YSR District News

కూటమి ప్రభుత్వ రాకతో పులివెందుల ప్రగతి చక్రం ఆగింది. అభివృద్ధి చేయకపోగా వైఎస్సార్‌ సీపీ చేసిన అభివృద్ధిపైనా టీడీపీ ప్రభుత్వం కక్షగట్టింది. అరటి రైతుల కోసం వైఎస్సార్‌ సీపీ కోట్ల రూపాయలతో బనానా ఇంటిగ్రేటెడ్‌ ప్యాక్‌ హౌస్‌ నిర్మిస్తే వినియోగంలోకి తీసుకురావడానికి కూటమి నేతలకు చిత్తశుద్ధి కరువైంది. క్రికెట్‌ స్టేడి యం నిర్మాణానికి ‘ఆట’ంకాలు కలిగిస్తోంది. అంతేనా.. అడుగడుగునా విష సంస్కృతికి తెర తీసింది. ప్రత్యర్థుల పై దాడులకు దిగుతూ.. వాహనాలు కాలుస్తూ రౌడీయిజానికి బీజం వేస్తోంది. వైఎస్సార్‌సీపీ చేసిన అభివృద్ధిని కొనసాగించే చిత్తశుద్ధి లేక.. దుర్బుద్ధిని ప్రదర్శిస్తోంది.

కడప సిటీ: కడప అమీన్‌పీర్‌ దర్గా ఉరుసు ఉత్సవాల్లో భాగంగా మంగళవారం తహలీల్‌ ఫాతెహా భక్తిశ్రద్ధలతో నిర్వహించారు. పీఠాధిపతి హజరత్‌ సయ్యద్‌షా ఆరీఫుల్లా హుసేనీ సాహెబ్‌ తమ స్వగృహంనుంచి ఫకీర్ల మేళతాళాలు, విన్యాసాల మధ్య ఊరేగింపుగా మహానైవేద్యంగల పవిత్రమైన పాత్రను దర్గా ప్రాంగణంలోకి తీసుకు వచ్చారు. ప్రత్యేక ప్రార్థనలు నిర్వహించి పాత్రలోని నైవేద్యాన్ని భక్తులకు ప్రసాదంగా పంచి పెట్టారు. ఉరుసు ఉత్సవాల ప్రారంభంరోజు తపోదీక్ష వహించిన మలంగ్‌షా మంగళవారం దీక్ష విరమించారు. పీఠాధిపతి హజరత్‌ సయ్యద్‌షా ఆరీఫుల్లా హుసేనీ సాహెబ్‌ శిష్య గణంతో కలిసి ఊరేగింపుగా వెళ్లి మలంగ్‌షాను స్వయంగా దీక్ష విరమింపజేశారు. సినీనటుడు బోమన్‌ ఇరాని ప్రత్యేక ప్రార్థనలు ప్రముఖ సినీ నటుడు, విలన్‌ బోమన్‌ ఇరాని పెద్దదర్గా ఉరుసు ఉత్సవాల్లో ప్రత్యేక అతిథిగా పాల్గొన్నారు. దర్గాకు చేరుకున్న ఆయనకు దర్గా ప్రతినిధులు ఘనంగా స్వాగతం పలికి సంప్రదాయంగా పేటా అలంకరించి దర్గాలోనిప్రధాన గురువుల మజార్‌ వద్ద ప్రత్యేక ప్రార్థనలు చేయించారు. అనంతరం ఆయన ముషాయిరాలో పాల్గొన్నారు. జిల్లాలో ముగిసిన జెడ్పీటీసీ నామినేషన్ల పర్వం – 23 మంది ఏకగ్రీవం కడప ఎడ్యుకేషన్‌ : జిల్లాలో జరిగిన జిల్లా ప్రాదేశిక నియోజకవర్గం (జెడ్పీటీసీ) నామినేషన్ల పర్వం మంగళవారంతో ముగిసింది. అందులో భాగంగా జిల్లాలోని 39 జెడ్పీటీసీ స్థానాలకు నామినేషన్లను ఆహ్వానించారు. ఈనెల 21 నుంచి 23వ తేది వరకు కడపలోని జెడ్పీ కార్యాలయంలో నామినేషన్ల స్వీకరణ కార్యక్రమం జరిగింది. అనంతరం 24, 25 తేదీల్లో నామినేషన్ల పరిశీలన జరిగింది. 27వ తేది మంగళవారం నామినేషన్ల ఉపసంహరణతోపాటు అభ్యర్థులు బి.ఫారాన్ని సమర్పించారు. దీంతో 23 జెడ్పీటీసీ స్థానాలు ఏకగ్రీవం కాగా, మరో 16 స్థానాలకు పోలింగ్‌ నిర్వహించనున్నారు. ఎంబీఏ లో మిగులు సీట్ల కోసం ప్రవేశాలు కడప ఎడ్యుకేషన్‌: యోగి వేమన విశ్వవిద్యాలయంలో పీజీ ఎంబీఏ (జనరల్‌), (హెచ్‌ ఆర్‌), ఎంబీఏ (బిజినెస్‌ అనలిటిక్స్‌) కోర్సులలో మిగులు సీట్ల ప్రవేశానికి నవంబర్‌ 2వ తేదీ వరకు అడ్మిషన్లు నిర్వహించనున్నట్లు విశ్వవిద్యాలయ ప్రవేశాల సంచాలకులు ప్రొ.వి. రామకృష్ణ తెలిపారు. విద్యార్థులకు స్పాన్సర్డ్‌ కోటాలో ప్రవేశాలు ఉన్నాయన్నారు. ఒరిజినల్‌ సర్టిఫికెట్స్‌, నిర్ణీత ఫీజుతో వైవీయూలోని డైరెక్టరేట్‌లో అభ్యర్థులు హాజరు కావాలన్నారు. బుధవారం శ్రీ 28 శ్రీ అక్టోబర్‌ శ్రీ 2026పులివెందుల పర్యటనలో భాగంగా మంగళవారం వైఎస్సార్‌సీపీ అధినేత వైఎస్‌ జగన్‌ కార్యకర్తల సమావేశంలో చేసిన ప్రసంగం ఆద్యంతం ఉత్సాహంగా సాగింది. కూటమి ప్రభుత్వం ప్రజాస్వామ్యాన్ని పాతరేసిన తీరును వివరిస్తుంటే...ప్రతి ఒక్కరి మనసుల్లో ఆలోచన కలిగించింది. పార్టీ కార్యకర్తలకు నిండు భరోసా కలిగింది. జననాయకుడిగా పులివెందుల గడ్డ నుంచే ‘పోరు’కు సై అంటూ సవాల్‌ విసరడంతో అభిమానగణం మురిసిపోయింది. సాక్షి కడప : ‘స్థానిక ఎన్నికల్లో చంద్రబాబు ప్రభుత్వం చేస్తున్న దారుణాలకు అంతేలేదు. ఎన్నికలకు నోటిఫికేషన్‌ ఇచ్చి నామినేషన్లు వేయకుండా అడ్డుకోవడం....రౌడీయిజం, గుండాయిజం చేస్తూ వైఎస్సార్‌ సీపీ అభ్యర్థుల చేతుల్లోని నామినేషన్‌ పత్రాలు చించివేస్తూ వికృత చేష్టలు చేశారు.. నామినేషన్‌ కేంద్రం వద్ద బారికేడ్లు దాటుకుని ముందుకు వెళితే పోలీసులు అడుగడుగునా ఇబ్బందులు సృష్టించారు. చివరికి కేంద్రాలకు వెళ్లినా లోపల రిటర్నింగ్‌ అధికారులు కూడా నామినేషన్‌ విషయంలో తేడాలు చూపించారు. ఇలాంటి దారుణమైన పరిస్థితి ఎప్పుడూ చూడలేదు. ఎన్నికల సందర్భంగా అక్కడో, ఎక్కడో పోలింగ్‌ కేంద్రాల్లో రిగ్గింగ్‌ చేసుకున్నట్లు విన్నాం. కానీ, నామినేషన్లే వేయనీయకుండా అడ్డుపడటం ఇప్పుడు చూస్తున్నాం.. నామినేషన్‌ కాకుండా సెలెక్షన్‌ అని పెట్టుకుంటే బాగుండేది. అప్పుడు ఎవరిని కావాలంటే వారిని సెలెక్ట్‌ చేసుకోవచ్చు.. ప్రజాస్వామ్యంలో ప్రజల హక్కులకు రక్షణ లేకుండా పోతోంది’ అని వైఎస్సార్‌ కాంగ్రెస్‌ పార్టీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి తీవ్ర ఆగ్రహం వ్యక్తం చేశారు. మంగళవారం ఆయన పులివెందులలో మాట్లాడుతూ నామినేషన్స్‌ వేయనీయకుండా అడ్డుకునే బదులు నేరుగా నామినేట్‌ చేసుకుంటే పోతుంది కదా అని సీఎం చంద్రబాబు తీరును ఎద్దేవా చేశారు. పరిస్థితి ఇలాగే కొనసాగితే ప్రజల ఆస్తిపాస్తులకు రక్షణ ఉండదని ఇప్పటికై నా ప్రజలు ఏకతాటిపై నిలిచి హక్కుల కోసం పోరాటం చేసేందుకు కలిసి రావాలని జగన్‌ పిలుపునిచ్చారు. వైఎస్సార్‌ సీపీ అభ్యర్థులను గెలిపించండి.. జిల్లాలో జరగనున్న స్థానిక సంస్థల ఎన్నికల్లో వైఎస్సార్‌ కాంగ్రెస్‌ పార్టీ అభ్యర్థులను అఖండ మెజార్టీతో గెలిపించాలని మాజీ సీఎం వైఎస్‌ జగన్‌మోహన్‌రెడ్డి ప్రజలను కోరారు. అందుకు సంబంధించి మంగళవారం పులివెందులలోని వైఎస్సార్‌ ఆడిటోరియంలో కడప ఎంపీ వైఎస్‌ అవినాష్‌రెడ్డి, మున్సిపల్‌ ఇన్‌ఛార్జిలు చవ్యా దుష్యంత్‌రెడ్డి, వైఎస్‌ మనోహర్‌రెడ్డి, మున్సిపల్‌ చైర్మన్‌ అభ్యర్థి వైఎస్‌ ప్రమీలమ్మ, తొండూరు మండల ఇన్‌ఛార్జి వైఎస్‌ మధురెడ్డిలతో కలిసి తొలుత పులివెందుల మున్సిపల్‌ వైఎస్సార్‌ సీపీ అభ్యర్థులు, కార్యకర్తలతో సమావేశమయ్యారు. ఈ సందర్భంగా పోటీ లో ఉన్న అభ్యర్థులతోపాటు వైఎస్సార్‌ సీపీ మున్సిపల్‌ చైర్మన్‌ అభ్యర్థి వైఎస్‌ ప్రమీలమ్మ, కడప మేయర్‌ అభ్యర్థి బండి దీప్తిరెడ్డితోపాటు కార్పొరేటర్‌ అభ్యర్థులు, జిల్లాలోని జెడ్పీటీసీ, ఎంపీటీసీ స్థానాలకు బరిలో ఉన్న వైఎస్సార్‌ సీపీ అభ్యర్థులందరినీ గెలిపించాలని కోరారు. నామినేషన్లు వేయడం కోసం అభ్యర్థులు పడిన కష్టాలు తెలుసు... ఎన్నికలతోపాటు కౌంటింగ్‌ సందర్భంలోనూ టీడీపీ నేతలు ఇబ్బందులు పెడతారని తెలిసినా పోరాటం చేస్తున్న అందరికీ అభినందనలు తెలిపారు. గుండె ధైర్యంతో అడుగు ముందుకు వేయడమే మన కర్తవ్యమని హితబోధ చేశారు. పులివెందులలో మున్సిపల్‌ ఎన్నికల నామినేషన్‌ సందర్భంలో జరిగిన పోలీసుల దాడుల్లో గాయపడిన పులివెందుల మున్సిపల్‌ మాజీ వైస్‌ చైర్మన్‌ హఫీజ్‌ను మంగళవారం ఫోన్‌లో వైఎస్‌ జగన్‌ పరామర్శించారు. ధైర్యంగా ఉండాలని.. పార్టీ అండగా ఉంటుందని తెలియజేశారు. పరిస్థితి ఇలాగే కొనసాగితే ఆస్తులను కూడా లాక్కుంటారు న్యాయం కోసం గట్టిగా నిలబడి పోరాడాలి కడపతోపాటు పులివెందులలో న్యాయం, ధర్మం గెలవాలి ఎన్ని కష్టాలు ఎదురైనా గుండె ధైర్యంతో ముందడుగు వేయండి పులివెందుల, కడప మున్సిపల్‌ అభ్యర్థులు, కార్యకర్తలతో మాజీ సీఎం వైఎస్‌ జగన్‌ నామినేషన్లను అడ్డుకోవడం... దాడులకు తెగబడిన ఘటనలపై ఆరా అన్నింటికి సమాధానం జగన్‌ 2.0లో చెబుదాం క్యాంపు కార్యాలయంలో ప్రజలు, కార్యకర్తలతో మమేకమైన వైఎస్‌ జగన్‌ పచ్చ నేతల అరాచకాలపై దునుమాడుతుంటే.. అభిమానుల్లో కసి రెండింతలైంది.. ఖాకీల కుతంత్రాలపై నిప్పులు చెరుగుతుంటే.. పార్టీ నేతల కళ్లల్లో ఎరుపొచ్చింది... ‘మీకు తోడుగా ఈ అన్న ఉన్నాడ’న్నప్పుడు.. కార్యకర్తల ఒంటి నిండా ధైర్యం వచ్చింది... ‘మీ మీద చేయి వేస్తే..నా మీద వేసినట్లే..’ అన్నప్పుడు అభిమానుల గుండె ఉప్పొంగింది.. ‘పోలింగ్‌ రోజు నేనుంటా.. ఎవరొస్తారో..ఎంతమంది వస్తారో అన్యాయం చేస్తారా... రాండి’ అని సవాల్‌ విసురుతుంటే.. అభిమానగణంలో ఉత్సాహం ఉరకలెత్తింది.. ‘కష్టకాలంలో తోడుగా ఉన్న మీకు రుణపడి ఉంటా’ అన్నప్పుడు.. పులివెందుల నేల భావోద్వేగంతో తడిసి ముద్దయ్యింది.. ‘మా జగన్‌.. మా నాయకుడు’ అని ఈలలతో.. చప్పట్లతో ఆ ప్రాంతం మార్మోగింది.

పులివెందుల : కలసికట్టుగా పోరాడుదాం.. విజయం సాధిద్దామని కడప ఎంపీ వైఎస్‌ అవినాష్‌రెడ్డి తెలిపారు. రాష్ట్రంలో స్థానిక సంస్థల ఎన్నికలు జరుగుతున్నాయని, సహజంగా ఎన్నికలంటే ఎక్కడైనా అభివృద్ధి అనేది ఒక అజెండాగా ఉంటుందని, కానీ ఇవాళ ఆరాచకాలు, అధికార దుర్వినియోగానికి పూర్తి స్థాయిలో పాల్పడిన పరిస్థితులు చూస్తున్నామని పేర్కొన్నారు. మంగళవారం పులివెందుల పట్టణం భాకరాపురంలోని వైఎస్సార్‌ ఆడిటోరియంలో మున్సిపల్‌ కార్యకర్తల సమావేశం నిర్వహించారు. ఈ సందర్భంగా ఎంపీ మాట్లాడుతూ పులివెందుల నియోజకవర్గం నుంచి దివంగత సీఎం వైఎస్‌ రాజశేఖరరెడ్డి కానీ, మాజీ సీఎం వైఎస్‌ జగన్‌మోహన్‌రెడ్డి ముఖ్యమంత్రులుగా ఉన్నప్పుడు ఈ ప్రాంతం అనేక రకాలుగా ముందడుగు వేసిందని, అభివృద్ధి చెందిందన్నారు. కృష్ణా జలాలు పులివెందులకు వచ్చాయంటే వారిద్దరి చలువేనన్నారు. గండికోటలో కేవలం 10 టీఎంసీల నీరు నిల్వ పెట్టే అవకాశం ఉంటే.. దాదాపు రూ.1000 కోట్ల పైచిలుకు ఆర్‌అండ్‌ఆర్‌ ప్యాకేజీ చెల్లించి 27 టీఎంసీల నీరు పెట్టే దిశగా జగనన్న ప్రభుత్వం చేసిందన్నారు. చిత్రావతి రిజర్వాయర్‌లో 5 టీఎంసీల నీరు మించి నిల్వ ఉంచిన పరిస్థితి లేదని, జగనన్న ముఖ్యమంత్రి అయ్యాక రూ.270 కోట్లు ఖర్చుపెట్టి 4 గ్రామాలు ఆర్‌అండ్‌ఆర్‌ చేసి 10 టీఎంసీల నీరు నిల్వ చేసుకునే పరిస్థితి చేశారన్నారు. టీడీపీ తప్పుడు ప్రచారం పులివెందుల నియోజకవర్గంలోని ప్రతి ఇంటికీ కుళాయి ద్వారా తాగునీరు ఇవ్వాలని రూ.480 కోట్లతో వాటర్‌ గ్రిడ్‌ పథకాన్ని 2021లో జగనన్న భూమిపూజ చేసి 80 శాతం పనులు పూర్తి చేశారని, కూటమి ప్రభుత్వం వచ్చాక మిగిలిన 20 శాతం పనులు కూడా సరిగా చేయలేదని, అయినప్పటికీ వారు పనులు పూర్తి కాకుండానే ప్రారంభించి మొత్తం మేమే చేశామని గొప్పలు చెప్పుకొంటున్నారన్నారు. నిసిగ్గుగా తప్పుడు ప్రచారం చేసుకుంటున్నారని విమర్శించారు. దాదాపు రూ.500 కోట్లతో అద్భుతంగా మెడికల్‌ కళాశాలకు సంబంధించిన బిల్డింగ్‌లు, ప్రభుత్వ జనరల్‌ ఆసుపత్రి నిర్మించామని, ఆ మెడికల్‌ కళాశాలకు 2024–25 అకడమిక్‌ ఇయర్‌లో నేషనల్‌ మెడికల్‌ కౌన్సిల్‌ 50 సీట్లు మంజూరు చేసిందని, వచ్చిన సీట్లను కూడా టీడీపీ ప్రభుత్వం మాకు వద్దని చెప్పి వెనక్కి రాసి పంపించిందన్నారు. ఈ ప్రాంతంపైన, ఇక్కడి ప్రజలపైన తెలుగుదేశం ప్రభుత్వానికి ఎటువంటి ద్వేషముందో మీరందరూ ఆలోచించాలన్నారు. జగనన్న హయాంలో ఇక్కడి ఆసుపత్రిలో అత్యాధునికమైన పరికరాలను పెడితే.. ఈ ప్రభుత్వం వచ్చిన తర్వాత వాటిని కూడా బయటికి షిఫ్ట్‌ చేసిందన్నారు. జగనన్న కాలనీలో ఆగిన ఇళ్లు పులివెందులలో ఇల్లు లేని వారందరికీ ఇల్లు నిర్మించాలనే ఉద్దేశంతో జగనన్న హౌసింగ్‌ లేఅవుట్‌లో దాదాపు 8 వేల మందికి ఇళ్ల పట్టాలు ఇచ్చే ప్రయత్నం చేస్తే కోర్టుకు వేసి అడ్డుకున్నారన్నారు. కోర్టులో క్లియర్‌ చేసుకుని బహిరంగ సమావేశం పెట్టి 8 వేల మందికి పట్టాలు ఇచ్చి ఇళ్ల పనులు మొదలు పెట్టామన్నారు. చాలా ఇళ్లు పూర్తి దశకు వచ్చాయని, కొన్ని రూప్‌వెల్‌ స్టేజ్‌లో ఉన్నాయని, కొన్ని బేస్‌మెంట్‌ లెవెల్‌లో ఉన్నాయని తెలిపారు. ఈ 30 మాసాల్లో ఒక్క రూపాయి పనులు కూడా జరగలేదన్నారు. కేవలం పులివెందుల మీద కక్ష కాకుంటే మరేమిటి అని టీడీపీ నాయకులను, చంద్రబాబు నాయుడును అడుగుతున్నానన్నారు. ప్రతి ఒక్కరూ ఆలోచించాలి పులివెందులలోని రోటరీపురంలో కానీ, బ్రాహ్మణపల్లెలో కానీ యూజీడీ వల్ల పెండింగ్‌లో ఉన్న రోడ్లు మన ప్రభుత్వ హయాంలో కొద్దో గొప్పో మిగిలాయో.. ఆ పనులను కూడా ఈ ప్రభుత్వం చేపట్టలేదన్నారు. రైతుల కోసం దాదాపు రూ.25 కోట్లతో జగనన్న 2024 మార్చిలో ఇంటిగ్రేటెడ్‌ బనానా ప్యాక్‌ హౌస్‌ ప్రారంభించారని, ఎన్నికల కోడ్‌ వెంటనే రావడం, కూటమి ప్రభుత్వం వచ్చిన తర్వాత పట్టించుకోలేదన్నారు. రైతుల కోసం రూ.25 కోట్లు ఖర్చుపెట్టి కోల్డ్‌ స్టోరేజ్‌ నిర్మించామని, కూటమి వచ్చిన తర్వాత మూసిన దాన్ని మూసినట్లుగానే పెట్టేసిందన్నారు. కనీసం ఒక యూజర్‌ ఐడీని ఐడెంటిటీఫై చేసి ఆ కోల్డ్‌ స్టోరేజీని వినియోగంలోకి తీసుకురాలేని పరిస్థితి చూస్తున్నామన్నారు. ఈ నియోజకవర్గం అప్పట్లో రాజశేఖరరెడ్డి హయాంలో, తర్వాత జగనన్న హయంలో ఏ రకంగా అభివృద్ధి విషయంలో ముందడుగు వేసింది, ఆ తర్వాత ఇప్పుడు ఉన్న చంద్రబాబు నాయుడు హయాంలో ఏ రకంగా అన్ని రకాలుగా వెనుకబడ్డామో అనే విషయాన్ని ప్రతి ఒక్కరూ ఆలోచించాలని కోరుతున్నానన్నారు. వైఎస్సార్‌సీపీ అభ్యర్థులను గెలిపించాలి ఇవాళ నామినేషన్‌ ప్రక్రియ ఏ విధంగా జరిగిందో చూశామని, నామినేషన్లు వేయాలంటేనే యుద్ధం చేయాల్సిన పరిస్థితి మనందరికీ వచ్చిందని, మీరందరూ చూశారన్నారు. ఇటువంటి పరిస్థితులలో ఇవాళ ఎన్నికలు జరుగుతున్నాయని, మన కార్యకర్తల మీదనే దాడి చేసి మన మీదనే తప్పుడు కేసులు పెట్టి.. పోలీసులు దాదాపు 900 మందిని నిందితులుగా చేర్చి వేధించి ఇబ్బంది పెడుతున్నారన్నారు. అధికార పార్టీకి ఎన్నికలలో లబ్ధి చేకూర్చాలని చెప్పి పోలీసు యంత్రాంగం మొత్తం పని చేసిందన్నారు. ఇటువంటి ప్రతికూల పరిస్థితులలో ఎన్నికలు చేస్తున్నామని, మీ అందరికీ మనవి చేస్తున్నా.. మనందరం కూడా తప్పకుండా ఏకం కావాలని, ఏకమై జగనన్న నాయకత్వాన్ని పూర్తి స్థాయిలో బలపరచాలని కోరుతున్నానన్నారు. ఇక్కడ ఉన్న అన్నదమ్ముళ్లు, అక్కాచెల్లెమ్మలను పేరు పేరునా మనవి చేసుకుంటున్నానని, మున్సిపల్‌ చైర్మన్‌ అభ్యర్థిగా పోటీ చేస్తున్న వైఎస్‌ ప్రమీలమ్మ, 20 వార్డులలో బరిలో ఉన్న మన కౌన్సిలర్‌ అభ్యర్థులు, అదే విధంగా మండలాల్లో నాలుగు జెడ్పీటీసీ స్థానాలకు చేస్తున్న వైఎస్సార్‌సీపీ అభ్యర్థులను గెలిపించాలని విజ్ఞప్తి చేస్తున్నానని పేర్కొన్నారు. రాబోయే రోజుల్లో తగిన గుణపాఠం తప్పుడు కేసులకు ఎవరూ భయపడొద్దని, ఈ కేసులన్నీ ఎన్ని రోజులు నిలబడేవి కావని, పోలీసులకు కూడా ఈ విషయం తెలుసని, కేవలం ఎన్నికలను దృష్టిలో పెట్టుకుని మనల్ని వేధించాలని చెప్పి పెడుతున్నారన్నారు. ఇటువంటి వాటిపై మనం గట్టిగా నిలబడి ఎదుర్కోవాలని, రాబోయే రోజుల్లో వీరికి తగిన గుణపాఠం చెప్పే బాధ్యత మాది అని పేర్కొన్నారు. పోరాడుదాం.. విజయం సాధిద్దాం అభివృద్ధి వైఎస్‌ఆర్‌, జగనన్నతోనే సాధ్యం పులివెందులపై కక్ష గట్టిన చంద్రబాబు తగిన బుద్ధి చెప్పే సమయం వచ్చింది కడప ఎంపీ వైఎస్‌ అవినాష్‌రెడ్డి

● పోలింగ్‌ ప్రశాంతంగా జరిగేనా! ● నామినేషన్లలో కూటమి దౌర్జన్యకాండ ● ప్రతిపక్ష పార్టీపై పోలీసులను ప్రయోగిస్తున్న వైనంజమ్మలమడుగు : జమ్మలమడుగు పోరు ఉత్కంఠ రేపుతోంది. మున్సిపల్‌ ఎన్నికలు సజావుగా జరుగుతాయా అనే అనుమానాలు ప్రతిపక్ష పార్టీలతోపాటు ప్రజలు, రాజకీయ ప్రముఖులు వ్యక్తం చేస్తున్నారు. నియోజకవర్గంలో ఎర్రగుంట్ల, జమ్మలమడుగు మున్సిపాలిటీలు ఉన్నాయి. ఎర్రగుంట్లలో చైర్‌పర్సన్‌, కౌన్సిలర్‌ స్థానాలకు వైఎస్సార్‌సీపీ తరఫున నామివేషన్‌లు వేయనీయకుండా.. టీడీపీ నాయకులు అడ్డుకుని దాడులకు తెగబడ్డారు. దీంతో మొత్తం 28 కౌన్సిలర్‌ స్థానాలు, చైర్‌పర్సన్‌ స్థానాన్ని ఏకగ్రీవం చేసుకున్నారు. మాజీ మంత్రి శివారెడ్డి కుమార్తె పోటీ జమ్మలమడుగు మున్సిపల్‌ పోరులో మాజీ మంత్రి శివారెడ్డి కుమార్తె, ఎమ్మెల్సీ రామసుబ్బారెడ్డి సోదరి అయిన ఎన్‌.హైమావతి వైఎస్సార్‌సీపీ తరఫున పోటీ చేశారు. టీడీపీ నుంచి మాజీ ఎమ్మెల్సీ నారాయణరెడ్డి కోడలు, భూపేష్‌రెడ్డి భార్య అయిన జ్యోతి బరిలో ఉన్నారు. మున్సిపాలిటీ పరిధిలో 32 కౌన్సిలర్‌ స్థానాలు ఉండగా.. నాలుగు (21, 24, 25, 26) స్థానాలను టీడీపీ వారు ఏకగ్రీవం చేసుకున్నారు. ఇక్కడ వైఎస్సార్‌సీపీ అభ్యర్థులను బెదిరించి, ఏకగ్రీవం చేసుకున్నారు. మిగిలిన 28 కౌన్సిలర్‌, మున్సిపల్‌ చైర్‌పర్సన్‌ స్థానాలకు పోటీ జరుగుతోంది. నవంబర్‌ 1వ తేదీన పోలింగ్‌ జరగనుంది. అధికార పార్టీకి చెందిన నాయకులు ఇప్పటికే ప్రతిపక్ష నాయకులను పోలీసుల సహకారంతో గృహ నిర్బంధం చేసి.. పోలింగ్‌ కేంద్రాల్లో ఏజెంట్లను భయపెట్టడం, గెంటివేయడం వంటి కార్యకలాపాలకు తెరలేపే అవకాశాలు ఉన్నాయంటూ ప్రచారం సాగుతోంది. పోలీసుల తీరుపై అనుమానాలే.. నియోజకవర్గంలో ఆరు మండలాల్లో ఉండగా.. ఐదు మండలాల్లో వైఎస్సార్‌సీపీ తరఫున ఒక్క నామినేషన్‌ వేయనివ్వకుండా టీడీపీ నాయకులు పోలీసుల సహకారంతో అడ్డుకున్నారు. ప్రస్తుతం మున్సిపల్‌ ఎన్నికలు పోలీసులు సజావుగా జరగనిస్తారా అనే అనుమానాలు వ్యక్తం అవుతున్నాయి. స్థానికంగా ఉన్న పోలీసులు ఏకపక్షంగా వ్యవహరిస్తున్నారన్న సంగతి ప్రజలు, ప్రతిపక్ష పార్టీ నాయకులకు తెలిసిపోయింది. దీంతో అధికార పార్టీ నాయకులు ఎన్నికల రోజున దాడులకు పాల్పడినా, ప్రతిపక్ష పార్టీలు వాటిని ప్రతిఘటించినా.. కేసులు మాత్రం ప్రతిపక్ష పార్టీల పైనే పెట్టే విధంగా ఇప్పటికే వారికి ఆదేశాలు అందినట్లు సమాచారం. ప్రజాస్వామ్య బద్ధంగా, ప్రశాంతమైన పరిస్థితుల్లో ఓటింగ్‌లో పాల్గొనే విధంగా చూడాలని ప్రజలు కోరుతున్నారు.

చాపాడు : అధికారం అండతో ఎంపీటీసీ ఎన్నికల్లో 12 స్థానాలను టీడీపీ వర్గీయులు కై వసం చేసుకున్నారు. ఈ క్రమంలో ఊరికే వచ్చే పదవులు మాకు కూడా కావాలంటూ.. నామినేషన్ల ఉపసంహరణ రోజు టీడీపీ నేతలు రెండు వర్గాలుగా విడిపోయి.. ఎన్నికల కేంద్రం వద్దనే బాహాబాహీకి దిగారు. చియ్యపాడు–1 ఎంపీటీసీ స్థానం కోసం స్థానికులతోపాటు టీడీపీ రాష్ట్ర కార్యదర్శి మునిశేఖర్‌రెడ్డి సతీమణి రాజేశ్వరి నామినేషన్‌ వేశారు. ఈ క్రమంలో రాజేశ్వరిని మినహాయించి ఇతరులు ఉపసంహరణ చేసుకోవాలని ఓ వర్గం టీడీపీ నేతలు ఆదేశించారు. దీనికి ససేమిరా అనడంతో టీడీపీ మాజీ మండల అధ్యక్షులు, ఏపీఐడీసీ డైరెక్టర్‌ అన్నవరం సుధాకర్‌రెడ్డి వర్గీయులు.. మరో వర్గం నేతలైన మునిశేఖర్‌రెడ్డి, నరసింహారెడ్డిల మధ్య వాగ్వాదం తలెత్తింది. దీంతో ఇరువైపులా ఉన్న కార్యకర్తలు మాటకుమాట పెంచుకొని తోపులాట జరిగింది. దీంతో రంగంలోకి దిగిన పోలీసులు వారిని చెదరగొట్టారు. ప్రతి ఎంపీటీసీ స్థానానికి ఒక్కరే కాకుండా నలుగురు వరకు నామినేషన్లు వేయడం, ఎమ్మెల్యే పుట్టా సుధాకర్‌ యాదవ్‌ కూడా ఒక వ్యక్తిని నిర్ణయించకుండా నామినేషన్లు వేసుకోండని చెప్పడంతోనే.. టీడీపీ వర్గీయుల మధ్య ఘర్షణ తలెత్తిందని ఇరు వర్గాలకు చెందిన కార్యకర్తలు చర్చించుకుంటున్నారు. ఈ విషయం తెలుసుకున్న రూరల్‌ సీఐ శివశంకర్‌ చాపాడులోని నామినేషన్‌ కార్యాలయం వద్దకు రావడంతో.. ఇరు వర్గాల టీడీపీ నేతలు అక్కడి నుంచి వెళ్లిపోయారు. దీంతోపాటు బద్రిపల్లె ఎంపీటీసీ స్థానం విషయంలోనూ ఇరు వర్గాల మధ్య ఘర్షణ తలెత్తింది. ఎన్నికలు జరగకుండానే పదవులు వస్తున్నాయని, ఎలాగైనా దక్కించుకోవాలని టీడీపీ నేతలు పాకులాడుతున్నారని స్థానికులు విమర్శిస్తున్నారు.పదవుల కోసం కొట్లాట

ఎర్రగుంట్ల : మండల పరిధిలోని మాలెపాడు గ్రామానికి చెందిన రైతులు తమకు సబ్సిడీ శనగ విత్తనాలు ఇవ్వాలని కోరుతూ మంగళవారం రైతు భరోసా కేంద్రం వద్ద ఆందోళనకు దిగారు. ఈ సందర్భంగా వారు మాట్లాడుతూ ప్రభుత్వ ఆదేశాల మేరకు ఎకరాకు రెండు శనగ ప్యాకెట్లు ఇవ్వాలని తెలిపారు. కానీ ఇక్కడ మాత్రం ఎకరాకు ఒక ప్యాకెట్‌ ఇస్తుండటంతో తీసుకోలేదన్నారు. ప్రస్తుతం అరకొర వర్షాలు పడటంతో భూమిని దుక్కి దున్ని విత్తనం విత్తడానికి సిద్ధమైనట్లు తెలిపారు. ఒక ప్యాకెట్‌ ఇస్తే తమకు ఏమూలకు సరిపోవన్నారు. అందుకే ప్రభుత్వం సూచించిన మేరకు ఎకరాకు రెండు ప్యాకెట్లు ఇవ్వాలని డిమాండ్‌ చేశారు. దీనిపై రైతు భరోసా కేంద్రం అధికారులు స్పందిస్తూ.. మాలెపాడు గ్రామ పరిధిలో ఉన్న సాగు భూమి ప్రకారం తీసుకుంటే 3000 బస్తాలు అవసరం అవుతాయని, కానీ ప్రభుత్వం 1500 బస్తాలు మాత్రమే మంజూరు చేసినట్లు తెలిపారు. అందుకే ఎకరాకు ఒక ప్యాకెటు ఇస్తుండటంతో రైతులు తీసుకోవడం లేదన్నారు. ఈ విషయంపై మండల వ్యవసాయ అధికారిణి సుజనకుమారీని వివరణ కోరగా.. మండలానికి ప్రభుత్వం నుంచి సుమారు 3000 క్వింటాళ్లు వచ్చాయని, అదనంగా మరో 600 క్వింటాళ్లు వస్తాయన్నారు. సర్దుబాటు చేసి రైతులందరికీ సరఫరా చేస్తున్నామని పేర్కొన్నారు.

సిద్దవటం : మండలంలోని మంగనవాండ్లపల్లె గ్రామానికి చెందిన పిల్ల కత్తుపు ఈశ్వరయ్య(60) అనే వృద్ధుడు కపించడం లేదని ఫిర్యాదు రావడంతో కేసు నమోదు చేసినట్లు ఎస్‌ఐ హారిక తెలిపారు. స్థానిక పోలీస్‌స్టేషన్‌లో ఆమె మంగళవారం వివరాలు వెల్లడించారు. ఈశ్వరయ్య కడప నగరంలోని చిన్న చౌక్‌ సమీపాన కొన్నేళ్లుగా తోపుడు బండిపై వ్యాపారం చేస్తూ జీవనం కొనసాగించే వాడు. గత నెల 27న సాయంత్రం వ్యాపారం చేసి దాచుకున్న సొమ్ము తన జేబులో నుంచి పడిపోవడంతో.. డబ్బు కోసం వెతుకుతూ కనపడకుండా పోయాడని తెలిపారు. పొట్టేలు వ్యాపారం కోసం కొంత మంది వద్ద అప్పులు చేశాడని పేర్కొన్నారు. ఆయన భార్య రమాదేవి మాట్లాడుతూ తన భర్త వ్యాపార నిమిత్తం అప్పులు చేసి నష్టపోయాడని, అతను కనపడకపోవడంతో కొంత మంది తమ ఇంటి వద్దకు వచ్చి డబ్బులు అడుగుతున్నారని, వ్యాపార నిమిత్తం అప్పులు చేసి కనపడకుండా పోయాడని స్థానిక పోలీస్‌ స్టేషన్లో ఫిర్యాదు చేశామన్నారు. రమాదేవి ఇచ్చిన ఫిర్యాదు మేరకు సోమవారం రాత్రి కేసు నమోదు చేసినట్లు ఎస్సై తెలిపారు. రైలులో గుండెపోటుతో ప్రయాణికుడి మృతి నందలూరు : తిరుపతి నుంచి హైదరాబాద్‌లోని కాచిగూడకు వెళ్తున్న వెంకటాద్రి సూపర్‌ఫాస్ట్‌ ఎక్స్‌ప్రెస్‌లో ఓ ప్రయాణికుడు గుండెపోటుతో మృతి చెందాడు. మంగళవారం ఈ ఘటన నందలూరు సమీపంలో చోటుచేసుకుంది. హైదరాబాద్‌కు చెందిన రఘోత్తం(68) అనే వ్యక్తి తిరుపతికి వచ్చి, తిరిగి వెంకటాద్రి ఎక్స్‌ప్రెస్‌లో ఎస్‌ 3 బోగిలోని 28వ నెంబర్‌ బర్త్‌లో ప్రయాణిస్తుండగా అస్వస్థతకు గురై మృతి చెందినట్లు సమాచారం. ఈ విషయాన్ని రైల్వే టికెట్‌ తనిఖీ అధికారి (టీటీ)తోపాటు తోటి ప్రయాణికులు రైల్వే అధికారులకు తెలియజేశారు. దీంతో నందలూరుకు చెందిన రైల్వే జీఆర్‌పీ, ఆర్‌పీఎఫ్‌ పోలీసులు.. మృతదేహాన్ని రైలు నుంచి కిందికి దించి స్వాధీనం చేసుకున్నారు. మృతుడి బంధువులకు సమాచారం అందించినట్లు తెలిపారు. రోడ్డు ప్రమాదంలో హెచ్‌ఎం దుర్మరణం గోపవరం : మండలంలోని పి.పి.కుంట సమీపంలో నెల్లూరు – ముంబై (ఎన్‌హెచ్‌–67) జాతీయ రహదారిపై మంగళవారం జరిగిన రోడ్డు ప్రమాదంలో అట్లూరు మండలం అరుంధతినగర్‌ పాఠశాలలో ప్రధానోపాధ్యాయురాలుగా పని చేస్తున్న కంజదల(59) దుర్మరణం చెందింది. కారులో నెల్లూరు నుంచి అట్లూరుకు వెళుతుండగా పి.పి.కుంట సమీపంలో ఓవర్‌టేక్‌ చేయబోయి.. రోడ్డు పక్కనే ఆగి ఉన్న మినీ ఆల్వీన్‌ను ఢీకొట్టింది. ఈ ప్రమాదంలో ప్రధానోపాధ్యాయురాలు కంజదల అక్కడికక్కడే మృతి చెందగా ఆమె భర్త క్రిష్ణమూర్తి స్వల్ప గాయాలతో బయటపడ్డాడు. సమాచారం అందుకున్న పోలీసులు ఘటన ప్రాంతానికి చేరుకుని ప్రమాదానికి గల కారణాలపై ఆరా తీశారు. ప్రధానోపాధ్యాయురాలు మృతదేహాన్ని పోస్టుమార్టం నిమిత్తం బద్వేలు ప్రభుత్వాసుపత్రికి తరలించారు. కేసు నమోదు చేసి దర్యాప్తు చేస్తున్నారు. కాగా రోడ్డు ప్రమాదంలో మృతి చెందిన ప్రధానోపాధ్యాయురాలికి సహచర ఉపాధ్యాయులు శ్రద్ధాంజలి ఘటించారు.

కడప కోటిరెడ్డిసర్కిల్‌ : దసరా పండుగను పురస్కరించుకుని కడప జోన్‌ వ్యాప్తంగా (కడప, అన్నమయ్య, కర్నూలు, నంద్యాల, చిత్తూరు, తిరుపతి, అనంతపురం, శ్రీ సత్యసాయి) 1140 బస్సులను నడపడం ద్వారా ఆదాయం అదుర్స్‌ అనిపించిందని కడప జోన్‌ ఎగ్జిక్యూటివ్‌ డైరెక్టర్‌ ఆర్‌ఆర్‌కే కిశోర్‌ తెలిపారు. గతేడాదితో పోలిస్తే ఈ ఏడాదిలో గణనీయంగా ఆదాయం వచ్చిందన్నారు. ఎనిమిది జిల్లాల నుంచి రూ. 3,04,60,951 సమకూరిందన్నారు. 1,62,154 మంది ప్రయాణీకులు ఆర్టీసీని ఆదరించారన్నారు. గతేడాదితో పోలిస్తే రూ. 66,46,457 అదనపు ఆదాయం వచ్చిందన్నారు. ప్రతి స్టాల్‌ వద్ద అగ్నిమాపక పరికరాలు తప్పనిసరి కడప కోటిరెడ్డిసర్కిల్‌ : దీపావళి పండుగను పురస్కరించుకుని కడప నగరంలో ఏర్పాటు చేయనున్న బాణాసంచా తాత్కాలిక స్టాల్స్‌ నిర్వహణకు సంబంధించి తప్పనిసరిగా అగ్నిమాపక పరికరాలు, ఇసుక బకెట్లతోపాటు నీటిని అందుబాటులో ఉంచుకోవాలని కడప ఆర్డీఓ మురళి ఆదేశించారు. స్టాల్స్‌ నిర్వహణపై డీఎఫ్‌ఓ, ఏపీఎస్‌ పీడీసీఎల్‌ డీఈ, కడప, సీకే దిన్నె తహసీల్దార్లు సమావేశం నిర్వహించారు. ఈ సందర్భంగా ఆయన మాట్లాడుతూ విద్యుత్‌ వైరింగ్‌ విషయంలో ఏపీఎస్‌పీడీసీఎల్‌ నిబంధనలు పాటించాలని, అనుమతి లేని విద్యుత్‌ కనెక్షన్లు, లూజ్‌ వైరింగ్‌ ఉండకూదడని సూచించారు. లైసెన్సులో పేర్కొన్న దానికంటే ఎక్కువ బాణాసంచా నిల్వ ఉంచరాదని, స్టాల్స్‌ మధ్య తగిన దూరం పాటించాలన్నారు. ఈ కార్యక్రమంలో కడప తహసీల్దార్‌ మాహబూబ్‌చాంద్‌, అధికారులు పాల్గొన్నారు.

కడప రూరల్‌ : అర్నబ్‌ తుపాను నేపథ్యంలో అప్రమత్తంగా ఉండాలని జిల్లా వైద్య ఆరోగ్యశాఖ అధికారి డాక్టర్‌ యుగంధర్‌ సూచించారు. మంగళవారం స్థానిక జిల్లా వైద్య ఆరోగ్య శాఖ కార్యాలయంలో ముందస్తు జాగ్రత్తలు, అత్యవసర వైద్య సేవల సంసిద్ధతపై డాక్టర్‌ ఎన్టీఆర్‌ వైద్యసేవ, రవాణా శాఖ, అంబులెన్స్‌ల సిబ్బందితో సమీక్షా సమావేశం నిర్వహించారు. ఈ సందర్భంగా ఆయన మాట్లాడుతూ తుపాను ప్రభావం దష్ట్యా జిల్లాలోని అంబులెన్సులన్నీ పూర్తి స్థాయిలో సంసిద్ధంగా ఉండాలని, అత్యవసర పరిస్థితుల్లో ప్రజలకు ఎలాంటి అంతరాయం లేకుండా వైద్య సేవలు అందించాలన్నారు. అంబులెన్సుల పనితీరు, ఇంధన లభ్యత, వాహనాల సాంకేతిక, ఆక్సిజన్‌ సిలిండర్లు, అత్యవసర వైద్య పరికరాలు అందుబాటులో ఉండేలా ముందస్తు చర్యలు తీసుకోవాలని ఆదేశించారు. అత్యవసర పరిస్థితుల్లో సమన్వయంతో పని చేస్తూ, అవసరమైన ప్రాంతాలకు అంబులెన్సులను తక్షణమే పంపించే విధంగా సిబ్బంది సిద్ధంగా ఉండాలని సూచించారు. సంబంధిత శాఖల అధికారులు పరస్పర సమన్వయంతో పని చేస్తూ, ప్రజల ప్రాణ రక్షణకు ప్రాధాన్యతనిస్తూ, తుపాను సమయంలో ఎటువంటి పరిస్థితినైనా ఎదుర్కొనేందుకు వైద్య అత్యవసర సేవలను సిద్ధంగా ఉంచాలని తెలిపారు. సమావేశంలో జిల్లా ప్రోగ్రామ్‌ అధికారులు డాక్టర్‌ మహమ్మద్‌ తాహా, డాక్టర్‌ ఆరిఫుల్లా, డాక్టర్‌ బాలంజనేయులు, డాక్టర్‌ వెంకట చంద్రారెడ్ది, డెమో భారతి, ఎపిడమాలజిస్ట్‌ ఖాజా, ఇన్‌స్పెక్టర్‌ ప్రసాద్‌ తదితరులు పాల్గొన్నారు.

మైదుకూరు : మైదుకూరు మున్సిపాలిటీలోని సర్వాయపల్లెకు చెందిన మాజీ కౌన్సిలర్‌ ముత్తూరు చిన్నసుబ్బారెడ్డి(47)పై మంగళవారం సాయంత్రం గుర్తు తెలియని వ్యక్తులు హత్యాయత్నానికి పాల్పడ్డారు. కుటుంబ సభ్యులు తెలిపిన మేరకు వివరాలు ఇలా ఉన్నాయి. చిన్న సుబ్బారెడ్డి 2021లో జరిగిన మున్సిపాలిటీ ఎన్నికల్లో 10వ వార్డు నుంచి టీడీపీ కౌన్సిలర్‌గా ఎన్నికయ్యారు. మంగళవారం షుగర్‌ వ్యాధి మాత్రల కోసం బైక్‌పై ప్రొద్దుటూరుకు వెళ్లి తిరిగి వస్తుండగా.. సాయంత్రం 6.30 గంటల ప్రాంతంలో చాపాడు మండలం విశ్వనాథపురం సమీపంలో బళ్లారి – కృష్ణపట్నం జాతీయ రహదారి అండర్‌ పాస్‌ బ్రిడ్జికి సమీపంలో కారులో వచ్చిన ముగ్గురు గుర్తు తెలియని వ్యక్తులు సుబ్బారెడ్డిని ఆపారు. బద్వేలుకు ఎలా వెళ్లాలి అంటూ అడిగారు. బైపాస్‌ పైన వెళ్లవచ్చు, లేదంటే మైదుకూరు మీదుగా వెళ్లవచ్చు అని సుబ్బారెడ్డి వారికి వివరించారు. అంతలోనే ముగ్గురిలో ఓ వ్యక్తి కత్తితో సుబ్బారెడ్డి కడుపులో పొడిచాడు. తిరిగి గొంతుపై పొడిచేందుకు ప్రయత్నించగా సుబ్బారెడ్డి తప్పించుకొని అతన్ని తోసేసి గట్టిగా కేకలు వేస్తూ పరిగెత్తాడు. దాంతో ముగ్గురు వారు వచ్చిన కారులోనే అక్కడి నుంచి వెళ్లిపోయారు. బాధితుడు తన అన్న పెద్ద సుబ్బారెడ్డికి ఫోన్‌ చేసి చెప్పగా.. అతను తన బంధువులతో కలిసి సంఘటన స్థలానికి చేరుకొని మైదుకూరులోని ఓ ప్రైవేట్‌ ఆస్పత్రిలో చేర్పించారు. అర్బన్‌ సీఐ హాజీవలి ఆస్పత్రికి చేరుకుని వివరాలను తెలుసుకున్నారు. మెరుగైన చికిత్స కోసం చిన్న సుబ్బారెడ్డిని ప్రొద్దుటూరుకు తరలించారు. ప్రస్తుతం రాజకీయాలకు దూరంగా ఉంటున్న చిన్న సుబ్బారెడ్డికి వ్యక్తిగతంగా ఎవరితోనూ గొడవలు లేవని, గుర్తు తెలియని వ్యక్తుల ఎందుకు అతన్ని పొడిచారో తెలియడం లేదని గ్రామస్తులు తెలిపారు.

కడప మేయర్‌ ఎన్నికల్లో గెలుపు కోసం అధికార టీడీపీ అడ్డదారులు ఎంచుకుంది. వార్డుల రిజర్వేషన్ల కేటాయింపు మొదలు.. నిన్నటి నామినేషన్ల పరిశీలన వరకు అడుగడుగునా కుట్రలు పన్నింది. ‘అధికార’బలంతో పలు వార్డులను ఏకగ్రీవం చేసుకుంది. ఇదే పద్ధతిలో ‘మేయర్‌’సీటును ఏకగ్రీవం చేసుకోవాలని శతవిధాలా ప్రయత్నించి విఫలమైంది. ఇప్పుడు ‘పోటీ’ అనివార్యం కావడంతో టీడీపీలో కలవరం మొదలైంది. ముఖ్యంగా ఎమ్మెల్యే మాధవిరెడ్డి దంపతుల వ్యవహారశైలి కూటమిలో కుంపట్లు రాజేసింది. సాక్షి ప్రతినిధి, కడప: ‘ఎన్నికలం’టే చాలు కూటమి గుండెల్లో గుబులుపుడుతోంది. ‘బ్యాలెట్‌’ వార్‌లో దిగాలంటే భయపడుతోంది. రెండున్నరేళ్ల తెలుగుదేశం ప్రభుత్వ పాలనలో కడప నగరాభివృద్ధి దిగజారింది. ఇక స్థానిక ఎమ్మెల్యే మాధవిరెడ్డి, వాసు దంపతుల వ్యవహారశైలికి ప్రజలకే కాదు ఆ పార్టీ నేతలకూ విసుగొచ్చింది. ప్రస్తుత టీడీపీ మేయర్‌ అభ్యర్థికి ఇదే ప్రతిబంధకంగా మారిందని విశ్లేషకులు వివరిస్తున్నారు. పార్టీ సీనియర్‌ నేతలపై మాధవిరెడ్డి అగౌరవం, సామాజిక సమీకరణపై అత్యంత నిర్లక్ష్యం, ముస్లిం మైనార్టీ వర్గాల అణిచివేత, ఆర్థిక స్థోమత మినహా పార్టీ కండువా ఏనాడు కప్పుకొని మహిళ అభ్యర్థిత్వం ఖరారు, ఇవన్నీ టీడీపీ మేయర్‌ ఎన్నికకు ఆ పార్టీలో ప్రతిబంధంకంగా మారాయి. కడప నగరంలో మూడు దశాబ్దాలుగా లేని హింస నామినేషన్ల పర్వంలో తలెత్తింది. ఈ కారణాల నేపథ్యంలో ప్రజా స్వామ్యబద్ధంగా పోలింగ్‌ నిర్వహిస్తే టీడీపీ అడ్రసు గల్లంతు కాక తప్పదని పరిశీలకులు వెల్లడిస్తున్నారు. ● అధికారాన్ని అడ్డుపెట్టుకొని 51డివిజన్ల కార్పొరేటర్లను కూటమి నేతలు ఏకగ్రీవం చేసుకున్నారు. ఇందులో పోలీసులు ప్రత్యక్ష, పరోక్ష సహకారమే అత్యధి కం. వైఎస్సార్‌సీపీ కార్పొరేటర్‌ అభ్యర్థులను నామినేషన్లు వేయకుండా అడ్డుకొని ఏకగ్రీవంగా ఎన్నికయ్యా రు. వైఎస్సార్‌సీపీ మేయర్‌ అభ్యర్థిగా బండి దీప్తిరెడ్డి బరిలో నిలిచారు. మరో 15 కార్పొరేటర్లకు మేయర్‌ స్థానానికి ఎన్నికలు అనివార్యమయ్యాయి. ఈ పరిస్థితుల్లో టీడీపీకి పోలింగ్‌ ఫీవర్‌ పట్టుకుంది. ఏ విషయంలోనూ సీనియర్లును పరిగణలోకి తీసుకోకపోవడం, పైగా ‘సీనియర్లు లేరు, తొక్కాలేర’ని బాహాటంగా వ్యాఖ్యానించడం, నగర మాజీ అధ్యక్షుడు శివకొండారెడ్డిపై ప్రత్యక్షదాడితో మొదలు, తాజాగా అధికార ప్రతినిధి పదవికి రాజీనామా చేసిన జిలానీబాషా వర కూ నాయకుల మనస్సులు గాయపడ్డాయని విశ్లేషకులు వెల్లడిస్తున్నారు. అధికారంలో లేనప్పుడు పార్టీ జెండా మోసినోళ్లు కనుచూపు మేర కన్పించడం లేదు. ఈపరిస్థితుల్లో కడప నగరంలో టీడీపీపై వ్యతిరేక పవనాలు వీస్తున్నాయని పరిశీలకులు భావిస్తున్నారు. మేయర్‌ అభ్యర్థిపై టీడీపీ సీనియర్ల విసుర్లు వైఎస్సార్‌సీపీ అభ్యర్థుల నామినేషన్లు అడ్డగింతలో పెచ్చుమీరిన హింస రెండేళ్లు టీడీపీ పాలనలో విసిగిపోయిన నగర ప్రజానీకం పోలింగ్‌ ప్రజాస్వామ్యబద్ధంగా నిర్వహిస్తే ‘సైకిల్‌’అడ్రసు గల్లంతు ప్రచారంలో దూసుకుపోతున్న వైఎస్సార్‌సీపీ మేయర్‌ అభ్యర్థి దీప్తిరెడ్డి

కడప అర్బన్‌: ఎస్పీ షెల్కే నచికేత్‌ విశ్వనాథ్‌ సోమవారం ఉదయం కడప టూ టౌన్‌ పోలీస్‌ స్టేషన్‌ను సందర్శించారు. పోలీస్‌ అధికారులు, సిబ్బందికి పలు సూచనలు చేసి దిశానిర్దేశం చేశారు. మునిసిపల్‌ కార్పొరేషన్‌ ఎన్నికల నేపథ్యంలో జరగనున్న అభ్యర్థుల ప్రచారం ప్రశాంతంగా జరిగేలా చర్యలు తీసుకోవాలని ఆదేశించారు. అలాగే పెద్ద దర్గా ఉరుసు నేపథ్యంలో గట్టి బందోబస్త్‌ ఏర్పాటు చేయాలని, రాత్రి పూట గస్తీ, తనిఖీలు నిర్వహించాలన్నారు. కార్యక్రమంలో కడప డీఎస్పీ టి. భవాని, టూ టౌన్‌ సీఐ శ్రీహరి, ఎస్‌ఐలు కొండారెడ్డి, మధుసూదన్‌ రెడ్డి పాల్గొన్నారు. ఐదేళ్ల ఎమ్మెస్సీ కోర్సులో ప్రవేశాలు కడప ఎడ్యుకేషన్‌ : యోగి వేమన విశ్వవిద్యాలయం పోస్ట్‌ గ్రాడ్యుయేషన్‌ కళాశాలలో ఎమ్మెస్సీ ఎర్త్‌ సైన్స్‌ విభాగంలో ఐదేళ్ల ఇంటిగ్రేటెడ్‌ అప్లైడ్‌ జియాలజీ కోర్సులో ప్రవేశాలు కల్పిస్తున్నట్లు సంచాలకులు ఆచార్య వి.రామకష్ణ తెలిపారు. ఈ కోర్సులో ప్రవేశానికి ఇంటర్మీడియట్‌ ఎంపీసీ, బైపీసీలో ఉత్తీర్ణత సాధించిన విద్యార్థులు అర్హులని పేర్కొన్నారు. ఆసక్తిగల విద్యార్థులు ఈ నెల 27 లోపు ఓఏఎండీసీ వెబ్‌సైట్లో రిజిస్ట్రేషన్‌ చేసుకొని అలాగే వైవీయూ కళాశాల వెబ్‌ ఆప్షన్స్‌ చేసుకోవాలని తెలిపారు. ఇతర సందేహాలకు 9985442196, 88867 69949 నెంబర్లలో సంప్రదించాలని సూచించారు. అవినీతికి పాల్పడే వారిపై ఏసీబీకి ఫిర్యాదు చేయండి కడప సెవెన్‌రోడ్స్‌ : ప్రభుత్వ కార్యాలయాల్లో ఎవరైనా లంచం డిమాండ్‌ చేసినా, అవినీతికి పాల్పడినా ప్రజలు నిర్భయంగా అవినీతి నిరోధక శాఖకు ఫిర్యాదు చేయాలని కలెక్టర్‌ డాక్టర్‌ శ్రీధర్‌ చెరుకూరి సూచించారు. అవినీతి నిరోధక శాఖ (ఏసీబీ) సేవలపై ప్రజలకు అవగాహన కల్పించేందుకు రూపొందించిన ప్రచార పోస్టర్‌ను సోమవారం శ్రీధర్‌ చెరుకూ రి తన క్యాంపు కార్యాలయంలో ఆవిష్కరించారు. ఏసీబీ టోల్‌ఫ్రీ నంబర్‌ 1064తో పాటు, వాట్సాప్‌ నంబర్‌ 94404 40057 ద్వారా కూడా ఫిర్యాదు చేయవచ్చనే విషయంపై ప్రజల్లో విస్తృత అవగాహన కల్పించాలని ఆయన పేర్కొన్నారు. కడప రేంజ్‌ ఏసీబీ ఇన్‌స్పెక్టర్‌ ఎన్‌.వి. నాగరాజు, సంబంధిత శాఖ అధికారులు పాల్గొన్నారు.

వైఎస్సార్‌సీపీ మేయర్‌ అభ్యర్థిగా బండి దీప్తిరెడ్డి నగరంలో కలియతిరుగుతూ ప్రజల మద్దతు కోరుతున్నారు. నగరంలో ఎక్కడికెళ్లినా అపూర్వ ఆదరణ లభిస్తోంది. పైగా రాజకీయ అనుభవం, విద్యాధికురాలు కావడం కలిసొచ్చే అంశంగా మారిందని విశ్లేషకులు వివరిస్తున్నారు. అపారమైన పరిణితి ఉన్న నేతగా తక్కువ కాలంలోనే గుర్తింపు పొందారు. ఈవిషయాన్ని అధికార పార్టీకి చెందిన నేతలు సైతం గుర్తించారు. క్షేత్రస్థాయిలో వైఎస్సార్‌సీపీకి ఉన్న మద్దతును లెక్కగట్టారు. ఎమ్మెల్యే మాధవిరెడ్డి దంపతుల ఏకపక్ష నిర్ణయాలతో వ్యతిరేకతను పసిగట్టారు. ఈ పరిస్థితుల్లో డాక్టర్‌ మధు ఇటీవల టీడీపీకి చెందిన ఓ నాయకుడితో ఏకాంత చర్చలు నిర్వహించినట్లు తెలుస్తోంది. ‘కడపలో అసలు ఏం జరుగుతోంది, నాకేమి అర్థం కావడం లేదం’టూ వాపోయినట్లు సమాచారం. ‘తిలాపాపం తలా పడికెడు’ అన్నట్లుగా మేయర్‌ ఎన్నికల్లో చేదు ఫలితాలే వచ్చేలా ఉందనే భావనకు వచ్చినట్లు తెలుస్తోంది. ఇదివరకు పోలీసులే నామినేషన్లు నుంచి కార్పొరేటర్లను గట్టెక్కించినట్లుగా పోలింగ్‌లోనూ తమను నెగ్గిస్తారనే ఆశల్లో ఆ పార్టీ నేతలు ఉన్నారని విశ్లేషకులు చెబుతున్నారు.

పులివెందుల : వైఎస్సార్‌ కాంగ్రెస్‌ పార్టీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి మంగళవారం పులివెందులకు రానున్నారు. ఉదయం 9గంటలకు బెంగుళూరు యలహంకలోని తన నివాసం నుంచి రోడ్డు మార్గాన బయలుదేరి 9.20 గంటలకు జక్కూర్‌ ఎయిర్‌డ్రోంకు చేరుకుంటారు. అక్కడినుంచి హెలీకాప్టర్‌లో బయలుదేరి 10.20గంటలకు భాకరాపురంలో ఉన్న హెలీప్యాడ్‌ వద్దకు చేరుకుంటారు. అక్కడి నుంచి రోడ్డు మార్గాన 10.35గంటలకు పులివెందులలోని తన క్యాంపు కార్యాలయానికి చేరుకుంటారు. 10.35 గంటల నుంచి సాయంత్రం 6గంటలకు తన క్యాంపు కార్యాలయంలో ప్రజలతో మమేకమవుతారు. అనంతరం పులివెందుల్లోని తన నివాసంలో బస చేస్తారు. బుధవారం ఉదయం 8గంటలకు పులివెందుల నుంచి తిరుగుపయనమవుతారు.

● ‘కుర్చీ’పైనే ధ్యాసంతా .. పాలనంతా ‘చెత్త’ కూటమి కొలువుదీరాక నగరాభివృద్ధి ‘దారి’తప్పింది. పాలకుల దృష్టంతా ‘కార్పొరేషన్‌లో కుర్చీ’పైనే పడింది. ఇంకేముంది పాలన పడకేసింది. ‘స్వచ్ఛ కడప’ అంటూ ఊదరగొట్టినా అది ప్రకటనకే పరిమితైంది. అంతేనా ఏకంగా మేయర్‌ ఇంటిపైనే చెత్త వేసే విష సంస్కృతి మొదలైంది..‘ఆవు చేలో మేస్తే దూడ గట్టున మేస్తుందా’ అన్న చందంగా కిందిస్థాయి సిబ్బందిలోనూ నిండా నిర్లక్ష్యం ఆవహించింది. ఫలితంగా ఇదిగో ఇలా నగరంలో ఎక్కడబడితే అక్కడ చెత్త కుప్పలే దర్శనమిస్తున్నాయి.. మురుగుపారక కాలువలు అధ్వానంగా మారాయి. ఇక పలు కాలనీల్లో గుంతలు తేలిన రోడ్లు దర్శనమిస్తున్నాయి. ● అభివృద్ధికి ‘రహదారి’ వైఎస్సార్‌సీపీ ప్రభుత్వంలో అభివృద్ధి పరుగులు తీసింది. వైఎస్‌ జగన్‌మోహన్‌రెడ్డి ముఖ్యమంత్రిగా ఉన్నప్పుడు కడపలో ఏడు ప్రధాన రహదారులను విస్తరించారు. వీటిలో అతి ముఖ్యమైనది అంబేడ్కర్‌ సర్కిల్‌– వై జంక్షన్‌ రోడ్డు. ఇది గతంలో సింగిల్‌ లేన్‌ రహదారిగా ఉండేది. ట్రాఫిక్‌ ఎక్కువై ప్రజలు తీవ్ర ఇబ్బందులు పడేవారు. కోట్లు ఖర్చు చేసి అంబేడ్కర్‌ సర్కిల్‌ను ఆధునికీకరించడంతోపాటు వై జంక్షన్‌ వరకూ రహదారి విస్తరణ చేపట్టారు. విస్తరణ వల్ల నష్టపోయిన వారికి పరిహారమూ చెల్లించారు. వై జంక్షన్‌లో అశోక చక్రం, నాలుగు సింహాల ప్రతిమలను అందంగా ఏర్పాటు చేశారు. రహదారి విస్తరించడంతో ఈ మార్గంలో జుడియో, ఓన్డ్‌, రివర్‌ వంటి, అన్‌ లిమిటెడ్‌ వంటి కార్పొరేట్‌ సంస్థలు వచ్చాయి.

● చిన్న కారణాలు చూపి వైఎస్సార్‌సీపీ అభ్యర్థుల నామినేషన్లు తిరస్కరిస్తున్నారు ● ధ్వజమెత్తిన వైఎస్సార్‌సీపీ జిల్లా అధ్యక్షుడు పి. రవీంద్రనాథ్‌రెడ్డి కడప కార్పొరేషన్‌: స్థానిక సంస్థల ఎన్నికల్లో కూటమి కుట్రలు పరాకాష్టకు చేరాయని, చిన్న చిన్న కారణాలు చూపి తమ పార్టీ అభ్యర్థుల నామినేషన్లు తిరస్కరిస్తున్నారని వైఎస్సార్‌సీపీ జిల్లా అధ్యక్షుడు పి. రవీంద్రనాథ్‌రెడ్డి ధ్వజమెత్తారు. సోమవారం జిల్లా పార్టీ కార్యాలయంలో ఆయన విలేకరులతో మాట్లాడారు. టీడీపీ నాయకులు ఏకగ్రీవంగా ఎన్నికై నట్లు పచ్చపత్రికల్లో వార్తలు వస్తున్నాయని, ఇది ప్రజలు ఇచ్చిన తీర్పు కాదని, వాళ్లకై వాళ్లు వ్యవస్థలను భ్రష్టు పట్టించి చేసుకున్నవేనన్నారు. ఇది టీడీపీ సాధించిన విజయం కాదని...డీజీపీ హరిష్‌కుమార్‌ గుప్తా, డీఐజీ కోయ ప్రవీణ్‌ల విజయమని ఎద్దేవా చేశారు. ఏ–ఫారం, బీ– ఫారం లేకుండానే వైఎస్సార్‌సీపీ పేరుతో నకిలీ నామినేషన్లు వేయించి కోర్టులను, ప్రజలను తప్పు దారి పట్టిస్తున్నారన్నారు. ఆ నకిలీ నామినేషన్లు ఉపసంహరించుకొని టీడీపీ అభ్యర్థి ఏకగ్రీవం అయినట్లు ప్రకటిస్తున్నారన్నారు. ప్రపోజర్స్‌ ఫోన్‌లో చెప్పారని నామినేషన్‌ తిరస్కరించడం అన్యాయమన్నారు. నో డ్యూస్‌ సర్టిఫికెట్‌ అసవరం లేదని ఎన్నికల కమిషన్‌ చెప్పినా...వీళ్లు కావాలంటున్నారన్నారు.ఎన్నికల ప్రచారంలో ఉన్న తమ పార్టీ నాయకులను కత్తితో పొడిస్తే వ్యక్తిగత కారణాలతో పొడిచారని పోలీసులు చెప్పడం దుర్మార్గమన్నారు. కలెక్టర్‌కూడా తమ జెడ్పీటీసీ నామినేషన్ల అప్పీళ్లను తిరస్కరిస్తే న్యాయస్థానాన్ని ఆశ్రయిస్తామన్నారు. తమ పార్టీ నాయకులపై దాడులు చేస్తే చూస్తూ ఊరుకోమని హెచ్చరించారు. రౌడీయిజం చెయ్‌... పోలీసుల అండతో ఏకగ్రీవం చేసుకో...: రమేష్‌ యాదవ్‌ స్థానిక సంస్థల ఎన్నికల్లో ‘రౌడీయిజమ్‌ చెయ్‌...పోలీసుల అండతో ఏకగ్రీవం చేసుకో’ ఇదే టీడీపీ విధానమని ఎమ్మెల్సీ ఆర్‌. రమేష్‌ యాదవ్‌ విమర్శించారు. ఎన్నికల తంతు మొదలైనప్పటి నుంచి కూటమి ప్రభుత్వం ప్రజలను మోసం చేయడానికి అనేక ఎత్తులు వేసిందన్నారు. అందులో భాగంగానే బీసీలకు 34 శాతం రిజర్వేషన్లు అంటూ డమ్మీ జీవో ఇచ్చారన్నారు. ప్రజలను ఓటు అడిగే దమ్ము, ధైర్యం లేకనే కూటమి ప్రభుత్వం దొడ్డిదారి రాజకీయాలు చేస్తోందని మండిపడ్డారు. ప్రజలు కూటమికి బుద్ధి చెబుతారు ఎమ్మెల్సీ ఎంవీ రామచంద్రారెడ్డి స్థానిక సంస్థలు, మున్సిపల్‌ ఎన్నికల్లో కూటమి ప్రభుత్వం ప్రజాస్వామ్యానికి పాతరేసిందని ఎమ్మెల్సీ ఎంవీ రామచంద్రారెడ్డి అన్నారు. అన్ని స్థానాలకు నామినేషన్లు వేయనీయకుండా వైఎస్సార్‌సీపీ అభ్యర్థులను కట్టడి చేశారని, వేసిన వాటిని కూడా అకారణంగా తిరస్కరిస్తున్నారన్నారు. ప్రజలు అన్నీ గమనిస్తున్నారని తగిన సమయంలో ఈ ప్రభుత్వానికి బుద్ధి చెబుతారని హెచ్చరించారు. మాజీ మేయర్‌ పాకా సురేష్‌ కుమార్‌, వైఎస్సార్‌సీపీ నాయకులు పులి సునీల్‌ కుమార్‌, సీహెచ్‌ వినోద్‌ కుమార్‌, ఎన్‌. శివరామ్‌ పాల్గొన్నారు.

● వైఎస్సార్‌ హయాంలో రిమ్స్‌ ప్రారంభం ● జగన్‌ పాలనలో సూపర్‌ స్పెషాలిటీ ఏర్పాటు ● ఎన్నో విభాగాలు ఆరంభం ● జిల్లా ప్రజలకు చేరువైన ఆధునిక సేవలుకడప అర్బన్‌ : దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి జిల్లా ప్రజలకు ‘రిమ్స్‌’ రూపంలో వైద్య వరాన్ని అందించారు. వైఎస్‌ జగన్‌మోహన్‌రెడ్డి సీఎంగా బాధ్యతలు స్వీకరించిన ఏడాదిలోపే కడప రిమ్స్‌ ఆవరణలో సూపర్‌ స్పెషాలిటీ, మానసిక వైద్యశాల, కేన్సర్‌ హాస్పిటల్‌ భవన సముదాయాల నిర్మాణాలకు శంకుస్థాపన చేశారు. కరోనా కష్టకాలం ముగిసిన తరువాత మరలా వేగవంతంగా నిర్మాణాలు చేపట్టి.. 2023 డిసెంబర్‌ 23న వైఎస్‌ జగన్‌మోహన్‌రెడ్డి తమ చేతుల మీదుగా మూడు భవన సముదాయాలు ప్రారంభించి ప్రజలకు వైద్య సేవలు చేరువయ్యేలా తమ వంతుగా కృషి చేశారు. తరువాత క్లిష్టమైన వ్యాధులకు సైతం ప్రభుత్వ ఆసుపత్రుల్లోనే ఆధునిక చికిత్సలు అందించాలనే లక్ష్యంతో.. ఏర్పాటు చేసిన కడప ప్రభుత్వ సూపర్‌ స్పెషాలిటీ ఆసుపత్రి వైద్య సేవల్లో ముందడుగు వేస్తోంది. గుండె జబ్బులు, నాడీ సంబంధిత వ్యాధులు, మూత్రపిండాల సమస్యలు, జీర్ణకోశ వ్యాధులు, చిన్నారులకు సంబంధించిన క్లిష్టమైన శస్త్రచికిత్సలు తదితర ప్రత్యేక వైద్య సేవలు ఇక్కడ అందుబాటులో ఉన్నాయి. 2024 జనవరి నుంచి 2026 సెప్టెంబరు వరకు అందుబాటులో ఉన్న గణాంకాల ప్రకారం 1,55,536 మంది ఔట్‌ పేషెంట్లు ఆసుపత్రిలో వైద్య సేవలు పొందారు. ఆధునిక వైద్య పరికరాలు, ప్రత్యేక విభాగాలు, శస్త్రచికిత్స సదుపాయాలతో రాయలసీమ ప్రాంత ప్రజలకు మెరుగైన వైద్యం అందించే కేంద్రంగా ఈ ఆసుపత్రి రూపుదిద్దుకుంటోంది. రూ.125 కోట్లతో ఆధునిక ఆసుపత్రి కడప ప్రభుత్వ సూపర్‌ స్పెషాలిటీ ఆసుపత్రిని 2023 డిసెంబరు 23న ప్రారంభించారు. మొత్తం రూ.125 కోట్ల వ్యయంతో చేపట్టిన ఈ ప్రాజెక్టులో భవన నిర్మాణానికి రూ.75 కోట్లు, వైద్య పరికరాల కొనుగోలుకు రూ.50 కోట్లు కేటాయించారు. 300 పడకల సామర్థ్యంతో ఏర్పాటు చేసిన ఈ ఆసుపత్రికి సంబంధించిన ప్రణాళికలో 452 పడకల వరకు సేవలందించే సామర్థ్యాన్ని కల్పించినట్లు వైద్య వర్గాలు తెలిపాయి. ఆసుపత్రి నిర్మిత విస్తీర్ణం 2,38,062.46 చదరపు అడుగులు. సుమారు 5.46 ఎకరాల విస్తీర్ణంలో నిర్మించిన ఈ సముదాయంలో ప్రత్యేక వైద్య విభాగాలు, ఆపరేషన్‌ థియేటర్లు, ఇంటెన్సివ్‌ కేర్‌ యూనిట్లు, అత్యవసర వైద్య సేవలు, రోగ నిర్ధారణ విభాగాలను ఏర్పాటు చేశారు. తొమ్మిది ప్రత్యేక వైద్య విభాగాలు ఆసుపత్రిలో కార్డియాలజీ, న్యూరాలజీ, నెఫ్రాలజీ, మెడికల్‌ గ్యాస్ట్రోఎంటరాలజీ, పీడియాట్రిక్‌ సర్జరీ, యూరాలజీ, ప్లాస్టిక్‌ సర్జరీ, సర్జికల్‌ గ్యాస్ట్రోఎంటరాలజీ, కార్డియో థొరాసిక్‌ అండ్‌ వాస్క్యులర్‌ సర్జరీ (సీటీవీఎస్‌) విభాగాలు అందుబాటులో ఉన్నాయి. గుండె సంబంధిత వ్యాధులకు యాంజియోగ్రామ్‌, యాంజియోప్లాస్టీ వంటి చికిత్సలు, నాడీ సంబంధిత సమస్యలకు ఈఈజీ పరీక్షలు, మూత్రపిండాల వ్యాధిగ్రస్తులకు డయాలసిస్‌ సేవలు అందిస్తున్నారు. జీర్ణకోశ సమస్యలకు ఎండోస్కోపీ పరీక్షలు, మూత్ర సంబంధిత వ్యాధులకు ఆధునిక శస్త్రచికిత్సలు నిర్వహిస్తున్నారు. గుండె చికిత్సలకు క్యాథ్‌ ల్యాబ్‌ గుండె సంబంధిత వ్యాధులకు వేగంగా, ఆధునిక పద్ధతుల్లో చికిత్స అందించేందుకు సుమారు రూ.7 కోట్ల విలువైన వైద్య పరికరాలతో క్యాథ్‌ ల్యాబ్‌ ఏర్పాటు చేశారు. చిన్నారులకు క్లిష్టమైన శస్త్రచికిత్సలు పీడియాట్రిక్‌ సర్జరీ విభాగంలో నవజాత శిశువులు, చిన్నపిల్లలకు సంబంధించిన పలు క్లిష్టమైన శస్త్రచికిత్సలు నిర్వహిస్తున్నారు. ల్యాపరోస్కోపిక్‌ పైలోప్లాస్టీ, ల్యాపరోస్కోపిక్‌ నెఫ్రెక్టమీ, వెసికో యూరెటరిక్‌ రీ ఇంప్లాంటేషన్‌, ల్యాపరోస్కోపిక్‌ ఫండోప్లికేషన్‌ వంటి ఆధునిక శస్త్రచికిత్సలు అందుబాటులో ఉన్నాయి. విల్మ్‌స్‌ ట్యూమర్‌, న్యూరోబ్లాస్టోమా, టెరటోమా వంటి కణితులకు చికిత్సతోపాటు గ్యాస్ట్రిక్‌ పుల్‌–అప్‌, రెట్రోపెరిటోనియల్‌ టెరటోమా తొలగింపు వంటి క్లిష్టమైన శస్త్రచికిత్సలు కూడా నిర్వహిస్తున్నట్లు ఆసుపత్రి వివరాల్లో పేర్కొన్నారు. యూరాలజీ, ప్లాస్టిక్‌ సర్జరీలో.. యూరాలజీ విభాగంలో మూత్ర సంబంధిత వ్యాధులకు టీయూఆర్‌పీ, పీసీఎన్‌ఎల్‌, యూఆర్‌ఎస్‌ వంటి ఆధునిక శస్త్రచికిత్సలు చేస్తున్నారు. ఫియోక్రోమోసైటోమా వంటి అరుదైన వ్యాధులకు కూడా శస్త్రచికిత్సలు నిర్వహిస్తున్నట్లు వివరించారు. ప్లాస్టిక్‌ సర్జరీ విభాగంలో కాలిన గాయాల బాధితులకు చికిత్స, చీలిక అంగిలి శస్త్రచికిత్సలు, టెండన్‌ రిపేర్‌, ఫ్లాప్‌ సర్జరీలు అందిస్తున్నారు. సర్జికల్‌ గ్యాస్ట్రో ఎంటరాలజీ విభాగంలో ల్యాపరోస్కోపిక్‌ కొలిసిస్టెక్టమీ, ఇతర అవసరమైన శస్త్రచికిత్సలు నిర్వహిస్తున్నారు. ఆక్సిజన్‌ ప్లాంట్‌ ఆసుపత్రిలో రోగులకు నిరంతర ఆక్సిజన్‌ సరఫరా కోసం రోజుకు 11 వేల లీటర్ల సామర్థ్యంతో లిక్విడ్‌ మెడికల్‌ ఆక్సిజన్‌ ప్లాంట్‌ ఏర్పాటు చేశారు. ప్రత్యేక ఆక్సిజన్‌ సరఫరా వ్యవస్థను కూడా అందుబాటులోకి తెచ్చారు.

ఒంటిమిట్ట : మండలంలో 2020 మార్చి 1న జరిగిన హత్య కేసులో నిందితుడు ధనుష్‌ కి సోమవానం కడప ఎస్సీ/ఎస్టీ ప్రత్యేక న్యాయస్థానం జీవిత ఖైదు శిక్ష, రూ.50 వేల జరిమానా విధించింది. పోలీసుల వివరాల మేరకు.. కొత్తమాధవరం శ్రీ సాయి కాళేశ్వరి డిగ్రీ కళాశాల వద్ద ఉన్న శ్రీ సాయిరాం సిమెంట్‌ బ్రిక్స్‌ ఫ్యాక్టరీ వాచ్‌మెన్‌గా పని చేస్తున్న కత్తి వెంకట రమణ(50) అనాథనంటూ తన దగ్గరకు వచ్చిన ధనుష్‌ను మానవతా దృక్పథంతో తానున్న ఫ్యాక్టరీలోనే ఆశ్రయం కల్పించి, కూలీ పనుల్లో చేర్పించాడు. ఇది ఇలా ఉండగా హత్యకు ముందు నిందితుడు ధనుష్‌ ఖర్చుల నిమిత్తం వెంకటరమణను రూ.500 ఇవ్వాలని కోరగా ఆయన నిరాకరించారు. దీంతో వెంకటరమణపై కక్ష పెంచుకున్న ధనుష్‌ 2020 మార్చి 1న తెల్లవారుజామున ఫ్యాక్టరీ ప్రాంగణంలోని తూర్పు వైపు ఖాళీ స్థలంలో నిద్రిస్తున్న వెంకటరమణ తలపై బలమైన ఆయుధంతో దాడి చేసి దారుణంగా హత్య చేసి, పరారయ్యాడు. దీంతో అప్పట్లో మృతుడి కుమారుడు కత్తి భరత్‌ ఇచ్చిన ఫిర్యాదు మేరకు ఒంటిమిట్ట పోలీసులు కేసు నమోదు చేసి, దర్యాప్తు చేపట్టారు. పోలీసులు సంఘటనా స్థలాన్ని పరిశీలించి, మృతదేహానికి పంచనామా నిర్వహించి, నిందితుడిని అరెస్ట్‌ చేసి సాక్ష్యాధారాలతో న్యాయస్థానంలో చార్జీషీట్‌ దాఖలు చేశారు. ఈ కేసులో ప్రాసిక్యూషన్‌ తరఫున స్పెషల్‌ పబ్లిక్‌ ప్రాసిక్యూటర్‌ జి.ఎస్‌ శైలజ హాజరై, సాక్షులను సమర్థవంతంగా ప్రవేశపెట్టి నేరాన్ని నిరూపించేలా బలమైన న్యాయవాదనలు వినిపించారు. ప్రాసిక్యూషన్‌ సమర్పించిన సాక్ష్యాధారాలను పరిశీలించిన ఎస్సీ/ఎస్టీ ప్రత్యేక కోర్టు న్యాయమూర్తి రమేష్‌ కుమార్‌ నిందితుడు ధనుష్‌ పై హత్యా నేరం రుజువైనట్లు నిర్ధారించి జీవిత ఖైదు, రూ.50 వేల జరిమాన విధిస్తూ తీర్పు వెలువరించారు. ఈ కేసులో నిందుతుడికి శిక్ష పడేందుకు నిరంతరం కృషి చేసి, కోర్టు విచారణ ప్రక్రియలో కీలక పాత్ర పోషించిన కోర్టు మానిటరింగ్‌ సెల్‌ హెడ్‌ కానిస్టేబుల్‌ సుబ్బరాయుడు, కానిస్టేబుల్‌ శ్రీనివాసులరెడ్డి, ఒంటిమిట్ట ఏఎస్‌ఐ సుబ్బయ్యలను జిల్లా ఎస్పీ నచికేత్‌ విశ్వనాథ్‌ అభినందించారు.

● ప్రజాస్వామ్యాన్ని ఖూనీ చేసిన టీడీపీ ● మాజీ ఎమ్మెల్యే రాచమల్లు శివప్రసాదరెడ్డిప్రొద్దుటూరు : 116 ఏళ్ల ప్రొద్దుటూరు మున్సిపాలిటీ చరిత్రలో ఎప్పుడూ లేని విధంగా 52 మంది కౌన్సిలర్లతోపాటు మున్సిపల్‌ చైర్మన్‌గా నంద్యాల రాఘవరెడ్డి ఏకగ్రీవంగా ఎన్నికయ్యారని మాజీ ఎమ్మెల్యే, వైఎస్సార్‌సీపీ రాష్ట్ర అధికార ప్రతినిధి రాచమల్లు శివప్రసాదరెడ్డి తెలిపారు. సాధారణంగా ఇరుపార్టీల అంగీకారంతోనో.. ఇతర కారణాల వల్లో ఏకగ్రీవం చేస్తారని, అయితే ఎవరి ప్రమేయం లేకుండానే సొంతంగా వారు ఏకగ్రీవం అయ్యారన్నారు. సోమవారం దొరసానిపల్లెలోని తన క్యాంప్‌ కార్యాలయంలో ఆయన మాట్లాడుతూ 16 మంది తమ అభ్యర్థులు నామినేషన్లు వేయడానికి వెళితే పోలీసులు, వరద కుటుంబీకులు దౌర్జన్యం చేసి వెనక్కి పంపారన్నారు. తొలి రోజున 36 మంది నామినేషన్లు దాఖలు చేస్తే తన భార్య రమాదేవి మినహా మిగతా 35 నామినేషన్లు చెల్లవని అధికారులు తిరస్కరించారని తెలిపారు. మున్సిపల్‌ చైర్మన్‌ అభ్యర్థి పోరెడ్డి నరసింహారెడ్డి నామినేషన్‌ పత్రంలో సంతకం చేయలేదని చెప్పడం ఆశ్చర్యంగా ఉందన్నారు. సిగ్గు ఎగ్గు లేకుండా ప్రజాస్వామ్యానికి బట్టలు ఊడదీసి బజారులో నిలబెట్టారన్నారు. ఇందులో ఎన్నికల కమిషన్‌, పోలీసు అధికారులు, కలెక్టర్‌ ఉన్నా తమకు జరిగిన అన్యాయాన్ని అడ్డుకోలేక పోయారని తెలిపారు. ఎమ్మెల్యే వరదరాజులరెడ్డి కుటుంబీకులు దౌర్జన్యం చేయడమే ఇందుకు కారణమన్నారు. మున్సిపల్‌ చైర్మన్‌, 52 మంది కౌన్సిలర్లు, 33 మంది ఎంపీటీసీలు, ఒక జెడ్పీటీసీ ఏకగ్రీవం చేసుకున్నారన్నారు. పోటీలో ఉన్న రాజుపాళెం జెడ్పీటీసీ అభ్యర్థిని పోలీసులు వెంటాడుతున్నారని తెలిపారు. తాము ఇప్పటి వరకు 88 నామినేషన్లు వేయగా ఒక్కటి మాత్రమే చెల్లుబాటు అయిందని చెప్పారు. బీసీకి ఇవ్వాల్సిన స్థానం ఓసీకి.. స్థానిక సంస్థల ఎన్నికల్లో ఎమ్మెల్యే వరద కుటుంబీకులతోపాటు అధికారులు కలసి ప్రజాస్వామ్యాన్ని ఖూనీ చేశారని స్పష్టం చేశారు. బీసీ కేటగిరికి రావాల్సిన మున్సిపల్‌ చైర్మన్‌ స్థానాన్ని ఓసీకి ఇవ్వాలని స్వయంగా వరద సీఎం చంద్రబాబు లేఖ రాసి తెచ్చుకున్నారన్నారు. ఓటు లేని తన సోదరుడు రాఘవరెడ్డికి ఓటు హక్కు కల్పించి ప్రజలు ఓటు వేయకుండా చేశారన్నారు. ఇందులో జిల్లా ఉన్నతాధికారిని మేనేజ్‌ చేశారని తెలిపారు. తమకు జరిగిన అన్యాయంపై సుప్రీంకోర్టులో ఫిర్యాదు చేసినా కలెక్టర్‌, ఎస్పీల నివేదిక ఆధారంగా తమకు అన్యాయం జరిగిందన్నారు. తమతోపాటు ఏ పార్టీ వారు వేసిన నామినేషన్లు కూడా చెల్లలేదన్నారు.

కమలాపురం : మండలంలోని నల్లలింగాయపల్లెలో వెలసిన భారతి సిమెంట్‌ కార్పొరేషన్‌ ప్రైవేట్‌ లిమిటెడ్‌ పరిధిలోని డీఏవీ భారతి విద్యా మందిర్‌ విద్యార్థి ఎస్‌ఎంవీఎస్‌ కౌశిక్‌(10వ తరగతి) రాష్ట్ర స్థాయి ఎస్‌జీఎఫ్‌ చెస్‌ పోటీలకు ఎంపికై నట్లు ప్రిన్సిపల్‌ శివ్వం కిషోర్‌ కుమార్‌ తెలిపారు. సోమవారం ఆయన విలేకరులతో మాట్లాడారు. ఈ నెల 24వ తేదీన కడప నగరంలోని డీఎస్‌ఏ మున్సిపల్‌ ఇండోర్‌ స్టేడియంలో జరిగిన అండర్‌–17 బాలుర విభాగం జిల్లా స్థాయి ఎస్‌జీఎఫ్‌ చెస్‌ పోటీల్లో పాల్గొన్న కౌశిక్‌ అత్యుత్తమ ప్రతిభ కనబరిచి రాష్ట్ర స్థాయి పోటీలకు ఎంపికై నట్లు ఆయన వివరించారు. త్వరలో జరగబోయే రాష్ట్ర స్థాయి పోటీలకు జిల్లా జట్టు తరఫున తమ విద్యార్థి ప్రాతినిధ్యం వహిస్తాడని తెలిపారు. కాగా ప్లాంట్‌ హెడ్‌ రామమూర్తి, ఇతర ప్రతినిధులు గౌరీ పరమేశ్వరరావు, భార్గవ్‌రెడ్డి, ప్రాంతీయ అధికారి శేషాద్రి, ప్రిన్సిపల్‌ కిషోర్‌ కుమార్‌ తదితరులు విజేతతోపాటు పీఈటీ చందును అభినందించారు. రాష్ట్ర, జాతీయ స్థాయి పోటీల్లో సైతం ఉత్తమ ప్రతిభ కనబరిచి విజయం సాధించాలని సూచించారు.రాష్ట్ర స్థాయి చెస్‌ పోటీలకు ఎంపిక

కడప అర్బన్‌ : బాలల హక్కులను పరిరక్షించడంతోపాటు మానసిక అనారోగ్యంతో బాధపడుతున్న వారు, మేధో వైకల్యాలు కలిగిన వ్యక్తులకు ఉచిత న్యాయ సహాయం అందించేందుకు కృషి చేయాలని జిల్లా న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి ఎస్‌.బాబా ఫక్రుద్దీన్‌ తెలిపారు. రాష్ట్ర న్యాయ సేవాధికార సంస్థ ఆదేశాల మేరకు, కడప జిల్లా న్యాయ సేవాధికార సంస్థ చైర్మన్‌, జిల్లా ప్రధాన న్యాయమూర్తి జి.రామగోపాల్‌ సూచనలతో సోమవారం కడప కోర్టు ఆవరణలోని న్యాయ సేవా సదన్‌లో పిల్లల కోసం న్యాయ సేవా విభాగం (ఎల్‌ఎస్‌యూసీ), మానసిక అనారోగ్యం, మేధో వైకల్యాలు కలిగిన వ్యక్తుల కోసం న్యాయ సేవా విభాగం (ఎల్‌ఎస్‌యూఎం)పనితీరుపై సమీక్ష సమావేశం నిర్వహించారు. ఈ సమావేశంలో శాశ్వత లోక్‌ అదాలత్‌ చైర్మన్‌ ఎస్‌.ప్రసాద్‌, వివిధ ప్రభుత్వ శాఖల అధికారులు, లీగల్‌ ఎయిడ్‌ డిఫెన్స్‌ కౌన్సిళ్లు, ప్యానెల్‌ న్యాయవాదులు, పోలీసు అధికారులు, జైలు సూపరింటెండెంట్లు, పారా లీగల్‌ వాలంటీర్లు తదితరులు పాల్గొన్నారు.

మైదుకూరు : తన కుమార్తె కనిపించడం లేదని ఆచూకీ కనుగొనాలని కోరుతూ మైదుకూరు మండల జాండ్లవరం ఎస్టీ కాలనీకి చెందిన చెడమల రమాదేవి సోమవారం అర్బన్‌ పోలీసులకు ఫిర్యాదు చేసింది. పట్టణంలోని ఓ ప్రైవేట్‌ కళాశాలలో తన కుమార్తె శ్రీలత(18) ఇంటర్‌ చదువుతోందని, ఈనెల 19వ తేదీ నుంచి కనిపించడం లేదని ఫిర్యాదులో తెలిపింది. తమ ఇంటికి ఎదురుగా ఉన్న బంధువైన చెడమల శ్రీనివాసులుతో వెళ్లిపోయినట్టు ఫిర్యాదులో పేర్కొంది. ఆ మేరకు కేసు నమోదు చేసినట్టు పోలీసులు తెలిపారు. ఘనంగా వాల్మీకి మహర్షి జయంతి కడప అర్బన్‌ : రామాయణం స్ఫూర్తితో ప్రతి ఒక్కరూ మానవతా విలువలను పెంపొందించుకోవాలని జిల్లా ఎస్పీ షెల్కే నచికేత్‌ విశ్వనాథ్‌ ఆకాంక్షించారు. జిల్లా పోలీస్‌ కార్యాలయంలో శ్రీ వాల్మీకి మహర్షి జయంతి వేడుకలు సోమవారం ఘనంగా నిర్వహించారు. ఆయన చిత్రపటానికి పూలమాలలు వేసి స్మరించుకున్నారు. ఈ సందర్భంగా ఎస్పీ మాట్లాడుతూ రామాయణాన్ని రచించి యుగాలు మారినా ఆదర్శంగా నిలిచే విధంగా వాల్మీకి మహర్షి సమాజానికి అందించడం గొప్ప విషయమన్నారు. ఈ కార్యక్రమంలో అదనపు ఎస్పీ (పరిపాలన) కె.ప్రకాష్‌ బాబు, ఏఆర్‌ అదనపు ఎస్పీ బి. రమణయ్య, ఏఆర్‌ డీఎస్పీ నాగేశ్వర రావు, కడప డీఎస్పీ టి.భవాని, పోలీస్‌ అధికారులు, సిబ్బంది పాల్గొన్నారు. ఉత్సాహంగా ఎస్‌జీఎఫ్‌ ఎంపికలు కడప వైఎస్‌ఆర్‌ సర్కిల్‌ : స్కూల్‌ గేమ్స్‌ ఫెడరేషన్‌(ఎస్‌జీఎఫ్‌) అండర్‌ –19 జిల్లా స్థాయి ఎంపికలు ఉత్సాహంగా జరిగాయి. సోమవారం కడప నగరంలోని డీఎస్‌ఏ క్రీడా మైదానంలో రెజ్లింగ్‌ ఫ్రీ స్టైల్‌, రెజ్లింగ్‌ గ్రీకో రోమన్‌, కలరిపయట్టు, పరుగు పందెం బాల బాలికల జిల్లా స్థాయి ఎంపికలు నిర్వహించినట్లు ఎస్‌జీఎఫ్‌ అండర్‌– 19 జిల్లా సెక్రటరీ మురళీకృష్ణారెడ్డి తెలిపారు. జిల్లాలోని వివిధ ప్రాంతాల నుంచి అధిక సంఖ్యలో క్రీడాకారులు హాజరైనట్లు తెలిపారు. ఈ కార్యక్రమంలో కోచ్‌లు మహేశ్వర్‌రెడ్డి, వెంకటలక్ష్మి, ఫాతిమా పాల్గొన్నారు. అండర్‌ –14, 17 విభాగాలు కడప వైఎస్‌ఆర్‌ సర్కిల్‌ : స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌)లో భాగంగా అండర్‌ –14, 17 జిల్లా స్థాయి ఎంపికలు ఉత్సాహంగా సాగినట్లు ఎస్‌జీఎఫ్‌ అండర్‌–14, 17 జిల్లా సెక్రటరీలు విజయలక్ష్మి, నాగరాజరెడ్డి తెలిపారు. సోమవారం కడప నగరంలోని డీఎస్‌ఏ క్రీడా మైదానంలో ఖోఖో, యోగా, వాలీబాల్‌ బాలబాలికల జిల్లా స్థాయి ఎంపికలు నిర్వహించారు. జిల్లాలోని వివిధ ప్రాంతాల నుంచి దాదాపు 1000 మంది క్రీడాకారుల హాజరయ్యారు. ట్రాక్టర్‌ ఢీకొని యువకుడి దుర్మరణం తొండూరు : మండలంలోని మల్లెల బస్టాప్‌ వద్ద సోమవారం రాత్రి ఆటో ఢీకొని చవ్వల విశ్వనాథ్‌(19) అనే యువకుడు దుర్మరణం చెందాడు. పోలీసుల కథలు మేరకు వివరాలు ఇలా ఉన్నాయి. తండ్రి నాగభూషణం రోడ్డు అవతల వైపు ఉండగా.. విశ్వనాథ్‌ తండ్రి దగ్గరికి వెళ్లేందుకు రోడ్డు దాటుతుండగా ట్రాక్టర్‌ వచ్చి ఢీకొట్టడంతో అక్కడికక్కడే మృతి చెందాడు. మృతదేహాన్ని పోస్టుమార్టం నిమిత్తం పులివెందుల ప్రభుత్వ ఆసుపత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు.

కడప అర్బన్‌ : జిల్లాలో స్థానిక సంస్థల ఎన్నికల నేపథ్యంలో ప్రశాంతమైన, స్వేచ్ఛాయుత వాతావరణంలో పోలింగ్‌ ప్రక్రియ సజావుగా జరిగేలా పటిష్టమైన భద్రతా చర్యలు చేపట్టాలని జిల్లా ఎస్పీ షెల్కే నచికేత్‌ విశ్వనాథ్‌ పోలీస్‌ అధికారులను ఆదేశించారు. ఈ మేరకు సోమవారం జిల్లా పోలీస్‌ కార్యాలయంలో జిల్లాలోని పోలీస్‌ అధికారులతో వీడియో కాన్ఫరెన్స్‌ నిర్వహించి, ఎన్నికల భద్రతా ఏర్పాట్లు, శాంతిభద్రతల పరిరక్షణ, ఎన్నికల నియమావళి అమలు తదితర అంశాలపై సమీక్షించి పలు సూచనలు చేశారు. ఎన్నికల విధుల్లో అప్రమత్తంగా వ్యవహరిస్తూ, ఎలాంటి అవాంఛనీయ సంఘటనలకు తావులేకుండా ముందస్తు చర్యలు తీసుకోవాలని సూచించారు. సమస్యాత్మక గ్రామాలు, సున్నితమైన పోలింగ్‌ కేంద్రాలపై ప్రత్యేక దృష్టి సారించాలని పేర్కొన్నారు. ఎన్నికల సంఘం మార్గదర్శకాలకు అనుగుణంగా సమన్వయంతో పని చేయాలని ఆదేశించారు. ఈ కార్యక్రమంలో అడిషనల్‌ ఎస్పీ (అడ్మిన్‌) కె.ప్రకాష్‌ బాబు, అడిషనల్‌ ఎస్పీ(ఏఆర్‌) బి.రమణయ్య, స్పెషల్‌ బ్రాంచ్‌ డీఎస్పీ ఎన్‌.సుధాకర్‌ , ఏఆర్‌ డీఎస్పీ నాగేశ్వరరావు, కడప డీఎస్పీ టి.భవాని, జిల్లా లోని సీఐలు, ఎస్‌ఐలు పాల్గొన్నారు.

కడప కార్పొరేషన్‌ : ప్రశాంతతకు, మతసామరస్యానికి మారుపేరైన కడపలో కూటమి నాయకులు చిచ్చు రేపారని వైఎస్సార్‌సీపీ రాష్ట్ర అధికార ప్రతినిధి వంగవీటి నరేంద్ర అన్నారు. సోమవారం కడపలోని జిల్లా పార్టీ కార్యాలయంలో ఆయన మీడియాతో మాట్లాడారు. ఒక పక్క టీడీపీ నాయకుల దౌర్జన్యాలు, అరాచకాలు, దాడులు జరుగుతున్నప్పటికీ.. వైఎస్సార్‌సీపీ తరఫున బండి దీప్తి నామినేషన్‌ వేయడం గర్వకారణమన్నారు. దివంగత ముఖ్యమంత్రి వైఎస్‌ రాజశేఖరరెడ్డి పాలనలో కడపలో ఫ్యాక్షన్‌ రాజకీయాలకు దూరంగా, విద్యాభివృద్ధి, ప్రజల సంక్షేమానికి ప్రాధాన్యత ఇచ్చే మార్పులు వచ్చాయని తెలిపారు. వైఎస్‌ జగన్‌మోహన్‌రెడ్డి పాలనలో కులమతాలు, పార్టీలు, ప్రాంతాలకు అతీతంగా సంక్షేమ పథకాలు అమలు చేశారన్నారు. ప్రస్తుతం కడప మున్సిపల్‌ ఎన్నికల సందర్భంగా నామినేషన్ల దశ నుంచే దాడులు, దౌర్జన్యాలు చోటుచేసుకోవడం ఆందోళనకరమని విమర్శించారు. మాజీ డిప్యూటీ మేయర్‌ కుమారుడిపై దాడి చేయడం, నామినేషన్‌ పత్రాలు లాక్కొని చించివేయడం, ఎన్నికల ప్రచార సమయంలో ఖలీద్‌, షంషీర్‌పై దాడులు జరగడం వంటి ఘటనలు ప్రజాస్వామ్యానికి విఘాతమన్నారు. ఎన్నికల్లో ప్రజలు స్వేచ్ఛగా తమ అభిప్రాయాన్ని వ్యక్తం చేసే వాతావరణాన్ని కల్పించాల్సిన బాధ్యత ప్రభుత్వంపై ఉందన్నారు. మున్సిపల్‌ ఎన్నికల్లో వైఎస్సార్‌సీపీ అభ్యర్థులకు ప్రజల నుంచి విశేష మద్దతు లభిస్తోందని, పార్టీ అభ్యర్థులు భారీ మెజారిటీతో విజయం సాధిస్తారనే నమ్మకం ఉందని ధీమా వ్యక్తం చేశారు. ప్రజాస్వామ్యాన్ని గెలిపించాలి వైఎస్సార్‌సీపీ మేయర్‌ అభ్యర్థి బండి దీప్తి మాట్లాడుతూ కడప ప్రజలు ఇలాంటి ఎన్నికలను ఎప్పుడూ చూసి ఎరుగరన్నారు. ఇక్కడి ప్రజలు ప్రశాంత వాతావరణాన్ని కోరుకుంటారని, వైఎస్సార్‌సీపీ ప్రభుత్వ హయాంలో ఇలాంటి దౌర్జన్యకర ఘటనలు ఒక్కటి కూడా జరగలేదన్నారు. ఫ్యాన్‌ గుర్తుకు ఓటేసి ప్రజాస్వామ్యాన్ని గెలిపించాలని కోరారు. ఈ సమావేశంలో వైఎస్సార్‌సీపీ నాయకులు దాసరి శివప్రసాద్‌, తోటక్రిష్ణ, క్రిష్ణతేజ, సుదర్శన్‌ రాయల్‌, సింధు, రామక్రిష్ణ, సాయిదత్త, మల్లీశ్వరి పాల్గొన్నారు.వైఎస్సార్‌సీపీ రాష్ట్ర అధికార ప్రతినిధి వంగవీటి నరేంద్ర

కడప వైఎస్‌ఆర్‌ సర్కిల్‌ : స్థానిక సంస్థల ఎన్నికల్లో నామినేషన్ల పర్వం ఆధునిక రాచరిక పాలనను మరిపించిందని సీపీఎం జిల్లా కార్యదర్శి చంద్రశేఖర్‌ పేర్కొన్నారు. ఆదివారం కడప నగరంలోని సీపీఎం కార్యాలయంలో నాయకులు, కార్యకర్తల సమావేశం నిర్వహించారు. ఈ సందర్భంగా ఆయన మాట్లాడుతూ బద్వేలు మున్సిపాలిటీ 21వ వార్డుకు, బ్రహ్మంగారిమఠం మండలం జెడ్పీటీసీకి, ఒంటిమిట్ట మండలం కొత్త మాధవరం ఎంపీటీసీకి, ప్రొద్దుటూరు రూరల్‌ కొత్తపల్లె, గోపవరం ఎంపీటీసీ స్థానాలకు సీపీఎం అభ్యర్థులు ఎన్నికల బరిలో ఉన్నారని తెలిపారు. ఎలాంటి కష్టాల్లోనైనా ప్రజా సమస్యలపై రాజీలేని పోరాటాలు చేస్తున్న సీపీఎం అభ్యర్థులను గెలిపించాలని కోరారు. స్థానిక సంస్థల ఎన్నికల నోటిఫికేషన్‌ వచ్చినప్పటి నుంచి నామినేషన్స్‌ వేయటానికి వెళ్లిన స్వతంత్ర, వామపక్షాలు, చిన్న పార్టీల, ప్రతిపక్షాల అభ్యర్థులను వేయనీయకుండా ఎన్‌డీఏ కూటమి శ్రేణులు అడ్డుకుంటూ, దాడులు చేశారన్నారు. ఈ కార్యక్రమంలో సీపీఎం జిల్లా కార్యదర్శి వర్గ సభ్యులు ఎ.రామ్మోహన్‌, జి.శివకుమార్‌, జిల్లా కమిటీ సభ్యులు కె.శ్రీనివాసులు రెడ్డి, అన్వేష్‌ తదితరులు పాల్గొన్నారు.

కడప సిటీ : ఆ ప్రాంగణమంతా ఇసుకేస్తే రాలనంత జనం.. అంతటా ఆధ్యాత్మిక సుగంధం.. అందరి మనసుల నిండా భక్తిభావం.. జిల్లా కేంద్రమైన కడప పెద్ద దర్గా ఆవరణలో ఆదివారం కనిపించిన దృశ్యాలివి. ఉరుసు ఉత్సవాల్లో ప్రధాన ఘట్టమైన గంధోత్సవం ఆదివారం రాత్రి వైభవంగా నిర్వహించారు. హజరత్‌ సూఫీ సర్‌ మస్తాని చిల్లాకష్‌ ఖ్వాజా సయ్యద్‌షా ఆరీఫుల్లా మహమ్మద్‌ మహమ్మదుల్‌ హుసేనీ చిష్టివుల్‌ ఖాద్రీ సాహెబ్‌ ఉరుసు ఉత్సవాల్లో భాగంగా దర్గా పీఠాధిపతి హజరత్‌ సయ్యద్‌షా ఆరీఫుల్లా హుసేనీ సాహెబ్‌ తన నివాసం నుంచి అలంకరించిన గంధం కలశంతో ఫకీర్ల మేళతాళాలు, సాహస విన్యాసాల మధ్య ఊరేగింపుగా దర్గాలోని గురువుల మజార్‌ వద్దకు తరలి వెళ్లారు. గంధం సమర్పించి ఫాతెహా నిర్వహించారు. సినీ దర్శకుడు ఏఆర్‌ రెహ్మాన్‌ గంధోత్సవంలో పాల్గొన్నారు. అలాగే వైఎస్సార్‌ సీపీ అధికార ప్రతినిధి శ్యామల దర్గాను సందర్శించారు. దీక్షలో మలంగ్‌షా : ఈ సందర్బంగా మలంగ్‌షాను పీఠాధిపతి దీక్ష వహింపజేశారు. దర్గా నుంచికడప నగరంలోని పలు ముఖ్య కూడళ్ల మీదుగా వెళ్లిన మలంగ్‌షా, అనుచర బృందం నాగరాజుపేటలోని బాదుల్లాసాహెబ్‌ మకాన్‌కు చేరింది. మకాన్‌ నిర్వాహకులు, స్థానిక భక్తులు వారిని ఘనంగా స్వాగతించారు. సాయంత్రం ఆ బృందం ఊరేగింపుగా తిరిగి దర్గాకు చేరుకుంది. రాత్రి మలంగ్‌షా దర్గా ఆవరణంలోని పీర్లచావిడిలో దీక్ష వహించారు. దర్గా పీఠాధిపతి స్వయంగా వెళ్లి ఆయనకు సంప్రదాయబద్దంగా దీక్ష వహింపజేశారు.

కడప ఎడ్యుకేషన్‌ : యోగి వేమన విశ్వవిద్యాలయం వృక్షశాస్త్ర విభాగం ఆచార్యులు డాక్టర్‌ పులి చంద్ర ఓబుల్‌రెడ్డి ప్రతిష్టాత్మక ‘ఏషియన్‌ పీజీపీఆర్‌ సొసైటీ అవార్డ్‌ ఫర్‌ ఎక్సలెన్స్‌ ఇన్‌ రీసెర్చ్‌’ పురస్కారాన్ని అందుకున్నారు. గోవా రాజధాని పనాజీలో అక్టోబర్‌ 23 నుంచి 25 వరకు జరిగిన 9వ ఏషియన్‌ పీజీపీఆర్‌ అంతర్జాతీయ సదస్సులో ఈ పురస్కారాన్ని ఆయనకు ప్రదానం చేశారు. నేలకు, మొక్కలకు మేలు చేసే బ్యాక్టీరియాపై పరిశోధన చేసే శాస్త్రవేత్తల సంస్థ ఏషియన్‌ పీజీపీఆర్‌ సొసైటీ.. వ్యవసాయంలో ఈ బ్యాక్టీరియా వినియోగంపై కూడా దృష్టి పెడుతుంది. ‘రెండో హరిత విప్లవానికి జీవ ఆధారిత వ్యవసాయ ఉత్పత్తులు’ అనే ఇతివృత్తంతో ఈ ఏడాది సదస్సు జరిగింది. పరిశోధన ఏమిటంటే.. మొక్కల లోపల నివసిస్తూ వాటి ఎదుగుదలకు తోడ్పడే ‘మంచి బ్యాక్టీరియా’పై చంద్ర ఓబుల్‌రెడ్డి పరిశోధనలు చేస్తున్నారు. రైతులు ఎదుర్కొంటున్న ప్రధాన సమస్యలు రెండు: నీటి కొరత (కరువు), నేలలో పెరుగుతున్న ఉప్పు శాతం. వాతావరణ మార్పుల వల్ల ఈ రెండు సమస్యలు మరింత తీవ్రమవుతున్నాయి. కొన్ని రకాల బ్యాక్టీరియాలు ఈ రెండు సమస్యలను తట్టుకునేలా పంటలకు సహాయ పడతాయని ఆయన పరిశోధనలు చెబుతున్నాయి. ఉప్పు నీటిలో సహజంగా పెరిగే మడ అడవుల(మ్యాంగ్రూవ్స్‌) నుంచి ఆయన బ్యాక్టీరియాను సేకరించారు. ఉప్పును తట్టుకునే ఈ బ్యాక్టీరియాను వేరుశనగ, వరి మొక్కలకు అందించగా, అవి ఉప్పు నేలల్లోనూ మెరుగ్గా పెరిగాయి. పలు రకాల బ్యాక్టీరియాలను కలిపి వాడినప్పుడు ఇంకా మంచి ఫలితాలు వచ్చాయి. ఈ పరిశోధన అంతర్జాతీయ జర్నల్‌ ‘ప్లాంట్స్‌‘లో ప్రచురణకు ఆమోదం పొందింది. వేరుశనగ, వరి వంటి పంటలు బాగా ఎదిగి కరువును తట్టుకునేందుకు తోడ్పడే బ్యాక్టీరియాను కూడా ఆయన గతంలో గుర్తించారు. రైతులకు ప్రయోజనం... భవిష్యత్తులో ఈ బ్యాక్టీరియాను సహజమైన, పర్యావరణహిత ఉత్పత్తులుగా రైతులకు అందించవచ్చు. ఇవి కరువును, ఉప్పు నేలలను తట్టుకునేలా వేరుశనగ, వరి వంటి పంటలకు సహాయపడతాయి. కరువు ప్రాంతమైన రాయలసీమకు, నేలలు ఉప్పుబారుతున్న తీర ప్రాంతాలకు ఈ పరిశోధన ఎంతో ముఖ్యమైనది. పురస్కారం అందుకున్న డా. చంద్రఓబుల్‌రెడ్డిని యోగి వేమన విశ్వవిద్యాలయ ఉపకులపతి ఆచార్య బెల్లంకొండ రాజశేఖర్‌, రెక్టార్‌ ఆచార్య ఏ.జి.దాము, ప్రిన్సిపాల్‌ ఆచార్య టి.శ్రీనివాస్‌, రిజిస్ట్రార్‌ ఆచార్య ఎన్‌.సి.గంగిరెడ్డి అభినందించారు.

స్థానిక ఎన్నికల్లో గెలుపే లక్ష్యంగా అధికార టీడీపీ అడ్డదారులు తొక్కుతోంది. నామినేషన్లు వేయకుండా దౌర్జన్యం.. పరిశీలన.. ఫేక్‌ నామి నేషన్లు ఇలా అడుగడుగునా ప్రజాస్వా మ్యాని కి తూట్లు పొడిచింది. ఫేక్‌ నామినేషన్లలో విస్తుపోయే విషయాలు వెలుగుచూశాయి.● ఖాజీపేట –1 స్థానానికి ములపాక సురేంద్రారెడ్డి అనే వ్యక్తి నామినేషన్‌ వేశారు. ఇతనిది తవ్వారిపల్లె గ్రామం. పక్కా టీడీపీ కార్యకర్త . వైఎస్సార్‌ సీపీ అభ్యర్థిగా అసంపూర్తిగా నామినేషన్‌ పత్రంను నింపి సంతకాలు లేకుండా అధికారులకు అందించారు. ● త్రిపురవరం ఎంపీటీసీ స్థానానికి పాతాజా గాళ్ల సురేష్‌ అనే టీడీపీ కార్యకర్త వైఎస్సార్‌సీపీ అభ్యర్థిగా ఫేక్‌ నామినేషన్‌ దాఖలు చేశాడు. ఇతనికి త్రిపురవరం టీడీపీ నాయకుడు అగ్రహారం సొసైటీ అధ్యక్షుడు గుర్రం హరినారాయణరెడ్డి నామినీగా వేశారు. అలాగే సురేష్‌ అనే సదరు వ్యక్తే తన భార్యతో త్రిపురవరం టీడీపీ అభ్యర్థిగా పాతాజా గాళ్ళ లలితతో నామినేషన్‌ వేయించారు. దానికి ప్రతిపాదకునిగా సురేష్‌ సంతకం చేశారు.కాగా వైఎస్సార్‌సీపీ తరుపున వేసిన ఫేక్‌ నామినేషన్‌ ను సంతకం లేదని అధికారులు తొలగించారు. ● ఖాజీపేట –2 నుంచి షేక్‌ సలీం అనే టీడీపీకి చెందిన కార్యకర్త వైఎస్సార్‌ సీపీ అభ్యర్థిగా నామినేషన్‌ను దాఖలు చేశారు. ఆయనకు ఖాజీపేట తెలుగుదేశం లీడర్‌ హబీబ్‌ బంధువు కొత్తపల్లె మౌలాలీ నామినీగా సంతకం చేశారు. ఈ దరఖాస్తు అసంపూర్తిగా ఉండటంతో రిటర్నింగ్‌ అధికారులు తొలగించారు. 67 నామినేషన్లు టీడీపీకి చెందిన వారివే ఖాజీపేట మండలంలో 14 ఎంపీటీసీ స్థానాలకు 67 నామినేషన్లు వేశారు. అందులో 56 టీడీపీకి చెందిన వారు, 5 జనసేనకు చెందినవారు, 4 వైఎస్సార్‌ సీపీకి చెందిన వారు, 2 స్వతంత్రులుగా నమోదయ్యాయి. వాస్తవానికి 67 నామినేషన్లు టీడీపీకి చెందిన వారు నామినేషన్‌ వేశారు. వారే ఇతర పార్టీ నాయకులుగా రెడీ చేసి నామినేషన్‌ వేశారు. ఆ 67 మంది ముందుగానే పార్టీ పెద్దల సమక్షంలో నామినేషన్‌ ఉపసంహరణ పత్రాలపై సంతకాలు చేసి ఉండడం గమనార్హం. సాక్షి టాస్క్‌ఫోర్స్‌పారదర్శకథ కంచికిఅన్యాయంగా నామినేషన్‌ తొలగించారు వైఎస్సార్‌సీపీ తరఫున జెడ్పీటీసీ అభ్యర్థిగా నామినేషన్‌ వేయడానికి కడప నగరంలోని జిల్లా పరిషత్‌ కార్యాలయం చుట్టూ మూడు రోజులు పడిగాపులు కాశాను. చివరి రోజు టీడీపీ అల్లరి మూకలను దాటుకొని నామినేషన్‌ దాఖలు చేశాను. నామినేషన్‌ పత్రాలను కూడా సీనియర్‌ అడ్వకేట్‌ సహాయంతో పూరించాను. కాని డిక్లరేషన్‌ ఫారంలో బ్యాంక్‌ వివరాలు సక్రమంగా పూరించలేదని నా నామినేషన్‌ తిరస్కరించినట్లు కారణం చెబుతున్నారు. ఇది చాలా దారుణం. కూటమి నేతలు ఓటమి భయంతోనే ఇలా చేయిస్తున్నారు. అంబటి సుగుణ, వైఎస్సార్‌సీపీ జెడ్పీటీసీ అభ్యర్థి, పెండ్లిమర్రి మండలండిక్లరేషన్‌ పేజీలనుతొలగించారు వల్లూరు జెడ్పీటీసీగా నేను నామినేషన్‌ దాఖలు చేశాను. ఎన్నికల అఽధికారులు చెక్‌ లిస్ట్‌ సైతం ఇచ్చారు. తరువాత వారే నా నామినేషన్‌ పత్రంలోని డిక్లరేషన్‌ ఫారంలో మొదటి, చివరి పేజీలను మాత్రం వుంచి, లోపలి పేజీలను తొలగించారు. అనంతరం పరిశీలనలో డిక్లరేషన్‌ ఫారంలో కొన్ని పేజీలు లేవనే కారణంతో నా నామినేషన్‌ను తిరష్కరించారు. మేం అన్ని పత్రాలను సక్రమంగా ఇచ్చినా ఇలా చేయడం అన్యాయం – కనపర్తి దివ్య, వల్లూరు జెడ్పీటీసీ వైఎస్‌ఆర్‌సీపీ అభ్యర్థి

సింహాద్రిపురం : మండలంలోని కసనూరు–దుద్దేకుంట్ల మార్గంలో ఉన్న వాగు ప్రవాహంలో ఓ యువకుడు శనివారం రాత్రి కొట్టుకుపోయి మృతి చెందాడు. సింహాద్రిపురం ఎస్‌ఐ కథనం మేరకు వివరాలు ఇలా ఉన్నాయి. తొండూరు మండలం గంగాదేవిపల్లెకు చెందిన యలంకూరు వరుణ్‌కుమార్‌రెడ్డి(29) సాఫ్ట్‌వేర్‌ ఇంజినీర్‌గా చేస్తున్నాడు. ఆయన శనివారం కసనూరు గ్రామానికి బైకుపై వచ్చాడు. మధ్యాహ్నం నుంచి కురుస్తున్న వర్షం వల్ల సాయంత్రం వరకు ఆ గ్రామంలో ఉండి.. వర్షం తగ్గిన తర్వాత దుద్దేకుంట్ల గ్రామంలో ఉన్న తన బంధువుల ఇంటికి వెళ్లాడు. అయితే కసనూరు–దుద్దేకుంట్ల గ్రామ మధ్యలో ఉన్న వాగు నిన్న కురిసిన వానకు ఉధృతంగా ప్రవహిస్తుండేది. ఇది గమనించని అతను బైకుపై వెళ్లాడు. ఆ వాగు నీటి ప్రవాహానికి బైకుతో సహా కొట్టుకుపోయాడు. ఆదివారం ఉదయం తల్లిదండ్రులకు కుమారుడు వచ్చాడా అని అడిగితే.. తమ కుమారుడు రాలేదని తెలపడంతో వారు వెతకడం మొదలు పెట్టారు. వాగు వద్ద బైకు కనిపించడంతో అక్కడ వెతకగా.. కొద్ది దూరంలో వరుణ్‌కుమార్‌రెడ్డి మృతి చెంది కంప చెట్లలో చిక్కుకొని ఉన్నాడు. గ్రామస్తుల సహాయంతో మృతదేహన్ని తీసి పోస్టుమార్టం నిమిత్తం తరలించారు. ఈ మేరకు కేసు నమోదు చేసుకుని దర్యాప్తు చేస్తున్నట్లు ఎస్‌ఐ తెలిపారు. తల్లిదండ్రులు, బంధువులు బోరున విలపించారు. ఆయనకు మూడు నెలల క్రితమే వివాహమైంది.

● నివాళులు అర్పించిన నేతలు చక్రాయపేట : మండల పరిధి సురభి గ్రామ పంచాయతీలోని నాగలగుట్టపల్లెలో శనివారం రాత్రి దేవర దున్నపోతు పొడవడంతో వైఎస్‌ఆర్‌సీపీ కార్యకర్త బషీర్‌(45) మృతి చెందాడు. గ్రామస్తుల కథనం మేరకు వివరాలు ఇలా ఉన్నాయి. బాల తిమ్మయ్యగారిపల్లెకు చెందిన దేవర దున్నపోతు నాగలగుట్టపల్లెకు వచ్చింది. దీంతో రాత్రి పూట ఇబ్బందులు ఎదురవుతూ ఉండటంతో.. ఎక్కడ తమ పశువులపై పడుతుందోనని భావించి దాన్ని తోలడానికి ప్రయత్నించాడు. అది తిరగబడి ఒక్క సారిగా బషీర్‌పై దాడికి దిగి పొడిచింది. తీవ్ర గాయాలు కావడంతో కుటుంబీకులు వెంటనే వేంపల్లె ప్రభుత్వ వైద్యశాలకు తరలిస్తుండగా.. మార్గంమధ్యలోనే మృతి చెందా డు. అందరితో కలసి మెలసి ఉండే బషీర్‌ చనిపోయిన విషయం తెలియగానే నాగలగ్టుపల్లెలో విషాదఛాయలు అలుముకున్నాయి. అనాథలను అక్కున చేర్చుకుని.. బషీర్‌ బంగారు దుకాణాల్లో కూలి పని చేస్తూ జీవనం సాగిస్తుంటాడు. అయితే ఎవరైనా బంధువుల ఇళ్లలో తల్లిదండ్రులు లేని అనాథలు అని తెలిస్తే.. అక్కున చేర్చుకునే వాడు. వారికి చదువులు చెప్పించి వివాహాలు కూడా చేశాడు. ప్రస్తుతం తండ్రి లేని ఓ బాలికను అక్కున చేర్చుకొని కంటికి రెప్పలా కాపాడుకుంటూ చదివిస్తున్నాడని గ్రామస్తులు తెలిపారు. మృతుడికి భార్య గౌసియాతోపాటు అక్కున చేర్చుకున్న 13 ఏళ్ల బాలిక ఉన్నారు. వైఎస్‌ఆర్‌సీపీ నేతల నివాళి నాగలగుట్టపల్లెకు చెందిన బషీర్‌ మృతి చెందిన విషయం తెలుసుకొని మండల కన్వీనర్‌ బెల్లం ప్రవీణ్‌కుమార్‌రెడ్డి, మాజీ ఎంపీపీ మాదవీ బాలకృష్ణ, మండల ఉపాధ్యక్షుడు రాంబాబు, పార్టీ నేతలు శ్రీనివాసులు, ఊరిమిండి సుబ్బయ్య, నాగరాజు, రాజబాబు, రంగారెడ్డి, నాగార్జునరెడ్డి, తులసి, గొంది రమణారెడ్డితోపాటు పెద్ద ఎత్తున కార్యకర్తలు అక్కడికి చేరుకుని మృతదేహానికి నివాళులు అర్పించారు. ఈ సందర్భంగా వైఎస్‌ఆర్‌సీపీ బలోపేతానికి బషీర్‌ చేస్తున్న కృషిని గుర్తుకు తెచ్చుకొని ఉద్విగ్నతకు లోనయ్యారు. మృతుడి కటుంబ విషయాన్ని ఎంపీ వైఎస్‌ అవినాష్‌రెడ్డి దృష్టికి తీసుకెళ్లి ఆదుకునేలా చేస్తామని వారు తెలిపారు.

సాక్షి ప్రతినిధి, కడప : జెడ్పీ చైర్మన్‌ సీటు కోసం అధికార టీడీపీ కుట్రలకు మరింతపదును పెట్టింది. వీరికి అధికార యంత్రాంగం వత్తాసుగా నిలిచింది. జెడ్పీటీసీ నామినేషన్ల పరిశీలనలో ఈ విషయం రూఢీ అయింది. టీడీపీ నేతలు అభ్యంతరం చెబితే చాలు పక్కన పెట్టడమే తరువాయిగా ఆర్వో వ్యవహరించారని వైఎస్సార్‌సీపీ ఆరోపిస్తోంది. ముఖ్యంగా ఎమ్మెల్యే పుత్తా చైతన్యరెడ్డి పైరవీలకు తలాడించిన ఆర్వో వైఎస్సార్‌సీపీ అభ్యర్థుల 12 నామినేషన్లు తిరస్కరించారు. ● కమలాపురం నియోజకవర్గంలోని చెన్నూరు వైఎస్సార్‌సీపీ జెడ్పీటీసీ అభ్యర్థిగా ఆర్‌ వెంకటసుబ్బారెడ్డి (ఆర్వీఎస్‌ఆర్‌) పోటీ చేశారు. నామినేషన్‌ పరిశీలనలో ఎలాంటి రిమార్కులు లేవంటూ అధికారులు తొలుత అనుమతించారు. ఈ నామినేషన్‌ను ఎలా గైనా తిరస్కరించాలనే ఉద్దేశంతో టీడీపీ తప్పుడు ఫిర్యాదులు చేసింది. వాటికి వివరణ తీసుకుని సంతృప్తి చెందిన ఆర్వో.. ఆపై తెల్లవారుజామున 3గంటలకు చెన్నూరు అభ్యర్థి నామినేషన్‌ తిరస్కరిస్తూ నిర్ణయం తీసుకున్నారు. కాగా 40ఏళ్లుగా ఆర్వీఎస్‌ఆర్‌కు సుధీర్ఘ రాజకీయ అనుభవం ఉంది. పైగా జిల్లా అధ్యక్షుడు పోచంరెడ్డి రవీంద్రనాథరెడ్డి వియ్యంకుడు. నియోజకవర్గ ఇన్‌ఛార్జి నరేన్‌ రామాంజులరెడ్డికి మామ. ఈ పరిస్థితుల్లో పోటీ పడి విజయం సాధించలేమన్న భయంతోనే టీడీపీ ఆర్వీఎస్‌ఆర్‌ నామినేషన్‌ తిరస్కరించాలని పట్టుబట్టింది. ఆమోదించిన నామినేషన్‌ను సైతం తిరస్కరించి స్వామిభక్తి ప్రదర్శించడంలో ఆర్వో సఫలీకృతుడయ్యారని విశ్లేషకులు ఆరోపిస్తున్నారు. ఇదే విధంగా టీడీపీ అభ్యంతరాలకు అనువుగా నిర్ణయం తీసుకుంటూ వచ్చారు. అభ్యర్థుల వివరణ తీసుకుంటామని ప్రకటించిన ఆర్వో అర్ధరాత్రి వరకూ అభ్యర్థులు వేచి ఉన్నా ఎలాంటి వివరణ కోరకుండా 12 నామినేషన్లు తిరస్కరించారు. ఇదేవిషయమై లీగల్‌ సెల్‌ ప్రతినిధులు సైతం ప్రశ్నించినా ఎలాంటి ప్రయోజనం లేకపోయిందని ఆ పార్టీ అభ్యర్థులు వాపోతున్నారు. పరిశీలనలో తిరస్కరణ ఇవే.. నామినేషన్లు స్వీకరణ సందర్భంగా ముద్దనూరు, వీరపునాయునిపల్లె, కమలాపురం, చింతకొమ్మదిన్నె, ఖాజీపేట, సింహాద్రిపురం మండలాలకు చెందిన వైఎస్సార్‌సీపీ అభ్యర్థుల నామినేషన్లు వేయకుండా అడ్డుకున్నారు. నామినేషన్లు పరిశీలన సందర్భంగా పెండ్లిమర్రి, వల్లూరు, చెన్నూరు, ప్రొద్దుటూరు, తొండూరు, చక్రాయపేట, జమ్మలమడుగు, యర్రగుంట్ల, పోరుమామిళ్ల, అట్లూరు, కొండాపురం, వీరబల్లి మండలాలకు చెందిన వైఎస్సార్‌సీపీ అభ్యర్థుల నామినేషన్లు తిరస్కరించారు. వీటిపై అప్పీళ్లు వెళ్లిన నేపధ్యంలో తుది నిర్ణయం వెలువడాల్సి ఉంది. కాగా ప్రతి అడుగులో అధికారులను అడ్డు పెట్టుకొని టీడీపీ కుట్రలు అమలు చేస్తూ లబ్ధి పొందుతుండడం గమనార్హం. జెడ్పీ చైర్మన్‌గిరీ సొంతం చేసుకునే ఎత్తుగడలో టీడీపీ ఎమ్మెల్యే పుత్తా చైతన్యరెడ్డి పెద్ద ఎత్తున పైరవీలు ఏకపక్ష దిశగా అడుగులు వేస్తున్న అధికారులు ఆదివారం వేకువజాము 3.30గంటల వరకూ నామినేషన్ల పరిశీలన వైఎస్సార్‌సీపీ జెడ్పీటీసీ అభ్యర్థుల 12 నామినేషన్లు తిరస్కరణ స్క్రూటినీ అయిపోయేంత వరకూ అక్కడే ఉన్న ‘పోచంరెడ్డి’ తప్పులు లేకపోయినా పక్కనపెడుతున్న అధికారుల నిలదీత వైఎస్సార్‌సీపీ అభ్యర్థుల వివరణను పరిగణలోకి తీసుకోని ఆర్వో ఆర్వో నిర్ణయంపై అప్పీల్‌కు వెళ్లిన వైఎస్సార్‌సీపీ

కడప కోటిరెడ్డిసర్కిల్‌ : ప్రైవేటు ఆపరేటర్ల ద్వారా 1,450 ఎలక్ట్రిక్‌ బస్సులను ప్రవేశపెట్టే విధానాన్ని ప్రభుత్వం విరమించుకోవాలని ఏపీ పీటీడీ (ఆర్టీసీ) ఎంప్లాయీస్‌ యూనియన్‌ రాష్ట్ర ప్రధాన కార్యదర్శి జి.వి.నరసయ్య పేర్కొన్నారు. అవసరమైన ఎలక్ట్రిక్‌ బస్సులను ఆర్టీసీయే కొనుగోలు చేసి ఆర్టీసీ సిబ్బందితో నిర్వహించాలని కోరారు. ఆదివారం కడపలోని ఆర్టీసీ ఎంప్లాయిస్‌ యూనియన్‌ జోనల్‌ కార్యాలయంలో కడప డిపో జనరల్‌ బాడీ సమావేశం ఈయూ కడప జిల్లా జాయింట్‌ సెక్రటరీ జి.బాలవెంకటేష్‌ అధ్యక్షతన, డిపో అధ్యక్ష కార్యదర్శిలు ఇ.రాము, ఎ.శ్రీనివాసరెడ్డి ఆధ్యర్యంలో జరిగింది. ఈ సందర్భంగా ముఖ్య అతిథిగా విచ్చేసిన జీవీ నరసయ్య మాట్లాడుతూ ఆర్టీసీ ఆస్తులు, డిపోలు, రూట్లు ప్రభుత్వ రంగంలోనే కొనసాగాలని స్పష్టం చేశారు. విద్యుత్‌ బస్సుల ప్రవేశం నేపథ్యంలో మూసివేసిన విద్యాధరపురం, గుంటూరు–2, నెల్లూరు–2, మంగళం డిపోలను ఆరు నెలల్లో పునఃప్రారంభిస్తామని ఆర్టీసీ జేఏసీకి వీసీ అండ్‌ ఎండీ ఇచ్చిన హామీ మేరకు వెంటనే అవసరమైన చర్యలు ప్రారంభించాలని డిమాండ్‌ చేశారు. రాష్ట్రవ్యాప్తంగా ఆర్టీసీలో ఖాళీగా ఉన్న 15 వేల పోస్టులను భర్తీ చేయాలని, సీ్త్రశక్తి పథకం వల్ల పెరిగిన ప్రయాణికుల రద్దీకి అనుగుణంగా కనీసం 4 వేల కొత్త బస్సులను సమకూర్చాలని పేర్కొన్నారు. ఏపీ పీడీడీ(ఆర్టీసీ) ఉద్యోగుల ఉద్యోగ భద్రత కోసం జారీ చేసిన సర్క్యులర్‌ నంబర్‌ 01/2019ను అమలు చేస్తామని ఎండీ రాత పూర్వకంగా అంగీకరించిన దానిని ఉల్లంఘిస్తూ ఉద్యోగులకు చాలా మంది అధికారులు అన్యాయం చేస్తున్నారని, ఇలాంటి అధికారులపై చర్యలు తీసుకోవాలని కోరారు. ఈ సమావేశంలో ఏపీజేఏసీ అమరావతి జిల్లా కార్యదర్శి కేకే కుమార్‌, ఈయూ జిల్లా అధ్యక్షుడు జి.బోసుబాబు, జిల్లా కార్యదర్శి ఎ.ఆర్‌.మూర్తి, వర్కింగ్‌ ప్రెసిడెంట్‌ మల్లికార్జున, చీఫ్‌–వైస్‌ ప్రెసిడెంట్‌ బి.చెన్నయ్య గ్యారేజ్‌ అధ్యక్ష, కార్యదర్శులు, నాయకులు, మహిళా కార్యకర్తలు, ఈయూ శ్రేణులు పాల్గొన్నారు.

కడప ఎడ్యుకేషన్‌ : ‘తెలుగు సూర్యుడు’ సి.పి.బ్రౌన్‌ అనే మట్టిలోని మాణిక్యాన్ని వెలికితీసిన అపర భగీరథుడు డాక్టర్‌ జానమద్ది హనుమచ్ఛాస్త్రి అని హైకోర్టు న్యాయమూర్తి జస్టిస్‌ యడవల్లి లక్ష్మణరావు అన్నారు. సి.పి.బ్రౌన్‌ భాషా పరిశోధన కేంద్రంలోని బ్రౌన్‌ శాస్త్రి సమావేశ మందిరంలో ఆదివారం డాక్టర్‌ జానమద్ది హనుమచ్ఛాస్త్రి 101వ జయంతి, అలాగే 15వ గ్రంథాలయ, సాహిత్య సేవా పురస్కార ప్రదానోత్సవ కార్యక్రమాన్ని జానమద్ది సాహితీ పీఠం వారు నిర్వహించారు. ఈ కార్యక్రమంలో ముందుగా జానమద్ది చిత్రపటానికి అతిథులు పూలమాలను సమర్పించి నివాళులు అర్పించారు. అనంతరం జానమద్ది సాహితీ పీఠం ఆధ్వర్యంలో లంకా సూర్యనారాయణ, డాక్టర్‌ శాంతి నారాయణకు గ్రంథాలయ, సాహిత్య సేవా పురస్కారాలు ప్రదానం చేశారు. జానమద్ది సాహితీ పీఠం కార్యదర్శి జానమద్ది యామిని కార్యదర్శి నివేదికను సమర్పించారు. కార్యక్రమంలో ముఖ్య అతిథి జస్టిస్‌ యడవల్లి లక్ష్మణరావు మాట్లాడుతూ సి.పి.బ్రౌన్‌ వేమనను వెలుగులోకి తేగా.. జానమద్ది హనుమచ్ఛాస్త్రి బ్రౌన్‌ను విశ్వవ్యాప్తం చేశారన్నారు. తల్లిదండ్రులను అనాథ శరణాలయాలకు పంపిస్తున్న నేటి తరానికి విజయ భాస్కర్‌ లాంటి వాళ్లు స్ఫూర్తి ప్రదాతలన్నారు. కేంద్ర సాహిత్య అకాడమీ పురస్కార గ్రహీత ఆచార్య రాచపాళెం చంద్రశేఖరరెడ్డి మాట్లాడుతూ ఆచార్య జి.ఎన్‌.రెడ్డి, బంగోరెల పరిశోధన ఫలితంగా గుర్తించిన బ్రౌన్‌ బంగళా శిథిలాలపై సి.పి.బ్రౌన్‌ స్మారక గ్రంథాలయాన్ని ఏర్పాటు చేసిన హనుమచ్ఛాస్త్రి చిరస్మరణీయుడన్నారు. యోగి వేమన విశ్వవిద్యాలయం ఉపకులపతి ఆచార్య బెల్లంకొండ రాజశేఖర్‌ మాట్లాడుతూ గ్రంథాలయాన్ని నిర్మించిన జానమద్ది ధన్యజీవి అని అన్నారు. జిల్లా ప్రధాన న్యాయమూర్తి జి.రామగోపాల్‌ మాట్లాడుతూ ఒక ఉపాధ్యాయుడు సామాజిక స్పృహతో ఒక మంచి పని చేస్తే ఎలాంటి ఉన్నత ఫలితం లభిస్తుందో నిరూపించిన గొప్ప వ్యక్తి హనుమచ్ఛాస్త్రి అని అన్నారు. కొప్పరపు కవుల మనుమడు మాశర్మ ‘కొప్పరపు కవుల అవధాన వైభవం’ అనే అంశంపై మాట్లాడుతూ అవధానం తెలుగుజాతి సంతకమని, అలాంటి అవధానానికి వన్నెతెచ్చిన కవిపుంగవులు కొప్పరపు కవులని అన్నారు. పురస్కార గ్రహీత, అన్నమయ్య గ్రంథాలయ వ్యవస్థాపక నిర్వాహకులు లంకా సూర్యనారాయణ మాట్లాడుతూ రెండు దశాబ్దాల నాడు బ్రౌన్‌ గ్రంథాలయంలో జానమద్దిని కలిసిన సందర్భాన్ని గుర్తు చేసుకున్నారు. మరో పురస్కార గ్రహీత, ప్రముఖ కథారచయిత శాంతి నారాయణ తన స్పందన తెలియజేశారు. ఈ కార్యక్రమాన్ని జానమద్ది సాహితీపీఠం మేనేజింగ్‌ ట్రస్టీ జానమద్ది విజయభాస్కర్‌ సమన్వయం చేశారు. నిర్వాహకులు అతిథులను, అలానే పోతుల వెంకట్రామిరెడ్డి, గునిశెట్టి సాయికుమార్‌, యలమర్తి మధుసూదన్‌ను ఘనంగా సత్కరించారు. ఈ కార్యక్రమంలో జానమద్ది కుటుంబ సభ్యులు, సి.పి.బ్రౌన్‌ భాషా పరిశోధన కేంద్రం సంచాలకులు ఆచార్య గంజి పార్వతి, సిబ్బంది డా.చింతకుంట శివారెడ్డి , డా.భూతపురి గోపాల కృష్ణ శాస్త్రి, ఆచార్య సుబ్బారెడ్డి, షేక్‌ ఇంతియాజ్‌, డా.అంకే శ్రీనివాస్‌, అడవాల శేషగిరి రాయుడు, టి.సురేష్‌ బాబు, ఎల్‌.గోవిందరెడ్డి, డా.వెల్లాల వేంకటేశ్వరాచారి, కొండూరి జనార్దన రాజు, శ్యామసుందర్‌రెడ్డి, రాజారెడ్డి, కొత్తపల్లె రామాంజనేయులు, సూర్యనారాయణ రెడ్డి, గోపాల్‌, జానమద్ది అభిమానులు పాల్గొన్నారు. హైకోర్టు న్యాయమూర్తి యడవల్లి లక్ష్మణరావు గ్రంథాలయ, సాహిత్య సేవా పురస్కారాల ప్రదానం

నామినేషన్ల పరిశీలన సందర్భంగా ఉదయం 8గంటల నుంచి రాత్రి 2.30గంటల వరకూ వైఎస్సార్‌సీపీ అభ్యర్థులకు జిల్లా అధ్యక్షుడు పోచంరెడ్డి రవీంద్రనాథరెడ్డి అండగా నిలిచారు. ఓవైపు టీడీపీ నేత పుత్తా నరసింహారెడ్డి జెడ్పీలో తిష్టవేసి వైఎస్సార్‌సీపీ అభ్యర్థుల నామినేషన్లును తిరస్కరించే చర్యలకు ఉపక్రమిస్తే, ఎమ్మెల్సీ రమేష్‌యాదవ్‌, లీగల్‌ సెల్‌ టీమ్‌ నాగిరెడ్డి, సూర్యప్రకాష్‌రెడ్డిలతో ఎప్పటికప్పుడు అభ్యర్థులకు భరోసాగా కావాల్సిన వివరణ అందజేస్తూ వచ్చారు. ప్రోసిజర్‌ ప్రకారం అభ్యంతరాలను స్వీకరించాలి, ఆపై అభ్యర్థుల వివరణ కోరాలి. తర్వాత నిర్ణయం తీసుకోవడం ఆర్వో వంతు. నిబంధనలు ఇలా చెబుతుంటే ఆర్వో నిబంధనలకు విరుద్ధంగా వ్యవహరించి వైఎస్సార్‌సీపీ అభ్యర్థుల నామినేషన్లు 12 తిరస్కరించారు. కాగా వాటిపై వైఎస్సార్‌సీపీ కలెక్టర్‌అప్పీల్‌కు వెళ్లారు. సోమవారం అప్పీళ్లుపై పరిశీలన ఉంది. అక్కడైనా న్యాయం లభిస్తోందనే ఆశాభావం వైఎస్సార్‌సీపీ వ్యక్తం చేస్తోంది.

కడప ఎడ్యుకేషన్‌ : రాష్ట్రంలో స్థానిక సంస్థల ఎన్నికలలో భయపెట్టి గెలవాలని సీఎం చంద్రబాబు చూస్తున్నారని, నామినేషన్లు వేయనివ్వకుండా అడ్డగింతలు, దాడులు, దౌర్జన్యాలు, చివరికి ఫేక్‌ నామినేషన్లతో బరి తెగిస్తున్నారని మాజీ ఎమ్మెల్యే, వైఎస్సార్‌సీపీ జిల్లా అధ్యక్షుడు పి. రవీంద్రనాథ్‌ రెడ్డి మండిపడ్డారు. జగన్‌ కూడా ఇలాగే చేసి ఉంటే మీరు ఎక్కడ ఉండే వారని ఆయన చంద్రబాబును సూటిగా ప్రశ్నించారు. ప్రభుత్వ పెద్దల మాటలు విని దాడులకు, అక్రమాలకు సహకరిస్తున్న అధికారులు భవిష్యత్తులో మూల్యం చెల్లించుకోక తప్పదని హెచ్చరించారు. కడపలోని వైఎస్సార్‌సీపీ పార్టీ కార్యాలయంలో ఆయన విలేకర్లతో మాట్లాడుతూ చంద్రబాబుకు ముఖ్యమంత్రిగా కొనసాగే అర్హత లేదన్నారు. చంద్రబాబు రాజకీయమే వెన్నుపోటు నుంచి ప్రారంభమైందని.. క్లైమాక్స్‌లో పరాకాష్టకు చేరిపోయిందన్నారు.కోర్టులు మొట్టికాయలు వేసినా బాబుకు బుద్ధి రావడం లేదన్నా రు. నామినేషన్లు లేకుండా చేయడాన్ని ప్రజాస్వామ్యం అంటారా ? ఇది రాజకీయమేనా ? అని ప్రశ్నించారు. ఫేక్‌ నామినేషన్లతో మభ్యపెట్టే యత్నం.. ఇప్పుడు వైఎస్సార్‌సీపీ అభ్యర్థులకు డూప్లికేట్లు తయారు చేసి టీడీపీ వాళ్లతో ఎంపీటీసీలుగా, జడ్పీటీసీలుగా నామినేషన్లు వేయించారని అన్నారు. ప్రజాస్వామ్యయుతంగా ఎన్నికలు నిర్వహించామని కోర్టుల్ని, ప్రజాస్వామ్యవాదుల్ని మభ్యపెట్టడానికే ఇదంతా చేస్తున్నారని తెలిపారు. రాష్ట్రవ్యాప్తంగా ఫేక్‌ నానిమేషన్లు ఉన్నాయన్నారు. అధికారులు మూల్యం చెల్లించుకోవడం ఖాయం కడపలో 14 జడ్పీటీసీల్లో ఫేక్‌ నామినేషన్లు వేశారు. దాఖలైన 39 నామినేషన్లలో ఇప్పుడు ఆమోదించినవి చూస్తే 21 మాత్రమే. మిగతావన్నీ తిరస్కరించారు. 39 నామినేషన్లలో ఓ ఆరు నామినేషన్లు పోలీసుల్ని అడ్డుపెట్టుకుని వీళ్లు చేసిన దాష్టికానికి బలైన వాళ్లే. నామినేషన్‌ కేంద్రాల లోపల మాత్రం వందల మంది వీళ్ల నాయకు లే ఉంటారని బయటి నుంచి మా వాళ్లు ఒక్కరిని కూడా రానివ్వరన్నారు. వేటిని తిరస్కరించాలి, వేటిని ఆమోదించాలన్నది పై నుంచి అన్నీ ఒత్తిళ్లే. నామినేషన్ల తిరస్కరణకు గురైన వాళ్ల తరఫున అప్పీలుకు వెళ్తున్నాం. కలెక్టర్‌ ఏం చేస్తారో చూడాలన్నారు. ఐఏఎస్‌, ఐపీఎస్‌లు పక్షపాతం లేకుండా అందరినీ సమానంగా చూస్తాం, అందరికీ మేలు చేస్తాం, బడుగు బలహీన వర్గాలకు అండగా నిలబడతామని ప్రమాణం చేసి వస్తారని... కానీ అలాంటి వాళ్ల ముందే ఇవాళ బదిలీలు, సొంత పనుల కోసమో, డబ్బుల కోసమో ఇలా దిగజారిపోతున్నారని ధ్వజమె త్తారు. ఎమ్మెల్సీ రమేష్‌యాదవ్‌, బీసీ సెల్‌ జిల్లా అధ్యక్షుడు శివరాం, వైఎస్సార్‌సీసీ నాయకులు రాజోలి వీరారెడ్డి, వైఎస్సార్‌సీసీ రైతు సంఘం జిల్లా అధ్యక్షుడు ప్రసాద్‌రెడ్డి, కమలాపురం నియోజకవర్గ సమన్వయకర్త నరేన్‌ రామాంజులరెడ్డి, ఆర్‌వీఎస్‌ఆర్‌ పాల్గొన్నారు. కోర్టుల్ని, ప్రజల్ని మభ్యపెట్టేందుకే ఫేక్‌ నామినేషన్లు చంద్రబాబుకు ముఖ్యమంత్రిగా కొనసాగే అర్హత లేదు దాడులతో ఎన్నికల్లో గెలిచి ఏం సాధిస్తారు ప్రెస్‌మీట్‌లో వైఎస్సార్‌సీపీ జిల్లా అధ్యక్షుడు పి.రవీంద్రనాథ్‌థ రెడ్డి

కడప సెవెన్‌రోడ్స్‌ : జిల్లాలో స్థానిక సంస్థల ఎన్నికల ప్రవర్తనా నియమావళి అమలులో ఉన్నందున, కడప కలెక్టరేట్‌లో సోమవారం నిర్వహించాల్సిన ప్రజా ఫిర్యాదుల పరిష్కార వేదిక (పీజీఆర్‌ఎస్‌), రోజువారీ ఫిర్యాదుల స్వీకరణ కార్యక్రమాలను రద్దు చేసినట్లు జిల్లా కలెక్టర్‌ శ్రీధర్‌ చెరుకూరి ఆదివారం ఒక ప్రకటనలో తెలిపారు. జిల్లాలో ఎన్నికల ప్రవర్తనా నియమావళి డిసెంబర్‌ 3 వరకు అమలులో ఉంటుందని కలెక్టర్‌ పేర్కొన్నారు. ఈ నేపథ్యంలో ఎన్నికల నియమావళి ముగిసే వరకు ప్రతి సోమవారం నిర్వహించే పీజీఆర్‌ఎస్‌ను తాత్కా లికంగా నిలిపివేస్తున్నట్లు స్పష్టం చేశారు. ఎన్నికల విధులను బాధ్యతగా నిర్వహించాలికడప సెవెన్‌రోడ్స్‌ : స్థానిక సంస్థల ఎన్నికల్లో సూక్ష్మ పరిశీలకులు తమకు కేటాయించిన విధులను బాధ్యతాయుతంగా, నిష్పక్షపాతంగా నిర్వహించాలని సాధారణ పరిశీలకులు జి. గణేష్‌ కుమార్‌ సూచించారు. ఆదివారం కడప నగరపాలక సంస్థ ఉన్నత పాఠశాల (మెయిన్‌)లో నిర్వహించిన సూక్ష్మ పరిశీలకుల శిక్షణ కార్యక్రమాన్ని పరిశీలించి ఎన్నికల విధులపై పలు సూచనలు చేశారు. ఎన్నికల సంఘం మార్గదర్శకాలను కచ్చితంగా పాటిస్తూ, ఎన్నికల ప్రక్రియలో జరిగే ప్రతి అంశాన్ని నిశితంగా పరిశీలించాలని తెలిపారు. సూక్ష్మ పరిశీలకుల సమన్వయ అధికారి, జిల్లా ఉపాధి అధికారి సురేష్‌ కుమార్‌ తదితరులు పాల్గొన్నారు. ప్రచారంపై ప్రత్యేక నిఘా!కడప సెవెన్‌రోడ్స్‌ : స్థానిక సంస్థల ఎన్నికల నేపథ్యంలో సామాజిక మాధ్యమాల్లో ప్రచురించే పోస్టులు, చిత్రాలు, వీడియోలు, లఘు చిత్రాల విషయంలో కంటెంట్‌ క్రియేటర్లు, సామాజిక మాధ్యమాల ఇన్‌ ఫ్లూయన్సర్లు అప్రమత్తంగా ఉండాలని జిల్లా ఎన్నికల అధికారి శ్రీధర్‌ చెరుకూరి సూచించారు. ఈ సందర్భంగా ఎన్నికల ప్రవర్తనా నియమావళికి విరుద్ధంగా, కులాలు, మతాలు, వర్గాల మధ్య విభేదాలు సష్టించేలా, శాంతిభద్రతలకు విఘాతం కలిగించేలా లేదా అభ్యర్థుల వ్యక్తిగత ప్రతిష్ఠకు భంగం కలిగించేలా ఎలాంటి ప్రచార సామగ్రిని రూపొందించవద్దని స్పష్టం చేశారు. ఇన్‌స్ట్రాగామ్‌, ఫేస్‌బుక్‌, యూట్యూబ్‌ తదితర సామాజిక మాధ్యమాల్లో వెలువడే ప్రచార అంశాలపై ఎన్నికల పర్యవేక్షణ బృందాలు నిరంతరం నిఘా ఉంచుతాయని కలెక్టర్‌ తెలిపారు. డయల్‌ యువర్‌ సీఎండీ రద్దుకడపకార్పొరేషన్‌ : విద్యుత్‌ వినియోగదారుల సమస్యల పరిష్కారం కోసం ఏపీఎస్పీడీసీఎల్‌ ప్రతి సోమవారం నిర్వహించే ‘డయల్‌ యువర్‌ ఏపీఎస్పిడిసిల్‌ సీఎండీ’, ‘డయల్‌ యువర్‌ ఎస్‌ఈ’ కార్యక్రమాలను రద్దు చేసినట్లు ఆ సంస్థ చైర్మన్‌ మేనేజింగ్‌ డైరెక్టర్‌ శివ శంకర్‌ లోతేటి ఆదివారం ఒక ప్రకటనలో పేర్కొన్నారు. రాష్ట్రంలో ప్రస్తుతం ఎన్నికల ప్రవర్తనా నియమావళి అమలులో ఉన్న నేపథ్యంలో ఈ కార్యక్రమాలను రద్దు చేస్తున్నట్లు తెలిపారు.

● మాజీ కార్పొరేటర్‌ను కత్తితో పొడవటం దారుణం ● వైఎస్సార్‌సీపీ జిల్లా అధ్యక్షుడు పి.రవీంద్రనాథ్‌రెడ్డి కడప కార్పొరేషన్‌ : కడప చరిత్రలో ఇంత దుర్మార్గం ఎప్పుడూ చూడలేదని వైఎస్సార్‌సీపీ జిల్లా అధ్యక్షుడు పి.రవీంద్రనాథ్‌రెడ్డి అన్నారు. ఆదివారం సాయంత్రం టీడీపీ కార్యకర్త దాడిలో కత్తిపోట్లకు గురైన మాజీ కార్పొరేటర్‌ ఎస్‌ఏ షంషీర్‌, షేక్‌ అలీ ఖలీద్‌ను ఆయన పరామర్శించారు. ఈ సందర్భంగా రవీంద్రనాథ్‌రెడ్డి మాట్లాడుతూ స్థానిక సంస్థల ఎన్నికల్లో రాష్ట్రంలో అరాచకం, విధ్వంసం రాజ్యమేలుతోందన్నారు. ఎక్కడ చూసినా వైఎస్సార్‌సీపీ నాయకులను లక్ష్యంగా చేసుకొని దాడులు చేస్తున్నారని, మున్సిపల్‌ ఎన్నికల నుంచి ఇది మరింత ఎక్కువైందన్నారు. ఎన్నికల్లో నామినేషన్లు వేయనీయకుండా కత్తులతో, కట్టెలతో, రాళ్లతో దాడులు చేయడం దుర్మార్గమన్నారు. అరాచక మూకలను, గంజాయి బ్యాచ్‌ను ప్రోత్సహిస్తున్న టీడీపీకి ప్రజలు తగిన గుణపాఠం చెబుతారని హెచ్చరించారు. ఈ కార్యక్రమంలో మాజీ మేయర్‌ పాకా సురేష్‌, పార్టీ నాయకులు పులి సునీల్‌, షేక్‌ ఉమైర్‌, అక్బర్‌ అలీ, ఏ1 నాగరాజు పాల్గొన్నారు. పరామర్శ కత్తి దాడిలో గాయపడిన మాజీ కార్పొరేటర్‌ షేక్‌ షంషీర్‌ బాషా, షేక్‌ అలీ ఖలీద్‌ను వైఎస్‌ఆర్‌సీపీ సీఈసీ సభ్యులు కె.సురేష్‌ బాబు, మేయర్‌ అభ్యర్థి బండి దీప్తిరెడ్డి పరామర్శించారు. ఆదివారం హాస్పిటల్‌కు వెళ్లి వారిని పరామర్శించారు. వైద్యం అందించాలని వైద్యులకు సూచించారు. ఈ సందర్భంగా వారు మాట్లాడుతూ రాష్ట్రంలో కూటమి ప్రభుత్వం వచ్చాక అరాచకాలు పెరుగుతున్నాయని ఆందోళన వ్యక్తం చేశారు. ప్రశాంతమైన కడపలో టీడీపీ అశాంతిని రేకెత్తిస్తోందని మండిపడ్డారు. టీడీపీ నాయకులు ఇన్ని అరాచకాలు, దౌర్జన్యాలు చేస్తుంటే పోలీసులు ఏం చేస్తున్నారో చెప్పాలని ప్రశ్నించారు.

కడప రూరల్‌ : జిల్లా వ్యాప్తంగా తెలుగుదేశం పార్టీ ఆగడాలు మితిమీరిపోయాయి. యథేచ్ఛగా దాడులు, విచ్చలవిడిగా దౌర్జన్యాలు సాగుతున్నాయి. అందులోనూ కడప నియోజకవర్గం తెలుగుదేశం పార్టీలో అసమ్మతి, ఆగ్రహం కట్టలు తెంచుకుంటోంది. మరోవైపు వైఎస్సార్‌ కాంగ్రెస్‌ పార్టీకి లభిస్తున్న మద్దతు చూడలేక పోతున్నారు. ఎలాగైనా ఆ పార్టీ నాయకులను అణచి వేయడానికి ఎంతటికై నా తెగిస్తున్నారు. మరోవైపు సొంత పార్టీలోనే తమ్ముళ్లు పార్టీలో జరుగుతున్న పరిణామాల పట్ల తీవ్ర ఆగ్రహం వ్యక్తం చేస్తున్నారు. దీంతో ఎమ్మెల్యే మాధవీరెడ్డి అనుచర వర్గం తీవ్ర అసంతృప్తికి, ఆందోళనకు గురై అరాచకాలకు పాల్పడుతున్నారని అందరూ భావిస్తున్నారు. వైఎస్సార్‌సీపీ ప్రజాదరణ చూసి ఆందోళన మొదటి నుంచి వైఎస్సార్‌ కాంగ్రెస్‌ పార్టీ అంటే ప్రజల్లో అమితమైన ఆదరణ లభిస్తోంది. ఇది గమనించిన కడప టీడీపీ ఎమ్మెల్యే మాధవీరెడ్డి, వారి అనుచర వర్గానికి తమ భవితవ్యంపై ఆందోళన పట్టుకుంది. అందులో భాగంగా ప్రతిపక్ష పార్టీ కార్పొరేటర్‌ అభ్యర్థులను కనీసం నామినేషన్‌ కూడా వేయకుండా బహిరంగంగానే అడ్డుకున్నారు. కర్రలతో దాడులు చేశారు. అందరినీ భయభ్రాంతులకు గురి చేశారు. నామినేషన్‌ తర్వాత వైఎస్సార్‌ కాంగ్రెస్‌ పార్టీ కార్పొరేటర్‌ అభ్యర్థులకు ఎన్నికల ప్రచారంలో స్థానికుల నుంచి కనీవినీ ఎరుగని రీతిలో మద్దతు లభిస్తోంది. ఇది చూసి ఎమ్మెల్యే మాధవీరెడ్డి అనుచరులు, టీడీపీ కార్పొరేటర్‌ అభ్యర్థులు సహించలేక పోతున్నారు. వైఎస్సార్‌సీపీ అభ్యర్థులు బరిలో ఉంటే తమకు పుట్టగతులు ఉండవని ఎమ్మెల్యే మాధవీరెడ్డి అనుచరవర్గం భావిస్తోందన్న వాదన బలంగా వినిపిస్తోంది. అందుకు ఉదాహరణగా ఆదివారం కడప నగరంలోని 41వ డివిజన్‌లో నిర్వహించిన ఎన్నికల ప్రచారంలో మాజీ కార్పొరేటర్‌ షంషీర్‌తోపాటు షేక్‌ అలీ ఖలీద్‌పై టీడీపీ మూకలు కత్తితో దాడి చేసి తీవ్రంగా గాయపరచడం పెద్ద సంచలనంగా మారింది. గాయపడిన వారిని వైఎస్సార్‌ కాంగ్రెస్‌ పార్టీ జిల్లా అధ్యక్షులు పి.రవీంద్రనాథ్‌రెడ్డి, సీఈసీ సభ్యుడు కె.సురేష్‌బాబు పరామర్శించారు. పార్టీ కార్యకర్తలకు అండగా ఉంటామని భరోసా ఇచ్చారు. టీడీపీ నేతలు సాగిస్తున్న దమనకాండపై తీవ్ర స్థాయిలో విరుచుకుపడ్డారు. ‘సీనియర్ల’కు వెన్నుపోటు కడప తెలుగుదేశం పార్టీ మొదటి నుంచి ఎమ్మెల్యే మాధవీరెడ్డి, ఆ పార్టీ రీజినల్‌ కో ఆర్డినేటర్‌ శ్రీనివాసులురెడ్డి వర్గం ఒకవైపు, పార్టీలో సీనియర్‌ నాయకుల వర్గం మరొక వైపుగా సాగుతోంది. ఎమ్మెల్యే మాధవీరెడ్డి, శ్రీనివాసులురెడ్డి అనుసరిస్తున్న విధానాలపై.. ప్రతి విషయంలోనూ పార్టీలో మొదటి నుంచి ఉన్న సీనియర్‌ నేతలు బహిరంగంగానే దుమ్మెత్తి పోస్తున్నారు. ఈ నేపథ్యంలో వచ్చిన మున్సిపల్‌ కార్పొరేషన్‌ ఎన్నికల నేపథ్యంలో వారి మధ్య ‘పచ్చ’గడ్డి వేస్తే భగ్గుమనేలా వర్గ రాజకీయాలు సాగుతున్నాయి. సీనియర్లు కార్పొరేటర్‌ అభ్యర్థిగా అవకాశం ఇవ్వాలని నెత్తినోరు కొట్టుకుని అభ్యర్థించినా వినే నాథుడే కరువయ్యాడని తమ్ముళ్లు వాపోతున్నారు. సీనియర్‌ నాయకులు ఆలంఖాన్‌పల్లె లక్ష్మిరెడ్డి, హరిప్రసాద్‌, మైనార్టీ నాయకులు అమీర్‌బాబు తదితరులకు ఈ ఎన్నికల్లో మొండిచేయి లభించింది. అలాగే కడప మేయర్‌ అభ్యర్థిగా సువర్ణను ఏకపక్షంగా నిర్ణయించడం పట్ల పార్టీలోని అసంతృప్తి కార్యకర్తలు జీర్ణించుకోలేక పోతున్నారు. కార్యకర్తల మనోభావాలను పరిగణనలోకి తీసుకోకుండా ఎమ్మెల్యే మాధవీరెడ్డి తమకు అనుకూలంగా నిర్ణయాలు తీసుకుని అభ్యర్థులను ప్రకటించుకోవడం పట్ల.. ఆ పార్టీలో అసమ్మతి మంటను మరింతగా రాజేసినట్లయింది. ఈ నేపథ్యంలో మాధవీరెడ్డి అనుచరవర్గం తీవ్ర అసంతృప్తి చెందడంతోపాటు తమ రాజకీయ భవితవ్యంపై ఆందోళన చెంది దాడులకు తెగబడుతున్నారనే ప్రచారం ఆ పా ర్టీతోపాటు ప్రజల్లో కూడా జోరుగా కొనసాగుతోంది. వైఎస్సార్‌ీసీపీకి లభిస్తున్న మద్దతు ఓర్వలేక అసహనం ఆ పార్టీ కార్యకర్తలపై కత్తిపోట్లు, దాడులు టీడీపీలో సీనియర్లకు ‘పచ్చ’టోపీ ఏకపక్షంగా మేయర్‌గా సువర్ణ అభ్యర్థిత్వంపై తమ్ముళ్ల ఆగ్రహం కడప టీడీపీ నేతల్లో భవితవ్యంపై ఆందోళన

కుటుంబ నేపథ్యం.. విద్యాభ్యాసం? రాయలసీమ కార్మిక, కర్షక సేవా సమితి అధ్యక్షులు సీహెచ్‌ చంద్రశేఖర్‌రెడ్డి, రిటైర్డ్‌ సూపరింటెండెంట్‌(ఫారెస్ట్‌ డిపార్ట్‌మెంట్‌) పద్మావతి నా తల్లిదండ్రులు. మాజీ డిప్యూటీ మేయర్‌ బండి నిత్యానందరెడ్డి నా భర్త, మాకు ఇద్దరు కుమా ర్తెలు. నేషనల్‌ లా ఎగ్జామ్‌లో ఆర్మీ ఇన్‌స్టిట్యూట్‌కు ఎంపికయ్యాను. ఐదేళ్ల న్యాయవిద్యను అభ్యసించిన తర్వాత ఏపీ హైకోర్టులో అడ్వకేట్‌గా రిజిస్టర్‌ చేసుకుని కొన్నేళ్లపాటు పనిచేశాను. పెళ్లయ్యాక కిరణ్‌ ఎడ్యుకేషనల్‌ సొసైటీ, అయ్యవారురెడ్డి మెమోరియల్‌ ఇన్‌స్టిట్యూట్‌ కరస్పాండెంట్‌గా ఉన్నాను. రాజకీయ ప్రవేశం ఎలా జరిగింది? 2014లో మా వార్డు జనరల్‌ మహిళకు రిజర్వ్‌ అయినప్పుడు కార్పొరేటర్‌గా పోటీ చేశాను. ప్రస్తుతం వైఎస్సార్‌సీపీ మహిళా విభాగం నగర అధ్యక్షురాలిగా ఉన్నాను. ఇప్పుడు మేయర్‌ అభ్య ర్థిగా వైఎస్సార్‌సీపీ తరఫున నామినేషన్‌ వేశాను. నాపై నమ్మకం ఉంచి అభ్యర్థిగా ప్రకటించిన మాజీ సీఎం వైఎస్‌ జగన్‌కు రుణపడి ఉంటాను. కడప అభివృద్ధిపై మీ కార్యాచరణ ప్రణాళిక? కార్పొరేషన్‌ జనరల్‌ ఫండ్‌తో మురికివాడల అభివృద్ధికి కృషి చేస్తా.. పారిశుధ్యం, తాగునీరు, డ్రైనేజీ వ్యవస్థలకు అధిక ప్రాధాన్యత ఇస్తాను. ప్రతి ఇంటికీ తాగునీరు అందించేందుకు శక్తివంచన లేకుండా ప్రయత్నిస్తాను. ఎన్నికల్లో మీ ప్రచారాస్త్రాలు ఏమిటి? కూటమి ప్రభుత్వం అధికారంలోకి వచ్చిన రెండున్నరేళ్లు అవుతున్నా కడప నగరాభివృద్ధికి రాష్ట్ర ప్రభుత్వం నుంచి ప్రత్యేకంగా ఒక్క రూపాయి కూడా విడుదల చేయలేదు. బుగ్గవంకపై గుర్రాలగడ్డ, లా కాలేజీ వద్దల బ్రిడ్జిలకు రూ.20కోట్లు మంజూరైనా ఈనాటికీ ఆ పనులు పూర్తి చేయని పరిస్థితి ఉంది. బుగ్గవంక సుందరీకరణ, అప్రోచ్‌ రోడ్లు, నగరంలో ప్రధాన రహదారుల విస్తరణ, సర్కిళ్ల సుందరీకరణ, వరదనీటి కాలువల నిర్మాణం అన్నీ మహానేత వైఎస్సార్‌, మాజీ ముఖ్యమంత్రి వైఎస్‌ జగన్‌మోహన్‌రెడ్డిల హయాంలో పూర్తి చేసినవే. కడపలో నీటి సమస్యను శాశ్వతంగా పారదోలాలన్న ధృడసంకల్పంతో మాజీ ముఖ్యమంత్రి వైఎస్‌ జగన్‌మోహన్‌రెడ్డి బ్రహ్మంసాగర్‌ నుంచి 1.5 టీఎంసీ కేటాయించి పైపులైన్‌ వేసి గ్రావిటీ ద్వారా నీటిని తెచ్చేందుకు సుమారు రూ.500 కోట్లు మంజూరు చేశారు. కూటమి ప్రభుత్వం వచ్చాక ఆ పనులే కొనసాగిస్తున్నారు తప్పా వీళ్లు కొత్తగా చేసిందేమీ లేదు. పెండింగ్‌ పనులను 100 శాతం పూర్తి చేయడానికి కృషి చేస్తాను. ప్రస్తుత మున్సిపల్‌ ఎన్నికల్లో అధికార పార్టీ నాయకుల ఆగడాలు, నామినేషన్లు వేయకుండా అడ్డుకోవడాన్ని ఎలా చూస్తారు? ఇది చాలా అప్రజాస్వామికం. రాజ్యాంగాన్ని కాపాడుకోవాల్సిన బాధ్యత అందరిపై ఉంది. వైఎస్సార్‌సీపీ అభ్యర్థులు నామినేషన్లు వేయకుండా అరాచకాలు, దౌర్జన్యాలు, దాడులు చేసే బదులు ఎన్నికలను రద్దు చేసి, కొత్త జీవోల ద్వారా నామినేషన్‌ పద్ధతిలో ఎన్నుకుంటే సరిపోతుంది కదా.. ఇంత దుర్మార్గ పరిస్థితి ఎప్పుడూ లేదు. వైఎస్సార్‌సీపీ విజయాన్ని ముందే ఊహించారు కాబట్టే ఇలా చేస్తున్నారు. ప్రజా సమస్యల పరిష్కారానికి నిజాయితీగా పనిచేస్తా పారిశుధ్యం, తాగునీరు, డ్రైనేజీ వ్యవస్థలకు అధిక ప్రాధాన్యత వైఎస్సార్‌సీపీ మేయర్‌ అభ్యర్థి బండి దీప్తిరెడ్డికడప ప్రజలు తనను ఆశీర్వదించి మేయర్‌గా గెలిపిస్తే కడపను గత ప్రభుత్వంలో అభివృద్ధిని కొనసాగించి ఆదర్శంగా తీర్చిదిద్దుతానని వైఎస్సార్‌సీపీ అభ్యర్థి బండి దీప్తిరెడ్డి అన్నారు. కార్పొరేషన్‌ ఎన్నికల ప్రచార పర్వం మొదలైన నేపథ్యంలో ఆమె ‘సాక్షి’తో మాట్లాడారు. ఆ వివరాలు ఆమె మాటల్లోనే.. – కడపకార్పొరేషన్‌

వైఎస్సార్సీపీ ప్రభుత్వంలో కడప నగరం అభివృద్ధివైపు పరుగులు పెట్టింది.....రెండేళ్లు కరోనా చుట్టిముట్టినా ప్రగతి ఆగింది లేదు. విశాలమైన రహదారులు ఆధునికత ఉట్టిపడేలా సర్కిల్లు, పార్కులు సుందరంగా నిర్మితమయ్యాయి. బుగ్గవంక రక్షణ కూడా పూర్తయింది. బుగ్గవంకపై లా కాలేజీ, గుర్రాల గడ్డ వద్ద హై లెవెల్‌ వంతెనల నిర్మాణానికి అప్పటి ప్రభుత్వం రూ. 20 కోట్లు మంజూరు చేసింది. కూటమి ప్రభుత్వం అధికారంలోకి వచ్చి 30 నెలలు కావస్తున్నా ఆ రెండు బ్రిడ్జిలు ఎక్కడ వేసిన గొంగళి అక్కడే అన్న చందంగా ఉన్నాయి.... ‘ మా ప్రభుత్వం వస్తే ఆరు నెలల్లో ఆ బ్రిడ్జిలు పూర్తి చేస్తాం’.. అంటూ కడప ఎమ్మెల్యే మాధవి రెడ్డి చెప్పిన మాటలు నీటి మూటలే అయ్యాయి.. –కడప కార్పొరేషన్‌

(కడప డెస్క్‌) మా ఊరికి పండుగొచ్చింది... అవును, ఓటు వేయడమంటే నాకెప్పుడూ పండగే. నాకే కాదు, మా ఊరోళ్లందరికీ ఒక మంచి నాయకుడిని ఎన్నుకోవడం అంటే ఒక పెద్ద వేడుక. ఐదేళ్లంతా మమ్మల్ని పట్టించుకోని లోకం, ఈ ఓటు పండగప్పుడే నన్ను గౌరవంగా పిలుస్తుంది. నా ఇంటి గడప తొక్కుతుంది. నా ఇంటి నవారు మంచంపై కూర్చుని నా కుశల సమాచారం అడుగుతుంది. నేనా అల్పసంతోషిని. ఆ వచ్చే నాయకుడు నా భుజంపై చేయి వేయగానే బో మురిసిపోతా. ఐదేళ్లపాటు పోలీసోళ్లతో, పెద్ద పెద్ద చదువులు చదువుకున్న ఆఫీసర్లతో సెల్యూట్లు కొట్టించుకునే పెద్ద లీడర్‌... నా ఇంటి కాడికి వచ్చి నాతో కబుర్లాడితే సంతోషం ఉండదా ఏంది? ఓటేశాక నా వేలిపై పడిన సిరాచుక్క ఉన్నంత కాలం ఆ సంతోషం మనసులోనే ఉంటుంది. ఐదేళ్లలో కనీసం ఓ రెండు సార్లైనా నాబోటి పేదవాళ్లకు ఈ గౌరవం దక్కిందంటే, అది నాకు ఓటు హక్కు కల్పించిన నా దేశానిదే... రాజ్యాంగం రాసిన ఆ మహానుభావులదే!. ఇక ఓటు ఎవరికి వేస్తానంటా రా... ఎవరికి వేయాలో నా మన ‘సాక్షి’ చెబుతుంది. కానీ, ఇప్పుడే నాకు దిగులు పట్టుకుంది... ‘దేశం’లో దొంగలు పడ్డారని, ఓట్ల చోరీ జరిగిందని అందరూ చెబుతుంటే మనసంతా ఒక మాదిరిగా అయిపోతోంది. నిజంగానే నా ఓటును దొంగిలిస్తే, ఇక ఈ ఎన్నికకు విలువేముంటుంది? నాలాంటోడికి రేపు గౌరవం ఎవరిస్తారు? ఓట్ల చోరీ జరిగిందని చదువుకునే పిల్లోళ్లందరూ ఢిల్లీ దాకా పోయి, ధర్నాలు చేస్తూ దెబ్బలు తింటుంటే మనసంతా చీకట్లు కమ్మింది. మా ఊరోడినే అడిగితే ‘నిజమే ఉంటాది లేబ్బా’ అంటున్నాడు. ‘అంతెందుకు... మొన్న పులివెందులలో జరిగిన బై ఎలచ్చన్‌కి మా ఊరి నుంచి నారాయణ మామ పోయి ఓటేసిన్ల్యా’ అన్నాడు. ‘మా ఊరి నారాయణకి మా ఊర్లోనే ఓటుంటుంది గానీ, అక్కడెక్కడో ఎందుకుంటుందిరా’ అని నేనడిగితే... వాడు సెల్‌ఫోన్‌ తీసి ఫొటో చూపించాడు. అది చూసేసరికి ఒక్కసారిగా పిచ్చెక్కిపోయిందబ్బా! అయినా... ఇట్టా దొంగ ఓట్లు వేస్తాంటే చదువుకున్న పెద్దసార్లు ఏం చేస్తా ఉండారో.. ఈ వారంలో నామినేషన్ల తీరు చూసి విస్తుపోవడం నా వంతైంది. ప్రజలకు రక్షణగా నిలవాల్సిన పోలీసోళ్లు ఎవరికి కాపలా కాస్తుండారో.. ఇలా చేయడం తప్పు కదా సారూ! ఎన్నికలు నడిపించే కలెక్టర్‌ సార్‌కి... పోలీస్‌ బాస్‌కి నాదొక చిన్న మాట... మీరు ఇంత పెద్ద చదువులు చదివి ఆ కుర్చీల్లో కూర్చు న్నారంటే రాత్రి పగలు ఎంత కష్టపడి ఉంటారు సా రూ? ఆ రోజు కష్టపడిన మీకు కాకుండా, దొంగదారి లో వచ్చిన వాళ్లకు ఆ ఉద్యోగాలు ఇచ్చి ఉంటే మీకు ఎంత బాధ వేసి ఉండేది? ఒక్కసారి తలచుకోండి సారూ. పెభుత్వాలు వస్తుంటాయి... పోతుంటాయి... నాయకులు కూడా అంతే, వస్తారు పోతారు. కానీ మీరు ఎవరికీ తొత్తులుగా ఉండొద్దు సారూ. చట్టాన్ని నమ్ముకున్న మీరు నా పక్షాన నిలబడాలి. నా ఓటును కాపాడాలి. నాకు భద్రత, భరోసా ఇవ్వాలి. ఇస్తారు కదా సారూ?. ఏమో ఈ వారంలో రోజుల నుంచి జరిగిన తీరు చూస్తాంటే నాకు ఓటేసే అవకాశం ఇస్తారనే నమ్మకం సన్నగిల్లుతాంది సారూ. ఈ సారిగనక బ్యాలెట్‌ ద్వారా నా ఓటు వేయిస్తే... మా ఓటు భద్రంగా ఉన్నట్టేనని నా నమ్మకం! చివరిగా ఒక్క మాట సారూ... నా ఒంటి మీద సరిగ్గా గుడ్డల్లేవు, చేతిలో రూపాయి లేదు, సమాజంలో అంతస్తు లేదు. కానీ, పోలింగ్‌ బూత్‌లోకి వెళ్లాక... ఓటు వేస్తున్నప్పుడు... వేలిపై సిరా చుక్క పడుతున్నప్పుడు..నాకునేనే రాజును.. ‘ఓటు’ అనే ఒక్క ఆయుధం ముందర ఎంతటి కోటీశ్వరుడైనా, ఎంతటి అధికార బలమున్నోడైనా తలవంచాల్సిందే! ఆ ఒక్క క్షణమే నన్ను నేను ఈ దేశ పౌరుడిగా గర్వపడేలా చేస్తుంది. అలాంటి నా గుండె చప్పుడును, నా ఆత్మగౌరవాన్ని దొంగల పాలు చేయకండి సారూ. నా ఓటును కాపాడడం అంటే... నాలాంటి కోట్లాది మంది పేదవాళ్ల బతుకుపై నమ్మకాన్ని కాపాడడమే. చదువుకున్న మీ లాంటి పెద్దోళ్లే చేతులెత్తేస్తే, రేపు నా బిడ్డలకి ప్రజాస్వామ్యం బతికే ఉందని నేను ఏ మొహం పెట్టుకుని చెప్పాలి సారూ? నా ఓటు కు కాపలాగా నిలబడండి సారూ!’ –సామాన్య ఓటరు

సాక్షి ప్రతినిధి, కడప: స్థానిక సంస్థల ఎన్నికల్లో టీడీపీ నేతల విజయం కోసం కొందరు ఖాకీలు అహర్నిశలు కష్టపడుతున్నారు. ‘పీఠాన్ని’ పచ్చచొక్కాలకు అప్పగించేందుకు అడుగడుగునా శ్రమిస్తున్నారు. వారం రోజులుగా నామినేషన్ల పర్వంలో పచ్చ నేతలకు కట్టుబానిసగా పని చేసిన పోలీసులు.. తాజాగా ఉపసంహరణలోనూ అదే నైజాన్ని ప్రదర్శిస్తున్నారు. ఓ వైపు పచ్చమూకలు బీఎన్‌ఎస్‌ యాక్ట్‌ 163ను ధిక్కరించినా కళ్లప్పగించి చూస్తుండిపోయిన ఖాకీలు.. విపక్షపార్టీల అభ్యర్థులు నామినేషన్‌ వేయకుండా పక్కా ప్రణాళిక బద్ధంగా వ్యవహారించారు. తొలి అడుగు సక్సెస్‌గా వేసిన పోలీసులు మలి అడుగుపై దృష్టి పెట్టారు. నామినేషన్‌ పరిశీలనలో నిలిచిన అభ్యర్థుల ఉపసంహరణకు సామ, దాన బేధ దండోపాయాలను పకడ్బందీగా అమలు పరుస్తున్నారు. అభ్యర్థి కాకపోతే, ప్రతిపాదకుడిని లోబర్చుకొని ఉపసంహరణ చేయించాలనే ఎత్తుగడలు వేగంగా అమలు పరుస్తున్నారు. ఫలితంగా పోటీలో కొనసాగడానికి అభ్యర్థులు ‘రణమే’ చేస్తున్నారు. జిల్లాలో జెడ్పీటీసీ, ఎంపీటీసీ స్థానాల కోసం నామినేషన్‌ వేయడానికి వైఎస్సార్‌సీపీ అభ్యర్థులు యుద్ధమే చేశారు. వందలాది మంది పచ్చగూండాలు చుట్టుముట్టి నామినేషన్‌ పత్రాలను చించేస్తున్నా భరించారు. ప్రత్యక్ష దాడులు చేసినా సహించారు. వీటిని తట్టుకొని నామినేషన్‌ కేంద్రానికి చేరుకుంటే, కొంతమంది పోలీసులు అడుగడుగునా అడ్డుకున్నారు. ఇదే అదునుగా ఖాకీల సమక్షంలోనే పచ్చ గూండాలు దాడులకు తెగబడ్డారు. ఈ దుష్ట సంస్కృతిని నిలువరించాల్సిన కొందరు పోలీసు ఉన్నతాధికారులు సైతం వత్తాసుగా నిలిచారు. పులివెందులలో వైఎస్సార్‌సీపీ శ్రేణులపై బుల్లెట్ల వర్షం కురిపించారు. ఇక ఇవన్నీ దాటుకొని నామినేషన్‌ కేంద్రానికి చేరుకుంటే నామినేషన్‌ స్వీకరించకుండా రిటర్నింగ్‌ విభాగం అడ్డుకుంది. పేపర్లు సక్రమంగా లేవు, మళ్లి తీసుకురాండంటూ వెనుదిరిగి పంపించడం, బయటికి రాగానే పొంచుకొని ఉన్న టీడీపీ శ్రేణులు దాడులు చేయడం ఇలా మూడు రోజులు కాలచక్రం తిరిగిపోయింది. ఇక నామినేషన్ల పరిశీలన పూర్తి కావడంతో ఇక అభ్యర్థుల ఉపసంహరణపై ప్రత్యేక దృష్టి సారించారు. పరిశీలనలోనూ శల్య సారధ్యం... జెడ్పీటీసీ నామినేషన్ల పరిశీలనలో కూడా అధికారులు శల్యసారధ్యం వహించారనే ఆరోపణలు విన్పిస్తున్నాయి. వైఎస్సార్‌సీపీ అభ్యర్థుల నామినేషన్లు పత్రాలను టీడీపీ అభ్యంతరం పెట్టేంత వరకూ రిటర్నింగ్‌ అధికారి పేపర్లు అటు ఇటు తిప్పుతూ కావాలనే కాలయాపన చేస్తున్నారనే పలువురు చెప్పుకొచ్చారు. శనివారం రాత్రి పొద్దుపోయే సమయానికి సగం నామినేషన్లు కూడా పూర్తి కాలేదు. అందులో వైఎస్సార్‌సీపీకి చెందిన పెండ్లిమర్రి, వల్లూరు, బి.మఠం, ప్రొద్దుటూరు అభ్యర్థుల నామినేషన్లను తిరస్కరించారు. కొండాపురం, వీరబల్లి,సుండుపల్లి,చక్రాయపేట,జమ్మలమడుగు,పోరుమామిళ్ల,వేంపల్లె, మైలవరం, తొండూరు, పెద్దముడియం అభయాన్స్‌(ఎటువంటి నిర్ణయం తీసుకోకుండా ) లో పెట్టారు. ఇప్పటికే ముద్దనూరు, ఖాజీపేట, సింహాద్రిపురం, వీరపునాయునిపల్లె, కమలాపురం, చింతకొమ్మదిన్నె స్థానాలకు వైఎస్సార్‌సీపీ అభ్యర్థుల నామినేషన్లు వేయించలేదు. ఆరు జెడ్పీటీసీలు ఏకగ్రీవం కాగా, నాలుగు స్థానాల అభ్యర్థుల నామినేషన్లు తిరస్కరించారు. ఇలా యంత్రాంగం ఎక్కడిక్కడ వారి వారి శక్తిమేరకు అధికారపక్షానికి ఉప యోగపడుతున్నారని విశ్లేషకులు ఆరోపిస్తున్నారు. ప్రజాస్వామ్యవిలువలకు తిలోదాకాలిస్తూ ఏకపక్ష నిర్ణయాలకే మొగ్గు చూపుతుండడంపై ప్రజాస్వామ్యవాదులు మండిపడుతున్నారు. స్థానిక సంస్థల ఎన్నికల్లో పోలీసుశాఖ ప్రతిష్ట దిగజారిపోయింది. ఖద్దరు నేతల మెప్పు కోసం కొంతమంది దిగజారి ప్రవర్తిస్తున్నారు. నామినేషన్లను అడ్డుకోవడమే లక్ష్యంగా ప్రజాప్రతినిధులను సైతం నిలువరించారు. అర్ధరాత్రుల వేళ వైఎస్సార్‌సీపీ శ్రేణులను అదుపులోకి తీసుకొని అక్రమ నిర్బంధంలో పెట్టారు. జిల్లా చరిత్రలోనే పోలీసుశాఖ మాయని అపప్రదను మూటగట్టుకుంది. తాజాగా ఉపసంహరణ కోసం కట్టుబానిసగా మారి పని చేస్తున్నారు. వైఎస్సార్‌ సీపీ అభ్యర్థుల ప్రతిపాదకులపై దృష్టి సారించారు. బెదిరింపులకు దిగుతున్నారు. నామినేషన్‌ ఉపసంహరణ చేసుకోవాలంటూ ఒత్తిళ్లు పెంచుతున్నారు. ఈవ్యవహారంలో జిల్లా కేంద్రంలో ఉన్న డబుల్‌, త్రిబుల్‌ స్టార్‌ అధికారులు మరింత ఉత్సాహం ప్రదర్శిస్తున్నారనే ఆరోపణలు విన్పిస్తున్నాయి. వ్యవస్థలు ఏకపక్ష చర్యలు కారణంగా ఇప్పటికే ఆరు మండలాలకు వైఎస్సార్‌సీపీ జెడ్పీటీసీ అభ్యర్థులు నామినేషన్లు దాఖలు చేయలేదు. మరో 6మండలాలకు చెందిన జడ్పీటీసీ అభ్యర్థుల నామినేషన్లు పరిశీలనలో తిరస్కరించారు. మిగిలిన అభ్యర్థులపై ఖాకీ వనంలో ఉన్న కలుపు మొక్కలు తీవ్రస్థాయి ఒత్తిళ్లు పెంచుతున్నారని పలువురు వాపోతున్నారు. ఉన్నతాధికారులు ఈ పరిణామాన్ని నియంత్రించాల్సిన ఆవశ్యకత ఎంతైనా ఉందని ప్రజాస్వామ్యవాదులు వివరిస్తున్నారు.

వైఎస్సార్‌సీపీ హయాంలో నిర్మితమైన పులివెందుల మెడికల్‌ కళాశాల● వైఎస్సార్‌ సీపీ ప్రభుత్వంలో సంక్షేమం పరవళ్లు తొక్కింది.. ప్రగతి పరుగులు తీసింది.. ఇంటి ముంగిటకే వచ్చే సంక్షేమ ఫలాలతో పాలన పండగలా సాగింది. ఊరూరా కొలువుదీరిన సచివాలయాలతో.. ఆర్‌బీకేలతో.. రోడ్లు... విద్యాలయాలు.. వైద్యశాలలు.. వైద్య కళాశాలలు.. తాగునీటి పథకాలతో ఊరంతా ముచ్చటపడింది.. ● కూటమి కొలువుదీరాక సంక్షేమం ఆగింది.. ప్ర‘గతి’పట్టాలు తప్పింది. పింఛన్లలో కోతలతో... గుంతలు తేలిన రోడ్లతో పాలన పడకేసింది. జిల్లాపై కక్షతో నిధులున్నా ఖర్చు చేయని దుస్థితి నెలకొంది. అభివృద్ధి చేయడంలో పాలకుల్లో చిత్తశుద్ధి కరువైంది. వెరసి జిల్లా అభివృద్ధి ఆగింది. ఇదిగో ఈ కథనమే ఇందుకు సాక్ష్యం. జిల్లా ప్రగతిలో...

27న 26న గంధం● భక్తుల కొంగుబంగారంగా నిలుస్తున్న అమీన్‌పీర్‌ (పెద్ద) దర్గా ● కళకళలాడుతున్న కడప నగరం ● పూర్తయిన ఏర్పాట్లు ఉరుసుముషాయిరానేటి నుంచి పెద్ద దర్గా ఉరుసు కడప సిటీ : దేశంలోనే గొప్ప దర్గాలలో ఒకటిగా ఖ్యాతిగాంచిన కడప అమీన్‌పీర్‌ దర్గా (పెద్ద దర్గా) మొదటి వరుసలో ఉంది. ఆధ్యాత్మిక చింతనకు.....మత సామరస్యానికి ప్రతీకగా నిలుస్తున్న అమీన్‌పీర్‌ దర్గా ఉరుసు మహోత్సవాలు ఆదివారం నుంచి ప్రారంభంకానున్నాయి. ఉరుసు ఉత్సవాలకు దర్గాను సర్వాంగ సుందరంగా తీర్చిదిద్దారు. ఇప్పటికే ఆ ప్రాంతం విద్యుద్దీపశోభతో ఉత్సవ కాంతులను వెదజల్లుతోంది. పలు ప్రాంతాల నుంచి వచ్చిన భక్తులతో దర్గా ప్రాంగణంలో ఆధ్యాత్మిక వాతావరణం ఉట్టిపడుతోంది. ఉత్సవాల్లో భాగంగా ఆదివారం గంధం, సోమవారం ఉరుసు , 29న పీఠాధిపతి నగరోత్సవం నిర్వహించనున్నారు. విలక్షణ సూఫీ ఆధ్యాత్మిక కేంద్రం ఈ దర్గాకు సంబంధించిన ప్రథమ సూఫీ హజరత్‌ ఖ్వాజా సయ్యద్‌షా పీరుల్లా మహమ్మద్‌ చిష్ఠివుల్‌ఖాద్రీ కర్ణాటకలోని బీదర్‌ ప్రాంతం నుంచి 16వ శతాబ్దంలో ఆధ్యాత్మిక బోధనలు చేస్తూ ఈ ప్రాంతానికి వచ్చారు. సూఫీ తత్వాలతో ప్రజల్లో దైవ చింతనను పెంచిన ఈయనకు నాటి కడప నవాబులు ప్రియ శిష్యులుగా ఉండేవారు. ఆయన వారసునిగా ప్రస్తుతం హజరత్‌ ఖ్వాజా సయ్యద్‌షా ఆరీఫుల్లా హుసేనీ సాహెబ్‌ 11వ పీఠాధిపతిగా వ్యవహరిస్తున్నారు. చిన్న వయస్సులోనే అనేక మత గ్రంథాలను అధ్యయనం చేసి ఆధ్యాత్మిక జ్ఞానాన్ని సాధించిన ఈయన శిష్య కోటికి కొంగు బంగారంగా నిలిచారు. దర్గాపై అపార విశ్వాసం గల భక్తులు మన దేశంతోపాటు ఇతర దేశాలలో కూడా ఉన్నారు. ప్రముఖ సినీ ప్రముఖులు ఏఆర్‌ రెహ్మాన్‌ తన కుటుంబంతో ఏడాదికి కనీసం ఆరేడుసార్లు దర్గా గురువుల దర్శనానికి వస్తుంటారు. బాలీవుడ్‌ స్టార్లు అభిషేక్‌ బచ్చన్‌, ఐశ్వర్యబచ్చన్‌, అమీర్‌ఖాన్‌, సల్మాన్‌ఖాన్‌లతోపాటు తెలుగు, తమిళ సినీ ప్రముఖులు కూడా ఈ దర్గాను తరచూ దర్శిస్తుంటారు. ఉత్స వాలకు లక్షలాదిగా భక్తులు తరలిరానున్నారు. 29న 28న

ప్రొద్దుటూరు : ప్రొద్దుటూరు మండలానికి సంబంధించి వైఎస్సార్‌సీపీ జెడ్పీటీసీ అభ్యర్థులుగా మేరువ ఓబయ్య యాదవ్‌, మచ్చా మధులు శుక్రవారం కడప జెడ్పీ కార్యాలయంలో నామినేషన్లు వేశారు. అనంతరం సాయంత్రం వీరు తిరిగి వస్తుండగా చెన్నూరు సమీపంలో టీడీపీ జెడ్పీటీసీ అభ్యర్థి బచ్చల వీరప్రతాప్‌తోపాటు ప్రొద్దుటూరు మార్కెట్‌ కమిటీ చైర్మన్‌ పట్నం లక్ష్మణ్‌, మరి కొంత మంది కిడ్నాప్‌ చేశారు. కొంత దూరం తర్వాత జెడ్పీటీసీ అభ్యర్థులను కారులో నుంచి దించేసి.. ఓబయ్య యాదవ్‌ ప్రతిపాదకుడు రెడ్డి రాముడు, మధు ప్రతిపాదకుడు పోట్లదుర్తి వెంకటరాముడును తీసుకెళ్లారు. చెన్నూరు మండలానికి సంబంధించిన వైఎస్సార్‌సీపీ నాయకుడు నిరంజన్‌రెడ్డి పోలీసులకు ఫిర్యాదు చేయడంతో.. శుక్రవారం రాత్రి పోలీసులు విడిపించి వారిని ప్రొద్దుటూరు రూరల్‌ పోలీస్‌స్టేషన్‌కు తీసుకొచ్చారు. ఈ సందర్భంగా రెడ్డి రాముడు భార్య ప్రియ, పోట్లదుర్తి వెంకటరాముడు భార్య సునీతను పోలీస్‌స్టేషన్‌కు పిలిపించి ఫ్యామిలీ ఫొటోలు తీసుకున్నారు. మీ భర్తలను మీకు అప్పగించామని పోలీసులు చెప్పారు. పోలీస్‌స్టేషన్‌ నుంచే టీడీపీ నాయకులు, కిడ్నాపర్లు.. వీరిని మళ్లీ తీసుకెళ్లారు. వైఎస్సార్‌సీపీ జెడ్పీటీసీ అభ్యర్థుల నామినేషన్ల ఉప సంహరణ కోసమే వీరిని తీసుకెళ్లిన టీడీపీ నాయకులు బెదిరించి, భయపెట్టి హెచ్చరించినట్లు తెలుస్తోంది. పోటీ నుంచి తప్పించేందుకే కిడ్నాప్‌ చేశారు వైఎస్సార్‌సీపీ జెడ్పీటీసీ అభ్యర్థిగా శుక్రవారం కడపలో నామినేషన్‌ వేశాను. చెన్నూరు దగ్గర మమ్మల్ని కిడ్నాప్‌ చేశారు. మమ్మల్ని వదిలేసిన తర్వాత ప్రతిపాదకుడిని తీసుకెళ్లారు. ఊహించని ఈ సంఘటనతో ఆందోళన చెందాం. – మచ్చా మధు, వైఎస్సార్‌సీపీ జెడ్పీటీసీ అభ్యర్థికిడ్నాపర్లకే మళ్లీ అప్పగించిన పోలీసులు

ప్రొద్దుటూరు : అధికార పార్టీ నేతలకు సాధారణ అధికారులతోపాటు పోలీసులు సైతం సలాం చేసే దుస్థితి ఏర్పడింది. ప్రస్తుతం స్థానిక సంస్థల ఎన్నికల్లో జరుగుతున్న సంఘటనలే ఇందుకు ఉదాహరణ. వైఎస్సార్‌సీపీ అభ్యర్థులు వెళ్లినా వెళ్లకపోయినా నామినేషన్లను తీసివేయడం, అధికార పార్టీ నేతలైతే ఆమోదం తెలపడం జరుగుతోంది. ప్రొద్దుటూరు టీడీపీ అభ్యర్థి నామినేషన్‌పై దుమారం చెలరేగుతోంది. ప్రొద్దుటూరు మండలానికి సంబంధించి టీడీపీ జెడ్పీటీసీ అభ్యర్థిగా బచ్చల వీరప్రతాప్‌ శుక్రవారం కడప జెడ్పీ కార్యాలయంలో నామినేషన్‌ దాఖలు చేశారు. ఈయన మాజీ ఎమ్మెల్సీ బచ్చల పుల్లయ్య తనయుడు. ఎమ్మెల్యే నంద్యాల వరదరాజులరెడ్డి కుమారుడు కొండారెడ్డికి ముఖ్య అనుచరుడిగా ఉన్నారు. ఇదే అభ్యర్థి ప్రొద్దుటూరు మున్సిపల్‌ చైర్మన్‌గా కూడా పోటీ చేశారు. దీంతో ఒకే అభ్యర్థికి ఓటు హక్కు ప్రొద్దుటూరు మున్సిపాలిటీలోనూ, ఇటు ప్రొద్దుటూరు మండలంలోనూ ఎలా ఉంటుందని మేధావులు ప్రశ్నిస్తున్నారు. బచ్చల వీరప్రతాప్‌కు మండలంలోని గోపవరం గ్రామ పంచాయతీ పరిధిలోని రెండో ఎంపీటీసీ ఓటర్ల జాబితాలో వరుస సంఖ్య 4761లో ఈయన పేరు ఓంది. అలాగే ప్రొద్దుటూరు మున్సిపాలిటీ పరిధిలోని 49వ వార్డులో ఓటర్ల జాబితా వరుస సంఖ్య 1229లో ఈయన పేరు ఉంది. ఒకే అభ్యర్థి రెండు చోట్ల వేర్వేరుగా పోటీ చేసే అవకాశం ఉంటుందో అధికారులే చెప్పాలి. ఇప్పటికై నా ఎన్నికల కమిషన్‌ అధికారులు వాస్తవాలను పరిశీలించి చర్యలు తీసుకోవాల్సిన అవసరం ఎంతైనా ఉంది. అసలు విషయం ఏమంటే ప్రొద్దుటూరు మన్సిపల్‌ చైర్మన్‌ స్థానానికి టీడీపీ తరఫున పోటీ చేసిన ఈయన నామినేషన్‌ కూడా చెల్లుబాటు అయిందని అధికారులు ధ్రువీకరించారు. తర్వాత ఆయన తన నామినేషన్‌ ఉపసంహరించుకున్నారు. బచ్చల వీరప్రతాప్‌కు రెండు చోట్ల ఓట్లు ఉన్న విషయాన్ని వైఎస్సార్‌సీపీ జెడ్పీటీసీ అభ్యర్థి మేరువ ఓబయ్య యాదవ్‌ స్క్రూటినీలో శనివారం అధికారులకు ఫిర్యాదు చేశారు.గోపవరం గ్రామ పంచాయతీలో బచ్చల ప్రతాప్‌కు ఓటు హక్కుప్రొద్దుటూరు మున్సిపాలిటీ పరిధిలో బచ్చల ప్రతాప్‌కు ఓటు హక్కు మున్సిపల్‌ చైర్మన్‌గా, జెడ్పీటీసీగా పోటీ చేసిన బచ్చల వీరప్రతాప్‌ ఒకే అభ్యర్థికి రెండో చోట్ల ఓటుపై ఫిర్యాదు అధికార పార్టీకి ఎన్నికల కమిషన్‌ నిబంధనలు వర్తించవా?

కడప ఎడ్యుకేషన్‌ : ఈ నెల 31, నవంబర్‌ 1వ తేదీన జరగాల్సిన కడప బాలోత్సవం 4వ పిల్లల పండుగ ఎన్నికల కారణంగా ఉన్నతాధికారుల సలహా మేరకు వాయిదా వేస్తున్నామని కడప బాలోత్సవ అధ్యక్ష, ప్రధాన కార్యదర్శులు నాగమునిరెడ్డి, రాజశేఖర్‌ రాహుల్‌ చెప్పారు. కడపలోని ఎస్వీ ఇంజినీరింగ్‌ కళాశాలలో శనివారం జరిగిన ఆహ్వాన సంఘం సమావేశంలో వారు మాట్లాడారు. ఎన్నికల షెడ్యూలు, విద్యార్థుల పరీక్షలు, ఉపాధ్యాయుల ఎన్నికల విధులు పరిగణన లోనికి తీసుకొని ఉన్నతాధికారుల సలహాలను దృష్టిలో ఉంచుకొని తాత్కాలికంగా వాయిదా వేయుటకు నిర్ణయించినట్లు తెలిపారు. కొత్త తేదీలు ఎన్నికల తర్వాత ప్రకటిస్తామని పేర్కొన్నారు. విద్యార్థుల నమోదు తదుపరి తేది ప్రకటించే వరకు కొనసాగుతుందని తెలియజేశారు. ఈ సమావేశంలో గౌరవ సలహాదారులు, కళాశాల ప్రిన్సిపాల్‌ వీర సుదర్శన్‌రెడ్డి, ఉపాధ్యక్షులు ప్రొఫెసర్‌ మృత్యుంజయరావు, డాక్టర్‌ ఓబుల్‌రెడ్డి, సత్తార్‌ ఫైజీ, కార్యదర్శులు లక్ష్మిరాజ, ఎల్లేశ్వర్‌రావు, వెంకటేశ్వరరెడ్డి, మక్బూల్‌బాషా, కోశాధికారి సునీత, ఆహ్వాన సంఘం సభ్యులు తిరుపాలు, పెన్షన్‌ రామమూర్తి నాయుడు, వరదా రెడ్డి, వెంకటేశ్వరాచారి, శ్రీనివాసులురెడ్డి, సుబ్బరాయుడు, వెంకటేశ్వర్లు, శివకృష్ణారెడ్డి, రామసుబ్బమ్మ, సరస్వతి తదితరులు పాల్గొన్నారు.

ప్రొద్దుటూరు క్రైం : పాలసీబాండు ఇవ్వకుండా నిర్లక్ష్యం వహించి పాలసీదారురాలిని ఇబ్బందులకు గురిచేసిన కొటక్‌ మహీంద్రా లైఫ్‌ ఇన్సూరెన్స్‌ కంపెనీ, కొటక్‌ మహీంద్రా బ్యాంక్‌ లిమిటెడ్‌లకు కడప జిల్లా వినియోదారుల ఫోరం షాక్‌ ఇచ్చింది. ప్రీమియం మొత్తం రూ.2,06,806ను వార్షికంగా 6 శాతం వడ్డీతో కలిపి చెల్లించాలని ఆదేశించింది. బాధితురాలికి మానసిక వేదన, ఒత్తిడికి పరిహారంగా రూ.10 వేలు, కేసు ఖర్చుల కింద మరో రూ.3 వేలు చెల్లించాలని స్పష్టం చేసింది. ప్రొద్దుటూరుకు చెందిన న్యాయవాది సీవీ జయలక్ష్మి ఈ విషయమై వినియోదరారుల కమిషన్‌ను ఆశ్రయించారు. కొటక్‌ మహీంద్రా లైఫ్‌ ఇన్సూరెన్స్‌ కంపెనీ, కొటక్‌ మహీంద్రా బ్యాంక్‌ లిమిటెడ్‌లను ప్రతివాదులుగా పేర్కొంటూ ఫిర్యాదు దాఖలు చేశారు. పాలసీకి సంబంధించిన బాండును అందించకుండా నిర్లక్ష్యం చేయడంతో తాను ఇబ్బందులు ఎదుర్కొన్నట్లు ఫిర్యాదులో పేర్కొన్నారు. ఈ ఫిర్యాదుపై స్పందించిన ఇన్సూరెన్స్‌ కంపెనీ, బ్యాంకు ప్రతినిధులు కమిషన్‌ ఎదుట హాజరై, ఫిర్యాదులోని అంశాలు అవాస్తవమంటూ కౌంటర్‌ దాఖలు చేశారు. ఇరుపక్షాల వాదనలు, అందుబాటులో ఉన్న అంశాలను పరిశీలించిన వినియోగదారుల కమిషన్‌ చైర్మన్‌ టి.అబ్దుల్‌రసూల్‌, సభ్యులు మురళీకృష్ణ, చంద్రవదన్‌.. పాలసీ బాండు అందించడచంలో నిర్లక్ష్యం జరిగినట్లు నిర్ధారించారు. దీంతో ఫిర్యాదును పాక్షికంగా అనుమతిస్తూ, ప్రీమియం మొత్తం రూ.2,06,806పై 2024 జూన్‌ 3 నుంచి చెల్లింపు జరిగే వరకు ఏడాదికి 6 శాతం వడ్డీ చెల్లించాలని ప్రతివాదులు1, 2లను ఆదేశించారు. అదనంగా మానసిక వేదనకు రూ.10 వేలు, ఫిర్యాదు ఖర్చుల కింద రూ.3 వేలు చెల్లించాలని పేర్కొన్నారు. కోర్టు ఉత్తర్వు అందుకున్న తేదీ నుంచి 45 రోజుల్లోగా ఈ మొత్తాలను చెల్లించాలని స్పష్టం చేశారు.చేతికొచ్చిన కుమారుడు బ్లాస్టింగ్‌లో బుగ్గిపాలు బ్రహ్మంగారిమఠం : మండల పరిధి చెంచయ్యగారిపల్లెలోని తెలుగుదేశం పార్టీకి చెందిన యాదవ సామాజిక వర్గానికి చెందిన ఆదిబోయిన గురువయ్య కుమారుడు గురు పవన్‌(22) అల్లూరి సీతారామరాజు జిల్లాలో రోడ్డు బ్లాస్టింగ్‌లో మృతి చెందడంతో.. ఆ కుటుంబంలో విషాదఛాయలు అలుముకున్నాయి. వివరాలు ఇలా ఉన్నాయి. గురు పవన్‌ ఈ మధ్యనే ఎంబీఏ పూర్తి చేసి ఇంటి దగ్గరనే ఉన్నాడు. బి.మఠం మండల పరిషత్‌ మాజీ ఉపాధ్యక్షుడు, చెంచయ్యగారిపల్లెకు చెందిన ముడుమాల పోలిరెడ్డి దగ్గర గురువయ్య కాంట్రాక్టు పనుల్లో ఉంటున్నారు. స్థానిక ఎన్నికల సందర్భంగా పోలిరెడ్డి, గురవయ్యలు ఇంటికి వచ్చారు. గురువయ్య కుమారుడు గురు పవన్‌ను రోడ్డు పనుల కోసం పంపించారు. రోడ్డు పనులు జరుగుతున్న సందర్భంగా శనివారం బ్లాస్టింగ్‌ ఏర్పాటు చేయడంతో ప్రమాదంలో గురు పవన్‌ మృతి చెందాడు. చేతికి వచ్చిన కుమారుడు మృత్యువాత పడటంతో కుటుంబ సభ్యులు విషాదంలో మునిగిపోయారు. గురువయ్య మల్లేపల్లె ఎంపీటీసీ అభ్యర్థిగా తెలుగుదేశం పార్టీ తరఫున ఇటీవల నామినేషన్‌ వేశారు. బైక్‌లు ఢీకొని ఇద్దరికి గాయాలుమదనపల్లె టౌన్‌ : కురబలకోట మండలం సర్కారు తోపు సమీపంలో శనివారం సాయంత్రం ఎదురెదురుగా వస్తున్న రెండు ద్విచక్ర వాహనాలు ఢీకొనడంతో సర్కారు తోపునకు చెందిన తేజ, మోహన్‌రెడ్డి గాయపడ్డారు. వారిని మదనపల్లి జిల్లా ప్రభుత్వ ఆసుపత్రికి తరలించారు. ● అల్లూరి జిల్లాలో మండల వాసి మృతి ● చెంచయ్యగారిపల్లెలో విషాద ఛాయలుఇన్సూరెన్స్‌ కంపెనీకి ఫోరం వడ్డింపు

ఒంటిమిట్ట : ఒంటిమిట్ట శ్రీ కోదండ రామస్వామిని ఏపీ హైకోర్టు జడ్జి జస్టిస్‌ లక్ష్మణరావు ఆదివారం దర్శించుకోనున్నారని ఆలయ టీటీడీ ఏఈవో రవి తెలిపారు. జడ్జికి ఆలయ లాంఛనాలతో స్వాగతం పలికి, స్వామి వారిని దర్శింపజేసి, ప్రత్యేక పూజలు చేయిస్తామని ఆయన పేర్కొన్నారు. ఉత్సాహంగా ఎస్‌జీఎఫ్‌ జిల్లా స్థాయి ఎంపికలుకడప వైఎస్‌ఆర్‌ సర్కిల్‌ : స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌)లో భాగంగా నిర్వహించిన జిల్లా స్థాయి ఎంపికలు ఉత్సాహంగా సాగినట్లు ఎస్‌జీఎఫ్‌ అండర్‌–14 సెక్రటరీలు విజయలక్ష్మి, నాగరాజారెడ్డి తెలిపారు. శనివారం కడప నగరంలోని డీఎస్‌ఏ క్రీడా మైదానంలో స్కేటింగ్‌, చెస్‌, క్రికెట్‌, ఖురాష్‌ వంటి క్రీడా పోటీల్లో ఎంపికలు నిర్వహించారు. జిల్లాలోని వివిధ ప్రాంతాల నుంచి దాదాపు 500 మంది క్రీడాకారులు పాల్గొన్నారు. అదే విధంగా డాక్టర్‌ వైఎస్‌ఆర్‌ క్రీడా పాఠశాలలో అథ్లెటిక్స్‌ జిల్లా స్థాయి ఎంపికలు చేపట్టారు. దాదాపు 750 మంది క్రీడాకారులు హాజరై తమ ప్రతిభ చాటారు. జిల్లా స్థాయికి ఎంపికై న వారు త్వరలో జరిగే రాష్ట్ర స్థాయి పోటీల్లో పాల్గొంటారు. రాష్ట్ర స్థాయి పోటీలు ఎక్కడ నిర్వహించేది ఖరారు చేయలేదని, ఆ వివరాలు త్వరలో ప్రకటిస్తామని ఎస్‌జీఎఫ్‌ అండర్‌–14 సెక్రటరీలు తెలిపారు. ఐదుగురిపై కేసు నమోదు చక్రాయపేట : చక్రాయపేట బైపాస్‌ రోడ్డులో ద్విచక్ర వాహనంపై వెళ్తున్న కల్లూరుపల్లె గ్రామానికి చెందిన వైఎస్‌ఆర్‌సీపీ నేతలపై శుక్రవారం దాడి చేసిన టీడీపీకి చెందిన ఐదుగురిపై కేసు నమోదు చేసినట్లు ఎస్‌ఐ ఎస్‌కేఎం హుస్సేన్‌ తెలిపారు. గాయపడ్డ ఈశ్వరయ్య ఫిర్యాదు మేరకు ఎస్‌ఐ తెలిపిన వివరాలు ఇలా ఉన్నాయి. ఈశ్వరయ్యతోపాటు ఆయన అన్న అంజనప్ప నాయుడు.. వారి మేనకోడలు శ్రీజను చక్రాయపేటలోని కస్తూర్బా పాఠశాలలో వదిలి.. తిరిగి తమ ద్విచక్ర వాహనంలో ఇంటికి బయలు దేరారు. బైపాస్‌ రోడ్డులోని డాబా హోటల్‌ సమీపంలోకి రాగానే.. కల్లూరుపల్లె గ్రామానికి చెందిన సిద్దా వెంకట మల్లప్ప నాయుడు, వెంకటపతి నాయుడు, చిలేకాంపల్లె గ్రామానికి చెందిన మావిరెడ్డి, కుమారకాల్వ గ్రామానికి చెందిన ప్రవీణ్‌, చక్రాయపేటకు చెందిన హిదయతుల్లా అక్కడ ఉన్నారని బాధితులు చెప్పారు. తమ పొలాల దగ్గర వున్న దారి విషయం మనసులో పెట్టుకొని వుండిన వెంకటమల్లప్ప నాయుడు, వెంకటపతి నాయుడు అడ్డుపడి.. ‘ఈ నా కొడుకులు మమ్మల్ని ఇబ్బందులు పెడుతూ ఇన్ని రోజులు తప్పించుకు తిరుగుతున్నారు. ఈ రోజు దొరికారు చంపండి’ అని అంటూ వారితోపాటు మావిరెడ్డి, ప్రవీణ్‌, హిదయతుల్లా తమపై రాడ్లు కట్టెలతో దాడి చేశారని ఫిర్యాదు చేసినట్లు పేర్కొన్నారు. ఈశ్వరయ్య ఫిర్యాదు మేరకు పై ఐదుగురిపై కేసు నమోదు చేసినట్లు ఎస్‌ఐ తెలిపారు.

కడప అర్బన్‌ : కడపలోని కేంద్ర కారాగారం, మహిళా ప్రత్యేక కారాగారాలను జిల్లా ప్రధాన న్యాయమూర్తి జి.రామగోపాల్‌ శనివారం తనిఖీ చేశారు. బోర్డ్‌ ఆఫ్‌ విజిటర్స్‌ కమిటీ ఆధ్వర్యంలో కమిటీ సభ్యులు కారాగారాల్లోని ఖైదీల రూమ్‌లు, వంటశాలలు, హాస్పిటల్‌, స్టోర్‌ రూమ్‌, మరుగుదొడ్లు, పారిశుధ్య నిర్వహణ, ఖైదీలకు కల్పిస్తున్న మౌలిక సదుపాయాలను పరిశీలించారు. ఖైదీలు వివిధ వృత్తి నైపుణ్యాల ద్వారా తయారు చేస్తున్న వస్తువులు, వాటి తయారీ ప్రక్రియ, చేపడుతున్న పనులను పరిశీలించి, ఈ కార్యకలాపాల నిర్వహణపై అధికారులతో చర్చించారు. ఈ సందర్భంగా ఖైదీల హక్కుల పరిరక్షణ, మెరుగైన మౌలిక సదుపాయాల కల్పన, పరిశుభ్రమైన వాతావరణం, ఆరోగ్య సంరక్షణ, న్యాయ సహాయం వంటి అంశాలకు ప్రాధాన్యతనిస్తూ, సంబంధిత నిబంధనల ప్రకారం అవసరమైన చర్యలు చేపట్టాలని కమిటీ సూచించింది. ఈ కార్యక్రమంలో సీనియర్‌ సివిల్‌ జడ్జి, డీఎల్‌ఎస్‌ఏ ఎస్‌.బాబా ఫక్రుద్దీన్‌. డీఆర్‌ఓ కె.మల్లికార్జునుడు, డీఎంహెచ్‌ఓ యుగంధర్‌, పీడబ్ల్యూడీ ఎగ్జిక్యూటివ్‌ ఇంజినీర్‌ పి.చెంగలరాయుడు, డీఈఓ డా.ఎస్‌.షంషుద్దీన్‌, డిస్ట్రిక్ట్‌ సోషల్‌ వెల్ఫేర్‌ జాయింట్‌ డైరెక్టర్‌ సి.లక్ష్మినారాయణ, డిస్ట్రిక్ట్‌ ఎంప్లాయిమెంట్‌ ఆఫీసర్‌ ఎ.సురేష్‌ కుమార్‌, డిస్ట్రిక్ట్‌ అగ్రికల్చరల్‌ జాయింట్‌ డైరెక్టర్‌ యం.సుబ్రమణ్యేశ్వరరావు, పురుషుల, ప్రత్యేక మహిళ కారాగారాల సూపరింటెండెంట్‌లు, లీగల్‌ ఎయిడ్‌ డిఫెన్స్‌ కౌన్సిల్స్‌, పారా లీగల్‌ వాలంటరీలు పాల్గొన్నారు.

● 9 చోట్ల వైఎస్సార్‌సీపీ పేరుతో నామినేషన్లు వేసిన టీడీపీ వర్గీయులుచాపాడు : నామినేషన్లు వేయడంలోనూ టీడీపీ వెన్నుపోటు పొడుస్తోంది. స్థానిక సంస్థల ఎన్నికల్లో భాగంగా ఎంపీటీసీ, జెడ్పీటీసీ స్థానాలకు గత మూడు రోజులుగా నామినేషన్లు జరిగాయి. ఈ క్రమంలో నియోజకవర్గ వ్యాప్తంగా గత రెండు రోజులుగా మైదుకూరులో రెండు చోట్ల మినహా మిగిలిన ఐదు మండలాల్లో ఏ ఒక్క వైఎస్సార్‌సీపీ వర్గీయుడిని టీడీపీ మూకలు నామినేషన్లు వేయించలేదు. ఎన్నికల కమిషన్‌ను నమ్మించేందుకు టీడీపీ వర్గీయులే నియోజకవర్గంలోని 9 చోట్ల వైఎస్సార్‌సీపీ పేరుతో నామినేషన్లు వేశారు. మైదుకూరు మండలంలో అన్నలూరు, గంజికుంట, తిప్పిరెడ్డిపల్లె, ఖాజీపేట మండలంలో తవ్వారుపల్లె, త్రిపురవరం, ఖాజీపేట–1, ఖాజీపేట–2, చాపాడు మండలంలో అల్లాడుపల్లె, బ్రహ్మంగారిమఠం మండలం తోట్లపల్లె ఎంపీటీసీ స్థానాలకు టీడీపీ వర్గీయులు వారి వ్యక్తులతో వైఎస్సార్‌సీపీ పేరుతో ఆయా స్థానాలకు నామినేషన్లను వేయించారు. నామినేషన్లు వేయించక ముందే ఉపసంహరణ పత్రాలపై సంతకాలు చేయించుకుని నామినేషన్లు వేయించడం గమనార్హం. నియోజకవర్గంలోని ఐదు మండలాల్లో వైఎస్సార్‌సీపీ ముఖ్య నాయకులను పోలీసులు మూడు రోజుల పాటు తమ ఆధీనంలో ఉంచుకోవడం, నామినేషన్‌ వేసేందుకు వచ్చే వారిపై టీడీపీ మూకలు దాడులకు పాల్పడటం, నామినేషన్‌ పత్రాలను లాక్కొని చించేయడం వంటి పనులకు పాల్పడ్డారు. చాపాడు మండలం పల్లవోలు ఎంపీటీసీ స్థానానికి నామినేషన్‌ వేసేందుకు వచ్చిన దోనాది ఆదినారాయణ, ఆయన భార్య నరసమ్మ, తమ మద్దతుదారులపై ఆ గ్రామానికి చెందిన పలువురు టీడీపీ నాయకులు దాడులకు పాల్పడి నామినేషన్‌ పత్రాలు చించేశారు. మైదుకూరు నియోజకవర్గంలో 61 ఎంపీటీసీ స్థానాలు ఉండగా మైదుకూరు మండలంలో రెండు చోట్ల మాత్రమే వైఎస్సార్‌సీపీ వర్గీయులు నామినేషన్‌ వేశారు.

కలసపాడు : నామినేషన్ల పర్వం చివరి రోజు కలసపాడు నామినేషన్‌ కేంద్రం వద్ద రణరంగంగా మారింది. నామినేషన్‌ వేసేందుకు వెళ్లిన వైఎస్సార్‌సీపీ ఎంపీటీసీ అభ్యర్థులను టీడీపీ మూకలు రాళ్లు, కర్రలతో దాడులకు పాల్పడ్డారు. పలువురు కార్యకర్తలకు గాయాలు కాగా వైఎస్సార్‌సీపీ కార్యకర్తలు వారికి ఎదురొడ్డి నిలిచి 9 ఎంపీటీసీ స్థానాలకు గాను 7 స్థానాలకు నామినేషన్లు వేశారు. శుక్రవారం ఉదయం నామినేషన్లు వేసేందుకు వెళ్లిన వైఎస్సార్‌సీపీ నాయకులను టీడీపీ నాయకులు అడ్డుకోగా.. మధ్యాహ్నం మరోసారి వైఎస్సార్‌సీపీ నియోజకవర్గ యువ నాయకులు దేవసాని ఆదిత్యరెడ్డి ఆధ్వర్యంలో బయలుదేరారు. క్యూలో ఉన్న అభ్యర్థులపై టీడీపీ మూకలు రాళ్లు, కర్రలతో దాడులకు పాల్పడగా సింగరాయపల్లెకు చెందిన యంబడిబేబీ తల పగిలి రక్తగాయాలయ్యాయి. ఆమెను హుటాహుటిన అంబులెన్స్‌లో పోరుమామిళ్లకు తరలించగా మెరుగైన వైద్యం కోసం కడపకు తరలించారు. రాళ్ల దాడులను, కర్రల దాడులను తట్టుకుని వైఎస్సార్‌సీపీ అభ్యర్థులు నిలబడగా వారికి మద్దతుగా దేవసాని ఆదిత్యరెడ్డి, వైఎస్సార్‌సీపీ మండల నాయకులు నిలిచారు. ఘర్షణ తీవ్రతరం కావడంతో ఎస్‌ఐ హనుమంతు పోరుమామిళ్ల సీఐ సుబ్రమణ్యంకు సమాచారం అందించారు. హుటాహుటిన పోలీసులు భారీగా చేరుకుని ఇరువర్గాలను చెదరగొట్టి నామినేషన్‌ కేంద్రం వద్ద ఉన్న అభ్యర్థులను పరిశీలించి లోనికి పంపించారు. టీడీపీ గూండాలు బరితెగించి మూడు రోజులుగా వైఎస్సార్‌సీపీ నాయకులను పలు రకాలుగా ఇబ్బందులకు గురిచేసినప్పటికీ మొక్కవోని ధైర్యంతో 9 స్థానాలకు గాను 7 ఎంపీటీసీ స్థానాలకు నామినేషన్లు వేశారు. శుక్రవారం టీడీపీకి 8 నామినేషన్లు దాఖలు కాగా వైఎస్సార్‌సీపీ 12, జనసేన 2, ఒక ఇండిపెండెంట్‌ మొత్తం 23 నామినేషన్లు దాఖలయ్యాయి. మూడు రోజులు జరిగిన నామినేషన్ల పర్వంలో మొత్తం 46 నామినేషన్లు దాఖలు కాగా 25 టీడీపీ నుంచి, 12 వైఎస్సార్‌సీపీ నుంచి, 4 వైఎస్సార్‌సీపీ పేరుతో టీడీపీ అభ్యర్థులు ఫేక్‌ నామినేషన్లు వేశారు. జనసేన 2, ఇండిపెండెంట్‌ అభ్యర్థులు 3 నామినేషన్లు దాఖలు చేశారు.

పులివెందుల రూరల్‌ : స్థానిక సంస్థల ఎన్నికలలో టీడీపీ నేతలు దౌర్జన్యాలకు ఎగబడి.. దాడులకు తెగబడ్డారు. ప్రతిపక్ష పార్టీల అభ్యర్థులు కనీసం నామినేషన్‌లు వేయకుండా అధికార పార్టీ నాయకులు అడ్డుకోవడం చర్చనీయాంశంగా మారింది. పోలీసులు టీడీపీ నాయకులతో కుమ్మకై ్క.. వైఎస్సార్‌సీపీ ఎంపీటీసీ అభ్యర్థులను నామినేషన్లు వేయకుండా అడ్డుకోవడం ఏమిటని వైఎస్సార్‌సీపీ నాయకులు ఆవేదన వ్యక్తం చేస్తున్నారు. ఎంపీటీసీ, జెడ్పీటీసీ ఎన్నికల నామినేషన్ల చివరి రోజు కావడంతో పులివెందుల మండల పరిధిలోని 5 ఎంపీటీసీ స్థానాలకు నామినేషన్లు వేసేందుకు వైఎస్సార్‌సీపీ అభ్యర్థులు శుక్రవారం ఎంపీడీఓ కార్యాలయ ఆవరణలో ఉన్న నామినేషన్‌ కేంద్రానికి వెళ్తుండటంతో.. టీడీపీ నాయకులు అడ్డుకున్నారు. నామినేషన్‌ వేసేందుకు కూడా వెళ్లనీయకుంటే ఎన్నికలు ఎందుకు నిర్వహించాలని టీడీపీ నాయకులతో వైఎస్సార్‌సీపీ ఎంపీటీసీ అభ్యర్థులు వాగ్వాదానికి దిగారు. టీడీపీ గూండాలు నామినేషన్‌ పత్రాలను చించివేసేందుకు వైఎస్సార్‌సీపీ ఎంపీటీసీ అభ్యర్థులతో ఘర్షణ పడ్డారు. దీంతో వైఎస్సార్‌సీపీ ఎంపీటీసీ అభ్యర్థులు ఓబుళరెడ్డి, నాయక్‌, మస్తాన్‌లు టీడీపీ నాయకులతో గొడవపడి తప్పించుకుని నామినేషన్‌ వేసేందుకు నామినేషన్‌ కేంద్రానికి వెళ్లారు. అక్కడ టీడీపీ నాయకులు అడ్డగించినా, అభ్యర్థులను పోలీసులు లోపలికి పంపించారు. కానీ వైఎస్సార్‌సీపీ ఎంపీటీసీ అభ్యర్థుల వద్ద సపోర్టర్స్‌తోపాటు సాక్ష్యం లేకపోవడంతో వెనుతిరిగి వెళ్లిపోయారు. దీంతో ఉదయం 11 గంటల నుంచి సాయంత్రం 5 గంటల వరకు వైఎస్సార్‌సీపీ ఎంపీటీసీ అభ్యర్థులు నామినేషన్‌ వేసేందుకు రాకుండా.. టీడీపీ నాయకులు నామినేషన్‌ కేంద్రాల వద్ద గుంపులుగా అలాగే ఉండిపోయారు. అలాగే పోలీసులు కూడా టీడీపీ నాయకులు గుంపులుగా ఉన్నా ఎటువంటి చర్యలు చేపట్టలేదు. చంద్రగిరి ఎంపీటీసీ అభ్యర్థి మస్తాన్‌ నామినేషన్‌ వేసేందుకు వెళుతుండటంతో టీడీపీ నాయకులు దాడి చేయడంతో.. పోలీసులు ఆయనను తీసుకెళ్లి పోలీసు క్వార్టర్స్‌లో బంధించారు. వేంపల్లెలో కూడా ఇలాగే అభ్యర్థులను అడ్డుకున్నారు. వైఎస్సార్‌సీపీ తరపున టీడీపీ అభ్యర్థులే నామినేషన్లు పులివెందుల ఎంపీటీసీ స్థానాలకు టీడీపీకి చెందిన అభ్యర్థులే వైఎస్సార్‌సీపీ తరఫున నామినేషన్లు దాఖలు చేయడం గమనార్హం. కొత్తపల్లె ఎంపీటీసీ స్థానానికి టీడీపీకి చెందిన చంద్రశేఖరరెడ్డి, బాలనాగప్రసాద్‌, ఎర్రబల్లె–1 నందా ప్రకాష్‌లు వైఎస్సార్‌సీపీ తరఫున నామినేషన్లు దాఖలు చేశారు. వైఎస్సార్‌సీపీ తరఫున టీడీపీ వారే నామినేషన్లు వైఎస్సార్‌సీపీ ఎంపీటీసీ అభ్యర్థులను అడ్డుకున్న టీడీపీ నాయకులు

చాపాడు : స్థానిక సంస్థల ఎన్నికల్లో భాగంగా వైఎస్సార్‌సీపీ రాష్ట్ర క్రమశిక్షణ కమిటీ చైర్మన్‌, మాజీ ఎమ్మెల్యే శెట్టిపల్లె రఘురామిరెడ్డిని మూడో రోజు శుక్రవారం కూడా పోలీసులు హౌస్‌ అరెస్టు చేశారు. నామినేషన్లు జరిగిన మూడు రోజులపాటు మాజీ ఎమ్మెల్యే శెట్టిపల్లె రఘురామిరెడ్డితోపాటు వైఎస్సార్‌సీపీ నాయకులు మాజీ ఎంపీపీ లక్షుమయ్య, వైఎస్సార్‌సీపీ జెడ్పీటీసీ, పల్లవోలు ఎంపీటీసీ అభ్యర్థులైన మహేష్‌యాదవ్‌, దోనాది సాగర్‌, కేసీ కెనాల్‌ డిస్ట్రిబ్యూటరీ మాజీ చైర్మన్‌ మహేశ్వర్‌రెడ్డి, దళిత నాయకులు మొర్రాయిపల్లెకు చెందిన బాలయ్య, బద్రిపల్లెకు చెందిన పుల్లయ్య పోలీసుల అదుపులో ఉన్నారు. మూడు రోజులపాటు తమను పోలీస్‌స్టేషన్‌కు పరిమితం చేయడంతో నామినేషన్లు వేయలేకపోయామని అభ్యర్థులు వాపోయారు. వీరబల్లి : మండల కేంద్రంలో ఎంపీటీసీ స్థానానికి నామినేషన్‌ వేసేందుకు వెళ్తున్న వైఎస్సార్‌సీపీ అభ్యర్థులపై టీడీపీ గూండాలు దాడి చేసిన సంఘటన శుక్రవారం చోటు చేసుకుంది. వీరబల్లి మండల కేంద్రంలో వీరబల్లి ఎంపీటీసీ స్థానానికి చింతమాను రెడ్డయ్య తల్లి లక్ష్మీదేవి వైఎస్సార్‌సీపీ తరఫున నామినేషన్‌ దాఖలు చేసేందుకు వెళ్లారు. ఇది గమనించిన టీడీపీ గూండాలు వారిపై దాడి చేసి తీవ్రంగా కొట్టారు. ఇంత జరుగుతున్నా పోలీసులు ప్రేక్షకపాత్ర మహించడం గమనార్హం. మైదుకూరు : మైదుకూరులో మున్సిపల్‌ కౌన్సిలర్లు, ఎంపీటీసీల నామినేషన్ల ప్రక్రియను శుక్రవారం డీఐజీ కోయ ప్రవీణ్‌, ఎన్నికల రాష్ట్ర పరిశీలకుడు గణేష్‌ పరిశీలించారు. మండల పరిషత్‌ కార్యాలయం గేట్‌ వద్ద డీఐజీ కోయ ప్రవీణ్‌ నామినేషన్ల దాఖలుపై మైదుకూరు డీఎస్పీ రాజేంద్రప్రసాద్‌తో మాట్లాడారు. మండల పరిషత్‌ కార్యాలయంలో నామినేషన్ల ప్రక్రియను రాష్ట్ర పరిశీలకుడు గణేష్‌ పరిశీలించి అధికారులతో మాట్లాడారు. అంతకుముందు బద్వేలు ఆర్డీఓ చంద్రమోహన్‌ మున్సిపల్‌ కార్యాలయంలో కౌన్సిలర్‌ అభ్యర్థుల నామినేషన్ల ప్రక్రియను పరిశీలించారు. భద్రత కట్టుదిట్టం కడప అర్బన్‌ : ఎంపీటీసీ, జెడ్పీటీసీ ఎన్నికల నామినేషన్ల పర్వం ప్రశాంతంగా ముగిసిందని కర్నూలు రేంజ్‌ డీఐజీ డాక్టర్‌ కోయ ప్రవీణ్‌ తెలిపారు. కడప నగరంలోని జిల్లా పరిషత్‌ కార్యాలయంలో జరుగుతున్న నామినేషన్ల ప్రక్రియను ఆయన పరిశీలించారు. అనంతరం మీడియాతో మాట్లాడుతూ అక్కడక్కడా చిన్న ఘటనలు చోటుచేసుకున్నప్పటికీ, అభ్యర్థులు ప్రశాంతంగా నామినేషన్లు దాఖలు చేశారని తెలిపారు.

● నామినేషన్‌ కేంద్రం సమీపంలో కవరేజ్‌ చేస్తుండగా దౌర్జన్యం కడప అర్బన్‌ : కడప నగరంలోని జెడ్పీ కార్యాలయం నామినేషన్ల కేంద్రం వద్ద వీడియో కవరేజీ చేస్తున్న ఓ మీడియా ప్రతినిధి జాల సుందర్‌రావుపై శుక్రవారం ఉదయం 11 గంటల ప్రాంతంలో అల్లరి మూకలు చొక్కా పట్టుకుని దాడి చేశారు. వీడియో కవరేజ్‌కి ఉపయోగించిన సెల్‌ ఫోన్‌ను లాక్కొని బలవంతంగా అందులోని వీడియోలను, ఫొటోలను డిలీట్‌ చేశారు. అంతటితో ఆగక దౌర్జన్యం చేశారు. ఇంతలోపు సహచర జర్నలిస్టులు అడ్డుకోవడంతో పరారయ్యారు. ఈ సంఘటన జరిగిన వెంటనే జర్నలిస్టులు మూకుమ్మడిగా జెడ్పీ కార్యాలయం ప్రధాన గేటు వద్దకు చేరుకుని.. జర్నలిస్టులపై జరుగుతున్న దాడులను నిరసిస్తూ ఆందోళన చేపట్టారు. జర్నలిస్టుల ఐక్యత వర్ధిల్లాలని, సీనియర్‌ జర్నలిస్టు సుందర్‌రావుపై దాడి చేసిన వారిపై చట్టపరమైన చర్యలు తీసుకోవాలని డిమాండ్‌ చేశారు. ఆందోళన వద్దకు కడప డీఎస్పీ టి భవాని, కడప వన్‌టౌన్‌ సీఐ తిమ్మారెడ్డి, పోలీసు అధికారులు, సిబ్బంది చేరుకున్నారు. జర్నలిస్టుల డిమాండ్‌ మేరకు నిందితులపై చట్టపరమైన చర్యలు తీసుకుంటామని హామీ ఇవ్వడంతో వారు ఆందోళన విరమించారు. కేసు నమోదు సీనియర్‌ జర్నలిస్ట్‌ సుందర్‌రావుపై దాడి చేసిన అల్లరిమూకలపై బాధితుడి ఫిర్యాదు మేరకు కడప వన్‌టౌన్‌ పోలీస్‌స్టేషన్‌లో కేసు నమోదు చేసి దర్యాప్తు చేస్తున్నట్లు సీఐ తిమ్మారెడ్డి తెలియజేశారు.

● మాజీ ఎమ్మెల్యే రాచమల్లు శివప్రసాదరెడ్డి ప్రొద్దుటూరు : ప్రొద్దుటూరు మున్సిపల్‌ ఎన్నికల్లో వైఎస్‌ఆర్‌సీపీ అభ్యర్థుల నామినేషన్లు తిరస్కరించడం దారుణమని వైఎస్సార్‌సీపీ రాష్ట్ర అధికార ప్రతినిధి, మాజీ ఎమ్మెల్యే రాచమల్లు శివప్రసాదరెడ్డి అన్నారు. ఆయన శుక్రవారం తన క్యాంప్‌ కార్యాలయంలో మీడియాతో మాట్లాడారు. ప్రొద్దుటూరు మున్సిపల్‌ చైర్మన్‌ స్థానానికి టీడీపీ తరఫున పోటీ చేసిన నంద్యాల రాఘవరెడ్డి మాత్రమే చదువుకున్నారా, మిగతా వారికి చదువురాకనే వారి నామినేషన్లు చెల్లుబాటు కాలేదా అని ప్రశ్నించారు. 52 కౌన్సిలర్‌ స్థానాలకు సంబంధించి మొత్తం 219 మంది నామినేషన్లు వేసినా టీడీపీ అభ్యర్థులు మినహా ఎవరి నామినేషన్లు చెల్లుబాటు కాలేదన్నారు. మున్సిపాలిటీ పరిధిలో 1,37,202 మంది ఓటర్లు ఉండగా ఎవరూ ఓటు వేయకపోయినా.. నంద్యాల రాఘవరెడ్డి మున్సిపల్‌ చైర్మన్‌గా, 52 మంది టీడీపీ అభ్యర్థులు కౌన్సిలర్లుగా ఎన్నికయ్యారన్నారు. ప్రొద్దుటూరు పురపాలక సంఘం జిల్లాలోనే పెద్దదని, ఈ సంఘం 100 ఏళ్ల చరిత్రలో ఎన్నడూ చైర్మన్‌, మొత్తం కౌన్సిలర్‌ స్థానాలు ఏకగ్రీవం కాలేదని తెలిపారు. కానీ ఇప్పుడు టీడీపీ దండోపాయాన్ని ఉపయోగించి ఏకగ్రీవం చేసుకోవడం దారుణమన్నారు. పదవుల కోసం ఇంత అన్యాయానికి పాల్పడటం తగదన్నారు. ప్రజాస్వామ్యాన్ని ఎమ్మెల్యే వరద కుటుంబ సభ్యులు అవమాన పరిచారన్నారు. ఎన్ని ఇబ్బందులు పెట్టినా, అవమానాలకు గురైనా తమ పార్టీ కార్యకర్తలు మాత్రం పోటీకి వచ్చారన్నారు. తమ పార్టీకి సంబంధించిన మహిళలను నామినేషన్ల సందర్భంగా ఘోరంగా అవమానించారన్నారు. స్క్రూటినీ సందర్భంగా రాక్షస క్రీడ జరిగిందని పేర్కొన్నారు. టీడీపీ ప్రైవేట్‌ సైన్యంతో దాడులు చేయించిందన్నారు. నామినేషన్ల పత్రాలు నోరుమూసుకుని ఇస్తే తీసుకుంటాం.. లేకుంటే తన్నులు తింటారని బెదిరించారన్నారు. పోలీసుల కళ్ల ముందే తమను అవమానించడం జరిగిందన్నారు. తమ అభ్యర్థులను కొడుతున్నా పోలీసులు ప్రేక్షక పాత్ర వహించారన్నారు. ఎంపీటీసీ, జెడ్పీటీసీ ఎన్నికల్లో సేమ్‌ సీన్‌ ఎంపీటీసీ, జెడ్పీటీసీ ఎన్నికల్లో మున్సిపల్‌ ఎన్నికల సీన్‌ రిపీట్‌ అయిందని తెలిపారు. మండల పరిషత్‌ కార్యాలయం వద్ద నామినేషన్‌ వేసేందుకు వెళ్లిన తమ పార్టీ అభ్యర్థులను బెదిరించడం, పత్రాలు చించివేయడం జరిగిందన్నారు. రాజుపాళెంలో ముగ్గురు, ప్రొద్దుటూరులో ఏడుగురు మాత్రమే నామినేషన్‌ వేయగలిగారన్నారు. వీటిని కూడా స్క్రూటినీలో టీడీపీ నేతలు చించే అవకాశం ఉందన్నారు. రాఘవరెడ్డి కుమారుడు రవిరెడ్డి, మరికొందరు టీడీపీ నేతలు అక్కడే మకాం వేసి అభ్యర్థులను లోపలికి పంపకుండా చేశారన్నారు. మున్సిపల్‌ ఎన్నికలు, జెడ్పీటీసీ, ఎంపీటీసీ ఎన్నికల సందర్భంగా జరిగిన సంఘటనలు చరిత్రలో ఎప్పుడూ జరగలేదన్నారు. 2029లో ఇందుకు ప్రతీకారం తీర్చుకుంటామన్నారు.

సాక్షి ప్రతినిధి, కడప : నంద్యాల రాఘవరెడ్డి బాటను సుగవాసీ ప్రసాద్‌బాబు పట్టారు. సర్‌ ప్రక్రియలో భాగంగా రాఘవరెడ్డి కామనూరు నుంచి ప్రొద్దుటూరు అర్బన్‌కు ఓటు మార్పు కోసం దరఖాస్తు, ఆపై హైకోర్టు ఉత్తర్వులతో మున్సిపల్‌ ఎన్నికల్లో నామినేషన్‌ దాఖలు చేసినట్లుగా.. అచ్చం అలాగే తెలుగుతమ్ముళ్లు ఎత్తుగడ వేస్తున్నారు. రాయచోటి అర్బన్‌లో ఓటు హక్కు ఉన్న ప్రసాద్‌బాబు గాలివీడుకు మార్పు చేయాల్సిందిగా దరఖాస్తు చేసుకొని.. ఆపై హైకోర్టును ఆశ్రయించి, జెడ్పీటీసీగా నామినేషన్‌ దాఖలు చేశారు. రాయచోటి మున్సిపాలిటీలో 35వ వార్డులో డోర్‌ నంబర్‌ 54/13–ఏ, ఓటరు వరుస సంఖ్య 226లో ఇప్పటికీ సుగవాసీ ప్రసాద్‌బాబు ఓటు ఉంది. కాగా, గాలివీడు టీడీపీ జెడ్పీటీసీ అభ్యర్థిగా నామినేషన్‌ దాఖలు చేశారు. అర్బన్‌ పరిధిలో ఓటు హక్కు ఉన్న వారు మున్సిపాలిటీలో పోటీ చేయాల్సి ఉంది. అలా కాకుండా రూరల్‌ పరిధిలోకి మార్పు కోసం దరఖాస్తు చేసుకున్నానని, చట్టంలో ఉన్న లొసుగులు ఆసరాగా చేసుకొని హైకోర్టుకు వెళ్లారు. హైకోర్టు ఉత్తర్వులతో జెడ్పీటీసీగా నామినేషన్‌ దాఖలు చేశారు. మొన్న మున్సిపల్‌ నామినేషన్ల సందర్భంగా ప్రొద్దుటూరులో టీడీపీ చైర్మన్‌ అభ్యర్థిగా నంద్యాల రాఘవరెడ్డి పోటీ చేసినట్లుగా.. అదే విధంగానే ఉత్తర్వులు పొందిన సుగవాసీ ప్రసాద్‌బాబు జెడ్పీటీసీగా పోటీ చేశారు. ఇలానే జమ్మలమడుగు మున్సిపల్‌ చైర్మన్‌ టీడీపీ అభ్యర్థి చదిపిరాళ్ల జ్యోతి హైకోర్టు ఉత్తర్వులతో నామినేషన్‌ దాఖలు చేయడం గమనార్హం. సర్‌ ప్రక్రియ పూర్తి కాకుండా, ఓటరు జాబితాలో ఓటు లేకుండా, నామినేషన్‌ చేసిన వారి జాబితాలో నంద్యాల రాఘవరెడ్డి, చదిపిరాళ్ల జ్యోతి, సుగవాసీ ప్రసాద్‌బాబు ఉండిపోయారు. ఇంకొకరికి వచ్చే అవకాశాన్ని.. హైకోర్టు ఉత్తర్వుల ద్వారా.. వీరు హైజాక్‌ చేశారని ప్రజాస్వామ్యవాదులు వాపోతున్నారు. చట్టం.. అధికార పార్టీకి చుట్టం! చట్టం, న్యాయం అధికార పార్టీకి చుట్టంగా మారాయి. అందుకు ప్రత్యక్ష నిదర్శనంగా స్థానిక సంస్థల ఎన్నికలు తెరపైకి వస్తున్నాయి. మొన్నటి మున్సిపల్‌ నామినషన్లలో ప్రొద్దుటూరు టీడీపీ చైర్మన్‌ అభ్యర్థిగా బచ్చల వీరప్రతాప్‌ నామినేషన్‌ దాఖలు చేశారు. శాసీ్త్రనగర్‌, ప్రొద్దుటూరులో నివాసం ఉన్నట్లుగా అందులో పొందుపర్చారు. తాజాగా ప్రొద్దుటూరు జెడ్పీటీసీ టీడీపీ అభ్యర్థిగా గోపవరం పంచాయతీకి చెందిన వ్యక్తిగా నామినేషన్‌ దాఖలు చేశారు. నిబంధనలు, నియమావళి వంటివి చెప్పుకొనేందుకే అని.. అధికార పార్టీకి చెందిన వ్యక్తులైతే.. అధికారులు పాటించడం లేదని పలువురు వాపోతున్నారు. నంద్యాల రాఘవరెడ్డి, చదిపిరాళ్ల జ్యోతి, సుగవాసీ ప్రసాద్‌బాబు, బచ్చల వీరప్రతాప్‌ ఉదంతాలే అందుకు నిదర్శనంగా విశ్లేషకులు చెప్పుకొస్తున్నారు. రాయచోటి అర్బన్‌ నుంచి గాలివీడుకు ఓటు మార్పు సర్‌ ప్రక్రియలో సుగవాసీ ప్రసాద్‌బాబు దరఖాస్తు ఓటరు లిస్టు ప్రచురితం కాకమునుపే స్థానిక సంస్థల నోటిఫికేషన్‌ ఆపై హైకోర్టు ఉత్తర్వులతో జెడ్పీటీసీగా నామినేషన్‌ దాఖలు

రాజంపేట : రాజంపేట మున్సిపాలిటీ నామినేషన్ల పర్వంలో దాడికి దిగిన పచ్చమూకలపై కాకుండా.. బాధిత పక్షంలో ఉన్న 51 మంది వైఎస్సార్‌సీపీ నేతలపై అక్రమ కేసులు బనాయించారన్న విమర్శలు సర్వత్రా వినిపిస్తున్నాయి. ఆ రోజున వందలాది మంది టీడీపీ గుండాలు, గంజాయి బ్యాచ్‌లు, పచ్చమూకలు మూకుమ్మడిగా వైఎస్సార్‌సీపీ శాసనసభ్యుడు ఆకేపాటి అమర్‌నాథరెడ్డి స్వగృహం(ఆకేపాటి భవన్‌)పై దాడి చేసి ధ్వంసం చేసిన సంఘటనను వదిలేసి, బాధితులుగా ఉన్న వారిపై పట్టణ పోలీసులు హత్యాయత్నం కేసు నమోదు చేయడం విడ్డూరంగా ఉందని ప్రజాస్వామ్యవాదులు ఎద్దేవా చేస్తున్నారు. స్థానికేతరుడు వీరబల్లికి చెందిన దేవందర్‌రాజు పోలీసులకు చేసిన ఫిర్యాదు ఆధారంగా ఎఫ్‌ఐఆర్‌ నమోదు చేశారు. కాగా వీరబల్లి నివాసి రాజంపేట పట్టణంలోని ఉస్మాన్‌నగర్‌లో ఉన్నట్లుగా ఎఫ్‌ఐఆర్‌లో చూపించడం గమనార్హం. టీడీపీ ముఖ్యనేత ఒత్తడి వల్లే ఈ కేసు నమోదు చేసినట్లుగా వైఎస్సార్‌సీపీ నేతలు ఆరోపిస్తున్నారు. ఫిర్యాదులో ఏమీ సంబంధం లేని వారి పేర్లు కనిపించడంతో పలువురు విస్మయానికి గురయ్యారు. రాజంపేట మున్సిపాలిటీ మాజీ చైర్మన్‌ పోలా శ్రీనివాసులరెడ్డి, నియోజకవర్గ ఇన్‌చార్జి ఆకేపాటి అనిల్‌రెడ్డి, మున్సిపాలిటీ మాజీ వైస్‌ చైర్మన్‌ మర్రి రవి, మార్కెట్‌ కమిటీ మాజీ చైర్మన్‌ పీసీ యోగీశ్వరరెడ్డి, వైఎస్సార్‌సీపీ నేతలు పాపినేని విశ్వనాథరెడ్డి, దండుగోపి, రమేష్‌నాయుడు, గొంటుమణి, గీతాల నరసింహారెడ్డి, జావిద్‌, యాసిన్‌, మిరియాల సురేఖ, నందలూరు పార్టీ కన్వీనరు గోపిరెడ్డి, అక్కడి నాయకులు అరిగెల సౌమిత్రి, ఆకేపాటి జగదీశ్వరరెడ్డి, గుండు మల్లికార్జునరెడ్డి (గాయపడ్డ వ్యక్తి), నడివీధి సుధాకర్‌తోపాటు పలువురిపై కేసు నమోదు చేశారు. 191(2), 191(3),118(1), 109(1) హత్యాయత్నం కేసు, మరణాయుధాలతో దాడి చేసినట్లు మున్సిపాలిటీకి ఏ మాత్రం సంబంధం లేదని వీరబల్లి నివాసి ఫిర్యాదు ఇవ్వడంతో నమోదు చేయడం గమనార్హం. దాడికి పాల్పడిన పచ్చ మూకలను వదిలేసిన పోలీసులు వీరబల్లి నివాసి ఫిర్యాదుతో నమోదు

● చివరి రోజు నామినేషన్లు దాఖలుకు అడ్డంకులు ● రెచ్చిపోయిన టీడీపీ గుండాలు... నిలువరించని పోలీసులు ● మండల కేంద్రాలు రణరంగంగా మారిన కట్టడి చేయడంలో విఫలం ● వైఎస్సార్‌సీపీ ఎంపీటీసీ అభ్యర్థులకు అడుగడుగునా ఆటంకాలు పోలీసుల ఆంక్షల సంకెళ్లలో ప్రజాస్వామ్యం బందీ అయింది.. పచ్చ నేతల పదవీ కాంక్షల్లో ఓటుస్వామ్యం నలిగిపోయింది.. దేశ రాజ్యాంగానికి ముళ్ల కంచెతో అడ్డుకట్ట వేస్తూ... ‘దేశ’ ‘రెడ్‌బుక్‌’కు ‘పచ్చ’తివాచీ పరుస్తూ.. ఖాకీలు ప్రజాహక్కులకు పాతరేశారు.. పట్టపగలు పచ్చ మూకలు రౌడీయిజం చేస్తుంటే.. ఆఫీసుల్లోకి దూరి ఆర్వో నుంచి నామినేషన్‌ పత్రాలు లాగేస్తుంటే.. పోలీసులు కళ్లు మూసుకున్నారు.. వైఎస్సార్‌సీపీ నేతలను.. అభ్యర్థులను గడప దాటొద్దంటూ.. కడపకు వెళ్లొద్దంటూ.. గృహ నిర్బంధాలు చేశారు.. వారం రోజుల క్రితం మొదలైన హింసాకాండ.. కొనసాగుతూనే ఉంది.. నర‘నారా’నా పచ్చోన్మాదంతో అల్లరిమూక చెలరేగుతూనే ఉంది. సాక్షి ప్రతినిధి, కడప: జిల్లాలో సరిగ్గా వారం రోజుల క్రితం మొదలైన హింసాకాండ కొనసాగుతూనే ఉంది. జెడ్పీటీసీ, ఎంపీటీసీ నామినేషన్ల చివరిరోజూ దౌర్జన్యపర్వం కొనసాగింది. జిల్లాలో పలు మండలాల్లో తీవ్ర ఉద్రిక్త పరిస్థితి నెలకొంది. శుక్రవారం ఎంపీటీసీ అభ్యర్థులుగా నామినేషన్లు దాఖలు చేసేందుకు వెళ్లిన వైఎస్సార్‌సీపీ మహిళామణులపై పచ్చ గూండాలు దౌర్జన్యం చేశారు. ముఖ్యంగా కలసపాడు, వీరబల్లె, మైలవరం, సుండుపల్లె మండలాలల్లో మహిళలపై టీడీపీ మృగాలు ప్రత్యక్షదాడులకు తెగబడ్డారు. ఇక జెడ్పీటీసీల నామినేషన్ల కేంద్రంలో యథావిధిగా టీడీపీ నేత పుత్తా నరసింహారెడ్డి అండ్‌ కో దౌర్జన్యపర్వం కొనసాగింది. అభ్యర్థుల నామినేషన్లు పత్రాలు చించేయడం, అప్పటికీ ప్రతిఘటిస్తే ప్రత్యక్షదాడులు చేయడం, అయినప్పటికీ నామినేషన్‌ కేంద్రంలోకి వెళితే ధ్రువీకరణ పత్రాలు చించేయడం యథేచ్ఛగా నడించింది. ఈ క్రమంలో వీరపునాయునిపల్లె, చింతకొమ్మదిన్నె, కమలాపురం, చెన్నూరు, సింహాద్రిపురం జెడ్పీటీసీ అభ్యర్థులు నామినేషన్లు వేయడానికి తీవ్ర ఇబ్బందులు ఎదుర్కొన్నారు. సాక్షాత్తు కలెక్టర్‌, ఎస్పీ నామినేషన్‌ కేంద్రాన్ని తనిఖీ చేస్తున్న సమ యంలో కూడా పచ్చనేతలు అదే ప్రాంగణంలో గుంపులుగా తిష్టవేసి ఉండడం గమనార్హం. మహిళమణులపై యథేచ్ఛగా దాడులు... నిన్న చాపాడులో మానవత్వం మర్చిపోయి నామినేషన్‌ వేసేందుకు వచ్చిన 8 నెలల గర్భిణీపై దాడి చేసిన తెలుగుతమ్ముళ్లు, శుక్రవారం రక్తగాయాలు అయ్యేలా మహిళలపై రాళ్లు కర్రలతో దాడి చేశారు. శుక్రవారం కలసపాడు మండలం ఎగువ తంబళ్లపల్లె ఎంపీటీసీ వైఎస్సార్‌సీపీ అభ్యర్థిగా నామినేషన్‌ దాఖలు చేయడానికి వెళ్లిన బేబి అనే మహిళపై రాళ్లు, కర్రలతో దాడి చేశారు. తలకు రక్తగాయాలై ఆమె విలవిల్లాడిపోయారు. అయినప్పటికీ ఆమె వద్ద నున్న నామినేషన్‌ పత్రాలను లాక్కొని చించేశారు. మైలవరం మండల వద్దిరాల ఎంపీటీసీ నామినేషన్‌ వేసేందుకు వెళ్లిన మహాలక్ష్మి కారు ధ్వంసం చేశారు. నామినేషన్‌ పత్రాలు లాక్కెళ్లారు. వీరబల్లె మండలంలో ఎంపీటీసీ నామినేషన్‌ వేసేందుకు వెళ్లిన లక్ష్మిదేవితోపాటు వారి కుమారుడుపై పచ్చమూకలు దాడులకు తెగబడ్డారు. సుండుపల్లెలో మాజీ ఎంపీపీ అజంతమ్మ నామినేషన్‌ వేసేందుకు వెళ్తుండగా టీడీపీ నేత మహేష్‌నాయుడు బలవంతంగా నామినేషన్‌ ప్రతాలు తీసుకెళ్లారు. ఇలా ఎక్కడికక్కడ జిల్లా వ్యాప్తంగా మహిళలపై టీడీపీ శ్రేణులు దాడికి ఒడిగట్టారు. పోలీసులు వ్యూహాత్మక ఎత్తుగడలు... స్థానిక సంస్థల ఎన్నికలల్లో ఆది నుంచి విలన్లుగా మారిన పోలీసు అధికారులు చివరి రోజు వ్యూహాత్మక ఎత్తుగడలు పాటించారని పలువురు విమర్శిస్తున్నారు. రెండు రోజులుగా వైఎస్సార్‌సీపీ అభ్యర్థులను ఎక్కడికక్కడ అడ్డగించడం, ముందస్తు అక్రమ నిర్బంధంలోకి తీసుకోవడం చేసిన పోలీసులు నామినేషన్ల చివరి రోజు మధ్యాహ్నం నుంచి ఎవరైనా నామినేషన్లు వేయాలని ఉంటే రావాలని, రక్షణగా నిలుస్తామని స్వీయ వీడియోలు చేస్తూ సోషల్‌ మీడియాలో ప్రత్యక్షం కావడం గమనార్హం. మరోవైపు జిల్లా కేంద్రంలో సైతం రెండు పర్యాయాలు పోలీసులే జెడ్పీటీసీ అభ్యర్థులను నామినేషన్‌ కేంద్రంలోకి తరలించారు. ఇవన్నీ పరిశీలిస్తే ఉన్నత న్యాయస్థానాల ఆగ్రహానికి గురి కాకుండా ఉండాలనే ఎత్తుగడలల్లో భాగంగా చేస్తున్నట్లు తెలుస్తోంది. ఇప్పటికే ఎస్పీలు నచికేత్‌విశ్వనాథ్‌, ధీరజ్‌ కునుబల్లి, డీఐజీ కోయ ప్రవీణ్‌లపై తిరుపతి ఎంపీ గురుమూర్తి సైతం కేంద్ర ప్రభుత్వ సంస్థలకు ఫిర్యాదు చేశారు. స్థానిక సంస్థల ఎన్నికల్లో ఏకపక్షంగా వ్యవహరిస్తున్న తీరును ఎండగట్టారు. పులివెందులలో వైఎస్సార్‌సీపీ ఎంపీటీసీ నామినేషన్‌ పత్రాలను చించివేస్తున్న టీడీపీ మూకలునామినేషన్లు వేయనీయకపోవడంతో వేంపల్లెలో బైఠాయించిన వైఎస్సార్‌సీపీ ఎంపీటీసీ అభ్యర్థులు వైఎస్సార్‌సీపీ నేతలపై, మీడియాపైనే కాకుండా పోలీసులపై కూడా పచ్చమూక దాడులకు పాల్పడ్డారు. జిల్లా పరిషత్‌ ప్రాంగణంలో సీనియర్‌ జర్నలిస్టు సుందర్‌పై దాడి చేశారు. ఈఘటనపై మీడియా ప్రతినిధులు రోడ్డుపై బైఠాయించడంతో టీడీపీ నేతలు ఖంగుతిన్నారు. అంతలోనే ప్రాంగణంలో ఉన్న ఓ పోలీసుపై దాడి చేసిన ఘటన తెరపైకి వచ్చింది. ఇలాంటి ఘటనలు జిల్లాలో అక్కడక్కడ తెరపైకి వచ్చాయి. బి.కోడూరులో ఏకంగా ఓ పోలీసు అధికారిపై టీడీపీ శ్రేణులు దాడి చేశాయి. నామినేషన్‌ వేయించేందుకు సహకరించారనే నెపంతో దాడి చేయడం విచారకరం.

కడప కార్పొరేషన్‌: కడప మున్సిపల్‌ కార్పొరేషన్‌లో 66 వార్డులు ఉండగా, రెండు, మూడు మినహా ఏ వార్డుల్లోనూ తమ అభ్యర్థులను నామినేషన్లు వేయనీయలేదని, కాబట్టి అన్ని వార్డుల్లో మళ్లీ నామినేషన్లు స్వీకరించాలని వైఎస్సార్‌సీపీ జిల్లా అధ్యక్షుడు పి.రవీంద్రనాథ్‌రెడ్డి డిమాండ్‌ చేశారు. శుక్రవారం జిల్లా పార్టీ కార్యాలయం కార్యాలయం వద్ద జెడ్పీటీసీ అభ్యర్థులతో కలిసి ఆయన మీడియాతో మాట్లాడారు. రాష్ట్ర ఎన్నికల కేంద్రం కడపలో కేవలం 11 వార్డులు, రాజంపేటలో–11 వార్డుల్లోనే నామినేషన్లు వేయడానికి అవకాశం కల్పించడం అన్యాయమన్నారు. సుప్రీం కోర్టు ఉత్తర్వులను రాష్ట్ర ఎన్నికల సంఘం ధిక్కరించేలా వ్యవహరించిందని, దీనిపై మళ్లీ సుప్రీం కోర్టును ఆశ్రయిస్తామని పేర్కొన్నారు. కూటమి ప్రభుత్వం ప్రజాస్వామ్యాన్ని అపహాస్యం చేసేలా ఎన్నికలు నిర్వహిస్తోందని మండిపడ్డారు. నామినేషన్లు వేసే అభ్యర్థులకు భద్రత కల్పించాలని నిన్న రాత్రి హైకోర్టు ఉత్తర్వులు ఇచ్చిందని... అయినా నామినేషన్‌కేంద్రం చుట్టూ టీడీపీ గూండాలు, రౌడీలు మోహరించారన్నారు. నామినేషన్‌ కేంద్రంలో రిటర్నింగ్‌ అధికారుల టేబుళ్ల వద్ద వీరికేం పని అని ప్రశ్నించారు. కడప వైఎస్సార్‌సీపీకి కంచుకోట కడప జిల్లా వైఎస్సార్‌సీపీకి కంచుకోట అని వైఎస్సార్‌సీపీ జిల్లా అధ్యక్షుడు పి. రవీంద్రనాథ్‌రెడ్డి అన్నా రు. శుక్రవారం సాయంత్రం ఆయన మీడియాతో మాట్లాడుతూ అవకాశమిస్తే ఒక్కో వార్డులో వంద నామినేషన్లు వేసేందుకై నా తమ అభ్యర్థులు సిద్దంగా ఉన్నారన్నారు. స్వేచ్ఛగా ఎన్నికలు జరిపితే టీడీపీకి డిపాజిట్లు కూడా దక్కవన్నారు. నామినేషన్లలో మరో కొత్త మోసానికి టీడీపీ తెరలేపిందని, డూప్లికేట్‌ గాళ్లతో వైఎస్సార్‌సీపీ తరఫున నామినేషన్లు వేయిస్తున్నారన్నారు. న్యాయస్థానాలను, ఎన్నికల కమిషన్‌ను తప్పుదోవ పట్టించేందుకు ఏ– ఫారా లు, బీ– ఫారాలు లేకుండా వైఎస్సార్‌సీపీ అభ్యర్థులుగా నామినేషన్లు వేస్తున్నారని తూర్పారబట్టారు. జర్నలిస్టులపై దాడులు అప్రజాస్వామికం కడప జిల్లా పరిషత్‌ కార్యాలయంలో జరిగే జడ్పీటీసీ ఎన్నికలను మురళి థియేటర్‌ వద్ద నుంచి కవరేజ్‌ చేస్తున్న ఓ మీడియా రిపోర్టర్‌ సుందర్‌పై అల్లరి మూకలు దాడి చేసి, ఆయన సెల్‌ఫోన్‌ను బలవంతంగా లాక్కోని దాడి చేయడం దుర్మార్గమని వైఎస్సార్‌సీపీ జిల్లా అధ్యక్షులు రవీంద్రనాథ్‌ రెడ్డి ఒక ప్రకటనలో అన్నారు. జర్నలిస్టులపై దాడులు చేయడం ప్రజాస్వామ్య విలువలకు విరుద్ధమని.. సంబంధిత అధికారులు తక్షణమే స్పందించి, బాధ్యులను గుర్తించి చర్యలు తీసుకోవాలని డిమాండ్‌ చేశారు. కడపలో అన్ని వార్డులకు నామినేషన్లు స్వీకరించాలి వైఎస్సార్‌సీపీ జిల్లా అధ్యక్షుడు పి. రవీంద్రనాథ్‌రెడ్డి డిమాండ్‌ నామినేషన్లు వేసేవరకూ వెనక్కు తగ్గే ప్రశ్నేలేదని స్పష్టీకరణ

కడప ఎడ్యుకేషన్‌: జెడ్పీటీసీ, ఎంపీటీసీ నామినేషన్ల ప్రక్రియ చివరిరోజైన శుక్రవారం ప్రశాంతంగా ముగిసిందని కలెక్టర్‌ డాక్టర్‌ శ్రీధర్‌ చెరుకూరి, ఎస్పీ షెల్కే నచికేత్‌ విశ్వనాథ్‌ తెలిపారు. శుక్రవారం జిల్లా పరిషత్‌లో నామినేషన్ల ప్రక్రియను వారు పరిశీలించారు. అనంతరం మీడియాతో మాట్లాడుతూ ఎన్నికల విధుల్లో నిర్లక్ష్యానికి తావు లేకుండా అధికారులు విధులు నిర్వర్తించాలని ఆదేశించామన్నారు. నామినేషన్ల ప్రక్రియ నుంచి ఓట్ల లెక్కింపు వరకు అప్రమత్తంగా ఉండాలని సూచించామన్నారు ఎన్నికల సంఘం నిబంధనల మేరకు నామినేషన్ల స్వీకరణ, పరిశీలన వంటివి నిర్వహిస్తామన్నారు. ఓట్ల లెక్కింపు కేంద్రాల్లో సదుపాయాలతోపాటు బ్యాలెట్‌ పెట్టెల భద్రతకు చర్యలు తీసుకుంటున్నామన్నారు. ఎన్నికల విధుల్లో నిర్లక్ష్యం వహించే అదికారులపై కఠిన చర్యలు తీసుకుంటామని హెచ్చరించారు. భద్రతా పరమైన ఆందోళన ఉంటే అభ్యర్థులు పోలీసు కంట్రోల్‌ రూమును సంప్రదించాలని కోరారు. ఎస్పీ షెల్కే నచికేత్‌ విశ్వనాథ్‌ మాట్లాడుతూ నామినేషన్‌ కేంద్రాల వద్ద తగినంత పోలీసు సిబ్బందిని నియమించామన్నారు. పురపాలికలకు నామినేషన్ల దాఖలు కడప సెవెన్‌రోడ్స్‌ : పురపాలక సంఘాలకు నామినేషన్ల స్వీకరణ కార్యక్రమం శుక్రవారం ప్రశాంతంగా జరిగింది. కడప నగర పాలక సంస్థ పరిధిలోని 6, 11, 13, 15, 16, 17, 24, 31, 34, 52, 55 డివిజన్ల నామినేషన్ల స్వీకరణ కేంద్రాన్ని కలెక్టరేట్‌ సభా భవనంలో ఏర్పాటు చేశారు. అలాగే వీడియో కాన్ఫరెన్స్‌ హాలులో రాజంపేట పురపాలక సంఘానికి, పీజీఆర్‌ఎస్‌ హాలులో మైదుకూరు పురపాలక సంఘానికి నామినేషన్ల స్వీకరణ కేంద్రాలను ఏర్పాటు చేశారు. కలెక్టర్‌ శ్రీధర్‌ చెరుకూరి, జాయింట్‌ కలెక్టర్‌ డాక్టర్‌ నిధి మీనా పరిశీలించారు. శనివారం సాయంత్రం 3 వరకు నామినేషన్ల స్వీకరణ ఉంటుందని కలెక్టర్‌ తెలిపారు.

నామినేషన్‌ వేసేందుకు వచ్చిన పార్టీ జెడ్పీటీసీ అభ్యర్థులు జిల్లా పార్టీ ఆఫీసులో అభ్యర్థులకు సూచనలు ఇస్తున్న ఎంపీ అవినాష్‌రెడ్డి కడపకార్పొరేషన్‌: కోర్టులు చీవాట్లు పెట్టడంతో వైఎస్సార్‌సీపీ అభ్యర్థులు నామినేషన్‌ వేసేందుకు పోలీసులు చర్యలు చేపట్టారు. ఉదయం 10.50 గంటలకు పోలీసు వాహనంలో ఐదుగురు వైఎస్సార్‌సీపీ జెడ్పీటీసీ అభ్యర్థులను నామినేషన్‌ కేంద్రానికి తరలించారు. ఆ తర్వాత మధ్యాహ్నం 12.30 గంటలకు మరో పోలీసు వాహనంలో 12 మందిని తరలించారు. కాగా అంతకుముందు జెడ్పీటీసీ అభ్యర్థులకు ఎంపీ వైఎస్‌ అవినాష్‌రెడ్డి, జిల్లా అధ్యక్షుడు రవీంద్రనాథ్‌రెడ్డి జిల్లా పార్టీ కార్యాలయంలో దిశానిర్దేశం చేశారు. వైఎస్సార్‌సీపీ అభ్యర్థులకు భద్రత కల్పించి నామినేషన్లు వేయించాలని హైకోర్టు నిన్న రాత్రి ఆదేశాలిచ్చిందని, కోర్టు ఆదేశాల మేరకు ఎస్పీ, డీఎస్పీలు నామినేషన్లు వేయిస్తామ ని హామీ ఇచ్చారన్నారు. నామినేషన్లు వేయడానికి సాయంత్రం వరకూ వేచి చూసి మళ్లీ ఈ రోజు నామినేషన్లు వేయాలన్న పట్టుదలతో వచ్చిన అందరికీ ఎంపీ కృతజ్ఞతలు తెలిపారు. వైఎస్సార్‌సీపీ సీఈసీ సభ్యులు ఏ. మల్లికార్జునరెడ్డి, రాజంపేట ఎమ్మెల్యే ఆకేపాటి అమర్‌నాథరెడ్డి, ఎస్‌ఈసీ సభ్యులు రాజోలి వీరారెడ్డి పాల్గొన్నారు. 4 మండలాల అభ్యర్థుల నామినేషన్లు చించివేత కాగా మూడో విడత మధ్యాహ్నం 2.40 గంటలకు వాహనంలో కాకుండా అభ్యర్థులను నడుచుకుంటూ వెళ్లాలని పోలీసులు చెప్పారు. ఈ మేరకు నడుచుకుంటూ నామినేషన్‌ కేంద్రానికి వెళ్తున్న చింతకొమ్మదిన్నె, చెన్నూరు, వీరపునాయినిపల్లె, సింహాద్రిపురం మండలాలకు చెందిన వైఎస్సార్‌సీపీ అభ్యర్థుల నామినేషన్‌ పత్రాలను టీడీపీ గూండాలు లాక్కొని చించివేశారు. ఇదేమి ప్రజాస్వామ్యం అంటూ ఆవేదన వ్యక్తం చేస్తూ పార్టీ కార్యాలయానికి వెనుదిరిగారు. కోర్టుకు ఆధారాలు సమర్పించేందుకే పోలీసులు ఉదయం వాహనాల్లో తీసుకుపోయారని, మధ్యాహ్నం తర్వాత నడుచుకుంటూ పోవాలని చెప్పారని విమర్శించారు. నామినేషన్‌ వేసిన కొందరు వైఎస్సార్‌సీపీ అభ్యర్థులకు రిటర్నింగ్‌ అఽధికారులు చెక్‌లిస్టు ఇవ్వలేదు. నామినేషన్లను స్క్రూట్నీలో తిరస్కరించేందుకే ఇలా చేశారని విమర్శలు వ్యక్తమవుతున్నాయి.

● పరిషత్‌ పోరులో వరుసగా రెండోరోజూ టీడీపీ నేతల దౌర్జన్యం ● నామినేషన్‌ వేస్తే బయటికి వెళ్లలేరంటూ పుత్తా బెదిరింపులు ● ప్రజాప్రతినిధులు, ప్రధాన నేతలందర్నీ నిర్బంధించిన పోలీసులు ● సుప్రీంకోర్టు ఆదేశించినా కలెక్టర్‌, ఎస్పీల్లో మార్పు శూన్యం సాక్షి ప్రతినిధి, కడప: ఎంపీటీసీ, జెడ్పీటీసీల నామినేషన్ల పర్వంలో ఖాకీల తీరు మారలేదు. సుప్రీంకోర్టు ఆదేశాలను సైతం బేఖాతరు చేస్తూ.. వైఎస్సార్‌సీపీ అభ్యర్థులు, నాయకులను కట్టడి చేయడానికే శతవిధాలుగా ప్రయత్నిస్తున్నారు. ప్రజాప్రతినిధులతోపాటు నామినేషన్లు దాఖలు చేస్తారని భావించిన నేతలందర్నీ అక్రమంగా నిర్భందిస్తున్నారు. బలవంతపు అరెస్టులకు పాల్పడుతున్నారు. ఇటీవల మున్సిపాలిటీ నామినేషన్ల ప్రక్రియతో అభాసుపాలైనా జిల్లా యంత్రాంగం తీరు మార్చుకోకపోవడంతో ప్రజాస్వామ్య వాదుల నుంచి తీవ్ర విమర్శలు వ్యక్తమవుతున్నాయి. కొనసాగుతున్న అక్రమ అరెస్టులు... జిల్లా వ్యాప్తంగా అక్రమ అరెస్టులు కొనసాగుతున్నాయి. గురువారం ఉదయం కడపలో వైఎస్సార్‌ కాంగ్రెస్‌ పార్టీ జిల్లా కార్యాలయంలో ఉన్న ఎంపీ వైఎస్‌ అవినాష్‌రెడ్డి, జిల్లా అధ్యక్షుడు పోచంరెడ్డి రవీంద్రనాథరెడ్డి, కమలాపురం, కడప ఇన్‌ఛార్జిలు నరేన్‌ రామాంజులరెడ్డి, మాజీ మంత్రి ఎస్‌బీ అంజద్‌ బాషా, మాజీ జెడ్పీ చైర్మన్‌ సురేష్‌బాబు, ఎమ్మెల్సీ రామచంద్రారెడ్డితో పాటు పలువురు కీలక నేతలు జెడ్పీటీసీ అభ్యర్థులతో సమావేశమయ్యారు. ఈవిషయాన్ని తెలుసుకున్న పోలీసులు భారీ బలగాలతో కార్యాలయాన్ని చుట్టుముట్టాయి. ఏఎస్పీ ప్రకాష్‌బాబు, డీఎస్పీ భవానీ దగ్గరుండి ప్రధాన నేతల అరెస్టుకు పురిగొల్పారు. కార్యకర్తలు తీవ్ర ప్రతిఘటన చేసినా వందలాది మంది పోలీసులు ఒక్కసారిగా కార్యాలయంలోకి చొచ్చుకురావడంతో నిలువరించలేకపోయారు. బలవంతంగా లాక్కెళ్లి పోలీసు వాహనంలో ఎక్కించారు. కడపలో అదుపులోకి తీసుకున్న పోలీసులు ఎంపీ వైఎస్‌ అవినాష్‌రెడ్డిని నేరుగా పులివెందులకు తీసుకెళ్లి, అక్కడ స్థానిక పార్టీ కార్యాలయం వద్ద నిర్భంధించారు. తక్కిన నేతలందర్నీ అట్లూ రు పోలీసుస్టేషన్‌లో నిర్భందించారు. జిల్లా వ్యాప్తంగా నామినేషన్‌ దాఖలు చేస్తారని భావించిన నేతలందర్నీ పోలీసులు అక్రమంగా నిర్భందించారు. మహిళ పట్ల దమనకాండ... నామినేషన్లు దాఖలు చేయడానికి ఎవరొచ్చినా సరే, అడ్డుకొని తగిన రీతిలో బుద్ధి చెప్పడమే తెలుగుదేశం నేతల దుర్నీతి అయ్యింది. మహిళలను కనీస గౌరవం లేకపోగా దమనకాండ ప్రదర్శించారు. వేలాది మంది మహిళలు ర్యాలీగా తరలివస్తే, వేములలో టీడీపీ శ్రేణులతో కలిసి పోలీసులు అడ్డుకున్నారు. జిల్లావ్యాప్తంగా మహిళల నామినేషన్‌ పత్రాలు చించేశారు. మానవత్వం మర్చిపోయి చాపాడులో నామినేషన్‌ వేసేందుకు వచ్చిన నిండు గర్భిణీ ప్రశాంతిపై తెలుగుతమ్ముళ్లు దాడి చేసి నామినేషన్‌ పత్రాలు లాక్కున్నారు. ఇక కడపలోని నామినేషన్‌ కేంద్రానికి చేరుకొన్న మహిళ జెడ్పీటీసీలు అభ్యర్థులపై విచక్షణ మరిచి రాళ్లదాడులకు తెగబడ్డారు. తెలుగుతమ్ముళ్లు కర్రలు,కత్తులు పట్టుకొని ప్రత్యక్షదాడులకు తెగబడ్డారు. మున్సిపల్‌ పోరులో వైఎస్సార్‌ కడప జిల్లాలో 9 పట్టణాల్లో నామినేషన్లు ప్రక్రియను సుప్రీంకోర్టు ఎండగట్టింది. ఏకపక్షంగా వ్యవహారించిన వ్యవస్థల తీరుపై మండిపడింది. జిల్లా రాజకీయ చరిత్రలోనే ఇదో మాయని మచ్చ. అలాంటి పరిస్థితి మళ్లి జెడ్పీటీసీ నామినేషన్లు సందర్భంగా తెరపైకి వస్తోంది. సుప్రీంకోర్టు తప్పుబట్టినా కలెక్టర్‌, ఎస్పీల్లో మార్పు రాలేదు. పైగా ఏకపక్ష చర్యలను కొనసాగిస్తున్నారు. మమ అన్పించేందుకు నిర్ణయాలుండడం మినహా అభ్యర్థులకు భద్రత కల్పించి నామినేషన్‌ హక్కును కొనసాగించాలనే ఆలోచన మిన్నకుండిపోయిందని ప్రజాస్వామ్యవాదులు వాపోతున్నారు. కలెక్టర్‌ సుదీర్ఘ అనుభవం అక్రమ మార్గాలకు వత్తాసుగా నిలుస్తోందని పలువురు మండిపడుతున్నారు. ఎస్పీబంగళా, కలెక్టరేట్‌కు కూతవేటు దూరంలో ఉన్న జెడ్పీ ప్రాంగణంలో కొనసాగుతున్న దౌర్జన్యాలు, దొమ్మిలు వారి కనపడలేదు, వినపడలేదని పలువురు వాపోతున్నారు. చివరి రోజైనా నామినేషన్లు వేయించేందుకు చర్యలు చేపట్టాల్సిందిగా వైఎస్సార్‌సీపీ నేతలు కోరుతున్నారు. కడపకార్పొరేషన్‌: జిల్లా పరిషత్‌ ఎన్నికల్లో నామినేషన్లు వేసేందుకు వైఎస్సార్‌సీపీ అభ్యర్థులకు భద్రత కల్పించాలని వైఎస్సార్‌సీపీ జిల్లా అధ్యక్షుడు రవీంద్రనాథ్‌ రెడ్డి కోరారు. గురువారం ఎస్పీ నచికేత్‌ విశ్వనాథ్‌ షెల్కేతోపాటు, ఎస్‌ఈసీకి ఆయన ఫిర్యాదు చేశారు. తమ పార్టీ ప్రకటించిన అంబటి సుగుణ, రాజంరెడ్డి వెంకటసుబ్బారెడ్డి, అనగాని లక్ష్మి ప్రసన్న, కనపర్తి దివ్య, బాలాయపల్లి ఓబులేసు, మేరవ ఓబయ్య, బత్తల వెంకట శివమ్మ, దేవిరెడ్డి శ్రీవాణి, కొప్పల శివశంకర రెడ్డి, కొవ్వూరు ప్రమీల, నాగెళ్ల సత్యప్రభావతమ్మ, పెద్దమల్లు సావిత్రి, బొందలకుంట గంగాధర్‌, మార్తల ధనలక్ష్మి, తిమ్మప్పగారి వెంకట శివారెడ్డి, నారపురెడ్డి మోహన్‌రెడ్డి, అరవ విజయభాస్కర్‌రెడ్డి, పత్తికాపులు సునీత, పాత జోగయ్య, మలిరెడ్డి మమత, బూర నాగలక్ష్మి, దాసరి ప్రభావతమ్మ, చిట్టిబోయిన పిచ్చమ్మ, సుదా అనురాధ, అట్టూర్‌ సుబ్బరాయుడు, మర్రి సుబ్బన్న, కల్లూరి రఘునాథరెడ్డి, దాసరి మహేష్‌ తదితరులకు నామినేషన్‌ వేయడానికి భద్రత కల్పించాలని అందులో పేర్కొన్నారు. స్థానిక ఎన్నికల్లో పోటీ చేయడం పౌరులకు రాజ్యాంగం కల్పించిన హక్కు అని, వారికి ఎలాంటి అడ్డంకులు కల్పించకుండా నామినేషన్లు వేసేలా చర్యలు తీసుకోవాలని, ఈ మేరకు స్టేషన్‌ హౌస్‌ ఆఫీసర్లకు ఆదేశాలు జారీ చేయాలని కోరారు. ఎస్పీ, ఎస్‌ఈసీతోపాటు డీఐజీ, కలెక్టర్లకు కూడా ఆయన ఫిర్యాదు చేశారు.

స్థానిక సంస్థల ఎన్నికలకు సుప్రీం ఇచ్చిన తీర్పు ప్రభుత్వానికి చెంపపెట్టు లాంటిది. సుప్రీం ఆదేశాల ప్రకారం ప్రతి నామినేషన్‌ కేంద్రం వద్ద సీసీ ఫుటేజీ ఏర్పాటు చేయాలి. అభ్యర్థులకు భద్రత కల్పించాలి. అయితే రాష్ట్రంలోని కూటమి ప్రభుత్వం ప్రజాస్వామ్యాన్ని కాలరాస్తూ పరిషత్‌ ఎన్నికల్లో రెండవరోజు కూడా బెదిరింపులు, దాడులు, నామినేషన్‌ పత్రాల చింపివేత లాంటి కార్యక్రమాలను కొనసాగిస్తోంది. రాష్ట్రంలోని అధికారులు, పోలీసులు ఒక పార్టీకి అనుకూలంగా వ్యవహరిస్తున్నారు. – జాలా జయవర్దన్‌, ఫార్వర్డ్‌ బ్లాక్‌ పార్టీ రాష్ట్ర కార్యదర్శి

ఫిర్యాదులు చేసిన వాటిపైనే కాకుండా కోర్టు సుమోటోగా తీసుకుని ఎన్నికలు నిష్పక్షపాతంగా జరిగేలా చర్యలు తీసుకోవాలి. ఒక పార్టీకి చెందిన అభ్యర్థులు మాత్రమే నామినేషన్లు దాఖలు చేసిన చోట ఆ ఎన్నిక రద్దు చేసి తిరిగి నిర్వహించాలి. చంద్రబాబు, లోకేష్‌ ఆదేశాల మేరకే స్థానిక ఎన్నికల్లో మితిమీరిన దౌర్జన్యకాండ కొనసాగుతోంది. ఎన్నికల నిబంధనలు, రాజ్యాంగానికి విరుద్ధంగా పౌరుల ప్రాథమిక హక్కులను హరిస్తున్నారు. అందరూ ఎన్నికల్లో పోటీ చేసే వాతావరణాన్ని కల్పించాలి. ఈ ధోరణులు దేశానికి అంత్యంత ప్రమాదకరం. – జి.చంద్రశేఖర్‌, సీపీఎం జిల్లా కార్యదర్శి

కడప కార్పొరేషన్‌ : అధికారం ఎవరికీ శాశ్వతం కాదన్న సత్యాన్ని అధికార పార్టీ నాయకులు, పోలీసులు గ్రహించాలని రాజంపేట ఎమ్మెల్యే, అన్నమయ్య జిల్లా వైఎస్సార్‌సీపీ అధ్యక్షుడు ఆకేపాటి అమర్‌నాథ్‌రెడ్డి అన్నారు. గురువారం కడపలో ఆయన మీడియాతో మాట్లాడుతూ 40 ఏళ్ల తన రాజకీయ జీవితంలో ఇలాంటి ఎన్నికలు ఎప్పుడూ చూడలేదన్నారు. గతంలో అనేక ప్రభుత్వాలు ఉన్నాయని, ఇంత ఘోరంగా ఎన్నికలు జరిపిన పరిస్థితి లేదన్నారు. రాయలసీమలో అధికార పార్టీ చేసిన సర్వేల్లో గెలవలేమని తెలిసిపోయిందని, అందుకే కడప, చిత్తూరు, అనంతపురం, కర్నూలు జిల్లాల్లో ప్రజాస్వామ్యాన్ని ఖూనీ చేస్తున్నారన్నారు. మున్సిపల్‌ ఎన్నికలు మొదలైనప్పటి నుంచి జిల్లాలో పరిస్థితులు రణరంగాన్ని తలపిస్తున్నాయన్నారు. నామినేషన్లు వేయకుండా పోలీసులే అడ్డుకోవడం, టీడీపీ గూండాలు, రౌడీలను పెట్టి నామినేషన్లు చించేయడం, దాడులు చేయడం, స్క్రూట్నీ సమయంలో నామినేషన్లను తిరస్కరించడం వంటి చర్యల ద్వారా రాజ్యాంగం కల్పించిన హక్కును కాలరాస్తున్నారన్నారు. వైఎస్సార్‌సీపీ నాయకులను ఎక్కడిక్కడ అరెస్టులు, గృహ నిర్బంధాలు చేస్తున్నారని, టీడీపీ వారిని మాత్రం వందల మందిని నామినేషన్‌ కేంద్రాల వద్దకు అనుమతిస్తున్నారని, నామినేషన్‌ కేంద్రంలో కూడా వారే ఉన్నారన్నారు. ఇలా చేస్తే ప్రజాస్వామ్యానికి విలువేముందని ప్రశ్నించారు. స్థానిక ఎన్నికల్లో ఓటు హక్కును వినియోగించుకోవాలని ప్రజలు ఆసక్తిగా ఎదురు చూస్తున్నారని, టీడీపీ గూండాల దౌర్జన్యాలు, దాడుల వల్ల ఎన్నికలు జరిగే పరిస్థితి కనిపించడం లేదన్నారు. ఇదే జరిగితే ప్రజలు ఈ ప్రభుత్వానికి గట్టిగా బుద్ధి చెబుతారని హెచ్చరించారు. ఈ సమావేశంలో జెడ్పీ మాజీ వైస్‌ చైర్మన్‌ ఇరగంరెడ్డి సుబ్బారెడ్డి, కోలా కొండయ్య పాల్గొన్నారు.ఎమ్మెల్యే ఆకేపాటి అమర్‌నాథ్‌రెడ్డి

నామినేషన్లు వేయకుండా అడ్డుకోవడం కాదు దమ్ముంటే నామినేషన్లు వేయించి ప్రజాక్షేత్రంలో గెలుచుకోవాలి.. టీడీపీ నాయకులు నామినేషన్లు వేయకుండా మా పత్రాలను బలవంతంగా లాక్కొని వెళుతున్నారు. ఇది చాలా అన్యాయం. పోటీ చేయడం రాజ్యాంగం మాకు కల్పించిన హక్కు.. ఆ హక్కు ద్వారానే మేం పోటీ చేస్తున్నాం. కానీ ఇలా టీడీపీ నాయకులు బలవంతంగా నామినేషన్‌ వేయకుండా చేయడం ప్రజాస్వామ్యంలో మంచి పరిణామం కాదు. – పీవీ వాణి, ఖాజీపేట నామినేషన్‌ పత్రాలు లాక్కెళ్లడంఅన్యాయం మహిళల నామినేషన్‌ పత్రాలను టీడీపీ కార్యకర్తలు లాక్కొని వెళ్లడం చాలా అన్యాయం. మహిళల పట్ల వారి ప్రవర్తన చాలా దారుణం. ప్రజలకు మేలు చేసి ఉంటే ప్రజల వద్దకు వెల్లి గెలిపించమని అడగాలి. మేలు చేసి ఉంటే ప్రజలు ఓట్లు వేసి గెలిపిస్తారు. కానీ ఇలా నామినేషన్‌ వేయకుండానే ఏకగ్రీవం చేసుకోవాలని చూడటం ప్రజాస్వామ్యంలో అత్యంత దుర్మార్గం. – నాగవేణి, మాజీ సర్పంచ్‌, దుంపలగట్టు

సుప్రీం కోర్టు ఇచ్చిన తీర్పు ఆహ్వానించదగ్గది. ప్రజాస్వామ్యం బతికే ఉందనడానికి ఇది నిదర్శనం. రాష్ట్ర ఎన్నికల సంఘం ప్రజలకు క్షమాపణలు చెప్పాలి. దాడులకు పాల్పడిన వారిపై కేసులు నమోదు చేయాలి. ఎన్నికలు రద్దు చేసి పారా మిలిటరీ దళాలను రప్పించి సీసీ కెమెరాలు ఏర్పాటు చేసి ఎన్నికలు జరపాలి. ఇప్పుడున్న సిబ్బందిని బదిలీ చేయాలి. ప్రజాస్వామ్యం బలహీన పడుతున్న సందర్భంలో కేంద్ర ప్రభుత్వం నోరు విప్పకపోవడం బాధ్యతా రాహిత్యం. సుప్రీం ఆదేశాల మేరకు నిష్పక్షపాతంగా ఎన్నికలు నిర్వహించాలి. – గాలి చంద్ర, సీపీఐ జిల్లా కార్యదర్శి

ప్రొద్దుటూరు : మున్సిపల్‌ ఎన్నికల్లో రాష్ట్ర వ్యాప్తంగా టీడీపీ నేతలు, పోలీసులు.. ప్రజలంతా అసహ్యించుకునేలా ప్రవర్తించారని మాజీ ఎమ్మెల్యే, వైఎస్సార్‌సీపీ రాష్ట్ర అధికార ప్రతినిధి రాచమల్లు శివప్రసాదరెడ్డి అన్నారు. ఆయన గురువారం తన క్యాంప్‌ కార్యాలయంలో మీడియాతో మాట్లాడారు. సుప్రీంకోర్టు తీర్పును ప్రజాస్వామ్య వాదిగా, రాజకీయ నేతగా తాను స్వాగతిస్తున్నానని తెలిపారు. చివరికి నామినేషన్లు కూడా స్వేచ్ఛగా వేయనీయకుండా ప్రజాస్వామ్యాన్ని అవమానించారన్నారు. ఇప్పటికై నా పోలీసులు తీరు మార్చుకోవాలని సూచించారు. ఎంపీటీసీ, జెడ్పీటీసీ ఎన్నికల సందర్భంగా ఇదే పరిస్థితి కొనసాగుతోందని, తమ పార్టీ అభ్యర్థులు నామినేషన్లు వేయకుండా అడ్డుకుంటున్నారన్నారు. నాటి కౌరవ సభలో ద్రౌపతి వస్త్రాపహరణ ఎలా జరిగిందో ప్రస్తుతం అదే రీతిలో ప్రజాస్వామ్యాన్ని నడిబజారులో నగ్నంగా నిలబెట్టారన్నారు. ఇందులో ఎమ్మెల్యే వరదరాజులరెడ్డి కళ్లుండి చూడలేని ద్రుతరాష్ట్రుని పాత్రను పోషించారని, ఆయన కుమారుడు కొండారెడ్డి దుర్యోధునడని విమర్శించారు. గోవర్ధన్‌రెడ్డి, అమల్‌రెడ్డి, శంకరాపురం ప్రసాద్‌రెడ్డి, పర్లపాడు మహేశ్వర్‌రెడ్డి, నల్లబోతుల నాగరాజు, తాటి శ్రీను లాంటి వారంతా దుశాస్సుని పాత్రను పోషించారన్నారు. సైంధువుడి పాత్రను పోలీసులు పోషించారన్నారు. 2029లో జరిగే కురుక్షేత్ర సంగ్రామంలో వీరికి రాజకీయ ఓటమి తప్పదన్నారు. వ్యాపారస్తుడైన పోరెడ్డి నరసింహారెడ్డిపై దాడి చేయడం టీడీపీ నేతలకు సిగ్గు అనిపించలేదా అని ప్రశ్నించారు. నామినేషన్‌ పత్రాలను కార్యాలయానికి తీసుకొచ్చిన పిట్టా భద్రమ్మ, గరిశపాటి లక్ష్మీదేవి, పల్లా లక్ష్మీదేవి, లావణ్య, ఫాతిమా ఇలా ఎవరినీ వదిలిపెట్టకుండా నంద్యాల కుటుంబీకులు బాధపెట్టారన్నారు. బురఖాలో కూడా చేతులు పెట్టి పత్రాలు లాక్కున్నారని, ఇంతటి దయనీయమైన పరిస్థితి ఎక్కడైనా ఉంటుందా అన్నారు. ఎంత మంది పోలీసులు ఉన్నా నోరు మెదపలేదన్నారు. ఇంత నీచానికి ఒడిగట్టడం దారుణమైన విషయమన్నారు. మాజీ ఎమ్మెల్యే రాచమల్లు శివప్రసాదరెడ్డి

స్థానిక ఎన్నికల్లో జరుగుతున్న దురాగతాల నుంచి తమను ఎవరు బయట వేయగలరని రాష్ట్ర ప్రజలు ఎదురు చూస్తున్న సమయంలో సుప్రీంకోర్టు తీర్పు పెద్ద భరోసా ఇస్తోంది. గతంలో ఎన్నడూ ఎన్నికల్లో ఇంత దుర్మార్గమైన దాడులు జరగలేదు. రిగ్గింగ్‌ లాంటివి కొన్ని ప్రాంతాలకే పరిమితమై ఉండేవి. ఇప్పుడలా కాకుండా నామినేషన్లే దాఖలు చేయకుండా అడ్డుకుంటున్నారు. ఎస్‌ఈసీతోపాటు ఐఏఎస్‌, ఐపీఎస్‌ లాంటి అత్యున్నత సర్వీసుల్లో ఉన్న వారు కూడా వీటిని అరికట్టకుండా చోద్యం చూస్తున్నారు. – సీహెచ్‌ చంద్రశేఖర్‌రెడ్డి, అధ్యక్షుడు, రాయలసీమ కార్మిక కర్షక సమితి, కడప పారా మిలిటరీ దళాలు రప్పించాలి ఎన్నికల్లో పాటించాల్సిన మార్గదర్శకాలనే సుప్రీం కోర్టు తమ తీర్పులో పునరుద్ఘాటించింది. అవసరమైన చోట కలెక్టర్ల వద్దే నామినేషన్లు దాఖలు చేసే అవకాశం కల్పించారు. నామినేషన్‌ కేంద్రాల వద్ద సీసీ కెమెరాల ఏర్పాటుతోపాటు 144 సెక్షన్‌ అమలు చేయాలి. ఏకగ్రీవాలు అయినచోట ఎన్నికలు సక్రమంగా జరిగినట్లు కాదు. సుప్రీం తీర్పును అమలు చేయని అధికారులపై చర్యలు తీసుకోవాలి. అధికారులను బదిలీ చేసి కేంద్ర బలగాలను రప్పించి ఎన్నికలు నిర్వహించినపుడే సుప్రీం తీర్పు అమలవుతుంది. – బి.నారాయణరెడ్డి, రాష్ట్ర అధ్యక్షుడు, వెనుకబడిన ప్రాంతాల అభివృద్ధి వేదిక

కడప సెవెన్‌రోడ్స్‌ : జిల్లా పరిషత్‌ నామినేషన్ల పోరులో టీడీపీ నేతల దౌర్జన్యకాండ రెండవ రోజు సైతం యథేచ్ఛగా కొనసాగింది. నామినేషన్ల దాఖలు కోసం జెడ్పీ కార్యాలయానికి వచ్చిన వైఎస్సార్‌సీపీ నేతలతోపాటు సీపీఎం అభ్యర్థుల నామినేషన్లు సైతం దౌర్జన్యంగా లాక్కొని చింపివేశారు. నామినేషన్‌ కేంద్రాల వద్ద పెద్ద సంఖ్యలో టీడీపీ రౌడీలు కట్టెలు పట్టుకుని తిరుగుతూ భయభ్రాంతులకు గురిచేశారు. చాపాడులో ఎనిమిది నెలల గర్భిణి అని కూడా చూడకుండా నామినేషన్‌ పత్రాన్ని లాక్కొని దౌర్జన్యానికి ఒడిగట్టారు. నందలూరులో ప్రధాన రహదారిపై టీడీపీలోని రెండు వర్గాలు ఘర్షణకు దిగగా, ఆ పార్టీ నాయకుడు డాక్టర్‌ ఆవుల బాలసుబ్రమణ్యం పిస్టల్‌తో గాలిలోకి కాల్పులు జరపడం తీవ్ర కలకలం రేపింది. వైఎస్సార్‌ సీపీ అభ్యర్థులు నామినేషన్లు దాఖలు చేయకుండా హౌస్‌ అరెస్టుల పరంపర కొనసాగింది. కడప ఎంపీ వైఎస్‌ అవినాష్‌రెడ్డితోపాటు ముఖ్య నేతలను అదుపులోకి తీసుకున్నారు. కడప నగరంలో వైఎస్సార్‌ సీపీ జిల్లా అధ్యక్షులు రవీంద్రనాథ్‌రెడ్డి, మాజీ డిప్యూటీ సీఎం అంజద్‌బాషా, మాజీ మేయర్లు కె.సురేష్‌బాబు, పాకా సురేష్‌ తదితరులను అదుపులోకి తీసుకుని అట్లూరు పోలీసుస్టేషన్‌లో నిర్బంధించారు. బద్వేలులో నామినేషన్ల సందర్భంగా ఎమ్మెల్యే డాక్టర్‌ సుధతోపాటు పలువురు అభ్యర్థులను పోలీసులు అరెస్టు చేశారు. స్థానిక సంస్థల ఎన్నికలను రక్తసిక్తం చేయడం ద్వారా కూటమి నేతలు ప్రజాస్వామ్యాన్ని అడుగడుగునా అవహేళన చేశారు. స్వేచ్ఛగా, నిష్పక్షపాతంగా ఎన్నికలను నిర్వహించాల్సిన అధికారులు ఈ దురాగతాలను కళ్లుండి చూడలేని ధ్రుతరాష్ట్రులుగా మారడం సర్వత్రా తీవ్ర విమర్శలకు తావిస్తోంది. ఈ నేపథ్యంలో సుప్రీంకోర్టు ఆదేశాలు ఇచ్చినప్పటికీ అవి తమకు అందలేదని అధికారులు చెబుతున్నారు. ఎన్నికలను స్వేచ్ఛాయుత వాతావరణంలో జరపాలంటూ సుప్రీంకోర్టు ఇచ్చిన ఆదేశాలను కూడా జిల్లాలో అమలు చేయడం లేదు. దీనిపై వివిధ వర్గాల అభిప్రాయాలు ఇలా ఉన్నాయి. పరిషత్‌ పోరులో రెండో రోజూ దౌర్జన్యకాండ ప్రతిపక్ష పార్టీల నామినేషన్ల చింపివేత సుప్రీంకోర్టు ఆదేశాలు బేఖాతరు ప్రభుత్వ తీరుపై మండిపడిన ప్రజా సంఘాల నేతలు

సాక్షి, టాస్క్‌ ఫోర్స్‌: జిల్లా కేంద్రమైన కడపలోని జిల్లా పరిషత్తు కార్యాలయంలో పచ్చ నేతలు హల్‌ చల్‌ చేస్తున్నారు. పట్టపగలు ప్రజాస్వామ్యాన్ని ఖూనీ చేస్తున్నా రు. జిల్లావ్యాప్తంగా 39 జెడ్పీటీసీ స్థానాలకు నామినేషన్ల దాఖలు పక్రియ బుధవారం నుంచి ఇక్కడ కొనసాగుతుంది. కూటమి అభ్యర్థులు మినహా మరేపార్టీకి సంబంధించిన వ్యక్తులైనా, వైఎస్‌ఆర్‌సీపీ పార్టికి చెందిన అభ్యర్థులొచ్చినా దాడులకు తెగబడటం, నామినేషన్‌ వేసేందుకు తీసుకుని వచ్చిన పత్రాలను నిర్ధాక్షిణ్యంగా చించి వేసే చర్యలను యథేచ్చగా కొనసాగిస్తున్నారు. ఇందులో భాగంగా రెండవరోజు గురువా రం కూడా నామినేషన్ల పక్రియ రసాభాసగా సాగింది. కమలాపురం ఎమ్యెల్యే పుత్తా కృష్ణచైతన్య రెడ్డితో పాటు ఆయన తండ్రి పుత్తా నరసింహారెడ్డి, యువనాయకుడు పుత్తా లక్ష్మిరెడ్డిలు మూడు చోట్ల తమ అనుచరులతో ప్ర త్యేక బృందాలను సైతం ఏర్పాటు చేసుకున్నారు. తన కు సంబంధించి ఆనుచరులను వెంటబెట్టుకుని నామినేషన్ల వేయడానికి వచ్చిన వారిని భయబ్రాంతులకు గురి చేశారు. నామినేషన్‌ కేంద్రానికి వంద అడుగుల దూరంలో ఉన్న ముళ్ల కంచ వెలుపల యువ నాయకుడు, అతని చుట్టూ వందల మంది అనుచరులు వలయంగా ఏర్పడి హల్‌చల్‌ చేశారు. ఎస్పీ సెల్కే నచికేత్‌ విశ్వనాథ్‌ ఆదేశాల మేరకు కడప డీఎస్పి టి.భవాని, సీఐలు ఎస్‌ఐలు సిబ్బందితో కలిసి బందోబస్తు విధులను నిర్వహిస్తున్నా అతని అనుచరులను నిలువరించలేని పరిస్థితి నెలకుంది. చివరకు ఆమ్‌ ఆద్మీ పార్టీ, వామపక్షాల పార్టీలకు చెందిన మహిళా అభ్యర్థులను కూడా వదలకుండా వారిపై దౌర్జన్యం చేసి వారి నుంచి నామినేషన్‌ పత్రాలను లాక్కొని చించిపడేశారు. పోలీసులు విధించిన 163 బిఎన్‌ఎస్‌ఎస్‌ చట్టాన్ని ఈ నేతలు తుంగలో తొక్కేశారు. మరోవైపు కడప జెడ్పీ కేంద్రానికి మూడు వైపులా కొందరు యువతను, అల్లరి మూకలను ఒక్కొకరికి ఉదయం టిఫిన్‌, మధ్యాహ్నం బిర్యానీ,భోజనంతో పాటు రూ.700 రోజుకు చెల్లిస్తున్నట్లు, వారు కేవలం తమకు ఇచ్చిన టాస్క్‌ మేరకు అల్లర్లు,గొడవలకు పాల్పడే విధంగా దాదాపు 500 నుంచి వెయ్యి మందిని నియమించుకున్నట్లు ప్రత్యక్షంగా పరిశీలిస్తే తెలుస్తోంది. కమలాపురం ఎమ్మెల్యే, తండ్రి, యువనేత గుప్పిట్లో జెడ్పీ కార్యాలయం ఉదయం నుంచి సాయంత్రం వరకు ఇతర పార్టీల అభ్యర్థులకు నాలుగు అంచెల పద్ధతిలో ప్రవేశం కల్పించినా తప్పని దౌర్జన్యం

తొండూరు : మండలంలో ఎంపీటీసీ నామినేషన్ల సందర్భంగా వైఎస్సార్‌సీపీ అభ్యర్థులు నామినేషన్లు వేయకుండా.. టీడీపీ గూండాలు, పోలీసులు అడ్డుకుంటున్నారని విజయవాడ ఎన్నికల కమిషన్‌కు ఫోన్‌ ద్వారా ఫిర్యాదు చేశారు. గురువారం తొండూరులో నామినేషన్‌ వేసేందుకు వెళుతున్న వైఎస్సార్‌సీపీ ఎంపీటీసీ అభ్యర్థులను గురుకుల పాఠశాల వద్ద పోలీసులు అడ్డుకోవడంతో జమ్మలమడుగు– ముద్దనూరు హైవే రోడ్డుపై వారు నిరసనకు దిగారు. ఈ నేపథ్యంలో ఎలాగైనా నామినేషన్లు వేయాలని ఎంపీటీసీ అభ్యర్థులు నామినేషన్‌ పత్రాలను తీసుకొని వెళుతుండగా.. పోలీసులు అడ్డగించడంతోపాటు టీడీపీ గూండాలు కర్రలు, రాడ్లు పట్టుకుని కేకలు, ఈలలు వేస్తూ నామినేషన్‌ వేస్తే మీ అంతు చూస్తామని బెదిరించారన్నారు. ఈ సంఘటనలపై రాష్ట్ర ఎన్నికల సంఘం అధికారులకు మల్లేల ఎంపీటీసీ అభ్యర్థి మోరంరెడ్డి జయలక్ష్మి ఫోన్‌ చేశారు. ఎన్నికల్లో జరిగే దౌర్జన్యాలు, అక్రమాలపై ఫిర్యాదు చేయడానికి రాష్ట్ర ఎన్నికల సంఘం సూచించిన అధికారుల నంబర్లకు ఆమె ఫోన్‌ చేశారు. వారిలో ఒక అధికారి ఫోన్‌ లిఫ్ట్‌ చేయగా.. ఆమె ఈ మేరకు ఫిర్యాదు చేశారు. తమ పార్టీ తరఫున 7 ఎంపీటీసీ స్థానాలకు నామినేషన్లు వేసేందుకు పోలీసులు, ఎన్నికల అధికారులు సహకరించి, తాము పోటీలో ఉండేలా చూడాలని విజ్ఞప్తి చేశారు. దీంతో అధికారులు స్పందించి నామినేషన్‌ వేసేందుకు అన్ని విధాలా సహాయ సహకారాలు అందిస్తామని తెలిపారు.

బద్వేలు అర్బన్‌ : ప్రజాస్వామ్య వ్యవస్థలో ప్రజల తీర్పును గౌరవించడం చాలా ముఖ్యమని, అలా కాకుండా అక్రమాలకు పాల్పడి సాధించిన విజయం తాత్కాలికమే అనే విషయాన్ని టీడీపీ నేతలు గుర్తించాలని ఎమ్మెల్సీ డీసీగోవిందరెడ్డి పేర్కొన్నారు. మున్సిపల్‌ ఎన్నికల నామినేషన్ల ప్రక్రియ, పరిశీలన ప్రక్రియలో జరిగిన అక్రమాలపై మంగళవారం పట్టణంలోని ఓ ఫంక్షన్‌ హాలులో నియోజకవర్గ యువ నాయకులు దేవసానిఆదిత్యరెడ్డి, మున్సిపల్‌ చైర్మన్‌ అభ్యర్థి రాచపూడివెంకటసాయిక్రిష్ణలతో కలిసి విలేకరులతో మాట్లాడారు. ఈ సందర్భంగా ఆయన మాట్లాడుతూ విద్యావంతుడు, గత మూడు మున్సిపల్‌ ఎన్నికల్లో పోటీచేసిన అనుభవం ఉన్న చైర్మన్‌ అభ్యర్థి ఆర్‌.వి.సాయిక్రిష్ణ నామినేషన్‌ను తిరస్కరించడం దారుణమన్నారు. నామినేషన్లు వేయకుండా అడ్డుకోవడం, అభ్యర్థులను భయభ్రాంతులకు గురిచేయడం ప్రజాస్వామ్య విరుద్ధమన్నారు. ఇప్పటివరకు తమ చైర్మన్‌ అభ్యర్థితో పాటు వార్డు సభ్యులు వేసిన నామినేషన్లను ఎందుకు తిరస్కరించారో చెప్పకపోవడం సరికాదన్నారు. గడిచిన 25 ఏళ్లలో ఇటువంటి నీచ సంస్కృతిని చూడలేదని అన్నారు. టీడీపీ నేతలకు ధైర్యముంటే ప్రజాక్షేత్రంలో గెలవాలని వైఎస్సార్‌సీపీ యువ నాయకుడు దేవసాని ఆదిత్యరెడ్డి అన్నారు. నామినేషన్‌ కేంద్రాల వద్ద పోలీసులు ఏకపక్షంగా వ్యవహరించారని ఆరోపించారు. అధైర్యపడొద్డు.. అండగా ఉంటాం నామినేషన్ల సందర్భంగా దాడికి గురైన 14వ వార్డు వైఎస్సార్‌సీపీ అభ్యర్థి షేక్‌ మాబుచాన్‌, ఆమె సోదరుడు గౌస్‌బాషా, మాజీ కౌన్సిలర్‌ మహమ్మద్‌ హసాన్‌లను గోవిందరెడ్డి, ఆదిత్యరెడ్డి పరామర్శించారు. బాధితులపైనే కేసులు నమోదు చేయడం దారుణమని గోవిందరెడ్డి అన్నారు. పార్టీ శ్రేణులకు అండగా ఉంటామని, బాధ్యులపై న్యాయపోరాటం చేస్తామని తెలిపారు. కార్యక్రమంలో నియోజకవర్గ యువ నాయకులు దేవసానిఆదిత్యరెడ్డి, నియోజకవర్గ బూత్‌కన్వీనర్ల సమన్వయకర్త కె.రమణారెడ్డి, మున్సిపల్‌ చైర్మన్‌ అభ్యర్థి రాచపూడిసాయిక్రిష్ణ, మాజీ మున్సిపల్‌ చైర్మన్‌ రాజగోపాల్‌రెడ్డి, మాజీ కుడా చైర్మన్‌ గురుమోహన్‌, వైఎస్సార్‌సీపీ అనుబంధ విభాగాల రాష్ట్ర, జిల్లా నాయకులు అల్లాబకాష్‌, యద్దారెడ్డి, కేశవరెడ్డి, రమేష్‌బాబు, పుత్తాశ్రీరాములు, ఉమర్‌, చెన్నకృష్ణారెడ్డి, సుబ్బరాజ తదితరులు పాల్గొన్నారు.ఎమ్మెల్సీ డీసీ గోవిందరెడ్డి

● అంబరమంటిన దసరా సంబరాలు ● కన్నులపండువగా వాసవాంబ తొట్టిమెరవణి ప్రొద్దుటూరు కల్చరల్‌ : విజయదశమి రోజు ప్రొద్దుటూరు పట్టణం జనసంద్రమైంది. దసరా ముగింపు ఉత్సవాల్లో భాగంగా మంగళవారం సాయంత్రం శమీదర్శన మహోత్సవాన్ని వైభవంగా నిర్వహించారు. వాసవిమాత ఉత్సవ మూర్తిని పూలతో, పుత్తడి ఆభరణాలతో అలంకరించి ఊరేగింపుగా తీసుకువచ్చి కొర్రపాడు రోడ్డులోని వాసవీ శమీవృక్ష మండపంలో శమీదర్శ నం చేయించారు. అగస్త్యేశ్వరాలయం రాజరాజేశ్వరీ ఉత్సవ కమిటీ, చెన్నకేశవాలయం, రాజరాజేశ్వరి ఆలయం, సత్యనారాయణస్వామి, విజయనగరంవీధి, వసంతపేటలోని చౌడేశ్వరీదేవి తదితర అన్ని ఆలయాల వారు కొర్రపాడు రోడ్డు మిల్లులోని శమీవృక్షం వద్ద దర్శనం చేశారు. డ్రోన్‌ ద్వారా పుష్పాలు వాసవీ మాతపై చల్లడం, కళాకారుల వేషధారణలు, కేరళ బ్యాండ్‌, డీజే, బాణసంచా పేళుల్లు, సినీ డూప్స్‌, పాలకొల్లు బ్యాండ్‌, విద్యుత్‌ ఆర్చీల వెలుగులు శమీదర్శనానికి ప్రత్యేక ఆకర్షణగా నిలిచాయి. అర్ధరాత్రి విజయలక్ష్మిదేవి అలంకారంలో అమ్మవారు గ్రామోత్సవం(తొట్టిమెరవణి) కన్నుల పండువగా నిర్వహించారు.

దొంగ సొత్తులా..● నామినేషన్లు వేయనివ్వని పోలీసులు ఉన్నా.. లేకున్నా ఒకటే ● టీడీపీ దౌర్జన్యాలపై ఎస్పీది ప్రేక్షకపాత్ర ● కడప ఎంపీ వైఎస్‌ అవినాష్‌రెడ్డి మండిపాటుకడపకార్పొరేషన్‌ : దొంగలు దొంగిలించిన సొత్తును పోలీసులు రికవరీ చేసినట్లు.. దౌర్జన్యాలు, అరాచకాలు, దాడులతో దొంగిలిస్తున్న స్థానిక సంస్థల పదవులను రానున్న రోజుల్లో రికవరీ చేస్తామని కడప పార్లమెంట్‌ సభ్యులు వైఎస్‌ అవినాష్‌రెడ్డి హెచ్చరించారు. బుధవారం జిల్లా పార్టీ కార్యాలయం వద్ద ఆయన మీడియాతో మాట్లాడుదతూ నామినేషన్లు వేసేందుకు తమ అభ్యర్థులు పోతే టీడీపీ నాయకులు నామినేషన్‌ కేంద్రంలో చించేస్తున్నారన్నారు. పెండ్లిమర్రి, సీకేదిన్నె, వేంపల్లి మండలాల జెడ్పీటీసీ అభ్యర్థుల నామినేషన్లు చించేశారన్నారు. పోలీసులు టీడీపీ గూండాలకు వత్తాసు పలుకుతున్నారని ఆరోపించారు. ఉదయం తమ పార్టీ నాయకులకు అనేక ఆంక్షలు విధించి, గృహ నిర్బంధాలు చేశారన్నారు. చాలామందిని పోలీస్‌స్టేషన్‌లలో ఉంచారన్నారు. నామినేషన్లు వేసేందుకు 15 మంది మహిళా అభ్యర్థులు వస్తే వారిని పోలీసులు నామినేషన్లు వేయడానికి అనుతించకపోవడం అన్యాయమన్నారు. జమ్మలమడుగు ఎమ్మెల్యే ఆదినారాయణరెడ్డి, భూపేష్‌రెడ్డి, లక్ష్మిరెడ్డిలు నామినేషన్‌ కేంద్రంలో తిష్టవేసి నామినేషన్లు చించేస్తున్నారన్నారు. నామినేషన్లు స్వేచ్ఛగా వేయించలేని పోలీసులు ఉన్నా లేకున్నా ఒకటే అని అన్నారు. ఇన్ని అక్రమాలు జరుగుతున్నా జిల్లా ఎస్పీ ప్రేక్షకపాత్ర పోషిస్తున్నారని ఎద్దేవా చేశారు. అక్రమాలతో గెలిస్తే గౌరవిస్తారా? ఎన్నికల్లో ఇన్ని అక్రమాలు చేసి ఎన్నికై న వారిని ప్రజలు గౌరవించే ప్రసక్తే లేదని వైఎస్సార్‌సీపీ జిల్లా అధ్యక్షుడు పి. రవీంద్రనాథ్‌రెడ్డి అన్నారు. కూటమి ప్రభుత్వం వచ్చినప్పటి నుంచి రాష్ట్రంలో అరాచకం రాజ్యమేలుతోందన్నారు. మున్సిపల్‌ ఎన్నికల్లో ఎలా గూండాగిరీ చేసి నామినేషన్లు వేయనివ్వలేదో, జెడ్పీటీసీ, ఎంపీటీసీ ఎన్నికల్లో అచ్చం అలాగే చేస్తున్నారన్నారు. తమను అడ్డుకోవడానికే పోలీసులు పనిచేస్తున్నట్లు ఉందని ఆవేదన వ్యక్తం చేశారు. 144 సెక్షన్‌, 30యాక్టు వైఎస్సార్‌సీపీ నాయకులకు తప్పా అధికార టీడీపీ నాయకులకు వర్తించదా అని నిలదీశారు. మీరు మగాళ్లయితే, మీ మూతిపై మీసం ఉంటే ఎన్నికలు సజావుగా నిర్వహించాలని, లేదా పోలీసులను పక్కనబెట్టి రండి... తగులుదాం అంటూ సవాల్‌ విసిరారు. కడపలో వైఎస్సార్‌సీపీ తరపున ఒక్క బీ. కోడూరు జెడ్పీటీసీ అభ్యర్థి మినహా మరెక్కడా నామినేషన్లు దాఖలు కాలేదని, 39 మండలాల్లో ఎంపీటీసీ అభ్యర్థుల నామినేషన్లు కూడా దాఖలు కాలేదన్నారు. ఈ ఎన్నికలను చూసి ప్రజలు బండబూతులు తిడుతున్నారన్నారు. కమలాపురం నియోజకవర్గ ఇన్‌చార్జి నరేన్‌ రామాంజులరెడ్డి మాట్లాడుతూ రాష్ట్రంలో ప్రజాస్వామ్యం ఖూనీ అయ్యిందన్నారు. ఎన్నికలను నిష్పక్షపాతంగా నిర్వహించాలని డిమాండ్‌ చేశారు.

కడపకార్పొరేషన్‌ : కడప నగరంలో వైఎస్సార్‌ కాంగ్రెస్‌ పార్టీ మేయర్‌ అభ్యర్థి బండి దీప్తి ఇంటిపై టీడీపీ అల్లరి మూకలు దాడి చేశాయి. సోమవారం అర్థరాత్రి నంబర్‌ ప్లేట్లు లేని వాహనాల్లో వచ్చిన కొందరు దుండగులు రాళ్లు, బీరు సీసాలతో దాడి చేవారు. ఈ ఘటనలో మేయర్‌ అభ్యర్థి ఇంటి అద్దాలు, కిటికీలు ధ్వంసం అయ్యాయి.. ఇంటి వద్ద పగిలిపోయిన బీరు బాటిళ్లు, రాళ్లు కనిపించాయి.దాడిలో ధ్వంసమైన కిటికీలను నాయకులు పరిశీలించారు. దాడి ఘటనపై ఆరా తీసిన వైఎస్సార్‌సీపీ నాయకులు మేయర్‌ అభ్యర్థి బండి దీప్తిరెడ్డి ఇంటిపై దాడి విషయం తెలుసుకున్న జిల్లా అధ్యక్షులు పి. రవీంద్రనాథ్‌ రెడ్డి, మాజీ డిప్యూటీ సీఎం ఎస్‌.బి. అంజాద్‌బాష, ఎమ్మెల్సీ రామచంద్రారెడ్డి, కమలాపురం నియోజకవర్గ ఇన్‌చార్జి పి. నరేన్‌ రామాంజులరెడ్డి లు మంగళవారం అంగడివీధి సమీపంలో ఉన్న వారి నివాసానికి వెళ్లి దాడి ఘటనపై ఆరాతీశారు. ఈ సందర్భంగా వారు మాట్లాడుతూ నంబర్‌ ప్లేట్లు లేని వాహనాల్లో వచ్చిన వ్యక్తులు ఈ దాడికి పాల్పడ్డారని, అసలు ఈ దాడి వెనుక ఎవరున్నారు, ఈ ఘటనకు బాధ్యత ఎవరు వహిస్తారని ప్రశ్నించారు. ప్రజాస్వామ్య వ్యవస్థలో ఎన్నికలు ప్రశాంతంగా, స్వేచ్ఛాయుత వాతావరణంలో జరగాలని అన్నారు. ఇలాంటి దాడులు జరపడం దుర్మార్గమని పేర్కొన్నారు. దాడి ఘటనపై పోలీసులు సమగ్ర విచారణ జరపాలని, దాడికి పాల్పడిన వారిని గుర్తించాలని, చట్టప్రకారం చర్యలు తీసుకోవాలని వారు కోరారు. ధైర్యంగా ఉండాలని, పార్టీ అండగా ఉంటుందని మేయర్‌ అభ్యర్థి దీప్తికి భరోసా కల్పించారు. ఈ కార్యక్రమంలో మాజీ మేయర్‌ పాకా సురేష్‌, వైఎస్సార్‌సీపీ రాష్ట్ర యువజన విభాగ ప్రధాన కార్యదర్శి షేక్‌ ఉమైర్‌, వైఎస్సార్‌సీపీ నాయకులు పులి సునీల్‌, సీహెచ్‌ వినోద్‌, బంగారు నాగయ్య, దాసరి శివప్రసాద్‌, రామ్మోహన్‌రెడ్డి పాల్గొన్నారు.

కడప అర్బన్‌ : జిల్లాలో జెడ్పీటీసీ, ఎంపీటీసీ ఎన్నికల నామినేషన్ల వేళ శాంతిభద్రతలకు విఘాతం కలిగిస్తే కఠిన చర్యలు తీసుకుంటామని కడప డీఎస్పీ టి. భవాని హెచ్చరించారు. నామినేషన్‌ వేసే అభ్యర్థితో పాటు మరో ఇద్దరికే అనుమతి ఉంటుందని తెలిపారు. మంగళవారం కడప డీఎస్పీ కార్యాలయంలో నిర్వహించిన విలేకరుల సమావేశంలో ఆమె మాట్లాడారు. కడప సబ్‌ డివిజన్‌ పరిధిలోని ఆరు మండలాలకు సంబంధించిన నామినేషన్ల స్వీకరణ మూడు రోజులపాటు కడప జిల్లా పరిషత్‌ కార్యాలయంలో జరుగుతుందని తెలిపారు. సీకే దిన్నె, చెన్నూరు, వల్లూరు, జి.ఆర్‌.పల్లి, పెండ్లిమర్రి, కమలాపురం మండలాల నామినేషన్లను ఇక్కడ స్వీకరిస్తారని పేర్కొన్నారు. మిగిలిన మండలాల్లో ఆయా ఎంపీడీవో కార్యాలయాల్లో నామినేషన్ల ప్రక్రియ కొనసాగుతుందని వివరించారు. నామినేషన్‌ కేంద్రాల చుట్టూ 100 మీటర్ల పరిధిలో గుంపులుగా ఉండరాదన్నారు. అనుమతి లేకుండా ర్యాలీలు, ధర్నాలు నిర్వహించినా, అల్లర్లకు పాల్పడినా కేసులు నమోదు చేస్తామని స్పష్టం చేశారు. దీప్తి రెడ్డి ఇంటిపై దాడిపై విచారణ వైఎస్సార్‌సీపీ అభ్యర్థి బండి దీప్తి రెడ్డి ఇంటిపై దాడి ఘటనపై విచారణ జరుపుతున్నట్లు డీఎస్పీ తెలిపారు. ఘటనా స్థలంలో కిటికీ అద్దాల ముక్కలు గుర్తించామని, సీసీ కెమెరాలు పనిచేయకపోవడంతో పూర్తి వివరాలు సేకరిస్తున్నామని చెప్పారు. బాధ్యులను గుర్తించి చట్టపరమైన చర్యలు తీసుకుంటామని వెల్లడించారు.కడప డీఎస్పీ భవాని హెచ్చరిక

కడప అర్బన్‌ : ప్రజల ధన, మాన, ప్రాణాల రక్షణలో పోలీసుల సేవలు వెలకట్టలేనివని జిల్లా ఎస్పీ షెల్కే నచికేత్‌ విశ్వనాథ్‌ పేర్కొన్నారు. పోలీసు అమరవీరుల సంస్మరణ దినోత్సవం సందర్భంగా బుధవారం కడప పోలీసు పరేడ్‌ మైదానంలో నిర్వహించిన స్మృతి పరేడ్‌లో పాల్గొని అమరవీరుల స్థూపం వద్ద పుష్పగుచ్ఛాలు ఉంచి నివాళులర్పించారు.అనంతరం ఎస్పీ మాట్లాడుతూ అక్టోబర్‌ 21 న పోలీసు అమరవీరుల సంస్మరణ దినోత్సవాన్ని నిర్వహించుకుంటున్నామన్నారు. విధి నిర్వహణలో పోలీసులు ఎన్నో సవాళ్లను ఎదుర్కొంటూ ప్రజల భద్రతకు అంకితమవుతున్నారని తెలిపారు. ఈ ఏడాది జిల్లాలో ఎనిమిది మంది పోలీసు సిబ్బంది ప్రాణాలు కోల్పోవడం బాధాకరమన్నారు. వారి కుటుంబాలకు పోలీసు శాఖ అండగా ఉంటుందని భరోసా ఇచ్చారు. ఏఆర్‌ అదనపు ఎస్పీ బి.రమణయ్య దేశవ్యాప్తంగా గత ఏడాది కాలంలో అమరులైన 154 మంది పోలీసుల పేర్లను చదివి వినిపించారు. జిల్లాలో అమరులైన ఎనిమిది మంది పోలీసుల కుటుంబ సభ్యులకు ఎస్పీ జ్ఞాపికలు అందజేశారు. కార్యక్రమంలో ఏఆర్‌ అదనపు ఎస్పీ బి.రమణయ్య, స్పెషల్‌ బ్రాంచ్‌ డీఎస్పీ ఎన్‌.సుధాకర్‌, కడప డీఎస్పీ టి.భవాని, ఎస్‌.బి సీఐ రెడ్డెప్ప, ఆర్‌.ఐలు సోమశేఖర్‌ నాయక్‌, పెద్దయ్య పాల్గొన్నారు.ఎస్పీ షెల్కే నచికేత్‌ విశ్వనాథ్‌

పులివెందుల రూరల్‌ : పులివెందుల మున్సిపాలిటీ పరిధిలోని చెన్నారెడ్డి కాలనీలో నివాసం ఉంటున్న వైఎస్సార్‌సీపీ నాయకులు నిరంజన్‌రెడ్డి ఇంటి వద్ద ఉన్న లారీలకు టీడీపీ అల్లరి మూకలు నిప్పు పెట్టి కాల్చివేశారు. నిరంజన్‌రెడ్డి వైఎస్సార్‌సీపీ తరపున మున్సిపల్‌ అభ్యర్థిగా నామినేషన్‌ వేయడంతో మంగళవారం రాత్రి ఇంటి వద్ద ఉన్న రెండు లారీలకు నిప్పు అంటించారు. అలాగే నగరిగుట్టకు చెందిన వైఎస్సార్‌సీపీ మున్సిపల్‌ కౌన్సిలర్‌ అభ్యర్థి అంజనప్ప ఇంటి వద్ద కూడా ద్విచక్ర వాహనానికి నిప్పు అంటించారు. పట్టణంలోని పార్నపల్లె రోడ్డులో ఉన్న మరో వైఎస్సార్‌సీపీ కౌన్సిలర్‌ అభ్యర్థి శ్రీరాములు ఇంటి వద్ద ఉన్న ద్విచక్ర వాహనానికి కూడా నిప్పు పెట్టారు. సమాచారం అందుకున్న ఎంపీ వైఎస్‌ అవినాష్‌రెడ్డి, మున్సిపల్‌ ఇన్‌చార్జి వైఎస్‌ మనోహర్‌రెడ్డి బాధిత కుటుంబాలను పరామర్శించారు. ఎన్నికల వేళ పార్టీ నాయకులు, కార్యకర్తలు ధైర్యంగా ఉండాలని, పార్టీ అండగా ఉంటుందని భరోసా ఇచ్చారు. ఎన్నికల్లో గెలవలేమనే భయంతో దాడులు ఎన్నికల్లో గెలవలేమనే భయంతోనే టీడీపీ నాయకులు వైఎస్సార్‌సీపీ నేతలు, కార్యకర్తల ఆస్తులను లక్ష్యంగా చేసుకుని దాడులకు పాల్పడుతున్నారని ఎంపీ వైఎస్‌ అవినాష్‌రెడ్డి ఆరోపించారు. బుధవారం పులివెందులలో మీడియాతో మాట్లాడుతూ నామినేషన్‌ దాఖలు చేయడం నుంచి పరిశీలన వరకు యుద్ధం చేయాల్సిన పరిస్థితి నెలకొందన్నారు. ప్రశాంతంగా, స్వేచ్ఛగా ప్రచారం చేసుకునే వాతావరణం లేదని విమర్శించారు. గతంలో చెరుకు రసం దుకాణం దగ్ధమైన ఘటన సీసీ కెమెరాల్లో రికార్డయినా నిందితులపై చర్యలు తీసుకోలేదన్నారు. ఈ ఘటనలో అక్కులగారిపల్లె విజయ్‌కుమార్‌రెడ్డి, షామీర్‌ల ప్రమేయం ఉందని పేర్కొంటూ వారిని ఎందుకు అరెస్టు చేయలేదని ప్రశ్నించారు. కౌన్సిలర్‌ అభ్యర్థి నిరంజన్‌రెడ్డికి చెందిన చెక్కులను సైతం కాల్చివేశారని తెలిపారు. వరుస ఘటనలు జరుగుతున్నా పోలీసులు ఎందుకు చర్యలు తీసుకోవడం లేదని నిలదీశారు.లారీలు, బైక్‌లకు నిప్పు పెట్టిన టీడీపీ అల్లరి మూకలు

కడప వైఎస్‌ఆర్‌ సర్కిల్‌ : నేటి నుంచి ఈ నెల 26 వరకు ఎస్‌జీఎఫ్‌ అండర్‌–19 రెండో దశ జిల్లా స్థాయి క్రీడా ఎంపికలను నిర్వహిస్తున్నట్లు ఎస్‌జీఎఫ్‌ అండర్‌–19 సెక్రటరీ మురళీ కృష్ణారెడ్డి తెలిపారు. 22, 23న డాక్టర్‌ వైఎస్‌ఆర్‌ క్రీడా పాఠశాలలో హాకీ, పుట్‌బాల్‌, 23న డీఎస్‌ఏ క్రీడా మైదానంలో సెపక్‌తక్రా, వైఎస్‌ఆర్‌ క్రీడా పాఠశాలలో అధ్లెటిక్స్‌, నందలూరు చెయ్యేరులో బీచ్‌ వాలీబాల్‌, 24న డాక్టర్‌ వైఎస్‌ఆర్‌ క్రీడా పాఠశాలలో జిమ్నాస్టిక్స్‌, అర్చరీ, జెఎంజె జూనియర్‌ కళాశాలలో నెట్‌బాల్‌, ప్రొద్దుటూరు జార్జిక్లబ్‌లో స్క్వాష్‌, 26న డీఎస్‌ఏ క్రీడా మైదానంలో రెజ్లింగ్‌, అన్నమయ్య జిల్లా చిన్నమండెంలో వాలీబాల్‌, కడప సిఎస్‌ఐ హైస్కూల్‌లో కల్వరి పట్టు ఎంపికలు ఉంటాయన్నారు. క్రీడాకారులు ఆయా తేదీలల్లో గుర్తింపు పత్రాలతో నిర్ణీత సమయానికి హాజరుకావాలన్నారు. 23 నుంచి ఎస్‌జీఎఫ్‌ జిల్లా స్థాయి ఎంపికలు కడప వైఎస్‌ఆర్‌ సర్కిల్‌ : ఈ నెల 23 నుంచి 26 వరకు జిల్లాలో ఎస్‌జీఎఫ్‌ అండర్‌–14,17 జిల్లా స్థాయి క్రీడా ఎంపికలు నిర్వహిస్తున్నట్లు ఎస్‌జీఎఫ్‌ జిల్లా సెక్రటరీలు విజయలక్ష్మీ, నాగరాజారెడ్డి తెలిపారు. 23న డీఎస్‌ఏ క్రీడా మైదానంలో సెపక్‌తక్రా, బాస్కెట్‌ బాల్‌, కురాష్‌, 24న అదే మైదానంలో క్రికెట్‌, కబడ్డీ, స్కేటింగ్‌, చెస్‌, 24న డాక్టర్‌ వైఎస్‌ఆర్‌ క్రీడా పాఠశాలలో అథ్లెటిక్స్‌, అర్చరీ, 26న డీఎస్‌ఏ క్రీడా మైదానంలో వాలీబాల్‌, యోగా, ఖోఖో, 26న ప్రొద్దుటూరు జార్జీ క్లబ్‌లో స్వ్కాష్‌ ఎంపికలు చేపడతామన్నారు. ఎంపికలకు హాజరయ్యే విద్యార్థులు గుర్తింపు కార్డులతో నిర్ణీత సమయానికి హాజరుకావాలన్నారు. బస్సును ఢీకొన్న కారు: యువకుడు మృతి పెద్దమండ్యం : కర్ణాటకలోని చింతామణి సమీపంలో బుధవారం తెల్లవారుజామున జరిగిన రోడ్డు ప్రమాదంలో కలిచెర్లకు చెందిన షేక్‌ ఇమ్రాన్‌ (23) మృతిచెందాడు. మరో ఐదుగురు స్వల్పంగా గాయపడ్డారు. మృతుడి కుటుంబ సభ్యుల కథనం మేరకు.. కలిచెర్లకు చెందిన ఇమ్రాన్‌ తన బంధువును గల్ఫ్‌ వెళ్లేందుకు విమానాశ్రయంలో విడిచిపెట్టి కారులో తిరిగి వస్తున్నాడు. ఈ క్రమంలో చింతామణి–మదనపల్లె రహదారిపై ద్విచక్రవాహనాన్ని తప్పించబోయి ఎదురుగా వస్తున్న బస్సును కారు ఢీకొంది. ఈ ప్రమాదంలో కారు నడుపుతున్న ఇమ్రాన్‌ అక్కడికక్కడే మృతిచెందాడు. కారులో ఉన్న మరో ఐదుగురు స్వల్ప గాయాలతో బయటపడ్డారు. ప్రమాద తీవ్రతకు కారు ముందు భాగం పూర్తిగా ధ్వంసమైంది. కారులో ఇరుక్కుపోయిన ఇమ్రాన్‌ మృతదేహాన్ని తీవ్రంగా శ్రమించి బయటకు తీశారు. 23 ఏళ్ల యువకుడు మృతిచెందడంతో కలిచెర్లలో విషాదఛాయలు అలముకున్నాయి.

కడప కార్పొరేషన్‌ : మున్సిపల్‌ ఎన్నికల్లో పోలీసులను అడ్డుపెట్టుకుని టీడీపీ శ్రేణులు దాష్టీకానికి పాల్పడ్డారని అన్నమయ్య జిల్లా వైఎస్సార్‌సీపీ అధ్యక్షులు, రాజంపేట ఎమ్మెల్యే ఆకేపాటి అమర్‌రనాథ్‌రెడ్డి అన్నారు. సోమవారం కడపలోని జిల్లా పార్టీ కార్యాలయంలో వైఎస్సార్‌ కడప జిల్లా అధ్యక్షులు పి.రవీంద్రనాథ్‌రెడ్డి, మాజీ డిప్యూటీ సీఎం అంజద్‌బాషాతో కలిసి నిర్వహించిన విలేకరుల సమావేశంలో ఆయన మాట్లాడారు. ప్రజాస్వామ్యాన్ని అపహాస్యం చేసి, వ్యవస్థలన్నీ వారి చెప్పుచేతల్లో పెట్టుకొని అరాచకం సృష్టించారన్నారు. వైఎస్సార్‌సీపీ ముఖ్య నాయకులను గృహ నిర్బంధాలు చేశారని, టీడీపీ అల్లరిమూకలు నామినేషన్‌ కేంద్రాల వద్ద తిష్ట వేసి నామినేషన్‌ వేసేందుకు వచ్చేవారి వద్ద నుంచి పత్రాలు లాక్కొని చించేశారన్నారు. రాజంపేటలో ఇద్దరు చైర్మన్‌, ఆరుగురు కౌన్సిలర్‌ అభ్యర్థులుగా వైఎస్సార్‌సీపీ తరఫున నామినేషన్లు వేశారన్నారు. అందులో ఒక చైర్మన్‌ అభ్యర్థిది ముందే తిరస్కరించారని, మరొకరి నామినేషన్‌ సరిగ్గా ఉందని చెప్పి, 2 గంటల తర్వాత ఇంటి పన్ను సరిగా లేదని అది కూడా తిరస్కరించారన్నారు. అధికారులు మొదట అన్నీ సరిగ్గా ఉన్నాయని చెప్పిన వీడియోలు తమ వద్ద ఉన్నాయని, సెల్‌ఫోన్‌లు లాక్కొని వాటిని బలవంతంగా తొలగించారన్నారు. 144 సెక్షన్‌, 30 యాక్టు వైఎస్సార్‌సీపీకే అమలు చేశారని, దీనిపై ఎస్పీ, డీఎస్పీ, సబ్‌ కలెక్టర్‌ ఎవరికి ఫిర్యాదు చేసినా పట్టించుకోలేదన్నారు. అలాంటప్పుడు ఈ ఎన్నికలు ఎందుకు నిర్వహించారని ప్రశ్నించారు. ఒక ఎంపీ, ఎమ్మెల్యే ఉన్న ఇంటిపై దాడి చేస్తే పోలీసులు పట్టీపట్టనట్లు వ్యవహరించారన్నారు. తన ఇంటిపై వారు దాడి చేసినా తనపైనే కేసు పెట్టారని, ఈ పోలీసులు, ప్రభుత్వంపై నమ్మకం లేకనే తాను ఫిర్యాదు చేయలేదన్నారు. 2029లో ప్రజలు ఈ ప్రభుత్వానికి తగిన గుణపాఠం చెబుతారని హెచ్చరించారు. వీళ్లు ఎలా ఐపీఎస్‌లు అయ్యారో తెలియడం లేదు : రవీంద్రనాథ్‌రెడ్డి ప్రజలకు భద్రత కల్పించలేని వారు ఎలా ఐపీఎస్‌లు అయ్యారో తెలియడం లేదని వైఎస్సార్‌సీపీ జిల్లా అధ్యక్షుడు పి.రవీంద్రనాథ్‌రెడ్డి మండిపడ్డారు. నామినేషన్లు వేసేటప్పుడు ఏం చేయాలి, ఎవరి నామినేషన్లు ఉంచాలి, ఎవరి నామినేషన్లు తీసేయాలి, అని పక్కా ప్రణాళికతో వ్యవహరిస్తున్నారన్నారు. ప్రొద్దుటూరులో అన్ని నామినేషన్లు తిరస్కరించారని, కడపలో మేయర్‌ అభ్యర్థి నామినేషన్‌ తప్ప అన్ని తిరస్కరించారన్నారు. వీటిని ఎన్నికలు అంటారా అని ప్రశ్నించారు. కొత్త తరం రాజకీయ నాయకులకు మీరు నేర్పించేది ఇదేనా అని నిలదీశారు. పులివెందులలో 550 మందిపై 307 సెక్షన్‌ కింద కేసులు పెట్టడం దుర్మార్గమన్నారు. వైఎస్సార్‌సీపీ కార్యకర్తలపై బాష్పవాయువు ప్రయోగించి, కాల్పులు జరిపి బాధితులపైనే కేసులు పెట్టడం ఈ ప్రభుత్వానికే చెల్లిందన్నారు. కొట్టి, కత్తులతో పొడిచినా, నామినేషన్‌ పత్రాలు చించినా టీడీపీ వాళ్లపై కేసులు పెట్టరా.. మాపైనే పెడతారా అని ప్రశ్నించారు. వైఎస్సార్‌సీపీ నాయకులు, కార్యకర్తలెవరూ నిరుత్సాహానికి గురికావాల్సిన పనిలేదని, 2029లో మన సత్తా ఏంటో చూపిద్దామని తెలిపారు. డబ్బు కోసమే మేయర్‌ అభ్యర్థి నామినేషన్‌ తిరస్కరించలేదు : అంజద్‌బాషా మేయర్‌ ఎన్నిక ఏకగ్రీవమైతే డబ్బులు చేతికి రావనే వైఎస్సార్‌సీపీ మేయర్‌ అభ్యర్థి నామినేషన్‌ తిరస్కరించలేదని, వచ్చి ఉంటే దాన్ని కూడా తిరస్కరించే వారని మాజీ డిప్యూటీ సీఎం అంజద్‌బాషా ఆరోపించారు. నామినేషన్ల స్క్రూట్నీకి ముందే 66 సీట్లు ఏకగ్రీవంగా గెలిచామని ఎమ్మెల్యే మాధవి చెబుతూ.. పటాకులు కాల్చి, మిఠాయిలు పంచుకోవడం సిగ్గుచేటన్నారు. కడపలో ప్రజాస్వామ్యం చచ్చిపోయిందని, పోలీసులు రక్షక భటుల్లా కాకుండా భక్షక భటుల్లా వ్యవహరించారని ధ్వజమెత్తారు. 2021 ఎన్నికల్లో స్థానిక ఎన్నికలు ప్రశాంతంగా జరిగాయని, అన్ని పార్టీల వాళ్లు స్వేచ్ఛగా నామినేషన్లు వేశారన్నారు. టీడీపీ వాళ్లు డబ్బుకు అమ్ముడుపోవడం వల్లే ఏకగ్రీవాలు అయ్యాయే తప్ప మిగిలిన అన్ని చోట్లా ఎన్నికలు సవ్యంగా జరిగాయన్నారు. 1వ డివిజన్‌లో వైఎస్సార్‌సీపీ అభ్యర్థి పోతుల శివారెడ్డి కారును ధ్వంసం చేశారని, 33వ డివిజన్‌ ఓసీ మహిళకు రిజర్వ్‌ అయినా, క్యాస్ట్‌ సర్టిఫికెట్‌ లేదని తిరస్కరిస్తామని చెప్పడం విచిత్రంగా ఉందన్నారు. ఈ సమావేశంలో వైఎస్సార్‌సీపీ మేయర్‌ అభ్యర్థి బండి దీప్తిరెడ్డి, ఎస్సీసెల్‌ స్టేట్‌ వర్కింగ్‌ ప్రెసిడెంట్‌ పులిసునీల్‌, రాష్ట్ర యువజన విభాగం ప్రధాన కార్యదర్శి షేక్‌ ఉమైర్‌, శ్రీరంజన్‌రెడ్డి, త్యాగరాజు పాల్గొన్నారు. నామినేషన్లు వేయనీయకుండా దౌర్జన్యం అధికార మదంతో రెచ్చిపోయిన పచ్చమూకలు వచ్చే ఎన్నికల్లో ప్రజలు తగిన గుణపాఠం అన్నమయ్య జిల్లా వైఎస్సార్‌సీపీ అధ్యక్షుడు ఆకేపాటి అమర్‌నాథ్‌రెడ్డి

మా 40 ఏళ్ల రాజకీయ చరిత్రలో నామినేషన్‌ వేయలేని పరిస్థితి ఎప్పుడూ లేదు. నేను మున్సిపల్‌ చైర్‌పర్సన్‌ అభ్యర్థిగా నామినేషన్‌ దాఖలు చేయడానికి ఉదయం వెళ్లాలని నిర్ణయించుకున్నాను. తెల్లవారక ముందే పోలీసులు మా ఇంటిని చుట్టుముట్టారు. ఉదయం నుంచి మధ్యాహ్నం వరకు అడుగుతూ ఉంటే.. నామినేషన్‌ వేయడానికి పంపిస్తామని చెప్పి.. పంపించలేదు. సమయం మించిపోతుందని నామినేషన్‌ వేయటానికి వెళ్తున్న నన్ను పోలీసులు అడ్డుకున్నారు. మరో వాహనంలో నామినేషన్‌ వేయడానికి వెళ్తే.. మమ్మల్ని దారిలోనే లారీ, ట్రాక్టర్‌లు అడ్డుపెట్టి ఉప్పలపాడు వద్ద అడ్డుకున్నారు. మూడు గంటల లోపు నామినేషన్‌ వేయకుండా పోలీసులు మమ్మల్ని అడ్డుకుని కూటమి పాలకులకు పూర్తిగా సహకరించారు. – పి.ఇందిర, మున్సిపల్‌ చైర్‌పర్సన్‌ వైఎస్సార్‌సీపీ అభ్యర్థి, జమ్మలమడుగు ఎన్నికల కమిషన్‌ ఏం చేస్తోంది? రాష్ట్రంలో ప్రజాస్వామ్యం ఉందా? ఎన్నికల కమిషన్‌ ఏం చేస్తోంది. క్షేత్ర స్థాయిలో నామినేషన్లు వేయకుండా అడ్డుకుంటున్నా.. ఇటు పోలీసులు, అటు ఎన్నికల కమిషన్‌ గానీ పట్టించుకున్న పాపాన పోలేదు. నేను కేవలం మరో నలుగురు మహిళలతో కమలాపురం మున్సిపల్‌ చైర్‌ పర్సన్‌ స్థానానికి నామినేషన్‌ వేసేందుకు వెళ్తే.. అక్కడున్న టీడీపీ గూండాలు మమ్మల్ని మహిళలు అని కూడా విచక్షణ లేకుండా తిట్ల పురాణం అందుకున్నారు. చీరలు లాగుతున్నారు. గోర్లతో రక్తం వచ్చేలా రక్కారు. ఇంత జరుగుతున్నా అక్కడే ఉన్న పోలీసులు ప్రేక్షకపాత్ర వహిస్తున్నారే తప్ప మా వద్దకు రాలేదు. ఇలా నామినేషన్లు అడ్డుకునే బదులు వారు నామినేట్‌ చేసుకోవచ్చు కదా? అంత దానికి ఇంత ప్రక్రియ ఎందుకు? –మారుజోళ్ల కవిత, మున్సిపల్‌ చైర్‌పర్సన్‌ వైఎస్సార్‌ సీపీ అభ్యర్థి, కమలాపురంమున్సిపల్‌ ఎన్నికల నామినేషన్ల పర్వంలో ప్రజాస్వామ్యం అభాసుపాలైంది. నామినేషన్లు వేయడానికి వెళ్తున్న వైఎస్సార్‌సీపీ అభ్యర్థులను.. అధికార పార్టీ నేతలు అడ్డుకున్నారు. పోలీసుల సహకారంతోనే ఈ దౌర్జన్యానికి పాల్పడ్డారని అభ్యర్థులు ధ్వజమెత్తారు. ప్రజాస్వామ్య ప్రక్రియను పోలీసుల అండతో ఖూనీ చేయడంపై వారు తీవ్ర ఆగ్రహం వ్యక్తం చేశారు. – జమ్మలమడుగు/ కమలాపురం

● మాజీ ఎమ్మెల్యే శెట్టిపల్లె రఘురామిరెడ్డిమైదుకూరు : ఎమ్మెల్యే పదవి శాశ్వతం కాదని గుర్తించుకోవాలని టీడీపీ ఎమ్మెల్యే పుట్టా సుధాకర్‌ యాదవ్‌కు మాజీ ఎమ్మెల్యే శెట్టిపల్లె రఘురామిరెడ్డి సూచించారు. సోమవారం ఆయన స్థానిక వైఎస్సార్‌సీపీ కార్యాలయంలో విలేకరుల సమావేశంలో మాట్లాడారు. అధికారులు, పోలీసుల అండతో దౌర్జన్యం చేసి ఎన్నికల్లో గెలవాలనుకునే కొత్త సంప్రదాయానికి ఎమ్మెల్యే పుట్టా తెరలేపారని ఆరోపించారు. మైదుకూరు చరిత్రలో గతంలో ఎప్పుడూ ఇలా జరగలేదని అన్నారు. ఎన్నో పార్టీలు, నాయకులు అధికారంలో ఉన్నా ఇక్కడ ఇలాంటి సంస్కృతి లేదన్నారు. ఇలాంటి సంప్రదాయాన్ని ప్రోత్సహిస్తే ప్రజలు సహించరని అన్నారు. ప్రజాస్వామ్యంలో ప్రజల చేత ఎన్నుకున్న వారే నాయకులు కావాలి కానీ పోలీసులు, అధికారుల అండదండలతో డిక్లేర్‌ చేసుకుని గెలిస్తే ఇక ప్రజాస్వామ్యం అవసరం ఏముందని ప్రశ్నించారు. ఇప్పుడు టీడీపీ అదే చేస్తోందని ఆరోపించారు. ఎన్నికల ప్రక్రియను నిలిపివేయడం అభినందనీయం మైదుకూరు మున్సిపల్‌ ఎన్నికల ప్రక్రియను ఎన్నికల కమిషన్‌ నిలిపివేయడం అభినందనీయమని మాజీ ఎమ్మెల్యే రఘురామిరెడ్డి పేర్కొన్నారు. ఇటువంటి నిర్ణయం తీసుకోకపోతే ఎన్నికల కమిషన్‌ విలువ పోతుందన్నారు. పోలీసులు ఎన్నికల నియమావళికి విరుద్ధంగా ఎమ్మెల్యేను నామినేషన్ల ప్రక్రియ నిర్వహిస్తున్న మున్సిపల్‌ కార్యాలయానికి పంపించడం శోచనీయమని తెలిపారు. ఆయన వెంట వచ్చిన అనుచరులు 16, 17వ తేదీల్లో వేసిన నామినేషన్లను దౌర్జన్యంగా చించి వేశారని ఆరోపించారు. వారి చర్యలను పోలీసులు ఎందుకు అడ్డుకోలేదని ప్రశ్నించారు. దీన్ని బట్టి జరిగిన దాంట్లో పోలీసుల పాత్రపై అనుమానం వస్తోందన్నారు. ఎన్నికల కమిషన్‌ రీ షెడ్యూల్‌ ఇస్తుందని, ప్రజాస్వామ్య పద్ధతిలో ఓట్లు వేసి గెలిపించే సంప్రదాయం మంచిదా? అధికార బలంతో గెలవడం మంచిదా ప్రజలే ఆలోచించుకోవాలని సూచించారు. సమావేశంలో వైఎస్సార్‌సీపీ మున్సిపల్‌ చైర్మన్‌ అభ్యర్థి శ్రీమన్నారాయణ రెడ్డి, పట్టణ అధ్యక్షుడు కేపీ లింగన్న, మాజీ వైస్‌ చైర్మన్‌ మహబూబ్‌ షరీఫ్‌, భరత్‌ కుమార్‌రెడ్డి, జ్వాలా నరసింహశర్మ, కరిడి రమణమూర్తి, జకరయ్య తదితరులు పాల్గొన్నారు.

● ఎమ్మెల్యే ఆది, భూపేష్‌రెడ్డిపై ఎమ్మెల్సీ పి.రామసుబ్బారెడ్డి ధ్వజం ● ధైర్యం ఉంటే ప్రజాక్షేత్రంలో ఓటింగ్‌కు రావాలని సవాల్‌ఎర్రగుంట్ల : వైఎస్సార్‌సీపీ అభ్యర్థులను నామినేషన్‌లు వేయనీయకుండా అడ్డుకుని.. గెలుపు అని చెప్పుకొంటున్న ఈ మున్సిపల్‌ ఎన్నికను రద్దు చేయాలని ఎమ్మెల్సీ, జమ్మలమడుగు నియోజకవర్గ ఇన్‌చార్జి పి.రామసుబ్బారెడ్డి ఆగ్రహం వ్యక్తం చేశారు. మున్సిపల్‌ ఎన్నికల్లో దాడికి గురైన పార్టీ మహిళా అభ్యర్థులతోపాటు నాయకులతో కలిసి.. ఎర్రగుంట్లలోని పార్టీ నాయకుడు తుంగ వెంకటరామిరెడ్డి ఇంటిలో సోమవారం సమావేశం నిర్వహించారు. ఈ సందర్భంగా ఆయన మాట్లాడుతూ ఎమ్మెల్యే ఆది నారాయణరెడ్డి, భూపేష్‌రెడ్డిలకు ధైర్యం ఉంటే ఎన్నికలను రద్దు చేసి.. మళ్లీ ఎన్నికలు నిర్వహించి తమ పార్టీ అభ్యర్థులతో నామినేషన్‌ వేయించి ప్రజాక్షేత్రంలో ఓటింగ్‌కు రావాలని సవాల్‌ విసిరారు. నామినేషన్‌లు వేయడానికి వెళ్తున్న వైఎస్సార్‌సీపీ మహిళా అభ్యర్థులను అడ్డుకుని దాడి చేసి, మహిళలు అని కూడా చూడకుండా వారి వస్త్రాలు లాగి, చెప్పులు, కర్రలతో దాడి చేయడం నీచాతినీచమన్నారు. గుర్తు పెట్టుకోండి తమ పార్టీ నాయకులపై దాడి చేసిన ఏ ఒక్కర్ని వదలబోమని, 2029లో మీకు అంతకు అంత డబుల్‌గా గుణపాఠం చెబుతామన్నారు. అప్పుడు మిమ్మల్ని బాబాయ్‌, అబ్బాయ్‌లు ఎవరూ కాపాడలేరని హెచ్చరించారు. ప్రతి సారి ఎమ్మెల్యే ఆదినారాయణరెడ్డి డబుల్‌ ఇంజిన్‌ సర్కార్‌ అని చెబుతుంటారని, మహిళలపై దాడి చేయడమే మీ డబుల్‌ ఇంజన్‌ అని అన్నారు. 2029లో మీకు డబుల్‌ చార్చ్‌ చూపిస్తామన్నారు. ఫ్యాషన్‌ ముసుగులో ఎర్రగుంట్లలో ఫ్యాక్షన్‌ పెంపొందిస్తున్నావని ధ్వజమెత్తారు. ఎర్రగుంట్లలో జరిగిన దాడి సంఘటనలన్నింటిని జిల్లా కలెక్టర్‌, ఎస్పీ, ఎస్‌ఈసీలకు అన్ని ఆధారాలతో పంపించామన్నారు. వెంటనే ఎర్రగుంట్ల ఎన్నికను రద్దు చేసి, మళ్లీ కొత్త నోటిఫికేషన్‌తో నామినేషన్‌లు జరిపి కేంద్ర బలగాలు దించాలన్నారు.

కడప కార్పొరేషన్‌ : వైఎస్‌ఆర్‌సీపీ అధినేత వైఎస్‌ జగన్‌మోహన్‌రెడ్డి ప్రజాదరణను తగ్గించేందుకు చంద్రబాబు కుట్రలు చేస్తున్నారని వైఎస్సార్‌సీపీ రాష్ట్ర ప్రధాన కార్యదర్శి ఎస్‌వీ సతీష్‌కుమార్‌రెడ్డి అన్నారు. వైఎస్సార్‌ కడప జిల్లాలోని పార్టీ కార్యాలయంలో ఆయన మీడియాతో మాట్లాడారు. తన ప్రభుత్వ అసమర్థత, ఎన్నికల హామీల అమలులో వైఫల్యాలను కప్పిపుచ్చుకునేందుకు జగన్‌పై నిందలు వేస్తున్నారని ఆరోపించారు. కడప జిల్లా నుంచి మొదలుపెట్టి పుంగనూరు మీదుగా రాష్ట్రవ్యాప్తంగా ఎన్నికల ప్రక్రియను అడ్డుకోవడం, వైఎస్సార్‌సీపీ అభ్యర్థులను భయపెట్టడం, నామినేషన్లు వేయకుండా నిరోధించడం వంటి చర్యలకు పాల్పడుతున్నారని పేర్కొన్నారు. స్థానిక సంస్థల ఎన్నికలను స్వేచ్ఛగా నిర్వహించాల్సిన ప్రభుత్వం, వాటిని ఒక ఫార్స్‌గా మార్చడం సిగ్గుచేటన్నారు. వైఎస్సార్‌సీపీ శ్రేణులపైనే ఆంక్షలు ఎందుకు? టీడీపీ వర్గాలు కర్రలు, కత్తులు, రాడ్లతో తిరుగుతున్నాయనే ఆరోపణలు వస్తుంటే, వైఎస్సార్‌సీపీ నాయకులు, కార్యకర్తలపై మాత్రంం సెక్షన్‌ 144 పేరుతో ఆంక్షలు విధిస్తున్నాన్నారని తెలిపారు. అధికార పార్టీకి ఒక న్యాయం, ప్రతిపక్షానికి మరో న్యాయమా అని ప్రశ్నించారు. ఎన్నికల ప్రక్రియలో అడ్డంకులు సష్టించిన వారి పై ఎన్ని కేసులు నమోదు చేశారు? బాధ్యులైన వారిలో ఒక్కరినైనా అరెస్టు చేశారా? ఈ ప్రశ్నలకు చంద్రబాబు ప్రభుత్వం, పోలీసు అధికారులు సమాధానం చెప్పాల ని డిమాండ్‌ చేశారు. అభ్యర్థులకు రక్షణ కల్పించి, భవిష్యత్తులో జరిగే ఎన్నికలను కేంద్ర బలగాల పర్యవేక్షణలో నిష్పక్షపాతంగా నిర్వహించాలని కోరారు. సమావేశంలో మాజీ మేయర్‌ పాకా సురేష్‌, జిల్లా యువజన విభాగం అధ్యక్షుడు దేవిరెడ్డి ఆదిత్య పాల్గొన్నారు.

● పోలీసుశాఖ తీరు సిగ్గుకే సిగ్గేసింది ● ప్రొద్దుటూరు మున్సిపల్‌ చైర్మన్‌ అభ్యర్థి ఇంటిపై దాడి ● నామినేషన్లు తరహాలోనే అభ్యర్థుల స్క్రూటినీకి వెళ్లకుండా అడ్డగింత ● ప్రొద్దుటూరు, బద్వేల్‌, రాజంపేట వైఎస్సార్‌సీపీ చైర్మన్‌ అభ్యర్థుల తిరస్కరణ సాక్షి ప్రతినిధి, కడప: రాష్ట్రంలో స్థానిక సంస్థల ఎన్నికల నుంచి మొదలైన హింసాకాండ సోమవారవం స్క్రూటినీలోనూ కొనసాగింది. మున్సిపల్‌ పోరులో నామినేషన్లు వేయకుండా స్వయంగా పోలీసులే అడ్డుకున్నారు. నామినేషన్లు పరిశీలనకు వైఎస్సార్‌సీపీ అభ్యర్థులు వెళ్లకుండా పచ్చ మూకలకు అండగా నిలిచారు. పోలీసుశాఖ వ్యవహరిస్తున్న ఏకపక్ష తీరు సిగ్గుకే సిగ్గేసింది. ప్రొద్దుటూరు డీఎస్పీ బాలస్వామిరెడ్డి మరింత బరితెగించి దగ్గరుండీ దౌర్జన్యానికి అండగా నిలిచారు. ప్రొ ద్దుటూరు, రాజంపేట వైఎస్సార్‌సీపీ చైర్మన్‌ అభ్యర్థులు పోరెడ్డి నరసింహారెడ్డి, రేష్మ అభ్యర్థిత్వాలు తిరస్కరణ వెనుక అధికారిక కుట్ర ప్రధానంగా నిలిచింది. ● ప్రశాంతంగా స్థానిక సంస్థల ఎన్నికలు నిర్వహిస్తే ఓటమి మూటగట్టుకోవాల్సి వస్తుందని కూటమి నేతలు పసిగట్టారు. అందుకే స్థానిక సంస్థల ఎన్నికలు నిర్వహించకుండా దొడ్డిదారిన కై వసం చేసుకునేందుకు సిద్ధమయ్యారు. అందుకు పోలీసులు, అధికారులు ఎక్కడికక్కడ పక్కాగా సహకరించారు. మున్సిపల్‌ చైర్మన్‌, కౌన్సిలర్ల అభ్యర్థుల నామినేషన్లు స్క్రూ టిని పేరుతో అధికారులు రాజంపేట, ప్రొద్దుటూరు చైర్మన్‌ అభ్యర్థులను తిరస్కరించారు. పోరెడ్డి లక్ష్యంగా ప్రత్యక్ష దాడులు... ప్రొద్దుటూరు మున్సిపల్‌ వైఎస్సార్‌సీపీ చైర్మన్‌ అభ్యర్థి పోరెడ్డి నరసింహారెడ్డి టార్గెట్‌గా ప్రత్యక్షదాడులను తెలుగుతమ్ముళ్లు ఎంచుకున్నారు. ప్రొద్దుటూరులో టీడీపీ శ్రేణులు అర్ధరాత్రి వేళ బరితెగించి బీభత్సం సృషించారు. ఆదివారం అర్ధరాత్రి దాటిన తర్వాత భారీ సంఖ్యలో టీడీపీ ముఠాలు పోరెడ్డి ఇంటిని ముట్టడించాయి. నేరుగా భౌతిక దాడి చేసేందుకు పచ్చ మూకలు యత్నించాయి. పోరెడ్డి నివాసంపైకి విచక్షణారహితంగా రాళ్లు, ఇటుకలతో దాడికి దిగాయి. ఈ రాళ్ల దాడిలో పోరెడ్డి ఇంటి ఆవరణలో ఉంచిన కారు అద్దాలు పూర్తిగా ధ్వంసమయ్యాయి. వంతపాడిన యంత్రాంగం: రాజంపేట, ప్రొద్దుటూరు, బద్వేల్‌ నామినేషన్లు పరిశీలన సందర్భంగా అధికారులు తెలుగుదేశం నేతలకు మోకరిల్లారు. అభ్యర్థులకు అనుమతి నిరాకరించాలని ఆదేశిస్తే అలానే చేయడం, నామినేషన్లు తిరస్కరించాలని చెబితే తిరస్కరించడం జిల్లా యంత్రాంగం వంతయ్యింది. తెలుగుదేశం నేతలు చెప్పింది చెప్పినట్లుగా వ్యవహరిస్తూ ఏకంగా ప్రొద్దుటూరులో వైఎస్సార్‌సీపీ చైర్మన్‌, కౌన్సిలర్‌ అభ్యర్థులుగా దాఖలు చేసిన 166 నామినేషన్లును తిరస్కరించారు. ఇలాంటి పరిస్థితి బద్వేల్‌, రాజంపేటలో కూడా నెలకొంది. బద్వేల్‌ చైర్మన్‌ అభ్యర్థి రాచపూడి సాయికృష్ణ పట్టణంలో సుపరిచితుడు. పైగా మూడు టర్మ్‌లు కౌన్సిలర్‌గా, వైస్‌ చైర్మన్‌గా కొనసాగుతున్నారు. పోటీ అనివార్యమైతే టీడీపీ అథోగతి పాలవుతోంది. దాంతో ఏకగ్రీవం చేసుకోవాలనే దిశగా టీడీపీ ఇన్‌ఛార్జి సూర్యనారాయణరెడ్డి చట్టవ్యతిరేక చర్యలకు పాల్పడ్డారు. అలాంటి పరిస్థితి రాజంపేటలో కూడా నెలకొంది. చైర్మన్‌ అభ్యర్థి రేష్మ నామినేషన్‌ తిరస్కరణకు ఇన్‌ఛార్జి జగన్‌మోహన్‌రాజు శతవిథాలుగా ప్రయత్నించి సఫలమయ్యారు.పోలీసులు నామినేషన్లతో పాటు పరిశీలనలోనూ ఏకపక్షంగా వ్యవహరించి టీడీపీకీ ఏకగ్రీవం అయ్యేలా కృషి చేశారని విశ్లేషకులు ఆరోపిస్తున్నారు. మైదుకూరు ఎన్నికల వాయిదా వేసిన ఎస్‌ఈసీ మైదుకూరు మున్సిపల్‌ చైర్మన్‌ ఎన్నికల ప్రక్రియను స్టేట్‌ ఎలెక్షన్‌ కమీషన్‌ వాయిదా వేసింది. నామినేషన్‌ కేంద్రంలోకి ఎమ్మెల్యే పుట్టా సుధాకర్‌యాదవ్‌ తన అనుచరులతో కలిసి వెళ్లారు. ఈసందర్భంగా అప్పటికే దాఖలైన నామినేషన్లు పత్రాలను కొంతమంది ఎత్తుకెళ్లారు. నామినేషన్‌ కేంద్రం ఆవరణలోనే చించి పడేశారు. ఈ పరిస్థితుల్లో రిటర్నింగ్‌ అధికారి పోలీసులకు ఫిర్యాదు చేయడంతో కేసు నమోదయింది. నామినేషన్ల పరిశీలనకు పోటీ చేసిన అభ్యర్థుల నామినేషన్‌ పత్రాలు అందుబాటులో లేకపోవడంతో కలెక్టర్‌ ఎస్‌ఈసీకి నివేదించారు. దాంతో ఎస్‌ఈసీ మైదుకూరు ఎన్నికల ప్రక్రియను వాయిదా వేసింది. కళంకితుల జాబితాలో ఎన్నికల అధికారి.. ప్రజాస్వామ్యం కళంకితుల జాబితాలో జిల్లా ఎన్నికల అధికారి శ్రీధర్‌ నిలవనున్నట్లు పలువురు వివరిస్తున్నారు. కలెక్టరేట్‌, బంగళాకు కూతవేటు దూ రంలో ఉన్న గాంధీనగర్‌ హైస్కూల్‌ నామినేషన్‌ కేంద్రంలో దౌర్జన్యం తెరపైకి వచ్చింది. నిష్పక్షపాత ఎన్నికల నిర్వహణకు మంగళం పలికారని విశ్లేషకులు వెల్లడిస్తున్నారు. జిల్లా చరిత్రలో 2026 స్థానిక సంస్థల ఎన్నిక మచ్చగా లిఖించబడుతుందని పలువురు అభిప్రాయపడుతున్నారు.

సాక్షి ప్రతినిధి, కడప: ౖవెఎస్సార్‌సీపీ మేయర్‌ అభ్యర్థి బండి దీప్తి రెడ్డి ఇంటిపై సోమవారం అర్థరాత్రి పచ్చ మూకలు దాడికి దిగాయి. అధికార పక్షానికి బండిదీప్తి కంటగింపుగా మారింది. పైగా మేయర్‌ అభ్యర్థిగా ఆమె నామినేషన్‌ ఆమోదం లభించింది. దీంతో మేయర్‌ స్థానానికి పోటీ అనివార్యం కానుంది. ఈ నేపథ్యంలో ఎలాగైనా పోటీ నుంచి విరమించాలన్న లక్ష్యంతో టీడీపీ శ్రేణులు పనిచేస్తున్నాయి. సోమవారం అర్ధరాత్రి సమయంలో ఇంటిపై రాళ్లు రవ్వి అద్దాల ధ్వంసం చేయడం ప్రారంభించారు. సీఐ బాల మద్దిలేటి బృందం రావడంతో అల్లరి మూకలు అక్కడినుంచి జారుకున్నాయి.

జమ్మలమడుగు: మున్సిపల్‌ చైర్‌పర్సన్‌ అభ్యర్థిగా ఎమ్మెల్సీ పి.రామసుబ్బారెడ్డి సోదరి ఎన్‌. హైమావతి నామినేషన్‌ను అధికారులు ఆమోదించారు. అదేవిధంగా చైర్‌ పర్సన్‌ అభ్యర్థులుగా 13 మంది నామినేషన్లు దాఖలు చేయగా అందులో 9 ఆమోదం పొంది నాలుగు నామినేషన్లు తిరస్కరించారు. 32 వార్డులకు గాను మొత్తం 155 నామినేషన్లు దాఖలయ్యాయి. సోమవారం అధికారులు నిర్వహించిన పరిశీలనలో 11 నామినేషన్లు తిరస్కరించారు. వైఎస్సార్‌సీపీ తరపున మున్సిపల్‌ చైర్‌పర్సన్‌ అభ్యర్థిగా పొన్నపురెడ్డి ఇందిర నామినేషన్‌ వేయాలనుకున్నా పోలీసులు అడ్డుకోవడంతో వేయలేకపోయారు. ఈ నేపథ్యంలో వైఎస్సార్‌సీపీ తరపున ఎమ్మెల్సీ రామసుబ్బారెడ్డి సొదరి ఎన్‌.హైమావతిని చైర్‌పర్సన్‌ అభ్యర్థిగా ప్రకటించే అవకాశం ఉంది.

ప్రొద్దుటూరు : మున్సిపల్‌ ఎన్నికల్లో పోటీకి భయపడి ఎమ్మెల్యే నంద్యాల వరదరాజులరెడ్డి, ఆయన సోదరుడు నంద్యాల రాఘవరెడ్డి వైఎస్సార్‌సీపీ అభ్యర్థుల నామినేషన్‌ పత్రాలను చింపారని వైఎస్సార్‌సీపీ రాష్ట్ర అధికార ప్రతినిధి, మాజీ ఎమ్మెల్యే రాచమల్లు శివప్రసాదరెడ్డి తెలిపారు. ఆయన సోమవారం సాయంత్రం వైఎస్సార్‌సీపీ అభ్యర్థి పోరెడ్డి నరసింహారెడ్డి స్వగృహంలో విలేకరులతో మాట్లాడారు. వైఎస్సార్‌సీపీ అభ్యర్థులు నామినేషన్లు వేయడానికే పెద్ద యుద్ధం చేయాల్సి వచ్చిందని రాచమల్లు తెలిపారు. నామినేషన్లు పూర్తి కావడంతో స్క్రూటినికి వెళ్లామన్నారు. అక్కడ తాము టీడీపీతో కొట్లాడుతున్నామా.. పోలీసులతో కొట్లాడుతున్నామా.. రాష్ట్ర ప్రభుత్వంతో కొట్లాడుతున్నామా అనేది అర్థం కావడం లేదన్నారు. డీజీపీ, ఎస్పీలు కళ్లప్పగించి చూడటం తప్ప చేసిందేమి లేదని అన్నారు. ప్రజాస్వామ్యంపై దాడి జరిగిందని, నామినేషన్‌ పత్రాలను సమర్పించడానికి వెళ్లిన మహిళను వివస్త్రను చేసి చెరబట్టారన్నారు. సూపర్‌ 6 పథకాలను అమలు చేసి సుపరిపాలన అందించి ఉంటే, యువతకు నిరుద్యోగ భృతి ఇచ్చి ఉంటే, రైతులకు న్యాయం చేసి ఉంటే ఎందుకు ప్రజలు మీకు ఓట్లు వేయరన్నారు. స్క్రూటినికి సంబంధించి 14 కౌంటర్లను ఏర్పాటు చేసి 70 మంది ఉద్యోగులను నియమించారన్నారు. వైఎస్సార్‌సీపీ కౌన్సిలర్‌ అభ్యర్థులతోపాటు చైర్మన్‌ అభ్యర్థి పోరెడ్డి నరసింహారెడ్డి దాఖలు చేసిన నామినేషన్లు చెల్లకుండా చేశారన్నారు. ఎమ్మెల్యే నంద్యాల వరదరాజులరెడ్డి, ఆయన కుమారుడు కొండారెడ్డి, మనుమడు అమల్‌ రెడ్డి వీటిని చెల్లకుండా చేశారన్నారు. ఇందుకు అంగీకరించని ఎన్నికల అధికారి హరికృష్ణపై టీడీపీ నేతలు దాడి చేశారని, మిగతా వారిని బెదిరించి బాధపెట్టారన్నారు. 163 నామినేషన్లు చెల్లకుండా చేశారు మున్సిపాలిటీ పరిధిలోని 52 వార్డులకు సంబంధించి మొత్తం 215 నామినేషన్లు దాఖలు చేయగా వీటిలో టీడీపీ అభ్యర్థులవి మినహాయించి మిగతా 163 నామినేషన్లను అధికారులు తిరస్కరించారని రాచమల్లు శివప్రసాదరెడ్డి తెలిపారు. తమ కౌన్సిలర్‌ అభ్యర్థి గుర్రం లావణ్యతోపాటు ప్రతిపాదకులు రాజశేఖర్‌ను డీఎస్పీ బాలస్వామిరెడ్డి కొట్టడంతో కుడికన్ను పూర్తిగా దెబ్బతినిందన్నారు. అలాగే తమ కార్యకర్త గౌతమ్‌ రెడ్డిపై దాడి చేయడంతో తలకు తీవ్రగాయమైందన్నారు. పోలీసులు పిలుచుకెళ్లి కొట్టించారు త్రీటౌన్‌ సీఐ అశోక్‌కుమార్‌, ఎస్‌ఐ సంజీవరెడ్డి తమ కార్యాలయం వద్దకు వచ్చి మీ కౌన్సిలర్‌ అభ్యర్థులు స్క్రూటినికి రావాలని భద్రత కల్పిస్తామని చెప్పడంతో తమ కౌన్సిలర్‌ అభ్యర్థులు మున్సిపల్‌ కార్యాలయానికి వెళ్లామన్నారు. అక్కడ తమ అభ్యర్థులపై టీడీపీ నేతలు దాడులు చేశారని, ఇదేమని ప్రశ్నించినందుకు తమ కార్యకర్తలపై డీఎస్పీతోపాటు వన్‌టౌన్‌ సీఐ కొండారెడ్డి, ఎస్‌ఐ మధుసూదన్‌రెడ్డి లాఠీ చార్జి చేశారన్నారు. చైర్మన్‌ అభ్యర్థి పోరెడ్డి నరసింహారెడ్డిపై దాడి చేసి ఆయన మెడలోని బంగారు గొలుసును లాక్కున్నారని, ఆయన వెంట వెళ్లిన ఆయన కుమారుడిపై దాడి చేశారన్నారు. ప్రజాస్వామ్యాన్ని పరిరక్షించాల్సిన అధికారులే అడ్డుకోవడం దుర్మార్గమైన చర్య అన్నారు. డీఎస్పీ బాలస్వామిరెడ్డి, ఎస్‌ఐ మధుసూదన్‌రెడ్డిని ఎప్పటికీ తాము గుర్తు పెట్టుకుంటామన్నారు. ఫ్యాక్షన్‌కు వరద విషబీజాన్ని నాటారన్నారు. కష్టకాలంలో పార్టీకి అండగా ఉండి మున్సిపల్‌ చైర్మన్‌ అభ్యర్థిగా పోటీ చేసిన పోరెడ్డి నరసింహారెడ్డికి భవిష్యత్తులో పార్టీ ఎమ్మెల్సీ పదవి ఇవ్వాలని మాజీ ముఖ్యమంత్రి వైఎస్‌ జగన్‌మోహన్‌రెడ్డిని కోరుతానని రామల్లు తెలిపారు. 52 మంది కౌన్సిలర్‌ అభ్యర్థులకు ధన్యవాదాలు తెలిపారు. సమావేశంలో లాఠీ చార్జిలో గాయపడిన రాజశేఖర్‌, గౌతమ్‌రెడ్డి, వైఎస్సార్‌సీపీ చైర్మన్‌ అభ్యర్థి పోరెడ్డి నరసింహారెడ్డి పాల్గొన్నారు. సుపరిపాలన అందించి ఉంటే ఎందుకు నామినేషన్‌ వేయనీయలేదు వైఎస్సార్‌సీపీ రాష్ట్ర అధికార ప్రతినిధి, రాచమల్లు శివప్రసాదరెడ్డి

ముద్దనూరు : మున్సిపల్‌ ఎన్నికల నామినేషన్‌ దాఖలు చివరి రోజున ఎర్రగుంట్లకు చెందిన వైఎస్సార్‌సీపీ నేతలను ఆదివారం ముద్దనూరు పోలీసుస్టేషన్‌లో నిర్బంధించారు. ఎర్రగుంట్లకు చెందిన తుంగా వెంకటరామిరెడ్డి, తమ్మిశెట్టి బాలయ్య, సాంబశివారెడ్డి, జయరామకృష్ణారెడ్డిలను పోలీసులు అదుపులోకి తీసుకున్నారు. ఎర్రగంట్లలోని వారి నివాసాల నుంచి ఉదయమే వారిని పోలీసులు ముద్దనూరుకు తరలించారు. ఉదయం నుంచి స్థానిక పోలీసు స్టేషన్‌లో వున్న వారిని మధ్యహ్నం 3 గంటల తర్వాత విడుదల చేశారు. పలువురు వైఎస్సార్‌సీపీ నాయకులు స్టేషన్‌లో వున్న ఎర్రగుంట్ల నేతలను కలిశారు. ● రాజంపేటలో టీడీపీ నాశనం ● ఆ పార్టీ సీనియర్‌ నాయకుడి ఆవేదన ● నామినేషన్‌ వేయడానికి వెళ్తే.. మాపై దాడి రాజంపేట : రాజంపేటలో టీడీపీ నాశనమైపోతుందని, మున్సిపల్‌ కార్యాలయంలో బీహారోళ్లా ఉన్నారని స్థానిక 9 వార్డు ముకందరగడ్డకు చెందిన టీడీపీ కరుడుకట్టిన సీనియర్‌ నాయకుడు గౌస్‌పీర్‌ ఆవేదన వ్యక్తం చేశారు. ఆదివారం ఆయన తన సతీమణితో కలిసి వచ్చి నామినేషన్‌ వేసేందుకు మున్సిపాలిటీ ఆఫీసులోని నామినేషన్‌ స్వీకరణ కేంద్రానికి విచ్చేశారు. ఈయనను లోపలికి పోనివ్వకుండా నామినేషన్‌ పత్రాలను ఆయన భార్య చేతిలో నుంచి బలవంతంగా తీసుకొని, చించిపారేశారు. ఈ సంఘటనపై ఆయన సాక్షితో మాట్లాడారు. వివరాలు ఆయన మాటల్లోనే.. ‘టీడీపీలో 30 ఏళ్లుగా పని చేస్తున్నాను. 2019లో జెండా కట్టేవారు లేకపోతే.. పార్టీ లేకపోయినా, వార్డులో పార్టీ జెండా కట్టాను. పార్టీ తరఫున నా భార్యను నిలబెట్టి, వారి దెబ్బకు తట్టుకోలేక వారం రోజులు కుటుంబంతో బయట ఉన్నాను. మళ్లీ వచ్చి నామినేషన్‌ వేశాను. కానీ ఇప్పుడు మన పార్టీ వచ్చిందని నామినేషన్‌ వేసేందుకు మున్సిపాలిటీ కార్యాలయానికి వెళ్లాను. నన్ను కొట్టేదానికి వచ్చారు. పేపర్లు చింపి గందరగోళం చేశారు. బీహారోళ్లకన్నా అధ్వాన్నంగా ఉన్నారు.. ఏ పార్టీ వారో తెలియడం లేదు. మున్సిపాలిటీలో బీహారోళ్లు ఉన్నట్లు ఉన్నారు. విచారణ చేసి పార్టీని కాపాడుకునేటట్లు చేసుకోండి, రాజంపేటలో పార్టీ నాశనమైపోతుంది. రాష్ట్రంలో కూడా అంతే. ఏమీ వుండదు. 40 ఏళ్ల నుంచి పని చేస్తున్న కార్యకర్తలు, నాయకులను, వీరాభిమానులు నాశనం చేస్తున్నారు. అడ్డంగా నరికేస్తున్నారు. రాజంపేటలో పార్టీని నామరూపం లేకుండా చేసేందుకు రెడీ అయ్యారు. మా నామినేషన్‌ పేపర్లను అశోక్‌ తమ్ముడు, పోటీ చేసిన, నామినేషన్‌ వేసిన మహమ్మద్‌అలీ. ఈయన ఈ మధ్యనే రెండు నెలలు అయింది వచ్చి... మా భార్య దగ్గర పేపర్లు లాక్కున్నారు. కొత్తోడు ఉన్నట్లు ఉన్నాడు.. బీహారోడు ఉన్నట్లు కనిపిస్తున్నాడు.. నా రెట్ట పట్టుకొని కొట్టేదానికి వచ్చారు. వీళ్లు పార్టీ అయింది తెలీదు. బీహారోళ్లని తెలియదు’ అంటూ ఆయన వాపోయారు.

బద్వేలు (అట్లూరు) : బద్వేలు మున్సిపాలిటీ నామినేషన్‌ ప్రక్రియలో చివరి రోజు ఆదివారం వైఎస్సార్‌సీపీ అభ్యర్థులు నామినేషన్‌ వేసేందుకు రానివ్వకుండా అడుగడుగునా అడ్డుకున్నారు. టీడీపీ నియోజకవర్గ ఇన్‌చార్జి సూర్యనారాయణరెడ్డి ఆదివారం ఉదయం నుంచే నియోజకవర్గ పరిధిలోని అన్ని మండలాల నుంచి తన అనుచర వర్గాన్ని సుమారు 500 మందితో మున్సిపల్‌ కార్యాలయం వద్ద మొహరించారు. ఇక్కడే టెంట్‌ వేసి మరీ తిష్టవేశారు. ఆయన అనుచర వర్గం మినహా ఏ ఒక్కరు వచ్చినా నామినేషన్‌ పత్రాలను చించేయడం, వారిని చితకబాది బయటికి పంపించారు. ఈ విషయాన్ని మీడియా ప్రతినిధులు చిత్రీకరించగా వారి సెల్‌ఫోన్లను తీసుకుని భయబ్రాంతులకు గురిచేశారు. నామినేషన్‌ ప్రక్రియ కవర్‌ చేసేందుకు మున్సిపల్‌ కార్యాలయం వద్దకు వెళ్లిన మీడియా ప్రతినిధులను టీడీపీ నియోజకవర్గ ఇన్‌చార్జి సూర్యనారాయణ రెడ్డి వర్గీయులు అడ్డుకున్నారు. దీంతో మీడియా బృందం కొద్ది సేపు బైఠాయించి నిరసన తెలిపింది.

పులివెందుల/రూరల్‌ : రాష్ట్రంలో ప్రజాస్వామ్యాన్ని కూటమి ప్రభుత్వం ఖూనీ చేస్తోందని కడప ఎంపీ వై ఎస్‌ అవినాష్‌ రెడ్డి అన్నారు. పులివెందుల పట్టణంలోని భాకరాపురంలో ఉన్న ఆడిటోరియంలో ఆదివారం వైఎస్సార్‌సీపీ కార్యకర్తల సమావేశంలో ఆయన మాట్లాడారు. అభ్యర్థులను నామినేషన్‌ వేసేందుకే వెళ్లనివ్వకుండా చిన్నాన్న వైఎస్‌ మనోహర్‌ రెడ్డి నివాసం దగ్గరే పోలీసులనుపెట్టి అడ్డుకోవడం సిగ్గుచేటన్నారు. దాడులతో వైఎస్సార్‌సీపీ గొంతు నొక్కలేరన్నారు. నామినేషన్లు వేయకుండా ఎన్నికలు ఎందుకు జరపాలని కూటమి ప్రభుత్వాన్ని ఆయన ప్రశ్నించారు. కూటమి నాయకులు గెలవలేమన్న నమ్మకంతో వైఎస్సార్‌సీపీ కార్యకర్తలు, నాయకులపై దాడులు, దౌర్జన్యాలు చేస్తున్నారన్నారు. ఎన్నికలు జరిపేందుకు దమ్ము, ధైర్యం టీడీపీకి లేదన్నారు. ప్రజల మీద టీడీపీకి నమ్మకం లేదన్నారు. అందువల్లే ఎన్నికలు నిర్వహిస్తే పులివెందుల ప్రజలు ఓటు వారికి వేయరనే ఉద్దేశంతో అభ్యర్థులను కూడా నామినేషన్‌ వేయకుండా అడ్డుకున్నారన్నారు. ఆదివారం ఉదయం కూడా అభ్యర్థులు నామినేషన్‌ వేసేందుకు వెళుతుంటే పోలీసులను అడ్డంపెట్టి నామినేషన్‌ వేయకుండా అడ్డుపడ్డారన్నారు. సాధారణంగా ఎన్నికలు జరిగితే వైఎస్‌ఆర్‌ కాంగ్రెస్‌ పార్టీ, టీడీపీలకు హోరాహోరీగా ఎన్నికలు జరగాలి కానీ, పులివెందులలో మాత్రం వైఎస్సార్‌సీపీకి, పోలీసులకు మధ్య ఎన్నికలు జరిగినట్లు ఉందన్నారు. ఇలాంటి ఎన్నికలు నిర్వహించడంవల్ల భవిష్యత్‌లో ప్రభుత్వం తీవ్ర పరిణామాలు ఎదుర్కోవాల్సి వస్తుందన్నారు. మాజీ సీఎం వైఎస్‌ జగన్‌మోహన్‌రెడ్డి కూడా రాష్ట్ర ఎన్నికల కమిషన్‌తో మాట్లాడారన్నారు. కౌన్సిలర్‌ అభ్యర్థులు నామినేషన్‌ వేసేందుకు వెళుతుండగా.. అడ్డుకోవడం సరికాదన్నారు. ఆన్‌లైన్‌లో కూడా ఎస్‌ఈసీ అధికారులకు నామినేషన్‌ పత్రాలను పంపామన్నారు. పులివెందుల మున్సిపాలిటీలో 19 నామినేషన్లు ఎస్‌ఈసీకి ఆన్‌లైన్‌లో పంపామన్నారు. ఎన్నికల కమిషన్‌ కూడా ఆన్‌లైన్‌లో పంపిన 19 నామినేషన్లు అంగీకరించి.. ప్రజాస్వామ్యబద్ధంగా ఎన్నికల్లో పోటీ చేసేలా చర్యలు చేపట్టాలని ఆయన కోరారు. పులివెందుల ప్రాంతంలో గత మూడు రోజుల నుంచి జరిగిన ప్రతి విషయాన్ని రాష్ట్ర ఎన్నికల సంఘానికి పంపామన్నారు. ఎన్నికల నోటిఫికేషన్‌ వెలువడినప్పటి నుంచి వైఎస్సార్‌సీపీ అభ్యర్థులను గెలిపించాలన్న లక్ష్యంతో పులివెందుల నియోజకవర్గంలోని వైఎస్సార్‌సీపీ నాయకులు, కార్యకర్తలు, శ్రేణులు ఉత్సాహంగా ముందుకు రావడం చాలా ఆనందంగా ఉందని వారికి పేరుపేరునా ప్రత్యేక కృతజ్ఞతలు తెలుపుతున్నామన్నారు. మొదటిరోజు 21 నామినేషన్లు వేయడం జరిగిందని, రెండవ రోజు మున్సిపల్‌ కౌన్సిలర్‌ అభ్యర్థులతో నామినేషన్లు వేసేందుకు మున్సిపల్‌ కార్యాలయానికి వెళుతుండగా పోలీసులు ఉదయమే వచ్చి టీడీపీ అభ్యర్థులు ఉదయం వేస్తారని, మీరు 1.30గంటల ప్రాంతంలో నామినేషన్‌ వేసేందుకు రావాలని పులివెందుల పోలీసులు చెప్పారన్నారు. అప్పుడు కూడా నామినేషన్‌ వేసేందుకు వైఎస్సార్‌సీపీ అభ్యర్థులు వెళ్లినా కూడా పోలీసులు అడ్డుకోవడం సిగ్గుచేటన్నారు. 3వ రోజు మున్సిపల్‌ చైర్మన్‌ అభ్యర్థి వైఎస్‌ ప్రమీలమ్మతో ఎస్‌ఈసీకి వినతి పత్రం కూడా ఆన్‌లైన్‌ ద్వారా పంపామన్నారు. మున్సిపల్‌ ఎన్నికల్లో 19 మంది అభ్యర్థులు వైఎస్సార్‌సీపీకి చెందినవారు నామినేషన్‌ వేయాల్సి ఉందని, వారిని నామినేషన్‌ వేసే విధంగా పోలీసులకు అనుమతులు ఇవ్వాలని కోరామన్నారు. దాడులతో వైఎస్సార్‌సీపీ గొంతు నొక్కలేరు నామినేషన్లు వేయనీయకుండా ఎన్నికలు జరపడం ఎందుకు? కడప ఎంపీ వైఎస్‌ అవినాష్‌రెడ్డి

● మాజీ ఎమ్మెల్యే రాచమల్లు శివప్రసాదరెడ్డి ప్రొద్దుటూరు క్రైం : ప్రొద్దుటూరు మున్సిపల్‌ ఎన్నికల్లో వైఎస్సార్‌సీపీకి చెందిన మహిళా అభ్యర్థుల పైనా టీడీపీ వర్గీయులు దౌర్జన్యానికి పాల్పడ్డారని వైఎస్సార్‌సీపీ రాష్ట్ర అధికార ప్రతినిధి రాచమల్లు శివప్రసాదరెడ్డి ఆవేదన వ్యక్తం చేశారు. మున్సిపల్‌ చైర్మన్‌ అభ్యర్థి పోరెడ్డి నరసింహారెడ్డి కార్యాలయంలో ఆదివారం రాచమల్లు విలేకరుల సమావేశంలో మాట్లాడారు. వైఎస్సార్‌సీపీ కౌన్సిలర్‌ అభ్యర్థులను నామినేషన్‌ కేంద్రాల్లోకి వెళ్లనివ్వకుండా ఎమ్మెల్యే నంద్యాల వరదరాజులరెడ్డి, కొండారెడ్డిలు టీడీపీ నాయకులు, గూండాలను మోహరించి అడ్డుకున్నారని అన్నారు. మున్సిపల్‌ కార్యాలయంలో వందలాది మంది రౌడీ మూకలు తిష్టవేసి కౌన్సిలర్‌ అభ్యర్థుల నామినేషన్‌ పత్రాలను చించేయడంతోపాటు వారిపై దాడులు చేశారన్నారు. బయట పోలీసులు ఉండగా లోపల అధికార టీడీపీ రౌడీలు అభ్యర్థులను భయభ్రాంతులకు గురి చేశారని అన్నారు. మహిళా అభ్యర్థుల నామినేషన్‌ పత్రాలను లాక్కొని వారి పట్ల అమానుషంగా ప్రవర్తించారన్నారు. మాజీ కౌన్సిలర్లు ఉట్టిరమణమ్మ, భద్రమ్మ, శ్రీవల్లి అనే అభ్యర్థుల నామినేషన్‌ పత్రాలను లాక్కొని వారిపై దాడికి యత్నించారని విమర్శించారు. అనారోగ్య సమస్యలతో బాధపడుతున్న మహిళా అభ్యర్థులను సైతం వదలకుండా బెదిరింపులకు పాల్పడ్డారన్నారు. నామినేషన్‌ పత్రాలను కాపాడుకునే క్రమంలో మహిళల పట్ల అనుచితంగా ప్రవర్తించారని, ఇది అత్యంత హేయమైన చర్య అని మండిపడ్డారు. మీడియా ప్రతినిధులను నిర్భందించి వారి మొబైల్‌ ఫోన్లు, కెమెరాలను టీడీపీ మూకలు లాక్కున్నారని, కొన్నింటిని నేలకేసి కొట్టారని తెలిపారు. నామినేషన్‌ వేయకుండా.. పోలీసులు అడ్డుకోవడం ఏమిటి? నామినేషన్‌ కేంద్రాల వద్దకు వెళ్లేందుకు సిద్ధమవుతున్న తనను ఇద్దరు సీఐలు, నలుగురు ఎస్‌ఐలు, 12 మంది పోలీసులు అడ్డుకొని హౌస్‌ అరెస్ట్‌ చేశారన్నారు. ఒక వైపు పార్టీ అభ్యర్థులను నామినేషన్‌ కేంద్రాల్లోకి అనుమతించకపోవడం, మరోవైపు లోపల నామినేషన్‌ పత్రాలను లాక్కొంటున్నారని పోలీస్‌ అధికారుకులకు ఫిర్యాదు చేసినా స్పందన లేకపోవడం ఆందోళన కలిగిస్తోందన్నారు. అధికార పార్టీ ఒత్తిళ్లకు తలొగ్గకుండా పోలీసులు, ఎన్నికల అధికారులు నిష్పక్షపాతంగా వ్యవహరించాలని సూచించారు. నామినేషన్‌ వేయకుండా పోలీసులు అడ్డుకోవడం ఏమిటని ప్రశ్నించారు. పోలీసు అధికారులే దగ్గరుండి సింహం గుహలోకి పంపినట్లు వైఎస్సార్‌సీపీ అభ్యర్థులను టీడీపీ రౌడీ మూకల వద్దకు పంపిస్తున్నారని పేర్కొన్నారు. ఈ వయసులో ఏం సాధించాలని నంద్యాల వరదరాజులరెడ్డి, ఆయన సోదరుడు రాఘవరెడ్డిలు ఇంతటి దౌర్జన్యాలకు పాల్పడుతన్నారని అన్నారు. మీ చేష్టలను చూసి ప్రొద్దుటూరు ప్రజలు అసహ్యించుకుంటున్నారని పేర్కొన్నారు.

కడప రూరల్‌ : బీజేపీ అభ్యర్థికి కార్పొరేటర్‌ సీటును ఇచ్చినట్లు ఇచ్చి, నామినేషన్‌కు వెళితే ఇటు టీడీపీ కార్యకర్తలు, అటు పోలీసులు దాడి చేయడం తగదని బీజేపీ నాయకులు అన్నారు. దాడి సంఘటనలో గాయపడిన బాధితుడు కడప నగరం 6వ డివిజన్‌కు చెందిన ఎస్సీ మోర్చా జిల్లా అధ్యక్షుడు డాక్టర్‌ పుట్టిక వెంకటరమణ ఆసుపత్రిలో చికిత్స పొందుతూ న్యాయం కోసం అంబులెన్స్‌లో స్ట్రెచెర్‌పై ఆదివారం సాయంత్రం వైఎస్సార్‌ మెమోరియల్‌ ప్రెస్‌క్లబ్‌కు వచ్చారు. ఆ సందర్భంగా ఆ పార్టీ ఎస్సీ మోర్చా రాష్ట్ర అధ్యక్షులు పనతల సురేష్‌ మాట్లాడుతూ కూటమి ప్రభుత్వం పొత్తులో భాగంగా 6వ డివిజన్‌ కార్పొరేటర్‌ అభ్యర్ధిగా తమ పార్టీకి చెందిన ఎస్సీ మోర్చా జిల్లా అధ్యక్షులు డాక్టర్‌ పుట్టిక వెంకటరమణకు కేటాయించామన్నారు. శనివారం నామినేషన్‌కు వెలితే అక్కడ ఉన్న టీడీపీ గూండాలు అడ్డగించి, దాడి చేసి వెనక్కి పంపారని ఆరోపించారు. ఈ నేపథ్యంలో పార్టీ రాష్ట్ర అధ్యక్షుడు మాధవ్‌ ఆదేశాల మేరకు తాను వచ్చి, తెలుగుదేశం పార్టీ రీజనల్‌ కో–ఆర్డినేటర్‌ శ్రీనివాసులురెడ్డిని సంప్రదిస్తే, నామినేషన్‌ వేసుకోవాలని చెప్పారని తెలిపారు. శనివారం చిన్నచౌక్‌లోని బాలికల హైస్కూల్‌ వద్దకు నామినేషన్‌ వేయడానికి వెళితే.. అక్కడ మద్యం మత్తులో ఉన్న టీడీపీ అనుచరులు వెంకటరమణపై దాడికి పాల్పడ్డారన్నారు. బీజేపీ సీనియర్‌ నాయకుడు బైరెడ్డి మధుసూదన్‌రెడ్డి మాట్లాడుతూ మూడు రోజుల నుంచి నామినేషన్‌ కేంద్రాల వద్ద టీడీపీ దౌర్జన్యకాండను కొనసాగించడం సిగ్గుచేటన్నారు. బరితెగించిన టీడీపీకి బీజేపీ సహకరించరాదన్నారు. న్యాయం కోసం దీక్ష బాధితుడు డాక్టర్‌ పుట్టిక వెంకట రమణ మాట్లాడుతూ 6వ డివిజన్‌కు కార్పొరేటర్‌ అభ్యర్థిగా నామినేషన్‌ వేయడానికి వెళితే తనపై దాడి చేశారన్నారు. పోలీసులు, టీడీపీ నాయకులు ప్రజాస్వామ్యం అపహాస్యం పాలయ్యేలా వ్యవహరించారన్నారు. దాడి సంఘటనతో తాను అనారోగ్యంగా ఉన్నప్పటికీ న్యాయం కోసం సోమవారం నుంచి కలెక్టరేట్‌ వద్ద ఆమరణ నిరాహార దీక్ష చేపడతానని తెలిపారు. ఈ కార్యక్రమంలో ఆ పార్టీ నాయకులు చేవూరి శారద, హరికృష్ణ తదితరులు పాల్గొన్నారు. నామినేషన్‌కు వెళితే గాయపరిచారు సమావేశంలో బీజేపీ నేతలు

కడప కార్పొరేషన్‌ : మున్సిపల్‌ ఎన్నికల్లో నామినేషన్ల ప్రక్రియలో మూడో రోజు కూడా అదే రాక్షక కాండ రిపీట్‌ అయ్యింది. ఆదివారం కడపలోని 8 నామినేషన్‌ కేంద్రాల వద్ద వందల సంఖ్యలో రౌడీ మూకలు రాడ్లు, కట్టెలు చేతుల్లో పట్టుకొని కాపలా కాసి, టీడీపీ వారు మినహా.. ఎవరు నామినేషన్‌ వేయడానికి వచ్చినా అడ్డగించి దాడులు చేశారు. బీజేపీ నాయకుల ధర్నా జయనగర్‌ కాలనీ జిల్లా పరిషత్‌ ఉన్నత పాఠశాల నామినేషన్‌ కేంద్రం వద్ద ఉదయం 11 గంటల నుంచి 3 గంటల వరకూ ఉద్రిక్తత కొనసాగింది. వందల సంఖ్యలో అల్లరి మూకలు నామినేషన్‌ కేంద్రం చుట్టూ మాటు వేసి.. ఎవరూ నామినేషన్‌ వేసేందుకు రాకుండా కట్టడి చేశారు. నిన్న కట్టెలు, రాడ్లతో కాపు కాసిన టీడీపీ మూకలు, ఆదివారం ప్లాస్టిక్‌ పైపులు చేతుల్లో పట్టుకొని స్వైర విహారం చేశారు. మధ్యాహ్నం నామినేషన్‌ వేసేందుకు 6వ డివిజన్‌కు చెందిన బీజేపీ అభ్యర్థి పుట్టిక వెంకట రమణ, వెంకట సుబ్బయ్య నామినేషన్‌ వేసేందుకు రాగా టీడీపీ నాయకులు వారిపై దాడి చేశారు. ఈ సందర్భంగా వారు నామినేషన్‌ కేంద్రం వద్ద బైఠాయించి ధర్నా చేశారు. ముఖ్యమంత్రికి, పోలీసులకు వ్యతిరేకంగా పెద్ద ఎత్తున నినాదాలు చేశారు. బీజేపీ జిల్లా అధ్యక్షుడు జంగిటి వెంకట సుబ్బారెడ్డి అమ్ముడుపోయారంటూ నినాదాలు చేశారు. మరియాపురం నామినేషన్‌ కేంద్రం వద్ద.. కడప నగరంలోని మరియాపురం నామినేషన్‌ కేంద్రం వద్ద 53వ డివిజన్‌ నుంచి 66వ డివిజన్‌ వరకు అభ్యర్థులు నామినేషన్‌ వేయాల్సి ఉండగా.. కేవలం టీడీపీ అభ్యర్థులే పది మంది ఆదివారం నామినేషన్‌ దాఖలు చేశారు. గత మూడు రోజులుగా నామినేషన్‌ దాఖలు చేసిన వారిలో 14 డివిజన్లకు గాను టీడీపీ తరఫున 22 నామినేషన్లు దాఖలు అయ్యాయి. మొదటి రోజున మాత్రమే ఈ నామినేషన్‌ కేంద్రంలో వైఎస్సార్‌ సీపీ తరఫున ముగ్గురు అభ్యర్థులు మాత్రమే మూడు డివిజన్లకు నామినేషన్లను వేశారు. 144 సెక్షన్‌ ఉల్లంఘన జరిగినా.. పోలీసులు పట్టించుకోలేదు. నామినేషన్‌ కేంద్రాల వద్ద.. ఎర్రముక్కపల్లెలోని గాంధీనగర్‌ ఉన్నత పాఠశాల వద్ద దాడులు చేయడానికి వీలుగా అల్లరి మూకలు కంకర, రాళ్లు సిద్ధం చేశారు. వందల సంఖ్యలో టీడీపీ మూకలు అన్ని వైపులా మాటు వేశారు. నామినేషన్‌ వేసేందుకు ఎవరు వచ్చినా వారిపై దాడులు చేసి తరిమి కొట్టారు. నామినేషన్‌ కేంద్రాన్ని ఎమ్మెల్యే ఆర్‌.మాధవిరెడ్డి పరిశీలించారు. నాగరాజుపేట, పాతకడప, తెలుగుగంగ కార్యాలయం, కాగితాలపెంట నామినేషన్‌ కేంద్రాల వద్ద కూడా అల్లరి మూకలు గుంపులుగా కాపు కాశాయి. పాతకడప నామినేషన్‌ కేంద్రం వద్ద వైఎస్సార్‌సీపీ నాయకుడి బైక్‌ను ధ్వంసం చేశారు. హైకోర్టు ఉత్తర్వులు ఉల్లంఘించిన పోలీసులు నామినేషన్‌ కేంద్రాల వద్ద మాటు వేసిన కిరాయి గూండాలు చివరి రోజు నామినేషన్లు వేయకుండా అడ్డగింత

కడప కార్పొరేషన్‌ : స్థానిక ఎన్నికల్లో ఓటమి భయంతోనే టీడీపీ నేతలు అరాచకం సృష్టించారని వైఎస్సార్‌సీపీ జిల్లా అధ్యక్షుడు పి.రవీంద్రనాథ్‌రెడ్డి పేర్కొన్నారు. వైఎస్సార్‌సీపీతోపాటు ఇతర ఏ పార్టీలను నామినేషన్‌ వేయనీయకుండా ఎన్నికయ్యే ప్రతి ఒక్కరూ 2029లో తమ ప్రభుత్వం వచ్చిన వెంటనే రాజీనామా చేయక తప్పదని అన్నారు. ఆదివారం సాయంత్రం రాజ్యసభ సభ్యులు మేడా రఘునాథరెడ్డి, ఎమ్మెల్సీలు డీసీ గోవిందరెడ్డి, ఎంవీ రామచంద్రారెడ్డి, ఎమ్మెల్యేలు ఆకేపాటి అమర్‌నాథ్‌రెడ్డి, డా.దాసరి సుధ, మాజీ ఎమ్మెల్యే శెట్టిపల్లె రఘురామిరెడ్డి, ఎస్‌ఈసీ సభ్యులు కె.సురేష్‌ బాబు, మాజీ డిప్యూటీ సీఎం అంజద్‌బాషాలతో కలిసి నిర్వహించిన విలేకరుల సమావేశంలో ఆయన మాట్లాడారు. మున్సిపల్‌ ఎన్నికల్లో జరుగుతున్న పరిణామాలు ప్రజాస్వామ్యాన్ని అపహాస్యం చేసేలా ఉన్నాయన్నారు. నామినేషన్‌ కేంద్రాల వద్ద వందల మంది టీడీపీ గూండాలు, రౌడీలు కట్టెలు, కత్తులు, రాళ్లతో కాపు కాశారని, నామినేషన్‌ కేంద్రం బయట, లోపల వాళ్లే ఉన్నారన్నారు. పోలీసులు వారికి అడుగడుగునా అండగా నిలిచారని, వారే లేకపోతే పరిస్థితి ఇలా ఉండదన్నారు. జిల్లా వ్యాప్తంగా తమ పార్టీ ముఖ్య నాయకులందరినీ 144 సెక్షన్‌ పేరుతో గృహ నిర్బంధాలు చేశారని, టీడీపీ వర్గీయులు గుంపులుగా తిరుగుతూ తమ పార్టీ నాయకులపై దాడి చేసి నామినేషన్‌ పత్రాలు చించివేస్తున్నా పట్టించుకోలేదన్నారు. చివరకు కడపలో మేయర్‌ అభ్యర్థి బండి దీప్తిరెడ్డి, ప్రొద్దుటూరులో పోరెడ్డి నరసింహారెడ్డి, బద్వేలులో రాచపూడి వెంకట సాయిక్రిష్ణ, పులివెందులలో వైఎస్‌ ప్రమీలమ్మ, రాజంపేటలో రేష్మ మున్సిపల్‌ చైర్మన్‌ అభ్యర్థులుగా నామినేషన్లు వేశారని, స్క్రూట్నీలో ఎంత మంది మిగులుతారో తెలియదన్నారు. కడపలో 12 మంది కార్పొరేటర్‌ అభ్యర్థులు నామినేషన్‌ వేశారని, 19 మంది అభ్యర్థులకు భద్రత కల్పించి నామినేషన్‌ వేయించాలని హైకోర్టు ఉత్తర్వులిచ్చినా పోలీసులు లెక్క చేయలేదన్నారు. సాక్షాత్తు జిల్లా ఎస్పీకి ఫోన్‌ చేస్తే మీ అభ్యర్థులను నామినేషన్‌ కేంద్రం వద్ద 100 మీటర్ల వరకూ రమ్మనండి... నామినేషన్‌ వేయిస్తామని చెప్పడం ఆశ్చర్యాన్ని కలిగిస్తోందన్నారు. వంద మీటర్ల పరిధిలోకి పోగలిగితే ఇక పోలీసులతో పనేముందని ప్రశ్నించారు. మా వాళ్లు పోలీస్‌స్టేషన్‌కు వస్తారు వారితో నామినేషన్లు వేయించాలని కోరినా అలా చేయలేమని చేతులెత్తేశారన్నారు. తమ అభ్యర్థులకు భద్రత కల్పించలేని పోలీసులు.. తమను గృహ నిర్బంధం చేయడానికి మాత్రం పదుల సంఖ్యలో పోలీసులను కాపలా పెట్టారని ఎద్దేవా చేశారు. నామినేషన్‌ వేయడానికి పోయిన వారిపై పిడిగుద్దులు కురిపిస్తూ నామినేషన్‌ పత్రాలు లాక్కొని చించి వేస్తున్నా పోలీసులు కళ్లార్పకుండా చూశారే తప్ప వారికి రక్షణ కల్పించలేదన్నారు. మాపై హత్యాయత్నం చేసినా స్పందించలేదు: ఎంపీ మేడా రఘునాథరెడ్డి ఎంపీ, ఎమ్మెల్యేలపై టీడీపీ రౌడీ మూకలు దాడి చేసి హత్యాయత్నం చేస్తే జిల్లా కలెక్టర్‌, ఎస్పీ, డీఎస్పీల్లో కనీసం స్పందన లేకపోవడం సిగ్గుచేటని రాజ్యసభ సభ్యులు మేడా రఘునాథరెడ్డి విరుచుకుపడ్డారు. టీడీపీ వాళ్లతో పోలీస్‌, రెవెన్యూ యంత్రాంగం కుమ్మకై ్కందని, 50 ఏళ్లలో ఇలాంటి పరిస్థితి ఎన్నడూ చూడలేదన్నారు. తాము ఉన్న ఇంటిని ధ్వంసం చేసి హత్యాయత్నం చేస్తే.. కలెక్టర్‌, సబ్‌ కలెక్టర్‌, డీఎస్పీ, ఎస్పీలకు ఫోన్‌ చేస్తే ఏ ఒక్కరూ స్పందించలేదని ఆవేదన వ్యక్తం చేశారు. జిల్లా ఎస్పీ కనీస మర్యాదకు తిరుగు కాల్‌ కూడా చేయలేదన్నారు. రిటైర్‌ అయినా ఇలాంటి అధికారులను వదిలిపెట్టేది లేదని స్పష్టం చేశారు. 144 సెక్షన్‌ వైఎస్సార్‌సీపీకేనా, టీడీపీ మూకలకు వర్తించదా అని ప్రశ్నించారు. చర్యకు ప్రతిచర్య తప్పక ఉంటుందని హెచ్చరించారు. సర్వేలు చేయించుకొని ఓడిపోతామని తెలిసే ఇలాంటి దుర్మార్గాలకు పాల్పడుతున్నారన్నారు. నామినేషన్‌ పత్రాలు చించేశారు : మాజీ ఎమ్మెల్యే రఘురామిరెడ్డి మైదుకూరులో ఈనెల 16,17 తేదీల్లో 14 మంది వైఎస్సార్‌సీపీ అభ్యర్థులు నామినేషన్లు వేశారని, ఎమ్మెల్యే పుట్టా సుధాకర్‌ యాదవ్‌ తన అనుచరులతో నామినేషన్‌ కేంద్రంలోకి చొరబడి వాటిని చించేశారని మాజీ ఎమ్మెల్యే శెట్టిపల్లె రఘురామిరెడ్డి అన్నారు. ఎమ్మెల్యేకు మైదుకూరులో ఓటు హక్కు కూడా లేదని, ఆయన్ను ఎలా అనుమతించారని ప్రశ్నించారు. తమ పార్టీ అభ్యర్థులు వేసిన నామినేషన్లకు సంబంధించి రశీదులు ఇచ్చారని, ఈ విషయమై తాను నిలదీస్తే.. ఎవరో గుర్తు తెలియని వ్యక్తులు వచ్చి చించేశారని నామమాత్రంగా పోలీసులకు ఫిర్యాదు చేశారన్నారు. ప్రజాస్వామ్యం పౌరుల చేతుల్లో లేదని విచారం వ్యక్తం చేశారు. టీడీపీ నాయకుల చర్యలను చూసి ప్రజలు అసహ్యించుకుంటున్నారన్నారు. ఇలాగైతే పోలీసులు, ఎన్నికల కమిషన్‌పై విశ్వాసం పోతుందని హెచ్చరించారు. ఎస్‌ఈసీ రాజీనామా చేయాలి : ఎమ్మెల్సీ డీసీ గోవిందరెడ్డి ఎన్నికల నిర్వహణలో తీవ్రంగా విఫలమైన రాష్ట్ర ఎన్నికల కమిషనర్‌ రాజీనామా చేయాలని ఎమ్మెల్సీ డీసీ గోవిందరెడ్డి డిమాండ్‌ చేశారు. లోపభూయిష్టమైన విధానంతో ఎన్నికలు జరుపుతున్నారని, పోలీసులు, ఎన్నికల కమిషన్‌ టీడీపీతో కుమ్మక్కయ్యాయని ధ్వజమెత్తారు. బద్వేలులో తమ అభ్యర్థులు వేసిన నామినేషన్లను మున్సిపల్‌ ఆఫీసుకు పోయి లాక్కుని చించివేశారన్నారు. తమ నామినేషన్లు ఎక్కడున్నాయి.. దీనికి ఎవరు బాధ్యత తీసుకుంటారని ప్రశ్నించారు. ఇవి పూర్తిగా ఫాల్స్‌ ఎలక్షన్స్‌ అని, జెడ్పీటీసీ, ఎంపీటీసీ ఎన్నికలు కూడా ఇలాగే జరుగుతాయన్నారు. గెలిచే ధైర్యం లేకనే : మాజీ డిప్యూటీ సీఎం అంజద్‌బాషా ప్రజాస్వామ్యబద్ధంగా గెలిచే దమ్ము, ధైర్యం లేకనే ఇలా నీచ రాజకీయాలు చేస్తున్నారని మాజీ డిప్యూటీ సీఎం అంజద్‌బాషా అన్నారు. కడపలో 51వ డివిజన్‌ నుంచి వైఎస్సార్‌సీపీ అభ్యర్థి స్వర్ణలత నామినేషన్‌ వేస్తే.. ఆదివారం 3 గంటల తర్వాత.. 3 గంటల్లోపు మళ్లీ నామినేషన్‌ వేయాలని నోటీసు అతికించారన్నారు. ఇదెలా సాధ్యమని ప్రశ్నించారు. ఏ నాకొడుకు వచ్చి నామినేషన్‌ వేస్తాడో రమ్మను అని టీడీపీ నాయకుడు శ్రీనివాసులరెడ్డి సవాల్‌ చేయడం హాస్యాస్పదమన్నారు. ఎన్నికల కమిషన్‌ ఈ ఎన్నికలను రద్దు చేసి, ఆన్‌లైన్‌ ద్వారా నామినేషన్లు స్వీకరించాలని డిమాండ్‌ చేశారు. ఈ సమావేశంలో కడప నగర మేయర్‌ అభ్యర్థి బండి దీప్తిరెడ్డి, మాజీ మేయర్‌ పాకా సురేష్‌ కుమార్‌, వైఎస్సార్‌సీపీ నాయకులు పులి సునీల్‌ కుమార్‌, సంబటూరు ప్రసాద్‌రెడ్డి, నరసింహారెడ్డి పాల్గొన్నారు. మున్సిపల్‌ ఎన్నికల్లో టీడీపీ రౌడీ మూకల దౌర్జన్యం వైఎస్సార్‌సీపీ అభ్యర్థులను నామినేషన్‌ వేయకుండా అడ్డుకున్న వైనం పోలీసులు మమ్మల్ని గృహ నిర్బంధంచేసి వారికి అండగా నిలిచారు వైఎస్సార్‌సీపీ జిల్లా అధ్యక్షుడు పి.రవీంద్రనాథ్‌రెడ్డి

● పోలీసులు దుర్మార్గానికి వత్తాసు పలకొద్దు ● వైఎస్సార్‌సీపీ జిల్లా అధ్యక్షుడు పి.రవీంద్రనాథ్‌రెడ్డికడపకార్పొరేషన్‌ : అధికారం చిరకాలం ఉండదన్న సత్యాన్ని పోలీసులు, టీడీపీ నాయకులు గ్రహించాలని వైఎస్సార్‌సీపీ జిల్లా అధ్యక్షుడు పి. రవీంద్రనాథ్‌రెడ్డి హెచ్చరించారు. శనివారం కమలాపురం నియోజకవర్గ ఇన్‌చార్జి నరేన్‌ రామాంజులరెడ్డితో కలిసి వన్‌టౌన్‌ పోలీసులకు ఫిర్యాదు చేశారు. అనంతరం టీడీపీ నాయకులు నామినేషన్‌ వేయకుండా దౌర్జన్యం చేయడంపై మాజీ డిప్యూటీ సీఎం అంజద్‌బాష, మేయర్‌ అభ్యర్థి బండి దీప్తి రెడ్డితో కలిసి అంబేడ్కర్‌ సర్కిల్‌లో బైఠాయించి ధర్నా చేశారు. ఈ సందర్భంగా రవీంద్రనాథ్‌రెడ్డి మాట్లాడుతూ రాష్ట్రంలో ప్రజాస్వామ్యం ఖూనీ అయ్యిందని, అంబేడ్కర్‌ రాజ్యాంగాన్ని కాలరాసి రెడ్‌ బుక్‌ రాజ్యాంగాన్ని అమలు చేస్తున్నారన్నారు. పోలీసులు పూర్తిగా ప్రభుత్వానికి వత్తాసు పలుకుతున్నారని ఆరోపించారు. జిల్లా వ్యాప్తంగా వైఎస్పార్‌సీపీ నాయకులకు 144 సెక్షన్‌, 30 యాక్టు అమల్లో ఉందని పోలీసులు నోటీసులు ఇచ్చారని, టీడీపీ నాయకులు గుంపులుగా కట్టెలు, రాడ్లు పట్టుకొని తిరుగుతున్నా పట్టించుకోవడం లేదన్నారు. కడప చరిత్రలో ఎప్పుడూ ఇలాంటి దాడులు చూడలేదన్నారు. ఎన్నికల్లో ఎలా కూడా చేయవచ్చని వారు తమకు నేర్పిస్తున్నారని ఎద్దేవా చేశారు. నామినేషన్‌ వేసే అభ్యర్థులకు రక్షణ కల్పించాలని హైకోర్టు తీర్పు ఇచ్చినా పోలీసులు లెక్క చేయలేదన్నారు. ఈ దుర్మార్గానికి, అరాచకాలు, దౌర్జన్యానికి పోలీసులు మద్దతు ఇవ్వవద్దని కోరారు. ఆదివారమైనా న్యాయంగా వ్యవహరించి నామినేషన్లు వేసేలా చర్యలు తీసుకోవాలని, చేతగానివాళ్లలా ఉండిపోవద్దని హితవు పలికారు. టీడీపీ జోనల్‌ కో ఆర్డినేటర్‌ శ్రీనివాసులరెడ్డి అఽధికారం, పోలీసుల అండ ఉందనే అహంకారంతో మాట్లాడుతున్నారని మండిపడ్డారు. కాలం ఎప్పుడూ ఇలాగే ఉండదని, మాట్లాడేటప్పుడు జాగ్రత్తగా మాట్లాడాలని హితవు పలికారు. కడప ప్రజలు రౌడీయిజాన్ని, గూండాయిజాన్ని సహించరని, ప్రజలు అన్నీ గమనిస్తున్నారని తెలిపారు. ఈ కార్యక్రమంలో వైఎస్సార్‌సీపీ ఎస్సీసెల్‌ స్టేట్‌ వర్కింగ్‌ ప్రెసిడెంట్‌ పులి సునీల్‌, రారష్ట్‌ర యువజన ప్రధాన కార్యదర్శి షేక్‌ ఉమైర్‌, మాజీ కార్పొరేటర్లు చంద్రహాసరెడ్డి, అక్బర్‌ అలీ, షఫీ, సీహెచ్‌ వినోద్‌ పాల్గొన్నారు. కలెక్టర్‌, ఎస్పీలకు చెప్పినా స్పందన లేదు: మాజీ డిప్యూటీ సీఎం వైఎస్సార్‌సీపీ అభ్యర్థులను నామినేషన్‌ వేయనీయడం లేదని, తమ అభ్యర్థులకు రక్షణ కల్పించాలని కలెక్టర్‌, ఎస్పీలకు విన్నవించినా స్పందన లేదని మాజీ డిప్యూటీ సీఎం అంజద్‌బాష అన్నారు.ముంతాజ్‌ బేగం కుమారుడు మురాద్‌ను కత్తితో దాడి చేశారని, మరో అభ్యర్థి శ్యాంసన్‌ తల పగులగొట్టారన్నారు. ఎన్నికలు సజావుగా జరిగితే ఓడిపోతామన్న భయంతోనే నామినేషన్లు వేయకుండా అడ్డుకుంటున్నారన్నారు. శిఖండి రాజకీయం చేయొద్దు: టీడీపీ నాయకులకు దమ్ముంటే మగాళ్లలాగా రాజకీయం చేయాలని, శిఖండి రాజకీయం చేయొద్దని వైఎస్సార్‌సీపీ కమలాపురం నియోజకవర్గ ఇన్‌చార్జి నరేన్‌ రామాంజులరెడ్డి అన్నారు. ప్రజాస్వామ్యయుతంగా ఎన్నికలు జరిగితే గెలవలేమని తెలిసి 2వేల మందిని తెచ్చి హత్యారాజకీయాలు చేస్తున్నారన్నారు. టీడీపీ చేతగానితనానికి ఇది నిదర్శనమన్నారు. బీహార్‌, తమిళనాడు నుంచి గ్యాంగ్‌లు : దీప్తిరెడ్డి బీహార్‌, తమిళనాడు నుంచి వచ్చిన గ్యాంగ్‌లు కడపలో రౌడీయిజం చేస్తున్నాయని వైఎస్సార్‌సీపీ మేయర్‌ అభ్యర్థి బండి దీప్తిరెడ్డి అన్నారు. నిన్న 12నామినేషన్లు వేస్తే 6 మాత్రమే ఆమోదం పొందాయని, మిగిలిన ఆరు ఏమయ్యాయో తెలీదన్నారు. నిన్న డీఎస్పీని కలిసి టీడీపీ చేస్తున్న అరాచకాలపై ఫిర్యాదు చేశామని, ఈ రోజు ఎస్పీని కలిసేందుకు వెళితే ఆయన కలవకుండానే వెళ్లిపోయారన్నారు.పోలీస్‌స్టేషన్‌లో ఫిర్యాదు చేసి వస్తున్న వైఎస్సార్‌సీపీ జిల్లా అధ్యక్షుడు పి. రవీంద్రనాథ్‌రెడ్డి, నరేన్‌ రామాంజులరెడ్డి తదితరులు అంబేడ్కర్‌ కూడలిలో నిరసన తెలుపుతున్న వైఎస్సార్‌సీపీ నాయకులు పి. రవీంద్రనాథ్‌రెడ్డి, అంజద్‌బాష, మేయర్‌ అభ్యర్థి దీప్తిరెడ్డి

– మాజీ డిప్యూటీ సీఎం అంజాద్‌ బాషా, జిల్లా అధ్యక్షుడు రవీంద్రనాథ్‌ రెడ్డి కడప అర్బన్‌: స్థానిక సంస్థల ఎన్నికల నామినేషన్ల నేపథ్యంలో కడప నగరంలోని వైఎస్సార్‌ కాంగ్రెస్‌ పార్టీ జిల్లా కార్యాలయంలో జిల్లా అధ్యక్షులు పి. రవీంద్రనాథ్‌ రెడ్డి, మాజీ డిప్యూటీ సీఎం ఎస్‌.బి. అంజాద్‌ బాషాకు శనివారం ఉదయం పోలీసులు నోటీసులు అందించారు. ఈ సందర్భంగా వైఎస్సార్‌ కాంగ్రెస్‌ పార్టీ నాయకులు మాట్లాడుతూ, స్థానిక సంస్థల ఎన్నికల్లో తమ పార్టీ అభ్యర్థులు నామినేషన్లు దాఖలు చేయకుండా అడ్డుకునేందుకు కుట్రలు జరుగుతున్నాయని ఆరోపించారు. కుట్రలు, బెదిరింపులకు భయపడి వెనక్కి తగ్గే ప్రసక్తే లేదు. ప్రజాస్వామ్యబద్ధంగా ఎన్నికల్లో పాల్గొని, మా అభ్యర్థుల నామినేషన్ల హక్కులను కాపాడుకుంటాం అని నాయకులు స్పష్టం చేశారు.ఎన్నికల ప్రక్రియ నిష్పక్షపాతంగా సాగేందుకు అధికారులు చర్యలు తీసుకోవాలని వారు కోరారు.

సాక్షిటాస్క్‌ఫోర్స్‌ : కూటమి ప్రభుత్వానికి ఓటమి భయం పట్టుకుందని, అందుకే కర్రలు, రాళ్లు, ఇనుపరాడ్లతో రౌడీ మూకల్లా వైఎస్సార్‌సీపీ అభ్యర్థుల నామినేషన్లను అడ్డుకుంటూ ప్రజాస్వామ్యాన్ని ఖూనీ చేస్తున్నారని ఎమ్మెల్సీ పి.రామసుబ్బారెడ్డి మండిపడ్డారు. శనివారం ఎర్రగుంట్లలో వైఎస్సార్‌సీపీ నాయకుడు తుంగ వెంకట్రామిరెడ్డి నివాసంలో ఆయన మీడియాతో మాట్లాడారు.మీకు అంతగా ధైర్యముంటే నామినేషన్లను ఎందుకు అడ్డుకుంటున్నారని కూటమి నాయకులను నిలదీశారు. ప్రజలను చూసి చంద్రబాబు భయపడుతున్నారని, మూడు పార్టీలు కలిసొచ్చినా వైఎస్సార్‌సీపీని ఎదుర్కొనే దమ్ము లేక దాడులకు తెగబడుతున్నారని ఆగ్రహం వ్యక్తం చేశారు. అధికారులే చేతులెత్తేస్తే రాష్ట్రంలో పాలన ఎక్కడుందని ప్రశ్నించారు. అనంతరం నామినేషన్లు వేసేందుకు వెళ్తున్న ఎమ్మెల్సీ రామసుబ్బారెడ్డిని, పార్టీ శ్రేణులను పోలీసులు నాల్గు రోడ్ల కూడలి వద్ద అడ్డుకున్నారు. ఎన్నికల కమిషన్‌ స్పందించాలి కమలాపురం : కమలాపురం మున్సిపాలిటీ ఎన్నికల్లో నామినేషన్‌ వేసేందుకు ఎన్నికల కమిషన్‌ స్పందించి తమకు అవకాశం కల్పించాలని కమలాపురం మున్సిపల్‌ వైఎస్సార్‌ సీపీ చైర్‌ పర్సన్‌ అభ్యర్థి మారుజోళ్ల కవిత కోరారు. శనివారం పార్టీ కార్యాలయంలో విలేకరులతో ఆమె అన్ని స్థానాల కౌన్సిలర్‌ సభ్యులతో కలసి మీడియా సమావేశం నిర్వహించారు. ఈ సందర్భంగా ఆమె మాట్లాడుతూ తాను ఈ రోజు నామినేషన్‌ వేసేందుకు వెళ్తుండగా టీడీపీ గూండాలు అడ్డుకుని తన నామినేషన్‌ పత్రాలను లాక్కెళ్లి చించారని ఆవేదన వ్యక్తం చేశారు. ప్రజాస్వామ్య దేశంలో ఎన్నికల్లో పోటీ చేసేందుకు మాకు హక్కు లేదా అని ఆమె ప్రశ్నించారు. అలాంటపుడు నోటిఫికేషన్లు ఎందుకు ఇవ్వాలి? ఎన్నికల ప్రక్రియ ఎందుకు నిర్వహించాలి అని ఆమె ప్రశ్నించారు. పోలీసులు ఉన్నా చోద్యం చూస్తున్నారే తప్పా తమపై దాడులు చేస్తున్నా వారించలేదని ఆగ్రహం వ్యక్తం చేశారు. ఇప్పటికై నా ఎన్నికల కమిషన్‌ స్పందించి తమకు నామినేషన్‌ వేసే అవకాశం కల్పించాలని ఆమె డిమాండ్‌ చేశారు.

రాజంపేట : వైఎస్సార్‌సీపీ అభ్యర్ధిగా నడిగడ్డ రేష్మా నామినేషన్‌ శనివారం దాఖలు చేశారు. మున్సిపల్‌ కార్యాలయంలో చైర్మన్‌ పోలా శ్రీనువాసులరెడ్డి, తన తండ్రి ఇమామ్‌తో కలిసి వచ్చి నామినేషన్‌ అధికారులకు అందచేశారు. నామినేషన్‌ పత్రాల చించివేతపై కేసు నమోదుమైదుకూరు : మున్సిపల్‌ కార్యాలయంలో శనివారం వైఎస్సార్‌సీపీ అభ్యర్థుల నామినేషన్లను చించివేసిన సంఘటనపై మున్సిపల్‌ కమిషనర్‌ వై.రంగస్వామి ఫిర్యాదు మేరకు పోలీసులు కేసు నమోదు చేశారు. మున్సిపల్‌ కార్యాలయంలోని ఎన్నికల ఛాంబర్లలోకి గుర్తు తెలియని వ్యక్తులు భద్రతా వలయాన్ని ఛేదించుకుని ఎన్నికల నియమావళికి విఘాతం కలిగిస్తూ దౌర్జన్యంగా అధికారుల వద్ద ఉన్న నామినేషన్‌ పత్రాలను అపహరించుకు వెళ్లారని కమిషనర్‌ ఫిర్యాదులో పేర్కొన్నారు. వారిని గుర్తించి చట్టపరమైన చర్యలు తీసుకోవాలని కోరారు. ఆ మేరకు కేసు నమోదు చేసినట్టు అర్బన్‌ సీఐ హాజీవలి తెలిపారు. ఎమ్మెల్యే అనుచరులే దాడి చేశారు కడప కార్పొరేషన్‌ : తనపై ఎమ్మేల్యే మాధవిరెడ్డి అనుచరులే దాడి చేసి గాయపరిచారని ఇండిపెండెంట్‌గా నామినేషన్‌ వేసేందుకు వచ్చిన ఫిజియోధెరపిస్ట్‌ డాక్టర్‌ జిలానీ ఆరోపించారు. జిలానీ 42 డివిజన్‌కు ఇండిపెండెంట్‌గా నామినేషన్‌ వేసేందుకు అక్కడి వచ్చారు. అక్కడ నామినేషన్‌ పత్రాలను లాక్కొని మాధవిరెడ్డి మనుషులు దాడి చేశారని తెలిపారు. టీడీపీలో రెండున్నర సంవత్సరాలుగా ఎంతో కష్టపడ్డానని తనకు టికెట్‌ ఇవ్వకుండా వేరే వ్యక్తులకు ఇవ్వడం వల్లే ఇండిపెండెంట్‌గా వేసేందుకు సిద్దపడ్డానని తెలిపారు. ఇది మైనార్టీలకు అవమానమేనన్నారు. కార్పొరేషన్‌ మైనార్టీ వాయిస్‌ లేకుండా చేయాలనే ఉద్దేశ్యంతో ఇలా చేశారన్నారు. ఎల్‌ఎల్‌బీ పరీక్షలు వాయిదాకడప ఎడ్యుకేషన్‌ : యోగి వేమన విశ్వవిద్యాలయం ఈ నెల 23వ తేదీ నుంచి నిర్వహించాల్సిన ఎల్‌ఎల్‌బీ 3, 5వ సంవత్సరం (2, 4, 6, 8 సెమిస్టర్లు) రెగ్యులర్‌, సప్లిమెంటరీ పరీక్షలను తాత్కాలికంగా వాయిదా వేసినట్లు విశ్వవిద్యాలయ పరీక్షల నియంత్రణ అధికారి ఆచార్య టి.లక్ష్మి ప్రసాద్‌ తెలిపారు. మున్సిపల్‌, కార్పొరేషన్‌, జిల్లా పరిషత్‌ ఎన్నికల దృష్ట్యా విద్యార్థుల సౌకర్యార్థం పరీక్షలు వాయిదా వేయాలని విశ్వవిద్యాలయ ఉపకులపతి ఆచార్య బెల్లంకొండ రాజశేఖర్‌ ఆదేశాలిచ్చారన్నారు. వాయిదా పడిన పరీక్షలను ఎప్పుడు నిర్వహిస్తామనేది త్వరలో ప్రకటిస్తామని తెలిపారు.పిడుగుపాటుకు గేదె మృతిపులివెందుల రూరల్‌ : పులివెందుల పట్టణంలోని స్థానిక న్యాక్‌ బిల్డింగ్‌ సమీపంలో వైఎస్‌ఆర్‌ కాలనీలో నివాసముంటున్న అజయ్‌ కుమార్‌ రెండు గేదెలను పెట్టుకొని పాలు విక్రయిస్తూ కుటుంబాన్ని పోషిస్తున్నాడు. శనివారం రాత్రి 7 గంటల ప్రాంతంలో పిడుగు పడటంతో ఇంటి ఆవరణంలో ఉన్న గేదె మృతి చెందింది. పాలు ఇచ్చే గేదే మృతి చెందడంతో బాధిత రైతు ఆవేదన వ్యక్తం చేస్తున్నాడు. నాటుసారా స్థావరంపై దాడినిమ్మనపల్లె (మదనపల్లె టౌన్‌) : మదనపల్లె ఎక్సైజ్‌, డీటీఎఫ్‌ బృందం సంయుక్తంగా నిర్వహించిన దాడుల్లో నాటుసారా తయారీ సామగ్రి లభ్యమైనట్లు మదనపల్లె ఎకై ్సజ్‌ సీఐ భీమలింగ తెలిపారు. శనివారం ఆయన మీడియాతో మాట్లాడుతూ.. అందిన సమాచారం మేరకు నిమ్మనపల్లి మండలం, నాగులయ్యగారిపల్లె అటవీ ప్రాంతంలో అధికారులు తనిఖీలు చేపట్టినట్లు వెల్లడించారు. ఈ తనిఖీల్లో సారా తయారీకి సిద్ధంగా ఉంచిన సుమారు 200 లీటర్ల బెల్లపు ఊటను గుర్తించారన్నారు. వెంటనే ఆ ఊటను అక్కడికక్కడే ధ్వంసం చేయడంతో పాటు, అక్కడ లభించిన 5 లీటర్ల నాటు సారాను స్వాధీనం చేసుకున్నట్లు తెలిపారు.

పులివెందుల రూరల్‌ : మున్సిపల్‌ ఎన్నికల నేపథ్యంలో శాంతి భద్రతలకు పరిరక్షణకు, ఎన్నికల ప్రక్రియ ప్రశాంతంగా నిర్వహించేందుకు పోలీస్‌ శాఖ ప్రత్యేక చర్యలు చేపట్టిందని రాయలసీమ రేంజ్‌ డీఐజీ కోయ ప్రవీణ్‌, జిల్లా కలెక్టర్‌ శ్రీధర్‌, జిల్లా ఎస్పీ నచికేత్‌ విశ్వనాథ్‌లు పేర్కొన్నారు. శనివారం పులివెందుల పట్టణంలోని ఆర్డీఓ కార్యాలయంలో వారు విలేకరులతో మాట్లాడుతూ ఎన్నికల సమయంలో ఎలాంటి అవాంఛనీయ సంఘటనలు చేసుకోకుండా ప్రజలు సంయమనం పాటించాలన్నారు. పులివెందులలో 144 సెక్షన్‌న్‌తోపాటు 30 యాక్ట్‌ అమల్లో ఉండడంవల్ల ఎవరూ కూడా గుంపులుగా నామినేషన్‌ కార్యాలయానికి రాకూడదన్నారు. పులివెందులలో మున్సిపల్‌ ఎన్నికల్లో భాగంగా రెండో రోజు నామినేషన్‌ వేయడానికి అభ్యర్థులు పెద్ద సంఖ్యలో వచ్చారన్నారు. 163 యాక్ట్‌ అమల్లో ఉండడంవల్ల అభ్యర్థులతోపాటు మరో ముగ్గురు మాత్రమే నామినేషన్‌ వేసేందుకు వెళ్లాలన్నారు. జిల్లా వ్యాప్తంగా రెండు చోట్ల మాత్రమే కొన్ని సంఘటనలు జరిగాయని, మిగిలిన చోట్ల ప్రశాంతంగా ఎన్నికల నామినేషన్‌ ప్రక్రియ కొనసాగిందన్నారు.డీఐజీ కోయ ప్రవీణ్‌, కలెక్టర్‌ శ్రీధర్‌, ఎస్పీ నచికేత్‌ విశ్వనాథ్‌

● రాఘవరెడ్డికి ఓటు హక్కు కల్పిస్తే 6,039 మంది కొత్త ఓటర్లకు అవకాశం ఇవ్వాలి ● మాజీ ఎమ్మెల్యే రాచమల్లు శివప్రసాదరెడ్డిప్రొద్దుటూరు : పదవీవ్యామోహంతో ఎమ్మెల్యే నంద్యాల వరదరాజులరెడ్డి అక్రమాలకు, అన్యాయాలకు తెరతీశారని వైఎస్సార్‌సీపీ రాష్ట్ర అధికార ప్రతినిధి, మాజీ ఎమ్మెల్యే రాచమల్లు శివప్రసాదరెడ్డి తెలిపారు. వైఎస్సార్‌సీపీ మున్సిపల్‌ చైర్మన్‌ అభ్యర్థి పోరెడ్డి నరసింహారెడ్డి కార్యాలయంలో శనివారం రాచమల్లు శివప్రసాదరెడ్డి మీడియాతో మాట్లాడుతూ గత వారం పది రోజులుగా ఎమ్మెల్యే తన సోదరుడైన రాఘవరెడ్డి ఓటు హక్కు కోసం శతవిధాలా ప్రయత్నిస్తున్నారని తెలిపారు. ముందుగా మహేశ్వరరెడ్డి, రాజగోపాల్‌ యాదవ్‌ పేర్లను కూడా తెరపైకి తెచ్చి మళ్లీ రాఘవరెడ్డి కోసం ప్రయత్నిస్తున్నారన్నారు. సాధారణంగా చేనేతలు ఎక్కువగా ఉన్న మున్సిపాలిటీలో చైర్మన్‌ పదవి బీసీ మహిళకు దక్కాల్సి ఉండగా రాఘవరెడ్డి కోసం ఓసీ జనరల్‌ కేటగిరికి తెచ్చుకున్నారన్నారు. మండలంలోని కామనూరు గ్రామంలో ఓటరుగా ఉన్న రాఘవరెడ్డి సర్‌ ప్రక్రియలో మున్సిపాలిటీకి బదిలీ చేసుకున్నారన్నారు. వాస్తవానికి ఆయన దరఖాస్తు చేసుకున్న చోట ఇల్లు లేదని, కార్యాలయం మాత్రమే ఉందన్నారు. ఆన్‌లైన్‌లో ఆయన ఓటు రిజిస్ట్రర్‌ అయిందని, ఓటర్‌ జాబితాలో ఆయన పేరు లేదన్నారు. దేశ వ్యాప్తంగా ఓటర్ల తుది జాబితా రావాల్సి ఉందని తెలిపారు. నిబంధనల ప్రకారం 2026 జనవరిలో తయారైన తుది ఓటర్ల జాబితాలో ఓటరుగా ఉంటేనే ఈ ఎన్నికల్లో పోటీ చేసే అవకాశం ఉంటుందన్నారు. ప్రస్తుతం మున్సిపాలిటీ పరిధిలో ఉన్న 1,38,000 ఓట్లలో రాఘవరెడ్డి పేరు లేదని తెలిపారు. ఈనెల 15వ తేదీన తన అభ్యర్థిత్వాన్ని ఖరారు చేసుకుని రాఘవరెడ్డి కలెక్టర్‌, డీఆర్‌ఓ, ఆర్డీఓ, తహసీల్దార్‌, మున్సిపల్‌ కమిషనర్‌ను ఆశ్రయించారన్నారు. శతవిధాలా ప్రయత్నించినా ఓటర్‌ జాబితాలో పేరు లేనిది ఏమి చేయలేమని అధికారులు తెలిపారన్నారు. అదే రోజు సాయంత్రం మున్సిపల్‌ కమిషనర్‌కు ఆన్‌లైన్‌లో తన పేరు ఉందని ఓటు హక్కు కల్పించాలని లేఖ రాయడం, ఆయన లేఖను కలెక్టర్‌కు పంపడం జరిగిందన్నారు. శుక్రవారం హైకోర్టులో లంచ్‌మోషన్‌ పిటీషన్‌ వేయగా రికార్డులు పరిశీలించి చర్యలు తీసుకోవాలని కోర్టు చెప్పిందే తప్ప ఓటు హక్కు కల్పించాలని మాత్రం చెప్పలేదన్నారు. 15వ తేదీ ఓటు లేదని చెప్పిన అధికారులు 17వ తేదీకి ఓటు ఎలా వస్తుందన్నారు. ప్రభుత్వం ఉందని అధికారులు రాఘవరెడ్డికి అవకాశం కల్పిస్తే అధికారులపై తాము సుప్రీంకోర్టుకు వెళతామన్నారు. చైర్మన్‌గా పోటీ చేసే రాఘవరెడ్డికి ఓటు హక్కు కల్పిస్తే 18 ఏళ్లు నిండి కొత్తగా ఓటు హక్కు కోసం నమోదు చేసుకున్న 6,039 మంది యువతకు అవకాశం కల్పించాలని కోరారు. స్క్రూటినీలో అయినా రాఘవరెడ్డి అభ్యర్థిత్వాన్ని ప్రశ్నిస్తామన్నారు. వైఎస్సార్‌సీపీ మున్సిపల్‌ చైర్మన్‌ అభ్యర్థి పోరెడ్డి నరసింహారెడ్డి మాట్లాడుతూ వైఎస్సార్‌ కాంగ్రెస్‌పార్టీ హయాంలోనే పట్టణంలో అభివృద్ధి జరిగిందని తెలిపారు. కూటమి ప్రభుత్వంలో అభివృద్ధికి నోచుకోలేదన్నారు. చైర్మన్‌గా తనను గెలిపిస్తే మున్సిపాలిటీ అభివృద్ధికి కృషి చేస్తానని తెలిపారు. ఓటర్లు తనను ఆదరించాలని కోరారు. పార్టీ కార్యకర్తలందరూ 52 మంది మున్సిపల్‌ కౌన్సిలర్లతోపాటు తన విజయం కోసం కృషి చేయాలని కోరారు. ఈ సమావేశంలో పోరెడ్డి సందీప్‌రెడ్డి, పోరెడ్డి ప్రదీప్‌రెడ్డి పాల్గొన్నారు.

● హింసకు తెగబడి చారిత్రాత్మక తప్పిదం చేశారు ● ఎమ్మెల్యే ఆకేపాటి, ఎంపీ మేడారాజంపేట టౌన్‌ : స్వాతంత్య్రం వచ్చినప్పటి నుంచి రాజంపేటలో అనేక ఎన్నికలు అత్యంత ప్రశాంత వాతావరణంలో జరిగాయని, ఎన్నడూ లేనివిధంగా మున్సిపల్‌ ఎన్నికల సాక్షిగా తెలుగుదేశం పార్టీ నాయకులు దాడులు, హత్యాయత్నాలకు తెగబడి ఇక్కడి శాంతిభద్రతలకు విఘాతం కలిగించారని వైఎస్సార్‌ కాంగ్రెస్‌ పార్టీ తీవ్రస్థాయిలో మండిపడింది. రౌడీయిజంతో కొత్త సంప్రదాయానికి తెరలేపి చారిత్రాత్మక తప్పిదం చేశారని, భవిష్యత్తులో టీడీపీ నాయకులు దీనికి భారీ మూల్యం చెల్లించుకోక తప్పదని రాజంపేట ఎమ్మెల్యే ఆకేపాటి అమరనాథరెడ్డి, రాజ్యసభ సభ్యుడు మేడా రఘునాథరెడ్డి ఘాటుగా హెచ్చరించారు. మున్సిపల్‌ ఎన్నికల నామినేషన్ల సందర్భంగా టీడీపీ శ్రేణులు సృష్టించిన దౌర్జన్యకాండపై శనివారం పట్టణంలోని వైఎస్సార్‌ సీపీ కార్యాలయంలో వారు విలేకరుల సమావేశం నిర్వహించారు. ఈ సందర్భంగా వారు మాట్లాడుతూ.. ‘అధికారం ఎప్పుడూ ఒకరి చేతుల్లోనే ఉండదన్న కనీస విషయాన్ని టీడీపీ నాయకులు గుర్తుంచుకోవాలి. ప్రజాస్వామ్యంలో దౌర్జన్యాలు, దాడులు సరైన పద్ధతి కాదు. వచ్చే ఎన్నికల్లో వైఎస్సార్‌ సీపీ అధికారంలోకి రావడం ఖాయం. అప్పుడు మా పార్టీ నాయకులు, కార్యకర్తలపై దాడులకు పాల్పడిన ప్రతి ఒక్కరిపై చట్టపరంగా కఠిన చర్యలు తీసుకుంటాం’అని స్పష్టం చేశారు. నిజంగా బలం ఉంటే ఎన్నికల బరిలో తలపడాలని, ప్రజాబలం లేకపోవడం వల్లే టీడీపీ గూండాల స్థాయికి దిగజారిందని విమర్శించారు. పోలీసులు టీడీపీ అరాచకాలను నిలువరించి, నామినేషన్లు ప్రశాంతంగా జరిగేలా చూడాలని.. అలాకాకుండా కొమ్ముకాస్తే భవిష్యత్తులో శిక్ష తప్పదని హెచ్చరించారు. సమావేశంలో మున్సిపల్‌ చైర్మన్‌ పోలా శ్రీనివాసరెడ్డి, వైస్‌ చైర్మన్‌ మర్రి రవి, సీనియర్‌ నాయకులు గాలివీటి మదన్‌రెడ్డి పాల్గొన్నారు.

మైదుకూరు : మైదుకూరు మన్సిపాలిటీ నామినేషన్ల ప్రక్రియ రెండోరోజున సజావుగా మొదలైంది. ఎమ్మెల్యే పుట్టా సుదాకర్‌యాదవ్‌ రావడంతో గందరగోళానికి దారితీసింది. ఆయన వెంట వందలాది మంది కార్యకర్తలను తీసుకు రావడం వైఎస్సార్‌ సీపీ తరపున వేసిన నామినేషన్లను చించివేయడంతో వైఎస్సార్‌ సీపీ కార్యకర్తలు మాజీ ఎమ్మెల్యే రఘురామిరెడ్డికి తీవ్ర ఆగ్రహావేశానికి గురై మైదుకూరు కూడలిలో ధర్నా చేయాల్సిన సంఘటన చోటుచేసుకుంది. మైదుకూరు మున్సిపాలిటీలో సజావుగా జరుగుతున్న నామినేషన్ల పక్రియను మాజీ ఎమ్మెల్యే అనుచరులు నామినేషన్లను చించివేయడంతో మాజీ ఎమ్మెల్యే రఘురామిరెడ్డి తీవ్రంగా స్పందించారు. కమిషనర్‌ను కలిసేందుకు అలాగే నామినేషన్లను చించివేసిన అభ్యర్థుల నామినేషన్లను తీరిగి వేయించేందుకు బయలుదేరారు. అయితే అప్పటికే మైదుకూరు ప్రధాన రహదారిలో పోలీసులు వాహనాలను అడ్డుకున్నారు. దీంతో అగ్రహించిన మాజీ ఎమ్మెల్యే వార్డు నామినేషన్‌ వేసేందుకు వచ్చిన సభ్యులు, మున్సిపాలిటీ నాయకులు అంతా కలసి అక్కడ ధర్నాకు దిగారు. సుమారు 12 గంటల నుంచి 2 గంటల పాటు మండుటెండలో ధర్నా చేపట్టారు. ఇలా దౌర్జన్యంగా రౌడీయింజం చేసి ఎన్నికల్లో నెగ్గాలని చూడటం దుర్మార్గం అని అధికారులను నిలదీశారు. నడి పోడ్డు పైసుమారు 4 గంటల పాటు ధర్న చేశారు. అనంతరం మైదుకూరు లోని వైఎస్సార్‌ కాంగ్రేస్‌ పార్టీ కార్యలయంకు వెల్లి మూడవ రోజున నామినేషన్ల పై పార్టీ కార్యకర్తలు నాయకులతో చర్చించారు.రోడ్డు పై మాజీ ఎమ్మెల్యే రఘురామిరెడ్డి ధర్నా

కడపకార్పొరేషన్‌ : మున్సిపల్‌ ఎన్నికల్లో నామినేషన్ల సందర్భంగా టీడీపీ మూకల దాడిలో గాయపడిన వైఎస్సార్‌సీపీ నాయకులను కడప పార్లమెంటు సభ్యులు వైఎస్‌ అవినాష్‌రెడ్డి పరామర్శించారు. శనివారం సాయంత్రం పల్స్‌ హాస్పిటల్‌కు వెళ్లి పులివెందుల మాజీ వైస్‌ ఛైర్మెన్‌ హఫీజుల్లాను పరామర్శించారు. వైద్యులతో మాట్లాడి మెరుగైన వైద్యం అందించాలని కోరారు. అనంతరం మాజీ డిప్యూటీ సీఎం అంజద్‌బాష, సీఈసీ సభ్యులు కె. సురేష్‌ బాబుతో కలిసి రిమ్స్‌ హాస్పిటల్‌కు వెళ్లి దాడిలో తీవ్రంగా గాయపడిన శ్యాంసన్‌, పార్టీ నాయకులను పరామర్శించారు. ఽధైర్యంగా ఉండాలని, పార్టీ అండగా ఉంటుందని భరోసా ఇచ్చారు. ఈ కార్యక్రమంలో మాజీ మేయర్‌ పాకా సురేష్‌ కుమార్‌, రాష్ట్ర సంయుక్త కార్యదర్శి కిశోర్‌ బూసిపాటి, రాష్ట్ర యువజన విభాగం ప్రధాన కార్యదర్శి షేక్‌ ఉమైర్‌, రైతు విభాగం జిల్లా అధ్యక్షుడు ప్రసాద్‌రెడ్డి తదితరులు పాల్గొన్నారు.

● స్వతంత్య్రఅభ్యర్థి పత్రాలు చించివేత ● ఖాకీ కళ్లెదుటే టీడీపీ మూకల వీరంగం మున్సిపాలిటీ ప్రవేశద్వారం వద్ద మోహరించిన టీడీపీ శ్రేణులు కట్టెలు తీసుకునే ప్రయత్నం చేసిన టీడీపీకి చెందిన వ్యక్తిని పట్టుకుపోతున్న ఎస్‌ఐరాజంపేట: రాజంపేట మున్సిపాలిటీ ఎన్నికల నామినేషన్ల పర్వంలో అధికార తెలుగుదేశం పార్టీ శ్రేణులు బరితెగించి ప్రవర్తించాయి. మున్సిపల్‌ ఎన్నికల నేపథ్యంలో టీడీపీ తప్ప మరెవ్వరూ నామినేషన్లు వేయకూడదనే రీతిలో ప్రజల్లో, ప్రత్యర్థుల్లో తీవ్ర భయాందోళన వాతావరణాన్ని సృష్టించారు. డీఎస్పీ వెంకట్రామయ్య, సీఐలు హేమసుందరనాయుడు, లింగప్ప, ఎస్‌ఐలు బందోబస్తులో ఉన్నప్పటికీ, ఖాకీల కళ్లెదుటే టీడీపీ మూకలు వీరంగం సృష్టించినా పోలీసులు వారిని నియంత్రించలేకపోయారనే విమర్శలు వ్యక్తమవుతున్నాయి. టీడీపీ నియోజకవర్గ ఇన్‌చార్జి చమర్తి జగన్‌మోహన్‌రాజు ఆధ్వర్యంలో ఉదయం నుంచి మధ్యాహ్నం వరకు టీడీపీ శ్రేణులు మున్సిపాలిటీ కార్యాలయం వద్దే మోహరించగా, పట్టణంలో భారీగా స్థానికేతరులు కనిపించడం తీవ్ర ఉత్కంఠకు దారితీసింది. మహిళా అభ్యర్థి పత్రాలు, సర్టిఫికెట్ల చించివేత చైర్‌పర్సన్‌ స్థానానికి పోటీ చేసేందుకు నామినేషన్‌ పత్రాలు, విద్యా అర్హతల సర్టిఫికెట్లతో వచ్చిన స్వతంత్ర అభ్యర్థి బీ. రేణును డీసీసీబీ బ్యాంకు ప్రవేశద్వారం వద్ద టీడీపీ దౌర్జన్యకారులు అడ్డుకున్నారు. కనీసం మహిళ అని కూడా చూడకుండా ఆమె చేతిలో ఉన్న పత్రాలను లాక్కొని ముక్కలుగా చించివేశారు. పోలీసులు చూస్తూ ఉండిపోయారే తప్ప దౌర్జన్యకారులను బెదరగొట్టే చర్యలు తీసుకోలేదు. దీనిపై బాధితురాలు మీడియా ముందు నిరసన గళం విప్పగా, అక్కడ కూడా తమ్ముళ్లు ఆమెను అడ్డుకునేందుకు ప్రవర్తించారు. ఒక జిల్లాకు డిప్యూటీ కలెక్టర్‌గా, మాజీ డీఆర్వోగా పనిచేసిన ఉన్నతాధికారి ఈశ్వరయ్య తన నామినేషన్‌ పత్రాలతో రాగా, టీడీపీ దుండగులు ఆయన్ను అడ్డగించి పత్రాలను చించివేశారు. పోలీసుల సమక్షంలోనే ప్రజాస్వామ్య వ్యవస్థకు మచ్చ తెచ్చేలా ఈ ఘటన జరగడంతో పలువురు అవాక్కయ్యారు. వైఎస్సార్‌సీపీ అభ్యర్థులు నామినేషన్లు వేయడానికి వస్తున్నారనే సమాచారంతో టీడీపీ మూకలు కట్టెలు చేతబూని మున్సిపాలిటీ ప్రవేశద్వారం వైపు పరుగు తీశాయి. సీఐ హేమసుందరం వాహనంలో ఉన్న కట్టెలను సైతం లాక్కునేందుకు ప్రయత్నించగా ఎస్‌ఐ మహేష్‌ నాయుడు అడ్డుకుని వారిలో ఒకరిని పట్టుకున్నారు. పోలీసులు వెంటనే సమీపంలోని దుకాణాల షెట్టర్లు తెరిపించి తనిఖీలు చేయగా, అక్కడ నిల్వ ఉంచిన భారీగా కట్టెలను స్వాధీనం చేసుకున్నారు.

కూటమి తీరుపై ఎమ్మెల్సీ రామసుబ్బారెడ్డి ఆగ్రహం! ఎర్రగుంట్ల : వైఎస్సార్‌ కాంగ్రెస్‌ పార్టీ అభ్యర్థులు నామినేషన్లు వేస్తే చంపుతామంటూ కూటమి నాయకులు బెదిరింపులకు దిగడంపై జమ్మలమడుగు నియోజకవర్గ ఇన్‌చార్జి, ఎమ్మెల్సీ పి. రామసుబ్బారెడ్డి తీవ్ర ఆగ్రహం వ్యక్తం చేశారు. ఎర్రగుంట్ల మున్సిపాలిటీ పరిధిలోని వైఎస్సార్‌సీపీ అభ్యర్థి బావక్క, ఆమె భర్త సిద్ధయ్య నివాసానికి శుక్రవారం వెళ్లిన ఆయన, బెదిరింపులకు గురైన ఆ కుటుంబ సభ్యులను పరామర్శించారు. అనంతరం ఏర్పాటు చేసిన మీడియా సమావేశంలో కూటమి నేతల దౌర్జన్యాలపై మండిపడ్డారు. సిద్ధయ్య ఇంట్లో లేని సమయంలో కూటమి నాయకులు జగదీశ్వర్‌ రెడ్డి, రాజారెడ్డిలతో పాటు మరికొందరు అభ్యర్థి బావక్కతో పాటు ఆమె కుటుంబాన్ని తీవ్రంగా భయభ్రాంతులకు గురిచేశారని ఎమ్మెల్సీ ఆరోపించారు. మున్సిపాలిటీ కార్యాలయం వద్దనే నరికేస్తామని, చంపుతామని హెచ్చరించడం దారుణమన్నారు. వైఎస్సార్‌సీపీ నామినేషన్‌లకే ఇక్కడి ‘బాబాయ్‌–అబ్బాయ్‌’లు భయపడుతున్నారని, ఓటమి భయం వెంటాడుతుండడం వల్లే కూటమి నేతలు ఇలాంటి బెదిరింపుల సంస్కృతికి తెరలేపారని రామసుబ్బారెడ్డి విమర్శించారు. ప్రజాస్వామ్యం ఖూనీ చంద్రబాబు గతంలో నాలుగుసార్లు సీఎంగా చేసినప్పుడు ఎప్పుడూ ఇలాంటి పరిస్థితులు లేవని, నేను కూడా ఆయన పాలనలో పనిచేశానని గుర్తుచేశారు. కానీ ప్రస్తుత కూటమి పాలనలో ప్రజాస్వామ్యం పూర్తిగా ఖూనీ అవుతోందని, దీనివల్ల సీఎం చంద్రబాబుకు పూర్తి చెడ్డపేరు వస్తోందని పేర్కొన్నారు. మొన్న పులివెందుల ఎన్నికల్లోనూ ఐపీఎస్‌, ఐఏఎస్‌, డీఐజీలు ఉండి కూడా ప్రజాస్వామ్యాన్ని ఖూనీ చేశారని విమర్శించారు. కూటమి నేతల ఉడత బెదిరింపులకు తామెవరూ భయపడే ప్రసక్తే లేదని, జమ్మలమడుగు, ఎర్రగుంట్ల మున్సిపాలిటీల్లోని అన్ని వార్డులలో వైఎస్సార్‌సీపీ అభ్యర్థులు కచ్చితంగా నామినేషన్లు వేస్తారని స్పష్టం చేశారు. అధికారులు స్పందించి ప్రజాస్వామ్యాన్ని కాపాడాలని విజ్ఞప్తి చేశారు. నామినేషన్‌ వేస్తే చంపేస్తామని బెదిరించిన కూటమి నేతలపై చర్యలు తీసుకోవాలని కోరుతూ అభ్యర్థి బావక్క, ఆమె భర్త సిద్ధయ్య.. ఎమ్మెల్సీ రామసుబ్బారెడ్డి సమక్షంలో ఎర్రగుంట్ల సీఐ విశ్వనాథ్‌రెడ్డికి అధికారికంగా ఫిర్యాదు చేశారు. తాను ఎన్‌ఓసీ కోసం కార్యాలయానికి వెళ్లినప్పుడు కూడా కూటమి నాయకులు చుట్టుముట్టి బెదిరించారని, మా నాయకుడు భూపేష్‌ రెడ్డి పిలుస్తున్నారంటూ బెదిరింపులకు దిగారని సిద్ధయ్య ఈ సందర్భంగా ఆవేదన వ్యక్తం చేశారు. అయినా వెనక్కి తగ్గేది లేదని, నామినేషన్‌ కచ్చితంగా వేస్తామని స్పష్టం చేశారు. ఈ కార్యక్రమంలో పార్టీ ఎస్‌ఈసీ మెంబర్‌ గిరిధర్‌రెడ్డి, యువ నాయకుడు పి. శివారెడ్డి పాల్గొన్నారు.

– ఎమ్మెల్యే ఆకేపాటి రాజంపేట: పుంగనూరు మున్సిపల్‌ ఎన్నికల్లో నామినేషన్ల పర్వంలో భాగంగా తొలిరోజు వైఎస్సార్‌సీపీ అభ్యర్ధి నామినేషన్‌ కార్యక్రమానికి హాజరైన రాజంపేట ఎంపీ పీవీమిథున్‌రెడ్డిపై పచ్చమూకల దాడి చేయడం హేయమైన చర్యగా వైఎస్సార్‌సీపీ జిల్లా అధ్యక్షుడు, ఎమ్మెల్యే ఆకేపాటి అమర్‌నాఽథరెడ్డి అభివర్ణించారు. రాజంపేటలోని ఆకేపాటి భవన్‌లో ఆయన విలేకర్లతో మాట్లాడారు. ఎన్నికల స్వేచ్ఛాయుత వాతవరణంలో జరగాల్సిందిపోయి, పోలీసులు ప్రేక్షకపాత్ర వహించడం విడ్డూరంగా ఉందన్నారు. కూటమి ప్రభుత్వ పతనానికి ఇది నాంది అని ఎద్దేవా చేశారు. రాజంపేట మున్సిపాలిటి ఎన్నికల్లో టీడీపీ శ్రేణులు వ్యవహారించిన తీరు రాజంపేట చరిత్రలో మాయనిమచ్చగా మిగిలిపోతుందని ఎమ్మెల్యే ఆకేపాటి అన్నారు. మున్సిపాలిటీ ఎన్నికల్లో తొలిరోజు నామినేషన్‌ వేయనీయకుండా పోలీసుల సమక్షంలో అడ్డుకోవడం దారుణమన్నారు.ఎమ్మెల్యే సోదరుడు ఆకేపాటి అనిల్‌రెడ్డి, రాజంపేట మున్సిపల్‌చైర్మన్‌ శ్రీనివాసులరెడ్డి పాల్గొన్నారు.

● మాజీ డిప్యూటీ సీఎం అంజద్‌బాషా కడపకార్పొరేషన్‌: స్థానిక సంస్థల ఎన్నికలు ప్రజాస్వామ్యయుతంగా నిర్వహించాలని మాజీ డిప్యూటీ సీఎం అంజద్‌బాషా డిమాండ్‌ చేశారు. శుక్రవారం సాయంత్రం సీఈసీ సభ్యులు కె. సురేష్‌ బాబుతో కలిసి నిర్వహించిన విలేకరుల సమావేశంలో ఆయన మాట్లాడుతూ రాష్ట్రంలో మున్సిపల్‌ ఎన్నికల నిర్వహణ తీరు చూస్తుంటే అసలు ప్రజాస్వామ్యం ఉందా, రాజ్యాంగం అమలవుతోందా అన్న అనుమానం కలుగుతోందన్నారు. ఒక పార్లమెంటు సభ్యుడికే రక్షణ లేకపోతే సామాన్యులకు ఏం ఉంటుందని ప్రశ్నించారు. పుంగనూరులో ఎంపీ మిథున్‌రెడ్డిపై దాడి చేశారని, ఎంపీకి రక్షణగా ఉన్న బాడీగార్డును గాయపరిచారన్నారు. రాయచోటిలో వైఎస్సార్‌సీపీ కార్యాలయాన్ని ధ్వంసం చేసి పదుల సంఖ్యలో వాహనాలకు నిప్పుపెట్టారన్నారు. భయానక వాతావరణం సృష్టించి వైఎస్సార్‌సీపీ అభ్యర్థులను నామినేషన్‌ వేయకుండా చేస్తున్నారన్నారు. ప్రజాస్వామ్యబద్ధంగా ఎన్నికలు నిర్వహించే సత్తా లేనప్పుడు నామినేషన్‌ పద్ధతిలో ఎన్నుకోవచ్చు కదా...ఎన్నికలు నిర్వహించడం దేనికని ప్రశ్నించారు. నామినేషన్‌ సెంటర్ల వద్ద సుమారు 200 మంది గుండాలు, రౌడీలు, గంజాయి బ్యాచ్‌లను దింపి వైఎస్సార్‌సీపీ అభ్యర్థులపై దాడులు చేస్తున్నారన్నారు. తొలిరోజే 30వ డివిజన్‌లో నామినేషన్‌ వేయడానికి వెళ్లిన వైఎస్సార్‌సీపీ అభ్యర్థి టి. విజయలక్ష్మి, 51వ డివిజన్‌లో వైఎస్సార్‌సీపీ అభ్యర్థి పద్మలత నామినేషన్లు లాక్కొని చించివేశారన్నారు. వారు బయటికి వచ్చిన తర్వాత కూడా భౌతిక దాడికి పాల్పడ్డారన్నారు. 50వ డివిజన్‌లో ఆటోలో వెళ్తున్న వైఎస్సార్‌సీపీ అభ్యర్థి బవసరాజుపై దాడి చేసి నామినేషన్‌ పత్రాలు, సెల్‌ఫోన్‌ లాక్కుని వెళ్లారన్నారు. ఇన్ని దాడులు జరుగుతున్నా పోలీసులు ప్రేక్షకపాత్ర వహించడం బాధాకరమన్నారు. తిరుమల బ్రహ్మోత్సవాలు, దసరా పండుగ ఉన్న సమయంలో బందోబస్తు ఇవ్వలేనప్పుడు ఎన్నికలు ఎందుకు నిర్వహిస్తున్నారని నిలదీశారు. వైఎస్సార్‌సీపీ అభ్యర్థులకు పోలీసులు రక్షణ ఇవ్వలేకపోతే తామే తమ కార్యకర్తలతో కల్పించుకుంటామన్నారు. నిష్పక్షపాతంగా ఎన్నికలు జరిగితే ఒక్క టీడీపీ అభ్యర్థి కూడా గెలవరన్నారు. ఈ దుర్మార్గపు ప్రభుత్వాన్ని అంతమొందించేందుకు ప్రజలు సిద్దంగా ఉన్నారన్నారు. అనంతరం మాజీ కార్పొరేటర్‌ బసవరాజు మాట్లాడుతూ పాలెంపల్లె సుబ్బారెడ్డి, యువరాజ్‌, శివ, బిట్టూ అనే వారు కాపు కాసి ఆటోలో వెళ్తున్న తనపై దాడి చేసి నామినేషన్‌ పత్రాలు, సెల్‌ఫోన్‌ లాక్కున్నారన్నారు. నిష్ఫక్షపాతంగా ఎన్నికలు జరిపితే ఎవరి సత్తా ఏమిటో తెలుస్తుందన్నారు. వారి నుంచి రక్షణ కల్పించాలని, శాంతియుత వాతావరణంలో ఎన్నికలు నిర్వహించాలని డిమాండ్‌ చేశారు. ఈ సమావేశంలో వైఎస్సార్‌సీపీ జిల్లా అధికార ప్రతినిధి పి. జయచంద్రారెడ్డి, జోన్‌ అధ్యక్షుడు పి. రామ్మోహన్‌రెడ్డి, యువజన విభాగం రాష్ట్ర ప్రధాన కార్యదర్శి షేక్‌ ఉమైర్‌ పాల్గొన్నారు.

బద్వేలు అర్బన్‌ : స్థానిక సిద్దవటంరోడ్డులోని సీఎస్‌ఐ చర్చి సమీపంలో ఓ మహిళ తన భర్త చేతిలో దారుణహత్యకు గురైంది. పోలీసులకు ఇచ్చిన ఫిర్యాదు మేరకు కడప పట్టణంలోని విశ్వనాథపురానికి చెందిన సమ్మెటసౌందర్‌రాజు, కిరణ్‌జ్యోతి దంపతుల కుమార్తె అయిన ప్రవళ్లిక (29) బెంగళూరులో సాఫ్ట్‌వేర్‌ ఇంజినీర్‌గా పనిచేస్తుండేది. కరోనా సమయంలో ఇంటి వద్దే ఉంటూ పని చేసుకుంటూ ఉండేది. ఆ సమయంలో కడప నగరం అంగడివీధికి చెందిన చెన్నూరుసాయిబాబా ప్రవళ్లిక ఇంటిపై అద్దెకు చేరాడు. ఈ క్రమంలో సాయిబాబా ప్రవళ్లికతో పరిచయం పెంచుకుని ప్రేమ పేరుతో దగ్గరయ్యాడు. కొన్ని రోజులకు ఇరువురు ఇంటి నుంచి వెళ్లి పెద్దల ఇష్టానికి వ్యతిరేకంగా కులాంతర వివాహం చేసుకున్నారు. ఏడాది పాటు వివిధ ప్రాంతాల్లో కాపురం పెట్టారు. ఏడాది తర్వాత మనస్పర్థలు రావడంతో ప్రవళ్లిక తల్లిదండ్రుల వద్దకు వచ్చింది. తిరిగి కడపలోని ఓ పోలీసుస్టేషన్‌లో ఫిర్యాదు చేయడంతో సాయిబాబపై కేసు కూడా నమోదైంది. తర్వాత కొద్ది రోజులకు సాయిబాబా పెద్దమనుషుల ద్వారా పంచాయతీ పెట్టి ప్రవళ్లికను కలుసుకున్నారు. ఆ సమయంలో వీరికి ఒక కుమార్తె జన్మించింది. తిరిగి సాయిబాబా వేధించడం మొదలు పెట్టడంతో కొన్ని నెలలుగా అతనికి దూరంగా ఉంటూ బెంగళూరులో ఉద్యోగం చేసుకుంటుండేది. ఈ నేపథ్యంలో పట్టణంలోని సిద్దవటం రోడ్డులో ఉన్న ప్రవళ్లిక అమ్మమ్మ కాంతమ్మ అనారోగ్యానికి గురికావడంతో వారం రోజుల కిందట బద్వేలుకు వచ్చింది. ఇదే సమయంలో సౌందర్‌రాజు కూడా బద్వేలుకు వచ్చాడు. ఈ క్రమంలో శుక్రవారం మధ్యాహ్నం ప్రవళ్లిక, ఆమె తండ్రి ఇంట్లో భోజనం చేస్తుండగా సాయిబాబా ఇంట్లోకి ప్రవేశించి ఒక్కసారిగా ప్రవళ్లికపై తన వెంట తెచ్చుకున్న కత్తితో దాడి చేశాడు. ఈ దాడిలో ఆమె మెడ, కడపు భాగంలో తీవ్ర గాయాలయ్యాయి. సౌందర్‌రాజు గట్టిగా కేకలు వేయడంతో సాయిబాబా అక్కడి నుంచి పరారయ్యాడు. వెంటనే స్థానికులు 108 వాహనం ద్వారా ప్రవళ్లికను ప్రభుత్వాసుపత్రికి తరలిస్తుండగా మార్గమధ్యలోనే మృతిచెందింది. విషయం తెలుసుకున్న అర్బన్‌ పోలీసులు ఘటన స్థలానికి చేరుకుని ప్రవళ్ళిక మృతదేహాన్ని పోస్టుమార్టం నిమిత్తం ప్రభుత్వాసుపత్రికి తరలించారు. మృతురాలి తండ్రి ఇచ్చిన ఫిర్యాదు మేరకు కేసు నమోదు చేసుకుని నిందితుడి కోసం గాలిస్తున్నారు. బద్వేలులో మహిళ దారుణహత్య

రాజంపేట: ముఖ్యమంత్రి చంద్రబాబునాయుడు, ఆయన తనయుడు లోకేష్‌ ఆధ్వర్యంలో రాష్ట్రంలో పురపాలకసంఘం ఎన్నికలు బీహారును తలపించే విధంగా జరుగుతున్నాయని ప్రజాస్వామ్యవ్యవస్థ అపహాస్యం పాలైందని రాజ్యసభ సభ్యుడు మేడా రఘునాథరెడ్డి ధ్వజమెత్తారు. మేడాభవన్‌లో శుక్రవారం ఆయన విలేకర్లతో మాట్లాడారు. పుంగనూరులో రాజంపేట ఎంపీ మిథున్‌రెడ్డిపై 2వేల మందికిపైగా టీడీపీ గుండాలు దౌర్జన్యం చేస్తుంటే కలెక్టరు,ఎస్పీ కూడా రక్షణ ఇవ్వలేని స్ధితిలో ఉన్నారన్నారు. రాజంపేటలో చమర్తి జగన్‌మోహన్‌రాజు ఆధ్వర్యంలో వందమంది టీడీపీ గుండాలు మున్సిపాలిటీ కార్యాలయానికి రాకుండా అడ్డుకున్నారన్నారు. నామినేషన్‌ వేయుకుండా చేయడంపై పోలీసు,రెవెన్యూ కూడా ఏ చర్యలు తీసుకోలేదని స్థితిలో ఉన్నారన్నారు. భవిష్యత్తులో ఇలానే ఉండదని, చాలామార్పు ఉంటుందని లోకేష్‌కు హితవు పలికారు. ఈ అరాచకాలపై పార్టీ అధినేత వైఎస్‌ జగన్‌మోహన్‌రెడ్డి ఆధ్వర్యంలో ఎన్నికల సంఘానికి ఫిర్యాదు చేశామని, హైకోర్టులోనూ రిట్‌ పిటిషన్‌ వేశామని తెలిపారు. గవర్నర్‌ జోక్యం చేసుకుని ఎన్నికలు ప్రజాస్వామ్యబద్ధంగా జరిగేలా చూడాలని, దౌర్జన్యాలకు భయపడి వెనుకంజ వేసే ప్రసక్తి లేదని రఘునాథరెడ్డి స్పష్టం చేశారు.కార్యక్రమంలో సీనియర్‌ వైఎస్సార్‌సీపీనేత ఆకేపాటి వేణుగోపాల్‌రెడ్డి, వైఎస్సార్‌సీపీ మహిళ రాష్ట్ర ప్రధానకార్యదర్శి ఏకులరాజేశ్వరీరెడ్డి, ఒంటిమిట్ట మండలకన్వీనరు టక్కోలు శివారెడ్డి పాల్గొన్నారు. ఎంపీ మిథున్‌రెడ్డిపై దాడి హేయనీయం : మేడా రఘునాథరెడ్డి

● పోలీసుల సమక్షంలోనే గాయపరిచినా కూటమిగూండాలపై చర్యలేవీ ..? ● వైఎస్సార్‌సీపీ జిల్లా అధ్యక్షుడు పి.రవీంద్రనాథ్‌ రెడ్డి కడప అర్బన్‌: కూటమి ప్రభుత్వం ఆదేశాల మేరకు జిల్లాలో స్థానిక సంస్థల ఎన్నికల నేపథ్యంలో టీడీపీ మూకలు గూండాలుగా మారి దౌర్జన్యాలకు పాల్పడుతున్నారని, వారికి ప్రజలే ఈ ఎన్నికల సమయంలో బుద్ధి చెబుతారని వైఎస్సార్‌సీపీ జిల్లా అధ్యక్షుడు పి.రవీంద్రనాథ్‌రెడ్డి ధ్వజమెత్తారు. శుక్రవారం కడప నగరంలోని కాగితాలపెంటలో నామినేషన్‌ కేంద్రంలో 51వ డివిజన్‌కు నామినేషన్‌ వేసేందుకు పద్మలత, సోదరుడు బాలస్వామిరెడ్డి వెళ్లారన్నారు. ఆ సమయంలో కూటమి గూండాలు ప్రవేశించి నామినేషన్‌ పత్రాలను చించివేశారన్నారు. మరళా రెండవసారి నామినేషన్‌ పత్రాలను రిటర్నింగ్‌ అధికారులకు సమర్పించిన తరువాత కూడా గూండాలు ప్రవేశించి పత్రాలను చించివేశారన్నారు. తరువాత నామినేషన్‌ కేంద్రం బయటకు రాగానే అక్కడ దాడిచేశారన్నారు. కూటమి ప్రభుత్వం వచ్చినప్పటి నుంచీ పోలీసుల అండదండలతోనే అభ్యర్థులను భయభ్రాంతులకు గురిచేయడం, అధికార బలంతో ఓటర్లను బెదిరించడం లాంటి దుశ్చర్యలతోనే కాలం గడుపుతున్నారన్నారు. పులివెందుల, ఒంటిమిట్ట మండలాలలో జెడ్పీటీసీ ఎన్నికలలో కూడా తమ అధికార బలంతోనే గెలువగలిగారన్నారు. శుక్రవారం పుంగనూరులో ఎంపీ మిథున్‌రెడ్డిపై, రాయచోటిలో మాజీ విప్‌గా పనిచేసిన గడికోట శ్రీకాంత్‌రెడ్డిలపై హత్యాయత్నాలకు పాల్పడి వాహనాలను తగులబెట్టి కూటమి ప్రభుత్వ గూండాలు తమ దమనకాండను చాటుకుంటున్నారన్నారు. ఈ మాజీ మేయర్‌ పాకా సురేష్‌కుమార్‌, మాజీ డిప్యూటీ సీఎం అంజద్‌బాషా, మాజీ మేయర్‌ కె.సురేష్‌బాబు పాల్గొన్నారు. బాలస్వామిరెడ్డిపై దాడికి సంబంధించి కడప తాలూకా పోలీస్‌స్టేషన్‌లో ఇప్పటికే ఫిర్యాదు చేశామన్నారు.

ఒంటిమిట్ట: మండల పరిధిలోని కొటికవారిపల్లి గ్రామంలో 3 ఏళ్ల కిందట మైనర్‌ బాలికపై లైంగిక దాడికి యత్నించిన కేసులో నిందితుడికి 5 ఏళ్లు జైలు శిక్ష విధించారు. ఒంటిమిట్ట పోలీసులు తెలిపిన వివరాల మేరకు...కొటికవారిపల్లి గ్రామంలో మేకలు మేపుకుని ఇంటికి వస్తున్న 16 సంవత్సరాల బాలికను 2023 సంవత్సరం మే 5వ తేదీన అదే గ్రామానికి చెందిన కొటికె బ్రహ్మయ్య(21) అడ్డగించి, కత్తితో బెదిరించి, బలవంతంగా ఒక గుంతలోకి లాక్కుని వెళ్లి లైంగిక దాడికి ప్రయత్నించాడు. ఆ సమయంలో బాలిక ప్రతిఘటించడంతో దాడి చేసి, తిరిగి లైంగిక దాడికి ప్రయత్నించాడు. చివరికి బాలిక తప్పించుకుని జరిగిన విషయాన్ని తన బంధువులకు తెలియజేసింది. వారు ఒంటిమిట్ట పోలీసు స్టేషన్‌ లో నిందితుడిపై ఫిర్యాదు చేశారు. ఒంటిమిట్ట పోలీసులు నమోదు చేసిన ఈ కేసును విచారించిన కడప పోక్సో ప్రత్యేక కోర్టు న్యాయమూర్తి ఎం.ఎ. సోమశేఖర్‌ నిందితుడిని దోషిగా తేల్చారు. నిందితుడికి 5 ఏళ్ల జైలు శిక్ష, రూ. 4,000 జరిమానా విధిస్తూ తీర్పునిచ్చారు

కడపకార్పొరేషన్‌: మున్సిపల్‌ ఎన్నికల నేపథ్యంలో యథేచ్ఛగా కోడ్‌ ఉల్లంఘన జరుగుతోందని ఈనెల 16వ తేదీ సాక్షిలో వార్త ప్రచురితమైన నేపథ్యంలో నగరపాలక అధికారులు స్పందించారు. ఈ మేరకు రాజకీయ ప్రచార చిత్రాలు, బస్టాండు ప్రాంగణలోని హోర్డింగ్‌, రాజకీయ నాయకుల చిత్రపటాలను తొలగించినట్లు కమిషనర్‌ ఒక ప్రకటనలో తెలిపారు. టీడీపీకి చంద్రశేఖర్‌రెడ్డి రాజీనామాకడపకార్పొరేషన్‌: తెలుగుదేశం పార్టీకి రాజీనామా చేస్తున్నట్లు ఆ పార్టీ నగర కోశాధికారి ఎం. చంద్రశేఖర్‌రెడ్డి ఒక ప్రకటనలో తెలిపారు. తెలుగుదేశం పార్టీలో చేరి, రెండున్నరేళ్లలో ఆ పార్టీ కోసం, ఎమ్మెల్యే మాధవీరెడ్డి కోసం నీతి నిజాయితీగా పనిచేశానన్నారు. కానీ తనకు ఎలాంటి న్యాయం జరగలేదని, దీంతో తీవ్ర మనస్తాపానికి గురై రాజీనామా చేశానన్నారు. తన రాజీనామాను ఆమోదించాలని ఆయన కోరారు. ఓటుకోసం హైకోర్టును ఆశ్రయించిన రాఘవరెడ్డి ప్రొద్దుటూరు : ప్రొద్దుటూరు మున్సిపాలిటీలో తనకు ఓటు హక్కు కల్పించాలని కోరుతూ టీడీపీ నాయకుడు నంద్యాల రాఘవరెడ్డి శుక్రవారం హైకోర్టును ఆశ్రయించారు. తాను ఎన్నికల నోటిఫికేషన్‌ కంటే ముందుగానే ఓటు కోసం దరఖాస్తు చేశానని, తనకు ఓటు హక్కు కల్పించాలని కోరారు. ప్రొద్దుటూరు మండల పరిధిలోని కామనూరులో ఉన్న తన ఓటును మున్సిపాలిటీలోకి బదిలీ చేయాలని తాను గతంలో దరఖాస్తు చేసుకున్నానని తెలిపారు. ఈ మేరకు రాఘవరెడ్డికి ఓటు హక్కు కల్పించాలని కోర్టు సంబంధిత అధికారులను ఆదేశించింది. ఈ మేరకు ప్రొద్దుటూరు మున్సిపల్‌ కమిషనర్‌ తూతిక శ్రీనివాస విశ్వనాథ్‌ నియోజకవర్గ ఓటర్ల నమోదు అధికారి వి.వెంకటపతికి లేఖ రాశారు.

బద్వేలు: జిల్లాలోని పంచాంగ కర్తలకు,జ్యోతిష్యులకు,వేద పండితులకు డిమాండ్‌ పెరిగింది. పురపోరుకు షెడ్యూల్‌ విడుదలవడం.. శుక్రవారం వారం నుంచే నామినేషన్‌ మొదలుకావడంతో ఆశావహులు తమ అదృష్టాన్ని పరీక్షించుకునేందుకు సిద్ధమయ్యారు. ఇందులో భాగంగా నామినేషన్‌ వేసేందుకు తిథి..నక్షత్రం, టైం,రోజు తదితర కార్యాక్రమాలకు ముహూర్తం పెట్టించుకుంనేందుకు జాతకాలు చెప్పే పురోహితులు,పంచాంగ కర్తలు,వేదపండితల దగ్గరకు పరుగులు పెడుతున్నారు.ఈ నెల 16 నుంచి 18 వరకు నామినేషన్ల స్వీకరణ ఉంటుంది. దీంతో మంచిముహూర్తాలు చెప్పండి అంటూ పండితులను ఆశ్రయిస్తున్నారు. విజయానికి మొదటి మెట్టు నామినేషన్‌ మంచి ముహూర్తంలో వేయడమేనన్న నమ్మకం అభ్యర్థుల్లో నాటుకు పోయింది.మరో అడుగు ముందుకేసి ఏ దిక్కు నుంచి ప్రచారం చేస్తే గెలుపు గుర్రాలను ఎక్కవచ్చని జ్యోతిష్యుల ను ఆశ్రయిస్తున్నట్లు తెలుస్తోంది. పంతుళ్ల వద్దకు నామినేషన్లు వేసే అభ్యర్థులు

కడప సెవెన్‌రోడ్స్‌ : జిల్లాలో స్థానిక సంస్థల ఎన్నికలు స్వేచ్ఛగా, పారదర్శకంగా నిర్వహించేందుకు అన్నిరకాల ఏర్పాట్లు సిద్ధం చేశామని కలెక్టర్‌ డాక్టర్‌ శ్రీధర్‌ చెరుకూరి తెలిపారు. గురువారం కలెక్టరేట్‌లో ఎస్పీ షెల్కే నచికేత్‌ విశ్వనాథ్‌, జేసీ డాక్టర్‌ నిధి మీనా, డీఆర్వో మల్లికార్జునుడుతో కలిసి మీడియా సమావేశంలో మాట్లాడారు. జిల్లాలోని ఎనిమిది మున్సిపాలిటీలు, ఒక కార్పొరేషన్‌లో శుక్రవారం నుంచి అధికారికంగా ఎన్నికల ప్రక్రియ మొదలవుతుందని కలెక్టర్‌ తెలిపారు. ఇప్పటికే ఓటర్ల జాబితా ప్రచురణ, పోలింగ్‌ కేంద్రాల గుర్తింపు, సెన్షిటీవ్‌, హైపర్‌ సెన్సిటీవ్‌ పోలింగ్‌ కేంద్రాల వర్గీకరణ, సిబ్బంది కేటాయింపు వంటివి పూర్తి చేశామన్నారు. అప్‌డేటెడ్‌ ఓటర్ల జాబితాలు అందుబాటులోకి వచ్చాయని, వాటిని మున్సిపల్‌ కమిషనర్లకు అందజేస్తున్నామన్నారు. ఓటర్లు తమ పేర్లు ఉన్నాయో లేదో సరిచూసుకోవాలన్నారు. ఏవైనా సమస్యలు ఉంటే కంట్రోల్‌ రూమును ఆశ్రయించవచ్చన్నారు. కుల ధ్రువీకరణ, నో డ్యూస్‌ సర్టిఫికెట్లను 24 గంటల్లోనే అందించే విధంగా చర్యలు తీసుకుంటున్నామని వివరించారు. కట్టుదిట్టమైన చర్యలు – ఎస్పీ ఎన్నికలు ప్రశాంత వాతావరణంలో నిర్వహించేందుకు కట్టుదిట్టమైన చర్యలు చేపట్టామన్నారు. ముందస్తుగా బైండోవర్లు, పీడీయాక్టుల నమోదు వంటివి చేపట్టామన్నారు. మొబైల్‌ పార్టీలు, స్ట్రైకింగ్‌ ఫోర్స్‌లు, స్పెషల్‌ స్ట్రైకింగ్‌ ఫోర్స్‌, షాడో పార్టీలు, పికెట్‌ ఫోర్స్‌, బార్డర్‌ చెక్‌పోస్టులు ఏర్పాటుచేశామన్నారు. మున్సిపల్‌ ఎంట్రీ, ఎగ్జిట్‌ పాయింట్లన్నింటినీ చెక్‌పోస్టులతో కవర్‌ చేస్తున్నామన్నారు. జిల్లాలో మొత్తం 8 ఎంట్రీ–ఎగ్జిట్‌ లొకేషన్లలో భద్రత కల్పించామన్నారు. చెక్‌పోస్టుల వద్ద సీసీ టీవీ, పీటీ జెడ్‌ కెమెరాలు ఏర్పాటు చేశామన్నారు. సమస్యాత్మక పోలింగ్‌, కౌంటింగ్‌ కేంద్రాలు, నామినేషన్‌ కేంద్రాల్లో సీసీ టీవీ నిఘా ఉంటుందన్నారు. ఏర్పాట్లు ముమ్మరం – జేసీ జాయింట్‌ కలెక్టర్‌ డాక్టర్‌ నిధి మీనా మాట్లాడుతూ ఓటర్ల జాబితా, పోలింగ్‌ కేంద్రాల ఖరారు, అలాగే పోలింగ్‌కేంద్రాల్లో విద్యుత్‌ సౌకర్యం, ఇతర ప్రాథమిక ఏర్పాట్లు చేస్తున్నామన్నారు. వీడియోగ్రఫీ ఏర్పాట్లు పూర్తయ్యాయని, వెబ్‌కాస్టింగ్‌ ప్రక్రియ ఫైనలైజ్‌ కావాల్సి ఉందన్నారు. క్రిటికల్‌ పోలింగ్‌ కేంద్రాల వద్ద ప్రత్యేక వెబ్‌ కాస్టింగ్‌ ఏర్పాటు చేస్తున్నామన్నారు. సిబ్బంది డేటాబేస్‌ ఇప్పటికే సిద్దం చేశామని, కాగా ఈసారి కొత్తగా ర్యాండమైజేషన్‌ సాఫ్ట్‌వేర్‌ ద్వారా సిబ్బందిని పోలింగ్‌ కేంద్రాలకు కేటాయించనున్నట్లు తెలిపారు. కౌంటింగ్‌ కేంద్రాలు కడప మున్సిపల్‌ కార్పొరేషన్‌ పరిధిలోని మౌలాన ఆజాద్‌ ఉర్దూ యూనివర్శిటీ, ప్రొద్దుటూరు ప్రభుత్వ పాలిటెక్నిక్‌ కళాశాల, మైదుకూరు మున్సిపాలిటీ కౌన్సిల్‌ హాలు, జమ్మలమడుగు ప్రభుత్వ జూనియర్‌ కళాశాల, ఎర్రగుంట్ల, కమలాపురం జిల్లా పరిషత్‌ ఉన్నత పాఠశాలలు, పులివెందుల జేఎన్‌టీయూ ఇంజనీరింగ్‌ కళాశాల, బద్వేలు బీఆర్‌ అంబేడ్కర్‌ గురుకులం, రాజంపేట జెడ్పీ హైస్కూల్లో కౌంటింగ్‌ కేంద్రాలు ఉంటాయని జేసీ వివరించారు. కలెక్టర్‌ శ్రీధర్‌ చెరుకూరి

● టీడీపీ ఆఫీసులో సన్నిహితుల ఇళ్లల్లో తిష్ట వేసిన అల్లరిమూకలు ● పులివెందులలో వీరంగం సృష్టించేందుకు సన్నాహాలు ● నామినేషన్లకు ముందే వైఎస్సార్‌సీపీ శ్రేణులను కంట్రోల్‌ చేయాలనే దిశగా ఎత్తుగడలు సాక్షి ప్రతినిధి, కడప : అధికారాన్ని అడ్డుపెట్టుకుని టీడీపీ నేతలు బరితెగించడానికి సిద్ధమయ్యారా? ప్రజల్లో విశ్వాసం కోల్పోయి అడ్డదారుల్లో అందలం ఎక్కాలని చూస్తున్నారా? నామినేషన్లకు ముందే పట్టణాల్లో,పల్లె సీమల్లో భయోత్పాతం సృష్టించడానికి కుట్రలు పన్నుతున్నారా? అంటే.. అవుననే సమాధానాలే వినిపిస్తున్నాయి. ప్రధానంగా పులివెందుల నుంచే దౌర్జన్యాలకు దిగాలను కుతంత్రాలు పన్నుతున్నట్లు తెలుస్తోంది. ఈ మేరకు పలు ప్రాంతాల నుంచి అల్లరి మూకలను దిగుమతి చేసుకుని పులివెందులలోని పలువురు టీడీపీ నేతల ఇళ్లల్లో తిష్ట వేయించినట్లు సమాచారం. పులివెందుల జెడ్పీటీసీ ఉప ఎన్నికల్లో అరాచకం సృష్టించి లబ్ధి పొందినట్లుగానే మున్సిపల్‌ ఎలక్షన్‌ ఇదే పద్ధతి అనుసరించి తమకు అనుకూలంగా మార్చుకోవాలని అడుగులు వేస్తున్నట్లు తెలుస్తోంది. దీనికి కొందరు పోలీస్‌ అధికారులు వత్తాసు పలుకుతున్నట్లు ఆరోపణలు వస్తున్నాయి. ఇందులో భాగంగా వైఎస్సార్‌ సీపీ నాయకుల సెల్‌ టవర్‌ లోకేషన్‌ వివరాలను పచ్చ నేతలకు ఎప్పటికప్పుడు చేరవేస్తున్నట్లు సమాచారం. తెలుగుదేశం నాయకుల ఎత్తుగడలను పసిగట్టిన కొంతమంది నేతలు బౌన్సర్లను ఏర్పాటు చేసుకున్నారు. ఈ పరిణామాన్ని కూడా రాజకీయంగా అనుకూలంగా మలుచుకునే దిశగా టీడీపీ నేతల చర్యలు ఉన్నాయి. ఇప్పటికే వేముల, వేంపల్లి, కదిరి ప్రాంతాలకు చెందిన అల్లరిమూకలను దిగుమతి చేసుకున్నట్లు విశ్వసనీయ సమాచారం. భయోత్పాతమే అసలు లక్యం... ఎన్నికలు ఏవైనా సరే పులివెందులలో ప్రశాంతంగా ప్రజాస్వామ్య పద్ధతిలో నిర్వహిస్తే టీడీపీ గెలుపు అసంభవం. ఈ పరిస్థితుల్లో వైఎస్సార్‌సీపీ నేతలను టార్గెట్‌ చేసి భయోత్పాతం సృష్టిస్తే, పోలింగ్‌ ఏకపక్షంగా నిర్వహించుకోవచ్చునే ఏకై క లక్ష్యంతో టీడీపీ నేతలు ఆ దిశగా ఆలోచనలు చేస్తున్నారు. నామినేషన్లకు ముందే ఎంచుకున్న కొంతమంది నేతలపై ప్రత్యక్ష దాడులు చేయాలని దిశగా ప్రయత్నాలను ముమ్మరం చేశారు. మొన్నటి జెడ్పీటీసీ ఉప ఎన్నికల్లో వేల్పుల రాము, సైదాపురం సంటిలను టార్గెట్‌ చేసి దాడి చేసిన విధంగానే తాజాగా మున్సిపల్‌ ఎన్నికల్లో కొంతమంది యాక్టివ్‌గా ఉన్న నాయకులపై ప్రత్యక్ష దాడికి వ్యూహం పన్నినట్లు తెలుస్తోంది. గత రెండు దశాబ్దాలుగా లేని విష సంస్కృతి క్రమం తప్పకుండా ప్రయోగించేందుకు సిద్ధమయ్యారు. ఇప్పటికై నా జిల్లా ఉన్నతాధికారులు నిష్పక్షపాతంగా ఎన్నికలు నిర్వహించాలని ప్రజాస్వామ్యవాదులు కోరుతున్నారు.

● 17 నుంచి 20 వరకు వివిధ కార్యక్రమాలు ● శిల్పారామం ఏఓ శివప్రసాద్‌రెడ్డి కడప సిటీ : కడప నగర పరిధిలోని శిల్పారామంలో దసరా ఉత్సవాల సందర్భంగా నాలుగు రోజులపాటు వివిధ కార్యక్రమాలు నిర్వహించనున్నట్లు ఏఓ శివప్రసాద్‌రెడ్డి తెలిపారు. గురువారం కడపలోని స్టేట్‌ గెస్ట్‌హౌస్‌లో ఆయన ఏఈ వెంకట సుబ్బయ్య, సీనియర్‌ అసిస్టెంట్‌ రామచంద్రతో కలిసి విలేకరులతో మాట్లాడారు. ఈనెల 17న హర్ష జింబో డ్యాన్స్‌ అకాడమి, 18న సాయి డ్యాన్స్‌ అకాడమి, 19న నటరాజ్‌ డ్యాన్స్‌ అకాడమి, 20న శిల్పారామం నృత్యాలయం తదితర కార్యక్రమాలు ఉంటాయని పేర్కొన్నారు. ఈ కార్యక్రమ ప్రారంభోత్సవానికి కలెక్టర్‌ డాక్టర శ్రీధర్‌ చెరుకూరి, సీఈఓ స్వామినాయుడు హాజరు కానున్నట్లు తెలిపారు. శిల్పారామంలో అంగరంగ వైభవంగా ధూం..ధాం....దుమ్ముదులిపే డ్యాన్స్‌లతో ఈ దసరాకు కడప శిల్పారామం సాంస్కృతిక వేదిక కానుందన్నారు. ఈ కార్యక్రమాలు సాయంత్రం 6 గంటల నుంచి 8 గంటల వరకు నిర్వహిస్తున్నామన్నారు. ప్రముఖ బుల్లితెర టీవీ యాంకర్లచే ఈ కార్యక్రమాలు నిర్వహిస్తున్నామన్నారు. అంతకుముందు వారు కార్యక్రమానికి సంబంధించిన కరపత్రాలను ఆవిష్కరించారు. సాంకేతికతతోనే మహిళా రైతులకు ఆర్థిక ప్రగతి కడప అగ్రికల్చర్‌: మహిళా రైతులు ఆధునిక వ్యవసాయ సాంకేతికతను, శాసీ్త్రయ పద్ధతులను పాటించడం ద్వారానే ఉత్పాదకతను పెంచి, ఆర్థికంగా ఎదగగలరని జిల్లా వ్యవసాయ అధికారి మట్టా సుబ్రమణేశ్వరావు, కేవీకే అధిపతి సునిల్‌కుమార్‌ పేర్కొన్నారు. ఊటుకూరు కృషి విజ్ఞాన కేంద్రం (కేవీకే) ఆధ్వర్యంలో గురువారం వ్యవసాయ పరిశోధనా స్థానంలో మహిళా రైతు దినోత్సవ వేడుకలు ఘనంగా జరిగాయి. ఈ సందర్భంగా అధికారులు మాట్లాడుతూ పంటల సాగు, పశుపోషణ, కోత అనంతర నిర్వహణలో మహిళల పాత్ర ఎంతో కీలకమన్నారు. కేవీకే ద్వారా మహిళలకు ఆధునిక సాంకేతికత, విలువ ఆధారిత ఉత్పత్తుల తయారీ, పోషకాహార తోటల పెంపకంపై ప్రత్యేక శిక్షణ ఇస్తున్నట్లు తెలిపారు. ఈ వేడుకల్లో వ్యవసాయ రంగానికి సేవలు అందించిన ముగ్గురు మహిళా రైతులకు ఘన సత్కారం చేశారు. అనంతరం జరిగిన రైతు–శాస్త్రవేత్తల ముఖాముఖిలో రైతుల పంట సమస్యలకు శాస్త్రవేత్తలు తగిన పరిష్కారాలు సూచించారు. ప్రధాన శాస్త్రవేత్త డా. యం. శ్రీనివాస చారి, కేవీకే శాస్త్రవేత్తలు పాల్గొన్నారు.

కడప సెవెన్‌రోడ్స్‌ : మున్సిపల్‌ ఎన్నికలకు సంబంధించి నామినేషన్ల పర్వం శుక్రవారం ప్రారంభం కానుంది. జిల్లాలోని ఒక మున్సిపల్‌ కార్పొరేషన్‌, ఆరు మున్సిపాలిటీలు, రెండు నగర పంచాయతీలకు ఎన్నికలు జరగనున్నాయి. పోటీ చేయాలనుకున్న అభ్యర్థులు ఉదయం 11 నుంచి మధ్యాహ్నం 3 గంటల వరకు నామినేషన్లను ఆయా రిటర్నింగ్‌ అధికారులు/అసిస్టెంట్‌ రిట ర్నింగ్‌ అధికారుల వద్ద సమర్పించాల్సి ఉంటుంది. నామినేషన్ల దాఖలుకు ఈనెల 18 చివరి గడువు. నామినేషన్ల కార్యక్రమం సజావుగా, సక్రమంగా సాగేందుకు వీలుగా జిల్లా యంత్రాంగం అన్ని ఏర్పాట్లు పూర్తి చేసింది. ఉదయం 11 నుంచి మధ్యాహ్నం 3 గంటల వరకు దాఖలు అభ్యర్థులు తమ నామినేషన్‌ పత్రంతోపాటు క్రిమినల్‌ కేసులు, ఆస్తులు, లయబులిటీస్‌, విద్యార్హతలకు సంబంధించి సెల్ఫ్‌ డిక్లరేషన్‌ ఇవ్వాల్సి ఉంటుంది. అలాగే మూడు ఫొటోలు, ఓటరు ఐడీ వివరాలు, ఎస్సీ, ఎస్టీ, బీసీ వర్గాలకు చెందిన వారైతే కుల ధ్రువీకరణ పత్రాలు, డిపాజిట్‌కు సంబంధించిన రశీదు, రాజకీయ పార్టీ ఆథరైజేషన్‌ డాక్యుమెంట్స్‌ వంటివి సమర్పించాలి. నామినేషన్‌ పత్రాలు సమర్పించే సందర్భంలో అభ్యర్థితోపాటు మరో ఇద్దరిని మాత్రమే ఆర్వో కార్యాలయంలోకి అనుమతి ఉంటుంది. అభ్యర్థి ఏదైనా కారణాల వల్ల వ్యక్తిగతంగా హాజరు కాలేకపోతే వారి తరఫున ఒక ప్రతిపాదకుడు, మరో ఇద్దరిని మాత్రమే అనుమతిస్తారు. నాలుగుసెట్ల వరకు నామినేషన్లు దాఖలు చేయవచ్చు. ప్రతి నామినేషన్‌ పత్రంపై ప్రతిపాదకుని సంతకం, అభ్యర్థి సంతకంతోకూడిన డిక్లరేషన్‌ ఉండాలి. అభ్యర్థి మున్సిపల్‌ పరిధిలోని ఏదో ఒక వార్డులో ఓటరై ఉండాలి. 21 ఏళ్లు నిండి ఉండాలి. అభ్యర్థి ఏ వార్డులో నుంచైనా పోటీ చేసేందుకు అర్హులు. అయితే బలపరిచే వ్యక్తి మాత్రం అభ్యర్థి పోటీ చేసే వార్డులో విధిగా ఓటరై ఉండాలి. నామినేషన్లు సమర్పించే ఆర్వో కార్యాలయానికి వంద మీటర్ల అవతల వరకే వాహనాలను అనుమతిస్తారు. వార్డు పదవికి, మేయర్‌ పదవికి ఒకే అభ్యర్థి పోటీ చేయాలనుకుంటే రెండింటికి వేర్వేరుగా డిపాజిట్‌ చెల్లించాల్సి ఉంటుంది. నగర పాలక సంస్థ మేయర్‌/వార్డు మెంబర్‌గా పోటీ చేసే అభ్యర్థులు రూ. 5 వేలు డిపాజిట్‌గా చెల్లించాల్సి ఉంటుంది. ఎస్సీ,ఎస్టీ, బీసీ వర్గాలకు చెందిన అభ్యర్థులు రూ. 2500 మాత్రమే చెల్లించాలి. స్పెషల్‌ నోడల్‌ అధికారుల నియామకం అర్బన్‌ లోకల్‌ బాడీ అధికారి పేరు హోదా మొబైల్‌ నెం. కడప కార్పొరేషన్‌ డాక్టర్‌ నిధి మీనా జేసీ 98499 04119 రాజంపేట హెచ్‌ఎస్‌ భావన సబ్‌ కలెక్టర్‌ 94907 07882 బద్వేలు ఎ.చంద్రమోహన్‌ ఆర్డీఓ 98499 04125 కమలాపురం ఎస్‌.నీలమయ్య ఎఫ్‌ఎస్‌ఓ 94408 61943 పులివెందుల జి.చిన్నయ్య ఆర్డీఓ 98499 04111 జమ్మలమడుగు జె.శిరీష ఆర్డీఓ 98499 04115 ప్రొద్దుటూరు వి.వెంకటపతి ఎస్‌డీసీ 95737 17775 మైదుకూరు ఆదిశేషారెడ్డి పీడీ డ్వామా 79891 71788 ఎర్రగుంట్ల కె.మధుసూదన్‌రావు ఎస్‌డీసీ 70939 30111

వైఎస్సార్‌ సీపీ నేతలపై బైండోవర్‌... ● పులివెందుల నియోజకవర్గంలో వైఎస్సార్‌సీపీ కీలక నేతలే టార్గెట్‌ ● ఇన్‌ఛార్జి బీటెక్‌ రవి ఒత్తిడికి తలాడిస్తున్న పోలీసులు సాక్షి ప్రతినిధి, కడప: రెండున్నరేళ్ల కూటమి ప్రభుత్వం హామీల అమలులో దారుణంగా విఫలమైంది. ఈ నేపథ్యంలో ప్రజా విశ్వాసం కోల్పోయిన అధికార టీడీపీ స్థానిక సంస్థల ఎన్నికల్లో పోలీసు బలాన్నే నమ్ముకుంది. అధికార ఒత్తిడికి ఖాకీ కూడా సరెండర్‌ అయింది. అధికార పక్షం ఆదేశించిందే తడువుగా తలాడిస్తూ పోలీసులు కూటమి నేతలకు బైండోవర్‌ అయ్యారు. పులివెందుల నియోజకవర్గ వ్యాప్తంగా క్రియాశీలక వైఎస్సార్సీపీ నేతల్ని టార్గెట్‌ చేశారు. మునుపెన్నడూ లేనివిధంగా ఈమారు క్రియాశీలక నేతలపై పీడీ యాక్టు అమలు చేస్తున్నారు. స్థానిక సంస్థల ఎన్నికలల్లో వ్యవస్థలను అడ్డుపెట్టుకొని లబ్ధిపొందాలనే దిశగా అధికార పక్షం అడుగులు వేస్తోంది. ● స్థానిక సంస్థల ఎన్నికల నేపధ్యంలో పులివెందులలో క్రియాశీలక నాయకుల్ని బైండోవర్‌ చేయిస్తున్నారు. సమదృష్టితో చట్టాన్ని అమలు చేయాల్సిన పోలీసులు ఏకపక్షంగా వైఎస్సార్‌సీపీ నేతల్ని టార్గెట్‌ చేస్తున్నారు. పోలింగ్‌ రోజు వైఎస్సార్‌సీపీ నేతలు కానరాకుండా చేసేందుకు తెలుగు తమ్ముళ్లు ఇప్పటినుంచే పావులు కదుపుతున్నారు. అందుకు వత్తాసుగా కొంతమంది పోలీసు అధికారులు నిలుస్తున్నారు. ఇంకేముంది పోలీసు రికార్డుల్లోనే ఎటువంటి కేసూ లేని వ్య క్తులను కూడా స్టేషన్లకు పిలిచి వేధింపుల పర్వం మొ దలు పెట్టారు. బైండోవర్‌ కేసులు నమోదు అయిన వ్యక్తులు పోలింగ్‌ ఏజెంట్లుగా కూర్చునేందుకు అభ్యంతరం పెట్టడమే ప్రధాన లక్ష్యంగా కన్పిస్తోంది. ప్రజల్లోకి వెళ్లి, ప్రజలను మెప్పించి, ఒప్పించడానికి చేతకాక టీడీపీ ఇలాంటి అక్రమ మార్గాలను ఎంచుకుని పావులు కదుపుతోందని విశ్లేషకులు భావిస్తున్నారు. పచ్చనేతల కుతంత్రం... శాంతిభద్రతలకు విఘాతం కల్గించే వ్యక్తులు, తరచూ నేరాలకు పాల్పడతారని భావించే వ్యక్తులు, దొంగతనాలకు పాల్పడేవారు, అల్లర్లు సృష్టించే వ్యక్తులపై పీడియాక్టు (ముందస్తు నిర్బంధం) అమలు చేయాల్సి ఉంది. ఆ ముసుగులో వైఎస్సార్‌సీపీ నేతల్ని పీడీ యాక్టు ద్వారా జైలుకు పంపించే ఎత్తుగడను టీడీపీ ఎంచుకోవడం.. పోలీసులు అమలు చేస్తుండడంపై ప్రజాస్వామ్యవాదులు తీవ్ర ఆందోళన వ్యక్తం చేస్తున్నారు. సాధారణ నేరాలకు పాల్పడి, బెయిల్‌ లభించే కేసులల్లో నిందితులుగా ఉన్నవారిపై పీడీయాక్టు అమలు చేయరాదని హైకోర్టు స్పష్టమైన ఆదేశాలు జారీ చేసి ఉంది. అయినప్పటికీ అవేవి పట్టించుకోకుండా పచ్చనేతల కుతంత్రాన్ని పోలీసులు అమలు చేస్తుండడం గమనార్హం. పులివెందుల మున్సిపాలిటీ కేంద్రంగా పీడీయాక్టు కేసులు పెట్టేందుకు పోలీసుల సన్నాహాలు తీవ్రమయ్యాయి. ఇప్పటికే దాదాపు 70మంది నేతల పేర్లతో కూడిన లిస్టును టీడీపీ నేతలు అందించినట్లు సమాచారం. వారందరిపై వివిధ కేసులు నమోదు చేయడం, టార్గెట్‌ చేసిన కొంతమందిపై పీడీయాక్టు అమలు చేయాల్సిందిగా పచ్చనేతల నుంచి ఆదేశాలు జారీ అయినట్లు తెలుస్తోంది. ఆమేరకు ఎస్సీ సామాజిక వర్గానికి చెందిన మాజీ కౌన్సిలర్‌ పార్నపల్లె కిశోర్‌పై పీడీ యాక్టు అమలు చేసినట్లు తెలుస్తోంది. ఆమేరకు బుధవారం అర్ధరాత్రి తర్వాత కిశోర్‌ ఇంటికి పోలీసులు వెళ్లారు. ఓ కేసులో మాట్లాడాల్సి ఉందని, మీ కుమారుడెక్కడంటూ కిశోర్‌ తండ్రిని పలువిధాలుగా ప్రశ్నించారు. ‘అర్ధరాత్రి తర్వాత ఇంటికి రావాల్సినంత నేరమేమి చేశాడు? ఎందుకు ఇంతమంది పోలీసులు ఎందుకు వచ్చారు? మావాణ్ణి ఏమి చేయాలనుకుంటున్నారంటూ’ ఎదురు ప్రశ్నించడంతో కొద్ది సమయం తర్వాత అక్కడి నుంచి పోలీసులు జారుకున్నట్లు సమాచారం.

చాపాడులో ..మున్సిపల్‌ ఎన్నికల షెడ్యూల్‌ ప్రకటించిన వెంటనే నిబంధనల ప్రకారం రాజకీయ నేతల ఫ్లెక్సీలు, ప్రభుత్వ ప్రచార బోర్డులను అధికారులు తొలగించాలి. కానీ, కడప నగరంలో ముఖ్యమంత్రి చంద్రబాబు నాయుడు చిత్రాలతో కూడిన హోర్డింగులు నేటికీ దర్శనమిస్తున్నాయి. అధికార యంత్రాంగం నిమ్మకు నీరెత్తినట్లు వ్యవహరించడంపై నగరవాసులు మండిపడుతున్నారు. వీటికి ఎన్నికల కోడ్‌ వర్తించదా?! అంటూ ప్రశ్నిస్తున్నారు. అధికారులు స్పందించి వీటిని వెంటనే తొలగించాలని డిమాండ్‌ చేస్తున్నారు. – సాక్షి ఫోటోగ్రాఫర్‌, కడపచాపాడు : మండల కేంద్రమైన చాపాడులో అధికార పార్టీ నేతలు ఎన్నికల కోడ్‌ ఉల్లంఘనకు పాల్పడ్డారు. స్థానిక ప్రాథమిక ఆరోగ్య కేంద్రంలో ఇటీవల ఉపాధి హామీ పథకం కింద రూ.4లక్షలతో సిమెంటు రోడ్డు మంజూరైంది. అయితే పనులు ప్రారంభించలేదు. రాష్ట్ర వ్యాప్తంగా స్థానిక సంస్థల ఎన్నిక నిర్వహణ మేరకు ఎన్నికల కోడ్‌ బుధవారం నుంచి అమల్లోకి వచ్చింది. ఈ క్రమంలో ఎలాంటి ప్రభుత్వ పరమైన అభివృద్ధి పనులు చేపట్టరాదు. అయినప్పటికి గురువారం సెమెంట్‌ రోడ్డు నిర్మాణ పనులు చేపట్టడం ఎన్నికల కోడ్‌ ఉల్లంఘన కిందికి వస్తుంది. మండల పరిషత్‌, మండల రెవెన్యూ కార్యాయాల సమీపంలో పీహెచ్‌సీలో ఎన్నికల కోడ్‌ ఉల్లంఘించి పనులు చేపట్టడం గమనార్హం. పీహెచ్‌సీలో రూ.4లక్షలతో సీసీ రోడ్డు నిర్మాణ పనులు

ప్రొద్దుటూరు : టీడీపీ తరపున ప్రొద్దుటూరు మున్సిపల్‌ చైర్‌పర్సన్‌ అభ్యర్థిగా నంద్యాల రాఘవరెడ్డి పేరును ఎట్టకేలకు ఆ పార్టీ నేతలు ఖరారు చేశారు. గత కొన్ని రోజులుగా అభ్యర్థి ఎంపిక కోసం విడతల వారిగా చర్చలు జరుగుతున్నాయి. చివరికి రాఘవరెడ్డి పేరు ఖరారు చేసినట్లు తెలుస్తోంది. ప్రస్తుతం మున్సిపల్‌ ఓటర్ల జాబితాలో ఆయన పేరు లేకపోవడం చర్చాంశనీయంగా మారింది. ఇదే విషయంపై టీడీపీ నేతలు గురువారం కలెక్టరేట్‌కు వెళ్లి ప్రయత్నించినట్లు సమాచారం. అయితే కేంద్ర ఎన్నికల సంఘం నిబంధనల ప్రకారం ఎన్ని ప్రయత్నాలు చేసినా వీరి ఓటు చెల్లే పరిస్థితి లేదని అధికార వర్గాలు తెలిపాయి. ప్రొద్దుటూరు మండలంలోని కామనూరు గ్రామ పంచాయతీ రాధానగర్‌లోని పోలింగ్‌స్టేషన్‌లో రాఘవరెడ్డికి ఓటు హక్కు ఉండేది. సర్‌ ప్రక్రియలో భాగంగా ఆయన ప్రొద్దుటూరు మున్సిపాలిటీ పరిధిలోని అనిబిసెంట్‌ హైస్కూల్‌ ప్రాంగణంలోని మున్సిపల్‌ ప్రాథమిక పాఠశాలలో ఉన్న పోలింగ్‌ కేంద్రంలో ఫారం 8 ద్వారా తన ఓటు బదిలీకి దరఖాస్తు చేసుకున్నారు. ఎన్నికల నిబంధనల ప్రకారం ఈ ఏడాది జవవరిలో ప్రచురించిన ఓటర్ల జాబితాలో ఉన్న పేరు ఉంటేనే ప్రస్తుతం మున్సిపల్‌ ఎన్నికల్లో ఓటు హక్కు ఉంటుంది. సర్‌ ప్రక్రియలో దరఖాస్తు చేసుకున్న వారికి అవకాశం లేదు. పైగా ఈ నెలాఖరు వరకు సర్‌ ప్రక్రియను పొడిగించారు. ప్రక్రియ ముగిసిన అనంతరం కొత్త ఓటర్ల జాబితా ప్రచురించనున్నారు. కానీ ఈనెల 28న మున్సిపల్‌ ఎన్నికలు జరగనున్నాయి. ఈ ప్రకారం ఈయనకు మున్సిపల్‌ ఎన్నికల్లో పోటీ చేసే అవకాశం లేదు. అలాగే రాజుపాళెంలోని పర్లపాడు గ్రామానికి చెందిన తోట మహేశ్వరరెడ్డి మున్సిపాలిటీ పరిధిలోని గోకుల్‌ నగర్‌లో నివాసం ఉంటున్నారు. ఆయన ప్రభుత్వ పాలిటెక్నిక్‌ కళాశాల పోలింగ్‌ బూత్‌లో ఇదే ప్రకారం ఓటు బదిలీ కోసం దరఖాస్తు చేసుకున్నారు. ఈయనకు కూడా ఇదే నిబంధనలు వర్తిస్తాయి. రాఘవరెడ్డి అభ్యర్థిత్వాన్ని బుధవారం రాత్రి ఖరారు చేసిన ఎమ్మెల్యే నంద్యాల వరదరాజులరెడ్డి చివరిలో ఈ విషయాన్ని తెలుసుకున్నారు. గురువారం తమ సిబ్బందిని కలెక్టరేట్‌ కార్యాలయానికి పంపి ప్రయత్నించారు. కేంద్ర ఎన్నికల సంఘం నిర్ణయం ప్రకారం ఓటు మార్పు సాధ్యం కాదని తెలుస్తోంది. వరదరాజులరెడ్డి కుమార్తె మెట్టుపల్లి అనురాధ ఓటు గోపవరం పంచాయతీ పరిధిలోని హౌసింగ్‌ బోర్డులో ఉంది. ఈమె కూడా మున్సిపాలిటీలో పోటీ చేసేందుకు అవకాశం లేదు. ‘సర్‌’ ప్రక్రియలో భాగంగా మున్సిపాలిటీలో ఓటుహక్కు కోసం దరఖాస్తు చేసుకున్నామని, అవకాశం కల్పించాలని రాఘవరెడ్డి మున్సిపల్‌ కమిషనర్‌కు లేఖ రాసినట్లు సమాచారం.కోర్డుకు వెళ్లే ఆలోచనలో కూడా ఉన్నట్లు తెలిసింది. వరద పరిస్థితి అనుకున్నది ఒకటి..అయిందొకటి ఎమ్మెల్యే నంద్యాల వరదరాజులరెడ్డి పరిస్థితి అనుకున్నది ఒకటి.. అయింది మరొకటిలా ఉందని వైఎస్సార్‌సీపీ రాష్ట్ర అధికార ప్రతినిధి రాచమల్లు శివప్రసాదరెడ్డి తెలిపారు. ఆయన గురువారం పార్టీ కౌన్సిలర్ల అభ్యర్థుల సమావేశంలో ఆయన మాట్లాడుతూ బీసీలకు రావాల్సిన ప్రొద్దుటూరు మున్సిపల్‌ చైర్‌పర్సన్‌ పదవి ఓసీలకు వచ్చేలా ఎమ్మెల్యే వరదరాజులరెడ్డి ప్రయత్నించారన్నారు. చైర్మన్‌ అభ్యర్థిగా తన తమ్ముడు రాఘవరెడ్డిని పెట్టాలని ప్రయత్నించి విఫలమయ్యారన్నారు. ఆయన ఒకటి అనుకుంటే దేవుడు మరొకటి తలచారని రాచమల్లు తెలిపారు. నంద్యాల రాఘవరెడ్డితో పాటు ఆ నేతల ఓట్లు చెల్లవు! ప్రొద్దుటూరు మున్సిపాలిటీలో పటాపంచలైన ’కూటమి’ వ్యూహాలు

●120కుటుంబాలు వైఎస్సార్‌సీపీలో చేరిక కడపకార్పొరేషన్‌: కడప నగరం రామాంజనేయపురంలోని వరద కాలనీలో తెలుగుదేశం పార్టీకి గట్టి షాక్‌ తగిలింది. తెలుగుదేశం పార్టీ నాయకుడు గంపా వీరయ్యతోపాటు 120 కుటుంబాలకు చెందిన వారు వైఎస్సార్‌సీపీలో చేరారు. మాజీ డిప్యూటీ సీఎం అంజద్‌బాషా, మాజీ జెడ్పీ చైర్మెన్‌ కె. సురేష్‌ బాబు వారికి కండువాలు వేసి పార్టీలోకి ఆహ్వానించారు. ఈ సందర్భంగా వారు మాట్లాడుతూ వైఎస్సార్‌ జిల్లా, కడప నగరం అభివృద్ధి చెందిందంటే దివంగత వైఎస్సార్‌, వైఎస్‌ జగన్‌ వల్లే అని అన్నారు. కూటమి ప్రభుత్వం అధికారంలోకి వచ్చిన రెండున్నరేళ్లలో కడప నగరాభివృద్ధికి చేసింది శూన్యమన్నారు. గత ఎన్నికల్లో కడప ఎమ్మెల్యే మాధవీరెడ్డి టీడీపీ మేనిఫెస్టోతోపాటు సొంతంగా మేనిఫెస్టో ప్రకటించి ప్రజలతో ఓట్లు వేయించుకున్నారని, అందులో ఒక్క హామీ కూడా నెరవేర్చలేదన్నారు. బుగ్గవంకపై గుర్రాలగడ్డ, లా కాలేజీ వద్ద ఉన్న రెండు బ్రిడ్జిలను ఆరుమాసాల్లో పూర్తి చ ఏస్తానని చెప్పి ఇంత వరకూ పూర్తి చేయలేదన్నారు. మునిసపల్‌ ఎన్నికల్లో వైఎస్సార్‌సీపీ అభ్యర్థులను అత్యధిక మెజార్టీతో గెలిపించి ప్రభుత్వానికి బుద్ధి చెప్పాలని కోరారు. పార్టీలో చేరినవారిలో గంపా రాజశేఖర్‌, సుబ్బయ్య, రమేష్‌, బబ్లూ, చింటూ, మణికంఠ, శివ, ప్రవీణ్‌ తదితరులు ఉన్నారు. కార్యక్రమంలో వైఎస్సార్‌సీపీ ఎస్టీ విభాగం నగర అధ్యక్షుడు నాగేంద్రప్రసాద్‌(బుజ్జి), తిలక్‌ నగర్‌ సుబ్బారెడ్డి, నరేంద్ర, శ్రీకాంత్‌, మౌలా తదితరులు పాల్గొన్నారు.

ప్రొద్దుటూరు: స్థానిక సంస్థల ఎన్నికల కోడ్‌ అమల్లో ఉన్నా అధికార టీడీపీ నేతల బరితెగింపు తగ్గడం లేదు. గురువారం స్వచ్ఛాంధ్ర కార్పొరేషన్‌ డైరెక్టర్‌ తన కారుపై పచ్చజెండా పెట్టుకుని మున్సిపల్‌ కార్యాలయ ప్రాంగణంలో పార్క్‌ చేయడం తీవ్ర కలకలం రేపింది. దీనిపై మున్సిపల్‌ మాజీ వైస్‌ చైర్మన్‌, వైఎస్సార్‌సీపీ నేత పాతకోట బంగారు మునిరెడ్డి సోషల్‌ మీడియాలో సాక్ష్యాలతో సహా నిలదీశారు. శ్రీఇది మున్సిపల్‌ కార్యాలయమా లేక టీడీపీ ఆఫీసా?్ఙ అని ప్రశ్నించారు. ఈ వ్యవహారం వైరల్‌ కావడంతో మున్సిపల్‌ కమిషనర్‌ శ్రీనివాస విశ్వనాథ్‌ స్పందిస్తూ.. ఘటనపై పూర్తి విచారణకు ఆదేశించారు. కోడ్‌ ఉల్లంఘిస్తే ఎంతటివారైనా కఠిన చర్యలు తప్పవని హెచ్చరించారు.

మైదుకూరు : రోడ్డు ప్రమాదంలో గాయపిన కడప రిమ్స్‌ ఆస్పత్రిలో చికిత్స పొందుతూ ఉదయగిరి వెంగమ్మ (23) అనే యువతి గురువారం ఉదయం మృతి చెందింది. మండలంలోని వనిపెంట బైపాస్‌ రోడ్డుపై తోటి కూలీల కోసం ఎదురుచూస్తున్న వెంగమ్మను ఆటో ఢీకొట్టగా తలకు, కాళ్లకు తీవ్ర రక్తగాయాలు అయిన విషయం తెలిసిందే. మైదుకూరు ప్రభుత్వ ఆస్పత్రిలో చేర్చిన ఆమెను మెరుగైన చికిత్స కోసం కడప రిమ్స్‌కు తరలించగా అక్కడ చికిత్స పొందుతూ మృతి చెందింది. సంఘటనపై మృతురాలి తండ్రి నాగరాజు ఇచ్చిన ఫిర్యాదు మేరకు మైదుకూరు అర్బన్‌ పోలీసులు కేసు నమోదు చేసి దర్యాప్తు చేస్తున్నారు. లారీ బోల్తా: ఒకరికి గాయాలుముద్దనూరు: ముద్దనూరు–కడప రహదారిలోని విద్యుత్‌ సబ్‌స్టేషన్‌ సమీపంలో గురువారం ఐరన్‌ సాఫ్ట్‌ల లోడుతో వెళ్తున్న లారీ అదుపుతప్పి బోల్తా పడింది. చైన్నె నుంచి వస్తున్న ఈ లారీ రోడ్డు పక్కన పడిపోవడంతో లారీలో ఉన్న రాజేష్‌ అనే వ్యక్తికి గాయాలయ్యాయి. క్షతగాత్రుడిని 108 వాహనంలో ప్రొద్దుటూరు ప్రభుత్వ ఆసుపత్రికి తరలించారు. పోలీసులు సంఘటనా స్థలానికి చేరుకుని సహాయక చర్యలు చేపట్టారు. కోడలు, మనవడి వేధింపులు● ఆర్డీఓకు వృద్ధుల ఫిర్యాదు జమ్మలమడుగు రూరల్‌: నలుగురు కొడుకులను పెంచి పెద్దేసి, వివాహాలు జరిపించిన ఆ వృద్ధ దంపతులకు ఆఖరి దశలో వేధింపులే మిగిలాయి. కన్నబిడ్డలు ఆదరించకపోగా, కోడలు, మనవడు పెడుతున్న హింసలు భరించలేక వారు న్యాయం కోసం జమ్మలమడుగు ఆర్డీఓ శిరీషను ఆశ్రయించారు. గురువారం కార్యాలయంలో ఆర్డీఓను కలిసిన చాపాడు మండలం వీరాజుపాలెం గ్రామానికి చెందిన చిన్న శేషారెడ్డి, జయమ్మ దంపతులు తమ ఆవేదనను వెళ్లబోసుకున్నారు. బాధితుల కథనం మేరకు.. వృద్ధ దంపతులకు నలుగురు కుమారులు. గత కొంతకాలంగా వారు మూడో కుమారుడు చంద్రశేఖర్‌రెడ్డి వద్ద ఉంటున్నారు. తాము సంపాదించిన డబ్బునంతా ఇవ్వడంతో చంద్రశేఖర్‌రెడ్డి ఒక ఇల్లు నిర్మించుకున్నాడు. అయితే కొన్ని నెలల క్రితం అతను మృతి చెందాడు. కుమారుడి మరణం తర్వాత కోడలు, మనవడు కలిసి డబ్బుల కోసం తమను తీవ్రంగా వేధిస్తున్నారని వృద్ధ దంపతులు ఆర్డీఓ ఎదుట కన్నీరుమున్నీరయ్యారు. ఈ విషయమై ఇప్పటికే పలుమార్లు స్థానిక పోలీసులను ఆశ్రయించినా తమకు న్యాయం జరగలేదని వారు వాపోయారు. స్పందించిన ఆర్డీఓ శిరీష బాధితుల సమస్యను సానుకూలంగా విన్నారు. తక్షణమే సంబంధిత మండల తహసీల్దార్‌, పోలీస్‌ అధికారులతో ఫోన్‌ లో మాట్లాడి, వృద్ధ దంపతులకు న్యాయం జరిగేలా చర్యలు తీసుకోవాలని ఆదేశించారు.

గోపవరం: మండలంలోని రాచాయపేట గ్రామంలో గురువారం సాయంత్రం 10 అడుగుల భారీ కొండచిలువ ప్రత్యక్షం కావడంతో స్థానికులు భయాందోళనకు గురయ్యారు. గత కొన్ని రోజులుగా గ్రామంలో కోళ్లు మాయమవుతుండటంతో గ్రామస్తులు నిఘా పెట్టారు. గురువారం ఈ కొండచిలువ ఒక్కసారిగా కంటపడటంతో, గ్రామస్తులు దానిని కొట్టి చంపేశారు. దీంతో స్థానికులు ఊపిరి పీల్చుకున్నారు. పిడుగుపాటుతో మహిళ మృతిబి.కోడూరు : మండలంలోని గుంతపల్లె గ్రామానికి చెందిన గవిరెడ్డిఅమరావతి (36) గురువారం సాయంత్రం కురిసిన గాలివానకు పిడుగు పడటంతో పిడుగుపాటుకు గురై పొలంలోనే మృతిచెందింది. కుటుంబ సభ్యులు తెలిపిన వివరాల మేరకు తన పొలంలో మిరపకోతకు తోటి కూలీలను తీసుకెళ్లి పని చేస్తుండగా ఉన్నట్లుండి గాలివాన రావడంతో కూలీలంతా ఇంటి ముఖం పట్టారు. చివరగా అమరావతి వస్తుండగా ఒక్కసారిగా పిడుగు పడటంతో పొలం వద్దనే కుప్పకూలింది. ఆమెకు భర్తతో పాటు ఒక కుమార్తె, ఒక కుమారుడు ఉన్నారు. సబ్‌ రిజిస్ట్రార్‌ అధికారులపై కేసుల ఉపసంహరణకడప కోటిరెడ్డి సర్కిల్‌ : జమ్మలమడుగు సబ్‌ రిజిస్ట్రార్‌ కార్యాలయంలో గతంలో పనిచేసిన అధికారులపై వచ్చిన ఆరోపణల నేపథ్యంలో నమోదైన కేసులను ప్రభుత్వం ఉపసంహరించినట్లు రెవెన్యూ శాఖ ప్రత్యేక ప్రధాన కార్యదర్శి జి.సాయిప్రసాద్‌ ఉత్తర్వులు జారీ చేశారు. 2021 సెప్టెంబర్‌ 3న జమ్మలమడుగు సబ్‌రిజిస్ట్రార్‌ కార్యాలయంలో ఏసీబీ అధికారులు ఆకస్మికంగా తనిఖీలు చేసి అవకతవకలు చోటు చేకున్నాయని అప్పటి అధికారులపై క్రమశిక్షణ చర్యలు తీసుకోవాలని ప్రభుత్వానికి నివేదించారు. అయితే ఈ వ్యవహారంలో సుధీర్గంగా సాగిన శాఖాపరమైన విచారణ నివేదికను రిజిస్ట్రేషన్‌ స్టాంప్స్‌ ఐజీ ప్రభుత్వానికి సమర్పించారు. అయితే అప్పటి సబ్‌ రిజిస్ట్రార్‌ రామలక్ష్మిదేవి అనంతపురం జిల్లాలో పనిచేసి పదవీవిరమణ పొందారు. సీనియర్‌ అసిస్టెంట్‌ సునీల్‌ కుమార్‌ ప్రస్తుతం అన్నమయ్య జిల్లా లక్కిరెడ్డిపల్లెలో ఇన్‌చార్జి సబ్‌ రిజిస్ట్రార్‌గా పనిచేస్తున్నారు. మరో ఆఫీసు సబార్డినేట్‌ చరిత ప్రొద్దుటూరు సబ్‌ రిజిస్ట్రార్‌ కార్యాలయంలో పనిచేస్తున్నారు. అయితే వీరిపై క్రమశిక్షణ చర్యలు తీసుకోవాలని అధికారులు సూచించినా ఆరోపణలు నిరూపణ కాకపోవడంతో తదు పరి ఉత్తర్వులు పూర్తి విరమిస్తూ కేసును ముగిస్తున్నట్లుగా తాజాగా ఉత్తర్వులో పేర్కొన్నారు.

అట్లూరు: స్పీడ్‌ బ్రేకర్‌ కారణంగా బైక్‌ అదుపుతప్పి కిందపడటంతో ఓ మహిళ తలకు బలమైన గాయమై మృతి చెందింది. ఈ విషాద ఘటన గురువారం అట్లూరు మండల పరిధిలోని కొండూరు పోలీస్‌స్టేషన్‌ సమీపంలో చోటుచేసుకుంది.పోలీసులు, స్థానికులు తెలిపిన వివరాల మేరకు.. అట్లూరు గ్రామానికి చెందిన ఆదూరి యశోదమ్మ (50) లింగాలకుంటలోని తన బంధువుల ఇంటికి వెళ్లారు. మధ్యాహ్నం బంధువు మనోహర్‌రెడ్డితో కలిసి ద్విచక్రవాహనంలో తిరిగి వస్తుండగా, కొండూరు పోలీస్‌స్టేషన్‌ వద్ద ఉన్న స్పీడ్‌ బ్రేకర్‌ వద్ద ప్రమాదవశాత్తు బైక్‌ పైనుంచి జారి కిందపడ్డారు. ఈ ప్రమాదంలో ఆమె తలకు తీవ్ర గాయం కావడంతో స్థానికులు, పోలీసులు వెంటనే 108 అంబులెన్స్‌లో సిద్ధవటం ప్రభుత్వ ఆసుపత్రికి తరలించారు. అయితే ఆమె అప్పటికే మృతి చెందినట్లు వైద్యులు నిర్ధారించారు. మృతురాలికి భర్త రామకృష్ణారెడ్డి, ఇద్దరు కుమార్తెలు, ఒక కుమారుడు ఉన్నారు.

సాక్షి ప్రతినిధి, కడప: స్థానిక ఎన్నికలకు సైరన్‌ మోగడంతో జిల్లాలో రాజకీయ వాతావరణం వేడెక్కింది. జిల్లాలో అధికార పక్షం అభ్యర్థుల ఎంపికల్లోనే మల్లగుల్లాలు పడుతుంటే.. వైఎస్సార్‌సీపీలో ఐక్యతా రాగం కనిపిస్తోంది. కూటమి పార్టీల మధ్య కలహాల కాపురం నడుస్తోంటే.. ‘ఫ్యాను’ పార్టీలో స్పీడు జోరందుకుంది. ఇప్పటివరకు కూటమి నుంచి ఒక్కరంటే ఒక్క అభ్యర్థిని ప్రకటించలేదు. ఇక వైఎస్సార్‌ సీపీ కడప కార్పొరేషన్‌ మేయర్‌ అభ్యర్థితో పాటు పులివెందుల, బద్వేలు, కమలాపురం, ప్రొద్దుటూరు నుంచి మున్సిపల్‌ చైర్మన్లను ప్రకటించి దూసుకుపోతోంది. పైగా ఇప్పటివరకు ప్రకటించిన అభ్యర్థులందరిపై పార్టీ నేతలందరిలో సాను కూలత.. ఐక్యత ఉండడంతో ఆ పార్టీ శ్రేణుల్లో ఉత్సాహం ఉరకలేస్తోంది.

కడప సెవెన్‌రోడ్స్‌ : జిల్లాలో స్థానిక సంస్థల ఎన్నికలను పకడ్బందీగా నిర్వహించేందుకు అధికారులు ఏర్పాట్లు చేయాలని కలెక్టర్‌ డాక్టర్‌ శ్రీధర్‌ చెరుకూరి ఆదేశించారు. బుధవారం కలెక్టరేట్‌ సభాభవన్‌లో ఎస్పీ షెల్కే నచికేత్‌ విశ్వనాథ్‌, జేసీ డాక్టర్‌ నిధి మీనా, రాజంపేట సబ్‌ కలెక్టర్‌ హెచ్‌ఎస్‌ భావన, డీఆర్వో మల్లికార్జునుడు, ఏఎస్పీ ప్రకాశ్‌బాబు, కేఎంసీ కమిషనర్‌ భవానీ ప్రసాద్‌, జెడ్పీ సీఈఓ సుబ్రమణ్యం, జిల్లా పంచాయతీ అధికారి రామచంద్ర ఇతర అధికారులతో నిర్వహించిన సమావేశంలో కలెక్టర్‌ పలు సూచనలు చేశారు. పంచాయతీ ఎన్నికలకు 11.70 లక్షల ఓటర్లు జిల్లాలో గ్రామ పంచాయతీ ఎన్నికలకు 11,70,375 మంది ఓటర్లు ఉన్నట్లు కలెక్టర్‌ తెలిపారు. వీరిలో 5,74,609 మంది పురుషులు, 5,95,707 మంది మహిళలు, 59 మంది ఇతరులు ఉన్నారు. సామాజిక వర్గాల వారీగా ఎస్టీలు 28,581 మంది, ఎస్సీలు 2,18,487 మంది, బీసీలు 4,97,414 మంది, ఓసీ, ఇతర వర్గాలకు చెందిన వారు 4,25,893 మంది ఉన్నట్లు వివరించారు. ఓటర్ల జాబితాల తయారీకి 2026 జనవరి 1వ తేదీని అర్హత తేదీగా నిర్ణయించినట్లు తెలిపారు. జిల్లాలోని 619 గ్రామ పంచాయతీలకు సుమారు 5,930 పోలింగ్‌ కేంద్రాలను గుర్తించినట్లు వెల్లడించారు. న్యాయస్థానం ఆదేశాల కారణంగా గతంలో ఎన్నికలు జరగని సి.గోపులాపురం, నూకినేనిపల్లి, టి.సుందుపల్లి, ఏడిగపల్లి గ్రామ పంచాయతీలకు కూడా ఓటర్ల జాబితాలను సిద్ధం చేసినట్లు తెలిపారు. మున్సిపల్‌ ఎన్నికల ఏర్పాట్లపై సమీక్ష మున్సిపల్‌ కార్పొరేషన్లు, మున్సిపాలిటీల ఎన్నికల నిర్వహణకు సంబంధించి ఓటర్ల జాబితాల తయారీ, పోలింగ్‌ కేంద్రాల ఏర్పాటు, సిబ్బంది నియామకం, శిక్షణ, నామినేషన్ల స్వీకరణ, పరిశీలన, ఉపసంహరణ, అభ్యర్థుల తుది జాబితా, గుర్తుల కేటాయింపు, బ్యాలెట్‌ పత్రాల ముద్రణ వంటి పనులను నిర్ణీత గడువులో పూర్తి చేయాలని సూచించారు. నామినేషన్ల స్వీకరణ సమయంలో ఉదయం 11 నుంచి మధ్యాహ్నం 3 గంటల వరకు సమయాన్ని తప్పనిసరిగా పాటించాలని, అధికారులు నిబంధనల ప్రకారం వ్యవహరించాలని ఆదేశించారు. పోలింగ్‌ కేంద్రాల్లో కనీస సౌకర్యాలు ఒక్కో పోలింగ్‌ కేంద్రంలో గరిష్ఠంగా 1,000 మంది ఓటర్లకు అవకాశం కల్పించాలని, కనీసం 20 చదరపు మీటర్ల విస్తీర్ణం ఉన్న భవనాలను ఎంపిక చేయాలని కలెక్టర్‌ సూచించారు. ఓటర్లు ఎలాంటి ఒత్తిడికి గురికాకుండా స్వేచ్ఛగా ఓటు హక్కును వినియోగించుకునేలా చర్యలు చేపట్టాలని తెలిపారు. నిబంధనల ప్రకారం రాజకీయ పార్టీల ప్రతినిధులతో అవసరమైన సమావేశాలు నిర్వహించి, వాటి వివరాలను, చర్చించిన అంశాలను, నిర్ణయాలను తప్పనిసరిగా సమావేశపు మినిట్స్‌ రూపంలో నమోదు చేయాలని ఆదేశించారు. ఎన్నికల సామగ్రి, సిబ్బంది నియామకం ఎన్నికలకు అవసరమైన బ్యాలెట్‌ పెట్టెల లభ్యతపై రాష్ట్ర ఎన్నికల సంఘానికి సమాచారం అందించామని, అదనపు పెట్టెల కోసం ప్రతిపాదనలు పంపామని కలెక్టర్‌ తెలిపారు. పోలింగ్‌ అధికారులు, సహాయ పోలింగ్‌ అధికారులు, ఇతర సిబ్బంది నియామకానికి కూడా ప్రతిపాదనలు పంపినట్లు వివరించారు. కలెక్టర్‌ డాక్టర్‌ శ్రీధర్‌ చెరుకూరి

– నేటి నుంచి కోర్టు విధుల బహిష్కరణ కడప అర్బన్‌: న్యాయవాదుల రక్షణకు ప్రత్యేక చట్టం రూపొందించి అమలు చేయాలని డిమాండ్‌ చేస్తూ కడప జిల్లా కోర్టులో ఈ నెల 15, 16 తేదీల్లో విధులను బహిష్కరించనున్నట్లు కడప బార్‌ అసోసియేషనన్‌ అధ్యక్షుడు జి.వి.రాఘవరెడ్డి పేర్కొన్నారు. రాష్ట్రవ్యాప్తంగా చేపడుతున్న ఆందోళనలో భాగంగా ఈ నిర్ణయం తీసుకున్నట్లు తెలిపారు.బుధవారం కడప బార్‌ అసోసియేషన్‌న్‌లో విలేకరులతో ఆయన మాట్లాడుతూ వివిధ వృత్తులు, ఉద్యోగాల్లో ఉన్నవారి రక్షణకు చట్టాలు ఉన్నప్పటికీ న్యాయవాదుల భద్రతకు ప్రత్యేక చట్టం లేకపోవడం విచారకరమన్నారు. ఇటీవల న్యాయవాదులపై పోలీసుల దాడులు పెరుగుతున్నాయని ఆందోళన వ్యక్తం చేశారు. విధి నిర్వహణలో న్యాయవాదులకు రక్షణ కల్పించేందుకు ప్రభుత్వం ప్రత్యేక చట్టాన్ని రూపొందించి, దాన్ని సమర్థంగా అమలు చేయాలని డిమాండ్‌ చేశారు. ఈ అంశంపై ప్రభుత్వంపై ఒత్తిడి పెంచేందుకు రాష్ట్రవ్యాప్తంగా ఆందోళనను ఉధృతం చేస్తున్నట్లు పేర్కొన్నారు. ఈనెల 16న శుక్రవారం న్యాయవాదులు కడప కోర్టు నుంచి కలెక్టరేట్‌ వరకు ర్యాలీ నిర్వహించి, జిల్లా కలెక్టర్‌కు వినతిపత్రం సమర్పించనున్నట్లు తెలిపారు.

● ప్రజలకు పిలుపునిచ్చిన వైఎస్సార్‌సీపీ జిల్లా అధ్యక్షుడు రవీంద్రనాథ్‌రెడ్డి ● వైఎస్‌ఆర్‌సీపీ కడప మేయర్‌ అభ్యర్థిగా బండి దీప్తిరెడ్డి ఖరారుకడప కార్పొరేషన్‌ : ఎన్నికల హామీలు అమలు చేయని కూటమి ప్రభుత్వానికి బుద్ధి చెప్పడానికి స్థానిక ఎన్నికల రూపంలో ప్రజలకు మంచి అవకాశం లభించిందని వైఎస్సార్‌సీపీ జిల్లా అధ్యక్షుడు పి. రవీంద్రనాథ్‌రెడ్డి అన్నారు. బుధవారం జిల్లా పార్టీ కార్యాలయంలో మాజీ డిప్యూటీ సీఎం అంజద్‌బాషా, మాజీ జెడ్పీ చైర్మన్‌ కె.సురేష్‌ బాబు, ఎమ్మెల్సీ ఎంవీ రామచంద్రారెడ్డిలతో కలిసి విలేకరుల సమావేశంలో మాట్లాడారు. పార్టీ అధిష్టానం ఆదేశాల మేరకు కడప మేయర్‌ అభ్యర్థిగా బండి దీప్తిరెడ్డి, పులివెందుల మున్సిపల్‌ ఛైర్‌పర్సన్‌ అభ్యర్థిగా వైఎస్‌ ప్రమీలమ్మ, ప్రొద్దుటూరు మున్సిపల్‌ చైర్మన్‌ అభ్యర్థిగా పోరెడ్డి నరసింహా రెడ్డి, కమలాపురం మున్సిపల్‌ ఛైర్‌పర్సన్‌ అభ్యర్థిగా మారుజోళ్ల కవితలను ఎంపిక చేశామని వెల్లడించారు. మేనిఫెస్టోను చెత్తబుట్టలో వేశారు ఎన్నికల మేనిఫెస్టో అంటే భగవద్గీత, ఖురాన్‌, బైబిల్‌గా భావించి మాజీ ముఖ్యమంత్రి వైఎస్‌ జగన్‌మోహన్‌రెడ్డి పాలన సాగించారని రవీంద్రనాథ్‌ రెడ్డి అన్నారు. డ్వాక్రా మహిళలు, రైతులు, నిరుద్యోగులు, ఉద్యోగులు, రైతు కూలీలు, అన్ని వర్గాలకు మేలు చేసే విధంగా పాలన సాగిందని పేర్కొన్నారు. కూటమి ప్రభుత్వం ఎన్నికల ముందు అనేక హామీలు ఇచ్చి అధికారంలోకి వచ్చాక మేనిఫెస్టోను చెత్తబుట్టలో వేసిందని ధ్వజమెత్తారు. ప్రజలకు వెన్నుపోటు పొడిచిన కూటమికి బుద్ధి చెప్పాలని ప్రజలకు పిలుపునిచ్చారు. తప్పుడు హామీలిస్తే ప్రజ లు గుణపాఠం నేర్పుతారనే భయం ఉంటే భవిష్యత్తులో ఎవరూ ఇలా బూటకపు హామీలు ఇవ్వరని పేర్కొన్నారు. స్థానిక ఎన్నికల్లో వైఎస్సార్‌సీపీ అభ్యర్థులను అత్యధిక మెజార్టీతో గెలిపించాలని కోరారు. ఎన్నికలు పారదర్శకంగా జరిగేలా చూడాల్సిన బాధ్యత అధికార యంత్రాంగంపై ఉందన్నారు. మున్సిపల్‌ ఎన్నికలతోపాటు జెడ్పీటీసీ, ఎంపీటీసీ, సర్పంచుల ఎన్నికల్లో కూడా వైఎస్సార్‌సీపీ ఫ్యాన్‌ గుర్తుకు ఓటేసి తమ అభ్యర్థులను గెలిపించాలని కోరారు. మాజీ మేయర్‌ పాకా సురేష్‌ కుమార్‌, ఎస్‌ఈసీ సభ్యులు మాసీమ బాబు, ఎస్‌. యానా దయ్య, మేయర్‌ అభ్యర్థి బండి దీప్తిరెడ్డి, మాజీ డిప్యూటీ మేయర్‌ నిత్యానందరెడ్డి, వైఎస్సార్‌సీపీ నాయకులు పులి సునీల్‌, షేక్‌ ఉమైర్‌, సీహెచ్‌ వినోద్‌, అక్బర్‌ అలీ, షఫీ, షఫీవుల్లా పాల్గొన్నారు.

కడప ఎడ్యుకేషన్‌,: ప్రభుత్వ పాఠశాలల విద్యార్థులలో దాగి ఉన్న సృజనాత్మకతను వెలికితీసేందుకు ఆంధ్రప్రదేశ్‌ శాస్త్ర సాంకేతిక మండలి, భారతీయ విజ్ఞాన మండలి సంయుక్త ఆధ్వర్యంలో నిర్వహించే ’కౌశల్‌ సైన్స్‌ క్విజ్‌ – 2026’ పోటీలకు సన్నద్ధమౌతున్నట్లు నిర్వాహకులు తెలిపారు. పిల్లల్లో సైన్స్‌ పరిజ్ఞానాన్ని పెంపొందించడం, భావి శాస్త్రవేత్తలను తయారు చేయడమే ఈ పోటీల ప్రధాన లక్ష్యం. జిల్లాలోని అన్ని ప్రభుత్వ యాజమాన్య పాఠశాలల్లో 8, 9, 10 తరగతులు చదువుతున్న విద్యార్థులు ఈ పోటీలకు అర్హులు. ఆసక్తి గల విద్యార్థుల వివరాలను పాఠశాల కోఆర్డినేటర్లు ఈ నెల 20వ తేదీ లోపు జ్చుఠటజ్చి. ఛఠిఝ్చఞ. ౌటజ వెబ్‌సైట్‌ ద్వారా ఆన్‌లైన్‌లో నమోదు చేయాల్సి ఉంటుంది. పోటీల షెడ్యూల్‌ ఇలా... పాఠశాల ప్రధానోపాధ్యాయులు, సైన్స్‌ ఉపాధ్యాయులు ప్రతి పాఠశాల నుండి ఒక్కో తరగతికి 10 మంది చొప్పున గరిష్టంగా 30 మంది విద్యార్థులను ఎంపిక చేయాలి. గణితం, విజ్ఞానశాస్త్రం, భూగోళశాస్త్రం/భారత దర్శనం, విజ్ఞానశాస్త్రంలో భారతీయుల కృషి అనే అంశాలపై పోటీలు ఉంటాయి. పాఠశాల స్థాయి ఆన్‌లైన్‌ క్విజ్‌: అక్టోబర్‌ 28న 8వ తరగతి, అక్టోబర్‌ 29న 9వ తరగతి, అక్టోబర్‌ 30న 10వ తరగతి విద్యార్థులకు పరీక్షలు నిర్వహిస్తారు. జిల్లా స్థాయి ప్రత్యక్ష పరీక్షలు: నవంబర్‌ 25 రాష్ట్ర స్థాయి పోటీ పరీక్ష: డిసెంబర్‌ 30 ప్రత్యేక అంశాలపై పోస్టర్‌, రీల్స్‌ పోటీలు: జిల్లా స్థాయిలో ప్రతిభ చాటిన విద్యార్థులకు నవంబర్‌ 25న జరిగే ప్రత్యక్ష పోటీలలో కింది అంశాలపై పోటీలు ఉంటాయి. 8వ తరగతి విద్యార్థులకు ’హరిత ఇంధన వనరులు – సుస్థిర భవిష్యత్తు’, 9వ తరగతి విద్యార్థులకు ’బాధ్యతాయుత కృత్రిమ మేధస్సు – నైతికత’ అనే అంశాలపై పోస్టర్‌ ప్రెజెంటేషన్‌ పోటీ ఉంటుంది. అలాగే 10వ తరగతి విద్యార్థులకు ’డా. యల్లాప్రగడ సుబ్బారావు జీవితం – పరిశోధనలు’ అనే అంశంపై రీల్స్‌ పోటీ ఉంటుంది. ఆకర్షణీయమైన నగదు బహుమతులు: క్విజ్‌ విభాగం (టీమ్‌): జిల్లా స్థాయిలో ప్రథమ బహుమతి రూ.6,000, ద్వితీయ రూ.4,500, తృతీయ రూ.3,000 చొప్పున అందజేస్తారు. రాష్ట్ర స్థాయిలో ప్రథమ రూ.15,000, ద్వితీయ రూ.12,000, తృతీయ రూ.9,000 ఇస్తారు. పోస్టర్‌, రీల్స్‌ విభాగం (వ్యక్తిగత): జిల్లా స్థాయిలో ప్రథమ రూ.2,000, ద్వితీయ రూ.1,500, తృతీయ రూ.1,000 ఇస్తారు. రాష్ట్ర స్థాయిలో ప్రథమ రూ.5,000, ద్వితీయ రూ.4,000, తృతీయ రూ.3,000 తో పాటు మెరిట్‌ సర్టిఫికెట్లు అందజేస్తారు. విజ్ఞాన శాస్త్రంపై ఆసక్తిని పెంచేందుకు కౌశల్‌ సైన్స్‌ క్విజ్‌ పోటీలు 8,9,10 చదివే ప్రభుత్వ విద్యార్థులకు ప్రత్యేకం

● డ్రైవర్లతో సహా పలువురికి గాయాలు మైదుకూరు : మైదుకూరు పరిధిలోని రాయప్పగారిపల్లెకు సమీపంలో బుధవారం సాయంత్రం బళ్లారి – కృష్ణపట్నం జాతీయ రహదారిపై టిప్పర్‌ – ఆర్టీసీ బస్సు ఢీకొన్న సంఘటనలో డ్రైవర్లతో సహా బస్సులోని పలువురు ప్రయాణికులు గాయపడ్డారు. వివరాలు ఇలా ఉన్నాయి. మైదుకూరు డిపోకు చెందిన బద్వేలు – మైదుకూరు సర్వీస్‌ బస్సు మైదుకూరుకు వస్తోంది. ఓ నిర్మాణ సంస్థకు చెందిన టిప్పర్‌ గడ్డంవారిపల్లె వద్దకు వెళ్తోంది. రాయప్పపల్లెకు సమీపంలోని బ్రిడ్జి వద్ద ఎడమవైపు వెళ్లాల్సిన ఆర్టీసీ బస్సును డ్రైవర్‌ కుడి వైపునకు మళ్లించాడు. అదే సమయంలో ఎదురుగా వస్తున్న టిప్పర్‌ బస్సు ఢీకొన్నాయి. సంఘటనలో ఆర్టీసీ బస్సు డ్రైవర్‌ పాలకిట్టి శ్రీనివాసులు (59), టిప్పర్‌ డ్రైవర్‌ బాలకృష్ణ (46), బస్సులోని బద్వేలుకు చెందిన ఎర్రబల్లి పరంజ్యోతి (33), ఆమె కుమారుడు వంశీధర్‌ (11), కుమార్తె యశస్విని (8), మైదుకూరుకు చెదిన సంపత్‌ కుమార్‌ (46) మరికొందరికి గాయాలయ్యాయి. గాయపడిన వారిని 108 అంబులెన్స్‌లో చికిత్స కోసం మైదుకూరు ప్రభుత్వాస్పత్రికి తరలించారు. టిప్పర్‌ డ్రైవర్‌ బాలకృష్ణ కాళ్లు క్యాబిన్‌లో ఇరుక్కుపోవడంతో జేసీబీతో క్యాబిన్‌ను తొలగించి అతడిని బయటకు తీశారు. బస్సు డ్రైవర్‌ శ్రీనివాసులను మెరుగైన చికిత్స కోసం ప్రొద్దుటూరుకు రెఫర్‌ చేశారు. మైదుకూరు పోలీసులు సంఘటన స్థలాన్ని పరిశీలించి కేసు నమోదు చేసుకుని దర్యాప్తు చేస్తున్నారు. వెదురు బొంగుల పట్టివేతముద్దనూరు: మండల కేంద్రంలో అక్రమంగా తరలిస్తున్న వెదురు బొంగులను అటవీశాఖ అధికారులు బుధవారం స్వాధీనం చేసుకున్నారు. నంద్యాల జిల్లా అహోబిలం ప్రాంతం నుంచి పులివెందులకు ఎలాంటి అనుమతులు లేకుండా మూడు ఆటోలలో వెదురు బొంగులను తరలిస్తుండగా.. పులివెందుల రహదారిపై అధికారులు తనిఖీలు చేసి పట్టుకున్నారు. వెదురు బొంగులతో పాటు మూడు ఆటోలను సీజ్‌ చేసి రేంజ్‌ కార్యాలయానికి తరలించినట్లు ఫారెస్ట్‌ రేంజ్‌ అధికారి(ఎఫ్‌ఆర్వో) శ్రీనివాసులు తెలిపారు. నిందితులపై కేసు నమోదు చేశామని, చట్టప్రకారం అపరాధ రుసుము విధించనున్నట్లు ఎఫ్‌ఆర్వో పేర్కొన్నారు.

ఎర్రగుంట్ల: తనపై దొంగతనం నింద వేశారనే మనస్తాపంతో ఓ వ్యక్తి ఉరివేసుకుని ఆత్మహత్య చేసుకున్న సంఘటన ఎర్రగుంట్ల పట్టణంలో చోటుచేసుకుంది. పోలీసులు తెలిపిన వివరాల మేరకు.. ఎర్రగుంట్ల పట్టణ పరిధిలోని న్యూకాలనీ రైల్వేస్టేషన్‌ సమీపంలో హనుమనుగుత్తి రాము (37) అనే వ్యక్తి నివాసం ఉండేవాడు. ఇతనికి భార్య రాజ్యలక్ష్మి, ఇద్దరు సంతానం ఉన్నారు. ఇటీవల అదే కాలనీలో నివసించే నాగమణి అనే మహిళ ఇంట్లో బంగారు నగలు కనిపించకుండా పోయాయి. కాగా, ఆ నగలు ఆ తర్వాత సమీపంలోని నాప రాయి బండల వద్ద లభ్యమయ్యాయి. అయితే, ఈ దొంగత నం రామునే చేశాడంటూ కొందరు అనుమానం వ్యక్తం చేశా రు. సమాజంలో తనకు జరిగిన ఈ అవమానాన్ని రాము భరి ంచలేకపోయాడు. తీవ్ర మనస్తాపానికి గురైన అతను.. బుధవారం ఎర్రగుంట్ల ఆర్‌పీఎఫ్‌ పోలీస్‌స్టేషన్‌ సమీపంలోని ఓ చె ట్టుకు ఉరివేసుకుని బలవన్మరణానికి పాల్పడ్డాడు. సమాచా రం అందుకున్న ఎర్రగుంట్ల పోలీసులు సంఘటనా స్థలానికి చేరుకుని మృతదేహాన్ని పరిశీలించారు. అనంతరం కేసు నమో దు చేసి దర్యాప్తు చేపడుతున్నట్లు ఎస్‌ఐ నాగమురళి తెలిపారు. వేతన పరిమితి రూ. 25 వేలకు పెంపు – రీజనల్‌ కమిషనర్‌ రవితేజ కుమార్‌ రెడ్డి కడప ఎడ్యుకేషన్‌: ఎంప్లాయిస్‌ ప్రావిడెంట్‌ ఫండ్‌ ఆపీస్‌ (ఈపీఎఫ్‌ఓ) తప్పనిసరి కవరేజ్‌ గరిష్ఠ వేతన పరిమితిని నెలకు రూ. 15 వేల నుండి రూ. 25 వేలకు పెంచినట్లు రీజనల్‌ పీఎఫ్‌ కమిషనర్‌–1 రవితేజ కుమార్‌ రెడ్డి తెలిపారు. ఈ సవరించిన నిబంధనలు సెప్టెంబర్‌ 17 నుంచి అమల్లోకి వచ్చాయన్నారు. దీనివల్ల దేశవ్యాప్తంగా అదనంగా 51 లక్షల మంది ఉద్యోగులకు ఈపీఎఫ్‌, ఈపీఎస్‌, ఈడీఎల్‌ఐ సామాజిక భద్రతా ప్రయోజనాలు అందుతాయన్నారు. యాజమాన్యాలు చేయాల్సినవి: ఉద్యోగుల రికార్డులను సమీక్షించి అర్హత ఉన్న వారిని గుర్తించి పీఎఫ్‌ పరిధిలోకి తేవాలి.ఉద్యోగుల యూఏఎన్‌, ఆధార్‌, పాన్‌, బ్యాంక్‌ వివరాలను ఈసీఆర్‌ పోర్టల్‌లో నమోదు చేయాలి. పీఎఫ్‌ చందాలను సకాలంలో చెల్లించాలి. కొత్త నిబంధనల నేపథ్యంలో సెప్టెంబర్‌ నెల చందాల జమ గడువును అక్టోబర్‌ 31 వరకు పొడిగించారు. నిర్దేశిత నిబంధనల ప్రకారం అర్హులు పీఎంబీఆర్‌వై ప్రయోజనాలు కూడా పొందవచ్చని, యాజమాన్యాలు ఈ మార్పులను తప్పక పాటించాలని ఆయన కోరారు.

● వైఎస్సార్‌సీపీ మున్సిపల్‌ అభ్యర్థుల జాబితా విడుదల ప్రొద్దుటూరు: పోరెడ్డి నరసింహారెడ్డి ప్రొద్దుటూరు, నియోజకవర్గంలో వైఎస్సార్‌సీపీ ఆవిర్భావం నుంచి పనిచేస్తున్న సీనియర్‌ నేత పోరెడ్డి నరసింహారెడ్డి పేరును ప్రొద్దుటూరు అభ్యర్థిగా ఖరారు చేశారు. 1985, 1995లో మున్సిపల్‌ కౌన్సిలర్‌గా పనిచేశారు. వైఎస్సార్‌సీపీ రాష్ట్ర అదనపు కార్యదర్శిగా, జిల్లా ఉపాధ్యక్షుడిగా, ఆళ్లగడ్డ నియోజకవర్గ పరిశీలకుడిగా పనిచేశారు. ప్రస్తుతం పార్టీ రాష్ట్ర కార్యదర్శిగా, జమ్మలమడుగు ఎన్నికల పరిశీలకుడిగా వ్యవహరిస్తున్నారు.మాజీ ఎమ్మెల్యే రాచమల్లు శివప్రసాదరెడ్డికి అత్యంత సన్నిహితుడు. వైఎస్‌ జగన్‌ చేపట్టిన ఓదార్పు, పాదయాత్రల్లో చురుగ్గా పాల్గొన్నారు. గతంలో టెక్స్‌టైల్స్‌ అసోసియేషన్‌ ప్రెసిడెంట్‌గా పనిచేయడంతో వ్యాపార వర్గాల్లో మంచి పరిచయాలు ఉన్నాయి. ఈయన భార్య పేరిట ఉన్న సుజాత ట్రస్టును 2021లో వైఎస్‌ జగన్‌ ప్రారంభించారు. కూటమి నుంచి ఎవరు వచ్చినా పోరెడ్డి విజయం ఖాయమనే ధీమాతో పార్టీ వర్గాలు ఉన్నాయి. బద్వేలు అర్బన్‌ : బద్వేలు మున్సిపాలిటీ వైఎస్సార్‌సీపీ చైర్మన్‌ అభ్యర్థిగా రాచపూడి వెంకట సాయిక్రిష్ణ పేరును ఎమ్మెల్సీ డీసీ గోవిందరెడ్డి, ఎమ్మెల్యే డాక్టర్‌ సుధ, యువనేత దేవసాని ఆదిత్యరెడ్డిలు ఖరారు చేశారు. ఆర్‌.వి.సాయిక్రిష్ణ 2008, 2014లలో బద్వేలు కౌన్సిలర్‌గా, 2021లో మున్సిపల్‌ వైస్‌చైర్మన్‌గా బాధ్యతలు నిర్వర్తించారు. ఈయన తండ్రి దివంగత రాచపూడి నాగభూషణం సర్పంచ్‌, ఎంపీటీసీ, జెడ్పీటీసీగా సేవలందించారు. మున్సిపాలిటీలోని మొత్తం 40 వార్డుల్లో వైఎస్సార్‌సీపీ అభ్యర్థులు ఘన విజయం సాధించేలా నాయకులు, కార్యకర్తలు సమష్టిగా కృషి చేయాలని పార్టీ పిలుపునిచ్చింది. కూటమి ప్రభుత్వం నుండి ఎలాంటి ఒత్తిళ్లు వచ్చినా ఐకమత్యంతో ఎదుర్కొంటామని నేతలు భరోసా ఇచ్చారు. అనంతరం మున్సిపల్‌ చైర్మన్‌ అభ్యర్థి ఆర్‌.వి.సాయిక్రిష్ణను ఎమ్మెల్సీ, ఎమ్మెల్యేతో పాటు పలువురు వైఎస్సార్‌సీపీ నాయకులు, ఆర్యవైశ్య ప్రముఖులు సన్మానించారు. సమావేశంలో వైఎస్సార్‌సీపీ నియోజకవర్గ బూత్‌కన్వీనర్ల సమన్వయకర్త కె.రమణారెడ్డి, మాజీ మున్సిపల్‌ చైర్మన్‌ రాజగోపాల్‌రెడ్డి, మాజీ కుడా చైర్మన్‌ గురుమోహన్‌, వైఎస్సార్‌సీపీ అనుబంధ విభాగాల రాష్ట్ర, జిల్లా నాయకులు బంగారుశీనయ్య, అల్లాబకాష్‌, యద్దారెడ్డి, పుత్తాశ్రీరాములు, రమేష్‌బాబు, ఎంఆర్‌ఎఫ్‌రమణారెడ్డి, చెన్నకృష్ణారెడ్డి, టి.వెంకటసుబ్బయ్య, చెన్నయ్య, మౌలాలి, గంగిరెడ్డి, రామచంద్రనాయుడు, రాజేష్‌, గురివిరెడ్డి, సుబ్బరాజ తదితరులు పాల్గొన్నారు. కమలాపురం: మారుజోళ్ల కవిత కమలాపురం: కమలాపురం మున్సిపల్‌ ఎన్నికల్లో వైఎస్సార్‌ సీపీ అభ్యర్థిగా మారుజోళ్ల కవిత పేరును పార్టీ జిల్లా అధ్యక్షుడు పి. రవీంద్రనాథ్‌ రెడ్డి ఖరారు చేశారు. బుధవారం వార్డుల నాయకులు, కార్యకర్తలతో సమాలోచనలు జరిపిన అనంతరం ఈ నిర్ణయం తీసుకున్నారు. కవిత భర్త రఘునాథరెడ్డి, బావ శ్రీనివాసరెడ్డి (ప్రస్తుత మున్సిపల్‌ వైస్‌ ఛైర్మన్‌), వారి బలమైన బంధుగణం పార్టీ ఆవిర్భావం నుంచి వైఎస్సార్‌సీపీ పటిష్టత కోసం పనిచేస్తున్నారు. కె.అప్పాయపల్లెకు చెందిన కవిత బలమైన రాజకీయ కుటుంబం నుంచి వచ్చారు. ప్రస్తుత పరిస్థితుల్లో మారుజోళ్ల కవిత అభ్యర్థిత్వం ద్వారా విజయం నల్లేరుపై నడకేనని అందరి అభిప్రాయం మేరకు రవీంద్రనాథ్‌ రెడ్డి ఆమెను ఎంపిక చేశారు.వైఎస్సార్‌ కాంగ్రెస్‌ పార్టీ స్థానిక సంస్థల ఎన్నికలకు సమరశంఖం పూరించింది.ముగ్గురు నేతలను మున్సిపల్‌ చైర్మన్‌ అభ్యర్థులుగా అధిష్టానం అధికారికంగా బరిలోకి దించింది. ప్రొద్దుటూరు, బద్వేలు, కమలాపురం మున్సిపాలిటీలకు అభ్యర్థులను ఖరారు చేస్తూ పార్టీ నిర్ణయం తీసుకుంది.

● వైఎస్సార్‌ కడప, అన్నమయ్య రెండూ ‘జనరల్‌’ కేటగిరీయే ● సీటు కోసం పోటీ తీవ్రంసాక్షి, కడప ప్రతినిధి: రాష్ట్రంలోని జిల్లా ప్రజా పరిషత్‌ చైర్మన్‌ పదవులకు రిజర్వేషన్‌ ఖరారు చేస్తూ మంగళవారం ప్రభుత్వం గెజిట్‌ నోటిఫికేషన్‌ జారీ చేసింది. ఇందులో భాగంగా వైఎస్సార్‌ కడప, అన్నమయ్య జెడ్పీ చైర్మన్‌ పదవులను అన్‌ రిజర్వ్‌డుగా ప్రకటించింది. జిల్లా ప్రజా పరిషత్‌ ఛైర్మన్ల పదవి జనరల్‌ కేటగిరీలో రావడంతో ఆయా జిల్లాల రాజకీయాలు రసవత్తరం కానున్నాయి. పోటీ చేసే ఆశావాహుల సంఖ్య రెట్టింపయ్యే అవకాశం ఉంది. కాగా ఉమ్మడి చిత్తూరు జిల్లాలోని 19 మండలాలు, ఉమ్మడి కడప జిల్లాలోని ఆరు మండలాలతో కలిపి 2025 డిసెంబర్‌ 30న అన్నమయ్య జిల్లాను పునర్విభజన చేశారు. 25 మండలాలతో జిల్లా పరిషత్‌ ఏర్పడింది. మదనపల్లె కేంద్రంగా గత నెల 25న జిల్లా ప్రజా పరిషత్‌ కార్యాలయాన్ని ప్రారంభించారు. పూర్తిస్థాయిలో కార్యాలయం సిద్ధమయ్యాక కార్యకలాపాలు ప్రారంభం కానున్నాయి.

కడప వైఎస్‌ఆర్‌ సర్కిల్‌ : స్కూల్‌ గేమ్స్‌ రాష్ట్రస్థాయి బ్యాడ్మింటన్‌ జట్టును ఎంపిక చేసినట్లు ఎస్‌జీఎప్‌ జిల్లా సెక్రటరీలు విజయలక్ష్మీ, నాగరాజారెడ్డి తెలిపారు. జాతీయస్థాయి పోటీలలో పాల్గొనే రాష్ట్ర జట్టులో మొత్తం ఐదు మంది క్రీడాకారులు ఎంపిక చేశామన్నారు. డిప్యూటీ కలెక్టర్‌ రంగస్వామి ముఖ్యఅతిథిగా హాజరై జాతీయ స్థాయి పోటీలలో కూడా రాణించి రాష్ట్రానికి మంచి పేరు తేవాలని క్రీడాకారులను కోరారు. అనంతరం రాష్ట్ర జట్టులో స్థానం సంపాదించిన బాలబాలికలకు ట్రోఫీలను ప్రధానం చేశారు. ఈ కార్యక్రమంలో ముత్తరాజుపల్లి హైస్కూల్‌ ప్రధానోపాధ్యాయురాలు పద్మావతి పీఈటీ అసోసియేషన్‌ రాష్ట్ర కార్యదర్శి ప్రవీణ్‌ కిరణ్‌, అబ్జర్వర్‌ రవి ప్రసాద్‌ రెడ్డి తదితరులు పాల్గొన్నారు. రాష్ట్ర జట్టుకు ఎంపికై న క్రీడాకారులు వీరే.. బాలుర జట్టు : మహేందర్‌ రెడ్డి (నెల్లూరు), హర్షిత్‌ వెంకట సాయి (అనంతపురం), శ్రీరామ్‌ కార్తీక్‌ (కృష్ణాజిల్లా), త్రిషల్‌ రెడ్డి (కడప), గౌతంరెడ్డి (కృష్ణాజిల్లా). స్టాండ్‌ బై: యాసిర్‌ అహ్మద్‌ (పశ్చిమగోదావరి), గీతేశ్వర్‌ (తూర్పుగోదావరి), ముకుంద్‌ (కష్ణాజిల్లా) నిలిచారు. బాలికల జట్టు : కావ్య శ్రీరామ్‌ (కృష్ణాజిల్లా), వెంకట లతా రెడ్డి (నెల్లూరు), ఆశాశ్రీ (ప్రకాశం), షేక్‌ ముస్ఖాన్‌ (అనంతపురం), మహిన్‌ చసీన్‌ (కర్నూల్‌), స్టాండ్‌ బై : దేవాన్షి మరియు సతికిక (విశాఖపట్నం). రష్మిక (పశ్చిమగోదావరి) నిలిచారు.

కడప రూరల్‌ : ప్రభుత్వమే నాడు నిరుపేదలకు అండగా ఉంటూ జీవనోపాధి కోసం డీ–పట్టాలు ఇచ్చింది. ఆ నమ్మకంతోనే సదరు బాధితులు అక్కడ రెక్కల కష్టాన్ని నమ్ముకుని చిన్న ఆశల గూడు నిర్మించుకున్నారు. ఏళ్ల తరబడి అక్కడే నివాసం ఉంటున్నారు. అయితే, ఇప్పుడు ఆ పేదల పొట్ట కొట్టేలా అదే స్థలంలో విద్యుత్‌ సబ్‌స్టేషన్‌ నిర్మించేందుకు అధికారులు సన్నాహాలు చేయడం స్థానికంగా తీవ్ర ఉద్రిక్తతకు దారితీసింది. ఆశల గూడు కూలిపోతుందనే భయంతో బాధితులు ఆందోళన బాట పట్టారు. వివరాల్లోకి వెళితే.. మోడ పోతుల చంద్రమ్మ అనే మహిళ 1992 నుంచి కడప జిల్లా చిన్నచౌక్‌ గ్రామ పంచాయతీలోని మృత్యుంజయ కుంటలో సర్వే నంబర్‌ 754–1 పరిధిలోకి వచ్చే 2 సెంట్ల స్థలంలో ఒక పూరి గుడిసె నిర్మించుకొని నివాసం ఉండేది. ఇద్దరు ఆడపిల్లలతో ఆమె పడుతున్న కష్టాలు విన్న ఓ తహసీల్దారు 2002 జనవరి 4న కరుణించారు. ఆమె ఉంటున్న స్థలంలోనే ఆమెకు డీ పట్టా అందించారు. ఆ భరోసాతో కష్టపడి తన బిడ్డలను చదివించుకుంటూ కాలం గడిపిన చంద్రమ్మ... ఆ ప్రదేశంలో ఓ పెంకుటిల్లు నిర్మించుకున్నారు. మునిసిపల్‌ అధికారులకు ఇంటి పన్ను(అసెస్మెంటు నంబరు 1013039972), కుళాయి పన్ను కట్టారు. విద్యుత్తు అధికారులను అడిగి కరెంటు మీటరు ఇప్పించుకొని కరెంటు బిల్లు కూడా కట్టారు. జీవితం అలా సాగిపోయింది. పెద్దల కన్ను ఇప్పుడు ప్రభుత్వ పెద్దలకు ఆ స్థలంపై కన్ను పడింది. విలువైన స్థలం కావడంతో, ఆమె ఇంట్లో లేని సమయంలో చొరబడి, దశాబ్దాలుగా ఉంటున్న పెంకుటిల్లును కూలగొట్టారు. లబోదిబోమన్న చంద్రమ్మ, కలెక్టర్‌, తహసీల్దారు, మునిసిపల్‌ కమిషనర్‌ ల చుట్టూ తిరిగి మొర పెట్టుకుంది. ఆ ఇల్లు లేకపోతే జీవనమే లేదని కాళ్లావేళ్లా పడింది. అధికారులు వినిపించుకోలేదు. ఆమెది ఆ స్థలం కాదంటూ బుకాయించారు. సర్వే నంబరు ఆమెది కాదని, ఆమె 34 ఏళ్లుగా నివాసం ఉంటున్న ఇల్లు తనది కాదని వాదించారు. చేసేది లేక చంద్రమ్మ కోర్టును ఆశ్రయించారు. కోర్టు.. అలా ఎలా, ఉన్న ఇంటిని కూల్చివేస్తారని ప్రశ్నించింది. హైకోర్టు స్టే విధించింది. అధికారులు పట్టించుకోలేదు. 2025లో స్థలంలోకి వచ్చి పనులు చేస్తామని బుల్డోజర్లతో వచ్చారు. చంద్రమ్మ మళ్లీ కోర్టులో మొరపెట్టుకున్నారు. కోర్టు కంటెప్ట్‌ ఆఫ్‌ కోర్టు అని అధికారులకు నోటీసులిచ్చింది. అయినా అధికారులు పెడచెవిన పెట్టారు. విద్యుత్తు సబ్‌ స్టేషన్‌ కట్టాలని ప్రతిపాదించారు. ప్రజాప్రతినిధులే కాంట్రాక్టర్లు అయితే.. ఏ పనైనా ఆగమేఘాల మీద సాగిపోతుంది. ఎమ్మెల్యేను నిలదీసిన బాధితులు స్థానిక అధికార పార్టీ ప్రజాప్రతినిధుల ప్రోత్సాహంతో మంగళవారం సాయంత్రం ఆ స్థలంలో విద్యుత్‌ సబ్‌ స్టేషన్‌ నిర్మాణానికి భూమి పూజ నిర్వహించారు. ఈ కార్యక్రమానికి ఎమ్మెల్యే మాధవిరెడ్డి, టీడీపీ జోనల్‌ ఇన్‌చార్జ్‌ శ్రీనివాస్‌రెడ్డి తదితరులు హాజరయ్యారు. ఈ సందర్భంగా స్థలాలను కోల్పోయే ప్రమాదం ఉన్న మరి కొంత మంది బాధితులు ఎమ్మెల్యే మాధవిరెడ్డిని కలిశారు. నీడ లేకుండా చేస్తున్నారని నిలదీశారు. ఆశల గూడు కూలిపోతుందంటూ పేదల కన్నీరు సబ్‌స్టేషన్‌ నిర్మాణాన్ని అడ్డుకున్న స్థానికులు న్యాయం చేయాలంటూ విజ్ఞప్తి మాకు న్యాయం చేయాలి ఈ స్థలమే మాకు జీవనాధారం. ఈ స్థలం లేకపోతే మా కుటుంబం రోడ్డున పడాల్సి వస్తుంది. స్థానిక పోలీస్‌ స్టేషన్లో కూడా మా ఫిర్యాదును స్వీకరించలేదు. ఎస్సీ వర్గానికి చెందిన మాకు న్యాయం చేయాలి. – చంద్రమ్మ, కడప

కడప వైఎస్‌ఆర్‌ సర్కిల్‌ : అగ్రిగోల్డ్‌ బాధితులకు సంబంధించిన ఒరిజినల్‌ బాండ్ల స్వీకరణ ప్రక్రియ మూడో రోజు మంగళవారం కొనసాగింది. సీఐడీ డీఎస్పీ లక్ష్మీనారాయణ ఆధ్వర్యంలో సీఐలు రారాజు , అరుణ్‌ రెడ్డి వీరబల్లి మండలానికి చెందిన 108 మంది బాధితుల నుంచి అధికారులు ఒరిజినల్‌ బాండ్లను స్వీకరించారు. బాధితులు సమర్పించిన బాండ్లను అధికారులు క్షుణ్ణంగా పరిశీలించి, వాటికి సంబంధించిన వివరాలను నమోదు చేసుకున్నారు. మంగళవారం బాండ్లను సమర్పించలేకపోయిన సిద్ధవటం, వల్లూరు. వీరబల్లి మండలాలకు చెందిన బాధితులు ఆందోళన చెందాల్సిన అవసరం లేదని.. మరో అవకాశం కల్పిస్తామ ని వివరించారు. సంబంధిత బాధితులు తమ వద్ద ఉన్న ఒరిజినల్‌ బాండ్లతో హాజరై వాటిని సమర్పించవచ్చని సూచించారు. కమాండ్‌ అండ్‌ కంట్రోల్‌ సెంటర్‌ ప్రారంభంపులివెందుల : పులివెందుల అర్బన్‌ పోలీస్‌స్టేషన్‌లో ఏర్పాటు చేసిన కమాండ్‌ అండ్‌ కంట్రోల్‌ సెంటర్‌ హెల్ప్‌లైన్‌ నెంబర్‌ను మంగళవారం ఎస్పీ నచికేత్‌ విశ్వనాథ్‌ కడప నగరంలోని తన క్యాంపు కార్యాలయం నుంచి ప్రారంభించారు. ఈ సందర్భంగా ఆయన మాట్లాడుతూ, ప్రజలు తమ సమస్యలను, అత్యవసర సమాచారాన్ని పోలీసులకు తెలియజేసేందుకు 9490864264 హెల్ప్‌లైన్‌ నెంబర్‌ ఎంతగానో ఉపయోగపడుతుందన్నారు. ప్రజల భద్రతే ప్రధాన లక్ష్యంగా సాంకేతిక పరిజ్ఞానాన్ని వినియోగించుకుంటూ పోలీసు సేవలను మరింత సమర్థవంతంగా అందించేందుకు జిల్లా పోలీసు శాఖ కృషి చేస్తోందన్నారు. పులివెందుల డీఎస్పీ మురళీ నాయక్‌, అర్బన్‌ సీఐ పురుషోత్తమరాజు, సిబ్బంది పాల్గొన్నారు. ఎన్‌ఎంఎంఎస్‌ దరఖాస్తు గడువు పొడిగింపుమదనపల్లె సిటీ : నేషనల్‌ మీన్స్‌ కమ్‌ మెరిట్‌ స్కాలర్‌షిప్‌ (ఎన్‌ఎంఎంఎస్‌) పరీక్ష (2026–27)కు దరఖాస్తు చేసుకునేందుకు ఈనెల 27 వరకు గడువు పొడిగించినట్లు డీఈఓ సుబ్రమణ్యం తెలిపారు. నవంబర్‌15న జరగాల్సిన పరీక్షను నవంబర్‌ 29వతేదీకి మార్చినట్లు చెప్పారు. అలాగే ప్రింటెడ్‌ నామినల్‌ రోల్‌, ఒరిజనల్‌ ఎస్‌బీఐ కలెక్ట్‌ రసీదును సంబంధించిన డీఈఓ కార్యాలయంలో ఈనెల 28లోపు సమర్పించాలని పేర్కొన్నారు. జిల్లా విద్యాశాఖ అధికారి లాగిన్‌లో దరఖాస్తుల ధ్రువీకరణకు ఈనెల 29నతేదీ వరకు గడువు ఉందని వివరించారు. రైతుల సంక్షేమమే లక్ష్యంగాలివీడు : మండల రైతుల సంక్షేమమే లక్ష్యంగా ఎగువగొట్టివీడులో కేంద్ర ప్రభుత్వం ద్వారా ఏర్పాటైన ఉత్పత్తిదారుల ఎరువుల దుకాణాన్ని మంగళవారం ఢిల్లీ నుంచి వచ్చిన అధికారి అరవింద్‌ సింగ్‌ ఆకస్మిక తనిఖీ చేశారు. ‘ఎగువగొట్టివీడు రైతు ఉత్పత్తిదారుల కంపెనీ ఢిల్లీ లిమిటెడ్‌’ ద్వారా రైతులకు అవసరమైన వ్యవసాయ పరికరాలు, డ్రిప్‌ పరికరాలు, విత్తనాలు, ఎరువులు సరసమైన ధరలకు అందిస్తున్నామన్నారు. భారత ప్రభుత్వ సహకారంతో మామిడి రైతులకు నాణ్యమైన ఎరువులు, విత్తనాలు, పురుగు మందులతో పాటు ఆర్గానిక్‌ ఎరువులు, వ్యవసాయ యంత్ర పరికరాలు, పశువుల దాణా అందుబాటులో ఉన్నాయని ఆయన తెలిపారు. అరవింద్‌ కుమార్‌ సింగ్‌ను కో ఆర్డినేటర్‌ వెంకటరమణ సిబ్బంది సన్మానం చేశారు. ఈ సమావేశంలో బీఓడీ చిన్నరెడ్డప్ప నాయుడు, మల్లికార్జున నాయుడు,సీఈఓ ప్రసాద్‌, అకౌంటెంట్‌ హేమకుమార్‌, రైతులు తదితరులు పాల్గొన్నారు. జిల్లాకు 103 కొత్త బస్సులు పీలేరురూరల్‌ : జిల్లాకు కొత్తగా 103 ఆర్టీసీ బస్సులు మంజూరైనట్లు డీపీటీఓ శశిభూషణ్‌ అన్నారు. మంగళవారం ఆయన పీలేరు డిపోను, గ్యారేజ్‌ను తనిఖీ చేశారు. ఈ సందర్భంగా ఆయన మాట్లాడుతూ మదనపల్లె డిపోకు 50, రాయచోటికి 53 కొత్త బస్సులు వస్తాయని పేర్కొన్నారు. రెండో విడతలో పీలేరు డిపోకు కొత్త బస్సులు వస్తాయని తెలిపారు. రాష్ట్రంలో ప్రజా రవాణా వ్యవస్థను ఆధునీకరించి, ప్రయానీకులకు మెరుగైన సేవలందించడానికి కొత్తగా 1450 ఎలక్ట్రిక్‌, సీఎన్‌జీ బస్సులు రానున్నట్లు తెలిపారు. జిల్లాలో ప్రస్తుతం 499 బస్సులతో ప్రజా రవాణా సేవలు అందిస్తున్నామని వీటిలో 370 ఆర్టీసీ, 129 అద్దె బస్సులు ఉన్నాయని తెలిపారు. జిల్లాలో ఆర్టీసీ బస్సులు రోజుకు 19.70 లక్షల కిలోమీటర్లు రూ. 9.42 కోట్లు ఆదాయం వస్తున్నట్లు తెలిపారు. డీఎం ఎస్‌.ఎం.డి. రోషన్‌బాషా, ఎంఎఫ్‌ ఫణిభూషణ్‌ నాయక్‌, ఆర్టీసీ ఉద్యోగ సంఘాల నాయకులు పాల్గొన్నారు.

జమ్మలమడుగు మున్సిపాలిటీ ఓసీ మహిళకు రిజర్వుడు అయ్యింది. వైఎస్సార్‌సీపీ నుంచి ఎమ్మెల్సీ పొన్నపురెడ్డి రామసుబ్బారెడ్డి సతీమణి ఇందిరాను పోటీలో దించేందుకు సిద్ధమైనట్లు సమాచారం. ఈ పరిస్థితుల్లో కూటమి అభ్యర్థిగా తన సతీమణి అరుణను పోటీ చేయించేందుకు ఎమ్మెల్యే ఆదినారాయణరెడ్డి పావులు కదుపుతున్నట్లు సమాచారం. మరోవైపు టీడీపీ జిల్లా అధ్యక్షుడు భూపేష్‌రెడ్డి ‘ఎమ్మెల్యేగా మీకు అవకాశం దక్కింది. మున్సిపల్‌ చైర్మన్‌గా నా సతీమణి జ్యోతికి అవకాశం కల్పించా’లని కోరుతున్నట్లు తెలుస్తోంది. ‘2004లో తండ్రి నారాయణరెడ్డి రాజకీయ జీవితానికి అడ్డుతగిలావు. 2024లో నా రాజకీయ ఎదుగుదలను అడ్డుకున్నావు. ఇప్పుడు మున్సిపాలిటీకి అడ్డుతలుగుతున్నావని’ ఎమ్మెల్యే ఆదిపై భూపేష్‌ మండిపడుతున్నట్లు సమాచారం.

● వైఎస్సార్‌సీపీ జిల్లా అధ్యక్షుడు పి.రవీంద్రనాథ్‌రెడ్డి బద్వేలు అర్బన్‌ : త్వరలో జరగనున్న మున్సిపల్‌ ఎన్నికల్లో వైఎస్సార్‌సీపీ విజయమే లక్ష్యంగా సమష్టిగా పని చేయాలని వైఎస్సార్‌సీపీ జిల్లా అధ్యక్షుడు పి.రవీంద్రనాథ్‌రెడ్డి పార్టీ శ్రేణులకు పిలుపునిచ్చారు. మరోసారి బద్వేలు మున్సిపాలిటీలో వైఎస్సార్‌సీపీ జెండా ఎగురవేయాలని పేర్కొన్నారు. మంగళవారం స్థానిక నెల్లూరు రోడ్డులోని రాచపూడి నాగభూషణం ఫంక్షన్‌ హాలులో ఎమ్మెల్సీ డీసీ గోవిందరెడ్డి, ఎమ్మెల్యే డాక్టర్‌ సుధ, నియోజకవర్గ యువ నాయకుడు దేవసాని ఆదిత్యరెడ్డితో కలిసి నిర్వహించిన మున్సిపాలిటీ విస్తృత స్థాయి సమావేశంలో ఆయన మాట్లాడారు. దివంగత ముఖ్యమంత్రి వైఎస్‌ రాజశేఖర్‌రెడ్డి హయాం నుంచి మాజీ సీఎం వైఎస్‌ జగన్‌మోహన్‌రెడ్డి నాయకత్వం వరకు బద్వేలు ప్రాంత ప్రజానీకానికి వైఎస్‌ కుటుంబంతో విడదీయలేని అనుబంధం ఉందని అన్నారు. కార్యకర్తల నిరంతర కృషి, ప్రజల ఆదరణతో గడిచిన 20 ఏళ్లుగా బద్వేలు నియోజకవర్గంలో పార్టీ బలమైన పునాదులు ఏర్పరచుకుందని అన్నారు. ఎన్నో రాజకీయ ఒడిదుడుకులు ఎదురైనప్పటికీ పార్టీ శ్రేణులంతా ఐకమత్యంగా ముందుకు సాగాయని, అదే స్ఫూర్తితో రాబోయే మున్సిపల్‌ ఎన్నికల్లో కూడా ప్రతి ఒక్కరూ పార్టీ అభ్యర్థుల విజయానికి కష్టపడి పనిచేయాలని సూచించారు. పెద్ద ఎత్తున అభివృద్ధి కార్యక్రమాలు బద్వేలు మున్సిపాలిటీగా ఏర్పడిన నాటి నుంచి దివంగత ముఖ్యమంత్రి వైఎస్‌ రాజశేఖరరెడ్డి హయాంలో, మాజీ ముఖ్యమంత్రి వైఎస్‌ జగన్‌మోహన్‌రెడ్డి హయాంలో మాత్రమే బద్వేలు మున్సిపాలిటీలో పెద్ద ఎత్తున అభివృద్ధి కార్యక్రమాలు చేపట్టామని ఎమ్మెల్సీ డీసీ గోవిందరెడ్డి, ఎమ్మెల్యే డాక్టర్‌ సుధ పేర్కొన్నారు. బద్వేలులో ఆర్డీఓ కార్యాలయం, రూ.110 కోట్లతో బృహత్తర తాగునీటి పథకం, బద్వేలు మున్సిపాలిటీకి నూతన కార్యాలయం, మూడు అర్బన్‌ హెల్త్‌సెంటర్లు, పెద్ద ఎత్తున అభివృద్ధి కార్యక్రమాలతోపాటు పట్టణ సుందరీకరణ వంటి ఎన్నో కార్యక్రమాలను ప్రజలకు వివరించి పార్టీ అభ్యర్థుల విజయానికి కృషి చేయాలని కోరారు. ఎన్నికల సమయంలో ఎదురయ్యే రాజకీయ సవాళ్లను ధైర్యంగా ఎదుర్కొంటూ ముందుకు సాగాలని, పార్టీ నాయకత్వం ఎల్లప్పుడూ అండగా ఉంటుందని, ఎవరూ అధైర్యపడాల్సిన అవసరం లేదని భరోసా కల్పించారు. బద్వేలు గడ్డ.. వైఎస్సార్‌సీపీ అడ్డా బద్వేలు గడ్డ వైఎస్సార్‌సీపీ అడ్డా అని, ఈ ప్రాంత ప్రజలతో వైఎస్‌ కుటుంబానికి ఉన్న అనుబంధం ఎప్పటికీ చెక్కుచెదరదని నియోజకవర్గ యువ నాయకుడు, వైఎస్సార్‌సీపీ విద్యార్థి విభాగం రాష్ట్ర ప్రధాన కార్యదర్శి దేవసాని ఆదిత్యరెడ్డి పేర్కొన్నారు. రాబోయే మున్సిపల్‌ ఎన్నికల్లో 40 వార్డుల్లో పార్టీ అభ్యర్థులను బరిలో నిలిపి అభ్యర్థుల గెలుపే లక్ష్యంగా కలిసికట్టుగా ముందుకు సాగుదామని పిలుపునిచ్చారు. గడిచిన రెండున్నరేళ్ల కాలంలో కూటమి నేతలు చేసిన అణచివేసే ప్రయత్నాలకు గట్టిగా సమాధానం ఇవ్వాలంటే.. రాబోయే మున్సిపల్‌ ఎన్నికల్లో ప్రజల మద్దతును కూడగట్టి వైఎస్సార్‌సీపీ జెండాను ఎగురవేయాలని పేర్కొన్నారు. ప్రతి కార్యకర్తకు, నాయకుడికి అందుబాటులో ఉంటూ వారికి గుర్తింపు, గౌరవం లభించేలా పని చేస్తానని హామీ ఇచ్చారు. పార్టీ కోసం నిబద్ధతతో పనిచేసే ప్రతి నాయకుడి, కార్యకర్త కృషిని పార్టీ తప్పక గుర్తిస్తుందని భరోసా కల్పించారు. సమావేశంలో వైఎస్సార్‌సీపీ నియోజకవర్గ బూత్‌కన్వీనర్ల సమన్వయకర్త కె.రమణారెడ్డి, మాజీ మున్సిపల్‌ చైర్మన్‌ రాజగోపాల్‌రెడ్డి, మాజీ కుడా చైర్మన్‌ గురుమోహన్‌, మాజీ మున్సిపల్‌ వైస్‌చైర్మన్‌ ఆర్‌.వి.సాయిక్రిష్ణ, వైఎస్సార్‌సీపీ అనుబంధ విభాగాల రాష్ట్ర, జిల్లా నాయకులు బంగారుశీనయ్య, అల్లాబకాష్‌, యద్దారెడ్డి, పుత్తాశ్రీరాములు, రమేష్‌బాబు, ఎంఆర్‌ఎఫ్‌ రమణారెడ్డి తదితరులు పాల్గొన్నారు.

సాక్షి టాస్క్‌ఫోర్స్‌ : చింతకొమ్మదిన్నె మండలం కొలుములపల్లె గుట్టల నుంచి హిటాచీలతో టిప్పర్లకు గ్రావెల్‌ను యథేచ్ఛగా లోడింగ్‌ చేసుకుంటూ అమ్ముకుంటున్నారు. ఈ అక్రమ దందాలపై పత్రికల్లో వార్తలు ప్రచురితమవుతున్నా పట్టించుకునే నాథుడే లేడని ప్రజలు చెర్చించుకుంటున్నారు. జాతీయ రహదారులపై దర్జాగా గ్రావెల్‌ రవాణా జరుగుతుండటం, ప్రభుత్వ వ్యవస్థలు మౌనం వహించడం కూటమి ప్రభుత్వంలోనే చెల్లుతోందని ప్రజల నుంచి తీవ్ర విమర్శలు వ్యక్తమవుతున్నాయి. కారు ధ్వంసంకడప వైఎస్‌ఆర్‌ సర్కిల్‌ : కడప నగరంలోని నకాష్‌ ప్రాంతంలో పార్కింగ్‌ చేసిన కారును గుర్తుతెలియని వ్యక్తులు ధ్వంసం చేశారు. ఈ ఘటనపై కారు యజమాని రియాజ్‌ కడప టూ టౌన్‌ పోలీసులకు ఫిర్యాదు చేశారు. రియాజ్‌ సోమవారం రాత్రి తన ఇంటి సమీపంలోని ప్రాంతంలో కారును పార్కింగ్‌ చేశారు. అయితే గుర్తుతెలియని వ్యక్తులు కారును ధ్వంసం చేయడంతోపాటు అద్దాలను పగులగొట్టినట్లు బాధితుడు ఫిర్యాదులో పేర్కొన్నారు. ఈ ఘటనతో ఆందోళనకు గురైన రియాజ్‌ పోలీసులను ఆశ్రయించారు. ఘటనకు సంబంధించిన వివరాలను పోలీసులు పరిశీలించాల్సి ఉంది. భవానీపురం(విజయవాడపశ్చిమ): శ్రీరాం ఫైనాన్స్‌ సంస్థలో బ్రాంచ్‌ మేనేజర్‌గా పని చేస్తున్న వ్యక్తి అనుమానాస్పద స్థితిలో చనిపోయినట్లు భవానీపురం పోలీసులు కేసు నమోదు చేశారు. పోలీసులు తెలిపిన వివరాల ప్రకారం.. కడప జిల్లా సోమిరెడ్డిపల్లె పంచాయతీ, బ్రహ్మంగారి మఠం మండలం కొంతువారిపల్లె గ్రామానికి చెందిన జేష్టాది చెడ్రాయుడు(30) పోరుమామిళ్ల మండల కేంద్రంలోగల శ్రీరాం ఫైనాన్స్‌ లిమిటెడ్‌ సంస్థ వెహికల్‌ ఫైనాన్స్‌ సెక్షన్‌ బ్రాంచి మేనేజర్‌గా పని చేస్తున్నారు. ఈ ఏడాది ఆగస్ట్‌ నెల 18న ఆఫీస్‌లో ఉండగా ఫిట్స్‌ రాగా కడపలో చికిత్స తీసుకున్నారు. ఈ క్రమంలో ఈ నెల 12, 13 తేదీలలో భవానీపురంలో సంస్థ ఏర్పాటు చేసిన ట్రైనింగ్‌కు 11వ తేదీ పోరుమామిళ్ల నుంచి వచ్చి భవానీపురంలోని ఆలివ్‌ ట్రీ హోటల్‌లో బస చేశారు. మంగళవారం ఉదయం సుమారు 8.30 గంటల సమయంలో ఆయన చనిపోయినట్లు చెడ్రాయుడు సోదరుడు నవీన్‌ కుమార్‌కు సంస్థ సమాచారం ఇచ్చింది. మృతుడి తమ్ముడు నవీన్‌ కుమార్‌ పోలీసులకు ఫిర్యాదు చేయగా అనుమానాస్పద మృతి కింద కేసు నమోదు చేసి దర్యాప్తు చేస్తున్నారు.

కడప మేయర్‌ స్థానం ‘ఓసీ మహిళ’ రిజర్వేషన్‌ ఖరారు కాగానే, గత ఎన్నికలల్లో టీడీపీ నుంచి ఏకై క కార్పొరేటర్‌గా ఎన్నికై న జి. ఉమాదేవి పేరు తెరపైకి వచ్చింది. అప్పటి నుంచి ఎమ్మెల్యే శిబిరం అగ్గిమీద గుగ్గిళం అవుతోంది. ఇప్పటికే ఆలంఖాన్‌పల్లె లక్ష్మిరెడ్డి టీడీపీనే కాదంటూ ఎమ్మెల్యే ప్రధాన అనుచరుడు మార్కెట్‌ కమిటీ ఉపాధ్యక్షుడు సుబ్బారెడ్డి ఆరోపించారు. అసలు రిజర్వేషన్‌ ప్రక్రియలోనే దెబ్బ కొట్టాలనే దిశగా ఎమ్మెల్యే అడుగులు వేశారు. ఎస్సీకి రిజర్వు కావాలని విశేషంగా కృషి చేశారని విశ్లేషకులు వెల్లడిస్తున్నారు. అలా సాధ్యం కాకపోవడంతో ఓసీ మహిళ అభ్యర్థిగా ఓ డాక్టర్‌ పేరు, మరో దంతవైద్యుడు సతీమణీ పేరు, ఇంకో అనుచరుడి సతీమణి పేరు తెరపైకి తెచ్చారు. ఆ ప్రతిపాదనలు ప్రాధాన్యత లభించకపోవడంతో ఏకంగా ‘మా కుటుంబం నుంచే పోటీలో ఉంటా’మని తెగేసి చెప్పినట్లు సమాచారం. అయినప్పటికీ అధిష్టానం నుంచి సానుకూలత లభించకపోవడంతో ఇన్‌ఛార్జి మంత్రి సవిత ద్వారా సంప్రదింపులు చేసినట్లు తెలుస్తోంది.గడిచిన రెండేళ్లుగా కొనసాగిన ఏకపక్ష చర్యలన్నీ ప్రస్తు తం మేయర్‌ సీటుకు ప్రతిబంధకంగా మారినట్లు విశ్వసనీయంగా సమాచారం. ఈ నేపథ్యంలో ఐవీఆర్‌ఎస్‌ ఫోన్‌కాల్స్‌ ద్వారా తెలుగుతమ్ముళ్ల అభిప్రాయం సేకరించి అభ్యర్థి ఎంపిక చేసే దిశగా టీడీపీ అధిష్టానం అడుగులు వేస్తున్నట్లు తెలుస్తోంది.

మున్సిపల్‌ చైర్మన్‌ గిరి ఓసీ జనరల్‌ రిజర్వు కావడంతో అభ్యర్థిత్వం కోసం పోటీ అనివార్యమైంది. ఇప్పటికే ఎమ్మెల్యే సోదరుడు రాఘవరెడ్డి, మాజీ జెడ్పీటీసీ పర్లపాడు మహేశ్వర రెడ్డి పేర్లను ఎమ్మెల్యే వరదరాజులరెడ్డి ప్రతిపాదించారు. మరోవైపు టీడీపీ మాజీ ఇన్‌ఛార్జి ఉక్కు ప్రవీణ్‌కుమార్‌రెడ్డి తన సతీమణి అభ్యర్థిత్వం పరిశీలించాలని అధిష్టానాన్ని కోరారు. మాజీ ఎమ్మెల్యే లింగారెడ్డి సైతం తన వర్గీయులకు ప్రాధాన్యత ఇవ్వాలని కోరుతున్నారు. ఇంకోవైపు బీజేపీకి అవకాశం కల్పించాలని ఆ పార్టీ నేతలు కోరుతున్నారు. ప్రొద్దుటూరు చైర్మన్‌ అభ్యర్థిత్వంలో కోసం కూటమిలో ప్రతిష్టంభన నెలకొంది. ఎవరికి వారు తమకే టికెట్‌ వస్తుందనే ఊహాల్లో విహారిస్తుండడం గమనార్హం.

ఖాజీపేట : చాలా కాలంగా ఎర్రచందనం దొంగలు అడవిలోకి వెళ్లక పోవడంతో అంతా ప్రశాంతంగా కనిపించింది. తాజాగా రెండు నెలలుగా ఎర్రచందనం కోసం అధిక శాతం కూలీలు అడవిలోకి వెళ్తున్నారు. అక్రమ రవాణాకు పెద్ద ఎత్తున తెరలేపారు. అటవీ శాఖ అధికారులు, టాస్క్‌ఫోర్స్‌ పోలీసులు ఎంత నిఘా ఉంచినా.. నిఘాను దాటి ఎర్రచందనం అక్రమ రవాణా చేసుకు పోతున్నారు. దీనికి పూర్తి స్థాయిలో ఇటు ఫారెస్ట్‌ అధికారులు గానీ టాస్క్‌ఫోర్స్‌ పోలీసులు గానీ అడ్డుకట్ట వేయలేక పోతున్నారు. తాజాగా ప్రత్యేక టాస్క్‌ఫోర్స్‌ పోలీసులు, అటవీశాఖ అధికారులు దాడుల్లో పెద్ద ఎత్తున వాహనాలను అదుపులోకి తీసుకోవడమే కాకుండా ఎర్రచందనం దుంగలను స్వాధీనం చేసుకోవడంతో.. అడవుల్లో అలజడి కొనసాగుతోందని తెలుస్తోంది. తమిళ కూలీలు ఖాజీపేట మండల పరిధిలోని నాగసానిపల్లె చెరువు నుంచి చెన్నముక్కపల్లె గ్రామం వరకు, అలాగే జాండ్లవరం బీట్‌ పరిధిలో నాగసానిపల్లె నుంచి బసాపరం టోల్‌ప్లాజా వరకు విశాలమైన అటవీ ప్రాంతం ఉంది. అక్కడ నుంచి తరచూ తమిళ కూలీలతోపాటు స్థానిక ఎర్రచందనం అక్రమ రవాణా దారులు కలిసి వివిధ రవాణా మార్గాల ద్వారా చేరుకుని అడవుల్లోకి వెళ్తున్నట్లు తెలుస్తోంది. గతంలో వందల మంది తమిళ కూలీలు అడవుల్లోకి వెళ్లేవారు. ప్రస్తుతం 10 నుంచి 20 మంది వరకు విడతల వారీగా వెళ్తున్నట్లు సమాచారం. అందుకు స్థానికులు పూర్తి సహకారం అందిస్తున్నట్లు తెలుస్తోంది. అలా వచ్చిన వారు అడవిలో సుమారు 16 కిలోమీటర్ల వరకు వెళ్లి.. జాండ్లవరం బీట్‌, నాగసానిపల్లె బీట్‌ పరిధి దాటి లోపలికి వెళ్లి దుంగలను తీసుకు వస్తున్నట్లు సమాచారం. ట్రాన్స్‌ఫోర్ట్‌కు అనుకూలం ఖాజీపేట మండల పరిధిలోని అటవీ ప్రాంతం రవాణాకు అనుకూలంగా ఉంటోంది. అడవిలో నుంచి తెచ్చిన దుంగలను రవాణా చేసేందుకు వారు అటవీ ప్రాంతానికి దగ్గరల్లోనే దాచిపెడుతున్నట్లు సమాచారం. వాటిని తమకు అనుకూలమైన సమయం చూసి వివిధ రకాలైన వాహనాల్లో.. క్షణాల్లో లోడ్‌ చేసుకుని ప్రధాన రహదారి మీదుగా దర్జాగా వెళ్తున్నారు. అటవీ ప్రాంతం నుంచి ప్రధాన రహదారులకు సుమారు 5 కిలోమీటర్ల కంటే తక్కవ ఉన్నందున, అలాగే రాత్రి వేళల్లో సిద్దవటం పరిధిలో పూర్తి రవాణా రాకపోకలు లేనందున స్మగ్లర్లు ఈ ప్రాంతం నుంచి రవాణాకు సిద్ధపడుతున్నట్లు తెలుస్తోంది. జాతీయ రహదారి అంతా పూర్తిగా బైపాస్‌ ఉండటం స్మగ్లర్లకు బాగా కలిసి వస్తోంది. జాతీయ రహదారి పైకి రోడ్డు మార్గంలో రవాణాకు అడ్డదార్లు అధికంగా ఉన్నందున ఎక్కువ శాతం స్మగ్లర్లు రవాణాకు ఇక్కడ నుంచే తీసుకు వెళ్లేందుకు ప్రయత్నిస్తున్నారు. నిఘాను దాటుకుని.. ఎర్రచందనం రవాణాను అరికట్టేందుకు ప్రత్యేక టాస్క్‌ఫోర్స్‌ సిబ్బంది గట్టి నిఘా ఉంచారు. ఎర్రచందనం స్మగ్లర్ల కదలికల నుంచి తమిళ కూలీల రాకపోకలపై ప్రత్యేక నిఘా ఉంచారు. వారి కదలికలను ఎప్పటికప్పడు తెలుసుకుంటూ దాడులు చేస్తూనే ఉన్నారు. కానీ నిఘాను దాటుకుని ఎర్రచందనం అక్రమ రవాణాకు స్మగ్లర్లు పాల్పడుతున్నారు. అడవిలోకి వెల్లిన తమిళ కూలీలు స్థానిక కూలీలు కలిసి చెట్లను నరికి, వాటిని దుంగలుగా కట్‌ చేసి అడవి సమీపంలో ఉంచి వెళ్లిపోవడం జరుగుతుంది. తరువాత రవాణా అంతా స్థానిక స్మగ్లర్లు చూసుకుంటారు. ఇటీవల కాలంలో ఈ రవాణా బాగా పెరిగినట్లు తెలుస్తోంది. ముఖ్యంగా మైదుకూరు పరిధిలోని జాండ్లవరం బీట్‌, నాగసానిపల్లె పరిధిలో అధికంగా జరుగుతోంది. టాస్క్‌ఫోర్స్‌, ఫారెస్ట్‌ అధికారుల దాడులు ఇటీవల కాలంలో నాగసానిపల్లె, జాండ్లవరం బీట్‌ పరిధిలో భారీగా వాహనాలు పట్టుకుంటున్నారు. ఎర్రచందనం దుంగలను రవాణా చేసేందుకు సిద్ధంగా ఉన్న సమయంలో దాడులు చేసి పట్టుకుంటున్నారు. అలా దాడులు చేయగా డస్టర్‌ కారుతోపాటు ఒక లారీని అదుపులోకి తీసుకున్నారు. అలాగే ఇతియోస్‌ వాహనంలో తమిళ కూలీలను అడవిలో దించి తిరుగు ప్రయాణంలో ఉన్న వాహనాన్ని ఫారెస్ట్‌ అధికారులు అతి కష్టం మీద వెంబడించి పట్టుకున్నారు. ఇలా సుమారు 90 దుంగల ను వివిధ కేసుల్లో పట్టుకుని నమోదు చేశారు. స్థానికులే కీలకం తమిళనాడు నుంచి వచ్చిన కూలీలను అడవిలోకి పంపడం.. వారు తెచ్చిన దుంగలను వాహనాల్లోకి ఎక్కించి రవాణా చేయడంలో స్థానికులే కీలక పాత్ర పోషిస్తున్నట్లు తెలుస్తోంది. ఫారెస్ట్‌ అధికారులు దాడులు చేస్తే.. వారిని చూసి వాహనాలను వదిలి స్మగ్లర్లు పరారవుతున్నారు. అలా ఇప్పటికే చాలా మందిపై టాస్క్‌ఫోర్స్‌ పోలీసుల తోపాటు ఫారెస్ట్‌ అధికారులు అనుమానం వ్యక్తం చేస్తున్నారు. పూర్తి స్థాయిలో అధికారులు దృష్టి సారించి చర్యలు తీసుకోకపోతే స్మగ్లర్లను అరికట్టడం సాధ్యం కాదని స్థానికులు అంటున్నారు. వేధిస్తున్న సిబ్బంది కొరత ఖాజీపేట మండలంలో ప్రధానంగా అటవీశాఖ అధికారులను సిబ్బంది కొరత వేధిస్తోంది. ప్రతి బీట్‌ పరిధిలో ఇద్దరు ఉండాల్సి ఉండగా.. కేవలం ఒక్కరికే పరిమితమయ్యారు. 10 మంది పని చేయాల్సిన చోట ఐదుగురు మాత్రమే పని చేయడం అటవీశాఖ అధికారులకు తలకు మించిన భారంగా మారింది. గతంలో బేస్‌ క్యాంప్‌లు అధికంగా ఉండేవి. అందులో సిబ్బంది అక్కడే ఉండేవారు. బేస్‌ క్యాంపులను అటవీశాఖ అధికారులు తొలగించడం కూడా స్మగ్లర్లకు బాగా కలసి వస్తోంది. జూలు విదుల్చుతున్న ఎర్రచందనం దొంగలు స్థానికుల సహకారంతోనే అక్రమ రవాణా ఇటీవల భారీగా పట్టుబడటంతో వెలుగులోకి..

కడప సిటీ : ప్రముఖ సినీ నటుడు, క్రామేడ్‌ కల్యాణ్‌ ఫేమ్‌ శ్రీవిష్ణు మంగళవారం రాత్రి కడప పెద్దదర్గాలో ప్రత్యేక ప్రార్థనలు నిర్వహించారు. తన కడప పర్యటనలో భాగంగా ఆయన దర్గాకు చేరుకోగా, దర్గా నిర్వాహకులు సాదర స్వాగతం పలికి దర్గా సంప్రదాయమైన తలపాగా చుట్టి దర్గా గురువుల దర్శనం చేయించారు. తొలుత ఆయన దర్గాలోని హజరత్‌ పీరుల్లామాలిక్‌ మజార్‌ను దర్శించుకోగా, అనంతరం దర్గా ఆవరణలోని ఇతర గురువుల మజార్లను దర్శించుకున్నారు. ఈ కార్యక్రమంలో అభిమానులు, భక్తులు పాల్గొన్నారు. ప్రొద్దుటూరులో సందడి ప్రొద్దుటూరు క్రైం : ఇటీవల విడుదలై విజయవంతంగా ప్రదర్శితమవుతున్న ‘కామ్రేడ్‌ కళ్యాణ్‌’ చిత్రాన్ని ఆదరిస్తున్న ప్రేక్షకులకు కృతజ్ఞతలు తెలుపుతున్నట్టు చిత్ర కథానాయకుడు శ్రీవిష్ణు అన్నారు. ప్రొద్దుటూరులోని అమీర్‌ సినిమా థియేటర్‌లో హీరో శ్రీవిష్ణుతోపాటు చిత్ర యూనిట్‌ సందర్శించింది. ఈ సందర్భంగా శ్రీ విష్ణు మాట్లాడుతూ ప్రేక్షకుల ఆదరణ, అభిమానమే చిత్ర విజయానికి ప్రధాన కారణమని ఆనందం వ్యక్తం చేశారు. అనంతరం హీరో విష్ణు కేక్‌ కట్‌ చేసి అభిమానులతో సందడి చేశారు. ఈ కార్యక్రమంలో అమీర్‌ థియేటర్‌ యాజమాన్య ప్రతినిధులు అమీర్‌ బాషా, ఫైరోజ్‌, జాకీర్‌, గౌస్‌ బాషా తదితరులు పాల్గొన్నారు.

● భారీ మెజార్టీతో గెలిపించండి ● వైఎస్‌ మనోహర్‌రెడ్డి, వైఎస్‌ మదనమోహన్‌రెడ్డిపులివెందుల టౌన్‌ : మున్సిపల్‌ ఎన్నికల్లో వైఎస్సార్‌సీపీ మున్సిపల్‌ చైర్‌పర్సన్‌ అభ్యర్థిగా వైఎస్‌ ప్రమీలమ్మను వైఎస్సార్‌ కాంగ్రెస్‌ పార్టీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి వైఎస్సార్‌సీపీ తరఫున ప్రకటించారని వైఎస్సార్‌సీపీ మున్సిపల్‌ ఇన్‌చార్జి వైఎస్‌ మనోహర్‌రెడ్డి, వైఎస్సార్‌సీపీ తొండూరు మండల ఇన్‌చార్జి వైఎస్‌ మధురెడ్డి తెలిపారు. మంగళవారం పట్టణంలోని వైఎస్‌ మనోహర్‌రెడ్డి నివాసంలో వారు మీడియా సమావేశం నిర్వహించారు. ఈ సందర్భంగా వారు మాట్లాడుతూ త్వరలో జరిగే స్థానిక సంస్థల ఎన్నికల్లో వైఎస్‌ ప్రమీలమ్మను మున్సిపల్‌ చైర్మన్‌గా భారీ మెజార్టీతో గెలిపించాలన్నారు. అలాగే 40 వార్డులలో వైఎస్సార్‌సీపీ అభ్యర్థులను కూడా భారీ మెజార్టీతో గెలిపించాలన్నారు. కూటమి ప్రభుత్వం చేస్తున్న కుట్రలను తిప్పికొట్టేందుకు వైఎస్సార్‌సీపీ నాయకులు, కార్యకర్తలు సిద్ధం కావాలన్నారు. కూటమి నాయకులు, అరాచకాలు సృష్టించేందుకు సిద్ధమవుతున్నట్లు తెలుస్తోందని, వారి దాడులకు ఎవరూ భయపడాల్సిన అవసరమే లేదన్నారు. వైఎస్సార్‌ కాంగ్రెస్‌ పార్టీ అన్ని విధాలా తోడుగా ఉంటుందన్నారు. 2014లో మున్సిపల్‌ చైర్‌ పర్సన్‌గా వైఎస్‌ ప్రమీలమ్మ కొనసాగారన్నారు. ప్రజలకు ఉత్తమ సేవలు అందించి మంచి పేరు తెచ్చారన్నారు. మళ్లీ ఆమెను మున్సిపల్‌ చైర్మన్‌గా గెలిపించుకోవాల్సిన అవసరం ఎంతైనా ఉందన్నారు. అనంతరం వైఎస్‌ ప్రమీలమ్మ మాట్లాడుతూ రెండోసారి తనను చైర్మన్‌ అభ్యర్థిగా ప్రకటించడం సంతోషంగా ఉందన్నారు. మున్సిపల్‌ ఎన్నికలలో వైఎస్సార్‌సీపీకి ఓట్లు వేసి భారీ మెజార్టీతో గెలిపించి మాజీ సీఎం వైఎస్‌ జగన్‌మోహన్‌రెడ్డికి పులివెందుల మున్సిపాలిటీని కానుకగా ఇవ్వాలన్నారు. మున్సిపల్‌ మాజీ చైర్మ న్‌ వరప్రసాద్‌, మాజీ వైస్‌ చైర్మన్‌ హఫీజ్‌, మార్కెట్‌ యార్డు మాజీ చైర్మన్‌ చిన్నప్ప, వైఎస్సార్‌సీపీ పట్టణ అధ్యక్షుడు గంగాధరరెడ్డి, ఉపాధ్యక్షుడు కిశోర్‌, వైఎస్సార్‌సీపీ నాయకులు రసూల్‌, కోడి రమణ పాల్గొన్నారు.

పులివెందుల టౌన్‌ : దివ్యధామం, మహిమాన్విత క్షేత్రం పులివెందుల శ్రీరంగనాథస్వామి ఆలయమని కేరళ ప్రముఖ సిద్ధాంతి డీఎస్‌ మహేంద్ర కుమార్‌ పేర్కొన్నారు. పులివెందులలో మంగళవారం ఆయన మీడియాతో మాట్లాడుతూ ఈ క్షేత్రంలో అష్ట మంగళ కార్యక్రమం, దైవ ప్రశ్న పూజా కార్యక్రమాల నిర్వహణకు కేరళ రాష్ట్రంలోని తిరువనంతపురం నుంచి రావడం జరిగిందన్నారు. ఈ ఆలయం చరిత్ర ఎంతో గొప్పదని, విజయనగర సామ్రాజ్య కాలం నుంచి వైభవంగా నడిచిందన్నారు. భారతదేశంలోని తిరుచిలో గల శ్రీరంగం, కర్ణాటక రాష్ట్రంలోని శ్రీరంగ పట్టణం ఆలయాల వలే ఎంతో ఉజ్వలంగా ప్రకాశించిందన్నారు. ఈ ఆలయంలో భూత, భవిష్యత్‌, వర్తమాన కాలాలలో జరిగిన వివిధ ప్రముఖ సంఘటనలను రాశి చక్రం ద్వారా తెలుసుకున్నామన్నారు. అడ్డంకులు, సమస్యలు తొలగించేందుకు తాము అధ్యయనం చేశామని, వాటికి సరైన పరిహారం తెలియజేస్తామన్నారు. అనంతరం ఆయనను పులివెందులకు చెందిన ఆర్యవైశ్య నాయకులు, దినేష్‌ మెడికల్స్‌ అధినేత మేడం దినేష్‌ కుమార్‌, ఈవో రమణ, శ్రీ రంగనాథ ట్రస్ట్‌ సీఈవో అల్లం రంగనాయకులు రాయల్‌, చల్లా వంశస్తులు ఆరవేటి నారాయణరెడ్డి తదితరులు సన్మానించి శ్రీవెంకటేశ్వరస్వామి ప్రసాదాన్ని అందజేశారు.

మున్సిపల్‌ ఎన్నికల వేళ అధికార పార్టీలో విభేదాలు తారాస్థాయికి చేరాయి. మొన్నటివరకు తమకు అనుకూలమైన ‘రిజర్వేషన్‌’ కోసం వ్యూహాల్లో మునిగి తేలిన పచ్చ నేతలు తాజాగా ‘సీటు’ కోసం కోటరీ కడుతున్నారు. ఒకరి అంతం కోసం మరొకరు పంతం పడుతున్నారు.. జిల్లా వ్యాప్తంగా ‘కూటమి’ ముంగిట కుంపట్లు రాజేసుకున్నాయి. సాక్షి ప్రతినిధి, కడప : మున్సిపల్‌ ఎన్నికల రిజర్వేషన్లు ఖరారయిన నేపథ్యంలో పచ్చ పార్టీ నేతలు సీటు పోరులో మునిగి తేలుతున్నారు. తమ వ్యతిరేక వర్గానికి చెందిన వారికి పార్టీ టికెట్‌ దక్కకూడదనే దిశగా ఎత్తులకు పైఎత్తులు వేస్తున్నారు. అధిష్టానం నిర్ణయం ఎలా ఉన్నా, స్థానికంగా ‘మేము చెప్పిందే వేదం’ అన్నట్లుగా కూటమి ఎమ్మెల్యేల శైలి కన్పిస్తోంది. వెరసి మున్సిపల్‌ చైర్మన్‌ అభ్యర్థుల ఎంపిక ప్రతిష్టంభనగా మారింది. కడప మేయర్‌ అభ్యర్థిత్వం కోసం ఇరు వర్గాలు ఎవరి ప్రయత్నాల్లో వారు తలమునకలై ఉన్నారు. అధిష్టానం నుంచి గ్రీన్‌సిగ్నల్‌ లభించిందని ఒకరు, కాదు, కాదు మాకే అవకాశం దక్కనుందని వారి వారి అనుచరులు హోరెత్తిస్తున్నారు. మున్సిపల్‌ హీట్‌ పచ్చపార్టీలో పతాక స్థాయిలో వర్గ విభేదాలు ఉమాదేవి కుటుంబంపై విరుచుకుపడుతున్న ఎమ్మెల్యే మాధవి వర్గీయులు దేవగుడి ఫ్యామిలీలో ‘చైర్మన్‌’ కోసం ‘నువ్వా–నేనా’ !