Annamayya District News

వాల్మీకిపురం : స్థానిక జీవీఎస్‌సీఎస్‌ క్రీడామైదానంలో ఏసీఏ సౌత్‌ జోన్‌ అండర్‌–14 బాలుర మల్టీడే అంతర్‌ జిల్లాల క్రికెట్‌ టోర్నమెంట్‌ పోటీలు పోటాపోటీగా జరుగుతున్నాయి. బుధవారం జరిగిన మ్యాచ్‌లలో బ్యాట్స్‌మెన్లు చెలరేగి ఆడటంతో భారీ స్కోర్లు నమోదయ్యాయి. కర్నూలుపై నెల్లూరు హవా గ్రౌండ్‌ 1 : క్రీడా మైదానంలో జరిగిన మ్యాచ్‌లో కర్నూలుతో తలపడిన నెల్లూరు జట్టు టాస్‌ గెలిచి బ్యాటింగ్‌ ఎంచుకుంది. నిర్ణీత 90 ఓవర్లలో 9 వికెట్ల నష్టానికి 403 పరుగుల భారీ స్కోరు సాధించింది. నెల్లూరు బ్యాట్స్‌మెన్లలో కిషల్‌ (99 పరుగులు) కేవలం 54 బంతుల్లోనే మెరుపు ఇన్నింగ్స్‌ ఆడి తృటిలో సెంచరీ చేజార్చుకున్నాడు. సమీర్‌ (82), మహిధర్‌ (89) బాధ్యతాయుతంగా ఆడి జట్టు భారీ స్కోరు సాధించడంలో కీలకపాత్ర పోషించారు. చిత్తూరుపై కడప పంజా గ్రౌండ్‌–2 : మైదానంలో చిత్తూరు, కడప జట్ల మధ్య మ్యాచ్‌ జరిగింది. టాస్‌ గెలిచి బ్యాటింగ్‌ ఎంచుకున్న కడప జట్టు బ్యాట్స్‌మెన్లు చిత్తూరు బౌలర్లపై విరుచుకుపడ్డారు. 90 ఓవర్లలో 5 వికెట్లు కోల్పోయి 416 పరుగులు చేశారు. కడప బ్యాటర్‌ భానువర్షిత్‌ రెడ్డి (173 బంతుల్లో 146) అద్భుత శతకంతో రాణించగా, విష్ణువర్ధన్‌ రెడ్డి (98) సెంచరీకి రెండు పరుగుల దూరంలో అవుటయ్యాడు. చిత్తూరు బౌలర్లలో అశ్రిత్‌రెడ్డి 3 వికెట్లు పడగొట్టగా, పర్వీత్‌, లిఖిత్‌, ఇరగంరెడ్డి చెరో వికెట్‌ తీసుకున్నారు. కార్యక్రమంలో రవిచలం, విష్ణువర్ధన్‌ రెడ్డి, జగదీష్‌, భరత్‌, సునీల్‌కుమార్‌ తదితరులు పాల్గొన్నారు.

మదనపల్లె టౌన్‌ : భూ వివాదంలో ఓ వ్యక్తిపై ప్రత్యర్థులు ఇటుకలతో దాడి చేసి తీవ్రంగా గాయపరిచిన సంఘటన ముదివేడు పంచాయతీ సద్దికూటివారిపల్లెలో చోటు చేసుకుంది. బాధితుడు ముదివేడు పోలీసులకు ఇచ్చిన ఫిర్యాదు మేరకు వివరాల.. గ్రామానికి చెందిన ఎస్‌. శ్రీనివాసులు కుమారుడు ఎస్‌. దామోదర్‌ (30) తమకు చెందిన స్థలాన్ని విక్రయించేందుకు ప్రయత్నిస్తున్నారు. అయితే అదే గ్రామానికి చెందిన ఎస్‌. వేణు, సుధాకర్లు సదరు భూమి తమదేనంటూ అడ్డుపడటంతో పాటు కోర్టులో కేసు వేశారని ఆరోపించారు. ఈ విషయంపై మాట్లాడేందుకు తాము వారి వద్దకు వెళ్లగా... ఆగ్రహం వ్యక్తం చేస్తూ వేణు, సుధాకర్‌ ఇటుకలతో దాడికి పాల్పడ్డారు. ఈ ఘటనలో తీవ్రంగా గాయపడిన దామోదర్‌ను చికిత్స ని మిత్తం మదనపల్లె ప్రభుత్వ ఆసుపత్రికి తరలించారు. బాధితుడి ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ముదివేడు ఎస్‌ఐ మధురామచంద్రుడు తెలిపారు.

ఖాజీపేట/చెన్నూరు (వల్లూరు) : వైఎస్సార్‌ కడప జిల్లాలో జరిగిన రెండు వేర్వేరు రోడ్డు ప్రమాదాల్లో ఇద్దరు అయ్యప్ప భక్తులు దుర్మరణం చెందారు. అయ్యప్ప స్వామి దర్శనం ముగించుకుని బైక్‌పై వస్తున్న ఓ యువకుడు, అలాగే తిరుమల కాలినడక యాత్రకు బయలుదేరిన మరో భక్తుడు ప్రమాదాల బారిన పడి ప్రాణాలు కోల్పోవడంతో వారి కుటుంబాల్లో తీవ్ర విషాదం నెలకొంది. ముందరి వాహనాన్ని ఢీకొట్టిన బైక్‌ ఖాజీపేట : కడప–తాడిపత్రి జాతీయ రహదారిపై జరిగిన రోడ్డు ప్రమాదంలో ఓ యువకుడు అక్కడికక్కడే ప్రాణాలు కోల్పోగా, అతని స్నేహితుడు తీవ్రంగా గాయపడ్డాడు. పోలీసులు, స్థానికులు తెలిపిన వివరాల ప్రకారం... చెన్నూరులోని గాంధీనగర్‌కు చెందిన ఆమూరి రోహిత్‌ (21), అతని స్నేహితుడు భరత్‌ కలిసి ఖాజీపేట మండలం పుల్లూరు పంచాయతీ పరిధిలోని అయ్యప్ప స్వామి ఆలయానికి వచ్చారు. స్వామివారి దర్శనం ముగించుకుని ఇద్దరూ కలిసి బైక్‌పై తిరిగి చెన్నూరుకు బయలుదేరారు. వీరి బైక్‌ కొండపేట క్రాస్‌ వద్దకు చేరుకోగానే ముందర వెళ్తున్న ఓ వాహనాన్ని బలంగా ఢీకొట్టింది. ఈ ప్రమాదంలో రోహిత్‌ తలకు బలమైన గాయం కావడంతో అక్కడికక్కడే మృతి చెందాడు. బైక్‌ వెనుక కూర్చున్న భరత్‌కు తీవ్ర గాయాలయ్యాయి. ప్రమాదాన్ని గమనించిన స్థానిక వాహనదారులు వెంటనే ఖాజీపేట పోలీసులకు సమాచారం అందించారు. ఘటనా స్థలానికి చేరుకున్న పోలీసులు గాయపడిన భరత్‌ను చికిత్స నిమిత్తం కడప రిమ్స్‌ ఆసుపత్రికి తరలించారు. కుటుంబ సభ్యుల ఫిర్యాదు మేరకు ఖాజీపేట పోలీసులు కేసు నమోదు చేసుకుని దర్యాప్తు చేస్తున్నారు. గుర్తుతెలియని వాహనం ఢీకొని.. చెన్నూరు (వల్లూరు) : తిరుమల శ్రీవారి దర్శనానికి వెళ్తున్న అయ్యప్ప భక్తుల బృందంలో విషాదం నెలకొంది. పెన్నానది బ్రిడ్జిపై గుర్తుతెలియని వాహనం ఢీకొట్టడంతో ఓ అయ్యప్ప భక్తుడు బ్రిడ్జిపై నుంచి కింద పడి అక్కడికక్కడే మృతి చెందాడు. పోలీసుల కథనం మేరకు... హైదరాబాద్‌లోని బాలాపూర్‌కు చెందిన 44 మంది అయ్యప్ప స్వాముల బృందం తిరుపతి యాత్రకు బయలుదేరింది. ఈ క్రమంలో మంగళవారం రాత్రి వారు వైఎస్సార్‌ కడప జిల్లా చెన్నూరులోని కడప–కర్నూల్‌ హైవే బ్రిడ్జి సమీపంలోని ఆంజనేయ స్వామి కొట్టాల వద్ద బస చేశారు. బుధవారం ఉదయం ఈ బృందం కడప మీదుగా తిరుపతికి కాలినడకన ప్రయాణమైంది. అయితే, ఈ బృందంలోని సంతోష్‌ (26) అనే భక్తుడు మిగతా వారికంటే ముందుగా ఒంటరిగా బయలుదేరాడు. మిగిలిన భక్తులు వెనుక నుంచి వస్తుండగా, ముందు వెళ్తున్న సంతోష్‌ను పెన్నానది బ్రిడ్జిపై ఓ గుర్తు తెలియని వాహనం ఢీకొట్టింది. ప్రమాద తీవ్రతకు సంతోష్‌ బ్రిడ్జిపై నుండి కింద పడిపోయి, తీవ్ర గాయాలతో అక్కడికక్కడే మృతిచెందాడు. మిగతా భక్తులు కడపకు చేరుకున్నాక సంతోష్‌ కనిపించకపోవడంతో ఆందోళనకు గురయ్యారు. అనుమానం వచ్చి తిరిగి వెనక్కి వచ్చి వెతకగా, కడప–కర్నూలు హైవేలోని పెన్నా నది బ్రిడ్జి కింద సంతోష్‌ మృతదేహం లభ్యమైంది. స్థానికుల సహాయంతో మృతదేహాన్ని వెలికితీసి ఆసుపత్రికి తరలించారు. సమాచారం అందుకున్న చెన్నూరు పోలీసులు సంఘటనా స్థలానికి చేరుకుని కేసు నమోదు చేశారు.

● ఇదేనా కూటమి ప్రభుత్వ ప్రజాస్వామ్యం? ● ఎన్నికల వ్యవస్థను కూటమి ప్రభుత్వం ఖూనీ చేసింది ● వైఎస్సార్‌సీపీ రాష్ట్ర ప్రధాన కార్యదర్శి గడికోట శ్రీకాంత్‌ రెడ్డి రాయచోటి అర్బన్‌ : ప్రజాస్వామ్యంలో ప్రజలే పాలకులను ఎన్నుకోవాలి.. ప్రజల ఓటే ప్రభుత్వాల భవితవ్వాన్ని నిర్ణయించాలి.. కానీ రాష్ట్రంలో కూటమి ప్రభుత్వం ప్రజల తీర్పునకు తావులేకుండా, స్వేచ్ఛాయుత ఎన్నికల ప్రక్రియను పూర్తిగా అపహాస్యం చేసిందని వైఎస్సార్‌సీపీ రాష్ట్ర ప్రధాన కార్యదర్శి గడికోట శ్రీకాంత్‌ రెడ్డి తీవ్రస్థాయిలో విమర్శించారు. బుధవారం రాయచోటిలోని వైఎస్సార్‌సీపీ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు. కలెక్షన్‌.. సెలక్షన్‌.. నో ఎలక్షన్‌ అనే కొత్త విధానానికి కూటమి ప్రభుత్వం తెరతీసిందని, ప్రజలు తమకు నచ్చిన నాయకుడిని ఓటు ద్వారా ఎన్నుకునే ప్రాథమిక హక్కును సైతం హరించిందని ధ్వజమెత్తారు. ప్రజాస్వామ్యాన్ని కాపాడాల్సిన ప్రభుత్వమే వ్యవస్థలను నిర్వీర్యం చేస్తుంటే ఇక సామాన్యుడికి దిక్కెవరని ప్రశ్నించారు. నామినేషన్‌ నుంచి కౌంటింగ్‌ వరకు అడ్డంకులే స్వేచ్ఛాయుత వాతావరణంలో జరగాల్సిన ఎన్నికలను భయబ్రాంతులకు గురిచేసే ప్రక్రియగా మార్చేశారని ఆయన మండిపడ్డారు. ఎన్నికల్లో పోటీ చేయాలనుకునే అభ్యర్థికి నామినేషన్‌ వేయడమే ఒక గండంగా, వేసిన నామినేషన్‌ను నిలుపుకోవడం మరో గండంగా, ప్రచారం చేసుకోవడం ఇంకో గండంగా, పోలింగ్‌, కౌంటింగ్‌ ప్రక్రియలు సైతం భయాందోళనల మధ్య సాగాల్సిన దుస్థితిని తీసుకొచ్చారని ఆవేదన వ్యక్తం చేశారు. ప్రజల నిర్ణయంతో జరగాల్సిన ఎన్నికల్లో ప్రజలనే భయపెట్టి, అభ్యర్థులను బెదిరించి, ప్రత్యర్థులను పోటీకి దూరం చేసి సాధించే విజయాలకు ప్రజాస్వామ్య విజయాలని పేరు పెట్టుకోవడం సిగ్గు చేటన్నారు. ఇలా కాకుండా అధికార పార్టీ నాయకులే పేర్లు రాసుకుని వారే ప్రజాప్రతినిధులని ప్రకటించుకుంటే సరిపోతుందని కదా అంటూ ఎద్దేవా చేశారు. మాజీ సీఎం వైఎస్‌ జగన్‌ ఓటు హక్కుకే ఆటంకాలా..? మాజీ సీఎం వైఎస్‌ జగన్‌మోహన్‌రెడ్డి తన ఓటు హక్కును వినియోగించుకుంటానని ముందుగానే సమయం తీసుకున్నప్పటికీ, ఆయన ప్రయాణానికి అనుమతుల విషయంలో చివరి వరకు ఆటంకాలు సృష్టించడం దారుణమన్నారు. పులివెందులలో 80 పోలింగ్‌ కేంద్రాలు ఉంటే 70 పోలింగ్‌ కేంద్రాల్లో ఏజెంట్లను అనుమతించకుండా తరిమేశారని ఆరోపించారు. కడప, పుత్తూరు, రాయచోటి, పుంగనూరు ప్రాంతాల్లో చోటుచేసుకున్న పరిణామాలను పరిశీలిస్తే ఎన్నికల ప్రక్రియ ఏ స్థాయికి దిగజారిందో అర్థమవుతుందన్నారు. రాష్ట్రంలో ఒక వైపు రాజకీయ అరాచకాలు.. మరో వైపు మహిళలు, బాలికలపై దారుణాలు పెరిగిపోతున్నాయని ఆందోళన వ్యక్తం చేశారు. రాప్తాడులో పాఠశాలకు వెళ్లే బాలికను రంపంతో దాడి చేసిన ఘటన రాష్ట్రంలో శాంతిభద్రతల పరిస్థితికి నిదర్శనమన్నారు. రైతులను ఆదుకునే దిక్కేది? రాష్ట్రంలో ఎన్నడూ లేని విధంగా కరువు పరిస్థితులు నెలకొన్నా రైతులను ఆదుకునేందుకు ప్రభుత్వానికి కనీస ప్రణాళిక లేదని శ్రీకాంత్‌ రెడ్డి విమర్శించారు. రైతులు సాగు చేసిన పంటలు చేతికందక ఎండిపోతున్నాయని, మామిడి సహా ఇతర ఉద్యాన పంటలు సైతం ఎండిపోయి రైతులు త్రీవంగా నష్టపోతున్నారని ఆవేదన వ్యక్తం చేశారు. కూటమి ప్రభుత్వం అధికారంలోకి వచ్చిన తరువాత ప్రజలకు రాష్ట్రంలో కొత్త ఫించన్లు, కొత్త ఇల్లు మంజూరు కాలేదన్నారు. ఇచ్చిన హామీలు గాలికి వదిలేశారన్నారు. 18 ఏళ్లు నిండిన మహిళలకు నెలకు రూ.1500, నిరుద్యోగులకు నెలకు రూ.3 వేలు, నిరుద్యోగ భృతి, 50 ఏళ్లకు ఫించన్లను పట్టించుకోలేదన్నారు. ఇచ్చిన హామీలు వెంటనే అమలు చేయాలని ఆయన ప్రభుత్వాన్ని డిమాండ్‌ చేశారు. బాధితులపైనే కేసులా? రాయచోటి ప్రజలకు సేవలందించిన వైఎస్సార్‌సీపీ కార్యాలయంపై జరిగిన దాడిని శ్రీకాంత్‌ రెడ్డి తీవ్రంగా ఖండించారు. కార్యాలయానికి నిప్పు పెట్టి, వాహనాలను తగలపెట్టి ఇష్టానుసారంగా దాడులకు పాల్పడిన వారిపై చర్యలు తీసుకోకుండా, దాడికి గురైన తమ పార్టీకి చెందిన సుమారు 250 మందిపై ఐపీసీ 307 కింద కేసులు నమోదు చేయడం ఎంత వరకు సమంజసమని పశ్నించారు. బ్రిటిష్‌ పాలకులు కూడా ఇలాంటి ఆలోచనలు చేసి ఉండరని, రాచరికంలో ఉన్న కర్కోటక పాలకులు సైతం ఇటువంటి నిర్ణయాలు తీసుకుని ఉండని వ్యాఖ్యానించారు. దాడులు చేసిన వారిని వదిలేసి, బాధితులపైనే కేసులు పెట్టడం ప్రజాస్వామ్య వ్యవస్థకు మాయని మచ్చ అన్నారు. ఈ ఘటనలకు బాధ్యులైన వారితో పాటు, అన్నీ చూస్తూ మౌనంగా ఉండే అధికార వ్యవస్థలు కూడా బాధ్యత వహించాల్సి ఉంటుందని హెచ్చరించారు. రాయచోటికి జిల్లా కేంద్రం రిటర్న్‌ గిఫ్ట్‌ అడగండి.. ఎన్నికల్లో అక్రమాలకు పాల్పడి ఈ ప్రాంతాన్ని చంద్రబాబుకు గిఫ్ట్‌ ఇస్తామని చెబుతున్న కూటమి నాయకులకు శ్రీకాంత్‌ రెడ్డి సూటి ప్రశ్న సంధించారు. ప్రజల ఓటు హక్కును వినియోగించుకోకుండా చేసి, ప్రజల మద్దతు లేకుండానే ఎన్నికల్లో విజయాలు సాధించామని గొప్పలు చెప్పుకుంటున్నారు కదా,.. దానినే మీరు చంద్రబాబుకు ఇచ్చే గిప్ట్‌గా బావిద్దాం... మరి ఆయన నుంచి రిటర్న్‌ గిఫ్ట్‌గా ఏమి అడుగుతున్నారు ? అని ప్రశ్నించారు. ప్రజల ఆకాంక్షలను గౌరవించే ధైర్యం ఉంటే, రాయచోటి జిల్లా కేంద్రాన్ని తిరిగి సాధించి ఇవ్వాలని చంద్రబాబు నాయుడును అడగాలని సూచించారు. సమావేశంలో వైఎస్సార్‌సీపీ పట్టణ కన్వీనర్‌ నవాజ్‌, మైనార్టీ రాష్ట్ర కార్యదర్శి షబ్బీర్‌ తదితరులు పాల్గొన్నారు.

కురబలకోట : బి.కొత్తకోట మండలం బండారువారిపల్లి గ్రామం పెద్దపల్లికి చెందిన చల్లా ప్రశాంత్‌ (35) హత్యోదంతం స్థానికంగా తీవ్ర సంచలనం రేపుతోంది. ఘటనా స్థలంలో చోటుచేసుకున్న పరిణామాలు చూస్తుంటే ఇది సాధారణ హత్యలా కాకుండా, ఒక పక్కా స్క్రిప్ట్‌ ప్రకారం జరిగిన హై–ప్రొఫైల్‌ క్రైమ్‌ థ్రిల్లర్‌ను తలపిస్తోంది. పాతకక్షల నేపథ్యంలో జరిగిన ఈ పాశవిక హత్య వెనుక నిందితులు ఆడిన మైండ్‌ గేమ్‌ పోలీసులకే సవాల్‌గా మారింది. ఈ కేసులో నిందితులు ఆధారాలను పక్కదారి పట్టించడానికి వ్యూహాత్మకంగా వ్యవహరించినట్లు తెలుస్తోంది. సాధారణంగా హత్య జరిగిన చోటే ఆధారాలు లభ్యమవుతాయి. కానీ ఈ ఘటనలో మృతదేహం ఒక చోట...కారు మరో చోట.స్కూటి ఇంకో చోట...ఇలా వేర్వేరు ప్రాంతాల్లో లభ్యం కావడం అందరినీ విస్మయానికి గురి చేస్తోంది. ఒక మనిషిని హతమార్చడమే కాకుండా, ఆ హత్యను మరో రూపంలో చూపించేందుకు పక్కా ప్లాన్‌ (సీన్‌ క్రియేషన్‌) చేసినట్లు స్పష్టమవుతోంది. స్కూటీ అద్దం కూడా పగలలేదు ప్రధాన నిందితుడిగా భావిస్తున్న మహేష్‌.. తన కారుతో ఢీకొట్టడం వల్లే స్కూటీపై వెళ్తున్న ప్రశాంత్‌ చనిపోయాడనే వాదనపై పలు అనుమానాలు వ్యక్తమవుతున్నాయి. ఘటనా స్థలాన్ని పరిశీలిస్తే ఇది ప్రమాదం కాదనే సత్యం స్పష్టమవుతోంది.కారు బలంగా ఢీ కొడితే స్కూటీ ముందు భాగం ధ్వంసం కావాలి, వాహనం కింద పడిపోవాలి. కానీ, అక్కడ స్కూటీకి కనీసం ముందున్న అద్దం కూడా పగలలేదు. ప్రమాదానికి గురైన వాహనం రోడ్డు పక్కన నీట్‌గా స్టాండ్‌ వేసి ఉంది. ఘటనా స్థలంలో కనీసం ఒక్క రక్తపు బొట్టు గానీ, ప్రమాదం జరిగిన ఆనవాళ్లు గానీ లేవు. కేవలం స్కూటీ హ్యాండిల్‌ను మాత్రం సీటు వరకు వంచి ఉంచారు. నిత్యం వాహనాల రాకపోకలతో బిజీగా ఉండే హైవేపై హత్య చేయడం సాధ్యం కాదు కాబట్టి, ప్రశాంత్‌ను వేరే ఏదైనా నిర్జన ప్రదేశానికి తీసుకెళ్లి హతమార్చి ఉంటారని పోలీసులు భావిస్తున్నారు. ఆ తర్వాతే ప్రమాదంగా చూపించేందుకు ఈ డ్రామా ఆడారని నమ్ముతున్నారు. మానవత్వమే ప్రాణం తీసింది! ఈ దారుణంలో అందరినీ కలచివేస్తున్న అంశం ప్రశాంత్‌ మంచితనమే. ప్రస్తుతం సమాజంలో ’మనకెందుకులే’ అని అందరూ తప్పుకుంటున్న రోజుల్లో, ప్రశాంత్‌ మానవత్వంతో స్పందించాడు. ఒక వృద్ధుడిని (పెద్దాయనను) నిందితులు కొడుతుంటే తట్టుకోలేక, ఆ గొడవలో జోక్యం చేసుకుని అడ్డుకున్నాడు. ఆ రోజు తను వెనకడుగు వేసి ఉంటే ఈ రోజు తన కుటుంబంతో నవ్వుతూ గడిపేవాడు. కానీ, ఒకరి అమాయకత్వంపై మరొకరు చూపించిన శాడిజమే ప్రశాంత్‌ను బలితీసుకుంది. సాఫ్ట్‌వేర్‌ మైండ్‌.. పోలీసులకు ఛాలెంజ్‌! ఈ కేసులో ప్రధాన నిందితుడు ఒక సాఫ్ట్‌వేర్‌ ఇంజినీరు కావడంతో, తన టెక్నికల్‌ తెలివితేటలను ఉపయోగించి డిజిటల్‌, ఫిజికల్‌ ఆధారాలు దొరకకుండా ప్లాన్‌ చేసినట్లు తెలుస్తోంది. టెక్నాలజీ ఆధారంగా నేరాన్ని కప్పిపుచ్చాలని చూసిన ఈ మిస్టరీని ఛేదించడం పోలీసులకు సవాల్‌గా మారింది.కాగా, బుధవారం ప్రశాంత్‌ అంత్యక్రియలు స్వగ్రామంలో జరిగాయి. ఈ కేసుపై రూరల్‌ సర్కిల్‌ సీఐ రవినాయక్‌ మాట్లాడుతూ.. నిందితుల కోసం మూడు ప్రత్యేక బృందాలను రంగంలోకి దించామని, త్వరలోనే నిందితులను పట్టుకుని ఈ మర్డర్‌ మిస్టరీని ఛేదిస్తామని ధీమా వ్యక్తం చేశారు.ప్రశాంత్‌ హత్య వెనుక సాఫ్ట్‌వేర్‌ ప్లాన్‌

మదనపల్లె టౌన్‌ : ఫోర్జరీ కేసులో ముగ్గురికి న్యాయమూర్తి 14 రోజుల రిమాండ్‌ విధించినట్లు మదనపల్లె రెండో పట్టణ సీఐ గోపాల్‌ రెడ్డి బుధవారం తెలిపారు. సీఐ మీడియాతో మాట్లాడుతూ.. మదనపల్లెలోని నీరుగట్టువారిపల్లెకు చెందిన లేడీ డాన్‌ కోనేటి సులోచన, ఆమె ప్రధాన అనుచరులు రెడ్డప్పనాయుడు కాలనీకి చెందిన కడియాల శ్రీరాములు నాయుడు, గండి మోహనన్‌లను ఇటీవల ఫార్జరీ కేసులో అరెస్టు చేసిన సంగతి తెలిసిందే అన్నారు. ఇదిలా ఉండగా పట్టణానికి చెందిన మార్పురి శ్రీరామ్‌ భూమిని ఫోర్జరీ దస్త్రాలతో తన పెదనాన్న కృష్ణమూర్తి కుమారుడు మార్పురి వెంకటేష్‌ భూమిని రాసిచ్చినట్లు కోట్ల విలువైన శ్రీరామ్‌ భూమిని స్థానిక టమాటా మార్కెట్‌ యార్డు వద్ద 2003లో కబ్జా చేసిందన్నారు. ఈ కేసులో బాదితుడి ఫిర్యాదుపై వారం క్రితం కోనేటి సులోచనతో పాటు స్థానిక రెడ్డెప్ప నాయుడు కాలనీలో ఉండే కడియాల శ్రీరాములు నాయుడు సహా మరో 12 మంది పై ఫార్జరీ కేసునమోదు చేసినట్లు తెలిపారు. ఇదివరకే వన్‌టౌన్‌ పోలీసులు ఫార్జరీ కేసులో సులోచనతో పాటు శ్రీరాములు నాయుడును అరెస్టు చేయడంతో సబ్‌ జైల్లో ఉన్నట్లు తెలిపారు. దీంతో మార్పురీ శ్రీరామ్‌ ఫిర్యాదుతో నమోదైన కేసులో పీటీ వారెంట్‌ పై కస్టడీకి తీసుకుని శ్రీరామ్‌ కేసులో కోనేటి సులోచన, గిండి మోహన్‌, కడియాల శ్రీరాములు నాయుడును అరెస్టు చేసి కోర్టులో హాజరు పరచగా జడ్జి 14 రోజులు రిమాండ్‌ విధించినట్లు సీఐ తెలిపారు.

రాయచోటి టౌన్‌ : పట్టణ పరిధిలోని వరిగ రోడ్డు శివార్లలో ముళ్లపొదల్లో సుమారు 45–50 ఏళ్ల వయసున్న గుర్తుతెలియని వ్యక్తి మృతదేహం లభ్యమైంది. స్థానికుల సమాచారంతో అర్బన్‌ సీఐ బి.వి.చలపతి సంఘటనా స్థలానికి చేరుకుని పరిశీలించారు. అనంతరం మృతదేహాన్ని పోస్టుమార్టం నిమిత్తం రాయచోటి ఏరియా ఆస్పత్రికి తరలించారు. మృతుడు ఎర్రగళ్ల చొక్కా ధరించి ఉన్నాడని, ఆనవాళ్ల ఆధారంగా ఎవరైనా గుర్తిస్తే రాయచోటి అర్బన్‌ పోలీసులకు సమాచారం ఇవ్వాలని సీఐ కోరారు. డివైడర్‌ను ఢీకొట్టిన బైక్‌: యువకుడికి తీవ్ర గాయాలుమదనపల్లె టౌన్‌ : మదనపల్లె మండలంలోని బెంగళూరు ప్రధాన రహదారిలోని చిప్పిలి వద్ద బుధవారం మధ్యాహ్నం రోడ్డు ప్రమాదం జరిగింది. మండలంలోని రాగిమాకుల పల్లెకు చెందిన మనోహర్‌ బైక్‌పై ఇంటికి వెళ్తూ అదుపుతప్పి రోడ్డు మధ్యలో ఉన్న డివైడర్‌ను బలంగా ఢీకొట్టి కిందపడ్డాడు. ఈ ప్రమాదంలో అతని తలకు, కాళ్లకు తీవ్ర గాయాలయ్యాయి. గమనించిన స్థానికులు 108 అంబులెన్‌న్స్‌కు, పోలీసులకు సమాచారం అందించారు. ఘటనా స్థలానికి చేరుకున్న పోలీసులు క్షతగాత్రుడిని మదనపల్లె ప్రభుత్వ ఏరియా ఆసుపత్రికి తరలించారు. డాక్టర్లు పరీక్షించి మెరుగైన వైద్యం అందించడంతో ప్రాణాపాయం తప్పి కోలుకుంటూ ఉన్నాడు పోలీసులు కేసు దర్యాప్తు చేస్తున్నారు. వాహనదారులు వేగ నియంత్రణ పాటించాలని సూచించారు. పొలతలలో హుండీ ఆదాయం లెక్కింపుపెండ్లిమర్రి : మండల పరిధిలోని ప్రముఖ శైవక్షేత్రమైన పొలతల శ్రీ మల్లేశ్వర స్వామి దేవస్థానంలో బుధవారం హుండీ ఆదాయం లెక్కింపు కార్యక్రమం నిర్వహించారు. దేవదాయ శాఖ సూపరింటెండెంట్‌ రమణమ్మ ఆధ్వర్యంలో ఈ లెక్కింపు ప్రక్రియ జరిగింది.ఆలయ ప్రాంగణంలోని మల్లేశ్వర స్వామి, పార్వతీ దేవి, అక్కదేవతలు, పులి బండన్న స్వామి వార్ల శాశ్వత హుండీల ద్వారా భక్తులు సమర్పించిన కానుకలను లెక్కించగా, మొత్తం రూ. 15,65,909 నగదు వచ్చినట్లు అధికారులు తెలిపారు. నగదుతో పాటు 1,800 గ్రాముల వెండి, 24 గ్రాముల బంగారం వచ్చిందన్నారు. ఈ కార్యక్రమంలో ఆలయ చైర్మన్‌ రాజారెడ్డి, భక్తులు, ఆలయ సిబ్బంది పాల్గొన్నారు.

మదనపల్లె సిటీ : ఆర్థికంగా వెనుబడిన ప్రతిభావంతులైన విద్యార్థులకు కేంద్ర ప్రభుత్వం నేషనల్‌ మీన్స్‌ కం మెరిట్‌ స్కాలర్‌షిప్‌ పథకాన్ని అమలు చేస్తోంది. ఆన్‌లైన్‌లో గడువు ఈనెల 6వతేదీ వరకు పొడిగించారు. గడువు ముగిసినప్పటికి మరింత మంది పేద విద్యార్థులు దరఖాస్తు చేసుకోవాలన్న ఉద్దేశంతో గడువు పెంచారు. పరీక్ష ఈనెల 29న నిర్వహించనున్నారు. ప్రతిభ చాటిన విద్యార్థులకు 9వ తరగతి నుంచి ఇంటర్‌ పూర్తయ్యే వరకు నాలుగేళ్ల పాటు ఏటా రూ.12వేలు ఉపకార వేతనం అందుతుంది. ఇప్పటి వరకు జిల్లాలో 1700 మంది విద్యార్తులు దరఖాస్తు చేసుకున్నారు. అర్హతలు ఇలా.. ప్రభుత్వ, జిల్లా, మండల పరిషత్తు, ఎయిడెడ్‌, ఆదర్శ, మున్సిపాలిటీ పాఠశాలల్లో 8వ తరగతి చదువుతూ ఉండాలి. ఏడో తరగతిలో ఓసీ,బీసీ విద్యార్థులు 55 శాతం, ఎస్సీ,ఎస్టీ విద్యార్థులు 50 శాతం మార్కుల ఉండాలి. కుటుంబ వార్షికాదాయం రూ.3.50 లక్షల లోగా ఉండాలి. ఇందుకు తహశీల్దార్‌ జారీ చేసే ఆధాయ ఽధ్రువీకరణ పత్రం, ఎస్సీ,ఎస్టీ,బీసీల కులఽ ధ్రువీకరణ పత్రం కూడా జతచేయాలి. పరీక్ష రుసుం ఓసీ,బీసీలకు రూ.వంద, ఎస్సీ,ఎస్టీలకు రూ.50 చెల్లించాలి. పరీక్ష ఏడో తరగతిలో పాట 8వ తరగతిలో అక్టోబర్‌ వరకు బోధించే సిలబస్‌ ఆధారంగా ఉంటుంది.ఎన్‌ఎంఎంఎస్‌ ప్రవేశ పరీక్షకు గడువు పొడిగింపు

26వ వార్డుకు సంబంధించి ఎమ్మెల్యే, ఆయన కుమారుడు పోలింగ్‌ బూత్‌ల్లో దొంగ ఓట్లు వేయించారు. కొంతమంది గ్యాంగ్‌ దొంగ ఓట్లు, చనిపోయిన ఓట్లు వేసుకునేందుకు వచ్చారు. ఈ విషయాన్ని ఎమ్మెల్యే దృష్టికి తీసుకెళితే వాళ్ల వద్ద గుర్తింపు కార్డులు ఉన్నాయని లోపలికి పంపించారు. అరాచకం సృష్టించే విధంగా దొంగ ఓట్లు వేసుకున్నారు. మా వద్ద గుర్తింపు కార్డులు ఉన్నా కూడా పంపలేదు. – షేక్‌ సుల్తాన్‌ బాష, వైఎస్‌ఆర్‌సీపీ 26వ వార్డు అభ్యర్థి ఓటు వినియోగించుకునేందుకు వేసే స్వస్తిక్‌ గుర్తులో తేడాలు ఉన్నాయి. తమ వార్డుకు సంబంధించిన మూడు పోలింగ్‌ బూత్‌ల్లో ఒక్కోచోట ఒక్కో తేడా కనిపించింది. దొంగ ఓట్లకు వీటిని వినియోగించారు. ఓటింగ్‌ రోజు అక్రమాలు జరిగాయని మేము చెబుతున్నాం. కానీ అధికారులు పట్టించుకోలేదు. – శీలం రమేష్‌, 45వ వార్డు వైఎస్‌ఆర్‌సీపీ అభ్యర్థి

మదనపల్లె టౌన్‌: అన్నమయ్య జిల్లా కేంద్రం, మదనపల్లె మండలంలోని శానిటోరియం (ఆరోగ్యవరం) ప్రజలు దాదాపు 100 సంవత్సరాలుగా స్థానిక సంస్థల ఎన్నికలకు దూరంగా ఉండటం తీవ్ర చర్చనీయాంశంగా మారింది. ఇక్కడ సుమారు 1000 నుంచి 1500 కుటుంబాలు, 3000 నుంచి 4000 మంది ఓటర్లు నివసిస్తున్నారు. వీరు కేవలం ఎమ్మెల్యే, ఎంపీ ఎన్నికల్లో మాత్రమే ఓటు హక్కు వినియోగించుకుంటున్నారు. లోకల్‌ బాడీ ఎన్నికలు అంటే ఏమిటి? గ్రామ పంచాయతీ, మండల పరిషత్‌, జిల్లా పరిషత్‌, మున్సిపాలిటీ, కార్పొరేషన్‌ ఎన్నికలను లోకల్‌ బాడీ ఎన్నికలు అంటారు. ఈ ఎన్నికల ద్వారా సర్పంచ్‌, వార్డు సభ్యులు, కౌన్సిలర్లు, చైర్మన్‌ ఎన్నికవుతారు. వీరే గ్రామ, పట్టణ అభివృద్ధికి నిధులు తెచ్చి రోడ్లు, డ్రైనేజీ, తాగునీరు, వీధి దీపాలు, పారిశుద్ధ్యం వంటి మౌలిక సదుపాయాలు కల్పిస్తారు. లోకల్‌ అథారిటీ అంటే ఏమిటి? ఆరోగ్యవరం గతంలో టీబీ శానిటోరియం కోసం ఏర్పాటు చేసిన ప్రత్యేక పరిపాలన ప్రాంతం. ఇది నేటికీ లోకల్‌ అథారిటీ పరిధిలోనే కొనసాగుతోంది. అంటే ఇది పంచాయతీ కాదు, మున్సిపాలిటీ అస్సలు కాదు. దీనివల్ల ఇక్కడ పంచాయతీ ఎన్నికలు జరగవు. సర్పంచ్‌, వార్డు మెంబర్లు ఉండరు. దీని పర్యవసానంగా ప్రభుత్వం నుంచి వచ్చే 15వ ఆర్థిక సంఘం నిధులు, ఉపాధి హామీ నిధులు, స్వచ్ఛ భారత్‌ నిధులు అందడం లేదు. స్థానికంగా సమస్యలు చెప్పుకునే ప్రతినిధి లేక ప్రజలు తీవ్ర ఇబ్బందులు పడుతున్నారు. రోడ్లు అధ్వానంగా ఉన్నాయి, డ్రైనేజీ వ్యవస్థ లేదు, తాగునీటి కొరత ఉంది. తమ ప్రాంతాన్ని సమీప పంచాయతీలో లేదా మదనపల్లె మున్సిపాలిటీలో విలీనం చేసి ఓటు హక్కు కల్పించాలని ప్రజలు డిమాండ్‌ చేస్తున్నారు. లోకల్‌ బాడీ ఎన్నికలు వీళ్లకు ఉండవు

అందరూ జెడ్పీటీసీ, ఎంపీటీసీ ఎన్నికల్లో పాల్గొని ఓట్లు వేయాలని ఉత్సాహంగా ఎదురుచూస్తుంటే.. బి.కొత్తకోట మండలంలోని పర్యాటక కేంద్రం హార్సిలీహిల్స్‌పై గురువారం జరిగే ఓటింగ్‌కు ఎన్నికల కళ లేదు. స్థానిక సంస్థల ఎన్నికల్లో పాల్గొనే అవకాశం ఇక్కడి ఓటర్లకు లేకపోవడంతో వారంతా ఓటింగ్‌కు దూరంగా ఉండి ఎవరి పనుల్లో వారు నిమగ్నమైపోయారు. దీనికి కారణం హర్సిలీహిల్స్‌ టౌన్‌షిప్‌ కావడమే. 1999 వరకు హార్సిలీహిల్స్‌ కోటావూరు గ్రామపంచాయతీ, బి.కొత్తకోట మండల ప్రజా పరిషత్‌ పరిధిలో ఉండేది. 2000 ఏడాదిలో హార్సిలీహిల్స్‌ను టౌన్‌షిప్‌ కమిటీ ఏర్పాటు కావడంతో అప్పటినుంచి దీన్ని పంచాయతీ, మండల పరిషత్‌ పరిధి నుంచి పూర్తిగా తొలగించారు. అప్పటినుంచి కొండపై ఉంటున్న వారికి పంచాయతీ, జెడ్పీటీసీ, ఎంపీటీసీ ఎన్నికలు లేవు. దాంతో కొండపై ఎన్నికల హడావుడి కూడా కనిపించదు. అయితే ఎమ్మెల్యే, ఎంపీ ఎన్నికకు ఓటు హక్కు ఉంటుంది. కొండపై ప్రస్తుతం 95 మంది ఓటర్లు ఉన్నారు. సర్‌ తర్వాత జాబితా మేరకు ఇక్కడ 75 మంది ఓటర్ల లెక్క తేలింది. – సాక్షి, మదనపల్లె

కలికిరి: అధికార పార్టీ బెదిరింపులకు తలొగ్గకుండా మండల జెడ్పీటీసీ అభ్యర్థి గెలుపు కోసం కష్టపడాలని వైఎస్సార్‌సీపీ రీజినల్‌ కో–ఆర్డినేటర్‌, మాజీ మంత్రి, పుంగనూరు ఎమ్మెల్యే పెద్దిరెడ్డి రామచంద్రారెడ్డి మండలంలోని వైఎస్సార్‌సీపీ నేతలకు సూచించారు. కలికిరి మండల వైఎస్సార్‌సీపీ జెడ్పీటీసీ అభ్యర్థి చీనేపల్లి అనిత భర్త రత్నశేఖర్‌రెడ్డి, మండల కన్వీనర్‌ రమేష్‌కుమార్‌ రెడ్డిలు బుధవారం కలికిరికి విచ్చేసి మాజీ మంత్రిని కలిసి మండలంలోని రాజకీయ పరిస్థితులను వివరించారు. వైఎస్సార్‌సీపీ ఏజెంట్లకు కూడా పోలీసులు నోటీసులు అందచేసి భయబ్రాంతులకు గురిచేస్తున్నారని వివరించారు. అధికార పార్టీ అరాచకాలకు ప్రజలు చరమగీతం పాడుతారని, పార్టీ గెలుపుకోసం పని చేసే నాయకులకు గుర్తింపు ఉంటుందని, మండలంలో నాయకులు కలిసి కట్టుగా పని చేయాలని ఆయన సూచించారు. నాయకులు వరుణ్‌రెడ్డి, ఎంఐ హనీఫ్‌, యుగంధర్‌, శామ్యూల్‌ తదితరులు మాజీ మంత్రిని కలిసిన వారిలో ఉన్నారు.

పీలేరు : ఎన్నికల విధులకు హాజరైన పోలింగ్‌ సిబ్బంది ఆకలికేకలతో అలమటించారు. పోలింగ్‌ సామగ్రి తీసుకెళ్లడానికి బుధవారం స్థానిక సంజయ్‌గాంధీ డిగ్రీ కళాశాల వద్దకు చేరుకున్నారు. ఉదయం నుంచి సాయంత్రం వరకు పడిగాపులు కాచిన పలువురు సిబ్బంది ఆకలితో అలమటించారు. దగ్గరలో ఎలాంటి హోటళ్లు, టిఫిన్‌ సెంటర్లు లేకపోవడం, ఎన్నికల అధికారులు ఎలాంటి భోజన వసతి ఏర్పాటు చేయకపోవడంతో తీవ్ర ఇబ్బందులకు గురయ్యారు. సుమారు వెయ్యి మంది సిబ్బంది రాగా, మధ్యాహ్నం ఏర్పాటుచేసిన భోజనం సగం మందికి కూడా సరిపోలేదు. మిగిలిన వారు తీవ్ర అసహనం వ్యక్తం చేశారు.

కలికిరి: ఆల్‌ ఇండియా సైనిక్‌ స్కూల్స్‌ ఎంట్రన్స్‌ ఎగ్జామినేషన్‌–2027 (ఏఐఎస్‌ఎస్‌ఈఈ)కు నేషనల్‌ టెస్టింగ్‌ ఏజెన్సీ(ఎన్‌టిఏ) నోటిఫికేషన్‌ విడుదల చేసింది. సైనిక పాఠశాలల్లో 6వ, 9వ తరగతిలలో ప్రవేశాలకు అర్హత, ఆసక్తి కలిగిన అభ్యర్థులు డిసెంబరు నెల 2వ తేదీ లోపు ఆన్‌లైన్‌ వెబ్‌సైట్‌ ఎన్‌టిఎ.ఎసి.ఇన్‌ నందు దరఖాస్తు చేసుకోవాలని ప్రకటనలో తెలిపారు. జనరల్‌, ఓబీసీ అభ్యర్థులు దరఖాస్తు రుసుం రూ.850, ఎస్సీ,ఎస్టీ అభ్యర్థులు రూ.700 ఫీజు చెల్లించాల్సి ఉంది. ఆలస్య రుసుముతో డిసెంబరు నెల 3 నుంచి 6వ తేదీ రాత్రి 11.50 గంటల లోపు దరఖాస్తులకు అవకాశం కల్పించారు. డిసెంబరు 7 నుంచి 9వ తేదీ వరకు దరఖాస్తులలో మార్పులు, చేర్పులు, జనవరి 11న పరీక్షా కేంద్రాల సమాచారం, జనవరి 25వ తేదీ నుంచి ఎన్‌టిఎ వైబ్‌సైట్‌లో అడ్మిట్‌ కార్డులు అందుబాటులో ఉంటాయన్నారు. జనవరి 31న మధ్యాహ్నం 2 నుంచి 4.30 గంటల వరకు 6వ తరగతి ప్రవేశ పరీక్ష, 2 నుంచి 5 గంటల వరకు 9వ తరగతి పరీక్ష జరుగుతుందని పేర్కొన్నారు. కాగా కలికిరి సైనిక పాఠశాలలో 6వ తరగతికి 72 సీట్లు, 9వ తరగతికి 9 సీట్లు ఖాళీ వున్నట్లు పేర్కొన్నారు. మరిన్ని వివరాలకు పాఠశాలల వెబ్‌సైట్‌ లేదా ఎన్‌టిఎ వెబ్‌సైట్లో చూడవచ్చన్నారు. బాస్కెట్‌ బాల్‌ జిల్లా జట్టు ఎంపిక వాల్మీకిపురం: స్థానిక ప్రభుత్వ పీవీసీ ఉన్నత పాఠశాల ఆవరణంలో ఉమ్మడి చిత్తూరు జిల్లా స్కూల్‌ గేమ్స్‌ ఫెడరేషన్‌ ఆధ్వర్యంలో బుధవారం జిల్లా అండర్‌ 17 బాస్కెట్‌ బాల్‌ బాలబాలికల జట్లు ఎంపికను నిర్వహించినట్లు జిల్లా బాస్కెట్‌ బాల్‌ అసోసియేషన్‌ అధ్యక్షులు చింతల శ్రీధర్‌ రెడ్డి తెలిపారు. ఈ ఎంపిక ప్రక్రియలో ఉమ్మడి చిత్తూరు జిల్లా వ్యాప్తంగా దాదాపు 200 మంది బాస్కెట్‌ బాల్‌ బాలికలకల క్రీడాకారులు పాల్గొన్నట్లు తెలిపారు. ఈ ఎంపికలో అత్యంత ప్రతిభ కనబరిచిన అండర్‌ 17 బాలబాలికలను జిల్లా జట్లకు ఎంపిక చేశామని తెలిపారు. ఈ కార్యక్రమంలో ఎస్‌జీఎఫ్‌ సెక్రటరీ రమేష్‌ బాబు, జయక్రిష్ణ, హెచ్‌ఎం వసుంధర పాల్గొన్నారు. స్ట్రాంగ్‌ రూమ్‌, కౌంటింగ్‌ కేంద్రాల పరిశీలన సాక్షి, మదనపల్లె: గురువారం జరిగే జెడ్పీటీసీ, ఎంపీటీసీ ఎన్నికల పోలింగ్‌ అనంతరం మదనపల్లె ఆదిత్య ఇంజనీరింగ్‌ కాలేజీలో బ్యాలెట్‌ బాక్సులను భద్రపరిచే స్ట్రాంగ్‌ రూమ్‌, కౌంటింగ్‌ ఏర్పాట్లను బుధవారం సాయంత్రం జాయింట్‌ కలెక్టర్‌ శివ్‌ నారాయణ్‌ శర్మ, సబ్‌ కలెక్టర్‌ చల్లా కళ్యాణి, అధికారులతో కలిసి పరిశీలించారు. మదనపల్లె, నిమ్మనపల్లె, రామసముద్రం, తంబళ్లపల్లె, పెద్దమండెం, మొలకలచెరువు, పిటిఎం, బి.కొత్తకోట, కురబలకోట, పుంగనూరు, చౌడేపల్లి మండలాలకు సంబంధించి ఏర్పాటు చేసిన రిసెప్షన్‌ కేంద్రంలో చేస్తున్న ఏర్పాట్లను పరిశీలించారు. మూడు నియోజకవర్గాలకు సంబంధించి 507 పోలింగ్‌ కేంద్రాల బ్యాలెట్‌ బాక్సులను ఎన్నికల సామగ్రి స్వీకరణకు ఏర్పాటు చేసిన ప్రత్యేక కౌంటర్లను పరిశీలించారు. ఓట్ల లెక్కింపు కేంద్రాలను జేసీ పరిశీలించారు. జడ్పీ సీఈవో లక్ష్మీపతి, పంచాయతీరాజ్‌ ఎస్‌ఈ విజయశేఖర్‌, సర్వే శాఖ ఏడి శాంత రాజ్‌, డిఎల్డివో శ్రీనివాసులు, అధికారులు పాల్గొన్నారు. తంబళ్లపల్లెలో కొండచిలువ కలకలం తంబళ్లపల్లె : సిద్ధార్థపురం కాలనీ సమీపంలోని కాకులకానచెరువు కట్టపై బుధవారం సుమారు 10 అడుగుల భారీ కొండచిలువ ప్రత్యక్షమైంది. పశువులు, జీవాలు మేపడానికి వచ్చిన కాపరులు దానిని చూసి భయంతో పరుగులు తీశారు. గొర్రెలు, మేకలను సైతం మింగేసేలా ఉన్న ఈ కొండచిలువపై సమాచారం అందుకున్న అటవీశాఖ అధికారులు స్పందించారు. చుట్టుపక్కల ప్రాంతాల రైతులు, కాపరులు పొలాల వద్ద జాగ్రత్తగా ఉండాలని హెచ్చరించారు.

ఓటర్లను భయపెట్టి గెలిచారు.. సాక్షి, మదనపల్లె: మదనపల్లె మున్సిపల్‌ ఎన్నికల్లో టీడీపీ అక్రమాలకు పాల్పడి వైఎస్సార్‌సీపీని ఓడించారని ఆ పార్టీ చైర్మన్‌ అభ్యర్థి జింకా వెంకటా చలపతి, మాజీ ఎమ్మెల్సీ బి.నరేష్‌కుమార్‌రెడ్డి, సమన్వయకర్త నిసార్‌ అహ్మద్‌ ఆరోపించారు. ఓటర్లను భయపెట్టడం, దొంగ ఓట్లు, రిగ్గింగ్‌ ద్వారా టీడీపీ గెలిచిందని అన్నారు. బుధవారం స్థానిక ఎంపీ కార్యాలయంలో జరిగిన మీడియా సమావేశంలో చలపతి మాట్లాడుతూ పోలింగ్‌ కేంద్రం వద్ద ఏజెంట్‌ విషయమై ప్రశ్నించిన తనను మంత్రి మండిపల్లి రాంప్రసాద్‌ రెడ్డి, చైర్మన్‌ అభ్యర్థి శ్రీరామ్‌ కుమార్‌ తనను రామాపురం ఎస్‌ఐ చేత కొట్టించారని ఆరోపించారు. ఎన్నికల రోజు జరిగిన ఈ ఘటన తర్వాత, వాళ్లు రెండు కాళ్లు విరగగొట్టమంటే మేము ఒక కాలే విరగ్గొట్టామని పోలీసులు చెప్పుకోవడం విన్నవారు తనకు ఈ విషయం చెప్పారని చలపతి అన్నారు. తద్వారా భయభ్రాంతులను సృష్టించి తమ పార్టీకి అనుకూలమైన ఓట్లు రానివ్వకుండా, తాను తిరగకుండా చేశారన్నారు. ముస్లిం ఓటర్లు పోలింగ్‌ కేంద్రాలకు రాకుండా భయభ్రాంతులకు గురి చేశారని ఆరోపించారు. పోలింగ్‌ కేంద్రాల్లో చైర్మన్‌ ఏజెంట్లు లేకుండా చేసేందుకు ప్రలోభాలకు గురి చేశారని ఆరోపించారు. టీడీపీ అభ్యర్థి శ్రీ రామ్‌ కుమార్‌ వెంట రౌడీ మూకలు తిరుగుతూ రిగ్గింగ్‌ కోసం ప్రయత్నించారని అన్నారు. ఫారం ఎనిమిదిలో పోలైనట్టు పేర్కొన్న ఓట్లకు, లెక్కింపు ఓట్లకు తేడా ఉందని ఇది కూడా టీడీపీ చేసిన అక్రమాలేనని ఆరోపించారు. దీనికి ఉదాహరణ 45వ వార్డులో ఈ తేడాను గుర్తించిన ఎన్నికల అధికారి తమ ఏజెంట్‌ కు ఫోన్‌ చేసి పిలిపించడమే అక్రమాలకు నిదర్శనమని పేర్కొన్నారు. ఈ అక్రమాలను ప్రజలు గమనిస్తున్నారని, ఐదేళ్ల పదవి కోసం అక్రమాలకు పాల్పడతారా అని ప్రశ్నించారు. మున్సిపాలిటీలో అవినీతికి పాలు పడితే చూస్తూ ఊరుకోమని అడ్డుకుంటూ పోరాటం చేస్తామని, ప్రజలకు అండగా ఉంటామని చెప్పారు. సమావేశంలో కౌన్సిలర్లు షర్మిలాబాను, నీలూఫర్‌, తౌఫిఖుల్లా, నగీనా, నాగరాజు, నాయకులు వీఎస్‌.రెడ్డి, ఎన్‌.నవాజ్‌ అలీఖాన్‌, యూనస్‌, విశ్వనాఽథ్‌, ఖాదర్‌, నూరుల్లా, జబీ, యాసీన్‌, మల్లికార్జునరెడ్డి, చలపతి, బొమ్మిశెట్టి మధు, రమేష్‌ తదితరులు పాల్గొన్నారు. అభ్యర్థులను భయపెట్టారు.. వైఎస్‌ఆర్‌సీపీ సమన్వయకర్త నిసార్‌ అహ్మద్‌ మాట్లాడుతూ తమ పార్టీ అభ్యర్థులను టీడీపీ భయపెట్టి ఇబ్బందులకు గురి చేశారని ఆరోపించారు. పోలింగ్‌ కేంద్రాల్లో ఏజెంట్లను కూర్చోనివ్వకుండా చేశారన్నారు. లోపల ఉన్న వారిని భయపెట్టి బయటకు తరిమేసి దొంగ ఓట్లు వేసుకున్నారని ఆరోపించారు. ముస్లింలను ఓటింగ్‌ కు రానీయకుండా భయపెట్టారన్నారు. అక్రమాలు జరిగిన కేంద్రాలకు సంబంధించి రీ పోలింగ్‌ కోసం తమ ఏజెంట్లు పట్టుబట్టినా అధికారులు పట్టించుకోలేదన్నారు. ఈ విషయంలో అధికారులు నిర్లక్ష్యంగా వ్యవహరించినట్టు చెప్పారు. ఓటింగ్‌ శాతం తగ్గించడం ద్వారా టీడీపీ గెలిచేందుకు సహకరించారని ఆరోపించారు. తమ అభ్యర్థులు 12 మంది గెలిచారని.. ప్రతిపక్ష పాత్ర బలంగా పోషిస్తామని అన్నారు. నన్ను కొట్టించింది మంత్రి మండిపల్లి, చైర్మన్‌ చైర్మన్‌ అభ్యర్థి చలపతి ఆరోపణ భయభ్రాంతులు సృష్టించి టీడీపీ గెలించింది మదనపల్లెలో ఈ సంస్కృతికి స్వస్తి పలకండి ఆగ్రహం వ్యక్తంచేసిన మాజీ ఎమెల్సీ నరేష్‌కుమార్‌రెడ్డి, సమన్వయకర్త నిసార్‌ అహ్మద్‌ మదనపల్లి మున్సిపల్‌ ఎన్నికల్లో టీడీపీ వారు ప్రజలను భయపెట్టి ఓట్లు వేయకుండా గెలిచారని మాజీ ఎమ్మెల్సీ బి.నరేష్‌ కుమార్‌ రెడ్డి ఆరోపించారు. ఆయన మాట్లాడుతూ అన్ని వ్యవస్థలు, అధికారులు టీడీపీకి అనుకూలంగా పనిచేశాయని ఆరోపించారు. ముస్లిం, ఇతర వర్గాల ఓటర్లను భయపెట్టి అనుకూలంగా చేసుకొన్నట్టు చెప్పారు. ప్రజాస్వామ్యంలో ఓటు వేసుకోవడం హక్కు, దీన్ని హరించడం మంచి పద్ధతి కాదని హితవు పలికారు. మదనపల్లిలో ప్రశాంత వాతావరణానికి భంగం కలిగించారని, భవిష్యత్‌ తరాలు ఇలాగే వ్యవహరించే ప్రమాదం ఉందని, టీడీపీ నేతలు ఇప్పటికై నా దీనికి అడ్డుకట్ట వేయాలని సూచించారు. ఎన్నికల్లో నామినేషన్‌ వేయడం నుంచి కౌంటింగ్‌ వరకు జరిగిన అన్ని పరిణామాలను ఆయన వివరిస్తూ.. ప్రతి ఒక్క చర్య టీడీపీకి అనుకూలంగానే జరిగిందన్నారు. ఇప్పటికై నా ఈ సంస్కృతికి ముగింపు పలకాలని హితవు పలికారు.

కురబలకోట : ఆరు నెలల క్రితం తలెత్తిన చిన్నపాటి దారి వివాదం చివరకు ఓ నిండు ప్రాణాన్ని బలిగొంది. తనది కాని దారి సమస్యలో మానవత్వంతో జోక్యం చేసుకున్న పాపానికి భార్యకు జీవితాంతం తీరని వేదన.. ఇద్దరి పిల్లలకు తండ్రిని దూరం చేసింది. క్షణికావేశాలు, పాత పగలు చివరకు ఓ కుటుంబానికి తీరని శోకాన్ని మిగిల్చాయి. ఈ దుస్సంఘటన కురబలకోట మండల సరిహద్దు కాండ్లమడుగు సమీపంలో సోమవారం రాత్రి చోటు చేసుకుంది. ముదివేడు ఎస్‌ఐ మధురామచంద్రుడు కథనం మేరకు వివరాలు ఇలా ఉన్నాయి. బి.కొత్తకోట మండలం బండారువారిపల్లి గ్రామం పెద్దపల్లికి చెందిన చల్లా ప్రశాంత్‌(35) స్వగ్రామంలో కిరాణ షాపు నిర్వహిస్తున్నాడు. అదే ఊరికి చెందిన మహేష్‌(37) వ్యవసాయం చేస్తూ సాఫ్ట్‌వేర్‌గా ఉంటున్నారు. అదే ఊరిలో ఆరు నెలల క్రితం భూముల వద్దకు రాకపోకలు సాగించే దారి సమస్య తలెత్తింది. ఈ విషయంలో ఓ పెద్దాయనపై ఆప్పట్లో మహేష్‌ చేయి చేసుకున్నారు. పెద్దాయనను కొట్టాడన్న ఆగ్రహంతో అప్పట్లో ప్రశాంత్‌ మరి కొందరు మహేష్‌పై చేయి చేసుకున్నారు. ఇది మనసులో పెట్టుకున్న మహేష్‌ తీవ్ర కక్ష పెంచుకున్నారు. నాలుగు నెలలుగా ప్రతీకారంతో ఊరికి కూడా రాకుండా.. మదనపల్లి మండలం అంకిశెట్టిపల్లిలో ఉండసాగాడు. తనను కొట్టాడన్న కారణంగా ప్రశాంత్‌పై పగతీర్చుకోవాలని పథకం పన్నాడు. సోమవారం రాత్రి ప్రశాంత్‌ మదనపల్లి నుంచి వస్తున్నట్లు పసిగట్టాడు. కాండ్లమడుగు వద్ద కాపు కాసి ఎదురుగా కొద్ది దూరంలో స్కూటీపై వస్తున్న ప్రశాంత్‌ను కారుతో బలంగా ఢీకొట్టాడు. ప్రశాంత్‌ తలకు, ముఖానికి తీవ్ర గాయాలై మృతి చెందాడు. ఇతన్ని కొద్ది దూరంలో హైవేని ఆనుకుని ఉన్న పొలం వద్దకు కారులోనే తీసుకెళ్లి పడేసి వెళ్లిపోయారు. కారును సంఘటన స్థలానికి కొద్ది దూరంలో హైవే పక్కన వదిలేసి వెళ్లడంతో.. ఈ హత్యకు వీరే కారణమని వెలుగు చూసింది. ఈ హత్యలో మహేష్‌తోపాటు మరికొందరి ప్రమేయం ఉండవచ్చని భావిస్తున్నారు. రాత్రంతా గాలింపు.. ఉదయం వెలుగులోకి.. సోమవారం రాత్రి ముదివేడు పోలీసులకు హత్య జరిగినట్లు 100 నంబరు నుంచి కాల్‌ రావడంతో వారు హుటాహుటిన వెళ్లి గాలింపు చర్యలు చేపట్టారు. ప్రశాంత్‌ బంధు మిత్రులు కూడా రాత్రంతా వెతికారు. రాత్రి వేళ కావడం, ఆపై పొలంలో పడేసి ఉండటంతో కనుగొనలేకపోయారు. మంగళవారం ఉదయం పోలీసులకు సమాచారం ఇచ్చారు. రూరల్‌ సర్కిల్‌ సీఐ రవినాయక్‌ చేరుకుని క్లూస్‌ టీమ్‌, డాగ్‌ స్క్వాడ్‌, ఫోరెన్సిక్‌ బృందాలతో ఆధారాలు సేకరించారు. మృతదేహాన్ని మదనపల్లి ప్రభుత్వ ఆసుపత్రికి తరలించి పోస్టుమార్టం నిర్వహించారు. మూడు ప్రత్యేక బృందాలు ఈ హత్య కేసును పోలీసులు తీవ్రంగా పరిగణిస్తున్నారు. నిందితులను పట్టుకోడానికి జిల్లా ఎస్పీ ఆదేశాలతో డీఎస్పీ పర్యవేక్షణలో రూరల్‌ సర్కిల్‌ సీఐ రవినాయక్‌ నేతృత్వంలో మూడు ప్రత్యేక టీమ్‌లను ఏర్పాటు చేసి నిందితుల కోసం గాలిస్తున్నట్లు ఎస్‌ఐ మధురామచంద్రుడు తెలిపారు. త్వరలోనే నిందితులను పట్టుకుంటామని ఆయన పేర్కొన్నారు. తనది కాని సమస్యలో జోక్యం చేసుకోవడంపై కక్ష పెంచుకున్న ప్రత్యర్థి.. ప్రశాంత్‌ను కిరాతకంగా హత్య చేయడం కలవరాన్ని కలిగిస్తోంది. బాధిత కుటుంబ సభ్యులు గుండెలవిసేలా రోదించారు. గ్రామంలో తీవ్ర విషాద ఛాయలు అలుముకున్నాయి. ఓ కుటుంబ భవిష్యత్తు ప్రశ్నార్థకంగా మారింది. కారుతో ఢీకొట్టి పొలంలో పడేసి పరారీ దారి వివాదంతో నిండు ప్రాణం బలి

కలకడ : మండలంలోని ఎర్రకోటపల్లె ఎంపీటీసీ స్థానానికి వైఎస్సార్‌సీపీ తరఫున పోటీ చేసిన పవన్‌కుమార్‌రెడ్డిని గుర్తు తెలియని వాహనం(కారు) ఢీకొంది. బాధితుడు తెలిపిన మేరకు వివరాలిలా ఉన్నాయి. ఎన్నికల ప్రచారంలో చివరి రోజైన మంగళవారం ఉదయం ఎర్రకోటపల్లె ఎంపీటీసీ స్థానం పరిధిలోని ముడియంవారిపల్లెకు తన ద్విచక్రవాహనంలో ఇంటి నుంచి బయలుదేరి వెళ్తుండగా.. ఎదురుగా వచ్చిన కారు ఢీకొంది. ఈ ప్రమాదంలో ఆయన తీవ్ర గాయాల పాలయ్యాడు. స్థానికులు గుర్తించి బాధితుడిని కలికిరి మండలం మహల్‌ ప్రభుత్వ ఆసుపత్రికి తీసుకుని వెళ్లారు. ప్రథమ చికిత్స అనంతరం మెరుగైన చికిత్స కోసం మదనపల్లెకు తరలించారు. ఈ ప్రమాదంలో పవన్‌కుమార్‌రెడ్డి చెయ్యి విరిగి, కాలికి తీవ్ర గాయాలైనట్లు తెలిపారు. ఈ రోడ్డు ప్రమాదం ఎన్నికల సమయంలో జరగడంతో ఇది ప్రత్యర్థుల దాడా..? లేక ప్రమాదవశాత్తు జరిగిందా అనే అనుమానాలను పలువురు వ్యక్తం చేస్తున్నారు. బాధితుడి వాంగ్మూలం నమోదుపుంగనూరు : పెట్రోల్‌ పోసుకుని, నిప్పంటించుకుని ఆత్మహత్యాయత్నానికి పాల్పడిన బాధితుడి వాంగ్మూలాన్ని ప్రిన్సిపల్‌ జూనియర్‌ సివిల్‌ జడ్జి పరేష్‌కుమార్‌ మంగళవారం నమోదు చేశారు. పెద్దపంజాణి మండలం కమ్మినాయునిపల్లెకి చెందిన గంగప్ప కుమారుడు బి.విష్ణు(30)కు ఒక మహిళతో సాన్నిహిత్య సంబంధం ఉంది. ఇలా ఉండగా కొద్ది రోజులుగా ఆమె నిరాకరించడంతో మనస్తాపానికి గురైన విష్ణు తన ఇంట్లో శరీరంపై పెట్రోల్‌ పోసుకుని నిప్పంటించుకున్నాడు. దీనిని గమనించిన కుటుంబ సభ్యులు మంటలను ఆర్పివేసి, కాలిన శరీరంతో ఉన్న విష్ణును పుంగనూరు ఏరియా ఆసుపత్రికి తరలించారు. పరిస్థితి విషమంగా ఉండటంతో పోలీసుల అభ్యర్థన మేరకు న్యాయమూర్తి పరేష్‌కుమార్‌ బాధితుడి వాంగ్మూలాన్ని రికార్డు చేశారు. ఈ మేరకు పోలీసులు కేసు నమోదు చేసి దర్యాప్తు చేస్తున్నారు. బావిలో పడి వృద్ధుడి మృతికేవీపల్లె : బావిలో ప్రమాదవశాత్తు పడి ఒంటరి వృద్ధుడు మృతి చెందిన సంఘటన మండలంలోని గ్యారంపల్లె పంచాయతీ కొత్తపల్లె వద్ద చోటు చేసుకుంది. వివారలిలా వున్నాయి. కడపకు చెందిన మల్లెపు రామయ్య(75) కొన్నేళ్లుగా కొత్తపల్లెలో ఒంటరిగా జీవనం సాగించేవాడు. సోమవారం ప్రమాదవశాత్తు బావిలో పడి మృతి చెందాడు. మంగళవారం మృతదేహాన్ని వెలికి తీసి పోస్టుమార్టం అనంతరం గ్రామస్తులకు అప్పగించారు. గ్రామస్తులంతా కలసి ఒంటరి వృద్ధుడి మృతదేహానికి అంత్యక్రియలు నిర్వహించారు.

‘రెడ్‌ బుక్‌’ ముందు భారత రాజ్యాంగం చిన్నబోయింది.. ‘పుర’ పోరు వేదికగా.. బ్యాలెట్టు బాక్సుల సాక్షిగా ‘పచ్చ’దండు చేసిన దౌర్జన్యకాండ లోకానికి తెలిసింది. నామినేషన్లు మొదలు కౌంటింగ్‌ దాకా అడుగడుగునా ‘ఎన్నిక’ను హైజాక్‌ చేసిన తీరు చూసి ప్రజాస్వామ్యం ఓడిపోయింది. ‘గెలుపు’ సైతం సిగ్గుతో చచ్చిపోయింది. సత్యాన్ని వధిస్తూ.. ధర్మాన్ని చెరబడుతూ ‘నారా’క్షసానందం పొందుతుంటే సమాజం విస్తుపోయింది. మంగళవారం జరిగిన కౌంటింగ్‌ ప్రక్రియతో కూటమి పతనానికి కౌంటింగ్‌ మొదలైందనే మాట రాజకీయ విశ్లేషకుల నోట వినిపిస్తోంది. సాక్షి ప్రతినిధి, కడప: నవ్విపోదురుగాక...మాకేటి సిగ్గు అన్నట్లుగా అధికారుల తీరు ఉంది. నామినేషన్లు మొదలు పోలింగ్‌ నిర్వహణ దాకా నిబంధనలు, చట్టాన్ని పాతిపెట్టినట్టే, కౌంటింగ్‌లో కూడా అదే ధోరణి కొనసాగింది. విపక్ష పార్టీకి చెందిన కౌంటింగ్‌ ఏజెంటుపై టీడీపీ కార్పొరేటర్‌ అభ్యర్థి దాడి చేశారు. కడపలోని 33, 46 డివిజన్లలో వైఎస్సార్‌సీపీ అభ్యర్థులు ఆధిక్యంలో ఉన్నారని సుమారు 3 గంటలపాటు కౌంటింగ్‌నే నిలిపేశారు. నామినేషన్లు.. ఆపై పోలింగ్‌లో అధికార పార్టీకి తొత్తులుగా మారిన అధికారులు చివరికి వాటి ఫలితాలు వెల్లడించడంలో కూడా ఏకపక్ష చర్యలకే మొగ్గు చూపారు. ఉదయం నుంచి రాత్రి 7గంటల వరకూ కడప మేయర్‌ అభ్యర్థుల తొలిరౌండ్‌ ఫలితాలు కూడా వెల్లడించలేదంటే అధికారుల పనితీరు ఎలా ఉందో అర్థం చేసుకోవచ్చు. సాక్షాత్తు కలెక్టర్‌ చెరుకూరి శ్రీధర్‌ పర్యవేక్షిస్తున్నా.. మరోవైపు రిటర్నింగ్‌ అధికారితో సహా యంత్రాంగం తిష్టవేసి ఉన్నా ఎలాంటి ఫలితం లేదు. వైజాగ్‌ లాంటి గ్రేటర్‌ మున్సిపల్‌ కార్పొరేషన్‌ ఫలితాలు పూర్తి అయ్యాయి. పొరుగునున్న తిరుపతి, నెల్లూరు, అనంతపురం కార్పొరేషన్‌ ఫలితాలు కూడా వెల్లడించారు. కడప కార్పొరేషన్‌లో మాత్రం సాయంత్రం ఏడుగంటల దాకా తొలి రౌండ్‌ ఫలితాన్ని కూడా వెల్లడించకపోవడం అధికారుల వైఫల్యానికి నిలువెత్తు నిదర్శనం. 33, 46డివిజన్లు కౌంటింగ్‌ నిలిపివేత నగరంలోని 33వ డివిజన్‌, 46వ డివిజన్‌ కార్పొరేటర్‌ అభ్యర్థుల ఫలితాలను 3గంటల పాటు కౌంటింగ్‌ అధికారులు నిలిపేశారు. వైఎస్సార్‌సీపీ యువజన విభాగ జిల్లా అధ్యక్షుడు దేవిరెడ్డి ఆదిత్య సతీమణి సంధ్యారాణి 33వ డివిజన్‌లో కార్పొరేటర్‌ అభ్యర్థిగా నిలిచారు. తొలిరౌండ్‌లో కూటమి అభ్యర్థిపై 162 ఓట్లు ఆధిక్యత సాధించింది. అలాగే 46వ డివిజన్‌లో వైఎస్సార్‌సీపీ అభ్యర్థి జమీల్‌ 272 ఓట్లు ఆధిక్యత సాధించారు. ఆ తర్వాత ఆ రెండు డివిజన్ల ఫలితాలను వెల్లడించకుండా కౌంటింగ్‌ ప్రక్రియనే నిలిపేశారు. పైరవీలు, ప్రలోభాలకు అవకాశమిచ్చేందుకే కలెక్టర్‌ ఇలాంటి చర్యలను కొనసాగిస్తున్నారని వైఎస్సార్‌సీపీ నేతలు ఆరోపించారు. వైఎస్సార్‌సీపీ కౌంటింగ్‌ ఏజెంటుపై దాడి.... 46వ డివిజన్‌ వైఎస్సార్‌సీపీ అభ్యర్థి జమీల్‌ కౌంటింగ్‌ ఏజెంటు అప్రోజ్‌పై టీడీపీ కార్పొరేటర్‌ అభ్యర్థి హానీఫ్‌ మరో ముగ్గురు ఏకంగా కౌంటింగ్‌ కేంద్రం వద్దే దాడి చేశారు. ఆకలి తీర్చుకోవాలని బయటకు వచ్చిన ఏజెంటుపై ప్రాంగణంలో దాడికి పాల్పడ్డారంటే కౌంటింగ్‌ కేంద్రంలో భద్రత ఏస్థాయిలో ఉందో ఇట్టే అర్థం చేసుకోవచ్చు. కూటమి పతనానికి ‘కౌంటింగ్‌’ షురూ! కౌంటింగ్‌ కేంద్రంలో వైఎస్సార్‌సీపీ ఏజెంటుపై దాడి పోలీసులు భద్రతలో డొల్లతనం 33, 46 డివిజన్లు వైఎస్సార్‌సీపీ అభ్యర్థుల ఆధిక్యతతో కౌంటింగ్‌ నిలిపివేత రాత్రి 7గంటలకు వరకూ మేయర్‌ తొలిరౌండు ఫలితాలు కూడా వెల్లడించని వైనం నామినేషన్లు, పోలింగ్‌ తరహాలోనే కౌంటింగ్‌లో నిమ్మకునీరెత్తినట్లుగా అధికారులు

సాక్షి, మదనపల్లె: జిల్లాలో వాటర్‌ గ్రిడ్‌ ప్రాజెక్టు పనుల పురోగతిపై కలెక్టర్‌ నిశాంత్‌ కుమార్‌ మంగళవారం గ్రామీణ నీటి సరఫరా శాఖ ఈఈల, డీఈలతో కలెక్టరేట్‌లో సమీక్షించారు. పురోగతిలోని పనుల స్థితిని, వివిధ దశల్లో ఉన్న నిర్మాణాలపై అధికారులు కలెక్టర్‌కు నివేదించారు. గ్రామీణ ప్రాంతాల్లో నిరంతర తాగునీటి సరఫరాకు అవసరమైన ఓహెచ్‌ఎస్‌ఆర్‌ నిర్మాణాలను వచ్చే మార్చి నాటికి పూర్తి చేసేలా చర్యలు తీసుకోవాలని ఆదేశించారు. ప్రారంభం కాని క్లియర్‌ వాటర్‌ సంపుల నిర్మాణాలను ప్రారంభించి, కార్యాచరణ ప్రణాళికను రూపొందించాలని ఆదేశించారు. వాటర్‌ గ్రిడ్‌ ప్రాజెక్టు పూర్తయితే తాగునీటి సరఫరా వ్యవస్థ బలోపేతమై, నీటి రవాణా అవసరం ఉండదన్నారు. శాఖల మధ్య సమన్వయంపై కలెక్టర్‌ సమీక్షించారు. అవసరమైన అనుమతులు, శాఖలకు సంబంధించిన సమస్యలను పరిష్కరించుకుని, పనుల్లో జాప్యం లేకుండా చూడాలని అధికారులను కోరారు. సమావేశంలో మదనపల్లె సబ్‌ కలెక్టర్‌ చల్లా కళ్యాణి, ఎస్‌ఈ శ్రీధర్‌, ఎగ్జిక్యూటివ్‌ ఇంజనీర్‌ సతీష్‌ కుమార్‌, డిప్యూటీ ఎగ్జిక్యూటివ్‌ ఇంజనీర్లు, అసిస్టెంట్‌ ఎగ్జిక్యూటివ్‌ ఇంజనీర్లు పాల్గొన్నారు.

ప్రొద్దుటూరు : ప్రొద్దుటూరు మున్సిపల్‌ చైర్మన్‌ సీటును జనరల్‌ కేటగిరికి కేటాయించే విషయాన్ని సానుకూలంగా పరిశీలించాలని అధికార పార్టీ ఎమ్మెల్యే నంద్యాల వరదరాజులరెడ్డి మంత్రికి రాసిన లేఖతో బీసీలు సర్వత్రా విస్మయం వ్యక్తం చేస్తున్నారు. తమకు పరిపాలించే అర్హత లేదా అని బీసీ వర్గాలకు చెందిన వారు మండిపడుతున్నారు. జిల్లాలో కడప తర్వాత ప్రొద్దుటూరు స్పెషల్‌ గ్రేడ్‌ మున్సిపాలిటీగా ఉంది. ఇక్కడ ప్రముఖంగా చేనేత వర్గానికి చెందిన పద్మశాలీయులు, తొగటవీరక్షత్రియలు, దేవాంగులు ఉన్నారు. వీరితోపాటు ముస్లిం మైనారిటీలు, యాదవ సామాజిక వర్గంతోపాటు పలు వెనుకబడిన కులాల వారు ఉన్నారు. ఈ ప్రకారం మున్సిపాలిటీ పరిధిలో 1,37,203 ఓట్లు ఉండగా.. వీరిలో దాదాపు సగం మంది బీసీ ఓటర్లు ఉన్నారు. వీరిలోనే అనేక రకాల పదవుల్లో కొనసాగుతున్న నాయకులు ఉన్నారు. మున్సిపల్‌ ఎన్నికల నోటిఫికేషన్‌ కంటే ముందుగానే మున్సిపల్‌ చైర్మన్‌ పదవి బీసీలకే వస్తుందని కొందరు, బీసీలకే ఇవ్వాలని మరికొందరు డిమాండ్‌ చేశారు. చైర్మన్‌ ఎన్నికకు సంబంధించి ప్రత్యక్షంగా ఎన్నికలు జరగడంతో.. రిజర్వేషన్‌ ప్రక్రియ కొత్తగా మొదలవుతుందని, ఈ ప్రకారం తమ జనాభాను బట్టి బీసీలకే మున్సిపల్‌ చైర్మన్‌ పదవి రిజర్వు అవుతుందని ఆశపడ్డారు. అయితే చివరికి టీడీపీ అధిష్టానం ప్రకటించిన జాబితాలో మున్సిపల్‌ చైర్మన్‌ పదవిని ఎమ్మెల్యే వరదరాజులరెడ్డి సోదరుడు నంద్యాల రాఘవరెడ్డి ఉండటంతో అందరి ఆశలు పటాపంచలయ్యాయి. దీని వెనుక ఎమ్మెల్యే సిఫారస్సు ఉందనే విషయం సమాజానికి తెలియదు. మున్సిపల్‌ శాఖ మంత్రి పొంగూరు నారాయణకు ఎమ్మెల్యే వరదరాజులరెడ్డి రాసిన లేఖను మాజీ ఎమ్మెల్యే రాచమల్లు శివప్రసాదరెడ్డి బయట పెట్టడం సంచలనంగా మారింది. పైగా సమర్థవంతమైన నాయకత్వానికి, ఎన్నికల్లో విజయవంతమైన ఫలితాలకు జనరల్‌ కేటగిరి అభ్యర్థి అయితే అనుకూలంగా ఉంటుందని లేఖలో రాయడం కొసమెరుపు. మున్సిపల్‌ పీఠం ‘జనరల్‌’ చేయాలని ఎమ్మెల్యే పట్టు మంత్రి నారాయణకు సిఫార్సు విస్మయం వ్యక్తం చేస్తున్న బీసీలు మాకు పాలించే అర్హత లేదా అంటూ ఆగ్రహంప్రొద్దుటూరు మున్సిపల్‌ చైర్మన్‌ పీఠం కేటాయింపు వ్యవహారం.. ఇప్పుడు స్థానిక రాజకీయాల్లో తీవ్ర దుమారం రేపుతోంది. మున్సిపల్‌ చైర్మన్‌ సీటును జనరల్‌ కేటగిరికి కేటాయించే విషయాన్ని సానుకూలంగా పరిశీలించాలంటూ.. అధికార పార్టీ ఎమ్మెల్యే నంద్యాల వరదరాజులరెడ్డి మంత్రికి రాసిన లేఖ క్షేత్రస్థాయిలో తీవ్ర కలకలం సృష్టించింది. ఈ లేఖపై నియోజకవర్గంలోని బీసీ వర్గాలు ఆగ్రహం వ్యక్తం చేస్తున్నాయి.బీసీలకు అన్యాయం చేశారు ప్రొద్దుటూరు మున్సిపాలిటీలో ప్రధానంగా బీసీ వర్గాలే ఎక్కువగా ఉన్నాయి. రాజకీయంగా చైతన్యవంతులు, మేధావులు ఉన్నారు. ఇవేమి చూడకుండా ఎమ్మెల్యే వరదరాజులరెడ్డి తన సోదరుడి కోసం చైర్మన్‌ పదవిని తెచ్చుకుని బీసీలకు అన్యాయం చేశారు. వైఎస్సార్‌సీపీ ప్రభుత్వంలో బీసీలకు పెద్దపీట వేశారు. – శేఖర్‌యాదవ్‌, మాజీ ఎంపీపీ, ప్రొద్దుటూరు మండలం.

సదుం: స్థానిక ఎన్నికలలో వైఎస్సార్‌ సీపీని ఆదరించాలని పార్టీ రీజనల్‌ కో–ఆర్డినేటరు, ఎమ్మెల్యే పెద్దిరెడ్డి రామచంద్రా రెడ్డి కోరారు. మండల కేంద్రంలో మంగళవారం ఆయన పర్యటించారు. పార్టీ జెడ్పీటీసీ అభ్యర్థి పుట్రాజు, ఎంపీటీసీ అభ్యర్థి షాహిదాను గెలిపించాలని ప్రచారం నిర్వహించారు. గ్రామంలో పర్యటిస్తున్న ఆయనకు పలువురు కర్పూర హారతులతో ఘన స్వాగతం పలికారు. అక్రమ కేసులు, దౌర్జన్యాలతో ఎన్నికలలో గెలుపొందాలని టీడీపీ నాయకులు భావిస్తున్నారని ఆయన చెప్పారు. వారి కుట్రలను ప్రజలు ఆమోదించరని, ప్రజాభిమానం వైఎస్సార్‌ సీపీకే ఉందని స్పష్టం చేశారు. ప్రజలు నిర్భయంగా ఎన్నికలలో పాల్గొనాలని కోరారు. గత ప్రభుత్వ హయాంలో నియోజకవర్గం ఎంతగానో అభివృద్ధి చెందిన సంగతి అందరూ గుర్తించారని, కూటమి ప్రభుత్వం ఏర్పడిన అనంతరం అభివృద్ధి ఊసే లేకుండా పోయిందని అన్నారు. పార్టీ అభ్యర్థులకు మండలంలో భారీ మెజార్టీ చేకూరేలా చూడాలన్నారు. ఎన్నికలు సక్రమంగా నిర్వహిస్తే వైఎస్సార్‌ సీపీ సత్తా ఎంటో తెలుస్తుందన్నారు. కార్యక్రమంలో పెద్దిరెడ్డి నిహాంత్‌ రెడ్డి, సయ్యద్‌బాషా, మస్తాన్‌, ఖాజాపీర్‌, ఇందాద్‌, వెంకటరమణా రెడ్డి, రమేశ్‌, విజయ్‌ రెడ్డి, ఎల్లారెడ్డి, మల్‌రెడ్డి, కృష్ణారెడ్డి, రమేశ్‌ రెడ్డి, షబ్బీర్‌, భాస్కర్‌, చిన్నరమణ, కాలేషా, వెంకటస్వామి, శివారెడ్డి, ఉషారాణి, రాజశేఖర్‌, నవీన్‌, రమణారెడ్డి, ఖమ్రుద్దీన్‌ తదితరులు పాల్గొన్నారు.

కడప ఎడ్యుకేషన్‌ : కర్నూలులో జరిగిన అండర్‌ 17 బాలబాలికల స్కూల్‌ గేమ్స్‌ రాష్ట్ర స్థాయి అథ్లెటిక్స్‌ పోటీలలో పోల్‌ వాల్ట్‌ ఈవెంట్‌లో కడప జిల్లా పెండ్లిమర్రి మండలం గంగన్నపల్లె జిల్లా పరిషత్‌ హైస్కూల్‌కు చెందిన 8వ తరగతి విద్యార్థులు సాహిదా, ముబీనా ప్రతిభ చాటి జాతీయ స్థాయి అథ్లెటిక్స్‌కు ఎంపికయ్యారని వ్యాయాయ ఉపాధ్యాయుడు శివశంకర్‌రెడ్డి తెలిపారు. ఇందులో సాహిదా 2 మీటర్లు ఎత్తు దూకి బంగారు పతకం, ముబీనా 1.85 మీటర్ల ఎత్తు దూకి వెండి పతకం సాధించారు. విజేతలు నవంబర్‌ 19 నుంచి 23 వరకు మధ్యప్రదేశ్‌ రాష్ట్రంలోని శివపురిలో జరిగే జాతీయస్థాయి అథ్లెటిక్స్‌ పోటీల్లో పాల్గొననున్నారు. వారిని పాఠశాల ప్రధానోపాధ్యాయులు, ఉపాధ్యాయులు అభినందించారు.

కడప సెవెన్‌రోడ్స్‌ : సామాజిక మాధ్యమాల్లో జిల్లా కలెక్టర్‌ పేరుతో ఫేక్‌ అకౌంట్ల ద్వారా డబ్బు వసూలు చేస్తున్నట్లు తమ దృష్టికి వచ్చిందని, ఇలాంటి తప్పుడు మెసెజ్‌లకు ఎవరూ స్పందించవద్దని కలెక్టర్‌ డాక్టర్‌ శ్రీధర్‌ చెరుకూరి మంగళవారం ఒక ప్రకటన ద్వారా ప్రజలను కోరారు. తాజాగా తన పేరుతో వాట్సాప్‌ బిజినెస్‌ అకౌంట్‌ ద్వారా డబ్బులు అడుగుతున్నట్లు కూడా తమ దృష్టికి వచ్చిందని, ఇలాంటి ఫేక్‌ అకౌంట్ల రిక్వెస్టులకు ఎవరూ స్పందించవద్దని కలెక్టర్‌ జిల్లా ప్రజలకు సూచించారు. సామాజిక మాధ్యమాల్లో ఇలాంటి మెసెజ్‌లు ఎవరికై నా వస్తే కలెక్టర్‌ కార్యాలయంలో తెలియజేయాలని తెలిపారు. సైబర్‌ నేరాలపై జిల్లా సైబర్‌ పోలీసు యంత్రాంగం ప్రత్యేక నిఘా ఉంచిందని, నేరాలకు పాల్పడే వారిపై కఠిన చర్యలు తీసుకోవడం జరుగుతుందని ఆయన వివరించారు. సామాజిక మాధ్యమాల్లో మనీ రిక్వెస్టులను నమ్మొద్దు కలెక్టర్‌ శ్రీధర్‌ చెరుకూరి

● వైఎస్సార్‌సీపీ కార్యకర్త మృతి ● బాధిత కుటుంబానికి ఎమ్మెల్యే, ఎంపీ పరామర్శ పుంగనూరు : స్థానిక ఎంపీటీసీ, జెడ్పీటీసీ ఎన్నికల ప్రచారం సాగుతున్న వేళ మంగళవారం విషాదకర సంఘటన చోటు చేసుకుంది. మండలంలోని యల్లారుబైలు గ్రామానికి చెందిన వైఎస్సార్‌సీపీ కార్యకర్త వై.నరసింహారెడ్డి(59) ఎన్నికల ప్రచారంలో పాల్గొంటూ.. హఠాత్తుగా గుండెపోటు రావడంతో మృతి చెందాడు. ఎన్నికల ప్రచార కార్యక్రమంలో చురుగ్గా పాల్గొంటున్న సమయంలో ఈ సంఘటన చోటు చేసుకోవడంతో గ్రామంలో విషాదం నెలకొంది. ప్రచారంలో ఉత్సాహంగా పాల్గొన్న వ్యక్తి ఒక్కసారిగా మృత్యువాత పడటంతో కుటుంబ సభ్యులు, గ్రామస్తులు తీవ్ర దిగ్భ్రాంతికి గురయ్యారు. ఈ ఘటనపై మాజీ మంత్రి, ఎమ్మెల్యే డాక్టర్‌ పెద్దిరెడ్డి రామచంద్రారెడ్డి, ఎంపీ పెద్దిరెడ్డి వెంకటమిధున్‌రెడ్డిలు ఫోన్‌ ద్వారా బాధిత కుటుంబ సభ్యులను పరామర్శించారు. వారికి ప్రగాఢ సానుభూతి తెలిపారు. వైఎస్సార్‌సీపీ నాయకులకు పోలీసుల నోటీసులుకలికిరి : మండలంలోని పలువురు వైఎస్సార్‌సీపీ నాయకులకు బెదిరింపులే లక్ష్యంగా.. పోలీసులు మంగళవారం నోటీసులు అందజేశారు. సాధారణంగా నేర చరిత్ర కలిగిన, గతంలో ఎన్నికలలో అల్లర్లకు పాల్పడిన వారికి ముందస్తుగా నోటీసులు అందజేసి.. ఈ ఎన్నికలలో ఎలాంటి తగాదాలకు పాల్పడకూడదని బైండోవర్‌ చేస్తారు. అయితే గతంలో ఎలాంటి నేర చరిత్ర లేకపోయినా.. కేవలం వైఎస్సార్‌సీపీ తరఫున ఎన్నికల ప్రచారం నిర్వహించారనే సమాచారంతో నోటీసులు అందజేసి.. భయభ్రాంతులకు గురిచేయడంతో పలువురు విస్మయం వ్యక్తం చేస్తున్నారు. ఎన్నడూ లేని విధంగా భారీ స్థాయిలో వైఎస్సార్‌సీపీ నాయకులకు మాత్రమే నోటీసులు అందజేయడం, ఫోన్‌లు చేసి హెచ్చరించడం.. పోలీసుల ఏకపక్ష ధోరణికి అద్దం పడుతోందనే విమర్శలు వెల్లువెత్తుతున్నాయి.

కడప అగ్రికల్చర్‌ : ఈ ఏడాది వరుణుడు ముఖం చాటేశాడు. వర్షాభావ నేపథ్యంలో భూగర్భ జలాలు అడుగంటి పాతాళానికి పడిపోయాయి. దీంతో ఉద్యాన పంటల రక్షణకు అన్నదాతలు ఆందోళన చెందుతున్నారు. ఇప్పటికే ఉన్న బోర్లలో నీరు తగ్గి అరకొరగా వస్తున్నాయి. దీంతో జిల్లాలో పలు ప్రాంతాల్లో పండ్ల తోటలు ఎండుముఖం పట్టాయి. ఈ నేపథ్యంలో బోర్లలో వచ్చే అరకొర నీటిని ఫార్మ్‌పాండ్స్‌లో నింపుకొని తరువాత అవసరమైనప్పుడు పొదుపుగా వాడుకుని పంటలను సంరక్షించుకోవాల్సిన ఆవశ్యకత ఏర్పడింది. ఈ తరుణంలో కేంద్ర ప్రభుత్వం రైతులను ఆదుకునేందుకు రైతులకు ఫార్మ్‌పాండ్స్‌ను రాయితీతో మంజూరు చేస్తోంది. ఇందులో వ్యక్తిగత ఫార్మ్‌పాండ్స్‌తోపాటు కమ్యూనిటీ ఫార్మ్‌పాండ్స్‌ను మంజూరు చేస్తోంది. వీటిని ఉద్యాన రైతులు సద్వినియోగం చేసుకుని తమ పంటలను కాపాడుకుందేందుకు ఎంతో ఉపయుక్తంగా ఉండనుంది. వ్యక్తిగత ఫార్మ్‌పాండ్స్‌కు 50 శాతం రాయితీ ఉద్యాన రైతులకు సంబంధించి వ్యక్తిగత 50 వ్యక్తిగత ఫార్మ్‌పాండ్స్‌ నిర్మాణానికి 50 శాతం రాయితీతో ఇస్తుంది. దీనిని రైతులు 20 మీటర్లు పొడవు, 20 మీటర్ల వెడల్పు, 3 మీటర్ల లోతు(20 ఇంటు 20 ఇంటు 3) పరిమాణంతో నిర్మించుకోవాల్సి ఉంటుంది. ఇందుకు ఆయ్యే ఖర్చు రూ.1,80,000 కాగా ప్రభుత్వం రాయితీ (50 శాతం) రూ.90 వేలు ఇస్తుంది. రైతు భరించాల్సిన ఖర్చు రూ.90 వేలు. కమ్యూనిటీ ఫార్మ్‌పాండ్స్‌కు 75 శాతం రాయితీ గ్రూపు సహకారంతో కమ్యూనిటీ ఫార్మ్‌పాండ్స్‌ నిర్మాణానికి 75 శాతం రాయితీ ఇస్తుంది. దీనిని రైతులు 100 మీటర్ల వెడల్పు, 10 మీటర్ల పొడవు, 3 మీటర్ల లోతు(100 ఇంటు 100 ఇంటు 3)తో నిర్మించుకోవాల్సి ఉంటుంది. ఇందుకోసం రూ.24 లక్షలు ఖర్చు అవుతుంది. ఇందులో ప్రభుత్వం రూ.18 లక్షలు రాయితీ ఇవ్వగా, రైతు రూ.6 లక్షలను భరించాల్సి ఉంటుంది. ఫార్మ్‌పాండ్స్‌ నిర్మించుకునేటప్పుడు గుర్తించుకోవాల్సిన విషయాలు ] ఫార్మ్‌పాండ్స్‌ నిర్మాణానికి పొలంలో నీరు చేరే అనువైన ప్రదేశాన్ని ఎంచుకోవాలి. ] భూమి విస్తీర్ణం, నేల స్వభావం, వర్షపాతం ఆధారంగా కుంట పరిమాణాన్ని నిర్ణయించాలి. ] నీరు ఎక్కువగా ఇంకి పోకుండా అవసరమైతే లైనింగ్‌ ఏర్పాటు చేసుకోవాలి. ] కట్టలు, నీరు బయటికి వెళ్లే మార్గం పటిష్టంగా ఉండేలా చూసుకోవాలి. ప్రయోజనాలు ] ఫార్మ్‌పాండ్స్‌ రైతుకు నీటి భద్రతను అందిస్తుంది. సరైన ప్రణాళికతో నిర్మిస్తే సాగునీటి ఖర్చులు తగ్గించుకోవడానికి, పంటల ఉత్పాదకతను మెరుగుపరుచుకోవడానికి సహాయ పడుతుంది. ] ఫార్మ్‌పాండ్‌ నిర్మాణంతో నీటి కొరత వల్ల కలిగే నష్టాలు తగ్గుతాయి. ] కరువు పరిస్థితుల్లో రైతులకు భరోసా ఇస్తాయి. రాయితీ కోసం అవసరమైన పత్రాలు ఫార్మ్‌పాండ్స్‌ నిర్మాణానికి రైతులు తమకు సంబంధించిన పట్టాదారు పాస్తు పుస్తకాన్ని తీసుకెళ్లాలి. దీంతోపాటు ఆధార్‌కార్డు, 1బి, బ్యాంకు ఖాతా వివరాలు, పాస్ట్‌పోర్టు సైజు ఫొటో తీసుకుని వెళ్లాలి. ఆకాశం నుంచి కురిసే ప్రతి వాన చుక్కా అమూల్యమైనదే. కానీ, సరైన ప్రణాళిక లేకపోతే ఆ నీరంతా కళ్లముందే వృథాగా పోతుంది. కరవు నేలలో సైతం పడే ప్రతి వాన బొట్టును ఒడిసిపట్టి, కష్టకాలంలో పంటలకు రక్షక తడులు అందించే అద్భుత జలనిధి ‘ఫార్మ్‌పాండ్స్‌’(వ్యవసాయ కుంటలు). వానలు ముఖం చాటేసినప్పుడు ఎండిపోయే చేలను కాపాడుకోవడానికి వరప్రదాయినిగా నిలుస్తున్నాయి. ‘నీటి బొట్టు ఒడిసిపట్టు.. పంటలు తడిచేటట్టు!’ అనే నినాదంతో రైతాంగానికి కొండంత భరోసా ఇస్తున్న వ్యవసాయ కుంటల ప్రాధాన్యత, వాటి నిర్మాణ విశేషాలపై ప్రత్యేక కథనం. వ్యవసాయ కుంటలతో నీటి ఎద్దడికి అడ్డుకట్ట కరువు నేపథ్యంలో రైతులకు ప్రయోజనం ఫార్మ్‌పాండ్స్‌కు రాయితీలుసద్వినియోగం చేసుకోవాలి ఉద్యాన పంటల సాగు చేసి అర్హత గల ప్రతి రైతు ఈ అవకాశాన్ని సద్వినియోగం చేసుకోవాలి. ఫార్మ్‌పాండ్‌ నిర్మాణానికి సంబంధించి వ్యక్తిగత ఫార్మ్‌పాండ్‌ నిర్మాణానికి 50 శాతం రాయితీ, కమ్యూనిటి ఫార్మ్‌పాండ్‌ నిర్మాణానికి 75 శాతం రాయితీ ఇస్తున్నాము. మరిన్ని వివరాలకు మీ దగ్గర ఉన్న రైతు భరోసా కేంద్రాన్ని సందర్శించి అక్కడ ఉన్న ఉద్యానశాఖ అసిస్టెంట్‌ను అడిగి తెలుసుకోవాలి. – హరి ప్రసాద్‌, జిల్లా ఉద్యానశాఖ అధికారి

రొంపిచర్ల/ తిరుపతి రూరల్‌ : నాయుడుపేట–పూతలపుట్టు జాతీయ రహదారికి ఆనుకుని తిరుపతి రూరల్‌ మండలం సి.మల్లవరం వద్ద హత్యకు గురైన యువతి ఆచూకీని ఎట్టకేలకు పోలీసులు గుర్తించారు. మృతురాలు చిత్తూరు జిల్లా రొంపిచర్ల మండలం లక్ష్మీనారాయణ కాలనీకి చెందిన భాగ్యశ్రీగా నిర్ధారించారు. తిరుపతి నగరంలోని ఎస్టీవీ నగర్‌లో ఉన్న ఓ ప్రైవేట్‌ పీజీ హాస్టల్‌లో నివసిస్తూ ఎస్‌బీఐ బ్యాంక్‌ క్రెడిట్‌ కార్డుల విభాగంలో కాంట్రాక్ట్‌ ఉద్యోగిగా ఆమె పనిచేస్తున్నట్లు గుర్తించారు. గత నెల 30వ తేదీన భాగ్యశ్రీ ఫోన్‌ స్విచ్చాఫ్‌ అయిందని, మరుసటి రోజు 31వ తేదీ రాత్రి హత్యకు గురైన యువతి ఫొటో సోషల్‌ మీడియాలో వైరల్‌ కావడంతో ఆమె తల్లిదండ్రులు వేణుగోపాల్‌, లక్ష్మీదేవి గుర్తించారు. అనంతరం తిరుపతి రూరల్‌ పోలీసులను సంప్రదించి మృతదేహాన్ని పరిశీలించి యువతి ఒంటిపై ఉన్న దుస్తులు, నగలను చూసి ఆమె తమ కుమార్తె భాగ్యశ్రీ అని నిర్ధారించారు. ఈ ఘటనపై మృతురాలి తండ్రి వేణుగోపాల్‌ ఇచ్చిన ఫిర్యాదు మేరకు తిరుపతి రూరల్‌ పోలీసులు కేసు నమోదు చేశారు. యువతి హత్యకు దారితీసిన పరిస్థితులు, నిందితుడి వివరాలపై పోలీసులు దర్యాప్తు చేపట్టారు.హత్యకు గురైంది చిత్తూరు జిల్లా రొంపిచెర్లకు చెందిన భాగ్యశ్రీగా నిర్ధారణ

అధికారమదంతో.. ఒళ్లంతా అహంకారంతో టీడీపీ గూండాలు సాగించిన దౌర్జన్యకాండకు ప్రజాస్వామ్యం అపహాస్యమైంది. వ్యవస్థల్ని గుప్పిటపెట్టుకుని కూటమి నేతలు సాగించిన రాక్షసకాండకు ఓటుస్వామ్యం ఓడిపోయింది. ‘ఎన్నిక’ పేరిట పోలీసులు.. పచ్చమూకలు ఆడిన వికృత క్రీడతో ప్రజాస్వామ్య ‘మన్నికే’ ప్రశ్నార్థకంగా మారింది. ఏజెంట్లు లేకుండా .. ఏకపక్షంగా సాగిన పోలింగ్‌ ఎన్నికల చరిత్రలోనే మాయనిమచ్చగా మిగిలింది. ఈ ఎన్నికలు చూసి ప్రజాస్వామ్యవాదుల్లోనూ ఆందోళన మొదలైంది. సాక్షి ప్రతినిధి, కడప: పవిత్రమైన ఎన్నికల ప్రక్రియను కూటమి ప్రభుత్వం పరిహాసం చేసింది. పోలింగ్‌ నాడు ఉదయం నుంచే పచ్చమూకల దమన కాండ ప్రారంభమైంది. ఓటరును పోలింగ్‌ బూత్‌ దగ్గరకు రానిస్తే తమకు ఓటమి తప్పదని గ్రహించిన పచ్చనేతలు ప్రతిపక్ష పార్టీ అభ్యర్థుల ఏజెంట్లను పోలింగ్‌ కేంద్రాల నుంచి గెంటేశారు. ఎదురుతిరిగిన వారిపై భౌతికదాడులు చేశారు. అంతకుముందే వైఎస్సార్‌సీపీ నేతలను ఎక్కడికక్కడ నిర్బంధించారు. ఆపై పోలీసులను పహారా పెట్టి యథేచ్ఛగా రిగ్గింగ్‌ చేసుకున్నారు. ఎన్నికల ప్రక్రియను సజావుగా నిర్వహించి ప్రజాస్వామ్యానికి ఊపిరిపోయాల్సిన అధికారగణం అధికారానికి దాసోహం కావడంపై ప్రజాస్వామ్యవాదులు మండిపడుతున్నారు. మరీ ఇంతదిగజారుడుతనమా రాజకీయ నాయకుల పదవీకాలం ఐదేళ్లు, తర్వాత ప్రజాతీర్పును బట్టి వారి భవిష్యత్‌ ఉంటుంది. ఉద్యోగులు మూడు దశాబ్దాలకు పైగా విధి నిర్వహణలో ఉంటారు. రాజ్యాంగానికి లోబడి వారు విధులు నిర్వర్తించాల్సి ఉంది. హీరోలుగా బతకాల్సిన ఉద్యోగులు పోస్టింగ్స్‌ కోసం టీడీపీ నేతలకు బానిసలయ్యారు. చట్టాన్ని ఽన్యాయాన్ని పరిరక్షించాల్సిన వారే రాజ్యాంగాన్ని కుళ్లుపొడుస్తున్నారు. ఈ విపత్కర పరిస్థితులే ప్రజాస్వామ్యానికి గొడ్డలి పెట్టుగా మారిందని రాజకీయ విశ్లేషకులు అభిప్రాయపడుతున్నారు.ఇది ఇలాగే కొనసాగితే భవిష్యత్‌లో ప్రజల వ్యక్తిగత రక్షణ కూడా కొరవడే ప్రమాదం లేకపోలేదని ప్రజాస్వామ్యవాదులు ఆందోళన వ్యక్తం చేస్తున్నారు. పవిత్రమైన ఎన్నికల ప్రక్రియ అపహాస్యం పోలింగ్‌ ఏజెంట్లు లేకుండా ఎన్నికలు ఎస్పీ, కలెక్టర్‌ తీరుపై మండిపడుతున్న వైఎస్సార్‌సీపీ శ్రేణులు చరిత్రలో ఇలాంటి ఏకపక్ష పోలింగ్‌ ఇదే మొదటిది : ప్రజాస్వామ్యవాదులు

మదనపల్లె టౌన్‌ : యువతను పొగాకు వ్యసనానికి దూరం చేసి, వారి భవిష్యత్తును కాపాడటమే లక్ష్యంగా జిల్లాలో ‘పొగాకు రహిత యువత ప్రచారం 4.0’ను నిర్వహిస్తున్నట్లు జిల్లా వైద్య ఆరోగ్య శాఖ అధికారి (డీఎంహెచ్‌ఓ) డాక్టర్‌ జి. ఉషశ్రీ తెలిపారు. జాతీయ పొగాకు నియంత్రణ కార్యక్రమం ఆధ్వర్యంలో అక్టోబర్‌ 28 నుంచి డిసెంబర్‌ 27 వరకు 60 రోజుల పాటు ఈ ప్రత్యేక ప్రచార కార్యక్రమం కొనసాగుతుందని అన్నారు. సోమవారం మదనపల్లెలోని డీఎంహెచ్‌ఓ కార్యాలయంలో కార్యక్రమానికి సంబంధించిన ఐఈసీ ప్రచార సామగ్రి, బ్యానర్లు, కరపత్రాలు, గోడ పత్రికలను అధికారులు ఆవిష్కరించారు. ఈ సందర్భంగా డీఎంహెచ్‌ఓ మాట్లాడుతూ.. పొగాకు ఉత్పత్తుల వినియోగం వల్ల కలిగే ఆరోగ్య సమస్యలపై గ్రామ స్థాయి నుంచి పట్టణ స్థాయి వరకు విస్తృతంగా అవగాహన కల్పిస్తామన్నారు. పాఠశాలలు, జూనియర్‌, డిగ్రీ, ఇంజనీరింగ్‌ కళాశాలల విద్యార్థులకు స్వచ్ఛంద సంస్థల (ఎన్జీఓల) సహకారంతో ప్రత్యేక సదస్సులు నిర్వహించనున్నట్లు చెప్పారు. యువత పొగాకు అలవాట్లకు దూరంగా ఉండేలా చూడటంతో పాటు, ఇప్పటికే వ్యసనపరులైన వారు ఆ అలవాటును మానుకునేలా కౌన్సెలింగ్‌ ఇస్తామన్నారు. జిల్లాలో పొగాకు రహిత విద్యా సంస్థలు, పొగాకు రహిత గ్రామాల ఏర్పాటుకు కృషి చేస్తూనే, కోట్పా చట్టం–2003 నిబంధనలను అమలు చేయడంపై ప్రత్యేక దృష్టి సారిస్తామని స్పష్టం చేశారు.

● రైతులకు రాయితీపై పంపిణీ! ● వీడ్‌మ్యాట్‌తో శాశ్వత చెక్‌ ● తగ్గనున్న కూలీల పెట్టుబడి ఖర్చు ● తేమ ఆవిరి కాకుండా రక్షణకడప అగ్రికల్చర్‌ : ఈ ఏడాది ఎల్‌నినో ప్రభావంతో నెలకొన్న తీవ్ర వర్షాభావ పరిస్థితులు, భానుడి భగభగలకు భూమిలోని తేమ ఆవిరైపోతోంది. ఈ వేడి దెబ్బకు దీర్ఘకాలిక ఫలసాయం ఇవ్వాల్సిన పండ్ల తోటలు వాడుముఖం పడుతుండటంతో రైతులు తీవ్ర ఆందోళన చెందుతున్నారు. ఈ తరుణంలో ఉద్యాన పంటలను కాపాడుకోవడానికి ‘వీడ్‌మ్యాట్‌’ అద్భుత రక్షణ కవచంగా పనిచేస్తుందని ఉద్యానశాఖ అధికారులు సూచిస్తున్నారు. గతంలో వాడిన ప్లాస్టిక్‌ మల్చింగ్‌ వల్ల నేలలో ప్లాస్టిక్‌ వ్యర్థాలు కలిసి భూతాపం పెరుగుతుండటంతో, దానికి భిన్నంగా వీడ్‌మ్యాట్‌ బహుళ ప్రయోజనాలను ఇస్తోంది. కలుపునకు అడ్డుకట్ట.. కూలీల ఖర్చు విముక్తి వీడ్‌మ్యాట్‌ను ఏర్పాటు చేసుకోవడం వల్ల రైతులకు తమ పండ్లతోటల్లో నిరంతరం వేధించే కలుపు సమస్యకు శాశ్వతంగా అడ్డుకట్ట పడుతుంది. దీనివల్ల కలుపు తొలగింపునకు ప్రతి ఏటా అయ్యే పెట్టుబడి ఖర్చుతో పాటు కూలీల కొరత, వారి ఖర్చులు కూడా భారీగా తగ్గుతాయి. మొక్కల చుట్టూ కలుపు లేకపోవడం వల్ల నేలలోని పోషకాలు, తేమ వృథా కాకుండా పూర్తిగా చెట్లకే అందుతాయి. ఈ మ్యాట్‌ ప్రత్యేక ఆకృతి వల్ల గాలి, నీరు, వెలుతురు నేలలోకి సులభంగా చేరేందుకు దోహదపడుతుంది. బెట్ట పరిస్థితుల నుంచి రక్షణ.. డ్రిప్‌ పైపుల అమరిక ఈ వీడ్‌మ్యాట్‌ భూమిలో నీటి తడి ఆరకుండా చేయడంతోపాటు చెట్లను తీవ్ర ఎండల వల్ల వచ్చే బెట్ట పరిస్థితుల నుంచి రక్షిస్తుంది. చెట్ల కింద నేలపై ఈ షీట్‌ పరిచినప్పుడు బిందు సేద్యం (డ్రిప్‌) పైపులను మ్యాట్‌ కిందనే ఉంచుతారు. దీనివల్ల బలమైన ఈదురుగాలులు వీచినా పైపులకు ఎలాంటి సమస్య ఉండదు. వీడ్‌మ్యాట్‌ పరిచిన తర్వాత దాని చుట్టూ మట్టిని వేసి గాలికి ఎగిరిపోకుండా లాక్‌ చేయాలి. దీనివల్ల మ్యాట్‌ కింద ఉన్న నెమ్ము (తేమ) సుదీర్ఘకాలం అలాగే ఉండి, మొక్కకు కావాల్సినంత తేమ శాతం నిరంతరం అందుతుంది. ఫలితంగా తోటలు ఏపుగా, పచ్చగా పెరగడమే కాకుండా రైతులకు మంచి దిగుబడులను ఇస్తాయి. 50 శాతం రాయితీ.. గరిష్టంగా రూ. 50 వేల లబ్ధి జిల్లా ఉద్యానశాఖ అధికారి హరిప్రసాద్‌ మాట్లాడుతూ.. రైతులకు ఉద్యానశాఖ అందించే వీడ్‌మ్యాట్‌కు ఒక చదరపు మీటర్‌కు రూ.25 చొప్పున ఖర్చు కాగా, అందులో రూ.12.50 (50 శాతం) ప్రభుత్వం రాయితీగా ఇస్తోందని తెలిపారు. ఒక్కో మొక్కకు 2 x2 మీటర్ల చొప్పున పండ్లతోటల రకం, వయసును బట్టి మొక్క పాదుల్లో దీనిని పరచాల్సి ఉంటుంది. ఒక్కో రైతుకు గరిష్టంగా 4 వేల చదరపు మీటర్లకు మించకుండా గరిష్టంగా రూ. 50 వేల వరకు ప్రభుత్వం సబ్సిడీని అందిస్తోంది. ఈ షీట్‌ మందాన్ని బట్టి 3 నుంచి 5 సంవత్సరాల వరకు అద్భుతమైన మన్నిక ఉంటుందని ఆయన స్పష్టం చేశారు. ఈ సాంకేతికత కావాల్సిన తోటల రైతులు తక్షణమే తమ పరిధిలోని రైతు భరోసా కేంద్రాల సిబ్బందిని లేదా ఉద్యానశాఖ అధికారులను సంప్రదించి పేర్లు నమోదు చేసుకోవాలని ఆయన కోరారు.

మదనపల్లె టౌన్‌ : మదనపల్లె పట్టణం, నక్కలదిన్నె తండా, సత్సంగ్‌ రోడ్డు పక్కన ఉన్న మురుగు కాలువలో వృద్ధుడి మృతదేహం లభ్యమైంది. స్థానికుల సమాచారం మేరకు వన్‌ టౌన్‌ సీఐ మోహన్‌ కుమార్‌ సిబ్బందితో కలిసి సంఘటనా స్థలానికి చేరుకుని పరిశీలించారు. మృతుడు సదుం మండలం, నాయనపాకాల గ్రామానికి చెందిన రామిరెడ్డి కుమారుడు రెడ్డెప్పరెడ్డి (80) గా గుర్తించారు. గతంలో రెడ్డెప్పరెడ్డి కుటుంబం నక్కల దిన్నెలో నివాసం ఉండేదని, నాలుగేళ్ల క్రితం స్వగ్రామానికి వెళ్లిపోయారని పోలీసులు తెలిపారు. అయినప్పటికీ ఇక్కడే పింఛన్‌ తీసుకుంటూ ఉండేవారని, ఇటీవల పింఛన్‌ కోసం వచ్చి స్థానికంగా తన ఓటు హక్కును కూడా వినియోగించుకున్నట్లు తెలిసిందన్నారు. అతిగా మద్యం తాగి మోరిపై కూర్చుని ఉండగా ప్రమాదవశాత్తు వెనక్కిపడి మృతి చెంది ఉండొచ్చని అనుమానం వ్యక్తం చేశారు. మృతుడి కుటుంబ సభ్యులకు, కుమారుడికి సమాచారం అందించామన్నారు రాతపూర్వక ఫిర్యాదు స్వీకరించిన అనంతరం పూర్తి విచారణ చేపట్టి మృతికి గల కారణాలు వెల్లడిస్తామని సీఐ తెలిపారు. వ్యక్తి ఆత్మహత్యాయత్నంమదనపల్లె టౌన్‌ : కుటుంబ సమస్యలతో మనస్తాపానికి గురైన వ్యక్తి విషం తాగి ఆత్మహత్యాయత్నానికి పాల్పడిన ఘటన మదనపల్లె మండలంలో సోమవారం సాయంత్రం చోటుచేసుకుంది. పోలీసులు తెలిపిన వివరాల మేరకు.. మండలంలోని వలసపల్లె పంచాయతీ, నవోదయ కాలనీకి చెందిన సూర్యమౌళి (40) ప్రైవేట్‌ వాహన డ్రైవర్‌గా పని చేస్తున్నాడు. కుటుంబ సమస్యలతో మనస్థాపం చెంది ఇంట్లో ఉన్న పురుగుల మందు తాగాడు. గమనించిన కుటుంబ సభ్యులు 108 ద్వారా మదనపల్లె జిల్లా ప్రభుత్వాసుపత్రికి తరలించారు. అత్యవసర విభాగంలో ప్రథమ చికిత్స అందించిన వైద్యులు మెరుగైన చికిత్స కోసం తిరుపతికి రెఫర్‌ చేశారు. ఈ ఘటనపై తాలూకా పోలీసులు కేసు దర్యాప్తు చేస్తున్నారు. యోగా పోటీల్లో ఆర్‌కే వ్యాలీ విద్యార్థుల సత్తావేంపల్లె : ఎస్‌జీఎఫ్‌ఐ అండర్‌–17 జిల్లాస్థాయి యోగా పోటీల్లో ఆర్‌జీయూకేటీ ఆర్‌కే వ్యాలీ క్యాంపస్‌ విద్యార్థులు ప్రతిభ చాటినట్లు డైరెక్టర్‌ విజయప్రకాష్‌ పేర్కొన్నారు. కడపలోని డీఎస్‌ఏ స్టేడియంలో నిర్వహించిన పోటీల్లో పాల్గొన్న ఆరుగురు విద్యార్థుల్లో నలుగురు ప్రథమ స్థానాలు సాధించి రాష్ట్ర స్థాయి పోటీలకు అర్హత సాధించారన్నారు. సాయి నరేంద్ర, మధు (ఆర్టిస్టిక్‌ ఫెయిర్‌), సుబ్బారావు (ట్రెడిషనల్‌ యోగా), యోషిత్‌ (ఆర్టిస్టిక్‌ సోలో) ప్రథమస్థానం సాధించి రాష్ట్రస్థాయికి ఎంపికయ్యారు. ఓ. సుబ్బారావు, యోషిత్‌ (రిథమిక్‌ ఫెయిర్‌ యోగా) మరో ఇద్దరు ద్వితీయ స్థానాలు కై వసం చేసుకున్నారన్నారు. యోగా శిక్షకులు అశోక్‌, శ్రీదేవి అందించిన శిక్షణ, మార్గదర్శకత్వం వీరి విజయానికి దోహదపడిందన్నారు. ఈ సందర్భంగా విద్యార్థులను, శిక్షకులను క్యాంపస్‌ డైరెక్టర్‌ ప్రొఫెసర్‌ విజయ ప్రకాష్‌, ఏఓ డాక్టర్‌ సి. రత్నకుమారి, అకడమిక్‌ డీన్‌ డాక్టర్‌ ఎస్‌. మహబూబ్‌ జిలానీ, ఎఫ్‌ఓ డాక్టర్‌ జి. రమేష్‌ కై లాష్‌, డీన్‌ స్టూడెంట్‌ వెల్ఫేర్‌ రమణారెడ్డి, దీపికలు అభినందించారు.

కలకడ : మండల కేంద్రంలో దొంగలు పట్టపగలే రెచ్చిపోయారు. లాక్‌ చేసి ఉన్న బైక్‌ను క్షణాల వ్యవధిలో మాయం చేశారు. బాధితుడి కథనం మేరకు.. బాలయ్యగారిపల్లె పంచాయతీ దిగువపాళ్యెం గ్రామానికి చెందిన రంగాని వెంకట్రమణ సోమవారం ఉదయం 10:30 గంటల సమయంలో తన టీవీఎస్‌ ఎక్స్‌ఎల్‌ 100 హెచ్‌డీ (AP 40 N 5953) వాహనాన్ని కడప రోడ్డు పక్కన ఉన్న కిట్టు మెకానిక్‌ షాపు వద్ద సైడ్‌ లాక్‌ చేసి పార్క్‌ చేశాడు. అనంతరం కూలి పని నిమిత్తం కత్తివారిపల్లెకు వెళ్లాడు.మధ్యాహ్నం 2 గంటలకు తిరిగి వచ్చి చూసేసరికి బైక్‌ కనిపించలేదు. చుట్టుపక్కల వెతికినా ఫలితం లేకపోవడంతో, బాధితుడు కలకడ పోలీసులకు ఫిర్యాదు చేశాడు. కాగా, ఇటీవల రాత్రి వేళల్లో బంకుల్లో దొంగతనాలు, ఇప్పుడు పట్టపగలే వాహనాల చోరీలతో స్థానికులు తీవ్ర ఆందోళన వ్యక్తం చేస్తున్నారు. ప్రమాదంలో గాయడిన వ్యక్తి మృతికలకడ : కారు ఢీకొన్న ప్రమాదంలో గాయపడిన చలమయ్యగారిపల్లెకు చెందిన వెంకటరమణ (50) (దోబి రమణ) తిరుపతిలో చికిత్స పొందుతూ ఆదివారం మృతి చెందాడు. సెప్టెంబర్‌ 28న కలకడ నుంచి నడుచుకుంటూ వెళ్తుండగా ఈ ప్రమాదం జరిగింది. సోమవారం స్వగ్రామంలో అంత్యక్రియలు నిర్వహించారు. మానవత సంస్థ సభ్యులు నివాళులర్పించారు. కేసు నమోదు చేసి దర్యాప్తు చేస్తున్నట్లు ఎస్‌ఐ రామాంజనేయులు తెలిపారు. ఆత్మహత్యకు యత్నించిన యువతి ..చౌడేపల్లె : కుటుంబంలో తలెత్తిన మనస్పర్థలు ఒకరి ప్రాణాన్ని బలితీసుకోగా, మరొకరిని మృత్యువుతో పోరాడేలా చేశాయి. మనస్తాపంతో భార్యాభర్తలిద్దరూ విషం తాగి ఆత్మహత్యాయత్నానికి పాల్పడగా.. భార్య మల్లిక (23) చికిత్స పొందుతూ సోమవారం మృతి చెందింది. స్థానికులు, కుటుంబ సభ్యుల కథనం ప్రకారం.. చౌడేపల్లె పరిధిలోని గడ్డంవారిపల్లె రోడ్డు మార్గంలో గల యానాది కాలనీకి చెందిన వెంకటరమణ, మల్లిక దంపతుల మధ్య ఆదివారం కుటుంబ కలహాలు చోటుచేసుకున్నాయి. దీంతో తీవ్ర మనస్తాపానికి గురైన వీరు ఇంట్లోనే విషం తాగారు. గమనించిన కుటుంబ సభ్యులు వారిని వెంటనే చికిత్స నిమిత్తం తరలించారు. అయితే పరిస్థితి విషమించడంతో మల్లిక సోమవారం మృతి చెందింది. వెంకటరమణ ప్రస్తుతం తిరుపతిలోని ఆసుపత్రిలో చికిత్స పొందుతున్నాడు. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.

మదనపల్లె సిటీ : జిల్లా సమగ్ర శిక్ష ఇంజినీరింగ్‌ విభాగంలో ఖాళీగా ఉన్న రెండు సైట్‌ ఇంజినీర్‌ పోస్టుల భర్తీ ప్రక్రియ వేగవంతమైంది. ఇందులో భాగంగా సోమవారం అభ్యర్థులకు కంప్యూటర్‌ బేస్ట్‌ టెస్ట్‌ (సీబీటీ) నిర్వహించారు. స్థానిక జ్ఞానాంబిక డిగ్రీ కాలేజీలో ఏర్పాటు చేసిన కేంద్రంలో అభ్యర్థులు డిజిటల్‌ పద్ధతిలో ఈ పరీక్షను రాశారు.ఈ సైట్‌ ఇంజినీర్‌ పోస్టుల భర్తీకి సంబంధించి జూన్‌ నెలలో దరఖాస్తులు ఆహ్వానించగా, మొత్తం 56 మంది అభ్యర్థులు దరఖాస్తు చేసుకున్నారు. అభ్యర్ధుల ధ్రువపత్రాలు పరిశీలించిన అధికారులు.. విద్యార్హతల్లో సాధించిన మెరిట్‌, వారికున్న పని అనుభవం ఆధారంగా ఒక్కో పోస్టుకు 10 మంది చొప్పున మొత్తం 20 మందిని ఈ సీబీటీ పరీక్షకు ఎంపిక చేసి, పరీక్ష నిర్వహించినట్లు అధికారులు తెలిపారు. ఇందులో సాధించిన మార్కుల ఆధారంగా తుది మెరిట్‌ జాబితాను విడుదల చేయనున్నారు. అనంతరం ఒక్కో పోస్టుకు ఇద్దరు చొప్పున మొత్తం నలుగురు అభ్యర్థులను ఇంటర్వ్యూకు ఎంపిక చేయనున్నట్లు సమగ్రశిక్ష ఏపీసీ డాక్టర్‌ అనూరాధ వెల్లడించారు. కార్యక్రమంలో ఎగ్జిక్యూటివ్‌ ఇంజనీర్‌ సుధాకర్‌బాబు, సీఎంఓ కరుణాకర్‌, సెక్టోరియల్‌ అధికారులు చంద్రశేఖర్‌, భాస్కర్‌ తదితరులు పాల్గొన్నారు.

– జిల్లా కలెక్టర్‌ నిశాంత్‌కుమార్‌ పెద్దమండ్యం: ఎన్నికల నిబంధనల పట్ల పీఓ, ఏపీఓలకు పరిపూర్ణ అవగాహన అవసరమని జిల్లా కలెక్టర్‌ నిశాంత్‌కుమార్‌ అన్నారు. జెడ్పీటీసీ, ఎంపీటీసీ ఎన్నికల విధులు నిర్వహించనున్న పీఓ, ఏపీఓలకు పెద్దమండ్యం ఉన్నత పాఠశాలలో సోమవారం శిక్షణా కార్యక్రమాన్ని నిర్వహించారు. శిక్షణా కార్యక్రమాన్ని పరిశీలించిన కలెక్టర్‌ వారి విధులపై వివరించారు. ఎన్నికల నియమావళిపై పీఓ, ఏపీఓలు పూర్తి అవగాహన కలిగి ఉండాలన్నారు. పోలింగ్‌ సామగ్రి స్వీకరించిన సమయం నుండి చాలా జాగ్రత్తగా వ్యవహరించాలని పేర్కొన్నారు. బ్యాలెట్‌ బాక్స్‌ సీల్‌ చేయు విధానం, పేపర్‌సీల్‌ జాగ్రత్తగా అమర్చడం వంటివి మాస్టర్‌ ట్రైనర్స్‌ చేయడాన్ని కలెక్టర్‌ పరిశీలించారు. అనంతరం పాఠశాలలో ఏర్పాటు చేసిన పోలింగ్‌ కేంద్రాలను ఆయన పరిశీలించారు. ఈ కార్యక్రమంలో మదనపల్లె సబ్‌ కలెక్టర్‌ చల్లా కళ్యాణి, ఆర్‌ఓ దామోదర్‌రెడ్డి, ఏఆర్‌వోలు తేజశ్వి, శ్రీధర్‌రావు, ఎంఈఓలు మనోహర, రామక్రిష్ణ, ఆయా శాఖల అధికారులు పాల్గొన్నారు. సరిహద్దు చెక్‌ పోస్టు వద్ద తనిఖీలు మదనపల్లె టౌన్‌: జెడ్పీటీసీ, ఎంపీటీసీ ఎన్నికల నేపథ్యంలో జిల్లా ఎస్పీ ధీరజ్‌ కునుబిల్లి ఆదేశాల మేరకు మదనపల్లె సరిహద్దు చెక్‌ పోస్టు వద్ద పోలీసులు ముమ్మరంగా వాహన తనిఖీలు చేపట్టారు. ఎన్నికల్లో అక్రమ నగదు, మద్యం, ఉచిత వస్తువుల రవాణాను అడ్డుకోవడమే లక్ష్యంగా పోలీసు బలగాలు అప్రమత్తంగా వ్యవహరిస్తున్నాయి. ప్రతి వాహనాన్ని క్షుణ్ణంగా తనిఖీ చేస్తున్నారు. పత్రాలు లేని వాహనాలు, అనుమానాస్పదంగా తిరుగుతున్న వ్యక్తులను ప్రశ్నిస్తున్నారు. నిబంధనలు ఉల్లంఘిస్తే కఠిన చర్యలు తప్పవని హెచ్చరించారు. ఎన్నికలు ప్రశాంతంగా జరిగేందుకు ప్రజలు పోలీసుల తనిఖీలకు సహకరించాలని, అనుమానాస్పద కార్యకలాపాలు గమనిస్తే వెంటనే పోలీసులకు సమాచారం ఇవ్వాలని పోలీసులు కోరారు. జిల్లాకు తుపాను ముప్పు – అప్రమత్తంగా ఉండాలి : కలెక్టర్‌ మదనపల్లి (కురబలకోట): బంగాళాఖాతంలో ఏర్పడిన వాయుగుండం ప్రభావంతో అన్నమయ్య జిల్లాలో వాతావరణ పరిస్థితులు మారే అవకాశం ఉన్న నేపధ్యంలో జిల్లా యంత్రాంగం అప్రమత్తంగా ఉండాలని జిల్లా కలెక్టర్‌ నిశాంత్‌ కుమార్‌ సోమవారం సూచించారు. నవంబరు 2 నుంచి 5 వరకు వాతావరణ పరిస్థితులు గమనిస్తూ ప్రజలు అప్రమత్తంగా ఉండాలన్నారు. వాతావరణ శాఖ జారీ చేసే హెచ్చరికలను నిర్లక్ష్యం చేయకుండా జిల్లా యంత్రాంగం ఎప్పటికప్పుడు ఇచ్చే సూచనలు తప్పనిసరిగా పాటించాలన్నారు. ముఖ్యంగా లోతట్టు ప్రాంతాల ప్రజలు అప్రమత్తత కలిగి ఉండాలని వాగులు, వంకలు, చెరువులు, నీరు ప్రవహించే ప్రాంతాల వద్దకు వెళ్ల కూడదని హెచ్చరించారు. భారీ వర్షాల సమయంలో పొంగి పొర్లే వాగులు, కల్వర్టులు, తోతట్టు రహదారులను దాటే ప్రయత్నం చేయరాదన్నారు. ముఖ్యంగా విద్యుత్‌ స్తంభాలు, తెగిపడిన విద్యుత్‌ తీగలు, ప్రమాదకరంగా ఉన్న చెట్లకు దూరంగా ఉండాలన్నారు. రైతాంగం కూడా జాగ్రత్తగా వ్యవహరించాలన్నారు. ఎలాంటి పరిస్థితినైనా ఎదుర్కోడానికి జిల్లాలోని సంబంధిత శాఖల ఆధికారులు ముందస్తు చర్యలు చేపట్టాలని సహాయక బృందాలు సిద్ధంగా ఉండాలని సూచించారు. అత్యవసర సమాచారం కోసం జిల్లా కంట్రోల్‌ రూమ్‌ నెంబర్‌ 08571–293001 ను సంప్రదించాలని సూచించారు. అత్యవసర సహాయానికి 112ను సంప్రదించాలి– ఎస్పీ ధీరజ్‌ కునుబిల్లి మదనపల్లె టౌన్‌: ‘మురసు’ తుపానుకు అతి వేగంతో పెనుగాలులు వీచే ముప్పుందని జిల్లా ఎస్పీ ధీరజ్‌ కునుబిల్లి హెచ్చరించారు. భారీ వర్షాల దృష్ట్యా ప్రజలు అత్యవసరమైతే తప్ప ఇళ్ల నుంచి బయటకు రావద్దని ఎస్పీ సోమవారం మదనపల్లెలో సూచించారు. నీరు చేరిన రోడ్లపై వాహనాల రాకపోకలను వెంటనే నిలిపివేయాలని పోలీసు అధికారులను ఆదేశించారు. అత్యవసర సహాయం కోసం ప్రజలు వెంటనే డయల్‌ 112 ను సంప్రదించాలని కోరారు.

చాపాడు : మైదుకూరు –ప్రొద్దుటూరు జాతీయ రహదారిలోని చాపాడు మండలం నాగులపల్లె సమీపంలో సోమవారం ఎర్రచందనం తరలిస్తున్న గండ్లు లతీఫ్‌ బాషా అలియాస్‌ నల్లోడు అనే వ్యక్తిని పట్టుకొని అతని వద్ద నుంచి ఆరు ఎర్రచందనం దుంగలు, కారు స్వాధీనం చేసుకున్నట్లు ఎస్‌ఐ చిన్న పెద్దయ్య తెలిపారు. ప్రొద్దుటూరు మండలం భగత్‌ సింగ్‌ కాలనీకి చెందిన లతీఫ్‌ ఏపీ 32 బి 6666 నంబర్‌ గల కారులో ఎర్రచందనం దుంగలను రవాణా చేస్తుండగా అందిన సమాచారం మేరకు ఫారెస్ట్‌ సిబ్బందితో కలిసి దాడులు నిర్వహించారు. నిందితుడిని పట్టుకుని తిరుపతి ఆర్‌ఎస్‌ కోర్టుకు పంపించారు. ఈ ఘటనలో పారిపోయిన దొంగల కోసం విచారిస్తున్నట్లు ఎస్‌ఐ తెలియజేశారు. మామపై అల్లుడి హత్యాయత్నంకడప అర్బన్‌ : కుమార్తె కాపురం చక్కదిద్దాలని చూసిన ఓ మామపై అల్లుడు, అతని బంధువులు అల్లరి మూకలతో కలిసి ఇనుప రాడ్లతో ఘాతుకానికి ఒడిగట్టారు. చనిపోయాడని భావించి వదిలేసి వెళ్లిన ఘటన కడప టూ టౌన్‌ పోలీస్‌ స్టేషన్‌ పరిధిలో చోటుచేసుకుంది. బాధితుడి కథనం మేరకు.. కడపలోని అల్మాస్‌పేటకు చెందిన దౌజీ జమీల్‌ ఖాన్‌(58) రియల్‌ ఎస్టేట్‌ వ్యాపారం చేస్తూ జీవనం సాగిస్తున్నాడు. ఆయన కుమార్తెకు, అల్లుడికి మధ్య ఉన్న కుటుంబ సమస్య ప్రస్తుతం కోర్టులో నడుస్తోంది. కోర్టు వాయిదాలకు వెళ్లిన సమయంలో అల్లుడు ఫైరోజ్‌ ఖాన్‌, అతని తండ్రి శర్వాణి షబ్బీర్‌ ఖాన్‌, బావ యూసఫ్‌లు జమీల్‌ ఖాన్‌ను చంపుతామని పలుమార్లు బెదిరించారు. ఈ క్రమంలోనే, అక్టోబరు 29న తెల్లవారుజామున 5:30 గంటల ప్రాంతంలో జమీల్‌ ఖాన్‌ నమాజు కోసం మసీదుకు వెళ్తుండగా నిందితులు అల్లరి మూకలతో కాపుకాశారు. ఆయనపై ఇనుప రాడ్లతో దాడి చేసి హత్యాయత్నానికి పాల్పడ్డారు. తీవ్ర రక్తగాయాలతో జమీల్‌ ఖాన్‌ కింద పడిపోవడంతో, చనిపోయాడని భావించి నిందితులు అక్కడి నుంచి పరారయ్యారు. స్పృహ కోల్పోయిన బాధితుడిని స్థానికులు, కుటుంబ సభ్యులు కలిసి కడప రిమ్స్‌ ఆసుపత్రికి తరలించి వైద్య పరీక్షలు, చికిత్స అందించారు. ‘నా కుమార్తె కాపురం బాగుపడాలని నేను ఆరాటపడుతుంటే, వారు నన్ను చంపాలని చూశారు‘ అని బాధితుడు కన్నీరుమున్నీరయ్యారు. నిందితులపై చట్టపరమైన చర్యలు తీసుకుని, తమ కుటుంబానికి ప్రాణ రక్షణ కల్పించాలని పోలీసులను ఆశ్రయించారు. ఈ ఘటనపై కడప టూ టౌన్‌ పోలీసులు కేసు నమోదు చేసి విచారణ జరుపుతున్నారు. స్వగ్రామానికి వస్తూ.. తొండూరు : స్నేహితులతో సరదాగా గడిపి, సంతోషంగా ఇంటికి తిరిగి వస్తున్న ఆ యువకుడిని మార్గమధ్యలోనే మృత్యువు కబళించింది. మరికొద్ది సేపట్లో కళ్లముందుకు వస్తాడనుకున్న కొడుకు విగతజీవిగా మారడంతో ఆ కుటుంబంలో శోకం అలుముకుంది. బైక్‌ అదుపుతప్పి కిందపడిన ప్రమాదంలో ఓ యువకుడు సంఘటనా స్థలంలోనే ప్రాణాలు కోల్పోయిన ఘటన తొండూరు మండల పరిధిలో చోటుచేసుకుంది.పోలీసులు, స్థానికులు తెలిపిన వివరాల ప్రకారం.. తొండూరు గ్రామానికి చెందిన ఎర్రబల్లి ప్రతాప్‌ (30) అనే యువకుడు వీరాపునాయునిపల్లి గ్రామంలో జరిగిన ’దొడ్డి దేవర’ కార్యక్రమానికి స్నేహితుల ఆహ్వానం మేరకు వెళ్లాడు. అక్కడ జరిగిన విందులో పాల్గొని అందరితో కలిసి సంతోషంగా గడిపాడు. కార్యక్రమం ముగిసిన అనంతరం రాత్రి వేళ తన బైక్‌పై స్వగ్రామానికి బయలుదేరాడు. ఈ క్రమంలో తొండూరు మండలంలోని సంతకొవ్వూరు – పాలూరు మార్గమధ్యలో, పాలూరు సమీపంలోని గంగమ్మ గుడి వద్దకు రాగానే బైక్‌ అదుపుతప్పి కిందపడ్డాడు. తలకు, శరీరానికి బలమైన గాయాలైన ప్రతాప్‌, సంఘటనా స్థలంలోనే మృతి చెందాడు. అప్పటివరకు తమతో ఎంతో ఆనందంగా గడిపిన ప్రతాప్‌ క్షణాల వ్యవధిలో శవమై కనిపించడంతో స్నేహితులు, స్థానికులు దిగ్భ్రాంతికి గురయ్యారు. చేతికొచ్చిన కొడుకు అకాల మరణం చెందడంతో తల్లిదండ్రులు, కుటుంబ సభ్యులు కన్నీరుమున్నీరుగా విలపిస్తున్నారు.

మదనపల్లె టౌన్‌ : మదనపల్లె మండలం, అంకిశెట్టిపల్లి సమీపంలో సోమవారం ప్రత్యర్థులు ఓ వ్యక్తిపై హత్యాయత్నానికి పాల్పడ్డారు. స్థానికులు, తాలూకా పోలీసులు తెలిపిన వివరాల మేరకు.. చిత్తూరు జిల్లా వెంకటాపురం ఎగువ తడకరకు చెందిన నీరజాక్షులు పిళ్లై కుమారుడు రాజేష్‌(40) ను అంకి శెట్టిపల్లి రోడ్డు లోని సమాధుల తోట దగ్గరకు అంకిశెట్టిపల్లెకు చెందిన ప్రదీప్‌, ప్రశాంత్‌, లోకేష్‌ లు తీసుకెళ్లారు. అక్కడ ముగ్గురు వ్యక్తులు కరల్రతో దాడి చేశారు. తీవ్రంగా గాయపడిన బాధితుడు అపస్మారక స్థితికి చేరడంతో, చనిపోయాడని భావించి నిందితులు రాజేష్‌ను అక్కడే వదిలేసి పారిపోయారు. నిర్మానుష్య ప్రదేశంలో పడి ఉన్న బాధితుడిని స్థానికులు గమనించి మానవత్వం చాటుకున్నారు. వెంటనే 108 అంబులెన్స్‌కు సమాచారం ఇచ్చి జిల్లా ప్రభుత్వ ఆసుపత్రికి తరలించారు. ఆస్పత్రి అత్యవసర విభాగం డాక్టర్లు ప్రధమ చికిత్సలు అందించారు. ప్రస్తుతం అతని పరిస్థితి విషమంగా ఉందని తెలిపారు. పాత కక్షలే కారణమా లేక మహిళ లేదా ఆడపిల్ల విషయమై ఈ ఘటన జరిగిందా అనే కోణంలో తాలూకా సీఐ మహమ్మద్‌ రఫీ బాధితుడిని అస్పత్రిలో పరిశీలించి విచారణ చేపట్టారు. గాయపడిన బాధితుడు మదనపల్లె చంద్రా కాలనీకి సమీపంలో ఉన్నమంజునాథ కాలనీలో తన తల్లి వద్ద ఉంటూ దినసరి కూలీగా పనిచేస్తున్నట్లు ప్రాధమిక దర్యాప్లు తేలిందని పోలీసులు తెలిపారు. మరన్ని వివరాలను నిందితులు పట్బుడ్డ అనంతరం వెల్లడించాల్సి ఉంది.

సాక్షి, మదనపల్లె: మదనపల్లె మున్సిపల్‌ ఎన్నికల ఓట్ల లెక్కింపు మంగళవారం పుంగనూరు రోడ్‌ లోని ఆదిత్య ఇంజనీరింగ్‌ కళాశాలలో చేపట్టనున్నారు. ఆదివారం ఉదయం ఏడు నుంచి సాయంత్రం 5 గంటల దాకా మదనపల్లె పట్టణంలో పోలింగ్‌ నిర్వహించారు. 144 పోలింగ్‌ కేంద్రాల్లో ఎన్నికలు చేపట్టిన అనంతరం బ్యాలెట్‌ పత్రాలు ఉన్న బాక్సులను ఆదివారం రాత్రి ఇదే కళాశాల స్ట్రాంగ్‌ రూమ్‌ లో భద్రపరిచారు. వీటిని మంగళవారం ఉదయం కౌంటింగ్‌ హాల్లోకి తరలించి బ్యాలెట్‌ పత్రాలను లెక్కించనున్నారు. ● ఓట్ల లెక్కింపు కోసం జిల్లా ఎన్నికల అధికారి నిశాంత్‌ కుమార్‌, మదనపల్లె మున్సిపల్‌ సహాయ ఎన్నికల అధికారి ప్రమీల ఏర్పాట్లను సిద్ధం చేశారు. పోలైన 71,924 ఓట్లను అభ్యర్థుల వారీగా లెక్కించడం కోసం కౌంటింగ్‌ టేబుల్‌ సిద్ధం చేశారు. చైర్మన్‌ బ్యాలెట్‌ పత్రాల లెక్కింపు కోసం 25 టేబుళ్లు, వార్డు బ్యాలెట్ల లెక్కింపు కోసం 47 టేబుల్‌ లను సిద్ధం చేశారు. వీటికి సంబంధించి చైర్మన్‌ బ్యాలెట్‌ ను రెండు రౌండ్లలో లెక్కించి పూర్తి చేయనున్నారు. వార్డు బ్యాలెట్‌ కు సంబంధించి మూడు రౌండ్లలో లెక్కించి ఫలితం ప్రకటించేలా ఏర్పాట్లు చేశారు. లెక్కింపు సమయాన్ని బట్టి ఫలితం ప్రకటించడం జరుగుతుందని సంబంధిత అధికారులు పేర్కొన్నారు. కుర్చీ ఎవరిదో..! మదనపల్లె చైర్మన్‌ కుర్చీ ఎవరిది అన్నది మంగళవారం తేలిపోనుంది. గత నెల 16న నామినేషన్ల ప్రక్రియ జరిగి, ఈనెల 1న ( ఆదివారం) చైర్మన్‌ పదవికి (పాతికేళ్ల తర్వాత ప్రత్యక్ష పద్ధతిలో ఎన్నిక) ఎన్నిక నిర్వహించారు. వైఎస్‌ఆర్‌సీపీ తరఫున జింకా వెంకటా చలపతి చైర్మన్‌ అభ్యర్థిగా, 47 వార్డులకు కౌన్సిల్‌ అభ్యర్థులు పోటీ చేశారు. ఎన్నికల్లో విజయం కోసం రాజంపేట ఎంపీ మిథున్‌ రెడ్డి శాయశక్తులా కృషి చేశారు. క్యాడర్‌ ను ఎన్నికలకు సిద్ధం చేసి, స్వయంగా ఎన్నికల ప్రచారం నిర్వహించారు. స్థానిక నేతలు ఇంటింటి ప్రచారాలు, కార్యక్రమాలతో ఓటర్లను ఆకట్టుకునే ప్రయత్నం చేశారు. ఇప్పటిదాకా మున్సిపాలిటిలో పార్టీ ఓడిపోని చరిత్ర ఉన్నందున ఈ ఎన్నికల్లో గెలుపుపై ధీమా వ్యక్తమవుతోంది. కాగా మున్సిపల్‌ ఎన్నికల చరిత్రలో టీడీపీ ప్రజా మద్దతుతో గెలిచింది లేదు. అయితే అధికారం అండతో ఈ ఎన్నికలలో గెలవాలని టీడీపీ అడ్డదారులతో ప్రయత్నాలు చేసింది. పార్టీ అభ్యర్థి శ్రీరామ్‌ కుమార్‌ తరపున మంత్రులు, పార్టీ నేతలు ప్రచారాలు నిర్వహించారు. ● ఆదివారం జరిగిన మదనపల్లె మున్సిపల్‌ ఎన్నికల నేపథ్యంలో పట్టణంలో 1,16,958 మంది ఓటర్లు ఉండగా అందులో 71,924 మందే ఓటు హక్కు వినియోగించుకున్నారు. 61.50 శాతం ఓట్లు పోలయ్యాయి. ఎవరి లెక్కలు వారివి .. బీసీ జనరల్‌ కేటగిరీతో చైర్మన్‌ పదవికి 9 మంది పోటీలో ఉన్నా వైఎస్సార్‌సీపీ, టీడీపీ అభ్యర్థులు ప్రధానంగా పోటీపడ్డారు. గత ఎన్నికల్లో 35 ఉన్న మున్సిపల్‌ వార్డులు ఈసారి 48కి పెరిగాయి. దాంతో వార్డుల స్వరూపం మారిపోయింది. పాత ఒక వార్డు పరిధి కొత్తగా ఏర్పాటయిన మూడు, నాలు గు వార్డుల్లోకి చేరింది. దీని కారణంగా అభ్యర్థుల ప్రచారం, ఎన్నికల వ్యూహాలకు కొంత గందరగోళ పరిస్థితి ఏర్పడింది. ఎన్నికల ప్రచారం, ఓటింగ్‌ సమయం కూడా ఎక్కువగా లేకపోవడం అభ్యర్థు లకు కొంత ఇబ్బంది తెచ్చిపెట్టింది. ఈ పరిస్థితుల్లో చైర్మన్‌ అభ్యర్థులు ఎవరికి వారు పార్టీ, వర్గ బలాబలాలపై అంచనాలు, లెక్కలు వేసుకుంటున్నారు. మదనపల్లె ఎన్నికల కౌంటింగ్‌కు ఏర్పాట్లు పూర్తి చైర్మన్‌ ఓట్లకు 25, వార్డు ఓటర్లకు 47 టేబుళ్లు కుర్చీపై ఎవరి లెక్కలు వారివి

● మాక్‌ పోలింగ్‌కు అనుమతించకపోవడాన్ని ప్రశ్నించిన చైర్మన్‌ అభ్యర్థిపై ఎస్‌ఐ దాడి ● ఎన్నికల సంఘానికి ఫిర్యాదు ● ముఖాలకు మాస్కులు ధరించిన పచ్చముఠా స్వైరవిహారం ● పోలింగ్‌ కేంద్రాల్లోకి దూరి రిగ్గింగ్‌ ప్రయత్నాలు ● రోజంతా ఉద్రిక్తతలు సృష్టించారు ● వైఎస్సార్‌సీపీ కార్యకర్తలపై మాస్కు గ్యాంగ్‌ దాడి సాక్షి, మదనపల్లె / సాక్షి నెట్‌వర్క్‌: మదనపల్లెలో ఆదివారం జరిగిన మున్సిపల్‌ చైర్మన్‌, కౌన్సిల్‌ ఎన్నికల్లో టీడీపీ మూకలు అడుగడుగునా రిగ్గింగ్‌కు పాల్పడేందుకు ప్రయత్నించారు. ముఖాలకు మాస్కులు ధరించిన యువకుల ముఠా నాలుగు కార్లలో పట్టణంలోని పోలింగ్‌ కేంద్రాల వద్ద సంచరిస్తూ హల్‌ చల్‌ చేశారు. ఈ పోలింగ్‌ సమయంలో ఎస్‌ఐ దాడిలో వైఎస్సార్‌సీపీ చైర్మన్‌ అభ్యర్థి జింకా వెంకటా చలపతి గాయపడ్డారు. ఏజెంట్ల విషయాన్ని ఆయన ప్రశ్నించగా ఎస్‌ఐ దాడి చేసి నెట్టడంతో ఆయన కిందపడి గాయపడ్డారు. పలు కేంద్రాల వద్ద వైఎస్సార్‌సీపీ కార్యకర్తలపై టీడీపీ శ్రేణులు, మాస్కులు ధరించిన ముఠా దాడులు చేసింది. గుమిగూడిన ఓటర్లు, పార్టీల శ్రేణులను పోలీసులు చెదరగొట్టారు. కార్యకర్తలపై దాడి.. మదనపల్లె పట్టణంలోని మేదర వీధి 29వ వార్డులో వైఎస్సార్‌సీపీ కార్యకర్త సుబ్రమణ్యంపై దాడి జరిగింది. పోలింగ్‌ కేంద్రం వద్ద పార్టీ కార్యకర్తలతో కలిసి ఉండగా మాస్కులు ధరించిన గుర్తు తెలియని వ్యక్తులు దాడికి పాల్పడ్డారు. ఈ ఘటనలో గాయాలు కావడంతో బాధితుడిని వైద్యం కోసం జిల్లా ప్రభుత్వ ఆసుపత్రికి తరలించారు. దక్నిపేట వార్డులో టీడీపీ మూకలు వైఎస్సార్‌సీపీ కార్యకర్త షేక్‌ షాహీద్‌పై దాడిచేసి కొట్టారు. మాస్కు ముఠా రిగ్గింగ్‌ ఆగడాలు.. మాస్కులు ధరించిన ముఠా పోలింగ్‌ సందర్భంగా రిగ్గింగ్‌ జరిపేందుకు ఆగడాలకు పాల్పడింది. వీరి వెంట టీడీపీకి చెందిన కొందరు వారికి సూచనలు చేస్తూ ఉండటం స్థానికులు గుర్తించారు. మొదట ఆర్‌అండ్‌బీ ఆవరణలో ఉన్న ఈ ముఠా ఒక్కసారిగా 12/1 పోలింగ్‌ కేంద్రంలోకి ముఖాలకు మాస్కులు ధరించి చొచ్చుకొచ్చారు. చైర్మన్‌ బ్యాలెట్‌ పత్రాలను లాక్కోవడంతో అప్రమత్తమైన ఎన్నికల సిబ్బంది వారితో ఎదురుతిరిగి బ్యాలెట్‌ పత్రాలను తిరిగి లాక్కొన్నారు. అక్కడినుంచి బీటీ కళాశాల, కృష్ణానగర్‌, సీఎస్‌ఐ, ఇందిరానగర్‌ తదితర కేంద్రాల వద్దకు వెళ్లి అక్కడ పోలింగ్‌ కేంద్రాల్లోకి వెళ్లి రిగ్గింగ్‌ చేసేందుకు ప్రయత్నించారు. కేంద్రాల వద్ద అరుపులు, కేకలతో ఉద్రికత్త సృష్టించారు. ఒకటవ వార్డు అమ్మ చెరువు మిట్ట పోలింగ్‌ కేంద్రంలో టీడీపీ రౌడీలు మాస్కులు ధరించి కేంద్రంలోకి జొరబడ్డారు. కిటికీలు తలుపులు మూసివేసి రిగ్గింగ్‌ చేయడానికి ప్రయత్నించారు.

జమ్మలమడుగు: జమ్మలమడుగులో టీడీపీ, బీజేపీ గుండాలు పోలింగ్‌కేంద్రాలను హైజాక్‌ చేశారు. పోలింగ్‌ కేంద్రాల వద్దకు వెళ్లిన వైఎస్సార్‌సీపీ అభ్యర్థులు ఏజెంట్లకు సంబంధించిన గుర్తింపు కార్డులను చించివేశారు. పోలీసులు ప్రేక్షకపాత్ర వహించారు. గుర్తింపుకార్డులు ఇవ్వాలని అభ్యర్థులు పోలింగ్‌ అధికారులకు విన్నవించినా తమ వద్దలేవంటూ సమాధానం చెబుతూ వచ్చారు. పట్టణంలో 32 వార్డులకు 64 పోలింగ్‌ కేంద్రాలు ఉండగా ఉదయమే ‘మీ పని మీరు చేసుకోండి మాపని మేము చేసుకుంటామని’ కూటమి నేతలు దౌర్జన్యం చేశారు. ఆపై పోలింగ్‌ కేంద్రాల ను ఆక్రమించుని వైఎస్సార్‌సీపీ అభ్యర్థులను, ఏజెంట్లను బయటికి పంపించి యథేచ్ఛగా రిగ్గింగ్‌ చేసుకున్నారు. ఈ విషయాన్ని తెలుసుకున్న చైర్‌పర్సన్‌ అభ్యర్థి ఎన్‌.హైమావతి ప్రభుత్వ బాలుర కాలేజికి చేరుకున్నారు. అప్పటికే ఏజెంట్లను బయటికి పంపించివేయడంతో ఆమె తమ నిరసన తెలియజేశారు.ప్రజాస్వామ్య పద్ధతిలో జరుగవలసిన ఎన్నికలు పోలీసులే దగ్గరుండి అధికార పార్టీ నాయకులకు, రౌడీలకు కొమ్ముకాస్తున్నారని విమర్శించారు. సంజామల మోటులోఉన్న ఇంటి వద్దనుంచి నేరుగా బయటికి వచ్చి నిరసన వ్యక్తం చేశారు. ఈ క్రమంలో పోలీసులు తీవ్రంగా అడ్డుకున్నారు. వైఎస్సార్‌సీపీ కార్యకర్తలపై పోలీసులు లాఠీచార్జ్‌ చేశారు.

సాక్షి, మదనపల్లె / సాక్షి నెట్‌వర్క్‌: మదనపల్లె పట్టణంలో మున్సిపల్‌ ఎన్నిక పోలింగ్‌ ఉద్రిక్తతల నడుమ జరిగింది. పోలింగ్‌ ప్రారంభానికి కేంద్రాల్లో అందరు అభ్యర్థుల సమక్షంలో మాక్‌ పోలింగ్‌ నిర్వహించాక పోలింగ్‌ను ప్రారంభిస్తారు. ఇందులో భాగంగా 16వ పోలింగ్‌ కేంద్రంలోనికి వైఎస్సార్‌సీపీ ఏజెంట్లను అనుమతించకుండానే మాక్‌ పోలింగ్‌ నిర్వహణ విషయం తెలుసుకున్న ఆ పార్టీ చైర్మన్‌ అభ్యర్థి జింకా వెంకటా చలపతి కేంద్రం వద్దకు చేరుకుని అధికారులను ప్రశ్నించారు. నిబంధనలు పాటించకుండా వ్యవహరిస్తారా అని నిలదీశారు. ఈ సందర్భంగా జరిగిన వాగ్వాదంతో అక్కడ బందోబస్తు విధుల్లో ఉన్న రామాపురం ఎస్‌ఐ శివకుమార్‌ కలుగజేసుకుని వాదనకు దిగారు. జింకాపై లాఠీతో కొట్టి నెట్టడంతో ఆయన కిందపడి స్పృహ కోల్పోయే పరిస్థితి నెలకొంది. అయినప్పటికీ పోలీసులు జింకాను పైకెత్తుకుని కేంద్రం నుంచి పక్కకు తీసుకెళ్లారు. ఈ ఘటన విషయం తెలుసుకున్న మాజీ ఎమ్మెల్సీ బి.నరేష్‌కుమార్‌రెడ్డి, సమన్వయకర్త నిసార్‌ అహ్మద్‌ జింకాను పరామర్శించారు. ఘటన వివరాలు తెలుసుకున్నారు. అనంతరం జింకా తనపై జరిగిన దాడి పై ఎన్నికల సంఘానికి ఫిర్యాదు చేశారు. ఈ సందర్భంగా కాసేపు తీవ్ర ఉద్రిక్తత నెలకొంది. అనంతరం జింకా జిల్లా ఆస్పత్రికి వె వెళ్లి వైద్య పరీక్షలు చేయించుకున్నారు.

● నిర్భయంగా వైఎస్సార్‌సీపీకి ఓటు వేయండి ● మాజీ మంత్రి పెద్దిరెడ్డి రామచంద్రారెడ్డిపుంగనూరు : కూటమి ప్రభుత్వంలో ఆ పార్టీల గూండాలు చేస్తున్న అరాచకాలు, విధ్వంసాలకు ఎవరూ భయపడకుండా.. ధైర్యంగా వైఎస్సార్‌సీపీకి ఓటు వేయాలని మాజీ మంత్రి డాక్టర్‌ పెద్దిరెడ్డి రామచంద్రారెడ్డి పిలుపునిచ్చారు. ఆదివారం మండలంలోని చదళ్ల, మంగళం పంచాయతీలలో జెడ్పీటీసీ అభ్యర్థి వెంకటరమణతోపాటు ఆయా ప్రాంతాల ఎంపీటీసీ అభ్యర్థులతో కలసి ప్రచారం నిర్వహించారు. ఇంటింటికీ వెళ్లి కరపత్రాలు అందజేసి, ఫ్యాన్‌ గుర్తుకు ఓటు వేయాలని కోరారు. ఈ సందర్భంగా ఆయన మాట్లాడుతూ తెలుగుదేశం పార్టీ ప్రజాస్వామ్యాన్ని అపహాస్యం చేస్తోందన్నారు. ఎన్నికలు జరిగితే తెలుగుదేశం పార్టీ ఓటమి చెందుతుందన్న భయంతో వైఎస్సార్‌సీపీ అభ్యర్థులను నామినేషన్లు వేయనివ్వకుండా అడ్డుకుని, దౌర్జన్యాలకు పాల్పడ్డారని మండి పడ్డారు. పైగా నష్టపోయిన వైఎస్సార్‌సీపీ కార్యకర్తలు, నాయకులపై హత్యాప్రయత్నం కేసులు పెట్టి, పోలీసులచే అరెస్ట్‌లు చేయిస్తున్నారని ఆగ్రహం వ్యక్తం చేశారు. తెలుగుదేశం పార్టీ వారికి దమ్ముంటే ఎన్నికల్లో పోరాడాలన్నారు. అధికారాన్ని అడ్డుపెట్టుకుని ప్రజలను భయభ్రాంతులకు గురి చేసి ఎన్నికలే లేకుండా చేశారని మండిపడ్డారు. భవిష్యత్తులో తెలుగుదేశం పార్టీకి ప్రజలు తగిన గుణపాఠం నేర్పుతారని పేర్కొన్నారు. ఈ కార్యక్రమంలో రాష్ట్ర మహిళా కార్యదర్శి అనీషారెడ్డి, రాష్ట్ర కార్యదర్శి శ్రీనాథరెడ్డి తదితరులు పాల్గొన్నారు. వైఎస్సార్‌సీపీ అభ్యర్థులను గెలిపించండి కురబలకోట : తంబళ్లపల్లి ఎమ్మెల్యే పెద్దిరెడ్డి ద్వారకనాథరెడ్డి మండలంలోని ముదివేడులో ఆదివారం పెద్ద ఎత్తున ప్రచారం నిర్వహించారు. ఎమ్మెల్యేకి అపూర్వ స్వాగతం లభించింది. స్థానిక సంస్థల ఎన్నికల్లో వైఎస్సార్‌సీపీ జెడ్పీటీసీ అభ్యర్థి కె.ఫజరుల్లా, ఎంపీటీసీ అభ్యర్థి నల్లపరెడ్డి మంగమ్మతోపాటు వివిధ గ్రామాల పార్టీ అభ్యర్థులను అఖండ మెజారిటీతో గెలిపించాలని తంబళ్లపల్లి ఎమ్మెల్యే పెద్దిరెడ్డి ద్వారకనాథరెడ్డి పిలుపునిచ్చారు. వైఎస్సార్‌ సీపీ అభ్యర్థులకు మద్దతుగా నాయకులు ఎం.ఫిరోజ్‌ ఖాన్‌ ఆధ్వర్యంలో పెద్ద ఎత్తున ప్రచారం నిర్వహించారు. పార్టీ నాయకులు, కార్యకర్తలు సమన్వయంతో పని చేసి అభ్యర్థులను గెలిపించాలన్నారు. ఈ ఎన్నికలు కేవలం అభ్యర్థులకే కాకుండా ఆయా గ్రామాల నాయకుల సత్తాకు కూడా పరీక్షగా భావించాలన్నారు. ప్రతిష్టాత్మకంగా తీసుకుని ఎన్నికల్లో వైఎస్సార్‌ సీపీ అభ్యర్థులను గెలిపించి పార్టీ జెండాను ఎగరవేయాలన్నారు. కలసి సాగితే విజయం దాసోహం అవుతుందన్నారు. ప్రజలతో మమేకమవుతూ జనం మనసు గెలవాలన్నారు. ఎమ్మెల్యే ప్రచారంతో ఎన్నికలు ఒక్కసారిగా వేడెక్కాయి. ప్రచారం పర్వం ఊపందుకుంది. పార్టీ శ్రేణులు దూసుకుపోతున్నాయి. నందిరెడ్డిగారిపల్లి ఎంపీటీసీ అభ్యర్థి సిద్దల శ్రీనివాసులరెడ్డి, చింతమాకులపల్లి అభ్యర్థి బుర్ర హరినాథ్‌, పిచ్చలవాండ్లపల్లి అభ్యర్థి దయ్యాల లలిత, అంగళ్లు వన్‌ అభ్యర్థి దేవరకొండ రెడ్డికుమారి, అంగళ్లు టు అభ్యర్థి మహబూబ్‌ పీర్‌, దాదంవారిపల్లిలో దాదం ఉషారాణి, కనసానివారిపల్లిలో రవళి, మట్లివారిపల్లిలో ఎన్‌.కనకదుర్గ, తెట్టులో జగదీష్‌, ఎర్రబల్లి అభ్యర్థి మౌనిక గ్రామాల్లో జోరుగా ప్రచారం నిర్వహిస్తున్నారు. కాంగ్రెస్‌ ప్రచారం పీలేరు రూరల్‌ : పీలేరు కాంగ్రెస్‌ పార్టీ జెడ్పీటీసీ అభ్యర్థిని గెలిపించాలని నియోజకవర్గ ఇన్‌చార్జి సోమశేఖర్‌రెడ్డి ప్రచారం నిర్వహించారు. ఆదివారం తలపుల, జాండ్ల, గూడరేవుపల్లెలో ఇంటింటికీ వెళ్లి ప్రచారం చేశారు. కాంగ్రెస్‌ పార్టీ జెడ్పీటీసీ అభ్యర్థి షేక్‌ నౌజియాను గెలిపించాలని కోరారు. ఈ కార్యక్రమంలో కాంగ్రెస్‌ నాయకులు శ్రీకాంత్‌, రెడ్డిబాషా, మల్లిక, చెన్నకేశవ, ఇస్మాయిల్‌, యూనిస్‌ తదితరులు పాల్గొన్నారు.

పులివెందుల : కొన్ని వేల మంది టీడీపీ గూండాలు పులివెందుల మున్సిపాలిటీపై పడి దొంగ ఓట్లు వేసుకునేందుకు వచ్చారని కడప ఎంపీ వైఎస్‌ అవినాష్‌రెడ్డి అన్నారు. ప్రతి నియోజకవర్గం నుంచి.. ముఖ్యంగా ప్రొద్దుటూరు, జమ్మలమడుగు, కమలాపురం నుంచి, అలాగే అనంతపురం జిల్లా నుంచి కూడా వచ్చారని పేర్కొన్నారు. ఈ మున్సిపాలిటీకి సంబంధించిన అసలైన ఓటర్లతో ఓట్లు వేయించకుండా.. పూర్తిగా ఫేక్‌ ఓటర్లతో దొంగ ఓట్లు వేయించుకున్నారని ఆరోపించారు. ఆదివారం ఉదయం ఆయన పులివెందులలో మీడియాతో మాట్లాడారు. తాము కొన్ని రోజులుగా స్పెసిఫిక్‌గా పేర్లు పెట్టి రాష్ట్ర ఎన్నికల కమిషన్‌, జిల్లా ఎస్పీ, జిల్లా కలెక్టర్‌కు కంప్లయింట్‌ ఇచ్చామన్నారు. పార్థసారథిరెడ్డి, బీటెక్‌ రవి, శ్రీనాథరెడ్డి, పుత్తా చైతన్యారెడ్డి, శేషారెడ్డి, తదితర వారి పేర్లను పెట్టి కంప్లయింట్‌ ఇచ్చామన్నారు. కానీ ఆదివారం ఉదయం చూస్తే వైఎస్‌వీఆర్‌ఎం బాలికల జూనియర్‌ కళాశాల వద్ద ఉదయాన్నే శేషారెడ్డి, శ్రీనాథరెడ్డి, పార్థసారథిరెడ్డి వీళ్లందరూ కూడా రోడ్డు మీద కర్రలు పట్టుకుని.. అక్కడికి వెళ్లే పోలింగ్‌ ఏజెంట్లను, అక్కడికి వెళుతున్న అభ్యర్థులను అడ్డుకున్నారన్నారు. తాము కొన్ని రోజులుగా మొరపెట్టుకుంటున్నా.. వీరందరి పేర్లు చెప్పినా వాళ్లను మున్సిపాలిటీలోకి ఏ రకంగా అనుమతిస్తారని, వాళ్లు మున్సిపాలిటీలో ఓటర్లే కాదన్నారు. రాష్ట్ర ఎన్నికల కమిషన్‌, ఎస్పీ నిద్రపోతున్నట్లా అని ప్రశ్నించారు. ఉదయం 4 గంటల నుంచి ఎస్పీ, కలెక్టర్‌, ఎస్‌ఈసీ అనిల్‌ చంద్ర పునేఠాకు ఫొటో ఎవిడెన్స్‌తో సహా నా ఫోన్‌ నుంచి ఫొటోలు పెట్టానని, మెసేజ్‌లు పెట్టానన్నారు. గడిచిన కొన్ని రోజులుగా నేను ఎవరి మీద అయితే చెబుతున్నానో వాళ్లను ఏమాత్రం అడ్డుకోలేదని, వాళ్లందరూ మున్సిపాలిటీలోకి వేలాది మందితో వచ్చారని, వీరికి పోలీసులే సహకరిస్తున్నారని తెలిపారు. ఈ మాత్రం దానికి ఎన్నికలు ఎందుకు జరపడమని అనిల్‌ చంద్ర పునేఠా దృష్టికి, కలెక్టర్‌ దృష్టికి తీసుకెళ్లినా.. ఎటువంటి రెస్పాన్స్‌ లేదని, ఇది స్టేట్‌ స్పాన్సర్డ్‌ వాయిలెన్స్‌, రాష్ట్ర ప్రభుత్వం స్పాన్సర్డ్‌ చేస్తున్న వాయిలెన్స్‌ అని ప్రతి ఒక్కరూ అర్థం చేసుకోవాలన్నారు. వెఎస్‌వీఆర్‌ఎం కాలేజీ వద్ద రౌడీయిజం ఎన్‌టీవీ మీడియా మిత్రులు వైఎస్‌వీఆర్‌ఎం కళాశాల వద్దకు ఉదయం 5.30 గంటలకే పోలింగ్‌ ఏజెంట్లు లోపలికి వెళతారో ఆ టైంలో న్యూస్‌ కవర్‌ చేయడానికి వెళితే వారి ఫోన్లు, కెమెరాలను లాక్కొని విరగొట్టడం, వాళ్లపై చేయి చేసుకోవడం, ఇవన్నీ పుష్పనాథరెడ్డి, పార్థసారథిరెడ్డి ఆధ్వర్యంలో జరిగాయని ఎంపీ తెలిపారు. పులివెందుల ఓటర్లపై, తమ పోలింగ్‌ ఏజెంట్లపై దాడి చేస్తారు, చివరకు మీడియా వాళ్ల మీద కూడా దాడి చేస్తారు, ఇవన్ని కెమెరాలలో బంధిస్తున్నారని చెప్పి, ఎటువంటి పరిస్థితులలో పులివెందులలో పోలింగ్‌ జరుగుతుందో రాష్ట్రంలోని ప్రతి ఒక్కరూ కూడా ఆలోచన చేయాలన్నారు. డీఐజీ అనే వ్యక్తి కండువా వేసుకున్న తెలుగుదేశం పార్టీ నాయకులకంటే ఎక్కువగా టీడీపీ కోసం కృషి చేస్తున్నారన్నారు. 2025లో కూడా జెడ్పీటీసీ ఎన్నికలలో ఆయన దగ్గరుండి ఇక్కడ తెలుగుదేశం పార్టీకి ఎలెక్షన్లు చేసి పోయారని, మరి ఇవాళ కూడా ఆయన అదే పని చేస్తున్నారన్నారు. చంద్రబాబు, డీజీపీ, లోకేష్‌ ఆదేశాలను ఈయన ఇక్కడ ఉండి అమలు చేస్తున్నారన్నారు. అధికారం ఉండేది ప్రజలకు మేలు చేయడానికి, స్వేచ్ఛాయుత ఎన్నికలు జరపడానికి కానీ.. ఇలా దాడులు, దౌర్జన్యాలు చేసి గెలిచామని అనుకుంటే అది వారి మూర్ఖత్వమే అవుతుందన్నారు. పోలీసుల సమక్షంలోనే దాడులు జరుగుతున్నాయన్నారు. పోలీసులే మ్యూట్‌ స్పెక్టేటర్స్‌ పులివెందుల మున్సిపాలిటీలో పోలీసులు మ్యూట్‌ స్పెక్టేటర్స్‌ వాళ్లు అంతకు మించి చేసేదేమి లేదన్నారు. కొన్ని చోట్ల పోలీసులే అడ్డుకుంటున్నారన్నారు. మహిళలు ఓటరు స్లిప్పులు పట్టుకొని వస్తే వాళ్లను పోలింగ్‌ బూత్‌లకు డీఎస్పీ పంపించడం లేదన్నారు. ఎందుకంటే ఆల్‌రెడీ వారి ఓట్లను.. దొంగగా టీడీపీ వారే వేసుకుంటున్నారు కాబట్టి.. డీఎస్పీ వాళ్లను లోపలికి పంపించడం లేదని పేర్కొన్నారు. ఇది స్టేట్‌ ఆఫ్‌ అఫైర్స్‌ ఇన్‌ ద పులివెందుల మున్సిపాలిటీ స్టేట్‌ స్పాన్సర్డ్‌ వాయిలెన్స్‌ ఇక్కడ ఉందని, ప్రతి ఒక్కరూ అర్థం చేసుకోవాలన్నారు. మరి కొద్దిసేపట్లో వైఎస్‌ జగన్‌మోహన్‌రెడ్డి పులివెందులకు వస్తారు, వచ్చిన వెంటనే వైఎస్‌ జగన్‌మోహన్‌రెడ్డితో మాట్లాడి ఇక్కడ ఉన్న పరిస్థితులను ఆయనకు వివరించి తగిన నిర్ణయం తీసుకుంటామన్నారు. ఇతర ప్రాంతాల నుంచి భారీగా వచ్చిన అల్లరి మూకలు ఫేక్‌ ఓటర్లతో దొంగ ఓట్లు వేయించుకుని నెగ్గే ప్రయత్నం పేర్లతో సహా ఫిర్యాదు చేసినా వారిని అడ్డుకోలేదు ఓటర్లు, ఏజెంట్లు, మీడియాపై దాడి ఓట్లు వేయడానికి మహిళలనూ డీఎస్పీ పంపించలేదు కడప ఎంపీ వైఎస్‌ అవినాష్‌రెడ్డి

వాల్మీకిపురం : పట్టణ శివారు ప్రాంతంలోని బోగంపల్లి రిజర్వాయర్‌ వద్ద జాతీయ రహదారిపై ఆదివారం ఉదయం ట్రాక్టర్‌, కారు ఢీకొనడంతో.. ఓ వ్యక్తి దుర్మరణం చెందాడు. వివరాలు ఇలా ఉన్నాయి. మండలంలోని జర్రావారిపల్లి వడ్డిపల్లికి చెందిన డ్రైవర్‌ లోకనాథ్‌(32) ఇసుక ట్రాక్టర్‌ను తీసుకొని మదనపల్లికి బయల్దేరాడు. కర్ణాటక రాష్ట్రం గౌరీ బిదునూరుకు చెందిన నందిని(33), నాగలత(30) తిరుపతికి వెళ్లి తర్వాత కారులో గౌరీబిదునూరుకు తిరుగుపయనమయ్యారు. మార్గంమధ్యలోని బోగంపల్లి రిజర్వాయర్‌ వద్ద ఎదురెదురుగా వస్తున్న కారు, ట్రాక్టర్‌ ఢీకొనడంతో.. ట్రాక్టర్‌ డ్రైవర్‌ లోకనాథ్‌ ట్రాక్టర్‌ వెనుకచక్రం కింద పడి అక్కడికక్కడే మృతి చెందాడు. కారులో ప్రయాణిస్తున్న నందిని, నాగలతకు తీవ్ర గాయాలయ్యాయి. వారిని స్థానిక ప్రభుత్వాసుపత్రికి తరలించారు. నందిని తలకు బలమైన గాయాలు కావడంతో పరిస్థితి విషమంగా ఉండడంతో మెరుగైన వైద్యం కోసం బెంగళూరుకు తరలించారు. ఈ మేరకు స్థానిక ఎస్‌ఐ తిప్పేస్వామి కేసు నమోదు చేసి దర్యాప్తు చేస్తున్నారు. మృతుడి కుటుంబానికి పరామర్శ రోడ్డు ప్రమాదంలో వైఎస్సార్‌సీపీ నాయకుడు లోకనాథ్‌ మృతి చెందిన విషయం తెలుసుకున్న మాజీ ఎమ్మెల్యే చింతల రామచంద్రారెడ్డి స్థానిక ప్రభుత్వాసుపత్రికి చేరుకొని మృతుడి కుటుంబ సభ్యులను పరామర్శించారు. త్వరతిగతిన పోస్టుమార్టం చేసి మృతదేహాన్ని కుటుంబ సభ్యులను అందించాలని డాక్టర్లను కోరారు. ఆయన వెంట నాగార్జున, రాజాబాబు తదితరులు ఉన్నారు.

ప్రొద్దుటూరు : రాష్ట్రంలో ప్రజాస్వామ్యం చనిపోయిందని, ఇంతటి అరాచకం, అన్యాయం మునుపెన్నడూ జరగలేదని మాజీ ఎమ్మెల్యే, వైఎస్సార్‌సీపీ రాష్ట్ర అధికార ప్రతినిధి రాచమల్లు శివప్రసాదరెడ్డి అన్నారు. చివరికి పోలింగ్‌కు వెళ్లిన మహిళలపై కూడా దాడులు చేయడం రాష్ట్ర ఆవిర్భావం నుంచి చూడలేదన్నారు. ఆయన ఆదివారం సాయంత్రం తన క్యాంప్‌ కార్యాలయంలో మీడియాతో మాట్లాడుతూ పోలింగ్‌ రోజున జరిగిన ఈ దాడి అప్రజాస్వామికం, అన్యాయమని.. అఘాయిత్యాన్ని ప్రజలందరూ అసహ్యించుకునే పరిస్థితి వచ్చిందన్నారు. ఈ పరిస్థితులను చూస్తే ప్రజాస్వామ్యం ఇంకా జీవించి ఉందంటారా అని ప్రశ్నించారు. వ్యవస్థలన్నీ కలసి ఇలా చేశాయని ఆవేదన వ్యక్తం చేశారు. ప్రజాస్వామ్యంలో తమకు నచ్చిన నాయకుడిని ఎన్నుకునేందుకు ఎన్నికలు నిర్వహిస్తారని, అలాంటి ఎన్నికలు ఇంతటి అధ్వాన పరిస్థితుల్లో జరిగితే ఏమి చెప్పాలన్నారు. వాక్‌ స్వాతంత్య్రం, భావ ప్రకటన స్వేచ్ఛ అత్యంత ముఖ్యమైనవని, అవే లేకుండా చేస్తే ప్రజాస్వామ్యానికి అర్థం ఏముంటుందన్నారు. పోలింగ్‌ ఏజెంట్లను బయటికి లాగి ఓటు వేసేందుకు వెళ్లిన మహిళలపై కూడా దాడులు చేశారన్నారు. సాధారణంగా మహిళలు ఓటు స్లిప్‌ తీసుకుని ఓటు వేసేందుకు వెళతారని, కట్టెలు తీసుకొని వచ్చారని అధికారులు చెబుతున్నారన్నారు. దేశంలో ఎక్కడా ఇలాంటి దారుణమైన పరిస్థితిని ప్రజలు చూసి ఉండరన్నారు.వైఎస్సార్‌సీపీ రాష్ట్ర అధికార ప్రతినిధి రాచమల్లు శివప్రసాదరెడ్డి

సోమల(సదుం) : ఎన్నికలలో ఓటమి తప్పదనే భయంతోనే టీడీపీ నాయకులు రాష్ట్ర వ్యాప్తంగా అరాచకాలు, అక్రమాలకు పాల్పడుతున్నారని ఎంపీ పెద్దిరెడ్డి మిథున్‌రెడ్డి అన్నారు. సోమల మండలం కందూరులో ఆదివారం ఆయన ఎన్నికల ప్రచారంలో పాల్గొన్నారు. గ్రామస్తులు ఎంపీకి ఘన స్వాగతం పలికారు. వైఎస్సార్‌సీపీ పార్టీ తరఫున పోటీ చేస్తున్న జెడ్పీటీసీ అభ్యర్థి సాంబశివయ్య, ఎంపీటీసీ అభ్యర్థులు మనీలా, వసంతమ్మను గెలిపించాలని కోరారు. ఎన్నికలలో తమ అక్రమాలకు అడ్డు ఉండకుండా ఉండేలా ముందుగానే పలువురు వైఎస్సార్‌ సీపీ నాయకులు, కార్యకర్తలపై టీడీపీ నాయకులు అక్రమ కేసులు బనాయించేలా ప్రణాళికలు రూపొందించారని చెప్పారు. అయినా అటువంటి వాటికి బెదరక పార్టీ శ్రేణులు ధైర్యంగా పోరాడుతున్నారని అభినందించారు. ఎవరూ ఆందోళన చెందాల్సిన పని లేదని, తమ కుటుంబం ఎళ్లవేళలా అండగా ఉంటుందని భరోసా కల్పించారు. ఓటర్లు ఎటువంటి భయాందోళనకు గురికాకుండా ఓటింగ్‌లో పాల్గొనాలని కోరారు. కార్యక్రమంలో మోహన్‌, గంగాధర రాయల్‌, ప్రభాకర, ఈశ్వరయ్య, బాషా, నాగేశ్వరరావు, వెంకటరమణ, సురేష్‌, సీఎల్‌పీ రెడ్డి, చిన్నారెడ్డి, మల్లికార్జున రెడ్డి, పుష్పావతి, సౌజన్య, హరీష్‌, ఉమాశంకర్‌, మురళీ, రామ్‌కుమార్‌, శివకిరణ్‌ తదితరులు పాల్గొన్నారు.

● రౌడీయిజానికి దిగిన బాబాయ్‌, అబ్బాయిలు ● అభివృద్ధి చేసి ఉంటే ప్రజలు ఓటు వేస్తారు ● ఎమ్మెల్సీ రామసుబ్బారెడ్డిజమ్మలమడుగు : మున్సిపాలిటీ పరిధిలో బాబాయ్‌, అబ్బాయ్‌లు నిజంగా అభివృద్ధి చేసి ఉంటే ప్రజలు దానిని చూసి ఓటు వేస్తారు... వారు అభివృద్ధి చేయకపోవడంతో ప్రజలు ఓటు వేసి గెలిపించరనే భావనతోనే రిగ్గింగ్‌కు పాల్పడ్డారని ఎమ్మెల్సీ పి.రామసుబ్బారెడ్డి ధ్వజమెత్తారు. ఆదివారం ఆయన స్థానిక సంజామల మోటులో ఉన్న తన నివాసంలో విలేకరులతో మాట్లాడారు. పట్టణం నిండా గుండాలతో నిండిపోయి రిగ్గింగ్‌ జరుగుతున్నా.. నియంత్రణ చేయవలసిన పోలీసులు, ఎన్నికల అధికారులు, కలెక్టర్‌, జిల్లా ఎస్పీలు పట్టించుకోవడం లేదని విమర్శించారు. ఓటు వేయటానికి పోతున్న మహిళల చేతుల్లో నుంచి స్లిప్పులు లాక్కొని చించివేస్తుండగా.. ఇదేమని ప్రశ్నించిన మహిళలపై, ఓటర్లను పోలీసుల ముందే బెదిరింపులకు పాల్పడుతున్నా పోలీసులు చూస్తుండి పోయారన్నారు. మమ్మల్ని హౌస్‌ అరెస్టులు చేసి టీడీపీ, బీజేపీ గూండాలను బయట తిరిగే విధంగా పోలీసులు చూస్తున్నారన్నారు. ఎన్నికల సంఘం ప్రజాస్వామ్య బద్ధంగా ఎన్నికలు జరిగే విధంగా చర్యలు తీసుకోవాలంటే కచ్చితంగా రీ ఎలక్షన్‌ జరిపించాలని ఆయన డిమాండ్‌ చేశారు. ప్రజాస్వామ్య బద్ధంగా పోరాటం: హైమావతి స్థానిక సంస్థల ఎన్నికల్లో ప్రజాస్వామ్య బద్ధంగా వైఎస్సార్‌సీపీ కౌన్సిలర్‌ అభ్యర్థులు, కార్యకర్తలు, నాయకులు పోరాటం చేశామని వైఎస్సార్‌సీపీ చైర్‌పర్సన్‌ అభ్యర్థి హైమావతి అన్నారు. ఎమ్మెల్యే ఆదినారాయణరెడ్డి, భూపేష్‌రెడ్డిలు ప్రజాస్వామ్యబద్ధంగా ఎన్నికలు జరిపిస్తే ఓడిపోతామనే భయంతోనే రిగ్గింగ్‌కు పాల్పడ్డారని మండిపడ్డారు. పోలీసులు సైతం ఏకపక్షంగా వ్యవహరిస్తున్నారన్నారు. ధైర్యంగా ప్రాణాలకు తెగించి తమ కార్యకర్తలు పోలింగ్‌ బూత్‌లలో ఏజెంట్లుగా కూర్చున్నారని.. తాము మొగోళ్ల మాదిరిగా రాజకీయం చేశామని, కాబట్టి మేము ఓడిపోయినా తమకు ఎలాంటి బాధలేదని వ్యాఖ్యానించారు. ప్రజలు కూడా ఇక్కడ జరుగుతున్న దౌర్జన్యాలు, రిగ్గింగ్‌లు, కూటమి నాయకుల అరాచాకాలు గమనించారన్నారు. ప్రజాస్వామ్య బద్ధంగా ఎన్నికలు జరుపలేని కూటమి నాయకులు మీరు గెలిచిన ఓడినట్లే అని తెలుసుకోవాలని సూచించారు. ప్రజా క్షేత్రంలో ఇప్పటికే తమదే గెలుపు అన్నారు. ఈ సమావేశంలో లక్ష్మీదేవమ్మ, వెంకటశివారెడ్డి, ఇందిరమ్మ, గిరిధర్‌రెడ్డి పాల్గొన్నారు.

మదనపల్లె టౌన్‌ : మదనపల్లెలో అక్రమంగా మద్యం తరలిస్తున్న వ్యక్తిని ఎకై ్సజ్‌ పోలీసులు అరెస్ట్‌ చేశారు. మొబైల్‌ పెట్రోలింగ్‌ పార్టీ ఇన్‌చార్జ్‌ సీఐ వై.బాబు ఆదివారం మీడియాకు తెలిపిన వివరాల ప్రకారం.. అన్నమయ్య జిల్లా డీపీఈవో ఆదేశాల మేరకు మొబైల్‌ పెట్రోలింగ్‌ పార్టీ బృందం, ఎస్టీఎఫ్‌ సిబ్బంది సంయుక్తంగా మదనపల్లె నుంచి అంగళ్లు వెళ్లే రోడ్డులోని స్థానిక టమోటా మార్కెట్‌ యార్డు ఎదుట వాహన తనిఖీలు నిర్వహించారన్నారు. ఈ తనిఖీల్లో నీరుగట్టువారిపల్లెకు చెందిన ఎన్‌.భాస్కర్‌రెడ్డి (46) అక్రమంగా 15 బాటిళ్ల మద్యాన్ని తరలిస్తుండగా పట్టుబడ్డాడు. అతని వద్ద నుంచి 2.7 లీటర్ల మద్యాన్ని (11 బిన్నీస్‌ గ్రేప్‌ బ్రాందీ, 4 ఓల్డ్‌ అడ్మిరల్‌ మద్యం బాటిళ్లను స్వాధీనం చేసుకుని, క్రైం నం.102/2026 కింద కేసు నమోదు చేసి అరెస్ట్‌ చేసినట్లు సీఐ తెలిపారు. బైక్‌ అదుపు తప్పి యువకుడికి గాయాలుచౌడేపల్లె : చౌడేపల్లె– బోయకొండ మార్గంలోని చిన్నకొండామర్రి వద్ద రోడ్డుకు అడ్డుగా ఆవు రావడంతో బైక్‌పై వెళ్తున్న యువకుడు అదుపు తప్పి పడి తీవ్ర గాయాలైన సంఘటన ఆదివారం జరిగింది. స్థానికుల కథనం మేరకు వివరాలిలా ఉన్నాయి. ముళబాగిల్‌ మండలంచీక్‌ పల్లెకు చెందిన పవన్‌ బంధువుల ఇంటికి బైక్‌పై వెళ్లాడు. బంధువులను చౌడేపల్లెలో వదలడానికి వెళ్తుండగా ఈ ఘటన జరిగింది. తీవ్రంగా గాయపడిన అతన్ని చౌడేపల్లె 108 సహాయంతో మదనపల్లె జిల్లా ఆసుపత్రికి తరలించారు. కడప కార్పొరేషన్‌ ఎన్నిక రద్దు చేయాలి కడప సెవెన్‌రోడ్స్‌ : కడప నగర పాలక సంస్థ ఎన్నికలను తక్షణమే రద్దు చేసి, సీఆర్‌పీఎఫ్‌ బలగాలను రప్పించి 361 పోలింగ్‌ కేంద్రాల్లో మళ్లీ ఎన్నికలు నిర్వహించాలని వైఎస్సార్‌సీపీ జిల్లా అధ్యక్షులు పి.రవీంద్రనాథ్‌రెడ్డి డిమాండ్‌ చేశారు. ఆదివారం మాజీ డిప్యూటీ సీఎం ఎస్‌బీ అంజద్‌ బాషా, వైఎస్సార్‌సీపీ మేయర్‌ అభ్యర్థి బండి దీప్తిరెడ్డితో కలిసి జిల్లా ఎన్నికల అధికారి శ్రీధర్‌ చెరుకూరికి వినతిపత్రం అందజేశారు. అనంతరం ఆయన మాట్లాడుతూ కడప నగరంలోని 361 పోలింగ్‌ కేంద్రాల్లో టీడీపీ నేతలు యథేచ్ఛగా రిగ్గింగ్‌ చేసుకున్నారని ఆరోపించారు. తమ పార్టీకి చెందిన ఏజెంట్లను కొట్టి తరిమేసి సైక్లింగ్‌కు పాల్పడ్డారన్నారు. ఓటర్లను రానీయకుండా గేట్లు మూసేసి టీడీపీ నాయకులు రిగ్గింగ్‌ చేసుకునేందుకు పోలీసులు సహకరించారని ఆరోపించారు. కాంగ్రెస్‌, సీపీఐ, ఎంఐఎం, బీఎస్పీ ఏజెంట్‌ ఫారాలను టీడీపీ వారే తీసుకున్నారని తెలిపారు.

చౌడేపల్లె : భార్యాభర్తల మధ్య చెలరేగిన మనస్పర్థల కారణంగా వారం రోజులుగా మాట్లా డుకోవడం మానేయడంతో.. మనస్తాపం చెంది వారిద్దరూ ఆత్మహత్యాయత్నానికి పాల్పడిన ఘటన ఆదివారం జరిగింది. మండలంలోని గడ్డంవారిపల్లె మార్గంలో గల యానాది కాలనీకి చెందిన వెంకటరమణ, మల్లిక దంపతులు ఒకే ఇంటిలో నివసిస్తున్నప్పటికీ.. కుటుంబ కలహాల కారణంగా ఒకరినొకరు మాట్లాడుకోవడం మానేశారు. ఈ క్రమంలో వెంకటరమణ విషపు పసరుగడ్డలు తిని ఆత్మహత్యకు యత్నించగా భార్య మల్లిక విషం తాగింది. గమనించిన కుటుంబ సభ్యులు ఇద్దరినీ చౌడేపల్లె 108 వాహనం ద్వారా మదనపల్లె జిల్లా ఆసుపత్రికి తరలించారు. 7న ఎస్‌జీఎఫ్‌ కబడ్డీ జిల్లా జట్ల ఎంపికలుమదనపల్లె సిటీ : ఎస్‌జీఎఫ్‌ కబడ్డీ అండర్‌–17 బాలబాలికలు, అండర్‌–10 బాలికల జిల్లా జట్ల ఎంపికలు ఈనెల 7వ తేదీ నిర్వహిస్తున్నట్లు ఎస్‌జీఎఫ్‌ జిల్లా కార్యదర్శి రమేష్‌బాబు తెలిపారు. పుంగనూరు బీఎంఎస్‌ క్లబ్‌లో ఉదయం 9 గంటలకు ఎంపికలు జరుగుతాయని ఆయన పేర్కొన్నారు. ఎంపికల్లో పాల్గొనే క్రీడాకారులు స్టడీ సర్టిఫికెట్‌, ఆధార్‌ జిరాక్సు, స్పోర్ట్సు కిట్‌ తీసుకురావాలన్నారు. మరిన్ని వివరాలకు పీడీ జ్యోతిలక్ష్మి సెల్‌ నంబర్‌ 944094507ను సంప్రదించాలని వివరించారు.

మదనపల్లె టౌన్‌ : మదనపల్లె పట్టణంలో మున్సిపల్‌ ఎన్నికల నేపథ్యంలో ఎన్నికల నిబంధనలను ఉల్లంఘించి మద్యం విక్రయాలు జరుపుతున్న దుకాణ యజమానిపై పోలీసులు కేసు నమోదు చేశారని మదనపల్లె ఒకటో పట్టణ సీఐ మోహనకుమార్‌ తెలిపారు. మున్సిపల్‌ ఎన్నికల నిబంధనల ప్రకారం అక్టోబర్‌ 30వ తేదీ సాయంత్రం 5 గంటల నుంచి నవంబర్‌ 1వ తేదీ సాయంత్రం 5 గంటల వరకు పట్టణ పరిధిలోని మద్యం దుకాణాలను సీజ్‌ చేసి మద్యం విక్రయాలపై జిల్లా కలెక్టర్‌ ఎస్పీల ఆదేశాలతో ఎకై ్సజ్‌ సీఐ భీమలింగ నిషేధం విధించారు. అయితే స్థానిక ఎన్టీఆర్‌ సర్కిల్‌ సమీపంలో ఉన్న నాగా వైన్స్‌వద్ద గోప్యంగా మద్యం విక్రయాలు జరుగుతున్నట్లు సమాచారం రావడంతో ఎకై ్సజ్‌, ఒకటో పట్టణ పోలీసులు సంయుక్తంగా తనిఖీలు చేపట్టారు. ఈ తనిఖీలను కవరేజ్‌ చేస్తున్న కొంత మంది పాత్రి కేయులపై దుకాణ యజమాని దాడికి పాల్పడ్డాడు. పోలీసుల ఎదుటే ద్విచక్రవాహనంతో ఢీకొట్టి చంపుతానని బెదిరించాడు. దీంతో గాయపడిన పాత్రికేయు డు ఒకటో పట్టణ పోలీస్‌ స్టేషన్‌ లో ఫిర్యాదు చేశాడు. ఫిర్యాదు మేరకు నాగా వైన్‌న్స్‌ యజమాని నాగరాజ నాయుడిపై కేసు నమోదు చేసినట్లు సీఐ తెలిపారు. ఎన్నికల నిబంధనలకు విరుద్ధంగా ఎవరైనా మద్యం విక్రయిస్తే కఠిన చర్యలు తప్పవని హెచ్చరించారు.బాధితుడి ఫిర్యాదుతో దుకాణ నిర్వాహకుడిపై కేసు నమోదు

పుంగనూరు : వైఎస్సార్‌సీపీ అభ్యర్థుల గెలుపుతోనే అభివృద్ధి సాధ్యమౌతుందని, ప్రతి ఒక్కరూ ఫ్యాన్‌గుర్తుపై ఓట్లు వేసి పార్టీ అభ్యర్థులను గెలిపించాలని మాజీ మంత్రి డాక్టర్‌ పెద్దిరెడ్డి రామచంద్రారెడ్డి పేర్కొన్నారు. మండలంలోని భీమగానిపల్లి, సింగిరిగుంట, కుమ్మరనత్తం గ్రామాల్లో జెడ్పిటిసి అభ్యర్థి వెంకటరమణతో కలసి ఇంటింటా ప్రచారం నిర్వహించారు. వైఎస్సార్‌సీపీ కరపత్రాలు పంపిణీ చేశారు.గ్రామాల్లో ప్రజలు, మహిళలు కలసి పెద్దిరెడ్డికి ఘన స్వాగతం పలికారు. ఈ సందర్భంగా పెద్దిరెడ్డి మాట్లాడుతూ జగనన్న పాలనలో గ్రామాలు ఎంతో అభివృద్ధి చెందాయన్నారు. దళారీల బెడద లేకుండా సంక్షేమ పథకాలు అన్ని నేరుగా లబ్ధిదారుల ఖాతాల్లోకి జమ చేసిన ఘనత వైఎస్‌.జగన్‌మోహన్‌రెడ్డిదేనన్నారు. స్థానిక సంస్థల్లో అన్ని స్థానాలు గెలిచి వైఎస్‌.జగన్‌మోహన్‌రెడ్డిని రెండో సారి ముఖ్యమంత్రిగా చేసుకునేందుకు ప్రతి ఒక్కరు కృషి చేయాలన్నారు. తెలుగుదేశం అరాచకాలకు, ఆగడాలను ఎదుర్కొని, వారికి తగిన గుణపాఠం నేర్పాలని, లేకపోతే పుంగనూరులో శాంతి నశించిపోతుందని సూచించారు. ఈకార్యక్రమంలో వైఎస్సార్‌సిపి రాష్ట్ర మహిళా కార్యదర్శి అనీషారెడ్డి, కార్యదర్శి శ్రీనాథరెడ్డి తదితరులు పాల్గొన్నారు.

మదనపల్లె టౌన్‌ : అన్నమయ్య జిల్లా మదనపల్లె మండలం వెంకప్పకోట క్వారీ వద్ద శనివారం తీవ్ర విషాదం చోటుచేసుకుంది. ఒక గుర్తు తెలియని యువకుడు క్వారీ గుంతలో అనుమానాస్పద స్థితిలో మృతి చెంది కనిపించడం స్థానికంగా కలకలం రేపింది. శనివారం ఉదయం క్వారీ సమీపంలో ఒక మృతదేహం పడి ఉండటాన్ని పశువుల కాపర్లు గమనించారు. మృతదేహం పక్కనే ద్విచక్ర వాహనం కూడా పడి ఉండటంతో, ఇది ప్రమాదవశాత్తు జరిగిన మరణమా లేక దీని వెనుక మరేదైనా కారణం ఉందా అనే అనుమానాలు వ్యక్తమవుతున్నాయి. స్థానికుల సమాచారం మేరకు తాలూకా పోలీసులు ఘటనా స్థలానికి చేరుకున్నారు. సీఐ మహమ్మద్‌ రఫీ ఆదేశాల మేరకు ఏఎస్‌ఐలు సుబ్రహ్మణ్యం, బాలాజీలు ఘటనా స్థలాన్ని పరిశీలించి ఆధారాలు సేకరించారు. మృతి చెందిన వ్యక్తి సుమారు 25 సంవత్సరాల వయస్సు కలిగి, నల్లని గడిల షర్టు ధరించి ఉన్నాడని పోలీసులు తెలిపారు.మృతదేహానికి సమీపంలో ఒక హోండా స్కూటి నిలిపి ఉంచారు. ఆ వాహనం ముందు భాగంపై వినాయకుడు, ఆంజనేయుని బొమ్మలు ఉన్నాయి. అలాగే దానిపై బాలాజీ, రాజేష్‌ అని పేర్లు రాసి ఉన్నాయి. ఈ ఆనవాళ్ల ఆధారంగా మృతుడి గుర్తింపు కోసం పోలీసులు ముమ్మరంగా ప్రయత్నిస్తున్నారు. కుటుంబ సభ్యుల వివరాలు తెలిస్తేనే మృతికి గల అసలు కారణాలు వెలుగులోకి వస్తాయని పోలీసులు పేర్కొన్నారు. తాలూకా పోలీసులు కేసు నమోదు చేసి దర్యాప్తును వేగవంతం చేశారు. మృతుడి ఆచూకీ తెలిసిన వారు వెంటనే పోలీసులను ఆశ్రయించాలని కోరారు.

మదనపల్లె టౌన్‌ : మున్సిపల్‌ ఎన్నికల నేపథ్యంలో డ్రై డే అమల్లో ఉండగా అక్రమంగా మద్యం తరలిస్తున్న వ్యక్తిని మదనపల్లె ఎకై ్సజ్‌ పోలీసులు అరెస్ట్‌ చేశారు. ఎకై ్సజ్‌ సీఐ భీమలింగ శనివారం మీడియాకు వివరాలు వెల్లడించారు. మదనపల్లె పట్టణానికి చెందిన షేక్‌ సయ్యద్‌ సాహెబ్‌ 180 ఎంఎల్‌ చొప్పున 16 మద్యం బాటిళ్లను సుజుకి యాక్సెస్‌ వాహనంలో విక్రయానికి తరలిస్తుండగా పట్టుకున్నట్లు తెలిపారు. నిందితుడి వద్ద నుంచి మద్యం బాటిళ్లతో పాటు వాహనాన్ని సీజ్‌ చేశామన్నారు. ఎన్నికల కోడ్‌ అమల్లో ఉన్నందున ఎలాంటి అక్రమ మద్యం రవాణా జరగకుండా నిఘా పెట్టామని, నిబంధనలు ఉల్లంఘించిన వారిపై కఠిన చర్యలు తీసుకుంటామని సీఐ హెచ్చరించారు.

రాయచోటి టౌన్‌ : ఒంటరిగా ఉన్న వృద్ధురాలే లక్ష్యంగా గుర్తుతెలియని దుండగులు దారుణానికి ఒడిగట్టారు. గొంతుకోసి దారుణంగా హత్య చేయడమే కాకుండా, ఆమె మెడలోని బంగారు ఆభరణాన్ని దోచుకెళ్లిన సంఘటన రాయచోటి రూరల్‌ పరిధిలోని నక్కవాండ్లపల్లెలో శనివారం చోటుచేసుకుంది. స్థానికులు, పోలీసులు తెలిపిన వివరాల మేరకు.. గ్రామానికి చెందిన చాకిండ చిన్నక్క (70) అనే వృద్ధురాలికి ఇద్దరు కుమారులు ఉన్నారు.నెలరోజుల క్రితం వరకు ఆమె రాయచోటి పట్టణంలో నివాసముంటున్న ఓ కుమారుడి వద్దే ఉంది. ఇటీవల నక్కవాండ్లపల్లెలో ఉంటున్న మరో కుమారుడు శంకరయ్య ఇంటికి వచ్చింది. శంకరయ్య రాయచోటి పట్టణంలో బార్బర్‌ షాపు నిర్వహిస్తుంటాడు. శనివారం ఉదయం ఆయన విధి నిర్వహణలో భాగంగా షాపునకు వెళ్లగా, ఉదయం 11 గంటల ప్రాంతంలో కోడలు కూడా సమీప బంధువుల ఇంటికి వెళ్లింది.ఇంట్లో ఒంటరిగా ఉన్న చిన్నక్క వినోదం కోసం ఇరుగుపొరుగు వారిని పిలిచి టీవీ ఆన్‌ చేయించుకుంది. ఆ తర్వాత కొద్దిసేపటికే కోడలు ఇంటికి తిరిగి వచ్చేసరికి చిన్నక్క తీవ్ర రక్తస్రావంతో పడి ఉంది. వెంటనే 108 అంబులెన్స్‌కు సమాచారం అందించింది. అయితే అంబులెన్స్‌ సిబ్బంది అక్కడికి చేరుకుని పరిశీలించగా, ఆమె అప్పటికే మృతి చెందినట్లు నిర్ధారించారు. మొదట మెడకు ఏదైనా తగిలి ప్రమాదవశాత్తూ రక్తగాయమై ఉంటుందని భావించిన కుటుంబ సభ్యులు, దహన సంస్కారాలకు ఏర్పాట్లు చేయడం ప్రారంభించారు. అంత్యక్రియల సన్నాహాల సమయంలో ఆమె గొంతు భాగం తెగి ఉండటాన్ని గమనించారు. అంతేకాకుండా ఆమె మెడలో ఉండాల్సిన బంగారు ఆభరణం మాయమవడంతో బంధువులకు అనుమానం వచ్చి వెంటనే పోలీసులకు సమాచారం అందించారు. ఎవరో గుర్తుతెలియని దుండగులు వృద్ధురాలి ఒంటరితనాన్ని ఆసరాగా చేసుకుని, గొంతుకోసి చంపి నగలు దోచుకెళ్లినట్లు నిర్ధారణకు వచ్చారు.సమాచారం అందుకున్న అర్బన్‌ సీఐ బి.వి. చలపతి, ఎస్‌ఐ విష్ణువర్థన్‌లు తమ సిబ్బందితో సంఘటన స్థలానికి చేరుకుని పరిశీలించారు. బాధిత కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు ప్రారంభించారు. క్లూస్‌ టీమ్‌తో పాటు డాగ్‌ స్క్వాడ్‌ను రంగంలోకి దించి, ఘటనా స్థలం పరిసర ప్రాంతాల్లో ఆధారాల కోసం గాలింపు చేపట్టారు.

తంబళ్లపల్లె : మండలంలో 5వతేదీ జరగబోయే జెడ్పీటీసీ,ఎంపీటీసీ ఎన్నికల కోసం వైఎస్సార్‌ కాంగ్రెస్‌ పార్టీ ఎంపీటీసీ అభ్యర్థులు ముమ్మరంగా ప్రచారం నిర్వహిస్తున్నారు. ఎద్దులవారిలపల్లె ఎంపీటీసీ అభ్యర్థి ఎ.భూదేవి భర్త చలపతినాయుడిపై కేసు పెట్టి జైలుకు పంపారు. అయినా ఆమె మొక్కవోని ధైర్యంతో భర్త లేకున్నా స్థానిక నాయకులు, కార్యకర్తలు, అభిమానులతో ఇంటింటా ప్రచారం నిర్వహించడం విశేషం. గడపగడపకు వెళుతూ ఫ్యాను గుర్తుకు ఓట్లు వేయాలని అభ్యర్థిస్తున్నారు. కన్నెమడుగు ఎంపీటీసీ అభ్యర్థి లీలావతి భర్త రవిశంకర్‌రెడ్డిలు భూదేవికి మద్దతుగా ఎద్దులవారిపల్లె సెగ్మెంట్లో ప్రచారం చేశారు. కోసువారిపల్లె ఎంపీటీసీ అభ్యర్థి హరికుమార్‌రెడ్డి, నాయకులు, కార్యకర్తలు,అభిమానులతో ఇంటింటా ప్రచారం నిర్వహించారు. రేణుమాకులపల్లె పంచాయతీలో కన్నెమడుగు ఎంపిటీసీ అభ్యర్థి లీలావతి ఇంటింటా ప్రచారం చేస్తూ ఎలాంటి సమస్య వచ్చినా అండగా ఉంటామన్నారు. తంబళ్లపల్లెను ఆదర్శంగా నిలిపేందుకు కృషి చేస్తామన్నారు. కార్యక్రమాలలో నాయకులు రెడ్డప్పరెడ్డి, మహమ్మద్‌అలీ, వెంకట్‌రెడ్డి, అమరనాథరెడ్డి, సత్తార్‌సాహెబ్‌, రెడ్డినారాయణ, లోకేశ్వరరెడ్డి, ఎరుకల్‌రెడ్డి, చంద్రశేఖర్‌రెడ్డి, రమణారెడ్డి, రాజారెడ్డి, వెంకట్‌రెడ్డి, పెద్ద ఎత్తున మహిళలు పాల్గొన్నారు.

సాక్షి, మదనపల్లె : 2000 ఏడాదిలో జరిగిన మున్సిపల్‌ చైర్మన్‌ ప్రత్యక్ష ఎన్నికల్లో టీడీపీ అభ్యర్థిగా అప్పటి టౌన్‌ బ్యాంక్‌ చైర్మన్‌ రాటకొండ విజయకుమార్‌, ప్రస్తుత మాజీ ఎమ్మెల్సీ బి.నరేష్‌ కుమార్‌ రెడ్డి కాంగ్రెస్‌ అభ్యర్థిగా చైర్మన్‌ పదవి కోసం తలపడ్డారు. ఈ ఎన్నికలనాటికి రాటకొండ శోభ టీడీపీ ఎమ్మెల్యేగా, చంద్రబాబు సీఎంగా ఉన్నారు. కౌన్సిల్‌ అభ్యర్థులకు టికెట్ల కేటాయింపు వ్యవహరంలో టీడీపీ మైనార్టీ విభాగం రాష్ట్ర నాయకుడు ఎస్‌ఏ.మస్తాన్‌కు కౌన్సిల్‌ టికెట్‌ నిరాకరించారు. దీంతో ఆగ్రహించిన మస్తాన్‌ టీడీపీ తిరుగుబాటు చైర్మన్‌ అభ్యర్థిగా పోటీ చేశారు. ప్రధాన అభ్యర్థుల మధ్య తీవ్రమైన పోటీ నెలకొనగా ఈ ఎన్నికలో మస్తాన్‌ 1,387 ఓట్లు సాధించారు. దాంతో టీడీపీ విజయానికి గండి పడగా చెల్లని ఓట్లు 3,500కు పైగా పడ్డాయి. ఈ ఎన్నికలో నరేష్‌కుమార్‌ రెడ్డి 1,200 పైచిలుకు ఓట్ల మెజార్టీతో గెలుపొందారు. రసవత్తరంగా సాగిన ఈ ఎన్నిక ఫలితం కోసం ఉమ్మడి చిత్తూరు జిల్లా మొత్తం ఉత్కంఠగా ఎదురు చూసింది. ఈ ఎన్నికలో అప్పటి కాంగ్రెస్‌ నాయకుడైన మాజీ మంత్రి, పుంగనూరు ఎమ్మెల్యే పెద్దిరెడ్డి రామచంద్రారెడ్డి కీలకపాత్ర పోషించారు.

● ఓటర్లకు సాక్షి, మదనపల్లె: మదనపల్లె పట్టణ ప్రజలు మున్సిపల్‌ ఎన్నికల్లో వైఎస్సార్‌సీపీ ప్రభుత్వం చేసిన అభివృద్ధిని గుర్తించి పట్టం కట్టాలని రాజంపేట పార్లమెంటు సభ్యులు పెద్దిరెడ్డి వెంకట మిథున్‌ రెడ్డి శనివారం పిలుపునిచ్చారు. ఈ మేరకు ఆయన మాట్లాడుతూ ఐదేళ్ల జగనన్న పాలనలో మదనపల్లె పట్టణ ప్రజలకు సంక్షేమ పథకాల ద్వారా రూ.500 కోట్ల మేర నేరుగా ఆర్థిక లబ్ధి చేకూరిందని గుర్తు చేశారు. గడపగడపకు మన ప్రభుత్వం ద్వారా 45 సచివాలయాల పరిధిలో రూ.4.50 కోట్లతో అభివృద్ధి చేయడం జరిగింది అన్నారు. తన ఎంపీ కోటా నిధుల ద్వారా కూడా అభివృద్ధి పనులు చేయించామన్నారు. ప్రజలకు అవసరమైన మౌలిక వసతుల కోసం, అభివృద్ధి పనులకు గత మున్సిపల్‌ కౌన్సి ల్‌ ద్వారా రూ.200 కోట్లకు పైగా ఖర్చు చేసినట్టు చెప్పారు. వివిధ ప్రభుత్వ శాఖ ల ద్వారా పట్టణంలో ఎన్నో అభివృద్ధి కార్యక్రమాలు పూర్తి చేశామన్నారు. ఎన్నికల్లో వైఎస్‌ఆర్‌సీపీ చైర్మన్‌, వార్డు కౌన్సిల్‌ అభ్యర్థులను భారీ ఓట్ల మెజార్టీతో గెలిపించాలని పట్టణ ప్రజలకు విన్నవిస్తున్నట్లు మిథున్‌ రెడ్డి పేర్కొన్నారు.

మదనపల్లె టౌన్‌: మదనపల్లెలో ఆదివారం జరగనున్న మున్సిపల్‌ ఎన్నికల నేపథ్యంలో భద్రతా ఏర్పాట్లను కర్నూలు రేంజ్‌ డీఐజీ డాక్టర్‌ కోయ ప్రవీణ్‌, జిల్లా ఎస్పీ ధీరజ్‌ కునుబిల్లి శనివారం క్షేత్రస్థాయిలో పరిశీలించారు. తనిఖీలలో భాగంగా మొదట మదనపల్లె జడ్పీ హైస్కూల్‌ డిస్ట్రిబ్యూషన్‌ సెంటర్‌ తో పాటు బాలికల కళాశాల, పుంగనూరు రోడ్డు లోని ఆదిత్య ఇంజనీరింగ్‌ కళాశాలలో ఏర్పాటు చేసిన కౌంటర్‌ కేంద్రంతో పాటు పోలింగ్‌ బూత్‌ లను జిల్లా ఎస్పీ ధీరజ్‌ కునుబిల్లితో కలిసి తనిఖీ చేశారు. ఎన్నికలు ప్రశాంత వాతావరణంలో, నిష్పక్షపాతంగా జరిగేలా పకడ్బందీ బందోబస్తు సుమారు వెయ్యి మందితో ఏర్పాటు చేయాలని అధికారులకు స్పష్టమైన ఆదేశాలు జారీ చేశారు. సమస్యాత్మక ప్రాంతాల్లో గట్టి నిఘా ఉంచి ఓటర్లు ఎలాంటి భయం లేకుండా ఓటు వేసేలా అన్ని భద్రతా చర్యలు తీసుకున్నట్లు తెలిపారు. ఈ కార్యక్రమంలో డీఎస్పీ బి.ప్రసాద్‌, సీఐలు మోహన్‌ కుమార్‌, గోపాల్‌ రెడ్డి, ఎస్బీ సీఐ సదాశివయ్య తదితర పోలీసు అధికారులు పాల్గొన్నారు.

రాయచోటి : స్థానిక ఎన్నికల ప్రచారంలో భాగంగా గ్రామాల్లో శాంతియుతంగా ఎన్నికల ప్రచారం నిర్వహించి తిరిగి వస్తున్న చిన్నమండెం మండలం వైఎస్సార్‌ సీపీ జెడ్పీటీసీ అభ్యర్థి పడమటి కోన దేవనాథరెడ్డిని పోలీసులు అక్రమ కేసులు బనాయించి అరెస్టు చేయడం దారుణమని వైఎస్సార్‌సీపీ రాష్ట్ర ప్రధాన కార్యదర్శి గడికోట శ్రీకాంత్‌ రెడ్డి పేర్కొన్నారు. శనివారం మండల పరిధిలోని దిగువగొట్టివీడు, చాకిబండ గ్రామాలలో స్థానిక పార్టీ నాయకులతో కలిసి అభ్యర్థి దేవనాథరెడ్డి శాంతియుతంగా ఎన్నికల ప్రచారంలో పాల్గొన్నారు. ప్రచారంలో ప్రజల నుంచి లభించిన ఆదరణ, ఆప్యాయతలను చూసి ఓర్వలేని అధికార పార్టీ నేతలు ప్రచారం ముగించుకుని తిరిగి వస్తుండగా కొత్తపల్లి వద్ద పోలీసులు అక్రమంగా అరెస్టు చేయడంపై శ్రీకాంత్‌ రెడ్డి తీవ్రంగా స్పందించారు. దేవనాధ రెడ్డి వాహనంలో పోలీసులే డబ్బులు పెట్టి, అనంతరం వీడియోలు, ఫోటోలు తీసుకుని దేవనాధ రెడ్డి, మండల కన్వీనర్‌ గోవర్ధన్‌రెడ్డి, సీనియర్‌ నాయకులు బాబురెడ్డి, ముసల్‌ రెడ్డి, డ్రైవర్‌ సుధాకర్‌ లను అక్రమంగా నిర్బంధించారని పేర్కొన్నారు. పోలీసులు ఏకపక్షంగా అధికార పార్టీకి కొంగు కాస్తూ, ఇలా విచ్చలవిడిగా వైసిపి పార్టీ నాయకులను అరెస్టు చేయడం సరికాదన్నారు. ప్రజాస్వామ్యంలో ఓటు అడిగే హక్కు కూడా లేదా అని ఆయన ప్రశ్నించారు.ప్రజాస్వామ్యంలో ఓటు అడిగే హక్కు కూడా లేదా..? : గడికోట శ్రీకాంత్‌ రెడ్డి ఫైర్‌

● పారదర్శక పాలన అందిస్తా ● క్రీడలు, మౌళిక వసతులకు ప్రాధాన్యత ● వైఎస్సార్‌సీపీ చైర్మన్‌ అభ్యర్థి జింకా వెంకటా చలపతి సాక్షి, మదనపల్లె: తనను గెలిపిస్తే మదనపల్లె అభివృద్ధి చేయడంతోపాటు మున్సిపాలిటీని ఆదర్శంగా తీర్చిదిద్దుతానని వైఎస్సార్‌సీపీ మున్సిపల్‌ చైర్మన్‌ అభ్యర్థి జింకా వెంకటా చలపతి అన్నారు. ప్రజలు ఆదరించి ఓట్లు వేసి గెలిపించాలని కోరారు. మదనపల్లె అభివృద్ధి, ప్రణాళికపై శనివారం ఆయన మాట్లాడుతూ తాను గెలిస్తే చేపట్టదలచిన కార్యక్రమాల ప్రణాళికను వివరించారు. ● దశలవారీగా కార్యక్రమాల అమలు, పట్టణ ప్రజలకు మౌళిక వసతుల కల్పన, అభివృద్ధిని సమాంతరంగా అందించేలా కార్యాచరణ అమలు చేస్తానని అన్నారు. వాటిలో.. మహిళల భద్రత, గౌరవం కోసం పింక్‌ టాయిలెట్లు నిర్మాణం, ప్రధాన ప్రదేశాల్లో, వ్యాపార సముదాయాల్లో ఏర్పాటుకు చర్యలు తీసుకుంటామన్నారు. ఉచిత శానిటరీ ప్యాడ్‌ వెండింగ్‌ మిషన్‌, బేబీ ఫీడింగ్‌ కేంద్రాల ఏర్పాటుకు కృషి చేస్తామన్నారు. ● పట్టణంలోని పేద, మధ్య తరగతి విద్యార్థులకు చదువు కోసం సౌకర్యవంతమైన వసతి, పోటీ పరీక్షలకు సిద్ధమయ్యే విద్యార్థులకు ప్రత్యేక వసతులు, యువత కోసం వ్యక్తిత్వ వికాస కేంద్రం ఏర్పాటు చేస్తామన్నారు. ● క్రీడాకారుల కోసం బాస్కెట్‌ బాల్‌, వాలీబాల్‌, క్రికెట్‌, అథ్లెటిక్స్‌ వంటి క్రీడలకు సదుపాయాలు, క్రీడల ప్రోత్సాహానికి మైదానాల ఏర్పాటుకు కృషి చేస్తామన్నారు. ● ప్రజల సమస్యలకు నేరుగా తెలుసుకునేందుకు డయల్‌ యువర్‌ చైర్మన్‌ కార్యక్రమం నిర్వహణ, ఫిర్యాదులపై తక్షణం ● వార్డుల్లో పర్యటించి సమస్యలను గుర్తించి, తక్షణమే పరిష్కరిస్తూ వార్డుల్లో అభివృద్ధికి కార్యాచరణ అమలు చేస్తామన్నారు. ● స్వచ్ఛమైన తాగునీటి సరఫరా కోసం పైప్‌లైన్ల మరమ్మతులు, కొత్త పైపులైన్ల విస్తరణ చర్యలు. వార్డుల్లో ఆర్‌ఓ వాటర్‌ ప్లాంట్లు ఏర్పాటు. మురికినీటి కాలువలకు స్లాబ్‌ పనులు చేయించడం. ● ప్రత్యేక పారిశుధ్య కార్యక్రమం అమలు. వీధుల్లో, రహదారుల్లో రోడ్ల అభివృద్ధి, ప్రతి వార్డులో ప్రత్యేక కార్యక్రమాలు, చెత్త సేకరణ, తడి–పొడి చెత్తలను వేరు చేసిన వ్యర్థాల నిర్వహణ. ● ప్రధాన కూడళ్లలో ట్రాఫిక్‌ రద్దీ నివారణకు ట్రాఫిక్‌ సిగ్నల్స్‌, అక్రమ పార్కింగ్‌ నియంత్రణకు చర్యలు. అవసరమైన చోట వన్‌న్‌వే, పార్కింగ్‌ నియమాల అమలు. ప్రభుత్వ నిధుల సద్వినియోగం, ప్రజా పనుల్లో జవాబుదారీతనం, అవినీతి ఫిర్యాదులపై నిబంధనల ప్రకారం విచారణకు సహకారం. అవినీతికి తావులేని పారదర్శక పాలన అందజేస్తామన్నారు. ● పట్టణంలోని అన్ని పార్కుల అభివృద్ధి, ఆరోగ్యం కోసం ఓపెన్‌ జిమ్‌, వ్యాయామ పరికరాల ఏర్పాటు. ● కాలుష్య నియంత్రణకు పట్టణమంతటా విస్త్రృతంగా మొక్కలు నాటడం. ప్లాస్టిక్‌ వినియోగాన్ని తగ్గించేందుకు అవగాహన కార్యక్రమాలు. ప్రధాన రహదారులు, కూడళ్ల సుందరీకరణ. గోడలపై పట్టణ చరిత్ర ప్రతిబింబించే చిత్రాలు, పట్టణ ప్రధాన కూడళ్లకు డెకరేటివ్‌ లైటింగ్‌ కార్యక్రమాలు చేపడతామని ఆయన వివరించారు.

● కూటమి రాజ్యంలో క్రూరులదే రాజ్యం ● రాప్తాడు రాక్షసకాండపై సర్వత్రా ఆగ్రహంచదువుల గుడిలో లేదు రక్షణ... పాలకులది ఉదాసీన వీక్షణం! చదువుల తల్లి ఒడిలో నెత్తుటి మడుగులు... కూటమి రాజ్యంలో ఆడపిల్లల గుండెల్లో చావు కేకలు.. కడప రూరల్‌ : ‘ఆడపిల్లల జోలికి వస్తే భయపడాలి‘ అంటూ మైకుల ముందు పాలకులు చెప్పే మాటలు కోటలు దాటుతుంటే, క్షేత్రస్థాయిలో ఉన్మాదుల అరాచకాలు మాత్రం బడుల గడపలు దాటి క్లాస్‌రూమ్‌లలోకి చొరబడుతున్నాయి. అనంతపురం జిల్లా రాప్తాడు హైస్కూల్‌లో పదో తరగతి చదువుకునే బాలికపై ఎలక్ట్రిక్‌ రంపంతో జరిగిన రాక్షస దాడి, కూటమి ప్రభుత్వ చేతకానితనానికి, కుప్పకూలిన శాంతిభద్రతలకు సజీవ సాక్ష్యంగా నిలుస్తోంది. ఎన్నో ఆశలతో, మరెన్నో కలలతో విద్యాసంస్థలకు వెళ్తున్న విద్యార్థినులకు చావే శరణ్యమనేలా రాష్ట్రంలో మరణ మృదంగం మోగుతుండటంతో యావత్‌ సమాజం తీవ్ర ఆగ్రహావేశాలతో ఊగిపోతోంది. చేతగాని పాలన.. అరాచకానికి పరాకాష్ట ముఖ్యమంత్రి చంద్రబాబు నాయుడు, మంత్రి లోకేష్‌ పదేపదే శాంతిభద్రతల గురించి ఇచ్చే ఉపన్యాసాలకు, రాష్ట్రంలో రోజురోజుకూ దిగజారుతున్న పరిస్థితులకు ఎక్కడా పొంతన లేకుండా పోయింది. పాలకుల అసమర్థత వల్లే నిందితులకు చట్టాలన్నా, పోలీసులన్నా కనీస భయం లేకుండా పోయింది. ధర్మవరం మండలానికి చెందిన హేమంత్‌ అనే రాక్షసుడు ఏకంగా ప్రభుత్వ బడిలోకి, అదీ క్లాస్‌ రూమ్‌లోకి ఆయుధంతో వచ్చి దాడి చేస్తుంటే అడ్డుకునే నాథుడే కరువయ్యాడు. ఈ దారుణ దాడిలో సదరు బాలిక రక్తపు మడుగులో కుప్పకూలడమే కాకుండా, తోటి విద్యార్థినులకు కూడా తీవ్ర గాయాలయ్యాయి. విద్యాసంస్థల్లో మరణ మృదంగం కూటమి ప్రభుత్వం ఏర్పడినప్పటి నుంచి రాష్ట్రంలోని ప్రభుత్వ, ప్రైవేట్‌ స్కూళ్లు, కాలేజీల్లో విద్యార్థినులపై వేధింపులు, దాడులు నిత్యకృత్యంగా మారాయి. ఎంతోమంది ఆడపిల్లలు బలవన్మరణాలకు గురవుతుంటే, మరికొందరు ఇలాంటి ఉన్మాదుల చేతిలో బలైపోతున్నారు. రక్షణ కల్పించాల్సిన ప్రభుత్వాలు చేతులెత్తేయడంతో, రాష్ట్రంలో క్రూరుల రాజ్యం నడుస్తోందన్న వానద బలంగా వినిపిస్తోంది. బడికి పంపే ఆడపిల్లలు క్షేమంగా తిరిగి ఇంటికి వస్తారా లేదా అన్న భయాందోళనల్లో తల్లిదండ్రులు కొట్టుమిట్టాడుతున్నారు. ప్రభుత్వ చేతకానితనాన్ని నిరసిస్తూ రాష్ట్రవ్యాప్తంగా తీవ్ర ఆందోళనలు వ్యక్తమవుతున్నాయి.

వాల్మీకిపురం : కూటమి ప్రభుత్వ అరాచకాలను ప్రజలు ఓటుతో తిప్పికొట్టాలని ఎంపీ పెద్దిరెడ్డి మిథున్‌రెడ్డి, మాజీ ఎమ్మెల్యే చింతల రామచంద్రారెడ్డి పిలుపునిచ్చారు. శుక్రవారం స్థానిక వైఎస్సార్‌సీపీ కార్యాలయంలో పీలేరు నియోజకవర్గ వైఎస్సార్‌సీపీ నాయకులతో సమావేశం నిర్వహించి, మండలాల వారీగా చర్చించారు. ఈ సందర్భంగా వారు మాట్లాడుతూ.. కూటమి ప్రభుత్వంలో అధిక ధరలతో ప్రజలు ఇబ్బందులు పడుతున్నారన్నారు. రాష్ట్రంలో లా అండ్‌ ఆర్డర్‌ పూర్తిగా దెబ్బతిందని, ప్రజలు కూటమి ప్రభుత్వానికి తగిన బుద్ధి చెప్పాలన్నారు. ప్రజలందరూ ఫ్యాన్‌ గుర్తుకు ఓటు వేసి వైఎస్సార్‌సీపీ అభ్యర్థులను గెలిపించాలన్నారు. రెండున్నరేళ్లుగా రెడ్‌బుక్‌ రాజ్యాంగం అమలు చేస్తూ రాష్ట్రాన్ని అథోగతి పాలు చేసిన కూటమి ప్రభుత్వానికి చరమగీతం పాడదామన్నారు. రాష్ట్రంలో ఎక్కడైనా ప్రభుత్వం నడుస్తుందా అని ప్రశ్నించారు. ఒక వైపు ఆకాశాన్ని అంటుతున్న ధరలు, మరో వైపు కార్పొరేట్‌ శక్తులతో అంటకాగుతున్న ముఖ్యమంత్రి చంద్రబాబు వెరసి సామాన్యుడు బతకడానికి ఏం చేయాలో అర్థం గానీ పరిస్థితి నెలకొందన్నారు. కూటమి ప్రభుత్వం డబుల్‌ ఇంజిన్‌ సర్కారంటూ వల్లెవేసిన చంద్రబాబు డబుల్‌ ఇంజిన్‌లో ఏం రిపేరుకొచ్చిందో చూసుకోవాలని ఎద్దేవా చేశారు. కూటమి ప్రభుత్వంలో ఉన్న జనసేన అభ్యర్థులపై కూడా తెలుగు తమ్ముళ్లు దాడులు చేయడం రెడ్‌బుక్‌ రాజ్యాంగం కాదా అంటూ విమర్శించారు. ఎన్నికల్లో ఎవరూ నామినేషన్లు వేయకుండా అడ్డుకొని తిరిగి వైఎస్సార్‌సీపీ నాయకులపైనే కేసులు పెట్టించింది మీరు కాదా..? అంటూ మండిపడ్డారు. ప్రతి విషయంలో తమ వారికి మాత్రమే లబ్ధి చేకూర్చుకోవాలనే చంద్రబాబు ఆలోచన సరికాదన్నారు. ఎన్నికల వరకే పార్టీలు గానీ, ఎన్నికలు ముగిసిన తర్వాత ప్రజలందరినీ సమానంగా చూడాల్సిన బాధ్యత ముఖ్యమంత్రికి ఉంటుందన్నారు. ఎవరు ఎన్ని చెప్పినా ముఖ్యమంత్రి తన ధోరణిలోనే వెళ్తున్నారని, ఇటువంటి చర్యలు భవిష్యత్తు తరాలకు తప్పుడు సంకేతాలు పంపించేవిగా ఉన్నాయని ఆందోళన వ్యక్తం చేశారు. వైఎస్‌ జగన్‌ హయాంలోనే సంక్షేమ పాలన గత వైఎస్సార్‌సీపీ ప్రభుత్వంలో అప్పటి సీఎం వైఎస్‌ జగన్‌మోహన్‌రెడ్డి హయాంలో ఎన్నికల వరకే రాజకీయాలు చేశారని, ఆ తర్వాత అర్హులైన ప్రతి ఒక్కరికీ ప్రభుత్వం ద్వారా సంక్షేమ పథకాలు అందించారని గుర్తు చేశారు. ప్రస్తుత కూటమి ప్రభుత్వంలో సూపర్‌సిక్స్‌ అంటూ డబ్బాలు కొట్టిన పాలకులు.. వాటిలో ఒక్కటైనా పూర్తి స్థాయిలో అమలు చేశారా? అంటూ ప్రశ్నించారు. ఎంత మందికి నిరుద్యోగ భృతి ఇచ్చారో చెప్పగలరా అంటూ సవాల్‌ చేశారు. ప్రజలు అన్నీ గమనిస్తున్నారని, రెండున్నరేళ్లుగా కూటమి ప్రభుత్వ అరాచకాలను అసహ్యించుకుంటున్నారని అన్నారు. కూటమి ప్రభుత్వానికి చరమగీతం పాడేందుకు ఇదే సరైన సమయమని, స్థానిక సంస్థల ఎన్నికల్లో వైఎస్సార్‌సీపీ ఫ్యాన్‌ గుర్తుకు ఓటేసి పార్టీ నిలబెట్టిన అభ్యర్థులను గెలిపించాలని ఓటర్లను కోరారు. అనంతరం ఎంపీ మిథున్‌రెడ్డి, మాజీ ఎమ్మెల్యే చింతలను సన్మానించారు. కార్యక్రమంలో నాయకులు చింతల సాయిక్రిష్ణారెడ్డి, నల్లారి తిమ్మారెడ్డి, ఇక్బాల్‌ అహ్మద్‌, సతీష్‌రెడ్డి, రత్నశేఖర్‌రెడ్డి, జగన్మోహన్‌రెడ్డి, అప్పల్లా, వెంకటరమణారెడ్డి, రమేష్‌రెడ్డి, రాహుల్‌ చక్రవర్తి, రఫీ, రాజశేఖర్‌, మస్తాన్‌, రెడ్డి నరసింహులు, రాజగోపాల్‌ రెడ్డి, ఇబ్రహిం, నీళ్లభాస్కర్‌, రవికుమార్‌రెడ్డి, సుబ్బారెడ్డి, జయచంద్రారెడ్డి, ముక్తియార్‌, నక్కా చంద్రశేఖర్‌, శ్రీనివాసులురెడ్డి, శ్రీధర్‌రాయల్‌, ఆనంద, జమీర్‌ అలీఖాన్‌ తదితరులు పాల్గొన్నారు. ఓటమి భయంతోనే దౌర్జన్యంగా ఏకగ్రీవాలు కలిసికట్టుగా పని చేస్తే విజయం తథ్యం ఎంపీ మిథున్‌రెడ్డి, మాజీ ఎమ్మెల్యే చింతల

పెద్దమండ్యం : మండలంలోని పాపేపల్లెలో తాగునీటి సమస్య నెలకొంది. పది రోజులుగా తాగునీటి సమస్యతో ఇబ్బందులు పడుతున్నామని మహిళలు ఆవేదన వ్యక్తం చేస్తున్నారు. బోరు మోటారు మరమ్మతులు చేసినా విద్యుత్‌ సరఫరా లేకపోవడంతో నీరు వదలడం లేదని ఆరోపించారు. పది రోజులుగా సమస్యతో ఇబ్బందులు పడుతున్నా ఎవరూ పట్టించుకోవడం లేదని ఆవేదన వ్యక్తం చేశారు. ఖాళీ బిందెలతో తాగునీటి బోరు మోటారు వద్దకు వచ్చి శుక్రవారం నిరసన వ్యక్తం చేశారు. ఎక్కడపడితే ఆక్కడ గేట్‌వాల్వ్‌లు అమర్చి కుళాయిలకు నీరు రాకుండా చేస్తున్నారని ఆరోపించారు. మోటారుకు విద్యుత్‌ సరఫరా ఇచ్చి తాగునీటి సమస్య తీర్చాలని కోరుతున్నారు.

గాలివీడు : మండలంలోని పందికుంట ఎంపీయూపీ పాఠశాలకు సంబంధించిన సుమారు 30 ఏళ్ల రికార్డులు దగ్ధం చేసిన ఘటన కలకలం రేపుతోంది. గురువారం మధ్యాహ్నం సుమారు 2 గంటల సమయంలో పాఠశాలలోని అడ్మిషన్‌ రిజిస్టర్లు, ఇతర కీలక రికార్డులు మంటల్లో దగ్ధం చేసినట్లు తెలిసింది. ఈ విషయాన్ని పాఠశాలలో ఉపాధ్యాయురాలిగా పని చేస్తున్న వలంటీర్‌ వెంటనే గాలివీడు మండల విద్యాశాఖ అధికారి(ఎంఈఓ)కి తెలియజేసినట్లు సమాచారం. అయితే ఆ అధికారి ఇప్పటి వరకు పాఠశాలను సందర్శించకపోవడంపై విమర్శలు వ్యక్తమవుతున్నాయి. విద్యార్థుల ప్రవేశ వివరాలు, పాఠశాల నిర్వహణకు సంబంధించిన రిజిస్టర్లు, గత మూడు దశాబ్దాల విద్యా చరిత్రకు సంబంధించిన రికార్డులు దగ్ధం కావడం ఆందోళన కలిగిస్తోంది. ఈ రికార్డుల దగ్ధం వల్ల భవిష్యత్తులో విద్యార్థుల ధ్రువీకరణ, పాత వివరాల పరిశీలన వంటి అవసరాలకు ఇబ్బందులు తలెత్తే అవకాశం ఉంది. విద్యాశాఖ ఉన్నతాధికారులు వెంటనే స్పందించి ఘటనపై విచారణ చేపట్టాలని, రికార్డులు ఎలా దగ్ధమయ్యాయో గుర్తించాలని, మిగిలి ఉన్న రికార్డులను భద్రపరచాలని స్థానికులు కోరుతున్నారు. బాధ్యులపై తగిన చర్యలు తీసుకోవడంతోపాటు పాఠశాల రికార్డుల పునరుద్ధరణకు చర్యలు చేపట్టాలని విజ్ఞప్తి చేస్తున్నారు.

మదనపల్లె టౌన్‌ : పోలీస్‌ అమరవీరుల సంస్మరణ వారోత్సవాల సందర్భంగా ఎస్పీ ధీరజ్‌ కునుబిల్లి ఆదేశాల మేరకు మదనపల్లె పట్టణంలోని జెడ్పీ బాలుర ఉన్నత పాఠశాలలో విద్యార్థులకు వివిధ అంశాలపై పోటీలు నిర్వహించారు. ఆర్‌ఐ వెల్ఫేర్‌ ఎం.రవికుమార్‌ పర్యవేక్షణలో జరిగిన ఈ కార్యక్రమంలో పోలీస్‌ సిబ్బంది, వారి పిల్లలు, పట్టణంలోని వివిధ పాఠశాలల విద్యార్థులు ఉత్సాహంగా పాల్గొన్నారు. ఏక్‌ భారత్‌ శ్రేష్ఠ భారత్‌, మాదకద్రవ్యాల నివారణ, సైబర్‌ నేరాలు, ఆర్టిఫిషియల్‌ ఇంటెలిజెన్స్‌ తదితర సమకాలీన అంశాలపై వ్యాసరచన, వక్తత్వం, డిబేట్‌, పెయింటింగ్‌ పోటీలు నిర్వహించారు. అమరవీరుల త్యాగాలను విద్యార్థులు స్మరించుకోవాలని, దేశభక్తి, క్రమశిక్షణ పెంపొందించుకోవాలని నిర్వాహకులు సూచించారు. గెలుపొందిన విద్యార్థులకు త్వరలో బహుమతులు ప్రదానం చేస్తామని తెలిపారు. కార్యక్రమంలో ఆర్‌ఎస్‌ఐలు ఎ.శ్రీనివాస్‌, జి.రవి, పాఠశాల ఉపాధ్యాయులు, పోలీస్‌ సిబ్బంది పాల్గొన్నారు.

● అడ్డమార్గాల్లో గెలవాలని టీడీపీ యత్నం ● కార్యకర్తలు సైనికులై పోరాడాలి ● మాజీ మంత్రి పెద్దిరెడ్డి రామచంద్రారెడ్డి రొంపిచెర్ల : స్థానిక సంస్థల ఎన్నికలలో కూటమి నాయకుల బెదిరింపులపై రాష్ట్ర ఎన్నికల కమిషన్‌ జోక్యం చేసుకోవాలని మాజీ మంత్రి, పుంగనూరు ఎమ్మెల్యే పెద్దిరెడ్డి రామచంద్రారెడ్డి అన్నారు. ఆయన శుక్రవారం రొంపిచెర్ల గ్రామ పంచాయతీలో వైఎస్సార్‌సీపీ అభ్యర్థి కోటా సుష్మ కోసం ఎన్నికల ప్రచారం చేశారు. ఈ సందర్భంగా మాట్లాడుతూ అడ్డ మార్గంలో గెలవాలని కూటమి ప్రభుత్వం ప్రయత్నం చేస్తోందని ఆరోపించారు. పోలింగ్‌ బూతుల్లో కూర్చునే ఏజెంట్లను బెదిరిస్తున్నారని పేర్కొన్నారు. ఎన్నికల్లో గెలవలేమని రిగ్గింగ్‌ చేసి గెలవాలని చూస్తున్నారని ఆరోపించారు. టీడీపీ దౌర్జన్యాలను వైఎస్సార్‌సీపీ కార్యకర్తలు ధైర్యంగా ఎదుర్కోవాలని పిలుపునిచ్చారు. ఎన్నికల్లో వైఎస్సార్‌సీపీ కార్యకర్తలు సైనికులై పోరాటం చేయాలన్నారు. కార్యకర్తలకు తాము అండగా ఉంటామని భరోసా ఇచ్చారు. ఈ కార్యక్రమంలో వైఎస్సార్‌సీపీ నాయకులు చిచ్చిలి పురుషోత్తంరెడ్డి, రెడ్డిశ్వర్‌రెడ్డి, దేవులపల్లె హరినాథరెడ్డి, చెంచురెడ్డి, సలీంబాషా, మహబుబ్‌బాషా, అల్లాబక్స్‌, సూర్య నారాయణరెడ్డి, విజయశేఖర్‌, శ్రీనాథనాయుడు, రామకృష్ణనాయుడు, కమలాకర్‌రెడ్డి, హరికృష్ణారెడ్డి, రామ నారాయణ రెడ్డి, నీరజాక్షుల నాయుడు, రవీంద్ర, మాంజూర్‌, బావాజీ, ఓబులేసు, కిషోర్‌, మస్తాన్‌ తదితరులు పాల్గొన్నారు. పీర్‌ బాషా ప్రచారం మదనపల్లె (కురబలకోట) : మదనపల్లె మున్సిపల్‌ చైర్మన్‌ అభ్యర్థి టీఎ. పీర్‌ బాషా ప్రచారం నిర్వహించారు. శుక్రవారం ప్రార్థనల అనంతరం పట్టణంలో మసీదుల వద్ద నిర్వహించిన ప్రచారానికి ఆదరణ లభించింది. పీర్‌ బాషాను గెలిపించాలని బాస్‌ వ్యవస్థాపకుడు పీటీఎం శివప్రసాద్‌ కోరారు. ఆయన మాట్లాడుతూ ఎన్‌ఆర్‌సీ, సీఏఏ, వక్ఫ్‌ సవరణ చట్టం, ఎస్‌ఐఆర్‌ వంటి దుర్మార్గమైన చట్టాలతో ముస్లింల హక్కులను కాలరాస్తున్నప్పుడు మోదీ ప్రభుత్వానికి అండగా నిలుస్తున్న కూటమి ప్రభుత్వానికి ఈ ఎన్నికల్లో కనువిప్పు కలిగించాలన్నారు. కూటమికి ముస్లింలను ఓటు హక్కు అడిగే హక్కులేదన్నారు. టీఎ. పీర్‌బాషాకు ఆమ్‌ ఆద్మీ పార్టీ, కే వీసీకే, సీపీఐ, సీపీఎం పార్టీలు మద్దతుగా ప్రచారం నిర్వహిస్తున్నాయి. అలాగే ఇండియా కూటమి నాయకులు పట్టణంలో విస్త్రతంగా ప్రచారం నిర్వహిస్తూ కుండ గుర్తుపై ఓటు వేయాలని కోరారు.

రొంపిచెర్ల: చిత్తూరు జిల్లా రొంపిచెర్ల మండలంలో తెలుగుదేశం పార్టీ నాయకులు ఎన్నికల కోడ్‌ను ఉల్లంఘించారు. శుక్రవారం అధికారులు పంపిణీ చేయాల్సిన పెన్షన్లను ప్రతి గ్రామంలోనూ తెలుగుదేశం పార్టీ నాయకులు పంపిణీ చేశారు. మండలంలోని గానుగచింత, మోటుమల్లెల, రొంపిచెర్ల, బొమ్మయ్యగారిపల్లె, పెద్దమల్లెల, బోడిపాటివారిపల్లె, పెద్దగొట్టిగల్లు గ్రామాల్లో పెన్షన్ల పంపిణీ అధికార పార్టీ కనుసన్నల్లో జరిగింది. స్థానిక సంస్థల ఎన్నికల కోడ్‌ అమల్లో ఉన్నప్పుటికీ , నిబంధనలను బేఖాతరు చేస్తూ కూటమి నేతలు అత్యుత్సాహం ప్రదర్శించారు. జెడ్పీటీసీ ఎన్నికలలో టీడీపీ అభ్యర్థికే ఓటు వేయాలని, లేకపోతే పెన్షన్‌ తొలగిస్తామని బెదిరించారు. ఈ విషయం రొంపిచెర్ల గ్రామ పంచాయతీలో ఎన్నికల ప్రచారం చేస్తున్న వైఎస్సార్‌సీపీ అభ్యర్థి కోటా సుష్మ కి పలువురు ఫిర్యాదు చేశారు. దీంతో ఆమె రాష్ట్ర ఎన్నికల సంఘానికి ఫిర్యాదు చేశారు. సాధారణంగా ఎన్నికల కోడ్‌ అమల్లో ఉన్నప్పుడు అధికారులు మాత్రమే పెన్షన్లు పంపిణీ చేయాలని, అయితే ఇక్కడ అధికారులు చేతులు పైకి ఎత్తివేసి పెన్షన్ల పంపిణీ కార్యక్రమాన్ని తెలుగుదేశం పార్టీ నాయకులకు అప్పగించడంపై ప్రజలు మండిపడుతున్నారు. దీనిపై ఎన్నికల కమిషన్‌ జోక్యం చేసుకుని అధికారుల మీద, టీడీపీ నాయకుల మీద కేసులు నమోదు చేసి చట్ట పరమైన చర్యలు తీసుకోవాలని వైఎస్సార్‌సీపీ జెడ్పీటీసీ అభ్యర్థి కోటా సుష్మ కోరారు. పెన్షన్లు పంపిణీ చేసిన టీడీపీ నాయకులు ఓట్లు వేయకపోతే పెన్షన్‌ తొలగిస్తామని బెదిరింపులు ఎలక్షన్‌ కమిషన్‌కు ఫిర్యాదు చేసిన వైఎస్సార్‌సీపీ

సంబేపల్లె : మండల పరిధిలోని నారాయణరెడ్డిగ్రామం ముదినేనివాండ్లపల్లెకు చెందిన చల్లా వెంకటరమణ(60) బావిలో పడి మృతి చెందినట్లు పోలీసులు తెలిపారు. పోలీసుల వివరాల మేరకు.. ముదినేనివడ్డిపల్లెలోని రామాలయంలో పూజారిగా చల్లా వెంకటరమణ ఉండేవాడు. గురువారం ఉదయం నుంచి ఆయన కనపడక పోవడంతో బంధువులు గ్రామమంతా వెతికారు. ఏమి జరిగిందో ఏమో తెలియదు కానీ.. శుక్రవారం గ్రామ సమీపంలోని బావిలో పూజారి మృతదేహన్ని గొర్రెల కాపరులు గుర్తించి పోలీసులకు సమాచారం అందజేశారు. వెంటనే సంబేపల్లె పోలీసులు సంఘటనా స్థలానికి వెళ్లి పరిశీలించారు. శవపరీక్ష నిమిత్తం రాయచోటి ప్రభుత్వ ఆసుపత్రికి తరలించారు. పూజారికి పెళ్లి కాలేదు.

ములకలచెరువు : మండలంలోని దేవులచెరువు జెడ్పీ హైస్కూల్‌ విద్యార్థి రాష్ట్ర స్థాయి ఫుట్‌బాల్‌ పోటీలకు ఎంపికయ్యాడు. అండర్‌–14 పోటీలకు ఎనిమిదో తరగతి విద్యార్థి లక్ష్మీకాంత్‌ ఎంపికయ్యాడు. కురబలకోట జెడ్పీ హైస్కూల్‌లో పోటీలు నిర్వహించగా లక్ష్మీకాంత్‌ సత్తా చాటాడు. ఉపాధ్యాయులు లక్ష్మికాంత్‌ను శుక్రవారం అభినందించారు. హ్యాండ్‌బాల్‌ పోటీలకు... రామసముద్రం : మండలంలోని అరికెల జిల్లా పరిషత్‌ ఉన్నత పాఠశాలకు చెందిన పదో తరగతి విద్యార్థిని దీపిక రాష్ట్రస్థాయి హ్యాండ్‌బాల్‌ పోటీలకు ఎంపికయ్యారు. ఈ నెల 27న మదనపల్లెలో నిర్వహించిన ఉమ్మడి చిత్తూరు జిల్లా అండర్‌–17 బాలికల హ్యాండ్‌బాల్‌ జట్టు ఎంపికల్లో దీపిక ప్రతిభ కనబరిచి జిల్లా జట్టుకు ఎంపికై నట్లు హెచ్‌ఎం వెంకటాచలపతి తెలిపారు. తెనాలిలో జరగనున్న రాష్ట్రస్థాయి పోటీల్లో ఆమె పాల్గొంటారని పేర్కొన్నారు. విద్యార్థినిని ఉపాధ్యాయులు, వ్యాయామ ఉపాధ్యాయుడు కె.ఎన్‌. ఉదయ్‌ కుమార్‌ అభినందించారు. వేంపల్లె : రాజీవ్‌ గాంధీ వైజ్ఞానిక సాంకేతిక విశ్వవిద్యాలయం పరిధిలోని నాలుగు ట్రిపుల్‌ ఐటీలలో 311 మంది ఉద్యోగాల భర్తీకి చర్యలు తీసుకుంటున్నట్లు ఆర్జీయూకేటీ వైస్‌ చాన్స్‌లర్‌ మద్యాల లక్ష్మీనారాయణరావు పేర్కొన్నారు. శుక్రవారం ఆయన ఇడుపులపాయలోని ఆర్కే వ్యాలీ ట్రిపుల్‌ ఐటీని సందర్శించారు. అనంతరం అక్కడ ఉన్న కంప్యూటర్‌ ల్యాబ్‌లు, భోజనశాలలు, ఆగిపోయిన ఆడిటోరియం నిర్మాణ పనులను పరిశీలించారు. ఈ సందర్భంగా మాట్లాడుతూ ట్రిపుల్‌ ఐటీల అభివృద్ధికి సుమారు రూ.200 కోట్ల వరకు నిధులు అవసరమవుతాయన్నారు. ట్రిపుల్‌ ఐటీల భవన నిర్మాణాలు, అవసరమైన ఇన్‌ఫ్రాస్ట్రక్చర్‌ సంబంధించి నిధులకు ప్రతిపాదనలు పంపామని తెలిపారు. కార్యక్రమంలో పరిపాలన అధికారి రత్నకుమారి, పీఆర్‌ఓ బాషా, అధ్యాపకులు పాల్గొన్నారు.

కలెక్టర్‌, ఎస్పీ అధికారులతో సమీక్ష సాక్షి, మదనపల్లె: జిల్లాలో జరుగుతున్న మున్సిపల్‌, జడ్పీటీసీ, ఎంపీటీసీ ఎన్నికల పోలింగ్‌, కౌంటింగ్‌ ప్రక్రియలను పటిష్ట భద్రత ఏర్పాట్లు చేస్తున్నట్టు కలెక్టర్‌ నిశాంత్‌కుమార్‌, ఎస్పీ ధీరజ్‌ కనుబిల్లి పేర్కొన్నారు. శుక్రవారం కలెక్టరేట్‌లో ఎన్నికల మార్గదర్శకాల అమలుపై అధికారులతో సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ మున్సిపల్‌ ఎన్నికల రిటర్నింగ్‌ అధికారులు అప్రమత్తతతో ఉండాలన్నారు. ఎన్నికల ప్రచారం నుంచి పోలింగ్‌, ఓట్ల లెక్కింపులో ఎన్నికల నియమావళి అమలు చేయాలన్నారు. సిబ్బంది కేటాయింపు, బ్యాలెట్‌ పేపర్లు, ఎన్నికల సామగ్రి పంపిణీ, పోలింగ్‌ కేంద్రాల వద్ద మౌలిక సదుపాయాలు, సిబ్బందికి శిక్షణ అంశాలను ముందుగానే పూర్తి చేయాలన్నారు. కంట్రోల్‌ రూమ్‌కు అందిన ఫిర్యాదును నమోదు చేసి, పరిష్కరించాలని తెలిపారు. మదనపల్లి, రాయచోటి, పీలేరు డివిజన్‌ కేంద్రాల్లో ఏర్పాటు చేస్తున్న కౌంటింగ్‌ కేంద్రంలో బ్యాలెట్‌ బాక్సుల రిసెప్షన్‌, స్ట్రాంగ్‌ రూములు, కౌంటింగ్‌ ఏర్పాట్లు తదితరాల్లో తీసుకోవాల్సిన చర్యలపై సూచనలు జారీ చేశారు. ● ఎస్పీ మాట్లాడుతూ మున్సిపల్‌ ఎన్నికల పోలీసు బందోబస్తు ఏర్పాట్లు చేపట్టామని తెలిపారు. ప్రతి పోలింగ్‌ కేంద్రానికి పోలీసు సిబ్బందిని కేటాయించి, అక్కడి పరిస్థితులను పరిశీలించేలా చర్యలు తీసుకుంటున్నామన్నారు. పోలింగ్‌ శాతం వివరాలను ఎప్పటికప్పుడు నమోదు చేసి కంట్రోల్‌ రూమ్‌కు అందించాలన్నారు. 10 క్విక్‌ రెస్పాన్‌న్స్‌ టీమ్‌లను ఏర్పాటు చేసి, రూట్ల వారీగా పర్యవేక్షణ చేపట్టనున్నట్లు తెలిపారు. సమావేశంలో జాయింట్‌ కలెక్టర్‌ శివ్‌ నారాయణ్‌ శర్మ, సబ్‌ కలెక్టర్‌ చల్లా కళ్యాణి, అడిషనల్‌ ఎస్పీ వెంకటాద్రి, డీఆర్వో వెంకటేష్‌, ఆర్డీవోలు శ్రీనివాస్‌, విజయలక్ష్మి, కమిషనర్లు, జెడ్పీ సీఈఓ, ఎన్నికల కమిటీల జిల్లా నోడల్‌ అధికారులు, రిటర్నింగ్‌ అధికారులు పాల్గొన్నారు.

మదనపల్లె సిటీ: ఎస్‌జీఎఫ్‌ ఆధ్వర్యంలో నవంబర్‌ 3న బాస్కెట్‌బాల్‌, నెట్‌బాల్‌ జిల్లా జట్ల ఎంపికలు జరుగుతాయని ఎస్‌జీఎఫ్‌ జిల్లా కార్యదర్శి రమేష్‌బాబు తెలిపారు. బాస్కెట్‌బాల్‌ అండర్‌–17 బాల, బాలికల విభాగంలో పీవీసీ ప్రభుత్వ ఉన్నత పాఠశాల, వాల్మీకిపురంలో జరుగుతాయన్నారు. నెట్‌బాల్‌ అండర్‌ –17 బాల,బాలికల జట్లు ఎంపికలు సోమల జెడ్పీ ఉన్నత పాఠశాలలో జరుగుతాయన్నారు. ఉదయం 9 గంటలకు ఈ ఎంపిక ప్రక్రియ ప్రారంభం అవుతుందని, పాల్గొనే క్రీడాకారులు స్టడీ సర్టిఫికెట్‌, ఆధార్‌ జిరాక్సు, స్పోర్ట్సు కిట్‌తో హాజరు కావాలన్నారు. నేడు జిల్లా స్థాయి చెస్‌ ఎంపికలు కేవీపల్లె : మండలంలోని గ్యారంపల్లె ఏపీ గురుకుల పాఠశాలలో శుక్రవారం అండర్‌ 14 జిల్లా స్థాయి బాల బాలికల చెస్‌ ఎంపిక పోటీలు నిర్వహించనున్నట్లు ప్రధానోపాధ్యాయులు నూర్‌ మహమ్మద్‌, డీఎస్‌జీ కార్యదర్శులు రమేష్‌, కృష్ణ తెలిపారు. గురువారం వారు స్థానిక విలేకరులతో మాట్లాడుతూ జిల్లా స్థాయి ఎంపిక పోటీల్లో ప్రతిభ చూపిన వారిని రాష్ట్ర స్థాయి పోటీలకు ఎంపిక చేయనున్నట్లు తెలిపారు. పోటీలకు హాజరయ్యే విద్యార్థులు తప్పనిసరిగా ఆధార్‌కార్డు, జనన తేదీ ధృవీకరణ పత్రం, స్టడీ సర్టిఫికెట్‌ తీసుకురావాలని కోరారు. విద్యార్థులు ముందుగానే లీప్‌ యాప్‌లో ఆన్‌లైన్‌ రిజిస్ట్రేషన్‌ పూర్తి చేసుకుని ఉండాలన్నారు. సంబంధిత ధ్రువీకరణ పత్రాలతో ఆన్‌లైన్‌ రిజిస్ట్రేషన్‌ పూర్తి చేసిన విద్యార్థులు మాత్రమే ఎంపిక పోటీలకు హాజరు కావాలని కోరారు. ఈ అవకాశాన్ని విద్యార్థులు సద్వినియోగం చేసుకోవాలని కోరారు. ముమ్మరంగా వాహనాల తనిఖీ మదనపల్లె టౌన్‌: జిల్లా ఎక్సైజ్‌ అధికారి మధుసూదన్‌ ఆదేశాల మేరకు గురువారం బి.కొత్తకోట మండలం, నాయుని బావి క్రాస్‌ వద్ద ఎకై ్సజ్‌ పోలీసులు, ఎస్టీఎఫ్‌ సిబ్బందితో కలిసి రూట్‌ మార్చ్‌, వాహన తనిఖీలు చేపట్టారు. కర్ణాటక నుంచి వస్తున్న వాహనాలను తనిఖీ చేసినట్లు మదనపల్లె ఎకై ్సజ్‌ సీఐ భీమలింగ తెలిపారు. రాబోయే స్థానిక సంస్థల ఎన్నికల దృష్ట్యా ఈ తనిఖీలు చేపట్టామన్నారు. ఈ తనిఖీల్లో ఎస్సైలు జెబీయల్లా, శశి, వై. బాబు, హెడ్‌ కానిస్టేబుళ్లు, సిబ్బంది పాల్గొన్నారు. రక్తదానం చేసిన ఎస్పీ మదనపల్లె టౌన్‌: పోలీసు అమరవీరుల సంస్మరణ దినం సందర్భంగా మదనపల్లెలో గురువారం రక్తదాన శిబిరాన్ని నిర్వహించారు. జిల్లా ఎస్పీ ధీరజ్‌ కునుబిల్లి స్వయంగా రక్తదానం చేసి పోలీసు సిబ్బందిలో స్ఫూర్తిని నింపారు. ఈ సందర్భంగా ఎస్పీ మాట్లాడుతూ.. రక్తదానం చేయడం ద్వారా ఎందరో ఆపదలో ఉన్నవారి ప్రాణాలను కాపాడవచ్చని అన్నారు. రక్తదానం చేసిన పోలీసు అధికారులు, సిబ్బందిని ఎస్పీ ప్రత్యేకంగా అభినందించి ప్రశంసా పత్రాలను అందజేశారు. ఈ కార్యక్రమంలో ఏఆర్‌ డీఎస్పీ ఏడుకొండల రెడ్డి పాల్గొన్నారు.

పెద్దమండ్యం : జెడ్పీటీసీ, ఎంపీటీసీ ఎన్నికల్లో వైఎస్సార్‌సీపీ తరఫున పోటీ చేస్తున్న ప్రతి అభ్యర్థిని అత్యధిక మెజార్టీతో గెలిపించాలని రాజంపేట ఎంపీ మిథున్‌రెడ్డి, తంబళ్లపల్లె ఎమ్మెల్యే పెద్దిరెడ్డి ద్వారకనాథరెడ్డిలు పిలుపునిచ్చారు. మండలంలోని కలిచెర్లలో మాజీ సింగిల్‌ విండో చైర్మన్‌ కలిచెర్ల సుధాకరరెడ్డితో గురువారం ఎంపీ మిథున్‌రెడ్డి, ఎమ్మెల్యే పెద్దిరెడ్డి ద్వారకనాథరెడ్డి, పెద్దమండ్యం జెడ్పీటీసీ అభ్యర్థి ఆవుల మల్లికార్జునరెడ్డి సమావేశమయ్యారు. ఎంపీటీసీ స్థానాల వారీగా పోటీ చేస్తున్న అభ్యర్థుల గురించి చర్చించారు. మండలంలోని 10 ఎంపీటీసీ స్థానాలలో వైఎస్సార్‌సీపీ అభ్యర్థులు విజయం సాధిస్తారని వారు ధీమా వ్యక్తం చేశారు. అనంతరం పోలేరమ్మ గుడిలో ఎంపీటీసీ, జెడ్పీటీసీ అభ్యర్థితో కలిసి ఎంపీ, ఎమ్యెల్యేలు ప్రత్యేక పూజలు నిర్వహించారు. పెద్దమండ్యం జెడ్పీటీసీ అభ్యర్థిగా తనకు అవకాశమిచ్చిన ఎంపీ, ఎమ్మెల్యే, కలిచెర్ల మాజీ సింగిల్‌ విండో చైర్మన్‌లకు ఆవుల మల్లికార్జునరెడ్డి కృతజ్ఞతలు తెలిపారు. కార్యక్రమంలో పార్టీ సీనియర్‌ నాయకులు నల్లారి తిమ్మారెడ్డి, శిద్దవరం విశ్వనాథరెడ్డి, ఎమ్యెల్యే తనయుడు పెద్దిరెడ్డి అభినయ్‌రెడ్డి, మాజీ ఎంపీపీ గుర్రం పూర్ణచంద్రిక, మాజీ జెడ్పీటీసీ గుర్రం రమేష్‌, మాజీ సర్పంచ్‌లు, పార్టీ నాయకులు, కార్యకర్తలు పాల్గొన్నారు.

● కూటమి ప్రభుత్వానికి 700 రోజులే ఆయుష్షు ● పీలేరు మాజీ ఎమ్మెల్యే చింతల రామచంద్రారెడ్డికలకడ : ‘రాజకీయ చరిత్రలో 50 ఏళ్లగా ఇలాంటి దాడులు చూడనేలేదు. దారుణంగా మహిళలపై కూడా టీడీపీ నాయకులు రౌడీల్లాగా దాడులు చేస్తూ, కనీసం నామినేషన్లు వేయకుండా అడ్డుపడటం ఇదే మొదటిసారి చూశాను’ అని పీలేరు మాజీ ఎమ్మెల్యే చింతల రామచంద్రారెడ్డి అన్నారు. గురువారం మండలంలోని కదిరాయచెర్వులో కార్యకర్తల సమావేశం ఏర్పాటు చేసి స్థానిక ఎన్నికల్లో అనుసరించాల్సిన విధానం, ఏజెంట్ల నియామకం గురించి తెలియజేశారు. టీడీపీ ప్రారంభించిన ఈ దాడుల సంస్కృతి ఎక్కకి దారి తీస్తుందో ఎవ్వరికీ అర్థం కావడం లేదన్నారు. పీలేరు నియోజకవర్గంలోని 6 మండలాల్లో జెడ్పీటీసీ స్థానాలకు ఎన్నికలు జరుగుతున్నాయని, కలకడ మండలంలోని కోన, ఎర్రకోటపల్లె ఎంపీటీసీ అభ్యర్థుల విజయం కోసం అందరూ కలసికట్టుగా కృషి చేయాలని అన్నారు. ఉదయం నుంచే క్యూలో ఓటర్లు ఉండాలి ఉదయం 7 గంటల నుంచే ఓటర్లు పోలింగ్‌ బూత్‌ వద్ద క్యూలో ఉండాలని పేర్కొన్నారు. టీడీపీ అల్లరి మూకలు దాడులు చేస్తే ఫొటోలు, వీడియోలు తీసి ఎన్నికల సంఘానికి, పోలీస్‌ ఉన్నతాధికారులకు పంపాలని, అప్పుడే వారిపై చట్టపరమైన చర్యలు తీసుకోవడానకి అవకాశం ఉంటుందని గుర్తు చేశారు. కలకడలో నామినేషన్ల పర్వం దారుణం పీలేరు నియోజకవర్గంలో ఎంపీటీసీ ఎన్నికల్లో నామినేషన్లు వేయడానికి వెళ్లిన వైఎస్సార్‌సీపీ అభ్యర్థులపై దారుణంగా దాడులు జరిగాయని ఆందోళన వ్యక్తం చేశారు. కలకడలో 59 మంది నామినేషన్ల పూర్తి వివరాలపై రాష్ట్ర స్థాయి ఉన్నతాధికారులకు ఫిర్యాదు చేసినట్లు పేర్కొన్నారు. మండలంలోని ప్రతి కార్యకర్త, నాయకులు, వైఎస్సార్‌ సీపీ కుటుంబ సభ్యులు ఓటర్లను ఫ్యాన్‌ గుర్తుకు ఓట్లు వేసి, వేయించి వైఎస్సార్‌సీపీ అభ్యర్థులను గెలిపించాలని కోరాలని అన్నారు. ఈ కార్యక్రమంలో రాష్ట్ర పంచాయతీరాజ్‌ కార్యదర్శులు జల్లా రాజగోపాల్‌రెడ్డి, బరకం రవికుమార్‌రెడ్డి, కన్వీనర్‌ కమలాకర్‌రెడ్డి, జిల్లా రైతు సంఘం కార్యదర్శి ద్వారకనాథరెడ్డి, బరకం వెంకటప్రసాద్‌రెడ్డి, కుమార్‌నాయుడు, మోహన్‌రాజా నాయుడు, నాయకులు సరళ, రవికుమార్‌, షావత్‌అల్లిఖాన్‌, కె.ఎస్‌.మస్తాన్‌ అహమ్మ ద్‌, మధుసూదన్‌రెడ్డి, శివారెడ్డి, వెంకట్రమణరెడ్డి, శివకుమార్‌రెడ్డి, సురేంద్రరెడ్డి, మాధవరెడ్డి, ఎంపీ బాషాఖాన్‌, రవి, మున్నా, ప్రదీప్‌కుమార్‌రెడ్డి, రెడ్డిశేఖర్‌రెడ్డి, శ్రీనివాసులు, రామాంజులు, జీవీ కిషోర్‌, శ్రీనివాసులురెడ్డి, సుధాకర్‌ పాల్గొన్నారు.

● రివర్‌ స్కూల్‌ విద్యా విప్లవం● వందేళ్ల వేడుకకు సిద్ధమైన రిషివ్యాలీ ● నేడు దేశ విదేశాల నుండి పూర్వ విద్యార్థుల రాక ● జిడ్డు కృష్ణమూర్తి తాత్వికతకు ప్రతీకగా శతాబ్ది సమ్మేళనం కురబలకోట: కురబలకోట మండలంలోని తెట్టు గ్రామంలో ప్రఖ్యాత తత్వవేత్త జిడ్డు కృష్ణమూర్తి ఏర్పాటు చేసిన రిషివ్యాలీ విద్యాలయం వందేళ్లుగా విద్యాకుసుమాలు విరబూస్తూ ఎంతో ఘనత సాధించింది. వందేళ్ల వేడుకకు ఈ విద్యాలయం సిద్ధమైంది. శుక్ర, శనివారాల్లో అల్యూమిని నిర్వహిస్తున్నారు. దేశ విదేశాల నుండి ఇక్కడ చదువుకున్న పూర్వ విద్యార్థులు 500 మందికి పైగా ఇప్పటికే ఇక్కడికి చేరుకున్నారు. 80 ఏళ్ల వయస్సు ఉన్న వారు కూడా ఆసక్తితో ఇక్కడికి విచ్చేశారు. స్కూల్‌ అనుభవాలను ఆనాటి జ్ఞాపకాలను నెమరువేసుకుంటూ స్కూల్‌ గురించి అభిప్రాయాలను పంచుకోనున్నారు. ● ఈ రెండు రోజులు వివిధ అంశాలపై చర్చలు, ప్రదర్శనలు నిర్వహించనున్నట్లు తెలి పారు. వివిధ దేశాలకు చెందిన వారు కూడా ఇక్కడ చదువుకుంటున్నారు. జిడ్డు కృష్ణమూర్తి ఆశయాలకు అనుగుణంగా ఇక్కడ విద్యా బోధన ఉంటుంది. రిషివ్యాలీ స్కూల్‌ సువిశాల విస్తీర్ణంలో ఉంది. 4వ తరగతి నుండి టెన్‌ ఫ్లస్‌ టూ వరకు ఇక్కడ చదువుకునే అవకాశం ఉంది. సెంట్రల్‌ సిలబస్‌లో ఆంగ్ల మాధ్యమంలో విద్యాబోధన జరుగుతోంది. జిడ్డు కృష్ణమూర్తి విద్యా తాత్వికతకు ప్రతీకగా నిలిచిన రిషివ్యాలీ స్కూల్‌ శతాబ్ధి ప్రస్థానం సందర్భంగా జరుగుతున్న ఈ సమ్మేళనం పూర్వ విద్యార్థుల్లో నూతన ఉత్సాహాన్ని ఇనుమడింపజేయనుంది. రిషివ్యాలీ చరిత్రలో చిరస్మరనీయ ఘట్టంగా నిలవనుంది. సత్యాన్వేషణతోనే జ్ఞానోదయం అని జిడ్డు కృష్ణమూర్తి అంటారు. చదు వు అనేది బలవంతంగా కాకుండా ఆసక్తి తో నేర్చుకునేదిగా ఉండాలి. చదువు ఉద్యోగాల కోసమే కాదు. విలువలు పెంపొందించేవిగా కూడా ఉండాలి. అంతేతప్ప సర్టిఫికెట్లు ఇచ్చి పంపేవిగా ఉండకూడదు. ఏ స్కూల్‌లో అయినా తొలుత విద్యార్థులలో బడి పట్ల ఉన్న భయాన్ని పోగొట్టాలి. పిల్లలు చదువు నేర్చుకునే విధానం, వంద పూటలు చెప్పలేని భావాన్ని ఒక బొమ్మ చెబుతుంది. అందుకే బొమ్మలు, ఆట, పాట, కథల ద్వారా విద్యా బోధన అవసరం. రిషివ్యాలీ స్కూల్‌కు అనుబంధంగా రిషివ్యాలీ రివర్‌ స్కూల్‌ కూడా దేశ, విదేశాలలో నిశ్శబ్ద విప్లవం సాగిస్తోంది. దేశంలోని వివిధ రాష్ట్రాలతో పాటు వివిధ దేశాల్లో కూడా ఈ విద్యా విధానం నడుస్తోంది. రివర్‌లో పాఠ్యపుస్తకాలు లేకుండా కార్డులు బొమ్మల ద్వారా విద్యా బోధన ప్రత్యేకత. టీచర్‌ ఓ సహాయకుడిగా మాత్రమే వ్యవహరిస్తారు. ఒక టీచర్‌తోనే ఐదు తరగతులు ఒకే తరగతిలో నిర్వహిస్తారు. వుల్టీగ్రేడ్‌ వుల్టీలెవల్‌లో ఇక్కడ విద్యా భోధన ఉంటుంది. విద్యార్థి తనకు తానే (సెల్ప్‌ లర్నింగ్‌) నేర్చుకునే అవకాశం ఉంది. విద్యార్థి సామర్థ్యం బట్టి చదువులో ముందుకు వెళ్లవచ్చు. బట్టీ పట్టడం, బలవంతపు చదువులు ఇక్కడ ఉండవు.

ములకలచెరువు : ఎన్నికల్లో వైఎస్సార్‌సీపీ అభ్యర్థులు, నాయకులపై కూటమి నాయకులు పోలీసులతో కలిసి కక్ష సాధింపు చర్యలకు పాల్పడుతున్నారు. వైఎస్సార్‌సీపీ నాయకులు, కార్యకర్తలను టార్గెట్‌ చేసి బైండోవర్‌ కేసులు బనాయిస్తున్నారు. ఇప్పటి దాకా సుమారుగా 30 మందిని బైండోవర్‌ చేశారు. మున్ముందు వంద మందికి పైగా వైఎస్సార్‌సీపీ శ్రేణులపై బైండోవర్‌ కేసులు పెట్టేందుకు పోలీసులు ప్రణాళిక సిద్ధం చేసినట్లు సమాచారం. కారును ఢీకొన్న ట్రావెల్స్‌ బస్సు గుర్రంకొండ : కారును ట్రావెల్స్‌ బస్సు ఢీకొనడంతో ఇద్దరు మహిళలు మృతి చెందిన సంఘటన గుర్రంకొండలో జరిగింది. పొలీసుల కథనం మేరకు.. కడప జిల్లా ఎర్రగుంట్ల మండలం పోట్లదుర్తి గ్రామానికి చెందిన సంజనమ్మ(68) కొంత కాలంగా పక్షవాతంతో బాధపడుతోంది. ఈమెకు చిత్తూరు జిల్లాలోని పలమనేరుకు సమీపంలో ఉన్న విరూపాక్షపురంలో ఆయుర్వేద వైద్య చికిత్సల కోసం తీసుకెళ్లాలని నిర్ణయించుకొన్నారు. ఈ నేపథ్యంలో బుధవారం రాత్రి సంజనమ్మతోపాటు ఆమె కుమార్తె అరుణమ్మ(53, కుమారుడు మునేంద్ర(28) కలిసి కారులో పలమనేరుకు బయలుదేరారు. కారు అర్ధరాత్రి గుర్రంకొండ సమీపంలోని చిట్టిబోయపల్లె వద్దకు చేరుకోగానే.. ఎదురుగా వస్తున్న రాజంపేట–బెంగుళూరు ట్రావెల్స్‌ బస్సు ఢీకొంది. ఈ సంఘటనలో సంజనమ్మ అక్కడికక్కడే మృతి చెందింది. కారు లో మిగిలిన అరుణమ్మ, మునేంద్ర, డ్రైవర్‌ ప్రవీణ్‌లకు తీవ్ర గాయాలయ్యాయి. వీరిని హుటాహుటిన 108 వాహనంలో రాయచోటి ప్రభుత్వాస్పత్రికి తరలించారు. అక్కడ అరుణ మ్మ పరిస్థితి విషమంగా మారడంతో వైద్యుల సూచనల మేరకు కడప రిమ్స్‌ 108 వాహనంలో తరలిస్తుండగా మార్గంమధ్యలో మృతి చెందింది. జరిగిన ప్రమాదంపై కేసు నమోదు చేసి దర్యాప్తు చేస్తున్నట్లు ఎస్‌ఐ రవీంద్రబాబు తెలిపారు. గుర్తుతెలియని వ్యక్తి మృతి పుంగనూరు : పట్టణంలోని మేలుపట్ల ఇండియన్‌ పెట్రోల్‌ బంక్‌ సమీపంలో గుర్తు తెలియని వ్యక్తి మృతదేహం గురువారం లభ్యమైంది. మృతదేహాన్ని స్థానికులు గమనించి పోలీసులకు సమాచారం అందించారు. దీంతో పోలీసులు సంఘటన స్థలానికి చేరుకుని మృతదేహాన్ని పరిశీలించి, గుర్తింపు కోసం అవసరమైన ఆనవాళ్లను సేకరించారు. మృతుడి వయసు సుమారు 40 సంవత్సరాలు ఉంటుందని పోలీసులు తెలిపారు. మృతుడి ఒంటిపై నలుపురంగు టీషర్టు, నీలంరంగు నైట్‌ఫ్యాంట్‌ ధరించి ఉన్నట్లు తెలిపారు. మృతుడి వివరాలు తెలిసిన వారు పోలీసులకు సమాచారం అందించాలని కోరారు.

సాక్షి, మదనపల్లె : మదనపల్లె మున్సిపల్‌ ఎన్నికల్లో అరాచక శక్తులను ఓడించాలని వైఎస్‌ఆర్సీపీ లోక్‌సభ పక్షనేత, రాజంపేట పార్లమెంట్‌ సభ్యులు పెద్దిరెడ్డి వెంకట మిథున్‌ రెడ్డి ప్రజలకు పిలుపునిచ్చారు. ఆ శక్తులను ఓడించకుంటే మున్సిపల్‌ కార్యాలయానికి స్వేచ్ఛగా వెళ్లి ఏ పని చేసుకోలేని పరిస్థితి వస్తుందని, దీన్ని ప్రతి ఓటరూ గమనించి టీడీపీని ఓడించాలని కోరారు. గురువారం ఆయన మదనపల్లె నీరుగట్టువారిపల్లెలో వైఎస్‌ఆర్‌సీపీ అభ్యర్థుల విజయానికి ప్రచారం నిర్వహించారు. ఈ సందర్భంగా మీడియాతో మాట్లాడుతూ మదనపల్లె మున్సిపల్‌ ఎన్నికల్లో ప్రజల్లో భయాందోళనలు సృష్టించి, వారిని ఓటింగ్‌కు రాకుండా ప్రయత్నాలు చేస్తున్నారని ఆరోపించారు. అడ్డదారుల్లో గెలవాలని అభ్యర్థులను కూడా లక్ష్యంగా చేసుకొని టీడీపీ వాళ్లు బెదిరిస్తున్నారని పేర్కొన్నారు. మదనపల్లెలో ప్రశాంతత ఉండాలంటే, వైఎస్సార్‌సీపీ అభ్యర్థులను గెలిపిస్తే ప్రతి ఒక్కరికీ గౌరవం లభిస్తుందన్నారు. టీడీపీ పాలనలో పరిస్థితులు ఎలా ఉంటాయో నీరుగట్టువారిపల్లెలో చేనేత కార్మికుల దుస్థితి అందుకు నిదర్శనమని అన్నారు. జగనన్న పాలనలో పది వేల మంది కార్మికులకు నేతన్న నేస్తం పథకం అందిస్తే, చంద్రబాబు ప్రభుత్వం రెండు వేల మందికి మాత్రమే ఇచ్చారు, ఇది కూడా లంచాలు తీసుకొని లేదా పథకం సొమ్ములో నీకు సగం నాకు సగం అని దోచుకున్నారని ఆరోపించారు. ఈ ఎన్నికల్లో టీడీపీకి గట్టిగా బుద్ధి చెబితే అందుకు మేము అండగా ఉంటాం, నేతన్న సేవలో పథకం ద్వారా అందరికీ న్యాయం జరిగేలా పోరాటం చేస్తామని అన్నారు. మున్సిపల్‌ కార్యాలయంలో ప్రతి ఒక్కరూ ధైర్యంగా వెళ్లి వారి పనులు చేసుకునేలా మేము అండగా నిలబడతామని భరోసా ఇచ్చారు. ఎన్నికల ప్రక్రియ ఘోరం రాష్ట్రంలో ఎన్నికల ప్రక్రియ ఘోరాతి ఘోరంగా ఉందని మిథున్‌రెడ్డి ఆందోళన వ్యక్తం చేశారు. నామినేషన్ల దాఖలు ప్రక్రియ నుంచి ఓటింగ్‌ జరిగే వరకు చంద్రబాబు ప్రభుత్వం అన్ని విధాలుగా భయభ్రాంతులకు గురి చేస్తోందని అన్నారు. మున్సిపల్‌ ఎన్నికలను రాష్ట్ర ఎన్నికల సంఘం పారదర్శకంగా, నిష్పాక్షికంగా నిర్వహించాలని కోరుతున్నామన్నారు. ప్రజాస్వామ్యాన్ని కాపాడాల్సిన వ్యవస్థలు, పోలీసులు నిష్పక్షపాతంగా ఎన్నికల నిర్వహణ జరపాలని కోరుకుంటున్నట్లు చెప్పారు. వైఎస్సార్‌సీపీతోనే అభివృద్ధి సాధ్యం పుంగనూరు : తెలుగుదేశం ప్రభుత్వం ప్రజావ్యతిరేక, అరాచక పాలనకు గుణపాఠం నేర్పాలని, వైఎస్సార్‌సీపీ అభ్యర్థుల గెలుపుతోనే అభివృద్ధి సాధ్యమౌతుందని వైఎస్సార్‌సీపీ రీజనల్‌ కోఆర్డినేటర్‌, ఎమ్మెల్యే డాక్టర్‌ పెద్దిరెడ్డి రామచంద్రారెడ్డి పిలుపునిచ్చారు. గురువారం ఆయన మండలంలోని చండ్రమాకులపల్లె గ్రామంలో ఇంటింటా ఎన్నికల ప్రచారం నిర్వహించారు. ఈ సందర్భంగా మహిళలు ఆయనకు ఘన స్వాగతం పలికారు. ఎమ్మెల్యే ప్రతి ఒక్కరికీ జెడ్పీటీసీ, ఎంపీటీసీ అభ్యర్థుల కరపత్రాలను పంపిణీ చేసి, ఫ్యాన్‌ గుర్తుపై ఓట్లు వేసి వైఎస్సార్‌సీపీ అభ్యర్థులను గెలిపించాలని కోరారు. ఈ సందర్భంగా పెద్దిరెడ్డి మాట్లాడుతూ శాంతియుతంగా ఉన్న పుంగనూరులో తెలుగుదేశం ప్రభుత్వం అరాచకాలతో, ప్రజలను భయభ్రాంతులకు గురి చేస్తోందని ఆరోపించారు. ఇలాంటి విధ్వంసాలు సృష్టించే వారికి ఓట్లు వేస్తే సమస్యలు తీవ్రమవుతాయన్నారు. ఇలాంటి వారికి ఓటుతో గుణపాఠం నేర్పి, టీడీపీ అభ్యర్థులను ఓడించాలని పిలుపునిచ్చారు. ఈ ప్రచారంలో వైఎస్సార్‌సీపీ రాష్ట్ర కార్యదర్శి శ్రీనాథరెడ్డి, జెడ్పీటీసీ అభ్యర్థి వెంకటరమణ, నాయకులు నారాయణస్వామి, హేమారెడ్డి పాల్గొన్నారు. దౌర్జన్యాలకు బెదిరేది లేదు సోమల(సదుం) : కూటమి దౌర్జన్యాలకు బెదిరేది లేదని, ప్రజా సమస్యలపై తమ పోరాటంలో వెనకడుగు వేసే ప్రసక్తే లేదని వైఎస్సార్‌ సీపీ రీజనల్‌ కో–ఆర్డినేటర్‌, ఎమ్మెల్యే పెద్దిరెడ్డి రామచంద్రా రెడ్డి తెలిపారు. సోమల మండలం నెల్లిమంద పంచాయతీలో గురువారం ఆయన పర్యటించారు. ఇటీవల చింతలవారిపల్లెలో టీడీపీ నాయకులు దాడి చేయడంతో ధ్వంసం అయిన ఎంపీటీసీ అభ్యర్థి మనీలా గృహాన్ని ఆయన పరిశీలించారు. జెడ్పీటీసీ అభ్యర్థి సాంబశివయ్య, పార్టీ అభ్యర్థులకు మద్దతుగా ప్రచారం నిర్వహించారు. టీడీపీ నాయకులు దౌర్జన్యాలు, అక్రమ కేసులతో ఎన్నికలను ఏకగ్రీవం చేసుకుని, దానిని తమ గొప్పదనంగా చాటుకోవడం సిగ్గుచేటన్నారు. వైఎస్సార్‌ సీపీ అభ్యర్థులు పోటీ ఉన్న చోట భారీ విజయం సాధించేలా ప్రజలు చొరవ చూపాలని, అప్పటికై నా కూటమి నేతలలో మార్పు వచ్చే అవకాశం ఉంటుందన్నారు. దాడులు, అక్రమ కేసు బాధితులు భయపడాల్సిన పనిలేదని తాము అండగా ఉంటామని భరోసా ఇచ్చారు. ఓటర్లు కూడా ఆందోళన చెందాల్సిన పని లేదని, నిర్భయంగా వైఎస్సార్‌ సీపీకి ఎన్నికలలో మద్దతు ఇవ్వాలని కోరారు. కార్యక్రమంలో నాయకులు గంగాధర్‌ రాయల్‌, మోహన్‌, నాగేశ్వరరావు, వెంకటరమణ, ప్రభాకర, ఈశ్వరయ్య, సీఎల్‌పీ రెడ్డి, బాబూరావు, సయ్యద్‌బాషా, శ్రీరాములు, వసంతమ్మ, పుష్పావతి తదితరులు పాల్గొన్నారు. చేనేత అక్రమాలపై ఓటుతో టీడీపీకి బుద్ధి చెప్పండి రాష్ట్రంలో ఎన్నికల ప్రక్రియ ఘోరం నిష్పక్షపాత ఎన్నికల నిర్వహణకు పోలీసులు సహకరించాలి మదనపల్లెలో ఎంపీ మిథున్‌రెడ్డి

మదనపల్లి(కురబలకోట) : మదనపల్లి మున్సిపల్‌ చైర్మన్‌ అభ్యర్థి టీఎ.పీర్‌బాషాకు ఓటు వేసి గెలిపించాలని ఆమ్‌ ఆద్మీ పార్టీ నేత సయ్యద్‌ రహీమ్‌ ఓటర్లను కోరారు. ఇప్పటికే వీసీకే, సీపీఐ, సీపీఎం పార్టీలు మద్దతుగా ప్రచారం నిర్వహిస్తున్నాయి. ఇండియా కూటమి నాయకులు పట్టణంలో విస్త్రతంగా ప్రచారం నిర్వహిస్తూ కుండ గుర్తుపై ఓటు వేయాలని కోరారు. ఈ ప్రచారంలో బాస్‌ వ్యవస్థాపకుడు పీటీఎం శివప్రసాద్‌, సీపీఎం నాయకులు శ్రీనివాసులు, వీసీకే పార్టీ నాయకులు ముత్తాల మోహన్‌, పాలకుంట శ్రీనివాసులు, సీపీఐ నాయకులు తోట కృష్ణప్పతోపాటు తెట్టు శ్రీనివాసులు, సొన్నికంటి రెడ్డెప్ప, గిన్నెల మనోహర్‌రెడ్డి తదితరులు పాల్గొన్నారు.

రొంపిచెర్ల మండలం గానుగచింత లో ప్రచారం చేస్తున్న పుంగనూరు ఎమ్మెల్యే పెద్దిరెడ్డిమదనపల్లెలో ప్రచారం చేస్తున్న నిసార్‌అహ్మద్‌, తిప్పారెడ్డి, మున్సిపల్‌ చైర్మన్‌ అభ్యర్థి జింకా చలపతి రొంపిచెర్ల: స్థానిక సంస్థలల ఎన్నికలలో పోటీ చేస్తున్న వైఎస్సార్‌సీపీ అభ్యర్థులను ప్రజలు గెలిపించాలని మాజీ మంత్రి పుంగనూరు ఎమ్మెల్యే పెద్దిరెడ్డి రామచంద్రారెడ్డి పిలుపునిచ్చారు. ఆయన బుధవారం రొంపిచెర్ల మండలం గానుగచింత దాసరిగుడెంలో ఎన్నికల ప్రచారం ప్రారంభించారు. ఈ సందర్భంగా ఆయన మాట్లాడుతూ ప్రజాపాలనలో కూటమి ప్రభుత్వం ఘోరంగా విఫలమైందన్నారు. సూపర్‌సిక్స్‌, 50 సంవత్సరాలకు బీసీలకు పెన్షన్‌, నిరుద్యోగభృతి, ఆడబిడ్డ నిధి పథకాలను అమలు చేస్తామని హామీ ఇచ్చారని అన్నారు. అయితే కూటమి ప్రభు త్వం అధికారంలోకి వచ్చి రెండు సంవత్సరాలపైన అవుతున్న ఇంత వరకు అమలు చేయలేదని ఆరోపించారు. కూటమి దౌర్జన్యాలను ప్రజలు చూస్తున్నారని వారికి ఓటుతో బుద్ధి చెప్పాలని కోరారు. రొంపిచెర్ల జెడ్పీటీసీగా కోటా సుష్మను గెలిపించాలని కోరారు. గానుగచింత దాసరిగుడెంలో మహిళలు హారతులతో స్వాగతం పలికారు. కార్యక్రమంలో వైఎస్సార్‌సీపీ నాయకులు చిచ్చిలి పురుషోత్తం రెడ్డి, చిచ్చిలి రెడ్డిశ్వర్‌ రెడ్డి, సలీంబాషా, వెంకటరమణ, శ్రీనాఽథ్‌ రామకృష్ణనాయుడు, సురేంద్రనాయుడు, కుమార్‌ నాయుడు, విజయశేఖర్‌, అల్లాబక్స్‌, బావాజీ, మహబుబ్‌బాషా, ఓబులేసు, సూర్య నారాయణ రెడ్డి, శ్రీనాధ నా యుడు, హరికృష్ణారెడ్డి, యర్రంరెడ్డి పాల్గొన్నారు.

పేదలకు మేలు చేయాలంటే మంచి మనసు ఉండాలి.. ఇచ్చిన హామీలు నెరవేర్చాలంటే చిత్తశుద్ధి ఉండాలి.. అభివృద్ధి చేయాలంటే అంకితభావం ఉండాలి.. సంక్షేమపాలన అందజేయాలంటే దీక్షా దక్షత ఉండాలి.. చెప్పినవన్నీ చేయాలంటే మాటకు కట్టుబడే నైజం ఉండాలి.. ఇవన్నీ జననేత వైఎస్‌ జగన్‌లో ఉన్నాయి. నవరత్న పథకాలు అమలు చేసి పాలన ఎలా చేయాలో చేసి చూపించారు. నవ్యాంధ్రలో మరోచరిత్ర లిఖించారు. సాక్షి, మదనపల్లె: మదనపల్లె మున్సిపల్‌ కౌన్సిల్‌లో వైఎస్‌ఆర్‌సీపీ పాలనలో అభివృద్ధి పరుగులు పెట్టింది. రూ.200 కోట్లకు పైబడిన నిధులతో అభివృద్ధి పనులు పూర్తి చేశారు. పట్టణంలోని ప్రధాన ప్రాంతాలతో పాటు, శివారు ప్రాంతాల్లో, మురికివాడల్లో అభివృద్ధికి బాటలు వేశారు. ప్రధానంగా మురుగునీటి కాలువలు, సిమెంటు, తారు రోడ్లు, పైప్‌ లైన్లు, నీటి సరఫరా మెరుగు, పారిశుధ్య నిర్వహణ, ప్రజలకు అవసరమైన మౌలిక వసతులు, అభివృద్ధికి ప్రాధాన్యత ఇచ్చి ఖర్చు చేశారు. ఈ ఐదేళ్లలో పథకాల ద్వారా అందిన నిధులతో పాటు, మున్సిపాలిటీ స్వయంగా అర్ధించిన ఆదాయంతో ఈ అభివృద్ధిని చేశారు. మున్సిపాలిటీకి 2020–21 నుంచి 2024–25 వరకు 15వ ఆర్థిక సంఘానికి చెందిన టైడ్‌ నిధులు రూ.25,98,53,284, అన్‌టైడ్‌ నిధులు రూ.19,12,75,395 వచ్చాయి. ● జగనన్న పాలనలో మదనపల్లి మున్సిపాలిటీ బడ్జెట్‌ అంచలంచెలుగా పెరుగుతూ వచ్చింది. సొంతంగా సమకూర్చుకునే ఆదాయం భారీగా పెరిగింది. వివిధ రకాల పన్నులు, వసూళ్లు పెరగడంతోపాటు, పథకాల ద్వారా అందే నిధులతో బడ్జెట్‌ భారీగా పెరిగింది. ప్రస్తుతానికి సంవత్సర మదనపల్లె మున్సిపాలిటీ బడ్జెట్‌ రూ.228 కోట్లకు చేరింది. వచ్చే ఆర్థిక సంవత్సరం కనీసం 10 శాతం పెంపుతో బడ్జెట్‌ రూపొందించే అవకాశం ఉంది. 2021–26 వైఎస్‌ఆర్సీపీ పదవి కాలం పూర్తి అయ్యేనాటికి మున్సిపాలిటీలో నిధులు రూ.70 కోట్లకు పైబడి నిల్వ ఉంది. ఇంత భారీ ఆర్థికంగా నిల్వ ఎప్పుడూ లేదని చెప్తున్నారు. కొత్త పాలక వర్గం వచ్చాక లెక్కలు తేలనున్నాయి.

● వైఎస్సార్‌సీపీ హయాంలో ధరల నియంత్రణ భేష్‌ ● కూటమి పాలనలో సగటుజీవి విలవిల ● రెండేళ్లలోనే 11 నుంచి 83 శాతం పెంపు!నాడు పాలకుల చిత్తశుద్ధితో.. వంటింట్లో అన్నం ముద్దలు అందుబాటులో! నేడు కూటమి పాలనలో.. సగటుజీవి బతుకంతా అందనంత ఎత్తులో! చంద్రబాబు చెప్పిన ‘సంపద సృష్టి’.. నింగికి చేరిన ధరల మంటాయె! దళారుల దోపిడీ రాజ్యానికి.. సామాన్యుడి కడుపుకోతే సాక్ష్యమాయె! కేవలం రెండేళ్ల కాలంలోనే... 11 నుండి 83 శాతం పెరిగిన ధరల భారం! కూలీల నుంచి ఉద్యోగుల వరకు... కడుపులు మాడ్చుకుంటున్న నవ్యాంధ్ర చిత్రం! మదనపల్లె సిటీ : ముఖ్యమంత్రి చంద్రబాబునాయుడు ‘సంపదను సృష్టిస్తాం’ అంటూ పదేపదే చెప్పుకునే గొప్పలు క్షేత్రస్థాయిలో ఎక్కడా కనిపించడం లేదు. సంపద సృష్టి సంగతి దేవుడెరుగు కానీ, నిత్యం వాడే సరుకుల ధరలనైనా తగ్గించాలంటూ సామాన్య ప్రజలు మండిపడుతున్నారు. ఓవైపు రక్తాన్ని చెమటగా మార్చి పంటలు పండించే అన్నదాతలకు తమ ఉత్పత్తులకు కనీస గిట్టుబాటు ధర లభించక అల్లాడిపోతున్నారు. ఇదే అదనుగా మార్కెట్‌లో దళారులు రంగప్రవేశం చేసి అటు రైతులను, ఇటు వినియోగదారులను నిలువునా దోపిడీ చేస్తున్నారు. ఈ దళారీ వ్యవస్థకు అడ్డుకట్ట వేయలేక, రైతులకు గిట్టుబాటు ధర కల్పించలేక టీడీపీ కూటమి ప్రభుత్వం పూర్తిగా చేతులెత్తేసింది. ఫలితంగా నిత్యావసర సరుకుల ధరలు నింగికి చేరాయి. పెట్రోలు, డీజిల్‌ ధరల పెరుగుదలకు తోడు రోజువారీ వాడే బియ్యం, కందిబేడలు, చింతపండు, మిర్చి తదితర వస్తువుల ధరలు విపరీతంగా పెరిగిపోయాయి. సరుకుల ధరల్లో ఏ చిన్న మార్పు వచ్చినా ఆ పెను ప్రభావం నేరుగా సామాన్యుడిపైనే పడుతోంది. చంద్రబాబు చెప్తున్నట్లుగా ఇటు కొత్తగా సంపద సృష్టి లేక, అటు కష్టించి సంపాదించిన దాంట్లో ఉన్నదంతా వంటింటి సరుకులకే సరిపోక.. ఎలాంటి మిగులు లేక జనాలు సతమతమవుతున్నారు. వైఎస్సార్‌సీపీ హయాంలో చిత్తశుద్ధి.. కూటమి పాలనలో అగమ్యగోచరం! వైఎస్సార్‌ కాంగ్రెస్‌ పార్టీ పాలనలో మార్కెట్‌ ఇంటెలిజెన్స్‌, పటిష్టమైన ధరల నియంత్రణ నిధి వంటి చర్యల వల్ల నిత్యావసరాల ధరలు ఎప్పుడూ అదుపులోనే ఉండేవి. ఆనాడు ప్రభుత్వ పర్యవేక్షణ గట్టిగా ఉండటంతో సామాన్య జనాలు ప్రశాంతంగా, కడుపునిండా పట్టెడు అన్నం తినగలిగారు. కానీ, టీడీపీ కూటమి ప్రభుత్వం ఏర్పడ్డాక నిత్యావసర సరుకుల ధరలకు ఒక్కసారిగా రెక్కలు వచ్చాయి. కేవలం ఈ రెండేళ్ల కాలంలోనే మార్కెట్‌లో ధరల పెరుగుదల అమాంతం 11 శాతం నుండి 83 శాతానికి పైగా పెరగడం గమనార్హం. ఆనాడు వైఎస్సార్‌ కాంగ్రెస్‌ పార్టీ పాలనలో పాలకులకు ప్రజల పట్ల ఉన్న చిత్తశుద్ధి నేటి పాలకుల్లో లోపించడమే ఈ విచ్చలవిడి ధరల పెరుగుదలకు ప్రధాన కారణం. పర్యవేక్షణ లేని ఈ మార్కెట్‌ మంట సగటు మనిషి జీవన విధానాన్ని తీవ్ర ఆర్థిక సంక్షోభంలోకి నెట్టేసింది.బతుకు దయనీయంగా మారింది.. నిత్యావసర సరుకుల ధరలు అమాతంగా పెరిగాయి. దీంతో అన్ని వర్గాలకు చెందిన ప్రజల బతుకు దయనీయంగా మారింది. ఇక సామాన్యుల పరిస్ధితి అయితే మరీ ఘోరం. ప్రభుత్వం ఇప్పటికై నా స్పందించి ధరలను అదుపు చేయాలి. – బావానాయక్‌, ప్రశాంత్‌ నగర్‌, మదనపల్లెధరలు పెరిగాయి, ఆదాయం తగ్గింది.. ఒకవైపు అనూహ్యంగా ధరలు పెరిగాయి, మరో వైపు ఆదాయ మార్గాలు పూర్తిగా తగ్గాయి. దీంతో పేదలు, సామాన్యులు తీవ్ర ఇబ్బందులు పడుతున్నారు. సరుకుల ధరలు అందుబాటులో ఉంటేనే ఎవరైనా కొనగలరు.. తినగలరు. ధరలు ఆకాశంలో ఉంటే ఆర్థిక స్తోమత కలిగిన వారు కూడా ఇబ్బందులకు గురికాక తప్పడం లేదు. – జమృత్‌ బాష, సీటీఎం, మదనపల్లె

మదనపల్లె టౌన్‌ : ఫేక్‌ ఫోన్‌ పే స్క్రీన్‌ షాట్‌ లతో వ్యాపారులను మోసం చేస్తున్న యువకుడి కోసం మదనపల్లె, బి. కొత్తకోట పోలీసులు గాలింపు చేపట్టారు. మదనపల్లె వన్‌ టౌన్‌ సీఐ మోహన్‌ కుమార్‌ బుధవారం మీడియాతో మాట్లాడుతూ.. సీసీ కెమెరాలో రికార్డయిన దృశ్యాల ఆధారంగా నిందితుడి ఆచూకీ కోసం ప్రయత్నిస్తున్నామన్నారు. ఇతని వివరాలు తెలిసిన వారు సమీప పోలీస్‌ స్టేషన్‌ లేదా వన్‌ టౌన్‌ పోలీసులకు సమాచారం ఇవ్వాలని కోరుతూ ఒక ఫోటోను విడుదలచేశారు. మదనపల్లె, బి. కొత్తకోట తదితర ప్రాంతాల్లో ఉండే వ్యాపారులను గూగుల్‌ పే, ఫోన్‌ పే పేమెంట్‌లతో మోసాలకు పాల్పడుతున్నట్లు బాధితులు ఫిర్యాదు చేశారని, ఈ మేరకు నిందితుడు కోసం గాలింపు చర్యలు చేపట్టామని సీఐ పేర్కొన్నారు. ఎవరికై నా అనుమానం వస్తే వెంటనే తమకు ఫోన్‌ చేయాలని కోరారు. డబ్బు తమ ఖాతాకు వచ్చిందో లేదో ఖాతాలో నిర్ధారించుకుని, స్క్రీన్‌ షాట్‌ లను నమ్మవద్దని, అప్రమత్తంగా ఉండాలని పోలీసులు సూచించారు.

వాల్మీకిపురం : నామినేషన్లు కూడా వేయనీయకుండా అడ్డగించి దాడులు చేసిన టీడీపీ నాయకుల నియంతృత్వ వైఖరిని ధైర్యంగా ఎదుర్కొని వైఎస్సార్‌సీపీ అభ్యర్థులను గెలిపించి విజయం సాధిద్దామని మాజీ ఎమ్మెల్యే చింతల రామచంద్రారెడ్డి పార్టీ శ్రేణులకు పిలుపునిచ్చారు. బుధవారం స్థానిక సాయినగర్‌లోని సాయికల్యాణ మండపంలో నిర్వహించిన కార్యకర్తల సమావేశంలో ఆయన మాట్లాడారు. రాష్ట్రంలో పురపాలక సంఘ, స్థానిక సంస్థల ఎన్నికలను అపహాస్యం చేస్తూ ప్రజాస్వామ్యాన్ని ఖూనీ చేశారన్నారు. అభ్యర్థులతో పాటు వైఎస్సార్‌సీపీ నాయకులు, కార్యకర్తలు, పార్టీ శ్రేణులు కలిసి కట్టుగా వెళ్లి తమ పరిధిలోని ఇంటింటికి వెళ్లి ప్రచారం నిర్వహించి, ప్రభుత్వ వైఫల్యాలను ప్రజలకు వివరించి ఫ్యాన్‌ గుర్తుపై ఓటేసేలా అడగాలని సూచించారు. స్థానిక సంస్థల ఎన్నికల్లో నామినేషన్లు వేయనీయకుండా కూటమి ప్రభుత్వం చేసిన అరాచకాలు, దాడులను రాష్ట్రంలోని ప్రజలతో పాటు దేశం మొత్తం చేస్తోందన్నారు. ఇలాంటి చర్యలతో ప్రభుత్వంపై ఇంకా వ్యతిరేకత పెరిగిందన్నారు. గత ప్రభుత్వంలో సీఎంగా వైఎస్‌ జగన్మోహన్‌ రెడ్డి చేపట్టిన సంక్షేమ పథకాల అమలే మనం ఇప్పుడు ప్రజల్లోకి ధైర్యంగా వెళ్లి ఓట్లు అడగటానికి దోహదం చేస్తున్నాయన్నారు. ప్రజా సమస్యల పరిష్కారంలో కూటమి ప్రభుత్వం విఫలమైందన్నారు. ఏ వస్తువు కొనాలన్నా ప్రజలు ఆలోచించాల్సిన పరిస్థితి ఏర్పడిందన్నారు. అధికార బలం, ధన బలంతో భయపెట్టి, బెదిరించి రాజకీయంగా తమకు దక్కాల్సిన స్థానాలను అధికార పార్టీ నాయకులు దూరం చేశారని ఆరోపించారు. ప్రస్తుత పరిస్థితులు శాశ్వతం కాదని, భవిష్యత్తులో రాజకీయ సమీకరణాలు మారుతాయని వ్యాఖ్యానించారు. ఈ కార్యక్రమంలో నాయకులు రాంపల్లి రమేష్‌, లక్ష్మీనారాయణ రెడ్డి, ద్వారకనాథరెడ్డి, రెడ్డి అర్జున్‌ రెడ్డి, వేమనారాయణ రెడ్డి, రెడ్డెప్ప రెడ్డి, మెంబర్‌ శీనా, మునిభాస్కర, గౌతమ్‌ నాగార్జున, రాంనాథం, సోమశేఖర్‌ రెడ్డి, సంజీవ్‌ రెడ్డి, క్రిష్ణాంజనేయులు, రాజన్న, తదితరులు పాల్గొన్నారు.పార్టీ శ్రేణులకు చింతల రామంద్రారెడ్డి పిలుపు

పులివెందుల : మాజీ సీఎం వైఎస్‌ జగన్‌మోహన్‌రెడ్డి పులివెందుల పర్యటన ముగిసింది. రెండు రోజుల పర్యటనలో భాగంగా తొలిరోజు మంగళవారం ఉదయం పులివెందులలోని వైఎస్సార్‌ ఆడిటోరియంలో పులివెందుల నియోజకవర్గ పార్టీ నాయకులు, కార్యకర్తలతో సమావేశం నిర్వహించారు. ఈ సందర్భంగా ఆయన స్థానిక సంస్థల ఎన్నికల సందర్భంగా రాష్ట్రంలో కూటమి ప్రభుత్వం చేస్తున్న ఆరాచకాలను తూర్పారబట్టారు. ఈ నేపథ్యంలో వైఎస్‌ జగన్‌మోహన్‌రెడ్డి చేసిన ప్రసంగం ఆకట్టుకుంది. టీడీపీ నేతలకు ఆయన విసిరిన సవాల్‌ రాష్ట్ర వ్యాప్తంగా వైఎస్సార్‌సీపీ కేడర్‌లో ఉత్సాహాన్ని నింపింది. పార్టీ కార్యకర్తకు భరోసా బుధవారం ఉదయం పులివెందుల నుంచి బెంగుళూరుకు బయలుదేరుతున్న వైఎస్‌ జగన్‌మోహన్‌రెడ్డిని పులివెందుల పట్టణం నగరిగుట్టకు చెందిన గండికోట పవన్‌కుమార్‌ కలిశారు. ఈనెల 17న పులివెందుల మున్సిపల్‌ ఎన్నికల నామినేషన్‌ సందర్భంగా పోలీసులు వైఎస్సార్‌సీపీ నాయకులు, కార్యకర్తలపై జరిపిన లాఠీఛార్జి, భాష్పవాయువు, రబ్బర్‌ బుల్లెట్లు, ఏకే 47 కాల్పులలో పవన్‌కుమార్‌ కాలికి తీవ్ర గాయమైంది. ఈ నేపథ్యంలో పవన్‌కుమార్‌ వైఎస్‌ జగన్‌మోహన్‌రెడ్డిని కలిసి తనకు తగిలిన గాయం గురించి వైఎస్‌ జగన్‌కు వివరించారు. స్పందించిన ఆయన ధైర్యంగా ఉండాలని ఎలాంటి ఆందోళన చెందవద్దని, అండగా ఉంటామని భరోసా ఇచ్చారు. హెలీప్యాడ్‌ వద్ద వైఎస్‌ జగన్‌మోహన్‌రెడ్డికి కడప ఎంపీ వైఎస్‌ అవినాష్‌రెడ్డి, పులివెందుల మున్సిపల్‌ ఇన్‌చార్జి చవ్వా దుష్యంత్‌రెడ్డి, రాజంపేట ఎమ్మెల్యే ఆకేపాటి అమరనాథరెడ్డి, మాజీ ఎమ్మెల్యే కొరముట్ల శ్రీనివాసులు, ఎమ్మెల్సీ రమేష్‌ యాదవ్‌, రైతు విభాగం నాయకుడు సంబటూరు ప్రసాద్‌రెడ్డి, వేల్పుల రామలింగారెడ్డి, తదితరులతోపాటు పలువురు వైఎస్సార్‌సీపీ నాయకులు వీడ్కోలు పలికారు.

మదనపల్లె సిటీ : 70వ ఎస్‌జీఎఫ్‌ ఉమ్మడి చిత్తూరు జిల్లా బాల,బాలికల వాలీబాల్‌,హాకీ జట్ల ఎంపికలు బుధవారం స్థానిక జెడ్పీ ఉన్నత పాఠశాల, బీటీ కాలేజీ మైదానాల్లో జరిగాయి. వాలీబాల్‌ అండర్‌ –19 బాలుర విభాగంలో విభాగాల్లో జిల్లా నలుమూలల నుంచి బాల, బాలికలు పాల్గొన్నారు. హాకీ అండర్‌ –14 బాల,బాలికల జట్లకు ఎంపికలు నిర్వహించారు. ఈ ఎంపికలకు సుమారు 260 మంది క్రీడాకారులు పాల్గొన్నారు. ఎంపికై న క్రీడాకరులు త్వరలో కాకినాడలో జరిగే రాష్ట స్థాయి పోటీలలో పాల్గొంటారని ఎస్‌జీఎఫ్‌ సెక్రటరీ రమేష్‌బాబు తెలిపారు. కార్యక్రమంలో సెలక్షన్‌ కమిటీ సభ్యులు అరుణ, భార్గవి, జలజ, నాగరాజు, నరేష్‌బాబు పాల్గొన్నారు. రామసముద్రం : మదనపల్లె మిషన్‌ కాంపౌండ్‌లో అక్టోబర్‌ 27న నిర్వహించిన ఉమ్మడి చిత్తూరు జిల్లా ఎస్జీఎఫ్‌ అండర్‌14, అండర్‌17 బాలికల హ్యాండ్‌బాల్‌ ఎంపికల్లో చెంబకూరు జిల్లా పరిషత్‌ ఉన్నత పాఠశాలకు చెందిన ఐదుగురు విద్యార్థినులు ప్రతిభ కనబరిచారు. రాష్ట్రస్థాయి పోటీలకు ఎంపికయ్యారు. పూర్వి, భవ్య, జాహ్నవి, స్నేహ, చందన ప్రతిభ కనబరిచినట్లు హెచ్‌ ఎం రమేష్‌ బాబు తెలిపారు.నవంబర్‌లో ఏలూరులో జరగనున్న రాష్ట్రస్థాయి పోటీల్లో వీరు ఉమ్మడి చిత్తూరు జిల్లా హ్యాండ్‌బాల్‌ జట్టుకు ప్రాతినిధ్యం వహించనున్నట్లు చెప్పారు. విద్యార్థినులను హెచ్‌ఎంతో పాటు ఎస్‌ఎంసీ చైర్మన్‌ సోమశేఖర్‌, వ్యాయామ ఉపాధ్యాయులు దిలీప్‌కుమార్‌, మంజులమ్మ అభినందించారు.

మదనపల్లె టౌన్‌ : స్థానిక సంస్థల ఎన్నికల నేపథ్యంలో జిల్లా ఎస్పీ ధీరజ్‌ కునుబిల్లి ఆదేశాల మేరకు జిల్లా వ్యాప్తంగా సరిహద్దు చెక్‌పోస్టుల వద్ద పోలీసులు 24 గంటల పాటు ముమ్మర వాహన తనిఖీలు చేపట్టారు. బుధవారం మదనపల్లె మండలంలోని చీకలబైలు సరిహద్దు చెక్‌పోస్ట్‌ వద్ద, ములకళచెరువు వద్ద పోలీసులు ప్రతి వాహనాన్ని క్షుణ్ణంగా తనిఖీ చేశారు.తగిన ఆధారాలు, బిల్లులు లేకుండా పెద్ద మొత్తంలో నగదు తీసుకెళ్లరాదని ప్రజలు, వ్యాపారులకు సూచించారు. ఎన్నికలు ప్రశాంతంగా జరిగేందుకు తనిఖీలకు సహకరించాలని, అనుమానాస్పద సమాచారం ఉంటే డయల్‌ 112కు తెలపాలని కోరారు. బాలసదనం చిన్నారికి కొత్త జీవితంకామారెడ్డి టౌన్‌ : తెలంగాణ రాష్ట్రం కామారెడ్డి జిల్లా కేంద్రంలోని బాలసదనంలో ఆశ్రయం పొందుతున్న ఓ చిన్నారికి కొత్త జీవితం లభించింది. కలెక్టర్‌ ఆధ్వర్యంలో బుధవారం ఆ చిన్నారిని ఆంధ్రప్రదేశ్‌ రాష్ట్రం అన్నమయ్య జిల్లా మదనపల్లెకు చెందిన దంపతులకు దత్తత ఇచ్చారు. కేంద్ర దత్తత వనరుల ప్రాధికార సంస్థ (కారా) చట్టాలు, నిబంధనలకు అనుగుణంగా ప్రక్రియను పూర్తి చేశారు. ఈ సందర్భంగా కలెక్టర్‌ ఆశిష్‌ సంగ్వాన్‌ మాట్లాడుతూ చిన్నారులకు ప్రేమపూర్వకమైన కుటుంబ వాతావరణం, సంరక్షణ కల్పించి, వారి సమగ్ర వికాసానికి తోడ్పడాలనే లక్ష్యంతో ప్రభుత్వం దత్తత ప్రక్రియను పకడ్బందీగా అమలు చేస్తోందన్నారు. కార్యక్రమంలో జిల్లా మహిళా, శిశు సంక్షేమ శాఖ అధికారి వెంకటేశ్‌, బాలసదనం సూపరింటెండెంట్‌ అరుణ్‌ భాస్కర్‌, అధికారులు, సిబ్బంది పాల్గొన్నారు.

● రోడ్డుప్రమాదంలో ఒకరు మృతి ● ఇద్దరికి తీవ్రగాయాలుపీలేరురూరల్‌ : స్థానిక ఆర్డీవో కార్యాలయం వద్ద బుధవారం జరిగిన రోడ్డు ప్రమాదంలో ఒకరు మృతి చెందగా, మరో ఇద్దరు తీవ్రంగా గాయపడ్డారు. పోలీసుల కథనం మేరకు.. బెంగళూరుకు చెందిన షేక్‌ ముస్తక్‌ బేగ్‌ (55), తన కుటుంబ సభ్యులతో కలిసి తిరుపతిలో జరిగిన ఒక శుభకార్యానికి హాజరయ్యారు. వేడుక ముగిసిన అనంతరం బుధవారం వారు తిరుపతి నుంచి కారులో తిరిగి బెంగళూరుకు ప్రయాణమయ్యారు. ఈ క్రమంలో పీలేరు ఆర్డీవో కార్యాలయం సమీపంలో ప్రస్తుతం రోడ్డు మరమ్మతు పనులు జరుగుతున్నాయి. కాగా, పనులు జరుగుతున్న ప్రాంతంలో రోడ్డుపై నిలిపి ఉంచిన ఒక వాహనాన్ని, వెనుక నుంచి వస్తున్న వీరి కారు వేగంగా ఢీకొట్టింది. ఈ ప్రమాద తీవ్రతకు కారు ముందు భాగం పూర్తిగా నుజ్జునుజ్జయింది. కారులో ఉన్న షేక్‌ ముస్తక్‌ బేగ్‌ తీవ్ర గాయాలతో ఘటనా స్థలంలోనే మృతి చెందాడు.ఆయన భార్య ఆయేషాహుస్సేన్‌, కుమారుడు సుల్తాన్‌లకు తీవ్ర గాయాలయ్యాయి. స్థానికులు గాయపడిన వారిని చికిత్స నిమిత్తం స్థానిక ప్రభుత్వాస్పత్రికి తరలించారు. సమాచారం అందుకున్న పీలేరు పోలీసులు ఘటనా స్థలానికి చేరుకుని పరిశీలించారు. కేసు నమోదు చేసి దర్యాప్తు చేస్తున్నారు.

మదనపల్లె టౌన్‌ : యువకుడు పురుగుమందు తాగి ఆత్మహత్యాయత్నానికి పాల్పడిన సంఘటన బుధవారం పీటీఎం మండలంలో జరిగింది. పోలీసులు తెలిపిన వివరాల మేరకు.. మండలం లోని నిలువురాతి పల్లికి చెందిన ఖాదర్‌ సాబ్‌ కుమారుడు ఎస్‌ బాబు (30) కుటుంబ సమస్యల కారణంగా మనస్తాపం చెంది ఇంట్లో ఉన్న పురుగుమందు తాగాడు. కుటుంబీకులు గమనించి అతన్ని మదనపల్లె జిల్లా ప్రభుత్వాసుపత్రికి తరలించారు. డాక్టర్లు పరీక్షించి మెరుగైన వైద్యం అందించి రుయాకు వెళ్లాలని రెఫర్‌ చేశారు. ట్రాక్టర్‌ను ఢీకొట్టిన కారు: డ్రైవర్‌కు తీవ్ర గాయాలు మదనపల్లె టౌన్‌ : మదనపల్లె మండలం బసినికొండ బైపాస్‌లోని నాలుగు రోడ్ల కూడలిలో ఆదివారం అర్ధరాత్రి రోడ్డు ప్రమాదం జరిగింది. రోడ్డుపై వెళ్తున్న ట్రాక్టర్‌ను ఇన్నోవా కారు వేగంగా ఢీకొట్టింది. ఈ ప్రమాదంలో కారు డ్రైవర్‌గా ఉన్న స్థానిక ఇందిరానగర్‌కు చెందిన రియాజ్‌(25) తీవ్రంగా గాయపడ్డాడు. కారు ముందు భాగం నుజ్జునుజ్జు అయింది. ప్రమాదాన్ని గమనించిన స్థానికులు క్షతగాత్రుడిని మదనపల్లె జిల్లా ఆసుపత్రికి తరలించారు. వైద్యులు సకాలంలో చికిత్స అందించడంతో ప్రాణాపాయం తప్పింది. ప్రస్తుతం ఆసుపత్రిలో చికిత్స పొందుతూ కోలుకుంటున్నాడు. అతివేగం, నిర్లక్ష్యమే ప్రమాదానికి కారణమని ప్రత్యక్ష సాక్షులు చెబుతున్నారు. ఘటనపై మదనపల్లె తాలూకా పోలీసులు కేసు నమోదు చేసి దర్యాప్తు చేపట్టారు. కారు బోల్తామదనపల్లె టౌన్‌ : కారు అదుపుతప్పి పల్టీలు కొట్టిన ఘటన బుధవారం బి. కొత్తకోట మండలంలోని కాండ్లమడుగు క్రాస్‌ వద్ద జరిగింది. పోలీసుల కథనం ప్రకారం.. కలికిరికి చెందిన అనిల్‌ కుమార్‌ కదిరి వైపు నుంచి కారులో కలికిరికి వస్తుండగా, మార్గమధ్యంలోని బి కొత్తకోట మండలం కాండ్లమడుగు క్రాస్‌ వద్ద అదుపుతప్పి బోల్తా పడింది. ఈ ప్రమాదంలో కారు పూర్తిగా దెబ్బతినగా, డ్రైవర్‌ అనిల్‌ కుమార్‌ కు స్వల్ప గాయాలయ్యాయి. స్థానికులు కురబలకోట 108కు సమాచారం ఇవ్వడంతో వారు బాధితుడిని మదనపల్లె ప్రభుత్వ ఆసుపత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు. టైల్స్‌ బండలు పడి కూలీకి తీవ్ర గాయాలువేంపల్లె : చైతన్య నగర్‌లోని ఒక ప్రైవేట్‌ పాఠశాల భవన నిర్మాణ పనుల్లో ప్రమాదం జరిగింది. పై అంతస్తుకు తాడుతో లాగుతున్న టైల్స్‌ బండలు ఒక్కసారిగా జారి కింద పడటంతో, వీరపునాయునిపల్లె మండలం ఓబుల్‌ రెడ్డి గారి పల్లెకు చెందిన కూలీ గంగయ్యకు తీవ్ర గాయాలయ్యాయి. క్షతగాత్రుడిని వేంపల్లె ప్రభుత్వ ఆసుపత్రికి తరలించగా, ఆక్సిజన్‌ లెవెల్స్‌ పడిపోయి పరిస్థితి విషమించింది. దీంతో వైద్యుల సూచన మేరకు మెరుగైన చికిత్స కోసం కడప రిమ్స్‌కు తరలించారు. అయితే వేంపల్లె ఆసుపత్రిలో సమయానికి అంబులెన్స్‌ అందుబాటులో లేకపోవడం వల్లే గంగయ్య పరిస్థితి మరింత విషమించిందని స్థానికులు ఆవేదన వ్యక్తం చేశారు.

నిర్లక్ష్యానికి నిదర్శనం: వైఎస్‌ఆర్‌సీపీ పాలనలో మదనపల్లె ప్రజల కోసం మెడికల్‌ కళాశాల నిర్మాణం చేపట్టారు. కూటమి నిర్లక్ష్యంతో ఇదిగో ఇలా ఆగిపోయింది.సాక్షి, మదనపల్లె: వైఎస్సార్‌సీపీ ప్రభుత్వంలో ఎంపీ మిథున్‌రెడ్డి కృషితో సీఎం వైఎస్‌.జగన్‌మోహన్‌రెడ్డి ఆరోగ్యం (శానిటోరియం) వద్ద 95.5 ఎకరాల విస్తీర్ణంలో రూ.475 కోట్ల వ్యయంతో మెడికల్‌ కళాశాల నిర్మాణం చేపట్టారు. మదనపల్లెలోని నిరుపేదలకు కార్పోరేట్‌ స్థాయి వైద్యాన్ని ఉచితంగా ఇవ్వాలని నిర్ణయించి తీసుకొన్న గొప్ప నిర్ణయం ఇది. చంద్రబాబు రాగానే వీటి పనులను నిలిపివేయించారు. పనులు సవ్యంగా సాగివుంటే 2025 ఆగష్టు నాటికి పనులు పూర్తి చేయాలన్నది జగనన్న లక్ష్యం. చంద్రబాబు అడ్డుకోవడంతో పనులు ఆగిపోయి, జిల్లా ఆస్పత్రిలో 80 మంది వైద్యులతో అందుతున్న వైద్యసేవలను 17 మంది వైద్యులకు కుదించడంతో మెరుగైన వైద్యం అందడంలేదు. ● మదనపల్లె బీటీ కళాశాలను విశ్వవిద్యాలయంగా చేసేందుకు ఎంపీ మిథున్‌రెడ్డి తీవ్రకృషి ఫలితంగా జగనన్న పాలనలో ఉత్తర్వులు వచ్చాయి. కొట్లతో అభివృద్ధి పనులు చేశారు. చంద్రబాబు రాగానే ఈ కళాశాలపై కక్షకట్టి విశ్వవిద్యాలయ జీవోను పట్టించుకోకుండా నిర్లక్ష్యం చేయడంతో విద్యార్థులు తీవ్రంగా నష్టపోతున్నారు. ఉన్నత విద్యకోసం సుదూర ప్రాంతాలకు వెళ్తున్నారు. ● మదనపల్లెకు కేంద్రీయ విద్యాలయం కోసం ఎంపీ మిథున్‌రెడ్డి కేంద్రంతో ఒప్పించి మంజూరు చేయించగా చంద్రబాబు ప్రభుత్వం ప్రారంభానికి ఆసక్తి చూపలేదు. ఎంపీ నిధులు రూ.40 లక్షలను మిథున్‌రెడ్డి మంజూరు చేయగా పనులు చేసి హాస్టల్‌ భవనంలో ప్రారంభించారు. ఇప్పుడు వలసపల్లె వద్ద కేటాయించిన 6.09 ఎకరాల్లో భవనాల నిర్మాణం కోసం రెవెన్యూ పరమైన సమస్యను పరిష్కరించాలని కోరుతున్నా పట్టించుకోవడం లేదు. దీనితో నిధులు మంజూరైనా భవన నిర్మాణాలు మొదలుకాలేదు.

మదనపల్లె టౌన్‌: పోలీస్‌ అమరవీరుల సంస్మరణ వారోత్సవాల సందర్భంగా మదనపల్లెలోని జిల్లా పోలీసు కార్యాలయంలో బుధవారం ఏర్పాటు చేసిన ‘ఓపెన్‌ హౌస్‌’ ప్రదర్శనను జిల్లా ఎస్పీ ధీరజ్‌ కునుబిల్లి ప్రారంభించారు. ఈ ప్రదర్శనలో విద్యార్థులకు పోలీసు శాఖ విధులు, ఆధునిక ఆయుధాలు, నిఘా డ్రోన్ల పనితీరు, బాంబ్‌ స్క్వాడ్‌ వ్యవస్థలు, అల్లర్ల నివారణకు ఉపయోగించే వజ్ర వాహనం గురించి పోలీసు సిబ్బంది వివరించారు. అలాగే డ్రగ్స్‌ నివారణ, మహిళా భద్రత కోసం రూపొందించిన శ్రీశక్తిశ్రీ యాప్‌ వినియోగంపై అవగాహన కల్పించారు. అనంతరం ఎస్పీ మాట్లాడుతూ.. విద్యార్థులు చట్టాల గురించి తెలుసుకోవాలని, ట్రాఫిక్‌ నియమాలను తప్పనిసరిగా పాటించాలని, మత్తు పదార్థాలకు దూరంగా ఉండాలని సూచించారు. ఈ కార్యక్రమంలో అదనపు ఎస్పీ ఎం. వెంకటాద్రి, మదనపల్లె డీఎస్పీ బి.ప్రసాద్‌, ఆర్‌ఐలు, సీఐలు, విద్యార్థులు పాల్గొన్నారు.

సాక్షి, మదనపల్లె: మదనపల్లె మున్సిపల్‌ ఎన్నికల ఓట్ల లెక్కింపు కేంద్రం ఆదిత్య ఇంజనీరింగ్‌ కళాశాల భవనాలను బుధవారం ఎస్పీ ధీరజ్‌ కునుబిల్లి, జాయింట్‌ కలెక్టర్‌ శివ్‌ నారాయణ శర్మ పరిశీలించారు. కౌంటింగ్‌ కేంద్రాన్ని పరిశీలించి సీసీ కెమెరాల నిఘా, కట్టుదిట్టమైన పోలీస్‌ బందోబస్తు, ఏజెంట్లకు అవసరమైన మౌలిక వసతులపై అధికారులకు దిశానిర్దేశం చేశారు. ఎన్నికల సంఘం నిబంధనల ప్రకారం లెక్కింపు ప్రక్రియను అత్యంత పారదర్శకంగా, శాంతియుతంగా నిర్వహించాలని అధికారులను ఆదేశించారు. సబ్‌ కలెక్టర్‌ చల్లా కళ్యాణి , డీఎస్పీ బి.ప్రసాద్‌, కమిషనర్‌ ప్రమీల, అధికారులు పాల్గొన్నారు.

మదనపల్లె టౌన్‌: కడప డిప్యూటీ కమిషనర్‌ జయరాజ్‌ సాగర్‌ అధ్యక్షతన బుధవారం ఎకై ్సజ్‌ శాఖ అంతర్‌రాష్ట్ర సమన్వయ సమావేశం జరిగింది. సమావేశంలో కడప ఏసీ చంద్రశేఖర్‌ రెడ్డి, ఈఎస్‌ ఆర్‌. మధుసూదన్‌ రావు, కర్ణాటక చిక్‌ బళ్లాపూర్‌ డిప్యూటీ సూపరింటెండెంట్‌, ముగ్గురు ఇన్‌స్పెక్టర్లు, మదనపల్లె సీఐ భీమలింగ, మొలకలచెరువు, ఈఎస్టీఎఫ్‌ సీఐలు పాల్గొన్నారు. రాబోయే మున్సిపల్‌ ఎన్నికల నేపథ్యంలో కర్ణాటక సరిహద్దు నుండి అక్రమ మద్యం రాకుండా చెక్‌ పోస్టుల వద్ద కట్టుదిట్టమైన నిఘా పెంచాలని నిర్ణయించారు. మద్యం దుకాణాల్లో పరిమితికి మించి విక్రయించవద్దని, నిబంధనలు ఉల్లంఘిస్తే కఠిన చర్యలు తీసుకుంటామని అధికారులు హెచ్చరించారు. ఈవీఎం గోదాము తనిఖీ రాయచోటి : అన్నమయ్య జిల్లాకు సంబంధించి ఈవీఎంలను భద్రపరిచిన గోదాము వద్ద నిరంతరం పటిష్టమైన నిఘా ఉండాలని జిల్లా కలెక్టర్‌ నిశాంత్‌ కుమార్‌ సంబంధిత అధికారులను ఆదేశించారు. ఎన్నికల కమిషన్‌ ఆదేశాల మేరకు తనిఖీలో భాగంగా.... రాయచోటి పట్టణం మార్కెట్‌ యార్డ్‌ లో ఉన్న ఈవీఎం గోదామును బుధవారం రాజకీయ పార్టీ ప్రతినిధులతో కలిసి కలెక్టర్‌ తనిఖీ చేశారు. ఈవీఎం గోడౌన్‌లో అంతర్భాగాలను రాజకీయ పార్టీల సమక్షంలో గోదాము లోపల భద్రపరిచిన ఆయా ఈవీఎం యంత్రాలు బీయూలు, సీయూలు, వీవీ ప్యాట్‌ లను, అక్కడి భద్రతా చర్యలను కలెక్టర్‌ క్షుణ్ణంగా పరిశీలన చేశారు. కార్యక్రమంలో ఆర్డీవో శ్రీనివాస్‌, తహసీల్దార్‌ యామిని, కలెక్టరేట్‌ ఎలక్షన్‌ సెక్షన్‌ సూపరింటెండెంట్‌ రాణా ప్రతాప్‌ రెడ్డి, సిబ్బంది పాల్గొన్నారు. పుట్టగొడుగుల పెంపకంపై శిక్షణ కలికిరి: కలికిరి కేవీకే కార్యాలయంలో ఈ నెల 30, 31 తేదీల్లో పుట్టగొడుగుల పెంపకంపై శిక్షణా కార్యక్రమం నిర్వహిస్తామని కేవీకే కో–ఆర్డినేటర్‌ డాక్టర్‌ కె.మంజుల తెలిపారు. ఉమ్మడి చిత్తూరు జిల్లా పరిధిలోని రైతులు, స్వయం సహాయక సంఘాల మహిళలు, గ్రామీణ, పట్టణ ప్రాంత యువత ఈ అవకాశాన్ని సద్వినియోగం చేసుకోవాలని ఆమె కోరారు. తక్కువ స్థలంలో తక్కువ పెట్టుబడితో పుట్టగొడుగుల సాగు విధానం, బెడ్‌ తయారీ, పురుగులు, తెగుళ్ల నియంత్రణ, విలువ ఆధారిత ఉత్పత్తులు, మార్కెటింగ్‌ సదుపాయాలు తదితర అంశాలపై శిక్షణ ఇస్తామని, మరిన్ని వివరాలకు 80085 00320 నంబరును సంప్రదించాలని సూచించారు.

మదనపల్లె (కురబలకోట) : న్యూయార్క్‌లోని ఐక్యరాజ్యసమితి ప్రధాన కార్యాలయంలో జరిగిన ప్రతిష్టాత్మక ‘2026 ఈసీఓఎస్‌ఓసి యూత్‌ ఫోరమ్‌’ సదస్సులో మదనపల్లె సమీపంలోని అంగళ్లు ‘మిట్స్‌’ ఇంజినీరింగ్‌ కళాశాల పూర్వ విద్యార్థి అబ్దుల్‌ సమీర్‌ షేక్‌ అరుదైన ప్రతిభ చాటారు. కళాశాలలో 2018–22 బ్యాచ్‌లో ఈసీఈ చదివిన సమీర్‌, గతంలో స్టాన్‌ఫోర్డ్‌ యూనివర్సిటీ ‘యూనివర్సిటీ ఇన్నోవేషన్‌ ఫెలో’గానూ ఎంపికయ్యారు. అంతర్జాతీయ వేదికపై సుస్థిర అభివృద్ధి, యువత సాధికారితపై జరిగిన చర్చల్లో ఆయన పాల్గొన్నారు. మిట్స్‌ విద్యార్థికి ఈ అరుదైన గౌరవం దక్కడంపై కళాశాల చాన్సలర్‌ నాదేళ్ల విజయ భాస్కర్‌ చౌదరి, పూర్వ విద్యార్థుల సంబంధాల అధికారి జి.నాగశ్వేత హర్షం వ్యక్తం చేస్తూ అభినందనలు తెలిపారు. ప్రపంచవ్యాప్త యువ నాయకుల ఆలోచనలు తెలుసుకోవడం తనకు మరుపురాని అనుభవమని సమీర్‌ పేర్కొన్నారు.

మదనపల్లె టౌన్‌ : పొలం వద్దకు వెళుతున్న రైతుపై తేనెటీగలు దాడి చేసిన సంఘటన మంగళవారం కురబలకోట మండలంలో జరిగింది. కుటుంబీకులు తెలిపిన వివరాల ప్రకారం.. తెట్టు గ్రామానికి చెందిన రైతు నక్క ఈశ్వరప్ప(50) ఊరి సమీపంలో ఉన్న తన వ్యవసాయ పొలం వద్దకు నడిచి వెళుతుండగా.. ఒక్కసారిగా తేనెటీగలు దాడి చేసి తీవ్రంగా గాయపరిచాయి. గమనించిన కుటుంబీకులు బాధితుడిని వెంటనే మదనపల్లె జిల్లా ప్రభుత్వ ఆసుపత్రికి తరలించారు. అత్యవసర విభాగంలో డాక్టర్లు మెరుగైన వైద్యం అందించడంతో కోలుకుంటున్నాడు.వాహనాల పరిశీలన మదనపల్లె టౌన్‌ : జెడ్పీటీసీ, ఎంపీటీసీ ఎన్నికల నేపథ్యంలో అన్నమయ్య జిల్లా ఎస్పీ ధీరజ్‌ కునుబిల్లి ఆదేశాల మేరకు జిల్లా పోలీసులు సరిహద్దు చెక్‌పోస్టుల వద్ద ముమ్మర తనిఖీలు చేపట్టారు. ఓటర్లను ప్రలోభపెట్టేందుకు తరలించే అక్రమ నగదు, మద్యం, కానుకల రవాణాను అడ్డుకోవడమే లక్ష్యంగా వాహనాలను క్షుణ్ణంగా తనిఖీ చేస్తున్నారు. మంగళవారం మదనపల్లె చీకలబైలు సరిహద్దు చెక్‌పోస్ట్‌ వద్ద పోలీసులు వాహనాలను విస్తృతంగా తనిఖీ చేశారు. నిబంధనలు ఉల్లంఘిస్తే కఠిన చర్యలు తప్పవని హెచ్చరించారు. పెద్ద మొత్తంలో నగదు తీసుకెళ్లేటప్పుడు సరైన ఆధారాలు ఉంచుకోవాలని, అక్రమాలు గమనిస్తే డయల్‌ 112కు సమాచారం ఇవ్వాలని ఎస్పీ కోరారు.

మదనపల్లె సిటీ : 70వ ఎస్‌జీఎఫ్‌ ఉమ్మడి చిత్తూరు జిల్లా బాల, బాలికల కరాటే, హ్యాండ్‌బాల్‌ జిల్లా జట్ల ఎంపికలు మంగళవారం స్థానిక ఆరోగ్యమాత స్కూల్‌, మిషన్‌ కాంపౌండ్‌ మైదానాల్లో జరిగాయి. జిల్లా నలుమూలల నుంచి క్రీడాకారులు పాల్గొన్నారు. హ్యాండ్‌బాల్‌ బాలికల విభాగంలో అండర్‌–14, –17 విభాగాల్లో సుమారు 200 మంది బాలికలు పాల్గొన్నారు. వీరిలో అండర్‌ –17 విభాగంలో 16 మందిని ఎంపిక చేశారు. నలుగురిని స్టాండ్‌బైగా ఎంపిక చేసినట్లు ఎస్‌జీఎఫ్‌ సెక్రటరీ రమేష్‌బాబు తెలిపారు. అండర్‌–14 విభాగంలో 16 మందితోపాటు నలుగురిని స్టాండ్‌బైగా ఎంపిక చేశారు. కరాటేలో బాలికల విభాగంలో అండర్‌–17లో 11 మంది, అండర్‌ –17 బాలుర విభాగంలో 13 మందిని ఎంపిక చేశారు. అండర్‌–19 బాలుర విభాగంలో 13 మంది, అండర్‌–19 బాలికల విభాగంలో 11 మందిని ఎంపిక చేశారు. హ్యాండ్‌బాల్‌లో ఎంపికై న జట్లు గుంటూరులో త్వరలో జరగబోయే పోటీల్లో పాల్గొనడం జరుగుతుందని తెలిపారు. కార్యక్రమంలో జయకృష్ణ, లానెన్స్‌, గురుభాస్కర్‌ తదితరులు పాల్గొన్నారు. ప్రభుత్వ భూమిపై దావా కొట్టివేతపుంగనూరు : సోమల మండలం కందూరులో కోట్ల రూపాయల విలువ చేసే ప్రభుత్వ భూమిపై హక్కుల కోసం ప్రైవేటు వ్యక్తులు వేసిన దావాను పుంగనూరు ప్రిన్సిపల్‌ జూనియర్‌ సివిల్‌ జడ్జి సురేష్‌ బాబు కొట్టి వేసిననట్లు ఏజీపీ సురేష్‌బాబు మంగళవారం తెలిపారు. కందూరు రెవెన్యూ పరిధిలోని సర్వే నంబరు 397/1లో 0.81 సెంట్లు, 397/2లో 2.20 సెంట్లు, సంత ప్రదేశం 0.50 సెంట్లు తమదేనని 2004లో జటాద్రయ్య, వారసులు సివిల్‌ దావా దాఖలు చేశారు. ఆ స్థలంలో ప్రభుత్వ, పంచాయతీని ఖాళీ చేయించి తమకు స్వాధీనం చేయాలని, బకాయి అద్దెలు చెల్లించాలని అందులో కోరారు. వీటిపై వాదనలు విన్న జడ్జి ప్రభుత్వ వాదనలతో సంతృప్తి చెంది దావాను కొట్టి వేశారని ఏజీపీ చెప్పారు.

● ఇదీ.. అభివృద్ధి... వైఎస్సార్‌ సీపీ హయాంలోపులివెందుల అభివృద్ధి నింగినంటింది. తరాలు చెప్పుకునేలా .. జనాలు హర్షించేలా వైఎస్‌ జగన్‌ పాలన సాగించారు.‘విద్య’కు కోట్ల రూపాయలతో అక్షరాభిషేకం చేశారు. వైద్యానికి కొత్త ‘ఊపిరి’ పోశారు. ప్రజలకు ఆహ్లాదాన్ని అందించారు.. ప్రయాణికులకు సౌకర్యాన్ని పంచారు..బనానా ఇంటిగ్రేటెడ్‌ ప్యాక్‌ హౌస్‌తో రైతులకు నేస్తంగా నిలిచారు. అంతర్జాతీయ ప్రమాణాలతో స్టేడియం నిర్మాణానికి శ్రీకారం చుట్టి క్రీడాకారులకు దోస్త్‌గా మారారు.. పుట్టిన గడ్డ రుణం తీర్చుకోవడానికి ప్రగతిని ‘పట్టా’ లెక్కించారు. పేదల సొంతింటి కల సాకారం చేస్తూ అక్కచెల్లెమ్మలకు ‘పట్టా’భిషేకం చేశారు.పులివెందుల చరిత్రలోనే ‘నవ’శకానికి నాంది పలికారు. చంద్రబాబు హయాంలో రికార్డుల పరిశీలన పులిచెర్ల (రొంపిచెర్ల): పులిచెర్ల ప్రాథమిక ఆరోగ్య కేంద్రాన్ని చిత్తూరు జిల్లా డీఎం అండ్‌ హెచ్‌వో డాక్టర్‌ నాగ శశిభూషణ్‌ మంగళవారం తనిఖీ చేశారు. ఈ సందర్భంగా ఆయన మాట్లాడుతూ వివిధ జాతీయ ఆరోగ్య కార్యక్రమాల అమలు వాటి నివేదికలను పరిశీలించారు. ప్రాథమిక ఆరోగ్య కేంద్రం రికార్డులను తనిఖీ చేశారు. ఈ కార్యక్రమంలో డీఎస్‌వో డాక్టర్‌ అనిల్‌ రెడ్డి, వైద్యాధికారులు వేణుగోపాల్‌ రెడ్డి పాల్గొన్నారు. బాధ్యతల స్వీకరణ మదనపల్లె సిటీ: మదనపల్లె ఉప విద్యాశాఖ అధికారిగా పద్మావతి మంగళవారం పదవీ బాధ్యతలు స్వీకరించారు. స్థానిక బెంగుళూరు రోడ్డులోని కార్యాలయంలో బాధ్యతలు చేపట్టారు. డివిజన్‌లో విద్యాప్రమాణాల పెంపునకు కృషి చేస్తాన్నారు. డీవైఈఓను ఎస్టీయూ జిల్లా ప్రధాన కార్యదర్శి మధుసూదన్‌, కడియాల మురళి, రాజారెడ్డి, కుసుమ, రమాదేవి, అశోక్‌, శ్రీనివాసులురెడ్డి, వైఎస్సార్‌టీఎఫ్‌ మోహన్‌రెడ్డి, హెచ్‌ఎం అసోసియేషన్‌ శ్రీనివాసులు, చంద్రకళ, అపస్‌ రమణారెడ్డి, ఏపీటీఎఫ్‌ శ్రీనివాసులు తదితరులు అభినందించారు. ఎన్నికలు ప్రశాంతంగా నిర్వహించాలి తంబళ్లపల్లె: స్థానిక సంస్థల ఎన్నికలు ప్రశాంతంగా జరిగేందుకు అన్ని చర్యలు చేపట్టాలని జిల్లా ఎన్నికల పరిశీలన అధికారి బాలకృష్ణ తెలిపారు. మంగళవారం ఎంపీడీఓ కార్యాలయంలో జరుగుతున్న నామినేషన్ల ఉపసంహరణ తీరును పరిశీలించారు. నామినేషన్లు వేసిన విధానం, స్కూటినీ నిర్వహించిన తీరు తదితర అంశాలపై ఆర్‌ఓ శ్రీధర్‌ను అడిగి తెలుసుకున్నారు. వీఆర్‌లో ఉన్న 15 మంది పోలీసులకు పోస్టింగ్‌లు మదనపల్లె టౌన్‌: చిత్తూరు జిల్లా నుంచి బదిలీపై వచ్చి ప్రస్తుతం వీఆర్‌ లో ఉన్న 15 మంది పోలీసు సిబ్బందికి అన్నమయ్య జిల్లా ఎస్పీ ధీరక్‌ కునుబిల్లి పోస్టింగ్‌ లు కేటాయిస్తూ మంగళవారం ఉత్తర్వులు జారీ చేశారు. పోలీసుల అభ్యర్థన మేరకు సొంత ఖర్చుతో ఈ అటాచ్‌ మెంట్‌ ఇచ్చినట్లు ఉత్తర్వుల్లో పేర్కొన్నారు. ఇందులో భాగంగా కలికిరి, ములకలచెరువు, తంబళ్లపల్లి, పెద్దమండ్యం, మదనపల్లి 1 టౌన్‌, 2 టౌన్‌, తాలూకా పోలీస్‌ స్టేషన్లు మరియు ఎలక్షన్‌ సెల్‌ కు సిబ్బంది 15 మందిని అటాచ్‌ చేశారు. వీఆర్‌ లో ఉన్న సిబ్బందిని వెంటనే రిలీవ్‌ చేసి, సంబంధిత స్టేషన్లలో రిపోర్ట్‌ చేసేలా చర్యలు తీసుకోవాలని డీఎస్పీ , ఇన్‌స్పెక్టర్లను ఎస్పీ ఆదేశించారు. పులివెందుల పర్యటనలో భాగంగా మంగళవారం వైఎస్సార్‌సీపీ అధినేత వైఎస్‌ జగన్‌ కార్యకర్తల సమావేశంలో చేసిన ప్రసంగం ఆద్యంతం ఉత్సాహంగా సాగింది. కూటమి ప్రభుత్వం ప్రజాస్వామ్యాన్ని పాతరేసిన తీరును వివరిస్తుంటే...ప్రతి ఒక్కరి మనసుల్లో ఆలోచన కలిగించింది. పార్టీ కార్యకర్తలకు నిండు భరోసా కలిగింది. జననాయకుడిగా పులివెందుల గడ్డ నుంచే ‘పోరు’కు సై అంటూ సవాల్‌ విసరడంతో అభిమానగణం మురిసిపోయింది. సాక్షి కడప : ‘స్థానిక ఎన్నికల్లో చంద్రబాబు ప్రభుత్వం చేస్తున్న దారుణాలకు అంతేలేదు. ఎన్నికలకు నోటిఫికేషన్‌ ఇచ్చి నామినేషన్లు వేయకుండా అడ్డుకోవడం....రౌడీయిజం, గుండాయిజం చేస్తూ వైఎస్సార్‌ సీపీ అభ్యర్థుల చేతుల్లోని నామినేషన్‌ పత్రాలు చించివేస్తూ వికృత చేష్టలు చేశారు.. నామినేషన్‌ కేంద్రం వద్ద బారికేడ్లు దాటుకుని ముందుకు వెళితే పోలీసులు అడుగడుగునా ఇబ్బందులు సృష్టించారు. చివరికి కేంద్రాలకు వెళ్లినా లోపల రిటర్నింగ్‌ అధికారులు కూడా నామినేషన్‌ విషయంలో తేడాలు చూపించారు. ఇలాంటి దారుణమైన పరిస్థితి ఎప్పుడూ చూడలేదు. ఎన్నికల సందర్భంగా అక్కడో, ఎక్కడో పోలింగ్‌ కేంద్రాల్లో రిగ్గింగ్‌ చేసుకున్నట్లు విన్నాం. కానీ, నామినేషన్లే వేయనీయకుండా అడ్డుపడటం ఇప్పుడు చూస్తున్నాం.. నామినేషన్‌ కాకుండా సెలెక్షన్‌ అని పెట్టుకుంటే బాగుండేది. అప్పుడు ఎవరిని కావాలంటే వారిని సెలెక్ట్‌ చేసుకోవచ్చు.. ప్రజాస్వామ్యంలో ప్రజల హక్కులకు రక్షణ లేకుండా పోతోంది’ అని వైఎస్సార్‌ కాంగ్రెస్‌ పార్టీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి తీవ్ర ఆగ్రహం వ్యక్తం చేశారు. మంగళవారం ఆయన పులివెందులలో మాట్లాడుతూ నామినేషన్స్‌ వేయనీయకుండా అడ్డుకునే బదులు నేరుగా నామినేట్‌ చేసుకుంటే పోతుంది కదా అని సీఎం చంద్రబాబు తీరును ఎద్దేవా చేశారు. పరిస్థితి ఇలాగే కొనసాగితే ప్రజల ఆస్తిపాస్తులకు రక్షణ ఉండదని ఇప్పటికై నా ప్రజలు ఏకతాటిపై నిలిచి హక్కుల కోసం పోరాటం చేసేందుకు కలిసి రావాలని జగన్‌ పిలుపునిచ్చారు. వైఎస్సార్‌ సీపీ అభ్యర్థులను గెలిపించండి.. జిల్లాలో జరగనున్న స్థానిక సంస్థల ఎన్నికల్లో వైఎస్సార్‌ కాంగ్రెస్‌ పార్టీ అభ్యర్థులను అఖండ మెజార్టీతో గెలిపించాలని మాజీ సీఎం వైఎస్‌ జగన్‌మోహన్‌రెడ్డి ప్రజలను కోరారు. అందుకు సంబంధించి మంగళవారం పులివెందులలోని వైఎస్సార్‌ ఆడిటోరియంలో కడప ఎంపీ వైఎస్‌ అవినాష్‌రెడ్డి, మున్సిపల్‌ ఇన్‌ఛార్జిలు చవ్యా దుష్యంత్‌రెడ్డి, వైఎస్‌ మనోహర్‌రెడ్డి, మున్సిపల్‌ చైర్మన్‌ అభ్యర్థి వైఎస్‌ ప్రమీలమ్మ, తొండూరు మండల ఇన్‌ఛార్జి వైఎస్‌ మధురెడ్డిలతో కలిసి తొలుత పులివెందుల మున్సిపల్‌ వైఎస్సార్‌ సీపీ అభ్యర్థులు, కార్యకర్తలతో సమావేశమయ్యారు. ఈ సందర్భంగా పోటీ లో ఉన్న అభ్యర్థులతోపాటు వైఎస్సార్‌ సీపీ మున్సిపల్‌ చైర్మన్‌ అభ్యర్థి వైఎస్‌ ప్రమీలమ్మ, కడప మేయర్‌ అభ్యర్థి బండి దీప్తిరెడ్డితోపాటు కార్పొరేటర్‌ అభ్యర్థులు, జిల్లాలోని జెడ్పీటీసీ, ఎంపీటీసీ స్థానాలకు బరిలో ఉన్న వైఎస్సార్‌ సీపీ అభ్యర్థులందరినీ గెలిపించాలని కోరారు. నామినేషన్లు వేయడం కోసం అభ్యర్థులు పడిన కష్టాలు తెలుసు... ఎన్నికలతోపాటు కౌంటింగ్‌ సందర్భంలోనూ టీడీపీ నేతలు ఇబ్బందులు పెడతారని తెలిసినా పోరాటం చేస్తున్న అందరికీ అభినందనలు తెలిపారు. గుండె ధైర్యంతో అడుగు ముందుకు వేయడమే మన కర్తవ్యమని హితబోధ చేశారు. పులివెందులలో మున్సిపల్‌ ఎన్నికల నామినేషన్‌ సందర్భంలో జరిగిన పోలీసుల దాడుల్లో గాయపడిన పులివెందుల మున్సిపల్‌ మాజీ వైస్‌ చైర్మన్‌ హఫీజ్‌ను మంగళవారం ఫోన్‌లో వైఎస్‌ జగన్‌ పరామర్శించారు. ధైర్యంగా ఉండాలని.. పార్టీ అండగా ఉంటుందని తెలియజేశారు. వైఎస్‌ జగన్‌ పాలనలో ప్రగతి పరుగులు...వైఎస్‌ జగన్‌ ప్రభుత్వం రూ.20కోట్లతో క్రికెట్‌ స్టేడియం నిర్మాణానికి శ్రీకారం చుట్టగా.. చంద్రబాబు ప్రభుత్వం పనులు ముందుకు సాగకుండా చేసింది.వైఎస్‌ జగన్‌ ప్రభుత్వం రూ. 500 కోట్లకు పైగా నిధులతోపులివెందులలో మెడికల్‌ కళాశాల నిర్మాణం చేసింది.రూ.65కోట్లతో.. ఉలిమెల్ల చెరువు సుందరీకరణ... ఉలిమెల్ల చెరువు సుందరీకరణ, పార్కు నిర్మాణంతో ఆహ్లాదాన్ని పంచారు. రూ. 14 కోట్లతో.. పులివెందుల శిల్పారామం అభివృద్ధి చేసింది.. ప్రజలకు ఆహ్లాదాన్ని పంచింది. పరిస్థితి ఇలాగే కొనసాగితే ఆస్తులను కూడా లాక్కుంటారు న్యాయం కోసం గట్టిగా నిలబడి పోరాడాలి కడపతోపాటు పులివెందులలో న్యాయం, ధర్మం గెలవాలి ఎన్ని కష్టాలు ఎదురైనా గుండె ధైర్యంతో ముందడుగు వేయండి పులివెందుల, కడప మున్సిపల్‌ అభ్యర్థులు, కార్యకర్తలతో మాజీ సీఎం వైఎస్‌ జగన్‌ నామినేషన్లను అడ్డుకోవడం... దాడులకు తెగబడిన ఘటనలపై ఆరా అన్నింటికి సమాధానం జగన్‌ 2.0లో చెబుదాం క్యాంపు కార్యాలయంలో ప్రజలు, కార్యకర్తలతో మమేకమైన వైఎస్‌ జగన్‌ పచ్చ నేతల అరాచకాలపై దునుమాడుతుంటే.. అభిమానుల్లో కసి రెండింతలైంది.. ఖాకీల కుతంత్రాలపై నిప్పులు చెరుగుతుంటే.. పార్టీ నేతల కళ్లల్లో ఎరుపొచ్చింది... ‘మీకు తోడుగా ఈ అన్న ఉన్నాడ’న్నప్పుడు.. కార్యకర్తల ఒంటి నిండా ధైర్యం వచ్చింది... ‘మీ మీద చేయి వేస్తే..నా మీద వేసినట్లే..’ అన్నప్పుడు అభిమానుల గుండె ఉప్పొంగింది.. ‘పోలింగ్‌ రోజు నేనుంటా.. ఎవరొస్తారో..ఎంతమంది వస్తారో అన్యాయం చేస్తారా... రాండి’ అని సవాల్‌ విసురుతుంటే.. అభిమానగణంలో ఉత్సాహం ఉరకలెత్తింది.. ‘కష్టకాలంలో తోడుగా ఉన్న మీకు రుణపడి ఉంటా’ అన్నప్పుడు.. పులివెందుల నేల భావోద్వేగంతో తడిసి ముద్దయ్యింది.. ‘మా జగన్‌.. మా నాయకుడు’ అని ఈలలతో.. చప్పట్లతో ఆ ప్రాంతం మార్మోగింది.

సాక్షి, మదనపల్లె : మదనపల్లె మున్సిపల్‌ ఎన్నికల్లో ప్రచారం జోరుగా సాగుతోంది. వైఎస్‌ఆర్‌సీపీ సమన్వయకర్త నిసార్‌ అహ్మద్‌, మాజీ ఎమ్మెల్యే దేశాయి తిప్పారెడ్డి, మాజీ ఎమ్మెల్సీ నరేష్‌కుమార్‌రెడ్డి, చైర్మన్‌ అభ్యర్థి జింకా వెంకటా చలపతి, కౌన్సిల్‌ అభ్యర్థులు మంగళవారం ఇంటింటా విస్త్రృత ప్రచారం నిర్వహించారు. పార్టీ అభ్యర్థులతో కలిసి నాయకులు, కార్యకర్తలు కరపత్రాలతో వెళ్లి.. ఫ్యాను గుర్తుకు ఓటు వేయాలని ఓటర్లను అభ్యర్థించారు. చైర్మన్‌, కౌన్సిల్‌ అభ్యర్థులకు రెండు ఓట్లు వేయాల్సి ఉంటుందని వారికి అవగాహన కల్పించారు. నిసార్‌ అహ్మద్‌ 29, 33 వార్డు అభ్యర్థులు షర్మిలా బాను, ఈశ్వర్‌ నాయకులతో కలిసి ప్రచారం చేశారు. నరేష్‌కుమార్‌రెడ్డి, జింకా వెంకటా చలపతి, పరిశీలకులు బావాజాన్‌ 16, 17 వార్డు అభ్యర్థులు సుగుణ, లావణ్యతో కలిసి ప్రచారం నిర్వహించారు. మాజీ ఎమ్మెల్యే తిప్పారెడ్డి 7, 8, 9, 10, 11 వార్డు అభ్యర్థులు ప్రసాద్‌ బాబు, శివరాణి, నరసమ్మ, సుభాషిణి, సుధాకర్‌రెడ్డితో కలిసి ఇంటింటి ప్రచారం నిర్వహించారు. వైఎస్‌ఆర్‌సీపీ అభ్యర్థులకు ఓట్లు వేసి గెలిపించాలని కోరారు. మదనపల్లెను అభివృద్ధి చేస్తాం ఈ సందర్భంగా నిసార్‌ అహ్మద్‌, తిప్పారెడ్డి, నరేష్‌కుమార్‌రెడ్డి మాట్లాడుతూ జగనన్న పాలనలో అమలైన సంక్షేమ పథకాలు, ప్రజలకు అందిన ప్రయోజనాలు, ప్రస్తుత కూటమి ప్రభుత్వ హామీలు, వాటి అమలు తీరుపై వివరించారు. గత పాలన, ప్రస్తుత పాలనలోని విధానాలను బేరీజు వేసుకుని, మున్సిపాలిటీ అభివృద్ధి, వార్డు సమస్యల పరిష్కారం, ప్రజా సంక్షేమం వంటి అంశాలను పరిగణనలోకి తీసుకుని ప్రజలు వైఎస్సార్‌సీపీని గెలిపించాలని కోరారు. కార్యక్రమాల్లో పి.అమరేంద్ర నాయక్‌, బి.హరిప్రసాద్‌ నాయక్‌, చాంద్‌ బాషా, మహబూబ్‌ బాషా, త్రిపాల్‌ నాయక్‌, బాబు నాయక్‌, మహిళా నాయకురాలు సుశీల, మైనారిటీ నాయకుడు యూనుస్‌, మల్లికార్జున, ఫక్రు, సాదిక్‌, అబ్దుల్లా, రియాజ్‌, కార్యకర్తలు పాల్గొన్నారు. బీవైఎస్‌ ప్రచారం స్థానిక ఏడవ వార్డులో స్వతంత్ర అభ్యర్థిగా పోటీ చేస్తున్న శశికుమార్‌కు మద్దతుగా బహుజన యువసేన అధ్యక్షుడు పునీత్‌కుమార్‌ ప్రచారం నిర్వహించారు. ఈ ప్రచారంలో సంఘ నాయకులు, కార్యకర్తలు పాల్గొన్నారు. పీర్‌ బాషాకు సీపీఐ మద్దతు మదనపల్లి (కురబలకోట) : మదనపల్లి మున్సిపల్‌ చైర్మన్‌ స్థానానికి వీసీకె, బాస్‌ బలపరుస్తున్న స్వతంత్ర అభ్యర్థి టీఏ పీర్‌బాషాకు సీపీఐ మద్దతు ప్రకటించింది. మంగళవారం పీసీకే నాయకుడు పీటీఎం శివ ప్రసాద్‌ ఆధ్వర్యంలో సీపీఐ, బాస్‌ నాయకులు పార్టీ నేతలను కలసి మద్దతు కోరారు. సానుకూలంగా స్పందించిన సీపీఐ రాజకీయ మార్పు కోసం ప్రజలు పీర్‌బాషాను ఆదరించాలని కోరారు.దూసుకుపోతున్న వైఎస్సార్‌సీపీ అభ్యర్థులు

వాల్మీకిపురం : నిత్యావసర వస్తువుల ధరలు పెంచుతూ సామాన్యుల జీవితాలతో ఆడుకుంటున్న చంద్రబాబు ప్రభుత్వానికి.. స్థానిక సంస్థల ఎన్నికల నుంచే చరమగీతం ప్రారంభం కావాలని మాజీ ఎమ్మెల్యే చింతల రామచంద్రారెడ్డి అన్నారు. మంగళవారం స్థానిక వైఎస్సార్‌సీపీ కార్యాలయంలో ఏర్పాటు చేసిన సమావేశంలో ఆయన మాట్లాడారు. జెడ్పీటీసీ అభ్యర్థి శ్రీదేవి, మంచూరు ఎంపీటీసీ రామనాథం, మూరేవాండ్లపల్లి ఎంపీటీసీ సుహాసిని గెలుపుకోసం కష్టపడి పని చేయాలన్నారు. రాష్ట్రంలో అరాచకాన్ని సృష్టిస్తూ, రాజ్యాంగం ప్రకారం పొందాల్సిన హక్కులకు భంగం కల్గిస్తున్న కూటమి పాలకుల దుర్మార్గాలను ప్రజల్లో ఎండగట్టాలన్నారు. ప్రతి ఇంటికి వెళ్లి మాజీ సీఎం వైఎస్‌ జగన్‌మోహన్‌రెడ్డి వైఎస్సార్‌సీపీ ప్రభుత్వ హయాంలో చేసిన మంచిని, ప్రస్తుత ప్రభుత్వం నిత్యావసర, బియ్యం ధరలు పెంచిన విధానాన్ని మహిళలకు అర్థమయ్యేలా వివరించాలన్నారు. స్థానిక సంస్థల ఎన్నికల్లో వైఎస్సార్‌సీపీ బలపరిచిన అభ్యర్థులను ఫ్యాన్‌గుర్తుపై ఓటు వేసి గెలిపించాలని కోరాలని తెలిపారు. సంక్షేమం, అభివృద్ధి రెండు కళ్లుగా భావించిన వైఎస్‌ జగన్‌మోహన్‌రెడ్డి ముఖ్యమంత్రిగా ఐదేళ్లపాటు సువర్ణపరిపాలన అందించారన్నారు. ప్రజలకు మాయమాటలు చెప్పి అధికారంలోకి వచ్చిన చంద్రబాబు ప్రభుత్వం సంక్షేమాన్ని గాలికి వదిలేసిందన్నారు. కూటమి నేతలు అవినీతి, దోపిడీకే ప్రాధాన్యత ఇస్తున్నారని విమర్శించారు. పేదోడు పట్టెడన్నం తినాలంటే మళ్లీ జగనన్న ప్రభుత్వం రావాల్సిందేనని, దానికి స్థానిక సంస్థల ఎన్నికలతో నాంది పలకాలని సూచించారు. ప్రజలను నమ్మించి మోసగించిన కూటమికి ఓటుతో బుద్ధి చెబుదామన్నారు. ఈ కార్యక్రమంలో కేశవరెడ్డి, సురేష్‌రెడ్డి, మదనమోహన్‌రెడ్డి, శివారెడ్డి, చలపతి, వెంకటరమణరెడ్డి, విజయ్‌కుమార్‌ నాయుడు, దేవేంద్రరెడ్డి, హరినాథ రెడ్డి, కరీముల్లా, రమేష్‌, గిరి, బివి రెడ్డి, లక్ష్మీనారాయణరెడ్డి, గోవర్థన, ఆదిరెడ్డి తదితరులు పాల్గొన్నారు.మాజీ ఎమ్మెల్యే చింతల రామచంద్రారెడ్డి

తంబళ్లపల్లె : తంబళ్లపల్లె మండలానికి చెందిన యువకుడు షాజహాన్‌ బాషా మూడు రోజుల క్రితం కర్ణాటకలోని బెంగళూరులో జరిగిన రోడ్డు ప్రమాదంలో తీవ్రంగా గాయపడ్డారు. కుటుంబీకులు మెరుగైన చికిత్స కోసం వెంటనే తిరుపతి రుయా ఆస్పత్రికి తరలించారు. అక్కడ చికిత్స పొందుతూ మంగళవారం ఉదయం మృతి చెందాడు. మృతదేహాన్ని స్వగ్రామానికి తరలించనున్నట్లు కుటుంబ సభ్యులు తెలిపారని పోలీసులు పేర్కొన్నారు. కరెంట్‌ షాక్‌తో వ్యక్తికి గాయాలు మదనపల్లె టౌన్‌ : మిద్దె పైన ఉన్న నీళ్ల డ్రమ్ముకు పైపు ద్వారా నీళ్లు నింపుతుండగా విద్యుత్‌ వైర్లు తగిలి కరెంట్‌ షాక్‌తో రైతు తీవ్రంగా గాయపడ్డాడు. బాధితుడి కుటుంబీకులు తెలిపిన వివరాల ప్రకారం.. పెద్దమండెం మండలం కలిచర్ల పంచాయతీ శెట్టివారిపల్లికి చెందిన రైతు రామిశెట్టి(45) మంగళవారం సాయంత్రం తన మిద్దైపె డ్రమ్ముకు నీళ్లు పడుతున్నాడు. ఆ సమయంలో తలపై వేలాడుతున్న విద్యుత్‌ వైర్లు తగిలి షాక్‌ కొట్టడంతో మిద్దైపె నుంచి కిందపడ్డాడు. తీవ్రంగా గాయపడిన బాధితున్ని గమనించిన కుటుంబీకులు వెంటనే 108లో మదనపల్లె జిల్లా ప్రభుత్వ ఆసుపత్రికి తరలించారు. పరిస్థితి విషమంగా ఉండటంతో రుయాకు రిఫర్‌ చేయగా, వారు ఓ ప్రైవేట్‌ ఆసుపత్రికి తరలించారు. పెద్దమండెం పోలీసులు కేసు దర్యాప్తు చేస్తున్నారు.

● ఆసుపత్రి సిబ్బంది క్వార్టర్స్‌ స్థలంపై కన్ను ● అనుమతి లేకుండానే చదును ● కూటమి నేతల మద్దతుతో కబ్జాకలకడ : కలకడ ప్రభుత్వ ఆసుపత్రి సిబ్బంది క్వార్టర్స్‌ స్థలం ఆక్రమణ.. కూటమి నేతల మద్దతుతో జరుగుతోంది. ప్రభుత్వ ఆసుపత్రిలో సిబ్బంది నిత్యం అందుబాటులో ఉండాలని 30 ఏళ్ల కిత్రం క్వార్టర్స్‌ నిర్మాణం చేపట్టారు. అయినా వాటిలో సిబ్బంది చేరకపోవడంతో వృథాగా ఉండి శిథిలావస్థకు చేరాయి. సిబ్బంది కానీ, వైద్యులు గానీ అటువైపు చూడకపోవడంతో కూటమి నేతల కన్ను అక్కడి ఖాళీ స్థలంపై పడింది. చిన్న కార్యకర్తలను పంపి జేసీబీతో ముళ్లపొదలను తొలగించి, చదును చేశారు. ప్రభుత్వ ధనం రూ.కోట్లు వెచ్చించి నిర్మించిన భవనాలు ఎందుకు ఈ విధంగా వృథా అవుతున్నాయని పరిశీలించిన అధికారి లేరు. నేడు కలకడ ప్రభుత్వ ఆసుపత్రి స్థలంలో ప్రైవేటు వ్యక్తులు పాగా వేయడానికి సిద్ధమయ్యారు. విధులలో ఉన్న డాక్టర్‌ మోహన్‌ ఎందుకు ఆక్రమణ చేస్తున్నారు అని కోరినా.. సమాధానం చెప్పకుండా చదును చేస్తే.. నీకేంటి అంటూ ఎదురు తిరిగినట్లు తెలిపారు. నిర్లక్ష్య సమాధానంపై ఫిర్యాదులు తప్పవు అని సోమవారం హెచ్చరించినా, తిరిగి మంగళవారం ఆక్రమణకు యత్నం చేసినట్లు తెలిపారు. దీంతో కన్ను పడితే కబ్జా జరిగిపోవాల్సిందే అన్నట్లు అనేక మార్లు.. సిబ్బంది లేని సమయంలో ఆక్రమణదారులు చొరబడి ఆక్రమిస్తున్నట్లు ప్రజలు అనుమానం వ్యక్తం చేస్తున్నారు. ప్రభుత్వ ఆసుపత్రి క్వార్టర్స్‌ను పూర్తిగా ఆక్రమించడానికి బడా నాయకులు కన్ను వేసినట్లు సమాచారం. ప్రభుత్వ ఆసుపత్రి వరకూ ఉన్న కాలువను పూర్తిగా ఆక్రమించి కాలువపై నిర్మాణాలు కూడా చేపట్టారు. కాలువలు, ప్రభుత్వ భూమిని కాపాడాలని స్థానికులు కోరుతున్నారు.

సాక్షి, మదనపల్లె : జెడ్పీటీసీ, ఎంపీటీసీ పదవులకు నామినేషన్లు, వాటి ఉపసంహరణ మంగళవారం మధ్యాహ్నం ముగియడంతో పోటీలో అభ్యర్థులు ఖరారయ్యారు. జిల్లాలో 25 జెడ్పీటీసీ స్థానాలు ఉండగా వీటికి పోటీ చేసేందుకు 277 మంది అభ్యర్థులు నామినేషన్లు వేశారు. వీటి పరిశీలన తర్వాత 189 మంది అభ్యర్థుల నామినేషన్లు ఆమోదించబడ్డాయి. వీటి ఉపసంహరణ తర్వాత 91 మంది అభ్యర్థులు పోటీలో నిలిచారు. వీటిలో మూడు జెడ్పీటీసీలు లక్కిరెడ్డిపల్లి, రామాపురం, రాయచోటి ఏకగ్రీవం అయ్యాయి. బరిలో నిలిచిన అభ్యర్థులు గెలుపు కోసం ప్రచారం మొదలుపెట్టేశారు. జిల్లాలో 321 ఎంపీటీసీ స్థానాలు ఉండగా, వీటికి 1,449 మంది నామినేషన్లు దాఖలు చేశారు. పరిశీలించిన తర్వాత 1,141 మంది అభ్యర్థుల నామినేషన్లు ఆమోదించారు. ఉపసంహరణ తర్వాత 392 మంది పోటీలో నిలిచారు. వీటిలో 169 స్థానాలు ఏకగ్రీవమయ్యాయి. మిగిలిన 152 ఎంపీటీసీ స్థానాలకు 392 మంది అభ్యర్థులు పోటీ చేస్తున్నారు. ఈ పోటీలో ప్రధానంగా బీజేపీ ఏడు, సీపీఐ 5, కాంగ్రెస్‌ ఒకటి, జనసేన 23, టీడీపీ 140, వైఎస్సార్‌సీపీ 139, ఇతర పార్టీలు నాలుగు, స్వతంత్రులు 73 మంది పోటీ చేస్తున్నారు. 15 మండలాలు ఏకగ్రీవం చిన్నమండెం, చౌడేపల్లి, కెవి.పల్లి, లక్కిరెడ్డిపల్లి, రామాపురం, రాయచోటి, సంబేపల్లి మండలాల ఎంపీటీసీలు మొత్తం ఏకగ్రీవమయ్యాయి. మిగిలిన ఎనిమిది మండలాలైన వాయల్పాడు, సోమల, పీలేరు, ములకలచెరువు, కలికిరి, కలకడ, గుర్రంకొండ, గాలివీడు లో ఒకటి నుంచి ఐదు ఎంపీటీసీ స్థానాల్లో పోటీ ఉన్నప్పటికీ ఈ స్థానాలతో ఎంపీపీ ఎన్నికకు అవసరం లేదు. జెడ్పీటీసీ, ఎంపీటీసీ స్థానాలకు అభ్యర్థులు ఖరారు కావడంతో మంగళవారం సాయంత్రం నుంచే అభ్యర్థులు తమ ప్రచారాలకు పదును పెట్టారు. పల్లెల్లో తిరుగుతూ తమను గెలిపించాలంటూ ప్రచారం చేస్తున్నారు. పార్టీల నేతలు ఆయా పార్టీల కార్యకర్తలతో సమావేశాలు మొదలుపెట్టారు. క్షేత్రస్థాయిలో ఓటర్లను ఆకట్టుకునేందుకు ప్రయత్నాలు జోరందుకున్నాయి. 22 జెడ్పీటీసీ, 152 ఎంపీటీసీ పదవులకు పోటీ జెడ్పీటీసీలకు 91 మంది, ఎంపీటీసీలకు 392 మంది పోటీ 3 జెడ్పీటీసీలు, 15 మండలాలు ఏకగ్రీవం ప్రచార రంగంలోకి దిగిన అభ్యర్థులు

కూటమి ప్రభుత్వ రాకతో పులివెందుల ప్రగతి చక్రం ఆగింది. అభివృద్ధి చేయకపోగా వైఎస్సార్‌ సీపీ చేసిన అభివృద్ధిపైనా టీడీపీ ప్రభుత్వం కక్షగట్టింది. అరటి రైతుల కోసం వైఎస్సార్‌ సీపీ కోట్ల రూపాయలతో బనానా ఇంటిగ్రేటెడ్‌ ప్యాక్‌ హౌస్‌ నిర్మిస్తే వినియోగంలోకి తీసుకురావడానికి కూటమి నేతలకు చిత్తశుద్ధి కరువైంది. క్రికెట్‌ స్టేడి యం నిర్మాణానికి ‘ఆట’ంకాలు కలిగిస్తోంది. అంతేనా.. అడుగడుగునా విష సంస్కృతికి తెర తీసింది. ప్రత్యర్థుల పై దాడులకు దిగుతూ.. వాహనాలు కాలుస్తూ రౌడీయిజానికి బీజం వేస్తోంది. వైఎస్సార్‌సీపీ చేసిన అభివృద్ధిని కొనసాగించే చిత్తశుద్ధి లేక.. దుర్బుద్ధిని ప్రదర్శిస్తోంది.

కడప కార్పొరేషన్‌ : ప్రశాంతతకు, మతసామరస్యానికి మారుపేరైన కడపలో కూటమి నాయకులు చిచ్చు రేపారని వైఎస్సార్‌సీపీ రాష్ట్ర అధికార ప్రతినిధి వంగవీటి నరేంద్ర అన్నారు. సోమవారం కడపలోని జిల్లా పార్టీ కార్యాలయంలో ఆయన మీడియాతో మాట్లాడారు. ఒక పక్క టీడీపీ నాయకుల దౌర్జన్యాలు, అరాచకాలు, దాడులు జరుగుతున్నప్పటికీ.. వైఎస్సార్‌సీపీ తరఫున బండి దీప్తి నామినేషన్‌ వేయడం గర్వకారణమన్నారు. దివంగత ముఖ్యమంత్రి వైఎస్‌ రాజశేఖరరెడ్డి పాలనలో కడపలో ఫ్యాక్షన్‌ రాజకీయాలకు దూరంగా, విద్యాభివృద్ధి, ప్రజల సంక్షేమానికి ప్రాధాన్యత ఇచ్చే మార్పులు వచ్చాయని తెలిపారు. వైఎస్‌ జగన్‌మోహన్‌రెడ్డి పాలనలో కులమతాలు, పార్టీలు, ప్రాంతాలకు అతీతంగా సంక్షేమ పథకాలు అమలు చేశారన్నారు. ప్రస్తుతం కడప మున్సిపల్‌ ఎన్నికల సందర్భంగా నామినేషన్ల దశ నుంచే దాడులు, దౌర్జన్యాలు చోటుచేసుకోవడం ఆందోళనకరమని విమర్శించారు. మాజీ డిప్యూటీ మేయర్‌ కుమారుడిపై దాడి చేయడం, నామినేషన్‌ పత్రాలు లాక్కొని చించివేయడం, ఎన్నికల ప్రచార సమయంలో ఖలీద్‌, షంషీర్‌పై దాడులు జరగడం వంటి ఘటనలు ప్రజాస్వామ్యానికి విఘాతమన్నారు. ప్రజాస్వామ్యాన్ని గెలిపించాలి వైఎస్సార్‌సీపీ మేయర్‌ అభ్యర్థి బండి దీప్తి మాట్లాడుతూ కడప ప్రజలు ఇలాంటి ఎన్నికలను ఎప్పుడూ చూసి ఎరుగరన్నారు. ఇక్కడి ప్రజలు ప్రశాంత వాతావరణాన్ని కోరుకుంటారని, వైఎస్సార్‌సీపీ ప్రభుత్వ హయాంలో ఇలాంటి దౌర్జన్యకర ఘటనలు ఒక్కటి కూడా జరగలేదన్నారు. ఫ్యాన్‌ గుర్తుకు ఓటేసి ప్రజాస్వామ్యాన్ని గెలిపించాలని కోరారు. ఈ సమావేశంలో వైఎస్సార్‌సీపీ నాయకులు దాసరి శివప్రసాద్‌, తోటక్రిష్ణ, క్రిష్ణతేజ, సుదర్శన్‌ రాయల్‌, సింధు, రామక్రిష్ణ, సాయిదత్త, మల్లీశ్వరి పాల్గొన్నారు.వైఎస్సార్‌సీపీ రాష్ట్ర అధికార ప్రతినిధి వంగవీటి నరేంద్ర

● ఎన్నికల బరిలోకి వైఎస్సార్‌ సీపీ అభ్యర్థులు ● కురబలకోటలో పుల్‌ జోష్‌.. కురబలకోట: కురబలకోట మండలంలో నామినేషన్ల తిరస్కరణతో నెలకొన్న ఉత్కంఠకు ఆప్పీళ్ల ప్రక్రియతో తెరపడింది. ఎన్నికల సందడి నెలకొంది. నామినేషన్ల తిరస్కరణ సవాల్‌ చేస్తూ అప్పీలు చేసుకున్న వైఎస్సార్‌ సీపీ మెజారిటీ అభ్యర్థులకు సబ్‌ కలెక్టర్‌ చల్లా కళ్యాణి ఎన్నికల్లో పోటీకి సానుకూలంగా ఉత్తర్వులు ఇవ్వడంతో వైఎస్సార్‌ సీపీలో ఆనందోత్సాహాలు వెల్లువెత్తుతున్నాయి. ఈ కీలక పరిణామంతో జిల్లాలోనే కురబలకోట ఎన్నికలు ఆసక్తికరంగా మారాయి. పార్టీ అభ్యర్థులు ఎంపీ పెద్దిరెడ్డి మిధున్‌రెడ్డిని కలసి సంతోషం వ్యక్తం చేశారు.

– ప్రజలు అప్రమత్తంగా ఉండాలి మదనపల్లి (కురబలకోట): బంగాళాఖాతంలో ఏర్పడిన వాయుగుండం తుపానుగా బలపడే అవకాశం ఉండడంతో మంగళవారం నుండి ఈనెల 30 వరకు వాతావరణ పరిస్థితులపై జిల్లా ప్రజలు అప్రమత్తంగా ఉండాలని అన్నమయ్య జిల్లా కలెక్టర్‌ కార్యాలయం సోమవారం సూచించింది. భారీ వర్షాలు నేపధ్యంలో లోతట్టు ప్రాంతాల ప్రజలు జాగ్రత్తలు తీసుకోవాలని, వాగులు, వంకలు దాటరాదని తెలిపారు. విద్యుత్‌ తీగలకు దూరంగా ఉండాలని కోరింది. రైతులు కూడా తగు జాగ్రత్తలు పాటించాలని తెలియజేశారు. అత్యవసర పరిస్థితుల్లో జిల్లా కంట్రోల్‌ రూమ్‌ 08571–293001 నెంబరును సంద్రదించాలని తెలిపింది. పోలింగ్‌ కేంద్రాల జాబితా విడుదల సాక్షి, మదనపల్లె: బి.కొత్తకోట నగర పంచాయతీ ఎన్నికల ప్రక్రియలో భాగంగా సోమవారం పోలింగ్‌ కేంద్రాల జాబితాను కమిషనర్‌ బి.రమాదేవి ప్రకటించారు. గతంలో 20 వార్డులు ఉండగా ఇప్పుడు 23 కు పెరిగాయి. దీంతోపాటు 22 ఉన్న పోలింగ్‌ కేంద్రాల సంఖ్యను 28కి పెంచారు. పెరిగిన పోలింగ్‌ కేంద్రాలపై రాజకీయ పార్టీలు, ప్రజలు అభ్యంతరాలను మంగళవారం సాయంత్రంలోగా అధికారులకు తెలియజేయాల్సి ఉంటుంది. ఈ మేరకు అభ్యంతరాలను స్వీకరిస్తామని కమిషనర్‌ తెలిపారు. పోలింగ్‌ కేంద్రాల జాబితాను ప్రభుత్వ కార్యాలయం వద్ద ప్రదర్శిస్తున్నట్లు తెలిపారు.

సాక్షి, మదనపల్లె: జిల్లా, మండల ప్రజా పరిషత్‌ ఎన్నికల్లో కూటమి పార్టీల మధ్య సీట్ల సర్దుబాటు చర్చలు పీటముడి వేశాయి. సోమవారం మదనపల్లెలో టీడీపీ తంబళ్లపల్లె ఇన్‌చార్జ్‌ శంకర్‌ యాదవ్‌ కార్యాలయం వేదికగా జిల్లా ఇంచార్జ్‌ మంత్రి బీసీ.జనార్దన్‌ రెడ్డి, జిల్లా మంత్రి మండిపల్లి రాంప్రసాద్‌ రెడ్డి, జిల్లా అధ్యక్షుడు ప్రసాద్‌, జనసేన, బీజేపీ ప్రతినిధులతో చర్చలు జరిపారు. ఎవరికి ఏ జెడ్పీటీసీ ఇవ్వాలి, ఏ మండలంలో ఎన్ని ఎంపీటీసీలు ఇవ్వాలి అన్న అంశంపై సుదీర్ఘంగా చర్చించినప్పటికీ కొలిక్కి రాకపోవడంతో పార్టీల్లో అసహనం వ్యక్తమవుతోంది. ● ప్రధానంగా జిల్లాలో జనసేన, బీజేపీకి ఉన్న వర్గాల వారి ఓటు శాతం, ఏఏ ప్రాంతంలో బలముందో అక్కడ తమకు సీట్లు కేటాయించాలని డిమాండ్‌ వారి నుంచి వచ్చింది. అయితే నామినేషన్ల ఉపసంహరణ మంగళవారం ఉండగా సోమవారం రాత్రి వరకు ఈ సీట్ల పంచాయతీ, సర్దుబాటులో కొలిక్కి రాకపోవడంతో టీడీపీ తమను నమ్మించి మోసం చేస్తుందా, అడిగిన సీట్లు ఇస్తుందా అన్నదానిపై జనసేన, బీజేపీలో అంతర్మధనంలో పడ్డాయి. పట్టుబడుతున్న జనసేన.. జిల్లాలో జనసేనకు సీట్ల కేటాయింపు విషయంలో మంత్రులతో ఆ పార్టీ ప్రతినిధులు రామదాస్‌ చౌదరి, దారం అనిత పట్టుబట్టినట్లు తెలిసింది. జిల్లాలో మదనపల్లె, బి.కొత్తకోట, రాజంపేట జెడ్పీటీసీలు, మదనపల్లె నియోజకవర్గంలో 30, తంబళ్లపల్లెలో 24, పుంగనూరులో 18, పీలేరులో 18 ఎంపీటీసీ స్థానాలు కేటాయించాలని ప్రతిపాదన మంత్రులు వద్ద ఉంచారని తెలిసింది. అయితే ఈ సీట్ల ప్రతిపాదనకు మంత్రులు సానుకూలంగా స్పందించలేదని, ప్రతిపాదిత సీట్లలో కోత విధించవచ్చునని అనుమానిస్తున్నారు. అయితే జనసేనకు జిల్లాలో ఉన్న బలాన్ని దృష్టిలో పెట్టుకొని కోరిన సీట్లు ఇవ్వాల్సిందేనని తీవ్ర స్థాయిలో ఒత్తిడి తేవడంతో పాటు పట్టుబట్టే అవకాశం ఉంది. మభ్య పెట్టేందుకేనా ఐవీఆర్‌ఆస్‌.. జనసేన కోరిన సీట్ల విషయంలో మంత్రులు తేల్చి చెప్పనప్పటికీ మంగళవారం ఐవీఆర్‌ఎస్‌ సర్వే ద్వారా సీట్లను కేటాయిద్దామన్న అభిప్రాయాన్ని మంత్రులు వ్యక్తం చేసినట్లు సమాచారం. దీనిపై జనసేన నేతలు అసహనం వ్యక్తం చేయడంతో పాటు, మంగళవారం ఒక రోజే ఉపసంహరణలు ఉన్నాయి, అది కూడా సాయంత్రం మూడు లోపల ముగిసిపోవాలి. అయితే టీడీపీ తమను మభ్యపెట్టి సీట్ల సర్దుబాటులో మోసం చేస్తుందా అన్న అనుమానాన్ని పార్టీ నేతలు వ్యక్తం చేస్తున్నారు. బీజీపీకి మొక్కుబడే..బీజేపీకి కార్యకర్తలు లేని సమయంలో రాయలసీమలో అన్నమయ్య జిల్లాలో బలమైన నాయకత్వం, క్యాడర్‌ ఉండేది. ఇప్పుడు పొత్తు కారణంగా జెడ్పీటీసీ, ఎంపీటీసీ స్థానాల్లో బీజేపీకి నామమాత్రం కేటాయించే పరిస్థితి కనిపిస్తోంది. మంత్రులతో జరిగిన చర్చల్లో బీజేపీ ప్రతినిధులు చల్లపల్లి నరసింహారెడ్డి, పులి నరేంద్ర కుమార్‌ రెడ్డి, ఆకుల కృష్ణమూర్తి, ఎం.గోపాల్‌ రెడ్డి పాల్గొన్నారు. ఈ చర్చల్లో జిల్లాలో 321 ఎంపీటీసీలగాను బీజేపీకి కేవలం 15 స్థానాలు, 25 జెడ్పీటీసీల్లో కేవలం ఒక్క జెడ్పీటీసీ (ములకలచెరువు) ఇచ్చేందుకు నిర్ణయించినట్లు తెలిసింది. ఇది సరిపోదని మదనపల్లె మండల జెడ్పీటీసీ కూడా కావాలని పట్టుబడుతున్నారు. అలాగే పుంగనూరు నియోజకవర్గంలో 3, రాయచోటి నియోజకవర్గంలో 2, మదనపల్లి నియోజకవర్గంలో 3, తంబళ్లపల్లి నియోజకవర్గంలో 6 ఎంపీటీసీ స్థానాలకే బీజేపీని పరిమితం చేసేలా సీట్ల కేటాయింపు జరిగిందని తెలుస్తోంది. మున్సిపల్‌ వార్డులపై ప్రతిష్టంభన..జనసేన, టీడీపీ మధ్య మదనపల్లె మున్సిపాలిటీలో నాలుగు వార్డుల ఎన్నిక విషయంలో తీవ్రమైన విభేదాలు బహిర్గతం అయ్యాయి. మంత్రులతో జరిగిన చర్చలలో జనసేన ప్రతినిధులు రాందాస్‌ చౌదరి, దారం అనితలు జనసేన అభ్యర్థులు పోటీ చేస్తున్న 1, 2, 34, 43 వార్డుల్లో టీడీపీ అభ్యర్థులను నిలబెట్టిందని, ఎన్నికల బరి నుంచి వారిని తప్పించాలని పట్టుబట్టారు. ఒప్పందం ప్రకారం టీడీపీ వ్యవహరించడం లేదని, ఈ విషయంలో జనసేనకు న్యాయం చేయాలని మంత్రులను కోరారు. అయితే ఈ అంశంపై మంత్రులు చర్చించేందుకు సుముఖత వ్యక్తం చేయలేదని తెలిసింది. ఈ విషయాన్ని పరిశీలిద్దాం అంటూ దాటవేసినట్లు తెలిసింది. దీన్ని బట్టి చూస్తే జనసేనకు న్యాయం జరిగే పరిస్థితి కనిపించడం లేదని ఆ వర్గీయులు పేర్కొంటున్నారు. జిల్లా టీడీపీలో ఆధిపత్య పోరు రగులుతోంది. ఈ పరిస్థితుల్లో జరుగుతున్న జిల్లా పరిషత్‌ ఎన్నికల్లో జెడ్పీ అభ్యర్థి ఎవరు అన్నది ఉత్కంఠతో పాటు, ఏ వర్గానికి చంద్రబాబు పెద్దపీట వేస్తారన్నది జిల్లా పార్టీలో చర్చ జరుగుతోంది. దీనికి ప్రధానంగా కీలక నేతలైన.. రాజంపేట జిల్లా అధ్యక్షులు ప్రసాద్‌ సుగవాసి, మాజీ ఎమ్మెల్యే జి.ద్వారకనాథ్‌ రెడ్డి గాలివీడు జెడ్పీటీసీ అభ్యర్థులుగా నామినేషన్లు దాఖలు చేశారు. అలాగే మంత్రి మండిపల్లి రాంప్రసాద్‌ రెడ్డి సోదరుడు లక్ష్మీ ప్రసాద్‌ రెడ్డి సొంత మండలం చిన్నమండెం జెడ్పీటీసీ అభ్యర్థిగా నామినేషన్‌ వేశారు. ముగ్గురు జిల్లా రాజకీయాల్లో కీలకమైన నేతలు కావడంతో చంద్రబాబు ఎవరి అభ్యర్థిత్వానికి మొగ్గు చూపుతారు అన్నది ఆసక్తిగా ఎదురు చూస్తున్నారు. నామినేషన్లను మంగళవారం ఉపసంహరించాల్సి ఉన్నందున.. ఈ ముగ్గురిలో ఎవరు పోటీలో ఉంటారు, ఎవరు వైదొలుగుతారు అన్నది సాయంత్రం మూడు గంటల దాకా ఈ సస్పెన్‌న్‌ కొనసాగేలా కనిపిస్తోంది. మంత్రి మండిపల్లి, సుగవాసిలు ప్రత్యర్థులుగా జిల్లా టీడీపీ రాజకీయాల్లో ఉన్నారు. ఈ పరిస్థితుల్లో చైర్మన్‌ పదవి కోసం రెండు వర్గాలు పట్టుబట్టే అవకాశం ఉందని పార్టీ వర్గాల్లో చెప్పుకుంటున్నారు. జెడ్పీ చైర్మన్‌ అభ్యర్థి ఎవరో తేల్చని చంద్రబాబు జిల్లాలో జనసేనకు మూడు, బీజేపీకి ఒక జెడ్పీటీసీ జనసేనకు 90, బీజేపీకి 15 ఎంపీటీసీలు ఆ నాలుగు వార్డులపై పట్టుబట్టిన జనసేన రేపటికి చూద్దామంటూ దాటవేత మంత్రులతో కొలిక్కిరాని కూటమి చర్చలు ఐవీఆర్‌ఎస్‌ సర్వే అంటూ దోబూచులాట

● అప్పీళ్లతో వైఎస్సార్‌ సీపీ ఎంపీటీసీ అభ్యర్థులకు గొప్ప ఊరట ● ఖంగుతిన్న టీడీపీ శ్రేణులు మదనపల్లి (కురబలకోట): అన్నమయ్య జిల్లాలో స్థానిక సంస్థల ఎన్నికల నేపథ్యంలో ఎంపీటీసీల నామినేషన్ల తిరస్కరణపై దాఖలైన అప్పీళ్ల వ్యవహారం కీలక మలుపు తిరిగింది. ఆపై ఆసక్తికరంగా మారింది. తిరస్కరణకు గురైన ఎంపీటీసీలు పలువురు సవాల్‌ చేస్తూ శని, ఆదివారాల్లో సబ్‌ కలెక్టర్‌ ఎదుట అప్పీళ్లు దాఖలు చేశారు. సోమవారం అభ్యర్థులను విచారించిన అనంతరం ప్రొసీడింగ్‌ ఆర్డర్స్‌ ఇచ్చారు. ఎంపీటీసీల అప్పీళ్లపై వైఎస్సార్‌ సీపీ అభ్యర్థులకు సానుకూలంగా ఊరట లభించింది. చిన్నపాటి పొరపాట్లుతో నామినేషన్లు తిరస్కరణకు గురైన వారికి అనుకూలంగా నిర్ణయం వెలువడింది. ● ఓటర్ల జాబితా వివరాలలో వ్యత్యాసాలు, అసంపూర్ణ డిక్లరేషన్‌, ఓటరు జాబితాలో పేర్లు ఉండి కేవలం పార్ట్‌ లేదా సీరియల్‌ నెంబర్లలో చిన్నపాటి వ్యత్యాసాలు లాంటి చిన్నపాటిి పొరపాట్లను పరిగణలోకి తీసుకోకుండా వాటిని యథావిధిగా నామినేషన్లకు ఆమోదం తెలపాలని ఆదేశిస్తూ ఉత్తర్వులు ఇచ్చారు. ఈ పరిణామంతో నామినేషన్లు వేయకుండా ఏకగ్రీవాలకు ప్రయత్నించిన టీడీపీ శ్రేణులకు భంగపాటు కలిగింది. ● అప్పీళ్ల పరిశీలనలో వివిధ మండలాల్లో వైఎస్సార్‌ సీపీ అభ్యర్థులకు సానుకూలంగా నామినేషన్లకు ఆమోదం తె లుపుతూ ఉత్తర్వులు వెలువడ్డాయి. దీంతో ఆపార్టీలో హర్షాతిరేకం వ్యక్తమవుతోంది. ● జిల్లాలో కురబలకోట మండలంలో వైఎస్సార్‌ సీపీ 23 నామినేషన్లు వేయగా ఏకంగా 19 వాటిని తిరస్కరించారు. ఇది సంచలనంగానే కాకుండా చర్చనీయాంశంగా కూడా మారింది. కాగా వైఎస్‌ఆర్‌సీపీ అభ్యర్థులు అప్పీల్‌కు వెళ్లగా మెజారిటీ స్థానాల్లో వీరి అప్పీల్‌కు సానుకూల ఆమోదం లభించడంతో ఎన్నికల సమరం అనివార్యమైంది. దీంతో పోటీ నే లేకుండా ఎన్నికలు ఏకగ్రీవం చేసుకోవాలన్న టీడీపీ పన్నాగానికి గట్టి బ్రేక్‌ పడింది. ● జిల్లాలో 321 ఎంపీటీసీ స్థానాలకు 1449 నామినేషన్లు వేయగా వాటిలో 1141 ఆమోదం పొందాయి. ఇందులో వైఎస్సార్‌ సీపీ 490 మంది అభ్యర్థులు నామినేషన్లు దాఖలు చేయగా 343 ఆమోదం పొందాయి. వీటిలో వివిధ కారణాలతో 147 నామినేషన్లు తిరస్కారానికి గురయ్యాయి. వీటిలో చాలా స్థానాలకు అనుకూలంగా ఉత్తర్వులు వెలువడ్డాయి. అధికార పార్టీ నాయకుల మెప్పు కోసం వైఎస్సార్‌ సీపీకి చెందిన అభ్యర్థుల నామినేషన్లను వివిధ మండలాల్లో అధికారులు నిర్దాక్షిణ్యంగా తిరస్కరించినట్లు ఆరోపణలు ఉన్నాయి. డివిజన్‌ స్థాయిలో అభ్యర్థుల అప్పీళ్లపై రిటర్నింగ్‌ అధికారులతో సబ్‌ కలెక్టర్‌, ఆర్డీఓలు సమీక్షించారు. సోమవారం మధ్యాహ్నం నుండి సీల్డ్‌ కవర్లలో నేరుగా అభ్యర్థులకు వీఆర్వోలు వ్యక్తిగతంగా కలసి ఆర్డర్స్‌ను అందజేశారు. అప్పీళ్లకు వెళ్లిన పలువురి అభ్యర్థులకు సానుకూలంగా న్యాయం జరగడంతో సంతోషం వ్యక్తం చేస్తున్నారు. కొంత ఆలస్యంగానైనా న్యాయం జరగడంతో వైఎస్సార్‌ సీపీ శ్రేణుల్లో ఆనందోత్సాహాలు వెల్లువెత్తుతున్నాయి.

సాక్షి, మదనపల్లె : జెడ్పీటీసీ, ఎంపీటీసీ ఎన్నికల్లో పోటీ చేస్తున్న బీసీ వర్గాల అభ్యర్థులను పార్టీలతో సంబంధం లేకుండా మద్దతు ఇచ్చి గెలిపించాలని పాల ఏకరి సంక్షేక సంఘం రాష్ట్ర కార్యవర్గ సమావేశం నిర్ణయించింది. సోమవారం మదనపల్లెలో కల్లూరి రాజేంద్ర ప్రసాద్‌ నాయుడు అధ్యక్షతన జరిగిన సమావేశంలో ఎన్నికల్లో తీసుకోవాల్సిన నిర్ణయాలపై చర్చించారు. ఎంపీటీసీ, జెడ్పీటీసీ అభ్యర్థులుగా పాల ఏకరి కులస్తులను గుర్తించి, వారికి బీ–ఫారాలు అందించిన రాజకీయ పార్టీలకు సంఘం తరఫున కృతజ్ఞతలు తెలియజేశారు. పార్టీలకు అతీతంగా పాల ఏకరి, బీసీ అభ్యర్థులు ఎక్కడి నుంచి పోటీ చేసినా ఐకమత్యంతో విజయానికి కృషి చేయాలని సమావేశం ఏకగ్రీవంగా తీర్మానించింది. వైఎస్సార్‌సీపీ మదనపల్లె జెడ్పీటీసీ అభ్యర్థిగా జే.కిరణ్మయి పోటీ చేస్తుండటంపై హర్షం వ్యక్తం చేస్తూ ఎన్నికల్లో పోటీ చేస్తున్న బీసీ అడబిడ్డగా అందరూ మద్దతు తెలుపుతున్నామని అన్నారు. బీసీ మహిళలు రాజకీయాల్లోకి రావడాన్ని స్వాగతించి అండగా నిలవాలని సమావేశం నిర్ణయించింది. బీసీలు ఎక్కడ పోటీలో ఉన్నా అండగా ఉండాలని తీర్మానించారు. అలాగే మాజీ ఎంపీటీసీలు, మాజీ జెడ్పీటీసీలు, మాజీ సర్పంచులు సమావేశానికి హాజరై తమ అభిప్రాయాలను తెలియజేశారు. సమావేశంలో కల్లూరి రాజేంద్ర ప్రసాద్‌ నాయుడు, జన్నే రాజేంద్ర నాయుడు, జన్నే సురేంద్ర నాయుడు, గుర్రంకొండ మల్లికార్జున నాయుడు, ప్రసాద్‌ నాయుడు, మనిగే భాస్కర్‌నాయుడు, చలపతి నాయుడు, సిద్ధ భాస్కర్‌ నాయుడు, మన్నె శ్రీరాములు నాయుడు, పనసమాకులపల్లి నాయకులు, మేడిపల్లి చలపతి నాయుడు, రాజు, జె.కిరణ్‌, కొత్తపల్లి మహేష్‌, కదిరిపతి నాయుడు, రమణ, చలపతి, రామకృష్ణ, హరి పాల్గొన్నారు.పాల ఏకరి రాష్ట్ర కార్యవర్గ సమావేశం నిర్ణయం

రామాపురం : మండల పరిధిలోని గువ్వలచెరువు ఘాట్‌ రోడ్డులో సోమవారం ఉదయం ఘోర రోడ్డు ప్రమాదం చోటుచేసుకుంది. పశువుల దాణా లోడుతో వెళ్తున్న లారీ అదుపు తప్పి లోయలో పడిపోవడంతో.. డ్రైవర్‌ దుర్మరణం చెందగా, క్లీనర్‌ తీవ్రంగా గాయపడ్డాడు. వివరాల్లోకి వెళ్తే.. నంద్యాల పట్టణానికి చెందిన డ్రైవర్‌ జి.దాస్‌, అళ్లగడ్డ పట్టణానికి చెందిన క్లీనర్‌ మహబూబ్‌ బాషా లారీలో పశువుల దాణా తీసుకుని వెళ్తున్నారు. ఈ క్రమంలో సోమవారం ఉదయం సుమారు 7:30 గంటలకు గువ్వలచెరువు ఘాట్‌ రోడ్డులో.. లారీ అదుపు తప్పి లోయలో పడి నుజ్జునుజ్జు అయింది. లారీ నడుపుతున్న డ్రైవర్‌ జి.దాస్‌ అక్కడికక్కడే మృతి చెందాడు. క్లీనర్‌ మహబూబ్‌ బాషాకు తీవ్ర గాయాలు కావడంతో చికిత్స నిమిత్తం కడప రిమ్స్‌ ఆసుపత్రికి తరలించారు. జి.దాస్‌ మృతదేహాన్ని పోస్టుమార్టం నిమిత్తం లక్కిరెడ్డిపల్లి ప్రభుత్వ మార్చురీకి తరలించారు. గువ్వలచెరువు ఘాట్‌ రోడ్డులో జరిగిన ఈ ప్రమాదంతో విషాదం నెలకొంది.డ్రైవర్‌ దుర్మరణం, క్లీనర్‌కు తీవ్ర గాయాలు

సాక్షి, మదనపల్లె : జగనన్న ఐదేళ్ల పాలనలో ప్రతి ఇంటికి అందించిన సంక్షేమం, ప్రతి పల్లెకు చేసిన అభివృద్ధి గురించి ఓటర్లకు తెలిసేలా ఎన్నికల్లో ప్రచారం చేయాలని ఎమ్మెల్యే పెద్దిరెడ్డి ద్వారకనాథరెడ్డి పార్టీ శ్రేణులను కోరారు. సోమవారం బి.కొత్తకోటలో ఆయన స్థానిక సంస్థల ఎన్నికలపై వైఎస్‌ఆర్‌సీపీ నాయకులతో సమావేశమయ్యారు. ఈ సందర్భంగా జెడ్పీటీసీ, ఎంపీటీసీ ఎన్నికలపై సమీక్ష నిర్వహించారు. అభ్యర్థులు, గ్రామస్థాయి నాయకులు, కార్యరక్తలతో కలిసి క్షేత్రస్థాయిలో ప్రచారాన్ని వేగవంతం చేయాలని కోరారు. ప్రజల్లో ప్రభుత్వ వ్యతిరేకత ఉందని అన్నారు. ఎన్నికల్లో ఇచ్చిన హామీలపై పథకాలు అమలు చేస్తారని ప్రజలు ఆశిస్తే.. అందుకు విరుద్ధంగా మోసం చేశారని అన్నారు. జగనన్న పాలనలో సంక్షేమ పథకాల లబ్ధి పొందని ఇల్లు, అభివృద్ధి లేని పల్లె అంటూ లేదని అన్నారు. ఈ విషయాన్ని అభ్యర్థులు ప్రచారంలో ప్రజలకు తెలియజేయాలని, జగనన్న పాలన గుర్తు చేయాలని కోరారు. సమావేశంలో పార్టీ నాయకులు పాగొండ ఖలీల్‌, సాంబశివ, జయరామి రెడ్డి, చిన్నికృష్ణ్ణ, అయూబ్‌, గ్రామాలకు చెందిన నాయకులు పాల్గొన్నారు.

మదనపల్లె టౌన్‌ : మదనపల్లె పట్టణం నీరుగట్టువారిపల్లెలో కాపురం ఉంటూ భూ కుంభకోణానికి పాల్పడిన కేసులో ఇటీవల అరెస్ట్‌ అయిన లేడీ డాన్‌ సులోచన అనుచరుడు కడియాల శ్రీరాములు నాయుడు ను సోమవారం వన్‌టౌన్‌ పోలీసులు అరెస్టు చేశారు. సీఐ మోహన్‌ కుమార్‌ మీడియాకు తెలిపిన వివరాలు ఇలా ఉన్నాయి. నీరుగట్టువారిపల్లికి చెందిన కోనేటి సులోచన, అనుచరుడు మోహన్‌ను ఇటీవల అరెస్టు చేసిన విషయం తెలిసిందే. అదే కేసులో ఆమెకు ప్రధాన అనుచరుడు, రెడ్డప్ప నాయుడు కాలనీలో కాపురం ఉండే కడియాల శ్రీరాములు నాయుడు.. సులోచనతో చేతులు కలిపి, మదనపల్లి పట్టణ రూరల్‌ ప్రాంతాల్లో నకిలీ డాక్యుమెంట్లు సృష్టించి రూ.కోట్ల విలువైన భూములను వశం చేసుకున్నట్లు సీఐ తెలిపారు. దీంతో స్థానికంగా ఉండే బాధితులు వెంకటరమణారెడ్డి, మార్పూరి వెంకటేష్‌ నాయుడు కలిసి గతంలో అమ్మ చెరువుమిట్ట సమీపంలో వెంచర్‌ వేసి ప్లాట్లు విక్రయించారన్నారు. వెంకటరమణారెడ్డికి వారసత్వంగా వచ్చిన రెండు ప్లాట్లు, భాగానికి వచ్చిన రెండు ప్లాట్లతో సహా మొత్తాన్ని సులోచన 2021లో వెంకటేశ్‌ నాయుడు సంతకాన్ని ఫోర్జరీ చేసి అక్రమంగా రిజిస్ట్రేషన్‌ చేసుకుందన్నారు. కోనేటి సులోచన తన అనుచరులతో కలిసి వెంకటరమణారెడ్డిపై తరుచూ గొడవలు పెట్టుకుని ఆయన్ను చంపుతామని బెదిరిస్తుండటంతో.. బాధితుడు ఇచ్చిన ఫిర్యాదు మేరకు కోనేటి సులోచన, ఆమె తల్లి రెడ్డెమ్మ, సోదరుడు శ్రీనాధ్‌ అనుచరులు మోహన్‌, సీటీఎం రోడ్డులోని రెడ్డెప్ప నాయుడు కాలనీకి చెందిన కడియాల శ్రీరాములు నాయుడుపై కేసు నమోదు చేశామని తెలిపారు. ఈ కేసులో సులోచన, మోహన్‌ను ఇటీవలే అరెస్టు చేసి రిమాండ్‌కు తరలించామని సీఐ పేర్కొన్నారు. అలా గే రెడ్డెమ్మ, శ్రీరాములు నాయుడు పరారీలో ఉండేవారని తెలిపారు. దర్యాప్తులో భాగంగా శ్రీరాము లు నాయుడు పట్టుబడడంతో అరెస్టు చేసి స్థానిక కోర్టులో హాజరుపరచడం జరిగిందని చెప్పారు. అలాగే రెడ్డమ్మ పరారీలో ఉందని ఆమెను కూడా త్వరలో అరెస్టు చేస్తామని సీఐ పేర్కొన్నారు. సులోచనతోపాటు శ్రీరాముల నాయుడు, మోహన్‌లపై వన్‌ టౌన్‌, టూ టౌన్‌, తాలూకా పోలీస్‌ స్టేషన్లలో ఇప్పటికే కేసులు నమోదయ్యాయని వివరించారు.

మదనపల్లె సిటీ: ఇంటర్మీడియట్‌ పబ్లిక్‌ పరీక్షల్లో మెరుగైన ఫలితాలు సాధించాలని జిల్లా ఇంటర్మీడియట్‌ బోర్డు అధికారి ఎస్‌.రవి అన్నారు. సో మవారం మదనపల్లెలో జిల్లాలోని అన్ని ప్రైవేటు కాలేజీల ప్రిన్సిపాల్స్‌తో సమావేశం నిర్వహించారు. ఐపీఈ–2027 పరీక్షల టైం టేబుల్‌ వివరాలు తెలియజేశారు. జిల్లాలో ఉత్తీర్ణత శాతం పెంచడానికి ప్రణాళికలు సిద్ధం చేయాలన్నారు. ఫిబ్రవరి–27 లో జరిగే ప్రాక్టికల్స్‌ పకడ్బందీగా నిర్వహించాలన్నారు. ప్రయోగశాలలకు అవసరమైన పరికరాలు, కెమికల్స్‌, మెటీరియల్స్‌ ను సక్రమంగా ఉంచుకోవాలన్నారు. మదనపల్లె ఉప విద్యాశాఖ అధికారిగా పద్మావతి మదనపల్లె సిటీ: మదనపల్లె ఉప విద్యాశాఖ అధికారిగా పద్మావతిని నియమిస్తూ డైరెక్టరేట్‌ ఆఫ్‌ స్కూల్‌ ఎడ్యుకేషన్‌ కమిషనర్‌ తమీమ్‌అన్సారియా ఉత్తర్వులు జారీ చేశారు. ఆమె నిమ్మనపల్లె మండల విద్యాశాఖ అఽధికారిగా పని చేస్తున్నారు. ఇన్‌చార్జ్‌ ఉప విద్యాశాఖ అధికారిగా డీఈఓ సుబ్రమణ్యం బాధ్యతలు చూస్తున్నారు. పద్మావతిని రెగ్యులర్‌ ఉప విద్యాశాఖ అధికారిగా నియమించారు. జిల్లాకు 91 మంది నూతన కానిస్టేబుళ్లు మదనపల్లె టౌన్‌: 9 నెలల శిక్షణ పూర్తి చేసుకుని అన్నమయ్య జిల్లాకు కేటాయించబడిన 91 మంది నూతన కానిస్టేబుళ్లకు జిల్లా ఎస్పీ ధీరజ్‌ కునుబిల్లి మదనపల్లెలో సోమవారం దిశానిర్దేశం ఇచ్చారు. ఈ సందర్భంగా ఎస్పీ మాట్లాడుతూ.. ఉన్నత విద్యావంతులు పోలీస్‌ శాఖలోకి రావడం శుభపరిణామమని అన్నారు. ఆధునిక సాంకేతిక పరిజ్ఞానాన్ని అందిపుచ్చుకుని స్మార్ట్‌ పోలీసింగ్‌ చేయాలని పిలుపునిచ్చారు. రాబోయే స్థానిక సంస్థల ఎన్నికల దృష్ట్యా పోలింగ్‌ కేంద్రాల పరిస్థితులు, బందోబస్తు విధులపై పూర్తి అవగాహన పెంచుకోవాలని ఆదేశించారు. ఈ కార్యక్రమంలో అదనపు ఎస్పీ ఎం.వెంకటాద్రి, సీఐలు, ఆర్‌ఐలు, పోలీసు అధికారులు పాల్గొన్నారు. ఆలస్యంగా రైలు ములకలచెరువు: తిరుపతి నుంచి కదిరిదేవరపల్లి ములకలచెరువు మీదుగా వెళ్లే రైలు సోమవారం తెల్లవారు జామున 2.41 గంటలకు రావాల్సివుండగా 5.45 గంటలకు చేరుకుంది. సుమారుగా 2 గంటలకు పైగా ఆలస్యంగా నడిచింది. సాంకేతిక లోపంతో రైలు ఆలస్యంగా నడిచిందని రైల్వే అధికారులు తెలిపారు. దీనితో ప్రయాణికులు ఇబ్బందులు పడ్డారు. గస్తీ ముమ్మరం చేయండి కడప అర్బన్‌: ఎస్పీ షెల్కే నచికేత్‌ విశ్వనాథ్‌ సోమవారం ఉదయం కడప టూ టౌన్‌ పోలీస్‌ స్టేషన్‌ను సందర్శించారు. పోలీస్‌ అధికారులు, సిబ్బందికి పలు సూచనలు చేసి దిశానిర్దేశం చేశారు. మునిసిపల్‌ కార్పొరేషన్‌ ఎన్నికల నేపథ్యంలో జరగనున్న అభ్యర్థుల ప్రచారం ప్రశాంతంగా జరిగేలా చర్యలు తీసుకోవాలని ఆదేశించారు. అలాగే పెద్ద దర్గా ఉరుసు నేపథ్యంలో గట్టి బందోబస్త్‌ ఏర్పాటు చేయాలని, రాత్రి పూట గస్తీ, తనిఖీలు నిర్వహించాలన్నారు. కార్యక్రమంలో కడప డీఎస్పీ టి. భవాని, టూ టౌన్‌ సీఐ శ్రీహరి, ఎస్‌ఐలు కొండారెడ్డి, మధుసూదన్‌ రెడ్డి పాల్గొన్నారు. అవినీతికి పాల్పడే వారిపై ఏసీబీకి ఫిర్యాదు చేయండి కడప సెవెన్‌రోడ్స్‌ : ప్రభుత్వ కార్యాలయాల్లో ఎవరైనా లంచం డిమాండ్‌ చేసినా, అవినీతికి పాల్పడినా ప్రజలు నిర్భయంగా అవినీతి నిరోధక శాఖకు ఫిర్యాదు చేయాలని కలెక్టర్‌ డాక్టర్‌ శ్రీధర్‌ చెరుకూరి సూచించారు. అవినీతి నిరోధక శాఖ (ఏసీబీ) సేవలపై ప్రజలకు అవగాహన కల్పించేందుకు రూపొందించిన ప్రచార పోస్టర్‌ను సోమవారం శ్రీధర్‌ చెరుకూ రి తన క్యాంపు కార్యాలయంలో ఆవిష్కరించారు. ఏసీబీ టోల్‌ఫ్రీ నంబర్‌ 1064తో పాటు, వాట్సాప్‌ నంబర్‌ 94404 40057 ద్వారా కూడా ఫిర్యాదు చేయవచ్చనే విషయంపై ప్రజల్లో విస్తృత అవగాహన కల్పించాలని ఆయన పేర్కొన్నారు. కడప రేంజ్‌ ఏసీబీ ఇన్‌స్పెక్టర్‌ ఎన్‌.వి. నాగరాజు, సంబంధిత శాఖ అధికారులు పాల్గొన్నారు.

సాక్షి, మదనపల్లె : స్థానిక సంస్థల ఎన్నికల్లో పార్టీ నాయకులు, అభ్యర్థులు సమన్వయంతో పని చేయాలని మాజీ మంత్రి, పుంగనూరు ఎమ్మెల్యే పెద్దిరెడ్డి రామచంద్రారెడ్డి తెలిపారు. సోమవారం ఆయన స్థానిక ఎంపీ కార్యాలయంలో పార్టీ నాయకులతో సమావేశమయ్యారు. ఈ సందర్భంగా సమన్వయకర్త నిసార్‌ అహ్మద్‌, మాజీ ఎమ్మెల్యే దేశాయి తిప్పారెడ్డి, పరిశీలకురాలు అనీషారెడ్డి, సీనియర్‌ నాయకులు శ్రీనాథరెడ్డి, సాయిప్రసాద్‌రెడ్డి తదితరులతో పలు అంశాలపై సమీక్షించారు. మదనపల్లి మున్సిపల్‌ ఎన్నికల ప్రచారం, చైర్మన్‌ జింకా చలపతి, కౌన్సిల్‌ అభ్యర్థుల గెలుపునకు తీసుకోవాల్సిన చర్యలపై సమీక్షించారు. ఎన్నికల్లో క్షేత్రస్థాయిలో బలంగా పని చేయాలని, ప్రతి ఓటరును కలిసి ఓట్లు అభ్యర్థించాలని సూచించారు. కార్యకర్తలు, నాయకులు సమష్టిగా పని చేయాలని, నిర్లక్ష్యం వద్దని సూచించారు. జెడ్పీటీసీ, ఎంపీటీసీ ఎన్నికలను ప్రతిష్టాత్మకంగా తీసుకోవాలని కోరారు. అభ్యర్థుల విజయం కోసం స్థానిక నాయకుల నుంచి నియోజకవర్గ నాయకులు సమన్వయం చేసుకొని పని చేయాలని కోరారు. వైఎస్‌ఆర్‌సీపీకి ప్రజల్లో మద్దతు లభిస్తుందని, ప్రభుత్వ వైఫల్యాలు, పథకాల అమలులో మోసం, ప్రజల్లో ప్రభుత్వంపై వ్యతిరేకత ఉందని గుర్తు చేశారు. ఈ పరిస్థితుల్లో అభ్యర్థుల విజయానికి నాయకులు జగనన్న పాలనలో చేపట్టిన సంక్షేమం, అభివృద్ధిని ప్రతిగడపకు వెళ్లి వివరించాలని సూచించారు. తంబళ్లపల్లె, మదనపల్లి నియోజకవర్గాల చెందిన వైఎస్‌ఆర్‌సీపీ నాయకులు, కార్యకర్తలు పెద్దిరెడ్డిని కలిశారు. ఈ సందర్భంగా తమ గ్రామాల్లో అప్రమత్తంగా ఉండి ఎన్నికల్లో విజయం సాధించాలని సూచించారు. నామినేషన్ల ఉపసంహరణ రాగానే ప్రచారంపై దృషి్‌ట్‌ పెట్టాలని, గ్రామస్థాయి కార్యకర్తలతో సమన్వయం చేసుకోవాలని తెలిపారు. కృష్ణారెడ్డికి పరామర్శ దివంగత మాజీ ఎమ్మెల్యే కలిచర్ల ప్రభాకర్‌రెడ్డి ముఖ్య అనుచరుడు, వైఎస్‌ఆర్‌సీపీ సీనియర్‌ నాయకుడు గుడిసె కృష్ణారెడ్డిని సోమవారం మదనపల్లెలోని ఆయన నివాసంలో మాజీ మంత్రి పెద్దిరెడ్డి పరామర్శించారు. వయోభారంతో ఉన్న కృష్ణారెడ్డిని పరామర్శించి యోగక్షేమాలు తెలుసుకున్నారు. ఆయన వెంట పార్టీ నాయకులు, కార్యకర్తలు ఉన్నారు.నేతలకు మాజీ మంత్రి పెద్దిరెడ్డి సూచన

రామసముద్రం : మండలంలోని చెంబకూరు జిల్లా పరిషత్‌ ఉన్నత పాఠశాల విద్యార్థులు వివిధ క్రీడల్లో ప్రతిభ కనబరిచి రాష్ట్ర స్థాయి పోటీలకు ఎంపికయ్యారు. తిరుపతిలోని శ్రీ వెంకటేశ్వర విశ్వవిద్యాలయం క్రీడా మైదానంలో జరిగిన అథ్లెటిక్స్‌ పోటీల్లో పాఠశాల విద్యార్థి తరుణ్‌కుమార్‌ రాజు 100 మీటర్లు, 200 మీటర్ల పరుగు పందెంలో ప్రథమ స్థానంలో నిలిచి రాష్ట్రస్థాయి పోటీలకు ఎంపికయ్యాడు. తిరుపతి జిల్లా నగరి పట్టణంలో జరిగిన హ్యాండ్‌బాల్‌ పోటీల్లో విద్యార్థులు కార్తీక్‌ రాజు, భరత్‌, బద్రీనాథ్‌ ప్రతిభ కనబరిచి రాష్ట్ర స్థాయి పోటీలకు ఎంపికయ్యారు. అలాగే కురబలకోట క్రీడా మైదానంలో జరిగిన ఫుట్‌బాల్‌ పోటీల్లో విద్యార్థినులు వాణిశ్రీ, చైత్ర, పావని ప్రతిభ చూపి రాష్ట్రస్థాయి పోటీలకు ఎంపికయ్యారు. విద్యార్థులను పాఠశాల ప్రధానోపాధ్యాయులు రమేష్‌బాబు, కమిటీ చైర్మన్‌ సోమశేఖర్‌, వ్యాయామ ఉపాధ్యాయులు దిలీప్‌కుమార్‌, మంజులమ్మతో పాటు ఉపాధ్యాయులు అభినందించారు. బాలల హక్కుల పరిరక్షణకు న్యాయ సాయం కడప అర్బన్‌ : బాలల హక్కులను పరిరక్షించడంతోపాటు మానసిక అనారోగ్యంతో బాధపడుతున్న వారు, మేధో వైకల్యాలు కలిగిన వ్యక్తులకు ఉచిత న్యాయ సహాయం అందించేందుకు కృషి చేయాలని జిల్లా న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి ఎస్‌.బాబా ఫక్రుద్దీన్‌ తెలిపారు. రాష్ట్ర న్యాయ సేవాధికార సంస్థ ఆదేశాల మేరకు, కడప జిల్లా న్యాయ సేవాధికార సంస్థ చైర్మన్‌, జిల్లా ప్రధాన న్యాయమూర్తి జి.రామగోపాల్‌ సూచనలతో సోమవారం కడప కోర్టు ఆవరణలోని న్యాయ సేవా సదన్‌లో పిల్లల కోసం న్యాయ సేవా విభాగం (ఎల్‌ఎస్‌యూసీ), మానసిక అనారోగ్యం, మేధో వైకల్యాలు కలిగిన వ్యక్తుల కోసం న్యాయ సేవా విభాగం (ఎల్‌ఎస్‌యూఎం)పనితీరుపై సమీక్ష సమావేశం నిర్వహించారు. ఈ సందర్భంగా జడ్జి ఎస్‌.బాబా ఫక్రుద్దీన్‌ మాట్లాడుతూ ప్రతి చిన్నారి హక్కులను కాపాడటం (ఎల్‌ఎస్‌యూసీ) ప్రధాన లక్ష్యమని పేర్కొన్నారు. బాలలపై హింస, బాల్య వివాహాలు, బాల కార్మిక వ్యవస్థ, లైంగిక వేధింపులు వంటి సమస్యల నుంచి పిల్లలకు రక్షణ కల్పించడంతోపాటు, అనాథ పిల్లల సంరక్షణ, బాల నేరస్తుల పునరావాసానికి అవసరమైన ఉచిత న్యాయ సహాయం అందించడంలో ఈ విభాగం కీలక పాత్ర పోషిస్తుందని వివరించారు. ఈ సమావేశంలో శాశ్వత లోక్‌ అదాలత్‌ చైర్మన్‌ ఎస్‌.ప్రసాద్‌, వివిధ ప్రభుత్వ శాఖల అధికారులు, లీగల్‌ ఎయిడ్‌ డిఫెన్స్‌ కౌన్సిళ్లు పాల్గొన్నారు.

పులివెందుల : వైఎస్సార్‌ కాంగ్రెస్‌ పార్టీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి మంగళవారం పులివెందులకు రానున్నారు. మంగళవారం ఉదయం 9గంటలకు బెంగుళూరు యలహంకలోని తన నివాసం నుంచి రోడ్డు మార్గాన బయలుదేరి 9.20గంటలకు జక్కూర్‌ ఎయిర్‌డ్రోంకు చేరుకుంటారు. అక్కడినుంచి హెలీకాప్టర్‌లో బయలుదేరి 10.20గంటలకు పులివెందులలోని భాకరాపురంలో ఉన్న హెలీప్యాడ్‌ వద్దకు చేరుకుంటారు. అక్కడి నుంచి రోడ్డు మార్గాన 10.35గంటలకు పులివెందులలోని తన క్యాంపు కార్యాలయానికి చేరుకుంటారు. 10.35 గంటల నుంచి సాయంత్రం 6గంటలకు తన క్యాంపు కార్యాలయంలో ప్రజలతో మమేకం కానున్నారు. అనంతరం పులివెందుల్లోని తన నివాసంలో రాత్రి బస చేస్తారు. బుధవారం ఉదయం 8గంటలకు పులివెందులలోని తన నివాసం నుంచి రోడ్డు మార్గాన బయలుదేరి 8.05గంటలకు భాకారపురంలోని హెలీప్యాడ్‌ వద్దకు చేరుకుంటారు. 8.10గంటలకు హెలీకాప్టర్‌ ద్వారా బెంగుళూరులోని హెచ్‌ఏఎల్‌ ఎయిర్‌పోర్ట్‌కు చేరుకుంటారు. 9.20గంటలకు బెంగుళూరులోని హెచ్‌ఏఎల్‌ ఎయిర్‌ పోర్ట్‌ నుంచి విమానంలో విజయవాడ గన్నవరం ఎయిర్‌పోర్ట్‌కు బయలుదేరుతారు. అక్కడ నుంచి విజయవాడలోని తాడేపల్లెలో ఉన్న తన నివాసానికి బయలుదేరుతారు.

గుర్రంకొండ : కారు ఢీకొని వ్యక్తి మృతి చెందిన సంఘటన మండలంలోని చెర్లోపల్లె పంచాయతీ దద్దాలవారిపల్లె గ్రామంలో జరిగింది. పోలీసుల కథనం మేరకు వివరాలు ఇలా ఉన్నాయి. గ్రామానికి చెందిన వట్టికుంట తిరుమలయ్య అనే వ్యక్తి ఆదివారం రాత్రి రోడ్డుపై నడుచుకొంటూ వస్తుండగా.. రాయచోటి నుంచి మదనపల్లె వైపు వెళుతున్న కారు ఢీకొంది. ఈ ప్రమాదంలో తిరుమలయ్యకు తీవ్ర గాయాలయ్యాయి. కుటుంబ సభ్యులు హుటాహుటిన మదనపల్లె ప్రభుత్వాస్పత్రికి తరలించారు. పరిస్థితి విషమంగా మారడంతో వైద్యులు తిరుపతి రుయా ఆస్పత్రికి తీసుకెళ్లాల్సిందిగా సూచించారు. దీంతో బాధితుడ్ని తిరుపతికి తీసుకెళుతుండగా.. మార్గంమధ్యలో మృతి చెందాడు. కేసు నమోదు చేసి, దర్యాప్తు చేస్తున్నట్లు ఎస్‌ఐ రవీంద్రబాబు తెలిపారు. హంద్రీ నీవా కార్యాలయంలోకి ఉడాసాక్షి, మదనపల్లె : అన్నమయ్య జిల్లా పట్టణాభివృద్ధి సంస్థ కార్యాలయాన్ని మార్పు చేశారు. జెడ్పీ అతిథి భవనంలో ఉన్న ఉడా కార్యాలయంలో జిల్లా ప్రజా పరిషత్‌ కార్యాలయాన్ని ప్రారంభించారు. దాంతో ఉడా కార్యాలయానికి హంద్రీనీవా ప్రాజెక్టు సర్కిల్‌–3 కార్యాలయంలో గదులు కేటాయించారు. ఇక్కడికి కార్యాలయాన్ని తరలించి అధికారులు, ఇబ్బంది విధులు నిర్వహిస్తున్నారు. పరుగు పందెంలో సత్తాబి.కొత్తకోట (పెద్దతిప్పసముద్రం) : బి.కొత్తకోటలో టీవీ మెకానిక్‌గా పని చేసే పలుకూరి కాంతరాజ్‌రెడ్డి తెలంగాణ రాష్ట్రంలో జరిగిన 21.1 కిలోమీటర్ల పరుగు పందెంలో పాల్గొని సత్తా చాటాడు. హైదరాబాద్‌లోని ప్రసాద్‌ ఐ మ్యాక్స్‌ సమీపంలోని హెచ్‌ఎండీఏ క్రీడా మైదానంలో జరిగిన ఈ పరుగు పందెంలో మొత్తం 1400 మంది పాల్గొన్నారు. 50 ఏళ్ల వయసు పైబడిన కేటగిరిలో పాల్గొన్న కాంతరాజ్‌రెడ్డి 21.1 కిలోమీటర్ల దూరాన్ని 2 గంటల 3 నిమిషాల్లో అధిగమించి ఆరవ ర్యాంకు సాధించడంతో నిర్వాహకులు అతనికి మెడల్స్‌, పతకాలతో సత్కరించారు. ఎయిడ్స్‌ నియంత్రణే లక్ష్యంమదనపల్లె టౌన్‌ : ఎయిడ్స్‌ నియంత్రణ లక్ష్యాలను సాధించేందుకు అధికారులు సమన్వయంతో పని చేయాలని జిల్లా ఎయిడ్స్‌ నియంత్రణ అధికారి డాక్టర్‌ ఎల్‌.రాధిక సూచించారు. సోమవారం మదనపల్లె జిల్లా ఆసుపత్రిలోని ఏఆర్‌టీ కేంద్రంలో ఐసీటీసీ కౌన్సిలర్లు, ఏఆర్‌టీ సిబ్బంది, ఎన్జీవోలతో సమన్వయ సమావేశం నిర్వహించారు. క్లస్టర్‌ ప్రోగ్రాం అధికారి వేంపల్లి భాస్కర్‌తో కలిసి రాధిక మాట్లాడుతూ 95–95–95 లక్ష్యాల సాధనపై దృష్టి పెట్టాలన్నారు. హైరిస్క్‌ ప్రాంతాల్లో హెచ్‌ఐవీ పరీక్షా శిబిరాలు, అవగాహన కార్యక్రమాలు నిర్వహించాలని తెలిపారు.

నా భర్త ప్రభుత్వ ఉద్యోగి. మాకు ఎలాంటి రేషన్‌ కార్డు లేదు, ప్రభుత్వం నుంచి ఎలాంటి ఉచిత కాలనీ ఇల్లు కూడా రాలేదు. కానీ, నేను ప్రభుత్వ పథకాల ద్వారా లబ్ధిపొందానంటూ అధికారులు నామినేషన్‌ తిరస్కరించడం నన్ను తీవ్ర అవాక్కయ్యేలా చేసింది. కనీస ఆధారాలు లేకుండా, మాకు లేని రేషన్‌ కార్డు ఉన్నట్లు, రాని ఇల్లు వచ్చినట్లు ప్రొసీడింగ్స్‌లో తప్పుడు వివరాలు నమోదు చేసి నామినేషన్‌ను రద్దు చేయడం అన్యాయం. – బుక్కే పీరమ్మ, వైఎస్సార్‌సీపీ ఎంపీటీసీ అభ్యర్థి, ముసలికుంట, పెద్దమండ్యం మండలం

మదనపల్లి (కురబలకోట) : స్థానిక సంస్థల ఎన్నికల సమరంలో వైఎస్సార్‌ సీపీ అభ్యర్థులను అఖండ మెజారిటీతో గెలిపించాలని రాజంపేట ఎంపీ పెద్దిరెడ్డి మిథున్‌ రెడ్డి పిలుపునిచ్చారు. ఆదివారం ఆయన పార్టీ కార్యాలయంలో మాట్లాడుతూ జడ్పీటీసీ, ఎంపీటీసీ అభ్యర్థులు ప్రజల్లోకి వెళ్లి విస్తృతంగా ప్రచారం నిర్వహించాలన్నారు. జగన్‌ పథకాలు జనాదరణ పొందాయన్నారు. ప్రజలు మన పార్టీ వైపు ఉన్నారన్నారు. వాటిని ఓట్లుగా మలచుకుని పార్టీ విజయానికి బాటలు వేయాలన్నారు. కేడర్‌, నాయకులు, కార్యకర్తలు, పార్టీ అభిమానులు కలసి కట్టుగా ఎన్నికల ప్రచారంలో పాల్గొని అభ్యర్థుల విజయానికి కృషి చేయాలన్నారు. ఎంపీటీసీలకు ఎంపీ అభయం నామినేషన్లు తిరస్కరణకు గురై ఆందోళనలో ఉన్న ఎంపీటీసీ అభ్యర్థులకు రాజంపేట ఎంపీ పెద్దిరెడ్డి మిథున్‌ రెడ్డి భరోసా కల్పించారు. ఈ సందర్భంగా తనను కలసిన బాధిత అభ్యర్థులతో ఆయన మాట్లాడుతూ నామినేషన్ల తిరస్కరణతో నిరాశ చెందకుండా ధైర్యంగా ఉండాలన్నారు. నిబంధనల ప్రకారం అందుబాటులో ఉన్న న్యాయపరమైన మార్గాలను అనుసరించి అప్పీల్‌ ప్రక్రియలో న్యాయం జరిగేలా చూస్తానన్నారు.వైఎస్సార్‌ సీపీ శ్రేణులకు ఎంపీ పెద్దిరెడ్డి మిథున్‌రెడ్డి పిలుపు

కడప సిటీ : ఆ ప్రాంగణమంతా ఇసుకేస్తే రాలనంత జనం.. అంతటా ఆధ్యాత్మిక సుగంధం.. అందరి మనసుల నిండా భక్తిభావం.. జిల్లా కేంద్రమైన కడప పెద్ద దర్గా ఆవరణలో ఆదివారం కనిపించిన దృశ్యాలివి. ఉరుసు ఉత్సవాల్లో ప్రధాన ఘట్టమైన గంధోత్సవం ఆదివారం రాత్రి వైభవంగా నిర్వహించారు. హజరత్‌ సూఫీ సర్‌ మస్తాని చిల్లాకష్‌ ఖ్వాజా సయ్యద్‌షా ఆరీఫుల్లా మహమ్మద్‌ మహమ్మదుల్‌ హుసేనీ చిష్టివుల్‌ ఖాద్రీ సాహెబ్‌ ఉరుసు ఉత్సవాల్లో భాగంగా దర్గా పీఠాధిపతి హజరత్‌ సయ్యద్‌షా ఆరీఫుల్లా హుసేనీ సాహెబ్‌ తన నివాసం నుంచి అలంకరించిన గంధం కలశంతో ఫకీర్ల మేళతాళాలు, సాహస విన్యాసాల మధ్య ఊరేగింపుగా దర్గాలోని గురువుల మజార్‌ వద్దకు తరలి వెళ్లారు. గంధం సమర్పించి ఫాతెహా నిర్వహించారు. సినీ దర్శకుడు ఏఆర్‌ రెహ్మాన్‌ గంధోత్సవంలో పాల్గొన్నారు. అలాగే వైఎస్సార్‌ సీపీ అధికార ప్రతినిధి శ్యామల దర్గాను సందర్శించారు. దీక్షలో మలంగ్‌షా : ఈ సందర్బంగా మలంగ్‌షాను పీఠాధిపతి దీక్ష వహింపజేశారు. దర్గా నుంచికడప నగరంలోని పలు ముఖ్య కూడళ్ల మీదుగా వెళ్లిన మలంగ్‌షా, అనుచర బృందం నాగరాజుపేటలోని బాదుల్లాసాహెబ్‌ మకాన్‌కు చేరింది. మకాన్‌ నిర్వాహకులు, స్థానిక భక్తులు వారిని ఘనంగా స్వాగతించారు. సాయంత్రం ఆ బృందం ఊరేగింపుగా తిరిగి దర్గాకు చేరుకుంది. రాత్రి మలంగ్‌షా దర్గా ఆవరణంలోని పీర్లచావిడిలో దీక్ష వహించారు. దర్గా పీఠాధిపతి స్వయంగా వెళ్లి ఆయనకు సంప్రదాయబద్దంగా దీక్ష వహింపజేశారు.

గుర్రంకొండ : మండలంలోని చెర్లోపల్లె గ్రామంలో వెలసిన సంతాన దేవత శ్రీ రెడ్డెమ్మతల్లి ఆలయంలో భక్తుల రద్దీ నెలకొంది. ఆదివారం ఆలయంలో అమ్మవారికి వేకువజామునే పలు రకాల నైవేద్యాలు సమర్పించి విశేష పూజలు, అభిషేకాలు నిర్వహించారు. సంతానాన్ని ప్రసాదించే చల్లని తల్లిగా పేరుపొందిన అమ్మవారి ఆలయానికి ఉదయం నుంచే భక్తుల సందడి మొదలైంది. ఆలయ పరిసరాల్లోని దిగువ తొట్లివారిపల్లెలో అమ్మవారి అర్చకుల కుటుంబీకులు పంపిణీ చేసే ఆకు పసరును సేవించి మహిళలు అమ్మవారి కోనేట్లో పవిత్ర స్నానమాచరించిచారు. తడిబట్టలతోనే అమ్మవారి ఎదుట సంతానం కోసం వరపడ్డారు. కొందరు అమ్మవారికి బంగారు, వెండి, చీరె సారెలతో మొక్కులు చెల్లించుకొన్నారు. మరికొందరు తలనీలాలు సమర్పించి మొక్కులు చెల్లించుకొన్నారు. పలువురు అన్నదాన కార్యక్రమాలు నిర్వహించారు. హిందువులతో పాటు ముస్లింలు పెద్ద ఎత్తున అమ్మవారి ఆలయానికి తరలిరావడం విశేషం. ఆలయానికి విరాళం శ్రీ రెడ్డెమ్మకొండ ఆలయానికి వైఎస్సార్‌ కడప జిల్లా పెండ్లిమర్రి మండలం మాచనూరు గ్రామానికి చెందిన కె.నిత్యానందరెడ్డి రూ.25 వేలు విరాళంగా అందించారు. ఆదివారం ఆలయానికి చేరుకొన్న దాత ఆలయ ఈవో మంజులకు రూ. 25 వేలు విరాళంగా అందజేశారు. ఈ సందర్భంగా ఆలయంలో దాతల పేరిట అమ్మవారికి ప్రత్యేక పూజలు నిర్వహించి తీర్థ ప్రసాదాలను అందజేశారు. అమ్మవారి శేషవస్త్రంతో దాతలను సత్కరించారు. దాతలు అందజేసిన విరాళాన్ని వాల్మీకిపురం ఆంధ్రప్రదేశ్‌ గ్రామీణ బ్యాంకులో జమ చేయనున్నట్లు ఆలయ ఈవో పేర్కొన్నారు. ఆలయ అభివృద్ధికి సహకరిస్తున్న దాతలకు ఆలయ చైర్మన్‌ లంకిపల్లి రాజన్ననాయుడు, ఈవో మంజుల ధన్యవాదాలు తెలియజేశారు.

మదనపల్లె టౌన్‌ : మదనపల్లె మండలం సిటిఎం రోడ్డు గుడిసివారిపల్లె వద్ద ఆదివారం రాత్రి జరిగిన రోడ్డు ప్రమాదం ఓ కుటుంబంలో తీరని శోకాన్ని మిగిల్చింది. ద్విచక్ర వాహనంపై ఇంటికి వెళ్తున్న అదే గ్రామంలోని దుబ్బిగానిపల్లెకు చెందిన రాజ్‌కుమార్‌(30) ను వేగంగా వచ్చిన బొలెరో వాహనం ఢీకొట్టడంతో అక్కడికక్కడే ప్రాణాలు కోల్పోయాడు. రోజంతా కష్టపడి ఇంటికి తిరిగి వస్తుండగా, ఈ ప్రమాదం జరగడం స్థానికులను కలచివేసింది. స్థానికులు వెంటనే తాలూకా పోలీసులకు సమాచారం ఇవ్వగా, వారు ఘటనా స్థలానికి చేరుకుని పంచనామా నిర్వహించి మృతదేహాన్ని మదనపల్లి ప్రభుత్వ ఆసుపత్రి మార్చురీకి తరలించారు. మృతుడు దుబ్బిగానిపల్లె రాజ్‌ కుమార్‌గా గుర్తిస్తున్నారు. కుటుంబ పెద్దను కోల్పోయిన ఆ కుటుంబాన్ని ప్రభుత్వం ఆదుకోవాలని గ్రామస్తులు కోరుతున్నారు. బొలెరో డ్రైవర్‌ పరారీలో ఉన్నాడని, గాలింపు చర్యలు చేపట్టామని పోలీసులు తెలిపారు.

● వార్డుల్లో నిసార్‌ అహ్మద్‌, తిప్పారెడ్డి విస్త్రృత ప్రచారం సాక్షి, మదనపల్లె : వైఎస్సార్‌సీపీ విజయంతోనే మదనపల్లె మున్సిపాలిటీలో అభివృద్ధి సాధ్యమవుతుందని ఆ పార్టీ సమన్వయకర్త నిసార్‌ అహ్మద్‌, మాజీ ఎమ్మెల్యే దేశాయి తిప్పారెడ్డి అన్నారు. ఆదివారం వారు వేర్వేరుగా మున్సిపల్‌ చైర్మన్‌ అభ్యర్థి జింకా వెంకటా చలపతి, వార్డు అభ్యర్థులతో కలిసి విస్త్రృత ప్రచారం నిర్వహించారు. నవంబర్‌ ఒకటిన జరిగే ఎన్నికల్లో ఫ్యాను గుర్తుకు ఓట్లు వేసి గెలిపించాలని ఇంటింటికి వెళ్లి ఓటర్లను కలిసి ప్రచారం చేశారు. ఈ సందర్భంగా వారు మాట్లాడుతూ పట్టణాభివృద్ధి వైఎస్సార్‌సీపీతోనే సాధ్యమని ప్రజలకు వివరించారు. జగనన్న పాలనలో, ఐదేళ్ల కౌన్సిల్‌ పాలనలో పట్టణంలో అభివృద్ధి చేశామని, మౌలిక వసతుల కల్పనకు ప్రాధాన్యత ఇచ్చినట్టు చెప్పారు. కూటమి పాలన వచ్చాక పట్టణంలో ప్రజలకు కనీసం తాగునీటిని ఇవ్వలేదని దుస్థితి నెలకొందని అన్నారు. వైఎస్సార్‌సీపీ కౌన్సిల్‌ పాలనలో నీటి సమస్యలేదన్న విషయాన్ని ప్రజలు గుర్తించాలని కోరారు. 12, 26, 27 వార్డుల్లో అభ్యర్థులు నవాజ్‌ అలీఖాన్‌, థఫిక్‌, ఖాజా హుసేన్‌లతో కలిసి ప్రచారం నిర్వహించిన అనంతరం నిసార్‌ అహ్మద్‌, జింకా చలపతి సీఎస్‌ఐ, ఇమ్యాన్యుయేల్‌, పెంతెకోస్ట్‌ చర్చిలలో జరిగిన ప్రార్థనల్లో పాల్గొనగా పాస్టర్లు ఆశీర్వాదం అందించారు. క్రైస్తవులను కలుసుకుని వారి మద్దతు కోరారు. వార్డుల్లో విస్త్రృత ప్రచారం: మదనపల్లె మున్సిపాలిటీలో వైఎస్‌ఆర్‌సీపీ ఎన్నికల ప్రచారం విస్తృతంగా సాగుతోంది. పార్టీ తరఫున ఖరారైన అభ్యర్థులు తమ వార్డుల్లో ఇంటింటికి తిరుగుతూ ఓటర్లను అభ్యర్థిస్తున్నారు. ఐదేళ్లలో జగనన్న పాలనలో చేపట్టిన అభివృద్ధి, గత మున్సిపల్‌ కౌన్సిల్లో జరిగిన అభివృద్ధిని వివరిస్తూ ప్రచారం చేస్తున్నారు. పట్టణ అభివృద్ధికి, ప్రజలకు మౌలిక వసతుల కల్పనకు కృషి చేస్తామని వైస్సార్‌సీపీ అభ్యర్థులను గెలిపించాలని కోరుతూ కరపత్రాలతో ప్రచారం చేస్తున్నారు. అభ్యర్థులకు మద్దతుగా సమన్వయకర్త నిసార్‌ అహ్మద్‌, మాజీ ఎమ్మెల్యే దేశాయి తిప్పారెడ్డి, మున్సిపల్‌ మాజీ చైర్మన్‌ మనూజ, పార్టీ నేతలు, కార్యకర్తలు వెంట ఉండి ప్రచారంలో పాల్గొంటున్నారు.

కడప రూరల్‌ : జిల్లా వ్యాప్తంగా తెలుగుదేశం పార్టీ ఆగడాలు మితిమీరిపోయాయి. యథేచ్ఛగా దాడులు, విచ్చలవిడిగా దౌర్జన్యాలు సాగుతున్నాయి. అందులోనూ కడప నియోజకవర్గం తెలుగుదేశం పార్టీలో అసమ్మతి, ఆగ్రహం కట్టలు తెంచుకుంటోంది. మరోవైపు వైఎస్సార్‌ కాంగ్రెస్‌ పార్టీకి లభిస్తున్న మద్దతు చూడలేక పోతున్నారు. ఎలాగైనా ఆ పార్టీ నాయకులను అణచి వేయడానికి ఎంతటికై నా తెగిస్తున్నారు. మరోవైపు సొంత పార్టీలోనే తమ్ముళ్లు పార్టీలో జరుగుతున్న పరిణామాల పట్ల తీవ్ర ఆగ్రహం వ్యక్తం చేస్తున్నారు. దీంతో ఎమ్మెల్యే మాధవీరెడ్డి అనుచర వర్గం తీవ్ర అసంతృప్తికి, ఆందోళనకు గురై అరాచకాలకు పాల్పడుతున్నారని అందరూ భావిస్తున్నారు. వైఎస్సార్‌సీపీ ప్రజాదరణ చూసి ఆందోళన మొదటి నుంచి వైఎస్సార్‌ కాంగ్రెస్‌ పార్టీ అంటే ప్రజల్లో అమితమైన ఆదరణ లభిస్తోంది. ఇది గమనించిన కడప టీడీపీ ఎమ్మెల్యే మాధవీరెడ్డి, వారి అనుచర వర్గానికి తమ భవితవ్యంపై ఆందోళన పట్టుకుంది. అందులో భాగంగా ప్రతిపక్ష పార్టీ కార్పొరేటర్‌ అభ్యర్థులను కనీసం నామినేషన్‌ కూడా వేయకుండా బహిరంగంగానే అడ్డుకున్నారు. కర్రలతో దాడులు చేశారు. అందరినీ భయభ్రాంతులకు గురి చేశారు. నామినేషన్‌ తర్వాత వైఎస్సార్‌ కాంగ్రెస్‌ పార్టీ కార్పొరేటర్‌ అభ్యర్థులకు ఎన్నికల ప్రచారంలో స్థానికుల నుంచి కనీవినీ ఎరుగని రీతిలో మద్దతు లభిస్తోంది. ఇది చూసి ఎమ్మెల్యే మాధవీరెడ్డి అనుచరులు, టీడీపీ కార్పొరేటర్‌ అభ్యర్థులు సహించలేక పోతున్నారు. వైఎస్సార్‌సీపీ అభ్యర్థులు బరిలో ఉంటే తమకు పుట్టగతులు ఉండవని ఎమ్మెల్యే మాధవీరెడ్డి అనుచరవర్గం భావిస్తోందన్న వాదన బలంగా వినిపిస్తోంది. అందుకు ఉదాహరణగా ఆదివారం కడప నగరంలోని 41వ డివిజన్‌లో నిర్వహించిన ఎన్నికల ప్రచారంలో మాజీ కార్పొరేటర్‌ షంషీర్‌తోపాటు షేక్‌ అలీఖలీద్‌పై టీడీపీ మూకలు కత్తితో దాడి చేసి తీవ్రంగా గాయపరచడం పెద్ద సంచలనంగా మారింది. గాయపడిన వారిని వైఎస్సార్‌ కాంగ్రెస్‌ పార్టీ జిల్లా అధ్యక్షులు పి.రవీంద్రనాథ్‌రెడ్డి, సీఈసీ సభ్యుడు కె.సురేష్‌బాబు పరామర్శించారు. పార్టీ కార్యకర్తలకు అండగా ఉంటామని భరోసా ఇచ్చారు. టీడీపీ నేతలు సాగిస్తున్న దమనకాండపై తీవ్ర స్థాయిలో విరుచుకుపడ్డారు. ‘సీనియర్ల’కు వెన్నుపోటు కడప తెలుగుదేశం పార్టీ మొదటి నుంచి ఎమ్మెల్యే మాధవీరెడ్డి, ఆ పార్టీ రీజినల్‌ కో ఆర్డినేటర్‌ శ్రీనివాసులురెడ్డి వర్గం ఒకవైపు, పార్టీలో సీనియర్‌ నాయకుల వర్గం మరొక వైపుగా సాగుతోంది. ఎమ్మెల్యే మాధవీరెడ్డి, శ్రీనివాసులురెడ్డి అనుసరిస్తున్న విధానాలపై.. ప్రతి విషయంలోనూ పార్టీలో మొదటి నుంచి ఉన్న సీనియర్‌ నేతలు బహిరంగంగానే దుమ్మెత్తి పోస్తున్నారు. ఈ నేపథ్యంలో వచ్చిన మున్సిపల్‌ కార్పొరేషన్‌ ఎన్నికల నేపథ్యంలో వారి మధ్య ‘పచ్చ’గడ్డి వేస్తే భగ్గుమనేలా వర్గ రాజకీయాలు సాగుతున్నాయి. సీనియర్లు కార్పొరేటర్‌ అభ్యర్థిగా అవకాశం ఇవ్వాలని నెత్తినోరు కొట్టుకుని అభ్యర్థించినా వినే నాథుడే కరువయ్యాడని తమ్ముళ్లు వాపోతున్నారు. సీనియర్‌ నాయకులు ఆలంఖాన్‌పల్లె లక్ష్మిరెడ్డి, హరిప్రసాద్‌, మైనార్టీ నాయకులు అమీర్‌బాబు తదితరులకు ఈ ఎన్నికల్లో మొండిచేయి లభించింది. అలాగే కడప మేయర్‌ అభ్యర్థిగా సువర్ణను ఏకపక్షంగా నిర్ణయించడం పట్ల పార్టీలోని అసంతృప్తి కార్యకర్తలు జీర్ణించుకోలేక పోతున్నారు. కార్యకర్తల మనోభావాలను పరిగణనలోకి తీసుకోకుండా ఎమ్మెల్యే మాధవీరెడ్డి తమకు అనుకూలంగా నిర్ణయాలు తీసుకుని అభ్యర్థులను ప్రకటించుకోవడం పట్ల.. ఆ పార్టీలో అసమ్మతి మంటను మరింతగా రాజేసినట్లయింది. ఈ నేపథ్యంలో మాధవీరెడ్డి అనుచరవర్గం తీవ్ర అసంతృప్తి చెందడంతోపాటు తమ రాజకీయ భవితవ్యంపై ఆందోళన చెంది దాడులకు తెగబడుతున్నారనే ప్రచారం ఆ పార్టీతోపాటు ప్రజల్లో కూడా జోరుగా కొనసాగుతోంది. వైఎస్సార్‌ీసీపీకి లభిస్తున్న మద్దతు ఓర్వలేక అసహనం ఆ పార్టీ కార్యకర్తలపై కత్తిపోట్లు, దాడులు టీడీపీలో సీనియర్లకు ‘పచ్చ’టోపీ ఏకపక్షంగా మేయర్‌గా సువర్ణ అభ్యర్థిత్వంపై తమ్ముళ్ల ఆగ్రహం కడప టీడీపీ నేతల్లో భవితవ్యంపై ఆందోళన మాజీ కార్పొరేటర్‌ను కత్తితో పొడవటం దారుణం వైఎస్సార్‌సీపీ జిల్లా అధ్యక్షుడు పి.రవీంద్రనాథ్‌రెడ్డి కడప కార్పొరేషన్‌ : కడప చరిత్రలో ఇంత దుర్మార్గం ఎప్పుడూ చూడలేదని వైఎస్సార్‌సీపీ జిల్లా అధ్యక్షుడు పి.రవీంద్రనాథ్‌రెడ్డి అన్నారు. ఆదివారం సాయంత్రం టీడీపీ కార్యకర్త దాడిలో కత్తిపోట్లకు గురైన మాజీ కార్పొరేటర్‌ ఎస్‌ఏ షంషీర్‌, షేక్‌ అలీఖలీద్‌లను ఆయన పరామర్శించారు. ఈ సందర్భంగా రవీంద్రనాథ్‌రెడ్డి మాట్లాడుతూ స్థానిక సంస్థల ఎన్నికల్లో రాష్ట్రంలో అరాచకం, విధ్వంసం రాజ్యమేలుతోందన్నారు. ఎక్కడ చూసినా వైఎస్సార్‌సీపీ నాయకులను లక్ష్యంగా చేసుకొని దాడులు చేస్తున్నారని, మున్సిపల్‌ ఎన్నికల నుంచి ఇది మరింత ఎక్కువైందన్నారు. ఎన్నికల్లో నామినేషన్లు వేయనీయకుండా కత్తులతో, కట్టెలతో, రాళ్లతో దాడులు చేయడం దుర్మార్గమన్నారు. అరాచక మూకలను, గంజాయి బ్యాచ్‌ను ప్రోత్సహిస్తున్న టీడీపీకి ప్రజలు తగిన గుణపాఠం చెబుతారని హెచ్చరించారు. ఈ కార్యక్రమంలో మాజీ మేయర్‌ పాకా సురేష్‌, పార్టీ నాయకులు పులి సునీల్‌, షేక్‌ ఉమైర్‌, అక్బర్‌ అలీ, ఏ1 నాగరాజు పాల్గొన్నారు.

కురబలకోట : మదనపల్లి దగ్గర అంగళ్లులోని మిట్స్‌ డీమ్డ్‌ యూనివర్సిటీ ద్వితీయ సంవత్సరం ఎఐ ఎంఎల్‌ బ్రాంచ్‌ విద్యార్థి సాయి ఫణి చరణ్‌ అరుదైన ప్రతిభతో అంతర్జాతీయ గుర్తింపు సాధించారు. తన చూపుడు వేలిపై పుస్తకాన్ని 2 గంటల 9 నిమిషాల పాటు ఆపకుండా తిప్పి ఇంటర్నేషనల్‌ బుక్‌ ఆఫ్‌ రికార్డ్స్‌లో స్థానం సంపాదించారు. 2026 జూలై 6న మదనపల్లిలో నిర్వహించిన ఈ ప్రత్యేక ప్రయత్నంలో గతంలో ఉన్న ఒక గంట 49 నిమిషాల 25 సెకన్ల రికార్డును అధిగమించడం విశేషం. దీంతో లాంగెస్ట్‌ టైమ్‌ టు స్పిన్‌ ఏ బుక్‌ ఆణ్‌ ఇండెక్స్‌ ఫింగర్‌ (19 ఏళ్ల టీనేజర్‌) విభాగంలో రికార్డు సాధించారు. ఏకాగ్రత, పట్టుదల, క్రమశిక్షణకు నిదర్శనంగా నిలిచిన ఈ ఘనతపై యూనివర్సిటీ చాన్స్‌లర్‌ నాదేళ్ల విజయభాస్కర్‌ చౌదరి, ప్రో చాన్స్‌లర్‌ ఎన్‌.ద్వారకనాథ్‌, ఎగ్జిక్యూటివ్‌ డైరెక్టర్‌ కీర్తి నాదేళ్ల ఆదివారం అభినందనలు తెలిపారు. చూపుడు వేలిపై పుస్తకాన్ని తిప్పడంలో దిట్ట 2 గంటల 9 నిమిషాలు తిప్పిన సాయిఫణిచరణ్‌

మదనపల్లె సిటీ : తంబళ్లపల్లె సమీపంలోని ప్రముఖ పుణ్యక్షేత్రమైన మల్లయ్యకొండకు ప్రత్యేక బస్సులు నడపనున్నట్లు ఆర్టీసీ–1 డిపో మేనేజర్‌ మూరే వెంకటరమణారెడ్డి తెలిపారు. సోమవారం మదనపల్లె డిపో నుంచి ఉదయం 6, 6.30 గంటలకు ప్రత్యేక బస్సులు మల్లయ్యకొండకు బయలుదేరుతాయన్నారు. తంబళ్లపల్లె రాగిమాను సర్కిల్‌ నుంచి సాయంత్రం వరకు షటిల్‌ సర్వీసులు నడుస్తాయన్నారు. భక్తులు ఆర్టీసీ బస్సుల్లో ప్రయాణించాలని కోరారు. ● ముగ్గురు నిందితుల అరెస్ట్‌ మదనపల్లె టౌన్‌ : ఎన్నికల నేపథ్యంలో ఆంధ్ర నుంచి కర్ణాటకకు ఏపీ మద్యం అక్రమంగా తరలిస్తున్న ముగ్గురు నిందితులను మదనపల్లి తాలూకా పోలీసులు అరెస్టు చేశారు. తాలూకా సీఐ మహమ్మద్‌ రఫీ ఆదివారం మీడియాకు తెలిపిన వివరాలు ఇలా ఉన్నాయి. మదనపల్లె మండలం నక్కలదిన్నె తండాకు చెందిన మూడే కృష్ణా నాయక్‌ (57), చీకలబైలు గ్రామానికి చెందిన చంద్రశేఖర్‌(40), మంజునాథ్‌(35) కలిసి మొత్తం 147 మద్యం బాటిళ్లు కర్ణాటకకు తరలిస్తుండగా.. చీకలబైలు సరిహద్దు చెక్‌పోస్ట్‌ వద్ద నిర్వహించిన వాహనాల తనిఖీల్లో పట్టుకున్నారు. మద్యం బాటిళ్లు స్వాధీనం చేసుకున్నారు. వారి ముగ్గురిపై కేసు నమోదు చేసి, రిమాండ్‌కు తరలించారు. ఎన్నికల వేళ మద్యం అక్రమ రవాణాను అరికట్టేందుకు సరిహద్దు చెక్‌పోస్టుల వద్ద ముమ్మర తనిఖీలు చేపడుతున్నామని సీఐ తెలిపారు. పుంగనూరు : అత్తమామల వేధింపులతో కోడలు ఉరి వేసుకుని ఆత్మహత్య చేసుకున్న సంఘటన మండలంలోని కుమ్మరగుంటలో శనివారం రాత్రి చోటు చేసుకుంది. పోలీసుల కథనం మేరకు వివరాలిలా ఉన్నాయి. మండలంలోని కుమ్మరగుంటకు చెందిన నరసింహులు భార్య సుష్మ(29)ను తరచు అత్తమామ లు వేధిస్తుండటంతో ఇంట్లో ఉరివేసుకుని మృతి చెందినట్లు తెలిపారు. మృతదేహాన్ని పోలీసులు పోస్టుమార్టం నిమిత్తం తరలించి, కేసు నమోదు చేసి దర్యాప్తు చేస్తున్నారు. వాల్మీకిపురం : స్థానిక పోలీస్‌ స్టేషన్‌లో హోంగార్డుగా పని చేస్తున్న బాబా ప్రసాద్‌ పట్టణంలోని నాయక్‌వీధి రైల్వేగేటు సమీపంలో నివాసం ఉంటున్నాడు. ఆదివారం తెల్లవారుజామున 2:30 గంటల సమయంలో గుర్తు తెలియని ముగ్గురు దుండగులు ముసుగులు ధరించి బాబా ప్రసాద్‌ ఇంట్లో చోరీకి యత్నించే క్రమంలో.. అక్కడ ఉన్న రూ.20 వేల విలువ చేసే సీసీ కెమెరాలను ధ్వంసం చేశారు. ఈ సమయంలో హోంగార్డు ఇంట్లో నిద్రిస్తుండగా శబ్దాలు రావడంతో పక్కంటి వారికి సమాచారం అందించడంతోపాటు లేచి బయటకు వచ్చి ఇంటి ముందు లైట్లను ఆన్‌ చేశాడు. అదే సమయంలో పక్కంటి వారు కూడా లైట్లను ఆన్‌ చేయడంతో అక్కడి నుంచి దుండగులు పరుగులు తీసి పరారయ్యారు. ఇదే వీధిలో రెండు వారాల క్రితం దొంగతనం జరిగింది. నెల క్రితం చింతపర్తిలో సైతం ఒకే రాత్రి రెండు దొంగతనాలు జరిగాయి. ఇక్కడ పాల్పడిన ముగ్గురు దుండగులే వరుస చోరీలకు పాల్పడినట్లు తెలుస్తోందని హోంగార్డు అంటున్నాడు. బాధితుడు స్థానిక ఎస్సై తిప్పేస్వామికి ఫిర్యాదు చేశారు. ఈ మేరకు కేసు నమోదు చేసి దర్యాప్తు చేస్తున్నారు.

రాయచోటి : ఆపస్‌ అన్నమయ్య జిల్లా నూతన కార్యవర్గ ఎన్నికలు ఆదివారం రాయచోటిలో నిర్వహించారు. ఈ కార్యక్రమానికి ముఖ్య అతిథిగా రాష్ట్ర అధ్యక్షుడు శవన్న బాలాజీ హాజరయ్యారు. సంఘం అభివృద్ధికి జిల్లా, మండల స్థాయి నాయకులు సమన్వయంతో పని చేయాలని ఆయన సూచించారు. సంఘం బలోపేతం, ఉపాధ్యాయుల సమస్యల పరిష్కారం, జిల్లా మండల స్థాయిలో సంఘ కార్యకలాపాల విస్తరణ తదితర అంశాలపై నాయకులు చర్చించారు. ఉపాధ్యాయుల హక్కుల పరిరక్షణకు వారి సమస్యలను సంబంధిత అధికారుల దృష్టికి తీసుకెళ్లేందుకు సమష్టిగా కృషి చేయాలని తీర్మానించారు. నూతన కార్యవర్గం జిల్లా గౌరవ అధ్యక్షులు కె.రమణారెడ్డి, జిల్లా అధ్యక్షుడు పరశురాం, ప్రధాన కార్యదర్శి పచ్చార్ల సుధాకర్‌, కోశాధికారి సొరకాయల శ్రీనివాసులు, సహాధ్యక్షుడు కె.వెంకటేష్‌, అదనపు ప్రధాన కార్యదర్శి జి.బాలాజీ, భాస్కర్‌, జిల్లా ఉపాధ్యక్షులు శివశంకర బాలాజీ, నాగులయ్య, రవీంద్ర బాబు, ఓబుల్‌రెడ్డి, ఆర్‌.రామాంజనేయరెడ్డి, వి.సుబ్బారెడ్డి, జిల్లా కార్యదర్శులు రెడ్డి శేఖర్‌, డి.నాగరాజు, ఆర్‌.ఆంజనేయులు, ఈశ్వరయ్య, జిల్లా మీడియా ఇన్‌చార్జ్‌ కళ్యాణ్‌, జిల్లా సేవా ప్రముఖ్‌ కె.నరసింహులు, జిల్లా మహిళా కన్వీనర్‌ బి. పావనీ, జిల్లా కోశాధికారి సొరకాయల శ్రీనివాసులు, జిల్లా సహకోశాధికారి బి. మల్లికార్జునను ఏకగ్రీవంగా ఎన్నుకున్నారు. ఈ కార్యక్రమంలో ఆపస్‌ జిల్లా నాయకులతోపాటు వివిధ మండలాల నాయకులు పాల్గొన్నారు.

పీలేరు రూరల్‌ : అన్నమయ్య జిల్లా పీలేరు వద్ద రైలు కింద పడి ఓ యువకుడు ఆత్మహత్య చేసుకున్న సంఘటన ఆదివారం జరిగింది. సాయంత్రం ముంబయి–నాగర్‌కోయిల్‌ ఎక్స్‌ప్రెస్‌ రైలు కింద పడిన యువకుడి ఆత్మహత్యకు ఆర్థిక ఇబ్బందులతో మనస్తాపానికి గురై ఆత్మహత్యకు పాల్పడినట్లు తెలుస్తోందని హెడ్‌కానిస్టేబుల్‌ బాషా తెలిపారు. కదిరి రైల్వే పోలీసులు కేసు నమోదు చేసి దర్యాప్తు చేస్తున్నట్లు పేర్కొన్నారు. యువకుడిని గుర్తు పట్టిన వ్యక్తులు సెల్‌ నంబర్‌:9133109537కు సమాచారం అందించాలని కోరారు. మదనపల్లె టౌన్‌ : కారు ఢీకొనడంతో ఓ రైతు తీవ్రంగా గాయపడిన ఘటన ఆదివారం రాత్రి గుర్రంకొండ మండలంలో జరిగింది. ఎస్సై రవీంద్ర తెలిపిన వివరాల ప్రకారం.. చెర్లోపల్లి సమీప దద్దాలవారిపల్లెకు చెందిన రైతు తిరుమల చిల్లర అంగడిలో సరుకులు కొనుగోలు చేసి నడుచుకుంటూ ఇంటికి వెళ్తుండగా, చిన్నమండెం వైపు నుంచి బెంగళూరుకు వెళ్తున్న కారు ఢీకొట్టింది. ఈ ప్రమాదంలో తిరుమల తీవ్రంగా గాయపడి కోమాలోకి వెళ్లాడు. కారులో ప్రయాణిస్తున్న చిన్నమండెంకు చెందిన భవ్య శ్రీ, ఎం.ఆర్‌. శర్మలు కూడా గాయపడ్డారు. క్షతగాత్రులను 108 వాహనంలో మదనపల్లి జిల్లా ప్రభుత్వ ఆసుపత్రికి తరలించి చికిత్స అందిస్తున్నారు. పోలీసులు కేసు నమోదు చేసి దర్యాప్తు చేస్తున్నారు.

ప్రొద్దుటూరు : ప్రొద్దుటూరు మండలానికి సంబంధించి వైఎస్సార్‌సీపీ జెడ్పీటీసీ అభ్యర్థులుగా మేరువ ఓబయ్య యాదవ్‌, మచ్చా మధులు శుక్రవారం కడప జెడ్పీ కార్యాలయంలో నామినేషన్లు వేశారు. అనంతరం సాయంత్రం వీరు తిరిగి వస్తుండగా చెన్నూరు సమీపంలో టీడీపీ జెడ్పీటీసీ అభ్యర్థి బచ్చల వీరప్రతాప్‌తోపాటు ప్రొద్దుటూరు మార్కెట్‌ కమిటీ చైర్మన్‌ పట్నం లక్ష్మణ్‌, మరి కొంత మంది కిడ్నాప్‌ చేశారు. కొంత దూరం తర్వాత జెడ్పీటీసీ అభ్యర్థులను కారులో నుంచి దించేసి.. ఓబయ్య యాదవ్‌ ప్రతిపాదకుడు రెడ్డి రాముడు, మధు ప్రతిపాదకుడు పోట్లదుర్తి వెంకటరాముడును తీసుకెళ్లారు. చెన్నూరు మండలానికి సంబంధించిన వైఎస్సార్‌సీపీ నాయకుడు నిరంజన్‌రెడ్డి పోలీసులకు ఫిర్యాదు చేయడంతో.. శుక్రవారం రాత్రి పోలీసులు విడిపించి వారిని ప్రొద్దుటూరు రూరల్‌ పోలీస్‌స్టేషన్‌కు తీసుకొచ్చారు. ఈ సందర్భంగా రెడ్డి రాముడు భార్య ప్రియ, పోట్లదుర్తి వెంకటరాముడు భార్య సునీతను పోలీస్‌స్టేషన్‌కు పిలిపించి ఫ్యామిలీ ఫొటోలు తీసుకున్నారు. మీ భర్తలను మీకు అప్పగించామని పోలీసులు చెప్పారు. పోలీస్‌స్టేషన్‌ నుంచే టీడీపీ నాయకులు, కిడ్నాపర్లు.. వీరిని మళ్లీ తీసుకెళ్లారు. వైఎస్సార్‌సీపీ జెడ్పీటీసీ అభ్యర్థుల నామినేషన్ల ఉప సంహరణ కోసమే వీరిని తీసుకెళ్లిన టీడీపీ నాయకులు బెదిరించి, భయపెట్టి హెచ్చరించినట్లు తెలుస్తోంది. పోటీ నుంచి తప్పించేందుకే కిడ్నాప్‌ చేశారు వైఎస్సార్‌సీపీ జెడ్పీటీసీ అభ్యర్థిగా శుక్రవారం కడపలో నామినేషన్‌ వేశాను. చెన్నూరు దగ్గర మమ్మల్ని కిడ్నాప్‌ చేశారు. మమ్మల్ని వదిలేసిన తర్వాత ప్రతిపాదకుడిని తీసుకెళ్లారు. ఊహించని ఈ సంఘటనతో ఆందోళన చెందాం. – మచ్చా మధు, వైఎస్సార్‌సీపీ జెడ్పీటీసీ అభ్యర్థికిడ్నాపర్లకే మళ్లీ అప్పగించిన పోలీసులు

ప్రొద్దుటూరు : అధికార పార్టీ నేతలకు సాధారణ అధికారులతోపాటు పోలీసులు సైతం సలాం చేసే దుస్థితి ఏర్పడింది. ప్రస్తుతం స్థానిక సంస్థల ఎన్నికల్లో జరుగుతున్న సంఘటనలే ఇందుకు ఉదాహరణ. వైఎస్సార్‌సీపీ అభ్యర్థులు వెళ్లినా వెళ్లకపోయినా నామినేషన్లను తీసివేయడం, అధికార పార్టీ నేతలైతే ఆమోదం తెలపడం జరుగుతోంది. ప్రొద్దుటూరు టీడీపీ అభ్యర్థి నామినేషన్‌పై దుమారం చెలరేగుతోంది. ప్రొద్దుటూరు మండలానికి సంబంధించి టీడీపీ జెడ్పీటీసీ అభ్యర్థిగా బచ్చల వీరప్రతాప్‌ శుక్రవారం కడప జెడ్పీ కార్యాలయంలో నామినేషన్‌ దాఖలు చేశారు. ఈయన మాజీ ఎమ్మెల్సీ బచ్చల పుల్లయ్య తనయుడు. ఎమ్మెల్యే నంద్యాల వరదరాజులరెడ్డి కుమారుడు కొండారెడ్డికి ముఖ్య అనుచరుడిగా ఉన్నారు. ఇదే అభ్యర్థి ప్రొద్దుటూరు మున్సిపల్‌ చైర్మన్‌గా కూడా పోటీ చేశారు. దీంతో ఒకే అభ్యర్థికి ఓటు హక్కు ప్రొద్దుటూరు మున్సిపాలిటీలోనూ, ఇటు ప్రొద్దుటూరు మండలంలోనూ ఎలా ఉంటుందని మేధావులు ప్రశ్నిస్తున్నారు. బచ్చల వీరప్రతాప్‌కు మండలంలోని గోపవరం గ్రామ పంచాయతీ పరిధిలోని రెండో ఎంపీటీసీ ఓటర్ల జాబితాలో వరుస సంఖ్య 4761లో ఈయన పేరు ఓంది. అలాగే ప్రొద్దుటూరు మున్సిపాలిటీ పరిధిలోని 49వ వార్డులో ఓటర్ల జాబితా వరుస సంఖ్య 1229లో ఈయన పేరు ఉంది. ఒకే అభ్యర్థి రెండు చోట్ల వేర్వేరుగా పోటీ చేసే అవకాశం ఉంటుందో అధికారులే చెప్పాలి. ఇప్పటికై నా ఎన్నికల కమిషన్‌ అధికారులు వాస్తవాలను పరిశీలించి చర్యలు తీసుకోవాల్సిన అవసరం ఎంతైనా ఉంది. అసలు విషయం ఏమంటే ప్రొద్దుటూరు మన్సిపల్‌ చైర్మన్‌ స్థానానికి టీడీపీ తరఫున పోటీ చేసిన ఈయన నామినేషన్‌ కూడా చెల్లుబాటు అయిందని అధికారులు ధ్రువీకరించారు. తర్వాత ఆయన తన నామినేషన్‌ ఉపసంహరించుకున్నారు. బచ్చల వీరప్రతాప్‌కు రెండు చోట్ల ఓట్లు ఉన్న విషయాన్ని వైఎస్సార్‌సీపీ జెడ్పీటీసీ అభ్యర్థి మేరువ ఓబయ్య యాదవ్‌ స్క్రూటినీలో శనివారం అధికారులకు ఫిర్యాదు చేశారు.గోపవరం గ్రామ పంచాయతీలో బచ్చల ప్రతాప్‌కు ఓటు హక్కుప్రొద్దుటూరు మున్సిపాలిటీ పరిధిలో బచ్చల ప్రతాప్‌కు ఓటు హక్కు మున్సిపల్‌ చైర్మన్‌గా, జెడ్పీటీసీగా పోటీ చేసిన బచ్చల వీరప్రతాప్‌ ఒకే అభ్యర్థికి రెండో చోట్ల ఓటుపై ఫిర్యాదు అధికార పార్టీకి ఎన్నికల కమిషన్‌ నిబంధనలు వర్తించవా?

ప్రొద్దుటూరు క్రైం : పాలసీబాండు ఇవ్వకుండా నిర్లక్ష్యం వహించి పాలసీదారురాలిని ఇబ్బందులకు గురిచేసిన కొటక్‌ మహీంద్రా లైఫ్‌ ఇన్సూరెన్స్‌ కంపెనీ, కొటక్‌ మహీంద్రా బ్యాంక్‌ లిమిటెడ్‌లకు కడప జిల్లా వినియోదారుల ఫోరం షాక్‌ ఇచ్చింది. ప్రీమియం మొత్తం రూ.2,06,806ను వార్షికంగా 6 శాతం వడ్డీతో కలిపి చెల్లించాలని ఆదేశించింది. బాధితురాలికి మానసిక వేదన, ఒత్తిడికి పరిహారంగా రూ.10 వేలు, కేసు ఖర్చుల కింద మరో రూ.3 వేలు చెల్లించాలని స్పష్టం చేసింది. ప్రొద్దుటూరుకు చెందిన న్యాయవాది సీవీ జయలక్ష్మి ఈ విషయమై వినియోదరారుల కమిషన్‌ను ఆశ్రయించారు. కొటక్‌ మహీంద్రా లైఫ్‌ ఇన్సూరెన్స్‌ కంపెనీ, కొటక్‌ మహీంద్రా బ్యాంక్‌ లిమిటెడ్‌లను ప్రతివాదులుగా పేర్కొంటూ ఫిర్యాదు దాఖలు చేశారు. పాలసీకి సంబంధించిన బాండును అందించకుండా నిర్లక్ష్యం చేయడంతో తాను ఇబ్బందులు ఎదుర్కొన్నట్లు ఫిర్యాదులో పేర్కొన్నారు. ఈ ఫిర్యాదుపై స్పందించిన ఇన్సూరెన్స్‌ కంపెనీ, బ్యాంకు ప్రతినిధులు కమిషన్‌ ఎదుట హాజరై, ఫిర్యాదులోని అంశాలు అవాస్తవమంటూ కౌంటర్‌ దాఖలు చేశారు. ఇరుపక్షాల వాదనలు, అందుబాటులో ఉన్న అంశాలను పరిశీలించిన వినియోగదారుల కమిషన్‌ చైర్మన్‌ టి.అబ్దుల్‌రసూల్‌, సభ్యులు మురళీకృష్ణ, చంద్రవదన్‌.. పాలసీ బాండు అందించడచంలో నిర్లక్ష్యం జరిగినట్లు నిర్ధారించారు. దీంతో ఫిర్యాదును పాక్షికంగా అనుమతిస్తూ, ప్రీమియం మొత్తం రూ.2,06,806పై 2024 జూన్‌ 3 నుంచి చెల్లింపు జరిగే వరకు ఏడాదికి 6 శాతం వడ్డీ చెల్లించాలని ప్రతివాదులు1, 2లను ఆదేశించారు. అదనంగా మానసిక వేదనకు రూ.10 వేలు, ఫిర్యాదు ఖర్చుల కింద రూ.3 వేలు చెల్లించాలని పేర్కొన్నారు. కోర్టు ఉత్తర్వు అందుకున్న తేదీ నుంచి 45 రోజుల్లోగా ఈ మొత్తాలను చెల్లించాలని స్పష్టం చేశారు.చేతికొచ్చిన కుమారుడు బ్లాస్టింగ్‌లో బుగ్గిపాలు బ్రహ్మంగారిమఠం : మండల పరిధి చెంచయ్యగారిపల్లెలోని తెలుగుదేశం పార్టీకి చెందిన యాదవ సామాజిక వర్గానికి చెందిన ఆదిబోయిన గురువయ్య కుమారుడు గురు పవన్‌(22) అల్లూరి సీతారామరాజు జిల్లాలో రోడ్డు బ్లాస్టింగ్‌లో మృతి చెందడంతో.. ఆ కుటుంబంలో విషాదఛాయలు అలుముకున్నాయి. వివరాలు ఇలా ఉన్నాయి. గురు పవన్‌ ఈ మధ్యనే ఎంబీఏ పూర్తి చేసి ఇంటి దగ్గరనే ఉన్నాడు. బి.మఠం మండల పరిషత్‌ మాజీ ఉపాధ్యక్షుడు, చెంచయ్యగారిపల్లెకు చెందిన ముడుమాల పోలిరెడ్డి దగ్గర గురువయ్య కాంట్రాక్టు పనుల్లో ఉంటున్నారు. స్థానిక ఎన్నికల సందర్భంగా పోలిరెడ్డి, గురవయ్యలు ఇంటికి వచ్చారు. గురువయ్య కుమారుడు గురు పవన్‌ను రోడ్డు పనుల కోసం పంపించారు. రోడ్డు పనులు జరుగుతున్న సందర్భంగా శనివారం బ్లాస్టింగ్‌ ఏర్పాటు చేయడంతో ప్రమాదంలో గురు పవన్‌ మృతి చెందాడు. చేతికి వచ్చిన కుమారుడు మృత్యువాత పడటంతో కుటుంబ సభ్యులు విషాదంలో మునిగిపోయారు. గురువయ్య మల్లేపల్లె ఎంపీటీసీ అభ్యర్థిగా తెలుగుదేశం పార్టీ తరఫున ఇటీవల నామినేషన్‌ వేశారు. నేడు ఒంటిమిట్టకు హైకోర్టు జడ్జిఒంటిమిట్ట : ఒంటిమిట్ట శ్రీ కోదండ రామస్వామిని ఏపీ హైకోర్టు జడ్జి జస్టిస్‌ లక్ష్మణరావు ఆదివారం దర్శించుకోనున్నారని ఆలయ టీటీడీ ఏఈవో రవి తెలిపారు. జడ్జికి ఆలయ లాంఛనాలతో స్వాగతం పలికి, స్వామి వారిని దర్శింపజేసి, ప్రత్యేక పూజలు చేయిస్తామని ఆయన పేర్కొన్నారు. ● అల్లూరి జిల్లాలో మండల వాసి మృతి ● చెంచయ్యగారిపల్లెలో విషాద ఛాయలుఇన్సూరెన్స్‌ కంపెనీకి ఫోరం వడ్డింపు

మదనపల్లె టౌన్‌ : కురబలకోట మండలం ముదివేడు క్రాస్‌లోని మద్యం షాపు వద్ద శుక్రవారం రాత్రి రియల్టర్‌పై మూకుమ్మడిగా దాడి జరిగింది. బాధితుడి కథనం మేరకు వివరాలు ఇలా ఉన్నాయి. గౌడసానిపల్లికి చెందిన రవీంద్రబాబు(50) వ్యవసాయంతో పాటు రియల్‌ ఎస్టేట్‌ వ్యాపారం చేస్తుంటారు. అంగళ్లు నుంచి గౌడసానిపల్లికి బైక్‌పై వెళ్తుండగా.. మార్గంమధ్యలోని ముదివేడు క్రాస్‌ మద్యం షాపు సమీపంలో పలువురు అడ్డగించారు. ఆర్థిక లావాదేవీల విషయమై ఇద్దరు మాటలు కలుపుతుండగా.. వెనుక నుంచి మరికొందరు కర్రలతో దాడి చేశారు. ఆ తర్వాత ఏమి జరిగిందో తనకు తెలియలేదని బాధితుడు తెలిపారు. తీవ్ర గాయాలతో కుప్పకూలిన అతన్ని స్థానికులు గమనించి, మదనపల్లె జిల్లా ప్రభుత్వ ఆసుపత్రికి తరలించారు. అత్యవసర విభాగ వైద్యుల చికిత్సతో ప్రాణాపాయం తప్పి కోలుకుంటున్నాడు. దాడికి గల కారణాలను ముదివేడు పోలీసులు వెల్లడించాల్సి ఉంది. పటిష్ట పోలీసు బందోబస్తు మదనపల్లె టౌన్‌ : అన్నమయ్య జిల్లాతోపాటు మదనపల్లె సబ్‌ డివిజన్‌ పరిధిలో జెడ్పీటీసీ, ఎంపీటీసీ నామినేషన్ల ప్రక్రియ ప్రశాంతంగా ముగిసిందని మదనపల్లె అదనపు ఎస్పీ వెంకటాద్రి తెలిపారు. ఆయన మదనపల్లెలో శనివారం మీడియాతో మాట్లాడారు. అన్ని నామినేషన్ల కేంద్రాల వద్ద పటిష్ట పోలీసు బందోబస్తు ఏర్పాటు చేశామని, అభ్యర్థులు, ప్రజలు సహకరించడంతో ప్రక్రియ సజావుగా సాగిందని అన్నారు. ప్రస్తుతం నామినేషన్ల స్క్రూటినీ కూడా ప్రశాంతంగా కొనసాగిందని వెల్లడించారు. ఎన్నికల నియమావళిని ప్రతి ఒక్కరూ పాటించాలని, రాబోయే పోలింగ్‌, కౌంటింగ్‌లను కూడా ప్రశాంత వాతావరణంలో నిర్వహించేందుకు పోలీస్‌ శాఖ అన్ని చర్యలు తీసుకుంటుందని పేర్కొన్నారు. 28న టేబుల్‌ టెన్నిస్‌ పోటీలు కడప ఎడ్యుకేషన్‌ : యోగి వేమన విశ్వవిద్యాలయంలో ఈ నెల 28వ తేదీన అంతర కళాశాలల టీబుల్‌ టెన్నిస్‌ (పురుషులు, మహిళలు) సింగిల్స్‌, డబుల్స్‌ విభాగాలలో పోటీలు నిర్వహిస్తున్నట్లు విశ్వవిద్యాలయ వ్యాయామ విద్య, క్రీడాశాస్త్రాల విభాగాధిపతి ఆచార్య కె.రామసుబ్బారెడ్డి తెలిపారు. ఈ పోటీల్లో పాల్గొనదలచిన క్రీడాకారులు విశ్వవిద్యాలయం అనుబంధ సంస్థలలో చదవుతూ ఉండాలని ఆయన పేర్కొన్నారు. క్రీడాకారుల వయోపరిమితి 17 ఏళ్లకు పైబడి 25 ఏళ్లలోపు ఉండాలని చెప్పారు. మరిన్ని వివరాలకు 9705459052 సెల్‌ నంబరును సంప్రదించాలని సూచించారు.

వైఎస్సార్‌సీపీ హయాంలో నిర్మితమైన పులివెందుల మెడికల్‌ కళాశాల● వైఎస్సార్‌ సీపీ ప్రభుత్వంలో సంక్షేమం పరవళ్లు తొక్కింది.. ప్రగతి పరుగులు తీసింది.. ఇంటి ముంగిటకే వచ్చే సంక్షేమ ఫలాలతో పాలన పండగలా సాగింది. ఊరూరా కొలువుదీరిన సచివాలయాలతో.. ఆర్‌బీకేలతో.. రోడ్లు... విద్యాలయాలు.. వైద్యశాలలు.. వైద్య కళాశాలలు.. తాగునీటి పథకాలతో ఊరంతా ముచ్చటపడింది.. ● కూటమి కొలువుదీరాక సంక్షేమం ఆగింది.. ప్ర‘గతి’పట్టాలు తప్పింది. పింఛన్లలో కోతలతో... గుంతలు తేలిన రోడ్లతో పాలన పడకేసింది. జిల్లాపై కక్షతో నిధులున్నా ఖర్చు చేయని దుస్థితి నెలకొంది. అభివృద్ధి చేయడంలో పాలకుల్లో చిత్తశుద్ధి కరువైంది. వెరసి జిల్లా అభివృద్ధి ఆగింది. ఇదిగో ఈ కథనమే ఇందుకు సాక్ష్యం. జిల్లా ప్రగతిలో...

రాయచోటి : అన్నమయ్య జిల్లా రాయచోటిలో వెలసిన ప్రసిద్ధ పుణ్యక్షేత్రం శ్రీ భద్రకాళి సమేత శ్రీ వీరభద్రస్వామిని హైదరాబాద్‌ పోలీస్‌ కమిషనర్‌ వీసీ సజ్జనార్‌ దర్శించుకున్నారు. శనివారం ఆలయ ప్రాంగణానికి చేరుకున్న ఆయనకు ఆలయ పాలకమండలి చైర్మన్‌, సభ్యులు, అధికారులు పూర్ణకుంభంతో స్వాగతం పలికారు. అనంతరం స్వామివారి సన్నిధిలో ప్రత్యేక అభిషేకాలు, పూజలు నిర్వహించారు. దర్శనం అనంతరం వేదపండితులు స్వామివారి శేషవస్త్రంతో సత్కరించి తీర్థప్రసాదాలు అందజేశారు. ఈ సందర్భంగా ఆలయ ప్రాంగణంలో జరుగుతున్న వివిధ అభివృద్ధి పనులు గురించి తెలుసుకున్నారు. రాయచోటి వీరభద్రస్వామి సజ్జనార్‌కు ఇలవేల్పు దేవుడు కావడం, రాయచోటి అడిషనల్‌ ఎస్పీగా, కడప ఎస్పీగా ఈ ప్రాంత ప్రజలతో అవినాభావ సంబంధం ఉంది. దీంతో రాయచోటి ప్రాంతానికి చెందిన పలువురు అధికారులు, ప్రజా ప్రతినిధులు, పోలీసు అధికారులు వారి సిబ్బంది మర్యాదపూర్వకంగా కలిశారు.

27న 26న ముషాయిరా● భక్తుల కొంగుబంగారంగా నిలుస్తున్న అమీన్‌పీర్‌ (పెద్ద) దర్గా ● కళకళలాడుతున్న కడప నగరం ● పూర్తయిన ఏర్పాట్లు ఉరుసుగంధంనేటి నుంచి పెద్ద దర్గా ఉరుసు కడప సిటీ : దేశంలోనే గొప్ప దర్గాలలో ఒకటిగా ఖ్యాతిగాంచిన కడప అమీన్‌పీర్‌ దర్గా (పెద్ద దర్గా) మొదటి వరుసలో ఉంది. ఆధ్యాత్మిక చింతనకు.....మత సామరస్యానికి ప్రతీకగా నిలుస్తున్న అమీన్‌పీర్‌ దర్గా ఉరుసు మహోత్సవాలు ఆదివారం నుంచి ప్రారంభంకానున్నాయి. ఉరుసు ఉత్సవాలకు దర్గాను సర్వాంగ సుందరంగా తీర్చిదిద్దారు. ఇప్పటికే ఆ ప్రాంతం విద్యుద్దీపశోభతో ఉత్సవ కాంతులను వెదజల్లుతోంది. పలు ప్రాంతాల నుంచి వచ్చిన భక్తులతో దర్గా ప్రాంగణంలో ఆధ్యాత్మిక వాతావరణం ఉట్టిపడుతోంది. ఉత్సవాల్లో భాగంగా ఆదివారం గంధం, సోమవారం ఉరుసు , 29న పీఠాధిపతి నగరోత్సవం నిర్వహించనున్నారు. విలక్షణ సూఫీ ఆధ్యాత్మిక కేంద్రం ఈ దర్గాకు సంబంధించిన ప్రథమ సూఫీ హజరత్‌ ఖ్వాజా సయ్యద్‌షా పీరుల్లా మహమ్మద్‌ చిష్ఠివుల్‌ఖాద్రీ కర్ణాటకలోని బీదర్‌ ప్రాంతం నుంచి 16వ శతాబ్దంలో ఆధ్యాత్మిక బోధనలు చేస్తూ ఈ ప్రాంతానికి వచ్చారు. సూఫీ తత్వాలతో ప్రజల్లో దైవ చింతనను పెంచిన ఈయనకు నాటి కడప నవాబులు ప్రియ శిష్యులుగా ఉండేవారు. ఆయన వారసునిగా ప్రస్తుతం హజరత్‌ ఖ్వాజా సయ్యద్‌షా ఆరీఫుల్లా హుసేనీ సాహెబ్‌ 11వ పీఠాధిపతిగా వ్యవహరిస్తున్నారు. చిన్న వయస్సులోనే అనేక మత గ్రంథాలను అధ్యయనం చేసి ఆధ్యాత్మిక జ్ఞానాన్ని సాధించిన ఈయన శిష్య కోటికి కొంగు బంగారంగా నిలిచారు. దర్గాపై అపార విశ్వాసం గల భక్తులు మన దేశంతోపాటు ఇతర దేశాలలో కూడా ఉన్నారు. ప్రముఖ సినీ ప్రముఖులు ఏఆర్‌ రెహ్మాన్‌ తన కుటుంబంతో ఏడాదికి కనీసం ఆరేడుసార్లు దర్గా గురువుల దర్శనానికి వస్తుంటారు. బాలీవుడ్‌ స్టార్లు అభిషేక్‌ బచ్చన్‌, ఐశ్వర్యబచ్చన్‌, అమీర్‌ఖాన్‌, సల్మాన్‌ఖాన్‌లతోపాటు తెలుగు, తమిళ సినీ ప్రముఖులు కూడా ఈ దర్గాను తరచూ దర్శిస్తుంటారు. ఉత్స వాలకు లక్షలాదిగా భక్తులు తరలిరానున్నారు. 28న 29న

కడప అర్బన్‌ : కడపలోని కేంద్ర కారాగారం, మహిళా ప్రత్యేక కారాగారాలను జిల్లా ప్రధాన న్యాయమూర్తి జి.రామగోపాల్‌ శనివారం తనిఖీ చేశారు. బోర్డ్‌ ఆఫ్‌ విజిటర్స్‌ కమిటీ ఆధ్వర్యంలో కమిటీ సభ్యులు కారాగారాల్లోని ఖైదీల రూమ్‌లు, వంటశాలలు, హాస్పిటల్‌, స్టోర్‌ రూమ్‌, మరుగుదొడ్లు, పారిశుధ్య నిర్వహణ, ఖైదీలకు కల్పిస్తున్న మౌలిక సదుపాయాలను పరిశీలించారు. ఖైదీలు వివిధ వృత్తి నైపుణ్యాల ద్వారా తయారు చేస్తున్న వస్తువులు, వాటి తయారీ ప్రక్రియ, చేపడుతున్న పనులను పరిశీలించి, ఈ కార్యకలాపాల నిర్వహణపై అధికారులతో చర్చించారు. ఈ సందర్భంగా ఖైదీల హక్కుల పరిరక్షణ, మెరుగైన మౌలిక సదుపాయాల కల్పన, పరిశుభ్రమైన వాతావరణం, ఆరోగ్య సంరక్షణ, న్యాయ సహాయం వంటి అంశాలకు ప్రాధాన్యతనిస్తూ, సంబంధిత నిబంధనల ప్రకారం అవసరమైన చర్యలు చేపట్టాలని కమిటీ సూచించింది. ఈ కార్యక్రమంలో సీనియర్‌ సివిల్‌ జడ్జి, డీఎల్‌ఎస్‌ఏ ఎస్‌.బాబా ఫక్రుద్దీన్‌. డీఆర్‌ఓ కె.మల్లికార్జునుడు, డీఎంహెచ్‌ఓ యుగంధర్‌, పీడబ్ల్యూడీ ఎగ్జిక్యూటివ్‌ ఇంజినీర్‌ పి.చెంగలరాయుడు, డీఈఓ డా.ఎస్‌.షంషుద్దీన్‌, డిస్ట్రిక్ట్‌ సోషల్‌ వెల్ఫేర్‌ జాయింట్‌ డైరెక్టర్‌ సి.లక్ష్మినారాయణ, డిస్ట్రిక్ట్‌ ఎంప్లాయిమెంట్‌ ఆఫీసర్‌ ఎ.సురేష్‌ కుమార్‌, డిస్ట్రిక్ట్‌ అగ్రికల్చరల్‌ జాయింట్‌ డైరెక్టర్‌ యం.సుబ్రమణ్యేశ్వరరావు, పురుషుల, ప్రత్యేక మహిళ కారాగారాల సూపరింటెండెంట్‌లు, లీగల్‌ ఎయిడ్‌ డిఫెన్స్‌ కౌన్సిల్స్‌, పారా లీగల్‌ వాలంటరీలు పాల్గొన్నారు.

మండలం ఎంపీటీసీ పేరు చౌడేపల్లి ఎ.కొత్తకోట మేకల కిరణ్‌కుమార్‌ చారాల రమేష్‌ పందిళ్లపల్లి ఎన్‌.నిర్మల చౌడేపల్లి–1 కే.కృష్ణారెడ్డి చౌడేపల్లి–2 జి.లక్ష్మి కాటిపేరి కే.జీవన్‌కుమార్‌ కాగితి సాకే శబరీష్‌ గడ్డవారిపల్లె బి.స్రవంతి దిగువపల్లె కిశోర్‌కుమార్‌ పీలేరు ఒంటిల్లు షేక్‌యాస్మీన్‌ దొడ్డిపల్లె శ్రీధర్‌ ఇందిరమ్మకాలనీ సర్దార్‌బాషా రాయచోటి చెన్నముక్కపల్‌లె–1 కే.రజియాబీ చిన్నమండెం చాకిబండ ఆంజనేయరెడ్డి పడమటికోన ఎ.కాంతమ్మ సంబేపల్లి నాగిరెడ్డిగారిపల్లె వి.నరసింహనాయుడు

వైఎస్సార్సీపీ ప్రభుత్వంలో కడప నగరం అభివృద్ధివైపు పరుగులు పెట్టింది.....రెండేళ్లు కరోనా చుట్టిముట్టినా ప్రగతి ఆగింది లేదు. విశాలమైన రహదారులు ఆధునికత ఉట్టిపడేలా సర్కిల్లు, పార్కులు సుందరంగా నిర్మితమయ్యాయి. బుగ్గవంక రక్షణ కూడా పూర్తయింది. బుగ్గవంకపై లా కాలేజీ, గుర్రాల గడ్డ వద్ద హై లెవెల్‌ వంతెనల నిర్మాణానికి అప్పటి ప్రభుత్వం రూ. 20 కోట్లు మంజూరు చేసింది. కూటమి ప్రభుత్వం అధికారంలోకి వచ్చి 30 నెలలు కావస్తున్నా ఆ రెండు బ్రిడ్జిలు ఎక్కడ వేసిన గొంగళి అక్కడే అన్న చందంగా ఉన్నాయి.... ‘ మా ప్రభుత్వం వస్తే ఆరు నెలల్లో ఆ బ్రిడ్జిలు పూర్తి చేస్తాం’.. అంటూ కడప ఎమ్మెల్యే మాధవి రెడ్డి చెప్పిన మాటలు నీటి మూటలే అయ్యాయి.. –కడప కార్పొరేషన్‌

సదుం: స్థానిక సంస్థల ఎన్నికల్లో నామినేషన్‌ దాఖలు చేసిన వైఎస్సార్‌ సీపీ అభ్యర్థులు విజయమే లక్ష్యంగా పని చేయాలని పార్టీ రీజనల్‌ కో–ఆర్డినేటరు ఎమ్మెల్యే పెద్దిరెడ్డి రామచంద్రా రెడ్డి, ఎంపీ పెద్దిరెడ్డి మిథున్‌ రెడ్డి, తంబళ్లపల్లె ఎమ్మెల్యే ద్వారకనాథరెడ్డి సూచించారు. మండలంలోని ఎర్రాతివారిపల్లెలో ఉన్న వారిని పలువురు నాయకులు శనివారం కలిశారు. ఎన్నికల సంబంధిత అంశాలపై చర్చించారు. అక్రమ కేసులతో వేధిస్తున్న విషయాన్ని వారి దృష్టికి తీసుకుపోయారు. ఆందోళన చెందాల్సిన పని లేదని, తాము అండగా ఉంటామని భరోసా కల్పించారు. వైఎస్సార్‌ సీపీ విజయాన్ని అడ్డుకునేందుకు ప్రభుత్వం కుట్రలు పన్నుతోందని చెప్పారు. ప్రజల మద్దతు పార్టీకే ఉందని స్పష్టం చేశారు. ప్రభుత్వ వైఫల్యాలను ప్రచారంలో తెలియజేయాలన్నారు. కార్యక్రమంలో పెద్దిరెడ్డి సుధీర్‌ రెడ్డి, మాజీ జెడ్పీటీసీ సభ్యుడు సోమశేఖర్‌ రెడ్డి, వేణుగోపాల్‌ రెడ్డి, సుబ్రమణ్యం రెడ్డి, నారాయణ రెడ్డి, రమేశ్‌, ప్రసన్నకుమార్‌ రెడ్డి, ధనశేఖర్‌ రెడ్డి, ఇంద్రసేనా తదితరులు పాల్గొన్నారు.

మదనపల్లె టౌన్‌ : అన్నమయ్య జిల్లా కేంద్రమైన మదనపల్లెలోని జెడ్పీటీసీ నామినేషన్ల కేంద్రాన్ని డీఐజీ డాక్టర్‌ కోయ ప్రవీణ్‌ శుక్రవారం పరిశీలించారు. నిమ్మనపల్లి రోడ్డులోని జీఎంఆర్‌ ప్రభుత్వ మోడల్‌ రెసిడెన్షియల్‌ పాలిటెక్నిక్‌ కళాశాలలో ఏర్పాటు చేసిన కేంద్రంలో మూడో రోజు 25 మండలాల నుంచి వివిధ పార్టీల అభ్యర్థులు నామినేషన్లు దాఖలు చేస్తున్నారని.. ఎలాంటి గొడవలు, అవాంఛనీయ ఘటనలు జరగకుండా కట్టుదిట్టమైన బందోబస్తు చేపట్టాలని జిల్లా ఎస్పీ ధీరజ్‌ కునుబిల్లిని ఆదేశించారు. అక్కడ విధులు నిర్వహిస్తున్న సీఐ మధు, ఎస్‌ఐలు రామకృష్ణారెడ్డి, రహీముల్లా, సిబ్బంది పనితీరుపై సంతృప్తి వ్యక్తం చేశారు. ప్రశాంతంగా నామినేషన్లుమదనపల్లె టౌన్‌ : అన్నమయ్య జిల్లా వ్యాప్తంగా ఎంపీటీసీ, జెడ్పీటీసీ ఎన్నికల నామినేషన్ల ప్రక్రియ ప్రశాంతంగా ముగిసిందని ఎస్పీ ధీరజ్‌ కునుబిల్లి తెలిపారు. జిల్లాలో మొత్తం 1,458 ఎంపీటీసీ నామినేషన్లు, 252 జెడ్పీటీసీ నామినేషన్లు దాఖలయ్యాయని పేర్కొన్నారు. ఎక్కడా అవాంఛనీయ ఘటనలు, శాంతిభద్రతల సమస్యలు లేకుండా ప్రక్రియ సజావుగా సాగిందన్నారు. వాట్సాప్‌, ఈమెయిల్‌, ఎలక్షన్‌ సెల్‌ ద్వారా 77 ఫిర్యాదులు అందాయని, వాటిపై ఎస్‌హెచ్‌వోలు వెంటనే స్పందించి పరిష్కరించారని తెలిపారు. అందులో 28 మంది అభ్యర్థులకు పోలీసులు దగ్గరుండి సురక్షితంగా నామినేషన్లు వేసేలా ఏర్పాట్లు చేశారన్నారు. కురబలకోటలో అడ్డంకులు● వైఎస్‌ఆర్‌సీపీ అభ్యర్థుల వెంట పడిన టీడీపీ గూండాలు ● ఉరుకు పరుగులతో నామినేషన్‌ కేంద్రంలోకి.. కురబలకోట : కురబలకోట మండలంలో నామినేషన్ల పర్వం చివరి రోజు శుక్రవారం ఉత్కంఠ మధ్య సాగింది. పోలీసులు సహకరించినా టీడీపీ శ్రేణులు అడుగడుగునా అడ్డుతగిలారు. వైఎస్సార్‌సీపీ అభ్యర్థులు నామినేషన్లు వేయడానికి నానా తంటాలు పడ్డారు. టీడీపీ శ్రేణుల అడ్డంకులను తప్పించుకుని నామినేషన్‌ కేంద్రానికి చేరుకునే క్రమంలో ఉరుకులు.. పరుగులు పెట్టారు. పిచ్చలవాండ్లపల్లి వైఎస్సార్‌సీపీ అభ్యర్థి దయ్యాల లలితతోపాటు ఆ గ్రామ నాయకులు వసంతరెడ్డి, కేశవరెడ్డి, రెడ్డిశేఖర్‌ రెడ్డి నామినేషన్‌ వేసేందుకు వస్తుండగా టీడీపీ మూకలు ఉన్నపాటున వారి వెంట పడ్డారు. నామినేషన్‌ కేంద్రానికి వెళ్లకుండా అడుగడుగునా అడ్డుతగిలారు. టీడీపీ శ్రేణుల ప్రతిబంధకాలను తప్పించుకుంటూ పరుగు పరుగున నామినేషన్‌ కేంద్రానికి చేరుకున్నారు. భయానక పరిస్థితిలో వారు గసపోసుకుంటూ వచ్చి నామినేషన్‌ వేయడం ఎన్నికల ప్రక్రియలో ఉన్న వారిని సైతం ఆందోళనకు గురిచేసింది. ఇది సినీ సన్నివేశాన్ని తలపింపజేసింది. అప్పటికి కొందరి నామినేషన్‌ పత్రాలను టీడీపీ శ్రేణులు చించివేశారు. నామినేషన్లు స్వేచ్ఛగా వేయడానికి పోలీసులు టీడీపీ శ్రేణులను నిలువరించడానికి లాఠీ చార్జి కూడా చేశారు. ఎట్టకేలకు మండలంలోని 12 స్థానాలకు వైఎస్సార్‌ సీపీ అభ్యర్థులు నామినేషన్లు వేశారు.

సాక్షి, మదనపల్లె : మదనపల్లె అభివృద్ధికి వైఎస్సార్‌సీపీ చిత్తశుద్ధితో పని చేసింది, జగనన్న పాలనలో జరిగిన అభివృద్ధి మీ కళ్ల ముందే కనిపిస్తోంది, మదనపల్లె ప్రజలు విజ్ఞత ప్రదర్శించి ఎన్నికల్లో వైఎస్సార్‌సీపీ చైర్మన్‌, వార్డు అభ్యర్థులను గెలిపించాలని రాజంపేట ఎంపీ పెద్దిరెడ్డి వెంకట మిథున్‌రెడ్డి కోరారు. శుక్రవారం స్థానిక దేశాయి ఫంక్షన్‌ హాల్‌లో మున్సిపల్‌ ఎన్నికలపై పార్టీ నాయకులు, కార్యకర్తలతో నిర్వహించిన సమావేశంలో ఆయన మాట్లాడారు. మదనపల్లె అభివృద్ధి కోసం కేంద్రీయ విద్యాలయం, రూ.475 కోట్లతో మెడికల్‌ కళాశాల, జాతీయ రహదారుల అభివృద్ధి, విద్యా విద్య రంగాల్లో అభివృద్ధి, బీటీ కళాశాలను యూనివర్సిటీగా చేశామన్నారు. పేదలకు ఇళ్ల స్థలాలు, మున్సిపాలిటీలో ఐదేళ్లలో రూ.200 కోట్లతో అభివృద్ధి, ప్రభుత్వ సంక్షేమ పథకాల అమలు జరిగిందన్నారు. ఈ క్రమంలో పేదలకు కార్పొరేట్‌ వైద్యం అందకుండా చంద్రబాబు మెడికల్‌ కళాశాల పనులు ఆపించి, ప్రైవేటుకు అప్పగించేందుకు ప్రయత్నించారన్నారు. బీటీ కళాశాలను తమ ప్రభుత్వంలో స్వాధీనం చేసుకొని విద్యాభివృద్ధికి కృషి చేస్తే.. చంద్రబాబు ప్రభుత్వం విస్మరించిందన్నారు. పుంగనూరు తరహాలో వైఎస్సార్‌సీపీ అభ్యర్థులు నామినేషన్‌ వేయకుండా దాడులు చేయడం, అక్రమ కేసులు పెట్టి వేధిస్తే భయపడేది లేదని స్పష్టం చేశారు. రాష్ట్రంలో అధికార దుర్వినియోగం జరుగుతోందని, ప్రజలను భయభ్రాంతులకు గురి చేస్తున్నారని అన్నారు. ఎన్నికల ఘటనలపై సుప్రీంకోర్టు స్పందించాల్సి వచ్చిందంటే పరిస్థితులు ఎంత దారుణంగా ఉన్నాయో అర్థం చేసుకోవచ్చన్నారు. ప్రభుత్వం అధికార దుర్వినియోగంతో కాకుండా ప్రజల్లోకి వెళ్లి ఓటర్ల మద్దతుతో సాధించేదే నిజమైన విజయమని అన్నారు. పార్టీ వార్డు అభ్యర్థులు, పాత వార్డుల మాజీ కౌన్సిలర్లు, నాయకులు సమన్వయంతో ప్రచారం నిర్వహించాలని సూచించారు. ప్రభుత్వంపై ప్రజల్లో వ్యతిరేకత తీవ్రంగా ఉందని, పార్టీ ప్రచారం ఇంటింటికి చేరాలని సూచన చేశారు. ప్రజల మద్దతు కోల్పోయిన కూటమి మాజీ ఎమ్మెల్యే దేశాయి తిప్పారెడ్డి, సమన్వయకర్త నిసార్‌ అహ్మద్‌, మాజీ ఎమ్మెల్సీ నరేష్‌ కుమార్‌రెడ్డి మాట్లాడుతూ ప్రజా వ్యతిరేక పాలనతో కూటమి ప్రభుత్వం ప్రజల మద్దతు కోల్పోయిందని అన్నారు. పార్టీకి అనుభవం కలిగిన నేతలు ఉన్నారని, వారి దిశా నిర్దేశంలో మదనపల్లిలో విజయం సాధించాలన్నారు. పార్టీ పరిశీలకురాలు ఎన్‌.అనీషారెడ్డి మాట్లాడుతూ ఎన్నికల నిబంధనల మేరకు అభ్యర్థులు, ఏజెంట్లు పని చేయాలన్నారు. సమష్టిగా కృషి చేస్తే విజయం చైర్మన్‌ అభ్యర్థి జింకా వెంకట చలపతి మాట్లాడుతూ పార్టీ చైర్మన్‌ అభ్యర్థిగా అవకాశం ఇచ్చినందుకు కృతజ్ఞతలు చెప్పారు. పోలింగ్‌ రోజు ఎన్నికల ఏజెంట్ల పాత్ర కీలకమని, సమష్టిగా కృషి చేస్తే విజయం తథ్యమన్నారు. మున్సిపల్‌ మాజీ చైర్మన్‌ మనుజా, మాజీ వైస్‌ చైర్మన్‌ నూర్‌ ఆజం, మేధావుల ఫోరం రాష్ట్ర కార్యదర్శి విఎస్‌.రెడ్డి తదితరులు ఎన్నికల సన్నాహాలు, వార్డుల వారీగా సమన్వయం, పోలింగ్‌కు సంబంధించిన జాగ్రత్తలపై సూచనలు అందించారు. ఈ సమావేశంలో 48 వార్డులకు చెందిన అభ్యర్థులు, ఏజెంట్లు, నాయకులు, కార్యకర్తలు పాల్గొన్నారు. అభివృద్ధి చేసింది ఎవరో గుర్తించాలి వైఎస్సార్‌సీపీని ఎవరూ భయపెట్టలేరు రాజంపేట ఎంపీ మిథున్‌రెడ్డి

● కొనసాగిన పచ్చమూక గూండాగిరీ ● వైఎస్‌ఆర్‌సీపీ శ్రేణులను అడుగడుగునా అడ్డగింత ● టీడీపీ నేతలకే వత్తాసు పలికిన పోలీసులుఅధర్మాన నిలిచిన టీడీపీ మూకలు అదే దౌర్జన్యకాండను కొనసాగించాయి.. వైఎస్‌ఆర్‌సీపీ శ్రేణులను అడుగడుగునా అడ్డగించాయి.. నామినేషన్‌ వేయకుండా ప్రతిఘటించాయి.. రాజ్యాంగ హక్కును కాలరాశాయి.. అరాచక శక్తుల ఆటకట్టించాల్సిన ఖాకీలు టీడీపీ గూండాగిరీకి సలాం చేశారు.. అన్యాయం అని తెలిసీ వారికి తలొగ్గారు.. ఉన్నతాధికారుల క్షేత్రస్థాయి పరిశీలన తూతూ మంత్రంగా సాగింది.. దీంతో.. తెలుగుదేశం నాయకులు మనల్ని ఎవడ్రా ఆపేది అంటూ ఊగిపోయారు.. దాడులతో రౌడీరాజ్యం తలపించారు.. సాక్షి, మదనపల్లె: మేం నామినేషన్లు వేయిస్తాం, అభ్యర్థులకు భద్రత కల్పిస్తామని పోలీస్‌ శాఖ చేసిన ప్రచారం మంత్రి మండిపల్లి రాంప్రసాద్‌ రెడ్డి, ఎమ్మెల్యే కిశోర్‌ కుమార్‌ రెడ్డి ఇలాఖాలు రాయచోటి, పీలేరు నియోజకవర్గాల్లో ఇవి మచ్చుకై నా అమలు కాలేదు. ఇదే సందర్భంలో శుక్రవారం ఎస్పీ ధీరజ్‌ కునుబల్లి, జాయింట్‌ కలెక్టర్‌ శివ్‌ నారాయణ్‌ శర్మ ఈ రెండు నియోజకవర్గాల్లో పర్యటించినప్పటికీ గత రెండు రోజులుగా నెలకొన్న పరిస్థితులే నామినేషన్ల చివరి రోజు శుక్రవారం కూడా నెలకొంది. టీడీపీ మూకల దాడులు, నామినేషన్‌ పత్రాలు లాక్కోవడం జరిగాయి. మేం నామినేషన్లు వేసుకోవాలి, టీడీపీ నేతలు అడ్డుపడుతున్నారంటూ వేడుకున్న వాల్మీకిపురం వైఎస్‌ఆర్‌సీపీ నాయకులకు పోలీసులు లాఠీ రుచి చూపించారు. సహకరించమంటే లాఠీచార్జి పీలేరు నియోజకవర్గం వాల్మీకిపురంలో వైఎస్సార్‌ సీపీ అభ్యర్థులు నామినేషన్లు వేసేందుకు వస్తుంటే అడ్డుకుంటున్నారని ఆ పార్టీ నేతలు పోలీసుల దృష్టికి తీసుకెళ్లారు. వారి నుంచి సరైన సహకారం లభించలేదు. దీన్ని నిరసిస్తూ గాంధీ విగ్రహం వద్ద రోడ్డుపై రాస్తారోకో నిర్వహించారు. మాజీ ఎమ్మెల్యే చింతల రామచంద్రా రెడ్డి తనయుడు, పార్టీ నాయకులు సాయి కృష్ణారెడ్డి, నేతలు, కార్యకర్తలతో కలిసి రాస్తారోకో నిర్వహించారు. దీన్ని జీర్ణించుకోలేని పోలీసులు లాఠీచార్జితో చెదరగొట్టారు. పార్టీ నేతలు సాయి కృష్ణారెడ్డి, కేశవరెడ్డి, శివారెడ్డిలను పోలీసులు అదుపులోకి తీసుకొని పోలీస్‌ స్టేషన్‌ తరలించి సాయంత్రం విడుదల చేశారు. అభ్యర్థులపై దాడులు .. రాయచోటి నియోజకవర్గంలో నామినేషన్లు వేసేందుకు వస్తున్న వైఎస్సార్‌సీపీ అభ్యర్థులపై టీడీపీ శ్రేణులు దాడులకు పాల్పడ్డాయి. గాలివీడు మండలం అరవీడు, గోరాన్‌ చెరువు నుంచి మహిళా అభ్యర్థులు ఆటోలో వస్తుండగా దాడి చేసి ఆటో ధ్వంసం చేశారు. నామినేషన్లను లాక్కొని వెళ్లారు. సంబేపల్లి మండలం దేవపట్ల నుంచి వస్తున్న వైఎస్‌ఆర్‌సీపీ అభ్యర్థులను కొట్టి నామినేషన్‌ పత్రాలను లాక్కొని పోయారు. కురబలకోటలో.. తంబళ్లపల్లె నియోజకవర్గం కురబలకోటలో నామినేషన్లు వేసేందుకు వస్తున్న వైఎస్‌ఆర్‌సీపీ అభ్యర్థులపై టీడీపీ శ్రేణులు వెంటపడి దాడులకు పాల్పడ్డాయి. నామినేషన్లు వేసేందుకు కార్యాలయంలోకి వెళ్తుండగా అడ్డుకొని దాడి చేశాయి. అయినా అడ్డంకులే .. నామినేషన్లు వేయిస్తామని ఎస్పీ స్వయంగా చెప్పినప్పటికీ పీలేరు నియోజకవర్గంలో పోలీసులు ఎస్పీ ఆదేశాలు ఖాతరు చేయలేదు. పీలేరు, కెవి.పల్లె, కలికిరి, వాయల్పాడులో నామినేషన్ల దాఖలుకు టీడీపీ అడుగడుగునా అడ్డుపడింది. దీంతో వైఎస్‌ఆర్‌సీపీ అభ్యర్థులు నామినేషన్లు దాఖలు చేయలేకపోయారు. తంబళ్లపల్లె నియోజకవర్గం ములకలచెరువులో నామినేషన్లు వేసేందుకు వైఎస్‌ఆర్‌సీపీ అభ్యర్థులు కేంద్రంలోకి వెళ్లినా వాటిని సమర్పించలేకపోయారు. కార్యాలయం వద్ద తిష్ట వేసిన టీడీపీ నాయకులు నామినేషన్‌ పత్రాలను లాక్కున్నారు. కిడ్నాప్‌, విడుదల.. పొన్నూరు నియోజకవర్గం రొంపిచర్ల లో వైఎస్‌ఆర్‌సీపీ నేత శివకుమార్‌ ను టీడీపీ నేతలు కిడ్నాప్‌ చేశారు. ఎన్నికలకు దూరం చేయాలన్న లక్ష్యంతో ఆయన్ను పెళ్లికోనంగుడి వద్ద కిడ్నాప్‌ చేసి సాయంత్రం ఐదు గంటల తర్వాత విడిచిపెట్టారు. అలాగే మోటుమల్లెల నుంచి నామినేషన్‌ పత్రాలతో వస్తున్న రెడ్డమ్మ నుంచి టీడీపీ మూకలు పత్రాలను లాక్కున్నారు. వైఎస్సార్‌సీపీ పేరుతో నామినేషన్లు.. పుంగనూరు నియోజవర్గం చౌడేపల్లిలో, పీలేరు నియోజకవర్గ పీలేరు, వాయల్పాడులో వైఎస్‌ఆర్‌సీపీ పేరిట దాఖలైన నామినేషన్ల పై ఆ పార్టీ నాయకులు అనుమానాలు వ్యక్తం చేస్తున్నారు. తమ పార్టీ పేరిట నామినేషన్లు దాఖలు చేసి మోసానికి పాల్పడుతున్నారని చెబుతున్నారు. అన్ని పార్టీల నామినేషన్లలో సరైన నిష్పత్తిలో ఉండాల్సి ఉన్నందున ఇలా బోగస్‌ పేర్లతో పార్టీ పేరిట నామినేషన్లు దాఖలు చేశారని అనుమానిస్తున్నారు. సాక్షి, మదనపల్లె: తాను ఎంపీటీసీ అభ్యర్థినంటూ శుక్రవారం మదనపల్లె రూరల్‌ మండలం సీటీఎం–1 స్థానానికి నామినేషన్‌ వేసేందుకు 70 ఏళ్లు పైబడిన ఉత్తమ్మ అనే వృద్ధురాలు మదనపల్లె నామినేషన్‌ కేంద్రానికి ఇద్దరు వ్యక్తుల సాయంతో వచ్చి ఆశ్చర్యానికి గురిచేసింది. ఎంపీటీసీ స్థానం జనరల్‌ మహిళకు కేటాయించడంతో తాను జనసేన తరఫున నామినేషన్‌ వేసేందుకు వచ్చానని ఉత్తమ్మ చెప్పింది. ఇద్దరు సహాయకులు ఆమెను ఆటోలో తీసుకొని మదనపల్లె నామినేషన్‌ కార్యాలయానికి వచ్చారు. ఇది చూసి పలువురు నడవలేని స్థితిలో, నడుము వంగిపోయి, ఇద్దరు సహాయకులతో వచ్చిన ఉత్తమ్మ ఈ వయసులో ప్రజాక్షేత్రంలో పోటీనా అంటూ అందరూ ఆశ్చర్యపోయారు.

కేవీపల్లె : ఎనిమిదేళ్ల బాలుడిపై లైంగిక దాడి, హత్య చేసిన ఘటనలో నిందితుడికి జీవిత ఖైదు విధిస్తూ చిత్తూరు పోక్సో ప్రత్యేక కోర్టు న్యాయమూర్తి అరుణసారిక తీర్పు చెప్పినట్లు ఎస్‌ఐ వెంకటశివకుమార్‌ తెలిపారు. వివరాలిలా వున్నాయి. 2021 అక్టోబర్‌ 12న మండలంలోని ఎంవీపల్లె పంచాయతీ ఎగువమేకలవారిపల్లెకు చెందిన ఎనిమిదేళ్ల బాలుడు అదృశ్యమైనట్లు కేవీపల్లె పోలీస్‌ స్టేషన్‌లో అప్పటి ఎస్‌ఐ బాలకృష్ణ కేసు నమోదు చేశారు. దర్యాప్తు చేపట్టిన పోలీసులు గ్రామ సమీపంలో బొప్పాయి తోటలో బాలుడి మృతదేహాన్ని గుర్తించారు. అదే గ్రామానికి చెందిన కాకులారం నందకుమార్‌రెడ్డి అలియాస్‌ ఉదయ్‌(20) బాలుడిని తోటలోకి తీసుకెళ్లి లైంగిక దాడికి పాల్పడి.. అనంతరం విషయం ఎక్కడ బయటపడుతుందోనని టవల్‌తో గొంతు నులిమి హత్య చేసినట్లు నిర్ధారణ అయింది. నేరం రుజువు కావడంతో నిందితుడికి జీవితఖైదుతోపాటు వివిధ సెక్షన్ల కింద రూ.13 వేలు జరిమానా విధిస్తూ జడ్జి తీర్పు ఇచ్చారు. కేసు దర్యాప్తులో కీలకంగా వ్యవహరించిన పోలీస్‌ అధికారులను, సిబ్బంది జిల్లా ఎస్పీ ధీరజ్‌ కునుబిల్లి అభినందించారు.

● సుప్రీం కోర్టు షాక్‌తో ‘పచ్చ’ ఖాకీల నయా కస్టమర్‌ కేర్‌ సర్వీస్‌ ● అన్నమయ్య జిల్లాలో పచ్చయంత్రాంగం ఆడిన సరికొత్త నాటకం ● కోర్టుకు అంతా సవ్యంగా జరిగింది అని రికార్డులు సమర్పించడానికి తంటాలు సాక్షి, మదనపల్లె: అధికార కూటమి రాజ్యంలో అంతా మాయ.. అంతా వింత! స్థానిక సంస్థల ఎన్నికల నామినేషన్ల ప్రక్రియలో శుక్రవారం నాడు కళ్లముందు సాగిన హై–వోల్టేజ్‌ డ్రామా చూస్తే సాక్షాత్తూ ఆ బ్రహ్మదేవుడైనా ముక్కున వేలేసుకోవాల్సిందే! ఈ నెల 16న మున్సిపల్‌ ఎన్నికల ముహూర్తం కుదిరినప్పటి నుంచి, నిన్న మొన్నటి జడ్పీటీసీ, ఎంపీటీసీ నామినేషన్ల దాకా జిల్లాలోని ప్రతి కేంద్రం ఒక కౌబాయ్‌ సినిమాను తలపించింది. వైఎస్సార్‌సీపీ అభ్యర్థులు నామినేషన్లు వేయడానికి వస్తే చాలు.. పోలీసులు తమ అపూర్వమైన ‘నిఘా నేత్రాలను’ మూసేసుకునేవారు, అదే సమయంలో పచ్చ తమ్ముళ్లు కట్టెలు, రాళ్లు, సోడా సీసాలతో వచ్చి అభ్యర్థుల తాళులు తెంపి, బట్టలు లాగి, హత్యాప్రయత్నాలు చేస్తూ అత్యంత శాంతియుతంగా నామినేషన్‌ పత్రాలను గాల్లోకి విసిరి జల్లెడ పట్టేవారు. మా నామినేషన్లు స్వీకరించండి మహాప్రభో అంటూ కాళ్లా వేళ్లా పడి వేడుకున్నా కనికరించని వ్యవస్థలు.. ఢిల్లీ నుంచి సుప్రీంకోర్టు కొరడా దెబ్బలు తగలగానే ఒక్కసారిగా ఐస్‌క్రీమ్‌లా కరిగిపోయాయి. అయితే ఏమండీ.. ‘డామిట్‌.. కథ అడ్డం తిరిగింది!’ అన్న చందంగా శుక్రవారం నాడు సీన్‌ మొత్తం ఉల్టా పుల్టా అయిపోయింది. నిన్నటివరకు వైఎస్సార్‌సీపీ అభ్యర్థులను నామినేషన్‌ కేంద్రాలకు కిలోమీటరు దూరంలోనే ముళ్లకంచెలు వేసి, ఎండలో మాడ్చిన అదే పోలీసు యంత్రాంగం.. సుప్రీంకోర్టు మొట్టికాయలు పడగానే సడన్‌గా ‘కస్టమర్‌ కేర్‌’ సెంటర్‌లా మారిపోయింది. ‘ఎవరైనా అడ్డుకుంటే మాకు ఫోన్‌ చేయండి, మేమే మీ వద్దకు వస్తాం’ అంటూ వాట్సాప్‌ గ్రూపుల్లో వీడియోలు వదులుతూ పబ్లిసిటీ స్టంట్లు మొదలెట్టారు. సాయంత్రం ఐదు గంటల గడువు ముగిసేవరకు జిల్లా ఎస్పీ, ఇతర పోలీసు అధికారులు క్షేత్రస్థాయిలో పరుగులు పెట్టడం చూస్తే.. నిన్నటివరకు దౌర్జన్యాలకు వత్తాసు పలికినవారేనా వీరు అనే సందేహం కలగక మానదు. అసలు నమ్మశక్యం కాని ఈ సరికొత్త నాటకంలో మైలురాయి లాంటి ఘట్టం ఏమిటంటే.. జిల్లాకు చెందిన పలువురు సీఐలు శుక్రవారం ఉదయం నుంచే నయా ప్రమోషనల్‌ వీడియోలు పంపడం మొదలుపెట్టారు. నిన్నటిదాకా ప్రతిపక్ష అభ్యర్థులు స్టేషన్ల చుట్టూ తిరిగినా కనీసం మొహం కూడా చూడని మదనపల్లె వన్‌టౌన్‌ సీఐ మోహన్‌ కుమార్‌, బి.కొత్తకోట సీఐ కళా వెంకటరమణ, రూరల్‌ సీఐ రవి నాయక్‌, తాలూకా సీఐ మహమ్మద్‌ రఫీ, మరియు ఏఎస్పీ వెంకటాద్రిలు సడన్‌గా ‘ఎలక్షన్‌ గైడ్‌లు’గా మారిపోయారు. ‘అభ్యర్థులు ఎవరైనా స్వేచ్ఛగా రండి, మీ భద్రతకు మాదే గ్యారెంటీ.. అవసరమైతే మాకు ఫోన్‌ చేయండి, మీ వద్దకే వచ్చి మేమే స్వయంగా నామినేషన్‌ కేంద్రానికి తీసుకువస్తాం’ అంటూ రేడియో జాకీల తరహాలో తమ పర్సనల్‌ సెల్‌ నంబర్లను మైకుల్లో పదే పదే చదవడం ఈ దశాబ్దపు నవ్వుల జాతరగా నిలిచింది. తమ ఉద్యోగాలెక్కడ ఊడిపోతాయో అన్న భయంతో.. శ్రీహింసకు గురైన వారు దయచేసి వచ్చి నామినేషన్లు వేయండ్ఙి అంటూ కలెక్టరేట్‌ కంట్రోల్‌ రూమ్‌ నంబర్లను పదే పదే ప్రకటిస్తూ అధికారులు పడిన ఆరాటం అంతా ఇంతా కాదు. కోర్టుకు ‘మా జిల్లాలో అంతా సవ్యంగానే ఉంది’ అని రికార్డులు సమర్పించడానికి పచ్చ యంత్రాంగం ఆడిన ఈ సరికొత్త నాటకం చూసి పల్లెల్లో జనాలు పగలబడి నవ్వుకుంటున్నారు! నిన్నటిదాకా నామినేషన్‌ పత్రం కనిపిస్తే చించిపారేసి, అభ్యర్థుల కాళ్లు చేతులు విరగ్గొట్టిన ‘సింగం’ లాంటి పోలీసులు.. శుక్రవారం సడన్‌గా ‘అతిథి దేవోభవ’ అంటూ గేట్లు తెరిచి సెల్యూట్లు కొట్టడం ఈ శతాబ్దపు అతిపెద్ద కామెడీ! హోమ్‌ డెలివరీ భద్రత ‘మీరు ఎక్కడున్నా సరే.. ఒక్క మిస్డ్‌ కాల్‌ ఇవ్వండి.. మేమే జీపు వేసుకుని వచ్చి మిమ్మల్ని అత్యంత భద్రంగా, రౌడీలు కొట్టకుండా నామినేషన్‌ కేంద్రానికి డ్రాప్‌ చేస్తాం’ అంటూ టోల్‌–ఫ్రీ నంబర్లు పంచుతుంటే.. వీరు రక్షక భటులా లేక ట్రావెల్స్‌ ఏజెంట్లా అని జనం ముక్కున వేలేసుకుంటున్నారు! వేడుకోళ్లు పరిస్థితి ఎంత విచిత్రంగా మారిందంటే.. ఏఎస్పీ వెంకటాద్రి, చివరకు కలెక్టర్‌ నిశాంత్‌ కుమార్‌ కూడా వరుసగా వీడి యో సందేశాలు విడుదల చేస్తూ, శ్రీహింస వల్ల నామినేషన్‌ వేయలేకపోయిన వారు ఉంటే దయచేసి కలెక్టరేట్‌ కంట్రోల్‌ రూమ్‌కు ఫోన్‌ చేయండి.. మేము రక్షణ కల్పిస్తాం్ఙ అని ప్రాధేయపడటం ఈ శతాబ్దపు మోస్ట్‌ ఐరానిక్‌ సీన్‌!

వాల్మీకిపురం : స్థానిక సంస్థల ఎన్నికల్లో చివరి రోజు కూడా నామినేషన్‌ కూడా వేయనీయకుండా టీడీపీ గూండాలు అడ్డుకున్నారని మాజీ ఎమ్మెల్యే చింతల రామచంద్రారెడ్డి అన్నారు. శుక్రవారం స్థానికంగా ఏర్పాటు చేసిన సమావేశంలో ఆయన మాట్లాడారు. కూటమి నేతల దాడులు, దౌర్జన్యాలు చూస్తుంటే మనం ప్రజాస్వామ్యంలో ఉన్నామా లేక ఆటవికరాజ్యంలో ఉన్నామో అర్థం కావడం లేదన్నారు. నామినేషన్‌ కేంద్రం వంద మీటర్లలోపే కూటమి నాయకులు వారి గూండాలతో ఉండడం చూస్తుంటే వారికి 144 సెక్షన్‌ అమలు కాదా అని ప్రశ్నించారు. నామినేషన్‌ కేంద్రం నుంచి వంద మీటర్ల వరకు టీడీపీ నేతలు విచ్చలవిడిగా తిరుగుతున్నా.. గుంపులుగా ఉన్నా వారికి ఈ యాక్ట్‌ వర్తించదా, వైఎస్సార్‌సీపీ వారికి మాత్రమే వర్తిస్తుందా అన్నారు. టీడీపీ నేతలు వైఎస్సార్‌సీపీ అభ్యర్థులపై దాడులకు పాల్పడుతుంటే పోలీస్‌ యంత్రాంగం చూసీచూడనట్లు వ్యవహరిస్తోందన్నారు. ఉండేది రెండేళ్లే, వచ్చేది వైఎస్సార్‌సీపీ ప్రభుత్వమేనని, తెలుగుదేశం పార్టీ నాయకులను, కార్యకర్తలను హెచ్చరించారు. అధికారం ఉందని వైఎస్సార్‌సీపీ నాయకులను, కార్యకర్తలను కొట్టడం క్షమించరాని విషయమన్నారు. నామినేషన్ల స్వీకరణలో ఆన్‌లైన్‌ విధానం ఎందుకు పెట్టలేదని ప్రశ్నించారు. ఆన్‌లైన్‌ విధానం ఉంటే ఈ దౌర్జన్యాలు జరిగేవి కావన్నారు. టీడీపీ గూండాలు రాళ్ల దాడులు చేస్తున్నా పోలీస్‌ యంత్రాంగం ఏమీ పట్టించుకోవడం లేదన్నారు. కూటమి ప్రభుత్వానికి ఎవరు కొమ్ము కాస్తున్నారో వారందరి పేర్లు రాసిపెట్టుకోవడం జరిగిందని, తమ ప్రభుత్వం వచ్చిన వెంటనే వారిపై తగిన విధంగా చర్యలు ఉంటాయన్నారు. వచ్చే ఎన్నికల్లో తెలుగుదేశం పార్టీని చిత్తుగా ఓడించడం ఖాయమన్నారు. నామినేషన్‌ కేంద్రంలో యథేచ్ఛగా హల్‌చల్‌ మాజీ ఎమ్మెల్యే చింతల రామచంద్రారెడ్డి

పెద్ద తిప్పసముద్రం : మండలంలోని సంపతి కోట పంచాయతీ కానగమాకులపల్లిలో శుక్రవారం జరిగిన రోడ్డు ప్రమాదంలో ఓ వ్యక్తికి తీవ్ర గాయాలు అయ్యాయి. వివరాల్లోకి వెళ్తే.. అన్నమయ్య జిల్లా ములకలచెరువుకు చెందిన గంగులప్ప(35) సొంత పనిపై శుక్రవారం కర్ణాటక రాష్ట్రం యనమలపాడికి ద్విచక్ర వాహనంలో వెళ్లాడు. అక్కడ పని ముగించుకుని స్వగ్రామానికి తిరిగి వస్తుండగా ఖాళీ టమోటా బాక్సులతో ఎదురుగా వస్తున్న మినీ లారీ ద్విచక్ర వాహనదారుడిని ఢీకొని వేగంగా ముందుకు వెళ్లిపోయింది. అంతేగాక డ్రైవర్‌ మినీ లారీని ఆపకుండా వెళ్లిపోయాడు. ఈ ఘటనలో గంగులప్ప తీవ్రంగా గాయపడ్డాడు. బాధితుడిని 108 వాహనం ద్వారా చికిత్స నిమిత్తం బి కొత్తకోట ప్రభుత్వాసుపత్రికి తరలించారు. అనంతరం మెరుగైన వైద్యం కోసం మదనపల్లికి ఆసుపత్రికి తరలించారు.

మదనపల్లె టౌన్‌/కురబలకోట : అన్నమయ్య జిల్లా కురబలకోట మండలం రిషి వ్యాలీ సమీపంలో గురువారం సాయంత్రం కురిసిన వర్షంలో పిడుగుపడి ఓ యువకుడు మృతి చెందాడు. ఈ విషాదకర సంఘటనకు సంబంధించి మృతుడి కుటుంబీకులు, పోలీసులు తెలిపిన వివరాలు ఇలా ఉన్నాయి. మదనపల్లె పట్టణం ఈశ్వరమ్మ కాలనీకి చెందిన అతావుల్లా కుమారుడు మాలిక్‌(28) వర్షం పడుతుండటంతో.. కురబలకోట మండలంలోని రిషి వ్యాలీ దగ్గరున్న తన వ్యవసాయ భూమిలోని చెట్టు చాటుకు వెళ్లి తలదాచుకున్నాడు. అదే సమయంలో చెట్టుపై పిడుగు పడటంతో అతను అక్కడికక్కడే మృతి చెందాడు. ఆయనకు ఇద్దరు కుమారులు, ఒక కుమార్తె ఉన్నారు. కుటుంబానికి ఆధారమైన వ్యక్తి మృతి చెందడంతో భార్య, పిల్లలు అనాథలయ్యారు. నిరుపేద కుటుంబాన్ని ఆదుకోవాలని, ప్రభుత్వం ఆర్థిక సాయం అందించాలని బంధువులు, స్థానికులు మీడియా ముందు కోరారు. ఘటనపై ముదివేడు పోలీసులు కేసు నమోదు చేసి దర్యాప్తు చేస్తున్నారు.

● చివరి రోజూ దాఖలు కాని నామినేషన్లు జమ్మలమడుగు : మండల పరిషత్‌ ఎన్నికల్లో వైఎస్సార్‌సీపీ అభ్యర్థులను చివరి రోజూ ఒక్క నామినేషన్‌ కూడా దాఖలు చేయనీయలేదు. పైగా వైఎస్సార్‌సీపీ అభ్యర్థులు నామినేషన్‌లు వేసినట్లు ఆరు మండలాల్లో ఇప్పటి వరకు 30 మందికి పైగా ఫేక్‌ నామినేషన్లు దాఖలయ్యాయి. వైఎస్సార్‌సీపీ అభ్యర్థులు నామినేషన్‌లు దాఖలు చేయాలని వెళ్తే పోలీసులు అడ్డుకుంటూ వచ్చారు. వారి నామినేషన్‌ పత్రాలను ఎంపీడీఓ కార్యాలయ ఆవరణలో ఉన్న కూటమికి చెందిన నాయకులు చించి వేయడంతోపాటు దౌర్జన్యాలకు పాల్పడ్డారు. ఉదయం జమ్మలమడుగు మండలంలో వైఎస్సార్‌సీపీ తరఫున నామినేషన్లు వేయడానికి గూడెంచెరువు నుంచి నాగేశ్వరరెడ్డి, ఎస్‌.ఉప్పలపాడు నుంచి మారంరెడ్డి అబ్రహాం, మారంరెడ్డి ద్వారకాలు నామినేషన్లు దాఖలు చేయడం కోసం వచ్చారు. నామినేషన్లు వేయటానికి వారిని పోలీసులు లోపలికి పంపించారు. అయితే అప్పటికే ఎంపీడీఓ కార్యాలయ ఆవరణలో ఉన్న కూటమికి చెందిన రౌడీలు నామినేషన్ల ఒక సెట్‌ను చించేశారు. మరో సెట్‌తో లోపలికి వెళ్లి వేసే ప్రయత్నం చేయగా మూడంచెల వ్యవస్థ రౌడీ మూకలు లాక్కొని చించివేశారు. కారు ధ్వంసం మండలంలోని వద్దిరాల ఎంపీటీసీ స్థానానికి నామినేషన్‌ వేయటానికి వెళ్లిన వెంపలాకు మహాలక్ష్మి, వెంకలాకు ప్రమీల, సుధాకర్‌ యాదవ్‌, పొట్టిపాటి రాజేష్‌ యాదవ్‌, అల్లంరాజు, గంగరాజు. సట్టకారి రవీంద్రపై మండల కేంద్రంలోనే కూటమి రౌడీలు దాడికి తెగబడ్డారు. వారు వెళ్తున్న కారుపై కర్రలతో దాడి చేశారు. కారు పూర్తిగా ధ్వంసం అయిపోయింది. పెద్దముడియంలో.. పెద్దముడియం మండలంలో 9 ఎంపీటీసీ స్థానాలు ఉండగా పోలీసులు ఒక్కొక్క ఎంపీటీసీ స్థానానికి ఒక్కొక్క సెట్‌ మాత్రమే అభ్యర్థులతో నామినేషన్లు దాఖలు చేయించారు. నియోజకవర్గంలో కేవలం పెద్దముడియం మండలంలో పూర్తిగా 9 నామినేషన్లు వైఎస్సార్‌సీపీ తరఫున దాఖలయ్యాయి.

సాక్షి ప్రతినిధి, కడప : నంద్యాల రాఘవరెడ్డి బాటను సుగవాసీ ప్రసాద్‌బాబు పట్టారు. సర్‌ ప్రక్రియలో భాగంగా రాఘవరెడ్డి కామనూరు నుంచి ప్రొద్దుటూరు అర్బన్‌కు ఓటు మార్పు కోసం దరఖాస్తు, ఆపై హైకోర్టు ఉత్తర్వులతో మున్సిపల్‌ ఎన్నికల్లో నామినేషన్‌ దాఖలు చేసినట్లుగా.. అచ్చం అలాగే తెలుగుతమ్ముళ్లు ఎత్తుగడ వేస్తున్నారు. రాయచోటి అర్బన్‌లో ఓటు హక్కు ఉన్న ప్రసాద్‌బాబు గాలివీడుకు మార్పు చేయాల్సిందిగా దరఖాస్తు చేసుకొని.. ఆపై హైకోర్టును ఆశ్రయించి, జెడ్పీటీసీగా నామినేషన్‌ దాఖలు చేశారు. రాయచోటి మున్సిపాలిటీలో 35వ వార్డులో డోర్‌ నంబర్‌ 54/13–ఏ, ఓటరు వరుస సంఖ్య 226లో ఇప్పటికీ సుగవాసీ ప్రసాద్‌బాబు ఓటు ఉంది. కాగా, గాలివీడు టీడీపీ జెడ్పీటీసీ అభ్యర్థిగా నామినేషన్‌ దాఖలు చేశారు. అర్బన్‌ పరిధిలో ఓటు హక్కు ఉన్న వారు మున్సిపాలిటీలో పోటీ చేయాల్సి ఉంది. అలా కాకుండా రూరల్‌ పరిధిలోకి మార్పు కోసం దరఖాస్తు చేసుకున్నానని, చట్టంలో ఉన్న లొసుగులు ఆసరాగా చేసుకొని హైకోర్టుకు వెళ్లారు. హైకోర్టు ఉత్తర్వులతో జెడ్పీటీసీగా నామినేషన్‌ దాఖలు చేశారు. మొన్న మున్సిపల్‌ నామినేషన్ల సందర్భంగా ప్రొద్దుటూరులో టీడీపీ చైర్మన్‌ అభ్యర్థిగా నంద్యాల రాఘవరెడ్డి పోటీ చేసినట్లుగా.. అదే విధంగానే ఉత్తర్వులు పొందిన సుగవాసీ ప్రసాద్‌బాబు జెడ్పీటీసీగా పోటీ చేశారు. ఇలానే జమ్మలమడుగు మున్సిపల్‌ చైర్మన్‌ టీడీపీ అభ్యర్థి చదిపిరాళ్ల జ్యోతి హైకోర్టు ఉత్తర్వులతో నామినేషన్‌ దాఖలు చేయడం గమనార్హం. సర్‌ ప్రక్రియ పూర్తి కాకుండా, ఓటరు జాబితాలో ఓటు లేకుండా, నామినేషన్‌ చేసిన వారి జాబితాలో నంద్యాల రాఘవరెడ్డి, చదిపిరాళ్ల జ్యోతి, సుగవాసీ ప్రసాద్‌బాబు ఉండిపోయారు. ఇంకొకరికి వచ్చే అవకాశాన్ని.. హైకోర్టు ఉత్తర్వుల ద్వారా.. వీరు హైజాక్‌ చేశారని ప్రజాస్వామ్యవాదులు వాపోతున్నారు. చట్టం.. అధికార పార్టీకి చుట్టం! చట్టం, న్యాయం అధికార పార్టీకి చుట్టంగా మారాయి. అందుకు ప్రత్యక్ష నిదర్శనంగా స్థానిక సంస్థల ఎన్నికలు తెరపైకి వస్తున్నాయి. మొన్నటి మున్సిపల్‌ నామినషన్లలో ప్రొద్దుటూరు టీడీపీ చైర్మన్‌ అభ్యర్థిగా బచ్చల వీరప్రతాప్‌ నామినేషన్‌ దాఖలు చేశారు. శాసీ్త్రనగర్‌, ప్రొద్దుటూరులో నివాసం ఉన్నట్లుగా అందులో పొందుపర్చారు. తాజాగా ప్రొద్దుటూరు జెడ్పీటీసీ టీడీపీ అభ్యర్థిగా గోపవరం పంచాయతీకి చెందిన వ్యక్తిగా నామినేషన్‌ దాఖలు చేశారు. నిబంధనలు, నియమావళి వంటివి చెప్పుకొనేందుకే అని.. అధికార పార్టీకి చెందిన వ్యక్తులైతే.. అధికారులు పాటించడం లేదని పలువురు వాపోతున్నారు. నంద్యాల రాఘవరెడ్డి, చదిపిరాళ్ల జ్యోతి, సుగవాసీ ప్రసాద్‌బాబు, బచ్చల వీరప్రతాప్‌ ఉదంతాలే అందుకు నిదర్శనంగా విశ్లేషకులు చెప్పుకొస్తున్నారు. రాయచోటి అర్బన్‌ నుంచి గాలివీడుకు ఓటు మార్పు సర్‌ ప్రక్రియలో సుగవాసీ ప్రసాద్‌బాబు దరఖాస్తు ఓటరు లిస్టు ప్రచురితం కాకమునుపే స్థానిక సంస్థల నోటిఫికేషన్‌ ఆపై హైకోర్టు ఉత్తర్వులతో జెడ్పీటీసీగా నామినేషన్‌ దాఖలు

● సుప్రీం ఆదేశాలతో స్పందించిన ఎన్నికల సంఘం ● వైఎస్సార్‌సీపీ కౌన్సిలర్‌ అభ్యర్థులకు పోలీసుల రక్షణ మైదుకూరు : మైదుకూరులో వైఎస్సార్‌సీపీ మున్సిపల్‌ కౌన్సిలర్‌ అభ్యర్థులు శుక్రవారం లారీలో వచ్చి తమ నామినేషన్లు వేశారు. సుప్రీంకోర్టు ఆదేశాలతో రాష్ట్ర ఎన్నికల కమిషనర్‌ మైదుకూరు మున్సిపాలిటీ ఎన్నికల్లో 32 వార్డులకు నామినేషన్లు వేసేందుకు అవకాశం కల్పించిన విషయం తెలిసిందే. శుక్ర, శనివారాల్లో నామినేషన్లు వేసేందుకు గడువు ఇచ్చింది. ఎన్నికల ప్రక్రియను సజావుగా నిర్వహించాలని, అభ్యర్థి స్వేచ్ఛగా నామినేషన్‌ వేసేందుకు తగిన చర్యలు తీసుకోవాలని అధికారులను ఆదేశించింది. ఆ మేరకు శుక్రవారం డీఎస్పీ రాజేందప్రసాద్‌, అర్బన్‌ సీఐ హాజీవలి తాము రక్షణ కల్పిస్తామని నామినేషన్‌ వేయాలని వైఎస్సార్‌సీపీ అభ్యర్థులకు చెప్పారు. వైఎస్సార్‌సీపీ అభ్యర్థులు లారీలో బయల్దేరగా లారీకి ముందు పోలీసు వాహనాల్లో అర్బన్‌ సీఐ హాజీవలి, ఎస్‌ఐ కత్తి వెంకటరమణ, సిబ్బంది రక్షణ కల్పిస్తూ మున్సిపల్‌ కార్యాలయానికి చేర్చారు. అక్కడ నామినేషన్‌ చాంబర్లలో వైఎస్సార్‌సీపీ అభ్యర్థులు ఆయా వార్డులకు తమ నామినేషన్లను వేశారు. మున్సిపల్‌ వార్డులకు నామినేషన్లు వేసేందుకు ఈనెల 17వ తేదీ వైఎస్సార్‌సీపీ జిల్లా ప్రధాన కార్యదర్శి పి.కిరణ్మయి, వాణిజ్య విభాగం రాష్ట్ర ప్రధాన కార్యదర్శి పొలిమేర అమర్‌నాథ్‌రెడ్డి తదితరులు మున్సిపల్‌ కార్యాలయం వద్దకు రాగా టీడీపీ నాయకులు వారిపై దౌర్జన్యం చేసిన విషయం తెలిసిందే. వారి చేతుల్లోని నామినేషన్‌ పత్రాలను లాక్కొని చించివేసిన విషయం విదితమే. శుక్రవారం పోలీసు రక్షణతో నామినేషన్‌ వేసిన వైఎస్సార్‌సీపీ అభ్యర్థుల్లో వీరు కూడా ఉన్నారు. మూడో రోజు మాజీ ఎమ్మెల్యే హౌస్‌ అరెస్ట్‌చాపాడు : స్థానిక సంస్థల ఎన్నికల్లో భాగంగా వైఎస్సార్‌సీపీ రాష్ట్ర క్రమశిక్షణ కమిటీ చైర్మన్‌, మాజీ ఎమ్మెల్యే శెట్టిపల్లె రఘురామిరెడ్డిని మూడో రోజు శుక్రవారం కూడా పోలీసులు హౌస్‌ అరెస్టు చేశారు. నామినేషన్లు జరిగిన మూడు రోజులపాటు మాజీ ఎమ్మెల్యే శెట్టిపల్లె రఘురామిరెడ్డితోపాటు వైఎస్సార్‌సీపీ నాయకులు మాజీ ఎంపీపీ లక్షుమయ్య, వైఎస్సార్‌సీపీ జెడ్పీటీసీ, పల్లవోలు ఎంపీటీసీ అభ్యర్థులైన మహేష్‌యాదవ్‌, దోనాది సాగర్‌, కేసీ కెనాల్‌ డిస్ట్రిబ్యూటరీ మాజీ చైర్మన్‌ మహేశ్వర్‌రెడ్డి, దళిత నాయకులు మొర్రాయిపల్లెకు చెందిన బాలయ్య, బద్రిపల్లెకు చెందిన పుల్లయ్య పోలీసుల అదుపులో ఉన్నారు. మూడు రోజులపాటు తమను పోలీస్‌స్టేషన్‌కు పరిమితం చేయడంతో నామినేషన్లు వేయలేకపోయామని అభ్యర్థులు వాపోయారు.

● ఎవరూ భయపడవద్దు ● ఎంపీ పెద్దిరెడ్డి మిథున్‌ రెడ్డిపుంగనూరు: పుంగనూరులో తెలుగుదేశం పార్టీ నాయకులు ఎన్ని తప్పుడు కేసులు పెట్టినా భయపడేది లేదని , పార్టీ కార్యకర్తల కోసం ఎంతటి త్యాగానికై న వెనుకాడేది లేదని రాజంపేట పార్లమెంటు సభ్యులు పెద్దిరెడ్డి వెంకటమిధున్‌రెడ్డి స్పష్టం చేశారు. తెలుగుదేశం గూండాలు చేస్తున్న విధ్వంస కార్యక్రమాలలో తాను , తన పార్టీశ్రేణులు తీవ్రంగా నష్టపోయినా, పోలీసులకు ఫిర్యాదు చేసినా తెలుగుదేశం వారిపై ఒక్క కేసు కూడా నమోదు చేయలేదని ఎంిపీ మండిపడ్డారు. విధ్వంసం పొలీసులకు తెలియదా..? చట్టాన్ని ఇలాగేనా కాపాడేది అంటు నిలదీశారు. తెలుగుదేశం గూండాలకు అండగా ఉన్న పోలీసులపై కూడా న్యాయపోరాటం చేస్తామని ఆయన తెలిపారు. తెలుగుదేశం వారిపై ఒక్క కేసు కూడ నమోదు చేయని పోలీసులు వైఎస్సార్‌సీపీ శ్రేణులపై కేసులు పెడతారా...? అంటు ప్రశ్నించారు. వందలాది మంది అమాయకులను బలిచేస్తే చూస్తూ ఊరుకునేది లేదని హెచ్చరించారు. పార్టీ శ్రేణులకు అండగా ఉంటానన్నారు.

కడప కార్పొరేషన్‌ : అధికారం ఎవరికీ శాశ్వతం కాదన్న సత్యాన్ని అధికార పార్టీ నాయకులు, పోలీసులు గ్రహించాలని రాజంపేట ఎమ్మెల్యే, అన్నమయ్య జిల్లా వైఎస్సార్‌సీపీ అధ్యక్షుడు ఆకేపాటి అమర్‌నాథ్‌రెడ్డి అన్నారు. గురువారం కడపలో ఆయన మీడియాతో మాట్లాడుతూ 40 ఏళ్ల తన రాజకీయ జీవితంలో ఇలాంటి ఎన్నికలు ఎప్పుడూ చూడలేదన్నారు. గతంలో అనేక ప్రభుత్వాలు ఉన్నాయని, ఇంత ఘోరంగా ఎన్నికలు జరిపిన పరిస్థితి లేదన్నారు. రాయలసీమలో అధికార పార్టీ చేసిన సర్వేల్లో గెలవలేమని తెలిసిపోయిందని, అందుకే కడప, చిత్తూరు, అనంతపురం, కర్నూలు జిల్లాల్లో ప్రజాస్వామ్యాన్ని ఖూనీ చేస్తున్నారన్నారు. మున్సిపల్‌ ఎన్నికలు మొదలైనప్పటి నుంచి జిల్లాలో పరిస్థితులు రణరంగాన్ని తలపిస్తున్నాయన్నారు. నామినేషన్లు వేయకుండా పోలీసులే అడ్డుకోవడం, టీడీపీ గూండాలు, రౌడీలను పెట్టి నామినేషన్లు చించేయడం, దాడులు చేయడం, స్క్రూట్నీ సమయంలో నామినేషన్లను తిరస్కరించడం వంటి చర్యల ద్వారా రాజ్యాంగం కల్పించిన హక్కును కాలరాస్తున్నారన్నారు. వైఎస్సార్‌సీపీ నాయకులను ఎక్కడిక్కడ అరెస్టులు, గృహ నిర్బంధాలు చేస్తున్నారని, టీడీపీ వారిని మాత్రం వందల మందిని నామినేషన్‌ కేంద్రాల వద్దకు అనుమతిస్తున్నారని, నామినేషన్‌ కేంద్రంలో కూడా వారే ఉన్నారన్నారు. ఇలా చేస్తే ప్రజాస్వామ్యానికి విలువేముందని ప్రశ్నించారు. స్థానిక ఎన్నికల్లో ఓటు హక్కును వినియోగించుకోవాలని ప్రజలు ఆసక్తిగా ఎదురు చూస్తున్నారని, టీడీపీ గూండాల దౌర్జన్యాలు, దాడుల వల్ల ఎన్నికలు జరిగే పరిస్థితి కనిపించడం లేదన్నారు. ఇదే జరిగితే ప్రజలు ఈ ప్రభుత్వానికి గట్టిగా బుద్ధి చెబుతారని హెచ్చరించారు. ఈ సమావేశంలో జెడ్పీ మాజీ వైస్‌ చైర్మన్‌ ఇరగంరెడ్డి సుబ్బారెడ్డి, కోలా కొండయ్య పాల్గొన్నారు.ఎమ్మెల్యే ఆకేపాటి అమర్‌నాథ్‌రెడ్డి

ములకలచెరువు : ములకలచెరువులో రెండో రోజూ పచ్చమూకలు వైఎస్సార్‌సీపీ ఎంపీటీసీ అభ్యర్థుల నామినేషన్లను అడ్డుకొన్నారు. నామినేషన్‌ కేంద్రంలోకి వెళ్లనీయకుండా బారికేడ్ల వద్ద బారీ సంఖ్యలో గుంపులుగా అడ్డుగా నిలబడ్డారు. సుమారుగా 10 మంది వైఎస్సార్‌సీపీ ఎంపీటీసీ అభ్యర్థుల నామినేషన్లను లాక్కొని చించివేశారు. ఉదయం 10 గంటల నుంచి మధ్యాహ్నం మూడు గంటల వరకు ఎవ్వరినీ నామినేషన్లు వేయనీయకుండా అడ్డుపడ్డారు. కూటమి పార్టీలైన జనసేన, బీజేపీ అభ్యర్థులను సైతం లోపలికి పోనియ్యలేదు. నామినేషన్‌ కేంద్ర వద్దకు ఎస్పీ, జేసీ టీడీపీ పచ్చమూకల ఆగడాల సమాచారం అందుకున్న జిల్లా ఎస్పీ ధీరజ్‌ కనుబిల్లి, జాయింట్‌ కలెక్టర్‌ శివనారాయణ్‌ శర్మా ములకలచెరువు నామినేషన్‌ కేంద్రానికి చేరుకున్నారు. నామినేషన్లు వేయనియ్యకుండా అడ్డుకుంటున్న పచ్చమూకలను పోలీసు సిబ్బంది చెదరుగొట్టారు. నామినేషన్లను అడ్డుకుంటే వారిపై కఠిన చర్యలు తప్పవని హెచ్చరించారు. 12 నామినేషన్లు ములకలచెరువు నామినేషన్‌ కేంద్రంలో రెండో రోజు గురువారం 12 నామినేషన్లు దాకలైనట్లు ఆర్‌ఓ కళ్యాన్‌ వెంకటేష్‌ తెలిపారు. బీజేపీ –2, జనసేన –3 టీడీపీ –7 వైఎస్సార్‌సీపీ నామినేషన్లు దాకలు కాలేదు. ఇప్పటి దాకా మొత్తం 36 నామినేషన్లు దాఖలైనట్లు పేర్కొన్నారు.బరితెగించిన పచ్చమూకలు

తొండూరు : మండలంలో ఎంపీటీసీ నామినేషన్ల సందర్భంగా వైఎస్సార్‌సీపీ అభ్యర్థులు నామినేషన్లు వేయకుండా.. టీడీపీ గూండాలు, పోలీసులు అడ్డుకుంటున్నారని విజయవాడ ఎన్నికల కమిషన్‌కు ఫోన్‌ ద్వారా ఫిర్యాదు చేశారు. గురువారం తొండూరులో నామినేషన్‌ వేసేందుకు వెళుతున్న వైఎస్సార్‌సీపీ ఎంపీటీసీ అభ్యర్థులను గురుకుల పాఠశాల వద్ద పోలీసులు అడ్డుకోవడంతో జమ్మలమడుగు– ముద్దనూరు హైవే రోడ్డుపై వారు నిరసనకు దిగారు. ఈ నేపథ్యంలో ఎలాగైనా నామినేషన్లు వేయాలని ఎంపీటీసీ అభ్యర్థులు నామినేషన్‌ పత్రాలను తీసుకొని వెళుతుండగా.. పోలీసులు అడ్డగించడంతోపాటు టీడీపీ గూండాలు కర్రలు, రాడ్లు పట్టుకుని కేకలు, ఈలలు వేస్తూ నామినేషన్‌ వేస్తే మీ అంతు చూస్తామని బెదిరించారన్నారు. ఈ సంఘటనలపై రాష్ట్ర ఎన్నికల సంఘం అధికారులకు మల్లేల ఎంపీటీసీ అభ్యర్థి మోరంరెడ్డి జయలక్ష్మి ఫోన్‌ చేశారు. ఎన్నికల్లో జరిగే దౌర్జన్యాలు, అక్రమాలపై ఫిర్యాదు చేయడానికి రాష్ట్ర ఎన్నికల సంఘం సూచించిన అధికారుల నంబర్లకు ఆమె ఫోన్‌ చేశారు. వారిలో ఒక అధికారి ఫోన్‌ లిఫ్ట్‌ చేయగా.. ఆమె ఈ మేరకు ఫిర్యాదు చేశారు. తమ పార్టీ తరఫున 7 ఎంపీటీసీ స్థానాలకు నామినేషన్లు వేసేందుకు పోలీసులు, ఎన్నికల అధికారులు సహకరించి, తాము పోటీలో ఉండేలా చూడాలని విజ్ఞప్తి చేశారు. దీంతో అధికారులు స్పందించి మీకు న్యాయం చేస్తామని తెలిపారు.