Ranga Reddy District Latest News

సుభాష్‌నగర్‌: ఇంట్లో వంట చేస్తుండగా గ్యాస్‌ సిలిండర్‌ పేలి ఓ వ్యక్తి తీవ్రంగా గాయపడిన ఘటన సూరారం పోలీస్‌స్టేషన్‌ పరిధి భగత్‌సింగ్‌నగర్‌లో చోటుచేసుకుంది. పోలీసుల కథనం ప్రకారం నేపాల్‌కు చెందిన దార్‌ బహదూర్‌ (60)కు భార్య, ముగ్గురు కొడుకులు ఉన్నారు. భార్య నేపాల్‌లో ఉంటుండగా ముగ్గురు కుమారులతో కలిసి భగత్‌సింగ్‌నగర్‌లో నివాసముంటూ దూలపల్లి, జీడిమెట్ల పారిశ్రామికవాడలో లేబర్‌గా పనిచేస్తుంటారు. నెలరోజుల క్రితం బహదూర్‌ పెద్ద కుమారుడు చనిపోగా వీరందరూ నేపాల్‌కు వెళ్లి ఆదివారం సూరారం భగత్‌సింగ్‌నగర్‌కు వచ్చారు. మధ్యాహ్నం 3.30 గంటల సమయంలో ఇంట్లో బహదూర్‌ వంట చేస్తుండగా, అప్పటికే గ్యాస్‌ లీకై ఉండడంతో ఒక్కసారిగా సిలిండర్‌ పేలింది. దీంతో బహదూర్‌ తీవ్రంగా గాయపడడంతో పోలీసులు అతన్ని 108 ద్వారా గాంధీ ఆసుపత్రికి తరలించారు. క్షతగాత్రుడి కుమారుడు కృష్ణ ఇచ్చిన ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు. గంట వ్యవధిలో పట్టబడ్డ దొంగబంజారాహిల్స్‌: మద్యానికి అలవాటుపడ్డ ఓ ఆటోడ్రైవర్‌ తాను అద్దెకు తీసుకున్న ఆటోలోనే స్నాచింగ్‌లకు పాల్పడుతూ బంజారాహిల్స్‌ పోలీసులకు చిక్కాడు. నిందితుడిని పోలీసులు ఆదివారం అరెస్టు చేసి రిమాండ్‌కు తరలించారు. వివరాల్లోకి వెళితే.. భోజగుట్టలో నివసించే గువ్వా శ్రీను (31) ఆటోను అద్దెకు తీసుకుని బతుకుతున్నాడు. మద్యానికి అలవాటుపడి ఈజీ మనీ కోసం దొంగతనాలు ప్రారంభించాడు. ఈ నేపథ్యంలోనే బంజారాహిల్స్‌ రోడ్డునెంబర్‌–2లోని సాగర్‌ సొసైటీ ముగ్ధా భవన్‌ సెల్లార్‌లో అక్కడి సెక్యూరిటీగార్డ్‌ గోపాల్‌ కళ్లుగప్పి సెల్‌ఫోన్‌ దొంగిలించి ఉడాయించాడు. గంట వ్యవధిలోనే మళ్లీ బంజారాహిల్స్‌ రోడ్డునెంబర్‌–10లోని ఓ ఇంట్లోకి ప్రవేశించి దొంగతనానికి యత్నించగా భవన యజమాని గుర్తించి 100కు డయల్‌ చేశాడు. వెంటనే అక్కడికి చేరుకున్న బంజారాహిల్స్‌ పోలీసులు నిందితుడిని అదుపులోకి తీసుకుని విచారించగా, అంతకముందే సెక్యూరిటీగార్డ్‌ సెల్‌ఫోన్‌ దొంగతనం చేసిన మిస్టరీ వీడింది. సెక్యూరిటీగార్డ్‌ సెల్‌ఫోన్‌ దొంగతనం చేసి మరో ఇంట్లో దొంగతనానికి పాల్పడేందుకు స్కెచ్‌ వేసి పోలీసులకు చిక్కాడు. బంజారాహిల్స్‌ పోలీసులు కేసు దర్యాప్తు చేస్తున్నారు. మణికొండ: ప్రజల్లో రొమ్ము క్యాన్సర్‌పై అవగాహన పెంపొందించటంతో పాటు వ్యాధిని ముందస్తుగా గుర్తించే ప్రాముఖ్యతను తెలిపే లక్ష్యంతో ఫైనాన్షియల్‌ జిల్లాలోని మెడికవర్‌ క్యాన్సర్‌ ఇనిస్టిట్యూట్‌, బైక్‌–ఓ హోలిక్స్‌ సైక్లింగ్‌ కమ్యూనిటీ వారు సైక్లోథాన్‌ నిర్వహించారు. ఆదివారం ఉదయం ఆసుపత్రి ఆవరణ నుంచి జీటీ రెడ్డి సర్కిల్‌, నానక్‌రాంగూడ సర్కిల్‌, నార్సింగి సర్వీసు రోడ్డు, ఓఆర్‌ఆర్‌ సర్వీసు రోడ్డు, విప్రో సర్కిల్‌ మీదుగా 10 కిలోమీటర్ల వరకు కొనసాగింది. పింక్‌ అక్టోబర్‌లో భాగంగా పెడల్‌ ఎగైనెస్ట్‌ క్యాన్సర్‌ నినాదంతో ఈ కార్యక్రమాన్ని నిర్వహించారు. ఆంకాలజిస్టులు డాక్టర్‌ పృథ్వీరాజ్‌, డాక్టర్‌ కవిత, డాక్టర్‌ రవికృష్ణ, మెడికవర్‌ సెంటర్‌ హెడ్స్‌ డాక్టర్‌ సర్వరూప్‌, శరత్‌చంద్రలతో పాటు వైద్యులు, సైక్లింగ్‌ కమ్యూనిటీ సభ్యులు పాల్గొన్నారు.

అలంకారప్రాయం.. క్రీడా ప్రాంగణాలు అలంకారప్రాయంగా మారాయి. గ్రామీణ యువకులు క్రీడలకు దూరం అవుతున్నారు. ● పంటలు ఎండిపోకుండా జాగ్రత్తలు ● విద్యుత్‌ శాఖ సీఎండీ జితేష్‌ వి.పాటిల్‌ షాద్‌నగర్‌: ఎల్‌నినో ప్రభావంతో విద్యుత్‌కు విపరీతమైన డిమాండ్‌ పెరిగిందని, రైతులకు నాణ్యమైన విద్యుత్‌ సరఫరా చేయడమే లక్ష్యంగా ముందుకు సాగుతున్నామని విద్యుత్‌ శాఖ సీఎండీ జితేష్‌ వి.పాటిల్‌ అన్నారు. ఆదివారం నియోజకవర్గ పరిధిలోని రాయికల్‌, రామే శ్వరం గ్రామాల్లో క్షేత్రస్థాయిలో పర్యటించారు. రైతులు ఎదుర్కొంటున్న సమస్యలను స్వయంగా అడిగి తెలుసుకున్నారు. ఈ సందర్భంగా ఆయన మాట్లాడుతూ.. రైతులకు నాణ్యమైన, స్థిరమైన విద్యుత్‌ సరఫరా చేయడమే లక్ష్యంగా ప్రభుత్వం ప్రత్యేక చర్యలు చేపట్టిందని తెలిపారు. ఎన్‌ల్‌నినో ప్రభావం, వర్షాభావ పరిస్థితుల నేపథ్యంలో రైతులు విద్యుత్‌, వ్యవసాయశాఖ అధికారుల సూచనలు, సలహాలు విధిగా పాటించాలని చెప్పారు. భూగర్భ జలాలు వేగంగా తగ్గిపోతున్నాయని, ఈ నేప థ్యంలో తక్కువ నీటితో సాగు చేసే ప్రత్యామ్నాయ పంటలపై దృష్టి సారించాలన్నారు. నీటి లభ్యతను దృష్టిలో ఉంచుఒకని పంటల ఎంపికలో జాగ్రత్తలు తీసుకోవాలని సూచించారు. ఆరుతడి పంటలు సాగు చేస్తే లాభాలు పొందుతారని అన్నారు. నీటి అవసరం ఎక్కువగా ఉండే పంటలపైనే ఆధారపడకుండా, స్థానిక వాతావరణ పరిస్థితులు, భూసారం, నీటి లభ్యత, మార్కెట్‌లో డిమాండ్‌ను పరిగణలోకి తీసుకొని పంటలు సాగు చేయాలన్నారు. సజ్జ, జొన్న, రాగి, కంది, పెసర, మినుము, వేరుశనగ తదితర పంటలతో పాటు కూరగాయల పంటలు, పూలు సాగు చేయాలన్నారు. కరువు ప్రభావిత ప్రాంతాల్లో పంటల సాగుపై అవగాహన కల్పించేందుకు ప్రభుత్వం ప్రత్యేక చర్యలు చేపట్టిందని వివరించారు. వాతావరణంలో మార్పుల కారణంగా వేడిమి అధికమైందని, దీంతో విద్యుత్‌ డిమాండ్‌ పెరిగిందన్నారు. సరఫరాలో ఇబ్బందులు రాకుండా, పంటలు ఎండిపోకుండా జాగ్రత్తలు తీసుకుంటున్నట్టు ఆయన వెల్లడించారు. కార్యక్రమంలో విద్యుత్‌ శాఖ డైరెక్టర్‌ శివాజీ, షాద్‌నగర్‌ డీఈ శ్యాంసుందర్‌రెడ్డి, ఏఈ వినోద్‌కుమార్‌ తదితరులు పాల్గొన్నారు.

బషీరాబాద్‌: చిట్టీ పాట పాడిన తర్వాత సొమ్ము చెల్లించకుండా దుర్భాషలాడుతూ వేధిస్తున్నారని ఆరోపిస్తూ మంథట్టి గ్రామానికి చెందిన విభూతి పరమేశ్వర్‌ (30) ఆదివారం బషీరాబాద్‌ పోలీసులకు ఫిర్యాదు చేశారు. వివరాలు ఇలా ఉన్నాయి.. గ్రామానికి చెందిన సంకు మహిపాల్‌ వద్ద పరమేశ్వర్‌ రూ.5.10 లక్షల చిట్టీ వేశారు. అవసరం నిమిత్తం సెప్టెంబరు 15న పాట పాడి రూ.4.84 లక్షలకు డిక్లేర్‌ చేసుకున్నారు. అయితే సొమ్ము చెల్లించకుండా నిర్వాహకుడు తిప్పుతున్నాడని బాధితుడు ఆరోపించారు. అక్టోబరు 16న డబ్బుల కోసం వెళ్లగా.. ఇవ్వనని దూషిస్తూ ఇంటి నుంచి గెంటేశాడని ఫిర్యాదులో పేర్కొన్నారు. ఇదే తరహాలో మరికొందరు చిట్టీ సభ్యులను మోసం చేసినట్లు, మహిపాల్‌పై ఇప్పటికే ధారూరు పీఎస్‌లోనూ కేసు నమోదైనట్లు తెలిపారు. తన సొమ్ము ఇప్పించి న్యాయం చేయాలని కోరారు. ఫిర్యాదుపై దర్యాప్తు చేస్తున్నట్లు ఎస్‌ఐ విఠల్‌ తెలిపారు.

పారబోసిన వాటిని పశువులకు మేతకోసం తీసుకెళ్తున్న దృశ్యంచేవెళ్ల వ్యవసాయ మార్కెట్‌ యార్డులో అమ్ముడుపోని కూరగాయలు చేవెళ్ల: ఆరుగాలం కష్టపడి పంటలు పండించడం ఒకెత్తయితే.. పండించిన ఉత్పత్తులను అమ్ముకోవడం రైతన్నకు అంతకన్నా భారంగా మారింది. చేవెళ్ల వ్యవసాయ మార్కెట్‌కు కూరగాయల దిగుబడులు అధికంగా వస్తుండడంతో ఆశించిన ధర లభించడం లేదు. మార్కెట్‌కు తీసుకు వచ్చిన కూరగాయలు అమ్ముడుపోక మిగిలిపోతుండడంతో ఆందోళనకు గురవుతున్నారు. శ్రమించి పండించిన పంటను చివరికి పశువులకు మేతగా వేయాల్సిన దుస్థితి ఏర్పడుతోంది. ఒకవైపు ఎల్‌నినో ప్రభావంతో వర్షాలు సకాలంలో లేక నీటికొరత ఏర్పడిన పరిస్థితుల్లో పంటలను కాపాడుకుంటూ తీరా మార్కెట్‌కు తెస్తే ధర లేకపోవడంతో రైతులు తీవ్ర ఆవేదన చెందుతున్నారు. పెట్టుబడులు నష్టపోతున్నామని వాపోతున్నారు. మిగిలిపోతున్న కూరగాయల గుట్టలు వంకాయి, కాకర, మిర్చి, క్యాబేజీ, బీరకాయి, గోకర, ఇతర కూరగాయల దిగుబడులు ఎక్కువగా వస్తుండటంతో రైతులు చేవెళ్ల మార్కెట్‌కు తీసుకు వస్తున్నారు. ఆశించిన ధర లేక.. మొత్తం సరుకు విక్రయం కాక మిగిలిపోతున్నాయి. వాటిని తిరిగి తీసుకెళ్లడం కూడా భారంగా మారడంతో కొందరు రైతులు అక్కడే వదిలి వెళ్తున్నారు. దీంతో మిగిలిపోయిన కూరగాయలను పశువులు ఉన్న వారు వచ్చి మేత కోసం తమ వాహనాల్లో తీసుకెళ్తున్నారు. మార్కెట్‌లో నిత్యం విక్రయించే సరుకులకంటే ఎక్కువ దిగుబడులు రావడంతో అమ్ముడు పోవడం లేదని కమీషన్‌ ఏజెంట్లు చెబుతున్నారు. ఇక్కడ మార్కెట్‌లో అన్ని కూరగాయలు కలిపి రోజుకు 3 క్వింటాళ్ల వరకు డిమాండ్‌ ఉండగా దాదాపు 6 క్వింటాళ్ల వరకు దిగుబడులు వస్తున్నాయని తెలిపారు. ఏది ఏమైనా పండించిన రైతు మాత్రం ఇది తీరని నష్టం అని వాపోతున్నారు. చేవెళ్ల మార్కెట్‌కు అధికంగా కూరగాయల దిగుబడులు ఆశించిన ధర రాక.. తెచ్చినవి విక్రయం కాక వదిలి వెళ్తున్న రైతులు పశువులకు మేతగా మారుతున్న వైనం

తుర్కయంజాల్‌: రోడ్డు ప్రమాదాల నివారణకు అధికారులు ఆలస్యంగానైనా చర్యలకు ఉపక్రమించారు. ప్రమాదాలను తగ్గించడానికి ప్రజలు సమష్టిగా కృషి చేయాలని కోరుతూ అదనపు కలెక్టర్‌ కిరణ్మయి ఇటీవల సమీక్ష సమావేశం నిర్వహించడంతో పాటు, పలు రోడ్లను పరిశీలించిన విషయం తెలిసిందే. జిల్లాలో ప్రమాదాలకు కారణం అవుతున్న రహదారుల్లో విజయవాడ నేషనల్‌ హైవేతో పాటు, సాగర్‌ రహదారి మరొకటి. వీటికి తోడు ఔటర్‌ రింగ్‌ రోడ్డు, ఎన్‌హెచ్‌ 44, శ్రీశైలం హైవే, చేవెళ్ల– మన్నెగూడ రహదారి (ఎన్‌హెచ్‌–163), చేవెళ్ల –షాబాద్‌ రహదారిపై తరచూ ప్రమాదాలు చోటుచేసుకుంటున్నాయి. ప్రమాదాలకు కారణం అవుతున్న రహదారులు.. ● హైదరాబాద్‌ నుంచి నాగార్జున సాగర్‌ ప్రధాన రహదారిపై రోజు రోజకూ రద్దీ పెరగడంతో పాటు ప్రమాదాల సంఖ్య పెరుగుతూనే ఉంది. ప్రధానంగా సాగర్‌ కాంప్లెక్స్‌, ఫ్లైటెక్‌ ఏవియేషన్‌ అకాడమీ, గుర్రంగూడ అటవీ ప్రాంతం, ఇంజాపూర్‌ చౌరస్తా, మాసబ్‌ చెరువు కట్టపై, తుర్కయంజాల్‌ చౌరస్తా, బ్రాహ్మణపల్లి చౌరస్తా, మన్నెగూడ, బొంగుళూరు చౌరస్తాలు ప్రమాదాలకు అడ్డాగా మారాయి. ఇవే కాకుండా గున్‌గల్‌ గేట్‌, తక్కళ్లపల్లి గేట్‌, తుమ్మలోనిగూడ గేట్‌, మాల్‌ మైసమ్మ ఆలయం పరిసర ప్రాంతాలు, గురునానక్‌ కళాశాల సమీపంలో ఎక్కువగా జరుగుతుంటాయి. ● విజయవాడ జాతీయ రహదారి విస్తరణ పనులు ఎల్‌బీనగర్‌ నుంచి యాదాద్రి భువనగిరి జిల్లా సరిహద్దు వరకు కొన్ని నెలలుగా కొనసాగుతూనే ఉన్నాయి. ఈ పనులు పూర్తయితే కొద్ది మేర ప్రమాదాలను నివారించవచ్చు. అధికారులు, కాంట్రాక్టర్‌ల నిర్లక్ష్యంతో పనులు పూర్తి చేయకపోవడంతో పనామా చౌరస్తా, ఆటోనగర్‌, హయత్‌నగర్‌, పెద్ద అంబర్‌పేట, ఔటర్‌ రింగ్‌ రోడ్డు, అబ్దుల్లాపూర్‌ మెట్‌, ఇనాంగూడ, కొత్తగూడెం వద్ద తరచూ ప్రమాదాలు చోటుచేసుకుంటున్నాయి. ● జిల్లాలో అధిక శాతం రోడ్డు ప్రమాదాలు జరిగే వాటిల్లో ఔటర్‌ రింగ్‌ రోడ్డు ముందు వరుసలో ఉంటుంది. ఓఆర్‌ఆర్‌పై వాహనాలను ఇష్టానుసారంగా నిలిపివేయడంతోనే అధిక శాతం ప్రమాదాలు జరుగుతున్నాయి. వేగంగా వచ్చే వాహనాలు కంట్రోల్‌ తప్పి నిలిపి ఉన్న వాహనాలను ఢీకొట్టిన సంఘటనల్లో అనేక మంది ప్రాణాలు కోల్పోయారు. ఇదే కాకుండా ఎగ్జిట్‌ పాయింట్‌ల వద్ద ముందే గమనించకుండా సడెన్‌గా వాహనాలను తిప్పడం కూడా మరో కారణం. ● జిల్లాలో అత్యంత ప్రమాదకర మార్గాల్లో మరొకటి చేవెళ్ల–మన్నెగూడ రహదారి. బీజాపూర్‌ జాతీయ రహదారి విస్తరణ పనులు ఏళ్లుగా పెండింగ్‌లో ఉండడంతో ఈ మార్గంలోని అప్పా జంక్షన్‌, మొయినాబాద్‌, చేవెళ్ల, మీర్జాగూడ, మన్నెగూడ తదితర ప్రాంతాల్లో ఉన్న ప్రమాదకరమైన మలుపులు, డివైడర్‌ లేకపోవడం, రోడ్డు ఇరుగ్గా ఉండడం, గుంతలతో తరచూ భారీ ప్రమాదాలు జరిగేవి. ప్రస్తుతం రోడ్డు విస్తరణ పనులు వేగంగా కొనసాగుతున్నాయి. పూర్తయితే ప్రమాదాలు తగ్గే అవకాశం ఉంది. ప్రధాన కారణాలు అధిక శాతం రోడ్డు ప్రమాదాలకు కారణం మితిమీరిన వేగం. వేగ నియంత్రణ లేకపోవడం, డ్రైవర్‌ల నిద్ర మత్తు, మద్యం మత్తులో వాహనాలు నడపడం, ప్రమాదకర మలుపులు, హెచ్చరిక బోర్డులు లేకపోవడం, రిఫ్లెక్టర్‌లు లేకపోవడం, ఓవర్‌టేక్‌, హెల్మెట్‌, సీట్‌ బెల్ట్‌ ధరించకపోవడం, వీధి దీపాలు వెలగకపోవడం, రాత్రి పూట వెలుతురు తక్కువగా ఉండటం, ట్రాఫిక్‌ నిబంధనల ఉల్లంఘన, పాదచారులకు పుట్‌పాత్‌లు, జీబ్రా క్రాసింగ్‌లు, సురక్షితంగా రోడ్డు దాటే ఏర్పాట్లు లేకపోవడంతో అధిక శాతం ప్రమాదాలు జరుగుతున్నాయని రవాణ శాఖ అధికారులు చెబుతున్నారు. జిల్లాలో ప్రమాదాలకు కారణం అవుతున్న ప్రాంతాలు 98, ట్రాఫిక్‌ నిబంధనలు పాటించనవి 99, పాదచారులు రోడ్డు దాటుతూ ప్రమాదాల బారిన పడుతున్నవి 66 గుర్తించినట్లు ఇటీవల జరిగిన సమావేశాల్లో అధికారులు వెల్లడించారు. నిబంధనలు పాటిస్తేనే.. పోలీసులు, రోడ్లు భవనాల శాఖ, జాతీయ రహదారుల శాఖ అధికారులతో పాటు మున్సిపాలిటీలు, కార్పొరేషన్‌లు, రవాణ శాఖల అధికారులు సమన్వయంతో పనిచేసి ప్రమాదాలు ఎక్కువగా జరిగే వాటిని బ్లాక్‌ స్పాట్‌లుగా గుర్తించడం, స్పీడ్‌ బ్రేకర్‌ల ఏర్పాటు, రేడియం సూచికలు, ఎప్పటికప్పుడు గుంతలను పూడ్చడం, వీధి దీపాల ఏర్పాటు, మద్యం తాగి వాహనాలు నడపడం, రాంగ్‌రూట్‌ ప్రయాణంపై కఠిన చర్యలు తీసుకోవడం ద్వారానే ప్రమాదాలను తగ్గించవచ్చని విశ్లేషకుల వాదన. ప్రజలు కూడా నిబంధనలు పాటించినప్పుడే ప్రమాదాల బారిన పడకుండా కాపాడుకోవచ్చని అధికారులు చెబుతున్నారు. ప్రమాదాలు తగ్గుముఖం పట్టేనా.. నివారణకు అధికారుల కార్యాచరణ ప్రమాదాలకు కారణం అవుతున్న ప్రాంతాల గుర్తింపు చర్యలకు ఇటీవల అదనపు కలెక్టర్‌ ఆదేశాలు

మొయినాబాద్‌ రూరల్‌: ఆరోగ్యంపై అవగాహన ఎంతో అవసరమని హైడ్రా కమిషనర్‌ రంగనాథ్‌ అన్నారు. నాగిరెడ్డిగూడ రెవెన్యూ పరిధిలోని ఆరోగ్య గ్రామంలో ఆదివారం వార్షికోత్సవాన్ని ఘనంగా నిర్వహించారు. కార్యక్రమానికి హైడ్రా కమిషనర్‌ రంగనాథ్‌తోపాటు చేవెళ్ల ఎమ్మెల్యే కాలె యాదయ్య, సినీ, వినోద రంగానికి చెందిన ప్రముఖులు సప్తగిరి, కిరాక్‌ ఆర్పీ, ఫైట్‌ మాస్టర్స్‌ రామ్‌లక్ష్మణ్‌, సంగీత దర్శకుడు వందేమాతరం శ్రీనివాస్‌ తదితరులు హాజరయ్యారు. ఈ సందర్భంగా రంగనాథ్‌ మాట్లాడుతూ.. ప్రస్తుతం ఆహారం అంతా కల్తీ అయిపోతోందని, చాలా హోటళ్లు.. రెస్టారెంట్లలో ఫుడ్‌ సేఫ్టీ పాటించడం లేదని ఆందోళన వ్యక్తం చేశారు. అలాంటి ఆహారం భుజించడం ఆరోగ్యానికి హానికరమని పేర్కొన్నారు. సంపూర్ణ జీవన విధానాన్ని అలవర్చుకోవాలని సూచించారు. ఎమ్మెల్యే కాలె యాదయ్య మాట్లాడుతూ.. మారుతున్న కాలానికి అనుగుణంగా ప్రజలు ఆరోగ్యపు అలవాట్లను మార్చుకోవాలని అన్నారు. నాణ్యతతో కూడిన ఆహారం తీసుకుంటే ఆరోగ్యంగా జీవిస్తారన్నారు. అనంతరం కార్యక్రమానికి హాజరైన ప్రముఖులను ఆరోగ్య గ్రామ నిర్వాహకుడు లక్ష్మణ్‌ సన్మానించారు. హైడ్రా కమిషనర్‌ రంగనాథ్‌

డీసీఎం ఢీకొని మహిళ మృతి మొయినాబాద్‌: రోడ్డుపై బస్సు కోసం ఎదురుచూ స్తున్న మహిళను అతివేగం, అజాగ్రత్తగా వస్తున్న ఓ డీసీఎం ఢీ కొట్టింది. ఈ ఘటనలో మహిళ అక్కడికక్కడే మృతి చెందింది. పోలీసులు తెలిపిన వివరాల ప్రకారం.. చిలుకూరుకు చెందిన మల్లేశ్‌, చిన్న నాగమణి (50) దంపతులు. ఆదివారం ఉదయం చిన్న నాగమణి తన కూతురు దగ్గరకు వెళ్లేందు కోసం అజీజ్‌నగర్‌ చౌరస్తాలో బస్సు కోసం నిలబడి ఉంది. అదే సమయంలో హైదరాబాద్‌ నుంచి మొయినాబాద్‌ వైపు అతివేగం, అజాగ్రత్తగా వస్తున్న ఓ డీసీఎం డ్రైవర్‌ ఆమెను బలంగా ఢీ కొట్టాడు. దీంతో తీవ్ర గాయాలతో చిన్న నాగమణి అక్కడికక్కడే మృతి చెందింది. భర్త ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు. ఎలక్ట్రీషియన్‌ అదృశ్యం చేవెళ్ల: ఇంట్లో రాత్రి నిద్రించిన వ్యక్తి ఉదయం లేచే సరికి కనిపించకుండా పోయాడు. ఈ సంఘటన చేవెళ్ల పోలీస్‌ స్టేషన్‌ పరిధిలో చోటు చేసుకుంది. పోలీసులు తెలిపిన వివరాల ప్రకారం.. రాజేంద్రనగర్‌ మండలం పద్మాశాలిపురానికి చెందిన వరకాల నరేశ్‌ (35) ఎలక్ట్రీషియన్‌గా పనిచేస్తున్నాడు. నాలుగేళ్ల కిత్రం చేవెళ్ల మండలం కౌకుంట్ల గ్రామానికి చెందిన బాలమణితో వివాహం జరిగింది. వివాహానంతరం చేవెళ్లలో కొన్నాళ్లు అద్దె ఇంట్లో ఉన్నారు. ఆర్థిక ఇబ్బందులతో ఇల్లు ఖాళీ చేసి కౌకుంట్ల గ్రామానికి వచ్చి ఉంటున్నారు. ఈ క్రమంలో ఈనెల 23న రాత్రి ఇంట్లో పడుకున్న నరేశ్‌ శనివారం తెల్లవారి లేచి చూసే సరికి కనిపించలేదు. చుట్టుపక్కల, బంధువుల వద్ద వెతికినా ప్రయోజనం లేకపోయింది. దీంతో అతని భార్య ఆదివారం పోలీసులకు ఫిర్యాదు చేసింది. ఈ మేరకు కేసు నమోదు చేసుకొని దర్యాప్తు చేస్తున్నారు. కులం పేరుతో దూషణ: కేసు నమోదు ఇబ్రహీంపట్నం రూరల్‌: కులం పేరుతో దూషించిన వ్యక్తులపై పోలీసులు ఎస్సీ, ఎస్టీ అట్రాసిటీ కేసు నమోదు చేశారు. ఆదిభట్ల ఎస్‌ఐ సుందరయ్య కథనం ప్రకారం.. సాహేబ్‌గూడకు చెందిన సాతూరి శ్రీనివాస్‌ ఈ నెల 20న దుర్గమాత నవరాత్రి ఉత్సవాల్లో భాగంగా నిర్వహించిన వేలంపాటలో బంగారు ముక్కుపుడక, చీర దక్కించుకున్నారు. అదే గ్రామానికి చెందిన జూకంటి సురేష్‌గౌడ్‌, జూకంటి మధుసూదన్‌గౌడ్‌ వారిని కులం పేరుతో దూషించారు. బాధితుడి ఫిర్యాదు మేరకు ఆదివారం ఆదిభట్ల పోలీసులు ఎస్సీ, ఎస్టీ కేసు నమోదు చేసి దర్యాప్తు చేస్తున్నారు.

● ఈసీ వాగు నుంచి యథేచ్ఛగా తరలింపు ● ట్రాక్టర్‌కు రూ.4వేల నుంచి రూ.6వేల వరకు విక్రయం ● దర్జాగా సొమ్ము చేసుకుంటున్న అక్రమార్కులు ● చూసీచూడనట్టు వ్యవహరిస్తున్న అధికారులు షాబాద్‌: ఈసీ వాగు నుంచి ఇసుక దందా జోరుగా సాగుతున్నా అడిగే నాథుడే కరువయ్యాడు. రాత్రిపూట అక్రమంగా రవాణా చేస్తున్నా ఎవరూ పట్టించుకోవడం లేదు. మండలంలోని నాగర్‌గూడ, తిమ్మారెడ్డిగూడ, ఏట్ల ఎర్రవల్లి, తాళ్లపల్లి, చందనవెల్లి, రుద్రారం, హైతాబాద్‌, సోలీపేట్‌ తదితర గ్రామాల మీదుగా ఈసీ వాగు ప్రవహిస్తోంది. అక్రమార్కులు అనుమతి లేకుండా వాగు నుంచి యథేచ్ఛగా ఇసుకను తరలిస్తున్నారు. ట్రాక్టర్లు, టిప్పర్లు, జేసీబీల సాయంతో ట్రాక్టర్‌ ఇసుక రూ.4వేల నుంచి రూ.6వేల వరకు విక్రయిస్తూ సొమ్ము చేసుకుంటున్నారు. అధికారులు చూసీ చూడనట్లు వ్యవహరిస్తుడండంతో వాగులో పెద్దపెద్ద గోతులు ఏర్పడ్డాయి. చుట్టు పక్కల మండలాలకు సైతం వ్యాపారులు ట్రాక్టర్ల ద్వారా ఇసుక చేరవేస్తూ క్యాష్‌ చేసుకుంటున్నారు. అభివృద్ధి పనులకు సైతం ఇసుక, మట్టిని తరలించేందుకు ఎలాంటి అనుమతులు ఇవ్వకున్నా వ్యాపారులు మాత్రం ఇష్టారాజ్యంగా తోడేస్తున్నారు. దీంతో బోరుబావులు ఎండిపోయే దశకు చేరుకున్నాయి. అధికారులు వెంటనే స్పందించి ఇసుక అక్రమ రవాణాకు అడ్డుకట్ట వేయాలని ప్రజలు కోరుతున్నారు. కళ్లముందే తరలిస్తున్నా.. ఇసుక రవాణా జోరుగా సాగుతున్నా.. కళ్ల ముందు నుంచే ట్రాక్టర్లు, టిప్పర్లలో తరలిస్తున్నా అధికారులు ఏ మాత్రం పట్టించుకోవడం లేదన్న విమర్శలు ఉన్నాయి. ఎవరైనా అధికారులను ప్రశ్నిస్తే లిఖిత పూర్వకంగా ఫిర్యాదు చేస్తే చర్యలు తీసుకుంటామని, తమ దృష్టికి రానప్పుడు ఏం చేస్తామని నిర్లక్ష్యంగా సమాధానమిస్తున్నారు. చర్యలు తీసుకుంటాం ఈసీ వాగు నుంచి ఇసుక అక్రమంగా రవాణా చేస్తున్నారని మా దృష్టికి వచ్చింది. అలాంటి వారిపై నిఘూ ఉంచి కేసులు నమోదు చేస్తాం. ఏ గ్రామంలోనైనా వాగుల్లో నుంచి తరలిస్తే సమాచారం అందించండి. వాహనాలను సీజ్‌ చేసి, వ్యాపారులపై చట్టరీత్యా చర్యలు తీసుకుంటాం. – లక్ష్మిరెడ్డి, సీఐ షాబాద్‌

అలంకారప్రాయం.. వికారాబాద్‌: జిల్లాలోని తెలంగాణ క్రీడా ప్రాంగణాలు అలంకారప్రాయంగా మారాయి. ఐదేళ్ల క్రితం అప్పటి ప్రభుత్వం గ్రామీణ క్రీడాకారులను ప్రోత్సహించేందుకు ప్రతి పంచాయతీలో మైదానాలు ఏర్పాటు చేసింది. భూమి కేటాయించి బోర్డులు పాతింది. క్రీడా పరికరాలు పంపిణీ మరిచింది. ఎంపిక చేసిన స్థలాలను అభివృద్ధి చేయకపోవడం, నిర్వహణను గాలికి వదిలేయడంతో అవి నిరుపయోగంగా మారాయి. ప్రస్తుతం పిచ్చి మొక్కలతో నిండిపోయాయి. అప్పట్లో పలువురు తహసీల్దార్లు ఎంతో శ్రమించి క్రీడా ప్రాంగణాలకు స్థలాలు కేటాయించారు. గత, ప్రస్తుత ప్రభుత్వాలు ఆట వస్తువులు పంపిణీ చేయకపోవడంతో యువకులు క్రీడలకు దూరమవుతున్నారు. మూడెకరాలు అవసరం గత ప్రభుత్వం క్రీడా ప్రాంగణాలకు భూములు కేటాయించి సదుపాయాలు కల్పించడం మరిచిపోయింది. ప్రతి జీపీలో అర ఎకరం మాత్రమే భూమి కేటాయించింది. ఈ స్థలం కొన్ని క్రీడలకు మాత్రమే సరిపోతుంది. క్రికెట్‌కు కనీసం మూడెకరాల స్థలం ఉండాలి. ప్రస్తుతం గ్రామీణ ప్రాంతాల్లో ఎక్కువ మంది యువకులు క్రికెట్‌కే ప్రాధాన్యత ఇస్తున్నారు. ప్రస్తుతం కేటాయించిన భూమి ఏ మాత్రం సరి పోదని రెండు మూడు గ్రామాలకు కలిపి ఒకేచోట క్రికెట్‌ గ్రౌండ్‌ ఏర్పాటు చేస్తే బాగుంటుందని పలువురు అభిప్రాయ పడుతున్నారు. క్రీడాప్రాంగణాల నిర్వహణకు ఏడాదికి ఒక్కసారైనా నిధులు కేటాయించాలని విజ్ఞప్తి చేస్తున్నారు. నిర్వహణ బాధ్యతలు గ్రామ పంచాయతీలకు అప్పగించి ఉన్నతాధికారులు పర్యవేక్షించాలని కోరుతున్నారు. వికారాబాద్‌, పరిగి, తాండూరు మున్సిపాలిటీల్లో ఇటీవల ప్రైవేటు క్రికెట్‌ మైదానాలు అందుబాటులోకి వచ్చాయి. ఇక్కడ రోజుకు వేలకు వేలు చెల్లించి ఆటలు ఆడాల్సి వస్తోంది. పేద విద్యార్థులు, చిన్నారులు ఈ స్థాయిలో డబ్బు చెల్లించే స్థోమత లేక గల్లీల్లో క్రికెట్‌ ఆడుకోవాల్సి వస్తోంది. వికారాబాద్‌ జిల్లాలో ఏర్పాటు చేసిన మైదానాలు 585 బోర్డులతో సరి.. నిర్వహణ గాలికి పిచ్చి మొక్కలతో నిండిన ఆట స్థలాలు క్రీడా పరికరాలు పంపిణీ చేయని ప్రభుత్వాలు ఆటలకు దూరమవుతున్న గ్రామీణ క్రీడాకారులు 585 గ్రామ పంచాయతీల్లో .. జిల్లాలో 585 గ్రామ పంచాయతీలు ఉండగా ప్రతిచోట క్రీడా ప్రాంగణం ఏర్పాటు చేయాలని గత ప్రభుత్వం నిర్ణయించింది. ఆ దశగా చర్యలు తీసుకుంది. ప్రతి ప్రాంగణానికి 2వేల చదరపు గజాలు లేదా 20 గుంటలకు తగ్గకుండా భూమిని కేటాయించింది. ఇందుకోసం గ్రామ సమీపంలో గల ప్రభుత్వ భూమి లేదా అటవీ భూములను సేకరించారు. ప్రభుత్వ స్థలం లేని చోట జీపీల్లో లేఅవుట్లు చేస్తే వాటి ద్వారా సామాజిక అవసరాల కింద ఇచ్చే 10శాతం భూమిని క్రీడా ప్రాంగణాల కోసం కేటాయించేలా నిర్ణయించారు. ఇలా అన్ని జీపీల్లో స్థలాలు కేటాయించారు. కొన్ని చోట్ల చిన్న చిన్న ఆట, వ్యాయామ పరికరాలు ఏర్పాటు చేయగా మెజార్టీ గ్రామాల్లో ప్రాంగణాలు బోర్డులకే పరిమితమయ్యాయి. ఎంతో ఉన్నత లక్ష్యం ఏర్పాటు చేసిన తెలంగాణ క్రీడా ప్రాంగణాలు నేడు అలంకారప్రాయంగా మారాయి. ఇప్పటికై నా అధికారులు సమస్యను ప్రభుత్వం దృష్టికి తీసుకెళ్లి గ్రామీణ క్రీడాకారులను ప్రోత్సహించేందుకు చర్యలు తీసుకోవాలని యువకులు కోరుతున్నారు.

షాద్‌నగర్‌: రాజ్యాంగ సంస్థలపై కాంగ్రెస్‌ పార్టీ నాయకులు చేస్తున్న ఆరోపణలు సరికావని బీజేపీ జిల్లా అధ్యక్షుడు రాజభూపాల్‌గౌడ్‌ అన్నారు. ఎమ్మెల్సీ ఎన్నికల నేపథ్యంలో ఆదివారం పట్టణంలోని ఏబీ ఫంక్షన్‌ హాల్‌లో నియోజకవర్గస్థాయి పార్టీ నాయకులతో సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ.. రాబోయే ఎమ్మెల్సీ ఎన్నికల్లో అర్హులైన పట్టభద్రులు తమ ఓటు హక్కును నమోదు చేసుకోవాలని కోరారు. పార్టీ నాయకులు పట్టభద్రులకు అవగాహన కల్పించి, ఓటరు నమోదు ప్రక్రియను వేగవంతం చేయాలని సూచించారు. ఎన్నికల్లో పార్టీ అభ్యర్థి గెలుపే లక్ష్యంగా ముందుకు సాగాలన్నారు. కాంగ్రెస్‌ పార్టీ నాయకులు రాజకీయ ప్రయోజనాల కోసం ఎన్నికల సంఘం, సుప్రీంకోర్టు వంటి రాజ్యాంగ సంస్థలపై ఆరోపణలు చేయడం సరికాదని హితవు పలికారు. తప్పుడు ప్రచారాలను తిప్పికొట్టాలని పిలుపునిచ్చారు. ఓటరు జాబితా సవరణ ప్రక్రియను కేంద్ర ప్రభుత్వం పారదర్శకంగా నిర్వహిస్తోందని తెలిపారు. దేశాన్ని అన్ని రంగాల్లో అభివృద్ధి చేసేందుకు ప్రధాని మోదీ ఎంతో కృషి చేస్తున్నారని చెప్పారు. దేశం అభివృద్ధి పథంలో ముందుకు సాగుతుంటే కాంగ్రెస్‌ పార్టీ నాయకులు ఓర్వలేకపోతున్నారని దుయ్యబట్టారు. సమావేశంలో నాయకులు శ్రీవర్ధన్‌రెడ్డి, దేపల్లి అశోక్‌గౌడ్‌, కక్కునూరి వెంకటేశ్‌గుప్తా, మనోహర్‌రెడ్డి, కమ్మరి భూపాల్‌చారి, ఇస్నాతి శ్రీనివాస్‌, నర్సింహ, మోహన్‌సింగ్‌, వంశీకృష్ణ, చెట్ల వెంకటేశ్‌, ఉమా మహేశ్వరి, శ్యాంసుందర్‌, బోయ అశోక్‌, రాజ్‌నాయక్‌ తదితరులు పాల్గొన్నారు. బీజేపీ జిల్లా అధ్యక్షుడు రాజభూపాల్‌గౌడ్‌

బషీరాబాద్‌: సొంతింటి కల నెరవేర్చుకునేందుకు ఎదురుచూస్తున్న పేదలకు ప్రభుత్వం మరో అవకాశం కల్పించనుంది. ఇందిరమ్మ ఇళ్ల పథకంలో భాగంగా జిల్లాకు కొత్తగా 6,669 ఇళ్లను కేటాయించింది. ఎల్‌–1 జాబితాలోని అర్హుల నుంచే లబ్ధిదారులను ఎంపిక చేయనున్నారు. గతంలో మంజూరై నిర్మాణాలు ప్రారంభం కాని సుమారు 3వేల ఇళ్లను కొత్త లబ్ధిదారులకు కేటాయించనున్నారు. శిథిలావస్థకు చేరిన ఇళ్ల మరమ్మతులు చేపట్టి కొత్తగా స్లాబ్‌ వేసుకోవాలనుకునే అర్హులకు ప్రభుత్వం రూ.2 లక్షల ఆర్థిక సాయం అందించనుంది. ఇంటికి నాలుగు గోడలు ఉండటంతోపాటు ప్లింత్‌ ఏరియా 600 చదరపు అడుగులు ఉండాలనే నిబంధన వర్తిస్తుందని అధికారులు చెబుతున్నారు. స్లాబ్‌ వేసి నిర్మాణం పూర్తి చేసిన తర్వాత నిబంధనల ప్రకారం సాయం అందించనున్నారు. రూఫ్‌ రీప్లేస్‌మెంట్‌ పథకం కింద ప్రతి నియోజకవర్గానికి 500 ఇళ్ల చొప్పున కేటాయించనున్నారు. జిల్లాకు ఈ విభాగంలో కొత్తగా 2 వేల ఇళ్లు కేటాయించినట్లు అధికారులు తెలిపారు. కమిటీల ద్వారా ఎంపిక గ్రామాల్లోని ఇందిరమ్మ కమిటీలు అర్హులైన లబ్ధిదారులను ఎంపిక చేసి జాబితాలను ఎమ్మెల్యేల ద్వారా జిల్లా కలెక్టర్‌కు అందజేస్తాయి. తర్వాత అర్హులకు మంజూరు పత్రాలు జారీ చేసి, నిర్మాణాలకు మార్కింగ్‌ ఇస్తారు. కొత్తవారికి అవకాశం జిల్లాలో కొత్తగా వచ్చిన 6,669 ఇళ్లలో ఒక్కో నియోజవర్గానికి 2 వేలు కేటాయించారు. వీటితో పాటు మొదటి విడతలో మంజూరై ఇప్పటికీ ఇంటి నిర్మాణాలు ప్రారంబించని మరో 3వేల ఇళ్లు కూడా ఎల్‌–1 జాబితాలోని అర్హులైన కొత్తవారికి కేటాయించనున్నారు. ఈ నిర్ణయంతో మరిన్ని పేద కుటుంబాలకు సొంతింటి కల నెరవేరే అవకాశం ఉంది. ఎల్‌ –1 జాబితా నుంచే లబ్ధిదారుల ఎంపిక రూఫ్‌ రీప్లేస్‌మెంట్‌కూ రూ.2 లక్షల సాయం ప్రతి నియోజకవర్గానికి 500 ఇళ్ల కేటాయింపు ప్లింత్‌ ఏరియా 600 చ.అడుగులు తప్పనిసరి ప్రారంభం కాని 3వేల ఇళ్లు కొత్తవారికి నియోజకవర్గాల వారీగా.. నియోజకవర్గాల వారీగా ఇందిరమ్మ ఇళ్లను పంపిణీ చేశాం. గ్రామాల్లోని కమిటీలు లబ్ధిదారులను ఎంపిక చేసి జాబి తాను ఎమ్మెల్యేల ద్వా రా అందజేయాలి. వాటి ఆధారంగా అర్హులకు మంజూరు పత్రాలు జారీ చేస్తాం. ఇళ్ల నిర్మాణాలకు మార్కింగ్‌ ఇస్తాం. వీటిలోనే రూఫ్‌ రీప్లేస్‌మెంట్‌ కింద కొత్తగా 2 వేల ఇళ్లు కూడా కేటాయించాం. అర్హులు స్లాబ్‌ వేసి నిర్మాణం పూర్తి చేస్తే రూ.2 లక్షల సాయం అందుతుంది. – మత్రునాయక్‌, పీడీ హౌసింగ్‌

ఇసుక అక్రమ రవాణా ఈసీ వాగు నుంచి ఇసుక దందా జోరుగా సాగుతోంది. అక్రమంగా రవాణా చేస్తున్నా అడిగే నాథుడే కరువయ్యాడు. జలం..సాక్షి, రంగారెడ్డిజిల్లా: భూగర్భ జలాలు పాతాళానికి వేగంగా పడిపోతున్న జిల్లాల జాబితాలో ఉమ్మడి రంగారెడ్డి తెలంగాణలోనే ముందు వరుసలో నిలిచింది. గత ఏడాది సెప్టెంబర్‌తో పోలిస్తే ఈ ఏడాది 5.43 మీటర్ల లోతుకు పడిపోయాయి. ఆశించినస్థాయిలో వర్షపాతం నమోదు కాకపోవడానికి తోడు శివారు ప్రాంతాలు పూర్తిగా కాంక్రీట్‌ జంగిల్స్‌గా మారడం, భారీ బహుళ అంతస్తుల నిర్మాణాలు వెలుస్తుండటం, గృహ, వాణిజ్య, పారిశ్రామిక, వ్యవసాయ అవసరాల కోసం నీటిని తోడేస్తుండటంతో వేగంగా పాతాళానికి పడిపోతున్నాయి. ఇళ్లు, వ్యాపార, వాణిజ్య సముదాయాల్లోని బోరుమోటార్లు ఎండిపోతున్నాయి. గేటెడ్‌ కమ్యూనిటీలు, అపార్ట్‌మెంట్లు, ప్రభుత్వ, ప్రైవేటు కార్యాలయాలు, గురుకులాలు, హాస్టళ్లు, హోటళ్లు, ఆస్పత్రులు, వ్యాపార, వాణిజ్య సముదాయాల్లో నీటి కటకట తప్పడం లేదు. పైపులైన్ల ద్వారా కృష్ణా, గోదావరి జలాలను జలమండలి సరఫరా చేస్తున్నా అవసరాలు తీరడం లేదు. విధిలేని పరిస్థితుల్లో ప్రైవేటు ట్యాంకర్లను ఆశ్రయించాల్సి వస్తోంది. 13 మండలాల్లో లోటు వర్షపాతమే.. సాధారణంగా జిల్లాలో సెప్టెంబర్‌ చివరి నాటికి 547.8 మిల్లీమీటర్ల వర్షపాతం నమోదు కావాల్సి ఉంది. ఈ ఏడాది ఇప్పటి వరకు 468 మిల్లీ మీటర్లకు మించలేదు. మైనస్‌ 14.6 శాతం లోటు నమోదైంది. 27 మండలాల్లో కేవలం ఒక మండలంలో (షాబాద్‌లో 26.2 శాతం) అధిక వర్షపాతం నమోదైంది. 13 మండలాల్లో సాధారణ వర్షపాతం నమోదైంది. వీటిలో కొందుర్గులో 18.9 శాతం, కేశంపేటలో 16.3, నందిగామలో 12.6, మొయినాబాద్‌లో 5.9, చేవెళ్లలో 3.8, మాడ్గులలో మైనస్‌ 5.0, శంకర్‌పల్లిలో మైనస్‌ 6.7, శేరిలింగంపల్లిలో మైనస్‌ 7.1, రాజేంద్రనగర్‌లో మైనస్‌ 8.0, ఫరూఖ్‌నగర్‌లో మైనస్‌ 8.6, చౌదరిగూడలో మైనస్‌ 14.5 శాతం వర్షపాతం నమోదైంది. కందుకూరు, ఆమనగల్లు, కడ్తాల్‌, గండిపేట్‌, శంషాబాద్‌, బాలాపూర్‌, హయత్‌నగర్‌, సరూర్‌నగర్‌, మంచాల, తలకొండపల్లి, యాచారం, అబ్దుల్లాపూర్‌మెట్‌, ఇబ్రహీంపట్నం మండలాల్లో సాధారణం కంటే అతి తక్కువై లోటు వర్షపాతం నమోదైంది. మరింత లోతుకు భూగర్భ జలమట్టం ఎండిపోతున్న పొలాలు, ఆందోళనలో రైతులు పంటలను కాపాడుకునేందుకు ట్యాంకర్లతో నీటి సరఫరా కరెంట్‌ కోతలపై కన్నెర్ర.. సబ్‌స్టేషన్ల ముట్టడి చేవెళ్ల, షాద్‌నగర్‌, కందుకూరు, ఇబ్రహీంపట్నం రెవెన్యూ డివిజన్ల పరిధిలో పంటలు వాడిపోతున్నాయి. మెజార్టీ బోర్లు ఇప్పటికే ఎండిపోయాయి. చెరువులు, కుంటల కింద ఉన్న బోరు బావుల్లో నీరు ఉన్నప్పటికీ.. కరెంట్‌ కోతలతో ఇబ్బందులు తలెత్తుతున్నాయి. సరఫరాలో హెచ్చుతగ్గుల సమస్యతో డిస్ట్రిబ్యూషన్‌ ట్రాన్స్‌ఫార్మర్లు సహా మోటార్లు కాలిపోతున్నాయి. జిల్లాలోని మూడు సర్కిళ్ల పరిధిలో 3,298 ట్రాన్స్‌ఫార్మర్లు కాలిపోయాయంటే క్షేత్రస్థాయిలో విద్యుత్‌ డిమాండ్‌, సరఫరా తీరు ఎంత దారుణంగా ఉందో అర్థం చేసుకోవచ్చు. కరెంట్‌ లేక పంటలు ఎండిపోతుండటంతో రైతులు సబ్‌స్టేషన్లను ముట్టడిస్తున్నారు. మహేశ్వరం, కందుకూరు, తలకొండపల్లి, కేశంపేట, కొందుర్గు, మంచాల, మాడ్గుల మండలాల్లోని రైతులు ఇప్పటికే రోడ్డెక్కి ఆందోళన చేశారు. ఎండిపోయిన పంటల వివరాలు సేకరించి, ప్రభుత్వానికి నివేదించడంలో సంబంధిత శాఖలు మొద్దునిద్ర వీడటం లేదు.

సాక్షి, రంగారెడ్డి జిల్లా: అనుమతి లేకుండా పార్టీలు నిర్వహిస్తున్న ఫామ్‌హౌస్‌లపై చేవెళ్ల డీసీపీ యోగేశ్‌ గౌతమ్‌ ఆధ్వర్యంలో పోలీసులు శనివారం రాత్రి దాడులు నిర్వహించారు. అక్రమంగా నిల్వ చేసిన 26 లీటర్ల మద్యం, నాలుగు హుక్కా పాట్స్‌ని స్వాధీనం చేసుకున్నారు. ఈ సందర్భంగా డీసీపీ మాట్లాడుతూ.. సురంగల్‌, తోలుకట్టలోని వన్‌ వ్యూ, వనం, ప్రణవిల్లా, జెడ్‌, రాయల్‌ వుడ్‌ ఫామ్‌హౌస్‌ల్లో అనుమతి లేకుండా పార్టీలు నిర్వహిస్తున్నట్లు సమాచారం అందిందని తెలిపారు. వాటిపై దాడులు చేసి, అక్రమంగా నిల్వ చేసిన మద్యం, హుక్కా పాట్స్‌ని స్వాధీనం చేసుకొని, యజమానులపై కేసు నమోదు చేసినట్టు చెప్పారు. ప్రభుత్వ నిబంధనలకు అనుగుణంగా ఫామ్‌హౌస్‌ నిర్వాహకులు నడుచుకోవాలని, చట్టవిరుద్ధ కార్యకలాపాలకు పాల్పడితే కఠిన చర్యలు తప్పవని హెచ్చరించారు. దాడుల్లో చేవెళ్ల ఏసీపీ కిషన్‌, మొయినాబాద్‌ సీఐ మల్లికార్జున్‌ రెడ్డి, డీఐ ఉపేందర్‌, సిబ్బంది పాల్గొన్నారు. చేవెళ్ల పరిధిలో ఆకస్మిక తనిఖీలు చేవెళ్ల: మండలంలోని పలు ఫామ్‌హౌస్‌ల్లో ఐదు ప్రత్యేక బృందాలతో శనివారం అర్ధరాత్రి పోలీసులు తనిఖీలు చేపట్టారు. ఈ సందర్భంగా ఎలైట్‌ ఫామ్‌హౌస్‌లో అనుమతులు లేకుండా హుక్కా వినియోగిస్తున్న ముగ్గురిని పట్టుకున్నారు. రెండు హుక్కాపాట్స్‌, వాటి పైపులను స్వాధీనం చేసుకున్నారు. ఈ మేరకు కేసు నమోదు చేశారు. ఈ సందర్భంగా చేవెళ్ల సీఐ నరేందర్‌రెడ్డి మాట్లాడుతూ.. అక్రమ కార్యకలాపాలను అరికట్టడం, శాంతిభద్రతలను పరిరక్షించడం లక్ష్యంగా చేవెళ్ల డీసీపీ యోగేష్‌ గౌతమ్‌ ఆదేశాల మేరకు ఫామ్‌హౌస్‌ల్లో ప్రత్యేక తనిఖీలు చేపట్టినట్లు తెలిపారు. ఫామ్‌హౌస్‌ యజమానులు, నిర్వాహకులు ఎలాంటి చట్ట విరుద్ధమైన కార్యకలాపాలకు పాల్పడినా చట్టరీత్య చర్యలు తప్పవని హెచ్చరించారు.

షాబాద్‌: డాక్టర్‌ బీఆర్‌ అంబేడ్కర్‌ జాతీయ అవార్డుకు మండలంలోని తాళ్లపల్లి గ్రామానికి చెందిన అప్పలి శ్రీనివాసులు ఎంపికయ్యారు. ఈ మేరకు ఆదివారం నగరంలోని బహుజన సాహిత్య అకాడమీ రాష్ట్ర కార్యాలయంలో జాతీయ అధ్యక్షుడు నల్లా రాధాకృష్ణ చేతుల మీదుగా ఎంపిక పత్రం అందుకున్నారు. ఈ సందర్భంగా అప్పలి శ్రీనివాసులు మాట్లాడుతూ.. అవార్డుకు ఎంపికవడం ఆనందంగా ఉందన్నారు. నవంబర్‌ 15న న్యూ ఢిల్లీలో జరిగే 20వ జాతీయ సదస్సులో ప్రదానం చేయనున్నట్లు తెలిపారు. కార్యక్రమంలో బీఎస్‌ఏ రాష్ట్ర నాయకులు మల్లగళ్ల మల్లేష్‌, కోటేశ్వరరావు, విజయ్‌కుమార్‌, విష్ణవర్ధన్‌, అవార్డుల ఎంపిక కమిటీ సభ్యులు, ప్రజా సంక్షేమ సంఘం వ్యవస్థాపక అధ్యక్షుడు చొక్కంపేట ఆంజనేయులు, సామాజిక ఉద్యమకారులు పాల్గొన్నారు. తుర్కయంజాల్‌: శ్రీరాముడు, రావణాసురుడి మీద విజయం సాధించడానికి గుర్తుగా.. మహాభారతంలో పాండవులు 12 ఏళ్లు అరణ్యవాసం గడిపి విజయం సాధించడానికి గుర్తుగా ఏటా విజయ దశమిని జరుపుకొంటున్నామని విశ్రాంత యువసేన అధికారి, ప్రముఖ సంఘ సేవకుడు సీబీఆర్‌ ప్రసాద్‌ తెలిపారు. ఆర్‌ఎస్‌ఎస్‌ ఆధ్వర్యంలో ఆదివారం తొర్రూర్‌ డివిజన్‌ న్యూ సూభాష్‌ నగర్‌లో నిర్వహించిన విజయదశమి పదసంచాలన్‌ కార్యాక్రమానికి ఆయన ముఖ్య అతిథిగా హాజరయ్యారు. ఈ సందర్భంగా మాట్లాడుతూ.. దేశ నిర్మాణంలో ప్రతి ఒక్క స్వయం సేవక్‌ నిమగ్నమై ఉండాలని, దేశ భవిష్యత్తు యువత చేతిలోనే ఉందని అన్నారు. కొంతమంది యువత చెడు వ్యసనాలకు అలవాటు పడి జీవితాలను నాశనం చేసుకుంటున్నారని, లవ్‌ జిహాద్‌, మత మార్పిడులను తరిమికొట్టాలని పిలుపునిచ్చారు. కార్యక్రమంలో తెలంగాణ ప్రాంత సేవ ప్రముఖ్‌ గాజుల శివ శంకర్‌ తదితరులు పాల్గొన్నారు. చేవెళ్ల: మండలంలోని రేగడిఘనాపూర్‌లో దళితుడిపై జరిగిన దాడికి కారణమైన వారిని వెంటనే అరెస్ట్‌ చేసి, కఠిన చర్యలు తీసుకోవాలని కుల అసమానతల నిర్మూలన పోరాట సమితి రాష్ట్ర అధ్యక్షురాలు గన్నారపు సరోజన, కోశాధికారి ఎర్ర మోహనకృష్ణ, నాయకులు కిష్టప్ప అన్నారు. ఆదివారం గ్రామాన్ని సందర్శించి, దాడి జరిగిన బాధితుడు భాస్కర్‌ను పరామర్శించారు. వివరాలు అడిగి తెలుసుకున్నారు. ఈ సందర్భంగా వారు మాట్లాడుతూ.. దసరా వేడుకల్లో దళితుడైన భాస్కర్‌పై దాడికి పాల్పడిన అగ్రకులానికి చెందిన వారిపై ఫిర్యాదు చేసినప్పటికీ ఇప్పటి వరకు ఎందుకు చర్యలు తీసుకోలేదని ప్రశ్నించారు. వారిని కాపాడే ప్రయత్నం జరుగుతోన్నట్లు తెలుస్తోందన్నారు. ఇప్పటికై నా పోలీసులు చర్యలు తీసుకోవాలని, లేదంటే బాధితుడి పక్షాన పోరాడతామని హెచ్చరించారు. కార్యక్రమంలో సంఘం నాయకులు భాస్కర్‌, అంతయ్య, బుచ్చమ్మ, మెగులమ్మ తదితరులు పాల్గొన్నారు. సాక్షి, రంగారెడ్డిజిల్లా: ఓ ఫామ్‌హౌస్‌లో బర్త్‌డే వేడుకలు నిర్వహించగా.. మొయినాబాద్‌ పోలీసులు ఆకస్మికంగా దాడులు చేసి ఆరుగురిని అదుపులోకి తీసుకొన్నారు. డ్రగ్‌ టెస్టు చేయగా.. ఒకరికి పాజిటివ్‌గా నిర్ధారణ అయ్యింది. పోలీసుల కథనం ప్రకారం.. ఆదివారం రాత్రి కనకమామిడి గ్రామ శివారులోని మ్యాంగో వుడ్‌ ఫామ్‌హౌస్‌, విల్లా నంబర్‌ 13లో కొంత మంది యువకులు గంజాయి వాడుతున్నట్లు పోలీసులకు పక్కా సమాచారం అందింది. వెంటనే దాడులు జరిపి, ఆరుగురిని అదుపులోకి తీసుకున్నారు. వారిలో బీహార్‌ రాష్ట్రానికి చెందిన బిషు కుమార్‌(25)కి పాజిటివ్‌ వచ్చినట్లు ప్రాథమిక టెస్టులో నిర్ధారణ అయ్యింది. అతడిని ఠాణాకు తరలించి విచారించగా ఐదు నెలల క్రితం మనీష్‌ మొమోస్‌ అనే వ్యక్తి ద్వారా గంజాయి కొనుగోలు చేసి, వాడినట్లు వెల్లడించాడు. ఈ మేరకు కేసు నమోదు చేసి దర్యాప్తు చేస్తున్నారు.

అనంతగిరి: వికారాబాద్‌లో చేపట్టిన ఫ్లైఓవర్‌ పనులను వేగవంతం చేయాలని శాసనసభ స్పీకర్‌ జి.ప్రసాద్‌ కుమార్‌ సంబంధిత అధికారులను ఆదేశించారు. ఈ మేరకు శనివారం కలెక్టర్‌ దీపక్‌ తివారి, ప్రజా ప్రతినిధులు, అధికారులతో కలిసి పనులను పరిశీలించారు. ఈ సందర్భంగా స్పీకర్‌ మాట్లాడుతూ.. గడువులోపు అందుబాటులోకి తేవాలన్నారు. నాణ్యత పాటించేలా చూడాలని అధికారులకు సూచించారు. రవాణాపరంగా ప్రజలకు ఇబ్బంది కలగకుండా చూడాలని, ట్రాఫిక్‌కు అంతరాయం ఏర్పడకుండా చర్యలు తీసుకోవాలని తెలిపారు. సంబంధిత శాఖలు సమన్వయంతో పనిచేస్తూ, పనుల పురోగతిపై ఎప్పటికప్పుడు పర్యవేక్షించాలన్నారు. ఫ్లైఓవర్‌ నిర్మాణంలో ఆస్తులు కోల్పోయిన వారికి వారం రోజుల్లో పరిహారం అందేలా చర్యలు తీసుకుంటామని స్పష్టంచేశారు. ఈ కార్యక్రమంలో ఆర్డీఓ వాసుచంద్ర, ఆర్‌అండ్‌బీ ఎగ్జిక్యూటివ్‌ ఇంజనీర్‌ శ్రీధర్‌రెడ్డి, డీసీసీబీ డైరెక్టర్‌ కిషన్‌ నాయక్‌, మున్సిపల్‌ వైస్‌ చైర్మన్‌ సుధాకర్‌రెడ్డి, మార్కెట్‌ కమిటీ చైర్మన్‌ చాపల శ్రీనివాస్‌ ముదిరాజ్‌, మున్సిపల్‌ మాజీ చైర్మన్‌ సత్యనారాయణ, మాజీ వైస్‌ చైర్మన్‌ చిగుళ్లపల్లి రమేష్‌ కుమార్‌, మున్సిపల్‌ కౌన్సిలర్లు, అధికారులు తదితరులు పాల్గొన్నారు. వెల్‌చాల్‌ చర్చిని పరిశీలించిన స్పీకర్‌ మోమిన్‌పేట: విద్యుత్‌ షార్ట్‌ సర్క్యూట్‌ సంభవించిన వెల్‌చాల్‌ చర్చిని శనివారం స్పీకర్‌ గడ్డం ప్రసాద్‌కుమార్‌ సందర్శించారు. ఈ సందర్భంగా చర్చిలో కాలిపోయిన ఫర్నిచర్‌ను పరిశీలించారు. అనంతరం కమిటీ సభ్యులతో మాట్లాడారు. నీటి సమస్య పరిష్కారానికి బోరు మంజూరు చేస్తానని హామీ ఇచ్చారు. ఆయన వెంట సర్పంచ్‌ శ్రీనివాస్‌, మర్పల్లి మార్కెట్‌ కమిటీ చైర్మన్‌ మహేందర్‌రెడ్డి, కాంగ్రెస్‌ మండల అధ్యక్షుడు, పీఏసీఎస్‌ చైర్మన్‌ శంకర్‌, మండల సర్పంచుల సంఘం అధ్యక్షుడు సురేందర్‌ పార్టీ నాయకులు తదితరులు ఉన్నారు. ఫ్లైఓవర్‌ పనులను వేగవంతం చేయాలి స్పీకర్‌ గడ్డం ప్రసాద్‌కుమార్‌ కలెక్టర్‌ దీపక్‌తివారితో కలిసి పనుల పరిశీలన

షాద్‌నగర్‌రూరల్‌: మహిళల్లో అక్షరాస్యతను పెంపొందించి, వారిని విద్యావంతులుగా తీర్చిదిద్దడమే లక్ష్యమని రాష్ట్ర వయోజన విద్యాశాఖ డైరెక్టర్‌ శ్రీనివాస్‌రెడ్డి అన్నారు. రాష్ట్రంలో తొలిసారిగా ప్రభు త్వం ఫరూఖ్‌నగర్‌ మండలంలో ఉర్దూభాష అభ్యసన (ఉల్లాస్‌) కార్యక్రమాన్ని చేపట్టింది. పట్టణంలో ని మండల పరిషత్‌ సమావేశ మందిరంలో శనివా రం ఏర్పాటు చేసిన సమావేశానికి ముఖ్యఅతిథిగా హాజరైన శ్రీనివాస్‌రెడ్డి మాట్లాడుతూ.. మహిళలు విద్యావంతులుగా ఎదిగినప్పుడే ఆ కుటుంబం, సమాజం అభివృద్ధి చెందుతుందని అన్నారు. రాను న్న మార్చి నెలాఖరు వరకు జిల్లాలో 5,500 మంది మహిళలకు విద్యను అందించి ప్రభుత్వ లక్ష్యాన్ని చేరుకోవాలని సూచించారు. మహిళల్లో అక్షరాస్యతను పెంచేందుకు అధికారులు, స్వచ్ఛంద సంస్థలు సమన్వయంతో పని చేయాలని సూచించారు. అనంతరం ఉర్దూ అభ్యసన పుస్తకాన్ని ఆవిష్కరించారు. కార్యక్రమంలో వయోజన విద్యాశాఖ డిప్యూటీ డైరెక్టర్‌ అనిత, తహసీల్దార్‌ నాగయ్య, మున్సిపల్‌ చైర్మన్‌ అగ్గనూర్‌ బస్వం, మార్కెట్‌ కమిటీ వైస్‌ చైర్మన్‌ మహ్మద్‌ అలీఖాన్‌బాబర్‌, కాంగ్రెస్‌ పార్టీ జిల్లా ప్రధానకార్యదర్శి ఎం.డి.ఇబ్రహీం తదితరులు పాల్గొన్నారు.

సాక్షి, సిటీబ్యూరో: హెచ్‌ఎండీఏ మరోసారి భూముల వేలానికి శ్రీకారం చుట్టింది. గతంలో బిడ్డింగ్‌ నిర్వహించిన ప్రాంతాల్లో మిగిలిన ప్లాట్‌లకు నవంబర్‌లో దశలవారీగా బిడ్డింగ్‌ నిర్వహించనున్నారు. ఈ మేరకు తాజాగా నోటిఫికేషన్‌ వెలువరించింది. ఇటీవల నిర్వహించిన బిడ్డింగ్‌లో కోకాపేట్‌ నియోపోలిస్‌ లేఅవుట్‌లోని ప్లాట్‌ నంబర్‌ 17లో ఉన్న 4.59 ఎకరాలకు ఒకే ఒక్క బిడ్‌ దాఖలైంది. దాంతో ఆ బిడ్‌ను రద్దు చేశారు. తాజాగా మరోసారి నవంబర్‌ 27న బిడ్డింగ్‌ నిర్వహించనున్నట్లు అధికారులు తెలిపారు. ఈ స్థలానికి ఎకరాకు రూ.120 కోట్ల చొప్పున కనీస ధరగా నిర్ణయించారు. నవంబర్‌ 18వ తేదీన ప్రీబిడ్‌ సమావేశం ఏర్పాటు చేయనున్నారు. గతంలో నియోపోలిస్‌ లే అవుట్‌లో నిర్వహించిన బిడ్డింగ్‌కు అనూహ్యమైన స్పందన లభించింది. గోల్డెన్‌ మైల్‌ సైట్‌–1లోని 0.70 ఎకరాల ప్లాట్‌కు ఎకరాకు రూ.70 కోట్లు కనీస ధరగా నిర్ణయించగా,బిడ్డింగ్‌లో ఎకరాకు రూ.115 కోట్లు లభించాయి. అలాగే అంతకంటే ముందు నియోపోలిస్‌లో ఎకరానికి కనీస ధర రూ.100 కోట్ల చొప్పున ప్రతిపాదించగా అనూహ్యంగా రూ.151.25 కోట్లకు అమ్ముడైంది. నవంబర్‌లో నిర్వహించనున్న బిడ్డింగ్‌లోనూ కోకాపేట్‌పైన అధికారులు మరోసారి పెద్ద ఎత్తున అంచనాలు పెట్టుకున్నారు. మరోవైపు మూసాపేట్‌లోని 3.15 ఎకరాలకు కూడా ఈసారి బిడ్డింగ్‌ జరగనుంది. దీనికి ఎకరానికి రూ.99 కోట్ల చొప్పున కనీస ధర ఉంటుందని పేర్కొన్నారు. ఈ మొత్తం భూముల విక్రయాల ద్వారా రూ.1000 కోట్లకు పైగా ఆదాయం లభించవచ్చని అధికారులు భావిస్తున్నారు. అన్ని వర్గాలకు అందుబాటులో.. కోకాపేట్‌లోని హెచ్‌ఎండీఏ లే అవుట్‌లో ఉన్న మరో 8,591 చ.గజాల స్థలానికి గజానికి రూ.1.50 లక్షల చొప్పున కనీస ధరను నిర్ణయించారు. రాయదుర్గంలోని 1,815 గజాల స్థలానికి రూ.1.75 లక్షలకు గజం చొప్పున, సూరారంలోని హెచ్‌ఎండీఏ లే అవుట్‌లో ఉన్న 4,840 గజాల స్థలానికి రూ.55 వేలకు గజం చొప్పున కనీసధరలను నిర్ణయించారు. అలాగే కాప్రా, బాచుపల్లి, అమీన్‌పూర్‌ సర్వేనంబర్‌ 823, అమీన్‌పూర్‌ కిష్టారెడ్డిపేట్‌, ఇన్ముల్‌ నర్వ హుడాహైట్స్‌లోని ప్లాట్లకు కూడా బిడ్డింగ్‌ నిర్వహించనున్నారు. మరోసారి హెచ్‌ఎండీఏ భూముల వేలం

షాబాద్‌: భూ వివాదం నేపథ్యంలో కత్తితో దాడి చేసిన కేసులో షాబాద్‌ పోలీసులు తొమ్మిది మంది నిందితులను అరెస్టు చేశారు. సీఐ డీకే లక్ష్మిరెడ్డి తెలిపిన వివరాల ప్రకారం.. మండలంలోని హైతాబాద్‌ సర్వేనంబర్‌ 202లోని భూమికి సంబంధించి దీర్ఘకాలిక వివాదం కొనసాగుతోంది. ఈ నేపథ్యంలో శుక్రవారం సాయంత్రం రెండు వర్గాల మధ్య ఘర్షణ చోటుచేసుకుంది. చాంద్‌పాషా, అతని కుమారులు సోహెల్‌, ఫైజల్‌పై దాడి చేయడానికి నిందితులు ముందస్తు పథకం వేసుకున్నారు. ఈ క్రమంలో రెండు కార్లు, ఒక మోటార్‌ సైకిల్‌పై ఆయుధాలతో అక్కడికి చేరుకుని దాడికి పాల్పడ్డారు. ముజఫర్‌ ఉద్దీన్‌ ఓ వ్యక్తిపై కత్తితో దాడి చేశాడు. అనంతరం జరిగిన ఘర్షణలో వాహనాలు ధ్వంసమయ్యాయి. ఈ కేసులో షాబాద్‌ పోలీసులు శనివారం తొమ్మిది మంది నిందితులను అదుపులోకి తీసుకున్నారు. రెండు కార్లు, ఒక మోటార్‌ సైకిల్‌, రెండు క్రికెట్‌ బ్యాట్‌లు, కత్తి, పలు సెల్‌ఫోన్లు స్వాధీనం చేసుకున్నారు.

మొయినాబాద్‌: ఎదురెదురుగా కారు, బైకు ఢీకొని రోడ్డు నిర్మాణంకోసం తీసిన కాలువలో పడటంతో ఇద్దరికి గాయాలయ్యాయి. ఈ సంఘటన మొయినాబాద్‌ పోలీస్‌స్టేషన్‌ పరిధిలోని కేతిరెడ్డిపల్లి గేటు వద్ద హైదరాబాద్‌–బీజాపూర్‌ జాతీయ రహదారిపై శనివారం ఉదయం చోటుచేసుకుంది. స్థానికులు తెలిపిన వివరాల ప్రకారం.. నగరం నుంచి చేవెళ్ల వైపు బైక్‌పై ఇద్దరు వెళ్తున్నారు. అదే సమయంలో చేవెళ్ల నుంచి నగరం వైపు అతివేగంతో వచ్చిన కారు, బైక్‌ను ఢీకొట్టింది. దీంతో బైక్‌పై ఉన్న ఇద్దరు కింద పడి గాయాలయ్యాయి. ఢీకొన్న రెండు వాహనాలు రోడ్డు నిర్మాణంకోసం తవ్విన కాలువలోకి దూసుకెళ్లి పల్టీ కొట్టాయి. గాయాలైన ఇద్దరిని స్థానికులు చికిత్సకోసం నగరంలోని ఓ ప్రైవేటు ఆస్పత్రికి తరలించారు. ప్రమాదం జరిగినట్లు సమాచారం అందిన వెంటనే పోలీసులు అక్కడికి చేరుకున్నారు. గాయాలైనవారి వివరాలను మాత్రం శనివారం రాత్రి వరకు సేకరించలేదు. మరోవైపు హైదరాబాద్‌–బీజాపూర్‌ జాతీయ రహదారి విస్తరణ పనులు చేపడుతున్న కాంట్రాక్టర్‌ నిర్లక్ష్యం వాహనదారులకు శాపంగా మారింది. రోడ్డు విస్తరణ పనుల్లో కాంట్రాక్టర్‌ నిబంధనలు, జాగ్రత్తలు పాటించడంలేదని స్పష్టమవుతోంది. ప్రస్తుతం ఉన్న రోడ్డు పక్కనుంచి కొత్త రోడ్డు నిర్మాణంకోసం కాలువలు తవ్వారు. వాటికి అడ్డంగా సూచిక బోర్డులు, సిమెంటు దిమ్మెలు పెట్టాల్సి ఉన్నా.. అవేమీ పట్టించుకోవడంలేదు. దీంతోనే ప్రమాదాలు జరుగుతున్నాయని స్థానికులు, వాహనదారులు ఆరోపిస్తున్నారు. కాలువలో పడిన కారు, బైకు రోడ్డు ప్రమాదంలో ఇద్దరికి గాయాలు

సాక్షి, రంగారెడ్డిజిల్లా: భూ భారతి దరఖాస్తుల పరిష్కారంలో నిబంధనలకే ప్రాధాన్యత ఇస్తున్నట్లు తెలంగాణ రెవెన్యూ ఎంప్లాయీస్‌ సర్వీస్‌ అసోసియేషన్‌ జిల్లా శాఖ (టెస్రా యూనియన్‌) పేర్కొంది. భూ భారతి పోర్టల్‌లో దరఖాస్తులు భారీగా పేరుకుపోవడంపై శనివారం ‘సాక్షి’లో ‘ముట్టజెప్పారా సరి.. లేదంటే కొర్రీ’ శీర్షికన ప్రచురితమైన కథనంపై స్పందించింది. ఈ మేరకు శనివారం ఒక ప్రకటన విడుదల చేసింది. అర్హులైన రైతులు, భూ బాధితులకు న్యాయం చేయడంతో పాటు ప్రభుత్వ భూముల పరిరక్షణకు ప్రాధాన్యత ఇస్తున్నట్లు స్పష్టం చేసింది. దరఖాస్తు చేసుకున్నంత మాత్రాన భూమిని నిషేధిత జాబితా నుంచి తొలగించడం సాధ్యం కాదని, ప్రభుత్వ భూములు అన్యాక్రాంతం కాకుండా చూడటంతో పాటు, చట్టబద్ధమైన హక్కులు కలిగిన వారికి న్యాయం జరిగేలా నిబంధనల ప్రకారం పరిష్కరించడం జరుగుతుందని వివరించింది. ప్రస్తుతం తహసీల్దార్‌ స్థాయిలో 9,788 అప్లికేషన్లు, ఆర్డీఓ స్థాయిలో 2,801, అదనపు కలెక్టర్‌ స్థాయిలో 8,228, కలెక్టర్‌ స్థాయిలో 2,190 కలిపి మొత్తం 23,007 పెండింగ్‌లో ఉన్నట్లు స్పష్టం చేసింది. ఇప్పటి వరకు 3,37,439 దరఖాస్తులు పరిష్కరించినట్లు పేర్కొంది. ప్రజలు మధ్యవర్తులను ఆశ్రయించకుండా నేరుగా అధికారులను సంప్రదించాలని సూచించింది. ఇదిలా ఉండగా శనివారం ఇబ్రహీంపట్నం తహసీల్దార్‌ రాందాస్‌పల్లి సర్వే నంబర్‌ 41లోని బాధిత రైతులను స్వయంగా ఆఫీసుకు పిలిపించుకుని మాట్లాడారు. అర్జీలను ఎప్పటిక ప్పుడు క్లియర్‌ చేస్తున్నట్లు ప్రకటించారు. ఇదే సమయంలో ఆర్‌ఐ క్షేత్రస్థాయిలో పర్యటించి పెండింగ్‌ దరఖాస్తులకు నివేదికలు సిద్ధం చేశారు.

● ఇచ్చిన హామీలను నెరవేరుస్తున్నాం ● ఎమ్మెల్యే రామ్మోహన్‌రెడ్డి ● పరిగిలో ధాన్యం కొనుగోలు కేంద్రం ప్రారంభంపరిగి: రైతుల సంక్షేమానికి కాంగ్రెస్‌ ప్రభుత్వం కట్టుబడి ఉందని ఎమ్మెల్యే టి.రామ్మోహన్‌రెడ్డి అన్నారు. డీసీఎంఎస్‌ ఆధ్వర్యాన పట్టణంలో ఏర్పాటు చేసిన వరి ధాన్యం కొనుగోలు కేంద్రాన్ని శనివారం ఈయన ప్రారంభించారు. అనంతరం మాట్లాడుతూ.. రైతులు పండించిన ధాన్యాన్ని కొనుగోలు చేసేందుకు అన్ని ఏర్పాట్లు చేస్తున్నామన్నారు. గిట్టుబాటు ధర కల్పించేందుకు ప్రభుత్వం చర్యలు తీసుకుంటోందని తెలిపారు. ఎన్నికల్లో భాగంగా రైతులకు ఇచ్చిన హామీలను నెరవేరుస్తున్నామన్నారు. అధికారంలోకి వచ్చిన వెంటనే రూ.2 లక్షల వరకు రుణమాఫీ చేశామని, యంత్రాలు, పనిముట్లను సబ్సిడీపై అందజేస్తున్నామని తెలిపారు. వాతావరణ మార్పులు, ఎల్‌నినో వంటి పరిణామాలను రాజకీయాలతో ముడిపెట్టి ప్రజల్లో సృష్టించడం సరికాదన్నారు. ప్రభుత్వంపై ప్రతిపక్షాలు చెబుతున్న లేనిపోని మాటలను ప్రజలు నమ్మే పరిస్థితి లేదని ఎద్దేవాచేశారు. రబీలో వరి సాగు చేయకపోవడమే మంచిదని సూచించారు. తక్కువ నీటితో పండే పంటలే వేయాలన్నారు. ఈ కార్యక్రమంలో మున్సిపల్‌ చైర్మన్‌ రజిత, మార్కెట్‌ కమిటీ చైర్మన్‌ పరశురాంరెడ్డి, వైస్‌ చైర్మన్‌ అయూబ్‌, కాంగ్రెస్‌ మండల అధ్యక్షుడు వెంకట్‌రాములు, పీఏసీఎస్‌ చైర్మన్‌ పార్థసారథిపంతులు, ఆత్మకమిటీ చైర్మన్‌ శ్రీనివాస్‌రెడ్డి, నాయకులు తౌర్యనాయక్‌ పాల్గొన్నారు.

● హార్వెస్టర్‌ లీజ్‌ పత్రాల పరిశీలన ● ఏపీఎంపై వచ్చిన ఆరోపణలపైనా ఆరా తాండూరు రూరల్‌: తాండూరు మండల మహిళా సమాఖ్య కార్యాలయంలో శనివారం విజిలెన్స్‌ అధికారులు విచారణ చేపట్టారు. వరికోత యంత్రం వినియోగంతో పాటు ఏపీఎం బాలయ్యపై వచ్చిన అభియోగాలపై వివరాలు సేకరించారు. హార్వెస్టర్‌ లీజు పత్రాలు, ఆఫీసు ఖర్చులపై ఆరా తీశారు. అనంతరం డీపీఎం శేఖర్‌, ఏపీఎం బాలయ్యతో పాటు మహిళా సమాఖ్య అధ్యక్ష, కార్యదర్శి, కోశాధికారి భాగ్యలక్ష్మి, భానుప్రియ, నాగమ్మ, అకౌంటెంట్‌ కవితతో విడివిడిగా మాట్లాడి వివరాలు సేకరించారు. ఈ నివేదికను వారం రోజుల్లో డీఆర్‌డీఓకు అందజేస్తామని వీబీజీరామ్‌జీ జిల్లా విజిలెన్స్‌ అధికారి కుసుమ మాధురి, సీబీఓఏ అడిట్‌ అధికారి ప్రవీణ్‌రెడ్డి స్పష్టం చేశారు.

తాండూరు రూరల్‌: అక్రమంగా ఇసుక తరలిస్తున్న ట్రాక్టర్‌ను కరన్‌కోట్‌ పోలీసులు పట్టుకున్నారు. ఈ సంఘటన తాండూరు మండలం గోనూర్‌లో శనివారం ఉదయం చోటుచేసుకుంది. ఎస్‌ఐ అన్వేష్‌ రెడ్డి కథనం ప్రకారం.. గ్రామానికి చెందిన మాచనూర్‌ శివకుమార్‌ కాగ్నా వాగు నుంచి ట్రాక్టర్‌లో అక్రమంగా ఇసుక తరలిస్తుండగా పట్టుకున్నారు. వాహనాన్ని పీఎస్‌కు తరలించి, యజమాని శివకుమార్‌తో పాటు డ్రైవర్‌పై కేసు నమోదు చేశామని ఎస్‌ఐ తెలిపారు. ఇదిలా ఉండగా ట్రాక్టర్‌ను వదిలిపెట్టాలని అధికార పార్టీ నేతల నుంచి పోలీసులకు ఒత్తిడి వచ్చినట్లు సమాచారం. అంతకుముందే గోనూర్‌లో ఓ ట్రాక్టర్‌ యజమాని పోలీసుల పట్ల దురుసుగా ప్రవర్తించడాన్ని చూసి, గ్రామస్తులు విస్తుపోయారు. పోలీసులు అతన్ని జీపులో పీఎస్‌కు తరలించారు. యజమాని, డ్రైవర్‌పై కేసు

హుడాకాంప్లెక్స్‌: వృద్ధాశ్రమాల నిర్వహణలో స్వచ్ఛంద సేవా సంస్థలు కీలక పాత్ర పోషిస్తాయని దివ్యాంగులు, వయోవృద్ధుల సంక్షేమ శాఖ అధికారి నారాయణమ్మ అన్నారు. సరూర్‌నగర్‌లోని మారుతీ వృద్ధాశ్రమంలో శనివా రం తనిఖీలు నిర్వహించారు. ఈ సందర్భంగా రికార్డులను పరిశీలించారు. మెనూ ప్రకారం ఆహారం అందిస్తున్నారా అని ఆరా తీశారు. అనంతరం ఆమె మాట్లాడుతూ.. వ్యక్తిగత శుభ్రతతోపాటు పరిసరాల పరిశుభ్రత పాటించాలని సూచించారు. ఆశ్రమం నిర్వహణ బాగుందని తెలిపారు. ప్రశాంతంగా అసిస్టెంట్‌ సైంటిస్ట్‌ పరీక్ష మొయినాబాద్‌: అసిస్టెంట్‌ సైంటిస్ట్‌ (అనలిస్ట్‌ గ్రేడ్‌–2) పరీక్ష శనివారం ప్రశాంతంగా జరిగింది. ఉదయం 10 నుంచి మధ్యాహ్నం 12.30 గంటల వరకు,మధ్యాహ్నం 2.30 నుంచి సాయంత్రం 5 గంటల వరకు రెండు షిఫ్టుల్లో పరీక్ష నిర్వహించారు.సమయానికంటే గంట ముందుగానే అభ్యర్థులు పరీక్ష కేంద్రాలకు చేరుకున్నారు. మున్సిపల్‌ పరిధిలో ఏర్పాటు చేసిన ఐదు కేంద్రాల్లో 46.46 శాతం మంది మాత్రమే హాజరయ్యారు. 665 మంది అభ్యర్థులకుగాను 309 మంది మాత్రమే పరీక్ష రాశారు, 356 మంది హాజరు కాలేదు. గ్లోబల్‌ ఇంజనీరింగ్‌ కళాశాలలో 125 మందికి 65 మంది, చైతన్య డీమ్డ్‌ టూబీ యూనివర్సిటీలో 120 మందికి 53, కేజీరెడ్డి ఇంజనీరింగ్‌ కళాశాలలో 200 మందికి 80, జేబీఐఈటీ కళాశాలలో 120 మందికి 66, వీజేఐటీ కళాశాలలో 100 మందికి 45 మంది హాజరయ్యారు. పరీక్ష కేంద్రాల వద్ద ఎలాంటి అవాంఛనీయ ఘటనలు జరగకుండా పోలీసులు పటిష్ట బందోబస్తు ఏర్పాటు చేశారు. విజయం సాధించేదాకా విశ్రమించొద్దు బడంగ్‌పేట్‌: విజయం సాధించే వరకు విశ్రమించొద్దని అదనపు కలెక్టర్‌ డాక్టర్‌ కిరణ్మయి పోటీపరీక్షలకు సన్నద్ధం అవుతున్న విద్యార్థులకు సూచించారు. బడంగ్‌పేటలోని జిల్లా కేంద్ర గ్రంథాలయాన్ని శనివారం ఆకస్మికంగా తనిఖీ చేశారు. పాఠకులకు అందిస్తున్న సదుపాయాలు, నిర్వహణ తదితర అంశాలను అధికారులను అడిగి తెలుసుకున్నారు. లైబ్రరీకి వచ్చిన పాఠకులతో మాట్లాడారు. విద్యార్థుల పోటీ పరీక్షలకు అవసరమైన మెటీరియల్‌ అందుబాటులో ఉంచాలని గ్రంథ పాలకులకు సూచించారు. అదనపు కలెక్టర్‌ వెంట గ్రంథాలయ సంస్థ కార్యదర్శి పీజీవీ రాణి, గ్రంథాలయ సిబ్బంది ఉన్నారు. పట్టభద్రులను ఓటర్లుగా నమోదు చేయించండి మీర్‌పేట: అర్హులైన పట్టభద్రులంతా ఓటు హక్కు నమోదు చేసుకునేలా నాయకులు, కార్యకర్తలు అవగాహన కల్పించాలని మాజీ మంత్రి, ఎమ్మెల్యే సబితారెడ్డి, ఎమ్మెల్సీ సురభి వాణిదేవి సూచించారు. మీర్‌పేటలోని ఎమ్మెల్యే క్యాంపు కార్యాలయంలో పట్టభద్రుల ఓటర్ల నమోదు అంశంపై శనివారం నిర్వహించిన నియోజకవర్గ స్థాయి ముఖ్య కార్యకర్తల సమావేశానికి వారు హాజరయ్యారు. ఈ సందర్భంగా మాట్లాడుతూ.. నియోజకవర్గంలోని బీఆర్‌ఎస్‌ శ్రేణులంతా సమన్వయంతో పనిచేసి పెద్ద ఎత్తున పట్టభద్రులను ఓటర్లుగా నమోదు చేయాలన్నారు.

అనంతగిరి: వర్షాభావ పరిస్థితులతో పంటలు ఎండిపోయి తీవ్రంగా నష్టపోయిన రైతులను ప్రభుత్వం వెంటనే ఆదుకోవాలని తెలంగాణ రైతు సంఘం జిల్లా కార్యదర్శి మహిపాల్‌ డిమాండ్‌ చేశారు. ఈ మేరకు శనివారం వికారాబాద్‌ మండల పరిధిలోని పీరంపల్లి, పులుసుమామిడి, సిద్ధులూరు గ్రామాల్లో పర్యటించిన జిల్లా బృందం, పంట నష్టాన్ని పరిశీలించింది. ఈ సందర్భంగా ఆయన మాట్లాడుతూ.. ఎల్‌నినో ప్రభావం, బోర్లలో నీటి కొరత, విద్యుత్‌ సరఫరాలో అంతరాయాల కారణంగా పత్తి, వరి, కంది పంటలతో పాటు క్యారెట్‌, బీట్‌రూట్‌, క్యాబేజీ తదితర కూరగాయల పంటలు, పూల తోటలు తీవ్రంగా దెబ్బతిన్నాయని ఆవేదన వ్యక్తం చేశారు. పెట్టుబడులు పెట్టి పంటలు సాగు చేసిన రైతులు దిగుబడులు లేక ఆర్థిక ఇబ్బందులు ఎదుర్కొంటున్నారని పేర్కొన్నారు. సీఎం రేవంత్‌రెడ్డి, స్పీకర్‌ ప్రసాద్‌కుమార్‌ స్పందించి వెంటనే వికారాబాద్‌ను కరువు జిల్లాగా ప్రకటించాలని కోరారు. రైతులను ఆదుకునేందుకు రూ.2 వేల కోట్లు కేటాయించాలని డిమాండ్‌ చేశారు. ఈ కార్యక్రమంలో తెలంగాణ రైతు సంఘం జిల్లా ఉపాధ్యక్షుడు ఇందురూపాటి గోపాల్‌రెడ్డి, తేజ, శ్రీనివాస్‌, రైతులు తదితరులు పాల్గొన్నారు.

సాక్షి, రంగారెడ్డి జిల్లా: విధులకు హాజరు కాకుండా, షోకాజ్‌ నోటీసులకు స్పందించని 54 మంది లైసెన్స్‌ సర్వేయర్ల సేవలను తక్షణమే రద్దు చేసినట్లు అదనపు కలెక్టర్‌ (రెవెన్యూ) చంద్రారెడ్డి శనివారం ఒక ప్రకటనలో పేర్కొన్నారు. జిల్లాలో మొత్తం 281 మంది లైసెన్స్‌ సర్వేయర్లను నియమించగా, వారిలో 102 మంది విధులకు హాజరుకాకపోవడంతో షోకాజ్‌ నోటీసులు జారీ చేసినట్లు తెలిపారు. నోటీసులకు స్పందించి 48 మంది తిరిగి విధుల్లో చేరగా, ఎలాంటి స్పందన ఇవ్వని 54 మంది సేవలను రద్దు చేసినట్లు వెల్లడించారు. ప్రభుత్వం ప్రతిష్టాత్మకంగా చేపడుతున్న రీ సర్వేలో లైసెన్స్‌ సర్వేయర్ల పాత్ర కీలకమని చెప్పారు. ప్రభుత్వ ఆదేశాల మేరకు రీ సర్వే పనుల్లో ప్రతి ఒక్కరూ తప్పనిసరిగా పాల్గొని, తమకు అప్పగించిన బాధ్యతలను సమర్థవంతంగా నిర్వర్తించాలని సూచించారు. నిర్లక్ష్యానికి తావులేకుండా, నిర్దేశించిన లక్ష్యా లను నిర్ణీత గడువులోగా పూర్తి చేసేందుకు సర్వేయర్లు సంబంధిత అధికారులతో సమన్వయం చేసుకుంటూ పనిచేయాలని స్పష్టం చేశారు. విధులకు గైర్హాజరు కావడం, అధికారుల ఆదేశాలను పాటించకపోవడం వంటి చర్యలను ఉపేక్షించబోమని హెచ్చరించారు. విధులకు హాజరుకాని సర్వేయర్ల స్థానంలో కొత్తవా రిని నియమించి రీ సర్వే పనులు నిరంతరాయంగా కొనసాగేందుకు చర్యలు తీసుకుంటామని చెప్పారు. అమరవీరుల స్ఫూర్తితో పోరాటాలు ఇబ్రహీంపట్నం: పేద ప్రజల కోసం ప్రాణాలర్పించిన మహబూబ్‌ పాష, నరహరిల స్ఫూర్తితో సీపీఎం ప్రజా పోరాటాలు నిర్వహిస్తోందని ఆ పార్టీ జిల్లా కార్యదర్శి బోడ సామెల్‌ అన్నారు. స్థానిక పాషనరహరి స్మారక కేంద్రంలో శనివారం విలేకరుల సమావేశంలో మాట్లాడారు. కార్మిక, కర్షక, కష్టజీవుల అభ్యున్నతికి నిరంతరం పోరాటం చేసిన పాష, నరహరిలను భూస్వాములు, మతోన్మాదులు కక్షగట్టి దారుణంగా హతమార్చారని గుర్తు చేశారు. వారి వర్ధంతి సభలను గ్రామగ్రామాన నిర్వహించాలని.. ఇబ్రహీంపట్నంలోని అంబేడ్కర్‌ చౌరస్తాలో సోమవారం నిర్వహించే సభకు పెద్ద సంఖ్యలో పార్టీ శ్రేణులు, ప్రజలు హాజరుకావాలని పిలుపునిచ్చారు. సమావేశంలో పార్టీ జిల్లా కార్యదర్శివర్గ సభ్యుడు కె.జగన్‌, జిల్లా కమిటీ సభ్యులు పి.జగన్‌, పి.అంజయ్య, ప్రకాశ్‌ కారత్‌, యాదగిరి, విజయ్‌, కార్తీక్‌, కృష్ణ పాల్గొన్నారు.

పరిగి: జాతీయ రహదారిపై కారు టాప్‌పై కూర్చుని విన్యాసాలు చేస్తూ ట్రాఫిక్‌ నిబంధనలను ఉల్లంఘించిన వారిపై శనివారం పరిగి పోలీసులు కేసు నమోదు చేశారు. ఈ వివరాలతో శనివారం సాక్షిలో ప్రచురితమైన వార్తకు స్పందించిన ఎస్‌ఐ మోహనకృష్ణ సదరు కారును గుర్తించి సీజ్‌ చేశారు. కారుతో హల్‌చల్‌ చేసి, ఇతర వాహనదారులకు ఇబ్బంది కలిగించిన నలుగురిపై కేసు నమోదు చేసి దర్యాప్తు చేస్తున్నట్టు తెలిపారు. పరిగి: ప్రజల భద్రతే లక్ష్యంగా పనిచేస్తామని మున్సిపల్‌ కమిషనర్‌ మల్లేశ్‌ అన్నారు. పట్టణం వీధి కుక్కల నియంత్రణ చర్యలు చేపట్టారు. ఈమేరకు శనివారం బ్లూ క్రాస్‌ ఆధ్వర్యంలో 170 శునకాలను పట్టించారు. అనంతరం ఆయన మాట్లాడుతూ.. వీధి కుక్కలను పట్టుకుని, వాటి వ్యాప్తి జరగకుండా శస్త్ర చికిత్సలు చేయించి, ఇతర ప్రాంతాలకు తరలిస్తున్నామని తెలిపారు. మిగిలిన వాటిని కూడా పట్టుకుంటామన్నారు. కార్యక్రమంలో మున్సిపల్‌ సిబ్బంది తదితరులు పాల్గొన్నారు. తాండూరు టౌన్‌: పట్టణంలోని సాయిపూర్‌ ప్రసన్న అభయాంజనేయ స్వామి ఆలయంలో శనివారం ఉత్సవాలు వైభవంగా జరిగాయి. స్థానికులు పెద్ద ఎత్తున తరలివచ్చి స్వామివారికి ప్రత్యేక పూజలు చేశారు. మున్సిపల్‌ చైర్‌పర్సన్‌ పట్లోళ్ల నీరజాబాల్‌రెడ్డి దంపతులు పల్లకీ సేవలో పాల్గొన్నారు. గ్రామ పెద్దల ఆధ్వర్యంలో భక్తులకు మహా అన్నదాన కార్యక్రమం నిర్వహించారు. కౌన్సిలర్లు బంటు వేణుగోపాల్‌, శ్రీకాంత్‌, పురవాసులు పాల్లొన్నారు. మర్పల్లి: అర్హులైన వితంతువులు, ఒంటరి మహిళలకు ప్రభుత్వం త్వరలోనే ఆసరా పింఛన్లు అందించనుందని డీఆర్‌డీఓ శ్రీనివాస్‌ అన్నారు. మండల పరిధిలోని కొంషెట్‌పల్లి, పట్లూర్‌, మర్పల్లి, కొత్లాపూర్‌, సిరిపురంలో ఆన్‌లైన్‌ ద్వారా వచ్చిన దరఖాస్తులపై శనివారం ఎంపీడీఓ శాంత, ఏపీఎం సమ్మయ్యతో కలిసి క్షేత్రస్థాయి విచారణ చేశారు. అనంతరం ఆయా గ్రామాల్లో ఇంకుడు గుంతలు, బోర్‌వెల్‌ స్ట్రక్చర్‌ పనులను పరిశీలించారు. ఆయన వెంట ఏపీఓ అంజిరెడ్డి, ఆయా గ్రామాల సర్పంచ్‌లు రఫియొద్దీన్‌, పరశురామ్‌, లక్ష్మి మాధవరెడ్డి, సంగీతకృష్ణారెడ్డి, వార్డు మెంబర్లు ఉన్నారు. కుల్కచర్ల: మహిళా సమాఖ్య గ్రామ సంఘాల భవనాల నిర్మాణంలో నిర్లక్ష్యం తగదని జిల్లా పంచాయతీ అధికారి జయసుధ అన్నారు. శనివారం ఆమె చౌడాపూర్‌ మండల కేంద్రంతో పాటు మందిపల్‌లో పర్యటించారు. ఆయా గ్రామాల్లో కొనసాగుతున్న అభివృద్ధి పను లను పరిశీలించారు. మందిపల్‌లో చేపట్టిన గ్రామ సంఘం భవన నిర్మాణ పూజలో పాల్గొన్నారు. గ్రామ సంఘాలు, పంచాయతీ భవ నాల నిర్మాణాలు, సామూహిక మరుగుదొడ్లు, ఇంకుడు గుంతలు తదితర అభివృద్ధి పనుల నిర్వహణలో నిర్లక్ష్యం చేయకూడదన్నారు. ఆయా భవనాలకు అవసరమైన స్థలాల కోసం తహసీల్దార్లను సంప్రదించాలని సూచించారు. వీబీరాంజీ ద్వారా గ్రామాల్లో వివిధ పనులు నిర్వహించుకునేందుకు అవ కాశం ఉందని, వీటిపై రైతులకు అవగాహన కల్పించాలని సూచించారు. పంచాయతీ కార్యదర్శులు సమయపాలన పాటించాలని, విధుల్లో నిర్లక్ష్యం వహిస్తే చర్యలు తప్పవని హెచ్చరించారు. కార్యక్రమంలో ఇన్‌ఛార్జి ఎంపీడీఓ వెంకన్న, ఎంపీఓ శ్రీనివాస్‌రెడ్డి, ఏపీఓ చంద్రశేఖర్‌ పాల్గొన్నారు.

ఒకప్పుడు వినోదం.. ఆహ్లాదం పంచే టూర్లంటే గోవా.. కశ్మీర్‌.. ఊటీ.. కొడైకెనాల్‌ వంటి దేశీయ నగరాలు గుర్తుకువచ్చేవి.. రానురాను ట్రెండ్‌ మారుతోంది.. గ్రామీణ ప్రాంతాలు మొదలు పట్టణ ప్రాంతాల వరకు జనం గేరు మార్చారు.. దేశాన్నే కాదు..విదేశాలను సైతం చుట్టేదాం అంటూ ముందుకు సాగుతున్నారు. విదేశాలకు సంబంధించిన ప్రత్యేక ప్యాకేజీలు.. అందుబాటులో విమానయాన చార్జీలు.. సోషల్‌ మీడియాలో విదేశాల్లో ఉన్న ఆసక్తికరమైన ప్రదేశాల గురించి వీడియోలు ఇటువైపు నడిపిస్తున్నాయి.. దీంతో విదేశాలకు వెళ్లే వారి సంఖ్య రోజురోజుకూ పెరుగుతోంది. షాద్‌నగర్‌: యాత్రల విషయంలో అందరి అభిరుచుల్లో మార్పు కనిపిస్తోంది.. చాలా మంది సకుటుంబ సమేతంగా విదేశాలకు వెళ్తున్నారు. ఇక యువకులు, సాఫ్ట్‌వేర్‌ ఉద్యోగులు, వ్యాపారులు చేసే విదేశీ ప్రయాణాల గురించి చెప్పాల్సిన పని లేదు. ఎక్కువ శాతం మంది థాయిలాండ్‌, వియత్నాం, ఇండోనేషియా, శ్రీలంక, సింగపూర్‌, మలేషియా, దుబాయ్‌ లాంటి దేశాలకు పయనమవుతున్నారు. గతంలో ఆర్థికంగా బలంగా ఉన్న వారు మాత్రమే విదేశాలకు వెళ్లే వారు. ఇప్పుడు పరిస్థితి మారింది. గ్రామీణప్రాంతాల వారు కూడా విదేశాలకు వెళ్లడంపై ఆసక్తి కనబరుస్తున్నారు. సెలవులు వచ్చాయంటే చాలు గ్లోబల్‌ బీచ్‌లకు వెళ్లేందుకు చాలామంది ఆసక్తి కనబరుస్తున్నారు. సోషల్‌ మీడియాలో ప్రచారం విదేశీ యాత్రలపై ఆసక్తి పెరగడానికి ప్రధాన కారణం సోషల్‌ మీడియా. వివిధ దేశాలు, అక్కడ ఉండే సుందరమైన ప్రదేశాలు, అందాలు, అక్కడికి వెళ్లడానికి ఉన్న మార్గాల గురించి సోషల్‌ మీడియాలో విపరీతమైన ప్రచారం జరుగుతోంది. దీంతో ఆయా ప్రాంతాలను చూడాలన్న ఆసక్తి జనంలో పెరుగుతోంది. దీనికి తోడు పర్యాటక సంస్థలు ప్రత్యేక ప్యాకేజీలు అందిస్తున్నాయి. వివిధ సాఫ్ట్‌వేర్‌ సంస్థలు, పరిశ్రమలు, వ్యాపార సంస్థలు, ఇన్సూరెన్స్‌ కంపెనీలు ఆయా సంస్థల్లో పని చేసే ఉద్యోగులకు టార్గెట్లు విధించి పూర్తి చేసిన వారిని విదేశాలకు తీసుకెళ్తున్నాయి. ఎలాంటి ఖర్చు లేకుండా విదేశాలకు వెళ్లి ఎంజాయ్‌ చేసి వస్తున్నారు. కొత్తగా పెళ్లి చేసుకున్న జంటలు హనీమూన్‌ కోసం విదేశీ టూర్లపై ఇంట్రెస్ట్‌ చూపుతున్నాయి. సెలువులు వచ్చాయంటే చాలు చాలా కుటుంబాలు తమకు నచ్చిన స్థలాలను ఎంపిక చేసుకొని వీసాలు తీసుకొని, టికెట్లు బుక్‌ చేసుకొని విదేశాలకు వెళ్తున్నారు. దేశీయ పర్యాటక ప్రాంతాలకు వెళ్లేందుకు అయ్యే ఖర్చుతోనే కొన్ని విదేశీ టూర్‌ ప్యాకేజీలు అందుబాటులో వస్తుండటంతో పర్యాటకులు మొగ్గు చూపుతున్నారు. తక్కువ ప్యాకేజీలో.. ట్రావెల్‌సంస్థల లెక్కల ప్రకారం ఒక మధ్యతరగతి కుటుంబం కశ్మీర్‌, కేరళ, ఊటీ వంటి పర్యటనకు వెళ్లేందుకు విమాన టికెట్లు, హోటల్‌ వసతి, ఇతరు ఖర్చులు కలిపి ఒక్కొక్కరికి రూ.40వేల వరకు ఖర్చవుతుంది. కాస్త అటు ఇటుగా థాయిలాండ్‌, వియత్నాం, ఇండోనేషియా, మలేషియా, దుబాయ్‌ తదితర దేశాలకు వెళ్లేందుకు నాలుగు నుంచి వారం రోజులకు రూ.40 వేల నుంచి రూ.1.20 లక్షల వరకు వివిధ ప్యాకేజీలు అందుబాటులో ఉన్నాయి. పర్యాటక సంస్థలు కొన్ని ప్యాకేజీలను ప్రచారం చేస్తుండడంతో విదేశీ ప్రయాణం చేయాలకునే వారికి కొత్త అవకాశాలు కనిపిస్తున్నాయి. విమాన టికెట్లు, త్రీస్టార్‌ హోటల్‌, ఎయిర్‌పోర్టు నుంచి పికప్‌, డ్రాప్‌, సైట్‌ సీయింగ్‌, గైడ్‌, వీసా, ట్రావెల్‌ ఇన్సూరెన్స్‌ అన్ని ప్యాకేజీలు ఉండటం గమనార్హం. ప్యాకేజీ ధరలు ప్రయాణ తేదీలు, విమాన టికెట్లు, హోటల్‌ వసతి, భోజనం, వీసా ఇతర ఖర్చులపై ఆధారపడి మారుతుంటాయి. ఒకవైపు సముద్రపు అలలు.. మరోవైపు ఆహ్లాదకరమైన బీచ్‌లు.. ఇంకోవైపు క్యాసినోల సందడి.. వెరసి బ్యాంకాక్‌, శ్రీలంక, వియత్నాం, ఇండోనేషియా పర్యాటకులకు సరికొత్త అనుభూతిని పంచుతున్నాయి. ప్రకృతి అందాలు, సముద్రతీరాలు, నైట్‌ లైఫ్‌, వినోద కార్యక్రమాలతో ఆయా ప్రాంతాలు పర్యాటకులను ఆకర్షిస్తున్నాయి. శ్రీలంక, గోవాలో ఉండే క్యాసినోలో సభ్యత్వం తీసుకున్న వారు నెలకోసారి వెళ్లి వస్తున్నారు. అక్కడి నిర్వాహకులు ఎక్కుడ డబ్బులు చెల్లించి సభ్యత్వం తీసుకున్న వారికి విమాన టికెట్లు, రూంలు ప్రత్యేకంగా బుక్‌ చేస్తుండడం విశేషం. యాత్రల విషయంలో మారుతున్న ట్రెండ్‌

విస్తరణకు సమాయత్తం కొడంగల్‌ పట్టణంలోని ప్రధాన రహదారి విస్తరణకు అధికారులు సమాయత్తం అవుతున్నారు. విద్యుత్‌ సమస్యలకు పరిష్కారం ఫిర్యాదులపై తక్షణం స్పందన క్షేత్రస్థాయికి విద్యుత్‌ సిబ్బంది రైతులకు ఎలాంటి ఇబ్బందులు రానీయం ‘సాక్షి’తో షాద్‌నగర్‌ ట్రాన్స్‌కో డీఈ శ్యాంసుందర్‌రెడ్డిషాద్‌నగర్‌: ‘రైతులకు విద్యుత్‌ సరఫరా విషయంలో ఎలాంటి ఇబ్బందులు వచ్చినా క్షేత్రస్థాయిలో పర్యటిస్తూ పరిశీలిస్తున్నాం. ఒక్క ఫోన్‌ చేస్తే చాలు అంతరాయాలు, ఇతర సాంకేతిక సమస్యలపై ప్రజల నుంచి వచ్చిన ఫిర్యాదులపై వెంటనే స్పందించి పరిష్కరిస్తున్నాం. వర్షాభావ పరిస్థితులతో సతమతమవుతున్న అన్నదాతలకు ప్రభుత్వ ఆదేశాల మేరకు అదనపు విద్యుత్‌ సరఫరా చేస్తున్నాం’ అని షాద్‌నగర్‌ ట్రాన్స్‌కో డీఈ శ్యాంసుందర్‌రెడ్డి తెలిపారు. విద్యుత్‌ సమస్యల పరిష్కారంపై డీఈ వెల్లడించిన అంశాలు ఆయన మాటల్లోనే.. ప్రశ్న: రైతులకు విద్యుత్‌ అందించే విషయంలో ఎలాంటి చర్యలు తీసుకుంటున్నారు? జవాబు: విద్యుత్‌ సమస్యలపై పూర్తి స్థాయిలో దృష్టి సారించాం. గతంలో 9 గంటల విద్యుత్‌ ఇచ్చే వాళ్లం. ఇప్పుడు అదనంగా ప్రభుత్వ ఆదేశాల మేరకు మూడు గంటలు పెంచాం. ప్రశ్న: ౖనియోజకవర్గంలో రైతులకు సంబంధించి ఎన్ని విద్యుత్‌ కనెక్షన్లు ఉన్నాయి. ఎంత విద్యుత్‌ అవసరం ఉంది? జవాబు: 40వేల వ్యవసాయ విద్యుత్‌ కనెక్షన్లు ఉన్నాయి. 112 మెగావాట్ల డిమాండ్‌ ఉంది. ఎల్‌నినో ప్రభావంతో వినియోగం బాగా పెరిగింది. డిమాండ్‌ మేరకు ప్రణాళికాబద్ధంగా సరఫరా చేస్తున్నాం. ప్రశ్న: ౖక్షేత్ర స్థాయిలో మీ దృష్టికి రాకుండా పలుచోట్ల సమస్యలు ఉత్పన్నం అవుతున్నాయి. వీటిని ఏవిధంగా పరిష్కరిస్తున్నారు? జవాబు: ప్రతి రోజు ఏదో ఒక గ్రామానికి వెళ్లి రైతులతో మాట్లాడుతున్నాం. ఇబ్బందులను క్షేత్రస్థాయిలో తెలుసుకొని పరిష్కరిస్తున్నాం. ప్రశ్న: ౖకాలం చెల్లించిన ట్రాన్స్‌ఫార్మర్లు, స్తంభాలు, విద్యుత్‌ తీగలతో సమస్యలు ఏర్పడుతున్నాయి. ఏవిధమైన చర్యలు తీసుకుంటున్నారు? జవాబు: ఇప్పటికే చాలామంది రైతులు ఈ సమస్యలు మా దృష్టికి తెచ్చారు. అవసరమైన ట్రాన్స్‌ఫార్మర్లు ఏర్పాటు చేయడం, స్తంభాలు, వైర్లు మార్చి సమస్యలు ఎప్పటికప్పుడు పరిష్కరిస్తున్నాం. ప్రస్తుతం వ్యవసాయం విషయంలో విద్యుత్‌ చాలా కీలకం. ఎలాంటి సమస్య వచ్చినా వెంటనే స్పందించి సిబ్బందిని అప్రమత్తం చేస్తున్నాం. ప్రశ్న: ౖరైతులకు సమస్యలు వస్తే అధికారులు, సిబ్బంది అందుబాటులో ఉండరనే ఆరోపణలు ఉన్నాయి. వీటిని ఎలా అధిగమిస్తారు? జవాబు: లైన్‌మెన్‌ నుంచి ఉన్నతస్థాయి అధికారుల వరకు అందరం అందుబాటులో ఉంటున్నాం. ఒక్కఫోన్‌ కాల్‌ చేస్తే చాలు సమస్య ఉన్న చోటకు వెళ్లి వెంటనే పరిష్కరిస్తున్నాం. ఈ విషయంలో ఎలాంటి రాజీలేదు. సిబ్బంది స్పందించకపోతే చర్యలు తప్పవు. ప్రశ్న: ౖలో ఓల్టేజీ సమస్యతో ఇబ్బంది పడుతున్నామని మున్సిపాలిటీలోని కొన్ని కాలనీవాసులు చెబుతున్నారు. ఎలాంటి చర్యలు తీసుకుంటున్నారు? జవాబు: గతంలో కొన్ని కాలనీల్లో లోఓల్జేజీ సమస్య ఉన్న మాట వాస్తవం. సమస్యలు ఉన్న కాలనీలను గుర్తించి కొత్త ట్రాన్స్‌ఫార్మర్లు, స్తంభాలు, వైర్లు ఏర్పాటు చేశాం. ఇప్పటికీ ఎక్కడైనా సమస్య ఉంటే మా దృష్టికి తీసుకొస్తే వెంటనే పరిష్కరిస్తాం.

తుర్కయంజాల్‌: కేంద్ర, రాష్ట్ర ప్రభుత్వాలు కార్మికులకు ఇచ్చిన హామీలను అమలు చేయడంతో పాటు నాలుగు లేబర్‌ కోడ్‌లను వెంటనే రద్దు చేయాలని డిమాండ్‌ చేస్తూ ఈ నెల 25,26 తేదీల్లో ఇందిరాపార్క్‌ వద్ద నిర్వహించనున్న ధర్నాను జయప్రదం చేయాలని సీఐటీయూ జిల్లా ఉపాధ్యక్షుడు డి.కిషన్‌ కోరారు. ధర్నాకు సంబంధించిన వాల్‌పోస్టర్‌ను శుక్రవారం రాగన్నగూడలో ఆవిష్కరించారు. ఈ సందర్భంగా ఆయన మాట్లాడుతూ.. కార్మికులకు కనీస వేతనాలు, ఉద్యోగ భద్రత, సామాజిక భద్రత కల్పించాలని, ప్రభుత్వ రంగ సంస్థలను పరిరక్షించాలని, ఉద్యోగులకు పీఆర్‌సీ అమలు చేయాలని డిమాండ్‌ చేశారు. ధర్నాలో కార్మికులు, ఉద్యోగులు, స్కీమ్‌ వర్కర్స్‌, ఔట్‌ సోర్సింగ్‌ ఉద్యోగులు, స్థానిక సంస్థల ఉద్యోగులు, యూనివర్సిటీలు, వైద్య, ఆరోగ్య రంగ సిబ్బంది, పెన్షనర్‌లు, బీడీ కార్మికులు, భవన నిర్మాణ కార్మికులు, ట్రాన్స్‌పోర్ట్‌, హమాలీతో పాటు వివిధ రంగాలకు చెందిన కార్మికులు పెద్ద ఎత్తున పాల్గొనాలని పిలుపునిచ్చారు. కార్యక్రమంలో తుర్కయంజాల్‌ కన్వీనర్‌ మండల సత్యనారాయణ, ట్రాలీ డ్రైవర్స్‌ యూనియన్‌ అధ్యక్షుడు గుడ్ల వినోద్‌, నాయకులు నాగం ధర్మారెడ్డి, రొక్కం శేఖర్‌ రెడ్డి, కుంట వెంకట్‌ రెడ్డి, బద్దం చెన్నారెడ్డి, గుండ బాల్‌రాజ్‌, రాములు, శ్రీశైలం తదితరులు పాల్గొన్నారు.

కుల్కచర్ల: సమగ్ర భూసర్వేతో భవిష్యత్తులో భూ సంబంధ సమస్యలు తగ్గుముఖం పడతాయని భూసర్వే ఏడీ మధుసూదన్‌ రావు అన్నారు. శుక్రవారం మండలంలోని సాల్వీడులో గ్రామసభను నిర్వహించారు. ఈ సందర్భంగా ఆయన మాట్లాడుతూ.. సమగ్ర భూసర్వేతో భూముల హద్దులు గుర్తిస్తారని, క్రయవిక్రయాలు చేసే సమయంలో ఇది ఉపయోగ పడుతుందని తెలిపారు. రైతులకు రెవెన్యూ సేవలను సులభతరం చేసేందుకే ప్రభుత్వం సమగ్ర భూసర్వే చేపట్టిందని, ఇందుకు ప్రతి ఒక్కరూ సహకరించాలని కోరారు. కార్యక్రమంలో కాంగ్రెస్‌ పార్టీ మండల అధ్యక్షుడు గోపాల్‌ నాయక్‌, సర్పంచ్‌ లక్ష్మమ్మ, దీప్లానాయక్‌ తండా సర్పంచ్‌ అంజలి, పీరంపల్లి సర్పంచ్‌ వెంకటయ్య తదితరులు పాల్గొన్నారు.

● మారణాయుధాలతో దాడులు ● ఓ యువకుడి పరిస్థితి విషమం షాబాద్‌: కూర్చొని మాట్లాడుకుందామని.. ఒక ఒప్పందానికి వద్దామని సామరస్యంగా జరుగుతున్న సమావేశం కాస్తా గొడవకు దారితీసింది. కత్తులు దూసుకునేవరకు వెళ్లింది. ఓ యువకుడి పరిస్థితి విషమంగా మారింది. వివరాలు ఇలా ఉన్నాయి.. మండలంలోని హైతాబాద్‌లో ఉన్న ఓ ప్రార్థనామందిరం వెనకాల మహమ్మద్‌ రహీం అనే వ్యక్తి తన పొలంలో ఏళ్ల క్రితం వెంచర్‌ చేశాడు. ప్రమాదవశాత్తు అతడు మృతి చెందాడు. వెంచర్‌లో హైదరాబాద్‌కు చెందిన చాంద్‌పాషా ఇంటి స్థలం కొనుగోలు చేశాడు. రహీం సోదరులు, ఇదే వెంచర్‌లో స్థలం కొనుగోలు చేసిన సాబేర్‌తో పాటు మరికొందరు కలిసి వెంచర్‌ విషయమై కోర్టుకు వెళ్లారు. ఈ క్రమంలో ప్లాట్ల పంచాయితీపై మాట్లాడుకుందామని ఇరువర్గాలు నిర్ణయించుకున్నాయి. శుక్రవారం రాత్రి సాబేర్‌ తన అనుచరులతో హైతాబాద్‌కు వచ్చారు. స్థానిక ప్రార్థనామందిరంలో సమావేశమై మాట్లాడుకుంటుండగా మాటామాటా పెరిగి గొడవకు దారి తీసింది. సాబేర్‌ అనుచరులు మారణాయుధాలతో హల్‌చల్‌ చేశారు. గొడవను ఆపడానికి వెళ్లిన నదీమ్‌ అనే వ్యక్తిని సాబేర్‌ అనుచరుడు పొట్టలో పొడిచాడు. పొట్టలో కత్తి ఇరుక్కుపోవడంతో అక్కడి నుంచి పారిపోయాడు. నదీమ్‌ను వెంటనే చికిత్స నిమిత్తం శంషాబాద్‌లోని ప్రైవేట్‌ ఆస్పత్రికి తరలించారు. పరిస్థితి విషమంగా ఉండడంతో అక్కడి నుంచి నగరంలోని మరో ప్రైవేటు ఆస్పత్రికి తరలించారు. పోలీసులు కేసు నమోదు చేసుకుని దర్యాప్తు చేస్తున్నారు. కాగా, విషయం తెలుసుకున్న జెడ్పీటీసీ మాజీ సభ్యుడు పట్నం అవినాశ్‌రెడ్డి వెంటనే తన అనుచరులతో కలిసి హైతాబాద్‌ చేరుకున్నారు. బాధితులను పరామర్శించారు. పచ్చని పల్లెలో ఇలాంటి దుశ్చర్య జరగడం ఇదే మొదటిసారి అని ఆందోళన వ్యక్తం చేశారు. పోలీసులు నిందితులను ఏమీ అనడం లేదని హైతాబాద్‌ చౌరస్తాలో రాస్తారోకో నిర్వహించారు. సీఐ లక్ష్మిరెడ్డి సంఘటనా స్థలానికి చేరుకుని నిందితులను పట్టుకొని కఠినంగా శిక్షించేలా చర్యలు తీసుకుంటామని హామీ ఇవ్వడంతో రాస్తారోకో విరమించారు.

మొయినాబాద్‌: అసిస్టెంట్‌ సైంటిస్ట్‌ (అనలిస్ట్‌ గ్రేడ్‌–2), అసిస్టెంట్‌ ఎన్విరాన్‌మెంటల్‌ ఇంజనీర్‌ పోస్టులకు నిర్వహించే పరీక్ష కేంద్రాలను శుక్రవారం చేవెళ్ల ఆర్డీఓ పార్థసింహారెడ్డి, మొయినాబాద్‌ ఇన్‌స్పెక్టర్‌ మల్లికార్జున్‌రెడ్డి పరిశీలించారు. మొయినాబాద్‌లోని కేజీరెడ్డి, గ్లోబల్‌, వీజేఐటీ, జేబీఐటీ ఇంజనీరింగ్‌ కళాశాలలు, చైతన్య డీమ్డ్‌ టూబీ యూనివర్సిటీ పరీక్ష కేంద్రాల్లో ఏర్పాట్లను పరిశీలించారు. అసిస్టెంట్‌ సైంటిస్ట్‌ పరీక్ష శనివారం, అసిస్టెంట్‌ ఎన్విరాన్‌మెంట్‌ ఇంజనీర్‌ పరీక్ష సోమవారం ఉదయం 10 నుంచి మధ్యాహ్నం 12.30 గంటల వరకు, మధ్యాహ్నం 2.30 నుంచి సాయంత్రం 5 గంటల వరకు జరుగనున్నాయి. ఆయా కేంద్రాల్లో ఎలాంటి ఇబ్బందులు లేకుండా అధికారులు ఏర్పాట్లు చేశారు. కుల్కచర్ల: వీబీజీరాంజీ పనులను రైతులు సద్వినియోగం చేసుకోవాలని ఆ శాఖ అడిష నల్‌ పీడీ సత్యయ్య అన్నారు. శుక్రవారం మండలంలోని సాల్వీడులో ఫారంపాండ్‌ పనులను పరిశీలించారు. ఈ సందర్భంగా ఆయన మాట్లాడుతూ.. ఇంకుడు గుంతల ద్వారా బోర్లలో నీటి లభ్యతను పెంచుకోవచ్చని తెలిపారు. వీబీజీరాంజీ పథకం కింద పశువుల పాకలు నిర్మించుకోవాలని సూచించారు. కార్యక్రమంలో ఎంపీడీఓ రామకృష్ణ, ఏపీఓ చంద్రశేఖర్‌, టీఏ మహేశ్వరి, ఫీల్డ్‌ అసిస్టెంట్‌ వెంకట్రాములు తదితరులు పాల్గొన్నారు.

శనివారం శ్రీ 24 శ్రీ అక్టోబర్‌ శ్రీ 2026ముట్టజెప్పారా సరి..సాక్షి, రంగారెడ్డిజిల్లా: భూ బాధితులకు క్షేత్రస్థాయిలోని పలువురు అధికారులు చుక్కలు చూపిస్తున్నారు. నివేదికలను సిద్ధం చేసేందుకు చేతివాటం ప్రదర్శిస్తున్నారు. పట్టా భూములను అసైన్డ్‌గా నమోదు చేయడం, విస్తీర్ణంలో హెచ్చుతగ్గులు, సరిహద్దు, సర్వే నంబర్లలో దొర్లిన తప్పుల సవరణ, భూస్వభావం, కేటగిరీ, యజమానుల పేర్లలో దొర్లిన తప్పులను సరి చేయాలంటే ఎంతో కొంత ముట్టజెప్పాల్సిందే. ఇచ్చేందుకు నిరాకరించిన వారి ఫైళ్లకు కొర్రీలు పెట్టి.. సమస్యను మరింత జఠిలం చేస్తున్నారు. క్షేత్రస్థాయి నుంచి నివేదికలు అందిన వాటిని కూడా పెండింగ్‌లో పెట్టి భేరసారాలకు దిగుతున్నారు. సాధారణ రైతులకు నిరాకరించి.. పైరవీకారులకు పెద్దపీఠ వేస్తున్నారనే విమర్శలు వ్యక్తమవుతున్నాయి. ప్రస్తుతం తహసీల్దార్ల వద్ద 12,369 దరఖాస్తులు పెండింగ్‌లో ఉండగా, 3,211 ఆర్డీఓల వద్ద ఉన్నాయి. అదనపు కలెక్టర్‌ (రెవెన్యూ) వద్ద ఏకంగా 6,932 దరఖాస్తులు పెండింగ్‌లో ఉంటే కలెక్టర్‌ వద్ద 2,041 ఉండటం విశేషం. నివేదికలు పంపడంలో నిర్లక్ష్యం ప్రభుత్వం ప్రతిష్టాత్మకంగా చేపట్టిన రెవెన్యూ సదస్సుల్లో భాగంగా 17 వేలకుపైగా దరఖాస్తులు అందాయి. వీటిలో ఇప్పటి వరకు మెజార్టీ పెండింగ్‌లోనే ఉన్నాయి. ఇక ప్రతి సోమవారం నిర్వహించే శ్రీప్రజావాణిశ్రీకి సగటున 60 నుంచి 100 వరకు అర్జీలు వస్తుంటాయి. అధికారులు వాటిని క్షేత్రస్థాయికి పంపుతుంటారు. రెవెన్యూ ఇన్‌స్పెక్టర్‌ (ఆర్‌ఐ) క్షేత్ర స్థాయిలో పర్యటించి, నిజనిర్ధారణ చేసి తహసీల్దార్‌కు నివేదిక ఇవ్వాల్సి ఉంది. ఆయన తన ఆఫీసులో ఉన్న భూ రికార్డులను క్షుణ్ణంగా పరిశీలించి, అన్నీ సవ్యంగా ఉన్నాయని నిర్ధారించుకున్న తర్వాత నివేదికను ఆర్డీఓకు పంపుతుంటారు. ఆయన తన వద్ద ఉన్న రికార్డులను పరిశీలించి తుది నివేదికను అదనపు కలెక్టర్‌/ కలెక్టర్‌కు పంపుతుంటారు. ఒక్కో దశలో ఒక్కో రేటు క్షేత్రస్థాయి నుంచి అందిన నివేదికల ఆధారంగానే కలెక్టర్లు వాటిని ఆమోదించడమో లేక తిరస్కరించడమో చేస్తుంటారు. అసలు కథ ఇక్కడే మొదలవుతుంది. ప్రభుత్వ పెద్దలు రంగప్రవేశం చేసి అధికారులపై ఒత్తిడి తెస్తున్నారు. అధికారులు దీన్ని అవకాశంగా తీసుకుని అక్రమార్జనకు పాల్పడుతున్నారు. అడిగినంత ముట్టజెప్పిన వారికి ఆశించిన విధంగా నివేదికలు సిద్ధం చేస్తున్నారు. నిరాకరించిన వారి ఫైళ్లను పరిశీలించకుండానే రిజెక్ట్‌ చేస్తున్నారు. ఎక్కడ భూమి తమకు కాకుండా పోతుందోననే భయంతో బాధితులు మధ్యవర్తులను ఆశ్రయించి వారు అడిగినంత ముట్టజెబుతున్నారు. ఆర్‌ఐ నుంచి అదనపు కలెక్టర్‌ వరకు ప్రతి దశలోనూ భారీ మొత్తం చేతులు మారుతున్నట్లు ఆరోపణలు ఉన్నాయి. ఇప్పటికే ఓ అదనపు కలెక్టర్‌ సహా పలువురు తహసీల్దార్లు, ఆర్‌ఐలు ఏసీబీకి పట్టుబడటం తెలిసిందే. ఆర్థిక స్థోమత లేని పేద రైతులు తమ భూములను తక్కువ ధరకు అమ్ముకోవాల్సి వస్తోంది. లక్షల్లో సమస్యలు.. వేలల్లో పరిష్కారాలు భూ సమస్యలకు సంబంధించి ధరణి సహా ప్రస్తుత భూ భారతి పోర్టల్స్‌కు ఇప్పటి వరకు 4,10,269 అప్లికేషన్లు వచ్చాయి. వీటిలో చేవెళ్ల రెవెన్యూ డివిజన్‌ పరిధిలోని మొయినాబాద్‌, చేవెళ్ల, షాద్‌నగర్‌, శంకర్‌పల్లి మండలాల నుంచి 1,12,782 భూ సమస్యలు ఉన్నట్లు తేలింది. వీటిలో 52,925 సమస్యలకు అధికారులు పరిష్కారం చూపించారు, మరో 41,177 అర్జీలను తిరస్కరించారు. ఇబ్రహీపట్నం రెవెన్యూ డివిజన్‌ పరిధిలోని మంచాల, యాచారం, ఇబ్రహీంపట్నం, అబ్దుల్లాపూర్‌మెట్‌ మండలాల నుంచి 94,389 దరఖాస్తులు అందగా, వీటిలో 38,029 అర్జీలను ఆమోదించి మిగిలిన వాటిని తిరస్కరించారు. కందుకూరు రెవెన్యూ డివిజన్‌ పరిధిలోని మహేశ్వరం, కడ్తాల్‌, ఆమనగల్లు, కందుకూరు మండలాల నుంచి 99,657 దరఖాస్తులు అందగా, 42,397 అర్జీలను ఆమోదించారు. రాజేంద్రనగర్‌ రెవెన్యూ డివిజన్‌ పరిధిలోని శంషాబాద్‌, గండిపేట, రాజేంద్రనగర్‌, శేరిలింగంపల్లి మండలాల నుంచి 42,040 దరఖాస్తులు అందగా, వీటిలో 17,707 ఆమోదించి మిగిలినవి తిరస్కరించారు. షాద్‌నగర్‌ రెవెన్యూ డివిజన్‌ పరిధిలోని కేశంపేట, కొందుర్గు, ఫరూఖ్‌నగర్‌, కొత్తూరు, జిల్లేడు చౌదరిగూడ, నందిగామ మండలాల నుంచి 61,401 దరఖాస్తులు అందగా, వీటిలో 28,003 ఆమోదించారు. అధికారులు తిరస్కరించిన వాటిలో మెజార్టీ భూములు ప్రభుత్వ, అసైన్డ్‌, భూదాన్‌, వక్ఫ్‌, దేవాదాయశాఖలకు సంబంధించినవే ఉండటం గమనార్హం. ఇబ్రహీంపట్నం మండలం రాందాస్‌పల్లి రెవెన్యూ సర్వే నంబర్‌ 41లో 1,161 ఎకరాల భూమి ఉంది. దీనిలో 600 ఎకరాలకుపైగా రియల్టర్ల చేతుల్లోకి వెళ్లింది. మరో 400 ఎకరాలు 150 మంది రైతుల చేతిలో ఉంది. బాండెడ్‌ లేబర్‌కు 82 ఎకరాలు సహా కోర్టు కేసులో 11 ఎకరాలు ఉంది. ఇప్పటికే రియల్టర్లు, నేతల చేతుల్లోకి వెళ్లిన 600 ఎకరాలను పట్టాగా మార్చేశారు. ఏళ్లుగా సాగులో ఉన్న 150 మంది రైతుల భూములను మాత్రం నిషేధిత జాబితాలో పెట్టారు. వారంతా భూ భారతి పోర్టల్‌లో దరఖాస్తు చేసుకున్నారు. రైతుల చేతుల్లో ఉన్నవి పూర్తిగా పట్టాభూములేనని, నిషేధిత జాబితా నుంచి విముక్తి కల్పిస్తున్నట్లు అసెంబ్లీ సాక్షిగా మంత్రి పొంగులేటి శ్రీనివాసరెడ్డి ప్రకటించారు. ఈ మేరకు సెప్టెంబర్‌ 11న కలెక్టర్‌ నారాయణరెడ్డి స్పష్టమైన ప్రకటన విడుదల చేశారు. క్షేత్రస్థాయి అధికారులు మాత్రం ఎప్పటికప్పుడు దాటవేత ధోరణి అవలంబించడం అనుమానాలకు తావిస్తోంది.భూ భారతి పోర్టల్‌లో పేరుకుపోయిన దరఖాస్తులు క్షేత్రస్థాయిలో అందని నివేదికలు 24 వేలకుపైగా అర్జీలు పెండింగ్‌ కిందిస్థాయి మొదలు ఉన్నతాధికారుల వరకు ఇదే తంతు.. బాధితులకు తప్పని తిప్పలు కార్యాలయాల చుట్టూ ప్రదక్షిణలుఇదీ భూ భారతి లెక్క.. పోర్టల్‌కు వచ్చిన దరఖాస్తులు: 4,10,269 ఇప్పటి వరకు పరిష్కరించినవి: 1,79,061 తిరస్కరించినవి: 1,56,298 తహసీల్దార్ల వద్ద పెండింగ్‌: 12,369 ఆర్డీఓల వద్ద: 3,211 అదనపు కలెక్టర్‌ వద్ద: 6,932 కలెక్టర్‌ వద్ద: 2,041 మొత్తం పెండింగ్‌: 24,553డివిజన్‌ తహసీల్దార్లు ఆర్‌డీఓ అదనపు కలెక్టర్‌ కలెక్టర్‌ చేవెళ్ల 3,018 630 1,497 603 ఇబ్రహీంపట్నం 3,358 999 1,664 478 కందుకూరు 2,861 736 2,024 427 రాజేంద్రనగర్‌ 1,360 164 710 238 షాద్‌నగర్‌ 1,772 682 1,037 295

షాద్‌నగర్‌: ప్రభుత్వం వెంటనే పీఆర్సీని ప్రకటించాలని పెన్షనర్ల సంఘం రాష్ట్ర అధ్యక్షుడు వెంకట్‌రెడ్డి డిమాండ్‌ చేశారు. పట్టణంలోని పెన్షనర్స్‌ భవనంలో శుక్రవారం సంఘం జిల్లా కార్యవర్గ సమావేశం నిర్వహించారు. సమావేశానికి ముఖ్య అతిథిగా విచ్చేసిన వెంకట్‌రెడ్డి మాట్లాడుతూ.. ప్రభుత్వం ఎమ్మెల్సీ ఎన్నికల కంటే ముందే ఉద్యోగుల పీఆర్సీని ప్రకటించాలని కోరారు. సమస్యలు పరిష్కరించే వారికే తమ మద్దతు ప్రకటిస్తామని స్పష్టం చేశారు. పీఆర్సీని ప్రకటించడంతో పాటు పాత బకాయిలను వెంటనే విడుదల చేయాలన్నారు. సమావేశంలో సంఘం జిల్లా అధ్యక్షుడు సరాపు జగదీశ్వర్‌, రాష్ట్ర ప్రధాన కార్యదర్శి ఉస్మాన్‌, నాయకులు సుధాకర్‌రెడ్డి, జనార్దన్‌, కృష్ణయ్య, నర్సింలు, రమేష్‌, పాండు, అబ్దుల్‌ గఫార్‌, నందిగామ సురేష్‌ పాల్గొన్నారు. కొత్తూరు: సిద్ధాపూర్‌లో డంప్‌యార్డు ఏర్పాటు కోసం ప్రభుత్వం జారీ చేసిన జీవో నంబర్‌ 641ను రద్దు చేసే వరకు దీక్షలు కొనసాగుతాయని జేఏసీ అధ్యక్షుడు రాంబాల్‌నాయక్‌ స్పష్టం చేశారు. గ్రామంలో కొనసాగుతున్న దీక్షలు శుక్రవారంతో 20 రోజులకు చేరాయి. ఈ సందర్భంగా ఆయన మాట్లాడుతూ.. డంప్‌యార్డు ఏర్పాటుతో సమీపంలోని 50 గ్రామాల్లో ప్రజలు అన్ని రకాలుగా నష్టపోతారని ఆందోళనలు చేస్తున్నా ప్రభుత్వం పట్టించుకోకపోవడం దారుణమన్నారు. ఇప్పటికే జవహర్‌నగర్‌ డంప్‌యార్డుతో పెద్ద ఎత్తున జల, వాయు, ఇతర కాలుష్యాలు వెలువడుతున్నట్లు ఇటీవలే ఆరోగ్య సంస్థలు చేసిన పరిశోధనల్లో తేలిందన్నారు. ఇవేవీ పట్టించుకోకుండా సాంకేతికత పేరుతో డంప్‌యార్డు ఏర్పాటుకు ప్రభుత్వం తీసుకున్న నిర్ణయాన్ని ఉపసంహరించుకోవాలన్నారు. కార్యక్రమంలో నాయకులు బాలయ్య, మహేశ్‌, రాజేందర్‌రెడ్డి, శ్రీధర్‌చారి, నరేందర్‌రెడ్డి, ప్రశాంత్‌ పాల్గొన్నారు. తుర్కయంజాల్‌: అక్రమంగా మట్టి తవ్వకం, తరలింపు చేపడితే చట్టరీత్యా చర్యలు తప్పవని మైనింగ్‌ సర్వేయర్‌ సుజాత తెలిపారు. శుక్రవారం ఆమె ఆర్‌ఐలు ఇందిర, వెంకన్నతో కలిసి ఆదిభట్ల సర్కిల్‌ పరిధి రాగన్నగూడ లక్ష్మీ మెగా టౌన్‌షిప్‌లో అనుమతులు లేకుండా చేపడుతున్న మైనింగ్‌ పనులను పరిశీలించారు. అనంతరం కొలతలు తీసుకున్నారు. ఈ సందర్భంగా వారు మాట్లాడుతూ.. మైనింగ్‌ నిర్వాహకులు గతంలో అనుమతలు పొందిన దాని కంటే అదనంగా మట్టిని తవ్వినందుకు జరిమానా విధించినట్టు తెలిపారు. అయినా తీరు మార్చుకోకుండా యథావిధిగా రాత్రి వేళల మైనింగ్‌ చేపడుతున్నట్లు గుర్తించామన్నారు. కొలతల ఆధారంగా మరోసారి జరిమానా విధించడంతో పాటు ఉన్నతాధికారులకు నివేదిక అందజేస్తామని వెల్లడించారు.

మంచాల: ఫుడ్‌ డెలివరీ ముసుగులో గంజాయి సరఫరా చేస్తున్న యువకులను ఎస్‌ఓటీ పోలీసులు పట్టుకున్నారు. వారి నుంచి 1.1 కిలోల గంజాయి స్వాధీనం చేసుకున్నారు. వివరాలు ఇలా ఉన్నాయి. ఆంధ్రప్రదేశ్‌ రాష్ట్రం అరకు ప్రాంతానికి చెందిన ప్రదీప్‌, గద్వాల్‌ జిల్లా అయిజ మండలం ఉప్పల్‌ గ్రామానికి చెందిన గడుమూర్‌ సుకేష్‌ బాబు (28), గద్వాల్‌ జిల్లా రాజోలి మండలం మాన్‌దొడ్డి గ్రామానికి చెందిన గంపటపోగు రవి (29) గంజాయి వంటి మత్తు పదార్థాలను అనుమానం రాకుండా ఫుడ్‌ డెలివరీ మాదిరిగా గ్రామాలకు నేరుగా చేరవేస్తున్నారు. సమాచారం అందుకున్న ఎస్‌ఓటీ పోలీసులు నిఘా పెట్టి శుక్రవారం వారిని మంచాల మండలం ఆగాపల్లి క్రాస్‌రోడ్డు వద్ద పట్టుకున్నారు. వారి నుంచి 1.1 కిలోల ఎండు గంజాయి, మోటార్‌ సైకిల్‌, వేయింగ్‌ మిషన్‌, రెండు సెల్‌ఫోన్లు స్వాధీనం చేసుకున్నట్లు తెలిసింది. గడుమూర్‌ సుకేష్‌ బాబు, గంపటపోగు రవి పోలీసుల అదుపులో ఉండగా, ప్రధాన నిందితుడు ప్రదీప్‌ పరారీలో ఉన్నట్లు సమాచారం. కేసును మంచాల పోలీసులకు అప్పగించినట్లు తెలిసింది. గుట్టు రట్టు చేసిన ఎస్‌ఓటీ పోలీసులు

వికారాబాద్‌: రేడియల్‌ రోడ్డు దిశగా వడివడిగా అడుగులు పడుతున్నాయి. ఇప్పటికే టెండర్‌ ప్రక్రియను పూర్తి చేసిన ప్రభుత్వం త్వరలో పనులు ప్రారంభించేందుకు కసరత్తు చేస్తోంది. నవంబర్‌ మొదటి వారంలో సీఎం చేతుల మీదుగా భూమిపూజ చేసేందుకు అధికారులు ఏర్పాట్లు చేస్తున్నారు. శంషాబాద్‌ సమీపంలోని బుద్వేల్‌ ఔటర్‌ రింగ్‌ రోడ్డు ఎగ్జిట్‌ నంబర్‌ 17 నుంచి శంషాబాద్‌, షాబాద్‌, పరిగి, పూడూరు, దోమ మండలాల మీదుగా కొడంగల్‌ నియోజకవర్గ పరిధిలోని హకీంపేట్‌ వరకు రేడియల్‌ రోడ్డు నిర్మించనున్నారు. ఈ రోడ్డు రాజేంద్రనగర్‌, చేవెళ్ల, పరిగి, కొడంగల్‌ నియోజకవర్గాలను కలపనుంది. ఔటర్‌ రింగు రోడ్డు నుంచి ప్రారంభమై నేషనల్‌ హైవే 167తో అనుసంధానం చేస్తుంది. నాలుగు నెలల క్రితమే సీఎం రేవంత్‌రెడ్డి ఈ విషయాన్ని ప్రకటించగా దీనికి సంబంధించిన ప్రక్రియను అధికారులు ముమ్మరం చేశారు. 81 కిలోమీటర్ల దూరం ఆరు వరుసలుగా నిర్మించనున్నారు. ఇందు కోసం రూ.3,295 కోట్లు ఖర్చు చేయనున్నారు. రింగ్‌రోడ్డును కలుపుతూ రెండో రేడియల్‌ రోడ్డుగా అభివృద్ధి చేస్తారు. వికారాబాద్‌, రంగారెడ్డి జిల్లాల్లో భూ సేకరణ ప్రక్రియ దాదాపు పూర్తయింది. టెండర్‌ ప్రక్రియను పూర్తి చేశారు. 246 అడుగుల వెడ ల్పుతో 81 కిలోమీటర్ల దూరం వరకు నాలుగు వరుసలుగా ఈ గ్రీన్‌ ఫీల్డ్‌ హైవేను నిర్మించనున్నారు. భవిష్యత్తులో మెట్రోను సైతం అనుసంధానించేలా భూసేకరణ, డిజైన్‌ చేశారు. 18 గ్రామాల మీదుగా.. జిల్లాలోని ఆరు మండలాల పరిధిలోని 18 గ్రామాల మీదుగా రేడియల్‌ రోడ్డు వెళ్లనుంది. దోమ మండలంలో తొమ్మిది గ్రామాల మీదుగా వెళ్తుంది. ఆ గ్రామాల్లో భూ సేకరణ పూర్తి చేశారు. కుల్కచర్ల, పూడూరు మండలాల్లో ఒక్కో గ్రామం మీదుగా.. పరిగి మండలంలో ఐదు గ్రామాల మీదుగా, దుద్యాల మండలంలో రెండు గ్రామాల గుండా ఈ రోడ్డు వెళ్లనుంది. పరిగి నియోజకవర్గంలో 400 పైచిలుకు ఎకరాలు, దుద్యాల మండలంలో 99 ఎకరాలు కలిపి మొత్తం 500 ఎకరాలు సేకరించారు. భూమి విలువకు కొంచం అటూ ఇటుగా నాలుగు రెట్లు అధికంగా పరిహారం ఇచ్చారు. కొంతమంది రైతులు మినహా అందరూ స్వచ్ఛందంగా భూములు ఇచ్చారు. రోడ్డు నిర్మాణం పూర్తయితే భూముల విలువ పెరగనుంది. రవాణా సౌకర్యం మెరుగు పడుతుంది. పరిగి మండలం సయ్యద్‌పల్లి, రాపోల్‌ తదితర గ్రామాల్లో ఎకరా భూమి విలువ రూ.8.40 లక్షలు ఉండగా ప్రభుత్వం రూ.32 లక్షల నుంచి రూ.34 లక్షల వరకు పరిహారం రూపంలో చెల్లించింది. దోమ, దుద్యాల మండలాల్లో ఎకరా నికి రూ.24 లక్షల చొప్పున పరిహారం ఇవ్వనున్నారు. రేడియల్‌ నిర్మాణ బాధ్యతలు హెచ్‌ఎండీఏ చేపడుతోంది. 18 నెలల వ్యవధిలో పనులు పూర్తి చేయాల్సి ఉంది. మూడు ప్యాకేజీలుగా విభజించి నిర్మించనున్నారు. మొదటి ప్యాకేజీ బుద్వేల్‌ నుంచి షాబాద్‌ వరకు, రెండో ప్యాకేజీ షాబాద్‌ నుంచి దోమ మండలం గూడూరు వరకు మూడో ప్యాకేజీ గూడూరు నుంచి కొడంగల్‌ సమీపంలోని జాతీయ రహదారి 167 నాచారం వరకు నిర్మించనున్నారు. ఓఆర్‌ఆర్‌ను కలుపుతూ రెండో రోడ్డుగా అభివృద్ధి పారిశ్రామిక అభివృద్ధికి ఊతం ఈ అధునాతన సువిశాల రోడ్డు (రేడియల్‌ రోడ్డు) నిర్మాణం పూర్తయితే రంగారెడ్డి జిల్లా పశ్చిమ ప్రాంతంతో పాటు వికారాబాద్‌ జిల్లా అభివృద్ధి వేగం పుంజుకునేందుకు అవకాశం ఉంది. ఓఆర్‌ఆర్‌ నుంచి నిర్మించబోయే ట్రిపుల్‌ ఆర్‌ను అనుసంధానించనున్నారు. పరిగి మండలం రాపోల్‌, కాండ్లాపూర్‌ గ్రామాల్లో నిర్మించతలపెట్టిన ఇండస్ట్రియల్‌ పార్కు, షాబాద్‌ మండలం సీతారాంపూర్‌, హైతాబాద్‌ సమీపంలో ఏర్పాటైన పారిశ్రామిక కారిడార్‌, భవిష్యత్తులో దోమ మండలంలో ఏర్పాటు చేయనున్న పారిశ్రామికవాడ, కొడంగల్‌ నియోజకవర్గ పరిధిలోని మల్టీపర్పస్‌ ఇండస్ట్రియల్‌ పార్కులకు రేడియల్‌ ద్వారా ప్రయోజనం చేకూరనుంది. యుద్ధ ప్రాతిపదికన పనులు పూర్తి చేయాలని ప్రభుత్వం భావిస్తోంది. రేడియల్‌ రోడ్డు అందుబాటులోకి వస్తే భవిష్యత్తులో ఏర్పాటయ్యే ఐటీ క్లస్టర్లు, పారిశ్రామిక వాడల అభివృద్ధికి ఎంతో ఉపయోగపడనుంది. ఇదే సమయంలో పారిశ్రామిక వాడలకు శంషాబాద్‌ కార్గో టెర్మినల్‌ ద్వారా భారీ యంత్రాలు, ముడి సరుకులను పరిశ్రమలకు తరలించటానికి సులభతరమవుతుంది. దీంతో పాటు ట్రిపుల్‌ ఆర్‌, ఓఆర్‌ఆర్‌లను అనుసంధానించడం ద్వారా అన్ని ప్రధాన జాతీయ రహదారులకు కూడా ఇక్కడి నుంచి వెళ్లడం సలువవుతుంది. శంషాబాద్‌లోని అంతర్జాతీయ విమానాశ్రయం నుంచి పారిశ్రామిక వాడలకు లింక్‌ అవుతుంది.

ఇబ్రహీంపట్నం రూరల్‌: ప్రమాదాలు లేని జిల్లాగా తీర్చిదిద్దాడానికి అధికారులు, ప్రజలు సమష్టిగా కృషి చేయాలని అదనపు కలెక్టర్‌ డాక్టర్‌ కిరణ్మయి పేర్కొన్నారు. జిల్లా సమీకృత కార్యాలయాల సముదాయ భవనంలోని సమావేశ మందిరంలో శుక్రవారం రోడ్డు ప్రమాదాల నివారణకు తీసుకోవాల్సిన చర్యలు, ప్రమాదాలు అధికంగా జరుగుతున్న ప్రాంతాలు, భద్రతా ఏర్పాట్లపై సంబంధిత అధికారులతో సమీక్షించారు. పవర్‌ పాయింట్‌ ప్రజెంటేషన్‌ ద్వారా ప్రమాదాలు అధికంగా జరుగుతున్న ప్రాంతాల వివరాలు పరిశీలించి నియంత్రణకు చేపట్టాల్సిన చర్యలపై చర్చించారు. ఈ సందర్భంగా అదనపు కలెక్టర్‌ మాట్లాడుతూ.. జిల్లాలో రోడ్డు ప్రమాదాల నివారణకు పోలీస్‌, మున్సిపాలిటీ, జాతీయ రహదారులు, రోడ్లు భవనాల వాఖ, రవాణ, ట్రాఫిక్‌, ఆర్టీసీ శాఖల అధికారులు సమన్వయంతో పని చేయాలని సూచించారు. ప్రమాదాలు అధికంగా జరిగే ప్రాంతాలను గుర్తించి అవసరమైన రహదారి భద్రతా చర్యలు చేపట్టాలని ఆదేశించారు. ట్రాఫిక్‌ సిగ్నల్స్‌ సక్రమంగా పని చేసేలా ఎప్పటికప్పుడు తనిఖీలు నిర్వహించాలని, అవసరమైన చోట అదనపు భద్రతా ఏర్పాట్లు చేయాలన్నారు. రక్షణాత్మక డ్రైవింగ్‌ అలవర్చుకోవాలని, వాహనం నడిపేటప్పుడు పరిసరాలను గమనిస్తూ అప్రమత్తంగా ఉండడం ద్వారా ప్రమాదాలను నివారించవచ్చని తెలిపారు. రోడ్డు భద్రతపై పాఠశాల విద్యార్థులు, కళాశాల యువతకు విస్తృతంగా అవగాహన కల్పించాలన్నారు. సమావేశంలో వివిధ శాఖల అధికారులు పాల్గొన్నారు. రోడ్డు ప్రమాదాలను నివారిద్దాం అదనపు కలెక్టర్‌ కిరణ్మయి

బంట్వారం: మైనింగ్‌ క్వారీ నీటి గుంతలో పడి కర్ణాటక రాష్టం కుంచారానికి చెందిన ఇద్దరు విద్యార్థులు మృతి చెందారు. ఈ ఘటన శుక్రవారం మండలంలోని తెలంగాణ సరిహద్దు బొప్పునారం శివారులో చోటుచేసుకుంది. వివరాలు ఇలా ఉన్నాయి.. గ్రామానికి చెందిన అజయ్‌(14), సురేందర్‌ (15) ఈత కొట్టేందుకు సమీపంలోని మణికంట మైనింగ్‌ క్వారీకి వెళ్లారు. వీరితో కలిసి వెళ్లిన రాహుల్‌ అనే యువకుడు గట్టుపై ఉన్నాడు. అజయ్‌, సురేందర్‌ నీటి గుంతలోకి దూకారు. అజయ్‌కు ఈత రాకపోవడంతో సురేందర్‌ను గట్టిగా పట్టుకున్నాడు. ఈ క్రమంలో ఇద్దరూ నీట మునిగి ఊపిరాడక మృతి చెందారు. గట్టుపై నిల్చున్న రాహుల్‌ వెంటనే క్వారీ సిబ్బందికి చెప్పడంతో వారు మృతదేహాలను బయటకు తీశారు. మృతులిద్దరూ కుంచారం ప్రభుత్వం పాఠశాలలో చదువుకుంటున్నారు. మైనింగ్‌ యాజమాన్యం క్వారీ గుంతల వద్ద ఎలాంటి భద్రతా చర్యలు చేపట్ట లేదని స్థానికులు ఆగ్రహం వ్యక్తం చేశారు. సమాచారం అందిన వెంటనే ధారూరు సీఐ రఘురాములు, ఎస్‌ఐ పుండ్లిక్‌ ఘటనా స్థలానికి చేరుకుని పంచనామా జరిపించారు. ఈ మేరకు కేసు నమోదు చేసుకుని దర్యాప్తు చేస్తున్నట్లు సీఐ రఘురాములు తెలిపారు. మృతదేహలను పోస్టుమార్టం నిమిత్తం మర్పల్లి ప్రభుత్వ ఆస్పత్రికి తరలించారు.

ఇబ్రహీంపట్నం రూరల్‌: అదృశ్యమైన యువకుడు చెరువులో శవమై తేలాడు. ఈ సంఘటన ఆదిభట్ల పోలీస్‌స్టేషన్‌ పరిధిలో చోటు చేసుకుంది. సీఐ రమేష్‌ కథనం ప్రకారం.. ఇంజాపూర్‌ సుందరయ్య కాలనీకి చెందిన గుర్రం రాము (26) ఆటోడ్రైవర్‌గా పని చేస్తున్నాడు. భార్యతో గొడవ జరగడంతో ఆమె పుట్టింటికి వెళ్లిపోయింది. ఈ నెల 21న తల్లి వద్దకు వచ్చి విషయం చెప్పి వెళ్లిపోయాడు. అదేరోజు మధ్యాహ్నం 3.20 గంటలకు తాను చనిపోతున్నట్లు వాట్సాప్‌ వీడియోకాల్‌ చేసి ఫోన్‌ స్విచ్ఛాఫ్‌ చేశాడు. దీంతో కుటుంబీకులు పోలీసులకు ఫిర్యాదు చేశారు. ఈ క్రమంలో శుక్రవారం రాము మృతదేహం తుర్కయంజాల్‌ చెరువులో లభ్యమైంది. చేతిపై ఉన్న టాటు ఆధారంగా మృతదేహం రాముదిగా గుర్తించారు. వీడియోకాల్‌ చేసిన రోజే ఆత్మహత్య చేసుకొని ఉంటాడని భావిస్తున్నారు. పోస్టుమార్టం నిమిత్తం మృతదేహాన్ని ఉస్మానియా ఆస్పత్రికి తరలించారు. కేసు నమోదు చేసుకొని దర్యాప్తు చేస్తున్నారు. ఆమనగల్లు: రోడ్డు ప్రమాదంలో గ్రామ కార్యదర్శికి గాయాలయ్యాయి. వివరాలివీ.. తలకొండపల్లి మండలం వెల్జాల గ్రామ కార్యదర్శిగా పనిచేస్తున్న వాజిద్‌ ఆమనగల్లులో ఉంటూ విధులు నిర్వర్తిస్తున్నారు. విధి నిర్వహణలో భాగంగా శుక్రవారం ఉదయం బైక్‌పై వెల్జాల వెళ్తుండగా చింతలపల్లి గ్రామం దాటిన తరువాత పలుగుగుట్ట సమీపంలో ఎదురుగా వస్తున్న ఆటో ఢీకొట్టింది. ఈ ప్రమాదంలో వాజిద్‌ తీవ్రంగా గాయపడ్డాడు. వెంటనే 108 అంబులెన్స్‌లో చికిత్స కోసం వెల్దండలోని ఎన్నం ఆస్పత్రికి తరలించారు. పోలీసులు కేసు నమోదు చేసి దర్యాప్తు జరుపుతున్నారు. బషీరాబాద్‌: అధికార పార్టీలో అసంతృప్త జ్వాలను చల్లాచర్చేందుకు తాండూరు ఎమ్మెల్యే బుయ్యని మనోహర్‌రెడ్డి చర్యలు చేపట్టారు. అలకబూనిన మండల సీనియర్లకు శుక్రవారం ఫోన్లు చేసి శనివారం హైదరాబాద్‌ రావాలని సూచించినట్లు తెలిసింది. శుక్రవారం ‘సాక్షి’ దినపత్రికలో అధికార పార్టీలో అసంతృప్త జ్వాల శీర్షికన ప్రచురితమైన కథనం సామాజిక మాద్యమాల్లో కాంగ్రెస్‌ శ్రేణులు వైరల్‌ చేశారు. ఈ నేపథ్యంలో ఎమ్మెల్యే రంగంలోకి దిగి అందరితో మాట్లాడారు. తమకు ఎమ్మెల్యే ఫోన్‌ చేసి ఆహ్వానించింది వాస్తవమేనని అసంతృప్త సీనియర్‌ నేత ఒకరు ధ్రువీకరించారు. అయితే వీరంతా నేడు హైదరాబాద్‌లో జరిగే ఎమ్మెల్యేతో భేటీకి హాజరు అవుతారా..? లేదా..? అనేది ప్రశ్నార్థకంగా మారింది. రాజేంద్రనగర్‌: అక్రమంగా బాణసంచా తయారు చేయడంతో పాటు నిల్వచేసి విక్రయించేందుకు ప్రయత్నిస్తున్న ముగ్గురు నిందితులను రాజేంద్రనగర్‌ టాస్క్‌ఫోర్స్‌ పోలీసులు అదుపులోకి తీసుకున్నారు. పోలీసులు తెలిపిన వివరాల ప్రకారం.. జలాల్‌ బాబానగర్‌కు చెందిన జరీనా సుల్తానా, మొహమ్మద్‌ అజార్‌ ముడి సరుకును నిల్వ చేయడంతో పాటు బాణసంచా తయారు చేస్తున్నారు. శుక్రవారం టాస్క్‌ఫోర్స్‌ పోలీసులు గోదాంపై దాడి చేసి పొటాషియం పొడితో పాటు బాణసంచాకు ఉపయోగించే మసాలా పొడి, లూజ్‌ బాణాసంచులను స్వాధీనం చేసుకున్నారు. తదుపరి విచారణ నిమిత్తం అత్తాపూర్‌ పోలీసులకు అప్పగించారు. మైలార్‌దేవ్‌పల్లి బాబుల్‌ రెడ్డి నగర్‌లోని శక్తి ట్రేడర్స్‌ హోల్‌సేల్‌ బాణాసంచా దుకాణంపైనా దాడి చేశారు. భద్రత ప్రమాణాలు పాటించకుండా అక్రమంగా బాణసంచా నిల్వ ఉంచి విక్రయిస్తున్న నిర్వాహకుడు హఫీజ్‌ను అదుపులోకి తీసుకున్నారు.

● పది గ్రామాలకు నిలిచిపోయిన విద్యుత్‌ సరఫరా ● మంటలను అదుపులోకి తెచ్చిన అగ్నిమాపక సిబ్బంది కొడంగల్‌: పట్టణంలోని సబ్‌స్టేషన్‌లో శుక్రవారం ఉదయం అగ్ని ప్రమాదం చోటుచేసుకుంది. ఉదయం నుంచి సాయంత్రం వరకు 10 గ్రామాలకు విద్యుత్‌ సరఫరా ఆగిపోయింది. ట్రాన్స్‌ఫార్మర్ల నుంచి ఆయిల్‌ లీక్‌ కావడంతోనే ప్రమాదం జరిగినట్లు తెలిసింది. లీకేజీ విషయం కింది స్థాయి సిబ్బందికి తెలియజేసినా వారు పట్టించుకోలేదని సమాచారం. ఉదయం 8 గంటల సమయంలో సబ్‌స్టేషన్‌లో అకస్మాత్తుగా మంటలు చెలరేగినట్లు పరిసర వాసులు తెలిపారు. పరిస్థితిని గమనించిన సిబ్బంది వెంటనే అగ్నిమాపక సిబ్బందికి సమాచారం ఇచ్చారు. వారు ఘటనా స్థలానికి చేరుకొని మంటలను అదుపులోకి తెచ్చారు. కొడంగల్‌లో సాయంత్రం ఆరుగంటలకు విద్యుత్‌ సరఫరాను పునరుద్ధరించారు. బషీరాబాద్‌: తాండూరు కాంగ్రెస్‌లో రాజకీయ పరిణామాలు ఆసక్తికరంగా మారుతున్నాయి. ఎమ్మెల్యే మనోహర్‌రెడ్డి, ఎమ్మెల్సీ మహేందర్‌రెడ్డి మధ్య విభేదాల నేపథ్యంలో.. ఎమ్మెల్యే వైఖరిపై అసంతృప్తితో ఉన్న పలువురు సీనియర్‌ నేతలు శుక్రవారం రాత్రి బషీరాబాద్‌లో మాజీ ఎమ్మెల్యే నారాయణరావు నివాసంలో మహేందర్‌రెడ్డితో భేటీ అయ్యారు. ఈ సమావేశం స్థానిక రాజకీయ వర్గాల్లో చర్చనీయాంశమైంది. విశ్వసనీయ సమాచారం ప్రకారం.. ఎమ్మెల్యే మనోహర్‌రెడ్డి ఏకపక్ష నిర్ణయాలతో పార్టీకి నష్టం జరుగుతోందని, మొదటి నుంచి కాంగ్రెస్‌ కోసం పనిచేసిన నాయకులు, కార్యకర్తలకు తగిన ప్రాధాన్యం దక్కడం లేదని నారాయణరావు ప్రస్తావించినట్లు తెలిసింది. అవసరమైతే ముఖ్యమంత్రిని కలిసి తాండూరు కాంగ్రెస్‌ ఇన్‌చార్జి బాధ్యతలను మహేందర్‌రెడ్డికి అప్పగించాలని కోరుతామని చెప్పినట్లు సమాచారం. అందరినీ కలుపుకొని వెళ్లే నాయకత్వం అవసరమని, మహేందర్‌రెడ్డి ఎమ్మెల్యేగా పోటీ చేస్తే తామంతా అండగా నిలిచి గెలిపించేందుకు కృషి చేస్తామని నేతలు హామీ ఇచ్చినట్లు తెలిసింది. భవిష్యత్తులో తమకు అండగా ఉండాలని కోరినట్లు సమాచారం. దీనిపై మహేందర్‌రెడ్డి స్పందిస్తూ.. నాయకులందరికీ అన్ని విషయాల్లో అండగా ఉంటానని, ఎవరూ అధైర్యపడవద్దని భరోసా ఇచ్చినట్లు భేటీలో పాల్గొన్న నేతలు తెలిపారు. సమావేశంలో జెడ్పీటీసీ మాజీ సభ్యుడు రాకేశ్‌ మహరాజ్‌, నాయకులు మాధవరెడ్డి, వెంకట్‌రామ్‌రెడ్డి, వెంకటేశ్‌ మహరాజ్‌, రోహివత్‌ మహరాజ్‌, సుధాకర్‌రెడ్డి, శ్రీనివాస్‌రెడ్డి, మాణిక్‌రెడ్డి, రాంనాయక్‌, నర్సిరెడ్డి, పవన్‌ ఠాకూర్‌, సిద్ధార్థ్‌ తదితరులు పాల్గొన్నారు. పరిగి: ట్రాఫిక్‌ నిబంధనలను బేఖాతరు చేస్తూ ఆకతాయిలు ప్రజల ప్రాణాలతో చెలగాటమాడుతున్నారు. గురువారం రాత్రి పరిగి పట్టణంలో ఓ వ్యక్తి వేగంగా వెళ్తున్న కారు టాప్‌పై కూర్చొని ప్రమాదకర విన్యాసాలు చేశాడు. ఈ వీడియో శుక్రవారం సోషల్‌ మీడియలో వైరల్‌గా మారింది. పట్టణ పరిధిలోని బీజాపూర్‌ – హైదరాబాద్‌ జాతీయ రహదారిపై కొందరు వ్యక్తులు వేగంగా కారు నడిపారు. ఓ వ్యక్తి కారు టాప్‌పై కూర్చుని చల్‌చల్‌ చేశారు. తోటి వాహనదారులను భయాందోళనకు గురి చేశారు. ఇలాంటి వ్యక్తుల కారణంగానే ప్రమాదాలు చోటు చేసుకుంటున్నాయని పలువురు అభిప్రాయం వ్యక్తం చేశారు. ఒకరు కారు టాప్‌పై కూర్చొని మరో ముగ్గురు లోపల ఉన్నట్ల తెలిసింది. మద్యం మత్తులో కారు నడిపారని స్థానికులు ఆరోపించారు. ఆకతాయిలపై చట్టపరమైన చర్యలు తీసుకోవాలని కోరారు. ఈ విషయమై ఎస్‌ఐ మోహనకృష్ణను వివరణ కోరగా వాహనాన్ని గుర్తించామని కేసు నమోదు చేస్తామని తెలిపారు.

కొడంగల్‌: పట్టణంలోని ప్రధాన రహదారి విస్తరణకు అధికారులు రంగం సిద్ధం చేశారు. ముఖ్యమంత్రి రేవంత్‌రెడ్డి గురువారం కొడంగల్‌కు వచ్చిన సందర్భంఆ రోడ్ల పరిస్థితిని గమనించారు. ఏడాది క్రితమే విస్తరణకు అధికారులు సమాయత్తమయ్యారు. గత ఏడాది అక్టోబర్‌ ఒకటిన రహదారికి ఇరువైపులా 60 అడుగులు వరకు విస్తరించడానికి మార్కింగ్‌ వేశారు. స్థానికుల విజ్ఞప్తి మేరకు 10 అడుగులు తగ్గించి 50కి కుదించారు. ఎంత మంది నివాసాలు, స్థలాలు పోతున్నాయో గుర్తించివారికి నోటీసులు ఇచ్చారు. నష్ట పరిహారం విషయంలో బాధితులతో అధికారులు చర్చించారు. కొందరి నుంచి అంగీకార పత్రాలు తీసుకున్నారు. అయితే పనులు ప్రారంభించడంలో జాప్యం జరిగింది. గురువారం సీఎం పర్యటన సందర్భంగా రోడ్లను చూసి వెంటనే పనులు ప్రారంభించాలని అధికారులను ఆదేశించారు. దీంతో మున్సిపల్‌ చైర్మన్‌ నందారం ప్రశాంత్‌, కమిషనర్‌ బలరాం నాయక్‌, తహసీల్దార్‌ రాంబాబు, ఆర్‌అండ్‌బీ అధికారులు శుక్రవారం ప్రధాన రహదారికి ఇరువైపులా స్థలపరిశీలన చేశారు. రోడ్డు మధ్య నుంచి అటు 25 అడుగులు, ఇటు 25 ఫీట్లు మొత్తంగా 50 అడుగులు రోడ్డు వేయనున్నట్లు అధికారులు తెలిపారు. లాహోటీ కాలనీ నుంచి గుడి వరకు.. పట్టణంలోని లాహోటీ కాలనీ నుంచి వినాయక చౌరస్తా మీదుగా మహాలక్ష్మీ వేంకటేశ్వర స్వామి ఆలయం వరకు ప్రధాన రహదారిని విస్తరించనున్నారు. ఈ మేరకు అధికారులు పర్యటించి స్థానికంగా ఉన్న సమస్యలను తెలుసుకున్నారు. స్థలాల యజమానులతో మాట్లాడారు. విస్తరణ పనులు ప్రారంభం అవుతాయని తెలిపారు. బాధితులకు ఇవ్వాల్సిన పరిహారం అధికారులు లెక్క కట్టి ఇస్తారని అన్నారు. పట్టణ ప్రజలకు మెరుగైన రవాణా సౌకర్యం కల్పించడంతో పాటు కొడంగల్‌ను అన్ని రంగాల్లో అభివృద్ధి చేయడమే లక్ష్యంగా పని చేస్తున్నట్లు మున్సిపల్‌ చైర్మన్‌ నందారం ప్రశాంత్‌ తెలిపారు. కార్యక్రమంలో మున్సిపల్‌ కౌన్సిలర్లు, పలు శాఖల అధికారులు పాల్గొన్నారు. వినాయక చౌరస్తా విస్తరణ పట్టణంలోని వినాయక చౌరస్తా ఇరుకుగా ఉండడం వల్ల ట్రాఫిక్‌ సమస్యలు ఎదురవుతున్నాయి. మహబూబ్‌నగర్‌ – చించోలీ జాతీయ రహదారి విస్తరణలో భాగంగా వినాయక చౌరస్తాను విస్తరించాల్సి ఉంది. వినాయక చౌరస్తా సమీపంలో ప్రభుత్వ జూనియర్‌ కళాశాల, జిల్లా పరిషత్‌ ఉన్నత పాఠశాల, ప్రభుత్వ వసతి గృహాలు, ప్రాథమిక, ప్రాథమికోన్నత పాఠశాలలు ఉన్నాయి. నిత్యం వేలాది మంది విద్యార్థులు తిరుగుతుంటారు. రోజా ఈ ప్రాంతం రద్దీగా ఉంటుంది. ప్రయాణికులను ఎక్కించుకోడానికి దించడానికి ఆర్టీసీ బస్సులు కూడా ఇక్కడే ఆగుతాయి. దీంతో ట్రాఫిక్‌ సమస్య ఏర్పడుతోంది. మహబూబ్‌నగర్‌ జిల్లా కేంద్రం నుంచి కొడంగల్‌, తాండూరు మీదుగా కర్ణాటక రాష్ట్రం చించోలీ వరకు జాతీయ రహదారిని నిర్మిస్తున్నారు. బెంగళూరు, ముంబై జాతీయ రహదారులను కలిపే ఈ రహదారిపై నిత్యం వేలాది వాహనాలు తిరుగుతాయి. మహబూబ్‌నగర్‌, కొడంగల్‌, తాండూరు మీదుగా చించోలి, మన్నాకెళ్లి వరకు నాలుగు లేన్ల రహదారి నిర్మిస్తున్నారు. ఈ క్రమంలో వినాయక చౌరస్తాను వెడల్పు చేయాల్సి ఉందని అధికారులు తెలిపారు.

● ఆరుతడి పంటల సాగుపై దృష్టి పెట్టాలి ● జిల్లా వ్యవసాయాధికారి సుజాత యాచారం: వర్షాభావంతో భూగర్భజలాలు గణనీయంగా తగ్గిపోతున్నాయని, యాసంగిలో వరి సాగు చేయొద్దని జిల్లా వ్యవసాయాధికారి ఎం.సుజాత రైతులకు సూచించారు. యాచారం రైతు వేదికలో గురువారం ఎల్‌నినో ప్రభావం, వర్షాభావ పరిస్థితులు, సాగు భూమి సంరక్షణ తదితర అంశాలపై రైతులకు అవగాహన కల్పించారు. ఈ సందర్భంగా ఆమె మాట్లాడుతూ... రెండేళ్లుగా వర్షాలు సమృద్ధిగా కురవకపోవడంతో నీటి సమస్యలు తలెత్తుతాయన్నారు. యాసంగిలో వరి పంటను పూర్తిగా ఆపేయాలని సూచించారు. స్వల్ప కాలంలో ఆదాయాన్ని తెచ్చి పెట్టే కూరగాయలు, ఆకుకూరల పంటల సాగుపై దృష్టి పెట్టాలని సూచించారు. ప్రస్తుతం వరి పంటను కోసిన తర్వాత గడ్డిని రైతులు తగులబెట్టరాదని తెలిపారు. బోరుబావుల్లో ఉన్న కొద్దిపాటి నీటితో మూగజీవాలకు దాహార్తి తీర్చేందుకు కృషి చేయాలని తెలిపారు. పత్తి తీత పనులు జరుగుతున్న దృష్ట్యా జిల్లాలో పలు చోట్ల సీసీఐ కేంద్రాలు ఏర్పాటు చేశామన్నారు. రైతులు నీటి పొదుపు కోసం డ్రిప్‌ విధానాన్ని వినియోగించాలని సూచించారు. ఈ కార్యక్రమంలో జిల్లా ఉద్యాన శాఖ అధికారి కె.సురేష్‌, జిల్లా మార్కెటింగ్‌ శాఖ అధికారి ఎండీ రియాజ్‌, యాచారం మండల వ్యవసాయాధికారి రవినాథ్‌, ఇబ్రహీంపట్నం డివిజన్‌ ఉద్యాన శాఖ అధికారి నవీన, పలు గ్రామాల రైతులు పాల్గొన్నారు.

సాక్షి, రంగారెడ్డి జిల్లా: విభేదాలను పక్కన పెట్టి పార్టీ అభ్యర్థి గెలుపు కోసం అంతా కలిసికట్టుగా పని చేయాలని ఐటీ, పరిశ్రమలశాఖ మంత్రి దుద్దిళ్ల శ్రీధర్‌బాబు నేతలకు సూచించారు. పాత, కొత్త నాయకులంతా సమన్వయంతో పని చేయాలన్నారు. ఈ మేరకు గురువారం హైదరాబాద్‌– రంగారెడ్డి– మహబూబ్‌నగర్‌ గ్రాడ్యుయేట్‌ ఎమ్మెల్సీ ఎన్నికల ఉమ్మడి రంగారెడ్డి జిల్లా నేతలతో శంషాబాద్‌లో సన్నాహక సమావేశం నిర్వహించారు. ముఖ్య అతిథిగా హాజరైన మంత్రి కాంగ్రెస్‌ శ్రేణులకు దిశానిర్దేశం చేశారు. అంతర్గతంగా ఎన్ని విభేదాలున్నా.. పక్కన పెట్టి, పార్టీ అభ్యర్థి సామ రామ్మోహన్‌రెడ్డి గెలుపు కోసం కృషిచేయాలన్నారు. అందివచ్చిన అవకాశాన్ని ఎట్టిపరిస్థితుల్లోనూ చేజారనివ్వకూడని ఆదేశించారు. పార్టీ వ్యతిరేక చర్యలకు పాల్పడే వారిపట్ల కఠినంగా వ్యవహరిస్తామని హెచ్చరించారు. గ్రాడ్యుయేట్‌ ఎన్నికల్లో గెలిచేది, కాంగ్రెస్‌ అభ్యర్థేనని ధీమా వ్యక్తంచేశారు. అత్యధిక మెజార్టీ కోసం ప్రతిఒక్కరూ కృషిచేయాలన్నారు. గ్రాడ్యుయేట్‌ ఓటర్ల నమోదును పార్టీ శ్రేణులు అత్యంత ప్రతిష్టాత్మకంగా తీసుకోవాలని, అర్హులైన ప్రతి పట్టభద్రుడిని ఓటరుగా నమోదు చేయించే బాధ్యత నాయకులు, కార్యకర్తలదేనని గ్రామాలు, మున్సిపాలిటీలు, వార్డుల వారీగా ప్రత్యేక ఓటర్‌ ఎన్‌రోల్‌మెంట్‌ డ్రైవ్‌ చేపట్టాలని, బూత్‌ స్థాయి నుంచి ప్రతి గ్రాడ్యుయేట్‌ ఓటరును కలిసి ప్రభుత్వం చేపట్టిన సంక్షేమ, అభివృద్ధి వివరించాలని, బీఆర్‌ఎస్‌, బీజేపీ వైఫల్యాలను మరింత బలంగా ప్రజల్లోకి తీసుకెళ్లాలని సూచించారు. ఈ సమావేశంలో ఎంపీ మల్లు రవి, ఎమ్మెల్యేలు మల్‌రెడ్డి రంగారెడ్డి, రామ్మోహన్‌రెడ్డి, మనోహర్‌రెడ్డి, కసిరెడ్డి నారాయణరెడ్డి, ప్రభుత్వ విప్‌, ఎమ్మెల్సీ బల్మూరు వెంకట్‌, ఎమ్మెల్సీ అభ్యర్థి సామ రామ్మోహన్‌రెడ్డి తదితరులు పాల్గొన్నారు. కార్యక్రమంలో రంగారెడ్డి డీసీసీ అధ్యక్షురాలు చిగురింత పారిజాత నర్సింహారెడ్డి, మేడ్చల్‌ జిల్లా అధ్యక్షుడు వజ్రేష్‌ యాదవ్‌, వికారాబాద్‌ జిల్లా అధ్యక్షుడు ధారాసింగ్‌, కేంద్ర మాజీ మంత్రి వేణుగోపాలాచారి, పార్టీ సీనియర్‌ నాయకులు హాజరయ్యారు. అభ్యర్థి మీరే పట్టభద్రుల ఎమ్మెల్సీ ఎన్నికల్లో కాంగ్రెస్‌ పార్టీ విజయానికి ప్రతీ నాయకుడు, కార్యకర్త తానే అభ్యర్థిగా భావించి కష్టపడి పనిచేయాలని ఆలిండియా ప్రొఫెషనల్‌ కాంగ్రెస్‌ చైర్మన్‌ మధుయాస్కిగౌడ్‌ అన్నారు. ముఖ్యమంత్రి రేవంత్‌రెడ్డి ప్రాతినిధ్యం వహిస్తున్న పట్టభద్రుల ఎమ్మెల్సీ స్థానాన్ని గెలిచుకోవడాన్ని ప్రతిష్టాత్మకంగా తీసుకోవాలని సూచించారు. ఉమ్మడి జిల్లా నుంచి అత్యధికంగా పట్టభద్రుల ఓటరు నమోదును చేపట్టి, పార్టీ అభ్యర్థి విజయంపై ముఖ్యమంత్రికి విశ్వాసం కల్పించాల్సిన బాధ్యత నాయకులు, కార్యకర్తలపై ఉందన్నారు. ఎమ్మెల్సీ ఎన్నికల్లో కాంగ్రెస్‌ పార్టీ విజయం సాధిస్తే.. జిల్లాకు మంత్రి పదవి దక్కే అవకాశం ఉందని తెలిపారు. పార్టీ కోసం కష్టపడే నాయకులు, కార్యకర్తలకు నామినేటెడ్‌ పదవుల రూపంలో తగిన గుర్తింపు లభిస్తుంది. కాంగ్రెస్‌ అభ్యర్థి గెలుపే లక్ష్యంగా పనిచేయండి జిల్లా ఇన్‌ఛార్జ్‌ మంత్రి శ్రీధర్‌బాబు ఉమ్మడి రంగారెడ్డి జిల్లా నేతలతో సమావేశం

కొడంగల్‌ రూరల్‌: ఉపాధిహామీ పథకం ఎఫ్‌టీఈ ఉద్యోగులకు దసరా కానుకగా గ్రాట్యూటీతో ఆర్థిక భరోసాను కల్పిస్తూ ప్రభుత్వం జీవో జారీ చేసిందని ఏఈపీడీ సరళ హర్షం వ్యక్తం చేశారు. ఈ సందర్భంగా గురువారం పట్టణంలోని ఎంపీడీఓ కార్యాలయ ఆవరణలో ఏపీఓ రాములు ఆధ్వర్యంలో ముఖ్యమంత్రి రేవంత్‌రెడ్డి చిత్రపటానికి క్షీరాభిషేకం చేశారు. అనంతరం మాట్లాడారు. 3,874 మంది ఎఫ్‌టీఈ ఉద్యోగులకు ప్రభుత్వం గ్రాట్యూటీ మంజూరు చేసిందని తెలిపారు. మంత్రి సీతక్క చొరవతో 20ఏళ్ల ఉద్యోగుల పోరాటానికి ఫలితం దక్కిందన్నారు. పదేళ్ల సర్వీసు పూర్తి చేసే వారికి కనీసం రూ.10 లక్షల వరకు ప్రయోజనం చేకూరుతుందన్నారు. పదేళ్ల నుంచి 30 ఏళ్ల సర్వీసు పూర్తి చేసుకున్న వారికి రూ.16 లక్షల గ్రాట్యూటీ పొందే అవకాశం ఉందన్నారు. ఈ మొత్తాన్ని ఉద్యోగ విరమణ పొందిన వారికి అందుతుందని చెప్పారు. ఈ సందర్భంగా మంత్రులకు కృతజ్ఞతలు తెలిపారు. ఎంపీడీఓ ఉషశ్రీ, వీబీజీ రాంజీ ఉద్యోగులు, ఈసీలు, టీఏలు, సీఓలు పాల్గొన్నారు.

యాచారం: మొండిగౌరెల్లి గ్రామంలో అసైన్డ్‌ భూములు రీ సర్వేలో తీవ్ర ఉద్రిక్తత చోటుచేసుకుంది. సర్వే చేసే అసైన్డ్‌ భూమి తనదంటే.. తనదేనని ఇరువురూ తీవ్రంగా ఘర్షణ పడ్డారు. వివరాలు.. గ్రామంలోని సర్వేనంబరు 68లో గురువారం రెవెన్యూ, సర్వే అధికారులు పలువురు రైతులు అసైన్డ్‌ భూమిని రీ సర్వే చేస్తున్నారు. ఈ సమయంలో ధర్మానాయక్‌, రాజునాయక్‌లకు చెందిన అసైన్డ్‌ భూమి వద్దకు సర్వే కోసం వెళ్లారు. భూమి తనదంటే.. తనదేనని.. పరిహారం తనకే అందాలని ఇరువురూ వాగ్వాదానికి దిగారు. దీంతో ఉద్రిక్తత నెలకొంది. అధికారులు సర్వే ఆపేసి వెనక్కి వెళ్లిపోయారు. ఈ విషయమై ఇరువర్గాల ఫిర్యాదు మేరకు కేసులు నమోదు చేసి, దర్యాప్తు చేస్తున్నారు. సీఐటీయూ జిల్లా కార్యదర్శి శ్రీనివాస్‌ తాండూరు టౌన్‌: కేంద్ర, రాష్ట్ర ప్రభుత్వాలు కార్మికులకు ఇచ్చిన హామీలను వెంటనే అమలు చేయాలని సీఐటీయూ జిల్లా కార్యదర్శి కె శ్రీనివాస్‌ డిమాండ్‌ చేశారు. ఈ అంశంపై ఈ నెల 25, 26వ తేదీల్లో మల్లిపుల్‌ డేస్‌ ధర్నా కార్యక్రమాన్ని హైదరాబాద్‌లో నిర్వహించనున్నట్లు తెలిపారు. గురువారం పట్టణంలోని అంబేడ్కర్‌ చౌక్‌లో ధర్నా పోస్టర్‌ ఆవిష్కరించారు. ఈ సందర్భంగా ఆయన మాట్లాడుతూ.. కేంద్ర, రాష్ట్ర ప్రభుత్వాలు కార్మికుల హక్కులు, సామాజిక భద్రతను తుంగలో తొక్కాయన్నారు. కేంద్రం తెచ్చిన నాలుగు లేబర్‌ కోడ్‌లను వెంటనే రద్దు చేయాలని డిమాండ్‌ చేశారు. కనీస వేతనం, ఉద్యోగ భద్రత, పీఆర్‌సీ, డీఏల చెల్లింపు, ప్రభుత్వ రంగ సంస్థల పరిరక్షణ కల్పించాలన్నారు. కార్యక్రమంలో కార్మిక సంఘం నాయకులు నరేష్‌, బలరాం, శంకర్‌, వెంకటప్ప, గుండమ్మ, మైసమ్మ, ఎల్లమ్మ తదితరులు పాల్గొన్నారు. పార్టీ పట్టణ అధ్యక్షుడు నాగరాజు తాండూరు టౌన్‌: పట్టభద్రులంతా కాంగ్రెస్‌ పార్టీ వైపే మొగ్గు చూపుతున్నారని ఆ పార్టీ పట్టణ అధ్యక్షుడు బాతుల నాగరాజు అన్నారు. మహబూబ్‌నగర్‌, రంగారెడ్డి, హైదరాబాద్‌ పట్టభద్రుల ఎమ్మెల్సీ ఎన్నికల్లో భాగంగా గురువారం శంషాబాద్‌లో ఏర్పాటు చేసిన ఉమ్మడి రంగారెడ్డి జిల్లా సన్నాహక సమావేశానికి తాండూరు నుంచి పలువురు నాయకులు, కార్యకర్తలు వెళ్లారు. ఈ సందర్భంగా ఆయన మాట్లాడుతూ.. కాంగ్రెస్‌ ప్రభుత్వం వచ్చాక 60వేల ఉద్యోగాలు భర్తీ చేసిందన్నారు. ప్రభుత్వ, ప్రైవేటు రంగాల్లో లక్ష వరకు నియామకాలు జరిగాయన్నారు. గత ప్రభుత్వం పట్టభద్రులను, నిరుద్యోగులను పూర్తిగా విస్మరించిందని ఆరోపించారు. రాబోయే పట్టభద్రుల ఎమ్మెల్సీ ఎన్నికల్లో కాంగ్రెస్‌ పార్టీ అభ్యర్థి ఘన విజయం సాధించడం తథ్యమన్నారు. అనంతగిరి: దసరా పండుగను పురస్కరించుకుని వికారాబాద్‌ మాజీ ఎమ్మెల్యే డాక్టర్‌ మెతుకు ఆనంద్‌, బీసీ కమిషన్‌ మాజీ సభ్యుడు శుభప్రద్‌పటేల్‌, ఇతర ముఖ్య నాయకులు గురువారం బీఆర్‌ఎస్‌ వర్కింగ్‌ ప్రసిడెంట్‌ కేటీఆర్‌, మాజీ మంత్రి సబితారెడ్డిని మర్యాదపూర్వకంగా కలిశారు. ఈ సందర్భంగా జమ్మి ఇచ్చి పండుగ శుభాకాంక్షలు తెలిపారు. బొంరాస్‌పేట: ఎస్సెస్సీ, ఓ ఎస్సెస్సీ, ఒకేషనల్‌ పబ్లిక్‌ పరీక్షలు మార్చి – 2027 వార్షిక పరీక్షల ఫీజు చెల్లింపుల వివరాలను గురువారం విద్యాశాఖ విడుదల చేసినట్లు దుద్యాల, బొంరాస్‌పేట ఎంఈఓలు శంకర్‌, హరిలాల్‌ గురువారం ఒక ప్రకటనలో తెలిపారు. ఈ నెల 30 నుంచి ఎలాంటి ఆలస్య రుసుం లేకుండా ఫీజు చెల్లించే అవకాశం ఉందన్నారు. నవంబరు 18 నుంచి ఆలస్య రుసుం రూ.50, డిసెంబరు 8నుంచి రూ.200 ఆలస్య రుసుం, డిసెంబరు 18 నుంచి రూ.500 ఆలస్య రుసుంతో 30వ తేదీ వరకు ఫీజు చెల్లించవచ్చని తెలిపారు. అన్ని సబ్జెక్టులకు గాను రూ.125, ఫెయిల్‌ అయినవారు మూడు సబ్జెక్టులకు రూ.110, మూడు సబ్జెక్టులకు పైగా ఉంటే రూ.125, ఒకేషనల్‌ విద్యార్థులు రూ.60 చెల్లించాల్సి ఉందని పేర్కొన్నారు. మిగితా వివరాలను సంబంధిత పాఠశాలల్లో సంప్రదించాలన్నారు.

● కలెక్టర్‌ నారాయణరెడ్డి ఆదేశం ● సంబంధిత అధికారులకు శిక్షణ ఇబ్రహీంపట్నం రూరల్‌: తెలంగాణ ప్రభుత్వం నిర్వహించబోయే ఫేజ్‌– 2 జనాభా గణన కార్యక్రమాన్ని సమర్థవంతంగా నిర్వహించాలని కలెక్టర్‌ సి.నారాయణరెడ్డి అధికారులను ఆదేశించారు. ఈ మేరకు గురువారం సంబంధిత అధికారులకు శిక్షణ కార్యక్రమం నిర్వహించారు. జనాభా గణనకు సంబంధించిన విధివిధానాలు, సంబంధిత శాఖల మధ్య సమన్వయం, నిర్ణీత సమయంలో గణన పూర్తిచేయడం తదితర అంశాలపై జిల్లా రెవెన్యూ అధికారులు, తహసీల్దార్లు, మున్సిపల్‌ కమిషనర్లు, ఎంపీడీఓలకు అవగాహన కల్పించారు. నిర్దేశిత మార్గదర్శకాలను పాటించాలన్నారు. ఈ కార్యక్రమంలో అదనపు కలెక్టర్‌ కిరణ్మయి, మేడ్చల్‌ అదనపు కలెక్టర్‌ విజయేందర్‌రెడ్డి, డీఆర్‌ఓలు శారదదేవి, మాలతి తదితరులు పాల్గొన్నారు.

● ఆయన ఆశయ సాధనకు ప్రతిఒక్కరూ కృషిచేయాలి ● అడిషనల్‌ కలెక్టర్‌ కిరణ్మయి ● కలెక్టరేట్‌లో జయంతి వేడుకలు మొయినాబాద్‌: నిజాం, భూస్వాములు, దేశ్‌ముఖ్‌ల అరాచకాలను ఎండగడుతూ బడుగులకోసం పోరాటం చేసిన గొప్ప మానవతావాది పండుగల సాయన్న అని అడిషనల్‌ కలెక్టర్‌ కిరణ్మయి అన్నారు. బీసీ సంక్షేమ శాఖ ఆధ్వర్యంలో గురువారం పండుగ సాయన్న జయంతి వేడుకలను కలెక్టరేట్‌లో ఘనంగా నిర్వహించారు. ఆయన చిత్రపటానికి పూలమాలలు వేసి నివాళులర్పించారు. ఈ సందర్భంగా అడిషనల్‌ కలెక్టర్‌ మాట్లాడుతూ పండుగల సాయన్న అసమానతలు లేని సమాజం కావాలని కోరుకున్నారని.. ప్రతిఒక్కరూ ఆయన ఆశయాల సాధనకు కృషిచేయాలని పిలుపునిచ్చారు. ఈ కార్యక్రమంలో తెలంగాణ రాష్ట్ర బీసీ ఫ్రంట్‌ చైర్మన్‌ జి.మల్లేష్‌యాదవ్‌, జిల్లా పరిపాలనాధికారి సునీల్‌, బీసీ సంక్షేమ శాఖ జిల్లా డిప్యూటీ డైరెక్టర్‌ కేశురాం, ముదిరాజ్‌ మహాసభ జిల్లా యువజన విభాగం అధ్యక్షుడు నారాయణపురం మహేందర్‌ముదిరాజ్‌, నాయకులు వేణుగోపాల్‌, లక్ష్మణ్‌ ముదిరాజ్‌, బంది అనిల్‌, ఆలూరి వెంకట్‌, అధికారులు, సిబ్బంది ఉన్నారు.

● తొలిదశలోనే గుర్తించి చికిత్స అందించాలి ● డీఎంహెచ్‌ఓ కళ్యాణ్‌ చక్రవర్తి ● సరూర్‌నగర్‌లో అవగాహన ర్యాలీ హుడాకాంప్లెక్స్‌: కుష్టు వ్యాధి నిర్మూలనకు వైద్యారోగ్య శాఖ ఆధ్వర్యంలో అవగాహన కార్యక్రమాలు చేపట్టాలని డీఎంహెచ్‌ఓ కళ్యాణ్‌చక్రవర్తి అన్నారు. కుష్టువ్యాధి నివారణ వారోత్సవాల సందర్భంగా గురువారం సరూర్‌నగర్‌ ఆస్పత్రి పరిసర ప్రాంతాల్లో వ్యాధిగ్రస్తుల గుర్తింపు ఉద్యమ అవగాహన ర్యాలీ నిర్వహించారు. ఈ సందర్భంగా ఆయన మాట్లాడుతూ.. వ్యాధి లక్షణాలను తొలిదశలోనే గుర్తించి, సకాలంలో చికిత్స అందేలా చర్యలు తీసుకోవాలన్నారు. వ్యాధిపై ప్రజల్లో ఉన్న అపోహలను తొలగించి, బాధితులకు అండగా నిలవాలని సూచించారు. లక్షణాలు కనిపించిన వెంటనే సమీపంలోని ప్రభుత్వ ఆరోగ్య కేంద్రాన్ని సంప్రదించేలా ప్రజలకు అవగాహన కల్పించాలని సూచించారు. సిబ్బంది క్షేత్రస్థాయిలో పర్యటిస్తూ వ్యాధి లక్షణాల గుర్తింపు, చికిత్స, నివారణను వివరించాలని, వ్యాధిగ్రస్తుల పట్ల వివక్ష చూపకూడదని తెలిపారు. కుష్టు నిర్మూలన లక్ష్యాన్ని సాధించేందుకు వైద్య ఆరోగ్య శాఖ అధికారులు, సిబ్బంది సమన్వయంతో పనిచేయాలని సూచించారు.

● గంజాయి, డ్రగ్స్‌ అనర్థాలపై ● యువతకు అవగాహన మంచాల: యువత చెడు వ్యసనాలకు దూరంగా ఉండాలని ఇబ్రహీంపట్నం ఏసీపీ రాజు అన్నారు. పోలీసు అమరవీరుల సంస్మరణ దినోత్సవం సందర్భంగా గురువారం పీఎస్‌లో ఓపెన్‌ హౌస్‌ నిర్వహించారు. ఏసీపీ మాట్లాడుతూ.. ఆన్‌లైన్‌ గేమ్‌లు, గంజాయి, డ్రగ్స్‌తో కలిగే అనర్థాలపై యువతకు అవగాహన కల్పించాలన్నారు. శాంతిభద్రతల పరిరక్షణలో రాజీపడొద్దని పోలీసులకు సూచించారు. కార్యక్రమంలో మంచాల సీఐ మధు, ఎస్‌ఐలు నాగేశ్వర్‌రావు, వంశీ, సిబ్బంది, యువకులు పాల్గొన్నారు.

సాక్షి, సిటీబ్యూరో: దేశవ్యాప్త పరిశుభ్రతా కార్యక్రమం ‘స్పెషల్‌ క్యాంపెయిన్‌ 6.0’లో భాగంగా దక్షిణ మధ్య రైల్వే గురువారం పలు స్టేషన్లలో ‘రైల్‌ జన్‌ సంవాద్‌’ నిర్వహించింది. చర్లపల్లి రైల్వే స్టేషన్‌లో జరిగిన కార్యక్రమంలో జనరల్‌ మేనేజర్‌ సంజయ్‌ కుమార్‌ శ్రీవాస్తవ పాల్గొని ప్రయాణికులతో మాట్లాడారు. ఈ సందర్భంగా భద్రత, పరిశుభ్రత, తాగునీరు, అదనపు రైళ్లపై ప్రయాణికులు ఇచ్చిన సూచనలపై తగిన చర్యలు తీసుకుంటామని జీఎం హామీ ఇచ్చారు. అమృత్‌ భారత్‌ పథకం కింద స్టేషన్ల ఆధునీకరణ జరుగుతోందని, ప్రస్తుత పండుగ సీజన్‌లో 4 లక్షల మందికి పైగా ప్రయాణికుల కోసం 120 ప్రత్యేక రైళ్లు నడిపినట్లు తెలిపారు. దీపావళి, సంక్రాంతి, శబరిమల రద్దీ దృష్ట్యా ఫిబ్రవరి వరకు ప్రత్యేక రైళ్లు, అదనపు కోచ్‌లు కొనసాగుతాయని స్పష్టం చేశారు. అనంతరం ఆయన చర్లపల్లి స్టేషన్‌ వసతులు, అప్రోచ్‌ రోడ్డు పనులను తనిఖీ చేశారు. సికింద్రాబాద్‌ డివిజనల్‌ రైల్వే మేనేజర్‌ డాక్టర్‌ ఆర్‌. గోపాలకృష్ణన్‌, రైల్‌ నిలయం, సికింద్రాబాద్‌ డివిజన్‌ లకు చెందిన ఉన్నతాధికారులు కూడా పాల్గొన్నారు. దక్షిణ మధ్య రైల్వే జీఎం సంజయ్‌ కుమార్‌ శ్రీవాస్తవ

నవాబుపేట: కాంగ్రెస్‌ ప్రజా ప్రభుత్వంలో పేదవాడి సొంతింటి కల నెరవేరుతోందని చేవెళ్ల ఎమ్మెల్యే కాలె యాదయ్య అన్నారు. గురువారం మండలంలోని గుబ్బడిపత్తేపూర్‌లో మేకల అనూష సుధాకర్‌ పూర్తి చేసుకున్న ఇందిరమ్మ ఇంటిని ప్రారంభించారు. అనంతరం ఆయన మాట్లాడు తూ.. పేదలకు ఇచ్చిన హామీలను కాంగ్రెస్‌ ప్రభు త్వం నెరవేరుస్తోందని తెలిపారు. లబ్ధిదారులు కళ్లల్లో సొంతింటి ఆనందం కనిపిస్తోందన్నారు. అర్హులైన ప్రతి ఒక్కరికీ ఇందిరమ్మ ఇల్లు మంజూరు చేస్తామని చెప్పారు. ఇళ్లు రానివారు ఆందోళన చెందరాదని, రెండో విడతలో వస్తాయని హామీ ఇచ్చారు. కార్యక్రమంలో సర్పంచులు సామెల్‌, జేయయ్య, పంచాయతీ కార్యదర్శి పాండురంగం, నాయకులు, రాములు, ఇసూబ్‌ పాల్గొన్నారు. ఎమ్మెల్యే కాలె యాదయ్య

పేదలను ముంచి పెద్దలకు పంచుతున్నారుసాక్షి, రంగారెడ్డి జిల్లా: ‘నాడు ఇందిరాగాంధీ పేదలకు భూములను పంచితే.. ఆమె పేరు చెప్పుకొని అధికారంలోకి వచ్చిన సీఎం రేవంత్‌రెడ్డి బలవంతపు భూ సేకరణకు పాల్పడుతున్నాడు. పరిశ్రమల పేరుతో పేదల భూములు దోచి.. పెద్దలకు కట్టబెడుతున్నాడు. రెండున్నరేళ్లలో ఒక్క పరిశ్రమ రాలేదు. ఒక్కరికి కూడా ఉద్యోగం దక్కలేదు. అయినా నిత్యం ఏదో ఒక పేరుతో భూసేకరణ నోటిఫికేషన్లు జారీ చేస్తూ ఉమ్మడి జిల్లా రైతులకు కంటిమీద కునుకు లేకుండా చేస్తున్నాడు.’ అని మాజీ మంత్రి మహేశ్వరం ఎమ్మెల్యే పటోళ్ల సబితా ఇంద్రారెడ్డి ఆరోపించారు. ఈ మేరకు సోమవారం ‘సాక్షి ప్రతినిధి’కి ప్రత్యేక ఇంటర్వ్యూ ఇచ్చారు. ఆమె మాటల్లోనే.. ప్రభుత్వం నాపై కత్తికట్టింది సీఎం రేవంత్‌ నేతృత్వంలోని కాంగ్రెస్‌ ప్రభుత్వం నాపై కత్తికట్టి, కక్ష పూరితంగా వ్యవహరిస్తోంది. గత ప్రభుత్వ హయాంలో నేను మహేశ్వరానికి మంజూరు చేయించుకున్న రూ.280 కోట్ల నిధులను రద్దు చేసింది. అరవై శాతం కమీషన్లకు ఆశపడి అవసరం లేకపోయినా మహేశ్వరం, కందుకూరులో హైమాస్ట్‌ లైట్లు ఏర్పాటు చేసింది. వీటి కరెంట్‌ బిల్లులు ఆయా జీపీలకు పెద్ద గుదిబండలా మారాయి. నాపై పోటీ చేసి ఓటమి పాలైన వాళ్లు.. అధికారులపై పెత్తనం చలాయిస్తున్నారు. మహేశ్వరం మెడికల్‌ కాలేజీని మరో చోటికి తరలించారు. 400 పడకల ఆస్పత్రి నిర్మాణానికి నిధులు మంజూరైనా పనులను అడ్డుకున్నారు. కాంగ్రెస్‌ హయాంలో ఉమ్మడి జిల్లాకు తీరని అన్యాయం జరుగుతోంది. రూ.6,478 కోట్లతో ప్రతిపాదించిన హ్యామ్‌ రోడ్లను ఒకే కాంట్రాక్టర్‌కు కట్టబెట్టే కుట్ర చేస్తున్నారు. ప్రభుత్వ వేధింపులు, అక్రమ కేసులకు భయపడే ప్రసక్తే లేదు. అవసరం లేకపోయినా.. యువతకు పెద్ద ఎత్తున ఉపాధి కల్పించాలనే ఉద్దేశంతో నాటి బీఆర్‌ఎస్‌ ప్రభుత్వం ఫార్మాసిటీ పేరుతో కందుకూరు, యాచారం మండలాల్లో 19,330 ఎకరాలు సేకరించింది. ఫార్మా పరిశ్రమలు వస్తే ఈ ప్రాంతం కాలుష్య కోరల్లో చిక్కుకుంటుందని, తాము అధికారంలోకి వస్తే దీన్ని రద్దు చేసి, రైతుల భూములను తిరిగి ఇచ్చేస్తామని కాంగ్రెస్‌ నేతలు హామీ ఇచ్చారు. అధికారం వచ్చిన తర్వాత ఫ్యూచర్‌సిటీ పేరుతో రియల్‌ ఎస్టేట్‌ వ్యాపారానికి తెరతీశారు. అనామక కంపెనీలకు అడ్డగోలుగా భూములు కట్టబెడుతున్నారు. శ్రీశైలం, నాగార్జున సాగర్‌ రహదారులను వదిలేసి, అవసరం లేకపోయినా కొత్తగా రెండు రేడియల్‌ రోడ్లను తెరపైకి తెచ్చారు. వీటి వల్ల సీఎం సోదరులకు మినహా ఎవరికీ ఉపయోగం లేదు. నోటిఫికేషన్లు.. లూటిఫికేషన్లు కాంగ్రెస్‌ సేకరించిన భూముల్లో ఒక్క పరిశ్రమను తీసుకురాలేదు. గత ప్రభుత్వ హయాంలో వికారాబాద్‌ జిల్లా మన్నెగూడ, మోమిన్‌పేటలో 1,200 ఎకరాలు సేకరించి పెట్టింది. ఇందులో కూడా ఒక్క పరిశ్రమను తీసుకురాలేదు. గుడిమల్కాపూర్‌లోని పూలమార్కెట్‌ను అజీజ్‌నగర్‌కు తరలించనున్నట్లు ప్రకటించారు. ఇందుకు 40 ఎకరాలు సరిపోతుంది. కానీ ప్రభుత్వం 250 ఎకరాల సేకరణకు నోటిఫికేషన్‌ ఇచ్చింది. ఎన్కెపల్లిలో గోశాల పేరుతో వంద ఎకరాలకు, మామిడిపల్లిలో మరో ఎకరాలకు ఎసరు పెట్టింది. కేంద్రం నుంచి స్పష్టమైన ప్రకటన లేకుండానే బుల్లెట్‌ రైలు పేరుతో బహదుర్‌గూడలో బలవంతపు భూసేకరణకు దిగింది. పక్కనే ఉన్న పెద్దల భూములను వదిలి కేవలం సాగులో ఉన్న పేదలను టార్గెట్‌ చేసింది. ఇక్కడ 600 ఎకరాలు కొల్లగొట్టేందుకు యత్నిస్తోంది. చేవెళ్ల మండలం ఆలూరులో 1,248 ఎకరాలు, పరిగిలో 1,179 ఎకరాలకు నోటిఫికేషన్‌ ఇచ్చింది. 22–ఏను అడ్డుపెట్టుకుని.. ఓఆర్‌ఆర్‌ లోపల ఉన్న విలువైన భూములను కొట్టేసేందుకు ప్రభుత్వం కుట్రపన్నింది. గతంలో ప్రభుత్వాలు పరిశ్రమల ఏర్పాటు కోసం కేటాయించిన భూముల్లో అపార్ట్‌మెంట్లు కట్టుకునేందుకు కొత్తగా హిల్ట్‌పాలసీని తెరపైకి తీసుకొచ్చి రైతులు, పారిశ్రామికవేత్తలపై బెదిరింపులకు దిగుతోంది. చివరకు యూనివర్సిటీ భూములను సైతం అమ్ముకునేందుకు సిద్ధపడింది. 22– ఏపేరుతో వేలాది ఎకరాల పట్టాభూములను నిషేధిత జాబితాలో చేర్చి, ప్రజల జీవితాలతో ఆడుకుంటోంది. మూసీ రివర్స్‌ ఫ్రంట్‌ పేరుతో వేలాది మంది ఇళ్ల కూల్చివేతకు పాల్పడుతోంది. అడ్డగోలు నోటిఫికేషన్లతో భూములు కొల్లగొడుతున్నారు స్వలాభం కోసమే గ్రీన్‌ఫీల్డ్‌ రోడ్ల నిర్మాణం కాంగ్రెస్‌ పాలనలో ఉమ్మడి జిల్లాకు తీరని అన్యాయం ‘సాక్షి’తో మాజీ మంత్రి, మహేశ్వరం ఎమ్మెల్యే సబితారెడ్డి జీహెచ్‌ఎంసీ విభజన సహా పోలీసు కమిషనరేట్ల ఏర్పాటు కూడా పూర్తి అశాసీ్త్రయంగా జరిగింది. పక్కనే ఉన్న సైబరాబాద్‌ పోలీసు కమిషనరేట్‌ను వదిలి.. మొయినాబాద్‌, చేవెళ్లను 70 కిలోమీటర్ల దూరంలో ఉన్న ఫ్యూచర్‌సిటీ కమిషనరేట్‌లో కలిపారు. కరెంట్‌, సాగు, తాగునీటి సంక్షోభాన్ని ఎల్‌నినోపై నెట్టేసి తప్పించుకునే ప్రయత్నం చేస్తున్నారు.

● ఒకరి మృతి, ముగ్గురికి తీవ్ర గాయాలు ● చింతలపల్లి సమీపంలో ప్రమాదం ఆమనగల్లు: రెండు ద్విచక్ర వాహనాలు ఎదురెదురుగా ఢీకొన్న ఘటనలో ఓ యువకుడు మృతిచెందగా మరో ముగ్గురు తీవ్రంగా గాయపడ్డారు. ఆమనగల్లు సీఐ వెంకటేశ్వర్లు తెలిపిన వివరాలు ఇలా ఉన్నాయి.. తలకొండపల్లి మండలం వెంకటాపూర్‌ తండాకు చెందిన సబావత్‌ తరుణ్‌ తన మామ ఆర్లకుంటతండాకు చెందిన నేనావత్‌ బిచ్చాతో కలిసి గురువారం రాత్రి మైసిగండి మైసమ్మ దేవస్థానం నుంచి తండాకు వెళ్తున్నాడు. చింతలపల్లి గ్రామ సమీపంలో ఎదురుగా వస్తున్న బైక్‌ వీరిని ఢీకొట్టింది. ఈ ప్రమాదంలో తరుణ్‌ అక్కడికక్కడే మృతిచెందగా బిచ్చాతో పాటు మరో బైక్‌పై ఉన్న తలకొండపల్లి మండలం చౌదర్‌పల్లికి చెందిన శివ, చందు తీవ్రంగా గాయపడ్డారు. వీరిని వెల్దండలోని ఎన్నం ఆస్పత్రికి తరలిచారు. ఈ మేరకు కేసు నమోదు చేసి, దర్యాప్తు చేస్తున్నామని సీఐ తెలిపారు. ఆర్టీసీ అద్దె బస్సు అదుపు తప్పడంతో ప్రమాదం ఇబ్రహీంపట్నం రూరల్‌: ముందు వెళ్తున్న డీసీఎం వాహనాన్ని ఓవర్‌ టేక్‌ చేస్తున్న క్రమంలో అదుపుతప్పిన ఆర్టీసీ అద్దె బస్సు డీసీఎంను ఢీకొట్టింది. ఈ సమయంలో ఆర్టీసీ డ్రైవర్‌ సడెన్‌ బ్రేక్‌ వేయడంతో వెనక నుంచి వస్తున్న మరో రెండు బైక్‌లు బస్సును ఢీకొన్నాయి. చింతపల్లిగూడ గేటు వద్ద ఈ ప్రమాదం చోటుచేసుకుంది. ఈ ఘటనలో బస్సులో ప్రయాణిస్తున్న ఓ మహిళతో పాటు బైక్‌పై ఉన్న మరో మహిళకు గాయాలయ్యాయి. బొంరాస్‌పేట: దుద్యాల మండల వ్యవసాయాధికారిగా సీహెచ్‌ వినోద్‌ గురువారం బాధ్యతలు స్వీకరించారు. ఇదివరకు దౌల్తాబాద్‌ ఏఓ తులసి ఇన్‌చార్జ్‌గా ఉండగా రంగారెడ్డి జిల్లా కార్యాలయంలో ఏఓగా విధులు నిర్వహిస్తున్న వినోద్‌ బదిలీపై ఇక్కడికి వచ్చారు. ఈ సందర్భంగా ఆయన మాట్లాడుతూ.. రైతులకు అందుబాటులో ఉంటూ ప్రభుత్వ పథకాలు అందేలా కృషి చేస్తానని తెలిపారు. సూపరింటెండెంట్‌గా శ్రీనివాసులు దుద్యాల మండల పరిషత్‌ కార్యాలయ సూపరింటెండెంట్‌గా శ్రీనివాసులు గురువారం విధుల్లో చేరారు. ఐదు నెలల క్రితం కుల్కచర్ల మండలానికి బదిలీపై వెళ్లారు. తిరిగి విధుల్లో చేరారు.

ఇబ్రహీంపట్నంరూరల్‌: పుట్టింటికి వెళ్లిన భార్య కాపురానికి రావడం లేదని మనోవేదనకు గురైన భర్త అదృశ్యమయ్యాడు. ఆదిభట్ల సీఐ రమేశ్‌ కథనం ప్రకారం.. ఇంజాపూర్‌ సుందరయ్య కాలనీకి చెందిన గుర్రం రాములు(26) ఆటో డ్రైవర్‌గా పని చేస్తుంటాడు. తరచూ భార్యతో గొడవ పడుతుండటంతో ఇటీవల ఆమె పుట్టింటికి వెళ్లిపోయింది. ఈ నెల 21న ఈ విషయాన్ని తల్లితో చెప్పిన రాములు కనిపించకుండాపోయాడు. అదే రోజు మధ్యాహ్నం 3:20 నిమిషాలకు తాను చనిపోతున్నానంటూ ఫ్యామిలో గ్రూప్‌నకు వాట్సాప్‌ వీడియో కాల్‌ చేసి, ఫోన్‌ స్విచ్‌ ఆఫ్‌ చేశాడు. తుర్కయంజాల్‌ సమీపంలో ఎక్కడ వెతికినా ఆచూకీ లభించలేదు. తల్లి యాదమ్మ ఫిర్యాదు మేరకు కేసు నమోదు చేసుకొని విచారిస్తున్నట్లు తెలిపారు. మీర్‌పేట: పోక్సో కేసులో నిందితుడికి కోర్టు ఏడేళ్ల జైలుశిక్ష విధించింది. మీర్‌పేట ఇన్‌స్పెక్టర్‌ శోభన్‌ కథనం ప్రకారం.. బడంగ్‌పేట సాయినగర్‌ కాలనీ ఫేజ్‌– 2కు చెందిన ముడావత్‌ అనిల్‌ (23) వృత్తిరీత్యా కూలీ. ఇదే ప్రాంతానికి చెందిన బాలికకు మాయమాటలు చెప్పి లైంగిక దాడికి పాల్పడ్డాడు. విషయం తెలుసుకున్న బాలిక తల్లిదండ్రులు పీఎస్‌లో ఫిర్యాదు చేయగా పోలీసులు అతనిపై పోక్సో చట్టం కింద కేసు నమోదు చేశారు. ఈ మేరకు జిల్లా ఫాస్ట్‌ ట్రాక్‌ కోర్టు న్యాయమూర్తి ఎంకే పద్మావతి నిందితుడు అనిల్‌కు ఏడేళ్ల జైలుశిక్ష, రూ.15 వేల జరిమానా విధించడంతో పాటు బాధిత బాలిక కుటుంబానికి రూ.లక్ష పరిహారం అందజేయాలని తీర్పునిచ్చారు. యాచారం: రాత్రి, పగలు తేడా లేకుండా మట్టి టిప్పర్లు నడుస్తున్నాయని, దీంతో రాత్రి పూట నిద్ర పట్టడం లేదని గ్రామస్తులను మండిపడ్డారు. ఈ మేరకు బుధవారం రాత్రి వాహనాలను అడ్డుకున్నారు. గ్రీన్‌ ఫీల్డ్‌ రోడ్డు నిర్మాణం కోసం మర్లకుంట తండా మీదుగా కాంట్రాక్టర్లు టిప్పర్లల్లో మట్టిని తరలిస్తున్నారు. ఈ విషయమై పలుమార్లు గిరిజన రైతులు అధికారులకు ఫిర్యాదు చేశారు. వీరినుంచి స్పందన లేకపోవడంతో టిప్పర్లను అడ్డుకున్నారు. సమాచారం అందుకున్న పోలీసులు అక్కడికి చేరుకుని వాహనాలను అడ్డుకున్న పలువురిపై కేసు నమోదు చేసి, దర్యాప్తు చేస్తున్నారు. యాదగిరిగుట్ట: యాదగిరి లక్ష్మీనరసింహస్వామి క్షేత్రంలోని లక్ష్మీ పుష్కరిణిలో పడి చిన్నారి మృతిచెందిన ఘటనపై కేసు నమోదు చేసినట్లు యాదగిరిగుట్ట పట్టణ సీఐ భాస్కర్‌ గురువారం వెల్లడించారు. రంగారెడ్డి జిల్లా బడంగ్‌పేట్‌కు చెందిన ప్రవీణ్‌కుమార్‌ తన కుటుంబ సభ్యులు, ముగ్గురు కుమార్తెలతో కలిసి బుధవారం సాయంత్రం యాదగిరీశుడి దర్శనానికి వచ్చారు. కొండ కింద లక్ష్మీ పుష్కరిణి వద్ద స్నానాలు చేస్తుండగా.. చిన్న కుమార్తె ఆధ్యంత(4) ఆడుకుంటూ వెళ్లి పుష్కరిణిలో పడిపోయిందని సీఐ తెలిపారు. కుటుంబ సభ్యులు వెంటనే చిన్నారిని స్థానిక పీహెచ్‌సీకి తీసుకెళ్లారు. అక్కడి నుంచి బీబీనగర్‌ ఎయిమ్స్‌కు తరలించగా.. వైద్యులు పరీక్షించి మృతిచెందినట్లు నిర్ధారించారని సీఐ పేర్కొన్నారు. భువనగిరి ఏరియా ఆస్పత్రిలో చిన్నారి మృతదేహానికి పోస్టుమార్టం చేయించి కుటుంబ సభ్యులకు అప్పగించామని, ఈ ఘటనపై కేసు నమోదు చేసి విచారణ చేస్తున్నట్లు సీఐ తెలిపారు.

వికారాబాద్‌: దసరా, బతుకమ్మ పండుగల నేపథ్యంలో ఆర్‌టీసీకి రెండింతల ఆదాయం సమకూరింది. మహిళలకు ఉచిత ప్రయాణంతో సర్వీసులు కిటకిట లాడుతుండగా పండుగలకు మరింత రద్దీ పెరిగింది. ఈ నెల 17 నుంచి 22వ తేదీ వరకు బస్సులన్నీ ప్రయాణికులతో కిక్కిరిసిపోయాయి. రద్దీని ముందుగానే అంచనా వేసిన ఆర్‌టీసీ అధికారులు ప్రత్యేక బస్సులు నడిపారు. పాఠశాలలు, కళాశాలలకు వారం నుంచి పది రోజుల పాటు సెలవులు ఉండటంతో సొంత ఊర్లకు వెళ్లారు. రోజూ సగటున లక్ష మంది ప్రయాణం జిల్లాలో వికారాబాద్‌, తాండూరు, పరిగిలో డిపోలు ఉన్నాయి. వీటి పరిధిలో 200 పైచిలుకు బస్సులు నడుస్తున్నాయి. మూడు డిపోల ద్వారా రోజుకు సగటున లక్ష మంది ప్రయాణికులు వారి గమ్య స్థానాలకు చేరుకుంటున్నారు. వికారాబాద్‌ డిపో పరిధిలో సాధారణ రోజుల్లో 15వేల నుంచి 20వేల మంది వరకు మహిళలు ఉచిత ప్రయాణం చేస్తున్నారు. పండుగ కావడంతో గడిచిన వారం రోజుల్లో సగటున 60 వేల నుంచి 70వేల మంది ప్రయాణించారు. సాధారణ రోజుల్లో సంస్థకు రోజుకు సగటున రూ.4 లక్షల మేర ఆదాయం వచ్చేది. గడిచిన రెండు రోజుల్లో నిత్యం రూ.7 లక్షల నుంచి రూ.11 లక్షల చొప్పున ఆదాయం సమకూరింది. తాండూరు డిపోలో సాధారణ రోజుల్లో రోజుకు సగటున రూ.10 లక్షల నుంచి రూ.12 లక్షల ఆదాయం వచ్చేది. పండుగ సందర్భంగా రోజుకు రూ.20 లక్షలు దాటి ఆదాయం వచ్చింది. పరిగి డిపోలో రోజుకు సగటున రూ.9 లక్షల నుంచి రూ.11 లక్షల ఆదాయం వచ్చేది.. పండుగల నేపథ్యంలో రోజుకు రూ.18 లక్షల నుంచి రూ.25 లక్షల ఆదాయం సమకూరింది. ప్రైవేటు బాదుడు పండుగ రద్దీ విపరీతంగా పెరగడంతో ప్రైవేటు వాహనదారులు టెకెట్ల రేట్లను భారీగా పెంచేశారు. కొన్ని రూట్లలో సాధారణ రోజులతో పోలిస్తే రెండింతలు వసూలు చేశారు. చాలా మంది విధిలేక ప్రైవేటు వాహనాలను అద్దెకు మాట్లాడుకుని సొంత ఊర్లకు వెళ్లారు. వికారాబాద్‌ బస్టాండులో ప్రయాణికుల రద్దీబతుకమ్మ, దసరా పండుగల నేపథ్యంలో ఆర్‌టీసీకి ఫుల్‌ గిరాకీ సమకూరిన రెండింతల ఆదాయం భారీగా ప్రైవేటు బాదుడు

కొడంగల్‌: పట్టణంలోని పద్మావతీ సమేత మహాలక్ష్మీ వేంకటేశ్వర స్వామి ఆలయ పునర్నిర్మాణ పనులను ముఖ్యమంత్రి రేవంత్‌రెడ్డి గురువారం పరిశీలించారు. ఈ సందర్భంగా ఆలయ అర్చకులు సీఎంకు పూర్ణ కుంభంతో స్వాగతం పలికారు. శ్రీవారి బాలాలయంలో ప్రత్యేక పూజలు చేశారు. అనంతరం ఆలయ నిర్మాణ పనుల తీరును గమనించారు. నిర్ణీత గడువులోపు పూర్తి కావాలని అధికారులకు సూచించారు. కొత్తగా నిర్మిస్తున్న కట్టడాలను గమనించారు. పనుల్లో పురోగతి సాధించాలని, ఎక్కడా జాప్యం లేకుండా అధికారులు సమన్వయంతో పని చేయాలని ఆదేశించారు. నాణ్యతా ప్రమాణాలు పాటించాలని కలెక్టర్‌ దీపక్‌ తివారికి సూచించారు. పనుల పురోగతిపై నిరంతరం సమీక్ష నిర్వహించాలన్నారు. వైఖానస ఆగమ శాస్త్రోకంగా ప్రధాన ఆలయం, అమ్మవార్ల ఆలయాలు, ఉప ఆలయాలు, మాడ వీధులు, క్యూలైన్‌, కల్యాణ మండపం, కల్యా ణ కట్ట, పూజా మందిరాలు, వసతి గదులు, స్నాన ఘట్టాలు, ప్రత్యేక అవసరాల గదులు, పార్కింగ్‌, పుష్కరిణి, ప్రసాదం కౌంటర్లు తదితర వాటికి ఆధునాతన వసతులతో చేపట్టాలన్నారు. కొడంగల్‌ అభివృద్ధిలో భాగంగా చేపట్టిన పనులను వేగవంతం చేయాలన్నారు. రూ.110 కోట్ల వ్యయంతో చేపట్టిన ఆలయ పునర్నిర్మాణ పనులను ఏడాదిలోపు పూర్తి కావాలన్నారు. దేవాదాయ శాఖ ఉన్నతాధికారులతో పాటు వాస్తు నిపుణులతో కలిసి సమన్వయంతో పని చేయాలని సూచించారు. కార్యక్రమంలో నారాయణ పేట జిల్లా కలెక్టర్‌ ప్రియాంక, వికారాబాద్‌ ఎస్పీ స్నేహ మెహ్ర, అదనపు కలెక్టర్లు ఉమాశంకర ప్రసాద్‌, వెంకటాచారి, ఆర్‌డీఓ అనిత, కడా ప్రత్యేకాధికారి వెంకట్‌రెడ్డి, మున్సిపల్‌ చైర్మన్‌ నందారం ప్రశాంత్‌, పలు శాఖల అధికారులు పాల్గొన్నారు. ముఖ్యమంత్రి రేవంత్‌రెడ్డి క్షేత్రస్థాయిలో పనుల పరిశీలన శ్రీవారిని దర్శించుకున్న సీఎం

ధారూరు: ఎల్‌నినో ప్రభావంతో వర్షాభావ పరిస్థితులు నెలకొన్న దృష్యా రైతులు వరి సాగు తగ్గించి సేంద్రియం మొగ్గు చూపాలని వికారాబాద్‌ జిల్లా వ్యవసాయాధికారి కవిత సూచించారు. గురువారం ధారూరు రైతు వేదికలో ఖేత్‌ బచావో అభియాన్‌ కార్యక్రమం నిర్వహించారు. ఈ సందర్భంగా ఆమె మాట్లాడుతూ.. రైతులు విధిగా భూసార పరీక్షలు చేయించాలన్నారు. పంట మార్పిడితో అధిక దిగుబడి పొందవచ్చని తెలిపారు. నీటిని కాపాడుకోవడం ద్వారా ఎల్‌నినో ప్రభావాన్ని ధైర్యంగా ఎదుర్కోవాలని సూచించారు. ప్రతి రైతూ ఫార్మర్‌ రిజిస్ట్రేషన్‌ చేయించుకోవాలని తెలిపారు. పొలాల్లో ఇంకుడు గుంతలు నిర్మించుకోవాలన్నారు. పంట ఉత్పత్తులను దళారులకు కాకుండా వ్యవసాయ మార్కెట్లలో విక్రయించి లబ్ధి పొందాలని తెలిపారు. అనంతరం ఏఎంసీ చైర్మన్‌ విజయభాస్కర్‌రెడ్డి మాట్లాడుతూ.. తక్కువ నీటితో సాగయ్యే పంటలను వేయాలని రైతులకు సూచించారు. వరి పంటను పూర్తిగా తగ్గిస్తే మంచిదన్నారు. అనంతరం ఉద్యాన శాఖ జిల్లా అధికారి సత్తార్‌ మాట్లాడుతూ.. వరికి బదులుగా ప్రత్యామ్నాయ పంటలు వేయాలన్నారు. అంతకుముందు స్పెషల్‌ రైతు నేస్తం వీడియో కాన్ఫరెన్స్‌ జరిగింది. మంత్రి తుమ్మల నాగేశ్వర్‌రావు రైతులకు పలు సూచనలు చేశారు. కార్యక్రమంలో జిల్లా మార్కెంగ్‌ అధికారి స్వరన్‌సింగ్‌, డీపీఓ రవీందర్‌, ఏడీఏ వెంకటేశం, జెడ్పీటీసీ మాజీ సభ్యుడు పీ రాములు, ఏఎంసీ కార్యదర్శి సిద్దమ్మ, ఏఓ సూర్యప్రకాశ్‌, ఉద్యాన శాఖ అధికారి యమున, సర్పంచులు ప్రమీలగౌడ్‌, అనంతయ్య తదితరులు పాల్గొన్నారు. వరి సాగు తగ్గించి సేంద్రియం వైపు మొగ్గు చూపాలి వికారాబాద్‌ డీఏఓ కవిత

మర్పల్లి: మండలంలో ఆర్‌అండ్‌బీ, పంచాయతీ రాజ్‌ రోడ్లు కంకర తేలి అధ్వానంగా మారాయి. ఏళ్ల తరబడి మరమ్మతులకు నోచుకోవడం లేదు. ఆర్టీసీ అధికారులు గ్రామీణ ప్రాంతాలకు కండీషన్‌లో లేని బస్సులను నడుపుతుండటంతో ప్రయాణికులతో పాటు సిబ్బంది అవస్థలు పడుతున్నారు. దెబ్బతిన్న రోడ్ల కారణంగా తరచూ వాహనాలు పాడవుతున్నాయి. పలు రూట్లలో వాహనాలు నడపాలంటే ఎప్పుడు ఏ ప్రమాదం జరుగుతుందోనని హడలిపోతున్నారు. గురువారం మండల కేంద్రంలోని కల్‌ఖోడ ఆర్‌అండ్‌బీ రోడ్డులో తాండూరు డిపోకు చెందిన బస్సు మర్పల్లికి వస్తున్న క్రమంలో టైర్‌ పంక్చర్‌ అయ్యింది. ప్రయాణికులు రెండు గంటల పాటు బస్సు వద్దే నిరీక్షించారు. మరమ్మతుల అనంతరం బస్సు ఇంజన్‌ ఆన్‌ కాలేదు. చేసేది లేక ప్రయాణికులు కిందకు దిగి బస్సును నెట్టడంతో స్టార్ట్‌ అయ్యింది. కంకర తేలిన రోడ్ల కారణంగా తరచూ వాహనాలు పాడవుతున్నట్లు ప్రయాణికులు తెలిపారు. ఇప్పటికై నా సంబంధిత శాఖల అధికారులు, పాలకులు స్పందించి రోడ్లకు మరమ్మతులు చేయించాలని పలువురు డిమాండ్‌ చేశారు. తరచూ మరమ్మతులకు గురవుతున్న వాహనాలు ఇబ్బందుల్లో ప్రయాణికులు పట్టించుకోని అధికారులు

● అక్రమంగా నిల్వ చేసిన రైస్‌ మిల్లుపై దాడులు ● ఓ లారీతో పాటు బియ్యం సంచులు సీజ్‌ ● వ్యాపారులపై కేసు నమోదు ఇబ్రహీంపట్నం రూరల్‌: ఓ రైస్‌ మిల్లుపై దాడి చేసిన సివిల్‌ సప్లయ్‌ ఎన్‌ఫోర్స్‌మెంట్‌ అధికారులు బుధవారం అక్రమంగా నిల్వ చేసిన రేషన్‌ బియ్యాన్ని సీజ్‌ చేశారు. వివరాలు ఇలా ఉన్నాయి... ఆదిభట్ల జీహెచ్‌ఎంసీ పరిధిలోని మంగళ్‌పల్లి రాఘవేంద్ర హోటల్‌ వెనకాల ఉన్న న్యూ బన్సల్‌ రైస్‌ ఇండస్ట్రీస్‌లో భారీగా రేషన్‌ బియ్యం నిల్వ చేశారనే సమాచారంతో ఎన్‌ఫోర్స్‌మెంట్‌, టాస్క్‌ఫోర్స్‌ అధికారులు తనిఖీలు నిర్వహించారు. ఈ దాడిలో టీఎస్‌ 03 యుబీ 3399 నంబరు లారీలో ఉన్న బియ్యంతో పాటు రైస్‌ మిల్లులో నిల్వ చేసిన మొత్తం 36 టన్నుల బియ్యాన్ని గుర్తించారు. వీటిని సిద్దిపేట జిల్లా భూంపల్లి మండలం, మోతే పరిఽధిలోని భారతి ఇండస్ట్రీస్‌ నుంచి కొనుగోలు చేసినట్లు నిర్ధారించారు. అమ్మిన, కొన్న వారిపై విచారణ చేస్తున్నట్లు తెలిపారు. సివిల్‌ సప్లయ్‌ డిప్యూటీ తహసీల్దార్‌ నర్సింహారెడ్డి ఫిర్యాదు మేరకు పలువురిపై కేసులు నమోదు చేసినట్లు తెలిపారు.

శంషాబాద్‌: నాణ్యతలేని, అస్తవ్యస్త ఏర్పాట్లే నాదర్‌గుల్‌ ఎంవీఎస్‌ఆర్‌ ఇంజనీరింగ్‌ కళాశాలలో జరిగిన దుర్ఘటనకు కారణమని తేలింది. ఒక విద్యార్థిని మృతితో పాటు 22 మందికి గాయాలైన సంఘటనకు కారణమైన ముగ్గురిని ఆదిభట్ల పోలీసులు రిమాండ్‌కు తరలించారు. శంషాబాద్‌ డీసీపీ రాజేశ్‌ వివరాలు వెల్లడించారు. కళాశాలలో మల్లెల సాకేత్‌ అనే వ్యక్తికి క్రియా ఆపరేషన్‌ పేరిట కళాశాల కో ఆర్డినేటర్లు బారికేడింగ్‌, ట్రస్‌, స్టేజ్‌, సౌండ్‌ సిస్టమ్‌, జనరేటర్‌, లైటింగ్‌ బాధ్యతలు అప్పగించారు. సాకేత్‌ వద్ద పూర్తి సామగ్రి లేకపోవడంతో అతడు వయోరా ఎక్స్‌పీరియన్స్‌ ఎల్‌ఎల్‌పీ సంస్థకు సంబంధించిన తనుష్‌కు అప్పగించగా, అతడు మహేశ్‌ అనే మరో వ్యక్తికి అప్పగించాడు. మహేశ్‌ చివరికి పీఎస్‌ లైటింగ్‌ అండ్‌ సౌండ్‌ సంస్థకు చెందిన బత్తుల పునీత్‌, సాయం నిశాంత్‌ యాదవ్‌కు అప్పగించగా 16న తాత్కాలిక ట్రస్‌ ఏర్పాటు సమయంలో నాలుగు పిల్లర్లు వేయాల్సిన చోట కేవలం రెండు పిల్లర్లే ఏర్పాటు చేశారు. అంతేకాకుండా భద్రతా ఏర్పాట్ల జాగ్రత్తలను కూడా పాటించలేదు. వాతావరణ మార్పుల పరిస్థితులపై కూడా అంచనాలు లేకుండా నిర్మాణ స్థిరత్వం, భద్రతా అంశాలపై నిర్లక్ష్యం జరిగినట్లు పోలీసులు దర్యాప్తులో గుర్తించారు. దీంతో ఈ నెల 17న రాత్రి దాండియా నృత్యం చేస్తున్నప్పుడు గాలితో కూడిన దుమ్మురావడంతో స్టేజీకి కుడివైపున విద్యార్థులు నృత్యం చేస్తున్న చోట తాత్కాలికంగా ఏర్పాటు చేసిన ఇనుప ట్రస్‌ ఒక్కసారిగా కుప్పకూలింది. ఈ ఘటనలో నారాయణదాస్‌ సోనా అనే విద్యార్థిని తీవ్రంగా గాయపడి చికిత్స పొందుతూ మృతిచెందగా, మరో 22 మంది విద్యార్థులకు గాయాలయ్యాయి. ముగ్గురి అరెస్ట్‌ ఈ ఘటనకు కారణమైన ఈవెంట్‌ ఏర్పాట్లు చేసిన మల్లెల సాకేత్‌, బత్తుల పునీత్‌, సాయం నిశాంత్‌ యాదవ్‌ను పోలీసులు అరెస్ట్‌ చేసి, రిమాండ్‌కు తరలించారు. వీరితో పాటు ఈ ఘటనకు కారణమైన మరో ఇద్దరు నిర్వాహకులు తనుష్‌, మహేశ్‌తో పాటు కళాశాల కో ఆర్డినేటర్‌లు అఖిల్‌ ఖారే, రాజేశ్‌, హన్మంతు కులకర్ణీపై కూడా కేసు నమోదు చేశారు. సమగ్ర దర్యాప్తు కోసం ఆర్‌అండ్‌బీ ఎగ్జిక్యూటివ్‌ ఇంజనీర్‌, ఫైర్‌ డిపార్ట్‌మెంట్‌ వారి నుంచి కూడా నివేదికలను తీసుకుని చట్టపరమైన చర్యలు తీసుకోనున్నట్లు డీసీపీ తెలిపారు. నాలుగుకు బదులు రెండు పిల్లర్లే ఏర్పాటు చేసిన ఈవెంట్‌ నిర్వాహకులు ఎంవీఎస్‌ఆర్‌ కళాశాల ఘటన వివరాలు వెల్లడించిన డీసీపీ రాజేశ్‌ ముగ్గురిని అరెస్ట్‌ చేసిన ఆదిభట్ల పోలీసులు

సాక్షి, సిటీబ్యూరో/రాంగోపాల్‌పేట్‌: దసరా నేపథ్యంలో నగరంలోని వేర్వేరు ప్రాంతాల్లో సుమారు 8 పాలపిట్టలను నగర పోలీసు విభాగంతో పాటు గ్రేటర్‌ హైదరాబాద్‌ సొసైటీ ఫర్‌ ద ప్రివెన్షన్‌ ఆఫ్‌ క్రూయల్టీ టు యానిమల్స్‌ (జీహెచ్‌ఎస్పీసీఏ) ప్రతినిధుల బృందం కాపాడాయి. ప్రజల నుంచి అందిన సమాచారంతో లంగర్‌హౌస్‌ బాపూఘాట్‌ సమీపంలోని ఆలయం వద్ద ఇరుకై న బోనుల్లో నరకయాతన అనుభవిస్తున్న రెండు పాలపిట్టలను విడిపించిన అధికారులు కేబీఆర్‌ పార్క్‌ అటవీ అధికారులకు అప్పగించారు. ఛత్రినాక శ్రీ చిత్రగుప్త స్వామి ఆలయం వద్ద చెట్టుకు బోను వేలాడదీసి నిర్బంధించిన ఒక పాలపిట్టను, మంగళ్‌హాట్‌ బాలాజీనగర్‌ గుడి సమీపంలో బోనులో ఉంచిన మరో పాలపిట్టను రెస్క్యూ చేసి ఫారెస్ట్‌ అధికారు లకు అప్పగించారు. అలాగే.. జీహెచ్‌ఎస్పీసీఏ ప్రతినిధులు.. తాడ్‌బండ్‌ హనుమాన్‌ దేవాలయం ప్రాంతంలో రెండు, నాగోల్‌లో ఒకటి, బేగంబజార్‌లో ఒక పాల పిట్టను రక్షించి వైద్య పరీక్షలకు పంపించినట్లు తెలిపారు. రాష్ట్ర పక్షి పాలపిట్టను హింసిస్తే చట్టప్రకారం కఠిన చర్యలు తప్పవని కొత్వాల్‌ వీసీ సజ్జనర్‌ హెచ్చరించారు. వన్యప్రాణులకు హాని తలపెట్టే ఘటనలు ఎక్కడ కనిపించినా 180042 55364, 9803338666 లేదా డయల్‌ 112కు సమాచారం అందించాలని ఆయన సూచించారు.

సాక్షి, సిటీబ్యూరో: తెలంగాణ సంస్కృతికి, చరిత్రకు సజీవ సాక్ష్యాలుగా నిలిచే చారిత్రక కట్టడాలు, ప్రాంతాల పరిరక్షణ, నిర్వహణకు ప్రభుత్వం కీలక నిర్ణయం తీసుకుంది. క్యూర్‌ పరిధిలో ‘హెరిటేజ్‌ కమిటీ’ని ప్రత్యేకంగా ఏర్పాటు చేసేందుకు చర్యలు చేపడుతోంది. ఔటర్‌ వరకూ విస్తరించిన క్యూర్‌లో చారిత్రక సంపదను కాపాడటం, సంరక్షించడం, క్రమబద్ధీకరించడమే ఈ కమిటీ ముఖ్య ఉద్దేశం. అలాగే చారిత్రక సంపద నిర్వహణ, ప్రమోషన్‌ కోసం ప్రభుత్వం సస్టయినబుల్‌ హెరిటేజ్‌ అండ్‌ కల్చరల్‌ ఫండ్‌ను ఏర్పాటు చేయనుంది. దీంతో పాటు చారిత్రక కట్టడాల పరిరక్షణ, పునర్వినియోగ పనులను ప్రోత్సహించేందుకు కేసులను బట్టి పన్నులు, ఫీజులు, చార్జీలలో సబ్సిడీలు లేదా రాయితీలు కల్పిస్తారు. కమిటీ ఏం చేస్తుందంటే.. వివిధ ప్రభుత్వ శాఖలు, కార్పొరేషన్ల మధ్య సమన్వయాన్ని కుదురుస్తూ హెరిటేజ్‌ కమిటీ బాధ్యతలను నిర్వర్తిస్తుంది. చారిత్రక ప్రాంతాలలో జరిగే అభివృద్ధి, పునరాభివృద్ధి పనులపై కమిటీ మార్గదర్శకాలను అందిస్తుంది. వారసత్వ కట్టడాలపై ప్రభావం చూపే ఎలాంటి అభివృద్ధి పనులకై నా హెరిటేజ్‌ ఇంపాక్ట్‌ అసెస్‌మెంట్‌ నిర్వహించడం తప్పనిసరి. కమిటీ తన విధులను నిర్వహించడానికి అవసరమైన రికార్డులు, మ్యాపులు, పత్రాలను ఏ శాఖ నుంచి అయినా సుమోటోగా లేదా ప్రత్యేక ంగా ఆదేశించి నిర్ణీత గడువులోగా సేకరించవచ్చు. అనుమతి లేని ప్లాస్టరింగ్‌, పెయింటింగ్‌ నిషేధం చారిత్రక కట్టడాల రక్షణ విషయంలో కఠినంగా వ్యవహరించనున్నారు. కమిటీ ముందస్తు లిఖితపూర్వక అనుమతి లేకుండా ఎలాంటి చారిత్రక కట్టడాల పరిరక్షణ, కూల్చివేత, సైట్‌ డెవలప్‌మెంట్‌, సివిల్‌ పనులు, మార్పులు చేర్పులు, మరమ్మతులు, పునరుద్ధరణలు చేయకూడదు. ఆఖరికి పెయింటింగ్‌ వేయడం, ప్లాస్టరింగ్‌ చేయడం, ఆర్కిటెక్చరల్‌ ఫీచర్లను మార్చడం వంటివి కూడా కమిటీ అనుమతి లేకుండా చేయడానికి వీల్లేదు. క్యూర్‌ హెరిటేజ్‌ కమిటీ ఏర్పాటుకు నిర్ణయం చారిత్రక కట్టడాల పరిరక్షణకు ప్రభుత్వ అడుగులు చారిత్రక కట్టడాల దీర్ఘకాలిక నిర్వహణ కోసం కమిటీ పబ్లిక్‌, ప్రైవేట్‌ భాగస్వామ్యం (పీపీపీ)లను ప్రోత్సహిస్తుంది. కార్పొరేట్‌ సామాజిక బాధ్యత (సీఎస్‌ఆర్‌) ప్రాజెక్ట్‌లు, అడాప్ట్‌–ఎ–హెరిటేజ్‌ కార్యక్రమాలను అందిస్తుంది. ఈ కమిటీ ద్వారా ప్రైవేట్‌ వ్యక్తులు లేదా సంస్థలతో ఎలాంటి భాగస్వామ్యాలు కుదుర్చుకున్నప్పటికీ.. చారిత్రక కట్టడాలపై లేదా ల్యాండ్‌లపై ఎలాంటి దీర్ఘకాలిక లేదా యాజమాన్య హక్కులు వారికి సంక్రమించవు. సదరు కట్టడాలు పూర్తిగా ప్రభుత్వ అధీనంలోనే ఉంటాయి. హెరిటేజ్‌ కమిటీకి, దాని పరిధిలోని వ్యక్తులకు గానీ చారిత్రక సంపదను అమ్మడానికి, బదిలీ చేయడానికి, లీజుకు ఇవ్వడానికి, తాకట్టు పెట్టడానికి లేదా థర్డ్‌ పార్టీకి ఎలాంటి హక్కులు కల్పించడానికి చట్టబద్ధమైన అధికారం ఉండదు.

ఇబ్రహీంపట్నం: దేశ రక్షణ, ప్రజల భద్రత కోసం విధి నిర్వహణలో ప్రాణత్యాగం చేసిన పోలీస్‌ అమరవీరుల ధైర్యసాహసాలు, సేవలు స్ఫూర్తిదాయకమని ఫ్యూచర్‌ సిటీ కమిషనర్‌ తరుణ్‌జోషి అన్నారు. పోలీస్‌ కమిషనరేట్‌లో బుధవారం పోలీసు అమరవీరుల సంస్మరణ దినోత్సవం నిర్వహించి, ఘనంగా నివాళులర్పించారు. ఈ సందర్భంగా పోలీస్‌ పరేడ్‌ నిర్వహించారు. అనంతరం సీపీ మాట్లాడుతూ.. బాధిత కుటుంబాలకు అండగా ఉంటామని భరోసా కల్పించారు. అమరవీరుల కుటుంబ సభ్యుల యోగక్షేమాలను అడిగి తెలుసుకున్నారు. ఈకార్యక్రమంలో జాయింట్‌ పోలీస్‌ కమిషనర్‌ చందనా దీప్తీ, షాద్‌నగర్‌, మహేశ్వరం డీసీపీలు సీహెచ్‌ శిరీష, కె.నారాయణరెడ్డి, ట్రాఫిక్‌ డీసీపీ శివయ్‌ ఉపాధ్యాయ, అడిషనల్‌ డీసీపీ జహంగీర్‌, స్పెషల్‌ బ్రాంచ్‌ ఏసీపీ హుస్సైనినాయుడు, సీఏఆర్‌ హెడ్‌క్వార్టర్స్‌ ఏసీపీ అరుణ్‌కుమార్‌, ఏసీపీలు ఎస్‌ లక్ష్మీనారాయణ, కేవీపీ రాజులు, పోలీసు సిబ్బంది పాల్గొన్నారు. మూడో బెటాలియన్‌ ఆధ్వర్యంలో.. ఇబ్రహీంపట్నం సమీపంలోని ఆక్టోపస్‌లోని టీజీఎస్పీ 3వ బెటాలియన్‌ ఆధ్వర్యంలో అమరులవీరుల సంస్మరణ దినోత్సవాన్ని ఘనంగా నిర్వహించారు. ఈ సందర్భంగా 3వ బెటాలియన్‌ కమాండెంట్‌ సయ్యద్‌ జమీల్‌ బాషా మాట్లాడుతూ.. పోలీసు అమరవీరుల త్యాగస్ఫూర్తిని మర్చిపోలేమన్నారు. అమరవీరుల ఆశయాలను ఆదర్శంగా తీసుకుని, అప్రమత్తంగా విధులు నిర్వర్తించాలని పిలుపునిచ్చారు. రెండు నిమిషాలు మౌనం పాటించి అమరవీరులకు నివాళులర్పించారు. ఈ కార్యక్రమంలో అదనపు కమాండెంట్‌ ఎస్‌.శ్రీనివాసరావు, అసిస్టెంట్‌ కమాండెంట్‌ శ్రీనివాస్‌రావుతోపాటు బెటాలియన్‌ అధికారులు, సిబ్బంది పాల్గొన్నారు.ఫ్యూచర్‌ సిటీ కమిషనరేట్‌లో పరేడ్‌

కొడంగల్‌: ముఖ్యమంత్రి రేవంత్‌రెడ్డి గురువారం కొడంగల్‌ పర్యటన సందర్భంగా బుధ వారం పట్టణంలోని కడా కార్యాలయంలో అడ్వాన్స్‌ సెక్యూరిటీ లైషన్‌ (ఏఎస్‌ఎల్‌) సమావేశం నిర్వహించారు. ఇంటెలిజెన్స్‌ స్పెషల్‌ ఆఫీసర్‌ శ్రీనివాస్‌, కలెక్టర్‌ దీపక్‌ తివారి, ఎస్పీ స్నేహ మెహ్ర పలు శాఖల అధికారులతో సమీక్ష నిర్వహించారు. ఈ సందర్భంగా వారు మాట్లాడుతూ.. అధికారులందరూ సమన్వయంతో పని చేయాలన్నారు. పటిష్టమైన బందోబస్తు ఏర్పాటుకు చర్యలు తీసుకున్నట్లు చెప్పారు. భద్రత ఏర్పాట్లు, ట్రాఫిక్‌ నియంత్రణ, వైద్యసేవలు, విద్యుత్‌ సరఫరా తదితరల అంశాలపై చర్చించారు. సీఎం పర్యటనకు సంబంధించి చేపట్టాల్సిన ఏర్పాట్లపై వివిధ శాఖల అధికారులకు సూచనలు చేశారు. ఎలాంటి అవాంఛనీయ సంఘటనలు జరగకుండా ముందస్తు జాగ్రత్తలు తీసుకోవాలన్నారు. ఎత్తైన భవనాలపై పోలీసు పహారా ఏర్పాటు చేయాలన్నారు. అగ్నిమాపక వాహనాన్ని అందుబాటులో ఉంచాలన్నారు. రోడ్ల సమస్యలను పరిష్కరించడంతో పాటు ప్టాస్టిక్‌ కవర్లు, ఇతర వ్యర్థాలను తొలగించి పరిసరాలను శుభ్రంగా ఉంచాలన్నారు. వైద్య ఆరోగ్య శాఖ అధికారులు అంబులెన్స్‌లను అందుబాటులో ఉంచాలన్నారు. కొడంగల్‌ ఆస్పత్రిలో ఎమర్జెన్సీ విభాగం వద్ద వైద్యులు, సిబ్బంది అందుబాటులో ఉండేలా చర్యలు తీసుకోవాలన్నారు. విద్యుత్‌ అంతరాయం లేకుండా చూడాలని, అత్యవసర పరిస్థితుల్లో వాడుకోడానికి జనరేటర్లు ఏర్పాటు చేయాలని ఆదేశించారు. ఆహార భద్రత అధికారులు ఆహార పదార్థాలను తనిఖీ చేసి నాణ్యతపై నిర్ధారణ చేసిన తర్వాతనే సంబంధిత వ్యక్తులకు అందించాలని స్పష్టం చేశారు. అటవీశాఖ అధికారులు క్రిమి కీటకల సమస్యలను పరిశీలించి తగిన చర్యలు తీసుకోవాలన్నారు. ముఖ్యమంత్రి పర్యటన విజయవంతంగా జరిగేలా ప్రతి ఒక్కరూ కృషి చేయాలని సూచించారు. ఈ సమావేశంలో కడా ప్రత్యేకాధికారి వెంకట్‌రెడ్డి, అడిషనల్‌ ఎస్పీ రాజేష్‌ మీనా, డీఎస్పీ శ్రీనివాస్‌, మున్సిపల్‌ చైర్మన్‌ నందారం ప్రశాంత్‌, పలు శాఖల అధికారులు తదితరులు పాల్గొన్నారు.

కొందుర్గు: కొందుర్గులో గుప్త నిధుల తవ్వకాలు కలకలం రేపాయి. స్థానికులు అందించిన సమాచారం మేరకు గ్రామానికి చెందిన దుర్గని రామయ్య పొలంలో గుంతలు తవ్వారు. పక్కనే చెట్టుకింద కొబ్బరికాయ, కుంకుమ, పసుపు, కుండ, అగర్‌బత్తీలు తదితర పూజాసామగ్రి ఉన్నాయి. దీంతో పరిసర పొలాల రైతులు భయభ్రాంతులకు గురయ్యారు. ఈ విషయమై తగిన విచారణ చేయాలని స్థానికులు కోరుతున్నారు. షాద్‌నగర్‌: ఫరూఖ్‌నగర్‌లోని హజ్రత్‌ సయ్యద్‌ షా అలీ అక్బరుద్దీన్‌ ఖాద్రీ దర్గాలో ఉర్సు ఉత్సవాలను ఘనంగా నిర్వహించారు. బదర్‌ ఉల్‌ మషాయిఖ్‌ ఫౌండేషన్‌ ఆధ్వర్యంలో గంధోత్సవం, చాదర్‌ సమర్పణ, మహ్పిల్‌ ఏ నాత్‌ తదితర ఆధ్యాత్మిక కార్యక్రమాలు నిర్వహించారు. వేడుకల్లో స్థానిక ఎమ్మెల్యే వీర్లపల్లి శంకర్‌, ఎమ్మెల్సీ నాగర్‌కుంట నవీన్‌కుమార్‌రెడ్డి హాజరయ్యారు. షాద్‌నగర్‌: జూనియర్‌ సివిల్‌ జడ్జి పరీక్షా ఫలితాల్లో సత్తాచాటి న్యాయమూర్తిగా ఎంపికై న షాద్‌నగర్‌ పట్టణానికి చెందిన ఆగీరు లక్ష్మీప్రసాద్‌ను బుధవారం ఎమ్మెల్యే వీర్లపల్లి శంకర్‌, మాజీ ఎమ్మెల్యే చౌలపల్లి ప్రతాప్‌రెడ్డి ఘనంగా సన్మానించారు. లక్ష్మీప్రసాద్‌ తల్లిదండ్రులు వెంకటేశ్‌, చంద్రకళను శాలువా, పూల మాలతో సన్మానించారు. ఈ కార్యక్రమంలో మున్సిపల్‌ చైర్మన్‌ బస్వం, వైస్‌ చైర్మన్‌ అందె మోహన్‌, మాజీ ఎంపీపీ శివశంకర్‌గౌడ్‌, నాయకులు రవికుమార్‌గుప్త, కృష్ణ, గుట్ట రాజు, రాజు నాయక్‌, శ్రీశైలంగౌడ్‌ తదితరులు పాల్గొన్నారు. షాద్‌నగర్‌: పండుగ సాయన్న జయంతిని ప్రభుత్వం అధికారంగా నిర్వహించడం గర్వకారణమని ముదిరాజ్‌ మహాసభ రాష్ట్ర ఉపాధ్యక్షుడు అందె బాబయ్య అన్నారు. బుధవారం పట్టణంలో ఏర్పాటు చేసిన సమావేశంలో ఆయన మాట్లాడుతూ.. పండుగ సాయన్న పాలమూరు ప్రాంతంలో జన్మించి నిజాం పాలనలో భూస్వాముల దోపిడికి వ్యతిరేకంగా పోరాటం చేసిన ప్రజావీరుడిగా చరిత్రలో నిలిచిపోయారన్నారు. అన్యాయాన్ని ప్రశ్నిస్తూ, అణగారిన వర్గాలకు అండగా నిలిచిన ఆయన జీవితం ప్రజల్లో ధైర్యాన్ని, ఆత్మగౌరవాన్ని నింపిందని తెలిపారు. పండుగ సాయన్న చరిత్రను భావితరాలకు అందించడంతో పాటు, ఆయన ఆశయాలను నెరవేర్చాల్సిన బాధ్యత ప్రతీ పౌరుడిపై ఉందన్నారు. గురువారం షాద్‌నగర్‌లో నిర్వహించనున్న పండుగ సాయన్న జయంతి వేడుకలకు ముదిరాజ్‌ సంఘం నాయకులతో పాటుగా, పార్టీలకు అతీతంగా నాయకులు, కార్యకర్తలు అధిక సంఖ్యలో విచ్చేసి విజయవంతం చేయాలని కోరారు. రాజేంద్రనగర్‌: గుర్తు తెలియని వాహనం ఢీకొనడంతో గుర్తుతెలియని మహిళ మృతి చెందిన సంఘటన రాజేంద్రనగర్‌ పోలీస్‌ స్టేషన్‌ పరిధిలో చోటు చేసుకుంది.పోలీసులు తెలిపిన మేరకు.. బుధవారం తెల్లవారు జాము న 3.30 గంటలకు హైదర్‌ గూడ వద్ద గుర్తు తెలియని వాహనం ఢీ కొనడంతో గుర్తు తెలియ ని మహిళ మృతి చెందింది. పోలీసులు మృతదేహాన్ని ఉస్మానియా ఆస్పత్రికి తరలించారు.

వికారాబాద్‌: ‘ఇతర జిల్లాలతో పోలీస్తే మనజిల్లాపై ఎల్‌నినో ప్రభావం తీవ్రంగా ఉంది.. వాతావరణ, భూగర్భ జలవనరులు, వ్యవసాయ, ఉద్యానశాఖల నిపుణుల గణాంకాలు ఈ విషయాన్ని స్పష్టం చేస్తున్నాయి.. దీన్ని దృష్టిలో ఉంచుకుని అందరం కలిసికట్టుగా ఎల్‌నినోను ఎదుర్కోవాల్సిన అవసరం ఉంది’ అని కలెక్టర్‌ దీపక్‌ తివారి అన్నారు. జిల్లాలో వర్షపాతం.. భూగర్భ జలాలు.. ఎండల తీవ్రత.. నీటి లభ్యత.. పంటలు.. పశు సంపదను కాపాడుకోవడం కోసం ప్రభుత్వం తీసుకుంటున్న చర్యలు, జిల్లా తరఫున చేసిన సిఫారసులను బుధవారం ఆయన ‘సాక్షి’తో పంచుకున్నారు. వరి పంటపై ఒత్తిడి ప్రస్తుత ఖరీఫ్‌ సీజనలో వేసిన పంటల్లో వరి, కంది తీవ్ర ఒత్తిడిని ఎదుర్కొంటున్నాయి. రాష్ట్రంలో 20 శాతం లోటు వర్షపాతం నమోదైతే జిల్లాలో 35 శా తం లోటు ఉంది. రాష్ట్ర సగటు కంటే మన జిల్లాలో పది శాతం అధిక లోటు ఉంది. ఎల్‌నినో ప్రభావంతో ఎండల తీవ్రత పెరిగి సాధారణం కంటే అధిక ఉష్ణోగ్రతలు నమోదవుతున్నాయి. భూగర్భజలాలు వేసవి తరహాలో పడిపోతున్నాయి. ప్రస్తుతం కొన్ని మండలాల్లో 25 మీటర్ల కంటే ఎక్కువ లోతుకు పడిపోయాయి. ఈ ప్రభావం ప్రజలు, పశుపక్షాదులపై పడింది. వీటితో పాటు వ్యవసాయం, వ్యవసాయ అనుబంధ శాఖలు, రైతులపై ఇంకాస్త ఎక్కువ ఉంది. ఈ పరిస్థితిల్లో మనమందరం రైతులను కాపాడుకోవడం ఎంతో అవసరం. అన్నదాతలు పరిస్థితులకు అనుగుణంగా సాగు విధానం మార్చుకోవాల్సిన అవసరం ఉంది. ప్రస్తుతం జిల్లాలో 2.19 లక్ష ల ఎకరాల్లో పత్తి, 95వేల ఎకరాల్లో కంది, 1.2లక్షల ఎకరాల్లో వరి, 35వేల ఎకరాల్లో మొక్కజొన్న పంటలు సాగు చేశారు. మొక్కజొన్న కోత దశలో ఉన్నందున ఈ పంటపై పెద్ద ప్రభావం ఉండదు. కానీ మిగతా పంటలపై ఎక్కువ ప్రభావం ఉంటుంది. కంది, పత్తి దిగుబడి 25నుంచి 50శాతం వరకు తగ్గే అవకాశం ఉంది. వరి పంట ప్రస్తుతం ఎక్కువ ఒత్తిడిని ఎదుర్కొంటోంది. రైతులను అప్రమత్తం చేయాలని వ్యవసాయ, దాని అనుబంధ శాఖలకు ఆదేశాలు ఇచ్చాం. నిరంతరం సమీక్షలు నిర్వహిస్తున్నాం. ఎల్‌నినో కారణంగా 20 నుంచి 25శాతం వరకు వరి వాడిపోతున్నట్లు తెలుస్తోంది. పంటను కాపాడుకోవడం కోసం రైతులు రెండు శాతం యూ రియా కలుపుకొని పిచికారీ చేస్తే ప్రయోజనం. ప్రభుత్వానికి పలు సిఫారసులు ఎల్‌నినో ప్రభావంతో జిల్లాలో నెలకొన్న పరిస్థితిని ప్రభుత్వానికి ఎప్పటికప్పుడు తెలియజేస్తున్నాం. హర్టీకల్చర్‌ శాఖ ద్వారా ప్రభుత్వం స్ప్రింక్లర్లు, డ్రిప్‌ పరికరాలు, విత్తనాలపై రాయితీలు ఇస్తోంది. వీటిని రైతులు సద్వినియోగం చేసుకోవాలి. జిల్లా తరఫున ప్రభుత్వానికి పలు సిఫారసులు చేశాం. మల్చింగ్‌ షీట్లు, డ్రిప్పు, మినీ స్ప్రింక్లర్లు, విత్తనాలు, షెడ్‌నెట్లు రాయితీపై ఇస్తే బాగుంటుందని కోరాం. గ్రామాల్లో, పట్టణ ప్రాంతాల్లో నీటి వినియోగం, నీటి వృథాను తగ్గించుకోవాలి. వర్షపు నీరు భూమిలోకి ఇంకే కార్యక్రమాలు పెరగాలి. పంటలకు నీటి వినియోగం తగ్గించుకుని పశువులు, మనుషుల తాగునీటి అవసరాలకు తగినంత అందుబాటులో ఉంచుకోవాలి. ఎల్‌నినో ప్రభావం, దాన్ని ఎలా ఎదుర్కోవాలి.. ప్రజలు, రైతులు తీసుకోవాల్సిన జాగ్రత్తలపై అవగాహన కల్పించేందుకు కేంద్ర ప్రభుత్వం కూడా సిద్ధమైంది. నేటి నుంచి నవంబర్‌ 30వ తేదీ వరకు అవగాహన కార్యక్రమాలు నిర్వహించనున్నట్లు కలెక్టర్‌ తెలిపారు. వ్యవసాయం, వ్యవసాయ అనుబంధ శాఖలతో కలిసి కేతీ బచావో పేరుతో ప్రభుత్వం ఈ కార్యక్రమం చేపడుతోంది. ఇందుకు ప్రతి ఒక్కరూ సహకరించాలి. పంట మార్పిడి అవసరంఖరీఫ్‌ పంటల విషయంలో రైతులు జాగ్రత్తలు తీసుకుంటే 20 నుంచి 40 శాతం వరకు దిగుబడి తగ్గినా బయట పడతారు. ప్రస్తుతం రబీ సీజన్‌ ప్రారంభమైనందున పంటలసాగు విషయంలో మరింత జాగ్రత్తలు తీసుకోవాలి. గతేడాది రబిలో 1.85లక్షల ఎకరాల్లో ఆయా పంటలు సాగయ్యాయి. ఇందులో వరి ఒక్కటే 90వేల పైచిలుకు ఎకరాల్లో వేశారు. ఎల్‌నినో పరిస్థితుల నేపథ్యంలో రబిలో వరి వేయకపోవడమే మంచిదని వ్యవసాయ, వాతావరణ శాఖల నిపుణులు సూచిస్తున్నారు. నీటి లభ్యతను దృష్టిలో ఉంచుకుని జిల్లాలో 30వేల ఎకరాలకు తగ్గే అవకాశం ఉంది.వరి స్థానంలో స్వల్పకాలిక ఆరుతడి పంటలువేసుకోవడం మేలు. ప్రధానంగా ఉద్యానపంటలైన కూరగాయలు, ఆకు కూరలు సాగు చేసుకోవాలి. నీరు తక్కువ అవసరమయ్యే శనగ, జొన్న పంటలు మంచిది. వరితో పోలిస్తే ఈ పంటలకు నాలుగింతల నీరు తక్కువగా అవసరం ఉంటుంది.

సాక్షి సిటీబ్యూరో: నగరంలోని స్నాక్స్‌ తయారీ సంస్థ సాహిల్‌ ఫుడ్స్‌పై తెలంగాణ ఫుడ్‌ సేఫ్టీ (టీజీ సేఫ్‌) అధికారులు కొరడా ఝుళిపించారు. కాటేదాన్‌ సమీపంలోని ప్రేమావతిపేటలో ఉన్న ఐదు తయారీ యూనిట్లపై ఫుడ్‌ సేఫ్టీ అధికారులు, పోలీసులతో కలిసి సంయుక్తంగా దాడులు చేశారు. ఎఫ్‌ఎస్‌ఎస్‌ఏఐ లైసెన్సులో నమోదుకాని ఆహార కేటగిరీల ఉత్పత్తులను కూడా యూనిట్లలో తయారు చేస్తున్నట్లు గుర్తించారు. ఉత్పత్తి, అమ్మకాల రికార్డులు, నీటి నాణ్యత పరీక్ష , పదార్థాల పరీక్ష నివేదికలు లేకపోవడాన్ని గుర్తించారు. ఉత్పత్తులపై ముద్రించిన గడువు తేదీల విషయంలోనూ అక్రమాలు బయటపడ్డాయి. యూనిట్లలో పరిశుభ్రత ప్రమాణాలు పూర్తిగా గాలికి వదిలేసినట్లు అధికారులు గుర్తించారు. ఆహార పదార్థాలను నేరుగా చేతులతో నిర్వహించే కార్మికులు నోట్లో గుట్కా, పాన్‌ మసాలా నములుతూ పని చేస్తున్నట్లు గుర్తించారు. నాలుగు యూనిట్లకు తాళం సాహిల్‌ ఫుడ్స్‌కు చెందిన నాలుగు యూనిట్ల ఎఫ్‌ఎస్‌ఎస్‌ఏఐ లైసెన్సులను టీజీ సేఫ్‌ సస్పెండ్‌ చేసింది. వ్యాపార కార్యకలాపాలను తక్షణమే నిలిపివేయాలని ఆదేశించింది. కల్తీ జరిగిందన్న అనుమానంతో 11 రకాల ఆహార పదార్థాల నమూనాలను సేకరించి ప్రయోగశాలకు పంపామని, వాటి ఫలితాల ఆధారంగా చర్యలు తీసుకుంటామని పేర్కొన్నారు. తప్పుడు లేబులింగ్‌తో ఉన్న 55 టన్నుల ఆహార పదార్థాలను అధికారులు సీజ్‌ చేశారు. వీటి విలువ రూ.33,94,115 ఉంటుందని అంచనా. ప్రజల ఆరోగ్యంతో చెలగాటమాడే సంస్థలపై కఠిన చర్యలు తప్పవని, నాణ్యతలేని ఆహారాన్ని విక్రయిస్తే సహించేది లేదని కమిషనర్‌ హెచ్చరించారు. శ్రీవారి ఆలయానికి గ్రంథం బహూకరణ కొడంగల్‌: పట్టణంలోని శ్రీవారి ఆలయానికి బీజేపీ సీనియర్‌ నాయకుడు కరెంటు రాములు కుటుంబ సభ్యులు బుధవారం దివ్యవేద వాణి గ్రంథాన్ని బహూకరించారు. ఆలయంలో నిత్యం వేద పఠనం జరగాలని.. ఆ వాణిని ప్రజలకు వినించాలనే ఉద్దేశంతో గ్రంథం అందజేసినట్లు రాములు తెలిపారు. ఈ గ్రంథంలో నాలుగు వేదాలు ఉన్నట్లు చెప్పారు. రుగ్వేదం, సామవేదం, యజుర్వేదం, అధర్వణ వేదం తెలుగు అనువాదం ఉన్నట్లు తెలిపారు. భగవంతుని సన్నిధిలో వేద పారాయణం జరగాలనే సంకల్పంతో గ్రంథం ఇచ్చినట్లు చెప్పా రు. కార్యక్రమంలో లయన్స్‌ క్లబ్‌ కోశాధికారి మురహరి వశిష్ట, బాల ప్రకాశ్‌, కేసీ వెంకటేశ్‌, భాగ్యలత, కొంతం సత్యనారాయణ, నందారం రత్నం, మధు, గోపాల్‌ పాల్గొన్నారు. అమ్మవారి ముక్కుపుడక రూ.1,16,116 కుల్కచర్ల: దేవీ నవరాత్రి ఉత్సవాల్లో భాగంగా దుర్గామాతకు అలంకరించిన ముక్కుపుడకను నీరటి సంజీవ్‌ కుటుంబీకులు రూ.1,16,116కు దక్కించుకున్నారు. మండల కేంద్రంలోని అంగడిబజార్‌లో ఏర్పాటు చేసిన అమ్మవారి మండపం వద్ద నిమజ్జన ప్రక్రియలో భాగంగా మంగళవారం వేలం నిర్వహించారు. గ్రామానికి చెందిన సంజీవ్‌ ముక్కుపుడకను దక్కించుకున్నారు. ఆయన్ను ఉత్సవ కమిటీ సభ్యులు సన్మానించారు.

● రోడ్డు ప్రమాదంలో పెళ్లికుమార్తె అక్క దుర్మరణం ● చెల్లెలి పెళ్లయిన రెండు రోజులకే దారుణంరాజేంద్రనగర్‌: చెల్లెలి పెళ్లయిన రెండు రోజులకే అక్క మరణించడంతో ఆ కుటుంబంలో విషాద ఛాయలు అలుముకున్నాయి. ఈ ప్రమాదంలో పెళ్లి కోసం ఒంగోలు నుంచి వచ్చిన మరో యువకుడు తీవ్ర గాయాలకు గురై ఆసుపత్రిలో చికిత్స పొందుతున్నాడు. రాజేంద్రనగర్‌ ఎస్‌ఐ రాఘవేందర్‌ తెలిపిన వివరాల ప్రకారం బండ్లగూడ కాళీమందిర్‌ అభ్యుదయ నగర్‌లో పరిశుద్ధరావు తన కుటుంబ సభ్యులతో నివసిస్తున్నాడు. పెద్ద కుమార్తె ఐశ్వర్య (25) ప్రైవేటు స్కూల్‌లో టీచర్‌గా పనిచేస్తోంది. రెండవ కుమార్తె వివాహం రెండు రోజుల క్రితం జరిగింది. ఈ క్రమంలో ఒంగోలు నుంచి పెళ్లికి వచ్చిన మాథ్యూస్‌(26) తో కలసి మంగళవారం టిఫిన్‌ చేయడానికి కాళీమందిర్‌ వద్దకు బైక్‌పై వచ్చారు. టిఫిన్‌ చేసి తిరిగి అభ్యుదయ నగర్‌ వైపు వెళుతున్నారు. ఓ లారీకి కాళీమందిర్‌ వద్ద పూజలు చేసుకుని కిస్మత్‌పూర్‌ వైపు వెళుతుండగా బైక్‌ నడుపుతున్న మాథ్యూస్‌ లారీని దాటుకుని వెళ్లాలనుకుని అదుపుతప్పి పడిపోయారు. ఈ సంఘటనలో లారీ కింద పడిన ఐశ్వర్య అక్కడికక్కడే మృతి చెందింది. మాథ్యూస్‌ తీవ్రంగా గాయపడ్డాడు. ఎస్‌ఐ రాఘవేందర్‌ సంఘటన స్థలానికి చేరుకుని లారీని స్వాధీనం చేసుకున్నారు. లారీ నడుపుతున్న యువకుడు పారిపోయాడు. కేసు నమోదు చేసుకున్న పోలీసులు దర్యాప్తు చేస్తున్నారు.

మంచాల: వైద్యం వికటించి వ్యక్తి మృతిచెందాడని ఆరోపిస్తూ బాధిత కుటుంబ సభ్యులు ఆర్‌ఎంపీ క్లినిక్‌ వద్ద శవంతో ఆందోళన నిర్వహించారు. స్థానికుల కథనం ప్రకారం మండల పరిధిలోని పోచారం గ్రామానికి చెందిన ఈర్లపల్లి విజయ్‌కుమార్‌(36) కూలీ పనులు చేస్తూ కుటుంబాన్ని పోషించుకుంటున్నాడు. దసరా పండుగ సందర్భంగా చిత్తాపూర్‌ గ్రామంలోని అత్తగారి ఇంటికి వచ్చాడు. బుధవారం ఛాతిలో మంటగా ఉందని చెప్పడంతో బంధువులు అతన్ని బైక్‌పై మంచాలలోని ఓ ఆర్‌ఎంపీ వైద్యుడి వద్దకు తీసుకెళ్లారు. అక్కడ ఇంజక్షన్‌ తీసుకుని తిరిగి వెళ్తుండగా సమీపంలోని పెట్రోల్‌ బంక్‌ వద్ద విజయ్‌ బైక్‌ పైనుంచి కుప్పకూలిపోయాడు. అక్కడి నుంచి ఇబ్రహీంపట్నంలోని ఓ ప్రైవేట్‌ ఆస్పత్రికి తీసుకెళ్లగా, చికిత్స చేస్తుండగానే ప్రాణం వదిలాడు. ఆర్‌ఎంపీ వైద్యం వికటించడంతోనే విజయ్‌ చనిపోయాడంటూ ఆగ్రహించిన అతని బంధువులు మృతదేహంతో మంచాలకు వచ్చారు. ఆర్‌ఎంపీ క్లినిక్‌ ఎదటు శవంతో ఆందోళన చేశారు. అప్పటికే వైద్యుడు అక్కడి నుంచి వెళ్లిపోయాడు. మృతుడి కుటుంబానికి రూ.10 లక్షలు ఇస్తామని ఒప్పందం చేసుకున్నట్లు తెలిసింది. మృతుడికి భార్య దీక్షిత, కూతుళ్లు శ్రీమహంతి, దేవకి ఉన్నారు. ● ఆర్‌ఎంపీ చికిత్సతో వ్యక్తి చనిపోయాడని బంధువుల ఆరోపణ ● మంచాలలోని క్లినిక్‌ ఎదుట ధర్నా

శంకర్‌పల్లి: ఓ కారు అతివేగం, అజాగ్రత్తగా వెళ్తూ ముందు వెళ్తున్న మరో కారును ఢీ కొట్టిన తర్వాత అదుపుతప్పి రోడ్డుపై వెళ్తున్న గొర్రెల మందపైకి దూసుకెళ్లింది. ఈ సంఘటన బుధవారం బుల్కాపూర్‌ కాళికామాత దేవాలయం వద్ద చోటు చేసుకుంది. పోలీసులు తెలిపిన వివరాల ప్రకారం.. నారాయణపేట్‌ జిల్లా ధన్వాడ మండలం పాతపల్లికి చెందిన చిన్న బాలరాజు తన గొర్రెలతో వెళ్తుండగా స్టేషన్‌ నాగులపల్లి గ్రామానికి చెందిన ప్రకాశ్‌ కారులో శంకర్‌పల్లి వైపు వెళ్తూ కాళికామాత ఆలయం వద్ద ముందు వెళ్తున్న మరో కారును ఢీకొట్టాడు. అనంతరం కారు అదుపుతప్పి రోడ్డుపై వెళ్తున్న గొర్రెలను ఢీకొట్టడంతో ఏడు జీవాలు అక్కడికక్కడే మృతిచెందాయి. ఘటనపై శంకర్‌పల్లి పోలీసులు కేసు నమోదు చేసుకుని, దర్యాప్తు చేస్తున్నారు. తనకు న్యాయం చేయాలని బాధితుడు వేడుకున్నాడు.

మొయినాబాద్‌ రూరల్‌: తాళం వేసిన ఇంట్లో చోరీ జరిగిన ఘటన మండల పరిధిలోని అమ్డాపూర్‌లో చోటుచేసుకుంది. మొయినాబాద్‌ సీఐ మల్లికార్జున్‌రెడ్డి తెలిపిన వివరాలు ఇలా ఉన్నాయి.. గ్రామానికి చెందిన కట్కూరి లక్ష్మయ్య కుటుంబ సభ్యులు ఇంటికి తాళం వేసి విహార యాత్రకు వెళ్లారు. ఇది గమనించిన దుండగులు సోమవారం తాళం పగులగొట్టి తులంన్నర బంగారు గొలుసు, వెండి పూజా సామగ్రిని ఎత్తుకెళ్లారు. చోరీ అనంతరం ఇల్లంతా కారంపొడి చల్లినట్లు తెలిపారు. అమ్డాపూర్‌ గ్రామంలో దొంగతనం చేసి, ఇలా మిర్చీ పౌడర్‌ చల్లడం రెండోసారి అని వెల్లడించారు. క్లూస్‌ టీమ్‌, డాగ్‌ స్క్వాడ్‌కు దొరకకుండా దుండగులు గ్లౌజులు ధరించి దొంగతనానికి పాల్పడ్డారని తెలిపారు. బాధితుడు రాజేష్‌ ఇచ్చిన ఫిర్యాదు మేరకు కేసు నమోదు చేసి, దర్యాప్తు చేస్తున్నామని సీఐ తెలిపారు. ఇబ్రహీంపట్నం రూరల్‌: సెల్‌ఫోన్‌ నొనివ్వడం లేదని మద్యం మత్తులో ఓ యువకుడు ఆత్మహత్య చేసుకున్న సంఘటన ఆదిభట్ల పోలీస్‌ స్టేషన్‌ పరిధిలో బుధవారం సాయంత్రం చోటు చేసుకుంది. సీఐ రమేష్‌ కథనం ప్రకారం.. వరంగల్‌ జిల్లా, చింతల్‌, ఆర్‌ఎస్‌ఆర్‌ నగర్‌కు చెందిన గుడెల్లి రవికిరణ్‌ తల్లితో కలిసి మన్నెగూడ సమీపంలోని ఎన్‌ఎస్‌ఆర్‌ నగర్‌లో నివాసం ఉండేవాడు. తనకు సెల్‌ ఫోన్‌ కొనివ్వాలని నెల రోజులుగా తల్లితో గొడవ పడుతున్నాడు. నిత్యం మద్యం తాగి వచ్చి సెల్‌ఫోన్‌ కావాలని ఒత్తిడి చేస్తుండటంతో రెండు రోజుల్లో కొనిస్తానని తల్లి తెలిపింది. ఇదిలా ఉండగా సాయంత్రం ఇంట్లో ఎవరూ లేని సమయంలో రవికిరణ్‌ (27) ఫ్యాన్‌కు ఉరి వేసుకొని ఆత్మహత్య చేసుకున్నాడు. తల్లి ఫిర్యాదు మేరకు పోలీసులు కేసు నమోదు చేసుకున్నారు. మృతదేహాన్ని పోస్టుమార్టం నిమిత్తం ఉస్మానియా అస్పత్రికి తరలించారు . ఇబ్రహీంపట్నం రూరల్‌: బైక్‌ అదుపు తప్పి డివైడర్‌ను ఢీకొట్టిన ఘటనలో ఓ వ్యక్తి మృతి చెందాడు. ఈసంఘటన ఆదిభట్ల పోలీస్‌ స్టేషన్‌ పరిధిలో బుధవారం చోటు చేసుకుంది. సీఐ రమేష్‌ కథనం ప్రకారం.. ఏపీలోని నందిగామ మండలం, ఎన్‌టీఆర్‌ జిల్లాకు చెందిన బిక్కి గోపీకృష్ణ (43), ఆదిభట్ల జీహెచ్‌ఎంసీ పరిధిలోని బొంగ్లూర్‌ గంగానగర్‌ కాలనీలో నివాసం ఉంటూ సెక్యూరిటీ గార్డుగా పని చేస్తున్నాడు. మద్రాస్‌ ఫిల్టర్‌ కాఫీ షాపు వద్ద బైక్‌పై వెళ్తుండగా, అదుపు తప్పి డివైడర్‌ను ఢీకొట్టడంతో తీవ్ర గాయాలై అక్కడికక్కడే మృతిచెందాడు. ఈ మేరకు కేసు నమోదు చేసుకొని, దర్యాప్తు చేస్తున్నామని సీఐ తెలిపారు. మంచాల: ఓ కోళ్ల ఫాంలో పేకాట ఆడుతున్న వ్యక్తులను అరెస్టు చేసిన సంఘటన మంచాల మండలంలోని ఆరుట్ల గ్రామంలో బుధవారం చోటు చేసుకుంది. మంచాల సీఐ మధు కథనం ప్రకారం.. మంద బుచ్చిరెడ్డి వ్యవసాయ పొలం వద్ద ఎనిమిది మంది పేకాట ఆడుతున్నారు. ఈ విషయం తెలిసిన పోలీసులు దాడి చేసి పట్టుకున్నారు. వీరి నుంచి రూ.5,790 స్వాధీనం చేసుకున్నారు. రోడ్డు ప్రమాదంలో యువకుడు మృతి పరిగి: లారీ ఢీకొని యువకుడు మృతి చెందిన ఘటన పరిగి పట్ట ణ పరిధిలోని బీజాపూర్‌ జాతీయ రహదారిపై బుధవారం చో టుచేసుకుంది. ఎస్‌ఐ మోహనకృష్ణ తెలిపిన వివరాల ప్రకారం.. దోమ మండలం బుద్లాపూర్‌తండా(గోన్యనాయక్‌ తండా)కు చెందిన నేనావత్‌ రవికుమార్‌(27) బీటెక్‌ పూర్తి చేసి ఉద్యోగ అన్వేషణలో ఉన్నాడు. ఉదయం ఇంటి నుంచి బైక్‌పై వికారాబాద్‌కు బయలుదేరాడు. మార్గమధ్యలో పరిగి మండలం గోవిందాపూర్‌ తండా గేట్‌ సమీపంలో పరిగి వైపు నుంచి వస్తున్న లారీ వేగంగా ద్విచక్ర వాహనాన్ని ఢీకొంది. ఈ ప్రమాదంలో రవికుమార్‌ తల, ఇతర భాగాల కు బలమైన గాయాలు కావడంతో అక్కడికక్క డే మృతి చెందాడు.

సాక్షి, సిటీబ్యూరో: తీవ్ర వర్షాభావం రీత్యా భూగర్భ జలాలు వేగంగా అడుగంటుతున్నాయి. క్యూర్‌ పరిధిలో అపార్టుమెంట్లలోని బోర్లు మొరాయిస్తున్నాయి. వచ్చే రుతుపవనాల వరకు ఉన్న 8 నెలలు అత్యంత కీలకం. దీంతో అధికార యంత్రాంగం నీటి వృథాపై చర్యలకు దిగింది. కొత్త బోర్ల తవ్వకాలపై నిషేధం విధించింది. విషయంలో క్షేత్రస్థాయి తనిఖీలకూ సిద్ధమైంది. నిర్మాణ రంగానికి శుద్ధి చేసిన నీటి వినియోగాన్ని తప్పనిసరి చేసింది. ఈ ఆంక్షలు తాగునీటికే కాక నిర్మాణాలు, ఇతర అవసరాలకు వర్తిస్తాయి. రోజుకు 200 పైనే కొత్త బోర్లు క్యూర్‌లో సుమారు 13 నుంచి 15 లక్షలకు పైగా బోర్లున్నాయని అంచనా. రికార్డుల్లో మాత్రం 2.43 లక్షల బోర్లే. నిబంధనలకు విరుద్ధంగా రోజుకు సగటున 200పైగా కొత్త బోర్ల తవ్వకాలు జరుగుతున్నాయని సమాచారం. రోజుకు 100 బోర్లు ఎండిపోతున్నాయి. కొండాపూర్‌, బంజారాహిల్స్‌, బండ్లగూడ జాగీర్‌ వంటి ప్రాంతాల్లో అపార్ట్‌మెంట్‌వాసులు 400 అడుగుల పరిమితిని దాటి తవ్వుతున్నారు. కొన్నిచోట్ల వెయ్యి అడుగులకు మించుతున్నారు. ఫలితంగా భూగర్భ జలాల వినియోగం 102 శాతానికి చేరింది. నేలలోకి చేరుతున్న నీటి కంటే ఎక్కువ తోడేస్తుండడంతో భూగర్భ జల లభ్యత ‘క్రిటికల్‌’గా ఉన్నట్లు పలు నివేదికలు స్పష్టం చేస్తున్నాయి. తీవ్ర వర్షాభావ పరిస్థితులతో క్యూర్‌ పరిధిలో భూగర్భ జలమట్టం కిందికి దిగజారుతున్న నేపథ్యంలో నిర్మాణ రంగ పనుల కోసం కొత్త బోర్లకు అనుమతులు ఇవ్వొద్దు. – జిల్లా కలెక్టర్లకు ప్రభుత్వ ప్రధాన కార్యదర్శి సంజయ్‌ జాజు ఆదేశాలు

శంకర్‌పల్లి: ఓ గుర్తు తెలియని వాహనం ఢీ కొట్టడంతో ఓ వ్యక్తి మృతి చెందిన సంఘ టన పట్టణ శివారులో చోటు చేసుకుంది. ఎస్‌ఐ సురేశ్‌ కథనం ప్రకారం.. మున్సిపల్‌ పరిధిలోని సింగాపురానికి చెందిన మొగులయ్య (48) ఆదివారం అర్ధరాత్రి ద్విచక్రవాహనంపై సంగారెడ్డి వైపు వెళ్తున్నాడు. బైక్‌ అదుపుతప్పి కింద పడింది. అదే సమయంలో వెనుక నుంచి వస్తున్న గుర్తు తెలియని వాహనం మొగులయ్యపై నుంచి వెళ్లడంతో అక్కడికక్కడే మృతి చెందాడు. కుటుంబసభ్యుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. మరో ప్రమాదంలో.. శంకర్‌పల్లి: ఓ ద్విచక్రవాహనదారుడు కింద పడి మృతి చెందిన సంఘటన పట్టణంలో చోటు చేసుకుంది. ఎస్‌ఐ సురేశ్‌ కథనం ప్రకారం.. మండలంలోని అలంఖాన్‌గూడకు చెందిన భుజంగారెడ్డి (55) ఆదివారం వ్యక్తిగత పనులపై బయటకు వెళ్లాడు. సోమవారం ఉదయం తిరిగి ఇంటికి వస్తుండగా హుస్సేన్‌పూర్‌ వద్ద బైక్‌ అదుపుతప్పి కింద పడిపోయాడు. తలకి బలమైన గాయాలు కావడంతో అక్కడికక్కడే మృతి చెందాడు. పోలీసులు మృతదేహాన్ని పోస్టుమార్టం నిమిత్తం చేవెళ్ల ప్రభుత్వ ఆస్పత్రికి తరలించారు. కేసు నమోదు చేసి దర్యాప్తు చేస్తున్నారు. రెండు బైక్‌లు ఢీ: ఒకరి మృతి చేవెళ్ల: రెండు బైక్‌లు ఎదురెదురుగా ఢీకొన్న ప్రమాదంలో ఓ బైక్‌పై ఉన్న రైతు మృతి చెందాడు. ఈ సంఘటన చేవెళ్ల పోలీస్‌స్టేషన్‌ పరిధిలో చోటు చేసుకుంది. పోలీసుల కథనం ప్రకారం.. మండలంలోని నాంచేరికి చెందిన ఆలూరి కిష్టయ్య(42) పాడిపశువుల నుంచి సేకరించిన పాలను ఆలూరులోని పాల కేంద్రానికి పోస్తుంటాడు. రోజు మాదిరిగానే ఆదివారం రాత్రి పాలు తీసుకొని బైక్‌పై ఆలూరుకు వెళ్తున్నాడు. అదే సమయంలో ఆలూరు గ్రామానికి చెందిన బి.హరి మరో బైక్‌పై ఎదురుగా వచ్చాడు. రెండు బైక్‌లు ఢీకొన్నాయి. ఈ ప్రమాదంలో కిష్టయ్యకు తీవ్ర గాయలు కావడంతో నగరంలోని ప్రైవేటు ఆస్పత్రికి తరలించారు. అక్కడ వైద్యులు పరిశీలించి మృతి చెందినట్లు ధ్రువీకరించారు. హరికి స్వల్ప గాయాలయ్యాయి. మృతుడి భార్య ఫిర్యాదు మేరకు పోలీసుల కేసు నమోదు చేసుకొని దర్యాప్తు చేస్తున్నారు.

కందుకూరు: కారు అదుపు తప్పి దేవాలయం కోనేరులోకి దూసుకెళ్లింది. అందులో ఉన్న డ్రైవర్‌ తేరుకుని అద్దం తీసుకుని బయటికి రావడంతో ప్రాణపాయం నుంచి బయటపడ్డాడు. ఈ సంఘటన మహేశ్వరం పోలీస్‌ స్టేషన్‌ పరిధిలో చోటు చేసుకుంది. స్థానికులు, పోలీసులు తెలిపిన వివరాల ప్రకారం.. ఆమనగల్లు మండలం కోనాపూర్‌కు చెందిన చెందిన బొడ్డుపల్లి కుమార్‌ (32) గ్రామంలో టీ దుకాణం నిర్వహిస్తూ వంట మాస్టర్‌గా పని చేస్తున్నాడు. ఆదివారం పని ముగించుకుని అర్ధరాత్రి సమయంలో కారులో హైదరాబాద్‌కు వెళ్తున్నాడు. మార్గమధ్యలో మహేశ్వరం శివగంగ దేవాలయం వద్ద హైదరాబాద్‌ వైపు మళ్లాల్సి ఉండగా నిద్రమత్తులోకి జారుకున్నాడు. దీంతో కారు నేరుగా శివగంగ కోనేరులోకి బారికేడ్లను ధ్వంసం చేసుకుంటూ వెళ్లి నీటిలో మునిగింది. ఆ సమయంలో అప్రమత్తమైన కుమార్‌ అద్దం దింపి అందులో నుంచి బయటపడ్డాడు. ఓ వైపు ఆలయం, మరోవైపు ట్రాన్స్‌ఫార్మర్‌ ఉన్నాయి. అదృష్టవశాత్తు ఆ రెండింటి మధ్య నుంచి దూసుకుపోవడంతో డ్రైవర్‌ ప్రాణాలతో బయపడ్డాడు. సోమవారం ఉదయం పోలీసులు క్రేన్‌ సాయంతో కారును బయటికి తీశారు. ఈ మేరకు కేసు నమోదు చేసుకుని దర్యాప్తు చేపట్టారు. ప్రాణాపాయం నుంచి బయటపడిన డ్రైవర్‌

పహాడీషరీఫ్‌: బీటెక్‌ విద్యార్థిని అదృశ్యమైన సంఘటన పహాడీషరీఫ్‌ పోలీస్‌స్టేషన్‌ పరిధిలో చోటుచేసుకుంది. ఎస్‌ఐ బి.దయాకర్‌ రెడ్డి కథనం ప్రకారం.. హర్షగూడకు చెందిన లక్ష్మణ్‌ చిన్న కుమార్తె వర్త్య కవిత (19) బీటెక్‌ ద్వితీయ సంవత్సరం చదువుతోంది. సోమవారం మధ్యాహ్నం ఫోన్‌ రావడంతో బయటికి వెళ్లి తిరిగి రాలేదు. ఇంటి గేట్‌ వద్ద ఫోన్‌ పడిపోయి ఉండడం తల్లికి కనిపించింది. స్థానికంగా వెతికినా జాడ తెలియరాలేదు. ఇటీవల ఫోన్‌లో ఎవరితోనే మాట్లాతుండడంతో తల్లిదండ్రులు మందలించారు. తండ్రి ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.

సాక్షి, రంగారెడ్డిజిల్లా: సీఎం రేవంత్‌రెడ్డి జిల్లాలో సోమవారం సుడిగాలి పర్యటన చేశారు. ఒకవైపు ప్రారంభోత్సవాలు.. మరోవైపు శంకుస్థాపనలు.. ఇంకోవైపు సమీక్ష సమావేశాలతో బిజీబిజీగా గడిపారు. సాయంత్రం నాలుగున్నర గంటలకు హెచ్‌ఆర్‌డీ నుంచి హెలీప్యాడ్‌లో బయలుదేరి నేరుగా ఇబ్రహీంపట్నం వినోబానగర్‌లోని ‘అక్టోపస్‌’ క్యాంపస్‌కు చేరుకున్నారు. సాయంత్రం సరిగ్గా ఐదు గంటలకు ఫ్యూచర్‌సిటీ పోలీసు కమిషనరేట్‌ కార్యాలయాన్ని ప్రారంభించారు. ీసీపీ తరుణ్‌జోషిని కుర్చీలో కూర్చొబెట్టారు. శాంతి భద్రతల పరిరక్షణలో ఫ్యూచర్‌సిటీ పోలీసు కమిషనరేట్‌ కీలకంగా వ్యవహరించబోతుందని తెలిపారు. రేడియల్‌ రోడ్డు పరిశీలన సాయంత్రం 5.20 గంటలకు అటు నుంచి నేరుగా హెలీప్యాడ్‌లో బయలుదేరి, రేడియల్‌ రోడ్డు–1 పనులను పరిశీలించారు. సాయంత్రం 6 గంటలకు మీర్‌ఖాన్‌పేటలోని యంగ్‌ ఇండియా స్కిల్‌ వర్సిటీకి చేరుకున్నారు. నిర్మాణాలను పరిశీలించారు. నేషనల్‌ ఇన్‌స్టిట్యూట్‌ ఆఫ్‌ అర్బన్‌ మేనేజ్‌మెంట్‌ (ఎన్‌ఐయూఎం)కు శంకుస్థాపన చేశారు. అక్కడే ఫ్యూచర్‌సిటీ డెవలప్‌మెంట్‌ అథారిటీ అధికారులతో సమీక్ష సమావేశం ఏర్పాటు చేశారు. డిసెంబర్‌లో నిర్వహించనున్న గ్లోబల్‌ సమ్మిట్‌ సహా ఏర్పాట్లు, రేడియల్‌ రోడ్డు నిర్మాణం వంటి పనులపై సమీక్షించారు. రోడ్డు పనుల్లో మరింత వేగం పెంచాలని ఆదేశాలు జారీ చేశారు. భారత్‌ ఫ్యూచర్‌సిటీకి సంబంధించిన సమగ్ర మాస్టర్‌ప్లాన్‌ సిద్ధం చేయాలని సూచించారు. ఎఫ్‌సీడీఏ వద్దే ఎన్‌ఐయూఎంకు శంకుస్థాపన సీఎం పర్యటన షెడ్యూల్‌ ప్రకారం రూ.200 కోట్ల పెట్టుబడితో 20 ఎకరాల విస్తీర్ణంలో నిర్మించతలపెట్టిన ఎన్‌ఐయూఎం నేట్‌ జీరో ప్రాంగణానికి కుర్మిద్దలో శంకుస్థాపన చేయాల్సి ఉంది. రైతుల ఆందోళనలు, క్షేత్రస్థాయి పరిస్థితుల నేపథ్యంలోఎఫ్‌సీడీఏ భవనం వద్దే ఆ భవనానికి శంకుస్థాపన చేశారు. సీఎం రాక సందర్భంగా అటు ఇబ్రహీంపట్నంలోనూ, ఇటు మీర్‌ఖాన్‌పేటలోనూ భారీ పోలీసు బందోబస్తు ఏర్పాటు చేశారు. శిలాఫలకాన్ని ఆవిష్కరించి సీపీని కుర్చీలో కూర్చోబెట్టిన సీఎం నేషనల్‌ ఇన్‌స్టిట్యూట్‌ ఆఫ్‌ అర్బన్‌ మేనేజ్‌మెంట్‌కు శంకుస్థాపన రేడియల్‌రోడ్డు, యంగ్‌ ఇండియా స్కిల్‌ వర్సిటీ పనుల పరిశీలన గ్లోబల్‌ సమ్మిట్‌–2026 ఏర్పాట్లపై అధికారులతో సమీక్ష

షాద్‌నగర్‌: షార్ట్‌సర్క్యూట్‌తో అర్ధరాత్రి పరిశ్రమలో మంటలు చెలగేరి భారీగా ఆస్తినష్టం సంభవించింది. ఈ ఘటన నందిగామ మండలం మేకగూడ శివారులో చోటు చేసుకుంది. వివరాలివీ.. శ్రీనాథ్‌ స్లీప్‌ ప్రొడక్ట్స్‌ పరిశ్రమలో బెడ్స్‌ తయారు చేస్తున్నారు. ఆదివారం అర్ధరాత్రి పరిశ్రమలో షార్ట్‌ సర్క్యూట్‌ కారణంగా మంటలు చెలరేగాయి. పరిశ్రమలో ఉన్న బెడ్స్‌తో పాటు యంత్రాలు అగ్నికి ఆహుతయ్యాయి. సమాచారం అందుకున్న షాద్‌నగర్‌, మహేశ్వరం అగ్నిమాపక సిబ్బంది వెంటనే ఫైర్‌ ఇంజన్లతో ఘటనా స్థలానికి చేరుకొని ఐదుగంటలపాటు శ్రమించి మంటలను అదుపులోకి తీసుకొచ్చారు. సీఐ నాగార్జునరెడ్డి, ఎస్‌ఐ సుశీల సహాయక చర్యలు చేపట్టారు. రూ.కోట్లలో నష్టం జరిగిందని పరిశ్రమ నిర్వాహకులు తెలిపారు.

సాక్షి, రంగారెడ్డి: గ్లోబల్‌ సమ్మిట్‌ ఏర్పాట్లు అంతర్జాతీయ స్థాయిలో ఉండాలని ముఖ్యమంత్రి రేవంత్‌రెడ్డి అధికారులను ఆదేశించారు. 120 దేశాల నుంచి వచ్చే పారిశ్రామికవేత్తలను ఆకట్టుకునేలా ఉండాలని సూచించారు. నవంబర్‌ నెలాఖరులోగా గ్లోబల్‌ సమ్మిట్‌ ఏర్పాట్లను పూర్తి చేయాలని అధికారులను ఆదేశించారు. ‘ఇది కేవలం వ్యాపార సదస్సు మాత్రమే కాదు. తెలంగాణ రాజకీయ, ఆర్థిక ముఖచిత్రాన్ని మార్చే చారిత్రక వేదికగా నిలుస్తుంది. అందుకే సమ్మిట్‌ ఏర్పాట్లపై ఇప్పటినుంచే ప్రణాళికాబద్ధంగా ముందుకు వెళ్లాలి..’ అని చెప్పారు.యంగ్‌ ఇండియా స్కిల్స్‌ యూనివర్సిటీ నిర్మాణ పనుల్లో వేగం పెంచాలని, వీలైనంత త్వరగా పనులు పూర్తయ్యేలా చూడాలని సూచించారు. సోమవారం భారత్‌ ఫ్యూచర్‌ సిటీలో పర్యటించిన ముఖ్యమంత్రి యంగ్‌ ఇండియా స్కిల్స్‌ యూనివర్సిటీ నిర్మాణ పనులను పరిశీలించారు. డిసెంబర్‌ 7 నుంచి 9 వరకు భారత్‌ ఫ్యూచర్‌ సిటీ వేదికగా జరగనున్న ‘ఇన్వెస్ట్‌ తెలంగాణ గ్లోబల్‌ సమ్మిట్‌ 2026’ ఏర్పాట్లపై అధికారులకు పలు కీలక సూచనలు చేశారు.15 రోజుల్లో పూర్తవ్వాలి.. ‘యంగ్‌ ఇండియా స్కిల్స్‌ యూనివర్సిటీ ప్రాంగణంలో ‘మీ పెట్టుబడులకు మాది భరోసా’ పేరిట ఈ సదస్సు జరగనున్న నేపథ్యంలో యూనివర్సిటీ నిర్మాణ పనులు త్వరగా పూర్తి చేసి సమ్మిట్‌ ఏర్పాట్లపై కసరత్తు చేయాలి. నిర్దేశిత గడువుకు పదిహేను రోజుల ముందుగానే పనులు పూర్తయ్యేలా చూడాలి. అవసరమైతే సిబ్బంది సంఖ్యను పెంచాలి. బహిరంగ ప్రాంగణ పనులను నవంబర్‌ 15లోగా పూర్తి చేసేందుకు చర్యలు తీసుకోవాలి.గ్లోబల్‌ సమ్మిట్‌ ఏర్పాట్లకు సంబంధించి అధికారులు ఒక కమిటీని నియమించుకుని ఎప్పటికప్పుడు పర్యవేక్షించాలి. స్కిల్స్‌ వర్సిటీకి ఎదురుగా ఉన్న 15 ఎకరాల విస్తీర్ణంలో ఏర్పాట్లు చేయాలి. భూమి ఎత్తు పల్లాలను చదును చేసి, పరిసర ప్రాంతాలను అందంగా ముస్తాబు చేయాలి. సమ్మిట్‌ ప్రారంభం నాటికి మీర్‌ఖాన్‌పేట నుంచి స్కిల్స్‌ వర్సిటీ వరకు రోడ్డు పనులను పూర్తి చేయాలి. కుర్మిద్ద తండా రోడ్డు పనులు కూడా వేగంగా పూర్తి చేయాలి. ఏర్పాట్ల విషయంలో ఎట్టి పరిస్థితుల్లోనూ రాజీ పడొద్దు..’ అని ముఖ్యమంత్రి ఆదేశించారు. ఎన్‌ఐయూఎంకు శంకుస్థాపనకురి్మద్దలో రూ.200 కోట్ల పెట్టుబడితో 20 ఎకరాల విస్తీర్ణంలో నిర్మించతలపెట్టిన నేషనల్‌ ఇన్‌స్టిట్యూట్‌ ఆఫ్‌ అర్బన్‌ మేనేజ్‌­మెంట్‌ (ఎన్‌ఐయూఎం)కు మీర్‌ఖాన్‌పేటలోని ఫ్యూచర్‌సిటీ డెవలప్‌మెంట్‌ అ«థారిటీ (ఎఫ్‌సీడీఏ) భవనం సమీపంలో సీఎం శంకుస్థాపన చేశారు. అనంతరం ఎఫ్‌సీడీఏ అధికారుల­తో సమీక్షించారు. సాయంత్రం 4 గంటలకు ఆక్టోపస్‌కు వచ్చి­న రేవంత్‌.. రాత్రి 8 గంటల వరకు ఫ్యూచర్‌సిటీ పరిసర ప్రాంతాల్లోనే కలియతిరిగారు. అధికారులతో సమీక్ష నిర్వహించారు.ఫ్యూచర్‌ సిటీ కమిషనరేట్‌ ప్రారంభంభారత్‌ ఫ్యూచర్‌ సిటీని సందర్శించే ముందు ఇబ్రహీంపట్నంలో నూతనంగా నిర్మించిన ఫ్యూచర్‌ సిటీ పోలీస్‌ కమిషనరేట్‌ భవనా­న్ని సీఎం ప్రారంభించారు. భవనంలోని కమిషనర్‌ ఆఫ్‌ పోలీస్‌ కార్యాలయాన్ని ప్రారంభించి తరుణ్‌ జోషికి శుభాకాంక్షలు తెలిపా­రు. ఈ కార్యక్రమాల్లో శాసనమండలి చీఫ్‌ విప్‌ పట్నం మహేందర్‌రెడ్డి, ఎంపీలు వేం నరేందర్‌ రెడ్డి, మల్లు రవి, చామ­ల కిరణ్‌కుమార్‌ రెడ్డి, ఎమ్మెల్యేలు మల్‌రెడ్డి రంగారెడ్డి, వీర్లపల్లి శంకర్, ప్రకాష్‌ గౌడ్, కాలె యాదయ్య, వివిధ కార్పొరేషన్ల చైర్మ­న్లు, డీజీపీ సీవీ ఆనంద్, ఉన్నతాధికారులు పాల్గొన్నారు.ఇదీ చదవండి: TG: వాతావరణ శాఖ హెచ్చరిక.. మూడురోజులు వర్షాలు?

కోటి రూపాయల నష్టం! మాదాపూర్‌ : మాదాపూర్‌లోని ఎన్‌కన్వెన్షన్‌ సమీపంలో ఆదివారం సాయంత్రం యాంటీ డ్రోన్‌ పరీక్షలకు సంబంధించిన పరికరాలను సిద్ధం చేస్తున్న యూనిస్ట్రింగ్‌ టెక్‌ సొల్యూషన్స్‌లో అగ్నిప్రమాదం సంభవించింది. పోలీసులు తెలిపిన మేరకు.. రక్షణ, సైనిక అవసరాల కోసం యాంటీ డ్రోన్‌ వ్యవస్థలను తయారు చేసి సరఫరా చేసే కంపెనీ ఇది. గోదాములో మంటలు చెలరేగడంతో భయాందోళనకు గురైన కంపెనీ ఉద్యోగులు పరుగులు తీశారు. అగ్నిమాపక సిబ్బంది మూడు ఫైర్‌ ఇంజిన్లతో ఘటనా స్థలానికి చేరుకుని మంటలను అదుపులోకి తీసుకువచ్చారు. ఈ ఘటనలో ఎలాంటి ప్రాణనష్టం జరగలేదు. ట్రాన్స్‌ఫార్మర్‌ మరమ్మతుల నిమిత్తం విద్యుత్‌ సరఫరాను నిలిపివేశారు. ఈ కారణంగా కూలింగ్‌ వ్యవస్థపై ప్రభావం పడి బ్యాటరీలు అధికంగా వేడెక్కి మంటలు చెలరేగి (షార్ట్‌ సర్క్యూట్‌ వల్ల) ఉండవచ్చని పోలీసులు అనుమానం వ్యక్తం చేస్తున్నారు. పూర్తి స్థాయిలో తనిఖీలు, దర్యాప్తు అనంతరమే అగ్ని ప్రమాదానికి గల అసలు కారణాలు తెలుపుతామని పోలీసులు తెలిపారు. సుమారుగా కోటి రూపాయల ఆస్తి నష్టం జరిగినట్టు అంచనా వేస్తున్నారు.

పండుగపూటావికారాబాద్‌: తెలంగాణ పండుగ, మహిళలు ఎంతో ఉత్సాహంగా జరుపుకొనే వేడుక బతుకమ్మ. ఏటా రాష్ట్ర ప్రభుత్వం బతుకమ్మ కానుక పేరుతో మహిళలకు చీరలు ఇచ్చేది. రెండేళ్ల నుంచి స్వయం సహాయక సంఘాల సభ్యులకు మాత్రమే ఇస్తున్నారు. ఈ సారి వారికి కూడా ఇవ్వలేదు. జిల్లాకు రెండు లక్షల చీరలు ఆర్డరు పెట్టగా సగం కూడా రాలేదు. ఒకరికి ఇచ్చి మరొకరికి ఇవ్వకపోవడం మంచిది కాదని భావించిన అధికారులు పండుగ తర్వాత పంపిణీ చేయాలని నిర్ణయించారు. చీరలన్నీ యూనిఫామ్‌లా ఒకే రంగులో ఉండటం విమర్శలకు తావిస్తోంది. గతేడాది పాలపిట్ట రంగులో పంపిణీ చేయగా.. ఈ సారి చిలకపచ్చ రంగులో ఉన్నాయి. గత ఏడాది కూడా పండుగ తర్వాతే పంపిణీ చేశారు. ప్రస్తుతం జిల్లాకు వచ్చిన చీరలను గోదాముల్లో భద్రపరిచారు. పూర్తిస్థాయిలో రాకపోవడంతో పంపిణీ తేదీని ఖరారు చేయలేదు. జిల్లాలో 3,54,912 మంది మహిళలు ఓటరు జాబితా ఆధారంగా జిల్లాలో 3,54,912 మంది మహిళలు ఉన్నారు. వీరిలో కొందరు చీరలు తీసుకునేందుకు ఆసక్తి చూపకపోవడంతో ఏటా చాలా వరకు మిగిలిపోతున్నాయి. దీంతో 2,73,000 చీరలు సరిపోతాయని అధికారులు భావించి ఆ మేరకే ఆర్డరు ఇస్తున్నారు. ప్రస్తుతం స్వయం సహాయక సంఘాల సభ్యులకు మాత్రమే పంపిణీ చేయాలని నిర్ణయించడంతో ఇండెంట్‌ తక్కువ చేశారు. రెండు లక్షల చీరలు ఆర్డరు ఇచ్చారు. వికారాబాద్‌ నియోజకవర్గానికి 59,443, పరిగికి 48,028, తాండూరుకు 56,198, కొడంగల్‌కు 34,718 చీరలు ఆర్డురు పెట్టారు. అయితే ఇప్పటి వరకు 85,118 మాత్రమే వచ్చాయి. వాటిని ఆయా కేంద్రాల్లోని గోదాముల్లో భద్రపరిచారు. మరో 1,14,882 రావాల్సి ఉంది. సీ్త్ర శక్తి లోగోతో ముంద్రించి పంపిణీ చేయాలని ప్రభుత్వం నిర్ణయించింది. స్వయం సహాయక సంఘాల సభ్యులకు అందని బతుకమ్మ కానుక కావాల్సిన చీరలు 2లక్షలు వికారాబాద్‌ జిల్లాకు చేరింది 85,118 ఇంకా రావాల్సినవి 1,14,882 యూనిఫామ్‌లా ఒకే రంగులో..

షాబాద్‌: కుటుంబపరమైన సమస్యల కారణంగా ఓ వ్యక్తి ఉరివేసుకుని ఆత్మహత్య చేసుకున్న సంఘటన షాబాద్‌ పోలీస్‌స్టేషన్‌ పరిధిలో చోటుచేసుకుంది. సీఐ డీకే లక్ష్మిరెడ్డి తెలిపిన వివరాల ప్రకారం.. శంషాబాద్‌ మండలం పాలమాకుల గ్రామానికి చెందిన గడ్డంగుల ముర్గేశ్‌ (32) షాబాద్‌లో కూలీ పని చేసుకుంటూ జీవనం సాగిస్తున్నాడు. కుటుంబపరమైన సమస్యల కారణంగా ఆదివారం ఉరివేసుకుని ఆత్మహత్య చేసుకున్నాడు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు. వైద్య విద్యార్థినిని మోసగించిన నిందితుడికి రిమాండ్‌ ఫిలింనగర్‌: వైద్య విద్యార్థినిని ప్రేమ, పెళ్లి పేరుతో మోసం చేసి ముఖం చాటేసిన నిందితుడు గత మూడు నెలలుగా పరారీలో ఉండగా ఫిలింనగర్‌ పోలీసులు ఆదివారం అరెస్టు చేసి రిమాండ్‌కు తరలించారు. వివరాల్లోకి వెళితే.. కొంపల్లి దేవరయాంజల్‌లో నివసించే జోగు హరిబాబు (27) ప్రైవేటు ఉద్యోగం చేస్తున్నాడు. ఏడాది క్రితం కామన్‌ ఫ్రెండ్‌ ద్వారా ఒంగోలులో ఎంబీబీఎస్‌ చదువుతున్న మెడికోతో ఏర్పడిన పరిచయం ప్రేమకు దారితీసింది. పెళ్లి చేసుకుంటానని నమ్మించాడు. గత జులైలో ఆమె పెళ్లి మాట ఎత్తేసరికి నిందితుడు గది ఖాళీ చేసి పరారయ్యాడు. తాను మోసపోయానని తెలుసుకున్న బాధిత మెడికో పోలీసులకు ఫిర్యాదు చేసింది. నిఘా పెట్టిన పోలీసులు నిందితుడిని అరెస్టు చేసి రిమాండ్‌కు తరలించారు. ఫిలింనగర్‌ పోలీసులు కేసు నమోదు చేసుకుని దర్యాప్తు చేస్తున్నారు. చాదర్‌ఘాట్‌: సైదాబాద్‌ స్టీల్‌ బ్రిడ్జి వద్ద జరిగిన రోడ్డు ప్రమాదంలో ఓ యువకుడు మృతి చెందాడు. చాదర్‌ఘాట్‌ పోలీసులు తెలిపిన మేరకు.. పల్టన్‌కు చెందిన విద్యార్థి పవన్‌ (20) స్నేహితుడితో కలిసి శనివారం అర్ధరాత్రి తన ద్విచక్ర వాహనంపై వెళ్తున్నాడు. సైదాబాద్‌ స్టీల్‌బ్రిడ్జ్‌ ప్రారంభం వద్ద వేగంగా వెళ్తూ టిప్పర్‌ లారీ సమీపంలో కట్‌ తీసుకునే ప్రయత్నం చేశాడు. ఆ సమయంలో మరో వాహనాన్ని ఢీకొట్టి ఇద్దరూ కిందపడిపోయారు.తీవ్ర గాయాలతో పవన్‌ అక్కడికక్కడే మృతి చెందాడు. గాయాలైన మరో యువకుడిని చికిత్స నిమిత్తం పోలీసులు ఉస్మానియా ఆసుపత్రికి తరలించారు.

ఉప్పల్‌: ఉప్పల్‌ నుంచి నారపల్లి వరకు వరంగల్‌ జాతీయ రహదారిపై చేపట్టిన ఎలివేటెడ్‌ కారిడార్‌ నిర్మాణ పనులను వెంటనే పూర్తి చేయాలని డిమాండ్‌ చేస్తూ సీపీఎం ఆధ్వర్యంలో ఆదివారం ఉప్పల్‌ రింగ్‌రోడ్డులో నిరసన చేపట్టారు. సీపీఎం మేడ్చల్‌ జిల్లా కార్యదర్శి సత్యం మాట్లాడుతూ.. ఎలివేటెడ్‌ కారిడార్‌ పనులను పూర్తి చేసేందుకు గడువులు ప్రకటించడం కాదని, వాస్తవంగా ఎప్పటిలోగా పనులు పూర్తిచేస్తారో ప్రభుత్వం స్పష్టం చేయాలని డిమాండ్‌ చేశారు. గతంలో మంత్రి కోమటిరెడ్డి వెంకట్‌రెడ్డి.. 2026 దసరా నాటికి పూర్తి చేస్తామని ప్రకటించారని గుర్తుచేశారు. ఇప్పుడు మరోసారి మాట మార్చి 2027 జూన్‌ నాటికి పూర్తి చేస్తామని చెప్పడం ప్రజలను నిరాశకు గురిచేస్తోందని విమర్శించారు. సీపీఎం మేడ్చల్‌ జిల్లా కార్యదర్శివర్గ సభ్యులు కోమటి రవి, వినోద్‌, అశోక్‌ పాల్గొన్నారు. ఉప్పల్‌ రింగ్‌రోడ్డులో సీపీఎం నిరసన

యాచారం: పొట్టకూటి కోసం పట్నం వలసవెళ్లిన కుటుంబం బతుకమ్మ సంబరాలు, దసరా పండుగ కోసం స్వగ్రామానికి బైక్‌పై వస్తున్నారు. మార్గ మధ్యలో బతుకమ్మను పేర్చడానికని పూలు కొనుగోలు చేస్తుండగా వేగంగా వచ్చిన మరో బైక్‌ ఢీకొట్టడంతో మహిళ అక్కడికక్కడే మృతి చెందింది. వివరాలివీ.. మండల పరిధిలోని నక్కర్తమేడిపల్లికి చెందిన కొంగళ్ల పద్మ(45) మల్లేష్‌ దంపతులు కొన్నేళ్లుగా పొట్టకూటి కోసం నగరంలోని బండంగ్‌పేటలో అద్దె ఇంటిని తీసుకుని నివాసం ఉంటున్నారు. దసరా పండుగ కోసమని ఆదివారం సాయంత్రం స్వగ్రామానికి బైక్‌పై బయలుదేరారు. చౌదర్‌పల్లి గేట్‌ సమీపంలోని పెట్రోల్‌ బంకు వద్దకు రాగానే బతుకమ్మను పేర్చడానికని పూలు కొనుగోలు చేయడానికని ఆగారు. పూలు కొని తిరిగి బైక్‌ ఎక్కుతుండగా ఇబ్రహీంపట్నం నుంచి యాచారం వైపు అతి వేగంగా వస్తున్న మరో బైక్‌ బలంగా ఢీకొట్టింది. ఈ ప్రమాదంలో కిందపడిపోయిన పద్మ తలకు తీవ్ర గాయాలై అక్కడికక్కడే మృతి చెందింది. మరికొద్ది నిమిషాల్లో స్వగ్రామానికి చేరుకుంటామనే సంతోషంలో ఉన్న భార్య తన కళ్ల ముందే మృతి చెందడంతో భర్త మల్లేష్‌ రోదించిన తీరు కంటతడి పెట్టించింది. మృతదేహన్ని పోస్టుమార్టం నిమిత్తం ఇబ్రహీంపట్నం ప్రభుత్వాస్పత్రికి తరించారు. యాచారం పోలీసులు కేసు నమోదు చేసి దర్యాప్తు చేస్తున్నారు. రోడ్డు ప్రమాదంలో మహిళ మృతి

సాక్షి, సిటీబ్యూరో: డిజిటల్‌ అరెస్టు పేరుతో సైబర్‌ నేరాలకు పాల్పడుతున్న బెంగళూరు వ్యక్తికి సహకరిస్తున్న ఇద్దరు నగర వ్యాపారులను సిటీ సైబర్‌ క్రైమ్‌ పోలీసులు అరెస్టు చేశారు. మ్యూల్‌ ఖాతాలు అందించిన ఈ ద్వయం వాటిలో డిపాజిట్‌ అయిన నగదును సూత్రధారికి చేర్చేదని అదనపు సీపీ ఎం.శ్రీనివాసులు ఆదివారం వెల్లడించారు. పరారీలో ఉన్న ప్రధాన మరో నిందితుడి కోసం గాలిస్తున్నట్లు ఆయన పేర్కొన్నారు. వాట్సాప్‌ ద్వారా ఏర్పడిన పరిచయం... అమీర్‌పేట ప్రాంతానికి చెందిన హమ్మద్‌ అష్ఫాక్‌ హుస్సేన్‌, అహ్మద్‌ నజీబ్‌ ఉద్దీన్‌ చిన్న వ్యాపారులు. తీవ్ర ఆర్థిక ఇబ్బందులు ఎదుర్కొంటున్న సమయంలో హుస్సేన్‌కు వాట్సాప్‌ ద్వారా బెంగళూరుకు చెందిన సచిన్‌తో పరిచయమైంది. డిజిటల్‌ అరెస్ట్‌ నేరాలు ద్వారా బాధితుల నుంచి సేకరించిన డబ్బును వివిధ బ్యాంకు ఖాతాల్లోకి మళ్లించి, ఆ లావాదేవీల ఆనవాళ్లను దాచిపెట్టేందుకు సచిన్‌ ఓ పథకాన్ని రూపొందించాడు. బాధితులు ఓ ఖాతాలో డిపాజిట్‌ చేసిన మొత్తాన్ని విత్‌డ్రా చేయించి, క్యాష్‌ డిపాజిట్‌ మెషీన్ల ద్వారా మరో ఖాతాలో జమ చేయిస్తే పోలీసుల దర్యాప్తు కష్టసాధ్యం అవుతుందని నిర్ణయించారు. హుస్సేన్‌ ద్వారా రంగంలోకి నజీబ్‌... ఈ విషయన్ని ముస్సేన్‌కు చెప్పిన సచిన్‌ అందుకు సహకరించాలని, ప్రతిఫలంగా కమీషన్‌ ఇస్తానని చెప్పాడు. దీనికి అంగీకరించిన అతగాడు నజీబ్‌ నుంచి బ్యాంకు ఖాతాలు (మ్యూల్‌ అకౌంట్స్‌) సేకరించి ఆ వివరాలు సచిన్‌కు పంపాడు. సైబర్‌ మోసాల ద్వారా పొందిన డబ్బును సచిన్‌ ఈ బ్యాంకు ఖాతాల్లోకి బదిలీ చేసేవాడు. ఆ తర్వాత నగర ద్వయం ఆ డబ్బును చెక్కుల ద్వారా విత్‌డ్రా చేసేవారు. ఆ మొత్తంలో తమ కమీషన్‌ మినహాయించుకుని మిగిలింది సచిన్‌ సూచించిన వివిధ బ్యాంకు ఖాతాల్లో క్యాష్‌ డిపాజిట్‌ మెషీన్ల ద్వారా జమ చేసేవారు. ఈ డబ్బుతో క్రిప్టోకరెన్సీ కొనుగోలు చేసే సచిన్‌ ఆపై దాన్ని ఆన్‌లైన్‌లో సాధారణ కరెన్సీగా మార్పిడి చేసుకునే వాడు. మాజీ ప్రభుత్వ ఉద్యోగి కేసుతో... నగరానికి చెందిన ఓ రిటైర్డ్‌ ఉద్యోగికి (63) గత ఏడాది మార్చి 3న సైబర్‌ నేరగాళ్ల నుంచి ఫోన్‌ వచ్చింది. ఢిల్లీ పోలీసు, సీబీఐ, ఈడీ పేర్లు చెప్పిన కేటుగాళ్లు రూ.6.8 కోట్ల మనీలాండరింగ్‌ కేసులో ప్రమేయమని భయపెట్టారు. ఆపై డిజిటల్‌ అరెస్టు చేస్తున్నట్లు భయపెట్టి రకరకాల పేర్లతో బాధితుడి నుంచి రూ.29.17 లక్షలు స్వాహా చేశారు. దీనిపై సిటీ సైబర్‌ క్రైమ్‌ ఠాణాలో నమోదైన కేసును ఏసీపీ ఆర్‌జీ శివమారుతి పర్యవేక్షణలో ఇన్‌స్పెక్టర్‌ కె.నారాయణరెడ్డి దర్యాప్తు చేశారు. నగదు లావాదేవీలకు వినియోగించిన బ్యాంకు ఖాతాల ఆధారంగా ఇద్దరు నగరవాసుల్ని అరెస్టు చేశారు. పరారీలో ఉన్న సచిన్‌ కోసం ముమ్మరంగా గాలిస్తున్నారు. వీరిపై దేశ వ్యాప్తంగా 16 కేసులు నమోదై ఉన్నట్లు గుర్తించారు. వాటిలో పడిన నగదు సూత్రధారులకు చేరవేత ప్రతిఫలంగా కమీషన్‌ రూపంలో భారీ మొత్తం ఇద్దరు నగర వ్యాపారులకు చెక్‌ చెప్పిన పోలీసులు పరారీలో ఉన్న బెంగళూరు వ్యక్తి కోసం గాలింపు

సైబరాబాద్‌ లో వీకెండ్‌ స్పెషల్‌ డ్రంక్‌ అండ్‌ డ్రైవ్‌ సాక్షి, సిటీబ్యూరో: సైబరాబాద్‌ పోలీస్‌ కమిషనరేట్‌ పరిధిలో వీకెండ్‌ స్పెషల్‌ డ్రంక్‌ అండ్‌ డ్రైవ్‌లో భాగంగా సైబరాబాద్‌ ట్రాఫిక్‌ పోలీసులు విస్తృతంగా డ్రంక్‌ అండ్‌ డ్రైవ్‌ తనిఖీలు చేపట్టారు. ఈ డ్రైవ్‌లో భాగంగా 320 మందిని అదుపులోకి తీసుకొని కేసులు నమోదు చేశారు. ఇందులో 265 ద్విచక్ర వాహనదారులు, 16 ఆటోలు, 38 కార్లు, 1 హెవీ వాహనదారులపై కేసులు నమోదయ్యాయి. వీరందరినీ చట్టపరంగా కోర్టుకు హాజరుపర్చనున్నట్లు సంబంధిత పోలీసు అధికారులు తెలిపారు. మద్యం సేవించి డ్రైవింగ్‌ చేయటం తీవ్రమైన నేరమని సైబరాబాద్‌ పోలీసులు పునరుద్ఘాటించారు. దిల్‌సుఖ్‌నగర్‌: ఆర్‌కేపురంలోని కుర్తాళం పీఠం శ్రీ వారాహి దశమహావిద్య పరివార సమేత శ్రీ ప్రత్యంగిరా పరమేశ్వరి ఆలయాన్ని ఆదివారం నగర సీపీ సజ్జనర్‌ కుటుంబ సభ్యులతో కలిసి దర్శించుకున్నారు. ఈ సందర్భంగా ఆయన ప్రత్యేక పూజలు నిర్వహించారు. అనంతరం ఆలయ సెక్రటరీ మునిపల్లె శ్రీనివాస్‌, సువర్ణలత దంపతులు సీపీకి జ్ఞాపికను అందచేసి సన్మానించారు. దేవీ శరన్నవరాత్రుల సందర్భంగా ఆలయంలో నిత్యం కుంకుమార్చన, పారాయణాలు, హారతుల సేవలు జరుగుతున్నాయని శ్రీనివాస్‌ పేర్కొన్నారు.

కడ్తాల్‌: రోడ్డు ప్రమాదంలో ఓ మహిళ మృతి చెందింది. స్థానికులు, పోలీసులు తెలిపిన వివరాల ప్రకారం.. మహారాష్ట్రకు చెందిన ఇస్లావత్‌ అనుసూజ (55) ఇరవై ఏళ్ల క్రితం కుటుంబంతో వలస వచ్చి మండల కేంద్రంలో నివాసం ఉంటోంది. ఓ హోటల్‌లో దినసరి కూలీగా పనిచేస్తూ కుటుంబానికి తోడుగా ఉంటోంది. రోజు మాదిరిగానే అనుసూజ ఆదివారం తెల్లవారుజామున హోటల్‌కు వెళ్లి జాతీయ రహదారిపై నడుచుకుంటూ వెళ్తుండగా బస్టాండ్‌ సమీపంలో కల్వకుర్తి నుంచి హైదరాబాద్‌ వైపు వెళ్తున్న బొలెరో వాహనం వెనుక నుంచి బలంగా ఢీకొట్టింది. దీంతో ఆమెకు తీవ్రగాయాలు కాగా గమనించిన స్థానికులు పోలీసులు, కుటుంబ సభ్యులకు సమాచారం అందించారు. వెంటనే చికిత్స నిమిత్తం కల్వకుర్తి ప్రభుత్వ ఆస్పత్రికి తరలించారు. మెరుగైన చికిత్స కోసం హైదరాబాద్‌లోని ఉస్మానియా ఆస్పత్రికి తరలించారు. చికిత్స పొందుతూ మృతి చెందింది. మృతురాలి కుమారుడు ఇస్లావత్‌ రాజు ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు సీఐ సైదిరెడ్డి తెలిపారు.

కుల్కచర్ల: బంజార ప్రజలు రాజ్యాధికారం దిశగా ముందుకు సాగాలని పరిగి, తాండూరు ఎమ్మెల్యేలు రామ్మోహన్‌ రెడ్డి, మనోహర్‌ రెడ్డి అన్నారు. ఆదివారం మండలంలోని దాస్యనాయక్‌ తండాలో బంజారా సేవాదళ్‌ వ్యవస్థాపక అధ్యక్షుడు అజయ్‌ నాయక్‌ ఆధ్వర్యంలో దాస్యనాయక్‌ విగ్రహాన్ని ఆవిష్కరించారు. ఈ సందర్భంగా వారు మాట్లాడుతూ.. గతంలో ఒక గిరిజన ఆవాసం మొత్తం రాజకీయాలకు అతీతంగా దాస్యనాయక్‌ అనే వ్యక్తి చేతుల్లో ఉంటూ మంచి చెడులు చూసుకునే వారని, వారి ఐక్యతను మనం స్ఫూర్తిగా తీసుకోవాలన్నారు. బంజార ప్రజలు అన్ని రంగాల్లో రాణించాల్సిన అవసరం ఉందన్నారు. గిరిజన ఆవాసాల అభివృద్ధికి ప్రభుత్వం ప్రత్యేక కృషి చేస్తోందని తెలిపారు. కార్యక్రమంలో గిరిజన ఉద్యోగుల సంఘం రాష్ట్ర అధ్యక్షుడు రాంచందర్‌, ఎంఈఓ హరిశ్చందర్‌, హరిలాల్‌, సర్పంచ్‌ కవితరాజు, సర్పంచుల సంఘం మాజీ అధ్యక్షుడు శంకర్‌ నాయక్‌, పీఏసీఎస్‌ చైర్మన్‌ భీంరెడ్డి, ఏఎంసీ చైర్మన్‌ ఆంజనేయులు, ఘట్యనాయక్‌, పరిగి ఆర్టీసీ డిపో కార్మిక సంఘం అధ్యక్షుడు పెంటయ్య, నాయకులు చంద్రయ్య, విఠల్‌ నాయక్‌ తదితరులు పాల్గొన్నారు. బంజారాలు రాజ్యాధికారం దిశగా ముందుకు సాగాలి పరిగి, తాండూరు ఎమ్మెల్యేలు రామ్మోహన్‌ రెడ్డి, మనోహర్‌ రెడ్డి

● కమీషన్ల పేరుతో కాజేసిన నిందితులు ● ముఠాగుట్టు రట్టు చేసిన పోలీసులు కందుకూరు: విల్లాలో నివసించే సీనియర్‌ సిటిజన్స్‌కు కమీషన్లపై అధిక రుణాలు ఇప్పిస్తామని, మార్కెట్‌ రేటు కంటే తక్కువ ధరకే బంగారం ఇప్పిస్తామని డబ్బులు వసూలు చేసి మోసం చేసిన ముఠాను పోలీసులు కటకటాల్లోకి నెట్టారు. సీఐ రాఘవేందర్‌రెడ్డి కథనం ప్రకారం మహేశ్వరం మండలం తుమ్మలూరు సమీపంలోని మ్యాక్‌ ప్రాజెక్టు విల్లా, ప్రజయ్‌ విల్లాల్లో నివసించే సీనియర్‌ సిటిజన్స్‌ను లక్ష్యంగా చేసుకొని హైదరాబాద్‌ ఆసిఫ్‌నగర్‌, అత్తాపూర్‌కు చెందిన షమీనా బేగం, ఫాతిమా, మహ్మద్‌ కలిసి రూ.10 లక్షల కమీషన్‌ ఇస్తే రూ.కోటి రుణం, రూ.20 లక్షలు ఇస్తే రూ.2 కోట్ల రుణం ఇప్పిస్తామని, మార్కెట్‌ రేటు కంటే తక్కువ ధరకే బంగారం ఇప్పిస్తామని నమ్మబలికారు. వారి నుంచి భారీ మొత్తంలో వసూలు చేశారు. ఇచ్చిన నోట్లలో ఫేక్‌ ఉన్నాయని బ్లాక్‌మెయిల్‌ చేసి మరిన్ని వసూలు చేశారు. బంగారం ఎయిర్‌పోర్టులో కస్టమ్స్‌ అధికారులు పట్టుకున్నారని, లంచం ఇస్తే బయటకు వస్తుందని మాయమాటలు చెప్పి మరోసారి వసూలు చేశారు. పలుమార్లు బాధితులు నిలదీయగా కాలయాపన చేయడంతో పాటు బెదిరింపులు, బ్లాక్‌మెయిల్‌కి గురి చేయడం ప్రారంభించారు. దీంతో మోసపోయామని గ్రహించిన బాధితులు ఈనెల 9న పోలీసులను ఆశ్రయించారు. పోలీసులు కేసు నమోదు చేసి దర్యాప్తు చేపట్టారు. షమీనా బేగం, ఫాతిమా, మహ్మద్‌ను అత్తాపూర్‌లో అదుపులోకి తీసుకొని విచారించగా నేరం అంగీకరించారు. నిందితుల నుంచి సుమారు రూ.35 లక్షల నగదు, సెల్‌ఫోన్‌, ఆటో స్వాధీనం చేసుకొని కోర్టులో హాజరుపర్చి రిమాండ్‌కు తరలించారు. కేసు ఛేదనలో కీలకంగా వ్యవహరించిన ఎస్‌ఐలు, కానిస్టేబుళ్లను సీఐ అభినందించారు.

చేవెళ్ల: పండుగల సాయన్న జయంతి వేడుకలను ఈనెల 22న ఘనంగా నిర్వహించుకోవాలని ముదిరాజ్‌ కార్పారేషన్‌ చైర్మన్‌ బొర్ర జ్ఞానేశ్వర్‌ముదిరాజ్‌ పిలుపునిచ్చారు. చేవెళ్లలో ఆదివారం ఆయన ముదిరాజ్‌ సంఘం నాయకులతో సమావేశమయ్యారు. ఈ సందర్భంగా మాట్లాడుతూ.. పండుగల సాయన్న జయంతిని ప్రభుత్వం అధికారికంగా నిర్వహించడం సంతోషకరమని అన్నారు. ముదిరాజ్‌ల సమస్యలపై ప్రభుత్వంతో చర్చించి పరిష్కరించేందుకు కృషి చేస్తానని తెలిపారు. కార్యక్రమంలో ముదిరాజ్‌ సంఘం జిల్లా అధ్యక్షుడు తలారి మల్లేశ్‌, మండల అధ్యక్షుడు నర్సింలు, యువజన సంఘం అధ్యక్షుడు తెలుగు శ్రీనివాస్‌, ఊరడి నర్సింలు, రాంప్రసాద్‌, గోపాల్‌, శంకర్‌పల్లి అధ్యక్షుడు మైసయ్య, షాబాద్‌ అధ్యక్షుడు గోపాల వెంకటేశ్‌, జనార్దన్‌ పాల్గొన్నారు. మంచాల: పండుగ పేరుతో రాష్ట్రపక్షి పాలపిట్టను బంధించి హింసిస్తే చట్ట పరంగా కఠిన చర్యలు తీసుకుంటామని అటవీ శాఖ సెక్షన్‌ ఆఫీసర్‌ చంద్రశేఖర్‌ అన్నారు. మండల కేంద్రంలోని పోలీస్‌స్టేషన్‌లో ఆదివారం సీఐ మధు ఆధ్వర్యంలో వాల్‌పోస్టర్‌ ఆవిష్కరించారు. ఈ సందర్భంగా ఆయన మాట్లాడుతూ.. దసరా పండుగ రోజు పాలపిట్టను చూడాలని పట్టుకోవాలని ప్రయత్నం చేయడం సరైంది కాదన్నారు. కొంతమంది ప్రజల సందర్శనార్థం పట్టుకొచ్చి గ్రామాల్లో ప్రదర్శిస్తారని, ఇలాంటివి చేయకూడదన్నారు. వన్యప్రాణి చట్టం కింద కేసులు నమోదు చేసి చర్యలు తీసుకుంటామని హెచ్చరించారు. కార్యక్రమంలో అటవీశాఖ సిబ్బంది జంగారావు, మహేందర్‌ తదితరులు పాల్గొన్నారు. కుల్కచర్ల: విద్యావంతులతోనే వ్యవస్థలో మార్పు వస్తుందని చేవెళ్ల ఎంపీ కొండా విశ్వేశ్వర్‌ రెడ్డి అన్నారు. ఆదివారం మండల కేంద్రంలోని బీజేపీ కార్యాలయంలో కార్యకర్తల సమావేశం నిర్వహించారు. ఈ సందర్భంగా ఆయన మాట్లాడుతూ.. పట్టభద్రులు ఓటు హక్కును వినియోగించుకొని ఉత్తమ వ్యక్తికి చట్టసభల్లో అవకాశం కల్పించాలని కోరారు. పార్టీ కార్యక ర్తలు ఎన్నికలకు సిద్ధంగా ఉండాలన్నారు. అనంతరం గ్రామంలో కొనసాగుతున్న పోచమ్మ తల్లి ఆలయ ధ్వజస్తంభ ప్రతిష్ఠాపన వేడుకల్లో పాల్గొని పూజలు చేశారు. కార్యక్రమంలో పార్టీ జిల్లా కన్వీనర్‌ కరణం ప్రహ్లాద్‌రావు, జిల్లా అధ్యక్షుడు రమేష్‌, మండల అధ్యక్షుడు వెంకటయ్య, పార్టీ రాష్ట్ర నాయకులు శరత్‌కుమార్‌ రెడ్డి, ఘనపురం వెంకటయ్య గౌడ్‌, దిశ కమిటీ జిల్లా సభ్యులు జానకీరాం, మహిళా మోర్చా జిల్లా అధ్యక్షురాలు పట్లోళ్ల సౌమ్యారెడ్డి తదితరులు పాల్గొన్నారు. అనంతగిరి: వికారాబాద్‌ పట్టణంలోని ఏఆర్‌ హెడ్‌ క్వార్టర్స్‌లో ఆదివారం ఎస్పీ స్నేహమెహ్ర ఆధ్వర్యంలో ఆయుధ పూజ నిర్వహించారు. బెల్‌ ఆఫ్‌ ఆర్మ్‌లో భద్రపరిచిన ఆయుధాలు, మందుగుండు సామగ్రి, పోలీసు వాహనాలకు పూజలు చేశారు. కార్యక్రమంలో ఏఎస్పీ రాజేష్‌ మీనా, ఏఆర్‌ డీఎస్పీ వీరేష్‌, ఆర్‌ఐలు, సిబ్బంది తదితరులు పాల్గొన్నారు.

కడ్తాల్‌ బల్క్‌ మిల్క్‌ చిల్లింగ్‌ సెంటర్‌కు గత ఏడాది ఇదే సమయంలో రోజుకు సగటున 25,000 లీటర్ల పాలు వచ్చేవి. ప్రస్తుతం 6,700 లీటర్లకు పడిపోయింది. చంద్రదనలో ఐదు వేల నుంచి 3,800కు, మాడ్గులలో 7,500 నుంచి 6000కు, జైత్వారంలో మూడు వేల నుంచి 2,500కు, చల్లంపల్లిలో ఆరు వేల నుంచి 5,500కు, ఇబ్రహీంపట్నంలో 6,500 నుంచి 5,800 లీటర్లు తగ్గింది. జిల్లాలోని షాద్‌నగర్‌, యాచారం, కందుకూరు, మంచాల మిల్క్‌ చిల్లింగ్‌ కేంద్రాల్లోనూ పాల దిగుబడి, సేకరణ భారీగా తగ్గుముఖం పట్టింది.సాక్షి, రంగారెడ్డిజిల్లా: ప్రస్తుత వర్షాభావ పరిస్థితులు వరి, పత్తి పంటలనే కాదు.. పాల దిగుబడిపై కూడా తీవ్ర ప్రభావం చూపుతున్నాయి. ఇప్పటికే వ్యవసాయ భూములన్నీ రియల్‌ వెంచర్లుగా మారడానికి తోడు ప్రస్తుతం సరైన వర్షాలు లేక, చెరువులు, కుంటలు ఎండిపోయి, భూగర్భజలాలు పాతాళానికి పడిపోయి, బోరు బావుల కింద పశుగ్రాసం సాగు తగ్గిపోయింది. పచ్చిగడ్డి లేకపోవడం, మార్కెట్లో దాణా ధరలు అమాంతం పెరగడంతో డెయిరీల నిర్వాహకులు గేదెలు, ఆవులను పోషించలేక వదిలించుకుంటున్నారు. ఉన్న వాటికి కూడా పచ్చిమే త లేకపోవడంతో ఆశించిన స్థాయిలో పాల దిగుబడి రావడం లేదు. విధిలేని పరిస్థితుల్లో ప్రభుత్వ డెయిరీలు సరిహద్దు రాష్ట్రాలను ఆశ్రయించాల్సి వస్తోంది. గ్రేటర్‌ జిల్లాలకు రోజుకు సగటున 33 లక్షల లీటర్ల పాలు అవసరం కాగా, విజయ, మదర్‌ డెయిరీలతో పాటు హెరిటేజ్‌, తిరుమల, దొడ్ల, అమూల్‌, గోకుల్‌ వంటి 12 ప్రముఖ డెయిరీలు సుమారు 15 నుంచి 20 లక్షల లీటర్ల పాలను మాత్రమే రైతుల నుంచి సేకరిస్తున్నట్లు తెలిసింది. డిమాండ్‌కు సరఫరాకు మధ్య భారీ వ్యత్యాసం ఉండటంతో వ్యాపారులు అడ్డదారులు తొక్కుతున్నారు. కొంత మంది పసిపిల్లలు తాగే పాలను కల్తీ చేస్తుంటే.. మరికొంత మంది ఏకంగా కృత్రిమ పాలను తయారు చేస్తూ ప్రజారోగ్యంతో చెలగాటమాడుతున్నారు. జిల్లాలోని కడ్తాల్‌, కందుకూరు, ఆమనగల్లు, కాటేదాన్‌, షాద్‌నగర్‌, ఇబ్రహీంపట్నం, ముచ్చింతల్‌, పసుమాముల, నాదర్‌గుల్‌ తదితర ప్రాంతాల్లో కల్తీపాల దందా మూడు పువ్వులు, ఆరు కాయలు అన్నట్లు సాగుతోంది. ప్రముఖ బ్రాండ్లకు ఏమాత్రం తీసిపోని విధంగా ప్యాకెట్లను తయారు చేసి, మార్కెట్లోకి వదులుతున్నారు. ఈ పాలను తాగిన పిల్లలు అనారోగ్యానికి గురవుతున్నారు. డెయిరీ పేరు: నార్మూల్‌ మదర్‌ (హయత్‌నగర్‌) ప్లాంటు సామర్థ్యం: 3 లక్షల లీటర్లు పాడి రైతులు : 70,000 మంది గతంలో రోజు సగటు పాలసేకరణ: 1.20 లక్షల లీటర్లు ప్రస్తుత సేకరణ: 13 వేల లీటర్లు తగ్గిన పాలదిగుబడి: 95 వేల లీటర్లు పెండింగ్‌లో ఉన్నబిల్లులు: నాలుగు విడతలు డెయిరీ పేరు: విజయ మెగా (రావిర్యాల) ప్లాంటు సామర్థ్యం: ఐదు లక్షల లీటర్లు పాడి రైతులు: లక్షన్నర మంది రోజు సగటు పాలసేకరణ: 80,000 లీటర్లు ప్రస్తుత సేకరణ: 50,000 లీటర్లు తగ్గిన పాలదిగుబడి: 30,000 లీటర్లు పెండింగ్‌లో ఉన్నబిల్లులు: రెండు విడతలు పచ్చిమేత లేక.. పాలదిగుబడి రాక ప్రభుత్వ డెయిరీలకు తగ్గిన సరఫరా డిమాండ్‌, సరఫరాకు మధ్య తీవ్ర వ్యత్యాసం ‘క్యాష్‌’ చేసుకుంటున్న వ్యాపారులు గుట్టుగా కృత్రిమ పాల తయారీ

● సీఎం పర్యటనకు పటిష్ట భద్రతా ఏర్పాట్లు ● ఫ్యూచర్‌ సిటీ కమిషనర్‌ తరుణ్‌జోషి ఇబ్రహీంపట్నం: ముఖ్యమంత్రి రేవంత్‌రెడ్డి పర్యటన నేపథ్యంలో అన్నిశాఖల అధికారులు సమన్వయంతో పనిచేయాలని ఫ్యూచర్‌ సిటీ కమిషనర్‌ తరుణ్‌జోషి ఆదేశించారు. ఇబ్రహీంపట్నం సమీపంలోని అక్టోపస్‌లో ఫ్యూచర్‌సిటీ పోలీస్‌ కమిషనరేట్‌ ప్రారంభం, యాచారం మండలం కుర్మిద్దలో నేషనల్‌ ఇన్‌స్టిట్యూట్‌ ఆఫ్‌ అర్బన్‌ మేనేజ్‌మెంట్‌ (ఎన్‌ఐయూఎం) నిర్మాణానికి సోమవారం శంకుస్థాపన చేయనున్న నేపథ్యంలో భద్రతా ఏర్పాట్లపై ఆదివారం సీపీ కార్యాలయంలో ఉన్నతస్థాయి సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ.. పటిష్టమైన భద్రతతోపాటు, ట్రాఫిక్‌ ఇబ్బందులు తలెత్తకుండా చర్యలు చేపట్టాలని, ఆయా కార్యక్రమాలు సజావుగా సాగేలా చూడాలని సూచించారు. ఇబ్రహీంపట్నంలోని కమిషనరేట్‌ ప్రారంభోత్సవ బందోబస్తుకు ఇంటెలిజెన్స్‌ సెక్యూరిటీ వింగ్‌ అదనపు ఎస్పీ శ్రీనివాస్‌రావు, డీఎస్పీ డి.కృష్ణను, కుర్మిద్దలోని ఎన్‌ఐయూఎం శంకుస్థాపన భద్రతా పర్యవేక్షణకు అదనపు ఎస్పీ శ్రీనివాస్‌రావు, డీఎస్పీ జనార్దన్‌ను నియమించారు. సమావేశంలో జాయింట్‌ సీపీ చందనా దీప్తి, పోలీసు అధికారులు పాల్గొన్నారు. కాగా, ఇబ్రహీంపట్నం సమీపంలోని అక్టోపస్‌లో నిర్మించిన ఫ్యూచర్‌ సిటీ కమిషనరేట్‌ భవనం ప్రారంభోత్సవానికి సీఎం రానున్న సందర్భంగా ప్రత్యేక పోలీసు బలగాలు ఆ ప్రాంతాన్ని తమ అధీనంలోకి తీసుకున్నాయి.

చేవెళ్ల: విజయదశమిని పురస్కరించుకొని పాలపిట్టను ఎవరైనా బంధించినా, ప్రదర్శించినా చట్టపరమైన చర్యలు తప్పవని చేవెళ్ల డిప్యూటీ రేంజ్‌ ఫారెస్ట్‌ ఽఅధికారి రవికుమార్‌ హెచ్చరించారు. చేవెళ్ల, శంకర్‌పల్లి పోలీస్‌స్టేషన్‌ల పరిధిలో శనివారం పాలపిట్ట సంరక్షణపై ముద్రించిన వాల్‌పోస్టర్లను ప్రదర్శించి ప్రజలకు అవగాహన కల్పించారు. ఈ సందర్భంగా ఆయన మాట్లాడుతూ.. దసరా పండుగకు పాలపిట్టను చూస్తే మంచి జరుగుతుందనే నమ్మకం ఉందని, దీన్ని ఆసరాగా చేసుకొని పాలపిట్టను పట్టుకోవటం, అమ్మడం, ప్రదర్శించడం వన్యప్రాణి సంరక్షణ చట్టం కింద నేరమని తెలిపారు. ఎవరైనా ఇలా చేస్తే టోల్‌ఫ్రీ హెల్ప్‌లైన్‌ 18004255364, 9803338666 నంబర్లకు సమచారం అందించాలని సూచించారు. నిబంధనలు ఉల్లంఘించిన వారిపై క్రిమినల్‌ కేసులు నమోదు చేసి జైలు శిక్ష, జరిమానా విధిస్తామని హెచ్చరించారు.

తాండూరు: కాలనీల్లో అనుమానాస్పద వ్యక్తుల సంచారంపై జాగ్రత్తగా ఉండటంతో పాటు వెంటనే పోలీసులకు సమాచారం అందించాలని తాండూరు డీఎస్పీ నర్సింగ్‌ యాదయ్య సూ చించారు. ఎస్పీ స్నేహ మెహ్ర ఆదేశం మేరకు శనివారం ఉదయం మున్సిపల్‌ పరిఽధిలోని ఎనిమిదో వార్డు రాజీవ్‌ కాలనీలో కమ్యూనిటీ కాంటాక్ట్‌ నిర్వహించారు. పట్టణ సీఐ పరమేశ్వర్‌గౌ డ్‌, రూరల్‌ సీఐ ప్రవీణ్‌కుమార్‌, సబ్‌ డివిజన్‌ పరిఽధిలోని ఎస్సైలు, 95 మంది పోలీసు సిబ్బంది విస్తృతంగా తనిఖీలు చేపట్టారు. సరైన పత్రాలు లేని 33 ద్విచక్రవాహనాలు, 9ఆటోలను సీజ్‌ చేశారు. ఓ అనుమానిత వ్యక్తిని గుర్తించి, అదుపులోకి తీసుకున్నారు. ఈ సందర్భంగా డీఎస్పీ మాట్లాడుతూ.. నేరాల నియంత్రణ, అసాంఘిక కార్యకలాపాల కట్టడికి ప్రజల సహకారం ఎంతో అవసరమన్నారు. వాహనాలకు సంబంధించిన పత్రాలను తప్పనిసరిగా కలిగి ఉండాలని సూచించారు. ఇళ్లకు తాళాలు వేసి బయటకు వెళ్లేటప్పుడు తగిన జాగ్రత్తలు తీసుకోవాలన్నారు. ఎవరూ చట్టాన్ని చేతుల్లోకి తీసుకోవద్దని హెచ్చరించారు. శాంతిభద్రతల పరిరక్షణలో ప్రజల భాగస్వామ్యం కీలకమని తెలిపారు. డీఎస్పీ నర్సింగ్‌ యాదయ్య రాజీవ్‌ కాలనీలో విస్తృతంగా తనిఖీలు సరైన పత్రాలు లేని వాహనాలు స్వాధీనం

ధారూరు: చెరువులో నీళ్లు తాగుడానికి వచ్చిన దుప్పిని చంపి, మాసం వండుకుని తిన్న ఆరుగురు వ్యక్తులపై వన్యప్రాణి పరిరక్షణ చట్టం కింద ఫారెస్ట్‌ అధికారులు కేసు నమోదు చేశారు. వికారాబాద్‌ జిల్లా ధారూరు ఫారెస్టు రేంజర్‌ రాజేందర్‌ తెలిపిన వివరాలు ఉన్నాయి.. మండల పరిధిలోని లక్ష్మీనగర్‌తండాకు చెందిన కిషన్‌నాయక్‌, లక్ష్మణ్‌నాయక్‌ ధారూరు ఫారెస్ట్‌ కంచె సమీపంలో శుక్రవారం రాత్రి అటవీ జంతువుల వేట కోసం ఉచ్చు బిగించారు. అటుగా వచ్చిన ఓ అడవి దుప్పి ఇందులో చిక్కుకుని చనిపోయింది. అర్ధరాత్రి దాటిన తర్వాత కిషన్‌నాయక్‌, రఘు దుప్పిని తీసుకెళ్లి మాంసాన్ని ముక్కలు చేశారు. ఇద్దరూ కొంత తీసుకుని మిగిలినది లక్ష్మణ్‌నాయక్‌, విజయ్‌, చందర్‌, గోపాల్‌కు పంచిపెట్టారు. శనివారం ఉదయాన్నే ఆయా కుటుంబాల వారు మాంసాన్ని వండుకుని తిన్నారు. ఈ మేరకు ఆరుగురు వ్యక్తులపై కేసు నమోదు చేసిన అధికారులు కిషన్‌నాయక్‌ను అదుపులోకి తీసుకుని శనివారం వికారాబాద్‌ కోర్టులో హాజరుపర్చారు. న్యాయమూర్తి ఇతనికి 14 రోజుల పాటు రిమాండ్‌ విధించడంతో పరిగి జైలుకు తరలించారు. మిగిలిన వారు పరారీలో ఉన్నారు. ఒకరి రిమాండ్‌.. పరారీలో ఐదుగురు

కందుకూరు: వర్షాభావంతో ఎండిన పంటలకు ఎకరాకు రూ.25 వేలు నష్టపరిహారం అందించి రైతుల్ని అన్ని విధాలా ఆదుకోవాలని రైతు సంఘం జిల్లా ప్రధానకార్యదర్శి డి.రాంచందర్‌ డిమాండ్‌ చేశారు. మండల పరిధిలోని నేదునూరులో శనివారం రైతు సంఘం, సీపీఎం ఆధ్వర్యంలో ఎండిన పంటలను పరిశీలించారు. అనంతరం అలిఖాన్‌పల్లిలో రైతుల తరఫున పోరాడి ఏర్పాటు చేసిన 100 కేవీ ట్రాన్స్‌ఫార్మర్‌ను పరిశీలించారు. ఈ సందర్భంగా ఆయన మాట్లాడుతూ.. ఎల్‌నినో ప్రభావంతో వర్షాలు లేక సాగు చేసిన పంటలు పూర్తిగా దెబ్బతిన్నాయని అన్నారు. వచ్చిపోయే కరెంట్‌తో పాటు భూగర్భ జలాలు అడుగంటి వరి పొలాలు ఎండిపోతున్నాయన్నారు. కరువును ఆసరా చేసుకుని మిల్లర్లు, వ్యాపారులు బియ్యం ధరలను అమాంతం పెంచేశారని ఆరోపించారు. పేద, మధ్య తరగతి ప్రజలు అవస్థలు పడుతున్నారని ఆందోళన వ్యక్తం చేశారు. ప్రభుత్వం తక్షణ చర్యలు చేపట్టి సమస్యలు పరిష్కరించాలని కోరారు. కార్యక్రమంలో సీపీఎం మండల కమిటీ సభ్యుడు బి.శ్రీనివాస్‌, వ్యవసాయ కార్మిక సంఘం రాష్ట్ర కమిటీ సభ్యుడు వంగూరి యాదయ్య, రైతు సంఘం జిల్లా కమిటీ సభ్యుడు మిద్దె యాదయ్య, సీపీఎం గ్రామ కార్యదర్శి ఎస్‌.రాములు, రైతులు ఆర్‌.నరసింహ, ఓ.కృష్ణ, టి.యాదయ్య, పి.కృష్ణ, బి.యాదయ్య, బి.శంకర్‌, ఎం. యాదయ్య, నరసింహ, పోచమ్మ, కలమ్మ, శివ తదితరులు పాల్గొన్నారు.

ఇబ్రహీంపట్నం రూరల్‌: ఎస్‌ఐఆర్‌ ప్రక్రియ నిర్ణీత గడువులోగా పూర్తి చేయాలని ఇన్‌చార్జి కలెక్టర్‌ డాక్టర్‌ కిరణ్మయి పేర్కొన్నారు. ప్రత్యేక సమగ్ర ఓటరు జాబితా సవరణ ప్రక్రియ వేగవంతం చేసి నిర్ణీత గడువులోగా పూర్తి చేయాలని రాష్ట్ర ప్రధాన ఎన్నికల అధికారి సుదర్శన్‌రెడ్డి ఉన్నతాధికారులతో కలిసి శనివారం వీడియో కాన్ఫరెన్స్‌ ద్వారా జిల్లా కలెక్టర్లు, అదనపు కలెక్టర్లు, ఈఆర్‌ఓలు, ఏఈఆర్‌ఓలు, ఎన్నికల విభాగం అధికారులతో సమీక్ష సమావేశం నిర్వహించారు. ఈ సందర్భంగా డాక్టర్‌ కిరణ్మయి మాట్లాడుతూ.. జిల్లాలో ఓటరు జాబితా ప్రత్యేక సమగ్ర సవరణ ప్రక్రియను ఎన్నికల సంఘం నిబంధనల మేరకు నిర్వహించడం జరుగుతుందని తెలిపారు. పెండింగ్‌లో ఉన్న ఫారం 6,7,8 పరిష్కారం నోటీసుల జారీ ప్రక్రియను నిబంధనల ప్రకారం సక్రమంగా నిర్వహించాలని జిల్లా అధికారులను ఆదేశించారు. ఓటర్ల నుంచి సేకరించిన ధ్రువపత్రాలను నిబంధనల మేరకు పరిశీలించి చర్యలు తీసుకోవాలని సూచించారు. కార్యక్రమంలో జిల్లా రెవెన్యూ అధికారి శారదాదేవి, కందుకూరు ఆర్డీఓ జగదీశ్వర్‌రెడ్డి, ఎన్నికల విభాగం అధికారి రవీంద్ర గుప్తా తదితరులు పాల్గొన్నారు.

మొయినాబాద్‌: గుర్తుతెలియని దుండగుడు ఏటీఎం సెంటర్లలో చోరీకి విఫలయత్నం చేశాడు. ఈ సంఘటన మున్సిపల్‌ కేంద్రంలో చోటుచేసుకుంది. పోలీసులు తెలిపిన వివరాల ప్రకారం.. మున్సిపల్‌ కేంద్రంలో హైదరాబాద్‌–బీజాపూర్‌ జాతీయ రహదారి పక్కన ఎస్‌బీఐ, యాక్సిస్‌ బ్యాంకు ఏటీఎంలు పక్కపక్కనే ఉన్నాయి. శుక్రవారం రాత్రి 11.30 గంటల సమయంలో గుర్తుతెలియని దుండగుడు మాస్క్‌ ధరించి ఏటీఎంల వద్దకు వచ్చాడు. అక్కడ ఉన్న సీసీ కెమరాలకు నల్లని స్ప్రే కొట్టి మొదట ఎస్‌బీఐ ఏటీఎంలోకి చొరబడ్డాడు. వైర్లు కత్తిరించి ఏటీఎంను తెరిచే ప్రయత్నం చేశాడు. అది తెరుచుకోకపోవడంతో పక్కనే ఉన్న యాక్సిస్‌ బ్యాంకు ఏటీఎంలోకి వెళ్లాడు. అందూలోనూ ఏటీఎం వైర్లు కత్తరించి తెరిచే ప్రయత్నం చేశాడు. అది పూర్తిగా తెరుచుకోకపోవడంతో అక్కడి నుంచి వెళ్లిపోయాడు. శనివారం ఉదయం ఏటీఎంల పక్కనే ఉన్న టిఫిన్‌ సెంటర్‌ నిర్వాహకుడు సీసీ కెమెరాలను పరిశీలించడంతో అందులో ఏమీ కనిపించలేదు. అనుమానం వచ్చి మరోవైపు ఉన్న సీసీ కెమరాను పరిశీలిస్తే గుర్తుతెలియని దుండగుడు ఏటీఎం సెంటర్లలో చోరీకి యత్నించినట్లు కనిపించింది. దీంతో పోలీసులకు సమాచారం ఇవ్వడంతో ఇన్‌స్పెక్టర్‌ మల్లికార్జునరెడ్డి, ఎస్‌ఐ వెంకన్న, క్రైం పోలీసులు ఘటనా స్థలానికి చేరుకుని పరిశీలించారు. డబ్బులు ఏమీ పోలేదని గుర్తించారు. క్లూస్‌టీంతో వేలిముద్రలు సేకరించారు. ఎస్‌బీఐ మేనేజర్‌ శ్రీనివాసరావు ఫిర్యాదు మేరకు కేసు నమోదు చేసి దర్యాప్తు చేస్తున్నారు. తెరుచుకోకపోవడంతో వదిలేసి వెళ్లిన దుండగుడు

ఆదివారం శ్రీ 18 శ్రీ అక్టోబర్‌ శ్రీ 2026సాక్షి, రంగారెడ్డిజిల్లా: పట్టభద్రుల ఓట్ల కోసం అన్ని రాజకీయ పార్టీలు పడరాని పాట్లు పడుతున్నాయి. ఓటర్ల జాబితాలో డిగ్రీలున్న వారి పేర్ల నమోదు చేయించేందుకు నేతలు నానా తంటాలు పడుతున్నారు. అధికార కాంగ్రెస్‌ సహా ప్రతిపక్ష బీఆర్‌ఎస్‌, బీజేపీ పోలింగ్‌ బూతుల వారీగా ప్రత్యేక బృందాలను ఏర్పాటు చేశాయి. ఓటరు నమోదు ఫారాలు సహా ల్యాప్‌టాప్‌లు చేతుల్లో పట్టుకుని తెల్లవారు జాము నుంచే పార్కులు, వ్యాయామ, యోగ శిక్షణ కేంద్రాలు సహా కోచింగ్‌ సెంటర్లు, కాలేజీలు, ప్రభుత్వ, ప్రైవేటు సంస్థల చుట్టూ తిరుగుతున్నారు. పట్టభద్రులు ఎక్కడ దొరికితే అక్కడ పట్టుకుని డిగ్రీ సర్టిఫికెట్‌, ఆధార్‌కార్డు, ఫోన్‌ నంబర్‌, ఓటరు కార్డులోని ఎపిక్‌ నంబర్‌ సేకరిస్తున్నారు. ఆయా వివరాలు వెంటనే ఆన్‌లైన్‌లో అప్‌లోడ్‌ చేస్తున్నారు. తర్వాత తమ పార్టీ అభ్యర్థికే ఓటు వేయాల్సిందిగా కోరుతూ వాట్సాప్‌, ఎస్‌ఎంఎస్‌, వాయిస్‌కాల్స్‌ రూపంలో అభ్యర్థిస్తున్నారు. హైరాబాద్‌, ఉమ్మడి రంగారెడ్డి, మహబూబ్‌నగర్‌ జిల్లాల పట్టభద్రుల నియోజకవర్గం ఎమ్మెల్సీ సురభివాణిదేవి పదవీకాలం 2027 మార్చి 27తో ముగియనుంది. ఖాళీ స్థానానికి మార్చి 29లోగా ఎన్నికలు నిర్వహించాల్సి ఉంది. ఇప్పటికే (సెప్టెంబర్‌ 28న) ఎన్నికల కమిషన్‌ ఓటర్ల నమోదు షెడ్యూల్డ్‌ విడుదల చేసింది. ముఖ్యనేతలను కలుస్తూ.. మద్దతు కూడగడుతూ.. అధికార కాంగ్రెస్‌ ఇప్పటికే పోటీలో ఉన్న అభ్యర్థి పేరును ఖరారు చేసింది. ఎల్బీనగర్‌ నియోజకవర్గానికి చెందిన సామ రామ్మోహన్‌రెడ్డి పేరు వెల్లడించింది. ఆయన కూడా రోజుకో నియోజకవర్గంలో పర్యటిస్తూ ఎమ్మెల్యేలు, ఎమ్మెల్సీలు, పార్టీ ముఖ్యనేతలను కలిసి మద్దతు ఇవ్వాల్సిందిగా అభ్యర్థిస్తున్నారు. ఉదయం, సాయంత్రం వేళల్లో ఎన్‌ఎస్‌యూఐ, యువజన కాంగ్రెస్‌ నేతలు, కార్యకర్తలతో సమావేశం అవుతున్నారు. ఓటర్ల నమోదుపై చర్చిస్తున్నారు. హైదరాబాద్‌ సెంట్రల్‌ యూనివర్సిటీ, ఉస్మానియా విశ్వవిద్యాలయం, జేఎన్‌టీయూ వర్సిటీ, తెలుగు వర్సిటీ సహా ఎస్‌ఐ, గ్రూప్స్‌, కానిస్టేబుల్‌ కోచింగ్‌ సెంటర్లను చుట్టేస్తున్నారు. పట్టభద్రులతో ముఖాముఖి సమావేశాలు నిర్వహిస్తున్నారు. ఓటరు జాబితాలో పేర్లు నమోదు చేసుకోవాల్సిందిగా అభ్యర్థిస్తున్నారు. వ్యూహాత్మకంగా ప్రతిపక్ష బీఆర్‌ఎస్‌ అభ్యర్థిని ప్రకటించి, పట్టభద్రులను పట్టుకునే ప్రయత్నంలో అధికార పార్టీ కొంత ముందుండగా ప్రతిపక్ష బీఆర్‌ఎస్‌, బీజేపీ మాత్రం వ్యూహాత్మకంగా వ్యవహరిస్తున్నాయి. ఒకవైపు బలమైన అభ్యర్థి కోసం కసరత్తు చేస్తూ.. మరోవైపు ఓటరు జాబితాలో పట్టభద్రుల పేర్ల నమోదు కోసం ముఖ్య నేతలు, ప్రభుత్వ, ప్రైవేటు ఉద్యోగులు, అడ్వకేట్లు, నిరుద్యోగులతో సభలు, సమావేశాలు ఏర్పాటు చేస్తున్నాయి. 2021 ఎన్నికల్లో ఓటు హక్కు వినియోగించుకున్న వారి వివరాలు సేకరించి, మరోసారి వారి పేర్లను ఓటర్ల జాబితాలో చేర్పిస్తున్నారు. బీజేపీ నుంచి ఆ పార్టీ రాష్ట్ర అధ్యక్షుడు రాంచందర్‌రావు పేరు దాదాపు ఖరారైనట్లు తెలిసింది. ఒకవైపు పార్టీ అధ్యక్ష పదవిలో కొనసాగుతూ.. మరోవైపు ఎన్నికల్లో పోటీచేసి ఓటమిపాలైతే పార్టీ ఇమేజ్‌ డ్యామేజ్‌ అవుతుందని, పార్టీలో యాక్టివ్‌గా ఉంటూ.. యువతకు దగ్గరగా ఉన్న నేతను నిలబెట్టాలనే వాదన కూడా పార్టీ అంతర్గత వేదికల్లో విస్తృతంగా జరుగుతోంది. పట్టభద్రుల కోసం నేతల వెతుకులాట

మహిళను కాపాడినందుకు పోలీసుల సన్మానం కొందుర్గు: రోడ్డుపై ఏవైనా సంఘటనలు జరుగుతుంటే తమకెందుకులే అని చూసీచూడనట్లు వెళ్లేవారు ఎందరో. కానీ ఓ వ్యక్తి మహిళతో అసభ్యకరంగా ప్రవర్తిస్తున్నట్లు గమనించి ఆమెను కాపాడాడు. ఎస్‌ఐ వరప్రసాద్‌ కథనం ప్రకారం.. మండలంలోని ఓ గ్రామానికి చెందిన మహిళ శుక్రవారం రాత్రి కొందుర్గు బస్టాండ్‌లో బస్సుకోసం వేచిఉండగా చెర్కుపల్లి గ్రామానికి చెందిన ఇప్పలపల్లి మధు (19) తానూ అక్కడికే వెళ్తున్నానని, లిఫ్ట్‌ ఇస్తానని తన మోటార్‌సైకిల్‌పై ఎక్కించుకున్నాడు. అనంతరం ఆమెను నిర్మానుష్య ప్రదేశానికి తీసుకెళ్లి అసభ్యకరంగా ప్రవర్తించాడు. అదే సమయంలో అటునుంచి వెళ్తున్న కొందుర్గుకు చెందిన ఉమర్‌ పరిస్థితిని గమనించి ప్రశ్నించగా అతడు తన వాహనం తీసుకొని పారిపోయాడు. అనంతరం ఉమర్‌ మహిళను కొందుర్గు పోలీస్టేషన్‌ తీసుకెళ్లి జరిగిన విషయం తెలిపాడు. బాధితురాలి ఫిర్యాదు మేరకు కేసు నమోదుచేసి నిందితుడిని రిమాండ్‌కు తరలించారు. ఈ సందర్భంగా ఉమర్‌ను శాలువాతో సత్కరించారు.

పహాడీషరీఫ్‌: వివిధ రాష్ట్రాలకు చెందిన ఉద్యోగులతో తుక్కుగూడలో పెద్ద ఎత్తున కొనసాగుతున్న ప్రైవేట్‌ హాస్టళ్లలో పహాడీషరీఫ్‌ పోలీసులు శనివారం సాయంత్రం ఆకస్మిక తనిఖీలు చేపట్టారు. ఇన్‌స్పెక్టర్‌ బి.లక్ష్మీనారాయణ రెడ్డి పర్యవేక్షణలో 100కు పైగా ఉన్న హాస్టళ్లలో ఎస్‌ఐలు బి.దయాకర్‌ రెడ్డి, వి.లక్ష్మయ్య, ఎల్‌.వెంకటేశ్వర్లు, ఫైజల్‌ అహ్మద్‌, నర్సింహులు సిబ్బందితో బృందాలుగా ఏర్పడి పరిస్థితులను సమీక్షించారు. హాస్టళ్లలో నివాసం ఉంటున్న వారికి సంబంధించిన పోలీస్‌ ఎన్‌వోసీ, వెరిఫికేషన్‌ ఫారాలు, సీసీ టీవీల పుటేజీ, భవనాలకు సంబంధించిన ట్రేడ్‌ లైసెన్స్‌, ఫైర్‌ ఎన్‌వోసీ, ఉద్యోగులు ఏ రాష్ట్రానికి చెందిన వారు, ఏ కంపెనీలో పని చేస్తున్నారనే విషయమై పూర్తి నివేదికను నిర్వాహకులు పోలీసులకు అందించాలన్నారు. గుర్తింపు లేకుండా ఉంటున్న వారిపై కేసులు నమోదు చేస్తామని, సీసీ కెమెరాలు లేకుండా, సరైన ధ్రువీకరణ పత్రాలు చూపని హాస్టళ్లను సీజ్‌ చేస్తామని హెచ్చరించారు. ముఖ్యంగా విద్యార్థినులు, మహిళా ఉద్యోగులు అద్దెకుంటున్న హాస్టళ్లలో లేడీ వార్డెన్‌ మాత్రమే ఉండాలని స్పష్టం చేశారు. గంజాయి, డ్రగ్స్‌ లాంటి మత్తు పదార్థాలతో నేరాలు జరగకుండా అన్ని రకాల చర్యలు తీసుకుంటున్నామని ఇన్‌స్పెక్టర్‌ వెల్లడించారు.

ఇబ్రహీంపట్నం రూరల్‌: త్రుటిలో పెను ప్రమాదం తప్పింది. ఔటర్‌ రింగ్‌రోడ్డుకు సమీపంలో ఐదుగురు ప్రాణాలతో బయటపడ్డారు. ఈ సంఘటన ఆదిభట్ల పోలీస్‌స్టేషన్‌ పరిధిలో చోటు చేసుకుంది. వివరాలివీ.. నాగార్జున సాగర్‌ నుంచి హైదరాబాద్‌కు శనివారం మధ్యాహ్నం వెళ్తున్న కారు బొంగ్లూర్‌ ఔటర్‌రింగ్‌రోడ్డు సమీపంలోకి రాగానే ఒక్కసారిగా మంటలు చెలరేగాయి. దారిలో వెళ్తున్న ప్రయాణికులు గమనించి కారు అద్దాలను పగలగొట్టి అందులో ఉన్న ఐదుగురు యువకులను బయటకు తీశారు. అదే సమయంలో ట్యాంకర్‌ వెళ్తుండటంతో ఆపి నీరు పోసి మంటలు అదుపు చేశారు. స్నేహితుడిని కలవడానికి వెళ్తున్నట్టు కారులో ఉన్న యువకులు తెలిపారు. ఎవరికీ ఏమీ కాకపోవడంతో అంతా ఊపిరి పీల్చుకున్నారు.

చేవెళ్ల: కోర్టుల్లో ఉన్న పెండింగ్‌ కేసులను త్వరగా పరిష్కరించేందుకు న్యాయవాదులు కృషి చేయాల ని జిల్లా ప్రధాన న్యాయమూర్తి కర్ణకుమార్‌ అన్నా రు. చేవెళ్ల కోర్టు ఆవరణలో నూతనంగా నిర్మించిన ఏడీజే ఛాంబర్‌ను శనివారం చేవెళ్ల ఏడీజే శ్రీనివాసులతో కలిసి ప్రారంభించారు. ఈ సందర్భంగా కర్ణకుమార్‌ మాట్లాడుతూ.. కోర్టుల నిర్వహణకు అవసరమైన మౌలిక సదుపాయాలు కల్పించేందుకు కృషి చేస్తామని చెప్పారు. జిల్లా పరిధిలోని కోర్టుల్లో దాదాపు 1.30 లక్షల కేసులు పెండింగ్‌లో ఉన్నా యని తెలిపారు. పెండింగ్‌ కేసులను సత్వరమే పరిష్కరించి న్యాయవ్యవస్థపై మరింత నమ్మకం పెంచాలన్నారు. రాజేంద్రనగర్‌ జిల్లా కోర్టులో ఉన్న మొయినాబాద్‌ పోలీస్‌స్టేషన్‌కు సంబంధించిన కేసులను చేవెళ్ల కోర్టుకు బదిలీ చేయడం జరిగిందన్నారు. న్యాయవ్యవస్థ సమర్థవంతంగా పనిచేయాలంటే అన్ని వసతులతో ప్రశాంత వాతవారణం ఉండాలన్నారు. కార్యక్రమంలో సీనియర్‌ సివిల్‌ జడ్జి దశరథ రామయ్య, జూనియర్‌ సివిల్‌ జడ్జి విజయకుమార్‌, బార్‌ అసోసియేషన్‌ అధ్యక్షుడు పి.మధుసుధన్‌రెడ్డి, కార్యదర్శి మల్లేశ్‌, మాజీ అధ్యక్షుడు మోకరం నర్సింలు, సీనియర్‌ న్యాయవాదులు, కోర్టు సిబ్బంది పాల్గొన్నారు.

షాబాద్‌: విద్యుత్‌ షాక్‌తో కాడెద్దు మృతి చెందిన ఘటన మండల పరిధిలోని ఎర్రోనిగూడలో చోటుచేసుకుంది. బాధిత రైతు తెలిపిన వివరాల ప్రకారం.. గ్రామానికి చెందిన రైతు కొలన్‌ వెంకట్‌రెడ్డి కాడెద్దు శనివారం సాయంత్రం విద్యుత్‌ ట్రాన్స్‌ఫార్మర్‌ సమీపంలో మేత మేస్తుండగా షాక్‌ తగిలి మృత్యువాత పడింది. వ్యవసాయ పనులకు ఆ ఎద్దుపైనే ఆధారపడినట్లు, సుమారు రూ.లక్ష నష్టం జరిగినట్టు రైతు ఆవేదన వ్యక్తం చేశాడు. ప్రభుత్వం ఆదుకోవాలని కోరాడు. రోడ్డు ప్రమాదంలో వ్యక్తి దుర్మరణం షాద్‌నగర్‌రూరల్‌: రోడ్డు ప్రమాదంలో ఓ వ్యక్తి మృతి చెందిన సంఘటన షాద్‌నగర్‌ పట్టణ శివారులో చోటు చేసుకుంది. వివరాలు ఇలా ఉన్నాయి.. షాబాద్‌ మండలం బోడంపాడ్‌ గ్రామానికి చెందిన చిన్న వెంకటయ్య (40) శనివారం ఉదయం తన కారులో షాద్‌నగర్‌ వస్తున్నాడు. పట్టణ శివారులోని గ్రానైట్‌ పరిశ్రమ వద్ద ఎదురుగా వస్తున్న ద్విచక్రవాహనాన్ని ఢీ కొట్టాడు. ఈ ప్రమాదంలో కారు పల్టీలు కొట్టింది. కారులో ఉన్న చిన్న వెంకటయ్య అక్కడికక్కడే మృతి చెందాడు. ద్విచక్రవాహనంపై వెళ్తున్న భాస్కర్‌కు గాయాలయ్యాయి. బాధితుడి ఫిర్యాదు మేరకు కేసు నమోదు చేసి దర్యాప్తు చేస్తున్నట్టు సీఐ సీతారాం తెలిపారు. చిన్న వెంకటయ్య కారులో మద్యం సీసాలు ఉండడంతో మద్యం తాగి కారును నడిపించినట్లు భావిస్తున్నారు. మద్యం మత్తులో అదుపు తప్పి బైకును ఢీకొట్టినట్లు తెలుస్తోంది. చేవెళ్ల: రోడ్డు ప్రమాదంలో గుర్తు తెలియని మహిళ మృతి చెందింది. ఈ సంఘటన చేవెళ్ల పోలీస్‌స్టేషన్‌ పరిధిలో చోటు చేసుకుంది. పోలీసులు తెలిపిన వివరాల ప్రకారం.. గుర్తు తెలియని మహిళ (35–40) రెండు మూడు రోజులుగా ఎన్కేపల్లి చౌరస్తా వద్ద భిక్షాటన చేస్తూ సంచరిస్తోంది. శనివారం మధ్యాహ్నం రోడ్డుపక్కన ఆగి ఉన్న వరికోత యంత్రంపై కూర్చొని ఉంది. విషయం గమనించని డ్రైవర్‌ వాహనం స్టార్ట్‌ చేసి ముందుకు కదిలించడంతో వాహనంపై కూర్చొని ఉన్న ఆమె వాహన వెనుకచక్రాల కింద పడి తీవ్ర గాయాలతో అక్కడికక్కడే మృతి చెందింది. వెంటనే స్థానికులు గుర్తించి పోలీసులకు సమాచారం అందించారు. డ్రైవర్‌ గౌతమ్‌దాస్‌ పశ్చిమ బెంగాల్‌ రాష్ట్రానికి చెందిన వ్యక్తిగా గుర్తించారు. ఈ మేరకు పోలీసులు కేసు నమోదు చేసి దర్యాప్తు చేస్తున్నారు. మృతురాలి వివారాలు తెలిస్తే సమాచారం ఇవ్వాలని కోరారు. అనంతగిరి: వికారాబాద్‌లోని జిల్లా ఆర్మ్‌డ్‌ రిజర్‌డ్డ్‌వ్‌ హెడ్‌ క్వార్టర్‌లోని బెల్‌ ఆఫ్‌ ఆర్‌మ్స్‌ను శనివారం ఎస్పీ స్నేహ మెహ్ర తనిఖీ చేశారు. ఆయుధాలు, మందుగుండు సామగ్రి, మ్యాగజైన్‌ గది, సంబంధిత రికార్డులను పరిశీలించారు. ఆమె ఎంట ఏఆర్‌ డీఎస్పీ వీరేష్‌, ఆర్‌ఎస్‌ఐలు నాగరాజు, శ్రీశైలంగౌడ్‌, అశోక్‌, ఆర్‌ఎస్‌ఐలు రాములు, బాలాజీ నాయక్‌ తదితరులు ఉన్నారు. ఎస్పీ ఆదేశాల మేరకు శనివారం ఏఎస్పీ రాజేష్‌ మీనా ఆధ్వర్యంలో జిల్లా ప్రాసిక్యూషన్‌ రివ్యూ కమిటీ సమావేశం నిర్వహించారు. ఈ సందర్భంగా సెప్టెంబర్‌ నెలలో నమోదైన గ్రేవ్‌ ఆక్సిటల్‌ కేసులపై సమీక్షించారు. ఈ సమావేశంలో లీగల్‌ అడ్వైజర్‌ అనిల్‌కుమార్‌ పీపీ మెహ్రాజ్‌ ఫిర్దోష్‌, డీఎస్పీలు తదితరులు పాల్గొన్నారు. అనంతగిరి: సర్‌ ప్రక్రియ పెండింగ్‌ పనులను త్వరితగతిన పూర్తి చేయాలని అదనపు కలెక్టర్‌ వెంకటాచారి అధికారులను ఆదేశించారు. శనివారం ఎస్‌ఐఆర్‌, గ్రాడ్యుయేట్‌ ఎమ్మెల్సీ ఓటరు నమోదు, తదితర అంశాలపై హైదరాబాద్‌ నుంచి రాష్ట్ర ముఖ్య ఎన్నికల అధికారి సుదర్శన్‌రెడ్డి నిర్వహించిన వీడియో కాన్ఫరెన్స్‌కు హాజరయ్యారు. పలు శాఖ అధికారులతో కలిసి జిల్లాలో పరిస్థితులను వివరించారు.

సాక్షి, రంగారెడ్డి జిల్లా: ఇది ప్రకృతి తెచ్చిన కరువు కాదని.. కాంగ్రెస్‌ ప్రభుత్వం సృష్టించిన కరువని మాజీమంత్రి, మహేశ్వరం ఎమ్మెల్యే పి.సబితారెడ్డి పేర్కొన్నారు. మండల పరిధిలోని అమీర్‌పేట్‌లో విద్యుత్‌ కోతలతో ఎండుతున్న పంటలను శనివారం ఆమె పరిశీలించారు. రైతులు, విద్యుత్‌ అధికారులతో మాట్లాడారు. ఈ సందర్భంగా మాట్లాడుతూ.. రాష్ట్రంలో కరువు పరిస్థితులకు కాంగ్రెస్‌ ప్రభుత్వ నిర్లక్ష్యమే కారణమని విమర్శించారు. ఎల్‌నినో ప్రభావంపై మార్చి నుంచే వాతావరణ నిపుణులు హెచ్చరించినా ప్రభుత్వం ముందస్తు చర్యలు తీసుకోలేదని మండిపడ్డారు. కరెంట్‌ కోతలు, భూగర్భ జలాలు అడుగంటడంతో చేతికివచ్చిన పంటలు ఎండిపోయి పశువులకు మేతగా మారా యని ఆందోళన వ్యక్తం చేశారు. కరెంట్‌ సక్రమంగా లేక మోటార్లు, ట్రాన్స్‌ఫార్మర్లు కాలిపోయి ఆర్థికంగా ఇబ్బంది పడుతున్నారన్నారు. బీఆర్‌ఎస్‌ ప్రభు త్వం హయాంలో రైతులకు 24 గంటల విద్యుత్‌ సరఫరా చేసి కంటికిరెప్పలా చూసుకున్నామని గుర్తు చేశారు. ప్రస్తుతం 10 గంటలు కూడా సరఫరా కావడం లేదన్నారు. రైతులకు ఇంత నష్టం జరుగుతున్నా ప్రభుత్వం చర్యలు చేపట్టడం లేదన్నారు. రైతు భరోసా నిధులు సక్రమంగా విడుదల చేయడం లేదని, ఎన్నికల్లో కౌలు రైతులకు భరోసా నిధులు ఇస్తామని ఇప్పటివరకు ఇవ్వకుండా మాట తప్పారని దుయ్యబట్టారు. నాణ్యతతో కూడిన విద్యుత్‌ అందించాలని మండల ఏఈ చక్రపాణికి సూచించారు. కార్యక్రమంలో పీఏసీఎస్‌ వైస్‌ చైర్మన్‌ దేవరంపల్లి వెంకటేశ్వరరెడ్డి, సర్పంచ్‌ పోతుల మల్లమ్మ, ఉప సర్పంచ్‌ చేగురి చంద్రకళ, ఎంపీటీసీ మాజీ సభ్యుడు కుమారి రాయప్ప, బీఆర్‌ఎస్‌ నాయకులు, ప్రజా ప్రతినిధులు పాల్గొన్నారు.

తాండూరు రూరల్‌: కరన్‌కోట్‌ పోలీస్‌ స్టేషన్‌ ఎదుట శనివారం ప్రజా సంఘాల నాయకులు ధర్నా చేపట్టారు. పోలీసులకు వ్యతిరేకంగా నినాదాలు చేశారు. అనంతరం వారు మాట్లాడుతూ.. జినుగుర్తి గ్రామంలోని దళిత రైతు నర్సిములుకు చెందిన భూమిని కొందరు కబ్జా చేశారని ఆరోపించారు. వారిపై ఎస్సీ, ఎస్టీ కేసు నమోదు చేయాలని స్టేషన్‌లో ఫిర్యాదు చేసినా ఇప్పటి వరకూ చర్యలు తీసుకోలేదని మండిపడ్డారు. కార్యక్రమంలో అబ్దుల్‌ వాహబ్‌, ఆనంద్‌కుమార్‌, ఉప్పలి మల్కయ్య, శ్రీనివాస్‌, బుగ్గప్ప, చంద్రయ్య, గుమ్మడి రత్నం, సత్యనారాయణ, స్వామిదాస్‌, మహేందర్‌, రఘుపతి, నర్సిములు, ప్రకాశ్‌, జినుగుర్తి నర్సింలు పాల్గొన్నారు. సీఐ ఆగ్రహం పీఎస్‌ ఎదుట ధర్నా చేసిన ప్రజాసంఘాల తీరుపై రూరల్‌ సీఐ ప్రవీణ్‌కుమార్‌రెడ్డి ఆగ్రహం వ్యక్తంచేశారు. రెవెన్యూకు సంబంధించిన అంశాల్లో పోలీసులు ఏం చేస్తారని మండిపడ్డారు. భూమి అమ్మిన వ్యక్తి, కొనుగోలు చేసిన వ్యక్తికి సంబంధించిన పంచాయితీని తీసుకొచ్చి పోలీసు అధికారులపై ఆరోపణలు చేయడం ఏమిటని అసహనం వ్యక్తంచేశారు. పీఎస్‌ ఎదుట ధర్నా చేసిన వారిపై కేసులు నమోదు చేయాలని ఎస్‌ఐని ఆదేశించారు. ఫిర్యాదుపై చర్యలు తీసుకోవడం లేదని ఆరోపణ

ఇబ్రహీంపట్నం: తెలంగాణ ఉద్యమకారుల సంక్షేమ సంఘం ఆధ్వర్యంలో స్థానిక అమరవీరుల స్థూపం వద్ద శనివారం అలయ్‌ బలయ్‌ వాల్‌ పోస్టర్‌ను ఆవిష్కరించారు. ఈ సందర్భంగా సంఘం జిల్లా కన్వీనర్‌ బండి మహేశ్‌, కోఆర్డినేటర్‌ ముడుపు వేణుగోపాల్‌రావు మాట్లాడుతూ.. ఈనెల 25న నాగోల్‌లోని శుభం ఫంక్షన్‌ హాల్‌లో సంఘం రాష్ట్ర అధ్యక్షుడు కాచం సత్యనారాయణ ఆధ్వర్యంలో కార్యక్రమాన్ని నిర్వహిస్తున్నట్లు తెలిపారు. ఉద్యమకారులకు పాలకులు ఇచ్చిన హామీలు అమలు చేయాలని, అందుకు ఐక్యంగా కలిసి ఉద్యమించాలన్నారు. ఉద్యమకారుల ఐక్యతను చాటిచేప్పేందుకు కార్యక్రమానికి తరలిరావాలని పిలుపునిచ్చారు. కార్యక్రమంలో ఉద్యమకారుల సమన్వయకర్తలు వినోద్‌కుమార్‌గుప్తా, తాళ్ల వెంకటేశ్‌గౌడ్‌, అముదాల యాదగిరి, సుధాకర్‌, గోపాల్‌, నూతనగంటి శేఖర్‌, ఎన్‌.యాదయ్య, వెంకటేశ్‌యాదవ్‌, గాజుల గోపాల్‌, భర్తకి రాజు, జహీర్‌బాయ్‌, లక్ష్మీపతి, గణేశ్‌ తదితరులు పాల్గొన్నారు.

● వికారాబాద్‌ ఎస్పీ స్నేహ మెహ్ర ● పోలీసు అధికారులతో సమీక్ష అనంతగిరి: బతుకమ్మ, దసరా వేడుకలు, దుర్గామాత నిమజ్జన కార్యక్రమాలు ప్రశాంతంగా పూర్తయ్యేలా పటిష్ట భద్రత ఏర్పాటు చేయాలని ఎస్పీ స్నేహ మెహ్ర పోలీసు అధికారులను ఆదేశించారు. శాంతిభద్రతల పరిరక్షణ, ప్రజల భద్రత, ట్రాఫిక్‌ నియంత్రణ తదితర అంశాలపై శనివారం పోలీస్‌ అధికారులతో సమీక్ష నిర్వహించారు. పవర్‌ పాయింట్‌ ప్రజెంటేషన్‌ ద్వారా పలు సూచనలు చేశారు. జిల్లా వ్యాప్తంగా 407 దుర్గామాత విగ్రహాలను ప్రతిష్ఠించిన నేపథ్యంలో నిమజ్జన ఊరేగింపు ప్రశాంతంగా పూర్తయ్యేలా చర్యలు చేపట్టాలని సూచించారు. అవసరమైన ప్రాంతాల్లో బారికేడ్లు ఏర్పాటు చేయాలని, ట్రాఫిక్‌కు అంతరాయం కలగకుండా తగిన చర్యలు తీసుకోవాలని ఆదేశించారు. చెరువులు, కుంటలు, ఇతర జలాశయాల వద్ద ప్రత్యేక బందోబస్తు ఏర్పాటు చేయడంతో పాటు, ప్రమాదకర ప్రాంతాలను ముందుగానే గుర్తించి ప్రజల భద్రతకు అత్యంత ప్రాధాన్యం ఇవ్వాలన్నారు. నిమజ్జన సమయంలో చిన్నపిల్లలు, మహిళలు, వృద్ధుల భద్రతపై ప్రత్యేక శ్రద్ధ వహించాలని, ఉత్సవ నిర్వాహకులు విధిగా పోలీసుల సూచనలు పాటించాలని తెలిపారు. వివిధ ప్రాంతాల్లో నిర్వహించే రావణ దహన కార్యక్రమాలకు ప్రజలు పెద్ద సంఖ్యలో హాజరయ్యే అవకాశం ఉన్నందున జన సమూహాల నియంత్రణ, ట్రాఫిక్‌ నిర్వహణ, ప్రజల భద్రతకు సంబంధించి పటిష్టమైన ఏర్పాట్లు చేయాలని ఆదేశించారు. ఈ సమావేశంలో అదనపు ఎస్పీ రాజేష్‌ మీనా, డీఎస్పీలు, సీఐలు తదితరులు పాల్గొన్నారు.

ఇబ్రహీంపట్నం: వర్షాభావ పరిస్థితులు, ఉక్కపోతతో సతమతమవుతున్న ఇబ్రహీంపట్నం ప్రజలకు శనివారం రాత్రి కురిసిన ఓ మోస్తరు వర్షం ఉపశమనం కలిగించింది. ఎల్‌నినో ప్రభావంతో వర్షాకాలం కాస్తా ఎండా కాలాన్ని తలపిస్తున్న నేపథ్యంలో ప్రజలు తీవ్ర ఇబ్బందులు పడుతున్నారు. ఎండ వేడిమి, ఉక్కపోతతో ఫ్యాన్లు, కూలర్లు విరామం లేకుండా పనిచేస్తున్నాయి. వర్షాల కోసం ఎదురుచూస్తున్న ప్రజలకు గాలులతో కురిసిన తేలికపాటి వర్షం కురవడంతో వాతావరణం ఒక్కసారిగా చల్లబడింది. ఇప్పటికే మంచినీటి సమస్యలు తలెత్తడంతో వరుణదేవుడు కరుణించి వర్షాలు కురవాలని ప్రజలు వేడుకుంటున్నారు. చెత్త.. విలువైన వనరు సాక్షి, సిటీబ్యూరో: ‘వ్యర్థాలను కేవలం తొలగించాల్సిన పదార్థాలుగా కాకుండా, విలువైన వనరులుగా చూడాలి. వాటి పునర్వినియోగం, రీసైక్లింగ్‌, శాసీ్త్రయ ప్రాసెసింగ్‌కు ప్రాధాన్యమివ్వాలి’ అని పురపాలక పరిపాలన, పట్టణాభివృద్ధి శాఖ ప్రత్యేక ప్రధాన కార్యదర్శి జయేశ్‌ రంజన్‌ సూచించారు. సుస్థిర ఘన వ్యర్థాల నిర్వహణకు మున్సిపల్‌ అధికారులు ఆధునిక పద్ధతులపై అవగాహన పెంచుకోవాలన్నారు. అడ్మినిస్ట్రేటివ్‌ స్టాఫ్‌ కాలేజ్‌ ఆఫ్‌ ఇండియా (ఆస్కి) ఆధ్వర్యంలో శనివారం నిర్వహించిన ‘సామర్థ్య నిర్మాణ శిక్షణ’ కార్యక్రమంలో ఆయన మాట్లాడారు. పట్టణాల్లో చెత్త సేకరణ, వేరు చేయడం, ప్రాసెసింగ్‌, పునర్వినియోగం వంటి అంశాలను సమర్థంగా అమలు చేయడం ఈ శిక్షణ కార్యక్రమ ముఖ్య ఉద్దేశమన్నారు. మల్కాజిగిరి మున్సిపల్‌ కార్పొరేషన్‌ (ఎంఎంసీ), ఆస్కిల మధ్య శిక్షణ, అధికారుల సామర్థ్యాభివృద్ధి, సుస్థిర వ్యర్థాల నిర్వహణకు సంబంధించి అవగాహన ఒప్పందాలు కుదుర్చుకున్నారు. ఎంఎంసీ కమిషనర్‌ టి.వినయ్‌ కృష్ణారెడ్డి, ఆస్కి డైరెక్టర్‌ జనరల్‌ ఎన్‌.రమేష్‌ కుమార్‌ ఒప్పంద పత్రాలను మార్పిడీ చేసుకున్నారు. ఆడబిడ్డలకు సద్దుల బతుకమ్మ శుభాకాంక్షలు అనంతగిరి: పూల పండుగ అందరి ఇళ్లలో సుఖసంతోషాలు నింపాలని శాసన సభ స్పీకర్‌ గడ్డం ప్రసాద్‌కుమార్‌ ఆకాంక్షించారు. ఈ మేరకు శనివారం విడుదల చేసిన ప్రకటనలో తెలంగాణ ఆడ బిడ్డలకు సద్దుల బతుకమ్మ శుభాకాంక్షలు తెలిపారు. పెద్దలు అందించిన ఈ గొప్ప సంస్కృతిని, జీవన విధానాన్ని పరిరక్షించుకోవాల్సిన బాధ్యత ప్రతిఒక్కరిపైనా ఉందని పేర్కొన్నారు. ప్రభుత్వం ఏటా బతుకమ్మ వేడుకలను ఘనంగా నిర్వహిస్తోందని తెలిపారు.

ఇబ్రహీంపట్నం రూరల్‌: అనుమతులు లేకుండా అడ్డగోలుగా నిర్మాణాలు చేపడితే సహించేది లేదని జీహెచ్‌ఎంసీ విజిలెన్స్‌ ఎస్‌ఐ నందకిషోర్‌ హెచ్చరించారు. ఆదిభట్ల జీహెచ్‌ఎంసీ సర్కిల్‌ పరిధి ఆదిభట్లలోని టీసీఎస్‌ ఎదురుగా అక్రమంగా చేపట్టిన బహుళ అంతస్తుల నిర్మాణాలను కూల్చివేశారు. ఈ సందర్భంగా నందకిషోర్‌ మాట్లాడుతూ..ప్రభుత్వం, జీహెచ్‌ఎంసీ ఉన్నతాధికారుల ఆదేశాల మేరకు కూల్చివేత లు చేపట్టినట్టు తెలిపారు.అనుమతులు జీ ప్లస్‌ టుకు మాత్రమే తీసుకొని నాలుగు,ఐదు అంతస్తుల నిర్మాణాలు చేపట్టడం తగదన్నారు. ఇంటి నిర్మాణం కోసం అనుమతులు తీసుకొని ఏ కంగా కమర్షియల్‌ భవనాలు చేపట్టడం చట్టవిరుద్ధమన్నారు. కార్యక్రమంలో జీహెచ్‌ఎంసీ అ దిభట్ల సర్కిల్‌ టీపీఓ రఘునాథ్‌, జూనియర్‌ అసిస్టెంట్‌ రాకేష్‌,రూపేష్‌, సహాయకులు నరేందర్‌, వివిధ శాఖల అధికారులు పాల్గొన్నారు. మొండిగౌరెల్లి వాసికి యంగ్‌ ఫిల్మ్‌ మేకర్‌ అవార్డు యాచారం: మండల పరిధిలోని మొండిగౌరెల్లి గ్రామానికి చెందిన పర్సమోని శ్రీనివాస్‌ ముదిరాజ్‌కు తెలంగాణ యంగ్‌ ఫిల్మ్‌ మేకర్‌ అవార్డు దక్కింది. ఈ అవార్డును శనివారం నగరంలో డిప్యూటీ సీఎం భట్టి విక్రమార్క, సినీ నిర్మాత దిల్‌రాజ్‌, డైరెక్టర్‌ హరీశ్‌ శంకర్‌ తదితరులు అవార్డుతో పాటు రూ.2 లక్షల చెక్కును అందజేశారు. పర్సమోని శ్రీనివాస్‌ ముదిరాజ్‌ తెలంగాణ ప్రాంత జీవన వైవిద్యం, కళాకారుల జీవనోపాధులు, తెలంగాణ యాస పాటలు అందించారు. తాజాగా అమ్మ నవ్వింది పాటకు రాష్ట్ర స్థాయి అవార్డు దక్కింది. అవార్డు రావడంపై యాచారం మండల ప్రజలు హర్షం వ్యక్తం చేశారు. సీఎం పర్యటన ఏర్పాట్ల పర్యవేక్షణ యాచారం: మండల పరిధిలోని కుర్మిద్దలో ఎన్‌ఐయూఎం భవన నిర్మాణ శంకుస్థాపనకు సీఎం రేవంత్‌రెడ్డి త్వరలో రానున్న నేపథ్యంలో అధికార యంత్రాంగం ముమ్మర ఏర్పాట్లు చేస్తోంది. ఈ నెల 15న ముఖ్యమంత్రితోపాటు డిప్యూటీ సీఎం భట్టి విక్రమార్క రావాల్సి ఉండగా అనివార్య కారణాలతో కార్యక్రమం రద్దయింది. మరో రెండు, మూడు రోజుల్లో సీఎం పర్యటన ఉండే అవకాశం ఉందన్న నేపథ్యంలో శనివారం ఇబ్రహీంపట్నం ఏసీపీ కేపీవీ రాజు, రెవెన్యూ, మున్సిపల్‌, టీజీఐఐసీ ఉన్నతాధికారుల బృందం గ్రామంలో పర్యటించింది. ఎన్‌ఐయూఎంకు కేటాయించిన స్థలాన్ని అధి కారులు సందర్శించారు. భద్రతా ఏర్పాట్లు, సమావేశపు నిర్మాణం, పార్కింగ్‌ వంటి విషయాలపై అధికారులు చర్చించారు. ఓయూ పీహెచ్‌డీలో ఏఐ డిగ్రీ, పీజీ కోర్సుల్లో మార్పులపై వీసీ దృష్టి ఉస్మానియా యూనివర్సిటీ: వర్సిటీ స్థాయి డిగ్రీ, పీజీ, పీహెచ్‌డీ కోర్సుల నిర్వహణలో మార్పులపై వీసీ ప్రొ.కుమార్‌ దృష్టి సారించారు. పీహెచ్‌డీలో ఆర్టిఫిషియల్‌ ఇంటెలిజెన్స్‌ (ఏఐ), రీసెర్చ్‌ మెథడాలజీ, పబ్లిషింగ్‌ అండ్‌ రీసెర్చ్‌ ఎథిక్స్‌లతో పాటు బ్రాడ్‌ ఏరియా ఆఫ్‌ రీసెర్చ్‌ అంశాలు చేర్చనున్నట్లు తెలిపారు. శని వారం ఓయూ పాలనా భవనంలో డీన్లు, హె డ్స్‌, బీవోఎస్‌ ఛైర్మన్లు, ప్రొఫెసర్లతో అకాడమిక్‌ అంశాలపై చర్చించారు. మార్కెట్‌ అవసరాల ను అనుగుణంగా డిగ్రీ,పీజీ కోర్సులను మార్చ డం, పీహెచ్‌డీ కోర్సు వర్క్‌లో భాగంగా ప్రస్తు తం కొనసాగుతున్న రెండు సబ్జెక్టుల విధానాన్ని నాలుగు అంశాలతో కూడిన 12 క్రెడిట్ల విధానంగా మార్చే ప్రతిపాదనలపై చర్చించారు. విద్యా సంస్కరణల్లో భాగంగా సకాలంలో పరీక్ష ఫలితాలు, పరిపాలన సామర్థ్యం పెంపు, విద్యా, పాలన ప్రక్రియలో జాప్యాన్ని తగ్గించి, నిర్ణీత కాలంలో జవాబుదారీతనంతో పనులు పూర్తి చేయాలని అధికారులకు సూచించినట్లు సీపీఆర్వో ప్రొ.ప్యాట్రిక్‌ తెలిపారు.

చేవెళ్ల: ప్రమాదశాత్తు ఓ టెంట్‌హౌస్‌లో మంటలు చెలరేగి టెంట్లు కాలిపోయాయి. ఈ సంఘటన మండలంలోని మీర్జాగూడలో చోటుచేసుకుంది. స్థానికులు, బాధితుడు తెలిపిన ప్రకారం.. మీర్జాగూడ గ్రామానికి చెందిన కొమరబండ నర్సింలు గ్రామంలోనే టెంట్‌హౌస్‌ నిర్వహిస్తూ జీవిస్తున్నాడు. ఎప్పటి మాదిరిగానే శుక్రవారం ఉదయం దుకాణం తెరిచి పూజచేసి దీపం వెలిగించాడు. మధ్యాహ్నం తరువాత ఏం జరిగిందో కాని దుకాణం మూసి ఉండటంతో అందులో నుంచి పొగలు రావడాన్ని స్థానికులు గమనించి సమాచారం అందించారు. బాధితుడు, స్థానికులు కలిసి దుకాణం తెరిచిచూడగా పూర్తిగా మంటలు, పొగ వ్యాపించాయి. వెంటనే నీళ్లు తెచ్చి మంటలు ఆర్పివేశారు. దుకాణంలో టెంట్లు కాలిపోయాయి. వాటి విలువ సుమారు రూ.లక్ష వరకు ఉంటుందని బాధితుడు వాపోయాడు.

పహాడీషరీఫ్‌: ఐదు రోజులుగా కనుల పండువగా కొనసాగిన మామిడిపల్లిలోని శ్రీ బాలాజీ వేంకటేశ్వర స్వామి ఆలయ బ్రహ్మోత్సవాలు శుక్రవారంతో ముగిసాయి. ఉదయం హవనం అనంతరం భక్తుల కోలాహలం, మంగళ వాయిద్యాల నడుమ పుష్కరిణికి ఊరేగింపుగా తీసుకెళ్లి చక్రతీర్థం చేయించారు. భక్తులు సైతం పెద్ద ఎత్తున కోనేరులో పుణ్య స్నానాలు ఆచరించారు. ఆలయ ప్రధాన అర్చకుడు సుధీర్‌ కుమార్‌ పర్యవేక్షణలో వేద పండితుల మంత్రోచ్ఛరణల మధ్య కార్యక్రమం కొనసాగింది. సాయంత్రం నిర్వహించిన ధ్వజావరోహణంతో ఉత్సవాలు ముగిసాయి. కార్యక్రమంలో ఉత్సవ నిర్వహణ కమిటీ చైర్మన్‌ కళ్లెం నరేష్‌ గౌడ్‌, లాల్‌ సతీష్‌ గౌడ్‌, దామోదర్‌ సచిన్‌ సోని, వాసుదేవారెడ్డి, కెంచె లక్ష్మీనారాయణ, ధర్మారెడ్డి, గుర్జని గణేశ్‌ గౌడ్‌, సురేష్‌ గౌడ్‌, ఎల్‌.కె.కృష్ణ, సుదర్శన్‌ యాదవ్‌, లక్ష్మణ్‌, నందీశ్వర్‌, సూరెడ్డి జంగారెడ్డి, శ్రీను రెడ్డి తదితరులు పాల్గొన్నారు.

మొయినాబాద్‌: ఇళ్ల స్థలాలకోసం 113 రోజుల పాటు రిలే దీక్ష చేసిన హిమాయత్‌నగర్‌ గ్రామస్తులు రెవెన్యూ శాఖ మంత్రి పొంగులేటి శ్రీనివాస్‌రెడ్డి ఇచ్చిన హామీతో విరమించారు. మున్సిపాలిటీలోని హిమాయత్‌నగర్‌ రెవెన్యూ సర్వేనంబర్‌ 151లో 19 ఏళ్ల క్రితం కేటాయించిన ఇళ్ల స్థలాలను తమకు అప్పగించాలంటూ యువజన సంఘాల ఆధ్వర్యంలో 113 రోజులుగా రిలే దీక్ష చేస్తున్నారు. ఈ క్రమంలో శుక్రవారం కాంగ్రెస్‌ పార్టీ చేవెళ్ల నియోజకవర్గం ఇన్‌చార్జి పామెన భీంభరత్‌, జెడ్పీటీసీ మాజీ సభ్యుడు కంజర్ల భాస్కర్‌, బీఆర్‌ఎస్‌ నాయకుడు రవియాదవ్‌ తదితరులతో కలిసి గ్రామస్తులు మంత్రి పొంగులేటి శ్రీనివాస్‌రెడ్డి వద్దకు వెళ్లారు. ఆయనతో ఇళ్ల స్థలాల విషయంపై చర్చించారు. దసరా పండుగ తరువాత గ్రామస్తులకు న్యాయం చేస్తామని.. ఇళ్ల స్థలాలు ఇస్తామని హామీ ఇచ్చారు. దీంతో శుక్రవారం సాయంత్రం భీంభరత్‌, ఇతర నాయకులు కలిసి దీక్ష చేస్తున్నవారికి నిమ్మరసం ఇచ్చి విరమింపజేశారు. కార్యక్రమంలో కాంగ్రెస్‌ పార్టీ మండల అధ్యక్షుడు సత్యనారాయణ, మాజీ అధ్యక్షుడు మాణయ్య, యువజన సంఘాల అధ్యక్షులు, నాయకులు పాల్గొన్నారు. 113 రోజుల దీక్ష విరమణ

చేవెళ్ల: ప్రభుత్వం అందిస్తున్న సంక్షేమ పథకాలను అర్హులైన ప్రతిఒక్కరికీ అందించేందుకు కృషి చేస్తున్నట్లు ఎమ్మెల్యే కాలె యాదయ్య అన్నారు. మండలం, మున్సిపల్‌ పరిధిలోని 37 మంది లబ్ధిదారులకు వచ్చిన కల్యాణలక్ష్మి, షాదీ ముబారక్‌ చెక్కులను పంపిణీ చేశారు. ఈ సందర్భంగా మాట్లాడుతూ.. ప్రభుత్వం ప్రజాసంక్షేమానికి పెద్ద పీట వేస్తోందని చెప్పారు. కార్యక్రమంలో మున్సిపల్‌చైర్‌పర్సన్‌ దేవర సమతారెడ్డి, వైస్‌ చైర్మన్‌ రాముగౌడ్‌, పార్టీ మున్సిపల్‌ అధ్యక్షుడు శ్రీనివాస్‌గౌడ్‌, పార్టీ మండల అధ్యక్షుడు గిరిధర్‌రెడ్డి, పీఏసీఎస్‌ చైర్మన్‌ వెంకట్‌రెడ్డి, సర్పంచులు బి.మల్లారెడ్డి, ప్రభాకర్‌రెడ్డి, రాము లు, కో ఆప్షన్‌ సభ్యుడు చాన్‌పాష పాల్గొన్నారు. హైమాస్ట్‌ లైట్లు ప్రారంభం మండలంలోని కమ్మెటలో రూ.6లక్షలతో ఏర్పాటుచేసిన హైమాస్ట్‌ లైట్లను శుక్రవారం ఎమ్మెల్యే కాలెయా దయ్య, స్థానిక సర్పంచ్‌ ముడ్రిక పద్మామ్మకృష్ణగౌడ్‌తో కలిసి ప్రారంభించారు. ఉప సర్పంచ్‌ విష్ణువర్థన్‌గౌడ్‌, నాయకులు శశిధర్‌గౌడ్‌, బాలకృష్ణ తదితరులు పాల్గొన్నారు. పంచాయతీ భవనం ప్రారంభం మొయినాబాద్‌ రూరల్‌: గ్రామాల అభివృద్ధికి సీఎం రేవంత్‌రెడ్డి పెద్దపీట వేస్తున్నారని చేవెళ్ల ఎమ్మెల్యే కాలె యాదయ్య అన్నారు. మండల పరిధిలోని ఎత్‌మార్‌పల్లిలో నూతనంగా నిర్మించిన పంచాయతీ భవనాన్ని శుక్రవారం ఆయన ప్రారంభించారు. కార్యక్రమంలో సర్పంచ్‌ చింతకింది ప్రవీణ్‌రెడ్డి, సర్పంచ్‌ల సంఘం మండల ప్రధాన కార్యదర్శి మాడి రాజేందర్‌రెడ్డి, ఎంపీడీఓ హిమబిందు, పంచాయతీ కార్యదర్శి హర్షిత, పంచాయతీరాజ్‌ డిప్యూటీ డీఈ విజయ్‌కుమార్‌, ఏఈ భూపాల్‌, సర్పంచ్‌లు శ్రీదివ్యమురళీధర్‌రెడ్డి, రజితరవీందర్‌ తదితరులు పాల్గొన్నారు. చేవెళ్ల ఎమ్మెల్యే కాలె యాదయ్య

మోమిన్‌పేట: అప్పుల బాధ తట్టుకోలేక ఓ యువకుడు చెట్టుకు ఊరి వేసుకొని మృతి చెందాడు. ఈ ఘటన మండల కేంద్రంలో గురువారం చోటుచేసుకుంది. పోలీసుల కథనం మేరకు.. మొరంగపల్లికి చెందిన రాగన్నోళ్ల మణికాంత్‌రెడ్డి(22) తండ్రి నర్సింహారెడ్డి ఇటీవల రోడ్డు ప్రమాదం గాయపడ్డాడు. చికిత్స నిమిత్తం తెలిసిన వారి వద్ద అప్పులు చేశాడు. అవిఎలా తీర్చాలో తెలియక మానసిక వేదనకు గురై తన పొలం వద్ద ఆత్మహత్య చేసుకున్నాడు. మృతదేహాన్ని చూసిన రైతులు కుటుంబసభ్యులకు సమాచారం ఇచ్చారు. విషయం తెలుసుకున్న పోలీసులు ఘటనా స్థలానికి చేరుకొని వివరాలు సేకరించారు. మృతిడి తండ్రి ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు హెడ్‌ కానిస్టేబుల్‌ దత్తాత్రేయ తెలిపారు. కుల్కచర్ల: ఎదురెదురుగా వస్తున్న టిప్పర్‌, ద్విచక్ర వాహనం ఢీకొనడంతో లూనాపై వెళ్తున్న యువకుడు మృతి చెందాడు. ఈ ఘటన మండలంలోని ఘణాపూర్‌ గేటు సమీపంలో శుక్రవారం చోటు చేసుకుంది. పోలీసులు తెలిపిన వివరాల ప్రకారం.. మహ్మదాబాద్‌ మండలం గాధిర్యాల్‌ గ్రామానికి చెందిన పక్కిరి మాలిక్‌(35) చికెన్‌ సెంటర్‌లో పనిచేస్తుంటాడు. వ్యక్తిగత పనుల మీద కుల్కచర్లకు వచ్చాడు. తిరిగి స్వగ్రామానికి వెళ్తున్న క్రమంలో ఎదురుగా వస్తున్న టిప్పర్‌ ఢీకొట్టడంతో అక్కడికక్కడే మృతి చెందాడు. ఘటనా స్థలాన్ని ఎస్‌ఐ రమేష్‌ పరిశీలించి టిప్పర్‌ను పోలీస్‌స్టేషన్‌కు తరలించారు. ఈ మేరకు కేసు నమోదు చేశారు. ● బద్లాపూర్‌లో ఘటన ● కేసు నమోదు బషీరాబాద్‌: ఇంటి తాళం పగులగొట్టి బంగారు ఆభరణాలు చోరీ చేసిన ఘటన శుక్రవారం బషీరాబాద్‌ మండలంలో చోటుచేసుకుంది. బాధితురాలు కంసాన్‌పల్లి కవిత ఫిర్యాదు మేరకు పోలీసులు కేసు నమోదు చేశారు. ఎస్‌ఐ విఠల్‌ తెలిపిన వివరాల ప్రకారం.. బద్లాపూర్‌ గ్రామానికి చెందిన కవిత ఈ నెల 15వ తేదీ ఉదయం 11 గంటలకు ఇంటికి తాళం వేసి పొలానికి వెళ్లింది. సాయంత్రం 6 గంటలకు తిరిగి వచ్చి చూడగా ఇంటి తాళంతోపాటు బీరువా తాళం కూడా పగులగొట్టి ఉన్నాయి. బీరువాలో ఉంచిన రెండు తులాల బంగారు గుండ్లు, కమ్మలు, ముక్కుపుడక తోపాటు కొంత నగదు కనిపించలేదు. గుర్తుతెలియని వ్యక్తులు ఇంట్లోకి చొరబడి ఆభరణాలు, నగదు అపహరించినట్లు బాధితురాలు శుక్రవారం పోలీసులకు ఫిర్యాదు చేసింది. పోలీసులు దర్యాప్తు ప్రారంభించారు. అయితే దొంగతనానికి పాల్పడింది గ్రామానికి చెందిన మైనర్లేనని విచారణలో తేలినట్లు తెలిసింది. వీరిని అదుపులోకి తీసుకున్న పోలీసులు విచారిస్తున్నారు. దొంగిలించిన సొత్తు సైతం రికవరీ చేసినట్లు సమాచారం. పాలపిట్టను నిర్బంధిస్తే జైలు, జరిమానా బొంరాస్‌పేట: దసరా పండుగ సందర్భంగా రాష్ట్ర పక్షి పాలపిట్టను నిర్బంధిస్తే వన్యప్రాణుల సంరక్షణ చట్ట ప్రకారం మూడేళ్ల జైలు, రూ.లక్ష జరిమానా ఉంటుందని కొడంగల్‌ ఫారెస్ట్‌ ఆఫీసర్‌ యాదగిరి హెచ్చరించారు. శుక్రవారం దుద్యాల ఎంపీడీఓ కార్యాలయంలో వన్యప్రాణుల సంరక్షణపై ప్రజలకు అవగాహన కల్పించారు. అనుమతులు లేకుండా ఎవరూ అడవుల్లోకి వెళ్లరాదని సూచించారు. వన్యప్రాణుల స్వేచ్ఛకు అంతరాయం కలిగిస్తే చర్యలు తప్పవన్నారు. అనంతరం పాలపిట్ట సంరక్షణ వాల్‌పోస్టర్‌ను ఆవిష్కరించారు. కార్యక్రమంలో అధికారులు ఫారూఖ్‌ అలీ, కార్తీక్‌రెడ్డి తదితరులు పాల్గొన్నారు.

అవకతవకలు.. బియ్యం అక్రమ రవాణా, సీఎంఆర్‌ సేకరణలో అవకతవకలు అరికట్టడమే లక్ష్యమని సివిల్‌ సప్లై అధికారులు తెలిపారు.కదిలిస్తారా..జిల్లా విద్యాశాఖలో అంతర్గత డిప్యూటేషన్ల రగడ ● డీఈఓ ఉత్తర్వులు బేఖాతార్‌ చేస్తున్న ఉపాధ్యాయులు ● 271 మందికి ఉత్తర్వులు.. ఇప్పటికీ జాయిన్‌ కాని 52 మంది ● పలువురు హెచ్‌ఎంలు, ఎంఈఓలకు షోకాజ్‌ నోటీసులు ● తాజాగా మరోసారి జారీ చేసే యోచనలో జిల్లా విద్యాశాఖ సాక్షి, రంగారెడ్డిజిల్లా: మాటవినకుండా మొండికేస్తున్న ఉపాధ్యాయుల విషయంలో మరింత కఠినంగా వ్యవహరించాలని జిల్లా విద్యాశాఖ నిర్ణయించింది. నోటీసులకు స్పందించని ఉపాధ్యాయులకు రెండోసారి కూడా సంజాయిషీ నోటీసులు జారీ చేసి తర్వాత వారిపై వేటు వేయాలని భావిస్తోంది. జిల్లాలో పలు ప్రభుత్వ పాఠశాలల్లో విద్యార్థుల నిష్పత్తి మేరకు ఉపాధ్యాయులు లేకపోవడం, సబ్జెక్టు టీచర్ల కొరతతో పాఠ్యాంశాల బోధన ఇబ్బందిగా మారుతోంది. విద్యార్థులు, వారి తల్లిదండ్రుల విజ్ఞప్తి మేరకు జిల్లా విద్యాశాఖ ప్రక్షాళనకు శ్రీకారం చుట్టింది. ఉపాధ్యాయుల అంతర్గత సర్దుబాటు చర్యలు చేపట్టింది. దీనిలో భాగంగా 271 మందికి స్థానచలనం కల్పించింది. ఈ మేరకు రిలీవింగ్‌, జాయినింగ్‌ ఆర్డర్స్‌ సైతం జారీ చేసింది. ఇంటికి సమీపంలోని పాఠశాలల్లో విధులు నిర్వర్తిస్తున్న కొంతమంది ఉపాధ్యాయులు ఇందుకు ససేమిరా అంగీకరించడం లేదు. ఆన్‌లైన్‌ కౌన్సెలింగ్‌ ద్వారా పొందిన చోటే పని చేస్తామని, మరో చోటికి వెళ్లబోమని భీష్మించి కూర్చొన్నారు. ఇప్పటి వరకు 212 మంది కేటాయించిన పాఠశాలల్లో చేరారు. మరో ఏడుగురు ప్రస్తుతం పని చేస్తున్న ప్రదేశంలోనే పదవీ విరమణ చేశారు. 52 మంది ఇప్పటికీ జాయిన్‌ కాలేదు. వీరితో పాటు రిలీవ్‌ చేయకుండా అడ్డుకుంటున్న 83 మంది ప్రధానోపాధ్యాయులు, మండల విద్యా శాఖ అధికారులకు జిల్లా విద్యాశాఖ నోటీసులు జారీ చేసింది. తొలి విడతలో నోటీసులు అందుకున్న వారిలో 41 మంది ఇప్పటికే లిఖిత పూర్వక వివరణ ఇచ్చారు. మరో 11 మంది ఉపాధ్యాయులు ఉత్తర్వులను పట్టించుకోవడం లేదు. వీరిని దారిలోకి తేవాలంటే రెండోసారి కూడా నోటీసులు ఇవ్వాలని, అయినా స్పందించకపోతే నెలవారీ వేతనం నిలిపివేయడంతో పాటు ఇతర చర్యలు తీసుకోవాలని నిర్ణయించినట్లు జిల్లా విద్యాశాఖ స్పష్టం చేసింది. పోస్టింగ్‌ ఒక చోట.. విధులు మరోచోట ప్రజాప్రతినిధుల సిఫార్సు లేఖలు, ఉన్నతాధికారుల ఫైరవీలతో పలువురు ఉపాధ్యాయులు డిప్యూటేషన్‌ ఆర్డర్లు తెచ్చుకున్నారు. వీరంతా పిల్లల ఉన్నత చదువులు, ఉపాధి అవకాశాలు, వృద్ధ తల్లిదండ్రులకు సేవలు, అనారోగ్య సమస్యలను కారణంగా చూపించి డైరెక్టర్‌ ఆఫ్‌ స్కూల్‌ ఎడ్యుకేషన్స్‌ ఆర్డర్స్‌తో ఇతర జిల్లాలకు చెందిన ఉపాధ్యాయులతో పాటు సొంత జిల్లాకు చెందిన ఉపాధ్యాయులు సైతం డిప్యూటేషన్లపై వచ్చి కూర్చొన్నారు. ఆదిలాబాడ్‌, నల్లగొండ, మహబూబ్‌నగర్‌, కామారెడ్డి, మేడ్చల్‌, యాదాద్రి భువనగిరి, నారాయణపేట్‌, నాగర్‌కర్నూలు, వికారాబాద్‌, జోగులాంబ గద్వాల జిల్లాలకు చెందిన వారు 34 మంది ఉన్నారు. ఇక సొంత జిల్లాలోని ఒక మండలం నుంచి మరో మండలానికి అంతర్గత డిప్యూటేషన్లపై వెళ్లిన వారు మరో 40 మంది ఉన్నారు. వీరంతా మారుమూల మండలాల్లో (చేవెళ్ల, మంచాల, కందుకూరు, మాడ్గుల, కొందుర్గు, ఫరూఖ్‌నగర్‌, షాబాద్‌, చౌదరిగూడ, తలకొండపల్లి, ఆమనగల్లు, కేశంపేట, కొత్తూరు) గ్రామాల్లో పోస్టింగ్‌లు పొంది.. నగరంలోని ఇంటికి సమీపంలో ఉన్న శేరిలింగంపల్లి, రాజేంద్రనగర్‌, సరూర్‌నగర్‌, గండిపేట్‌, బాలాపూర్‌, హయత్‌నగర్‌ మండలాల్లోని ప్రభుత్వ పాఠశాలల్లో డిప్యూటేషన్‌పై వచ్చి చేరారు. పిల్లల నిష్పత్తికి మించి అవసరం లేకపోయినా ఉపాధ్యాయులు పని చేస్తున్నారు. అడ్డదారుల్లో వచ్చి ఫోకల్‌ పోస్టులు పొందినవారి డిప్యూటేషన్‌ ఆర్డర్లను ప్రభుత్వం రద్దు చేసింది. సొంత స్థానానికి వెళ్లాల్సిందిగా ఆదేశాలు జారీ చేసింది. వీరిలో కొంత మంది ఇప్పటికీ రిలీవ్‌ కాకుండా అదే స్థానంలో కొనసాగుతుండటం విశేషం. విద్యార్థుల భవిష్యత్తును దృష్టిలో ఉంచుకుని పలువురు ఉపాధ్యాయులను అంతర్గతంగా సర్దుబాటు చేశాం. ఒక మండలం నుంచి సమీపంలోని మరో మండలానికి కేటాయించాం. వీరితో పాటు డిప్యూటేషన్‌ ఆర్డర్లను రద్దు చేసినా రిలీవ్‌ కాకుండా ఇక్కడే కొనసాగుతున్న వారి విషయంలో కఠినంగా వ్యవహరించబోతున్నాం. వేతనాలు నిలిపివేయడంతో పాటు విధుల నుంచి సస్పెండ్‌ చేయడానికి వెనుకాడబోం. విధి నిర్వహణలో మరింత నిక్కచ్చిగా వ్యవహరిస్తాం. రాజకీయ, అధికారిక ఒత్తిళ్లకు ఏమాత్రం తలొగ్గేది లేదు. – వెంకటేశ్వర్లు, జిల్లా విద్యాధికారి

● ముందస్తు కార్యాచరణ ప్రణాళికలు సిద్ధం చేయండి ● తాగునీరు, వ్యవసాయం, పశుగ్రాసం, విద్యుత్‌ సరఫరాపై దృష్టి సారించండి ● ఉమ్మడి జిల్లా అధికారుల సమీక్షలో ముఖ్య కార్యదర్శి వికాస్‌రాజ్‌సాక్షి, రంగారెడ్డిజిల్లా: ఎల్‌నినో ప్రభావంతో భవిష్యత్తులో ఎదురయ్యే వర్షాభావ పరిస్థితులను దృష్టిలో ఉంచుకొని అధికారులు ముందస్తు చర్యలు చేపట్టాలని ఉమ్మడి రంగారెడ్డి జిల్లా ఎల్‌నినో ప్రత్యేక అధికారి, స్పెషల్‌ చీఫ్‌ సెక్రటరీ వికాస్‌రాజ్‌ ఆదేశించారు. ఈ మేరకు శుక్రవారం మేడ్చల్‌–మల్కాజిగిరి కలెక్టరేట్‌లో ఎల్‌నినో ప్రభావం, వర్షాభావ పరిస్థితులు, వ్యవసాయం, ఉద్యానవన శాఖ, తాగునీటి సరఫరా, విద్యుత్‌, నీటిపారుదల తదితర అంశాలపై సంబంధిత శాఖల జిల్లా అధికారులతో సమీక్ష సమావేశం నిర్వహించారు. సమావేశానికి రంగారెడ్డి జిల్లా ఇన్‌చార్జి కలెక్టర్‌ డాక్టర్‌ కిరణ్మయి, మేడ్చల్‌ కలెక్టర్‌ మను చౌదరి, వికారాబాద్‌ కలెక్టర్‌ దీపక్‌ తివారీ, టీజీఎస్‌పీడీసీఎల్‌ సీఎండీ జితీష్‌ వి.పాటిల్‌ హాజరయ్యారు. ఈ సందర్భంగా వికాస్‌రాజ్‌ మాట్లాడుతూ.. ఎల్‌నినో ప్రభావంతో తలెత్తే పరిస్థితులను సమర్థవంతంగా ఎదుర్కొనేందుకు అన్ని శాఖలు సమన్వయంతో పనిచేస్తూ ముందస్తు కార్యాచరణ ప్రణాళికలు రూపొందించాలని సూచించారు. ప్రజలకు తాగునీటి కొరత తలెత్తకుండా అవసరమైన చర్యలు చేపట్టాలని, అందుబాటులో ఉన్న నీటి వనరులను పొదుపుగా, సమర్థవంతంగా వినియోగించుకునేలా ప్రణాళికలు సిద్ధం చేయాలని ఆదేశించారు. వ్యవసాయ రంగంపై ఎల్‌నినో ప్రభావాన్ని ముందుగానే అంచనా వేసి, వర్షపాతం, నీటి లభ్యతకు అనుగుణంగా పంటల ఎంపిక చేసుకునేలా రైతులకు అవగాహన కల్పించాలని తెలిపారు. నీటి లభ్యత తక్కువగా ఉన్న ప్రాంతాల్లో ప్రత్యామ్నాయ, తక్కువ నీటితో సాగు చేయగల పంటలను ప్రోత్సహించాలని, వ్యవసాయంతో పాటు ఉద్యానవన శాఖ అధికారులు రైతులకు అవసరమైన సాంకేతిక సూచనలు అందించాలని పేర్కొన్నారు. వేసవిలో పశువులకు తాగునీరు, పశుగ్రాసం కొరత ఏర్పడకుండా ముందస్తు ఏర్పాట్లు చేయాలని, భూగర్భ జలాలు తగ్గుముఖం పడుతున్న నేపథ్యంలో నీటి సంరక్షణ చర్యలను విస్తృతంగా చేపట్టాలని సూచించారు. విద్యుత్‌ను పొదుపుగా వినియోగించేలా ప్రజలకు అవగాహన కల్పించడంతో పాటు, నీటి సరఫరా వ్యవస్థలు సజావుగా పనిచేసేలా సంబంధిత శాఖలు అప్రమత్తంగా ఉండాలని ఆదేశించారు. ఎల్‌నినో ప్రభావంతో ఎదురయ్యే పరిస్థితులను ఎదుర్కొనేందుకు జిల్లా యంత్రాంగం నిరంతరం అప్రమత్తంగా ఉండాలని, క్షేత్రస్థాయిలో పరిస్థితులను ఎప్పటికప్పుడు పర్యవేక్షిస్తూ జిల్లాలకు సంబంధించిన సమస్యలు, అవసరమైన సమాచారాన్ని ఉన్నతాధికారులకు సకాలంలో అందించాలని సూచించారు. సమావేశంలో మేడ్చల్‌ అదనపు కలెక్టర్‌ ఫైజల్‌ అహ్మద్‌, వికారాబాద్‌ అదనపు కలెక్టర్‌ ఉమాశంకర్‌ ప్రసాద్‌, అసిస్టెంట్‌ ట్రైనీ కలెక్టర్‌ సచిన్‌ బస్వరాజ్‌, మేడ్చల్‌ రెవెన్యూ అధికారి మాలతి, ఉమ్మడి రంగారెడ్డి జిల్లాలకు సంబంధించిన అధికారులు పాల్గొన్నారు.

ఆమనగల్లు: పెండింగ్‌లో ఉన్న కేసుల దర్యా ప్తును వేగిరం చేయాలని మహేశ్వరం ఏసీపీ ఎస్‌.జానకిరెడ్డి కోరారు. నేరాల నియంత్రణకు కృషి చేయాలని సూచించారు. పట్టణంలోని పోలీస్‌ స్టేషన్‌ను శుక్రవారం ఆయన తనిఖీ చేశారు. ఈ సందర్భంగా పోలీసుల గౌరవ వందనం స్వీకరించారు. అనంతరం స్టేషన్‌ పరిసరాలను పరిశీలించారు. రికార్డులు, పెండింగ్‌ కేసులు, శాంతిభద్రతల పరిస్థితులు, పెట్రోలింగ్‌, నిఘా వ్యవస్థ, మహిళల భద్రత, ఫిర్యా దులు, వారెంట్లు, స్టేషన్‌ పరిపాలనకు సంబంధించిన అంశాలపై సిబ్బందితో మాట్లాడి ఆరా తీశారు. ఈ సందర్భంగా ఏసీపీ మాట్లాడుతూ.. సమర్థవంతమైన పెట్రోలింగ్‌ నిర్వహించి నేరాల నియంత్రణకు చర్యలు తీసుకోవాలని అన్నారు. ప్రజల ఫిర్యాదులపై తక్షణమే స్పందించి మెరుగైన సేవలు అందించాలని సూచించారు. అనంతరం పట్టణంలోని ప్రభుత్వ జూనియర్‌ కాలేజీ గ్రౌండ్స్‌లో నిర్వహించే దసరా సంబరాల కోసం స్థల పరిశీలన చేసి భద్రతా ఏర్పాట్లను సమీక్షించారు. ఆయన వెంట సీఐ వెంకటేశ్వర్లు, ఎస్‌ఐ సంతోష్‌ కుమార్‌రెడ్డి ఉన్నారు

పహాడీషరీఫ్‌: శాంతి భద్రతలను కాపాడడమే లక్ష్యంగా ఆపరేషన్‌ కవచ్‌ కార్యక్రమాన్ని చేపట్టినట్టు శంషాబాద్‌ డీసీపీ బి.రాజేష్‌ తెలిపారు. నగర పోలీస్‌ కమిషనర్‌ వీసీ సజ్జనార్‌ ఆదేశానుసారం జాయింట్‌ సీపీ (ట్రాఫిక్‌) జోయల్‌ డేవిస్‌తో కలిసి గురువారం రాత్రి బాలాపూర్‌ పోలీస్‌స్టేషన్‌ పరిధిలో వాహనాల తనిఖీ చేపట్టారు. ఈ సందర్భంగా కంచన్‌బాగ్‌ పోలీస్‌స్టేషన్‌కు చెందిన రౌడీషీటర్‌ ఇలియాస్‌ను అదుపులోకి తీసుకున్నారు. 170 వాహనాలను తనిఖీ చేసి, 18 కేసులు నమోదు చేశారు. అనంతరం డీసీపీ మాట్లాడుతూ.. కొన్నాళ్లుగా రాత్రివేళ నేరాలు పెరిగిపోతున్నాయని అన్నారు. కొందరు యువకులు అకారణంగా రోడ్లపై తిరుగుతూ, అరుగులపై తిష్ట వేసి నేరాలకు పాల్పడుతున్నారన్నారు. చట్టవిరుద్ధ కార్యకలాపాలను అరికట్టడం, ట్రాఫిక్‌ నిబంధనలు పూర్తిస్థాయిలో అమలయ్యేలా చూస్తామన్నారు. వాహనదారులు తప్పనిసరిగా హెల్మెట్‌ వాడడడంతో పాటు అవసరమైన పత్రాలను వెంట తెచ్చుకోవాలని సూచించారు. తనిఖీల్లో ఆదిభట్ల ఏసీపీ డి.వి.ప్రదీప్‌ కుమార్‌ రెడ్డి, బాలాపూర్‌ ఇన్‌స్పెక్టర్‌ జి.నాగరాజు, ఎస్‌ఐలు ప్రసాద్‌, నవీన్‌ కుమార్‌, సొహేల్‌ తదితరులు పాల్గొన్నారు.

కోనేరులో మునిగిన విద్యార్థిని కాపాడిన సిబ్బంది పహాడీషరీఫ్‌: మామిడిపల్లిలోని శ్రీ బాలాజీ వేంకటేశ్వర స్వామి ఆలయ బ్రహ్మోత్సవాల్లో భాగంగా శుక్రవారం మధ్యాహ్నం కోనేరులో చక్రతీర్థం పూర్తి కావడంతో స్నానమాచరించిన భక్తులు బయటికి వెళ్లిపోతున్నారు. అదు సమయంలో 12 ఏళ్ల బాలుడు కోనేరులోని నీటిని తలపై పోసుకునే క్రమంలో జారి పడిపోయాడు. ఈత రాకపోవడంతో నీట మునగడాన్ని అక్కడే ఉన్న కానిస్టేబుళ్లు శ్రీనివాస్‌, ప్రవీణ్‌ గమనించారు. ఏ మాత్రం ఆలస్యం చేయకుండా కోనేరులోకి దూకి బాలుడిని ఒడ్డుకు తీసుకువచ్చారు. పోలీసుల సమయస్ఫూర్తిని మెచ్చి కమిటీ సభ్యులు వారిని శాలువాలతో సన్మానించి అభినందించారు. యాచారం: పోలీస్‌ ఉద్యోగం ఇప్పిస్తానని మాయమాటలు చెప్పి డబ్బులు కాజేసిన వ్యక్తిపై యాచారం పోలీసులు కేసు నమోదు చేశారు. వివరాలివీ.. మండల పరిధిలోని మాల్‌ గ్రామానికి చెందిన సయ్యద్‌ సమీర్‌, అబ్దుల్లాపూర్‌మెట్‌ మండలం అనాజ్‌పూర్‌ గ్రామానికి చెందిన ఏడుకొండలు నగరంలోని ఓ ప్రైవేట్‌ కంపెనీలో ఉద్యోగం చేస్తారు. సయ్యద్‌ సమీర్‌ పోలీస్‌ ఉద్యోగం ఇప్పిస్తానని ఏడుకొండలును నమ్మించి మొదట నకిలీ రసీదులు సృష్టించి రూ. 2,500 వసూలు చేశాడు. మళ్లీ రూ.7 లక్షలు ఇస్తే పోలీస్‌ ఉద్యోగం వస్తుందని నమ్మబలికాడు. పరీక్ష రాయనిదే ఉద్యోగం ఎలా వస్తుందని గ్రహించిన ఏడుకొండలు శుక్రవారం యాచారం పోలీసులకు ఫిర్యాదు చేశాడు. ఈ మేరకు సయ్యద్‌ సమీర్‌పై కేసు నమోదు చేసి దర్యాప్తు చేస్తున్నట్లు సీఐ నందీశ్వర్‌రెడ్డి తెలిపారు. శంకర్‌పల్లి: అనారోగ్యంతో శంకర్‌పల్లి మున్సిపల్‌ మాజీ వైస్‌ చైర్మన్‌ భానూరి వెంకట్‌రాంరెడ్డి శుక్రవారం నగరంలోని ఓ ప్రైవేటు ఆస్పత్రిలో మృతి చెందారు. ఆయన పార్థివదేహానికి స్థానిక ఎమ్మెల్యే యాదయ్య, మాజీ ఎంపీ రంజిత్‌రెడ్డి నివాళి ఆర్పించారు. నిరంతరం ప్రజా సేవా కోసం పరితపించే వారని గుర్తు చేసుకున్నారు. ఇబ్రహీంపట్నం: విద్యుత్‌ తీగలను చోరీ చేసిన సంఘటన ఇబ్రహీంపట్నం పోలీస్‌స్టేషన్‌ పరిధిలో చోటుచేసుకుంది. వివరాలివీ.. పొల్కంపల్లి సమీపంలోని జనహర్ష క్యూఆర్‌ ఫెస్‌లో 24 పోల్స్‌కు సంబంధించిన విద్యుత్‌ తీగలను శుక్రవారం తెల్లవారుజామున గుర్తుతెలియని దుండగులు కత్తిరించుకొని వెళ్లారు. వీటి విలువ రూ.లక్షల్లో ఉంటుందని అంచనా. ఈ మేరకు విద్యుత్‌ అధికారులు పోలీసులకు ఫిర్యాదు చే యగా కేసు నమోదు చేసి దర్యాప్తు చేస్తున్నారు. హుడాకాంప్లెక్స్‌: సేల్‌డీడ్ల ప్రక్రియను వీలైనంత త్వరగా పూర్తి చేసుకోవాలని సరూర్‌నగర్‌ తహసీల్దార్‌ వేణుగోపాల్‌ శుక్రవారం ఒక ప్రకటనలో పేర్కొన్నారు. ప్రభుత్వం జారీ చేసిన జీఓ ఎంఎస్‌ నంబర్‌ 118 ప్రకారం ఇప్పటికే దరఖాస్తు చేసుకొని, నిర్దేశిత రుసుములు చెల్లించినప్పటికీ ఇంకా కన్వేయన్స్‌ డీడ్లు (సేల్‌ డీడ్లు) అమలు కాని సంబంధిత లబ్ధిదారులు తమ ప్రక్రియను త్వరగా పూర్తి చేసుకోవడానికి తహసీల్దార్‌ కార్యాలయాన్ని సంప్రదించాల్సిందిగా సూచించారు.

అబ్దుల్లాపూర్‌మెట్‌: గడ్డిఅన్నారం వ్యవసాయ మార్కెట్‌లోని హమాలీలకు అన్‌లోడింగ్‌ చార్జీలు పెంచాలని ఏఐటీయూసీ ఆధ్వర్యంలో శుక్రవారం హమాలీ వర్కర్స్‌ యూనియన్‌ నాయకులు మార్కెట్‌ కమిటీ కార్యదర్శి శ్రీనివాస్‌కు వినతిపత్రం అందజేశారు. చార్జీలు ప్రతి రెండేళ్లకు ఒకసారి పెంచుతున్నారని, తాజాగా పెరిగిన నిత్యావసర వస్తువుల ధరలకు అనుగుణంగా హమాలీ కార్మికులకు అన్‌లోడింగ్‌ చార్జీలు పెంచాలని డిమాండ్‌ చేశారు. కార్యక్రమంలో ఏఐటీయూసీ జిల్లా కార్యవర్గ సభ్యుడు కేతరాజు నరసింహ, రాష్ట్ర కౌన్సిల్‌ సభ్యులు దాసరి ప్రసాద్‌, ఫ్రూట్‌ మార్కెట్‌ హమాలీ వర్కర్‌ యూనియన్‌ అధ్యక్షుడు ఎం.డి.షరీఫ్‌, ప్రధాన కార్యదర్శి కోయకూర చిన్నగౌడ్‌, కోశాధికారి మేతరి పోచయ్య, ఉపాధ్యక్షులు ఎం.డి.షరీఫ్‌, రాజు నాయక్‌ పాల్గొన్నారు.

కొత్తూరు: మండలంలోని తీగాపూర్‌లో ఉన్న ఓ వెంచర్‌లో ఈ నెల 14న చోటు చేసుకున్న యువకుడి దారుణ హత్య కేసును కొత్తూరు పోలీసులు ఛేదించారు. పట్టణంలోని పోలీస్‌స్టేషన్‌లో శుక్రవారం ఏసీపీ లక్ష్మీనారాయణ వివరాలు వివరించారు. నందిగామ మండలం అంతిరెడ్డిగూడ పంచాయతీ పృథ్వీకాలనీలో నివసించే బొడికే ప్రేమ్‌కుమార్‌(18) స్థానికంగా ఉన్న ఓ పరిశ్రమలో సెక్యూరిటీ గార్డుగా పనిచేస్తున్నాడు. ఇతడికి ప్రస్తుతం పృథ్వీ కాలనీలో నివాసం ఉంటున్న హైదరాబాద్‌ బహదూర్‌పురకు చెందిన మహ్మద్‌ ఇర్ఫాన్‌ (20)తో పరిచయమైంది. ప్రేమ్‌కుమార్‌ తన అవసరాల నిమిత్తం ఇర్ఫాన్‌ దగ్గర ఇటీవల రూ.20 వేలు అప్పుగా తీసుకున్నాడు. తీసుకున్న డబ్బులు తిరిగివ్వాలని కోరగా ఇవ్వకపోవడంతో అంతమొందించాలని నిర్ణయించుకుని మైలర్‌దేవ్‌పల్లికి చెందిన తన స్నేహితుడు మహ్మద్‌ నవాజుద్దీన్‌(23) సహాయం తీసుకున్నాడు. పథకంలో భాగంగా ఇద్దరూ కలిసి ఈ నెల 14న ప్రేమ్‌కుమార్‌ను తీగాపూర్‌ శివారులోని ఓ వెంచర్‌లో మందు తాగడానికి తీసుకెళ్లారు. అక్కడ డబ్బుల విషయంలో ఘర్షణ చోటు చేసుకోగా ఇర్ఫాన్‌ కత్తితో ప్రేమ్‌కుమార్‌పై దాడి చేయగా నవాజుద్దీన్‌ సాయం చేశాడు. తీవ్ర గాయాలతో ప్రేమ్‌కుమార్‌ అక్కడికక్కడే మృతి చెందాడు. విషయం తెలుసుకున్న పోలీసులు సంఘటనా స్థలానికి చేరుకుని సెల్‌ఫోన్‌ ఆధారంగా మృతుడి తల్లి బొడికే లలితకు సమాచారం ఇవ్వగా ఆమె తన కుమారుడిగా గుర్తించింది. ఈ మేరకు కేసు నమోదు చేసి దర్యాప్తు ప్రారంభించారు. ఈ నేపథ్యంలో ఈ నెల 15న తిమ్మాపూర్‌ చౌరస్తా వద్ద వాహనాల తనిఖీ చేస్తుండగా అనుమానాస్పదంగా కనిపించిన ఇర్ఫాన్‌, నవాజుద్దీన్‌ను అదుపులోకి తీసుకుని విచారించగా నేరం అంగీకరించారు. వారి నుంచి ద్విచక్రవాహనం, సెల్‌ఫోన్‌, హత్యకు ఉపయోగించిన కత్తిని స్వాధీనం చేసుకుని రిమాండ్‌కు తరలించారు. కాగా ఇర్ఫాన్‌పై ఇదివరకే బహదూర్‌పురలో ఒక కేసు, షాద్‌నగర్‌లో రెండు, కొత్తూరులో మరో కేసు నమోదై ఉన్నట్లు తేలింది. హత్యకేసును ఛేదించిన సీఐ నాగార్జునరెడ్డి, ఎస్‌ఐలు గోపాలకృష్ణ, సత్యశీలారెడ్డి, ఇతర సిబ్బందిని ఏసీపీ అభినందించారు. యువకుడి హత్యకేసును ఛేదించిన పోలీసులు

కడ్తాల్‌: మండల కేంద్రంలో శుక్రవారం రాత్రి బీఆర్‌ఎస్‌ పార్టీ ఆధ్వర్యంలో నిర్వహించిన బతుకమ్మ సంబురాలు అంబరాన్నంటాయి. మహిళలు తీరొక్క పూలతో చూడ ముచ్చటగా అలంకరించిన బతుకమ్మలను పలు కాలనీల మీదుగా ర్యాలీ నిర్వహించి గాంధీనగర్‌ రచ్చబండ వద్దకు చేరుకున్నారు. తెలంగాణ సంస్కృతి సంప్రదాయాన్ని ప్రతిబింబించేలా ఆటపాటలతో హోరెత్తించారు. ప్రముఖ గాయని మధుప్రియ బృందం తమ పాటలతో అలరించారు. వేడుకలకు మాజీ ఎమ్మెల్యే జైపాల్‌యాదవ్‌, మిషన్‌ భగీరథ మాజీ వైస్‌ చైర్మన్‌ ఉప్పల వెంకటేశ్‌ ముఖ్య అతిథులుగా హాజరయ్యారు. సింగిల్‌విండో చైర్మన్‌ వెంకటేశ్‌గుప్తా, సర్పంచ్‌ల సంఘం మాజీ రాష్ట్ర అధ్యక్షుడు లక్ష్మీనర్సింహరెడ్డి, బీఆర్‌ఎస్‌ మండల అధ్యక్షుడు పరమేశ్‌ తదితరులు పాల్గొన్నారు. వేడుకల్లో పాల్గొన్న నాయకులు పాటలతో అలరిస్తున్న గాయని మధుప్రియ

● దసరా వేళ పెరిగిన డిమాండ్‌ ● జోరుగా సాగిన క్రయవిక్రయాలు ● జీవాలు పోషించుకునే రైతులకు కలిసొచ్చిన సీజన్‌ చేవెళ్ల: జీవాలను పోషించుకునే రైతులకు దసరా పండుగ సీజన్‌ కలిసొచ్చింది. మేకలు, గొర్రెలకు డిమాండ్‌ పెరగడంతో చేవెళ్లలో శుక్రవారం నిర్వహించిన మేకల సంత సందడిగా మారింది. సాధారణ రోజులతో పోలిస్తే పండుగ సమయం కావడంతో కొనుగోళ్లు పెరగడం, ధరలు మెరుగ్గా ఉండటంతో జీవాల పెంపకంపై ఆధారపడిన రైతుల్లో ఆశలు చిగురించాయి. సంతకు చేవెళ్ల పరిసర ప్రాంతాల రైతులతోపాటు ఇతర ప్రాంతాలకు చెందిన రైతులు, వ్యాపారులు సైతం పెద్ద సంఖ్యలో వచ్చారు. పండుగ అవసరాలకోసం మేకపోతులు, గొర్రె పొట్టేళ్ల కొనుగోళ్లపై ఆసక్తి కనిపించింది. సాధారణ రోజులతో పోలిస్తే పండుగ సీజన్‌ కావటంతో వ్యాపారం ఊపందుకుంది. పెరిగిన ధరలు కొంత మేర కలిసి వచ్చిందని రైతులు సంతోషం వ్యక్తం చేశారు. చేవెళ్ల సంతకు రెండు మేకలను తెచ్చాను. పండుగ సీజన్‌ కావడంతో త్వరగానే అమ్ముడుపోయాయి. ఒక్కోటి 8వేల రూపాయల చొప్పున విక్రయించాను. – మల్లయ్య, రైతు, మాదారం, నవాబుపేట మండలం

ఇబ్రహీంపట్నం రూరల్‌: రాష్ట్రంలో బియ్యం అక్రమ రవాణా, సీఎంఆర్‌ (కస్టమ్‌ మిల్లింగ్‌ రైస్‌) సేకరణలో అవకతవకలను అరికట్టడమే లక్ష్యమని సివిల్‌ సప్లై విజిలెన్స్‌, టాస్క్‌ఫోర్స్‌ ఎస్పీ కె.రామ్‌కుమార్‌ పేర్కొన్నారు. సివిల్‌ సప్లై కమిషనర్‌ స్టీఫెర్‌ రవీంద్ర ఆదేశాల మేరకు శుక్రవారం ఆదిభట్ల జీహెచ్‌ఎంసీ పరిధిలోని బొంగ్లూర్‌ సమీపంలో ఉన్న జయలక్ష్మి రైస్‌మిల్లులో దాడులు నిర్వహించారు. పోచారం సమీపంలో ఉన్న గోదాంలో సైతం సోదాలు చేశారు. ఈ సందర్భంగా ఎస్పీ రామ్‌కుమార్‌ మాట్లాడుతూ.. రాష్ట్ర వ్యాప్తంగా 28 జిల్లాల్లో సుమారు మూడువేల రైస్‌ మిల్లుల్లో ఏకకాలంలో ఆకస్మిక తనిఖీలు చేపడుతున్నట్టు తెలిపారు. అందులో భాగంగా జయలక్ష్మి రైస్‌మిల్లులో దాడులు చేయడం జరిగిందన్నారు. మిల్లులోని రికార్డులు, ప్రభుత్వం రైతుల నుంచి సేకరించిన ధాన్యం నిల్వలను క్షుణ్ణంగా తనిఖీ చేసినట్లు చెప్పారు. స్టాక్‌ రిజిస్టర్లకు, క్షేత్ర స్థాయిలో ఉన్న ధాన్యానికి భారీ తేడాలు ఉన్నట్లు గుర్తించామన్నారు. వరంగల్‌, ఖమ్మం, ఆదిలాబాద్‌, కరీంనగర్‌, మహబూబాబాద్‌ జిల్లాల్లో భారీ స్థాయిలో అవకతవకలు జరిగినట్లు వెల్లడించారు. ప్రభుత్వం నుంచి సేకరించిన వరి ధాన్యాన్ని సకాలంలో మిల్లింగ్‌ చేసి ప్రభుత్వానికి బియ్యంగా అందించకుండా కొందరూ మిల్లు యజమానులు అక్రమంగా ప్రైవేటు మార్కెట్‌లో విక్రయిస్తూ తప్పుడు లెక్కలు చూపిస్తున్నారని అన్నారు. సీఎంఆర్‌ ధాన్యం పక్కదారి పట్టించే వారిపై కేసులు నమోదు చేయడమే కాకుండా, పదేపదే అక్రమాలకు పాల్పడితే పీడీ యాక్ట్‌ నమోదు చేస్తామని హెచ్చరించారు. ఆస్తులను సైతం జప్తు చేసేందుకు వెనుకాడబోమన్నారు. విజిలెన్స్‌, టాస్క్‌ఫోర్స్‌ బృందం మూడు,నాలుగు నెలల వ్యవధిలో రాష్ట్ర వ్యాప్తంగా రూ.1,400 కోట్ల మొండి బకాయిలను రికవరీ చేసిందని వివరించారు. రాబోయే రోజుల్లో బకాయి ఉన్న ప్రతి రైస్‌మిల్లు నుంచి పూర్తి స్థాయిలో రికవరీ చేపడామని ఎస్పీ రామ్‌కుమార్‌ తెలిపారు. ప్రభుత్వ సొమ్మును దుర్వినియోగం చేస్తూ వ్యవస్థను దెబ్బతీసే ఏ ఒక్కరినీ వదిలి పెట్టేది లేదని స్పష్టం చేశారు. సీఎంఆర్‌ సేకరణలో అక్రమాలు అరికట్టడమే లక్ష్యం పక్కదారి పట్టించే వారిపై అవసరమైతే పీడీ యాక్ట్‌ విజిలెన్స్‌ టాస్క్‌ఫోర్స్‌ ఎస్పీ రామ్‌కుమార్‌ బొంగ్లూర్‌లోని రైస్‌మిల్లులో ఆకస్మిక తనిఖీ

సాక్షి, రంగారెడ్డిజిల్లా: కలెక్టర్‌ నారాయణరెడ్డి సెలవులో వెళ్లారు. ఈ నెల 14 నుంచి 20 వరకు వ్యక్తిగత పనులపై లీవ్‌లో వెళ్లినట్లు తెలిసింది. ఆయన స్థానంలో అదనపు కలెక్టర్‌ (స్థానిక సంస్థలు) కిరణ్మయికి బాధ్యతలు అప్పగించారు. దసరా సెలవుల తర్వాత ఆయన తిరిగి విధుల్లో చేరనున్నారు. ఇబ్రహీంపట్నంరూరల్‌: ఆదిభట్ల పోలీస్‌స్టేషన్‌ డిటెక్టివ్‌ ఇన్‌స్పెక్టర్‌గా వైకే ప్రసాద్‌ గురువారం బాధ్యతలు స్వీకరించారు. ఈ సందర్భంగా ఆయన మాట్లాడుతూ.. సీఐ రమేష్‌ నాయకత్వంలో నేరాల అదుపునకు నిరంతరం కృషి చేస్తామని తెలిపారు. సంఘ విద్రోహ కార్యక్రమాలను ఎట్టిపరిస్థితుల్లో ఉపేక్షించేది లేదన్నారు. నేరాలను అదుపు చేయడానికి ప్రజల భాగస్వామ్యం అవసరమన్నారు. ఇబ్రహీంపట్నం రూరల్‌: గ్రామీణ ప్రాంతాల్లో ఉపాధి హామీ పథకం ద్వారా చేపడుతున్న అభివృద్ధి పనుల తీరు బాగుందని ఎన్‌ఐఆర్‌డీ బృందం కితాబిచ్చింది. మండలంలోని పోచారంలో గురువారం ఒడిశా, గుజరాత్‌, జమ్మూకశ్మీర్‌, తెలంగాణ, ఉత్తరప్రదేశ్‌ రాష్ట్రాలకు చెందిన బ్లాక్‌ డెవలప్‌మెంట్‌ అధికారుల బృందం పర్యటించింది. ఈ సందర్భంగా ఉపాధి హామీ పనుల ద్వారా చేపట్టిన నర్సరీ, పంచాయతీ భవనం, పల్లె ప్రకృతి వనం, చెత్త వేరు చేసే షెడ్‌, ఇందిరమ్మ ఇళ్లు, ఇంకుడు గుంతలు, స్వయం సహాయక సంఘాల పని తీరును పరిశీలించారు. జాతీయ గ్రామీణ అభివృద్ధి శాఖ ద్వారా ఎన్నో పనులు చేపట్టడం సంతోషమన్నారు. ఇలాంటి పనులు భవిష్యత్తులో ఇంకా అమలు చేసేందుకు కృషి చేస్తామని తెలిపారు. కార్యక్రమంలో ఎంపీడీఓ ప్రమీలా నాయక్‌, ఏపీఓ తిరుపతాచారి తదితరులు పాల్గొన్నారు. అబ్దుల్లాపూర్‌మెట్‌: పిగ్లీపూర్‌లోని సర్వేనంబర్‌ 17లో ఉన్న రూ. 50 కోట్ల విలువ చేసే సీలింగ్‌ భూమి ఆక్రమణకు గురవుతోందని బాటసింగారం ఎంపీటీసీ మాజీ సభ్యుడు బండిగారి విష్ణుగౌడ్‌ గురువారం అదనపు కలెక్టర్‌ కిరణ్మయికి ఫిర్యాదు చేశారు. పిగ్లీపూర్‌ గ్రామం నుంచి సాయినగర్‌ కాలనీకి వెళ్లే దారిలో ఉన్న సుమారు 7 ఎకరాల సీలింగ్‌ భూమికి సంబంధం లేని వ్యక్తుల పేరుతో తప్పుడు పత్రాలు సృష్టించి విక్రయించేందుకు కొంతమంది రియల్‌ ముఠాసభ్యులు కొంతకాలంగా ప్రయత్నిస్తున్నారని అన్నారు. ఆక్రమించుకోవడంతో పాటు కోట్లాది రూపాయల విలువైన గ్రానైట్‌, మట్టిని విక్రయించి సొమ్ము చేసుకుంటున్నారని ఆరోపించారు. వారిపై చట్టపరమైన చర్యలు తీసుకోవడంతో పాటు ఆక్రమణకు గురవుతున్న సీలింగ్‌ భూమిని కాపాడాలని విజ్ఞప్తి చేశారు.

● జోరు.. హుషారు తుర్కయంజాల్‌: ఏఎన్‌ఆర్‌ ఫౌండేషన్‌ వ్యవస్థాపకుడు, బీజేపీ డివిజన్‌ అధ్యక్షుడు ఎలిమినేటి నర్సింహారెడ్డి ఆధ్వర్యంలో గురువారం తొర్రూర్‌ డివిజన్‌ పరిధి మునగనూర్‌లో నిర్వహించిన బతుకమ్మ, దాండియా ఉత్సవాలకు కేంద్ర మంత్రి జి.కిషన్‌ రెడ్డి సతీమణి గంగాపురం కావ్య హాజరయ్యారు. మహిళలతో కలిసి బతుకమ్మ, దాండియా ఆడారు. కార్యక్రమంలో మహేశ్వరం బీజేపీ ఇన్‌చార్జి అందెల శ్రీరాములు యాదవ్‌, హయత్‌నగర్‌ మాజీ కార్పొరేటర్‌ కళ్లెం నవజీవన్‌ రెడ్డి తదిత రులు పాల్గొన్నారు.

చేవెళ్ల: నియోజకవర్గ అభివృద్ధికి నిరంతరం కృషి చేస్తున్నట్లు చేవెళ్ల ఎంపీ కొండా విశ్వేశ్వర్‌రెడ్డి తెలిపారు. మండలం, మున్సిపల్‌ పరిధిలో గురువారం ఎంపీ లాడ్స్‌ నిధులతో చేపట్టిన పలు అభివృద్ధి పనులకు ప్రారంభోత్సవాలు నిర్వహించారు. ఈ సందర్భంగా మాట్లాడుతూ.. ప్రజల అవసరాలకు అనుగుణంగా కావాల్సిన మౌలిక సదుపాయలను మెరుపర్చడమే లక్ష్యంగా అభివృద్ధికి ప్రాధ్యానత ఇస్తూ ముందుకు సాగుతున్నట్లు చెప్పారు. తన నిధులతోపాటు కేంద్రం నుంచి రాష్ట్రానికి, నియోజకవర్గానికి కావాల్సిన నిధులు తీసుకు వచ్చేందుకు కృషి చేస్తున్నట్లు చెప్పారు. ప్రతి ఒక్కరూ ఎవరి బాధ్యత వారు నిర్వర్తించి నిధులు సక్రమంగా కేటాయిస్తే గ్రామాలు, పట్టణాలు అభివృద్ధి పథంలో సాగుతాయని తెలిపారు. కార్యక్రమంలో మాజీ ఎమ్మెల్యే కేఎస్‌ రత్నం, మున్సిపల్‌ చైర్‌పర్సన్‌ దేవర సమతారెడ్డి, కౌన్సిలర్లు మీనాక్షి, మనీష, మాధవి, శ్రీనివాస్‌రెడ్డి, పార్టీ మున్సిపల్‌ అధ్యక్షుడు అనంత్‌రెడ్డి, బీజేవైఎం రాష్ట్ర కార్యవర్గ సభ్యులు డాక్టర్‌ మల్గారి వైభవ్‌రెడ్డి, సన్‌వెల్లి ప్రభాకర్‌రెడ్డి, బీఎస్‌ఎన్‌ఎస్‌ బోర్డు సభ్యుడు సామ మాణిక్యరెడ్డి, నాయకులు వెంకట్‌రాంరెడ్డి, వెంకట్‌రెడ్డి, గొల్లపల్లి సర్పంచ్‌ శ్రీనివాస్‌గౌడ్‌ తదితరులు పాల్గొన్నారు.చేవెళ్ల ఎంపీ కొండా విశ్వేశ్వర్‌రెడ్డి

మొయినాబాద్‌రూరల్‌: చేవెళ్ల నియోజకవర్గంలో పింఛన్‌ కోసం చేసుకున్న దరఖాస్తులను పరిశీలిస్తున్నట్టు జిల్లా అడిషనల్‌ పీడీ సుభాషిణిరెడ్డి అన్నారు. మండల పరిధిలోని తోల్‌కట్టలో పింఛన్‌ కోసం దరఖాస్తు చేసుకున్న వారి ఇళ్ల వద్దకు గురువారం వెళ్లి వివరాలు సేకరించారు. ఈ సందర్భంగా ఆమె మాట్లాడుతూ.. అర్హులందరికీ పింఛన్‌ అందించేందుకు ప్రయత్నిస్తామని తెలిపారు. పరిశీలన కోసం వచ్చే అధికారులకు దరఖాస్తు చేసుకున్న వారు సహకరించాలని సూచించారు. కార్యక్రమంలో ఎంపీవో విక్రాంత్‌రెడ్డి, పంచాయతీ కార్యదర్శులు మల్లేష్‌గౌడ్‌, సురేందర్‌రావు, సర్పంచ్‌ రజితారవీందర్‌ పాల్గొన్నారు.

● కష్టపడే కార్యకర్తలకు తగిన గుర్తింపు ● డీసీసీ అధ్యక్షురాలిగా చిగురింత పారిజాత బాధ్యతల స్వీకరణ ● మంత్రి పొన్నం, సీనియర్‌ నేత వీహెచ్‌, పలువురు నేతలు హాజరు ● చర్చనీయాంశంగా ఎమ్మెల్యేలు, ఇతర ముఖ్య నేతల గైర్హాజరుసాక్షి, రంగారెడ్డిజిల్లా: ‘జిల్లాలో పార్టీ పటిష్టత కోసం మరింత కష్టపడి పని చేస్తా.. ఎమ్మెల్యేలు, ఎంపీలు, ఇతర ప్రజాప్రతినిధులతో సమన్వయంతో ముందుకు వెళ్తా.. కష్టకాలంలో పార్టీని నమ్ముకుని పని చేసిన ప్రతి కార్యకర్తకు తగిన గుర్తింపు దక్కేలా చూస్తా.. కార్యకర్తలకు నిత్యం అందుబాటులో ఉంటూ, యోగక్షేమాలు చూసుకుంటా’ అని డీసీసీ అధ్యక్షురాలు చిగురింత పారిజాత స్పష్టం చేశారు. ఈ మేరకు గురువారం ఉదయం 11 గంటలకు గాంధీ భవన్‌లోని పార్టీ జిల్లా కార్యాలయంలో ఆమె డీసీసీ అధ్యక్షురాలిగా బాధ్యతలు స్వీకరించారు. తొమ్మిదేళ్లుగా అధ్యక్షుడిగా కొనసాగుతున్న చల్లా నరసింహారెడ్డి పార్టీ పగ్గాలను పారిజాతకు అప్పగించారు. కార్యక్రమానికి బీసీ సంక్షేమశాఖ మంత్రి పొన్నం ప్రభాకర్‌, సీనియర్‌ నేత వి.హన్మంతరావు సహా పలువురు జిల్లా నేతలు హాజరయ్యారు. వేదమంత్రాల సాక్షిగా పారిజాతను డీసీసీ కుర్చీలో కూర్చోబెట్టారు. పుష్పగుచ్ఛాలు, శాలువాలతో ఘ నంగా సన్మానించారు. అనంతరం ఆమె మాట్లాడుతూ.. తనపై నమ్మకంతో పార్టీ పగ్గాలు అప్పగించిన అధినాయకత్వానికి కృతజ్ఞతలు తెలిపారు. పార్టీ కోసం పాటు పడే ప్రతి కార్యకర్తను గుండెల్లో పెట్టుకుని చూసుకుంటానన్నారు. విపత్కర పరిస్థితుల్లోనూ పార్టీనే అంటిపెట్టుకుని ఉండి, అధికారంలోకి తీసుకొచ్చిన సగటు కార్యకర్తకు పదవుల్లో సముచిత స్థానం కల్పించి గౌరవిస్తామని చెప్పారు. ఇదిలా ఉండగా జిల్లాకు చెందిన అధికార పార్టీ ఎమ్మెల్యేలు మల్‌రెడ్డి రంగారెడ్డి (ఇబ్రహీంపట్నం), కసిరెడ్డి నారాయణరెడ్డి (కల్వకుర్తి), వీర్లపల్లి శంకర్‌ (షాద్‌నగర్‌) సహా బీఆర్‌ఎస్‌ నుంచి కాంగ్రెస్‌లో చేరిన రాజేంద్రనగర్‌ ఎమ్మెల్యే ప్రకాష్‌ గౌడ్‌, శేరిలింగంపల్లి ఎమ్మెల్యే అరికపూడి గాంధీ, చేవెళ్ల ఎమ్మెల్యే కాలె యాదయ్య, మహేశ్వరం నియోజకవర్గ పార్టీ ఇన్‌చార్జి కిచ్చన్నగారి లక్ష్మారెడ్డి, చేవెళ్ల నియోజకవర్గ ఇన్‌చార్జి భీంభరత్‌, ఇతర సీనియర్‌ నేతలెవరూ కార్యక్రమానికి హాజరు కాకపోవడం అంతర్గత చర్చకు దారితీస్తోంది. పార్టీలో గ్రూపు రాజకీయాలు మొదలయ్యాయనే చర్చ సైతం ప్రారంభం కావడం కొసమెరుపు.

శంకర్‌పల్లి: ఇటీవల గుండెపోటుతో మృతి చెందిన ఎమ్మార్పీఎస్‌ జిల్లా కార్యదర్శి బ్యాతల శివశంకర్‌మాదిగకు పద్మశ్రీ అవార్డు గ్రహీత, ఎమ్మార్పీఎస్‌ వ్యవస్థాపక అధ్యక్షుడు మందకృష్ణ మాదిగ నివాళులర్పించారు. మండలంలోని టంగటూర్‌లో గురువారం ఆయన శివశంకర్‌మాదిగ చిత్రపటానికి నివాళులర్పించి, మృతుని కుటుంబసభ్యులను పరామర్శించి ప్రగాడ సానుభూతి తెలియజేశారు. ఎమ్మార్పీఎస్‌ ఉద్యమంలో క్రియాశీలకంగా పనిచేసిన శివశంకర్‌ మాదిగ మృతి జిల్లాకు, చేవెళ్ల ప్రాంతంలో ఎమ్మార్పీఎస్‌ ఉద్యమానికి తీరని లోటన్నారు. ఆయన వెంట ఎమ్మార్పీఎస్‌ నాయకులు ఉపేందర్‌, రావుగల్ల బాబు, నర్సింహ, ప్రవీణ్‌కుమార్‌, లింగం సాయి, మల్లేశ్‌, కుమార్‌, ప్రవీణ్‌ తదితరులు ఉన్నారు.

సాక్షి, రంగారెడ్డిజిల్లా: తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగ ప్రకృతిని ఆరాధిస్తూ, మానవాళిని ప్రకృతికి దగ్గర చేసే గొప్ప వేడుక అని ఇన్‌చార్జి కలెక్టర్‌ డాక్టర్‌ కిరణ్మయి అన్నారు. సమీకృత జిల్లా కార్యాలయాల సముదాయం (ఐడీఓసీ) ఆవరణలో గురువారం మహిళా శిశు సంక్షేమ శాఖ, వైద్య ఆరోగ్య శాఖ, మెప్మా, అడల్ట్‌ ఎడ్యుకేషన్‌ శాఖల ఆధ్వర్యంలో నిర్వహించిన బతుకమ్మ వేడుకలకు ఆమె ముఖ్య అతిథిగా హాజరయ్యారు. పూజలు నిర్వహించి, వేడుకలను ప్రారంభించారు. మహిళా ఉద్యోగులతో కలిసి బతుకమ్మ ఆడారు. ఈ సందర్భంగా ఆమె మాట్లాడుతూ.. మహిళలకు ఎంతో ప్రత్యేకమైన బతుకమ్మ పండుగ తెలంగాణ సంస్కృతి, సంప్రదాయాలకు ప్రతిబింబంగా నిలుస్తోందని పేర్కొన్నారు. ప్రకృతిని గౌరవిస్తూ, మన సంస్కృతి, సంప్రదాయాలను భావితరాలకు అందించేలా ప్రతి ఒక్కరూ పండుగలను సంప్రదాయబద్ధంగా జరుపుకోవాలని ఆమె సూచించారు. కార్యక్రమంలో మహిళా శిశు సంక్షేమ శాఖ అధికారి శాంతిశ్రీ, అడల్ట్‌ ఎడ్యుకేషన్‌ అధికారి అనిత, వైద్య ఆరోగ్య శాఖ, మెప్మా, రెవెన్యూ తదితర శాఖలకు చెందిన మహిళా అధికారులు, సీడీపీఓలు, ఇతర ఉద్యోగులు, సిబ్బంది పాల్గొన్నారు. ఇన్‌చార్జి కలెక్టర్‌ డాక్టర్‌ కిరణ్మయి

సాక్షి, రంగారెడ్డి జిల్లా: ‘అక్రమ మైనింగ్‌పై ఉక్కుపాదం మోపుతున్నాం. క్వారీల్లో తవ్వకాలు, క్రషర్లపై నిఘా పెట్టాం. అనుమతులకు భిన్నంగా చేపట్టిన తవ్వకాలను గుర్తించి, లీజుదారులకు పెనాల్టీలు వేస్తున్నాం. కరెంట్‌ యూనిట్ల వినియోగం ఆధారంగా క్రషర్ల నుంచి రాయల్టీ వసూలు చేస్తున్నాం. మైనింగ్‌ ద్వారా ప్రభుత్వానికి వచ్చే ఆదాయాన్ని మరింత పెంచాం’ అని జిల్లా గనులు, భూగర్భ వనరుల శాఖ ఏడీ మందాడి నర్సిరెడ్డి స్పష్టం చేశారు. ఈ మేరకు శ్రీసాక్షిశ్రీ ప్రతినిధికి ప్రత్యేక ఇంటర్వ్యూ ఇచ్చారు. జిల్లాలో 44 పెద్ద, 66 చిన్న తరహా క్వారీ లీజులు మంజూరు చేశాం. మెజార్టీ క్వారీలు బండరావిర్యాల, కొందుర్గు, కొత్తూరు, ఆమనగల్లు పరిధిలో ఉన్నాయి. వీటిలో స్టోన్‌, మెటల్‌, లాటరైట్‌, క్వార్‌ట్జ్‌, గ్రానైట్‌ క్వారీలు ఉన్నాయి. వీటి నుంచి 2025 ఆర్థిక సంవత్సరంలో ప్రభుత్వానికి రూ.301 కోట్ల ఆదాయం సమకూరగా, ఈ ఏడాది రూ.372 కోట్లు సాధించిపెట్టాలని లక్ష్యంగా పెట్టుకున్నాం. ఇప్పటికే రూ.154 కోట్లు వసూలు చేశాం. జిల్లాలో యాభైకిపైగా క్రషర్లు పని చేస్తున్నాయి. విద్యుత్‌ యూనిట్‌ ఆధారంగా వాటి నుంచి రెవెన్యూ వసూలు చేస్తున్నాం. ఒక యూనిట్‌ విద్యుత్‌కు ఒక మెట్రిక్‌ టన్ను చొప్పున లెక్కించి, ఆ మేరకు రాయాల్టీ వసూలు చేస్తున్నాం. ఫ్యూచర్‌ సిటీలో తవ్వకాలపై ఆంక్షలు ఫ్యూచర్‌సిటీని కాలుష్య రహితంగా(నెట్‌ జీరో సిటీగా) తీర్చిదిద్దాలని ప్రభుత్వం భావిస్తోంది. ఎఫ్‌సీడీఏ పరిధిలోని 8 జీపీలు(873 చదరపు కిలోమీటర్ల) మా అనుమతి లేకుండా లీజులు, తవ్వకాలకు అనుమతులు ఇవ్వకూడదని ఎఫ్‌సీడీఏ, టీజీఐఐసీ ఆదేశాలు జారీ చేశాయి. ఇప్పటికే ఇక్కడ లీజులో కొనసాగుతున్న రెండు క్వారీల లైసెన్సులు రద్దు చేసి, ఎనిమిది క్రషర్‌ మిషన్లను మూసేశాం. తాజాగా రెండు క్వారీలను గుర్తించినప్పటికీ ఎఫ్‌సీడీఏ ఆదేశాలతో లీజు నోటిఫికేషన్ల నిలిపివేశాం. ఇక్కడ కంకర, రాయి, మట్టి తవ్వకాలకు అవకాశం ఉన్నప్పటికీ ఆంక్షల వల్ల అవకాశం లేకుండా పోయింది. రేడియల్‌తో రూ.50 కోట్లు రావిర్యాల ఎగ్జిట్‌ నుంచి ఆమనగల్లు వరకు 41 కిలోమీటర్ల మేర నిర్మించతలపెట్టిన రేడియల్‌ రోడ్డుకు మట్టి, కంకర, రాయి భారీగా అవసరం. 2028 మే నాటికి ఈ ప్రాజెక్టును పూర్తిచేయాలని ప్రభుత్వ లక్ష్యంగా పెట్టుకుంది. ఇప్పటికే టెండర్లు పిలిచి, పనులు కూడా చేపట్టగా వేగంగా సాగుతున్నాయి. వంద మీటర్ల వెడల్పుతో కూడిన ఈ రహదారికి 10 లక్షల మెట్రిక్‌ టన్నుల మట్టి, 20 లక్షల మెట్రిక్‌ టన్నుల కంకర, రాయి, రోబోసాండ్‌ కావాలని అంచనా. మార్గంలోని కొండలు, గుట్టలను తొలిస్తే వచ్చే మట్టి, కంకర, రాయితో ఎత్తుపల్లాలను సరి చేస్తున్నారు. ఇందుకు కాంట్రాక్ట్‌ సంస్థలు మైనింగ్‌ విభాగానికి రాయల్టీ చెల్లిస్తున్నాయి. ఇప్పటికే రూ.10 కోట్ల ఆదాయం సమకూరింది. రోడ్డు పూర్తయ్యే నాటికి రూ.50 కోట్ల ఆదాయం సమకూరుతుందని అంచనా. మూడు చోట్ల కొత్త మైన్స్‌ చేవెళ్ల డివిజన్‌ అంతారం, హస్తేపూర్‌లో లేటరైట్‌ మైన్స్‌ లీజులో కొనసాగుతున్నాయి. కొత్తగా ముద్విన్‌, కడ్తాల్‌, షాద్‌నగర్‌ పరిసర ప్రాంతాల్లో మరికొన్ని మైన్స్‌ను గుర్తించాం. భవిష్యత్తులో ఇవి అందుబాటులోకి వచ్చే అవకాశం ఉంది. మంచాల మండలంలో కొన్ని క్వారీలు గుర్తించినప్పటికీ వీటికి రెవెన్యూ క్లియరెన్స్‌ రావాల్సి ఉంది. పొజిషన్‌లో అసైనీలు ఉన్నట్లు తెలిసింది. ఆమనగల్లు రెవెన్యూ సర్వే నంబర్‌ 304లోని 4.86 హెక్టార్ల విస్తీర్ణంలో మెటల్‌ స్టోన్‌ తవ్వకానికి రూ.4.90 కోట్లు చెల్లించి, లీజుకు తీసుకున్నారు. భారీగా పెనాల్టీ వేస్తున్నాం కొహెడ రెవెన్యూ సర్వే నంబర్‌ 167/2లో ఓ నిర్మాణ సంస్థ భారీగా తవ్వకాలు చేపట్టినట్లు గుర్తించి, రూ.9.5 కోట్ల పెనాల్టీ వేశాం. తట్టి అన్నారం సర్వే నంబర్‌ 121/పీలో తీసుకున్న అనుమతులు తీసుకున్న సంస్థకు రూ.3.39 కోట్ల జరిమానా వేశాం. సంఘీ సిటీలో 5.5 ఎకరాల గుట్టను తొలిచి రోబో సాండ్‌ విక్రయించగా 2012లోనే రూ.65.80 లక్షలు చెల్లించారు. మన్సూరాబాద్‌ సర్వే నంబర్‌ 38లోని ఓ నిర్మాణ సంస్థ ఏడెకరాల విస్తీర్ణంలో చేపట్టిన తవ్వకాలపై రూ.2 కోట్ల డిమాండ్‌ నోటీసులు సర్వ్‌ చేశాం. అయితే వీరంతా కోర్టులను ఆశ్రయిస్తున్నారు. ఎఫ్‌సీడీఏ పరిధిలో తవ్వకాలపై ఆంక్షలు రెండు మైన్స్‌ల లీజులు రద్దు.. నాలుగు క్రషర్ల మూసివేత ముద్విన్‌, కడ్తాల్‌, షాద్‌నగర్‌లో కొత్తవి గుర్తింపు మైనింగ్‌ ద్వారా రూ.372 కోట్ల ఆదాయం అంచనా ప్రభుత్వ ఖాతాల్లోకి ఇప్పటికే రూ.154 కోట్ల ఆదాయం ‘సాక్షి’తో జిల్లా గనులు, భూగర్భ వనరుల శాఖ ఏడీ నర్సిరెడ్డి అధికారిక తనిఖీలు, భారీ పెనాల్టీలకు భయపడి మెజార్టీ కన్‌స్ట్రక్షన్‌ కంపెనీలు ప్రస్తుతం సెల్లార్‌ సహా బహుళ అంతస్తుల నిర్మాణాలకు హెచ్‌ఎండీఏ, జీహెచ్‌ఎంసీల నుంచి అనుమతులు తీసుకుంటున్నాయి. ప్రభుత్వం నిర్దేశించిన ఎన్విరాన్‌మెంట్‌ ఇంఫాక్ట్‌ ఫీజు, బిల్డింగ్‌ ఫర్మిషన్‌ ఫీజు(ఈఐఎఫ్‌) చెల్లిస్తున్నాయి. సెల్లార్‌ తవ్వగా వచ్చిన మట్టిని బయటకు అమ్మితే టన్నుకు రూ.50 చొప్పున రాయాల్టీ వసూలు చేస్తున్నాం. ఎప్పటికప్పుడు లీజు ఆ దాయాన్ని ముదింపు చేసి ప్రభుత్వ ఆదాయానికి నష్టం వాటిళ్లకుండా జాగ్రత్త వహిస్తున్నాం అని ఏడీ నర్సిరెడ్డి స్పష్టం చేశారు.

● బార్ల కేటాయింపునకు డ్రా రేపు ● కలెక్టర్‌ సమక్షంలో కొనసాగనున్న ప్రక్రియ చేవెళ్ల: జిల్లాలోని నూతన బార్లకు సంబంధించిన లక్కీ డ్రాను శుక్రవారం నిర్వహించనున్నట్లు ప్రొహిబిషన్‌ అండ్‌ ఎకై ్సజ్‌ ఫ్యూచర్‌ సిటీ జిల్లా సూపరింటెండెంట్‌ శ్రీనివాస్‌రెడ్డి, చేవెళ్ల ఎకై ్సజ్‌ ఇన్‌స్పెక్టర్‌ కల్పన తెలిపారు. ప్యూచర్‌సిటీ పరిధిలో నూతనంగా ఏర్పడిన చేవెళ్ల, మొయినాబాద్‌ మున్సిపాలిటీల్లో.. చేవెళ్ల పరిఽధిలో ఒకటి, మొయినాబాద్‌ పరిధిలో రెండు బార్లకు అనుమతి వచ్చిందన్నారు. చేవెళ్లలోని బార్‌కు మొత్తం 279 దరఖాస్తులు రాగా మొయినాబాద్‌లోని రెండు బార్లకు ఏకంగా 664 అప్లికేషన్లు వచ్చినట్లు తెలిపారు. దరఖాస్తు చేసుకున్న వారి వివరాలతో లక్కీ డ్రా నిర్వహిస్తామన్నారు. అజీజ్‌నగర్‌లోని పీవీ కన్వెన్షన్‌ హాల్‌లో ఉదయం 9:30 గంటలకు నిర్వహించే కార్యక్రమానికి కలెక్టర్‌ నారాయణరెడ్డి హాజరవుతారన్నారు. టెండర్లకు హాజరయ్యే వారు ఎంట్రీ పాస్‌ కలిగి ఉండాలని, పాస్‌ ఉన్నవారిని మాత్రమే లోనికి అనుమతిస్తారని తెలిపారు. అభ్యర్థుల తరఫున వారి ప్రతినిధులు హాజరు కావాలనుకుంటే అధికారిక అనుమతి ప్రతం ఉండాలన్నారు. ఫంక్షన్‌ హాల్‌లోనికి మొబైల్‌ ఫోన్లు అనుమతించరని స్పష్టంచేశారు. అభ్యర్థులు నిర్ణీత సమయానికి హాజరు కావాలని సూచించారు. ముగిసిన రాష్ట్రస్థాయి తైక్వాండో పోటీలు జాతీయ స్థాయి పోటీలకు 26మంది క్రీడాకారులు పరిగి: పట్టణంలోని మినీ గ్రౌండ్‌లో మూడు రోజులుగా జరుగుతున్న అండర్‌ –17 బాలబాలికల రాష్ట్రస్థాయి తైక్వాండో పోటీలు బుధవారంతో ముగిశాయి. రాష్ట్రంలోని పది జిల్లాల నుంచి 260 మంది క్రీడాకారులు వివిధ విభాగాల్లో పాల్గొన్నారు. 26మంది బంగారు పతకాలు సాధించి జాతీయ స్థాయి పోటీలకు ఎంపికయ్యారు. బాలుర విభాగంలో అబిద్‌ అలీ(రంగారెడ్డి), దినేష్‌సింగ్‌(హైదరాబాద్‌), అబ్దుల్‌ మక్‌సిత్‌(నల్లగొండ), ఎస్‌కే అనాస్‌(నిజామాబాద్‌), కార్తీక్‌ సాయి రాథోడ్‌(హైదరాబాద్‌), హర్ష్‌(నిజామాబాద్‌), అనుదీప్‌రెడ్డి(రంగారెడ్డి), అమాన్‌సింగ్‌(నిజామాబాద్‌), మహ్మద్‌ అదిల్‌(నల్లగొండ), ఎండీ సఫ్రోజ్‌(రంగారెడ్డి), విశ్వన్హు(హైదరాబాద్‌), వివేక్‌సింగ్‌(హైదరాబాద్‌), అభినవ్‌రెడ్డి(రంగారెడ్డి), బాలికల విభాగంలో హన్షిని(రంగారెడ్డి), రితికా(రంగారెడ్డి), లక్షితా(రంగారెడ్డి), వైష్ణవిరెడ్డి(హైదరాబాద్‌), హసిని(రంగారెడ్డి), హర్షిని(రంగారెడ్డి), అఖిలారెడ్డి(రంగారెడ్డి), ప్రియాన్షిరెడ్డి(రంగారెడ్డి), నియోజాతా(నల్లగొండ), ఖ్యాతిచౌదరి(హైదరాబాద్‌), సాయి అవంతిక(హైదరాబాద్‌), నిహావైష్ణవి(నిజామాబాద్‌), అమూల్య(హైదరాబాద్‌) బంగారు పతకాలు సాధించారు. వీరు ఈ నెల 22 నుంచి 26వ తేదీ వరకు జమ్ము కాశ్మీర్‌ రాష్ట్రం శ్రీనగర్‌లో జరిగే జాతీయ స్థాయి పోటీల్లో తెలంగాణ తరఫున ఆడనున్నట్లు వ్యాయమ ఉపాధ్యాయులు తెలిపారు.

బడంగ్‌పేట్‌: రెండు నెలలకుపైగా కొనసాగిన సర్‌ ప్రక్రియ నవంబర్‌ 9 వరకు మూడోసారి గడువు పెంచినప్పటికీ 90 శాతం వరకు పూర్తి చేశారని చెప్పొచ్చు. బడంగ్‌పేట సర్కిల్‌ కింద ప్రశాంతిహిల్స్‌, జిల్లెలగూడ, మీర్‌పేట్‌, నాదర్‌గుల్‌, బడంగ్‌పేట్‌, బాలాపూర్‌ డివిజన్లు ఉన్నాయి. 138 పోలింగ్‌ స్టేషన్ల కింద మొత్తంగా 1.62 లక్షల ఓటర్లు ఉన్నారు. ప్రతీ ఓటరుకు ఎన్యూమరేషన్‌ ఫారాలను అందజేశారు. సర్‌ ప్రక్రియలో 138 మంది బీఎల్‌ఓలు, 14 మంది సూపర్‌వైజర్లు, 8 మందిని అడిషనల్‌ ఇన్‌చార్జులుగా ఉండి సర్‌ను వేగవంతంగా పూర్తిచేసేందుకు నియమించారు. ఎన్యూమరేషన్‌ ఫారాలను ఇంటింటికీ తిరిగి పంపిణీ చేసినప్పటికీ ఆగస్టు 17 నాటికి 80 వేల మంది ఓటర్లు మాత్రమే రెస్పాండ్‌ అయి ఫారాలను నింపి తిరిగి బీఎల్‌ఓలకు అందజేశారు. ఇంటి పేరు, తండ్రి పేరు, నివాస స్థలం తన పేరు ఇలా రకరకాల కారణాలతో ఓటర్లను డ్రాఫ్టింగ్‌లో చేర్చి రెండోసారి 47 వేల మందికి ఓటర్లకు నోటీసులు అందజేశారు. నోమ్యాపింగ్‌ కింద 28 వేల మందిని చేర్చారు. అందులో 38 వేల మంది రెస్పాండ్‌ అయి ఓటును కోల్పోకుండా సరైన ఆధారాలు, రుజువులు, వివరణ ఇచ్చుకున్నారు. బీఎల్‌ఓలు ఎన్నిసార్లు ఫోన్లు చేసినా, ఇంటింటికీ వెళ్లి వివరణ కోరినా ఇంకా తొమ్మిదివేల మంది స్పందించలేదని అధికారులు చెబుతున్నారు. కేంద్రం తీసుకొచ్చిన సర్‌ కార్యక్రమం వెనక జీహెచ్‌ఎంసీ బడంగ్‌పేట సర్కిల్‌ కార్యాలయ సిబ్బందితో పాటు రెవెన్యూ సిబ్బంది, పొదుపు సంఘాల సభ్యులు ఇలా చాలా మంది కష్టం దాగున్నదని తెలుస్తోంది. ఇదిలా కొనసాగుతుంటే.. బీజేపీ కేంద్ర సర్కార్‌ కావాలనే ఎన్నికల ప్రధాన అధికారితో కుమ్మకై ్క పేదోడి పౌరసత్వంగా ఉన్న ఓటు హక్కును చోరీ చేస్తోందని ఢిల్లీలో ధర్నాలు, నిరసన సెగలు చేపడుతున్న విషయం తెలిసిందే. మంచికో చెడుకో తెలియదు కానీ సర్‌ ప్రక్రియ మాత్రం దేశాన్ని కుదిపేసి నేడు హాట్‌ టాపిక్‌గా మారిందని చెప్పొచ్చు. నోటీసులకు స్పందించని తొమ్మిది వేల మంది

వీడని దోస్తానీ!సాక్షి, రంగారెడ్డి జిల్లా: ఏసీబీ కేసులో అరైస్టె ప్రస్తుతం చంచల్‌గూడ జైల్లో ఉన్న ఇబ్రహీంపట్నం రెవెన్యూ డివిజన్‌ ఆఫీసు ఏఓ దేశాని శ్రీనివాసరెడ్డి, అబ్దుల్లాపూర్‌మెట్‌ తహసీల్దార్‌ సుదర్శన్‌రెడ్డి మధ్య ఉన్న అనుబంధం ఈనాటిది కాదు. హయత్‌నగర్‌ రెవెన్యూ కార్యాలయంలో పనిచేస్తుండగా పదిహేనేళ్ల క్రితం ఇరువురి మధ్య ఏర్పడిన వీరి దోస్తాన్‌.. కందుకూరులో పనిచేస్తుండగా మరింత బలపడింది. ఇంకేముంది అధికార శ్రీబంధుశ్రీగణంలో వీరిద్దరూ గురుశిష్యులుగా చలామణి అయ్యారు. చేపట్టిన పోస్టింగ్‌ల్లోనే కాదు స్థిరనివాసాలను కూడా పక్కపక్కనే ఏర్పాటు చేసుకున్నారు. ప్రస్తుతం చంచల్‌గూడ జైల్లోనూ పక్కపక్క బ్యారకుల్లోనే మగ్గుతున్నారు. ప్రజలకు సేవలు అందించడంలో, విధి నిర్వహణలో పోటీపడాల్సిన అధికారులు ఇరువురూ.. అక్రమార్జనలో పోటీపడ్డారు. అప్పటికే వీరి వద్ద సంపాదనకు, అవసరానికి మించి ఆస్తులు ఉన్నా అత్యాశ చావలేదు. ఇదే వీరి కొంపముంచింది. ఆగస్టు 20న గురువు.. ● ఉమ్మడి మహబూబ్‌నగర్‌ జిల్లాకు చెందిన ఏఓ శ్రీనివాసరెడ్డి మొదట్లో చైన్‌మెన్‌గా ఉద్యోగాన్ని ఆరంభించారు. ఆ తర్వాత ఆర్‌ఐగా, హయత్‌నగర్‌, కందుకూరు డిప్యూటీ తహసీల్దార్‌గా, బాలాపూర్‌, శంషాబాద్‌ మండలాల తహసీల్దార్‌గా పని చేశాడు. ● అసెంబ్లీ ఎన్నికల సమయంలో ల్యాండ్‌ ప్రొటెక్షన్‌ వింగ్‌కు బదిలీ అయ్యారు. అక్కడి నుంచి ఇటీవలే ఇబ్రహీంపట్నం రెవెన్యూ డివిజన్‌ ఆఫీసు అడ్మినిస్ట్రేటీవ్‌ ఆఫీసర్‌గా వచ్చాడు. ● అప్పటికే ఇతనిపై అనేక అవినీతి ఆరోపణలు ఉన్నాయి. ● మొదట్లో ఇబ్రహీంపట్నంలో స్ధిరపడిన శ్రీనివాసరెడ్డి ఉన్నత విద్య, పిల్లల భవిష్యత్తు పేరుతో హస్తినాపూర్‌కు మకాం మార్చాడు. ● ఆదాయానికి మించి ఆస్తులు కూడబెట్టిన కేసులో ఆగస్టు 20న ఇతన్ని అరెస్ట్‌ చేసిన ఏసీబీ చంచల్‌గూడ జైలుకు తరలించింది. ● ఉన్నతాధికారులు సస్పెన్షన్‌ వేటు వేశారు. ● గత 45 రోజులుగా ఆయన జైల్లోనే ఉన్నారు. త్వరలోనే బెయిల్‌పై విడుదలయ్యే అవకాశం ఉందని సమాచారం. ఒకే ‘గూటికి’ గురుశిష్యులు హయత్‌నగర్‌, కందుకూరులో బలపడిన బంధం హస్తినాపూర్‌లో పక్కపక్కనే నివాసాలు ఆగస్టు 20న గురువు ఏఓ శ్రీనివాసరెడ్డి అరెస్ట్‌ నాలుగు రోజుల క్రితం ఏసీబీకి దొరికిన శిష్యుడు సుదర్శన్‌రెడ్డి ప్రస్తుతం ఇద్దరూ ఒకే జైల్లో.. పక్కపక్క బ్యారకుల్లో బందీలుగా ఉన్న వైనం ఇరువురిపైనా సస్పెన్షన్‌ వేటు అబ్దుల్లాపూర్‌మెట్‌ తహసీల్దార్‌ సుదర్శన్‌రెడ్డిది కందుకూరు మండలం జైత్వారం. కారుణ్య నియామకాల్లో రెవెన్యూ విభాగంలో ఓ సాధారణ చిరుద్యోగిగా విధుల్లోకి అడుగుపెట్టాడు. జూనియర్‌ అసిస్టెంట్‌, వీఆర్‌ఓ, ఆర్‌ఐ, సీనియర్‌ అసిస్టెంట్‌, డిప్యూటీ తహసీల్దార్‌, తహసీల్దార్‌గా పదోన్నతులు పొందుతూ అంచలంచెలు ఎదిగాడు. 2025 ఆగస్టు 20న అబ్దుల్లాపూర్‌మెట్‌ తహసీల్దార్‌గా బాధ్యతలు స్వీకరించాడు. గురువు శ్రీనివాసరెడ్డికి తానేమీ తక్కువా అన్నట్లుగా వ్యవహరించాడు. సీఎం తన మేనమామ అని చెప్పుకుంటూ అడ్డూఅదుపూ లేకుండా అక్రమ వసూళ్లకు పాల్పడ్డాడు. చివరకు రూ.20 లక్షలు లంచం తీసుకుని అవినీతి నిరోధక శాఖ అధికారులకు పట్టుబడ్డాడు. మూడు రోజుల క్రితం ఇతన్ని అరెస్ట్‌ చేసిన ఏసీబీ అధికారులు గురువు ఉన్న చోటికే తరలించారు. ప్రస్తుతం దోస్తులిద్దరూ పక్కపక్క బ్యారకుల్లోనే కుమిలి కుమిలి ఏడున్నారని తెలుస్తోంది.

● డీసీపీ నారాయణరెడ్డి ● కడ్తాల్‌ పీఎస్‌లో తనిఖీలు కడ్తాల్‌: పోలీసు వ్యవస్థపై ప్రజల్లో నమ్మకం పెంచాలని, శాంతిభద్రతల పరిరక్షణలో రాజీపడొద్దని మహేశ్వరం డీసీపీ నారాయణరెడ్డి అన్నారు. బుధవారం మండల కేంద్రంలోని పీఎస్‌ను తనిఖీ చేశారు. స్టేషన్‌లోని రికార్డులు, లాకప్‌, సీసీ కెమెరాలలు, పరిసరాలను పరిశీలించారు. విధుల్లో ఉన్న అధికారులు, సిబ్బందితో మాట్లాడారు. పెట్రోలింగ్‌, నిఘాను మరింత పటిష్టం చేయాలని సూచించారు. సైబర్‌ నేరాలు, డ్రగ్స్‌ దుష్పరిణామాలపై పాఠశాలలు, కళాశాలల్లో విస్తృతంగా అవగాహన కల్పించాలన్నారు. ఫిర్యాదుదారులతో మర్యాదగా వ్యవహరించాలని సూచించారు. ఏసీపీ జానకీరెడ్డి, సీఐ సైదిరెడ్డి, ఎప్‌ఐలు రవీందర్‌, చంద్రశేఖర్‌ ఉన్నారు.

అనంతగిరి: పెండింగ్‌ కేసులపై ప్రత్యేక దృష్టి సారించాలని ఎస్పీ స్నేహ మెహ్ర అన్నారు. బుధవారం వికారాబాద్‌లోని జిల్లా పోలీస్‌ కార్యాలయంలో అధికారులతో సమీక్ష సమావేశం నిర్వహించారు. శాంతిభద్రతల పరిరక్షణ, నేరాల నియంత్రణ, కేసుల దర్యాప్తు, పెండింగ్‌ కేసుల పరిష్కారం, సాంకేతిక పరిజ్ఞానం వినియోగం, రోడ్డు భద్రత, మహిళలు మరియు పిల్లల భద్రత, సైబర్‌ నేరాల నివారణ తదితర అంశాలపై సూచనలు చేశారు, ప్రాపర్టీ, సైబర్‌, ఎన్‌డీపీఎస్‌ కేసులతో పాటు దీర్ఘకాలంగా పెండింగ్‌లో ఉన్న కేసులు, నాన్‌ బెయిలబుల్‌ వారెంట్లు, డ్రంక్‌ అండ్‌ డ్రైవ్‌ కేసులపై ప్రత్యేక దృష్టి సారించి, వీలైనంత త్వరగా పరిష్కరించాలని ఆదేశించారు. మహిళలు, పిల్లల భద్రతకు అత్యధిక ప్రాధాన్యత ఇవ్వాలన్నారు. పోక్సో, ఎస్సీఎస్టీ అట్రాసిటీ, మిస్సింగ్‌ కేసుల దర్యాప్తును వేగవంతం చేయాలని ఆదేశించారు. మైనర్ల డ్రైవింగ్‌పై కఠిన చర్యలు చేపట్టడంతో పాటు విద్యార్థులు, తల్లిదండ్రులకు రోడ్డు భద్రతపై అవగాహన కార్యక్రమాలు నిర్వహించాలని సూచించారు. రోడ్డు ప్రమాదాల నివారణకు ప్రమాదాలు ఎక్కువగా జరిగే బ్లాక్‌ స్పాట్‌లను గుర్తించి తగిన చర్యలు చేపట్టాలని, హెల్మెట్‌, సీట్‌ బెల్ట్‌ వినియోగంపై ప్రత్యేక తనిఖీలు నిర్వహించాలని ఆదేశించారు. రాత్రి పెట్రోలింగ్‌, వాహన తనిఖీలను మరింత ముమ్మరం చేయాలని తెలిపారు. సమావేశంలో అదనపు ఎస్పీ రాజేష్‌ మీన, డీఎస్పీలు జానయ్య, అంజయ్య, యాదయ్య, శ్రీనివాస్‌ తదితరులు పాల్గొన్నారు.

● 430 గ్రాముల ఎండు గంజాయి స్వాధీనం ● ఎలక్ట్రానిక్‌ తూకం యంత్రం,బైక్‌, సెల్‌ఫోన్లు సీజ్‌ మొయినాబాద్‌: మండలంలో గంజాయి విక్రయించేందుకు ప్రయత్నిస్తున్న వ్యక్తిని పోలీసులు పట్టుకున్నారు. ఇతని నుంచి 430 గ్రాముల గంజాయి, రెండు సెల్‌ఫోన్లు, స్కూటీ, ఎలక్ట్రానిక్‌ తూకం యంత్రాన్ని స్వాధీనం చేసుకున్నారు. అజీజ్‌నగర్‌ సమీపంలోని శ్మశానవాటిక వద్ద బుధవారం ఈ సంఘటన చోటు చేసుకుంది. పోలీసులు తెలిపిన ప్రకారం వివరాలు ఇలా ఉన్నాయి.. ఓ వ్యక్తి గంజాయి విక్రయించేందుకు శ్మశానవాటిక వద్దకు వస్తున్నట్లుగా పోలీసులకు విశ్వసనీయ సమాచారం వచ్చింది. క్లూస్‌ టీమ్‌కు సమాచారం అందించి కాపు కాశారు. మధ్యాహ్నం 12గంటలకు ఇక్కడ అనుమానాస్పదంగా కనిపించిన వ్యక్తిని పట్టుకుని విచారించగా నిందితుడు అంతంగారి అరుణ్‌కుమార్‌గా గుర్తించారు. ఇతను బీదర్‌ ప్రాంతానికి చెందిన హుస్సేన్‌ అనే వ్యక్తి నుంచి గంజాయి కొనుగోలు చేసి మొయినాబాద్‌ పరిసర ప్రాంతాల్లో తన స్నేహితులు, ఇతరులకు అధిక ధరకు విక్రయిస్తున్నాడు. ఈ మేరకు కేసు నమోదు చేసి దర్యాప్తు చేస్తున్నారు. గదిలో గంజాయి కేశంపేట: మండల పరిధిలోని వేములనర్వ గ్రామ శివారులోని ఆర్కాన్‌ మినరల్స్‌ స్టోన్‌ క్రషర్‌ వద్ద గంజాయి కలిగి ఉన్న వ్యక్తిని పోలీసులు అరెస్ట్‌ చేశారు. వివరాలు ఇలా ఉన్నాయి.. ఛత్తీస్‌గఢ్‌ రాష్ట్రానికి చెందిన రామకృష్ణ పటేల్‌ క్రషర్‌లో పనిచేస్తూ ఇక్కడే ఉంటున్నాడు. ఇతని గదిలో గంజాయి ఉన్నట్లు అందిన సమాచారం మేరకు తనిఖీలు చేయగా 33 గ్రాముల గంజాయి దొరికింది. నిందితుడిని అదుపులోకి తీసుకుని, కేసు నమోదు చేసి దర్యాప్తు చేస్తున్నామని ఎస్‌ఐ పరమేష్‌ తెలిపారు.

తహసీల్దార్‌ కార్యాలయం వద్ద కబ్జా రైతుల ఆందోళన ● లీగల్‌ హెయిర్‌ సర్టిఫికెట్‌తో 24.35 ఎకరాలు కొల్లగొట్టే యత్నం జరుగుతోందని బాధితుల ఆరోపణ ● న్యాయం చేయాలని డిమాండ్‌కందుకూరు: వారసులందరినీ పక్కనబెట్టి, తానే వారసురాలని చెప్పుకొని లీగల్‌ హెయిర్‌ సర్టిఫికెట్‌ పొందిన ఓ మహిళ 24.35 ఎకరాల భూమిని కొల్లగొట్టే ప్రయత్నం చేస్తోందని బాధితులు ఆగ్రహం వ్యక్తంచేశారు. ఈ విషయమై బుధవారం తహసీల్దార్‌ను నిలదీశారు. వివరాలు ఇలా ఉన్నాయి. బాచుపల్లి పంచాయతీ పరిధి పెరుగుగూడ రెవెన్యూలోని 1, 2 సర్వే నంబర్లలో 24.35 ఎకరాల భూమి 1954లో సయ్యద్‌ మొయినుద్దీన్‌ పేరుతో పట్టాగా రికార్డు అయి ఉంది. ఇదే గ్రామానికి చెందిన ఆగయ్య, పోచయ్య కుటుంబం అప్పటి నుంచి ఆ భూమిని అనుభవిస్తూ పీటీదారులుగా ఉన్నారు. రికార్డుల్లో మాత్రం ఆగయ్య వగైరా అని నమోదైంది. కాలక్రమంలో ఆ ఇరువురి కుటుంబీకుల పేరుతోనే పట్టాగా నమోదైంది. అయితే పోచయ్య సొంత మనవరాలు బాలనర్సమ్మ తానే ఆ భూమి మొత్తానికి వారసురాలినని 2006లో రెవెన్యూ కార్యాలయంలో పీటీ రికార్డులో ఉన్న ఆగయ్య వారసురాలిగా ఫ్యామిలీ మెంబర్‌ సర్టిఫికెట్‌తో పాటు కోర్టు ద్వారా లీగర్‌ హెయిర్‌ సర్టిఫికెట్‌ పొందింది. దీనిద్వారా ఆర్డీఓలో 2022లో 38ఈ సర్టిఫికెట్‌ తీసుకుంది. కబ్జాలో ఉన్న రైతులకు విషయం తెలియడంతో అప్పటి నుంచి జేసీ కోర్టులో పోరాటం చేస్తున్నారు. అంతకుముందు అసలు పట్టాదారు వారసులు గతంలో ఆ భూమిని వేరే వారికి విక్రయించగా కోర్టులో ప్రస్తుతం భూమిపై కబ్జాలో ఉన్న వారి మధ్య మరో కేసు నడుస్తూనే ఉంది. ఆ భూమిపై ఎలాంటి లావాదేవీలు జరపకుండా నిషేధిత జాబితాలో కూడా పెట్టారు. డీఎస్‌ పెండింగ్‌ కాగా 38ఈ సర్టిఫికెట్‌ పొందిన బాలనర్సమ్మ ఈ నెల 6న భూభారతిలో తన పేరుతో పట్టాదారుగా నమోదు చేయించుకుంది. 9న వేరే వ్యక్తులకు రిజిస్ట్రేషన్‌ చేసే ప్రయత్నంలో ఫొటోలు దిగారు, సర్వర్‌ డౌన్‌ లేదా ఇతర కారణాలతో డిజిటల్‌ సైన్‌ పెండింగ్‌లో ఉంది. ఈ విషయం తెలుసుకున్న మిగిలిన రైతులు రికార్డులు చూసుకోగా తమ పేర్లు గల్లంతై బాలనర్సమ్మ పేరు నమోదై ఉండటంతో అవాక్కయ్యారు. ఇటీవల వరకు రికార్డుల్లో ఉన్న భూమి ఇప్పుడు కనిపించకపోవడంతో పాటు మరొకరికి విక్రయించే ప్రయత్నాన్ని తెలుసుకుని తహసీల్దార్‌ కార్యాలయం వద్ద ఆందోళనకు దిగారు. బాలనర్సమ్మ పేరుతో ఏవిధంగా పట్టా చేశారని నిలదీశారు. కోర్టులో కేసు నడుస్తున్నా ఏకపక్షంగా రిజిస్ట్రేషన్లు ఎలా చేస్తారని ప్రశ్నించారు. వెంటనే ఆమె పేరును రికార్డుల నుంచి తొలగించి, తమకు న్యాయం చేయాలని డిమాండ్‌ చేశారు. వీరిలో ఓ మహిళ పెట్రోల్‌ బాటిల్‌ సైతం తెచ్చుకోవడాన్ని చూసిన పోలీసులు ఆమె దగ్గర నుంచి లాక్కున్నారు. కాగా 38ఈ సర్టిఫికెట్‌ ఆధారంగా రికార్డులు మార్చామని తహసీల్దార్‌ గోపాల్‌ వారికి వివరించారు. సమస్య పరిష్కారం కోసం ఉన్నతాధికారులకు నివేదిస్తానని హామీ ఇచ్చారు. రైతులకు మద్దతుగా గ్రామానికి చెందిన ప్రజాప్రతినిధులు, స్థానిక నాయకులు వచ్చారు. కందుకూరు తహసీల్దార్‌ కార్యాలయంలో తహసీల్దార్‌ను నిలదీస్తున్న బాధిత రైతులు, ప్రజాప్రతినిధులు కందుకూరు తహసీల్దార్‌ కార్యాలయంలో ఆందోళనకు దిగిన బాధిత రైతులు

తాండూరు టౌన్‌: భారత వికలాంగుల హక్కుల పరిరక్షణ సమితి (బీవీహెచ్‌పీఎస్‌) తాండూరు పట్టణ నూతన కమిటీని ఎన్నుకున్నారు. సమితి రాష్ట్ర ప్రధాన కార్యదర్శి కావలి నర్సింలు ఆధ్వర్యంలో బుధవారం పట్టణంలో నిర్వహించిన సమావేశంలో కమిటీ పట్టణ అధ్యక్షుడిగా ఎన్‌ చందు, గౌరవాధ్యక్షుడిగా ఎండీ రియాజ్‌, కార్యదర్శులుగా ఎండీ ఖలీల్‌, గజలప్ప, కోశాధికారులుగా ఎం కృష్ణ, డీ శ్రీనివాస్‌, సహాయ కార్యదర్శిగా ఎండీ మహ్మద్‌ను ఏకగ్రీవంగా ఎన్నుకున్నారు. ఈ సందర్భంగా నర్సింలు మాట్లాడుతూ.. ప్రభుత్వం దివ్యాంగులకు ఇచ్చిన హామీలన్నీ నెరవేరే వరకు ఉద్యమించాలని పిలుపునిచ్చారు. దివ్యాంగుల సహాయ పరికరాలు వీల్‌ చైర్లు, ట్రైసైకిళ్లు, ల్యాప్‌టాప్‌లు, బ్యాటరీ వీల్‌చైర్స్‌, సంక కర్రలు, చేతి కర్రలు, హియరింగ్‌ మిషన్స్‌ తదితర పరికరాల కోసం నవంబర్‌ 5వ తేదీలోగా ఆన్‌లైన్‌లో దరఖాస్తు చేసుకోవాలన్నారు. తమపై నమ్మకంతో బాధ్యతలు అప్పగించిన కమిటీ జిల్లా, రాష్ట్ర బాధ్యులకు కృతజ్ఞతలు తెలుపుతున్నామని, అలాగే సమితి బలోపేతం కృషి చేస్తామని నూతనంగా ఎన్నికై న కమిటీ సభ్యులు తెలిపారు. కార్యక్రమంలో మహ్మద్‌ ఖాన్‌, రవి, గణేశ్‌, షబ్బీర్‌, సంజీవ్‌, మజారుద్దీన్‌, హుసేనప్ప తదితరులు పాల్గొన్నారు.

అనంతగిరి: సంక్షేమ పథకాల అమలులో నిర్లక్ష్యం వహించరాదని, నిర్దేశించిన లక్ష్యాలను నిర్ణీత గడు వులోగా సాధించాలని కలెక్టర్‌ దీపక్‌ తివారి అధికారులకు సూచించారు. బుధవారం కలెక్టరేట్‌లోని వీడియో కాన్ఫరెన్స్‌ హాల్‌ నుంచి అన్ని మండలాల ఎంపీడీఓలు, ఎంపీఓలు, ఏపీఎంలతో జూమ్‌ మీటింగ్‌ నిర్వహించారు. ఈ సందర్భంగా ఆయన మాట్లాడుతూ.. ప్రభుత్వ పథకాల అమలు, వీబీజీరామ్‌జీ పనులను వంద శాతం పూర్తి చేయాలని ఆదేశించారు. ఆయా అంశాలపై మండలాల వారీగా సాధించిన పురోగతిని సమీక్షించారు. పెండింగ్‌ పనులను గుర్తించి, వాటిని వేగవంతంగా పూర్తి చేయాలన్నారు. ఫారం పాండ్స్‌, సోప్‌ కిట్స్‌ నిర్మాణాలపై ప్రత్యేక శ్రద్ధ వహించాలని తెలిపారు. వీఓ భవనాలు, కమ్యూనిటీ కాంప్లెక్స్‌ పనులను పూర్తి చేయాలని సూచించారు. ఇందిరమ్మ ఇళ్ల లబ్ధిదారుల ఎంపికపై సూచనలు చేశారు. సమావేశంలో అదనపు కలెక్టర్‌ ఉమాశంకర్‌ ప్రసాద్‌, డీఆ ర్‌డీఏ శ్రీనివాస్‌, జిల్లా పంచాయతీ అధికారి జయసుధ, మిషన్‌ భగీరథ అధికారి రవి కుమార్‌, హౌ సింగ్‌ పీడీ మాతృ నాయక్‌ పాల్గొన్నారు.

బొంరాస్‌పేట: దుద్యాల మండలం అల్లిఖాన్‌పల్లిలో బుధవారం కారు కాలిపోయింది. గ్రామానికి చెందిన శివకుమార్‌ రెండు రోజుల క్రితం తన స్నేహితుడి వద్ద నుంచి కారు తెచ్చుకున్నాడు. పలు గ్రామాలకు వెళ్లి సాయంత్రం ఒక చోట పార్క్‌ చేశాడు. షాట్‌ సర్క్యూట్‌తో వాహనం కాలిపోయిది. రూ.10 లక్షల మేర నష్టం జరిగిందని బాధితుడు తెలిపారు. ట్రాన్స్‌ఫార్మర్‌ వైర్లకు మంటలు దోమ: మండలంలోని పాలేపల్లి మార్గంలో వ్యవసాయ అవసరాల కోసం ఏర్పాటు చేసిన ట్రాన్స్‌ఫార్మర్‌ వైర్లు బుధవారం కాలిపోయాయి. మంటలను చూసిన వాహనదారులు, రైతులు, ఆందోళనకు గురయ్యారు. అధికారులు చర్యలు తీసుకోవాలని కోరారు.

ఇబ్రహీంపట్నం రూరల్‌: పోక్సో కేసు నమోదైందన్న భయంతో ఓ యువకుడు ఉరి వేసుకొని ఆత్మహత్య చేసుకున్న సంఘటన రంగారెడ్డి జిల్లా ఆదిభట్ల పోలీస్‌ స్టేషన్‌ పరిధిలో బుధవారం ఉదయం చోటు చేసుకుంది. సీఐ రమేష్‌ కథనం ప్రకారం.. అల్మాస్‌గూడలో నివాసం ఉండే రామిడి హర్షవర్ధన్‌రెడ్డి వ్యాపారం చేస్తూ జీవించేవాడు. ఇటీవల మీర్‌పేట్‌ పీఎస్‌ పరిధిలో ఇతనిపై పోక్సో కేసు నమోదైంది. ధైర్యం చెప్పడానికి మంగళవారం రాత్రి తుర్కయంజాల్‌లోని రాఘవేంద్రనగర్‌ కాలనీలో ఉన్న తన సోదరి దీపిక ఇంటికి తీసుకెళ్లారు. రాత్రి అందరూ కలిసి భోజనం చేసిన తర్వాత హర్షవర్ధన్‌రెడ్డి, బావ మాధవరెడ్డి హాలులో నిద్రించారు. తెల్లవారుజామున జామున 5 గంటల ప్రాంతంలో మాధవరెడ్డి నిద్రలేచి చూసే సరికి హర్షవర్ధన్‌ పక్కన లేడు. ఇంట్లో చూస్తుండగా పడక గదిలో హర్షవర్ధన్‌రెడ్డి(31) చీరతో ఫ్యాన్‌కు ఉరి వేసుకొని చనిపోయాడు. మృతుడి సోదరి దీపిక ఫిర్యాదు మేరకు పోలీసులు కేసు నమోదు చేశారు. ఉస్మానియా అస్పత్రిలో పోస్టుమార్టం నిర్వహించి బాడీని కుటుంబ సభ్యులకు అప్పగించారు. కేసు నమోదైందనే భయంతో ఉరేసుకున్న యువకుడు

మొయినాబాద్‌: చిలుకూరుకు చెందిన శతాదిక వృద్ధుడు సదువు చంద్రయ్య(106) కన్నుమూశారు. నెల రోజుల క్రితం అనారోగ్యానికి గురైన ఆయన మంగళవారం రాత్రి తుదిశ్వాస విడిచారు. కుటుంబ సభ్యులు, బంధువుల అశ్రునయనాల మధ్య అంత్యక్రియలు పూర్తిచేశారు. ● తీగాపూర్‌ శివారులో పడిఉన్న మృతదేహం ● వివరాలు సేకరించిన పోలీసులు కొత్తూరు: గుర్తు తెలియని యువకుడు హత్యకు గురైన సంఘటన మండలంలోని తీగాపూర్‌ శివారు వెంచర్‌లో బుధవారం వెలుగుచూసింది. స్థానికుల ద్వారా సమాచారం అందుకున్న ఏసీపీ లక్ష్మీనారాయణ అక్కడికి చేరుకుని హత్య జరిగిన తీరును పరిశీలించారు. మృతుడి (25) గొంతు కోసి, కడుపు పలుమార్లు పొడిచినట్లు గుర్తించారు. ఉత్తరాది రాష్ట్రాలకు చెందిన మృతుడు స్థానిక పరిశ్రమలో విధులు నిర్వహిస్తున్నట్లు ప్రాథమికంగా గుర్తించారు. అనంతరం పోలీసులు మృతదేహాన్ని పోస్టుమార్టం నిమిత్తం షాద్‌నగర్‌ కమ్యూనిటీ ఆస్పత్రికి తరలించారు. ఈ మేరకు కేసు నమోదు చేసి దర్యాప్తు జరుపుతున్నట్లు పోలీసులు తెలిపారు. కడ్తాల్‌: నాలుగు ఆవులు, ఓ దూడ అనుమానాస్పద స్థితిలో మృత్యువాత పడిన ఘటన బుధవారం సాయంత్రం కడ్తాల్‌లో చోటు చేసుకుంది. వివరాలు ఇలా ఉన్నాయి.. సిద్దిరమేశ్‌ తన భార్య మంగమ్మ కలిసి వ్యవసాయంతో పాటు పాడి పోషణతో జీవనం సాగిస్తున్నారు. ఉదయాన్నే పొలానికి వెళ్లి ఎనిమిది గోవులకు గడ్డి, దాణా అందించి ఇంటికి చేరుకున్నారు. సాయంత్రం పొలానికి వెళ్లగా నాలుగు ఆవులు, ఓ దూడ మృతిచెంది ఉన్నాయి. వీటి విలువ రూ.4 లక్షలు ఉంటుందని బాధితుడు వాపోయాడు. సర్పంచ్‌ రాయికంటి భిక్షపతి, మాజీ ఎంపీటీసీ గురిగళ్ల లక్ష్మయ్య రైతును ఓదార్చారు. ● ఇబ్రహీంపట్నం పీఎస్‌ పరిధిలో ఘటన ● ఏడాది క్రితం ప్రేమ వివాహం చేసుకున్న మృతుడు ఇబ్రహీంపట్నం: ఉపాధి కోసం వలస వచ్చిన కార్మికుడు బలవన్మరణానికి పాల్పడిన సంఘటన బుధవారం ఇబ్రహీంపట్నం పోలీస్‌ స్టేషన్‌ పరిధిలో చోటుచేసుకుంది. ఎస్‌హెచ్‌ఓ మహేందర్‌రెడ్డి, ఎస్‌ఐ భాస్కర్‌రావు తెలిపిన వివరాల ప్రకారం.. ఛత్తీస్‌గఢ్‌ రాష్ట్రానికి చెందిన బీరేంద్రకుమార్‌ (24) భార్య గీతతో కలిసి ఇరవై రోజుల క్రితం శేరిగూడ వచ్చి ఓ గ్లాస్‌ కంపెనీలో పనిచేస్తూ గ్రామంలోనే నివసిస్తున్నాడు. ఉదయం 7 గంటల సమయంలో గీత పనికి వెళ్లగా, గదిలో లోపలి నుంచి గడియ పెట్టుకొని ఉరి వేసుకున్నాడు. సమయం దాటినా బీరేంద్రకుమార్‌ విధులకు వెళ్లకపోవడంతో తోటి కార్మికులు వచ్చి చూడగా విగతజీవిగా వేలాడుతూ కనిపించాడు. సమాచారం అందుకున్న పోలీసులు ఘటన స్థలానికి చేరుకొని మృతదేహాన్ని మార్చురీకి తరలించారు. ఇదిలా ఉండగా, ఏడాది క్రితం బీరేంద్రకుమార్‌ గీతను ప్రేమ పెళ్లి చేసుకున్నాడు. కొన్నాళ్ల పాటు జార్ఖండ్‌లో ఉన్నారు. కేసు నమోదు చేసిన పోలీసులు అన్ని కోణాల్లో దర్యాప్తు చేస్తున్నారు. ఎంఎంసీలో నిర్మాణ వ్యర్థాల ప్లాంట్‌ సాక్షి, సిటీబ్యూరో: నగరంలో భవన నిర్మాణాలు, కూల్చివేతల (సీఅండ్‌డీ) నుంచి వెలువడే వ్యర్థాలను ఎక్కడపడితే అక్కడ పారవేయకుండా అడ్డుకునేందుకు మల్కాజిగిరి మున్సిపల్‌ కార్పొరేషన్‌న్‌(ఎంఎంసీ) కీలక చర్య చేపట్టింది. రాంపల్లిలో రోజుకు 200 టన్నుల సీఅండ్‌డీ వ్యర్థాలను ప్రాసెస్‌ చేసే ప్లాంట్‌ను ఏర్పాటు చేయనుంది. స్వచ్ఛ భారత్‌ మిషన్‌న్‌–అర్బన్‌న్‌2.0 నిధులతో పబ్లిక్‌–ప్రైవేట్‌ భాగస్వామ్య (పీపీపీ) పద్ధతిలో చేపట్టనున్న ఈ ప్రాజెక్టు అంచనా వ్యయం రూ.12 కోట్లు. పీపీపీకి అర్హత సాధించే ప్రైవేటు సంస్థ ప్లాంట్‌ నిర్మాణం, నిర్వహణ బాధ్యతలను చేపట్టనుంది. ప్రాజెక్టు అంచనా వ్యయంలో 40 శాతం అంటే రూ.4.80 కోట్లను ఎంఎంసీ భరించనుంది. మిగిలిన 60 ఎంపికయ్యే ప్రైవేటు సంస్థ సమకూర్చాలి.

బషీరాబాద్‌: పేదింటి బిడ్డకు కార్పొరేట్‌ స్థాయి చదువు అందితే.. ఉన్నత విద్యకు పునాది పడినట్లే! ఒకటో తరగతి నుంచి ఇంటర్‌ వరకు వేర్వేరు బడుల చుట్టూ తిరిగే అవసరం లేకుండా, ఒకే ప్రాంగణంలో అన్ని తరగతులు చదివే అవకాశం కల్పించడమే తెలంగాణ పబ్లిక్‌ స్కూళ్ల లక్ష్యం. ప్రభుత్వ బడుల్లో ఆధునిక తరగతి గదులు, ప్రయోగశాలలు, డిజిటల్‌ బోధన, రవాణా సదుపాయాలు కల్పించి గ్రామీణ విద్యార్థులకు నాణ్యమైన విద్యను చేరువ చేయాలని సర్కారు భావిస్తోంది. పేద, మధ్యతరగతి కుటుంబాలపై ప్రైవేటు విద్య ఖర్చుల భారం తగ్గించడంతోపాటు, విద్యార్థుల్లో నైపుణ్యాలను పెంపొందించి పోటీ ప్రపంచానికి సిద్ధం చేయాలన్నది ఈ పథకం ఉద్దేశం. ఈ క్రమంలో జిల్లాలో ఎనిమిది పాఠశాలలకు రూ.92.30 కోట్ల నిధులు కేటాయించగా.. తాజాగా మరో మూడు బడులకు రూ.33 కోట్ల పరిపాలనా అనుమతులు లభించాయి. మూడు బడులకు రూ.33 కోట్లు పాఠశాల విద్యాశాఖ ఈ నెల 9న జారీ చేసిన ప్రభుత్వ ఉత్తర్వుల ప్రకారం హస్నాబాద్‌ పాఠశాలకు రూ.12 కోట్లు, బషీరాబాద్‌ ఉన్నత బాలుర పాఠశాలకు రూ.11 కోట్లు, పరిగి పాఠశాలకు రూ.10 కోట్లు మంజూరయ్యాయి. ఈ నిధులతో ఆయా పాఠశాలల్లో అవసరమైన మౌలిక వసతులు అభివృద్ధి చేయనున్నారు. కొడంగల్‌కు పెద్దపీట జిల్లాలో కొడంగల్‌ నియోజవర్గంలో విద్యాభివృద్ధికి ప్రభుత్వం పెద్దపీట వేసింది. జిల్లాలో 8 ప్రభుత్వ పాఠశాలలకు టీపీఎస్‌ హోదా కల్పిస్తే అందులో ఆరు కొడంగల్‌ నియోజకవర్గానికే దక్కాయి. గతంలో ఎంపికై న దౌల్తాబాద్‌, కొడంగల్‌ బాలుర, బాలికల పాఠశాలలు, బొంరాస్‌పేట, హకీంపేట పాఠశాలలకు రూ.59.30 కోట్లు కేటాయించారు. తాజాగా జెడ్పీహెచ్‌ఎస్‌ హస్నాబాద్‌కు టీపీఎస్‌ హోదా కల్పిస్తూ రూ.12 కోట్లు మంజూరు చేసింది. అలాగే తాండూరు, పరిగి నియోజకవర్గాలకు చెరొక పాఠశాల దక్కింది. ఎనిమిది పాఠశాలలకు కలిపి రూ.92.30 కోట్లు నిధులు కేటాయించింది. ఒకే చోట అన్ని తరగతులు ప్రీప్రైమరీ నుంచి ఇంటర్మీడియట్‌ వరకు ఒకే ప్రాంగణంలో విద్య అందించనున్నారు. ఇంగ్లిష్‌ మాధ్యమ బోధనతోపాటు డిజిటల్‌ తరగతి గదులు, ఆధునిక ప్రయోగశాలలు ఏర్పాటు చేయనున్నారు. రవాణా కోసం ఒక్కో పాఠశాలకు పది వరకు బస్సులు కేటాయించే ప్రతిపాదన ఉంది. విద్యార్థులకు అల్పాహారం, మధ్యాహ్న భోజనం, పాలు, రాగి జావ వంటి సదుపాయాలు కల్పించనున్నారు. మెరుగైన బోధన, ప్రయోగాత్మక అభ్యాసం, రవాణా సౌకర్యాలతో గ్రామీణ విద్యార్థులకు సమాన విద్యావకాశాలు లభించనున్నాయి. పథకం పూర్తిస్థాయిలో అమలైతే ప్రభుత్వ బడులపై తల్లిదండ్రుల నమ్మకం పెరగడంతోపాటు, ప్రైవేటు పాఠశాలలకు వెళ్లే అవసరం తగ్గే అవకాశం ఉంది. ప్రభుత్వానికి కృతజ్ఞతలు గ్రామీణ పేద విద్యార్థులకు ప్రభుత్వం కార్పోరేట్‌స్థాయిలో విద్యను అందించేందుకు చేపట్టిన చర్యలు ఎంతో ప్రయోజనం చూకేరుతుందని బషీరాబాద్‌ సొసైటీ చైర్‌పర్సన్‌ కరుణ, ఏఎంసీ వైస్‌ చైర్మన్‌ శంకరప్ప వేరువేరు ప్రకటనలో పేర్కొన్నారు. సీఎం రేవంత్‌రెడ్డి విద్యాశాఖ మంత్రిగా ఉండడం వలనే విద్యాశాఖలలో ఇలాంటి సంస్కరణలు వచ్చాయన్నారు. ఈ మేరకు ప్రభుత్వానికి, స్థానిక ఎమ్మెల్యేకు వారు కృతజతలు తెలిపారు.

ఇబ్రహీంపట్నం రూరల్‌: తెలంగాణ సంస్కృతి, సంప్రదాయాలకు ప్రతీకగా నిలిచిన బతుకమ్మను సంబరంగా జరుపుకోవాలని కలెక్టర్‌ సి. నారాయణరెడ్డి పేర్కొన్నారు. వేడుకలకు సంబంధించిన పోస్టర్‌ను మంగళవారం అదనపు కలెక్టర్‌ కిరణ్మయితో కలిసి ఆవిష్కరించారు. ఈ సందర్భంగా కలెక్టర్‌ మాట్లాడుతూ.. బతుకమ్మ పండగకు ఎంతో విశిష్టమైన ప్రాధాన్యత ఉందని తెలిపారు. మహిళల ఐక్యతకు, ప్రకృతి ఆరాధనకు ప్రతీకగా నిలిచే పండగను ప్రతి ఒక్కరూ ఉత్సాహంగా జరుపుకోవాలని ఆకాక్షించారు. టీజీఓల సంఘం జిల్లా మహిళా విభాగం చైర్మన్‌ రేవతి మాట్లాడుతూ.. ఈ నెల 14న టీజీఓ భవన్‌ హైదరాబాద్‌లో రాష్ట్రస్థాయి సంబరాలు, 15న జిల్లా ఐడీఓసీ కార్యాలయ ప్రాంగణంలో జిల్లాస్థాయి వేడుకలు నిర్వహిస్తున్నట్లు వెల్లడించారు. మహిళా ఉద్యోగులు పెద్ద సంఖ్యలో పాల్గొని విజయవంతం చేయాలని కోరారు. కార్యక్రమంలో సంఘం అధ్యక్ష, కార్యదర్శులు రామారావు, శ్రీనేష్‌కుమార్‌ నోరీ, మహిళా విభాగం కోశాధికారి శాంతిశ్రీ, సైదమ్మ, బాలేశ్వరి, రాణి, రాకేష్‌, మహేశ్‌, ఐశ్వర్య, స్వప్న, సంధ్య, జ్యోత్స్న, ప్రమీల, లావణ్య, స్వాతి, పద్మాంజలి, సమంత, శ్రీదేవి, మైతిలి, రాజ్యలక్ష్మి, రజిత, కరుణ, రవాణి, భాను, పుల్లమ్మ, ప్రశాంతి, మమత, శ్రీలత, భవాని తదితరులు పాల్గొన్నారు.

యాచారం: భూసేకరణ అంటేనే రైతుల గుండెల్లో దడ పుడుతోంది. ఎప్పుడు.. ఏ రోజు.. ఏ గ్రామానికి నోటిఫికేషన్‌ వస్తుందోనన్న భయం పట్టుకుంది. ఫార్మాసిటీ పేరుతో గత బీఆర్‌ఎస్‌ సర్కార్‌ మండల పరిధిలోని నక్కర్తమేడిపల్లి, నానక్‌నగర్‌, తాడిపర్తి, కుర్మిద్ద గ్రామాల్లోని 9 వేల ఎకరాలకు పైగా అసైన్డ్‌, పట్టా భూములను సేకరించడం తెలిసిందే. అదే భూముల్లో ప్రస్తుత కాంగ్రెస్‌ సర్కార్‌ ఫ్యూచర్‌సిటీ నిర్మిస్తోంది. ఫార్మాసిటీ భూసేకరణ సమయంలోనే రైతులు తీవ్రంగా వ్యతిరేకించినప్పటికీ అప్పటి సర్కార్‌ వెనుకంజ వేయలేదు. అదే తరహాలో ప్రస్తుతం ప్రభుత్వం కూడా భూసేకరణ ప్రక్రియపై దూకుడుగా వ్యవహరిస్తోంది. ఏడాది క్రితం మొండిగౌరెల్లిలోని 822 ఎకరాలు, రెండు నెలల క్రితం కొత్తపల్లిలోని 950 ఎకరాల అసైన్డ్‌, పట్టా భూముల సేకరణకు నోటిఫికేషన్లు జారీ చేసింది. మొండిగౌరెల్లిలోని అసైన్డ్‌ భూములకు ఎకరాకు రూ.30 లక్షల పరిహారంతో పాటు ఎకరాకు 121 గజాల ప్లాట్లు ఇస్తామని సర్కార్‌ ప్రకటించింది. కొత్తపల్లిలోని అసైన్డ్‌ భూములకు చెల్లించే పరిహారంపై మాత్రం స్పష్టత ఇవ్వలేదు. మరో 2,500 ఎకరాల సేకరణకు సిద్ధం యాచారం మండలంలోని నందివనపర్తి, నస్ధిక్‌సింగారం, కొత్తపల్లి, చింతపట్ల తదితర గ్రామాల్లోని మరో 2,500 ఎకరాల భూసేకరణకు సర్కార్‌ దృష్టి పెట్టింది. ఆయా గ్రామాల్లోని దేవాలయ, అసైన్డ్‌ భూముల సేకరణపై గెజిట్‌ కూడా విడుదల చేసింది. త్వరలో చింతపట్ల, చింతుల్ల, మంతన్‌గౌరెల్లి, నల్లవెల్లి, యాచారం గ్రామాల్లోని అసైన్డ్‌ భూముల సేకరణ ముందుకు వెళ్లడానికి సర్కార్‌ నిర్ణయించింది. ఇప్పటికే ఆయా గ్రామాల్లోని 50 ఎకరాలకు పైగా అసైన్డ్‌ సర్వేనంబర్లను గుర్తించింది. మూడు నెలల క్రితం 50 ఎకరాల నుంచి 200 ఎకరాలకు పైగా ఉన్న అసైన్డ్‌ సర్వేనంబర్ల జాబితాను స్థానిక అధికారులు నివేదిక పంపారు. అసైన్డ్‌ భూముల బదిలీలు, మ్యూటేషన్లు, విరాసత్‌లు చేయకుండా అసైన్డ్‌ సర్వే నంబర్లను మొత్తం 22 ఏలో పొందుపర్చారు. ఫ్యూచర్‌కు అత్యధికంగా ఇక్కడి నుంచే.. కాంగ్రెస్‌ సర్కార్‌ ప్రతిష్టాత్మకంగా చేపడుతున్న భారత్‌ ఫ్యూచర్‌సిటీకి యాచారం మండలం నుంచి భూసేకరణకు జరపాలిని నిర్ణయించింది. జిల్లాలో ఎక్కడా లేని విధంగా ఈ మండలంలో అత్యధిక అసైన్డ్‌ భూములు ఉండడం, పైగా హానగరానికి దగ్గరలో, ప్రస్తుతం భారత్‌ ఫ్యూచర్‌సిటీ నిర్మిస్తున్న సమీపంలోనే ఉండడం కలిసివస్తోంది. భవిష్యత్తులో భూ బ్యాంకు కావాల్సి వచ్చినప్పుడు ఆయా గ్రామాల్లో దాదాపు 5 నుంచి పది వేల ఎకరాలకు పైగా అసైన్డ్‌, పట్టా భూములను సేకరించే యోచనలో సర్కార్‌ ఉంది. చెల్లింపులో సైతం రైతుల నుంచి ఒత్తిళ్లు రాకపోవచ్చని భావన నెలకొంది. ఫ్యూచర్‌సిటీ నిర్మిస్తున్న నేపథ్యంలో భూములకు రూ.కోట్లలో ఉండడంతో పట్టా భూముల సేకరణ అంశాన్ని సడలించే అవకాశం ఉంటుందని ఎఫ్‌సీడీఏ ఉన్నతాధికారి ‘సాక్షి’కి తెలిపారు. ఎప్పుడు ఏ గ్రామంలో నోటిఫికేషన్లు వస్తాయో.. ఫ్యూచర్‌సిటీ కోసం 50 ఎకరాలకు పైగా అసైన్డ్‌ భూములున్న సర్వే నంబర్లు గుర్తింపు యాచారం మండలంపైనే దృష్టి రైతుల్లో మొదలైన ఆందోళన

● ఆకుతోటపల్లివాసుల అభ్యర్థన ● అదనపు కలెక్టర్‌ కిరణ్మయికి వినతిపత్రం ఆమనగల్లు: మండలంలోని ఆకుతోటపల్లిలో ప్రజాభిప్రాయం లేకుండా ఏకపక్షంగా ఇచ్చిన క్రషర్‌ ప్లాంట్‌ అనుమతులను రద్దు చేయాలని గ్రామస్తులు డిమాండ్‌ చేశారు. ఈ మేరకు మంగళవారం అదనపు కలెక్టర్‌ కిరణ్మయిని కలిసి వినతిపత్రం అందజేశారు. సర్వేనంబర్‌ 302లో క్రషర్‌ ఏర్పాటుకు ఇచ్చిన అనుమతులు రద్దు చేయాలని, క్రషర్‌ ప్లాంట్‌తో ఇబ్బందులు పడుతున్నామని ఫిర్యాదు చేశారు. క్రషర్‌ ద్వారా ప్రజల ఆరోగ్యం దెబ్బతినడమే కాకుండా పంటలు పాడవుతాయని, వాతావరణ కాలుష్యం నెలకొంటుందని ఆందోళన వ్యక్తంచేశారు. అలాగే సర్వే నంబర్‌ 304లో కొనసాగుతున్న మట్టి అక్రమ తవ్వకాలపై విచారణ జరిపించాలని వారు కోరారు. మైనింగ్‌ అనుమతులు రద్దు చేయాలని కోరుతూ ఆకుతోటపల్లి గ్రామంలో జేఏసీ ఆధ్వర్యంలో శంతియుతంగా రిలే దీక్షలు చేపడుతుంటే పోలీసులు బలవంతంగా దీక్షశిబిరాన్ని తొలగించారన్నారు. వినతిపత్రం అందించిన వారిలో శ్రీపాతి అమరేశ్‌రెడ్డి, వెంకటయ్య, కృష్ణ, బాలు, శేక్‌ షాజిద్‌, శ్రీపాతి శశిధర్‌రెడ్డి, హాజీపాషా తదితరులు ఉన్నారు.

పహాడీషరీఫ్‌: భార్యను కిరాతకంగా గొంతుకోసి హత్య చేసిన కేసులో నిందితుడిని బాలాపూర్‌ పోలీసులు అరెస్ట్‌ చేసి మంగళవారం రిమాండ్‌కు తరలించారు. అనుమానం కారణంగానే హత్యకు పాల్పడినట్లు విచారణలో వెల్లడైంది. పోలీస్‌స్టేషన్‌లో మంగళవారం రాత్రి ఏర్పాటు చేసిన విలేకరుల సమావేశంలో ఇన్‌స్పెక్టర్‌ జి.నాగరాజుతో కలిసి ఆదిభట్ల డివిజన్‌ ఏసీపీ డి.వి.ప్రదీప్‌ కుమార్‌ రెడ్డి వివరాలు వెల్లడించారు. పశ్చిమ బెంగాల్‌ రాష్ట్రానికి చెందిన అజ్మీరా బేగం (28), మహ్మద్‌ ముస్తఫా (29) భార్యాభర్తలు. వీరికి ముగ్గురు మగ పిల్లలు సంతానం. రెండేళ్ల క్రితం బతుకుదెరువు నిమిత్తం జల్‌పల్లిలోని న్యూబాబానగర్‌కు వలస వచ్చారు. అజ్మీరా బేగం ఫంక్షన్‌హాళ్లలో పని చేస్తుండగా, ముస్తఫా అడపదడపా కూలీ పని చేస్తూ జులాయిగా తిరిగేవాడు. కొన్ని రోజుల నుంచి భార్య ఇతరులతో ఫోన్‌ మాట్లాడుతుందని అనుమానం పెంచుకున్నాడు. ఈ క్రమంలోనే సోమవారం రాత్రి ఆమెతో గొడవపడ్డాడు. కోపోద్రిక్తుడై కత్తితో భార్య గొంతుకోసి ఇంట్లో నుంచి పరారయ్యాడు. ఈ ఘటనను చూసిన కుమారుడు బోరున విలపించడం, నిందితుడు రక్తపు బట్టలతో పారిపోతుండడాన్ని గమనించిన స్థానికులు సమీపంలోనే ఉన్న అజ్మీరా బేగం తల్లి, సోదరికి సమాచారం అందించారు. వారు వచ్చి చూసేసరికి ఆమె మృతి చెందింది. ఈ ఘటనపై కేసు నమోదు చేసుకున్న పోలీసులు మంగళవారం మధ్యాహ్నం ఎయిర్‌పోర్ట్‌ హోటల్‌ సమీపంలో నిందితుడిని అరెస్ట్‌ చేసి రిమాండ్‌కు తరలించారు. రక్తపు మరకలు కలిగిన దుస్తులతో పాటు నిందితుడి నుంచి కత్తి, సెల్‌ఫోన్‌ స్వాధీనం చేసుకున్నారు. ● భార్యను అంతమొందించిన కేసులో నిందితుడి అరెస్ట్‌ ● వివరాలు వెల్లడించిన ఆదిభట్ల ఏసీపీ ప్రదీప్‌ కుమార్‌ రెడ్డి