గుర్రంకొండ : మండలంలోని చెర్లోపల్లె గ్రామంలో వెలసిన రెడ్డెమ్మతల్లి ఆలయంలో ఆదివారం భక్తుల రద్దీనెలకొంది. సంతానాన్ని ప్రసాదించే తల్లిగా పేరుపొందిన అమ్మవారి ఆలయానికి ఉదయం నుంచే భక్తుల సందడి మొదలైంది. ఆలయ పరిసరాల్లోని దిగువ తొట్లివారిపల్లెలో అమ్మవారి అర్చకుల కుటుంబీకులు పంపిణీ చేసే ఆకు పసరును సేవించి మహిళలు అమ్మవారి కోనేట్లో పవిత్ర స్నానమాచరించిచారు. తడిబట్టలతోనే అమ్మవారి ఎదుట సంతానం కోసం వరపడ్డారు.మొక్కులు తీరిన భక్తులు అమ్మవారికి బంగారు, వెండి, చీరసారెలతో మొక్కులు చెల్లించుకొన్నారు. హిందువులతో పాటు ముస్లీంలు అమ్మవారి ఆలయానికి తరలివచ్చారు. రాయలసీమ జిల్లాలతో పాటు కర్ణాటక, తమిళనాడు రాష్ట్రాల నుంచి కూడా భక్తులు విచ్చేశారు. నేడు డయల్‌ యువర్‌ ఎస్‌ఈసాక్షి, మదనపల్లె : జిల్లాలో విద్యుత్‌ వినియోగదారులు తాము ఎదుర్కొంటున్న సమస్యలపై సోమవారం నిర్వహిస్తున్న డయల్‌ యువర్‌ ఎస్‌ఈ కార్యక్రమం దృష్టికి తీసుకురావాలని డిస్కం జిల్లా ఎస్‌ఈ ఆడేపూడి సోమశేఖర్‌ రెడ్డి ఆదివారం ఒక ప్రకటనలో తెలిపారు. ఉదయం 8.30 నుంచి 9:30 గంటల వరకు కార్యక్రమం జరగుతుందన్నారు. 9440817449 నెంబరు ఫోన్‌ చేసి విద్యుత్‌ సమస్యలను తమ దృష్టికి తీసుకొస్తే తక్షణమే పరిష్కారానికి చర్యలు తీసుకుంటామని తెలిపారు. నేడు కలెక్టరేట్‌లో పీజీఆర్‌ఎస్‌సాక్షి, మదనపల్లె : స్థానిక కలెక్టరేట్‌లో సోమవారం ప్రజా ఫిర్యాదుల పరిష్కార వేదిక కార్యక్రమం నిర్వహిస్తున్నట్లు కలెక్టర్‌ నిశాంత్‌ కుమార్‌ ఒక ప్రకటనలో తెలిపారు. ఉదయం 11 గంటల నుంచి ప్రజల ఫిర్యాదులను స్వీకరిస్తామని తెలిపారు. ప్రజలు గ్రామ, మండల, డివిజన్‌ స్థాయిలో కూడా ఫిర్యాదులను అధికారులు స్వీకరిస్తారని తెలిపారు. కిందిస్థాయిల్లో పరిష్కారంకాకపోతేనే ప్రజలు కలెక్టరేట్‌ వచ్చి ఫిర్యాదు చేయాలన్నారు. జిల్లా అంతటా వర్షాలుసాక్షి, మదనపల్లె : వర్షాభావ పరిస్థితులు, తీవ్రమైన ఎండలు, ఉక్కపోత మధ్య అల్లాడిపోతున్న జిల్లా ప్రజానీకానికి శనివారం రాత్రి కురిసిన వర్షం ఊరటనిచ్చింది. జిల్లా వ్యాప్తంగా వర్షాలు కురిశాయి. పెద్దమండ్యం మండలంలో అత్యల్పంగా 1.4 మిల్లీమీటర్లు, నిమ్మనపల్లిలో అత్యధికంగా 83.2 మిల్లీమీటర్ల వర్షపాతం నమోదైంది. వర్షపాతం వివరాలు. గాలివీడులో 4.8, చిన్నమండెంలో 5.0, సంబేపల్లిలో 22.4, రాయచోటిలో 6.8, లక్కిరెడ్డిపల్లి లో 10.4, రామాపురంలో 9.0, ములకలచెరువులో 15.0, తంబళ్లపల్లెలో 8.4, కురబలకోటలో 15.2, పెద్దతిప్ప సముద్రంలో 15.6, బి.కొత్తకోటలో 63.4, మదనపల్లెలో 55.4, చౌడేపల్లెలో 50.2, రామసముద్రంలో 49.6, పుంగనూరులో 32.0, గుర్రంకొండలో 19.8, కలకడలో 18.8, కె.వి.పల్లిలో 36.2, పీలేరులో 57.4, కలిగిరిలో 67.6, వాల్మీకిపురంలో 38.6, సదుంలో 24.4, సోమలలో 58.0 మిల్లీమీటర్ల వర్షపాతం కురిసింది. మతసామరస్యాలకు ప్రతీక గణేష్‌ ఉత్సవం రాయచోటి : రాయచోటిలో మతసామరస్యాలకు ప్రతీకగా గణేష్‌ ఉత్సవాలు సాగుతున్నాయి. విగ్రహాల వద్ద నిర్వహిస్తున్న కార్యక్రమాల్లో ముస్లింలు కూడా పాల్గొనడం విశేషం. అన్నదాన కార్యక్రమాలు, పలు సాంస్కృతిక కార్యక్రమాలలో కూడా తమవంతు ఆర్థిక సహకారాన్ని అందిస్తున్నారు. విగ్రహాల వద్ద ఏర్పాటు చేసిన లడ్డూవేలం పాటలో కూడా ముస్లిం సోదరులు పాల్గొంటున్నారు. ఈ క్రమంలో మాసాపేట వరిగమార్గంలోని పూలుకుంట రెడ్డన్న ఏర్పాటు చేసిన గణేష్‌ విగ్రహం వద్ద బీసీ సంఘం నేషనల్‌ వైస్‌ ప్రెసిడెంటు దుర్గం షబ్బీర్‌ వినాయక లడ్డూను ఒక లక్ష, పదివేల, నూటా పదహారు రూపాయలకు దక్కించుకున్నారు. కుటుంబ సమేతంగా గణేష్‌ ఉత్సవాల సంప్రదాయ పద్ధతిలో లడ్డూ ప్రసాదాన్ని ఊరేగింపుగా తీసుకెళ్లారు. స్థానిక గణేష్‌ మండపం నిర్వహకులు ఆదివారం బాణసంచ పేలుస్తూ మంగళ వాయిద్యాలతో షబ్బీర్‌ ఇంటివరకు తీసుకెళ్లారు. ఈ సందర్భంగా దుర్గం షబ్బీర్‌ మాట్లాడుతూ కుల మతాలకు అతీతంగా గణేష్‌ ఉత్సవాల నిర్వహణ ఎంతో ఆనందాన్ని ఇస్తోందన్నారు.

మదనపల్లె టౌన్‌ : పురుగుల మందు తాగి ఓ వ్యక్తి ఆత్మహత్యాయత్నానికి పాల్పడిన సంఘటన ఆదివారం ములకలచెరువు మండలంలో చోటుచేసుకుంది. బాధితుడి కుటుంబీకులు తెలిపిన వివరాల మేరకు.. మదనపల్లె మండలం కొత్తపల్లె పంచాయతీ రంగారెడ్డి కాలనీకి చెందిన వెంకటేష్‌ (60) స్థానికంగా ఉన్న ఓ బార్బర్‌ షాపులో పని చేస్తున్నారు. ఈ క్రమంలో తనకు ఏం కష్టం వచ్చిందో ఏమో.. ములకలచెరువు మండలం పాతకోటలోని బంధువుల ఇంటికి ఆదివారం వెళ్లిన ఆయన, వెంట తెచ్చుకున్న పురుగుల మందు తాగి ఆత్మహత్యాయత్నానికి పాల్పడ్డారు. గమనించిన బంధువులు వెంటనే మదనపల్లెకు తరలించి చికిత్స అందించారు. కలికిరి : గుర్తుతెలియని వాహనం ఢీకొని వృద్ధుడు మృతి చెందిన ఘటన ఆదివారం రాత్రి కలికిరి మండల పరిధిలోని మర్రికుంటపల్లి సమీపంలో జరిగింది. పోలీసుల కథనం మేరకు... పారపట్ల గ్రామం కురవపల్లికి చెందిన గోగుల తిమ్మయ్య (70) ఆదివారం సాయంత్రం కలికిరి నుంచి స్వగ్రామానికి నడుచుకుంటూ వెళుతున్నారు. మర్రికుంటపల్లి సమీపం మేడికుర్తి క్రాస్‌ వద్ద గుర్తు తెలియని వాహనం ఆయనను ఢీకొంది. ప్రమాదంలో తీవ్రంగా గాయపడిన తిమ్మయ్య అక్కడికక్కడే మృతి చెందారు. గమనించిన వాహనదారులు కలికిరి పోలీసులకు సమాచారం ఇవ్వడంతో సీఐ అనిల్‌కుమార్‌ సంఘటనా స్థలానికి చేరుకుని మృతుని కుటుంబ సభ్యులకు సమాచారం ఇచ్చారు. మృతదేహాన్ని కలికిరి ప్రభుత్వాసుపత్రికి తరలించారు. తిమ్మయ్యకు మతిస్థిమితం సక్రమంగా లేక తిరుగుతుండేవాడని గ్రామస్తులు తెలిపారు.

● చాలీచాలని వేతనాలు ● ఉద్యోగభద్రత కరువుమదనపల్లె (కురబలకోట) : గ్రామాల్లో నోరులేని మూగజీవాలకు అర్ధరాత్రి అత్యవసర పరిస్థితి వచ్చినా, ఆవులు గర్భధారణకు వచ్చినా రైతులకు ముందుగా గుర్తొచ్చేది ‘గోపాలమిత్ర’లే. ఎండనక, వాననక పల్లె పల్లెనా తిరుగుతూ కొండంత అండగా నిలుస్తున్న ఈ పశువైద్య సహాయకుల బతుకులు మాత్రం చాలీచాలని వేతనాలతో అగమ్యగోచరంగా మారాయి. ఫోన్‌ చేయగానే సొంత మోటార్‌ సైకిల్‌పై రైతుల ఇళ్ల వద్దకు వాలిపోయే వీరికి ఏళ్లుగా సేవ చేస్తున్నా కనీస గుర్తింపు కానీ, ఆశించిన వేతనం కానీ లభించడం లేదు. నెలకు కేవలం రూ.6,500తో కుటుంబాలను పోషించలేక, ఇటు వృత్తిని వదలలేక ఆర్థిక ఇబ్బందులతో కొట్టుమిట్టాడుతున్నారు. తమకు కనీస వేతనం ఇవ్వాలని, ఉద్యోగ భద్రత కల్పించాలని వారు ప్రభుత్వాన్ని డిమాండ్‌ చేస్తున్నారు. పెరిగిన ధరలు.. అగమ్యగోచరంగా బతుకులు రవాణా సౌకర్యాలు లేని మారుమూల పల్లెల్లో సైతం వ్యవసాయ పొలాలు, రైతుల ఇండ్ల వద్దకే వెళ్లి మండల పశువైద్యాధికారి పర్యవేక్షణలో గోపాలమిత్రలు నిరంతర సేవలు అందిస్తున్నారు. రాత్రి పగలు అనే తేడా లేకుండా శ్రమిస్తున్నా.. వీరి వేతనం మాత్రం గొర్రె తోక బెత్తెడు చందంగానే ఉంది. నిత్యావసర వస్తువుల ధరలు, పిల్లల చదువులు, ఇంటి అద్దెలు, వైద్య ఖర్చులు రోజురోజుకూ పెరిగిపోతున్నా.. జీతాల్లో మాత్రం ఏమాత్రం మార్పు లేదు. ఎలాంటి టీఏ, డీఏలు లేకుండా సొంత ఖర్చులతోనే ప్రయాణాలు సాగిస్తున్నారు. సచివాలయాలలో పనిచేసే యానిమల్‌ హస్బెండ్రీ అసిస్టెంట్లు (AHA) నిర్వర్తించే వ్యాక్సినేషన్‌, ఏఈ, పీపీఆర్‌, ఈటీ, బ్లూటంగ్‌, అంత్రాక్స్‌, షీప్‌ ఫాక్స్‌, హెచ్‌సీ, బిక్యూ వ్యాక్సిన్లు వంటి అన్ని రకాల విధులను గోపాలమిత్రలు కూడా నిర్వహిస్తున్నారు. అయితే, వీరి కంటే వెనుక వచ్చిన ఏహెచ్‌ఎలకు నెలకు దాదాపు రూ.30 వేల దాకా వేతనం ఇస్తుండగా, ఏళ్లుగా సేవ చేస్తున్న గోపాలమిత్రలను మాత్రం రూ.6,500 కే పరిమితం చేయడంపై తీవ్ర అసహనం వ్యక్తమవుతోంది. తెలంగాణతో పోలిస్తే అన్యాయం పక్క రాష్ట్రమైన తెలంగాణలో అక్కడి గోపాలమిత్రల వేతనాన్ని మొదట రూ.8,500కు పెంచి, ప్రస్తుతం పీఆర్‌సీతో కలిపి రూ.11,050 అందజేస్తున్నారు. కానీ మన రాష్ట్రంలో మాత్రం ఏళ్లు గడుస్తున్నా కనీస వేతనానికి దిక్కులేకుండా పోయింది. కూటమి ప్రభుత్వం తమ మేనిఫెస్టోలో గోపాలమిత్రల సమస్యలు పరిష్కరిస్తామని హామీ ఇచ్చిన విషయాన్ని ఈ సందర్భంగా వారు గుర్తు చేస్తున్నారు. ఇప్పటికై నా ప్రభుత్వం మానవతా దృక్పథంతో స్పందించి గౌరవ వేతనాన్ని పెంచాలని కోరుతున్నారు. ప్రధాన డిమాండ్లు జీతాల పెంపు : ప్రస్తుతమున్న రూ.6,500 వేతనాన్ని తక్షణమే పెంచి గౌరవప్రదమైన కనీస వేతనం అందించాలి. ఉద్యోగ భద్రత : రాష్ట్రవ్యాప్తంగా ఉన్న సుమారు 2200 మంది గోపాలమిత్రలకు ఉద్యోగ భద్రత కల్పించాలి. సామాజిక భద్రత : విధి నిర్వహణలో ప్రమాదాల బారిన పడే అవకాశం ఉన్నందున ఉచిత బీమా, పీఎఫ్‌, ఈఎస్‌ఐ వంటి సౌకర్యాలు అమలు చేయాలి. తీవ్ర ఇబ్బందులు పడుతున్నాం అన్నమయ్య జిల్లా వ్యాప్తంగా 126 మంది గోపాలమిత్రలం పనిచేస్తున్నాం. రేయింబవళ్లు కష్టపడుతున్నా ఆశించిన వేతనం రావడం లేదు. ఆ వచ్చే అరకొర జీతం కూడా ప్రతి నెలా సక్రమంగా అందకపోవడంతో కుటుంబం ఎలా గడవాలో అర్థం కావడం లేదు. ప్రయాణ సమయంలో ప్రమాదాల బారిన పడినా ఎలాంటి భద్రత లేదు. రాష్ట్ర ప్రభుత్వం తక్షణమే స్పందించి మమ్మల్ని గుర్తించి, ఆదుకోవాలి. – ఎన్‌.రెడ్డి శేఖర్‌, అన్నమయ్య జిల్లా అధ్యక్షులు, గోపాలమిత్రల అసోసియేషన్‌

● కొప్పర్తి పారిశ్రామికవాడను కడప బైపాస్‌కు కలుపుతూ కొత్త హైవే ● రూ.304 కోట్ల నిధులు మంజూరు చేసిన కేంద్రం ● కడప నగరంలో తగ్గనున్న ట్రాఫిక్‌ రద్దీకడప సిటీ : కడప నగర శివార్లలోని కొప్పర్తి పారిశ్రామికవాడకు మంచిరోజులు వచ్చాయి. కొప్పర్తి పారిశ్రామికవాడ– కడప బైపాస్‌ను కలుపుతూ నాలుగు లేన్ల గ్రీన్‌ ఫీల్డ్‌ రహదారి నిర్మాణానికి కేంద్రం పచ్చజెండా ఊపింది. ఈ మేరకు రూ. 304 కోట్ల నిధులు మంజూరు చేసింది. గతి శక్తి’ కార్యక్రమంలో భాగంగా ఈ ప్రాజెక్టుకు కేంద్ర ప్రభుత్వం ఆమోదం తెలిపింది. ఇప్పటికే భూ సేకరణ పనుల్లో నేషనల్‌ హైవే అధికారులు నిమగ్నమయ్యారు. ఈ రోడ్డు నిర్మాణం పూర్తయితే పారిశ్రామిక అభివృద్ధితో పాటు కడప నగరంలో ట్రాఫిక్‌ రద్దీ తగ్గుతుంది. 5.8 కి.మీ. మేర హైవే ఈ ప్రాజెక్టులో భాగంగా 5.8 కిలోమీటర్ల పొడవున ఈ నిర్మాణానికి రూ.304.44 కోట్లు ఖర్చు చేయనున్నారు. రోడ్డు పొడవునా యాక్సెస్‌ కంట్రోల్‌ హైవేను నిర్మించనున్నారు. రెండు భారీ వంతెనలు, నాలుగు వెహిక్యులర్‌ అండర్‌ పాసులతో పాటు ప్రస్తుతమున్న కడప బైపాస్‌ను కూడా పటిష్టమైన సోల్డర్‌తో అభివృద్ధి పరచనున్నారు. ఈ పనుల వల్ల కొప్పర్తి పారిశ్రామిక ప్రాంతానికి రవాణా సౌకర్యాలు మెరుగు పడడంతోపాటు వాహన రాకపోకలు మరింత సులభతరం కానున్నాయి. విశాఖ–చైన్నెలకు అనుసంధానం విశాఖపట్టణం–చైన్నె పారిశ్రామిక కారిడార్‌లో అనుసంధానతను బలోపేతం చేయడంలో ఈ రహదారి కీలకపాత్ర వహించనుంది. అంతేకాకుండా కడప నగరంలో ట్రాఫిక్‌ రద్దీని గణనీయంగా తగ్గించేందుకు అవకాశం ఏర్పడుతుంది. ఈ రోడ్డు నిర్మాణం వల్ల ప్రాజెక్టు ప్రాంతీయ, ఆర్థికాభివృద్దికి దోహదపడుతుంది. కొప్పర్తి పారిశ్రామికవాడ శరవేగంగా అభివృద్ధి చెందేందుకు ఈ కొత్త రహదారి మైలురాయిగా నిలుస్తుందని పలువురు అభిప్రాయం వ్యక్తం చేస్తున్నారు.

సాక్షి, మదనపల్లె : జిల్లా కేంద్రం మదనపల్లె ప్రజలకు తాగునీటిని అందించే మకుటం లాంటి పథకం ఈ నీటిశుద్ధీకరణ ప్లాంట్‌. మున్సిపల్‌, ప్రజారోగ్య శాఖ అధికారుల నిర్లక్ష్యం కారణంగా దుండగుల పాలిట కామధేనువుగా మారింది. వైఎస్సార్‌ హయాంలో చిప్పిలిగుట్టపై కోట్లాది రూపాయల వ్యయంతో నిర్మించిన ప్రతిష్టాత్మక నీటి శుద్ధీకరణ ప్లాంట్‌ ప్రారంభోత్సవానికి నోచుకోకముందే పూర్తిగా విధ్వంసానికి గురైంది. 2009లోనే పనులు పూర్తి చేసుకుని సిద్ధంగా ఉన్నప్పటికీ, కనెక్టివిటీ పైప్‌లైన్‌ పనులు పెండింగ్‌లో పడటంతో ప్లాంట్‌ నిరుపయోగంగా మారింది. పర్యవేక్షణ లోపించడంతో అసాంఘిక శక్తులు ప్లాంటుపై పడి గోడలు పగలగొట్టడం, కిటికీలు, తలుపులు, ఇనుప షట్టర్లు, అత్యంత విలువైన శుద్ధీకరణ పరికరాలను దొంగిలించడం స్థానికంగా తీవ్ర కలకలం రేపుతోంది. ఇదీ అసలు లక్ష్యం.. చిప్పిలి వద్ద నిర్మించిన సమ్మర్‌ స్టోరేజ్‌ ట్యాంకులోకి హంద్రీనీవా ద్వారా కృష్ణా జలాలను నింపడం ఈ పథకం ప్రధాన ఉద్దేశం. అక్కడి నుంచి గుట్టపై ఉన్న నీటి శుద్ధీకరణ ప్లాంటు వరకు పైప్‌లైన్‌ ద్వారా నీటిని తరలించాలి. ప్లాంటులో శుద్ధి చేసిన స్వచ్ఛమైన తాగునీటిని మరో పైప్‌లైన్‌ ద్వారా మున్సిపాలిటీకి చెందిన తాగునీటి పథకాలకు అందించి, అక్కడి నుంచి పట్టణ ప్రజలకు సరఫరా చేయాలనేది అసలు ప్రణాళిక. అప్పట్లో సర్వం సిద్ధం.. ఈ బృహత్తర ప్రాజెక్టు కోసం చిప్పిలిగుట్టపై నీటి శుద్ధీకరణ యంత్రాలు, వాటి నిర్వహణ కోసం ప్రత్యేక భవనాలు, భారీ నీటి ట్యాంకులను అప్పట్లోనే నిర్మించారు. యంత్రాల అమరికతో పాటు భవనానికి అన్ని హంగులు తీర్చిదిద్ది, రక్షణ కోసం చుట్టూ పటిష్టమైన ప్రహరీ గోడను కూడా నిర్మించారు. ప్రారంభోత్సవానికి సర్వం సిద్ధమైన తరుణంలో అనుసంధాన పనులు నిలిచిపోవడంతో ప్రాజెక్టు నిలిచిపోయింది. కాపలా లేక.. కరవైన రక్షణ కోట్ల రూపాయలు వెచ్చించి నిర్మించిన ఈ ప్లాంట్‌ను కాపాడటంలో మున్సిపల్‌, ప్రజారోగ్య శాఖ అధికారులు పూర్తిగా విఫలమయ్యారు. కనీసం ఒక్క కాపలాదారుణ్ణి (వాచ్‌మన్‌) కూడా నియమించకపోవడంతో ఇది దుండగులకు అడ్డాగా మారింది. ప్లాంట్‌లోని ప్రధాన పైపులను పగలగొట్టి బయట పారేశారు. యంత్రాలపై ఉన్న పటిష్టమైన ఇనుప నిర్మాణాలను, భవనం నాలుగు వైపులా ఉన్న విలువైన అల్యూమినియం కిటికీలను, తలుపులను గోడలు బద్దలు కొట్టి మరీ ఎత్తుకెళ్లారు. గాలికి వదిలేసిన అధికారులు.. ప్రధాన ప్లాంట్‌ ముఖద్వారం వద్ద ఉన్న భారీ ఇనుప షట్టర్‌ను సైతం ముక్కలు చేసి తరలించుకుపోయారు. ప్లాంట్‌కు ఆనుకుని నిర్మించిన ఒక గదిని పూర్తిగా నేలమట్టం చేశారు. ప్రారంభానికి ముందే లక్షలాది రూపాయల ప్రజాధనం లూటీ అవుతున్నా మున్సిపల్‌, ప్రజారోగ్య శాఖ అధికారులు కనీసం అటువైపు కన్నెత్తి చూడకపోవడంపై ప్రజల్లో తీవ్ర ఆగ్రహం వ్యక్తమవుతోంది. ఇప్పటికై నా ఉన్నతాధికారులు స్పందించి ప్లాంట్‌ రక్షణకు చర్యలు చేపట్టాలని, విధ్వంసానికి కారకులైన వారిపై కఠిన చర్యలు తీసుకోవాలని మదనపల్లె ప్రజలు డిమాండ్‌ చేస్తున్నారు. చిప్పిలిగుట్టపై నీటి శుద్ధీకరణ ప్లాంట్‌ నిర్మాణం మదనపల్లెకు ఇక్కడినుంచి తాగునీటి సరఫరా అప్పట్లోనే ప్రారంభోత్సవానికి సిద్ధం ఇప్పుడు ప్లాంటులో ఇనుప పరికరాల చోరీ గోడలు పగలగొట్టి తలుపులు, కిటికీలు తస్కరణ

బోరు మోటార్లు, స్టార్టర్ల కేబుల్‌ వైర్ల చోరీ... మదనపల్లె టౌన్‌ : అన్నమయ్య జిల్లాలో దొంగలు రెచ్చిపోతున్నారు. అర్ధరాత్రి వేళ వ్యవసాయ బోర్లను లక్ష్యంగా చేసుకుని బోర్లకు అమర్చిన స్టార్టర్లు, మోటార్లకు ఉన్న కేబుల్‌ వైర్లను కత్తిరించుకుపోతున్నారు. జిల్లాలోని కలకడ, యెనుగొండపాళ్యం, సింగనొడ్డిపల్లె, ముడియంవారిపల్లె, పాపిరెడ్డిగారిపల్లె, కదిరాయ చెరువులతో పాటు మదనపల్లె మండలంలోని వెంకప్ప కోట, టిక్కోఇల్లు, చెరువు కిందపల్లె ప్రాంతాల్లో వ్యవసాయ మోటార్లకు సంబంధించిన స్టార్టర్లు, కేబుల్‌ వైర్లు అర్ధరాత్రి వేళల్లో చోరీకి గురయ్యాయి. గుర్తుతెలియని వ్యక్తులు మోటార్ల వద్ద ఏర్పాటు చేసిన స్టార్టర్లను తొలగించడంతో పాటు విద్యుత్‌ కేబుల్‌ వైర్లను కోసుకెళ్లినట్లు బాధితులు ఆదివారం తెలిపారు. వెంకప్పకోట, గొల్లపల్లికి చెందిన చంద్రశేఖర్‌ పొలంలోని మోటార్‌ వద్ద స్టార్టర్‌, కేబుల్‌ వైర్లు శనివారం రాత్రి చోరీకి గురైనట్లు బాధితులు తెలిపారు. వెంకప్ప కోట సర్పంచ్‌ సీనా, జి.శంకర, రాములు, జి.వెంకటరమణ, జి.లచ్చమన్నలకు చెందిన మోటార్ల కేబుల్‌ వైర్లను సైతం దొంగలు కోసుకెళ్లినట్లు బాధితులు పేర్కొన్నారు. వ్యవసాయ పొలాల్లో మోటార్లకు అమర్చిన విద్యుత్‌ పరికరాలు, వైర్లను లక్ష్యంగా చేసుకుని వరుసగా చోరీలు జరగడంతో రైతులు ఆందోళన వ్యక్తం చేస్తున్నారు. చోరీలపై పోలీసులకు ఫిర్యాదులు చేస్తున్నా ఎస్‌ఐలు కేసులు కట్డం లేదని బాధితులు ఆవేదన వ్యక్తం చేస్తున్నారు. ఈ ఘటనలపై జిల్లా ఉన్నతాధికారులు స్పందించి చోరీలకు పాల్పడుతున్న వారిని గుర్తించి చర్యలు తీసుకోవాలని రైతులు కోరుతున్నారు.

కడప కోటిరెడ్డిసర్కిల్‌ : అమృత్‌ భారత్‌ స్టేషన్ల నిర్మాణంలో భాగంగా కడప రైల్వేస్టేషన్‌లో జరుగుతున్న అభివృద్ధి పనులను 2027 మార్చిలోగా పూర్తి చేయాలని గుంతకల్లు డీఆర్‌ఎం చంద్రశేఖర్‌గుప్తా అధికారులను ఆదేశించారు. జిల్లా పర్యటనలో భాగంగా ఆదివారం కడప రైల్వేస్టేషన్‌కు వచ్చిన ఆయన పనులను పరిశీలించారు. నిర్మాణంలో ఉన్న వివిధ విభాగాల్లో కలియ తిరిగి ప్రస్తుతం జరిగిన పనుల వివరాలు తెలుసుకున్నారు. వెయిటింగ్‌ హాలు, బుకింగ్‌ ఆఫీసు, ఫుడ్‌కోర్టు, లిఫ్ట్‌, ఎస్కలేటర్‌, టాయిలెట్లు, ఫుట్‌ ఓవర్‌ బ్రిడ్జి, పార్శిల్‌ కార్యాలయం, పార్కింగ్‌ఏరియాను పరిశీలించి తగు సూచనలు చేశారు. అనంతరం రైల్వే అధికారులకు ప్రయాణీకులకు కల్పిస్తున్న సౌకర్యాలపై దిశా నిర్దేశం చేశారు. ఈ కార్యక్రమంలో సీనియర్‌ డీసీఎం సత్యనారాయణ, స్టేషన్‌ మేనేజర్‌ ఎల్వీ మోన్‌రెడ్డి, అధికారులు జనర్దాన్‌, దుర్గారావు, కోటేశ్వరరావు తదితరులు పాల్గొన్నారు. మల్లయ్యకొండకు ప్రత్యేక బస్సులుమదనపల్లె సిటీ : తంబళ్లపల్లె సమీపంలోని ప్రముఖ పుణ్యక్షేత్రమైన మల్లయ్యకొండకు ప్రత్యేక బస్సులు నడపనున్నట్లు ఆర్టీసీ–1 డిపో మేనేజర్‌ మూరే వెంకటరమణారెడ్డి తెలిపారు. సోమవారం మదనపల్లె డిపో నుంచి ఉదయం 6, 6.30 గంటలకు ప్రత్యేక బస్సులు మల్లయ్యకొండకు నడుస్తాయన్నారు. తంబళ్లపల్లె రాగిమాను సర్కిల్‌ నుంచి సాయంత్రం వరకు షటిల్‌ సర్వీసులు నడుస్తాయన్నారు. భక్తులకు ఆర్టీసీ బస్సుల్లో ప్రయాణించాలని కోరారు.

బి.కొత్తకోట (మదనపల్లె టౌన్‌) : బి.కొత్తకోట మండలం నాయనిబావిలో యువ రైతు దారుణ హత్య తీవ్ర విషాదాన్ని నింపింది. గ్రామానికి చెందిన గంగిరెడ్డి కుమారుడు యువరైతు గోపాల్‌ రెడ్డి(40) తన వ్యవసాయ బోరు వద్ద ఒంటరిగా ఉన్న సమయంలో గుర్తు తెలియని ముగ్గురు వ్యక్తులు ఒక్కసారిగా దాడి చేశారు. అనంతరం డ్రిప్‌ పైపులతో కాళ్లు, చేతులు కట్టేసి సమీపంలోని పొదల్లోకి లాక్కెళ్లి, ఇనుపరాడ్లు, బండరాళ్లతో తలపై మోది దారుణంగా హత్య చేసి పరారయ్యారు. పొలానికి వెళ్లిన గోపాల్‌రెడ్డిని ఆదివారం మధ్యాహ్నం తమ ప్రత్యర్థులు పట్టపగలే హత్య చేయడం తీవ్ర కలకలం రేపుతోంది. భర్త భోజనానికి ఇంటికి రాకపోవడంతో తన పిల్లలని బోరు వద్దకు భార్య ప్రతిభ పంపడంతో అప్పటికే రక్తపు మడుగులో తన తండ్రి విగతజీవిగా పడి ఉండటం చూసి కేకలు వేశారు. స్థానికులు వచ్చి అతడిని ఆస్పత్రికి తరలించేలోపే మృతి చెందారు. సమాచారం అందుకున్న సీఐ గోపాల్‌ రెడ్డి వెంటనే ఘటనా స్థలానికి చేరుకుని పంచనామా అనంతరం మృతదేహాన్ని మదనపల్లె జిల్లా ప్రభుత్వ ఆసుపత్రి మార్చురీకి తరలించారు. హత్యకు గురైన గోపాల్‌ రెడ్డి మొదటి భార్య తులశమ్మ చనిపోవడంతో అదే మండలం, తోకలపల్లికి చెందిన ప్రతిభను రెండో వివాహం చేసుకున్నాడు. మొదటి భార్యకు ఇద్దరు కుమారులు, రెండో భార్యకు కొడుకు, కూతురు ఉన్నారు. వ్యవసాయమే జీవనాధారంగా కుటుంబాన్ని పోషిస్తున్న గోపాల్‌రెడ్డి హత్యతో ఆ కుటుంబం పెద్దదిక్కును కోల్పోయింది. ఆసుపత్రి వద్ద భార్య, పిల్లల రోదనలు అందరినీ కలచివేశాయి. జాగిలంతో నిందితుల కోసం గాలింపు నాయనిబావిలో గోపాల్‌రెడ్డిని హత్య చేసిన నిందితులను పట్టుకునేందుకు, రాయచోటి నుంచి పోలీస్‌ జాగిలాన్ని రప్పించారు. హత్య జరిగిన ప్రదేశంలో క్షుణ్ణంగా పరిశీలించి, జాగిలం ఎటువైపు వెళ్లింది, ఎక్కడెక్కడ తిరిగింది అనే విషయాలను సీఐ గోపాల్‌ రెడ్డి వివరాలను సేకరించారు. ఘటనా స్థలాన్ని పరిశీలించిన డీఎస్పీ ఘటనా స్థలాన్ని మదనపల్లె డీఎస్పీ బుచ్చిరాజు స్థానిక సీఐ గోపాల్‌ రెడ్డితో కలిసి పరిశీలించారు. హత్యకు గల కారణాలపై స్థానికులతో పాటు కుటుంబీకులను వివిధ కోణాల్లో విచారించారు. హత్యకు గొడవలా లేక వివాహేతర సంబంధం వంటి కారణాలు ఏమైనా ఉన్నాయా అనే కోణంలో దర్యాప్తు చేస్తున్నట్లు డీఎస్పీ బుచ్చిరాజు తెలిపారు. నాయుని బావి గ్రామంలో ఘటన జాగిలంతో ఘటనా స్థలం పరిశీలన హత్య జరిగిన ప్రదేశాన్ని తనిఖీ చేసిన సీఐ, డీఎస్పీ

మదనపల్లె టౌన్‌ : బైక్‌ ఢీకొని ఓ మహిళ తీవ్రంగా గాయపడిన సంఘటన శనివారం రాత్రి మదనపల్లెలో జరిగింది. బాధితురాలి కథనం మేరకు.. పట్టణంలోని నీరుగట్టుపల్లె–కోళ్లబైలు రోడ్డులో నివాసం ఉంటున్న రాజేశ్వరి (40) తన భర్తకు మందులు కొనుగోలు చేసేందుకు మందుల షాపు వద్దకు వెళ్తుండగా, వేగంగా వచ్చిన బైక్‌ ఆమెను ఢీకొట్టి అక్కడి నుంచి వెళ్లిపోయాడు. ప్రమాదంలో రాజేశ్వరి తీవ్రంగా గాయపడటంతో కుటుంబ సభ్యులు ఆసుపత్రికి తరలించారు. ఆసుపత్రి అత్యవసర విభాగం డాక్టర్లు ప్రథమ చికిత్స అందించడంతో కోలుకుంటున్నారు. ఈ ఘటనపై పోలీసులు దర్యాప్తు చేస్తున్నారు.

చౌడేపల్లె : చౌడేపల్లె–పలమనేరు మార్గంలోని చిట్రెడ్డిపల్లె వద్ద శనివారం జరిగిన రోడ్డు ప్రమాదంలో మృతి చెందిన ఇండియన్‌ బ్యాంక్‌ ఉద్యోగి మహేష్‌ (26), సంతోష్‌ (23)కు ఆదివారం కుటుంబ సభ్యులు, స్నేహితులు, బంధువులు అంతిమ వీడ్కోలు పలికారు. అందరితో ఆప్యాయంగా ఉండే మహేష్‌ ఇకలేడని తెలిసిన బ్యాంకు ఖాతాదారులు, మహిళా సంఘాల సభ్యులు, యువత ఆవేదన వ్యక్తం చేశారు. పెద్ద ఎత్తున తరలివచ్చి శోక సంద్రం నడుమ ఘన నివాళులర్పించారు. గోసల కురప్పలకు చెందిన ఏఎన్‌ఎం గంగాభవాని కుమారుడు సంతోష్‌ మృతిపై దళిత సంఘాల నాయకులు నివాళులర్పించారు. అంతిమ సంస్కారాలకు అంబేడ్కర్‌ సేవా సమితి వ్యవస్థాపకులు మునస్వామి, మణి, పవన్‌, వెంకట్రామయ్య ఆధ్వర్యంలో ఆర్థిక చేయూతను అందజేశారు. వారి వెంట దళిత సంఘం నేతలు బ్యాంకు రెడ్డెప్ప, శేఖర్‌, చెంగళ్రాయప్ప తదితరులున్నారు.

జిల్లా నుంచి నేరుగా నెల్లూరు రైల్‌కనెక్టివిటీ అవసరం. ఇప్పటి వరకు నెల్లూరుకు వెళ్లాలంటే బస్సు ప్రయాణమే దిక్కు. కడప, నందలూరు, రాజంపేట, ఎర్రగుంట్ల, ముద్దనూరు వాసలు నెల్లూరుకు వెళ్లేందుకు రైలుమార్గం లేదు. కృష్ణపట్నం లైన్‌లో నెల్లూరు వెళ్లేందుకు ఇప్పటి దాకా ప్యాసింజర్‌రైలు నడపలేదు.రాజంపేట–నెల్లూరు రైల్వేలైన్‌ ఏర్పాటు ఆమోదయోగ్యమైనది. జిల్లావాసులు కోస్తా పోయేందుకు కనెక్టివిటీ బాగుంటుంది. అందువల్ల కొత్తరైల్వేలైన్‌ నిర్మితం చేయాలి. ఆ దిశగా ప్రయత్నిస్తాను. –పీవీ మిథున్‌రెడ్డి, రాజంపేట ఎంపీ

మదనపల్లె టౌన్‌ : మహిళపై దాడికి పాల్పడిన వ్యక్తిని ఆదివారం పోలీసులు అరెస్టు చేశారు. తాలూకా సీఐ కళా వెంకటరమణ వివరాల ప్రకారం.. మండలంలోని పోతబోలు గ్రామం, ఎరగ్రాని మిట్ట సమీపంలోని టిడ్కో ఇళ్లల్లో నివాసం ఉంటున్న సందీప్‌ కుమార్‌ అలియాస్‌ బుల్లెట్‌ సందీప్‌ (26) అదే ఇళ్లల్లో ఉంటున్న చెల్లా రెడ్డిలక్ష్మి (19)తో పాతకక్షల నేపథ్యంలో ఈ నెల 16న గొడవపడి, దాడి చేసి గాయపరిచాడు. బాధితురాలిని కుటుంబ సభ్యులు జిల్లా ఆసుపత్రికి తరలించి చికిత్స అనంతరం అదే రోజే తాలూకా పోలీసులకు ఫిర్యాదు చేయడంతో ఎస్సై విష్ణునారాయణ కేసు నమోదు చేసి ఆదివారం సందీప్‌ కుమార్‌ను అరెస్టు చేసి రిమాండ్‌కు తరలించినట్లు తెలిపారు. పీలేరు : ద్విచక్రవాహనం చోరీకి గురైన సంఘటన పీలేరు పట్టణం కడప మార్గంలో చోటు చేసుకుంది. కడప రోడ్డులో నివాసం ఉంటున్న లోకనాథరెడ్డి తన ఇంటి ఎదుట ద్విచక్రవాహనాన్ని శనివారం రాత్రి పార్కింగ్‌ చేశారు. ఆదివారం ఉదయం ద్విచక్రవాహనం చోరీకి గురైనట్లు గుర్తించి పోలీసులకు ఫిర్యాదు చేశారు. మదనపల్లె టౌన్‌ : బైక్‌ను కారు ఢీకొన్న ప్రమాదంలో ఓ రిటైర్డ్‌ టీచర్‌ తీవ్రంగా గాయపడిన ఘటన నిమ్మనపల్లె మార్గంలో ఆదివారం చోటుచేసుకుంది. మదనపల్లెలోని సుబ్బారెడ్డి లేఅవుట్‌కు చెందిన రిటైర్డ్‌ టీచర్‌ మనోహర్‌రెడ్డి (64) వ్యక్తిగత పనిపై ఆదివారం బైక్‌పై నిమ్మనపల్లికి వెళ్లారు. పనులు ముగించుకుని తిరిగి మదనపల్లెకు వస్తుండగా, మార్గమధ్యంలోని దిగువ మాసిరెడ్డిగారిపల్లె వద్ద కారు.. బైక్‌ను ఢీకొని అదుపుతప్పి బోల్తా పడింది. ఈ ప్రమాదంలో బైక్‌పై ఉన్న మనోహర్‌రెడ్డికి తీవ్ర గాయాలయ్యాయి. ప్రమాదాన్ని గమనించిన స్థానికులు వెంటనే క్షతగాత్రుడిని, చికిత్స నిమిత్తం మదనపల్లె జిల్లా ప్రభుత్వాసుపత్రికి తరలించారు. ప్రమాదంలో కారు, బైక్‌ దెబ్బతిన్నాయి. విషయం తెలుసుకున్న పోలీసులు ఘటనాస్థలానికి చేరుకుని ప్రమాదానికి కారణాలపై ఆరా తీశారు. ప్రమాదానికి సంబంధించిన వివరాలు, కారు డ్రైవర్‌ పరిస్థితి తదితర అంశాలపై పోలీసులు విచారణ చేపట్టారు. ఈ ఘటనపై పోలీసులు పూర్తి వివరాలు వెల్లడించాల్సి ఉంది.

ట్రాఫిక్‌ విషయమై సర్దిచెప్పేందుకు వచ్చిన వ్యక్తిపై కర్రతో దాడి చేస్తున్న యువకుడు (ఫైల్‌) తల్లిదండ్రుల పర్యవేక్షణ అవసరం ఇటీవల జరిగిన ఘటనలు పరిశీలిస్తే చిన్న చిన్న కారణాలకే యువకులు గొడవ పడతున్నారు. క్షణికావేశంలో వారు ఏం చేస్తున్నారో తెలియని పరిస్థితిలో ఉన్నారు. పిల్లలపై తల్లిదండ్రుల పర్యవేక్షణ చాలా అవసరం. ఈ వయసులో వారిని సరైన దారిలో పెట్టకుంటే రానున్న రోజుల్లో ఎవరి మాట వినరు. రాత్రి పొద్దుపోయి ఇంటికి వస్తున్న పిల్లలపై తల్లిదండ్రులు నిఘా పెట్టాలి. ఆ సమయంలో వారు ఎక్కడ తిరుగుతున్నారో అడగాలి. గొడవలు పడి కేసుల్లో ఎరుక్కున్న వారికి భవిష్యత్తులో ఉద్యోగాలు రావు. – వంశీనాథ్‌, టూ టౌన్‌ సీఐ, ప్రొద్దుటూరు కష్టపడ్డా ఆశించినంత డబ్బు రాలేదని.. దొంగగా మారాడు వైఎస్సార్‌ కడప జిల్లా ప్రొద్దుటూరు మండలంలోని పెన్నానగర్‌కు చెందిన ఓ యువకుడు ఇంటర్‌ వరకు చదువుకున్నాడు. కుటుంబ పోషణ కోసం డెలివరీ బాయ్‌గా ఉద్యోగంలో చేరాడు. డెలివరీ బాయ్‌గా ఎన్ని రోజులు పని చేసినా వచ్చే డబ్బుతో అతనికి సంతృప్తి కలగలేదు. ఈ క్రమంలోనే అతను చెడు వ్యసనాలకు లోనయ్యాడు. సులభంగా డబ్బు సంపాదించాలనే ఉద్దేశంతో ప్రొద్దుటూరుతోపాటు పలు ప్రాంతాల్లోని నిర్మానుష్య, జనసంచారం లేని ప్రాంతాల్లో పార్క్‌ చేసిన బైక్‌లను చోరీలు చేయసాగాడు. ఆరు నెలల్లోనే అతను 10 చోట్ల బైక్‌లను దొంగలించాడు. ఈ క్రమంలోనే ప్రొద్దుటూరులో చోరీ చేస్తుండగా ఇటీవల పోలీసులు అతన్ని అరెస్ట్‌ చేసి ఏడు బైక్‌లను స్వాధీనం చేసుకున్నారు. ● జల్సాలకు అలవాటు పడ్డ ఇద్దరు అమృతానగర్‌కు చెందిన యువకులు కొన్ని రోజుల క్రితం పట్టణ శివారులోని ఇందిరానగర్‌లో ఉన్న ఆలయంలో చోరీ చేశారు. ఆలయంలోని డబ్బుతోపాటు విగ్రహాన్ని దొంగలించిన వీరిని రూరల్‌ పోలీసులు అరెస్ట్‌ చేశారు. ● ప్రొద్దుటూరు ఎకై ్సజ్‌ పోలీసులు ఇటీవల వేర్వేరు ఘటనల్లో గంజాయి విక్రయిస్తున్న పలువురిని అరెస్ట్‌ చేశారు. వీరిలో ఎక్కువ మంది విద్యార్థులు, యువకులు గంజాయి విక్రేత లుగా ఉండటం ఆందోళన కలిగించే విషయం. ప్రొద్దుటూరు క్రైం : చదువుకోవాల్సిన వయసు.. భవిష్యత్తుకు బాటలు వేసుకోవాల్సిన సమయం.. జీవితంలో స్థిరపడేందుకు లక్ష్యాలను ఏర్పరుచుకోవాల్సిన దశ.. కానీ కొందరు యువత ఆ దిశగా కాకుండా జల్సాలు, వ్యవసనాలు, సులభంగా డబ్బు సంపాదించాలనే ఆలోచనలతో అడ్డదారులు తొక్కుతున్నారు. గంజాయి, క్రికెట్‌ బెట్టింగ్‌, మద్యం, ఆన్‌లైన్‌ వ్యవహారాలు, బెదిరింపులు, చోరీలకు పాల్పడుతూ.. చివరికి నకిలీ పోలీసుల అవతారం ఎత్తే స్థాయికి కొందరు దిగజారారు. ఇటీవల పోలీసులకు పట్టుబడుతున్న పలు కేసులను పరిశీలిస్తే విద్యార్థులు, యువకుల ప్రమేయం కనిపించడం ఆందోళన కలిగిస్తోంది. పోలీసులమంటూ ప్రేమిలకులకు బెదిరింపులు జల్సాలకు డబ్బులు అవసరం కావడంతో కొందరు యువకులు ఏకంగా నకిలీ పోలీసుల అవతారం ఎత్తుతున్న ఘటనలు వెలుగులోకి వస్తున్నాయి. ప్రేమికులను లక్ష్యంగా చేసుకొని తాము పోలీసులమని చెప్పడం.. వారిని బెదిరించడం.. వారి నుంచి నగదు, ఖరీదైన మొబైల్‌ ఫోన్లు తీసుకోవడం వంటి వ్యవహారాలకు పాల్పడుతున్నట్లు కేసులు నమోదు అవుతున్నాయి. ఇటీవల పలువురిని బెదిరించి డబ్బులు వసూలు చేస్తున్న ఇద్దరు నకిలీ పోలీసులను ప్రొద్దుటూరు రూరల్‌ పోలీసులు అరెస్ట్‌ చేశారు. సాధారణంగా పోలీసులంటే ప్రజలకు రక్షణ కల్పించే వ్యవస్థగా భావిస్తారు. అలాంటి పోలీసుల పేరునే అడ్డుపెట్టుకొని బెదిరింపులకు పాల్పడటం యువతలో కొందరు ఎంతటి అడ్డదారులు తొక్కుతున్నారో తెలియజేస్తోంది. చదువు అటకెక్కించి.. జల్సాలకు అలవాటు గంజాయి, మద్యం మత్తులో నేరాల బాట కేసుల్లో ఇరుక్కుంటున్న వైనం యువత దారి తప్పడానికి మరో ప్రధాన కారణం మద్యం. మైనర్లకు మద్యం విక్రయించకూడదనే నిబంధనలు ఉన్నప్పటికీ కొందరు వ్యాపారులు వాటిని పట్టించుకోవడం లేదు. 15–16 ఏళ్ల పిల్లలు మద్యం కోసం దుకాణాలకు వెళ్తే వ్యాపారులు వయసును పరిగణనలోకి తీసుకోకుండా వాళ్లకు మద్యం విక్రయిస్తున్నారు. మైనర్లకు మద్యం విక్రయించకుండా మద్యం షాపుల్లోనే నియంత్రిస్తే.. కొంత వరకు మద్యం అలవాటు నుంచి మైనర్లను దూరం చేయవచ్చని ప్రజలు అభిప్రాయపడుతున్నారు. క్రికెట్‌ బెట్టింగ్‌, ఆన్‌లైన్‌ మట్కా కూడా యువతను మరో ఉచ్చులోకి లాగుతోంది. ఒకప్పుడు కొందరు వ్యక్తులు, డబ్బున్న వర్గాలకు పరిమితమైన బెట్టింగ్‌ వ్యవహారాలు ఇప్పుడు కొత్త తరానికి చేరుతున్నాయి. డిగ్రీ, ఇంజినీరింగ్‌ చదువుతున్న విద్యార్థులతో పాటు సాఫ్ట్‌వేర్‌ తదితర ఉద్యోగాలు చేస్తున్న కొందరు కూడా బెట్టింగ్‌ కార్యకలాపాల్లోకి అడుగుపెడుతున్నారు. చెడు సావాసాల బారిన పడి ఇంట్లో తల్లిదండ్రులకు తెలియకుండా బీరువాల్లోని డబ్బును ఊడ్చేస్తున్నారు. తమ పిల్లలు బెట్టింగ్‌లో చిక్కుకున్న విషయం బయటికి తెలిస్తే పరువు పోతుందనే ఉద్దేశంతో తల్లిదండ్రులు గుట్టుచప్పుడు కాకుండా బాకీలు తీర్చిన ఘటనలు ప్రొద్దుటూరులో ఉన్నట్లు తెలుస్తోంది. ఇలా కుటుంబాలకు తెలియకుండా సాగుతున్న బెట్టింగ్‌ వ్యవహారాలు యువతను ఆర్థికంగా, మానసికంగా ఇబ్బందుల్లోకి నెడుతున్నాయి.

● 90 లక్షల విలువైన బంగారం, వెండి ఆభరణాలు స్వాధీనం ● అయిదుగురు దొంగలు అరెస్టు పులిచెర్ల(కల్లూరు) : కల్లూరు పోలీస్‌స్టేషన్‌ పరిధి పుంగనూరు రోడ్డులోని శ్రీ కృష్ణ నగల దుకాణంలో జూలై 17న రాత్రి గుర్తుతెలియని వ్యక్తులు షాపు తాళాలు పగులగొట్టి సుమారు 314 గ్రాముల బంగారం, 20 కిలోల వెండి ఆభరణాలు అపహరించారు. దీనిపై కేసు నమోదు చేసిన కల్లూరు పోలీసులు, క్లూస్‌ టీం దర్యాప్తు చేపట్టారు. దీనిపై జిల్లా ఎస్పీ తుషార్‌ డూడీ ఆదేశాలతో డీఎస్పీ వెంకటనారాయణ పర్యవేక్షణలో కల్లూరు సీఐ జయరామయ్య, ఎస్సై వెంకటేశ్వర్లు ,ఏఎస్‌ఐ దేవరాజులు రెడ్డి, సిబ్బందితో ప్రత్యేక బ్శందాలను ఏర్పాటు చేశారు. శనివారం పాలసముద్రం మండలం, దీనబంధాపురం వద్ద ఐదుగురు నిందితులను అరెస్టు చేసి చైన్నె, వేలూరులో విక్రయించిన నగలను, మూడు ద్విచక్రవాహనాలను స్వాధీనం చేసుకున్నారు. సుమారు 90 లక్షలు విలువ చేసే 404 గ్రాముల బంగారం, 17 కిలోల వెండి, మూడు ద్విచక్రవాహనాలు స్వాధీనం చేసుకుని అంతర్‌రాష్ట్ర నిందితులు దినేష్‌ (25) పాలసముద్రం, బాలయ్య (34) తిరువళ్ళూరు తమిళనాడు, జగన్‌, తిరువళ్ళూరు, తమిళనాడు, వసంత కుమార్‌ (16) తిరువళ్లూరు, తమిళనాడు, నీలాంబరన్‌ పాలసముద్రంను అరెస్టు చేశారు. దినేష్‌పై 18 దొంగతనం కేసులు ఉన్నాయన్నారు. కల్లూరు పోలీసులను, ప్రత్యేక బృందాలను ఎస్పీ అభినందించారు.

పెద్దమండ్యం: ప్రకృతి వ్యవసాయం ద్వారా రైతుకు ఆదాయం చేకూరేలా చర్యలు చేపట్టాలని జిల్లా ప్రకృతి వ్యవసాయ అధికారి బి. వెంకటమోహన్‌ అన్నారు. మండలంలోని ముసలికుంట రైతు సేవా కేంద్రం పరిధిలో ఆర్‌డీఎస్‌ (రబీ డ్రై సోయింగ్‌) పై రైతులకు అవగాహన కార్యక్రమం నిర్వహించారు. పీఎండీఎస్‌ పద్ధతిలో ఉలవ, అలసంద, అనప, ఆముదం, సజ్జ విత్తనాలను బంతులుగా తయారు చేసి సాగుచేసే విధానాన్ని వివరించారు. ఈ పద్దతి ద్వారా ఐదు ఎకరాల్లో విత్తనాలను విత్తించారు. రైతులు ఈ విధమైన పద్దతిని పాటింటి వేసుకున్నట్లయితే పశువుల మేత భూసారం నష్టపోకుండా రైతుకు ఆదాయం చేకురుతుందని అన్నారు. ఈ కార్యక్రమంలో ఎంపీఈవో మహేష్‌కుమార్‌నాయక్‌, ఎఫ్‌ఎంటిఎస్‌లు వి రవీంద్ర, ఎం శివయ్య, జి రామయ్య పాల్గొన్నారు.

సాక్షి, మదనపల్లె: జిల్లాలో స్థానిక సంస్థల ఎన్నికల నిర్వహణ ప్రక్రియలో భాగంగా శనివారం మండల పరిషత్‌ అభివృద్ధి అధికారులు పైనల్‌ చేసిన పోలింగ్‌ కేంద్రాల వివరాలను ఆయా మండలాల అభివృద్ధి అధికారులు ప్రకటించారు. 25 మండలాల పరిధిలో 320 ఎంపీటీసీ స్థానాలు, 25 జిల్లా పరిషత్‌ స్థానాలు ఉండగా వాటి పరిధిలోని పోలింగ్‌ కేంద్రాల వివరాలను ప్రకటించారు. ఎంపీటీసీ స్థానం పరిధిలో ఏ ఓటు నుంచి ప్రారంభమై, ఏ ఓటు వరకు ఏ పోలింగ్‌ కేంద్రం పరిధిలో ఉంటుందో వివరించారు. మంగళవారం తొలి జాబితా ప్రకటించి అధికారులు, దీనిపై రాజకీయ పార్టీల ప్రతినిధులతో సమావేశం నిర్వహించారు. ప్రస్తుతం ఫైనల్‌ ప్రకటన వెల్లడించారు. జిల్లాలో మొత్తం 4,304 పోలింగ్‌ కేంద్రాలను ఏర్పాటు చేయగా వీటి పరిధిలో పురుష ఓటర్లు 4,46,693 మంది, మహిళ ఓటర్లు 4,62,830 మంది ఉన్నారు.

కడప అర్బన్‌ : కడప నగర శివార్లలోని కడప కేంద్ర కారాగారం, ప్రత్యేక మహిళా కారాగారంలను జిల్లా ప్రధాన న్యాయమూర్తి, న్యాయ సేవాధికార సంస్థ చైర్మన్‌ జి.రామ గోపాల్‌, సీనియర్‌ సివిల్‌ జడ్జి, జిల్లా న్యాయ సేవాధికార సంస్థ సెక్రటరీ ఎస్‌.బాబా ఫకృద్దీన్‌ తమ సిబ్బందితో ప్రిజన్‌ లీగల్‌ ఎయిడ్‌ క్లినిక్‌లను సందర్శించారు. ఈ సందర్భంగా వారు ఖైదీలతో మాట్లాడి కేసుల వివరాలు, ఆరోగ్య విషయాలను అడిగి తెలుసుకున్నారు. ఉచిత న్యాయ సహాయాన్ని సద్వినియోగం చేసుకోవాలన్నారు. ఖైదీలకు అవసరమైన వారికి వీల్‌ చైర్స్‌, వాకర్స్‌, వినికిడి యంత్రాలను పంపిణీ చేశారు. అనంతరం జైలు పరిసరాలను పరిశీలించి తగు సూచనలు, సలహాలు ఇచ్చారు. లీగల్‌ ఎయిడ్‌ క్లినిక్‌ ప్రాధాన్యత తెలియజేశారు. ఈ కార్యక్రమంలో బద్వేల్‌ అదనపు జూనియర్‌ సివిల్‌ జడ్జి పి.ముఖేష్‌ కుమార్‌, రాయచోటి అదనపు జూనియర్‌ సివిల్‌ జడ్జి నూతనగంటి తేజస్విని, పురుషుల, ప్రత్యేక మహిళ కారాగారాల సూపరింటెండెంట్‌లు వెంకటేశ్వరరావు, కృష్ణవేణితోపాటు, లీగల్‌ ఎయిడ్‌ డిఫెన్స్‌ కౌన్సిల్స్‌, పానల్‌ న్యాయవాదులు, పారా లీగల్‌ వాలంటరీలు, ఖైదీలు పాల్గొన్నారు. శభాష్‌.. పోలీస్‌ఎర్రగుంట్ల : ప్రేమించిన అమ్మాయి చనిపోయిందని మనస్తాపం చెందిన ఓ యువకుడు ఆత్మహత్యకు ప్రయత్నిస్తున్న క్రమంలో పోలీసులు అడ్డుకుని కాపాడారు. వివరాలు ఇలా ఉన్నాయి. ప్రొద్దుటూరు ప్రాంతానికి చెందిన వీరశేఖర్‌ కుమారుడు అమరావతి నాగవీరచైతన్య(27) అనే యువకుడు ప్రైవేట్‌ జాబ్‌ చేస్తున్నాడు. ఇటీవల తాను ప్రేమించిన అమ్మాయి బైక్‌ ప్రమాదంలో చనిపోయింది. ఇది జరిగి సుమారు మూడు నెలలు దాటింది. అప్పటి నుంచి ప్రతి రోజు మద్యం తాగి ప్రేమించిన అమ్మాయి లేనప్పుడు తన జీవితం వ్యర్థమని భావించాడు. శనివారం మధ్యాహ్నం 3.30 గంటలకు ఎర్రగుంట్ల రైల్వేస్టేషన్‌ వచ్చి ప్రొద్దుటూరు రైల్వేస్టేషన్‌ వైపున ఉన్న రైలు పట్టాలపై పడుకుని తన స్నేహితులకు వీడియా కాల్‌ చేసి తాను చనిపోతున్నట్లు తెలిపారు. వెంటనే ఈ సమాచారాన్ని అతని స్నేహితులు ఎర్రగుంట్ల రైల్వే పోలీసులకు తెలియజేశారు. వీడియా కాల్‌లో రైలు పట్టాలపై ఉన్న పోల్‌ నంబర్‌ ఆధారం చేసుకుని ఎర్రగుంట్ల రైల్వే కానిస్టేబుల్‌ సర్వేశ్వరరెడ్డి వెళ్లి.. నాగవీర చైతన్యకు మంచి మాటలు చెప్పి స్టేషన్‌కు తీసుకు వచ్చారు. తర్వాత కౌన్సెలింగ్‌ ఇచ్చి నాగవీరచైతన్యను తన స్నేహితులైన తరుణ్‌కుమార్‌రావు, రంగమోహన్‌కు అప్పగించి ఇంటికి పంపించారు.

రాయచోటి: ప్రజలకు రిజిస్ట్రేషన్‌ సేవలు పారదర్శకంగా, నిబంధనలకు అనుగుణంగా సకాలంలో అందేలా అధికారులు, సిబ్బంది బాధ్యతాయుతంగా విధులు నిర్వహించాలని జిల్లా కలెక్టర్‌ నిశాంత్‌ కుమార్‌ సూచించారు. రాయచోటి సబ్‌ రిజిస్ట్రార్‌ కార్యాలయాన్ని జిల్లా కలెక్టర్‌ శనివారం ఆకస్మికంగా తనిఖీ చేశారు. కార్యాలయంలో విధులు నిర్వహిస్తున్న సిబ్బంది వివరాలు, రిజిస్ట్రేషన్‌ కోసం వచ్చిన ప్రజల సంఖ్య, ఆరోజు పూర్తయిన రిజిస్ట్రేషన్లు, స్లాట్‌ బుకింగ్‌ వివరాలను సబ్‌ రిజిస్ట్రార్‌ను అడిగి తెలుసుకున్నారు. రిజిస్ట్రేషన్‌ ప్రక్రియలో ప్రజలకు ఎలాంటి ఇబ్బందులు తలెత్తకుండా అవసరమైన సహాయ సహకారాలు అందించాలని సూచించారు. శ్లాబ్‌ బుక్‌ చేసుకొని కార్యాలయం వద్ద వేచి ఉన్న ప్రజలను జిల్లా కలెక్టర్‌ స్వయంగా కలిసి, వారి శ్లాబ్‌ సమయాలు, రిజిస్ట్రేషన్‌ ప్రక్రియ, కార్యాలయంలో అందుతున్న సేవలపై వివరాలు అడిగి తెలుసుకున్నారు. కార్యాలయంలో వివిధ రికార్డులను పరిశీలించారు. కార్యాలయ నిర్వహణ, రికార్డుల భద్రత, ప్రజలకు అందించే సేవల విషయంలో నిరంతరం పర్యవేక్షణ కొనసాగించాలని సంబంధిత అధికారులను ఆదేశించారు. కార్యక్రమంలో సబ్‌రిజిస్ట్రార్‌, రిజిస్ట్రేషన్‌ సిబ్బంది తదితరులు పాల్గొన్నారు. చెత్త నిర్వహణపై ఆరా రామాపురం: మండలంలోని కుమ్మరపల్లె గ్రామపంచాయతీ పరిధిలో జిల్లా కలెక్టర్‌ నిశాంత్‌కుమార్‌ శనివారం పర్యటించారు.స్వర్ణాంధ్ర–స్వచ్ఛాంధ్ర కార్యక్రమంలో భాగంగా చెత్త నుంచి సంపద తయారీ కేంద్రాన్ని ఆయన పరిశీలించారు.గ్రామంలో చెత్త సేకరణ,తరలింపు తడి–పొడి వ్యర్థాల వేరు చేయడం వర్మీ కంపోస్ట్‌ ప్రక్రియపై అధికారులను అడిగి వివరాలను తెలుసుకున్నారు. గ్రామంలో ఎక్కడా చెత్త పేరుకుపోకుండా చూడాలన్నారు. అనంతరం కుమ్మరపల్లె ప్రభుత్వ ఉన్నత పాఠశాలను కలెక్టర్‌ సందర్శించారు.పదో తరగతి విద్యార్థులతో మాట్లాడి ఆంగ్లం,గణితం పలు అంశాల్లో వారి అవగాహనను పరీక్షించారు. పాఠశాలలోని డిజిటల్‌ బోర్డు వినియోగాన్ని పరిశీలించిన కలెక్టర్‌ సాంకేతిక పరిజ్ఞానాన్ని సమర్ధవంతంగా ఉపయోగించి విద్యార్థుల అభ్యసన సామార్థ్యాలను పెంచాలని ఉపాధ్యాయులకు సూచించారు. అనంతరం స్వర్ణాంధ్ర–స్వఛ్చ ఆంధ్ర కార్యక్రమంలో భాగంగా విద్యార్థులతో కలసి మానవహారంగా ఏర్పడి స్వఛ్చత ప్రతిజ్ఞ చేశారు.ఈ కార్యక్రమంలో ఎంపీడీఓ జాషువా,తాసీల్దార్‌ వెంకటేశ్వర్లు,మండల స్థాయి అధికారులు,ఉపాద్యాయులు, విద్యార్థులు పాల్గొన్నారు. జిల్లా కలెక్టర్‌ నిశాంత్‌ కుమార్‌

● రెండు బైక్‌లు ఢీకొని ఇద్దరు దుర్మరణం ● మరో ఇద్దరికి తీవ్ర గాయాలు ● మిన్నంటిన బాధితుల ఆర్తనాదాలుచౌడేపల్లె : చౌడేపల్లె– పలమనేరు మార్గంలోని చిట్రెడ్డిపల్లె వద్ద శనివారం జరిగిన రోడ్డు ప్రమాదంలో ఇద్దరు యువకులు దుర్మరణం చెందగా, మరో ఇద్దరికి తీవ్ర గాయాలయ్యాయి. స్థానికుల కథనం మేరకు వివరాలిలా ఉన్నాయి. చౌడేపల్లె ఇండియన్‌ బ్యాంకులో మేనేజర్‌గా విధులు నిర్వహిస్తున్న నరేంద్ర, బ్యాంకులో అటెండర్‌గా పని చేస్తున్న కుమ్మరవీధికి చెందిన మహేష్‌(26)లు కలిసి విధుల నిమిత్తం బైక్‌లో పలమనేరు మార్గం వైపు నుంచి చౌడేపల్లెకు వస్తున్నారు. చౌడేపల్లె మండలం గోసలకురప్పల్లెకు చెందిన శంకర్‌, గంగాభవాని కుమారుడు సంతోష్‌(23), అదే గ్రామానికి చెందిన స్నేహితుడు చంద్రశేఖర్‌తో కలిసి బైక్‌పై పలమనేరు మార్గంలోని చిట్రెడ్డిపల్లె వద్ద వెళ్తున్నారు. ఎదురెదురుగా వస్తున్న వీరి బైక్‌లు ఽఢీకొన్నాయి. ఈ ప్రమాదంలో మహేహేష్‌, సంతోష్‌ అక్కడికక్కడే మృతి చెందారు. నరేంద్ర, చంద్రశేఖర్‌కు తలకు తీవ్ర గాయాలు కావడంతో అపస్మారక స్థితికి చేరుకోవడంతో స్థానికులు 108 సహాయంతో మదనపల్లెకు తరలించారు. నరేంద్రను మెరుగైన వైద్య సేవల నిమిత్తం బెంగళూరుకు తరలించారు. ఘటనా స్థలిని పరిశీలించిన పోలీసులు ఘటనా స్థలానికి సీఐ సాయిప్రసాద్‌ వెంటనే వచ్చి పరిశీలించారు. స్థానికులతో మాట్లాడారు. బ్యాంకు అసిస్టెంట్‌ మేనేజరు దేవరాజులుతో సంప్రదించారు. మృతదేహాలను పుంగనూరు ప్రభుత్వాసుపత్రికి తరలించి పోలీసులు కేసు నమోదు చేసి దర్యాప్తు చేస్తున్నారు. ఆరు నెలల కిందటే వివాహం దేవుడా నా బిడ్డను తీసుకెళ్ళిపోతివా.. ఇంక మేము ఎలా బతికేది అంటూ.. నీ భార్యకు మేము ఏమని చెప్పేదంటూ మహేష్‌ తల్లిదండ్రులు వెంకటరమణ, కుటుంబ సభ్యులు గుండెలవిసేలా రోదించారు. చౌడేపల్లె ఇండియన్‌ బ్యాంకులో అటెండర్‌గా మహేష్‌ (26) పని చేస్తూ మండల ప్రజలకు సుపరిచితుడు. అందరితో అప్యాయతగా పలకరించే వ్యక్తి బైక్‌ ప్రమాదంలో దుర్మరణం చెందాడని తెలిసిన ప్రజలు అధిక సంఖ్యలో ఘటనా స్థలానికి చేరుకున్నారు. మహేష్‌కు ఆరు నెలల కిందటే వివాహం అయింది. ఒక్కగానొక్క కుమారుడు నాబిడ్డకు ఏమైంది.. నాకు ఫోన్‌ చేశారు.. సంతోష్‌కు ప్రమాదం జరిగిందంటూ.. ఇప్పుడు ఎక్కడ ఉన్నాడు.. నాకు చూపివ్వండి.. నేను చూడాలి.. దేవుడా అంటూ సంతోష్‌ తల్లి గంగాభవానీ ఆర్తనాదాలు కలచివేశాయి. ఆమె పెద్దపంజాణి మండలం రాయలపేట సచివాలయంలో ఏఎన్‌ఎంగా పని చేస్తోంది. ఆమెను ఓదార్చడం ఎవరి వల్ల కాలేదు. ఒక్కగానొక్క కుమారుడు కనుమరుగయ్యాడని చెబుతూ కుంగిపోయింది.

రొంపిచెర్ల : అడవి పందులను వేటాడిన ఘటనలో ముగ్గురిని అరెస్టు చేయగా, మరో ఇద్దరు పరారీలో ఉన్నట్లు ఈస్ట్‌ ఎఫ్‌ఆర్వో థామస్‌, ఎఫ్‌ఎస్‌వో చంద్రశేఖర్‌ తెలిపారు. శనివారం నిందితులను అరెస్టు చేసి వీరికి స్టేషన్‌ బెయిల్‌ మంజూరు చేసినట్లు చిత్తూరులో వారు మీడియాకు తెలిపారు. శుక్రవారం వచ్చిన సమాచారం మేరకు రొంపిచెర్లలో తనిఖీ చేశామన్నారు. క్షేత్రస్థాయిలో పరిశీలించగా ముగ్గురిని అరెస్టు చేశామని, మరో ఇద్దరు తప్పించుకున్నరన్నారు. అరెస్టయిన వారిలో పులిచెర్ల మండలం పెద్దమల్లెల పంచాయతీ గురికివారిపల్లికి చెందిన వెంకటరామయ్య కుమారుడు దొరస్వామి, రొంపిచెర్ల ఎలపడ్డ దళితవాడకు చెందిన సిద్దయ్య కుమారుడు బాబు, రొంపిచెర్ల చెన్నమరెడ్డిగారిపల్లికి చెందిన సిద్దయ్య కుమారుడు వెంకటరమణారెడ్డి ఉన్నారన్నారు. వీరి నుంచి రెండు అడవి పందులు, మరో రెండు అడవి పందుల మాంసం, నాలుగు కత్తులు, విద్యుత్‌ వైర్లు, బైయిండింగ్‌ వైర్లు, చెక్క మొద్దు, ఒక బైక్‌, 3 సెల్‌ఫోన్లు స్వాధీనం చేసుకున్నామన్నారు. వీరిపై కేసు నమోదు చేసి విచారణ చేయగా, అటవీ ప్రాంతంలో విద్యుత్‌ కంచెలు ఏర్పాటు చేసి, అడవి పందులను వేటాడి, వాటి మాంసం విక్రయిస్తున్నట్లు తెలిసిందన్నారు. పరారీలోని రొంపిచెర్ల దళిత కాలనీ ఎలపాడకు చెందిన వాసు, పెద్దమల్లెలకు చెందిన రాజు కోసం తమ సిబ్బందితో గాలింపు చర్యలు చేపట్టామన్నారు. కార్యక్రమంలో ఎఫ్‌బీఓ గౌస్‌బాషా, ప్రభాకర్‌రెడ్డి, ఎబీఓ భాస్కర్‌, బీటు అధికారులు బాలాజీ, విజయభాస్కర్‌ తదితరులు పాల్గొన్నారు.

● జిల్లాలో 39,139 వేల దరఖాస్తులు ● 35 వేలకు పైగా పెండింగ్‌ ● అర్హులకు న్యాయం జరిగేనా! ● దరఖాస్తుదారుల్లో ఆందోళన మదనపల్లె (కురబలకోట): చంద్రబాబు చెప్పేది ఒకటి..చేసేది మరొకటి అని తెలిసిందే. ఆయన చెప్పింది చేయడం చాలా తక్కువ. ఫించన్ల వ్యవహారంలో కూడా మంజూరు అయ్యే వరకు ఎవ్వరికి మంజూరవుతుందో..ఎవ్వరికి కాదో చెప్పడం కష్టతరమని చెబుతున్నారు. పింఛన్‌ ధరఖాస్తుల నమోదు శుక్రవారంతో ముగియడంతో వారంలో వెరిఫికేషన్‌ పూర్తి చేయనున్నారు. వేలాది మంది కొత్త పింఛన్‌ వస్తుందన్న ఆశతో వ్యయప్రయాసలకు ఓర్చి దరఖాస్తు చేశారు. అన్నమయ్య జిల్లాలో 39,139 మంది దరఖాస్తులు నమోదైనట్లు అధికారిక నివేదికలు వెల్లడిస్తున్నాయి. కూటమి ప్రభుత్వం వచ్చిన రెండేళ్లుగా ఒక్క కొత్త ఫించన్‌ ఇచ్చిన పాపానపోలేదు. హడావుడిగా దరఖాస్తుల కార్యక్రమం జరిగింది. శుక్రవారం సాయంత్రం వరకు పింఛన్ల దరఖాస్తులు నమోదు చేశారు. వీటిలో ఇప్పటి వరకు 3447 మాత్రమే ఆమోదం లభించగా 35,462 దరఖాస్తులు పరిశీలనలో దశలోనే ఉన్నాయి. మరో 230 తిరస్కరణకు గురయ్యాయి. జిల్లా వ్యాప్తంగా దరఖాస్తుల ఆమోదం 8.81 శాతంగా నమోదైంది. దీన్ని బట్టి వేలల్లో దరఖాస్తులు.. వందల్లో ఆమోదాలు సాగుతున్నాయన్న విమర్శలు విన్పిస్తున్నాయి. నిబంధన పేరుతో ఎవరికి ఎసరో.. ఏ నిబంధన పేరుతో ఎవరికి ఫించన్‌ మంజూరు చేస్తారో..ఎవరిని పక్కన పెడతారో అని దరఖాస్తుదారుల్లో ఆందోళన నెలకొంది. గతంలో ఎన్నడూ లేనివిధంగా అనేక నిబంధనలు విధించింది. ముఖ్యంగా ఇంటిపన్ను రశీదు, కరెంటు బిల్లు, ఓటరు ఐడీ కార్డు జిరాక్స్‌లను జత చేయాలని పేర్కొంది. తర్వాత పత్రాలు లేకపోయినా ఐడీ నంబర్లు ఉన్నా సరిపోతుందని సవరించడంతో కొంత ఊరట లభించింది. పింఛన్లకు సంబంధించి వివిధ పత్రాల కోసం ఆధార్‌, మీసేవ, జీరాక్స్‌ సెంటర్లు కిటకిటలాడాయి. 50 ఏళ్ల వయోపరిమితి ఉండాలని చెప్పడంతో ఒంటరి మహిళల పరిస్థితి గందరగోళంగా మారింది. హౌస్‌ మ్యాపింగ్‌ తొలగించకపోవడంతో అర్హులు ఉన్నా దరఖాస్తు చేసుకోలేకపోయారు. వృద్ధులు, వితంతువులు, దివ్యాంగులు, చేనేత కార్మికులు తదితర అర్హులైన వారు పింఛన్‌ కోసం ఆశగా ఎదురు చూస్తున్నారు. దరఖాస్తుల ఆన్‌లైన్‌ నమోదు ముగియడంతో జిల్లాలోని 430 గ్రామ, వార్డు సచివాలయాల్లో వెరిఫికేషన్‌ కొనసాగుతున్నట్లు అధికార యంత్రాంగం తెలిపింది. వయసు మీదపడి అడుగు ముందుకు వేయలేని అవ్వాతాతలు, జీవిత భాగస్వామిని కోల్పోయి ఒంటరిగా బతుకు బండి లాగుతున్న వితంతువులు, శారీరక వైకల్యాన్ని అధిగమిస్తూ జీవనం సాగిస్తున్న దివ్యాంగులతో పాటు ఇతర పింఛన్లు ఆశిస్తున్న వారు జీవితానికి ఆసరాగా నిలుస్తుందని దరఖాస్తు చేసుకున్నారు. అధికారుల పరిశీలనలో ఎవరికి వస్తుందో..ఎవరికి రాదో..అన్న టెన్షన్‌ నెలకొంది.

మదనపల్లె సిటీ: జిల్లా స్థాయి టెన్నికాయిట్‌ జట్ల ఎంపిక ఈనెల 21వతేదీన జరుగుతుందని టెన్నికాయిట్‌ అసోసియేషన్‌ జిల్లా కార్యదర్శి చిన్నప్ప తెలిపారు. స్థానిక జెడ్పీ ఉన్నత పాఠశాలలో సీనియర్‌ బాలురు,బాలికల జటుల ఎంపిక జరుగుతుందన్నారు. 8,9, 10, ఇంటర్‌ విద్యార్థులు అర్హులన్నారు. ఎంపికకు వచ్చే విద్యార్థులు వయస్సు నిర్థారణ సర్టిఫికెట్‌ తీసుకురావాలన్నారు. ఎంపికై న వారు అక్టోబర్‌ 11 నుంచి 13వతేదీ వరకు శ్రీకాకుళం జిల్లా పలాసలో జరిగే రాష్ట్ర స్థాయి టోర్నమెంట్‌లో పాల్గొంటారని తెలిపారు. మరిన్ని వివరాలకు 77802 50922 నంబర్‌లో సంప్రదించాలన్నారు. రాష్ట స్థాయి 5–కె రన్‌కు ఎంపిక మదనపల్లె సిటీ: 5–కె రెడ్‌ రన్‌ మారథాన్‌లో జిల్లా స్థాయిలో ప్రతిభ కనబరిచి రాష్ట్ర స్థాయి పోటీలకు మదనపల్లెకు చెందిన విద్యార్థులు ఎంపియ్యారు. ఎయిడ్స్‌ నియంత్ర మండలి నిర్వహించిన 5 –కె రెడ్‌ రన్‌ మారథాన్‌లో బాలికల విభాగంలో స్థానిక ప్రభుత్వ మహిళా డిగ్రీ కాలేజీ విద్యార్థిని మహేశ్వరి ప్రథమ స్థానం, పీలేరు సంజయ్‌గాఽందీ డిగ్రీ కాలేజీ విద్యార్థిని పూజ ద్వితీయ స్థానం దక్కించుకున్నారు. బాలుర విభాగంలో మదనపల్లెకు చెందిన డిగ్రీ కాలేజీ విద్యార్థి ధనప్రసాద్‌ ప్రథమ, సతీష్‌ ద్వితీయ స్థానంలో నిలిచారు. వీరు ఈనెల 29వతేదీ విజయవాడలో జరిగే రాష్ట స్థాయి పోటీల్లో పాల్గొనున్నట్లు ఎయిడ్స్‌ నియంత్రణ మండలి జిల్లా అధికారి డాక్టర్‌ ఎల్‌.రాధిక, సీపీఎం భాస్కర్‌ వేంపల్లి తెలిపారు. ఉత్తమ ఫలితాలు సాధించేలా బోధించాలి నిమ్మనపల్లె (మదనపల్లె టౌన్‌): కేజీబీవి పాఠశాలలో చదువుతున్న విద్యార్థులు ఉత్తమ ఫలితాలు సాధించేలా ఉపాధ్యాయులు నాణ్యమైన విద్యను అందించాలని జిల్లా సమగ్ర శిక్ష అదనపు ప్రాజెక్టు కో–ఆర్డినేటర్‌ అనురాధ పేర్కొన్నారు. శనివారం ముష్టూరు పరిధిలోని కేజీబీవీ బాలికల విద్యాలయాన్ని ఆమె సందర్శించారు. ఈ సందర్భంగా పాఠశాలలోని రికార్డులను పరిశీలించారు. తరగతి గదులు, భోజనశాలను తనిఖీ చేశారు. మెనూ ప్రకారం మధ్యాహ్న భోజనం అందుతోందా అని విద్యార్థులను అడిగితెలుసుకున్నారు. అనంతరం అనురాధ మాట్లాడుతూ.. పదో తరగతి పరీక్షల్లో విద్యార్థులు వంద శాతం ఉత్తీర్ణత సాధించేలా ఇప్పటి నుంచే ప్రత్యేక ప్రణాళికతో బోధన చేపట్టాలని తెలిపారు. త్వరలో నిర్వహించనున్న పాఠశాల యాజమాన్య కమిటీ ఎన్నికలను పకడ్బందీగా నిర్వహించాలని, తల్లిదండ్రులను భాగస్వాములను చేయాలని కోరారు. కార్యక్రమంలో ఏఎంవో నాదీర్ఘా, ప్రిన్సిపాల్‌ అనిత తదితరులు పాల్గొన్నారు.

● ప్రభుత్వానికి చీమ కుట్టినట్లైనా లేదు.. ● వైఎస్సార్‌సీపీ నేతలు ఆకేపాటి అమరనాథరెడ్డి, గడికోట శ్రీకాంత్‌రెడ్డి రాయచోటి: అన్నమయ్య జిల్లాను కరువు రక్కసి కమ్మేసినా, కంటిముందు పంటలు ఎండిపోతూ రైతులు విలవిలలాడిపోతున్నా ఈ కూటమి ప్రభుత్వానికి కనీసం చీమ కుట్టినట్లైనా లేదని వైఎస్సార్‌సీపీ రాష్ట్ర ప్రధాన కార్యదర్శి, మాజీ ఎమ్మెల్యే గడికోట శ్రీకాంత్‌రెడ్డి తీవ్ర ఆవేదన వ్యక్తం చేశారు. శనివారం రాయచోటిలోని వైఎస్సార్‌సీపీ జిల్లా కార్యాలయంలో పార్టీ జిల్లా అధ్యక్షుడు, రాజంపేట ఎమ్మెల్యే ఆకేపాటి అమరనాథరెడ్డితో కలసి ఆయన మీడియా సమావేశంలో మాట్లాడారు. కరువుతో అల్లాడుతున్న ఈ ప్రాంత రైతులకు చేయాల్సిన న్యాయాన్ని మరిచి, కేవలం వ్యక్తిగత విమర్శలతో కూటమి నేతలు కాలాన్ని వెళ్లదీస్తున్నారని మండిపడ్డారు. వైఎస్సార్‌సీపీ ప్రభుత్వ హయాంలో చేసిన ఎన్నో అభివృద్ధి కార్యక్రమాలను తాము గర్వంగా చెప్పుకుంటామని, కానీ నేటి పాలకులు కరువును పట్టించుకోకుండా రాజకీయ డ్రామాలు ఆడుతున్నారని ధ్వజమెత్తారు. 5 శాతం కూడా సాగు కాలేదు! గడిచిన 10 నుంచి 15 ఏళ్లలో ఎన్నడూ లేనంత తీవ్ర వర్షాభావ పరిస్థితులు జిల్లాలో నెలకొన్నాయని నేతలు ఆవేదన వ్యక్తం చేశారు. ఖరీఫ్‌ సీజన్‌ ముగింపు దశకు వస్తున్నా, జిల్లాలో నేటికీ కనీసం 5 శాతం పంటలు కూడా సాగు కాకపోవడం రైతుల దీనస్థితికి అద్దం పడుతోందన్నారు. జిల్లాలో అత్యధికంగా లోటు వర్షపాతం నమోదైందన్నారు. ● జిల్లాలో ప్రస్తుతం పశువులకు కనీసం గడ్డి దొరికే పరిస్థితి లేదన్నారు. పశుగ్రాసం కొనాలంటే వేలాది రూపాయలు పెట్టాల్సి వస్తోందన్నారు. పెంచుకున్న జీవాల ఆకలి బాధలు చూడలేక రైతులు అప్పులు చేసి మరీ గడ్డి కొంటున్నారని, వారి కష్టాలు చూస్తే గుండె తరుక్కుపోతోందన్నారు. ఇంతటి విపత్కర పరిస్థితుల్లోనూ పాల ధర అనుకూలంగా లేకపోవడం దారుణమన్నారు. గతంలో పండించిన పంటకు సరైన గిట్టుబాటు ధర లేక, ముఖ్యంగా మామిడి రైతులు కాయలు అమ్ముకోలేక రోడ్లపై పారేసిన పరిస్థితులు ఉన్నాయన్నారు. చంద్రబాబు, కరువు.. కవల పిల్లలు: ఎమ్మెల్యే ఆకేపాటి వైఎస్సార్‌సీపీ జిల్లా అధ్యక్షుడు, ఎమ్మెల్యే ఆకేపాటి అమరనాథరెడ్డి మాట్లాడుతూ.. ‘కరువు, చంద్రబాబు కవల పిల్లల’ని ఎద్దేవా చేశారు. కూటమి ప్రభుత్వం ఏర్పడిన తర్వాత ప్రజా సంక్షేమం, రైతుల సమస్యలపై తగిన రీతిలో దృష్టి సారించలేదని విమర్శించారు. రాష్ట్రంలో వర్షపాతం గణనీయంగా తగ్గిందని, సెప్టెంబర్‌ నాటికి జిల్లాలో సాధారణ వర్షపాతంతో పోలిస్తే 70.5 శాతం లోటు వర్షపాతం నమోదైనట్లు అధికారిక గణాంకాలే చెబుతున్నాయన్నారు. చంద్రబాబు పాలనలో ఎప్పుడూ ముందస్తు ప్రణాళిక ఉండదని, రాజు సరిగ్గా లేకపోతే ఇలాగే కరువు పరిస్థితులు దాపురిస్తాయని విమర్శించారు. ఈ ప్రభుత్వం రాయలసీమ లిఫ్ట్‌ ఇరిగేషన్‌ ప్రాజెక్ట్‌ పనులను కూడా నిలిపేసిందని మండిపడ్డారు. వెలిగల్లు లేకపోతే రాయచోటికి తాగునీరేది? ఇలాంటి కరవు పరిస్థితులు వస్తాయని ముందే గ్రహించిన మహానేత వైఎస్‌ రాజశేఖరరెడ్డి ప్రాజెక్టులను ఒక రూపునకు తెచ్చారని శ్రీకాంత్‌రెడ్డి గుర్తుచేశారు. ఈరోజు కొద్దో గొప్పో ఆ గేట్లకు మరమత్తులు చేసి, మొత్తం ప్రాజెక్టులను నేనే చేశానని చంద్రబాబు డబ్బా కొట్టుకుంటున్నారని విమర్శించారు. రాయచోటి, ఇతర ప్రాంతాలకు తాగునీటి ఇబ్బంది రాకూడదని 4.5 టీఎంసీల సామర్థ్యంతో వెలిగల్లు ప్రాజెక్ట్‌ ను వైఎస్సార్‌ అందించారని, అది లేకపోతే ఈరోజు రాయచోటి పరిస్థితి ఏంటని ప్రశ్నించారు. దీంతో పాటు శ్రీనివాసపురం రిజర్వాయర్‌, జరికోన ప్రాజెక్టులు వైఎస్సార్‌ హయాంలోనే రూపుదాల్చాయని, తర్వాత వైఎస్‌ జగన్‌ హయాంలో ఈ ప్రాజెక్టులు మరింత ముందుకు సాగాయన్నారు. గండికోట నుంచి టేకాప్‌ చేసి ఆవులపల్లి, మదనపల్లె ఏరియాలో మూడు అదనపు రిజర్వాయర్లు నిర్మించాలని వైఎస్‌ జగన్‌ సంకల్పిస్తే నాడు హేళన చేశారని, ఈరోజు ఆ రిజర్వాయర్లు ఉండి ఉంటే ఈ ప్రాంతానికి ఎంత మేలు జరిగేదో ఆలోచించాలన్నారు. ● ఖరీఫ్‌ సీజన్‌ ముగిసి రబీ వస్తున్నా రైతులకు కావలసిన విత్తనాలు, ఎరువుల సరఫరాపై ఈ ప్రభుత్వానికి ముందస్తు ప్రణాళిక లేదని శ్రీకాంత్‌రెడ్డి మండిపడ్డారు. వైఎస్‌ జగన్‌ మోహన్‌ రెడ్డి ప్రభుత్వ హయాంలో సున్నా వడ్డీకే రుణాలు ఇస్తూ, పంటల బీమా ప్రీమియాన్ని ప్రభుత్వమే చెల్లించి, సీజన్‌ ముగిసేలోపే ఇన్‌పుట్‌ సబ్సిడీ ద్వారా రూ.10 వేల కోట్లకు పైగా పరిహారం అందించి ఆదుకుందని గుర్తుచేశారు. కానీ నేడు కూటమి ప్రభుత్వం కరువు మండలాలు ప్రకటించకపోగా, రుణాలు రీషెడ్యూల్‌ చేయలేదని, బీమా ప్రీమియం కూడా చెల్లించలేదని దుయ్యబట్టారు. రైతుల సమస్యలను పక్కనబెట్టి, తిరుమల లడ్డూపై దుష్ప్రచారం చేస్తూ దేవుడిని కూడా రాజకీయాల్లోకి లాగారని కూటమి నేతలపై విరుచుకుపడ్డారు. రాష్ట్రంలో రౌడీల పాలన నడుస్తోందని ధ్వజమెత్తారు. వైఎస్సార్‌సీపీ డిమాండ్లు అన్నమయ్య జిల్లాను తక్షణమే కరువు జిల్లాగా ప్రకటించాలి.వర్షాభావ పరిస్థితుల వల్ల నష్టపోయిన రైతులకు ప్రతి ఎకరాకు రూ.15 వేల నుంచి రూ.20 వేల నష్టపరిహారం తక్షణమే చెల్లించాలి.ఎండిపోతున్న మామిడి, చీనీ ఉద్యాన తోటలను కాపాడేందుకు ప్రత్యేక ప్యాకేజీ ప్రకటించి, ప్రభుత్వమే ట్యాంకర్ల ద్వారా నీటిని సరఫరా చేయాలి.రైతుల పక్షాన వైఎస్సార్‌ సీపీ పోరాటం చేస్తుందని, ప్రభుత్వాన్ని లొంగదీసైనా సరే అన్నదాతకు న్యాయం జరిగేలా చూస్తామని నేతలు స్పష్టం చేశారు. సమావేశంలో వైఎస్సార్‌సీపీ మైనారిటీ రాష్ట్ర కార్యదర్శి షబ్బీర్‌, మాదిరెడ్డి సత్యనారాయణ రెడ్డి, అన్నా సలీం, మాజీ సర్పంచ్‌ గోపిరెడ్డి, మోక్షిత్‌, సోషల్‌ మీడియా జిల్లా అధ్యక్షుడు నరేష్‌ స్వామి, సంతోష్‌ రెడ్డి పాల్గొన్నారు.

పులివెందుల : దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి మేనత్త వైఎస్‌ కమలమ్మ అంత్యక్రియలు శనివారం అశ్రునయనాల మధ్య ముగిశాయి. ఆమె గత ఆదివారం అమెరికాలో తన కుమార్తె మెర్సీ ఇంట్లో అనారోగ్యంతో మృతిచెందిన విషయం తెలిసిందే. కమలమ్మ భౌతికకాయాన్ని అమెరికా నుంచి శనివారం తెల్లవారుజామున 3 గంటలకు పులివెందులకు తీసుకొచ్చారు. భాకరాపురంలోని జీసెస్‌ చారిటీస్‌ అనాథ శరణాలయంలో ఆమె గృహం వద్ద భౌతికకాయాన్ని ఉంచారు. ఆమె భౌతికకాయానికి మాజీ సీఎం వైఎస్‌ జగన్‌మోహన్‌రెడ్డి మాతృమూర్తి వైఎస్‌ విజయమ్మ, సతీమణి వైఎస్‌ భారతి, వైఎస్సార్‌ సోదరులు రవీంద్రనాథరెడ్డి, సుధీకర్‌రెడ్డి, ఎంపీ వైఎస్‌ అవినాశ్‌రెడ్డి, మాజీ ఎమ్మెల్యే భూమన కరుణాకరరెడ్డి, వైఎస్‌ భాస్కర్‌రెడ్డి, వైఎస్‌ ప్రతాప్‌రెడ్డి, వైఎస్‌ మనోహర్‌రెడ్డి, వైఎస్‌ జోసఫ్‌రెడ్డి, వైఎస్‌ మధురెడ్డి, చవ్వా దుశ్యంత్‌రెడ్డి, దివంగత డాక్టర్‌ ఈసీ గంగిరెడ్డి సతీమణి ఈసీ సుగుణమ్మ, కుమారుడు ఈసీ దినేష్‌రెడ్డి, మాజీ మున్సిపల్‌ చైర్‌పర్సన్‌ వైఎస్‌ ప్రమీలమ్మ తదితరులు పూలమాలలు వేసి నివాళులర్పించారు. అనంతరం కమలమ్మ కుమారులు క్రిష్టోఫర్‌, స్మిత్‌, కుమార్తె మెర్సీలను పరామర్శించి ఓదార్చారు. పులివెందులలోని లయోలా డిగ్రీ కళాశాల రోడ్డులో ఉన్న వైఎస్సార్‌ సమాధుల తోటలో శనివారం సాయంత్రం కమలమ్మ అంత్యక్రియలు ముగిశాయి.

● శభాష్‌ నవీన్‌ సాయి ● కఠోర శ్రమకు దక్కిన సీఎంఏ గౌరవంమదనపల్లి (కురబలకోట) : లక్ష్యం స్పష్టంగా ఉండి.. నిరంతర కృషి సల్పితే ఎంతటి కఠినమైన పరీక్షలోనైనా రాణించవచ్చని నిరూపించాడు మదనపల్లి మండలం కొత్తపల్లికి చెందిన విద్యార్థి ముడి నవీన్‌ సాయి. ఆయన జాతీయ స్థాయిలో అత్యంత ప్రతిష్టాత్మకమైన కఠినమైన ప్రొఫెషనల్‌ కోర్సుల్లో ఒకటైన కాస్ట్‌ అండ్‌ మేనేజ్‌మెంట్‌ అకౌంటెన్సీ (సీఎంఏ)లో ఉతీర్ణత సాధించి కొత్తపల్లితోపాటు జిల్లాలోనే ప్రత్యేకతను నిరూపించుకున్నాడు. ముడి మహేష్‌ బాబు కుమారుడు ముడి నవీన్‌ సాయి జూన్‌–26లో నిర్వహించిన సీఎంఏ ఫైనల్‌ పరీక్షలలో అద్భుత ప్రతిభ కనపరిచాడు. బెంగళూరులోని జయనగర్‌ ఆడిటోరియంలో జరిగిన సీఎంఏ స్నాతకోత్సవంలో ముఖ్య అతిథిగా హాజరైన సీఎంఎ, సీఎఫ్‌ఓ అలోక్‌ ఆచారి చేతుల మీదుగా కాన్వకేషన్‌ సర్టిఫికెట్‌ అందుకున్నారు. ఈ సందర్భంగా నవీన్‌ సాయి మాట్లాడుతూ ఇష్టంగా ప్రణాళికతో చదివితే ఎంటటి కష్టమైన పరీక్షలలోనైనా రాణించవచ్చన్నారు. అధ్యాపకుల మార్గనిర్దేశనం, సమయ పాలన, క్రమశిక్షణ, తల్లిదండ్రుల ప్రోత్సాహం, సహచరుల గైడ్‌లైన్స్‌ తన విజయానికి కారణమన్నారు. నవీన్‌ సాయి తండ్రి ముడి మహేష్‌బాబు మాట్లాడుతూ తన కుమారుడిలో చదువుపై ఉన్న ఆసక్తిని గుర్తించి చిన్నప్పటి నుంచి ప్రోత్సహిస్తూ రావడంతో ఇది సాధ్యమైందన్నారు.

● ప్రభుత్వ భూమి ఆక్రమణకు యత్నం ● ప్రశ్నించిన వారిని బెదిరిస్తున్న కూటమి నేతలుఅధికార పీఠం ఎక్కినప్పటి నుంచి కూటమి నాయకులు ‘కాదేదీ కబ్జాకు అనర్హం’ అన్నట్లుగా వ్యవహరిస్తున్నారు. ‘దీపం ఉన్నప్పుడే ఇల్లు చక్కబెట్టుకోవాలి’ అనే చందంగా.. కనిపించిన ప్రభుత్వ భూమినల్లా ఆక్రమించేందుకు యత్నిస్తున్నారు. ఇదేమని ప్రశ్నించిన వారిని బెదిరిస్తున్నారు. ఇప్పటికై నా వారి అరాచకాలకు అధికారులు అడ్డుకట్ట వేయాలని ప్రజలు కోరుతున్నారు. గాలివీడు : మండల పరిధిలోని గోరాన్‌చెరువు గ్రామం షికారి కాలనీ వద్ద నల్లగుట్టలో 1465బీ 34 సెంట్ల ప్రభుత్వ తోపు భూమిని యంత్రాల సాయంతో దండుకోవడమే కూటమి నాయకుల అజెండాగా మారుతోంది. గత ప్రభుత్వాల హయాం నుంచి ఆ భూమిని గ్రామ పెద్దలు, రెవెన్యూ అధికారులు కంటికి రెప్పలా కాపాడుకుంటూ.. గ్రామ భావితరాల కోసం ప్రభుత్వ భవనాలు నిర్మించేందుకు అనువుగా ఉంటుందని నిలపడం జరిగింది. అయితే ఈ భూమిపై కూటమి నాయకుల కనున్న పడింది. అలాగే ఆ గ్రామంలోని విలువైన ప్రభుత్వ భూములను కూడా వారు ఆక్రమించే పనిలో నిమగ్నమయ్యారు. రాత్రిపూట పనులు ఈ నెల, 13, 14 తేదీల్లో ఆదివారం, వినాయక చవితి సెలవులు రావడంతో.. ఇదే అదునుగా నల్లగుట్టను చదును చేయడం ప్రారంభించారు. తర్వాత సెలవులు ముగియడంతో..రాత్రిపూట పనులు చేస్తున్నారు. అధికారం తమదే, ఎవరు అడ్డు వచ్చేదంటూ ఏకంగా యంత్రాలతో చదును చేస్తున్నారు. అక్కడ ప్రశ్నించే వారిని కూడా బెదిరిస్తున్నారు. ఈ విషయంపై వెంటనే స్పందించి ఈ భూమి వద్ద హెచ్చరిక బోర్డులు ఏర్పాటు చేసి స్వాధీనం పరుచుకోవాలని కొమ్మరపల్లె ప్రజలు మండల రెవెన్యూ అధికారులను కోరుతున్నారు. కోట్లాది రూపాయల విలువ చేసే ఈ భూమిని రక్షించాలని వారు విజ్ఞప్తి చేస్తున్నారు. ఆక్రమణదారులపై చర్యలు తీసుకోవాలని విన్నవిస్తున్నారు.

సాక్షి, మదనపల్లె: మండల పరిషత్‌, జిల్లా పరిషత్‌ పాలకవర్గాల పదవీకాలం ఈనెల 23, 24తో ముగుస్తుంది. దీంతో వీటికి ప్రత్యేక అధికారులను నియమిస్తూ ప్రభుత్వం శనివారం రెండు వేర్వేరు జీవోలను జారీ చేసింది. ఇందులో మండల పరిషత్‌ అధ్యక్షుడు, ఉపాధ్యక్షుడు పదవీకాలం ఈనెల 23తో ముగుస్తుంది. దీనికి సంబంధించి పాలనాపరమైన ఇబ్బందులు తొలగించేందుకు ప్రభుత్వం మండల స్థాయి ప్రత్యేక అధికారులను నియమించేందుకు కలెక్టర్లకు అధికారం కల్పిస్తూ జీవో జారీ చేసింది. మండల ప్రత్యేక అధికారుల నియామక విషయంలో ఎంపీడీవో కంటే ఒక హోదా పైస్థాయి కలిగిన అధికారిని మాత్రమే నియమించాల్సి ఉంటుందని జీవోలో స్పష్టం చేశారు. ప్రత్యేక అధికారులుగా డివిజనల్‌ స్థాయి అధికారులు, ఇంజినీర్లను నియమించరాదని సూచించారు. మండల స్థాయి ప్రత్యేక అధికారుల పాలన ఈనెల 24 నుంచి మొదలవుతుందని, వీరి పదవీకాలం ఆరు నెలలు లేదా మండల పరిషత్‌ పాలకవర్గం ఏర్పడి బాధ్యతలు చేపట్టే తేదీ వరకు ఉంటుందని జీవోలో పేర్కొన్నారు. ఈ నేపథ్యంలో జిల్లాలోని 25 మండలాలకు ఈనెల 24 నుంచి ప్రత్యేక అధికారుల పాలన అమలులోకి రానుంది. జెడ్పీకి కలెక్టర్‌ జిల్లా పరిషత్‌ చైర్మన్‌, వైస్‌ చైర్మన్‌ పదవీకాలం ఈనెల 24తో ముగుస్తుంది. పాలకవర్గం స్థానంలో జిల్లా కలెక్టర్‌ను జిల్లా పరిషత్‌ ప్రత్యేక అధికారిగా నియమిస్తూ ప్రభుత్వం మరో జీవోను జారీ చేసింది. అయితే ప్రస్తుతం అన్నమయ్య జిల్లాలోని ఐదు నియోజకవర్గాల్లో నాలుగు ఉమ్మడి చిత్తూరు జిల్లా పరిధిలో ఉన్నాయి. జిల్లా పరిషత్‌ కూడా ఉమ్మడి చిత్తూరు జిల్లాగా కొనసాగుతోంది. దీంతో ప్రత్యేక అధికారి చిత్తూరు కలెక్టర్‌ ఉంటారా లేక అన్నమయ్య జిల్లా కలెక్టర్‌ ఈ జిల్లాకు ప్రత్యేక అధికారిగా ఉంటారా అనేది స్పష్టత లేదు. ఉత్తర్వులు జారీ చేసిన ప్రభుత్వం

మదనపల్లె టౌన్‌ : టమాటాల లోడ్‌ను కర్ణాటకలోని ములబాగిల్‌ వడ్డిపల్లె మార్కెట్‌లో అన్‌లోడ్‌ చేయడానికి వెళ్లారు. తిరిగి వస్తున్న ఇద్దరు యువకులు ప్రయాణిస్తున్న బొలెరోను ఎదురుగా వస్తున్న లారీ వేగంగా వచ్చి ఢీకొనడంతో ఓ యువకుడు దుర్మరణం చెందాడు. మరో యువకుడు తీవ్రంగా గాయపడ్డాడు. ఈ విషాద ఘటన శనివారం తెల్లవారుజామున మదనపల్లె–పుంగనూరు ప్రధాన జాతీయ రహదారిలోని వలసపల్లి క్రిష్ణాపురం వద్ద చోటుచేసుకుంది. ఇందుకు సంబంధించిన వివరాలు ఇలా ఉన్నాయి. ములకలచెరువు మండలం కాల్వపల్లికి చెందిన మహబూబ్‌బాషా కుమారుడు ముజీబ్‌(24), అదే గ్రామానికి చెందిన మహమ్మద్‌ అలీ కుమారుడు ఇమ్రాన్‌(30) బొలెరో వాహనంలో టమాటాల లోడును తీసుకునేందుకు మదనపల్లి మండలంలోని క్రిష్ణాపురానికి వెళ్లారు. సరుకు లోడ్‌ చేసుకుని ములబాగిల్‌ సమీపంలోని వడ్డిపల్లెలో అన్‌లోడ్‌ చేశారు. అనంతరం మదనపల్లె మీదుగా తిరిగి వస్తుండగా, మార్గంమధ్యలోని పుంగనూరు రోడ్డు జ్యూస్‌ ఫ్యాక్టరీ వద్ద.. ఎదురుగా వచ్చిన లారీ ఢీకొట్టినట్లు పోలీసులు తెలిపారు. ఈ ప్రమాద తీవ్రతకు బొలెరో వాహనం దెబ్బతినగా, ముజీబ్‌ తీవ్రంగా గాయపడి సంఘటనా స్థలంలోనే ప్రాణాలు కోల్పోయాడు. క్లీనర్‌ ఇమ్రాన్‌కు తీవ్ర గాయాలయ్యాయి. స్థానికుల సహాయంతో ఇద్దరినీ వెంటనే మదనపల్లె ప్రభుత్వాసుపత్రికి తరలించగా, ముజీబ్‌ మృతి చెందినట్లు వైద్యులు నిర్ధారించారు. తీవ్రంగా గాయపడిన ఇమ్రాన్‌ను ప్రాథమిక చికిత్స అనంతరం మెరుగైన వైద్యం కోసం తిరుపతి రుయా ఆసుపత్రికి తరలించారు. ఉపాధి కోసం టమాటా రవాణా చేస్తూ తిరిగి ఇంటికి చేరుకునేలోపే ముజీబ్‌ ప్రాణాలు కోల్పోవడం కుటుంబ సభ్యుల్లో తీవ్ర విషాదాన్ని నింపింది. ప్రమాదంపై మదనపల్లె తాలూకా పోలీసులు కేసు నమోదు చేసి దర్యాప్తు చేస్తున్నారు. లారీ డ్రైవర్‌ను అదుపులోకి తీసుకున్నట్లు సమాచారం. ఎమ్మెల్యే పరామర్శ ములకలచెరువు : రోడ్డు ప్రమాదంలో మృతి చెందిన ఎస్‌.ముజీబ్‌ వైఎస్సార్‌సీపీ మండల ఐటీ వింగ్‌ ప్రెసిడెంట్‌గా ఉన్నాడు. పార్టీ కోసం నిరంతరం కృషి చేస్తున్న ముజీబ్‌ మృతి చెందడంతో కాలువపల్లెలో విషాదఛాయలు అలుముకున్నాయి. సమాచారం అందుకున్న తంబళ్లపల్లె ఎమ్మెల్యే పెద్దిరెడ్డి ద్వారకనాథ్‌రెడ్డి శనివారం ప్రమాదానికి గురైన ఇద్దరి కుటుంబ సభ్యులను పరామర్శించారు. పార్టీ అండగా ఉంటుందని బాధితులకు భరోసా కల్పించారు. ముజీబ్‌ మృతదేహాన్ని పలువురు వైఎస్సార్‌సీపీ నాయకులు ఆముదాల మదుసూదన్‌రెడ్డి, మల్లికార్జున, మహబూబ్‌బాషా, యాసీన్‌, రాంబాబు, రెడ్డెం క్రిష్ణారెడ్డి సందర్శించి సంతాపం వ్యక్తం చేశారు.ఒకరి మృతి, మరొకరికి గాయాలు

జిల్లా కలెక్టర్‌ నిశాంత్‌కుమార్‌ పీలేరు : బీడు భూముల్లో ప్రీ మాన్‌సూన్‌ డ్రై సోయింగ్‌ (పీఎండీఎస్‌) పంటలు సాగు చేసి రైతులు అదనపు ఆదాయం పొందాలని జిల్లా కలెక్టర్‌ నిశాంత్‌కుమార్‌ అన్నారు. శుక్రవారం మండలంలోని మొరవవడ్డిపల్లెలో పీఎండీఎస్‌ క్షేత్రాలను సందర్శించారు. వేరుశనగ తోపాటు కంది, ఆముదం, అలసంద, ఎర్రతోటకూర, చిక్కుడు, పెసలు, మినుములు, సజ్జలు, వంటి అనుబంధ పంటలు సాగు చేసిన విధానాన్ని పరిశీలించారు. అలాగే మామిడి తోటలో పీఎండీఎస్‌ పంటలను పరిశీలించారు. ఈ సందర్భంగా రైతులతో మాట్లాడుతూ ఉద్యాన తోటల్లో ఖాళాగా ఉన్న స్థలాలను సద్వినియోగం చేసుకుంటూ పీఎండీఎస్‌ను పెద్ద ఎత్తున చేపట్టాలని సూచించారు. సచివాలయాల్లో ప్రజల సమస్యలు పరిష్కరించడంలో అలసత్వం వద్దు అని జిల్లా కలెక్టర్‌ నిశాంత్‌కుమార్‌ అన్నారు. మండలంలోని తలపుల సచివాలయాన్ని కలెక్టర్‌ తనిఖీ చేశారు. పీజీఆర్‌ఎస్‌ ఫిర్యాదులు, పెన్షన్లపై సమీక్షించారు. అనంతరం బోడునాయినిదొడ్డిలో వీబీజీ రామ్‌జీ ఉపాధి పనులు పరిశీలించారు. ఉపాధి కూలీలతో మాట్లాడారు. గ్రామంలో చేపట్టిన సంకన్‌పాండ్‌ పనులు పరిశీలించి దాని ఉపయోగాలు అడిగి తెలుసుకున్నారు. పీఎంశ్రీ పథకంతో పాఠశాలల అభివద్ధి... పీఎంశ్రీ పథకంలో ఎంపికై న పాఠశాలలు అన్ని విభాగాల్లో అభివృద్ధిని సంతరించుకుంటాని జిల్లా కలెక్టర్‌ నిశాంత్‌కుమార్‌ అన్నారు. స్థానిక చిత్తూరు రోడ్డు మార్గంలో అంబేడ్కర్‌ బాలికల గురుకుల పాఠశాలను సందర్శించి పీఎంశ్రీ నిధులతో చేపట్టిన అభివృద్ధి పనుల గురించి ఆరా తీశారు. గత ఏడాది పాఠశాలలో సుమారు రూ. 7.50 లక్షల అంచనాతో ప్లే గ్రౌండ్లు, కీచెన్‌ గార్డెన్‌, ఫెన్సింగ్‌, రెన్‌వాటర్‌ హార్వెస్టింగ్‌ సనులు చేపట్టి రూ. 6.30 లక్షలు ఖర్చు పెట్టినట్లు అధికారులు కలెక్టర్‌కు తెలిపారు. ఈ కార్యక్రమంలో సమగ్ర శిక్ష ఏపీసీ అనురాధ, తహశీల్దార్‌ శివకుమార్‌, ఏడీఏలు హరిప్రియ, కె. గుణశేఖరపిళ్లై, ఏపీసీఎన్‌ఎఫ్‌ జిల్లా ప్రాజెక్టు మేనేజర్‌ బి. వెంకటమోహన్‌, ఏవో రమాదేవి, హెచ్‌వో సుకుమార్‌రెడ్డి,

సాక్షి, మదనపల్లె: మున్సిపల్‌ ఎన్నికల ప్రక్రియలో భాగంగా మదనపల్లె సెలక్షన్‌ గ్రేడ్‌ మున్సిపాలిటీకి ఎన్నికల నిర్వహణ కోసం మున్సిపల్‌ డీఎంఏ సంపత్‌ కుమార్‌ ఎన్నికల అధికారులను నియమిస్తూ ఉత్తర్వులు జారీ చేశారు. చైర్మన్‌ ఎన్నిక నిర్వహణ అధికారిగా ఎన్‌.చంద్రశేఖర్‌ రెడ్డి, సహాయ ఎన్నికల అధికారిగా కె.మాధవరెడ్డిలను నియమించారు. 48 వార్డులకుగాను ప్రతి నాలుగు వార్డులకు ఒక ఎన్నికల అధికారి, ఒక అదనపు ఎన్నికల అధికారి, ఒక సహాయ ఎన్నికల అధికారిని నియమించారు. వార్డులకు నియమించిన ఎన్నికల అధికారులు..జి.దీనదయాల్‌ రాజు, వై. కృష్ణకిషోర్‌, సూర్యనారాయణరెడ్డి, రాజశేఖర్‌ తుమ్మడి, కే.ప్రభాకర్‌ రెడ్డి, చంద్రశేఖర్‌ రెడ్డి, వరప్రసాద్‌ నాయుడు, పి.వెంకట ప్రతాప్‌, చిన్నరెడ్డి, రోషన్‌ జమీర్‌, ప్రవీణ్‌ కుమార్‌, రవీంద్రనాథ్‌ రెడ్డి, జ్యోతి, సుబ్బరాయుడు ఉన్నారు. వీరిలో వివిధ శాఖలకు చెందిన అధికారులు, కళాశాలల లెక్చరర్లు ఉన్నారు. వీరికి శుక్రవారం మున్సిపల్‌ అధికారులు ఉత్తర్వులను అందజేశారు. బ్యాలెట్‌ పేపర్లు వచ్చేశాయి సాక్షి, మదనపల్లె : స్థానిక సంస్థలైన మున్సిపాలిటీ, గ్రా మపంచాయతీ, మండల పరిషత్‌, జిల్లా పరిషత్‌ ఎన్నికల నిర్వహణ కోసం అవసరమైన బ్యాలెట్‌ పేపర్లు శుక్రవారం జిల్లా కేంద్రం మదనపల్లెకు చేరుకున్నాయి. విజయవాడ నుంచి లారీల్లో వీటిని మదనపల్లెకు తరలించారు. స్థానిక సంస్థల అధికారులు వాటిని కార్యాలయాల్లో భద్రపరిచారు. శుక్రవారం వచ్చిన వాటిలో వైట్‌ బ్యాలెట్‌ పేపర్లు మాత్రమే ఉన్నాయి. వీటిని వార్డు ఎన్నికకు ఉపయోగిస్తారు. సర్పంచ్‌ ఎన్నికకు ఉపయోగించే పింక్‌ కలర్‌ బ్యాలెట్‌ పేపర్లు శనివారం రానున్నాయి. ఈ ఖాళీ బ్యాలెట్‌ పేపర్లపై ఎన్నికల్లో పోటీ చేసే అభ్యర్థుల గుర్తులను ముద్రించి ఆయా స్థానిక సంస్థల ఎన్నికల ఓటింగ్‌కు ఉపయోగిస్తారు.

● రాయచోటిలో రెచ్చిపోయిన టీడీపీ కార్యకర్తలు ● వర్గాలుగా విడిపోయి కొట్టుకున్న వైనం ● అడ్డొచ్చిన మహిళలపై కూడా దాడి రాయచోటి : భక్తి, సంతోషం, ఆహ్లాదంగా జరుపుకోవాల్సిన గణనాథుని నిమజ్జనం.. కాస్త తమ్ముళ్లు వర్గాలుగా విడిపోయి దాడులు, ప్రతి దాడులతో ఆ ప్రాంతం అంత భయానక వాతావరణాన్ని సృష్టించింది. రాయచోటి పట్టణ పరిధిలోని రాజుల కాలనీలో శుక్రవారం చోటు చేసుకున్న సంఘటన చర్చనీయాంశంగా మారింది. విగ్రహ నిమజ్జనం ఊరేగింపులో టీడీపీ వర్గీయుల మధ్య పెరిగిన మాటల యుద్ధం దాడుల వరకు దారి తీసింది. చేతులకు దొరికిన ఆయుధాలతో ఒకరిపై ఒకరు దాడులు చేసుకున్నారు. ఈ దాడుల సమయంలో అడ్డువచ్చిన మహిళలపై కూడా యువకులు విచక్షణ రహితంగా చేసిన దాడుల దృశ్యాలు సోషల్‌ మీడియాలో చక్కర్లు కొడుతున్నాయి. ఇళ్లలోకి దూరి కొట్టుకున్న యువకులను అడ్డుకునే ప్రయత్నం చేసినా పోలీసులను లెక్కచేయకుండా కొట్టుకోవడం గమనార్హం. దాడుల సమయంలో వారి వారి వర్గాలకు చెందిన గ్యాంగ్‌ల నాయకులు, యువకులు రావడంతో కాలనీ ప్రాంతమంతా యుద్ధవాతావరణాన్ని తలపించింది. రాళ్లు, కట్టెలు, రాడ్లతో దాడులను చూసిన స్థానికులు ఊరేగింపులో ఉన్న విగ్రహాన్ని వదలి ఇళ్లలోకి వెళ్లి తాళాలు వేసుకున్నారు. కూటమి ప్రభుత్వం అధికారంలోకి వచ్చిన తర్వాత తమ్ముళ్ల వీధి రౌడీ చేష్టలు అధికమాయ్యాయని వ్యాఖ్యలు వినిపిస్తున్నాయి.

పెద్దతిప్పసముద్రం : జీవితాంతం తోడు నీడగా ఉండాల్సిన కట్టుకున్న భార్య ఆరేళ్ల క్రితం మృతి చెందడం, మరో వైపు ఒంటరితనాన్ని భరించలేక ఓ వ్యక్తి ఎలుకల నివారణ మందు తాగాడు. ఆసుపత్రిలో చికిత్స పొందుతూ గురువారం రాత్రి మృతి చెందిన సంఘటన మండలంలో చోటు చేసుకుంది. ఎస్‌ఐ పరమేశ్‌ నాయక్‌ కథనం మేరకు వివరాలిలా ఉన్నాయి. మండలంలోని కమ్మచెరువుకు చెందిన టి.వెంకట్రాయప్ప(60) భార్య అంజమ్మ ఆరేళ్ల క్రితం మృతి చెందడాన్ని భర్త వెంకట్రాయప్ప జీర్ణించుకోలేక పోయాడు. అప్పటి నుంచి మద్యానికి అలవాటు పడ్డాడు. ఈ నేపథ్యంలో ఒంటరితనం భరించలేక జీవితంపై విరక్తి పెంచుకున్నాడు. ఈ తరుణంలో ఈ నెల 15న ఎలుకల మందు తాగి ఆత్మహత్యాయత్నానికి పాల్పడ్డాడు. కుటుంబీకులు అతనికి బి.కొత్తకోట, మదనపల్లి ఆసుపత్రుల్లో వైద్యం చేయించారు. అయినా పరిస్థితి విషమంగా మారడంతో డాక్టర్ల సూచనల మేరకు తిరుపతి రుయా ఆసుపత్రికి తరలించారు. అక్కడ చికిత్స పొందుతూ మృతి చెందినట్లు ఎస్‌ఐ తెలిపారు. మృతుడి కుమారుడు గౌతమ్‌ ఫిర్యాదు మేరకు కేసు నమోదు చేసినట్లు ఎస్‌ఐ శుక్రవారం వెల్లడించారు. ములకలచెరువు : చేపలు పట్టేందుకు వెళ్లి ప్రాజెక్టులో మునిగి ఒక వ్యక్తి మృతి చెందిన సంఘటన మండలంలో చోటుచేసుకుంది. పోలీసులు, కుటుంబ సభ్యుల కథనం మేరకు... మండలంలోని చౌడసముద్రంకు చెందిన ఎస్‌.మహబూబ్‌బాషా కుమారుడు బావాజాన్‌(38) అప్పుడప్పుడు దగ్గరలోని పెద్దేరు ప్రాజెక్టుకు వెళ్లి చేపలు పట్టడానికి వెళ్లేవాడు. గురువారం చేపలు పట్టడానికి వెళ్తున్నానని చెప్పి ఇంటి నుంచి వెళ్లాడు. రాత్రి సైతం ఇంటికి రాలేదు. శుక్రవారం ఉదయం గ్రామస్తులతో కలిసి ప్రాజెక్టు వద్దకు వెళ్లి నీటిలో గాలించడంతో బావాజాన్‌ మృతదేహం లభించింది. మృతదేహాన్ని ఒడ్డుకు చేర్చి పోలీసులకు ఫిర్యాదు చేశారు. పోస్టుమార్టం నిమిత్తం మృతదేహాన్ని మదనపల్లి ప్రభుత్వ హాస్పిటల్‌కు తరలించారు. మృతుడి బావాజాన్‌ తండ్రి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు తంబళ్లపల్లె ఎస్‌ఐ అనిల్‌కుమార్‌ వివరించారు. కలకడ : అదనపు కట్నం వేధింపుల కేసు నమోదు చేసి దర్యాప్తు చేస్తున్నట్లు హెడ్‌కానిస్టేబుల్‌ అబ్దుల్‌ముజీర్‌ తెలిపారు. పోలీసుల కథనం మేరకు వివరాలిలా ఉన్నాయి. మండలంలోని ఎర్రకోటపల్లె పంచాయతీ మల్లవరంవాండ్లపల్లె గ్రామానికి చెందిన ఉప్పుటోళ్ళ వెంకటరమణ కుమార్తె రూపను 2021లో వాల్మీకిపురం మండలం చింతపర్తి పంచాయతీ ఎర్తివాండ్లపల్లెకు చెందిన భాస్కర్‌, స్వాతిల కుమారుడు సుధీర్‌కు ఇచ్చి వివాహం జరిపించారు. తనను భర్త సుధీర్‌ అదనపు కట్నం కోసం వేధిస్తున్నారని, అత్త స్వాతి, మామ భాస్కర్‌ కూడా కుమారిడికి సహకరించి వేధింపులకు గురి చేస్తున్నారని రూప పోలీసులకు ఫిర్యాదు చేశారు. ఈ మేరకు శుక్రవారం సుధీర్‌, భాస్కర్‌, స్వాతిలపై కేసు నమోదు చేసి దర్యాప్తు చేస్తున్నట్లు హెడ్‌కానిస్టేబుల్‌ అబ్దుల్‌ముజీర్‌ తెలిపారు.

● పూడ్చి పెట్టేందుకు సహకరించిన వ్యక్తికి రిమాండ్‌ ● రెండు బంగారు ముక్కు పుడకలు స్వాధీనం మదనపల్లె టౌన్‌ : ఒంటరిగా జీవిస్తున్న 83 ఏళ్ల వృద్ధురాలి హత్య కేసులో మరో నిందితుడిని పోలీసులు అరెస్ట్‌ చేశారు. మదనపల్లె మండలం కొండామారిపలె్‌ల్‌ పంచాయతీ పుంగనూరువాండ్లపల్లె సమీపంలోని ఆర్‌టీఓ కార్యాలయం ఎదురుగా నివసించే నూలు లక్ష్మీదేవి(83) సొంత స్థలంలో ఇల్లు, అంగడి గది నిర్మించుకుని చిల్లర దుకాణం, టీ దుకాణం నిర్వహిస్తూ జీవించేవారు. అక్కడే ఆర్‌టీఓ కార్యాలయంలో పార్ట్‌టైం సెక్యూరిటీగా పని చేసే అత్తూరి శరచంద్రప్రసాద్‌ అలియాస్‌ బాలాజీ, అతనితో సహజీవనం చేస్తున్న ప్రమీల తరచూ లక్ష్మీదేవితో చనువుగా ఉంటూ ఆమె నమ్మకాన్ని పొందినట్లు పోలీసులు తెలిపారు. తిరుపతిలో నామకరణ కార్యక్రమం ఉందని నమ్మించి గత నెల 19న కారులో తీసుకెళ్లి రేణిగుంట మండలం ములగమూడి సమీపంలోని చెరువు పొరంబోకు భూమి వద్ద గొంతు నులిమి హత్య చేసినట్లు వెల్లడించారు. అనంతరం ఆమె ఒంటిపై ఉన్న బంగారు ఆభరణాలను తీసుకుని, మృతదేహాన్ని ఇసుకలో పూడ్చేందుకు ములగమూడి శంకరయ్య సహకరించినట్లు పోలీసులు తెలిపారు. ఈ కేసులో బాలాజీ, ప్రమీలను ఇప్పటికే అరెస్ట్‌ చేసి రిమాండ్‌కు తరలించగా.. తాజాగా వారికి సహకరించిన ఏ3 నిందితుడు ములగమూడి శంకరయ్య (60)ను 17వ తేదీన మధ్యాహ్నం తిరుపతి జిల్లా వడమాలపేట బస్టాండ్‌లో అరెస్ట్‌ చేశామన్నారు. అతని వద్ద కుదువ పెట్టిన రెండు బంగారు ముక్కుపుడకలను పోలీసులు స్వాధీనం చేసుకున్నారు. శుక్రవారం జిల్లా ఎస్పీ ధీరజ్‌, డీఎస్పీ బుచ్చిరాజు పర్యవేక్షణలో తాలూకా సీఐ ఒ.కళావెంకటరమణ నిందితుడి అరెస్ట్‌ చూపారు.

సాక్షి, మదనపల్లె: జిల్లాలో వ్యవసాయం దారుణమైన పరిస్థితుల్లోకి వెళుతోంది. ఇప్పటికే ఖరీఫ్‌ సీజన్‌ దయనీయంగా ముగిసింది. సాగు విస్తీర్ణంలో 25% కూడా పంటలు సాగుకు నోచుకోలేదు. ఈ పరిస్థితుల్లో రైతులు వ్యవసాయం చేయాలంటే భయపడే పరిస్థితులు దాపురిస్తున్నాయి. చినుకు జాడ లేకపోవడం, ఇప్పట్లో వర్షాలు కురిసే పరిస్థితులు కనిపించకపోవడంతో రైతులు దిక్కుతోచని పరిస్థితిలో పడ్డారు. దీని ప్రభావం సూక్ష్మ సాగునీటి సేద్యంపై ప్రత్యక్షంగా కనిపిస్తోంది. ప్రస్తుత ఆర్థిక సంవత్సరంలో సూక్ష్మ నీటి పథకం కోసం ప్రభుత్వం రూ.68 కోట్లు కేటాయించగా ఇప్పటిదాకా రూ.16 కోట్లు మాత్రమే సద్వినియోగం అయ్యాయని అధికారులు చెబుతున్నారు. డ్రిప్‌ కోసం పోటాపోటీ తక్కువ నీటి ఖర్చుతో అధిక విస్తీర్ణంలో పంటలు సాగు చేసేందుకు రైతులు ఆసక్తి చూపుతున్నారు. దీనికి సూక్ష్మ నీటి సేద్యానికి స్ప్రింక్లర్లు, డ్రిప్‌ పరికరాలు రైతులకు చాలా అవసరం. ప్రభుత్వం వీటిని 90% రాయితీతో రైతులకు అందిస్తోంది. ప్రతి సంవత్సరం రైతులు వీటిని మంజూరు చేయించుకునేందుకు వేల సంఖ్యలో దరఖాస్తులు చేసుకుంటారు. 32కి పైగా ఉన్న డ్రిప్‌ కంపెనీల్లో ఒకదాన్ని ఎంచుకునే అవకాశం రైతులకు ఉంటుంది. 6,718 మంది రైతుల దరఖాస్తు సూక్ష్మ నీటి పరికరాల కోసం జిల్లాలో ఈ ఏడాది 6718 మంది రైతులు ఆన్‌ లైన్‌ ద్వారా తమ దరఖాస్తులను రిజిస్ట్రేషన్‌ చేసుకున్నారు. వీరిలో కొత్తగా దరఖాస్తు చేసుకున్న వారితోపాటు, ఏడేళ్ల క్రితం పథకం లబ్ది పొందిన రైతులు ఉన్నారు. వీరికి పథకం మంజూరు చేసేందుకు జిల్లా ప్రాజెక్టు డైరెక్టర్‌ లక్ష్మీ ప్రసన్న జిల్లా వ్యాప్తంగా రైతుల పొలాలు, బోర్లను క్షేత్రస్థాయిలో పరిశీలన పూర్తి చేశారు. అర్హులైన రైతులను గుర్తించి ఎంపిక ప్రక్రియ పూర్తి చేశారు. కట్టింది 1,304 మందే 6718 మంది రైతులు 7,775 హెక్టార్ల భూమికి సూక్ష్మ నీటి పరికరాలు కావాలని దరఖాస్తు చేసుకున్నారు. వీరిలో 3,299 మంది రైతులకు సంబంధించి క్షేత్రస్థాయిలో పరిశీలన పూర్తి చేశారు. వీరిలో 3,213 మందిని సూక్ష్మ పథకానికి ఎంపిక చేస్తూ సమాచారాన్ని పంపారు. అయితే పథకం లబ్ధి పొందేందుకు 10% వాటా సొమ్మును 1,304 మంది రైతులు మాత్రమే డీడీలు చెల్లించారు. మిగిలిన 1,909 మంది ఇంతవరకు 10 శాతం వాటా సొమ్ము చెల్లించలేదు. జిల్లాలో 7,775 హెక్టార్లలో సూక్ష్మసేద్యం సాగు చేసేందుకు రైతులు సిద్ధమైతే అందుకు స్పందించిన వారు అతి తక్కువ మంది ఉన్నారు. ఈ పరిస్థితుల్లో సూక్ష్మ సాగునీటి సేద్యంపై ప్రభావం చూపిస్తోంది. నీటి లభ్యతపైనే ఆందోళన జిల్లాలో భూగర్భ జలమట్టాలు దారుణంగా పడిపోతున్నాయి. వర్షాలు లేకపోవడం, ఎండలు కొనసాగడంతో నీటి మట్టాలపై ప్రభావితం చూపిస్తోంది. వ్యవసాయ పంటలకు అనుగుణంగా నీటి అవసరం ఉంటుంది. అయితే జూలై నెల నుంచి వర్షాలు లేకపోవడం, భూగర్భ జలాలు వాడకంలో మార్పు లేకపోవడంతో ఈ పరిస్థితి నెలకొంది. సేద్యానికి బోర్ల నుంచి నీటి లభ్యత తగ్గిపోతోంది. ఈ పరిస్థితి మున్ముందు ఇంకా అధికం కానుంది. ఇప్పుడు ఉన్న నీటితో పంటలు సాగు చేస్తే దిగుబడి వచ్చే సమయానికి నీటి లభ్యత పూర్తిగా పడిపోతే పెట్టిన పెట్టుబడితో పాటు ఆర్థికంగా తీవ్రంగా నష్టపోక తప్పదు. ముందుగా గుర్తించి రైతులు సాగుపై వెనుకంజ వేస్తున్నట్లు తెలుస్తోంది. దీని ఫలితంగానే సూక్ష్మ సాగునీటి పథకం లబ్ధి పొందేందుకు రైతులు జాప్యం చేస్తున్నట్లు కనిపిస్తోంది. లక్ష విలువైన యూనిట్‌ కు రైతులు చెల్లించాల్సింది రూ.పది వేలే అయినప్పటికీ రైతులు ఆలోచిస్తున్నారు. జిల్లాలో ఆందోళన కలిగిస్తున్న దుర్భిక్షం సేద్యంపై తీవ్ర ప్రభావం సూక్ష్మ పరికరాలు కావాలని వేల సంఖ్యలో దరఖాస్తులు పది శాతం సొమ్ము చెల్లింపునకు నిరాసక్తత నియోజకవర్గం దరఖాస్తులు హెక్టార్లు డీడీలు కట్టింది మదనపల్లె 945 934 103 తంబళ్లపల్లె 1,630 1,916 233 పీలేరు 1,334 1,607 386 పుంగనూరు 1,113 1,223 173 రాయచోటి 1,696 2,095 409 సూక్ష్మనీటి సేద్యం పరికరాల కోసం దరఖాస్తు చేసుకుని ఎంపిక చేసిన రైతులకు సమాచారం పంపించాం. వారిలో సగం మంది రైతులే తమ పదిశాతం వాటాగా డీడీలు చెల్లించారు. మిగిలివారు చెల్లించలేదు. వర్షాభావ పరిస్థితులు, భూగర్భజలాలపై ఆందోళనతో రైతులు ముందుకు రావడం లేదని అనుమానిస్తున్నాం. పథకానికి ఎంపికై న ప్రతి రైతుకు సూక్ష్మనీటి పరికరాలను అందిస్తాం. – లక్ష్మీప్రసన్న, పీడీ, ఏపీఎంఐపీ

● కూటమిలో జనసేన మంట ములకలచెరువు : మండలంలోని వేపూరికోటలో గురువారం ఎంపీడీఓ అమరనాథ్‌రెడ్డి టీడీపీ కార్యకర్తలతో కలిసి సచివాలయం ప్రారంభించిన విషయం తెలిసిందే. ఈ సచివాలయానికి ఏర్పాటు చేసిన శిలాఫలకం శుక్రవారం ధ్వంసం కావడం మండలంలో కలకలం రేపింది. కాసేపట్లోనే శిలాఫలకం ధ్వంసం చేసిన వీడియో సోషల్‌ మీడియాలో వైరల్‌గా మారింది. తంబళ్లపల్లె జనసేన ఇన్‌చార్జ్‌ పేరు శిలాఫలకంలో లేదని, పైగా ప్రొటోకాల్‌ లేకుండా ప్రారంభించారని ఆగ్రహించిన జనసేన కార్యకర్తలు ధ్వంసం చేసినట్లు మండలం మొత్తం దావానంలా వ్యాపించింది. సచివాలయం సిబ్బంది రహస్యంగా వీడియో తీయడంతో అసలు విషయం బయటపడింది. ఇద్దరు యువకులు కారులో సచివాలయం వద్దకు చేరుకొని ‘మేము మద్దినాయునిపల్లెకు చెందిన జనసేన కార్యకర్తలం, ఎంపీడీఓను కలిసేందుకు కార్యాలయానికి వెళ్తే అక్కడ ఆయన లేకపోవడంతో ఇక్కడి వచ్చామని... సుత్తి సాయంతో శిలాఫలకం ధ్వంసం చేసి.. ఎవరైనా అడిగితే నా పేరు మూర్తి అని చెప్పండి’ అని వీడియోలో ఉంది. దీనిపై ఎంపీడీఓ అమరనాథ్‌రెడ్డిని వివరణ కోరగా... నిందితులపై పోలీసు స్టేషన్‌లో ఫిర్యాదు చేయాలని కార్యదర్శి మనోహర్‌కు ఆదేసించినట్లు వివరించారు.

● సర్‌చార్జ్‌ నోటీసుకు స్పందించలేదు ● క్రిమినల్‌ కేసు నమోదుకు కలెక్టర్‌ ఆదేశాలు సాక్షి, మదనపల్లె : మదనపల్లె డివిజన్‌లోని నిమ్మనపల్లె వ్యవసాయ పరపతి సహకార సంఘంలో జరిగిన అక్రమాలు, నిధుల స్వాహాపై విచారణాధికారిగా నియమితులైన రాయచోటి సహకార అధికారి హబీబుల్లా విచారణ నివేదికను ఉన్నతాధికారులకు సమర్పించారు. ఈ సంఘం సీఈవోగా పని చేస్తున్న హరినాథరెడ్డి రూ.2.53 కోట్లు స్వాహా చేసినట్టు అక్రమాల లెక్కను తేల్చారు. దీనిపై క్రిమినల్‌ కేసు నమోదుకు కలెక్టర్‌ నిశాంత్‌కుమార్‌ ఆదేశాలు జారీ చేశారు. దీనికి సంబంధించి వివరాలు ఇలా ఉన్నాయి. నిమ్మనపల్లె సింగిల్‌ విండోలో ఖాతాదారులకు బంగారు ఆభరణాలపై ఇచ్చిన రుణాలకు సంబంధించి రికవరీ లేకపోవడంపై అనుమానాలు రావడంతో డీసీసీ బ్యాంక్‌ అధికారులు తనిఖీలు నిర్వహించారు. ఇందులో విస్తుపోయే వాస్తవాలు వెలుగులోకి వచ్చాయి. ఆభరణాలపై ఇచ్చిన రుణాలు రికవరీ అయినప్పటికీ సంఘానికి జమ కావడం లేదని గుర్తించారు. సీఈవో ఆ నిధులను స్వాహా చేశారని బ్యాంక్‌ అధికారుల సూచన మేరకు.. సహకార శాఖ అధికారులు జరిపిన ప్రాథమిక విచారణలో వాస్తవాలు వెలుగు చూశాయి. దీనిపై హబీబుల్లాను విచారణ అధికారిగా డీసీఓ గురుప్రకాష్‌ నియమించారు. సుదీర్ఘంగా జరిగిన విచారణలో హరినాథరెడ్డి బంగారు ఆభరణాలపై ఇచ్చిన రుణాల సొమ్ము రూ.2.07 కోట్లు, ఇతర రుణాలకు సంబంధించిన రూ.46 లక్షల నిధులు సంఘానికి జమ చేయకుండా రికవరీ సొమ్మును స్వాహా చేశారని లెక్క తేల్చారు. ఈ నివేదిక ఆధారంగా హరినాథ్‌రెడ్డికి సహకార అధికారులు సర్‌ చార్జ్‌ నోటీసు జారీ చేశారు. దీనిపై సమాధానం చెప్పేందుకు విచారణకు హాజరు కాలేదు. అనంతరం విధుల స్వాహాపై జిల్లా కలెక్టర్‌కు నివేదించారు. కేసు నమోదుకు కలెక్టర్‌ ఆదేశం నిమ్మనపల్లె ప్రాథమిక వ్యవసాయ పరపతి సంఘం సీఈవో హరినాథ్‌రెడ్డి రూ.2.53 కోట్లు స్వాహా చేసినట్లు తేలడంపై జిల్లా కలెక్టర్‌ చర్యలకు ఆదేశించారు. ఈనెల 15న కలెక్టర్‌ జారీ చేసిన ఆదేశాల మేరకు హరినాథ్‌రెడ్డిపై క్రిమినల్‌ కేసు నమోదు చేయాలని ఆదేశించారు. దీంతో శాఖ పరంగా మదనపల్లె డివిజనల్‌ కో–ఆపరేటివ్‌ అధికారి జమీర్‌ నిమ్మనపల్లి పోలీసులకు ఫిర్యాదు చేసేందుకు సిద్ధమవుతున్నారు. దీనికి సంబంధించిన ఆధారాలను ఫిర్యాదుతోపాటు అందిస్తారు. కాగా ఈ నిధులు స్వాహాపై ఇప్పటికే పర్సన్‌ ఇన్‌చార్జ్‌ మార్చి 7న నిమ్మనపల్లె పోలీసులకు ఫిర్యాదు చేసినప్పటికీ కేసు నమోదు కాలేదు. హరినాథరెడ్డిపై క్రిమినల్‌ కేసు నమోదుకు కలెక్టర్‌ ఆదేశాలతో నిమ్మనపల్లె పోలీసులకు ఆధారాలతో ఫిర్యాదు చేయనున్నట్టు డివిజనల్‌ కోఆపరేటివ్‌ అధికారి జమీర్‌ శుక్రవారం చెప్పారు.

వాల్మీకిపురం : పట్టణంలోని బైపాస్‌ రోడ్డులో నివాసం ఉండే పసుపులేటి లక్ష్మీకాంతమ్మ ఇంటి పెరట్లో బ్రహ్మకమలం మొక్క నాటారు. సాధారణంగా బ్రహ్మకమలాలు వర్షాకాలం నుంచి శరదృతువు వరకు ఉండే సమయం జూలై నుంచి సెప్టెంబరు నెలల్లో వికసిస్తాయి. ఈ క్రమంలో వీరి ఇంట్లో ఉండే బ్రహ్మకమలం మొక్కకు శుక్రవారం ఉదయం ఒకే రోజులో ఐదు పుష్పాలు వికసించాయి. ఎంతో అరుదుగా కనపడే ఈ బ్రహ్మకమలం పుష్పాలను హిందూ సంప్రదాయంలో చాలా శుభ్రప్రదమైన పువ్వుగా భావిస్తారు. దీంతో స్థానికులు ఈ పుష్పాలను ఆసక్తిగా తిలకించారు.

బద్వేలు అర్బన్‌ : త్వరలో జరగనున్న స్థానిక సంస్థల ఎన్నికలను ప్రశాంత వాతావరణంలో నిర్వహించేందుకు పటిష్ట చర్యలు చేపట్టనున్నట్లు కర్నూలు రేంజ్‌ డీఐజీ డాక్టర్‌ కోయప్రవీణ్‌ పేర్కొన్నారు. శుక్రవారం బద్వేలు అర్బన్‌ పోలీసుస్టేషన్‌ను ఆకస్మిక తనిఖీ చేసిన ఆయన స్థానిక సంస్థల ఎన్నికలపై సిబ్బందితో చర్చించారు. అనంతరం మీడియాతో మాట్లాడుతూ కర్నూలు రేంజ్‌ పరిధిలో రెండు కార్పొరేషన్లు, 21 మున్సిపాలిటీలకు ఎన్నికలు జరగనున్నాయని, ఈ నేపథ్యంలో ఆయా కార్పొరేషన్లు, మున్సిపాలిటీల పరిధిలోని అన్ని స్టేషన్లను తనిఖీ చేసి సిబ్బందికి క్షేత్రస్థాయిలో చేపట్టాల్సిన విధులపై అవగాహన కల్పిస్తున్నామని తెలిపారు. ఎన్నికలు జరగనున్న ప్రాంతాల్లో వారంలో రెండు రోజులు ఎస్‌హెచ్‌ఓలు, ఎస్‌ఐలు, వారంలో ఒక రోజు డీఎస్పీ, 15 రోజుల్లో ఒకసారి అడిషనల్‌ ఎస్పీ, నెల రోజుల్లో ఎస్పీ స్థాయి అధికారులు పల్లెనిద్ర కార్యక్రమం చేపట్టి స్థానిక పరిస్థితులపై అవగాహన పెంచుకోవాలని కోరారు. ముఖ్యంగా రౌడీషీటర్లు, ట్రబుల్‌మాంగర్స్‌లపై ప్రత్యేక నిఘా ఉంచి ఎన్నికలను ప్రశాంత వాతావరణంలో నిర్వహించేందుకు చర్యలు చేపట్టాలని సూచించారు. అనంతరం మైదుకూరు సబ్‌ డివిజన్‌ పరిధిలో శాంతిభద్రతలపై చేపడుతున్న చర్యల గురించి మైదుకూరు డీఎస్పీ రాజేంద్రప్రసాద్‌ను అడిగి తెలుసుకున్నారు. రివార్డులకు సిఫార్సు రాష్ట్రంలో సంచలనం రేపిన దస్తగిరమ్మ హత్య కేసులో నిందితుడికి యావజ్జీవ కారాగార శిక్ష పడిన నేపథ్యంలో శిక్ష పడేందుకు కృషి చేసిన పోలీసు అధికారులకు రివార్డులు అందించేందుకు సిఫార్సు చేయాలని మైదుకూరు డీఎస్పీని ఆదేశించారు. కార్యక్రమంలో అర్బన్‌ సీఐ రామకృష్ణ, పోరుమామిళ్ళ సీఐ హేమసుందర్‌రావు తదితరులు పాల్గొన్నారు. డీఐజీ కోయప్రవీణ్‌

రాజంపేట: పదకవితాపితామహుడు తాళ్లపాక అన్నమాచార్యులు జన్మస్థలి తాళ్లపాకలో శ్రీ లక్ష్మీచెన్నకేశవస్వామి పవిత్రోత్సవాలు ముగిశాయి. ఇందులో భాగంగా శుక్రవారం స్వామివారికి పల్లకీ సేవ నిర్వహించారు. అంతకముందు ఉత్సవమూర్తులను సుందరంగా అలంకరించి పల్లకిపై కొలువు దీర్చారు.ప్రత్యేకపూజలు నిర్వహించారు. అనంతరం గ్రామపురవీధుల్లో పల్లకీ సేవను కొనసాగించారు. ఈ సందర్భంగా భఽక్తులు కాయకర్పూరాలను సమర్పించారు. కారక్రమంలో టెంపుల్‌ ఇన్‌స్పెక్టర్‌ బాలాజీ, మాజీ సర్పంచి గౌరీశంకర్‌ తదితరులు పాల్గొన్నారు. 22 నుంచి ‘సేవా సంకల్ప్‌ అభియాన్‌’ మదనపల్లె సిటీ: ప్రభుత్వ, ప్రైవేటు ఉన్నత పాఠశాలల్లో సంకల్స్‌ అభియాన్‌ కార్యక్రమాల్లో భాగంగా ఈనెల 22,23 తేదీల్లో పాఠశాల స్థాయిలో చిత్రలేఖనం, వకృత్త్వ పోటీలు నిర్వహిస్తున్నట్లు డిఈఓ సుబ్రమణ్యం తెలిపారు.26న నో బ్యాగ్‌డే ప్రదర్శన జరుగుతుందన్నారు. 28వతేదీ మండల స్థాయి పోటీలు జరుగుతాయన్నారు. అక్టోబర్‌ 1వతేదీన జిల్లా స్థాయి ప్రదర్శన, విజేతలకు సత్కారం జరుగుతుందని తెలిపారు. డీవైఈఓలు, ఎంఈఓలు, ప్రధానోపాధ్యాయులు సమన్వయంతో పోటీలు నిర్వహించాలని సూచించారు. గృహనిర్మాణ శాఖ సీఈ, నలుగురు ఈఈలకు రివర్షన్‌ సాక్షి, మదనపల్లె: గృహ నిర్మాణ శాఖలో పనిచేస్తున్న వారి పదవీ విరమణ వయస్సు 60 నుంచి 62 ఏళ్లకు ప్రభుత్వం పెంచింది. దీంతో ఇప్పటికే ఉద్యోగ విరమణ చేసిన వారిని తిరిగి విధుల్లోకి తీసుకోవడంతో గత ఏడాది పదోన్నతులు పొంది విధులు నిర్వహిస్తున్న ఒక చీఫ్‌ ఇంజనీర్‌, నలుగురు ఎగ్జిక్యూటివ్‌ ఇంజనీర్లను ప్రభుత్వం రివర్షన్‌ చేసింది. ప్రధాన కార్యాలయంలో చీఫ్‌ ఇంజినీర్‌ గా ఎస్‌.వేణుగోపాల్‌, ఎగ్జిక్యూటివ్‌ ఇంజినీర్లు డి.రమాకాంతరావు, కే.శంకరప్ప, జివి.విశ్వేశ్వరరావు, బి.బుజ్జిబాబులకు గత ఏడాది సెప్టెంబర్‌ లో డీఈఈ నుంచి ఈఈగా ప్రమోషన్‌ లభించింది. దాంతో మీరంతా వివిధ ప్రాంతాల్లో విధులు నిర్వహిస్తున్నారు. ఉద్యోగ విరమణ వయస్సు 62 ఏళ్లకు పెంచడంతో, అప్పటికే 14 మంది ఉద్యోగ విరమణ చేసిన ఈఈలు మళ్లీ విధుల్లోకి చేరారు. దీంతో అప్పటి సీఈ పద్మనాభం తిరిగి అదే స్థానంలో చేరగా పదోన్నతితో సీఈగా ఉన్న ఎస్‌. వేణుగోపాల్‌ ను తిరిగి ఎస్‌ఈగా వెనక్కి పంపారు. 14 మంది ఈఈలు తిరిగి చేరడంతో ప్రమోషన్‌ పొందిన నలుగురు ఈఈలను తిరిగి డీఈలుగా వెనక్కి పంపింది. ఈ మేరకు విధుల్లోకి చేరిన వారికి పోస్టింగులు ఇచ్చారు. సీఈగా ఉండి ఎస్సీ అయినా వేణుగోపాల్‌కు ప్రధాన కార్యాలయంలో సీజీఎం, పరిపాలన జీఎంగా బాధ్యతలను అప్పగించారు. 21న డి–ఫార్మసీ స్పాట్‌ అడ్మిషన్లు కడప ఎడ్యుకేషన్‌: కడపలోని ప్రభుత్వ మహిళా పాలిటెక్నిక్‌ కళాశాలలో డి ఫార్మసీ కోర్సులో ప్రవేశానికి 21వ తేదీ స్పాట్‌ అడ్మిషన్లను నిర్వహిస్తున్నట్లు ప్రిన్సిపాల్‌ సీహెచ్‌ జ్యోతి తెలిపారు. ఇందుకు సంబంధించిన దరఖాస్తులు ఈ నెల 19వ తేదీ సాయంత్రం 5 గంటల వరకు స్వీకరిస్తారని చెప్పారు. ఇంటర్‌లో బైపీసీ, ఎంపీసీ ఉత్తీర్ణత పొందిన విద్యార్థులు 10వ తరగతి , ఇంటర్‌ మార్కుల జాబితాలు, కుల ధ్రువీకరణ పత్రం, స్టడీ సర్టిఫికెట్‌, 6 నుంచి ఇంటర్‌ వరకు టీసీ ఒరిజినల్‌తోపాటు మూడు సెట్ల జిరాక్స్‌ కాపీలతో నేరుగా హాజరు కావాలని తెలిపారు. మరిన్ని వివరాలకు 9441667664, 9985391616 నెంబర్లలో సంప్రదించాలని ప్రిన్సిపాల్‌ తెలిపారు. జాతీయస్థాయి పోటీలకు ఎంపిక వేంపల్లె : ఆర్జీయూకేటీ ఇడుపులపాయ ఆర్‌కే వ్యాలీ ట్రిపుల్‌ ఐటీ విద్యార్థులు జాతీయ స్థాయిలో జరిగే ప్రజ్ఞ – ది బిజినెస్‌ క్విజ్‌ ఫైనల్‌ పోటీలకు ఎంపికయ్యారని ట్రిపుల్‌ ఐటీ డైరెక్టర్‌ విజయ్‌ ప్రకాష్‌ తెలిపారు. శుక్రవారం ఇడుపులపాయ ఆర్‌కే వ్యాలీ ట్రిపుల్‌ ఐటీలో ఆయన మాట్లాడుతూ జాతీయ స్థాయిలో ఆఫ్‌లైన్‌ ఫైనల్స్‌ 2026 అక్టోబర్‌ 30 నుంచి నవంబర్‌ 1 వరకు భారతీయ మేనేజ్‌మెంట్‌ సంస్థ పోటీలు జరుగుతాయని, ఈ పోటీలకు 7వ జట్టు విద్యార్థులైన శ్రీచక్ర రెడ్డి, శ్రీజారెడ్డి విద్యార్థులు హాజరవుతారన్నారు. ఈ విజయం విద్యార్థుల వ్యాపార పరిజ్ఞానం, సమకాలీన అంశాలపై అవగాహన, పోటీ స్ఫూర్తికి నిదర్శనంగా నిలుస్తుందన్నారు. విద్యార్థులను ఏఓ రవికుమార్‌, డీన్‌ ఆఫ్‌ ఆకడమిక్స్‌ రమేష్‌ కై లాస్‌లతోపాటు అధ్యాపకులు అభినందనలు తెలిపారు.

మదనపల్లె టౌన్‌ : అన్నమయ్య జిల్లాలో నేరాల నియంత్రణ, శాసీ్త్రయ ఆధారాల సేకరణే లక్ష్యంగా ఏపీ ఎఫ్‌ఎస్‌ఎల్‌ కేటాయించిన అత్యాధునిక మొబైల్‌ ఫోరెన్సిక్‌ వాహనాన్ని శుక్రవారం జిల్లా ఎస్పీ ధీరజ్‌ కునుబిల్లి ప్రారంభించారు. డీజీపీ హరీష్‌ కుమార్‌ గుప్తా మంజూరు చేసిన ఈ వాహనం మదనపల్లెకు వచ్చింది. అనంతరం వాహనాన్ని జిల్లా క్లూస్‌ టీమ్‌ ఇన్‌చార్జి, ఫింగర్‌ ప్రింట్‌ ఇన్‌స్పెక్టర్‌ బి.సునీల్‌కు అప్పగించారు. నేర స్థలంలో నిందితులు రక్తపు మరకలు, వేలిముద్రలు తుడిచి వేసి సాక్ష్యాలను మాయం చేసేందుకు ప్రయత్నించినా ఈ వాహనం ద్వారా వెంటనే పసిగట్టవచ్చు. దీనిలో హై–ఇంటెన్సిటీ లైట్‌, డీఎన్‌ఏ పరీక్ష కిట్లు సహా 10 రకాల అత్యాధునిక సాంకేతిక పరికరాలు, మైక్రోస్కోప్‌ అందుబాటులో ఉన్నాయి. ఈ పరిజ్ఞానం ద్వారా హిట్‌ అండ్‌ రన్‌ కేసులు, లైంగిక దాడులు, గంజాయి, డ్రగ్స్‌, ఇతర మత్తు పదార్థాల విక్రయాలు, తుపాకీ కాల్పుల ఘటనలు వంటి తీవ్ర నేరాల్లో స్పాట్‌లోనే ఆధారాలను సేకరించడానికి వీలు అవుతుంది. ఈ సందర్భంగా జిల్లా ఎస్పీ ధీరజ్‌ కునుబిల్లి మాట్లాడుతూ నూతన సాంకేతిక పరిజ్ఞానంతో పక్కా ఆధారాలు సేకరించి నేరస్తులకు చట్ట ప్రకారం కఠిన శిక్షలు పడేలా చేస్తామన్నారు. నేరం చేసి తప్పించుకోవచ్చనే భ్రమలో ఎవరైనా ఉంటే ఇకపై ఆ ఆలోచన వదిలేయాలని హెచ్చరించారు.

మదనపల్లె టౌన్‌ : ఎయిడ్స్‌పై ప్రజల్లో అవగాహన కల్పించేందుకు అన్నమయ్య జిల్లా మదనపల్లెలో ఐదు కిలోమీటర్ల మారథాన్‌(పరుగు) నిర్వహించారు. డీఎంహెచ్‌ఓ కార్యాలయం నుంచి ప్రారంభమైన ఈ మారథాన్‌లో వివిధ కళాశాలలకు చెందిన రెడ్‌ రిబ్బన్‌ క్లబ్‌ విద్యార్థులు, వైద్య సిబ్బంది ఉత్సాహంగా పాల్గొన్నారు. మారథాన్‌ను అడిషనల్‌ డీఎంహెచ్‌ఓ, ఎయిడ్స్‌ అన్నమయ్య, కడప జిల్లాల క్లస్టర్‌ మేనేజర్‌ భాస్కర్‌ ప్రారంభించారు. ఈ సందర్భంగా ఎయిడ్స్‌ వ్యాధి వ్యాప్తి, నివారణ చర్యలు, అపోహల నివారణపై ప్రజలకు అవగాహన కల్పిస్తూ విద్యార్థులు, వైద్య సిబ్బంది నినాదాలు చేశారు. యువతలో ఎయిడ్స్‌పై అవగాహన పెంచడం, సురక్షితమైన జీవన విధానంపై చైతన్యం కల్పించడమే కార్యక్రమం ప్రధాన ఉద్దేశమని నిర్వాహకులు తెలిపారు. ప్రతి ఒక్కరూ ఎయిడ్స్‌పై సరైన అవగాహన పెంచుకుని, వ్యాధి నివారణలో భాగస్వాములు కావాలని వారు కోరారు.

● కేసు ఛేదనలో పోలీసులు జాప్యం చేస్తున్నారని ఆవేదన మదనపల్లె టౌన్‌ : కుమార్తె కనిపించకుండా పోయి రోజులు గడుస్తున్నా పోలీసులు పట్టించుకోవడం లేదని తీవ్ర మనస్తాపానికి గురైన ఓ తండ్రి పురుగుల నివారణ మందు తాగి ఆత్మహత్యాయత్నానికి పాల్పడిన సంఘటన గుర్రంకొండ మండలంలో జరిగింది. బాధితుల కథనం మేరకు వివరాలు ఇలా ఉన్నాయి. గుర్రంకొండ మండలం టి. రాచపల్లి పంచాయతీ పరిధిలోని గంగిరెడ్డి గారిపల్లె గ్రామానికి చెందిన కె.రామచంద్ర కుమార్తె అనురాధ(18) గత నెల 31వ తేదీ నుంచి ఇంట్లో కనిపించడం లేదు. ఆమె కోసం కుటుంబ సభ్యులు అన్ని ప్రాంతాల్లో వెతికినా ఆచూకీ లభించలేదు. ఈ క్రమంలోనే అదే గ్రామానికి చెందిన ఆటో డ్రైవర్‌ కె.రెడ్డి మోహన్‌పై అనుమానం ఉందంటూ రామచంద్ర గుర్రంకొండ పోలీసు స్టేషన్‌లో ఫిర్యాదు చేశారు. అయితే ఫిర్యాదు చేసి ఇన్ని రోజులవుతున్నా పోలీసులు తమ కుమార్తె ఆచూకీ కనుక్కోవడంలో తీవ్ర అలసత్వం ప్రదర్శిస్తున్నారని బాధితుడు ఆవేదన వ్యక్తం చేశారు. న్యాయం జరగకపోవడంతో తీవ్ర మనస్తాపానికి గురైన రామచంద్ర శుక్రవారం తన నివాసంలో పురుగుల నివారణ మందు తాగి ఆత్మహత్యకు యత్నించాడు. గమనించిన కుటుంబ సభ్యులు, స్థానికులు ఆయనను వెంటనే ఆసుపత్రికి తరలించారు. బాధితుడి కుటుంబానికి న్యాయం చేసి, కనిపించకుండా పోయిన యువతిని వెంటనే వెతికి పట్టుకోవాలని గ్రామస్తులు డిమాండ్‌ చేస్తున్నారు.

జిల్లాలో శుక్రవారం రహదారులు నెత్తురోడాయి. వేర్వేరు ప్రాంతాల్లో జరిగిన రోడ్డు ప్రమాదాల్లో నలుగురు దుర్మరణం పాలయ్యారు. గమ్యస్థానాలకు చేరుకోవాల్సిన ప్రాణాలు మార్గమధ్యలోనే అనంతవాయువుల్లో కలిసిపోవడంతో ఆయా కుటుంబాల్లో తీరని శోకం మిగిలింది. వేర్వేరు ప్రమాదాల్లో నలుగురుగు దుర్మరణం మతలబ్‌, కాశం మృతదేహాలు సంబేపల్లె : కుటుంబ పోషణలో భాగంగా పాల సేకరణకు వచ్చిన ఇద్దరు వ్యాపారులు రోడ్డు ప్రమాదంలో మృతి చెందారు. సంబేపల్లె మండల కేంద్ర పరిధిలో శుక్రవారం రాత్రి ఈ సంఘటన చోటు చేసుకుంది. పోలీసుల వివరాల మేరకు.. రౌతుకుంట గ్రామం వంగిమళ్లవాండ్లపల్లెకు చెందిన పి.బాబాఫకృద్దీన్‌ (అలీ) (32), పి.కలందర్‌ (42) వ్యవసాయంతో పాటు పాల వ్యాపారం చేస్తూ జీవనం సాగిస్తున్నారు. ఈ క్రమంలో ఇద్దరు కలిసి ద్విచక్రవాహనంపై సంబేపల్లె మండల కేంద్రానికి వచ్చి ఓ రైతుకు పాల క్యాను ఇచ్చి బాటిల్‌లో పాలు తీసుకొని ఇంటికి వెళుతుండగా చిత్తూరు–కర్నూలు జాతీయ రహదారిపై నామాలగుట్ట సమీపంలోకి రాగానే తిరుపతి నుంచి రాయచోటి వస్తున్న ఆర్టీసీ బస్సు ఢీకొంది. ప్రమాదంలో ఇద్దరూ అక్కడిక్కడే మృతి చెందారు. వీరి మృతితో రౌతుకుంటలో విషాదచాయలు అలముకున్నాయి. ఇంటి పెద్ద దిక్కును కోల్పోయి ఆ కుటుంబాలు రోడ్డున పడ్డాయి. పాలు తీసుకోవడానికి వెళ్లి భర్త విగతజీవిగా మారాడని తెలుసుకున్న అలీ భార్య, ఇద్దరు పిల్లలు బోరున విలపించారు. మరోవైపు కలందర్‌ కుటుంబ సభ్యులు, కువైట్‌లో ఉండటంతో వారి బాధ వర్ణణాతీతమని గ్రామస్తులు చెప్పారు. మృతుల కుటుంబ సభ్యుల ఫిర్యాదు మేరకు కేసు నమోదు చేసినట్లు పోలీసులు తెలిపారు. ఈ సంఘటనలో రోడ్డు దాటుతున్న రాజాకు తీవ్రగాయాలయ్యాయి. సంఘటనా స్థలాన్ని రాయచోటి రూరల్‌ సీఐ రోషన్‌ పరిశీలించారు. గాలివీడు : మండలంలోని నూలివీడు పంచాయతీ తానాబాయి సమీపంలో శుక్రవారం జరిగిన రోడ్డు ప్రమాదంలో ట్రాక్టర్‌ బోల్తా పడి ఇద్దరు మృతి చెందారు. పోలీసుల కథనం మేరకు.. అస్సాం రాష్ట్రానికి చెందిన అబ్దుల్‌ మతలబ్‌ (25), కాశం (23) రామాపురం మండలంలో జలజీవన్‌ మిషన్‌ పనుల్లో భాగంగా నీటి ట్యాంకుల నిర్మాణానికి కూలీలుగా వచ్చారు. శుక్రవారం గాలివీడుకు వచ్చి ఇనుప కడ్డీలను ట్రాక్టర్‌లో తరలిస్తుండగా దేవరకొండ సమీపంలోని తానాబాయి వద్ద ఎదురుగా నిలిపి ఉన్న లారీలను తప్పించబోయారు. ఈ క్రమంలో ట్రాక్టర్‌ అదుపుతప్పి బోల్తా పడింది. ట్రాక్టర్‌లో ఉన్న ఇనుప కడ్డీలు అబ్దుల్‌ మతలబ్‌, కాశంపై పడటంతో వారు అక్కడికక్కడే మృతి చెందారు. డ్రైవర్‌ ప్రమాదం నుంచి ప్రాణాలతో బయటపడ్డాడు. సమాచారం అందుకున్న పోలీసులు సంఘటనా స్థలానికి చేరుకుని పరిశీలించారు. కేసు నమోదు చేసి దర్యాప్తు చేస్తున్నట్లు పోలీసులు తెలిపారు.

● చిప్పిలి ఎస్‌ఎస్‌ ట్యాంకులోకి కృష్ణమ్మ పరవళ్లు ● మదనపల్లె ప్రజల దశాబ్దాల దాహార్తికి శాశ్వత పరిష్కారం ● రూ. 239 కోట్ల వ్యయంతో 5 ప్యాకేజీల పనులన్నీ పూర్తి చేసింది వైఎస్సార్‌ హయాంలోనే ● మూడు విడతల్లో ఏకంగా 6.46 టీఎంసీల నీటిని తరలించి రికార్డు సృష్టించిన జగనన్న సాక్షి, మదనపల్లె: మహానేత, దివంగత ముఖ్యమంత్రి వైఎస్‌ రాజశేఖర్‌రెడ్డి సంకల్పించిన చరిత్రాత్మక జలయజ్ఞ ఫలం నేడు మదనపల్లె పట్టణ ప్రజల కళ్ల ముందు సాక్షాత్కరిస్తోంది. మదనపల్లె పట్టణ తాగునీటి అవసరాలను తీర్చే చిప్పిలి ఎస్‌ఎస్‌ ట్యాంకులోకి కృష్ణా జలాలు చేరి జలకళను తెచ్చాయి. 2006లో సాహసోపేతంగా హంద్రీనీవా ప్రాజెక్టును చేపట్టడానికి ముందు వైఎస్సార్‌ మదనపల్లె ప్రజల నీటి కష్టాలను కళ్లారా చూశారు. నాడు నరేష్‌ కుమార్‌ రెడ్డి మున్సిపల్‌ చైర్మన్‌గా ఉండగా వైఎస్సార్‌ ఎన్నికల పర్యటనలో భాగంగా ఇక్కడికి వచ్చారు. చిత్తూరు బస్టాండ్‌లో జరిగిన భారీ బహిరంగ సభలో ప్రసంగించిన ఆయన, మదనపల్లె నీటి సమస్యపై తీవ్ర ఆవేదన వ్యక్తం చేశారు. ఆ తర్వాత 2004లో సీఎం అయ్యాక మదనపల్లె ప్రజలకు శాశ్వత తాగునీటి కష్టాలు తీర్చేలా సమ్మర్‌ స్టోరేజ్‌ ట్యాంకుల నిర్మాణానికి అనుమతులు మంజూరు చేశారు. రూ. 239 కోట్లతో వైఎస్సార్‌ జలవిప్లవం సమ్మర్‌ స్టోరేజ్‌ ట్యాంకుల నిర్మాణం కోసం ఉమ్మడి చిత్తూరు జిల్లాలో సాగే హంద్రీనీవా పుంగనూరు ఉపకాలువలో అంతర్భాగంగా పనులు చేశారు. టెండర్లు జరగడం, ప్రభుత్వంతో కాంట్రాక్టర్లు ఒప్పందాలు కుదుర్చుకోవడం, శరవేగంగా పనులు సాగడం అంతా వైఎస్సార్‌ పాలనలోనే జరిగాయి. సత్యసాయి జిల్లా సరిహద్దు నుంచి ప్రారంభమయ్యే కాలువ కిలోమీటర్‌ 74 నుంచి 110 వరకు పనులకు 27వ ప్యాకేజీ కింద రూ. 72.73 కోట్లు, 28వ ప్యాకేజీలో 110వ కిలోమీటర్‌ నుంచి 150 వరకు రూ.83.80 కోట్లు కేటాయించారు. ప్యాకేజీ 59లో 150వ కిలోమీటర్‌ నుంచి 173 వరకు రూ.69.91 కోట్లతో ఏపీఆర్‌ కన్‌స్ట్రక్షన్‌ కంపెనీతో ఒప్పందం జరగ్గా, దీని కిందనే 0.08 టీఎంసీల సామర్థ్యంతో 1.05 కిలోమీటర్ల బండ్‌తో చిప్పిలి ట్యాంకు, 0.131 టీఎంసీల సామర్థ్యంతో 1.50 కిలోమీటర్ల బండ్‌తో గుంటివారిపల్లె సమ్మర్‌ స్టోరేజ్‌ ట్యాంకులు నిర్మితమయ్యాయి. అలాగే ప్యాకేజీ 60 కింద రూ. 50.75 కోట్లు, ప్యాకేజీ 61 కింద రూ. 36.31 కోట్లతో ఒప్పందాలు జరిగాయి. చంద్రబాబు ముఖ్యమంత్రిగా లేని 2010 నాటికే ఈ ప్యాకేజీల్లో రూ. 239 కోట్ల పనులు వంద శాతం పూర్తయ్యాయి. బాబు సీఎంగా పనిచేసిన 1995 నుంచి 2004 వరకు ఈ ప్రాజెక్టు కోసం బడ్జెట్‌లో పట్టుమని రూ. పది కోట్లు కూడా కేటాయించలేదు. చంద్రబాబు మొక్కుబడి హడావుడి.. జగనన్న హయాంలోనే నీటి ప్రవాహం ప్రాజెక్టు కోసం తాను ఏదో చేశానని చెప్పుకునే చంద్రబాబు, 2019 జనవరిలో మొక్కుబడిగా కేవలం 750 ఎంసీఎఫ్‌టీల నీటిని మాత్రమే కాలువకు తరలించి గొప్పలు చెప్పుకున్నారే కానీ, మదనపల్లె పట్టణ ప్రజల తాగునీటి దాహం తీర్చే సమ్మర్‌ స్టోరేజ్‌ ట్యాంకులకు కృష్ణా జలాలు ఎందుకు తరలించలేదో సమాధానం చెప్పరు. ఈ ప్రాజెక్టు ద్వారా చిప్పిలి ఎస్‌ఎస్‌ ట్యాంకుకు తొలిసారి కృష్ణా జలాలు విజయవంతంగా తరలించింది వైఎస్‌ఆర్‌సీపీ ప్రభుత్వంలో సీఎం జగనన్నే. వైఎస్సార్‌సీపీ పాలనలో మూడు విడతల్లో ఏకంగా 6.4618 టీఎంసీల నీటిని ఈ ప్రాంతానికి తరలించారు. 2019 నవంబర్‌ 22 నుంచి మార్చి వరకు 1.84 టీఎంసీలు, 2020 నవంబర్‌ 12 నుంచి 2021 మే 15 వరకు 2.5218 టీఎంసీల నీటిని అందించి ప్రస్తుత అన్నమయ్య, చిత్తూరు జిల్లాల్లోని 91 చెరువులకు జలకళ తెచ్చారు. మదనపల్లె, పుంగనూరులోని చిప్పిలి, గుంటివారిపల్లె, పుంగమ్మ సమ్మర్‌ స్టోరేజ్‌ ట్యాంకులను నింపి తాగునీటి కష్టాలను తీర్చారు. ఆ తర్వాత 2023 అక్టోబర్‌ 9 నుంచి 2024 మార్చి 5 వరకు మరో 2.6 టీఎంసీల జలాలను ఉమ్మడి చిత్తూరు జిల్లాతో పాటు కుప్పం నియోజకవర్గంలోని మద్దికుంట, వెరశిచెరువు, చిట్టివానికుంటలకు తరలించి నింపింది కూడా జగనన్న పాలనలోనే జరిగింది.

మదనపల్లి (కురబలకోట) : సాధారణ కుటుంబ నేపథ్యం నుంచి దేశ ప్రధాన మంత్రి స్థాయికి ఎదిగిన నరేంద్రమోడీ జీవన ప్రస్థానం యువతకు స్ఫూర్తి దాయకమని బీజేపీ రాష్ట్ర అధ్యక్షుడు పీవీఎన్‌. మాధవ్‌ అన్నారు. మోదీ జన్మదినం, విశ్వకర్మ జయంతిని పురష్కరించుకుని గురువారం మదనపల్లెలో బీజెపీ ఆధ్వర్వంలొ నిర్వహించిన ర్యాలీ, బహిరంగ సభలో ఆయన మాట్లాడారు. కష్టాలు ఎదురైనప్పుడు వెనుకడుగు వేయకుండా వాటినే అవకాశాలుగా మలుచుకుని లక్ష్యం వైపు సాగాలనే సందేశాన్ని మోడీ జీవితం అందిస్తోందన్నారు. యువత వ్యక్తిగత ఎదుగుదలకే పరిమితం కాకుండా సమాజం, దేశం కోసం కూడా బాధ్యతతో పనిచేయాలని పిలుపునిచ్చారు. విశ్వకర్మ జయంతిని ప్రస్తావిస్తూ దేశ అభివృద్ధిలో చేతి వృత్తులు, కళాకారులు, శ్రామికుల పాత్ర కీలకమన్నారు. వీటిని ప్రోత్సహిస్తూ భావి తరాలకు అందించాల్సిన అవసరం ఉందన్నారు. బిజేపీ జాతీయ నాయకులు చల్లపల్లి నరసింహా రెడ్డి, రాష్ట్ర నాయకులు విజయభారతి సేతు, జిల్లా అధ్యక్షులు పి. నరేంద్ర కుమార్‌రెడ్డి, జిల్లా ప్రధాన కార్యదర్శి అంగళ్లులోని గోల్డెన్‌వ్యాలీ రమణారెడ్డి తదితరులు పాల్గొన్నారు.

● టీడీపీ కార్యకర్తలతో కలిసి గ్రామ సచివాలయం ప్రారంభం ● జిల్లా ఇన్‌చార్జి మంత్రి ప్రారంభించినట్లు శిలాఫలకంసాక్షి, మదనపల్లె : తంబళ్లపల్లె నియోజకవర్గం ములకలచెరువు మండల పరిషత్‌ అభివృద్ధి అధికారి అమరనాథరెడ్డి అధికార పరిధిదాటి అత్యుత్సాహం ప్రదర్శించారు. టీడీపీ కార్యకర్తలతో కలిసి పార్టీ కార్యకర్తలా వ్యవహరించారు. ప్రజలచేత ఎన్నికై న ఎమ్మెల్యేను విస్మరించారు. గ్రామ సచివాలయం ప్రారంభోత్సవ శిలాఫలకం వేసి దీన్ని జిల్లా ఇన్‌చార్జి మంత్రి బీసీ జనార్దన్‌ రెడ్డి ప్రారంభించారంటూ హడావుడి చేశారు. గురువారం జరిగిన ఈ వ్యవహారానికి సంబంధించి ఎమ్మెల్యే పెద్దిరెడ్డి ద్వారకనాథ్‌ రెడ్డి ప్రోటోకాల్‌ ఉల్లంఘించిన సదరు ఎంపీడీవోకు షోకాజ్‌ నోటీసు జారీ చేశారు. మీ వైపు నుంచి జరిగిన ఈ తప్పిదం అధికారిక నియమావళిని ఉల్లంఘించడం, ప్రజలచే ఎన్నికై న ప్రతినిధిని అగౌరవపరచడం, అధికార విధులను నిర్లక్ష్యం చేయడం కిందకు వస్తుందని తెలుపుతూ మీపై (ఎంపీడీఓ) క్రమశిక్షణా చర్యకు ప్రభుత్వానికి ఎందుకు సిఫార్సు చేయకూడదో ఈ నోటీసు అందిన 48 గంటలలోపు వివరణ ఇవ్వాలి, అని ఎమ్మెల్యే జారీచేసిన షోకాజ్‌ నోటిసులో పేర్కొన్నారు. వివరాలు. ములకలచెరువు మండలం వేపూరికోటలో గత వైఎస్‌ఆర్సీపీ ప్రభుత్వంలో రూ.35 లక్షలతో ఉపాధి హామీ పథకం నిధులతో గ్రామ సచివాలయ భవనం మంజూర్యయింది. అప్పట్లోనే పనులు ప్రారంభమై అసంపూర్తిగా నిలిచాయి. పూర్తయిన భవనాన్ని అధికారికంగా ఎమ్మెల్యే పెద్దిరెడ్డి ద్వారకనాథరెడ్డికి ఆహ్వానించి ప్రారంభించాల్సి ఉంది. అయితే స్థానిక టిడిపి నాయకులు, కార్యకర్తలతో కలిసి ఎంపీడీవో అమరనాధరెడ్డి అత్యుత్సాహం ప్రదర్శించారు. అధికారి అన్న విషయాన్ని విస్మరించి పార్టీ కార్యకర్తలాగా వారితో కలిసి శిలాఫలకం ఆవిష్కరించారు. శిలాఫలకంలో టీడీపీ కార్యకర్తల పేర్లు ప్రభుత్వ భవనం ప్రారంభోత్సవం విషయంలో ప్రజలచేత ఎన్నికై న ఎమ్మెల్యే, ఎంపీలకు ప్రాధాన్యత ఇవ్వాల్సి ఉంటుంది. వారిని ఆహ్వానించాక ప్రారంభోత్సవం ఏర్పాట్లు చేసుకోవాలి. అయితే వేపూరికోట గ్రామ సచివాలయం ప్రారంభోత్సవం విషయంలో ఇష్టారాజ్యంగా వ్యవహరించారు. టీడీపీ ఇన్‌చార్జి శంకర్‌ యాదవ్‌ పేరును ప్రముఖంగా పెట్టి, ఆయన ఫోటో పెట్టారు. దాని కింద గౌరవ అతిథులంటూ ఎంపీ మిథున్‌ రెడ్డి, నాలుగో వ్యక్తిగా ఎమ్మెల్యే పెద్దిరెడ్డి ద్వారకనాథరెడ్డి పేరును పెట్టారు. ప్రోటోకాల్‌ పూర్తిగా ఉల్లంఘించగా శిలాఫలకంలో టీడీపీ నాయకుల పేర్లు కూడా పెట్టుకున్నారు. ఈ విషయం అధికార వర్గాల్లో చర్చనీయాంశమైంది. ఈ శిలాఫలకంలో వేపూరికోట సచివాలయ భవనాన్ని గురువారం జిల్లా ఇన్‌చార్జి మంత్రి బీసీ.జనార్దన్‌ రెడ్డి ప్రారంభించినట్టుగా పేర్కొన్నారు. ఆయన రాకపోయినప్పటికీ ఆయన పేరుతో వేయడం ఎంపీడీఓ బాధ్యతారాహిత్యానికి నిదర్శనంగా నిలుస్తోంది. గ్రామ సచివాలయం ప్రారంభం విషయంలో స్థానిక మండల పరిషత్‌ అధ్యక్షులు, జిల్లా పరిషత్‌ సభ్యులకు కూడా ఎంపీడీవో అమరనాథరెడ్డి కనీస సమాచారం ఇవ్వకపోవడం గమనార్హం.

సాక్షి ప్రతినిధి, కడప: కడప నగరంలో స్థానిక ఎమ్మెల్యే మాధవీరెడ్డి దంపతుల నియంతృత్వ పోకడలు పతాక స్థాయికి చేరాయి. గత మహానాడు సభలో తాను ప్రతిష్టాత్మక మహాదాత బుడ్డా వెంగళరెడ్డి ఇంటి ఆడబిడ్డనని సగర్వంగా ప్రకటించుకున్న ఆమె.. తీరా ఆచరణలోకి వచ్చేసరికి ఆ మహానుభావుడికి కేటాయించిన స్థలంలోనే తన మామ విగ్రహాన్ని నెలకొల్పడం పట్ల చరిత్రకారులు మరియు ప్రజాసంఘాల నాయకులు మండిపడుతున్నారు. మున్సిపల్‌ కార్పొరేషన్‌ ఏకగ్రీవంగా కేటాయించిన స్థలంలో బుడ్డా వెంగళరెడ్డి విగ్రహ ఏర్పాటును నిబంధనల పేరుతో అడ్డుకుని.. అదే పీఠంపై రాత్రికి రాత్రే తన మామగారైన మాజీ మంత్రి రాజగోపాల్‌రెడ్డి విగ్రహాన్ని అక్రమంగా ప్రతిష్టించడం జిల్లావ్యాప్తంగా తీవ్ర దుమారం రేపుతోంది. కాగా, ఇంత జరుగుతున్నా కలెక్టర్‌ శ్రీధర్‌, ఇతర అధికారులు నిమ్మకు నీరెత్తినట్లు ఉండిపోవడంపై తీవ్ర విమర్శలు వ్యక్తమవుతున్నాయి. డొక్కల కరవు రక్షకుడికి దక్కని గౌరవం! రేనాడు ప్రాంతానికి చెందిన బుడ్డా వెంగళరెడ్డి 1866 నాటి డొక్కల కరవు సమయంలో వేలాది మంది ప్రజలకు అంబలి పోసి ప్రాణాలు కాపాడారు. ఆ దాతృత్వం గురించి తెలుసుకున్న విక్టోరియా మహారాణి ఆయన్ను మద్రాసుకు పిలిపించి ఘనంగా సత్కరించి, బంగారు పతకాన్ని బహూకరించారు. రాయలసీమ చరిత్రలో దాతృత్వానికి చిరునామాగా నిలిచిన బుడ్డా వెంగళరెడ్డి, తొలి స్వాతంత్య్రయోధుడు ఉయ్యాలవాడ నరసింహారెడ్డి విగ్రహాలను కడప నగరంలో ఏర్పాటు చేయాలని వివిధ పార్టీలు, సంఘాల నాయకులు నిర్ణయించారు. వీరి అభ్యర్థన మేరకు అప్పటి నగర మేయర్‌ కె.సురేష్‌బాబు హయాంలో ఒకసారి, పాకా సురేష్‌కుమార్‌ హయాంలో మరోసారి మున్సిపల్‌ కార్పొరేషన్‌ జనరల్‌ బాడీ సమావేశం ఏకగ్రీవంగా తీర్మానం ఆమోదించింది. రైతు బజారు కూడలి వద్ద బుడ్డా వెంగళరెడ్డి, ఐటీఐ సర్కిల్‌ వద్ద ఉయ్యాలవాడ నరసింహారెడ్డి విగ్రహాల ఏర్పాటుకు కార్పొరేషన్‌ పచ్చజెండా ఊపింది. మాట తప్పిన తమ్ముళ్లు.. మహాదాత బుడ్డా వెంగళరెడ్డి, ఉయ్యాలవాడ నరసింహారెడ్డి విగ్రహాల ఏర్పాటు భూమి పూజకు సహకరించాలని ఎమ్మెల్యే మాధవీరెడ్డి దంపతులను రాయలసీమ కమ్యూనిస్టు పార్టీ, ఇంటాక్‌, రెడ్డి సేవా సమితి, లోక్‌సత్తా, ఏపీ రెడ్డి సంఘం, మానవత, ఏపీ దళితమిత్ర తదితర పార్టీలు, సంఘాల నాయకులు అప్పట్లో కోరారు. అయితే, సుప్రీంకోర్టు నిబంధనలు ఉన్నందువల్ల తాము ఈ కార్యక్రమానికి హాజరు కాలేమని.. మీరే ఏర్పాట్లు చేసుకుంటే అధికారుల నుంచి అభ్యంతరాలు రాకుండా కలెక్టర్‌తో తాను స్వయంగా మాట్లాడుతానని టీడీపీ నేత శ్రీనివాసులురెడ్డి అప్పట్లో ఆయా సంఘాలకు హామీ ఇచ్చారు. తీరా ఇప్పుడు అదే ప్రాంతంలో ఆయన తండ్రి, మాజీ మంత్రి రాజగోపాల్‌రెడ్డి విగ్రహాన్ని రాత్రికి రాత్రే అక్రమంగా నెలకొల్పడం గమనార్హం. బుడ్డా వెంగళరెడ్డి విగ్రహ ఏర్పాటుకు సుప్రీంకోర్టు నిబంధనలు అడ్డంకి అయితే, ఇప్పుడు రాజగోపాల్‌రెడ్డి విగ్రహానికి అవి వర్తించవా అని పలువురు నిలదీస్తున్నారు. చరిత్రకారులపై ప్రజాప్రతినిధులు అత్యంత నిర్లక్ష్యం ప్రదర్శించారని విశ్లేషకులు, ప్రజాస్వామ్యవాదులు ఆవేదన వ్యక్తం చేస్తున్నారు. కడపలో మాధవిరెడ్డి, శ్రీనివాసులరెడ్డి దంపతుల నియంతృత్వం అర్ధరాత్రి వేళ అక్రమంగా మామ ఆర్‌ఆర్‌ విగ్రహం ఏర్పాటు ఆచరణలో మహాదాత వెంగళరెడ్డికి అవమానం మున్సిపల్‌ కార్పొరేషన్‌ ఏకగ్రీవ తీర్మానం బూడిదపాలు

మదనపల్లె టౌన్‌ : సెల్‌ఫోన్‌ చోరీ చేశాడనే అనుమానంతో ఓ యువకుడిని స్థానికులు పట్టుకుని చెట్టుకు కట్టేసి దేహశుద్ధి చేసిన ఘటన గురువారం మదనపల్లె మండలంలో చోటుచేసుకుంది. అనంతరం అతడిని పోలీసులకు అప్పగించారు. పోలీసుల కథనం మేరకు.. బి.కొత్తకోట మండలం గట్టు పంచాయతీ ఎరప్రువారిపల్లెకు చెందిన శంకరప్ప (34) మదనపల్లె మండలం సీటీఎం ప్రాంతంలో సురేష్‌కు చెందిన సెల్‌ఫోన్‌ చోరీ చేసినట్లు స్థానికులు అనుమానించారు. అతడిని పట్టుకుని సెల్‌ఫోన్‌ గురించి ప్రశ్నించగా పొంతనలేని సమాధానాలు చెప్పాడని స్థానికులు తెలిపారు. దీంతో అనుమానం వచ్చి కొందరు అతడిని చెట్టుకు కట్టేసి కొట్టినట్లు సమాచారం. ఈ విషయం తెలుసుకున్న పోలీసులు అక్కడికి చేరుకుని శంకరప్పను వారి నుంచి విడిపించి పోలీస్‌స్టేషన్‌కు తరలించారు. సెల్‌ఫోన్‌న్‌ చోరీకి సంబంధించి అతడి నుంచి వివరాలు సేకరిస్తూ విచారణ చేపట్టారు. విచారణలో శంకరప్పపై ఇప్పటికే బి.కొత్తకోట పోలీస్‌స్టేషన్‌న్‌ లో రెండు కేసులు ఉన్నట్లు గుర్తించినట్లు పోలీసులు తెలిపారు. అయితే ప్రస్తుత సెల్‌ఫోన్‌ చోరీ ఘటనలో అతడి ప్రమేయం ఉందా లేదా అనే విషయాన్ని దర్యాప్తు అనంతరం నిర్ధారించాల్సి ఉంది. చట్టాన్ని చేతుల్లోకి తీసుకుని అనుమానితుడిపై దాడి చేయడం సరికాదని, ఏదైనా నేరం జరిగితే పోలీసులకు సమాచారం అందిం చాలని పోలీసులు సూచించారు. ఘటనపై అన్ని కోణాల్లో దర్యాప్తు చేస్తున్నామని పోలీసులు తెలిపారు.

● 29న యాజమాన్య కమిటీల ఎంపిక ● ప్రైవేటు పాఠశాలల్లోనూ ఎన్నికలు మదనపల్లె సిటీ: బడిలో ఎన్నికల సందడి మొదలైంది. పాఠశాలల్లో యాజమాన్య కమిటీల (స్కూల్‌ మేనేజ్‌మెంట్‌) ఎన్నికలకు ప్రభుత్వం నోటిఫికేషన్‌ విడుదల చేసింది. ఎన్నికలు పారదర్శకంగా జరిగేలా జిల్లాలోని ఎంఈవోలు, సీఆర్‌పీలు, ప్రధానోపాధ్యాయులు చర్యలు చేపట్టాలని జిల్లా విద్యాశాఖ ఆదేశాలు జారీ చేసింది.జిల్లాలో 1,785 ప్రభుత్వ యాజమాన్య పాఠశాలలు, 7 ఎయిడ్‌ పాఠశాలలతో పాటు 473 ప్రైవేటు పాఠశాలల్లో ఎన్నికలు జరగనున్నాయి. రిజర్వేషన్ల ప్రాతిపదికన కమిటీల ఎన్నికలు నిర్వహిస్తారు. విద్యార్థుల తల్లిదండ్రులు ప్రతి తరగతి నుంచి ముగ్గురిని సభ్యులుగా ఎన్నుకుంటారు. ఎస్సీ,ఎస్టీ, బీసీ, ఇతరుల నుంచి ప్రాతినిధ్యం ఉండేలా చూస్తారు. కోరం తప్పనిసరి. ఎన్నికల అధికారిగా సంబంధిత పాఠశాల హెచ్‌ఎంలు వ్యవహరిస్తారు. చేతులెత్తడం, నోటితో చెప్పడం ద్వారా ప్రక్రియ జరుగుతుంది. తల్లిదండ్రుల్లో ఒక్కరు మాత్రమే ఓటేయడానికి అవకాశం కల్పిస్తారు. సభ్యుల్లో అఽధ్యక్ష, ఉపాధ్యక్షులుగా ఇద్దరిని ఎన్నుకుంటారు. 29న ఎన్నికల నిర్వహణ ఈనెల 29వతేదీ ఉదయం 7 నుంచి మధ్యాహ్నం 1 గంట వరకు సభ్యుల ఎన్నిక నిర్వహిస్తారు. మధ్యాహ్నం 1.30 గంటలకు సభ్యులంతా కలిసి చైర్మన్‌, వైస్‌ చైర్మన్‌ను ఎన్నుకుంటారు. తర్వాత సాయంత్రం 3 గంటల నుంచి 3.30 గంటల వరకు మొదటి సమావేశం నిర్వహిస్తారు. పాఠశాల అభివృద్ధి పనులు ఎస్‌ఎంసీ ఆద్వర్యంలో జరుగుతుండటంతో కొందరు నేతలు ఈ ఎన్నికలపై దృష్టి సారించారు.

కేవీపల్లె : వినాయక చవితి ఉత్సవాల్లో భాగంగా కత్తులతో విన్యాసం చేసిన ఇద్దరు వ్యక్తులను అరెస్ట్‌ చేసినట్లు ఎస్‌ఐ వెంకటశివకుమార్‌ తెలిపారు. వివరాలిలావున్నాయి. మండలంలోని తువ్వపల్లెలో వినాయక చవితి పండుగ సందర్భంగా ఇద్దరు వ్యక్తులు కత్తులు తిప్పడంతో వారిపై కేసు నమోదు చేసి గురువారం అరెస్ట్‌ చేసి తహశీల్దార్‌ నరేంద్రకుమార్‌ ముందు హాజరు పరచినట్లు తెలిపారు. ప్రజలకు ఇబ్బంది కల్గించే విధంగా భయాందోళనలు సృష్టిస్తే చర్యలు తప్పవని హెచ్చరించారు. మహిళలపై దాడి ఎర్రగుంట్ల : వెఎస్సార్‌ కడప జిల్లా ఎర్రగుంట్ల పట్టణంలో వినాయకుడి ఊరేగింపులో మద్యం మత్తులో కొందరు మహిళలపై దాడికి పాల్పడ్డారు. వెంటనే మహిళలు పోలీస్‌స్టేషన్‌కు వెళ్లి ఫిర్యాదు చేశారు. స్థానికులు తెలిపిన వివరాల ప్రకారం.. శాంతినగర్‌ కాలనీ నుంచి రెండు విగ్రహాలు నిమజ్జనానికి బయలుదేరాయి. ఇందులో దివాకర్‌ అనే వ్యక్తి మద్యం మత్తులో బాణసంచా పేల్చారు. దీందో ఉత్సవంలో పాల్గొని వారికి త్రుటిలో పెద్ద ప్రమాదం తప్పింది. ఇలా ఎందుకు చేశావని మహిళలు అడిగితే దివాకర్‌ వారిపై దాడికి పాల్పడ్డారు. దీంతో ఉద్రిక్త వాతావారణం నెలకొంది. మహిళలు వెంటనే పోలీసులకు సమాచారం అందించారు. దాడి చేసిన వ్యక్తిని అదుపులోకి తీసుకుంటామని సీఐ విశ్వనాథరెడ్డి వారికి తెలియజేశారు

మదనపల్లె టౌన్‌ : కుటుంబ సమస్యలతో పురుగుమందు తాగి ఓ యువతి ఆత్మహత్యాయత్నానికి పాల్పడిన సంఘటన గురువారం తంబళ్లపల్లె మండలం లో జరిగింది. ఆస్పత్రి ఔట్‌ పోస్టు పోలీసుల కథనం మేరకు.. మండలంలోని తిమ్మయ్య ఇండ్లకు చెందిన శ్రీనివాసులు భార్య గౌతమి (25), కుటుంబ సమస్యలతో మనస్థాపం చెంది ఇంట్లో ఉన్న పురుగు మందు తాగింది. కుటుంబీకులు ఆమెను మదనపల్లి జిల్లా ప్రభుత్వాసుపత్రికి తరలించారు.డాక్టర్లు మెరుగైన వైద్యం అందించారు. దీంతో ఆమె ప్రాణాపాయం తప్పి కోలు కుంటూ ఉంది. కుటుంబ సమస్యలతో.. మదనపల్లె టౌన్‌ : కుటుంబ సమస్యల కారణంగా ఇద్దరు మహిళలు విషం తాగి ఆత్మహత్యాయత్నానికి పాల్పడ్డారు. బాధితుల కుటుంబీకులు తెలిపిన వివరాల మేరకు.. బి కొత్తకోట మండలం ఇర్రివారిపల్లికు చెందిన శంకరప్ప భార్య సుజాత(40) కుటుంబ సభ్యులతో గొడవపడి మనస్థాపం చెందింది. ఇంట్లో ఉన్న విషం తాగింది. కుటుంబీకులు ఆమెను మదనపల్లె జిల్లా ఆసుపత్రికి తరలించగా చికిత్స పొందుతోంది. మరో ఘటనలో మదనపల్లి మండలం, పుంగునూరు రోడ్డు లోని జ్యూస్‌ ఫ్యాక్టరీ క్రిష్ణాపురానికి చెందిన కేశవ భార్యా సన (25), విషం తాగి ఆత్మహత్యకు యత్నించడంతో వెంటనే కుటుంబీకులు ఆమెనే జిల్లా ఆస్పత్రికి తరలించి వైద్య చికిత్సలు అందిస్తున్నారు. పై సంఘటనలపై పోలీసులు కేసు నమోదు చేసి దర్యాప్తు చేస్తున్నట్లు తెలిపారు. పుంగనూరు : పెట్రోల్‌ పోసుకుని ఓ వ్యక్తి ఆత్మహత్యకు యత్నించిన సంఘటన గురువారం జరిగింది. వివరాలిలా ఉన్నాయి. పట్టణానికి చెందిన సద్దాం (38) తన భార్యకు విబేధాలు రావడంతో కోర్టు వద్ద గల బైపాస్‌ రోడ్డులో పెట్రోల్‌ పోసుకుని నిప్పంటించుకున్నాడు. స్థానికులు గమనించి బాధితున్ని ఏరియా ఆసుపత్రికి తరలించారు. పరిస్థితి విషమంగా ఉండటంతో వైద్యుల సూచనతో మెరుగైన వైద్యం కోసం తిరుపతికి తీసుకెళ్లారు. పోలీసులు కేసు నమోదు చేసి దర్యాప్తు చేస్తున్నారు.

ఆ చరిత్రాత్మక జలయజ్ఞ ఫలం ఇప్పుడు మదనపల్లె ప్రజలకు వరంగా మారింది. చెర్లోపల్లి రిజర్వాయర్‌ నుంచి విడుదల చేస్తున్న కృష్ణా జలాలను, పక్కనే సాగుతున్న పుంగనూరు ఉపకాలువ నుంచి చిప్పిలి సమ్మర్‌ స్టోరేజ్‌ ట్యాంకులోకి విడుదల చేశారు. ఇప్పుడు కృష్ణమ్మ మదనపల్లె ప్రజల దాహం తీర్చేందుకు ట్యాంకును నింపుతోంది. ఈ అద్భుత ఫలితానికి, సుదీర్ఘ తాగునీటి ప్రగతికి అసలైన కారకుడైన మహానేత వైఎస్సార్‌ను, ప్రతి ఏటా నీరందించి ఆదుకున్న జగనన్నను ఈ సందర్భంగా పట్టణ ప్రజలు గుర్తుచేసుకుంటున్నారు.

పుంగనూరు : మండలంలోని కుమ్మరగుంట గ్రామంలో ఉన్న శ్రీబురడగుంట గంగమ్మ ఆలయంలో గుర్తుతెలియని వ్యక్తులు బుధవారం రాత్రి హుండీని పగులగొట్టి అందులోని డబ్బు ఎత్తుకెళ్లారు. గురువారం ఆలయ తలుపులు తెరిచి ఉండటాన్ని చూసి చోరీ జరిగినట్లు నిర్ధారించి పోలీసులకు ఫిర్యాదు చేశారు. ఈ మేరకు పోలీసులు కేసు నమోదు చేసి దర్యాప్తు చేస్తున్నారు. ఇళ్లలోకి వర్షపునీరుచౌడేపల్లె : కొన్నినెలలుగా వర్షాలులేకపోవడంతో ఎండవేడిమికి అవస్థ పడుతున్న మండల ప్రజలకు గురువారం ఎడతెరపిలేకుండా కురిసిన భారీ వర్షం కాస్త ఉపశమనం కలించింది. గాలీ వాన తో సుమారు రెండు గంటల సేపు వర్షం కురిసింది. దీంతో వీధులు జలంతో నిండిపోయాయి. కాగా మండలంలోని కాగతి గ్రామంలో వీఽధి కాలువలు దురాక్రమణ గురికావడంతో వర్షపునీరు రోడ్డుపై నిల్వ ఉండి చెరువును తలపిస్తోంది. రోడ్డుపక్కనే ఉన్న పాఠశాల ఆవరణతోపాటు చౌకదుకాణం ముందు నిల్వ ఉండడంతోపాటు పాపులమ్మ ఒంటరి వృధ్ధురాలి నివాసంలోకి వర్షపునీరు వెళ్లింది. అధికారులు ఇకనైనా స్పందించి కాలువల పునరుద్ధరణకు చర్యలు చేపట్టాలని గ్రామస్తులు కోరుతున్నారు. ట్రాక్టర్‌ ఢీకొని యువకుడికి తీవ్ర గాయాలుమదనపల్లె టౌన్‌ : ములకలచెరువు మండలంలో గురువారం రోడ్డు ప్రమాదం జరిగింది. ఈ ప్రమాదంలో గూడుపల్లె పంచాయతీ తనకంటివారి పల్లెకు చెందిన మనోహర్‌ కుమారుడు రామ్‌చరణ్‌ (20) తీవ్రంగా గాయపడ్డాడు. ప్రమాదానికి సంబంధించి పోలీసులు తెలిపిన వివరాలు.. రామ్‌చరణ్‌ బైక్‌పై ములకలచెరువు నుంచి స్వగ్రామానికి వెళ్తుండగా మార్గమద్యంలోని జోకులకోట సమీపంలో ఎదురుగా వస్తున్న ట్రాక్టర్‌ ఢీకొంది. ప్రమాదంలో రామ్‌చరణ్‌ తీవ్రంగా గాయపడగా, బైక్‌ నుజ్జునుజ్జయింది. గమనించిన స్థానికులు కుటుంబ సభ్యులకు సమాచారం అందించారు. వారు సంఘటనా స్థలానికి చేరుకుని 108 అంబులెన్స్‌లో రామ్‌చరణ్‌ను మదనపల్లె జిల్లా ఆసుపత్రికి తరలించారు. ప్రస్తుతం అత్యవసర విభాగంలో చికిత్స పొందుతున్నట్లు వైద్యులు తెలిపారు. సమాచారం అందుకున్న పోలీసులు ఘటనా స్థలానికి చేరుకుని ప్రమాదంపై వివరాలు సేకరించారు. ట్రాక్టర్‌ డ్రైవర్‌ నిర్లక్ష్యమే ప్రమాదానికి కారణమని ప్రత్యక్ష సాక్షులు పేర్కొన్నారు. కేసు నమోదు చేసి దర్యాప్తు చేస్తున్నట్లు పోలీసులు తెలిపారు.

● వృద్ధురాలికి తీవ్ర గాయాలు ● కమిటీ మెంబర్‌పై చేయి చేసుకోన్న పోలీసులు ● అవమానంగా భావించి ఆత్మహత్యాయత్నంమైలవరం : వైఎస్సార్‌ కడప జిల్లా బుచ్చంపల్లె గ్రామంలో బుధవారం కూటమి నేతల మధ్య గొడవ జరిగింది. స్థానికుల కథనం మేరకు బుచ్చంపల్లె గ్రామంలో వినాయక చవితి పండుగ సందర్భంగా గ్రామంలో 3 విగ్రహలను ఏర్పాటు చేసుకున్నారు. అయితే ఇందులో ఒక విగ్రహానికి సంబంధించి గ్రామం నడిబొడ్డులో కూటమి నేతల అంతర్గత పోరు వల్ల పండుగలో ప్రశాతంత లేకుండా పోయింది. బుధవారం సాయంత్రం వినాయకుడిని విగ్రహం వద్ద లడ్డూను వేలం వేసేందుకు గ్రామస్తులు సిద్ధమయ్యారు.అయితే అనుకున్న విధంగానే లడ్డూను కూటమికి చెందిన ఒక వ్యక్తి రూ.51 వేలకు దక్కించుకున్నాడు. కాగా ఆ కూటమికి చెందిన వ్యక్తిని కమిటీ సభ్యులు డబ్బులు అడిగారు. కమిటీలో కూటమికి చెందిన మరోవ్యక్తి కూడా ఉన్నాడు. వేలం పాటలో దక్కించుకున్న లడ్డూ డబ్బులు కట్టనని వెనక్కి తిరగడంతో కమిటీలో ఉన్న మరో కూటమి మెంబర్‌ డబ్బు కట్టాల్సిందేనని నిలదీయడంతో మాట మాట పెరిగి పెద్ద గొడవగా మారింది. ఇందులో తలారి వెంకటమ్మ అనే వృద్ధురాలికి తీవ్రగాయాలయ్యాయి. గ్రామస్తులు ఆమెను ప్రొద్దుటూరు ఆసుపత్రికి తీసుకెళ్లగా. వయస్సు ఎక్కువగా ఉందని తాము ఏమి చేయలేమని వెనక్కి పంపినట్లు సమాచారం. ఇది ఇలా ఉండగా గ్రామంలో గొడవ జరగడంతో మైలవరం పోలీసులు గురువారం ఆరుగురు కమిటీ మెంబర్లను స్టేషన్‌కు పిలిపించారు. అందులో రాజమోహన్‌పై పోలీసులు చేయి చేసుకున్నారు. దీంతో అవమానంగా భావించి ఆత్మహత్యాయత్నానికి పాల్పడ్డాడు. విషయం తెలుసుకున్న బఽంధవులు ప్రొద్దుటూరు ఓ ప్రైవేట్‌ ఆసుపత్రికి తరలించారు. పరిస్థితి విషమంగా ఉన్నట్లు తెలిసింది.

వెదురుకుప్పం : అనారోగ్యంతో వేలూరు సీఎంసీలో చికిత్స పొందుతున్న బాలుడి వైద్యానికి రాజంపేట ఎంపీ మిథున్‌ రెడ్డి పీఎంఎన్‌ఆర్‌ఎఫ్‌ కింద నిధులు మంజూరు చేయించి ఆదుకున్నారు. చిత్తూరు జిల్లా వెదురుకుప్పం మండలంలోని తంగేళిమిట్ట గ్రామానికి చెందిన గిరిబాబు కుమారుడి వైద్యానికి రాజంపేట ఎంపీ మిఽథున్‌రెడ్డి భరోసా కల్పించారు. బాలుడు అనారోగ్యంతో వేలూరు సీఎంసీలో చికిత్స పొందుతున్నాడు. బాలుడి వైద్యం కోసం ఇప్పటికే లక్షల రూపాలయలు వెచ్చించారు. ఆర్థిక స్థోమత లేని కారణంగా ఆపన్నహస్తం కోసం స్థానిక నాయకులు కొండారెడ్డి, రామయ్య సమస్యను వైఎస్సార్‌సీపీ గంగాధరనెల్లూరు నియోజకవర్గ సమన్వయకర్త కే. కృపాలక్ష్మి దృష్టికి తీసుకెళ్లారు. బాధిత కుటుంబాన్ని ఎలాగైనా ఆదుకోవాలన్నా సంకల్పంతో రాజంపేట ఎంపీ మిథున్‌రెడ్డిని కలిసి సమస్యను తెలిపారు. దీంతో వెంటనే స్పందించిన ఎంపీ పీఎంఎన్‌ఆర్‌ఎఫ్‌ కింద రూ. 3 లక్షలు మంజూరు చేయించారు. తక్షణమే మెరుగైన వైద్య సేవలు అందించేలా చర్యలు తీసుకోవాలని సూచించారు. కాగా గురువారం సాయంత్రం పుత్తూరులోని క్యాంపు కార్యాలయంలో పీఎంఎన్‌ఆర్‌ఎఫ్‌ మంజూరుకు సంబంధించి ప్రొసీడింగ్‌ కాపీని జయరామిరెడ్డికి అందజేశారు. ఈసందర్బంగా మాజీ ఉప ముఖ్యమంత్రి నారాయణస్వామి, సమన్వయకర్త కృపాలక్ష్మి మాట్లాడుతూ మానవసేవే మాదవసేవగా భావించి అందరికీ ఆర్థిక భరోసా ఇస్తున్న ఎంపీ మిథున్‌రెడ్డికి ర ధన్యవాదాలు తెలియజేస్తున్నట్లు చెప్పారు. ఎవరికి ఎలాంటి కష్టం వచ్చినా విథున్‌రెడ్డి అన్నివిదాలా ఆదుకుంటారని తెలిపారు. వైఎస్సార్‌సీపీ అధికారంలో లేకున్నా బాలుడి కుటుంబ ఆర్థిక పరిస్థితిని వివరించిన వెంటనే ప్రధానమంత్రి జాతీయ రిలీఫ్‌ పండ్‌ కింద రూ. 3 లక్షలు మంజూరు చేయించడం అభినందనీయమన్నారు. కష్ట కాలంలో బాలుడి కుటుంబానికి ఆర్థికంగా భరోసా కల్పించడం కొండంత ధైర్యాన్నిచ్చినట్టేనన్నారు. నిధులు మంజూరు చేయించడంతో స్థానిక నాయకులు హర్షం వ్యక్తం చేశారు.పీఎంఎన్‌ఆర్‌ఎఫ్‌ కింద రూ.3 లక్షలు మంజూరు

మదనపల్లె టౌన్‌ : పట్టణంలోని సీటీఎం రోడ్డు శివాజీనగర్‌ లో గురువారం రాత్రి వినాయక నిమజ్జన ఊరేగింపు సందర్భంగా ఘర్షణ చోటుచేసుకుంది. ఉత్సవ కమిటీ నిర్వాహకులు కిరణ్‌ కుమార్‌, అంజి, సాయిప్రసాద్‌ లు వినాయకుడిని నిమజ్జనానికి తరలిస్తుండగా, మార్గంలో చెట్లు అడ్డుగా ఉండటంతో ఓ వీధిలోకి వెళ్లలేకపోయారు. ఈ విషయమై చిరంజీవి అనే వ్యక్తితో వాగ్వాదం జరిగింది. ఆగ్రహించిన చిరంజీవి తన అనుచరులతో కలిసి ఉత్సవ కమిటీ సభ్యులపై దాడికి పాల్పడ్డాడు. ఈ దాడిలో ముగ్గురు యువకులు తీవ్రంగా గాయపడ్డారు. స్థానికులు వెంటనే టూ టౌన్‌ పోలీసులకు సమాచారం ఇవ్వడంతో, పోలీసులు ఘటనా స్థలానికి చేరుకుని క్షతగాత్రులను జిల్లా ప్రభుత్వ ఆసుపత్రికి తరలించారు. ప్రస్తుతం వారికి చికిత్స అందిస్తున్నారు. ఈ ఘటనపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు.

మదనపల్లె టౌన్‌ : అన్నమయ్య జిల్లా కేంద్రంలోని మదనపల్లె సబ్‌ డివిజన్‌లో ఐదుగురు సీఐలను బదిలీ చేస్తూ అన్నమయ్య జిల్లా ఎస్పీ ధీరజ్‌ కునుబిల్లి ఉత్తర్వులు జారీ చేశారు. మదనపల్లె వన్‌ టౌన్‌ సీఐ రాజారెడ్డిని ఆర్‌ఎస్‌టీఎఫ్‌కు బదిలీ చేశారు. జిల్లా సీసీఎస్‌ సీఐ మోహన్‌ను మదనపల్లె వన్‌ టౌన్‌్‌ సీఐగా నియమిస్తూ ఉత్తర్వులు జారీ చేశారు. అలాగే మదనపల్లె టూటౌన్‌ సీఐ మహమ్మద్‌ రఫీని మదనపల్లె తాలూకా సీఐగా, మదనపల్లె తాలూకా సీఐ కళా వెంకటరమణను బి.కొత్తకోట సీఐగా బదిలీ చేశారు. బి.కొత్తకోట సీఐ గోపాల్‌రెడ్డిని మదనపల్లె టూటౌన్‌ సీఐగా నియమించారు. బదిలీ అయిన అధికారులు వెంటనే విధుల్లో చేరాలని ఎస్పీ ఆదేశించారు.

మదనపల్లె టౌన్‌ : వ్యక్తిగత పని కోసం మదనపల్లెకు వచ్చిన ఆ యువకుడు తిరిగి ఇంటికి వెళ్తుండగా జరిగిన రోడ్డు ప్రమాదం అతని కుటుంబాన్ని తీవ్ర విషాదంలో ముంచింది. ఆర్టీసీ బస్సు ఢీకొనడంతో తీవ్రంగా గాయపడిన యువకుడు ఆస్పత్రిలో చికిత్స పొందుతూ బుధవారం మృతి చెందాడు. దీంతో భార్య, పిల్లలు దిక్కుతోచని స్థితిలో కన్నీరు మున్నీరవుతున్నారు. ముదివేడు ఎస్‌ఐ మధురామచంద్రుడు తెలిపిన వివరాల మేరకు.. సత్యసాయి జిల్లా నవ్వులపూల కుంటకు చెందిన నవీన్‌ కుమార్‌ (38) ద్విచక్ర వాహనంపై మదనపల్లెకు వచ్చాడు. పని ముగించుకుని స్వగ్రామానికి తిరిగి వెళ్తుండగా ఈ నెల 14న కురబలకోట మండలం, దొమ్మన్న బావి వద్ద అతని ద్విచక్ర వాహనాన్ని ఆర్టీసీ బస్సు ఢీకొంది. ప్రమాదంలో నవీన్‌ కుమార్‌ తీవ్రంగా గాయపడ్డాడు. సమాచారం అందుకున్న వెంటనే కురబలకోట 108 సిబ్బంది ఘటనా స్థలానికి చేరుకుని క్షతగాత్రుడిని మదనపల్లె జిల్లా ప్రభుత్వాసుపత్రికి తరలించారు. అక్కడ వైద్యులు అత్యవసర చికిత్స అందించారు. అయితే నవీన్‌ కుమార్‌ పరిస్థితి విషమించడంతో మెరుగైన వైద్యం కోసం తిరుపతి రుయా ఆస్పత్రికి తరలించాలని వైద్యులు సూచించారు. కుటుంబ సభ్యులు అతడిని స్థానికంగా ఉన్న ఓ ప్రైవేట్‌ ఆస్పత్రికి తీసుకెళ్లి చికిత్స అందించారు. అయినప్పటికీ పరిస్థితి విషమించడంతో బుధవారం తుదిశ్వాస విడిచాడు. ఈ ఘటనపై ముదివేడు పోలీసులు ఆర్టీసీ బస్సు డ్రైవర్‌పై కేసు నమోదు చేసి దర్యాప్తు చేస్తున్నారు.

మదనపల్లె టౌన్‌ : ఒంటరిగా ఉన్న మహిళలను లక్ష్యంగా చేసుకుని చైన్‌ స్నాచింగ్‌లకు పాల్పడుతున్న నిందితుడిని మదనపల్లె వన్‌న్‌టౌన్‌ పోలీసులు అరెస్ట్‌ చేశారు. నిందితుడు అరెస్టుకు సంబంధించి మదనపల్లి వన్‌ టౌన్‌ సీఐ రాజారెడ్డి బుధవారం మీడియాకు తెలిపిన వివరాల మేరకు.. సత్యసాయి జిల్లా తనకల్లు మండలం దండువారిపల్లెకు చెందిన పూజారి మహేష్‌ (26)ను అమ్మచెరువుమిట్ట వద్ద వాహన తనిఖీల సందర్భంగా అనుమానాస్పదంగా గుర్తించి అదుపులోకి తీసుకున్నారు. విచారణలో అప్పుల కారణంగా చైన్‌ స్నాచింగ్‌లకు పాల్పడినట్లు నిందితుడు అంగీకరించినట్లు పోలీసులు తెలిపారు. నిందితుడి వద్ద నుంచి 12.150 గ్రాముల బంగారు చైన్‌, 19 గ్రాముల వన్‌న్‌గ్రామ్‌ గోల్డ్‌ చైన్‌, చైన్లు విక్రయించడం ద్వారా వచ్చిన రూ.1.90 లక్షల నగదు, నేరాలకు ఉపయోగించిన ద్విచక్ర వాహనాన్ని పోలీసులు స్వాధీనం చేసుకున్నారు. విచారణలో మదనపల్లె వన్‌న్‌టౌన్‌ పోలీస్‌స్టేషన్‌ పరిధిలో రెండు చైన్‌ స్నాచింగ్‌ కేసులు, బి.కొత్తకోట పోలీస్‌స్టేషన్‌ పరిధిలో ఒక కేసులో మహేష్‌ ప్రమేయం ఉన్నట్లు వెల్లడైంది. మదనపల్లె పట్టణంలోని జోగప్పగారి వీధి, పీ అండ్‌ టీ కాలనీ, బి.కొత్తకోట పరిధిలోని బురకాయలకోట ప్రాంతాల్లో మహిళల నుంచి చైన్లు లాక్కెళ్లిన ఘటనల్లో నిందితుడి పాత్ర ఉన్నట్లు పోలీసులు తెలిపారు. నిందితుడిని అరెస్ట్‌ చేసి తదుపరి దర్యాప్తు కొనసాగిస్తున్నట్లు పోలీసులు వెల్లడించారు.

● హంద్రీనీవా జలాల కోసం ఉద్యమకార్యాచరణ ● రాజకీయాలకతీతంగా పోరాటం ● చెక్‌పోస్టు కూడలిలో నిరసనరామసముద్రం : హంద్రీనీవా సుజల స్రవంతి హెచ్‌ఎన్‌ఎస్‌ఎస్‌ జలాల సాధన కోసం ప్రజా ఉద్యమానికి శ్రీకారం చుట్టారు. ఈ మేరకు బుధవారం మండల కేంద్రంలోని చెక్‌పోస్టు కూడలిలో రైతులు, నిరుద్యోగులు, ఉద్యోగులు, యువకులు, ప్రజలు, రాజకీయ నాయకులు, ప్రజాప్రతినిధులు నిరసన చేపట్టారు. ‘మన నీరు.. మన హక్కు.. మన భవిష్యత్తు’ అంటూ నినదించారు. రాజకీయాలకు అతీతంగా అన్ని వర్గాలు ఒకే డిమాండ్‌తో గళమెత్తడం ఉద్యమానికి కొత్త ఊపునిచ్చింది. తాగునీరు, సాగునీటి సమస్యలతో ఇబ్బందులు పడుతున్న రామసముద్రం మండలానికి హంద్రీనీవా జలాలను తీసుకురావాలని ఆందోళనకారులు డిమాండ్‌ చేశారు. హెచ్‌ఎన్‌ఎస్‌ఎస్‌ నీటితో చెరువులు, కుంటలు నింపి సాగునీటి అవసరాలు తీర్చడంతో పాటు భూగర్భ జలాలను పెంచే అవకాశం ఉందన్నారు. మండలంలోని 19 గ్రామాలకు తాగునీటి సరఫరా చేసేవరకు ఉద్యమం ఆగదని స్పష్టం చేశారు. రాష్ట్ర స్థాయికి ఉద్యమం ఒక్క నిరసనతో వెనక్కి తగ్గకుండా ఉద్యమాన్ని దశలవారీగా ఉధృతం చేయాలని హెచ్‌ఎన్‌ఎస్‌ఎస్‌ సాధన సమితి నిర్ణయించింది. రోజుకో కార్యక్రమంతో గ్రామగ్రామాన ఉద్యమాన్ని విస్తరించి, ప్రతి కుటుంబాన్ని భాగస్వామ్యం చేయాలని పిలుపునిచ్చింది. గతంలో సమైక్యాంధ్ర ఉద్యమం ప్రజలను ఏకతాటిపైకి తెచ్చిన తరహాలో రామసముద్రం నీటి సమస్యను రాష్ట్ర స్థాయిలో చర్చకు తీసుకెళ్లేలా కార్యాచరణ రూపొందించనున్నట్లు తెలిపారు. నీటి హక్కు సాధించే వరకు వెనక్కి తగ్గంకుండా హంద్రీనీవా జలాల సాధనే లక్ష్యంగా ఉద్యమాన్ని కొనసాగిస్తామని సాధన సమితి సభ్యులు స్పష్టం చేశారు. మాటలు కాదు.. నీళ్లు కావాలి వరుస కరువులతో రైతులు సాగుకు దూరమవుతున్నా.. భూగర్భజలాలు మరింత లోతుకు పడిపోతున్నా.. సమస్యకు శాశ్వత పరిష్కారం చూపడంలో ప్రభుత్వాలు విఫలమవుతున్నాయనే ఆవేదన ప్రజల్లో వ్యక్తమవుతోంది. ఇక హామీలు, ప్రకటనలతో కాలయాపన కాకుండా హెచ్‌ఎన్‌ఎస్‌ఎస్‌ జలాలను రామసముద్రం మండలానికి తీసుకురావాలని సాధన సమితి డిమాండ్‌ చేస్తోంది. కుప్పం బ్రాంచ్‌ కెనాల్‌ నుంచి లింక్‌ కాలువ ఏర్పాటు చేసి అగ్రహారం, రామసముద్రం పెద్ద చెరువులతో పాటు మండలంలోని అన్ని గ్రామాల చెరువులు, కుంటలను అనుసంధానించి నీటితో నింపేలా సమగ్ర ప్రణాళిక రూపొందించాలని కోరుతున్నారు. చెరువులు నిండితే భూగర్భజలాలు పెరిగి తాగు, సాగునీటి సమస్యకు శాశ్వత పరిష్కారం లభిస్తుందని రైతులు పేర్కొంటున్నారు. చెరువులు నిండే వరకు పోరాటం తాగునీరు, సాగునీటి సమస్యకు శాశ్వత పరిష్కారం చూపాల్సిన బాధ్యత ప్రభుత్వానిదేనని కమిటీ సభ్యులు స్పష్టం చేస్తున్నారు. రామసముద్రం మండలంలోని ప్రతి చెరువు నిండేలా హెచ్‌ఎన్‌ఎస్‌ఎస్‌ జలాలను అందించేవరకు ఉద్యమాన్ని కొనసాగిస్తామని కమిటీ సభ్యులు ప్రకటించారు. అధికారులకు వినతిపత్రాలు నిరసన అనంతరం సాధన సమితి ఆధ్వర్యంలో తహసీల్దార్‌ అజారుద్దీన్‌, ఎంపీడీవో లతీఫ్‌ఖాన్‌లకు వినతిపత్రాలు అందజేశారు. రామసముద్రం మండలానికి హంద్రీనీవా జలాలను అందించే మార్గాలను పరిశీలించి, సమస్యను ప్రభుత్వం దృష్టికి తీసుకెళ్లాలని విజ్ఞప్తి చేశారు. ఈ కార్యక్రమంలో అధిక సంఖ్యలో ప్రజలు, సాధన సమితి సభ్యులు పాల్గొన్నారు.

నీట మునిగి వ్యక్తి మృతి తంబళ్లపల్లె : మండలంలో బుధవారం వినాయక విగ్రహ నిమజ్జనంలో అపశ్రుతి చోటు చేసుకుంది. మండలంలోని కొటాల ఏటిగడ్డన ఏర్పాటు చేసిన బొజ్జగణపయ్యను ఉదయం నిమజ్జనానికి ఊరేగింపుగా తీసుకెళ్లారు. ఏటిగడ్డకు సమీపంలో ఉన్న పెద్దేరు వాగులో నిమజ్జనం చేస్తుండగా రెడ్డప్ప (40) ప్రమాదవశాత్తు నీటి మునిగి మృతి చెందాడు. స్థానికులు వెంటనే బయటకు తీసి తంబళ్లపల్లె సీహెచ్‌సికి తరలించారు. డాక్టర్లు పరీక్షించి మృతి చెందినట్లు నిర్థారించారు. ఎస్‌ఐ అనిల్‌కుమార్‌ ఆస్పత్రికి చేరుకుని మృతికి గల కారణాలపై ఆరా తీశారు. మహిళ ఆత్మహత్యవీరబల్లి : మండలం పరిధిలో గడికోట ప్రాంతంలో కృష్ణమయ్య గారి పల్లి కు చెందిన శ్రావణి (23) అనే మహిళ పురుగులు మందు తాగి ఆత్మహత్య చేసుకున్నట్లు పోలీసులు తెలిపారు. వివరాలు ఇలా ఉన్నాయి. శ్రావణికి నాలుగేళ్ల క్రితం రాయచోటి మండలం సిబ్యాల పంచాయతీలోని నారవపల్లెకు చెందిన విజయ్‌తో వివాహం జరిగింది. అయితే మంగళవారం గడిగోట ప్రాంతం కృష్ణయ్య గారిపల్లెకు వచ్చి అదే రోజు రాత్రి పురుగుల మందు తాగి ఆత్మహత్య చేసుకున్నట్లు తెలిపారు. విషయం తెలుసుకున్న పోలీసులు సంఘటన స్థలానికి వెళ్లి పరిశీలించి, కేసు నమోదు చేసినట్లు తెలిపారు. పోస్టుమార్టం నిమిత్తం రాయచోటి ప్రభుత్వ ఆసుపత్రికి తరలించినట్లు తెలిపారు. రోడ్డు ప్రమాదంలో వ్యక్తికి గాయాలుమైదుకూరు : మైదుకూరు మండలం తువ్వపల్లె కూడలి వద్ద బైక్‌పై నుంచి కిందపడి బుధవారం రాత్రి సంబటూరు జానయ్య (50) అనే వ్యక్తికి తీవ్రగాయాలయ్యాయి. జాండ్లవరం వీఆర్‌ఓ కాలనీకి చెందిన జానయ్య బైక్‌పై జీవీ సత్రంకు వస్తుండగా కూడలి వద్ద అదుపు తప్పి బైక్‌పై నుంచి కింద పడ్డాడు. నుదురు, మొహంపై రక్తగాయాలయ్యాయి. బళ్లారి – కృష్ణపట్నం హైవే అంబులెన్స్‌లో అతన్ని చికిత్స కోసం మైదుకూరు ప్రభుత్వాస్పత్రికి తరలించారు. ప్రాథమిక చికిత్స అనంతరం వైద్యుల సలహాతో జానయ్యను కుటుంబ సభ్యులకు కడపకు తీసుకెళ్లారు.

పులివెందుల : వైఎస్సార్‌ కడప జిల్లా పులివెందులలో ప్రముఖ కంటి వైద్యుడు, మాజీ ఎమ్మెల్యే దివంగత డాక్టర్‌ ఎస్‌.పురుషోత్తమరెడ్డి పెద్ద కుమారుడు డాక్టర్‌ ఎస్‌. విలియం సత్యానంద రెడ్డి (67) మంగళవారం ఉదయం కడపలో ఆకస్మికంగా గుండెపోటుతో మరణించారు. విలియం సత్యానంద రెడ్డి వైద్యవిద్యను ప్రతిష్టాత్మక వేలూరు సీఎంసీ వైద్య కళాశాలలో అభ్యసించి, ఎండీ కోర్సును కూడా పూర్తిచేసి, మదనపల్లె మిషనరీ హాస్పిటల్లో చాలా కాలం సేవలందించారు. కడప పట్టణంలో దీప నర్సింగ్‌ హోమ్‌ ఏర్పాటుచేసి ప్రముఖ వైద్య నిపుణుడిగా రోగులకు విశేషసేవలందించారు. ఆయన కుమార్తె దీప కడప పట్టణంలో ప్రముఖ స్పెషలిస్ట్‌ వైద్యురాలిగా సేవలందిస్తున్నారు. మరో ప్రముఖ వైద్యుడు డాక్టర్‌ విలియం సత్యానందరెడ్డి మృతి చెందడంతో వైఎస్‌ కుటుంబంలో విషాద ఛాయలు అలుముకున్నాయి. సత్యానందరెడ్డి భౌతికకాయాన్ని బుధవారం పులివెందులకు తీసుకొచ్చారు. పులివెందులలో దివంగత వైఎస్సార్‌ సతీమణి, మాజీ ముఖ్యమంత్రి వైఎస్‌ జగన్‌మోహన్‌రెడ్డి మాతృమూర్తి వైఎస్‌ విజయమ్మ, కడప ఎంపీ వైఎస్‌ అవినాష్‌రెడ్డి, ప్రముఖ పారిశ్రామికవేత్త వైఎస్‌ ప్రకాష్‌రెడ్డి, వైఎస్సార్‌సీపీ పులివెందుల నియోజకవర్గ ఇన్‌ఛార్జి వైఎస్‌ భాస్కర్‌రెడ్డి, వైఎస్‌ ప్రతాప్‌రెడ్డి, మున్సిపల్‌ ఇన్‌ఛార్జి వైఎస్‌ మనోహర్‌రెడ్డి, వైఎస్‌ జోసఫ్‌రెడ్డి, తదితరులతోపాటు వైఎస్‌ కుటుంబ సభ్యులు నివాళులర్పించారు. అనంతరం పులివెందుల లయోలా డిగ్రీ కాలేజీ రోడ్డులోని వైఎస్‌ సమాధుల తోటలో బుధవారం సాయంత్రం సత్యానందరెడ్డి అంత్యక్రియలు నిర్వహించారు. ఈ సందర్భంగా సత్యానందరెడ్డి డాక్టర్‌గా ప్రజలకు సేవలు అందించిన విషయాలను గుర్తుకు తెచ్చుకుని కుటుంబ సభ్యులతో ఆయన ఎంతో ప్రేమగా ఉండే విషయాలను తలుచుకుని బాధను వ్యక్తం చేశారు.

బద్వేలు అర్బన్‌ : నెల రోజుల క్రితం జరిగిన చిన్నపాటి ఘర్షణను దృష్టిలో ఉంచుకుని అన్నదమ్ములపై ఓ యువకుడు కత్తితో దాడి చేసిన ఘటన మంగళవారం అర్ధరాత్రి బద్వేలు పట్టణంలో చోటు చేసుకుంది. ఇందుకు సంబంధించి వివరాల్లోకి వెళితే మున్సిపాలిటీ పరిధిలోని భావనారాయణనగర్‌కు చెందిన నడిపికొండయ్య, నాగేశ్వరి కుమారులైన వెంకటమదన్‌, దినేష్‌లకు కడపకు చెందిన యశ్వంత్‌ అనే యువకుడి నడుమ నెల రోజుల క్రితం స్కూటీ యాక్సిడెంట్‌ విషయమై చిన్నపాటి ఘర్షణ జరిగింది. ఇటీవల కడప నుండి బద్వేలులోని తన సమీప బంధువుల ఇంటికి వచ్చిన యశ్వంత్‌ యాక్సిడెంట్‌ విషయమై మాట్లాడుకుందామని వెంకటమదన్‌, దినేష్‌లను గుంతపల్లె క్రాస్‌రోడ్డులోకి పిలిపించాడు. అక్కడ మాటమాట పెరగడంతో యశ్వంత్‌ ఒక్కసారిగా ఇరువురు అన్నదమ్ములపై కత్తితో దాడి చేసి అక్కడి నుండి పరారయ్యాడు. వెంటనే స్థానికులు అక్కడికి చేరుకుని గాయపడిన అన్నదమ్ములను ప్రభుత్వాసుపత్రికి తరలించారు. ప్రాథమిక చికిత్స అనంతరం మెరుగైన వైద్యం కోసం ఇరువురిని కడప రిమ్స్‌కు తరలించారు. విషయం తెలుసుకున్న అర్బన్‌ పోలీసులు ఘటన స్థలాన్ని పరిశీలించి గాయపడిన వారి నుండి ఘర్షణ జరగడానికి గల కారణాలను తెలుసుకున్నారు. కేసు నమోదు చేసుకున్న అర్బన్‌ పోలీసులు నిందితుడి కోసం గాలిస్తున్నారు.పోలీస్‌ ఆదేశాలు బేఖాతర్‌! సాక్షి టాస్క్‌ ఫోర్స్‌ : ఒంటిమిట్ట మండలంలోని రాచగుడిపల్లెలో వినాయక మండపం వద్ద మంగళవారం రాత్రి ఏర్పాటు చేసిన ఆర్కెస్ట్రా వివాదాస్పదంగా మారింది. వినాయక ఉత్సవాల సందర్భంగా మండపం వద్ద నిర్వహించిన ఆర్కెస్ట్రాలో అమ్మాయిలతో అసభ్యకర నృత్యాలు వేయించడంపై మహిళలు ఆగ్రహం వ్యక్తం చేస్తున్నారు. అంతేకాదు డాన్స్‌ వేస్తున్న యువతులతో స్థానిక టీడీపీ నాయకుడు, రాజంపేట నియోజకవర్గానికి సంబంధం లేని మరో టీడీపీ నాయకుడితో కలిసి వేదికపై స్టెప్పులేశారు. అధికార పార్టీకి చెందిన ఒక నాయకుడి అండదండలు ఉండటంతోనే ఆర్కెస్ట్రా కార్యక్రమానికి పోలీసులు సహకరించినట్లు విమర్శలు ఉన్నాయి. ఆర్కెస్ట్రాకు అనుమతి లేదు మంగళవారం రాత్రి రాచగుడిపల్లిలో జరిగిన ఆర్కెస్ట్రాకు ఎలాంటి అనుమతి లేదని ఒంటిమిట్ట ఎస్‌ఐ శ్రీనివాసులు తెలిపారు. ప్రభుత్వ నిబంధనలను అతిక్రమించిన వారిపై శాఖ పరమైన చర్య తీసుకుంటామని పేర్కొన్నారు.

మదనపల్లె టౌన్‌ : అన్నమయ్య జిల్లాలోని బి. కొత్తకోట మండలానికి చెందిన ఓ వ్యక్తి బుధవారం ఎలుకల మందు తాగి ఆత్మహత్యకు యత్నించి, మదనపల్లె జిల్లా ఆసుపత్రిలో చేరాడు. ఘటనపై జిల్లా ఆస్పత్రి ఔట్‌ పోస్టు పోలీసులు తెలిపిన వివరాల మేరకు.. బి.కొత్తకోట మండలంలోని అమ్మ చెరువుకు చెందిన వెంకట రెడ్డప్ప (58) కుటుంబ సమస్యల కారణంగా ఇంట్లో ఉన్న ఎలకల మందు తాగి ఆత్మహత్యాయత్నానికి పాల్పడ్డాడు. గమనించిన కుటుంబీకులు వెంటనే బాధితుడిని మదనపల్లె జిల్లా ప్రభుత్వ ఆస్పత్రికి తరలించి, వైద్య చికిత్సలు అందించారు. దీంతో అతడు కోలుకుంటూ ఉన్నాడు. బి కొత్తకోట పోలీసులు కేసు దర్యాప్తు చేస్తున్నట్లు తెలిపారు.

మదనపల్లె సిటీ : సచివాలయాల్లో ప్రత్యేక బియ్యం కౌంటర్లు ఏర్పాటు చేయాలని జాయింట్‌ కలెక్టర్‌ శివనారాయణశర్మ ఆదేశించారు. బుధవారం కలెక్టరేట్‌లో హోల్‌సేల్‌ వ్యాపారులతో సమావేశం నిర్వహించారు. జిల్లాలో నిత్యావసర వస్తువుల ధరలు, నిల్వలు, సరఫరా పరిస్థితిపై సమీక్షించారు. ఈ సందర్భంగా ఆయన మాట్లాడుతూ జిల్లా వ్యాప్తంగా ప్రత్యేక బియ్యం కౌంటర్లు ఏర్పాటు చేయాలన్నారు. దీంతో పాటు పెరిగిన ఉల్లిపాయల ధరలను నియంత్రించేందుకు రైతుబజార్ల వద్ద ప్రత్యేక కౌంటర్లు ఏర్పాటు చేసి తక్కువ ధరకు ప్రజలకు అందజేయాలని సూచించారు. చక్కర అక్రమ నిల్వలు, కృత్రిమ కొరత, ఊహాజనిత కార్యకలాపాలను అరిట్టేందుకు భౌతికంగా ఽధ్రువీకరించాలన్నారు. రెవెన్యూ, సివిల్‌ సప్లయిస్‌, లీగల్‌ మెట్రాలజీశాఖలకు చెందిన ఎన్‌ఫోర్సుమెంట్‌ సిబ్బంది తనిఖీలు నిర్వహించాలని పేర్కొన్నారు. సమావేశంలో రెవెన్యూ, సివిల్‌ సప్లయ్‌ అధికారులు పాల్గొన్నారు.జాయింట్‌ కలెక్టర్‌ శివనారాయణశర్మ

నందలూరు : మండలంలోని నాగిరెడ్డిపల్లి గ్రామపంచాయతీ పరిధి అరవపల్లి రైల్వే గేట్‌ సమీపంలోని జయలక్ష్మి ఎలక్ట్రికల్‌ అండ్‌ ఫ్యాన్సీ స్టోర్‌ ఇటీవల విద్యుత్‌ షార్ట్‌సర్క్యూట్‌ కారణంగా అగ్ని ప్రమాదానికి గురై పూర్తిగా దగ్ధమైన విషయం తెలిసిందే. ఈ ప్రమాదంలో దుకాణంలోని వస్తువులు పూర్తిగా కాలిపోవడంతో కుటుంబం తీవ్రంగా నష్టపోయింది.ఈ నేపథ్యంలో రాజ్యసభ సభ్యుడు మేడా రఘునాథ రెడ్డి, రాజంపేట ఎమ్మెల్యే ఆకేపాటి అమర్‌నాథ్‌ రెడ్డి, నందలూరు ఎంపీపీ మేడ విజయభాస్కర్‌ రెడ్డి బాధిత కుటుంబాన్ని పరామర్శించి పరిస్థితిని అడిగి తెలుసుకున్నారు. అనంతరం బాధిత కుటుంబానికి ఎంపీ మేడా రఘునాథ రెడ్డి తన సొంత నిధుల నుంచి రూ.లక్ష ఆర్థిక సహాయాన్ని అందించారు. ఈ సందర్భంగా రాజ్యసభ సభ్యులు (ఎంపీ) మేడా రఘునాథ రెడ్డి మాట్లాడుతూ అగ్ని ప్రమాదంలో నష్టపోయిన కుటుంబానికి తన వంతు సహాయంగా ఆర్థిక సాయం అందించినట్లు తెలిపారు. జర్నలిస్టులకు రాష్ట్ర ప్రభుత్వ పురస్కారాలుకడప సిటీ : జర్నలిజం రంగంలో విశేష సేవలందిస్తూ, వృత్తిపరమైన ప్రతిభను కనబరిచిన పాత్రికేయులను ప్రోత్సహించి, వారి సేవలను గుర్తించి గౌరవించేందుకు 2025 సంవత్సరానికి 12 విభాగాల్లో ఉత్తమ జర్నలిస్టు అవార్డులు అందజేయాలని రాష్ట్ర ప్రభుత్వం నిర్ణయించింది. ఈ అవార్డులకు అర్హులైన వారిని ఎంపిక చేసేందుకు ఆయా విభాగాలకు చెందిన జర్నలిస్టుల నుంచి దరఖాస్తులను ఆహ్వానిస్తున్నట్లు రాష్ట్ర సమాచార పౌరసంబంధాల శాఖ సంచాలకులు కేఎస్‌ విశ్వనాథన్‌ ఒక ప్రకటనలో తెలిపారు. అర్హులైన జర్నలిస్టులు తమ దరఖాస్తులను 2026 సెప్టెంబరు 28వ తేదీ సాయంత్రం 5.00 గంటల్లోగా డైరెక్టర్‌, సమాచార పౌరసంబంధాల శాఖ, 2వ అంతస్తు, ఎన్టీఆర్‌ పరిపాలన భవనం, పండిట్‌ నెహ్రూ బస్‌స్టేషన్‌, విజయవాడ – 520013 అనే చిరునామాకు పంపించాలని ఆయన సూచించారు.

● పట్టించుకోని రెవెన్యూ అధికారులు ● ప్రభుత్వ భూముల ఆక్రమణపై స్థానికుల ఆగ్రహంమదనపల్లె టౌన్‌ : అన్నమయ్య జిల్లా కేంద్రం మదనపల్లె నవోదయ కాలనీలో ప్రభుత్వ స్థలాలను ఆక్రమించి నకిలీ పట్టాలతో రాత్రికి రాత్రే ఇళ్ల నిర్మాణాలు చేపడుతున్నారనే ఆరోపణలు వెల్లువెత్తుతున్నాయి. ప్రభుత్వ స్థలాల్లో అక్రమ నిర్మాణాలు జరుగుతున్నప్పటికీ రెవెన్యూ అధికారులు పట్టించుకోవడం లేదని స్థానికులు ఆవేదన వ్యక్తం చేస్తున్నారు. ఈ వ్యవహారంలో కొందరు స్థానిక వీఆర్వోల పాత్రపై కూడా ఆరోపణలు వినిపిస్తున్నాయి. ప్రభుత్వ స్థలాలను రాత్రివేళల్లో ఆక్రమించి నిర్మాణాలు చేపడుతున్నా సంబంధిత అధికారులు చర్యలు తీసుకోవడం లేదని వారు విమర్శిస్తున్నారు. అదేవిధంగా పేదల ఇళ్ల మధ్యలో కొందరు బడా వ్యక్తులు ఎకరాలకు ఎకరాలు ప్రభుత్వ స్థలాలను ఆక్రమించి ఫెన్సింగ్‌ ఏర్పాటు చేసుకోవడమే కాకుండా భవంతులు నిర్మిస్తున్నారని స్థానికులు చెబుతున్నారు. ప్రభుత్వ భూముల పరిరక్షణలో అధికారులు నిర్లక్ష్యం వహిస్తే భవిష్యత్తులో మరిన్ని ఆక్రమణలు జరిగే అవకాశం ఉందని ఆందోళన వ్యక్తం చేస్తున్నారు. ఇప్పటికై నా జిల్లా స్థాయి రెవెన్యూ అధికారులు స్పందించి వలసపల్లె నవోదయ కాలనీలో ప్రభుత్వ భూముల ఆక్రమణలపై సమగ్ర విచారణ చేసి ఆక్రమణదారులపై చట్టపరమైన చర్యలు తీసుకోవాలని కోరుతున్నారు.

చింతామణి : క్యాంటర్‌–టెంపో ఢీకొని టమాటా నేలపాలైన ఘటన కోలారు జిల్లా కంచార్లపల్లి పోలీసు స్టేషన్‌ పరిధిలోని కనిశెట్టిహళ్లి వద్ద బుధవారం జరిగింది. తంబళ్లపల్లి తాలూకా కందుకూరు మండలం గొల్లపల్లి గ్రామానికి చెందిన లక్ష్మీనారాయణ అనే రైతు టమాటాలను అమ్ముకోవడానికి చింతామణి మార్కెట్‌కు సొంత క్యాంటర్‌లో తీసుకొస్తుండగా చింతామణి నుంచి చేలూరుకు వెళ్తున్న టెంపో ఎదురైంది. వాహనాలు పరస్పరం ఢీకొనడంతో క్యాంటర్‌ రోడ్డు పక్కన బోల్తా పడి టమాటా నేలపాలైంది. ప్రమాదం నుంచి డ్రైవర్‌ లక్ష్మీనారాయణ సురక్షితంగా బయటపడ్డాడు. టెంపో డ్రైవర్‌ షారుకు కాలు విరిగింది. చుట్టుపక్కల వారు క్షతగాత్రుడిని చింతామణి ఆస్పత్రికి తరలించారు. కంచార్లపల్లి పోలీసులు కేసు దర్యాప్తు చేపట్టారు.

మదనపల్లె సిటీ: ఆదిపూజల దేవుడు...ఆది దంపతుల సుతుడు...బొజ్జ గణపయ్య నిమజ్జనాన్ని బుధవారం మూడవరోజు భక్తులు భక్తిశ్రద్ధలతో నిర్వహించారు. పందిళ్లలో ఏర్పాటు చేసిన గణపయ్యల విగ్రహాలను చెరువులు, కుంటల్లో నిమజ్జనం చేశారు. భక్తులు ఈ కార్యక్రమాన్ని ఉత్సాహ భరితంగా నిర్వహించారు. తొలుత కమిటీ నిర్వా హకులు భక్తులకు అన్నదానాలు చేశారు. ఆపై స్వామిని నిమజ్జనానికి తరలించారు. సందడే సందడి: జైబోలో గణేష్‌ మహరాజ్‌కీ....గణపతి బొప్పమోరియా.. నినాదాలతో నిమజ్జన దారులు హోరెత్తాయి. తప్పెట్లు, చెక్కభజనలు, బ్యాండుమేళాలు, భక్తి గీతాలాపనలు, యువకుల ఈలలు, కేరింతల మధ్య కట్టల తెగిన ఉత్సాహం మధ్య గణపతి నిమజ్జనం ఘనంగా జరిగింది. మధ్యాహ్నం నుంచి రాత్రి వరకు జిల్లాలో గణపయ్య విగ్రహాల నిమజ్జనం కొనసాగింది. ఈ సందర్భంగా పలుచోట్ల గణపతి చేతిలో పూజలందుకున్న లడ్డూల వేలం పాటలుతో పాటు వివిధ రకాల పోటీలు నిర్వహించారు. జిల్లా ఎస్పీ ఆధ్వర్యంలో పటిష్ట పోలీసు బందోబస్తు నిర్వహించారు.కలికిరిలో పార్వతీ తనయుడి గ్రామోత్సంపుంగనూరులో గణేష్‌ నిమజ్జన ఊరేగింపులో యువత కోలాహలం

● ఎంపీ వైఎస్‌ అవినాష్‌రెడ్డితో రైతుల ఆవేదన ● ‘వెలిగల్లు’ నుంచి నీటి విడుదలకు విన్నపం పులివెందుల/చక్రాయపేట : తీవ్ర వర్షాభావ పరిస్థితుల్లో పంటలను కాపాడుకునేందుకు తీవ్ర ఇబ్బందులు పడుతున్నామని రైతులు వాపోయా రు. ఈ మేరకు కడప ఎంపీ వైఎస్‌ అవినాష్‌రెడ్డి ఎదుట సమస్యల ఏకరువు పెట్టారు. బుధవారం పులివెందుల పట్టణంలోని స్థానిక భాకరాపురంలో ఉన్న తన నివాసంలో ఎంపీ వైఎస్‌ అవినాష్‌రెడ్డిని జెడ్పీటీసీ సభ్యుడు శివప్రసాదరెడ్డి, ఎంపీపీ మాధవి బాలకృష్ణ, వైఎస్సార్‌సీపీ ప్రధాన కార్య దర్శులు ఈశ్వరరెడ్డి, శ్రీధర్‌ రెడ్డి, యువజన విభాగం ప్రధాన కార్యదర్శి రామాంజనేయరెడ్డి, జేసీఎస్‌ కన్వీనర్‌ రామాంజుల రెడ్డి, మండల ఉపాధ్యక్షుడు గఫూర్‌, వైఎస్సార్‌సీపీ నేతలు గంగయ్య, దేవానందరెడ్డి, అంజలి రెడ్డి, రాజబాబు, పలువురు రైతులు కలిశారు. ఈ సందర్భంగా మండలంలో నెలకొన్న కరువు వర్షాభావ పరిస్థితులను అన్నదాతలు ఎంపీకి వివరించారు. వర్షాల్లేక పాపఘ్ని నదిలో భూగర్భజలాలు అడుగుంటిపోయాయని, బోర్ల ఫిల్టర్లు ఎండిపోయాయన్నారు. అలాగే తాగు నీటి ఎద్దడి కూడా గ్రామాల్లో నెలకొందని ఎంపీ దృష్టికి తీసుకెళ్లారు. ఈ నేపథ్యంలో అన్నమయ్య జిల్లాలోని వెలిగల్లు ప్రాజెక్టు నుంచి 0.02 టీఎంసీల నీటిని పాపాఘ్ని నదికి వదిలితే భూగర్భజలాలు వృద్ధి చెంది బోర్లు రీచార్జ్‌ అవుతాయని వివరించారు. అలాగే కుప్పానికి నీరు తీసుకెళ్లడానికి రైతుల అనుమతి లేకుండా పొలాల్లో పైపులైన్‌ పనులు చేస్తున్న విషయాన్ని ఎంపీ దృష్టికి తీసుకెళ్లారు. దీనికి స్పందించిన ఎంపీ సంబంధిత అధికారులతో మాట్లాడి సమస్య పరిష్కారమయ్యేలా చూస్తానన్నారు. అలాగే గండి ఆలయ మాజీ చైర్మన్‌ కావలి కృష్ణతేజ గండి సమస్యలతో పాటు వీరన్నగట్టుపల్లె సమస్యలను ఆయనకు వివరించారు. నీటి విడుదలకు ఇరిగేషన్‌ శాఖ చీఫ్‌ ఇంజనీర్‌కు లేఖ రాసిన ఎంపీ చక్రాయపేట, వేంపల్లె మండలాల్లో తాగునీటి కొరతను తీర్చడానికి వెలిగల్లు జలాశయం నుంచి పాపాఘ్ని నదిలోకి 0.20టీఎంసీల నీటిని విడుదల చేయాలని ఎంపీ వైఎస్‌ అవినాష్‌రెడ్డి ఇరిగేషన్‌ శాఖ చీఫ్‌ ఇంజనీర్‌ బాల చంద్రారెడ్డికి లేఖ రాశారు. పాపాఘ్ని నదీ పరివాహక ప్రాంతంలో పెద్ద ఎత్తున జరుగుతున్న అక్రమ ఇసుక తవ్వకాలు, వర్షపాతం కొరత కారణంగా భూగర్భ జలమట్టం గణనీయంగా తగ్గిపోయిందని అందులో పేర్కొన్నారు. ఎంపీ లేఖకు స్పందించిన ఇరిగేషన్‌ శాఖ సీఈ ఫోన్‌ ద్వారా ఎంపీతో మాట్లాడారు. ఈ విషయంపై నిర్ణయాధికారం కలెక్టర్‌ తీసుకుంటారని వివరించారు. దీంతో ఎంపీ వైఎస్‌ అవినాష్‌రెడ్డి తాగునీటి సమస్యపై కలెక్టర్‌ దృష్టికి కూడా తీసుకెళ్లారు.

– కలెక్టర్‌ నిశాంత్‌కుమార్‌ సాక్షి, మదనపల్లె: స్వచ్ఛతే సేవ, పరిశుభ్రమైన జిల్లా లక్ష్యంగా ఈనెల 17 నుంచి అక్టోబర్‌ 17 వరకు స్వచ్ఛతా హి సేవా కార్యక్రమాలను ప్రజల భాగస్వామ్యంతో విజయవంతం చేయాలని కలెక్టర్‌ నిశాంత్‌ కుమార్‌ అన్నారు. బుధవారం కలెక్టరేట్‌లోని తన చాంబర్‌లో మున్సిపల్‌ కమిషనర్లు, డీపీఓతో జరిగిన సమావేశంలో కలెక్టర్‌ కార్యక్రమాల నిర్వహణపై సమీక్షించారు. నాలుగు మున్సిపాలిటీలతో గ్రామీణ ప్రాంతాల్లో ప్రజలకు పరిశుభ్రతపై అవగాహన కల్పించడం, పారిశుధ్య నిర్వహణ మెరుగుపరిచేలా కృషి చేయాలన్నారు. స్వచ్ఛ పాఠశాల, సఫాయి మిత్ర సురక్ష, స్వచ్ఛత కోసం ప్రజల భాగస్వామ్యం, స్వచ్ఛతా సే సమృద్ధి అంశాలపై దిశానిర్దేశం చేశారు. గురువారం ప్రజలు తమ ఇళ్లను శుభ్రం చేసుకుని, దీపం వెలిగించి స్వచ్ఛత కోసం సంకల్పం తీసుకోవాలని సూచించారు. సమావేశంలో మదనపల్లె, బి కొత్తకోట, పుంగనూరు మున్సిపల్‌ కమిషనర్లు కే.ప్రమీల, బిక.రమాదేవి మధుసూదన్‌ రెడ్డి, డిపిఓ రాధమ్మ పాల్గొన్నారు. గణేష్‌ నిమజ్జన ఏర్పాట్ల పరిశీలన పీలేరురూరల్‌ : పీలేరు పట్టణంలో జరిగే గణేష్‌ నిమజ్జన ఏర్పాట్లను జిల్లా ఎస్సీ ధీరజ్‌ కునుబిల్లి పరిశీలించారు. స్థానిక అయ్యపునాయుని చెరువు వద్ద నిమజ్జనం జరిగే ప్రాంతాన్ని క్షుణ్ణంగా పరిశీలించారు. ఈ సందర్భంగా ఎస్పీ మాట్లాడుతూ గణేష్‌ విగ్రహాల ఊరేగింపు, నిమజ్జన కార్యక్రమాలు ప్రశాతంగా జరిగేలా పటిష్ట బందోబస్తు ఏర్పాటు చేయాలని డీఎస్పీ కృష్ణమోహన్‌, సీఐ వెంకటేశ్వర్లను ఆదేశించారు. గణేష్‌ ఉత్సవ కమిటీ, భక్తులు సహకరించాలని కోరారు. సీఆర్‌పీఎఫ్‌ కేంద్రం సందర్శన కలికిరి: కలికిరి సమీపంలోని సీఆర్‌పీఎఫ్‌ కేంద్రాన్ని బుధవారం ఎస్పీ ధీరజ్‌ కునుబిల్లి సందర్శించారు. ఈ సందర్భంగా సీఆర్‌పీఎఫ్‌ ఐజీ దినేష్‌ ప్రతాన్‌ ఉపాద్యాయ్‌తో కలిసి కేంద్రం ఆవరణలోని నూతన భవనాలు, మెస్‌, బ్యారక్‌లను పరిశీలించారు. సీఆర్‌పీఎఫ్‌ బలగాలకు స్థానిక పోలీసు సహకారం ఉంటుందని పేర్కొన్నారు. 17 నుంచి సేవా సంకల్ప్‌ అభియాన్‌ పోటీలు మదనపల్లె సిటీ: జిల్లాలోని అన్ని పీఎం శ్రీ పాఠశాలల్లో ఈనెల 17 నుంచి సేవా సంకల్ప్‌ అభియాన్‌ పోటీలు నిర్వహించనున్నట్లు సమగ్రశిక్ష ఏపీసీ డాక్టర్‌ అనూరాధ తెలిపారు. ఈపోటీలు వచ్చే నెల 17 వరకు జరుగుతాయని పేర్కొన్నారు. ‘పిల్లల కలల భారతదేశం’ అనే అంశంపై విద్యార్థులకు డ్రాయింగ్‌, వక్తృత్వ పోటీలు జరుగుతాయన్నారు. పాఠశాల స్థాయిలో ఉత్తమ ప్రతిభ చూపిన విద్యార్థుల ఎంట్రీలతో జిల్లా స్థాయిలో, ఆపై రాష్ట్ర స్థాయిలో ప్రత్యేక ప్రదర్శనలు ఉంటాయన్నారు. విజేతలకు బహుమతులు ఉంటాయని తెలిపారు.

మదనపల్లె సిటీ : ప్రభుత్వ పాఠశాలలో చదువుతూ ప్రతిభ గల పేద విద్యార్థుల చదువుకు ఆర్థిక బరోసా కల్పించేందుకు కేంద్ర మానవ వనరుల మంత్రిత్వశాఖ నేషనల్‌ మీన్స్‌ కమ్‌ మెరిట్‌ స్కాలర్‌షిప్‌(ఎన్‌ఎంఎంఎస్‌)ను అందచేస్తోంది. ఇందు కోసం ప్రతి ఏటా ఎన్‌ఎంఎంఎస్‌ పరీక్షను నిర్వహిస్తోంది. ఇందులో ప్రతిభ చాటిన విద్యార్థులకు ఏడాదికి రూ.12 వేల చొప్పున ఉపకారవేతనాన్ని అందజేస్తోంది. ఈ ఉపకార వేతనం 9వ తరగతి నుంచి ఇంటర్మీడియట్‌ పూర్తయ్యేంత వరకు ఏటా రూ.12 వేల చొప్పన నాలుగేళ్లపాటు రూ.48 వేలు ఆర్థిక ప్రోత్సాహం లభిస్తుంది. పభుత్వ పాఠశాలల్లో చదువుకునే పేదలకు ఇది ఎంతో ఉపయోగకరంగా ఉంటుంది. ఈ పరీక్షను ఎక్కవ మంది రాసేలా విద్యాశాఖ అధికారులు ప్రత్యేక శ్రద్ధ తీసుకుంటున్నారు. ఇందుకు సంబంధించి దరఖాస్తు చేసుకునేందుకు అక్టోబర్‌ 12వ తేదీ వరకు గడువు ప్రకటించింది. జిల్లాలోని విద్యార్థులు ఈ అవకాశాన్ని సద్వినియోగం చేసుకోవాలని విద్యాశాఖ అధికారులు సూచిస్తున్నారు. దరఖాస్తుల స్వీకరణ ప్రారంభం.. ఎన్‌ఎంఎంఎస్‌ ఉపకార వేతనాల పరీక్షకు సంబంధించి దరఖాస్తుల పక్రియ ఈ విద్యా సంవత్సరానికి సంబంధించి ప్రారంభమైయింది. అర్హులైన 8వ తరగతి విద్యార్థులు www.bse.ap.gov.in వెబ్‌సైట్‌ ద్వారా ఆన్‌లైన్‌లో దరఖాస్తులను సమర్పించాలి. ఇందుకు సంబంధించి ఆక్టోబర్‌ 12 చివరి గడువుగా నిర్థారించింది. పరీక్ష నవంబర్‌ 15న పరీక్ష ఉంటుంది, ప్రతి విద్యార్థి పరీక్ష ఫీజు కింద ఓసీ, బీసీ విద్యార్థులయితే రూ.100, ఎస్సీ, ఎస్టీ విద్యార్థులు రూ.50లను డబ్ల్యూడబ్ల్యూ డబ్ల్యూ. బీఎస్సీ, ఏపీ. జీవోవీ.ఇన్‌ ద్వారా ఆన్‌లైన్‌ దర ఖాస్తులో ఎస్‌బీఐ కలెక్ట్‌ ద్వారా చెల్లించాల్సి ఉంటుది. ఈ అర్హతలు తప్పనిసరి.. జిల్లాలోని ప్రభుత్వ, జిల్లా పరిషత్తు, మున్సిపల్‌, ఎయిడెడ్‌ ప్రాథమికోన్నత పాఠశాలలు, వసతి సౌకర్యం లేని ఏపీ ఆదర్శ పాఠశాలల్లో ఎనిమిదో తరగతి చదువుతున్న విద్యార్థులు ఈ ప్రోత్సహకాలకు అర్హులు. ఏడో తరగతి పరీక్షల్లో జనరల్‌ విద్యార్థులు కనీసం 55 శాతం మార్కులు సాధించి ఉండాలి. ఎస్సీ, ఎస్టీ విద్యార్థులు 50 శాతం మార్కులు సాధించి ఉండాలి. తల్లితండ్రుల వార్షిక ఆదాయం ఏడాదికి రూ. 3,50,000 మించకూడదు. ఎన్‌ఎంఎంఎస్‌ రాత పరీక్ష ద్వారా విద్యార్థులనుస్కాలర్‌షిప్‌లకు ఎంపిక చేస్తారు. పరీక్షా విధానం ఇలా.. అర్హులైన విద్యార్థులకు రాష్ట్రస్థాయిలో పరీక్ష నిర్వహిస్తారు. పరీక్ష రెండు విభాగాలుగా మొత్తం 180 మార్కులకు అబ్జెక్టివ్‌ విధానంలో నిర్వహిస్తారు. మొత్తం 180 బహుళ ఐచ్ఛిక ప్రశ్నలు ఉంటాయి. ప్రతి విభాగానికి 90 నిమిషాల చొప్పున మొత్తం 3 గంటలు పరీక్ష ఉంటుంది, ఇందులో మెంటల్‌ ఎబిలిటీ టెస్టు(మ్యాట్‌) 90 పశ్నలు 90 మార్కులకు, స్కాలాస్టిక్‌ అప్టిట్యూడ్‌ టెస్టు(శాట్‌) 90 ప్రశ్నలు 90 మార్కులకు ఉంటాయి, ఇలా రెండు పేపర్లు కలిసి 180 మార్కులు ఉంటాయి. 7, 8వ తరగతి సిలబస్‌ నుంచి గణితం(20 మార్కులు), సైన్స్‌(35 మార్కులు), సోషల్‌ స్టడీస్‌ (35 మార్కులు) నుంచి ప్రశ్నలు వస్తాయి. పేద విద్యార్థులకు చక్కటి అవకాశం.. కేంద్ర ప్రభుత్వం నిర్వహిస్తున్న ఎన్‌ఎంఎంఎస్‌ పరీక్ష పేద విద్యార్థులకు ఉపయో గకరంగా ఉంటుంది. 8వ త రగతి నుంచి ఇంటర్‌ వరకు చదువడానికి ఉపయుక్తంగా ఉంటుంది. విద్యార్థులు బాగా చదువుకుని పరీక్షలో ప్రతిభ చూపితే నాలుగేళ్లపాటు అర్థిక వెసులుబాటు ఉంటుంది. ఈ అవకాశాన్ని విద్యార్థులు సద్వినియోగం చేసుకోవాలి.– సుబ్రమణ్యం, జిల్లా విద్యాశాఖ అధికారి

సాక్షి, మదనపల్లె: ప్రకృతి వ్యవసాయం ద్వారా తక్కువ పెట్టుబడితో అధిక ఆదాయం పొందవచ్చని ప్రకృతి సేద్యం జిల్లా ప్రాజెక్ట్‌ మేనేజర్‌ బి.వెంకటమోహన్‌ అన్నారు. బుధవారం మదనపల్లె మండలం చిన్నతిప్పసముద్రం గ్రామ పంచాయతీలో జరిగిన పొలం పిలుస్తోంది కార్యక్రమంలో ఆయన మాట్లాడుతూ రైతులు ప్రకృతి వ్యవసాయాన్ని విస్తృతంగా చేపట్టాలని సూచించారు. తక్కువ పెట్టుబడితో పంటల వైవిధ్యాన్ని పెంచుకుంటూ స్థిరమైన దిగుబడులు సాధించాలని రైతులకు సూచించారు. వర్షాధార రైతు సిద్ధయ్యకు చెందిన పీఎండీఎస్‌ సాగు విధాన క్షేత్రాన్ని, ప్రసాద్‌కు చెందిన ఏ–గ్రేడ్‌ మోడల్‌ క్షేత్రాన్ని సందర్శించి బెండ, మాటిక, బీర, కంది తదితర పంటల సాగును పరిశీలించారు. కార్యక్రమంలో ఏడీఏ మజీద్‌, జేడీఏ హరిప్రియ, ఇన్‌చార్జి ఏడీఏ నవీన్‌ పాల్గొన్నారు. ప్రయాణికులకుమెరుగైన వసతులు కడప కోటిరెడ్డిసర్కిల్‌ : విమానయాన ప్రయాణికులకు మెరుగైన వసతులు కల్పించేందుకు అన్ని రకాల చర్యలు తీసుకుంటున్నామని కడప ఎయిర్‌పోర్టు డైరెక్టర్‌ సుజిత్‌కుమార్‌ పొద్దార్‌ పేర్కొన్నారు. బుధవారం ఆయన విలేకరులతో మాట్లాడుతూ ఎయిర్‌పోర్టు అథారిటీ ఆఫ్‌ ఇండియా సెప్టెంబరు 17 నుంచి అక్టోబరు 10వ తేదీ వరకు భారతదేశంలోని అన్ని విమానాశ్రయాల్లో యాత్రి సేవా అభియాన్‌–2026ను నిర్వహించాలని ప్రణాళిక రూపొందించిందన్నారు. అందులో భాగంగానే యాత్రి సేవా అభియాన్‌ సందర్భంగా కడప విమానాశ్రయానికి రాకపోకలు సాగించే ప్రయాణికులకు సౌకర్యాలు కల్పించేందుకు ప్రతిరోజు వివిధ కార్యక్రమాలను చేపట్టనున్నట్లు చెప్పారు.

● ప్రజలకు వారానికోసారి నీళ్లు ● ప్రభుత్వానికి ముందుచూపు కరువై కష్టాలు ● వైఎస్సార్‌సీపీ ప్రభుత్వంలో నీటి సమస్య మాటేలేదు సాక్షి, మదనపల్లె: కరువు ముదురుతున్నా ముందుచూపు లేకుండా వ్యవహరించడం..గత సీజన్‌లో అందుబాటులోకి వచ్చిన కృష్ణా జలాలను అవసరాలకు అనుగుణంగా ప్రణాళిక లేకపోవడం..గత అనుభవాల నుంచి ప్రభ ుత్వం గుణపాఠం నేర్చుకోకపోవడం వంటి కారణాలతో మదనపల్లె పట్టణ ప్రజలు తాగునీటి కష్టాలను ఎదుర్కొంటున్నారు. ముందస్తు నీటి నిల్వలపై దృష్టిపెట్టని ప్రభుత్వ వైఫల్యం ఇప్పుడు ప్రజలను వెంటాడుతోంది. వర్షాల్లేక పొలాలు బీళ్లుగా మారి..భూగర్భ జలాలు అడుగంటిపోగా..పట్టణాల్లో తాగునీటి కోసం ప్రజలు అల్లాడుతున్నా ప్రభుత్వం ప్రత్యామ్నాయ ఏర్పాట్లపై తీవ్ర జాప్యం చేసింది. గత సీజన్‌లో కృష్ణా జలాలు అందుబాటులో ఉన్నప్పుడే చిప్పిలి, గుంటివారిపల్లె, పుంగమ్మ సమ్మర్‌ స్టోరేజ్‌ ట్యాంకులు, శంకర్రాయలపేట చెరువుల ను నింపి ఉంటే ప్రస్తుత నీటి సంక్షోభం ఇంత తీవ్రంగా ఉండేది కాదన్న అభిప్రాయాలు వ్యక్తమవుతున్నాయి. కొరత..నీటి వెత మదనపల్లె మున్సిపాలిటీ ప్రజలకు కావాల్సినంత నీటి సరఫరా అందడం లేదు. పట్టణంలో మున్సిపాలిటీ 189 నీటి పథకాలు ఉన్నాయి. అందులో 120 పనిచేస్తుండగా.. 69 బోర్లు ఎండిపోయినట్లు మున్సిపల్‌ అధికారుల లెక్క. పట్టణంలో పర్సు జనాభా 1,59,332 మంది ఉన్నారు. ఈ జనాభాకు తగ్గట్టుగా మున్సిపల్‌ అధికారులు తాగునీటిని అందించలేకపోతున్నారు. భూగర్భ జలాలు అడుగండిపోవడం, తీవ్ర వర్షాభావ పరిస్థితులు పట్టణ ప్రజల తాగునీటిపై ప్రభావం చూపించింది. వారానికోసారి నీళ్లు మదనపల్లె మున్సిపాలిటీలో గత వైఎస్‌ఆర్సీపీ పాలనలో రోజు మార్చి రోజు ప్రజలకు తాగునీరు అందేది. శివారు ప్రాంతాల్లో కానీ, ఏ ప్రాంతమైనా నీటి సమస్య అన్నమాట ఐదేళ్లపాటు వినబడలేదు. ఇప్పుడా పరిస్థితి తలకిందులైంది. వారం రోజులకు ఒకసారి తాగునీరు అందే పరిస్థితి ఏర్పడింది. శివారు ప్రాంతాల్లో నీటి ఘోష మదనపల్లె పట్టణంలోని శివారు ప్రాంతాల్లో తాగునీటి కోసం ప్రజలు ఘోషిస్తున్నారు. బీకే పల్లి, అనపగుట్ట, రామిరెడ్డి లేఅవుట్‌ వైఎస్సార్‌ నగర్‌, జగనన్న కాలనీ, చంద్రా కాలనీ, చీకలగుట్ట, రామారావు కాలనీ, విజయనగర్‌ కాలనీ, చౌడేశ్వరి నగర్‌ తదితర ప్రాంతాల్లో నాలుగు రోజులకు ఒకసారి కూడా నీటి సరఫరా ఉండడం లేదని స్థానికులు చెబుతున్నారు. అధికారులు కొన్ని ప్రాంతాల్లో నాలుగు రోజులకు ఒకసారి నీటిని అందిస్తున్నామని చెప్తున్నప్పటికీ వారం రోజులు ఎక్కువ ఒకసారి నీటినిస్తున్న ప్రాంతాలు ఉన్నాయని ప్రజలు చెబుతున్నారు. ముందు చూపులేని సర్కార్‌ కృష్ణా జలాలు పుష్కలంగా అందుబాటులో ఉన్నప్పుడు చంద్రబాబు సర్కార్‌, స్థానిక ప్రజాప్రతినిధులు, జిల్లా యంత్రాంగం పూర్తి నిర్లక్ష్యం వహించింది. గత సీజన్‌ లో కృష్ణా జలాలు జిల్లాలోకి ప్రవహించినప్పుడు చంద్రబాబు తన నియోజకవర్గం కుప్పం ప్రయోజనాల కోసం అధిక ప్రాధాన్యత ఇచ్చారు. ఆ నియోజకవర్గంలో 114 చెరువులకు నీటిని అందించాలని ప్రాజెక్టు నివేదికలో ఉండగా, చంద్రబాబు నియోజకవర్గం కావడంతో అదనంగా మరో 50 చెరువులను నింపుకున్నారు. కరువు ప్రాంతమైన మదనపల్లె, తంబళ్లపల్లి, పుంగనూరు ప్రాంతాలపై తీవ్రంగా నిర్లక్ష్యం చూపించారు. మదనపల్లె పట్టణ ప్రజల తాగునీటి కోసం ఉద్దేశించిన చిప్పిలి, గుంటివారిపల్లె సమ్మర్‌ స్టోరేజ్‌ ట్యాంకులకు కృష్ణా నీటిని అందించాల్సి ఉన్నా ప్రభుత్వం విస్మరించింది. ఈ రెండింటిని నింపి ఉంటే ఈరోజు మదనపల్లెకు నీటి సమస్య వచేదికారు. కుప్పం చెరువులకు నీటిని తరలించేందుకు చూపించిన శ్రద్ధ మదనపల్లె ప్రజల తాగునీటి విషయంలో చంద్రబాబు చూపించలేదు. ఫలితంగా ఇప్పుడు నీటి ఎద్దడిని ఎదుర్కోవాల్సి వస్తోంది. కొత్తగా పది బోర్లు: మదనపల్లె నీటి సమస్యను ఎదుర్కొనేందుకు మున్సిపల్‌ అధికారులు లెక్కకు మించి నిధులు ఖర్చు చేసేందుకు వెనకాడడం లేదు. నెలరోజుల వ్యవధిలో పదికి పైగా బోర్లు తవ్వించారు. వాటిలో కొన్ని బోర్లు నీళ్లు లేక విఫలమయ్యాయి. కొన్నింటిలో నీటి లభ్యత ఉన్నప్పటికీ అవి పూర్తిస్థాయిలో ప్రయోజనం చేకూర్చడం లేదని తెలుస్తోంది. ట్యాంకర్‌ నీటికి రూ.645: తాగునీటి సమస్య నేపథ్యంలో మున్సిపల్‌ అధికారులు ప్రైవేట్‌ ట్యాంకర్ల నుంచి ప్రతిరోజు నీటిని కొనుగోలు చేస్తున్నారు. పట్టణంలోని ఏవీ నాయుడు కాలనీ, రామిరెడ్డి లేఅవుట్‌, రామారావు కాలనీ, అనపగుట్టలోని నీటి సంపులకు ప్రైవేట్‌ ట్యాంకర్ల నుంచి నీటిని తరలించుకుంటున్నారు. రోజుకో 250 ట్రిప్పుల నీటిని సేకరిస్తున్నారు. రోజుకో 12.50 లక్షల లీటర్లను కొంటున్నట్లు తెలుస్తోంది. ఒక్కో ట్యాంకర్‌ కోసం రూ.645 ఖర్చుపెట్టినట్లు తెలుస్తోంది. ఈ స్థాయిలో నిధులు ఖర్చు చేయడం వల్ల మున్సిపాలిటీ ఖజానాకు లక్షల్లో గండి పడుతుంది. ● పట్టణంలో ప్రస్తుతం రోజుకు 52 లక్షల లీటర్ల నీటి కొరత ఉందని, అంగీకరించిన మున్సిపల్‌ కమిషనర్‌ కే.ప్రమీల, కొన్నిచోట్ల మూడు, నాలుగు రోజులకు ఒకసారి నీటిని అందిస్తున్నామని, సమస్య పూర్తి స్థాయి పరిష్కారానికి నిరంతరం కృషి చేస్తున్నట్లు తెలిపారు. మదనపల్లె మున్సిపాలిటీ పరిధిలో తాగునీటి సమస్య తీవ్రరూపం దాల్చడంతో నివాసితులు మూడు నుండి ఐదు రోజులకు ఒకసారి పట్టుమని 10–20 బిందెలకు మించి నీరు రావడం లేదని ఆవేదన వ్యక్తం చేస్తున్నారు. నల్లగుట్ట కాలనీకి చెందిన రెడ్డప్ప, చంద్ర కాలనీకి చెందిన వైష్ణవి, అనపగుట్టకు చెందిన రాజు వంటి స్థానిక బాధితులు మాట్లాడుతూ.. బోర్లు పూర్తిగా ఎండిపోవడంతో గుక్కెడు నీళ్ల కోసం రోజువారీ అవసరాలకు ఒక్కో ప్రైవేట్‌ ట్యాంకర్‌కు రూ.600 చొప్పున చెల్లించి కొనడం ఆర్థిక భారంగా మారిందని వాపోతున్నారు.

కలెక్టర్‌ నిశాంత్‌ కుమార్‌ సాక్షి, మదనపల్లె: జిల్లా మెరుగైన అభివృద్ధి సాధించడంలో అధికారులు కీలకంగా వ్యవహరించాలని కలెక్టర్‌ నిశాంత్‌ కుమార్‌ అన్నారు. మంగళవారం కలెక్టరేట్‌లోని సమావేశహాలులో సమీక్షా సమావేశం జరిగింది. ఈ సందర్భంగా కలెక్టర్ల సమావేశంలో సీఎం నిర్దేశించిన వివిధ అంశాలపై చర్చించారు. శాఖల వారీగా ఇచ్చిన నిర్దేశిత లక్ష్యాల అమలులో ప్రస్తుత పరిస్థితి, సమస్యలు, చేపట్టాల్సిన చర్యలను కలెక్టర్‌ అడిగి తెలుసుకున్నారు. ప్రతి శాఖకు సంబంధించిన యాక్షన్‌ పాయింట్లను నిర్దేశిత కాలవ్యవధిలో పూర్తి చేసేలా దృష్టి సారించాలని ఆదేశించారు. జిల్లాలో మంత్లీ ఎకనామిక్‌ రిపోర్టులో రాష్ట్రస్థాయిలో మొద టి ర్యాంకు సాధించడం, పర్ఫార్మెన్స్‌ ఇండికేటర్స్‌లో జిల్లా పనితీరు గణనీయంగా మెరుగుపడటంపై కలెక్టర్‌ సంతృప్తి వ్యక్తం చేశారు. జిల్లాను అభివృద్ధి, సంక్షేమం, ఆర్థిక ప్రగతి రంగాల్లో ముందంజలో నిలిపేందుకు కృషి చేయాలని కలెక్టర్‌ సూచించారు. కాగా జిల్లా కలెక్టర్‌గా నిశాంత్‌ కుమార్‌ బాధ్యతలు స్వీకరించి ఏడాది పూర్తయిన సందర్భంగా జేసీ శివ్‌నారాయణ్‌ శర్మ ఆధ్వర్యంలో జిల్లా అధికారులు కలెక్టరుకు శుభాకాంక్షలు తెలిపారు.

మదనపల్లె టౌన్‌ : మదనపల్లె పట్టణంలోని రెడ్డెప్ప నాయుడు కాలనీలో మంగళవారం రాత్రి కారు బీభత్సం సృష్టించింది. ఆర్టీసీ బస్సును ఢీకొన్న కారు అదుపుతప్పి రోడ్డుపై ఉన్న మూడు ద్విచక్ర వాహనాలను వరుసగా ఢీకొట్టుకుంటూ వెళ్లింది. ఈ ఘటనతో స్థానికులు ఒక్కసారిగా భయాందోళనకు గురయ్యారు. అయితే అదృష్టవశాత్తూ ఈ ప్రమాదంలో ఎవరికీ ప్రాణహాని గానీ, గాయాలు గానీ కాకపోవడంతో స్థానికులు ఊపిరి పీల్చుకున్నారు. కారును మైనర్‌ నడపడం వల్లే ప్రమాదం జరిగిందని స్థానికులు ఆరోపించారు. ప్రమాదం అనంతరం కారును నడిపిన వ్యక్తిని స్థానికులు పట్టుకుని మదనపల్లె టూ టౌన్‌ పోలీసులకు అప్పగించారు. ఘటనపై పోలీసులు వివరాలు సేకరించి దర్యాప్తు చేపట్టారు. ప్రమాదానికి సంబంధించిన దృశ్యాలు ప్రస్తుతం స్థానికంగా చర్చనీయాంశంగా మారాయి.బస్సును ఢీకొని బైక్‌లపైకి దూసుకెళ్లిన వైనం

ఒంటిమిట్ట : మండల పరిధి రాచగుడిపల్లిలోని దళితవాడకు చెందిన బల్లి శేఖర్‌ అనే దళితుడి ఇంటిపై అదే గ్రామానికి చెందిన అగ్రకులాలకు చెందిన టీడీపీ నాయకులు దాడి చేశారు. ఈ విషయమై మాల మహానాడు సంఘం నాయకులు బాధితుడితో కలిసి మంగళవారం ఒంటిమిట్ట ఎస్‌ఐ శ్రీనివాసులుకు ఫిర్యాదు చేశారు. ఫిర్యాదులో పేర్కొన్న మేరకు వివరాలు ఇలా ఉన్నాయి. రాచగుడిపల్లిలోని 148 సర్వే నంబర్‌లో 23 సెంట్ల ప్రభుత్వ భూమిని అదే గ్రామానికి చెందిన టీడీపీ నాయకుడు నల్లగొండు సుబ్బారెడ్డి ఆక్రమించి, అందులో ఇప్పటికే కాంపౌండ్‌ వాల్‌ నిర్మించి, ఫామ్‌ హౌస్‌ నిర్మించే ప్రయత్నం చేస్తున్నాడని రాచగుడిపల్లి గ్రామస్తులు ఆరోపిస్తున్నారు. ఆక్రమణను గ్రామస్తులు వ్యతిరేకిస్తున్నారు. ఈ క్రమంలో బల్లి శేఖర్‌ అనే దళితుడు తన ఇంటి వద్ద ఒంటిమిట్ట తహసీల్దార్‌కు వినతి పత్రాన్ని అందించేందుకు కొంత మంది గ్రామస్తులతో సంతకాలను సేకరిస్తున్న నేపథ్యంలో, టీడీపీ నాయకుడు నల్లగొండు వెంకట సుబ్బారెడ్డి, అతని భార్య(మాజీ ఎంపీపీ) నల్లగొండు లక్ష్మీదేవి, వారి బావమరిది ఆరెమ్‌ జస్వంత్‌, వారి డ్రైవర్‌ సునీల్‌, సాకే హరి అతని ఇంటిపైకి ఒక్కసారిగా దాడి చేశారు. ఈ ఘటనపై బాధితుడు పోలీసులకు ఫిర్యాదు చేశాడు.

మహారాష్ట్ర ఫుడ్‌ అండ్‌ డ్రగ్‌ అడ్మినిస్ట్రేషన్‌ కమిషనర్‌గా బాధ్యతలు చేపట్టిన కేవలం 60 రోజుల్లోనే ఆయన 1,100 దాడులు నిర్వహించి, 200 రెస్టారెంట్ల లైసెన్స్‌లను రద్దు చేశారు. 487 పాల కేంద్రాలపై దాడులు చేసి కల్తీ పాలను అరికట్టడంతో పాటు, రూ.1.50 కోట్ల విలువైన కల్తీ నూనెలను సీజ్‌ చేశారు. చట్టం ఎవరికై నా ఒక్కటేనని నిరూపిస్తూ స్వయంగా బాంబే హైకోర్టు క్యాంటిన్‌లోనే తనిఖీలు చేయించి, అపరిశుభ్రత కారణంగా దానిని మూసివేయించారు. కడప జిల్లాలోని వందలాది హోటళ్లు, ఫాస్ట్‌ఫుడ్‌ సెంటర్లలో నిరంతరం కల్తీలు జరుగుతున్నా ఫుడ్‌ సేఫ్టీ అధికారులు మామూళ్ల మత్తులో తూతూమంత్రంగా తనిఖీలు చేస్తున్నారు. ఈ నేపథ్యంలో జిల్లా ప్రజల ఆరోగ్యాన్ని కాపాడటానికి, కల్తీ మాఫియా గుండెల్లో వణుకు పుట్టించడానికి తుకారామ్‌ ముండే లాంటి కఠినమైన అధికారి వైఎస్సార్‌ కడప జిల్లాకు రావాలని స్థానికులు బలంగా డిమాండ్‌ చేస్తున్నారు.

మదనపల్లె టౌన్‌ : కట్టుకున్న భార్యను కొడవలితో దారుణంగా నరికి హత్య చేసిన భర్తకు జీవిత ఖైదు పడింది. చిత్తూరులోని ఆరవ అదనపు జిల్లా కోర్టు మహిళలపై నేరాల ప్రత్యేక న్యాయస్థానం న్యాయమూర్తి టి.హరిత మంగళవారం ఈ సంచలన తీర్పు వెలువరించారు. పోలీసుల కథనం మేరకు.. అన్నమయ్య జిల్లా మదనపల్లె పట్టణంలోని చిలకవారిపల్లెకు చెందిన పడపట్ల రఘు (60) తన భార్య పడపట్ల లక్ష్మీదేవమ్మను 2023 ఆగస్టు 31న పట్టపగలు నడిరోడ్డుపై కొడవలితో దారుణంగా నరికి హత్య చేశాడు. మదనపల్లె రెండో పట్టణ పరిధిలోని బాపూజీ పార్కు సమీపంలో ఈ సంచలన హత్య అందరూ చూస్తుండగానే జరిగింది. ఈ ఘటన అప్పట్లో తీవ్ర కలకలం కూడా రేపింది. ఈ ఘటనపై అప్పటి రెండో పట్టణ ఎస్‌ఐ జి.హేమాద్రి కేసు నమోదు చేసి దర్యాప్తు చేపట్టారు. పోలీసులు సేకరించిన సాక్ష్యాధారాలను పరిశీలించిన న్యాయస్థానం.. రఘు హత్యకు పాల్పడినట్లు నిర్ధారించింది. హత్య నేరానికి జీవితకాల కఠిన కారాగార శిక్షతోపాటు రూ.500 జరిమానా విధించింది. జరిమానా చెల్లించకపోతే మరో రెండు వారాల సాధారణ కారాగార శిక్ష అనుభవించాలని ఆదేశించింది. ఈ కేసులో పక్కా ఆధారాలు సేకరించి నిందితుడికి శిక్ష పడేలా కృషి చేసిన మదనపల్లె డీఎస్పీ బుచ్చిరాజు, రెండో పట్టణ సీఐ ఎస్‌.మహమ్మద్‌ రఫీ, ఎస్‌ఐ నాగేశ్వరరావు, ప్రభుత్వ న్యాయవాది ఎం.బాలాజీ, న్యాయస్థాన పోలీసు సిబ్బంది ఎ.మునిరాజు, టి. వెంకటరమణలను జిల్లా ఎస్పీ ధీరజ్‌ కునుబిల్లి అభినందించారు.

బద్వేలు : జిల్లా ప్రజల ఆరోగ్యం తీవ్ర ప్రమాదంలో పడింది. కల్తీలను నియంత్రించి ప్రజల ఆరోగ్య భద్రతను కాపాడాల్సిన అధికారులు అటువైపు కన్నెత్తి చూడటం లేదు. కూరల్లో వేసుకునే కారం నుంచి నూనె వరకూ.. చికెన్‌, మటన్‌, చేపల వరకూ ఎక్కడ చూసినా కల్తీ.. జిల్లా ప్రజల్ని కలవరపెడుతోంది. నిరంతరం తనిఖీలు చేయాల్సిన ఫుడ్‌ సేఫ్టీ అధికారులు మొక్కుబడి తనిఖీలతో మమ అనిపిస్తున్నారు. టార్గెట్‌ల కోసం తనిఖీలు చేయడం తప్ప నిబంధనలు పాటించని హోటళ్లు, రెస్టారెంట్లపై దాడులు చేసిన దాఖలాలు కనిపించడం లేదు. పూరీ కూరలో చనిపోయిన బల్లి – రంగంలోకి పోలీస్‌ ఇటీవల ప్రొద్దుటూరు పట్టణంలోని ఓ టిఫిన్‌ సెంటర్‌లో షేక్‌ ముస్తాఫా అనే యువకుడు పూరీ కొనుగోలు చేశాడు. అయితే ఇంటికెళ్లి చూడగా పూరీ కూరలో చనిపోయిన బల్లి కనిపించడంతో నిర్ఘాంతపోయాడు. ఇదేమిటని హోటల్‌ యజమానిని ప్రశ్నించగా, అతను అత్యంత నిర్లక్ష్యంగా సమాధానం ఇచ్చాడు. దీంతో బాధితుడు ముస్తాఫా వెంటనే ఒకటో పట్టణ పోలీస్‌ స్టేషన్‌లో ఫిర్యాదు చేశాడు. యువకుడి ఫిర్యాదుపై వన్‌టౌన్‌ సి.ఐ. కొండారెడ్డి తక్షణమే స్పందించి, తన సిబ్బందితో కలిసి సదరు టిఫిన్‌ సెంటర్‌ను తనిఖీ చేసి, నిబంధనలకు విరుద్ధంగా ఉన్న హోటల్‌ను వెంటనే మూయించారు. ఆహార భద్రతా అధికారులు చేయాల్సిన తనిఖీలను పోలీసులు చేయాల్సి వస్తోందని, జిల్లాలో ఫుడ్‌ సేఫ్టీ విభాగం అసలు బతికే ఉందా అని నగరవాసులు ఆగ్రహం వ్యక్తం చేస్తున్నారు. ఎఫ్‌ఎస్‌ఎస్‌ఏఐ నిబంధనలు గాల్లో.. ఆహార భద్రత ప్రమాణాల చట్టం ప్రకారం హోటల్స్‌, రెస్టారెంట్స్‌, ఫాస్ట్‌ఫుడ్‌ సెంటర్లు, ఆహార పదార్థాలు తయారుచేసే యూనిట్లు కచ్చితంగా లైసెన్స్‌ లేదా రిజిస్ట్రేషన్‌ కలిగి ఉండాలి. ఆ లైసెన్స్‌ నెంబర్‌ను స్పష్టంగా బోర్డులపై ప్రదర్శించాల్సి ఉన్నా జిల్లాలో ఎక్కడా ఈ నిబంధన పాటించడం లేదు.నరకాన్ని వంటగది, పైకప్పు, నేల ఎల్లప్పుడూ శుభ్రంగా ఉంచాలి. పురుగులు, బొద్దింకలు, ఎలుకలు రాకుండా జాగ్రత్తలు తీసుకోవాలి. వంటకు పరిశుభ్రమైన నీటిని మాత్రమే ఉపయోగించాలి. కానీ జిల్లాలోని అత్యధిక హోటళ్లలో కిచెన్‌, డైనింగ్‌ ప్రాంతాలు అత్యంత అపరిశుభ్రంగా దర్శనమిస్తున్నాయి. స్వీట్‌ షాపుల్లో రంగుల దందా.. కుళ్లిన పదార్థాల విక్రయాలు నాణ్యత లేని కల్తీ, గడువు తీరిన పదార్థాలను ఉపయోగించరాదని చట్టం చెబుతున్నా.. జిల్లాలోని స్వీట్‌ దుకాణాలు, క్యాటరింగ్‌ యూనిట్లు యథేచ్ఛగా హానికరమైన కెమికల్‌ కలర్స్‌, కల్తీ పదార్థాలు వాడుతున్నట్లు తీవ్ర ఆరోపణలు ఉన్నాయి. ఆహార పదార్థాలను రోజల తరబడి నిల్వ ఉంచడం, కుళ్లిన పదార్థాలను వినియోగదారులకు వడ్డించడం సర్వసాధారణంగా మారింది. ఇటీవల కాలంలో పలు హోటళ్లు, స్వీట్‌షాపుల తనిఖీల్లో నిల్వ ఉంచిన ఆహార పదార్థాలను ఫుడ్‌ సేఫ్టీ అధికారులు గుర్తించినప్పటికీ.. వారిపై ఎలాంటి కఠిన చర్యలు తీసుకున్న దాఖలాలు లేవు. దీంతో వ్యాపారులు మరింత రెచ్చిపోయి వినియోగదారుల ప్రాణాలతో ఆడుకుంటూ, అందినకాడికి దోచుకుంటున్నారు. ఫుడ్‌ సేఫ్టీ అధికారులు మామూళ్ల మత్తు వీడి, జిల్లాలోని తినుబండారాల వ్యాపార సామ్రాజ్యాలపై తక్షణమే మెరుపు దాడులు నిర్వహించి కఠిన చర్యలు తీసుకోవాలని ప్రజలు డిమాండ్‌ చేస్తున్నారు. నిద్రమత్తులో ఫుడ్‌ సేఫ్టీ అధికారులు ప్రొద్దుటూరులో పూరీ కూరలో చనిపోయిన బల్లి కలకలం కడపకు తుకారామ్‌ లాంటి అధికారి కావాలంటున్న ప్రజలు

● అభ్యంతరాల స్వీకరణకురేపు మండలాల్లో పార్టీలతో సమావేశాలు ● జిల్లాలో 320 ఎంపీటీసీ స్థానాలు సాక్షి, మదనపల్లె: జిల్లాలో స్థానిక సంస్థల ఎన్నికల నిర్వహణ ప్రక్రియలో భాగంగా మంగళవారం జిల్లావ్యాప్తంగా అన్ని మండలాల్లోనూ ఎంపీడీవోలు పోలింగ్‌ కేంద్రాల జాబితాను ప్రచురించారు. దీనిపై అభ్యంతరాలను, సూచనలు, సలహాలను కోరుతూ బుధవారం జిల్లాలోని 25 మండలాల ఎంపీడీవో కార్యాలయాల్లో సమావేశాలు నిర్వహిస్తున్నారు. దీనికి గుర్తింపు పొందిన రాజకీయ పార్టీల ప్రతినిధులు హాజరు కానున్నారు. 320 ఎంపీటీసీ స్థానాలు జిల్లాలో 25 మండలాలు ఉండగా ఒక మండలానికి ఒక ఒక జెడ్పీటీసీ ఉండనున్నారు. అలాగే మండల వారీగా బి.కొత్తకోటలో 11, చౌడేపల్లిలో 12, గుర్రంకొండలో 12, కేవీ పల్లెలో 12, కలకడలో 11, కలికిరిలో 13, కురబలకోటలో 12, మదనపల్లెలో 27, ములకలచెరువులో 13, నిమ్మనపల్లిలో 9, పెద్దమండ్యంలో 10, పెద్దతిప్పసముద్రంలో 15, పీలేరులో 21, పుంగనూరులో 16, రామసముద్రంలో 14, సదంలో 10, సోమల 12, తంబళ్లపల్లెలో 11, వాయల్పాడులో 13, గాలివీడులో 14, లక్కిరెడ్డిపల్లిలో 11, రామాపురంలో 10, సంబేపల్లిలో 11, రాయచోటిలో 10, చిన్నమండెంలో 10 చొప్పున ఎంపీటీసీ స్థానాలు ఉన్నాయి. కడప : ఎస్‌ఎఫ్‌ స్ట్రీట్‌లో ధాన్యంతో వినాయకుడు గణపయ్యకు ‘ఆధార్‌’ పేరు: శ్రీ గణేష్‌, తండ్రి పేరు: శివుడు, చిరునామా: నాగిరెడ్డిపల్లి. నందలూరు మండలం నాగిరెడ్డిపల్లి మదర్‌ థెరిసా వీధి యువత వినూత్నంగా ఆలోచించారు. గణపయ్యకు ఆధార్‌, పాన్‌ కార్డు థీమ్‌తో మండపాన్ని తీర్చిదిద్దారు.డివిజన్‌ పోలింగ్‌ పురుషులు మహిళలు కేంద్రాలుపీలేరు 1,372 1,46,349 1,52,250 మదనపల్లె 2,058 2,12,660 2,20,246 రాయచోటి 874 87,684 90,334 మొత్తం 4,304 4,46,693 4,62,830

మదనపల్లె సిటీ: పాఠశాల యాజమాన్య కమిటీ (ఎస్‌ఎంసి) ఎన్నికలు సక్రమంగా, పారదర్శకంగా నిర్వహించాలని సమగ్రశిక్ష అనదపు ప్రాజెక్టు కోఆర్డినేటర్‌ డాక్టర్‌ అనూరాధ తెలిపారు. మంగళవారం ఆమె విలేకర్లతో మాట్లాడుతూ ఈనెల 29న ఎన్నికలు జరుగుతాయని తెలిపారు. జిల్లాలోని 1,785 ప్రభుత్వ , యాజమాన్య పాఠశాలలు, 7 ఎయిడెడ్‌ పాఠశాలల్లో ఎన్నికలు జరుగుతాయన్నారు. అలా గే 473 ప్రైవేటు పాఠశాలల్లో యాజమాన్య కమిటీలను ఏర్పాటు చేయనున్నట్లు వివరించారు. ఈనెల 15న ఎన్నికల షెడ్యూల్‌ ప్రకారం ఎస్‌ఎంసీ సభ్యు లు, చైర్‌పర్సన్‌, వైస్‌ చైర్‌పర్సన్‌ల ఎన్నికలకు నోటిఫికేషన్‌ విడుదలైనట్లు తెలిపారు. 18న పాఠశాల నోటీసుబోర్డులపై ఓటర్ల జాబితా ప్రచురణ, 25వతేదీ ఓటర్ల జాబితాపై అభ్యంతరాల స్వీకరణ, పరిష్కారం, తుది జాబితా ఖరారు జరుగుతుందన్నా రు. 29న ఎన్నికలు ఉదయం 7 నుంచి 1 గంట వరకు జరుగుతాయన్నారు. చైర్మన్‌, వైస్‌ చైర్మన్‌ మధ్యాహ్నం 2 గంటలకు ఎన్నుకోవడం జరుగుతుందన్నారు. 3 గంటలకు నూతన కమిటీ సమావేశం జరుగుతుందన్నారు. రొంపిచెర్ల: ప్రభుత్వ, ప్రైవేటు పాఠశాలల యాజమాన్య కమిటీ ఎన్నికలు ఈ నెల 29న జరగనున్నట్లు చిత్తూరు జిల్లా డీవైఈవో ఇందిర తెలిపారు. ఆమె మంగళవారంవిలేకరులతో మాట్లాడుతూ పాఠశాల యాజమాన్య కమిటీల ఏర్పాటుకు మంగళవారం ప్రభుత్వం నోటిఫికేషన్‌ విడుదల చేసిందన్నారు.సమగ్ర శిక్షణ ఏపీసీ డాక్టర్‌ అనూరాధ

చక్రాయపేట : ప్రసిద్ధి గాంచిన గండి వీరాంజనేయస్వామి దేవస్థానానికి హుండీల ద్వారా రూ.47,90,134 ఆదాయం వచ్చినట్లు ఆలయ సహాయ కమిషనర్‌ విశ్వనాథ్‌ తెలిపారు. మంగళవారం ఆయనతోపాటు కడప పక్కీరుపల్లె శ్రీరామస్వామి దేవాలయ గ్రేడ్‌–2 ఈవో సురేష్‌కుమార్‌రెడ్డి పర్యవేక్షణలో హుండీల ఆదాయాన్ని లెక్కించారు. ఆలయంలోని శాశ్వత హుండీల ద్వారా రూ.47,37,791, అన్నప్రసాద వితరణ సత్రంలోని హుండీ ద్వారా రూ.52,343 కలిపి పై మొత్తం వచ్చిందని సహాయ కమిషనర్‌ తెలిపారు. అలాగే మిక్స్‌డ్‌ బంగారు, వెండి ఆభరణాలు, 11 కువైట్‌ కాయిన్స్‌ వచ్చినట్లు పేర్కొన్నారు. కార్యక్రమంలో ఆలయ చైర్మన్‌ వెంకటస్వామి, ప్రధాన, ఉప ప్రధాన, ముఖ్య అర్చకులు కేసరి, రాజారమేష్‌, రాజగోపాలాచార్యులు, ఆర్కే వ్యాలీ ఏఎస్‌ఐ నాగరాజు, ఆలయ సిబ్బంది, పాలక మండలి సభ్యులు పాల్గొన్నారు.

● సాగునీటి కోసం రైతులు రైతుల దీనచూపు ● తాగునీటికే అని కలెక్టర్‌ ప్రకటన సాక్షి, మదనపల్లె: అన్నమయ్య జిల్లాలో హంద్రీనీవా ప్రాజెక్టు పుంగనూరు ఉపకాలువలో పరుగుపెడుతున్న కృష్ణమ్మకు పోలీసులు పహారా కాస్తున్నారు. సత్యసాయి జిల్లా కదిరి సమీపంలోని చెర్లోపల్లి రిజర్వాయర్‌ నుంచి శనివారం సాయంత్రం కృష్ణా జలాలను ఈ కాలువకు విడుదల చేశారు. ఈ జలాలు మంగళవారం సాయంత్రం కురబలకోట మండలంలోకి ప్రవేశించాయి. బుధవారం మధ్యాహ్నానికి మదనపల్లె రూరల్‌ మండలంలోని చేరనున్నాయి. గత సీజన్‌లో కృష్ణా జలాలు చంద్రబాబు సొంత నియోజకవర్గం కుప్పానికి పారించారు. ప్రస్తుతం ఇప్పటి తీవ్రమైన దుర్భిక్ష పరిస్థితులు, చినుకు లేక ఖరీఫ్‌ పంటలు సాగు కాకపోవడం, పెట్టిన పంటలు ఎండిపోతుండటం, భూగర్భ జలాలు అడుగు అడుగంటిపోతున్న పరిస్థితుల్లో రైతులు సాగు కోసం కృష్ణా జలాలు అందించాలని విన్నవిస్తున్నారు. లేదంటే సాగు సంక్షోభంలోకి పడుతుందని, వ్యవసాయం పడకేస్తుందని ఆందోళన వ్యక్తం చేస్తున్నారు. ఈ పరిస్థితుల్లో తమ పొలాల మీదుగా కృష్ణమ్మ కాలువలో పారుతుంటే మా పొలంలోకి ఎప్పుడు పారుతుందా అని ఆశగా చూస్తున్నారు. అయితే కృష్ణమ్మ కోసం ఆశలు పెట్టుకున్న రైతులు..సాగునీటి కోసం రోడ్డెక్కే పరిస్థితి ఉంటుందని అధికార యంత్రాంగం ముందే గుర్తించింది. రైతుల నుంచి వ్యతిరేకత రాకుండా, సాగునీటికి డిమాండ్‌ లేకుండా చేసేందుకు అధికార యంత్రాంగం కట్టుదిట్టమైన చర్యలు చేపట్టింది. అన్నమయ్య జిల్లా సరిహద్దు నుంచి పుంగనూరు ఉపకాలువ పొడవునా ఆయా మండలాల సీఐలు, ఎస్సైలు, పోలీసులు కాలువ పైకి వెళ్లి పహారా కాస్తున్నారు. ఎవరైనా కాలువలో పైపులు పెట్టి నీటిని తోడినా, పొలాలకు తరలించినా తక్షణమే చర్యలు తీసుకొనేలా పోలీసులతో పాటు రెవిన్యూ, డిస్కం అధికారులు ఆయా మండలాల్లో బృందాలుగా ఏర్పడి పర్యవేక్షిస్తున్నారు. ఇద్దరు రైతులకు కౌన్సెలింగ్‌ పెద్దతిప్పసముద్రం మండలం గుడ్డంపల్లిలో మంగళవారం రైతులు డి.అంజి, కె.వి.రమణలు తమ పొలాల్లో పంటలకు సాగునీటి కోసం కాలువలో పైపులు పెట్టి వీటిని తోడుతున్నారు. దీనిని గుర్తించిన అధికారుల బృందం కాలువ వద్దకు వెళ్లి వాటిని తొలగించారు. రైతులకు కౌన్సెలింగ్‌ ఇచ్చి మరోసారి ఇలా చేయవద్దంటూ హెచ్చరిక జారీ చేశారు. తాగునీటి అవసరాలకే .. ఇప్పుడు పుంగనూరు కాలువలో ప్రవహిస్తున్న కృష్ణా జలాలు కేవలం తాగునీటి అవసరాలకే వినియోగించాలని కలెక్టర్‌ నిర్ణయించారు. ఇప్పటికే దీనిపై పత్రిక ప్రకటనలు కూడా జారీ చేశారు. తాగునీటి సమస్య తీవ్రమైన దృష్ట్యా మొదట మదనపల్లె, పుంగనూరు మున్సిపాలిటీలకు చెందిన ఎస్‌ఎస్‌ ట్యాంకులకు నీటిని అందించాలని నిర్ణయించారు. దాంతో నీటిని ఇతర అవసరాలకు మల్లకుండా కఠిన చర్యలు చేపట్టారు. దాంతో సాగునీటికి కృష్ణమ్మ పొలాలకు రాదా అని రైతులు నిరాశ వ్యక్తం చేస్తున్నారు. కురబలకోట మండలం అంగళ్లు ఎత్తిపోతల వద్ద పోలీసుల పహారా పీటీఎం కాలువ వద్ద రైతులకు అధికారుల కౌన్సెలింగ్‌

మదనపల్లె టౌన్‌ : జిల్లాలోని వేర్వేరు ప్రాంతాల్లో జరిగిన రోడ్డు ప్రమాదాల్లో ఆరుగురికి గాయాలయ్యాయి. మదనపల్లె ప్రాంతంలో రెండు ద్విచక్ర వాహనాలు ఢీకొన్న ఘటనలో ముగ్గురు తీవ్రంగా గాయపడ్డారు. ఘటనపై మదనపల్లె జిల్లా ఆస్పత్రి అవుట్‌ పోస్టు పోలీసులు తెలిపిన వివరాల మేరకు.. కోళ్లబైలు–2 వెంకటేశ్వరపురం కాలనీకి చెందిన మణికంఠ (25) సోమవారం రాత్రి బైక్‌పై రింగ్‌ రోడ్డుకు వెళుతుండగా, మార్గంమధ్యలోని చౌడేశ్వరి కల్యాణ మండపం సమీపంలోని డాబా వద్ద బసినికొండకు చెందిన బాలకృష్ణ, లీలావతి దంపతులు వస్తున్న బైక్‌ను ఢీకొట్టింది. ప్రమాదంలో ముగ్గురూ తీవ్రంగా గాయపడగా, స్థానికులు జిల్లా ఆస్పత్రికి తరలించారు. ప్రథమ చికిత్స అనంతరం మణికంఠ పరిస్థితి విషమంగా ఉండటంతో రుయాకు రెఫర్‌ చేసినట్లు వైద్యులు తెలిపారు. లారీ ఢీకొని.. మదనపల్లె ప్రాంతంలో లారీ ద్విచక్ర వాహనాన్ని ఢీకొట్టిన ఘటనలో మామ, బావమరిది తీవ్రంగా గాయపడ్డారు. ఔట్‌ పోస్టు పోలీసులు తెలిపిన వివరాల మేరకు.. కర్ణాటక రాష్ట్రం, గౌనిపల్లి సమీపంలోని మొటుకు పంచాయతీ చిన్నపల్లికి చెందిన శివశంకర్‌ (40), అదే ఊరికి చెందిన అతని బావమరిది పరమేష్‌ (20) సోమవారం సాయంత్రం బైక్‌ పై బోయకొండకు సొంత పని మీద వెళ్లి తిరిగి వస్తుండగా, మార్గంమధ్యలోని మదనపల్లె బసినికొండ బైపాస్‌ రోడ్డు, పాత ఆర్టీఓ ఆఫీసు వద్ద ఐచర్‌ లారీ వచ్చి ఢీకొట్టింది. ఈ ప్రమాదంలో ఇద్దరూ తీవ్రంగా గాయపడ్డారు. స్థానికులు వారిని వెంటనే జిల్లా ఆస్పత్రికి తరలించారు. అత్యవసర విభాగం వైద్యులు చికిత్స అందించడంతో ప్రాణాపాయం తప్పి కోలుకుంటు ఉన్నారు. ఘటనపై తాలూకా పోలీసులు కేసు దర్యాప్తు చేస్తున్నారు. ఆర్టీసీ బస్సు ఢీకొని.. కురబలకోట మండలం దొమ్మన్నబావి వద్ద సోమవారం జరిగిన రోడ్డు ప్రమాదంలో ఓ వ్యక్తి తీవ్రంగా గాయపడ్డాడు. నంబులపూలకుంటకు చెందిన నవీన్‌కుమార్‌(38) స్కూటర్‌పై మదనపల్లెకు వచ్చి తిరిగి స్వగ్రామానికి వెళ్తుండగా.. ఎదురుగా వస్తున్న ఆర్టీసీ బస్సు ఢీకొట్టింది. ఈ ప్రమాదంలో నవీన్‌కుమార్‌ తీవ్రంగా గాయపడ్డాడు. ప్రమాదాన్ని గమనించిన స్థానికులు వెంటనే బాధితుడిని మదనపల్లె జిల్లా ఆస్పత్రికి తరలించారు. అక్కడ వైద్యులు ప్రథమ చికిత్స అందించిన అనంతరం మెరుగైన వైద్యం కోసం తిరుపతి రుయా ఆస్పత్రికి రెఫర్‌ చేశారు. కుటుంబీకులు వచ్చి బాధితున్ని వెంటనే బెంగుళూరుకు తరలించారు. ముదివేడు పోలీసులు కేసు నమోదుచేసి దర్యాప్తు చేస్తుపన్నట్లు తెలిపారు.

సాక్షి, మదనపల్లె : మదనపల్లె మండలం బొమ్మనచెరువు గ్రామానికి సంబంధించిన పది పోలింగ్‌ కేంద్రాలను ప్రభుత్వ ప్రాథమిక పాఠశాలలో ఏర్పాటు చేయడంపై వైఎస్సార్‌ కాంగ్రెస్‌ పార్టీ సమన్వయకర్త ఎస్‌.నిసార్‌ అహ్మద్‌ మంగళవారం జాయింట్‌ కలెక్టర్‌ శివ్‌ నారాయణ్‌ శర్మకు వినతిపత్రం ద్వారా అభ్యంతరం తెలియజేశారు. పది పోలింగ్‌ కేంద్రాలను ఒకే ప్రాంగణంలో ఏర్పాటు చేయడం వల్ల ఎన్నికల రోజు తీవ్ర ఇబ్బందులు ఎదురయ్యే అవకాశం ఉందని అన్నారు. ఈ పాఠశాలకు చిన్న ప్రవేశ ద్వారం ఉండటం, ఓటర్లు ఒకే సారి పెద్ద సంఖ్యలో వస్తే ట్రాఫిక్‌ ఇబ్బందులు, రాకపోకలకు అంతరాయం, క్యూలైన్ల ఇబ్బందులు తలెత్తే అవకాశం ఉందని చెప్పారు. వృద్ధులు, మహిళలు, దివ్యాంగులకు ఇబ్బందులు తప్పవని, దీన్ని పరిశీలించి సరైన చర్యలు తీసుకోవాలని జేసీని కోరినట్టు చెప్పారు. కేంద్రాలను విడగొట్టి కొన్నింటిని బొమ్మనచెరువు ఓటర్లకు మందబండ గ్రామంలో ఏర్పాటు చేయాలని సూచించామన్నారు. ఇక్కడ స్కూల్‌ భవనం, గ్రామ సచివాలయం, రైతు భరోసా కేంద్రం వినియోగించుకోవాలని కోరామన్నారు. దీనిపై జేసీ సానుకూలంగా స్పందించారని చెప్పారు. ఆయన వెంట ఎంపీటీసీ కదిరిపతి, నాయకులు విఎస్‌.రెడ్డి, యూనస్‌, గ్రానైట్‌ మహేశ్‌, నవాజ్‌ అలీఖాన్‌, సాధిక్‌, షేక్‌ జబి, యాసిన్‌, గ్రామస్తులు రమణ, ఎల్లుట్ల గణేష్‌, అమర పాల్గొన్నారు.జేసీకి నిసార్‌ అహ్మద్‌ ఫిర్యాదు

గుర్రంకొండ : మండల పరిధి తరిగొండ గ్రామంలో వెలసిన శ్రీలక్ష్మీనరసింహాస్వామి కల్యాణోత్సవం కనుల పండువగా నిర్వహించారు. మంగళవారం స్వాతి నక్షత్రంతో పాటు స్వామివారి జన్మదినం కావడంతో టీటీడీ వారి ఆధ్వర్యంలో స్వామి వారికి కల్యాణోత్సవం నిర్వహించారు. ఆలయంలో స్వామివారి కల్యాణ మండపం వద్ద చలువపందిళ్లు, పచ్చని తోరణాలతో పెళ్లివేదికను అందంగా అలంకరించారు. ముందుగా మూలవర్లకు అభిషేకాలు, అర్చనలు, ప్రత్యేక పూజలు చేశారు. ఉదయాన్నే స్వామివారికి క్షీరాభిషేకం నిర్వహించారు. పంచామృతాలతో మూలవర్లకు అభిషేకాలు కావించారు. రంగురంగుల పుష్పాలతో స్వామివార్లను అలంకరించిన తీరు ఆకట్టుకుంది. ముత్యాల తంబ్రాలతో స్వామివారి పెళ్లివేడుక నిర్వహించారు. వేదపండితులు మంత్రోచ్చారణల మధ్య మేళతాళాలతో శాస్త్రోక్తంగా మాంగల్యధారణ కావించారు. కల్యాణోత్సవం సందర్భంగా స్వామివారి ఎదుట యజ్ఞహోమాలు నిర్వహించారు. రూ.300 చెల్లించి కల్యాణోత్సవంలో పాల్గొన్న దంపతులకు టీటీడీ వారు పట్టువస్త్రాలు, కంకణాలు, స్వామివారి ప్రసాదాలు అందజేశారు. అనంతరం భక్తులకు తీర్థప్రసాదాలు అందజేశారు. పెద్ద ఎత్తున భక్తులు కల్యాణోత్సవంలో పాల్గొని స్వామివారిని దర్శించుకొన్నారు. ఈ కార్యక్రమంలో ఆలయ అర్చకులు, టీటీడీ అధికారులు పాల్గొన్నారు.

● అగ్నిప్రమాదంలో కట్టెలు దగ్ధం ● రూ.50 వేల నష్టంకురబలకోట : టమాటా మార్కెట్‌ వద్ద ఉన్న వ్యర్థాలకు నిప్పు పెట్టడంతో మంటలు కాస్తా పక్కనే ఉన్న కుమ్మరి మహిళ ఇంటి వరకు వ్యాపించి జరిగిన అగ్ని ప్రమాదం వ్యథను మిగిల్చింది. మట్టి కుండలను కాల్చడానికి సిద్ధం చేసిన కట్టెలు అగ్నికి కాలిపోయాయి. బాధితురాలు మంగళవారం తెలిపిన కథనం మేరకు.. కురబలకోట మండలం అంగళ్లులోని టెర్రకోట నగర్‌లో హైవే పక్కన దుర్గం గౌతమి టెర్రకోట కుండలు, బొమ్మలు చేస్తూ జీవనం సాగిస్తున్నారు. వారింటి వెనుక బాగంలో అంగళ్లు టమాటా మండీలు నిర్వహిస్తున్నారు. ఇక్కడ చెత్తా చెదారంతోపాటు వ్యర్థాలు కూడా ఉండడంతో ఇటీవల నిప్పుపెట్టారు. ఆ సమయంలో గౌతమి కుటుంబీకులు ఎవ్వరు ఇంటి వద్ద లేక మంటల వ్యాపించిన విషయం గుర్తించలేకపోయారు. దీంతో మంటలు ఇంటి సమీపానికి విస్తరించి కుండలు కాల్చేందుకు రూ.50 వేలతో కొనుగోలు చేసి నిల్వ ఉంచిన కట్టెలకు అంటుకున్నాయి. కష్టార్జితంతో కొన్న కట్టెలన్నీ కాలిపోవడంతో ఆర్థిక నష్టం వాటిల్లిందని తీవ్ర మనోవేదనకు గురయ్యారు. అగ్నిమాపక సిబ్బంది రావడంతో ఇల్లు కాలిపోకుండా ప్రమాదం తప్పింది. చేతి కష్టంతో బతుకుతున్న తనకు తగిన నష్టపరిహారం చెల్లించి ఆదుకోవాలని కోరారు.

మదనపల్లె టౌన్‌ : మదనపల్లెలో స్నేహితుల మధ్య జరిగిన ఘర్షణలో ఓ యువకుడు కత్తిపోట్లకు గురైన ఘటన సోమవారం రాత్రి కలకలం రేపింది. బసినికొండకు చెందిన హరీష్‌ (25)ను సయ్యద్‌, గణేష్‌.. మాట్లాడే పని ఉందంటూ స్థానిక ఆస్పత్రి సమీపానికి పిలిపించినట్లు సమాచారం. అక్కడ ఇరువర్గాల మధ్య మాటామాటా పెరిగి ఘర్షణకు దారి తీసింది. ఈ క్రమంలో సయ్యద్‌, గణేష్‌ హరీష్‌పై కత్తితో దాడి చేయడంతో తీవ్రంగా గాయపడ్డాడు. ఘటనను గమనించిన స్థానికులు వెంటనే హరీష్‌ను జిల్లా ఆస్పత్రికి తరలించారు. ప్రస్తుతం బాధితుడు ఆస్పత్రిలో చికిత్స పొందుతున్నాడు. ఈ ఘటనపై పోలీసులు వివరాలు సేకరించి కేసు దర్యాప్తు చేస్తున్నారు. దాడి కేసులో వ్యక్తికి జైలు శిక్షసంబేపల్లె : వృద్ధుడిపై దాడి చేసిన కేసులో కె.పాపయ్య అనే వ్యక్తికి రాయచోటి ప్రిన్సిపల్‌ జూనియర్‌ సివిల్‌ కోర్టు న్యాయమూర్తి సుయోధన ఒక సంవత్సరం జైలు శిక్షతోపాటు రూ. 5000 జరిమానా విధించినట్లు మంగళవారం తీర్పు చెప్పారు. పోలీసుల వివరాల మేరకు.. మండల పరిధిలోని శెట్టిపల్లె గ్రామ పంచాయతీ కడియాల వాండ్లపల్లెకు చెందిన ఎం.నారాయణ తన వ్యవసాయ భూమిని అదే గ్రామానికి చెందిన పాపయ్యకు కౌలుకు ఇచ్చాడు. పాపాయ్య కౌలు గడువు లోపల చెల్లించలేదు. తనకు కౌలు డబ్బులు చెల్లించాలని నారాయణ అడిగినందుకు పాపయ్య ఆగ్రహించి వృద్ధుడైన నారాయణపై దాడి చేసి తీవ్రంగా గాయపరిచారు. ఈ సంఘటనపై బాధితుడి ఫిర్యాదు మేరకు 2018లో అప్పటి సంబేపల్లె ఎస్‌ఐ హాసం కేసు నమోదు చేశారు. కేసును పరిశీలించిన న్యాయమూర్తి తీర్పును వెలువరించారు. ఈ తీర్పుపై అన్నమయ్య జిల్లా ఎస్పీ ధీరజ్‌ కనుబిల్లీ హర్షం వ్యక్తం చేశారు. ముగిసిన పవిత్రోత్సవాలుఒంటిమిట్ట : ఒంటిమిట్ట శ్రీ కోదండరామాలయంలో ఈ నెల 11న అంకురార్పణతో ప్రారంభమైన పవిత్రోత్సవాలు సోమవారం ముగిశాయి. మూడు రోజులుగా యాగశాలలో వేదపండితులు హోమాలు నిర్వహించారు. చివరిరోజు సోమవారం విష్వక్సేన ఆరాధన, పుణ్యహవచనం, అగ్ని ప్రతిష్ఠ, పవిత్ర దేవతా హోమం, శాంతి హోమం, మహా పుర్ణాహుతి, కుంభ ప్రోక్షణ, పవిత్ర వితరణ, మహా మంగళహారతి తదితర పూజలు శాస్త్రోక్తంగా నిర్వహించారు.

రాయచోటి టౌన్‌ : రాయచోటి కోర్టులో రాయచోటి బార్‌ అసోసియేషన్‌ సభ్యులు మంగళవారం విధులు బహిష్కరించారు. అనంతరం రాయచోటి కోర్టు గేట్‌ వద్ద నిరసన కార్యక్రమం చేపట్టారు. ఈ సందర్భంగా అసోసియేషన్‌ అధ్యక్షుడు యండపల్లె రమేష్‌రెడ్డి మా ట్లాడుతూ ఈ నెల 8వ తేది రాత్రి 9 గంటల సమయంలో బంగ్లా సర్కిల్‌ వద్ద న్యాయవాదులు అయిన రవిశంకర్‌, గణేష్‌పై ట్రాఫిక్‌ హోంగార్డు సిద్దయ్య, ట్రాఫిక్‌ సీఐ పెంచలయ్య దుర్భాషలాడటంతోపాటు తప్పుడు కేసు లు బనాయించారని ఆరోపించారు. తరచూ న్యాయవాదులపై పోలీసుల దాడులు పెరిగిపోతున్నాయన్నారు. న్యాయవాదుల రక్షణ కోసం న్యాయవాదుల పరిరక్షణ చట్టాన్ని తీసుకురావాలని డిమాండ్‌ చేశారు. సమాజంలో న్యాయాన్ని కాపాడే న్యాయవాదులకే రక్షణ లేకపోతే సామాన్య పౌరుడికి ఎలాంటి రక్షణ కల్పిస్తారని ఆందోళన వ్యక్తం చేశారు. ఈ కార్యక్రమంలో న్యాయవాదులు పగడాల శ్రీనివాసులు, సీనియర్‌ న్యాయవా ది శ్రీనివాసుల రెడ్డి, భాస్కర్‌రెడ్డి, జగన్మోహన్‌రెడ్డి, బాలాజీరెడ్డి, నాగమల్లు, చిన్నచెడ్డెప్పరెడ్డి, రామాంజనేయులు, వెంకటేష్‌, వెంకటేశ్వర్లు, ఇలియాస్‌ బాష, నాగరాజ, పవనేష్‌రెడ్డి, పవన్‌ కళ్యాణ్‌, రాంకుమార్‌, నాగేశ్వరావు, రమేష్‌, రాజేష్‌, కవితలు పాల్గొన్నారు. సోషల్‌ మీడియా వేదికగా పోలీసులు న్యాయవాదులు కోర్టు విధులను బహిష్కరిస్తున్నట్లు తెలియడంతో రాయచోటి పోలీస్‌ అధికారులు సంఘటన జరిగిన రోజు చిత్రీకరించిన వీడియోలను సోషల్‌ మీడియా వేదికగా ప్రచారం సాగించడం మొదలు పెట్టారు. అలాగే న్యాయవాదులపై నమోదు అయిన ఎఫ్‌ఐఆర్‌ పత్రాలను సైతం సోషల్‌ మీడియా (వాట్సాప్‌) ద్వారా విస్తృతంగా ప్రచారంలోకి తీసుకొచ్చారు. అయితే గతంలో ఎలాంటి కేసుకు సంబంధించిన ఎఫ్‌ఐఆర్‌ను సోషల్‌ మీడియా వేదికగా పబ్లిక్‌ చేయని పోలీసు అధికారులు.. ఇప్పుడు మాత్రమే ఇలా చేయడంపై సర్వత్రా చర్చించుకుంటున్నారు.

ఆర్భాటాలు త్యజించండి..రాయచోటి‘నా ప్రియమైన భక్తులకు, నేను మీ విఘ్నాలు తొలగించే వినాయకుడిని. ప్రతి ఏటా భాద్రపద శుద్ధ చవితి నాడు నన్ను మీ ఇళ్లకు, వీధులకు ఆహ్వానించి మీరు చూపే ఆదరాభిమానాలకు నేను ఎంతో సంతోషిస్తాను. అయితే, ఈ ఏడాది పండుగ వేళ నా మనసులోని ఆవేదనను ఈ లేఖ ద్వారా మీతో పంచుకోవాలనుకుంటున్నాను. నా మాటను ఒక్క క్షణం శాంతంగా ఆలకించండి. భక్తులారా.. నేను నిరాడంబరతను ఇష్టపడే దేవుడిని. నాకు కేవలం ఒక గరిక పోచ సమర్పిస్తే చాలు, పరమ సంతోషంతో మిమ్మల్ని కరుణిస్తాను. దానికోసం వేల రూపాయలు ఖర్చు చేసి ఆర్భాటాలు చేయనవసరం లేదు. ప్రస్తుతం ఒకవైపు నిత్యావసరాల ధరలు భగ్గుమంటున్నాయి, మరోవైపు ’ఎల్‌నినో’ ప్రభావంతో గంగమ్మకు పెద్ద సమస్య ఎదురైంది. జలాశయాల్లో నీటి మట్టాలు నానాటికీ పడిపోతున్నాయి. నిమజ్జనం చేయడానికి కొన్ని చెరువుల్లో నీళ్లే లేవు. ఇంకొన్ని చోట్ల కేవలం అరకొర మాత్రమే ఉన్నాయి. మన భవిష్యత్తు ఎలా ఉంటుందో చెప్పలేని పరిస్థితి. రాబోయే అక్టోబరు, నవంబరు మాసాల్లో గనుక వర్షాలు కురవకపోతే, వచ్చే వేసవిలో అత్యంత గడ్డు పరిస్థితులను ఎదుర్కోవాల్సి వస్తుంది. ఇలాంటి క్లిష్ట సమయంలో వేడుకల పేరిట దుబారా ఖర్చులు వద్దు. ఉన్న కొద్దిపాటి జలవనరుల్ని కాపాడుకోవాల్సిన బాధ్యత మీ అందరిపై ఉంది. ప్లాస్టర్‌ ఆఫ్‌ పారిస్‌, రసాయన రంగులతో చేసిన నా భారీ విగ్రహాలను కొనుగోలు చేసి వాటిని చెరువుల్లో నిమజ్జనం చేయడం వల్ల తీవ్ర సమస్యలు తలెత్తుతాయి. రసాయనాల వల్ల నీరు కలుషితమవడమే కాకుండా, చెరువుల్లో పూడిక పెరిగిపోయి నీటి నిల్వ సామర్థ్యం దారుణంగా తగ్గిపోతుంది. నా విగ్రహాల వల్ల మీకు భవిష్యత్తులో నీటి కష్టాలు తలెత్తకూడదనే నేను కోరుకుంటున్నాను. అందువల్ల దయచేసి పర్యావరణానికి హాని చేయని మట్టి విగ్రహాలనే పూజించండి. ఒకరిని చూసి ఒకరు పోటీ పడుతూ వీధుల్లో భారీ విగ్రహాలు పెట్టకండి. నాకు భక్తి ముఖ్యం కానీ, భారీ విగ్రహాలు కాదు! నవరాత్రి వేడుకల పేరిట రోడ్లను, వీధులను పూర్తిగా మూసేసి పెద్ద పెద్ద మండపాలు వేస్తున్నారు. కడప, ప్రొద్దుటూరు, రాజంపేట, పులివెందుల, జమ్మలమడుగు, బద్వేలు, కమలాపురం వంటి పట్టణాల్లో అసలే ట్రాఫిక్‌ సమస్యలు ఎక్కువ. దీనికి తోడు దారులు మూసేయడంతో రోగులు, వృద్ధులు, సామాన్య ప్రజలు తమ రోజువారీ పనులకు వెళ్లలేక తీవ్ర ఆటంకాలు ఎదుర్కొంటున్నారు. ఇరుకు సందుల్లో ఇరుక్కుపోయిన జనం దారి లేక మనసులో నన్ను తిట్టుకునే పరిస్థితి కల్పించకండి. విఘ్నాలు తొలగించాల్సిన నేను, మీ అతి వల్ల సామాన్యుడికి ఒక ’విఘ్నం’గా మారకూడదన్నదే నా కోరిక. పరిస్ధితులు ప్రతికూలంగా ఉన్నప్పుడే మనమంతా ముందుజాగ్రత్తలు తీసుకోవాలి. మండపాల వద్ద సినిమా పాటలు, మితిమీరిన డీజే శబ్దాలతో ధ్వని కాలుష్యాన్ని సృష్టించి ప్రజల ప్రశాంతతను దెబ్బతీయకండి. ఈ విషయంలో జిల్లా ఎస్పీ నచికేతన్‌ విశ్వనాథ్‌ డీజేలను బ్యాన్‌ చేస్తూ తీసుకున్న నిర్ణయం ప్రశంసనీయం. ఆయన నిబంధనలను గౌరవిస్తూ ప్రశాంతమైన వాతావరణంలో భక్తి సంకీర్తనలు చేసుకోండి. అది నాకు, సమాజానికి ఎంతో ఉపశమనం కలిగిస్తుంది. భక్తి అనేది ప్రశాంతమైన హృదయంలో ఉండాలి కానీ, మైకుల ఘోషలో కాదు. ఇతరులకు ఎలాంటి అసౌకర్యం కలగకుండా, పర్యావరణహితంగా ఈ వేడుకలను నిర్వహించుకోండి. ఆడంబరాలకు స్వస్తి పలికి, నిష్కల్మషమైన భక్తితో నన్ను కొలవండి.. మిమ్మల్ని మనసారా ఆశీర్వదిస్తాను. – మీ గణనాథుడుఎల్‌నినో వేళ గంగమ్మను రక్షిద్దాం – కెమికల్‌ రంగుల నిమజ్జనాన్ని అరికడదాం!మట్టి వినాయకుడిని పూజిద్దాం – పర్యావరణాన్ని కాపాడుకుందాం!భక్తి ఉండాలి గుండె గదిలో – డీజేల ఘోష వద్దు వీధి సందుల్లో!బకెట్‌ నిమజ్జనం – ప్రకృతికి అభిషేకం!భారీ విగ్రహాల పోటీ వద్దు – సామాన్యుడి రాకపోకలకు శాపం వద్దు!

సాక్షి, మదనపల్లె : హంద్రీనీవా ప్రాజెక్టు పుంగనూరు ఉపకాలువ (ిపీబీసీ)కు కృష్ణా జలాలు పారించినా..అవి కరువు రైతాంగానికి ఎండమావిగానే మిగిలిపోతుంది. ప్రధానంగా దీనికి రెండు కారణాలు. అందులో.. 2015లో చంద్రబాబు జీవో నంబర్‌ 22 తెచ్చారు. ఇది ప్రాజెక్టు రైతాంగానికి రాసిన మరణ శాసనం. అప్పటిదాకా పనులు దక్కించుకున్న కాంట్రాక్టర్లు చివరి ఎకరా వరకు నీరు పారించేలా డిస్ట్రిబ్యూటరీ (పిల్ల కాలువలు) పనులు చేపట్టాల్సి ఉంది. జీవో నంబర్‌ 22 ద్వారా చంద్రబాబు వాటి పనులను కాంట్రాక్టర్లు ఇష్టానికి వదిలేయగా పనులు జరగలేదు. ప్రాజెక్టు లక్ష్యం నెరవేరాలంటే పిల్ల కాలువల నిర్మాణం తప్పనిసరి. వీటి ద్వారా ఆయకట్టుకు చుక్క నీరు ఇవ్వకుండా ఈ పనులు నిలిపివేశాక ప్రాజెక్టు ఎలా పూర్తయినట్టు?. ఉమ్మడి చిత్తూరు జిల్లా పరిధిలో ప్రధాన కాలువ, ఉపకాలువలు ఉన్నాయి, ఒక్క పీబీసీకి తప్ప మిగతా వాటికి చుక్క నీరు పారించలేదు. అలాంటప్పుడు పుంగనూరు ఉపకాలువలో నీటిని పారించి..ఇదిగో ప్రాజెక్టు పూర్తయిందంటే నవ్వి పోవాల్సిందే. రైతాంగానికి చంద్రబాబు శిక్ష ఈ ప్రాజెక్టును తొలి నుంచి చంద్రబాబు వ్యతిరేకిస్తూనే ఉన్నారు. దీన్ని 40 టీఎంసీల సాగునీటి ప్రాజెక్టు నుంచి ఐదు టీఎంసీల తాగునీటి ప్రాజెక్టు చేసిన ఘనత ఆయనదే. దివంగత సీఎం వైఎస్‌. రాజశేఖర్‌ రెడ్డి హయాంలో 31 ప్యాకేజీల పరిధిలో ఎకరాకు రూ.4,500తో డిస్ట్రిబ్యూటరీ పనులు చేసేందుకు కాంట్రాక్టర్లు ఒప్పందం చేసుకున్నారు. తర్వాత కిరణ్‌ సర్కార్‌ ఎకరాకు రూ.10,500కు పెంచారు. 2015లో చంద్రబాబు జీవో నెంబర్‌ 22 తీసుకొచ్చి డిస్ట్రిబ్యూటరీ పనులకు శాశ్వత సమాధి కట్టారు. 1,75,150 (అప్పటి ఒప్పందం ప్రకారం) ఎకరాలకు సాగునీరు అందకుండా మరణ శాసనం లిఖించారు. ఇప్పుడు హంద్రీనీవా ప్రాజెక్టును నేనే పూర్తి చేశానని గత ఏడాది కుప్పంలోని పరమ సముద్రంచెరువుకు జలహారతి ఇచ్చి చంద్రబాబు ప్రకటించుకున్నారు. ప్రాజెక్టు ద్వారా ఆయకట్టుకు సాగునీరు అందించాకే ప్రాజెక్టు పూర్తయినట్టు. ఒక ఎకరాకు సాగునీరు ఇవ్వని చంద్రబాబు ప్రాజెక్టు పూర్తి చేశారని ప్రకటించడం హాస్యాస్పదమే. సాగునీటి హక్కు కాలరాసిన చంద్రబాబు హంద్రీనీవా ప్రాజెక్టు ప్రధాన, ఉప కాలువల నుంచి పిల్ల కాలువలను నిర్ణయించిన ఆయకట్టుకు చివరి ఎకరా దాకా తవ్వించాలి. ఈ పిల్ల కాలువల ద్వారానే ఆయకట్టుకు సాగునీరు అందుతుంది. ఒక్కసారి సాగునీరు అందిస్తే, తర్వాత అది రైతుల హక్కుగా మారుతుంది. రైతులు సాగునీటి సంఘాలుగా ఏర్పడి, ప్రాజెక్టు పరిధిలో ఆయకట్టు రైతులుగా రిజిస్ట్రేషన్‌ పొందుతారు. తర్వాత రైతులకు సాగునీరు పొందడం శాశ్వత హక్కుగా మారుతుంది. కరువు రైతులు బాగుపడడం ఇష్టంలేని చంద్రబాబు పిల్ల కాలువల విషయంలో రైతులకు తీరని ద్రోహం చేశారు. పిల్ల కాలువలు తవ్వించకుంటే రైతులకు హక్కులు ఏర్పడవని, దాంతో రైతులు సంఘటితం కాకూడదని ఇలా కుట్రపన్నారు. ఈ కుట్రకు బలైంది కరువు రైతులే. ప్రాజెక్టు పూర్తి చేశాం.. కుప్పానికి నీళ్లిచ్చాం అని చెప్పుకోవడం మినహా చంద్రబాబు రైతాంగానికి చేసిన ఒక్క ప్రయోజనం లేదు. గత ప్రభుత్వంలోనే వైఎస్‌. జగన్‌ మోహన్‌ రెడ్డి కుప్పం నియోజకవర్గానికి కష్ణా జలాలు అందించారు. ఈ విషయాన్ని చంద్రబాబు మరుగున పెట్టి తన ఘనతగా ప్రచారం చేసుకుంటున్నారు. 1.75 లక్షల ఎకరాల ఆయకట్టుకు సమాధి జీవో నంబర్‌ 22తో ఉమ్మడి చిత్తూరు జిల్లాకు చెందిన తంబళ్లపల్లె, వాయల్పాడు, మదనపల్లె, పుంగనూరు, చిత్తూరు, పీలేరు, పలమనేరు, చంద్రగిరి నియోజకవర్గాల్లో ఈ ప్రాజెక్టు కింద నిర్ణయించిన 1,75,150 ఆయకట్టుకు ఉపకాలువల ద్వారా సాగునీరు అందదు. ఈ జీవోతో ప్రాజెక్టు ఆశయం నీరుగారిపోయింది. ఆయకట్టుకు చుక్క నీరు కూడా అందించే పరిస్థితి లేకుండా పోయింది. గత చంద్రబాబు సర్కార్‌ తీసుకున్న నిర్ణయం ప్రాజెక్టు స్వరూపమే మారిపోయింది. కుప్పంపై ప్రేమతో పీబీసీకే నీళ్లు ప్రాజెక్టు పూర్తికే ఏమాత్రం చిత్తశుద్ధి చూపని చంద్రబాబు దివంగత సీఎం వైఎస్‌ రాజశేఖర్‌ హయాంలో పూర్తయిన పుంగనూరు ఉపకాలువ (పిబిసి) ద్వారా 2019 జనవరిలో ఎన్నికల స్టంట్‌ గా కొద్దిపాటి నీటిని కాలువలో పారించి ఘనతగా ప్రచారం చేసుకున్నారు. ఇవి కూడా కుప్పం పై ప్రేమతోనే. ఆ ఏడాది కుప్పానికి నీళ్లు తరలించాలని ప్రయత్నించారు. నీటి లభ్యత లేకపోవడంతో ఆ ప్రయత్నం ఆగిపోయింది. తర్వాత గత ప్రభుత్వంలో వైఎస్‌. జగన్‌ మోహన్‌ రెడ్డి అసంపూర్తి పిబిసి, గత చంద్రబాబు పాలనలో వదిలేసిన కుప్పం ఉప కాలువ పనులను పూర్తి చేయించారు. ఈ పనుల్లో చేయడం వల్లే వైఎస్‌ జగన్‌ మోహన్‌ రెడ్డి కుప్పానికి మొట్టమొదటిసారిగా కృష్ణా జిలాలను తరలించారన్నది అక్షరాల నిజం. ఈ నిజాన్ని దాచిపెట్టి చంద్రబాబు తానే కుప్పానికి నీళ్లు ఇచ్చానని ప్రచారం చేసుకుంటున్నారు. గత సీజన్‌ లో ఇదే కాలువ ద్వారా చంద్రబాబు కుప్పానికి కష్ణా జలాలు తరలించుకుపోయారు. కృష్ణమ్మ ఎండమావే పీబీసీలోకి కృష్ణమ్మ కళ్లముందు పారుతున్నా ఎకరా భూమిని కూడా తడపలేని పరిస్థితి. తమ పొలాల గుండా వెళ్తున్న కష్ణమ్మను చూసి రైతులు ఆవేదన చెందాల్సిందే తప్ప.. తమ పొలాల్లోకి వస్తుందన్న ఆనందం లేదు. ఈ కాలువ పరిధిలో తంబళ్లపల్లె, మదనపల్లె, పుంగనూరు నియోజకవర్గాలు ఉన్నాయి. కరువు ప్రాంతాలైన ఇక్కడి ఆయకట్టు భూములకు కష్ణా జలాలు అందిస్తే తప్ప మరో ప్రత్యామ్నయ మార్గం లేదు. కాలువ నిర్మాణం కోసం విలువైన భూములు ఇచ్చిన రైతులు ఇప్పుడు కాలువలో పారుతున్న నీరుని చూసి దిగాలు పడాల్సింది తప్ప చేసేదేమీ లేని పరిస్థితి. పీబీసీ సరే..మిగతా కాలువలు మాటేమిటి? పీబీసీకి కృష్ణాజలాలు పారించినా.. ఉమ్మడి చిత్తూరు జిల్లా పరిధిలోని (ప్రస్తుత అన్నమయ్య, చిత్తూరు) ప్రాజెక్టు ప్రధాన, ఉపకాలువ లైన తంబళ్లపల్లె బ్రాంచ్‌ కెనాల్‌, నీవా బ్రాంచ్‌ కెనాల్‌, చింతపర్తి డిస్ట్రిబ్యూటరీ, వాయల్పాడు ఉపకాలువ, ఎల్లుట్ల ఉపకాలువలకు ఇంతవరకు చుక్కనీరుపాలించలేదు. సత్యసాయి జిల్లా నుంచి అన్నమయ్య జిల్లాలో ప్రవహించే 30 కిలోమీటర్ల ప్రధాన కాలువలో చిన్నపాటి పనులు పూర్తి చేసి నీటిని తరలించే అవకాశం ఉన్నప్పటికీ చంద్రబాబు సర్కార్‌ పట్టించుకోవడం లేదు. దీని ఫలితంగా పిబీసీ మినహా మిగతా ఉపకాలువలపై చూపుతోంది. చెరువులు నింపే పరిస్థితి లేదు ప్రాజెక్టులో అంతర్భాగంగా పిల్ల కాలువల నిర్మాణం ఉంది. చెరువులకు నీటిని అందించే ప్రణాళిక లేదు. ఇప్పుడు పిల్ల కాలువలు తవ్వించకపోవడంతో చెరువులకు నీరు ఇవ్వడానికి ప్రాజెక్టులో అనుమతి లేదు. ఇలాంటి పరిస్థితుల్లో చంద్రబాబు రైతులకు ప్రాజెక్టు ద్వారా కలిగించే ప్రయోజనం ఏమి కనిపించడం లేదు. ఒకవేళ చెరువులకు కష్ణా జలాలు ఇవ్వాలని భావించినప్పటికీ పూర్తిస్థాయిలో ఇచ్చే అవకాశాలు లేవు. ఈ పరిస్థితుల్లో ప్రాజెక్టు ఆయకట్టు రైతులు శాశ్వత కరువులోనే మగ్గిపోనున్నారు. అడవులు తలపిస్తున్న కాలువలు అన్నమయ్య జిల్లాలో ప్రధాన కాలువ, ఇతర ఉపకాలువలు అడవులను తలపిస్తున్నాయి. వాటి పనులు పూర్తి దశలో ఉన్నప్పటికీ ప్రభుత్వం నిర్వహణ గాలికి వదిలేసింది. నీటిని పారించకపోవడంతో ఆనవాళ్లు కోల్పోతున్నాయి. కాలువల నిండా ముళ్ళపొదలు, ఊడిపోతున్న మట్టి, పిచ్చి మొక్కలతో నిండిపోయాయి. 2015లోనే హంద్రీ–నీవా డిస్ట్రిబ్యూటరీ పనులకు మంగళం సాగునీటి సంఘాలు ఏర్పడకుండా చంద్రబాబు కుట్ర పుంగనూరు ఉప కాలువకు నీళ్లొచ్చినా సాగుకు చుక్కనీరు దక్కదు ముళ్ళపొదలతో నిండిపోయిన ప్రధాన, ఉపకాలువలు

ఈ ప్రపంచంలో ఒక్కసారి పోతే తిరిగి తెచ్చుకోలేనిది ప్రాణం ఒక్కటే. అందువల్ల వినాయక చవితి వేడుకల సందర్భంగా యువత అత్యుత్సాహాన్ని ఏమాత్రం ప్రదర్శించకూడదు. ముఖ్యంగా ఉత్సవ కమిటీలు విగ్రహాల ఏర్పాటు, నిమజ్జన కార్యక్రమాలను ప్రశాంత వాతావరణంలో, ఆనందంగా జరుపుకునేలా ముందస్తు ప్రణాళికలు రూపొందించుకోవాలి. అలాగే చవితి వేడుకలు పూర్తిగా ముగిసే వరకు చిన్నపిల్లల కదలికలను తల్లిదండ్రులు ఎప్పటికప్పుడు గమనిస్తూ, వారిపై ప్రత్యేకమైన శ్రద్ధ వహించాలి. – కాశిగారి ప్రసాద్‌,అసోసియేట్‌ ప్రొఫెసర్‌, అన్నమాచార్య యూనివర్శిటీ

పీలేరు : జాతీయ స్థాయి బాల్‌బ్యాడ్మింటన్‌ పోటీలకు పీలేరుకు చెందిన ఎస్‌వీఎస్‌ఎన్‌ విద్యార్థిని ఐ.దీక్షిత ఎంపికై ంది. ఎస్‌వీఎస్‌ఎన్‌ పాఠశాలలో 8వ తరగతి చదువుతున్న దీక్షిత రాష్ట్రస్థాయి పోటీల్లో ప్రతిభ కనబరిచినట్లు పాఠశాల కరస్పాండెంట్‌ మాధవి చెప్పారు. జాతీయ స్థాయి పోటీల్లో కూడా రాణించాలని ఆకాంక్షించారు. ఆంధ్రప్రదేశ్‌ జట్టుకు ప్రాతినిధ్యం వహించడం గర్వకారణమని తెలిపారు. జిల్లా వ్యాప్తంగా 3450 వినాయక విగ్రహాల ఏర్పాటుమదనపల్లె టౌన్‌ : అన్నమయ్య జిల్లా వ్యాప్తంగా వినాయక చవితి పండుగ సందర్భంగా 3450 వినాయక విగ్రహాలు ఏర్పాటు చేస్తున్నట్లు జిల్లా ఎస్పీ ధీరజ్‌ కునుబిల్లి ఆదివారం ఒక ప్రకటనలో పేర్కొన్నారు. జిల్లాలోని పట్టణ, గ్రామీణ ప్రాంతాలకు చెందిన భక్తులు 3450 విగ్రహాల ఏర్పాటుకు దరఖాస్తు చేసుకున్నారని, ఇప్పటి వరకు 2840 మందికి అనుమతులు మంజూరు చేశామని చెప్పారు. మిగిలిన దరఖాస్తులకు ఆదివారం రాత్రిలోగా అనుమతులు ఇస్తామని పేర్కొన్నారు. ప్రతి ఒక్కరూ నిబంధనలు పాటిస్తూ ప్రశాంత వాతావరణంలో వినాయక చవితి వేడుకలు జరుపుకోవాలని ఎస్పీ సూచించారు. ఎలాంటి అవాంఛనీయ ఘటనలు జరగకుండా చర్యలు తీసుకుంటామని ఎస్పీ తెలిపారు.మండపాల్లో విద్యుత్‌ ప్రమాదాలకు అవకాశం ఇవ్వొద్దు రాయచోటి జగదాంబసెంటర్‌ : వినాయక చవితి ఉత్సవాల నేపథ్యంలో ఏర్పాటు చేసుకునే మండపాల్లో విద్యుత్‌ ప్రమాదాలకు చోటివ్వొద్దని ఏపీఎస్పీడీసీఎల్‌ రాయచోటి డివిజనల్‌ ఇంజినీర్‌ లివింగ్‌ స్టోన్‌ ఒక ప్రకటనలో పేర్కొన్నారు. మండపాల్లో విద్యుత్‌ అలంకరణలు భద్రతా ప్రమాణాలకు అనుగుణంగా ఉండాలనన్నారు. అలంకరణ పనులను అర్హత కలిగిన ఎలక్ట్రీషియన్లతోనే చేయించుకోవాలని సూచించారు. అధిక వోల్టేజ్‌ కలిగిన విద్యుత్‌ దీపాలను వినియోగించే సందర్భాల్లో ప్రమాదాలు చోటుచేసుకోకుండా తగిన సామర్థ్యం కలిగిన వైరింగుతోపాటు నాణ్యతతో కూడిన పరికరాలను ఏర్పాటు చేసుకోవాలన్నారు. వినాయక చవితి ఉత్సవాల నేపథ్యంలో రాష్ట్ర ప్రభుత్వ ఆదేశాల మేరకు గ్రామీణ ప్రాంతాల్లో 3 కిలోవాట్ల వరకు, పట్టణ ప్రాంతాల్లో 5 కిలోవాట్ల వరకు లోడ్‌ కలిగి ఉన్న వినాయకుడి మండపాలకు ఉచితంగా విద్యుత్తును సరఫరా చేస్తామని తెలిపారు. ఆపైన లోడ్‌ కలిగి ఉన్న మండప నిర్వాహకులు నిబంధనల మేరకు రుసుమును చెల్లించాల్సి ఉంటుందని తెలియజేశారు. విద్యుత్‌ తీగలు తెగిపడడం లేదా వేలాడుతుండడాన్ని గుర్తించినట్లయితే, వాటికి దూరంగా ఉంటూ వెంటనే తమ సమీపంలోని విద్యుత్‌ శాఖ అధికారులకుగానీ, సిబ్బందికి గానీ లేదా టోల్ఫ్రీ నంబరు: 1912కు కాల్‌ చేసి సమాచారాన్ని అందించాలని కోరారు. మట్టి గణపతులతో పర్యావరణ పరిరక్షణరాయచోటి : మట్టిగణపతి పర్యావరణానికి రక్షణ అనే సందేశంతో ది భారత స్కౌట్స్‌ అండ్‌ గైడ్స్‌ అన్నమయ్య జిల్లా సంఘం ఆధ్వర్యంలో జిల్లా వ్యాప్తంగా పాఠశాలల్లో పర్యావరణ హిత వినాయక చవితి కార్యక్రమాలు నిర్వహించినట్లు జిల్లా కార్యదర్శి మడితాటి నరసింహారెడ్డి తెలిపారు. ఆదివారం డైట్‌లోని స్కౌట్‌ కార్యాలయంలో ఆయన మీడియాతో మాట్లాడుతూ రాష్ట్ర కార్యాలయం జారీ చేసిన ఆదేశాల మేరకు శుక్ర, శనివారాల్లో జిల్లా వ్యాప్తంగా స్కౌట్‌ మాస్టర్లు, గైడ్‌ కెప్టెన్లు, యూనిట్‌ లీడర్ల ఆధ్వర్యంలో స్కౌట్స్‌, గైడ్స్‌ విద్యార్థులు మట్టి గణేష్‌ విగ్రహాల తయారీ, అవగాహన ర్యాలీలు, పోస్టర్‌ డ్రాయింగ్‌ పోటీలు, నినాదాల రచన, ఇంటింటా ప్రచారం వంటి కార్యక్రమాలను నిర్వహించినట్లు పేర్కొన్నారు. ప్లాస్టిక్‌, ధర్మాకోల్‌, రసాయన రంగుల వినియోగాన్ని నివారించి సహజ మట్టి విగ్రహాలు, సహజ రంగులను ప్రోత్సహించాలని విద్యార్థులు ప్రజలకు అవగాహన కల్పించినట్లు తెలిపారు. చెరువులు, కుంటలు, కాలువలు తదితర నీటి వనరులు కలుషితం కాకుండా పర్యావరణహిత నిమజ్జన పద్దతులను పాటించాలని ప్రజలకు సూచించారని చెప్పారు.

సాక్షి, మదనపల్లె : జిల్లాలో కరువు కోరలు చాచింది. పొలాలు బీడువారాయి, చినుకు జాడ లేక భూగర్భ జలాలు అడుగంటాయి. తాగునీటికి సైతం జనం అల్లాడుతున్నారు. ఇలాంటి పరిస్థితుల్లో కృష్ణమ్మ అన్నమయ్య జిల్లా వైపు పరుగులు తీస్తోంది. ఏవీఆర్‌ హంద్రీనీవా సాగు, తాగునీటి ప్రాజెక్టు రెండో దశకు సంబంధించి శనివారం సాయంత్రం సత్యసాయి జిల్లా కదిరి సమీపంలోని చెర్లోపల్లి రిజర్వాయర్‌ నుంచి కృష్ణా జలాలను విడుదల చేశారు. అధికారులు పుంగనూరు ఉపకాలువలోకి 200 క్యూసెక్కుల నీటిని వదలడంతో జిల్లా వైపు కృష్ణమ్మ తరలివస్తోంది. మరో నాలుగైదు రోజుల్లో కృష్ణా జలాలు అన్నమయ్య జిల్లా సరిహద్దును దాటనున్నాయి. అయితే, ఈ నీరు కరువు నేలను తడిపేందుకు సాగుకు అందుతుందా? లేక పట్టణ ప్రజల దాహం తీరుస్తుందా? అని రైతులు, ప్రజలు ఎదురుచూస్తున్నారు. ’ఒక్క’ టీఎంసీతో ఏం సరిపోతుంది? చెర్లోపల్లె జలాశయం 1.61 టీఎంసీల నీటి నిల్వ సామర్థ్యంతో ఉండగా, ప్రస్తుతం అందులో ఒక టీఎంసీ నీటి నిల్వ మాత్రమే ఉంది. శ్రీశైలం నుంచి జీడిపల్లి రిజర్వాయర్‌ మీదుగా చెర్లోపల్లికి ప్రస్తుతం 500 క్యూసెక్కుల నీరు వస్తోంది. ఈ సీజన్‌లో కేవలం ఒక టీఎంసీ నీళ్లు మాత్రమే జిల్లాకు వచ్చే అవకాశం ఉందని అధికారుల అంచనా. ఈ అరకొర నీరు కాలువల తడులకే సరిపోతుందని, ఇక పొలాలకు సాగునీరు అందడం అత్యాశే అవుతుందని విశ్లేషకులు చెప్తున్నారు. జిల్లాలో పుంగనూరు ఉపకాలువ (పీబీసీ) 224.5 కిలోమీటర్లు, కుప్పం ఉపకాలువ (కేబీసీ) 131.2 కిలోమీటర్ల మేర (మొత్తం 355.7 కి.మీ) విస్తరించి ఉంది. ఇప్పుడు తరలించే అవకాశం ఉన్న ఒక టీఎంసీ నీళ్లు కేవలం ఈ పొడవైన కాలువను నింపడానికే సరిపోతాయి. దీనికి తోడు ఎండల తీవ్రతకు ప్రవహించే నీరు ఆవిరై నీటి నష్టం భారీగా ఉంటుంది. ఈ తరుణంలో అందుబాటులో ఉన్న ఈ ఒక్క టీఎంసీని కాలువల్లోకి వదిలి చంద్రబాబు ప్రభుత్వం చేతులు దులుపుకునేలా కనిపిస్తోందని విమర్శలు వ్యక్తమవుతున్నాయి. 80,050 ఎకరాలకు సాగునీరిస్తారా? నిజానికి ఈ ప్రాజెక్టు ద్వారా ఉమ్మడి చిత్తూరు జిల్లాతో పాటు వైఎస్సార్‌ కడపలోని రాయచోటి నియోజకవర్గానికి కలిపి 2.86 లక్షల ఎకరాలకు సాగునీరు, 10 లక్షల జనాభాకు తాగునీటిని అందించాలి. కానీ ప్రస్తుతం పీబీసీ, కేబీసీలకు మాత్రమే నీటిని ఇస్తున్నందున దీని పరిధిలోని తంబళ్లపల్లె నియోజకవర్గంలో 41,150 ఎకరాలు, పుంగనూరులో 17,800 ఎకరాలు, కుప్పం నియోజకవర్గంలో 10 వేల ఎకరాలు, పలమనేరులో 8,100 ఎకరాలు, మదనపల్లెలో 3 వేల ఎకరాలకు కలిపి మొత్తం 80,050 ఎకరాలకు ఈ దఫా సాగునీరు అందించాల్సి ఉంది. ఎస్‌ఎస్‌ ట్యాంకులకై నా నింపుతారా? మదనపల్లె పట్టణ ప్రజలు తీవ్ర తాగునీటి సమస్యను ఎదుర్కొంటున్నారు. ప్రభుత్వం ముందుచూపు లేక నిర్లక్ష్యంగా వ్యవహరించిన ఫలితంగానే ఈ సమస్య ఏర్పడింది. గత సీజన్లో చిప్పిలి, గుంటివారిపల్లె సమ్మర్‌ స్టోరేజ్‌ (ఎస్‌ఎస్‌) ట్యాంకులకు కృష్ణా జలాలు నింపి ఉంటే ఈరోజు నీటి సమస్య ఉత్పన్నమయ్యేదే కాదు. గత వైఎస్సార్‌సీపీ ప్రభుత్వంలో వైఎస్‌ జగన్మోహన్‌ రెడ్డి ఎంతో ముందుచూపుగా వ్యవహరించారు. చిప్పిలి ఎస్‌ఎస్‌ ట్యాంకును నింపడమే కాకుండా, పుంగనూరులోని పుంగమ్మ ఎస్‌ఎస్‌ ట్యాంకు, శంకర్రాయలపేట చెరువులను భర్తీ చేశారు.జగనన్న పాలనలో కుప్పానికి నీళ్లు ఇవ్వడమే కాక, ఏకంగా ఆరున్నర టీఎంసీల నీటిని జిల్లాకు తరలించారు. కానీ, ఈ చొరవ సొంత జిల్లాపై చంద్రబాబు చూపడం లేదన్న విమర్శలు వస్తున్నాయి. చిప్పిలి, గుంటివారిపల్లె ఎస్‌ఎస్‌ ట్యాంకులకు కృష్ణా జలాలు నింపుతామని కలెక్టర్‌ నిశాంత్‌ కుమార్‌ ఇప్పటికే ప్రకటించి పనులు చేపట్టినప్పటికీ.. కృష్ణాజలాల తరలింపు స్థాయి, ప్రస్తుత అవసరాల దృష్ట్యా కరువు ప్రాంతాలకు, మదనపల్లె తాగునీటికి చంద్రబాబు ప్రాధాన్యత ఇస్తారా అన్నది అనుమానంగానే ఉంది. కరువు ప్రాంతాలను కాదని కృష్ణాజలాలను నేరుగా కుప్పానికి తరలించే అవకాశం లేకపోలేదు అన్న భయాలు వ్యక్తమవుతున్నాయి. గత సీజన్లో జరిగింది ఇదే.. సొంత నియోజకవర్గంపైనే ప్రేమ! గత సీజన్లో కృష్ణా జలాలను అందించే విషయంలో చంద్రబాబు నాయుడు కుప్పంపై చూపిన ప్రేమ ఇతర నియోజకవర్గాలపై చూపలేదు. కుప్పం ఉప కాలువకు సంబంధించి డిటైల్‌ ప్రాజెక్ట్‌ రిపోర్ట్‌ లో పేర్కొన్న దానికంటే అదనంగా నీటిని తరలించుకుపోయారు. తంబళ్లపల్లె, మదనపల్లె, పుంగనూరు నియోజకవర్గ రైతుల నోర్లు కొట్టారు. మదనపల్లె పట్టణ ప్రజల దాహం తీర్చే చిప్పిలి, గుంటివారిపల్లె సమ్మర్‌ స్టోరేజ్‌ ట్యాంకులకు నీరు ఇవ్వకుండా ద్రోహం చేశారు. దీని ఫలితంగానే ప్రస్తుతం సుమారు రెండు లక్షల జనాభా కలిగిన మదనపల్లె పట్టణం తీవ్ర తాగునీటి సమస్యను ఎదుర్కొంటోంది. ఇలాంటి పరిస్థితుల్లో కరువు, భూగర్భ జలాలు అడుగంటి పోయిన ఎగువ ప్రాంతాలైన తంబళ్లపల్లె, మదనపల్లె, పుంగనూరు నియోజకవర్గాలకు ఈ దఫా అయినా న్యాయం చేస్తారా? లేక ఎప్పటిలాగే కుప్పానికే నీటిని తరలించుకుని పోతారా? అన్నది తేలాల్సి ఉంది. శనివారం సాయంత్రం చెర్లపల్లె రిజర్వాయర్‌ నుంచి నీటిని విడుదల చేస్తున్న అధికారులు, ప్రజా ప్రతినిధులుజిల్లాలోకి వచ్చే పుంగనూరు ఉపకాలువలోకి ప్రవహిస్తున్న కృష్ణాజలాలు చెర్లోపల్లి నుంచి జిల్లాకు కృష్ణా జలాల విడుదల ఈ సీజన్‌లో వచ్చేది ఒక్క టీఎంసీ మాత్రమే నేల తడిపేనా.. దాహం తీర్చేనా! మదనపల్లె, పుంగనూరు నోరుకొట్టి.. నేరుగా కుప్పానికేనా? జగనన్న పాలనలో 6.5 టీఎంసీలు.. బాబు హయాంలో కాలువ నిండటమే కష్టం!మదనపల్లె దాహం తీర్చాలి మదనపల్లె చిప్పిలి సమ్మర్‌ స్టోరేజ్‌ ట్యాంకును కృష్ణా జలాలతో తక్షణమే నింపాలి. ప్రజల దాహం తీర్చడానికి ప్రభుత్వం తొలి ప్రాధాన్యత ఇవ్వాలి. ప్రభుత్వం నీటి సమస్యపై ముందుచూపుతో వ్యవహరించకపోవడం వల్లే ఈ తీవ్ర నీటి సమస్య ఎదురయింది. కరువుతో ఇబ్బంది పడుతున్న తంబళ్లపల్లె, మదనపల్లె, పుంగనూరు నియోజకవర్గాల్లో పంటలకు సాగునీరు, ప్రజలకు తాగునీటికి కృష్ణా జలాలను తక్షణమే అందించాలి. – పి.వి.మిథున్‌ రెడ్డి, రాజంపేట ఎంపీ

పొలం పచ్చగా నవ్వాలి.. పండిన పంట ఇల్లు చేరాలి.. ఇదే ప్రతి రైతన్న కల. కానీ, ఆ కల నిజం కావడానికి కావలసిన ముఖ్యమైన ’యూరియా’ మాత్రం నేడు అన్నదాతకు అందని ద్రాక్షలా మారింది. తెల్లవారుజామునే లేచి.. ఎరువుల దుకాణాల ముందు క్యూ కడుతున్నా ఫలితం లేకుండా పోతోంది. మదనపల్లె (కురబలకోట) : యూరియా కోసం రైతులు పడరాని పాట్లు పడుతున్నారు. యూరియా కావాలంటే మొదట వ్యవసాయ అధికారుల వద్ద వైబ్‌సైట్‌లో ఆన్‌లైన్‌ చేసుకోవాలి. తర్వాత ఇస్తారు. గ్రోమోర్‌, ఏపీ మాస్‌, ఫర్టిలైజర్‌ షాప్స్‌, రైతు సే వా కేంద్రాల ద్వారా పంపిణీ జరుగుతోంది. ఆశించిన స్థాయిలో దొరకడం లేదని రైతులు వాపోతున్నారు.ఎక్కువగా వరి, పశుగ్రాసం సాగుకు యూరియా వినియోగిస్తున్నారు. ఎకరంలోపు ఉంటే ఒక బస్తా, ఎకరానికి పైన ఉంటే రెండు బస్తాలు ఇవ్వాల్సి ఉండగా స్టాక్‌ లేదన్న కారణంగా ఒక బస్తా మాత్రమే ఇస్తున్నట్లు రైతులు చెబుతున్నారు. పంటను కాపాడుకునే ఆరాటంలో పనులను పక్కన పెట్టి ఎరువులు దకాణాల చుట్టూ తిరగాల్సి వస్తోందని అన్నదాతలు ఆవేదన వ్యక్తం చేస్తున్నారు. ఒక్కోసారి స్టాక్‌ లేదు..తర్వాత రండి అనే మాటలు విన్పిస్తున్నాయి. ఒక బస్తా చొప్పున మాత్రమే ఇస్తుండడంతో ఇది ఏమూలకు అని ప్రశ్నిస్తున్నారు. దీనికి కూడా గంటల తరబడి ఎదురుచూపులు తప్పడం లేదని అంటున్నారు. రైతులకు అవసరమైనంత యూరియా అందేలా వ్యవసాయ శాఖ చర్యలు తీసుకోవాల్సి ఉంది. ఈవిషయమై వ్యవసాయ అధికారులను విచారించగా యూరియా కొరత లేదన్నారు. రైతు సేవా కేంద్రాలకు కూడా అవసరమైన మేరకు సరఫరా చేసినట్లు తెలిపారు. రిజిస్ట్రేషన్‌ ప్రారంభించి పంపిణీ చేయనున్నట్లు చెప్పారు. సకాలంలో అవసరంసకాలంలో పంటకు యూరియా వేయడం ముఖ్యం. లేకపోతే పంట ఎదుగుదలపై ప్రభావం చూ పుతుంది. పెట్టుబడుల భా రం, వాతావరణ పరిస్థితులతో రైతులు సతమతం అ వుతున్నారు.ఇప్పుడు యూరియా కొరత స మస్యగా మారడంతో ఏమి చేయాలో దిక్కుతోచడం లేదు. –రఘునాథరెడ్డి,చెన్నామర్రి,కురబలకోటమండలం

చూడముచ్చటగా నిలిచి కనువిందు చేస్తున్న ఈ జాతీయ పక్షుల సందడి వెనుక ఒక తీరని వేదన దాగుంది. గాలివీడు మండలంలోని పలు గ్రామాలలో వ్యవసాయ పొలాల వద్ద నెమళ్లు గుంపులు గుంపులుగా దర్శనమిస్తున్నాయి. అడవుల్లో ఆహారం, తాగునీరు కరువవడంతోనే ఈ మూగజీవాలు ప్రాణాలు అరచేతిలో పెట్టుకుని ఇలా పల్లెలకు, పొలాల బాట పడుతున్నాయి. ఉదయం నిద్రలేవగానే రైతులు, ఉపాధి కూలీల కళ్లముందు దేవతామూర్తులుగా ఈ నెమళ్లు సాక్షాత్కరిస్తున్నా.. వాటి భద్రతపైనే ఇప్పుడు అందరిలోనూ ఆందోళన వ్యక్తమవుతోంది. అడవి దాటి వస్తున్న ఈ పక్షులకు వేటగాళ్ల ముఠాల నుంచి, వీధి కుక్కల దాడి నుంచి తీవ్రమైన ముప్పు పొంచి ఉంది. అటవీ శాఖ అధికారులు ఇప్పటికై నా తక్షణమే స్పందించి, నెమళ్లు సంచరించే ప్రాంతాలలో నీటి వసతి, రక్షణ చర్యలు చేపట్టి వాటి మనుగడను కాపాడాలని మండల ప్రజలు, రైతాంగం గట్టిగా డిమాండ్‌ చేస్తున్నారు. – ప్రభాకర్‌, గాలివీడు

చక్రాయపేట : ప్రసిద్ధ పుణ్యక్షేత్రమైన గండి వీరాంజనేయ స్వామి సన్నిధిలో అక్రమాలు శృతిమించుతున్నాయి. అర్చకులు చేసే పూజల దగ్గరి నుంచి వాహన పూజలు, హారతి పళ్లెం, కొబ్బరికాయలు, పూలదండల విక్రయాలు, విరాళాల సేకరణ వరకు ప్రతి ఒక్కటీ వివాదాస్పదంగా మారుతోంది. ఇక్కడ ఎవరి తీరు వారిదే అన్నట్లుగా సాగు తుండటంతో భక్తుల మనోభావాలు తీవ్రంగా దెబ్బతింటున్నాయి. దీనిపై అధికారులకు ఫిర్యాదులు వెల్లువెత్తుతున్నాయి. లంచం ఇస్తేనే పూజలు.. లేదంటే అవమానాలు ఆలయానికి వస్తున్న భక్తులు ఆకుపూజ, స్పెషల్‌ దర్శనం, వీఐపీ దర్శనం టికెట్లు కొనుగోలు చేసి లోపలికి వెళ్లినా.. అక్కడ అదనంగా డబ్బులు ఇస్తేనే పూజలు చేస్తున్నారనే తీవ్ర అపవాదు ఉంది. చివరకు వాహన పూజ టికెట్లు తీసుకున్నా, వాహన మోడల్‌ను బట్టి అదనపు డిమాండ్లు తలెత్తుతున్నాయి. అడిగినంత ఇచ్చుకోకపోతే భక్తుల ను అవమానకరంగా మాట్లాడుతుండటంతో, ఎంతోమంది భక్తులు సామాజిక మాధ్యమాల వేదికగా ఆలయ తీరును తూర్పారబడుతున్నారు. హారతి పళ్లెం వసూళ్లు.. బెదిరింపులకు వెరసి సిబ్బంది సరెండర్‌ ఇటీవల హారతి పళ్లెం వ్యవహారం అధికారులకు పెద్ద తలనొప్పిగా మారింది. హారతి పళ్లెంలో భక్తులు వేసే కానుకలను ఆలయ హుండీలోనే వేయాలని గతంలో పనిచేసిన డిప్యూటీ కమిషనర్‌ ఆదేశించారు. దీన్ని పర్యవేక్షించడానికి సీనియర్‌ అసిస్టెంట్లను కాపలా పెట్టగా.. ఆలయంలోని ఒక ప్రధాన వ్యక్తి ఆగ్రహానికి, బెదిరింపులకు వారు తట్టుకోలేకపోయారు. ’మేము ఈ డ్యూటీ చేయలేం’ అంటూ సదరు సిబ్బంది ఏకంగా ఉన్నతాధికారులకు రాతపూర్వకంగా రాసివ్వడం ఇక్కడి పరిస్థితికి అద్దం పడుతోంది. గతంలో వచ్చిన ఫిర్యాదులపై దేవదాయ శాఖ కమిషనర్‌ సదరు ప్రధాన వ్యక్తిని తీవ్రస్థాయిలో మందలించినా ఆయన తీరు మారలేదు. ఉద్యోగుల కంటే ఇతర వ్యక్తులదే పెత్తనం ఆలయంలో అధికారిక సిబ్బంది కంటే అనాధికార వ్యక్తుల పెత్తనం ఎక్కువైంది. పాలక మండలి సభ్యులు, దాతలు, సిబ్బంది బంఛిధువులు వచ్చినా స్వామి దర్శనానికి తీసుకెళ్లలేని పరిస్థితి నెలకొంది. ఆలయ ఉద్యోగుల కంటే ముందే ప్రధాన వ్యక్తికి చెందిన అనధికార వ్యక్తితో పాటు మరో మహిళ క్యూ లైన్‌ వద్ద నిలబడి భక్తులను ’వంద ఇవ్వు.. లేకుంటే వెనక్కు వెళ్లు’ అంటూ రుబాబులు చేస్తున్నారు. ‘మమ్మల్ని పలానా వాళ్లు పంపారు‘ అని భక్తులు చెబితే.. ‘వాళ్లనే అడిగి వంద తీసుకురా పో‘ అంటూ వెనక్కు పంపిన సంఘటనలు భక్తులను విస్మయానికి గురిచేస్తున్నాయి. కొబ్బరికాయలు, పూలమాలల దోపిడీ.. వెనుక రాజకీయ ఒత్తిళ్లు దేవదాయశాఖ నిబంధనలను ఏమాత్రం ఖాతరు చేయకుండా ఆలయ పరిసరాల్లో కొబ్బరికాయలు, పూలదండలను భారీ ధరలకు విక్రయిస్తున్నారు. దీనిపై భక్తులు గొడవలకు దిగుతున్నా అధికారులు ఏమీ చేయలేని పరిస్థితి. నిబంధనలు ఉల్లంఘించిన వారికి నోటీసులు ఇస్తే.. రాజకీయ నాయకుల నుంచి తీవ్రస్థాయిలో ఒత్తిళ్లు వస్తున్నాయి. గతంలో ఇక్కడ పని చేసిన కొందరు అధికారులు ఈ ఒత్తిళ్లకు లొంగకపోవడంతో ఇబ్బందులు పడి, తమ ఉద్యోగాలను కాపాడుకోవడానికి మల్లగుల్లాలు పడ్డారు. గండికి దండం’.. సెలవుపై వెళ్లేందుకు ఏసీ సిద్ధం భక్తుల ఫిర్యాదులకు సమాధానం చెప్పలేక, వారి మనోభావాలను కాపాడలేక ఆలయ అసిస్టెంట్‌ కమిషనర్‌ (ఏసీ) విశ్వనాథ్‌ తీవ్ర మనస్తాపానికి గురయ్యారు. తప్పు చేస్తున్న వారిని మందలించినా మార్పు రాకపోగా.. ప్రధాన వ్యక్తి నోటి దురుసు మరిన్ని ఇబ్బందులు తెచ్చిపెడుతోంది. ‘చేతులు కాలాక ఆకులు పట్టుకునే కంటే ముందుజాగ్రత్తే మేలు.. గండికి దండం పెట్టేసి, దేవదాయ శాఖ కమిషనర్‌కు సమగ్ర నివేదిక ఇచ్చి సుదీర్ఘ సెలవుపై వెళ్లడమే ఉత్తమం‘ అని ఏసీ విశ్వనాథ్‌ తన అనుయాయుల వద్ద ఆవేదన వ్యక్తం చేశారు. గత శుక్రవారం విచారణ నిమిత్తం గండి క్షేత్రానికి వచ్చిన ఆర్జేసి ఎదుట కూడా ఆయన ఈ విషయాన్ని ప్రస్తావించడం ఆలయ వర్గాల్లో తీవ్ర కలకలం రేపింది. ఇక్కడ ఎవరి తీరు వారిదే.. దెబ్బతింటున్న భక్తుల మనోభావాలు అదనపు వసూళ్లు, దళారుల పెత్తనంపై భక్తుల ఆగ్రహం రాజకీయ ఒత్తిళ్లు తట్టుకోలేక సెలవుకు సిద్ధమైన ఏసీ విశ్వనాథ్‌!

గాలివీడు : వెలిగల్లు ప్రాజెక్టులో వినాయక చవితి సందర్భంగా గణనాధుల నిమజ్జనం నిషేధించబడిందని ప్రాజెక్ట్‌ అధికారులు తెలిపారు. ఈ విషయాన్ని గణేష్‌ కమిటీ సభ్యులు తెలుసుకొని సహకరించాలని వారు కోరారు. 15 లోపు అభ్యంతరాలు తెలియజేయాలిమదనపల్లె సిటీ : జిల్లాలో కేజీబీవీలలో ఖాళీగా ఉన్న బోధన సిబ్బంది మెరిట్‌ జాబితాను సమగ్ర శిక్ష వెబ్‌సైట్‌లో అందుబాటులో ఉంచినట్లు సమగ్ర శిక్ష ఏపీసీ డాక్టర్‌ అనూరాధ తెలిపారు. అభ్యర్థులు తమ వివరాలను పరిశీలించుకుని, ఏవైనా అభ్యంతరాలు, ఫిర్యాదులు ఉన్నట్లయితే తగిన ఆధారాలతో 15వతేదీ సాయంత్రం 5 గంటలలోపు ఏపీసీ కార్యాలయంలో లిఖిత పూర్వకంగా సమర్పించాలన్నారు. నిర్టిష్ట గడువు అనంతరం అందే ఎటువంటి అభ్యంతరాలు,ఫిర్యాదులు పరిశీలనకు స్వీకరించరని తెలిపారు.మరిన్ని వివరాలకు 7989974663, 8688618382 నంబర్లలో సంప్రదించాలని కోరారు. కాలం చెల్లిన ఆర్టీసీ బస్సులు తొలగిస్తాంపీలేరురూరల్‌ : జిల్లాలో 15 సంవత్సరాలు పైబడిన కాలం చెల్లిన ఆర్టీసీ బస్సులు 83 ఉన్నాయని, వాటిని తొలగిస్తామని డీపీటీవో ఎం. శశిభూషణ్‌ అన్నారు. శనివారం స్థానిక ఆర్టీసీ బస్టాండ్‌, గ్యారేజ్‌, పరిసర ప్రాంతాలను ఆయన పరిశీలించారు. అనంతరం మాట్లాడుతూ కాలం చెల్లిన బస్సులను వచ్చే ఏడాది మార్చి ఆఖరులోపు తొలగిస్తామన్నారు. పీలేరు డిపోలో 28 బస్సులు తొలగిస్తామని చెప్పారు. జిల్లాలో రోజుకు 499 సర్వీసులు 1.82 కిలోమీటర్లు నడిపి ఆదాయం రూ. 89.97 లక్షలు వస్తున్నట్లు తెలిపారు.ఆగస్టు వరకు ఆర్టీసీలో ప్రమాదాల సంఖ్య 0.05 ఉందని చెప్పారు. ఆర్టీసీ బస్టాండులో వస్తువులు ఎమ్మార్పీ ధరలకే విక్రయించాలన్నారు. కార్యక్రమంలో డీఎం ఎస్‌ఎండి. రోషణ్‌, ఎంఎఫ్‌ ఫణిభూషణ్‌నాయక్‌ తదితరులు పాల్గొన్నారు. సేవలలో మొదటి స్థానం కడప రూరల్‌ : జిల్లా వైద్య ఆరోగ్య శాఖకు సర్వీసెస్‌ డెలివరీ(సేవలను ప్రజలకు అందించడం)లో రాష్ట్రస్థాయిలో జిల్లాకు మొదటి స్థానం లభించింది. ఈ ఏడాది జులైలో 81.48 శాతం, ఆగస్టు లో 81.59 శాతం సాధించి వరుసగా రెండు నెలలు జిల్లా మొదటి స్థానంలో నిలిచింది. ఈ సందర్భంగా జిల్లా వైద్య ఆరోగ్యశాఖ అధికారి డాక్టర్‌ యుగంధర్‌ వైద్య సిబ్బందిని అభినందించారు. తిరుమల బ్రహ్మోత్సవాలకు ఆహ్వానం కడప సిటీ : తిరుమలలో ఈ నెల 15 నుంచి 23 వరకు జరిగే శ్రీవేంకటేశ్వర స్వామి వారి బ్రహ్మోత్సవాల వాహన సేవలకు ప్రత్యక్ష వ్యాఖ్యానం చేయాల్సిందిగా కడపకు చెందిన ప్రముఖ ఆధ్యాత్మిక రచయిత, ప్రవచనకర్త డాక్టర్‌ ఐఎల్‌ఎన్‌ చంద్రశేఖరరావుకు టీటీడీ అధికారులు ఆహ్వానం పంపారు.పెండ్లిమర్రి ఆదర్శ ప్రభుత్వ డిగ్రీ కళాశాల చరిత్ర అధ్యాపకుడైన ఆయన, ఈ నెల 15న పెద్దశేష వాహనం, 16న చిన్నశేష వాహన సేవలకు మాడ వీధుల్లో టీటీడీ ధర్మప్రచార పరిషత్‌ తరఫున వ్యాఖ్యానం చేయనున్నారు. అలాగే 21న జరిగే స్నపన తిరుమంజనం, చంద్రప్రభ వాహన సేవలకు ఎస్వీబీసీ ఛానల్‌లో ప్రత్యక్ష వ్యాఖ్యానం అందించనున్నారు. గల్ఫ్‌ కార్మికుల సహాయ కేంద్రం ప్రారంభంకడప కార్పొరేషన్‌ : జీవనోపాధి కోసం గల్ఫ్‌ దేశాలకు వెళ్లి ఇబ్బందులు ఎదుర్కొంటున్న వారికి గల్ఫ్‌ కార్మికుల సహాయ కేంద్రం అన్ని విధాలా తోడ్పాటు అందిస్తుందని కడప వన్‌టౌన్‌ సీఐ తిమ్మారెడ్డి తెలిపారు. శనివారం కడపలోని ఆర్టీసీ బస్టాండ్‌ వద్ద గల హీరో షోరూం ఆవరణలో ఏర్పాటు చేసిన గల్ఫ్‌ కార్మికుల సహాయ కేంద్రాన్ని ఆయన ఇతర అతిథులతో కలిసి ప్రారంభించారు. ఈ సందర్భంగా సీఐ మాట్లాడుతూ.. అవగాహన లేక ఏజెంట్ల చేతిలో మోసపోతున్న వారిని రక్షించేందుకు, సురక్షిత వలసలను ప్రోత్సహించేందుకు ఈ కేంద్రం ఉపయోగపడుతుందన్నారు.

మదనపల్లె టౌన్‌: సృష్టిలో జంతువులైనా సరే తమ బిడ్డల ఆకలి తీర్చడానికి నానా కష్టాలు పడతాయి. కానీ, మద్యం మత్తులో వివేకం కోల్పోయిన ఆ కన్నతండ్రికి మాత్రం ఆరేళ్ల కడుపు తీపి అస్సలు తెలియలేదు. తండ్రి స్థానంలో ఉండి ఆప్యాయంగా బువ్వ పెట్టాల్సింది పోయి.. ఆ బువ్వ కోసం చేతులు చాచి భిక్షాటనకు వెళ్లలేదన్న ఒకే ఒక్క కోపంతో కసాయిగా మారాడు. ఆడుకుంటున్న ఆరేళ్ల అర్భకురాలిపై ఇనుప కడ్డీతో విచక్షణా రహితంగా దాడి చేసి, నెత్తుటి కూడు మిగిల్చిన హృదయ విదారక ఘటన అన్నమయ్య జిల్లా బురకాయలకోటలో శుక్రవారం చోటుచేసుకుంది. జిల్లా ఆసుపత్రి అవుట్‌ పోస్ట్‌ పోలీసులు, బాధితుల కథనం ప్రకారం.. బురకాయలకోటకు చెందిన నారాయణ, గాయత్రి దంపతులు భిక్షాటన చేస్తూ జీవనం సాగిస్తున్నారు. శుక్రవారం సీసాలకు సీసాలు మద్యం తాగి మత్తులో తూలుతున్న నారాయణ.. తన ఆరేళ్ల చిన్నారి కూతురు ‘చిట్టి’ని అన్నం తెచ్చేందుకు భిక్షాటనకు వెళ్లాలని పురమాయించాడు. అప్పటివరకు వీధిలో తోటి పిల్లలతో ఆడుకుంటున్న ఆ పసిపాప వెళ్లనని మొండికేసింది. అంతే.. ఆ దుర్మార్గుడికి ఒళ్లు తెలియని ఆగ్రహం ముంచుకొచ్చింది. ఆడుకునే వయసున్న ఆ చిట్టి చేతులకు ఆటబొమ్మలు ఇవ్వాల్సింది పోయి, పక్కనే ఉన్న బరువైన ఇనుప కడ్డీని అందుకుని ఆ పసిశరీరంపై విచక్షణా రహితంగా బాదాడు.ఆ దెబ్బల దెబ్బకు తట్టుకోలేక, రక్తపు మడుగులో పడి ఆ చిన్నారి చేసిన ఆర్తనాదాలు ఆ వీధిన వెళ్తున్న వారి గుండెలను పిండేశాయి. స్థానికులు కొందరు మానవత్వంతో తక్షణమే స్పందించి, ఆ తండ్రి బారి నుండి పాపను రక్షించారు. వెంటనే 108 అంబులెన్స్‌కు సమాచారం అందించి మదనపల్లె జిల్లా ఆసుపత్రికి తరలించారు. ఆకలితో అల్లాడే చిన్నారిని ప్రేమగా చూసుకోవాల్సిన తండ్రే ఇంతటి దాష్టీకానికి ఒడిగట్టడం స్థానికులను తీవ్రంగా కలచివేసింది. ఈ క్రూరమైన ఘటనపై బాలల హక్కుల సంఘాలు తక్షణమే స్పందించి, బాధితురాలికి న్యాయం చేయాలని, ఆ కసాయి తండ్రికి కఠిన శిక్ష పడేలా చూడాలని పట్టణ ప్రజలు కోరుతున్నారు.‘భిక్షాటన’ చేయలేదని ‘చిట్టి’తల్లిపై కన్నతండ్రి దాష్టీకం తండ్రి కొట్టడంతో గాయపడిన చిట్టి

మదనపల్లె టౌన్‌ : వాటర్‌హీటర్‌తో నీళ్లు వేడి చేస్తుండగా కరెంట్‌ షాక్‌ తగిలి గర్భిణి తీవ్రంగా గాయపడిన సంఘటన శుక్రవారం గుర్రంకొండ మండలంలో చోటు చేసుకుంది. బాధితురాలి కుటుంబ సభ్యుల కథనం ప్రకారం.. చెర్లోపల్లెకు చెందిన మణికంఠ బొలెరో డ్రైవర్‌గా పనిచేస్తున్నాడు. ఉదయం భర్త విధులకు వెళ్లేందుకు అతడి భార్య ప్రవల్లిక హీటర్‌ వేసి నీళ్లు వేడి చేసింది. నీళ్లు వేడయ్యాయో లేదో తెలుసుకునేందుకు చేత్తో తాకగా ఒక్కసారిగా విద్యుత్‌ షాక్‌ కొట్టింది. దీంతో ఆమె తీవ్రంగా గాయపడి కుప్పకూలింది. వెంటనే కుటుంబ సభ్యులు మదనపల్లె జిల్లా ప్రభుత్వ ఆసుపత్రికి తరలించి చికిత్స అందిస్తున్నారు. గర్భిణి కావడంతో వైద్యుల పర్యవేక్షణలో ఆమె కోలుకుంటోందని తెలిపారు.

కలికిరి: జిల్లా విద్యాశాఖాధికారి, కలికిరి మండల ప్రత్యేకాధికారి సుబ్రమణ్యం శుక్రవారం కలికిరి పట్టణ పరిధిలోని ప్రభుత్వ ఉన్నత పాఠశాల, టి.చదివేవాండ్లపల్లి జిల్లా పరిషత్‌ ఉన్నత పాఠశాల, ఇందిరమ్మ కాలనీలోని ఎంపీపీ పాఠశాలలను ఆకస్మికంగా తనిఖీ చేశారు. ఈ సందర్భంగా టి.చదివేవాండ్లపల్లి స్కూల్లో మేజర్‌, మైనర్‌ రిపేరీలకు ఫీల్డ్‌ ఇంజినీర్‌ ద్వారా అంచనాలు రూపొందించి, పేరెంట్స్‌ కమిటీతో పనులు పూర్తి చేయించాలని ఆదేశించారు. ఇందిరమ్మ కాలనీ ప్రాథమిక పాఠశాలలో మధ్యాహ్న భోజన నాణ్యతను, ప్రభుత్వ పాఠశాలలో రసాయన శాస్త్రం (కెమిస్ట్రీ) ల్యాబ్‌, పరిసరాలను పరిశీలించారు. పదో తరగతిలో వంద శాతం ఫలితాలు సాధించేలా కృషి చేయాలని హెచ్‌ఎం నటరాజన్‌కు సూచించారు. అనంతరం కలికిరిలో జరుగుతున్న జనగణన ప్రక్రియను తనిఖీ చేసిన డీఈఓ.. వివరాల నమోదు పక్కాగా ఉండాలని సిబ్బందిని ఆదేశించారు.

మదనపల్లె టౌన్‌ : అన్నమయ్య జిల్లా కురబలకోట మండలంలోని ఎరపువారిపల్లెలో భూ వివాదాలు, పాత కక్షలు మరోసారి భగ్గుమన్నాయి. భూ వివాదం నేపథ్యంలో గురువారం అర్ధరాత్రి ఇరువర్గాల మధ్య తీవ్ర ఘర్షణ చోటుచేసుకుంది. పరస్పరం కరల్రు, రాళ్లతో దాడులకు పాల్పడటంతో ముగ్గురు తీవ్రంగా గాయపడ్డారు. బాధితులు తెలిపిన వివరాల ప్రకారం.. చంద్రప్ప, నరేష్‌, సురేష్‌ వర్గాల మధ్య కొంతకాలంగా భూవివాదం కొనసాగుతోంది. ఈ క్రమంలో రాత్రి ఇరువర్గాల మధ్య మాటామాటా పెరిగి ఘర్షణకు దారి తీసింది. చంద్రప్ప వర్గీయులు నరేష్‌, సురేష్‌పై మూకుమ్మడిగా దాడి చేసినట్లు బాధితులు ఆరోపించారు. ప్రతి దాడిలో చంద్రప్ప భార్య నాగవేణి సైతం గాయపడినట్లు తెలిపారు. గాయపడిన ముగ్గురినీ కుటుంబ సభ్యులు హుటాహుటిన మదనపల్లె జిల్లా ప్రభుత్వాసుపత్రికి తరలించారు. అత్యవసర విభాగంలోని వైద్యులు వారికి చికిత్స అందించారు. ప్రస్తుతం బాధితులు వైద్యుల పర్యవేక్షణలో ఉన్నారు. ఘటనపై ముదివేడు పోలీసులు కేసు నమోదు చేసి దర్యాప్తు చేపట్టారు. భూ వివాదం, పాత కక్షలకు సంబంధించిన పూర్తి వివరాలను పోలీసులు విచారణ అనంతరం వెల్లడించాల్సి ఉంది. భూ వివాదం నేపథ్యంలో ఇరువర్గాల ఘర్షణ ముగ్గురికి గాయాలు

మదనపల్లె టౌన్‌ : ఏపీలో ప్రస్తుత ఎకై ్సజ్‌ పాలసీని మరో ఏడాది పొడిగిస్తూ ప్రభుత్వం నిర్ణయం తీసుకుందని కడప ఎకై ్సజ్‌ డిప్యూటీ కమిషనర్‌ జయరాజ్‌, సీఐ భీమలింగ తెలిపారు. మదనపల్లెలో శుక్రవారం మద్యం దుకాణాల నిర్వాహకులతో నూతన పాలసీపై అవగాహన కార్యక్రమం జరిగింది. ఈ సందర్భంగా వారు మాట్లాడుతూ.. ప్రస్తుతం ఉన్న అన్ని రిటైల్‌ మద్యం దుకాణాలను 100 శాతం రెన్యూవల్‌ చేయడమే ప్రధాన లక్ష్యమన్నారు. రెన్యూవల్‌ ప్రక్రియ మొత్తం ఏపిఎస్‌బిసిఎల్‌ ఆన్‌న్‌లైన్‌ పోర్టల్‌ ద్వారా డిజిటల్‌ విధానంలో జరుగుతుందని తెలిపారు. షాపులకు రేషనలైజేషన్‌ లేదా రీ లొకేషన్‌ ఉండదని, ప్రస్తుత అనుమతించబడిన ప్రాంగణంలోనే కొనసాగుతాయని స్పష్టం చేశారు. ఒకవేళ ఏ లైసెన్స్‌ రెన్యూవల్‌ చేయకపోతే కొత్త నోటిఫికేషన్‌ ద్వారా దరఖాస్తుదారులను ఆహ్వానిస్తారని, అయినా షాపు డిస్పోజ్‌ కాకపోతే నోటిఫైడ్‌ ఏరియాలో ఏపిఎస్‌బిసిఎల్‌ అవుట్‌లెట్‌ ఏర్పాటు చేస్తారన్నారు. ఫీజుల విషయానికొస్తే ఆర్‌ఈటిలో ఎలాంటి పెంపు లేదని, రెన్యూవల్‌ ఫీజు వార్షికంగా 38 శాతంగా నిర్ణయించారని చెప్పారు. చెల్లింపును 4 వాయిదాల్లో చేయవచ్చని, ఒక వాయిదాకు సమానమైన మొత్తానికి బ్యాంక్‌ గ్యారెంటీ ఇవ్వాలన్నారు. అన్ని విక్రయాలు పిఓసి ద్వారానే జరగాలని, మాన్యువల్‌ అమ్మకాలు నిషేధమని, సీసీటివీ నిరంతరం పనిచేయాలని, నిబంధనలు పాటించకపోతే భారీ జరిమానాలు, ఎమ్మార్పీ కంటే ఎక్కువకు అమ్మితే చట్టపరమైన చర్యలు తప్పవని వారు హెచ్చరించారు.

జిల్లాలో మామిడి రైతుల కష్టం ఎవరూ తీర్చలేనిది. ఎల్‌నినో ప్రభావంతో వర్షాలు లేక...భూగర్బ జలాలు అడుగంటి బోర్లలో నీరు ఇంకిపోతోంది. పైగా వానాకాలంలోనూ వేసవిని మరిపిస్తూ వేడిసెగలు దెబ్బకు చెట్లు రోజురోజుకు క్షీణించిపోతున్నాయి. వాటిని సంరక్షించుకునేందుకు బోర్లలో నీరు లేని రైతులు బాడుగకు ట్యాంకులు పెట్టి నీటిని తోలుకుంటున్నారు. ఒక్కొ ట్యాంకరుకు రూ. 1000 చెల్లించి ట్యాంకర్ల ద్వారా తీసుకొచ్చిన నీటిని ఐదారు చెట్లకు కలిపి రక్షించుకుంటున్నారు. పంట కాపు దేవుడెరుగు..ఎలాగోలా చెట్లను రక్షించుకుంటే చాలనే ప్రయత్నాలు సాగిస్తున్నారు. ఇప్పటికే చాలామంది రైతులు ఎక్కడ చూసినా ఇలా వా నాకాలంలోనూ నీటిని తోలుతూ చెట్లను రక్షించుకునేందుకు పాట్లు పడుతున్నారు.

మదనపల్లె టౌన్‌ : కారు ఢీకొని యువకుడు తీవ్రంగా గాయపడిన సంఘటన శుక్రవారం ములకలచెరువు మండలంలో జరిగింది. ఆసుపత్రి అవుట్‌ పోస్ట్‌ పోలీసులు తెలిపిన వివరాల ప్రకారం.. మండలంలోని వేపూరి కోట పంచాయతీ, ఆవులవారిపల్లికు చెందిన రెడ్డి ప్రసాద్‌ (23) ద్విచక్రవాహనంపై బురకాయలకోటకు వెళ్లాడు. పని ముగించుకుని తిరిగి స్వగ్రామానికి వెళుతుండగా మార్గమధ్యంలోని సెంట్రల్‌ స్కూల్‌ వద్ద కారు ఢీకొని తీవ్రంగా గాయపడ్డాడు. బాధితుడిని స్థానికుల సాయంతో 108 సిబ్బంది మదనపల్లి జిల్లా ప్రభుత్వాసుపత్రికి తరలించగా చికిత్స పొందుతున్నాడు. ఘటనపై ములకలచెరువు పోలీసులు కేసు దర్యాప్తు చేస్తున్నారు మరిన్ని వివరాలను పోలీసులు వెల్లడించాల్సి ఉంది. స్కూటర్‌ ఢీకొని ఫర్నిచర్‌ షాపు యజమానికి.. మదనపల్లె టౌన్‌ : ఫర్నిచర్‌ షాపు యజమానిని స్కూటర్‌ ఢీకొట్టడంతో తీవ్రంగా గాయపడిన సంఘటన గురువారం రాత్రి మదనపల్లెలో జరిగింది. ఘటనపై బాధితుడి కుటుంబీకులు తెలిపిన వివరాల మేరకు.. మండలంలోని సిటిఎంకు చెందిన రెడ్డప్ప(45) నీరుగట్టువారిపల్లె–పాతూరు మార్గంలో ఫర్నిచర్‌ షాపు నిర్వహిస్తున్నారు. రాత్రి షాపు మూసివేసి ఇంటికి వెళ్తుండగా, వేగంగా వచ్చిన ఓ స్కూటర్‌ ఆయనను ఢీకొట్టింది. ప్రమాదంలో రెడ్డప్ప తీవ్రంగా గాయపడ్డారు. వెంటనే స్థానికులు బాధితుడిని జిల్లా ఆసుపత్రికి తరలించారు. ప్రమాదంపై పోలీసులు కేసు నమోదు చేసి దర్యాప్తు చేస్తున్నారు. రాత్రి వేళల్లో ఈ మార్గంలో వాహనాలు వేగంగా నడపడంతో తరచూ ప్రమాదాలు జరుగుతున్నాయని స్థానికులు ఆవేదన వ్యక్తం చేస్తున్నారు.

– డీఆర్‌డీఏ పీడీ మదనపల్లె (కురబలకోట): ఐదారు కొత్త జీవనోపాధులతో మహిళల ఆదాయ మార్గాలు పెంపొందించి వారిని ఆర్థికంగా బలోపేతం చేయడంపై ప్రత్యేక దృష్టి సారించినట్లు డీఆర్‌డీఏ జిల్లా ప్రాజెక్టు డైరెక్టర్‌ నాగేశ్వరరావు అన్నారు. మదనపల్లె వెలుగు కార్యాలయంలో 13 మండలాల ఏపీఎంలు, సీసీలతో శుక్రవారం నిర్వహించిన అవగాహన కార్యక్రమంలో ఆయన మాట్లాడారు. మహిళల కుటుంబ ఆదాయాన్ని పెంచి పేదరికాన్ని నిర్మూలించడమే తమ ముఖ్య ఉద్దేశ్యమన్నారు. ప్రస్తుతం మహిళలకు ఉన్న జీవనోపాధులకు అదనంగా ప్రాంతాలు, మార్కెటింగ్‌ సౌకర్యాలను బట్టి కొర్రమీను, పొట్టేళ్ల పెంపకం, పెరటి కోళ్లు, పుట్టగొడుగుల పెంపకం వంటి అదనపు ఉపాధి కార్యక్రమాలు కల్పించనున్నట్లు పీడీ నాగేశ్వరరావు వెల్లడించారు. యూరియా కోసం రైతుల పరుగులు రొంపిచెర్ల: మండలంలో యూరియా కోసం రైతులు ఎరువుల దుకాణాల వద్దకు పరుగులు తీస్తున్నారు. స్థానిక డీలర్‌ వద్దకు 30 టన్నుల యూరియా స్టాక్‌ రావడంతో వేరుశనగ, వరి, జెర్సీ గడ్డి సాగు చేసిన రైతులు తరలివచ్చారు. వ్యవసాయ శాఖ అధికారుల వద్ద పేర్లు నమోదు చేసుకున్న వారికి, బస్తా రూ. 270 చొప్పున ఒకరికి రెండు బస్తాల వరకు అందజేస్తున్నారు. అయితే, యూరియాతో పాటు లింకు ఎరువులుగా కాంప్లెక్స్‌ ఎరువులు కూడా కొనాలంటూ డీలర్లు ఒత్తిడి తెస్తున్నారని రైతులు ఆవేదన వ్యక్తం చేశారు. దీనిపై ఏవో శ్రావణి స్పందిస్తూ.. మండలానికి మరో 90 టన్నుల యూరియా వస్తోందని, రైతులు భయాందోళన చెందాల్సిన అవసరం లేదని స్పష్టం చేశారు.

● వరుస కరువులతో తల్లడిల్లిపోతున్న కర్షకులు ● వందలాది ఎకరాల్లో ధ్వంసం ● చీడపీడల బెడద, ధరల పతనంతో కుదేలైన రైతాంగం ఫోటోలోని వ్యక్తి పేరు శివయ్య. ఈయనది సంబేపల్లి మండలం శెట్టిపల్లి గ్రామం దొడ్డి చేనువడ్డిపల్లి. ఆయనకు నాలుగు ఎకరాల్లో మామిడి తోట ఉండగా, వర్షాలు పడకపోవడంతో ఉన్న బోరులో అరకొరక నీళ్లు వస్తున్నాయి. ఐదు సంవత్సరాల నుంచి ఇంతవరకు మామిడి పంటలో దాదాపు రూ. 11లక్షల ఆదాయం వచ్చింది. ప్రస్తుతం రెండు సంత్సరాలు గా సరైన గిట్టుబాటు ధరలు లేక మామిడి చెట్లను వదిలేశాడు. ఫోటోలోని వ్యక్తి పేరు శ్రీనివాసులు. ఆయన అన్నమయ్య జిల్లా లక్కిరెడ్డిపల్లె మండలం మద్దిరేవుల గ్రామం రెడ్డివారిపల్లి. ఐదు ఎకరాల్లో మామాడి చెట్లు ఉండగా, పంట దిగుబడి తగ్గడం తో పాటు ఖర్చులు భారమై మామిడి చెట్లను కొట్టివేయడం జరుగుతోంది. ఈయన పేరు బొజ్జా శ్రీధర్‌రెడ్డి.అన్నమయ్య జిల్లా లక్కిరెడ్డిపల్లె మండలం దప్పేపల్లి గ్రామం కొండవాండ్లపల్లె. ఐదు ఎకరాల్లో ముదురు మామిడి తోట ఉన్నది. ఖర్చులు మందులు ప్రతి ఏడాది ఎక్కువ అవుతుండడంతో పంట దిగుబడి తగ్గడంతో పూర్తిస్థాయిలో తోటను తొలగించేసే పరిస్థితి వచ్చింది. సాక్షి అన్నమయ్య : కరువు కాలమో....కష్టకాలమో తెలియదు గానీ రైతుకు మాత్రం విపత్తుల కాలమని చెప్పక తప్పదు. ఒకప్పుడు పది మందికి పట్టెడన్నం పెట్టే అన్నదాతకు ఇప్పుడు పుట్టెడు కష్టాలు వచ్చాయి. ఏం చేసినా ఏమున్నది గర్వకారణమన్నట్లు వ్యవసాయంలో అనునిత్యం క(న)ష్టాలే మిగిలాయి. తోటల్లోని బోరు బావుల్లో ఒకవైపు నీరు ఇంకిపోతుంటే చెట్లను సంరక్షించడం కష్టమే అయినా...ప్రాణాన్ని ఫణంగా పెడుతూ చెట్లకు ఎలాగోలా ట్యాంకర్లతో నీరుపోసి చెట్టుకు ప్రాణం పోసినా చివరకు రైతుకు మాత్రం జీవితం లేకుండా పోతోంది. కూటమి ప్రభుత్వం అధికారంలోకి వచ్చాక రెండేళ్లుగా వరుస కరువులతో అన్నదాత కునారిల్లిపోతున్నాడు. ఆదుకోవాల్సిన ప్రభుత్వం చేష్టలుడిగి చూస్తుండడంతో చేసేదేమి లేక రైతు ప్రాణంగా పెంచుకున్న చెట్లనుసైతం కొట్టేసుకుంటున్న దీన పరిస్థితి నెలకొంది. మామిడిలో దిగుబడి వచ్చినా ధరలు లేక కొందరు...కరువుతో నీరు లేక మరికొందరు...వ్యవసాయంలో ఆశించిన మేర లాభాలు రావడం లేదని ఇంకొందరి ఆవేదనకు అంతం లేకుండా పోయింది. ఏళ్లపాటు సాకిన మామిడి చెట్లను ఇటీవలి కాలంలో అన్నమయ్య జిల్లాలో వందల ఎకరాల్లో కొట్టేస్తున్న రైతు దీన గాథలపై సాక్షి గ్రౌండ్‌ రిపోర్ట్‌. అల్లాడిపోతున్న అన్నదాత అన్నమయ్య జిల్లాలో పండ్ల తోటల రైతులు అల్లాడిపోతున్నారు. పంటలకు గిట్టుబాటు ధరలు లేక మామిడి, బొప్పాయి, అరటి రైతులు గతేడాది రోడ్డెక్కి ఆందోళనలు చేసిన పరిస్థితులు కళ్లెదుటే కనిపించాయి. గతంలో అన్నమయ్య జిల్లాలో ఉన్న రైల్వేకోడూరు బొప్పాయి, మామిడి రైతులు ధరలు లేక, పంటను ఏం చేయాలో తెలియక రోడ్లమీదనే పారబోసి నిరసనలు తెలియజేశారు. మామిడికి సంబంధించి ఆశించిన ధరలు లేకపోవడంతో మామిడి రైతులు పంటపై ఆందోళన చెందుతున్నారు. వాతావరణ పరిస్థితులతో ప్రకృతి చేస్తున్న గాయాలతో తేరుకోలేకపోతున్న రైతుపై ధరల లేమి కూడా ప్రాణసంకటంగా మారింది. ఆశించిన మేర దిగుబడులు రాకపోవడం ఒక ఎత్తయితే, పంట వచ్చినా సరైన ధర లేక రైతులు అల్లాడిపోయారు. నాకు ఆరు ఎకరాల్లో మామిడి తోట ఉంది. రెండు బోర్లు ఉన్నాయి. ఈ సంవత్సరం రూ. 2 లక్షల పెట్టుబడి పెట్టి మామిడి తోటకు మందులు కొట్టాము. పెట్టిన పెట్టుబడి కూడా రాలేదు. రవాణా ఖర్చు కూడా చేతినుంచి పడుతోంది. ఇక మామిడి పంటకుఎంత పెట్టుబడి పెట్టినా లాభం లేదు. ఇప్పటికే మూడు ఎకరాల్లో మామడి చెట్లను తొలగించాను. బోర్లలో నీరు పూర్తిగా తగ్గాయి. వర్షాలు లేకపోవడంతో ఉన్న మామిడి చెట్లు ఎండిపోకుండా ఉండాలని రోజుకు 4 ట్యాంకర్లు చొప్పున రూ. 3200 ఖర్చు చేసి నీటిని తోలుతున్నాను. ఇప్పటికై నా ప్రభుత్వం మామిడి రైతులను ఆదుకోవాలి. – సుబ్రమణ్యంరెడ్డి, మామిడి రైతు, నారాయణరెడ్డిపల్లె, సంబేపల్లె మండలం

నిమ్మనపల్లె (మదనపల్లె టౌన్‌) : పాతకక్షల నేపథ్యంలో ప్రత్యర్థులు ఒంటరిగా ఉన్న అత్తాకోడళ్లపై విచక్షణారహితంగా దాడి చేసి తీవ్రంగా గాయపరిచారు. శుక్రవారం జరిగిన ఘటనపై బాధితులు నిమ్మనపల్లి పోలీసులకు ఇచ్చిన ఫిర్యాదు మేరకు వివరాలు ఇలా ఉన్నాయి.. మండలంలోని రెడ్డివారిపల్లె పంచాయతీ, దిన్నిమీద జంగంపల్లికి చెందిన రవణమ్మ, మంజుల కుటుంబానికి, అదే ఊరికి చెందిన శ్రీనివాసులు తిరుమలేశు కుటుంబానికి బోరు వద్ద వివాదం నడుస్తోంది. పాతకక్షలను మనసులో పెట్టుకున్న ప్రత్యర్థులు అత్తాకోడళ్లు బోరు వద్ద ఉండడాన్ని గుర్తించి కళ్లలో కారం చల్లి విచక్షణారహితంగా చితకబాదారు. అనంతరం అక్కడి నుంచి దాడికి పాల్పడ్డ వారు పారిపోవడంతో ఆలస్యంగా చేరుకున్న బాధితులు కుటుంబీకులకు సమాచారం అందించారు. వారు వెంటనే వచ్చి బాధితులను స్థానిక ప్రభుత్వాసుపత్రికి తరలించారు. చికిత్స అనంతరం నిమ్మనపల్లి పోలీసులకు ఫిర్యాదు చేయడంతో పోలీసులు కేసు విచారణ చేపట్టారు. కుక్క అడ్డు రావడంతో అదుపు తప్పిన బైక్‌ ● కింద పడి వృద్ధుడి మృతి మైదుకూరు : మైదుకూరు మండలం మూడుమాండ్లు గ్రామం వద్ద బళ్లారి – కృష్ణపట్నం జాతీయ రహదారిపై కుక్కను తప్పించబోయి బైక్‌పై నుంచి కిందపడి కొడదల నరసింహులు(70) మృతి చెందినట్లు మైదుకూరు పోలీసులు శుక్రవారం తెలిపారు. వివరాలు ఇలా ఉన్నాయి. తెలంగాణలోని నల్గొండ జిల్లా పానగల్లు గ్రామానికి చెందిన నరసింహులు, అతని కవల కుమారులు రాము, లక్ష్మణ్‌.. బ్రహ్మంసాగర్‌ నుంచి కడప సమీపంలోని కొప్పర్తి ఇండస్ట్రీయల్‌ ఏరియాకు నీటి సరఫరా కోసం జరిగే పైపులైన్‌ పనులు చేస్తున్నారు. పైపులైన్‌ పనులు జరుగుతున్న నందిపల్లె వద్ద నుంచి వారి నివాసం ఉంటున్న మైదుకూరు ప్రాంతంలోని జీవీ సత్రంకు గురువారం సాయంత్రం బైక్‌లపై తిరిగి వస్తున్నారు. మూడుమాండ్ల వద్ద నరసింహులు బైక్‌కు కుక్క అడ్డు రావడంతో దానిని తప్పించే క్రమంలో అదుపు చేయలేక బైక్‌పై నుంచి కింద పడ్డాడు. తలకు రక్తగాయాలు అయ్యాయి. అతన్ని సమీపంలోని జీవీ సత్రం పీహెచ్‌సీకి తరలించగా చనిపోయినట్టు అక్కడి డాక్టర్‌ నిర్ధారించారు. కుమారుడు లక్ష్మణ్‌ ఫిర్యాదు మేరకు పోలీసులు కేసు నమోదు చేశారు. చోరీ కేసులో నిందితుడి అరెస్ట్‌చింతకొమ్మదిన్నె : మండల పరిధిలోని అంగడి వీధిలో జూన్‌ 14వ తేదీన జరిగిన దొంగతనం కేసులో నిందితుడు ముసలిగాళ్ళ వంశీని శుక్రవారం అరెస్ట్‌ చేసి, అతని వద్ద నుండి 57 గ్రాముల బంగారు వస్తువులను రికవరీ చేసినట్లు చింతకొమ్మదిన్నె సీఐ బాల మద్దిలేటి తెలిపారు. సీఐ తెలిపిన వివరాల మేరకు.. అంగడివీధికి చెందిన కొండికళ్ళు వరలక్ష్మి అనే మహిళ జూన్‌ 14వ తేదీ ఉదయం ఇంటికి తాళం వేసి చర్చికి వెళ్లి తిరిగి మధ్యాహ్నం ఇంటికి వచ్చి చూడగా దొంగతనం జరిగినట్లు గుర్తించింది. గుర్తుతెలియని వ్యక్తులు ఇంటి మెయిన్‌ డోర్‌ తాళం పగలగొట్టి ఇంట్లోకి వెళ్లి బీరువా పైన ఉన్న తాళాల సహాయంతో బీరువాను తెరిచి, అందులోని బంగారు వస్తువులు దొంగలించినట్లు పోలీసులకు ఫిర్యాదు చేశారు. ఈ మేరకు వారు కేసు నమోదు చేసి దర్యాప్తు చేపట్టారు. ఈ క్రమంలో రాజుపాలెం మండలంలోని పర్లపాడుకు చెందిన వంశీని రిమ్స్‌ – ఉటుకూరు మెయిన్‌ రోడ్‌ లోని చైతన్య స్కూల్‌ సర్కిల్‌ సమీపంలోని టీ షాప్‌ వద్ద శుక్రవారం అరెస్ట్‌ చేశారు. అతని వద్ద నుండి రెండు బంగారు గాజులు, ఒక సాదా చైను, ఒక ఉంగరం కలిపి మొత్తం సుమారు 57 గ్రాములు బరువు గల బంగారు వస్తువులను స్వాధీన పరచుకున్నట్లు సీఐ తెలిపారు. నిందితుడిని రిమాండ్‌ కోసం కోర్టులో హాజరు పరిచినట్లు తెలిపారు.

అన్నమయ్య జిల్లాలోని రాయచోటి ప్రాంతంలో మామిడి చెట్లను రైతులు నరికి వేస్తున్నారు. వరుసగా రెండేళ్లుగా వస్తున్న కరువు పరిస్థితులతో ఏమి చేయాలో పాలుపోక...బోర్లలో నీరు లేక....ట్యాంకర్లతో తోలినా పూర్తి స్థాయిలో అందక ఎండిపోతుండడంతో తప్పనిసరి పరిస్థితుల్లో నరికి వేస్తున్నారు. ఏడాది కాదు...రెండేళ్లు కాదు...పదేళ్లు అంతకన్నా కాదు....ఇరవై ఏళ్ల పైబడి కూడా పెంచుకుంటున్న చెట్లను నీరు లేక నరికేస్తున్నారు. ఇంటిలో కుటుంబ సభ్యుల్లా ప్రేమగా పెంచుకున్న చెట్లను నరికివేసే దీన పరిస్థితి వారిది. రాయచోటి నియోజకవర్గంలోని లక్కిరెడ్డిపల్లె, సంబేపల్లె, చిన్నమండెంతోపాటు జిల్లాలోని మిగిలిన ప్రాంతాల్లో అక్కడక్కడ చెట్లు కొట్టివేసే పరిస్థితి కనిపిస్తోంది. ఇలాంటి దుర్బర పరిస్థితుల్లోనైనా ప్రభుత్వం మామిడి రైతులను ఆదుకునే దిశగా అడుగులు వేయాలని రైతు సంఘాలు డిమాండ్‌ చేస్తున్నాయి.

పుంగనూరు : పట్టణంలోని కోనేటి వద్ద ఉన్న అయ్యప్పస్వామి, శ్రీ కాశీ విశ్వేశ్వరస్వామి ఆలయాల్లో విధులు నిర్వహిస్తున్న మొగిలి రెడ్డెప్ప (75) పై కిందరు వ్యక్తులు దాడికి పాల్పడినట్లు ఆయన భార్య రెడ్డెమ్మ శుక్రవారం ఆరోపించారు. తాము 25 ఏళ్లుగా ఆలయాల్లో విధులు నిర్వహిస్తున్నామని తెలిపారు. పక్కకు కుర్చోవాలని చెప్పినందుకు కొంత మంది వ్యక్తులు తన భర్తను దూషించి దాడికి పాల్పడ్డారని ఆరోపించారు. 5 రోజుల బ్యాంకింగ్‌ విధానం అమలు చేయాలికడప కోటిరెడ్డి సర్కిల్‌ : వారానికి 5 రోజుల బ్యాంకింగ్‌ విధానాన్ని ప్రభుత్వం వెంటనే అమలు చేయాలని కడప జిల్లా బ్యాంక్‌ ఎంప్లాయీస్‌ కోఆర్డినేషన్‌ కమిటీ సెక్రటరీ శ్రీనివాసులరెడ్డి, అధ్యక్ష, కార్యదర్శులు దస్తగిరి, అజీజ్‌లు కోరారు. శుక్రవారం దేశ వ్యాప్త బ్యాంకు ఉద్యోగుల సమ్మె కడపలోని ఏడు రోడ్ల కూడలిలో సమ్మె నిర్వహించారు. ఈ సందర్భంగా వారు మాట్లాడుతూ దీర్ఘకాలిక, న్యాయమైన డిమాండ్లపై ఇండియన్‌ బ్యాంక్స్‌ ఆసోసియేషన్‌, భారత ప్రభుత్వం అవలంభిస్తున్న మొండి వైఖరి, నిర్లక్ష్య ధొరణికి నిరసనగా ఈ సమ్మెకు పిలుపునిచ్చామన్నారు. పెన్షన్‌ అప్‌డేషన్‌, యూనిఫాం, డీఏ, ఓపీఎస్‌ పునరుద్ధరణతో సహా దీర్ఘకాలంగా పెండింగ్‌లో ఉన్న ఇతర సమస్యలను పరిష్కరించాలన్నారు. తీవ్ర పనిభారాన్ని తగ్గించడానికి అన్ని కేడర్లలో తగిన సంఖ్యలో నియామకాలు చేపట్టాలన్నారు. కార్యక్రమంలో మహిళా కన్వీనర్‌ లలితా రెడ్డి, ట్రెజరర్‌ మాలతి, జాయింట్‌ సెక్రటరీలు అనిల్‌, విజయ్‌, కిశోర్‌, ఏఐబీఏఓ అధ్యక్షుడు గరుడయ్య, యూనియన్‌ నాయకులు కిరణ్‌, హరి, హర్షవర్థన్‌రెడ్డి, రాఘవరెడ్డి, ఏపీజీబీ యూనియన్‌ నాయకులు కోటేశ్వరరెడ్డి, రాహుల్‌ పాల్గొన్నారు. విద్యా హక్కు చట్టాన్ని పకడ్బందీగా అమలు చేయాలి పులివెందుల టౌన్‌ : 2009 విద్యా హక్కు చట్టం నిబంధనలను ప్రైవేటు, కార్పొరేట్‌ విద్యాసంస్థలు పకడ్బందీగా అమలు చేసేలా ప్రభుత్వం చర్యలు తీసుకోవాలని సీపీఐ రాష్ట్ర కార్యదర్శి గజ్జల ఈశ్వరయ్య డిమాండ్‌ చేశారు. పులివెందుల పట్టణంలో శుక్రవారం ఆయన మీడియా సమావేశం నిర్వహించారు. ఈ సందర్భంగా మాట్లాడుతూ విద్యాహక్కు చట్టం ప్రకారం అర్హులైన ఎస్సీ, ఎస్టీ, బీసీ, మైనార్టీ విద్యార్థులకు ప్రైవేటు విద్యాసంస్థల్లో ఉచిత విద్య అందించాల్సి ఉన్నప్పటికీ, రాష్ట్రంలోని పలు కార్పొరేట్‌ విద్యాసంస్థల్లో ఈ నిబంధనలు అమలు కావడంలేదన్నారు. జర్నలిస్టుల పిల్లలకు విద్యాహక్కు చట్టం కింద కల్పించాల్సిన ప్రయోజనాల విషయంలో కూడా సమస్యలు ఎదురవుతున్నాయన్నారు. ఈ విషయంపై విద్యాశాఖ అధికారులకు ఫిర్యాదు చేసినా తగిన స్పందనలేదన్నారు. విద్యాహక్కు చట్టం అమలుకు విద్యార్థులు, తల్లిదండ్రులు, మేధావులు, జర్నలిస్టులు కలిసి ప్రజా ఉద్యమం చేపట్టాల్సిన అవసరం ఉందని పిలుపునిచ్చారు.

గుర్రంకొండ : గుర్రంకొండ బస్టాండులో గురువారం రాత్రి ఘర్షణ జరిగింది. స్థానికుల వివరాల ప్రకారం.. పాల ట్యాంకర్‌కు ఓ కారు అడ్డుగా వచ్చింది. పాలట్యాంకర్‌ రోడ్డుపై ఎందుకు ఉంచారంటూ డ్రైవర్‌పై కారులోని వ్యక్తులు వాగ్వాదానికి దిగారు. దీంతో వివాదం ఘర్షణకు దారి తీసింది. అప్పటికే పట్టణానికి చెందిన పలువురు పోకిరీలు ఘర్షణను పెద్దది చేయడంతో పాటు పాల ట్యాంకర్‌ డ్రైవర్‌పై దాడికి దిగారు. చాలా సేపు ఘర్షణ జరగడంతో ఎన్‌హెచ్‌ 340 జాతీయ రహదారిపై ట్రాఫిక్‌కు అంతరాయం కలిగింది. ఈ విషయమై ఎస్‌ఐ రవీంద్రబాబును వివరణ కోరగా ఈ సంఘటనపై తమకు ఫిర్యాదు అందలేదన్నారు. బస్టాండులో నిత్యం ఇలా పొకిరీలు ఘర్షణలకు దిగి పలువురిపై దాడులకు పాల్పడటం పరిపాటిగా మారిందన్నారు. ఇప్పటికై నా పోలీసులు తగు చర్యలు తీసుకోవాలని గ్రామస్తులు కోరుతున్నారు.

● అక్టోబర్‌ 11 నుంచి శుభ ముహూర్తాలు మదనపల్లె సిటీ : వివాహాలు, శుభ కార్యక్రమాలకు తాత్కాలికంగా బ్రేక్‌ పడింది. భాద్రపద మాసం శూన్య మాసంగా పరిగణించడంతో అక్టోబర్‌ 10 వరకు 34 రోజులు పాటు శుభ ముహుర్తాలు ఉండవు. అక్టోబర్‌ 11 నుంచి తిరిగి వివాహాలు, గృహప్రవేశాలు, ఉపనయనాలు వంటి కార్యక్రమాలకు అనుకూలమైన ముహూర్తాలు ప్రారంభం కానున్నాయి. శ్రావణం, నిజ జ్యేష్ట మాసాల్లో భారీ సంఖ్యలో వివాహాలు జరగడంతో కళ్యాణ మండపాలు పెళ్లి సందడితో కళకళలాడాయి. వేద మంత్రాల సాక్షిగా వేలాది జంటలు ఒక్కటయ్యాయి. నిశ్చితార్థాలు, గృహప్రవేశాలు, ఉపనయనాలు కూడా పెద్ద ఎత్తున జరిగాయి. అక్టోబర్‌ 11 నుంచి సందడి అక్టోబర్‌ 11 నుంచి డిసెంబర్‌ చివరి వరకు శుభముహుర్తాలు ఉన్నాయని వేద పండితులు చెబుతున్నారు. అక్టోబర్‌ 11, 14, 29, 30 తేదీలతో పాటు నవంబర్‌లో 5, 11 నుంచి 15 వరకు, 18 నుంచి 26 వరకు, డిసెంబర్‌లో 2, 3, 4, 10 నుంచి 13 వరకు, 15 నుంచి 19 వరకు, 22, 23, 27, 29 30, 31 తేదీల్లో వివాహాలు, ఇతర శుభకార్యాలకు ముహూర్తాలు ఉన్నాయని పేర్కొంటున్నారు. ఈ విరామ సయయంలో అన్నప్రాసన, అక్షరాభ్యాసం, నామకరణం, సీమంతాలు, రిజిస్ట్రేషన్లు వంటి కార్యాక్రమాలు మాత్రమే నిర్వహించవచ్చని పండితులు చెబుతున్నారు.కల్యాణమండపంభాద్రపదంలో శుభకార్యాలకు విరామం భాద్రప్రద మాసంలో వినాయకచవితి, మహాలయపక్షం వంటి పర్వదినాలకు ప్రాధాన్యం ఉంటుంది. ఈ కాలంలో దేవతారాధన, పితృకార్యాలకు ప్రాముఖ్యత ఇస్తారు. వివాహాలు, గృహప్రవేశాలు వంటి శుభ కార్యాలు నిర్వహించరు. ఆశ్వీజ మాసం నుంచి తిరిగి శుభ ముహుర్తాలు ప్రారంభమవుతాయి. – శివకుమార్‌శర్మ, వేదపండితులు, మదనపల్లె

రాజంపేట టౌన్‌ : కొడుకు అంత్యక్రియల వేళ కన్నతల్లి గుండె పగిలి మరణించిన అత్యంత హృదయవిదారక సంఘటన వైఎస్సార్‌ కడప జిల్లా రాజంపేట మండలంలోని రోళ్లమడుగు గ్రామంలో చోటు చేసుకుంది. రోళ్లమడుగు పంచాయతీ మాజీ సర్పంచ్‌, వైఎస్సార్‌సీపీ సీనియర్‌ నాయకులు బుర్రు నాగేశ్వరరావు (65) గురువారం ఉదయం అనారోగ్యంతో మృతి చెందగా, ఆ పుత్రశోకాన్ని దిగమింగుకోలేక ఆయన తల్లి బుర్రు వెంకట సుబ్బమ్మ (86) కొన్ని గంటల వ్యవధిలోనే ప్రాణాలు విడిచారు.నాగేశ్వరరావు కొంతకాలంగా అనారోగ్యంతో బాధపడుతున్నారు. గురువారం ఉదయం ఆయన తీవ్ర అస్వస్థతకు గురికావడంతో కుటుంబ సభ్యులు రాజంపేట పట్టణంలోని ఆసుపత్రికి తరలించారు. అయితే, ఆయన అప్పటికే మృతి చెందినట్లు వైద్యులు ధృవీకరించారు. నాగేశ్వరరావు మృతదేహాన్ని రోళ్లమడుగులోని నివాసానికి తీసుకువచ్చినప్పటి నుంచి, 86 ఏళ్ల వృద్ధురాలైన తల్లి వెంకట సుబ్బమ్మ కన్నబిడ్డ శవాన్ని చూసి భోరున విలపిస్తూనే ఉంది. అంత్యక్రియల నిర్వహణకు ఏర్పాట్లు పూర్తి చేసి, మృతదేహాన్ని కాటికి పంపేందుకు సిద్ధమవుతున్న తరుణంలో ఆ తల్లి రోదనలు వర్ణనాతీతంగా మారాయి. కొడుకు పాడె వద్ద వెక్కివెక్కి ఏడుస్తూ ఆమె ఒక్కసారిగా మృతదేహంపైనే కుప్పకూలిపోయింది. కుటుంబ సభ్యులు వెంటనే 108 అంబులెన్స్‌కు సమాచారం అందించి, ఆమెను కారులో రాజంపేట ఆసుపత్రికి తరలించే ప్రయత్నం చేశారు. అయితే, మార్గమధ్యంలో ఎదురైన 108 వాహన సిబ్బంది వెంకట సుబ్బమ్మను పరీక్షించగా, అప్పటికే ఆమె మృతి చెందినట్లు నిర్ధారించారు. కొన్ని గంటల వ్యవధిలోనే తల్లి, కొడుకు ఇద్దరూ మృత్యువాత పడటంతో రోళ్లమడుగు పంచాయతీలో తీవ్ర విషాద ఛాయలు అలుముకున్నాయి. ఒకే ఇంట్లో పక్కపక్కనే ఉన్న రెండు శవాలను చూసి కుటుంబ సభ్యులు, గ్రామస్తులు కన్నీరుమున్నీరవుతున్నారు. కన్నబిడ్డను ఒంటరిగా పంపడం ఇష్టం లేకే ఆ తల్లి కూడా కొడుకుతో పాటే వెళ్లిపోయిందంటూ అంత్యక్రియలకు వచ్చిన వారు తీవ్ర దిగ్భ్రాంతి వ్యక్తం చేశారు. కాగా, వైఎస్సార్‌ సీపీ నియోజకవర్గ ఇన్‌ఛార్జ్‌ ఆకేపాటి అనీల్‌కుమార్‌రెడ్డి నాగేశ్వరరావు మృతదేహంపై పుష్పగుచ్ఛం ఉంచి ఘనంగా నివాళులు అర్పించారు.

గుర్రంకొండ: మండలంలో గత వారం రోజులుగా మే నెల వేసవిని తలపించేలా ఎండలు మండుతుండటంతో జనజీవనం అతలాకుతలమవుతోంది. సాధారణంగా సెప్టెంబర్‌ నెలలో ఇలాంటి ఎండలు ఎప్పుడూ చూడలేదని స్థానికులు చర్చించుకుంటున్నారు. ఈ తీవ్ర ఉష్ణోగ్రతల వల్ల తోపుడు బండ్లపై వ్యాపారం చేసుకునే చిరువ్యాపారుల పరిస్థితి దయనీయంగా మారింది. ఉదయం నుంచి సాయంత్రం వరకు బండ్లపైనే ఉండే లేత కూరగాయలు ఎండ దెబ్బకు వేడి నీళ్లలో ఉడికించినట్లుగా మాడిపోతున్నాయి. గతంలో రెండు రోజుల పాటు తాజాగా నిల్వ ఉండే కూరగాయలు, ప్రస్తుతం ఒక్క రోజు కూడా తట్టుకోలేక పాడైపోతుండటంతో వ్యాపారులు తీవ్రంగా నష్టపోతున్నారు. దీంతో పంటను కాపాడుకునేందుకు వ్యాపారులు ప్రతి గంటకూ వాటర్‌ బాటిళ్లతో చల్లటి నీటిని వాటిపై చల్లుతున్నారు.

బొజ్జ గణపయ్య పండుగ వచ్చేస్తోంది. ఏటా చవితికి నెల రోజుల ముందే కేసీ కెనాల్‌ నీటితో పాత కడప చెరువును కళకళలాడించి, నిమజ్జనానికి రూట్‌ క్లియర్‌ చేయడం కడప నగరంలో ఆనవాయితీ. కానీ, ఈసారి సీన్‌ రివర్స్‌ అయింది! మన ‘కూటమి’ మున్సిపల్‌ అధికారులు, పాలకులు భక్తి కంటే ‘కక్ష సాధింపు’ ధ్యాసలోనే మునిగిపోయి పాలనపై దృష్టి పెట్టడం మరిచారు. ఫలితంగా పాత కడప చెరువు చుక్క నీరు లేక వెక్కిరిస్తోంది. ‘స్వామీ విఘ్నేశ్వరా.. భక్తుల కష్టాలు ఎలాగూ తీరుస్తావు..ముందు మన పాలకుల అజ్ఞానాన్ని కాస్త తొలగించు తండ్రి!’ అంటూ ప్రజలు ప్రార్థిస్తున్నారు. – సాక్షి ఫొటోగ్రాఫర్‌, కడప

మదనపల్లె టౌన్‌ : కుటుంబ సభ్యుల మందలింపులు, కుటుంబ పరిస్థితులపై కలిగిన ఆవేదనతో ఇద్దరు వ్యక్తులు ఆత్మహత్యాయత్నానికి పాల్పడిన ఘటన అన్నమయ్య జిల్లాలోని బి.కొత్తకోట, మదనపల్లెలో చోటుచేసుకున్నాయి. పోలీసుల కథనం మేరకు.. బి.కొత్తకోటలో బుధవారం రాత్రి సుమారు 17 ఏళ్ల యువకుడిని పాడి ఆవులను మేపేందుకు వెళ్లలేదని కుటుంబ సభ్యులు మందలించడంతో తీవ్ర మనస్తాపానికి గురై విషం తాగాడు. గమనించిన కుటుంబ సభ్యులు మదనపల్లె జిల్లా ఆస్పత్రికి తరలించారు. ప్రస్తుతం చికిత్స పొందుతున్నాడు. మరో ఘటనలో మదనపల్లె పట్టణం, అమ్మచెరువు మిట్టకు చెందిన నారాయణ భార్య లక్ష్మీదేవి (57) మేకలను కుటుంబ అవసరాల కోసం యజమాని విక్రయించడంతో మనస్తాపానికి గురయ్యారు. ఇంట్లో ఉన్న పురుగుమందు తాగింది. కుటుంబ సభ్యులు గమనించి ఆమెను స్థానిక జిల్లా ఆస్పత్రికి తరలించారు. ప్రస్తుతం చికిత్స పొందుతున్నారు. ఈ రెండు ఘటనలపై పోలీసులు దర్యాప్తు చేస్తున్నారు.

వర్షాభావ పరిస్థితుల నేపథ్యంలో వీఎన్‌ పల్లి మండలంలో బీడుగా మారిన పొలం సాక్షి, మదనపల్లె: ఎల్‌నినో తెచ్చిన కరువుకాటుతో జిల్లా వ్యవసాయం తలకిందులైంది. వర్షం జాడలేక, భూగర్భ జలాలు అడుగంటిపోయాయి. పంటలు సాగుకు నోచుకోక, పాడికి పశుగ్రాసం కరువై..రైతాంగం అల్లాడిపోతోంది. ఎల్‌నినో రూపంలో కరువుకాటేయడంతో సేద్యం కుదేలైంది. కనుచూపుమేరలో పచ్చదనం కరువైంది. ఫలితంగా వ్యవసాయంతోపాటు పాడి, గొర్రె, పశు పరిశ్రమలు పడకేశాయి. ప్రమాద ఘంటికలు! రైతులు గత దశాబ్దకాలంలో పశుగ్రాసం కొనుగోలు చేసిన దాఖలాలు లేవు. ఇలాంటి పరిస్థితుల్లో ఎల్‌ నినో ప్రభావం వ్యవసాయంపై తీవ్రంగా పడింది. 34,182 హెక్టార్ల పొలాలు సాగుకు నోచుకోకపోవడంతో బీళ్లుగా మిగిలాయి. ఎక్కడా పచ్చదనం లేదు. కనీసం పశుగ్రాసం కూడా లభించే పరిస్థితి లేదు. జిల్లాలో ఇంతవరకు ఎప్పుడూ లేని విధంగా తీవ్ర లోటు వర్షపాతం నమోదైంది. తీవ్ర వర్షాభావ పరిస్థితులు భూగర్భ జలమట్టంపై ప్రభావితం చేస్తున్నా యి. జిల్లాలో నీటిమట్టం ప్రమాదకర స్థాయిలో ఉంది. జిల్లాలోని 25 మండలాల్లో సగం మండలాలకు పైగా నీటిమట్టం భారీగా పడిపోతోంది.నెల సాధారణ కురిసిన లోటు వర్షపాతం వర్షం వర్షపాతం జూన్‌ 75.1 40.4 46.2 జూలై 90.5 3.3 87.2 ఆగష్టు 99.8 17.5 82.4 సెప్టెంబర్‌ 114.7 0.6 114.1 ములకలచెరువు: మండలంలో తీవ్ర వర్షాభావ పరిస్థితుల కారణంగా చెరువులు, కుంటలన్నీ నీరు లేక పూర్తిగా ఎండిపోయాయి. గతంలో పాడిపంటలతో కళకళలాడిన పల్లెలు, ప్రస్తుతం ప్రభుత్వం మారిన తర్వాత వర్షాలు ముఖం చాటేయడంతో వెలవెలబోతున్నాయి. భూగర్భ జలాలు పాతాళానికి పడిపోవడంతో వ్యవసాయ బోర్లు సైతం చుక్క నీరు రాక నిలిచిపోతున్నాయి. ఈ కరువు ప్రభావం మూగజీవాలపై తీవ్రంగా పడింది. ఎటు చూసినా పచ్చగడ్డి, తాగేందుకు నీరు లభించక పశువులు, మూగజీవాలు అల్లాడుతున్నాయి. సాగు నీరు, తాగునీటి సమస్యలు రోజురోజుకూ జటిలమవుతుండటంతో పాడి రైతులు తీవ్ర ఆందోళన వ్యక్తం చేస్తున్నారు. ప్రభుత్వం తక్షణమే స్పందించి కరువు నివారణకు ప్రత్యామ్నాయ చర్యలు చేపట్టాలని మండల ప్రజలు డిమాండ్‌ చేస్తున్నారు. ఎన్నాళ్లీ నరకం!

మదనపల్లె టౌన్‌ : మదనపల్లె మండలం కాట్లాటపల్లి గ్రామ సమీపంలో గురువారం భూ వివాదం కారణంగా ఇరువర్గాల మధ్య ఘర్షణ చోటు చేసుకుంది. ఇరువర్గాలు పరస్పరం దాడులు చేసుకోవడంతో ముగ్గురు తీవ్రంగా గాయపడ్డారు. బాధితుల కథనం ప్రకారం, రెడ్డీస్‌ కాలనీకి చెందిన వెంకట్రామిరెడ్డి భార్య ప్రభావతి, శివనగర్‌ ప్రాంతానికి చెందిన కృష్ణారెడ్డి భార్య రాజేశ్వరిపై ప్రత్యర్థి వర్గం దాడి చేసి వారి మెడలోని బంగారు గొలుసులను లాక్కెళ్లారని ఆరోపించారు. ఘర్షణలో విశ్వనాథరెడ్డి అనే వ్యక్తి కుడిచేతి వేలు తెగిపోయింది. ప్రభావతి, రాజేశ్వరి తీవ్రంగా గాయపడ్డారు. గాయపడిన వారిని స్థానిక ఆసుపత్రికి తరలించారు. తమ తల్లి గంగులమ్మ పేరిట కాట్లాటపల్లిలో 1.75 ఎకరాల వ్యవసాయ భూమి ఉందని, ఆ భూమిని విశ్వనాథరెడ్డి వర్గీయులు ఆక్రమించు కునేందుకు యత్నించారని, అడ్డుకోవడంతోనే తమపై దాడికి పాల్పడ్డారని ప్రభావతి, రాజేశ్వరి ఆరోపించారు. ఘటనపై పోలీసులకు ఫిర్యాదు చేయగా కేసు నమోదు చేసి దర్యాప్తు చేపట్టారు. స్కూటర్‌ ఢీ..వృద్ధురాలికి.. మదనపల్లె టౌన్‌ : మదనపల్లె పట్టణంలో రీడింగ్‌ రూమ్‌ వీధిలో గురువారం వేగంగా వచ్చిన స్కూటర్‌ ఢీకొని వృద్ధురాలు తీవ్రంగా గాయపడింది. ఘటనపై వన్‌ టౌన్‌ పోలీసులు తెలిపిన వివరాల మేరకు.. రామసముద్రం మండలం, చెంబకూరుకు చెందిన మునెమ్మ (60)దుస్తులు కొనేందుకు మదనపల్లె పట్టణానికి వచ్చారు. రీడింగ్‌ రూము వీధిలో దుకాణానికి వెళుతుండగా సైలెన్సర్‌ తొలగించి వచ్చిన ఓ రేసింగ్‌ స్కూటర్‌ మునెమ్మను ఢీకొట్టి ఆగకుండా వెళ్లిపోయింది. ఈ ప్రమాదంలో ఆమెకు కాలు విరిగి తీవ్ర రక్తస్రావమైంది. స్థానికులు బాధితురాలిని జిల్లా ప్రభుత్వ ఆసుపత్రికి తరలించారు. వైద్యులు చికిత్స అందిస్తున్నారు.

పులివెందుల రూరల్‌ : పులివెందుల పట్టణంలోని షామీర్‌ బైకు వరల్డ్‌, ప్‌లైవుడ్‌ ఎంటర్‌ప్రైజెస్‌, ఎం.ఎస్‌ గ్లాస్‌ షాపుల్లో బుధవారం అర్థరాత్రి అగ్ని ప్రమాదం జరిగింది. ఈ ప్రమాదంలో దాదాపు రూ.48లక్షలు నష్టం వాటిల్లినట్లు బాధితులు తెలిపారు. బాధితుల కథనం మేరకు వివరాలు ఇలా ఉన్నాయి. బుధవారం రాత్రి పని ముగించుకుని మూడు షాపుల యజమానులు ఇంటికి వెళ్లారు. రాత్రి 11గంటల సమయంలో షాపులో నుంచి మంటలు వస్తుండటంతో వారు అక్కడికి వెళ్లారు. వెంటనే అక్కడున్న వారు అగ్రిమాపక కేంద్రానికి సమాచారమిచ్చారు. అగ్నిమాపకశాఖాధికారి సునీల్‌ కుమార్‌ తన సిబ్బంది ఫైర్‌ ఇంజన్‌తో వెళ్లి మంటలను ఆర్పేందుకు ప్రయత్నించారు. గంటసేపు కష్టపడి మంటలను అదుపులోకి తీసుకువచ్చారు. కానీ షాపులలో ఉన్న దాదాపు 30 బైకులు, ప్‌లైవుడ్‌, గ్లాస్‌ వస్తువులు కాలిపోయాయి. ఈ విషయం తెలుసుకున్న ఆర్‌ఐ షేక్షావల్లి తన సిబ్బందితో వచ్చి స ఘటన స్థలానికి వెళ్లి పరిశీలించారు. ఈ సందర్‌భంగా అగ్నిమాపక శాఖ అధికారులు మాట్లాడుతూ మొదట బైకు షాపులో మంటలు చెలరేగాయని, బైకులలో పెట్రోలు ఉండటంతో మంటలు ఎక్కువగా వ్యాపించాయన్నారు. ఆ షాపు అనుకుని ఉన్న మరో రెండు షాపులు అగ్ని ప్రమాదానికి గురయ్యాయన్నారు. షాపు యజమానులు మాత్రం విద్యుత్‌ షార్ట్‌ సర్క్యూట్‌తోనే ప్రమాదం జరిగిందన్నారు. మళ్లీ సంఘటనా ప్రాంతానికి వెళ్లి ప్రమాదం ఎలా జరిగిందో దర్యాప్తు చేస్తామన్నారు.

● మదనపల్లె, పుంగనూరులో 63 కేంద్రాలు అదనంగా ఏర్పాటు ● జాబితాను ప్రచురించిన కమిషనర్లు ● అభ్యంతరాలకు నేడు ఒక్కరోజే గడువుసాక్షి, మదనపల్లె : మున్సిపల్‌ ఎన్నికల ప్రక్రియలో భాగంగా గురువారం జిల్లాలోని మదనపల్లె, పుంగనూరు మున్సిపల్‌ కమిషనర్లు పోలింగ్‌ కేంద్రాల జాబితాను ప్రచురించారు. పాత మున్సిపల్‌ వార్డుల స్థానంలో కొత్త వార్డుల ఏర్పాటు కోసం పూర్తిగా వార్డుల పునర్విభజన జరిగింది. దీని ఆధారంగానూ, ఓటర్ల సంఖ్య పరంగాను లెక్కించి పోలింగ్‌ కేంద్రాలను ఏర్పాటు చేశారు. దీనివల్ల ఈ రెండు మున్సిపాలిటీలలో 63 కొత్త పోలింగ్‌ కేంద్రాలను ఏర్పాటు చేశారు. ● గత మున్సిపల్‌ ఎన్నికల్లో ఒక్కో పోలింగ్‌ కేంద్రంలో వెయ్యికి మించి ఓటర్లు ఉన్నారు. మదనపల్లెలో అయితే 2 వేల నుంచి 2,600 వరకు ఒక పోలింగ్‌ కేంద్రంలో ఓటర్ల సంఖ్య ఉంది. ఎన్నికల సంఘం చేపట్టిన మార్పుల నేపథ్యంలో మున్సిపల్‌ అధికారులు పోలింగ్‌ కేంద్రాల ఏర్పాటు సంఖ్య పెంచారు. మదనపల్లె మున్సిపాలిటీలో 109 పోలింగ్‌ కేంద్రాలు ఉండగా, వాటి పరిధిలో 1,16,958 మంది ఓటర్లు ఉన్నారు. 48 కేంద్రాల్లో 2 వేల ఓటర్లు దాటిన పోలింగ్‌ కేంద్రాలు ఉన్నాయి. ఈ ఓటర్లను విభజించి అదే పోలింగ్‌ కేంద్రం పరిధిలో కొత్తగా 43 పోలింగ్‌ కేంద్రాలు ఏర్పాటు చేశారు. దాంతో ఇప్పుడు పోలింగ్‌ కేంద్రాల సంఖ్య 144కు చేరింది. ● పుంగనూరు మున్సిపాలిటీ పరిధిలో గత ఎన్నికల్లో 51 పోలింగ్‌ కేంద్రాలు ఉన్నాయి. 36 కేంద్రాల పరిధిలో వెయ్యికి మించిన ఓటర్లు ఉండడంతో వాటిని విభజించి కొత్తగా 20 పోలింగ్‌ కేంద్రాలను ఏర్పాటు చేశారు. ఇక్కడ 43,951 మంది ఓటర్లు ఉన్నారు. పెరిగిన పోలింగ్‌ కేంద్రాలతో కలిపి 71 పోలింగ్‌ కేంద్రాలను ఏర్పాటు చేశారు. ఈ కొత్త పోలి కేంద్రాల ఏర్పాటు విషయంలో ఒక పోలింగ్‌ కేంద్రం పరిధిలోని ఓటర్లకు అదే పోలింగ్‌ కేంద్రం పరిధిలో కొత్త పోలింగ్‌ కేంద్రం ఏర్పాటు చేశారు. దీనికోసం పక్కనున్న పోలింగ్‌ కేంద్రాల నుంచి ఓటర్లను కొత్త పోలింగ్‌ కేంద్రాల్లో కలపలేదు. ఈ రెండు పెండింగ్‌ వార్డుల పునర్విభజనకు సంబంధించి రాయచోటి మున్సిపాలిటీ విషయంలో స్థానికులు న్యాయస్థానం ఆశ్రయించగా దీన్ని కోర్టు కొట్టి వేసింది. దీంతో మున్సిపల్‌ ఎన్నికల ప్రక్రియ ఇక్కడ ప్రారంభించనుండటంతో పోలింగ్‌ కేంద్రాల జాబితాను ప్రచురించలేదు. అలాగే బి.కొత్తకోట నగర పంచాయతీ ఏర్పాటుకు సంబంధించి నడుస్తున్న కేసు విచారణ ఈనెల 24న ఉంది. దానివల్ల ఇక్కడ కూడా ఎన్నికల ప్రక్రియ మొదలు కాలేదు. అభ్యంతరాలకు ఒక్కరోజే ఈ పోలింగ్‌ కేంద్రాల ప్రచురణకు సంబంధించి అభ్యంతరాలను అధికారులు స్వీకరించనున్నారు. గురువారం కేంద్రాలను ప్రచురించిన అధికారులు వాటికి సంబంధించి అభ్యంతరాలను స్వీకరించేందుకు మాత్రం శుక్రవారం ఒకరోజు మాత్రమే అవకాశం కల్పించారు. కేంద్రాలను పరిశీలించుకునేందుకు ఒక్కరోజు గడువు ఇవ్వడం విమర్శలకు తావిస్తోంది. కేంద్రాల స్థానాల మార్పు లేదా జాబితాపై ఏవైనా మార్పులు, చేర్పులపై అభ్యంతరాలను, సూచనలను చేసేందుకు అవకాశం కల్పించారు. సంబంధిత వార్డుల ప్రజలు, రాజకీయ పార్టీల నాయకులు తమ వినతులు లేదా అభ్యంతరాలను మున్సిపల్‌ అధికారులకు తెలియజేయవచ్చు.

సంబేపల్లె: మండలంలో భూగర్భ జలాలు అడుగంటి, బోరుబావులు ఎండిపోవడంతో వరి, వేరుశనగ, టమోటా, అలసంద, పశుగ్రాసం పంటలు నిట్టనిలువునా ఎండుతున్నాయి. శెట్టిపల్లె గ్రామం కస్పా సమీపంలో పంటల దయనీయ స్థితి ఇందుకు నిదర్శనంగా నిలుస్తోంది. ఇక్కడ నదులు, వాగులు లేకపోవడంతో రైతులు పూర్తిగా బోర్లపైనే ఆధారపడి వ్యవసాయం చేస్తున్నారు. పంటలను కాపాడుకునేందుకు అప్పులు చేసి కొత్త బోర్లు వేస్తున్నప్పటికీ, మోటార్లు అమర్చే సమయానికి భూగర్భ జలాలు తగ్గి చుక్క నీరు రాకపోవడంతో రైతులు అప్పుల ఊబిలో కూరుకుపోతున్నారు. మరోవైపు కొందరు కేటుగాళ్లు చెరువుల్లో మట్టిని, వంకల్లో ఇసుకను ఇష్టారాజ్యంగా తోడేస్తుండటంతో భవిష్యత్తు మరింత ప్రమాదకరంగా మారుతుందని స్థానికులు ఆందోళన వ్యక్తం చేస్తున్నారు. ప్రభుత్వం తక్షణమే స్పందించి తమను ఆదుకోవాలని రైతన్నలు వేడుకుంటున్నారు.

మదనపల్లె టౌన్‌ : న్యాయం కోసం వెళ్లిన ఓ దివ్యాంగురాలు చివరకు మోసానికి బలై కన్నీరు మున్నీరవుతున్న ఘటన అన్నమయ్య జిల్లా మదనపల్లెలో వెలుగుచూసింది. ‘‘హ్యూమన్‌ రైట్స్‌’’పేరుతో ప్రజలకు న్యాయం చేస్తానంటూ తిరుగుతున్న మహిళ తన వద్ద రూ.8 లక్షలు కాజేసిందని మదనపల్లె బసినికొండకు చెందిన దివ్యాంగురాలు జ్యోతి ఆరోపించింది. బుధవారం మదనపల్లె ప్రెస్‌క్లబ్‌లో జ్యోతి మాట్లాడుతూ కురబలకోట మండలం, అంగళ్లుకు చెందిన వాణి హ్యూమన్‌ రైట్స్‌ ప్రతినిధినని నమ్మించి, తన కేసును పరిష్కరిస్తానని చెప్పి విడతల వారీగా రూ.8 లక్షలు తీసుకుందని ఆరోపించింది. నమ్మకంతో ఇచ్చిన డబ్బును తిరిగి అడిగితే ఇవ్వకపోగా, తనపైనే తప్పుడు ఆరోపణలు చేస్తూ బెదిరింపులకు దిగుతోందని ఆవేదన వ్యక్తం చేసింది. దివ్యాంగురాలినైన తనకు ఈ డబ్బు జీవిత పొదుపు అని, ఇప్పుడు ఆర్థికంగా కుంగిపోయానని జ్యోతి కన్నీటి పర్యంతమైంది. ‘‘నాకు డబ్బు కంటే న్యాయం ముఖ్యం. నా లాంటి అమాయకులను ఇంకెవరినీ వాణి మోసం చేయకుండా పోలీసులు ఆమైపె చట్టపరంగా కఠిన చర్యలు తీసుకోవాలి’’అని వేడుకుంది. తాను పలుమార్లు పోలీసులను, ఇతర అధికారులను ఆశ్రయించినా ఇప్పటివరకు న్యాయం జరగలేదని బాధితురాలు తెలిపింది. తన వద్ద ఉన్న ఆధారాలు, డబ్బు లావాదేవీలకు సంబంధించిన అన్ని పత్రాలు, ఇతర వివరాలను పోలీసులకు అందజేస్తానని పేర్కొంది. ఈ వ్యవహారంపై సమగ్ర విచారణ జరిపి నిజానిజాలు వెలికితీయాలని కోరింది. బాధితురాలి ఆరోపణలు నిజమైతే, హ్యూమన్‌ రైట్స్‌ సంస్థ వంటి గౌరవప్రదమైన పేరును అడ్డంగా పెట్టుకుని అమాయకులను మోసం చేసే వారిపై చట్టం కఠినంగా వ్యవహరించాల్సిన అవసరం ఉందని స్థానికులు అభిప్రాయపడుతున్నారు.దివ్యాంగురాలి ఆరోపణ

వరి గడ్డికోసం ఎగబడుతున్న రైతులు ఎండిపోతున్న వరి పంట పశువుల మేతగా..రాయచోటి టౌన్‌: రాయచోటి పశుసంవర్ధక శాఖ డివిజన్‌ పరిధిలోని వివిధ మండలాల్లో పశుగ్రాసం కొరతను ఆసరాగా చేసుకుని, దళారీలు శ్రీకాళహస్తి, మైదుకూరుల నుంచి గడ్డి కట్టలను తెచ్చి రూ. 270 నుంచి రూ. 300 వరకు విక్రయిస్తూ దోపిడీకి తెగబడుతున్నారు. ఈ దందాకు చెక్‌ పెడుతూ వీరబల్లె మండలం ఓదివీడుకు చెందిన రైతు భాస్కర్‌, శ్రీకాళహస్తికి చెందిన ముని అంకయ్యతో సోషల్‌ మీడియా ద్వారా స్నేహం పెంచుకున్నారు. మధ్యవర్తులు లేకుండా నేరుగా శ్రీకాళహస్తి రైతుల నుంచి వరిగడ్డి లోడ్లను రాయచోటికి రప్పించారు. మార్కెట్లో రూ. 300 ఉన్న గడ్డి కట్టను ఎలాంటి లాభాపేక్ష లేకుండా కేవలం రూ. 200లకే అందించారు. దీంతో ట్రాక్టర్‌కు 144 కట్టల చొప్పున వచ్చిన రెండు లోడ్ల వరిగడ్డి కేవలం గంట వ్యవధిలోనే హాట్‌ కేక్‌లా అమ్ముడుపోయింది. అక్కడికక్కడే రైతులు నగదు చెల్లించి కొనుగోలు చేయడంతో.. ప్రతి రైతుకు రూ. 700 నుంచి రూ. 1,000 వరకు ఆదా అయింది.

పెద్దతిప్పసముద్రం : మండలంలోని పులికల్లు సమీపంలో ఇటీవల జరిగిన రోడ్డు ప్రమాదంలో అదే గ్రామానికి చెందిన మురళి(45) తీవ్రంగా గాయపడ్డాడు. గాయపడిన వ్యక్తి ములకలచెరువు నుంచి ద్విచక్ర వాహనంలో పులికల్లుకు వస్తుండగా ఓ లారీ కారణంగా తమ బిడ్డ గాయాల పాలయ్యాడని ఆరోపిస్తూ క్షతగాత్రుడి తల్లి కనుగొండ లక్ష్మినర్సు పోలీసులకు ఫిర్యాదు చేసింది. గాయపడిన వ్యక్తి తిరుపతిలోని ఓ ఆసుపత్రిలో చికిత్స పొందుతున్నాడు. ఎస్‌ఐ పరమేశ్‌ నాయక్‌ కేసు నమోదు చేశారు. ఈ నేపథ్యంలో ఎస్‌ఐ సూచనల మేరకు మదనపల్లెలోని ఎంవీఐ శ్రీహరి గురువారం పీటీఎంకు విచ్చేసి ఈ ఘటనపై ఆరా తీసి లారీని పరిశీలించి వెళ్లినట్లు ఎస్‌ఐ తెలిపారు. బాలిక అపహరణ.. పోక్సో కేసుసాక్షి, చిత్తూరు : మైనర్‌ బాలికను అపహరించి, ఆమైపె లైంగికదాడికి పాల్పడ్డ కేసులో నరసింహులు అనే నిందితుడిపై పోలీసులు కేసు నమోదు చేశారు. చిత్తూరుకు చెందిన 17 ఏళ్ల బాలిక పీలేరు సమీపంలో ఇంజనీరింగ్‌ చదువుతోంది. నిమ్మనపల్లెకు చెందిన నరసింహులు (25) అనే వ్యక్తి బాలికకు మాయ మాటలు చెప్పి, మూడు నెలల క్రితం ఆమెను కిడ్నాప్‌ చేసి తీసుకెళ్లిపోయాడు. బాలిక కుటుంబ సభ్యుల ఫిర్యాదుతో చిత్తూరు టూటౌన్‌ పోలీసులు తొలుత మిస్సింగ్‌ కేసు నమోదు చేశారు. ఆపై బాలికను గుర్తించి తీసుకొచ్చి, ఆమె కుటుంబ సభ్యులకు అప్పగించి.. నిందితుడిపై పోక్సో కేసు నమోదు చేశారు. నిందితుడిని అదుపులోకి విచారిస్తున్నారు. ప్రభుత్వాసుపత్రిలో గుర్తుతెలియని వృద్ధుడుకలికిరి : కలికిరి ప్రభుత్వాసుపత్రి ఆవరణలో ఓ గుర్తు తెలియని వృద్ధుడు కనిపించడంతో ఆసుపత్రి సిబ్బంది పోలీసులకు సమాచారమిచ్చారు. పోలీసుల కథనం మేరకు.. సుమారు 70 ఏళ్ల వయస్సు పైబడిన వృద్ధుడు మాట్లాడలేని స్థితిలో ప్రభుత్వాసుపత్రి ఆవరణలో ఉండగా గురువారం గుర్తించిన వైద్య సిబ్బంది పోలీసులకు తెలియచేశారు. పోలీసులు అక్కడకు చేరుకుని వృధ్ధుడిని విచారించడానికి ప్రయత్నించగా ఆయన మాట్లాడలేని స్థితిలో ఉన్నాడు. దీంతో చేసేది లేక అతనికి ఆసుపత్రిలో వైద్య సేవలందించాలని సూచించారు. నడవలేని స్థితిలో ఉన్న వృద్ధుడిని ఎవరైనా ఇక్కడకు తీసుకువచ్చి వదిలేశారా.. లేదా ఇంకేమైనా కారణాలున్నాయా అని పోలీసులు విచారిస్తున్నారు. వృద్ధుని గురించి తెలిసిన వారు పోలీసులకు సమాచారం ఇవ్వాలని కోరారు. హైవే పెట్రోల్‌ ఖాకీ వీరంగం!రాజంపేట : పట్టణంలోని చిన్నచావిడి వీధిలో హైవే పెట్రోలు సిబ్బందిలో ఒకరు హల్‌చల్‌ చేసినట్లు గురువారం స్ధానికుల నుంచి ఆరోపణలు వెలువడ్డాయి. ఓ ఆటోలో ప్రయాణిస్తున్న హైవే పెట్రోలు సిబ్బంది ఎదురుగా వస్తున్న మరో ఆటోను వెనక్కి వెళ్లాలని సూచించారు. అయితే ట్రాఫిక్‌ ఉండటంతో వెనక్కి వెళ్లలేకపోయారు. వీలు లేని పరిస్ధితి ఉందని ఆటోడ్రైవర్‌ తెలిపారు. ఈనేపథ్యంలో ఇరువురి మధ్య వాగ్వాదం జరిగింది.. నాకే ఎదురుచెపుతావా అంటూ ఆటోడ్రైవర్‌ చొక్కా పట్టుకున్నారు. దురుసుగా ప్రవర్తించారు. దాడికి ప్రయత్నించినట్లు స్థానికులు ఆరోపించారు.హైవేపెట్రోలు సిబ్బంది హైవేలో ఉండాల్సిందిపోయి, నిబంధనలను అతిక్రమించారని విమర్శించారు. నడిరోడ్డులో జనం సాక్షిగా జరిగిన ఈ సంఘటనపై పలువురు హైవే పోలీసుల తీరుపై పెదవివిరస్తున్నారు. మద్యం మత్తులో ఈ గొడవ జరిగినట్లు తెలిసింది. ఆటోడ్రైవరు, హైవే పెట్రోలు ఖాకీని పట్టణ పోలీసుస్టేషన్‌కు తీసుకెళ్లారు.

సంబేపల్లె: మండలంలో వర్షాభావ పరిస్థితుల వల్ల పచ్చిగడ్డి కరవై, వరిగడ్డి ధరలు భగ్గుమంటుండటంతో పాడి రైతులు తీవ్ర ఆందోళన చెందుతున్నారు. గతంలో ఏడాదికి సరిపడా గడ్డి వాములు వేసుకునే రైతులు, ప్రస్తుతం యంత్రాలతో వరి కోతలు కోయించడం వల్ల గడ్డి లభ్యత తగ్గి తీవ్ర ఇబ్బందులు పడుతున్నారు. గత ఏడాది రూ. 12,000 ఉన్న ట్రాక్టర్‌ వరిగడ్డి ధర ఈ ఏడాది ఏకంగా రూ. 25,000 కు చేరింది. సింగిల్‌ వరిగడ్డి కట్ట ధర రూ. 230 పలుకుతోంది. పచ్చిగడ్డి కొనాలన్నా కేజీ రూ. 15 చెబుతున్నారని, రెండు ట్రాక్టర్ల వరిగడ్డి కోసం ఏకంగా రూ. 50 వేలు ఖర్చు చేయాల్సి వచ్చిందని బాధిత పాడిరైతు శివయ్య ఆవేదన వ్యక్తం చేశారు. పశుపోషణ భారం కావడంతో పాడి పరిశ్రమ సంక్షోభంలో పడే ప్రమాదం ఉందని, ప్రభుత్వం తక్షణమే స్పందించి సబ్సిడీపై పశుగ్రాసం లేదా సైలేజ్‌ను అందించి ఆదుకోవాలని రైతులు డిమాండ్‌ చేస్తున్నారు.

పెద్దతిప్పసముద్రం: మండలంలో గతంలో ఎన్నడూ లేని విధంగా ఏప్రిల్‌ నెలలోనే ఎండలు మండిపోతున్నాయి. గత పది రోజులుగా ఉష్ణోగ్రతలు 36 నుంచి 40 డిగ్రీల వరకు నమోదవుతుండటంతో జనజీవనానికి తీవ్ర విఘాతం కలుగుతోంది. ఎండల తీవ్రతకు జనం వీధుల్లోకి రావడానికే జంకుతున్నారు. మండుతున్న ఎండల కారణంగా దినసరి కూలీలు, పశుకాపరులు తీవ్ర ఇబ్బందులు పడుతున్నారు. పగటిపూట పొలాల్లో పనిచేసే వారు వడదెబ్బ, డీహైడ్రేషన్‌ బారిన పడే ప్రమాదముందని, ప్రజలు మజ్జిగ, పుచ్చకాయలు, కొబ్బరినీళ్లు తీసుకుంటూ జాగ్రత్తలు వహించాలని వైద్య నిపుణులు సూచిస్తున్నారు. వేసవి తాపాన్ని దృష్టిలో ఉంచుకుని ప్రధాన కూడళ్లు, బస్‌ షెల్టర్లు, ప్రభుత్వ కార్యాలయాల్లో చలివేంద్రాలు ఏర్పాటు చేయాలని మండల ప్రజలు కోరుతున్నారు.

పసికందును బావిలో వదిలివెళ్లిన నిర్దయులుపెద్దతిప్పసముద్రం : నిర్జన ప్రదేశం.. ఆ నిశ్శబ్దాన్ని చీల్చుకుంటూ ఓ పసికందు ఏడుపు. లోకం పోకడ తెలియని, కళ్లు కూడా సరిగ్గా తెరవని ఆ పసి ప్రాణాన్ని ఓ బావిలో వదిలి వెళ్లిన హృదయవిదారక ఘటన స్థానికంగా తీవ్ర కలకలం రేపింది. నాగరికత వైపు పరుగెడుతున్న మానవత్వానికి ఇది ఒక మాయని మచ్చ. మనసును కలచి వేసిన ఈ ఉదంతం బిడ్డపై తల్లికి మమతానురాగాలు లేవా అంటూ ప్రశ్నిస్తోంది. అన్నమయ్య జిల్లా పెద్దతిప్పసముద్రం మండలంలోని నవాబుకోటలో బుధవారం చోటుచేసుక్ను ఈ ఘటనకు సంబంధించి వివరాలు.. టమాటా బాక్సులో అప్పుడే పుట్టిన నవజాత శిశువును ఉంచి ఎవరో బావిలో వదిలేసి వెళ్లారని కొందరు ఎస్‌ఐ పరమేశ్‌ నాయక్‌కు ఫోన్‌ ద్వారా సమాచారం అందించారు. స్పందించిన ఎస్‌ఐ సదరు శిశువును సమీపంలోని ఆసుపత్రికి వెళ్లి వైద్యం చేయించాలని సూచిస్తూ అనంతరం ఈ విషయాన్ని ఐసీడీఎస్‌ అధికారులకు బుధవారమే సమాచారం అందించారు. అక్కడి స్థానికులు సదరు శిశువును బయటకు తీసి సరిహద్దు కర్ణాటక రాష్ట్రం చేలూరులోని ప్రభుత్వాసుపత్రిలో ప్రథమ చికిత్స అందించారు. అనంతరం అక్కడి వైద్యుల సూచనల మేరకు మెరుగైన వైద్యం కోసం చిక్‌ బళ్లాపురం ఆసుపత్రికి తరలించారు. ఇంత వరకు ఐసీడీఎస్‌ అధికారులు ఎవరూ ఆసుపత్రికి రాలేదని ప్రజలు ఎస్‌ఐకు ఫోన్‌ ద్వారా చెప్పగా ఆయన సదరు అధికారుల నిర్లక్ష్య వైఖరిపై మండి పడుతూ మళ్లీ ఫోన్‌ చేశారు. ఎట్టకేలకు గురువారం ఉదయం 11 గంటలకు ఐసీడీఎస్‌ సిబ్బంది పోలీస్‌ స్టేషన్‌కు చేరుకోవడంతో ఎస్‌ఐ వారికి కౌన్సెలింగ్‌ నిర్వహించారు. విధుల పట్ల ఇంత నిర్లక్ష్యం సరికాదని హితబోధ చేశారు.తక్షణం చిక్‌ బళ్లాపూర్‌లోని ఆసుపత్రికి వెళ్లి శిశువు ఆరోగ్యంగా ఉంటే శిశు విహార్‌కు తరలించాలని అనారోగ్యంగా ఉంటే మెరుగైన వైద్యం చేయించాలని ఎస్‌ఐ చెప్పడంతో శిశు సంక్షేమ శాఖ సిబ్బంది చిక్‌బళ్లాపూర్‌ వెళ్లారు.

రొంపిచెర్ల : అన్నమయ్య జిల్లా పీలేరు మండలం శ్రీనివాసపురం కాలనీకి చెందిన కృష్ణయ్య (75), రాజమ్మ (70) దంపతులకు సొంత ఇల్లు, సెంటు భూమి లేదు. కొడుకు, మనవడు చనిపోవడంతో ఆదరించే దిక్కులేక పదేళ్ల క్రితం రొంపిచెర్లకు వలస వచ్చారు. భర్తకు కళ్లు కనపడకపోవడంతో రాజమ్మ, ఆమె చెల్లెలు పాపులమ్మ (68)తో కలిసి భిక్షాటన చేస్తూ, ప్లాస్టిక్‌ సీసాలు అమ్ముకుంటూ భర్తను పోషిస్తోంది. వీరికి ఆధార్‌, బియ్యం కార్డులు లేకపోవడంతో ఎలాంటి ప్రభుత్వ పథకాలు, పింఛన్‌ అందడం లేదు. స్థానిక ఆటో డ్రైవర్‌ మహ్మదాలీ తన సొంత స్థలంలో ఒక పూరి గుడిసె వేసి వీరికి ఆశ్రయమిచ్చాడు. కళ్యాణ మండపాల వద్ద అడుక్కుని తెచ్చే అన్నమే వీరికి గతి. పెళ్లిళ్లు లేని రోజుల్లో పస్తులుండాల్సి వస్తోంది. కాగా, గురువారం ఉదయం ఆకాష్‌ పాఠశాల పక్కన ఎవరో రోడ్డు పక్కన చెత్తలో పారేసిన, వండడానికి పనికిరాని మగ్గిన బియ్యాన్ని చూసి రాజమ్మ కళ్లకద్దుకుని సంచిలో వేసుకుంటున్న దయనీయ దృశ్యం స్థానికులను తీవ్రంగా కలిచివేసింది. ఇప్పటికై నా అధికారులు, ప్రజాప్రతినిధులు స్పందించి మానవత్వంతో వీరికి ఆధార్‌, బియ్యం కార్డులు మంజూరు చేసి, పింఛన్‌ ఇప్పించి ఆదుకోవాలని పలువురు కోరుతున్నారు.

● కడప ఎస్పీపై జాతీయ ఎస్టీ కమిషన్‌ తీవ్ర ఆగ్రహం! ● ఒకే కేసులో ఒక వర్గానికి స్టేషన్‌ బెయిల్‌.. ఎస్టీలపై ఏకపక్ష అరెస్టులు, రిమాండ్లు ఎందుకు? ● హైదరాబాద్‌ విచారణకు ఎస్పీ ఎందుకు రాలేదు?.. డీఎస్పీ మురళీ నాయక్‌పై హుస్సేన్‌ నాయక్‌ నిప్పులు కడప అర్బన్‌ : వైఎస్సార్‌ కడప జిల్లా కొండాపురం పోలీస్‌ స్టేషన్‌ పరిధిలో జరిగిన ఒక ఘర్షణ కేసులో పోలీసుల దర్యాప్తు, వివక్షపూరిత అరెస్టుల తీరుపై జాతీయ ఎస్టీ కమిషన్‌ తీవ్ర ఆగ్రహం వ్యక్తం చేసింది. ఈ ఏడాది జనవరి 14న జరిగిన ఘర్షణలో ఇరువర్గాల వారు గాయపడి ఆసుపత్రిలో చికిత్స పొందారు. అయితే పోలీసులు ఒక వర్గానికి చెందిన వారిపై కేవలం 41ఏ నోటీసులు జారీ చేసి పోలీస్‌ స్టేషన్‌ బెయిల్‌పై విడుదల చేయగా.. ఎస్టీ వర్గానికి చెందిన తొమ్మిది మందిపై కేసులు నమోదు చేశారు. వారిలో ఐదుగురిని ఆసుపత్రి నుంచి డిశ్చార్జ్‌ అయిన వెంటనే అరెస్టు చేసి రిమాండ్‌కు తరలించారు. 9వ నిందితుడైన డేరా శేఖర్‌ను ఏప్రిల్‌ 28న అక్రమంగా అరెస్టు చేశారు. ఏపీ కమిషన్‌ నుండి ఢిల్లీ జాతీయ కమిషన్‌ దాకా బాధితుల పోరాటం తమపై జరిగిన ఘర్షణ, పోలీసుల తీవ్ర వివక్షా పూరిత వేధింపులపై డేరా శేఖర్‌ తరఫున కుటుంబ సభ్యులు 2026 ఏప్రిల్‌ 29న ఆంధ్రప్రదేశ్‌ రాష్ట్ర ఎస్టీ కమిషన్‌కు ఫిర్యాదు చేశారు. అక్కడ ఆశించిన న్యాయం జరగకపోవడంతో, శేఖర్‌ భార్య డేరా జ్యోతి ఏకంగా ఢిల్లీలోని జాతీయ ఎస్టీ కమిషన్‌ను ఆశ్రయించి సమగ్ర విచారణ జరపాలని వేడుకున్నారు. హైదరాబాద్‌లో విచారణ.. ఎస్పీ రాకపోవడంపై కమిషన్‌ ఫైర్‌ ఫిర్యాదును సీరియస్‌గా తీసుకున్న జాతీయ ఎస్టీ కమిషన్‌.. సెప్టెంబర్‌ 7న హైదరాబాద్‌లోని దిల్‌సుఖ్‌నగర్‌లో విచారణ చేపట్టింది. ఈ విచారణకు కడప జిల్లా ఎస్పీ షెల్కే నచికేత్‌ విశ్వనాథ్‌ స్వయంగా హాజరు కావాలని కమిషన్‌ ఆదేశించినప్పటికీ, పోలీస్‌ శాఖ తరఫున పులివెందుల డీఎస్పీ మురళీ నాయక్‌ హాజరయ్యారు. దీనిపై జాతీయ ఎస్టీ కమిషన్‌ సభ్యుడు జుటోత్‌ హుస్సేన్‌ నాయక్‌ తీవ్ర అసంతృప్తి వ్యక్తం చేస్తూ.. ‘మాకు సోది చెప్పకండి.. ఎస్పీ ఎందుకు హాజరు కాలేదు? చట్టం ముందు ఎవరైనా సమానులే‘ అని నిలదీశారు. స్థానికంగా ఒక వర్గానికే కొమ్ముకాస్తారా? కేసు దర్యాప్తులో పోలీసుల వ్యవహారశైలిపై కమిషన్‌ సభ్యుడు ప్రశ్నలు సంధించారు. ‘ఒకే ఘటనలో ఇరువర్గాలపై సమానంగా చట్టపరమైన చర్యలు ఎందుకు తీసుకోలేదు? స్థానికంగా ఒక వర్గానికి మాత్రమే అనుకూలంగా వ్యవహరించారా?‘ అని నిప్పులు చెరిగారు. గాయపడిన ఎస్టీలపై కేసులు పెట్టడం, డిశ్చార్జ్‌ అయిన వెంటనే అరెస్టు చేయడం వంటి అంశాలను తీవ్రంగా పరిగణించారు. జాతీయ కమిషన్‌ విచారణ నేపథ్యంలో ఈ కేసు జిల్లాలో మరోసారి చర్చనీయాంశంగా మారింది. కమిషన్‌ తీసుకోబోయే తదుపరి నిర్ణయంపై తీవ్ర ఉత్కంఠ నెలకొంది. తమకు న్యాయం జరిగే వరకు పోరాడతామని బాధితులు స్పష్టం చేస్తున్నారు.

అమృతహస్తం పేరిట సేవాసంస్థను స్థాపించిన పట్టం కిరణ్‌ గంగిరెడ్డి ఆత్మహత్యల నివారణకు విశేషంగా కృషి చేస్తున్నారు. కడప సమీపంలోని కొప్తర్తి పంచాయతీ ఎర్రమాచుపల్లెలో ఉంటున్న ఆయన సొంత ఖర్చులతో కరపత్రాలు ముద్రించి గ్రామాల్లో పంచడం.., కళాశాల విద్యార్థులకు అందచేయడం ప్రారంభించారు. పోలీసుల సహకారం తీసుకుని కళాశాలల్లో అవగాహన సదస్సులు ప్రారంభించారు. ఇప్పటి వరకు 179 సదస్సులను నిర్వహించి ప్రజల్లో, విద్యార్థుల్లో అవగాహన పెంచారు. ఎవరికై నా సమస్యలుంటే 7702443446 నెంబర్‌కు కాల్‌ చేస్తే పరిష్కారానికి కృషి చేయగలమని ప్రచారం చేస్తున్నారు. ఆత్మహత్యల నివారణే లక్ష్యం.. క్షణికావేశానికి గురై ఎంతో మంది ఆత్మహత్యలు చేసుకుంటున్నారు. దాని వల్ల ప్రతి ఒక్కరికి జీవితకాలం బాధతప్ప ఒరిగేదేమీ ఉండదు. జిల్లాను ఆత్మహత్యల రహిత జిల్లాగా మార్చడం లక్ష్యంగా నా వంతు కృషి చేస్తున్నా. – పట్టెం కిరణ్‌గంగిరెడ్డి, అమృత హస్తం సేవాసంస్థ వ్యవస్థాపకుడు, కడప

పెద్దతిప్పసముద్రం : స్థానికంగా ఉన్న బీసీ బాలుర వసతి గృహం మూతబడటం ఖాయమైంది. ఈమేరకు సీఎంవో ఆదేశాల మేరకు జిల్లా సాంఘిక సంక్షేమ శాఖ అధికారులు స్థానిక ఎంపీపీ మహమూద్‌కు స్పష్టం చేస్తూ ఉత్తర్వులు పంపారు. వివరాల్లోకి వెళితే .. స్థానికంగా ఉండే బీసీ హాస్టల్‌లో పరిసర ప్రాంతాలతో పాటు చుట్టుపక్క మండలాలు, పక్క జిల్లాలకు చెందిన 34 మంది నిరుపేద విద్యార్థులు చదువుకుంటున్నారని బీసీ హాస్టల్‌ మూసేయకుండా ఇక్కడే కొనసాగించాలని కోరుతూ ఎంపీపీ మహమూద్‌ ఇటీవల సీఎంవో కార్యాలయానికి రిజిస్ట్రర్‌ పోస్టు ద్వారా లేఖ పంపారు. సదరు లేఖను పరిశీలించిన సీఎంవో అధికారుల ఆదేశాల మేరకు సంభంధిత జిల్లా అధికారులు స్పందించారు. రాష్ట్ర వ్యాప్తంగా విధ్యార్థుల సంఖ్య తక్కువగా ఉన్న 54 బీసీ హాస్టళ్లను మార్పు చేస్తున్నామని.. ఇందులో భాగంగా అన్నమయ్య జిల్లాలో 10 హాస్టళ్లను మార్పు చేసి వారికి ప్రత్యామ్నాయంగా రాయచోటి లోని మహాత్మా జ్యోతిభా పూలే బీసీ రెసిడెన్షియల్‌ స్కూల్‌లో వసతి సౌకర్యం కల్పిస్తామని స్పష్టం చేస్తూ ఎంపీపీకి పంపిన ఉత్తర్వులో అధికారులు పేర్కొన్నారు. దీంతో పీటీఎం హాస్టల్‌ త్వరలోనే మూతబడటం ఖాయమని తేటతెల్లమైంది.

● కాలిన స్థితిలో గుర్తింపు ● మనిషిని చంపి కాల్చారని అనుమానాలు?రాయచోటి (చిన్నమండెం) : చిన్నమండెం మండలం, వండాడి గ్రామ పరిధిలోని గుట్టల సమీపంలో గుర్తు తెలియని కాలిన స్థితిలో మృతదేహం లభ్యమైంది. ఈ విషయమై పోలీసులు విచారణ చేపట్టారు. బుధవారం ఉదయం గుట్టల సమీపంలో విడిభాగాలై పూర్తిగా కాలని శవం కనిపించగా.. స్థానికులు విషయాన్ని చిన్నమండెం పోలీసులకు చేరవేశారు. సంఘటనా స్థలానికి చేరుకున్న పోలీసులు విడి భాగాలుగా ఉన్న శవం ముద్దలకు పంచనామా నిర్వహించేందుకు వైద్యులకు సమాచారం అందించారు. చనిపోయిన వ్యక్తి ఎవరు? ఎందుకు చంపారన్న విషయం తెలియాల్సి ఉంది. దేవగుడిపల్లి వృద్దురాలిగా..? చిన్నమండెం మండలం, దేవగుడిపల్లి గ్రామానికి చెందిన ఎనభై ఏళ్ల వృద్ధురాలు నాలుగురోజుల క్రితం నుంచి కనిపించడం లేదు. వృద్ధురాలికి భర్త, పిల్లలు ఎవ రూ లేకపోవడంతో ఒంటరిగానే జీవనం సాగిస్తోంది. ఆమె మెడలో విలువైన బంగారు గొలుసు, కమ్మలు, ఉంగరాలు ఉన్నట్లు స్థానికులు చెబుతున్నారు. గత శుక్రవారం నుంచి ఆమె కనిపించలేదని ఆదివారం స్థానికులు పోలీసులకు ఫిర్యాదు చేశారు.ఈ మేరకు పోలీసులు మిస్సింగ్‌ కేసు నమోదు చేశారు. ఈ దశలో బుధవారం గుర్తు తెలియని రీతిలో మృతదేహం లభించడంతో స్థానికులు అనుమానాలు వ్యక్తం చేస్తున్నారు. బంగారు ఆభరణాల అపహరణకోసం ఆమెను చంపి ఇలా చేశారన్న అనుమానాలను వ్యక్తం చేస్తున్నారు.

రాయచోటి టౌన్‌ : రాయచోటి పోలీస్‌ డివిజన్‌ పరిధిలోని రామాపురం, లక్కిరెడ్డిపల్లె మండలాలలో వేర్వేరుగా జరిగిన చోరీ కేసుల్లో ఐదుగురిని అరెస్టు చేసినట్లు రాయచోడి డీఎస్పీ కృష్ణమోహన్‌ తెలిపారు. బుధవారం రాయచోటి డీఎస్పీ కార్యాలయంలో వివరాలు వెల్లడించారు. రామాపురం మండల కేంద్రంలోని నీలకంట్రావుపేట బస్టాప్‌ సమీపంలోని ఓ ఇంట్లో, సుద్దమళ్ల క్రాస్‌రోడ్డు వద్ద మామిడికాయల మండి సమీపంలో మరో ఇంట్లో వేర్వేరుగా చోరీలు జరిగాయన్నారు. ఈ చోరీల్లో రామాపురం మండలం నల్లగుట్టపల్లెకు చెందిన మానస హరి, కటా రాజగోపాల్‌, వైఎస్సార్‌జిల్లా పెండ్లిమర్రికి చెందిన పాలం నాగ అశ్విని, అనంతపురం జిల్లా తాడిపత్రి పట్టణం శ్రీనివాసపురానికి చెందిన మజ్దూర్‌ రాజశేఖర్‌రెడ్డిలను అరెస్టు చేసినట్లు తెలిపారు. మొత్తం 100 గ్రాముల బంగారు ఆభణాలను స్వాధీనం చేసుకున్నామని వెల్లడించారు. ● లక్కిరెడ్లిపల్లె మండలం దిన్నెపాడు గ్రామం బెస్తపల్లె హరిజనవాడకు చెందిన మద్దిరేవుల కదిరమ్మ ఇంట్లో చోరీకి పాల్పడిన అదే గ్రామానికి చెందిన దిన్నెపాటి ఓబలేసును అరెస్టు చేసినట్లు తెలిపారు. నిందితుడిని పర్వతరెడ్డిగారిపల్లె బస్టాప్‌ వద్ద నిందితుడిని అదుపులోకి తీసుకొని కేసు నమోదు చేసినట్లు తెలిపారు. నిందితుడిని నుంచి చోరీలో దోచుకెళ్లిన రూ.30 వేలు, 20.20 గ్రాముల బంగారు సరుడు, రెండు బంగారు ఉంగరాలు స్వాధీనం చేసుకున్నట్లు తెలిపారు. ఈకార్యక్రమంలో లక్కిరెడ్డిపల్లె సీఐ, లక్కిరెడ్డిపల్లె, రామపురం మండలం ఎస్‌ఐలు పాల్గొన్నారు. చోరుడు.. టీడీపీ నాయకుడు.. లక్కిరెడ్డిపల్లె దిన్నపాడులో దొంగతనం చేస్తూ పట్టుబడిన దిన్నెపాటి ఓబులేసు తెలుగుదేశం పార్టీ దిన్నెపాడు గ్రామ అధ్యక్షుడిగా ఉండడం గమనార్హం. అధికార పార్టీకి అధ్యక్షుడిగా ఉంటూ చోరీలకు పాల్పడుతుండడమేగాక.. పోలీసులపై అధికార పార్టీ నాయకుల నుంచి ఒత్తిళ్లు తీసుకొచ్చే ప్రయత్నం చేయడంపై సర్వత్రా విమర్శలు వినిపిస్తున్నాయి. పంటల ప్రణాళిక ముఖ్యం సంబేపల్లె : ఎల్‌నినో పరిస్థితులను ఎదుర్కొనేందుకు ప్రకృతి వ్యవసాయంలో పంటల ప్రణాలిక సిద్ధం చేసుకోవాలని అన్నమయ్య జిల్లా ప్రాజెక్ట్‌ మేనేజర్‌ వెంకటమోహన్‌ పేర్కొన్నారు. బుధవారం మండల పరిధిలోని ప్రకాష్‌నగర్‌ కాలనీ గ్రామంలో క్షేత్ర స్థాయి పర్యటన నిర్వహించారు. ఈసందర్భంగా ఆయన మాట్లాడుతూ ఎల్‌నినో ప్రభావంతో ఏర్పడే అధిక ఉష్ణోగ్రతలు, వర్షభావం దృష్టిలో ఉంచుకొని పశుగ్రాసం కొరత లేకుండా ముందస్తు పంటల ప్రణాళికను రూపొందించాలన్నారు. ప్రకృతి వ్యవసాయంలో విత్తన గుళికల తయారీ ద్వారా ప్రతికూల వాతావరణ పరిస్థితులను తట్టుకోవచ్చని వివరించారు.లక్కిరెడ్డిపల్లె, రామాపురం మండలాలలో చోరీ వివరాలు వెల్లడించిన డీఎస్పీ

కడప కోటిరెడ్డిసర్కిల్‌ : ఆర్టీసీ ఉద్యోగుల హక్కులు, సంక్షేమం, ఉద్యోగ భద్రతకు సంబంధించి ఆర్టీసీ జేఏసీ ఆధ్వర్యంలో వీసీ–ఎండీ, యాజమాన్యంతో చర్చలు జరిపామని.. ఉద్యోగులకు భద్రతతో పాటు భరోసా కల్పించేలా పలు అంశాలపై ఒప్పందాలు సాధించామని ఆర్టీసీ ఎంప్లాయీస్‌ యూనియన్‌ రాష్ట్ర ప్రధాన కార్యదర్శి, ఆర్టీసీ జేఏసీ కో–కన్వీనర్‌ జీవీ నరసయ్య తెలిపారు. ఉద్యోగుల సమస్యలపై రాజీ పడే ప్రసక్తే లేదని స్పష్టం చేశారు. బుధవారం కడప నగరంలోని వైఎస్సార్‌ మెమోరియల్‌ ప్రెస్‌ క్లబ్‌లో కడప జోన్‌కు చెందిన ఎనిమిది జిల్లాలు, కడప నాన్‌ ఆపరేషన్‌ రీజియన్‌కు చెందిన నాయకులతో జోన్‌ ఎగ్జిక్యూటివ్‌ సమావేశం జరిగింది. జోనల్‌ అధ్యక్షుడు పీఎస్‌ ఖాన్‌ అధ్యక్షతన, జోనల్‌ కార్యదర్శి యన్‌.రాజశేఖర్‌ ఆధ్వర్యంలో జరిగిన ఈ సమావేశానికిజీవీ నరసయ్య ముఖ్య అతిథిగా హాజరై ప్రసంగించారు. ఆర్టీసీని,ఆర్టీసీ ఉద్యోగులను పరిరక్షించడమే లక్ష్యంగా ఆర్టీసీ ఎంప్లాయీస్‌ యూనియన్‌ పనిచేస్తోందన్నారు. అందులో భాగంగానే ఆర్టీసీలో జేఏసీని ఏర్పాటు చేసి, ఐక్య ఉద్యమాల ద్వారా ఉద్యోగుల సమస్యలపై యాజమాన్యంతో చర్చలు జరిపి సాధ్యమైన ప్రతి సమస్యకు పరిష్కారం చూపించే దిశగా ముందుకు సాగుతున్నామని తెలిపారు. ఈయూ స్టేట్‌ అడిషనల్‌ సెక్రటరీ ఎండీ ప్రసాద్‌ మాట్లాడుతూ ఆర్టీసీ ఉద్యోగులు ఎదుర్కొంటున్న సమస్యల పరిష్కారానికి జేఏసీ చేసిన పోరాటాల ఫలితంగానే పలు అంశాలపై యాజమాన్యం సానుకూలంగా స్పందించిందన్నారు.రాష్ట్ర ఉప ప్రధాన కార్యదర్శి ఆవుల ప్రభాకర్‌ మాట్లాడుతూ ఐక్యంగా ఉంటేనే హక్కుల సాధన సాధ్యమవుతుందన్నారు. ఈ సమావేశంలో రాష్ట్ర ఉపాధ్యక్షులు యం.రామాంజనేయులు పీఎన్‌బీ రెడ్డి, రాష్ట్ర కార్యదర్శులు మద్దిలేటి, కె.కె.కుమార్‌, నబీరసూల్‌, మురగమ్మ, మజీద్‌, రాష్ట్ర ఆర్గనైజింగ్‌ కార్యదర్శులు వి.వెంకటేశ్వర్లు, నాగార్జునరెడ్డి, విజయకుమార్‌, రాష్ట్ర సహాయ కార్యదర్శులు దేవసహాయం, పి.ఎస్‌.ఎస్‌.కుమార్‌, బి.వి.ఎస్‌.ఎల్‌.దేవి, జోనల్‌ కమిటీ సభ్యులు, నాన్‌–ఆపరేషన్‌ రీజియన్‌ నాయకులు, కడప జోన్‌ పరిధిలోని ఎనిమిది జిల్లాల అధ్యక్షులు, కార్యదర్శులు, జిల్లా స్థాయి నాయకులు, పాల్గొన్నారు.

విద్యార్థులు ఆత్మహత్యలు చేసుకున్న ఘటనలు ఆందోళన కలిగిస్తున్నాయి. కొన్ని నెలల క్రితం ‘మదనపల్లెకు చెందిన ఓ ప్రైవేటు కాలేజీ విద్యార్థిని ఇంటర్‌లో ఫెయిల్‌ కావడంతో తల్లిదండ్రులు మందలించడంతో ఆత్మహత్య చేసుకుంది. ఆమె మరణం కుటుంబ సభ్యులను ఎంతగానో కలచివేసింది. పరీక్షల్లో ఫెయిల్‌ అయ్యామని, ఆశించిన మార్కులు రాలేదని కొందరు విద్యార్థులు తీవ్రంగా కుంగిపోతున్నారు. తల్లిదండ్రులు, ఉపాధ్యాయుల ఒత్తిడి, భవిష్యత్తుపై భయం వంటి అంశాలు వారిని మానసికంగా వేధిస్తున్నాయి. కానీ ఒక పరీక్షలో ఫెయిల్‌ కావడం అంటే.. జీవితంలో ఫెయినట్లు కాదు. ఒక సంవత్సరం నష్టం కావ చ్చు. ఒక అవకాశం చేజారవచ్చు. కానీ జీవితం మాత్రం ఒక్కటే. అందుకే విద్యార్థులు ఎదుర్కొనే ప్రతి సమస్యను తల్లిదండ్రులు ఓపికగా వినాల్సిన అవసరం ఉంది.

● బతుకు భారంగా అనిపించినా..చావు పరిష్కారం కాదు ● సమస్యలను ధైర్యంగా ఎదుర్కోవాలి ● బలవన్మరణాలు.. బాఽధిత కుటుంబాలకు కన్నీళ్లు ● నేడు ఆత్మహత్యల నివారణ దినంఒక్క మాటకు అలిగారు.. ఒక్క మార్కులో పరీక్ష తప్పారు... ఒక్క సమస్యను తట్టుకోలేక పోయారు. ఒక్క క్షణం ఆవేశపడ్డారు..! అంతే.. తిరిగి రాని లోకాలకు వెళ్లిపోయారు. వారి మరణంతో సమస్య తీరిందా.. కాదు వారి కుటుంబ సభ్యులకు జీవితానికి సరిపడా శిక్ష పడింది.. తల్లిదండ్రులకు బిడ్డల జ్ఞాపకాలు.. పిల్లలకు అమ్మానాన్నల జ్ఞాపకాలు.. జీవిత భాగస్వాములకు తీరని ఒంటరితనం.. బంధువులకు మరచిపోలేని విషాదం.. ‘ఆత్మహత్య’తో మిగిలేదిదే. ఒక్క నిర్ణయంతో చీకట్లోకి జారకముందే.. ధైర్యంగా నిలిచి వెలుగై నిలవాలి. ఏదైనా బతికి సాధించాలి.కుటుంబ కలహాలు ఎంతటి విషాదానికి దారి తీస్తాయో ప్రొద్దుటూరు పరిధిలో కొన్ని నెలల క్రితం జరిగిన ఓ ఘటన అద్దం పడుతోంది. కుటుంబ సభ్యులు మందలించారనే కారణంతో ఓ మహిళ మనస్తాపానికి గురైంది. ఆ క్షణంలో తీసుకున్న తీవ్ర నిర్ణయం ఆమె కుటుంబాన్నే విషాదంలోకి నెట్టింది.తన ముగ్గురు పిల్లలకు విషపదార్థం కలిపిన కూల్‌డ్రింక్‌ను ఇచ్చి, తాను కూడా అదే కూల్‌డ్రింక్‌ తాగి ఆత్మహత్యకు పాల్పడింది. తల్లి ఇచ్చిందనే నమ్మకంతో పిల్లలు దానిని తీసుకున్నారు. కొద్ది రోజుల వ్యవధిలోనే ఆస్పత్రిలో కోలుకోలేక తల్లి, ముగ్గురు పిల్లలు మృతి చెందారు. ఒక్క క్షణం ఆలోచించి ఉంటే.. ఓ కుటుంబం మొత్తం ఈ లోకంలో ఉండేది. ఒక చిన్న కుటుంబ కలహం నాలుగు ప్రాణాలను బలితీసుకుంది. ఆ కుటుంబానికి సంబంధించిన వారిని జీవితాంతం వెంటాడే విషాదాన్ని మిగిల్చింది.

మన చుట్టూ ఉన్న ప్రతి వ్యక్తి బయటకు కనిపించినంత సంతోషంగా ఉండకపోవచ్చు. ఎవరి మనసులో ఏ బాధ ఉందో మనకు తెలియదు. అందుకే కుటుంబంలో, స్నేహితుల్లో, విద్యాసంస్థల్లో, కార్యాలయాల్లో‘ మాట్లాడుకుందాం.. విందాం.. తోడుగా నిలుద్దాం’ అనే సంస్కృతి పెరగాలి. ఎదుటివారు తమ మనసులోని బాధను చెప్పుకుంటే వినడం ద్వారా ఒక జీవితాన్ని కాపాడవచ్చు. ముఖ్యంగా ఎదిగిన పిల్లలతో తల్లిదండ్రులు స్నేహితుల్లా మెలగాలి. సానుకూల దృక్పథాన్ని, సమస్యను పలు కోణాళ్లో చూడగలిగే గుణాన్ని వారిలో పెంచాలి. నేటి ఓటమి రేపటి విజయమని చెప్పాలి.

● వారెంట్ల పేరుతో నిందితులు, బాధితుల నుంచి దందా ● జరిమానా రూ.200–రూ.500.. వసూళ్లు రూ.3వేలు – 5 వేలు ● క్రిమినల్‌ కేసుల్లో పిండి పిప్పి చేస్తారు ● రాజీల పేరిట బాధితులపై ఒత్తిడి బద్వేలు: వైఎస్‌ఆర్‌ కడప జిల్లావ్యాప్తంగా వివిధ పోలీసు స్టేషన్లలో పనిచేస్తున్న కానిస్టేబుళ్లకు కోర్టు డ్యూటీలు కాసులు కురిపిస్తున్నాయి. మాటల మాంత్రికులైన కొందరు కోర్టు డ్యూటీ కానిస్టేబుళ్లు వారెంట్ల పేరుతో నిందితులను, బాధితులను ఇద్దరినీ వేర్వేరుగా కలుస్తూ భయాందోళనకు గురిచేసి అక్రమ వసూళ్లకు పాల్పడుతున్నట్లు ఫిర్యాదులు వెల్లువెత్తుతున్నాయి. బాధితుల అమాయకత్వం, బలహీనతలే పెట్టుబడిగా, నిందితుల భయాందోళనలే ఆదాయ మార్గంగా కోర్టు కానిస్టేబుళ్లు ఈ వసూళ్ల దందాకు తెరలేపారు. అసలు విధులు ఇవీ.. కానీ జేబులు నిండేది ఇలా.. జిల్లా పోలీసు కార్యాలయం పరిధిలో ప్రతి పోలీసు స్టేషన్‌కు కోర్టు కేసుల నిమిత్తం ఒకరిద్దరు కానిస్టేబుళ్లతో పాటు వారెంట్‌ సిబ్బంది ఉంటారు. కేసుల వివరాలను కోర్టుకు అప్పగించడం, చార్జ్‌ షీట్లను చేర్చడం, వాయిదాలను నోట్‌ చేసుకోవడం, కోర్టు ఆదేశాలను స్టేషన్‌ అధికారికి తెలియజేయడం, చిన్న కేసుల్లో జరిమానాలు కట్టించడం, పీటీ వారెంట్లలో నిందితులను కోర్టుకు తీసుకెళ్లడం వీరి ప్రధాన విధులు. ఎటువంటి సమస్యలేని ఈ విధులే ఇప్పుడు కోర్టు కానిస్టేబుళ్లకు కాసులు కురిపిస్తున్నాయి. బాధితులైనా, నిందితులైనా సరే కోర్టుకు హాజరయ్యారంటే కానిస్టేబుళ్ల చేతిలో డబ్బులు పెట్టక తప్పడం లేదు. ప్రతి రోజూ ఒక్కో పోలీసు స్టేషన్‌ నుంచి కోర్టు సిబ్బంది వేలల్లో జేబులు నింపుకుంటున్నట్లు చర్చ నడుస్తోంది. చేయి తడపకపోతే సాయంత్రం దాకా పడిగాపులే! జిల్లావ్యాప్తంగా వివిధ కోర్టుల్లో పనిచేసే కానిస్టేబుళ్లు చిన్న చిన్న నేరాలకు నిందితుల నుంచి జరిమానాలు కట్టించాల్సి ఉంటుంది. చిన్న నేరాలకు కోర్టులో కట్టే జరిమానాలు రూ.200 నుంచి రూ.500 మాత్రమే కాగా.. కోర్టు ఖర్చులంటూ నిందితులు, బాధితుల నుంచి రూ.3 వేల నుండి రూ.5 వేల వరకూ వసూళ్లు చేస్తున్నట్లు విమర్శలు వెల్లువెత్తుతున్నాయి. వాయిదా రోజు సంబంధిత కోర్టు కానిస్టేబుల్‌ను పట్టించుకోకపోతే సాయంత్రం వరకూ కోర్టు వద్ద పడిగాపులు కాయాల్సిందేనని కక్షిదారులు వాపోతున్నారు. అదే కోర్టుకు హాజరైన వెంటనే కానిస్టేబుల్‌ చేయి తడపగలిగితే.. వెంటనే వాయిదా వేయించి క్షణాల్లో ఇంటికి పంపిస్తారని బాధితులు చెబుతున్నారు. పెద్ద కేసుల్లో రాజీపడాలని బాధితులపై ఒత్తిడి రోడ్డు ప్రమాదాలు, భూతగాదాలు, గొడవలు తదితర పెద్ద కేసుల్లో న్యాయం చేయాల్సిన పోలీసులే బాధితులపై రాజీపడాలంటూ తీవ్ర ఒత్తిడికి గురిచేస్తున్నారు. రాజీపడితే ఎంతో కొంత సొమ్ము వస్తుందని, కేసులు పెడితే డబ్బున్న వారితో కోర్టుల చుట్టూ నడపలేరని నయానా భయానా బెదిరిస్తూ పెద్దల దగ్గర అందినకాడికి గుంజుకుంటున్నారు. దీంతో నిజమైన బాధితులు అన్ని విధాలా నష్టపోతున్నారు. ఈ కేసుల్లో బాధితుల పక్షాన ఉండే ప్రభుత్వ న్యాయవాదికి, నిందితుల పక్షాన ఉండే ప్రైవేటు వకీళ్లకు ఈ కోర్టు కానిస్టేబుళ్లే మధ్యవర్తులుగా ఉంటూ రెండు చేతులా సంపాదిస్తున్నారు. కోర్టు డ్యూటీలో రాటుతేలిన కానిస్టేబుళ్లు చిన్నపాటి పెట్టీ కేసుల నుంచి నాన్‌ బెయిలబుల్‌ కేసుల దాకా.. తాము విధులు నిర్వహించే పోలీసు స్టేషన్‌ నుంచి కోర్టు వరకూ చక్రం తిప్పుతున్నారు. నిత్యమూ అక్రమార్జనతో వేలు, లక్షలు సంపాదిస్తూ ఇంద్రభవనం లాంటి ఇళ్లు నిర్మించుకుని దర్జాగా బతికేస్తున్నారు. ఏళ్ల తరబడి ఒకే పోలీసు స్టేషన్‌లో కోర్టు కానిస్టేబుళ్లుగా విధులు నిర్వహించడంతో వీరి అక్రమ వసూళ్లకు అడ్డుకట్ట పడటం లేదు. ఒకవేళ వీరు ఇతర చోట్లకు బదిలీ అయినా.. అక్కడ కూడా కోర్టు విధులకే మొగ్గు చూపుతూ, సిఫారసులు, డబ్బులతో సంబంధిత అధికారుల చేతులు తడిపి మళ్లీ అదే పోస్టింగ్‌ వేయించుకుంటున్నారు. ఉన్నతాధికారులు కూడా ఏదో విధంగా స్టేషన్లలో కేసులు తగ్గితే చాలన్నట్లు వ్యవహరిస్తూ వీరిపై ఎటువంటి చర్యలు తీసుకోవడం లేదు. ఇప్పటికై నా పోలీసులు బాధితుల పక్షాన నిలబడి న్యాయం జరిగేలా చూడాలని ప్రజలు కోరుతున్నారు.

మదనపల్లె టౌన్‌: అన్నమయ్య జిల్లాలోని వివిధ పోలీస్‌ స్టేషన్లలో విధులు నిర్వహిస్తున్న 11 మంది కానిస్టేబుళ్లకు హెడ్‌ కానిస్టేబుళ్లుగా పదోన్నతి లభించింది. ఈ మేరకు డీజీపీ జారీ చేసిన ఉత్తర్వుల ప్రకారం పదోన్నతి పొందిన సిబ్బంది బుధవారం జిల్లా ఎస్పీ ధీరజ్‌ కునిబిల్లి, అడిషనల్‌ ఎస్పీలను మర్యాదపూర్వకంగా కలిశారు. అధికారులకు పుష్పగుచ్ఛాలు అందజేసి కృతజ్ఞతలు తెలిపారు. ఈ సందర్భంగా ఎస్పీ మాట్లాడుతూ.. కొత్త బాధ్యతలను సమర్థవంతంగా నిర్వహిస్తూ పోలీసు శాఖకు మంచి పేరు తీసుకురావాలని సూచించారు. పదోన్నతి పొందిన వారిలో మహ్మద్‌ బాష, ఇబ్రహీం, శేఖర్‌, హరికృష్ణ, వాసు, ముత్యాలయ్య, రాంప్రసాద్‌, నాగేశ్వర్‌ నాయక్‌, హరి, శంకర తదితరులు ఉన్నారు. రోగులకు మెరుగైన వైద్య సేవలందివ్వాలి కలికిరి: ప్రభుత్వాసుపత్రికి వచ్చే రోగులకు వైద్యాధికారులు, సిబ్బంది మెరుగైన వైద్య సేవలందించాలని అన్నమయ్య జిల్లా ప్రోగ్రాం మానిటరింగ్‌ అధికారి (డీపీఎంఓ) డాక్టర్‌ రమేష్‌ కోరారు. మండలంలోని మేడికుర్తి పీహెచ్‌సీని బుధవారం ఆయన ఆకస్మికంగా తనిఖీ చేశారు. ఈ సందర్భంగా ఆసుపత్రిలో రోగులకు అందుతున్న సేవలు, సిబ్బంది హాజరు రికార్డులు, మందుల నిల్వలను పరిశీలించారు. ఈ కార్యక్రమంలో వైద్యాధికారులు డాక్టర్‌ కావ్యగంధ, డాక్టర్‌ ప్రసన్నలక్ష్మి, హెచ్‌ఎస్‌ సుధాకర్‌, వైద్య సిబ్బంది పాల్గొన్నారు. రొంపిచెర్లలో 36.8 మి.మీ. వర్షపాతం రొంపిచెర్ల: మండలంలో మంగళవారం అర్ధరాత్రి ఉరుములు, మెరుపులతో కూడిన భారీ వర్షం కురిసింది. ఇందులో అత్యధికంగా 36.8 మిల్లీమీటర్ల వర్షపాతం నమోదైంది. గత ఐదు నెలలుగా వర్షాలు లేకపోవడంతో ఈ ఖరీఫ్‌ సీజన్‌లో రైతులు పూర్తిస్థాయిలో వేరుశనగ సాగు చేయలేకపోయారు. బోర్ల కింద సాగు చేసిన కొద్దిపాటి పంట కూడా గత 20 రోజులుగా కాస్తున్న తీవ్రమైన ఎండలకు ఎండిపోయే స్థితికి చేరింది. ఈ తరుణంలో కురిసిన వర్షం పంటలకు జీవం పోయడంతో రైతులకు పెద్ద ఊరట లభించింది. అయితే, ఉరుముల కారణంగా మండలంలో విద్యుత్‌ సరఫరాకు తీవ్ర అంతరాయం కలగడంతో ప్రజలు రాత్రంతా ఇబ్బందులు పడ్డారు.

● రేణిగుంట–గుంతకల్లు మధ్య 3, 4 లైన్ల మార్గం ● రూ.4,500 కోట్లతో ముంబై–చైన్నె రైల్వే కారిడార్‌ విస్తరణ ● కేంద్ర కేబినెట్‌ గ్రీన్‌సిగ్నల్‌ ● గంటకు 150 కి.మీ వేగంతో దూసుకెళ్లనున్న రైళ్లు ● కృష్ణపట్నం ఓడరేవుకు సరకు రవాణా మరింత సులువు, వేగవంతం ● రైల్వే చట్టం కింద వైఎస్సార్‌ కడప, తిరుపతి, అనంతపురం జిల్లాల్లో భూసేకరణకు నోటిఫికేషన్‌ రాజంపేట: దేశంలోనే అత్యంత రద్దీగా ఉండే రైల్వే మార్గాలలో ఒకటైన రేణిగుంట–గుంతకల్లు సెక్షన్‌కు ఎట్టకేలకు మోక్షం లభించింది. బంగాళాఖాతం – అరేబియా మహాసముద్రాలను అనుసంధానించే అత్యంత కీలకమైన ముంబై–చైన్నె రైల్వే కారిడార్‌లో కొత్తగా మూడు,నాలుగు లైన్ల నిర్మాణానికి కేంద్ర క్యాబినెట్‌ బుధవారం గ్రీన్‌సిగ్నల్‌ ఇచ్చింది. దాదాపు రూ. 4,500 కోట్ల భారీ అంచనా వ్యయంతో చేపట్టనున్న ఈ ప్రాజెక్టు ద్వారా ఈ ప్రాంత ప్రజల 20 ఏళ్ల సుదీర్ఘ నిరీక్షణకు తెరపడింది. ప్రతి 7.5 నిమిషాలకో రైలు.. గంటల తరబడి నిలిపివేతలకు చెక్‌ 310 కిలోమీటర్ల పొడవు కలిగిన రేణిగుంట–గుంతకల్‌ సెక్షన్‌ మధ్య ప్రస్తుతం రెండు లైన్లు మాత్రమే ఉన్నాయి. ఈ మార్గంలో ప్రతిరోజూ దాదాపు 190 రైళ్లు నడుస్తున్నాయి. అంటే సగటున ప్రతి 7.5 నిమిషాలకు ఒక రైలు ఈ ట్రాక్‌పై ప్రయాణిస్తోంది. రైల్వే భద్రతా ప్రమాణాల ప్రకారం ఒక రైలుకు, మరో రైలుకు మధ్య కనీసం 15 నిమిషాల వ్యవధి ఉండాలి. కానీ, ప్రస్తుత రద్దీ వల్ల ప్రమాదకర పరిస్థితులు నెలకొనడమే కాకుండా, రైళ్లను చిన్న చిన్న స్టేషన్లలో లేదా ఔటర్లలో గంటల తరబడి నిలిపివేయాల్సి వస్తోంది. కొత్తగా 3, 4 లైన్లు అందుబాటులోకి వస్తే ఈ సమస్యలన్నింటికీ శాశ్వత పరిష్కారం లభించనుంది. కృష్ణపట్నం పోర్టుకు మహర్దశ – రైతులకు వరం ఈ లైన్ల నిర్మాణం పూర్తయితే కృష్ణపట్నం ఓడరేవుకు గూడ్స్‌ రైళ్ల ద్వారా సరకులను అత్యంత వేగంగా చేరవేసే వెసులుబాటు కలుగుతుంది. ఈ కొత్త లైన్లలో రైళ్లు గంటకు 150 కిలోమీటర్ల వేగంతో ప్రయాణించేలా అధునాతన సాంకేతికతతో నిర్మించనున్నారు. ఈ మార్గంలో సున్నపురాయి, సిమెంట్‌, ఇనుప ఖనిజం, ఉక్కు, పెట్రోలియం ఉత్పత్తులు, ఎరువుల రవాణా వేగవంతం కావడం వల్ల రైల్వే శాఖకు ఆదాయం భారీగా పెరుగుతుంది. అలాగే రైతులు తమ వ్యవసాయ ఉత్పత్తులను సకాలంలో నగరాలకు చేర్చవచ్చు. అంతేకాకుండా, ఈ కారిడార్‌ వెంబడి ఉన్న పలు గ్రామాలు పారిశ్రామికంగా వేగంగా అభివృద్ధి చెందనున్నాయి. రంగంలోకి యంత్రాంగం.. భూసేకరణ షురూ ఈ మెగా ప్రాజెక్టు కోసం ఆరు నెలల కిందటే రైల్వే అధికారులు క్షేత్రస్థాయి సర్వే పూర్తి చేశారు. తాజాగా కేంద్ర అనుమతులు రావడంతో, రైల్వే చట్టం 1989 సెక్షన్‌ 2(37ఎ) కింద దీనిని ఒక ప్రత్యేక ప్రాజెక్టుగా ప్రకటిస్తూ భూసేకరణకు అధికారులు ముందడుగు వేశారు. ఈ మేరకు వైఎస్సార్‌ కడప, తిరుపతి, అనంతపురం జిల్లాల పరిధిలో అవసరమైన భూమిని సేకరించేందుకు రైల్వే యంత్రాంగం ప్రత్యేక ఏర్పాట్లు చేస్తోంది. ముంబై–చైన్నె రైల్వే కారిడార్‌లో అత్యంత కీలకమైన రేణిగుంట–గుంతకల్లు మధ్య 3, 4 లైన్ల నిర్మాణానికి కేంద్రం అనుమతించడంపై రాజంపేట ఎంపీ పీవీ మిథున్‌రెడ్డి, రాజ్యసభ సభ్యుడు మేడా రఘునాథరెడ్డి హర్షం వ్యక్తం చేశారు. దేశంలోనే అత్యంత రద్దీగా ఉండే ఈ 310 కిలోమీటర్ల మార్గంలో నిత్యం ప్రయాణికులు, సరకు రవాణా రైళ్ల ఒత్తిడి ఎక్కువగా ఉందని వారు పేర్కొన్నారు. ఈ ఫోర్‌లైన్‌ నిర్మాణం పూర్తయితే రైళ్లు గంటల తరబడి ఔటర్లలో వేచి ఉండే ఇబ్బందులు తొలగిపోతాయని, ప్యాసింజర్‌, గూడ్స్‌ రైళ్ల రాకపోకలు ఎలాంటి అంతరాయం లేకుండా సాఫీగా సాగుతాయని నేతలు స్పష్టం చేశారు.

● దక్షిణ భారత్‌లోనే ప్రధాన పెట్టుబడి కేంద్రంగా మారుస్తాం ● కలెక్టర్‌ డాక్టర్‌ శ్రీధర్‌ చెరుకూరి కడప సిటీ: వ్యవసాయ ఆధారిత జిల్లాగా ఉన్న కడపను పారిశ్రామిక, వాణిజ్య, ఆర్థిక హబ్‌గా మార్చి, దక్షిణ భారతదేశంలోనే ప్రధాన పెట్టుబడి కేంద్రంగా తీర్చిదిద్దడమే లక్ష్యమని జిల్లా కలెక్టర్‌ డాక్టర్‌ శ్రీధర్‌ చెరుకూరి తెలిపారు. బుధవారం కడప కలెక్టరేట్‌లో నూతనంగా ఏర్పాటైన ‘ఇన్వెస్ట్‌ కడప’ కేంద్రాన్ని జాయింట్‌ కలెక్టర్‌ డాక్టర్‌ నిధి మీనా, సబ్‌ కలెక్టర్‌ హెచ్‌ఎస్‌ భావన, పలువురు పారిశ్రామికవేత్తల సమక్షంలో ఆయన ప్రారంభించారు. ఈ సందర్భంగా కలెక్టర్‌ మాట్లాడుతూ ‘ఇన్వెస్ట్‌ కడప’ కేంద్రం యొక్క ప్రత్యేకతలను వివరించారు. పెట్టుబడిదారులు తమ వ్యాపార ఆలోచనలతో వచ్చిన రోజు నుంచి ప్రాజెక్టు పూర్తయ్యే వరకు ఈ కేంద్రమే పూర్తి బాధ్యత తీసుకుంటుంది. పెట్టుబడిదారులు వివిధ ప్రభుత్వ కార్యాలయాల చుట్టూ తిరగాల్సిన అవసరం లేదు. పరిశ్రమలకు అనువైన ప్రాంతాలు, పారిశ్రామిక భూముల లభ్యత, నీరు, విద్యుత్‌, రహదారి అనుసంధానం వంటి పూర్తి వివరాలను అందిస్తారు. భూమి కేటాయింపు అనంతరం వివిధ శాఖలను సమన్వయం చేస్తూ అన్ని అనుమతులను వేగంగా ఇప్పిస్తారు. పరిశ్రమలకు అవసరమైన మానవ వనరులను అందించే బాధ్యతను కూడా ఈ కేంద్రమే చూసుకుంటుంది. బయటి రాష్ట్రాల పెట్టుబడిదారులకు ప్రత్యేక సహకారం అందించడంతో పాటు, స్థానిక యువత, విద్యార్థి పారిశ్రామికవేత్తలను ప్రోత్సహిస్తూ వారి స్టార్టప్‌లకు అవసరమైన తోడ్పాటును అందిస్తారు. ఈ కార్యక్రమంలో సంబంధిత శాఖల జిల్లా అధికారులు, ప్రముఖ వ్యాపారవేత్తలు, ఇన్వెస్టర్లు, ఎంటర్‌ప్రెన్యూర్స్‌ తదితరులు పాల్గొన్నారు.

● మూడు రోజుల్లోనే 8,175 దరఖాస్తులు నమోదు ● వృద్ధాప్య పింఛన్లకే అత్యధిక ప్రాధాన్యత ● మదనపల్లి రూరల్‌ 674 దరఖాస్తులతో టాప్‌ ● వివరాలు వెల్లడించిన జిల్లా అధికారి అమరనాథరెడ్డి మదనపల్లి/(కురబలకోట): పింఛన్‌ అంటే కేవలం డబ్బు కాదు.. వృద్ధులకు, నిస్సహాయులకు కొండంత ఆసరా.. వారి బతుక్కు అసలైన భరోసా! కన్నబిడ్డలే కళ్లెదుట కాదనుకుంటున్న ప్రస్తుత రోజుల్లో, పింఛన్‌ వస్తే ఎవరి మీదా ఆధారపడకుండా, ఎవరి వైపూ చేయి చాచకుండా ఆత్మగౌరవంతో బతకవచ్చని వేలాది మంది ఆశగా ఎదురుచూస్తున్నారు. రెండేళ్ల సుదీర్ఘ నిరీక్షణ తర్వాత కొత్త పింఛన్ల మంజూరుకు కూటమి ప్రభుత్వం గ్రీన్‌సిగ్నల్‌ ఇవ్వడంతో.. అన్నమయ్య జిల్లా వ్యాప్తంగా వేలాది కళ్లు ఆత్రుతతో సచివాలయాల వైపు చూస్తున్నాయి. ఒక్కో దరఖాస్తు వెనుక ఒక్కో నిస్సహాయత, వర్ణించలేని కష్టం, కన్నీటి వేదన దాగి ఉన్నాయి. కిటకిటలాడిన సచివాలయాలు.. సర్వర్‌ మొరాయింపు! జిల్లా వ్యాప్తంగా ఉన్న స్వర్ణ వార్డు, స్వర్ణ గ్రామ సచివాలయాలు పింఛన్‌ దరఖాస్తుదారులతో కిటకిటలాడుతున్నాయి. అయితే, బుధవారం మధ్యాహ్నం నుంచి అకస్మాత్తుగా సర్వర్‌ డౌన్‌ కావడంతో ఆన్‌లైన్‌ ప్రక్రియ నిలిచిపోయింది. దీంతో సుదూర ప్రాంతాల నుంచి ఎన్నో ఆశలతో వచ్చిన వృద్ధులు, నిస్సహాయులు నిట్టూరుస్తూ వెనుదిరగాల్సి వచ్చింది. మూడు రోజులుగా ఆన్‌లైన్‌ దరఖాస్తులు ప్రారంభం కాగా, బుధవారం సాయంత్రం నాటికి జిల్లాలో మొత్తం 8,175 కొత్త పింఛన్‌ దరఖాస్తులు నమోదైనట్లు ‘స్వర్ణ వార్డు, స్వర్ణ గ్రామ’ అన్నమయ్య జిల్లా అధికారి అమరనాథరెడ్డి నివేదికల ద్వారా వెల్లడించారు. పారదర్శకత ప్రభుత్వ బాధ్యత వయసు మీదపడి కొందరు, జీవిత భాగస్వామిని కోల్పోయి కొందరు, దివ్యాంగత్వంతో మరికొందరు, ఒంటరి మహిళలుగా ఇంకొందరు జీవిత పోరాటం చేస్తూ ఎంతో ఆశగా పింఛన్ల కోసం నిరీక్షిస్తున్నారు. పింఛన్‌ అనేది నిస్సహాయుల హక్కు అని, దానిని పారదర్శకంగా అందించడం ప్రభుత్వ బాధ్యత అని లబ్ధిదారులు కోరుతున్నారు.

● హెల్మెంట్లు ధరించిన దొంగలు ● డబ్బు, బంగారు ఆభరణాలు అపహరణమదనపల్లె టౌన్‌ : అన్నమయ్య జిల్లా మదనపల్లె బసినికొండ గంగమ్మ ఆలయంలో భారీ చోరీ జరిగింది. మంగళవారం వేకువజామున హెల్మెట్లు ధరించి వచ్చిన దొంగలు ఆలయ ఇనుప తలుపులను ధ్వంసం చేసి లోపలికి చొరబడ్డారు. అనంతరం హుండీని పగలగొట్టి అందులోని నగదుతోపాటు అమ్మవారి బంగారు ఆభరణాలను అపహరించుకుని హెల్మెంట్లు అక్కడే పడేసి పరారయ్యారు. మంగళవారం ఉదయం ఆలయంలో చోరీ జరిగిన విషయం వెలుగులోకి రావడంతో స్థానికంగా కలకలం రేగింది. సమాచారం అందుకున్న తాలూకా పోలీసులు హుటాహుటిన బసినికొండకు చేరుకుని పరిశీలించారు. ఘటనకు సంబంధించి స్థానికులను విచారణ చేసి వివరాలు సేకరించారు. ఆలయంలోని హుండీ, తలుపులు ధ్వంసమైన తీరును పరిశీలించిన పోలీసులు ఆధారాల కోసం ఆరా తీస్తున్నారు. కేసు నమోదు చేసి దర్యాప్తు కొనసాగిస్తున్నారు. చోరీకి గురైన బంగారు ఆభరణాలు, నగదు విలువ ఎంత? ఎంత మంది దొంగలు వచ్చారు? అనే వివరాలను పోలీసులు సీపీ కెమెరాలను పరిశీలించిన అనంతరం వెల్లడించాల్సి ఉంది.

గుర్రంకొండ : భూ వివాదంలో ఘర్షణ చెలరేగి యువకుడిపై ప్రత్యర్థులు దాడి చేయడంతో తీవ్ర గాయాలు అయిన సంఘటన మండలంలోని ఎల్లుట్లపంచాయతీ ఇ. పసలవాండ్లపల్లెలో జరిగింది. గ్రామానికి చెందిన మణికంఠ, రవీంద్ర కుటుంబాలకు గత కొన్నేళ్లుగా భూవివాదం నెలకొంది. ఈ నేపథ్యంలో మణికంఠకు చెందిన విద్యుత్‌ మోటార్‌ స్టార్టర్‌ను తీసుకెళ్లిపోయారు. ఈ విషయమై మంగళవారం గ్రామంలో ఇరువర్గాల వారు వాగ్వివాదానికి దిగారు. వివాదం పెద్దదై ఘర్షణ పడ్డారు. ప్రత్యర్థులు మణికంఠ(35)పై దాడి చేయడంతో తలపైన, చేతిపైన తీవ్ర గాయాలు అయ్యాయి. కుటుంబ సభ్యులు బాధితుడిని చికిత్స నిమిత్తం వాల్మీకిపురం ప్రభుత్వాస్పత్రికి తరలించారు. బాధితుడి ఫిర్యాదు మేరకు కేసు నమోదు చేసినట్లు ఎస్‌ఐ రవీంద్ర తెలిపారు. ఎంబీబీఎస్‌ కౌన్సెలింగ్‌లో గందరగోళంకలికిరి : ప్రభుత్వం విడుదల చేసిన జీఓ నంబరు 102తో ఎంబీబీఎస్‌ కౌన్సెలింగ్‌లో గందరగోళం నెలకొందని వైఎస్సార్‌సీపీ విద్యార్థి విభాగం జిల్లా ఉపాధ్యక్షుడు ఎం.నరేష్‌ అన్నారు. మంగళవారం ఆయన మాట్లాడుతూ మెరిట్‌ విద్యార్థులతోపాటు ఎస్సీ, ఎస్సీ, బీసీ, మైనార్టీ వర్గాల వైద్య విద్యార్థులకు ఎలాంటి నష్టం జరగకుండా ప్రభుత్వం పటిష్టమైన చర్యలు తీసుకోవాలని డిమాండ్‌ చేశారు. ఒకే కళాశాలలో, ఒకే రిజర్వేషన్‌ కేటగిరీలో తక్కువ ర్యాంకు అభ్యర్థికి కాకుండా ఎక్కువ ర్యాంకు సాధించిన విద్యార్థులకు సీట్లు కేయించడం పలు విమర్శలకు దారి తీసిందని, దీనిపై ప్రభుత్వం సమగ్ర విచారణ జరిపి అర్హులైన వైద్య విద్యార్థులకు న్యాయం జరిగేలా చూడాలని, లేని పక్షంలో వైఎస్సార్‌సీపీ ఆధ్వర్యంలో ఉద్యమిస్తామన్నారు. కార్యక్రమంలో పలువురు విద్యార్థి సంఘం నేతలు పాల్గొన్నారు. ఆన్‌లైన్‌ మట్కా బీటర్‌ అరెస్ట్‌ప్రొద్దుటూరు క్రైం : ఆన్‌లైన్‌లో మట్కా జూదం నిర్వహిస్తున్న వ్యక్తిని ప్రొద్దుటూరు వన్‌టౌన్‌ పోలీసులు అరెస్ట్‌ చేశారు. నడింపల్లె ప్రాంతానికి చెందిన షేక్‌ మహబూబ్‌బాషా ఆన్‌లైన్‌లో మట్కా నిర్వహిస్తున్నట్లు గుర్తించిన వన్‌టౌన్‌ ఎస్‌ఐ మైనుద్ధిన్‌ మంగళవారం అరెస్ట్‌ చేశారు. అతని వద్ద నుంచి రూ.7 వేలు నగదు, మొబైల్‌ ఫోన్‌ను స్వాధీనం చేసుకున్నారు. నిందితుడిపై కేసు నమోదు చేసినట్లు ఎస్‌ఐ తెలిపారు. యువకుడికి తీవ్ర గాయాలు

వాల్మీకిపురం : రోడ్డు ప్రమాదంలో వ్యక్తి మృతి చెందిన సంఘటన మండలంలోని టేకలకోన వద్ద జాతీయ రహదారిపై మంగళవారం రాత్రి చోటు చేసుకుంది. వివరాలు ఇలా ఉన్నాయి. మండలంలోని తాటిగుంటపల్లికి చెందిన గుండ్లూరి రత్నయ్య (65) కూలి పనుల నిమిత్తం కలికిరికి వెళ్లాడు. మంగళవారం సాయంత్రం కూలీ పనులు ముగించుకొని కలికిరి సమీపంలోని టేకలకోన జాతీయ రహదారి వద్ద రోడ్డు దాటుతుండగా మదనపల్లి వైపు నుంచి తిరుపతికి వెళ్తున్న కారు ఢీకొంది. ఈ ప్రమాదంలో తీవ్రంగా గాయపడిన రత్నయ్య అక్కడికక్కడే మృతి చెందాడు. మృతదేహాన్ని పోస్టుమార్టం నిమిత్తం స్థానిక ప్రభుత్వాసుపత్రికి తరలించినట్లు ఎస్‌ఐ తిప్పేస్వామి తెలిపారు. ఈ మేరకు కేసు నమోదు చేసి దర్యాప్తు చేస్తున్నారు. ద్విచక్ర వాహనం ఢీకొని..ములకలచెరువు : ద్విచక్రవాహనం ఢీకొనడంతో ఒక వ్యక్తి మృతి చెందిన సంఘటన మండలంలో చోటుచేసుకుంది. పోలీసుల కథనం మేరకు... మండలంలోని రాగిమానుపల్లెకు చెందిన వెంకటరామయ్య సోమవారం ఉదయం కూలిపనులకు వెళ్లాడు. రాత్రి ఇంటికి నడుచుకుంటూ వెళ్తుండగా తంబళ్లపల్లె క్రాస్‌ రోడ్డు వద్ద వెనకల నుంచి అతివేగంగా వచ్చిన ద్విచక్రవాహనం ఢీకొట్టింది. ఈ ప్రమాదంలో వెంకటరామయ్య(38)కు తీవ్రగాయాలయ్యాయి. గమనించిన స్థానికులు 108 సహాయంతో మదనపల్లె ప్రభుత్వ హాస్పిటల్‌కు తరలించి చికిత్స చేయిస్తుండగా మంగళవారం మృతిచెందాడు. మృతుడికి భార్య భార్గవి, కుమారుడు నితీష్‌కుమార్‌, కుమార్తె హితాన్షి ఉన్నారు. మృతుడు పీటీయం మండలం ఉప్పరోళ్లపల్లె నివాసి. భార్య ఫిర్యాదు మేరకు కేసు నమోదు చేసి ధర్యాప్తు చేస్తున్నట్లు ఎస్‌ఐ ఉమామహేశ్వర్‌రెడ్డి తెలిపారు. జేసీబీ చోరీ కేసులో నిందితుడికి జైలుమదనపల్లె టౌన్‌ : జేసీబీ చోరీ కేసులో నేరం రుజువు కావడంతో నిందితుడికి ఆరు నెలల సాధారణ జైలు శిక్ష, రూ.2 వేల జరిమానా విధిస్తూ మదనపల్లె ప్రిన్సిపల్‌ జ్యుడీషియల్‌ ఫస్ట్‌ క్లాస్‌ మెజిస్ట్రేట్‌ సుభహాన్‌ తీర్పు వెలువరించారు. టూటౌన్‌ పోలీసులు మంగళవారం తెలిపిన వివరాల మేరకు.. మదనపల్లె పట్టణంలోని జీఆర్టీ జ్యువెలర్స్‌ ఎదురుగా ఉన్న నాదెళ్ల రమేష్‌ అండ్‌ బ్రదర్స్‌ ఆల్‌ ఎర్త్‌ మూవర్స్‌ కార్యాలయం వద్ద 2023లో జేసీబీ చోరీకి గురైంది. ఈ ఘటనపై కేసు నమోదు చేసిన పోలీసులు దర్యాప్తు చేపట్టి.. నిమ్మనపల్లె మండలం జాండ్రబైలుకు చెందిన ఎం.రెడ్డి శేఖర్‌ను నిందితుడిగా గుర్తించి అరెస్టు చేశారు. ఈ కేసు విచారణలో నేరం రుజువు కావడంతో మదనపల్లె కోర్టు నిందితుడికి ఆరు నెలల సాధారణ జైలు శిక్షతోపాటు రూ.2,000 జరిమానా విధించింది. ప్రాసిక్యూషన్‌ తరఫున సీనియర్‌ ఏపీపీ సి.కృష్ణారెడ్డి వాదనలు వినిపించారు.

● భూమిపై మార్పులను పసిగట్టే అంతరిక్ష నేత్రం ● మిట్స్‌లో ప్రముఖ సైంటిస్టులుకురబలకోట : వరద ఎప్పుడు వస్తుంది.. నీటిని ఎలా నిల్వ చేయాలి.. ఎప్పుడు విడుదల చేయాలి.. ఏ ప్రాంతంలో నీటి కొరత ఉంది.. కరువు ఎప్పుడు రాబోతోంది.. భూమిపై పర్యావరణంలో ఎలాంటి మార్పులు చోటుచేసుకుంటున్నాయి.. ఇలాంటి కీలక విషయాలను ముందుగానే పసిగట్టడంలో ఆర్టిపిషియల్‌ ఇంటిలెజెన్స్‌ (ఏఐ), అంతరిక్ష సాంకేతికతలు కీలక ఆయుధాలుగా మారుతున్నాయని ప్రముఖ సైంటిస్టులు పేర్కొన్నారు. మంగళవారం అంగళ్లులోని మిట్స్‌ యూనివర్సిటీలో ఏఐ, అంతరిక్ష సాంకేతికతలతో వాతావరణ మార్పులు, సహజ వనరుల పర్యవేక్షణ అంశంపై రెండు రోజులు నిర్వహించిన వర్క్‌షాపులో మంగళవారం ఐఐఎస్సీ బెంగళూరు ప్రొఫెసర్‌ డాక్టర్‌ డి.నగేష్‌కుమార్‌, ఇస్రో శాస్త్రవేత్త డాక్టర్‌ కందుల వి.సుబ్రమణ్యం, గాదంకి ఎన్‌ఏఆర్‌ ఎల్‌ శాస్త్రవేత్త డాక్టర్‌ జ్యోతి నారాయణన్‌ భాటే ముఖ్య అతిథులుగా హాజరయ్యారు. డి.నగేష్‌కుమార్‌ మాట్లాడుతూ నీటి నిర్వహణలో ఏఐ భవిష్యత్తును మార్చబోతోందన్నారు. వరదలు, నీటి కొరతను ముందుగానే అంచనా వేసే అవకాశాలు విస్తరిస్తున్నాయన్నారు. రిజర్వాయర్లలో నీటి నిల్వ, విడుదల, సాగు నీటి సరఫరా నిర్వహణ, వరద నియంత్రణలో ఏఐ ఆధారిత సమాచారం కీలక నిర్ణయాలకు దోహదపడుతుందన్నారు. ఇస్రో శాస్త్రవేత్త కందుల సుబ్రమణ్యం, మరో శాస్త్రవేత్త జ్యోతి నారాయణ్‌ భాటే మాట్లాడుతూ అంతరిక్షం నుండి భూమిని గమనిస్తూ ఏఐతో ఆ సమాచారాన్ని విశ్లేషించడం ద్వారా ప్రకృతిలో వస్తున్న మార్పులను వేగంగా గుర్తించే శకం మొదలైందన్నారు. ఏఐ నమూనాలతో సహజ వనరుల పరిస్థితిని సమర్థవంతంగా పర్యవేక్షించవచ్చన్నారు. అంతరిక్ష సాంకేతిక అంటే కేవలం రాకెట్లు, ఉపగ్రహాలకే పరిమితం కాదన్నారు. నీరు, వాతావరణం, వ్యవసాయం, సహజ వనరులు, విపత్తుల నిర్వహణ వరకు సామాన్యుడి జీవితాన్ని ప్రభావితం చేసే శక్తిగా స్పేస్‌ టెక్నాలజీ విస్తరిస్తోందన్నారు. ఆర్‌ఏరోస్పేస్‌ బిజినెస్‌ డెవలప్‌మెంట్‌ మేనేజర్‌ సుభాష్‌ ఆర్‌. కుప్పుస్వామి మాట్లాడుతూ అంతరిక్ష రంగంలో స్పేస్‌ బిజినెస్‌, ఉన్నత విద్య, ఉద్యోగ, కేరీర్‌ అవకాశాలు మెండుగా ఉన్నాయన్నారు.

మదనపల్లె టౌన్‌ : ప్రేమ పేరుతో తమను మోసం చేయడమే కాకుండా పెళ్లి చేసుకుని, ఇప్పుడు తనను కాదని తన చెల్లిని కూడా మోసం చేయడానికి యత్నిస్తున్న భర్త, అతని తమ్ముడిపై చర్యలు తీసుకోవాలని ఆరోపిస్తూ ఓ యువతి, ఆమె కుటుంబ సభ్యులు మంగళవారం అన్నమయ్య జిల్లా కేంద్రమైన మదనపల్లె వన్‌టౌన్‌ పోలీస్‌స్టేషన్‌ ఎదుట ఆందోళనకు దిగారు. తమకు న్యాయం చేయాలని పోలీసులను వేడుకుంటూ తీవ్ర ఆవేదన వ్యక్తం చేశారు. ఈ క్రమంలో ఒక్కసారిగా పెట్రోల్‌ పోసుకుని ఆత్మహత్యా యత్నానికి పాల్పడటంతో పోలీస్‌స్టేషన్‌ వద్ద ఉద్రిక్త పరిస్థితి నెలకొంది. శేషమహల్‌ సమీపంలోని శారదానగర్‌కు చెందిన మాజీ సైనికుడు తులసి రాంప్రసాద్‌ రెడ్డి, మంజుల దంపతుల కుమార్తె దివ్య (25), గీతిక(21) బెంగుళూరులో బీటెక్‌ చదువుతున్నారు. అలాగే శేషమహల్‌ ఏరియాలో కాపురం ఉంటున్న చలమయ్య కుమారులు రోహిత్‌, లోహిత్‌ సాయిలు కూడా బెంగళూరులోనే ప్రైవేట్‌ కళాశాలలో బీటెక్‌ చదువుతున్నారు. ఈ క్రమంలో ఒకే ఊరికి చెందిన వారు కావడంతో దివ్య మొదట రోహిత్‌తో రెండేళ్ల క్రితం ప్రేమలో పడ్డట్లు తెలిపింది. పెద్దలను ఎదిరించి ఆరు నెలల క్రితం దివ్య రోహిత్‌ ను వివాహం చేసుకుంది. పెళ్లయిన కొద్ది రోజులకే గొడవలు తలెత్తి పరస్పరం ఒకరిపై మరొకరు స్థానిక వన్‌టౌన్‌ పోలీస్‌ స్టేషన్లో ఫిర్యాదులు చేసుకున్నారు. ఇదిలా ఉండగా రోహిత్‌ తమ్ముడు లోహిత్‌ సాయి బెంగళూరులోని ఓ ప్రైవేట్‌ కళాశాలలో చదువుతున్న దివ్య చెల్లెలు గీతికను ప్రేమించాలని వెంటపడుతున్నట్లు ఆరోపించారు. రోహిత్‌, లోహిత్‌ సాయిలు పబ్‌లకు తమను తీసుకెళ్లి మద్యం, మత్తుకు అలవాటు చేయించారని ఆరోపించారు. తమ బంగారాన్ని కూడా కుదవ పెట్టారని ఆరోపించారు. ఆ గొడవల్లో వన్‌ టౌన్‌ పోలీసులు రోహిత్‌ను అరెస్టు చేసి రిమాండ్‌కు తరలించారనే కోపంతో.. లోహిత సాయి కూడా తన చెల్లెల్ని టార్గెట్‌ చేసి వేధింపులకు గురి చేయడమే కాకుండా కళాశాల వద్దకు వెళ్లి ఇబ్బందులకు గురి చేస్తున్నారని పేర్కొన్నారు. ఈ విషయమై తమకు న్యాయం చేయాలని కుటుంబ సభ్యులతో కలిసి ఫిర్యాదు చేసేందుకు పోలీస్‌ స్టేషన్‌కు దివ్య వచ్చింది. గతంలో ప్రేమ పేరుతో తనను నమ్మించి మోసం చేశారని, తన చెల్లెలు గీతిక విషయంలోనూ అన్యాయం జరిగిందని ఆరోపించారు. తమ సమస్యను పరిష్కరించి బాధ్యులపై చర్యలు తీసుకోవాలని డిమాండ్‌ చేశారు. పోలీసుల ఎదుటే తీవ్ర భావోద్వేగానికి గురైన దివ్య, కుటుంబ సభ్యులు ‘మాకు న్యాయం చేయాలి’ అంటూ ఆవేదన వ్యక్తం చేశారు. పరిస్థితి అదుపు తప్పడంతో పెట్రోల్‌ పోసుకుని ఆత్మహత్యకు ప్రయత్నించారు. అప్రమత్తమైన పోలీసులు వెంటనే వారిని అడ్డుకుని పెట్రోల్‌ డబ్బాను తీసుకున్నారు. దీంతో ప్రమాదం తప్పింది. ఈ ఘటనతో కొద్దిసేపు పోలీస్‌స్టేషన్‌ వద్ద ఉద్రిక్త వాతావరణం నెలకొంది. అనంతరం పోలీసులు బాధితురాలు, కుటుంబ సభ్యుల నుంచి వివరాలు సేకరించి ఫిర్యాదును పరిశీలిస్తున్నారు. తర్వాత దివ్య ఇంటికెళ్లి విషం తాగి ఆత్మహత్యకు యత్నించింది. గమనించిన కుటుంబ సభ్యులు ఆస్పత్రికి తీసుకెళ్లారు. ప్రస్తుతం ఆమె ఎమర్జెన్సీలో చికిత్స పొందుతోంది. ప్రేమ పేరుతో మోసం చేశారన్న ఆరోపణలపై పూర్తి స్థాయిలో విచారణ జరిపి వాస్తవాలను వెలుగులోకి తీసుకురావాలని బాధిత కుటుంబం కోరింది. న్యాయం చేయాలంటూ బాధిత కుటుంబం వేడుకోలు పోలీస్‌స్టేషన్‌ ఎదుట యువతి తండ్రి పెట్రోల్‌ పోసుకునే యత్నం ఇంటికెళ్లి విషం తాగి యువతి ఆత్మహత్యాయత్నం

మదనపల్లె టౌన్‌ : గ్రామంలో విచ్చలవిడిగా కొనసాగుతున్న బెల్ట్‌ షాపులు తమ పాలిట శాపంగా మారాయని కొండామరిపల్లి గ్రామం బోడిమల్లుదిన్నెకు చెందిన మహిళలు ఆవేదన వ్యక్తం చేశారు. బెల్ట్‌ షాపుల్లో మద్యం విక్రయాల కారణంగా కొందరు మద్యం మత్తులో మహిళలపై దాడులకు పాల్పడుతున్నారని వారు తాలూకా ఎస్‌ఐ రామకృష్ణారెడ్డికి ఫిర్యాదు చేశారు. కుటుంబాల్లో గొడవలు, మహిళలకు వేధింపులు పెరుగుతున్నాయని, గ్రామంలో ప్రశాంత వాతావరణం దెబ్బతింటోందని పోలీసుల దృష్టికి తీసుకువచ్చారు. జిల్లా ఎస్పీ ధీరజ్‌ కునుబిల్లి ఆదేశాల మేరకు రాత్రి బస కార్యక్రమంలో భాగంగా గ్రామానికి చేరుకున్న ఎస్‌ఐ రామకృష్ణారెడ్డి స్థానికులతో అవగాహన సదస్సు నిర్వహించారు. ఈ సందర్భంగా మహిళలు, గ్రామస్తులు తమ సమస్యలను ఏకరువు పెట్టారు. ముఖ్యంగా బెల్ట్‌ షాపులపై కఠిన చర్యలు తీసుకోవాలని కోరారు. స్పందించిన ఎస్‌ఐ గ్రామంలో అక్రమంగా మద్యం విక్రయించే బెల్ట్‌ షాపులపై చర్యలు తీసుకుంటామని హామీ ఇచ్చారు. గ్రామంలో అసాంఘిక కార్యకలాపాలకు తావు లేకుండా పోలీసుల నిఘా కొనసాగిస్తామని స్పష్టం చేశారు.ఎస్‌ఐకి ఫిర్యాదు

● 21 పతకాలతో అదరగొట్టిన జిల్లా పోలీసులు ● టెన్నిస్‌లో రన్నరప్‌గా ఎస్పీ ధీరజ్‌ కునుబిల్లిమదనపల్లె టౌన్‌ : రాష్ట్రస్థాయి పోలీస్‌ క్రీడా పోటీల్లో అన్నమయ్య జిల్లా పోలీసులు సత్తా చాటారు. వివిధ క్రీడాంశాల్లో అత్యుత్తమ ప్రతిభ కనబరిచి ఏకంగా 21 పతకాలు సాధించి జిల్లా ఖ్యాతిని రాష్ట్రస్థాయిలో చాటారు. ఇందులో 7 స్వర్ణ, 8 రజత, 6 కాంస్య పతకాలు ఉండటం విశేషం. రాష్ట్ర పోలీస్‌ శాఖ ఆధ్వర్యంలో సెప్టెంబర్‌ 1 నుంచి 4వ తేదీ వరకు నిర్వహించిన 1వ ఆంధ్రప్రదేశ్‌ స్టేట్‌ పోలీస్‌ స్పోర్ట్స్‌ అండ్‌ గేమ్స్‌–2026 పోటీల్లో కర్నూలు రేంజ్‌ తరఫున అన్నమయ్య జిల్లా పోలీస్‌ అధికారులు, సిబ్బంది పాల్గొన్నారు. క్రీడల్లో తమ ప్రతిభను ప్రదర్శించి పతకాల పంట పండించారు. ఈ సందర్భంగా పతకాలు సాధించిన పోలీస్‌ అధికారులు, సిబ్బంది మంగళవారం మదనపల్లెలోని జిల్లా పోలీస్‌ ప్రధాన కార్యాలయంలో ఎస్పీ ధీరజ్‌ కునుబిల్లిని మర్యాద పూర్వకంగా కలిశారు. విజేతలను ఎస్పీ అభినందించి, పతకాలతో సత్కరించారు. టెన్నిస్‌లో ఎస్పీ రన్నరప్‌ జిల్లా ఎస్పీ ధీరజ్‌ కునుబిల్లి స్వయంగా టెన్నిస్‌ డబుల్స్‌ విభాగంలో పాల్గొని అద్భుత ఆటతీరుతో రన్నరప్‌గా నిలిచి రజత పతకం సాధించారు. పోలీస్‌ విధులతోపాటు క్రీడల్లోనూ ఎస్పీ స్వయంగా పాల్గొని సిబ్బందికి స్ఫూర్తిగా నిలవడం ప్రత్యేక ఆకర్షణగా నిలిచింది. మహిళా విభాగంలో డబ్ల్యూపీసీ పి.శశికళ ఏకంగా ఏడు పతకాలు సాధించి అద్వితీయ ప్రతిభ కనబరిచారు. బాక్సింగ్‌, హ్యాండ్‌ రెజ్లింగ్‌లో స్వర్ణాలు, షటిల్‌, బాస్కెట్‌బాల్‌లో రజతాలు, హ్యాండ్‌బాల్‌, కబడ్డీ, రెజ్లింగ్‌లో కాంస్య పతకాలు సాధించారు. పురుషుల వ్యక్తిగత విభాగంలో సీపీసీ బి.కేశవ్‌ ఆర్మ్‌ రెజ్లింగ్‌లో స్వర్ణం సాధించగా, సీపీసీ ఎం.నాగేంద్ర నాయక్‌ షాట్‌పుట్‌, జావెలిన్‌ త్రోలో రెండు రజత పతకాలు సాధించారు. సీపీసీ సి.జగదీష్‌ రెజ్లింగ్‌లో రజతం, గ్రీకో రోమన్‌ విభాగంలో కాంస్యం సాధించారు. ఏపీఆర్పీసి ఇ.శ్రీనునాయక్‌ హైజంప్‌లో, ఏపీఆర్పీసి కె.సంతోష్‌ డిస్కస్‌ త్రోలో కాంస్య పతకాలు సాధించారు. టీమ్‌ గేమ్స్‌లోనూ అన్నమయ్య జిల్లా పోలీసులు మెరుగైన ప్రతిభ కనబరిచారు. హ్యాండ్‌బాల్‌లో స్వర్ణ పతకం, హాకీలో రజతం, ఫుట్‌బాల్‌లో రజతం సాధించారు. క్రీడలతో ఒత్తిడి దూరం ఈ సందర్భంగా ఎస్పీ ధీరజ్‌ కునుబిల్లి మాట్లాడుతూ.. పోలీస్‌ వృత్తి నిరంతర ఒత్తిడితో కూడుకున్నదని, క్రీడల ద్వారా ఆ ఒత్తిడిని సమర్థవంతంగా అధిగమించవచ్చని అన్నారు. క్రీడలు మానసిక ప్రశాంతతతోపాటు శారీరక దృఢత్వాన్ని అందిస్తాయని, విధి నిర్వహణతోపాటు సిబ్బంది క్రీడల్లోనూ చురుగ్గా పాల్గొనాలని సూచించారు. రాష్ట్రస్థాయి పోటీల్లో అన్నమయ్య జిల్లా పోలీసులు 21 పతకాలు సాధించడం జిల్లాకు గర్వకారణమన్నారు. భవిష్యత్తులో క్రీడల్లో రాణించే ప్రతిభావంతులైన పోలీస్‌ సిబ్బందిని శాఖ తరఫున మరింతగా ప్రోత్సహిస్తామని ఎస్పీ తెలిపారు. ఒకే పోటీల్లో 21 పతకాలు సాధించి అన్నమయ్య జిల్లా పోలీసులు తమ క్రీడా ప్రతిభను చాటడం పోలీస్‌ శాఖలో నూతన ఉత్సాహాన్ని నింపింది.