెడ్డి పెద్దారెడ్డి తాడిపత్రిటౌన్‌: తాడిపత్రిలో తమ పార్టీ తరఫున నామినేషన్‌లు వేసే అభ్యర్థులను టీడీపీ నాయకుడు జేసీ ప్రభాకర్‌రెడ్డి , ఆయన అనుచరులు బెదిరిస్తున్నారన్నారని మాజీ ఎమ్మెల్యే కేతిరెడ్డి పెద్దారెడ్డి అన్నారు. తాడిపత్రి పట్టణంలోని వైఎస్సార్‌సీపీ కార్యాలయంలో గురువారం ఆయన విలేకరుల సమావేశంలో మాట్లాడారు. మున్సిపల్‌ చైర్మన్‌ అభ్యర్థిగా మైనార్టీ నేత ఫయాజ్‌బాషాను బరిలో నిలుపుతున్నట్లు తెలిపారు. అభ్యర్థుల ఎంపిక తమ పార్టీ అంతర్గత నిర్ణయమని పేర్కొన్నారు. ఇతరులు చెప్పినంతమాత్రాన పార్టీ నిర్ణయాలు మారబోవని స్పష్టం చేశారు. మున్సిపల్‌ ఎన్నికల్లో పోటీ చేయాలనుకునే ప్రతి ఒక్కరికీ తమకు నచ్చిన పార్టీ తరఫున నామినేషన్‌ వేసే హక్కు ఉందన్నారు. అభ్యర్థులను బెదిరించి పోటీ నుంచి తప్పించే ప్రయత్నాలను సహించబోమని హెచ్చరించారు. తాడిపత్రి మున్సిపల్‌ చైర్మన్‌ పదవి జనరల్‌కు కేటాయించి ఉంటే తమ కుటుంబం, జేసీ కుటుంబం అని చర్చ జరిగిందని, దానికి తగ్గట్టుగానే కేతిరెడ్డి హర్షవర్ధన్‌రెడ్డిని సిద్ధం చేశానని వెల్లడించారు. ప్రస్తుతం బీసీ రిజర్వేషన్‌తో పరిస్థితులు మారాయన్నారు. తనను తాడిపత్రికి రాకుండా జేసీ ప్రభాకర్‌రెడ్డి ఎన్ని కుయుక్తులు పన్నినా తాడిపత్రికి రాకుండా ఆపలేకపోయాడన్నారు. తాడిపత్రిలో మట్కా, గంజాయి బ్యాచ్‌లతో అమాయకులపై దాడులు చేయిస్తున్నాడన్నారు. తనను బెదిరించినా భయపడే ప్రసక్తే లేదని స్పష్టం చేశారు. అధికారం ఎవ్వరికీ శాశ్వతం కాదని స్పష్టం చేశారు.

‘పుర’ పోరుకు నేటి నుంచి నామినేషన్లు ● 18వ తేదీ వరకు స్వీకరణ సాక్షి ప్రతినిధి, అనంతపురం: మునిసిపల్‌ ఎన్నికల ప్రక్రియలో కీలకమైన నామినేషన్ల ఘట్టం నేటి (శుక్రవారం) నుంచి ప్రారంభం కానుంది. ఈ నెల 18వ తేదీ వరకు నామినేషన్లు స్వీకరించనున్నారు. ఇందుకోసం మునిసిపల్‌ అధికారులు ఏర్పాట్లు చేశారు. అనంతపురం నగర పాలక సంస్థతో పాటు గుంతకల్లు, తాడిపత్రి, రాయదుర్గం, కళ్యాణదుర్గం, గుత్తి మునిసిపాలిటీల్లో నామినేషన్ల ప్రక్రియ మొదలుకానుంది. చైర్‌పర్సన్‌, వార్డు స్థానాలకు వేర్వేరుగా నామినేషన్లు స్వీకరించనున్నారు. నామినేషన్లను ఉదయం 11 నుంచి మధ్యాహ్నం మూడు గంటల వరకు దాఖలు చేయవచ్చు. చైర్‌పర్సన్‌, కౌన్సిలర్‌ పదవులకు పోటీ చేసే జనరల్‌ అభ్యర్థులు రూ.3 వేలు, ఎస్సీ, ఎస్టీ, బీసీ అభ్యర్థులైతే రూ.1,500 చొప్పున డిపాజిట్‌ చెల్లించాల్సి ఉంటుంది.

అనంతపురం క్రైం: కార్పొరేషన్‌ ఎన్నికల వేళ కూటమిలో అంతర్గత కుమ్ములాటలు, అసంతృప్తులు, అనిశ్చితి ఆ పార్టీ శ్రేణులను గందరగోళంలోకి నెడుతున్నాయి. మరోవైపు వైఎస్సార్‌సీపీ మాత్రం అభ్యర్థుల ఎంపిక, డివిజన్ల వారీ వ్యూహాలతో ఎన్నికల బరిలో ముందుకు దూసుకెళ్తోంది. ఒకవైపు దిశానిర్దేశం కోసం కూటమి పార్టీల నేతలు ఎదురుచూస్తుంటే... వైఎస్సార్‌సీపీ నేతలు మాత్రం వ్యూహాత్మకంగా పావులు కదుపుతున్నారు. కార్యాచరణలో వెనకడుగు నగరపాలక సంస్థ ఎన్నికల్లో డివిజన్ల వారీగా అభ్యర్థులు ఎవరన్నది కూటమిలో ఇప్పటికీ స్పష్టత రాకపోవడం నాయకులు, కార్యకర్తల్లో ఉత్కంఠకు కారణమవుతోంది. కీలకమైన ఎన్నికల్లో ముందుగానే అభ్యర్థులను ప్రకటించి శ్రేణుల్లో ఉత్సాహం నింపాల్సి ఉండగా.. నిర్ణయం ఎప్పుడు వెలువడుతుందో తెలియని పరిస్థితి నెలకొన్నట్లు పార్టీ వర్గాల్లో చర్చ సాగుతోంది. తెలుగుదేశం పార్టీతో పాటు జనసేన, బీజేపీ నేతలకు కూడా ఏ దిశలో ముందుకెళ్లాలి, ఎవరికి ఏ బాధ్యతలు అప్పగిస్తారు, ఏ డివిజనన్‌లో ఎవరికి మద్దతివ్వాలనే అంశాలపై స్పష్టమైన కార్యాచరణ లేకుండాపోయింది. నాయకత్వం నుంచి భరోసా లేకపోవడంతో ద్వితీయ శ్రేణి నేతలు తమ రాజకీయ భవిష్యత్తుపై ఆందోళన చెందుతున్నట్లు తెలుస్తోంది. రిజర్వేషన్లతో అసంతృప్తి సెగలు డివిజన్ల పునర్విభజన, రిజర్వేషన్ల ఖరారు నేపథ్యంలో పలువురు ఆశావహుల రాజకీయ లెక్కలు తారుమారయ్యాయి. గతంలో కార్పొరేటర్లుగా పనిచేసినవారు, ఈసారి పోటీకి సిద్ధమైన నేతలు తమకు అనుకూలమైన డివిజన్లలో అవకాశాలు లేకపోవడంపై అసంతృప్తితో రగిలిపోతున్నట్లు సమాచారం. పునర్విభజన సమయంలో ముందస్తు వ్యూహం లోపించిందని, సామాజిక సమీకరణలు, స్థానిక బలాబలాలను సరిగా అంచనా వేయలేకపోయామని కొందరు కూటమి నేతలు అంతర్గతంగా ఆవేదన వ్యక్తం చేస్తున్నట్లు తెలిసింది. అసంతృప్తులను బుజ్జగించి, ప్రత్యామ్నాయ అవకాశాలపై భరోసా కల్పించాల్సిన నాయకత్వం నుంచి చొరవ కనిపించడం లేదన్న భావన వారిలో మరింత నిరుత్సాహాన్ని పెంచుతోందంటున్నారు. ఈ అసంతృప్తి ఎన్నికల వేళ రెబల్‌ అభ్యర్థుల రూపంలో బయటపడితే కూటమి ఓట్ల సమీకరణపై ప్రభావం పడటం ఖాయమని విశ్లేషకులు అంచనా వేస్తున్నారు. వైఎస్సార్‌సీపీలో ఉత్సాహం స్థానిక ఎన్నికల సన్నద్ధతలో వైఎస్సార్‌సీపీ ముందంజలో ఉందనే ధీమా ఆ పార్టీ శ్రేణుల్లో కనిపిస్తోంది. 62 డివిజన్లలో అభ్యర్థుల ఎంపికపై కసరత్తు కొలిక్కి వచ్చిందని, మేయర్‌ అభ్యర్థిని రంగంలోకి దింపేందుకు పార్టీ సిద్ధంగా ఉందని ఆ పార్టీ నేతలు చెబుతున్నారు. వైఎస్సార్‌సీపీ జిల్లా అధ్యక్షుడు, మాజీ ఎమ్మెల్యే అనంత వెంకటరామిరెడ్డి నేతృత్వంలోని పార్టీ బృందం మాజీ కార్పొరేటర్లతో సమన్వయం చేసుకుంటూ డివిజన్ల వారీగా బలాబలాలను అంచనా వేస్తున్నారు. స్థానికంగా పట్టున్న నాయకులు, గత ఎన్నికల్లో పోటీ చేసిన అభ్యర్థులు, కార్యకర్తల నెట్‌వర్క్‌ను సమన్వయం చేసుకోవడం ద్వారా ప్రత్యర్థులకు గట్టి పోటీ ఇవ్వాలన్నది ఆ పార్టీ వ్యూహంగా కనిపిస్తోంది. వైఎస్సార్‌సీపీ వేగం కూటమి నేతల్లో మరింత ఆందోళన కలిగిస్తున్నట్లు రాజకీయ వర్గాల్లో చర్చ సాగుతోంది. అనంతపురం నగరపాలక సంస్థ ఎన్నికల వేళ అనంతపురం అర్బన్‌ ఎమ్మెల్యే దగ్గుపాటి వెంకటేశ్వరప్రసాద్‌కు ఆ పార్టీ అధిష్టానం షాక్‌ ఇచ్చినట్లు తెలిసింది. అభ్యర్థుల ఎంపిక పగ్గాలు ఎమ్మెల్యే చేతుల నుంచి పార్టీ నాయకత్వం నియమించిన కమిటీల పరిధిలోకి వెళ్లినట్లు ఆ పార్టీ నేతలు చెబుతున్నారు. కూటమి తరఫున కార్పొరేటర్‌ అభ్యర్థుల ఎంపిక కోసం సుమారు 20 మందితో కమిటీ ఏర్పాటు చేసినట్లు తెలిసింది. టీడీపీలోనూ ప్రత్యేకంగా 9 మంది సభ్యులతో కమిటీని రంగంలోకి దించినట్లు ఆ పార్టీ వర్గాలు చెబుతున్నాయి. జిల్లా అధ్యక్షుడు పూల నాగరాజు, అనంతపురం పార్లమెంటు ఇన్‌చార్జ్‌ ఏరాసు ప్రతాప్‌రెడ్డి, టౌన్‌ భ్యాంకు అధ్యక్షుడు జేఎల్‌ మురళి, గంపన్న, షకిల్‌ షఫీ, మాజీ గ్రంథాలయ అధ్యక్షుడు గౌస్‌ తదితర నేతల సారథ్యంలో అభ్యర్థుల ఎంపికపై చర్చలు సాగుతున్నట్లు తెలిసింది. నాకు చెప్పకుండా ఎలా చేస్తారు? అభ్యర్థుల ఎంపికపై తనకు సమాచారం ఇవ్వకుండా కమిటీలు ఎలా నిర్ణయం తీసుకుంటాయంటూ అనంతపురం అర్బన్‌ ఎమ్మెల్యే ప్రశ్నించినట్లు పార్టీ వర్గాల్లో ప్రచారం జరుగుతోంది. అయితే పార్టీ అధిష్టానం ఆదేశాల మేరకే కమిటీలు పనిచేస్తున్నాయని, ఎంపిక ప్రక్రియలో వ్యక్తిగత నిర్ణయాలకు తావుండదని కమిటీ సభ్యులు స్పష్టం చేసినట్లు తెలిసింది. కమిటీతో కలసి పని చేయగలిగితే బాగుంటుందని సలహా ఇవ్వడంతో విధిలేక వారితో కలసి కమిటీలో కూర్చున్నట్లు తెలిసింది. మేయర్‌ పీఠానికి బీజేపీ పోటీ అనంతపురం మేయర్‌ పదవిని బీజేపీకి కేటాయించారని కూటమి నేతలు చెబుతున్నారు. డాక్టర్‌ వసుంధరాదేవి కుమారుడు డాక్టర్‌ విక్రమ్‌ మేయర్‌ అభ్యర్థిగా పోటీ చేయడం ఖాయమైందంటున్నారు. అభ్యర్థుల ఎంపిక ప్రక్రియలో వైఎస్సార్‌సీపీ ముందంజ కూటమి అభ్యర్థుల ఎంపికకు ప్రత్యేక కమిటీ రిజర్వేషన్ల దెబ్బకు కూటమి ద్వితీయశ్రేణి నేతల్లో తీవ్ర అసంతృప్తి జనసేన, టీడీపీ, బీజేపీల్లో దిశానిర్దేశం కరువు

అనంతపురం అర్బన్‌: ఉద్యోగులు, పెన్షనర్ల సమస్యలను పరిష్కరించడమే లక్ష్యంగా పెన్షన్‌, జీపీఎఫ్‌ ఆదాలత్‌ నిర్వహిస్తున్నామని రాష్ట్ర ప్రిన్సిపల్‌ అకౌంటెంట్‌ జనరల్‌ శాంతిప్రియ పేర్కొన్నారు. రెండోరోజు గురువారం పెన్షన్‌, జీపీఎఫ్‌ అదాలత్‌ను ఉద్యోగుల, పెన్షనర్ల సమస్యల పరిష్కారం అంశంపై నిర్వహించారు. కార్యక్రమానికి అసిస్టెంట్‌ కలెక్టర్‌ సుయాష్‌కుమార్‌ హాజరయ్యారు. కార్యక్రమంలో ప్రిన్సిపల్‌ అకౌంటెంట్‌ జనరల్‌ మాట్లాడుతూ ఉద్యోగుల, పెన్షనర్ల సమస్యలను ఏ దశలోనూ నిర్లక్ష్యం చేయకూడదన్నారు. సంబంధిత అధికారులు సత్వరం పరిష్కారానికి చర్యలు తీసుకోవాలన్నారు. ఈ రెండు రోజుల అదాలత్‌ కార్యక్రమంలో 75 పెన్షన్‌ ఆథరైజేషన్లు, 111 జీపీఎఫ్‌ ఆతరైజేషన్లు జారీ చేశామన్నారు. అదే విధంగా పెన్షన్‌, జీపీఎఫ్‌, సీఎఫ్‌ఎంఎఫ్‌కు సంబంధించి 160 ఫిర్యాదులను పరిష్కరించామన్నారు. ఉద్యోగులు పదవీ విరమణ పొందిన తరువాత వారికి అందాల్సిన ప్రయోజనాలు సకాలంలో పొందేలా చూడడం అధికారులు బాధ్యత అన్నారు. కార్యక్రమంలో అనంతపురం జిల్లా డీడీ రమణయ్య, శ్రీ సత్యసాయి జిల్లా డీడీ నాగరాజు, సీనియర్‌ అకౌంట్స్‌ ఆఫీసర్లు విజయకుమార్‌, సీనియర్‌ ఏఓలు సురేష్‌, రమేష్‌, ఉమ్మడి జిల్లా ఉద్యోగులు, పెన్షనర్లు పాల్గొన్నారు. ఎన్నికలు సజావుగా జరిగేందుకు సహకరించండి గుంతకల్లుటౌన్‌/గుత్తి/అనంతపురం సెంట్రల్‌: మున్సిపల్‌ ఎన్నికలు సజావుగా జరిగేందుకు అన్ని రాజకీయ పార్టీల నేతలు, ప్రజలందరూ సహకరించాలని ఎస్పీ జగదీష్‌ విజ్ఞప్తి చేశారు. గురువారం గుంతకల్లుకు విచ్చేసిన ఆయన మున్సిపల్‌ కమిషనర్‌ లక్ష్మిదేవి, డీఎస్పీ శ్రీనివాసరావులతో కలిసి సర్వేపల్లి రాధాకృష్ణ మున్సిపల్‌ బాయ్స్‌ హైస్కూల్‌లో స్ట్రాంగ్‌రూమ్‌లు, కౌంటింగ్‌ కేంద్రాలను పరిశీలించారు. అలాగే గుత్తిలోని జెడ్పీ బాలికల ఉన్నత పాఠశాలలో పోలింగ్‌ కేంద్రాలు, స్ట్రాంగ్‌ రూమ్‌లను పరిశీలించారు. అనంతరం మున్సిపల్‌ కార్యాలయానికి వెళ్లారు. అక్కడ నామినేషన్‌ ప్రక్రియ పై మున్సిపల్‌ కమిషనర్‌ సురేంద్రతో మాట్లాడారు. తర్వాత అనంతపురం నగరపాలకసంస్థ, ఆర్ట్స్‌ కళాశాలల్లో ఏర్పాటు చేసిన నామినేషన్‌ కేంద్రాలను పరిశీలించారు. ఈ సందర్భంగా సీసీ కెమెరాల ద్వారా నిరంతరం పర్యవేక్షణ, డిజిటల్‌ సెక్యూరిటీ, అగ్నిమాపక జాగ్రత్తలు, మూడంచెల భద్రతా వ్యవస్థకు సంబంధించి చేపట్టాల్సిన చర్యలపై అధికారులకు దిశానిర్దేశం చేశారు. సమస్యాత్మక, అత్యంత సమస్యాత్మక వార్డుల్లో నిరంతరం పెట్రోలింగ్‌ నిర్వహించాలన్నారు. ట్రాఫిక్‌ నియంత్రణపై చర్చించారు. నామినేషన్‌ కేంద్రాల వద్ద శాంతిభద్రతలకు విఘాతం కలగకుండా గట్టిభద్రతా చర్యలు చేపట్టాలన్నారు. ఎన్నికల కోడ్‌ను ఉల్లంఘిస్తే చట్టపరమైన చర్యలు తప్పవని ఆయన హెచ్చరించారు.

అనంతపురం అర్బన్‌/అనంతపురం క్రైం: స్థానిక సంస్థల ఎన్నికల నేపథ్యంలో ఎన్నికల కోడ్‌ అమల్లోకి వచ్చేసింది. గ్రామ పంచాయతీలు, మండల పరిషత్‌లు, జిల్లా పరిషత్‌లు, నగర పంచాయతీలు, మున్సిపాలిటీలు, నగరపాలక సంస్థలకు జరిగే ఎన్నికల్లో ఈ నిబంధనలు వర్తిస్తాయి. ఎన్నికల ప్రక్రియ పూర్తయ్యే వరకు నిబంధనలు అమల్లో ఉంటాయి. పోటీ చేసే అభ్యర్థులు, రాజకీయ పార్టీలు, మంత్రులు, ప్రభుత్వ అధికారులు, ఎన్నికల విధులతో సంబంధం ఉన్న సిబ్బంది నిబంధనలను తప్పనిసరిగా పాటించాలని కలెక్టర్‌ ఓ. ఆనంద్‌ సూచించారు. గురువారం ఉదయం ఆయన నగర పాలక సంస్థ కార్యాలయం సందర్శించారు. ఈ సందర్భంగా ఎన్నికల నియమావళిని వివరించారు. ప్రచారంలో హద్దులు దాటితే చర్యలు కులం, మతం, భాష, ప్రాంతం ఆధారంగా ఓట్లు అడగడం నిషేధం. ఆలయాలు, మసీదులు, చర్చీలను ఎన్నికల ప్రచార వేదికలుగా ఉపయోగించకూడదు. ప్రత్యర్థుల వ్యక్తిగత జీవితాలపై నిరాధార ఆరోపణలు చేయడం, తప్పుడు ప్రచారం చేయడం, వారి నివాసాల వద్ద నిరసనలు నిర్వహించడం కూడా నిబంధనలకు విరుద్ధం. అనుమతి లేకుండా ప్రభుత్వ, ప్రైవేటు భవనాలపై పార్టీ జెండాలు కట్టడం, పోస్టర్లు అంటించడం, నినాదాలు రాయకూడదు. ఓటర్లకు నగదు, బహుమతులు లేదా ఇతర ప్రలోభాలు చూపకూడదు. సభలు, ర్యాలీలకు అనుమతి తప్పనిసరి బహిరంగ సభలు, ఊరేగింపులు నిర్వహించాలంటే సంబంధిత అధికారుల నుంచి ముందస్తు అనుమతి తీసుకోవాలి. అనుమతించిన సభలు, ర్యాలీల వద్ద ఉదయం 6 గంటల నుంచి రాత్రి 10 గంటల వరకు మాత్రమే లౌడ్‌స్పీకర్లను వినియోగించాలి. పోలింగ్‌కు ముందు ప్రచారం బంద్‌ ఎన్నికల్లో పోలింగ్‌ ముగిసే సమయానికి 48 గంటల ముందు నుంచి బహిరంగ సభలు, ఊరేగింపులు నిర్వహించకూడదు. గ్రామ పంచాయతీ ఎన్నికల్లో ఈ గడువు 44 గంటలు. పోలింగ్‌ కేంద్రాలకు వంద మీటర్ల పరిధిలో ప్రచారం చేయకూడదు. ప్రభుత్వ వనరుల వినియోగంపై ఆంక్షలు ఎన్నికల ప్రచారానికి ప్రభుత్వ వాహనాలు, నిధులు, సిబ్బందిని ఉపయోగించడం నిషేధం. కొత్త పథకాలు, ప్రాజెక్టులు, పనులకు ఆమోదాలు తెలపడం, ఆర్థిక గ్రాంట్లు ప్రకటించడం, కొత్త హామీలు ఇవ్వడం వంటి చర్యలపై ఆంక్షలు ఉంటాయి. తాత్కాలిక నియామకాల ద్వారా ఓటర్లను ప్రభావితం చేయకూడదు. ఖర్చుల వివరాలు సమర్పించాలి ప్రతి అభ్యర్థి ఎన్నికల ఖర్చులకు సంబంధించిన రోజువారీ రికార్డులను నిర్వహించాలి. రాష్ట్ర ఎన్నికల సంఘం నిర్ణయించిన వ్యయ పరిమితిని మించకూడదు. ఎన్నికల ఫలితాలు ప్రకటించిన 45 రోజుల్లోగా మొత్తం ఎన్నికల ఖర్చు వివరాలను జిల్లా ఎన్నికల అధికారికి సమర్పించాలి. ఎన్నికల సంఘం నియమించిన పరిశీలకులకు అభ్యర్థులు, ఏజెంట్లు తమ ఫిర్యాదులను తెలియజేయవచ్చు. ప్రవర్తనా నియమావళిని ఉల్లంఘించిన వారిపై చట్టం ప్రకారం చర్యలు తీసుకోవడంతో పాటు అవసరమైతే న్యాయస్థానాల్లో క్రిమినల్‌ కేసుల విచారణ ప్రారంభించేందుకు అధికారులు చర్యలు చేపట్టవచ్చు. నిబంధనలు ఉల్లంఘిస్తే కఠిన చర్యలు కులం, మతం పేరుతో ఓట్లు అడిగిందుకు వీల్లేదు అభ్యర్థుల ఖర్చులపై ప్రత్యేక నిఘా ఎన్నికల సంఘం స్పష్టమైన ఆదేశాలు

● ‘సాక్షి’ కథనంతో స్పందించిన కలెక్టర్‌ ఆనంద్‌ రాప్తాడు రూరల్‌: అనంతపురంరూరల్‌ మండలం రాచానపల్లి గ్రామ పరిధిలోని సర్వే నం.4లో ఎకరా వంక పోరంబోకు భూమి ఆక్రమణ వ్యవహారం చర్చనీయాంశంగా మారింది. స్థానిక టీడీపీ నాయకులు రూ. కోట్ల విలువజేసే స్థలాన్ని ఆక్రమించి, ప్లాట్లు వేసి విక్రయిస్తున్నారు. వంక పొరంబోకు స్థలం ఆక్రమించిన వారిపై చర్యలు తీసుకోవాలని వీఆర్‌ఓ, ఆర్‌ఐ ఇద్దరూ తహసీల్దారుకు గతనెల 30న నివేదిక ఇచ్చారు. కానీ ఇప్పటిదాకా చర్యలు తీసుకోలేదు. దీనిపై ఇటీవల ‘సాక్షి’లో ‘రూ. 3 కోట్ల ప్రభుత్వ భూమిపై ‘పచ్చ’ కన్ను’ శీర్షికన కథనం ప్రచురితమైంది. దీంతో కలెక్టర్‌ ఆనంద్‌ తీవ్రంగా పరిగణించారు. రూరల్‌ మండల తహసీల్దారు కార్యాలయ ఉద్యోగులపై ఆగ్రహం వ్యక్తం చేశారు. ప్రభుత్వ భూముల పరిరక్షణలో నిర్లక్ష్యంపై మండిపడ్డారు. అక్రమార్కులకు ఏమాత్రం సంబంధం లేదని నివేదిక ఇచ్చిన తర్వాత కూడా వాటిజోలికి వెళ్లకపోవడంపై సీరియస్‌గా పరిగణించారు. పూర్తిస్థాయి నివేదిక ఇవ్వాలంటూ ఆర్డీఓను ఆదేశించినట్లు తెలిసింది. ఉన్నతాధికారుల ఆగ్రహం : ప్రభుత్వ భూములను కాపాడాల్సిన బాధ్యత రెవెన్యూ యంత్రాంగంపై ఉంటుంది. రాచానపల్లి భూమి వ్యవహారంలో ఆక్రమణలపై చర్యలు తీసుకోవాలనే ఉన్నతాధికారుల ఆదేశాలు ఒకవైపు, అధికార పార్టీ నాయకుల నుంచి ఒత్తిళ్లు వెరసి రెవెన్యూ సిబ్బంది ఇబ్బందికర పరిస్థితిలో ఉన్నారు. ప్లాట్లు కొనుగోలు చేస్తే నష్టమే.. : వంక పొరంబోకు స్థలంలో వేసిన ప్లాట్లు ఎవరైనా కొనుగోలు చేస్తే నష్టపోతారని రెవెన్యూ అధికారులు స్పష్టం చేస్తున్నారు. తక్కువ ధరకు వస్తాయనో, మరో ఆశతోనే కొనుగోలు చేస్తేమాత్రం తిప్పలు తప్పవని హెచ్చరిస్తున్నారు. కాగా వంక పొరంబోకు స్థలాన్ని దర్జాగా ఆక్రమించి ప్లాట్లు వేసిన టీడీపీ నాయకులు ఏకంగా సోషల్‌ మీడియా, వాట్సాప్‌ స్టేటస్‌లలో స్కెచ్‌ను పెట్టి అమ్మకాలకు ప్రచారం చేస్తుండడం విశేషం. మరి ఇలాంటి పరిస్థితుల్లో అనంతపురం రూరల్‌ తహసీల్దార్‌ కార్యాలయ అధికారులు ఎలాంటి చర్యలు తీసుకుంటారో వేచి చూడాలి.

శింగనమల: పెరవలి వద్దనున్న ఓ ప్రైవేట్‌ కంపెనీకి చెందిన సెంట్రింగ్‌ షీట్లను అపహరిస్తుండగా ఎనిమిది మంది నిందితులను అదుపులోకి తీసుకున్నట్లు ఎస్‌ఐ ప్రసాద్‌ గురువారం తెలిపారు. సెంట్రింగ్‌ షీట్లను దొంగలిస్తున్న విషయాన్ని రాత్రి వేళలో గస్తీ తిరుగుతున్న పోలీసులు గమనించి పట్టుకొని విచారించారన్నారు. వారి వద్ద నుంచి రూ.60 వేలు విలువ చేసే సెంట్రింగ్‌ షీట్లు స్వాధీనం చేసుకున్నట్లు తెలిపారు. నిందితులపై కేసు నమోదు చేసి, దర్యాప్తు చేస్తున్నట్లు తెలిపారు. పరిశ్రమలు, నిర్మాణ ప్రదేశాలు, గోదాముల వద్ద ఎవరైనా అనుమానాస్పదంగా సంచరిస్తున్నట్లు తెలిస్తే అప్రమత్తంగా ఉండాలని సూచించారు.

● ఆంధ్ర వాటా నీటిని మళ్లిస్తున్నారంటూ రైతుల ఆగ్రహం బొమ్మనహాళ్‌: తుంగభద్ర జలాశయం నుంచి ఆంధ్రాకు కేటాయించిన వాటాకు సంబంధించి ఎగువ కాలువ (హెచ్చెల్సీ) నీటి ప్రవాహం తగ్గిపోతుండటంతో రైతుల్లో ఆందోళన వ్యక్తమవుతోంది. జలాశయం నుంచి హెచ్చెల్సీకి 1,800 క్యూసెక్కుల నీటిని విడుదల చేస్తున్నట్లు చెబుతున్నా.. ఆంధ్ర సరిహద్దులోని బొమ్మనహాళ్‌ వద్దకు వచ్చేసరికి 1,150 క్యూసెక్కుల నీరే చేరుతోంది. మధ్యలోనే 650 క్యూసెక్కుల నీటి ప్రవాహం తగ్గిపోవడంపై అనుమానాలు వ్యక్తమవుతున్నాయి. ఆంధ్రకు రావాల్సిన వాటా నీటిని కొందరు రైతులు అక్రమంగా మళ్లిస్తున్నారని హెచ్చెల్సీ ఆయకట్టు రైతులు ఆరోపిస్తున్నారు. ఎగువ ప్రాంతాల్లోనే నీటిని మళ్లిస్తే దిగువన ఉన్న ఆంధ్ర రైతుల పంటలకు నీరెలా అందుతుందని ప్రశ్నిస్తున్నారు. సాగునీటి కోసం ఎదురుచూస్తున్న తమకు చివరకు నిరాశే మిగులుతోందని ఆవేదన చెందుతున్నారు. జలాశయం నుంచి విడుదలవుతున్న నీటి పరిమాణం, మార్గమధ్యంలో జరుగుతున్న వినియోగం, బొమ్మనహాళ్‌ సరిహద్దు వద్దకు చేరుతున్న ప్రవాహంపై సమగ్ర తనిఖీలు చేపట్టాలని రైతులు డిమాండ్‌ చేస్తున్నారు. స్థానిక ఎన్నికలపై శిక్షణ నేడు ● జెడ్పీ సీఈఓ పి.విజయలక్ష్మి అనంతపురం న్యూ టౌన్‌: జిల్లా ఎన్నికల అధికారి కలెక్టర్‌ ఆదేశాల మేరకు ఈనెల 15న(గురువారం) స్థానిక సంస్థల ఎన్నికల నిర్వహణపై శిక్షణ కార్యక్రమం నిర్వహిస్తున్నట్టు అనంతపురం జిల్లా పరిషత్‌ సీఈఓ పి.విజయలక్ష్మి తెలిపారు. జెడ్పీలోని ఆమె చాంబర్‌లో మీడియాతో మాట్లాడారు. జిల్లాలో ఎంపీటీసీలు, జెడ్పీటీసీ స్థానాలకు జరుగుతున్న ఎన్నికలకు సంబంధించి శిక్షణ ఇవ్వడానికి ఇద్దరు మాస్టర్‌ శిక్షకులను నియమించినట్లు చెప్పారు. రిటైర్డ్‌ ఎస్‌డీసీ గోవిందరాజులు (అనంతపురం), రిటైర్డ్‌ ఎంపీడీఓ పీడీ శ్రీనివాసులు (కనేకల్‌) శిక్షకులుగా వ్యవహరిస్తారని సీఈఓ పేర్కొన్నారు. గురువారం జెడ్పీ ప్రాంగణంలోని డీపీఆర్సీ మీటింగ్‌ హాల్‌లో జరిగే ఎన్నికల శిక్షణ కార్యక్రమానికి జిల్లాస్థాయి రిటర్నింగ్‌ అధికారులు, అసిస్టెంట్‌ రిటర్నింగ్‌ అధికారులు, మండల స్థాయి ఆర్‌ఓలు, స్పెషల్‌ ఆఫీసర్లు, అసిస్టెంట్‌ రిటర్నింగ్‌ అధికారులు, ఎంపీడీఓలు తప్పక హాజరు కావాలని సీఈఓ తెలియజేశారు. నాణ్యత ప్రమాణాలు పాటించాలి అనంతపురం అర్బన్‌: ప్రతి అంశం, పని, వస్తు తయారీలో నాణ్యత ప్రమాణాలు తప్పక పాటించాలని కలెక్టర్‌ ఒ.ఆనంద్‌ అన్నారు. బుధవారం కలెక్టరేట్‌లోని తన చాంబర్‌లో నాణ్యత ప్రమాణాల దినోత్సవ పోస్టర్లను కలెక్టర్‌ ఆవిష్కరించి మాట్లాడారు. భవిష్యత్‌ తరాల కోసం ప్రపంచం యావత్తు నాణ్యత ప్రమాణాలను పాటిస్తోందన్నారు. అందులో భాగంగా మన దేశం అక్టోబరు 14న అంతర్జాతీయ ‘మానక్‌ మహోత్సవ్‌’ నిర్వహిస్తోందన్నారు. అంతర్జాతీయ స్థాయిలో ఐఈఎస్‌ (ఇంటర్నేషనల్‌ ఎలక్ట్రోటెక్నికల్‌ కమిషన్‌), ఐఎస్‌ఓ (ఇంటర్నేషనల్‌ ఆర్గనైజేషన్‌ ఫర్‌ స్టాండర్డైజేషన్‌), ఐటీయూ (ఇంటర్నేషనల్‌ టెలికమ్యూనికేషన్‌ యూనియన్‌) వంటి సంస్థలు ఈ దినోత్సవాన్ని నిర్వహిస్తున్నాయని చెప్పారు. ప్రతి ఏటా ఒక నినాదం ప్రకటిస్తున్నారని, ఈ ఏడాది ‘షేర్డ్‌ విజన్‌ ఫర్‌ ఏ బెటర్‌ వరల్డ్‌’(మెరుగైన ప్రపంచం కోసం–భవిష్యత్‌ తరాల మనుగడ కోసం) స్వచ్ఛమైన నాణ్యమైన ప్రమాణాల వృద్ధి కోసం అనే నినాదాని ఎంచుకున్నట్టు తెలియజేశారు. కార్యక్రమంలో జిల్లా వినియోగదారులు సేవా సంఘం అధ్యక్షుడు భూపాలం సతీష్‌బాబు, ఉపాధ్యక్షుడు అంకె రామలింగమయ్య, ప్రధాన కార్యదర్శి భుజంగరావు పాల్గొన్నారు. పట్టు బిగించిన జార్ఖండ్‌ అనంతపురం: ఏసీఏ ఆధ్వర్యంలో అనంతపురం క్రీడా గ్రామంలో కల్నల్‌ సీకే నాయుడు యూ–23 టోర్నీలో భాగంగా ఆంధ్రతో జరుగుతున్న మ్యాచ్‌లో జార్ఖండ్‌ జట్టు పట్టుబిగించింది. ఒక వికెట్‌ నష్టానికి 231 పరుగుల ఓవర్‌నైట్‌ స్కోర్‌తో బుధవారం మూడో రోజు తన తొలి ఇన్నింగ్స్‌ను కొనసాగించిన జార్ఖండ్‌ జట్టు 133.3 ఓవర్ల వద్ద 351 పరుగులకు ఆలౌటైంది. ఆంధ్ర బౌలర్లలో ఎం.దీపక్‌, టి.వి.సాయి శ్రావణ్‌ చెరో 3 వికెట్లు, జి.సుమిత్‌, బత్తిన యశ్వంత్‌ చెరో 2 వికెట్లు పడగొట్టారు. రెండో ఇన్నింగ్స్‌ను ప్రారంభించిన ఆంధ్ర జట్టు మూడో రోజు ఆట ముగిసే సమయానికి 39 ఓవర్లలో 93 పరుగులకు 3 వికెట్ల నష్టపోయింది. తొలి ఇన్నింగ్స్‌లో ఆంధ్ర 242 పరుగులు చేయగా, మరో 16 పరుగుల వెనుకంజలో ఉంది. ప్రస్తుతం క్రీజులో గరిమెళ్ల తేజ (10 నాటౌట్‌), జి.సుమిత్‌ (0 నాటౌట్‌) ఉన్నారు.

అనంతపురం: చంద్రబాబు ప్రభుత్వ దురాగతాలు నానాటికీ మితిమీరిపోతున్నాయని, ప్రజాప్రతినిధులు కాస్త ప్రజా భక్షకులుగా మారిపోయారంటూ వైఎస్సార్‌సీపీ జిల్లా అధ్యక్షుడు అనంత వెంకటరామిరెడ్డి విమర్శించారు. అనంతపురం నియోజకవర్గం ఏ.నారాయణపురం పంచాయతీ పరిధిలోని వైఎస్సార్‌సీపీ శ్రేణులకు ఐడీ కార్డులను బుధవారం ఆయన అందజేసి, మాట్లాడారు. గత వైఎస్సార్‌సీపీ ప్రభుత్వంలో అప్పటి సీఎం వైఎస్‌ జగన్‌మోహన్‌రెడ్డి సంక్షేమ పాలనను ప్రజలు నేటికీ మరవలేకున్నారన్నారు. గడపగడపకు సంక్షేమ పథకాలు అందించామని గుర్తు చేశారు. పంచాయతీ పరిధిలో రూ.కోట్లు వెచ్చించి అభివృద్ధి పనులు చేయడంతో స్థిరాస్తుల విలువలను పెంచామన్నారు. ప్రస్తుత ప్రభుత్వంలో సంక్షేమ పథకాలను అటకెక్కించారని, రెండున్నరేళ్లుగా ఒక్క కొత్త పింఛన్‌ ఇవ్వకపోగా ఉన్న పింఛన్లనూ తొలగించడం దుర్మార్గమని వాపోయారు. అధికార పార్టీ నాయకుల దౌర్జన్యాలకు ప్రజలు బిక్కుబిక్కుమంటూ బతుకుతున్నారని తెలిపారు. చంద్రబాబు ప్రభుత్వ వైఫల్యాలను ప్రజలకు వివరించాలని సూచించారు. కార్యక్రమంలో పార్టీ యువజన విభాగం రాష్ట్ర ప్రధాన కార్యదర్శి ఉమ్మడి మదన్‌మోహన్‌రెడ్డి, నాయకులు పురుషోత్తం రెడ్డి, మల్లెల వేణుగోపాల్‌, రామానుజన్‌ రెడ్డి, సాకే అశోక్‌ కుమార్‌, పుల్లారెడ్డి, రామలింగారెడ్డి, అరుణ్‌ కుమార్‌ రెడ్డి, లింగారెడ్డి, అమర్నాథ్‌ రెడ్డి, సురేష్‌, లక్ష్మీనారాయణ, బండారు నరేష్‌, కుళ్లాయప్ప, వెన్నం శివారెడ్డి, జానీ పాల్గొన్నారు. నగరంలో ప్రజల ఆస్తులకు రక్షణ కరువు వైఎస్సార్‌సీపీ ఐడీ కార్డుల పంపిణీ కార్యక్రమంలో అనంత వెంకటరామిరెడ్డి

● ప్రతి ఓటరు నిర్భయంగా ఓటు వేయాలి ● కళ్యాణదుర్గం, రాయదుర్గంలో పర్యటించిన ఎస్పీ రాయదుర్గంటౌన్‌: ప్రశాంత వాతావరణంలో స్థానిక సంస్థల ఎన్నికలు నిర్వహించేందుకు పటిష్ట భద్రతా చర్యలు చేపట్టాలని జిల్లా ఎస్పీ జగదీష్‌ పోలీసు అధికారులను ఆదేశించారు. బుధవారం రాయదుర్గంలో పర్యటించిన ఆయన పోలింగ్‌ కేంద్రాలతోపాటు కౌంటింగ్‌, డిస్ట్రిబ్యూషన్‌ కేంద్రాల వద్ద భద్రతా ఏర్పాట్లను పరిశీలించారు. అనంతరం పోలీసు అధికారులతో మాట్లాడుతూ మున్సిపాలిటీతోపాటు స్థానిక సంస్థల ఎన్నికలను ప్రశాంతంగా జరిగేలా అన్ని చర్యలు తీసుకోవాలన్నారు. సమస్యాత్మక, సున్నితమైన పోలింగ్‌ కేంద్రాలపై ప్రత్యేక నిఘా ఉంచాలని సూచించారు. శాంతిభద్రతలకు విఘాం కలిగించే వారిని, అలజడులు సృష్టించే వారిని ముందుగానే గుర్తించి చట్టప్రకారం చర్యలు తీసుకోవాలని స్పష్టం చేశారు. జిల్లాలో ఇప్పటికే 3500 మందిని బైండోర్‌ చేసినట్టు ఎస్పీ తెలిపారు. ప్రతి ఓటరు నిర్భయంగా ఓటు హక్కు వినియోగించుకోవాలని తెలిపారు. ఆయన వెంట డీఎస్పీ దైవప్రసాద్‌, అర్బన్‌ సీఐ దేవానంద్‌, రూరల్‌ సీఐ వెంకటరమణ, మున్సిపల్‌ కమిషనర్‌ దివాకర్‌రెడ్డి, తహశీల్దార్‌ సూర్యప్రతాప్‌లు ఉన్నారు. ట్రబుల్‌ మాంగర్లపై నిఘా ఉంచండి కళ్యాణదుర్గం రూరల్‌: ఎన్నికల నేపథ్యంలో ఎలాంటి అవాంఛనీయ సంఘటనలకు తావులేకుండా, శాంతిభద్రతల పరిరక్షణ పకడ్బందీగా ఉండాలని జిల్లా ఎస్పీ జగదీష్‌ అధికారులకు సూచించారు. బుధవారం పట్టణంలోని ప్రభుత్వ డిగ్రీ కళాశాలలో ఏర్పాటు చేసిన స్ట్రాంగ్‌ రూమ్‌లు, కౌంటింగ్‌ కేంద్రాలను ఎస్పీ పరిశీలించారు. అనంతరం డీఎస్పీ కార్యాలయంలో స్థానిక పోలీసు అధికారులతో ఆయన సమావేశమై పలు సూచనలు చేశారు. ఎన్నికల వేళ తీసుకోవాల్సిన భద్రతా చర్యలు వివరించారు. సున్నిత ప్రాంతాలపై ప్రత్యేక దృష్టి సారించడంపై దిశానిర్దేశం చేశారు. రౌడీ షీటర్లు, ట్రబుల్‌ మాంగర్లపై నిరంతరం నిఘా ఉంచడమే కాకుండా కౌన్సిలింగ్‌ ఇవ్వాలని ఎస్పీ ఆదేశించారు. ఈ కార్యక్రమంలో ఆర్‌డీఓ వంసత్‌బాబు, డీఎస్పీ దైవప్రసాద్‌, మున్సిపాల్‌ కమిషనర్‌ మంజుల, సీఐలు, అధికారులు పాల్గొన్నారు.

అనంతపురం అర్బన్‌: పెన్షన్‌ పొందడం ప్రభుత్వ రిటైర్డ్‌ ఉద్యోగుల హక్కు అని, అలానే వారికి రావాల్సిన ప్రయోజనాలను అందేలా చూడడమే తమ బాధ్యత అని ఏపీ ప్రిన్సిపల్‌ అకౌంటెంట్‌ జనరల్‌ శాంతిప్రియ పేర్కొన్నారు. బుధవారం కలెక్టరేట్‌లోని రెవెన్యూ భవన్‌లో పెన్షన్‌, జీపీఎఫ్‌ అదాలత్‌ నిర్వహించారు. కార్యక్రమంలో ప్రిన్సిపల్‌ అకౌంటెంట్‌ జనరల్‌ శాంతిప్రియతో పాటు కలెక్టర్‌ ఒ.ఆనంద్‌ ముఖ్యఅతిథులుగా హాజరయ్యారు. శాంతిప్రియ మాట్లాడుతూ ఉద్యోగులు, పెన్షనర్లు, ఫ్యామిలీ పెన్షనర్లు తమ సమస్యల పరిష్కారం కోసం ఏజీ కార్యాలయానికి రావాల్సిన అవసరం లేదని, క్షేత్రస్థాయిలో వాటిని పరిష్కరించేందుకు అదాలత్‌ వంటి కార్యక్రమాలు నిర్వహిస్తున్నామని చెప్పారు. కలెక్టర్‌ ఆనంద్‌ మాట్లాడుతూ పదవీ విరమణ చేసిన ఉద్యోగుల సమస్యలు సత్వరమే పరిష్కరించడం ప్రతిశాఖ బాధ్యత అన్నారు. పెన్షనర్ల సమస్యల పరిష్కారానికి ఏజీ కార్యాలయ అధికారులు అదాలత్‌ నిర్వహించడం అభినందనీయమని తెలిపారు. కార్యక్రమంలో సీనియర్‌ డిప్యూటీ అకౌంటెంట్‌ జనరల్‌ ఎస్‌.కుశాల్‌ కార్తిక్‌, అశ్రిత నౌపాడ్‌, ఖజానా శాఖ డీడీ రమణయ్య, వివిధ శాఖల అధికారులు, ఉద్యోగులు, పెన్షనర్లు పాల్గొన్నారు.

అనంతపురం: జాతీయ స్థాయి లాన్‌టెన్నిస్‌ పోటీలకు ఎస్కేయూ పరిధిలోని పీఎంశ్రీ కేంద్రీయ విద్యాలయానికి (సెంట్రల్‌ స్కూల్‌) చెందిన సంహిత ఎంపికై నట్టు పాఠశాల అధికారులు తెలపారు. తాడిమర్రికి చెందిన విద్యార్థిని సెంట్రల్‌ స్కూల్‌లో 9వ తరగతి చదువుతోంది. ఈ నెల 10 నుంచి రెండు రోజులపాటు శ్రీకాళహస్తిలో జరిగిన రాష్ట్రస్థాయి ఎస్‌జీఎఫ్‌ పోటీల్లో ప్రతిభ కనబరిచి జాతీయస్థాయి పోటీలకు అర్హత సాధించినట్టు చెప్పారు. ప్రతిభ చాటిన విద్యార్థిని సంహితను ఎస్కేయూ వీసీ జ్యోతికుమార్‌, కేవీఎస్‌ ప్రిన్సిపాల్‌ తయ్యాల శ్రీకర్‌, ఎస్‌జీఎఫ్‌ కార్యదర్శి సత్యనారాయణ, ఉపాధ్యాయులు, రాష్ట్ర టెన్నిస్‌ సంఘం సహాయ కార్యదర్శి నాగరాజ్‌ బాబు (బాబ్జీ) బుధవారం అభినందించారు. కాగా సంహిత ఈ నెల 23 నుంచి రెండు రోజులపాటు న్యూఢిల్లీలో జరిగే జాతీయ స్థాయి పోటీల్లో పాల్గొననున్నట్టు వారు తెలియజేశారు. రైల్వే ఉద్యోగులకు దసరా బోనస్‌ గుంతకల్లు: గుంతకల్లు రైల్వే డివిజన్‌లోని నాన్‌ గెజిటెడ్‌ ఉద్యోగులకు దసరా బోనస్‌ మంజూరు చేసినట్టు బుధవారం రైల్వే డివిజన్‌ అధికారులు తెలిపారు. ప్రస్తుతం అమల్లో ఉన్న సీలింగ్‌ పరిమితి రూ.7వేల వేతన ప్రాతిపదికగా 78 రోజుల కాలానికి లెక్కించి ఒక్కో ఉద్యోగికి రూ.17,951 బోనస్‌గా అందజేయనున్నారు. డివిజన్‌ వ్యాప్తంగా 14,300 మందికి పైగా ఉద్యోగులకు దసరా బోనస్‌ అందుతున్నట్లు అధికారులు తెలిపారు. కాగా వేతన సీలింగ్‌ పరిమితి (రూ.7000) 2014–15 ఆర్థిక సంవత్సరం నుంచి మార్పు లేకుండా కొనసాగుతుండటంపై రైల్వే ఉద్యోగులు అసంతృప్తి వ్యక్తం చేస్తున్నారు.

● ఎన్నికల షెడ్యూల్‌ ప్రకటనతో అమలులోకి నియమావళి ● షరతులు ఉల్లంఘిస్తే ఈసీ చర్యలు అనంతపురం అర్బన్‌: రాష్ట్ర ఎన్నికల సంఘం పురపాలక, జిల్లా పరిషత్‌, మండల పరిషత్‌, పంచాయతీ ఎన్నికల షెడ్యూల్‌ను బుధవారం ప్రకటించింది. వెనువెంటనే ఎన్నికల ప్రవర్తనా నియమావళి (మోడల్‌ కోడ్‌ ఆఫ్‌ కాండెక్ట్‌)అమల్లోకి వచ్చింది. ప్రచారం నిర్వహించే రాజకీయ పక్షాలు, అభ్యర్థుల మార్గదర్శనం కోసం ఎన్నికల కమిషన్‌ నిర్దేశించిన ప్రవర్తనా నియమావళిని తప్పక పాటించాలి. ఉల్లంఘన జరగకుండా ఎంసీసీ బృందాలు ప్రత్యేక దృష్టి సారిస్తాయి. సాధారణ ప్రవర్తన, సభలు, ఊరేగింపులు నిర్వహించడంలో నియమావళి ఉల్లంఘిస్తే చర్యలు తీసుకుంటారు. సాధారణ ప్రవర్తన ●ఇదివరకే ఉన్న విబేధాలను మరింత పెంచేలా, పరస్పర ద్వేషాన్ని పెంచేలా, కులాలు, జాతుల మధ్య, మతపరమైన, భాషాపరమైన ఉద్రిక్తతలను కలిగించే ఏ రకమైన కార్యకలాపాలను ఏ పార్టీ కాని, అభ్యర్థులు గాని చేయరాదు. ●ఇతర రాజకీయ పక్షాలను విమర్శించే పక్షంలో అధికార విధానాలు, కార్యకలాపాలకు, పాత రికార్డుకు, పనికి మాత్రమే పరిమితమై ఉండాలి. ఇతర పార్టీల నాయకులు లేదా కార్యకర్తల వ్యక్తిగత జీవితపు అన్ని కోణాల విమర్శను పరిహరించాలి. ●ఓట్ల కోసం కులం, మతపరమైన భావాలపరంగా అభ్యర్థనలు చేయకూడదు. ఎన్నికల ప్రచారం కోసం మసీదులు, చర్చిలు, దేవాలయాలు, మరే ఆరాధనా ప్రదేశాలను, పాఠశాలలను వేదికగా చేసుకోకూడదు. ●ఓటర్లకు లంచం ఇవ్వడం, బెదిరించడం, అసలు ఓటర్లకు బదులుగా వేరే వ్యక్తులను ఓటర్లుగా ఉపయోగించకూడదు. పోలింగ్‌ స్టేషన్లకు 100 మీటర్ల పరిధిలో ప్రచారం చేయడం, పోలింగ్‌ పూర్తవ్వడానికి నిర్ణయించిన సమయానికి ముందు 48 గంటల కాలంలో బహిరంగ సభలు నిర్వహించకూడదు. పోలింగ్‌ స్టేషన్‌కి ఓటర్లను తీసుకురావడం, తీసుకెళ్లడం వంటివి ఎన్నికల చట్ట పరిధిలో శిక్షింపతగిన చర్యలు. ●వ్యక్తుల అభిప్రాయాలు లేక కార్యక్రమలు తమకు వ్యతిరేకంగా ఉన్నాయంటూ వారి ఇంటి ముందు నిరసన వ్యక్తం చేయడం, వ్యతిరేక ప్రదర్శనలు నిర్వహించడం, పికెటింగ్‌ వంటివి చేయకూడదు. ●ప్రచారం కోసం జెండాలు కట్టడం, బ్యానర్‌ తగిలించడం, నోటీసులు అతికించడం, నినాదాలు రాయడం తదితర పనులకు ఏ వ్యక్తి భూమి, భవనం, ప్రహరీ గోడలను సదరు వ్యక్తి అనుమతి లేకుండా ఉపయోగించరాదు. ●ఇతర పారీలు నిర్వహించే ఊరేగింపులు, సమావేశాలను భగ్నం చేయడం, అడ్డంకులు సృష్టించడం వంటివి చేయకూడదు. వేరొక పార్టీ సమావేశంలో మౌఖికంగా లేదా రాతపూర్వకంగా ప్రశ్నలు వేయడం, తమ పార్టీ కరపత్రాలు పంచకూడదు. ఓ పార్టీ జారీ చేసిన పోస్టర్లను మరో పార్టీ వారు తొలగించరాదు. సభల నిర్వహణ ●పార్టీ లేక అభ్యర్థి స్థానిక పోలీసు అధికారులకు తగినంత సమయం ఉండేలా ముందుగానే సభ నిర్వహించే ప్రదేశం, సమయాన్ని తెలియజేయాలి ●సభ ఏర్పాటు చేయాలనే ప్రదేశంలో ఇప్పటికే నిషేద్ధాత్మాక లేక నిర్బంధాత్మక ఆదేశాలు ఉన్నాయా లేదా అనేది తెలుసుకోవాలి. అమలులో ఉంటే కచ్చితంగా పాటించాలి. ఆదేశాల నుంచి మినహాయింపు కోరినట్లయితే, దాని కోసం అభ్యర్థన ముందుగానే పంపి మినహాయింపు పొందాలి. ●సభల్లో లౌడ్‌ స్పీకర్లు వినియోగించడానికి ముందుగానే సంబంధిత అధికారికి అభ్యర్థనను లిఖితపూర్వకంగా సమర్పించి అనుమతి తీసుకోవాలి. ●సమావేశాలు భగ్నం చేయడం లేదా మరో విధంగా శాంతికి భంగం కలిగే విధంగా ప్రయత్నిస్తే చర్యలు తప్పవు. ఊరేగింపును నిర్వహించే పార్టీ లేదా అభ్యర్థి కార్యక్రమం ప్రారంభించే సమయం, ప్రదేశం, వెళ్లే మార్గం, ముగింపు సమయం, ప్రదేశం తదితర వివరాలను నిశ్చయం చేసుకోవాలి. దానిని అతిక్రమించరాదు. కార్యక్రమం గురించి స్థానిక పోలీసు అధికారులకు నిర్వాహకులు ముందుగానే తెలియజేయాలి. ఊరేగింపు సాగే ప్రదేశాలలో ఏవైనా నిర్బంధాత్మక ఆదేశాలు అమలులో ఉన్నాయా అనేది తెలుసుకోవాలి. అధికారి నుంచి ప్రత్యేక మినహాయింపు పొందకపోతే ఆ నిర్బంధాలను పాటించాలి. అడ్డంకులు, ట్రాఫిక్‌ సమస్యలు తలెత్తకుండా ఊరేగింపు సజావుగా నిర్వహించుకునేందుకు పోలీసుల సలహాను పాటించాలి. అభ్యర్థులు లేదా పార్టీలు ఒకే మార్గంలో ఊరేగింపు తలపెట్టినప్పుడు ఎలాంటి అవాంఛనీయ ఘటనలు చోటు చేసుకోకుండా పోలీసులను సంప్రదించాలి. ఊరేగింపులో పాల్గొనే వ్యక్తులు ఏ వస్తువులూ వెంట తెచ్చుకోకుండా రాజకీయ పక్షాలు, అభ్యర్థులు చూడాలి. ఇతర రాజకీయ పక్షాల సభ్యులు లేదా నాయకుల దిష్టిబొమ్మలను మోసుకెళ్లడం, దిష్టిబొమ్మలను తగలబెట్టడం, వ్యతిరేక ప్రదర్శన రూపాలను నిర్వహించకూడదు.

రాయదుర్గం టౌన్‌: దేవీ శరన్నవరాత్రి ఉత్సవాల్లో భాగంగా నాల్గవ రోజు బుధవారం రాయదుర్గం పట్టణంలోని కోటలో వెలసిన శ్రీనగరేశ్వరీ కన్యకాపరమేశ్వరి ఆలయంలో వాసవీమాత భక్తులకు ధనలక్ష్మీ అలంకరణలో దర్శనమిచ్చారు. రూ.20, రూ.50, రూ.100, రూ.200, రూ.500 కరెన్సీ నోట్లు (దాదాపు కోటి రూపాయలు), వెండి కాయిన్లతో అమ్మవారి అలంకరణ విశేషంగా ఆకట్టుకుంది. ఆర్యవైశ్య సంఘం అధ్యక్షుడు తాయి రాజశేఖర్‌ ఆధ్వర్యంలో యువజన సంఘం అధ్యక్షుడు వంశీకృష్ణ, ప్రధాన అర్చకులు వెంకటాచలశర్మ అలంకరణలో పాలుపంచుకున్నారు. రూ.కోటితో చేసిన అమ్మవారి అలంకరణ చూసేందుకు భారీ సంఖ్యలో భక్తులు తరలివచ్చారు. కోటి రూపాయలతో ధనలక్ష్మి అలంకరణలో రాయదుర్గంలోని వాసవీ కన్యకా పరమేశ్వరీదేవి

అనంతపురం శివారు కక్కలపల్లి మండీలో మంగళవారం కిలో టమాట గరిష్టంగా రూ.21, కనిష్టంగా రూ.10 ప్రకారం ధర పలికింది.టన్ను చీనీ రూ.20 వేలు అనంతపురం మార్కెట్‌యార్డులో మంగళవారం టన్ను చీనీకాయలు గరిష్టంగా రూ.20 వేలు, కనిష్టంగా రూ.10 వేల ప్రకారం ధర పలికాయి. బుధవారం శ్రీ 14 శ్రీ అక్టోబర్‌ శ్రీ 2026దసరా శరన్నవరాత్రి ఉత్సవాలు వైభవంగా సాగుతున్నాయి. మూడోరోజైన మంగళవారం అమ్మవార్లు వివిధ రూపాల్లో దర్శనమిచ్చారు. అనంతపురం, తాడిపత్రి, గుత్తి, గుంతకల్లు, తాడిపత్రి, శింగనమల, ఉరవకొండ, రాయదుర్గం, కళ్యాణదుర్గం, రాప్తాడు నియోజకవర్గాల్లోని ఆలయాలతో పాటు ప్రత్యేకంగా ఏర్పాటు చేసిన మంటపాల్లో కొలువుదీరిన అమ్మవారిని భక్తులు పెద్ద సంఖ్యలో తరలివచ్చి దర్శించుకుని, ప్రత్యేక పూజలు నిర్వహించారు. ఈ సందర్భంగా భక్తులకు అన్నదానాలు, తీర్థప్రసాదాల పంపిణీ జరిగింది. – అనంతపురం కల్చరల్‌ రాయదుర్గంలో అన్నపూర్ణాదేవిగా..చౌడేశ్వరీదేవి గుత్తి ఆర్‌ఎస్‌లో చంద్రగంటా దేవిగా వాసవీమాత అనంతపురంలో అలంకరణలో నిమిషాంబదేవితాడిపత్రిలో ప్రత్యేక అలంకరణలో అమ్మవారు అన్నపూర్ణేశ్వరీ నమోస్తుతే

తాడిపత్రిటౌన్‌: స్థానిక సంస్థల ఎన్నికల వేళ అల్లర్లు, గొడవలకు దిగితే ఎంతటివారిౖపైనెనా కఠిన చర్యలు తప్పవని ఎస్పీ జగదీష్‌ హెచ్చరించారు. సమస్యాత్మక ప్రాంతంగా పేరొందిన తాడిపత్రిపై ఎస్పీ ప్రత్యేక దృష్టి సారించారు. ఎన్నికల నిర్వహణ, భద్రతా ఏర్పాట్లు పరిశీలించేందుకు ఆయన మంగళవారం తాడిపత్రిలో పర్యటించారు. క్షేత్రస్థాయిలో పరిస్థితులను స్వయంగా అంచనా వేస్తూ పోలీసు యంత్రాంగాన్ని అప్రమత్తం చేయడంతో పాటు బందోబస్తు ఏర్పాట్లను సమీక్షించారు. ముందుగా పాలిటెక్నిక్‌ కళాశాలలో ఏర్పాటు చేసిన ఈవీఎం డిస్ట్రిబ్యూషన్‌ సెంటర్‌ను, ఓట్ల లెక్కింపు కేంద్రాలను పరిశీలించి ఎన్నికల సామగ్రి భద్రతా చర్యలపై అధికారులకు పలు సూచనలు చేశారు. అనంతరం నామినేషన్‌ స్వీకరించే మున్సిపల్‌ కార్యాలయాన్ని పరిశీలించారు. అటు నుంచి నందలపాడు, శ్రీనివాసపురం, ఓం శాంతినగర్‌లలో పర్యటించారు. ఎన్నికల సమయంలో ఎలాంటి గొడవలకు తావులేకుండా ప్రశాంత ఎన్నికలకు సహకరించాలని ప్రజలను కోరారు. ఎన్నికల సందర్భంగా గొడవలు, అల్లర్లకు పాల్పడిన వారిపై కఠిన చర్యలు తప్పవని హెచ్చరించారు. శాంతిభద్రతలకు విఘాతం కల్గించే వారిపై రౌడీషీటర్ల కదలికపై నిఘా ఉంచాలన్నారు. కార్యక్రమంలో డీఎస్పీ చంద్రశేఖర్‌, సీఐలు ఆరోహణరావు, నారాయణరెడ్డి, క్రాంతికుమార్‌, శ్రీనివాసులు, నరేంద్రరెడ్డి పాల్గొన్నారు. జాతీయస్థాయి హ్యాండ్‌బాల్‌ పోటీలకు ఎంపిక బ్రహ్మసముద్రం : గుంటూరు జిల్లా తెనాలిలో ఈ నెల 10న జరిగిన రాష్ట్రస్థాయి హ్యాండ్‌బాల్‌ పోటీల్లో అండర్‌– 17 విభాగంలో బ్రహ్మసముద్రం జిల్లా పరిషత ఉన్నత పాఠశాల విద్యార్థి జి.మోహన్‌ ఉత్తమ ప్రతిభ కనబరిచి జాతీయస్థాయి పోటీలకు ఎంపికయ్యాడని ప్రధానోపాధ్యాయులు చంద్రమౌళి, పీడీ హుసేన్‌, పీఈటీ ఇబ్రహీం తెలిపారు. మోహన్‌ను ఉపాధ్యాయులు, గ్రామస్తులు అభినందించారు. 15లోపు ఈ–కేవైసీ పూర్తి కావాలి అనంతపురం అగ్రికల్చర్‌: ఖరీఫ్‌లో పంటలు సాగు చేసినట్లు ఈ–క్రాప్‌ చేయించుకున్న రైతులు తప్పనిసరిగా ఈ–కేవైసీ చేయించుకోవాలని వ్యవసాయశాఖ జేడీ ఎన్‌.సాలురెడ్డి మంగళవారం ఒక ప్రకటనలో తెలిపారు. లేదంటే కరువు మండలాల కింద వచ్చే ఇన్‌పుట్‌సబ్సిడీ (పెట్టుబడి రాయితీ), ఇన్సూరెన్స్‌, ఎంఎస్‌పీ కింద పంట ఉత్పత్తుల అమ్మకాలు లాంటి ప్రభుత్వ ప్రయోజనాలు వర్తించే పరిస్థితి ఉండదన్నారు. ఇప్పటికే ఈ–క్రాప్‌ పూర్తయిందని, ఈ–కేవైసీ ఇంకా చాలావరకు రైతులు చేయించుకోలేదన్నారు. మండల వ్యవసాయాధికారులు, ఆర్‌ఎస్‌కే అసిస్టెంట్లకు సహకరించి ఫోన్‌ ద్వారా వచ్చే ఓటీపీల ద్వారా పూర్తి చేసుకోవాలని సూచించారు. రైతులే స్వయంగా తమ సెల్‌ఫోన్‌ల ద్వారా చేసుకునే వెసులుబాటు కూడా కల్పించారన్నారు. గడువులోపు చేయించుకోండి రాప్తాడు రూరల్‌: ఖరీఫ్‌ –2026లో పంట నమోదు చేయించుకున్న రైతులందరూ ఈ నెల 15వ తేదీలోగా రైతు ఈ–కేవైసీ పూర్తి చేసుకోవాలని రాప్తాడు మండల వ్యవసాయ అధికారి కృష్ణ చైతన్య సూచించారు. ఈ మేరకు మంగళవారం ఆయన ఓ ప్రకటన విడుదల చేశారు. గడువులోగా ప్రక్రియను పూర్తి చేసుకుని ప్రభుత్వ పథకాల ప్రయోజనాలు పొందాలని రైతులకు సూచించారు.

ప్రభుత్వ భూమి కనిపిస్తే చాలు.. కబ్జా చేయడం.. లేఅవుట్‌ వేసి ప్లాట్లుగా విభజించడం.. ఆపై అమాయకులకు అంటగట్టి సొమ్ము చేసుకోవడం ఇటీవల పరిపాటిగా మారుతోంది. తాజాగా అనంతపురం రూరల్‌ మండలం రాచానపల్లి పంచాయతీ పరిధిలోని వంక పొరంబోకు భూమిని ‘పచ్చ’ నేతలు కబ్జా చేయడం దుమారం రేపుతోంది. కబ్జా చేసిన ఈ భూమి విలువ సుమారు రూ.3కోట్లు ఉంటుందని అంచనా. ఆక్రమణల తొలగింపులో రెవెన్యూ యంత్రాంగం ఎటువంటి చర్యలూ తీసుకోకపోవడం విమర్శలకు తావిస్తోంది. ● వంక పొరంబోకులో పాగా.. ● లేఅవుట్‌ వేసి దర్జాగా ప్లాట్ల విక్రయాలు ● అక్రమమని తేలినా కదలని రెవెన్యూ యంత్రాంగం రాప్తాడు రూరల్‌: అనంతపురం రూరల్‌ మండలం రాచానపల్లి పంచాయతీ పరిధిలోని సర్వే నంబరు 4, ఎల్‌పీ నంబరు 13లో మొత్తం 14.70 ఎకరాల భూమి వంక పొరంబోకుగా ఉన్నట్లు రెవెన్యూ రికార్డులు చెబుతున్నాయి. గతంలో ఈ ప్రాంతంలో కొంతమందికి ఇళ్ల పట్టాలు కూడా ఇచ్చారు. బళ్లారి జాతీయ రహదారి పక్కనే కావడటంతో ఈ భూమికి ఇటీవలి కాలంలో విలువ అమాంతం పెరిగింది. దీంతో కొందరు తెలుగుదేశం పార్టీ నాయకులు ఈ భూమిపై కన్నేశారు. ఎకరా విస్తీర్ణంలో 40 ప్లాట్లు సదరు వంక పొరంబోకు భూమిలో ఎకరా విస్తీర్ణం ఆక్రమించి చదును చేశారు. స్థానికంగా ఉన్న కొందరు చోటా నాయకులను కలుపుకొని టీడీపీకి చెందిన ఓ మండలస్థాయి నాయకుడు ఈ వ్యవహారంలో కీలకంగా వ్యవహరిస్తున్నట్లు స్థానికంగా ప్రచారం జరుగుతోంది. రెండు సెంట్ల చొప్పున 40 ప్లాట్లుగా విభజించి, హద్దులు ఏర్పాటు చేసి విక్రయాలకు సిద్ధం చేశారు. సెంటు రూ.7లక్షలకు పైబడి బేరం పెట్టారు. అడ్డుకున్న వీఆర్‌ఓ.. దీర్ఘకాలిక సెలవులోకి.. వంక పొరంబోకు భూమిలో జరుగుతున్న కార్యకలాపాలు స్థానిక వీఆర్‌ఓ దృష్టికి వెళ్లడంతో ఆయన అక్కడికి వెళ్లి అడ్డుకున్నారు. ఈ క్రమంలో ఆయనపై తీవ్ర ఒత్తిళ్లు, బెదిరింపులు వచ్చినట్లు ఆరోపణలు వినిపిస్తున్నాయి. కొద్దిరోజులు సెలవులో ఉన్న ఆయన తిరిగి విధుల్లో చేరిన అనంతరం, ఇటీవల మళ్లీ ఒత్తిళ్లు ఎదురవడంతో దీర్ఘకాలిక సెలవు పెట్టినట్లు తెలిసింది. విచారణలో ఆక్రమణ గుర్తింపు వంక పొరంబోకు భూమిని ఆక్రమించి ప్లాట్లు ఏర్పాటు చేసిన వ్యవహారం వెలుగులోకి రావడంతో ఉన్నతాధికారులు స్పందించి విచారణకు ఆదేశించారు. విచారణలో భాగంగా రెవెన్యూ ఇన్‌స్పెక్టర్‌, వీఆర్‌ఓ సదరు స్థలాన్ని పరిశీలించారు. ఒక ఎకరా భూమిని ఆక్రమించి, ప్లాట్లుగా విభజించి హద్దులు ఏర్పాటు చేసినట్లు గుర్తించి నివేదికలో పేర్కొన్నారు. ఆ ప్లాట్లకు సంబంధించి ప్రభుత్వ భూమిపై చట్టబద్ధమైన హక్కు లేదా అనుమతి ఉన్నట్లు నిర్ధారించే ఆధారాలు పరిశీలనలో కనిపించలేదని స్పష్టం చేశారు. ఆక్రమణలను నిబంధనల ప్రకారం తొలగించి ప్రభుత్వ భూమిని పరిరక్షించేందుకు ఉత్తర్వులు జారీ చేయాలని రూరల్‌ తహసీల్దారుకు నివేదిక సమర్పించారు. అయితే ఇప్పటివరకు వాటిని తొలగించేందుకు చర్యలు చేపట్టకపోవడంపై విమర్శలు వ్యక్తమవుతున్నాయి. తహసీల్దారు సైతం ఈ వ్యవహారాన్ని నిర్ధారించారు. అయినప్పటికీ ప్లాట్ల హద్దులు యథాతథంగా ఉండటంతో పాటు విక్రయాల ప్రయత్నాలు కొనసాగుతున్నాయి. ప్రజాప్రతినిధుల పేర్లతో ఒత్తిళ్లు? రాప్తాడు నియోజకవర్గానికి చెందిన ఓ ముఖ్య ప్రజాప్రతినిధి కుటుంబ సభ్యుల పేర్లు చెప్పుకుంటూ కొందరు రెవెన్యూ అధికారులపై ఒత్తిళ్లు తెస్తున్నారనే ఆరోపణలు ఉన్నాయి. ప్రభుత్వ భూములు, చెరువులు, వాగులు, వంకలు వంటి ప్రజా ప్రయోజనాలకు సంబంధించిన స్థలాల పరిరక్షణపై న్యాయస్థానాలు పలు సందర్భాల్లో స్పష్టమైన ఆదేశాలు ఇచ్చాయి. వంక పొరంబోకు భూముల ఆక్రమణల విషయంలోనూ నిబంధనలకు అనుగుణంగా వ్యవహరించాల్సిన బాధ్యత రెవెన్యూ అధికారులపై ఉంది. ఈ నేపథ్యంలో ప్రభుత్వ భూమిలో అనధికారికంగా ప్లాట్లు ఏర్పాటు చేసినట్లు గుర్తించినా.. వాటిని తొలగించడంలో జాప్యం ఎందుకు జరుగుతోందన్నది కీలకంగా మారింది. కాగా ఎలాంటి హక్కులేని వంక పొరంబోకు స్థలంలోని ప్లాట్లను కొనుగోలు చేసే వారు అప్రమత్తంగా ఉండాలని రెవెన్యూ అధికారులు హెచ్చరిస్తున్నారు. ప్లాట్లు కొనుగోలు చేసినంత మాత్రాన ప్రభుత్వ భూమిపై చట్టబద్ధమైన యాజమాన్య హక్కులు సంక్రమించవని స్పష్టం చేస్తున్నారు. ఆక్రమించిన భూమిని చదును చేసి ప్లాట్లు వేసిన దృశ్యం

● మొక్కజొన్న కోత యంత్రం ఢీ: వ్యక్తి మృతి యల్లనూరు: తాడిపత్రిలోని కోర్టుకు హాజరయ్యేందుకు వెళ్తున్న వ్యక్తి మొక్కజొన్న కోత యంత్రం ఢీకొని మృతి చెందాడు. పోలీసులు తెలిపిన వివరాలు.. చింతకాయమంద గ్రామానికి చెందిన జొల్లు పుల్లయ్య చిన్నకుమారుడు నాగార్జున(35) తాడిపత్రి కోర్టులో వాయిదా ఉండటంతో హాజరయ్యేందుకు స్వగ్రామం నుంచి బైక్‌పై బయల్దేరారు. ఈక్రమంలో పుట్లూరు మండలం కొండుగారికుంట గ్రామ సమీపంలో మొక్కజొన్న కోత యంత్రం బైక్‌ను కొట్టింది. ఘటనలో వెనుక టైర్ల కింద పడిన నాగార్జున తీవ్రగాయాల పాలై అక్కడికక్కడే మృత్యువాత పడ్డాడు. మృతుడికి భార్య, ఇద్దరు పిల్లలు ఉన్నారు. ఈ మేరకు పోలీసులు కేసు నమోదు చేసుకొని దర్యాప్తు చేపట్టారు. సరిహద్దులో సైన్యం విధులపై అవగాహన కూడేరు: బ్రాహ్మణపల్లి సమీపాన ఉన్న ఎన్‌సీసీ నగర్‌లో సీఏటీసీ–14వ ఎన్‌సీసీ శిక్షణా శిబిరం నిర్వహించారు. శిక్షణలో కర్నూలు, నంద్యాల, అనంతపురం, పుట్టపర్తి జిల్లాలకు చెందిన 470 మంది క్యాడెట్లు పాల్గొన్నారు. మంగళవారం క్యాంప్‌ కమాండర్‌ అమిత్‌ గంగ్వార్‌, అధికారులు క్యాడెట్లకు దేశ సరిహద్దులో సైనిక విధులు, యుద్ధ వ్యూహాలపై అవగాహన కల్పించారు. సరిహద్దులో సైనికులు శత్రువుల నుంచి దేశాన్ని ఏవిధంగా రక్షిస్తారు,. క్లిష్ట పరిస్థితుల్లో ఎలాంటి వ్యూహాలను అనుసరిస్తారు అనే అంశాలను వివరించారు. ఎత్తయిన పర్వత ప్రాంతాలను అధిరోహించడం, ప్రతికూల పరిస్థితుల్లో ముందుకు సాగడం, శత్రువుల కదిలికలను గుర్తించడం లాంటి వాటిని వివరించారు. అనంతరం అబ్‌స్టాకిల్‌పై శిక్షణ ఇచ్చారు. కార్యక్రమంలో క్యాంప్‌ డిప్యూటీ కమాండర్‌ మేజర్‌ అరుణ్‌, ఎన్‌సీసీ అధికారి శ్రీనివాస్‌ , రవికుమార్‌ పాల్గొన్నారు. ద్విచక్రవాహనాల దొంగల అరెస్ట్‌ ● 18 వాహనాల స్వాధీనం అనంతపురం సెంట్రల్‌: ద్విచక్రవాహనాలను దొంగలిస్తున్న ఇద్దరిని వన్‌టౌన్‌ పోలీసులు అరెస్ట్‌ చేశారు. మంగళవారం వన్‌టౌన్‌ పోలీసుస్టేషన్‌లో డీఎస్పీ కరుణాకర్‌రావు వివరాలను వెల్లడించారు. నగరంలో ద్విచక్రవాహన దొంగతనాలపై ఫిర్యాదు రావడంతో ప్రత్యేక నిఘా ఉంచామన్నారు. ఇందులో భాగంగా బెస్త రామాంజనేయులు, బెస్త అంజనకుమార్‌ అనే నిందితులను అదుపులోకి తీసుకొని విచారించగా ద్విచక్రవాహనాలను దొంగలించినట్లు అంగీకరించారన్నారు. దొంగలించిన ద్విచక్రవాహనాలను కర్ణాటకలో విక్రయించి సొమ్ము చేసుకోవాలని నిందితులు ప్రయత్నించారన్నారు. వారి నుంచి 18 ద్విచక్రవాహనాలను స్వాధీనం చేసుకున్నామని, అందులో 11 వాహనాలు అనంతపురం వన్‌టౌన్‌ పోలీసుస్టేషన్‌ పరిధిలోనే దొంగతనానికి గురయ్యాయని తెలిపారు. నిందితులను పట్టుకోవడంలో కృషి చేసిన వన్‌టౌన్‌ సీఐ కరుణాకర్‌, ఎస్‌ఐలు, సిబ్బందిని డీఎస్పీ అభినందించారు. సెంచరీలతో కదం తొక్కిన ‘జార్ఖండ్‌’ అనంతపురం: ఆంధ్ర క్రికెట్‌ అసోసియేషన్‌ ఆధ్వర్యంలో అనంత క్రీడాగ్రామం వేదికగా సాగుతున్న కల్నల్‌ సీకే నాయుడు అండర్‌–23 క్రికెట్‌ టోర్నీలో భాగంగా రెండో రోజు మంగళశారం స్టేడియంలో సెంచరీల వర్షం కురిసింది. జార్ఖండ్‌ బ్యాటర్లు చెలరేగడంతో ఆంధ్ర బౌలర్లు దిక్కుతోచని స్థితిలో పడ్డారు. బ్యాటింగ్‌కు దిగిన జార్ఖండ్‌ జట్టు రెండో రోజు ఆట ముగిసే సమయానికి 86 ఓవర్లలో వికెట్‌ నష్టానికి 231 పరుగులు చేసింది. ఆంధ్ర తొలి ఇన్నింగ్స్‌ స్కోర్‌ కంటే జార్ఖండ్‌ కేవలం 11 పరుగుల వెనుకంజలో ఉండగా, చేతిలో మరో 9 వికెట్లు ఉన్నాయి. శతకాలతో చెలరేగిన బ్యాటర్లు జార్ఖండ్‌ బ్యాటర్లు అద్భుతమైన సంయమనం, సాంకేతిక నైపుణ్యాన్ని ప్రదర్శించారు. ఆంధ్ర బౌలర్లకు ఎలాంటి అవకాశం ఇవ్వకుండా క్రీజులో కుదురుగా ఆడుతూ పరుగుల వర్షం కురిపించారు. విజేష్‌ దత్తూ 262 బంతుల్లో 112 పరుగులతో అజేయంగా నిలిచాడు. అతనికి తగిన సహకారం అందించిన నకుల్‌ యాదవ్‌ కూడా 249 బంతుల్లో 108 పరుగులు చేసి క్రీజులో కొనసాగుతున్నాడు. ఈ ఇద్దరు యువ బ్యాటర్ల అజేయ శతకాల జోరుతో జార్ఖండ్‌ జట్టు భారీ స్కోర్‌ దిశగా దూసుకుపోతోంది. కాగా, మూడో రోజు బుధవారం ఉదయం తొలి ఇన్నింగ్స్‌ ఆధిక్యాన్ని పూర్తి చేసి, మ్యాచ్‌ను పూర్తిగా తమ నియంత్రణలోకి తీసుకోవాలని జార్ఖండ్‌ భావిస్తోంది. మృతుడు నాగార్జున

● ముగ్గురికి పసిడి, ఇద్దరికి కాంస్య పతకాలు అనంతపురం: పల్నాడు జిల్లా కారంపూడి మండలం బ్రహ్మనాయుడు జిల్లా పరిషత్‌ ఉన్నత పాఠశాలలో ఈనెల 10 నుంచి 13వ తేదీ వరకు నిర్వహించిన ’స్కూల్‌ గేమ్స్‌ ఫెడరేషన్‌ రాష్ట్రస్థాయి అండర్‌–14, అండర్‌–17 కుస్తీ (రెజ్లింగ్‌) పోటీల్లో అనంతపురం జిల్లా క్రీడాకారులు అద్భుత ప్రతిభ కనబరిచారు. వరుస విజయాలతో సత్తా చాటి జిల్లాకు ’ఓవరాల్‌ చాంపియన్‌షిప్‌’ ద్వితీయ స్థానాన్ని తెచ్చిపెట్టారు. రాష్ట్రస్థాయిలో ప్రతిభ చూపి పతకాలు సాధించిన ఈ క్రీడాకారులు ఈనెల 31 నుంచి నవంబర్‌ 5 వరకు ఢిల్లీలో జరగనున్న జాతీయస్థాయి కుస్తీ పోటీల్లో రాష్ట్రం తరఫున ప్రాతినిధ్యం వహించనున్నారు. క్రీడాకారులకు అభినందనలు రాష్ట్రస్థాయిలో సత్తా చాటి జాతీయ పోటీలకు ఎంపికై న విజేతలను జిల్లా ఎస్‌జీఎఫ్‌ కార్యదర్శి సత్యనారాయణ, రాధమ్మ, జిల్లా కుస్తీ కోచ్‌ రాఘవేంద్ర, సుధాకర్‌ అభినందించారు. జాతీయస్థాయి పోటీల్లోనూ రాణించి జిల్లాకు, రాష్ట్రానికి మంచి పేరు తేవాలని ఆకాంక్షించారు. పతకాల పంట : అండర్‌–14 విభాగంలో.. : దాసరి లావణ్య (–42 కేజీల విభాగం) బంగారు పతకం (జెడ్పీహెచ్‌ఎస్‌ 5వ వార్డు, పామిడి) ● సామంతుల దేవ హర్షిని (–39 కేజీల విభాగం) – కాంస్య పతకం (ఏపీ మోడల్‌ స్కూల్‌, పామిడి) అండర్‌–17 విభాగంలో: కొప్పల అనూష (–40 కేజీల విభాగం) – బంగారు పతకం (ఆదర్శ పాఠశాల, పామిడి) ● దాసరి యశస్విని (–46 కేజీల విభాగం)– బంగారు పతకం (జెడ్పీహెచ్‌ఎస్‌ 5వ వార్డు, పామిడి) ● గవ్వల చందన (–43 కేజీల విభాగం) – కాంస్య పతకం (టి.సి. ప్రభుత్వ ఉన్నత పాఠశాల, పామిడి). రాష్ట్రస్థాయి బ్యాడ్మింటన్‌ పోటీల్లో బాలికల ప్రతిభ రాయదుర్గంటౌన్‌: కడపలో నిర్వహించిన ఎస్‌జీఎఫ్‌ అండర్‌–14 రాష్ట్రస్థాయి బాలికల బాడ్మింటన్‌ పోటీల్లో అనంతపురం జిల్లా జట్టు ప్రతిభ చాటి మూడోస్థానాన్ని కై వసం చేసుకుంది. జిల్లా తరఫున ఎంపికై న ఐదుగురు బాలికల్లో పట్టణానికి చెందిన అశ్రితరేచల్‌ శాన్వి ఉన్నారు. వీరిలో కదిరికి చెందిన ముస్తాక్‌ జాతీయస్థాయి పోటీలకు ఎంపికయ్యారు. రాష్ట్రస్థాయి పోటీల్లో అశ్రిత రేచల్‌ మెరిట్‌ సర్టిఫికెట్‌, శాన్వి పార్టిసిపేషన్‌ సర్టిఫికెట్లు సాధించారు. ఈ విజయాల వెనుక రాయదుర్గం స్పోర్ట్స్‌ ఇండోర్‌ స్టేడియం నిర్వాహకుడు రాజేష్‌, బ్యాడ్మింటన్‌ కోచ్‌ సుధాకర్‌ ఎంతో ఉందని బాలికల తల్లిదండ్రులు తెలిపారు. నేడు, రేపు పెన్షన్‌, జీపీఎఫ్‌ అదాలత్‌ అనంతపురం అర్బన్‌: ఉమ్మడి అనంతపురం జిల్లాలోని ప్రభుత్వ ఉద్యోగులు, పెన్షనర్లు, ఫ్యామిలీ పెన్షనర్ల సమస్యల పరిష్కారానికి బుధ, గురువారాల్లో పెన్షన్‌, జీపీఎఫ్‌ ఆదాలత్‌ను కలెక్టరేట్‌లోని రెవెన్యూ భవన్‌లో నిర్వహించనున్నట్లు ఏపీ ప్రిన్సిపల్‌ అకౌంటెంట్‌ జనరల్‌ ఎస్‌.శాంతిప్రియ తెలిపారు. ఆర్‌బీపీఎస్‌ (రిటైర్మెంట్‌ బెనిఫిట్స్‌ ప్రాసెసింగ్‌ సిస్టం), పెన్షన్‌ కేసులు, జీపీఎఫ్‌ కేసులను ఆన్‌లైన్‌లో పెట్టడంపై డీడీఓలకు వర్క్‌షాపును బుధవారం నిర్వహిస్తామన్నారు. పెన్షనర్లకు సంబంధించిన అంశాలపై గురువారం సమావేశం నిర్వహించనున్నట్లు మంగళవారం ఒక ప్రకటనలో తెలిపారు. ఈ అవకాశాన్ని ప్రభుత్వ ఉద్యోగులు, పెన్షనర్లు, డీడీఓలు, పీఎస్‌ఏలు సద్వినియోగం చేసుకోవాలని సూచించారు.

● రూ.17 లక్షలు కొట్టేసిన సైబర్‌ నేరగాళ్లు అనంతపురం సెంట్రల్‌: షేర్‌ మార్కెట్‌లో పెట్టుబడి పెడితే మూడు రెట్లు అదనంగా లాభాలు ఇస్తామని నమ్మించి మాజీ సైనికుడిని సైబర్‌ నేరగాళ్లు బురిడీ కొట్టించారు. బాధితుని ఖాతాలో నుంచి రూ.17 లక్షలు కొట్టేశారు. వన్‌టౌన్‌ పోలీసులు తెలిపిన వివరాల మేరకు... నగరంలో బిందెలకాలనీలో నివాసమంటున్న మాజీ సైనికుడు హరినాథ్‌ సైబర్‌ నేరగాళ్ల ఉచ్చులో పడ్డాడు. ఆర్మీలో ఉద్యోగ విరమణ చెందిన తర్వాత వడియంపేట సమీపాన గ్యాస్‌ గోడౌన్‌లో తాత్కాలిక ఉద్యోగిగా పనిచేస్తున్నాడు. ఇటీవల ఓ అపరిచిత నంబర్‌ నుంచి ఫోన్‌ కాల్‌ వచ్చింది. షేర్‌ మార్కెట్‌లో పెట్టుబడి పెడితే మూడు రెట్లు అదనంగా లాభం వస్తుందని నమ్మించారు. అందుకు హరినాథ్‌ సరే అనడంతో తెలివిగా.. అతని ఖాతా నుంచి నగదును పెట్టుబడి పెట్టగా.. లాభం రూపంలో కొంత మొత్తాన్ని ఇచ్చారు. పూర్తిగా నమ్మిన తర్వాత దాదాపు రూ.17 లక్షల వరకూ మోసం చేశారు. బంగారు నగలను కూడా అమ్మేసి షేర్‌మార్కెట్‌లో పెట్టుబడి పెట్టినట్లు బాధితుడు పోలీసులు ఎదుట వాపోయారు. బాధితుని ఫిర్యాదు మేరకు కేసు నమోదు చేస్తామని వన్‌టౌన్‌ సీఐ కరుణాకర్‌ తెలిపారు.

అనంతపురం క్రైం: మున్సిపల్‌ పోరుకు సర్వం సన్నద్ధమవుతుండగా...ఇదే అదనుగా టీడీపీ ముఖ్య నాయకుడు అందివచ్చిన అవకాశాన్ని అందిపుచ్చుకునేందుకు సిద్ధమయ్యాడు. కార్పొరేటర్‌ సీట్లను అంగట్లో సరుకులా అమ్మేందుకు రంగం సిద్ధం చేశాడు. అయితే ఈ వ్యవహారమంతా తన బావమరిదికి అప్పగించినట్లు తెలుస్తోంది. దీంతో పార్టీలోని సీనియర్లంతా గుర్రుగా ఉన్నట్లు తెలుస్తోంది. ప్రజాప్రతినిధి బావమరిది అభ్యర్థిత్వాల వ్యవహారంలో జోక్యం చేసుకోవడం ఏమిటని బాహాటంగానే వారు విమర్శిస్తున్నారు. అభ్యర్థులతో రాయ‘బేరాలు’ అనంతపురం కార్పొరేటర్‌ అభ్యర్థిత్వాల కేటాయింపు అధికార పార్టీలో డబ్బుల చుట్టూ నడుస్తోంది. ఈక్రమంలోనే మేయర్‌ బీసీకి రిజర్వ్‌ అయినందున ఓ మైనార్టీ నేతతో పాటు వాల్మీకి వర్గానికి చెందిన మరో నేతతో టీడీపీ నియోజకవర్గ ముఖ్యనేత బేరాలు సాగించినట్లు సమాచారం. కాగా కార్పొరేటర్‌ అభ్యర్థులతో మాత్రం ఒక్కో సీటుకు రూ.15 లక్షల చొప్పున వసూలు చేస్తుంటే...విషయం కాస్తా అధిష్టానం దృష్టికి వెళ్లినట్లు తెలుస్తోంది. ఇప్పటికే ఎనిమిది మందితో బేరాలు కుదరడంతో పాటు డబ్బు చేతులు మారిందనే ప్రచారం రాజకీయ వర్గాల్లో చర్చనీయాంశంగా మారింది. రూ.కోటిపైగా నొక్కేశారు! ఒక్కో అభ్యర్థి నుంచి రూ.15 లక్షలు తీసుకున్నారనే ఆరోపణల నేపథ్యంలో ఎనిమిది మందికి సంబంధించిన మొత్తం రూ.1.20 కోట్లు ముఖ్య నాయకుడికి చేరినట్లు తెలుస్తోంది. ప్రస్తుతానికి 8 మంది పేర్లు మాత్రమే చర్చలు రాగా, ఇంకా చాలా మందే డబ్బు సిద్ధం చేసుకున్నట్లు తెలుస్తోంది. అనంతపురంలో 62 వార్డులుండగా...కనీసం సగం మంది అభ్యర్థుల నుంచి డబ్బు వసూలు చేసేలా ప్రణాళికలు సిద్ధం చేసినట్లు సమాచారం. మేయర్‌ అభ్యర్థి నుంచి అంతకుమించే వసూలు చేయాలని ప్రణాళికలు సిద్ధం చేసుకుంటున్నట్లు తెలుస్తోంది. అధిష్టానం దృష్టికి వసూళ్ల వ్యవహారం ముఖ్యనేత వసూళ్ల వ్యవహారం పార్టీ అధిష్టానం దృష్టికి వెళ్లడంతో డబ్బు వసూళ్ల ప్రయత్నాలకు తాత్కాలికంగా బ్రేక్‌ పడిందనే ప్రచారం సాగుతోంది. నిజంగానే నాయకత్వం జోక్యం చేసుకుందా? అభ్యర్థిత్వాల ఎంపికపై ఏమైనా ఆదేశాలు జారీ అయ్యాయా.. అన్న విషయాలు ఇంకా బహిర్గతం కాలేదు. ఈ వివాదం ముదరకుండా తాత్కాలికంగా వ్యవహారాన్ని పార్టీ పెద్దలు పక్కనపెట్టినట్లు తెలుస్తోంది. అంతిమంగా మాత్రం ఎవరు ఓట్లిస్తే వారికే సీట్లు అన్నట్లుగా అధికార పార్టీలో వ్యవహారం సాగుతోంది. ఒక్కో సీటు రూ.15 లక్షల ధర బామ్మర్దికి బాధ్యతలు అప్పజెప్పిన ముఖ్యనేత మైనార్టీ, వాల్మీకీ నేతలతో మేయర్‌ పీఠానికి బేరాలు! టీడీపీ అధిష్టానం దృష్టికి వ్యవహారం ప్రజాప్రతినిధి బావమరిది జోక్యంపై రాజకీయ వర్గాల్లో చర్చ

● గుంతకల్లులో రూ.8 లక్షల నగదు, 12 తులాల బంగారు ఆభరణాలు, 20 తులాల వెండి అపహరణగుంతకల్లు రూరల్‌: గుంతకల్లులోని సత్యనారాయణ పేటకాలనీలో గడచిన 4 రోజుల వ్యవధిలోనే దొంగలు రెండోసారి భారీ చోరీకి పాల్పడ్డారు. కాలనీలో సత్యమ్మ అనే మున్సిపల్‌ శానిటేషన్‌ వర్కర్‌ ఇంట్లోకి చొరబడిన దొంగలు బీరువాలో ఉన్న రూ.8 లక్షల నగదు, 12 తులాల బంగారు ఆభరణాలు, 20 తులాల వెండిని అపహరించారు. బాధితురాలి వివరాల మేరకు.. గత కొద్ది నెలలుగా సత్యనారాయణ పేట కాలనీలో అద్దె ఇంటిలో ఉంటున్న సత్యమ్మ కసాపురం రోడ్డు సమీపంలోని జర్నలిస్ట్‌ కాలనీలో స్థలం కొనుగోలు చేసి కొత్త ఇంటి నిర్మాణం చేపట్టింది. సోమవారం గృహప్రవేశం ఉండటంతో రోజంతా అదేపనిలో ఉండి పూర్తీగా అలసిపోవడంతో రాత్రికి కొత్త ఇంటిలోనే అందరూ ఉండిపోయారు. కాగా సత్యనారాయణ పేట సత్యమ్మ ఉంటున్న అద్దె ఇంటికి తాళం వేసిన విషయాన్ని గుర్తించిన దొంగలు రాత్రి సమయంలో తలుపుకు ఉన్న తాళం కొండీని విరగ్గొట్టి ఇంట్లోకి చొరబడ్డారు. ఇంట్లో ఉన్న రెండు బీరువాలను తెరచి నగదుతోపాటు, బంగారు, వెండి నగలను ఎత్తుకెళ్లారు. మంగళవారం ఉదయం ఇంటికి చేరుకున్న సత్యమ్మ బంధువులు ఇంటి వద్దకు వచ్చి చూడగా ఇంటి తలుపులు మాత్రం పూర్తీగా తెరిచి ఉన్నాయి. ఈ విషయాన్ని వెంటనే సత్యమ్మకు తెలియజేయడంతో ఆమె హుటాహుటిన ఇంటికి చేరు కొని ఇంట్లోకి వెళ్లి చూడగా బీరువాలోని వస్తువులు చెల్లాచెదురుగా పడిపోయాయి. దొంగతనం జరిగినట్లుగా గుర్తించిన సత్యమ్మ వెంటనే పోలీసులకు ఫిర్యాదు చేయడంతో వారు చోరీ జరిగిన ఇంటిని పరిశీలించారు. క్లూస్‌ టీమ్‌ను పిలిపించి ఆధారాలు సేకరించారు. కేసు నమోదు చేసి దర్యాప్తు చేపట్టారు.

అనంతపురం అగ్రికల్చర్‌: దసరా పండుగ వచ్చిందని ఉద్యోగులు, ప్రజలంతా సంబరంగా ఉంటే.. తాము పస్తులుండాల్సిందేనా అంటూ మల్టీపర్పస్‌ ఎక్స్‌టెన్షన్‌ ఆఫీసర్స్‌ (ఎంపీఈఓలు) ఆవేదన వ్యక్తం చేస్తున్నారు. చంద్రబాబు ప్రభుత్వం కాంట్రాక్టు పద్ధతిలో ఉద్యోగమిచ్చి వెట్టిచాకిరీ చేయించుకుంటోందని, తమను పట్టించుకోలేదంటున్నారు. ఉమ్మడి జిల్లా వ్యాప్తంగా 334 మంది అవస్థలు పడుతున్నారు. 8 నెలలుగా వేతనాలు ఇవ్వకుండా అదిగో.. ఇదిగో అంటూ చంద్రబాబు సర్కారు కాలయాపన చేస్తోందని వాపోతున్నారు. ఉమ్మడి జిల్లా వ్యాప్తంగా వ్యవసాయశాఖ, ఆర్‌బీకేలకు అనుబంధంగా అనంతలో 189 మంది, సత్యసాయిలో 145 మంది ఎంపీఈవోలు పనిచేస్తున్నారు. నెలసరి వేతనం రూ.12 వేలు కాగా, ఇన్సెంటివ్‌ రూపంలో మరో రూ.3 వేలు కలుపుకొని రూ. 15 వేలకు మించి ఇవ్వడంలేదు. గత ఫిబ్రవరి నుంచి వేతనాలు పెండింగ్‌లో పెట్టారు. 12 ఏళ్లుగా పనిచేస్తున్నా అన్యాయం జరుగుతోందని ఆవేదన చెందుతున్నారు. చంద్రబాబు ప్రభుత్వంలో ఎలాంటి ప్రోత్సాహం లేక 334 మంది ఎంపీఈవోలు పెన్‌డౌన్‌ లాంటి నిరసనలు, జిల్లా, రాష్ట్ర స్థాయిలో సీఎం, వ్యవసాయశాఖ మంత్రి, ఇతర మంత్రులు, కమిషనర్లకు వినతి పత్రాలు ఇచ్చినా ఫలితంలేకపోయింది. ఆ ఐదేళ్లూ రెగ్యులర్‌ చేయకుండా నిర్లక్ష్యం.. గ్రామస్థాయిలో వ్యవసాయశాఖ పరిధిలో రైతులకు చేదోడువాదోడుగా ఉంటారని 2014లో ఎంపీఈఓ వ్యవస్థను తీసుకువచ్చిన చంద్రబాబు.. అలా ఐదేళ్లు రెగ్యులర్‌ చేయకుండానే నిర్లక్ష్యం చేశారు. ఆ తర్వాత 2019లో అధికారంలో వచ్చిన వైఎస్‌ జగన్‌మోహన్‌రెడ్డి సర్కారు వ్యవసాయంలో విప్లవాత్మక మార్పులకు శ్రీకారం చుట్టారు. సచివాలయాలు, ఆర్‌బీకేలు ఏర్పాటు చేశారు. వేలాది సంఖ్యలో పర్మినెంట్‌గా ఉద్యోగావకాశాలు కల్పించారు. సచివాలయాలు, ఆర్‌బీకేల్లో ఎంపీఈవోలకు ప్రాధాన్యత ఇవ్వడంతో అర్హత పరీక్ష రాసి, పర్మినెంట్‌ ఉద్యోగాలకు ఎంపికయ్యారు. మరోసారి 2024లో చంద్రబాబు అధికారంలోకి రావడంతో తమకు ఉద్యోగభద్రత కల్పిస్తారని ఆశించారు. అధికారంలోకొచ్చి 26 నెలలు పూర్తవుతున్నా పట్టించుకోవడంలేదు. ఎంపీఈఓలకు 8 నెలలుగా అందని వేతనాలు ఉమ్మడి జిల్లా వ్యాప్తంగా 334 మంది అవస్థలు అదిగో ఇదిగో అంటున్న బాబు సర్కారు

● శ్రీకృష్ణ దేవరాయ విశ్వవిద్యాలయం రెక్టార్‌ ప్రొఫెసర్‌ అనిత అనంతపురం: సాంకేతిక పురోగతితోనే దేశాభివృద్ధి సాధ్యమని శ్రీకృష్ణదేవరాయ విశ్వవిద్యాలయం రెక్టార్‌ ప్రొఫెసర్‌ బి. అనిత అన్నారు. శ్రీ కృష్ణదేవరాయ విశ్వవిద్యాలయం క్యాంపస్‌ ఇంజినీరింగ్‌ కళాశాలలోని ఈసీఈ విభాగం ఆధ్వర్యంలో రెండు రోజుల పాటు జరిగే జాతీయ స్థాయి సాంకేతిక సదస్సును మంగళవారం ప్రారంభించారు. ఈ సందర్భంగా సావనీర్‌ను ఆవిష్కరించారు. ప్రిన్సిపాల్‌ డాక్టర్‌ ఆర్‌. రామచంద్ర అధ్యక్షత వహించారు రెక్టార్‌ ప్రొఫెసర్‌ బి. అనిత మాట్లాడుతూ.. విద్యార్థులు మారుతున్న సాంకేతిక పరిణామాలకు అనుగుణంగా తమ నైపుణ్యాలను నిరంతరం మెరుగుపరుచుకోవాలని సూచించారు. పరిశోధనలు, నూతన ఆవిష్కరణలపై దృష్టి సారించాలని పిలుపునిచ్చారు.జేఎన్‌టీయూ అనంతపురం ఇంచార్జి రిజిస్ట్రార్‌ ప్రొఫెసర్‌ బి. దుర్గాప్రసాద్‌ మాట్లాడుతూ.. కేవలం పుస్తక పరిజ్ఞానానికే పరిమితం కాకుండా ప్రయోగాత్మక జ్ఞానాన్ని పెంపొందించుకున్నప్పుడే సాంకేతిక రంగంలో ఉన్నత శిఖరాలను చేరుకోగలరన్నారు. ఆకట్టుకున్న పోటీలు ఈ సదస్సుకు ఆంధ్రప్రదేశ్‌, తెలంగాణ రాష్ట్రాల్లోని వివిధ ఇంజినీరింగ్‌ కళాశాలల నుంచి ఈసీఈ విద్యార్థులు పెద్ద సంఖ్యలో హాజరయ్యారు. కాన్ఫరెన్స్‌లో భాగంగా ఏర్పాటు చేసిన పేపర్‌ ప్రజెంటేషన్లు, ప్రాజెక్ట్‌ ప్రదర్శనలు, టెక్నికల్‌ క్విజ్‌ వంటి పోటీల్లో విద్యార్థులు ఉత్సాహంగా పాల్గొని తమ ప్రతిభను చాటుకున్నారు. కార్యక్రమంలో కళాశాల వైస్‌ ప్రిన్సిపాల్‌ డాక్టర్‌ జె.లత, ఈసీఈ విభాగాధిపతి డాక్టర్‌ జ్యోత్స్న తదితరులు పాల్గొన్నారు.

బుక్కరాయసముద్రం: మండల కేంద్రంలోని సచివాలయం దగ్గర వెలసిన పెద్దమ్మ తల్లికి మంగళవారం గ్రామస్తులు 8వ బోనాల వార్షికోత్సవాన్ని వైభవంగా నిర్వహించారు. ఆలయాన్ని వివిధ రకాల పుష్పాలతో అలంకరించారు. ఆలయ ప్రాగంణం అంతా భక్తులతో కిక్కిరిపోయింది. దీంతో ఉరుముల వారు చేసిన శబ్దాలతో ఆలయ ప్రాంగణం అంతా మార్మోగింది. మండల కేంద్రంలోని ప్రతి ఇంటి నుంచి సంప్రదాయ బద్ధంగా మహిళలు బోనాన్ని ఎత్తుకుని వచ్చి అమ్మవారికి సమర్పించి మొక్కలు తీర్చుకున్నారు. ముసలమ్మ దేవత వంశస్థులు సూర్య నారాయణరెడ్డి, సుశీలమ్మ గ్రామస్తులు అమ్మవారికి ప్రత్యేక పూజలు నిర్వహించారు. గ్రామంలో ప్రజలకు ఎలాంటి కష్ట నష్టాలు లేకుండా సుఖ శాంతులు ప్రసాదించాలని ప్రార్థనలు చేశారు. ఈసందర్భంగా ఎలాంటి అవాంఛనీయ ఘటనలు జరగకుండా సీఐ సుబ్బరాయుడు ఆద్వర్యంలో బందోబస్తు నిర్వహించారు. అనంతరం గ్రామంలో పెద్ద ఎత్తున అన్నదానం ఏర్పాటు చేశారు.

కళ్యాణదుర్గం రూరల్‌: పట్టణ సమీపంలోని ప్రసిద్ధి చెందిన అక్కమ్మగార్ల ఆలయంలో అర్చకుల మధ్య ఘర్షణ జరిగింది. సోమవారం కావడంతో ఆలయానికి భక్తులు అధిక సంఖ్యలో తరలివచ్చారు. అదే సమయంలో అర్చకులు ఒకరిపై, ఒకరు దూషించుకున్నారు. ఈ క్రమంలో మంగప్ప అనే అర్చకుడు ఆలయం ప్రధాన తలుపులకు తాళం వేయడంతో భక్తులు ఆందోళకు గురయ్యారు. కళ్యాణదుర్గం పట్టణ సమీపంలోని అత్యంత ప్రసిద్ధి చెందిన అక్కమ్మ ఆలయంలో అర్చకుల మధ్య నిత్యం వివాదాలు జరుగుతున్నాయి. కూటమి ప్రభుత్వం అధికారం చేపట్టక రెండేళ్లు పూర్తయిన అయిన అధికారికంగా ఆలయ కమిటీ పదవీ బాధ్యతలు చేపట్టలేదు. ఆలయ కమిటీ ఎన్నికలో రాజకీయం చేయడం ద్వారా ఇప్పటి వరకు కమిటి ఎన్నిక జరగలేదని భక్తులు అంటున్నారు. ఆలయాల్లో సైతం టీడీపీ నేతలు రాజకీయం చేయడంతో టీడీపీ నేతల ప్రవర్తనపై భక్తులు చీదరించుకుంటున్నారు. ఏడీఏపై సస్పెన్షన్‌ ఎత్తివేత అనంతపురం అగ్రికల్చర్‌: అనంతపురం ఏడీఏ అల్తాఫ్‌ అలీఖాన్‌ సస్పె న్షన్‌ను ఎత్తివేసి, కర్నూలు జిల్లా ఏడీఏగా బదిలీ చేస్తూ రాష్ట్ర ప్రభుత్వ ఎక్స్‌ అఫీషియో స్పెషల్‌ చీఫ్‌ సెక్ర టరీ రాజశేఖర్‌ సోమవారం ఉత్తర్వులు జారీ చేశారు. ఉన్నతాధికారుల అనుమతి లేకుండా ఏడీఏ కార్యాలయాన్ని మా ర్పు చేయడం, వివాదాస్పద నిర్ణయాలపై ఫిర్యాదులొచ్చాయి. దీంతో ఆయనపై విచారణ చేసి, ఈ ఏడాది మార్చి 30న సస్పెన్షన్‌ వేటు వేశారు. ఆయన న్యాయ స్థానాన్ని ఆశ్రయించడంతో ఊరట లభించింది. దీంతో ఆయన్ను కర్నూలు జిల్లా కేంద్రంలో రెగ్యులర్‌ ఏడీఏగా బదిలీ చేస్తూ ఉత్తర్వులు ఇచ్చారు.

● ప్రాజెక్టు యాప్‌లో వివరాలు నమోదు చేయడంలో జాప్యం చేస్తోందన్న కారణంతో శింగనమల ఐసీడీఎస్‌ సెక్టార్‌ పరిధిలోని ఓ అంగన్‌వాడీ కార్యకర్తకు అధికారుల వేధింపులు మొదలయ్యాయి. ఈ క్రమంలో మెమోలు జారీ చేస్తామని, విధుల నుంచి శాశ్వతంగా తొలగిస్తామనే బెదిరింపులు తారస్థాయికి చేరడంతో మానసిక ఒత్తిడికి గురైన ఆమె.. ఇటీవల అస్వస్థతతో ఇటీవల జిల్లా కేంద్రంలోని సర్వజనాస్పత్రిలో అడ్మిట్‌ అయ్యి, చికిత్స తీసుకోవాల్సి వచ్చింది. ● అనంతపురం అర్బన్‌ పరిధిలోనూ మెమోలు, తొలగింపుల బెదిరింపులతో ఓ అంగన్‌వాడీ కార్యకర్త మనోస్థైర్యం కోల్పోయి విధుల్లో ఉండగానే కుప్పకూలిపోయింది. స్థానికులు ఆమెకు సపర్యలు చేశారు. కాస్త కోలుకోగానే కుటుంబ సభ్యులను పిలిపించి ఆమెను అప్పగించారు. ఇలా ఈ రెండు ఘటనలేకాదు.. జిల్లా వ్యాప్తంగా మానసిక ఒత్తిడితో అంగన్‌ వాడీ కార్యకర్తలు సతమతమవుతున్నారు. యంత్రాల్లా చూస్తున్నారు.. అంగన్‌వాడీ వర్కర్లను రోజంతా యాప్‌ల ముందు కూర్చోబెట్టడం సరికాదు. మారుమూల గ్రామాల్లో నెట్‌వర్క్‌ సమస్యలున్నాయి. ఆన్‌లైన్‌లో వివరాలు నమోదు ప్రక్రియ పూర్తికాకపోయినా 100 శాతం లక్ష్యాలు సాధించాలని ఒత్తిడి చేయడం సరికాదు. సాంకేతిక సమస్యలను పరిష్కరించాల్సిందిపోయి ఉద్యోగులను బాధ్యులను చేయడం అన్యాయం. అధికారుల వేధింపులు, నిరంతర పని ఒత్తిడితో పలువురు బీపీ, షుగర్‌ వంటి సమస్యలతో ఆస్పత్రుల చుట్టూ తిరుగుతున్నారు. అంగన్‌వాడీ కార్యకర్తలకు వారి శ్రమకు తగిన వేతనం, గౌరవం కల్పించాలి. వేధింపులు ఆపకపోతే ఉద్యమాలు చేస్తాం. – ఎస్‌.నాగేంద్రకుమార్‌, అంగన్‌వాడీ వర్కర్స్‌ అండ్‌ హెల్పర్స్‌ యూనియన్‌ జిల్లా గౌరవ అధ్యక్షుడు సమస్యకు పరిష్కారం చూపాం విధుల్లో అలసత్వం వహించిన అంగన్‌వాడీ కార్యకర్తలకు ఉన్నతాధికారుల ఆదేశాల మేరకు మెమోలు జారీ చేసింది వాస్తవమే. పోషణ్‌ మాసోత్సవాలు, సాంకేతిక సమస్యల కారణంగా గ్రోత్‌ వివరాలు సక్రమంగా నమోదు చేయలేదని, భవిష్యత్తులో ఇలాంటివి పునరావృతం కాకుండా చూస్తామని అంగన్‌వాడీ కార్యకర్తలు తెలిపారు. ఈ అంశాన్ని కలెక్టర్‌ దృష్టికి తీసుకెళ్లి పరిష్కారం చూపాం. –సాజిదా బేగం, పీడీ, ఐసీడీఎస్‌ అనంతపురం సిటీ: జిల్లాలో అంగన్‌వాడీలపై యాప్‌ల ఒత్తిడితోపాటు ఉన్నతాధికారుల నుంచి పని భారం పెరిగిపోయింది. అంగన్‌వాడీ కార్యకర్తలు, ఆయాలపై టెర్మినేషన్‌ (ఉద్యోగం నుంచి తొలగింపు) హెచ్చరికలతో ఉన్నతాధికారులు బెదిరింపులకు దిగుతున్నట్లు ఆరోపణలు ఉన్నాయి. మానసిక ఒత్తిళ్లతో కొందరు, మనోస్థైర్యం కోల్పోయి మరికొందరు అనారోగ్యం పాలై ఆస్పత్రుల చుట్టూ తిరుగుతున్నారు. ఇటీవల శింగనమల సెక్టార్‌ పరిధిలో ఒకరు, అనంతపురం అర్బన్‌ పరిధిలో ఇంకొకరు ఆస్పత్రుల్లో చేరి చికిత్స పొందిన విషయం ఉద్యోగ భద్రతపై అంగన్‌వాడీల్లో నెలకొన్న ఆందోళనకు అద్దం పడుతున్నాయి. యాధృచ్ఛికంగానే అయినా ఈ రెండు సెక్టార్లకు సీడీపీఓగా వ్యవహరిస్తున్నది ఒక్కరే కావడం గమనార్హం. అంగన్‌వాడీల్లో అభద్రతా భావం.. చంద్రబాబు సర్కార్‌ అంగన్‌వాడీలపై యాప్‌ల భారాన్ని పెంచేసింది. ప్రతి నెలా 1 నుంచి 10 లోపు గ్రోత్‌ వివరాలు నమోదు చేయాల్సి ఉండగా.. ప్రతి నెలా రెండు, మూడు రోజులపాటు నెట్‌వర్క్‌ సమస్యలతో అంగన్‌వాడీలు అవస్థలు పడుతున్నారు. ఈ నెల 10వ తేదీకి మరింత సమయం ఉండగానే 5వ తేదీ నుంచే యాప్‌లలో గ్రోత్‌ వివరాలు నమోదు చేయాలని అధికారులు వేధింపులకు గురి చేస్తున్నారు. అనంతపురం అర్బన్‌ ఐసీడీఎస్‌ సెక్టార్‌ పరిదిలో సోమవారం షోకాజ్‌ నోటీసుల కలకలం రేగింది. ప్రధానంగా 50 శాతం కంటే గ్రోత్‌ నమోదు తక్కువగా ఉన్న కార్యకర్తలకు మెమోలు జారీ చేసేందుకు అధికారులు రంగం సిద్ధం చేసి, ఆ మేరకు జిల్లా వ్యాప్తంగా 627 మందికి మెమోలు అందజేశారు. నెలకు రూ.11,500 వేతనంతో జీవితాలను నెట్టుకొస్తున్న అంగన్‌వాడీ కార్యకర్తలను సూపర్‌వైజర్‌, సీడీపీఓ స్థాయి అధికారులు, కార్యాలయ సీనియర్‌ అసిస్టెంట్లు సైతం ఒత్తిడికి గురి చేస్తున్నారు. చిన్నపాటి కారణానికీ దుర్భాషలాడడమే కాక, మెమో ఇస్తున్నారన్న విమర్శలున్నాయి. చిన్నపాటి తప్పిదాలకే మెమోల జారీ ఉద్యోగ భద్రతపై ఆందోళన మానసిక ఒత్తిళ్లలో అంగన్‌వాడీ కార్యకర్తలు

పెద్దవడుగూరు మండలంలో మిర్చి రైతులకు కష్టాలు రోజు రోజుకూ కంటతడి పెట్టిస్తున్నాయి. ఖరీఫ్‌ సీజన్‌లో మండలంలో ఎక్కువ శాతం మంది రైతులు మిర్చి, పత్తి పంటలను సాగు చేశారు. సుమారుగా 60 నుంచి 80 శాతం వరకు పంటలు సాగు చేశారు. రైతులు అష్ట కష్టాలు పడుతున్నారు. తొలుత తొలకరి జల్లులు రైతులకు ఆశపెట్టి.. రానూరానూ ఆవిరిచేశాయి.. వర్షాలు కురవక బోరుబావుల్లోనూ భూగర్భ జలాలు అడుగంటుతున్నాయి. పత్తి రైతులు పంటపై ఆశలు వదులుకున్నా..మిర్చి పంటను కాపాడుకోవడానికి క‘న్నీటి’ తడులు ఇవ్వాల్సి వస్తోంది. పెద్దవడుగూరుకు చెందిన రైతు తలారి రామాంజనేయులు రెండెకరాల్లో మిర్చి పంట సాగు చేశాడు. పంటకు పెట్టుబడిగా సుమారుగా ఎకరానికి రూ.60వేల దాకా ఖర్చు చేశాడు. పంట ఎండిపోతుండడంతో చేసేదేమీలేక పెద్దవంక నుంచి నీటిని ట్యాంకర్లతో నింపుకొని తడులు ఇస్తున్నాడు. ఈయన ఒక్కరే కాదు.. ఇలా ఎందరో రైతులు పంటలను కాపాడుకోలేక, నీటి తడులు ఇవ్వలేక దిక్కుతోచని స్థితిలో పడి ఉన్నారు. – పెద్దవడుగూరు నీటి ట్యాంకరుతో మిర్చి పంటకు నీళ్లు పెడుతున్న దృశ్యం పెద్దవంకలోని నీటిని ట్యాంకరుకు నింపుకుంటున్న దృశ్యం

అనంతపురం సెంట్రల్‌: సమస్యలపై పోలీసుస్టేషన్‌కు వెల్లిన దివ్యాంగులను కించపరిచే విధంగా మాట్లాడిన ఆత్మకూరు ఎస్‌ఐ, కానిస్టేబుల్‌పై చర్యలు తీసుకోవాలని వికలాంగుల హక్కుల జాతీయ వేదిక నాయకులు వసంతకుమార్‌, రామయ్య తదితరులు డిమాండ్‌ చేశారు. ఆత్మకూరు మండలం గొరిదిండ్లకు చెందిన దివ్యాంగుడు రామంజనేయులు ఫిర్యాదు చేసేందుకు వెళ్తే ఆత్మాభిమానం దెబ్బ తినేలా వ్యవహరించారని తెలిపారు. సోమవారం పోలీసు కార్యాలయంలో నిర్వహించిన ప్రజా సమస్యల పరిష్కార వేదిక కార్యక్రమానికి 130 అర్జీలు వచ్చాయి. ప్రజల నుంచి ఎస్పీ జగదీష్‌ అర్జీలను స్వీకరించారు. బాధితులకు చట్ట పరిధిలో సమస్యలను త్వరితగతిన పరిష్కరించాలని ఆదేశించారు. ఉద్యోగం ఇప్పిస్తానని ఎస్‌ఐ మోసం.. : రైల్వేలో గ్రూప్‌ డి ఉద్యోగం ఇప్పిస్తానని ఎస్‌ఐ మధుసూదన్‌నాయడు మోసం చేశాడని రాప్తాడు మండలం బోగినేపల్లి గ్రామానికి చెందిన లక్ష్మీనారాయణ ఎస్పీ జగదీష్‌కు ఫిర్యాదు చేశారు. కుందిర్పి మండలం అప్పిలేపల్లికి చెందిన ఎస్‌ఐ మధుసూదన్‌నాయుడు ఆదోనిలో పనిచేస్తున్నాని చెప్పి..తన కుమారుడికి ఉద్యోగి ఇప్పిస్తానని రూ. 6 లక్షలు ఇప్పించుకున్నాడని తెలిపారు. విచారించి తనకు న్యాయం చేయాలని కోరారు.

● డాక్టర్‌ సాకే శైలజనాథ్‌ అనంతపురం: స్థానిక సంస్థల ఎన్నికలను స్వేచ్ఛగా, నిష్పక్షపాతంగా, పారదర్శకంగా, ప్రజాస్వామ్యబద్ధంగా నిర్వహించాలని వైఎస్సార్‌సీపీ పీఏసీ సభ్యుడు, మాజీ మంత్రి డాక్టర్‌ సాకే శైలజానాథ్‌ డిమాండ్‌ చేశారు. ఈ మేరకు కలెక్టర్‌, జిల్లా ఎన్నికల అధికారి ఆనంద్‌కు సోమవారం వినతిపత్రం సమర్పించారు. అనంతరం ఆయన విలేకరులతో మాట్లాడారు. భారత రాజ్యాంగం ప్రజలకు కల్పించిన ఓటు హక్కు అత్యంత కీలకమైనదన్నారు. గ్రామస్థాయి నుంచి జిల్లాస్థాయి వరకు ప్రజాస్వామ్య పాలనకు స్థానిక సంస్థల ఎన్నికలే పునాదని అన్నారు. ఇవి అధికారంలో ఉన్నవారి రాజకీయ ప్రయోజనాలకు కాకుండా, ప్రజల స్వేచ్ఛాయుత నిర్ణయానికి అనుగుణంగా జరగాలని కోరారు. అధికార బలం, ధనబలం, రాజకీయ ఒత్తిళ్లు, అధికార యంత్రాంగ ప్రభావం ఎన్నికల ఫలితాలను ప్రభావితం చేయకుండా చూడటం ప్రతి అధికారి బాధ్యత అని గుర్తు చేశారు. బెదిరింపులపై చర్యలు తీసుకోవాలి నామినేషన్లు ఎలా వేస్తారో చూస్తామంటూ బహిరంగంగానే బెదిరింపులకు పాల్పడుతున్న కొంతమంది అధికార పార్టీ నాయకులపై చర్యలు తీసుకుని, అన్ని చోట్లా తగిన భద్రత కల్పించి ప్రజాస్వామ్య విలువలను కాపాడాలని శైలజానాథ్‌ డిమాండ్‌ చేశారు. స్థానిక పరిస్థితులను బట్టి సున్నితమైన ప్రాంతాల్లో ప్రత్యేక భద్రత ఏర్పాటు చేయాలన్నారు. పోలింగ్‌ కేంద్రాల్లో ఓటర్ల స్వేచ్ఛకు భంగం కలగకుండా, అవాంఛనీయ ఘటనలకు తావులేకుండా పకడ్బందీ బందోబస్తు చూడాలన్నారు. ఎన్నికల ప్రవర్తన నియమావళి ఉల్లంఘనలు, బెదిరింపులు, అధికార దుర్వినియోగంపై వచ్చే ఫిర్యాదులపై తక్షణమే చర్యలు తీసుకోవాలన్నారు. చట్టపరమైన రిజర్వేషన్లను సరిగ్గా అమలుపరిచి ఎన్నికల వ్యవస్థపై ప్రజల్లో నమ్మకాన్ని పునరుద్ధరించాలని ఆకాంక్షించారు. గ్రామీణ ప్రాంతాల్లో ప్రజలు స్వేచ్ఛగా ఓటు హక్కు వినియోగించుకునే వాతావరణం కల్పించాలని కోరారు. కార్యక్రమంలో వైఎస్సార్‌సీపీ రాష్ట్ర సంయుక్త కార్యదర్శి బండ్లపల్లి (సరిబాల) ప్రతాప్‌రెడ్డి, రైతు విభాగం రాష్ట్ర ప్రధాన కార్యదర్శి వంశీ గోకులరెడ్డి, యువ నాయకులు డాక్టర్‌ సాకే రుత్విక్‌ హృదయ్‌, మధుసూదన్‌రెడ్డి, బోనాల హరికృష్ణ, అంకే నరేష్‌, ప్రదీప్‌, సాకే రామాంజనేయులు, సాకే శివశంకర్‌, సత్యాలు, రేవంత్‌రెడ్డి, పరంధామరెడ్డి, రామలింగారెడ్డి తదితరులు పాల్గొన్నారు.

అనంతపురం ఎడ్యుకేషన్‌: గ్రామ పంచాయతీ ఎన్నికల సందడి మొదలైంది. ఎన్నికల నగారా ఎప్పుడు మోగుతుందా.. తమకు పోటీ చేసే అవకాశం దక్కుతుందా.. తమ గ్రామంలో సర్పంచ్‌ స్థానం ఏ వర్గానికి రిజర్వ్‌ అవుతుంది.. వార్డు సభ్యుల స్థానాల కేటాయింపు ఎలా ఉంటుంది.. అనే అంశాలపై ఆశావహుల్లో ఉత్కంఠ నెలకొంది. జిల్లాలో మొత్తం 576 గ్రామ పంచాయతీలు, 5,840 వార్డు సభ్యుల స్థానాలు ఉన్నాయి. వీటి పరిధిలో ఎన్నికల నిర్వహణ కోసం 6,025 పోలింగ్‌ కేంద్రాలను ఏర్పాటు చేశారు. గ్రామ పంచాయతీల్లో సర్పంచ్‌ స్థానాల రిజర్వేషన్ల ఖరారు ప్రక్రియను ఆర్డీఓ కార్యాలయాల్లో, వార్డు సభ్యుల స్థానాల రిజర్వేషన్ల ప్రక్రియను ఎంపీడీఓ కార్యాలయాల్లో చేపట్టారు. ఏ పంచాయతీలో ఎన్ని వార్డులు ఏ కేటగిరీకి కేటాయించాలనే వివరాలు ఇప్పటికే ఆర్డీఓల నుంచి ఎంపీడీఓలకు చేరాయి. దీంతో ఆయా వార్డులకు రిజర్వేషన్లు కేటాయించే అంశంపై అధికారులు కసరత్తు చేస్తున్నారు. గెలుపుపై ఎవరి ధీమా వారిదే పంచాయతీ ఎన్నికలు గ్రామస్థాయిలో రాజకీయ పార్టీల బలాబలాలకు పరీక్షగా నిలవనున్నాయి. అధికార పార్టీకి చెందిన ఆశావహులు తమ రాజకీయ పలుకుబడి, పోలీసు వ్యవస్థ అండతో గట్టెక్కాలని చూస్తున్నారనే గుసగుసలు వినిపిస్తున్నాయి. అయితే ప్రభుత్వ విధానాలపై ప్రజల్లో ఉన్న వ్యతిరేకత ఎన్నికల్లో ప్రభావం చూపుతుందనే ఆందోళన వారిని కలవరపెడుతోంది. మరోవైపు ప్రభుత్వంపై ప్రజల్లో ఉన్న అసంతృప్తి తమకు అనుకూలంగా మారుతుందని ప్రతిపక్ష వైఎస్సార్‌సీపీ నాయకులు భావిస్తున్నారు. ప్రభుత్వ ప్రజావ్యతిరేక విధానాలను జనంలోకి తీసుకెళ్లడంతోపాటు స్థానిక సమస్యలను ప్రధానంగా ప్రస్తావిస్తూ గ్రామస్థాయిలో మద్దతు కూడగట్టేందుకు ప్రతిపక్ష నేతలు ప్రయత్నిస్తున్నారు. గ్రామ పంచాయతీ ఎన్నికల్లో స్థానిక సమస్యలు, అభ్యర్థుల వ్యక్తిగత పరిచయాలు, గ్రామంలో ఉన్న పలుకుబడి, సామాజిక సమీకరణాలు కూడా కీలక పాత్ర పోషించే అవకాశముంది. అధికారులు రిజర్వేషన్లు ప్రకటించిన తర్వాత గ్రామాల్లో ఎన్నికల వేడి మరింత పెరిగే అవకాశముంది. జెడ్పీలో అధికారుల కసరత్తుఅనంతపురం న్యూ టౌన్‌: స్థానిక సంస్థల ఎన్నికల ప్రక్రియలో భాగంగా రిజర్వేషన్ల ప్రక్రియ జెడ్పీలో కొనసా..గుతూనే ఉంది. ప్రభుత్వం నుంచి నిర్దిష్టమైన నిర్ణయం కోసం అధికార యంత్రాంగం ఎదురుచూస్తోంది. బీసీల రిజర్వేషన్ల విషయంలో ప్రభుత్వం తీసుకున్న 34 శాతం నిర్ణయం న్యాయస్థానంలో బెడిసికొట్టింది. ఎన్నికల్లో అన్ని వర్గాలకూ కలిపి రిజర్వేషన్లు 50 శాతం దాటకూడదన్నది కోర్టు తీర్పు సారాంశం. పంచాయతీరాజ్‌ కమిషనర్‌ త్వరలో జిల్లా, మండలం, గ్రామ పంచాయతీ వారీగా రిజర్వేషన్ల జాబితాను విడుదల చేస్తారు. ఆ జాబితా వచ్చిన తర్వాత రాష్ట్ర ఎన్నికల సంఘం ఎన్నికల నగారా మోగిస్తుంది. కోర్టు చెప్పిన 50 శాతం పరిమితిని పాటిస్తూ, కుటుంబ సర్వే లెక్కల ఆధారంగా కొత్త రిజర్వేషన్లు అమలు కానున్నాయి. ఈ మేరకు జిల్లా పరిషత్‌లో మూడు రోజులుగా రిజర్వేషన్ల ప్రక్రియపై అధికారులు కసరత్తు చేస్తున్నారు. మరోవైపు రిజర్వేషన్లు ఏ విధంగా ఉంటాయోనన్న ఉత్కంఠ ఆశావహుల్లో పెరిగిపోతోంది. మరో రెండు రోజుల్లో రిజర్వేషన్ల ప్రక్రియ పూర్తి కావచ్చని అధికారులు చెప్తున్నారు. బరిలో నిలవాలంటే రిజర్వేషన్‌ తేలాల్సిందే..!గ్రామాల్లో సర్పంచ్‌ పీఠాలపై కన్నేసిన ఆశావహులు రిజర్వేషన్ల కోసం ఆసక్తిగా ఎదురుచూస్తున్నారు. తమకు అనుకూలమైన కేటగిరీలో స్థానం రిజర్వ్‌ అయితే పోటీకి దిగాలని కొందరు ఇప్పటికే ప్రణాళికలు సిద్ధం చేసుకుంటున్నారు. మరికొందరు తమ కుటుంబ సభ్యులను బరిలోకి దింపేందుకు సమాలోచనలు చేస్తున్నారు. ముఖ్యంగా రాజకీయ ప్రాధాన్యం ఉన్న మేజర్‌ పంచాయతీల్లో పాగా వేసేందుకు రాజకీయ పార్టీలు వ్యూహాలు రచిస్తున్నాయి. రిజర్వేషన్లు ఖరారైన వెంటనే అభ్యర్థుల ఎంపిక, స్థానిక నాయకులతో చర్చలు, గ్రామస్థాయి సమీకరణాలపై దృష్టి సారించేందుకు సిద్ధమవుతున్నాయి. సర్పంచ్‌– వార్డు రిజర్వేషన్లపై సర్వత్రా ఉత్కంఠ జిల్లాలో 576 పంచాయతీలు.. 5,840 వార్డు స్థానాలు రిజర్వేషన్ల ప్రకటనతో మారనున్న రాజకీయాలు

అనంతపురం సెంట్రల్‌: నగరంలో ఆదర్శకాలనీలో ఓ షెడ్డు సమీపంలో చెట్టు కింద దేవినేని జనార్దన్‌రావు అనే వ్యక్తి అనుమానాస్పదంగా మృతి చెందినట్లు నాల్గో పట్టణ పోలీసులు తెలిపారు. కొంత కాలంగా తాగుడుకు బానిసైన జనార్దన్‌.. ఈనెల 5న ఇంట్లో గొడవ పడి విజయవాడకు వెళ్తున్నట్లు చెప్పి బయటకెళ్లి, తిరిగి వెళ్లలేదు. సోమవారం మధ్యాహ్నం 12 గంటల సమయంలో వ్యక్తి అనుమానాస్పద మృతి విషయాన్ని పోలీసులకు సమాచారం అందించారు. పోస్టుమార్టం నివేదిక ఆధారంగా కేసు నమోదు చేస్తామని నాల్గో పట్టణ సీఐ ఏపీ మస్తాన్‌ తెలిపారు. పేలవమైన ఆటతీరుతో చతికిలపడిన ‘ఆంధ్ర’ అనంతపురం: కల్నల్‌ సీకే నాయుడు అండర్‌–23 ట్రోఫీ క్రి కెట్‌ మ్యాచ్‌లో ఆంధ్ర జట్టు పేలవమైన ఆట తీరుతో 242 పరుగులకే చతికిల పడింది. ఆంధ్ర క్రికెట్‌ అసోసియేషన్‌ (ఏసీఏ) ఆధ్వర్యంలో అనంతపురం క్రీడాగ్రామంలో సోమవారం ఆంధ్ర, జార్ఖండ్‌ జట్ల మధ్య అండర్‌–23 స్టేట్‌ క్రికెట్‌ మ్యాచ్‌ జరిగింది. జిల్లా క్రికెట్‌ అసోసియేషన్‌ గౌరవ కార్యదర్శి టి.శ్రీధర్‌ మ్యాచ్‌ను ప్రారంభించారు. టాస్‌ గెలిచిన జార్ఖండ్‌ జట్టు.. తొలుత ఫీల్డింగ్‌ ఎంచుకోవడంతో ఆంధ్ర జట్టు బ్యాటింగ్‌కు దిగింది. దీంతో తొలిరోజు ఆట ముగిసే సమయానికి ఆంధ్ర జట్టు 87.4 ఓవర్లలో 242 పరుగులు సాధించింది. ఆంధ్ర బ్యాటర్లలో జీఎస్పీ తేజ అద్భుతంగా రాణించి, 177 బంతుల్లో 91 పరుగులు సాధించాడు. ఇందులో 9 ఫోర్లు ఉన్నాయి. వరుణ్‌ సాత్విక్‌ 90 బంతుల్లో 49 పరుగులు, కె. హనీష్‌ వీరారెడ్డి 39 పరుగులు చేశారు. జార్ఖండ్‌ బౌలర్లలో అప్సర్‌ 14 ఓవర్లు వేసి ఐదు మెయిడిన్‌లతో 21 పరుగులు ఇచ్చి 5 వికెట్లు తీశాడు. యోగీష్‌, అభిషేక్‌ యాదవ్‌ చెరో రెండు వికెట్లు తీశారు. వికాస్‌ కుమార్‌ యాదవ్‌, హర్షరాజ్‌ తలో వికెట్‌ తీసుకున్నారు. తొలిరోజు ఆట ముగియడంతో ఆంధ్ర జట్టు 242 పరుగులు సాధించి, తన తొలి ఇన్నింగ్స్‌ను ముగించింది. రెండో రోజు మంగళవారం ఉదయం జార్ఖండ్‌ జట్టు బ్యాటింగ్‌కు దిగనుంది. ‘ఇల్లినాయిస్‌’ వర్సిటీ ప్రతినిధులతో భేటీ అనంతపురం: అమెరికాలోని ‘ఇల్లినాయిస్‌’ ఉన్నతాధికారులతో జేఎన్‌టీయూఏ వీసీ ప్రొఫెసర్‌ హెచ్‌. సుదర్శన రావు అధ్యక్షతన ఉన్నత స్థాయి సమావేశం నిర్వహించారు. ఇల్లినాయిస్‌ యూనివర్సిటీ,జేఎన్‌టీయూఏ మధ్య సమగ్రమైన, డ్యూయల్‌ డిగ్రీ (ద్విసభ్య డిగ్రీ), దీర్ఘకాలిక విద్యా సంబంధిత భాగస్వామ్యంపై ఈ సమావేశంలో చర్చించారు. ఇల్లినాయిస్‌ ప్రతినిధులు దేబాసిస్‌ దత్త (సీనియర్‌ అడ్వైజర్‌ టు ప్రెసిడెంట్‌, ఇల్లినాయిస్‌ యూనివర్సిటీ), రంజన్‌ కర్రీ (కాలేజ్‌ ఆఫ్‌ బిజినెస్‌ అండ్‌ మేనేజ్‌మెంట్‌, ఇల్లినాయిస్‌ యూనివర్సిటీ)లు పాల్గొన్నారు. వీసీ సుదర్శనరావు మాట్లాడుతూ మారుతున్న అంతర్జాతీయ పరిస్థితులకనుగుణంగా సిలబస్‌ను తీర్చిదిద్దాలని, ప్రస్తుత పారిశ్రామిక (ఇండస్ట్రీ) అవసరాలకు తగిన నైపుణ్యాలను విద్యార్థులకు అందించాలని సూచించారు. కార్యక్రమంలో జేఎన్‌టీయూ ఇన్‌చార్జ్‌ రిజిస్ట్రార్‌ ప్రొఫెసర్‌ దుర్గాప్రసాద్‌, డైరెక్టర్‌ (ఫారిన్‌ అఫైర్స్‌ అండ్‌ అల్యూమిని మేటర్స్‌) ప్రొఫెసర్‌ నాగప్రసాద్‌ నాయుడు, డీఏపీ ప్రొఫెసర్‌ సత్యనారాయణ, కళాశాల ప్రిన్సిపాల్‌ చెన్నారెడ్డి పాల్గొన్నారు.

సమస్యలు పరిష్కరించండి ● ‘పరిష్కార వేదిక’లో అర్జీదారుల వినతి అనంతపురం అర్బన్‌: తమ సమస్యలు పరిష్కరించండంటూ అర్జీదారులు కోరుతున్నారు. సోమవారం కలెక్టరేట్‌లోని రెవెన్యూ భవన్‌లో నిర్వహించిన ప్రజాసమస్యల పరిష్కార వేదిక కార్యక్రమంలో కలెక్టర్‌ ఆనంద్‌తో పాటు జాయింట్‌ కలెక్టర్‌ విష్ణుచరణ్‌, డీఆర్‌ఓ మలోల, డిప్యూటీ కలెక్టర్లు ఆనంద్‌, రామ్మోహన్‌, రమేష్‌రెడ్డి, వెంకటనారాయణ, కిరణ్మయి ప్రజల నుంచి వివిధ సమస్యలపై 441 అర్జీలు స్వీకరించారు. ఇందులో రెవెన్యూకు సంబంధించి 232 అర్జీలు, ఇతర సమస్యలకు సంబంధించి 209 అర్జీలు ఉన్నాయి. కార్యక్రమం అనంతరం అర్జీల పరిష్కారంపై అధికారులతో కలెక్టర్‌ సమీక్షించారు. అర్జీల్లో మచ్చుకు కొన్ని.. ● తన భర్త మరణ ధ్రువీకరణ పత్రం మంజూరు చేయాలని రాయదుర్గానికి చెందిన వి.లీలావతి అర్జీ సమర్పించింది. తన భర్త 1998 అక్టోబరు 15న అనంతపురం ప్రభుత్వ ఆస్పత్రిలో మరణించాడని చెప్పింది. మరణ ధ్రువపత్రం కావాలని ఆస్పత్రిలో అడిగితే పేరు నమోదు కాలేదని చెబుతున్నారని, మునిసిపాలిటీలో అడిగితే సమాచారమే లేదంటున్నారని వాపోయింది. ఈ దివ్యాంగుని పేరు పాండురంగయ్య. పెద్దవడుగూరు మండలం కదరగుట్టపల్లి గ్రామం. రెండున్నర ఏళ్ల క్రితం పక్షవాతం రావడంతో ఎడమ చేయి, ఎడమ కాలు పనిచేయడం లేదు. 50 శాతం వైకల్యం ఉన్నట్లు ఈ ఏడాది జూన్‌ 21న తాత్కాలిక సదరం సర్టిఫికెట్‌ ఇచ్చారు. పింఛనుకు దరఖాస్తు చేసుకుంటే శాశ్వత సర్టిఫికెట్‌ లేదు కాబట్టి పింఛను అర్హత లేదని చెప్పారని తెలిపాడు.

కూడేరు: ఎన్‌సీసీ క్యాడెట్లు ప్రతి రంగంలోనూ నైపుణ్యం సంపాదించుకోవాలని ఎన్‌సీసీ క్యాంప్‌ కమాండర్‌ కల్నల్‌ అమిత్‌ గంగ్వార్‌ పేర్కొన్నారు. మండల పరిధిలోని బ్రాహ్మణపల్లి వద్ద ఉన్న ఎన్‌సీసీ నగర్‌లో సీఏటీసీ–14వ ఎన్‌సీసీ శిక్షణ ఇస్తున్నారు. సోమవారం క్యాడెట్లకు సాంస్కృతిక కార్యక్రమాలపై శిక్షణ ఇచ్చారు. ఈ సందర్భంగా క్యాడెట్లకు భరతమాత, దేశభక్తి గీతాలకు క్యాడెట్లు అద్భుతంగా నృత్య ప్రదర్శన చేశారు. అనంతరం క్యాంప్‌ కమాండర్‌ మాట్లాడారు. కార్యక్రమంలో డిప్యూటీ కమాండర్‌ మేజర్‌ అరుణ్‌, ఎన్‌సీసీ అధికారులు శ్రీనివాస్‌, విజయ కుమార్‌, రవి కుమార్‌తో పాటు సిబ్బంది పాల్గొన్నారు. రూ.20.66 కోట్లతో యాంత్రీకరణ అనంతపురం అగ్రికల్చర్‌: ప్రస్తుత 2026–27కు సంబంఽధించి రూ.20.66 కోట్ల బడ్జెట్‌తో యాంత్రీకరణ పథకం అమలు చేయనున్నట్లు వ్యవసాయశాఖ జేడీ సాలురెడ్డి సోమవారం ఓ ప్రకటనలో తెలిపారు. కమ్యూనిటీ హైయరింగ్‌ సెంటర్లు (సీహెచ్‌సీ) గ్రూపులకు రూ.15.50 కోట్లు, వ్యక్తిగత పరికరాలకు రూ.5.16 కోట్లు కేటాయించామన్నారు. ఈ మేరకు రాష్ట్ర ప్రభుత్వం దిశ నిర్దేశం చేసినట్లు తెలిపారు. వ్యక్తిగత పరికరాలకు సంబంధించి ఎస్సీ, ఎస్టీ సన్న చిన్నకారు, మైనార్టీ రైతులకు 50 శాతం, మిగతా వర్గాలు, అలాగే సీహెచ్‌సీ గ్రూపుల కింద 40 శాతం రాయితీ వర్తిస్తుందన్నారు. సీహెచ్‌సీ గ్రూపులకు రూ.10 లక్షల విలువైన యంత్ర పరికరాలకు బ్యాంకు రుణాలు అవసరం లేదన్నారు. రూ.10 లక్షల నుంచి రూ.30 లక్షల విలువైన యంత్రపరికరాలు అవసరమైతే బ్యాంకు రుణం తప్పనిసరి అన్నారు. మండల వ్యవసాయశాఖ, ఆర్‌ఎస్‌కే అసిస్టెంట్లను సంప్రదించి ఆన్‌లైన్‌లో దరఖాస్తు చేసుకోవాలని సూచించారు. జాతీయ స్థాయి పోటీలకు ఎంపిక బుక్కరాయసముద్రం: మండల పరిధిలోని సిద్దరాంపురం జెడ్పీ హైస్కూల్‌ విద్యార్థిని నందిని జాతీయ స్థాయి పోటీలకు ఎంపికై ందని హెచ్‌ఎం నీరజ, పీడీ నాగరాజు సోమవారం తెలిపారు. ఇటీవల కర్నూలు జిల్లాలో నిర్వహించిన ఎస్‌జీఎఫ్‌ అండర్‌–19 రాష్ట్ర స్థాయి రగ్బీ పోటీల్లో సిద్దరాంపురం జెడ్పీ హైస్కూల్‌ విద్యార్థిని నందిని ప్రతిభ కనబరిచి జాతీయ స్థాయి పోటీలకు ఎంపికై నట్లు తెలిపారు. అక్టోబర్‌ 30 నుంచి నవరంబర్‌ 5 వరకు ఢిల్లీలో జరగనున్న జాతీయ స్థాయి రగ్బీ పోటీల్లో నందిని పాల్గొంటుందన్నారు. నందినిని హెచ్‌ఎం నీరజ, పీడీ నాగరాజు, ఉపాధ్యాయులు నాగేంద్ర ప్రసాద్‌, కోటప్ప, బాలకృష్ణ, ఆదినారాయణ, గోపమ్మ, కమల, ఉమా, వెంకటలక్ష్మి, లీల, సువర్ణ, షబ్బీర్‌ అభినందించారు. వసతిగృహాల నిర్వహణపై ప్రత్యేక దృష్టి అనంతపురం ఎడ్యుకేషన్‌: సాంఘిక సంక్షేమ శాఖ డిప్యూటీ డైరెక్టర్‌ రాజేశ్వరమ్మ చైల్డ్‌ కేర్‌ లీవ్‌లో వెళ్లడంతో గిరిజన సంక్షేమ శాఖ అధికారి శ్రీనివాసరావుకు ఆ శాఖ పూర్తి అదనపు బాధ్యతలు (ఎఫ్‌ఏసీ) అప్పగించారు. సోమవారం ఆయన బాధ్యతలు స్వీకరించారు. రాజేశ్వరమ్మ ఈ ఏడాది డిసెంబర్‌ 3 వరకు సెలవులో ఉండనున్నారు. ఆమె 2027 జనవరి 31న ఉద్యోగ విరమణ చేయనున్నారు. బాధ్యతలు చేపట్టిన అనంతరం శ్రీనివాసరావు మాట్లాడుతూ సాంఘిక సంక్షేమ శాఖ పరిధిలోని వసతి గృహాల నిర్వహణపై ప్రత్యేక దృష్టి సారిస్తామన్నారు. విద్యార్థులకు మెరుగైన వసతులు కల్పించడం, హాస్టళ్లలో నిర్వహణ ప్రమాణాలను పర్యవేక్షించడం, విద్యార్థులకు ఎలాంటి ఇబ్బందులు తలెత్తకుండా చూడడంపై దృష్టి పెడతామన్నారు.

● సీపీఎం రాష్ట్ర కార్యదర్శివర్గ సభ్యుడు ప్రభాకర్‌రెడ్డి అనంతపురం అర్బన్‌: కరువు బారిన పడిన రైతులను ఆదుకునే చర్యలు చేపట్టకపోవడం చంద్రబాబు ప్రభుత్వ నిర్లక్ష్యానికి పరాకాష్ట అంటూ సీపీఎం రాష్ట్ర కార్యదర్శివర్గ సభ్యుడు ప్రభాకర్‌రెడ్డి అన్నారు. రైతులు కరువు కోరల్లో చిక్కుకొని అల్లాడుతుంటే చంద్రబాబుకు మాత్రం కనిపించడంలేదని మండిపడ్డారు. సోమవారం కలెక్టరేట్‌ ఎదుట సీపీఎం ఆధ్వర్యంలో కరువు రైతులు, రైతు కూలీలు, కౌలు రైతులను ఆదుకోవాలని నాయకులు, రైతులు ఎండిన పండ చెట్లు, పంటలతో నిర్వహించిన ధర్నా నిర్వహించారు. కార్యక్రమంలో ప్రభాకర్‌రెడ్డితో పాటు జిల్లా కార్యదర్శి ఓ.నల్లప్ప మాట్లాడారు. కరువు మండలాల ప్రకటనతో చంద్రబాబు ప్రభుత్వం సరిపెట్టిందే తప్ప కరువు సహాయక చర్యలు చేపట్టేందుకు నిధులు ఇవ్వకపోవడం రైతులు, ప్రజలను నిర్లక్ష్యం చేయడమే అన్నారు. ఢిల్లీకి వెళ్లిన ముఖ్యమంత్రి చంద్రబాబు రాష్ట్రంలో కరువు, కరువు సహాయక చర్యలకు అవసరమైన నిధుల మంజూరుపై కాకుండా నదుల అనుసంధానం అంశంపై కేంద్రంతో మాట్లాడారన్నారు. ఎల్‌నీనో ప్రభావం రాష్ట్రంపై అధికంగా ఉందని తాము బాగా పనిచేస్తున్నామని చెప్పడం చూస్తే కరువును ఆయన తేలిగ్గా తీసుకున్నారనే విషయం స్పష్టమవుతోందన్నారు. అనంతరం రెవెన్యూ భవన్‌లో కలెక్టర్‌ ఆనంద్‌ను కలిసి వినతిపత్రం అందజేశారు. ధర్నాలో జిల్లా కార్యదర్శివర్గ, కార్యవర్గ సభ్యులు నాగేంద్రకుమార్‌, రామిరెడ్డి, చంద్రశేఖర్‌రెడ్డి, శ్రీనివాసులు, కృష్ణమూర్తి, బాలరంగయ్య, భాస్కర్‌, వెంకటనారాయణ, ముత్తుజ, రామాంజనేయులు, జగన్‌మోహన్‌రెడ్డి, పండ్లతోటల సంఘం నాయకులు శివారెడ్డి, సుర్యచంద్రారెడ్డి, సూరి పాల్గొన్నారు.

అనంతపురం ఎడ్యుకేషన్‌: ఇన్‌సర్వీస్‌ ఉపాధ్యాయుల కోసం నిర్వహిస్తున్న ఏపీ స్పెషల్‌ టెట్‌–2026 జిల్లాలో సోమవారం ప్రశాంతంగా జరిగింది. జిల్లా వ్యాప్తంగా నాలుగు పరీక్ష కేంద్రాల్లో రెండు విడతలుగా పరీక్షలు నిర్వహించారు. మొత్తం 1,089 మంది అభ్యర్థులు పరీక్షలకు హాజరుకావాల్సి ఉండగా, 1,075 మంది హాజరయ్యారు. 14 మంది గైర్హాజరయ్యారని డీఈఓ అయ్యూబ్‌ హుస్సేన్‌ తెలిపారు. ఉదయం 9.30 నుంచి మధ్యాహ్నం 12 గంటల వరకు, మధ్యాహ్నం 2.30 నుంచి సాయంత్రం 5 గంటల వరకు పరీక్షలు జరిగాయి. అభ్యర్థులకు ఎలాంటి ఇబ్బందులు కలగకుండా అవసరమైన ఏర్పాట్లు చేసినట్లు అధికారులు తెలిపారు. జిల్లాలోని నాలుగు కేంద్రాల్లో పరీక్షల నిర్వహణను పర్యవేక్షించారు. కాగా ఎస్వీఐటీ పరీక్ష కేంద్రాన్ని డీఈఓ పరిశీలించారు. ఓపెన్‌ స్కూల్‌ ప్రవేశాలకు ఈ నెల 31 వరకు గడువు అనంతపురం ఎడ్యుకేషన్‌: ఆంధ్రప్రదేశ్‌ ఓపెన్‌ స్కూల్‌ సొసైటీ ద్వారా నిర్వహించే పదో తరగతి, ఇంటర్మీడియెట్‌ కోర్సుల్లో 2026–27 విద్యా సంవత్సరానికి ప్రవేశాల గడువును ఈ నెల 31 వరకు ఎలాంటి ఆలస్య రుసుం లేకుండా పొడిగించినట్లు జిల్లా విద్యాశాఖ అధికారి అయ్యూబ్‌ హుస్సేన్‌ సోమవారం ఒక ప్రకటనలో తెలిపారు. చదువు మధ్యలో మానేసిన వారు, ఇతర కారణాలతో విద్యను కొనసాగించలేకపోయిన వారు ఈ అవకాశాన్ని సద్వినియోగం చేసుకోవాలని సూచించారు. 14 ఏళ్లు నిండిన వారు పదో తరగతి కోర్సులో, పదో తరగతి ఉత్తీర్ణులైన వారు ఇంటర్మీడియెట్‌ కోర్సులో ప్రవేశాలు పొందవచ్చని తెలిపారు. తెలుగు, ఇంగ్లిష్‌, ఉర్దూ, ఒరియా మాధ్యమాల్లో చదువుకునే అవకాశం ఉందని పేర్కొన్నారు. ఓపెన్‌ స్కూల్‌ విధానంలో విద్యను కొనసాగించాలనుకునే వారికి ఇది మంచి అవకాశమని, అర్హులైన అభ్యర్థులు గడువులోగా ప్రవేశాలు పొందాలని సూచించారు. ఓపెన్‌ స్కూల్‌ ద్వారా పొందిన ధ్రువపత్రాలతో నిబంధనల ప్రకారం తదుపరి కోర్సుల్లో ప్రవేశాలు పొందవచ్చని స్పష్టం చేశారు. ఆర్పీఎఫ్‌ ఏఎస్పీకి రాష్ట్రపతి పోలీస్‌ పతకం గుంతకల్లు: రైల్వే రక్షణ దళం (ఆర్పీఎఫ్‌)లో విశిష్ట సేవలందించిన గుంతకల్లు డివిజన్‌ రేణిగుంట ఆర్పీఎఫ్‌ అసిస్టెంట్‌ సెక్యూరిటీ కమిషనర్‌ కె.రాజగోపాల్‌రెడ్డి ప్రతిష్టాత్మకమైన రాష్ట్రపతి పోలీస్‌ పతకం అందుకున్నారు. చత్తీస్‌గఢ్‌లోని రాయ్‌పూర్‌లో జరిగిన ఆర్పీఎఫ్‌ రైజింగ్‌ డే కార్యక్రమంలో భాగంగా ఆయనకు మెడల్‌ను అందజేశారు. ఈ సందర్భంగా గుంతకల్లు డివిజనల్‌ సెక్యూరిటీ కమిషనర్‌ ఆకాష్‌ కుమార్‌ జైస్వాల్‌ మాట్లాడుతూ విధి నిర్వహణలో నిబద్ధత, కర్తవ్య నిర్వహణతోపాటు సేవాతత్పరతకు గాను రాజగోపాల్‌ రెడ్డికి దక్కిన గౌరవమని కొనియాడారు. ఆయన సాధించిన ఈ ఘనత ఆర్పీఎఫ్‌ సిబ్బందికి స్ఫూర్తిదాయకమన్నారు. ఎన్‌ఎంఎంఎస్‌ దరఖాస్తుకు 27 వరకు గడువు అనంతపురం ఎడ్యుకేషన్‌: నేషనల్‌ మీన్స్‌ కమ్‌ మెరిట్‌ స్కాలర్‌షిప్‌ (ఎన్‌ఎంఎంఎస్‌) పరీక్ష (2026–27)కు దరఖాస్తు చేసుకునేందుకు ఈ నెల 27 వరకు గడువు పొడిగించినట్లు డీఈఓ అయ్యూబ్‌ హుస్సేన్‌ తెలిపారు. ఇందుకు సంబంధించిన వివరాలను ఆయన సోమవారం మీడియాకు వెల్లడించారు. దరఖాస్తు గడువును ఇకపై పొడిగించబోరని, ఇదే చివరి అవకాశమని స్పష్టం చేశారు. నవంబర్‌ 15న జరగాల్సిన పరీక్షను నవంబర్‌ 29వ తేదీకి మార్చినట్లు వెల్లడించారు. విద్యార్థులు ఆన్‌లైన్‌ ద్వారా దరఖాస్తు చేసుకునేందుకు, పరీక్ష రుసుం చెల్లించేందుకు ఈ నెల 27వ తేదీ చివరి గడువుగా నిర్ణయించారు. ప్రింటెడ్‌ నామినల్‌ రోల్‌, ఒరిజినల్‌ ఎస్‌బీఐ కలెక్ట్‌ రసీదును సంబంధిత డీఈఓ కార్యాలయంలో ఈ నెల 28 లోపు సమర్పించాలి. జిల్లా విద్యాశాఖ అధికారి లాగిన్‌లో దరఖాస్తుల ధ్రువీకరణకు ఈ నెల 29వ తేదీ వరకు గడువు ఉంది.

● మాజీ ఎంపీ తలారి రంగయ్య డిమాండ్‌అనంతపురం : ‘ప్రభుత్వ నిర్ణయాలను ఉన్నత న్యాయస్థానాలు తప్పుపట్టినప్పుడు నీలం సంజీవరెడ్డి, నేదురుమల్లి జనార్దన్‌రెడ్డి వంటి ముఖ్యమంత్రులు నైతిక బాధ్యత వహిస్తూ పదవులకు రాజీనామా చేశారు. సీఎం చంద్రబాబుకి ‘రాయలసీమ పౌరుషం’ ఉంటే వారి బాటలోనే నడిచి రాజీనామా చేయాలి’ అని వైఎస్సార్‌సీపీ పీఏసీ సభ్యులు, మాజీ ఎంపీ తలారి రంగయ్య డిమాండ్‌ చేశారు. వైఎస్సార్‌సీపీ జిల్లా కార్యాలయంలో ఆయన విలేకరులతో మాట్లాడారు. బీసీలకు 34 శాతం రిజర్వేషన్లు కల్పిస్తామని ఎన్నికల్లో హామీ ఇచ్చి, ఇప్పుడు కేవలం 25.18 శాతానికే పరిమితం చేస్తూ వెన్నుపోటు పొడిచిన సీఎం చంద్రబాబు నైతిక బాధ్యత వహిస్తూ వెంటనే తన పదవికి రాజీనామా చేయాలని డిమాండ్‌ చేశారు. తమిళనాడు తరహాలో పోరాడాలి బీసీలకు న్యాయం చేయాలనే చిత్తశుద్ధి చంద్రబాబు ప్రభుత్వానికి ఉంటే.. తమిళనాడు మాజీ సీఎం జయలలిత మాదిరిగా పోరాడాలని రంగయ్య సూచించారు. కేంద్రంలో కీలక భాగస్వామిగా ఉన్న చంద్రబాబు, ప్రధాని నరేంద్ర మోదీ, కేంద్ర హోంశాఖ మంత్రి అమిత్‌ షా వద్ద తన పలుకుబడిని ఉపయోగించి 34 శాతం రిజర్వేషన్లను రాజ్యాంగంలోని 9వ షెడ్యూల్‌లో చేర్పించి చట్టబద్ధత కల్పించాలన్నారు. శాసీ్త్రయ డేటా సేకరించాలి స్థానిక సంస్థల ఎన్నికల్లో బీసీల వెనుకబాటుతనాన్ని నిరూపించేందుకు సుప్రీంకోర్టు నిర్దేశించిన ‘ట్రిపుల్‌ టెస్ట్‌’ ద్వారా శాస్త్రీయ డేటా సేకరించాలని రంగయ్య డిమాండ్‌ చేశారు. యూనిఫైడ్‌ ఫ్యామిలీ సర్వే కేవలం సంక్షేమ పథకాల లబ్ధిదారులకు మాత్రమే ఉపయోగపడుతుందని, రాజకీయ ప్రాతినిధ్య లోటును అది ప్రతిబింబించదని స్పష్టం చేశారు. మభ్యపెట్టే రాజకీయాలకు స్వస్తి పలకాలి బీసీల పేరుతో ఫ్లెక్సీలు, బ్యానర్లు కట్టి పాలాభిషేకాలు చేస్తూ మభ్యపెట్టే రాజకీయాలకు అధికార పార్టీ నేతలు స్వస్తి పలకాలని తలారి రంగయ్య హితవు పలికారు. గత వైఎస్సార్‌సీపీ ప్రభుత్వ హయాంలో బీసీలకు కల్పించిన రాజకీయ అవకాశాలు, పదవుల ప్రాతినిధ్యంపై చర్చకు రావాలని సవాల్‌ చేశారు. మేనిఫెస్టోలో ఇచ్చిన హామీ ప్రకారం 50 ఏళ్లు దాటిన బీసీలకు నెలకు రూ.4వేల పింఛన్‌ తక్షణమే అమలు చేయాలని డిమాండ్‌ చేశారు. బీసీలకు హక్కులు, న్యాయం జరిగేంత వరకు వైఎస్సార్‌సీపీ పోరాడుతుందన్నారు.

నీరు దొరికేది గగనమే మా గ్రామంలో బోరులో నీళ్లు అడుగంటాయి. ఎప్పుడైనా నీళ్లు వదిలినా చిన్నగా వస్తున్నాయి. బిందె నీరు నిండటానికి చాలా సమయం పడుతోంది. రెండు నెలలుగా నీరు దొరకడం గగనమైపోయింది. అధికారుల దృష్టికి తీసుకెళ్తే ఒకరోజు ట్యాంకర్‌ ద్వారా నీటిని సరఫరా చేశారు. ఆ తర్వాత రోజు నుంచి పట్టించుకోలేదు. – బి.లింగమయ్య, పాలవెంకటాపురం, బ్రహ్మసముద్రం మండలం అనంతపురం ఎడ్యుకేషన్‌: ఆంధ్రప్రదేశ్‌ ఉపాధ్యాయ అర్హత పరీక్ష (ప్రత్యేక టెట్‌) ఆదివారం జిల్లాలో ఎస్‌ఆర్‌ఐటీ, ఎస్‌వీఐటీ, తాడిపత్రి ఇంజినీరింగ్‌ కళాశాల, సీవీ రామన్‌ ఇంజినీరింగ్‌ కళాశాల, నేషనల్‌ కౌన్సిల్‌ ఫర్‌ ద చర్చ్‌ కేంద్రాల్లో నిర్వహించారు. మొత్తం 2003 మంది అభ్యర్థులకు గాను 1965 మంది హాజరుకాగా, 38 మంది గైర్హాజరయ్యారు. పరీక్షలు రెండు విడతల్లో జరిగాయి. ఉదయం 9.30 నుంచి మధ్యాహ్నం 12 గంటల వరకు, మధ్యాహ్నం 2.30 నుంచి సాయంత్రం 5 గంటల వరకు పరీక్షలు నిర్వహించారు. టెట్‌ సమాచారంపై విద్యాశాఖ నిర్లక్ష్యం జిల్లాలో ప్రత్యేక టెట్‌ ప్రారంభమైన తొలిరోజే పరీక్షల సమాచారాన్ని మీడియాకు అందించడంలో విద్యా శాఖ అధికారులు నిర్లక్ష్యంగా వ్యవహరించారు. పరీక్షలు పూర్తయి గంటలు గడుస్తున్నా కనీస వివరాలను అధికారులు వెల్లడించకపోవడంపై విమర్శలు వ్యక్తమవుతున్నాయి. ఆదివారం రాత్రి 8 గంటలైనా పరీక్షల సమాచారాన్ని మీడియాకు అందించలేదు. ఆ తర్వాత ఇచ్చిన సమాచారంలోనూ పూర్తిస్థాయి వివరాలు లేకపోవడం గమనార్హం. కుందుర్పి: మండలం అప్పిలేపల్లి, ఎర్రగుంట, కొలిమిపాళ్యం, కుందుర్పి, మహంతపురం గ్రామాల్లో బోర్లు ఎండిపోవడంతో తాగునీటి ఎద్దడి నెలకొంది. కొత్తగా బోర్లు వేయించేందుకు గ్రామపంచాయతీ అధికారులు ముందుకు రావడం లేదు. స్థానిక ఎన్నికల తర్వాత నిధులు వస్తే.. తాగునీటి సమస్య పరిష్కారానికి చర్యలు తీసుకుంటామని అధికారులు చెబుతున్నారు. ఆత్మకూరు: మండల కేంద్రంలోని బీసీ కాలనీ, ఓసీ కాలనీలో తాగునీటి ఎద్దడి నెలకొంది. సిద్దరాంపురం బీసీ కాలనీలో పంచాయతీ బోరు చెడిపోయి నెలరోజులైనా పట్టించుకోకపోవడంతో ప్రజలు నీటి కోసం కటకటలాడుతున్నారు. గుమ్మఘట్ట : మండలంలోని గోనబావి ఎస్సీ కాలనీ, రంగచేడు గ్రామాల్లో పది రోజులుగా తాగునీరు సరఫరా కావడం లేదు. దీంతో ఆయా గ్రామస్తులు వ్యవసాయ బోరుబావుల వద్దకెళ్లి నీటిని తెచ్చుకుంటున్నారు. మరికొందరు ప్రైవేట్‌ ట్యాంకర్‌ల వద్ద నీటిని కొనుగోలు చేసి కనీస అవసరాలు తీర్చుకుంటున్నారు. రాప్తాడు రూరల్‌: అనంతపురం రూరల్‌ మండలం నరసనాయనికుంట గ్రామంలో చాలా వరకు పంచాయతీ బోర్లు ఎండిపోయాయి. జగనన్నకాలనీ నుంచి ప్రత్యేక పైపులైను ఏర్పాటు చేసి నీటిని సరఫరా చేస్తున్నారు. అయినా గ్రామంలో నీటి సమస్య నెలకొంది. మరీ ముఖ్యంగా ఎస్సీ, ఎస్టీ కాలనీల ప్రజలు తీవ్ర ఇబ్బందులు పడుతున్నారు. కొళాయిలకే అరకొరగా వస్తుండటంతో ట్యాంకులకు నీళ్లు ఎక్కడం లేదు. అరకొర నీటి కోసం గ్రామస్తులు కొళాయిల వద్ద ఎదురు చూసేపరిస్థితి నెలకొంది.

కళ్యాణదుర్గం రూరల్‌: కంబదూరు మండలం అచ్చంపల్లిలో 140 కుటుంబాలు నివాసమున్నాయి. 600 దాకా జనాభా ఉంది. ఇక్కడ గ్రామపంచాయతీ తరఫున వేసిన బోర్లల్లో నీరు అడుగంటిపోయాయి. రెండు నెలలవుతున్నా ఎవ్వరూ పట్టించుకోవడం లేదు. తాగడానికి ప్యూరిఫైడ్‌ డ్రింకింగ్‌ వాటర్‌ ట్యాంకర్‌ ద్వారా బిందె రూ.15 చొప్పున, వాడుక అవసరాల కోసం వ్యవసాయ బోర్ల వద్ద నుంచి నీటిని ట్యాంకర్‌లో తీసుకొస్తున్న వారి నుంచి బిందె రూ.10 చొప్పున కొంటున్నారు. డబ్బు లేని వారు రెండు మూడు బిందెల నీటితోనే సర్దుకోవాల్సిన దుస్థితి నెలకొంది. తాగునీటి సమస్యపై ధర్నా చేస్తే.. మూడు రోజుల్లో పరిష్కరిస్తామని చెప్పిన అధికారులు పత్తా లేకుండా పోయారు. ఎమ్మెల్యే అమిలినేని సురేంద్రబాబు కూడా పట్టించుకోవడం లేదు.

మా ఊరిలో తాగునీరు సరిగా రావడం లేదు. గ్రామపంచాయతీ పరిధిలో ఉన్న ఓవర్‌హెడ్‌ ట్యాంకు ద్వారా కొళాయిలకు నీరు సరఫరా చేసేవారు. అయితే బోర్లలో నీరు అడుగంటిపోవడంతో ట్యాంకుకు సమృద్ధిగా రావడం లేదు. ఇక శ్రీరామిరెడ్డి తాగునీటి పథకం ట్యాంకు ఉన్నా నీళ్లు ఎప్పుడొస్తాయో తెలియడం లేదు. వచ్చినప్పుడు పనులన్నీ మానుకుని కొళాయి వద్దే గంటలతరబడి పడిగాపులు కాయాల్సి వస్తోంది. చిన్నగా నీరు వస్తుండటంతో బిందె నిండటానికి పది నిమిషాలు పడుతోంది. – బీఎస్‌ కావేరి, పూలచెర్ల, కణేకల్లు మండలం

మాకు అగ్రిమెంట్‌ ప్రకారం గుంతకు రూ.6 లక్షలు, రస్తాకు రూ.13 లక్షలు, మామిడి చెట్లకు రూ.6 లక్షలు, 6.01 ఎకరాలకు లీజు రూ.9 లక్షలు మొత్తం రూ.34 లక్షలకు గానూ ఇప్పటికి రూ.18 లక్షలు ఇచ్చారు. మిగిలిన రూ.16 లక్షలు, దౌర్జన్యంగా చదును చేసిన మరో ఎకరం పొలానికి డబ్బు ఇవ్వాలి. లేదంటే పనులు నిలబెడతాం. పరిహారం డబ్బులు అడిగితే సీఐ బెదిరిస్తున్నారు. – మధుసూదన్‌, ఈరమాసి సావిత్రి, బాధిత రైతులు, దురదకుంట అదనంగా డబ్బు అడుగుతున్నారు కంపెనీ రూల్స్‌ ప్రకారం పొలం లీజు, రస్తాకు సంబంధించిన డబ్బులు రైతులకు చెల్లించారు. అయితే అదనంగా డబ్బులు ఇవ్వాలని కోరుతున్నారు. కంపెనీ ప్రతినిధుల లీజు అగ్రిమెంట్లలో సంతకాలు చేయించుకుని స్పష్టంగా రాసుకున్నారు. వారిని బెదిరించలేదు. పనులు అడ్డుకుంటున్నారని కంపెనీ ప్రతినిధులు ఫిర్యాదు చేస్తే చట్టపరంగా వెళ్లాం. అంతేకానీ రైతులపై ఎలాంటి అక్రమ కేసులు పెట్టలేదు. దౌర్జన్యం చేయలేదు. – గంగాధర్‌, సీఐ, కళ్యాణదుర్గం రూరల్‌