annamayya district Latest News

కడపకార్పొరేషన్‌ : స్థానిక ఎన్నికల్లో ఓటమి భయంతోనే టీడీపీ నేతలు అరాచకం సృష్టించారని వైఎస్సార్‌సీపీ జిల్లా అధ్యక్షుడు పి.రవీంద్రనాథ్‌రెడ్డి పేర్కొన్నారు. వైఎస్సార్‌సీపీతోపాటు ఇతర ఏ పార్టీలను నామినేషన్‌ వేయనీయకుండా ఎన్నికయ్యే ప్రతి ఒక్కరూ 2029లో తమ ప్రభుత్వం వచ్చిన వెంటనే రాజీనామా చేయక తప్పదని అన్నారు. ఆదివారం సాయంత్రం రాజ్యసభ సభ్యులు మేడా రఘునాథరెడ్డి, ఎమ్మెల్సీలు డీసీ గోవిందరెడ్డి, ఎంవీ రామచంద్రారెడ్డి, ఎమ్మెల్యేలు ఆకేపాటి అమర్‌నాథ్‌రెడ్డి, డా.దాసరి సుధ, మాజీ ఎమ్మెల్యే శెట్టిపల్లె రఘురామిరెడ్డి, ఎస్‌ఈసీ సభ్యులు కె.సురేష్‌ బాబు, మాజీ డిప్యూటీ సీఎం అంజద్‌బాషాలతో కలిసి నిర్వహించిన విలేకరుల సమావేశంలో ఆయన మాట్లాడారు. మున్సిపల్‌ ఎన్నికల్లో జరుగుతున్న పరిణామాలు ప్రజాస్వామ్యాన్ని అపహాస్యం చేసేలా ఉన్నాయన్నారు. నామినేషన్‌ కేంద్రాల వద్ద వందల మంది టీడీపీ గూండాలు, రౌడీలు కట్టెలు, కత్తులు, రాళ్లతో కాపు కాశారని, నామినేషన్‌ కేంద్రం బయట, లోపల వాళ్లే ఉన్నారన్నారు. పోలీసులు వారికి అడుగడుగునా అండగా నిలిచారని, వారే లేకపోతే పరిస్థితి ఇలా ఉండదన్నారు. జిల్లా వ్యాప్తంగా తమ పార్టీ ముఖ్య నాయకులందరినీ 144 సెక్షన్‌ పేరుతో గృహ నిర్బంధాలు చేశారని, టీడీపీ వర్గీయులు గుంపులుగా తిరుగుతూ తమ పార్టీ నాయకులపై దాడి చేసి నామినేషన్‌ పత్రాలు చించివేస్తున్నా పట్టించుకోలేదన్నారు. చివరకు కడపలో మేయర్‌ అభ్యర్థి బండి దీప్తిరెడ్డి, ప్రొద్దుటూరులో పోరెడ్డి నరసింహారెడ్డి, బద్వేలులో రాచపూడి వెంకట సాయిక్రిష్ణ, పులివెందులలో వైఎస్‌ ప్రమీలమ్మ, రాజంపేటలో రేష్మ మున్సిపల్‌ చైర్మన్‌ అభ్యర్థులుగా నామినేషన్లు వేశారని, స్క్రూట్నీలో ఎంత మంది మిగులుతారో తెలియదన్నారు. కడపలో 12 మంది కార్పొరేటర్‌ అభ్యర్థులు నామినేషన్‌ వేశారని, 19 మంది అభ్యర్థులకు భద్రత కల్పించి నామినేషన్‌ వేయించాలని హైకోర్టు ఉత్తర్వులిచ్చినా పోలీసులు లెక్క చేయలేదన్నారు. సాక్షాత్తు జిల్లా ఎస్పీకి ఫోన్‌ చేస్తే మీ అభ్యర్థులను నామినేషన్‌ కేంద్రం వద్ద 100 మీటర్ల వరకూ రమ్మనండి... నామినేషన్‌ వేయిస్తామని చెప్పడం ఆశ్చర్యాన్ని కలిగిస్తోందన్నారు. వంద మీటర్ల పరిధిలోకి పోగలిగితే ఇక పోలీసులతో పనేముందని ప్రశ్నించారు. మా వాళ్లు పోలీస్‌స్టేషన్‌కు వస్తారు వారితో నామినేషన్లు వేయించాలని కోరినా అలా చేయలేమని చేతులెత్తేశారన్నారు. తమ అభ్యర్థులకు భద్రత కల్పించలేని పోలీసులు.. తమను గృహ నిర్బంధం చేయడానికి మాత్రం పదుల సంఖ్యలో పోలీసులను కాపలా పెట్టారని ఎద్దేవా చేశారు. నామినేషన్‌ వేయడానికి పోయిన వారిపై పిడిగుద్దులు కురిపిస్తూ నామినేషన్‌ పత్రాలు లాక్కొని చించి వేస్తున్నా పోలీసులు కళ్లార్పకుండా చూశారే తప్ప వారికి రక్షణ కల్పించలేదన్నారు. మాపై హత్యాయత్నం చేసినా స్పందించలేదు: ఎంపీ మేడా రఘునాథరెడ్డి ఎంపీ, ఎమ్మెల్యేలపై టీడీపీ రౌడీ మూకలు దాడి చేసి హత్యాయత్నం చేస్తే జిల్లా కలెక్టర్‌, ఎస్పీ, డీఎస్పీల్లో కనీసం స్పందన లేకపోవడం సిగ్గుచేటని రాజ్యసభ సభ్యులు మేడా రఘునాథరెడ్డి విరుచుకుపడ్డారు. టీడీపీ వాళ్లతో పోలీస్‌, రెవెన్యూ యంత్రాంగం కుమ్మకై ్కందని, 50 ఏళ్లలో ఇలాంటి పరిస్థితి ఎన్నడూ చూడలేదన్నారు. తాము ఉన్న ఇంటిని ధ్వంసం చేసి హత్యాయత్నం చేస్తే.. కలెక్టర్‌, సబ్‌ కలెక్టర్‌, డీఎస్పీ, ఎస్పీలకు ఫోన్‌ చేస్తే ఏ ఒక్కరూ స్పందించలేదని ఆవేదన వ్యక్తం చేశారు. జిల్లా ఎస్పీ కనీస మర్యాదకు తిరుగు కాల్‌ కూడా చేయలేదన్నారు. రిటైర్‌ అయినా ఇలాంటి అధికారులను వదిలిపెట్టేది లేదని స్పష్టం చేశారు. 144 సెక్షన్‌ వైఎస్సార్‌సీపీకేనా, టీడీపీ మూకలకు వర్తించదా అని ప్రశ్నించారు. చర్యకు ప్రతిచర్య తప్పక ఉంటుందని హెచ్చరించారు. సర్వేలు చేయించుకొని ఓడిపోతామని తెలిసే ఇలాంటి దుర్మార్గాలకు పాల్పడుతున్నారన్నారు. నామినేషన్‌ పత్రాలు చించేశారు : మాజీ ఎమ్మెల్యే రఘురామిరెడ్డి మైదుకూరులో ఈనెల 16,17 తేదీల్లో 14 మంది వైఎస్సార్‌సీపీ అభ్యర్థులు నామినేషన్లు వేశారని, ఎమ్మెల్యే పుట్టా సుధాకర్‌ యాదవ్‌ తన అనుచరులతో నామినేషన్‌ కేంద్రంలోకి చొరబడి వాటిని చించేశారని మాజీ ఎమ్మెల్యే శెట్టిపల్లె రఘురామిరెడ్డి అన్నారు. ఎమ్మెల్యేకు మైదుకూరులో ఓటు హక్కు కూడా లేదని, ఆయన్ను ఎలా అనుమతించారని ప్రశ్నించారు. తమ పార్టీ అభ్యర్థులు వేసిన నామినేషన్లకు సంబంధించి రశీదులు ఇచ్చారని, ఈ విషయమై తాను నిలదీస్తే.. ఎవరో గుర్తు తెలియని వ్యక్తులు వచ్చి చించేశారని నామమాత్రంగా పోలీసులకు ఫిర్యాదు చేశారన్నారు. ప్రజాస్వామ్యం పౌరుల చేతుల్లో లేదని విచారం వ్యక్తం చేశారు. టీడీపీ నాయకుల చర్యలను చూసి ప్రజలు అసహ్యించుకుంటున్నారన్నారు. ఇలాగైతే పోలీసులు, ఎన్నికల కమిషన్‌పై విశ్వాసం పోతుందని హెచ్చరించారు. ఎస్‌ఈసీ రాజీనామా చేయాలి : ఎమ్మెల్సీ డీసీ గోవిందరెడ్డి ఎన్నికల నిర్వహణలో తీవ్రంగా విఫలమైన రాష్ట్ర ఎన్నికల కమిషనర్‌ రాజీనామా చేయాలని ఎమ్మెల్సీ డీసీ గోవిందరెడ్డి డిమాండ్‌ చేశారు. లోపభూయిష్టమైన విధానంతో ఎన్నికలు జరుపుతున్నారని, పోలీసులు, ఎన్నికల కమిషన్‌ టీడీపీతో కుమ్మక్కయ్యాయని ధ్వజమెత్తారు. బద్వేలులో తమ అభ్యర్థులు వేసిన నామినేషన్లను మున్సిపల్‌ ఆఫీసుకు పోయి లాక్కుని చించివేశారన్నారు. తమ నామినేషన్లు ఎక్కడున్నాయి.. దీనికి ఎవరు బాధ్యత తీసుకుంటారని ప్రశ్నించారు. ఇవి పూర్తిగా ఫాల్స్‌ ఎలక్షన్స్‌ అని, జెడ్పీటీసీ, ఎంపీటీసీ ఎన్నికలు కూడా ఇలాగే జరుగుతాయన్నారు. గెలిచే ధైర్యం లేకనే : మాజీ డిప్యూటీ సీఎం అంజద్‌బాషా ప్రజాస్వామ్యబద్ధంగా గెలిచే దమ్ము, ధైర్యం లేకనే ఇలా నీచ రాజకీయాలు చేస్తున్నారని మాజీ డిప్యూటీ సీఎం అంజద్‌బాషా అన్నారు. కడపలో 51వ డివిజన్‌ నుంచి వైఎస్సార్‌సీపీ అభ్యర్థి స్వర్ణలత నామినేషన్‌ వేస్తే.. ఆదివారం 3 గంటల తర్వాత.. 3 గంటల్లోపు మళ్లీ నామినేషన్‌ వేయాలని నోటీసు అతికించారన్నారు. ఇదెలా సాధ్యమని ప్రశ్నించారు. ఏ నాకొడుకు వచ్చి నామినేషన్‌ వేస్తాడో రమ్మను అని టీడీపీ నాయకుడు శ్రీనివాసులరెడ్డి సవాల్‌ చేయడం హాస్యాస్పదమన్నారు. ఎన్నికల కమిషన్‌ ఈ ఎన్నికలను రద్దు చేసి, ఆన్‌లైన్‌ ద్వారా నామినేషన్లు స్వీకరించాలని డిమాండ్‌ చేశారు. ఈ సమావేశంలో కడప నగర మేయర్‌ అభ్యర్థి బండి దీప్తిరెడ్డి, మాజీ మేయర్‌ పాకా సురేష్‌ కుమార్‌, వైఎస్సార్‌సీపీ నాయకులు పులి సునీల్‌ కుమార్‌, సంబటూరు ప్రసాద్‌రెడ్డి, నరసింహారెడ్డి పాల్గొన్నారు. మున్సిపల్‌ ఎన్నికల్లో టీడీపీ రౌడీ మూకల దౌర్జన్యం వైఎస్సార్‌సీపీ అభ్యర్థులను నామినేషన్‌ వేయకుండా అడ్డుకున్న వైనం పోలీసులు మమ్మల్ని గృహ నిర్బంధంచేసి వారికి అండగా నిలిచారు వైఎస్సార్‌సీపీ జిల్లా అధ్యక్షుడు పి.రవీంద్రనాథ్‌రెడ్డి

ముద్దనూరు : మున్సిపల్‌ ఎన్నికల నామినేషన్‌ దాఖలు చివరి రోజున ఎర్రగుంట్లకు చెందిన వైఎస్సార్‌సీపీ నేతలను ఆదివారం ముద్దనూరు పోలీసుస్టేషన్‌లో నిర్బంధించారు. ఎర్రగుంట్లకు చెందిన తుంగా వెంకటరామిరెడ్డి, తమ్మిశెట్టి బాలయ్య, సాంబశివారెడ్డి, జయరామకృష్ణారెడ్డిలను పోలీసులు అదుపులోకి తీసుకున్నారు. ఎర్రగంట్లలోని వారి నివాసాల నుంచి ఉదయమే వారిని పోలీసులు ముద్దనూరుకు తరలించారు. ఉదయం నుంచి స్థానిక పోలీసు స్టేషన్‌లో వున్న వారిని మధ్యహ్నం 3 గంటల తర్వాత విడుదల చేశారు. పలువురు వైఎస్సార్‌సీపీ నాయకులు స్టేషన్‌లో వున్న ఎర్రగుంట్ల నేతలను కలిశారు. ● రాజంపేటలో టీడీపీ నాశనం ● ఆ పార్టీ సీనియర్‌ నాయకుడి ఆవేదన ● నామినేషన్‌ వేయడానికి వెళ్తే.. మాపై దాడి రాజంపేట : రాజంపేటలో టీడీపీ నాశనమైపోతుందని, మున్సిపల్‌ కార్యాలయంలో బీహారోళ్లా ఉన్నారని స్థానిక 9 వార్డు ముకందరగడ్డకు చెందిన టీడీపీ కరుడుకట్టిన సీనియర్‌ నాయకుడు గౌస్‌పీర్‌ ఆవేదన వ్యక్తం చేశారు. ఆదివారం ఆయన తన సతీమణితో కలిసి వచ్చి నామినేషన్‌ వేసేందుకు మున్సిపాలిటీ ఆఫీసులోని నామినేషన్‌ స్వీకరణ కేంద్రానికి విచ్చేశారు. ఈయనను లోపలికి పోనివ్వకుండా నామినేషన్‌ పత్రాలను ఆయన భార్య చేతిలో నుంచి బలవంతంగా తీసుకొని, చించిపారేశారు. ఈ సంఘటనపై ఆయన సాక్షితో మాట్లాడారు. వివరాలు ఆయన మాటల్లోనే.. ‘టీడీపీలో 30 ఏళ్లుగా పని చేస్తున్నాను. 2019లో జెండా కట్టేవారు లేకపోతే.. పార్టీ లేకపోయినా, వార్డులో పార్టీ జెండా కట్టాను. పార్టీ తరఫున నా భార్యను నిలబెట్టి, వారి దెబ్బకు తట్టుకోలేక వారం రోజులు కుటుంబంతో బయట ఉన్నాను. మళ్లీ వచ్చి నామినేషన్‌ వేశాను. కానీ ఇప్పుడు మన పార్టీ వచ్చిందని నామినేషన్‌ వేసేందుకు మున్సిపాలిటీ కార్యాలయానికి వెళ్లాను. నన్ను కొట్టేదానికి వచ్చారు. పేపర్లు చింపి గందరగోళం చేశారు. బీహారోళ్లకన్నా అధ్వాన్నంగా ఉన్నారు.. ఏ పార్టీ వారో తెలియడం లేదు. మున్సిపాలిటీలో బీహారోళ్లు ఉన్నట్లు ఉన్నారు. విచారణ చేసి పార్టీని కాపాడుకునేటట్లు చేసుకోండి, రాజంపేటలో పార్టీ నాశనమైపోతుంది. రాష్ట్రంలో కూడా అంతే. ఏమీ వుండదు. 40 ఏళ్ల నుంచి పని చేస్తున్న కార్యకర్తలు, నాయకులను, వీరాభిమానులు నాశనం చేస్తున్నారు. అడ్డంగా నరికేస్తున్నారు. రాజంపేటలో పార్టీని నామరూపం లేకుండా చేసేందుకు రెడీ అయ్యారు. మా నామినేషన్‌ పేపర్లను అశోక్‌ తమ్ముడు, పోటీ చేసిన, నామినేషన్‌ వేసిన మహమ్మద్‌అలీ. ఈయన ఈ మధ్యనే రెండు నెలలు అయింది వచ్చి... మా భార్య దగ్గర పేపర్లు లాక్కున్నారు. కొత్తోడు ఉన్నట్లు ఉన్నాడు.. బీహారోడు ఉన్నట్లు కనిపిస్తున్నాడు.. నా రెట్ట పట్టుకొని కొట్టేదానికి వచ్చారు. వీళ్లు పార్టీ అయింది తెలీదు. బీహారోళ్లని తెలియదు’ అంటూ ఆయన వాపోయారు.

సాక్షి, మదనపల్లె : జిల్లాలో శుక్రవారం మొదలైన మున్సిపల్‌ ఎన్నికల నామినేషన్ల పర్వం ఆదివారం సాయంత్రం ముగిసింది. జిల్లాలోని మదనపల్లి, రాయచోటి, పుంగనూరు మున్సిపాలిటీల్లో పోటీ చేసేందుకు అభ్యర్థులు భారీగా నామినేషన్లు దాఖలు చేశారు. వీటిలో రాయచోటి, పుంగనూరు మున్సిపాలిటీల్లో వైఎస్‌ఆర్‌సీపీ అభ్యర్థులు పొటీ చేయకుండా అధికారం అండతో అడ్డుకోవడంతో నామినేషన్లు దాఖలు కాలేదు. దాఖలైన నామినేషన్లలో.. మదనపల్లెలో.. మదనపల్లెలో మున్సిపాలిటీలో 48 వార్డులకు సంబంధించి వైఎస్‌ఆర్‌సీపీ 153, బీఎస్పీ రెండు, బీజేపీ 14, కాంగ్రెస్‌ ఒకటి, టీడీపీ 162, జనసేన 26, స్వతంత్రులు 32 నామినేషన్లు దాఖలు చేశారు. చైర్మన్‌ పదవికి వైఎస్సార్‌సీపీ తొమ్మిది, బీఎస్పీ ఒకటి, కాంగ్రెస్‌ ఒకటి, టీడీపీ ఆరు, స్వతంత్రులు మూడు నామినేషన్లు దాఖలు చేశారు. రాయచోటిలో.. రాయచోటి మున్సిపాలిటీలో 44 వార్డులు ఉండగా, వీటికి బీజేపీ మూడు, టీడీపీ 61, జనసేన ఒకటి, స్వతంత్రులు మూడు నామినేషన్లు దాఖలు చేశారు. చైర్మన్‌ పదవికి టీడీపీ ఒకటి, స్వతంత్రులు ఒకటి దాఖలు చేశారు. పుంగనూరులో.. పుంగనూరు మున్సిపాలిటీలో 36 వార్డులు ఉండగా, వీటికి బీజేపీ 5, సీపీఐ ఒకటి, టీడీపీ 78, జనసేన 11, ఇతర పార్టీలు ఒకటి, స్వతంత్రులు నలుగురు నామినేషన్లు వేశారు. చైర్మన్‌ పదవికి టీడీపీ తరపున ఎనిమిది నామినేషన్లు దాఖలు చేశారు. నేతలతో కలిసి జింకా నామినేషన్‌.. మదనపల్లె మున్సిపల్‌ చైర్మన్‌ వైఎస్సార్‌సీపీ అభ్యర్థిగా జింకా వెంకటా చలపతి ఆదివారం పార్టీ ముఖ్య నేతలతో కలిసి నామినేషన్‌ దాఖలు చేశారు. సమన్వయకర్త నిసార్‌ అహ్మద్‌, మాజీ ఎమ్మెల్యే దేశాయ్‌ తిప్పారెడ్డి, ఎమ్మెల్సీ నరేష్‌కుమార్‌ రెడ్డి, మహిళా విభాగం జిల్లా అధ్యక్షురాలు షమీం అస్లాం, పరిశీలకులు అనీషా రెడ్డి, బావాజాన్‌, ఉదయ్‌ కుమార్‌, సీనియర్‌ నాయకులు సిపి.సుబ్బారెడ్డి తదితరులతో కలిసి నామినేషన్‌ దాఖలు చేశారు.128 వార్డులకు 558, చైర్మన్‌ స్థానానికి 30 దాఖలు

సాక్షి, మదనపల్లె : స్థానిక సంస్థల ఎన్నికల కారణంగా ఎన్నికల ప్రవర్తనా నియమావళి అమలులో ఉన్నందున డిసెంబర్‌ 3వ తేదీ వరకు మదనపల్లె కలెక్టరేట్‌లో నిర్వహించే ప్రజా సమస్యల పరిష్కార వేదిక (పీజీఆర్‌ఎస్‌) కార్యక్రమాలను తాత్కాలికంగా నిలిపివేస్తున్నట్లు కలెక్టర్‌ నిశాంత్‌ కుమార్‌ ఆదివారం ఒక ప్రకటనలో తెలిపారు. క్షేత్రస్థాయి పీజీఆర్‌ఎస్‌ కార్యక్రమాలు కూడా అప్పటిదాక తాత్కాలికంగా నిలిపివేస్తున్నట్లు తెలిపారు. ఎన్నికల నేపథ్యంలో పీజీఆర్‌ఎస్‌ నిలిపివేత మదనపల్లె టౌన్‌ : డిసెంబర్‌ 3 వరకు పీజీఆర్‌ఎస్‌ నిలిపివేస్తున్నట్లు జిల్లా ఎస్పీ ధీరజ్‌ కునుబిల్లి ఆదివారం ఒక ప్రకటనలో తెలిపారు. స్థానిక సంస్థల ఎన్నికల నేపథ్యంలో ఎన్నికల కోడ్‌ అమల్లో ఉందన్నారు. మదనపల్లె పోలీస్‌ ప్రధాన కార్యాలయంలో ప్రతి సోమవారం నిర్వహించే ప్రజా సమస్యల పరిష్కార వేదిక (పీజీఆర్‌ఎస్‌), కార్యక్రమాన్ని డిసెంబర్‌ 3 వరకు తాత్కాలికంగా నిలిపివేస్తున్నట్లు పేర్కొన్నారు. ఎన్నికలు ముగిసిన అనంతరం కార్యక్రమాన్ని యథావిధిగా పునఃప్రారంభిస్తామని తెలిపారు. ఈ సమయంలో ప్రజలు మదనపల్లె జిల్లా ఎస్పీ కార్యాలయానికి రావద్దని కోరారు. అత్యవసర ఫిర్యాదుల కోసం స్థానిక పోలీస్‌ స్టేషన్‌న్‌లను సంప్రదించాలని లేదా డయల్‌ 100 లేక 112 ను వినియోగించుకోవాలని ఆ సందర్భంగా ఎస్పీ సూచించారు. నేడు డయల్‌ యువర్‌ ఎస్‌ఈ రద్దుసాక్షి, మదనపల్లె : విద్యుత్‌ వినియోగదారుల సమస్యల పరిష్కారం కోసం ఏపీఎస్పీడీసీఎల్‌ సోమవారం (19న) నిర్వహించాల్సిన డయల్‌ యువర్‌ సీఎండీ, డయల్‌ యువర్‌ ఎస్‌ఈ కార్యక్రమాలను సెలవు కారణంగా రద్దు చేసినట్లు ఆ సంస్థ చైర్మన్‌, మేనేజింగ్‌ డైరెక్టర్‌ శివ శంకర్‌ లోతేటి, ఎస్‌ఈ ఆడేపూడి సోమశేఖర్‌ ఆదివారం ఒక ప్రకటనలో తెలిపారు. ఆ తర్వాత వచ్చే సోమవారం నుంచి యథావిధిగా నిర్వహిస్తామన్నారు. ఎన్నికలు పారదర్శకంగా నిర్వహించాలి సాక్షి, మదనపల్లె : జిల్లాలో స్థానిక సంస్థల ఎన్నికల పర్యవేక్షణకు జనరల్‌ అబ్జర్వర్‌ జి. బాలకృష్ణ, ఎన్నికల వ్యయ పరిశీలకురాలు ఎం.బబితాతో కలెక్టర్‌ నిశాంత్‌కుమార్‌ ఆదివారం కలెక్టరేట్‌లో సమావేశమయ్యారు. ఎన్నికల సంఘ నిబంధనల ప్రకారం ఎన్నికల ప్రక్రియ పారదర్శకంగా, నిష్పక్షపాతంగా జరిగేలా, ఎన్నికల ప్రవర్తనా నియమావళి అమలు, ఎన్నికల నిర్వహణకు సంబంధించి వివిధ దశల్లో చేపట్టే చర్యలను చర్చించారు. అభ్యర్థులు చేసే వ్యయం, వ్యయ పరిమితులు, వ్యయానికి సంబంధించిన రికార్డుల పరిశీలనపై చర్చించారు. జాయింట్‌ కలెక్టర్‌ శివ్‌ నారాయణ శర్మ, సబ్‌ కలెక్టర్‌ చల్లా కళ్యాణి, డీఆర్‌ఓ వెంకటేష్‌ పాల్గొన్నారు. టీడీపీ దాడులకు భయపడవద్దు మాజీ మంత్రి, ఎమ్మెల్యే పెద్దిరెడ్డి రామచంద్రారెడ్డిరొంపిచెర్ల : స్థానిక సంస్థల ఎన్నికల సందర్భంగా టీడీపీ నాయకులు వైఎస్సార్‌సీపీ కార్యకర్తలపై చేస్తున్న దాడులకు ఎవరూ భయ పడవద్దని మాజీ మంత్రి పుంగనూరు ఎమ్మెల్యే పెద్దిరెడ్డి రామచంద్రారెడ్డి అన్నారు. ఆదివారం రొంపిచెర్ల మండలానికి చెందిన పలువురు వైఎస్సార్‌సీపీ నాయకులు మాజీ మంత్రి పెద్దిరెడ్డి రామచంద్రారెడ్డిని కలిశారు. ఈ సందర్భంగా వారు మాట్లాడుతూ స్థానిక సంస్థల ఎన్నికలలో నామినేషన్లు వేయడానికి ఇంటి పన్నులు చెల్లించిన నో డ్యూ సర్టిఫికెట్ల ను కార్యదర్శులు ఇవ్వడం లేదని మాజీ మంత్రి దృష్టికి తీసుకెళ్లారు. ఎక్కడ ఏమి జరిగినా వెంటనే తన దృష్టికి తీసుకుని వస్తే పై అధికారులకు ఫిర్యాదు చేస్తామని తెలిపారు. మాజీ మంత్రి పెద్దిరెడ్డిని కలసిన వారిలో సురేంద్రనాయుడు, కుమార్‌ నాయుడు, రామకృష్ణ నాయుడు, రెడ్డిశేఖర్‌ రెడ్డి, సోమశేఖర్‌ రెడ్డి, రమణయ్య, నాగరాజ పాల్గొన్నారు.

రాయచోటి అర్బన్‌ : ప్రజాస్వామ్యానికి ఇది చీకటి రోజు అని వైఎస్సార్‌సీపీ రాష్ట్ర ప్రధాన కార్యదర్శి గడికోట శ్రీకాంత్‌రెడ్డి అన్నారు. రాయచోటిలో మున్సిపల్‌ ఎన్నికల్లో భాగంగా వైఎస్సార్‌సీపీ అభ్యర్థులు నామినేషన్లు వేసేందుకు సిద్ధంగా ఉన్న సమయంలో.. వైఎస్సార్‌సీపీ కార్యాలయంపై, వాహనాలపై దాడి చేసి నిప్పు పెట్టి అభ్యర్థులను నామినేషన్లు కూడా వేయనీయకుండా చేయడంతోపాటు, రెండు రోజులుగా తనను రాయచోటి పట్టణంలోకి రానీయకుండా నిర్బంధించారని ఆరోపించారు. నామినేషన్ల సమయం పూర్తి అయిన తరువాత ఆయన రాయచోటిలోని తన కార్యాలయానికి చేరుకుని విలేకర్ల సమావేశంలో మాట్లాడారు. ప్రజాస్వామ్యంలో ఓటు హక్కు ప్రజలకు రాజ్యాంగం కల్పించిన అత్యంత కీలకమైన హక్కు, అలాంటి హక్కును వినియోగించుకునే అవకాశాన్ని అడ్డుకోవడం, నామినేషన్లు దాఖలు చేయకుండా భయానక వాతావరణాన్ని సృష్టించడం ప్రజాస్వామ్య స్ఫూర్తికి విరుద్ధమని ధ్వజమెత్తారు. 2025 డిసెంబర్‌ 31వ తేదీ రాయచోటి జిల్లా కేంద్రాన్ని తరలించడంతో నియోజకవర్గ ప్రజలకు ఒక చీకటి రోజు ఎదురైతే, నేడు రాయచోటి పట్టణంలో చోటు చేసుకున్న పరిణామాలు ప్రజాస్వామ్యానికి మరో చీకటి రోజుగా మిగిలిపోతాయని ఆవేదన వ్యక్తం చేశారు. నామినేషన్ల ప్రక్రియను అడ్డుకోవడం, పార్టీ నాయకులు, కార్యకర్తలను భయభ్రాంతులకు గురిచేయడం, ప్రజల హక్కులను హరించేలా వ్యవహరించడం ప్రజాస్వామ్య వ్యవస్థకే మచ్చ అని విమర్శించారు. ఎన్నికల్లో పోటీ చేసే అభ్యర్థులు నామినేషన్లు వేసేందుకు పోలీసుల అనుమతి కోసం ఎదురు చూసే పరిస్థితి రావడం దురదృష్టకరమన్నారు. తన కార్యాలయానికి నిప్పు పెట్టిన అనంతరం మరమ్మతులు చేసుకునేందుకు కూడా పోలీసులు అడ్డుకోవడం, ఫోరెన్సిక్‌ పరిశీలన పేరుతో.. శుభ్రం కూడా చేపట్టడానికి అనుమతించడం లేదన్నారు. జిన్నా షరీఫ్‌పై అసత్య ప్రచారం ఎందుకు? వైఎస్సార్‌సీపీ మున్సిపల్‌ చైర్మన్‌ అభ్యర్థి జిన్నా షరీఫ్‌పై అధికార పార్టీ నేతలు చేసిన ఆరోపణలను శ్రీకాంత్‌రెడ్డి తీవ్రంగా ఖండించారు. పాకిస్థాన్‌ నుంచి వ్యక్తులు వచ్చారని, అంతర్జాతీయ ముఠాలకు సంబంధాలు ఉన్నాయని, హత్యాయత్నాలకు కుట్ర పన్నారని చేసిన ప్రచారానికి ఆధారాలేమిటని ప్రశ్నించారు. జిన్నా షరీఫ్‌ వ్యక్తిగత భద్రత కోసం ఏర్పాటు చేసుకున్న సిబ్బంది వద్ద ఉన్నవి లైసెన్స్‌ పొందిన ఆయుధాలని పేర్కొన్నారు. ఆయుధాల లైసెన్స్‌లు, వాటి వినియోగానికి సంబంధించిన అనుమతులపై వాస్తవాలను పరిశీలించకుండా వారిని అనుమానాస్పద వ్యక్తులుగా చిత్రీకరించేలా ప్రచారం చేయడం సరికాదన్నారు. విమానంలో ఆయుధాలను తీసుకురావడానికి సంబంధించిన నిబంధనలు, అనుమతులు సహా అన్ని అంశాలను అధికారిక రికార్డుల ఆధారంగా పరిశీలించాలని సూచించారు. రాజకీయ కుట్రలతో చదువుకుంటున్న యువతపై కేసులు పెట్టి రాక్షసానందం పొందడం మానుకోవాలని హితవు పలికారు. ప్రజలను భయపెడుతూ.. మహిళలను అవమానిస్తూ.. రాయచోటి పట్టణంలోని వివిధ ప్రాంతాల్లో ప్రజలను అడ్డుకోవడం, మహిళలను హేళన చేయడం, వాహనదారులను భయభ్రాంతులకు గురిచేయడం వంటి ఘటనలు చోటుచేసుకున్నాయని ఆరోపించారు. బయటి ప్రాంతాల నుంచి వచ్చే వారిని నిలువరించడం, నామినేషన్‌ కేంద్రానికి వెళ్లే మార్గాల్లో అడ్డంకులు సృష్టించడం ద్వారా స్వేచ్ఛాయుత ఎన్నికలకు విఘాతం కలిగించారని విమర్శించారు. 15 ఏళ్ల ప్రజాజీవితంలో హింసకు తావివ్వలేదు తాను ప్రజాప్రతినిధిగా, రాజకీయ నాయకుడిగా ఉన్న ఈ 15 ఏళ్ల కాలంలో ప్రత్యర్థుల ఆస్తులను తగలబెట్టడం, కార్యకర్తలపై దాడులు చేయడం, రాజకీయ ప్రత్యర్థులను భయపెట్టడం తన విధానం కాదని తెలిపారు. ఎన్నికల సమయంలోనూ ప్రశాంత వాతావరణం ఉండాలని, ప్రతి ఒక్కరూ తమ ఓటు హక్కును వినియోగించుకోవాలని తాను కోరుకునేవాడినని చెప్పారు. గతంలో పోలింగ్‌ జరగని పరిస్థితులు ఎదురైనా బూత్‌లలోనూ ఎన్నికలు జరిగేలా కృషి చేశామని పేర్కొన్నారు. ఎన్నికల సంఘం స్పందించాలి రాయచోటిలో నామినేషన్ల దాఖలుకు అడ్డంకులు సృష్టించారని, అభ్యర్థులు స్వేచ్ఛగా తమ నామినేషన్లు సమర్పించుకునే పరిస్థితి లేకుండా చేశారని ఆవేదన వ్యక్తం చేశారు. ఈ పరిణామాలను రాష్ట్ర ఎన్నికల సంఘం తీవ్రంగా పరిగణించాలని కోరారు. జరిగిన ఘటనలపై సమగ్ర విచారణ జరిపి అభ్యర్థులందరికీ సమాన అవకాశాలు కల్పించేలా తగిన చర్యలు తీసుకోవాలని విజ్ఞప్తి చేశారు. చివరి రోజైన ఆదివారం మధ్యాహ్నం 3 గంటల వరకు చోటు చేసుకున్న పరిణామాలను పరిగణనలోకి తీసుకుని, నామినేషన్ల గడువును పొడిగించి అర్హులైన అభ్యర్థులకు అవకాశం కల్పించాలని కోరారు. ప్రజలు తమ వార్డు కౌన్సిలర్లను ఎన్నుకునే ప్రక్రియలో స్వేచ్ఛగా పాల్గొనాలని, ఎన్నికల నిర్వహణలో పారదర్శకత, నిష్పక్షపాత వైఖరి ఉండాలని సృష్టం చేశారు. ప్రజలు చైతన్యవంతులు కావాలి ప్రజాస్వామ్యాన్ని కాపాడే బాధ్యత కేవలం రాజకీయ పార్టీలదే కాదని, ప్రతి పౌరుడిపైనా ఉందని పేర్కొన్నారు. యువత, మహిళలు, వ్యాపారులు, ప్రజలు రాజకీయ పరిణామాలను నిశితంగా గమనించాలని కోరారు. తమ ఓటు హక్కును వినియోగించుకునే అవకాశాన్ని అడ్డుకున్న పరిణామాలను మర్చిపోకుండా, భవిష్యత్తులో ఇలాంటి ఘటనలు పునరావృతం కాకుండా ప్రజలు చైతన్య వంతులు కావాలన్నారు. రాయచోటిలో గతంలో ఉన్న పరిస్ధితులు, ప్రస్తుతం చోటుచేసుకుంటున్న పరిణామాలను ప్రజలు బేరీజు వేసుకోవాలని సూచించారు. ప్రజాస్వామ్య విలువలను పరిరక్షించేందుకు ప్రతి ఒక్కరూ ముందుకు రావాలని కోరారు. ప్రజలకు ఎల్లప్పుడూ అండగా ఉంటానని, రాయచోటి ప్రజల హక్కులు, అభివృద్ధి , ప్రజాస్వామ్య పరిరక్షణ కోసం తన పోరాటాన్ని కొనసాగిస్తానని శ్రీకాంత్‌ రెడ్డి స్పష్టం చేశారు. ఈ కార్యక్రమంలో మున్సిపల్‌ మాజీ చైర్మన్‌ ఫయాజ్‌ బాషా, వైఎస్సార్‌సీపీ జిల్లా మైనార్టీ అధ్యక్షులు బేపారి మహమ్మద్‌, మున్సిపల్‌ మాజీ వైస్‌ చైర్మన్‌ ఫయాజుర్‌ రెహ్మాన్‌, పట్టణ అధ్యక్షుడు నవాజ్‌, పలువురు మాజీ కౌన్సిలర్లు, నాయకులు, కార్యకర్తలు పాల్గొన్నారు. నామినేషన్లు వేయకుండా అడ్డుకున్నారు పోలీసులు అనుమతిస్తే వేసేందుకు సిద్ధం ఎన్నికల సంఘం జోక్యం చేసుకుని, ప్రజలకు ఓటు హక్కు కల్పించాలి వైఎస్సార్‌సీపీ రాష్ట్ర ప్రధాన కార్యదర్శి గడికోట శ్రీకాంత్‌రెడ్డి

గుర్రంకొండ: ‘‘మీకు చేతనైంది చేసుకోండి.. మార్కెట్‌ యార్డులో మేము చెప్పిందే రేటు, మారేటు ఇంతే’’ అంటూ టమాటా మండీల యజమానులు రైతులను బెదిరించారు. బయట మార్కెట్లతో పోల్చితే గుర్రంకొండ మార్కెట్లో ఒక టమాటా క్రీట్‌పై రూ. 250కుపైగా వేలం పాటల్లో వ్యాపారులు ఇష్టానుసారం కోతలు విధించారు. దీంతో రైతులు మార్కెట్‌ కార్యాలయాన్ని దిగ్బంధించి గేట్లకు తాళాలు వేసేసి ఎన్‌హెచ్‌ 340 జాతీయ రహదారిపై రాస్తారోకో చేశారు. ఆదివారం సాయంకాలం స్థానిక మార్కెట్‌యార్డుకు రైతులు టమాటాలను తీసుకొచ్చారు. మార్కెట్‌ యార్డులోని మండీల్లో వేలం పాటలు ప్రారంభించారు. ఈరోజు బయట ప్రాంతాల్లోని మార్కెట్లలో ఒక టమాటా క్రీట్‌ ధర రూ. 500 నుంచి అత్యధికంగా రూ.600 వరకు ధరలు పలికాయి. అయితే గుర్రంకొండ మార్కెట్లో మాత్రం రూ. 300 నుంచి రూ.350లోపే మండీల యజమానులు వేలం పాటల్లో ధరలు పాడుకొన్నారు. దీంతో కడుపుమండిన రైతులు ఇదేమి అన్యాయమంటూ మండీల యజమానులను ప్రశ్నించారు. రైతుల ఆవేదన ధరల్లో కోతలు విధించడమే కాకుండా రైతులపై దౌర్జన్యం చేయడానికి మీకు హక్కు ఎవరిచ్చారంటూ రైతులు మండీల యజమానులపై తిరగబడ్డారు. ఎన్‌హెచ్‌ జాతీయ రహదారి కడప–బెంగుళూరు రోడ్డుపై పెద్ద ఎత్తున ధర్నాకు దిగారు. మూడున్నర గంటల పాటు ధర్నా చేయడంతో వాహనాలు బారులు తీరాయి. విషయం తెలుసుకొన్న వాల్మీకిపురం సీఐ రాఘవరెడ్డి, గుర్రంకొండ ఎస్‌ఐ రవీంద్రబాబు, మార్కెట్‌కమిటీ కార్యదర్శి మదన్‌మోహన్‌రెడ్డి, రైతుల వద్దకు వెళ్లి వారికి నచ్చజెప్పి మార్కెట్‌కమిటీ కార్యాలయం వద్దకు తీసుకెళ్లారు. అక్కడా రైతులు మార్కెట్‌ కమిటీ కార్యాలయాన్ని దిగ్భంధించి పెద్ద ఎత్తు నినాదాలు చేశారు. జాక్‌ పాట్‌ల పేరుతో టమాటాలు ఉచితంగా లాక్కొంటున్నారని, వేలం పాటల్లో పాడిన ధరల కంటే తక్కువకు బిల్లులు ఇస్తున్నారని ఫిర్యాదు చేశారు. కమీషన్లు నాలుగు శాతానికి బదులు పదిశాతం వసూలు చేస్తున్నారని ఇదేమిటని ప్రశ్నించే రైతులకు వేధింపులు తప్పడం లేదని రైతులు వాపోయారు. రైతుల వద్ద టమాటాలను కొనుగోలు చేసిన వ్యాపారులు కోట్లాది రుపాయల బిల్లులు చెల్లించకుండా రైతులను వేధింపులకు గురి చేస్తున్నారని ఫిర్యాదు చేశారు. అనంతరం పోలీసులు, మార్కెట్‌ కమిటీ అధికారులు, మండీల యజమానులతో చర్చలు జరిపారు. టమాటా రైతులకు వ్యాపారుల బెదిరింపులు ఆగ్రహం వ్యక్తం చేసిన అన్నదాతలు మార్కెట్‌ కార్యాలయం దిగ్బంధం జాతీయ రహదారిపై రాస్తారోకో

పుంగనూరు : తెలుగుదేశం పార్టీ అరాచకాలకు అడ్డు అదుపులేకుండా పోయింది. మున్సిపల్‌ నామినేషన్ల స్వీకరణలో మూడవ రోజైన ఆదివారం కూడ అరాచకాలు కొనసాగాయి. వైఎస్సార్‌సీపీ 1వ వార్డుకు దళిత మాజీ కౌన్సిలర్‌ కమలమ్మ నామినేషన్‌ వేసేందుకు కేంద్రం వద్దకు రాగానే తెలుగుదేశం నాయకులు దళిత మహిళ అని కూడా చూడకుండా ఆమైపె దాడి చేసి, నామినేషన్‌ లాకెళ్లడంతో ఆమె ఆగ్రహంతో రగిలిపోయారు. పోలీసులు ఉన్నా ఆమెకు రక్షణ కల్పించడంలో విఫలమయ్యారు. పైగా ఆమెనే అక్కడి నుంచి వెళ్లిపోవాలని హుకుం జారీ చేసి, తెలుగుదేశం ఆగడాలకు అండగా నిలిచారు. ఈ అరాచకాలపై పట్టణ ప్రజలు ఆగ్రహం వ్యక్తం చేస్తున్నారు.

మదనపల్లె టౌన్‌ : మదనపల్లె మున్సిపల్‌ ఎన్నికల నామినేషన్ల ప్రక్రియను కర్నూలు రేంజ్‌ డీఐజీ డాక్టర్‌ కోయ ప్రవీణ్‌ శనివారం పరిశీలించారు. పట్టణంలోని దొంతి వీధిలో ఏర్పాటు చేసిన నామినేషన్‌ కేంద్రాన్ని సందర్శించిన ఆయన, అక్కడ కొనసాగుతున్న నామినేషన్ల స్వీకరణ విధానం, అభ్యర్థులకు కల్పిస్తున్న సౌకర్యాలు, భద్రతా ఏర్పాట్లను సమీక్షించారు. డీఎస్పీ వంశీధర్‌ గౌడ్‌, టూ టౌన్‌ సీఐ గోపాల్‌ రెడ్డి, రిజర్వ్‌ ఇన్‌స్పెక్టర్‌ సురేష్‌ కుమార్‌ రెడ్డి పర్యవేక్షణలో కేంద్రం వద్ద కట్టుదిట్టమైన పోలీసు బందోబస్తు ఏర్పాటు చేసినట్లు అధికారులు డీఐజీకి వివరించారు. నామినేషన్‌ కేంద్రంతో పాటు పరిసర ప్రాంతాల్లో ఎలాంటి అవాంఛనీయ ఘటనలు జరగకుండా అత్యాధునిక డ్రోన్‌ కెమెరాల ద్వారా నిరంతర నిఘా ఏర్పాటు చేసినట్లు తెలిపారు. ఈ సందర్భంగా డీఐజీ మాట్లాడుతూ, శాంతిభద్రతల పరిరక్షణే లక్ష్యంగా పోలీసులు పూర్తి అప్రమత్తతతో విధులు నిర్వహించాలని సూచించారు. నామినేషన్ల ప్రక్రియ అత్యంత ప్రశాంతంగా, పారదర్శకంగా, ఎన్నికల నిబంధనలకు అనుగుణంగా జరిగేలా చర్యలు తీసుకోవాలని అధికారులను ఆదేశించారు. 144 సెక్షన్‌ అమల్లో ఉన్న కారణంగా అభ్యర్థులు, వారి అనుచరులు ఎన్నికల ప్రవర్తనా నియమావళిని తప్పనిసరిగా పాటించాలని, చట్టాన్ని ఉల్లంఘించే వారిపై కఠిన చర్యలు తీసుకుంటామని హెచ్చరించారు.

● విద్యుత్‌ స్తంభం, ట్రాన్స్‌ఫార్మర్‌ను ఢీకొట్టిన కారు ● స్వల్ప గాయాలతో బయటపడిన డ్రైవర్‌, ప్రయాణికులుచౌడేపల్లె : మండల పరిధిలోని పెద్దూరు సమీపంలో శనివారం ఓ కారు అదుపుతప్పి ప్రమాదానికి గురైంది. పెద్దకొండామర్రి గ్రామానికి చెందిన హరిబాబు మరికొందరితో కలిసి కారులో బోయకొండ క్షేత్రం నుంచి స్వగ్రామానికి వస్తుండగా ఈ ఘటన చోటుచేసుకుంది. పెద్దూరు సమీపంలోని షెల్లర్‌ మిషన్‌ ఎదురుగా రాగానే వాహనం ఒక్కసారిగా అదుపు తప్పి.. రోడ్డు పక్కనే ఉన్న విద్యుత్‌ స్తంభాన్ని, ట్రాన్స్‌ఫార్మర్‌ దిమ్మెను బలంగా ఢీకొట్టింది. కరెంట్‌ లేకపోవడంతో.. ప్రమాదం జరిగిన సమయంలో ఆ లైన్‌లో విద్యుత్‌ సరఫరా లేకపోవడంతో ప్రమాదం త్రుటిలో తప్పినట్లయింది. ఒకవేళ విద్యుత్‌ సరఫరా ఉండి ఉంటే తీవ్ర ప్రాణనష్టం జరిగి ఉండేదని స్థానికులు భయాందోళన వ్యక్తం చేశారు. ప్రమాద ధాటికి కారు ముందు భాగం పూర్తిగా ధ్వంసం కాగా, కారులో ప్రయాణిస్తున్న వారికి స్వల్ప గాయాలయ్యాయి. క్షతగాత్రులను వెంటనే చికిత్స నిమిత్తం స్థానిక ఆసుపత్రికి తరలించారు. కాగా, ప్రమాదంలో విద్యుత్‌ స్తంభంతో పాటు ట్రాన్స్‌ఫార్మర్‌ దిమ్మె, ఇతర సామగ్రి ధ్వంసమైనట్లు ట్రాన్స్‌కో అధికారులు వెల్లడించారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.

మదనపల్లె టౌన్‌ : స్థానిక సంస్థల ఎన్నికల నామినేషన్ల నేపథ్యంలో జిల్లాలో చోటుచేసుకున్న ఘర్షణలు, అల్లర్లతో పోలీస్‌ శాఖ అప్రమత్తమైంది. శాంతిభద్రతల పరిరక్షణ కోసం రాష్ట్ర ప్రభుత్వ ఆదేశాలు, డీఐజీ కోయ ప్రవీణ్‌ సూచనల మేరకు జిల్లాకు 400 మంది కేంద్ర పారా మిలిటరీ బలగాలను రప్పించారు. ముందస్తు భద్రతా చర్యల్లో భాగంగా రాయచోటి, పుంగనూరు, పీలేరు, మదనపల్లెలో బలగాలు కవాతు నిర్వహించాయి. వ్యక్తిపై దాడి.. తీవ్ర గాయాలు మదనపల్లె టౌన్‌ : మదనపల్లె మండలం, పోతబోలు పంచాయతీ పరిధిలో శనివారం దాడి ఘటన చోటుచేసుకుంది. పోతబోలు గ్రామం, గాండ్లపల్లెకు చెందిన టి. రామయ్య కుమారుడు టి. ప్రభాకర్‌ (40)పై గుర్తుతెలియని వ్యక్తులు దాడి చేయడంతో ఆయన తీవ్రంగా గాయపడ్డాడు. ముఖం, ఛాతీ భాగంలో గాయాలు కావడంతో ప్రభాకర్‌ను స్థానికులు ఆసుపత్రికి తరలించారు. ప్రస్తుతం ఆయన జిల్లా ఆసుపత్రిలో చికిత్స పొందుతున్నారు. దాడికి గల కారణాలు తెలియాల్సి ఉంది. ఈ ఘటనపై తాలూకా పోలీసులు కేసు దర్యాప్తు చేస్తున్నారు. ఇరువర్గీయులపై కేసుపెద్దతిప్పసముద్రం : భూ తగాదాలో ఘర్షణ పడిన ఇరు వర్గీయులపై కేసు నమోదు చేశామని స్టేషన్‌ హౌస్‌ ఆఫీసర్‌ శంకర్‌ నాయక్‌ శనివారం తెలిపారు. ఎస్‌హెచ్‌వో కథనం మేరకు మండలంలోని పులికల్లు పంచాయతీ బొంతలవారిపల్లికి చెందిన గూడే వెంకట్రమణారెడ్డి ఫిర్యాదు మేరకు గూడే మంజునాథ్‌రెడ్డి, ప్రమీల, మహేశ్వరీలపై కేసు నమోదు చేశామన్నారు. అదే విధంగా మంజునాథ్‌రెడ్డి ఫిర్యాదు మేరకు వెంకట్రమణారెడ్డి, నాగరత్నమ్మ, మహేశ్వరి, భాస్కర్‌రెడ్డిలపై వేర్వేరుగా కేసు నమోదు చేసినట్లు ఎస్‌హెచ్‌వో శంకర్‌ నాయక్‌ పేర్కొన్నారు. నాటుసారా స్థావరంపై దాడినిమ్మనపల్లె (మదనపల్లె టౌన్‌) : మదనపల్లె ఎక్సైజ్‌, డీటీఎఫ్‌ బృందం సంయుక్తంగా నిర్వహించిన దాడుల్లో నాటుసారా తయారీ సామగ్రి లభ్యమైనట్లు మదనపల్లె ఎకై ్సజ్‌ సీఐ భీమలింగ తెలిపారు. శనివారం ఆయన మీడియాతో మాట్లాడుతూ.. అందిన సమాచారం మేరకు నిమ్మనపల్లి మండలం, నాగులయ్యగారిపల్లె అటవీ ప్రాంతంలో అధికారులు తనిఖీలు చేపట్టినట్లు వెల్లడించారు. ఈ తనిఖీల్లో సారా తయారీకి సిద్ధంగా ఉంచిన సుమారు 200 లీటర్ల బెల్లపు ఊటను గుర్తించారన్నారు. వెంటనే ఆ ఊటను అక్కడికక్కడే ధ్వంసం చేయడంతో పాటు, అక్కడ లభించిన 5 లీటర్ల నాటు సారాను స్వాధీనం చేసుకున్నట్లు తెలిపారు. అక్రమంగా నాటుసారా తయారు చేస్తున్న అదే గ్రామానికి చెందిన కే. వెంకటరమణను పోలీస్‌ స్టేషన్‌ కు తీసుకు వచ్చి కేసు నమోదు అనంతరం అరెస్ట్‌ చేసినట్లు సీఐ పేర్కొన్నారు. అటవీ ప్రాంతాలను అడ్డాగా చేసుకుని సారా తయారీకి పాల్పడే వారిపై కఠిన చర్యలు తీసుకుంటామని హెచ్చరించారు. ఎమ్మెల్యే అనుచరులే దాడి చేశారు కడప కార్పొరేషన్‌ : తనపై కడప ఎమ్మేల్యే మాధవిరెడ్డి అనుచరులే దాడి చేసి గాయపరిచారని ఇండిపెండెంట్‌గా నామినేషన్‌ వేసేందుకు వచ్చిన ఫిజియోధెరపిస్ట్‌ డాక్టర్‌ జిలానీ ఆరోపించారు. జిలానీ 42 డివిజన్‌కు ఇండిపెండెంట్‌గా నామినేషన్‌ వేసేందుకు అక్కడి వచ్చారు. అక్కడ నామినేషన్‌ పత్రాలను లాక్కొని మాధవిరెడ్డి మనుషులు దాడి చేశారని తెలిపారు. టీడీపీలో రెండున్నర సంవత్సరాలుగా ఎంతో కష్టపడ్డానని తనకు టికెట్‌ ఇవ్వకుండా వేరే వ్యక్తులకు ఇవ్వడం వల్లే ఇండిపెండెంట్‌గా వేసేందుకు సిద్దపడ్డానని తెలిపారు. ఇది మైనార్టీలకు అవమానమేనన్నారు. కార్పొరేషన్‌ మైనార్టీ వాయిస్‌ లేకుండా చేయాలనే ఉద్దేశ్యంతో ఇలా చేశారన్నారు.

● రాష్ట్ర ప్రజలు సుభిక్షంగా ఉండాలని పెద్దిరెడ్డి దంపతుల పూజలు ● భక్తిశ్రద్ధలతో ప్రత్యేక పూజలు చేయించిన ఎంపీ, ఎమ్మెల్యేలుచౌడేపల్లె : రాష్ట్ర ప్రజలు సుఖశాంతులతో సుభిక్షంగా ఉండాలని, వర్షాలు సమృద్ధిగా కురిసి పంటలు బాగా పండాలని, ప్రజలందరూ ఆరోగ్యవంతమైన జీవనం గడపాలని మాజీ మంత్రి, ఎమ్మెల్యే డాక్టర్‌ పెద్దిరెడ్డి రామచంద్రారెడ్డి, ఆయన సతీమణి స్వర్ణమ్మ దంపతులు ప్రార్థించారు. శనివారం దసరా శరన్నవరాత్రి ఉత్సవాల సందర్భంగా రాజంపేట ఎంపీ పి.వి. మిథున్‌రెడ్డి – లక్ష్మిదివ్య దంపతులు, తంబళ్ళపల్లె ఎమ్మెల్యే పెద్దిరెడ్డి ద్వారకనాథరెడ్డి, ఆయన తనయుడు అభినయ్‌రెడ్డిలతో కలిసి వారు బోయకొండ గంగమ్మ తల్లిని దర్శించుకున్నారు. కుటుంబ సభ్యులు, వైఎస్సార్‌సీపీ ముఖ్య నేతలతో కలిసి అమ్మవారికి సంప్రదాయబద్ధంగా పట్టువస్త్రాలు సమర్పించారు. ఆలయానికి విచ్చేసిన పెద్దిరెడ్డి కుటుంబ సభ్యులకు ఈవో, ఆలయ సిబ్బంది ఘన స్వాగతం పలికారు. నవరాత్రి వేడుకల్లో భాగంగా ఆలయంలో సరస్వతి దేవి అలంకారంలో కొలువుదీరిన గంగమ్మ తల్లికి పెద్దిరెడ్డి, మిథున్‌రెడ్డి దంపతులు వేదపండితుల సమక్షంలో ప్రత్యేక అభిషేక పూజలు, అర్చనలు చేయించారు. అనంతరం ఆలయంలోని అమ్మవారి ఉత్సవమూర్తికి, ప్రధాన గర్భాలయం కింద ఉన్న మూల స్థానం, రణభేరి గంగమ్మ ఆలయాల్లో కొలువుతీరిన అమ్మవార్లకు భక్తిశ్రద్ధలతో ప్రత్యేక పూజలు నిర్వహించారు. వేదపండితులు పెద్దిరెడ్డి, మిథున్‌రెడ్డి దంపతులకు, ద్వారకనాథరెడ్డికి వేద ఆశీర్వచనం చేశారు. అర్చకులు అమ్మవారి పవిత్ర తీర్థప్రసాదాలతో పాటు చిత్రపటాన్ని వారికి అందజేశారు. వివిధ ప్రాంతాల నుంచి భారీగా తరలివచ్చిన వైఎస్సార్‌సీపీ నేతలు, అభిమానులతో బోయకొండ క్షేత్రం కిటకిటలాడింది. ఈ కార్యక్రమంలో పార్టీ రాష్ట్ర కార్యదర్శులు రుక్మిణమ్మ, బైరెడ్డిపల్లె క్రిష్ణమూర్తి, మాజీ డీసీసీబీ చైర్మన్‌ రెడ్డెమ్మ, ఆలయ మాజీ చైర్మన్‌ శంకర్‌ నారాయణ, మాజీ వైస్‌ ఎంపీపీ సుధాకర్‌రెడ్డి, పార్టీ మండలాధ్యక్షుడు నాగభూషణరెడ్డి, ఉపాధ్యక్షులు వెంకటరమణ, లడ్డూరమణ, మాజీ ఎంపీపీ రెడ్డిప్రకాష్‌, నాయకులు మునికృష్ణమనాయుడు, జి.ఆర్‌.ఎస్‌. రమణ, గంగిరెడ్డి, పద్మనాభరెడ్డి, కళ్యాణ్‌ భరత్‌, రమేష్‌బాబు, రవిచంద్రారెడ్డి, రామకృష్ణ, షంషీర్‌, నరేష్‌, బి. నరసింహారెడ్డి, వెంకటరెడ్డి, సోని, ప్రభాకర్‌ యాదవ్‌, విజయ్‌, డిష్‌ సూరి, శ్రీనాథ్‌ తదితరులు పాల్గొన్నారు.

మదనపల్లె టౌన్‌ : భార్యను దారుణంగా హత్య చేసిన నిందితుడిని మదనపల్లె వన్‌టౌన్‌ పోలీసులు అరెస్ట్‌ చేశారు. పోలీసులు తెలిపిన వివరాల ప్రకారం.. కర్ణాటకలోని ములబాగల్‌కు చెందిన స్కూటర్‌ మెకానిక్‌ నవీద్‌ బాషా (30)కు, రుబియా తాజ్‌తో 2014లో వివాహం జరిగింది. వీరికి నలుగురు పిల్లలు ఉన్నారు. భార్యపై అనుమానంతో కక్ష పెంచుకున్న నిందితుడు, ఈ నెల 14న ఆమెను రామసముద్రం నుంచి ద్విచక్ర వాహనంపై మదనపల్లెలోని రాజ్‌ భవన్‌ లాడ్జికి తీసుకువచ్చాడు. 15న తెల్లవారుజామున లాడ్జి గదిలో బీరు సీసాతో తలపై దాడి చేసి, గొంతు కోసి దారుణంగా హత్య చేశాడు. శనివారం మదనపల్లె–బెంగళూరు రహదారిలోని నక్కలదిన్నె ఆర్చ్‌ వద్ద నిందితుడిని అదుపులోకి తీసుకున్నట్లు వన్‌ టౌన్‌ సీఐ మోహన్‌, ఎస్సై రహిముల్లా తెలిపారు. నిందితుడి నుంచి ద్విచక్ర వాహనాన్ని స్వాధీనం చేసుకుని, అతడిని రిమాండ్‌కు తరలించారు.

కడపకార్పొరేషన్‌ : మున్సిపల్‌ ఎన్నికల్లో నామినేషన్ల సందర్భంగా టీడీపీ మూకల దాడిలో గాయపడిన వైఎస్సార్‌సీపీ నాయకులను కడప పార్లమెంటు సభ్యులు వైఎస్‌ అవినాష్‌రెడ్డి పరామర్శించారు. శనివారం సాయంత్రం పల్స్‌ హాస్పిటల్‌కు వెళ్లి పులివెందుల మాజీ వైస్‌ ఛైర్మెన్‌ హఫీజుల్లాను పరామర్శించారు. వైద్యులతో మాట్లాడి మెరుగైన వైద్యం అందించాలని కోరారు. అనంతరం మాజీ డిప్యూటీ సీఎం అంజద్‌బాష, సీఈసీ సభ్యులు కె. సురేష్‌ బాబుతో కలిసి రిమ్స్‌ హాస్పిటల్‌కు వెళ్లి దాడిలో తీవ్రంగా గాయపడిన శ్యాంసన్‌, పార్టీ నాయకులను పరామర్శించారు. ఽధైర్యంగా ఉండాలని, పార్టీ అండగా ఉంటుందని భరోసా ఇచ్చారు. ఈ కార్యక్రమంలో మాజీ మేయర్‌ పాకా సురేష్‌ కుమార్‌, రాష్ట్ర సంయుక్త కార్యదర్శి కిశోర్‌ బూసిపాటి, రాష్ట్ర యువజన విభాగం ప్రధాన కార్యదర్శి షేక్‌ ఉమైర్‌, రైతు విభాగం జిల్లా అధ్యక్షుడు ప్రసాద్‌రెడ్డి తదితరులు పాల్గొన్నారు. ఇప్పుడు రమ్మను నా.. టీడీపీ రీజనల్‌ కో ఆర్డినేటర్‌ శ్రీనివాసులురెడ్డికడప రూరల్‌ : స్థానిక గాంధీనగర్‌ హైస్కూల్‌ నామినేషన్‌ కేంద్రం వద్ద పరిస్థితులు రణరంగాన్ని తలపించాయి. వైఎస్సార్‌ కాంగ్రెస్‌ పార్టీకి చెందిన వారు ఎవరు కనిపించినా టీడీపీ కార్యకర్తలు దాడి చేయడమే లక్ష్యంగా పెట్టుకున్నారు. నామినేషన్‌ వేయడానికి వచ్చిన పలువురు వైసీపీ అభ్యర్ధులను కేంద్రంలోకి వెళ్లనీయకుండా అడ్డుకున్నారు. టీడీపీ శ్రేణులు, నామినేషన్‌ కేంద్రానికి వస్తున్న వైఎస్సార్‌సీపీ నాయకులపై రాళ్ల దాడి చేశారు. కర్రలతో కొట్టారు. ఈ సందర్భంగా పలువురు వైసీపీ కార్యకర్తలకు తీవ్ర గాయాలయ్యాయి. అనంతరం ఇక్కడికి వచ్చిన ఆ పార్టీ రీజనల్‌ కో ఆర్డినేటర్‌ ఆర్‌ శ్రీనివాసులురెడ్డి రెచ్చగొట్టేలా మాట్లాడారు. ‘ఇప్పుడు రమ్మను కొడుకల్ని ఎవర్నో, నామినేషన్‌ వేయడానికి ఏ నా కొడుకొస్తాడో చూద్దాం’ అంటూ తమ పార్టీ కార్యకర్తలను ఉద్దేశించి, మీడియా ఎదుటే రెచ్చగొట్టేలా మాట్లాడారు. దీంతో అక్కడ ఉన్న టీడీపీ శ్రేణులు ఓకే.. ఓకే అంటూ రెచ్చిపోయారు. కాసేపటి తరువాత నామినేషన్‌ కేంద్రానికి వస్తున్న పులువురు వైఎస్సార్‌సీపీ కార్యకర్తలపై మరో మారు పెద్ద..పెద్ద రాళ్లతో దాడులకు పాల్పడ్డారు.

● హింసకు తెగబడి చారిత్రాత్మక తప్పిదం చేశారు ● ఎమ్మెల్యే ఆకేపాటి, ఎంపీ మేడారాజంపేట టౌన్‌ : స్వాతంత్య్రం వచ్చినప్పటి నుంచి రాజంపేటలో అనేక ఎన్నికలు అత్యంత ప్రశాంత వాతావరణంలో జరిగాయని, ఎన్నడూ లేనివిధంగా మున్సిపల్‌ ఎన్నికల సాక్షిగా తెలుగుదేశం పార్టీ నాయకులు దాడులు, హత్యాయత్నాలకు తెగబడి ఇక్కడి శాంతిభద్రతలకు విఘాతం కలిగించారని వైఎస్సార్‌ కాంగ్రెస్‌ పార్టీ తీవ్రస్థాయిలో మండిపడింది. రౌడీయిజంతో కొత్త సంప్రదాయానికి తెరలేపి చారిత్రాత్మక తప్పిదం చేశారని, భవిష్యత్తులో టీడీపీ నాయకులు దీనికి భారీ మూల్యం చెల్లించుకోక తప్పదని రాజంపేట ఎమ్మెల్యే ఆకేపాటి అమరనాథరెడ్డి, రాజ్యసభ సభ్యుడు మేడా రఘునాథరెడ్డి ఘాటుగా హెచ్చరించారు. మున్సిపల్‌ ఎన్నికల నామినేషన్ల సందర్భంగా టీడీపీ శ్రేణులు సృష్టించిన దౌర్జన్యకాండపై శనివారం పట్టణంలోని వైఎస్సార్‌ సీపీ కార్యాలయంలో వారు విలేకరుల సమావేశం నిర్వహించారు. ఈ సందర్భంగా వారు మాట్లాడుతూ.. ‘అధికారం ఎప్పుడూ ఒకరి చేతుల్లోనే ఉండదన్న కనీస విషయాన్ని టీడీపీ నాయకులు గుర్తుంచుకోవాలి. ప్రజాస్వామ్యంలో దౌర్జన్యాలు, దాడులు సరైన పద్ధతి కాదు. వచ్చే ఎన్నికల్లో వైఎస్సార్‌ సీపీ అధికారంలోకి రావడం ఖాయం. అప్పుడు మా పార్టీ నాయకులు, కార్యకర్తలపై దాడులకు పాల్పడిన ప్రతి ఒక్కరిపై చట్టపరంగా కఠిన చర్యలు తీసుకుంటాం’అని స్పష్టం చేశారు. నిజంగా బలం ఉంటే ఎన్నికల బరిలో తలపడాలని, ప్రజాబలం లేకపోవడం వల్లే టీడీపీ గూండాల స్థాయికి దిగజారిందని విమర్శించారు. పోలీసులు టీడీపీ అరాచకాలను నిలువరించి, నామినేషన్లు ప్రశాంతంగా జరిగేలా చూడాలని.. అలాకాకుండా కొమ్ముకాస్తే భవిష్యత్తులో శిక్ష తప్పదని హెచ్చరించారు. సమావేశంలో మున్సిపల్‌ చైర్మన్‌ పోలా శ్రీనివాసరెడ్డి, వైస్‌ చైర్మన్‌ మర్రి రవి, సీనియర్‌ నాయకులు గాలివీటి మదన్‌రెడ్డి పాల్గొన్నారు.

కేవీపల్లె : అధికార తెలుగుదేశం పార్టీకి బిగ్‌ షాక్‌ తగిలింది. తెలుగు దేశం పార్టీ నుంచి ప్రధాన నాయకుడు వైఎస్సార్‌సీపీలో చేరారు. మండలంలోని గర్నిమిట్ట పంచాయతీ చింతమాకులపల్లెకు చెందిన వనం రాజశేఖర్‌నాయుడు తెలుగు పార్టీలో మాజీ మండల అధ్యక్షులుగా, మాజీ ఎంపీటీసీగా పని చేశారు. శనివారం రాత్రి తిరుపతిలో రాజంపేట పెద్దిరెడ్డి వెంకటమిథున్‌రెడ్డి, మాజీ ఎమ్మెల్యే చింతల రామచంద్రారెడ్డి సమక్షంలో వైఎస్సార్‌సీపీ తీర్థం పుచ్చుకున్నారు. ఆయనకు పార్టీ కండువాతో సాదరంగా ఆహ్వానించారు. ఈ సందర్భంగా ఎంపీ, మాజీ ఎమ్మెల్యే మాట్లాడుతూ వైఎస్సార్‌సీపీలో ప్రతి ఒక్కరికి సముచిత స్థానం ఉంటుందని తెలిపారు.స్థానిక సంస్థల ఎన్నికల్లో సత్తా చాటాలన్నారు. ఈ కార్యక్రమంలో ఏపీ ఎండీసీ మాజీ డైరెక్టర్‌ హరీష్‌రెడ్డి, వైఎస్సార్‌సీపీ మండల కన్వీనర్‌ వెంకటరమణారెడ్డి, నాయకులు ప్రభాకర్‌రెడ్డి, కోర్టుసుబ్బారెడ్డి, వెంకటసిద్ధులు, గజ్జెల శీన్‌రెడ్డి, చామంచుల సిద్ధయ్య, ఆంజినేయులు, వేణుగోపాల్‌రెడ్డి, జగదీష్‌, యల్లయ్య, కంభం భాస్కర్‌ రెడ్డి, సుబ్బు, కాటంరెడ్డి తదితరులు పాల్గొన్నారు.

రాజంపేట: ముఖ్యమంత్రి చంద్రబాబునాయుడు, ఆయన తనయుడు లోకేష్‌ ఆధ్వర్యంలో రాష్ట్రంలో పురపాలకసంఘం ఎన్నికలు బీహారును తలపించే విధంగా జరుగుతున్నాయని ప్రజాస్వామ్యవ్యవస్థ అపహాస్యం పాలైందని రాజ్యసభ సభ్యుడు మేడా రఘునాథరెడ్డి ధ్వజమెత్తారు. మేడాభవన్‌లో శుక్రవారం ఆయన విలేకర్లతో మాట్లాడారు. పుంగనూరులో రాజంపేట ఎంపీ మిథున్‌రెడ్డిపై 2వేల మందికిపైగా టీడీపీ గుండాలు దౌర్జన్యం చేస్తుంటే కలెక్టరు,ఎస్పీ కూడా రక్షణ ఇవ్వలేని స్ధితిలో ఉన్నారన్నారు. రాజంపేటలో చమర్తి జగన్‌మోహన్‌రాజు ఆధ్వర్యంలో వందమంది టీడీపీ గుండాలు మున్సిపాలిటీ కార్యాలయానికి రాకుండా అడ్డుకున్నారన్నారు. నామినేషన్‌ వేయుకుండా చేయడంపై పోలీసు,రెవెన్యూ కూడా ఏ చర్యలు తీసుకోలేదని స్థితిలో ఉన్నారన్నారు. భవిష్యత్తులో ఇలానే ఉండదని, చాలామార్పు ఉంటుందని లోకేష్‌కు హితవు పలికారు. ఈ అరాచకాలపై పార్టీ అధినేత వైఎస్‌ జగన్‌మోహన్‌రెడ్డి ఆధ్వర్యంలో ఎన్నికల సంఘానికి ఫిర్యాదు చేశామని, హైకోర్టులోనూ రిట్‌ పిటిషన్‌ వేశామని తెలిపారు. గవర్నర్‌ వెంటనే జోక్యం చేసుకుని ఎన్నికలు ప్రజాస్వామ్యబద్ధంగా జరిగేలా చూడాలని, దౌర్జన్యాలకు భయపడి వెనుకంజ వేసే ప్రసక్తి లేదని రఘునాథరెడ్డి స్పష్టం చేశారు.కార్యక్రమంలో సీనియర్‌ వైఎస్సార్‌సీపీనేత ఆకేపాటి వేణుగోపాల్‌రెడ్డి, వైఎస్సార్‌సీపీ మహిళ రాష్ట్ర ప్రధానకార్యదర్శి ఏకులరాజేశ్వరీరెడ్డి, ఒంటిమిట్ట మండలకన్వీనరు టక్కోలు శివారెడ్డి తదితర వైఎస్సార్‌సీపీ నాయకులు పాల్గొన్నారు. ఎంపీ మిథున్‌రెడ్డిపై దాడి హేయనీయం : మేడా రఘునాథరెడ్డి

● స్వతంత్య్రఅభ్యర్థి పత్రాలు చించివేత ● ఖాకీ కళ్లెదుటే టీడీపీ మూకల వీరంగం మున్సిపాలిటీ ప్రవేశద్వారం వద్ద మోహరించిన టీడీపీ శ్రేణులు కట్టెలు తీసుకునే ప్రయత్నం చేసిన టీడీపీకి చెందిన వ్యక్తిని పట్టుకుపోతున్న ఎస్‌ఐరాజంపేట: రాజంపేట మున్సిపాలిటీ ఎన్నికల నామినేషన్ల పర్వంలో అధికార తెలుగుదేశం పార్టీ శ్రేణులు బరితెగించి ప్రవర్తించాయి. మున్సిపల్‌ ఎన్నికల నేపథ్యంలో టీడీపీ తప్ప మరెవ్వరూ నామినేషన్లు వేయకూడదనే రీతిలో ప్రజల్లో, ప్రత్యర్థుల్లో తీవ్ర భయాందోళన వాతావరణాన్ని సృష్టించారు. డీఎస్పీ వెంకట్రామయ్య, సీఐలు హేమసుందరనాయుడు, లింగప్ప, ఎస్‌ఐలు బందోబస్తులో ఉన్నప్పటికీ, ఖాకీల కళ్లెదుటే టీడీపీ మూకలు వీరంగం సృష్టించినా పోలీసులు వారిని నియంత్రించలేకపోయారనే విమర్శలు వ్యక్తమవుతున్నాయి. టీడీపీ నియోజకవర్గ ఇన్‌చార్జి చమర్తి జగన్‌మోహన్‌రాజు ఆధ్వర్యంలో ఉదయం నుంచి మధ్యాహ్నం వరకు టీడీపీ శ్రేణులు మున్సిపాలిటీ కార్యాలయం వద్దే మోహరించగా, పట్టణంలో భారీగా స్థానికేతరులు కనిపించడం తీవ్ర ఉత్కంఠకు దారితీసింది. మహిళా అభ్యర్థి పత్రాలు, సర్టిఫికెట్ల చించివేత చైర్‌పర్సన్‌ స్థానానికి పోటీ చేసేందుకు నామినేషన్‌ పత్రాలు, విద్యా అర్హతల సర్టిఫికెట్లతో వచ్చిన స్వతంత్ర అభ్యర్థి బీ. రేణును డీసీసీబీ బ్యాంకు ప్రవేశద్వారం వద్ద టీడీపీ దౌర్జన్యకారులు అడ్డుకున్నారు. కనీసం మహిళ అని కూడా చూడకుండా ఆమె చేతిలో ఉన్న పత్రాలను లాక్కొని ముక్కలుగా చించివేశారు. పోలీసులు చూస్తూ ఉండిపోయారే తప్ప దౌర్జన్యకారులను బెదరగొట్టే చర్యలు తీసుకోలేదు. దీనిపై బాధితురాలు మీడియా ముందు నిరసన గళం విప్పగా, అక్కడ కూడా తమ్ముళ్లు ఆమెను అడ్డుకునేందుకు ప్రవర్తించారు. ఒక జిల్లాకు డిప్యూటీ కలెక్టర్‌గా, మాజీ డీఆర్వోగా పనిచేసిన ఉన్నతాధికారి ఈశ్వరయ్య తన నామినేషన్‌ పత్రాలతో రాగా, టీడీపీ దుండగులు ఆయన్ను అడ్డగించి పత్రాలను చించివేశారు. పోలీసుల సమక్షంలోనే ప్రజాస్వామ్య వ్యవస్థకు మచ్చ తెచ్చేలా ఈ ఘటన జరగడంతో పలువురు అవాక్కయ్యారు. వైఎస్సార్‌సీపీ అభ్యర్థులు నామినేషన్లు వేయడానికి వస్తున్నారనే సమాచారంతో టీడీపీ మూకలు కట్టెలు చేతబూని మున్సిపాలిటీ ప్రవేశద్వారం వైపు పరుగు తీశాయి. సీఐ హేమసుందరం వాహనంలో ఉన్న కట్టెలను సైతం లాక్కునేందుకు ప్రయత్నించగా ఎస్‌ఐ మహేష్‌ నాయుడు అడ్డుకుని వారిలో ఒకరిని పట్టుకున్నారు. పోలీసులు వెంటనే సమీపంలోని దుకాణాల షెట్టర్లు తెరిపించి తనిఖీలు చేయగా, అక్కడ నిల్వ ఉంచిన భారీగా కట్టెలను స్వాధీనం చేసుకున్నారు.

బద్వేలు అర్బన్‌ : స్థానిక సిద్దవటంరోడ్డులోని సీఎస్‌ఐ చర్చి సమీపంలో ఓ మహిళ తన భర్త చేతిలో దారుణహత్యకు గురైంది. పోలీసులకు ఇచ్చిన ఫిర్యాదు మేరకు కడప పట్టణంలోని విశ్వనాథపురానికి చెందిన సమ్మెటసౌందర్‌రాజు, కిరణ్‌జ్యోతి దంపతుల కుమార్తె అయిన ప్రవళ్లిక (29) బెంగళూరులో సాఫ్ట్‌వేర్‌ ఇంజినీర్‌గా పనిచేస్తుండేది. కరోనా సమయంలో ఇంటి వద్దే ఉంటూ పని చేసుకుంటూ ఉండేది. ఆ సమయంలో కడప నగరం అంగడివీధికి చెందిన చెన్నూరుసాయిబాబా ప్రవళ్లిక ఇంటిపై అద్దెకు చేరాడు. ఈ క్రమంలో సాయిబాబా ప్రవళ్లికతో పరిచయం పెంచుకుని ప్రేమ పేరుతో దగ్గరయ్యాడు. కొన్ని రోజులకు ఇరువురు ఇంటి నుంచి వెళ్లి పెద్దల ఇష్టానికి వ్యతిరేకంగా కులాంతర వివాహం చేసుకున్నారు. ఏడాది పాటు వివిధ ప్రాంతాల్లో కాపురం పెట్టారు. ఏడాది తర్వాత మనస్పర్థలు రావడంతో ప్రవళ్లిక తల్లిదండ్రుల వద్దకు వచ్చింది. తిరిగి కడపలోని ఓ పోలీసుస్టేషన్‌లో ఫిర్యాదు చేయడంతో సాయిబాబపై కేసు కూడా నమోదైంది. తర్వాత కొద్ది రోజులకు సాయిబాబా పెద్దమనుషుల ద్వారా పంచాయతీ పెట్టి ప్రవళ్లికను కలుసుకున్నారు. ఆ సమయంలో వీరికి ఒక కుమార్తె జన్మించింది. తిరిగి సాయిబాబా వేధించడం మొదలు పెట్టడంతో కొన్ని నెలలుగా అతనికి దూరంగా ఉంటూ బెంగళూరులో ఉద్యోగం చేసుకుంటుండేది. ఈ నేపథ్యంలో పట్టణంలోని సిద్దవటం రోడ్డులో ఉన్న ప్రవళ్లిక అమ్మమ్మ కాంతమ్మ అనారోగ్యానికి గురికావడంతో వారం రోజుల కిందట బద్వేలుకు వచ్చింది. ఇదే సమయంలో సౌందర్‌రాజు కూడా బద్వేలుకు వచ్చాడు. ఈ క్రమంలో శుక్రవారం మధ్యాహ్నం ప్రవళ్లిక, ఆమె తండ్రి ఇంట్లో భోజనం చేస్తుండగా సాయిబాబా ఇంట్లోకి ప్రవేశించి ఒక్కసారిగా ప్రవళ్లికపై తన వెంట తెచ్చుకున్న కత్తితో దాడి చేశాడు. ఈ దాడిలో ఆమె మెడ, కడపు భాగంలో తీవ్ర గాయాలయ్యాయి. సౌందర్‌రాజు గట్టిగా కేకలు వేయడంతో సాయిబాబా అక్కడి నుంచి పరారయ్యాడు. వెంటనే స్థానికులు 108 వాహనం ద్వారా ప్రవళ్లికను ప్రభుత్వాసుపత్రికి తరలిస్తుండగా మార్గమధ్యలోనే మృతిచెందింది. విషయం తెలుసుకున్న అర్బన్‌ పోలీసులు ఘటన స్థలానికి చేరుకుని ప్రవళ్ళిక మృతదేహాన్ని పోస్టుమార్టం నిమిత్తం ప్రభుత్వాసుపత్రికి తరలించారు. మృతురాలి తండ్రి ఇచ్చిన ఫిర్యాదు మేరకు కేసు నమోదు చేసుకుని నిందితుడి కోసం గాలిస్తున్నారు.

చౌడేపల్లె: అనుమానాస్పదస్థితిలో ఆరునెలల గర్భిణీ మంజుల(29) మృతిచెందిన ఘటన చౌడేపల్లె మండలం ఆమనిగుంట పంచాయతీ నూనెముద్దనపల్లెలో శుక్రవారం జరిగింది. సోమల మండలం వడ్డిపల్లెకు చెందిన రాజమ్మ, రామచంద్రయ్యల కుమార్తె బి.మంజులకు నూనెముద్దనపల్లెకు చెందిన సుబ్రమణ్యంతో ఆరేళ్ల క్రితం వివాహమైంది.సుబ్రమణ్యం మూగ వాడు కావడంతో అన్నదమ్ముళ్లతో కలిసి ఉమ్మడి కుటుంబంగా నివసిస్తున్నారు.వీరికి ఇద్దరు కుమార్తెలు సౌజన్య,శ్రీలత ఉండగా మరోసారి మంజుల గర్భం దాల్చింది. అప్పటినుంచి ఇంట్లో మళ్లి బిడ్డ వద్దని, అభార్షన్‌ చేయించాలని ఒత్తిడి తెచ్చినట్లు తెలిపారు.ఈక్రమంలో మంజులకు అభార్షన్‌ చేసేందుకు ఇంజెక్షన్‌ ఇచ్చారని, త్రీవ్రమైన నొప్పులతో ఉన్న ఆమెను గ్రామానికి సమీపంలోని నల్లగుట్ట వద్ద పొలం వద్ద పెట్టారు. శుక్రవారం మృతిచెందడంతో కుటుంబ సభ్యులు గ్రామంలోకి తేవడంతో మృతురాలి బంధువులు ఇంటి వద్ద కు చేరుకొని భర్త సుబ్రమణ్యంను ప్రశ్నించగా మూగసైగలతో జరిగిన విషయాన్ని తెలిపాడు.శరీరంపై గాయాలు ఉడడంతో, మంజులను అత్తింటి వారే కొట్టి చంపేశారని మృతిరాలి బంధువులు ఆరోపించారు. కాగా మృతదేహం వద్ద మృతురాలి భర్తతోపాటు అత్త లక్ష్మమ్మ తపప మిగిలిన కుటుంబ సభ్యులెవరు లేకపోవడంతో పలుఅనుమానాలకు దారితీస్తోంది. ఏమీ తెలియని ఆ ఇద్దరు చిన్నారులు తండ్రి పక్కన కూర్చుని బిత్తరచూపులు చూడడం స్థానికులను తీవ్రంగా కలిచివేసింది.ఘటనా స్థలాన్ని ఎస్‌ఐ చిన్నరెడ్డెప్ప చేరుకొని విచారణ చేపట్టారు. మృతిచెందిన మంజుల, తండ్రి వద్ద ఉన్న ఇద్దరు కుమార్తెలు

● వేర్వేరు ప్రాంతాల్లో వరుస చోరీలు.. ● రూ.2.40 లక్షలు నగదు, బంగారం అపహరణ వాల్మీకిపురం: మండలంలోని చింతపర్తిలో రెండు వేర్వేరు ప్రాంతాల్లో వరుస చోరీలు జరిగిన సంఘటన గురువారం రాత్రి చోటు చేసుకుంది. వివరాలు.. చింతపర్తి కోటవీధికి చెందిన బి.ఎస్‌. బాషా తన కుటుంబ సభ్యులతో కలిసి గుర్రంకొండ మండలం మర్రిపాడులోని బంధువుల ఇంటికి వెళ్లారు. ఈ క్రమంలో ఇంటికి తాళాలు వేసి ఉండటాన్ని గమనించిన గుర్తుతెలియని దుండగులు తలుపులు పగలగొట్టి లోపలికి చొరబడ్డారు. ఇంట్లోని బీరువా తలుపులు ధ్వంసం చేసి అందులో దాచిన రూ. 2 లక్షల నగదుతో పాటు బంగారు నగలను ఎత్తుకెళ్లారు. అలాగే, అదే గ్రామంలోని మకాన్‌వీధికి చెందిన లక్ష్మీదేవమ్మ కూడా తన ఇంటికి తాళాలు వేసుకొని బంధువుల ఇంటికి వెళ్లారు. శుక్రవారం ఉదయం ఆమె తిరిగి వచ్చి చూసే సరికి గుర్తుతెలియని దుండగులు ఇంటి తాళాలు పగలగొట్టి లోనికి ప్రవేశించినట్లు గుర్తించారు. బీరువా తలుపులను ధ్వంసం చేసి అందులో ఉన్న రూ. 40 వేల నగదు, ఐదు గ్రాములు గల రెండు బంగారు ఉంగరాలను అపహరించుకెళ్లారు. శుక్రవారం ఉదయం దొంగతనం జరిగిన విషయాన్ని గమనించిన బాధితులు స్థానిక ఎస్‌ఐ తిప్పేస్వామికి ఫిర్యాదు చేశారు. బాధితుల ఫిర్యాదు మేరకు ఎస్‌ఐ సంఘటనా స్థలానికి చేరుకుని పరిశీలించారు. క్లూస్‌ టీమ్‌ ఆధారాలు సేకరించింది. పోలీసులు కేసు నమోదు చేసి దర్యాప్తు చేస్తున్నారు.

మార్కాపురం టౌన్‌: మార్కాపురం జిల్లా పరిషత్‌ (బాలురు) ఉన్నత పాఠశాలలో 52వ రాష్ట్రస్థాయి జూనియర్‌ బాలబాలికల కబడ్డీ చాంపియన్‌షిప్‌ పోటీలు శుక్రవారం ఉత్సాహంగా ప్రారంభమయ్యాయి. ఈ సందర్భంగా ప్రధానోపాధ్యాయుడు ఎం.చంద్రశేఖర్‌ రెడ్డి ఆధ్వర్యంలో నిర్వహించిన కార్యక్రమంలో డీఈఓ సామా సుబ్బారావు ముఖ్యఅతిథిగా హాజరయ్యారు. పోటీలను రాష్ట్ర కబడ్డీ అసోసియేషన్‌ అధ్యక్షులు కె.వి.ప్రభావతి, సెక్రటరీ వై.శ్రీకాంత్‌, వర్కింగ్‌ ప్రెసిడెంట్‌ యన్‌.అర్జునరావు, ట్రెజరర్‌ యం.సుబ్బరాజు పర్యవేక్షిస్తున్నారు. ఈ క్రీడా పోటీల్లో రాష్ట్రంలోని 28 జిల్లాల జూనియర్‌ బాల బాలికల జట్లు పాల్గొన్నాయి. ఆదివారం సెమీఫైనల్‌, ఫైనల్‌ మ్యాచ్‌లు జరుగుతాయని ఆర్గనైజింగ్‌ సెక్రటరీ పి.దామోదర్‌ రెడ్డి తెలిపారు. కార్యక్రమంలో వ్యాయామ ఉపాధ్యాయులు వై సీనయ్య, శంకర్‌, చెంచయ్య నాయుడు, వెంకటేశ్వర్లు, కోటేశ్వరరావు, జాహ్నవి ప్రియ, కె.ఓబులేసు పాల్గొన్నారు.

● రహదారులపై నిలిచిన నీరు ● చెరువును తలపిస్తున్న బీసీ హాస్టల్‌ చెరువును తలపిస్తున్న బీసీ హాస్టల్‌ వినాయక నగర్‌ రహదారిపై నిలిచిన వర్షపు నీరు రొంపిచెర్ల: అల్పపీడన ప్రభావంతో శుక్రవారం రొంపిచెర్ల మండలంలో భారీ వర్షం ముంచెత్తింది. ఒక్కసారిగా కురిసిన వానకు స్థానిక బీసీ హాస్టల్‌, తహసీల్దార్‌ కార్యాలయ ప్రాంగణాలు నీట మునిగి చెరువులను తలపిస్తున్నాయి. వినాయకనగర్‌లో మురుగు కాలువలు పూడిపోవడంతో డ్రైనేజీ నీరు రోడ్లపైనే ప్రవహిస్తూ రాకపోకలకు తీవ్ర అంతరాయం కలిగిస్తోంది.మరోవైపు ఈ వర్షం రైతాంగాన్ని కోలుకోలేని దెబ్బతీసింది. చేతికొచ్చిన వరి పంట నేలకొరిగితే గింజలు మొలకెత్తుతాయని, వాన ఇలాగే కొనసాగితే టమోటా తోటలు పూర్తిగా కుళ్ళిపోతాయని అన్నదాతలు కన్నీరుమున్నీరవుతున్నారు. ప్రభుత్వం తక్షణమే స్పందించి పంట నష్టాన్ని అంచనా వేసి, తమను ఆదుకోవాలని రొంపిచెర్ల మండల రైతులు, ప్రజలు కోరుతున్నారు.

మదనపల్లె సిటీ: సెంటిమెంట్‌ అనేది రాజకీయ నాయకులకు, సినిమా యాక్టర్లకు కాస్తంత ఎక్కువగానే ఉంటుంది. ఏ పని చేయాలన్న సరే మంచి ముహుర్తం లేకుండా అడుగేయరు. ప్రస్తుతం స్థానిక మున్సిపల్‌ ఎన్నికల వేడి రాజుకోవడంతో మళ్లీ జ్యోతిష్యుల చుట్టూ అభ్యర్థులు ప్రదక్షిణ చేస్తున్నారు. మున్సిపాలిటీల్లో నామినేషన్ల ప్రక్రియ కీలకం. శుభముహుర్తాల వేట అప్పుడే మొదలైంది. ఉన్నది తక్కువ సమయమైనా ప్రచారమైనా.. నామినేషన్లయినా ఏ సమయంలో ప్రారంభించాలి..ముహుర్తం మంచిదా కాదా అని బేరీజు వేసుకుంటున్నారు. దీంతో జ్యోతిష్యులు,పురోహితలకు డిమాండ్‌ పెరిగిపోయింది . తొలిరోజు ముహుర్తం అంటే 16న షష్టి, శుక్రవారం మూలా నక్షత్రం కావడంతో బలమైందని జ్యోతిష్యులంటున్నారు. ఈనెల 18న ఆదివారం ఉత్తారాషాడ నక్షత్రం కూడా మరింత బలం చేకూరేలా చేస్తుంది. రాజ్యాధికారం దక్కే రవి శుభకరుడు కావడం కలిసోచ్చే అంశమని పురోహితులు చెబుతున్నారు. మధ్యలో 17 నిజంగానే మధ్యస్థంగానే ఉంటుందన్నారు. రాజకీయ నాయకులు నామినేషన్లు కోసం మంచి ముహుర్తాలను ఖరారు పచేసుకోవడానికి వస్తున్నారు. గడువు దగ్గరపడటంతో నామనక్షత్రాల ఆధారంగా ముహుర్తాలు పెట్టించుకుంటున్నారని మదనపల్లెకు చెందిన ప్రముఖ వేదపండితులు శివకుమార్‌శర్మ తెలిపారు. జ్యోతిష్యులు, పురోహితుల వద్దకు అభ్యర్థుల క్యూ

రాజంపేట: పుంగనూరు మున్సిపల్‌ ఎన్నికల్లో నామినేషన్ల పర్వంలో భాగంగా తొలిరోజు వైఎస్సార్‌సీపీ అభ్యర్ధి నామినేషన్‌ కార్యక్రమానికి హాజరైన రాజంపేట ఎంపీ పీవీమిథున్‌రెడ్డిపై పచ్చమూకల దాడి చేయడం హేయమైన చర్యగా వైఎస్సార్‌సీపీ జిల్లా అధ్యక్షుడు, ఎమ్మెల్యే ఆకేపాటి అమర్‌నాఽథరెడ్డి అభివర్ణించారు. రాజంపేటలోని ఆకేపాటి భవన్‌లో ఆయన విలేకర్ల సమావేశంలో మాట్లాడారు. ఎన్నికల స్వేచ్ఛాయుత వాతవరణంలో జరగాల్సిందిపోయి, పోలీసులు ప్రేక్షకపాత్ర వహించడం విడ్డూరంగా ఉందన్నారు. కూటమి ప్రభుత్వం పతనానికి ఇది నాంది అని ఎద్దేవా చేశారు. టీడీపీ వైఖరి రాజంపేట చరిత్రలో మాయని మచ్చ : రాజంపేట మున్సిపాలిటి ఎన్నికల్లో టీడీపీ శ్రేణులు వ్యవహారించిన తీరు రాజంపేట చరిత్రలో మాయనిమచ్చగా మిగిలిపోతుందని ఎమ్మెల్యే ఆకేపాటి అమర్‌నాథ్‌రెడ్డి అన్నారు. మున్సిపాలిటి ఎన్నికల్లో తొలిరోజు నామినేషన్‌ వేయనీయకుండా పోలీసుల సమక్షంలో అడ్డుకోవడం దారుణమన్నారు. స్వేచ్చాయుత వాతవరణంలో ఎన్నికల నిర్వహించేందుకు సహకరించామని గుర్తుచేశారు. ఎన్నికలు సజావుగా జరిపించాల్సిన బాధ్యత పోలీసులపై ఎంతైనా ఉందన్నారు. గెలుపోటములు సహజమన్నారు. ఎమ్మెల్యేతోపాటు ఆయన సోదరుడు ఆకేపాటి అనిల్‌రెడ్డి, రాజంపేట మున్సిపాలిటి చైర్మన్‌ పోల శ్రీనివాసులరెడ్డి తదితరులు పాల్గొన్నారు.

కడప సెవెన్‌రోడ్స్‌ : స్థానిక ఎన్నికల నామినేషన్ల ప్రక్రియ స్వేచ్ఛగా, ప్రశాంత వాతావరణంలో జరిగేందుకు చర్యలు తీసుకోవాలని వైఎస్సార్‌ సీపీ జిల్లా అధ్యక్షుడు పి.రవీంద్రనాథ్‌రెడ్డి కోరారు. శుక్రవారం ఎమ్మెల్సీ ఎంవీ రామచంద్రారెడ్డి, మాజీ డిప్యూటీ సీఎం ఎస్‌బీ అంజద్‌బాషాతో కలిసి కలెక్టర్‌ శ్రీధర్‌ చెరుకూరికి వినతిపత్రం అందజేశారు. ఈ సందర్భంగా రవీంద్రనాథ్‌రెడ్డి మాట్లాడుతూ నామినేషన్‌ కేంద్రాల వద్ద తప్పనిసరిగా సీసీ టీవీలు ఏర్పాటు చేయాలని కోరారు. అభ్యర్థులు స్వేచ్ఛగా నామినేషన్లు దాఖలుచేసేందుకు వీలుగా అదనపు భద్రతా ఏర్పాట్లు చేయాలన్నారు. శాంతిభద్రతలను కాపాడేందుకు చర్య లు చేపట్టాలన్నారు. నామినేషన్ల కార్యక్రమం పారదర్శకంగా జరిగేలా చూడాలన్నారు. కడప నగరం మరియాపురంలో చెక్‌లిస్టు సమర్పించిన తర్వాత ప్రత్యర్థి పార్టీకి చెందిన నాయకులు వాటిని రిటర్నింగ్‌ అధికారి నుంచి లాక్కొని చించివేశారని పేర్కొన్నారు. గాంధీనగర్‌ హైస్కూలు వద్ద వందలాది మంది గుమికూడి తమ పార్టీ అభ్యర్థులు నామినేషన్లు దాఖలు చేసేందుకు అడ్డుకున్నారని ఆరోపించారు. ఆర్వో కార్యాలయాల వద్ద నిబంధనలకు విరుద్దంగా గుమికూడకుండా చేసి, తద్వారా ఘర్షణలు, అక్రమాలు జరగకుండా నివారించాలన్నారు. నామినేషన్లు దాఖలు చేసే గదుల్లో తప్పనిసరిగా హై డిఫినిషన్‌ సీసీ టీవీలు ఏర్పాటు చేయాలని కోరారు. ఈ కార్యక్రమంలో వైఎస్సార్‌ సీపీ నాయకులు పులిసునీల్‌కుమార్‌, జయచంద్రారెడ్డి పాల్గొన్నారు.వైఎస్సార్‌ సీపీ జిల్లా అధ్యక్షుడు పి.రవీంద్రనాథ్‌రెడ్డి

● పుంగనూరులో ఎంపీ మిథున్‌రెడ్డిపై పచ్చమూకల హత్యాయత్నం ● రాయచోటిలో వైఎస్సార్‌ సీపీ కార్యాలయానికి నిప్పు ● కడపలో మీడియా సాక్షిగా వాసు బెదిరింపుల పర్వం ● రాజంపేటలో పచ్చ గూండాల హల్‌చల్‌ ● వైఎస్సార్‌సీపీ అభ్యర్థుల నామినేషన్‌ పత్రాలు చించివేతసాక్షి ప్రతినిధి, కడప : స్థానిక సంస్థల ఎన్నికలు ఏకపక్షంగా జరగాలని.. ఎలాగైనా సరే గెలుపు టీడీపీదే కావాలని అధిష్టానం ఇచ్చిన ఆదేశాల మేరకు క్షేత్రస్థాయిలో పచ్చనేతలు రెచ్చిపోతున్నారు. అధికారం అండగా వైఎస్సార్‌సీపీ ప్రజా ప్రతినిధులపై ప్రత్యక్షదాడులకు దిగుతున్నారు. వైఎస్సార్‌, అన్నమయ్య జిల్లాల్లో శుక్రవారం నామినేషన్ల తొలి రోజే భయబ్రాంతులకు గురి చేశారు. పద్ధతిగా పోలింగ్‌ ప్రక్రియ నిర్వహిస్తే ఓటమి తప్పదని గ్రహించి దౌర్జన్యదారిని ఎంచుకున్నారు. ‘ప్రజల చేత స్థానిక సంస్థల ఎన్నికల ఎంపికం’టూ ఎస్‌ఈసీ గొప్పగా మాటలు చెబుతున్నా క్షేత్రస్థాయిలో పూర్తి విభిన్న పరిస్థితులు నెలకొన్నాయి. వైఎస్సార్‌సీపీ ప్రజాప్రతినిధులపై ప్రత్యక్ష దాడులు, హత్యాయత్నాలకు పాల్పడుతున్న ఘటనలు సోషల్‌ మీడియా లో వైరల్‌ అవుతోన్నా సుమోటోగా స్పందించాల్సిందిపోయి, కళ్లుండీ చూడలేని దుస్థితిలో ఎన్నికల అధికారులు ఉన్నారని ప్రజాస్వామ్యవాదులు ఆరోపిస్తున్నారు. ఎంపీ మిథున్‌రెడ్డిపై హత్యాయత్నం.. పుంగనూరు మున్సిపాలిటీ చైర్మన్‌, కౌన్సిలర్లు అభ్యర్థుల నామినేషన్లు దాఖలు చేయించేందుకు రాజంపేట ఎంపీ మిథున్‌రెడ్డి నామినేషన్‌ కేంద్రానికి వెళ్తున్న దారిలో తెలుగుతమ్ముళ్లు మోహరించారు. కర్రలు, కత్తులు.. రాళ్లు.. రాడ్లతో వాహనశ్రేణిపై ప్రత్యక్ష దాడులకు దిగారు. బండరాళ్లతో వాహనాలపై అద్దాలు ధ్వంసం చేశారు. అలాగే ముందుకెళ్తుండగా ఎంపీ సెక్యూరిటీ తలలు పగలగొట్టారు. రక్తం కారుతున్నా కనికరం లేకుండా వెంటాడారు. నామినేషన్‌ కేంద్రంలోకి వెళ్లగానే సుమారు 5వాహనాలను ధ్వంసం చేసి పడవేశారు. ఇంతటి అరాచకం పుంగనూరులో యధేచ్ఛగా రాజ్యమేలుతున్నా అటువైపు పోలీసులు కన్నెత్తి చూడడం, రక్షించడం చర్యలు లేక పోవడం ఆశ్చర్యకరమని పలువురు వాపోతున్నారు. మంత్రి ప్రోత్సాహం.. చెలరేగిపోయిన శ్రేణులు రాష్ట్ర మంత్రి మండిపల్లి రాంప్రసాదరెడ్డి ప్రోత్సాహంతో రాయచోటిలో టీడీపీ శ్రేణులు చెలరేగిపోయాయి. ప్రజాస్వామ్యయుతంగా మాజీ ఎమ్మెల్యే గడికోట శ్రీకాంత్‌రెడ్డి ప్రెస్‌మీట్‌ నిర్వహిస్తే, జవాబు చెప్పలేని స్థితిలో పచ్చమూకలు ధ్వంసరచనకు శ్రీకారం చుట్టారు. ఏకంగా వైఎస్సార్‌సీపీ కార్యాలయానికి నిప్పు పెట్టారు. అందుబాటులో ఉన్న వాహనాలను పగలగొట్టి పెట్రోల్‌ వెదలిజల్లి నిప్పు పెట్టారు. అంతటితో ఆగకుండా అటువైపు వచ్చిన పోలీసు వాహనాన్ని సైతం ధ్వంసం చేశారు. మునుపెన్నడూ లేని విషసంస్కృతిని రాయచోటిలో పట్టపగలు చూపెట్టారు. మినిష్టర్‌ రౌడీ రాముడు అవతారమెత్తారని విశ్లేషకులు సైతం మండిపడుతున్నారు. పైగా స్వయంగా మంత్రి హోదాలో మీడియాతో మాట్లాడుతూ అభ్యర్థులను భయాందోళనకు గురిచేసేలా మాజీ ఎమ్మెల్యే శ్రీకాంత్‌రెడ్డిని టార్గెట్‌ చేసి మాట్లాడడంపై ప్రజాస్వామ్య వాదులు విస్తుపోయారు. ఎన్నికలు నిర్వహించే దమ్ముందా.. కడపలో ఎమ్మెల్యే మాధవిరెడ్డి భర్త, టీడీపీ రీజనల్‌ కో–ఆర్డినేటర్‌ శ్రీనివాసుల రెడ్డి హల్‌ చల్‌ చేశారు. దమ్ముంటే నామినేషన్లు వేయండంటూ బహిరంగ సవాల్‌ చేశారు. వాసు వ్యాఖ్యలపై ప్రజాస్వామ్యవాదులు తీవ్ర అసహనం వ్యక్తం చేస్తున్నారు. ఎన్నికలను సజావుగా నిర్వహించే దమ్ము తెలుగుదేశం ప్రభుత్వానికి లేకపోవడంతోనే అరాచకాన్ని భుజానికి ఎత్తుకున్నారని వివరిస్తున్నారు. ఇందులో భాగంగానే కడపలో నామినేషన్లు పర్వం తొలిరోజున 30 డివిజన్‌ కార్పొరేటర్‌గా పోటీ చేసేందుకు వెళ్లిన టి.విజయలక్మి, 51 డివిజన్‌ అభ్యర్థిగా పోటీచేసేందుకు వెళ్లిన పద్మలత నామినేషన్‌ పత్రాలను తెలుగుతమ్ముళ్లు చించేశారు. నామినేషన్‌ కేంద్రానికి ముందు వైపు తిష్టవేసి దౌర్జన్యానికి పాల్పడ్డారు. అలాగే మాజీ కార్పోరేటర్‌ బాలస్వామిరెడ్డి, అభ్యర్థి పద్మలతపై ప్రత్యక్ష దాడికి తెగబడ్డారు. ఇలాంటి దుశ్చర్యలకంటే నామినేటెడ్‌ తరహా స్థానిక సంస్థలను కూడా ఎంపిక చేసుకున్న వ్యక్తులకు కట్టబెడితే సరిపోతుంది కదా?నని పలువురు ప్రశ్నిస్తుండడం విశేషం. ప్రజాస్వామ్యం అపహాస్యం.. పుంగనూరులో నిర్దేశించిన సమయానికి నామినేషన్‌ కేంద్రంలో అభ్యర్థులున్నా వారి నామినేషన్లు ఎన్నికల రిటర్నింగ్‌ అధికారి నారాయణరెడ్డి (ఎస్‌డీసీ) స్వీకరించలేదు. నామినేషన్లు ఎందుకు తీసుకోరంటూ స్వయంగా ఎంపీ మిథున్‌రెడ్డి ప్రశ్నించినా మౌనమే ఆయన సమాధానమైంది. గంట తర్వాత నామినేషన్లు స్వీకరించినా వాటికి రశీదు ఇవ్వలేదు. నామినేషన్‌ డిపాజిట్టు సైతం స్వీకరించలేదు. 3గంటలు తర్వాత నామినేషన్‌ పత్రాలు వెనక్కి ఇచ్చారు. సీఎంఓ నుంచి ఉన్న డైరెక్షన్‌ మేరకు ఎస్‌ఈసీ నిబంధనలను సైతం ఆర్వో నారాయణరెడ్డి విస్మరించారు. ఈ పరిస్థితులు గమనిస్తే రాష్ట్ర ఎన్నికల కమీషన్‌ వ్యవహారశైలి ఇట్టే అర్థమవుతోంది. నిష్పక్షపాత ఎన్నికలంటూ చెప్పేందుకు మినహా ఆచరణలో చిత్తశుద్ధి లోపించిందని ప్రజాస్వామ్యవాదులు తీవ్రంగా మండిపడుతున్నారు. ఎర్రగుంట్లలో, రాజంపేటలో తెలుగు తమ్ముళ్లు పలుచోట్ల దౌర్జన్యాలు చేశారు.

● మున్సిపల్‌ సీట్ల కోసం బీజేపీ చిట్టా ● పుంగనూరు టీడీపీ అభ్యర్థి కోసంవెతుకులాట సాక్షి, మదనపల్లె: మున్సిపల్‌ ఎన్నికలకు నేటి నుంచి నామినేషన్‌ ప్రారంభమవుతుండగా కూటమి పార్టీలో పదవుల పంపకాలు ఇంకా తేలనేలేదు. అభ్యర్థుల ప్రకటన ఊసే లేదు. గురువారం పర్యాటక కేంద్రం హార్సిలీహిల్స్‌పై జిల్లా ఇన్చార్జి మంత్రి బీసీ.జనార్దన్‌ రెడ్డి, జిల్లా మంత్రి మండిపల్లి రాంప్రసాద్‌ రెడ్డి, టీడీపీ ఎమ్మెల్యేలు, ఇన్చార్జీలు, బీజేపీ నేతలు చల్లపల్లి నరసింహారెడ్డి, నరేందర్‌ రెడ్డి, జనసేన నేతలతో సమావేశమయ్యారు. ఈ సమావేశంలో తొలి విడతలో జరగనున్న మున్సిపల్‌ ఎన్నికల్లో మదనపల్లి, రాయచోటి, పుంగనూరు మున్సిపాలిటీల్లో చైర్మన్‌, కౌన్సిల్‌ స్థానాల్లో కూటమి అభ్యర్థులకు కేటాయించే విషయంలో చర్చించారు. బీజేపీ తెచ్చిన సీట్ల ప్రతిపాదనపై మంత్రుల నుంచి ఎలాంటి హామీ దక్కలేదని సమాచారం. మూడు పార్టీలకు చెందిన జిల్లా అధ్యక్షుల అధ్యక్షతన ఏర్పాటుచేసిన కమిటీ ద్వారా సీట్ల పంపకంపై సమన్వయం చేయాలని నిర్ణయించి సమావేశం ముగించారని తెలిసింది. ● మదనపల్లె మున్సిపల్‌ చైర్మన్‌ పదవి కోసం టీడీపీ నుంచి ముగ్గురు నాయకులు తీవ్ర స్థాయిలో ప్రయత్నిస్తున్నారు. తెలుగు యువత రాష్ట్ర అధ్యక్షుడు శ్రీరామ్‌ చిన్నబాబు పార్టీ కోసం కష్టపడి పనిచేసిన వారిని గుర్తించాలని గట్టిగా ప్రయత్నిస్తుండగా, చినబాబును అడ్డుకునేందుకు ఎమ్మెల్యే వర్గం నుంచి మరొకరిని గట్టిగా ప్రతిపాదిస్తున్నట్లు తెలుస్తోంది. పుంగనూరు టీడీపీలో అసంతృప్తి పుంగనూరు చెర్మన్‌ అభ్యర్థి కోసం టీడీపీ అధిష్టానం వెతుకులాటలో పడింది. చైర్మన్‌ పదవిని బీసీ మహిళకు కేటాయించడంతో పార్టీలో ఉన్న అభ్యర్థులకు ప్రాధాన్యత ఇవ్వకుండా ఇతర పార్టీల్లో ఉన్న బీసీ మహిళ కోసం ప్రయత్నాలు చేస్తుండటంపై టీడీపీ వర్గాల్లో అసంతృప్తి వ్యక్తమవుతోంది. పార్టీ కోసం కష్టపడుతున్న వారిని గుర్తించకుండా, పార్టీలో లేని వారికి పట్టం కడతారా అంటూ ఆగ్రహం వ్యక్తం చేస్తున్నారు.

మదనపల్లె టౌన్‌: అన్నమయ్య జిల్లాలో స్థానిక సంస్థల ఎన్నికలు పూర్తిగా పారదర్శకంగా, ప్రశాంత వాతావరణంలో నిర్వహించడమే పోలీసు శాఖ లక్ష్యమని ఎస్పీ ధీరజ్‌ కునుబిల్లి స్పష్టం చేశారు. ఎన్నికల నిబంధనలను ఏ ఒక్కరూ అతిక్రమించినా అనర్హత వేటుతో పాటు కఠిన చట్టపరమైన చర్యలు తప్పవని హెచ్చరించారు. గురువారం మదనపల్లి పోలీస్‌ ప్రధాన కార్యాలయంలో ఆయన జిల్లాలోని పోలీసు అధికారులతో సమావేశం నిర్వహించారు.. ప్రతి ర్యాలీ, సభ, సమావేశానికి 48 గంటల ముందే పోలీసుల నుంచి తప్పనిసరిగా అనుమతి తీసుకోవాలని, ఒకే మార్గంలో వేర్వేరు పార్టీలకు ఒకే సమయంలో ర్యాలీలకు అనుమతి ఇవ్వబోమని తెలిపారు. ఆసుపత్రులు, విద్యాసంస్థలు వంటి సైలెంట్‌ జోన్లలో మైకుల ప్రచారం పూర్తిగా నిషేధమని చెప్పారు. ఓటర్లను ప్రలోభపెట్టేందుకు మద్యం, నగదు, కానుకలు పంపిణీ చేస్తే అభ్యర్థిత్వం రద్దు చేయడంతో పాటు నాన్‌ బెయిలబుల్‌ కేసులు నమోదు చేస్తామని హెచ్చరించారు. రూ.50 వేలకు మించి సరైన పత్రాలు లేని నగదును సీజ్‌ చేస్తామని, చెక్‌పోస్టుల వద్ద తనిఖీలు ముమ్మరం చేశామని తెలిపారు. ఎన్నికల నిర్వహణకు పటిష్ట బందోబస్తు జిల్లాలో జరగనున్న స్థానిక సంస్థల ఎన్నికలకు పటిష్ట బందోబస్తు చర్యలు చేపట్టామన్నారు. మదనపల్లె, రాయచోటి, పీలేరు నియోజకవర్గాల పరిధిలోని సమస్యాత్మక, అత్యంత సమస్యాత్మక పోలింగ్‌ కేంద్రాల వివరాలను ప్రొజెక్టర్‌ ద్వారా నిశితంగా పరిశీలించారు. ఆయా ప్రాంతాల్లో చేపట్టాల్సిన భద్రతా ఏర్పాట్లు, సిబ్బంది మోహరింపు, రూట్‌ మార్చిలపై అధికారులకు ఎస్పీ దిశానిర్దేశం చేశారు. ఎన్నికల వేళ శాంతిభద్రతలకు విఘాతం కలిగించే పాత నేరస్తులు, రౌడీ షీటర్లు, అల్లర్లకు పాల్పడే అవకాశం ఉన్నవారిని ముందస్తుగా గుర్తించి బైండోవర్‌ చేయాలని ఆదేశించారు. జిల్లా సరిహద్దుల్లో, ప్రధాన రహదారులపై చెక్‌పోస్టులు ఏర్పాటు చేసి వాహన తనిఖీలు ముమ్మరం చేయాలన్నారు.వ రాయచోటి డీఎస్పీ ఎం.ఆర్‌. కృష్ణమోహన్‌, వివిధ పోలీస్‌ స్టేషన్ల సీఐలు, ఎస్‌ఐలు సమావేశంలో పాల్గొన్నారు. ఎస్పీ ధీరజ్‌ కునుబిల్లి

● స్థానిక ఎన్నికల్లో కలసికట్టుగా విజయం సాధిద్దాం ● సమావేశాల్లో మాజీ మంత్రి పెద్దిరెడ్డి, ఎంపీ మిథున్‌ రెడ్డి సాక్షి, మదనపల్లె: మున్సిపల్‌ ఎన్నికల్లో చంద్రబాబుకు ఓటమి తప్పదని మాజీ మంత్రి, పుంగనూరు ఎమ్మెల్యే పెద్దిరెడ్డి రామచంద్రారెడ్డి అన్నారు. గురువారం స్థానిక ఎంపీ కార్యాలయంలో ముఖ్య నేతలతో ఆయన సమావేశమయ్యారు. సందర్భంగా మదనపల్లె మున్సిపల్‌ ఎన్నికల్లో పార్టీ శ్రేణులు కలిసినట్టుగా పనిచేసి విజయం సాధించాలని కోరారు. పార్టీ అభ్యర్థులు పాటించాల్సిన నిబంధనలపై పలు సూచనలు చేశారు. ప్రతి అభ్యర్థి అప్రమత్తంగా ఉండి ఎన్నికల్లో పనిచేయాలని కోరారు. మదనపల్లె మున్సిపాలిటీలో వైఎస్సార్‌సీపీకి ప్రజల్లో బలంగా ఆదరణ ఉందని, విజయం ఖాయ మని ధీమా వ్యక్తం చేశారు. కూటమి ప్రభుత్వం హామీలు అమలు చేయకుండా ప్రజలను మోసం చేసిందని గుర్తు చేశారు. వైఎస్సార్‌సీపీ నాయకులు, కార్యకర్తలు, అభ్యర్థులు కలిసికట్టుగా సమన్వ యం చేసుకుంటూ ముందుకు సాగాలని.. ఏ ఇబ్బంది ఎదురైనా పార్టీ అండగా ఉంటుందని.. చర్యలు తీసుకుంటామని భరోసా ఇచ్చారు. రెండు ఓట్లపై ప్రచారం మున్సిపల్‌ ఎన్నికల్లో చైర్మన్‌ అభ్యర్థి, వార్డు అభ్యర్థికి రెండు ఓట్లు వేయాల్సి ఉంటుందన్న విషయాన్ని ప్రచారం నిర్వహించాలని రాజంపేట ఎంపీ పెద్దిరెడ్డి వెంకట మిథున్‌ రెడ్డి పార్టీ నేతలకు సూచన చేశారు. గురువారం ఆయన ఎంపీ కార్యాలయంలో పార్టీ ముఖ్య నేతలతో సమావేశం నిర్వహించారు. ఈ సందర్భంగా ఎన్నికల ప్రక్రియలో అనుసరించాల్సిన విధానం, చర్యలను తెలియజేశారు. నామినేషన్ల నుంచి ఓటింగ్‌ ముగిసేదాకా ప్రతి అభ్యర్థి అప్రమత్తంగా ఉండాలని కోరారు. ఈ సమావేశాల్లో మాజీ ఎమ్మెల్యే దేశాయి తిప్పారెడ్డి, సమన్వయకర్త నిసార్‌ అహ్మద్‌, మాజీ ఎమ్మెల్సీ నరేష్‌ కుమార్‌ రెడ్డి, మహిళా విభాగం జిల్లా అధ్యక్షురాలు షమీం అస్లాం, వైఎస్సార్సీపీ పట్టణ అధ్యక్షుడు జింకా వెంకటా చలపతి, మున్సిపల్‌ మాజీ చైర్మన్‌ మనూజ, పరిశీలకులు బావాజాన్‌, సాయి ప్రసాద్‌ రెడ్డి, శశాంక్‌ రెడ్డి పాల్గొన్నారు. పార్టీలో చేరిక మదనపల్లె మండలం బొమ్మనచెరువు పంచాయతీ టేకులపాలెంకు చెందిన టీడీపీ సీనియర్‌ కార్యకర్తలు వైఎస్సార్‌సీపీ మండల అధ్యక్షులు దండు కరుణాకర్‌రెడ్డి ఆధ్వర్యంలో గణేష్‌, ఎస్‌.నవీన్‌, శంకర, శరత్‌, నవీన్‌ తదితరులు ఎంపీ మిథున్‌రెడ్డి సమక్షంలో పార్టీలో చేరారు. వారికి మిథున్‌రెడ్డి పార్టీ కండువాలు కప్పి ఆహ్వనించారు.

● నేటి నుంచే నామినేషన్ల స్వీకరణ ● ఏర్పాట్లను పరిశీలించిన కలెక్టర్‌ ● ఎన్నికల సిబ్బందితో సమావేశం సాక్షి, మదనపల్లె: మున్సిపల్‌ ఎన్నికల్లో కీలకమైన నామినేషన్ల పర్వం శుక్రవారం నుంచి మొదలుకానుంది. మదనపల్లె, రాయచోటి, పుంగనూరు మున్సిపాలిటీలో నామినేషన్ల ప్రక్రియ కోసం అధికారులు ప్రత్యేక ఏర్పాటు చేశారు. చైర్మన్‌, వార్డులకు సంబంధించి నామినేషన్‌ స్వీకరణకు ప్రత్యేక గదులను సిద్ధం చేశారు. కేటాయించిన గదిలోనే సంబంధిత నామినేషన్లను అభ్యర్థులు దాఖలు చేయాల్సి ఉంటుంది. మదనపల్లిలో ఒక చైర్మన్‌, 48 వార్డులకు, రాయచోటిలో ఒక చైర్మన్‌, 44 వార్డులకు, పుంగనూరులో ఒక చైర్మన్‌, 36 వార్డులకు ఎన్నికలు నిర్వహిస్తున్నారు. నామినేషన్ల స్వీకరణ కేంద్రాల వద్ద భారీ భద్రత ఏర్పాట్లు చేస్తున్నారు. నామినేషన్ల స్వీకరణకు మూడు రోజులే గడువు ఉండడంతో అభ్యర్థులు, ఆశావహులు వెనువెంటనే నామినేషన్లను దాఖలు చేసే అవకాశం కనిపిస్తోంది. ఈ సందర్భంగా మదనపల్లె మున్సిపల్‌ ఎన్నికల నామినేషన్ల స్వీకరణకు సంబంధించి దొంతి లేఅవుట్‌ వద్ద సహాయ ఎన్నికల అథారిటీ నూతన భవనంలో చైర్మన్‌, వార్డుల కౌన్సిలర్‌ నామినేషన్ల స్వీకరణ గదులను అధికారులతో కలిసి గురువారం కలెక్టర్‌ నిశాంత్‌కుమార్‌ పరిశీలించారు. దీనికోసం సిద్ధం చేసిన ఏర్పాట్లను పరిశీలించి అధికారులకు పలు సూచనలు చేశారు. ఎన్నికల విధులు నిర్వహించే అధికారులు సమన్వయంతో పనిచేస్తూ, తమకు అప్పగించిన బాధ్యతలను సమర్థవంతంగా నిర్వహించాలన్నారు. కలెక్టర్‌ వెంట ఎస్‌డీసీలు చంద్రశేఖర్‌ రెడ్డి, మాధవ కృష్ణారెడ్డి, కమిషనర్‌ ప్రమీల ఉన్నారు. అప్రమత్తంగా ఉండాలి మున్సిపల్‌ ఎన్నికల అధికారులు, సిబ్బందికి కలెక్టర్‌ నిశాంత్‌కుమార్‌ గురువారం శిక్షణ కార్యక్రమం నిర్వహించారు. ఈ సందర్భంగా ఆయన పలు అంశాలపై స్పష్టత ఇస్తూ వివరించారు. నామినేషన్ల స్వీకరణలో చెక్‌లిస్ట్‌ను జాగ్రత్తగా పూర్తిచేసి, పత్రాల్లో లోపాలను నిబంధనల ప్రకారం నమోదు చేయాలన్నారు. విధులకు సంబంధించి సందేహాలుంటే నివృత్తి చేసుకోవాలని, అభ్యర్థులకు తప్పు డు సమాచారం లేదా తప్పు మార్గదర్శకత్వం ఇవ్వకూడదని హెచ్చరించారు. ఆర్‌ఓలు నిబంధనలను క్షుణ్ణంగా అధ్యయనం చేసి బాధ్యతగా విధులు నిర్వహించాలని సూచించారు.

● మున్సిపల్‌ అభ్యర్థుల ప్రకటన ● మదనపల్లె చైర్మన్‌ అభ్యర్థిగా చలపతి, రాయచోటి చైర్మన్‌ అభ్యర్థిగా జిన్నా మహమ్మద్‌ షరీఫ్‌ సాక్షి, మదనపల్లె: వైఎస్సార్‌ సీపీ స్పీడు పెంచింది. అధికార పార్టీ కంటే ముందే అభ్యర్థులను ప్రకటించి జోరుమీదుంది. మదనపల్లె మున్సిపాలిటీ వైఎస్సార్‌సీపీ చైర్మన్‌ అభ్యర్థిగా జింకా వెంకటా చలపతిని పార్టీ అధిష్టానం గురువారం ప్రకటించింది. పార్టీలో సీనియర్‌ నాయకుడైన చలపతి సేవలను పార్టీ గుర్తించింది. ఈ మేరకు ఆయన నామినేషన్‌ దాఖలు చేసేందుకు ఏర్పాట్లు చేసుకుంటున్నారు. జింకా చలపతి మదనపల్లి బీటీ కళాశాల విద్యార్థి సంఘం రాజకీయాల్లో కీలకంగా వ్యవహరిస్తూ ఒకసారి సంఘ చైర్మన్‌గా పని చేశారు. మదనపల్లె మున్సిపాలిటీలో నాలుగు సార్లు కౌన్సిలర్‌గా ఎన్నికై, ఒకసారి వైస్‌ చైర్మన్‌ గా పని చేశారు. కార్మిక వర్గ నాయకుడిగా ఉంటూ లారీ వర్కర్స్‌ యూనియన్‌ కు అధ్యక్షుడిగా పని చేశారు. వైఎస్‌ఆర్సీపీలో ఇప్పటికీ పలు పదవుల్లో కొనసాగుతున్నారు. ప్రజల సమస్యలపై అహర్నిశలు పోరాడడం, వాటి పరిష్కారానికి కృషి చేస్తూ పట్టణ ప్రజల్లో గుర్తింపు పొందారు. రాయచోటి మున్సిపల్‌ చైర్మన్‌ అభ్యర్థి ఖరారు రాయచోటి : రాయచోటి మున్సిపల్‌ చైర్మన్‌ అభ్యర్థిగా వైఎస్సార్‌సీపీ మైనార్టీ నాయకుడు జిన్నా మహమ్మద్‌ షరీఫ్‌ను పార్టీ ఎంపిక చేసింది. ఈ స్థానాన్ని బీసీ జనరల్‌కు కేటాయించిన విషయం విదితమే. మున్సిపల్‌ చైర్మన్‌ అభ్యర్థిగా షరీఫ్‌ పేరును అందరి ఆమోదంతో ఎంపిక చేసినట్లు నియోజకవర్గ ఇన్చార్జి, రాష్ట్ర పార్టీ ప్రధాన కార్యదర్శి గడికోట శ్రీకాంత్‌ రెడ్డి తెలిపారు. చైర్మన్‌ అభ్యర్థి నామినేషన్‌ తేదిని త్వరలోనే ప్రకటిస్తామని ఆయన రాయచోటిలో మీడియాకు తెలిపారు. జింకా వెంకటా చలపతి జిన్నా మహమ్మద్‌ షరీఫ్‌

● 50 కుటుంబాలు వైఎస్సార్‌సీపీలో చేరిక కడపకార్పొరేషన్‌: కడప నగరం రామాంజనేయపురంలోని వరద కాలనీలో తెలుగుదేశం పార్టీకి గట్టి షాక్‌ తగిలింది. తెలుగుదేశం పార్టీ నాయకుడు గంపా వీరయ్యతోపాటు 50 కుటుంబాలకు చెందిన వారు వైఎస్సార్‌సీపీలో చేరారు. మాజీ డిప్యూటీ సీఎం అంజద్‌బాషా, మాజీ జెడ్పీ చైర్మెన్‌ కె. సురేష్‌ బాబు వారికి కండువాలు వేసి పార్టీలోకి ఆహ్వానించారు. ఈ సందర్భంగా వారు మాట్లాడుతూ వైఎస్సార్‌ జిల్లా, కడప నగరం అభివృద్ధి చెందిందంటే దివంగత వైఎస్సార్‌, వైఎస్‌ జగన్‌ వల్లే అని అన్నారు. కూటమి ప్రభుత్వం అధికారంలోకి వచ్చిన రెండున్నరేళ్లలో కడప నగరాభివృద్ధికి చేసింది శూన్యమన్నారు. గత ఎన్నికల్లో కడప ఎమ్మెల్యే మాధవీరెడ్డి టీడీపీ మేనిఫెస్టోతోపాటు సొంతంగా మేనిఫెస్టో ప్రకటించి ప్రజలతో ఓట్లు వేయించుకున్నారని, అందులో ఒక్క హామీ కూడా నెరవేర్చలేదన్నారు. బుగ్గవంకపై గుర్రాలగడ్డ, లా కాలేజీ వద్ద ఉన్న రెండు బ్రిడ్జిలను ఆరుమాసాల్లో పూర్తి చ ఏస్తానని చెప్పి ఇంత వరకూ పూర్తి చేయలేదన్నారు. మునిసపల్‌ ఎన్నికల్లో వైఎస్సార్‌సీపీ అభ్యర్థులను అత్యధిక మెజార్టీతో గెలిపించి ప్రభుత్వానికి బుద్ధి చెప్పాలని కోరారు. పార్టీలో చేరినవారిలో గంపా రాజశేఖర్‌, సుబ్బయ్య, రమేష్‌, బబ్లూ, చింటూ, మణికంఠ, శివ, ప్రవీణ్‌ తదితరులు ఉన్నారు. కార్యక్రమంలో వైఎస్సార్‌సీపీ ఎస్టీ విభాగం నగర అధ్యక్షుడు నాగేంద్రప్రసాద్‌(బుజ్జి), తిలక్‌ నగర్‌ సుబ్బారెడ్డి, నరేంద్ర, శ్రీకాంత్‌, మౌలా తదితరులు పాల్గొన్నారు.

రాయచోటి అర్బన్‌ : అధికారాన్ని అడ్డుపెట్టుకుని ప్రజాస్వామ్యాన్ని పాతరేసే చర్యలు చేపట్టడం దురదృష్టకరమని వైఎస్సార్‌సీపీ రాష్ట్ర ప్రధాన కార్యదర్శి గడికోట శ్రీకాంత్‌ రెడ్డి పేర్కొన్నారు. గురువారం సాయంత్రం ఎన్నికల ప్రచారం చేస్తున్న బీసీ నాయకుడు విజయభాస్కర్‌పై దాడి చేసిన సంఘటనతో పాటు పలువురికి మంత్రి రాంప్రసాద్‌ రెడ్డి ఫోన్‌ ద్వారా నామినేషన్లు వేయకూడదని హుకుం జారీ చేసిన ఘటనపై ఆయన స్పందించారు. ఇలాంటి కార్యక్రమాలతో చాలా కాలం మనుగడ సాధించలేరని, ప్రజలు తగిన సమయంలో బుద్ధి చెబుతారని హెచ్చరించారు. కూటమి ప్రభుత్వంలో ప్రజాస్వామ్యానికి, రాజ్యాంగానికి విలువలు లేకుండా చేసే పరిస్ధితి నెలకొందన్నారు. గత 15 రోజులుగా పోటీ చేసే అభ్యర్థులు నో డ్యూస్‌ సర్టిఫికేట్లు జారీ చేయనీయకుండా అధికారులను బెదిరించి, రౌడీల ద్వారా అభ్యర్థులను కూడా బెదిరిస్తున్నారని పేర్కొన్నారు. ఇలాంటి సంస్కృతి గతంలో ఎప్పుడూ లేదని తెలిపారు. రాయచోటి నియోజకవర్గంలో ప్రజాస్వామ్యం కోసం ఎంతో కష్టపడ్డామని, ప్రస్తుతం అరాచక పరిస్థితి తీసుకొచ్చారని వాపోయారు. అరాచకం సృష్టించేవారు తగిన సమయంలో మూల్యం చెల్లించుకోక తప్పదని పేర్కొన్నారు. వైఎస్సార్‌సీపీ రాష్ట్ర ప్రధాన కార్యదర్శి గడికోట శ్రీకాంత్‌ రెడ్డి

మదనపల్లె టౌన్‌: కన్నతండ్రిని కట్టెతో కొట్టి దారుణంగా హత్య చేసిన కుమారుడిని మదనపల్లె తాలూకా పోలీసులు గురువారం అరెస్ట్‌ చేశారు. తాలూకా సీఐ మహమ్మద్‌ రఫీ తెలిపిన వివరాల ప్రకారం... మదనపల్లె మండలం, కొత్తవారిపల్లె పంచాయతీ పులవాండ్లపల్లె గ్రామానికి చెందిన రైతు చక్కర సహదేవ (50) నిత్యం మద్యం తాగి వచ్చి కుటుంబ సభ్యులతో గొడవ పడుతుండేవాడు. ఈ నెల 13న రాత్రి కూడా సహదేవ మద్యం మత్తులో ఇంటికి వచ్చి గొడవకు దిగాడు. దీంతో విసిగిపోయిన కుమారుడు చక్కర సంతోష్‌ (24) తండ్రితో వాగ్వాదానికి దిగి, ఆవేశంలో కట్టెతో తలపై బలంగా బాదాడు. తల, నుదురు భాగాల్లో తీవ్ర రక్తగాయాలు కావడంతో సహదేవ అక్కడికక్కడే ప్రాణాలు విడిచాడు. మృతుని భార్య ఇచ్చిన ఫిర్యాదు మేరకు కేసు నమోదు చేసిన తాలూకా పోలీసులు దర్యాప్తు చేపట్టారు. గురువారం ఉదయం నిందితుడు సంతోష్‌ను అదుపులోకి తీసుకుని, హత్యకు ఉపయోగించిన రక్తపు మరకలున్న కట్టెను స్వాధీనం చేసుకున్నారు. మద్యం రక్కసి కారణంగా ఒక నిండు ప్రాణం పోయి, కుటుంబం రోడ్డున పడటంపై గ్రామస్తులు తీవ్ర ఆవేదన వ్యక్తం చేస్తున్నారు.

కేవీపల్లె: మండల పరిధిలో గురువారం రోడ్డు ప్రమాదం సంభవించింది. ట్రాక్టర్‌ నడుపుతుండగా ఒక్కసారిగా అది అదుపుతప్పి బోల్తా పడిన ఘటనలో ఒక యువకుడు అక్కడికక్కడే ప్రాణాలు కోల్పోయాడు. వివరాలు.. నూతనకాల్వ పంచాయతీ పరిధిలోని వడ్డిపల్లె గ్రామానికి చెందిన పూజారి నిరంజన్‌ (35) గురువారం తన పని నిమిత్తం పీలేరు వైపు వెళ్లాడు. అక్కడ పని ముగించుకుని తిరిగి ట్రాక్టర్‌లో కేవీపల్లె వైపునకు బయలుదేరాడు. వగళ్ల పంచాయతీ నారమాకులమిట్ట సమీపంలోని ప్రమాదకరమైన డౌన్‌ రోడ్డు వద్దకు రాగానే ట్రాక్టర్‌ డ్రైవర్‌ నియంత్రణ కోల్పోయింది. క్షణాల వ్యవధిలోనే వాహనం అదుపుతప్పి పక్కకు బోల్తా పడింది. ఈ క్రమంలో ట్రాక్టర్‌ కింద పడిపోయిన నిరంజన్‌కు తీవ్రమైన గాయాలు కావడంతో సంఘటనా స్థలంలోనే మృతి చెందాడు. సమాచారం అందుకున్న వెంటనే కేవీపల్లె పోలీసులు ఘటనా స్థలానికి చేరుకుని పరిస్థితిని సమీక్షించారు. మృతదేహాన్ని పోస్టుమార్టం నిమిత్తం ఆసుపత్రికి తరలించారు. ఈ ప్రమాదంపై పోలీసులు కేసు నమోదు చేసి, ఘటనకు గల కారణాలపై దర్యాప్తు జరుపుతున్నారు.

సాక్షి, మదనపల్లె: జిల్లాలో స్థానిక సంస్థల ఎన్నికల నిర్వహణకు అవసరమైన ఏర్పాట్లు మొదలయ్యాయి. స్థానిక ఎంపీడీవో కార్యాలయంలో భద్రపరిచిన ఎన్నికల సామగ్రి, బ్యాలెట్‌ బాక్సులను జెడ్పీ సీఈవో లక్ష్మీపతి గురువారం పరిశీలించారు. జిల్లాలోని 25 జెడ్పీటీసీ, 25 ఎంపీపీ, 321 ఎంపీటీసీ స్థానాలకు ఎన్నికలు నిర్వహించేందుకు ఏర్పాట్లు చేస్తున్నట్లు ఆయన తెలిపారు. మొత్తం 1,201 పోలింగ్‌ కేంద్రాలకు అవసరమైన ఎన్నికల సామగ్రిని మండలాలకు తరలించి ఎంపీడీవోలకు అప్పగిస్తున్నామని వివరించారు. ఎన్నికల నిర్వహణలో అధికారులు, సి బ్బంది అప్రమత్తంగా ఉండాలని, ఎన్నికల కమిషన్‌ మార్గదర్శకాల ప్రకారం విధులు నిర్వహించాలని ఆయన సిబ్బందిని సూచించారు.

● ఈనెల 31వతేదీ వరకు ఫీజు చెల్లింపుకునకు అవకాశం మదనపల్లె సిటీ: పలు కారణాల వల్ల చదువుదూరమై... చదవాలనే ఆకాంక్ష ఉన్న వారికి ఓపెన్‌ స్కూల్‌ ఒక వరం. అలాంటి వారు పదో తరగతి, ఇంటర్‌ పూర్తి చేసేందుకు ఆంధ్రప్రదేశ్‌ సార్వత్రిక విద్యాపీఠం (ఏపీ ఓపెన్‌ స్కూల్‌ ) ద్వారా ప్రభుత్వం సువర్ణావకాశం కల్పించింది. ఫీజు చెల్లించడానికి ఈనెల 31వతేదీ వరకు అవకాశం కల్పించారు. అభ్యాసకులకు విద్యను మరింత చేరువ చేసేలా ప్రభుత్వం ఓపెన్‌ స్కూల్‌ తరగతులు నిర్వహిస్తోంది. టెన్త్‌కు 35, ఇంటర్‌కు 31 కేంద్రాలు: జిల్లాలో టెన్త్‌కు 35, ఇంటర్‌కు 31 అధ్యయన కేంద్రాలు ఉన్నాయి. పదో తరగతిలో 100 మందికి, ఇంటర్‌లో నాన్‌సైన్స్‌లో 40, సైన్స్‌లో 100 మందికి అవకాశం ఉంది. అడ్మిషన్‌ పొందిన వెంటనే స్టడీ మెటీరియల్‌ అందిస్తారు. ప్రతి అదివారం సెలవు దినాల్లో ఆయా అధ్యయన కేంద్రాల్లో కాంట్రాక్టు తరగతులు నిర్వహిస్తారు. పదో తరగతితో పాటు ఇంటర్‌లో ఆర్ట్స్‌ గ్రూపుౖలైన హెచ్‌ఈసీ, సీఈసీన, సైన్స్‌ గ్రూపులైన ఎంపీసీ, బైపీసీ, ఎంబైపీసీ, ఎంఈసీలో ప్రవేశాలు పొందవచ్చు. ఈ సర్టిఫికెట్లు ఉన్నత చదువులకు, ఉద్యోగాలకు, పదోన్నతులకు ఉపయోగపడుతున్నాయి. అభ్యర్థులు పదో తరగతి మార్కులు జాబితా లేదా జనన ధ్రువీకరణ పత్రం,టీసీ, ఆధార్‌కార్డు, కులధ్రువీకరణపత్రం,బ్యాంకు పాస్‌బుక్‌, ఫోటో, సంతకంతో దరఖాస్తు చేసుకోవాల్సి ఉంటుంది. ప్రవేశాలు ఇలా... ఓపన్‌ స్కూల్‌కు అడ్మిషన్లు ప్రక్రియ ప్రారంభమైంది. అపరాధ రుసుం లేకుండా ఈనెల 31వతేదీలోపు ఆన్‌లైన్‌ అడ్మిషన్‌ పొందవచ్చు. ఓపన్‌ స్కూల్‌లో పది, ఇంటర్‌ అడ్మిషన్‌ పొందిన వారికి ప్రతి ఆదివారం, నెలలో రెండో శనివారం అధ్యయన కేంద్రాల్లో 30 కాంట్రాక్టు తరగతులు నిర్వహిస్తారు. కనీసం 24 కాంట్రాక్టు తరగతులకు హాజరైన వారిని మాత్రమే అనుమతిస్తారు. సార్వత్రిక పాఠశాలలో చేరే వారికి స్టడీ మెటీరియల్‌ సరఫరా చేస్తారు. ఐదేళ్లలో పూర్తి చేయాలి: అభ్యాసకులు నిర్ణీత ఐదేళ్లలో తొమ్మిది సార్లు పరీక్ష రాసి ఉత్తీర్ణులవ్వాలి. ఇంటర్‌ పరీక్షలు రాసే వారు మాత్రం 10 పాసై రెండేళ్ల వ్యవధి ఉంటే ఐదు సబ్జెక్టులు ఒకేసారి రాసుకునే అవకాశం ఉంది. రెండేళ్ల వ్యవధి లేకపోతే నాలుగు సబ్జెక్టులు రాసి,రెండేళ్లు పూర్తయిన తర్వాత మిగిలిన ఒక సబ్జెక్టును రాసుకోవచ్చు. అడ్మిషన్‌ పొందిన అనంతరం ఐదేళ్లనలో తొమ్మిది సార్లు పరీక్షలు రాసి ఉత్తీర్ణత పొందకపోతే తిరిగి కొత్తగా అడ్మిషన్‌ పొందాల్సి ఉంటుంది. ’సర్టిఫికెట్‌కు గుర్తింపు ఉంది: సార్వత్రిక పాఠశాలలో చదివి ఉత్తీర్ణులయ్యే విద్యార్థులకు అందించే సర్టిఫికెట్లు ప్రభుత్వ గుర్తింపు ఉంటుంది. ఇంటర్‌ ఉత్తీర్ణులైనవారు ఎంసెట్‌, డైట్‌సెట్‌ వంటి పరీక్షలతో పాటు ఇంటర్‌ అర్హతతో పొందే అన్ని ఉద్యోగాలకు అర్హులే. అర్హతలు ఇవి: 14 సంవత్సరాలు నిండినవారు పదవ తరగతిలో, పదవ తరగతి ఉత్తీర్ణులైన వారు ఇంటర్మీడియట్‌లో ప్రవేశాలు పొందవచ్చు.

ముద్దనూరు: ముద్దనూరు–కడప రహదారిలోని విద్యుత్‌ సబ్‌స్టేషన్‌ సమీపంలో గురువారం ఐరన్‌ సాఫ్ట్‌ల లోడుతో వెళ్తున్న లారీ అదుపుతప్పి బోల్తా పడింది. చైన్నె నుంచి వస్తున్న ఈ లారీ రోడ్డు పక్కన పడిపోవడంతో లారీలో ఉన్న రాజేష్‌ అనే వ్యక్తికి గాయాలయ్యాయి. క్షతగాత్రుడిని 108 వాహనంలో ప్రొద్దుటూరు ప్రభుత్వ ఆసుపత్రికి తరలించారు. పోలీసులు సంఘటనా స్థలానికి చేరుకుని సహాయక చర్యలు చేపట్టారు. కోడలు, మనవడి వేధింపులు● ఆర్డీఓకు వృద్ధుల ఫిర్యాదు జమ్మలమడుగు రూరల్‌: నలుగురు కొడుకులను పెంచి పెద్దేసి, వివాహాలు జరిపించిన ఆ వృద్ధ దంపతులకు ఆఖరి దశలో వేధింపులే మిగిలాయి. కన్నబిడ్డలు ఆదరించకపోగా, కోడలు, మనవడు పెడుతున్న హింసలు భరించలేక వారు న్యాయం కోసం జమ్మలమడుగు ఆర్డీఓ శిరీషను ఆశ్రయించారు. గురువారం కార్యాలయంలో ఆర్డీఓను కలిసిన చాపాడు మండలం వీరాజుపాలెం గ్రామానికి చెందిన చిన్న శేషారెడ్డి, జయమ్మ దంపతులు తమ ఆవేదనను వెళ్లబోసుకున్నారు. బాధితుల కథనం మేరకు.. వృద్ధ దంపతులకు నలుగురు కుమారులు. గత కొంతకాలంగా వారు మూడో కుమారుడు చంద్రశేఖర్‌రెడ్డి వద్ద ఉంటున్నారు. తాము సంపాదించిన డబ్బునంతా ఇవ్వడంతో చంద్రశేఖర్‌రెడ్డి ఒక ఇల్లు నిర్మించుకున్నాడు. అయితే కొన్ని నెలల క్రితం అతను మృతి చెందాడు. కుమారుడి మరణం తర్వాత కోడలు, మనవడు కలిసి డబ్బుల కోసం తమను తీవ్రంగా వేధిస్తున్నారని వృద్ధ దంపతులు ఆర్డీఓ ఎదుట కన్నీరుమున్నీరయ్యారు. ఈ విషయమై ఇప్పటికే పలుమార్లు స్థానిక పోలీసులను ఆశ్రయించినా తమకు న్యాయం జరగలేదని వారు వాపోయారు. స్పందించిన ఆర్డీఓ శిరీష బాధితుల సమస్యను సానుకూలంగా విన్నారు. తక్షణమే సంబంధిత మండల తహసీల్దార్‌, పోలీస్‌ అధికారులతో ఫోన్‌ లో మాట్లాడి, వృద్ధ దంపతులకు న్యాయం జరిగేలా చర్యలు తీసుకోవాలని ఆదేశించారు.

● అవమానం భరించలేక ఆత్మహత్యా యత్నం మదనపల్లె టౌన్‌: మదనపల్లె తాలూకా పోలీస్‌ స్టేషన్‌ పరిధిలో ఓ యువకుడు పోలీసులు కొట్టారని మిద్దె పైనుంచి దూకి ఆత్మహత్యకు యత్నించాడు. మండలంలోని కోళ్ల బైలు వైఎస్సార్‌ కాలనీకి చెందిన రవి కుమారుడు నవదీప్‌, స్థానిక నక్కల దిన్నె తండాకు చెందిన మాధవిని ఇటీవల ప్రేమ వివాహం చేసుకున్నాడు. టూ టౌన్‌ ఎస్‌ఐ, సీఐ ఇద్దరూ మేజర్లు కావడంతో కలిసి ఉండవచ్చని చెప్పడంతో భార్యను ఇంటికి తీసుకెళ్లాడు. అయితే కానిస్టేబుల్‌ రవి నాయక్‌ జోక్యం చేసుకోని తమ బిడ్డపై దాడి చేశాడని కుటుంబ సభ్యులు ఆరోపించారు. దీంతో తీవ్ర మనస్తాపం చెందిన నవదీప్‌ మిద్దైపె నుంచి దూకాడు. ఈ క్రమంలో విద్యుత్‌ వైర్లపై పడటంతో విద్యుదాఘాతానికి గురై కిందపడ్డాడు. తల్లిదండ్రులు యువకుడిని స్థానిక జిల్లా ప్రభుత్వ ఆసుపత్రికి తరలించారు. పరిస్థితి విషమించడంతో ప్రైవేటు ఆసుపత్రికి తరలించాలని వైద్యులు సూచించారు. వన్‌ టౌన్‌ పరిధిలో కేసు ఉండగా టూ టౌన్‌ లో కొట్టారని తండ్రి రవి ఆరోపించారు. ఘటనపై కేసు దర్యాప్తులో ఉందని పోలీసులు తెలిపారు.

వాల్మీకిపురం: ద్విచక్ర వాహనానికి కుక్క అడ్డు రావడంతో బైక్‌ అదపుతప్పి విద్యార్థినికి తీవ్ర గాయాలైన సంఘటన గురువారం మండలంలోని చింతపర్తి సమీపంలో చోటు చేసుకుంది. వివరాలు.. మదనపల్లి టౌన్‌ నిమ్మనపల్లి క్రాస్‌ రోడ్డులో నివాసం ఉంటున్న లినోరా (22) బైక్‌పై కలికిరి వైపు జాతీయ రహదారిపై వెళ్తుండగా మార్గమధ్యలోని చింతపర్తి బ్రిడ్డి వద్ద కుక్క దూరడంతో ద్విచక్రవాహనంపై అదుపుతప్పి కిందపడింది. ఈ ప్రమాదంలో ఆమెకు తీవ్ర గాయాలయ్యాయి. గమనించిన స్థానికులు టోల్‌ ప్లాజా అంబులెన్స్‌కు సమాచారం అందించి, స్థానిక ప్రభుత్వాసుపత్రికి తరలించారు. ఇక్కడ ప్రథమ చికిత్స అనంతరం మదనపల్లికి రెఫర్‌ చేశారు.

● భార్యను దారుణంగా హత్య చేసిన భర్త మదనపల్లె టౌన్‌: అన్నమయ్య జిల్లా కేంద్రం మదనపల్లెలో భర్తే భార్యను అత్యంత దారుణంగా హత్య చేసిన సంఘటన గురువారం తీవ్ర కలకలం రేపింది. భార్యపై వివాహేతర సంబంధం అనుమానం పెనుభూతమై, జైలు నుంచి బెయిల్‌పై విడుదలైన వారంలోనే భర్త ఈ ఘాతుకానికి పాల్పడటం స్థానికులను దిగ్భ్రాంతికి గురిచేసింది. వన్‌ టౌన్‌ సీఐ మోహన్‌ కుమార్‌, ఎస్‌ఐ రహీముల్లా తెలిపిన వివరాల ప్రకారం ఈ ఘటనకు సంబంధించిన పూర్తి వివరాలు ఇలా ఉన్నాయి: కర్ణాటక రాష్ట్రం కోలార్‌ జిల్లా ములబాగల్‌ కురుప్పేటకు చెందిన షేక్‌ నవీద్‌ బాష (28) స్కూటర్‌ మెకానిక్‌గా పనిచేస్తూ కుటుంబాన్ని పోషించేవాడు. 13 ఏళ్ల క్రితం అదే ప్రాంతానికి చెందిన రూబియా తాజ్‌ (25)ను ప్రేమించి పెళ్లి చేసుకున్నాడు. వీరికి నలుగురు సంతానం ఉన్నారు. కొంతకాలంగా భార్యపై అనుమానం పెంచుకున్న నవీద్‌, ఆమెను శారీరకంగా, మానసికంగా వేధించడం ప్రారంభించాడు. పెద్దలు పలుమార్లు పంచాయతీలు చేసినా అతని ప్రవర్తన మారలేదు. భర్త వేధింపులు తట్టుకోలేక ఐదు నెలల క్రితం రూబియా పుట్టింటికి వెళ్లిపోయింది. ఆ తర్వాత తల్లి నచ్చజెప్పడంతో ములబాగల్‌కు తిరిగొచ్చినా.. భర్తతో కలిసి ఉండకుండా వేరుగా అద్దె గదిలో నివసించసాగింది. నెల రోజుల క్రితం కాపురానికి రావాలని నవీద్‌ బలవంతం చేయడంతో గొడవ జరిగి, రూబియా ములబాగల్‌ పోలీసులకు ఫిర్యాదు చేసింది. దీంతో పోలీసులు నవీద్‌ భాషను అరెస్ట్‌ చేసి జైలుకు పంపారు. వారం రోజుల క్రితం బెయిల్‌పై విడుదలైన అతను, మనసులో కక్ష ఉంచుకుని పైకి మాత్రం మారిపోయినట్లు నటించాడు. ‘గతంలో జరిగిన అవమానాలు మరిచిపోయి అన్యోన్యంగా జీవిద్దాం, మనకు పట్టిన శని వదిలిపోవాలంటే దర్గాలకు వెళ్లి వద్దాం‘ అని భార్యను నమ్మించాడు. తన నలుగురు పిల్లలను తల్లి వద్దే వదిలేసి, జైలులో వేసుకున్న పథకం ప్రకారం భార్యను ములబాగల్‌ నుంచి పలమనేరు, పుంగనూరు దర్గాలకు తీసుకెళ్లాడు. బుధవారం సాయంత్రం మదనపల్లెకు చేరుకుని ఎన్టీఆర్‌ సర్కిల్‌లోని ఓ లాడ్జిలో గది తీసుకున్నారు. బీరు బాటిల్‌తో దాడి.. గొంతు కోసి హత్య బుధవారం రాత్రి హోటల్‌ నుంచి భోజనం, మద్యం తెచ్చుకుని ఇద్దరూ సేవించారు. రాత్రి 11:30 గంటల సమయంలో రూబియా తాజ్‌ బాత్రూమ్‌కు వెళ్తుండగా, నవీద్‌ వెనుక నుంచి బీరు బాటిల్‌తో ఆమె తలపై బలంగా కొట్టాడు. ఆమె కిందపడిపోగానే పగిలిన బాటిల్‌ ముక్కతో గొంతులో పొడిచి హత్య చేశాడు. రాత్రంతా శవం పక్కనే గడిపిన నిందితుడు, గురువారం ఉదయం 6 గంటలకు స్థానిక టూ టౌన్‌ పోలీస్‌ స్టేషన్‌కు వెళ్లి లొంగిపోయాడు. పరిధి తమది కాకపోవడంతో టూ టౌన్‌ పోలీసులు వన్‌ టౌన్‌ పోలీసులకు సమాచారం అందించి నిందితుడిని అప్పగించారు. పోలీసులు ఘటనా స్థలాన్ని పరిశీలించి మృతదేహాన్ని పోస్టుమార్టం నిమిత్తం జిల్లా ఆసుపత్రికి తరలించారు. మృతురాలి తల్లి ఫామీద ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. చిన్నారుల రోదనలు. కన్నతల్లి శాశ్వతంగా దూరమైందని, తండ్రి హంతకుడిగా జైలుకు వెళ్లాడని తెలియని నలుగురు చిన్నారులు తమ నానమ్మతో కలిసి వన్‌ టౌన్‌ పోలీస్‌ స్టేషన్‌కు చేరుకున్నారు. అక్కడ ఆ పిల్లలు బిక్కుబిక్కుమంటూ ఏడుస్తున్న దృశ్యాలు చూసి స్థానికులు, బంధువులు కన్నీటి పర్యంతమయ్యారు. కేవలం అనుమానం కారణంగా ఒక పచ్చని కుటుంబం రోడ్డున పడటంపై స్థానికులు తీవ్ర ఆవేదన వ్యక్తం చేస్తున్నారు.

మదనపల్లె సిటీ : న్యూఢిల్లీలో 12వ జాతీయ స్థాయి ఇన్‌స్పైర్‌ మనక్‌ ఎగ్జిబిషన్‌ అండ్‌ ప్రాజెక్టు కాంపిటీషన్‌లో జిల్లాకు చెందిన ఇద్దరు విద్యార్థినులు విశేష ప్రతిభ కనబరిచి జాతీయ స్థాయిలో అవార్డులు సాధించారు. దేశవ్యాప్తంగా అత్యుత్తమంగా నిలిచిన టాప్‌–40 ప్రాజెక్టులలో స్థానం దక్కించుకున్నారు. 2023–24 విద్యా సంవత్సరానికి బి.కొత్తకోటలోని సిద్దార్థ ఇంగ్లీషు మీడియం ఉన్నత పాఠశాలకు చెందిన విద్యార్థిని మహిత ‘ఇంటెలిజెంట్‌ వెహికల్‌ విత్‌ ఆల్కాహాల్‌ డిటక్షన్‌ ఫర్‌ డ్రైవర్స్‌,స్మార్ట్‌ హారన్‌‘అనే ఎగ్జిబిట్‌, రాయచోటి ఏపీ మోడల్‌ స్కూల్‌కు చెందిన ఎం.సిరి ‘మల్టిఫర్‌ఫస్‌ అగ్రికల్చర్‌ రోబో’అనే ఎబ్జిబిట్‌కు జాతీయ స్థాయిలోఅవార్డులు అందుకున్నారు. జిల్లా విద్యాశాఖ అధికారి డాక్టర్‌ సుబ్రమణ్యం, జిల్లా సైన్సు అధికారి శ్రీధర్‌కుమార్‌ విద్యార్థులతో పాటు విద్యార్థుల విజయానికి కృషి చేసిన గైడ్‌ టీచర్లు, పాఠశాల ఉపాధ్యాయులను అభినందించారు. భవిష్యత్తులో మరింత ఉన్నత ప్రతిభ కనబరిచి అంతర్జాతీయ స్థాయిలో జరిగే కార్యక్రమంలో పాల్గొనేలా అవకాశాలను అందిపుచ్చుకోవాలన్నారు.

● ఓ టీడీపీ నేత ఖాతాలో రూ.93 లక్షలు ● వ్యాపారం పేరుతో మోసం చేసే ముఠాతో లింకులు ● మదనపల్లెలో కేసు నమోదుసాక్షి, మదనపల్లె : విదేశీ వ్యాపారం పేరుతో భారీగా లాభాలు అర్జించవచ్చునని నమ్మించి మోసం చేసే సైబర్‌ ముఠా వ్యవహారం మదనపల్లెలో వెలుగులోకి వచ్చింది. దీనిపై గత నెలలో టీడీపీకి చెందిన ఓ మాజీ కౌన్సిలర్‌ పై టూ టౌన్‌ పోలీస్‌ స్టేషన్‌లో కేసు నమోదైంది. దీనికి సంబంధించిన దర్యాప్తు రహస్యంగా సాగుతోంది. విశ్వసనీయ వర్గాల ద్వారా అందిన సమాచారం మేరకు వివరాలు. మదనపల్లెకు చెందిన ఓ మాజీ కౌన్సిలర్‌ కూటమి ప్రభుత్వం అధికారంలోకి రాగానే పార్టీ మారి టీడీపీలో చేరి నాయకుడిగా చలామణి అవుతున్నాడు. ఇతనికి సోషల్‌ మీడియా ద్వారా ఓ ముఠా పరిచయం అయింది. వీరు విదేశాల నుంచి వస్తువులు దిగుమతి చేస్తామని, వ్యాపారం చేసి భారీగా అర్జించవచ్చునని నమ్మించి పలువురిని మోసం చేస్తుంటారు. ఇలా మోసానికి గురవుతున్న బాధితులు వారు చెప్పిన బ్యాంకు ఖాతాలకు పెట్టుబడి రూపంలో లక్షలాది రూపాయలు జమ చేసుకుంటారు. ఖాతాలో డబ్బు జమ కాగానే ఆ డబ్బును ఖాళీ చేస్తారు. ఇందులో భాగంగా మదనపల్లెకి చెందిన ఓ వ్యక్తి వీరి మాయలో పడి రూ.20 లక్షలు ఖతాకు జమ చేశాడు. ఇలాంటి మోసాల్లో భాగంగా ఇక్కడి మాజీ కౌన్సిలర్‌ కు బ్యాంక్‌ ఆఫ్‌ బరోడా లో ఖాతా ఉంది. ఈ ఖాతాలో రూ.93 లక్షలు జమ అయ్యాయి. తర్వాత ఈ డబ్బును మరో ఖాతాకు మళ్లించుకున్నారు. ఇది ఆ మాజీ కౌన్సిలర్‌ మొబైల్‌ కు వచ్చిన ఓటీపీ ఆధారంగా జరిగింది. మోసపోయిన మదనపల్లెకు చెందిన ఓ వ్యక్తి పోలీసులను ఆశ్రయించి ఫిర్యాదు చేయగా గత నెలలో కేసు నమోదు చేశారు. విచారణ మొదలుపెట్టిన పోలీసులకు మాజీ కౌన్సిలర్‌ వ్యవహారం వెలుగులోకి వచ్చింది. ఆరాతీస్తే రూ.93 లక్షలు జమ అయ్యాక.. మరో ఖాతాకు మళ్లించుకున్నారు. ఇంత భారీ నగదు ఎక్కడెక్కడి నుంచి జమ అయ్యింది, ఇలాంటి ఖాతాలు ఇంకా ఎన్ని ఉన్నాయి అన్న కోణంలో విచారణ చేపట్టిన పోలీసులకు వీటి మూలాలు దేశంలోని పలుచోట్ల ఉన్నట్టు గుర్తించారు. బాధితులు కూడా ఉన్నట్టు ప్రాథమికంగా నిర్ధారించారు. ఈ సైబర్‌ మోసం వ్యవహారంలో బాధితులు కోట్లు మోసపోయి ఉండవచ్చునని భావిస్తున్నారు. ప్రస్తుతానికి ఒక ఖాతా లావాదేవీలను పరిశీలిస్తున్న పోలీసులు, మాజీ కౌన్సిలర్‌ తోపాటు ఈ వ్యవహారంలో సంబంధం ఉన్న సభ్యుల వివరాలు, వారి ఖాతాలను పరిశీలించే పనిలో ఉన్నట్టు తెలుస్తోంది. ఈ విషయమై బుధవారం రాత్రి ఓ పోలీసు అధికారి వివరణ కోరగా మాజీ కౌన్సిలర్‌ పై కేసు నమోదు చేశామని, దర్యాప్తు జరుగుతోందని చెప్పారు.

మదనపల్లె టౌన్‌: మదనపల్లె–తిరుపతి బైపాస్‌ రోడ్డులో సీటీఎం చెరువు వద్ద బుధవారం తెల్లవారుజామున బియ్యం లోడ్‌తో వెళ్తున్న టెంపో బోల్తా పడింది. టెంపో రోడ్డుపై పల్టీ కొట్టి అడ్డంగా పడిపోవడంతో ఆ మార్గంలో వాహనాల రాకపోకలకు కొద్దిసేపు అంతరాయం ఏర్పడింది. ఈ ఘటనలో డ్రైవర్‌కు గాయాలయ్యాయి. స్థానికులు, వాహనదారులు స్పందించి గాయపడిన డ్రైవర్‌ మోహన్‌ను బయటకు తీసి ఆసుపత్రికి తరలించారు. రోడ్డుపై బియ్యం బస్తాలు చెల్లాచెదురుగా పడిపోవడంతో వాహనదారులు ఇబ్బందులు ఎదుర్కొన్నారు. సమాచారం అందుకున్న పోలీసులు ఘటనా స్థలికి చేరుకుని పరిశీలించారు. క్రేన్‌ సహాయంతో టెంపోను రోడ్డు పక్కకు తొలగించి ట్రాఫిక్‌ను పునరుద్ధరించారు. కేసు నమోదు చేసి దర్యాప్తు చేస్తున్నట్లు పోలీసులు తెలిపారు.

మదనపల్లె సిటీ : జిల్లాలోని కేజీబీవీల్లో ఖాళీగా ఉన్న బోధనా సిబ్బంది పోస్టుల భర్తీ ప్రక్రియలో భాగంగా ఎంపికైన 16 మంది అభ్యర్థులకు నియామకపత్రాలు అందజేశారు. బుధవారం మదనపల్లెలోని సమగ్రశిక్ష కార్యాలయంలో డీఈఓ సుబ్రమణ్యం, సమగ్ర శిక్ష ఏపీసీ డాక్టర్‌ ఎన్‌.అనూరాధ అభ్యర్థులకు నియామకపత్రాలు అందించారు. సమగ్ర శిక్ష ఏపీసీ డాక్టర్‌ అనురాధ మాట్లాడుతూ నియామకపత్రాలు పొందిన అభ్యర్థులు తమకు కేటాయించిన కేజీబీవీ పాఠశాలల్లో రిపోర్టు చేసి, విధుల్లో చేరాలని ఆదేశాలు జారీ చేశామన్నారు. కార్యక్రమంలో అసిస్టెంట్‌ జీసీడిఓ యశోధాబాయ్‌, సమగ్రశిక్ష కార్యాలయ సిబ్బంది పాల్గొన్నారు. మున్సిపల్‌ వార్డులో పోటీబీఎస్‌పీ రాష్ట్ర అధ్యక్షుడు గౌతమ్‌ సాక్షి, మదనపల్లె : మదనపల్లె మున్సిపల్‌ ఎన్నికల్లో 32వ వార్డుకు పోటీ చేస్తున్నట్టు బీఎస్‌పీ రాష్ట్ర అధ్యక్షుడు బందెల గౌతమ్‌ కుమార్‌ అన్నారు. బుధవారం జరిగిన సమావేశంలో అభ్యర్థిగా గూడుపల్లి అరుణ్‌ కుమార్‌ను ప్రకటించారు. వార్డు పరిధిలోని గాంధీపురం, కుమారపురం, బండమీద, నమాజ్‌ కట్ట, గాండ్లవంక ప్రాంతాల ప్రజలు గెలిపించాలని కోరారు. ప్రజల సమస్యల పరిష్కారం, వార్డు అభివృద్ధి, బహుజనుల హక్కుల పరిరక్షణే లక్ష్యంగా పనిచేస్తామని అన్నారు. సీఐల బదిలీకలికిరి : కర్నూలు రేంజ్‌ పరిధిలోని సీఐల బదిలీల్లో భాగంగా కలికిరి అప్‌గ్రేడ్‌ స్టేషన్‌ సీఐ ఎస్‌.అనిల్‌కుమార్‌ను అన్నమయ్య జిల్లా సోషల్‌ మీడియా, సైబర్‌ నేరాల విభాగానికి బదిలీ చేస్తూ డీఐజీ ఉత్తర్వులు జారీ చేశారు. అలాగే అన్నమయ్య జిల్లా స్పెషల్‌ బ్రాంచ్‌లో విధులు నిర్వహిస్తున్న సీఐ సాయి ప్రసాద్‌ను కలికిరి అప్‌గ్రేడ్‌ పోలీస్‌ స్టేషన్‌కు బదిలీ చేశారు. ఉప ఖజానా కార్యాలయం తనిఖీతంబళ్లపల్లె : తంబళ్లపల్లెలోని ఉప ఖాజానా కార్యాలయాన్ని బుధవారం జిల్లా ట్రెజరీ అకౌంట్స్‌ అఽధికారి లోకేష్‌బాబు తనిఖీ చేశారు. వార్షిక తనిఖీల్లో భాగంగా ట్రెజరీ కార్యాలయంలోని 2025–26 సంవత్సరానికి సంబంధించిన వివిధ రికార్డులను పరిశీలించారు. పెన్షన్లు, ట్రెజరీ బిల్లుల రికార్డులను పరిశీలించి సంతృప్తి వ్యక్తం చేశారు. తనిఖీ బృందంలో ఎస్‌టీఓలు రమేష్‌రెడ్డి, మార్తమ్మ,సీనియర్‌ అకౌంటెట్లు వెంకటేష్‌, హరీష్‌, వెంకటక్రిష్ణ, జెఎ శ్రీనివాసులు, సిబ్బంది ఈశ్వరమ్మ, ప్రవీణ్‌లు పాల్గొన్నారు. జాతీయ స్థాయి రగ్బీ పోటీలకు ఎంపిక వాల్మీకిపురం : జాతీయ స్థాయి అండర్‌– 14 రగ్బీ పోటీలకు మంచూరు ప్రభుత్వ ఉన్నత పాఠశాలలో 8వ తరగతి చదువుతున్న లోహితపద్మ, అభినవ క్రిష్ణలు ఎంపికై నట్లు పాఠశాల హెచ్‌ఎం చంద్రశేఖర్‌ తెలిపారు. ఈ నెల 9, 10వ తేదీల్లో మంచూరులో జరిగిన ఎస్‌జీఎఫ్‌ రాష్ట్ర స్థాయి పోటీల్లో ప్రతిభ చూపి జాతీయ స్థాయి జట్టుకు ఎంపికై నట్లు పాఠశాల వ్యాయామ ఉపాధ్యాయుడు రెడ్డివరప్రసాద్‌ తెలిపారు. వీరు ఢిల్లీలో ఈ నెల 23 నుంచి 28వ తేదీ వరకు జరిగే జాతీయ స్థాయి రగ్బీ పోటీల్లో రాష్ట్రం తరపున ఆడుతారని తెలిపారు.విద్యార్థులను ఉపాధ్యాయ బృందం అభినందించింది. బాలికలకు సమానత్వం కల్పించడం అందరి బాధ్యత కడప అర్బన్‌: సమాజంలో బాలికలకు సమానత్వం కల్పించడం ప్రతి ఒక్కరి బాధ్యత అని జిల్లా న్యాయసేవాధికారసంస్థ సెక్రటరీ, జడ్జి ఎస్‌.బాబా ఫకృద్దీన్‌ పేర్కొన్నారు. బుధవారం ‘అంతర్జాతీయ బాలికా దినోత్సవం’పై కడపలోని రిమ్స్‌ నర్సింగ్‌ కళాశాలలో విద్యార్థినులకు అవగాహన కార్యక్రమం నిర్వహించారు.ఈసందర్భంగా జడ్జి మాట్లాడుతూ సమాజంలో బాలికలపై వివక్షతను రూపుమాపి, వారికి సమాన అవకాశాలు కల్పించాల్సిన అవసరాన్ని తెలియజేశారు. బాల్యవివాహాల నిర్మూలన, మహిళలు, బాలికలపై జరిగే వేధింపులను అరికట్టేందుకు అమలులో ఉన్న చట్టాలు, రాజ్యాంగం కల్పించిన హక్కులు, ఉచిత న్యాయ సహాయం గురించి అవగాహన కల్పించారు.

● వేర్వేరు ప్రమాదాల్లో ముగ్గురు మృతి కారు ఢీకొని వృద్ధుడు.. సంబేపల్లె: మండల పరిధిలోని చిత్తూరు–కర్నూలు జాతీయ రహదారిపై బుధవారం జరిగిన రోడ్డు ప్రమాదంలో పసుపులేటి రెడ్డిరామయ్య (62) అనే వృద్ధుడు మృతి చెందాడు. పోలీసులు, స్థానికులు తెలిపిన వివరాల మేరకు.. మండల పరిధిలోని ప్రకాష్‌నగర్‌ కాలనీ అనుబంధ గ్రామమైన గొల్లపల్లెకు చెందిన రెడ్డిరామయ్య తన వ్యక్తిగత పనుల నిమిత్తం బైక్‌లో సంబేపల్లెకు వచ్చాడు. పనులు ముగించుకుని తిరిగి గొల్లపల్లెకు వెళ్తుండగా.. ప్రకాష్‌నగర్‌ కాలనీ వద్దకు రాగానే పీలేరు వైపు నుంచి అతివేగంగా వచ్చిన కారు అదుపు తప్పి ద్విచక్రవాహనాన్ని ఢీకొట్టింది. ఈ ప్రమాదంలో తీవ్రంగా గాయపడిన రెడ్డిరామయ్యను స్థానికులు చికిత్స నిమిత్తం ఆసుపత్రికి తరలిస్తుండగా మార్గమధ్యంలోనే మృతి చెందాడు. కుటుంబానికి పెద్దదిక్కుగా ఉన్న రెడ్డిరామయ్య మృతి చెందడంతో కుటుంబం కన్నీరుమున్నీరుగా విలపిస్తోంది. మృతుని బంధువుల ఫిర్యాదు మేరకు సంబేపల్లె పోలీసులు కేసు నమోదు చేసి దర్యాప్తు చేస్తున్నారు. రెండు బైక్‌లు ఢీకొని.. రాయచోటి : రాయచోటి–సుండుపల్లి మార్గంలోని సద్దికోళ్ల వంక వద్ద జరిగిన రోడ్డు ప్రమాదంలో ఒకరు మృతి చెందగా మరో ముగ్గురికి గాయాలయ్యాయి. బుధవారం సాయంత్రం ఎదురెదురుగా వచ్చిన రెండు బైకులు ఢీ కొనడంతో ఈ ప్రమాదం చోటు చేసుకుంది. సుండుపల్లి మండలం, సీతంపేట గ్రామానికి చెందిన కిషోర్‌ (27) ప్రమాదంలో మృతి చెందగా, అతని కుమారుడు, మరో బైక్‌పై వస్తున్న ఇద్దరికి గాయాలయ్యాయి. గురువారం సాయంత్రం రాయచోటి వైపు నుంచి స్వగ్రామానికి కిషోర్‌, సుండుపల్లి నుంచి రాయచోటికి మరో ఇద్దరు యువకులు బైకుల్లో వస్తుండగా ఈ ప్రమాదం జరిగింది. గాయపడిన ముగ్గురిని చికిత్స నిమిత్తం రాయచోటి ప్రభుత్వ ఆసుపత్రికి తరలించారు. ఈ సంఘటనపై కేసు నమోదు చేసి విచారణ చేస్తున్నట్లు రాయచోటి పోలీసులు తెలిపారు. బొలెరో..తుఫాన్‌ వాహనాలు ఢీకొని.. మదనపల్లె టౌన్‌: అన్నమయ్య జిల్లా మదనపల్లె మండలం లోని బొమ్మనచెరువు వద్ద బుధవారం సాయంత్రం రోడ్డు ప్రమాదం జరిగింది. ఒకరు అక్కడికక్కడే మృతి చెందగా, మరో నలుగురు తీవ్రంగా గాయపడ్డారు. మదనపల్లె తాలూకా పోలీసులు తెలిపిన వివరాల మేరకు.. రామసముద్రం నుంచి మదనపల్లెకు కొత్తిమీర తరలిస్తున్న బొలెరో వాహనం, మదనపల్లె నుంచి రామసముద్రానికి ప్రయాణికులను తరలిస్తున్న తుఫాన్‌ వాహనం బొమ్మన చెరువు మందబండ మలుపు వద్ద ఎదురెదురుగా ఢీకొన్నాయి. ఈ ప్రమాదంలో తుఫాన్‌ వాహనంలో ప్రయాణిస్తున్న చంబకూరు మాలపల్లికి చెందిన మునెప్ప కుమారుడు గురప్ప (70) అక్కడికక్కడే దుర్మరణం చెందాడు. తీవ్రంగా గాయపడిన మరో నలుగురిని స్థానికులు జిల్లా ఆసుపత్రికి తరలించారు. వైద్యులు చికిత్స అందిస్తున్నారు. ఘటనపై తాలూకా పోలీసులు కేసు నమోదు చేసి దర్యాప్తు చేస్తున్నారు.రహదారులు రక్తసిక్తమవుతున్నాయి. నిత్యం జరుగుతున్న రోడ్డు ప్రమాదాలు పచ్చని కుటుంబాల్లో తీరని విషాదాన్ని నింపుతున్నాయి. అన్నమయ్య జిల్లాలో బుధవారం జరిగిన వేర్వేరు ప్రమాదాల్లో ముగ్గురు మృతి చెందగా మరికొందరు తీవ్రంగా గాయపడ్డారు.

మదనపల్లె టౌన్‌: స్కూటర్‌ ఢీకొని ఒకరు తీవ్రంగా గాయపడిన సంఘటన బుధవారం మదనపల్లెలో చోటుచేసుకుంది. వన్‌ టౌన్‌ పోలీసుల కథనం మేరకు.. నీరుగట్టుపల్లికి చెందిన చేనేత కార్మికుడు జి. రెడ్డప్ప (38) టమాటా మార్కెట్‌ యార్డు వద్ద నిలుచుని ఉండగా, మద్యం మత్తులో ఉన్న యువకులు స్కూటర్‌ను వేగంగా నడిపి రెడ్డప్పను ఢీకొట్టి వెళ్లిపోయారు. ఈ ప్రమాదంలో తీవ్రంగా గాయపడిన బాధితుడిని స్థానికులు జిల్లా ఆసుపత్రికి తరలించి చికిత్స అందించడంతో ప్రాణాపాయం తప్పి కోలుకుంటున్నాడు. ఘటనపై వన్‌ టౌన్‌ పోలీసులు కేసు నమోదు చేసి దర్యాప్తు చేస్తున్నారు. ఆటో ఢీకొని ఇద్దరు విద్యార్థులకు.. కలకడ: ఆటో డ్రైవర్ల నిర్లక్ష్యపు పోటీ వల్ల ఇద్దరు విద్యార్థులు తీవ్రంగా గాయపడ్డారు. ఈ ప్రమాదం కలకడ మండలం ఇర్రివాండ్లపల్లె వద్ద జరిగింది. గ్రామానికి చెందిన వీరభద్ర, సంగటి మహేశ్వర (16)లు సైకిల్‌పై వస్తుండగా, చంద్ర, సిద్దయ్య అనే ఇద్దరు డ్రైవర్లు తమ ఆటోలతో పోటీ పడుతూ అతివేగంగా వచ్చి వారిని ఢీకొట్టారు. ప్రమాదాన్ని చూసిన గొర్రెల కాపరి చిన్నమల్లయ్య క్షతగాత్రులను గ్రామానికి చేర్చారు. తీవ్ర రక్తగాయాలైన ఆ విద్యార్థులను వారి తండ్రులు కలికిరి మండలం మహల్‌ ప్రభుత్వ ఆసుపత్రికి తరలించి చికిత్స అందిస్తున్నారు. మార్కెట్‌ యార్డులో గొడవపులివెందుల రూరల్‌: లోడు దింపే విషయంలో ముగ్గురి మధ్య జరిగిన గొడవ దాడికి దారితీసింది. పట్టణంలోని శ్రీరంగనాథ స్వామి ఆలయ సమీప మార్కెట్‌ యార్డులో గణేష్‌, సుధాకర్‌, మహీధర్‌ల మధ్య ఈనెల 12న తెల్లవారుజామున వివాదం జరిగింది. మాట మాట పెరగడంతో సుధాకర్‌, మహీధర్‌లు మరికొందరితో కలిసి గణేష్‌ను కొట్టారు. గాయపడిన గణేష్‌ బుధవారం ఫిర్యాదు చేయడంతో పోలీసులు కేసు నమోదు చేసి దర్యాప్తు చేస్తున్నారు.

సమస్యాత్మక ప్రాంతాల్లో పటిష్ట నిఘా మదనపల్లెటౌన్‌ : స్థానిక సంస్థల ఎన్నికల దృష్ట్యా మదనపల్లె, పుంగనూరు అసెంబ్లీ నియోజకవర్గాల పోలీసు అధికారులతో ఎస్పీ ధీరజ్‌ కునుబిల్లి ఉన్నత స్థాయి సమీక్షా సమావేశం నిర్వహించారు. ఎన్నికల్లో శాంతిభద్రతలకు విఘాతం కలగకుండా సమస్యాత్మక ప్రాంతాల్లో పటిష్ట బందోబస్తు ఏర్పాటు చేయాలని ఆదేశించారు. అలాగే పాత నేరస్తులు, రౌడీషీటర్లపై ప్రత్యేక నిఘా ఉంచాలని పోలీసు అధికారులకు సూచించారు. ఓటర్లను ప్రలోభపెట్టే నగదు, అక్రమ మద్యం రవాణాను అడ్డుకునేందుకు ప్రధాన రహదారులు, సరిహద్దు చెక్‌పోస్టుల వద్ద ముమ్మర తనిఖీలు చేపట్టాలన్నారు. ఎన్నికల్లో ప్రజలు స్వేచ్ఛగా ఓటు వేసేలా భద్రత , పటిష్ట బందోబస్తు కల్పించాలని స్పష్టం చేశారు. ఈ కార్యక్రమంలోసమీక్షలో అదనపు ఎస్పీ (అడ్మిన్‌) ఎం. వెంకటాద్రి, మదనపల్లె డీఎస్పీ బి. ప్రసాద్‌ తదితరులు పాల్గొన్నారు.

మదనపల్లె టౌన్‌: అన్నమయ్య, కడప జిల్లాల్లో వరుసగా 9 చోరీలకు పాల్పడి ప్రజలను భయభ్రాంతులకు గురిచేస్తున్న ఇద్దరు దొంగలను మదనపల్లె సీసీఎస్‌ పోలీసులు బుధవారం అరెస్ట్‌ చేశారు. మరొకరు పరారీలో ఉన్నట్లు పోలీసులు తెలిపారు. ఈ కేసుకు సంబంధించిన వివరాలను జిల్లా ఎస్పీ ధీరజ్‌ కునుబిల్లి మదనపల్లెలో ఏర్పాటు చేసిన మీడియా సమావేశంలో వెల్లడించారు. కురబలకోట మండలం ఎరుకులపల్లికి చెందిన ఇరగ అశోక్‌, రాయచోటి మండలం గుట్ట కింద హరిజనవాడకు చెందిన గువ్వ ఆనంద్‌ బాబులు తాళం వేసిన ఇళ్లను టార్గెట్‌ చేసి చోరీలకు పాల్పడుతున్నట్లు పోలీసులు గుర్తించారు. అనుమానాస్పదంగా తిరుగుతున్న వీరిని అదుపులోకి తీసుకుని విచారించగా, ఉమ్మడి జిల్లాల వ్యాప్తంగా పలు దొంగతనాలు చేసినట్లు అంగీకరించారు. నిందితుల నుంచి 185 గ్రాముల బంగారం, 450 గ్రాముల వెండి ఆభరణాలు, చోరీలకు ఉపయోగించిన ఒక బైక్‌ను స్వాధీనం చేసుకున్నారు. అడిషనల్‌ ఎస్పీ ఎం. వెంకటాద్రి పర్యవేక్షణలో ఈ కేసును సమర్థవంతంగా ఛేదించిన సీసీఎస్‌ సీఐ కె. రాజారెడ్డి, ఎస్‌ఐలు నరసింహుడు, రమేష్‌, హరిహర ప్రసాద్‌, రహిముల్లాను ఎస్పీ ప్రత్యేకంగా అభినందించి నగదు రివార్డులను అందజేశారు. ఈ సమావేశంలో మదనపల్లె డీఎస్పీ బి. ప్రసాద్‌ కూ డా పాల్గొన్నారు.ౖ ప్రజలు ఊళ్లకు వెళ్లేటప్పుడు విలువైన బంగారు, వెండి వస్తువులను ఇళ్లలో ఉంచకుండా బ్యాంక్‌ లాకర్లలో భద్రపరుచుకోవాలని ఎస్పీ సూచించారు. మీ పరిసరాల్లో ఎవరైనా అనుమానాస్పద వ్య క్తులు కనిపిస్తే వెంటనే ఉచిత హెల్ప్‌లైన్‌ నంబర్లు 100 లేదా 112 కు సమాచారం అందించాలని తెలిపారు. అంతర్‌ జిల్లా దొంగల అరెస్ట్‌ 185 గ్రాముల బంగారం, 450 గ్రాముల వెండి, బైక్‌ స్వాధీనం

పెద్దమండ్యం: దరఖాస్తు పట్టా (డీకేటీ) భూముల క్రయవిక్రయాలు చట్టవిరుద్ధమన్నా పెద్దమండ్యం మండలంలో ఆ నిబంధనలు నడవవు. ఇక్కడ ‘డి–కేట్‌’రాయుళ్లు పేదల భూములకు ఎంతోకొంత ఆశ చూపి విక్రయ అగ్రిమెంట్లు రాసుకుంటున్నారు. తమ కుటుంబ సభ్యుల పేరిట నకిలీ పట్టాలు సృష్టించి రికార్డులను ఆన్‌లైన్‌ కానిచ్చేస్తున్నారు. పెద్దమండ్యం, సీగొల్లపల్లె, పాపేపల్లె, బండ్రేవు, కలిచెర్ల గ్రామాలలో ఈ దందా జోరుగా సాగుతోంది. ఒక్కో అక్రమార్కుడి కుటుంబంలో ఏకంగా 12 ఎకరాల వరకు డీకేటీ పట్టాలు సృష్టించుకున్నారంటే పరిస్థితి అర్థం చేసుకోవచ్చు. ప్రస్తుతం జరుగుతున్న రీ సర్వేలో వీరు ధన, రాజకీయ బలంతో రికార్డులను మార్చేస్తున్నారనే విమర్శలు వస్తున్నాయి. నిజమైన పేద రైతులకు సాగుభూమి, పాసు పుస్తకాలు ఉన్నా ఆన్‌లైన్‌లో రికార్డులు ఎక్కక ప్రభుత్వ సాయానికి దూరమవుతున్నారు. 2009 నాటి నకిలీల భాగోతం గతంలో అప్పటి సప్తగిరి గ్రామీణ బ్యాంక్‌లో నకిలీ డీకేటీ పట్టాలతో రుణాలు పొందినట్లు ఫిర్యాదులు రావడంతో మదనపల్లె ఆర్‌డీఓ శివారెడ్డి నేతృత్వంలో దాడులు జరిగాయి. పెద్దమండ్యం, బండ్రేవు గ్రామాల్లోని ఇళ్లపై రెవెన్యూ అధికారులు దాడులు చేసి భారీగా నకిలీ రికార్డులు, ఖాళీ పాసుపుస్తకాలను స్వాధీనం చేసుకున్నారు. అప్పట్లో కేసుల భయంతో కొందరు తమ వద్ద ఉన్న నకిలీ పుస్తకాలను తగులబెట్టారు. ఆ చరిత్ర ఉన్నా ఇక్కడ తీరు మారలేదు. ఒకే భూమి.. ఇద్దరు పట్టాదారులు! సర్వే నెంబరు 317 లో నలుగురు అన్నదమ్ములు 2 ఎకరాల వారసత్వ భూమిని సాగు చేసుకుంటున్నారు. అయితే ఆ భూమికి మరో ఇద్దరి పేరిట పట్టాలు ఉన్నట్లు గొడపలు పడ్డారు. ఈ వివాదం రెవెన్యూ అధికారుల వద్దకు చేరింది. ఇదే గ్యాప్‌లో ఆ సర్వే నంబరు గుండా వెళ్తున్న హంద్రీ–నీవా కాలువ నష్టపరిహారాన్ని అక్రమార్కులు నొక్కేసినట్లు సమాచారం.సర్వే నెంబరు 247/7 లోని 3 ఎకరాల మేత, కుంట పోరంబోకు భూమికి గతంలో ఇచ్చిన డీకేటీ పట్టాను రైతుల ఫిర్యాదుతో అప్పటి ఆర్‌డీఓ వెంకటరెడ్డి రద్దు చేశారు. కానీ అదే రద్దయిన భూమిని గ్రామానికి చెందిన పలుకుబడి కలిగిన ఓవ్యక్తి కొనుగోలు చేసి, నకిలీ పట్టాతో ఆన్‌లైన్‌ చేయించుకోవడం గమనార్హం. పెద్దమండ్యంలో చట్టం అక్రమార్కులకు చుట్టం.. పేదవాడి భూమికి ఎర, ఆన్‌లైన్‌ జాతర! అధికార, ధన బలంతో రికార్డుల తారుమారు..

కడప అర్బన్‌: பா-ல-´ë-ÌS-Mö…-yýlÌS ÇfÆŠ‡Ó ¸ëÆð‡-‹ÜtÌZ G{Æý‡-^èl…-§ýl¯]l… A{MýSÐ]l$ Æý‡Ðé-×êOò³ ArÒ Ô>Q A«¨-M>-Æý‡$Ë$ EMýS$P-´ë§ýl… Ððl*´ëÆý‡$. hÌêÏ ArÒ A«¨M>Ç MðS.»êÌSÆ>k B§ól-Ô>ÌS Ðól$Æý‡MýS$, MýSyýlç³ Æó‡…gŒæ A«¨M>Ç MðS.{ç³Ýë§Šæ ¯ól™èl–-™èlÓ…ÌZ° º–…§ýl… º$«§ýlÐéÆý‡… ™ðlÌSÏ-Ðé-Æý‡$-gê-Ð]l¬¯]l 3 VýS…r-ÌSMýS$ ´ëÌS-Mö…yýlÌS ArÒ {´ë…™èl…ÌZ §éyìl ^ólíÜ…¨. Ðéçßæ-¯é-ÌZÏMìS G{Æý‡-^èl…-§ýl¯]l… ÌZyŠæ ^ólçÜ$¢¯]l² ¯]lË$-VýS$Æý‡$ ™èlÑ$âýæ-¯éyýl$ çÜÃVýSÏ-Æý‡Ï¯]l$ ArÒ íܺ¾…¨ ^èl$r$tÐ]l¬sìæt AÆð‡‹Üt ^ólÔ>Æý‡$. ÐéÇ ¯]l$…_ 390 MìSÌZÌS ºÆý‡$Ð]l# VýSÌS 20 G{Æý‡-^èl…§ýl¯]l… §ýl$…VýSÌS¯]l$, A{MýSÐ]l$ Æý‡Ðé-×êMýS$ Ðéyýl$-™èl$¯]l² 3 Ðéçßæ-¯é-ÌS¯]l$ ïÜgŒæ ^ólÔ>Æý‡$. AÆð‡çÜt-Ƈ$$¯]l ÐéÆý‡$ ™èlÑ$âýæ¯é-yýl$ÌZ° †Æý‡$-Ð]l-×ê~-Ð]l$OÌñæ hÌêÏMýS$ ^ðl…¨¯]l sìæ. ºMìSP-Ķæ$-Æ>gŒæ, VøÑ…-§ýlÆ>h _¯]l²-Ððl-âýæÏ-Ķæ$ůŒS, BÆŠæ. çÜ…ç³™Œæ, ÐðlÌSÏ-Ķæ$Å-¯Œl Æ>Ð]l$ÝëÓ-Ñ$V> VýS$Ç¢…-^éÆý‡$. °…¨-™èl$-ÌS¯]l$ †Æý‡$-糆ÌZ° G{Æý‡^èl…-§ýl…¯]l MóSçÜ$ÌS {ç³™ólÅMýS ¯éŠĶæ$Ýë¦-¯]l…ÌZ àf-Æý‡$ç³-Æý‡-^èl-¯]l$-¯]l²r$Ï, Ñ$W-ͯ]l °…¨™èl$ÌS MøçÜ… §ýlÆ>Åç³#¢ Ð]l¬Ð]l$ÃÆý‡… ^ólíܯ]lr$Ï G‹œ-BÆŠ‡K {ç³Ýë§Šæ ™ðlÍ-´ëÆý‡$.

రాయచోటి టౌన్‌: తమ పొలంలో వందేళ్ల నాటి చెట్లను దౌర్జన్యంగా నరికివేశారంటూ నలుగురు బాధితులు రాయచోటి కోర్టులో ప్రైవేట్‌ కేసు వేశారు. బాధితుల న్యాయవాది టి. ఈశ్వర్‌ తెలిపిన వివరాల ప్రకారం.. టి.సుండుపల్లె మండలం పొలిమేరపల్లెకు చెందిన చింతల లక్ష్మికాంతమ్మ, వెంకటరమణ, నాగరత్నమ్మ, అయ్యప్పరెడ్డిలకు సర్వే నంబర్‌ 553లో పొలం ఉంది. అందులోని సుమారు 50 చింత, వేప చెట్లను అదే గ్రామానికి చెందిన పద్మరాజు వెంకటరాజు, సోమల రాజ నారాయణ రాజు ఎలాంటి అనుమతులు లేకుండా దౌర్జన్యంగా నరికేశారు. దీనిపై స్థానిక పోలీసులకు, తహసీల్దార్‌కు ఫిర్యాదు చేసినా పట్టించుకోకపోవడంతోనే తాము కోర్టును ఆశ్రయించామని బాధితులు పేర్కొన్నారు.

మదనపల్లె సిటీ: ప్రభుత్వ పాఠశాలల విద్యార్థులలో దాగి ఉన్న సృజనాత్మకతను వెలికితీసేందుకు ఆంధ్రప్రదేశ్‌ శాస్త్ర సాంకేతిక మండలి, భారతీయ విజ్ఞాన మండలి సంయుక్త ఆధ్వర్యంలో నిర్వహించే ’కౌశల్‌ సైన్స్‌ క్విజ్‌ – 2026’ పోటీలకు సన్నద్ధమౌతున్నట్లు నిర్వాహకులు తెలిపారు. పిల్లల్లో సైన్స్‌ పరిజ్ఞానాన్ని పెంపొందించడం, భావి శాస్త్రవేత్తలను తయారు చేయడమే ఈ పోటీల ప్రధాన లక్ష్యం. జిల్లాలోని అన్ని ప్రభుత్వ యాజమాన్య పాఠశాలల్లో 8, 9, 10 తరగతులు చదువుతున్న విద్యార్థులు ఈ పోటీలకు అర్హులు. ఆసక్తి గల విద్యార్థుల వివరాలను పాఠశాల కోఆర్డినేటర్లు ఈ నెల 20వ తేదీ లోపు జ్చుఠటజ్చి. ఛఠిఝ్చఞ. ౌటజ వెబ్‌సైట్‌ ద్వారా ఆన్‌లైన్‌లో నమోదు చేయాల్సి ఉంటుంది. పోటీల షెడ్యూల్‌ ఇలా... పాఠశాల ప్రధానోపాధ్యాయులు, సైన్స్‌ ఉపాధ్యాయులు ప్రతి పాఠశాల నుండి ఒక్కో తరగతికి 10 మంది చొప్పున గరిష్టంగా 30 మంది విద్యార్థులను ఎంపిక చేయాలి. గణితం, విజ్ఞానశాస్త్రం, భూగోళశాస్త్రం/భారత దర్శనం, విజ్ఞానశాస్త్రంలో భారతీయుల కృషి అనే అంశాలపై పోటీలు ఉంటాయి. పాఠశాల స్థాయి ఆన్‌లైన్‌ క్విజ్‌: అక్టోబర్‌ 28న 8వ తరగతి, అక్టోబర్‌ 29న 9వ తరగతి, అక్టోబర్‌ 30న 10వ తరగతి విద్యార్థులకు పరీక్షలు నిర్వహిస్తారు. జిల్లా స్థాయి ప్రత్యక్ష పరీక్షలు: నవంబర్‌ 25 రాష్ట్ర స్థాయి పోటీ పరీక్ష: డిసెంబర్‌ 30 ప్రత్యేక అంశాలపై పోస్టర్‌, రీల్స్‌ పోటీలు: జిల్లా స్థాయిలో ప్రతిభ చాటిన విద్యార్థులకు నవంబర్‌ 25న జరిగే ప్రత్యక్ష పోటీలలో కింది అంశాలపై పోటీలు ఉంటాయి. 8వ తరగతి విద్యార్థులకు ’హరిత ఇంధన వనరులు – సుస్థిర భవిష్యత్తు’, 9వ తరగతి విద్యార్థులకు ’బాధ్యతాయుత కృత్రిమ మేధస్సు – నైతికత’ అనే అంశాలపై పోస్టర్‌ ప్రెజెంటేషన్‌ పోటీ ఉంటుంది. అలాగే 10వ తరగతి విద్యార్థులకు ’డా. యల్లాప్రగడ సుబ్బారావు జీవితం – పరిశోధనలు’ అనే అంశంపై రీల్స్‌ పోటీ ఉంటుంది. ఆకర్షణీయమైన నగదు బహుమతులు: క్విజ్‌ విభాగం (టీమ్‌): జిల్లా స్థాయిలో ప్రథమ బహుమతి రూ.6,000, ద్వితీయ రూ.4,500, తృతీయ రూ.3,000 చొప్పున అందజేస్తారు. రాష్ట్ర స్థాయిలో ప్రథమ రూ.15,000, ద్వితీయ రూ.12,000, తృతీయ రూ.9,000 ఇస్తారు. పోస్టర్‌, రీల్స్‌ విభాగం (వ్యక్తిగత): జిల్లా స్థాయిలో ప్రథమ రూ.2,000, ద్వితీయ రూ.1,500, తృతీయ రూ.1,000 ఇస్తారు. రాష్ట్ర స్థాయిలో ప్రథమ రూ.5,000, ద్వితీయ రూ.4,000, తృతీయ రూ.3,000 తో పాటు మెరిట్‌ సర్టిఫికెట్లు అందజేస్తారు. విజ్ఞాన శాస్త్రంపై ఆసక్తిని పెంచేందుకు కౌశల్‌ సైన్స్‌ క్విజ్‌ పోటీలు 8,9,10 చదివే ప్రభుత్వ విద్యార్థులకు ప్రత్యేకం

● ఎన్నికల్లో సమన్వయంతో ముందుకు సాగాలి ● ఎంపీ మిథున్‌రెడ్డిపుంగనూరు : రెండన్నరేళ్ల పాలనలో తెలుగుదేశం ప్రభుత్వం చేపట్టిన ప్రజావ్యతిరేక విధానాలను ప్రతి ఇంటికెళ్లి ప్రజలకు వివరించాలని.. రాజంపేట పార్లమెంటు సభ్యులు పెద్దిరెడ్డి వెంకటమిథున్‌రెడ్డి వైఎస్సార్‌ సీపీ నాయకులు, కార్యకర్తలకు ఉద్భోధించారు. బుధవారం సాయంత్రం ఆయన పట్టణంలో వైఎస్సార్‌ సీపీ నాయకులు, కార్యకర్తలు, కౌన్సిలర్‌ అభ్యర్థులతో విడివిడిగా 36 వార్డుల వారీతో సమీక్ష నిర్వహించారు. నామినేషన్లు, ఉపసంహరణ, పరిశీలనతో పాటు ఎన్నికల ప్రచారాన్ని విస్తృతంగా నిర్వహించాలని సూచించారు. వార్డు అభ్యర్థుల నామినేషన్‌ పత్రాలను వైఎస్సార్‌సీపీ లీగల్‌టీమ్‌ ద్వారా పరిశీలన చేసి, దాఖలు చేసుకోవాలన్నారు. లీగల్‌టీమ్‌ న్యాయవాదులతో ప్రత్యేక సమావేశం నిర్వహించి పలు సూచనలు చేశారు. అనంతరం ఎంపీ మాట్లాడుతూ ఎన్నికల ప్రచారాలను ప్రతి ఒక్కరూ ఐకమత్యంతో నిర్వహించాలని సూచించారు. వైఎస్‌.జగన్‌మోహన్‌రెడ్డిని తిరిగి ముఖ్యమంత్రిగా చేసుకునేందుకు స్థానిక సంస్థల నుంచి పునాదులను వేసుకోవాల్సి ఉందన్నారు. ఇందుకు ప్రతి ఒక్కరూ సమన్వయంతో ముందుకు సాగాలని పిలుపునిచ్చారు. ఈ సమావేశంలో మాజీ ఎంపీ రెడ్డెప్ప, వైఎస్సార్‌సీపీ రాష్ట్ర కార్యదర్శులు కొండవీటి నాగభూషణం, వెంకటరెడ్డి యాదవ్‌, మాజీ మున్సిపల్‌ చైర్మన్‌ అలీమ్‌బాషా, సీమ జిల్లాల మైనార్టీ సెల్‌ ఇన్‌చార్జ్‌ ఫకృద్దీన్‌షరీఫ్‌, జిల్లా వక్ఫ్‌ బోర్డు మాజీ చైర్మన్‌ అమ్ము, బలిజ సంఘ నాయకులు పూలత్యాగరాజు, కిషోర్‌, రాజేష్‌, గోవర్ధన, సాగర్‌, గోపి తదితరులు పాల్గొన్నారు.

రాయచోటి టౌన్‌ : మామిడిలో అనేక రకాలు మార్కెట్లోకి వచ్చాయి. వీటిలో ఇప్పుడు పునాసా రకం మంచి లాభాలు తెచ్చిపెడుతోంది. ఈ మామిడి కాయలు పచ్చివిగా ఉన్నప్పడు పచ్చళ్లకు డిమాండ్‌ పలుకుతున్నాయి. పచ్చివిగా ఉన్నప్పుడు చాలా పుల్లగా ఉండటంతో వీటిని ఊరగాయల కోసం కూడా ఉపయోగిస్తున్నారు. దీంతో ఊరగాయ, ఆవకాయ కోసం వినియోగిస్తున్నారు. మొక్కలు నాటిన మూడో ఏడాది నుంచి దిగుబడి వస్తోంది. దీంతో ఏడాదికి ఒక సారి మాత్రమే వచ్చే.. మామిడి స్థానంలో రైతులు వీటిని తీసుకొస్తున్నారు. ఇప్పటి వరకు రాయచోటి డివిజన్‌ పరిధిలో సుమారు 200 ఎకరాల వరకు సాగు చేశారు. వీటిని ఎకరానికి 150–170 మొక్కల వరకు నాటుకోవచ్చు. చెట్లు 10 అడుగులకు మించిపోకుండా కత్తిరించుకోవాలి (ఫ్రూనింగ్‌ చేసుకోవాలి). వీటికి నిరంతరం పూత వస్తూనే ఉంటుంది. మధ్యలో కాయలు ఉంటాయి. సస్యరక్షణ చర్యలు తీసుకొంటుంటే నిరంతరం రైతులకు ఫలాలిస్తుంటాయి. చిన్న చెట్టు ఉన్నప్పటి నుంచే కనీసం 200–300 కాయలు దిగుబడిని ఇస్తుంటాయి. సాధారణంగా ఇవి మంచి సైజులో ఉంటే కిలోకు 2–3 కాయలు తూగుతాయి. సాధారణంగా ఒక్కొక్క చెట్టుకు వంద కిలోలకు తక్కువ లేకుండా కాయలు కాస్తాయి. ఈ లెక్కన మార్కెట్‌లో కిలో రూ.20 పలికినా ఒక చెట్టు నుంచి రూ.2000 ఆదాయం వస్తుంది. అంటే ఎకరానికి రూ.3 లక్షలు తక్కువ కాకుండా వస్తుంది. మార్కెట్‌లో డిమాండ్‌ను బట్టి ఇంకా ధరలు పలికే అవకాశం ఉంటుంది. అందుకే మార్కెట్‌ డిమాండ్‌ను ఉంచుకొని రైతులు ఇలాంటి రకాలను సాగు చేస్తున్నారు. రైతులను ప్రోత్సహిస్తున్నాం మామిడిలో కొత్త రకాలను ప్రోత్సహిస్తున్నాం. పునాసా ఏడాదిలో 2–3 దశలగా కాపు వస్తుంది. దీనిపై రైతులు ఇప్పుడిప్పుడే ఇష్టం చూపుతున్నారు. నియోజకవర్గ పరిధిలోని రాయ చోటి, సంబేపల్లె, చిన్నమండెం, గాలివీడు, లక్కిరెడ్డిపల్లె, రామాపురం మండలాలలో 200 ఎకరాల వరకు సాగులో ఉంది. ఈ మామిడికి మా ర్కెట్‌లో మంచి డిమాండ్‌ ఉంది. దీంతో రైతులకు లాభాలు కూడా తెచ్చిపెడుతున్నాయి. సేంద్రియ పద్ధతిలో సాగు చేస్తున్న వారిని ప్రోత్సహిస్తున్నాం. తేనె మంచు పురుగు, రసం పీల్చు పురుగు నివారణ కోసం వేపనూనెకు డిటర్‌జెంట్‌ ఫౌడర్‌తో కలసి పిచికారి చేసుకొంటే నివారించు కోవచ్చు. ఏ సమయానికి ఎలాంటి మందులు పిచి కారి చేయాలనే నియమాలు తెలియజేస్తున్నాం. – సురేష్‌, ఉద్యాన శాఖ అధికారి, రాయచోటి ఏడాది మొత్తం కాయలే.. పచ్చళ్లు, పండ్ల కోసం అధిక డిమాండ్‌ రోజూ మార్కెటింగ్‌ నిత్యం పర్యవేక్షణ చేస్తుండాలి పునాసా మామిడి తోటను నిత్యం పర్యవేక్షిస్తుండాలి. అప్పుడు మనం అనుకున్న విధంగా ఆదాయం వస్తుంది. కాపు పూర్తి కాగానే ఫ్రూనింగ్‌ చేయాలి. అప్పుడే కొత్త ఇగుర్లు, పూత వస్తుంది. నేను కడపలో న్యాయవాది కోర్సు చివరి సంవత్సరం చదువుతున్నాను. నాకు వ్యవసాయం చాలా ఇష్టం.. కాబట్టి ఇలాంటి కొత్త రకాల పంటలను సాగు చేయాలనుకొని పునాసా మామిడి చెట్లు నాటించాను. నేను రాజమండ్రి నుంచి తీసుకొచ్చి నాటించాను. మొత్తం 3.5 ఎకరాలలో 600 మామిడి చెట్లు నాటాము. 10 అడుగులు పైకి పెరగనీయకుండా జాగ్రత్త పడుతూ ఎప్పటికప్పుడు ఫ్రూనింగ్‌ (కత్తరించుకొంటూ) జాగ్రత్తలు తీసుకున్నాము. ఈ 600 చెట్లలో సగం చెట్లు ఐదు సంవత్సరాలవి ఉండగా, మరో సగం చెట్లు మూడు సంవత్సరాలు దాటివిని ఉన్నాయి. సంవత్సరానికి రెండు విడతలు తప్పకుండా కాయలు కాస్తాయి. సీజన్‌లో కాస్త ధరలు తక్కువగా ఉన్నప్పటికీ అన్‌ సీజన్‌ (ప్రస్తుతం) అధిక డిమాండ్‌ పలుకుతున్నాయి. పచ్చళ్లు, ఊరగాయల కోసం కిలో రూ.30లతో తీసుకెళ్లుతున్నారు. మేము పూర్తిగా సేంద్రియ పద్ధతిలోనే వ్యవసాయం చేస్తున్నాము. ప్రస్తుతం పూత దశలో ఉన్న కాండాలకు మచ్చ తెగులు సోకడంతో వేపనూనెకు సర్ఫఫౌడర్‌ కలిపి పిచికారి చేస్తాము. ఇక కాయ ఫక్వానికి వచ్చిప్పుడు మజ్జిగను పులయపెట్టి పిచికారి చేస్తాము. పూర్తిగా సస్యరక్షణ చర్యలు సేంద్రియ పద్ధతినే పాటిస్తున్నాము. దీంతో కాయలు క్వాలిటీ పరంగా చాలా నిగనిలాడుతుంటాయి. – అంబటి సిద్ధేశ్వర్‌, యువ రైతు

పెద్దమండ్యం : పెద్దమండ్యం–గాలివీడు రహదారిపై మంగళవారం ఉదయం జరిగిన ప్రమాదంలో ఆరుగురికి తీవ్ర గాయాలయ్యాయి. వారిలో ఓ మహిళకు కాలు పూర్తిగా విరిగిపోవడంతో పరిస్థితి విషమంగా ఉన్నట్లు సమాచారం. వివరాలలోకి వెళితే.. గాలివీడు మండలం అరవీడు పంచాయతీ సిమగంవారిపల్లె, పెద్దమాలపల్లె, చిన్నమాలపల్లెలకు చెందిన కూలీలు ఆటోలో.. టమాటా కాయల కోత పనులకు కలిచెర్లకు బయలుదేరారు. వీరు ప్రయాణిస్తున్న ఆటో పాపేపల్లె బస్టాప్‌ సమీపంలోని యర్రమన్ను గుంతల వద్దకు రాగానే.. ఎదురుగా వస్తున్న పాల ఆటో బలంగా ఢీ కొట్టింది. ప్రమాదంలో కూలీల ఆటో ఒక్కసారిగా బోల్తా పడింది. దీంతో కూలీల భోజన క్యారియర్‌లు, వాటర్‌బాటిళ్లు, బట్టలు చెల్లా చెదురుగా పడిపోయాయి. ఎదురుగా వేగంగా వస్తున్న పాల ఆటోను గమనించి కూలీల ఆటో డ్రైవర్‌ పక్కన నిలబెట్టినా, పాల ఆటోతో ఢీ కొట్టాడని కూలీలు ఆవేదన వ్యక్తం చేశారు. తురికపల్లెలో ఉన్న ప్రవేటు డెయిరీకి ఆటోలో రోజూ సింగంవారిపల్లె నుంచి పాల క్యాన్‌లు తీసుకొని వస్తారని, పాల ఆటో డ్రైవర్‌ పల్లెలో ఓ కుక్కను ఢీకొట్టి చంపడంతో.. మందలించినందుకు ఇలా తాము ప్రయాణిస్తున్న ఆటోను కావాలనే ఢీ కొట్టాడని కూలీలు ఆరోపించారు. ప్రమాదంలో హరిత, శివమ్మ, సులోచన, రమణమ్మ, నాగమణి, రత్నమ్మ, వెంకటశివమ్మలకు గాయాలయ్యాయి. వీరిలో పూల హరిత కాలు విరిగిపోయింది. సంఘటనపై స్థానికులు సమాచారం అందించడంతో గాలివీడు, పెద్దమండ్యంల నుంచి రెండు అంబులెన్స్‌లు అక్కడికి చేరుకుని క్షతగాత్రులను రాయచోటి ప్రభుత్వాసుపత్రికి తరలించారు. వీరిలో పరిస్థితి విషమంగా ఉన్న హరితను మెరుగైన చికిత్సల కోసం తిరుపతిలోని ఓ ప్రవేటు ఆసుపత్రికి తరలించినట్లు కుటుంబ సభ్యులు తెలిపారు. కూలీల ఆటోను పాల ఆటో ఢీకొన్నట్లు తెలియడంతో చుట్టు పక్కల గ్రామాలలోని ప్రజలు పెద్ద ఎత్తున అక్కడికి చేరుకున్నారు. సంఘటనా స్థలాన్ని స్థానిక పోలీసులు పరిశీలించి బాధితుల వివరాలను సేకరించారు. ప్రమాదానికి కారణమైన ఆటోను పోలీస్‌స్టేషన్‌కు తరలించారు. బాధితుల ఫిర్యాదు మేరకు కేసు దర్యాప్తు చేస్తున్నట్లు ఎస్‌ఐ హరిహరప్రసాద్‌ తెలిపారు. ఆరుగురికి తీవ్ర గాయాలు ఒకరి పరిస్థితి విషమం

● అటవీ శాఖ అధికారుల తీరుపై స్థానికుల ఆగ్రహం రామసముద్రం : రామసముద్రం మండలం కురిజల పంచాయతీ గుట్టపాళ్యం సమీపంలోని జంగాలేరు బీడు భూముల్లో జింక మృతి చెందింది. జింక అపస్మారక స్థితిలో పడి ఉండటాన్ని స్థానికులు గుర్తించగా, అప్పటికే అది మృతి చెందినట్లు తెలిపారు. ఈ ఘటనతో పరిసర ప్రాంతాల్లో వన్యప్రాణుల సంరక్షణపై ఆందోళనలు వ్యక్తమవుతున్నాయి. మండల పరిధిలో వన్యప్రాణుల సంరక్షణ, వాటి కదలికల పర్యవేక్షణలో అటవీశాఖ అధికారులు తగిన శ్రద్ధ చూపడం లేదని స్థానికులు ఆరోపిస్తున్నారు. వన్యప్రాణులు గాయాలపాలవుతున్నా, మృతి చెందుతున్నా అధికారులు స్పందించకపోవడంపై మండల ప్రజలు ఆగ్రహం వ్యక్తం చేస్తున్నారు. కనీసం జింక మృతి చెందిన విషయం తెలిసినప్పటికీ అటవీశాఖ అధికారులు ఘటనా స్థలాన్ని పరిశీలించకపోవడం ఏమిటని ప్రశ్నిస్తున్నారు. జింక ఏ కారణంతో మృతి చెందిందనే విషయం ఇంకా తెలియరాలేదు. అనారోగ్యమా, ప్రమాదమా, మరేదైనా కారణమా అన్నది అటవీశాఖ అధికారులు విచారణ చేపడితేనే స్పష్టత వచ్చే అవకాశం ఉంది. మృతి చెందిన జింకను పరిశీలించి, అవసరమైన చర్యలు తీసుకోవడంతోపాటు ఘటనకు గల కారణాలను వెలికితీయాలని స్థానికులు కోరుతున్నారు. వన్యప్రాణుల సంరక్షణ అటవీశాఖ బాధ్యత అని, ఇలాంటి ఘటనలు పునరావృతం కాకుండా అధికారులు క్షేత్రస్థాయిలో పర్యవేక్షణ పెంచాలని ప్రజలు విజ్ఞప్తి చేస్తున్నారు. ఇప్పటికై నా సంబంధిత అధికారులు స్పందించి జింక మృతిపై సమగ్ర విచారణ జరిపి, వన్యప్రాణుల రక్షణకు తగిన చర్యలు తీసుకోవాలని స్థానికులు డిమాండ్‌ చేస్తున్నారు.

మదనపల్లె టౌన్‌ : పట్టణ, స్థానిక సంస్థల ఎన్నికలను ప్రశాంత వాతావరణంలో పారదర్శకంగా నిర్వహించడమే తమ ముందున్న లక్ష్యమని ఎస్పీ ధీరజ్‌ కునుబిల్లి అన్నారు. మంగళవారం పుంగనూరులో విస్తృతంగా పర్యటించారు. ఎన్‌.ఎస్‌.పేట బసవరాజ ప్రభుత్వ జూనియర్‌ కళాశాలతో పాటు ఈస్ట్‌ పేట, భగత్‌ సింగ్‌ కాలనీ, మేలుపట్ల, అలాగే మదనపల్లె ఎంపీడీవో కార్యాలయం తదితర ప్రాంతాల్లోని సమస్యాత్మక, సున్నిత పోలింగ్‌ కేంద్రాలను పరిశీలించి భద్రతా ఏర్పాట్లను సమీక్షించారు. ఓటర్లు నిర్భయంగా ఓటు హక్కు వినియోగించుకునేలా పటిష్ట బందోబస్తు ఏర్పాటు చేయాలని, నిబంధనలు ఉల్లంఘిస్తే కఠిన చర్యలు తీసుకుంటామని హెచ్చరించారు. డీఎస్పీ బి.ప్రసాద్‌, ఇన్స్పెక్టర్‌ బి.సుబ్బరాయుడు, ఎస్‌ఐ అన్సర్‌ బాషా పాల్గొన్నారు.ఎస్పీ ధీరజ్‌ కునుబిల్లి

పీలేరురూరల్‌ : జిల్లాకు కొత్తగా 103 ఆర్టీసీ బస్సులు మంజూరైనట్లు డీపీటీఓ శశిభూషణ్‌ అన్నారు. మంగళవారం ఆయన పీలేరు డిపోను, గ్యారేజ్‌ను తనిఖీ చేశారు. ఈ సందర్భంగా ఆయన మాట్లాడుతూ మదనపల్లె డిపోకు 50, రాయచోటికి 53 కొత్త బస్సులు వస్తాయని పేర్కొన్నారు. రెండో విడతలో పీలేరు డిపోకు కొత్త బస్సులు వస్తాయని తెలిపారు. రాష్ట్రంలో ప్రజా రవాణా వ్యవస్థను ఆధునీకరించి, ప్రయానీకులకు మెరుగైన సేవలందించడానికి కొత్తగా 1450 ఎలక్ట్రిక్‌, సీఎన్‌జీ బస్సులు రానున్నట్లు తెలిపారు. జిల్లాలో ప్రస్తుతం 499 బస్సులతో ప్రజా రవాణా సేవలు అందిస్తున్నామని వీటిలో 370 ఆర్టీసీ, 129 అద్దె బస్సులు ఉన్నాయని తెలిపారు. జిల్లాలో ఆర్టీసీ బస్సులు రోజుకు 19.70 లక్షల కిలోమీటర్లు రూ. 9.42 కోట్లు ఆదాయం వస్తున్నట్లు తెలిపారు. డీఎం ఎస్‌.ఎం.డి. రోషన్‌బాషా, ఎంఎఫ్‌ ఫణిభూషణ్‌ నాయక్‌, ఆర్టీసీ ఉద్యోగ సంఘాల నాయకులు పాల్గొన్నారు.డీపీటీఓ శశిభూషణ్‌

సాక్షి, మదనపల్లె : చంద్రబాబు ప్రభుత్వంలో బియ్యం ధరలు రాకెట్లా దూసుకుపోతున్నాయి. అధిక ధరల భారంతో పేదలు మళ్లీ నాణ్యమైన భోజనానికి దూరం అయ్యే ప్రమాదం కనిపిస్తోంది. నెల క్రితం వరకు అందుబాటులో ఉన్న బియ్యం ధరలు గడచిన రెండు వారాల్లో అమాంతం పెరిగాయి. పేదలు కొనలేని స్థాయికి ధరను పెంచేశారు. వ్యాపారులు ఇష్టారాజ్యంగా ధరలు పెంచుతున్నా దాన్ని కట్టడికి అధికార యంత్రాంగం ఇప్పటిదాకా ఒక్క చర్య చేపట్టలేదు. అసలే జిల్లాలో కరువు పరిస్థితులతో పేదల జీవన స్థితిగతులు మారిపోతున్నాయి. రెండు నెలల్లోనే జిల్లా వ్యాప్తంగా బియ్యం ధరలు రెండు నెలల వ్యవధిలో ఊహించిన విధంగా ధరల్లో మార్పు వచ్చింది. 26 కిలోల బస్తా బియ్యం రూ.1,200 ఉండేది, ఆగస్టు చివర్లో ధర రూ.1,400లోపు ఉండేది. సెప్టెంబర్‌లో మెల్లగా పెరుగుతూ రూ.1,700కు పెరిగింది. అక్టోబర్‌ ప్రారంభం కాగానే ఒక్కసారిగా ధర ఆకాశాన్ని అంటింది. 26కిలోల బస్తా ధరపై రూ.400 భారం మోపి రూ.2,100కు పెంచేశారు. ప్రస్తుతానికి ఈ ధర ఉండగా రోజు గడిస్తే ఇంకెంత ధర పెరుగుతుందన్న ఆందోళన ప్రజల్లో వ్యక్తమవుతోంది. రూ.కోట్లలో దోపిడీ 26 కిలోల బస్తాపై రెండు వారాల్లోనే రూ.400 పెరగడంతో వ్యాపారుల పంట పండింది. పాత స్టాక్‌ను కూడా పెంచిన ధరలకే విక్రయిస్తున్నారు. రోజుకు వందల టన్నుల్లో బియ్యం కొనుగోళ్లు జరుగుతుంటాయి. బస్తాపై వంద పెరిగినా వ్యాపారుల ఆదాయం భారీగా ఉంటుంది. అలాంటిది రూ.1,200 నుంచి రూ.2,100కు అంటే 26 కిలోల బస్తాపై ఏకంగా రూ.900 పెరిగితే వ్యాపారుల ఆదాయం ఏస్థాయికి చేరిందో స్పష్టంగా కనిపిస్తోంది. పెరిగిన ధరలతో ప్రజలు కోట్ల సొమ్మును నష్టపోతున్నారు. వైఎస్‌ఆర్సీపీ ప్రభుత్వంలో ఇంతటి ధరలు ఎప్పుడూ పలకలేదు. సన్న బియ్యం ధరలు సామాన్యులకు అందుబాటులో, అందులోనూ నిలకడగా ఉండేవి. ప్రస్తుతం పెరిగిన ధరలతో వ్యాపారులు కోట్లలో సొమ్ము చేసుకుంటున్నారు. నియంత్రణ ఎక్కడ? జిల్లా కేంద్రం మదనపల్లె సహా జిల్లా అంతటా బియ్యం ధరలు మండిపోతుంటే నియంత్రణ ఎక్కడా కనిపించడం లేదు. ఉన్నట్టుండి ధరలు విపరీతంగా పెరిగిపోతుంటే నియంత్రించాల్సిన ప్రభు త్వం చోద్యం చూస్తోంది. ధరలను అదుపు చేసేందుకు ఒక్క చర్య చేపట్టిన దాఖలాలు లేవు. పెరుగుతున్న బియ్యం ధరలపై తక్షణమే అధికారం యంత్రాంగం చర్యలు చేపట్టాల్సిన అవసరం ఉంది. జిల్లాకు 384 బస్తాలంట.. దూసుకుపోతున్న బియ్యం ధరలను అదుపు చేయాల్సిన ప్రభుత్వం కంటి తుడుపు చర్య చేపట్టింది. ప్రభుత్వం తరఫున రైతు బజార్లలో బియ్యం విక్రయాలకు నిర్ణయించింది. అన్నమయ్య జిల్లా మొత్తానికి 384 బియ్యం బస్తాలను కేటాయించింది. వీటి ధర కిలో 50 రూపాయలుగా నిర్ణయించి విక్రయిస్తుంది. ఈ 384 బస్తాలను కేవలం మదనపల్లె, పీలేరు, రాయచోటి రైతు బజార్లో ఉంచి ప్రజలకు విక్రయిస్తారు. జిల్లా మొత్తానికి బియ్యం ధరల అదుపునకు ప్రభుత్వం చేపట్టిన ఈ చర్యను చూసి ప్రజలు నవ్విపోతున్నారు. ఒక్కో రైతు బజార్‌కు 150 బస్తాలు కూడా రావు. అలాంటిది జిల్లాలో ప్రజలు కోట్లలో నష్టపోతుంటే ఇలాంటి చర్యలు ప్రభుత్వం అభాసు పాలయ్యేలా చేస్తోంది. జిల్లాలో ని అన్ని మండల కేంద్రాల్లో బియ్యం విక్రయాలను ప్రారంభించాలని ప్రజలు కోరుతున్నారు. మార్కెట్లో బియ్యం కొనలేని పరిస్థితులు 15 రోజులు క్రితం 26 కిలోల బియ్యం ప్యాకెట్‌ రూ.1,700 రూ.400 పెరిగి ఇప్పుడు రూ.2,100 ప్రజల నుంచి రూ.కోట్లలో దోపిడీ ధరల నియంత్రణలో ప్రభుత్వ వైఫల్యంధరలతో భారమైంది బియ్యం ధరలు ఒక్కసారిగా పెరిగిపోవడం భారంగా మారింది. బియ్యం బస్తా రూ.1,200 నుంచి రూ.2వేలు దాటిపోయింది. కూలి పనులు వెళ్లి కుటుంబాన్ని పోషించుకొంటున్నాం. బియ్యం ధరేకాక నిత్యావసరాల ధరలు, కూరగాయల ధరలు కూడా పెరిగిపోయి అదనంగా ఆర్థిక భారం పడుతోంది. కుటుంబానికి రెండునెలలుగా వ్యయం వందశాతం పెరిగింది. –హుసేన్‌బీ, కురబలకోట మండలండబ్బే మిగలడం లేదు దినసరి కూలి పనులు చేసి కుటుంబాన్ని పోషించాలి. బెంగళూరు వెళ్లి పనులు చేసుకుని సంపాదించిన సొమ్ముతో నెలకోసారి ఇంటికి వస్తాను. ఇంటికి అవసరమైన నెలసరి నిత్యావసర వస్తువుల ధరలు పెరిగిపోవడంతో కూలీ సొమ్మంతా సరిపోతోంది. మూడు వారాల క్రితం 26 కిలోల బియ్యం రూ.1,500 ఉండేది. ఇప్పుడు వెళ్లే రూ.2,200 చెబుతున్నారు. పెరిగిపోయిన అన్ని ధరలతో ఇబ్బందులు పడుతున్నాం. ప్రభుత్వం ధరలపై చర్యలు తీసుకోవాలి. –ఇడగొట్టి జయరాం, పెద్దతిప్పసముద్రం మండలం

సాక్షి, మదనపల్లె : వర్షాభావ పరిస్థితులతో రైతులు వైవిధ్యమైన పంటలతో ఎల్‌నినో ప్రభావాన్ని ఎదుర్కొవాలని కలెక్టర్‌ నిశాంత్‌ కుమార్‌ సూచించారు. మంగళవారం కలెక్టరేట్లో ఆయన పంటల సాగుపై ప్రణాళికను విడుదల చేశారు. ఈ సందర్భంగా కలెక్టర్‌ మాట్లాడుతూ సజ్జ, కొర్ర, నువ్వులు, ఆవాలు, ఉలవలు, అలసందలు, అనుములు, గోరుచిక్కుడు, కుసుమలు వంటి పంటలతో పాటు అనుకూల పరిస్థితుల్లో ఇతర ప్రత్యామ్నాయ పంటలను సాగు పెంచుకోవాలని రైతులకు సూచించారు. జీవవైవిధ్య పంటలను విత్తుకోవాలని కార్యాచరణ ప్రణాళిక అమ లు చేయాలన్నారు. వ్యవసాయ శాఖ జాయింట్‌ డైరెక్టర్‌ హరిప్రియ, ఏపీసీఎన్‌ఎఫ్‌ డీపీఎం వెంకట మోహన్‌, ఏడీఏ నవీన్‌ కుమార్‌ పాల్గొన్నారు.

మదనపల్లె సిటీ : న్యూఢిల్లీలోని ప్రగతి మైదాన్‌లో జరుగుతున్న 12వ జాతీయ స్థాయి ఇన్‌స్పైర్‌ మనక్‌ పోటీల్లో జిల్లా విద్యార్థులు సత్తా చాటుతున్నారు. జాతీయ స్థాయిలో జిల్లాకు చెందిన నలుగురు విద్యార్థులు తమ వినూత్న ప్రాజెక్టులతో ప్రాతినిధ్యం వహిస్తుండటం విశేషం. 2023–24 విద్యా సంవత్సరంలో బి.కొత్తకోట సిద్దార్థ ఇంగ్లిషు మీడియంకు చెందిన విద్యార్థి బంగారు మమతా ‘ఇంటెలిజెంట్‌ వెహికల్‌ విత్‌ ఆల్కాహాల్‌ డిటక్షన్‌ ఫర్‌ డ్రైవర్స్‌, స్మార్ట్‌ హారన్‌,’ రాయచోటి ఏపీ మోడల్‌ స్కూల్‌ విద్యార్థి మూడే సిరి’ ‘మల్టిఫర్‌పస్‌ అగ్రికల్చర్‌ రోబో’, తంబళ్లపల్లె మండలం కన్నెమడుగు జెడ్పీ ఉన్నత పాఠశాల విద్యార్థి రామిగాని ప్రణవ్‌కుమార్‌ ‘పూర్‌మెన్స్‌ ఎయిడ్‌ ప్యూరిఫైయర్‌’ 2024–25 విద్యా సంవత్సరంలో రామసముద్రం మండలం జెడ్పీ ఉన్నత పాఠశాల, మట్టవారిపల్లె విద్యార్థి కె.గౌతమ్‌ రూపొందించిన ‘ఫైడింగ్‌ మ్యాన్‌ హోల్‌’ ప్రాజెక్టులు జాతీయ స్థాయికి ఎంపికయ్యాయి. ఈ ప్రాజెక్టులు అక్టోబర్‌ 12, 13, 14 తేదీల్లో మూడు రోజుల పాటు ప్రతిష్టాత్మక ప్రదర్శనలో కొనసాగుతాయి. ప్రత్యేక ఆకర్షణగా ‘పూర్‌ మేన్స్‌ ఎయిర్‌ ప్యూరిఫైయర్‌’ జాతీయ స్థాయి పోటీల్లో తంబళ్లపల్లె మండలం కన్నెమడుగు జెడ్పీ ఉన్నత పాఠశాల పూర్వపు విద్యార్థి ఆర్‌.ప్రణవ్‌కుమార్‌ రూపొందించిన ‘పూర్‌ మేన్స్‌ ఎయిర్‌ ప్యూరిఫైయర్‌’(పేదల ఎయిర్‌ ప్యూరిఫైయర్‌) ప్రత్యేక ఆకర్షణగా నిలిచింది. నగరాలు, పట్టణాల్లో వాయు కాలుష్యం తీవ్ర స్థాయికి చేరి, దుమ్ము, ధూళి, విషవాయువుల వల్ల ప్రజలు శ్వాసకోస వ్యాధులకు గురవుతున్న ప్రస్తుత పరిస్థితుల్లో.. ప్రణవ్‌ అతి తక్కువ ఖర్చుతో కూడిన పరికరాన్ని తయారు చేశారు. గ్రామీణ ప్రాంతాల్లో సులభంగా దొరికే కొబ్బరి పీచు (టెంకాయ నార) బొగ్గు, బొగ్గుపొడితో కూడిన ఫిల్టర్‌, కార్లలో వాడే ఏసీ ఫిల్టర్లను ఉపయోగించి ప్యూరిఫైయర్‌ను రూపొందించాడు. గాలిలోని కాలుష్యాన్ని సమర్థవంతంగా తొలగించేలా, కాలానుగుణంగా ఫిల్టర్లను సులభంగా మార్చుకునే వీలుగా పరికరాన్ని తీర్చిదిద్దాడు. ఉపాధ్యాయుల ప్రోత్సాహంతోనే: 2023–24 విద్యా సంవత్సరంలో కన్నెమడుగు జెడ్పీ ఉన్నత పాఠశాలలో చదువుతున్న సమయంలో గైడ్‌ టీచర్‌ పి.లక్ష్మినరసింహశాస్త్రి పర్యవేక్షణలో ప్రవణ్‌కుమార్‌ ప్రాజెక్టును రూపొందించాడు. జూలైలో జరిగిన రాష్ట్ర స్థాయి ఇన్‌స్పైర్‌ పోటీల్లో తన ఎగ్జిబిట్‌ను ప్రదర్శించి జిల్లా తరఫున జాతీయ స్థాయికి ఎంపికయ్యాడు. ఈ విద్యార్థి ప్రస్తుతం మాస్టర్‌మైండ్స్‌ జూనియర్‌ కాలేజీలో సీఏ కోర్సు చదువుతున్నాడు. జాతీయ స్థాయిలో జిల్లా ఖ్యాతిని, పాఠశాల పేరును ఇనుమడింపజేస్తున్న ప్రవణ్‌ కుమార్‌తోపాటు జిల్లా నుంచి ప్రాతినిధ్యం వహిస్తున్న ఇతర విద్యార్థులను కన్నెమడుగు హెచ్‌ఎం మదన్‌మోహన్‌, ఉపాధ్యాయులు, గ్రామస్తులు అభినందించారు. జిల్లా నుంచి నలుగురు విద్యార్థులు ప్రాతినిధ్యం ఢిల్లీలో 12వ జాతీయ స్థాయి పోటీల ప్రదర్శన

మదనపల్లె టౌన్‌ : యాంటీ కరప్షన్‌ బ్యూరో ఆఫ్‌ ఇండియా, రాష్ట్ర మీడియా సెల్‌ ప్రతినిధిని అంటూ సమస్యల పరిష్కారానికి అమాయకుల దగ్గర డబ్బులు తీసుకుని మోసాలు చేస్తున్న మదనపల్లె గొల్లపల్లిలో కాపురం ఉండే సయ్యద్‌ మీర్‌ను సోమవారం స్థానిక వన్‌టౌన్‌ పోలీసులు అరెస్టు చేసిన విషయం పాఠకులకు తెలిసిందే. సయ్యద్‌ మీర్‌ కార్లకు ప్రభుత్వ రాజముద్ర కలిగిన ఏసీబీఐ స్టిక్కర్లు ఉండడంతో.. ఆయన వినియోగిస్తున్న రెండు కార్లను జిల్లా ఎస్పీ ధీరజ్‌ కునుబిల్లి, డీఎస్పి ప్రసాద్‌ల ఆదేశాలతో సీజ్‌ చేసినట్లు మంగళవారం వన్‌టౌన్‌ సీఐ మోహన్‌కుమార్‌ మీడియాకు తెలిపారు. స్థానిక రెండవ పట్టణ పోలీస్‌ స్టేషన్లోనూ సయ్యద్‌ మీర్‌ పై చీటింగ్‌ కేసు నమోదు చేశారు. గాయపడిన వ్యక్తి మృతికమలాపురం : కడప–తాడిపత్రి ప్రధాన రహదారిలో సి.గోపులాపురం వద్ద జరిగిన రోడ్డు ప్రమాదంలో గాయపడిన జయన్న (69) రిమ్స్‌లో చికిత్స పొందుతూ మృతి చెందినట్లు ఎస్‌ఐ శ్రీనివాసులు తెలిపారు. ఎస్‌ఐ తెలిపిన సమాచారం మేరకు వివరాలిలా ఉన్నాయి. జయన్న వృత్తి రీత్యా చెన్నూర మండల దౌలతాపురంలో స్థిర పడ్డాడు. అయితే స్వగ్రామమైన సి.గోపులాపురంలో ఉన్న భూముల కోసం అప్పుడప్పుడు వచ్చి చూసుకొని వెళ్తుంటాడు. ఈ క్రమంలో సోమవారం స్వగ్రామానికి వచ్చి భూములను చూసుకొని తన బైక్‌లో వెళ్తుండగా కంటైనర్‌ ఢీ కొట్టింది. ఈ ఘటనలో చేయి విరిగి తీవ్రంగా గాయపడ్డాడు. చికిత్స నిమిత్తం రిమ్స్‌కు తరలించగా అక్కడ చికిత్స పొందుతూ అర్ధరాత్రి మృతి చెందాడు. ఈ మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ వివరించారు. మృతుడికి భార్య, ఇద్దరు కుమారులు, ఒక కుమార్తె ఉన్నారు.

సాక్షి, మదనపల్లె : జిల్లాలో మండల ప్రజా పరిషత్‌, జిల్లా ప్రజా పరిషత్‌, సర్పంచు,వార్డు సభ్యుల రిజర్వేషన్ల ప్రక్రియను బుధవారం సాయంత్రంలోగా పూర్తి చేయాలని కలెక్టర్‌ నిశాంత్‌కుమార్‌ ఆదేశించారు. మంగళవారం రాష్ట్ర సచివాలయం నుంచి ప్రభుత్వ ప్రధాన కార్యదర్శి సాయి ప్రసాద్‌, పీఆర్‌శాఖ ముఖ్య కార్యదర్శి కాంతిలాల్‌ దండే, కమిష నర్‌, మున్సిపల్‌శాఖ ఉన్నతాధికారులు వీడియో కాన్ఫరెన్స్‌ నిర్వహించారు. స్థానిక సంస్థల పదవుల రిజర్వేషన్లపై అనుసరించాల్సిన అంశాలపై దిశానిర్దేశం చేశారు. అనంతరం కలెక్టర్‌ మాట్లాడుతూ ఎస్సీ, ఎస్టీలకు 2011 జనాభా లెక్కల ఆధారంగా, బీసీ వర్గాలకు తాజా ఓటర్ల జాబితా ప్రాతిపదికన రిజర్వేషన్లు కేటాయించాలని మార్గదర్శకాల్లో పేర్కొనడం జరిగిందని వివరించారు. గ్రామ పంచాయతీ వార్డు సభ్యులు, సర్పంచ్‌లు, ఎంపీటీసీలు, ఎంపీపీలు, జెడ్పీటీసీల రిజర్వేషన్ల ప్రక్రియలోనూ వర్తించే నిబంధనలను ఖచ్చితంగా పాటించాలన్నారు. ప్రభుత్వం నిర్దేశించిన షెడ్యూల్‌ ప్రకారం ఎంపీటీసీ, జెడ్పీటీసీ, ఎంపీపీ స్థానాల రిజర్వేషన్ల ప్రక్రియను మంగళవారం రాత్రిలోగా, సర్పంచ్‌లు, గ్రామ పంచాయతీ వార్డు సభ్యుల రిజర్వేషన్ల ప్రక్రియను బుధవారం సాయంత్రంలోగా పూర్తి చేయాలని ఆదేశించారు. జేసీ శివ నారాయణ శర్మ, సబ్‌ కలెక్టర్‌ చల్లా కళ్యాణి, డీపీఓ రాధమ్మ,డిప్యూటీ సీఈవో ప్రభాకర్‌, కమిషనర్‌ ప్రమీల పాల్గొన్నారు.కలెక్టర్‌ నిశాంత్‌కుమార్‌

● వైఎస్సార్‌ కడప, అన్నమయ్య రెండూ ‘జనరల్‌’ కేటగిరీయే ● సీటు కోసం పోటీ తీవ్రంసాక్షి మదనపల్లె : రాష్ట్రంలోని జిల్లా ప్రజా పరిషత్‌ చైర్మన్‌ పదవులకు రిజర్వేషన్‌ ఖరారు చేస్తూ మంగళవారం ప్రభుత్వం గెజిట్‌ నోటిఫికేషన్‌ జారీ చేసింది. ఇందులో భాగంగా వైఎస్సార్‌ కడప, అన్నమయ్య జెడ్పీ చైర్మన్‌ పదవులను అన్‌ రిజర్వ్‌డుగా ప్రకటించింది. జిల్లా ప్రజా పరిషత్‌ ఛైర్మన్ల పదవి జనరల్‌ కేటగిరీలో రావడంతో ఆయా జిల్లాల రాజకీయాలు రసవత్తరం కానున్నాయి. పోటీ చేసే ఆశావాహుల సంఖ్య రెట్టింపయ్యే అవకాశం ఉంది. కాగా ఉమ్మడి చిత్తూరు జిల్లాలోని 19 మండలాలు, ఉమ్మడి కడప జిల్లాలోని ఆరు మండలాలతో కలిపి 2025 డిసెంబర్‌ 30న అన్నమయ్య జిల్లాను పునర్విభజన చేశారు. 25 మండలాలతో జిల్లా పరిషత్‌ ఏర్పడింది. మదనపల్లె కేంద్రంగా గత నెల 25న జిల్లా ప్రజా పరిషత్‌ కార్యాలయాన్ని ప్రారంభించారు. పూర్తిస్థాయిలో కార్యాలయం సిద్ధమయ్యాక కార్యకలాపాలు ప్రారంభంకానున్నాయి.

● తప్పిన పెనుప్రమాదం కలకడ : నిద్రమత్తులో లారీ నడిపి 11కేవీ విద్యుత్‌ లైన్‌ ఇనుప స్తంబాన్ని ఢీకొన్న ప్రమాదం సోమవారం అర్ధరాత్రి చోటుచేసుకుంది. తమిళనాడుకు చెందిన టిప్పర్‌ లారీ పీలేరు వైపు నుంచి రాయచోటి వైపుగా వస్తుండగా.. డ్రైవర్‌ మురగన్‌ నిద్రలోకి జారుకున్నాడు. అదృష్టవశాత్తు ముందు–వెనుక ఎలాంటి వాహనాలు రాకపోవడంతో.. ఎడమ వైపు నుంచి కుడి వైపునకు వచ్చి 11 కేవీ విద్యుత్‌ సరఫరా స్తంభాన్ని ఢీకొన్నా ఎలాంటి ప్రాణ నష్టం జరగలేదు. లారీ ఢీకొన్న ప్రమదానికి నాలుగు స్తంభాల విద్యుత్‌ సరఫరా ఉన్న పోల్‌ విరిగి లారీ మీదకు ఒరిగిపోయింది. అయినా విద్యుత్‌ తీగలు లారీకి తగలక పోవడంతో ఎలాంటి ప్రాణ నష్టం జరగలేదు. లారీని వెనక్కు తీసినా విద్యుత్‌ తీగలు తగిలే ప్రమాదం ఉండటంతో.. లారీని ప్రమాద స్థలంలోనే ఉంచి డ్రైవర్‌ను ప్రమాదం నుంచి కాపాడారు. విద్యుత్‌ సేవల పునరుద్ధరణ అర్ధరాత్రి సమయంలో జరిగిన ప్రమాదాన్ని వెంటనే పరిశీలించిన కలకడ విద్యుత్‌ శాఖ సిబ్బంది తెల్లవారుజామున 3–30 గంటలకు 11కేవీ విద్యుత్‌ లైన్‌ను పునరుద్ధరించి సరఫరా అందజేసి శభాష్‌ అనిపించుకున్నారు. చిత్తూరు–కర్నూలు జాతీయ రహదారిపై కలకడ ప్రభుత్వ జూనియర్‌ కళాశాల రోడ్డు సమీపంలో జాతీయ రహదారి పక్కన జరిగిన ఈ ప్రమాదంతో.. కలకడ నుంచి బాటవారిపల్లె వరకూ విద్యుత్‌ సరఫరాలో అంతరాయం ఏర్పడినా, విద్యుత్‌ వినియోగదారులందరికీ గ్రూప్‌ ద్వార్వా సమాచారం అందించి, ప్రమాదం గురించి తెలియజేశారు. మంగళవారం ప్రమాదం జరిగిన స్తంభాన్ని తొలగించి కొత్తది ఏర్పాటు చేసి విద్యుత్‌ సరఫరాను పునరుద్ధరించారు.

మదనపల్లె టౌన్‌ : బోరు మోటార్‌ అమర్చడానికి వెళ్లిన అన్నదమ్ములకు కరెంట్‌ షాక్‌ కొట్టి తీవ్రంగా గాయపడ్డారు. మంగళవారం బి.కొత్తకోట మండలంలో జరిగిన ఘటనపై బాధితులు తెలిపిన వివరాలు.. ములకలచెరువు మండలంలోని బావగారిపల్లెకు చెందిన వెంకట్రాయప్ప(45), నరసింహులు(50), ఇద్దరు అన్నదమ్ములు కలసి బోర్‌ మెకానిక్‌ పనులు చేస్తూ జీవనం సాగిస్తున్నారు. ఈ క్రమంలో బి కొత్తకోట మండలం గుమ్మసముద్రంలోని రైతు బాలకృష్ణారెడ్డి వ్యవసాయ బోరును బయటకు తీసి మారమ్మతు చేయడానికి తన వద్ద ఉన్న మోటార్లు వెలికి తీసే క్రేన్‌ తీసుకుని ఇద్దరు అన్నదమ్ములు గుమ్మసముద్రానికి వెళ్లారు. అక్కడ క్రేన్‌ సాయంతో మోటార్‌ను పైకి లాగుతుండగా పైనే ఉన్న 11 కేవీ విద్యుత్‌ వైర్లు క్రేన్‌కు టచ్‌ కావడంతో కరెంటు షాక్‌ కొట్టి ఇద్దరూ తీవ్రంగా గాయపడ్డారు. బాధితులను వెంటనే స్థానికులు చికిత్సల నిమిత్తం మదనపల్లి జిల్లా ప్రభుత్వాసుపత్రికి తరలించారు. ఆస్పత్రి అత్యవసర విభాగం డాక్టర్లు పరీక్షించి వెంకట్రాయప్ప పరిస్థితి ఆందోళనకరంగా ఉండడంతో తిరుపతికి వెళ్లాలని రెఫర్‌ చేశారు. కాగా నరసింహులు స్థానికంగానే చికిత్సలు పొందుతున్నాడు. ఘటనపై కేసు దర్యాప్తు చేస్తున్నట్లు కొత్తకోట పోలీసులు తెలిపారు. పెద్దదర్గాలో సినీ నటుడు శ్రీవిష్ణు ప్రార్థనలుకడప సిటీ : ప్రముఖ సినీ నటుడు, క్రామేడ్‌ కల్యాణ్‌ ఫేమ్‌ శ్రీవిష్ణు మంగళవారం రాత్రి కడప పెద్దదర్గాలో ప్రత్యేక ప్రార్థనలు నిర్వహించారు. తన కడప పర్యటనలో భాగంగా ఆయన దర్గాకు చేరుకోగా, దర్గా నిర్వాహకులు సాదర స్వాగతం పలికి దర్గా సంప్రదాయమైన తలపాగా చుట్టి దర్గా గురువుల దర్శనం చేయించారు. తొలుత ఆయన దర్గాలోని హజరత్‌ పీరుల్లామాలిక్‌ మజార్‌ను దర్శించుకోగా, అనంతరం దర్గా ఆవరణలోని ఇతర గురువుల మజార్లను దర్శించుకున్నారు. ఈ కార్యక్రమంలో అభిమానులు, భక్తులు పాల్గొన్నారు. ప్రొద్దుటూరులో సందడి ప్రొద్దుటూరు క్రైం : ఇటీవల విడుదలై విజయవంతంగా ప్రదర్శితమవుతున్న ‘కామ్రేడ్‌ కళ్యాణ్‌’ చిత్రాన్ని ఆదరిస్తున్న ప్రేక్షకులకు కృతజ్ఞతలు తెలుపుతున్నట్టు చిత్ర కథానాయకుడు శ్రీవిష్ణు అన్నారు. ప్రొద్దుటూరులోని అమీర్‌ సినిమా థియేటర్‌లో హీరో శ్రీవిష్ణుతోపాటు చిత్ర యూనిట్‌ సందర్శించింది. ఈ సందర్భంగా శ్రీ విష్ణు మాట్లాడుతూ ప్రేక్షకుల ఆదరణ, అభిమానమే చిత్ర విజయానికి ప్రధాన కారణమని ఆనందం వ్యక్తం చేశారు. అనంతరం హీరో విష్ణు కేక్‌ కట్‌ చేసి అభిమానులతో సందడి చేశారు. ఈ కార్యక్రమంలో అమీర్‌ థియేటర్‌ యాజమాన్య ప్రతినిధులు అమీర్‌ బాషా, ఫైరోజ్‌, జాకీర్‌, గౌస్‌ బాషా తదితరులు పాల్గొన్నారు.

సాక్షి, మదనపల్లె : కూటమి ప్రభుత్వం కొలువుదీరి సరిగ్గా రెండున్నరేళ్లయింది. ఇన్నాళ్లకు స్థానిక సంస్థల్లో అభివృద్ధి గుర్తొచ్చింది. అది కూడా స్థానిక ఎన్నికల హడావుడి మొదలయ్యాక. ఆ మధ్య మున్సిపాలిటీలకు నిధుల పేరిట చంద్రబాబు ప్రభుత్వం హడావుడి చేసింది. అభివృద్ధి పనుల ప్రారంభోత్సవాలంటూ సంబరాలు చేసుకుంది. తాజాగా పల్లె సీమల్లో మౌలిక వసతుల కోసమంటూ అసెంబ్లీ నియోజకవర్గానికి కోటి రూపాయలతో ప్రజలను మభ్యపెట్టేందుకు సిద్ధమైంది. ఓట్ల కోసం బాబు మాయాజాలం జిల్లాలోని మున్సిపాలిటీల్లో అభివృద్ధి పేరిట కేవలం రూ.94 కోట్ల పనులకు హడావుడి చేశారు. గతనెల 22న సీఎం చంద్రబాబు వర్చువల్‌గా మదనపల్లెలో రూ.35 కోట్లు, రాయచోటిలో రూ.35 కోట్లు, పుంగనూరులో రూ.20 కోట్లు, బి.కొత్తకోట నగర పంచాయతీలో రూ.12 కోట్లతో అభివృద్ధి పనులను ప్రారంభించారు. దీనికోసం పెద్ద హడావుడినే జరిగింది. ఎన్నికలకు ముందు వరకు మున్సిపాలిటీలో అభివృద్ధి గురించి చంద్రబాబు ప్రభుత్వం పట్టించుకోలేదు. అందులో ముఖ్యంగా వైఎస్‌ఆర్సీపీ పాలకవర్గాలు ఉండడంతో పట్టణాల ఊసే ఎత్తలేదు. తీరా పాలకవర్గ పదవి కాలం ముగిసి, ఎన్నికలకు సిద్ధమైన వేళ ప్రభుత్వం ఓట్ల కోసం అభివృద్ధి జిమ్మిక్కును ప్రదర్శించింది. 28 నెలల కాలంలో మున్సిపాలిటీల గురించి పట్టించుకోని ప్రభుత్వం నేరుగా ఎన్నికలకు వెళ్లి ఓట్లు అడిగితే ప్రజలు ప్రశ్నిస్తాన్న ఆందోళనతో కొద్దిపాటి నిధులతో పనులు చేపట్టింది. ఎన్నికలొచ్చేంతవరకు ప్రజా సంక్షేమం.. అభివృద్ధి పాలకులకు పట్టదా అని ప్రజలు ప్రశ్నిస్తున్నారు. ఇవే ఎన్నికలు రాకుండా ఉంటే పట్టణాలను ప్రభుత్వం పట్టించుకునేదా అని తూర్పారబడుతున్నారు. మున్సిపాలిటీల్లో మౌలిక వసతుల కొరత, మెరుగైన పారిశుద్ద్యం లేక ఇబ్బందులు పడుతున్నారు. మదనపల్లె, రాయచోటి మున్సిపాలిటీల్లో ప్రజలు తాగునీటి కోసం కష్టాలు పడుతున్నారు. తాగునీటి సమస్యను పట్టించుకోని ప్రభుత్వం అభివృద్ధి పేరిట కోట్ల కోసం ప్రచారం చేపట్టింది. ఈ నిధులు ఇంతకాలం ఎందుకు ఇవ్వలేదని ప్రజలు ప్రశ్నిస్తున్నారు. ‘కోటి’ ఎవరికని ఇస్తారు! గ్రామపంచాయతీ, మండల పరిషత్‌ ఎన్నికలు కూడా ముందుకు రావడంతో ప్రభుత్వం మళ్లీ అభివృద్ధి నాటకం మొదలుపెట్టింది. ఇన్నాళ్లు స్థానిక సంస్థలకు కనీస సహకారం అందించని ప్రభుత్వం ఇప్పుడు ఒక అసెంబ్లీ నియోజకవర్గానికి రూ.ఒక కోటి నిధులు అంటూ ప్రచారం మొదలు పెట్టింది. ఒక కోటితో ఒక అసెంబ్లీ నియోజకవర్గంలో 100కుపైగా ఉండే గ్రామపంచాయతీల్లో మౌలిక వసతులకు, అభివృద్ధికి వినియోగించాలని సూచించింది. కోటి రూపాయలు ఒక అసెంబ్లీకి ఏ మూలకు సరిపోతాయో ప్రభుత్వానికే తెలియాలి. పంచాయతీకి లక్ష రూపాయలు కూడా దక్కదు. ఈ సొమ్ముతో ఒక పంచాయతీలో ఎటువంటి మౌలిక వసతులు కల్పించవచ్చునో అర్థం చేసుకోవచ్చు. అయినప్పటికీ నిధులు ఇచ్చామని చెప్పుకొని ఎన్నికల్లో లబ్ధి పొందేందుకు చంద్రబాబు ప్రభుత్వం ఇలా అభివద్ధి ఎత్తుగడ వేస్తోంది. కాగా మున్సిపాలిటీల్లో చేపట్టిన అభివృద్ధి పనులు ఎప్పటికీ పూర్తి చేస్తారు అనేది ప్రశ్నార్ధకంగా మారింది. ఎన్నికల కోసం ఇస్తున్న కోటి నిధుల పనులు ఎన్నికలు ముగిసేలోగా పూర్తి చేయగలరా అనేది అనుమానమే. ఓటు కోసం బాబు కోటి విద్యలు పడుతుంటే.. ఓటుతో వాత పెట్టేందుకు జనాలు సిద్ధమవుతున్నారు.ఓటునునోటుతో కొంటా!.. నా రూటే సపరేటు ఎన్నికల వేళ చంద్రబాబు అభివృద్ధి నాటకం! కోటి రూపాయలతోపల్లెల్లో మౌలిక వసతులట! ఆ మధ్య మున్సిపాలిటీలకు రూ.94 కోట్లంటూ హడావుడి

మదనపల్లె టౌన్‌ : మదనపల్లి మండలంలో మంగళవారం రాత్రి దారుణ ఘటన జరిగింది. ఇంట్లో బియ్యం బస్తాలు అమ్మేసి మద్యం తాగుతున్నాడని.. కన్నకొడుకే తండ్రిని బండ రాళ్లు, కర్రలతో కొట్టి చంపేశాడు. ఈ హత్య ఘటనకు సంబంధించి తాలుకా సీఐ మహ్మద్‌ రఫీ తెలిపిన వివరాల మేరకు.. మదనపల్లి మండలం కొత్తవారిపల్లె పంచాయతీ గాజులవారిపల్లికి చెందిన కృష్ణమూర్తి కుమారుడు రైతు చక్కెర సహదేవ(50) వ్యవసాయంతోపాటు పాడి ఆవులు మేపుకొని భార్య రమణ కుమారి, ఇద్దరు పిల్లల్ని పోషించుకుని జీవనం సాగిస్తుండే వాడు. ఈ క్రమంలో వ్యవసాయ బావి దగ్గర ఇటీవల సహదేవ కొత్త ఇంటిని నిర్మించాడు. కూతురు ఇందు బెంగుళూరులో సాఫ్ట్‌వేర్‌ ఇంజనీర్‌గా చేస్తున్నారు. కొడుకు సంతోష్‌ ఇంటి పట్టునే ఉంటూ వ్యవసాయ పనులు చేస్తున్నాడు. అయితే సహదేవ గత నెల రోజులుగా తరచూ మద్యం తాగి ఇంటికి వస్తున్నాడని, ఇంట్లో మందలించినా తీరు మార్చుకోలేదని ఆగ్రహించిన.. కొడుకు సంతోష్‌ తన తండ్రిని కర్రలతోపాటు బండ రాళ్లతో కొట్టి దారుణంగా హత్య చేశాడు. కొత్తగా పొలం దగ్గర నిర్మించిన ఇంటి సమీపంలో సహదేవను తీసుకెళ్లి పడేసి ప్రమాదంగా చిత్రీకరించే ప్రయత్నంలో భాగంగా.. రక్తపు మడుగులో పడి ఉన్న అతన్ని స్థానికుల సాయంతో కుటుంబీకులే మదనపల్లి జిల్లా ప్రభుత్వాసుపత్రికి తరలించారు. ఆస్పత్రి అత్యవసర విభాగం డాక్టర్లు పరీక్షించి అప్పటికే సహదేవ చనిపోయాడని చెప్పారు. సహదేవ హత్యకు గురికావడంతో రకరకాల అనుమానాలు ఉన్నాయని ఘటనా స్థలికి వెళ్లిన పోలీసులకు గ్రామస్తులు కొంత సమాచారం ఇవ్వడంతో సంతోష్‌ను అదుపులోకి తీసుకున్నారు. తమదైన శైలిలో విచారణ చేయడంతో తానే హత్య చేసినట్లు నిందితుడు నేర అంగీకరించగా.. తాలుకా పోలీస్‌ స్టేషన్‌కు తీసుకెళ్లి హత్య కేసు నమోదు చేసి దర్యాప్తు చేస్తున్నట్లు సీఐ తెలిపారు. రోజూ అందరితో కలివిడిగా మాట్లాడుతూ.. తిరుగుతున్న సహదేవను కన్న కొడుకే హత్య చేసి చంపడాన్ని గ్రామస్తులు జీర్ణించుకోలే పోతున్నారు. సహదేవ హత్య ఉదంతంతో గ్రామంలో విషాద ఛాయలు అలుముకున్నాయి. మదనపల్లె మండలంలో దారుణం ప్రమాదంగా చిత్రీకరించే ప్రయత్నం పోలీసుల విచారణతో వెలుగులోకి..

మదనపల్లె టౌన్‌: కుటుంబ కలహాలతో ఓ మహిళ మనస్థాపం చెంది ఆత్మహత్యాయత్నానికి పాల్పడింది. కురబలకోట మండలంలో సోమవారం చోటు చేసుకున్న ఘటనపై బాధ్యతరాలి కుటుంబీకులు ఆసుపత్రి అవుట్‌ పోస్ట్‌ పోలీసులు తెలిపిన వివరాలు ఇలా ఉన్నాయి.. కురబలకోట కు చెందిన జరీనా (50) కుటుంబ కలహాలతో మనస్తాపం చెంది ఇంట్లో ఉన్న యాసిడ్‌ తాగింది. కుటుంబీకులు గమనించి ఆమెను స్థానిక జిల్లా ఆసుపత్రికి తరలించారు. డాక్టర్లు వైద్యం అందించడంతో ప్రాణాపాయం తప్పి కోలు కుంటూ ఉంది. ఘటనపై ముదివేడు పోలీసులు కేసు విచారణ చేస్తున్నారు. శ్రీగంధం స్మగ్లింగ్‌: ఇద్దరు అరెస్ట్‌ గుర్రంకొండ: ఆర్టీసీ బస్సులో గుట్టుచప్పుడు కాకుండా శ్రీగంధం దుంగలను తరలిస్తున్న ఇద్దరు స్మగ్లర్లను గుర్రంకొండ పోలీసులు అరెస్ట్‌ చేశారు. వారి వద్ద నుంచి 3 కిలోల శ్రీగంధం దుంగలను స్వాధీనం చేసుకున్నారు. ఎస్‌ఐ రవీంద్రబాబు తెలిపిన వివరాల మేరకు... సదుం మండలం యర్రాతివారిపల్లెకు చెందిన పంచెపాలెం (52), గుర్రంకొండ మండలం యల్లంపల్లెకు చెందిన సుధాకర్‌ (54)లు కొంతకాలంగా శ్రీగంధం చెట్లను అక్రమంగా నరికివేస్తూ స్మగ్లింగ్‌కు పాల్పడుతున్నారు. ఈ క్రమంలో సోమవారం వడ్డిపల్లె సమీపంలోని అటవీ ప్రాంతంలో శ్రీగంధం చెట్లను నరికి, వాటిని చిన్న చిన్న దుంగలుగా మార్చారు. వీటిని పీలేరులో విక్రయించడానికి గుర్రంకొండ – వాల్మీకిపురం ఆర్టీసీ బస్సు ఎక్కారు. విశ్వసనీయ సమాచారం అందుకున్న పోలీసులు తరిగొండ వద్ద సదరు బస్సును నిలిపివేసి తనిఖీలు చేపట్టారు. నిందితుల సంచిలో అక్రమంగా తరలిస్తున్న శ్రీగంధం దుంగలను గుర్తించి, వారిని అదుపులోకి తీసుకున్నారు. నిందితులపై కేసు నమోదు చేసి దర్యాప్తు చేస్తున్నట్లు ఎస్‌ఐ రవీంద్రబాబు పేర్కొన్నారు. సిండికేట్‌గా మారి ధరలు తగ్గించేస్తున్నారు గుర్రంకొండ: మార్కెట్‌యార్డులో టమాటా మండీల యజమానులు సిండికేట్‌గా మారి ధరలను తగ్గించేస్తున్నారని రైతులు ఫిర్యాదు చేశారు. సోమవారం స్థానిక మార్కెట్‌యార్డులో మార్కెట్‌కమిటీ వైస్‌ చైర్మన్‌ నౌషాద్‌ఆలీ, మార్కెట్‌కమిటీ కార్యదర్శి మదన్‌మోహన్‌రెడ్డి పర్యటించారు. ఈసందర్బంగా మండీల్లొ నిర్వహిస్తున్న వేలం పాటలను పరిశీలించారు. అనంతరం స్థానిక మార్కెట్‌యార్డు కార్యాలయంలో రైతులతో సమావేశం నిర్వహించారు. మండీల యజమానులు సిండికేట్‌గా మారి టమాటా ధరలను తగ్గించేస్తున్నారని రైతులు ఆరోపించారు. వ్యాపారులు టమాటాల కొనుగోలుకు సంబందించి బిల్లులను సక్రమంగా చెల్లించడం లేదని, నెలల తరబడి డబ్బులు ఇవ్వకుండా ఇబ్బందులకు గురి చేస్తున్నారని రైతులు ఫిర్యాదు చేశారు. వ్యాపారులతో మాట్లాడి సమస్యలు పరిష్కరిస్తామని వైస్‌ చైర్మన్‌, కార్యదర్శులు పేర్కొన్నారు. ఈ కార్యక్రమంలొ మార్కెట్‌కమిటీ డైరెక్టర్లు బయ్యారెడ్డి, బాబ్‌జాన్‌, యూడీసీ సునీల్‌ కుమార్‌, సూపర్‌వైజర్‌ నయిమ్‌భాషా, రైతులు పాల్గొన్నారు.

పీలేరురూరల్‌ : ద్విచక్రవాహనం అదుపు తప్పి యువకుడికి తీవ్ర గాయాలైన సంఘటన మండలంలోని ముడుపులవేముల పంచాయతీ కృష్ణారెడ్డిగారిపల్లె వద్ద చోటు చేసుకుంది. వివరాలిలావున్నాయి. పీలేరు మండలం మేళ్లచెరువు కస్పాకు చెందిన రమణారెడ్డి కుమారుడు మల్లికార్జునరెడ్డి (15) సోమవారం దిగువ వగళ్ల నుంచి ద్విచక్రవాహనంలో స్వగ్రామానికి బయలుదేరాడు. కృష్ణారెడ్డిగారిపల్లె వద్ద కల్వర్టును ఢీకొన్నాడు. ఈ ప్రమాదంలో తీవ్రంగా గాయపడ్డ మల్లికార్జునరెడ్డిని 108 వాహనంలో పీలేరు ప్రభుత్వాస్పత్రికి తరలించారు. ప్రథమ చికిత్స అనంతరం మెరుగైన వైద్యం కోసం తిరుపతి స్విమ్స్‌కు తరలించారు. పోలీసులు కేసుదర్యాప్తు చేస్తున్నారు. వేరు వేరు ప్రమాదాల్లో .. మదనపల్లె టౌన్‌: వేర్వేరు రోడ్డు ప్రమాదాల్లో సోమవారం ఇద్దరు తీవ్రంగా గాయపడి మదనపల్లి జిల్లా ప్రభుత్వ ఆసుపత్రిలో చేరారు.. పట్టణంలోని చంద్ర కాలనీకి చెందిన అబ్దుల్లా భార్య ముబారక్‌(36) ఆటోలో గురుకుల పాఠశాల వద్దకు వెళుతుండగా, మార్గ మధ్యం లోని చంద్రా కాలనీ మలుపు వద్ద కారు ఆటోను ఢీకొనడంతో తీవ్రంగా గాయపడింది. స్థానికులు ఆమెను జిల్లా ఆసుపత్రికి తరలించారు. మండలంలోని సిటిఎంలో ఆటో ఢీకొని వాల్మీకి పురానికి చెందిన స్కూటరిస్టు సత్య ప్రసాద్‌(26) తీవ్రంగా గాయపడ్డాడు. బాధితున్ని వెంటనే 108లో స్థానిక జిల్లా ఆసుపత్రికి తరలించగా వైద్యులు పరీక్షించి మెరు గైన వైద్యం అందించారు. పరిస్థితి విషమంగా ఉండటంతో తిరుపతి రుయాకు రెఫర్‌ చేశారు. పోలీసులు కేసు నమోదు చేసి దర్యాప్తు చేస్తున్నట్లు తెలిపారు. బొలెరో ఢీ కొట్టి.. నిమ్మనపల్లె (మదనపల్లె టౌన్‌): బైక్‌ పై మదనపల్లెకు వస్తున్న వారిని బొలెరో వాహనం ఢీ కొట్టి తీవ్రంగా గాయపడ్డారు. సోమవారం నిమ్మనపల్లి మండలంలో జరిగిన ఘటనపై బాధితులు పోలీసులకు ఇచ్చిన ఫిర్యాదు మేరకు వివరాలు.. మండలంలోని సోమానుపల్లికి చెందిన రైతు శేషాద్రి రెడ్డి (45), వారి దగ్గర బంధువు నవీన్‌ (20) సోమనుపల్లి నుంచి బైకై ్ప మదనపల్లెకు బయలుదేరారు. స్కూటర్‌ మార్గమధ్యంలోని ఎగువ మాసిరెడ్డి గారి పల్లె వద్దకు రాగానే బొలోరో వేగంగా వచ్చి బైకును ఢీ కొట్టింది. ఈ ప్రమాదంలో తీవ్రంగా గాయపడ్డ ఇద్దరిని స్థానికులు వెంటనే 108లో మదనపల్లి జిల్లా ప్రభుత్వాసుపత్రికి తరలించారు. ఆస్పత్రి అత్యవసర విభాగం డాక్టర్లు పరీక్షించి మెరుగైన వైద్య చికిత్సల అనంతరం శేషాద్రి రెడ్డి ని తిరుపతి రియాకు వెళ్లాలని రెఫర్‌ చేశారు. ఘటనపై నిమనపల్లి ఎస్సై రామకృష్ణ కేసు దర్యాప్తు చేస్తున్నారు. కుక్కర్‌ పేలి వంట మాస్టర్‌కు.. నిమ్మనపల్లె (మదనపల్లె టౌన్‌): నిమ్మనపల్లె మండలంలోని తవళం నేల మల్లేశ్వర స్వామి ఆలయం ప్రాంగణంలో సోమవారం నిర్వహించిన అన్నదాన కార్యక్రమం సందర్భంగా భక్తుల కోసం వంట చేస్తున్న సమయంలో ప్రమాదవశాత్తు కుక్కర్‌ పేలి వంట మాస్టర్‌ తీవ్రంగా గాయపడ్డాడు. వివరాలు..చౌడేపల్లి మండలం, బోయకొండ కొలింపల్లి కు చెందిన వంట మాస్టర్‌ వెంకటరమణ (63), తన అనుచరులతో వంట చేయడానికి ఆలయం వద్దకు వెళ్లారు. అక్కడ అందరూ కలిసి వంట చేస్తుండగా ఉన్నట్లుండి కుక్కర్‌ పేలి తీవ్రంగా గాయపడ్డాడు. బాధితుడిని స్థానికులు మదనపల్లె జిల్లా ప్రభుత్వ ఆసుపత్రికి తరలించారు. డాక్టర్లు వైద్యం అందించడంతో ప్రాణాపాయం తప్పి కోలు కుంటూ ఉన్నాడు. గాయపడిన సత్యప్రసాద్‌, ముబారక్‌

● మహబూబ్‌ జాన్‌ కన్నీటి గాథ ● చలించిన జాయింట్‌ కలెక్టర్‌ మదనపల్లె (కురబలకోట): ఆమెకు నోటి మాట రాదు.. కనీసం కూర్చోలేదు, లేవలేదు. ఒక ముద్ద నోట్లోకి వెళ్లాలన్నా, దైనందిన సపర్యలు జరగాలన్నా మరొకరు చేయి కలపాల్సిందే. అన్నమయ్య జిల్లా ములకలచెరువుకు చెందిన మహబూబ్‌ జాన్‌ (45) అనే మానసిక, శారీరక దివ్యాంగురాలి జీవితం ఒక నిశ్శబ్ద నరకం. కంటి ఐరిష్‌ రావడం లేదని, చేతివేలి ముద్రలు పడటం లేదని సాంకేతిక కారణాలు చెప్పి సిబ్బంది చేతులెత్తేయడంతో, 45 ఏళ్లుగా ఆమెకు ఆధార్‌ కార్డే లేదు. ఫలితంగా రేషన్‌ కార్డు, వికలత్వ సర్టిఫికెట్‌ రాక.. చట్టబద్ధంగా దక్కాల్సిన రూ. 15,000 వైద్య పింఛన్‌కు ఈ అభాగ్యురాలు దూరమైంది. బతుకే భారమైన ఆ పేద కుటుంబం రోజూ చస్తూ బతికింది. చివరి ప్రయత్నంగా కుటుంబీకులు రూ. 1,500 చెల్లించి మహబూబ్‌ జాన్‌ను ఆటోలో మదనపల్లె కలెక్టరేట్‌ ‘పీజీఆర్‌ఎస్‌’కు తీసుకొచ్చారు. ఆటోలో అచేతనంగా పడి ఉన్న ఆమె దుస్థితిని చూసి జాయింట్‌ కలెక్టర్‌ శివ్‌ నారాయణ శర్మ చలించిపోయారు. నిబంధనల కంటే మానవత్వమే మిన్నగా భావించి, వెంటనే అధికారులను పిలిపించారు. ‘సాంకేతిక సాకులు చెప్పి ఇలాంటి వారిని రోడ్డున పడేస్తారా?’ అని ప్రశ్నిస్తూ.. ప్రత్యేక అధికారిక అథెంటికేషన్‌తో ఆమెకు వెనువెంటనే ఆధార్‌, రేషన్‌ కార్డులు మంజూరు చేయాలని అక్కడికక్కడే ఆదేశించారు. జేసీ ఇచ్చిన ఆ ఒక్క ఆర్డర్‌.. 45 ఏళ్ల ఆ కుటుంబ చీకటిని చీల్చి, డిజిటల్‌ యుగంలో మానవత్వం ఇంకా బతికే ఉందని నిరూపించింది.

● జాబ్‌లు, ప్రభుత్వ పనుల పేరుతో మోసాలు ● అమాయకుల నుంచి రూ. లక్షల్లో వసూళ్లు మదనపల్లె టౌన్‌: ప్రభుత్వ ఉద్యోగాలు, పనులు చేయిస్తానని నమ్మించి లక్షలాది రూపాయలు వసూలు చేసిన నకిలీ అధికారి షేక్‌ సయ్యద్‌ మీర్‌ (50) ను మదనపల్లె వన్‌ టౌన్‌ పోలీసులు అరెస్ట్‌ చేశారు. డీఎస్పీ ప్రసాద్‌, సీఐ మోహన్‌ తెలిపిన వివరాల ప్రకారం.. మదనపల్లె గొల్లపల్లెకు చెందిన నిందితుడు తిరుపతికి మకాం మార్చి, తనను ‘నేర నిరోధక సంస్థ రాష్ట్ర అధ్యక్షుడు’గా పరిచయం చేసుకునేవాడు. కారుపై బోర్డు, నకిలీ గుర్తింపు కార్డులతో తిరుగుతూ అమాయకులను నమ్మించేవాడు.బాధితుల నుంచి ఫోన్‌పే, బ్యాంక్‌ ఖాతాల ద్వారా రూ.3.50 లక్షలకు పైగా వసూలు చేశాడు. డబ్బులు తిరిగి అడిగితే చంపేస్తానని బెదిరింపులకు దిగాడు. పీలేరు మార్గంలో వాహన తనిఖీలు చేస్తుండగా కారుతో పారిపోతుండగా పోలీసులు ఇతన్ని పట్టుకున్నారు. నిందితుడి నుంచి కారు, మూడు నకిలీ కార్డులు స్వాధీనం చేసుకుని రిమాండ్‌కు తరలించారు. కాగా, జిల్లా ఎస్పీ ధీరజ్‌ కునిబిల్లి నిర్వహించిన ప్రజా సమస్యల పరిష్కార వేదికలో ఈ నిందితుడిపై మరికొన్ని ఫిర్యాదులు వచ్చాయి. ఏడేళ్ల క్రితమే పీలేరు రేగళ్ళు కు చెందిన అల్లా భక్ష్‌ వద్ద రూ.5 లక్షలు, జాకీర్‌ హుస్సేన్‌ వద్ద రూ.7 లక్షలు వసూలు చేసి మోసం చేసినట్లు బాధితులు ఫిర్యాదు చేశారు. అన్నమయ్య, తిరుపతి, చిత్తూరు జిల్లాల్లోని బాధితుల నుంచి మరికొన్ని ఫిర్యాదులు స్వీకరించి అసలు నమ్మొద్దు చేయనున్నట్లు పేర్కొన్నారు కాదా సోమవారం స్థానిక టూ టౌన్‌ పోలీస్‌ స్టేషనలోనూ సయ్యద్‌ మీర్‌ పై మరో చీటింగ్‌ కేసు నమోదు చేసినట్లు తెలిపారు.

లక్కిరెడ్డిపల్లె: మండల పరిధిలోని దిన్నెపాడు గ్రామంలో గత రెండు రోజులుగా కార్లు, ద్విచక్ర వాహనాలపై కొంతమంది వ్యక్తులు అనుమానాస్పదంగా తిరుగుతుండటం స్థానికంగా తీవ్ర కలకలం రేపింది. ఈ క్రమంలో సోమవారం సాయంత్రం అనుమానాస్పదంగా సంచరిస్తున్న వాహనాలను గ్రామస్తులు అడ్డుకొనేందుకు ప్రయత్నించారు. అయితే కార్లలో ఉన్న వ్యక్తులు వేగంగా తప్పించుకుపోగా, ద్విచక్ర వాహనాలపై ఉన్న ముగ్గురిని గ్రామస్తులు వెంబడించి పట్టుకున్నారు. పట్టుబడిన వారిని గ్రామస్తులు నిలదీసి, వివరాలు ఆరా తీసిన అనంతరం లక్కిరెడ్డిపల్లి పోలీసులకు అప్పగించారు. వీరు రాయచోటి ప్రాంతానికి చెందిన ముగ్గురు వ్యక్తులుగా నిర్ధారణ అయింది. దిన్నెపాడుకు చెందిన వైఎస్సార్‌సీపీ యువనాయకుడు గజేంద్రరెడ్డి లక్కిరెడ్డిపల్లి పోలీస్‌ స్టేషన్‌లో సదరు ముగ్గురు అనుమానితులపై అధికారికంగా ఫిర్యాదు చేశారు. ప్రస్తుతం పోలీసులు వారిని అదుపులోకి తీసుకుని విచారిస్తున్నారు. ఈ ఘటనపై సమాచారం అందుకున్న వైఎస్సార్‌సీపీ రాష్ట్ర ప్రధాన కార్యదర్శి గడికోట శ్రీకాంత్‌ రెడ్డి, హిందూపురం పార్లమెంటు పరిశీలకులు ఆర్‌. రమేష్‌కుమార్‌ రెడ్డిలు స్థానిక వైఎస్సార్‌సీపీ నేతలతో మాట్లాడి, ఆ అనుమానిత వ్యక్తులు ఎవరు, ఎందుకు తిరుగుతున్నారనే వివరాలను అడిగి తెలుసుకున్నారు. ఈ కార్యక్రమంలో మార్కెట్‌ కమిటీ మాజీ చైర్మన్‌ ప్రభాకర్‌ రెడ్డి, రామాపురం మాజీ జెడ్పీటీసీ వెంకటరమణ, రామాపురం మాజీ సర్పంచ్‌ భూషణ్‌ రెడ్డి, వైఎస్సార్‌సీపీ రాష్ట్ర నాయకులు సూరం వెంకటసుబ్బారెడ్డి, చెన్నారెడ్డిలతో పాటు లక్కిరెడ్డిపల్లి, రామాపురం మండలాలకు చెందిన పలువురు మాజీ సర్పంచ్‌లు, మాజీ ఎంపీటీసీలు, వైఎస్సార్‌సీపీ నాయకులు, కార్యకర్తలు పాల్గొన్నారు.

మదనపల్లె మున్సిపాలిటీ 1961లో మదనపల్లి మున్సిపాలిటీగా ఏర్పడింది. అప్పటినుంచి 2021 ఎన్నిక వరకు చైర్మన్‌ పదవి జనరల్‌ గానే రిజర్వేషన్‌ అయింది. 2021లో ఒక్కసారి మాత్రమే జనరల్‌ మహిళ కింద రిజర్వ్‌ అయింది. ఒకసారి మహిళ మినహా మినహాయిస్తే ఎన్నికై న చైర్మన్లందరూ పురుషులే. ఈ మున్సిపాలిటీ చరిత్రలో తొలిసారిగా బీసీ జనరల్‌కు రిజర్వేషన్‌ కావడం విశేషం. ఇప్పుడి మున్సిపాలిటీ సెలక్షన్‌ గ్రేడ్‌ స్థాయికి ఎదిగింది.పుర చరిత్రను తిరగేస్తే..! సాక్షి, మదనపల్లె : అన్నమయ్య జిల్లా ఏర్పడిన తర్వాత జరుగుతున్న తొలి మున్సిపాలిటీ ఎన్నికలు చరిత్రలో నిలిచిపోనున్నాయి. జిల్లాలోని మూడు మున్సిపాలిటీలు, ఒక నగర పంచాయ తీ చైర్మన్‌ పదవులు బీసీలకే రిజర్వ్‌ అయ్యాయి. అందులో ఒక బీసీ మహిళ, మూడు బీసీ జనరల్‌ కేటాయించారు. ఆయా మున్సిపాలిటీల చరిత్ర క్లుప్తంగా..

పెద్దతిప్పసముద్రం: మండలంలోని బూర్లపల్లిలో సోమవారం నవ్యరెడ్డి (22) అనే నాలుగు నెలల గర్బిణీ అనుమానాస్పదంగా మృతి చెందింది. వివరాలు.. మండలంలోని పోతుపేటకు చెందిన గంగిరెడ్డి కుమార్తె నవ్యరెడ్డికి ఇదే మండలంలోని బూర్లపల్లికి చెందిన అరవిందరెడ్డితో ఆరు నెలల క్రితం వివాహం జరిగింది. ఈ నేపథ్యంలో నాలుగు నెలల గర్బిణీ అయిన నవ్యరెడ్డి ఇంట్లోనే మంచంపై పడుకుని హఠాత్తుగా మృతి చెందినట్లు భర్త కుటుంబీకులు పేర్కొంటున్నారు. బీపీ తక్కువ అయి ఉండవచ్చని తెలిపారు. అయితే మృతి చెందిన యువతి గొంతు భాగంలో గాట్లు ఉన్నాయని,ఆమె మృతిపై అనుమానాలు ఉన్నా యని బంధువులు పోలీసులకు ఫిర్యాదు చే శా రు.ఈమేరకు పోలీసులు కేసు నమోదు చేశారు. 37 మందిపై బైండోవర్‌ కేసులు గాలివీడు : మండల వ్యాప్తంగా పలు గ్రామాల నుంచి 37 మందిపై బైండవర్‌ కేసులు నమోదు చేసినట్లు ఎస్‌ఐ నరసింహారెడ్డి తెలిపారు మిగతావారుకూడా స్టేషన్‌లో హాజరు కావాలన్నారు. ఆయా వ్యక్తులు ఆధార్‌ కార్డు జిరాక్స్‌తో రావాలని ఆయన సూచించారు. లేడీడాన్‌ వాణిపై కేసు మదనపల్లె టౌన్‌: హ్యూమన్‌ రైట్స్‌ ప్రొటెక్షన్‌ పేరుతో సమస్యలు పరిష్కరిస్తానని బాధితుల వద్ద రూ. లక్షల్లో డబ్బు తీసుకుంటూ దశాబ్దం కాలంగా మోసాలు చేస్తోన్న అన్నమయ్య జిల్లాకు చెందిన లేడి డాన్‌ అంగళ్ళు వాణి పై పోలీసులు కేసు నమోదుచేశారు. కురబలకోట మండలం, అంగళ్ళుకు చెందిన వాణి అమాయక ప్రజలకు తాను హ్యూమన్‌ రేట్స్‌ స్టేట్‌ ప్రెసిడెంట్‌ మహిళా వింగ్‌నని నమ్మించి, ప్రభుత్వ అధికారిక రాజముద్ర మూడు తలలున్న సింహం గుర్తును విజిటింగ్‌ కార్డుపై వేసుకుని మోసాలు చేస్తున్నట్లు ఫిర్యాదు అందడంతో ఆదివారం అర్థ రాత్రి ముదివేడు పోలీస్‌ స్టేషన్‌లో మరో చీటింగ్‌ కేసు నమోదు చేశామన్నారు. మదనపల్లె బసినికొండకు చెందిన దివ్యాంగురాలు జ్యోతి దగ్గర రూ. 8లక్షలు తీసుకొని తిరిగి ఇవ్వకుండా ఆమెను చంపుతానని బెదిరిస్తోందని బాధితురాలి ఫిర్యాదు పై వాణిపై కేసు రిజిస్టర్‌ చేశామని తెలిపారు.

● రాజకీయ ఒత్తిళ్లతో విచారణకు బ్రేక్‌! ● 50కి పైగా వాహనాలు మాయం.. చూపింది 13 మాత్రమే రాయచోటి: రైతన్నలను నమ్మించి, అద్దె పేరుతో వారి జీవితాధారమైన ట్రాక్టర్లను లాక్కొని సొమ్ము చేసుకున్న అంతర్రాష్ట్ర పోలీసు ముఠా అవినీతి వ్యవహారం రాష్ట్రవ్యాప్తంగా కలకలం రేపుతోంది. అన్నమయ్య జిల్లా సంబేపల్లె పరిధిలో వెలుగుచూసిన ఈ భారీ కుంభకోణాన్ని కేవలం 13 ట్రాక్టర్ల రికవరీతోనే ముగించేందుకు తెరవెనుక ముమ్మర ప్రయత్నాలు జరుగుతుండటం తీవ్ర అనుమానాలకు తావిస్తోంది. ఈ భారీ స్కామ్‌లో 50 నుంచి 100 ట్రాక్టర్ల వరకు దారిమళ్లినట్లు విచారణలో తేలింది. అయితే, ఈ అక్రమ సంపాదన ముఠాకు అధికార పార్టీకి చెందిన ముఖ్య నేతల అండదండలు పుష్కలంగా ఉన్నట్లు తెలుస్తోంది. నిందితులు దొరికితే తమ గుట్టు ఎక్కడ బయటపడుతుందోననే భయంతో, అధికార పార్టీ నాయకులు పోలీసులపై తీవ్ర ఒత్తిడి తెచ్చి విచారణకు బ్రేకులు వేయించినట్లు విమర్శలు వెల్లువెత్తుతున్నాయి. అందుకే పోలీసులు కేవలం 13 ట్రాక్టర్లు, 5 ట్రాలీలను మాత్రమే రికవరీ చూపి చేతులు దులుపుకున్నారనే ఆరోపణలు వస్తున్నాయి. సరిహద్దులు దాటిన నెట్‌వర్క్‌ ఈ ముఠా అవినీతి సామ్రాజ్యం ఒక్క అన్నమయ్య జిల్లాకే పరిమితం కాలేదు. వైఎస్సార్‌ కడప, శ్రీ సత్యసాయి, అనంతపురం, నెల్లూరు, తిరుపతి, గుంటూరు జిల్లాల వరకు పాకింది. నెలనెలా అద్దెలు ఇస్తామని నమ్మించి రైతుల నుంచి వాహనాలు తీసుకోవడం, వాటిని కర్ణాటక సరిహద్దుల్లో తక్కువ ధరలకు విక్రయించడం వీరి శైలి. ‘సాక్షి’ నిరంతరం కథనాలను ప్రచురిస్తూ బాధితుల పక్షాన నిలబడటంతో ఉన్నతాధికారుల్లో కదలిక వచ్చింది. ఈ క్రమంలోనే అనంతపురం 14వ బెటాలియన్‌కు చెందిన ఏఆర్‌ ఎస్‌ఐ నెల్లిపల్లి చంద్రహాస్‌, కానిస్టేబుల్‌ సోమల ప్రతాప్‌ లపై విచారణ జరిపి వారిని సస్పెండ్‌ చేశారు. వీరితో పాటు వాసుదేవరెడ్డి, సుదీర్‌, నరేష్‌, విశ్వనాథ్‌ రెడ్డి తదితరులు ఈ దోపిడీలో భాగస్వాములుగా తేలారు. రైతుల అద్దె డబ్బులూ స్వాహా! ట్రాక్టర్లను విక్రయించిన ముఠా నుంచి రైతులకు అందాల్సిన నెలవారీ అద్దె బాకీలను కొంతమంది పోలీసులు లక్షలాది రూపాయల రూపంలో వసూలు చేశారని, కానీ ఆ సొమ్మును అసలైన బాధితులకు ఇవ్వకుండా తామే నొక్కేసారని రైతులు ఆవేదన వ్యక్తం చేస్తున్నారు. ఈ వసూళ్ల ఆరోపణలపై రాయచోటి డీఎస్పీ కృష్ణమోహన్‌ స్పందిస్తూ.. ప్రస్తుతం స్వాధీనం చేసుకున్న వాహనాలను రైతులకు అప్పగించే కార్యక్రమం చేపట్టామన్నారు. పోలీసులు అద్దె డబ్బులు వసూలు చేసిన విషయం తన దృష్టికి రాలేదని, ఒకవేళ ఎవరి దగ్గరైనా ఇందుకు సంబంధించిన ఆధారాలు ఉంటే తన దృష్టికి తీసుకురావాలని, బాధ్యులపై కఠిన చర్యలు తీసుకుంటామని ఆయన స్పష్టం చేశారు.

మదనపల్లె టౌన్‌ : స్థానిక సంస్థల ఎన్నికలను ప్రశాంతంగా, స్వేచ్ఛాయుత వాతావరణంలో నిర్వహించేందుకు జిల్లా పోలీసు యంత్రాంగం పూర్తి సన్నద్ధమైంది. ఇందులో భాగంగా ఎస్పీ ధీరజ్‌ కునుబిల్లి సోమవారం మదనపల్లె పట్టణంలో పర్యటించి కీలక పోలింగ్‌, కౌంటింగ్‌ కేంద్రాలు, స్ట్రాంగ్‌ రూమ్‌లను పరిశీలించారు. మొదట ఆర్టీసీ బస్టాండ్‌ సమీపంలోని జెడ్పీ హైస్కూల్‌లోని స్ట్రాంగ్‌ రూమ్‌ను పరిశీలించి సీసీటీవీ పనితీరు, ఆర్మ్‌డ్‌ రిజర్వ్‌ గార్డుల బందోబస్తును తనిఖీ చేశారు. అనంతరం మాయాబజార్‌ వివేకానంద మున్సిపల్‌ హైస్కూల్‌లో ట్రాఫిక్‌ మళ్లింపులు, పార్కింగ్‌ ఏర్పాట్లపై సూచనలు చేశా రు. అలాగే ఆదిత్య ఇంజనీరింగ్‌ కళాశాలలోని కౌంటింగ్‌ కేంద్రాన్ని తనిఖీ చేశారు. సమస్యాత్మక ప్రాంతాలపై ప్రత్యేక నిఘా ఉంచాలని ఎస్పీ ఆదేశించారు. డీఎస్పీ బి.ప్రసాద్‌, వన్‌టౌన్‌ సీఐ మోహన్‌ కుమార్‌, టూ టౌన్‌ సీఐ గోపాల్‌ రెడ్డి, ఎస్బీ సీఐలు సదాశివయ్య, ఎరిషావలీ తదితరులు పాల్గొన్నారు. పోలీసు పీజీఆర్‌ఎస్‌కు 82 ఫిర్యాదులు మదనపల్లెలోని జిల్లా పోలీసు ప్రధాన కార్యాలయంలో సోమవారం నిర్వహించిన ‘ప్రజా సమస్యల పరిష్కార వేదిక’ కార్యక్రమంలో ఎస్పీ ధీరజ్‌ కునుబిల్లి ప్రజల నుంచి నేరుగా ఫిర్యాదులు స్వీకరించారు. ఈ వేదికకు మొత్తం 82 ఫిర్యాదులు వచ్చాయి. సందర్భంగా ఎస్పీ మాట్లాడుతూ వచ్చిన ప్రతి ఫిర్యాదుపై విచారణను వేగంగా పూర్తిచేసి, సంబంధిత నివేదికలను వెంటనే జిల్లా ప్రధాన కార్యాలయానికి పంపాలని స్పష్టం చేశారు.

మదనపల్లి (కురబలకోట) : ప్రజల ఆస్తులను, ప్రాణాలను కాపాడే అగ్నిమాపక శాఖ మరింత పటిష్ట సేవలు అందించేందుకు జిల్లాలోని వాల్మీకిపురం, పుంగనూరు, లక్కిరెడ్డిపల్లి, పీలేరు, మదనపల్లిలోని ఫైర్‌ స్టేషన్లకు కొత్త వాహనాలను వినియోగంలోకి తెచ్చినట్లు జిల్లా అగ్నిమాపక శాఖ అధికారి ఆదినారాయణ రెడ్డి సోమవారం తెలిపారు. ఎలాంటి అత్యవసర పరిస్థితినైనా ఎదుర్కొనేందుకు అగ్నిమాపక యంత్రాంగం సంసిద్ధంగా ఉందని వివరించారు. పోలీస్‌ శాఖలోకి కొత్త జాగిలం ‘తారా’ మదనపల్లె టౌన్‌ : జిల్లా పోలీస్‌ శాఖలో నేరాలను పసిగట్టేందుకు, అసాంఘిక శక్తుల ఆటకట్టించేందుకు అత్యంత చురుకైన బెల్జియన్‌ మాలినోయిస్‌ జాతికి చెందిన ’తార’ అనే జాగిలం చేరిందని ఎస్పీ ధీరజ్‌ సోమవారం మీడియాకు తెలిపారు.మంగళగిరి పోలీస్‌ డాగ్‌ ట్రైనింగ్‌ సెంటర్‌లో 11 నెలల పాటు కఠిన శిక్షణ పొందిన ఈ జాగిలానికి పేలుడు పదార్థాలను ముందుగానే పసిగట్టడంలో, గాలి వాసనతో నేరస్తులను ట్రాక్‌ చేయడంలో అత్యంత నైపుణ్యం ఉందని వివరించారు. రాష్ట్ర సీనియర్‌ హాకీ జట్టులో మదనపల్లె క్రీడాకారులు సాక్షి, మదనపల్లె : ఉత్తరప్రదేశ్‌లోని రాంచీలో జరుగుతున్న 16వ హాకీ ఇండియా సీనియర్‌ పురుషుల నేషనల్‌ చాంపియన్‌షిప్‌లో రాష్ట్ర సీనియర్‌ జట్టుకు మదనపల్లె చెందిన ముగ్గురు హాకీ క్రీడాకారులు జిల్లా తరఫున ఎంపికై నట్టు జిల్లా హాకీ సంఘం అధ్యక్ష, ఉపాధ్యక్షులు పివి.ప్రసాద్‌, జిపి.రాజు సోమవారం తెలిపారు. ఈ జట్టుకు మదనపల్లెకు చెందిన ఎల్‌.హితేష్‌రావ్‌ కెప్టెన్‌గా, జట్టులో క్రీడాకారులుగా వెంకట అఖిల్‌, మూజాహిద్‌ ఎంపిక అయ్యారని తెలిపారు. జిల్లాలో ఉద్యాన హబ్‌ వారోత్సవాలు మదనపల్లి (కురబలకోట) : జిల్లాలో ఈనెల 17 వరకు గ్లోబల్‌ హార్టికల్చర్‌ హబ్‌ పథకంపై అవగాహన వారోత్సవాలు నిర్వహించనున్న ట్లు కలెక్టర్‌ నిషాంత్‌ కుమార్‌ తెలిపారు. జిల్లాలో అన్ని రైతు సేవా కేంద్రాల్లో నిర్వహిస్తామని పేర్కొన్నారు. రైతులకు ఉద్యాన పంటల సాగు, సూక్ష్మ సేద్యం, యాంత్రీకరణ, కోత అనంతరం నిర్వహణ, ప్రాసెసింగ్‌, మార్కెటింగ్‌ తదితర అంశాలపై ప్రయోజనాలు కల్పించడమే లక్ష్యమన్నారు. అర్హత, ఆసక్తి కలిగిన రైతులు తమ సమీప రైతు సేవా కేంద్రాల్లో పేర్లు నమోదు చేసుకోవాలని సూచించారు.

● కలెక్టరేట్‌కు పొటెత్తిన బాధితులు.. ● పీజీఆర్‌ఎస్‌కు వినతుల సమర్పణ.. ● క్షేత్రస్థాయిలో చర్యలు శూన్యం మదనపల్లె (కురబలకోట): ప్రజా సమస్యల పరిష్కార వేదిక (పీజీఆర్‌ఎస్‌) అంటే అర్జీదారుల ప్రదక్షిణలా.. లేక సమస్యల పరిష్కారమా? అన్న అనుమానాలు క్షేత్రస్థాయిలో వ్యక్తమవుతున్నాయి. ప్రతి వారంలాగే ఈ సోమవారం కూడా జిల్లా నలుమూలల నుంచి కలెక్టరేట్‌లో జరిగిన పీజీఆర్‌ఎస్‌ కార్యక్రమానికి అర్జీదారులు పొటెత్తారు. భూసమస్యలు, రీసర్వే అవకతవకలు, పింఛన్లు తదితర ఇబ్బందులపై పీజీఆర్‌ఎస్‌, రెవెన్యూ క్లబ్‌ ద్వారా మొత్తం 433 దాకా అర్జీలు వచ్చాయి. అయితే కేవలం అర్జీల సంఖ్యతో పనిలేదు.. వాటికి శాశ్వత పరిష్కారాలు చూపడమే ముఖ్యమని బాధితులు ఘాటుగా వ్యాఖ్యానిస్తున్నారు. ఒకే సమస్యపై మళ్లీ మళ్లీ కలెక్టరేట్‌ చుట్టూ తిరగాల్సిన పరిస్థితి తగ్గితేనే ఈ వేదిక లక్ష్యం నెరవేరుతుందని స్పష్టం చేస్తున్నారు. పాత సీసాలో కొత్త సారా అన్నట్లుగా.. గతంలో ఇచ్చిన పాత సమస్యలకే మళ్లీ మళ్లీ అర్జీలు సమర్పించాల్సి రావడం పట్ల విచారం వ్యక్తమవుతోంది. సమస్యల పురోగతిని పర్యవేక్షించడం, గడువులోగా పరిష్కారం చూపి అర్జీదారులకు సంతృప్తిని కలిగించడం అత్యంత ముఖ్యమని డిమాండ్‌ చేస్తున్నారు. ఈ కార్యక్రమంలో జిల్లా జాయింట్‌ కలెక్టర్‌ శివ్‌నారాయణ శర్మ, సబ్‌ కలెక్టర్‌ చల్లా కళ్యాణి తదితరులు పాల్గొని అర్జీలు స్వీకరించారు. అర్జీల సత్వర పరిష్కారానికి తగిన చర్యలు తీసుకోవాలని ఆయా శాఖల అధికారులను ఆదేశించారు. భూముల విలువ తగ్గించాలి: కోటవారిపల్లిలో 40 ఎకరాల భూములకు ఎకరాకు రూ.65 లక్షల ప్రభుత్వ విలువ కట్టారని, క్షేత్రస్థాయి లో అంత రేటు లేకపోవడంతో రిజిస్ట్రేషన్‌ ఖర్చులే రూ.4 లక్షలు అవుతున్నాయని రైతులు వాపోతున్నారు. రీసర్వే తప్పులు: బండమీదపల్లి రైతు వై. నరసింహారెడ్డి తనకు పక్కా రికార్డులు ఉన్నా రీసర్వేలో 45 సెంట్ల భూమి తక్కువగా నమోదైందని ఫిర్యాదు చేశారు. రైతాంగ సమస్యలు: పాడి రైతులు, గొర్రెల పెంపకందారుల సమస్యలు తీర్చాలని, పశుసంవర్ధక శాఖలో ఖాళీలు భర్తీ చేయాలని బీజేపీ డిమాండ్‌ చేసింది. పాసుబుక్కులో అన్నీ తప్పులే: కురబలకోట మండలం మట్లివారిపల్లికి చెందిన వై. వెంకటరమణ నాయుడుకు ఇచ్చిన రీసర్వే పాసుబుక్కులో ఫొటో, తండ్రి పేరు, సర్వే నంబర్లు, విస్తీర్ణంతో పాటు చివరకు కులం కూడా తప్పుగా నమోదు చేశారని ఆవేదన వ్యక్తం చేశారు.

రాయచోటి టౌన్‌,: లక్కిరెడ్డిపల్లె మండలంలో జరిగిన ఒక హత్యాయత్నం కేసులో నలుగురు నిందితులకు మూడేళ్ల జైలు శిక్ష, ఒక్కొక్కరికి రూ.1,000 జరిమానా విధిస్తూ రాయచోటి సీనియర్‌ సివిల్‌ జడ్జి ఇ. ప్రసూన సోమవారం కీలక తీర్పు ఇచ్చారు. రాయచోటి డీఎస్పీ కృష్ణమోహన్‌ వెల్లడించిన వివరాల ప్రకారం.. లక్కిరెడ్డిపల్లె మండలం చింతకుంటపల్లెకు చెందిన నల్లతిమ్మారెడ్డిగారి చంద్రశేఖర్‌ రెడ్డి 2022 జనవరి 28న సర్వే నంబర్‌ 1178 భూమిని జేసీబీతో చదును చేయిస్తున్నారు. ఈ క్రమంలో అదే గ్రామానికి చెందిన నల్లతిమ్మారెడ్డి చెన్నారెడ్డి, పద్మారాణి, చంద్రశేఖర్‌ రెడ్డి, నరేష్‌కుమార్‌ రెడ్డిలు ఒక్కసారిగా కర్రలతో చంద్రశేఖర్‌ రెడ్డిపై తీవ్రంగా దాడికి పాల్పడ్డారు. ఈ దాడిలో తీవ్రంగా గాయపడిన బాధితుడి ఫిర్యాదు మేరకు అప్పటి లక్కిరెడ్డిపల్లె ఎస్‌ఐ వినోద్‌ కుమార్‌ క్రైమ్‌ నంబర్‌ 10/2022 కింద ఐపీసీ సెక్షన్లు 323, 324, 307, ఆర్‌/డబ్ల్యూ 34 కింద హత్యాయత్నం కేసు నమోదు చేశారు. కోర్టులో సుదీర్ఘ వాదనల అనంతరం నిందితులపై నేరం రుజువు కావడంతో న్యాయమూర్తి ఈ శిక్ష ఖరారు చేశారు.ఈ కేసులో ప్రాసిక్యూషన్‌ తరఫున అదనపు పబ్లిక్‌ ప్రాసిక్యూటర్‌ సి. గుర్రప్ప వాదనలు వినిపించారు. నిందితులకు శిక్ష పడేలా పక్కా ఆధారాలు సేకరించిన లక్కిరెడ్డిపల్లె సీఐ హెచ్‌. కృష్ణమరాజు, ఎస్‌ఐ జి. శోభలను డీఎస్పీ ప్రత్యేకంగా అభినందించారు.

పుంగనూరు : ముఖ్యమంత్రి చంద్రబాబు నాయుడు ఈరెండున్నరేళ్ల కాలంలో రూ.4 లక్షల కోట్లు అప్పు చేశారని, మిగిలిన కాలానికి మరో రూ.6లక్షల కోట్లు అప్పు చేసి రూ.10 లక్షల కోట్లు ప్రజలపై అప్పు పెడతారని వైఎస్సార్‌సీపీ రీజనల్‌ కో–ఆర్డినేటర్‌ పెద్దిరెడ్డి రామచంద్రారెడ్డి విమర్శించారు. రాష్ట్రం అభివృద్ధి చెందాలంటే 2029లో జరిగే ఎన్నికల్లో వైఎస్‌.జగన్‌మోహన్‌రెడ్డి రెండవ సారి ముఖ్యమంత్రి కావాల్సిన అవసరం ఉందన్నారు. పేద ప్రజల ఖాతాలకు డబ్బులు వేసిన ఘనత జగన్‌దేనని పేర్కొన్నారు. సోమవారం తన నియోజకవర్గ కేంద్రంలోని మున్సిపల్‌ ఎన్నికల ప్రచారాన్ని హనుమంతరాయునిదిన్నెలో గల శ్రీ ప్రసన్న ఆంజనేయస్వామి ఆలయం, సయ్యద్‌నూర్‌షావలిబాబా దర్గాలో ప్రార్థనలు చేసి ప్రారంభించారు. అక్కడ జరిగిన సభలో పెద్దిరెడ్డి మాట్లాడుతూ తెలుగుదేశం ప్రభుత్వం ఎన్నికల సమయంలో ఇచ్చిన సూపర్‌–6 హామీల్లో ఏ ఒక్కటీ పూర్తిస్థాయిలో నేరవేర్చలేదని మండిపడ్డారు. అమరావతి పేరుతో ఇప్పటికే రూ.4 లక్షల కోట్ల రూపాయలు ఖర్చు చేశారని మండిపడ్డారు. రాష్ట్రంలో ఎక్కడైన ఒక్కరూపాయి ఖర్చు పెట్టి అభివృద్ధి పనులు చేశారా అంటు ప్రభుత్వాన్ని నిలదీశారు. ఎన్నికల సమయంలో మాయమాటలు చెప్పి ప్రజల వద్ద ఓట్లు వేసుకున్న చంద్రబాబు అధికారంలోకి వచ్చి ప్రజలను మోసగిస్తున్నాడని తూర్పారబట్టారు. ఎన్నికల కోసం డ్రామాలు వేస్తున్నాడని మండిపడ్డారు. పడమటి నియోజకవర్గాలకు తాగు, సాగునీరు అందించేందుకు వైఎస్‌.జగన్‌మోహన్‌రెడ్డి మంచినీటి ప్రాజెక్టులు మంజూరు చేశారని తెలిపారు. ఆ ప్రాజెక్టులను పూర్తికాకుండా అడ్డుకున్న ఘనత చంద్రబాబుదేనని ధ్వజమెత్తారు. హెచ్‌ఎన్‌ఎస్‌ కాలువ ద్వారా నీరు వెళ్తున్న మదనపల్లె, పుంగనూరు చెరువులకు, సమ్మర్‌స్టోరేజ్‌ ట్యాంకులకు నీరు వదలకుండా ఈ ప్రాంత వాసులపై కక్షసాధింపు ధోరణితో పరిపాలన సాగిస్తున్నారని మండిపడ్డారు. కరోనాలాంటి క్లిష్ట పరిస్థితుల్లోనూ వైఎస్‌ జగన్‌ ప్రభుత్వం ఇంటింటికి వెళ్లి సేవలు చేయడంతో పాటు, పేదలందరికీ నేరుగా ఖాతాల్లోకి డబ్బులు జమ చేసి ఆదుకుందని గుర్తు చేశారు. జగన్‌ ప్రభుత్వ పనితీరును ప్రజలు గమనించి, స్థానిక ఎన్నికల్లో ఫ్యాన్‌ గుర్తుకు ఓట్లు వేయాలని, తెలుగుదేశం పార్టీని భూస్థాపితం చేయాలని పిలుపునిచ్చారు. మాజీ ఎంపీ రెడ్డెప్ప, వైఎస్సార్‌సీపీ రాష్ట్ర కార్యదర్శులు అనీషారెడ్డి, శ్రీనాథరెడ్డి, కొండవీటి నాగభూషణం, వెంకటరెడ్డి యాదవ్‌, బైరెడ్డిపల్లి కృష్ణమూర్తి, పృథ్వీధర్‌రెడ్డి, మాజీ మున్సిపల్‌ చైర్మన్‌ అలీమ్‌బాషా, సీమ జిల్లాల మైనార్టీ సెల్‌ ఇన్‌చార్జ్‌ ఫకృద్ధిన్‌ షరీఫ్‌, జిల్లా వక్ఫ్‌ బోర్డు మాజీ చైర్మన్‌ అమ్ము తదితరులు పాల్గొన్నారు. కూటమి ఎన్నికల ‘సూపర్‌–6’ పత్తాలేదు అమరావతి ఒక్కటే అభివృద్ధి కాదు పేదల ఖాతాలకు డబ్బులు ఇచ్చిన ఘనత వైఎస్‌ జగన్‌దే వైఎస్సార్‌సీపీ రీజనల్‌ కో–ఆర్డినేటర్‌ పెద్దిరెడ్డి రామచంద్రారెడ్డి

కలకడ : అన్నమయ్య జల్లా కలకడ మండలం ఆవులప్పగారిపల్లెలో వైఎస్సార్‌ సీపీ కార్యకర్తలపై కొందరు కర్రలతో దాడికి తెగబడ్డారు.వైఎస్సార్‌ సీపీ కార్యకర్తతో పాటు మరో ముగ్గురు తీవ్రంగా గాయపడ్డారు. బోరుబావి వద్దకు వెళ్తున్న వైఎస్సార్‌సీపీ కార్యకర్త వెంకటమల్లప్పనాయుడును అడ్డుకుని చిన్నమనాయుడు, శ్రీనివాసులునాయుడు, రమేష్‌నాయుడు సహా ఆరుగురు బైక్‌పై నుంచి తోసి కొట్టారు. ఆయనను రక్షించేందుకు వచ్చిన రెడ్డిశేఖర్‌నాయుడు, రేవతి, రెడ్డెమ్మలపై నిందితులు మూకుమ్మడిగా దాడి చేశారు. ఈ ఘటనలో రెడ్డెమ్మ చేయి విరగ్గా, మిగిలిన ముగ్గురికి తీవ్ర రక్తగాయాలయ్యాయి. క్షతగాత్రులను వాల్మీకిపురం, మదనపల్లె ఆసుపత్రులకు తరలించారు. పోలీసులకు ఫిర్యాదు చేసినట్లు బాధితులు తెలిపారు.నలుగురికి గాయాలు

మదనపల్లె టౌన్‌ : అన్నమయ్య జిల్లా తంబళ్లపల్లె మండలంలో ఆదివారం రెండు బైకులు ఢీకొన్న ఘటనలో ఇద్దరు యువకులు తీవ్రంగా గాయపడ్డారు. స్థానికులు, పోలీసులు తెలిపిన వివరాల ప్రకారం.. ఎలపవారికోట గ్రామానికి చెందిన సాంబశివ తన బైక్‌పై తంబళ్లపల్లె వైపు వెళ్తున్నారు. అదే సమయంలో గోపిదిన్నె కొత్తపల్లెకు చెందిన నవీన్‌ కుమార్‌(19) తన పొలం వద్దకు బైక్‌పై వెళ్తున్నారు. కొత్తపల్లె సమీపంలోని పాత రైస్‌ మిల్లు వద్ద ఎదురెదురుగా వస్తున్న ఇరువురి బైకులు ఢీకొన్నాయి. ఈ ప్రమాదంలో ఇద్దరికీ తీవ్ర గాయాలయ్యాయి. వెంటనే స్థానికులు స్పందించి 108 అంబులెన్స్‌కు సమాచారం ఇచ్చి, బాధితులను తంబళ్లపల్లె ప్రభుత్వ ఆసుపత్రికి తరలించారు. అక్కడ ప్రాథమిక చికిత్స అనంతరం మెరుగైన చికిత్స కోసం మదనపల్లె జిల్లా ఆసుపత్రికి తరలించారు. పోలీసులు కేసు దర్యాప్తు చేస్తున్నారు.

ప్రొద్దుటూరు కల్చరల్‌ : స్థానిక అనిబిసెంట్‌ మున్సిపల్‌ హైస్కూల్‌ క్రీడా ప్రాంగణంలో ఆదివారం బాషా అథ్లెటిక్స్‌ ఫౌండేషన్‌ ఆధ్వర్యంలో జిల్లా స్థాయి నేషనల్‌ ఇంటర్‌ డిస్ట్రిక్ట్‌ జూనియర్‌ అథ్లెటిక్స్‌ మీట్‌ అథ్లెటిక్స్‌ పోటీలు నిర్వహించారు. ఈ పోటీల్లో జిల్లా నలుమూలల నుంచి సుమారు 250 మంది బాలబాలికలు ఉత్సాహంగా పాల్గొన్నారు. అండర్‌–14 బాలబాలికలకు మూడు రకాల ట్రయాథ్లాన్‌ పోటీలు నిర్వహించారు. ఏ గ్రూప్‌లో 60 మీటర్ల పరుగు, లాంగ్‌ జంప్‌, హైజంప్‌, బీ గ్రూప్‌లో 60 మీటర్ల పరుగు, లాంగ్‌ జంప్‌, సీ గ్రూప్‌లో 60 మీటర్లు, 600 మీటర్లు పరుగు, లాంగ్‌జంప్‌, అండర్‌–16 బాలబాలికలకు 60 మీటర్లు, 600 మీటర్లు పరుగు, లాంగ్‌ జంప్‌, హైజంప్‌, షాట్‌పుట్‌, జావెలిన్‌త్రో పోటీలు నిర్వహించారు. ఈ పోటీల్లో విజయం సాధించిన క్రీడాకారులకు ప్రశంసాపత్రాలు అందజేశారు. ఈ పోటీల్లో ప్రతిభ కనబరిచిన 13 మంది క్రీడాకారులు గురుమా బాష, మహమ్మద్‌ సుఫియాన్‌, సాయి కృష్ణ, జయసింహ, గంగాధర్‌, మహమ్మద్‌ అయాన్‌, నాగరాజు, భవిత, దీపికా రెడ్డి, రిషిత, లోహిత, హబీబా, ప్రశాంతి నవంబర్‌ 14, 15, 16 తేదీల్లో హైదరాబాద్‌లో నిర్వహించనున్న జాతీయ అంతర్‌ జిల్లా జూనియర్‌ అథ్లెటిక్స్‌ పోటీల్లో జిల్లా తరఫున ప్రాతినిథ్యం వహిస్తారని ఫౌండేషన్‌ కార్యదర్శి అహ్మర్‌ బాషా తెలిపారు. ఈ పోటీలను వ్యాయామ సంచాలకులు నాగూర్‌ బాషా, సుబ్బయ్య, ప్రణవి, తిరుమల, చందు, సతీష్‌రెడ్డి, నారాయణ, నాగేశ్వరరావు, ఖాదర్‌రెడ్డి, సుధాకర్‌, దిలీప్‌, రఫి తదితరులు పర్యవేక్షించారు. లేపాక్షి ఎంపోరియంలో డిస్కౌంట్‌ అమ్మకాలు కడప సిటీ : కడప నగరంలోని కోటిరెడ్డి సర్కిల్‌లో గల లేపాక్షి హ్యాండీ క్రాఫ్ట్‌స్‌ ఎంపోరియంలో ప్రత్యేక డిస్కౌంట్లు ప్రకటించినట్లు ఎంపోరియం మేనేజర్‌ మున్వర్‌ హుసేన్‌ ఒక ప్రకటనలో తెలిపారు. హస్త కళాకారులను ప్రోత్సహించడమే లక్ష్యంగా ఈ విక్రయాలు సాగిస్తున్నామన్నారు. ముఖ్యంగా బొమ్మల కొలువును తీర్చిదిద్దే సంప్రదాయ ఉత్పత్తులు, చేనేత వస్తువులు, మన సంస్కృతిని చాటే కళా ఉత్పత్తులలో ఎంపిక చేసిన వాటిపై 10–40 శాతం డిస్కౌంట్‌ ఇస్తున్నట్లు తెలిపారు. కొండపల్లి, ఏటికొప్పాక బొమ్మలు, కలంకారి, ఎంబ్రాయిడీ వస్తువులు, హ్యాండ్లూమ్‌ ఉత్పత్తులు ఎంతో కళాత్మకంగా ఉన్నాయని, వీటిని కొనుగోలు చేసి హస్త కళాకారులకు అండగా నిలవాలని ఆయన ప్రజలను కోరారు.

పీలేరు రూరల్‌ : ఆగివున్న క్రేన్‌ను బొలెరో పికప్‌ వాహనం ఢీకొన్న ప్రమాదంలో డ్రైవర్‌కు తీవ్ర గాయాలైన సంఘటన స్థానిక ఆర్డీవో కార్యాలయం వద్ద చోటు చేసుకుంది. పుంగనూరుకు చెందిన షేక్‌ హబీబ్‌(40) బొలెరో పికప్‌ వాహనంలో చింతామణి నుంచి మొక్కజొన్న లోడుతో గుంటూరుకు బయలుదేరాడు. అయితే నాలుగులేన్ల రహదారిలో ఆగివున్న క్రేన్‌ను ఢీకొన్నాడు. ఈ ప్రమాదంలో హబీబ్‌ తీవ్రంగా గాయపడ్డాడు. ఆయనను చికిత్స నిమిత్తం 108 వాహనంలో పీలేరు ప్రభుత్వాస్పత్రికి తరలించారు. ట్రాక్టర్‌ ఢీకొని మహిళకు గాయాలునిమ్మనపల్లె (మదనపల్లె టౌన్‌): ట్రాక్టర్‌ ఢీకొని మహిళ గాయపడ్డ సంఘటన ఆదివారం నిమ్మనపల్లి మండలంలో జరిగింది. ప్రమాదానికి సంబంధించి పోలీసుల కథనం మేరకు వివరాలు.. మండలంలోని గారబురుజుకు చెందిన రవీంద్రారెడ్డి భార్య సరళమ్మ(50) ఇంటి ముందు నిలుచొ ని ఉండగా, అదే ఊరికి చెందిన ఓ వ్యక్తి ట్రాక్టర్‌ను నడుపుతూ సరళమ్మను ఢీకొట్టాడు. దీంతో ఆమెకు కాలు విరిగి తీవ్రంగా గాయపడడంతో కుటుంబీకులు వెంటనే మదనపల్లి జిల్లా ప్రభుత్వాసుపత్రికి తరలించారు. అత్యవసర విభాగం డాక్టర్లు పరీక్షించి మెరుగైన చికిత్సల అనంతరం, రుయాకు రెఫర్‌ చేశారు. కేసు దర్యాప్తు చేస్తున్నట్లు నిమ్మనపల్లి ఎస్‌ఐ రామకృష్ణ తెలిపారు.

● గుట్టుచప్పుడు కాకుండా ఆక్రమణ పనులు ● రాజంపేట, నందలూరులో కబ్జాకు యత్నం ● ప్రైవేటు స్థలాన్ని కూడా వదలని టీడీపీ వర్గీయులురాజంపేట : కూటమి ప్రభుత్వ పాలనలో రాజంపేట, నందలూరు మండలాల్లో ఖాళీగా భూములు కనిపిస్తే.. పచ్చ నేతలు పాగా వేస్తున్నారనే ఆరోపణలు గుప్పమంటున్నాయి. ముందుగా నెమ్మ.. నెమ్మదిగా పనులు చేస్తుంటారు. ఆ తర్వాత పర్మినెంట్‌గా తమదే అనిపించే విధంగా కంచె వేస్తున్నారన్న విమర్శలు వెల్లువెత్తుతున్నాయి. ఏదైతే ఆక్రమించుకోవాలన్న భూమి గురించి, తమకు అనుకూలమైన రెవెన్యూ అధికారుల ద్వారా పూర్తి వాస్తవ పరిస్థితులను తెలుసుకుంటారు. స్థానిక రెవెన్యూ అధికారుల సహకారం లేకుండా కబ్జా అనేది అసాధ్యమని రెవెన్యూ శాఖకు చెందిన కొంత మంది నిజాయతీ అధికారులు అంటున్న మాట. ప్రస్తుత కడప–రేణిగుంట జాతీయ రహదారి పక్కన ఏ శాఖకు చెందిన భూమి అయినా సరే ఖాళీగా ఉంటే దానిని పచ్చనేతలు దర్జాగా ఆక్రమించేస్తున్నారు. ఎవరైనా అడిగితే పట్టా ఉందనో, పాత కాలం నుంచి తమకే ఉందనే ఇలా సమాధానం చెప్పుకొని ఆక్రమమణ పర్వం యథేచ్ఛగా కొనసాగిస్తున్నారు. ప్రభుత్వ భూమి ఆనుకొని.. కడప–రేణిగుంట జాతీయ రహదారి (పాతది) పక్కన ఉన్న స్థలాన్ని ఒంటిమిట్ట మండలానికి చెందిన టీడీపీ వర్గీయుడు చదును చేసిన అంశం నందలూరు మండలంలో చర్చనీయాంశంగా మారింది. ఖాళీగా కనిపించే సరికి ఒంటమిట్ట మండలానికి చెందిన టీడీపీ నేత అనచరుడు ఒకరు ఈ స్థలాన్ని చదును చేసుకున్నట్లుగా, అందులో బోరు, గది నిర్మాణం కూడా చకచకా చేపట్టినట్లు కనిపిస్తోంది. అది ప్రభుత్వ భూమి అని, ఒంటిమిట్ట మండల రెవెన్యూ పరిధిలోకి వస్తుందని అనుకొని టీడీపీ వర్గీయుడు గుట్టుచప్పుడు కాకుండా సన్నాహాలు చేసుకోవడం గమనార్హం. నందలూరు ఆర్‌ఐ ఏమంటున్నారంటే.. ఆల్వీన్‌ శివారులో స్థలం చదను సమాచారం తెలిసి నందలూరు మండల రెవెన్యూ ఇన్‌స్పెక్టర్‌ సుశీల్‌ కూడా ఇటీవల పరిశీలించారు. చదును చేసిన భూమి మూతపడిన ఆల్వీన్‌ పరిశ్రమకు సంబంధించినది, వారికి కూడా సమాచారం ఇచ్చామని తెలిపారు. అక్కడ ఎవరికీ పట్టాలు లేవని కూడా స్పష్టం చేశారు. అది ప్రభుత్వ భూమి కాదని, సమీపంలో మండల సరిహద్దురాయి కూడా ఉందని వివరించారు. రాజంపేట గడేరుపల్లెలో కొండకు ఎసరు.. నియోజకవర్గ కేంద్రమైన రాజంపేట మండలం గడేరుపల్లె(శేషన్నగారిపల్లె)లో ఖాళీగా కనిపించిన ప్రభుత్వ భూమిని టీడీపీకి చెందిన బాబు సామాజిక వర్గ టీడీపీ వర్గీయులు దర్జాగా కబ్జాకు దిగారు. ఏకంగా కొండకు ఎసరు పెట్టారు. 831 బ్లాక్‌ నంబరులో చదును చేసుకున్నారు. ఇందుకు ఓ రెవెన్యూ అధికారికి చేయి తడిపినట్లుగా తెలిసింది. ఈ విధంగా లక్షలాది రూపాయలు విలువ చేసే భూములను యథేచ్ఛగా ఆక్రమణలు చేస్తున్నా.. పట్టించుకునే రెవెన్యూ అధికారులు కరువయ్యారు. దీంతో నియోజకవర్గంలో వివిధ ప్రాంతాల్లో ఆక్రమణల వ్యవహారం స్థానికులకు తెలిసినా, అధికారులకు చెప్పినా.. పీజీఆర్‌ఎస్‌లో ఫిర్యాదు చేసినా ఫలితం లేదన్న భావనలో రైతులు ఉండిపోతున్నారు.

కలికిరి : కలికిరి రైల్వేస్టేషన్‌ పరిధిలోని రెండవ ప్లాట్‌ఫామ్‌పై గుర్తుతెలియని మహిళ ఆదివారం మృతి చెందింది. వివరాలు ఇలా ఉన్నాయి. రైల్వే ప్లాట్‌ఫామ్‌పై సుమారు 45 ఏళ్ల వయసు ఉన్న మహిళ అచేతన స్థితిలో ఉండేది. అటుగా వెళ్లే వారు ఇచ్చే ఆహారం తింటూ ఉండేది. ఆదివారం ఉదయం ఆమె కదలకుండా ఉండటంతో అటుగా వాకింగ్‌ వచ్చిన వ్యక్తులు గమనించి, రైల్వే స్టేషన్‌కు సమాచారం ఇవ్వడంతో రైల్వే పోలీసులు సంఘటనా స్థలానికి చేరుకుని పరిశీలించారు. మృతదేహాన్ని పోస్టుమార్టం నిమిత్తం కలికిరి ప్రభుత్వాసుపత్రికి తరలించి, కేసు నమోదు చేశారు. హార్సిలీహిల్స్‌ పైప్‌లైన్‌ మళ్లీ ధ్వంసంసాక్షి, మదనపల్లె : పర్యాటక కేంద్రం హార్సిలీహిల్స్‌ పైకి తాగునీటిని సరఫరా చేసే పైప్‌ లైన్‌ ను ఆకతాయిలు ధ్వంసం చేశారు. కురబలకోట మండలం తెట్టు నుంచి పైప్‌ లైన్‌ ద్వారా నీటిని తరలిస్తున్నారు. ఘాట్‌ రోడ్‌ లోని మలుపు వద్ద పైప్‌ లైన్‌ వెళ్తుంది. పర్యాటకులు ఇక్కడ సేద తీరుతుంటారు. రెండు రోజుల క్రితం పెద్ద బండరాయితో ఇనుప పైపులైన్‌ పై మోది ధ్వంసం చేశారు. దాంతో లీకేజీతో నీరు వృథా అవుతోంది. రెండు రోజులుగా నీటి సరఫరా సమయంలో నీరు వధా అయ్యింది. ఆదివారం పర్యాటక సిబ్బంది మరమ్మతు చర్యలు చేపట్టారు. రెండు నెలలు క్రితం ఇదే చోట ఇదే పైపును ధ్వంసం చేశారు. అప్పట్లో మరుమత్తులు చేసి నీటి సరఫరా కొనసాగించారు. ఇప్పుడు మళ్లీ అదే చోట ధ్వంసం చేశారు. మిట్స్‌కు అంతర్జాతీయ గుర్తింపుకురబలకోట : యూఐ గ్రీన్‌ మెట్రిక్‌ ప్రపంచ యూనివర్సిటీ ర్యాంకింగ్స్‌–26లో అంగళ్లులోని మిట్స్‌ డీమ్డ్‌ యూనివర్సిటీకి అంతర్జాతీయ గుర్తింపు లభించినట్లు యూనివర్సిటీ ఫౌండర్‌, చాన్స్‌లర్‌ డాక్టర్‌ నాదేళ్ల విజయబాస్కర్‌ చౌదరి తెలిపారు. జాతీయ స్థాయిలో 29వ స్థానం సాధించినట్లు తెలిపారు. ప్రపంచ వ్యాప్తంగా 2016 విద్యా సంస్థల్లో 704వ స్థానం,ఆసియాలో 419వ స్థానం సాధించినట్లు తెలిపారు. 110 దేశాలకు చెందిన విద్యా సంస్థలు పాల్గొన్న ఈఅంతర్జాతీయ ర్యాంకింగ్స్‌లో మిట్స్‌ సాధించిన ఘనత గర్వకారణమన్నారు. పర్యావరణ పరిరక్షణ, సౌరశక్తి వినియోగం,నీటి సంర క్షణ, వ్యర్థాల నిర్వహణ వంటి హరిత కార్యక్రమాలకు ఈగుర్తింపు నిదర్శనమన్నారు.

● బాడుగ ట్రాక్టర్ల పేరుతో రైతులకు వల ● రికార్డుల్లేని వాహనాలతో కొత్త రకం దందా ● ఆరుగురి నిందితుల అరెస్ట్‌ ● వీరిలో ఇద్దరు ఏఆర్‌ పోలీసులురాయచోటి టౌన్‌ : మాకు బాడుగకు ట్రాక్టర్‌ కావాలని అడుగుతారు.. తరువాత ఆ వాహనం రికార్డులు లేవని.. మరో గ్రామమో, మండలానికో చెందిన అమాయకపు రైతులకు చౌకగా అమ్మేస్తారు. తక్కువ ధరకే ట్రాక్టర్‌ వస్తోందనే ఆశతో వాటిని రైతులు కొంటారు.. ఇలా మోసానికి పాల్పడిన వారిలో ఇద్దరు ఏఆర్‌ పోలీసులు ఉండటం గమనార్హం. మొత్తం ఆరుగురు నిందితులను రాయచోటి రూరల్‌ పోలీసులు అరెస్టు చేశారు. వారి నుంచి 13 ట్రాక్టర్లను స్వాధీనం చేసుకున్నారు. ఇందుకు సంబంధించి రాయచోటి డీఎస్పీ కృష్ణమోహన్‌ ఆదివారం వివరాలు వెల్లడించారు. లక్కిరెడ్డిపల్లె మండలం మద్దిరేవుల గ్రామానికి చెందిన (ప్రసుతం కడప కొత్తబస్టాండ్‌ సమీపంలో కాపురం ఉంటున్నాడు) సోమల ప్రతాప్‌ (బెటాలియన్‌ పోలీస్‌), అనంతపురం జిల్లా బుక్కరాయసమద్రానికి చెందిన నెల్లిపల్లె చంద్రహాస్‌ (బెటాలియన్‌ పోలీస్‌), అన్నమయ్య జిల్లా సంబేపల్లె మండలం గున్నికుంట్లకు చెందిన మడితాటి సుధీర్‌, రాయచోటి రూరల్‌ పరిధిలోని దూళ్లవారిపల్లెకు చెందిన నల్ల కాలువ వాసుదేవరెడ్డి, వైఎస్సార్‌ జిల్లా ప్రొద్దుటూరు చెన్నమరాజుపల్లెకు చెందిన కొత్తపల్లె సరేష్‌, ప్రొద్దుటూరు నాగయ్యపల్లెకు చెందిన సాకం విశ్వనాథరెడ్డిలను అదుపులోకి తీసుకున్నారు. వీరు గ్రామంలోని రైతుల దగ్గరకు వెళ్లి తమకు ట్రాక్టర్లు నెల బాడుగకు కావాలని కోరుతారు. వారి దగ్గర నుంచి ట్రాక్టర్లను తీసుకెళ్లి మరో ప్రాంతంలోని రైతుల దగ్గరకు తీసుకెళ్లి.. తమ వద్ద రికార్డులు లేని ట్రాక్టర్‌ ఉందని, దీనికి కావాల్సిన రికార్డులు మీరే తయారు చేసుకోవాలని తక్కువ ధరకే అమ్ముతారు. మరి కొన్ని చోట్ల కుదవ పెట్టి డబ్బులు తీసుకోవడం చేస్తారు. రైతులు కూడా ఏదో తక్కువ ధరకే తమకు ట్రాక్టర్‌ వస్తోందని నమ్మి వాటిని కొనుగోలు చేస్తారు. బాడుగకు ఇచ్చిన వారు అడిగితే ఏదో ఒకటి చెప్పి కాలయాపన చేస్తుంటారు. అనుమానం వచ్చిన బాధితులు పోలీసులకు ఫిర్యాదు చేయడంతో ఈ వ్యవహారం వెలుగు చూసింది. నిందితులు సంబేపల్లె మండలం గుండ్రేవాండ్లపల్లె సమీపంలో ఉన్నట్లు తెలియడంతో రాయచోటి రూరల్‌ సీఐ ఎస్‌కే రోషన్‌, సంబేపల్లె ఎస్‌ఐ రవికుమార్‌ తమ సిబ్బందితో వెళ్లి అరెస్టు చేశారు. వారి నుంచి ట్రాక్టర్లు స్వాధీనం చేసుకొని, వారిపై కేసు నమోదు చేశారు.

● ప్రొద్దుటూరులో వైభవంగా శరన్నవరాత్రి ఉత్సవాలు ● మైసూరును తలపించిన ఆధ్యాత్మిక శోభ ● కనులపండువగా కలశాల ఊరేగింపు, సాంస్కృతిక ప్రదర్శనలు ● కాలుపెడితే కదలలేని స్థితి.. ● రైలు బోగీల్లో ప్రయాణికులకు ఇక్కట్లు మంగళవాయిద్యాల మోతలు, వేదమంత్రాల ఘోషలు, సువాసినుల గోవిందనామాల నడుమ రెండో మైసూరుగా ప్రసిద్ధి చెందిన పుత్తడిపురం ఆధ్యాత్మిక సాగరమైంది. జగన్మాతను కొలిచే పవిత్ర శరన్నవరాత్రి మహోత్సవాలు ఆదివారం భక్తిప్రపత్తుల మధ్య అంగరంగ వైభవంగా ప్రారంభమయ్యాయి. లోకపావని అయిన ఆ పరాశక్తిని వేడుకుంటూ భక్తులు ఆలపించిన ‘పాహిమాం పరమేశ్వరి’ నామస్మరణతో పురవీధులు పులకించిపోయాయి. దేవీ నవరాత్రుల కలశస్థాపన పూజలతో పట్టణమంతటా భక్తిభావం ఉప్పొంగింది. ప్రొద్దుటూరు కల్చరల్‌ : పుత్తడిపురం ప్రొద్దుటూరులో దసరా ఉత్సవాలు ఆదివారం ఘనంగా ప్రారంభమయ్యాయి. ఆలయాల దసరా ఉత్సవ కమిటీల వారు దేవీ శరన్నవరాత్రి వేడుకల్లో భాగంగా ఉదయం అమ్మవారికి ప్రత్యేక పూజలు నిర్వహించి కలశాలతో గ్రామోత్సవం నిర్వహించారు. 102 మంది ఆర్యవైశ్య సువాసినులు అగస్త్యేశ్వర స్వామి ఆలయం నుంచి కలశాలలో నింపిన నవగంగ తీర్థాలను ఊరేగింపుగా తీసుకువచ్చి వాసవీమాతకు అభిషేకం చేశారు. కన్యకాపరమేశ్వరిదేవి ఆలయం నుంచి మంగళవాయిద్యాలతో, బాణసంచా పేలుళ్లతో ఊరేగింపుగా బయల్దేరి తెల్లాకుల శివయ్యగారి నగరేశ్వరస్వామి దేవస్థానం నుంచి చినవీరయ్య శెట్టి రచించిన శ్రీ వాసవీ కన్యకాపరమేశ్వరిదేవి పురాణాన్ని తీసుకురావడంతో దసరా ఉత్సవాలు ప్రారంభమయ్యాయి. ఈ వేడుకలో కర్ణాటక కళాకారుల చిలిపిలి బొమ్మలు, మహిళల కోలాటం, నృత్యప్రదర్శనలు, బాణసంచా పేలుళ్లు, పాలకొల్లు బ్యాండ్‌ ప్రత్యేక ఆకర్షణగా నిలిచాయి. ఆర్యవైశ్యసభ అధ్యక్షుడు బుశెట్టి రాంమోహన్‌ రావు, కార్యదర్శి మురికి నాగేశ్వరరావు, ఉపాధ్యక్షుడు జొన్నలగడ్డ రవీంద్రబాబు సభ్యులు సభ్యులు పాల్గొన్నారు. పోలీసులు ట్రాఫిక్‌కు అంతరాయం కలుగకుండా బందోబస్తు నిర్వహించారు. నృత్యం చేస్తున్న కళాకారులు మదనపల్లె టౌన్‌: జిల్లాలో రాబోయే స్థానిక సంస్థల ఎన్నికలను ప్రశాంతంగా, శాంతియుత వాతావరణంలో నిర్వహించడానికి పోలీస్‌ శాఖ పకడ్బందీ చర్యలు చేపట్టిందని జిల్లా ఎస్పీ ధీరజ్‌ కునుబిల్లి తెలిపారు. ఆదివారం అన్ని స్థాయిల పోలీస్‌ అధికారులతో నిర్వహించిన వీడియో కాన్ఫరెన్స్‌ సమీక్షలో ఆయన కీలక ఆదేశాలు జారీ చేశారు.రెవెన్యూ, మున్సిపల్‌ అధికారులతో కలిసి జిల్లాలోని అన్ని పోలింగ్‌ కేంద్రాలను తప్పనిసరిగా తనిఖీ చేయాలని ఆదేశించారు. సమస్యాత్మక, అతి సమస్యాత్మక కేంద్రాలను ముందుగానే గుర్తించి అదనపు బలగాలను మోహరించాలన్నారు. కమాండ్‌ కంట్రోల్‌ సెంటర్‌ ద్వారా సీసీ కెమెరాలు, డ్రోన్లతో పర్యవేక్షిస్తామని పేర్కొన్నారు. పాత నేరస్థులు, గొడవలు సృష్టించే వ్యక్తులను బైండోవర్‌ చేయడంతో పాటు, ముమ్మరంగా కార్డన్‌ అండ్‌ సెర్చ్‌ ఆపరేషన్లు నిర్వహించాలని స్పష్టం చేశారు. అక్రమ మద్యం, నగదు, ఉచిత బహుమతుల రవాణాను అరికట్టేందుకు గట్టి నిఘా ఉంచాలన్నారు. సోషల్‌ మీడియాలో తప్పుడు ప్రచారాలు, ఫేక్‌ న్యూస్‌ వ్యాప్తి చేసే వారిపై కఠిన చట్టపరమైన చర్యలు ఉంటాయని హెచ్చరించారు. ఓటర్లు నిర్భయంగా ఓటు హక్కు వినియోగించుకునేలా పోలీసులు గ్రామాల్లో పర్యటనలు, పల్లెనిద్ర కార్యక్రమాలు చేపట్టాలని స్పష్టం చేశారు శ్రీ లలితాదేవి, రతనాల వెంకటేశ్వరస్వామి ఆలయం నుంచి సుహాసినులు గోవిందనామాలు, విష్ణుసహస్రనామ పారాయణం చేస్తూ అగస్త్యేశ్వరాలయానికి చేరుకుని గంగాజలంతో నింపిన కలశాలను ఊరేగింపుగా ఆలయానికి తీసుకెళ్లి పూజాకార్యక్రమాలను నిర్వహించారు. శ్రీ మహాలక్ష్మీ సమేత చెన్నకేశవస్వామి ఆలయ ఉత్సవ కమిటీ వారు ఊరేగింపుగా పాత బస్టాండ్‌ సమీపంలోని ఆంజనేయస్వామి ఆలయం వద్ద పూజలు చేసి కలశాన్ని తీసుకెళ్లారు. స్థానిక శివాలయం రాజరాజేశ్వరి ఉత్సవ కమిటీ వారు కలశాలను ఊరేగింపుగా తీసుకెళ్లి రాజీవ్‌సర్కిల్‌లోని శివాలయంలో పూజలు చేశారు. శాసీ్త్రనగర్‌లోని రాజరాజేశ్వరిదేవి ఆలయం, సత్యనారాయణస్వామి ఆలయం, చౌడేశ్వరీదేవి ఆలయాల నిర్వాహకులు కలశపూజ వైభవంగా నిర్వహించారు. శ్రీవాసవి కన్యకాపరమేశ్వరిదేవి ఆలయాన్ని మాజీ ఎమ్మెల్యే రాచమల్లు శివప్రసాదరెడ్డి, రమాదేవి దంపతులు సందర్శించి ప్రత్యేక పూజలు నిర్వహించారు. ఆర్యౖవైశ్యసభ అధ్యక్షుడు బుశెట్టి రాంమోహన్‌రావు రాచమల్లు దంపతులకు అమ్మవారి చిత్రపటం అందించి సత్కరించారు. ఈ కార్యక్రమంలో వైఎస్సార్‌సీపీ రాష్ట్ర కార్యదర్శి పోరెడ్డి నరసింహారెడ్డి, మాజీ కౌన్సిలర్‌ వరికూటి ఓబుళరెడ్డి తదితరులు పాల్గొన్నారు.

● ఇన్‌చార్జ్‌ సీఈవో వద్దనే తాళాలు ● 20 రోజులుగా పరారీలోనే అనిల్‌కుమార్‌ ● ఫోర్జరీ సంతకాలతో బంగారు రుణాలు రెన్యూవల్‌గుర్రంకొండ : గుర్రంకొండ సింగిల్‌విండో కార్యాలయంలో ఇన్‌చార్జ్‌ సీఈవో అనిల్‌కుమార్‌ రూ.50 లక్షలు స్వాహా చేయడంతోపాటు బంగారు నగలు భద్రపరిచిన లాకర్‌ తాళాలు తన వెంటే తీసుకెళ్లడంతో.. లాకర్‌లోని బంగారు నగలు భద్రమేనా అనే సందేహాలు వ్యక్తం అవుతున్నాయి. బంగారు రుణాలను కూడా లబ్ధిదారులకు తెలియకుండానే ఫోర్జరీ సంతకాలతో రెన్యూవల్‌ చేసి.. అదనంగా వచ్చిన నగదును కూడా స్వాహా చేసినట్లు అధికారుల విచారణలో తేలింది. ఇరవై రోజులుగా లాకర్‌ తాళాలతో సహా ఇన్‌చార్జ్‌ సీఈవో పరారీలో ఉండటంతో.. బంగారు తాకట్టు పెట్టిన వారు ఆందోళన చెందుతున్నారు. తాకట్టుదారుల ఆందోళన సింగిల్‌ విండో కార్యాలయంలో 249 మంది రుణగ్రహీతలు తాము తాకట్టు పెట్టిన బంగారు నగలపై ఆందోళన చెందుతున్నారు. ఇప్పటికే బంగారు నగలపై రూ.1.43 కోట్ల మేరకు కార్యాలయంలో రుణాలు ఇచ్చారు. గత నాలుగు రోజులుగా సింగిల్‌ విండో కార్యాలయంలో జరుగుతున్న సంఘటనలు, అధికారుల విచారణలు, ఇన్‌చార్జ్‌ సీఈవో అక్రమాలు వెలుగు చూడటం, లాకర్‌ తాళాలతో ఇన్‌చార్జ్‌ సీఈవో పరారు కావడం వంటి అంశాలతో తాకట్టుదారులు బెంబేలెత్తుతున్నారు. అసలు సింగిల్‌విండో కార్యాలయంలో తాము తాకట్టు పెట్టిన బంగారు నగలు భద్రంగా ఉన్నాయో లేదోనని ఆందోళన చెందుతున్నారు. ఇప్పటికే పలువురు కార్యాలయం వద్దకు వెళ్లి బంగారు నగలపై ఆరా తీస్తున్నారు. వారికి అధికారులు భరోసా ఇస్తున్నా ఇన్‌చార్జ్‌ సీఈవో అక్రమాలతో లాకర్‌లో బంగారం ఏమై ఉంటుందోనని లోలోపల భయాందోళన చెందుతున్నారు. రుణాలు రెన్యూవల్‌ చేయకున్నా.. సింగిల్‌ విండో కార్యాలయంలో ఇన్‌చార్జ్‌ సీఈవోగా పని చేసిన అనిల్‌కుమార్‌ అవినీతి లీలలు ఒక్కొక్కటిగా వెలుగు చూస్తున్నాయి. ఇటీవల కార్యాలయంలో ఆధికారులు రికార్డుల తనిఖీలు, ఇతర వివాదాస్పద అంశాలపై పూర్తి స్థాయిలో విచారణ జరిపారు. విషయం తెలుసుకొన్న కొంత మంది తాకట్టుదారులు అక్కడికి చేరుకొని.. తాము తాకట్టుపెట్టిన బంగారు నగల పరిస్థితిపై ఆరా తీశారు. గతంలో వారు బంగారు నగలు తాకట్టుపెట్టి తీసుకొన్న సొమ్ము కంటే అదనంగా మళ్లీ కొంత సొమ్ము రుణంగా తీసుకొన్నట్లు తేలింది. దీంతో వారు లబోదిబోమంటూ వాపోయారు. అసలు తాము బంగారు రుణాలు రెన్యూవలే చేయలేదని, తమ పేరుతో ఉన్న బంగారు రుణాలు ఎలా రెన్యూవల్‌ అయ్యాయని, వాటితోపాటు మరికొంత సొమ్ము అదనంగా ఎలా డ్రా చేశారని వారు అధికారులను ప్రశ్నించారు. ఇదంతా ఇన్‌చార్జ్‌ సీఈవో వ్యవహారమేనని అధికారులు తేల్చారు. తాకట్టుదారులు బంగారు నగలు రెన్యూవల్‌ చేసినట్లు, అదనంగా సొమ్ము తీసుకొన్నట్లు కార్యాలయ రిజిస్టర్లలో సంతకాలు ఉండడం గమనార్హం. అయితే అవి తాము పెట్టిన సంతకాలు కాదని ఇన్‌చార్జ్‌ సీఈవోనే ఫోర్జరీ చేశారని వారు బహిరంగంగా పేర్కొంటుండడం గమనార్హం. ఈ సంఘటనతో అధికారులు దిక్కుతోచని పరిస్థితిలో పడ్డారు. 249 మంది తాకట్టుదారుల్లో ఎంత మంది రుణాలు రెన్యూవల్‌ చేశారు, ఎంత మేరకు అదనపు సొమ్ము ఫోర్జరీ సంతకాలతో స్వాహా చేశారనే విషయాలు.. ఇన్‌చార్జ్‌ సీఈవో ఆచూకీ తెలిసి పూర్తి స్థాయిలో విచారణ చేస్తేనే వెలుగు చూస్తాయని వారు అంటున్నారు. లాకర్‌ తాళాలు స్వాధీనం చేసుకొని ఉంటే.. కార్యాలయంలో ఇన్‌చార్జ్‌ సీఈవోగా పని చేస్తున్న అనిల్‌కుమార్‌ కార్యాలయంలోని బంగారు నగలు ఉన్న లాకర్‌ తాళాలు తన వెంటే తీసుకెళ్లిపోవడం గమనార్హం. లాకర్‌ తాళాలతో ఇరవై రోజులుగా ఆయన పరారీలో ఉండటంతో తాకట్టుదారుల్లో పలు అనుమానాలు వ్యక్తమవుతున్నాయి. గత నెల 21న డీసీసీ ఉన్నతాధికారులు గుర్రంకొండకు చేరుకొని సింగిల్‌విండో కార్యాలయంలో విచారణ నిర్వహించారు. అప్పుడే ఇన్‌చార్జ్‌ సీఈవో అక్రమాలు వెలుగు చూశాయి. అయితే ఉన్నతాధికారుల ఉదాసీనత కారణంగా అక్రమాలకు పాల్పడిన ఇన్‌చార్జ్‌ సీఈవోకు మరికొంత గడువు ఇచ్చినట్లు సమాచారం. ఇదే అదనుగా భావించిన ఆయన కార్యాలయంలోని లాకర్‌ తాళాలతో సహా మరుసటి రోజు నుంచే పరారయ్యాడు. అప్పట్లోనే ఉన్నతాధికారులు అప్రమత్తంగా వ్యహరించి లాకర్‌ తాళాలు స్వాధీనం చేసుకొని ఉంటే.. కొన్ని సమస్యలకు పరిష్కారం లభించినట్లు అయి ఉండేదని తాకట్టుదారులు అంటున్నారు. అప్పట్లో లాకర్‌ తాళాలు స్వాధీనం చేసుకొని లాకర్‌ తెరిచి తనిఖీలు నిర్వహించి ఉంటే, వాస్తవాలు బయటకొచ్చేవి. ఏది ఏమైనా లాకర్‌ తాళాలు ఇన్‌చార్జ్‌ సీఈవో వద్ద నుంచి స్వాధీనం చేసుకొంటేనే నిజానిజాలు వెలుగు చూసే అవకాశముంది.

● రాజకీయ కక్షకు పుంగనూరు, తంబళ్లపల్లె ప్రజలు బలి ● నీటి హక్కులను కాలరాస్తున్న చంద్రబాబు ● హంద్రీ–నీవా కుప్పం కోసమేనా.. ప్రశ్నిస్తున్న రైతాంగం సాక్షి, మదనపల్లె: నేను ఉమ్మడి చిత్తూరు జిల్లా వాసిని అని ఈనెల 2న మదనపల్లె సభలో గొప్పగా చెప్పుకున్న చంద్రబాబు, కరువుతో అల్లాడిపోతున్న రైతాంగానికి చుక్కనీరు ఇచ్చేందుకు మనసు ఒప్పడం లేదు. తాము త్యాగం చేసిన పొలాల గుండా కృష్ణా జలాలు ప్రవహిస్తుంటే..ఆ నీళ్లు తమ బీడు పొలాలను ఎప్పుడు తడుపుతాయా అని కళ్లు కాయలు కాచేలా ఎదురుచూస్తున్నా చంద్రబాబు సర్కార్‌ కళ్లు తెరవడం లేదు. అన్నమయ్య జిల్లాలో 25 మండలాల్లో తీవ్ర కరువు ఉందని ప్రభుత్వం ప్రకటించింది. అలాంటి పరిస్థితుల్లో సాగు, తాగునీటిని అందించాల్సిన చంద్రబాబు కృష్ణా జలాలను కుప్పం నియోజకవర్గానికి ప్రాధాన్యత ఇచ్చి తరలించుకుపోతున్నారు. దీనిపై ఆవేదన వ్యక్తం చేస్తున్న రైతులు కృష్ణా జలాలు కుప్పానికి, మాకు కన్నీళ్లా అంటూ ప్రశ్నిస్తున్నారు. వాస్తవానికి ఆమోదం పొందిన ప్రాజెక్టు సమగ్ర నివేదిక ప్రకారం నియోజకవర్గాల దక్కాల్సిన నీటి వాటాలనైనా ఇవ్వాలని రైతులు కోరుతున్నారు. వివక్షతో చుక్కనీరు వదలని చంద్రబాబు నీటి వాటాను పట్టించుకునేలా లేరు. నాడు సమానత్వం: నేడు వివక్ష వైఎస్సార్‌సీపీ హయాంలో వైఎస్‌ జగన్‌మోహన్‌రెడ్డి నీటి పంపిణీలో ఎక్కడా రాజకీయం చేయలేదు. హంద్రీనీవా నీటిని ప్రతిపక్ష నేతగా ఉన్న చంద్రబాబు సొంత నియోజకవర్గం కుప్పంతో సహా అన్ని ప్రాంతాలకూ సమానంగా ఇచ్చారు. కానీ నేడు చంద్రబాబు ప్రభుత్వం పుంగనూరు, తంబళ్లపల్లైపె రాజకీయ కక్షతో తీవ్ర వివక్ష చూపుతోంది. పుంగనూరు, తంబళ్లపల్లె నియోజకవర్గాల్లో కరువు కష్టాలు, తాగునీటి ఇబ్బందులను కళ్లారా చూస్తున్నా..తెలియనట్లు నటిస్తోంది. తంబళ్లపల్లి నియోజకవర్గంలో వ్యాసరాయ పథకం కాలువ ద్వారా తిప్పసముద్రం (పీటీఎం) చెరువుకు నీటిని కొద్దిపాటిగా మళ్లించారు. ఉమ్మడి చిత్తూరు జిల్లాలో అతి పెద్ద చెరువును నింపడానికి ఈ ప్రవాహం సరిపోదు. కనీసం ఐదు క్యూసెక్కులకు పెంచాలి. కేవలం 2–3 క్యూసెక్కులే మళ్లించారు. ఇది నిండడానికి మూడు నెలలు పట్టవచ్చంటే నీటి విడుదలపై నిర్లక్ష్యం ఏ స్థాయిలో ఉందో అర్థమవుతుంది. ప్రాజెక్టు అధికారులు నియోజవర్గం చెరువులకు నీళ్లు ఇస్తామని అంటున్నారే కానీ ఎన్ని చెరువులకు ఇస్తున్నారో చెప్పడం లేదు. నియోజకవర్గంలో చంద్రబాబు పర్యటనలకు ప్రజల ఆదరణ లేకపోవడం, ప్రతిపక్ష నేతగా ఆయనపై రైతాంగం వ్యతిరేకత వ్యక్తం చేసింది. దీనితో పాటు గత ఎన్నికల్లో టీడీపీ ఓడిపోవడాన్ని జీర్ణించుకోలేని చంద్రబాబు తంబళ్లపల్లైపె వివక్ష చూపుతున్నారు. పుంగనూరు హక్కును కాలరాస్తూ పుంగనూరు నియోజవర్గంపై రాజకీయంగా చంద్రబాబు పైచేయి సాధించలేకపోతున్నారు. ప్రతి ఎన్నికలోనూ సవాళ్లు విసరడం, వరుసగా పరాజయాన్ని మూట కట్టుకోవడం జరుగుతోంది. ప్రజలు టీడీపీని ఆదరించకపోవడం, పెద్దిరెడ్డిని ఎదుర్కోలేక నీళ్లపై రాజకీయ కక్ష సాధిస్తున్నారు. ఇక్కడి సమ్మర్‌ స్టోరేజ్‌ ట్యాంకు ఎండిపోయినా చుక్కనీరు వదలడం లేదు. ప్రజల దాహార్తిని తీర్చాల్సిన చంద్రబాబు రాజకీయ కక్ష సాధిస్తున్నారు. పుంగనూరు బ్రాంచ్‌ కెనాల్‌ ద్వారా కుప్పానికి కృష్ణా నీటిని విడుదల చేసి 29 రోజులు గడుస్తున్నా, పుంగనూరు కోసం చుక్క నీరు కూడా వదలడం లేదు. ప్రాజెక్టు సమగ్ర నివేదిక ప్రకారం స్థానిక సమ్మర్‌ స్టోరేజ్‌ ట్యాంకులు, చెరువులను నింపాల్సి ఉన్నప్పటికీ, ప్రభుత్వం అసలు పుంగనూరు లేనట్టుగా వ్యవహరిస్తోంది. రాజకీయాలతో సంబంధం లేకుండా వెంటనే స్థానిక చెరువులకు నీటిని మళ్లించాలని రైతాంగం, ప్రజలు ఆగ్రహంతో డిమాండ్‌ చేస్తున్నారు. ● మదనపల్లె పట్టణ ప్రజల దాహం తెచ్చేందుకు దివంగత సీఎం వైఎస్‌ రాజశేఖర్‌ రెడ్డి చిప్పిలి, గుంటివారిపల్లె ఎస్‌ఎస్‌ ట్యాంకులను నిర్మించారు. అయితే ప్రభుత్వం సరైన తీరులో నీటిని ఇవ్వడం లేదు. చిప్పిలి ట్యాంకుకు అరకొరగా ఇస్తూ నిర్లక్ష్యం చేస్తున్నారు. ఇది పూర్తిస్థాయిలో నిండకుండా ఉండేలా సంపూర్తి పనులను నిలిపేయడంతో నీటిలో సామర్థ్యం తగ్గిపోతుంది. గుంటివారిపల్లె బ్యాంకుకు నీటిని ఇవ్వడం లేదు. టీడీపీ రాజకీయ ప్రయోజనాలను ఆశించి ఇక్కడ చర్యలు చేపడుతున్నారు. కీలకమైన ట్యాంకుల అధికారులు విషయంలో నిర్లక్ష్యం ప్రదర్శిస్తున్నారు. నోరు మెదపని టీడీపీ ఇన్‌చార్జీలు పుంగనూరు, తంబళ్లపల్లె నియోజకవర్గాలకు కృష్ణా జలాలు ఇవ్వకపోవడంపై ఇక్కడ టీడీపీ ఇన్‌చార్జిలు మధుసూదన్‌ నాయుడు, శంకర్‌ యాదవ్‌ నోరు మెదపడం లేదు. తమ నియోజకవర్గ ప్రయోజనాలను కాపాడుకునేందుకు కనీస శ్రద్ధ చూపడం లేదని ప్రజలు విమర్శిస్తున్నారు. చంద్రబాబు వివక్ష రాజకీయాలను ఎందుకు ప్రశ్నించడం లేదని నిలదీస్తున్నారు. పొలాలు బీళ్లు.. ఎప్పుడు తడుస్తాయో తంబళ్లపల్లె, మదనపల్లె, పుంగనూరు నియోజకవర్గాల మీదుగా పుంగనూరు ఉపకాలువ సాగుతుంది. దీని పరిధిలోని మండలాల ఆయకట్టుకు, తాగునీరు అందించాలి. ఇప్పుడు చంద్రబాబు ప్రభుత్వంలో హక్కుల మేరకు నీటి వాటా దక్కడం లేదు. మదనపల్లెలో 5,400 ఎకరాలు, బి.కొత్తకోటలో 6,900, పీటీఎంలో 4,685, కురబల కోటలో 5,000, పుంగనూరులో 5,100, చౌడేపల్లిలో 2,000, సదుంలో 6,000, పెద్దపంజాణిలో 3,900 ఎకరాలు కలుపుకొని 38,985 ఎకరాలకు సాగునీరు అందించాలి. అయితే చంద్రబాబు ఒక్క ఎకరాకు కూడా సాగునీరు అందించలేదు. దీంతో కరువుతో అల్లాడిపోతున్న తమ పొలాలకు నీళ్లు ఎప్పుడిస్తారని రైతులు ప్రశ్నిస్తున్నారు. కరువుకు నిలయమైన తంబళ్లపల్లెకు కృష్ణా జలాలను తక్షణమే ఇవ్వాలి. సాగు, తాగునీటి కష్టాలను తీర్చాల్సిన బాధ్యత ప్రభుత్వానికి లేదా?. నియోజకవర్గానికి అందించాల్సిన నీటి వాటాను విడుదల చేయాలి. తాగునీటికి ఇబ్బంది పడుతున్న గ్రామాలను నీటిని తరలించాలి. కాలువ వెంబడి తూములు ఏర్పాటు చేసినా చెరువులకు నీటిని ఎందుకు విడుదల చేయడం లేదో తెలియాలి. వివక్ష, కక్షపూరిత రాజకీయాలను పక్కనపెట్టి నీటిని అందించాలి. – పెద్దిరెడ్డి ద్వారకనాధరెడ్డి, తంబళ్లపల్లె ఎమ్మెల్యే సాగు, తాగునీటి విషయంలో ప్రభుత్వం విశాలదృక్పథంతో వ్యవహరించాలి. హంద్రీ–నీవా పుంగనూరు ఉపకాలువ ద్వారా నీటిని తరలిస్తున్నప్పుడు..ప్రాంతాల ఆయకట్టుకు, తాగునీటికి నీటి కేటాయింపులను రాజకీయాలతో సంబంధం లేకుండా అందించాల్సిన బాధ్యత ప్రభుత్వానిదే. దీన్ని విస్మరించి చంద్రబాబు తన కుప్పం బాగుంటే చాలు అని నీళ్లను తరలించుకు పోవడం దారుణం. కుప్పంలోనే కాదు, పుంగనూరు, మదనపల్లె, తంబళ్లపల్లెల్లోనూ మనుషులు ఉన్నారని, తాగునీటిని అవసరాలను గుర్తించాలి. ఇప్పటికై నా వివక్ష వీడి మూడు నియోజకవర్గాలకు సమానంగా కృష్ణా జలాలను పంపిణీ చేయాలి. పుంగనూరు పట్టణ ప్రజల దాహం తీర్చే ఎస్‌ఎస్‌ ట్యాంకు, చెరువులకు తక్షణమే నీళ్లు ఇవ్వాలి. – పీవీ.మిథున్‌ రెడ్డి, రాజంపేట ఎంపీ

లక్కిరెడ్డిపల్లి : భార్య హత్య కేసులో భర్తను అరెస్ట్‌ చేశారు. రాయచోటి డీఎస్పీ పి.కృష్ణమోహన్‌ మీడియా సమావేశంలో ఆదివారం వివరాలు వెల్లడించారు. మండల పరిధి బి ఎర్రగుడి పంచాయతీలోని కాపుపల్లికి చెందిన నాగరత్నమ్మ(47)పై ఈ నెల 7వ తేదీన భర్త రోకలి బండతో దాడి చేయగా.. ఆమె తలకు తీవ్ర గాయం కావడంతో తిరుపతి రిమ్స్‌కు తరలించారు. అక్కడ చికిత్స పొందుతూ ఈ నెల 8వ తేదీన మృతి చెందింది. దాడి చేసిన ఆమె భర్త నరసింహులు పరారీలో ఉండగా లక్కిరెడ్డిపల్లి పోలీసులు గాలింపు చర్యలు చేపట్టి ఆదివారం అరెస్టు చేశారు. అతనిపై కేసు నమోదు చేసి రిమాండ్‌కు పంపుతున్నట్లు డీఎస్పీ తెలిపారు. నరసింహులు తరచూ మద్యం తాగి భార్యతో గొడవ పడేవాడు. దీనికితోడు ఈ మధ్య కాలంలో నాగరత్నమ్మ బతుకుదెరువు కోసం కువైట్‌కు వెళ్లాలని పాస్‌ఫోర్టు కూడా చేయించుకోగా, ఈ విషయం తెలిసిన నరసింహులు జీర్ణించుకోలేక ఆమెతో గొడవ పడ్డాడు. ఆవేశంతో రోకలి బండతో దాడి చేశాడు. తీవ్ర గాయాల పాలై ఆమె మృతి చెందింది. మీడియా సమావేశంలో సీఐ కృష్ణంరాజు నాయక్‌, ఎస్‌ఐ గోల్కొండ శోభ, పోలీసు సిబ్బంది పాల్గొన్నారు.

వాల్మీకిపురం : గత రెండు రోజులుగా క్రీడాకారుల కేరింతలు, ఉత్సాహభరిత వాతావరణం మధ్య సాగిన రాష్ట్రస్థాయి అండర్‌–14 స్కూల్‌ గేమ్స్‌ రగ్బీ టోర్నమెంట్‌ శనివారం ముగిసింది. వాల్మీకిపురం మండలంలోని కొత్త మంచూరు జిల్లా పరిషత్‌ ఉన్నత పాఠశాల మైదానంలో నిర్వహించిన ఈ ఫైనల్స్‌ పోరులో బాలుర విభాగంలో కర్నూలు జట్టు, బాలికల విభాగంలో గుంటూరు జట్టు విజేతలుగా నిలిచాయి. రాష్ట్రంలోని 13 ఉమ్మడి జిల్లాల నుండి తరలివచ్చిన సుమారు 400 మంది క్రీడాకారులు ఈ పోటీల్లో తలపడ్డారు. శనివారం జరిగిన బాలుర ఫైనల్‌ మ్యాచ్‌లో కర్నూలు, చిత్తూరు జట్లు అమీతుమీ తేల్చుకున్నాయి. ఉత్కంఠ భరితంగా సాగిన ఈ మ్యాచ్‌లో కర్నూలు జట్టు అద్భుతమైన వ్యూహాలతో రాణించి ప్రథమ స్థానాన్ని కై వసం చేసుకోగా, చిత్తూరు జట్టు ద్వితీయ స్థానంలో నిలిచింది. అలాగే, బాలికల ఫైనల్స్‌లో గుంటూరు జట్టు కృష్ణా జిల్లా జట్టుపై పూర్తి ఆధిక్యాన్ని ప్రదర్శించి విజేతగా నిలిచింది. కృష్ణా జట్టు ద్వితీయ స్థానాన్ని దక్కించుకుంది. పోటీలు ముగిసిన అనంతరం విజేతలకు బహుమతుల ప్రదానోత్సవం నిర్వహించారు. ఎస్‌జీఎఫ్‌ సెక్రటరీలు రమేష్‌బాబు, జయకృష్ణలు ముఖ్య అతిథులుగా విచ్చేసి విజేత జట్లకు మెమెంటోలు, కప్‌లను అందజేసి అభినందించారు. ఈ సందర్భంగా పీడీ రెడ్డివరప్రసాద్‌ మాట్లాడుతూ.. రెండు రోజుల పాటు సాగిన ఈ పోటీలలో అత్యుత్తమ ప్రతిభ కనబరిచిన క్రీడాకారులను గుర్తించామని చెప్పారు. వీరిని ఆంధ్రప్రదేశ్‌ రాష్ట్ర జట్టుకు ఎంపిక చేసి, త్వరలో జరగబోయే జాతీయ స్థాయి (నేషనల్స్‌) రగ్బీ పోటీలకు పంపనున్నట్లు ఆయన ప్రకటించారు. ఈ కార్యక్రమంలో స్టేట్‌ అబ్జర్వర్‌ రమేష్‌బాబు, పాఠశాల ప్రధానోపాధ్యాయులు చంద్రశేఖర్‌ తదితరులు పాల్గొన్నారు.

పెద్దమండ్యం : మండలంలోని వెలిగల్లు పంచాయతీ పాపదాతగారిపల్లెలో సంచలనం సృష్టించిన ఇరగమ్మ (53) అదృశ్యం కేసు రోజురోజుకూ మలుపులు తిరుగుతూ తీవ్ర మిస్టరీగా మారింది. ఆమె కనిపించకుండా పోయి 80 రోజులు గడుస్తున్నా ఎలాంటి ఆచూకీ లభించకపోవడం స్థానికంగా పలు అనుమానాలకు తావిస్తోంది. చుట్టుపక్కల గ్రామాల్లో ఆమె నడిపిన కోట్లాది రూపాయల ఆర్థిక లావాదేవీలే ఈ అదృశ్యానికి కారణమా అనే కోణంలో పోలీసులు దర్యాప్తు ముమ్మరం చేశారు. సెల్‌ఫోన్‌ లేకపోవడమే శాపమైందా? గ్రామానికి చెందిన కొంకల రెడ్డెప్పరెడ్డి రెండో భార్య అయిన ఇరగమ్మ, ఆర్థికంగా చాలా బలమైన స్థితిలో ఉండేది. పెద్దమండ్యం పరిసర ప్రాంతాలతో పాటు కోటకొండ, నాయునివారిపల్లె, తంబళ్లపల్లె, అంగళ్లు తదితర గ్రామాల్లోని వ్యాపారులకు, రైతులకు ఆమె భూములు, బంగారం తాకట్టు పెట్టుకుని లక్షల రూపాయలు వడ్డీకి ఇచ్చేది. గత జూలై 18న ఓ ప్రామిసరీ నోటు రాయించుకోవడానికి పక్క పల్లెకు వెళ్తున్నానని చెప్పి వెళ్లిన ఆమె, తిరిగి రాలేదు. అయితే, ఇంత పెద్ద ఎత్తున ఆర్థిక లావాదేవీలు నిర్వహిస్తున్నా ఇరగమ్మ సెల్‌ఫోన్‌ వాడకపోవడం గమనార్హం. ఒకవేళ ఆమె ఫోన్‌ ఉపయోగించి ఉంటే కేసు చేధించడం సులువుగా ఉండేదని, పోలీసులు అంటున్నారు. మొబైల్‌ లేకపోవడంతో ఆమె ఆచూకీ కనుక్కోవడం పోలీసులకు సవాల్‌గా మారింది. ఇరగమ్మ అదృశ్యమైన తర్వాత ఆమె నివాసానికి ప్రస్తుతం రెండు తాళాలు వేసి ఉన్నాయి. పిల్లలు లేని ఇరగమ్మ తల్లి కూడా గతంలోనే మృతి చెందింది. భార్య అదృశ్యంపై భర్త రెడ్డెప్పరెడ్డి పోలీసులకు ఫిర్యాదు చేయగా, మరుసటి రోజే ఇరగమ్మ బంధువులు ఆయనపైనే అనుమానాలు వ్యక్తం చేశారు. ఈ క్రమంలో కుటుంబంలో వివాదం చెలరేగడంతో.. రెడ్డెప్పరెడ్డి మొదటి భార్య కుమారుడు ఇరగమ్మ ఇంటికి మరో తాళం వేశాడు. కాగా, ఇదే అదునుగా ఇంటి తాళాలు పగలగొట్టి, లోపల భద్రపరిచిన విలువైన ప్రామిసరీ నోట్లు, నగదు, బంగారాన్ని మాయం చేశారని ఇరగమ్మ తరఫు బంధువులు తీవ్ర ఆరోపణలు చేస్తున్నారు. కేసు ఛేదించడానికి పోలీసులు ప్రత్యేక బృందాన్ని రంగంలోకి దించారు. ఈ క్రమంలో గత నెలలో కోటకాడపల్లె సమీపంలోని ఆకుమానిగుట్ట ప్రాజెక్టు ఎగువ తూములో ఒక మానవ పుర్రె, కొన్ని ఎముకలు లభ్యమవ్వడం తీవ్ర కలకలం రేపింది. ఆ అవశేషాలు ఇరగమ్మవేనని ప్రచారం సాగింది. అయితే అవి ఇరగమ్మవి కావని పోలీసులు స్పష్టం చేయడంతో కేసు మళ్లీ మొదటికొచ్చింది. కలెక్టర్‌, ఎస్పీల దృష్టికి తీసుకెళ్లాం జూలై 18న మా వదిన కూతురైన ఇరగమ్మ అదృశ్యమైంది. పోలీస్‌ స్టేషన్‌ చుట్టూ ఎన్నిసార్లు తిరిగినా ఫలితం లేదు. ఆర్థిక లావాదేవీల నేపథ్యంలోనే ఎవరో ఆమెకు కీడు చేసి ఉంటారని బలంగా అనుమానిస్తున్నాం. బంధువులమంతా కలిసి జిల్లా కలెక్టర్‌, ఎస్పీలను కలిసి వినతిపత్రం ఇచ్చాం. అధికారులు స్పందించి మా కూతురి ఆచూకీ త్వరగా కనుగొనాలి. – దశరధరెడ్డి, ఇరగమ్మ చిన్నాన్న, గుర్రంవాండ్లపల్లె80 రోజులుగా కానరాని ఆచూకీ!

పోరుమామిళ్ల : దసరా సెలవులను ఆసరాగా చేసుకుని పోరుమామిళ్ల ప్రభుత్వ డిగ్రీ కళాశాల స్థలాన్ని ఆక్రమించేందుకు కొందరు గుర్తుతెలియని వ్యక్తులు శనివారం రాత్రి తెగబడ్డారు. కళాశాలకు చెందిన 48.65 ఎకరాల భూమిలో, ఉత్తర దిశగా ఉన్న సుమారు 20 సెంట్ల స్థలాన్ని జెసిబితో చదును చేసి, ఇసుక తోలారు. రాత్రికి రాత్రే అక్కడ గుడి కట్టే నెపంతో పాగా వేసేందుకు పక్కా స్కెచ్‌ వేశారు. ఈ అక్రమ కబ్జా యత్నాన్ని గమనించిన ఇన్‌చార్జి ప్రిన్సిపాల్‌ ప్రకాష్‌రావు అధ్యాపక బృందంతో కలిసి స్థలాన్ని పరిశీలించారు. అనంతరం సాక్ష్యాలతో సహా సీఐ సుబ్రమణ్యానికి, రెవెన్యూ అధికారులకు లిఖితపూర్వకంగా ఫిర్యాదు చేశారు. దశాబ్దాలుగా కాపాడుకుంటూ వస్తున్న విద్యాసంస్థల భూములను ఆక్రమించాలని చూస్తున్న సంఘ విద్రోహ శక్తులపై కఠిన చర్యలు తీసుకోవాలని, కళాశాల ఆస్తుల పరిరక్షణకు ప్రజలు, మీడియా సహకరించాలని ఆయన విజ్ఞప్తి చేశారు.

గుర్రంకొండ: గుర్రంకొండ ‘సింగిల్‌విండో’లోని అక్రమాలపై అధికారులు విచారణ జరిపారు. బంగారు రుణాల్లో ఇన్‌ఛార్జ్‌ సీఈవో అనిల్‌కుమార్‌ గోల్‌మాల్‌ చేసి రూ.50 లక్షల మేరకు అవినీతికి పాల్పడినట్లు అధికారులు విచారణలో తేల్చారు. ఈసంఘటనపై సింగిల్‌విండో ఛైర్మన్‌ ఎంఎల్‌ఎన్‌ మూర్తి స్థానిక పోలీస్‌స్టేషన్లో ఫిర్యాదు చేశారు. వివరాల్లోకి వెళితే.. చిత్తూరు డీసీసీ బ్యాంకు ఏజీఎమ్‌ చంద్రకళ ఆధ్వర్యంలోని అధికారుల బృందం శనివారం గుర్రంకొండ సింగిల్‌విండో కార్యాలయానికి చేరుకొని రికార్డులు తని ఖీ చేశారు. బంగారు రుణాలు ఎంత మేరకు ఇచ్చారు. ఎవరెవరికి ఇచ్చారు. రికవరీ చేసిన డబ్బులు డీసీసీ బ్యాంకులో జమ చేశారా లేదా అనే అంశాలపై విచారణ చేశారు.తొలుత కార్యాలయంలో అందు బాటులో ఉన్న రిజిష్టర్లు, రికార్డులను తనిఖీ చేసి... ఇవే వివరాలను ఆ న్‌లైన్‌లోనూ పరిశీలించారు. రిజిష్టరులో ఉన్న వివరాల కు ఆన్‌లైన్‌లో నమోదు చేసిన వివరాలకు వ్యత్యాసం ఉన్నట్లు గుర్తించారు. దీంతో అప్రమత్తమైన అధికారులు సింగిల్‌విండోలో బంగారంపై రుణాలు తీసుకొన్న మొ త్తం 249 మంది వివరాలు, వారి బ్యాంకు అకౌంట్లపై ఫూర్తి స్థాయిలో విచారణ నిర్వహించగా చేదు నిజాలు వెలుగుచూశాయి. కాగా బంగారంపై రుణాలు పొందిన లబ్ధిదారుల జాబితాలో 90 శాతం మేరకు ఒకరిద్దరు బంగారు వ్యాపారుల అకౌంట్లు, వారి బినామీల పేర్లు ఉన్నట్లు అధికారుల విచారణలో వెల్లడైనట్లు సమాచారం. ఈ నేపథ్యంలో స్థానిక బంగారు నగల దుకాణాలు నిర్వహించుకొంటూ కుదువ వ్యాపారం చేసుకొంటున్న ఇద్దరు వ్యాపారులను అధికారులు విచారించారు. కాగా తమ పేర్లతో ఉన్న బంగారంపై ఇన్‌ఛార్జ్‌ సీఈవో అదనంగా డబ్బులు తీసుకొన్నట్లు తెలియడంతో బంగారు వ్యాపారులు లబోదిబోమంటున్నారు. పోలీసులకు ఫిర్యాదు చేసిన చైర్మన్‌ సింగిల్‌విండో కార్యాలయంలో అవినీతిపై సింగిల్‌విండో ఛైర్మెన్‌ ఎంఎల్‌ఎన్‌ మూర్తిరావ్‌ పోలీసులకు ఫిర్యా దు చేశారు. శనివారం డీసీసీబీ ఏజీఎం చంద్రకళ, ఇతర అధికారులతో కలసి స్థానిక పోలీస్‌స్టేషన్‌కు చేరుకొన్నారు. ఎస్‌ఐ రవీంద్రబాబుకు లిఖిత ఫూర్యకంగా చైర్మన్‌ ఫిర్యాదు చేశారు. ఇన్‌ఛార్జ్‌ సీఈవో అనిల్‌కుమార్‌ రూ. 50 లక్షల బంగారు రుణాల రికవరీ నగదును వాల్మీకిపురం డీసీసీ బ్యాంకులో చెల్లించకుండా ఇదే బ్యాంకులో బంగారు వ్యాపారులు మంగరాజ్‌, రాజ్‌కిరణ్‌ల పేరుమీదున్న బ్యాంకు ఖాతాల్లో జమ చేశారు. అపై సింగిల్‌విండో కార్యాలయంలో ఒక ఫేక్‌ బ్యాంక్‌ అకౌంట్‌ సృష్టించి మంగరాజ్‌, రాజ్‌కిరణ్‌ ఖాతాల్లోని రూ.50 లక్షల మొత్తాన్ని అందులోకి మళ్లించారు. ఆపై ఆనగదు మొత్తాన్ని డ్రా చేసుకొన్నట్లు అధికారులు ఫిర్యాదులో పేర్కొన్నారని ఎస్‌ఐ తెలిపారు. బంగారు రుణాల్లో ఇన్‌చార్జ్‌ సీఈఓ నిధుల గోల్‌మాల్‌ అధికారుల విచారణ.. రూ.50 లక్షలు స్వాహా అయినట్లు నిర్ధారణ పోలీసులకు ఫిర్యాదు... కేసు నమోదు

రాయచోటి : రాయచోటి పట్టణంలో విజిలెన్స్‌ అధికారులమంటూ హోటళ్లు, కూల్‌డ్రింక్స్‌ షాపుల్లో అక్రమ వసూళ్లకు పాల్పడటం కలకలం రేపింది. శనివారం సాయంత్రం రింగ్‌ రోడ్డు సమీపంలోని దుకాణాలే లక్ష్యంగా ఈ దందా సాగింది. పరిదా అనే మహిళ తనను తాను ’ఏపీ ఫుడ్‌ కమిటీ మెంబర్‌’ గా చెప్పుకుంటూ తనిఖీల పేరిట హల్‌చల్‌ చేసింది. ఆమెతో పాటు వచ్చిన మరో మహిళ, డ్రైవర్‌ కలిసి.. ప్రతి షాపు వారు రూ. 5,000 ఇవ్వాలని, లేదంటే భారీ ఫైన్లు కట్టాల్సి వస్తుందని భయపట్టే ప్రయత్నం చేశారు. దీంతో బెదిరిపోయిన కొందరు చిన్న వ్యాపారులు రూ. 1,000 నుంచి రూ. 3,000 వరకు ఇచ్చుకున్నారు. నిమిషాల వ్యవధిలోనే డబ్బులు వసూలు చేసుకున్న ఆ ముఠా, తాము వచ్చిన అ్క40 ఒఊ9788 నంబరు గల వాహనంలో అక్కడి నుండి పరారైంది. ఇటీవల కాలంలో అధికారుల పేర్లతో ఇలాంటి వసూళ్లు ఎక్కువయ్యాయని, పోలీసులు తక్షణమే చర్యలు తీసుకోవాలని స్థానిక వ్యాపారులు డిమాండ్‌ చేస్తున్నారు.

కలకడ : కలకడ మండలంలో శనివారం జరిగిన రోడ్డు ప్రమాదంలో ఇద్దరు వ్యక్తులు తీవ్రంగా గాయపడ్డారు. రెండు ద్విచక్ర వాహనాలు ఎదురెదురుగా ఢీకొనడంతో ఈ ప్రమాదం చోటుచేసుకుంది. స్థానికుల వివరాల మేరకు.. కలకడ మండలం ఎర్రకోటపల్లె పంచాయతీ సింగనొడ్డుపల్లె గ్రామానికి చెందిన రైతు రమణ పలమనేరు నుంచి తన ద్విచక్ర వాహనంలో ఇంటికి తిరిగి వస్తున్నారు. అదే సమయంలో, కదిరాయచెర్వు పంచాయతీ బొంతలవారిపల్లె గ్రామానికి చెందిన నాగరాజ బైక్‌లో స్వగ్రామానికి బయలుదేరారు. సింగనొడ్డుపల్లె మలుపు వద్దకు చేరుకోగానే.. రెండు వాహనాలు వేగంగా ఎదురెదురుగా ఢీకొన్నాయి. ఈ ప్రమాదంలో రమణ, నాగరాజ ఇద్దరికీ తీవ్ర రక్తగాయాలయ్యాయి. స్థానికులు వెంటనే స్పందించి 108 అత్యవసర వాహనానికి సమాచారం అందించారు. గాయపడిన ఇద్దరిని చికిత్స నిమిత్తం మదనపల్లె ప్రభుత్వ ఆసుపత్రికి తరలించారు. అయితే పరిస్థితి విషమంగా ఉండటంతో, మెరుగైన వైద్యం కోసం వారిని తిరుపతిలోని రుయా ఆసుపత్రికి తరలించినట్లు బాధితుల కుటుంబ సభ్యులు పేర్కొన్నారు.

పెద్దమండ్యం,: మండల కేంద్రంలోని ఏపీ మోడల్‌ పాఠశాలలో ఈ నెల 3న జరిగిన పేరెంట్స్‌ కమిటీ ఎన్నికల గందరగోళంపై ఉన్నతాధికారుల ఆదేశాల మేరకు శుక్రవారం సమగ్ర విచారణ జరిగింది. నిబంధనలకు విరుద్ధంగా, ఏకపక్షంగా కమిటీ ఎన్నిక జరిగిందని, అధికార పార్టీ నేతల ఒత్తిళ్లతో అక్రమాలకు పాల్పడ్డారంటూ విద్యార్థుల తల్లిదండ్రులు గురువారం సమగ్ర శిక్ష ఏపీసీకి ఫిర్యాదు చేసిన విషయం తెలిసిందే. ఈ నేపథ్యంలో సమగ్ర శిక్ష సీఎంఓ కరుణాకర్‌, ఐఈ కో–ఆర్డినేటర్‌ జనార్ధనలు పాఠశాలలో విచారణ చేపట్టారు. కమిటీ ఎన్నికల సందర్భంగా ప్రిన్సిపాల్‌ అనుసరించిన విధానాలపై విచారణాధికారులు తీవ్ర అభ్యంతరం వ్యక్తం చేశారు. ఒకవైపు చైర్మన్‌, వైస్‌ చైర్మన్‌, కమిటీ సభ్యులచే ప్రమాణ స్వీకారం చేయించి.. వెంటనే కోరం లేదంటూ వాయిదా వేస్తున్నట్లు ఏపీసీ కార్యాలయానికి సమాచారం ఇవ్వడంపై ప్రిన్సిపాల్‌ను గట్టిగా నిలదీశారు. ఎన్నిక పూర్తయినట్లు రిజిస్టర్‌లో మినిట్స్‌ రాశారా? అని ప్రశ్నించగా.. కోరం లేకపోవడంతో మినిట్స్‌ రాయలేదని ప్రిన్సిపాల్‌ సమాధానం ఇచ్చారు. అయితే పాఠశాల కార్యాలయంలో భద్రంగా ఉండాల్సిన నూతన కమిటీ సభ్యుల వివరాల పత్రాలు ముందే బయటకు ఎలా వచ్చాయని అధికారులు ఆగ్రహం వ్యక్తం చేశారు. ఎవరి ప్రమేయంతో ఈ పత్రాలు లీక్‌ అయ్యాయో తెలపాలని ప్రిన్సిపాల్‌ నుండి సంజాయిషీ కోరారు. ఎన్నికల ప్రక్రియ తీవ్ర వివాదాస్పదంగా మారడంతో, ఓటర్ల (తల్లిదండ్రుల) వివరాలు, వారి నుండి సంతకాలు తీసుకున్న జాబితాతో పాటు ఎన్నికకు సంబంధించిన పలు కీలక రికార్డులను విచారణాధికారులు స్వాధీనం చేసుకొని సీజ్‌ చేశారు. పాఠశాల ఉపాధ్యాయులు, అధ్యాపకులతో ప్రత్యేకంగా సమీక్ష నిర్వహించి ఎన్నిక రోజు వారి భాగస్వామ్యంపై ఆరా తీశారు. అధికారుల విచారణ విషయం తెలుసుకున్న పలువురు తల్లిదండ్రులు పాఠశాలకు చేరుకుని ఎన్నిక జరిగిన తీరును అధికారుల దృష్టికి తీసుకెళ్లారు. అనంతరం స్థానిక ఎమ్మార్సీ భవనంలో ఎంఈఓ–1 మనోహరతో అధికారులు మాట్లాడారు. ఈ గందరగోళంపై పూర్తి నివేదికను ఉన్నతాధికారులకు అందజేస్తామని విలేకరులకు తెలిపారు. విచారణ సందర్భంగా ఎలాంటి అవాంఛనీయ సంఘటనలు జరగకుండా స్థానిక పోలీసులు గట్టి బందోబస్తు నిర్వహించారు. పత్రాలు సీజ్‌ చేసిన అధికారులు ఉపాధ్యాయులతో సమీక్ష

పీలేరురూరల్‌ : భూ సమస్య పరిష్కారం చేయడం లేదని ఒకే కుటుంబానికి చెందిన తల్లి, కుమారులు తహసీల్దార్‌ కార్యాలయంలో ఒంటిపై పెట్రోల్‌ పోసుకుని ఆత్మహత్యకు యత్నించిన సంఘటన శుక్రవారం చోటు చేసుకుంది. వివరాలిలా ఉన్నాయి. పీలేరు మండలం బోడుమల్లువారిపల్లె పంచాయతీ మొరవ వడ్డిపల్లెకు చెందిన పూజారి ప్రమీల, కుమారులు మహేష్‌, సురేష్‌ తమకు చెందిన సర్వే నంబర్‌ 523/1లో 12.5 సెంట్ల భూమికి సంబంధించి హద్దులు చూపాలని ఏడు నెలలుగా కార్యాలయం చుట్టూ తిరుగుతున్నా సర్వే చేయలేదని పెట్రోల్‌ పోసుకుని ఆత్మహత్యాయత్నానికి పాల్పడ్డారు. గమనించిన సిబ్బంది పెట్రోల్‌ లాక్కుని వారిని తప్పించారు. ఆర్‌ఐ మురగయ్య, సర్వేయర్‌ రెడ్డిశేఖర్‌, వీఆర్‌వో సిద్ధయ్య సంఘటనా స్థలానికి చేరుకున్నారు. బాధితుల రికార్డులు పరిశీలించి న్యాయం చేస్తామని హామీ ఇచ్చారు.

● వైభవంగా పవిత్రోత్సవాల అంకురార్పణ గుర్రంకొండ: మండలంలోని ప్రముఖ పుణ్యక్షేత్రమైన తరిగొండలో కొలువైన శ్రీ లక్ష్మీనరసింహస్వామి ఆలయం పవిత్రోత్సవాలకు సిద్ధమైంది. తిరుమల తిరుపతి దేవస్థానం(టీటీడీ) ఆధ్వర్యంలో అక్టోబర్‌ 10 నుంచి 12 వరకు మూడు రోజుల పాటు ఈ వేడుకలను నిర్వహించనున్నారు. ఉత్సవాల ప్రారంభ సూచికగా శుక్రవారం ఆలయంలో అంకురార్పణ ఘట్టాన్ని అర్చకులు శాస్త్రోక్తంగా, భక్తిశ్రద్ధలతో నిర్వహించారు. అంకురార్పణను పురస్కరించుకుని శుక్రవారం వేకువజామునే ఆలయంలో ప్రత్యేక పూజలు ప్రారంభమయ్యాయి. అర్చక బృందం విశ్వక్సేన ఆరాధన, వాసుదేవ శుద్ధ పుణ్యాహవాచనం, రక్షాబంధనం కార్యక్రమాలను వేదమంత్రాల నడుమ వైభవంగా నిర్వహించారు. అనంతరం పవిత్ర అధివాసంతో తొలిరోజు వైదిక క్రతువులను ముగించారు. స్వామివారిని దర్శించుకోవడానికి భక్తులు పెద్ద సంఖ్యలో తరలిరావడంతో ఆలయ పరిసరాలు ఆధ్యాత్మిక శోభతో సంతరించుకున్నాయి.ఆలయంలో ఏడాది పొడవునా స్వామివారికి నిర్వహించే వివిధ కై ంకర్యాలు, నిత్య పూజలు, అర్చనలు, విశేష సేవల్లో అర్చక సిబ్బంది వల్లగానీ, భక్తుల వల్లగానీ తెలిసీ తెలియక ఏవైనా దోషాలు దొర్లితే... వాటి ప్రాయశ్చిత్తంగా ఈ పవిత్రోత్సవాలను నిర్వహించడం ఇక్కడ ఆనవాయితీగా వస్తోందని ఆలయ పండితులు తెలిపారు. ఈ పవిత్ర పూజల వల్ల సర్వాభీష్టములు సిద్ధించడమే కాకుండా, మనోవాక్కర్మలు పవిత్రమౌతాయని భక్తుల విశ్వాసం. మూడు రోజుల ఉత్సవాల షెడ్యూల్‌: అక్టోబర్‌ 10 : ఉదయం పవిత్ర మాలల ప్రతిష్ట, స్నపన తిరుమంజనం, యాగశాల కై ంకర్యాలు. అక్టోబర్‌ 11 : స్వామివారికి పవిత్ర మాలల సమర్పణ, యాగశాల పూజలు. అక్టోబర్‌ 12 : ఉదయం మహాపూర్ణాహుతి, కుంభ ప్రదక్షిణ, పవిత్ర వితరణ, చక్రస్నానం. సాయంత్రం కనులపండువగా స్వామివారి తిరువీధి ఉత్సవం. దంపతులకు ప్రత్యేక సేవ పవిత్రోత్సవాల సేవా కార్యక్రమాల్లో పాల్గొనాలనుకునే భక్తులకు టీటీడీ అధికారులు ప్రత్యేక అవకాశం కల్పించారు. ఆసక్తి గల దంపతులు రూ. 300 చెల్లించి టికెట్‌ పొందవచ్చని తెలిపారు. ఈ సేవలో పాల్గొనే దంపతులకు ఒక పవిత్ర మాల, రవిక ముక్క, స్వామివారి అన్నప్రసాదాన్ని బహూకరిస్తామని వెల్లడించారు. ఈ కార్యక్రమంలో ఆలయ అర్చకులు గోపాలబట్టార్‌, కృష్ణ, కృష్ణరాజ, గోకుల్‌, వరదరాజస్వాములు, టీటీడీ అధికారులు నాగరాజ, ఆలయ సిబ్బంది పాల్గొన్నారు.

● రూ.50 వేల నగదు అపహరణ వాల్మీకిపురం: పట్టణంలోని నాయక్‌వీధి సమీపంలో ఉన్న రైల్వే గేట్‌ వద్ద గురువారం అర్ధరాత్రి గుర్తుతెలియని దుండగులు చోరీకి పాల్పడ్డారు. తాళం వేసి ఉన్న ఓ ఇంట్లోకి చొరబడి నగదు, వెండి వస్తువులను అపహరించుకెళ్లారు. బాధితురాలు, పోలీసులు తెలిపిన వివరాల మేరకు.. నాయక్‌వీధి రైల్వేగేట్‌ వద్ద అనసూయమ్మ అనే మహిళ నివాసం ఉంటోంది. గురువారం మండలంలోని గంగాదొడ్డి గ్రామంలో డ్వాక్రా సమావేశం ఉండడంతో ఆమె అక్కడికి వెళ్లింది పనులు ముగిసేసరికి రాత్రి కావడంతో గంగాదొడ్డిలోనే నిద్రపోయింది. ఈ విషయాన్ని పసిగట్టిన దొంగలు అర్ధరాత్రి సమయంలో ఇంటి తాళాలు పగలగొట్టి లోపలికి చొరబడ్డారు. శుక్రవారం ఉదయం అనసూయమ్మ ఇంటికి వచ్చి చూసేసరికి తలుపులు తెరిచి ఉన్నాయి. లోపలికి వెళ్లి పరిశీలించగా బీరువాలోని దుస్తులు, చీరలు చిందరబందరగా పడి ఉన్నాయి. బీరువాలో దాచి ఉంచిన రూ. 50,000 నగదుతో పాటు ముక్కుపుల్లలు, వెండి వస్తువులు చోరీకి గురైనట్లు ఆమె గుర్తించింది. బాధితురాలి ఫిర్యాదు మేరకు ఎస్‌ఐ తిప్పేస్వామి సిబ్బందితో కలిసి సంఘటనా స్థలానికి చేరుకుని వివరాలు సేకరించారు. బాధితురాలి ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.చిందరబందరగా పడి ఉన్న చీరలు

కలకడ : మండలంలోని కె.బాటవారిపల్లె వద్ద శుక్రవారం జరిగిన రోడ్డుప్రమాదంలో చిన్నారి సమంత (4) తీవ్రంగా గాయపడింది. వివరాలు.. కె.బాటవారిపల్లెకు చెందిన మద్దిపట్ల.ప్రతాప్‌నాయుడు కుమార్తె సమంత తోటి పిల్లలతో కలిసి రోడ్డువద్ద ఉండగా కలకడ వైపు నుంచి పీలేరు వెళుతున్న బొలెరో పికప్‌ వాహనం ఢీకొంది. తీవ్రంగా గాయపడిన సమంతను 108లో చికిత్స నిమిత్తం పీలేరు ప్రభుత్వ ఆసుపత్రికి తరలించారు. అక్కడి నుంచి మెరుగైన వైద్యం కోసం తిరుపతికి తీసుకెళ్లారు. మదనపల్లె టూటౌన్‌ పీఎస్‌ పక్కన గొడవమదనపల్లె టౌన్‌: అన్నమయ్య జిల్లాలోని, మదనపల్లె రెండవ పట్టణ పోలీస్‌ స్టేషన్‌ పక్కనున్న ఓ ఎంటర్‌ ప్రైజెస్‌లో శుక్రవారం రాత్రి గొడవ చోటు చేసుకుంది. వ్యాపార లావాదేవీల విషయంలో తలెత్తిన ఈ గొడవ, మనస్పర్థలతో విజయవాడకు చెందిన కిషోర్‌ కొందరు ఆకతాయిలను తీసుకొచ్చి గొడవకు దిగినట్లు సమాచారం. సమాచారం అందుకున్న రెండో పట్టణ పోలీసులు రంగప్రవేశం చేసి అల్లరి మూకను చెదర గొట్టారు. ప్రస్తుతం అక్కడ ఉద్రిక్త పరిస్థితులు నెలకొన్నాయి. పూర్తి వివరాలు తెలియాల్సి ఉంది. చీనీ కాయల వ్యాపారిపై కేసు నమోదుసంజామల: నొస్సం గ్రామానికి చెందిన నలుగురి రైతులను మోసం చేసిన ఓ చినీ కాయల వ్యాపారిపై కేసు నమోదైంది. ఎస్‌ఐ రమణయ్య తెలిపిన వివరాల మేరకు.. గ్రామానికి చెందిన మహేంద్ర, గాధంశెట్టి రాఘవ, గాధంశెట్టి లక్ష్మీనారాయణ, ఓబులేసుకు చీని తోటలు ఉన్నాయి. వీరి వద్ద నుంచి రూ.2.18 లక్షలు విలువగల చీనికాయలను వైఎస్సార్‌ కడప జిల్లా తొండూరు మండలం మల్లాల గ్రామానికి చెందిన భూచిపాటి రామాంజనేయులు జూలై 19వ తేదీన కొనుగోలు చేశాడు. అయితే డబ్బులు కొద్దిరోజులు తర్వాత ఇస్తానని ఒప్పందం కుదుర్చుకున్నారు. గడువు ముగిసినా తర్వాత రైతులు డబ్బులు అడుగుతున్నా పట్టించుకోకపోవడంతో వారు పోలీసులను ఆశ్రయించారు. ఈ మేరకు వ్యాపారి రామాంజనేయులపై శుక్రవారం కేసు నమోదు చేసినట్లు ఎస్‌ఐ తెలిపారు. ఎస్‌జీఎఫ్‌ రాష్ట్ర స్థాయి పోటీలకు ఎంపికకమలాపురం: పట్టణంలోని జడ్పీ బాయ్స్‌ హైస్కూల్‌కు చెందిన పలువురు విద్యార్థులు ఎస్‌జీఎఫ్‌ రాష్ట్ర స్థాయి పోటీలకు ఎంపికై నట్లు పాఠశాల పీడీ సుబ్బన్న తెలిపారు. అండర్‌–17 ఫుట్‌ బాల్‌ విభాగంలో ఎ.సుశాంత్‌, అండర్‌–14 హాకీ విభాగంలో పి. పవన్‌కుమార్‌, ఎం.వెంకట రాముడు లు ప్రతిభ కనబరిచి రాష్ట్ర స్థాయి ఎస్‌జీఎఫ్‌ పోటీలకు ఎంపికయ్యారు. ఈ నెల 11వ తేదీ నుంచి రాజమండ్రిలో జరిగే పోటీలకు వారు హాజరవుతారని పీడీ సుబ్బన్న తెలిపారు. ఈ నెల 3వ తేదీన కడప స్పోర్ట్స్‌ స్కూల్‌లో జరిగిన జిల్లా స్థాయి పోటీల్లో పాల్గొని రాష్ట్ర స్థాయి పోటీలకు వారు అర్హత సాధించారు. అలాగే కబడ్డీ అసోసియేషన్‌ ఆధ్వర్యంలో జూనియర్స్‌ విభాగంలో ఎల్‌. మహ్మద్‌ రఫీ రాష్ట్ర స్థాయి కబడ్డీ పోటీలకు ఎంపికయ్యాడు. ఈ నెల 16 నుంచి మార్కాపురంలో జరిగే రాష్ట్ర స్థాయి పోటీలకు అతడు జిల్లా జట్టు తరపున ఆడనున్నాడు. అలాగే సబ్‌ జూనియర్స్‌ విభాగంలో ఎల్‌. ఉమర్‌ బాషా రాష్ట్ర స్థాయి పోటీలకు ఎంపికయ్యాడు. నూజివీడులో ఈ నెల 10 నుంచి జరగనున్న రాష్ట్ర స్థాయి పోటీలకు అతను హాజరు కానున్నాడు. కాగా శుక్రవారం విజేతలకు పాఠశాల హెచ్‌ఎం ఖాజా పర్వీన్‌, పీడీ సుబ్బన్న అభినందించారు.

– కలెక్టర్‌కు వైఎస్సార్‌సీపీ జిల్లా అధ్యక్షుడు అమరనాథరెడ్డి లేఖ సాక్షి, మదనపల్లె: జిల్లాలో స్థానిక సంస్థల ఎన్నికల్లో వైఎస్సార్‌సీపీ తరఫున పోటీచేసే అభ్యర్థులకు అవసరమైన ధ్రువీకరణ పత్రాలు పొందేందుకు సాంకేతిక సమస్యలు ఎదురవుతున్నాయని, దీన్ని పరిష్కరించాలని ఆ పార్టీ రాజంపేట పార్లమెంటు అధ్యక్షుడు ఆకేపాటి అమరనాథరెడ్డి కలెక్టర్‌ను కోరారు. ఈ మేరకు స్థానిక వైఎస్సార్‌సీపీ సమన్వయకర్త నిసార్‌ అహ్మద్‌ శుక్రవారం కలెక్టరేట్‌ ఏఓకు లేఖను అందజేశారు. ఈ సందర్భంగా ఆయన లేఖలో పేర్కొన్న అంశాలను వివరించారు. తక్షణమే చర్యలు తీసుకునేలా కలెక్టర్‌ దృష్టికి తీసుకెళ్లాలని కోరారు. జిల్లా వ్యాప్తంగా నెలకొన్న ఈ సమస్యను సత్వరమే పరిష్కరించాల్సి ఉందని కోరారు. అభ్యర్థులకు ఇబ్బందులు తలెత్తకుండా చూడాల్సిన బాధ్యత జిల్లా అధికార యంత్రాంగంపైనే ఉందని అన్నారు. ఎన్నికల్లో పోటీకి ఆసక్తి చూపుతున్న అభ్యర్థులు తమకు సంబంధించిన ధ్రువీకరణ పత్రాలను ఎన్నికల సమయంలో సమర్పించాల్సి ఉన్నందున దీనిపై తక్షణమే చర్యలు తీసుకోవాలని అమరనాఽథ రెడ్డి లేఖలో కోరినట్టు పేర్కొన్నారు.

నిరుపేదల సంక్షేమంపై ప్రభుత్వాలు చిన్నచూపు చూస్తున్నాయి. ముఖ్యంగా నిరాశ్రయుల వసతి గృహాలపై శీతకన్ను వేసి పేదలు జీవించే హక్కును కాలరాస్తున్నాయి. ఫలితంగా సదరు వసతి గృహాలు మూసివేత దిశగా పయనిస్తున్నాయి. నేడు ప్రపంచ నిరాశ్రయుల దినోత్సవం సందర్భంగా కథనం. కడప సెవెన్‌రోడ్స్‌ : అనాథలు, అభాగ్యులు, వలస కూలీల కోసం ఏర్పాటు చేసిన నిరాశ్రయు ల కేంద్రాలు ప్రభుత్వాల తీరు వల్ల సమస్యల వలయంలో కొట్టుమిట్టాడుతున్నాయి. ప్రతి పౌరుడికి జీవించే హక్కు ఉందనే నినాదంతో దేశ వ్యాప్తంగా నిరాశ్రయుల కేంద్రాలు ఏర్పాటయ్యాయి. ఇందులో భాగంగా జిల్లాలోని అన్ని మున్సిపాలిటీల్లో ఈ కేంద్రాలు ఏర్పాటు చేశారు. కడప నగరంలో నాలుగు కేంద్రాలు ఏర్పాటయ్యాయి. మున్సిపాలిటీ వారు ఒక భోజనానికి నిధులు ఇస్తున్నారు. మెప్మా విభాగం ఈ కేంద్రాలు నిర్వహించే సిబ్బందికి గౌరవ వేతనంతోపాటు ఇతర ఖర్చులకు డబ్బులు చెల్లిస్తారు. భిక్షాటన చేసేవారు, వలస కూలీలు, వికలాంగులు ఈ కేంద్రాల్లో ఆశ్రయం పొందుతున్నారు. వీటికి విధించిన ఐదేళ్ల కాలపరిమితి ముగిసింది. దీంతో అటు మున్సిపాలిటీ, ఇటు మెప్మా వారు నిధులు ఇవ్వడం ఆపేశారు. దీంతో కేంద్రాల పరిస్థితి అగమ్యగోచరంగా మారింది. కేంద్ర, రాష్ట్ర ప్రభుత్వాల పునరాలోచించి నిరాశ్రయుల వసతి కేంద్రాలను కొనసాగించాలని పలువురు కోరుతున్నారు.

బీసీలకు 34 శాతం రిజర్వేషన్లు అనే నాటకాన్ని చంద్రబాబు చక్కగా ముగించారు. న్యాయస్థానంలో జీవోలు నిలబడవని తెలుసు. అసెంబ్లీలో చంద్రబాబు బీసీలను ఉద్ధరిస్తున్నట్టుగా రిజర్వేషన్ల గురించి గొప్పలు చెప్పుకున్నారు. అలాంటప్పుడు అవి అమలయ్యేలా చట్టబద్ధంగా ఎందుకు చర్యలు చేపట్టలేదు. జీవోల వల్ల ఉపయోగం లేదని తెలిసినా, జీవోలు జారీ చేయడం బీసీలను నిలువునా మోసం చేయడం కాదా. ఈ నాటకమంతా ఆడింది స్థానిక ఎన్ని కల్లో లబ్ధి కోసం కాదా.! – జన్నే శేషా చలపతి, ఏపీ బీసీ కమిషన్‌ మాజీ సభ్యులు బీసీ యువతకు ఉద్యోగాలు, రాజకీయ ప్రాధాన్యత ఇవ్వని చంద్రబాబు ఓట్ల కోసం రిజర్వేషన్‌ డ్రామా ఆడటం దారుణం. ప్రభుత్వ ఉద్యోగాలు కల్పించడం, ప్రభుత్వ పదవుల్లో అవకాశాలు దక్కడం లేదు. బీసీల సంక్షేమం మాటలకే పరిమితమైంది. యువత నిరుద్యోగ సమస్యతో ఇబ్బందులు ఎదుర్కొంటుంటే, మరోవైపు రాజకీయ ప్రాధాన్యతను కోల్పోతున్నారు. వారిని గౌరవప్రదమైన రాజకీయ హోదాలో నిలబెట్టాలి. బీసీ నిరుద్యోగ యువతకు ఉద్యోగాలు ఇవ్వాలి. – రామగౌడ్‌, బీసీ సంక్షేమ సంఘం పొలిట్‌బ్యూరో సభ్యులు బీసీలకు 34 శాతం రిజర్వేషన్ల పేరుతో నాటకాలు ఆడటం మామూలే. న్యాయస్థానంలో జీవోలు నిలవవని తెలిసి బీసీలను నమ్మించి మోసం చేశారు. ఎన్నికల్లో, అధికారంలో బీసీలు చంద్రబాబు చేతిలో మోసపోతున్నారు. బీసీలకు ఇచ్చిన రిజర్వేషన్ల హామీని నిలబెట్టుకునేలా చట్టం చేయాలి. లేదంటే ప్రతిసారి చంద్రబాబు మాటలకు బీసీలు మోసపోవడం ఖాయం. – యూ.సాంబశివ, బీసీ నాయకుడు, తంబళ్లపల్లి నియోజకవర్గం

– వైఎస్సార్‌సీపీ రాష్ట్ర ప్రధాన కార్యదర్శి గడికోట శ్రీకాంత్‌ రెడ్డి రాయచోటి అర్బన్‌ : బీసీలకు మేలు చేస్తామంటూ చంద్రబాబు మాటల్లోనే చెబుతారని... తన నైజం మోసం చేయడమేనని మరోసారి రుజువైందని వైఎస్సార్‌సీపీ రాష్ట్ర ప్రధాన కార్యదర్శి గడికోట శ్రీకాంత్‌ రెడ్డి పేర్కొన్నారు. శుక్రవారం ఆయన ఒక ప్రకటన విడుదల చేశారు. బీసీలకు మంచి చేయాలన్న ఆలోచనలు చంద్రబాబులో ఏ కోశానా ఉండదని విమర్శించారు. చంద్రబాబు నాయుడుకు బీసీలకు రిజర్వేషన్లపై నిజంగా చిత్తశుద్ధి ఉంటే షెడ్యూల్‌ ప్రకారం పార్లమెంట్‌లో చట్టం చేసేందుకు కేంద్రంతో మాట్లాడి ఒప్పించాలని , ఇందుకు వైఎస్సార్‌సీపీ తోడుగా నిలుస్తుందని వివరించారు. గతంలో వైఎస్‌ జగన్‌ బీసీలకు అన్నింటిలోనూ, నామినేటెడ్‌ పోస్టులలో 50శాతం ఉండాలన్న ఆలోచనలు చేసి అసెంబ్లీలో చట్టం చేసిన విషయాన్ని గుర్తు చేశారు. రాయచోటి మున్సిపాలిటీ గతంలో ఓసీ జనరల్‌ వచ్చినా బీసీలకు ఇచ్చి గౌరవించిందని ఆయన పేర్కొన్నారు.

పేద ప్రజల జీవనాన్ని దగ్గరగా పరిశీలించిన వైఎస్సార్‌ సీపీ అధినేత వైఎస్‌ జగన్‌మోహన్‌రెడ్డి అధికారంలోకి రాగానే, వారి ఉన్నతి లక్ష్యంగా అడుగులు వేశారు. ఐదేళ్ల పాలనలో రాజకీయంగా, సామాజికపరంగా అగ్రపీఠం వేశారు. సంక్షేమ పథకాల ద్వారా నేరుగా పేదలకు ఆర్థిక సాయం అందించారు. ఒక్కమాటలో చెప్పాలంటే బీసీల ఆత్మబంధువుగా మారారు. ఎన్నికలకు ముందు చెప్పినట్లుగానే బీసీలంటే బ్యాక్‌వర్డ్‌ క్లాస్‌ కాదు బ్యాక్‌బోన్‌ క్లాస్‌ అని నిరూపించారు. 143 కులాలున్న బీసీలకు 56 కార్పొరేషన్లు ఏర్పాటు చేసి ఛైర్మన్లు, డైరెక్టర్లను నియమించారు. క్షేత్రస్థాయిలో సైతం అదేబాటలో అధికారం అప్పగించారు. స్థానిక సంస్థల్లో ఓసీలకు రిజర్వుడు స్థానాల్లో సైతం బీసీ అభ్యర్థులకు కేటాయించిన చరిత్ర సైతం వైఎస్సార్‌సీపీకే దక్కిందని విశ్లేషకులు వెల్లడిస్తున్నారు. టీడీపీకి బడుగు బలహీన వర్గాల ఓట్లపై ఉన్న శ్రద్ధ వారి ఉన్నతిపై లేదని, బీసీలు ఆర్థిక, సామాజిక ఉన్నతికి కృషి చేసిన దాఖలాలు బాబు రాజకీయ జీవితంలోనే లేదని విశ్లేషకులు వెల్లడిస్తున్నారు. ఎన్నికలు ఎప్పుడు వచ్చిన బీసీల జపం చేయడం, ఆ తర్వాత పట్టించుకున్న పాపాన పోలేదని విమర్శిస్తున్నారు. అందులో భాగంగానే సీఎం చంద్రబాబు సర్కార్‌ జీఓ 105, 1065 జారీ చేసిందని పలువురు వివరిస్తున్నారు. స్థానిక సంస్థల ఎన్నికలల్లో బీసీల తిరుగుబాటు తప్పదని భావించే కూటమి సర్కార్‌ బీసీ రిజర్వేషన్లు నాటకం ఆడారని విశ్లేషకులు వెల్లడిస్తున్నారు. హైకోర్టు తిరస్కరించిన తర్వాత రక్తి కట్టించేందుకు సుప్రీంకు వెళ్లినట్లు మరో డ్రామా కు తెరలేపారని పరిశీలకులు ఆరోపిస్తున్నారు. టీడీపీ హయాంలో బీసీలకు రాజ్యాధికారంలో భాగస్వామం ఉత్తి మాటలేనని, ఆదరణ పేరుతో పనిముట్లు పంపిణీ చేసి కులవృత్తులకే పరిమితం చేయాలనేది సీఎం చంద్రబాబు ప్రధాన ఉద్దేశమని పలువురు మండిపడుతున్నారు బడుగులకు రాజ్యాధికారంలో భాగస్వామ్యం, సంక్షేమంలో అగ్రపీఠం కల్పిస్తేనే సామాజిక న్యాయం దక్కుతుందని వైఎస్సార్‌సీపీ విశ్వసిస్తే.. బీసీల పేరుతో కొంగ జపం చేస్తూ ఓట్లు–సీట్లు పొందడమే లక్ష్యంగా తెలుగుదేశం పార్టీ కుట్రలు..కుయుక్తులు పన్నుతోంది.

ప్రొద్దుటూరు కల్చరల్‌ : శ్రీవాసవి కన్యకాపరమేశ్వరిదేవి ఆలయంలో దేవీశరన్నవరాత్రి ఉత్సవాలను నిత్య నూతనంగా నిర్వహించనున్నట్లు ఆర్యవైశ్య సభ అధ్యక్షుడు బుశెట్టి రాం మోహన్‌రావు తెలిపారు. అమ్మవారిశాలలో శుక్రవారం దసరా ఉత్సవాల నిర్వహణపై విలేకరుల సమావేశం నిర్వహించారు. ఈ సందర్భంగా ఆయన మాట్లాడుతూ 136వ దసరా ఉత్సవాలను ఆర్యవైశ్యసభ సహకారంతో దసరా ఉత్సవ కమిటీ ఆధ్వర్యంలో అంగరంగ వైభవంగా నిర్వహించనున్నట్లు వివరించారు. ఈ ఏడాది అమ్మవారి అలంకారాలు భక్తులకు కన్నులవిందు చేస్తాయన్నారు. త్రీడీ డెకరేషన్‌ ,పాలకొల్లు బ్యాండ్‌, కర్ణాటక చిలిపిలి బొమ్మలు, నృత్య తరంగణి వారి ఫిన్‌ఆర్ట్స్‌ వారి ప్రోగ్రాం, డ్రమ్స్‌, సినీ డూప్స్‌, రేలా రే రేలా ప్రోగ్రాం, డ్రోన్‌ ద్వారా పుష్పార్చన తదితర కార్యక్రమాలతో ఉత్సవాలు ఆద్యంతం ఘనంగా జరగనున్నాయని తెలిపారు. భక్తులకు ఎలాంటి అసౌకర్యం కలకుండా బారికేడ్లను ఏర్పాటు చేసి అమ్మవారిని తనివితీరా దర్శించుకునేలా ఏర్పాట్లు చేశామన్నారు. భక్తులు దసరా వేడుకల్లో పాల్గొని అమ్మవారిని దర్శించుకుని తీర్థ ప్రసాదాలు స్వీకరించాలని కోరారు. సమావేశంలో ఆర్యవైశ్యసభ ఉపాధ్యక్షుడు జొన్నలగడ్డ రవీంద్రబాబు, కార్యదర్శి మురికి నాగేశ్వరరావు, సహాయ కార్యదర్శి మల్లెంకొండు ప్రతాప్‌, కార్యవర్గ సభ్యులు నాగరాజ శ్రేష్టి, బాలరాజు, జగన్‌మోహన్‌, వెంకటేశ్వర్లు, మురళీధర్‌, చంద్రమోహన్‌రావు, ఉదయ్‌కుమార్‌, పవన్‌కుమార్‌, సత్యనారాయణ, ఆర్యవైశ్యసభ, దసరా ఉత్సవ కమిటీ ప్రతినిధులు పాల్గొన్నారు.

గుర్రంకొండ: మండలంలోని సింగిల్‌విండో కార్యాలయంలో రూ. 75 లక్షలకు పైగా నిధులు స్వాహా కావడం తీవ్ర కలకలం రేపుతోంది. గత రెండున్నరేళ్లుగా ఇన్‌చార్జి సీఈవోగా బాధ్యతలు నిర్వహిస్తున్న అనిల్‌కుమార్‌ గత 18 రోజులుగా విధులకు గైర్హాజరై పరారీలో ఉండడం, కార్యాలయానికి చెందిన బంగారు నగల లాకర్‌ తాళాలు కూడా అతని వద్దే ఉండడంతో లబ్ధిదారులు, రైతులు తీవ్ర భయాందోళనలు వ్యక్తం చేస్తున్నారు. రూ. 5.29 కోట్ల రుణాలు.. రూ. 75 లక్షల స్వాహా! ఈ సింగిల్‌విండో పరిధిలో ఇప్పటివరకు మొత్తం రూ. 5.29 కోట్ల మేర రుణాలు మంజూరు చేశారు. అందులో పంట రుణాలు: 445 మంది రైతులకు రూ. 3,86,72,983 మంజూరు చేశారు. బంగారు రుణాలు: 249 మందికి రూ. 1,42,27,017 రుణాలు ఇచ్చారు. ఖాతాదారులు తమ బంగారు రుణాలు చెల్లించి నగలు తీసుకెళ్లినప్పటికీ, వారు కట్టిన రూ. 50 లక్షల సొమ్మును డీసీసీ బ్యాంకుకు జమ చేయకుండా సీఈవో అనిల్‌కుమార్‌ ఇతర వ్యక్తుల ఖాతాలకు మళ్లించి డ్రా చేసుకున్నట్లు తెలుస్తోంది. దీనితో పాటు 445 మంది రైతులకు ఇచ్చిన పంట రుణాల్లోనూ లోతుగా విచారణ జరిపితే మరో రూ. 25 లక్షల మేర అక్రమాలు బయటపడే అవకాశముందని రైతులు చెబుతున్నారు. అధికారుల ఉదాసీనతే కారణమా? గత రెండు సంవత్సరాలుగా నిర్వహించిన ఆడిట్లలో అక్రమాలు వెలుగుచూసినా ఉన్నతాధికారులు చర్యలు తీసుకోకపోవడంపై అనుమానాలు వ్యక్తమవుతున్నాయి. గత నెల 21న డీసీసీ బ్యాంకు ఏజీఎమ్‌ చంద్రళ విచారణ జరిపి రూ. 18 లక్షల నిధుల దుర్వినియోగాన్ని గుర్తించినప్పటికీ, కేవలం ఆ సొమ్మును రికవరీ చేసి వదిలేశారే తప్ప సీఈవోను సస్పెండ్‌ చేయలేదు. విచారణ ముగిసిన మరుసటి రోజు నుంచే అనిల్‌కుమార్‌ పరారీ కావడం గమనార్హం. స్థానిక బంగారు కుదవ వ్యాపారులతో, పక్క మండలానికి చెందిన మరో రెగ్యులర్‌ సీఈవోతో ఈయనకు అనధికారిక లావాదేవీలు ఉన్నట్లు సమాచారం. లాకర్‌లో బంగారం భద్రమేనా? గత 18 రోజులుగా సీఈవో రాకపోవడంతో పాటు, విలువైన రికార్డులు, నగదు ఉండే లాకర్‌ తాళాలు అతని వద్దే ఉండడంతో అసలు అందులోని బంగారం భద్రంగా ఉందా లేదా అని రైతులు ఆందోళన చెందుతున్నారు. శుక్రవారం పెద్ద ఎత్తున కార్యాలయానికి చేరుకున్న రైతులు తమ సొమ్ముపై ఆరా తీశారు. ఒకరిపై ఒకరు సాకులు చెబుతున్న పోలీసులు, పాలకవర్గం సీఈవో ఫోన్‌ స్విచాఫ్‌ చేసి పరారీలో ఉండడంతో రోజువారీ కార్యకలాపాలు స్తంభించాయని, అందుకే ఈనెల 1వ తేదీన పోలీసులకు ఫిర్యాదు చేశామని సింగిల్‌విండో ఛైర్మన్‌ ఎమ్‌ఎల్‌ఎన్‌ మూర్తిరావ్‌ తెలిపారు.పాలకవర్గం కేవలం సీఈవో విధులకు రావడం లేదని మాత్రమే ఫిర్యాదు చేసిందని, నిధుల గోల్‌మాల్‌పై ఉన్నతాధికారులు తమకు ఎలాంటి ఫిర్యాదు ఇవ్వలేదని ఎస్‌ఐ రవీంద్రబాబు స్పష్టం చేశారు. సీఈవో కనిపించడం లేదనే మిస్సింగ్‌ కేసును ఆయన తల్లిదండ్రులు వారి సొంత గ్రామ పోలీస్‌ స్టేషన్‌లో పెట్టుకోవాలని సూచించారు. రూ. 75 లక్షలకు పైగా స్వాహా? 18 రోజులుగా ఇన్‌చార్జి సీఈవో విధులకు గైర్హాజర్‌ అధికారులు చర్యలు చేపట్టకపోవడంపై అనుమానాలు

రాజంపేట: స్థానిక సంస్థల ఎన్నికల సన్నద్ధత నేపథ్యంలో రాజంపేట తెలుగుదేశం పార్టీలో అంతర్గత విభేదాలు ఒక్కసారిగా భగ్గుమన్నాయి. గురువారం స్థానిక రోడ్లు, భవనాల అతిథి గృహం వేదికగా జరిగిన పురపాలక సంఘ ఎన్నికల సమన్వయ కమిటీ సమావేశం తీవ్ర రసాభాసగా మారింది. నేతల సమక్షంలోనే వైరి వర్గాలు పరస్పర ఆరోపణలు, వాగ్వివాదాలకు దిగడంతో ఉద్రిక్త పరిస్థితులు నెలకొన్నాయి.రాజంపేట ఏబీ చంద్ర కల్యాణ మండపంలో మున్సిపల్‌ ఎన్నికలపై చర్చించేందుకు అన్నమయ్య జిల్లా టీడీపీ అధ్యక్షుడు సుగవాసి ప్రసాద్‌బాబు, కడప జిల్లా అధ్యక్షుడు భూపేష్‌రెడ్డి, జిల్లా ఎన్నికల కో–ఆర్డినేటర్‌ దీపక్‌రెడ్డి, రాజంపేట టీడీపీ ఇన్‌చార్జి చమర్తి జగన్‌మోహన్‌రాజు తదితరులు హాజరయ్యారు.నాయకులు ప్రసంగిస్తున్న క్రమంలో, పార్టీలోని కొందరు సీనియర్‌ నాయకులు ఒక్కసారిగా స్టేజ్‌ ముందు నిలదీశారు. పార్టీ కోసం కష్టపడి, కేసుల పాలై, జైలుకు వెళ్లిన కార్యకర్తలను విస్మరించి, వలస వచ్చిన నేతలకు పెద్దపీట వేయడంపై తీవ్ర ఆగ్రహం వ్యక్తం చేశారు. కార్యకర్తలను, స్థానిక నాయకులను సంప్రదించకుండా వలస నేతలను పార్టీలోకి ఎలా చేర్చుకుంటారంటూ ధ్వజమెత్తారు.గ్రామ స్థాయి నుంచి జిల్లా స్థాయి వరకు కమిటీల్లో ఉన్న కీలక నాయకులకు కనీస సమాచారం ఇవ్వకుండా, రహస్యంగా పార్టీ సభలు, సమావేశాలు ఎలా నిర్వహిస్తారని సీనియర్లు ప్రశ్నించారు. ఈ క్రమంలో కమ్మ, క్షత్రియ సామాజిక వర్గాలకు చెందిన కొందరు నాయకులు గట్టిగా నిలదీయ డంతో ఇరువర్గాల మధ్య మాటల యుద్ధం నడిచింది. అది కాస్తా తోపులాటగా మారడంతో సమావేశ ప్రాంగణంలో తీవ్ర గందరగోళం నెలకొంది. కొందరు అస మ్మతి నాయకులు ఉద్దేశపూర్వకంగానే ఈ గొడవకు దిగారని పార్టీలోని మరో వర్గం ఆరోపించింది.

కడప కోటిరెడ్డి సర్కిల్‌ : దసరా సందర్భంగా ఈ నెల 9 నుంచి 18వ తేదీ వరకు కడప జోన్‌ వ్యాప్తంగా 1233 బస్సులను నడపను న్నామని కడప జోన్‌ ఎగ్జిక్యూటివ్‌ డైరెక్టర్‌ కిషోర్‌ తెలిపారు. గురువారం తన కార్యాలయంలో ఆయన విలేకరులతో మాట్లాడారు. వైఎస్సార్‌ కడప, అన్నమయ్య, కర్నూల్‌, నంద్యాల, అనంతపురం, శ్రీ సత్యసాయి, చిత్తూరు, తిరుపతి జిల్లాల నుంచి బస్సులను నడుపుతున్నామని వివరించారు. వీటిలో బెంగుళూరుకు 340, హైదరాబాద్‌కు 157, చైన్నెకు 71, విజయవాడకు 64, తిరుపతికి 143, కర్నూలుకు 34, ఇతర ప్రాంతాలకు 424 బస్సుల చొప్పున నడపనున్నామని వెల్లడించారు. ప్రయాణికుల రద్దీని దృష్టిలో పెట్టుకుని అవసరమైతే మరిన్ని సర్వీసులు నడుపుతామన్నారు. అలాగే ఈనెల 19 నుంచి 21 వరకు తిరుగు ప్రయాణంలో కూడా ప్రత్యేక బస్సులను నడపనున్నామని చెప్పారు. తపాలా కార్యాలయాల్లో ‘దసరా’ ప్రసాదం కడప వైఎస్‌ఆర్‌ సర్కిల్‌: విజయవాడ ఇంద్రకీలాద్రిపై కొలువైన కనకదుర్గ అమ్మవారి దసరా ప్రసాదాన్ని ఆంధ్రప్రదేశ్‌లోని అన్ని తపాలా కార్యాలయాల ద్వారా భక్తులకు అందుబాటులోకి తీసుకువచ్చినట్లు కడప డివిజన్‌ పోస్టల్‌ సూపరింటెండెంట్‌ ఎ.రాజేష్‌ గురువారం ఒక ప్రకటనలో తెలిపారు. దసరా పర్వదినాలను పురస్కరించుకుని భక్తులు విజయవాడకు వెళ్లకుండానే కనకదుర్గ అమ్మవారి దసరా ప్రసాదాన్ని తపాలా కార్యాలయాల ద్వారా పొందే సౌకర్యం కల్పించనట్లు వివరించారు. ఒక్కో ప్రసాదం ప్యాకెట్‌ ధర రూ.116తో అందిస్తున్నట్లు తెలిపారు. ప్రసాదం ప్యాకెట్‌లో కనకదుర్గ అమ్మవారి లాకెట్‌, శక్తి కంకణం/కంకణం దారం, కుంకుమ, అక్షింతలు, కనకదుర్గ ప్రభ పుస్తకం ఉంటాయని వివరించారు. అగ్రిగోల్డ్‌ బాండ్ల స్వీకరణకు ఏర్పాట్లు కడప అర్బన్‌: అగ్రిగోల్డ్‌ బాధితుల నుంచి ఒరిజినల్‌ బాండ్ల స్వీకరణ ప్రక్రియను ఈనెల 9 నుంచి జిల్లా ఎస్పీ కార్యాలయం ఎదుట ఉన్న ఆర్‌ఎస్‌ఐ కార్యాలయంలో ప్రారంభించనున్నా రు. మండలాల వారీగా బాండ్లను స్వీకరించనుండగా, ఇందులో భాగంగా తొలిదశలో 9, 10 తేదీల్లో సిద్ధవటం మండల బాధితుల బాండ్లను తీసుకోనున్నారు. మిగిలిన మండలాల తేదీలను తదుపరి ప్రకటిస్తారు. బాధితులు అసలు అగ్రిగోల్డ్‌ బాండ్‌, దాని స్వీయ ధ్రువీకరించిన కలర్‌ జిరాక్స్‌ (నకలు), ఆధార్‌, ఓటరు గుర్తింపు కార్డు, రేషన్‌కార్డు లేదా ఇతర చెల్లుబాటు అయ్యే గుర్తింపు పత్రం తీసుకురావాలని అధికారులు సూచించారు. నామినీ బాండ్‌ సమర్పిస్తే నామినీ గుర్తింపు పత్రంతో పాటు అవసరమైన పత్రాలు సమర్పించాలి. డిపాజిటర్‌ మరణించి ఉంటే మరణ ధ్రువీకరణ పత్రంతోపాటు వారసత్వం, బంధుత్వానికి సంబంధించిన పత్రాలు తీసుకురావాలని అధికారులు సూచించారు.బాధితులు తమకు కేటాయించిన తేదీల్లోనే హాజరు కావాలని అధికారులు సూచించారు. నేటి నుంచి మెడికల్‌క్యాంపులు మదనపల్లె సిటీ: నూతన జిల్లాల పునర్విభజన ఉత్తర్వుల –2026 ప్రకారం ప్రిఫరెన్షియల్‌ కేటగిరీ పాయింట్లు పొందేందుకు అర్హులైన హెచ్‌ఎంలు, ఉపాధ్యాయులు, బోధనేతర సిబ్బంది మెడికల్‌ క్యాంపునకు హాజరై తమ ధ్రువపత్రాలు తీసుకోవాలని జిల్లా విద్యాశాఖ అధికారి డాక్టర్‌ సుబ్రమణ్యం తెలిపారు. తిరుపతిలోని రూయా ఆస్పత్రిలో ఉదయం 10 నుంచి 4 గంటల వరకు మెడికల్‌ క్యాంపులు ఉంటాయని వివరించారు 9వతేదీ తిరుపతి డివిజన్‌, 12వతేదీ పుత్తూరు డివిజన్‌, 13వతేదీ మదనపల్లె డివిజన్‌, 14వతేదీ చిత్తూరు డివిజన్‌ వారికి మెడికల్‌ క్యాంపులు జరుగుతాయన్నారు. సంబంధిత ప్రధానోపాధ్యాయులు, ఉపాధ్యాయులు, బోధనేత సిబ్బంది తమకు కేటాయించిన తేదీలలో తప్పనిసరిగా హాజరై అవసరమైన ఽవైద్యపత్రాలు, ధ్రువపత్రాలను సమర్పించి ధ్రువీకరించుకోవాలని కోరారు.

గాలివీడు : అన్నమయ్య జిల్లా గాలివీడు మండలంలో మహాత్మా గాంధీ జాతీయ గ్రామీణ ఉపాధి హామీ పథకం కింద జరిగిన రూ. 18 కోట్ల పనులపై కేంద్ర విజిలెన్స్‌ బృందం క్షేత్రస్థాయి మెరుపు తనిఖీలు చేపట్టింది ఉపాధి నిధుల దుర్వినియోగంపై రాజంపేట ఎంపీ పెద్దిరెడ్డి మిథున్‌రెడ్డి కేంద్ర మంత్రికి చేసిన ఫిర్యాదుతో కేంద్ర గ్రామీణాభివృద్ధి శాఖ డైరెక్టర్‌ సంజయ్‌కుమార్‌ నేతృత్వంలోని బృందం రంగంలోకి దిగింది.కేంద్ర బృందం మండలంలోని పలు గ్రామాల్లో పర్యటించింది. కూలీలకు కాకుండా నిబంధనలకు విరుద్ధంగా యంత్రాలతో పనులు చేయడంపై అధికారులు తీవ్ర ఆగ్రహం వ్యక్తం చేశారు రైతులకు మంజూరైన పండ్లతోటలు, గోకులాలు, క్యాటిల్‌షెడ్లు, వాటర్‌షెడ్‌ పనుల నాణ్యతను క్షేత్రస్థాయిలో పరిశీలించారు. 2024–25 ఆర్థిక సంవత్సరానికి సంబంధించి రూ. 12.50 కోట్లు కూలీల వేతనాలకు, రూ. 5.50 కోట్లు మెటీరియల్‌కు కేటాయించారు. ఇప్పటికే రూ. 4 కోట్లు చెల్లించగా, మరో రూ. 1.50 కోట్లు కేంద్రం నుంచి రావాల్సి ఉంది. వెండర్‌ కోడ్‌ను అడ్డుపెట్టుకుని రైతుల సొమ్మును సిబ్బంది తమ సొంత ఖాతాలకు మళ్లించినట్లు తేలితే క్రిమినల్‌ చర్యలు తప్పవని అధికారులు హెచ్చరించారు. రికార్డులు సక్రమంగా ఉన్న అర్హులకే నిధులు చెల్లిస్తామన్నారు. కరువు నేపథ్యంలో ఉపాధి హామీ పనిదినాలను పెంచాలని, వ్యవసాయాన్ని ఈ పథకంతో అనుసంధానం చేయాలని, ఫార్మ్‌ పాండ్లు మంజూరు చేయాలని రైతులు కోరగా కేంద్ర బృందం సానుకూలంగా స్పందించింది. ఈ తనిఖీల్లో డ్వామా పీడీ వెంకటరత్నం, ఏపీడీలు మధుబాబు, లక్ష్మీనరసయ్య పాల్గొన్నారు.ఎంపీ మిథున్‌రెడ్డి ఫిర్యాదుతో కదిలిన ఢిల్లీ బృందం

రాయచోటి టౌన్‌ : ఒక్క చిన్న సైకిల్‌ ప్రమాదం ఆ పేద కుటుంబంలో తీరని విషాదాన్ని నింపింది. 13 ఏళ్ల క్రితం కిందపడి తలకు దెబ్బతగలడంతో, రక్తం గడ్డకట్టి అది కాస్తా బ్రెయిన్‌ ట్యూమర్‌గా మారింది. తండ్రి జమాలుల్లా బాషా 60 ఏళ్ల వయసులో రైస్‌ మిల్లులో బస్తాలు మోస్తూ నెలకు రూ. 15,000 సంపాదిస్తుంటే.. అందులో రూ. 10,000 కేవలం కొడుకు మందులకే ఖర్చవుతోంది. ‘మా కళ్ల ముందే మా బిడ్డ కరిగిపోతున్నాడు.. ఎప్పుడు స్పృహ తప్పి పడిపోతాడో తెలీదు.. మేము లేని రోజు వాడిని ఎవరు చూస్తారు?‘ అని ఆ వృద్ధ దంపతులు రోదిస్తున్నారు. ఆపరేషన్‌ లేదా నెలవారీ మందుల ఖర్చుల కోసం ఈ నిరుపేద కుటుంబం దాతల సాయాన్ని కోరుతోంది. రాయచోటి కొత్తపల్లెలోని జీనద్‌ మజీద్‌ సమీపంలో నివసిస్తున్న జమాలుల్లా బాషా, చాంద్‌ బేగం దంపతుల చివరి కుమారుడు జమాలుద్దీన్‌ బాషా (23). జమాలుద్దీన్‌కు 10 ఏళ్ల వయసున్నప్పుడు పంటి నొప్పి మందు కోసం తండ్రి సైకిల్‌పై తీసుకెళ్తుండగా రాయచోటి చెక్‌పోస్ట్‌ వద్ద వెనక్కు పడిపోయాడు. అప్పట్లో తలకు చిన్న దెబ్బే తగిలినా, రక్తం రాకపోవడంతో ఎవరూ పెద్దగా పట్టించుకోలేదు. కానీ, కొన్ని రోజుల తర్వాత బాలుడు హఠాత్తుగా స్పృహతప్పి పడిపోవడంతో ఆసుపత్రికి పరుగెత్తించారు. పరీక్షించిన వైద్యులు తలలో రక్తం గడ్డకట్టి, అది కాస్తా బ్రెయిన్‌ ట్యూమర్‌ గా మారిందని తేల్చారు. 13 ఏళ్ల ప్రదక్షిణలు..భారమైన ప్రాణం కన్నబిడ్డను రక్షించుకోవడానికి ఆ తండ్రి రాయచోటి నుంచి కడప, కర్నూలులతో పాటు బెంగళూరులోని నిమ్‌హాన్స్‌, హైదరాబాద్‌లోని నిమ్స్‌ లాంటి పెద్ద పెద్ద ఆసుపత్రుల చుట్టూ కాళ్లరిగేలా తిరిగాడు. గతంలో ఏలూరులో ఆపరేషన్‌ చేయడానికి రూ.10 నుంచి రూ. 12 లక్షలు అవుతుందన్నారు. అంత డబ్బు ఆ హమాలీ దగ్గర లేకపోవడంతో ఆపరేషన్‌ వాయిదా పడింది. ఇప్పుడు కాలం దాటిపోవడంతో, సర్జరీ చేసినా సక్సెస్‌ రేట్‌ చాలా తక్కువని చెబుతూ వైద్యులు కేవలం మందులు రాసి పంపుతున్నారు. ప్రస్తుతం ఆ యువకుడు పైకి బాగా కనిపిస్తున్నా నడుస్తూ నడుస్తూనే స్పృహ తప్పి పడిపోతాడు... కూర్చుని కూర్చునే పడిపోతాడు.. ఏ క్షణాన కుప్పకూలిపోతాడో తెలియదు. ప్రాణాలు కాపాడుకోవడానికి తల్లిదండ్రుల్లో ఒకరు నిరంతరం కుమారుడి పక్కనే నీడలా కాపలా ఉండాల్సి వస్తోంది. ఆపరేషన్‌ లేదా నెలవారీ మందుల ఖర్చుల కోసం ఈ నిరుపేద కుటుంబం దాతల సాయాన్ని కోరుతోంది. సహాయం చేయాలనుకునే ఉదార హృదయులు నేరుగా 8897882387 నంబర్‌కు ఫోన్‌పేద్వారా సాయం అందించాలని కోరుతున్నారు. చేజారిన పింఛన్‌ ఆశ ప్రభుత్వం ఇచ్చే వికలాంగుల పింఛన్‌ అయినా వస్తే మందుల ఖర్చైనా వెళ్లుస్తుందని ఆశపడి సదరన్‌ సర్టిఫికెట్‌ కోసం దరఖాస్తు చేసుకున్నారు. వెరిఫికేషన్‌ కోసం ఫోన్‌కు వచ్చిన మెసేజ్‌ను సమయానికి చూసుకోకపోవడం వల్ల ప్రభుత్వ సాయం కూడా చేజారిపోయింది. అధికారులు, ప్రజాప్రతినిధులు ప్రత్యేక చొరవ తీసుకుని తమకు పింఛన్‌ ఇప్పించాలని కోరుతున్నారు.వృద్ధ హమాలీ కన్నీటి వేడుకోలు

సాక్షి, మదనపల్లె: స్థానికల నిర్వహణ కోసం జిల్లా యంత్రాంగం అన్ని ఏర్పాట్లతో సిద్ధంగా ఉండాలని రాష్ట్ర ఎన్నికల కమిషనర్‌ అనిల్‌ చంద్ర పునేఠా జిల్లా కలెక్టర్‌ నిశాంత్‌ కుమార్‌, జిల్లా ఎస్పీ ధీరజ్‌ కునుబిల్లిలను ఆదేశించారు. ఎన్నికల నిర్వహణకు సంబంధించి గురువారం జిల్లాల కలెక్టర్లు, ఎస్పీలతో వీడియో కాన్ఫరెన్‌న్స్‌ నిర్వహించారు. జిల్లా నుంచి కలెక్టర్‌, ఎస్పీ, జాయింట్‌ కలెక్టర్‌ శివ నారాయణ శర్మ, సబ్‌ కలెక్టర్‌ చల్లా కళ్యాణి, డీపీఓ రాధమ్మ పాల్గొన్నారు. ఎన్నికలకు సంబంధించి ఓటర్ల జాబితా, పోలింగ్‌ స్టేషన్ల మ్యాపింగ్‌, పోలింగ్‌ కేంద్రాల గుర్తింపు, ఎన్నికల సామగ్రి సమీకరణ, పోలింగ్‌ సిబ్బంది నియామకం, బ్యాలెట్‌ పేపర్ల ముద్రణ, స్టాట్యూటరీ, నాన్‌–స్టాట్యూటరీ ఫారాల సమీకరణ, భద్రతా ఏర్పాట్లు, బందోబస్తు ప్రణాళిక తదితర అంశాలపై కమిషనర్‌ సమీక్షించారు. పంచాయతీ ఎన్నికలను మూడు దశల్లో, ఎంపీటీసీ, జెడ్పీటీసీ ఎన్నికలను రెండు దశల్లో నిర్వహించే అంశంపై కలెక్టర్ల నుంచి అభిప్రాయాలను కమిషనర్‌ తెలుసుకున్నారు. ఎన్నికల సామగ్రి, సిబ్బందిని ముందుగానే సిద్ధం చేసుకోవాలని సూచించారు. కలెక్టర్‌ మాట్లాడుతూ జిల్లాలో ఎన్నికల నిర్వహణకు ఏర్పాట్లను సిద్ధంచేసి ఉంచామని తెలిపారు. జిల్లాలోని పంచాయతీలు, మున్సిపాలిటీల్లో ఎన్నికలను ప్రశాంతంగా, పారదర్శక నిర్వహణకు చర్యలు తీసుకుంటున్నట్లు తెలిపారు. తొలగించిన ఓటర్లను చేర్చుతాం ప్రత్యేక సమగ్ర సవరణలో పొరబాటుగా తొలగించిన, అనర్హులుగా తేల్చిన ఓటర్ల వివరాల పునఃపరిశీలన చేపట్టి వారిని మళ్లీ ఓటర్లుగా నమోదు చేస్తామని జిల్లా ఎన్నికల అధికారి, కలెక్టర్‌ నిశాంత్‌కుమార్‌ గురువారం ఒక ప్రకటనలో తెలిపారు. దీనికోసం ప్రత్యేక డ్రైవ్‌ను ప్రారంభించినట్టు తెలిపారు. బూత్‌ స్థాయి అధికారులు ఇంటింటికీ వెళ్లి ఓటర్ల వివరాలను పునఃపరిశీలిస్తారని అర్హులైన ఓట్లు, పొరపాటున తొలగించినట్లుగా తేలితే కొత్తగా ఓటు నమోదు కోసం వారితో ఫారం–6 స్వీకరించి పరిశీలన తర్వాత వారి పేరు ఓటర్ల జాబితాలో చేర్చడం జరుగుతుందని తెలిపారు. కలెక్టర్‌, ఎస్పీలకు ఎస్‌ఈసీ ఆదేశం

రాయచోటి అర్బన్‌ : ప్రతి ఇంటిపైన సోలార్‌ ప్లాంట్‌ ఏర్పాటు చేసుకోవడం వినియోగదారులకు లాభదాయకమని జిల్లా ట్రాన్స్‌కో ఎస్‌ఈ సోమశేఖర్‌ రెడ్డి పేర్కొన్నారు. గురువారం రాయచోటి ట్రాన్స్‌కో కార్యాలయంలో ఏర్పాటు చేసిన పీఎం సూర్యఘర్‌ ముప్త్‌ బుజ్‌ యోజన సేతు అభియాన్‌ కార్యక్రమంలో ఆయన పాల్గొన్నారు. ఈ సందర్భంగా మాట్లాడుతూ పీఎం సూర్య ఘర్‌ పథకం కింద కేంద్ర ప్రభుత్వ సబ్సిడీతో అందిస్తున్న సోలార్‌ ప్లాంట్ల ఏర్పాటుతో 90 శాతం వరకు విద్యుత్‌ బిల్లులు తగ్గుతాయన్నారు. దీంతో పాటు 2 కిలో వాట్ల ప్లాంట్‌కు రూ.60వేలు, 3 లేదా అంత కంటే ఎక్కువ కిలో వాట్ల సోలార్‌ ప్లాంట్ల ఏర్పాటుకు రూ.78వేలు వరకు ప్రభుత్వం సబ్సిడీ అందిస్తుందన్నారు. ఈ అవకాశాన్ని విద్యుత్‌ శాఖలో పని చేస్తున్న ఉద్యోగులతో పాటు ప్రతి వినియోగదారుడు సద్వినియోగం చేసుకోవాలని ఆయన కోరారు. సోలార్‌ రూప్‌టాప్‌ కోసం వినియోగదారులు ఎలా ధరఖాస్తు చేసుకోవాలనే విషయాన్ని ఆయన వివరించారు. కార్యక్రమంలో సీనియర్‌ అకౌంట్స్‌ అఽధికారి బాలు, డిప్యూటీ ఎగ్జిక్యూటీవ్‌ ఇంజనీర్లు జయప్రకాశ్‌, వరప్రసాద్‌ రెడ్డి, నాగముని స్వామి, అసిస్టెంట్‌ ఇంజనీర్లు, ఉద్యోగులు, వినియోగదారులు పాల్గొన్నారు.ట్రాన్స్‌కో ఎస్‌ఈ సోమశేఖర్‌ రెడ్డి

కడప సిటీ : ప్రముఖ ఆధ్యాత్మిక క్షేత్రంగా భాసిల్లుతున్న కడప పెద్దదర్గాలో జరిగే పెద్ద ఉరుసుకు రావాలని కడప ఎంపీ వైఎస్‌ అవినాష్‌రెడ్డి, మాజీ డిప్యూటీ సీఎం ఎస్‌బీ అంజద్‌బాషాను ఆహ్వానించారు. ఈ మేరకు గురువారం దర్గా పీఠాధిపతి హజరత్‌ సయ్యద్‌షా ఆరీఫుల్లా హుసేనీ సాహెబ్‌ ఎంపీతోపాటు మాజీ డిప్యూటీ సీఎంను కలిసి ఉరుసు ఉత్సవాల్లో పాల్గొనాలని విన్నవించారు. ఈనెల 24 నుంచి 29 వరకు జరిగే ఉరుసు ఉత్సవాలకు పెద్ద ఎత్తున భక్తులు తరలివస్తారని వివరించారు. ఇందుకు ఎంపీ వైఎస్‌ అవినాష్‌రెడ్డితోపాటు అంజద్‌బాషా ఉరుసులో ఉత్సవాల్లో పాల్గొని గురువుల ఆశీస్సులు తీసుకుంటామని పీఠాధిపతికి తెలిపారు. మాజీ నగర డిప్యూటీ మేయర్‌ బండి నిత్యానందరెడ్డి, పలువురు దర్గా భక్తులు పాల్గొన్నారు.

కడప వైఎస్‌ఆర్‌ సర్కిల్‌: మద్యం దుకాణాల లైసెన్సుల కేటాయింపు ప్రక్రియను నిబంధనల మేరకు పారదర్శకతతో నిర్వహిస్తున్నామని జేసీ నిధి మీనా పేర్కొన్నారు. గురువారం 2026–27 ఎకై ్సజ్‌ పాలసీ కింద ఏ4 మద్యం దుకాణాల లైసెన్సుల కేటాయింపులో భాగంగా కలెక్టరేట్‌లో జేసీ సమక్షంలో లక్కీ డ్రా ప్రక్రియను నిర్వహించారు. జిల్లా వ్యాప్తంగా నోటిఫై చేసిన మొత్తం 60 మద్యం దుకాణాలకు లైసెన్సులకు లక్కీ డ్రా నిర్వహించగా .. 27 దుకాణాలకు లైసెన్సుల కేటాయింపు విజయవంతంగా పూర్తయిందని తెలిపారు. నిబంధనల ప్రకారం, అర్హులైన దరఖాస్తుదారుల సమక్షంలో లాటరీ ప్రక్రియను నిర్వహించినట్లు పేర్కొన్నారు. జిల్లా ప్రొహిబిషన్‌ అండ్‌ ఎకై ్సజ్‌ శాఖ డిప్యూటీ కమిషనర్‌ జయరాజు, జిల్లా ప్రొహిబిషన్‌ అండ్‌ ఎకై ్సజ్‌ అధికారి రమేష్‌, జిల్లా ప్రొహిబిషన్‌ అండ్‌ ఎకై ్సజ్‌ సీఐలు, ఎస్‌ఐలు పాల్గొన్నారు.

లక్కిరెడ్డిపల్లి : మండల పరిధిలో దారుణ ఘటన వెలుగుచూసింది. భార్య ప్రవర్తనపై అనుమానం పెంచుకున్న ఓ భర్త కసాయిగా మారి.. రోకలిబండతో తలపై దాడి చేసి హతమార్చాడు. ఎర్రగుడి పంచాయతీ కాపుపల్లె గ్రామంలో ఈ ఘటన జరిగింది. స్థానికులు, పోలీసులు తెలిపిన వివరాల ప్రకారం.. గ్రామానికి చెందిన దేరంగుల నరసింహులు, దేరంగుల నాగరత్న (45) దంపతుల మధ్య గత కొంతకాలంగా నిత్యం గొడవలు జరుగుతున్నాయి. నాగరత్నపై అనుమానం పెంచుకున్న నరసింహులు బుధవారం అర్థరాత్రి సమయంలో ఆమెతో మళ్లీ ఘర్షణకు దిగాడు. వివాదం ముదరడంతో ఇంట్లోని రోకలిబండను తీసుకుని నాగరత్న తలపై బలంగా బాదాడు. ఈ దాడిలో తల పూర్తిగా పగిలి తీవ్ర రక్తస్రావం కావడంతో ఆమె స్పృహతప్పి కిందపడిపోయింది. గమనించిన కుటుంబ సభ్యులు, స్థానికులు వెంటనే ఆమెను చికిత్స నిమిత్తం కడపలోని ఓ ప్రైవేటు ఆసుపత్రికి తరలించారు. అక్కడ మృత్యువుతో పోరాడుతూ నాగరత్న గురువారం మృతి చెందింది. మృతురాలికి నలుగురు పిల్లలు ఉండగా, ముగ్గురికి ఇప్పటికే వివాహాలయ్యాయి. విషయం తెలుసుకున్న పోలీసులు సంఘటనా స్థలానికి చేరుకుని పరిశీలించారు. అప్పటికే నిందితుడు నరసింహులు పరారయ్యాడు. మృతదేహానికి పోస్టుమార్టం నిర్వహించి, కేసు నమోదు చేసి నిందితుడి కోసం గాలిస్తున్నట్లు పోలీసులు తెలిపారు. నకిలీ తాళంచెవితో ఇంట్లో బంగారు ఆభరణాలు చోరీప్రొద్దుటూరు క్రైం : ప్రొద్దుటూరు వన్‌టౌన్‌ పరిధిలో నకిలీ తాళంచెవిని ఉపయోగించి ఇంట్లో బంగారు ఆభరణాలు చోరీ చేసిన మహిళను పోలీసులు అరెస్ట్‌ చేశారు. పోలీసులు తెలిపిన వివరాల మేరకు.. బంగారు అంగళ్ల వీధిలో నివాసం ఉంటున్న సుజాత కుటుంబ సభ్యులతో కలిసి ఈనెల 4న హైదరాబాద్‌కు వెళ్లగా.. అదే రోజు మధ్యాహ్నం ఆమెకు పరిచయమున్న రమాదేవి నకిలీ తాళంచెవితో ఇంటి తాళం తెరచి బీరువాలోని బంగారు ఆభరణాలను అపహరించింది. ఈ నెల 5న ఇంటికి తిరిగి వచ్చిన సుజాత బంగారు ఆభరణాలు కనిపించకపోవడంతో పోలీసులకు ఫిర్యాదు చేశారు. కేసు నమోదు చేసి దర్యాప్తు చేపట్టిన ఎస్‌ఐ మొయినుద్దీన్‌ ఆమెను అదుపులోకి తీసుకొని విచారించగా.. అప్పులు తీర్చుకునేందుకే చోరీకి పాల్పడినట్లు అంగీకరించింది. సుజాత వద్ద నుంచి తాళం చెవి వివరాలు తెలుసుకొని, శివాలయం సెంటర్‌ సమీపంలోని తాళాలు తయారు చేసే వ్యక్తితో నకిలీ తాళం చెవి తయారు చేయించుకున్నట్లు వెల్లడించారు. ఈ మేరకు ఆమెను 7న రాత్రి అరెస్ట్‌ చేసినట్లు ఎస్‌ఐ తెలిపారు. నిందితురాలు వద్ద నుంచి 58.57 గ్రాముల బంగారు ఆభరణాలను స్వాధీనం చేసుకున్నామని, కేసు నమోదు చేసి దర్యాప్తు చేస్తున్నట్లు ఎస్‌ఐ వివరించారు. లంకమల్ల అటవీ ప్రాంతంలో అధికారుల దాడులు ప్రొద్దుటూరు క్రైం, ఖాజీపేట : లంకమల్ల రిజర్వ్‌ఫారెస్ట్‌ పరిధిలో ఎర్రచందనం అక్రమ రవాణాకు పాల్పడుతున్న స్మగ్లర్లపై అటవీశాఖ అధికారులు దాడులు నిర్వహించారు. గురువారం తెల్లవారుజామున సుమారు 3 గంటల ప్రాంతంలో ప్రొద్దుటూరు ఫారెస్ట్‌ రేంజ్‌ ఆఫీసర్‌ హేమాంజలి ఆధ్వర్యంలో ఈ తనిఖీలు చేపట్టారు. అధికారులు తెలిపిన వివరాల మేరకు.. నాగసానిపల్లె బీట్‌లోని బిక్కితిప్ప ప్రాంతంలో ఎర్రచందనం అక్రమ రవాణా జరుగుతున్నట్లు సమాచారం అందడంతో అటవీశాఖ సిబ్బంది అక్కడికి చేరుకొని తనిఖీలు నిర్వహించారు. ఈ క్రమంలో ఎర్రచందనం అక్రమంగా తరలిస్తున్న స్మగ్లర్లను గుర్తించి దాడి చేశారు. అఽధికారుల రాకను పసిగట్టిన స్మగ్లర్లు ఎర్రచందనం దుంగలను అక్కడే వదిలేసి చీకటిని ఆసరాగా తీసుకొని పరారయ్యారు. అటవీశాఖ అధికారులు ఘటనా స్థలం నుంచి 7 ఎర్రచందనం దుంగలను స్వాధీనం చేసుకున్నారు. దుంగలు సుమారు 234 కిలోలు ఉంటాయని అధికారులు తెలిపారు. పరారైన స్మగ్లర్లను పట్టుకునేందుకు అటవీశాఖ అధికారులు దర్యాప్తు కొనసాగిస్తున్నారు. ఎర్రచందనం అక్రమ రవాణా, స్మగ్లింగ్‌కు సంబంధించిన అనుమానాస్పద కార్యకలాపాలు కనిపించిన వెంటనే సమీపంలోని అటవీశాఖ అధికారులకు సమాచారం అందించాలని ఎఫ్‌ఆర్‌ఓ ప్రజలకు విజ్ఞప్తి చేశారు.● భార్యపై రోకలిబండతో దాడి ● చికిత్స పొందుతూ మృతి

● ముస్తాబవుతున్న ఆలయాలు ● భారీ సెట్టింగులో నిమగ్నమైన కార్మికులు ప్రొద్దుటూరు కల్చరల్‌ : దేవీ శరన్నవరాత్రి మహోత్సవాలకు ఆలయాలు ముస్తాబవుతున్నాయి. ముఖ్యంగా దసరా సంబరాలకు రెండో మైసూరుగా ఖ్యాతిగడించిన ప్రొద్దుటూరులో ఏర్పాట్లు చురుగ్గా సాగుతున్నాయి. ఆదివారం నుంచి ఉత్సవాలు ప్రారంభం కానున్న నేపథ్యంలో ఆలయాలకు రంగులు వేయడంతోపాటు చలువ పందిళ్లు వేస్తున్నారు. భారీ సెట్టింగ్‌లు, విద్యుత్‌ దీపాలంకరణ, ఆలయ గోపురాలకు విద్యుత్‌ దీపాలంకరణ చేయడంలో పలు ప్రాంతాలకు చెందిన కార్మికులు నిమగ్నమయ్యారు. శ్రీవాసవి కన్యకాపరమేశ్వరిదేవి ఆలయం, శ్రీ మహాలక్ష్మి సమేత చెన్నకేశవస్వామి, అగస్త్యేశ్వరస్వామి ఆలయం, రతనల వెంకటేశ్వరస్వామి ఆలయం, రాజరాజేశ్వరిదే వి ఆలయం, చౌడేశ్వరిదేవి ఆలయం, పెద్దమ్మతల్లి ఆలయంతోపాటు పలు ఆలయాలలో దసరా ఉత్సవాలను వైభవంగా నిర్వహించేందుకు ఆయా ఆలయాల ఉత్సవాల కమిటీ సభ్యులు పనులను పర్యవేక్షిస్తున్నారు. ఆలయాల్లో భక్తులకు ఎలాంటి అసౌకర్యం కలగకుండా బారికేడ్లను ఏర్పాటు చేస్తున్నారు. దేవతామూర్తులను దర్శించుకునేందుకు అన్ని ఏర్పాట్లను చేపట్టారు. దసరా ఉత్సవాలు నిర్వహించే ఆలయాల వీధులను రకరకాల విద్యుత్‌ దీపాలతో అలంకరిస్తున్నారు. మైదుకూరు రోడ్డు, రాజీవ్‌ సర్కిల్‌, జమ్మలమడుగు రోడ్డులతోపాటు పలు ప్రధాన కూడళ్లలో దసరా ఉత్సవాల సందర్భంగా దేవతామూర్తుల విద్యుత్‌ ఆర్చీలను ఏర్పాటు చేస్తున్నారు. దసరా ఉత్సవాలను గత ఏడాది కంటే వైభవంగా నిర్వహించేందుకు ఉత్సవ కమిటీల ప్రతినిధులు ప్రత్యేక శ్రద్ధ చూపుతున్నారు. ఈ నెల 11 నుంచి 21వ తేదీ వరకు ఆలయాల్లో అమ్మవారు వివిధ రూపాల్లో భక్తులకు దర్శనం ఇవ్వనున్నారు.

సాక్షి అన్నమయ్య/సాక్షి కడప : రాష్ట్ర ప్రభుత్వం ఇచ్చిన హామీలు నెరవేర్చకపోవడంతో ఉద్యమబాట పట్టిన వేతన జీవులపై కూటమి సర్కార్‌ ఉద్యమంపై ఉక్కుపాదం మోపుతోంది. ఒకటి, రెండు రోజులు కాకుండా దాదాపు నెలన్నర రోజుల కిందటే ఉద్యమ కార్యచరణ ప్రకటించి సంబంధిత అధికారులకు నోటీసులు కూడా అందించి హామీలు అమలుకు నోచుకోకపోవడంతో కాంట్రాక్టు ఉద్యోగులంతా రోడ్డెక్కారు. కాంట్రాక్టు ఉద్యోగులను రెగ్యులర్‌ చేయాలని, ఆ ప్రక్రియ పూర్తయ్యే వరకు 100 శాతం గ్రాస్‌ శాలరీ అమలు, సమానపనికి సమాన వేతనంతోపాటు ఇతర డిమాండ్లతో రెండు రోజులుగా ఆందోళనకు దిగారు. అయితే, రాష్ట్ర వ్యాప్తంగా అత్యవసర సేవలు మినహా మిగతా అన్ని విభాగాల వైద్యానికి నిరాకరించి రోడ్డెక్కిన కాంట్రాక్టు కార్మికులపట్ల ప్రభుత్వం నోటీసుల రూపంలో కక్షసాధింపు చర్యలకు ఉపక్రమించింది. ఎట్టి పరిిస్థితుల్లో ఉద్యమాన్ని నీరుగార్చాలన్న సంకల్పంతో జిల్లాలో కాంట్రాక్టు ఉద్యోగుల సంఘాలకు ప్రాతినిధ్యం వహిస్తున్న కీలక నేతలందరికీ నోటీసుల రూపంలో నిర్వీర్యం చేసేందుకు వ్యూహం రచించారు. జీజీహెచ్‌ల వద్ద కొనసాగుతున్న నిరసనలు తమ సమస్యల పరిష్కారమే లక్ష్యంగా మెడికల్‌ అండ్‌ హెల్త్‌ డిపార్టుమెంటులో పనిచేస్తున్నకాంట్రాక్టు ఉద్యోగులు రెండు రోజులుగా ఆందోళనలు నిర్వహిస్తున్నారు. ప్రధానంగా వైఎస్సార్‌ జిల్లా పరిధిలో జీజీహెచ్‌ (రిమ్స్‌)లో కాంట్రాక్టు ఉద్యోగులు నిరసనలు కొనసాగిస్తున్నారు. అన్నమయ్య జిల్లా కేంద్రమైన మదనపల్లెలోని జిల్లా ఆస్పత్రిలో కాంట్రాక్టు ఉద్యోగులు ఆందోళనల బాట పట్టారు. అన్నమయ్య జిల్లా పరిధిలో సుమారు 300 మందికి పైగా ఆందోళనల్లో పాల్గొంటుండగా, మరోవైపు వైఎస్సార్‌ జిల్లాలోని రిమ్స్‌తోపాటు ఇతర పీహెచ్‌సీల్లో పనిచేస్తున్న దాదాపు 400 మంది వరకు ఉద్యమ కార్యచరణలో ఉన్నారు. ఉద్యమంలో భాగంగా నినాదాలతో హోరెత్తిస్తున్నారు. నిర్వీర్యం చేసేందుకు కుట్ర వైద్య ఆరోగ్యశాఖలో పనిచేస్తున్న కాంట్రాక్టు ఉద్యోగులు తమ డిమాండ్ల సాధన కోసం రోడ్డెక్కగానే కూటమి సర్కార్‌కుయుక్తులు పన్నుతోంది. ఎట్టి పరిస్థితుల్లో ఉద్యమాన్ని తీవ్రతరం కాకుండా అణిచి వేసేందుకు వేగంగా అడుగులు పడుతున్నాయి. ఇటు రిమ్స్‌తోపాటు అటు మదనపల్లె జిల్లా ఆస్పత్రిలోని పలువురు ఉన్నతాధికారుల ద్వారా మౌఖిక ఆదేశాలు ఇస్తూ విదుల నిర్వహణకు సిద్దమంటూ వారితోచెప్పించే యత్నాలు చేస్తున్నారు. రెండు జిల్లాల్లో కలిపి సుమారు 300 మందికి పైగా సిబ్బందికి విదుల్లో చేరాలని మౌఖిక ఆదేశాలు జారీ చేస్తున్నారు. పీహెచ్‌సీలలో పనిచేసే సిబ్బందికి ఆయా మెడికల్‌ ఆఫీసర్ల ద్వారా ఒత్తిళ్లకు గురి చేస్తున్నారు. ఉద్యోగాలను పర్మినెంట్‌ చేయాలి కడప అర్బన్‌ : కడప నగర శివారు రిమ్స్‌లో వైద్య ఆరోగ్యశాఖ కాంట్రాక్ట్‌ ఉద్యోగుల సమ్మె మూడవరోజున గురువారం కొనసాగింది. ఈ సందర్భంగా వారు మాట్లాడుతూ తమ ఉద్యోగాలను పర్మినెంట్‌ చేయాల్సిందేనని అన్నారు. కాంట్రాక్ట్‌ మెడికల్‌ ఉద్యోగుల జెఏసీ ఆధ్వర్యంలో గురువారం సాయంత్రం తమ డిమాండ్ల సాధన కోసం కడపలోని ఏడు రోడ్ల కూడలి నుంచి కోటిరెడ్డి సర్కిల్‌ వరకు కొవ్వొత్తులతో ర్యాలీగా వచ్చి నిరసన చేపట్టారు. అలాగే మానవహారంగా ఏర్పడి తమ ఐక్యపోరాటాన్ని చాటారు. కార్యక్రమంలో జేఏసీ చైర్మన్‌ వి వెంకట్రాజు, కన్వీనర్‌ కమల్‌ బి, జే ఎస్‌ రాజు, విమల, పెద్ద ఎత్తున కాంట్రాక్టు ఉద్యోగులు పాల్గొన్నారు. వైద్యశాఖ కాంట్రాక్టు ఉద్యోగుల మెడపై కత్తి రెండు రోజులుగా ఎక్కడికక్కడ జీజీహెచ్‌ల వద్ద నిరసన కార్యక్రమాలు అన్నమయ్య, వైఎస్సార్‌ కడపజిల్లాలోని కాంట్రాక్టు ఉద్యోగులకు నోటీసులు

● దౌర్జన్యంగా చొరబడ్డారు! ● పోలీసులను ఆశ్రయించిన బాధితులుకలకడ : రెవెన్యూ రికార్డుల్లో స్పష్టమైన ఆధారాలు, 20 ఏళ్లకు పైగా సుదీర్ఘ భూ అనుభవం ఉన్నప్పటికీ.. కొందరు స్వార్థపరుల దౌర్జన్యం కారణంగా తాము తీవ్ర ఇబ్బందులు పడుతున్నామని బాధితులు పోలీసులను ఆశ్రయించారు. ఈ అన్యాయమైన భూ ఆక్రమణ యత్నం, దౌర్జన్య ఘటన గురువారం అన్నమయ్య జిల్లా కలకడ మండలంలోని కదిరాయచెర్వు గ్రామంలో చోటుచేసుకుంది. వివరాలు : కదిరాయచెర్వు గ్రామానికి చెందిన గౌరవం చలమయ్యగౌడ్‌ భార్య నాగమణి పేరిట అదే గ్రామం సమీపంలోని సర్వే నెంబర్‌: 486–2లో 2.50 ఎకరాల భూమి ఉంది. దీనికి సంబంధించి కలకడ రెవెన్యూ అధికారులు 06–09–2015న పట్టాధార్‌ పాస్‌పుస్తకం (నెంబర్‌: 494) కూడా మంజూరు చేశారు. అలాగే, గౌరవం శివయ్య భార్య గౌరవం మీనాక్షి పేరిట సర్వే నెంబర్‌: 486–4లో మరో 2.50 ఎకరాల భూమి ఉమ్మడి హక్కులతో ఉంది. ఈ ఇద్దరు మహిళలు గత 20 సంవత్సరాలుగా ఈ భూమిని సాగు చేసుకుంటూ జీవనం సాగిస్తున్నారు. ఎప్పటిలాగే గురువారం బాధితులు తమ భూమిలో ఉలవ పంట సాగు చేయడానికి వెళ్లారు. ఆ సమయంలో అదే గ్రామానికి చెందిన షేక్‌ సాయిఫీర్‌ కుమారుడైన అల్లాబక్షు, అతని కుమారులు మహమ్మద్‌ బక్షు, అమర్‌ బక్షులు కనీస రికార్డులు లేకుండానే అక్కడకు చేరుకున్నారు. తమ భూమి ఎక్కడుందో కూడా చూసుకోకుండా, బాధితుల సాగుభూమిలోకి అక్రమంగా, ధౌర్జన్యంగా చొరబడ్డారు. పంట సాగును అడ్డుకోవడమే కాకుండా, అక్రమణను నిలదీసిన మహిళలపై నానా దుర్భాషలాడుతూ తీవ్ర దౌర్జన్యానికి తెగబడ్డారు.గ్రామంలోని కొందరు స్వార్థపరుల అండతోనే వీరు ఈ తరహా భూ ఆక్రమణలకు, మహిళలపై దౌర్జన్యాలకు పాల్పడుతున్నారని బాధితులు ఆరోపిస్తూ కలకడ పోలీస్‌ స్టేషన్‌లో లిఖితపూర్వకంగా ఫిర్యాదు చేశారు. ఈ వివాదంపై స్థానిక విలేజ్‌ రెవెన్యూ ఆఫీసర్‌ రామకృష్ణను వివరణ కోరగా.. వివాదాస్పద సర్వే నంబర్లు 486–2, 486–4లలో అల్లాబక్షుకు గానీ, అతని కుటుంబ సభ్యులకు గానీ ఎలాంటి హక్కులు, రెవెన్యూ రికార్డులు లేవని స్పష్టం చేశారు. రికార్డులన్నీ బాధితుల పేరిటే స్పష్టంగా ఉన్నాయని ఆయన ధృవీకరించారు. బాధితులకు తక్షణమే న్యాయం చేసి రక్షణ కల్పించాలని స్థానికులు కోరుతున్నారు.

మదనపల్లె టౌన్‌ : అనారోగ్యం తాళలేక ఓ మహిళ ఆత్మహత్యాయత్నానికి పాల్పడిన ఘటన మదనపల్లెలో జరిగింది. పోలీసుల కథనం మేరకు.. చౌడేపల్లె మండలం దుర్గసముద్రానికి చెందిన పార్వతమ్మ (60) కొంతకాలంగా అనారోగ్యంతో బాధపడుతోంది. జీవితంపై విరక్తితో బుధవారం ఇంట్లో ఉన్న పురుగు మందు తాగింది. గమనించిన కుటుంబీకులు ఆమెను మదనపల్లె జిల్లా ప్రభుత్వ ఆసుపత్రికి తరలించారు.వైద్యులు చికిత్స అందించినా ఆరోగ్యం కుదుటపడక పోవడంతో మెరుగైన చికిత్స కోసం తిరుపతి రుయాకు రెఫర్‌ చేశారు. చౌడేపల్లె పోలీసులు కేసు దర్యాప్తు చేస్తున్నారు. నిచ్చెనపై నుంచి పడి గాయపడిన వ్యక్తి మృతి మదనపల్లె టౌన్‌ : విద్యుత్‌ వైర్లను మరమ్మతు చేస్తూ నిచ్చెనపై నుంచి కింద పడి గాయపడిన వ్యక్తి చికిత్స పొందుతూ బుధవారం మృతి చెందినట్లు మదనపల్లె తాలూకా ఎస్‌ఐ రామకృష్ణారెడ్డి తెలిపారు. మదనపల్లె పట్టణం, నిమ్మనపల్లి క్రాస్‌ రోడ్డులో నివాసం ఉంటున్న వి. మాణిక్యం (45) ఈ నెల 4న బసినికొండ నిమ్మనపల్లి రోడ్డులోని నాలుగు రోడ్ల కూడలిలో ఉన్న ఓ టీ దుకాణంలో విద్యుత్‌ సరఫరా ఆగిపోవడంతో వైర్లను రిపేరు చేయడానికి నిచ్చెన ఎక్కాడు. వైరు మరమ్మతు చేస్తుండగా ప్రమాద వశాత్తు కిందపడి తీవ్రంగా గాయపడ్డాడు. హోటల్‌ యజమాని స్థానికంగా ప్రథమ చికిత్స అందించి తిరుపతి రుయాకు తరలించగా చికిత్స పొందుతూ మృతి చెందాడు. ఘటనపై కేసు నమోదు చేసి దర్యాప్తు చేస్తున్నట్లు ఎస్సై తెలిపారు. ఉపాధిహామీ రికార్డుల తనిఖీగాలివీడు : అన్నమయ్య జిల్లా గాలివీడు మండలంలో రూ. 5.40 కోట్ల ఉపాధిహామీ పనుల రికార్డుల తనిఖీ ముమ్మరంగా సాగుతోంది. ఇందులో రూ. 4.50 కోట్ల మేర సిమెంట్‌ రోడ్ల పనులే జరిగాయి. మిగిలిన నిధులతో చేపట్టిన గోకులాలు, క్యాటిల్‌ షెడ్లు, హార్టికల్చర్‌ పనుల చెల్లింపులపై అధికారులు ప్రత్యేక దృష్టి పెట్టారు.ౖ ఉపాధిహామీ వెండర్లను మార్చి, అసలైన వారికి కాకుండా బినామీ ఖాతాలకు నగదు బదిలీ చేశారా? అనే అంశంపై సమగ్ర విచారణ జరుగుతోంది. ఇప్పటివరకు సిబ్బంది 80 శాతం రికార్డులనుఅప్పగించారు.అందిన రికార్డులను క్షుణ్ణంగా పరిశీలిస్తున్నామని, అక్రమాలు జరిగినట్లు తేలితే వాస్తవాలను వెలికితీస్తామని సోషల్‌ ఆడిట్‌ ఎస్టీఎం కె.సత్యనారాయణ స్పష్టం చేశారు. బాలిక అదృశ్యంపై కేసు నమోదువీరపునాయునిపల్లె : గంగిరెడ్డిపల్లె పోలీస్‌స్టేషన్‌ పరిధిలోని వెల్దుర్తి గ్రామానికి చెందిన బాలిక (17) అదృశ్యంపై కేసు నమోఛీనట్లు ఎస్‌ఐ కృష్ణయ్య తెలిపారు. బాలిక తల్లి ఫిర్యాదు మేరకు మంగళవారం ఉదయం ఇంటి నుంచి వెల్లిపోయి తిరిగి రాలేదు.బంధువుల ఇళ్లలో వెతికినా ఆచూకీ లభించలేదు. దీంతో పోలీసులకు ఫిర్యాదు చేసింది. ఈమేరకు మేరకు కేసునమోదు చేశామన్నారు.

● తవ్వుతున్న కొద్దీ ఖాకీల కుంభకోణం! ● అనంతపురం 14వ బెటాలియన్‌ పోలీసుల దగా.. ● ఏఆర్‌ ఎస్‌ఐ, కానిస్టేబుల్‌ గుట్టురట్టు!రాయచోటి : శాంతిభద్రతలను కాపాడి, అక్రమార్కుల గుండెల్లో రైళ్లు పరిగెత్తించాల్సిన పోలీసులే దారి తప్పారు. అక్రమ సంపాదనకు అలవాటు పడి ఏకంగా ’ఇంటి దొంగలు’గా మారారు. ఎర్రచందనం మాఫియాతో చేతులు కలిపి, అమాయక రైతులను నట్టేట ముంచిన అనంతపురం జిల్లా 14వ బెటాలియన్‌ పోలీసుల అక్రమ దందా ఇప్పుడు అన్నమయ్య జిల్లాలో తీవ్ర సంచలనం సృష్టిస్తోంది. రైతుల నుంచి అద్దె ప్రాతిపదికన సేకరించిన ట్రాక్టర్లను అక్రమ రవాణాకు వాడుకుంటూ, ఆపై వాటిని మాయం చేస్తున్న ఓ పెద్ద కుంభకోణం విచారణలో బయటపడింది. అద్దె పేరిట నమ్మకద్రోహం! అనంతపురం జిల్లా పరిధిలోని 14వ బెటాలియన్‌లో పనిచేస్తున్న ఏపీఎస్‌పీ ఏఆర్‌ ఎస్‌ఐ చంద్రహాసన్‌ (సంబేపల్లి మండలం గున్నికుంట్ల), అదే బెటాలియన్‌కు చెందిన కానిస్టేబుల్‌ ప్రతాప్‌ (లక్కిరెడ్డిపల్లి మండలం మద్దిరేవుల)లతో పాటు గున్నికుంట్లకు చెందిన సుధీర్‌ అనే వ్యక్తితో కలిసి ఈ అక్రమ నెట్‌వర్క్‌ నడుపుతున్నారు. రైతుల వద్ద నుంచి ’అద్దెకు ఇస్తే భారీగా డబ్బులు ఇస్తాం’ అని నమ్మబలికి ట్రాక్టర్లను తీసుకున్నారు. నెలలు గడుస్తున్నా అద్దె చెల్లించకపోగా, అసలు ఆ వాహనాలు ఎక్కడున్నాయో కూడా చెప్పకుండా తిరుగుతుండటంతో మోసపోయామని గ్రహించిన రైతులు రెండు నెలల క్రితం సంబేపల్లి పోలీస్‌ స్టేషన్‌లో ఫిర్యాదు చేశారు. తవ్వుతున్న కొద్దీ విస్తుపోయే నిజాలు ఈ వ్యవహారంపై మీడియాలో కథనాలు రావడంతో సంబేపల్లె పోలీసులు రంగంలోకి దిగి సదరు ఏఆర్‌ ఎస్‌ఐ, కానిస్టేబుల్‌ను అదుపులోకి తీసుకుని విచారణ చేపట్టారు. ఇప్పటికే సస్పెన్షన్‌కు గురైన ఈ ఇద్దరు పోలీసులను విచారించగా విస్తుపోయే నిజాలు వెలుగుచూశాయి. వీరు కేవలం అన్నమయ్య జిల్లాలోనే కాకుండా వైఎస్‌ఆర్‌ కడప, శ్రీ సత్యసాయి, అనంతపురం, ప్రకాశం, గుంటూరు జిల్లాల్లో సైతం రైతుల నుంచి పెద్ద ఎత్తున ట్రాక్టర్లను అద్దె పేరుతో సేకరించినట్లు తెలుస్తోంది. ఆ ట్రాక్టర్లను ఎర్రచందనం మాఫియాకు అప్పగించి, అక్రమ రవాణాకు వాడుకోవడమే కాకుండా, కొన్నింటిని గుంటూరు జిల్లా పరిధిలో విక్రయించినట్లు విచారణలో తేలింది. పోలీసులపై అధికార పార్టీ ఒత్తిళ్లు.. ప్రస్తుతం సంబేపల్లి పోలీసులు ఇప్పటివరకు 10 ట్రాక్టర్లను గుర్తించి స్వాధీనం చేసుకుని పోలీస్‌ స్టేషన్‌కు తరలించారు. అయితే, ఈ కేసులో లోతుగా విచారణ జరిపితే దాదాపు 100కు పైగా ట్రాక్టర్ల స్కామ్‌ బయటపడే అవకాశం ఉందని, పలువురు ఉన్నతాధికారులు, అధికార పార్టీ నేతల పేర్లు కూడా బయటకు వచ్చే ఛాన్స్‌ ఉందని టాక్‌ వినిపిస్తోంది. దీంతో కేసును నీరుగార్చేందుకు, నిందితులైన పోలీసులను రక్షించేందుకు జిల్లా అధికార పార్టీకి చెందిన కొందరు నేతలు పోలీసులపై తీవ్ర రాజకీయ ఒత్తిళ్లు తెస్తున్నట్లు విశ్వసనీయ సమాచారం. లక్షల రూపాయలు అప్పులు చేసి ట్రాక్టర్లు కొనుక్కొని రోడ్డున పడ్డ రైతులకు న్యాయం చేయాల్సింది పోయి, దొంగలకు అధికార పార్టీ నేతలు అండగా నిలవడంపై స్థానికంగా తీవ్ర విమర్శలు వ్యక్తమవుతున్నాయి. త్వరలోనే పూర్తి వివరాలు వెల్లడిస్తాం ఈ సంచలన కేసుపై రాయచోటి రూరల్‌ సీఐ రోషన్‌ స్పందిస్తూ.. పోలీస్‌ వృత్తిలో ఉంటూ రైతులను మోసం చేసిన ముఠాపై కఠిన చర్యలు ఉంటాయన్నారు. ఇప్పటివరకు 10 ట్రాక్టర్లను స్వాధీనం చేసుకున్నామని, మిగిలిన వాహనాల కోసం గాలింపు చర్యలు ముమ్మరం చేశామని చెప్పారు. త్వరలోనే కేసు పూర్తి వివరాలను, పట్టుబడిన నిందితుల సమాచారాన్ని జిల్లా ఎస్పీ ఆధ్వర్యంలో మీడియాకు వెల్లడిస్తామని ఆయన పేర్కొన్నారు.

రాజంపేట : కడప–రేణిగుంట గ్రీన్‌ఫీల్డ్‌ హైవేలో ప్రజాఅవసరాల రీత్యా పలుచోట్ల ఎంట్రీ, ఎగ్జిట్‌ తపనసరి అన్న భావనను ఎన్‌హెచ్‌ఐఏ అధికారుల తమ దృష్టిలో ఉంచుకొని ప్రజాసౌకర్యం కల్పించాలని రాజ్యసభ సభ్యుడు, రైల్వేస్టాండింగ్‌ కౌన్సిల్‌ సభ్యుడు మేడా రఘునాథరెడ్డి తెలిపారు. బుధవారం ఈ మేరకు తన లేఖను నందలూరు మాజీ ఎంపీపీ మేడా విజయభాస్కర్‌రెడ్డి ద్వారా తిరుపతి కార్యాలయంలోని ఎన్‌హెచ్‌ఐఏ డైరక్టర్‌కు అందచేశారు. ఈసందర్భంగా ఆయన మాట్లాడుతూ హైవేలో ఒంటిమిట్ట, నందలూరు పుణ్యక్షేత్రాలు ఉన్నాయన్నారు. ఈ క్షేత్రాలకు నిత్యం వివిధ ప్రాంతాల నుంచి, వివిధ రాష్ట్రాల నుంచి భక్తులు వందలాదిగా వస్తుంటారు. కావున ఒంటిమిట్ట, నందలూరులో హైవే కనెక్టివిటీ ఇవ్వాలిసిన ఆవశక్యత ఉందన్నారు.అలాగే రాజంపేట–రాయచోటి (ఎస్‌హెచ్‌–34) ఉన్న కనెక్టివిటీ హైవేకు సుమారు 2.6కి.మీ అదనంగా రోడ్డు నిర్మితం చేయాల్సి ఉందన్నారు.తద్వారా ప్రభుత్వానికి అదనపు ఖర్చు అవుతుందన్నారు.ఇందుకు బదులుగా హైవేకు 200–300మీటర్ల దూరంలోనే కనెక్టిటివి ఏర్పాటు అవకాశాన్ని పరిశీలించాలన్నారు. ఎన్‌హెచ్‌ఐఏ అధికారులను ఎంపీ తరపున కలిసిన వారిలో నందలూరు మాజీ కో–ఆప్షన్‌ సభ్యుడు కలీం, డీఆర్‌యూసీసీ మాజీ సభ్యుడు రాజశేఖర్‌రెడ్డి, ఆల్విన్‌ కార్మికనేత విజయుడు తదితరులు ఉన్నారు.

సాక్షి, మదనపల్లె : వైఎస్సార్‌సీపీ ప్రభుత్వంలో ఎమ్మెల్యే పెద్దిరెడ్డి ద్వారకనాథరెడ్డి మాకందరికి ఇళ్ల పట్టాలు ఇచ్చి, స్థలాలు కేటాయించారు, వాటిని తమకు అప్పగించాలని డిమాండ్‌ చేస్తూ మహిళలు వైఎస్సార్‌సీపీ, సీపీఐ ఆధ్వర్యంలో బి.కొత్తకోట తహసీల్దార్‌ కార్యాలయం ఎదుట బైఠాయించారు. నగర పంచాయతీకి చెందిన మహిళలు వెయ్యి మందికి పైగా పట్టాలు పొందారు. అధికారం మారడంతో లబ్ధిదారులకు ఇళ్ల స్థలాలను చూపించలేదు. దాంతో ఇళ్ల నిర్మాణాలు ప్రారంభం కాలేదు. రెండేళ్లుగా స్థలాల కోసం ఎదురుచూస్తున్నామని పట్టాలు పొందిన మహిళలు ఆవేదన వ్యక్తం చేస్తూ ఆందోళనకు దిగారు. బైఠాయించి నిరసన వ్యక్తం చేశారు. ఈ సందర్భంగా మాజీ ఎంపీపీ పాగొండ ఖలీల్‌ మాట్లాడుతూ గత ప్రభుత్వంలో ఎమ్మెల్యే పెద్దిరెడ్డి ద్వారకనాథరెడ్డి 1,500 మంది పేదలకు ఇళ్ల పట్టాలు ఇచ్చారన్నారు. వీరికి కేటాయించిన స్థలాలను అప్పగించాలని ఎమ్మెల్యే పలుమార్లు కలెక్టర్‌ దృష్టికి తీసుకెళ్లారని అన్నారు. దీనిపై కలెక్టర్‌ ద్వారా స్థలాలు అప్పగించేలా కృషి చేస్తున్నారని చెప్పారు. ప్రభుత్వం మారకపోయి ఉంటే ఇప్పటికే లబ్ధిదారులు తమ సొంత ఇళ్లలో ఉండేవారని అన్నారు. స్థలాలు చూపించేందుకు కలెక్టర్‌ ఎమ్మెల్యే కు హామీ ఇచ్చినట్టు ఆయన అన్నారు. పేదలకు న్యాయం జరిగేదాకా ఉద్యమిస్తామని అన్నారు. సీపీఐ నియోజకవర్గ కార్యదర్శి మనోహర్‌ రెడ్డి మాట్లాడుతూ పట్టాలు పొందిన పేదలు ఆన్‌లైన్‌లో ఇప్పటికే నమోదు అయ్యారని అన్నారు. తిరిగి కొత్తగా స్థలాలకు, పక్కా ఇంటికి మంజూరు పొందలేని పరిస్థితి వచ్చింది అన్నారు. ఈ పరిస్థితిపై అధికారులు స్పందించి పేదలకు సహకరించాలని విన్నవించారు. అనంతరం తహసీల్దార్‌ బావాజాన్‌ కు వినతి పత్రం అందజేశారు. ఈ సమస్యపై ఆయన మాట్లాడుతూ దీనిపై సబ్‌ కలెక్టర్‌ దృష్టికి తీసుకెళ్లడం జరిగింది అని, పేదలకు న్యాయం చేసేలా చర్యలు తీసుకోవాలని కోరామన్నారు. ఉన్నతాధికారులు సానుకూలంగా ఉన్నారని, మరో మారు సబ్‌ కలెక్టర్‌ దృష్టికి తీసుకెళ్లి స్థలాల కోసం కృషి చేస్తామని హామీ ఇచ్చారు. ఈ కార్యక్రమంలో శివ, అయూబ్‌, చిన్నికృష్ణ, తరిగోడు బయ్యారెడ్డి, ప్రభాకర్‌రెడ్డి, అభిలాష్‌రెడ్డి, గుమ్మడికాయల చాంద్‌బాషా, తబ్బు, రమేష్‌రెడ్డి, నాయనబావి జీవీ, అష్రఫల్లీ, బషీర్‌ఖాన్‌, రఘనాధ్‌, సమీవుల్లా, తంబయ్యశెట్టి, దుమ్ముబాబు, గంగులప్ప, సుధాకర్‌, సింగన్న, సాబు, వెంకటరెడ్డి, సాయి, మహిళలు పాల్గొన్నారు.వైఎస్సార్‌సీపీ, సీపీఐ ఆధ్వర్యంలో ధర్నా

తంబళ్లపల్లె : మాజీ ముఖ్య మంత్రి వైఎస్‌ జగన్‌మోహన్‌రెడ్డి ఇచ్చిన మాట తప్పకుండా పేదలకు సంక్షేమ పథకాలు అందించడం, ఎమ్మెల్యే పెద్దిరెడ్డి ద్వారకనాధరెడ్డి నియోజక వర్గంలో చేసిన అభివృద్ది చూసి,,ఎప్పటికై నా పేదల అభివృద్ది వైఎస్సార్‌ సీపీకే సాధ్యమన్న నమ్మకంతోనే మేమంతా చేరుతున్నాం..మండలంలోని కుక్కరాజుపల్లికి చెందిన వై. రెడ్డెప్పరెడ్డి, ఎం.వెంకట్రమణ, బి. శంకర్‌, వాసు, జె.వెంకట్రమణ, బీఎస్‌ఆర్‌ వడ్డిపల్లికి చెందిన పెద్ద ఉత్తన్న, గంగరాజు, ఈ. హరి, కె. రామాంజులు, ఆదినారాయణ, మల్లిఖార్జున కుటుంబాలు ఎమ్మెల్యే పెద్దిరెడ్డి ద్వారకనాధరెడ్డి సమక్షంలో వైఎస్సార్‌ సీపీలో బుధవారం చేరారు. ఎమ్మెల్యే పెద్దిరెడ్డి ద్వారకనాథరెడ్డి వారిని పార్టీ కండువాలతో ఆహ్వానించారు. రానున్న స్థానిక సంస్థల ఎన్నికల్లో వైఎస్సార్‌ సీపీ విజయానికి కృషి చేస్తామని వారు తెలిపారు. ఎమ్మెల్యే మాట్లాడుతూ ఎవరికి ఎలాంటి కష్టనష్టాలు వచ్చినా అందుబాటులో ఉంటూ అండగా నిలుస్తానని, అభివృద్దికి తనవంతు కృషి చేస్తానని భరోసా ఇచ్చారు. కార్యక్రమంలో నాయకులు భార్గవ్‌ రెడ్డి, చాయాపతి రెడ్డి, శివశంకర్‌, రమేష్‌ రెడ్డి, రఘురామిరెడ్డి, షరీప్‌, రమణ, ఎర్రప్ప, పద్మనాభరెడ్డి, చంద్రశేఖర్‌, మల్లిఖార్జున, నరసింహనాయుడు తదితరులు పాల్గొన్నారు.

టాస్క్‌ఫోర్స్‌ : అన్నమయ్య జిల్లా పుంగనూరు నియోజకవర్గం సదుం మండలంలో ఉపాధి హామీ పథకంలో ఇష్టానుసారంగా.. నిబంధనలకు విరుద్ధంగా యంత్రాలతో పనులు చేస్తూ కూలీల పొట్టకొడుతున్నారు. పలు అక్రమాలపై రాజంపేట ఎంపీ పీవీ మిథున్‌రెడ్డి గతనెల 4న విబిజీరామ్‌ పథకం కేంద్ర కార్యదర్శికి ఫిర్యాదు చేశారు. సదుం మండలంలోని తాటిగుంటపాలెం, పాపిరెడ్డిగారిపల్లెలో పనులు చేయకుండానే బిల్లులు డ్రాచేసి స్వాహా చేశారని పేర్కొన్నారు. రైతులకు తెలియకుండానే ఎఫ్‌ఏ నవీన్‌కుమార్‌ మామిడి పెంపకం తోటలకు మంజూరయ్యే బిల్లులు డ్రా చేసుకొని స్వాహా చేశారని, అధికారులు, నేతల అండదండలతో సిబ్బంది ఇష్టానుసారంగా గతంలో చేపట్టిన పనులకు మళ్లీ బిల్లులు రికార్డుచేసి బోగస్‌ మస్టర్లతో స్వాహా చేస్తున్నారని ఎంపీ ఫిర్యాదుచేశారు.స్పందించిన కేంద్ర కార్యదర్శి విజిలెన్స్‌ బృందం బుధవారం సదుం మండలానికి చేరుకుంది, పనులను రికార్డుల ఆధారంగా క్షేఽత్రస్థాయిలో పరిశీలించారు. రైతులకు తెలియకుండా బిల్లులు స్వాహా చేశారని నిర్థారించినట్లు సమాచారం. కూలీలకు పనులు కేటాయించకపోగా యంత్రాలతో పనులు చేయడం ఏమిటని పశ్నించారు. నిబంధనలు పాటించకపోతే ఉపేక్షించబోమని హెచ్చరించారు. అనంతరం మండలంలోని తిమ్మనాయునిపల్లె, అమ్మగారిపల్లె, గొంగివారిపల్లె గ్రామాల్లో ఉపాధి పనులను పరిశీలించారు. కాగా విచారణలో వెలుగుచూసిన అక్రమాలను బృందం వివరించకపోగా వారిపేర్లను సైతం తెలపలేదు. నివేదికలను కేంద్ర ఉన్నతాధికారులకు అందజేయనున్నట్లు పేర్కొన్నారు.

పెద్దతిప్పసముద్రం : స్థానిక అంకిరెడ్డిపల్లి రోడ్డులోని ఏటి వద్ద మలుపులో బుధవారం జరిగిన రోడ్డు ప్రమాదంలో ఇద్దరు తీవ్రంగా గాయపడ్డారు. పీటీఎంకు చెందిన కుంచి శ్రీరాములు (62) తన వ్యవసాయ పొలంలోని టెంకాయలను సూపర్‌ ఎక్సెల్‌లో పెట్టుకుని ఇంటికి వస్తుండగా, రంగసముద్రం పంచాయతీ విసనకర్రవాండ్లపల్లికి చెందిన మనోహర్‌ (28) అంకిరెడ్డిపల్లి నుంచి ద్విచక్ర వాహనంలో వెనుక నుంచి వేగంగా వచ్చి ఢీకున్నాడు. ఈ ఘటనలో కుంచి శ్రీరాములు ఎడమ కాలు విరిగింది. మనోహర్‌ తలకు బలమైన గాయం కావడంతో స్పృహ కోల్పోయాడు. సమాచారం అందుకున్న పోలీసులు ఘటనా స్థలానికి చేరుకుని క్షతగాత్రులను చికిత్స నిమిత్తం 108 వాహనంలో ఆసుపత్రికి తరలించారు. నూనె పెన్నంలో పడి వంట మాస్టర్‌కు.. నిమ్మనపల్లె (మదనపల్లె టౌన్‌) : వ్యాపార అవసరాలకు మురుకులు నిప్పట్లను పెన్నంలో వేసి నూనెలో కాల్చుతుండగా వంట మాస్టర్‌ ప్రమాదవశాత్తు అందులో పడి కాలి తీవ్రంగా గాయపడ్డాడు. బుధవారం సాయంత్రం జరిగిన ఘటనపై పోలీసులు తెలిపిన వివరాలు.. మండలంలోని పిట్టావాండ్లపల్లె క్రాస్‌ రోడ్డులో కాపురం ఉంటున్న కృష్ణయ్య కొడుకు రమేష్‌ (42), మురుకులు నిప్పట్లు తయారుచేసి విక్రయించి జీవనం సాగిస్తున్నాడు. ఈ క్రమంలో బుధవారం ఇంటి ఆవరణలో మురుకులు, నిప్పట్లు కాల్చుతుండగా ప్రమాదవశాత్తు పెన్నంలో పడి తీవ్రంగా గాయపడ్డాడు. కుటుంబీకులు బాధితుడిని స్థానిక జిల్లా ప్రభుత్వాసుపత్రికి తరలించారు. డాక్టర్లు పరీక్షించి పరిస్థితి ఆందోళనకరంగా ఉందని తిరుపతి రుయాకు రెఫర్‌ చేశారు. ఘటనపై నిమ్మనపల్లి పోలీసులు కేసు నమోదుచేసి దర్యాప్తు చేస్తున్నట్లు తెలిపారు. స్కూటర్‌ ఢీకొని..మదనపల్లె టౌన్‌ : స్కూటర్‌ ఢీకొని మహిళ తీవ్రంగా గాయపడి సంఘటన బుధవారం పెద్దమండ్యం మండలంలో జరిగింది. బాధితురాలి కుటుంబీకులు తెలిపిన వివరాల మేరకు.. పెద్దమండ్యం మండలం, బండ కింద తండాకు చెందిన పద్మావతి (55) సొంత పనిమీద కొటాలలోని బంధువులు ఇంటికి వచ్చింది. తిరిగి స్వగ్రామానికి వెళ్లేందుకు ఆటో కోసం రోడ్డు పక్కన వేసి ఉండగా ఓ స్కూటర్‌ వేగంగా వచ్చి ఢీ కొట్టి వెళ్లిపోయింది. ఈ ప్రమాదంలో తీవ్రంగా గాయపడ్డ ఆమెను స్థానికులు మదనపల్లె జిల్లా ప్రభుత్వాసుపత్రికి తరలించారు. డాక్టర్లు ప్రథమ చికిత్స అనంతరం రుయాకు రెఫర్‌ చేశారు. కేసు దర్యాప్తులో ఉందని తంబళ్లపల్లె పోలీసులు తెలిపారు.

వర్షం వస్తే మునిగిపోయే అమరావతిలో నీటిని తోడేందుకే చంద్రబాబు ప్రభుత్వం రూ. 400 కోట్లు ఖర్చు చేస్తోంది. అందులో సగం నిధులు కేటాయించినా మదనపల్లె మెడికల్‌ కాలేజీ పనులు పూర్తవుతాయి. పేదలకు ఉచిత కార్పొరేట్‌ వైద్యం అందుతుంది. జగనన్న నిర్మించారనే కక్షతో పేద ప్రజల ఆరోగ్యాన్ని పణంగా పెట్టడం దుర్మార్గం. రాయలసీమకు లక్ష కోట్ల అభివృద్ధి అని ప్రగల్భాలు పలికే చంద్రబాబు, మదనపల్లె మెడికల్‌ కాలేజీపై ఎందుకు కక్ష కట్టారో ఇక్కడి ప్రజలకు సమాధానం చెప్పి తీరాలి. – పీవీ.మిథున్‌రెడ్డి, రాజంపేట ఎంపీ

జిల్లా వ్యవసాయశాఖ అధికారి హరిప్రియపెద్దమండ్యం: తీవ్ర వర్షాభావం దృష్ట్యా రైతులు ఆరుతడి పంటలను సాగు చేసుకోవాలని జిల్లా వ్యవసాయశాఖ అధికారి హరిప్రియ అన్నారు. పెద్దమండ్యం రైతు సేవా కేంద్రాన్ని మంగళవారం ఆమె తనిఖీ చేశారు. ఈ సందర్భంగా రైతులకు అందుబాటులో ఉన్న ఎరువులు, పంపిణీ చేసిన ఎరువుల వివరాలను పరిశీలించారు. అనంతరం వ్యవసాయ అసిస్టెంట్‌లతో సమీక్షా సమావేశం నిర్వహించారు. రైతులకు ఎరువుల పంపిణీ, ఈకేవైసీ, ఈ క్రాప్‌ నమోదుపై సిబ్బందికి సూచనలు ఇచ్చారు. ఆరుతడి పంటలు సాగు చేసుకొనేలా క్షేత్రస్థాయిలో రైతులకు అవగాహన కల్పించాలన్నారు. ప్రభుత్వం జిల్లాలో ఉన్న ఆన్ని మండలాలను కరువు మండలాలుగా ప్రకటించినట్లు తెలిపారు. రబీ సీజన్‌లో వ్యవసాయబోర్ల కింద వేరుశెనగ సాగు చేసే రైతులకు రాయితీపై విత్తనాలను అందిస్తామని తెలిపారు. ఈ సందర్భంగా రైతులకు రాయితీపై ఇస్తున్న ఉలవలను పంపిణీ చేశారు. ఈ కార్యక్రమంలో ఏడీఏ మజీద్‌అహ్మద్‌, ఏవో సురేష్‌బాబు, ఏఈవో శివకుమార్‌, సిబ్బంది భవ్య, మహేష్‌నాయక్‌, మల్లికార్జున, కీర్తి, ఆనుదీప్‌, సుగుణమ్మ, షమీనా, మద్దక్క, కదిరమ్మ తదితరులు పాల్గొన్నారు.

● జెడ్పీ చైర్మన్‌ అభ్యర్థిగా సుగవాసి ప్రసాద్‌! ● వచ్చే ఎన్నికల్లో రాయచోటి టీడీపీ అభ్యర్థిగా ఆయనే! ● చంద్రబాబు వ్యూహాత్మక చర్యలు ● జిల్లా రాజకీయాల్లో ఒంటరి కానున్న మంత్రి మండిపల్లి సాక్షి, అమరావతి : జిల్లా టీడీపీ రాజకీయాలు కొత్త మలుపు తీసుకున్నాయి. నేతలను కరివేపాకులా వాడుకోవడంలో చంద్రబాబును మించిన వారు లేరని ఆయన మనసెరిగిన వారు చెబుతారు. ప్రస్తుతం ఆయన అనుసరిస్తున్న వ్యూహం చూస్తే ఇదే నిజమనిపిస్తుంది. రాయచోటిలో మంత్రి మండిపల్లి రాంప్రసాద్‌ రెడ్డికి ప్రత్యామ్నాయంగా రాజంపేట టీడీపీ అధ్యక్షుడు సుగవాసి ప్రసాద్‌ను రాజకీయంగా సిద్ధం చేస్తున్నారు. ఇప్పటికే మంత్రి జిల్లాలో తన వర్గ ప్రాబల్యం కోల్పోవడంతో ఒంటరిగా మిగిలారు. ఈ పరిస్థితుల్లో చంద్రబాబు తన మార్క్‌ రాజకీయాలను తెరపైకి తెస్తుండటం గమనార్హం. రాయచోటి నుంచి గాలివీడుకు ఓటు మార్పు స్థానిక ఎన్నికల ప్రక్రియ మొదలైన తర్వాత ప్రసాద్‌ రాయచోటి మున్సిపాలిటీ నుంచి తన ఓటును గాలివీడుకు బదిలీ చేయించుకున్నారు. ఈ మండలం నుంచి జెడ్పీటీసీ సభ్యునిగా ఆయనను చంద్రబాబు బరిలోకి దింపి పోటీ చేయిస్తున్నట్లు స్పష్టంగా తెలుస్తోంది. ఈ ఎన్నికల్లో మెజార్టీ స్థానాలు సాధిస్తే ప్రసాద్‌ కు జడ్పీ చైర్మన్‌ పదవిని కట్టబెట్టేందుకు నిర్ణయించినట్లు తెలుస్తోంది. ఆ దిశగా అడుగులు పడుతుండగా ఈ వ్యవహారం మండిపల్లి వర్గానికి మింగుడు పడడం లేదు. రాయచోటి నియోజకవర్గం నుంచి ప్రాతినిథ్యం వహిస్తున్న మండిపల్లి ప్రస్తుతం మంత్రిగా ఉండగా అదే నియోజకవర్గానికి చైర్మన్‌ పదవి ఎలా ఇస్తారని మండిపల్లి వర్గం ప్రశ్నిస్తోంది. చంద్రబాబు మార్క్‌ రాజకీయాలు తెలిసిన వారు ‘ఇదేమీ ఆశ్చర్యం కాదని.. రాజకీయ అవసరాలకు వాడుకొని, వదిలించుకోవడం చంద్రబాబుకు వెన్నతో పెట్టిన విద్య’ అని వివరిస్తున్నారు. జిల్లా పరిషత్‌ ఎన్నికల్లో గెలుపోటములు ఎలా ఉన్నా..చంద్రబాబు అంతిమ లక్ష్యం ప్రసాద్‌ను రాయచోటి టీడీపీ అభ్యర్థిగా చేయడమేనని తెలుస్తోంది. దీని కోసమే మంత్రికి వ్యతిరేకంగా, తనకు వ్యతిరేకయిన ప్రసాద్‌ను పక్కలో బల్లెంలా తీసుకొచ్చారని రాజకీయ పండితులు వివరిస్తున్నారు. ఇప్పటికే ఒంటరి చేశారు మండిపల్లికి మంత్రి పదవి ఇచ్చిన చంద్రబాబు క్రమక్రమంగా ఆయనకు జిల్లాలో ప్రాధాన్యత లేకుండా చేస్తున్నారు. కొంతకాలం క్రితం మండిపల్లి పీలేరు నియోజకవర్గం కలికిరిలో పర్యటించేందుకు కార్యక్రమాన్ని సిద్ధం చేసుకోగా.. పార్టీ అధిష్టానం నుంచి కలికిరికి వెళ్లొద్దంటూ ఆదేశాలు రావడం తెలిసిందే. దీంతోపాటు పుంగనూరు, తంబళ్లపల్లె, పీలేరు, మదనపల్లె నియోజకవర్గాల్లో అక్కడ నేతలతో కలిసి పర్యటించలేని పరిస్థితిని తీసుకొచ్చారు. తద్వారా మండిపల్లి మంత్రి అయినప్పటికీ కేవలం రాయచోటికే పరిమితం కావాల్సి వస్తోంది. సుగవాసి ప్రసాద్‌మండిపల్లి రాం ప్రసాద్‌ రెడ్డిగత ఎన్నికల్లో టీడీపీకి మండిపల్లి అంతా తానై వ్యవహరించారు. ఎన్నికల్లో అతి తక్కువ మెజార్టీతో ఎమ్మెల్యేగా గెలిచిన ఆయన ఊహించని విధంగా మంత్రి అయ్యారు. మొదట్లో ఎమ్మెల్యే కిశోర్‌ మినహా మిగిలినవారు మంత్రి వెంట ఉన్నారు. ఆ తర్వాత మదనపల్లె ఎమ్మెల్యే దూరం అవ్వగా..చంద్రబాబు రాజకీయ వ్యూహాల కారణంగా ఇప్పుడు ఒకే ఒక్కడుగా మిగిలిపోయారు. స్థానిక సంస్థల ఎన్నికల్లో ప్రసాద్‌ కు ప్రాధాన్యత ఇస్తున్న కారణంగా మంత్రి మండిపల్లిని కేవలం రాయచోటికి మాత్రమే పరిమితం చేసే పరిస్థితులు స్పష్టంగా కనిపిస్తున్నాయి.

● డివైడర్‌ను ఢీకొని కారు బోల్తా ● ఒకరి మృతి ● ఐదుగురికి గాయాలు ● అందరూ మహారాష్ట్ర వాసులురొంపిచెర్ల : తిరుమలకు వెళ్లి దైవ దర్శనం చేసుకుని తిరిగి స్వగ్రామానికి వెళ్తూ.. తిరిగి రాని లోకాలకు వెళ్లిన సంఘటన అనంతపురం–చైన్నె జాతీయ రహదారిలోని రొంపిచెర్ల మండలంలో చోటు చేసుకుంది. వివరాలు ఇలా ఉన్నాయి. మహారాష్ట్రలోని నాదేండ్‌ జిల్లా డిగ్లోర్‌ తాలుకాకు చెందిన ఆరుగురు తిరుమలకు వెళ్లారు. అక్కడ దేవున్ని దర్శించుకుని మంగళవారం ఉదయం కారులో తిరుగు ప్రయాణం అయ్యారు. అయితే జాతీయ రహదారిలోని రొంపిచెర్ల మండలం బొనంవారిపల్లె వద్ద వేగంగా వెళ్తూ అదుపు తప్పి డివైడర్‌ను ఢీకొని బోల్తా పడింది. ఈ ప్రమాదంలో ఒకరు అక్కడికక్కడే మృతి చెందగా, మరో ఐదుగురికి గాయాలు అయ్యాయి. వెంకటేష్‌ (47) మృతి చెందగా, ఆశ్వనీకుమార్‌(48), గణేష్‌ (47), వెంకటేష్‌ (48), సచిన్‌ (47), సంతోష్‌ విజయ్‌కుమార్‌(45) గాయ పడ్డారు. వారిని 108 వాహనంలో చికిత్స కోసం పీలేరు ప్రభుత్వ ఆస్పత్రికి తరలించారు. రొంపిచెర్ల పోలీసులు సంఘటన స్థలాన్ని పరిశీలించి, వివరాలు సేకరించారు. వారు కేసు నమోదు చేసి దర్యాప్తు చేస్తున్నారు.

● మాజీ మంత్రి పెద్దిరెడ్డి రామచంద్రారెడ్డి ● కార్యకర్తలకు ఐడీ కార్డుల పంపిణీరొంపిచెర్ల : స్థానిక సంస్థల ఎన్నికల్లో గెలుపే ధ్యేయంగా పని చేయాలని వైఎస్సార్‌సీపీ రీజనల్‌ కో ఆర్డినేటర్‌ మాజీ మంత్రి, పుంగనూరు ఎమ్మెల్యే పెద్దిరెడ్డి రామచంద్రారెడ్డి తెలిపారు. రొంపిచెర్ల, పులిచెర్ల మండలాల్లోని వైఎస్సార్‌సీపీ కార్యకర్తలకు ఐడీ కార్డులు మంగళవారం అందజేశారు. ఈ సందర్భంగా జరిగిన కార్యకర్తల సమావేశంలో ఆయన మాట్లాడారు. ప్రతి ఒక్కరూ ఎన్నికలను ప్రతిష్టాత్మకంగా తీసుకుని పని చేయాలన్నారు. సీఎం చంద్రబాబు ఎన్నికలంటే భయ పడుతున్నారని ఆరోపించారు. ఎన్నికలలో ఓడి పోతామని పోలీసుల సాయంతో వైఎస్సార్‌సీపీ వారిని బెదిరించి గెలవాలని కూటమి ప్రభుత్వం ప్రయత్నాలు చేస్తోందన్నారు. రాయలసీమ కరువుతో అల్లాడుతోందన్నారు. పోతిరెడ్డిపాడు ప్రాజెక్టు పనులు పూర్తి కాకుండా చూస్తామని తెలంగాణ సీఎం రేవంత్‌రెడ్డికి సీఎం చంద్రబాబు హామీ ఇచ్చారని చెబుతున్నారని అన్నారు. వైఎస్సార్‌సీపీలో కష్ట పడే వారికి పదవులు ఇచ్చామని అన్నారు. ప్రమాదవశాత్తు మృతి చెందిన కార్యకర్తల కుటుంబాలకు వైఎస్సార్‌సీపీ పార్టీ రూ.5 లక్షల ఆర్థిక సాయం అందజేస్తుందని పేర్కొన్నారు. హామీల అమలులో ప్రభుత్వం విఫలం కూటమి ప్రభుత్వం ఎన్నికల సమయంలో ఇచ్చిన హామీలను విస్మరించిందన్నారు. 18 ఏళ్లు నిండిన యువతులకు నెలకు రూ.1500, నిరుద్యోగులకు నిరుద్యోగభృతి కింద నెలకు రూ.3000 ఇస్తామని హామీలు ఇచ్చిందన్నారు. అయితే ఇప్పుడు 18 ఏళ్లు నిండిన యువతులకు రూ.1500 ఇవ్వాలంటే.. ఏపీని అమ్మేసినా ఇవ్వలేమని రాష్ట్ర మంత్రులు చెబుతున్నారని విమర్శించారు. ఎన్నికల సమయంలో ఎన్నో హామీలు ఇచ్చి.. నేడు వాటిని అమలు చేయకుండా చేతులు పైకి ఎత్తి వేశారని తెలిపారు. సీఎం చంద్రబాబు అధికారంలోకి వస్తే తీవ్ర కరువు వస్తుందన్నారు. కరువుతో ప్రజలు అల్లాడుతుంటే ఆదుకోవాల్సిన ప్రభుత్వం కన్నెతి చూడడం లేదన్నారు. కూటమి పాలనతో ప్రజలు విసిగి పోయారని అన్నారు. ఎన్నికలు సజావుగా జరిగితే 90 శాతం స్థానాలను వైఎస్సార్‌సీపీ గెలుచుకుంటుందన్నారు. ఈ సమావేశంలో మాజీ ఎంపీపీలు చిచ్చిలి పురుషోత్తంరెడ్డి, సురేంద్రరెడ్డి, మాజీ జెడ్పీటీసీ రెడ్డిశ్వర్‌రెడ్డి, వైఎస్సార్‌సీపీ నాయకులు చెంచురెడ్డి, కోటా వెంకటరమణ, నాథమునిరెడ్డి, రెడ్డిశ్వర్‌రెడ్డి, పోకల ఆశోక్‌కుమార్‌, డి.హరినాథరెడ్డి, డాక్టర్‌ శ్రీనాథ్‌, కరీముల్లా, విజయశేఖర్‌, రవీంద్ర, బాలాజీ, రెడ్డిశేఖర్‌రెడ్డి, బావాజీ, సైపూలాఖాన్‌, ఓబులేసు, మహబుబ్‌బాషా, అల్లాబక్స్‌ తదితరులు పాల్గొన్నారు.

ములకలచెరువు : పాముకాటుతో ఓ వ్యక్తి మృతి చెందిన సంఘటన మండలంలో మంగళవారం చోటుచేసుకుంది. కుటుంబ సభ్యుల కథనం మేరకు... గూడుపల్లెకు చెందిన రంగోళ్ల రంగప్ప(45) పొలం వద్దకు వెళ్లాడు. అక్కడ పనులు చేస్తుండగా పాము కాటు వేయడంతో అస్వస్థతకు గురయ్యాడు. అనంతరం కొద్ది సేపటికే మృత్యువాత పడ్డాడు. ఎంత సేపటికీ ఆయన ఇంటికి రాకపోవడంతో కుటుంబ సభ్యులు పొలం వద్దకు వెళ్లి చూడగా విగత జీవిగా పడివున్నాడు. దగ్గరలోని వైద్యులు పరిశీలించి అతను పాముకాటుతో మృతి చెందినట్లు నిర్ధారించారు. ఖననం చేసిన మృతదేహానికి పంచనామా రాయచోటి (చిన్నమండెం) : చిన్నమండెం పోలీసు స్టేషన్‌ పరిధిలో అనుమానాస్పద స్థితిలో మృతి చెందిన విద్యార్థిని మేఘన మృతదేహానికి పంచనామా పూర్తి చేశారు. మంగళవారం చిన్నమండెం తహసీల్దార్‌ రామానుజులు, ఎస్‌ఐ సుధాకర్‌, కడప ఫోరెన్సిక్‌ వైద్యులు మండల పరిధిలోని కేశపురం గ్రామంలో ఈ పంచనామా కార్యక్రమాన్ని చేశారు. మేఘన తండ్రి అమర్నాథ్‌ ఇచ్చిన ఫిర్యాదు మేరకు చిన్నమండెం పోలీసులు కేసు నమోదు చేసి విచారణ చేపట్టారు. ఈ విచారణలో భాగంగా మంగళవారం పాతిపెట్టిన మేఘన మృతదేహాన్ని వెలికితీసి పంచనామాను నిర్వహించారు. మేఘన వైఎస్సార్‌ కడప జిల్లా వీరబల్లి కేజీబీవీలో పదో తరగతి చదువుతున్న విషయం తెలిసిందే. సెప్టెంబర్‌ 28వ తేదీన జ్వరం, కడుపునొప్పి కారణంగా తిరుపతి ఆసుపత్రిలో చికిత్స పొందుతూ మృతి చెందిన విషయం తెలిసిందే. మెరుగైన వైద్యం అందించడంలోనూ, పర్యవేక్షణలో అనుమానాలు ఉండటంతోనే ఈ పంచనామా కార్యక్రమాన్ని చేపట్టినట్లు సమాచారం. భూ కబ్జా కేసులో ముగ్గురి అరెస్ట్‌మదనపల్లె టౌన్‌ : కోర్టు ఉత్తర్వులను ధిక్కరించి అక్రమంగా భూముల్లోకి చొరబడి.. రాతి కూసాలను ధ్వంసం చేసిన ముగ్గురిని మదనపల్లె టూటౌన్‌ పోలీసులు మంగళవారం అరెస్టు చేసి రిమాండ్‌కు తరలించారు. రెండవ పట్టణ ఎస్‌ఐ నాగేశ్వరరావు మీడియాకు తెలిపిన వివరాల మేరకు.. పట్టణంలోని నిమ్మనపల్లి రోడ్డు విద్యోదయ స్కూల్‌ సమీపంలో బిటి కళాశాల మాజీ ప్రిన్సిపల్‌ తులసీరాం నాయుడుకు వారసత్వ భూమి ఉందన్నారు. ఆ భూముల్లోకి దాయాదులైన చంద్రశేఖర్‌ నాయుడు, దేవేంద్ర నాయుడు, శశిధర నాయుడు దౌర్జన్యంగా ప్రవేశించి రాతి కూసాలను ధ్వంసం చేసి, కోర్టు ఆర్డర్‌ను ధిక్కరిస్తూ పదే పదే భూ కబ్జాకు యత్నించారని బాధితుడు జిల్లా ఎస్పీ ధీరజ్‌ కునిబిల్లికి ఫిర్యాదు చేయగా ఎస్పీ ఆదేశాలతో పై ముగ్గురిపై కేసు నమోదైంది అన్నారు. ఈ కేసులో అభియోగాలు ఎదుర్కొంటున్న వారిపై దర్యాప్తు చేపట్టిన పోలీసులు ముగ్గురు నిందితులను అరెస్టు చేసి రిమాండ్‌కు తరలించారు. కాలువలోకి దూసుకెళ్లిన కారుపులివెందుల రూరల్‌ : మండలంలోని ఉలిమెల్లకు వెళ్లే రోడ్డులో కారు అదుపుతప్పి కాలువలోకి దూసుకెళ్లింది. పులివెందులకు చెందిన మహేంద్ర యాదవ్‌ తన వాహనంలో వేముల మండలం కొండ్రెడ్డిపల్లెకు వెళ్తుండగా రోడ్డుపై కుక్క అడ్డు రావడంతో అదుపుతప్పి కాలువలోకి దూసుకెళ్లింది. అదృష్టవశాత్తు మహేంద్ర యాదవ్‌కు ఎలాంటి గాయాలు కాకపోవడంతో ఊపిరి పీల్చుకున్నారు.

మదనపల్లి (కురబలకోట): జిల్లాలో వివిధ ఇంజినీరింగ్‌ శాఖల ఆధ్వర్యంలో చేపట్టిన అభివృద్ధి, మౌలిక వసతుల పనులను వేగవంతం చేసి నిర్ణీత గడువులోగా పూర్తి చేయాలని కలెక్టర్‌ నిశాంత్‌కుమార్‌ అధికారులను ఆదేశించారు. మదనపల్లి కలెక్టరేట్‌లో మంగళవారం వివిధ ఇంజినీరింగ్‌ శాఖల అధికారులతో నిర్వహించిన సమీక్షలో ఆయన మాట్లాడుతూ పెండింగ్‌ పనులపై కార్యాచరణతో ముందుకు సాగాలన్నారు. ప్రజలకు నేరుగా ఉపయోగపడే రహదారులు, తాగునీరు, విద్యుత్‌,సాగునీరు, ఆసుపత్రులు, పాఠశాలల పనులకు ప్రాధాన్యత ఇవ్వాలన్నారు. జాప్యాన్ని సహించబోమని నాణ్యతలో రాజీ లేకుండా పనులను వేగ వంతంగా పూర్తి చేయాలని స్పష్టం చేశారు. గ్రామీణులకు చేరువగా వైద్య సేవలు సాక్షి, మదనపల్లె: ఆయుష్మాన్‌ ఆరోగ్య మందిర్‌–విలేజ్‌ హెల్త్‌ క్లినిక్‌లతో గ్రామీణులకు ప్రాథమిక వైద్య సేవలను మరింత చేరువయ్యాయని కలెక్టర్‌ నిశాంత్‌ కుమార్‌ అన్నారు. మంగళవారం వైద్య, ఆరోగ్యశాఖమంత్రి సత్యకుమార్‌ యాదవ్‌ 267 ఆయుష్మాన్‌ ఆరోగ్య మందిర్‌–విలేజ్‌ హెల్త్‌ క్లినిక్‌ భవనాలను వర్చువల్‌గా ప్రారంభించారు. జిల్లాకు సంబంధించి మూడు కేంద్రాలను కలెక్టరేట్‌లో కలెక్టర్‌ శిలాఫలకాన్ని ఆవిష్కరించారు. ఈ సందర్భంగా ఆయన మాట్లాడుతూ నేషనల్‌ హెల్త్‌ మిషన్‌ నిధులతో గాలివీడు మండలం తూముకుంటలో రూ.16.50 లక్షలు, మండల కేంద్రం లక్కిరెడ్డిపల్లిలో రూ.11 లక్షలు, పెద్దమండ్యం మండలం నత్తిఓబన్నగారిపల్లిలో రూ.17.88 లక్షలతో భవనాలను ప్రారంభించినట్లు తెలిపారు. చిన్నచిన్న ఆరోగ్య సమస్యలకు గ్రామీణులు దూర ప్రాంతాలకు వెళ్లాల్సిన అవసరం లేకుండా ప్రాథమిక సేవలు అందించడమే విలేజ్‌ హెల్త్‌ క్లినిక్స్‌ ఉద్దేశ్యమన్నారు. డీఎంహెచ్‌ఓ వై.శ్రీనివాసులు, డీపీఎంఓ డాక్టర్‌ బి. రమేష్‌ బాబు, డీఎంఓ డాక్టర్‌ వెంకటరమణ రెడ్డి, వైద్య సిబ్బంది, ఎంఎల్‌హెచ్‌పీలు, ఏఎన్‌ఎంలు, ఆశా కార్యకర్తలు పాల్గొన్నారు.

పుంగనూరు : సాధారణంగా ఎవరైనా పార్టీ మారితే కొత్తగా చేరిన పార్టీలో మొదట్లో అత్యంత గౌరవం ఉంటుంది. తర్వాత తగ్గుతూ వచ్చి ప్రాధాన్యత కోల్పోతూ కార్యకర్త స్థాయికి గౌరవం పడిపోతుంది. ఈ పరిస్థితి పుంగనూరు ముస్లిం అంజుమన్‌ కమిటీ కార్యదర్శి ఇబ్రహీంకి అక్షరాల సరిపోతుందని స్థానికులు అంటున్నారు. పుంగనూరు అంజునన్‌ కమిటీ కార్యదర్శి ఎస్‌.ఇబ్రహీంతో కలసి తెలుగుదేశం నాయకులు గత నెల 30న మున్సిపాలిటీలో పర్యటించారు. ఈ సందర్భంగా పట్టణంలోని ఒక కూటమి నేత ఇంటిలో తెలుగుదేశం నూతన ఇన్‌చార్జ్‌ మధుసూదన్‌నాయుడుతోపాటు ఇబ్రహీం కూడా విందు భోజనానికి వెళ్లాడు. ఈ సమయంలో అందరూ దర్జాగా డైనింగ్‌ టేబుల్‌పై కూర్చొని విందు భోజనం చేస్తూ, అంజుమన్‌ సెక్రటరీ ఇబ్రహీంను మాత్రం కింద కూర్చోబెట్టి భోజనం పెట్టారు. ఈ ఫొటోలు సోషల్‌ మీడియాలో వైరల్‌ కావడంతో టీడీపీపై ముస్లింలు మండిపడుతున్నారు. కాగా మాజీ మంత్రి డాక్టర్‌ పెద్దిరెడ్డి రామచంద్రారెడ్డి, ఎంపీ మిధున్‌రెడ్డిలు పుంగనూరులో ఎప్పుడు ఎవరితో సమావేశాలు నిర్వహించినా.. అన్ని కులాలకు, మతాలకు అధిక ప్రాధాన్యత ఇచ్చి గౌరవించడం సాధారణమైంది. కానీ కూటమి నాయకులు ముస్లింలను అవమానించడం ఆందోళనలకు రేకెత్తిస్తోంది. పట్టణంలో ముస్లిం సంఘంలో అత్యంత విలువైనది అంజుమన్‌ కమిటీ. అలాంటి కమిటీకి కార్యదర్శిగా ఉన్న ఇబ్రహింహీంను అవమానించడంపై ముస్లింల మనోభావాలు దెబ్బతీశారని, ముస్లింలకు కూటమి ప్రభుత్వంలో విలువ లేదని ఆరోపిస్తూ, ఆగ్రహం వ్యక్తం చేస్తున్నారు. ఈ సంఘటన ముస్లిం కుటుంబాలను కలవర పరుస్తోంది. మేధావి వర్గం సైతం ఇబ్రహీంకు జరిగిన అవమానాన్ని ఖండిస్తున్నారు. ముస్లింను అవమానించిన టీడీపీ క్రమశిక్షణకు, నిజాయతీ పనితీరుకు నిదర్శనంగా ఉన్న ముస్లిం కుటుంబాలను తెలుగుదేశం వారు అవమానించడం బాధకరమని ఎంపీ మిథున్‌రెడ్డి ఆవేదన వ్యక్తం చేశారు. కల్లబొల్లి మాటలతో ముస్లిం ఓట్లను ఆకట్టుకునేందుకు తప్పుడు హామీలు ఇస్తున్న తెలుగుదేశం ప్రభుత్వం.. పైన కూర్చొని ప్రగల్భాలు పలకడం కాదు. స్థానికంగా ముస్లింలు ఎంత అవమానాలకు గురౌతున్నారో చూడాలి. ముస్లింలను అవమానించే వారెవరైనా తగిన మూల్యం చెల్లించుకోక తప్పదు. తెలుగుదేశం పార్టీలో ఇదీ మైనార్టీ నేతకు గౌరవం వైఎస్సార్‌సీపీలో ముఖ్య నేతల పక్కనే పెద్దపీట పుంగనూరు మైనార్టీల్లో చర్చనీయాంశం

పెద్దతిప్పసముద్రం : మండలంలోని పట్టెంవాండ్లపల్లి పంచాయతీ వడ్డిపల్లి సమీపంలో గోశాలగుట్ట వద్ద ఉన్న ప్రభుత్వ భూమిని శ్రీసత్యసాయి జిల్లా తనకల్లు మండలం ఎరబల్లికి చెందిన పలువురు వ్యక్తులు జేసీబీలతో చదును చేస్తూ ఆక్రమించిన విషయం పాఠకులకు తెలిసిందే. దర్జాగా పట్ట పగలు ప్రభుత్వ భూమి దురాక్రమణపై.. మంగళవారం సాక్షి పత్రికలో వెలువడిన ‘ప్రభుత్వ జాగా–వేసేయ్‌ పాగా’ కథనంపై రెవెన్యూ అధికారులు స్పందించారు. తహసీల్దార్‌ శ్రీరాములు నాయక్‌ ఆదేశాల మేరకు ఆర్‌ఐ హుసేన్‌, వీఆర్వో శేఖర్‌ ఆ స్థలం వద్దకు వెళ్లారు. సర్వే నంబర్‌ 2లో సుమారు 15 ఎకరాల ప్రభుత్వ భూమి ఉన్నట్లు అధికారులు గుర్తించారు. అక్రమార్కులు చదును చేసిన ఆక్రమిత స్థలాన్ని అధికారులు స్వాధీనం చేసుకున్నారు. ప్రభు త్వ నిబంధనలకు విరుద్ధంగా ఎవరైనా స్వాధీనం చేసుకున్నా, భూమిలోకి ప్రవేశించినా కేసులు నమో దు చేస్తామని హెచ్చరించారు. అనంతరం ఫిర్యాదు చేసిన రైతుల నుంచి, అక్రమార్కుల నుంచి అధికారులు లిఖిత పూర్వకంగా వివరాలు సేకరించారు.

మదనపల్లె టౌన్‌ : భవనానికి పెయింటింగ్‌ పనులు చేస్తుండగా ప్రమాదవశాత్తు మిద్దైపె నుంచి కిందపడి ఓ పెయింటర్‌ తీవ్రంగా గాయపడిన ఘటన మదనపల్లెలో చోటు చేసుకుంది. ఘటనపై తాలూకా పోలీసుల కథనం మేరకు వివరాలు... పుంగనూరు మండలం ఈడిగపల్లెకు చెందిన శ్రీనివాసులు(25) మంగళవారం మదనపల్లె పట్టణంలోని అంకిశెట్టిపల్లిలో ఓ నూతన భవనానికి పెయింటింగ్‌ పనులు చేస్తున్నాడు. ఈ క్రమంలో ప్రమాదవశాత్తు కాలుజారి మిద్దైపె నుంచి కింద పడిపోయాడు. దీంతో అతనికి తలకు, కాళ్లు, చేతులకు తీవ్ర గాయాలయ్యాయి. వెంటనే గమనించిన తోటి కార్మికులు, ఇంటి యజమాని స్పందించి బాధితున్ని హుటాహుటిన జిల్లా ప్రభుత్వ ఆసుపత్రికి తరలించారు. అత్యవసర విభాగంలో వైద్యులు ప్రాథమిక చికిత్స అందించి పరిశీలిస్తున్నారు. బాధితుడి పరిస్థితి నిలకడగా ఉన్నట్లు వైద్యులు తెలిపారు. ఘటనపై అస్పత్రి ఔట్‌ పోస్టు పోలీసులకు సమాచారం అందించారు. వేటగాళ్ల నాటుబాంబు పేలి..బి.కొత్తకోట (మదనపల్లె టౌన్‌) : వన్యప్రాణుల వేట కోసం అమర్చిన నాటు బాంబు పేలి కుక్క మృతి చెందిన ఘటన మండలంలో వెలుగుచూసింది. ఘటనపై స్థానికులు, బి.కొత్తకోట పోలీసులు తెలిపిన వివరాల మేరకు.. మండలంలోని రఘునాథపురానికి చెందిన బిజిలి కృష్ణప్పకు చెందిన కుక్క మంగళవారం సమీపంలోని అడవి దగ్గర పొలాల్లో తిరుగుతుండగా, వేటగాళ్లు అమర్చిన నాటు బాంబును కొరికింది. దీంతో బాంబు పేలి కుక్క తల రెండుగా చీలి అక్కడికక్కడే మృతి చెందింది. అయితే కొంత కాలంగా కొందరు వ్యక్తులు అడవి పరిసరాల్లో నాటు బాంబులు అమర్చి వన్యప్రాణులను వేటాడుతున్నారని గ్రామస్తులు ఆరోపిస్తున్నారు. ఈ ఘటనపై ముగ్గురిపై అనుమానం ఉందని, పోలీసులకు ఫిర్యాదు చేశామని బాధితుడు తెలిపారు. పోలీసులు ఘటనా స్థలాన్ని పరిశీలించి విచారణ చేపట్టారు.పెయింటర్‌కు తీవ్ర గాయాలుకుక్క మృత్యువాత

● పెద్ద మనసు చాటుకున్న ఎంపీ మిథున్‌రెడ్డి ● రూ.6 లక్షల కాక్లియర్‌ ఇంప్లాటేషన్‌ మిషన్‌ అందజేత ● మాట రాని యువతికి మాట వచ్చిన వైనంమదనపల్లి (కురబలకోట) : రాజంపేట ఎంపీ పెద్దిరెడ్డి మిథున్‌రెడ్డి పెద్ద మనసు చాటారు. మూగకు మాట తెప్పించే రూ.6 లక్షల విలువైన కాక్లియర్‌ ఇంప్లాటేషన్‌ మిషన్‌కు ఎంపీ నిధులు మంజూరు చేసి ఔన్నత్యాన్ని చాటుకున్నారు. ఎంపీ చేతుల మీదుగా బాధిత యువతి కీర్తన (25)కు అందజేశారు. వివరాలలోకి వెళితే.. మండలంలోని కనసానివారిపల్లికి చెందిన ఎం.కీర్తన పుట్టుకతో చెవుడు, మూగతో బాధపడేది. ఎన్నో ఏళ్లుగా నిశ్శబ్దంతోనే సైగల జీవితం సాగించింది. ఈమె బీకాం కంప్యూటర్స్‌ వరకు చదివారు. దివంగత ముఖ్యమంత్రి వైఎస్‌ రాజశేఖరరెడ్డి ఉమ్మడి ఆంధ్రప్రదేశ్‌ ముఖ్యమంత్రిగా ఉన్నప్పుడు ఆరోగ్యశ్రీ పథకం ద్వారా 2009–10లో అప్పట్లో హైదరాబాదులోని మా హాస్పిటల్‌లో చికిత్స చేయించారు. మెదడులో చిఫ్‌ లాంటి మిషన్‌ ఏర్పాటు చేసి స్పీచ్‌ థెరపి, వైద్య పరీక్షలు, మ్యాపింగ్‌ లాంటివి చేశారు. రెండేళ్లకు పైగా ఆసుపత్రిలో గడిపారు. అప్పుడే రూ.5 లక్షలకు పైగా ఖర్చయింది. పూర్తిగా అప్పటి వైఎస్సార్‌ ప్రభుత్వమే భరించింది. కీర్తన మాట్లాడేందుకు, వినేందుకు దోహదపడే కాంక్లియర్‌ ఇంప్లాటేషన్‌ మిషన్‌ అందజేశారు. దీంతో ఆమెకు మాట వచ్చింది. వినగలిగింది. మూగకు మాట రావడంతో ఈ విషయం అప్పట్లో సంచలనంగా మారింది. ఏళ్లు గడచిపోవడంతో కాలక్రమంలో ఆ మిషన్‌ దెబ్బతిని పనిచేయకుండా పోయింది. కీర్తన సమస్య మళ్లీ మొదటికి వచ్చింది. ఒకప్పుడు మాట్లాడ గలిగి వినగలుగుతున్న కీర్తనకు మిషన్‌ లేకపోవడంతో.. ఆమె జీవితం మళ్లీ నిశ్శబ్దంగా మారింది. ఈ విషయాన్ని ఎంపీ పెద్దిరెడ్డి మిథున్‌రెడ్డి దృష్టికి నాయకులు తీసుకెళ్లారు. చలించిన ఆయన వెంటనే కాక్లియర్‌ ఇంప్లాటేషన్‌ మిషన్‌ కోసం తన నిధుల నుంచి రూ.6 లక్షలు మంజూరు చేశారు. ఆమె జీవితంలో కొత్త ఆశలకు బాటలు వేశారు. ఇటీవల ఆ మిషన్‌ హైదరాబాదు నుంచి రాగా మదనపల్లి పర్యటనలో ఎంపీ చేతుల మీదుగా కుటుంబ సభ్యుల సమక్షంలో కీర్తనకు అందజేశారు. కీర్తనతో పాటు కుటుంబీకులు ఒక్కసారిగా బాగోద్వేగానికి గురయ్యారు. కీర్తన కూడా ఎంతగానో సంతోషించింది. ఎంపీ ఔదార్యాన్ని, ఔన్నత్యాన్ని కొనియాడుతూ కృతజ్ఞతలు తెలియజేశారు. నిశ్శబ్ద జీవితంలో కొత్త ఆశల వెలుగు నింపడంతో ఎంపీ చొరవను పలువురు ప్రశంసిస్తున్నారు.

కడప ఎడ్యుకేషన్‌: చదువుతో సామాజిక బాధ్యత వస్తుందని సమాజాన్ని, దేశాన్ని మెరుగుపరిచేలా మన ప్రతి చర్య ఉండాలని యోగి వేమన విశ్వవిద్యాలయం ఉపకులపతి ఆచార్య బెల్లంకొండ రాజశేఖర్‌ అన్నారు. వైవీయూ పరిధిలోని జాతీయ సేవా పథకం ఉత్తమ వలంటీర్లు, ప్రోగ్రాం ఆఫీసర్లు, ప్రిన్సిపాల్‌లకు 2025 –26 సంవత్సరానికి విశ్వవిద్యాలయ స్థాయి అవార్డుల ప్రదానోత్సవాన్ని వైవీయూ ప్రాంగణంలోని అన్నమాచార్య సమావేశ మందిరంలో మంగళవారం నిర్వహించారు. ముఖ్య అతిథిగా హాజరైన వీసీ ఆచార్య బెల్లంకొండ రాజశేఖర్‌ మాట్లాడుతూ జాతీయ సేవా పథకం వ్యక్తి నిర్మాణాన్ని ఉన్నతంగా నిలుపుతుందన్నారు. రెక్టార్‌ ఏజి దాము, రిజిస్ట్రార్‌ ప్రొఫెసర్‌ ఎన్సీ గంగిరెడ్డి ఎన్‌ఎస్‌ఎస్‌ కో–ఆర్డినేటర్‌ ప్రొఫెసర్‌ ఎం సుభోష్‌ చంద్ర వలంటీర్ల సేవకులను కొనియాడారు. అనంతరం ఏడాది పాటు సమాజానికి అత్యుత్తమ సేవలదించిన వలంటీర్లను, ప్రోగ్రాం ఆఫీసర్లను, ప్రిన్సిపాల్‌లను ఘనంగా సత్కరించి జ్ఞాపికలను బహుకరించారు. ఉత్తమ ఎన్‌ఎస్‌ఎస్‌ వలంటీర్లు జి. ఉమా శంకర్‌, (ప్రభుత్వ బాలుర జూనియర్‌ కళాశాల, కడప), పవిత్ర (ప్రభుత్వం. మహిళా డిగ్రీ కళాశాల, పులివెందుల), ఎన్‌.అజయ్‌ (ప్రభుత్వ డిగ్రీ కళాశాల, పెండ్లిమర్రి), కూలి హరి (యోగి వేమన యూనివర్సిటీ కాలేజ్‌, కడప), పగడాల సుభాష్‌,యోగి వేమన విశ్వవిద్యాలయ కళాశాల, కడప), జిలకల రాఘవేంద్ర, (యోగి వేమన యూనివర్సిటీ కాలేజ్‌, కడప), ఈడిగ కోటీశ్వర్‌, (యోగి వేమన విశ్వవిద్యాలయ కళాశాల, కడప) ఉత్తమ ప్రోగ్రామ్‌ ఆఫీసర్లు వీరే..... డాక్టర్‌ వై.నాగేంద్రమ్మ, (యస్‌వీ ఆర్‌ఎం ప్రభుత్వం బాలికల జూనియర్‌ కళాశాల, పులివెందుల), వి. ప్రసన్న కుమార్‌ (ఎ. పి. మోడల్‌ స్కూల్‌ – జూనియర్‌ కాలేజ్‌, రాయచోటి), కె. వెంకట నరసయ్య (ప్రభుత్వ డిగ్రీ కళాశాల, రాజంపేట), డా. పి. శచీ దేవి, (ఎస్‌ కే ఆర్‌ ఎస్‌ కే ఆర్‌ కాలేజ్‌ ఫర్‌ ఉమెన్‌ కడప), అనంత లక్ష్మి, (నాగార్జున డిగ్రీ మహిళా కళాశాల, కడప.), ఇ. నిఖిల ప్రియ, (ప్రభుత్వ డిగ్రీ కళాశాల, పెండ్లిమర్రి), డాక్టర్‌ యర్రబండి వరలక్ష్మి, డాక్టర్‌ వైయస్సార్‌ ఆర్కిటెక్చర్‌ అండ్‌ ఫైన్‌ ఆర్ట్స్‌ కాలేజ్‌, కడప.), పి. శివ రామ కృష్ణ, (ప్రభుత్వ పురుషుల కళాశాల కడప),ప్రొఫెసర్‌ ఎం. అనిత,( యోగి వేమన విశ్వవిద్యాలయ కళాశాల, కడప), ప్రొఫెసర్‌ కె. లలిత (యోగి వేమన విశ్వవిద్యాలయ కళాశాల)

రాక రాక వచ్చిన వర్షం బీభత్సం చేసింది. వర్షానికి పిడుగులు తోడవడంతో పల్లె సీమ ఉలిక్కిపడింది. పిడుగు పాటుకు ఓ ఇల్లు పాక్షికంగా దెబ్బతింది.. ట్రాన్స్‌ఫార్మర్‌ కాలిపోయి గ్రామం అంధకారమైంది. మరో చోట మూగజీవాలు మృత్యువాత పడగా.. ఇంకోచోట భారీ వృక్షం నేలకొరిగి ట్రాఫిక్‌ అంతరాయం కలిగింది. వాల్మీకిపురం: మండలంలో సోమవారం రాత్రి కురిసిన భారీ వర్షానికి విఠలం సమీపంలోని పాదాల మండపం వద్ద భారీ వృక్షం విరిగి మదనపల్లి–తిరుపతి పాత జాతీయ రహదారికి అడ్డంగా పడిపోయింది. దాదాపు గంటపాటు ట్రాఫిక్‌ నిలిచిపోయింది. విషయం తెలుసుకున్న గ్రామస్తులు, అధికారులు రోడ్లపై అడ్డంగా పడిన వృక్షాన్ని తొలగించడంతో ట్రాఫిక్‌ సమస్య పరిష్కారమైంది. సాక్షి, మదనపల్లె: జిల్లాలో సోమవా రం రాత్రి భారీ వర్షం కురిశాయి. వాయల్పాడులో అత్యధికంగా 92.2 మిల్లీమీటర్ల వర్షం కురవగా కలకడలో అత్యల్పంగా 1.6 మిల్లీమీటర్ల వర్షం నమోదైంది. గాలివీడులో 42.2 మి.మీ, చిన్నమండెంలో 31.2, సంబేపల్లిలో 18.6, రాయచోటిలో 88.6, లక్కిరెడ్డిపల్లిలో 48, రామాపురంలో 22.2 మొలకలచెరువులో 82, తంబళ్లపల్లెలో 40, పెద్దమండ్యంలో 45.4, కురబలకోటలో 40, పెద్ద తిప్ప సముద్రంలో 32.2, బి.కొత్తకోటలో 44, మదనపల్లెలో 49.4, నిమ్మనపల్లిలో 38.2, చౌడేపల్లిలో 28.4, రామసముద్రంలో 65.2, పుంగనూరులో 52.4, గుర్రంకొండలో 24, కె.విపల్లిలో 10.2, పీలేరులో 27.2, కలికిరిలో 6.6, సదుంలో 13.2, సోమలలో 70 మిల్లీమీటర్ల వర్షపాతం నమోదయింది. జిల్లాలో వర్షాలు

రామాపురం : మండలంలోని బండపల్లి గ్రామ సమీపంలో ఫారెస్ట్‌ ఆఫీసు వద్ద విషాద ఘటన చోటుచేసుకుంది. ఆటో నగర్‌ నుంచి రేకుల బంకును ట్రాక్టర్‌లో తరలిస్తుండగా.. పైభాగంలో ఉన్న విద్యుత్‌ తీగలకు రేకుల బంకు తగలడంతో విద్యుత్‌ షాక్‌కు గురై ఒకరు మృతి చెందగా, మరో ఐదుగురు గాయపడ్డారు. పోలీసుల వివరాల ప్రకారం.. ట్రాక్టర్‌లో రాయచోటి ట్రంకురోడ్డుకు చెందిన షేక్‌ మహమ్మద్‌ ఇలియాస్‌కు సంబంధించిన రేకుల బంకును తరలిస్తున్నారు. బండపల్లి ఫారెస్ట్‌ ఆఫీసు సమీపంలోకి రాగానే రేకుల బంకు విద్యుత్‌ తీగలకు తగలడంతో ట్రాక్టర్‌ డ్రైవర్‌ ఇర్ఫాన్‌ఖాన్‌తోపాటు కూలీలు షేక్‌ జాఫర్‌, షేక్‌ ఇర్ఫాన్‌ అలీ, పఠాన్‌బాబ్జీ, షేక్‌ మహమ్మద్‌ విద్యుత్‌ షాక్‌కు గురై గాయాల పాలయ్యారు. అదే ట్రాక్టర్‌లో ఉన్న సయ్యద్‌ జబీబుల్లా తీవ్రంగా గాయపడి అక్కడికక్కడే మృతి చెందాడు. గాయపడిన వారిని, మృతదేహాన్ని అంబులెన్స్‌లో రాయచోటి ప్రభుత్వ ఆసుపత్రికి తరలించారు. ఘటనపై రామాపురం పోలీసులు వివరాలు సేకరిస్తున్నారు.మరో ఐదుగురికి గాయాలు

– గ్రామంలో పేలిన విద్యుత్‌ ట్రాన్స్‌ఫార్మర్‌ సంబేపల్లె : మండల పరిధిలోని పలు గ్రామాల్లో సోమవారం రాత్రి ఉరుములతో కూడిన వర్షం కురిసింది. ఈ క్రమంలోనే రెడ్డివారిపల్లెగ్రామం నడిమిరాజుగారిపల్లెలో పిడుగుపాటుకు అదే గ్రామానికి చెందిన ఆర్‌. పాపులమ్మ ఇల్లు దెబ్బతింది. నిద్రపోతున్న సమయంలో ఒక్కసారిగా పిడుగు పడ్డంతో భయబ్రాంతులకు గురై నిద్రలో నుంచి ఉలిక్కిపడినట్లు ఆమె తెలిపారు. పిడుగుపాటుకు పక్కనున్న చెట్టుతో పాటు ఇంట్లోని టీవీ తదితర ఎలక్ట్రానిక్‌ పరికరాలు దగ్దమయ్యాయని ఆవేదన వ్యక్తం చేశారు. దీంతో పాటు ఇంటి ముందుభాగంలో ఉన్న రేకులు దెబ్బతిన్నాయి. అలాగే గ్రామంలోని సింగల్‌ ఫేస్‌ ట్రాన్స్‌ఫార్మర్‌ పేలి పోయింది. దీంతో గ్రామంలో అంధకారం నెలకొందని గ్రామస్తులు తెలిపారు. పిడుగుపడిన ప్రాంతాన్ని రెవెన్యూ అధికారులు పరిశీలించి నష్టాన్ని అంచనా వేస్తున్నట్లు తెలిపారు. లక్కిరెడ్డిపల్లి: మండలంలోని పందిళ్లపల్లి గ్రామం కస్పాలో సోమవారం రాత్రి పిడుగుపాటుకు జెర్సీ ఆవు మృతి చెందిందని రైతు అల్లాబకష్‌ తెలిపారు. ఆవులను పోషించుకుంటూ.. పాల ఉత్పత్తితో జీవనం సాగిస్తున్నానని... ఆవు మృతి చెందడంతో జీవనం కోల్పోయామని రైతు ఆవేదన వ్యక్తం చేశారు. ఈ మధ్యకాలంలోనే రూ. 90 వేలు కొనుగోలు చేసి ఆవును తీసుకొచ్చానని వాపోయాడు. కేవీపల్లె : పిడుగుపాటుకు ఐదు మూగజీవాలు మృతి చెందిన సంఘటన మండలంలోని నూతనకాల్వ పంచాయతీ పెద్దకంభిరెడ్డిగారిపల్లెలో చేసుకుంది.పెద్దకంభిరెడ్డిగారిపల్లెకు చెందిన షేక్‌ దర్బార్‌బాష మేకలు, గొర్రెలు మేపుకుంటూ జీవనం సాగిస్తున్నాడు. సోమవారం అర్ధరాత్రి సమయంలో ఉరుములు, మెరుపులతో కూడి భారీ వర్షం కురిసింది. ఇదే సమయంలో పిడుగుపడటంతో మూడు మేకలు, రెండు గొర్రెలు మృతి చెందాయి. ఒకే సారి ఐదు జీవాలు మృతి చెందడంతో సుమారు రూ. 80 వేలు నష్టపోయినట్లు దర్బార్‌ బాషా ఆవేదన వ్యక్తం చేశాడు. ప్రభుత్వం ఆదుకోవాలని కోరారు.

● పరిష్కారం మాత్రం ఎక్కడ వేసిన గొంగళి అక్కడే ● ప్రహసనంగా మారిన పీజీఆర్‌ఎస్‌మదనపల్లి (కురబలకోట) : ప్రజల సమస్యలను నేరుగా అధికారుల దృష్టికి తీసుకెళ్లి వాటికి సత్వర పరిష్కారం చుపాలనే ఉద్దేశ్యంతో ఏర్పాటు చేసిన పీజీఆర్‌ఎస్‌ కార్యక్రమం ఇప్పుడు అర్జీల స్వీకరణకే పరిమితం అవుతోందన్న విమర్శలు వెల్లువెత్తుతున్నాయి. ప్రజలు వివిధ సమస్యలతో వస్తన్నారు. అర్జీలు ఇస్తున్నారు. అధికారులు వింటున్నారు.. ఆశతో తిరిగి వెళ్తున్నారు.. చివరకు పరిష్కారం కాక మరోసారి రావాల్సిన పరిస్థితి వస్తోందని పలువురు వాపోతున్నారు. రెవెన్యూ క్లీనిక్‌ అర్జీలు కూడా పరిష్కారానికి నోచుకోవడం లేదని మదనపడుతున్నారు. అర్జీలు ఇవ్వడం తప్ప పరిష్కారానికి దిక్కులేదని తిరిగి తిరిగి కాళ్లు నొప్పులు మాత్రం వస్తున్నాయని వ్యధ చెందుతున్నారు. సోమవారం మదనపల్లి జిల్లా కలెక్టరేట్‌లో పీజీఆర్‌ఎస్‌ నిర్వహించారు. జిల్లా నలుమూలల నుంచి వచ్చిన 337 మంది అర్జీదారుల నుంచి జిల్లా కలెక్టర్‌ నిశాంత్‌ కుమార్‌, జాయింట్‌ కలెక్టర్‌ శివ్‌ నారాయణ శర్మ, సబ్‌ కలెక్టర్‌ చల్లా కళ్యాణి తదితరులు అర్జీలు స్వీకరించారు. వచ్చిన అర్జీలపై సమగ్ర విచారణ జరిపి సత్వరం పరిష్కరించాలని జిల్లా కలెక్టర్‌ ఆదేశించారు. అలసత్వం ఉండరాదన్నారు. అన్నమయ్య జిల్లా పరిధిలోని ప్రభుత్వ వైద్యశాలలు, ప్రాంతీయ వైద్య శాలల్లో శానిటేషన్‌,వెస్ట్‌ కంట్రోల్‌, సెక్యూరిటీ విభాగాల్లో పనిచేస్తున్న కాంట్రాక్టు కార్మికుల సమస్యలను వెంటనే పరిష్కరించాలని ఎఐటీయూసి జిల్లా ప్రధాన కార్యదర్శి సాంబశివ డిమాండ్‌ చేశారు. జిల్లా కలెక్టర్‌కు వినతి పత్రం సమర్పించారు. రాష్ట్రంలో ఆరోగ్య, వైద్య కుటుంబ సంక్షేమ శాఖ పరిధిలోపనిచేస్తున్న 14600 మంది కాంట్రాక్టు ఉద్యోగులను రెగ్యులర్‌ చేయాలని ఎఫీ మెడికల్‌ హెల్త్‌ కాంట్రాక్టు ఎంప్లాయిస్‌ జేఎసీ నాయకులు కోరారు. 16 ఏళ్లుగా రెగ్యులర్‌ నియమకాలు జరగకపోవడంతో సిబ్బంది ఇబ్బందులు పడుతున్నామని పీజీఆర్‌ఎస్‌లో విన్నవించారు. దౌర్జన్యంగా ఎకరం భూమి కబ్జా చేశారు దౌర్జన్యంగా ఎకరం భూమి కబ్జా చేసి అక్రమంగా కట్టడాలు నిర్మిస్తున్నారని అడిగితే బెదిరిస్తున్నారని తనకు న్యాయం చేయాలని కురబలకోట మండలం చిన్నతట్టివారిపల్లికి చెందిన కుంచె శ్రీనివాసుళు సోమవారం పీజీఆర్‌ఎస్‌లో జిల్లా కలెక్టర్‌కు ఫిర్యాదు చేశారు. నందిరెడ్డిగ్రామ పరిధిలోని తమ గ్రామం వద్ద వారసత్వంగా వచ్చిన భూమి విషయమై ఏడాదికి పైగా వివాదం నడుస్తోందన్నారు. సర్వే నెంబరు 139లో తనకు ఎకరం భూమి రావాల్సి ఉందన్నారు. కతమంపల్లికి చెందిన వెంకటా చలపతి, రవీంద్ర, రామకృష్ణ దౌర్జన్యంగా ఆక్రమించుకున్నారని ఆరోపించారు. రికార్డులు పరిశీలించి ఆపై సమగ్రంగా విచారించి తగిన చర్యలు తీసుకుని న్యాయం చేయాలని జిల్లా కలెక్టర్‌ను కోరారు. తగు చర్యలు తీసుకోవాల్సింగా స్థానిక రెవెన్యూ అధికారులను జిల్లా కలెక్టర్‌ ఆదేశించారు. ఈ సందర్భంగా సర్కారుతోపు దగ్గర నందిరెడ్డిగారిపల్లికి చెందిన షామీర్‌ కూడా ఇక్కడి భూమి విషయమై ఫిర్యాదు చేశారు. మదనపల్లి మార్కెట్‌ కమిటీ చైర్మన్‌ను తొలగించాలి మదనపల్లి మార్కెట్‌ కమిటీ చైర్మన్‌ జంగాల శివరామ్‌ను పదవి నుండి తొలగించాలని బహుజన సమాజ్‌ పార్టీ నాయకులు డిమాండ్‌ చేశారు. ఇతని నియామకం కోసం తప్పుడు దృవ పత్రాలు ఇచ్చారని ఆపై కేసులు ఉన్నా ఎలాంటి కోర్టు కేసులు లేవని దృవీకరణ పత్రం ఇచ్చారన్నారు. మార్కెట్‌ కమిటీ చైర్మన్‌ రిజర్వేషన్‌ కూడా తారుమారు చేశారని ఆరోపించారు. వీటిపై విచారణ జరిపి ఆయన్ను పదవి నుండి తొలగించాలని కోరుతూ జిల్లా కలెక్టర్‌కు పీజీఆర్‌ఎస్‌లో ఫిర్యాదు చేశారు. బోయకొండ ఈఓను సస్పెండ్‌ చేయాలి బోయకొండ గంగమ్మ దేవస్థానంలో టెండర్‌ వ్యవహారాలపై సమగ్ర విచారణ జరిపించాలని కోరుతూ జిల్లా కలెక్టర్‌కు పీజీఆర్‌ఎస్‌లో ఓ వెంకట యాదవ్‌ తదితరులు వినతిపత్రం ఇచ్చారు. టెండర్‌ ప్రక్రియ పూర్తికాక ముందే పనులు చేపట్టడం, టెండర్‌ దారుడిపై దాడి జగగడం వంటి అంశాలపై విచారణ జరపాలన్నారు. టెండర్‌ నోటిఫికేషన్‌, వర్క్‌ ఆర్డర్లు, ఎంబీ రికార్డులు, బిల్లుల చెల్లింపులు పరిశీలించాలన్నారు.ప్రత్యేక కమిటీతో విచారణ జరిపి ఈఓను సస్పెండ్‌ చేయాలని వారు డిమాండ్‌ చేశారు.

● శ్రీ సత్యసాయి జిల్లా వాసుల దౌర్జన్యం ● జేసీబీలతో చదును, రిగ్గులతో డ్రిల్లింగ్‌ ● కబ్జా వ్యవహారంపై పీజీఆర్‌ఎస్‌లో రైతుల ఫిర్యాదుపెద్దతిప్పసముద్రం : ఇటు కర్ణాటక, అటు శ్రీ సత్యసాయి జిల్లా సరిహద్దులో పీటీఎం మండలం ఉంది. మండలంలోని పట్టెంవాండ్లపల్లి పంచాయతీ వడ్డిపల్లి సమీపంలో ప్రభుత్వ భూమికి ఈ ప్రాంతవాసులు గోశాల గుట్టగా నామకరణం చేశారు. సుమారు 10 ఎకరాలకుపైగా ప్రభుత్వ భూమి ఇక్కడ ఉంది. ఈ భూమి పక్కనే శ్రీ సత్యసాయి జిల్లా తనకల్లు మండలం ఎరబల్లికి చెందిన రైతుల పట్టా భూములు కూడా ఉన్నాయి. అయితే ఈ ప్రభుత్వ భూమిపై శ్రీ సత్యసాయి జిల్లా ఎరబల్లికి చెందిన కొందరు అక్రమార్కులు ఈ భూమిపై కన్నేశారు. భూమికి సంబంధించి తమ వద్ద పట్టాలు ఉన్నాయని, చుట్టు పక్కల రైతులను నమ్మించారు. అక్రమార్కులకు ఎవరి అండదండలు పుష్కలంగా ఉన్నాయో మూడు రోజులుగా ప్రభుత్వ భూమిలో రిగ్గు ట్రాక్టర్లు, జేసీబీ యంత్రాలను దింపారు. యంత్రాలతో పట్టపగలు దర్జాగా ప్రభుత్వ భూములను చదును చేస్తున్నా, గుట్టలోని బండ రాళ్లను తొలగిస్తున్నా పట్టించుకునే కరువయ్యారు. గుట్టల నుంచి తొలగించిన బండ రాళ్లు, మట్టిని పక్కనున్న పట్టా భూముల్లో పడేశారు. సుమారు నాలుగు ఎకరాల వరకు ప్రభుత్వ భూమిని చదును చేసినట్లు తెలుస్తోంది. భూ కబ్జాను అడ్డుకున్న పలువురు రైతులపై అక్రమార్కులు దౌర్జన్యంగా తప్పుడు కేసులు కూడా బనాయించినట్లు సమాచారం. ఈ నేపథ్యంలో ప్రభుత్వ భూమి అన్యాక్రాంతం కాకుండా కాపాడాలని కోరుతూ సోమవారం స్థానిక తహసీల్దార్‌ శ్రీరాములు నాయక్‌కు పలువురు రైతులు ఫిర్యాదు చేశారు. తక్షణం చర్యలు తీసుకుంటామని తహసీల్దార్‌ హామీ ఇచ్చినట్లు రైతులు పేర్కొన్నారు.బోర్డు ఏర్పాటు చేయిస్తాం ప్రభుత్వ భూమి కబ్జా విషయం వీఆర్వో శేఖర్‌ దృష్టికి రాగా తక్షణం ఆయన ఘటనా స్థలానికి వెళ్లి భూ ఆక్రమణను అడ్డుకున్నారు. ఆక్రమణదారుల వద్ద ఎలాంటి పత్రాలు లేవని నిర్ధారించాం. ప్రభుత్వ భూమి కబ్జా కాకుండా ఆ స్థలంలో హెచ్చరిక బోర్డు ఏర్పాటు చేయిస్తాం. ఎవరైనా ప్రభుత్వ భూమిలోకి ప్రవేశిస్తే క్రిమినల్‌ కేసులు నమోదు చేస్తాం. – శ్రీరాములు నాయక్‌, పెద్దతిప్పసముద్రం

కడప వైఎస్‌ఆర్‌ సర్కిల్‌ : కడప నగరంలోని డీఎస్‌ఏ ఇండోర్‌ స్టేడియంలో సోమవారం 5వ సౌత్‌ ఇండియా ఇంటర్నేషనల్‌ కరాటే ఛాంపియన్‌షిప్‌ పోటీలు ఉత్సాహంగా జరిగినట్లు ఆంధ్రప్రదేశ్‌ కరాటే ఆఫ్‌ జనరల్‌ సెక్రటరీ విజయ్‌ పేర్కొన్నారు. కరాటే అసోసియేషన్‌ ఆఫ్‌ ఆంధ్రప్రదేశ్‌ అధ్యక్షులు కోలా ప్రతాప్‌, ఇంటర్నేషనల్‌ ఢిల్లీ పబ్లిక్‌ స్కూల్‌ డైరెక్టర్‌ వివేకానంద, వివేకానంద జూనియర్‌ కాలేజ్‌ కరస్పాండెంట్‌ మధుసూదన్‌రెడ్డి పోటీలను పర్యవేక్షించారు. ఈ ఛాంపియన్‌షిప్‌ను విజయ్‌ మార్షల్‌ ఆర్ట్స్‌ కరాటే అకాడమీ ఆధ్వర్యంలో నిర్వహించినట్లు తెలిపారు. ఆంధ్రప్రదేశ్‌, తెలంగాణ, కర్ణాటక, తమిళనాడు రాష్ట్రాల నుంచి సుమారు 500 మంది కరాటే విద్యార్థులు, మాస్టర్స్‌, కోచ్‌లు పాల్గొన్నారు.

● హెచ్‌ఎం, ఎంఈఓ వ్యవహారశైలిపై ఆరా ● స్పష్టం చేసిన డిప్యూటీ డీఈఓ నాగయ్య ● ‘సాక్షి’ కథనంతో కదిలిన విద్యాశాఖ యంత్రాంగంగాలివీడు : విద్యార్థినితో ఉపాధ్యాయుడు వెంకటేశ్వర్లు అనుచితంగా వ్యవహరించాడన్న ఆరోపణల నేపథ్యంలో విద్యాశాఖ అధికారులు సమగ్ర విచారణ చేపట్టారు. అక్టోబర్‌ 3న సాక్షి దినపత్రికలో ‘విద్యార్థినికి ప్రేమ పాఠాలు నేర్పుతున్న ఉపాధ్యాయుడు’ అనే శీర్షికతో ప్రచురితమైన కథనంపై జిల్లా విద్యాశాఖాధికారుల ఆదేశాల మేరకు డిప్యూటీ డీఈఓ నాగయ్య సోమవారం వెలిగల్లులోని జిల్లా పరిషత్‌ ఉన్నత పాఠశాలను సందర్శించారు. పాఠశాల ప్రధానోపాధ్యాయుడు, సంబంధిత విద్యార్థులు, ఇతర సిబ్బందిని విచారించి వివరాలను సేకరించినట్లు తెలిసింది. అనంతరం బాధిత విద్యార్థిని తల్లి, కుటుంబ సభ్యులతో మాట్లాడి వారి వాదనలు, అభిప్రాయాలను లిఖితపూర్వకంగా నమోదు చేసుకున్నారు. ఆరోపణలకు సంబంధించిన వాస్తవాలను అన్ని కోణాల్లో పరిశీలించినట్లు సమాచారం. ఆదివారం ఎంఈఓ, హెచ్‌ఎం విద్యార్థిని ఇంటికి వెళ్లి ఫిర్యాదును ఉపసంహరించుకోవాలని బెదిరించారన్న ఆరోపణలపైనా డిప్యూటీ డీఈఓ ఆరా తీసినట్లు తెలిసింది. పాఠశాల ప్రధానోపాధ్యాయుడు, ఎంఈఓ వ్యవహారశైలికి సంబంధించిన అంశాలను కూడా విచారణ పరిధిలోకి తీసుకున్నట్లు సమాచారం. విచారణ అనంతరం సంబంధిత విద్యార్థులు, తల్లిదండ్రులు, ఉపాధ్యాయులు, పాఠశాల ప్రధానోపాధ్యాయుడి నుంచి సేకరించిన వివరాలను క్రోడీకరించి సమగ్ర నివేదికను జిల్లా విద్యాధికారికి సమర్పించనున్నట్లు డిప్యూటీ డీఈఓ నాగయ్య స్పష్టం చేశారు. నివేదిక ఆధారంగా ఉన్నతాధికారులు తదుపరి చర్యలు తీసుకునే అవకాశం ఉంది.

పులివెందుల : జాతీయ స్థాయి పోటీ పరీక్షలో పులివెందుల ఫుడ్‌ సైన్స్‌ అండ్‌ టెక్నాలజీ కళాశాల విద్యార్థులు మెరిశారు. ఇండియన్‌ కౌన్సిల్‌ ఆఫ్‌ అగ్రికల్చరల్‌ రీసెర్చ్‌ (ఐకార్‌) నిర్వహించిన పీజీ (ఏఐఈఈఏ) పరీక్షలో ఉత్తమ ర్యాంకులు సాధించారు. పట్టణంలోని ఫుడ్‌ సైన్స్‌ అండ్‌ టెక్నాలజీ కళాశాల అసోసియేట్‌ డీన్‌ కార్యాలయంలో అసోసియేట్‌ డీన్‌ డాక్టర్‌ ఎం.మాధవ సోమవారం వివరాలు వెల్లడించారు. ఈ ఏడాది తమ కళాశాల విద్యార్థులు ఇండియన్‌ కౌన్సిల్‌ ఆఫ్‌ అగ్రికల్చరల్‌ రీసెర్చ్‌ (ఐకార్‌) నిర్వహించిన పీజీ (ఏఐఈఈఏ) పరీక్షలో ఉత్తమ ర్యాంకులు సాధించారని తెలిపారు. ఈ ఏడాది ఐకార్‌ ప్రకటించిన ఫలితాల్లో కళాశాలకు చెందిన సుప్రియ అనే విద్యార్థినికి ఆలిండియా 3వ ర్యాంకు వచ్చిందన్నారు. ఈ ఫలితం కళాశాలకు, విశ్వవిద్యాలయానికి గర్వకారణమన్నారు. ఓబీసీ కేటగిరీలో విద్యార్థులు షబ్నం 26వ ర్యాంకు, రవితేజ 60, భాస్కర్‌ 79, మనస్విని 96, భవాని 101వ ర్యాంకులు సాధించారన్నారు. ఎస్సీ కేటగిరీలో జ్యోతిర్మయి 10, మాధవిలత 17, డేని బాబు 20, రాజ్‌ కుమార్‌ 27, సుస్మిత 29, నవ్య 76వ ర్యాంకులు తెచ్చుకున్నారని తెలిపారు. ఈడబ్ల్యూఎస్‌ క్యాటగిరీలో జ్యోతిష్‌ 23వ ర్యాంకు కై వసం చేసుకున్నారని పేర్కొన్నారు. జనరల్‌ కేటగిరీలో సుప్రియ 3, ప్రీతిరెడ్డి 93, పురుషోత్తం 108, మహాలక్ష్మి 129, కావ్య ప్రియ 146, నుస్రత్‌ సుల్తానా 223, హర్షవర్ధన్‌ రెడ్డి 361వ ర్యాంకులు సాధించారని వివరించారు. దీంతో పులివెందుల ఫుడ్‌ సైన్స్‌ అండ్‌ టెక్నాలజీ కళాశాల, ఆచార్య ఎన్‌.జి.రంగా వ్యవసాయ విశ్వవిద్యాలయాలకు మంచి పేరు తీసుకొచ్చారన్నారు. ఈ సందర్భంగా ప్రతిభ చాటిన 19 మంది విద్యార్థులను, ఇటువంటి ఉత్తమ ఫలితాలకు కారణమైన కళాశాల అధ్యాపకులను అసోసియేట్‌ డీన్‌ అభినందించారు. గతేడాది లాగే ఈ ఏడాది కూడా గేట్‌ వంటి పోటీ పరీక్షల్లో తమ కళాశాల విద్యార్థులు ప్రతిభ కనబరిచారన్నారు. అంకితభావం గల అధ్యాపకులు, తరగతుల బోధన, అత్యాధునిక ప్రయోగశాలలు కళాశాలలో ఉండడం వల్ల ఇటువంటి ఉత్తమ ఫలితాలు సాధ్యమయ్యాయని వివరించారు.● పులివెందుల ఫుడ్‌ సైన్స్‌ టెక్నాలజీ కళాశాల విద్యార్థుల ప్రతిభ ● అఖిల భారత స్థాయి ప్రవేశ పరీక్షలో ఉత్తమ ర్యాంకులు ● ఆలిండియా 3వ ర్యాంకు కై వసం