ఐదు పైసలు కూడా అందలేదు..

‘మా కుటుంబంలో ముగ్గురికి పరిహారం రావాల్సి ఉంది. ప్రాజెక్టు నిర్మాణం పూర్తయి, నీరు నిల్వ ఉన్నా మాకు మాత్రం ఇప్పటివరకు ఐదు పైసలు కూడా అందలేదు. ఊరు విడిచి వచ్చేశాం.. ఇక్కడ బతకడం భారమైంది. ప్రభుత్వం వెంటనే స్పందించి మాకు న్యాయం చేయాలి.‘

– పురుషోత్తం, దొరువుపల్లి, కొండాపురం

భూములకు అవార్డులు ఇవ్వాలి..

‘గండికోట ముంపు కింద 500 ఎకరాల భూమి పోయింది. అధికారులు ఇప్పటివరకు అవార్డులు పాస్‌ చేయలేదు. ప్రస్తుతం ఆ భూములు నీటిలో ఉండటంతో పంటలు పండించుకునే పరిస్థితి లేదు. ప్రభుత్వం వెంటనే స్పందించి రైతులకు పరిహారం ఇవ్వాలి.‘

– హరినారాయణరెడ్డి, తాళ్లప్రొద్దుటూరు

మండలిలో ప్రశ్నించాను..

‘ముంపువాసులకు పరిహారం అంశాన్ని శాసనమండలిలో ప్రశ్నించాను. ఇళ్లు, భూములు కోల్పోయిన 14 గ్రామాల వారిక గత ప్రభుత్వం ప్రకటించిన రూ. 3.25 లక్షలతో పాటు, ఎన్నికల ముందు కూటమి ఇచ్చిన హామీ మేరకు రూ. 2 లక్షలు కలిపి రూ. 5.25 లక్షలు ఎప్పుడు ఇస్తారో చెప్పాలి. – పి.రామసుబ్బారెడ్డి, ఎమ్మెల్సీ