Anantapur District News

అనంతపురం ఎడ్యుకేషన్‌: రాష్ట్రవ్యాప్తంగా సంచలనం సృష్టించిన అనంతపురం జిల్లా రాప్తాడులో విద్యార్థినులపై ఎలక్ట్రిక్‌ రంపంతో దాడికి పాల్ప డిన ఘటనలో ఉన్మాది డుంబు అలియాస్‌ హేమంత్‌పై పోలీసులు ఆదివారం కాల్పులు జరిపారు. ఈ కాల్పుల్లో గాయపడ్డ నిందితుడిని ఆస్పత్రికి తరలించారు.ఎస్పీ జగదీష్‌ తెలిపిన వివరాల ప్రకారం.. నిందితుడిని పట్టుకునేందుకు 25 ప్రత్యేక పోలీసు బృందాలను ఏర్పాటు చేశారు. రాత్రంతా గాలింపు చర్యలు చేపట్టారు. నిందితుడు ఆత్మకూరు సమీపంలోని అడవుల్లో ఉన్నాడనే పక్కా సమాచారంతో పోలీసులు అక్కడికి వెళ్లారు. ఈ క్రమంలో అక్కడ నిందితుడిని గుర్తించి పట్టుకునే ప్రయత్నం చేస్తున్న పోలీసులపై అతడు ఒక్కసారిగా కత్తితో దాడికి యత్నించాడు. దీంతో రాప్తాడు సీఐ వెంకటేశ్వర్లు చేతికి గాయాలయ్యాయి.తీవ్రంగా గాయపడ్డ నిందితుడు హేమంత్‌ను సర్వజన ఆస్పత్రికి తరలిస్తున్న పోలీసులు.అయితే ఆత్మరక్షణ కోసం పోలీసులు ఆరు రౌండ్ల కాల్పులు జరపాల్సి వచ్చింది. ఈ కాల్పుల్లో నిందితుడి మోకాళ్లలోకి మూడు బుల్లెట్లు దూసుకెళ్లి తీవ్రంగా గాయపడ్డాడు. వెంటనే అతడిని పట్టుకుని అనంతపురం సర్వజన ఆస్పత్రికి తరలించారు. ప్రస్తుతం అక్కడ చికిత్స పొందుతున్నాడు.రాప్తాడు జిల్లా పరిషత్‌ ఉన్నత పాఠశాలలో శనివారం ఉదయం పదో తరగతి విద్యార్థిని గోపిక తరగతి గదిలో చదువుకుంటుండగా చెట్లు కోసే ఎలక్ట్రిక్‌ రంపంతో హేమంత్‌ విచక్షణారహితంగా దాడి చేసిన విషయం తెలిసిందే. అడ్డుకునేందుకు ప్రయత్నించిన మరో విద్యార్థిని లక్ష్మీపైనా దాడికి తెగబడ్డాడు. దాడిలో తీవ్రంగా గాయపడిన గోపికను మెరుగైన వైద్యం కోసం బెంగళూరులోని మణిపాల్‌ ఆస్పత్రికి తరలించగా, మరో విద్యార్థిని లక్ష్మీ అనంతపురం సర్వజన ఆస్పత్రిలో చికిత్స పొందుతోంది.జాతీయ రహదారిపై ఆందోళన..నిందితుడిని కఠినంగా శిక్షించాలని డిమాండ్‌ చేస్తూ ఆదివారం రాప్తాడులో ప్రజలు పెద్దఎత్తున ఆందోళనకు దిగారు. జాతీయ రహదారిపై బైఠాయించి నిరసన తెలియజేశారు. దీంతో రాప్తాడు నుంచి జాతీయరహదారిపై సుమారు మూడు కిలోమీటర్ల మేర వాహనాలు నిలిచిపోయి ట్రాఫిక్‌ స్తంభించింది. ఇదే సమయంలో నిందితుడిపై పోలీసులు కాల్పులు జరిపారనే సమాచారం అందడంతో పలువురు టపాసులు కాల్చి సంబరాలు చేసుకున్నారు.ఇదీ చదవండి: పచ్చమూకల ఉన్మాదకాండ

పెద్దవడుగూరు: మండలంలో వైఎస్సార్‌సీపీ అభ్యర్థులు చేస్తున్న ఎన్నికల ప్రచారానికి ప్రజాదరణ పెరుగుతోంది. దీన్ని జీర్ణించుకోలేని టీడీపీ మూకలు అలజడులకు తెరలేపారు. వైఎస్సార్‌సీపీ అభ్యర్థులు ఎక్కడ ప్రచారం చేస్తున్నా అక్కడ ప్రత్యక్షమై గొడవలు సృష్టించడానికి ప్రత్నిస్తున్నారని జెడ్పీటీసీ అభ్యర్థి నిర్మలమ్మ తెలిపారు. ఆదివారం మండల పరిధిలోని కండ్లగూడూరు, దిమ్మగుడి గ్రామంలో ప్రచారం చేస్తున్న తనను, తన కోడలిని టీడీపీ మూకలు బెదిరించారని ఆమె తెలిపారు. తమకు ప్రజల ఆదరణ ఉన్నంత వరకు వెనకడుగు వేయమని ఈ సందర్భంగా నిర్మలమ్మ తేల్చి చెప్పారు.

ఉరవకొండ: స్థానిక శాంతినగర్‌కు చెందిన వైఎస్సార్‌సీపీ నాయకుడు సతీష్‌ రాఘవేంద్రపై ఆదివారం రాత్రి గుర్తు తెలియని వ్యక్తులు దాడి చేసి తీవ్రంగా గాయపరిచారు. బాధితుడు సతీష్‌ తెలిపిన వివరాల మేరకు.. రాయంపల్లి రోడ్డు వద్దనున్న బసవరాజు సీఫాం నుండి ఇంటికెళ్తున్న సతీష్‌, వైఎస్సార్‌సీపీ సోషల్‌ మీడియా ఇన్‌చార్జ్‌ శంకర్‌లను ఆరుగురు గుర్తు తెలియని వ్యక్తులు అడ్డుకున్నారు. ఇందులో ఒకరు శంకర్‌ను పట్టుకోగా మిగిలిన వారు సతీష్‌పై దాడికి తెగబడ్డారు. దాడిలో తీవ్రంగా గాయపడిన సతీష్‌ను ఉరవకొండ ప్రభుత్వ ఆసుపత్రికి తరలించి చికిత్స అందిస్తున్నారు. విషయం తెలుసుకున్న వైఎస్సార్‌సీపీ నాయకులు బసవరాజు, పట్టణ అధ్యక్షులు ఈడిగ ప్రసాద్‌లు సతీష్‌ను పరామర్శించేందుకు ఆస్పత్రికి చేరుకున్నారు. అనంతరం వారు బాధితుడు సతీష్‌తో కలిసి విలేకరులతో మాట్లాడారు. మంత్రి కేశవ్‌, ఆయన సోదరుడు పయ్యావుల శీనప్ప డైరెక్షన్‌లోనే టీడీపీ గూండాలు దాడి తెగబడినట్టు ఆరోపించారు. దాడి సమయంలో ‘నువ్వు శీనప్ప అన్ననే అంటావా.. అంతా మగాడివా అంటూ’కర్రలతో దాడి చేసినట్టు తెలిపారు. టీడీపీ నాయకులు ఉరవకొండ–2, 9 ఎంపీటీసీ స్థానాలు ఏకగ్రీవం చేసుకోవడానికి ప్రయత్నించగా, అక్కడ పోటీ చేస్తున్న వైఎస్సార్‌సీపీ అభ్యర్థులను సతీష్‌ కాపాడినందుకే టీడీపీ నాయకులు జీర్ణించుకోలేక దాడులకు ఒడిగట్టారని మండిపడ్డారు. దాడి కారకులను పోలీసులు పట్టుకొని చట్టప్రకారం చర్యలు తీసుకోవాలని వారు డిమాండ్‌ చేశారు. టీడీపీ గూండాల దాడులకు భయపడేది లేదని, వాటిని ధైర్యంగా ఎదుర్కొంటామని వైఎస్సార్‌సీపీ నాయకులు స్పష్టం చేశారు. తీవ్ర గాయాలతో ఆస్పత్రి చేరిన సతీష్‌ రాఘవేంద్ర బాధితుడిని పరామర్శించిన వైఎస్సార్‌సీపీ నాయకులు మంత్రి, ఆయన సోదరుడి ఆదేశాల మేరకే దాడి చేశారంటూ ఆరోపణ

జేసీ రౌడీయిజం చూసి తాడిపత్రి ప్రజలు అసహ్యించుకుంటున్నారు. మున్సిపల్‌ ఎన్నికల్లో ఘోరంగా ఓడిపోతామని తెలిసే టీడీపీ నేత జేసీ ప్రభాకర్‌రెడ్డి అధికారాన్ని అడ్డుపెట్టుకొని రిగ్గింగ్‌కు పాల్పడారు. ఉదయాన్నే జేసీ అనుచరులు మట్కా పేకాట, గంజాయి బ్యాచ్‌లు పోలింగ్‌ కేంద్రాలను ఆక్రమించాయి. ముందు రోజే వైఎస్సార్‌సీపీ ఏజెంట్లను భయభ్రాంతులకు గురి చేయడంతో పోలింగ్‌ కేంద్రాలకు రాలేకపోయారు. నామినేషన్‌ వేయకుండా అడ్డుకోవడం దగ్గర నుంచి ఎన్నికల అధికారుల సాయంతో దాదాపు 30 వార్డులు ఏకగ్రీవం చేసుకోవడం.. తీరా పోలింగ్‌ రోజున రిగ్గింగ్‌కు పాల్పడం వంటి చర్యలన్నింటినీ ప్రజలు నిశితంగా గమనిస్తున్నారు. ఇలా ప్రజలను, వైఎస్సార్‌సీపీ సానుభూతిపరులను భయపెట్టి గెలిచిన గెలుపు ఓ గెలుపేనా.. ఇదేనా జేసీ.. నీ ప్రజాస్వామ్యం? – ఫయాజ్‌బాషా, మున్సిపల్‌ చైర్‌పర్సన్‌ అభ్యర్థి

బొమ్మనహాళ్‌: కర్ణాటక రాష్ట్రంలోని బసవ కళ్యాణ డిపోకు చెందిన పెళ్లి బస్సు టైర్లు బరస్ట్‌ అవ్వడంతో త్రుటిలో ప్రమాదం తప్పింది. ఈ ఘటన బొమ్మనహాళ్‌ మండలంలోని ఎల్‌బీ నగర్‌ వద్ద ఆదివారం చోటు చేసుకుంది. పెళ్లి వేడుకలకు హాజరయ్యేందుకు మధుగిరి ప్రాంతానికి చెందిన దాదాపు 35 మంది ప్రయాణిస్తున్నారు. బస్సు బొమ్మనహాళ్‌ మండలంలోని ఎల్‌బీ నగర్‌ సమీపంలోకి రాగానే వెనుక ఒక వైపు ఉన్న రెండు టైర్లు పేలడంతో ఒక్కసారిగా వాహనం అదుపు తప్పడంతో డ్రైవర్‌ అప్రమత్తమై పక్కన నిలిపివేశాడు. దీంతో బస్సులో ప్రయాణిస్తున్న వారు ఒక్కసారిగా ఆందోళనకు గురయ్యారు. ప్రమాదంలో ఎవరికి గాయాలవ్వకపోవడంతో అందరూ ఊపిరి పీల్చుకున్నారు. పెళ్లికి వెళ్తూ పరలోకాలకు.. ● అదుపు తప్పిన ద్విచక్ర వాహనం.. యువకుడు మృతి కళ్యాణదుర్గం రూరల్‌: బంధువుల పెళ్లికి వెళ్తుండగా ద్విచక్ర వాహనం అదుపుతప్పి సాయి(20)అనే యువకుడు మృతి చెందిన సంఘటన ఆదివారం గరుడాపురం గ్రామం వద్ద చోటు చేసుకుంది. పోలీసులు తెలిపిన వివరాల మేరకు.. రాయదుర్గం పట్టణానికి చెందిన యువరాజు, సన్నీరమ్మ దంపతుల కుమారుడు సాయి బేల్దారి పనులు చేస్తూ కుటుంబానికి పెద్దదిక్కుగా ఉన్నాడు. ఆదివారం కర్ణాటక రాష్ట్రం పావగడలో బంధువుల పెళ్లికి వెళ్తున్న సమయంలో మార్గ మధ్యంలో కళ్యాణదుర్గం మండలం గరుడాపురం గ్రామం వద్ద బండి వేగాన్ని అదుపు చేయలేకపోవడంతో బైక్‌ అదుపు తప్పింది. ఈ ప్రమాదంలో తీవ్రంగా గాయపడ్డ సాయిని వెంటనే స్థానిక సీహెచ్‌సీకి తరలించగా అప్పటికే మృతి చెందినట్టు వైద్యులు తెలిపారు. రూరల్‌ పోలీసులు సంఘటనా స్థలాన్ని పరిశీలించి దర్యాప్తు చేపట్టారు. అనుమానాస్పద స్థితిలో వృద్ధురాలు మృతి కూడేరు: మండల పరిధిలోని కలగళ్ల గ్రామంలో ఏకిల ఓబుళమ్మ(85) అనే వృద్ధురాలు ఆదివారం ఇంట్లో అనుమానాస్పద స్థితిలో మృతి చెందినట్లు పోలీసులు తెలిపారు. వృద్ధురాలి మృతిపై సమాచారం అందడంతో పోలీసులు సంఘటనా స్థలానికి వెళ్లి పరిశీలించారు. శరీరంపై గాయాలు ఉండడంతో పోలీసులు అనుమానాస్పద స్థితిలో మృతి చెందినట్లు కేసు నమోదు చేసుకొని శవాన్ని పోస్టుమార్టం నిమిత్తం అనంతపురం ఆస్పత్రికి తరలించారు. కాగా మృతురాలికి నలుగురు కుమార్తెలున్నారు. మనస్థాపమా.. మరేదైనా కారణ మా? ● మద్యం మానేయాలని మందలించడంతో వ్యక్తి ఆత్మహత్య ● మృతుడి కాళ్లు నేలపై ఉండడం.. కర్రకు ఉరివేసుకోవడంపై అనుమానాలు ● విచారణలో తేలనున్న నిజాలు బత్తలపల్లి: మద్యం మానేయాలని సహచారిని చెప్పడంతో మనస్థాపానికి గురై వ్యక్తి ఆత్మహత్యకు పాల్పడిన సంఘటన మండలంలోని కట్టకిందపల్లి గ్రామ శివారు గంగాదేవి చెరువు సమీపంలో చోటు చేసుకుంది. పోలీసులు తెలిపిన మేరకు వివరాలు.. మహరాష్ట్రలోని పూణే జిల్లా లోనావాలా మండలం కునేనామా గ్రామానికి చెందిన నిక్లాస్‌ విజయ్‌ వాఘ్మోరే(48) తన భార్య మరణించడంతో మంగళ్‌ నిక్లాస్‌ వాఘ్మోరేతో గత కొంతకాలంగా సహజీవనం చేస్తున్నాడు. వీరు ఉపాధి నిమిత్తం గతేడాది నవంబర్‌లో బత్తలపల్లి మండలం కట్టకిందపల్లికి వలస వచ్చారు. బొగ్గుల తయారీ పనులు చేస్తూ, కట్టకిందపల్లి చెరువు వద్ద తాత్కాలిక గుడారాలు వేసుకొని అక్కడే ఉంటున్నారు. అయితే విజయ్‌ మద్యానికి బానిసవ్వడంతో మంగళ్‌ ఆ అలవాటు మానేయాలని పలుమార్లు మందలించింది. దీంతో తీవ్ర మనస్థాపానికి గురైన అక్టోబర్‌ 31న (శనివారం రాత్రి) పక్కన ఉన్న తాత్కాలిక గుడారానికి విజయ్‌ వెళ్లాడు. ఆదివారం ఉదయం మంగళ్‌ లేచి గుడారంలోకి వెళ్లి చూసేసరికి కర్రకు తాడుతో ఉరివేసుకొని ఉండటాన్ని గమినించి పోలీసులకు సమాచారం ఇచ్చింది. విషయం తెలుసుకున్న వెంటనే బత్తలపల్లి ఏఎస్‌ఐ రాము తమ సిబ్బందితో అక్కడికి చేరుకుని వివరాలను సేకరించారు. మృతదేహాన్ని పోస్టుమార్టం నిమిత్తం ధర్మవరం ప్రభుత్వాసుపత్రికి తరలించారు. కేసు నమోదు చేసుకుని దర్యాప్తు చేస్తున్నారు. మృతుడి తొలి భార్యకు ఇద్దరు కుమారులు, మంగళ్‌కు కుమార్తె ఉన్నారు. ఇదిలా ఉండగా మృతుడి కాళ్లు నేలకు ఆనుకొని ఉండడం కర్రకు ఉరి వేసుకొని ఆత్మహత్యకు పాల్పడడం పలు అనుమానాలకు తావిస్తోంది. పోలీసులు లోతైన విచారణ జరిపితే వాస్తవాలు బయటకు వస్తాయని గ్రామస్తులు అంటున్నారు.

కళ్యాణదుర్గం: మున్సిపల్‌ ఎన్నికల్లో అధికార టీడీపీ ఓటమి భయంతో అడ్డదారులు తొక్కింది. అభ్యర్థులను గెలిపించుకునేందుకు రిగ్గింగ్‌కు పాల్పడింది. కళ్యాణదుర్గంలో వైఎస్సార్‌సీపీకి పట్టు ఉన్న వార్డుల్లో ఓసారి ఎమ్మెల్యే అమిలినేని సురేంద్రబాబు, మరోసారి ఆయన తనయుడు యశ్వంత్‌, ఇంకోసారి వ్యక్తిగత కార్యదర్శి రాకేష్‌, టీడీపీ జెడ్పీటీసీ అభ్యర్థి గోళ్ల వెంకటేశులు, టీడీపీ నాయకులు డిష్‌ మురళి, అబ్దుల్‌ రహీం, ప్రకాష్‌తో పాటు పలువురు టీంలుగా ఏర్పడి దొంగ ఓట్లు వేయించేందుకు యత్నించారు. దొడగట్టలోని ఒకటి, రెండు వార్డుల్లో ఎమ్మెల్యే చాటున 40 మంది పార్టీ శ్రేణులు పోలింగ్‌ కేంద్రాల్లోకి చొరబడి రిగ్గింగ్‌ చేశారని వైఎస్సార్‌సీపీ నాయకులు ఆందోళనకు దిగారు. ఈ క్రమంలో ఇరు పార్టీ కార్యకర్తల మధ్య వాగ్వాదం చోటు చేసుకుంది. దీంతో వైఎస్సార్‌సీపీ ఏజెంట్లు పోలింగ్‌ కేంద్రం నుంచి బయటికి వచ్చేశారు. పార్టీ శ్రేణులను పోలీసులు బయటకు పంపించేశారు. అనంతరం టీడీపీ, వైఎస్సార్‌సీపీ శ్రేణుల మధ్య తోపులాట జరిగింది. ఈ ఘటనలో వైఎస్సార్‌సీపీ రాష్ట్ర సంయుక్త కార్యదర్శి దొడగట్ట నారాయణ చేతికి గాయం అయ్యింది. దొడగట్టలో రీ పోలింగ్‌ జరపాలి ఎమ్మెల్యే అమిలినేని బెదిరింపులకు పాల్పడి రిగ్గింగ్‌ చేసుకోవడం సరైంది కాదు. ప్రజాస్వామ్య పద్ధతిలో పోలింగ్‌ నిర్వహించి గెలిచి చూపాలి. సీఐ హరినాథ్‌ నాతో పాటు మా బంధువు అయిన మాజీ ఎంపీపీ రామలక్ష్మమ్మ, విజయలక్ష్మిపై దాడి చేశారు. సీఐని సస్పెండ్‌ చేయాలి. – దొడగట్ట నారాయణ, వైఎస్సార్‌సీపీ రాష్ట్ర సంయుక్త కార్యదర్శి

అనంతపురం ఎడ్యుకేషన్‌: రాప్తాడు జెడ్పీహెచ్‌ఎస్‌లో ఉన్మాది చేతిలో తీవ్రంగా గాయపడిన పదో తరగతి విద్యార్థిని గోపిక కుటుంబాన్ని పాఠశాల విద్యాశాఖ డైరెక్టర్‌ తమీమ్‌ అన్సారియా ఆదివారం పరామర్శించారు. బెంగళూరులోని మణిపాల్‌ ఆస్పత్రికి వెళ్లి బాలిక తల్లిదండ్రులను కలిసి వారికి ధైర్యం చెప్పారు. ఈ సందర్భంగా గోపిక ఆరోగ్య పరిస్థితి, ఆస్పత్రిలో అందిస్తున్న వైద్య సేవల గురించి వైద్యులు, తల్లిదండ్రులను అడిగి తెలుసుకున్నారు. బాలిక ఆస్పత్రి నుంచి డిశ్చార్జ్‌ అయ్యే వరకు విద్యాశాఖ తరఫున అన్ని విధాలా సహాయ సహకారాలు అందించాలని సంబంధిత అధికారులను ఆదేశించారు. బాలిక కుటుంబానికి ప్రభుత్వం, విద్యాశాఖ అండగా ఉంటుందని భరోసానిచ్చారు. ఆమె వెంట ఆర్జేడీ శామ్యూల్‌, జిల్లా విద్యాశాఖ అధికారి డాక్టర్‌ అయూబ్‌ హుస్సేన్‌, సమగ్రశిక్ష ఏపీసీ శైలజ ఉన్నారు. పాఠశాల విద్యాశాఖ డైరెక్టర్‌ తమీమ్‌ అన్సారియా

వెన్నపూసపల్లిలో.. అనంతపురం : ఎల్లనూరు మండలంలో జేసీ అనుచరుల ఆగడాలు శ్రుతిమించి పోతున్నాయి. స్థానిక ఎన్నికల వేళ మండలంలోని గ్రామాల్లో ప్రశాంత వాతావరణాన్ని దెబ్బతీసేలా జేసీ గూండాలు దుశ్చర్యలకు పాల్పడుతున్నారు. ఆదివారం ఎల్లనూరు మండలం వెన్నపూసపల్లిలో తీవ్ర ఉద్రిక్తతలు నెలకొన్నాయి. గ్రామంలో ఉన్న టీడీపీ గూండాలు వైఎస్సార్‌సీపీ నాయకులను భయభ్రాంతులకు గురిచేసేలా దాడులకు తెగబడ్డారు. అలానే భోగాతి నారాయణరెడ్డి వర్గీయులకు చెందిన కార్లను ధ్వంసం చేశారు. ఆదివారం గ్రామంలో టీడీపీ అభ్యర్థులు ప్రచారం చేశారు. ప్రచారం పూర్తయ్యాక కూడా డ్రమ్స్‌తో ఊరేగింపు చేస్తుండగా అదే సమయంలో వైఎస్సార్‌సీపీ నాయకుడు రామేశ్వరరెడ్డి పాల కోసం వెళ్తుంటే ఎదురుగా వస్తున్న టీడీపీ నాయకుడు గంగా రాజేష్‌రెడ్డి, అనుచరులతో కలిసి కర్రలతో దాడికి దిగారు. దాడిని అడ్డుకోబోయిన భార్య రమాదేవి పైనా దాడి చేయడమే కాక సర్దిచెబుతున్న కూతురు దుస్తులు చించేసినట్టు తెలుస్తోంది. అదే విధంగా అల్లుడు సుధాకర్‌రెడ్డికి చెందిన కారును కూడా టీడీపీ మూకలు ధ్వంసం చేశారు. విషయం తెలుసుకున్న మల్లాగుండ్ల గ్రామానికి చెందిన వైఎస్సార్‌సీపీ నాయకుడు కొండారెడ్డి తన అనుచరులతో కలిసి వెన్నపూసపల్లికి వస్తుండగా మార్గ మధ్యంలో బొలెరో వాహనాన్ని టీడీపీ గూండాలు అడ్డుకొని ఇద్దరు వైఎస్సార్‌సీపీ కార్యకర్తలపై దాడి చేసి, బొలెరో వాహనానికి నిప్పుపెట్టారు. అదే విధంగా పుత్తా దీప, సుధాకర్‌రెడ్డిలకు చెందిన కార్లను ధ్వంసం చేశారు. అలాగే రెండు ద్విచక్ర వాహనాలు పాక్షికంగా ధ్వంసం చేశారు. తాము వైఎస్సార్‌సీపీ మద్దతుదారులు కావడంతో తమ కార్లు, బైక్‌లను ధ్వంసం చేశారని బాధిత కుటుంబ సభ్యులు వాపోతున్నారు. టీడీపీ గూండాల దాడులకు మరింత ఆజ్యం పోసేందుకు తాడిపత్రి మాజీ ఎమ్మెల్యే జేసీ ప్రభాకర్‌రెడ్డి 16 కార్లలో అనుచరులతో గ్రామానికి వెళ్తుండగా యల్లనూరు పోలీసుస్టేషన్‌ వద్ద పుట్లూరు సీఐ వంశీకృష్ణ, యల్లనూరు ఎస్‌ఐ రామాంజినేయరెడ్డిలు ఆయన్ను అడ్డుకున్నారు. అనంతరం ఆయన్ను తాడిపత్రికి పంపించేశారు. ధర్నా చేస్తున్న వైఎస్సార్‌సీపీ నాయకులు, (ఇన్‌సెట్‌లో) వివరాలు వెల్లడిస్తున్న బాలా రమేష్‌ బాబు వైఎస్సార్‌సీపీ నాయకుడిపై దాడి, అడ్డుకోబోయిన భార్యనూ వదలని వైనం సర్ది చెప్పేందుకు వచ్చిన కూతురి దుస్తులు చించేసిన జేసీ గూండాలు కార్లు, ద్విచక్ర వాహనాలు ధ్వంసం ఇళ్లపై దాడి చేసిన టీడీపీ మూకలు గాంధీజీ విగ్రహం వద్ద పెద్ద ఎత్తున నిరసన యాడికి: స్థానిక ఎన్నికల వేళ మండలంలో వైఎస్సార్‌సీపీ నాయకులు, అభ్యర్థులపై, వారి ఇళ్లపై టీడీపీ గూండాలు దాడులకు తెగబడుతున్నారు. మండల కేంద్రంలో ఏడు ఎంపీటీసీ స్థానాలకు పోటీ చేస్తున్న వైఎస్సార్‌సీపీ అభ్యర్థులే టార్గెట్‌గా అధికార పార్టీ మూకలు దాడులు చేశాయి. ఆదివారం యాడికి–4 ఎంపీటీసీ అభ్యర్థి అలివేలమ్మ ఇంటిలోని ఫర్నీచర్‌, సామగ్రిని టీడీపీ గూండాలు ధ్వంసం చేయడమే కాక యాడికి–5 ఎంపీటీసీ అభ్యర్థిని రజియాకు చెందిన వాహనాన్ని రాళ్లతో దాడి చేశారు. విషయం తెలుసుకున్న వైఎస్సార్‌సీపీ సీనియర్‌ నాయకుడు బాలా రమేష్‌బాబు, నాయకులు మండల కేంద్రంలో గాంధీ విగ్రహం వద్ద పెద్దఎత్తున ధర్నా చేపట్టారు. ఈ సందర్భంగా ఆయన మాట్లాడుతూ దాడులకు పాల్పడిన వారిపై తక్షణమే చర్యలు తీసుకోవాలని డిమాండ్‌ చేశారు. జిల్లా ఎస్పీ ఈ ఘటనపై వెంటనే స్పందించి సమగ్ర విచారణ జరిపి బాధ్యులపై చట్టపరమైన చర్యలు తీసుకోవాలని విజ్ఞప్తి చేశారు. ఎన్నికల సమయంలో ఇలాంటి అల్లర్లు పునరావృతం కాకుండా పోలీసులు పటిష్ట చర్యలు చేపట్టాలని కోరారు. బాలా రమేష్‌ ఇంటిపై రాళ్ల దాడికి యత్నం యాడికి మండల కేంద్రంలోని బాలా రమేష్‌ బాబు ఇంటిపై ఆదివారం సాయంత్రం రాళ్లతో దాడి చేసేందుకు వస్తున్న టీడీపీ వర్గీయులను వైఎస్సార్‌సీపీ నాయకులు, కార్యకర్తలు అడ్డుకున్నారు. ఈ క్రమంలో ఇరువర్గాల మధ్య ఘర్షణ వాతావరణం నెలకొంది. టీడీపీ వర్గీయులపై వైఎస్సార్‌సీపీ నాయకులు ఎదురు దాడి చేశారు. దీంతో పచ్చ రౌడీలు అక్కడి నుంచి పరారయ్యారు. ఈ ఘటనతో మండల కేంద్రంలో ఒక్కసారిగా ఉద్రిక్త పరిస్థితులు నెలకొన్నాయి.

● పోలింగ్‌ కారణంగా పూర్తిస్థాయిలో నడవని బస్సులు ● ప్రయాణికులతో తాడిపత్రి రైల్వేస్టేషన్‌ కిటకిట తాడిపత్రి రూరల్‌ : పట్టణంలో ఆదివారం జరిగిన మున్సిపల్‌ ఎన్నికల పోలింగ్‌ కారణంగా అధికారులు ఆర్టీసీ బస్సులను పూర్తిస్థాయిలో నడపలేదు. ఈ కారణంగా కడప, తిరుపతి తదితర ప్రాంతాలకు వెళ్లే ప్రయాణికులు అవస్థలు పడ్డారు. అనంతపురం నుంచి రావాల్సిన అంతర్‌ జిల్లాల బస్సులు సైతం సక్రమంగా నడపకపోవడం ప్రయాణికులు పడిగాపులు కాయాల్సి వచ్చింది. దీంతో కడప, తిరుపతి, గుంతకల్లు, కర్నూలు, హైదరాబద్‌లకు వెళ్లే రైళ్ల కోసం వేచివున్న ప్రయాణికులు తాడిపత్రి రైల్వే స్టేషన్‌ ప్రయాణికులతో కిక్కిరిసి పోయింది. అనంతరం స్టేషన్‌లో ఆగిన రైళ్లల్లోని జనరల్‌ బోగీల్లో ఎక్కడానికి ప్రయాణికులు ఎగబడ్డారు. అప్పటికే జనరల్‌ బోగీలు ప్రయాణికులతో నిండివుండడంతో లోపలికి వెళ్లేందుకు ప్రయాణికులు ఇబ్బందులు పడాల్సి వచ్చింది.

నల్లమాడ(ఓడీచెరువు): పుట్టెంట్రుకల కార్యానికి కదిరి శ్రీ లక్ష్మీనరసింహస్వామి ఆలయానికి వచ్చి తిరిగి సొంతూరుకు బొలేరో వెళ్తుండగా టైర్‌ బరస్టవ్వడంతో వాహనం అదుపు తప్పింది. ప్రమాదంలో చిన్నయ్య(35) మృతి చెందగా, రామాంజినప్ప, కుషాల్‌ తీవ్రంగా గాయపడ్డారు. స్థానికులు తెలిపిన వివరాల మేరకు కర్ణాటక రాష్ట్రం తుమకూరు జిల్లా నాగలమడక మండలం తిమ్మంపల్లికి చెందిన చిన్నయ్య తన కుమారుడి పుట్టెంట్రుకుల కార్యం నిమిత్తం కదిరి పట్టణంలోని ప్రముఖ క్షేత్రం శ్రీ లక్ష్మీనారసింహుడి ఆలయానికి 20 మంది కుటుంబసభ్యులు, బంధువులతో వచ్చారు. శుభకార్యం ముగించుకుని జీతో బొలేరో(కేఏ06 ఏసీ 2952) సొంతూరుకి వెళ్తుండగా నల్లమాడ మండలంలోని పులగంపల్లి వద్దకు రాగానే బొలేరో టైర్‌ బరస్టయ్యింది. దీంతో వాహనం బోల్తా పడగా, ప్రమాద దాటికి చిన్నయ్య ఆస్పత్రికి వెళ్లే లోపు మృతి చెందాడు. అలానే ఇద్దరి పరిస్థితి విషమంగా ఉండగా మిగిలిన 17 మందికి స్వల్ప గాయాలయ్యాయి. మృతుడి భార్య ధనలక్ష్మి ఫిర్యాదు మేరకు పోలీసులు దర్యాప్తు చేస్తున్నారు. డ్రైవర్‌ అతివేగం కారణంగా టైర్‌ బరస్ట్‌ అదుపుతప్పి వాహనం బోల్తా; ఒకరు మృతి, 19 మందికి గాయాలు ఇద్దరి పరిస్థితి విషమం

అనంతపురం ఎడ్యుకేషన్‌ : ఎన్నికల నియమావళికి విరుద్ధంగా ఎమ్మెల్యే దగ్గుపాటి ప్రసాద్‌ నగరంలోని 11వ డివిజన్‌ (కస్తూర్బా స్కూల్‌) సహా పలు పోలింగ్‌ కేంద్రాల్లో కలియతిరుగుతూ ఉద్రిక్త వాతావరణం సృష్టించారు. నేతాజీ స్కూల్‌ పోలింగ్‌ కేంద్రం వద్ద పోలీసులను ఎమ్మెల్యే బూతులు తిడుతూ బెదిరింపులకు దిగిన వీడియో సోషల్‌ మీడియాలో వైరల్‌గా మారింది. ఎమ్మెల్యే పర్యటించిన ప్రతి డివిజన్‌లోనూ వైఎస్సార్‌సీపీ ఏజెంట్ల ఐడీ కార్డులు చించివేసి, కేంద్రాల నుంచి బయటకు పంపేలా పోలీసులు సహకరించారని వైఎస్సార్‌సీపీ నాయకులు ఆగ్రహం వ్యక్తం చేశారు. ఐడీ కార్డు.. ఓటరు జాబితా చించేసిన దగ్గుపాటి అనంతపురం సెంట్రల్‌: నాలుగో డివిజన్‌లోని ఛత్రపతి శివాజీ నగరపాలక ప్రాథమిక పాఠశాల పోలింగ్‌ బూత్‌లోకి ఎమ్మెల్యే దగ్గుపాటి ప్రసాద్‌ అనుచరులతో కలిసి చొరబడి వైఎస్సార్‌సీపీ ఏజెంట్‌ ఐడెంటిటీ కార్డు, ఓటరు జాబితాను చింపివేశారు. అనంతరం ఒకటో డివిజన్‌లోని మత్య్సశాఖ ఏడీ కార్యాలయం పోలింగ్‌ బూత్‌లోకి వెళ్లి. స్వతంత్ర అభ్యర్థి అజీజ్‌పై దాడికి యత్నించడంతో పాటు ఓ గదిలో నిర్బంధించారు. పోలింగ్‌ బూత్‌ను స్వాధీనం చేసుకోవడానికి ప్రయత్నించడంతో వైఎస్సార్‌సీపీ కార్యకర్తలు ప్రతిఘటించారు. మేయర్‌ అభ్యర్థి రమేష్‌గౌడ్‌ హుటాహుటిన వచ్చి అనధికార వ్యక్తులను పోలింగ్‌బూత్‌లోకి ఎలా అనుమతిస్తారంటూ పోలీసులతో వాగ్వాదానికి దిగారు.

ఇదేంది ‘బాసూ’ ఇట్లజేత్తివి! ● ఎన్నికల నిర్వహణలో అట్టర్‌ఫ్లాప్‌ ● కూటమి అరాచకాలను నిలువరించలేని స్థితిలో పోలీసులు ● అనంతపురం చరిత్రలో తొలిసారి రిగ్గింగ్‌ను పరిచయం చేసిన వైనం అనంతపురం సెంట్రల్‌: ‘మున్సిపల్‌ ఎన్నికలకు భారీ బందోబస్తు.. కట్టుదిట్టమైన భద్రత.. పోలింగ్‌ కేంద్రాల వద్ద 144 సెక్షన్‌.. లోకల్‌ పోలీసులతో పాటు ఏఆర్‌, ఏపీఎస్పీ, ఎస్టీఎఫ్‌ బలగాల మోహరింపు.. వజ్ర, మైన్‌ప్రూఫ్‌, వాటర్‌ కేనన్ల లాంటి అధునాతనమైన వాహనాలు, దాదాపు 2,500 మందితో పటిష్ట బందోబస్తు’ అంటూ జిల్లా పోలీసు బాస్‌ చేసిన ప్రకటనలు కూటమి నాయకుల దౌర్జన్యకాండ ముందర పటాపంచల్‌ అయ్యాయి. జిల్లాలో ఎప్పుడూ కొనసాగే తాడిపత్రి లాంటి ప్రదేశంలోనే కాదు అనంతపురంలో కూడా ఎన్నికల్లో రిగ్గింగ్‌ ఎలా ఉంటుందో పరిచయం చేశారు. కూటమి నాయకులు దౌర్జన్యాలు, దాడులకు పాల్పడుతున్నా పోలీసులు కనీసం నిలువరించే ప్రయత్నాలు చేయలేదు. మున్సిపల్‌ ఎన్నికల నిర్వహణపై జిల్లా పోలీసు యంత్రాంగం వారం రోజులపాటు కసరత్తు చేసింది. కానీ పోలింగ్‌ రోజున వారి వ్యూహాలేవీ పనిచేయలేదు. ఆదివారం పోలింగ్‌ సందర్భంగా కూటమి నాయకులు అనుకున్న వ్యూహాలను అమలు పరిచారు. ఇందుకు పోలీసులు పరోక్షంగా మద్దతు ఇచ్చారనే విమర్శలు సర్వత్రా వ్యక్తమవుతున్నాయి. ● తాడిపత్రిలో ప్రతిపక్షపార్టీ నాయకులకు, కార్యకర్తలకు పోలీసులు రక్షణ లేకుండా చేశారు. మున్సిపల్‌ ఎన్నికల ప్రారంభం నుంచి ఇప్పటి వరకూ దాదాపు 40 మంది వైఎస్సార్‌సీపీ ముఖ్య కార్యకర్తలపై దాడులు చేశారు. టీడీపీ నేతలు దాదాపు 200 మంది గూండాలతో గ్యాంగ్‌నే ఏర్పాటు చేసి దాడులకు పాల్పడుతున్నట్లు సమాచారం. ● విద్యావంతులు, మేధావులు, ప్రభుత్వ ఉద్యోగులు, సంపన్నులకు నిలయమైన అనంతపురం నగరం ప్రశాంతతకు మారుపేరుగా ఇప్పటి వరకూ ఉండేది. ఎప్పుడు ఎన్నికలు జరిగినా చిన్న,చిన్న వాగ్వాదాలతో ముగిసిపోయేవి. కానీ ఈసారి పూర్తి భిన్నంగా ఎన్నికలు జరిగాయి. ఎమ్మెల్యే దగ్గుపాటి ప్రసాద్‌లో ఉన్న రౌడీ కోణం పూర్తిగా బయటపడింది. పోలింగ్‌ కేంద్రాల్లోకి చొరబడి అక్కడి వైఎస్సార్‌సీపీ నాయకులను, ఏజెంట్లను రెచ్చగొట్టడం, దాడులకు పాల్పడడం, ఓటర్లను భయభ్రాంతులకు గురిచేయడం లాంటి కార్యక్రమాలకు ఎమ్మెల్యేనే పాల్పడడాన్ని నగరవాసులు చీదరించుకుంటున్నారు. 30వ డివిజన్‌లో బీజేపీ కార్పొరేటర్‌ అభ్యర్థి అశోక్‌రెడ్డి రిగ్గింగ్‌కు పాల్పడుతున్నా పోలీసులు కన్నెత్తి చూడలేదు. చర్యలు తీసుకుంటారా? ప్రశాంత ఎన్నికలకు విఘాతం కలిగించే వారిపై రౌడీషీట్లు ఓపెన్‌ చేస్తాం.. పీడీ యాక్టు ప్రయోగిస్తామంటూ పోలీసు అధికారులు ప్రకటించారు. మరి ఆదివారం జిల్లా వ్యాప్తంగా అరాచకం సాగించిన కూటమి నాయకులపై ఎలాటి చర్యలు తీసుకుంటారో చూడాలి.అనంతపురం: ఓటమి భయం వెన్నులో వణుకు పుట్టిస్తుండడంతో అధికార కూటమి పార్టీలు అనంతపురం నగర పాలక సంస్థ ఎన్నికల్లో అరాచకానికి తెరలేపాయి. పోలింగ్‌ కేంద్రాలను టీడీపీ, బీజేపీ గూండాలు రాజకీయ క్రీడా మైదానాలుగా, అక్రమాల అడ్డాగా మార్చేశారు. పలు డివిజన్లలో బరితెగించి మరీ సాగించిన రిగ్గింగ్‌.. సైక్లింగ్‌ (దొంగ ఓట్ల) పర్వం తీవ్ర కలకలం రేపింది. కూటమి శ్రేణుల తీరుతో ప్రజాస్వామ్యం అపహాస్యమైంది. ● 30వ డివిజన్‌లోని 30/3 పోలింగ్‌ కేంద్రంలో రిగ్గింగ్‌ జరిగింది. హమాలీ కాలనీలోని బీఆర్‌ అంబేడ్కర్‌ నగర పాలక యూపీ పాఠశాలలోని పోలింగ్‌ కేంద్రం వద్ద మధ్యాహ్నం బీజేపీ అభ్యర్థికి చెందిన వ్యక్తులు ఓటర్లను, వైఎస్సార్‌సీపీ అభ్యర్థి, నాయకులను భయభ్రాంతులకు గురిచేశారు. ఇదే క్రమంలో కడపకు చెందిన చిన్నా అనే వ్యక్తి, బీజేపీ అభ్యర్థి అశోక్‌రెడ్డికి పోలింగ్‌ ఏజెంట్‌ ఉన్న ఆదిశేషు పోలింగ్‌ బూత్‌లోకి చొచ్చుకెళ్లి.. సిబ్బందిని, ఏజెంట్లను బయటకు పంపి.. తలుపులు మూసి రిగ్గింగ్‌కు పాల్పడ్డారు. అనంతరం రిగ్గింగ్‌కు పాల్పడిన ఇద్దరు వ్యక్తులను పోలీసులు అదుపులోకి తీసుకున్నారు. కూటమి నేతల దౌర్జన్యాలను నిరసిస్తూ వైఎస్సార్‌సీపీ మేయర్‌ అభ్యర్థి రమేష్‌ గౌడ్‌, కార్పొరేటర్‌ అభ్యర్థి వెన్నం శివారెడ్డి నిరసనకు దిగగా.. పోలీసులు లాఠీచార్జ్‌ చేశారు. కూటమి నేతల అక్రమాలు, దాడులు, పోలీసుల ఏకపక్ష వైఖరిపై వైఎస్సార్‌సీపీ జిల్లా అధ్యక్షుడు అనంత వెంకటరామిరెడ్డి రాష్ట్ర ఎన్నికల అధికారులకు ఫిర్యాదు చేశారు. రీ పోలింగ్‌ నిర్వహించాలని కోరారు. దీంతో సోమవారం రీపోలింగ్‌ నిర్వహించాలని ఎన్నికల సంఘం ఆదేశాలిచ్చింది. ● 31వ డివిజన్‌లో టీడీపీ కార్పొరేటర్‌ అభ్యర్థి బొమ్మినేని శివ యల్లనూరు మండలం నుంచి భారీగా మహిళలను రప్పించి దొంగ ఓట్లు వేయించేందుకు ప్రయత్నించారు. వైఎస్సార్‌సీపీ నాయకులు, కార్యకర్తలతో పాటు కార్పొరేటర్‌ అభ్యర్థి నాగార్జునరెడ్డి గుర్తించి అడ్డుకోవడంతో ఉద్రిక్తత నెలకొంది. అదే సమయంలో బీజేపీ మేయర్‌ అభ్యర్థి అజేష్‌బాబు అక్కడకు చేరుకుని ఘర్షణలకు ఆజ్యం పోశారు. విషయం తెలుసుకున్న వైఎస్సార్‌సీపీ జిల్లా అధ్యక్షుడు అనంత వెంకట్రామిరెడ్డి, మేయర్‌ అభ్యర్థి రమేష్‌గౌడ్‌, చిత్తూరు పార్లమెంట్‌ పరిశీలకుడు చవ్వా రాజశేఖర్‌రెడ్డి, పీఏసీ సభ్యుడు మహాలక్ష్మి శ్రీనివాస్‌, పంచాయతీరాజ్‌ విభాగం రాష్ట్ర అధ్యక్షుడు వెన్నపూస రవీంద్రారెడ్డి తదితరులు అక్కడకు చేరుకోగా.. పోలీసులు అత్యుత్సాహంతో వారిని అక్కడి నుంచి తోసేసి.. రిగ్గింగ్‌కు అవకాశం కల్పించారు. ఇదే డివిజన్‌లో ఎమ్మెల్యే దగ్గుపాటి ప్రసాద్‌ తన అనుచరులను లోపలికి పంపించి రిగ్గింగ్‌కు ప్రయత్నించారు. ఈ క్రమంలో వైఎస్సార్‌సీపీ మహిళా నేతలు అడ్డుకోవడంతో ఎమ్మెల్యే వెనుదిరగాల్సి వచ్చింది. ఏజెంట్‌, అభ్యర్థులు, నాయకులపై దాడులు నగరంలోని 40వ డివిజన్‌ గుడ్‌ చిల్డ్రన్స్‌ స్కూల్‌ పోలింగ్‌ కేంద్రం వద్ద టీడీపీ నేతలు అనంతపురం రూరల్‌, ఆత్మకూరు, రాప్తాడు, కనగానపల్లి, చెన్నేకొత్తపల్లి మండలాలకు చెందిన వారిని రప్పించి రిగ్గింగ్‌కు యత్నించడంతో పాటు వైఎస్సార్‌సీపీ ఏజెంట్‌ లోకనాథ్‌పై దాడి చేశారు. ఈ విషయం తెలుసుకున్న వైఎస్సార్‌సీపీ జిల్లా అధ్యక్షుడు అనంత అక్కడికి చేరుకుని పోలీసుల వైఖరిపై తీవ్ర ఆగ్రహం వ్యక్తం చేశారు. దొంగ ఓట్లను అడ్డుకునేందుకు వైఎస్సార్‌సీపీ మహిళా విభాగం జిల్లా అధ్యక్షురాలు శ్రీదేవి ఆందోళనకు దిగారు. ఈ సందర్భంగా జరిగిన తోపులాటలో వైఎస్సార్‌సీపీ జిల్లా ఉపాధ్యక్షుడు కొండ్రెడ్డి ప్రకాష్‌రెడ్డి చేతికి గాయమైంది. అలాగే 45వ డివిజన్‌ జ్ఞాన సరస్వతి స్కూల్‌ పోలింగ్‌ కేంద్రం వద్ద టీడీపీ శ్రేణుల దౌర్జన్యాన్ని అడ్డుకోబోయిన వైఎస్సార్‌సీపీ కార్పొరేటర్‌ అభ్యర్థి అనిల్‌కుమార్‌రెడ్డి, ఆయన సోదరుడు విశ్వనాథరెడ్డి, తండ్రి రామాంజనేయులరెడ్డిపై మద్యం మత్తులో ఉన్న టీడీపీ శ్రేణులు విచక్షణారహితంగా దాడి చేశారు. బ్యాలెట్‌ బాక్సులు ఎత్తుకెళ్లే యత్నం కోర్టు రోడ్డులోని శ్రీ చైతన్య స్కూల్‌లోని పోలింగ్‌ బూత్‌ నుంచి బ్యాలెట్‌ బాక్సులను ఎత్తుకెళ్లేందుకు టీడీపీ అల్లరి మూకలు ప్రయత్నించాయి. ఇంతలో స్పెషల్‌ పార్టీ పోలీసులు వారిని అదుపులోకి తీసుకున్నారు. 1, 23, 30, 61 డివిజన్లలోనూ వైఎస్సార్‌సీపీ ఏజెంట్లను బయటకు నెట్టేసి.. రిగ్గింగ్‌కు పాల్పడ్డారని అభ్యర్థులు ఆందోళన చేపట్టారు. స్థానికేతరులతో సైక్లింగ్‌ అనంతపురం ఎడ్యుకేషన్‌: మున్సిపల్‌ ఎన్నికల్లో కూటమి నేతలు ఇతర ప్రాంతాలకు చెందిన వారిని రప్పించి రిగ్గింగ్‌కు పాల్పడ్డారు. 48వ డివిజన్‌లో టీడీపీ శ్రేణులు దొంగ ఓట్లు వేస్తుండటాన్ని వైఎస్సార్‌సీపీ కార్పొరేటర్‌ అభ్యర్థి చింతకుంట మధు గమనించి అడ్డుకున్నారు. చనిపోయిన వారి పేర్లతో కొందరు టీడీపీ కార్యకర్తలు ఓటరు స్లిప్పులు తీసుకొచ్చి ఓట్లు వేసేందుకు ప్రయత్నించగా వైఎస్సార్‌సీపీ ఏజెంట్లు అభ్యంతరం తెలిపారు. ఆగ్రహించిన టీడీపీ శ్రేణులు ‘మా ప్రభుత్వంలో మేము దొంగ ఓట్లు వేయించుకోకూడదా?’ అంటూ దాడికి దిగారు. చింతకుంట మధుతో పాటు వైఎస్సార్‌సీపీ కార్యకర్తలు చాకలి హరి, సురేష్‌ గాయపడ్డారు. టీడీపీ కార్పొరేటర్‌ అభ్యర్థి చేపల హరి, చేపల ఆనంద్‌, గుణశేఖర్‌, మహేష్‌తో పాటు రుద్రంపేటకు చెందిన అనిల్‌, కోవూర్‌నగర్‌కు చెందిన ఫారూక్‌ తదితరులు దాడికి పాల్పడ్డారని వైఎస్సార్‌సీపీ నాయకులు తెలిపారు. ఇదే డివిజన్‌లో మూడు పోలింగ్‌ బూత్‌ల్లోకి ఎమ్మెల్యే దగ్గుపాటి వచ్చిన టీడీపీ కార్యకర్తలు ఒక్కసారిగా చొరబడి అధికారుల ఎదుటే బ్యాలెట్‌ పత్రాలు తీసుకుని రిగ్గింగ్‌కు పాల్పడ్డారు. దొంగ ఓట్లను ‘దండు’కున్నారు.. 41వ డివిజన్‌లో టీడీపీకి చెందిన ‘చంద్ర దండు’ ప్రకాష్‌నాయుడు దగ్గరుండి దొంగ ఓట్లు వేయించారు. అనంతపురం రూరల్‌ మండలం పాపంపేట, పిల్లిగుండ్లకాలనీతో పాటు ఆత్మకూరు మండలం నుంచి పెద్ద ఎత్తున దొంగ ఓటర్లను రప్పించి ఓట్లు సైక్లింగ్‌ చేయించారు. ఈ అక్రమాలను వైఎస్సార్‌సీపీ, స్వతంత్ర అభ్యర్థులు అడ్డుకునేందుకు ప్రయత్నించడంతో ఉద్రిక్త పరిస్థితులు నెలకొన్నాయి. ఈ క్రమంలో స్వతంత్ర అభ్యర్థిపై ప్రకాష్‌నాయుడు దాడికి యత్నించాడు. గంగారాం.. వీరంగం.. 40వ డివిజన్‌లో టీడీపీ నేత గంగారాం వీరంగం సృష్టించాడు. ఓటరు స్లిప్పులు లేకున్నా, జాబితాలో పేర్లు లేకున్నా టీడీపీ కార్యకర్తలు లోపలికి వెళ్లి దొంగ ఓట్లు వేశారని వైఎస్సార్‌సీపీ నేతలు విమర్శించారు. ఈ అక్రమాలను అడ్డుకునేందుకు ప్రయత్నించిన వైఎస్సార్‌సీపీ ఏజెంట్‌ గవ్వల లోకనాథ్‌పై ఎమ్మెల్యే దగ్గుపాటి అనుచరులు దాడి చేశారు. విషయం తెలుసుకుని వైఎస్సార్‌సీపీ మహిళా విభాగం జిల్లా అధ్యక్షురాలు శ్రీదేవి పోలీసులతో వాగ్వాదానికి దిగారు. అనంతరం మాజీ ఎమ్మెల్యే అనంత, మేయర్‌ అభ్యర్థి రమేష్‌ గౌడ్‌ అక్కడికి చేరుకుని క్యూలో ఉన్న దొంగ ఓటర్లను నిలదీశారు. ఈ సమయంలో గంగారాం వర్గీయులు వైఎస్సార్‌సీపీ నాయకులపై దౌర్జన్యం చేయడంతో పరిస్థితి మరింత ఉద్రిక్తంగా మారింది. అరాచకం రాజ్యమేలింది. ప్రజాస్వామ్యం ఖూనీ అయ్యింది. కూటమి దాష్టీకాలు పతాకస్థాయికి చేరాయి. ఎన్నికలు అపహాస్యమయ్యాయి. హామీలు నెరవేర్చి.. ప్రజల హృదయాలు గెలుచుకోవడం చేతగాని పాలకులు కుటిల నీతితో వ్యవహరించారు. ఎన్నికల యంత్రాంగాన్ని, పోలీసు వ్యవస్థను గుప్పిట్లో పెట్టుకుని దాడులు, దౌర్జన్యాలు, ఓట్ల రిగ్గింగ్‌ను ప్రోత్సహించారు. మున్సి‘పోల్స్‌’లో ఓటర్ల తీర్పునకు విలువ లేకుండా చేశారు. ఆదివారం జరిగిన మునిసిపల్‌ ఎన్నికల పోలింగ్‌ సందర్భంగా అనంతపురం నగర పాలక సంస్థతో పాటు తాడిపత్రి, కళ్యాణదుర్గం తదితర ప్రాంతాల్లో అధికార పార్టీ దాష్టీకాలు చూసి ప్రజలు భీతిల్లిపోయారు. మున్సిపల్‌ ఎన్నికల్లో 62.45 శాతం పోలింగ్‌ అనంతపురం: జిల్లాలోని అనంతపురం కార్పొరేషన్‌, రాయదుర్గం, కళ్యాణదుర్గం, తాడిపత్రి, గుంతకల్లు, గుత్తి మున్సిపాలిటీలకు ఆదివారం పోలింగ్‌ జరిగింది. జిల్లా సగటు పోలింగ్‌ 62.45 శాతం నమోదైంది.

ముదిగుబ్బ: అతిగా మద్యం సేవించి వ్యక్తి మృతి చెందిన ఘటన మండలంలోని మలకవేమల క్రాస్‌ సమీపంలో చోటు చేసుకుంది. స్థానికులు తెలిపిన మేరకు వివరాలు తలుపుల మండలం సజ్జలకుంటపల్లి గ్రామానికి చెందిన కుళ్లాయప్ప కూలి పనులు చేసుకుంటూ జీవిస్తున్నాడు. అతిగా మద్యం సేవించడంతో మృతిచెందినట్టు తెలుస్తోంది. కాగా కుళ్లాయప్ప మలకవేమల క్రాస్‌ ఎందుకు వచ్చాడు? పూటుగా మద్యం సేవించడంతోనే మృతి చెందాడా లేక కారణం ఏమైనా ఉందా అనేది తెలియాల్సి ఉంది. పట్నం ఏఎస్‌ఐ వెంకటరాముడు సంఘటనా స్థలానికి చేరుకొని మృతికి గల కారణాలను ఆరా తీశారు. కేసు నమోదు చేసుకొని దర్యాప్తు చేస్తున్నారు. మృతుడికి భార్య, కుతూరు ఉన్నారు.

అనంతపురం ఎడ్యుకేషన్‌: ప్రభుత్వ పాఠశాలల్లో వరుస ఘటనలు ఆందోళన కలిగిస్తున్నాయి. ఒకచోట విద్యార్థులు గంజాయి మత్తులో పాఠశాలకు వస్తుంటే.. మరోచోట మద్యం మత్తులో బడికి చేరుతున్న పరిస్థితులు వెలుగుచూస్తున్నాయి. మరో పాఠశాలలో కల్లు సేవించిన ఘటన కలకలం రేపింది. ఇంకోచోట విద్యార్థులే చోరీలకు పాల్పడ్డారు. ఇవన్నీ ఒకవైపు ఉంటే.. తాజాగా రాప్తాడు జిల్లా పరిషత్‌ ఉన్నత పాఠశాలలో ఏకంగా పదో తరగతి బాలికపై విద్యుత్‌ రంపంతో ఓ ఉన్మాది దాడి చేయడం కలవరపాటుకు గురిచేసింది. నెల వ్యవధిలో అనంతపురం నగర, పరిసర ప్రాంతాల్లో వెలుగుచూసిన ఈ ఘటనలు ప్రభుత్వ పాఠశాలల్లో పర్యవేక్షణ, క్రమశిక్షణ, విద్యార్థుల భద్రతపై ప్రశ్నలు లేవనెత్తుతున్నాయి. గంజాయి, మద్యం మత్తులో బడికి.. అనంతపురంలోని ఓ పాఠశాలలో కొందరు విద్యార్థులు గంజాయి సేవించి బడికి వచ్చిన ఘటన ఉపాధ్యాయుల దృష్టికి వచ్చింది. మరో పాఠశాలలో విద్యార్థులు మద్యం మత్తులో పాఠశాలకు వచ్చినట్లు గుర్తించి కౌన్సెలింగ్‌ ఇచ్చినట్లు తెలిసింది. చిన్న వయసులోనే మత్తు పదార్థాల వైపు ఆకర్షితులవుతున్న విద్యార్థుల పరిస్థితి ఆందోళన కలిగిస్తోంది. కల్లు తాగి తరగతికి.. విద్యారణ్యనగర్‌ జిల్లా పరిషత్‌ ఉన్నత పాఠశాలలో కొందరు విద్యార్థులు కల్లుతాగడం కలకలం రేపింది. బడి గోడ దూకి కల్లుతాగి తిరిగి లోపలికి రావడం పాఠశాలల పర్యవేక్షణ తీరుపై చర్చకు దారితీసింది. మరోవైపు పాపంపేట ఉన్నత పాఠశాలలో విద్యార్థులు చోరీలకు పాల్పడిన ఘటన కూడా వెలుగులోకి వచ్చింది. వరుసగా చోటుచేసుకున్న ఈ పరిణామాలు విద్యార్థుల్లో క్రమశిక్షణ, నైతిక విలువలు, పాఠశాలల పర్యవేక్షణపై ఆందోళన కలిగిస్తున్నాయి. రాప్తాడులో రక్తపాతం.. ఈ ఘటనలు మరువకముందే రాప్తాడు జిల్లా పరిషత్‌ ఉన్నత పాఠశాలలో శనివారం మరో దారుణం చోటుచేసుకుంది. పదో తరగతి విద్యార్థిని గోపికపై హేమంత్‌ అనే వ్యక్తి విద్యుత్‌ రంపం మిషన్‌తో విచక్షణారహితంగా దాడి చేశాడు. అడ్డుకునేందుకు ప్రయత్నించిన మరో విద్యార్థిని లక్ష్మీని కూడా గాయపరిచాడు. భద్రతా ఏర్పాట్లు ఏవీ? రాప్తాడు ఘటనలో నిందితుడు విద్యుత్‌ రంపంతో ఏకంగా తరగతి గదిలోకి ప్రవేశించడం పాఠశాల భద్రతా వ్యవస్థపై అనేక ప్రశ్నలు లేవనెత్తుతోంది. సాధారణంగా పాఠశాల గేటు వద్ద పర్యవేక్షణ ఉండాల్సి ఉండగా, ఘటన జరిగిన సమయంలో వాచ్‌మన్‌ అక్కడ లేకపోవడం గమనార్హం. నిర్మాణ పనులు జరుగుతున్న పాఠశాలలోకి బయటి వ్యక్తులు సులభంగా ప్రవేశించే పరిస్థితి ఎలా ఏర్పడిందన్నది విచారణలో తేలాల్సి ఉంది. విద్యార్థులు తరగతి గదుల్లో ఉన్న సమయంలో వారి భద్రతకు బాధ్యత వహించాల్సిన యంత్రాంగం అప్రమత్తంగా ఉండాల్సిన అవసరాన్ని ఈ ఘటన గుర్తుచేస్తోంది. విద్యార్థుల భవిష్యత్తుపై ఆందోళన ఒకవైపు మత్తు పదార్థాలకు ఆకర్షితులవుతున్న విద్యార్థులు.. మరోవైపు పాఠశాలల్లో చోరీలు, క్రమశిక్షణా లోపాలు.. ఇంకోవైపు బయటి వ్యక్తుల నుంచి భద్రతకు ముప్పు.. ఇలా విభిన్న సమస్యలు ఒకదాని వెంట ఒకటి వెలుగుచూస్తుండటంతో తల్లిదండ్రులు ఆందోళన చెందుతున్నారు. విద్యార్థుల ప్రవర్తనలో మార్పులను ఉపాధ్యాయులు ఎప్పటికప్పుడు గుర్తించడంతోపాటు కౌన్సెలింగ్‌ ఇవ్వాలి. గంజాయి, మద్యం వంటి మత్తు పదార్థాల బారిన పడకుండా అవగాహన కల్పించాలి. అధికారులు ఇప్పటికై నా మేల్కొంటారా? ప్రభుత్వ పాఠశాలల్లో కేవలం పాఠాలు చెప్పడం, హాజరు నమోదు చేయడమే కాకుండా విద్యార్థుల ప్రవర్తన, భద్రత, మానసిక స్థితి, పాఠశాల వాతావరణంపైనా ప్రత్యేక దృష్టి సారించాల్సిన అవసరం ఉంది. పాఠశాలల్లోకి బయటి వ్యక్తుల ప్రవేశాన్ని నియంత్రించడం, గేట్ల వద్ద పర్యవేక్షణ, సీసీ కెమెరాల నిర్వహణ, మత్తు పదార్థాలపై అవగాహన కార్యక్రమాలు, విద్యార్థులకు కౌన్సెలింగ్‌ వంటి చర్యలు చేపట్టాలి. ప్రభుత్వ పాఠశాలల్లో పరిస్థితులను సమీక్షించి లోపాలను సరిదిద్దాలని తల్లిదండ్రులు కోరుతున్నారు. ప్రభుత్వ పాఠశాలల్లో ఏం జరుగుతోంది? అనంతపురంలో ఒకే నెలలో వరుస ఘటనలు గంజాయి, మద్యం మత్తులో విద్యార్థులు పాపంపేటలో కల్లు సేవనం.. చోరీల కలకలం రాప్తాడులో పదో తరగతి విద్యార్థినిపై రంపంతో దాడి పిల్లలను బడులకు పంపాలంటేనే జంకుతున్న తల్లిదండ్రులు

విడపనకల్లు: మద్యం మత్తులో ఉన్న ఓ వ్యక్తి పీఈటీపై దాడి చేసిన ఘటన కరకముక్కల గ్రామంలో చోటుచేసుకుంది. వివరాలు..శనివారం గ్రామంలోని జిల్లా పరిషత్‌ పాఠశాలలో తొమ్మిదో తరగతి చదువుతున్న ఓ విద్యార్థినిని పంపాలంటూ బోయ అజయ్‌ అనే వ్యక్తి పీఈటీ శివకుమార్‌ను అడిగాడు. అతను మద్యం మత్తులో ఉండటంతో విద్యార్థినిని పంపడం కుదరదని, అమ్మాయి తల్లిదండ్రులు వస్తే పంపుతానని చెప్పాడు. వెంటనే అతడు పీఈటీని కిందపడేసి విచ్చలవిడిగా కాళ్లతో తన్ని మెడపైన, భుజాలపై దాడి చేశాడు. ఘటనతో విద్యార్థులు భయాందోళనకు గురయ్యారు. పాఠశాల హెచ్‌ఎం పాల్తూరు పోలీసులకు ఫోన్‌లో సమాచారం ఇచ్చారు. దీంతో వారు పాఠశాలకు వచ్చి వివరాలు సేకరించారు. అననంతరం పాఠశాల హెచ్‌ఎం అజ్మతుల్లా బాషా పీఈటీపై దాడి చేసిన వ్యక్తిపై చట్టపరమైన చర్యలు తీసుకోవాలని పోలీసులకు ఫిర్యాదు చేశారు. విలేకరులపై దురుసుగా ప్రవర్తించిన టీడీపీ నాయకులు ఘటనపై న్యూస్‌ కవరేజ్‌ కోసం వెళ్లిన విలేకరులపై స్థానిక టీడీపీ నాయకులు దురుసుగా ప్రవర్తించారు. దీంతో పోలీసులు టీడీపీ నాయకులను చెదరగొట్టారు.

అనంతపురం ఎడ్యుకేషన్‌: రాప్తాడు జెడ్పీ ఉన్నత పాఠశాలలో పదో తరగతి విద్యార్థినిపై జరిగిన హత్యాయత్నాన్ని అనంతపురం జిల్లా ప్రైవేట్‌ పాఠశాలల సంఘం (ఏడీపీఎస్‌ఏ) తీవ్రంగా ఖండించింది. శనివారం సంఘం నాయకులు మాట్లాడుతూ విద్యార్థుల్లో పెరుగుతున్న ఆవేశపూరిత ప్రవర్తన, హింసాత్మక ధోరణులు ఆందోళన కలిగిస్తున్నాయన్నారు. పిల్లలకు విద్యను అందించడంతోపాటు విద్యార్థుల్లో నైతిక విలువలు, క్రమశిక్షణ, పరస్పర గౌరవం, మానవీయతను పెంపొందించాల్సిన బాధ్యత విద్యాసంస్థలు, తల్లిదండ్రులు, సమాజంపై ఉందన్నారు. ముఖ్యంగా విద్యాసంస్థల్లో బాలికల భద్రతకు అత్యంత ప్రాధాన్యత ఇవ్వాలని కోరారు. సంఘం జిల్లా అధ్యక్షుడు ఏ. గోపాల్‌రెడ్డి, వర్కింగ్‌ ప్రెసిడెంట్‌ ఎం. చంద్రశేఖర్‌రెడ్డి, ప్రధాన కార్యదర్శి కే. రమణరెడ్డి, గౌరవ సలహాదారు కే. రామాంజనేయులు, కోశాధికారి రామచంద్ర, ఉపాధ్యక్షుడు ఎస్‌. రాఘవేంద్ర, నగర అధ్యక్షుడు జీ. భాస్కర్‌రెడ్డి, నగర ప్రధాన కార్యదర్శి కే. విజయ్‌కుమార్‌ పాల్గొన్నారు. విద్యార్థినిపై దాడిని తీవ్రంగా ఖండిస్తున్నాం : వైఎస్సార్‌టీఏ రాప్తాడులో పదో తరగతి విద్యార్థినిపై జరిగిన దాడిని ఏపీవైఎస్‌ఆర్‌టీఏ అనంతపురం జిల్లా శాఖ తీవ్రంగా ఖండించింది. జిల్లా అధ్యక్షుడు ఎస్‌. నాగిరెడ్డి, ప్రధాన కార్యదర్శి శ్రీధర్‌ గౌడ్‌ ఓ ప్రకటన విడుదల చేశారు. విద్యార్థినిపై పైశాచికంగా దాడి చేయడం అత్యంత బాధాకరమని ఆవేదన వ్యక్తం చేశారు. ఈ దుర్ఘటనకు కారకులైన వారిని గుర్తించి కఠినంగా శిక్షించాలని డిమాండ్‌ చేశారు. భవిష్యత్తులో ఇలాంటి ఘటనలు పునరావృతం కాకుండా అధికారులు కఠిన చర్యలు తీసుకోవాలని కోరారు. రేపు కరువు బృందం పర్యటన ఆత్మకూరు: మండలంలోని పంపనూరు గ్రామంలో సోమవారం కేంద్ర బృందం పర్యటించనున్నట్లు ఏఓరి జ్యోతు విజయ్‌కుమార్‌ శనివారం తెలియజేశారు. బృందం కరువు పరిస్థితులను అధ్యయనం చేస్తుందన్నారు. వ్యవసాయ, ఉద్యాన, పాడి రైతులు, గ్రామీణ ఉపాధి, జోవనోపాధి మిషన్‌కు సంభందించిన వారు పాల్గొనాలని కోరారు. ఆర్టీసీ డ్రైవర్‌కు దేహశుద్ధి ఉరవకొండ: ఓ యువతి పట్ల అసభ్యకరంగా ప్రవర్తించిన ఆర్టీసీ డ్రైవర్‌కు యువతి తరఫు బంధువులు దేహశుద్ధి చేసిన ఘటన శనివారం ఉరవకొండ డిపో వద్ద చోటుచేసుకుంది. వివరాలు.. కూడేరు మండలంలోని ఓ గ్రామానికి చెందిన యువతి అనంతపురంలో ప్రైవేట్‌ కంపెనీలో ఉద్యోగం చేస్తోంది. ఆమె రోజు ఉరవకొండ డిపోకు చెందిన బస్సులో ప్రయాణం సాగిస్తోంది. యువతితో మాటల పరిచయం పెంచుకున్న ఆర్టీసీ డ్రైవర్‌ బాబా శనివారం ఉదయం అనంతపురం ఆర్టీసీ డిపో ఆవరణలో ఆమె పట్ల అసభ్యకరంగా ప్రవర్తించాడు. ఆమె వెంటనే డయల్‌ 100 ద్వారా పోలీసులకు సంప్రదించగా అనంతపురం 3వ పట్టణ పోలీసులు విచారణ చేపట్టారు. విషయం తెలుసుకున్న యువతి కుటుంబ సభ్యులు సైతం ఉరవకొండ ఆర్టీసీ డిపోకు చేరుకుని ప్రయాణికుల సమక్షంలోనే డ్రైవర్‌కు దేహశుద్ధి చేశారు. నిందితుడు డ్రైవర్‌ బాబా, దేహశుద్ధి చేస్తున్న అమ్మాయి కుటుంబ సభ్యులు

ఉరవకొండ: మండల పరిధిలోని రేణుమాకుపల్లిలో టీడీపీ ఎంపీటీసీ అభ్యర్థి తరఫున శనివారం 145, 146 బూత్‌ పరిధిలో జరిగిన ఎన్నికల ప్రచారంలో గ్రామ ఫీల్డ్‌ అసిస్టెంట్‌ వన్నూర్‌స్వామి, ఇంద్రావతి గ్రామ విద్యుత్‌ సబ్‌స్టేషన్‌లో పనిచేసే అవుట్‌ సోర్సింగ్‌ ఉద్యోగి ఓబుళప్ప పాల్గొన్నారు. నాయకులతో కలిసి ఇంటింటికి వెళ్లి టీడీపీకి ఓట్లు వేయాలని కోరారు. ప్రభుత్వ ఉద్యోగులు ఎన్నికల ప్రచారంలో పాల్గొనకూడదన్న నిబంధనలను తుంగలో తొక్కి ప్రచారంలో పాల్గొన్న వారిపై చర్యలు తీసుకోవాలని ప్రజలు కోరుతున్నారు. మినీ వ్యాన్‌ ఢీకొని విరిగిపడిన రైల్వే గేటు రాయదుర్గంటౌన్‌: పట్టణంలోని అనంతపురం రహదారిపై ఉన్న రైల్వే గేట్‌ను శనివారం మినీ వ్యాన్‌ ఢీకొనడంతో ఒక్కసారిగా విరిగి కిందపడింది. రాయదుర్గం వైపు నుంచి అనంతపురం వైపువెళ్తున్న వ్యాన్‌ గేటు వేస్తున్న సమయంలో ఈ ఘటన జరిగింది. పోలీసులు, అక్కడి రైల్వే సిబ్బంది, స్థానికులు అప్రమత్తంగా ఉండడంతో అదే సమయంలో రైలు గేటు దాటింది. రైల్వే సిబ్బంది యుద్ధ ప్రాతిపదికన గేటును మరమ్మతు చేసి రాకపోకలకను పునరుద్ధరించారు.

అనంతపురం అర్బన్‌: మునిసిపల్‌ ఎన్నికలు పకడ్బందీగా నిర్వహించేందుకు అన్ని చర్యలు తీసుకున్నామని కలెక్టర్‌, జిల్లా ఎన్నికల అధికారి ఓ.ఆనంద్‌ తెలిపారు. పోలింగ్‌ నిర్వహణకు 6 వేల మంది సిబ్బందిని నియమించామన్నారు. శనివారం స్థానిక ఎస్‌ఎస్‌బీఎన్‌ కళాశాలలో చేపట్టిన పోలింగ్‌ సామగ్రి పంపిణీ ప్రక్రియను కలెక్టర్‌ పరిశీలించారు. ఈ సందర్భంగా కలెక్టర్‌ మాట్లాడుతూ ఎన్నికలు జరగనున్న అనంతపురం నగర పాలక సంస్థతో పాటు గుత్తి, గుంతకల్లు, తాడిపత్రి, రాయదుర్గం, కళ్యాణదుర్గం మునిసిపాలిటీల్లో 1,800 మంది పోలీసు సిబ్బందిని నియమించామన్నారు. పోలీసులకు సహకరించేందుకు, క్యూలైన్ల నిర్వహణకు 1,600 మందిని కేటాయించామన్నారు. సమస్యాత్మక, అత్యంత సమస్యాత్మక పోలింగ్‌ కేంద్రాల్లో ప్రత్యేకంగా సూక్ష్మ పరిశీలకులను నియమించినట్లు పేర్కొన్నారు. సీసీ కెమెరాలు, డ్రోన్లతో నిఘా అనంతపురం, తాడిపత్రి, గుత్తి, తదితర సున్నితమైన ప్రాంతాల్లో 100 శాతం పోలింగ్‌ ప్రదేశాల్లో సీసీ కెమెరాలు ఏర్పాటు చేశామన్నారు. వాటిని కంట్రోల్‌ రూమ్‌కు అనుసంధానించామన్నారు. మునిసిపల్‌ కమిషనర్ల ఆధ్వర్యంలో ప్రతిచోటా కనీసం 10 నుంచి 15 డ్రోన్‌లను ఏర్పాటు చేశామన్నారు. ఏ చిన్న ఘటన జరిగినా మూడు నుంచి ఐదు నిమిషాల వ్యవధిలో ఆ ప్రాంతానికి చేరుకుని అదనపు బలగాలు సహాయపడేలా పటిష్ట చర్యలు తీసుకున్నామన్నారు. ప్రతి ఒక్కరూ తమ ఓటు హక్కును వినియోగించుకోవాలని కలెక్టర్‌ పిలుపునిచ్చారు. కార్యక్రమంలో అసిస్టెంట్‌ కలెక్టర్‌ సుయాష్‌కుమార్‌, నగర పాలక సంస్థ కమిషనర్‌ జశ్వంత్‌రావు, ఇతర అధికారులు పాల్గొన్నారు.

అనంతపురం ఎడ్యుకేషన్‌/అనంతపురం సిటీ: పాఠాలు చెప్పే తరగతి గది.. విద్యార్థుల కేరింతలతో కళకళలాడాల్సిన పాఠశాల ప్రాంగణం.. ఒక్కసారిగా భయానక దృశ్యాలకు వేదికై ంది. పదో తరగతి విద్యార్థిని గోపికపై విద్యుత్‌ రంపంతో దాడి చేసిన డుంబు అలియాస్‌ హేమంత్‌.. ఆమె కిందపడిపోవడంతో అక్కడి నుంచి వెళ్లిపోయేందుకు ప్రయత్నించాడు. అయితే వాకిలి వద్దకు వెళ్లి వెనక్కి చూడగా గోపిక లేచి కూర్చున్నట్లు గుర్తించాడు. అంతే.. మళ్లీ వెనక్కి వచ్చి ఆమైపె విచక్షణారహితంగా దాడి చేశాడు. అడ్డుకునేందుకు ప్రయత్నించిన మరో విద్యార్థిని లక్ష్మీని కూడా వదల్లేదు. రాప్తాడు జిల్లా పరిషత్‌ ఉన్నత పాఠశాలలో శనివారం ఉదయం జరిగిన ఈ ఘటన కలకలం రేపింది. కాగా నిందితుడు మద్యం మత్తులోనే ఈ ఘాతుకానికి పాల్పడినట్లు తెలుస్తోంది. ప్రేమ పేరుతో వేధింపులే కారణమా? ధర్మవరం మండలం నాగలూరుకు చెందిన హేమంత్‌ తల్లిదండ్రులు చనిపోవడంతో అయ్యవారిపల్లిలోని తన సోదరి వద్ద ఉంటూ టమాట మండీలో పనిచేస్తున్నాడు. కొంతకాలంగా రాప్తాడు మండలం అయ్యవారిపల్లికి చెందిన వెంకటరాముడు, నరసమ్మ దంపతులకు కుమార్తె గోపికను ప్రేమ పేరుతో వేధిస్తున్నాడని, ఆమె నిరాకరించడంతో ఈ దాడికి పాల్పడినట్లు సమాచారం. ఈ కోణంలో పోలీసులు దర్యాప్తు చేస్తున్నారు. పాఠశాలకు వచ్చే ముందు మద్యం సేవించినట్లు తెలిసింది. సీసీ కెమెరాలే కీలకం... ఘటన అనంతరం పోలీసులు పాఠశాలలోని సీసీ కెమెరాల హార్డ్‌డిస్క్‌ను స్వాధీనం చేసుకున్నారు. నిందితుడు పాఠశాలలోకి వచ్చిన సమయం, అక్కడ ఉన్న వ్యవధి, బయటకు వెళ్లిన మార్గాన్ని పరిశీలించారు. ధర్మవరం వైపు వెళ్లినట్లు గుర్తించి రైల్వేగేటు సమీపంలో నిందితుడిని అదుపులోకి తీసుకున్నారు. పిల్లలను బడికి ఎలా పంపాలి? ఆస్పత్రి వద్దకు చేరుకున్న గోపిక, లక్ష్మీ బంధువులు తీవ్ర ఆగ్రహం వ్యక్తం చేశారు. ఇంతమంది ఉపాధ్యాయులు, సిబ్బంది, వాచ్‌మన్‌ ఉన్న పాఠశాలలోకి ఒక వ్యక్తి విద్యుత్‌ రంపంతో ఎలా ప్రవేశించాడని ప్రశ్నించారు. తమ పిల్లల భద్రతకు ఎవరు బాధ్యత వహిస్తారని నిలదీశారు. ‘మాకు కేసులు వద్దు.. వాడిని అప్పగించండి. పాఠశాలలో బాధ్యతారహితంగా వ్యవహరించిన వారిపైనా చర్యలు తీసుకోవాలి’ అంటూ కన్నీరుమున్నీరయ్యారు. నిందితుడిని మాకప్పగించండి ప్రేమోన్మోది హేమంత్‌పై తాము పోలీసులకు ఎలాంటి ఫిర్యాదు చేయబోమని, నిందితుడిని తమకు అప్పగిస్తే మిగిలిన పని తామే చేసుకుపోతామని బాధితురాలి బంధువులు ఆగ్రహంతో వ్యక్తం చేశారు. గంజాయికి అలవాటుపడిన హేమంత్‌ జులాయిగా మారి పలుమార్లు తమ అమ్మాయిని వేధింపులకు గురి చేస్తూ వచ్చాడని, ఈ విషయాన్ని గతంలో తాము పోలీసుల దృష్టికి తీసుకెళ్లినా వారు పట్టించుకోలేదన్నారు. అప్పుడే పోలీసులు స్పందించి ఉంటే ఈ దుస్థితి వచ్చేది కాదన్నారు. ప్రముఖుల రాకతో ఉద్రికత్తతో రాప్తాడు ఘటనలో గాయపడిన బాలికలను పరామర్శించేందుకు స్థానిక ప్రజాప్రతినిధులతో పాటు పలువురు ప్రముఖులు తరలిరావడంతో సర్వజనాస్పత్రి ప్రాంగణంలో ఉద్రిక్తత నెలకొంది. వైఎస్సార్‌సీపీ రాప్తాడు సమన్వయకర్త తోపుదుర్తి ప్రకాష్‌రెడ్డి, పంచాయతీరాజ్‌ విభాగం వెన్నపూస రవీంద్రారెడ్డి, ప్రసన్నాయపల్లి మహనందరెడ్డి, ఐద్వా సావిత్రి తదితరులు ఆస్పత్రికి చేరుకుని క్షతగాత్రులను పరామర్శించారు. రాప్తాడు ఎమ్మెల్యే పరిటాల సునీత అక్కడి పరిస్థితిని సమీక్షించారు. సీఎం చంద్రబాబుకు ఫోన్‌ చేసి గోపిక తల్లితో మాట్లాడించారు. రాష్ట్ర వైద్య ఆరోగ్యశాఖ మంత్రి సత్యకుమార్‌ శనివారం సాయంత్రం తీరిగ్గా ఆస్పత్రికి చేరుకుని ఘటనపై ఆరా తీశారు. గాయపడిన బాలికను పరామర్శిస్తున్న మాజీ ఎమ్మెల్యే తోపుదుర్తి ప్రకాష్‌రెడ్డిరోదిస్తున్న బాధితురాలి బంధువులుజీజీహెచ్‌లో హాహాకారాలు ఏం జరుగుతుందో అర్థం కాలేదు రంపం మిషన్‌తో తరగతి గదిలోకి వచ్చిన వ్యక్తిని తొలుత పనిమీద వచ్చిన వాడిగా భావించాను. విద్యార్థులు కేకలు వేయడంతో ఏం జరుగుతుందో అర్థం కాలేదు. పిల్లలంతా భయంతో బయటకు పరుగులు తీశారు. గోపికపై దాడి జరిగిన దృశ్యం చూసి షాక్‌కు గురయ్యాను. – రాజేశ్వరి, టీచర్‌ బాలికల ప్రాణాలకు రక్షణ ఏదీ? చదువుల దేవాలయాలైన పాఠశాలల్లోనే విద్యార్థుల మానప్రాణాలకు రక్షణ లేకపోతే ఇక ఎక్కడ భద్రత ఉంటుంది? గోపికపై జరిగిన దాడి అత్యంత బాధాకరం. మహిళా ఎమ్మెల్యే ప్రాతినిధ్యం వహిస్తున్న నియోజకవర్గంలో బాలికపై ఇంతటి దారుణం జరగడం బాధాకరం. ఇప్పటికై నా రాప్తాడులో శాంతిభద్రతల పరిస్థితిపై ఎస్పీ ప్రత్యేక దృష్టి సారించాలి. – తోపుదుర్తి ప్రకాష్‌రెడ్డి, రాప్తాడు మాజీ ఎమ్మెల్యే రాప్తాడు జెడ్పీహెచ్‌ఎస్‌లో పదో తరగతి విద్యార్థిని గోపికపై జరిగిన పాశవిక దాడిపై ఆగ్రహజ్వాలలు పెల్లుబుకాయి. శనివారం ఉదయం ఘటన జరిగిన వెంటనే గోపికతో పాటు గాయపడిన మరో బాలిక లక్ష్మిని ఆటోలో స్థానికులు జీజీహెచ్‌కు తరలించారు. విషయం తెలుసుకున్న ఆయా బాలికల కుటుంబ సభ్యులు, బంధువులు పెద్ద ఎత్తున్న జీజీహెచ్‌కు చేరుకోవడంతో పరిస్థితి ఒక్కసారిగా అదుపుతప్పింది. అదే సమయంలో పోలీసులు సైతం భారీగా సర్వజనాస్పత్రికి చేరుకున్నారు. లక్ష్మికి ఎమర్జెన్సీ వార్డులో వైద్యులు సత్వర చికిత్స అందించగా... తీవ్రంగా గాయపడిన గోపికను ఆగమేఘాలపై ఆపరేషన్‌ థియేటర్‌కు తరలించి శస్త్రచికిత్స చేశారు. మూడు గంటల శస్త్ర చికిత్స... బెంగళూరు తరలింపు ఉన్మాది దాడిలో గాయపడిన గోపికకు శరీరమంతా లోతైన గాయాలయ్యాయి. ముఖంపై లోతైన గాయం కావడంతో సగ భాగం పూర్తిగా చెక్కేసినట్లయింది. ఎడమ చేతి ఎముక భాగం విరిగింది. ఛాతీపైనా లోతైన గాయమైంది. శరీర ముందు భాగంలో చాలా చోట్ల రంపపు గాట్లు పడ్డాయి. అలాగే వీపుపై కూడా లోతైన గాయాలు ఉన్నాయి. దీంతో దాదాపు మూడు గంటలకు పైగా వైద్యులు శ్రమించి బాలికకు శస్త్రచికిత్స చేశారు. అయినా పరిస్థితి విషమంగా ఉండటంతో శనివారం సాయంత్రం అనంతపురం నుంచి గ్రీన్‌ చానల్‌ ద్వారా ప్రత్యేక అంబులెన్స్‌లో గోపికను బెంగళూరుకు తరలించారు. సాహస బాలిక లక్ష్మి గోపికపై హేమంత్‌ దాడి చేస్తున్న సమయంలో సహ విద్యార్థిని లక్ష్మి ధైర్యంగా ఎదుర్కొన్నట్లు తెలిసింది. తరగతి గదిలోని వారంతా పరుగులు తీస్తుండగా లక్ష్మి ఒక్కతే ప్రాణాలకు తెగించి హేమంత్‌ను నిలువరించే ప్రయత్నం చేసింది. ఈ క్రమంలో ఇద్దరి మధ్య కొద్దిసేపు తోపులాట జరిగినట్లు సమాచారం. ఆ సమయంలోనే హేమంత్‌ చేతిలోని ఎలక్ట్రిక్‌ రంపం జారి లక్ష్మి రెండు మెకాళ్ల నుంచి పాదాల వరకూ బలమైన గాయాలయ్యాయి. లక్ష్మి ధైర్యంగా పోరాడడం వల్ల గోపిక ప్రాణాలతో ఆస్పత్రికి చేరుకోగలిగిందని, లేకపోతే తరగతి గదిలోనే ప్రాణాలు కోల్పోవాల్సి ఉండేదని పలువురు చెబుతున్నారు. మద్యం మత్తులోనే గోపికపై దాడి చేసిన నిందితుడు హేమంత్‌ ! ఇలాగైతే పిల్లలను ప్రభుత్వ బడులకు ఎలా పంపాలంటున్న తల్లిదండ్రులు దిగ్భ్రాంతికి గురయ్యానంటున్న ఉపాధ్యాయురాలు

శెట్టూరు: అనుంపల్లిలో వంటగ్యాస్‌ సిలిండర్‌ పేలడంతో ఓ మహిళ తీవ్రంగా గాయపడ్డారు. బాధితురాలి కుటుంబ సభ్యులు తెలిపిన వివరాలు.. గ్రామంలోని బోయ నాగరాజు, భార్య చౌడక్క తన కుమారుడు చంద్రశేఖర్‌తో కలిసి శుక్రవారం రాత్రి ఇంటి బయట నిద్రపోయారు. శనివారం ఉదయం 5 గంటటకు నిద్రలేచిన చౌడమ్మ ఇంటి తలుపు తీసి విద్యుత్‌ స్విచ్‌ ఆన్‌ చేసింది. దీనితో ఒక్కసారిగా పెద్దశబ్దంతో ఇంటి తలుపులు ఎగిరిపడ్డాయి. కిటకీల అద్దాలు, ఇంట్లోని బీరువాలు పెద్ద శబ్దంతో పగిలిపోయాయి. శబ్దానికి బయట ఉన్న భర్త నాగరాజు ఏం జరుగుతోందని ఇంటి లోపల చూస్తే చౌడమ్మ మంటల్లో చిక్కుకుంది. వెంటనే ఒక పెద్ద దుప్పటతో కప్పి దొరలించి మంటలను ఆర్పివేశాడు. చుట్టు పక్కల వారి సాయంతో ఆమెను అంబులెన్స్‌ ద్వారా కళ్యాణదుర్గం అసుపత్రికి తరలించారు. ఘటనలో సుమారు రూ.8 లక్షల ఇల్లు, వస్తువులు ధ్వంసమైనట్లు బాధితులు తెలిపారు. బాధిత కుటుంబాన్ని ప్రభుత్వం అదుకోవాలని గ్రామస్తులు కోరుతున్నారు.

బొమ్మనహాళ్‌: జిల్లాలో ప్రసిద్ది చెందిన దర్గాహొన్నూరు స్వామి ఉత్సవాల్లో భాగంగా దర్గాహొన్నూరు సర్మస్‌ హుస్సేనీ స్వామి షంషీర్‌ను ఘనంగా నిర్వహించారు. శనివారం తెల్లవారుజామున షంషీర్‌ను గ్రామవీధుల్లో భారీ జన సందోహం మధ్య మేళతాళాలు, తాశా డ్రమ్ములు, తప్పెట్లతో భారీ ఊరేగింపుతో దర్గా వద్దకు చేర్చారు. షంషీర్‌ గుర్రాన్ని ప్రత్యేకంగా అలంకరించి దర్గా వరకు ఊరేగింపుగా తీసుకొచ్చారు. ప్రత్యేకంగా అలంకరించిన వాహనంలో రంగురంగుల విద్యుద్దీపాలతో స్వామి ఊరేగింపు కొనసాగింది. కర్ణాటక, ఆంధ్ర నుంచి వేలాది మంది భక్తులు తరలివచ్చి స్వామిని దర్శనం చేసుకున్నారు. ఈసందర్భంగా భక్తులు స్వామి వారి దివ్వెలకు ఒట్టి కొబ్బెర సమర్పించి మొక్కులు తీర్చుకున్నారు. కార్యక్రమంలో 8వ పీఠాధిపతులు సయ్యద్‌ రహంతుల్లా హుస్సేనీ, సయ్యద్‌ ఖాజా ఫీరా హుస్సేనీ, సయ్యత్‌ ఇనాయత్‌ బాబా, దర్గా పెద్దలు పాల్గొన్నారు. ఈసందర్భంగా ఎలాంటి అవాంఛనీయ ఘటనలు జరగకుండా ఎస్‌ఐ నబీరసూల్‌ ఆధ్వర్యంలో పోలీసులు బందోబస్తు చేపట్టారు. హోరాహోరీగా ఇరుసు ఎత్తే పోటీలు బొమ్మనహాళ్‌: దర్గాహొన్నూరు గ్రామంలో సర్మస్‌ హుస్సేనీ ఉరుసు సందర్భంగా ఇరుసు ఎత్తే పోటీలు హోరాహోరీగా శనివారం జరిగాయి. పోటీల్లో ఉప్పరపల్లి గ్రామానికి చెందిన నారాయణ మొదటి బహుమతి రూ.10 వేలు, అరవకూరు గ్రామానికి చెందిన రామాంజనేయులు రెండో బహుమతి రూ. 5 వేలు, కమ్మూరు గ్రామానికి చెందిన ఎర్రిస్వామి మూడో బహుమతి రూ.3 వేలు గెలుచుకున్నట్లు నిర్వాహకులు తెలిపారు. కార్యక్రమంలో వైఎస్సార్‌సీపీ మండల కన్వీనర్‌ రామాంజినేయులు, మాజీ ఎంపీటీసీ రామకృష్ణ, యువజన అధ్యక్షుడు బడిగే వన్నూరుస్వామి, నాయకులు నాగేంద్ర, కాపు సిద్దేష్‌, ప్రసాద్‌, వన్నూరుస్వామి, బండూరు గణేష్‌, బంగి వన్నూరుస్వామి, కల్వకుర్తి రామాంజనేయులు, యల్లప్ప, వండ్రప్ప, బేనేకల్లు చెన్నయ్య తదితరులు పాల్గొన్నారు.

శెట్టూరు: మండల వైఎస్సార్‌సీపీ నాయకుడు ముత్యాలుపై పోలీసులు అక్రమ కేసు బనాయించారు. మండల పరిధిలోని కంబాలపల్లిలో జరిగిన హత్యాయత్నం కేసులో ఆయన ప్రమేయం లేకపోయినా టీడీపీ ఎమ్మెల్యే అమిలినేని సురేంద్రబాబు ఒత్తిళ్లతో పోలీసులు అక్రమ కేసు పెట్టడంపై వైఎస్సార్‌సీపీ శ్రేణులు భగ్గుమంటున్నాయి. అసలేం జరిగిందంటే... శెట్టూరు మండలం కంబాలపల్లికి చెందిన విరుపాక్షి అనే వ్యక్తిపై గుర్తు తెలియని వ్యక్తులు శుక్రవారం అర్ధరాత్రి కొడవలితో దాడి చేశారు. ఈ దాడిలో విరుపాక్షి గాయపడ్డాడు. అతను కేకలు వేయడంతో నిందితులు అక్కడి నుంచి పారిపోయారు. అయితే ఇదే విషయంపై వైఎస్సార్‌సీపీ నాయకుడు లక్ష్మంపల్లి ముత్యాలు ప్రమేయం లేనప్పటికీ టీడీపీ నేతలు పోలీ సులపై ఒత్తిళ్లు తెచ్చి అక్రమ కేసు బనాయించారు. పోలీసుల అదుపులో నిందితులు ఘటనకు సంబంధించిన నిందితులను పోలీసులు శనివారం ఉదయం అదుపులోకి తీసుకుని విచారిస్తున్నారు. ఇన్‌చార్జ్‌ సీఐ ప్రవీణ్‌ కుమార్‌ బాధితుల ఫిర్యాదు మేరకు కేసు నమోదు చేసి దర్యాప్తు చేస్తున్నారు. టీడీపీ నేతల ఒత్తిళ్లతో కేసు స్థానిక సంస్థల ఎన్నికల్లో కీలకంగా పనిచేస్తున్న వైఎస్సార్‌సీపీ నేత ముత్యాలును పోలీసులు అదుపులోకి తీసుకోవడం ఆ పార్టీ శ్రేణుల్లో కలకలం రేపింది. నిజమైన నిందితులను మాత్రమే కేసులో పెట్టాల్సి ఉన్నప్పటికీ, నిబంధనలకు విరుద్ధంగా వ్యవహరించడంపై పోలీసుల తీరుపై విమర్శలు వ్యక్తమవుతున్నాయి. కేవలం టీడీపీ నేతలు స్థానిక సంస్థల ఎన్నికల్లో ఓటమి భయంతోనే ఇలాంటి కుట్రలకు తెర లేపారని వైఎస్సార్‌సీపీ శ్రేణులు మండిపడుతున్నాయి. స్టేషన్‌కు తరలివచ్చిన వైఎస్సార్‌సీపీ శ్రేణులు వైఎస్సార్‌సీపీ నేతను అక్రమంగా అరెస్టు చేశారన్న విషయం తెలుసుకున్న ఆ పార్టీ నాయకులు, కార్యకర్తలు అధిక సంఖ్యలో పోలీసుస్టేషన్‌కు తరలివచ్చారు. ఈ నేపథ్యంలో డీఎస్పీ దైవ ప్రసాద్‌ ఆదేశాలతో శెట్టూరులో నలుగురు ఎస్‌ఐలు, పదుల సంఖ్యలో పోలీసులతో బందోబస్తు చేపట్టారు. అనంతరం అక్రమ కేసుపై వైఎస్సార్‌సీపీ నాయకులు ఇన్‌చార్జ్‌ సీఐతో చర్చించారు. జరిగిన ఘటనకు పార్టీ నేతకు ఎలాంటి సంబంధం లేదని వివరించారు. అనంతరం మీడియాతో మాట్లాడారు. స్థానిక సంస్థల ఎన్నికల్లో కీలకంగా పనిచేస్తున్న వైఎస్సార్‌సీపీ నాయకులే టార్గెట్‌గా టీడీపీ నేతలు అక్రమ కేసులు బనాయిస్తున్నారని ఆగ్రహం వ్యక్తం చేశారు. ఘటనపై పోలీసులు ఎలాంటి దర్యాప్తు చేయకుండానే కేసుకు సంబంధం లేని వ్యక్తులను అదుపులోకి తీసుకోవడం సరి కాదన్నారు. కార్యక్రమంలో జెడ్పీటీసీ మాజీ సభ్యుడు అయ్యగార్లపల్లి మంజు, ఎంపీపీ మాజీ సభ్యుడు సోమనాథ్‌రెడ్డి, శివన్న యాదవ్‌, శ్రీనివాసరెడ్డి, సుధాకర్‌, టైలర్‌ వన్నూరుస్వామి, నాగేంద్ర, రాజశేఖర్‌రెడ్డి, నాగేంద్రరెడ్డి, రాము, గౌరయ్య, బాబురావు పాల్గొన్నారు.

● ప్రేమ వ్యవహారమే కారణమా? రాప్తాడు రూరల్‌: ప్రేమ వ్యవహారం ఓ డిగ్రీ విద్యార్థి ప్రాణం తీసిందా? ప్రేమించిన యువతితో పెళ్లి విషయంలో పెద్దల నుంచి అభ్యంతరాలు ఎదురుకావడంతో మనస్తాపానికి గురయ్యాడా? అనంతపురం నగరానికి చెందిన షేక్‌ అయాజ్‌ (21) రైలు కింద పడి మృతి చెందిన ఘటనలో ఈ ప్రశ్నలు తెరపైకి వస్తున్నాయి. రాప్తాడు మండల పరిధిలోని పండమేరువంక రైల్వే బ్రిడ్జి సమీపంలో గురువారం అర్ధరాత్రి దాటిన తర్వాత అయాజ్‌ రైలు కింద పడి మృతి చెందాడు. సమాచారం అందుకున్న రైల్వే పోలీసులు శుక్రవారం ఘటనా స్థలానికి చేరుకుని పరిశీలించారు. మృతుడి వద్ద లభించిన మొబైల్‌ ఫోన్‌ ఆధారంగా కుటుంబ సభ్యులను గుర్తించి సమాచారం అందించారు. తండ్రి ఫిర్యాదు మేరకు కేసు నమోదు చేశారు. ప్రేమ వ్యవహారమే ఈ ఘటనకు కారణమని తెలిసింది. షేక్‌ అయాజ్‌ డిగ్రీ తృతీయ సంవత్సరం చదువుతున్నాడు. మరోవైపు ఓ బిల్డర్‌ వద్ద పార్ట్‌టైం ఉద్యోగం చేస్తున్నాడు. అతడి తండ్రి షేక్‌ జాఫర్‌ ఆర్టీఏ కార్యాలయంలోని ఓ ప్రైవేట్‌ ఏజెంట్‌ వద్ద సహాయకుడిగా పనిచేస్తున్నాడు. రెండేళ్ల క్రితం అనారోగ్యంతో కుమార్తెను కోల్పోయిన ఆ కుటుంబానికి, ఇప్పుడు ఒక్కగానొక్క కుమారుడు కూడా దూరం కావడంతో తల్లిదండ్రులు కన్నీరుమున్నీరవుతున్నారు. వీడియో చుట్టూ అనుమానాలు అయాజ్‌ ఓ యువతిని గాఢంగా ప్రేమించాడని, పెళ్లి విషయంలో పెద్దల నుంచి అంగీకారం లభించకపోవడంతో మనస్తాపానికి గురైనట్లు తెలిసింది. మరోవైపు, ఘటనకు ముందు అయాజ్‌ ఓ వీడియో తీసి యూట్యూబ్‌లో అప్‌లోడ్‌ చేశాడని, ఆ తర్వాత అది తొలగించబడినట్లు ప్రచారం జరుగుతోంది.

అనంతపురం అర్బన్‌: మున్సిపల్‌ ఎన్నికల పోలింగ్‌ నేపథ్యంలో మద్యం దుకాణాలు మూసివేయాలని ఆదేశాలు జారీ చేశామని కలెక్టర్‌, జిల్లా ఎన్నికల అధికారి ఆనంద్‌ వెల్లడించారు. అనంతపురం నగరంతో పాటు గుత్తి, గుంతకల్లు, తాడిపత్రి, కళ్యాణదుర్గం, రాయదుర్గం పట్టణాల్లో 5 కిలో మీటర్ల పరిధి వరకు మద్యం దుకాణాలను శుక్రవారం సాయంత్రం 5 నుంచి నవంబరు 1వ తేదీ వరకు, అదే విధంగా 2వ తేదీన రీ–పోలింగ్‌ ఉంటే ఆ రోజు, 3వ తేదీన ఓట్ల లెక్కింపు పూర్తయ్యే వరకు మద్యం అమ్మకాలపై నిషేధాన్ని అమలు చేస్తున్నామన్నారు. టీడీపీకి మద్దతివ్వలేదని ఇంటిని కూల్చేశారు కుందుర్పి: ఎన్నికల్లో మద్దతు ఇవ్వలేదని టీడీపీ నాయకులు చక్రానాయక్‌, గోపాల్‌నాయక్‌, రాజూనాయక్‌ కక్షకట్టి తన ఇంటిని రెండు రోజుల క్రితం కూల్చేశారని ఎస్‌.మల్లాపురం తండాకు చెందిన సుజాతాబాయి ఆవేదన వ్యక్తం చేశారు. ఈ మేరకు డీఎస్పీ కార్యాలయంలో ఫిర్యాదు చేశానని చెప్పారు. అయితే పోలీసులు ఏం జరిగిందో తెలుసుకోవడానికి సంఘటన స్థలానికి కూడా రాలేదని తెలిపారు. ఎమ్మెల్యే అమిలినేని ఆదేశాల మేరకే పోలీసులు స్పందించడం లేదని వైఎస్సార్‌సీపీ నాయకులు బుజ్జీనాయక్‌, కృష్ణానాయక్‌, నరశింహులు తదితరులు ఆవేదన వ్యక్తం చేశారు. మునిసిపల్‌ పోలింగ్‌కు 4,960 మంది సిబ్బంది అనంతపురం అర్బన్‌: మునిసిపల్‌ ఎన్నికల పోలింగ్‌ నిర్వహణకు 4,960 మంది సిబ్బందిని నియమించారు. పోలింగ్‌ అధికారుల 3వ ర్యాండమైజేషన్‌ ప్రక్రియను శుక్రవారం కలెక్టరేట్‌లోని ఎన్‌ఐసీలో నిర్వహించారు. ఎన్నికలు జరగనున్న అనంతపురం నగరపాలక సంస్థతో పాటు జిల్లాలోని గుత్తి, గుంతకల్లు, రాయదుర్గం, తాడిపత్రి, కళ్యాణదుర్గం మునిసిపాలిటీల పరిధిలో 111 సున్నితమైన, అతి సున్నితమైన ప్రదేశాలను గుర్తించారు. ఈ ప్రాంతాల్లో ప్రత్యేక నిఘా, పరిశీలనకు 133 మంది సూక్ష్మ పరిశీలకులను కేటాయించారు. పోస్టల్‌ బ్యాలెట్‌ స్వీకరణ గడువు పొడిగింపు అనంతపురం న్యూ టౌన్‌: ప్రాదేశిక ఎన్నికల విధులు నిర్వహిస్తున్న పోలింగ్‌ సిబ్బంది, ఇతర ప్రభుత్వ సిబ్బంది ఓటు హక్కు వినియోగం కోసం కల్పించిన పోస్టల్‌ బ్యాలెట్‌ స్వీకరణ గడువును పొడిగించినట్లు జిల్లా పరిషత్‌ ముఖ్య కార్యనిర్వహణాధికారి, అదనపు జిల్లా ఎన్నికల అధికారి విజయలక్ష్మి తెలిపారు. గతంలో ఈ ఫెసిలిటేషన్‌ కేంద్రాలను రిటర్నింగ్‌ అధికారుల (ఆర్‌ఓ) కార్యాలయాల్లో అక్టోబర్‌ 30 నుంచి నవంబర్‌ 1 వరకు మాత్రమే నిర్వహించాలని నిర్ణయించినట్లు పేర్కొన్నారు. అయితే, ఎన్నికల విధుల్లో ఉన్న సిబ్బంది అందరికీ తమ ఓటు హక్కును సౌకర్యవంతంగా వినియోగించుకునేలా మరింత సమయం కల్పించాలనే కలెక్టర్‌ ఆదేశాల మేరకు ఈ సదుపాయాన్ని నవంబర్‌ 3 వరకు పొడిగించినట్లు చెప్పారు. పోస్టల్‌ బ్యాలెట్లు 15,233 జిల్లాలోని 28 మండలాల పరిధిలో మొత్తం 15,233 పోస్టల్‌ బ్యాలెట్‌ పత్రాలు అవసరమని జిల్లా అదనపు ఎన్నికల అధికారి విజయలక్ష్మి తెలిపారు. ఇందులో మొత్తం పోలింగ్‌ సిబ్బంది 11,922 మంది, సర్వీస్‌ ఓటర్లు 1,111, హోం శాఖకు చెందిన మరో 2,200 మంది ఓటర్లు ఉన్నట్లు గుర్తించామన్నారు. ఎంపీటీసీ, జెడ్పీటీసీ ఎన్నికల ఆర్‌ఓలు, సహాయక పోలింగ్‌ అధికారులు 3,464 మంది, ఓపీఓలు 7,327 మంది, మైక్రో అబ్జర్వర్లు 450 మంది, ఫ్లయింగ్‌ రూట్‌ ఆఫీసర్లు 20,048 మంది రూట్‌ అధికారులు 170 మందితోపాటు తక్కిన ఎన్నికల్లో విధుల్లో పాల్గొనే సిబ్బందికి పోస్టల్‌ బ్యాలెట్‌ ద్వారా ఓటు హక్కును సద్వినియోగం చేసుకునే అవకాశాన్ని కల్పించినట్లు ఆమె తెలిపారు. కలెక్టర్‌ ఆనంద్‌

బుక్కరాయసముద్రం: స్థానిక సంస్థల ఎన్నికల్లో భాగంగా పక్షపాతం చూపే ఎన్నికల రిటర్నింగ్‌ అధికారులను ఎవరినీ వదిలి పెట్టబోమని వైఎస్సార్‌సీపీ సమన్వయకర్త, మాజీ మంత్రి శైలజానాథ్‌ పేర్కొన్నారు. శుక్రవారం మండల పరిధిలోని సిద్దరాంపురంలో ఆయన మీడియాతో మాట్లాడారు. చంద్రబాబు ప్రభుత్వం రాష్ట్రంలో ప్రజాస్వామ్యాన్ని ఖూనీ చేస్తోందన్నారు. ఓటర్లను భయబ్రాంతులను చేసే విధంగా వైఎస్సార్‌సీపీ అభ్యర్థులపై కత్తులతో, ఇనుప రాడ్లతో, కట్టెలతో రాళ్లతో దాడులకు తెగబడుతున్నారన్నారు. పోలీసులు, అధికారులు కూడా ఏక పక్షంగా కూటమి ప్రభుత్వానికి అండగా నిలవడం శోచనీయమన్నారు. చాలా చోట్ల పోలీస్‌స్టేషన్లలో దాడులకు గురైన బాధితులపైనే తిరిగి కేసులు కూడా నమోదు చేస్తున్నారన్నారు. బీకేఎస్‌లో ఎన్నికల రిటర్నింగ్‌ అధికారులు పరోక్షంగా కూటమి నాయకులకు సహకారం అందిస్తూ చిన్న పొరపాట్లను ముందుగానే కూటమి నాయకులకు తెలియజేయడం దారుణమన్నారు. తిరస్కరణ పేరుతో వైఎస్సార్‌సీపీ మద్దతుదారులకు కనీసం పత్రాలను కూడా సరిగా ఇవ్వకపోవడంపై సరికాదన్నారు. నామినేన్ల ఉపసంహరణలో కూడా అధికారులు కూటమి నాయకులకు పరోక్షంగా సహకరించారని విమర్శించారు. పక్షపాతం వహిస్తున్న అధికారులను గుర్తు పెట్టుకుంటామని, ఎవరినీ వదిలిపెట్టబోమన్నారు. అధికారం శాశ్వతం కాదన్న విషయం అందరూ గుర్తు పెట్టుకోవాలన్నారు. కార్యక్రమంలో వైఎస్సార్‌సీపీ మండలాధ్యక్షుడు గువ్వల శ్రీకాంత్‌రెడ్డి, యువ నాయకుడు డాక్టర్‌ సాకే రిత్విక్‌, జెడ్పీటీసీ అభ్యర్థి బుల్లే సుజాత, భాస్కర్‌, పార్వతి, నరేష్‌, ఈశ్వరరెడ్డి, కొండారెడ్డి, నాగుముణి శివ పాల్గొన్నారు.

ఉరవకొండ: స్ధానిక ఎస్‌కె ప్రభుత్వ ఉన్నత పాఠశాల క్రీడా మైదానంలో శుక్రవారం ఏపీ స్కూల్‌ గేమ్స్‌ ఫెడరేషన్‌ ఆఫ్‌ అనంతపురం జిల్లా ఆధ్వర్యంలో సెపక్‌తక్రా, ఖోఖో క్రీడల్లో అండ్‌–14, అండ్‌–17, అండర్‌–19 బాలబాలికల జిల్లా జట్లను ఎంపిక చేశారు. పాఠశాల హెచ్‌ఎం సత్యనారాయణ అధ్యక్షతన జరిగిన సమావేశానికి జిల్లా పీఈటీ యూనియన్‌ అధ్యక్షుడు నాగరాజు, ఎంఈఓ ఈశ్వరప్ప, ఎస్‌ఎస్‌ఎ మీట్‌ ఏడీ సంజీవ్‌కుమార్‌, శ్రీసత్యసాయి జిల్లా సెపక్‌తక్రా కార్యదర్శి రాంబాబు, సీనియర్‌ పీడీ మారుతీప్రసాద్‌, జిల్లా వ్యాప్తంగా తరలివచ్చిన పీడీలు పాల్గొన్నారు. జిల్లా వ్యాప్తంగా 700 మంది క్రీడాకారులు పోటీపడ్డారు. ఇందులో ప్రతిభ కనబరిచిన క్రీడాకారులను జిల్లా జట్లకు ఎంపిక చేసినట్లు స్పోర్ట్స్‌ కోఆర్డినేటర్‌ మారుతీప్రసాద్‌ తెలిపారు. సెల్ఫీ దిగితే ఓటు రద్దు గుత్తి రూరల్‌: మునిసిపల్‌, ప్రాదేశిక ఎన్నికల నేపథ్యంలో ఓటు ఎవరికి వేశారో కనిపించేలా పోలింగ్‌ బూత్‌లో ఫొటో తీయడం చట్టరీత్యానేరం. ఓటింగ్‌ కేంద్రంలో మొబైల్‌ వినియోగంపై ఆంక్షలు ఉన్నాయి. ఓటింగ్‌ కంపార్ట్‌మెంట్‌లో సెల్ఫీలు దిగితే ఓటును రద్దు చేయడమే కాకుండా జైలు శిక్ష కూడా విధించే అవకాశం ఉందని అధికారులు చెబుతున్నారు. ఎలాంటి పరిస్థితుల్లో ఫలానా వ్యక్తికి ఓటు వేశానని బహిర్గతం చేయకూడదు. అలా చేస్తే ఆ ఓటును 17–ఏ ప్రకారం ప్రిసైడింగ్‌ అధికారి రద్దు చేసే అవకాశం ఉంది. ఓటు వేస్తూ సెల్ఫీలు తీసి సోషల్‌ మీడియాలో పోస్ట్‌ చేస్తే అలాంటి ఓటును పరిగణలోకి తీసుకోమని అధికారులు అంటున్నారు. ప్రజలు నిలదీయడంతో దిగొచ్చిన బాబు ప్రభుత్వం ● సీఐటీయూ రాష్ట్ర ఉపాధ్యక్షుడు ఓబులు కూడేరు: సత్యసాయి తాగునీటి ప్రాజెక్ట్‌లో పనిచేస్తున్న కార్మికులు శుక్రవారం సమ్మె విరమించి విఽధుల్లోకి చేరారు. కూడేరు మండల పరిధిలోని పీఏబీఆర్‌ డ్యాం వద్ద ఉన్న సత్యసాయి ప్రాజెక్ట్‌లో ప్రధాన పైపులైన్‌ మోటర్లు ఆన్‌ చేసి గ్రామాలకు తాగునీటి సరఫరాకు కార్మికులు చర్యలు చేపట్టారు. సీఐటీయు రాష్ట్ర ఉపాధ్యక్షుడు ఓబులు, సత్యసాయి తాగునీటి ప్రాజెక్ట్‌ యూనియన్‌ అధ్యక్షుడు మధుసూదన్‌ మాట్లాడుతూ పెండింగ్‌లో ఉన్న 4 నెలల వేతనాలు, ఇతర సమస్యల పరిష్కారం కోసం ఈ నెల 16 నుంచి నిరవధిక సమ్మె చేపట్టారన్నారు. స్థానిక సంస్థల ఎన్నికల ప్రచారంలో ప్రజలు తాగునీటి సమస్యపై కూటమి నేతలను నిలదీయడంతో ప్రభుత్వం దిగి వచ్చి ప్రాజెక్ట్‌ బీఆర్‌ఓ అకౌంట్‌లోకి రూ.18 కోట్లు జమ చేసిందన్నారు. ఈ నగదు 6 నెలల వేతనాలకు మాత్రమే సరిపోతుందన్నారు. ప్రజల తాగునీటి అవసరాలను, కార్మికుల ఆర్ధిక ఇబ్బందులను దృష్టిలో ఉంచుకొని ప్రభుత్వం కార్మికులకు ప్రతి నెల 5న వేతనాలు ఇచ్చేందుకు చర్యలు చేపట్టాలన్నారు. లేదంటే మళ్లీ కార్మికులు సమ్మెబాట పడతారని హెచ్చరించారు. ప్రచారంలో ఫీల్డ్‌ అసిస్టెంట్‌ సాక్షి టాస్క్‌ఫోర్స్‌: తలుపుల మండలంలోని ఈదులకుంట్లపల్లి ఫీల్డ్‌ అసిస్టెంట్‌ దేవేంద్రనాయక్‌ ఈదులకుంట్లపల్లి టీడీపీ ఎంపీటీసీ అభ్యర్థి గోవిందునాయక్‌కు మద్దతుగా రాజనాలవాండ్లపల్లిలో ఎన్నికల ప్రచారంలో పాల్గొన్నారు. రాష్ట్ర ఎన్నికల కమిషన్‌ ఆదేశాల ఉద్యోగులు ఎన్నికల ప్రచారంలో పాల్గొన కూడదని నిబంధనలున్నాయి.

హిందూపురం (చిలమత్తూరు): మున్సిపల్‌ ఎన్నికల్లో టీడీపీకి గెలుపు అవకాశాలు లేవని అంతర్గత సర్వేల్లో తేలడంతో షూటింగ్‌లో జరిగిన ప్రమాదంలో తీవ్రంగా గాయపడిన ఎమ్మెల్యే బాలకృష్ణ విశ్రాంతి తప్పనిసరి అయినా ఎన్నికల ప్రచారానికి పురంలో పర్యటిస్తున్నారు. మున్సిపల్‌ ఎన్నికల ప్రచారం శుక్రవారం ఆఖరిరోజు కావడంతో ఎమ్మెల్యే బాలకృష్ణ ఎన్‌టీఆర్‌ విగ్రహం వద్ద బహిరంగ సభ ఏర్పాటు చేశారు. బాలకృష్ణ సభలో కుర్చీలన్నీ ఖాళీగా కనిపించాయి. బాలకృష్ణ మాట్లాడుతున్న సమయంలో కొందరు లేచి వెళ్లిపోయారు. జనాలు ఆసక్తి చూపించకపోవడంతో బయట నుంచి కూలీ ఖర్చులు చెల్లించి జనాలను రప్పించారు. వారికి కూడా సమయం అరయిపోవడంతో ఒక్కొక్కరుగా లేచి వెళ్లిపోయారు. దీంతో ఎమ్మెల్యే బాలకృష్ణ తీవ్ర అసహనంతో కనిపించారు. ఎన్నికల ప్రచారానికి జనాలని తీసుకురావడం కూడా తెలియదా అని పీఏలపై ఆగ్రహం వ్యక్తం చేసినట్లు తెలిసింది. యథేచ్ఛగా కోడ్‌ ఉల్లంఘన.. శుక్రవారం సాయంత్రం ఐదు గంటలకే ఎన్నికల ప్రచారం ముగియగా, ఎమ్మెల్యే బాలకృష్ణ 5.30 గంటలైనా సభలో ప్రసంగించి ఎన్నికల కోడ్‌ ఉల్లంఘించారు. కోడ్‌ ఉల్లంఘన జరుగుతున్నా అధికార యంత్రాంగం కనీసం చెప్పే ప్రయత్నం కూడా చేయలేదు.

● వైఎస్సార్‌సీపీ జిల్లా అధ్యక్షుడు అనంత వెంకటరామిరెడ్డి పిలుపు అనంతపురం: దోపిడీదారులు, కబ్జాదారుల నుంచి అనంతపురం నగరాన్ని కాపాడుకుందామని వైఎస్సార్‌సీపీ జిల్లా అధ్యక్షుడు అనంత వెంకట రామిరెడ్డి పిలుపునిచ్చారు. నగరం ప్రశాంతంగా ఉండాలంటే స్థానిక ఎన్నికల్లో వైఎస్సార్‌సీపీ, సీపీఐ అభ్యర్థులను గెలిపించాలని కోరారు. ఎన్నికల ప్రచారంలో భాగంగా చివరి రోజు శుక్రవారం ఆర్ట్స్‌ కళాశాల హాస్టల్‌ నుంచి సప్తగిరి సర్కిల్‌ వరకు వైఎస్సార్‌సీపీ, సీపీఐ నాయకులు భారీ రోడ్‌షో నిర్వహించారు. ఈ సందర్భంగా జరిగిన సభలో అనంత మాట్లాడుతూ చంద్రబాబు ప్రభుత్వం అధికారంలోకి వచ్చాక అనంతపురంలో దౌర్జన్యాలు, కబ్జాలు, అవినీతి పెరిగిపోయాయని మండిపడ్డారు. సామాన్యుడు ఇల్లు కట్టుకోవాలన్నా లంచాలు ఇచ్చుకోవాల్సిన పరిస్థితి ఏర్పడిందన్నారు. మాజీ ముఖ్యమంత్రి వైఎస్‌ జగన్‌మోహన్‌ రెడ్డి కంటే ఎక్కువ సంక్షేమం అందిస్తామని చెప్పి అధికారంలోకి వచ్చిన కూటమి నాయకులు.. ఉన్న పథకాలను కూడా నిలిపివేశారని విమర్శించారు. పోలింగ్‌ సమయంలో కార్యకర్తలు, ప్రజలు ధైర్యంగా ఓటు హక్కు వినియోగించుకోవాలని, కూటమి నేతల దౌర్జన్యాలను ఎదుర్కొనేందుకు తాము కాపలాదారులుగా ఉంటామని భరోసా ఇచ్చారు. కూటమి కుట్రలకు నిదర్శనం నామినేషన్ల ప్రక్రియలో కూటమి నాయకులు చేసిన కుట్రల వల్లనే సుప్రీంకోర్టు జోక్యం చేసుకుని.. 19 చోట్ల మళ్లీ నామినేషన్లకు ఆదేశించిందని వైఎస్సార్‌సీపీ పార్లమెంట్‌ పరిశీలకుడు నరేష్‌రెడ్డి, సీపీఐ రాష్ట్ర నేత జగదీష్‌ గుర్తుచేశారు. ఈ ఎన్నికల్లో వైఎస్సార్‌సీపీ మేయర్‌ అభ్యర్థి రమేష్‌ గౌడ్‌తో పాటు 62 డివిజన్లలో పోటీ చేస్తున్న వైఎస్సార్‌సీపీ, సీపీఐ అభ్యర్థులను అత్యధిక మెజారిటీతో గెలిపించాలని ప్రజలను కోరారు. ప్రచారంలో అన్నీ అసత్యాలే స్థానిక ఎన్నికల్లో కూటమి నాయకులు అసత్యాలు ప్రచారం చేస్తున్నారని వైఎస్సార్‌సీపీ మేయర్‌ అభ్యర్థి రమేష్‌ గౌడ్‌ ధ్వజమెత్తారు. మంత్రి సత్యకుమార్‌ ప్రాతినిధ్యం వహిస్తున్న ధర్మవరం నియోజకవర్గాన్ని పట్టించుకోకుండా ఢిల్లీ నాయకులతో షో చేస్తున్నారని ఎద్దేవా చేశారు. అనంతపురం ప్రభుత్వ ఆస్పత్రి విస్తరణను పూర్తి చేయలేని కూటమి ప్రభుత్వం, నగరాన్ని అవినీతికి కేరాఫ్‌ అడ్రస్‌గా మార్చేసిందని మండిపడ్డారు. ప్రజల ఆత్మగౌరవానికి.. ఢిల్లీ అహంకారానికి మధ్య పోరు జరుగుతోందన్నారు. వైఎస్సార్‌సీపీ– సీపీఐని గెలిపించి అనంతపురం ప్రజల ఆత్మగౌరవాన్ని కాపాడాలని పిలుపునిచ్చారు. కార్యక్రమంలో వైఎస్సార్‌సీపీ ఉరవకొండ సమన్వయకర్త వై.విశ్వేశ్వరరెడ్డి, జెడ్పీ మాజీ చైర్‌పర్సన్‌ బోయ గిరిజమ్మ తదితరులు పాల్గొన్నారు. ప్రజలకు అభివాదం చేస్తున్న అనంత వెంకటరామిరెడ్డి, రమేష్‌గౌడ్‌. చిత్రంలో మాజీ ఎమ్మెల్యే వై.విశ్వేశ్వరరెడ్డి, నరేష్‌కుమార్‌రెడ్డి, సీపీఐ నేత జగదీష్‌ అనంతపురంలో భారీ ర్యాలీ నిర్వహిస్తున్న వైఎస్సార్‌సీపీ, సీపీఐ శ్రేణులు

అనంతపురం: నంద్యాల జిల్లా ఆత్మకూరు రూరల్‌ ‘సాక్షి’ రిపోర్టర్‌ సుబ్బారెడ్డిపై శ్రీశైలం ఎమ్మెల్యే బుడ్డా రాజశేఖర్‌రెడ్డి అనుచరులు చేసిన దాడిని ఏపీడబ్ల్యూజేయూ, ఏపీడబ్ల్యూజేఎఫ్‌, రాష్ట్ర చిన్నపత్రికల సంఘం ప్రతినిధులు తీవ్రంగా ఖండించారు. ఈ మేరకు శుక్రవారం అనంతపురం జిల్లా రెవెన్యూ అధికారి (డీఆర్వో) మలోలకు వినతిపత్రం సమర్పించారు. ఏపీడబ్ల్యూజేయూ రాష్ట్ర అధ్యక్షుడు మచ్చా రామలింగారెడ్డి, ఏపీడబ్ల్యూజేఎఫ్‌ రాష్ట్ర కౌన్సిల్‌ సభ్యులు ఏ. షఫీవుల్లా, చిన్నపత్రికల సంఘం రాష్ట్ర ఉపాధ్యక్షుడు కొత్తపల్లి అనిల్‌ కుమార్‌రెడ్డి హాజరై.. పాత్రికేయుల రక్షణకు ప్రభుత్వం వెంటనే తగిన చర్యలు తీసుకోవాలని, దాడికి పాల్పడిన వారిపై కఠిన చట్టపరమైన చర్యలు చేపట్టాలని డిమాండ్‌ చేశారు. అనంతరం మచ్చా రామలింగారెడ్డి మాట్లాడుతూ.. సమాజంలో జరుగుతున్న విషయాలను, ప్రజా సమస్యలను వెలుగులోకి తెచ్చే విలేకరులపై భౌతిక దాడులు చేయడం ప్రజాస్వామ్యానికే గొడ్డలిపెట్టన్నారు. అధికార బలం, రాజకీయ అండచూసుకుని రిపోర్టర్‌ సుబ్బారెడ్డిపై దాడికి దిగడం అత్యంత హేయమైన చర్య అని విమర్శించారు. విధి నిర్వహణలో ఉన్న జర్నలిస్టులకు భద్రత లేకపోతే పత్రికా స్వేచ్ఛ ప్రశ్నార్థకంగా మారుతుందన్నారు. ఈ దాడికి పాల్పడిన వారిని, వారికి సహకరించిన వారిపై వెంటనే కేసులు నమోదు చేసి అరెస్ట్‌ చేయాలని డిమాండ్‌ చేశారు. రాష్ట్ర చిన్నపత్రికల సంఘం ఉపాధ్యక్షుడు కొత్తపల్లి అనిల్‌కుమార్‌రెడ్డి మాట్లాడుతూ.. ప్రతి విలేకరి హక్కులను కాపాడాల్సిన బాధ్యత ప్రభుత్వంపై ఉందన్నారు. ఎమ్మెల్యే అనుచరులు దౌర్జన్యాలకు దిగుతుంటే పోలీసులు ప్రేక్షక పాత్ర వహించడం తగదన్నారు. వెంటనే పాత్రికేయులకు రక్షణ కల్పించే ప్రత్యేక చట్టాన్ని అమలుల్లోకి తీసుకురావాలన్నారు. దాడి ఘటనపై తక్షణమే విచారణ జరిపి బాధితుడికి న్యాయం చేయకపోతే రాష్ట్రవ్యాప్తంగా జర్నలిస్టులను ఏకం చేసి ఉద్యమిస్తామన్నారు. షఫీవుల్లా మాట్లాడుతూ బెదిరింపులు, దాడులతో విలేకరుల నోళ్లు నొక్కలేరని, సుబ్బారెడ్డిపై దాడి చేసిన వారిని కఠినంగా శిక్షించాలన్నారు.

● ఎస్కేయూ వైస్‌ చాన్సలర్‌ ఎన్‌వీఆర్‌ జ్యోతికుమార్‌ అనంతపురం: సాంకేతిక పురోగతితోనే దేశాభివృద్ధి సాధ్యమని, మారుతున్న ఆధునిక పరిణామాలకు అనుగుణంగా విద్యార్థులు నిరంతరం తమ నైపుణ్యాలను మెరుగుపరుచుకోవాలని శ్రీకృష్ణదేవరాయ విశ్వవిద్యాలయం ఉపకులపతి (వైస్‌ ఛాన్సలర్‌) ఎన్‌.వీ.ఆర్‌. జ్యోతికుమార్‌ పిలుపునిచ్చారు. శ్రీ కృష్ణదేవరాయ విశ్వవిద్యాలయ ఇంజినీరింగ్‌ , సాంకేతిక కళాశాలలో కంప్యూటర్‌ సైన్స్‌ ఇంజినీరింగ్‌ విభాగం ఆధ్వర్యంలో ’ఫ్యూజన్‌ – 2కే26’ పేరిట రెండు రోజుల జాతీయస్థాయి సాంకేతిక సదస్సు శుక్రవారం ఘనంగా ప్రారంభమైంది. విద్యార్థుల్లో సాంకేతిక పరిజ్ఞానాన్ని పెంపొందించడం, సృజనాత్మకతను వెలికితీయడమే ధ్యేయంగా నిర్వహిస్తున్న కార్యక్రమానికి ప్రిన్సిపాల్‌ ఆర్‌.రామచంద్ర అధ్యక్షత వహించారు. ముఖ్య అతిథిగా హాజరైన వీసీ జ్యోతికుమార్‌ మాట్లాడుతూ విద్యార్థులు కేవలం చదువుకే పరిమితం కాకుండా పరిశోధనలు, నూతన ఆవిష్కరణలపై ప్రత్యేక దృష్టి సారించాలని సూచించారు. ప్రత్యేక అతిథిగా విచ్చేసిన జేఎన్టీయూ అనంతపురం వీసీ హెచ్‌.సుదర్శనరావు మాట్లాడుతూ విద్యార్థులు పుస్తక పరిజ్ఞానానికే పరిమితం కాకుండా ప్రయోగాత్మక జ్ఞానాన్ని పెంపొందించుకోవాలన్నారు. అనంతరం విద్యార్థులు పత్ర సమర్పణలు (పేపర్‌ ప్రజెంటేషన్లు), ప్రాజెక్ట్‌ ప్రదర్శనలు, క్విజ్‌ పోటీల్లో పాల్గొని తమ నైపుణ్యాలను ప్రదర్శించారు. కార్యక్రమంలో వైస్‌ ప్రిన్సిపాల్‌ జె.లత, సదస్సు కన్వీనర్‌ డి.గౌసియా బేగం, సహ కన్వీనర్లు డాక్టర్‌ పి.ఆర్‌. రాజేష్‌ కుమార్‌, యూ.ధనుంజయ తదితరులు పాల్గొన్నారు

● పట్టణాల్లో 144 సెక్షన్‌ అమలు : ఎస్పీ అనంతపురం సెంట్రల్‌: మున్సిపల్‌ ఎన్నికల పోలింగ్‌ ప్రక్రియను ప్రశాంత వాతావరణంలో నిర్వహించేందుకు ఆయా పట్టణాల్లో 144 సెక్షన్‌ అమలు చేస్తున్నట్లు ఎస్పీ జగదీష్‌ తెలిపారు. ఐదుగురు లేదా అంతకంటే ఎక్కువ మంది గుమిగూడటం, సభలు, సమావేశాలు, ఊరేగింపులు నిర్వహించడం నిషేధమని స్పష్టం చేశారు. అలాగే ఎన్నికలు జరిగే పట్టణాల్లో స్థానికేతరులు ఉండకూడదన్నారు. రాజకీయ పార్టీలు, అభ్యర్థుల తరఫున ప్రచారం, ఇతర ఎన్నికల కార్యకలాపాల కోసం వచ్చిన బయట వ్యక్తులు పట్టణాలు విడిచి వెళ్లకపోతే చర్యలు తప్పవని హెచ్చరించారు. లాడ్జీలు, హోటళ్లు, వసతి ప్రాంతాలపై పోలీసుల నిఘా కఠినతరం చేయాలని, అనుమానాస్పద వ్యక్తులపై చర్యలు తీసుకోవాలని సూచించారు. శాంతిభద్రతలకు విఘాతం కలిగించే ప్రయత్నాలను సహించేది లేదని హెచ్చరించారు. పోలింగ్‌ కేంద్రాలు తనిఖీ అనంతపురం నగరంలో కీలకమైన ఎన్నికల కేంద్రాలు, అత్యంత సమస్యాత్మక పోలింగ్‌ కేంద్రాలను శుక్రవారం ఎస్పీ పరిశీలించారు. ఎస్‌స్‌బీఎన్‌ కళాశాలలో ఏర్పాటు చేసిన స్ట్రాంగ్‌ రూం, ఎన్నికల సామగ్రి డిస్ట్రిబ్యూషన్‌ కేంద్రం, కౌంటింగ్‌ కేంద్రాలను పరిశీలించారు. విధుల్లో ఉన్న సిబ్బంది అప్రమత్తంగా ఉండాలని సూచించారు. అనంతరం అత్యంత సమస్యాత్మక కేంద్రాలైన శ్రీకృష్ణదేవరాయ పాఠశాల (విద్యుత్‌నగర్‌), 49వ వార్డు సచివాలయం (నాయక్‌నగర్‌), మదర్‌ థెరిస్సా నగరపాలక పాఠశాల (రామ్‌నగర్‌), జనశక్తి ప్రభుత్వ పాఠశాల కేంద్రాలను తనిఖీ చేశారు. భద్రతా ఏర్పాట్లలో లోటుపాట్లు లేకుండా చర్యలు తీసుకోవాలని ఆదేశించారు. కార్యక్రమంలో అర్బన్‌ డీఎస్పీ కరుణాకర్‌రావు, సీఐలు పుల్లయ్య, మస్తాన్‌, ఆర్‌ఐ మధు, ఎస్‌ఐ గోపి తదితరులు పాల్గొన్నారు. బందోబస్తుకు ‘అనంత కవచ్‌’ ఎన్నికల బందోబస్తులో సాంకేతిక పరిజ్ఞానాన్ని జోడిస్తూ ‘అనంత కవచ్‌’ పేరుతో ప్రత్యేక మొబైల్‌ యాప్‌ రూపొందించారు. ఈ మేరకు ఎస్పీ జగదీష్‌ శుక్రవారం తన చాంబర్‌ యాప్‌ను ఆవిష్కరించారు. సుమారు 1500 మంది పోలీసు సిబ్బందితో అన్ని పోలింగ్‌ కేంద్రాలనూ ఒకే డిజిటల్‌ వ్యవస్థతో అనుసంధానించినట్లు పేర్కొన్నారు. దీని వల్ల క్షేత్రస్థాయిలో పనిచేసే సిబ్బంది నుంచి సమస్యలను వెంటనే తెలుసుకోవచ్చని తెలిపారు. శాంతిభద్రతల సమస్యలు తలెత్తితే సమీపంలోని మొబైల్‌ పార్టీలను అలర్ట్‌ చేయడానికి ఎంతో ఉపయోగపడుతుందన్నారు. ‘బైండోవర్‌’ ఉల్లంఘనులపై చర్యలు జిల్లా వ్యాప్తంగా 52 మంది బైండోవర్‌ నిబంధనలను ఉల్లంఘించినట్లు గుర్తించామని, వారిపై చట్టప్రకారం అన్ని చర్యలూ తీసుకుంటున్నట్లు ఎస్పీ తెలిపారు. శాంతిభద్రతలకు భంగం కలిగించే వారిపై కఠిన చర్యలు తప్పవని హెచ్చరించారు. ఎన్నికల్లో హింసకు పాల్పడితే రౌడీషీట్లు, పీడీ యాక్టు ప్రయోగిస్తామని, ఈ విషయంలో ఎంతటివారినైనా ఉపేక్షించేది లేదని స్పష్టం చేశారు.

బొమ్మనహాళ్‌: రాయదుర్గం నియెజకవర్గంలో కూటమి పార్టీల మధ్య విభేదాలు భగ్గుమంటున్నాయి. స్థానిక సంస్ధల ఎన్నికల వేళ సీట్ల సర్దుబాటు వ్యవహారం టీడీపీ, జనసేన, బీజేపీ పార్టీల్లో అసమ్మతికి ఆజ్యం పోస్తోంది. కూటమి ధర్మాన్ని పక్కనపెట్టి ఎమ్మెల్యే కాలవ శ్రీనివాసులు వ్యవహరిస్తున్నారంటూ జనసేన, బీజేపీ నేతలు అసంతృప్తి వ్యక్తం చేస్తున్నారు. రెబల్‌ బాటలో ఆశావాహులు కూటమి అధిష్టానం ఖరారు చేసిన సీట్ల సర్దుబాటు క్షేత్రస్ధాయిలో అమలుకు నోచుకోవడం లేదనే విమర్శలున్నాయి. తమకు కేటాయిస్తామని హామీ ఇచ్చిన స్థానాలను ఇతరులకు కట్టబెట్టడంతో పలువురు నాయకులు ఆగ్రహాం వ్యక్తం చేస్తున్నారు. దీంతో రాయదుర్గం పట్టణంతో పాటు పలు మండలాల్లో టీడీపీ, జనసేనకు చెందిన అసంతృప్తి నాయకులు స్వతంత్ర అభ్యర్థులుగా బరిలోకి దిగడంతో కూటమిలో కలవరం మొదలైంది. బొమ్మనహాళ్‌లో బహిర్గతమైన విభేదాలు బొమ్మనహాళ్‌ మండల జెడ్పీటీసీ స్థానాన్ని కూటమి ఒప్పందంలో భాగంగా జనసేనకు కేటాయించారు. ఆ పార్టీ అభ్యర్థిగా అలివేలు శ్రీనివాసులును ప్రకటించారు. అయితే టీడీపీ సీనియర్‌ నాయకుడు కొత్తపల్లి మహేంద్ర స్వతంత్ర అభ్యర్ధిగా పోటీకి దిగడం వివాదానికి కారణమైంది. దీనిపై జనసేన అభ్యర్థి శ్రీనివాసులు ఎమ్మెల్యే కాలవ శ్రీనివాసులపై ఆగ్రహం వ్యక్తం చేశారు. కూటమి అభ్యర్థికి మద్దతుగా నిలవాల్సిందిపోయి రెబల్‌ అభ్యర్థులను ప్రోత్సహించడం ఏమిటని ప్రశ్నించారు. గ్రామాల్లో టీడీపీ ఎంపీటీసీ సభ్యులు రెబల్‌ అభ్యర్థికే ప్రచారాలు చేస్తున్నారన్నారు. కూటమి ధర్మాన్ని పాటించకుండా తనను బెదిరింపులకు గురి చేస్తున్నారని ఆరోపించారు. జనసేన, బీజేపీలోనూ అసంతృప్తి రాయదుర్గం పట్టణంతో పాటు నియోజకవర్గంలోని పలు మండలాల్లో జనసేన, బీజేపీ నాయకులు, కార్యర్తలు సీట్ల కేటాయింపుపై అసంతృప్తితో ఉన్నట్లు తెలుస్తోంది. పార్టీ కోసం కష్టపడిన వారికి గుర్తింపు ఇవ్వకుండా టీడీపీకే పెద్దపీట వేస్తున్నారనే విమర్శలు వ్యక్తమవుతున్నాయి. భాగస్వామ్య పార్టీలకు కేటాయించిన స్ధానాల్లోనూ టీడీపీ నాయకులు పోటీకి దిగడం సరికాదంటున్నారు. బుజ్జగింపులకు లొంగని రెబల్స్‌ రెబల్‌ అభ్యర్థులను పోటీ నుంచి తప్పించేందుకు ఎమ్మెల్యే కాలవ శ్రీనివాసులు చర్చలు జరిపినా ఫలితం లేకుండా పోయింది. పలువురు అభ్యర్థులు వెనక్కి తగ్గేందుకు సుముఖంగా లేరని తెలుస్తోంది. పార్టీ కోసం పనిచేసిన తమకు అన్యాయం జరిగిందని వారు వాదిస్తున్నారు. పొత్తు ధర్మం గాలికి ! కూడేరులోనూ..కూడేరు: కూటమి ధర్మానికి టీడీపీ నేతలు తూట్లు పొడుస్తున్నారని బీజేపీ నేతలు మండి పడుతున్నారు. వివరాల్లోకి వెళితే.. సీట్ల సర్దుబాటులో భాగంగా మండల పరిధిలోని తిమ్మాపురం ఎంపీటీసీ స్థానాన్ని బీజేపీకి కేటాయించారు. దీంతో ఆ పార్టీ అభ్యర్థి బరిలో నిలిచారు. అయితే టీడీపీ నేతలు ముత్యాలు అనే వ్యక్తిని స్వతంత్ర అభ్యర్థిగా బరిలోకి దింపి ఆయన మద్దతు పలుకుతూ ప్రచారం చేస్తుండడంతో బీజేపీ మండల నేతలు తీవ్ర అసంతృప్తి వ్యక్తం చేస్తున్నారు. కూటమి ధర్మాన్ని పక్కన పెట్టి బీజేపీ అభ్యర్థికి సహకరించకుండా స్వతంత్ర అభ్యర్థికి మద్దతివ్వడం సరికాదని ఆగ్రహం వ్యక్తం చేస్తున్నారు. బీజేపీ, జనసేన కండువాలు వేసుకోని కూటమి చైర్‌ పర్సన్‌ అభ్యర్థి కళ్యాణదుర్గం: కళ్యాణదుర్గం మున్సిపల్‌ ఎన్నికల ప్రచారం శుక్రవారం సాయంత్రంతో ముగిసింది. అయితే అధికార కూటమిలో తీవ్ర అసంతృప్తి, వివాదం రగుల్చుకునే విస్తుపోయే ఘటన పట్టణంలో చోటు చేసుకుంది. కూటమి పొత్తు ధర్మాన్ని కాలరాస్తూ, భాగస్వామ్య పక్ష పార్టీలైన బీజేపీ, జనసేనలను బహిరంగంగానే అవమానించేలా కూటమి చైర్‌ పర్సన్‌ అభ్యర్థి బుట్నా లక్ష్మి వ్యవహార శైలి కూటమి మిత్ర పక్ష పార్టీలో విస్మయానికి గురి చేస్తున్నాయి. కళ్యాణదుర్గం మున్సిపల్‌ ఎన్నికల చివరి రోజులో భాగంగా ప్రచారంలో చైర్‌ పర్సన్‌ అభ్యర్థి బుట్నా లక్ష్మి తనపున ఎమ్మెల్యే అమిలినేని సురేంద్రబాబు, ఎంపీ అంబికా లక్ష్మినారాయణలు కళ్యాణదుర్గంలో ఎన్నికల ప్రచారం నిర్వహించారు. అయితే కూటమి ఐక్యతను చాటేందుకు స్థానిక బీజేపీ, జనసేన నాయకులు వెనుక ఉన్నా అభ్యర్థి మాత్రం పొత్తు ధర్నాన్ని పాటించకుండా కనీసం బీజేపీ, జనసేన కండువాలను వేసుకోకుండానే చివరి రోజు ప్రచారం నిర్వహించడం గమనార్హం. ఎమ్మెల్యే అమిలినేని కూటమి కండువాలు వేసుకున్నా పక్కన ఉన్న ఎంపీ అంబికా లక్ష్మినారాయణ, మున్సిపల్‌ చైర్‌ పర్సన్‌ అభ్యర్థి బుట్నా లక్ష్మి కేవలం టీడీపీ కండువాలను మాత్రమే వేసుకుని ప్రచారం చేయడం చర్చనీయాంశమైంది. అసంతృప్తిలో మిత్రపక్షాలు ఓ వైపు రాష్ట్రస్థాయిలో కూటమి అగ్ర నేతలు ఐక్యత కోసం కష్టపడుతుంటే, స్థానిక అభ్యర్థులు మాత్రం కండువాలను కూడా వేసుకునేందుకు ఇష్టపడకపోవడంతో ఆయా పార్టీల్లో తీవ్ర దుమారం లేపుతోంది. టీడీపీ నేతలు కావాలనే దూరం పెడుతున్నారంటే బీజేపీ, జనసేన శ్రేణులు మండిపడుతున్నాయి. ‘దుర్గం’లో కాలవకు అసమ్మతి సెగ ఎన్నికల బరిలో రెబల్స్‌ ఉండటంపై జనసేన, బీజేపీ శ్రేణుల అసంతృప్తి పొత్తు ధర్మం కాలరాస్తున్నారని ఆగ్రహం

బొమ్మనహాళ్‌: మండలంలోని దర్గాహొన్నూరు సర్మస్‌ హుస్సేనీ స్వాముల ఉరుసు ఉత్సవాలు ఘనంగా నిర్వహించారు. ఉత్సవాల్లో భాగంగా శుక్రవారం అనేక ప్రాంతాల నుంచి దర్గాకు తరలివచ్చిన భక్తులు స్వామివారికి చాదర్‌, పూలమాలలు, చక్కెర సమర్పించుకుని ప్రత్యేక పూజలు చేశారు. పిల్లలకు దర్గా ఆవరణలో చక్కెర తూకాలతో మొక్కులు చెల్లించుకున్నారు. రాయదుర్గం రూరల్‌ సీఐ వెంకటరమణ, బొమ్మనహాళ్‌ ఎస్‌ఐ నబీరసూల్‌ ఆధ్వర్యంలో పోలీసులలతో బందోబస్తు నిర్వహించారు. శనివారం ఉదయం తెల్లవారుజామున సర్మస్‌ హుస్సేనీ షంషేర్‌ నిర్వహించనున్నట్లు ఆలయ 8వ పీఠాధిపతులు సయ్యద్‌ రహంతుల్లా హుసేన్సీ, సయ్యద్‌ ఖాజా ఫీరా హుసెన్సీ, సయ్యత్‌ ఇనాయత్‌ బాబా తెలిపారు.

● పింఛన్‌దారులకు టీడీపీ నేతల ప్రలోభాలు ● పింఛన్‌ కొనసాగాలంటే టీడీపీకి ఓటు వేయాల్సిందేనని హుకుం పామిడి/గుత్తి రూరల్‌: స్థానిక సంస్థల ఎన్నికల్లో టీడీపీ దౌర్జన్యాలు, ప్రలోభాలు, బెదిరింపులు తారస్థాయికి చేరాయి. టీడీపీకి ఓటు వేయకపోతే పింఛన్లు తొలగిస్తామంటూ బహిరంగంగానే బెదిరిస్తున్నారు.ఈ క్రమంలోనే శుక్రవారం పింఛన్ల పంపీణీలో స్థానిక టీడీపీ నేతలు బరి తెగించారు. పింఛన్ల పంపిణీలో నేరుగా పాల్గొని..టీడీపీ కరపత్రాలతో పాటు పింఛన్‌ డబ్బు పంపిణీ చేశారు. స్థానిక ఎన్నికల్లో టీడీపీ జెడ్పీటీసీ, ఎంపీటీసీ అభ్యర్థులకు ఓటు వేయకపోతే వచ్చే నెల నుంచి పింఛన్లు ఆపేస్తామని హెచ్చరించారు. పామిడి మండలం గజరాంపల్లిలో శుక్రవారం చేపట్టిన పింఛన్ల పంపిణీలో టీడీపీ నేతలు ఎన్నికల కోడ్‌ ఉల్లంఘించారు. గ్రామ టీడీపీ నేత ఎల్‌.హనుమంతరెడ్డి దగ్గరుండి పింఛన్‌దారులకు మొత్తాలను పంపిణీ చేయడం గమనార్హం. అలాగే గుత్తి మండల పరిధిలోని చాలా గ్రామాల్లో పింఛన్ల పంపిణీలో టీడీపీ నాయకులు జోక్యం చేసుకున్నారు. గుత్తి మండలం జక్కలచెరువులో పింఛన్ల పంపిణీలో పాల్గొన్న టీడీపీ నాయకుడు పామిడి మండలం గజరాంపల్లిలో పింఛన్ల పంపిణీలో పాల్గొన్న టీడీపీ నాయకుడు హనుమంతరెడ్డి

అనంతపురం/ అనంతపురం సిటీ: ఉమ్మడి జిల్లాలో కీలకమైన అనంతపురం నగరపాలక సంస్థ మేయర్‌ టికెట్‌ కూటమి తరఫున బీజేపీకి కేటాయించారు. అయితే ఆ పార్టీకి ఇక్కడ ఓటు బ్యాంకు ఆ స్థాయిలో లేదు. మరోవైపు హామీల అమలులో చతికిలపడిన చంద్రబాబు పాలనపై ప్రజల్లో తీవ్ర అసంతృప్తి ఉంది. ఇంకోవైపు బలమైన ప్రత్యర్థిగా వైఎస్సార్‌సీపీ ఉంది. ఇలాంటి పరిస్థితుల్లో మంత్రి సత్యకుమార్‌ రంగప్రవేశం చేశారు. ఆయన ప్రాతినిధ్యం వహిస్తున్న శ్రీసత్యసాయి జిల్లా ధర్మవరంలో సాగిస్తున్న అధర్మపాలన.. అరాచక పర్వాన్ని అనంతపురంలో ప్రవేశపెట్టి.. తద్వారా విజయం సాధించాలనే యోచనలో ఉన్నట్లు తెలిసింది. ఈ రాజకీయ పరిణామాలు నగర వాసులను ఆందోళనకు గురిచేస్తున్నాయి. ఇలాంటి ప్రజాస్వామ్య వ్యతిరేక ధోరణులను, దుశ్చర్యలను ఆదిలోనే కట్టడి చేయాల్సిన అవసరం ఎంతైనా ఉందని ప్రజలు గట్టిగా కోరుకుంటున్నారు. ఉద్యోగులకు బెదిరింపులు తమ పార్టీకి ఓటు వేయకపోతే ఉద్యోగాలు పోతాయని ఏకంగా మంత్రి సత్యకుమార్‌ బెదిరించి అధికార దుర్వినియోగానికి పాల్పడ్డారు. బీజేపీకి ఓటు వేయకపోతే ఉద్యోగాలు ఊడగొడతామంటూ ఈ నెల 28న అనంతపురం సర్వజనాస్పత్రిలో నిర్వహించిన ఉద్యోగుల సమావేశంలో మంత్రి హుకుం జారీ చేయడంపై సర్వత్రా విమర్శలు వ్యక్తమవుతున్నాయి. ఓటు విషయంలో భయభ్రాంతులకు గురిచేసి ఒత్తిడి తెచ్చే ప్రయత్నాలను ఉద్యోగ వర్గాలు తీవ్రంగా వ్యతిరేకిస్తున్నాయి. ఈ ఎన్నికల్లో వారికి తగిన బుద్ధి చెప్పాలని ఉద్యోగులు భావిస్తున్నారు. లేదంటే ధర్మవరం తరహా అరాచక పాలనను చవిచూడాల్సి వస్తుందని ముందుగానే అప్రమత్తమవుతున్నారు. అరాచకవాదులకు గుణపాఠం రాజకీయ నేతల అంచనాలకు మించి అనంతపురం నగర ఓటర్ల ఆలోచనా సరళి మారిందనే విషయం ఈ కొన్ని రోజుల ప్రచారంలో తేటతెల్లమైంది. రాష్ట్రంలో కూటమి ప్రభుత్వం ఏర్పడిన ఈ రెండున్నరేళ్లలో అర్బన్‌ ఎమ్మెల్యే దగ్గుపాటి ప్రసాద్‌ సాగించిన అక్రమాల చిట్టాను నగర వాసులు మరవలేకపోతున్నారు. ఇదే విషయాన్ని సొంత పార్టీలోని నేతలు సైతం అంగీకరిస్తున్నారు. ఎమ్మెల్యే అరాచకాల మూలంగానే నగర పాలక సంస్థను తాము శాశ్వతంగా కోల్పోవాల్సి వస్తోందనే ఆందోళన టీడీపీ నేతల్లో స్పష్టంగా కనిపిస్తోంది. ఈ అంతర్మథనంలోనే ఇంత కాలం మల్లగుల్లాలు పడిన టీడీపీ నేతలు ఎలాగైనా బీజేపీ మేయర్‌ అభ్యర్థిని ఓడించి నగరాన్ని కాపాడుకోవాలనే ఆలోచనలో ఉన్నట్లుగా తెలుస్తోంది. ఇదే విషయాన్ని టీడీపీకి చెందిన ఓ అగ్రనేత సైతం ధ్రువీకరించడం గమనార్హం. దీనికి తోడు అనంతపురంలో స్థిరపడిన ఓటర్లలో అత్యధికులు విద్యావంతులు, మేధావులే ఉన్నారు. రెండున్నరేళ్లలో నగరంలో నెలకొన్న అశాంతియుత వాతావరణంపై వారు అసహనంతోనే ఉన్నారు. అవకాశం కోసం ఇంతకాలం వేచి ఉన్నారు. నగర పాలక సంస్థ ఎన్నికల్లో కూటమి నేతలకు బుద్ధి వచ్చేలా తమ ఓటు అనే ఆయుధాన్ని ప్రయోగించేందుకు నగర వాసులు సిద్ధమయ్యారు. పోలింగ్‌ బూత్‌ల కబ్జాకు పావులు ధర్మవరం తరహాలో పాలన సాగిస్తారేమోనని భయం ప్రశాంతంగా ఉండే అనంతలో చిచ్చు పెట్టేందుకు కుట్ర ఓటు వేయకుంటే ఉద్యోగం పోతుందంటూ మంత్రి సత్యకుమార్‌ హుకుం బీజేపీని ఓడించి.. గుణపాఠం నేర్పాలనే భావనలో నగర ప్రజలు మేయర్‌ స్థానాన్ని ఎలాగైనా చేజిక్కించుకోవాలనే ఉద్దేశంతో పొలింగ్‌ బూత్‌లను కబ్జా చేసేందుకు కూడా వెనుకాడని నైజంతో కూటమి నేతలు పావులు కదుపుతున్నట్లు విమర్శలు వ్యక్తమవుతున్నాయి. స్వతంత్ర అభ్యర్థుల పేరుపై తమ పార్టీకి చెందిన వారితో నామినేషన్లు వేయించడమే ఇందుకు నిదర్శనమని పలువురు రాజకీయ విశ్లేషకులు పేర్కొంటున్నారు. అంతేకాక పోలింగ్‌ సమయం దగ్గర పడుతున్న కొద్దీ బయటి వ్యక్తులను ఇబ్బడి ముబ్బడిగా నగరానికి రప్పించుకుని తమదైన శైలిలో అరాచకం సృష్టించేందుకు బీజేపీ ప్రయత్నిస్తోందనే ఆరోపణలూ ఉన్నాయి.

అనంతపురం: జేఎన్‌టీయూఏ పరిధిలో గత ఆగస్టు, సెప్టెంబర్‌ మాసాల్లో నిర్వహించిన ఎం.ఫార్మసీ, బీఫార్మసీ, ఫార్మా–డి పరీక్ష ఫలితాలు గురువారం విడుదలయ్యాయి. www. jntuaresults.in వెబ్‌సైట్‌లో చూడవచ్చు. ప్రయాణికురాలి మెడలోని గొలుసు మాయం ● బాధితురాలి ఫిర్యాదును తీసుకోని పోలీసులు గుత్తి: ఆర్టీసీ బస్సులో ప్రయాణిస్తున్న లక్ష్మిదేవి అనే ప్రయాణికురాలి మెడలోని బంగారు గొలుసు దొంగలు అపహరించారు. గుంతకల్లు మండలం ఇమాంపురానికి చెందిన లక్ష్మిదేవి గుత్తి బస్టాండ్‌లో అనంతపురం వెళ్లేందుకు బస్సు ఎక్కింది. శివారు ప్రాంతంలోని మాతృశ్రీ ఆస్పత్రి వద్దకు వెళ్లగానే లక్ష్మిదేవి మెడలోని నాలుగు తులాల గొలుసు కనిపించలేదు.వెంటనే అప్రమత్తమైన ఆమె.. బస్సు ఆపాలని చెప్పింది. అయితే డ్రైవర్‌ బస్సును ఆపకుండా పామిడి పోలీసు స్టేషన్‌కు తీసుకెళ్లాడు. కాగా, చోరీ జరిగిన ప్రాంతం తమ పరిధిలోకి రాదని, గుత్తిలో ఫిర్యాదు చేసుకోవాలని పోలీసులు చెప్పారు. దీంతో బాధితురాలు గుత్తికి వెళ్లి పోలీసులకు ఫిర్యాదు ఇస్తుండగా తీసుకోలేదు. గుత్తి, పామిడి పోలీస్‌ స్టేషన్లలో రెండుచోట్లా ఫిర్యాదు తీసుకోకపోవడంతో బాధితురాలు లబోదిబోమంటోంది.

● కాగితాలకే పరిమితమైన సామాజిక తనిఖీ ● పంటనష్టం తగ్గించి పంపేందుకు చర్యలు అనంతపురం అగ్రికల్చర్‌: ఖరీఫ్‌లో వర్షాభావ పరిస్థితులను తట్టుకొని అతికష్టమ్మీద సాగులోకి వచ్చిన 3.24 లక్షల హెక్టార్ల పంటలు దారుణంగా దెబ్బతిన్నాయి. దీంతో ప్రభుత్వం పెద్దవడుగూరు మినహా మిగతా 30 మండలాలను కరువు జాబితాలోకి ప్రకటించిన విషయం తెలిసిందే. అందులో 28 మండలాలు తీవ్ర కరువు జాబితాలో ఉన్నాయి. కాగా, రాయదుర్గం, పెద్దపప్పూరును మధ్యస్థ కరువు జాబితా కింద గుర్తించారు. వర్షపాతం అధికంగా ఉందని పెద్దవడుగూరు మండలాన్ని పక్కనపెట్టేశారు. జిల్లా వ్యాప్తంగా వ్యవసాయశాఖ ఆధ్వర్యంలో గత 15 రోజులుగా పంటనష్టం అంచనాలు చేపడుతున్నారు. ఎన్‌డీఆర్‌ఎఫ్‌, ఎస్‌డీఆర్‌ఎఫ్‌ నిబంధనల మేరకు స్కేల్‌ ఆఫ్‌ రిలీఫ్‌ (పంటనష్టం ఉపశమనం) ఆధారంగా పంటనష్టం రూ.400 కోట్లు వరకు ఉంటుందని ప్రాథమికంగా అంచనా వేశారు. ఈనెల 17 నాటికే పంటనష్టం జాబితాలు సిద్ధం కావాల్సి ఉంది. ఇంకా 95 శాతం పూర్తయినట్లు చెప్తున్నారు. తయారు చేసిన జాబితాలు ఆర్‌ఎస్‌కేల్లో ఈనెల 25 నుంచి 27 వరకు సామాజిక తనిఖీ నిమిత్తం ప్రదర్శించి, ఏవైనా అభ్యంతరాలు, పొరపాట్లు ఉంటే సవరించుకునే వెసులుబాటు ఉన్నా... జాబితాలు ఎక్కడా ప్రదర్శించిన దాఖలాలు కనిపించలేదు. స్థానిక సంస్థల ఎన్నికల నేపథ్యంలో సమస్యలు ఉత్పన్నమవుతాయనే ఆలోచనతో అక్కడక్కడ ఆర్‌ఎస్‌కేల్లో అలా ఉంచి మమ అనిపించినట్లు చెప్తున్నారు. 1,2న కరువు బృందం జిల్లాలో పర్యటన.. కరువు పరిశీలన నిమిత్తం ఇంటర్‌ మినిస్టీరియల్‌ సెంట్రల్‌ టీం (కేంద్ర బృందం) నవంబర్‌ 1, 2న జిల్లాకు వస్తున్నట్లు ఇప్పటికే ప్రకటించారు. అంతలోపు జిల్లా సమగ్ర కరువు నివేదిక తయారు చేసి కేంద్ర బృందానికి అందించాల్సి ఉంటుంది. ప్రస్తుతానికి 95 శాతం పూర్తయిందని చెబుతున్నా, రాయదుర్గం, పెద్దపప్పూరు మండలాల జాబితా ఇంకా తయారు కాలేదంటున్నారు. ఇప్పటి వరకు అందిన సమాచారం మేరకు 2.23 లక్షల హెక్టార్లలో పంటలు దెబ్బతినడంతో 1.82 లక్షల మంది రైతులకు రూ.200 కోట్లు వరకు పంట నష్టం వాటిల్లినట్లు అంచనా వేశారు. ప్రాథమిక అంచనా మేరకు రూ.400 కోట్లు పైగా రావాల్సిన పంటనష్టం కాస్త ఇటు ఇటుగా రూ.200 కోట్లకు కుదించే చర్యలు చేపట్టినట్లు తెలుస్తోంది. పంటనష్టం తగ్గించి పంపేందుకు ఏర్పాట్లు చేస్తుండటంతో రైతులకు తీవ్ర అన్యాయం జరిగే పరిస్థితి ఉందని ఆందోళన వ్యక్తమవుతోంది.

కళ్యాణదుర్గం: మున్సిపల్‌ ఎన్నికల్లో అధికార తెలుగుదేశం పార్టీ ప్రజాస్వామ్యానికి పాతరేస్తోంది. ఎన్నికల సంఘం మార్గదర్శకాలను అనుసరించకుండా తమకు నచ్చినట్టు నడుచుకుంటోంది. ఇవన్నీ కంటికి కనిపిస్తున్నా అధికార యంత్రాంగం మౌనం వహిస్తోంది. ఫలితంగా ఈ ఎన్నికల్లో అరాచకాలు పేట్రేగిపోతున్నాయి. ప్రతిపక్ష వైఎస్సార్‌సీపీ అభ్యర్థుల ప్రకటన నుంచి నామినేషన్లు, ఉపసంహరణ ఘట్టం వరకు కళ్యాణదుర్గం ఎమ్మెల్యే అమిలినేని సురేంద్రబాబు డైరెక్షన్‌లో ‘పచ్చ’ మూకలు దాడులకు తెగబడ్డాయి. అయినా తట్టుకుని పోటీలో నిలబడిన వారిని ప్రచారం చేసుకోవడానికి ప్రజల వద్దకు వెళ్లకుండా నిలువరించేందుకు పోలీసు వ్యవస్థను పావుగా వాడుకుంటున్నారు. ప్రజాస్వామ్య పద్ధతిలో నెగ్గలేమని తెలిసి.. ప్రత్యర్థి పార్టీ అభ్యర్థులను నయానో.. భయానో బెదిరించి.. టీడీపీ అభ్యర్థులను గెలిపించుకోవడానికి కుట్రలు పన్నారు. అందులో భాగంగానే ‘మీరు ఏమి చేసుకుంటారో ఏమో తెలియదు. ప్రతిపక్ష వైఎస్సార్‌సీపీ అభ్యర్థులు ఎన్నికల ప్రచారం చేయడానికి వీల్లేదం’టూ పోలీసులను ఉసిగొల్పుతున్నారు. టీడీపీ ముఖ్యనేతల ఆదేశాల మేరకు పోలీసులు రంగంలోకి దిగారు. 32 వార్డులకు గాను 12 వార్డులకు సంబంధించిన వైఎస్సార్‌సీపీ కౌన్సిలర్‌ అభ్యర్థుల ఇళ్లకు అర్ధరాత్రి పూట వెళ్లి కుటుంబ సభ్యులను బైండోవర్ల పేరిట అదుపులోకి తీసుకుని భయాందోళనలు సృష్టిస్తున్నారు. గురువారం తెల్లవారుజామున 19వ వార్డు కౌన్సిలర్‌ అభ్యర్థి తలారి లక్ష్మీప్రియ తండ్రి ఉమాపతిని అదుపులోకి తీసుకున్నారు. ప్రతిపక్షాల గొంతు నొక్కే దుశ్చర్యలపై ఎన్నికల కమిషన్‌ తక్షణమే స్పందించి తగిన చర్యలు తీసుకోవాలని ప్రతిపక్షాలు కోరుతున్నాయి. కళ్యాణదుర్గం ‘పుర’ పోరులో ఆధిపత్యం కోసం ఆరాటం పోలింగ్‌ సమీపిస్తున్న వేళ బైండోవర్‌ పేరుతో వైఎస్సార్‌సీపీ అభ్యర్థుల కుటుంబ సభ్యులకు ఇబ్బందులు టీడీపీ అభ్యర్థుల విజయం కోసం యథేచ్ఛగా ఎన్నికల కోడ్‌ ఉల్లంఘన

అనంతపురం న్యూటౌన్‌: ప్రజాస్వామ్యంలో ఓటు ప్రజల హక్కు అని వైఎస్సార్‌సీపీ పంచాయతీరాజ్‌ విభా గం రాష్ట్ర అధ్యక్షుడు వెన్నపూస రవీంద్రారెడ్డి అన్నారు. ప్రజల ఓటు హక్కును కాలరాస్తే సహించేదిలేదని ఆయన హెచ్చరించారు. గురువారం స్థానిక వైఎస్సార్‌సీపీ జిల్లా కార్యాలయంలో విలేకరులతో స్థానిక సంస్థల ఎన్నికలు – కూటమి నేతలు అనుసరిస్తున్న వైఖరిపై ఆయన మాట్లాడారు. స్థానిక సంస్థల ఎన్నికల ప్రక్రియపై ప్రజలకు స్పష్టత కల్పించాలంటూ అధికారంలో ఉన్న కూటమి ప్రభుత్వం దౌర్జన్యాలు, దాడులు చేస్తూ రాక్షస పాలన చేస్తూ ఎన్నికలపై నమ్మకాన్ని కోల్పోయేలా చేస్తున్నాయని ఆయన మండిపడ్డారు. స్థానిక సంస్థలను ఎన్నికల సంఘం నిష్పక్షపాతంగా నిర్వహించి, ప్రజాస్వామ్య విలువలు కాపాడాలని కోరారు. పార్టీ పంచాయతీరాజ్‌ విభాగం రాష్ట్ర కార్యదర్శి బండి కిరణ్‌ కుమార్‌, వైఎస్సార్‌సీపీ నాయకుడు వెన్నపూస చెన్నకేశవరెడ్డి పాల్గొన్నారు.

డి.హీరేహాళ్‌(బొమ్మనహాళ్‌): డి.హీరేహాళ్‌ మండల పరిధిలోని కల్యం గ్రామ సమీపంలో రైలు ఢీకొని రెండు ఎలుగుబంట్లు మృత్యువాతపడ్డాయి. ఈవిషయాన్ని గమనించిన స్థానికులు అటవీశాఖ అధికారులకు సమచారం అందించారు. రాయదుర్గం ఫారెస్ట్‌ డిప్యూటీ రెంజ్‌ ఆఫీస్‌ దామోదర్‌రెడ్డి ఘటన స్థలాన్ని పరిశీలించారు. రాత్రి వేళలో ఎలుగుబంట్లు రైల్వే ట్రాక్‌ దాటుతున్న సమయంలో రైలు ఢీకొని ఉంటుందని ఆయన తెలిపారు. ఏపీ హెచ్‌ఈఆర్‌ఎంసీ మెంబర్‌ సెక్రటరీగా కృష్ణయ్య అనంతపురం : ఆంధ్రప్రదేశ్‌ హయ్యర్‌ ఎడ్యుకేషన్‌ ఫీజు రెగ్యులేటరీ అండ్‌ మానిటరింగ్‌ కమిటీ (ఏపీ హెచ్‌ఈఆర్‌ఎంసీ) మెంబర్‌ సెక్రటరీ కమ్‌ చీఫ్‌ ఎగ్జిక్యూటివ్‌ ఆఫీసర్‌ (సీఈఓ)గా ప్రొఫెసర్‌ ఎస్‌.కృష్ణయ్య నియమితులయ్యారు. ఈ మేరకు రాష్ట్ర ప్రభుత్వ ప్రిన్సిపల్‌ సెక్రెటరీ జె.శ్యామలరావు గురువారం అధికారిక ఉత్తర్వులు జారీ చేశారు. ఈ పదవిలో ఆయన మూడేళ్ల పాటు కొనసాగనున్నారు. ఉన్నత విద్యలో ఫీజుల నియంత్రణ, పర్యవేక్షణ బాధ్యతలను ఆయన నిర్వహించనున్నారు. రైల్వే ట్రాక్‌పై పడి ఉన్న ఎలుగుబంట్లు

కళ్యాణదుర్గం రూరల్‌: టీడీపీ మున్సిపల్‌ చైర్‌పర్సన్‌ అభ్యర్థి బుట్నా లక్ష్మిపై వైఎస్సార్‌సీపీ సమన్వయకర్త తలారి రంగయ్య గురువారం ఎన్నికల అధికారులకు ఫిర్యాదు చేశారు. శ్రీలంక పౌరసత్వం ఉన్న బుట్నా లక్ష్మిని పోటీ చేయడానికి అనర్హురాలిగా ప్రకటించాలని, ఆమె అభ్యర్థిత్వానికి సంబంధించిన అర్హతలను పరిశీలించి తగు చర్యలు తీసుకోవాలని కోరారు. విదేశీ మహిళకు రాజ్యాంగబద్ధంగా ప్రజలను పాలించే హక్కు లేదని పేర్కొన్నారు. టీడీపీ సోషల్‌ మీడియాలోనే ఆమె విదేశీ మహిళ అని ప్రచారం చేసుకుంటున్నారని ఆధారాలు చూపించారు.

అనంతపురం కల్చరల్‌: విజయవాడ బ్రాహ్మణ క్రెడిట్‌ కోఆపరేటివ్‌ సొసైటీ మేనేజర్‌ గొర్తి శ్రీనివాసరావు మృతి బాధాకరమని, ఆయన మరణంపై అనుమానాలున్నాయని మాజీ ప్రభు త్వ సలహాదారు జ్వాలాపురం శ్రీకాంత్‌ అన్నారు. గురువారం ఆయన నగరంలోని వైఎస్సార్‌సీపీ కార్యాలయంలో విలేకరులతో మాట్లాడారు. గొర్తి శ్రీనివాసరావు తన సూసైడ్‌ నోట్‌లో పేర్కొన్న అంశాలపై నిష్పక్షపాతంగా విచారణ జరిపించాలని డిమాండ్‌ చేశారు. సొసైటీలోని బుచ్చి రాంప్రసాద్‌, ఎండీ చంద్రశేఖర్‌ ఆజాద్‌, సీఈవో నాగసాయి, బాలా త్రిపుర సుందరి పాత్రపై అనేక అనుమానాలున్నాయని, దీనిపై సమగ్ర విచారణకు వెంటనే ఆదేశించాలని డిమాండ్‌ చేశారు. కూటమి ప్రభుత్వం అధికారంలోకొచ్చిన రెండున్నరేళ్లలో బ్రాహ్మణ కార్పొరేషన్‌ను నిర్వీర్యం చేసిందని విమర్శించారు. వైఎస్‌ జగన్‌మోహనరెడ్డి ప్రభుత్వ హయాంలో సంక్షేమ పథకాలు బ్రాహ్మణులకు పారదర్శకంగా అందేవని, నేరుగా బ్యాంకు ఖాతాల్లోకి జమయ్యేవని గుర్తు చేశారు. దర్యాప్తు వేగవంతం చేసి, దోషులు ఎంతటి స్థానంలో ఉన్నా శిక్షించాలని ఆయన డిమాండ్‌ చేశారు.

అనంతపురం సెంట్రల్‌: అధికార పార్టీ నాయకుల డైరెక్షన్‌లో పోలీసులు ఓవరాక్షన్‌ చేశారు. వైఎస్సార్‌సీపీ కార్పొరేటర్‌ అభ్యర్థి ఇంటిపై ఆకస్మిక తనిఖీలు చేపట్టి.. కుటుంబ సభ్యులను భయభ్రాంతులకు గురిచేశారు. పోలింగ్‌కు సమయం సమీపిస్తున్న వేళ పోలీసులు వ్యవహరించిన తీరు తీవ్ర విమర్శలకు తావిచ్చింది. నగరంలో 31వ డివిజన్‌ కార్పొరేటర్‌ స్థానానికి వైఎస్సార్‌సీపీ తరఫున పోటీ చేస్తున్న వర్దిరెడ్డి నాగార్జున రెడ్డి ఇంటిని గురువారం మధ్యాహ్నం టూటౌన్‌ సీఐ పుల్లయ్య ఆధ్వర్యంలో పోలీసులు ఆకస్మికంగా తనిఖీ చేశారు. సాధారణంగా ఎన్నికల సమయంలో ఓటరు జాబితాను సరిచూసుకోవడం, ఓటర్లకు స్లిప్పులు అందజేయడం పరిపాటి. ప్రస్తుతం నగరంలో డివిజన్ల సంఖ్య కూడా పెరగడంతో ఓటర్లు ఏయే డివిజన్లకు మారిపోయారనే విషయంలో గందరగోళం ఉంది. ఈ నేపథ్యంలో ఓటర్ల జాబితా పరిశీలిస్తుండగా.. అదేదో ఎన్నికల సంఘం నిబంధనలకు విరుద్ధమన్నట్లుగా పోలీసులు ఆకస్మిక తనిఖీలతో హడావుడి చేశారు. విషయం తెలియగానే వైఎస్సార్‌సీపీ జిల్లా అధ్యక్షుడు అనంత వెంకటరామిరెడ్డి, మేయర్‌ అభ్యర్థి రమేష్‌గౌడ్‌, పలువురు నాయకులు హుటాహుటిన ఘటనా స్థలానికి చేరుకున్నారు. పోలీసులు వ్యవహరించిన తీరును అనంత తీవ్రంగా ఖండించారు. ఓటర్లకు సమాచారం అందించడంలో తప్పేముందని పోలీసులను నిలదీశారు. టీడీపీ, బీజేపీ నాయకులు దొంగ ఓట్లు, డబుల్‌ ఓట్లతో నెగ్గాలని చూస్తున్నారని, మరి వారిపై ఎందుకు చర్యలు తీసుకోలేదని మండిపడ్డారు. మంత్రి సత్యకుమార్‌ ఒత్తిళ్లకు తలొగ్గి తమ పార్టీ వారిని ఇబ్బంది పెట్టడం తగదన్నారు. పోలింగ్‌ దగ్గర పడుతున్న కొద్దీ వైఎస్సార్‌సీపీ నాయకులను, కార్యకర్తలను బైండోవర్‌ చేయడం ఏమిటని ప్రశ్నించారు. ఏ ఎన్నికల్లోనూ ఇలాంటి ఘటనలు చోటుచేసుకోలేదన్నారు. మేయర్‌ అభ్యర్థి రమేష్‌గౌడ్‌ మాట్లాడుతూ తాను నగరపాలక సంస్థలో చలానా కట్టినా ఓటరు లిస్టు ఎందుకు ఇవ్వలేదో సమాధానం చెప్పాలని అధికారులను డిమాండ్‌ చేశారు. ముందు టీడీపీ, బీజేపీ ఆఫీసుల్లో ఏం జరుగుతోందో పరిశీలించి.. ప్రజాస్వామ్యాన్ని కాపాడాలని కోరారు. వైఎస్సార్‌సీపీ కార్పొరేటర్‌ అభ్యర్థి నాగార్జునరెడ్డి ఇంట్లో హడావుడి చేస్తున్న పోలీసులు మీడియాతో మాట్లాడుతున్న అనంత వెంకటరామిరెడ్డిప్రజాస్వామ్యబద్ధంగా ఎన్నికలు నిర్వహించండి నగరపాలక సంస్థ ఎన్నికల తీరుపై వైఎస్సార్‌సీపీ జిల్లా అధ్యక్షుడు అనంత వెంకటరామిరెడ్డి, మేయర్‌ అభ్యర్థి రమేష్‌గౌడ్‌ తదితరులు ఎస్పీ జగదీష్‌ను కలిసి ఫిర్యాదు చేశారు. ఎన్నికలు ప్రశాంతంగా, ప్రజాస్వామ్యబద్ధంగా జరిగేలా చూడాలని కోరారు. మంత్రి సత్య కుమార్‌తో పాటు కూటమి పార్టీల నాయకులు వైఎస్సార్‌సీపీ నాయకులను భయభ్రాంతులకు గురిచేసేందుకు ప్రయత్నిస్తున్నారన్నారు. మరోవైపు పోలీసులు కూడా తమ నాయకులు, కార్యకర్తలు, ఏజెంట్లకు ఫోన్‌ చేసి బైండోవర్‌ పేరుతో బెదిరిస్తున్నారని వివరించారు. రెండున్నరేళ్ల నిరంకుశ పాలనపై ప్రజలు ఆలోచించాలని, నిర్భయంగా ముందుకు వచ్చి ఓటు హక్కును వినియోగించుకోవాలని విజ్ఞప్తి చేశారు. వైఎస్సార్‌సీపీ అభ్యర్థి ఇంటిపై ఆకస్మిక దాడి భయభ్రాంతులకు గురి చేసిన పోలీసులు ఎస్పీకి ఫిర్యాదు చేసిన వైఎస్సార్‌సీపీ నాయకులు

అనంతపురం న్యూటౌన్‌: పరిషత్‌ ఎన్నికల నిర్వహణలో మైక్రో అబ్జర్వర్లదే కీలక పాత్ర అని మాస్టర్‌ ట్రైనర్‌ గోవిందరాజులు, నోడల్‌ అధికారి మారుతి శ్రీనివాసులు (ఎల్‌డీఓ) స్పష్టం చేశారు. గురువారం జిల్లా పరిషత్‌ ప్రాంగణంలోని డీపీఆర్‌సీలో మైక్రో అబ్జర్వర్ల శిక్షణ కార్యక్రమం నిర్వహించారు. మాస్టర్‌ ట్రైనర్‌, నోడల్‌ అధికారి మాట్లాడుతూ పోలింగ్‌ రోజున నిబంధనలను కచ్చితంగా అమలు చేయించే బాధ్యత మైక్రో అబ్జర్వర్లదేనన్నారు. బ్యాలెట్‌ బాక్స్‌ల ద్వారా జరగనున్న ఎన్నికల ప్రక్రియపై ఏమైనా సందేహాలు ఉంటే వెంటనే రిటర్నింగ్‌ అధికారులను సంప్రదించి, నివృత్తి చేసుకోవాల్సి ఉంటుందన్నారు. జిల్లా ఎన్నికల అధికారులు, నోడల్‌ అధికారులు, వివిధ ప్రాంతాలకు చెందిన మైక్రో అబ్జర్వర్లు పాల్గొన్నారు. 1,040 పోస్టల్‌ బ్యాలెట్‌ ఓట్ల నమోదు అనంతపురం అర్బన్‌: స్థానిక సంస్థల ఎన్నికల విధులకు నియమించిన అధికారులు, ఉద్యోగుల్లో 1,040 మంది పోస్టల్‌ బ్యాలెట్‌ ద్వారా తమ ఓటు హక్కును వినియోగించుకున్నారు. 39 సర్వీస్‌ ఓటర్ల ఓట్లు నమోదైనట్లు అదనపు ఎన్నికల అధికారి, నగరపాలక సంస్థ కమిషనర్‌ జశ్వంత్‌రావు గురువారం తెలిపారు. యువతి ఆత్మహత్యాయత్నం పావగడ: పట్టణంలోని బీఎస్‌ఎన్‌ఎల్‌ టవర్‌ ఎక్కి యువతి గురువారం ఆత్మహత్యయత్నానికి పాల్పడింది. వివరాలు.. పావగడ తాలూకా దొడ్డేనహళ్లికి చెందిన గణేశ్‌, కుందుర్పి మండలం కరిగానపల్లికి చెందిన సింధు ప్రేమ పెళ్లి చేసుకున్నారు. అయితే గణేశ్‌ ఆమెను వదిలేసి వెళ్లిపోయాడు. న్యాయం చేయాలని పోలీసులను ఆశ్రయించగా, వారు పట్టించుకోలే దు. మనస్తాపం చెందిన ఆమె.. బీఎస్‌ఎన్‌ఎల్‌ టవర్‌ ఎక్కి ఆత్మహత్యయత్నం చేసింది. పోలీసులు, అగ్ని మాపకదళ సిబ్బంది కాపాడారు.

● మీడియాతో వెల్లడించిన మాజీ మంత్రి యల్లనూరు: ‘నేను ఎమ్మెల్యేగా, మంత్రిగా పని చేశాను. అప్పట్లో నేను దౌర్జన్యాలు, అక్రమాలు, రౌడీయిజానికి పాల్పడి ఉంటే ఇప్పట్లో ఎవ్వరూ మిగిలేవారు కాదు. మమ్మల్ని ప్రశాంతంగా ఉండనివ్వండి. మీరూ ప్రశాంతంగా ఉండండి. సుపరిపాలనపై మాత్రమే దృష్టి సారించండి’ అని మాజీ మంత్రి సాకే శైలజానాథ్‌ టీడీపీ నేతలకు సూచించారు. గురువారం ఆయన మీడియాతో మాట్లాడుతూ తన హయాంలో పుట్లూరు మండలాన్ని కక్షలు కార్పణ్యాలకు దూరంగా పెట్టానని, స్కూళ్లు, రోడ్ల అభివృద్ధికి పాటుపడ్డానని చెప్పారు. ఇప్పుడు శింగనమల నియోజకవర్గంలోని మండలాలపై చెడ్డవారి దృష్టి పడుతోందని ఆవేదన వ్యక్తం చేశారు. తమని ఘర్షణల్లోకి లాగాలని చూస్తున్నారన్నారు. ఇదంతా వదిలేసి ప్రశాంతంగా జీవించడానికి కృషి చేయాలన్నారు. టీడీపీ నేతలు బెదిరింపులు మానేసి ప్రజలకు సేవ చేయడంతో పాటు నియోజకవర్గ అభివృద్ధిపై పోటీపడితే బాగుంటుందని సలహా ఇచ్చారు. కూటమిలో కుమ్ములాట ● పొత్తు ముసుగులో కత్తులు దూస్తున్న ‘తమ్ముళ్లు’ సాక్షి టాస్క్‌ఫోర్స్‌: కూటమిలో పొత్తు ధర్మాన్ని టీడీపీ విస్మరిస్తోంది. ‘జనసేన అభ్యర్థులకు డిపాజిట్లు కూడా రాకూడదు. వాళ్లకు ఎవరూ ఓటేయొద్దు. వాళ్లను ఓడించండి’ అని ఇటీవల మంత్రి నారాయణ చేసిన వ్యాఖ్యలు రాష్ట్ర వ్యాప్తంగా దుమారం లేపాయి. అలాంటి ఘటనే రాయదుర్గం నియోజకవర్గం బొమ్మనహాళ్‌ మండలంలో వెలుగు చూసింది. పొత్తులో భాగంగా బొమ్మనహాళ్‌ జెడ్పీటీసీ స్థానాన్ని జనసేనకు కేటాయించారు. అలివేలు శ్రీనివాసులు బీఫాం అందుకుని కూటమి అభ్యర్థిగా బరిలో నిలిచారు. అయితే ఈ స్థానాన్ని ఆశిస్తూ వచ్చిన టీడీపీ నాయకుడు మహేంద్రకు భంగపాటు ఎదురైంది. అవకాశాన్ని వదులుకో కూడదని రెబల్‌గా మారిపోయాడు. స్వతంత్ర అభ్యర్థి (ఇండిపెంట్‌)గా బరిలోకి దిగి ప్రచారం మొదలు పెట్టాడు. ఇండిపెండెంట్‌కే టీడీపీ ప్రచారం బొమ్మనహాళ్‌ మండలంలో కూటమి పార్టీల తరఫున 16 మంది ఎంపీటీసీ అభ్యర్థులు బరిలో నిలిచారు. కూటమి తరఫున జనసేన జెడ్పీటీసీ అభ్యర్థికి కాకుండా స్వతంత్ర అభ్యర్థిగా పోటీ చేస్తున్న టీడీపీ నాయకుడు మహేంద్ర గుర్తు బీరువాకు ఓటు వేసి గెలిపించండంటూ టీడీపీ అభ్యర్థులు అభ్యర్థిస్తున్నారు. కొందరైతే టీడీపీ వాట్సాప్‌ గ్రూపుల్లోనూ ఇండిపెండెంట్‌కు ఓటేయాలని ప్రచారం చేస్తుండడం గమనార్హం. మున్సిపల్‌ ఎన్నికల పోలింగ్‌కు పటిష్ట భద్రత అనంతపురం సెంట్రల్‌: నవంబర్‌ ఒకటో తేదీ జరగనున్న మున్సిపల్‌ ఎన్నికల పోలింగ్‌కు పటిష్ట భద్రతా చర్యలు తీసుకోవాలని ఎస్పీ జగదీష్‌ ఆదేశించారు. ఎన్నికల విధుల్లో పాల్గొనే పోలీసు అధికారులకు విధి నిర్వహణలో తీసుకోవాల్సిన చర్యలు, నిబంధనలపై పలు గురువారం జూమ్‌ కాన్ఫరెన్స్‌లో ఆదేశాలు జారీ చేశారు. బందోబస్తు సిబ్బంది తప్పనిసరిగా యూనిఫాం, క్యాప్‌ ధరించి లాఠీతో విధులకు హాజరుకావాలన్నారు. పోలింగ్‌ కేంద్రాల వద్ద అవాంఛనీయ ఘటనలు జరగకుండా ముందస్తు చర్యలు తీసుకోవాలన్నారు. పోలింగ్‌ కేంద్రాల్లోకి వచ్చే వ్యక్తులను క్షుణంగా తనిఖీ చేయాలన్నారు. అర్హత కలిగిన వారినే ఏజెంట్లుగా అనుమతించాలని, రౌడీషీటర్లు, ఇతరత్ర కేసులున్న వారు లేకుండా చూసుకోవాలన్నారు. సమస్యాత్మక ప్రాంతాల్లో అప్రమత్తంగా విధులు నిర్వర్తించాలని సూచించారు. డ్రోన్లు, సాంకేతిక పరిజ్ఞానంతో అవాంఛనీయ ఘటనలను ముందుగానే పసిగట్టాలన్నారు. సమష్టి కృషితో ఎన్నికలు ప్రశాంతంగా ముగిసేలా పనిచేయాలని సూచించారు. మున్సిపల్‌ ఎన్నికలకు 2,500 మంది సిబ్బంది మున్సిపల్‌ ఎన్నికల పోలింగ్‌కు 2,500 మంది పోలీసు సిబ్బందితో పటిష్ట బందోబస్తు ఏర్పాటు చేస్తున్నట్లు ఎస్పీ జగదీష్‌ ఒక ప్రకటనలో తెలిపారు. ఎన్నికలు పారదర్శకంగా, స్వేచ్ఛాయుత వాతావరణంలో నిర్వహించేలా పక్కా ప్రణాళికతో వ్యవహరిస్తున్నట్లు వివరించారు.

● 1 నుంచి పట్టాలెక్కనున్న వందేభారత్‌ రైళ్లు గుంతకల్లు: దేశంలోనే మొట్టమొదటి వందేభారత్‌ స్లీపర్‌ కోచ్‌ (నిద్రించే సౌకర్యం ఉన్న రైలు బోగీ) రైళ్లు గుంతకల్లు, అనంతపురం, ధర్మవరం రైల్వేస్టేషన్ల మీదుగా (డైలీ) రాకపోకలు సాగించనున్నట్లు డివిజన్‌ కార్యాలయవర్గాలు తెలిపాయి. ఈ రైళ్లను వర్చువల్‌ పద్ధతిన ప్రధాని మోదీ, రైల్వే శాఖ మంత్రి అశ్విని వైష్ణవ్‌ ప్రారంభిస్తున్నట్లు తెలిపాయి. బెంగళూరు– ఛత్రపతి శివాజీ మహరాజ్‌ టెర్మినల్‌ (ముంబై)– బెంగళూరు మధ్య నవంబర్‌ 1 నుంచి పట్టాలెక్కించడానికి రైల్వే బోర్డు అనుమతులు జారీ చేసినట్లు తెలిపాయి. ఈ రైళ్లలో మొత్తం 16 కోచ్‌లు ఉంటాయి. అందులో 3 ఏసీ 11, టూటైర్‌ ఏసీ 4, ఫస్ట్‌ క్లాస్‌ 01 ఉంటాయి. ముంబై– బెంగళూరు మధ్య దాదాపు 1118 కి.మీ ప్రయాణానికి 22 గంటలకు పైగా సమయం పట్టేది. దాదాపు 6 గంటలపైగా సమయం ఆదా అవుతుందని ఆశాఖ డివిజన్‌ కార్యాలయ వర్గాలు తెలిపాయి. వందేభారత్‌ స్లీపర్‌ కోచ్‌ రైళ్లు రాకపోకల వివరాలు .. బెంగళూరు రైల్వే జంక్షన్‌లో (27652) నవంబర్‌ 1న సాయంత్రం 7.45 గంటలకు బయల్దేరి ధర్మవరం జంక్షన్‌కు రాత్రి 10.10 గంటలకు, అనంతపురం రైల్వేస్టేషన్‌కు 10.28, గుంతకల్లు జంక్షన్‌కు 11.20, రాయచూర్‌కు అర్ధరాత్రి 01.03 గంటలకు, యాదగిరికి 1.43 గంటలకు, వాడి జంక్షన్‌కు 2.50 గంటలకు, కలబురిగి జంక్షన్‌కు 3.08 గంటలకు, షోలాపూర్‌కు తెల్లవారుజూమున 4.20 గంటలకు, పూణే జంక్షన్‌కు ఉదయం 8 గంటలకు, కళ్యాణి జంక్షన్‌కు ఉదయం 10.42 గంటలకు ఇక చివరగా చత్రపతి మహారాజ్‌ శివాజీ టెర్మినల్‌ స్టేషన్‌కు మరుసటి రోజు (నవంబర్‌ 2) ఉదయం 11.55 గంటలకు చేరుతుందన్నారు. ఇక చత్రపతి మహారాజ్‌ శివాజీ టెర్మినల్‌ సేష్టన్‌ (27651) నుంచి మరో వందే భారత్‌ స్లీపర్‌ కోచ్‌ రైలు నవంబర్‌ 1న రాత్రి 8.10 గంటలకు బయల్దేరనుంది. కళ్యాణి జంక్షన్‌కు 20.48 గంటలకు, పూణే జంక్షన్‌కు 11.40 గంటలకు, కలబురిగి జంక్షన్‌కు తెల్లవారుజూమున 4.13 గంటలకు, వాడి జంక్షన్‌కు ఉదయం 5.05 గంటలకు, యాదగిరి రైల్వేస్టేషన్‌కు 5.08 గంటలకు, రాయచూర్‌కు 6.03 గంటలకు, గుంతకల్లు జంక్షన్‌కు 7.30, అనంతపురానికి 8.38 గంటలకు, ధర్మవరం జంక్షన్‌కు 9.40 గంటలకు, బెంగళూరు జంక్షన్‌కు మధ్యాహ్నం 12.00 గంటలకు చేరుతుందన్నారు.

ఉరవకొండ: ప్రసిద్ధిగాంచిన ఉరవకొండ గవి మఠ సంస్థానం పీఠాధిపతి పీఠంపై నెలకొన్న వివా దం గురువారం దేవదా య, ధర్మదాయ శాఖ అధికారులు విచారణ చేపట్టారు. గవిమఠం ఎనిమిదో పీఠాధిపతిగా కొనసాగిన చెన్నబసవ రాజేంద్రమహస్వామి ఈ ఏడాది జూలై 18న శివైక్యం పొందారు. పీఠాధిపతుల వారసత్వ హక్కుల విషయంలో ప్రస్తుత గవిమఠ ఉత్తరాధికారి డాక్టర్‌ కరిబసవరాజేంద్రస్వామి, ఆదోని చోకి మఠం పీఠాధిపతులు కల్యాణస్వామిజీ మధ్య వివాదం తలెత్తింది. దీంతో కర్నూలు దేవదాయ శాఖ డిప్యూటీ కమిషనర్‌ రామాంజనేయులు ఇద్దరు స్వామీజీల వాదనలు విన్నారు. ఈవిచారణలో గవిమఠం అసిస్టెంట్‌ కమిషనర్‌ సుధారాణి పాల్గొన్నారు.

అధికారంలోకి వచ్చి రెండున్నరేళ్లు అవుతున్నా కళ్యాణదుర్గం పట్టణంలో ప్రజల సమస్యలను టీడీపీ ఎమ్మెల్యే అమిలినేని సురేంద్రబాబు పట్టించుకోలేదు. ఇప్పుడు మున్సిపల్‌ ఎన్నికలు రావడంతో ఓట్లు రాబట్టుకునేందుకు ప్రజలపై ఎక్కడలేని ప్రేమను ఒలకబోస్తున్నారు. ప్రస్తుతం ఎన్నికల కోడ్‌ అమలులో ఉంది. ఆదివారం పోలింగ్‌ జరగనుంది. ఈ క్రమంలోఎమ్మెల్యే మార్గదర్శకత్వంలో ఆయా టీడీపీ కౌన్సిలర్‌ అభ్యర్థుల పర్యవేక్షణలో రాత్రికి రాత్రే తాగునీటి సమస్య తీవ్రంగా ఉన్న వార్డుల్లో బోర్ల తవ్వకాలు చేపట్టారు. సత్యసాయి తాగునీటి పథకం నీటి సరఫరా ఆగిపోయి ప్రజలు ఖాళీ బిందెలతో రోడ్లెక్కారు. తాగునీటి కోసం ఆక్రందనలు చేసినా ఎమ్మెల్యేకు కానీ, అధికారులకు గానీ వినపడలేదు. ఇప్పుడు ఎన్నికల్లో గెలవడం కోసం ఓటర్లను ప్రలోభపెట్టేందుకు బోర్ల తవ్వకాలు మొదలు పెట్టారని వైఎస్సార్‌సీపీ, సీపీఐ నాయకులు మండిపడుతున్నారు. ఎన్నికల సమయంలో మాత్రమే ప్రజా సమస్యలు గుర్తు వచ్చాయా అంటూ ఎమ్మెల్యేను నిలదీస్తున్నారు. అధికార పార్టీ నేతలు ఎన్నికల కోడ్‌ను ఉల్లంఘిస్తున్నా అధికారులు చూసీచూడనట్లు వ్యవహరిస్తుండటంపై మండిపడ్డారు. అధికారుల తీరు, టీడీపీ నేతల ప్రలోభాలపై ఎన్నికల సంఘానికి ఫిర్యాదు చేస్తామని తెలిపారు.

తాడిపత్రి రూరల్‌ : స్థానిక సంస్థల ఎన్నికల్లో జెడ్పీటీసీ అభ్యర్థులకు తెలుపు రంగు, ఎంపీటీసీ అభ్యర్థులకు గులాబీ రంగుల బ్యాలెట్‌ పత్రాలు ముంద్రించనున్నారు. బ్యాలెట్‌ పత్రాలపై ఆయా పార్టీల గుర్తులు ఉండనున్నాయి. జాతీయ పార్టీల అభ్యర్థుల గుర్తులు మొదట, ప్రాంతీయ పార్టీల అభ్యర్థుల గుర్తులు ఉండనున్నాయి. స్వతంత్ర అభ్యర్థుల కోసం 60 రకాల గుర్తులను ఎన్నికల సంఘం కేటాయించింది. అభ్యర్థులు మూడు గుర్తులను ఎంపిక చేసుకొని ఆర్‌ఓకు తెలియజేయాల్సి ఉంటుంది. ఎక్కువ మంది ఒకే గుర్తు అడిగితే వారికి లాటరీ పద్ధతిలో కేటాయిస్తారు. గుండెపోటుతో ఏఈఓ మృతి తాడిపత్రిటౌన్‌: పట్టణంలోని అశోక్‌ పిల్లర్‌ వద్ద గురువారం ద్విచక్ర వాహనంపై వెళ్తున్న ఏఈఓ రమేష్‌ (36 ) గుండెపోటుతో మృతిచెందాడు. వివరాలు.. వైఎస్సార్‌ కడప జిల్లా రైల్వే కొండాపురం మండలం ఏటూరుకు చెందిన రమేష్‌..రైల్వే కొండాపురంలో వ్యవసాయ విస్తరణ అధికారిగా విధులు నిర్వహిస్తూ తాడిపత్రిలోని సంజీవ నగర్‌లో నివాసం ఉంటున్నాడు. ఉదయం వాకింగ్‌కు వెళ్లి ఇంటికి తిరిగి ద్విచక్ర వాహనంపై ఇంటికి వెళ్తుండగా గుండెపోటు వచ్చింది. దీంతో రోడ్డుపై పడి అక్కడికక్కడే మృతి చెందాడు. స్థానికులు గుర్తించి ఆసుపత్రికి తరలించారు. అప్పటికే మృతి చెందినట్లు వైద్యులు తెలిపారు. మృతుడికి భార్య సరస్వతి, కొడుకు ఇద్దరు కూతుళ్లు ఉన్నారు. ట్రాక్టర్‌ ప్రమాదంలో వ్యక్తి మృతి కుందుర్పి: మండలంలోని తూముకుంటకు చెందిన మంజు (38) గురువారం రోడ్డు ప్రమాదంలో మృతి చెందారు. స్థానికులు, పోలీసులు తెలిపిన మేరకు.. గ్రామానికి చెందిన మంజునాథ ట్రాక్టర్‌ నడుపుతూ జీవనం సాగిస్తున్నాడు. వారం రోజులుగా బెస్తరపల్లిలోని ఇళ్ల నిర్మాణాలకు తూముకుంట నుంచి మట్టి తరలిస్తున్నాడు. గురువారం తూముకుంట నుంచి మట్టి తోలుతుండగా ప్రమాదవశాత్తూ ట్రాక్టర్‌ గోతిలో పడిపోయింది. దీంతో మంజునాథ మృతి చెందాడు. పోలీసులు కేసు దర్యాప్తు చేస్తున్నారు. సదరం స్లాట్ల విడుదలకు అనుమతి అనంతపురం ఎడ్యుకేషన్‌: స్థానిక సంస్థల ఎన్నికల నేపథ్యంలో దివ్యాంగులకు ఊరట లభించింది. సదరం ధ్రువీకరణ పత్రాల జారీ కోసం సాధారణ వైద్య పరీక్షల శిబిరాలు నిర్వహించేందుకు రాష్ట్ర ఎన్నికల సంఘం అనుమతిచ్చింది. ఈ నెల 24న ఉత్తర్వులు జారీ చేసినట్లు విభిన్న ప్రతిభావంతులు, వయోవృద్ధుల సంక్షేమ శాఖ సహాయ సంచాలకురాలు అర్చన తెలిపారు. ప్రచారం అడ్డుకునేందుకు కుటిల రాజకీయం పెద్దవడుగూరు :మండ లంలో వైఎస్సార్‌సీపీ అభ్యర్థులు ప్రచారం చేయకుండాచేయడానికి కూటమి నేతలు కుటిల రాజ కీయం చేస్తున్నారని వైఎస్సార్‌సీపీ జెడ్పీటీసీ అభ్యర్థి నిర్మల, దిమ్మగుడి ఎంపీటీపీ అభ్యర్థి మదన్‌మోహన్‌రెడ్డి ధ్వజమెత్తారు. జెడ్పీటీసీ అభ్యర్థి ప్రచారం ముగించుకుని ఇంటికి చేరుకునే సమయంలో ఆమె వాహనాన్ని పోలీసులు అటకాయించి.. అనుమతులు లేవంటూ స్టేషన్‌కు తరలించారన్నారు. అభ్యర్థిని కూడా గంటపాటు స్టేషన్‌లోనే ఉంచారన్నారు. తమకు కేవలం రోజుకు గంట మాత్రమే ప్రచారం చేసుకోవాలని పోలీసులు కక్షసాధింపు చర్యలకు దిగుతున్నారని అభ్యర్థులు వాపోయారు.

● ప్రింటింగ్‌ కేంద్రాలను సందర్శించిన రిటర్నింగ్‌ అధికారి అనంతపురం న్యూటౌన్‌: జిల్లాలో పరిషత్‌ ఎన్నికల ఏర్పాట్లు శరవేగంగా జరుగుతున్నాయి. ఇందులో భాగంగా అనంతపురంలోని వివిధ ప్రింటింగ్‌ కేంద్రాలలో బ్యాలెట్‌ పత్రాల ముద్రణ జరుగుతోంది. రిటర్నింగ్‌ అధికారి, జిల్లా పరిషత్‌ సీఈఓ విజయలక్ష్మి గురువారం పలు బ్యాలెట్‌ పత్రాల ప్రింటింగ్‌ కేంద్రాలను సందర్శించారు. ఈ సందర్భంగా ఆమె మాట్లాడుతూ తప్పులు లేకుండా బ్యాలెట్‌ పత్రాలు ముద్రించాలని ఆదేశించారు. నిర్దేశిత బ్యాలెట్ల పత్రాలలో సంబంధిత ఎంపీటీసీ, జెడ్పీటీసీ, అభ్యర్థుల వివరాలు, వారికి కేటాయించిన గుర్తులు, గుర్తింపు పొందిన పార్టీల వివరాలు తదితర అంశాలను క్షుణ్ణంగా పరిశీలించి తప్పులు లేకుండా చూడాలని జిల్లా పరిషత్‌ సిబ్బందిని ఆదేశించారు. క్రమ సంఖ్య, అభ్యర్థుల పేర్లు, గుర్తులు, బ్యాలెట్‌ పత్రాల రంగుల విషయంలో పొరపాట్లకు తావులేకుండా, నిర్ణీత గడువులోగా ప్రింటింగ్‌ పూర్తి చేయాలన్నారు. పోస్టల్‌ బ్యాలెట్‌ పేపర్ల ముద్రణ పురోగతిని కూడా పరిశీలించారు. ప్రింటింగ్‌ ప్రక్రియ నాణ్యత, నియోజకవర్గాల వారీగా అభ్యర్థుల వివరాల ప్రింటింగ్‌ను ఆర్‌ఓ క్షుణ్ణంగా సమీక్షించారు. రిటర్నింగ్‌ అధికారితోపాటు స్పెషల్‌ డిప్యూటీ కలెక్టర్లు ఆనంద్‌, వెంకట నారాయణ, జిల్లా పరిషత్‌ డిప్యూటీ సీఈఓ సమత, అన్ని డివిజన్ల డీడీఓలు పాల్గొని ప్రింటింగ్‌ పనులను పర్యవేక్షించారు. పోస్టల్‌ బ్యాలెట్‌ను వినియోగించుకోండి ‘ప్రాదేశిక’ ఎన్నికల విధుల్లో పాల్గొనే ప్రభుత్వ సిబ్బంది, సర్వీస్‌ ఓటర్లు, ప్రత్యేక గుర్తింపు పొందిన వారు పోస్టల్‌ బ్యాలెట్‌ సౌకర్యాన్ని వినియోగించుకోవాలని ఆర్‌ఓ సూచించారు. ప్రతి మండలానికీ సగటున 150 బ్యాలెట్‌ పత్రాలను పంపినట్లు చెప్పారు. నేటి నుంచి నవంబరు ఒకటో తేదీ వరకు ఆర్‌ఓలకు నేరుగా అందజేయవచ్చని, కౌంటింగ్‌కు ముందు రోజు వరకు పోస్టు ద్వారా తమ ఓటు వేసిన బ్యాలెట్‌ను పంపుకోవచ్చునని వివరించారు.

ఓట్ల విభజనలోనూ రాజకీయం? ● విభజన వెనుక అధికార పార్టీ ఒత్తిళ్లు అంటూ ఆరోపణలు ● రాచానపల్లిలో ఒక ఎంపీటీసీకి 1,620.. మరో స్థానానికి 4,061 ఓట్లు ● కక్కలపల్లి ఎంపీటీసీ స్థానంలో అత్యధికంగా 5,011 ఓట్లు ● 36 ఎంపీటీసీ స్థానాల్లో 1.28 లక్షల మంది ఓటర్లు..137 పోలింగ్‌ కేంద్రాలు ● ఏడు ఎంపీటీసీ స్థానాలు ఏకగ్రీవం...తక్కిన 29 స్థానాలకు నవంబరు 5న పోలింగ్‌ రాప్తాడు రూరల్‌: అనంతపురం రూరల్‌ మండలంలో స్థానిక సంస్థల ఎన్నికల వేళ ఎంపీటీసీ స్థానాల వారీగా ఓటర్ల సంఖ్యలో కనిపిస్తున్న వ్యత్యాసాలు చర్చనీయాంశంగా మారాయి. ఓటర్ల విభజన ఏ ప్రాతిపదికన చేపట్టారు? ఎందుకు ఈ వ్యత్యాసం వచ్చింది? అన్న ప్రశ్నలకు అధికారులు సమాధానం చెప్పాల్సి ఉంది. రూరల్‌ మండలంలో ఒక ఎంపీటీసీ స్థానంలో వెయ్యికి పైగా ఓటర్లు ఉంటే.. మరికొన్ని స్థానాల్లో 5 వేల మంది దాకా ఓటర్లు ఉన్నారు. రాచానపల్లి పంచాయతీలోని రెండు ఎంపీటీసీ స్థానాల మధ్య ఓటర్ల సంఖ్యలో భారీ వ్యత్యాసం ఉండడం అనుమానాలకు తావిస్తోంది. ఈ విభజన వెనుక అధికార పార్టీ నేతల ఒత్తిళ్లు ఉన్నాయంటూ ప్రజలు ఆరోపిస్తున్నారు. అనంతపురం రూరల్‌ మండలంలోని 36 ఎంపీటీసీ స్థానాల పరిధిలో మొత్తం 1,28,125 మంది ఓటర్లు ఉన్నారు. వీరిలో రాచానపల్లి–1 ఎంపీటీసీ స్థానంలో అత్యల్పంగా 1,620 మంది ఓటర్లు ఉన్నారు. మరోవైపు కక్కలపల్లి ఎంపీటీసీ స్థానంలో అత్యధికంగా 5,011 మంది ఓటర్లు ఉన్నారు. ఓటర్ల సంఖ్యలో ఈ భారీ వ్యత్యాసం స్థానాల విభజనపై ఆసక్తికర చర్చకు దారితీస్తోంది. రాచానపల్లిలోనే అసలు చర్చ.. రాచానపల్లి పంచాయతీలో రెండు ఎంపీటీసీ స్థానాల మధ్య ఓటర్ల సంఖ్యలో కనిపిస్తున్న తేడా మరింత చర్చనీయాంశమైంది. రాచానపల్లి–1 ఎంపీటీసీ స్థానంలో 1,620 మంది ఓటర్లు ఉండగా, రాచానపల్లి–2 ఎంపీటీసీ స్థానం పరిధిలో 4,061 మంది ఓటర్లు ఉన్నారు. ఈ రెండు స్థానాల మధ్య ఏకంగా 2,441 ఓట్ల వ్యత్యాసం ఉంది. అయితే ఈసారి ఒక స్థానంలో 4,000 మందికి పైగా ఓటర్లు ఉండగా, మరో స్థానంలో 1,620 మందికే పరిమితం కావడంపై ప్రశ్నలు లేవనెత్తుతున్నారు. ఈ మార్పులకు కారణాలేమిటో అధికారులకే తెలియాలి. ఓటర్ల విభజన ఏ ప్రాతిపదికన చేపట్టారు? గతంలో ఉన్న ఓటర్ల సంఖ్యతో పోలిస్తే ఈసారి ఇంతటి వ్యత్యాసం ఎందుకు వచ్చింది? అనే ప్రశ్నలకు అధికారులు సమాధానం చెప్పాల్సి ఉంది. అర్బన్‌ పరిధిలో 11.. రాప్తాడులో 25 అనంతపురం రూరల్‌ మండలంలోని 36 ఎంపీటీసీ స్థానాల్లో 11 అనంతపురం అర్బన్‌ అసెంబ్లీ నియోజకవర్గ పరిధిలో ఉండగా, మరో 25 రాప్తాడు అసెంబ్లీ నియోజకవర్గ పరిధిలో ఉన్నాయి. మండల వ్యాప్తంగా 65,043 మంది మహిళలు, 63,071 మంది పురుషులు, 11 మంది ఇతర ఓటర్లు కలిపి మొత్తం 1,28,125 మంది ఓటర్లు ఉన్నారు. మహిళా ఓటర్లు పురుషుల కంటే 1,972 మంది అధికంగా ఉన్నారు. 36 ఎంపీటీసీ స్థానాలకు గాను ఏడు స్థానాలు ఏకగ్రీవం అయ్యాయి. తక్కిన 29 స్థానాలకు నవంబరు 5న పోలింగ్‌ జరగనుంది. 7న ఫలితాలు విడుదలకానున్నాయి.

కళ్యాణదుర్గం: కళ్యాణదుర్గంలోని గిరిజన గురుకుల పాఠశాల ప్రిన్సిపాల్‌ ఎం.ప్రవీణ్‌కుమార్‌పై సస్పెన్షన్‌ వేటు పడింది. ప్రిన్సిపాల్‌ పాఠశాలలోని ఔట్‌ సోర్సింగ్‌ సిబ్బందితో మసాజ్‌ చేయించుకుంటున్నారన్న నేపథ్యంలో ‘సాక్షి’లో ఈనెల 25న ‘వేధింపుల్లో ప్రవీణుడు’ శీర్షికన కథనం ప్రచురితమైంది. దీనిపై విచారణ జరిపిన ఏపీటీడబ్ల్యూఆర్‌ఈ సొసైటీ కార్యదర్శి ఐఏఎస్‌ ఎం.గౌతమి గురుకుల ప్రిన్సిపాల్‌ ప్రవీణ్‌ కుమార్‌ను సస్పెండ్‌ చేస్తూ ఉత్తర్వులు జారీ చేశారు. అమిలినేని ప్రసన్నం కోసం నానాతిప్పలు : సస్పెండ్‌ ఉత్తర్వులు రాగానే గిరిజన సంఘం నేతలతో కలిసి ఎమ్మెల్యే అమిలినేని సురేంద్రబాబు వద్దకు వెళ్లి ప్రసన్నం చేసుకునేందుకు ప్రిన్సిపాల్‌ ప్రవీణ్‌కుమార్‌ నానా తిప్పలు పడ్డారు. వైస్‌ ప్రిన్సిపాల్‌కు బాధ్యతలు అప్పగింత .. ప్రిన్సిపాల్‌ ప్రవీణ్‌ కుమార్‌ను సస్పెండ్‌ చేయడంతో గురుకుల పాఠశాల ప్రిన్సిపాల్‌గా అదే పాఠశాలలో పనిచేస్తున్న వైస్‌ ప్రిన్సిపాల్‌ (తెలుగు టీజీటీ) ఎంఎన్‌. బ్రహ్మానందయ్యకు బాధ్యతలు అప్పగించాలని గురుకుల కార్యదర్శి ఆదేశాలు జారీ చేశారు.

గుంతకల్లులో న్యాయవాదిని ఓటు అభ్యర్థిస్తున్న వైఎస్సార్‌సీపీ మునిసిపల్‌ చైర్‌పర్సన్‌ అభ్యర్థి వెంకటలక్ష్మి అనంతపురంలో వైఎస్సార్‌సీపీ ఎన్నికల ప్రచారం హోరెత్తిన దృశ్యం తాడిపత్రిలో ప్రచారం చేస్తున్న వైఎస్సార్‌సీపీ మునిసిపల్‌ చైర్‌పర్సన్‌ అభ్యర్థి ఫయాజ్‌బాషా, రాష్ట్ర మైనార్టీ విభాగం అధ్యక్షుడు ఖాదర్‌బాషా కళ్యాణదుర్గంలో ప్రచారం చేస్తున్న చైర్‌పర్సన్‌ అభ్యర్థి దొడగట్ట మౌనిక, నియోజకవర్గ సమన్వయకర్త రంగయ్య

● వైఎస్సార్‌సీపీ జిల్లా అధ్యక్షుడు అనంత వెంకటరామిరెడ్డిఅనంతపురం: ‘నగరపాలక సంస్థ ఎన్నికల్లో కూటమి నేతలకు ఓటమి భయం పట్టుకుంది. వారు ఎన్ని మాయమాటలు చెప్పినా ప్రజలను మభ్యపెట్టలేరు’ అని వైఎస్సార్సీపీ జిల్లా అధ్యక్షుడు అనంత వెంకటరామిరెడ్డి హెచ్చరించారు. బుధవారం నగరంలోని 44, 42, 43, 40, 41 తదితర డివిజన్లలో వైఎస్సార్‌సీపీ మేయర్‌ అభ్యర్థి రమేష్‌ గౌడ్‌, జిల్లా ఉపాధ్యక్షుడు కొండ్రెడ్డి ప్రకాష్‌రెడ్డ్డితో కలిసి ఆయా డివిజన్ల కార్పొరేటర్‌ అభ్యర్థులు నిహార్‌రెడ్డి, లోకనాథ్‌రెడ్డి, ఉమామహేశ్వరరెడ్డి, లీలావతి, హేమావతి తరఫున ఎన్నికల ప్రచారం నిర్వహించారు. ఇంటింటికీ వెళ్లి కూటమి పాలనా వైఫల్యాలను వివరించారు. ఈ సందర్భంగా అనంత వెంకటరామిరెడ్డి, మాజీ మంత్రి శైలజానాథ్‌, పార్లమెంట్‌ పరిశీలకుడు నరేష్‌ కుమార్‌రెడ్డి మాట్లాడుతూ చంద్రబాబు పాలనపై ప్రజల్లో తీవ్ర వ్యతిరేకత వచ్చిందని, దీన్ని గ్రహించే కూటమి పార్టీల నేతలు ఎలాగైనా గెలవాలని కుయుక్తులు పన్నుతున్నారని తెలిపారు. మేయర్‌ స్థానంతో పాటు 62 డివిజన్ల కార్పొరేటర్‌ స్థానాలకు నవంబర్‌ ఒకటో తేదీన పోలింగ్‌ జరగనుందని, ఈ క్రమంలో వ్యవస్థలను అడ్డుపెట్టుకుని ఎలాగైనా గెలవాలన్న లక్ష్యంతో కూటమిలోని టీడీపీ–బీజేపీ–జనసేన నేతలు ముందుకు వెళ్తున్నారని విమర్శించారు. నగరంలో రెండున్నరేళ్లుగా దోపిడీ రాజ్యం కొనసాగుతోందని చెప్పారు. ప్రజలకు రక్షణగా ఉండాల్సిన ప్రజాప్రతినిధులు భక్షకులుగా మారిపోయారని మండిపడ్డారు. ఇప్పుడు వారి మాయమాటలను ప్రజలు నమ్మే స్థితిలో లేరన్నారు. పోలింగ్‌ ప్రజాస్వామ్యబద్ధంగా జరిగేలా కలెక్టర్‌, ఎస్పీలే ప్రత్యేక చొరవ చూపాలని కోరారు. మెరుగైన నగర పాలన వైఎస్సార్‌సీపీతోనే సాధ్యమని అన్నారు. ఈ ఎన్నికల్లో ఫ్యాన్‌ గుర్తుకు ఓటు వేయాలని ప్రజలను అభ్యర్థించారు. గెలిస్తే మౌలిక సదుపాయాలు కల్పించి, మెరుగైన పాలన అందిస్తామని హామీ ఇచ్చారు.

తాడిపత్రిటౌన్‌: చంద్రబాబు ప్రభుత్వంలో రాక్షస పాలన సాగుతోందని వైఎస్సార్‌సీపీ రాష్ట్ర మైనార్టీ విభాగం అధ్యక్షుడు ఖాదర్‌బాషా విమర్శించారు. బుధవారం తాడిపత్రిలోని వైఎస్సార్‌సీపీ మున్సిపల్‌ చైర్మన్‌ అభ్యర్థి ఫయాజ్‌ బాషా ఇంట్లో నిర్వహించిన విలేకరుల సమావేశంలో ఆయన మాట్లాడారు. స్థానిక సంస్థల ఎన్నికల నామినేషన్ల వేళ అధికార పార్టీ నాయకుల దురాగతాలు, దుశ్చర్యలపై నేషనల్‌ మీడియా దుమ్మెత్తి పోసిందన్నారు. నామినేషన్లు వేయడానికి వెళ్తున్న వైఎస్సార్‌సీపీ అభ్యర్థులపై దాడులకు పాల్పడడం అప్రజాస్వామికమన్నారు. ఎన్నికల ముందు ఇచ్చిన హామీలను చంద్రబాబు ప్రభుత్వం విస్మరించి పాలన సాగిస్తోందన్నారు. ఇచ్చిన మాటకు కట్టుబడి హామీలను నెరవేర్చిన ఘనత ఒక్క వైఎస్‌ జగన్‌మోహన్‌రెడ్డికే దక్కుతుందని పేర్కొన్నారు. మైనార్టీలకు వైఎస్సార్‌సీపీ తగిన రాజకీయ ప్రాధాన్యతిస్తోందని, అందుకే తాడిపత్రి మున్సిపల్‌ చైర్మన్‌ అభ్యర్థిగా ఫయాజ్‌ బాషాకు అవకాశం ఇచ్చిందని తెలిపారు. తాడిపత్రిలో ప్రశాంత వాతావరణంలో ఎన్నికలు జరిగేలా చర్యలు చేపట్టాలని ఆయన పోలీసులను కోరారు. దమ్ముంటే ప్రజల ఓట్లతో గెలువు జేసీ? : ఫయాజ్‌ బాషా అధికారాన్ని అడ్డుపెట్టుకొని నామినేషన్ల దాఖలు వేళ విధ్వంసకాండకు పాల్పడి 30 వార్డులు ఏకగ్రీవం చేసుకోవడం ప్రజాస్వామ్యబద్ధమా అని వైఎస్సార్‌సీపీ మున్సిపల్‌ చైర్మన్‌ అభ్యర్థి ఫయాజ్‌బాషా ప్రశ్నించారు. కనీసం తనను ప్రచారం చేయనీకుండా పోలీసులతో అడ్డుకోవడమే కాక కార్యకర్తలను బెదిరింపులకు దిగుతుండడం దౌర్భగ్యమన్నారు. జేసీ కుటుంబానికి దమ్ముధైర్యం ఉంటే ప్రజలతో ఓటు వేయించుకొని గెలవాలని సవాల్‌ విసిరారు. తన జీవితంలో ఇటువంటి దుర్మార్గపు ఎన్నికలు చూడలేదని, జేసీకి ఓటమిపై అంత భయముంటే నేరుగా చంద్రబాబుతో మాట్లాడుకొని నామినేట్‌ విధానంలో చైర్మన్‌, కౌన్సిలర్లను నియమించుకోవాల్సింది అని ఎద్దేవా చేశారు. గత మున్సిపల్‌ ఎన్నికలు పారదర్శకంగా జరగడంతోనే జేసీ ప్రభాకర్‌రెడ్డి మున్సిపల్‌ చైర్మన్‌ అయ్యారని గుర్తు చేశారు. తాడిపత్రిలో దౌర్జన్యాలను అరికట్టాలంటే వైఎస్సార్సీపీ అభ్యర్థులకు ఓటు వేసి గెలిపించుకొవాలని ప్రజలకు పిలుపునిచ్చారు. స్థానిక ఎన్నికల్లో ఓటమి భయంతోనే జేసీ కుటుంబం దమనకాండ సాగిస్తోందన్నారు. వారి ఆగడాలను ప్రజలు గమనిస్తున్నారని, రాబోయే రోజుల్లో ప్రజలు గుణపాఠం చెబుతారని తెలియజేశారు. కార్యక్రమంలో రాష్ట్ర మైనార్టీ వింగ్‌ జనరల్‌ సెక్రటరీ నదీం వున్నారు. వైఎస్సార్‌సీపీలోనే మైనార్టీలకు ప్రాధాన్యత ఓటమి భయంతోనే తాడిపత్రి జేసీ దుశ్చర్యలు విలేకరుల సమావేశంలో మైనార్టీ విభాగం రాష్ట్ర అధ్యక్షుడు ఖాదర్‌బాషా

● సమావేశంలో వై.ప్రణయ్‌రెడ్డి ధ్వజం అనంతపురం: స్థానిక సంస్థల ఎన్నికల్లో ప్రజాస్వామ్యబద్ధంగా పోటీ చేసి గెలిచే ధైర్యం లేకనే రాష్ట్ర ఆర్థిక శాఖ మంత్రి పయ్యావుల కేశవ్‌ అధికార దుర్వినియోగానికి పాల్పడుతున్నారని వైఎస్సార్‌సీపీ యువజన విభాగం రాయలసీమ జోనల్‌ అధ్యక్షుడు ప్రణయ్‌ రెడ్డి ధ్వజమెత్తారు. బుధవారం ఆ పార్టీ జిల్లా కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు. పోలీసు యంత్రాంగాన్ని అడ్డుపెట్టుకుని వైఎస్సార్‌సీపీ అభ్యర్థులను కిడ్నాప్‌ చేయించారని ఆరోపించారు. మంత్రి కేశవ్‌ తన సొంత గ్రామమైన కౌకుంట్లలో ప్రజాస్వామ్యాన్ని పూర్తిగా పక్కన బెట్టి, తమ పార్టీ అభ్యర్థులను పోలీసుల సహాయంతో కిడ్నాప్‌ చేయించారని మండిపడ్డారు. అభివృద్ధి చేసింటే నామినేషన్లను ఎందుకు అడ్డుకున్నారు ఉరవకొండ నియోజకవర్గంలో మంత్రి పయ్యావుల అభివృద్ధి పనులు చేసి ఉంటే, ఎన్నికలను పారదర్శకంగా ఎదుర్కోవడానికి భయమెందుకని ప్రణయ్‌ రెడ్డి ప్రశ్నించారు. వైఎస్సార్‌సీపీ నాయకులు నామినేషన్‌ పత్రాలు దాఖలు చేయకుండా రాళ్లదాడి, బెదిరింపులు, పోలీసుల వేధింపులు, ముందస్తు అరెస్టులకు పాల్పడాల్సిన అవసరం మంత్రికి ఏమొచ్చిందో ప్రజలకు సమాధానం చెప్పాలని డిమాండ్‌ చేశారు. స్థానిక ఎన్నికల్లో ఓటమి భయంతోనే చంద్రబాబు ప్రభుత్వం పోలీసులను వాడుకుంటోందని ప్రణయ్‌రెడ్డి ఆరోపించారు. తమ పార్టీ శ్రేణులపై అక్రమ కేసులు బనాయించి భయపెట్టాలని చూస్తే తీవ్ర పరిణామాలు ఉంటాయని హెచ్చరించారు. ప్రతిపక్షాలకు నామినేషన్‌ వేసే హక్కు లేకుండా చేయడం రాజ్యాంగ విరుద్ధమని, దీనిపై ఎన్నికల కమిషన్‌ ప్రత్యేక దృష్టి సారించి తక్షణమే చర్యలు తీసుకోవాలని ఆయన డిమాండ్‌ చేశారు.

● అభ్యర్థుల నుంచి ఖాకీ వసూల్‌ ● లేకపోతే ఇబ్బందులు తప్పవని బెదిరింపు అనంతపురం సెంట్రల్‌: నగరపాలక సంస్థ ఎన్నికల వేళ పోలీస్‌ స్టేషన్లకు అభ్యర్థుల నుంచి కాసులు గలగలలు మొదలయ్యాయి. ఖాకీల నుంచి వస్తున్న డిమాండ్‌ చూసి అభ్యర్థులు బెంబేలెత్తిపోతున్నారు. ఓ పోలీసుస్టేషన్‌ పరిధిలో ఒక అభ్యర్థి నుంచి రూ.1.50 లక్షలు ‘స్టేషన్‌ ఖర్చుల నిమిత్తం’ ఇవ్వాలని కోరగా.. అంత ఇచ్చుకోలేనని, రూ.లక్ష ఇస్తానని చెబితే.. అందుకు ససేమిరా అన్నారు. చేసేది లేక ఆ అభ్యర్థి అడిగినంత ముట్టచెప్పారు. అధికారపార్టీ, ప్రతిపక్ష పార్టీనా అనే తేడా లేకుండా అభ్యర్థులందరినీ డిమాండ్‌ చేస్తున్నట్లు విమర్శలు వ్యక్తమవుతున్నాయి. గత్యంతరం లేని పరిస్థితుల్లో అభ్యర్థులు స్టేషన్లకు ముట్టజెబుతున్నారు. ఈ నెల 30వ తేదీతో అభ్యర్థుల ప్రచారం ముగియనుండగా.. రేపు నెల ఒకటో తేదీన మున్సిపాలిటీ ఎన్నికల పోలింగ్‌ జరగనుంది. నో డ్యూస్‌ నుంచి స్టేషన్‌ ఖర్చుల దాకా... నామినేషన్లకు ముందు నుంచే ఖాకీ వసూళ్లు ప్రారంభమయ్యాయి. అభ్యర్థులు నామినేషన్‌ వేయాలంటే ముందుగా పోలీసు స్టేషన్‌ నుంచి ‘నో డ్యూస్‌’ సర్టిఫికెట్‌ తీసుకోవాలి. ఇందు కోసం ఒక్కొక్కరి నుంచి రూ.3 వేల వరకూ వసూలు చేశారు. నగరంలో ఓ పోలీసుస్టేషన్‌కు ‘నో డ్యూస్‌’ సర్టిఫికెట్ల రూపంలోనే దాదాపు రూ.3 లక్షలకు పైగా వసూలైంది. నామినేషన్ల ఉపసంహరణ అనంతరం పోటీలో నిలిచిన అభ్యర్థుల నుంచి రూ. లక్ష నుంచి రూ.2 లక్షల వరకు అందినకాడికి ‘స్టేషన్‌ ఖర్చుల’ పేరుతో అనధికారికంగా గుంజుతున్నారు. ఇందు కోసం క్రైమ్‌పార్టీ, ప్రొటోకాల్‌ డ్యూటీల్లో ఉండే సిబ్బందిని వినియోగించుకున్నారన్న ఆరోపణలు వ్యక్తమవుతున్నాయి. 62 డివిజన్లలో కార్పొరేటర్‌ స్థానాల నుంచి అధికార, ప్రతిపక్ష పార్టీల నుంచే 124 మంది అభ్యర్థులు ఉన్నారు. ఇండిపెండెంట్‌, ఇతర పార్టీల అభ్యర్థులు కూడా బరిలో ఉన్నారు. ఈ లెక్కన రూ.కోట్లలో దండుకున్నారన్న విమర్శలు ఉన్నాయి. ఎన్నికలకు మైన్స్‌ ప్రూఫ్‌ వాహనం సిద్ధం అనంతపురం సెంట్రల్‌: స్థానిక సంస్థల ఎన్నికల్లో ఎలాంటి సవాళ్లనైనా ఎదుర్కునేందుకు పోలీసు అధికారులు మైన్స్‌ ఫ్రూఫ్‌ వాహనాన్ని సిద్ధం చేశారు. బుధవారం పోలీసు కార్యాలయంలో ఎస్పీ జగదీష్‌ వాహన పనితీరును పరిశీలించారు. అత్యవసర సమయాల్లో వినియోగించేందుకు సిద్ధంగా ఉండాలని ఆదేశించారు. శాంతిభద్రతలకు విఘాతం కలిగించకుండా కఠిన చర్యలు తీసుకోవాలని అధికారులకు సూచించారు.

● పార్టీ కోసం దశాబ్దాలుగా పని చేసినా గుర్తింపు లేకపోవడంతో ఆవేదననార్పల : పార్టీ ఆవిర్భావం నుంచి పనిచేసినా సరైన గుర్తింపు, గౌరవం లేకపోవడంతో టీడీపీ రైతు విభాగం రాష్ట్ర నాయకుడు రామ్మోహన్‌ చౌదరి ఆ పార్టీ సభ్యత్వానికి రాజీనామా చేశారు. నార్పల మండలం గంగనపల్లికి చెందిన ఆయన సుదీర్ఘకాలంగా టీడీపీ అనుబంధ రైతు విభాగంలో పనిచేస్తూ వస్తున్నారు. ఈ నేపథ్యంలో ప్రస్తుత స్థానిక సంస్థల ఎన్నికల్లో ఆయన నార్పల జెడ్పీటీసీ స్థానాన్ని ఆశించారు. నామినేషన్‌ కూడా దాఖలు చేశారు. పార్టీ బీ–ఫామ్‌ ఆయనకు కాదని ఆకుల అరుణకు ఇవ్వడంతో తీవ్ర ఆవేదన గురైన రామ్మోహన్‌ తన రాజీనామా పత్రాన్ని ఆ పార్టీ జిల్లా పరిశీలకుడు ఏరాసు ప్రతాప్‌రెడ్డి, జిల్లా అధ్యక్షుడు పూల నాగరాజుకు పంపారు. స్వతంత్ర అభ్యర్థిగా జెడ్పీటీసీ ఎన్నికల బరిలో తలబడుతున్నారు. దశాబ్దాలుగా పార్టీ కోసం పని చేసిన సీనియర్లకు తగిన గౌరవం లభించకపోవడంపై ఆ పార్టీ శ్రేణులు ఆగ్రహం వ్యక్తం చేస్తున్నారు.

కళ్యాణదుర్గం: కళ్యాణదుర్గంలో టీడీపీ మూకలు రాజకీయ కక్ష సాధింపులకు బరితెగించారు. స్థానిక సంస్థల ఎన్నికల్లో ఓటమి భయంతో టీడీపీ నాయకులు వైఎస్సార్‌సీపీ కార్యకర్తలే మనోధైర్యాన్ని దెబ్బతీయడమే లక్ష్యంగా వికృత చేష్టలకు ఒడిగడుతున్నారు. కళ్యాణదుర్గం మండలం కొండాపురానికి చెందిన ఆంజినేయులు వైఎస్సార్‌సీపీలో క్రియాశీలకంగా పని చేస్తున్నారు. దీన్ని ఓర్వలేని టీడీపీ నేతలు అతడిని భయభ్రాంతులకు గురిచేసే కుట్రకు తెరలేపారు. ఈ క్రమంలోనే మంగళవారం అర్ధరాత్రి దుండగులు ఆంజినేయులు ఇంటి ముందు నిలిపిన బైకుకు నిప్పు పెట్టారు. మంటలను గమనించిన ఆంజినేయులు కుటుంబ సభ్యులు మంటలను ఆర్పేశారు. అనంతరం ఘటనపై బాధితుడు, స్థానిక వైఎస్సార్‌సీపీ నాయకులతో కలిసి కళ్యాణదుర్గం రూరల్‌ పోలీసులకు ఫిర్యాదు చేశారు. ఓటమి భయంతోనే దిగజారుడు రాజకీయాలు స్థానిక ఎన్నికల్లో టీడీపీ ఓటమి ఖాయమని తెలిసే ఇలాంటి దిగజారుడు రాజకీయాలకు తెర లేపారని తలారి రంగయ్య పేర్కొన్నారు. ఇలాంటి వికృత చేష్టలకు భయపడే ప్రసక్తే లేదని, చట్టప్రకారం అన్ని చర్యలు తీసుకుంటామని ఆయన తెలియజేశారు.

బొమ్మనహాళ్‌: దర్గాహొన్నూరులోని సర్మాస్‌ హుస్సేని స్వామి ఉరుసు ఉత్సవాల్లో భాగంగా బుధవారం మొదటిరోజు దీపారాధనోత్సవాలు భక్తిశ్రద్ధలతో నిర్వహించారు. స్వామివారి దర్గా వద్ద పెద్దసంఖ్యలో భక్తులు తమ మొక్కులు చెల్లించుకునేందుకు దివ్వెలను దర్గా చుట్టూ వెలిగించడంతో దర్గాకు ప్రత్యేక కళ సంతరించుకుంది. అనంతరం భక్తులు స్వామి సమాధిని దర్శించుకుని పూలమాలలు సమర్పించి, చక్కెర చదివింపులు చేయించి మొక్కులు చెల్లించుకున్నారు. భక్తులకు రద్దీని దృష్టిలో పెట్టుకొని నిర్వాహకులు అన్ని సౌకర్యాలు ఏర్పాటు చేశారు. గురువారం రెండవ దీపారాధనోత్సవం జరుగుతుందని తెలియజేశారు. పోస్టల్‌ బ్యాలెట్‌కు నేడు చివరి రోజు అనంతపురం కల్చరల్‌: పోస్టల్‌ బ్యాలెట్‌ వినియోగించుకునేందుకు గురువారం చివరి రోజు అని అదనపు ఎన్నికల అధికారి, నగరపాలక సంస్థ కమిషనర్‌ జశ్వంతరావు తెలిపారు. ఈ మేరకు ఆయన బుధవారం ఒక ప్రకటన విడుదల చేశారు. ఇప్పటి వరకు వినియోగించుకోని అర్హులైన అధికారులు, ప్రభుత్వ ఉద్యోగులు రాష్ట్ర ఎన్నికల సంఘం నిబంధనల మేరకు పోస్టల్‌ బ్యాలెట్‌ సదుపాయాన్ని ఉదయం 7 నుంచి సాయంత్రం 5 గంటలలోపు వినియోగించుకోవచ్చన్నారు. ఈ నేపథ్యంలో బుధవారం 277 మంది ప్రభుత్వ ఉద్యోగస్తులు పోస్టల్‌ బ్యాలెట్‌ ద్వారా తమ ఓటు హక్కును వినియోగించుకున్నారని, మొత్తం రెండురోజుల్లో పోస్టల్‌ బ్యాలెట్‌ ఫెసిలిటేషన్‌ కేంద్రంలో 511 పోస్టల్‌ బ్యాలెట్లు నమోదు అయినట్లు వెల్లడించారు. మూడు జెడ్పీటీసీ స్థానాలు ఏకగ్రీవం అనంతపురం న్యూ టౌన్‌: అనంతపురం జిల్లాలో మూడు జెడ్పీటీసీస్థానాలు ఏకగ్రీవమయ్యాయని జిల్లా పరిషత్‌ సీఈఓ, ఎన్నికల రిటర్నింగ్‌ అధికారి విజయలక్ష్మి తెలిపారు. ఈ సందర్భంగా బుధవారం స్థానిక జెడ్పీ కార్యాలయంలోని తన ఛాంబర్‌లో జెడ్పీ సీఈఓ మాట్లాడుతూ గుత్తి మండలానికి చెందిన జెడ్పీటీసీ అభ్యర్థి నల్లబోతుల స్వాతి, పామిడి జెడ్పీటీసీ అభ్యర్థి పల్లె శ్రీనివాసులు, గుంతకల్లు జెడ్పీటీసీ అభ్యర్థి డి.గీత ఏకగ్రీవంగా ఎన్నికయ్యారని చెప్పారు. ఈ సందర్భంగా వారికి ఆమె డిక్లరేషన్‌ పత్రాలు అందజేశారు. ఎన్నికల ప్రచారంలో వీఆర్‌ఏ రాప్తాడు రూరల్‌: ప్రభుత్వ ఉద్యోగులు రాజకీయ పార్టీలకు దూరంగా ఉండాలి. అందులోనూ ఎన్నికల సమయంలో మరింత నిష్పక్షపాతంగా వ్యవహరించాలి. అయితే అనంతపురం రూరల్‌ మండలం చియ్యేడు గ్రామానికి చెందిన వీఆర్‌ఏ చెన్నయ్య అధికార పార్టీ ఎన్నికల ప్రచారంలో పాల్గొనడం చర్చనీయాంశంగా మారింది. బుధవారం చియ్యేడులో టీడీపీ ఎంపీటీసీ, జెడ్పీటీసీ అభ్యర్థులకు మద్దతుగా ఎమ్మెల్యే పరిటాల సునీత ఎన్నికల ప్రచారం నిర్వహించారు. ఈ ప్రచారంలో వీఆర్‌ఏ కూడా పాల్గొని ఇంటింటికీ తిరగడం గమనార్హం. దీనిపై ఉన్నతాధికారులు ఎటువంటి చర్యలు తీసుకుంటారో వేచి చూడాలి. తిరుమల ఎక్స్‌ప్రెస్‌ రద్దు తాడిపత్రి రూరల్‌ : విశాఖ నుంచి తాడిపత్రి మీదుగా గుంతకల్లుకు వెళ్లాల్సిన 18521 నంబర్‌గల తిరుమల ఎక్స్‌ప్రెస్‌ను అర్నబ్‌ తుపాన్‌ కారణంగా బుధవారం రద్దు చేసినట్లు అధికారులు తెలిపారు. గుంతకల్లు నుంచి తాడిపత్రి మీదుగా విశాఖ వెళ్లాల్సిన తిరుమల ఎక్స్‌ప్రెస్‌ యథావిధిగా బయలుదేరి వెళ్లింది. ధర్మవరం– మచిలీపట్నం వెళ్లే 17216 నంబర్‌గల ఎక్స్‌ప్రెస్‌ నిర్ణీత వేళకే బయల్దేరింది.

● ప్రమాదంలో పేలిన సిలిండర్‌ ● రూ.3లక్షల మేర ఆస్తి నష్టం గార్లదిన్నె: మండల పరిధిలోని కనంపల్లి క్రాస్‌ సమీపంలో 44వ జాతీయ రహదారిపై బుధవారం జరిగిన అగ్ని ప్రమాదంలో హోటల్‌ దగ్ధమైన సంఘటన చోటు చేసుకుంది. బాధితుడు తెలిపిన వివరాలు మేరకు జాతీయ రహదారి పక్కనే కిషోర్‌ బాబు ప్రిన్స్‌ హోటల్‌, టీ షాప్‌ నిర్వహిస్తూ జీవనం సాగిస్తున్నాడు. మధ్యాహ్న సమయంలో షార్ట్‌ సర్క్యూట్‌ కారణంగా హోటల్‌లో మంటలు వ్యాపించడంతో సిలిండర్‌ పేలింది. ఈ ప్రమాదంలో హోటల్లోని ఫ్రీజ్‌, వస్తువులు కాలి బూడిదయ్యాయి. స్థానికులు ద్వారా సమాచారం అందుకున్న నిర్వాహకుడు మంటలు ఆర్పే ప్రయత్నం చేసినా తగ్గకపోవడంతో అగ్నిమాపక సిబ్బందికి సమాచారమిచ్చారు. వెంటనే సంఘటనా స్థలికి చేరుకున్న అగ్నిమాపక సిబ్బంది మంటలను అదుపులోకి తెచ్చారు. ప్రమాదంతో రూ.3లక్షల మేర ఆర్థిక నష్టం వాటిల్లినట్టు బాధితుడు వాపోయాడు.

● రైలు ప్రమాద బాధితుడి కోసం 4 కిలోమీటర్ల బైక్‌పై ప్రయాణం రాప్తాడు రూరల్‌: కదులుతున్న రైలు నుంచి ప్రమాదవశాత్తు జారిపడి తీవ్రంగా గాయపడిన ఓ వ్యక్తిని కాపాడేందుకు 108 అంబులెన్స్‌ సిబ్బంది అసాధారణ సమయస్ఫూర్తిని ప్రదర్శించారు. ప్రమాద స్థలానికి అంబులెన్స్‌ వెళ్లేందుకు సరైన దారి లేకపోవడంతో ద్విచక్ర వాహనంపై సుమారు 4 కిలోమీటర్ల దూరం బాధితుడిని తీసుకొచ్చారు. 108 పైలట్‌ మన్నల రాము, అత్యవసర వైద్య సాంకేతిక నిపుణుడు (ఈఎంటీ) రామాంజినేయులు చూపిన చొరవపై ప్రశంసలు వెల్లువెత్తాయి. రైలు నుంచి ప్రమాదవశాత్తు జారిపడి.. ఉత్తరప్రదేశ్‌కు చెందిన ఓ వ్యక్తి మంగళవారం మైసూరు ఎక్స్‌ప్రెస్‌లో మధురై నుంచి బెంగళూరు వైపు ప్రయాణిస్తున్నాడు. ఈ క్రమంలో చిగిచెర్ల–జంగాలపల్లి రైల్వే స్టేషన్ల మధ్య రైలు తలుపు వద్ద నిలబడి ఉండగా ప్రమాదవశాత్తు కిందపడిపోయాడు. అదే సమయంలో రైల్వే ట్రాక్‌ను పరిశీలిస్తున్న ట్రాక్‌మ్యాన్‌ గాయపడిన వ్యక్తిని గుర్తించి వెంటనే 108 సిబ్బందికి సమాచారం అందించాడు. బైక్‌పై బాధితుడిని మోసుకొచ్చి సమాచారం అందుకున్న వెంటనే 108 పైలట్‌ మన్నల రాము, ఈఎంటీ రామాంజనేయులు ఘటనా స్థలానికి చేరుకున్నారు. అయితే అక్కడికి అంబులెన్స్‌ వెళ్లేందుకు సరైన రహదారి లేకపోవడంతో బాధితుడిని ఆసుపత్రికి తరలించడం సవాలుగా మారింది. దీంతో సిబ్బంది వెనుకడుగు వేయకుండా ట్రాక్‌మ్యాన్‌ ద్విచక్ర వాహనంతో క్షతగాత్రుడిని సుమారు 4 కిలోమీటర్ల దూరం తీసుకొచ్చారు. బాధితుడికి ప్రాథమిక చికిత్స అందిస్తూ అనంతపురం ప్రభుత్వ సర్వజనాసుపత్రికి తరలించారు. బాధితుడి పరిస్థితి విషమంగా ఉందని రైల్వే పోలీసులు తెలిపారు. ప్రాణాపాయ స్థితిలో ఉన్న వ్యక్తిని ఆసుపత్రికి చేర్చేందుకు 108 సిబ్బంది ప్రదర్శించిన మానవత్వం, సాహసాన్ని స్థానికులు, అధికారులు అభినందించారు.

బెళుగుప్ప: యలగలవంక సమీపంలో పచ్చిగడ్డి కోసం తోటలోకి వెళ్లిన బాలుడిపై ఎలుగుబంటి దాడి చేసి తీవ్రంగా గాయపరిచింది. బాధితుడి వివరాల మేరకు..కర్ణాటకలోని బళ్లారి జిల్లా సుండూరు తాలూకా ఆర్‌ గొల్లాహట్టి గ్రామానికి చెందిన వీరదొడ్డప్ప మరికొందరితో కలసి నాలుగు రోజుల క్రితం గొర్రెల మేపు కోసం యలగలవంక గ్రామానికి వచ్చారు. మంగళవారం ఉదయం వీరదొడ్డప్ప కుమారుడు విఠల్‌(13) మంగళవారం గొర్రె పిల్లల కోసం మంద సమీపంలోనే ఉన్న బొప్పాయి తోటలోకి పచ్చిగడ్డి కోసం వెళ్లాడు. పచ్చి గడ్డి కోస్తుండగా అక్కడే పిల్లలతో మాటువేసిన ఎలుగుబంటి ఒక్కసారిగా బాలుడిపై దాడి చేసి ముఖ బాగాన్ని ఛిద్రం చేసింది. బాలుడి అరుపులను సమీపంలోని కాపరులు పసిగట్టి కేకలు వేస్తూ వెళ్లడంతో ఎలుగుబంటి బాలుడిని వదలి పారిపోయింది. దాడి ఘటనలో తీవ్రంగా గాయపడిన బాలుడిని తొలుత కళ్యాణదుర్గం ప్రభుత్వాస్పత్రికి తరలించారు. అనంతరం పరిస్థితి విషమంగా ఉండటంతో బళ్లారి విమ్స్‌కు తరలించారు. విమ్స్‌లో పరిశీలించిన వైద్యులు బెంగళూరు తీసుకెళ్లాలని సూచించినట్లు బాలుడి కుటుంబ సభ్యులు తెలిపారు. రమనేపల్లి అటవీప్రాంతం సమీప గ్రామాల్లో వన్యమృగాలు వ్యవసాయ తోటల్లోకి వస్తూండటంతో రైతులు, వ్యవసాయకూలీలు భయాందోళనకు గురవుతున్నారు. ఇదిలా ఉండగా ఫారెస్ట్‌ బీట్‌ ఆపీసర్‌ పెద్దన్న బాధితుడి నుంచి వివరాలు సేకరించారు.

అనంతపురం: స్థానిక సంస్థల ఎన్నికల్లో మంత్రి పయ్యావుల కేశవ్‌ అనుచరులు ప్రత్యర్థి పార్టీ నేతలపై భౌతికదాడులు, బెదిరింపులకు పాల్పడుతూ ప్రజాస్వామ్యాన్ని ఖూనీ చేస్తున్నారని వైఎస్సార్‌సీపీ పీఏసీ సభ్యుడు, ఉరవకొండ మాజీ ఎమ్మెల్యే వై.విశ్వేశ్వరరెడ్డి మండిపడ్డారు. మంగళవారం ఆయన అనంతపురంలో మీడియాతో మాట్లాడారు. వజ్రకరూరు మండలంలో వైఎస్సార్‌సీపీ ఎంపీటీసీ అభ్యర్థులను మంత్రి అనుచరులు రాత్రికి రాత్రే అపహరించి, భయభ్రాంతులకు గురిచేసి బలవంతంగా వారిచేత నామినేషన్లను విత్‌ డ్రా చేయించారని ఆగ్రహం వ్యక్తం చేశారు. ఈ అక్రమాలు, కిడ్నాప్‌ ఘటనలపై జిల్లా ఎన్నికల అధికారి, కలెక్టర్‌ ఆనంద్‌కు ఫిర్యాదు చేశారు. ఎన్నికల్లో పోటీ లేకుండా చేసుకునేందుకు కుట్రలు పన్నారన్నారు. వీటిపై సమగ్ర విచారణ చేపట్టి చట్టపరమైన కఠిన చర్యలు తీసుకోవాలని డిమాండ్‌ చేశారు. ఓటమి భయంతోనే కిడ్నాప్‌.. వజ్రకరూరులో వైఎస్సార్‌సీపీ తరఫున ఎంపీటీసీ అభ్యర్థిగా పోటీ చేస్తున్న తన భర్త మంగళవారం ఇంట్లో టిఫిన్‌ చేస్తుండగా కార్లలో వచ్చిన దుండగులు కిడ్నాప్‌ చేశారని పార్టీ సీనియర్‌ నాయకురాలు, మాజీ సర్పంచ్‌ మోనాలిసా ఆరోపించారు. ఓటమి భయంతోనే టీడీపీ వారు తన భర్తను అపహరించి ఉంటారని అనుమానం వ్యక్తం చేశారు. తన భర్త ప్రాణాలకు ఏమైనా హాని జరిగితే దానికి ఉరవకొండ నియోజకవర్గ టీడీపీ నేతలే పూర్తి బాధ్యత వహించాల్సి ఉంటుందని కోరారు. రెచ్చిపోతున్న మంత్రి పయ్యావుల అనుచరులు వైఎస్సార్‌సీపీ అభ్యర్థులతో బలవంతంగా విత్‌డ్రా చేయించారు కలెక్టర్‌కు మాజీ ఎమ్మెల్యే విశ్వేశ్వరరెడ్డి ఫిర్యాదు

గుంతకల్లుటౌన్‌: స్థానిక సంస్థల ఎన్నికల్లో ఫ్యామిలీ పాలిటిక్స్‌ ఆసక్తిని రేకెత్తిస్తున్నాయి. ప్రజాసేవ చేయడానికి భార్యాభర్తలు వేర్వేరు వార్డుల నుంచి కౌన్సిలర్‌ అభ్యర్థులుగా ఎన్నికల బరిలో దిగారు. వైఎస్సార్‌సీపీ నుంచి రెండు జంటలు పోటీ చేస్తున్నాయి. బీసీ జనరల్‌కు కేటాయించిన 31వ వార్డులో ఆ పార్టీ పట్టణ ఉపాధ్యక్షుడు బోయ తిమ్మప్ప పోటీ చేస్తుండగా, బీసీ మహిళకు కేటాయించిన 32వ వార్డు నుంచి అతని భార్య బోయ కవిత బరిలో నిలిచారు. అలాగే ఎస్‌సీ జనరల్‌కు కేటాయించిన 42వ వార్డులో వైఎస్సార్‌సీపీ ఎస్సీసెల్‌ పట్టణ అధ్యక్షుడు మంగే నల్లన్న పోటీచేస్తుండగా, ఎస్సీ మహిళకు రిజర్వ్‌ అయిన 43వ వార్డు నుంచి అతడి భార్య మంగే నాగలక్ష్మి బరిలో దిగారు. వార్డులు వేర్వేరైనా విస్త్రృతంగా తిరుగుతూ ఫ్యాన్‌ గుర్తుకు ఓటేసి ప్రజలకు సేవ చేసుకునే అదృష్టాన్ని కల్పించాలని ఓటర్ల ఆశీర్వాదం తీసుకుంటున్నారు. 31,32 వార్డుల నుంచి వైఎస్సార్‌సీపీ కౌన్సిలర్‌ అభ్యర్థులుగా బరిలో దిగిన తిమ్మప్ప, కవిత దంపతులు పట్టణంలోని 42, 43 వార్డు వైఎస్సార్‌సీపీ కౌన్సిలర్‌ అభ్యర్థులుగా పోటీచేస్తున్న నల్లన్న, నాగలక్ష్మి దంపతులు

గుమ్మఘట్ట: స్థానిక సంస్థల ఎన్నికల నేపథ్యంలో గ్రామాల్లో జోరుగా చర్చలు సాగుతున్నాయి. ఏ గ్రామంలో చూసినా రచ్చబండలపై ఇవే ముచ్చట్లు. ఏ నలుగురు కలిసినా రాజకీయంపైనే మాట్లాడుతున్నారు. ఎవరికి గెలుపు అవకాశాలు ఉన్నాయి.. ఏ అంశాలు కీలకం కానున్నాయి.. అంటూ చర్చోప చర్చలు చేస్తున్నారు. గుమ్మఘట్ట మండలంలో ఓ గ్రామంలో జరిగిన రాజకీయ సంభాషణ ‘సాక్షి’ పాఠకుల ముందుకు తెస్తున్నాం. మల్లి: ఏం రామన్నా.. యాడికి పోతున్నావ్‌. ఈ మధ్యన కనబడడంలేదు. రామన్న: ఏం లేదప్ప.. పొద్దున్న తోట్లోకి పోయినోన్ని.. సాయంత్రం ఇంటికి వస్తాను. మల్లి: తోట్లో ఎం వేసినావు? రామన్న: రెండు ఎకరాల్లో మొక్కజొన్న, ఎకరా మిరప, ఎకరా టమేట వేశానప్ప. మల్లి: అంతేనా.. అయితే పంటలు ఎట్లా వుండాయప్ప. రామన్న: పంటలు ఫర్వాలేదు. చేతికి వచ్చినప్పుడు కదప్పా. మల్లి: అదికూడా కరెక్టేలే. నమ్మాల్సిన మాటేకదా.. రామన్న: ఆ మిరపచెట్లకి ఆకుముడత రోగం పడింది. దానికి ఎన్ని మందులు కొట్టినా పోవడం లేదు. మల్లి: ఏం చేయాలో తెలీదు. మల్లి: మరి.. ఈసారి రాజకీయం ఎలా ఉంటుందంటావ్‌ రామన్న? రామన్న: ఈసారి యా పార్టీకి ఓటేయల్ల మల్లి.. మల్లి: చూడల్ల.. రామన్న: ఏడిది చూడల్ల..? కొత్త ఇల్లు కట్టుకుందామని చూస్తే ఈ గౌర్మెంట్‌ వచ్చినవుటి నుండి కొత్త ఇండ్లు ఇడిలేదు. మల్లి: నేను నీకు వైఎస్‌ జగన్‌ గౌర్మెంట్లోనే చెబితి. కొత్త ఇల్లు కట్టుకో అని చిలుకకు చెబినట్ల చెబితి. నువ్వే వినలేదు. ఆ గౌర్మెంట్లో కొత్త ఇండ్లు బాగిచ్చిరి. రెండేళ్ల నుండి నేను మా అమ్మకి ముసలోళ్ల ఫించెన్‌ చేబిద్దామంటే కొత్త ఫించెన్‌లు ఈలేదు. జగన్‌ గౌర్మెంట్లో ఆరు నెలలకోసారి కొత్త ఫించన్లు ఇచ్య. ఈ గౌరమెంట్లోన ఏదీ లేదు. రామన్న: జగన్‌ గౌరమెంట్లోన పంటల ఇన్సూరెన్స్‌ డబ్బు జగనే కట్టేశా. రైతు భరోసా కింద ఏడాదికి రూ.13,500 పడుతుండ. కూటమి ప్రభుత్వం అధికారంలోకి వస్తే ఏడాదికి రూ.20 వేలు ఇస్తామని చెప్పాడు. కేంద్ర ప్రభుత్వం తరఫున మోదీ 6 వేలు వేస్తున్నాడు. కూటమి ప్రభుత్వం తరఫున 5 వేలు వేస్తున్నాడు. మిగిలిన 9 వేల రూపాయలు ఎగ్గొట్టారు. ఈ చంద్రబాబు గౌరమెంట్లోన రైతులే ఇన్సూరెన్స్‌ డబ్బులు కట్టిరి. అంతే కాదు యూరియా దొరక్క పంటలు దెబ్బతింటున్నాయి. మల్లి: ఆర్‌బీకేల్లో అప్పడు యూరియా ఎంత కావాలంటే అంత ఇస్తుండిరి.ఈ గౌరమెంట్లోన ఎన్ని అవస్థలు పెట్టిరప్పా. (అంతలోనే వారి మధ్యలోకి ఓ యువకుడు వచ్చాడు.) శివ: ఏం మల్లి అన్న రాజకీయం గురించి జోరుగా మాట్లాడుతున్నారు. రామన్న: ఏమీ లేదు శివ. యా గౌరమెంట్లోన ఎట్లుండ అనేది మాట్లాడుతున్నాం అంతే. శివ: ఈ గవర్నమెంట్‌లో వలంటీర్‌ ఉద్యోగం వస్తుంది అనుకుంటి. వలంటీర్‌కు నెలకు రూ.10 వేలు ఇస్తామని చెప్పడంతో చంద్రబాబును నమ్మి ఓట్లు వేస్తిమి. అధికారంలో వచ్చాక చంద్రబాబు, పవన్‌ పంగనామాలు పెట్టిరి. అధికారంలోకి వచ్చాక దానిపై మాట్లాడడం లేదు. నాలాంటి నిరుద్యోగులకు నిరుద్యోగభృతి ఇస్తామని చెప్పి దానికీ మోసం చేసిరి. (ఇంతలోనే అటుగా వెళుతున్న పార్వతి వారితో మాట కలిపింది.) పార్వతి: ఏం రామ్‌ మామా..బాగుండావా! రామన్న: బాగున్నాను పార్వతి. అవును పార్వతి ఒక మాట అడుగుతాను ఏమీ అనుకోవు కదా! ఈసారి యా పార్టీకి ఓటేస్తావు? పార్వతి : డ్వాక్రా సంఘాల రుణాలన్నీ మాఫీ చేసినోళ్లకి. మల్లి: కరెక్టుగా చెప్పక్క.. పార్వతి: అన్యాయం అనకూడదు. కండ్లుపోతాయి. జగన్‌ గౌరమెంటు వుండింటే యాడాదికి 18 వేలు వస్తాండ. అవి పాయా. ఈయప్ప.. తెల్లగడ్డమాయప్ప ఆడబిడ్లకు నెలకు రూ.1500 ఇస్తానని చెప్పిండ. అధికారంలోకి వచ్చి మహిళలందరినీ మోసం చేశ. ఏడాదికి మూడు గ్యాస్‌ సిలిండర్‌లు ప్రీగా ఇస్తామని చెప్పా.. ఇవ్వలేదు. మేము ఇచ్చిన మాటకు కట్టుబడే పార్టీకి ఓటేస్తా రామ్‌ మామా.. నేను మిరప కూలి పనులకు పోవల్ల.. ఉంటాను. రామన్న: మేము కూడా అంతేలే. నేను తోట్లోకి నీళ్లు కట్టేకి పోతాను.. ఉంటాను మల్లి.

అనంతపురం: స్థానిక ఎన్నికల్లో టీడీపీ ఎమ్మెల్యే గుమ్మనూరు జయరాం వర్గీయుల అరాచకాలను అరికట్టాలని వైఎస్సార్‌సీపీ గుంతకల్లు నియోజకవర్గ సమన్వయకర్త, మాజీ ఎమ్మెల్యే వై.వెంకటరామిరెడ్డి డిమాండ్‌ చేశారు. ఎన్నికలు నిష్పక్షపాతంగా జరిగేలా చర్యలు తీసుకోవాలని మంగళవారం ఆయన కలెక్టర్‌ ఆనంద్‌కు వినతిపత్రం అందజేశారు. గుంతకల్లు, గుత్తి, పామిడి మున్సిపాలిటీలతో పాటు ఎంపీటీసీ, జెడ్పీటీసీ స్థానాలకు నామినేషన్ల ప్రక్రియ ప్రారంభమైనప్పటి నుంచి టీడీపీ ఎమ్మెల్యే గుమ్మనూరు వర్గీయులు వైఎస్సార్‌సీపీ అభ్యర్థులను నామినేషన్‌ కేంద్రాలకు వెళ్లకుండా అడ్డుకోవడం, కిడ్నాప్‌ చేయడం, నామినేషన్‌ పత్రాలను లాక్కొని చించివేయడం లాంటి అరాచకాలకు పాల్పడ్డారని తెలిపారు. రాష్ట్రంలో స్వేచ్ఛాయుత, నిష్పక్షపాత ఎన్నికలు నిర్వహించాలని సుప్రీంకోర్టు స్పష్టమైన ఆదేశాలు జారీ చేసినా రాష్ట్ర ఎన్నికల సంఘం, ప్రభుత్వం వాటిని అమలు చేయడంలో విఫలమయ్యాయన్నారు. వైఎస్సార్‌సీపీ నాయకులను ముందస్తుగా గృహనిర్బంధం చేస్తుంటే, అధికార పార్టీ నేతలు మాత్రం స్వేచ్ఛగా తిరుగుతూ ప్రచారం చేస్తున్నారని ధ్వజమెత్తారు. రాబోయే పంచాయతీ ఎన్నికల్లో అభ్యర్థులకు తగిన రక్షణ కల్పించాలని, గ్రామాల్లో ప్రత్యేక పోలీస్‌ పికెట్‌ ఏర్పాటు చేసి, శాంతిభద్రతలను పరిరక్షించాలని కోరారు. ఇప్పటి వరకు జరిగిన హింసాత్మక ఘటనలపై సమగ్ర విచారణ చేపట్టాలని, స్థానిక ఎన్నికలు పారదర్శకంగా, ప్రశాంతంగా జరిగే విధంగా చర్యలు చేపట్టాలని జిల్లా ఎన్నికల అధికారిని కోరారు. ఇదే విషయమై ఎస్పీ జగదీష్‌ను కూడా కలిసి వెంకటరామిరెడ్డి విన్నవించారు. కార్యక్రమంలో పార్టీ సీనియర్‌ నేతలు తిప్పేస్వామి, యుగంధర్‌రెడ్డి, జయరామిరెడ్డి, సోమిరెడ్డి పాల్గొన్నారు. స్థానిక ఎన్నికలు ప్రశాంతంగా జరిగేలా చూడండి కలెక్టర్‌కు మాజీ ఎమ్మెల్యే వై.వెంకట్రామిరెడ్డి వినతి

అనంతపురం: అరాచక శక్తుల నుంచి అనంతపురాన్ని కాపాడుకోవాలంటే నగరపాలక సంస్థ ఎన్నికల్లో వైఎస్సార్‌సీపీకి పట్టం కట్టాలని ఆ పార్టీ జిల్లా అధ్యక్షుడు అనంత వెంకట్రామిరెడ్డి ప్రజలకు పిలుపునిచ్చారు. మంగళవారం నగరంలోని 27, 28, 29, 49, 50 డివిజన్లలో వైఎస్సార్‌సీపీ మేయర్‌ అభ్యర్థి రమేష్‌గౌడ్‌, ఆయా డివిజన్ల కార్పొరేటర్‌ అభ్యర్థులు సులోచన, కృష్ణనవ్య, కొండ్రెడ్డి భారతి, ఆరీఫాతో పాటు సీపీఐ కార్పొరేటర్‌ అభ్యర్థి లక్ష్మీదేవి తరఫున ఎన్నికల ప్రచారం నిర్వహించారు. ఈ సందర్భంగా అనంత మాట్లాడుతూ స్థానిక సంస్థల ఎన్నికల ప్రక్రియ ప్రారంభమైనప్పటి నుంచి రాష్ట్రంలోని చంద్రబాబు ప్రభుత్వం నిరంకుశంగా వ్యవహరిస్తోందని మండిపడ్డారు. పోలీసులను గుప్పిట్లో పెట్టుకుని గెలవాలనే ప్రయత్నాలు చేయడం సిగ్గుచేటన్నారు. శాంతియుత వాతావరణంలో ప్రజాస్వామ్యబద్ధంగా ఎన్నికలు జరిగితే ఓడిపోవడం ఖాయమని గుర్తించిన కూటమి నాయకులు అరాచకాలకు తెరలేపారన్నారు. ఎన్నికల ప్రచారంలో తాము ఇంటింటికీ వెళ్తుంటే వైఎస్‌ జగన్‌ పాలనకు, చంద్రబాబు పాలనకు మధ్య తేడాను ప్రజలే బేరీజు వేసుకుంటున్నారన్నారు. రెండున్నరేళ్ల చంద్రబాబు పాలనలో ఇక్కడి ఎమ్మెల్యే, ఆయన అనుచరులు ఎలా దోపిడీ చేశారో ప్రజలకు బాగా తెలుసన్నారు. ‘ప్రజాసేవ కోసం కాదు.. ఈ అనంతపురాన్ని దోచుకునేందుకే వాళ్లు ఎమ్మెల్యే అయ్యారు’ అంటూ ఓటర్లే చెబుతున్నారంటే పరిస్థితి ఎంత దారుణంగా ఉందో అర్థం చేసుకోవాలన్నారు. భూకబ్జాలు, దందాలు, అరాచకాలు, డబుల్‌ రిజిస్ట్రేషన్లు పెరిగిపోయి ప్రజల స్థిరాస్తులకు భద్రత లేకుండా పోయిందన్నారు. నగరం ప్రశాంతంగా ఉండాలన్నా, జవాబుదారీ పాలన కావాలన్నా ఈ ఎన్నికల్లో ఫ్యాన్‌ గుర్తుకు ఓటు వేసి మేయర్‌ అభ్యర్థి రమేష్‌గౌడ్‌తో పాటు వైఎస్సార్‌సీపీ కార్పొరేటర్‌ అభ్యర్థులను గెలిపించాలని కోరారు. నగరానికి, ప్రజల ఆస్తులకు కాపలాదారులుగా తాము ఉంటామని భరోసానిచ్చారు. బీజేపీ అభ్యర్థిని చిత్తుచిత్తుగా ఓడించండి మేయర్‌ స్థానానికి పోటీ చేస్తున్న బీజేపీ అభ్యర్థి అజేష్‌ బాబును చిత్తుగా ఓడించాలని సీపీఐ సీనియర్‌ నేత జగదీష్‌ ప్రజలకు పిలుపునిచ్చారు. మంగళవారం 49, 50 డివిజన్లలో ఆయన వైఎస్సార్‌సీపీ, సీపీఐ అభ్యర్థులకు మద్దతుగా వైఎస్సార్‌సీపీ జిల్లా అధ్యక్షుడు అనంత, మేయర్‌ అభ్యర్థి రమేష్‌గౌడ్‌తో కలిసి ప్రచారం చేశారు. ఈ సందర్భంగా జగదీష్‌ మాట్లాడుతూ మంత్రి సత్యకుమార్‌తో పాటు రాష్ట్ర నాయకులంతా వచ్చి అనంతపురం ప్రజలకు అరచేతిలో స్వర్గం చూపుతున్నారని విమర్శించారు. నగరంలో ప్రశాంత వాతావరణం నెలకొని, ప్రజలు సంతోషంగా జీవించాలంటే వైఎస్సార్‌సీపీ, సీపీఐ అభ్యర్థులను గెలిపించాలని కోరారు. వైఎస్సార్‌సీపీ ట్రేడ్‌ యూనియన్‌ జిల్లా అధ్యక్షుడు కొండ్రెడ్డి ఓబిరెడ్డి, జిల్లా కార్యదర్శి సంపంగి రామాంజనేయులు, పార్టీ మహిళా విభాగం రాష్ట్ర అధికార ప్రతినిధి కృష్ణవేణి, క్రిస్టియన్‌ మైనారిటీ విభాగం రాష్ట్ర సంయుక్త కార్యదర్శి జానీ తదితరులు పాల్గొన్నారు. వైఎస్సార్‌సీపీతోనే జవాబుదారీ పాలన ప్రజల ఆస్తులకు మేమంతా రక్షణగా నిలుస్తాం ఎన్నికల ప్రచారంలో వైఎస్సార్‌సీపీ జిల్లా అధ్యక్షుడు అనంత

● మాజీ మంత్రి డాక్టర్‌ సాకే శైలజానాథ్‌ అనంతపురం: బుక్కరాయసముద్రం మండలంలో వైఎస్సార్‌సీపీ ఎంపీటీసీ అభ్యర్థుల నామినేషన్ల తిరస్కరణ, అలాగే అభ్యర్థులతో బలవంతంగా నామినేషన్లు ఉపసంహరింపజేసిన (విత్‌ డ్రా) ఘటనలపై సమగ్ర విచారణ చేయించాలని మాజీ మంత్రి డాక్టర్‌ సాకే శైలజానాథ్‌ డిమాండ్‌ చేశారు. ఈ మేరకు ఆయన కలెక్టరేట్‌ లో జిల్లా ఎన్నికల అధికారి, కలెక్టర్‌ ఆనంద్‌ను కలసి వినతిపత్రం అందజేశారు. శింగనమల నియోజకవర్గంలోని ఆరు మండలాల పరిధిలో ఎన్నికల ప్రక్రియకు సంబంధించి ఆందోళనకర పరిస్థితులు నెలకొన్నాయన్నారు. పలు గ్రామాలు, పంచాయతీలలో కొందరు స్థానిక అధికారులు, పోలీసు సిబ్బంది అధికార పార్టీకి అనుకూలంగా వ్యవహరిస్తున్నారన్నారు. యల్లనూరు, పుట్లూరు మండలాల్లోని అన్ని గ్రామాలతో పాటు, నార్పల, బుక్కరాయసముద్రం, శింగనమల, గార్లదిన్నె మండలాల్లోని సమస్యాత్మక, అత్యంత సమస్యాత్మక గ్రామాల్లో అవసరమైన ప్రాంతాల్లో అదనపు పోలీసు బలగాలతో భద్రత కల్పించాలన్నారు. వైఎస్సార్‌సీపీ అభ్యర్థులు, నాయకులు, కార్యకర్తలు ఎలాంటి భయాందోళనలు లేకుండా స్వేచ్ఛగా ప్రచారం నిర్వహించేందుకు తగిన పోలీసు రక్షణ కల్పించాలన్నారు. కార్యక్రమంలో వైఎస్సార్‌సీపీ రాష్ట్ర సంయుక్త కార్యదర్శి బండ్లపల్లి ప్రతాప్‌రెడ్డి, యువ నాయకులు సాకే రుత్విక్‌ హృదయ్‌, బోనాల హరికృష్ణ, శ్యాం సుందర్‌రెడ్డి తదితరులు పాల్గొన్నారు.

అనంతపురం ఎడ్యుకేషన్‌: స్థానిక సంస్థల ఎన్నికల విధుల్లో పాల్గొనే సిబ్బందికి ఒక రోజు ప్రత్యేక ఆన్‌ డ్యూటీ (ఓడీ) సౌకర్యం కల్పించాలని ఎస్‌టీయూ జిల్లా అధ్యక్షుడు నీలూరు రమణారెడ్డి విజ్ఞప్తి చేశారు. మంగళవారం ఎస్‌టీయూ జిల్లా శాఖ కార్యాలయంలో నిర్వహించిన సమావేశంలో ఆయన మాట్లాడారు. మున్సిపల్‌ కార్పొరేషన్‌ పరిధిలో ఓటు హక్కు ఉన్న ఉద్యోగులు ఉదయం 7 నుంచి సాయంత్రం 5 గంటల్లోపు పోస్టల్‌ బ్యాలెట్‌ ద్వారా ఓటు వేయాలని సూచించారన్నారు. ఉదయం ఓటు వేసి తిరిగి విధులు నిర్వహించే ప్రాంతానికి చేరుకోవడం కష్టమవుతుందన్నారు. ఎస్‌టీయూ జిల్లా ప్రధాన కార్యదర్శి ఎస్‌. రామాంజనేయులు, రాష్ట్ర ఆర్థిక కమిటీ సభ్యుడు వి. రాజశేఖర్‌, జిల్లా ఆర్థిక కార్యదర్శి జి. మల్లికార్జున, రాష్ట్ర కౌన్సిలర్‌, రాష్ట్ర మున్సిపల్‌ ఉపాధ్యాయుల కమిటీ కన్వీనర్‌ బి. ఫణిభూషణ్‌, జిల్లా నాయకులు నిట్టూరు చంద్రశేఖరరావు, రామకృష్ణ, మల్లికార్జున, బాబ్జీ నాయక్‌, మహేశ్వర్‌రెడ్డి, గంగాధర్‌ పాల్గొన్నారు. మందకొడిగా ‘రబీ’ ● 15 వేల హెక్టార్ల వద్ద సాగుతున్న పరిస్థితి అనంతపురం అగ్రికల్చర్‌: వర్షాలు లేక రబీ మందకొడిగా ‘సాగు’తోంది. రబీ అంచనా 1.08 లక్షల హెక్టార్లు కాగా కాస్త అటుఇటుగా 15 శాతంతో ప్రస్తుతానికి 15 వేల హెక్టార్లలో పంటలు వేశారు. ప్రధానపంట పప్పుశనగ 61 వేలు హెక్టార్లు అంచనా వేయగా 11 వేల హెక్టార్లలో విత్తుకున్నారు. మంచి వర్షం వస్తే నల్లరేగళ్లలో పప్పుశనగ సాగయ్యే అవకాశం ఉంది. ఇక 16 వేల హెక్టార్లకు గానూ 200 హెక్టార్లలో వేరుశనగ, 12,398 హెక్టార్లకు గానూ 600 హెక్టార్లలో మొక్కజొన్న, 5 వేల హెక్టార్లకు గానూ 1,500 హెక్టార్లలో జొన్న, 1,663 హెక్టార్లకు గానూ 1,370 హెక్టార్లలో ఉలవ సాగు చేశారు. 900 హెక్టార్లలో పొద్దుతిరుగుడు, 100 హెక్టార్లలో అలసంద, 50 హెక్టార్లలో కుసుమ, పెసర 50 హెక్టార్లలో వేశారు. విస్తారంగా వర్షాలు కురవాల్సిన అక్టోబర్‌లో 100.6 మి.మీ గానూ ఇప్పటి వరకు 31.3 మి.మీ నమోదు కావడంతో రబీ నిరాశాజనకంగా ‘సాగు’తోంది. 30న పింఛన్ల పంపిణీ అనంతపురం టౌన్‌: స్థానిక సంస్థల ఎన్నికల నేపథ్యంలో ఎన్‌టీఆర్‌ భరోసా పింఛన్లను ఈనెల 30న జిల్లా వ్యాప్తంగా పంపిణీ చేయనున్నట్లు డీఆర్‌డీఏ ప్రాజెక్టు డైరెక్టర్‌ శైలజా మంగళవారం ఓ ప్రకటనలో తెలిపారు. నవంబర్‌ 1న నగరపాలకతోపాటు పురపాలక సంఘాల ఎన్నికల జరుగుతుండడంతో ఈ మేరకు రాష్ట్ర ప్రభుత్వం నిర్ణయం తీసుకున్నట్లు పేర్కొన్నారు. ఈ నెల 29న సచివాలయ ఉద్యోగులు పింఛన్‌ మొత్తాన్ని డ్రా చేసుకొని 30న ఉదయం నుంచి పంపిణీ చేస్తారని తెలిపారు. జిల్లా వ్యాప్తంగా 2,74,708 మందికి రూ.123.52కోట్లు నిధులు మంజూరైనట్లు వివరించారు. సరిహద్దులో పటిష్ట నిఘా రాయదుర్గం: స్థానిక ఎన్నికల నేపథ్యంలో మంగళవారం రాయదుర్గం మార్కెట్‌యార్డులో అనంతపురం ఎకై ్సజ్‌ డీసీ ప్రసాద్‌, ఈఎస్‌ రామమోహన్‌రెడ్డి ఆధ్వర్యంలో కర్ణాటక అధికారులతో సమన్వయ సమావేశం జరిగింది. కణేకల్లు, కళ్యాణదుర్గం, కంబదూరు, ఉరవకొండ ఎకై ్సజ్‌ సీఐలతో పాటు కర్ణాటక సరిహద్దు జిల్లాలోని మొలకాల్మూరు, చెళ్లకెర, బళ్లారి, చిత్రదుర్గం, సండూరు ఎకై ్సజ్‌ అధికారులు హాజరయ్యారు. ఈ సందర్భంగా డీసీ, ఈఎస్‌ మాట్లాడుతూ రెండు రాష్ట్రాల సరిహద్దు ప్రాంతాల్లో నిఘా పటిష్టం చేశామన్నారు. మద్యం, నాటుసారా, గంజాయి, నగదు, ఇతర వస్తువులు తరలిపోకుండా గట్టి భద్రత చర్యలు చేపట్టామన్నారు. ఉమ్మడి జిల్లాల వ్యాప్తంగా ప్రత్యేక చెక్‌పోస్టులు అందుబాటులోకి తీసుకొచ్చామని తెలిపారు. రాయదుర్గం చెక్‌పోస్టులోనే నగదు, వాహనాలను సీజ్‌ చేశామన్నారు. నేరస్తుల సమాచారాన్ని ఇచ్చిపుచ్చుకోవడంతో పాటు సమస్యత్మాక ప్రాంతాలను గుర్తించి, కలసి దాడులు నిర్వహించేలా అంగీకరించామన్నారు. గుర్తుతెలియని వ్యక్తి మృతి తాడిపత్రి రూరల్‌: తాడిపత్రి–కోమలి రైల్వేస్టేషన్‌ పరిధిలో సోమవారం రాత్రి గుర్తు తెలియని వ్యక్తి మృతి చెందాడని జీఆర్‌పీఎఫ్‌ హెడ్‌కానిస్టేబుల్‌ వరప్రసాద్‌ మంగళవారం తెలిపారు. 30 ఏళ్లలోపు వయస్సుగల మైనార్టీ వర్గానికి చెందిన వ్యక్తి రైల్వే ట్రాక్‌కు 10 అడుగుల దూరంలో మృతి చెందాడన్నారు. కీ మ్యాన్‌ అరవింద్‌ సమాచారం మేరకు సంఘటన స్థలానికి వెళ్లి పరిశీలించామని, అయితే ఎలాంటి అధారాలు లభించలేదన్నారు. మృతదేహాన్ని పోస్టుమార్టం నిమిత్తం తాడిపత్రి ప్రభుత్వ ఆసుపత్రికి తరలించినట్లు తెలిపారు.

● ధర్మవరం– మచిలీపట్నం ఎక్స్‌ప్రెస్‌ నాలుగు గంటల అలస్యం తాడిపత్రి రూరల్‌ : తాడిపత్రి మీదుగా వెళ్లే గుంతకల్లు–విశాఖ వెళ్లే తిరుమల ఎక్స్‌ప్రెస్‌ (నంబర్‌ 18522) రైలును తిరుపతి వరకు మాత్రమే నడపనున్నామని రైల్వే అధికారులు మంగళవారం తెలిపారు. అర్నబ్‌ తుపాను నేపథ్యంలో ముందు జాగ్రత్తగా తిరుపతి వరకు పరిమితం చేశారు. తుపాన్‌ తీవ్రతను బట్టి విశాఖ వరకు పొడిగించడమా లేక తిరుపతికే పరిమితం చేయడమా అనేది నిర్ణయించనున్నారు. తాడిపత్రి మీదుగా ధర్మవరం– మచిలీపట్నం వెళ్లే ఎక్స్‌ప్రెస్‌ (నంబర్‌ 17216) రైలు నాలుగు గంటల ఆలస్యంగా నడుస్తోంది. తాడిపత్రి రైల్వే స్టేషన్‌కు రాత్రి 7.38 గంటలకు రావాల్సిన రైలు రాత్రి 11.38 గంటలకు రానుంది. ధర్మవరం రైల్వేస్టేషన్‌లో సాయంత్రం 5.50 గంటలకు బయల్దేరాల్సిన రైలు రాత్రి 9.50 గంటలకు బయల్దేరనుంది. కూటమి రెబల్స్‌కు ‘పచ్చ’ బెదిరింపులు గుత్తి: మున్సిపల్‌ ఎన్నికల్లో వైఎస్సార్‌సీపీ అభ్యర్థులకే కాదు ఇప్పుడు కూటమి రెబల్‌ అభ్యర్థులకు టీడీపీ నేతల నుంచి బెదిరింపులు తప్పడం లేదు. మున్సిపాలిటీలో మొత్తం 32 వార్డులు ఉన్నాయి. ఇప్పటికే దాడులు, దౌర్జన్యాలు, రౌడీయిజం, బెదిరింపులతో 27 స్థానాలకు ఇతర పార్టీల నుంచి నామినేషన్లు వేయకుండా చేసి టీడీపీ తన ఖాతాలో వేసుకుందన్న ఆరోపణలు ఉన్నాయి. ఇక మిగిలిన ఐదింటిలో మూడు కౌన్సిలర్‌ స్థానాలను జనసేనకు, ఒకటి టీడీపీకి, మరొకటి బీజేపీకి కేటాయించారు. అయితే జనసేనకు కేటాయించిన మూడు స్థానాల్లో టీడీపీ తరఫున రెబల్‌ అభ్యర్థులు బరిలో నిలిచారు. మరొక వార్డులో బీజేపీకి సీపీఎం అభ్యర్థి పోటీగా నిలిచారు. మరొక స్థానంలో టీడీపీకి రెబల్‌గా మరొకరు పోటీలో ఉన్నారు. పొత్తు ధర్మం పాటించకుండా తూట్లు పొడుస్తున్నారంటూ టీడీపీపై జనసేన కార్యకర్తలు అసంతృప్తి వ్యక్తం చేస్తున్నారు. ఇదిలా ఉండగా టీడీపీ నేతలు అపరిచిత నంబర్ల నుంచి జనసేనతో పాటు టీడీపీ రెబల్‌ అభ్యర్థులకు ఫోన్‌కాల్స్‌ చేస్తున్నారు. పోటీ నుంచి తప్పుకోవాలంటూ బెదిరిస్తున్నారు. ఈ విషయాన్ని బయటకు చెప్పుకుంటే ‘కూటమి’ పరువు పోతుందని సదరు అభ్యర్థులు లోలోన మదన పడుతుండటం గమనార్హం. పంచాయతీ కార్యదర్శిపై ఫిర్యాదు విడపనకల్లు: ఎన్నికల నిబంధనలకు విరుద్ధంగా ప్రవర్తిస్తున్నారని కరకముక్కల పంచాయతీ కార్యదర్శి సింగాల లోకేష్‌పై వైఎస్సార్‌సీపీ నాయకులు మంగళవారం ఎన్నికల రిటర్నింగ్‌ అధికారి నసరారెడ్డికి ఫిర్యాదు చేశారు. లోకేష్‌ స్వస్థలం వి.కొత్తకోట అని, వీరిది టీడీపీ సానుభూతిపరుల కుటుంబమని పేర్కొన్నారు. ఎంపీటీసీ నామినేషన్ల సమయంలో లోకేష్‌ తన బంధువు టీడీపీ అభ్యర్థి సింగాల బండి నాగవేణికి సహకరించారని ఆరోపించారు. ప్రత్యర్థి వైఎస్సార్‌సీపీ అభ్యర్థి సింగాల చంద్రకళ నామినేషన్‌ పత్రాలను స్కాన్‌ చేసి.. తన బంధువులకు చేరవేశారన్నారు. స్కూటినీలో ఏ అంశంపై అభ్యంతరం తెలిపితే నామినేషన్‌ను తిరస్కరిస్తారో మార్గనిర్దేశనం చేశాడన్నారు. బంధుప్రీతితో విధులు నిర్వర్తించి.. వైఎస్సార్‌సీపీ అభ్యర్థి నామినేషన్‌ను తిరస్కరించేందుకు సహకరించిన సదరు పంచాయతీ కార్యదర్శిపై చట్టపరమైన చర్యలు తీసుకోవాలని, ఎన్నికల విధులకు ఆయన్ను దూరంగా ఉంచాలని వైఎస్సార్‌సీపీ నాయకుడు, రాష్ట్ర పంచాయతీ రాజ్‌ విభాగం ప్రధాన కార్యదర్శి కరణం భీంరెడ్డి, జిల్లా కార్యదర్శి భరత్‌రెడ్డి, పార్టీ మండల కన్వీనర్‌ కురుబ రమేష్‌, మాజీ ఎంపీటీసీ కాక తిమ్మారాజు, పార్టీ యువజన విభాగం మండల నాయకులు మువ్వా హనుమంతు శింగాల ముద్దన్న తదితరులు డిమాండ్‌ చేశారు. దీనిపై విచారణ చేసి.. చర్యలు తీసుకుంటామని ఎన్నికల రిటర్నింగ్‌ అధికారి హామీ ఇచ్చారు.

● మాజీ ఎమ్మెల్యే తోపుదుర్తి ప్రకాష్‌రెడ్డి రాప్తాడు రూరల్‌: పోలీసు పోలీసులపై తనకు గౌరవం ఉందని, అయితే తన పోరాటం టీడీపీకి తొత్తులుగా మారిన వారిపై మాత్రమేనని రాప్తాడు మాజీ ఎమ్మెల్యే, వైఎస్సార్‌సీపీ సమన్వయకర్త తోపుదుర్తి ప్రకాష్‌రెడ్డి మండిపడ్డారు. పోలీసు అధికారుల సంఘం నిర్వహించిన విలేకరుల సమావేశంపై మంగళవారం వీడియో విడుదల చేశారు. తన భాష తప్పయి ఉండొచ్చని, అయితే తాను చెప్పిన భావం మాత్రం మారదని స్పష్టం చేశారు. ఇటీవల నామినేషన్ల సందర్భంగా కురుబ బండి రాముడిపై హత్యాయత్నం జరిగి, ఆయన కోమాలోకి వెళ్లారని తెలిపారు. కనగానపల్లి వద్ద తమ పార్టీ కార్యకర్తలపై దాడులు చేసి, వాహనాలను ధ్వంసం చేశారని, ఈ ఘటనలపై ఎల్లో మీడియా ఎందుకు ప్రశ్నించడం లేదని నిలదీశారు. నామినేషన్లు అడ్డుకున్నది మీరు కాదా? ఎంపీటీసీ, జెడ్పీటీసీ నామినేషన్ల సమయంలో తమ అభ్యర్థులను అడ్డుకోవడం, నామినేషన్‌ పత్రాలను చించివేయడం వంటి ఘటనలు జరిగాయని, బాధ్యులపై చర్యలు తీసుకున్నారా అని ప్రకాష్‌రెడ్డి ప్రశ్నించారు. చెన్నేకొత్తపల్లిలో ఇస్మాయిల్‌ అనే పోలీసు అధికారి సహకారం వల్లే తమ అభ్యర్థులు నామినేషన్లు వేయగలిగారని, అనంతపురం, శ్రీసత్యసాయి జిల్లాల ఎస్పీలు బందోబస్తు ఏర్పాటు చేసి సహకరించారని గుర్తుచేశారు. పోలీసు వ్యవస్థపై వ్యతిరేకత లేదు పోలీసులు నిష్పక్షపాతంగా విధులు నిర్వహిస్తేనే ప్రజలు ప్రశాంతంగా నిద్రపోతారని ప్రకాష్‌రెడ్డి పేర్కొన్నారు. స్టీఫెన్‌ రవీంద్ర వంటి అధికారులు గతంలో ఫ్యాక్షన్‌ను అణచివేయడంలో కీలక పాత్ర పోషించారని గుర్తుచేశారు. 2016లో కనగానపల్లి వద్ద టీడీపీ నేతల దాడి నుంచి తనను కాపాడిన త్రిలోక్‌ వంటి అధికారులను తాను అభినందిస్తానన్నారు. పోలీసులంటే తనకు గౌరవముందని, అయితే అధికార పార్టీ ఒత్తిళ్లకు తలొగ్గి నేరాలకు అండగా నిలిచే వారినే వ్యతిరేకిస్తున్నానని స్పష్టం చేశారు. మళ్లీ రక్తచరిత్ర రావొద్దనే హెచ్చరిక 1995లో పరిటాల రవి హయాంలో జరిగినట్లు తాను పేర్కొన్న దౌర్జన్యాలు, ఫ్యాక్షన్‌ పరిస్థితులు మళ్లీ పునరావృతం కాకూడదనే ఉద్దేశంతోనే హెచ్చరించానని ప్రకాష్‌రెడ్డి తెలిపారు. తాను ఉపయోగించిన పరుష పదజాలం పోలీసులను ఉద్దేశించి కాదని, టీడీపీకి చెందిన గూండాలు, రౌడీలు, నేరాలకు పాల్పడుతున్న వారిని ఉద్దేశించి మాట్లాడానని ప్రకాష్‌రెడ్డి వివరణ ఇచ్చారు. ఆ భాష ఉపయోగించడం కూడా తప్పేనని అంగీకరించారు. అయితే ప్రజాస్వామ్యాన్ని, ఓటు హక్కును హరిస్తున్న పరిస్థితులపై తన పోరాటం కొనసాగుతుందని స్పష్టం చేశారు.

● నార్పల వైఎస్సార్‌సీపీ జెడ్పీటీసీ అభ్యర్థిగా బూసుపల్లి శివానందరెడ్డి నార్పల : ఉన్నత చదువులు చదివి, బెంగళూరులో ఫైనాన్స్‌ మేనేజర్‌గా ఉద్యోగం చేస్తూ స్ధిరమైన జీవితాన్ని గడుపుతున్న ఓ యువకుడు .. తన వృత్తిని పక్కన పెట్టి ప్రజా జీవితంలోకి అడుగుపెట్టారు. వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి పాలనపై నమ్మకంతో ప్రజలకు సేవ చేయాలనే సంకల్పంతో 35 ఏళ్ల యువకుడు బూసుపల్లి శివానందరెడ్డి రాజకీయాల వైపు అడుగులు వేశారు. ప్రజల మధ్య ఉంటూ వారి సమస్యల పరిష్కారానికి కృషి చేయాలని ఉద్దేశంతో రాజకీయ ప్రస్థానాన్ని ప్రారంభించారు. కుటుంబ నేపథ్యం... నార్పల మండంలం కురగానిపల్లికి చెందిన బి. సరస్వతి, బి.రామచంద్రారెడ్డికి ఇద్దరు కుమారులు, వీరిలో పెద్ద కుమరుడు శివానందరెడ్డి. కొన్నేళ్ల క్రితం శివానందరెడ్డి తండ్రి రామచంద్రారెడ్డి మరణించాడు. శివానందరెడ్డి ఎంబీఏ, సీఏ పూర్తి చేసి బెంగళూరులోని ప్రముఖ కంపెనీలో ఫైనాన్స్‌ మేనేజర్‌గా ఉద్యోగం చేస్తున్నారు. జగన్‌ పాలనపై నమ్మకం... ప్రజాసేవపై ఆసక్తి వైఎస్‌ జగన్‌మోహన్‌రెడ్డి పాలనలో అమలైన సంక్షేమ పథకాలు ,పేద కుటుంబాలకు అందించిన ఆర్థిక సాయం తనను రాజకీయాల వైపు ఆకర్షించాయని శివానందరెడ్డి చెబుతున్నారు. రాజకీయం కేవలం పదవుల కోసం కాకుండా ప్రజలకు సేవ చేసే వేదికగా చూడాలనే ఆలోచనతో ముందుకొచ్చినట్లు పేర్కొంటున్నారు. ప్రజలకు ప్రభుత్వ సంక్షేమ ఫలాలు అందడం, గ్రామీణ ప్రాంతాల్లో మౌలిక సదుపాయాల అభివృద్ధి, యువతకు మెరుగైన ఉపాధి అవకాశాలు కల్పించడం వంటి అంశాలపై దృష్టి సారించాలనే లక్ష్యంతో రాజకీయాల్లోకి అడుగుపెట్టినట్లు వెల్లడించారు.

తాడిపత్రి రూరల్‌: పట్టణంలోని చింతల వేంకటరమణస్వామి దేవాలయంలో సోమవారం ఉదయం స్వామివారి కల్యాణోత్సవం, మధ్యాహ్నం రథోత్సవం వైభవంగా జరిగాయి. ఉదయం శ్రీదేవి, శ్రీభూదేవి సమేత చింతల వేంకటరమణస్వామి విగ్రహాలను ప్రత్యేకంగా అలంకరించి ప్రత్యేక పూజలు చేశారు. అనంతరం కల్యాణ వేదికపైకి వేదమంత్రాలు, మంగళ వాయిద్యాల నడుమ ఉత్సవ మూర్తులను ఊరేగింపుగా తీసుసుకొచ్చారు. తర్వాత అర్చకులు మురళి అయ్యంగార్ల ఆధ్వర్యంలో కల్యాణోత్సవాన్ని నిర్వహించారు. ఘనంగా రథోత్సవం భక్తుల హరినామస్మరణల మధ్య చింతల వేంకటరమణస్వామి రథోత్సవాన్ని సోమవారం మధ్యాహ్నం ఘనంగా నిర్వహించారు. మెయిన్‌ బజార్‌ మీదుగా ఊరేగింపు సాగింది. స్వామి, అమ్మవార్లను దర్శించుకునేందుకు పెద్ద సంఖ్యలో భక్తులు బారులు తీరి కర్పూర హారతులు, టెంకాయలను సమర్పించి మొక్కులు తీర్చుకున్నారు.

గుంతకల్లుటౌన్‌: మున్సిపల్‌ ఎన్నికల వేళ టీడీపీ కుటీల రాజకీయం మరోసారి బట్టబయలైంది. పొత్తు ధర్మానికి తూట్లు పొడిచింది. పట్టణంలోని వివిధ వార్డుల పోటీ, సీట్ల సర్దుబాటు విషయమై కూటమి పార్టీల మధ్య చర్చలు జరిగినప్పటికీ జనసేన, బీజేపీకి కేటాయించిన 11 వార్డుల్లో కేవలం రెండు వార్డులు మినహా అన్నివార్డుల్లో సైతం టీడీపీ తమ పార్టీ అభ్యర్థులకు బీ–ఫారమ్‌లను అందజేసి వారిని బరిలోకి దింపింది. దీంతో ఆయా పార్టీ శ్రేణుల్లో గందరగోళం నెలకొంది. రెబల్‌గా వేసిన నామినేషన్లను విత్‌డ్రా చేయించాలని ఆయా పార్టీల జిల్లా నేతల నుంచి స్థానిక టీడీపీ నేతలపై ఒత్తిళ్లు తెచ్చినా ఎవరూ స్పందించలేదు. దీంతో పొత్తు ధర్మానికి తూట్లు పొడిచిన స్థానిక టీడీపీ నేతలపై బీజేపీ, జనసేన పార్టీల అభ్యర్థులు రగిలిపోతున్నారు. కూటమి పార్టీ నేతల్లో సమన్వయ లోపమే కారణమని పార్టీ వర్గాలు చర్చించుకుంటున్నాయి. ఎవరిదారి వారిదే.. గుంతకల్లు మున్సిపాల్టీలోని మొత్తం 48 వార్డుల్లో 11 వార్డులు(జనసేనకు 7, బీజేపీకి 4) సీట్లు కేటాయిస్తూ స్థానిక కూటమి పార్టీల నేతలు నిర్ణయించారు. బీజేపీకి 4, 8, 26, 33 వార్డులు, జనసేనకు 11, 14, 15, 22, 24, 30, 39 వార్డులు మిగిలిన 37 వార్డుల్లో టీడీపీ పోటీచేసేలా సర్దుబాటు చేసుకున్నారు. ఈ నేపథ్యంలో బీజేపీ, జనసేన జిల్లా అధినాయకులు కౌన్సిలర్లుగా పోటీచేస్తున్న అభ్యర్థులకు పంపిన బీ–ఫారమ్‌లను ఎన్నికల అధికారులకు సమర్పించారు. అయితే బీజేపీకి కేటాయించిన 33వ వార్డు, జనసేనకు కేటాయించిన 11వ వార్డు మినహా 46 వార్డుల్లోనూ టీడీపీ బరిలో దిగింది. వీరందరికీ ఆ పార్టీ జిల్లా అధ్యక్షుడు పంపిన బీ–ఫారమ్‌లను ఎన్నికల అధికారులకు అందజేశారు. కూటమి నాయకుల మధ్య చర్చలు జరిగినా సీట్ల సర్దుబాటులో ఎవరికి వారే యమునా తీరే అన్న చందంగా మారింది. దాఖలు చేసిన నామినేషన్‌లను టీడీపీ అభ్యర్థులు విత్‌డ్రా చేసుకోకపోవడంతో కూటమి పార్టీల మధ్యనే పోటీ అనివార్యం కానుంది. కూటమిలోనే ఒకరికొకరు రెబల్‌ అభ్యర్థులుగా మారారు. అప్పుడే వార్డుల్లో మూడు పార్టీల నేతలు కూడా విస్త్రృతంగా ప్రచారం చేసుకుంటున్నారు. అధినేత ఆదేశాలను లెక్కచేయని తమ్ముళ్లు కూటమి పార్టీల మధ్య జరిగిన సీట్ల సర్దుబాటు నేపథ్యంలో జనసేన, బీజేపీలకు కేటాయించిన వార్డుల్లో రెబల్‌గా టీడీపీ అభ్యర్థులు పోటీ చేయరాదని, అలా చేస్తే పార్టీ నుండి సస్పెన్షన్‌ చేస్తానని సాక్షాత్తు టీడీపీ అధినేత చంద్రబాబు చేసిన వ్యాఖ్యలకు సంబంధించి వీడియోలను జనసేన, బీజేపీ పార్టీ నాయకులు సామాజిక మాధ్యమాల్లో వైరల్‌ చేస్తున్నారు. మిత్ర ధర్మానికి తూట్లు పొడిచి అధినేత ఆదేశాలను ఖాతరు చేయని వారిపై ఎలాంటి చర్యలు తీసుకుంటారని ప్రశ్నిస్తున్నారు. పొత్తు ధర్మానికి టీడీపీ తూట్లు జనసేన, బీజేపీ వార్డుల్లోనూ టీడీపీ అభ్యర్థులకు బీఫారాలుగుత్తిలోనూ అంతే... గుత్తి: మున్సిపాలిటీలో అడిగినన్ని కౌన్సిలర్‌ స్థానాలు ఇవ్వలేదని, ఇచ్చిన మూడింటిలో కూడా టీడీపీ అభ్యర్థులు పోటీలో ఉండటంపై జనసైనికులు లోలోపల మదన పడుతున్నారు. ఇదేక్కడి పొత్తు ధర్మమని ప్రశ్నిస్తున్నారు. మున్సిపాలిటీ పరిధిలో మొత్తం 32 వార్డులు ఉన్నాయి. గుంతకల్లు నియోజకవర్గం జనసేన సమన్వయ కర్త వాసగిరి మణికంఠ తమ పార్టీకి ఏడు స్థానాలు అడిగారు. తర్వాత ఐదుకు ఆ తర్వాత నాలుగుకు, అటు తర్వాత మూడుకు దిగారు. అయినా మూడింటిలో కూడా పొత్తు ధర్మాన్ని విస్మరించి టీడీపీ అభ్యర్థులను రంగంలోకి దింపారు. దీంతో పోటీ అనివార్యమైంది. 32 వార్డుల్లో 27 వార్డులు ఏకగ్రీవం అయ్యాయి. ఇందులో కూటమిలోని భాగస్వాములైన జనసేన, బీజేపీ అభ్యర్థులు ఒక్కరు కూడా లేకపోవడం గమనార్హం. మిగతా ఐదింటిలో పోటీ ఉండదనుకుంటే టీడీపీ అభ్యర్థులు పోటీకి దిగారు. 2వ వార్డులో జనసేన అభ్యర్థిగా గద్దల కార్తీక్‌ , టీడీపీ తరుఫున కుమార్‌ బరిలో ఉన్నారు. అదే విధంగా 4వ వార్డులో జనసేన తరుపున తులసీరాం, టీడీపీ తరుపున వరలక్ష్మి బరిలో నిలిచారు. 26వ వార్డులో జనసేన తరుపున పోతురాజు చిన్న వెంకటేష్‌, టీడీపీ తరుపున గోపాల కృష్ణ బరిలో నిలిచారు. ఇక 10వ వార్డులో టీడీపీ తరుపున అబ్దుల్‌ వహాబ్‌, టీడీపీ రెబల్‌ శ్రీదేవి పోటీలో ఉన్నారు. 24వ వార్డులో సీపీఎం తరుఫున నిర్మల, బీజేపీ తరుఫున లక్ష్మి బరిలో నిలిచారు.

అనంతపురం సెంట్రల్‌: రాప్తాడు మాజీ ఎమ్మెల్యే, వైఎస్సార్‌సీపీ నియోజకవర్గ సమన్వయకర్త తోపుదుర్తి ప్రకాష్‌రెడ్డిపై త్రీటౌన్‌ పోలీసులు కేసు నమోదు చేశారు. స్థానిక సంస్థల ఎన్నికల నేపథ్యంలో పోలీసులు ఏకపక్షంగా వ్యవహరిస్తున్నారంటూ మాజీ ఎమ్మెల్యే తోపుదుర్తి ప్రకాష్‌రెడ్డి పోలీసులను ఉద్దేశించి కొన్ని వ్యాఖ్యలు చేశారు. దీన్ని పోలీసు అధికారుల సంఘం అడహక్‌ కమిటీ సభ్యులు త్రిలోక్‌నాథ్‌, రాష్ట్ర కార్యవర్గ సభ్యులు జాఫర్‌, నాయకులు లక్ష్మినారాయణ, శివకుమార్‌, ఆనంద్‌ ఆ సంఘం కార్యాలయంలో ఖండించారు. అలాగే సామాజిక మాధ్యమాల్లో మాజీ ఎమ్మెల్యే వ్యాఖ్యలు వైరల్‌ కావడంతో పోలీసు ఉన్నతాధికారుల ఆదేశాలతో పలు సెక్షన్ల కింద కేసు నమోదు చేసినట్లు త్రీటౌన్‌ పోలీసులు తెలిపారు. కుందుర్పి ఎంపీడీఓగా అసిస్టెంట్‌ కలెక్టర్‌కుందుర్పి: ఐఏఎస్‌ క్షేత్రస్థాయి శిక్షణలో భాగంగా అసిస్టెంట్‌ కలెక్టర్‌ సుయాస్‌ కుమార్‌(ఐఏఎస్‌) సోమవారం కుందుర్పి ఎంపీడీఓగా బాధ్యతలు చేపట్టారు. మండల అభివృద్ధి అధికారిగా నెలరోజుల పాటు విధులు నిర్వహించనున్నట్లు మండలస్థాయి అధికారులు పేర్కొన్నారు. ఇందులో భాగంగానే అసిస్టెంట్‌ కలెక్టర్‌ మండలస్థాయి అధికారులతో స్థానిక మండల పరిషత్‌ కార్యాలయంలో సమీక్ష నిర్వహించారు. టీడీపీ ఎన్నికల ప్రచారంలో ఫీల్డ్‌ అసిస్టెంట్‌అనంతపురం: నార్పల మండల పరిధిలోని సిద్దరాచర్ల పంచాయతీకి సంబంధించిన ఫీల్డ్‌ అసిస్టెంట్‌ కృష్ణప్ప గొల్లపల్లిలో నిర్వహించిన టీడీపీ ఎన్నికల ప్రచార కార్యక్రమంలో పాల్గొన్నాడు. ప్రభుత్వ విధులు నిర్వహించాల్సిన ఉద్యోగి రాజకీయ పార్టీ ప్రచార కార్యక్రమంలో పాల్గొనడంపై విమర్శలు వ్యక్తమవుతున్నాయి. స్థానిక సంస్థల ఎన్నికల సమయంలో ప్రభుత్వ సిబ్బంది రాజకీయ కార్యకలాపాలకు దూరంగా ఉండాలన్న నిబంధనలను పక్కకు పెట్టి ప్రచార కార్యక్రమాల్లో పాల్గొనడం చర్చనీయాంశమైంది. అవినీతి నిర్మూలనలో ప్రజల సహకారం అవసరం అనంతపురం సెంట్రల్‌: అవినీతికి సంబంధించిన ఫిర్యాదుల కోసం టోల్‌ ఫ్రీ 1064పై ప్రజల్లో విస్తృతంగా అవగాహన కల్పించేందుకు రూపొందించిన పోస్టర్లను సోమవారం జిల్లా పోలీసు కార్యాలయంలో ఎస్పీ జగదీష్‌ ఆవిష్కరించారు. అవినీతి నిర్మూలనలో ప్రజల సహకారం ఎంతో అవసరమన్నారు. ప్రజలు 1064 టోల్‌ఫ్రీ నంబర్‌, 9440440057 వాట్సాప్‌ నంబర్‌లకు ఫిర్యాదు చేయాలని సూచించారు. కార్యక్రమంలో ఏసీబీ డీఎస్పీ ప్రసాద్‌రెడ్డి, సీఐ హమీద్‌ఖాన్‌ తదితరులు పాల్గొన్నారు. ద్విచక్ర వాహనం అదుపు తప్పి వ్యక్తి మృతి ముదిగుబ్బ: మండల పరిధిలోని రాళ్లనంతపురం క్రాస్‌ సమీపంలో సోమవారం ద్విచక్ర వాహనం అదుపు తప్పి నగేష్‌ (44) మృతి చెందాడు. సీఐ రామసుబ్బయ్య వివరాల మేరకు.. బుక్కపట్నం మండలం మారాలకు చెందిన నగేష్‌ బత్తలపల్లి నుంచి పశువుల దాణా తీసుకొని వెళ్తున్నాడు. రాళ్లనంతపురం గ్రామ సమీపంలోకి రాగానే ద్విచక్ర వాహనం అదుపు తప్పి కింద పడ్డాడు. ఈ ఘటనలో ఆయన అక్కడికక్కడే మృతి చెందాడు. మృతుడు వ్యవసాయ పనులు చేసుకుంటూ జీవనం సాగించేవాడు. మృతునికి భార్య, ఇద్దరు కుమార్తెలు, కుమారుడు ఉన్నారు. పోలీసులు కేసు నమోదు చేసుకొని దర్యాప్తు చేస్తున్నారు.

తాడిపత్రి రూరల్‌: అనంతపురం, సత్యసాయి జిల్లాల్లోని 5,125 అంగన్‌వాడీ కేంద్రాలకు అక్టోబర్‌ నెల పాల ప్యాకెట్లు సరఫరా కాలేదు. నిబంధనల మేరకు ప్రతి నెలా 1న పాల ప్యాకెట్లను సరఫరా చేయాల్సి ఉంది. మిగిలిన సరుకులతో పాటు పాల ప్యాకెట్లను గర్భిణులు, బాలింతలు, ప్రీస్కూలు చిన్నారులకు అందిస్తారు. ఈనెలలో 27 రోజులు కావొచ్చినా పాల సరఫరాపై కాంట్రాక్టర్‌ గానీ, అధికారులు గానీ పట్టించుకోవడం లేదు. పాలప్యాకెట్లు రాకపోవడంతో మిగిలిన సరుకులను సరఫరా చేయాలా లేక అవి వచ్చేంత వరకు వేచి ఉండాలో తెలియక అంగన్‌వాడీ టీచర్లు సతమతమవుతున్నారు. పాల సరఫరాపై సూపర్‌వైజర్లు సైతం స్పష్టత ఇవ్వడం లేదు. అనంతపురం, సత్యసాయి జిల్లాలోని 24 ఐసీడీఎస్‌ ప్రాజెక్టుల్లో 5125 అంగన్‌వాడీ కేంద్రాలు ఉన్నాయి. ఇందులో 8 వేల మందికి పైగా గర్భిణులు, 24 వేలకుపైగా బాలింతలు ఉన్నారు. 0 నుంచి ఆరేళ్లలోపు పిల్లలు 2.60 లక్షలకు పైగా ఉన్నారు. వీరికి ప్రతి నెలా 8 లక్షలకుపైగా లీటర్ల పాలు సరఫరా కావాల్సి ఉంది. గర్భిణులకు రోజూ 200 ఎంఎల్‌ చొప్పున నెలకు 5 నుంచి 6 లీటర్ల పాలను పంపిణీ చేయాల్సి ఉంది. ప్రీస్కూలు చిన్నారులకు 100 ఎంఎల్‌ చొప్పున అందించాలి. 27 రోజులుగా పాల సరఫరా ఆగిపోవడంతో పంపిణీ కూడా నిలిచిపోయింది. ఎన్నికలపైనే దృష్టి.. స్థానిక సంస్థల ఎన్నికలపై ప్రభుత్వం, అధికారులు బిజీగా ఉండటంతో పాల ప్యాకెట్ల సరఫరాపై ప్రత్యేక శ్రద్ధ వహించలేదన్న ఆరోపణలు ఉన్నాయి. రాష్ట్రంలో ప్రజా వ్యతిరేకత పాలను కప్పిపుచ్చుకునేందుకు ఏకగ్రీవాలను ప్రోత్సహించడం, హింసాత్మక సంఘటనలకు పురిగొల్పడంలో పాలకులు బిజీగా ఉన్నారు. పాలకులు చెప్పినట్టు అధికారులు జీహుజూర్‌ అంటూ తమవంతు సహకారం అందిస్తున్నారు. దీని కారణంగా పాల సరఫరాపై కేఎంఎఫ్‌తో డీల్‌ కుదుర్చుకోవడం, టెండర్ల ప్రక్రియను పూర్తి చేయడంలో తీవ్ర జాప్యం జరుగుతోందన్న విమర్శలున్నాయి. ఉమ్మడి అనంతపురం జిల్లాలోని 5,125 అంగన్‌వాడీ కేంద్రాలకు సరఫరా కాని పాలు ప్రతి నెలా రూ.8 లక్షల లీటర్లకు పైగా సరఫరా పట్టించుకోని ప్రభుత్వం, అధికారులు బకాయిల చెల్లింపు, ధరల పెంపుపై కేఎంఎఫ్‌ పట్టు.. అంగన్‌వాడీ కేంద్రాలకు అవసరమైన పాలను కర్ణాటక మిల్క్‌ ఫెడరేషన్‌ (కేఎంఎఫ్‌)నుంచి ఏపీ ప్రభుత్వం కొనుగోలు చేస్తోంది. కొనుగోలు చేసిన పాలను ప్యాకెట్ల రూపంలో ఐసీడీఎస్‌, ఏపీ డెయిరీ డెవలప్‌మెంట్‌ ఆపరేటివ్‌ ఫెడరేషన్‌ ద్వారా అంగన్‌వాడీ కేంద్రాలకు సరఫరా చేస్తోంది. రూ.కోట్ల బకాయిలు చెల్లించాలని, పెరిగిన ధరల వల్ల గిట్టుబాటు కావడం లేదని, లీటర్‌కు రూ.5 చొప్పున పెంచాలని కేఎంఎఫ్‌ డిమాండ్‌ చేస్తోంది. దీని కారణంగా 2026–27కు సంబంధించిన టెండర్ల ప్రక్రియ పూర్తి కాలేదు. ఈనేపథ్యంలో అంగన్‌వాడీ కేంద్రాలకు అక్టోబర్‌ నెల కోటా పాల సరఫరా నిలిచిపోయింది. నవంబర్‌ కోటాపై కూడా నీలినీడలు కమ్ముకున్నాయి. సక్రమంగా సరఫరా చేయాలి అక్టోబర్‌ కోటాకు సంబంధించిన పాల ప్యాకెట్లు అంగన్‌వాడీ కేంద్రాలకు రాలేదు. కోటా వస్తుందో రాదో తెలియక అంగన్‌వాడీ టీచర్లు తికమకపడుతున్నారు. ప్రతి నెలా ఎప్పుడు పడితే అప్పుడు వస్తున్నాయి. అధికారులు ఈ విషయాన్ని దృష్టిలో ఉంచుకుని సక్రమంగా సరఫరా అయ్యేలా చూడాలి. – రమాదేవి, అంగన్‌వాడీ వర్కర్స్‌, హెల్పర్స్‌ యూనియన్‌ ప్రధాన కార్యదర్శినిలిచిన పాల సరఫరా..

ఉరవకొండ: మంత్రి కేశవ్‌కు దమ్ముంటే స్థానిక ఎన్నికల్లో ప్రజాస్వామ్యబద్ధంగా టీడీపీ అభ్యర్థులతో పోటీ చేయించాలని వైఎస్సార్‌సీపీ పీఏసీ సభ్యుడు, నియోజకవర్గ సమన్వయకర్త వై.విశ్వేశ్వరరెడ్డి సవాల్‌ చేశారు. నియోజకవర్గాన్ని అభివృద్ధి చేసి ఉంటే ధైర్యంగా ప్రజల్లోకి వెళ్లకుండా.. ఎందుకంతలా భయపడి వైఎస్సార్‌సీపీ అభ్యర్థులను ప్రలోభాలు, బెదిరింపులు, కిడ్నాప్‌లకు చేయిస్తున్నారంటూ నిలదీశారు. ఇప్పటికై నా శిఖండి రాజకీయాలు మానుకుంటే మంచిదని హితవు పలికారు. సోమవారం ఉరవకొండలోని వైఎస్సార్‌సీపీ కార్యాలయంలో ఏర్పాటు చేసిన సమావేశంలో విశ్వ మాట్లాడారు. మంత్రి స్వగ్రామం పెద్దకౌకుంట్లలో ఎస్సీలకు రిజర్వు అయిన రెండు ఎంపీటీసీ స్థానాల్లో పోటీ చేసేందుకు సిద్ధమైన వైఎస్సార్‌సీపీ అభ్యర్థులను పట్టణ సీఐ మహానంది ద్వారా కిడ్నాప్‌ చేయించి, భయభ్రాంతులకు గురి చేయించి నామినేషన్‌ వేయకుండా చేశారన్నారు. అలా రెండు ఎంపీటీసీ స్థానాలను టీడీపీ తరఫున కై వసం చేసుకున్నారన్నారు. సొంత గ్రామంలో కూడా అభ్యర్థులను గెలిపించుకునే దమ్ము మంత్రికి లేదని ఎద్దేవా చేశారు. ఉరవకొండ ఎంపీటీసీ–1 స్థానానికి నామినేషన్‌ వేసిన తమ పార్టీ అభ్యర్థులు పామిడి జాకీర్‌, బెలగల్‌ షమ్ము వ్యాపారాలపై జీఎస్టీ అధికారుల చేత దాడులు చేయించి, వారి కుటుంబ సభ్యులను భయభ్రాంతులకు గురి చేయించి.. వారు ఉపసంహరించుకునేలా చేశారని, మరో ఎంపీటీసీ స్థానానికి నామినేషన్‌ వేసిన ఇర్ఫాన్‌, ముంతాజ్‌ బేగంలను కూడా బెదిరించి విత్‌ డ్రా చేయించారన్నారు. చివరకు మరో అభ్యర్థి పామిడి శెట్టి సుధ నామినేషన్‌ వేసి.. టీడీపీ నేతల ఒత్తిళ్లు తట్టుకోలేక పుట్టింటికి వెళ్లి తలదాచుకుంటే.. అక్కడకు గూండాలను పంపి ఉరవకొండకు పిలుచుకొస్తున్నారన్నారు. విధ్వంస కాండపై అత్యున్నత న్యాయస్థానం అక్షింతలు వేసినా టీడీపీ నాయకులు దాడులు, దౌర్జన్యాలను కొనసాగిస్తూ ప్రజాస్వామ్యాన్ని అపహాస్యం చేస్తున్నారని ధ్వజమెత్తారు. దళితులు, మైనార్టీలు రాజకీయంగా ఎదగడం మంత్రికి ఏమాత్రమూ ఇష్టం లేదని ఇట్టే తెలిసిపోతోందన్నారు. కార్యక్రమంలో వైఎస్సార్‌సీపీ నాయకులు ముత్తులూరు అశోక్‌, ఏసీ ఎర్రిస్వామి, ఈడిగ ప్రసాద్‌, సింగాడి తిప్పయ్య, బసవరాజు, జోగి వెంకటేష్‌ పాల్గొన్నారు. దక్షిణ భారత టీటీ పోటీలకు ఆరుష్‌అనంతపురం సిటీ: విశాఖపట్నంలోని గీతం డీమ్డ్‌ యూనివర్సిటీలో ఈ నెల 30 నుంచి నవంబర్‌ 2వ తేదీ వరకు జరిగే దక్షిణ భారత అంతర విశ్వవిద్యాలయాల టేబుల్‌ టెన్నిస్‌ పోటీలకు అనంతపురంలోని ప్రభుత్వ మెడికల్‌ కళాశాల విద్యార్థి యూ.ఎస్‌. ఆరుష్‌ శ్రీవత్స ఎంపికయ్యాడు. డా.ఎన్టీఆర్‌ హెల్త్‌ యూనివర్సిటీ తరఫున ప్రథమ స్థానంలో ఎంపికై న ఆరుష్‌.. దక్షిణ భారత టేబుల్‌ టెన్నిస్‌ పోటీల్లో కెప్టెన్‌గా ప్రాతినిథ్యం వహించనున్నాడు. ఈ నేపథ్యంలో మెడికల్‌ కళాశాల ప్రిన్సిపాల్‌ డాక్టర్‌ ఎం.విజయశ్రీ సోమవారం తన చాంబర్‌లో ఆరుష్‌ను అభినందించారు. కార్యక్రమంలో ఫిజికల్‌ డైరెక్టర్‌ నరసింహ నాయక్‌, ఆరుష్‌ తండ్రి, ప్రముఖ న్యాయవాది యు.ఎస్‌. మధుసూదన శర్మ, స్పోర్ట్స్‌ కమిటీ సభ్యుడు డా. పునర్జీవన్‌ కుమార్‌, ఎన్‌ఎస్‌ఎస్‌ ప్రోగ్రాం ఆఫీసర్‌ డా. సునీల్‌, డా.బి.ఆంజనేయబాబు నాయక్‌ పాల్గొన్నారు. శిఖండి రాజకీయాలు మానుకోండి మంత్రి కేశవ్‌కు వైఎస్సార్‌సీపీ పీఏసీ సభ్యుడు విశ్వ హితవు

అనంతపురం న్యూ టౌన్‌: జిల్లా పరిషత్‌ చైర్మన్‌ పదవి కోసం కూటమి నేతల మధ్య పోటా పోటీ నెలకొంది. నామినేషన్ల ఉపసంహరణకు గడువు మరి కొన్ని గంటల్లో ముగుస్తున్నప్పటికీ టీడీపీ, జనసేన, బీజేపీ ఎంపీటీసీ, ఎంపీపీ, జెడ్పీటీసీ పొత్తుల వ్యవహారం నేటికీ సందిగ్ధంగానే కొనసాగుతూనే ఉంది. ఇప్పటివరకు అనంతపురం జిల్లా పరిషత్‌ చైర్మన్‌ పదవిని తమకే కేటాయిస్తారన్న గంపెడంత ఆశతో జనసైనికులు ఉత్సాహంతో నామినేషన్లు దాఖలు చేశారు. తీరా అసలు సమయం ఆసన్నమయ్యే కొద్దీ అనంత జిల్లా పరిషత్‌ కేటాయింపును ఎటు తేల్చకుండా మిగిల్చారు. మిత్రపక్షాలలో ప్రధాన భూమికను పోషిస్తున్న పవన్‌ కళ్యాణ్‌ పార్టీకి కేటాయించకుండా తమ వద్దే ఉంచుకోవాలని టీడీపీలో అంతర్గతంగా పార్టీ అధిష్టానంపై ఒత్తిడి తెస్తున్నట్లు సమాచారం. ఈ మేరకు జెడ్పీ పీఠాన్ని తమ పార్టీ కై వసం చేసుకుందన్న ధీమాతో తెలుగుదేశం పార్టీలో ఆశావహుల సంఖ్య అమాంతం పెరిగిపోయింది. జిల్లా పరిషత్‌ చైర్మన్‌ పదవి బీసీ జనరల్‌కు రిజర్వ్‌ కావడంతో ఆ పార్టీలోని ఆ వర్గం నేతల మధ్య తీవ్ర పోటీ నెలకొంది. వారిలో ప్రధానంగా శింగనమల, ఉరవకొండ నియోజకవర్గాల పరిధిలోని నేతల మధ్య అధిక పోటీ ఉన్నట్లు తెలిసింది. ఆయా ప్రాంతాలకు చెందిన నేతలు జెడ్పీ పీఠమే ధ్యేయంగా పావులు కదుపుతున్నట్లు సమాచారం. ముఖ్యంగా శింగనమల నియోజకవర్గ పరిధిలోని గార్లదిన్నె, బుక్కరాయసముద్రం, నార్పల జెడ్పీటీసీలుగా గెలుపొందిన వారే జిల్లా పరిషత్‌ చైర్మన్‌ అయ్యే అవకాశాలు ఉన్నట్లు చెబుతున్నారు. వారితో పాటు మరికొందరు ఎలాగైనా జెడ్పీ పీఠాన్ని చేజిక్కించుకోవాలన్న ఆశతో తమదైన శైలిలో జిల్లా స్థాయిలోనూ పార్టీ అధిష్టానంతో సంప్రదింపులు చేస్తున్నట్లు తెలిసింది. ఆశావహుల సంఖ్య రోజురోజుకు పెరుగుతుండడంతో ఎటూ తేల్చుకోలేని పరిస్థితిలో టీడీపీ నేతలు ఉన్నారు. గార్లదిన్నె జెడ్పీటీసీ స్థానం కోసం ఇప్పటికే నలుగురు అభ్యర్థులు నామినేషన్లు వేశారు. టీడీపీలో పెరుగుతున్న ఆశావహుల సంఖ్య శింగనమల నియోజకవర్గం నేతలదేనని ప్రచారం జెడ్పీ పీఠంపై వెనక్కి తగ్గేదిలేదంటున్న జనసేన నేతలు త్యాగానికి ఓ హద్దు ఉంటుందని స్పష్టీకరణ జెడ్పీ పీఠంపై జనసేన కన్ను జిల్లా పరిషత్‌ చైర్మన్‌ గిరిని మొదట్లో జనసేనకు కేటాయిస్తామని టీడీపీ అధిష్టానం హామీ ఇచ్చినట్లు జనసైనికులు చెబుతున్నారు. ఎలాగైనా అనంత జెడ్పీని తామే దక్కించుకోవాలన్న వ్యూహం రచిస్తున్నారు. ఎమ్మెల్యే స్థానాలను వదులుకున్నాం, అలాగే నామినేటెడ్‌ పదవుల విషయంలో కూడా తాము రాజీపడ్డాం, చివరకు మున్సిపల్‌ ఎన్నికల్లో కూడా పొత్తు ధర్మాన్ని పాటించాం, అనంతపురం మేయర్‌ పదవిని సైతం త్యాగం చేశాం.. ఇక ఎంతకాలం ఈ విధంగా తాము పొత్తు ధర్మం పేరుతో పల్లకీ మోయాలని ప్రశ్నిస్తున్నారు. ఎలాగైనా సరే తాము ఈసారి జిల్లా పరిషత్‌ను దక్కించుకుంటామన్న ధీమాను వ్యక్తం చేస్తున్నారు. కూటమి పొత్తులో భాగంగా ప్రతి అసెంబ్లీ నియోజకవర్గ పరిధిలో కనీసం రెండు జెడ్పీటీసీ స్థానాలు, ఐదు నుంచి ఆరు ఎంపీటీసీ స్థానాలను తాము కోరుకున్నట్లు ఆ పార్టీ జిల్లా నేతలు చెబుతున్నారు. తమ పార్టీ అధినేత పవన్‌ కళ్యాణ్‌ అనంతపురం జిల్లా పరిషత్‌ విషయంలో గట్టిగానే ఉన్నారని పేర్కొంటున్నారు. ఒకవేళ కూటమిలో పొత్తు ధర్మం పాటించకపోతే తాము స్థానిక సంస్థల ఎన్నికల్లో పాల్గొనే విధంగా ప్రణాళిక సిద్ధం చేశామని, అందులో భాగంగానే ఎంపీటీసీ, జెడ్పీటీసీ స్థానాలకు నామినేషన్లు వేసినట్లు చెబుతున్నారు.

సాక్షి ప్రతినిధి, అనంతపురం: ప్రతిరోజు దాడులు.. దౌర్జన్యాలు.. బెదిరింపులు నిత్యకృత్యంగా మారాయి. ఫ్యాక్షన్‌ వద్దంటూ నీతులు చెప్పే జేసీ ప్రభాకర్‌రెడ్డి.. అదే ఫ్యాక్షన్‌ను తట్టి మరీ నిద్రలేపుతున్నాడు. తాడిపత్రి నియోజకవర్గాన్ని రాష్ట్రంలోనే అత్యంత సమస్యాత్మక ప్రాంతంగా చిత్రీకరించడంలో జేసీ సఫలీకృతమయ్యాడు. గంజాయి, బ్లేడ్‌బ్యాచ్‌, రౌడీషీటర్లను వెంటేసుకుని తిరుగుతూ ప్రతిపక్ష వైఎస్సార్‌ సీపీ నేతలే లక్ష్యంగా దాడులకు ఉసిగొల్పుతున్నాడు. నిత్యం ఏదో ఒక ప్రాంతంలో అలజడి రేపుతుండడంతో జేసీ గూండా పాలనను ప్రజలు చీదరించుకుంటున్నారు. అప్రజాస్వామికంగా 30 వార్డుల ఏకగ్రీవం తాడిపత్రి మునిసిపాలిటీలో 48 వార్డులు ఉన్నాయి. నామినేషన్‌ కేంద్రాన్ని జేసీ ప్రభాకర్‌రెడ్డి పచ్చ మూకలతో అష్టదిగ్బంధం చేయడంతో 11, 14, 32, 33, 45 వార్డులకు వైఎస్సార్‌సీపీ తరఫున నామినేషన్‌ వేయలేకపోయారు. మిగిలిన 43 వార్డుల్లో అభ్యర్థులు నామినేషన్లు వేశారు. అయితే..నామినేషన్ల స్క్రూటినీలో అధికారులు అప్రజాస్వామికంగా వ్యవహరించారు. పత్రాలన్నీ సక్రమంగానే ఉన్నప్పటికీ కొన్నింటిని చించేసి నామినేషన్లు తిరస్కరించారంటే జేసీ బెదిరింపులు ఏ స్థాయిలో ఉన్నాయో అర్థం చేసుకోవచ్చు. అధికార బలానికి గూండాలు, రౌడీలు తోడవ్వడంతో పాటు అధికారుల సహకారం ఉండడంతో తాడి పత్రిలో 30 వార్డులను టీడీపీ ఏకగ్రీవం చేసుకుంది. తీవ్ర భయాందోళనలో అభ్యర్థులు తాడిపత్రిలో మునిసిపల్‌ చైర్‌పర్సన్‌ స్థానంతో పాటు 18 వార్డుల్లోనే ఎన్నికలు జరగనున్నాయి. ఈ వార్డుల్లోనూ ప్రచారం చేసుకునేందుకు అభ్యర్థులు భయపడాల్సిన పరిస్థితి నెలకొంది. ఎన్నికలు సజావుగా జరిగితే జేసీ ఆగడాలు సాగవన్న ఉద్దేశంతో ప్రతిరోజూ ఎక్కడో ఒకచోట అలజడి సృష్టించడమే లక్ష్యంగా టీడీపీ రౌడీ మూకలు నడుచుకుంటున్నాయి. వందల సంఖ్యలో రౌడీలు రెండున్నరేళ్లుగా తాడిపత్రి నియోజకవర్గంలో శాంతిభద్రతలు పూర్తిస్థాయిలో దిగజారిపోయాయి. తాడిపత్రిలో 27 మంది వైఎస్సార్‌సీపీ నాయకులు ఏ ఎన్నికల్లో పోటీ చేసినా ఊరుకునేది లేదంటూ జేసీ బహిరంగంగానే హెచ్చరిస్తున్నా పోలీసులు చర్యలు తీసుకోవడం లేదు. జేసీ తన వెంట వందల సంఖ్యలో రౌడీలు, గంజాయి బ్యాచ్‌ను వెంటేసుకుని తిరుగుతూ ప్రత్యర్థుల ఇళ్లపై దాడులకు ఉసిగొల్పుతున్నాడు. ఆదివారం కూడా ఇదే తంతు ఈ నెల 25న ఆదివారం గన్నేవారిపల్లికాలనీకి చెందిన వైఎస్సార్‌సీపీ నాయకులను లక్ష్యంగా చేసుకున్నారు. స్థానిక సంస్థల ఎన్నికల్లో ఎలా పాల్గొంట్టార్రా మీరు.. అంటూ జేసీ అనుచరులు రాళ్లదాడి చేశారు. వందల మంది గుంపులుగా వచ్చి వైఎస్సార్‌ సీపీ నేత ప్రదీప్‌రెడ్డి ఇంటిపై పడి విచక్షణ రహితంగా దాడి చేయడంతో ఆయనకు తీవ్ర గాయాలయ్యాయి. కుటుంబ సభ్యులు వెంటనే స్పందించి ఆయన్ను ఆస్పత్రికి తరలించారు. ఈ ఘటనకు ముందే మాజీ ఎమ్మెల్యే కేతిరెడ్డి పెద్దారెడ్డి ఇంటిపై రాళ్లతో దాడులకు దిగారు. జేసీ అనుచరుల ఆగడాలపై వైఎస్సార్‌ సీపీ నేతలు ఎన్ని ఫిర్యాదులు ఇస్తున్నా పోలీసులు మాత్రం నిమ్మకు నీరెత్తినట్లు వ్యవహరిస్తున్నారు. స్థానిక ఎన్నికల నాటి నుంచి దాడులు ఇలా.. ● ఈ నెల 15న తాడిపత్రి పట్టణంలోని శాస్త్రి నగర్‌లో వైఎస్సార్‌ సీపీ కౌన్సిలర్‌ అభ్యర్థి వేణుగోపాల్‌ ఇంటి వద్దకు వచ్చి ఎన్నికల్లో పోటీ చేస్తే చంపేస్తామంటూ బెదిరించారు. ● నామినేషన్ల ప్రక్రియ ప్రారంభమైన 17వ తేదీనే నామినేషన్‌ వేసేందుకు వచ్చిన వైఎస్సార్‌ సీపీ రాష్ట్ర పబ్లిసిటీ వింగ్‌ కార్యదర్శి కేశవరెడ్డిని, పార్టీ నేత పేరం అమర్‌నాథరెడ్డిని రూరల్‌ సీఐ నారాయణరెడ్డి బలవంతంగా పంపించివేయడంలో జేసీ ఒత్తిళ్లు ఉన్నట్లు తెలుస్తోంది. ● 18వ తేదీ వందలాది మంది గూండాలు, వీధి రౌడీలు సీఐ ఆరోహణరావు సమక్షంలోనే రాళ్లు, కర్రలు, రాడ్లతో దాడులు చేసి 14, 32, 33, 45 వార్డులకు వైఎస్సార్‌ సీపీ తరఫున నామినేషన్‌ వేయకుండా అడ్డుకున్నారు. ● ఈ నెల 18వ తేదీన 24వ వార్డు అభ్యర్థి కొట్ల షఫీ ఇంటిపై దాడి చేసి, ఫర్నీచర్‌ను ధ్వంసం చేశారు. ఒకటో వార్డు అభ్యర్థి మహమ్మద్‌ జాఫర్‌ సోదరుడు మాబాషాను కిడ్నాప్‌ చేశారు. ● ఈ నెల 25న కేతిరెడ్డి పెద్దారెడ్డి ఇంటిపై రాళ్లదాడి చేశారు. అదే రోజు సాయంత్రం పట్టణంలోని వైఎస్సార్‌సీపీ కార్యకర్తలు షేక్షావలి, ప్రకాష్‌లపై దాడికి దిగి తీవ్రంగా గాయపరిచారు. తాడిపత్రిలో నిత్యం అరాచకం మాట వింటే సరి... లేకుంటే కిడ్నాపులు, చంపేస్తామంటూ హెచ్చరికలు వైఎస్సార్‌ సీపీ శ్రేణులే లక్ష్యంగా ఘర్షణలు గంజాయి బ్యాచ్‌తో అలజడి సృష్టిస్తున్న జేసీ ప్రభాకర్‌రెడ్డి

విడపనకల్లు: గుంతకల్లు బ్రాంచ్‌ కెనాల్‌కు (జీబీసీ) సోమవారం సాగునీరు బంద్‌ చేశారు. జీబీసీకి నవంబర్‌ పదో తేదీ వరకు నీరు వదలాల్సి ఉంది. అయితే వర్షాభావ పరిస్థితుల కారణంగా రిజర్వాయర్‌లో నీరు తగ్గుముఖం పడుతోంది. ఇదే క్రమంలో తుపాను ప్రభావంతో రెండు రోజులపాటు వర్షాలు కురిసే అవకాశం ఉన్నట్లు వాతావరణ శాఖ ప్రకటించింది. దీంతో నీరు వృథా కాకూడదనే ఉద్దేశంతో జీబీసీకి నీరు బంద్‌ చేసినట్లు డీఈ మంజునాథ్‌ తెలిపారు. వర్షాలు కురవకపోతే రెండు రోజుల్లో నీటి విడుదలను పునరుద్ధరిస్తామని చెప్పారు. ప్రస్తుతం లీకేజీ నీరు మాత్రమే కెనాల్‌లో పారుతోంది. రైతుల్లో ఆందోళన.. జీబీసీ కింద ఆయకట్టు రైతులు దాదాపు 16 వేల ఎకరాల్లో పత్తి, మిరప, వరి, తదితర పంటలు సాగు చేసుకున్నారు. ఇప్పుడు ఉన్నఫళంగా నీరు బంద్‌ చేయడంతో రైతుల గుండెల్లో గుబులు మొదలైంది. నీరందక పంటలు ఎండిపోతే లక్షలాది రూపాయల నష్టం వాటిల్లుతుందని అంటున్నారు. పంటలు దెబ్బతినకుండా చూడాలని రైతులు కోరుతున్నారు. ప్రచారంలో ‘పచ్చ’ పాతం కళ్యాణదుర్గం: మున్సిపల్‌ ఎన్నికల్లో వైఎస్సార్‌సీపీకి గెలుపు అవకాశాలు లేకుండా చేయడానికి అధికార టీడీపీ అధికారులపై ఒత్తిడి తెస్తోంది. మున్సిపల్‌, పోలీసు అధికారులు కూడా వారి ఆదేశాలను తూచా తప్పకుండా పాటిస్తున్నారు. ఇదీ కళ్యాణదుర్గంలో అధికారులు చూపుతున్న ‘పచ్చ’పాతం. వైఎస్సార్‌సీపీ అభ్యర్థుల కార్యక్రమాల నిర్వహణ, ప్రచారాలు, వాహనాలు, మైక్‌లకు అనుమతులు ఇవ్వకూడదని ఎమ్మెల్యే అమిలినేని సురేంద్రబాబుతో పాటు పలువురు టీడీపీ నేతలు మున్సిపల్‌ కమిషనర్‌, పోలీసులకు హుకుం జారీ చేసినట్లు తెలిసింది. నిబంధనల పేరుతో ప్రతిపక్షాలను ముప్పుతిప్పలు పెట్టాలని మౌఖిక ఆదేశాలు ఇచ్చినట్లు సమాచారం. అధికారుల తీరుపై మండిపాటు వైఎస్సార్‌సీపీ నాయకులకు మైకులు, వాహన అనుమతుల విషయంలో కఠినంగా వ్యవహరిస్తున్న మున్సిపల్‌, పోలీసు అధికారులు.. అధికార టీడీపీ నేతల వాహనాలకు మాత్రం గ్రీన్‌ సిగ్నల్‌ ఇవ్వడంపై ప్రతిపక్ష వైఎస్సార్‌సీపీ, ఇతర పార్టీల నాయకులు మండిపడుతున్నారు. ప్రచార కార్యక్రమాలు నిర్వహించుకునే హక్కు ప్రతి ఒక్కరికీ ఉంటుంది. అధికారులు మాత్రం టీడీపీ నేతల ఒత్తిళ్లకు తలొగ్గి.. ప్రతిపక్ష పార్టీలకు ఆంక్షలు విధించడం సరికాదని ఆగ్రహం వ్యక్తం చేస్తున్నారు. సోమవారం ఉదయం నుంచి వైఎస్సార్‌సీపీ, కాంగ్రెస్‌ మున్సిపల్‌ అభ్యర్థులు మైక్‌, వాహనాల అనుమతి కోసం మున్సిపల్‌ కార్యాలయం, పోలీసుస్టేషన్‌ వద్ద పడిగాపులు కాశారు. ఎట్టకేలకు సాయంత్రం అనుమతులు ఇవ్వడంతో అభ్యర్థులు ప్రచారాలను ముమ్మరం చేశారు.

●జేసీ అస్మిత్‌రెడ్డి– ప్రభాకర్‌రెడ్డిలకు మాజీ ఎమ్మెల్యే పెద్దారెడ్డి సవాల్‌ అనంతపురం: ‘తాడిపత్రి నియోజకవర్గంలో ఎమ్మెల్యే జేసీ అస్మిత్‌రెడ్డి, ఆయన తండ్రి, టీడీపీ నేత జేసీ ప్రభాకర్‌రెడ్డి హింసా రాజకీయాలకు పాల్పడుతూ ప్రజాస్వామ్య విలువలను కాలరాస్తున్నారు. వారికి దమ్ము, ధైర్యం గనుక ఉంటే ప్రజాస్వామ్యబద్ధంగా ‘స్థానిక’ ఎన్నికల్లో లేదా రాజకీయంగా ఎదుర్కోవాలి’ అని మాజీ ఎమ్మెల్యే కేతిరెడ్డి పెద్దారెడ్డి సవాల్‌ చేశారు. సోమవారం ఆయన అనంతపురంలోని నివాసంలో మీడియాతో మాట్లాడారు. జేసీ కుటుంబం చట్టబద్ధంగా రాజకీయాలు చేయడం చేతకాక అడ్డదారుల్లో ప్రత్యర్థులను అణచివేయాలని చూస్తోందని విరుచుకుపడ్డారు. జేసీ వర్గీయులు కొందరు స్థానిక పోలీసులు, గంజాయి ముఠాలను అడ్డుపెట్టుకుని తాడిపత్రి పట్టణంతో పాటు గ్రామాల్లో అరాచకాలకు పాల్పడుతూ భయాందోళనలు సృష్టిస్తున్నారని ఆరోపించారు. తన స్వగ్రామం తిమ్మంపల్లిలో వైఎస్సార్‌సీపీ తరఫున ఎస్సీ మహిళా అభ్యర్థి నామినేషన్‌ వేయకుండా ఉండేందుకు తనను ముందస్తుగా హౌస్‌ అరెస్ట్‌ చేశారని తెలిపారు. అభ్యర్థిని ఉదయం నుంచి సాయంత్రం వరకు పోలీస్‌స్టేషన్‌లోనే నిర్బంధించి.. సమయం ముగిశాక తాపీగా వెనక్కు పంపారన్నారు. ఇళ్లపై రాళ్లదాడులు చేసినా కేసుల్లేవ్‌ తాను స్వగ్రామం తిమ్మంపల్లికి వెళ్లిన సమయం చూసి.. తాడిపత్రిలోని తన నివాసంపై జేసీ వర్గీయులు రాళ్ల దాడులకు తెగబడ్డారని పెద్దారెడ్డి ఆరోపించారు. తన ఇంటిపైనే కాకుండా పట్టణంలోని నలుగురు వైఎస్సార్‌సీపీ నాయకుల ఇళ్లపైనా దాడులు చేసి, ఆస్తుల విధ్వంసాలతో పాటు దోపిడీలకు పాల్పడ్డారన్నారు. ఈ ఘటనలపై బాధితులు ఫిర్యాదు చేసినా జేసీ ప్రభాకర్‌రెడ్డిపై, ఆయన అనుచరులపై పోలీసులు కేసులు నమోదు చేయలేదని మండిపడ్డారు. పోలీసు కానిస్టేబుళ్ల ద్వారా తనపై తప్పుడు ఫిర్యాదులు ఇప్పించి మరీ అక్రమ కేసులు బనాయిస్తున్నారని విమర్శించారు. నిష్పక్షపాతంగా విధులు నిర్వర్తించాల్సిన పోలీసులు జేసీ కుటుంబానికి తొత్తులుగా మారడం అత్యంత బాధాకరమన్నారు. ఎస్పీపై బ్లాక్‌మెయిల్‌ రాజకీయాలు ఎస్పీ జగదీష్‌ను జేసీ ప్రభాకర్‌రెడ్డి వ్యూహాత్మకంగా బ్లాక్‌మెయిల్‌ చేస్తున్నారని కేతిరెడ్డి పెద్దారెడ్డి విమర్శించారు. పోలీసు యంత్రాంగంపై ఒత్తిడి తెచ్చేందుకే పదేపదే పోలీస్‌ స్టేషన్ల వద్ద ధర్నాలు, ఆందోళనలతో రచ్చ చేస్తున్నారని తెలిపారు. ఈ అరాచకాలపై ఉన్నతాధికారులు తక్షణమే జోక్యం చేసుకోవాలని, రౌడీ మూకలపై, అక్రమాలకు పాల్పడుతున్న జేసీ వర్గీయులపై కఠిన చర్యలు తీసుకోవాలని డిమాండ్‌ చేశారు. లేనిపక్షంలో న్యాయస్థానాలను ఆశ్రయించడంతో పాటు ప్రజల తరఫున పోరాటాన్ని ఉధృతం చేస్తామని పెద్దారెడ్డి హెచ్చరించారు.

విడపనకల్లు: స్క్రూటినీలో తిరస్కరణకు గురైన వైఎస్సార్‌సీపీ అభ్యర్థుల నామినేషన్ల అప్పీళ్ల విచారణపై అధికారులు రెండు రోజులుగా నాన్చుడు ధోరణి అవలంబిస్తున్నారు. మండలంలోని హావళిగి–2, వి.కొత్తకోట ఎంపీటీసీ స్థానాలు జనరల్‌ మహిళకు రిజర్వు అయ్యాయి. ఈ స్థానాలకు వైఎస్సార్‌సీపీ తరఫున శింగాల చంద్రకళ, శివలింగమ్మ, కళావతి నామినేషన్లు వేశారు. పరిశీలన సమయంలో వీరి నామినేషన్లను వివిధ కారణాలతో తిరస్కరించారు. దీంతో అభ్యర్థులు గుంతకల్లు ఆర్డీఓకు అప్పీలు చేసుకున్నారు. రెండు రోజులుగా ఆర్డీఓ కార్యాలయం వద్ద పడిగాపులు కాస్తున్నా అధికారుల నుంచి ఎటువంటి స్పందనా లేదు.

అనంతపురం: ఆవిష్కరణలు, సాంకేతిక పరిజ్ఞానం వ్యవస్థాపకతకు వేదికగా జేఎన్‌టీయూ అనంతపురంలో నిర్వహించిన జాతీయ స్థాయి ’ఇన్నోవేటర్స్‌ కాన్‌క్లేవ్‌–2026’ ఆదివారం ఘనంగా ముగిసింది. విస్తార విద్యానిధి ట్రస్ట్‌ ఆధ్వర్యంలో అక్టోబర్‌ 24, 25 తేదీల్లో నిర్వహించిన ఈ కార్యక్రమంలో 3,000 మందికి పైగా విద్యార్థులు, 300కు పైగా స్టార్టప్‌లు, 80 మందికి పైగా పరిశ్రమల ప్రముఖులు పాల్గొన్నారు. జేఎన్‌టీయూఏ వీసీ ప్రొఫెసర్‌ హెచ్‌.సుదర్శన రావు, ఎస్కేయూ వీసీ ప్రొఫెసర్‌ ఎన్‌.వి.ఆర్‌. జ్యోతికుమార్‌, ఏపీ ప్రభుత్వ మాజీ ప్రత్యేక ప్రధాన కార్యదర్శి జె.ఎ. చౌదరి, యాక్సెంచర్‌ గ్లోబల్‌ మేనేజింగ్‌ డైరెక్టర్‌ గోపాల్‌ పింగళి తదితరులు కార్యక్రమానికి హాజరయ్యారు. ఏఐ (ఆర్టిఫిషియల్‌ ఇంటెలిజెన్స్‌), సైబర్‌ భద్రతపై వర్క్‌షాప్‌లు, స్టార్టప్‌ ఇంక్యుబేషన్‌పై నిపుణులు విద్యార్థులకు మార్గనిర్దేశం చేశారు. వీసీ సుదర్శనరావు మాట్లాడుతూ విద్యాసంస్థలు, పరిశ్రమల మధ్య సమన్వయం పెంచడానికి, యువతలోని ఆవిష్కరణాత్మక ఆలోచనలను ప్రోత్సహించడానికి ఈ సదస్సు ఎంతగానో దోహదపడిందని వీసీ సుదర్శనరావు అన్నారు. అనంతరం కాన్‌క్లేవ్‌లో భాగంగా నిర్వహించిన విద్యార్థుల హ్యాకథాన్‌ విజేతలకు మొత్తం రూ.9 లక్షల నగదు పురస్కారాలను అందజేశారు. హ్యాకథాన్‌ విజేతలు: ప్రథమ బహుమతి (రూ.5 లక్షలు): టీమ్‌ మెడోరా (పీఈఎస్‌ కాలేజీ, రేవా, గీతం వర్సిటీల ఉమ్మడి బృందం) ద్వితీయ బహుమతి (రూ.3 లక్షలు): టీమ్‌ వింట్రా (బీఐటీఎం, బళ్లారి) తృతీయ బహుమతి (రూ.1 లక్ష): టీమ్‌ ఇంపీరియన్‌ (ముత్తాయమ్మాళ్‌ ఇంజినీరింగ్‌ కళాశాల, తమిళనాడు).

బొమ్మనహాళ్‌: జిల్లాలోనే ప్రసిద్ధి చెందిన దర్గాహోన్నూరు స్వామి దర్గా మతసామరస్యానికి ప్రతీకగా నిలుస్తోంది. దర్గాహొన్నూరు గ్రామంలో వెలసిన వన్నూర్‌స్వామి దర్గాలో ఈనెల 27 నుంచి నవంబర్‌ 1 వరకు ఉరుసు నిర్వహిస్తున్నట్లు దర్గా కమిటీ సభ్యులు తెలిపారు. తొలిరోజు మంగళవారం గంధం, 28న బుధవారం ఒకటవ దీపారాధన, 29న గురువారం రెండవ దీపారాధన, 30వ తేదీన శుక్రవారం ఉరుసే ఫరిఫ్‌ (దేవుడి సవారీ), 31న శనివారం జియారత్‌, నవంబర్‌ 1న ఫకీర్ల సభ ఉంటుందన్నారు. వన్నూరుస్వామి దర్గా చరిత్ర ఇది.. సుమారు 700 ఏళ్ల క్రితం ఈ ప్రాంతంలో పాలేగాళ్లు పరిపాలిస్తున్న సమయంలో మహహ్మద్‌ ప్రవక్త శిష్యుడైన సయ్యద్‌ సర్మస్‌ హుసేన్‌ చిస్తి మత ప్రచార నిమిత్తం దర్గాహోన్నూరుకు వచ్చారు. ఈ నేపథ్యంలో ఆయన హోన్నూరులో గవిపుల్లను నాటగా అది చిగురించడంతో తన ప్రచారం ఇక్కడి నుంచి ప్రారంభించారు. కానీ ఈ ప్రాంతంలో కులమతాలపోరు అధికంగా ఉండటంతో మత ప్రచారానికి బదులు హిందూ, ముస్లింల ఐక్యతకు విశేషంగా కృిషి చేశారు. ఇందుకు ముగ్దులైన పాలేగాళ్లు మండలంలోని కల్‌హోళ వద్ద 15 ఎకరాలు, రాయదుర్గం తాలుకాలోని కొండాపురం గ్రామంలో 1200 ఎకరాల మాన్యాన్ని ఇనామ్‌గా ఇచ్చారు. ఆప్పటి నుంచి ఆయన ఈ ప్రాంతంలో శాంతిస్ధాపనకు పాటుపడుతూ చివరికి హొన్నూర్‌లో సమాధి అయ్యారు. హొన్నూరు కాస్త దర్గాహోన్నూరుగా మారింది. ఆయన హిందూ ముస్లింకు ఆరాధ్యదైవంగా మారిపోయారు. అందరివీ అవే పేర్లు.. ప్రతి గురువారం వందలాది మంది భక్తుల ప్రత్యేక పూజలు , ప్రార్థనలు నిర్వహించి తమ మొక్కలను తీర్చుకుంటారు. ఈ ప్రాంతంలో తమ పిల్లలకు హిందూవులు వన్నూర్‌స్వామి, వన్నూరప్ప, వండ్రప్ప, వండ్రమ్మ, వన్నూరమ్మ అని ముస్లింలు అయితే వన్నూర్‌సాబ్‌, వన్నూర్‌వలి, వన్నూర్‌బీ అంటూ ఆ గ్రామంలో 90 శాతం మందికి పైగా స్వామివారి పేర్లు పెట్టుకోవడం అనవాయితీ. ఏటా స్వామి వారి ఉరుసు ఉత్సవాలను హిందూవులు, ముస్లింలు కలిసి ఘనంగా జరుపుకుంటున్నారు. ఈ ఉత్సవాల్లొ దర్గాహోన్నూర్‌ పంచాయతీలొని వన్నల్లి గ్రామంలో హిందూవుల ఇంటి వద్ద నుంచి గంధం తెచ్చి పూజా కార్యక్రమాలు ప్రారంభించడం విశేషం. సంవత్సర మంతా సంచారం వెళ్ళిన స్వామివారి షంషేర్‌ సవారీ గుర్రం ఉరుసు సమయానికి వచ్చి ఉరుసు అనంతరం వెళుతున్నట్లు గ్రామపెద్దలు తెలియజేస్తున్నారు. రేపటి నుంచి ఉరుసు ప్రారంభం 30న ఉరుసే షరీఫ్‌ ఏర్పాట్లు పూర్తి చేసిన నిర్వాహకులు

కళ్యాణదుర్గం: కళ్యాణదుర్గం గిరిజన గురుకుల పాఠశాల ప్రిన్సిపాల్‌ ఎం.ప్రవీణ్‌ కుమార్‌పై వచ్చిన ఆరోపణలపై జిల్లా గిరిజన సంక్షేమ అధికారి శ్రీనివాసరావు స్పందించారు. ఆదివారం ఆయన ఘటనపై సమగ్ర విచారణకు ఆదేశించారు. పాఠశాలలో జరిగిన ఘటన సోషల్‌ మీడియాతో పాటు పలు పత్రికల్లో కథనాలు రావడంతో కలెక్టర్‌.. చర్యల నిమిత్తం గురుకుల పాఠశాల కార్యదర్శికి నివేదికలు పంపినట్లు డీటీడబ్ల్యూఓ తెలిపారు. ఘటనను కలెక్టర్‌ ఓ.ఆనంద్‌ సీరియస్‌గా తీసుకున్నట్లు సమాచారం. అసిస్టెంట్‌ కుక్‌తో మసాజ్‌ చేయించుకున్న ప్రిన్సిపాల్‌ను సస్పెండ్‌ చేసేందుకు చర్యలు తీసుకుంటున్నట్లు విశ్వసనీయ సమాచారం.

నార్పల: ప్రాదేశిక ఎన్నికల నామినేషన్ల పరిశీలనలో అధికారుల తీరు వివాదాస్పదమవుతోంది. అధికార పార్టీ వారి పట్ల ఒకలా.. ఇతర పార్టీల వారిపట్ల మరొకలా నడుచుకుంటున్నట్లు స్పష్టమవుతోంది. నిబంధనల్లో ఏ ఒక్కటి సరిగా లేకున్నా కఠినంగా వ్యవహరిస్తున్నట్లు చెబుతున్న అధికారులు.. టీడీపీ తరఫున చిత్రచేడు విశాలాక్షి వేసిన నామినేషన్‌ పరిశీలనలో అందుకు విరుద్ధంగా వ్యవహరించారు. విశాలాక్షికి అనంతపురం అర్బన్‌లోని ఏడో వార్డులో ఒక ఓటు, గార్లదిన్నె మండలం కోటంక పంచాయతీలో మరొక ఓటు ఉంది. అయినా ఆమె నార్పల జెడ్పీటీసీ స్థానానికి టీడీపీ తరఫున నామినేషన్‌ వేశారు. పరిశీలనలో రెండు ఓట్లు ఉన్న విషయాన్ని అధికారులు పరిగణనలోకి తీసుకోకుండా నామినేషన్‌ను ఆమోదించారు. అధికార పార్టీ వారు అయితే నిబంధనలు వర్తించవా అంటూ పలువురు చర్చించుకుంటున్నారు.

గుంతకల్లు: ప్రజాప్రతినిధులు, మున్సిపాలిటీ అధికారుల తీవ్ర ఉదాసీనత కారణంగా అన్యాయంగా అయాయకుల ప్రాణాల గాల్లో కలిసిపోతున్నాయి. నెల రోజుల వ్యవధిలోనే ఒక వ్యక్తి మృతి, ఒక అమ్మాయి అంగవైకల్యం జరగగా ఇప్పుడు మరో వ్యక్తి ప్రాణాపాయంతో ఆస్పత్రిలో కొట్టుమిట్డాడుతున్నాడు. వివరాలు.. ఆదివారం గుంతకల్లు పట్టణంలోని పొట్టి శ్రీరాములు సర్కిల్‌ వద్ద రోడ్డు దాటుతున్న ఆర్టీసీ రిటైర్డ్‌ ఉద్యోగి సుందరయ్య మీదుగా ఒక లారీ వెళ్లడంతో తీవ్రంగా గాయపడ్డాడు. కుడికాలు, కుడి చేయి ఛిద్రమయ్యాయి. వెంటనే ఆయనను గుంతకల్లు ప్రభుత్వాస్పత్రికి తరలించగా ప్రాధమిక చిక్సిత చేసి అనంతపురంలోని ప్రభుత్వాస్పత్రికి రెఫర్‌ చేశారు. ప్రసుత్తం సుందరయ్య పరిస్థితి ఆందోళనకరంగా ఉన్నట్లు వైద్యులు చెబుతున్నారు. ఇదే నెల 6న ఆ ప్రదేశంలో భవన నిర్మాణ కార్మికుడు నగేష్‌ రోడ్డు ప్రమాదానికి గురై మరణించాడు. అలాగే గత నెలలో జోహా అనే బాలిక రోడ్డు ప్రమాదానికి గురై శాశ్వత దివ్యాంగురాలైందిది. బాలికతోపాటు తండ్రి రియాజ్‌ బాషా కూడ గాయపడిన విషయం తెలిసిందే. అధికారుల నిర్లక్ష్యం.. రోడ్డు ప్రమాదాలకు స్థానిక ప్రజాప్రతినిధులు, మున్సిపల్‌ అధికారుల తీవ్ర ఉదాసీనతే కారణం. వాస్తవానికి లారీలు, ట్రక్కులు వంటి భారీ వాహనాలు పట్టణలో ప్రవేశించకుండా పాత గుంతకల్లు మీదుగా వెళ్తుంటాయి. అయితే పాత గుంతకల్లులో రోడ్డుపక్కన పైప్‌లైన్‌లతోపాటు రోడ్డు మరమ్మతులు చేపట్టారు. దీంతో పాత గుంతకల్లు మీదుగా వెళుతున్న రోడ్డును మున్సిపల్‌ అదికారులు బ్లాక్‌ చేసి భారీ వాహనాలను పట్టణం గుండా వెళ్లేందుకు అనుమతించారు. అసలే ఇరుకై న గుంతకల్లు ప్రధాన రోడ్డులో ట్రాఫిక్‌ చాలా ఉంటుంది. దీనికి తోడు రోజూ వేలాది భారీగా వాహనాలు పట్టణం గుండా రేయింబవళ్లు రాకపోకలు సాగిస్తుడటంతో విపరీతమైన ట్రాఫిక్‌ ఉంటుంది. ఫలితంగా నెల రోజుల వ్యవధిలోనే పలు ప్రమాదాలు చోటుచేసుకున్నాయి. అధికారులు స్పందించి పనులు వేగవంతం చేయించి, పట్టణంలోకి భారీ వాహనాలు రాకుండా చేయాలని ప్రజలు కోరారు. ఒకే చోట తరచూ రోడ్డు ప్రమాదాలు చావుబతుకుల మధ్య ఆర్టీసీ రిటైర్డ్‌ ఉద్యోగి

అనంతపురం: ప్రజాస్వామ్యబద్ధంగా ఎన్నికలు జరిగితే ఓడిపోవడం ఖాయమని తెలుసుకున్న సీఎం చంద్రబాబు నీచపు రాజకీయాలకు తెరలేపారని మాజీ మంత్రి, వైఎస్సార్‌సీపీ శింగనమల నియోజకవర్గ సమన్వయకర్త డాక్టర్‌ సాకే శైలజానాథ్‌ మండిపడ్డారు. చినబాబు రాజకీయ భవిష్యత్తు కోసం కుట్రలు, కుతంత్రాలతో ఎన్నికల ప్రక్రియను ఓ ప్రహసనంలా మార్చేశారంటూ ధ్వజమెత్తారు. వైఎస్సార్‌సీపీ జిల్లా కార్యాలయంలో ఆదివారం ఏర్పాటు చేసిన విలేకరుల సమావేశంలో ఆయన మాట్లాడారు. వైఎస్సార్‌సీపీ అభ్యర్థులు నామినేషన్లు వేయకుండా దాడులు చేయడం, పత్రాలను లాక్కుని చించివేయడం వంటి దురాగాలకు పాల్పడిన నేపథ్యంలో రాష్ట్ర వ్యాప్తంగా స్థానిక సంస్థల ఎన్నికల రిటర్నింగ్‌ ఆఫీసర్ల కార్యాలయాల్లోని సీసీ టీవీ ఫుటేజీని భద్రపరచాలని కోరారు. నామినేషన్‌ కేంద్రాల వద్ద వెన్నుపోటు పార్టీ నేతలు, కూటమి నాయకులు, వారి అనుచరులు చెప్పినట్లు అధికారులు పని చేస్తున్న తీరుపై కూడా విచారణ జరగాలని, ఎన్నికల ప్రక్రియను ప్రభావితం చేసేలా వ్యవహరించిన వారిపై చర్యలు తీసుకోవాలని డిమాండ్‌ చేశారు. నాడు కార్యకర్తలను నట్టేట ముంచి.. నీతి సూక్తులు వల్లె వేయడంతో చంద్రబాబు ప్రవచనకర్తలను మించిపోయారని శైలజానాథ్‌ ఎద్దేవా చేశారు. గత వైఎస్సార్‌సీపీ ప్రభుత్వంలో స్థానిక సంస్థల ఎన్నికలను బహిష్కరించిన టీడీపీ నాయకత్వం, ఇప్పుడు ఏకగ్రీవాలపై మాట్లాడటం విడ్డూరంగా ఉందని అన్నారు. నాడు ఎన్నికలను బహిష్కరించడం ద్వారా టీడీపీ అభ్యర్థులను, కార్యకర్తలను నట్టేట ముంచారన్నారు. ‘వైఎస్సార్‌ కడప జిల్లాలోని చక్రాయపేటలో కూటమి నేతలతో కుట్ర పూరితంగా 11 ఫేక్‌ నామినేషన్లు వేయించినది వాస్తవం కాదా చంద్రబాబూ అని ప్రశ్నించారు. అలాగే పెండ్లిమర్రి ప్రాంతం, ప్రకాశం జిల్లాలోని కొన్ని ప్రాంతాల్లోనూ ఫేక్‌ నామినేషన్లకు సంబంధించి వైఎస్సార్‌సీపీ నేతలు చేసిన ఫిర్యాదులపై అధికారులు కనీస పరిశీలన చేపట్టకపోవడం సిగ్గుచేటన్నారు. ప్రజాస్వామ్య వ్యవస్థకు మాయని మచ్ఛ.. గుత్తి, గుంతకల్లు, పుట్లూరు, యల్లనూరు ప్రాంతాల్లో జరిగిన పరిణామాలు ప్రజాస్వామ్య వ్యవస్థకు మాయని మచ్చగా నిలుస్తాయని శైలజానాథ్‌ పేర్కొన్నారు. యల్లనూరు పోలీస్‌స్టేషన్‌ పరిధిలో ఓ ఎస్సీ మహిళా ఎంపీటీసీ అభ్యర్థిని ఉదయం నుంచి సాయంత్రం వరకు పోలీస్‌స్టేషన్‌లోనే ఉద్దేశపూర్వకంగా నిర్బంధం చేసి, నామినేషన్‌ గడువు ముగిసిన తర్వాత బయటకు పంపడం హక్కుల ఉల్లంఘన కాదా అని ప్రశ్నించారు. ఇక నామినేషన్ల పరిశీలనలో కొన్ని చోట్ల సరైన కారణాలు తెలియజేయకుండానే నామినేషన్లను తిరస్కరించారన్నారు. బుక్కరాయసముద్రం ప్రాంతంలో ఇద్దరు అభ్యర్థుల నామినేషన్‌ పత్రాలు స్వీకరించిన సమయంలో అన్నీ సక్రమంగా ఉన్నట్లు రసీదు ఇచ్చారని, పరిశీలన సమయంలో కొన్ని పత్రాలు మాయం కావడం వెనుక ఎవరి హస్తముందో బహిర్గతం చేయాలని డిమాండ్‌ చేశారు. స్థానిక ఎన్నికల్లో చోటు చేసుకుంటున్న దాడులు, బెదిరింపులు, నామినేషన్ల తిరస్కరణలు, పత్రాల గల్లంతు, నకిలీ నామినేషన్ల అంశాలపై సమగ్ర విచారణ జరిపించాలని ఎన్నికల సంఘాన్ని డిమాండ్‌ చేశారు. బాధ్యులపై చర్యలు తీసుకుని, ఎన్నికల ప్రక్రియలో పారదర్శకతను పునరుద్ధరించాలని కోరారు. ప్రజాస్వామ్య విలువలను కాపాడేందుకు ప్రజలు, ప్రజాస్వామ్యవాదులు కలిసి రావాలని పిలుపునిచ్చారు. సమావేశంలో వైఎస్సార్‌సీపీ రాష్ట్ర బీసీ సెల్‌ ప్రధాన కార్యదర్శి బోనాల హరికృష్ణ, నియోజకవర్గ బూత్‌ కమిటీ వింగ్‌ అధ్యక్షుడు ఓబిరెడ్డి, ఎస్సీ సెల్‌ అధ్యక్షుడు మంత్రి ఆంజనేయులు, నాయకుడు మారుతీ తదితరులు పాల్గొన్నారు. చినబాబు భవిష్యత్తు కోసం చంద్రబాబు దురాగతాలు వెన్నుపోటు పార్టీ నేతల కనుసన్నల్లో ఆర్‌ఓలు, అధికారులు ఆర్‌ఓ సెంటర్లలో సీసీ టీవీ ఫుటేజీని భద్రపరచాలి మాజీ మంత్రి సాకే శైలజానాథ్‌

రాయదుర్గంటౌన్‌: కణేకల్లు మండలంలోని ఎర్రగుంట–1 ఎంపీటీసీ స్థానానికి వైఎస్సార్‌సీపీ అభ్యర్థి వేసిన నామినేషన్‌ తిరస్కరణ వ్యవహారంపై పార్టీ నియోజకవర్గ సమన్వయకర్త మెట్టు గోవిందరెడ్డి తీవ్ర అభ్యంతరం వ్యక్తం చేశారు. నామినేషన్ల పరిశీలన ప్రక్రియ అసంబద్ధంగా సాగిందన్నారు. ఆదివారం సాయంత్రం ఆయన తన క్యాంపు కార్యాలయంలో విలేకర్లతో మాట్లాడారు. రెండు పేపర్లలో ఎర్రగుంట–1 అని రాసినా.. మూడో పేజీ డిక్లరేషన్‌లో స్థానం పేరు రాయకపోవడాన్ని సాకుగా చూపి నామినేషన్‌ను తిరస్కరించడం ఎన్నికల నిబంధనలను తుంగలో తొక్కడమే అని అసహనం వ్యక్తం చేశారు. పార్టీ లీగల్‌ సెల్‌ అడ్వొకేట్‌ వెంకటరెడ్డితో కలిసి ఆర్డీఓకు అప్పీల్‌ చేశారు. ఎర్రగుంట–2 ఎంపీటీసీ స్థానానికి టీడీపీ అభ్యర్థి దాఖలు చేసిన నామినేషన్‌లో డిక్లరేషన్‌లో స్థానం పేరు రాకపోయినా ఆమోదం తెలపడం దేనికి సంకేతమో అధికారులు చెప్పాలని డిమాండ్‌ చేశారు. ఈ వ్యవహారంపై న్యాయ పోరాటం చేస్తామన్నారు. సమావేశంలో వైఎస్సార్‌సీపీ కణేకల్లు జెడ్పీటీసీ అభ్యర్థి కేశవరెడ్డి, రాయదుర్గం మండల కన్వీనర్‌ రామాంజనేయులు పాల్గొన్నారు. ఏకపక్ష నిర్ణయంతో ఎర్రగుంట–1 ఎంపీటీసీ నామినేషన్‌ తిరస్కరణ ఎన్నికల అధికారి తీరుపై ఆర్డీఓకు అప్పీలు

అనంతపురం న్యూటౌన్‌: ప్రభుత్వ యంత్రాంగం సైతం ఎన్నికల నిబంధనలకు విరుద్ధంగా పనిచేస్తూ ‘పచ్చ’ భక్తిని చాటుకుంటోంది. నామినేషన్ల పర్వం మొదలైనప్పటి నుంచి తెరచాటుగా యంత్రాంగం చేసిన ఘనకార్యాలు స్క్రూటినీలో వెల్లడి కావడం విస్మయానికి గురిచేస్తోంది. కూటమి నేతల అడుగులకు మడుగులొత్తే విధంగా కొందరు ‘పచ్చ’ మాస్కులు వేసుకున్న అధికారుల ఏకపక్ష వ్యవహారాలు బహిర్గతం అవుతున్నాయి. నామినేషన్ల ఉపసంహరణ జరగక ముందే, సహేతుక కారణాలు వెల్లడించకుండానే వైఎస్సార్‌సీపీకి చెందిన పలువురు జెడ్పీటీసీ, ఎంపీటీసీ అభ్యర్థుల నామినేషన్లను తిరస్కరించడం అనుమానాలకు తావిస్తోంది. ప్రధానంగా గుంతకల్లు, అనంతపురం, బుక్కరాయసముద్రం, గార్లదిన్నె, పామిడి, గుత్తి, రాప్తాడు, తాడిపత్రి, ఉరవకొండ తదితర మండలాల పరిధిలో నామినేషన్ల స్వీకరణ, పరిశీలన ప్రక్రియల్లో చోటుచేసుకున్న ఉదంతాలు ఎన్నికల అధికారుల చిత్తశుద్ధిని ప్రశ్నిస్తున్నాయి. గుంతకల్లు జెడ్పీటీసీ వైఎస్సార్‌సీపీ అభ్యర్థి శ్రీలత నామినేషన్‌ ఉపసంహరణ విషయంలో ఓ అధికారిణి అత్యుత్సాహంతో వ్యవహరించినట్లు ఆరోపణలు వినిపిస్తున్నాయి. వాస్తవానికి నామినేషన్ల పరిశీలన రోజే (శనివారం) ఆమె నామినేషన్‌ ఉపసంహరించుకుందంటూ లీకులిచ్చారు. ఈ విషయాన్ని ఆదివారం అధికారికంగా ప్రకటించారు. ఈ మొత్తం వ్యవహారంలో సదరు ఎన్నికల ‘అధికారిణి’ ‘పచ్చ’పాత ధోరణితో వ్యవహరించినట్లు తెలుస్తోంది. నార్పల జెడ్పీటీసీ వైఎస్సార్‌సీపీ అభ్యర్థి బూసుపల్లి శివానందరెడ్డి మరో అభ్యర్థికి ప్రతిపాదకుడిగా సంతకం చేశారన్న నెపంతో నామినేషన్‌ తిరస్కరించారు. మొదట ఈయన నామినేషన్‌ విషయంలో ఇతర పార్టీల నుంచి ఎలాంటి అభ్యంతరాలూ వ్యక్తం కాలేదు. అదే సమయంలో జెడ్పీలో అన్నీ తానై వ్యవహరించే ఓ అధికారి ప్రత్యేక చొరవ తీసుకుని శివానందరెడ్డి నామినేషన్‌ ఇన్‌వ్యాలిడ్‌ అయ్యేలా అధికార పార్టీకి సహకరించినట్లు తెలుస్తోంది. ‘పచ్చ’ పార్టీ అక్రమాల ‘లెక్కల’కు సదరు అధికారి తనవంతు సహకారం అందించినట్లు విమర్శలు వస్తున్నాయి. ఇక కొందరు అధికారులకు ఇష్టం లేకపోయినా కూటమి నేతల ఒత్తిడికి తలొగ్గి వ్యవహరించినట్లు తెలుస్తోంది. అధికార పార్టీకి జీ హుజూర్‌ నామినేషన్ల పరిశీలనలో బహిర్గతమైన ఏకపక్ష వైఖరి

రాయదుర్గంటౌన్‌: మున్సిపల్‌ ఎన్నికల్లో ఆసక్తికర పరిణామం చోటుచేసుకుంది. ఎన్నికల బరిలో భార్యాభర్తలు నిలవడంతో ఈ దంపతుల పోటీ ప్రత్యేక ఆకర్షణగా నిలుస్తోంది. వైఎస్సార్‌సీపీ తరఫున మాజీ కౌన్సిలర్‌ లుబ్న గజాల 31వ వార్డు అభ్యర్థిగా పోటీ చేస్తుండగా, ఆమె భర్త గోనబావి నిజాముద్దీన్‌ సైతం మరో వార్డు 34 నుంచి బరిలో ఉన్నారు. 2021లో జరిగిన మున్సిపల్‌ ఎన్నికల్లో లుబ్న గజాల వైఎస్సార్‌సీపీ కౌన్సిలర్‌గా విజయం సాధించి కౌన్సిలర్‌గా వార్డు ప్రజలకు సేవలందించారు. ప్రస్తుతం జరుగుతున్న మున్సిపల్‌ ఎన్నికల్లోనూ ఆమె మరోసారి ప్రజల తీర్పును కోరుతుండగా వైఎస్సార్‌సీపీ వార్డు ఇన్‌చార్జ్‌గా ఉన్న ఆమె భర్త నిజాముద్దీన్‌ 34వ వార్డు కౌన్సిలర్‌ అభ్యర్థిగా బరిలో నిలిచి అదృష్టాన్ని పరీక్షించుకుంటున్నారు. ఒకే కుటుంబలో ముగ్గురు కౌన్సిలర్లు.. నిజాముద్దీన్‌ కుటుంబానికి రాజకీయంగా ప్రత్యేకత ఉంది. ఒకే కుటుంబంలో ముగ్గురు కౌన్సిలర్లుగా సేవలందించారు. 2000–05లో నిజాముద్దీన్‌ తల్లి జెహరాబీ కౌన్సిలర్‌గా పనిచేయగా 2014–19లో జెహరాబీ భర్త, నిజాముద్దీన్‌ తండ్రి గోనబావి సర్మాస్‌ వైఎస్సార్‌సీపీ కౌన్సిలర్‌గా గెలుపొంది సేవలందించారు. 2021 మున్సిపల్‌ ఎన్నికల్లో ఇంటి కోడలు, నిజాముద్దీన్‌ భార్య వైఎస్సార్‌సీపీ కౌన్సిలర్‌గా గెలుపొంది ప్రజలకు సేవలందించడం విశేషం.

యల్లనూరు: తాడిపత్రి మాజీ ఎమ్మెల్యే కేతిరెడ్డి పెద్దారెడ్డిని ఆదివారం రాత్రి తిమ్మంపల్లిలోని నివాసంలో పుట్లూరు సీఐ వంశీ కృష్ణ, ఎస్‌ఐలు రామాంజనేయరెడ్డి, ధరణిబాబు అరెస్ట్‌ చేసి అనంతపురం తరలించారు. ఇటీవల జరిగిన ఎంపీటీసీ నామినేషన్ల ప్రక్రియలో తిమ్మంపల్లి వైఎస్సార్‌సీపీ ఎంపీటీసీ అభ్యర్థి మిద్దె మనీష నామినేషన్‌ను టీడీపీ నాయకులు అడ్డుకున్నారు. టీడీపీ నేతల ఒత్తిడితో తిమ్మంపల్లి వైఎస్సార్‌సీపీ అభ్యర్థిని మనీషను సాయంత్రం 5 గంటల వరకూ పోలీస్‌స్టేషన్‌లో పోలీసులు నిర్భంధించారు. ఈ క్రమంలో ఆదివారం పెద్దారెడ్డి వైఎస్సార్‌సీపీ నాయకులతో సమావేశమై పలు విషయాలపై చర్చించారు. ఈ తరుణంలో అక్రమ కేసులు బనాయించి ఆయనను అరెస్ట్‌ చేశారు. అనంతరం ఆయనను అనంతపురంలోని ఇంటికి తరలించారు. కాగా అంతకుముందు ఉదయం తిమ్మంపల్లి నుంచి తాడిపత్రికి వెళ్లకుండా పోలీసులు మాజీ ఎమ్మెల్యే కేతిరెడ్డి పెద్దారెడ్డిని అడ్డుకున్నారు. తాడిపత్రిలో గొడవల కారణంగా తిమ్మంపల్లిలోనే ఉండాలని సూచించారు. ఎన్నికల కోడ్‌ ఉల్లంఘన విడపనకల్లు: మండల కేంద్రంలోని ఎంపీడీఓ కార్యాలయానికి ఆదివారం అధికారులు తాళం వేశారు. ప్రాదేశిక ఎన్నికల నిబంధనల ప్రకారం ఆదివారం కూడా ఎన్నికల అధికారులు కార్యాలయం తెరిచే ఉంచాలి. అయితే అధికారులు ఎన్నికల నిబంధనలకు విరుద్దంగా కార్యాలయానికి తాళం వేయడంతో పలు పార్టీలకు చెందిన ఎంపీటీసీ అభ్యర్థులు విత్‌ డ్రా చేసుకోవడానాకి గంటల తరబడి కార్యాలయం వద్ద వేచి చూసినా .. అధికారులు రెండు గంటలైనా రాకపోవడంతో అభ్యర్థులు వెనుతిరిగారు. ఎన్నికల నిబంధనలు పాటించని ఆర్‌ఓ నరసారెడ్డిపై అభ్యర్థులు తీవ్ర అసహనం వ్యక్తం చేశారు. నిబంధనలు పాటించని ఏఆర్వో, మిగతా అధికారులపై కలెక్టర్‌ చర్యలు తీసుకోవాలని నామినేషన్‌ వేసిన ఎంపీటీసీ అభ్యర్థులు డిమాండ్‌ చేశారు. ‘ఆపస్‌’ నూతన కార్యవర్గం ఏకగ్రీవం అనంతపురం ఎడ్యుకేషన్‌: ఆంధ్రప్రదేశ్‌ ఉపాధ్యాయ సంఘం అనంతపురం జిల్లా నూతన కార్యవర్గాన్ని ఏకగ్రీవంగా ఎన్నుకున్నారు. అధ్యక్షురాలిగా కళ్యాణి, ప్రధాన కార్యదర్శిగా వై.రామన్న, గౌరవాధ్యక్షుడిగా టి.నారాయణస్వామి, జిల్లా సహాధ్యక్షుడిగా పి.శివప్రసాద్‌నాయుడు ఎన్నికయ్యారు. ఈ మేరకు ఆదివారం నగరంలో సమావేశం ఏర్పాటు చేశారు. ఈ సందర్భంగా అధ్యక్షురాలు, ప్రధాన కార్యదర్శి మాట్లాడుతూ ఉపాధ్యాయ సమస్యల పరిష్కారం కోసం నిరంతరం పోరాడుతామన్నారు. ఉపాధ్యాయుల సంక్షేమానికి కృషి చేస్తూ, వారి హక్కుల పరిరక్షణకు ప్రాధాన్యమిస్తామన్నారు. ఎన్నికల అధికారులుగా రామచంద్రారెడ్డి, వెంకటేశ్వర ప్రసాద్‌, రాజేంద్రప్రసాద్‌ వ్యవహరించారు. కార్యక్రమంలో ఆంధ్రప్రదేశ్‌ ఉపాధ్యాయ సంఘం రాష్ట్ర ప్రధాన కార్యదర్శి గజ్జల వెంకట సత్యనారాయణ, జిల్లా పూర్వ ప్రధాన కార్యదర్శి ఎర్రిస్వామి, కళ్యాణదుర్గం జోనల్‌ అధ్యక్షుడు మల్లికార్జున పాల్గొన్నారు. రైలు కింద పడి యువకుడి ఆత్మహత్య గుత్తి: గుత్తి జీఆర్‌పీ పరిధిలోని తురకపల్లి రైల్వే స్టేషన్‌ సమీపంలో ఆదివారం రాత్రి సుధీర్‌ కుమార్‌రెడ్డి (35) అనే వ్యక్తి రైలు కింద పడి ఆత్మహత్య చేసుకున్నాడు. వివరాలు.. గుత్తిలోని నేహా నగర్‌కు చెందిన సుధీర్‌కుమార్‌ రెడ్డి సాయంత్రం ఇంటి నుంచి బయటకు వెళ్లి తిరిగి రాలేదు. రైలు కింద పడి ఆత్మహత్య చేసుకున్నట్లు కుటుంబ సభ్యులు, జీఆర్‌పీ పోలీసులకు స్థానికులు సమాచారం ఇచ్చారు. జీఆర్‌పీ హెడ్‌ కానిస్టేబుల్‌ నాగరాజు సంఘటనా స్థలానికి చేరుకుని మృతదేహాన్ని పరిశీలించారు. పోస్టుమార్టం నిమిత్తం మృతదేహాన్ని స్థానిక ప్రభుత్వాస్పత్రికి తరలించారు. కాగా ఆత్మహత్యకు గల కారణాలు తెలియరాలేదు. మృతునికి భార్య, కుమారుడు, కుమార్తె ఉన్నారు. సంఘటనపై జీఆర్‌పీ పోలీసులు దర్యాప్తు చేపట్టారు. కళ్యాణి రామన్న

అనంతపురం ఎడ్యుకేషన్‌: ఎంపీటీసీ, జెడ్పీటీసీ ఎన్నికల నామినేషన్ల దాఖలు ప్రక్రియలో రాష్ట్రవ్యాప్తంగా, ప్రత్యేకించి రాప్తాడు నియోజకవర్గంలో ప్రజాస్వామ్యాన్ని ఖూనీ చేసేలా దాడులు, దౌర్జన్యాలు జరిగాయని రాప్తాడు మాజీ ఎమ్మెల్యే తోపుదుర్తి ప్రకాష్‌రెడ్డి ఆగ్రహం వ్యక్తం చేశారు. టీడీపీ నాయకులు, పోలీసులు, రౌడీలు కలిసి ఆర్గనైజ్డ్‌గా దాడులకు పాల్పడ్డారని ఆరోపించారు. ఆదివారం సాయంత్రం అనంతపురంలోని వైఎస్సార్‌సీపీ జిల్లా కార్యాలయంలో నిర్వహించిన విలేకరుల సమావేశంలో ఆయన మాట్లాడారు. నేరచరిత్ర ఉన్నవారిని ముందుపెట్టి, వారికి పోలీసులను కాపలాగా ఉంచి ధర్మవరం, పావగడ, అనంతపురం అర్బన్‌ తదితర ప్రాంతాల నుంచి వందలాది మందిని రప్పించి దాడులు చేయించారని తోపుదుర్తి ప్రకాష్‌రెడ్డి ఆరోపించారు. వైఎస్సార్‌సీపీ నాయకులను ఏకపక్షంగా బైండోవర్లు చేశారని విమర్శించారు. మొదటి రెండు రోజులూ అనేక చోట్ల నామినేషన్లు వేయనీయలేదని, చెన్నేకొత్తపల్లిలో పది మంది అభ్యర్థుల నామినేషన్లను చింపివేసి దాడులు చేశారని తెలిపారు. బసంపల్లి స్థానానికి నామినేషన్‌ దాఖలు చేసి వచ్చిన వ్యక్తిపై దాడి చేశారని, పోలీస్‌ స్టేషన్‌లోకి వెళ్లి మరీ దాడి చేసి.. అక్నాలెడ్జ్‌మెంట్‌ పత్రాన్ని లాక్కున్నారని ఆరోపించారు. సీసీ కెమెరాలను పరిశీలిస్తే వాస్తవాలు తెలుస్తాయన్నారు. రాష్ట్రవ్యాప్తంగా జరుగుతున్న దుర్మార్గాలను జాతీయ మీడియా ప్రసారం చేయడంతో కేంద్ర ఎన్నికల సంఘం నుంచి రాష్ట్ర ఎన్నికల సంఘానికి ఆదేశాలు వచ్చాయని, దీంతో చివరి రోజు నామినేషన్ల దాఖలుకు అధికారులు అనుమతించారని ప్రకాష్‌రెడ్డి తెలిపారు. అయినా ఒక్కో స్థానానికి ఒక్క అభ్యర్థితోనే నామినేషన్‌ వేయించాలని, డమ్మీ అభ్యర్థులతో వేయించకూడదంటూ పోలీసులు ఆంక్షలు విధించారని ఆరోపించారు. సుమారు 20కి పైగా నామినేషన్లను తిరస్కరించేలా చేశారని, ఐదు ఎంపీటీసీ స్థానాల్లో నామినేషన్లు వేయనీయలేదని మండిపడ్డారు. రిటర్నింగ్‌ అధికారులు టీడీపీ నాయకులతో కుమ్మక్కయ్యారని, పరిటాల సునీత ఆదేశాలతోనే నామినేషన్లను తిరస్కరించారని ఆరోపించారు. తిరస్కరించిన నామినేషన్లను పునఃపరిశీలించి అభ్యర్థులందరికీ న్యాయం చేయాలని డిమాండ్‌ చేశారు. రాప్తాడులో ప్రజాస్వామ్యాన్ని ఖూనీ చేశారు టీడీపీ నేతలు, పోలీసులు, రౌడీలు కలిసి దాడులకు తెగబడ్డారు తిరస్కరించిన నామినేషన్లను పునఃపరిశీలించాలి దౌర్జన్యాలపై విచారణ జరిపి చర్యలు తీసుకోవాలి రాప్తాడు మాజీ ఎమ్మెల్యే తోపుదుర్తి ప్రకాష్‌రెడ్డి డిమాండ్‌ శాంతిభద్రతల విషయంలో చంద్రబాబు ప్రభుత్వం బిహార్‌ను ఎప్పుడో దాటిపోయిందని ప్రకాష్‌రెడ్డి విమర్శించారు. రాబోయే రోజుల్లో పోలింగ్‌, కౌంటింగ్‌ కేంద్రాల్లోనూ ఇదే తరహా దౌర్జన్యాలు జరిగితే చూస్తూ ఊరుకోబోమని హెచ్చరించారు. ఎన్నికల నియమావళికి విరుద్ధంగా వ్యవహరించిన అధికారులు, పోలీసులపై విచారణ జరిపి చర్యలు తీసుకోవాలని డిమాండ్‌ చేశారు. రాప్తాడు నియోజకవర్గ చరిత్రలో ఎన్నడూ లేనివిధంగా నామినేషన్ల సమయంలో హింస, దౌర్జన్యాలు చోటుచేసుకున్నాయని, ప్రజలు ఈ పరిణామాలను గమనిస్తున్నారని పేర్కొన్నారు. సమావేశంలో వైఎస్సార్‌సీపీ నాయకులు బండి పవన్‌కుమార్‌, సత్తిరెడ్డి, రామాంజనేయులు, బోనగిరి వరప్రసాద్‌రెడ్డి, లోకనాథరెడ్డి, ఈశ్వరయ్య, పాపంపేట ప్రసాద్‌రెడ్డి, భానుకోట శివ తదితరులు పాల్గొన్నారు. టీడీపీ గూండాలు, రౌడీలు వంద హింసాత్మక ఘటనలకు పాల్పడ్డారని ప్రకాష్‌రెడ్డి పేర్కొన్నారు. అనంతపురం రూరల్‌ మండలం కొడిమికి చెందిన రాముడి తలపై బండరాయితో మోదడంతో తీవ్రంగా గాయపడ్డారన్నారు. ఎంపీపీ అభ్యర్థి వరప్రసాద్‌రెడ్డిపై దాడి చేశారని, మహిళల చీరలు లాగుతూ దౌర్జన్యాలకు పాల్పడ్డారని తెలిపారు. ఆత్మకూరు మండలంలో టీడీపీ గూండాలకు టెంట్లు వేసి భోజన వసతి కల్పించారని విమర్శించారు. రాప్తాడులో రెండో రోజు తమ పార్టీ శ్రేణులు తిరగబడటంతో టీడీపీ గూండాలు పారిపోయారని చెప్పారు. వంద హింసాత్మక ఘటనలు.. 20కి పైగా నామినేషన్లు తిరస్కరించారు.. రౌడీలకు మండలాలు పంచి.. దాడులు

రాప్తాడు రూరల్‌: అనంతపురం రూరల్‌ మండలంలో ఎంపీటీసీ నామినేషన్‌ దాఖలు సందర్భంగా టీడీపీ శ్రేణుల దాడిలో తీవ్రంగా గాయపడిన కొడిమికి చెందిన బండి చినరాముడు శస్త్రచికిత్స జరిగినా ఇంకా కోమాలోనే ఉండటం కుటుంబ సభ్యులకు ఆందోళన కలిగిస్తోంది. ఈ నెల 22న కొడిమికి చెందిన కడియాల తిరుపాల్‌రెడ్డి ఎంపీటీసీ స్థానానికి నామినేషన్‌ దాఖలు చేసేందుకు రూరల్‌ ఎంపీడీఓ కార్యాలయానికి వెళ్లారు. ఆయనతో పాటు వైఎస్సార్‌సీపీ గ్రామ సీనియర్‌ నాయకుడు, మాజీ డీలరు, మండల కన్వీనరు బండి పవన్‌ చిన్నాన్న బండి చినరాముడు కూడా వెళ్లారు. కార్యాలయంలోకి వెళ్తున్న సమయంలో టీడీపీకి చెందిన కొందరు అడ్డుకుని నామినేషన్‌ పత్రాలను చించేందుకు ప్రయత్నించారు. ఈ క్రమంలో చినరాముడిపై రాయితో బలంగా కొట్టడంతో తలకు తీవ్ర గాయాలై అక్కడికక్కడే స్పృహ కోల్పోయాడు. శస్త్రచికిత్స జరిగినా కోమాలోనే.. తీవ్రంగా గాయపడిన చినరాముడును తొలుత సర్వజన ఆస్పత్రికి, పరిస్థితి విషమంగా ఉండటంతో ప్రైవేట్‌ ఆస్పత్రికి తరలించారు. తలలోని పుర్రెకు గాయం కావడంతో రెండు రోజుల కిందట శస్త్రచికిత్స నిర్వహించారు. అయినప్పటికీ బాధితుడు ఇంకా కోమాలోనే ఉండటంతో కుటుంబ సభ్యులు ఆందోళన చెందుతున్నారు. ఒక నామినేషన్‌ ప్రక్రియ సందర్భంగా చోటుచేసుకున్న దాడి ఓ వ్యక్తి ప్రాణాలకే ముప్పుగా మారడం కలవరపెడుతోంది. కేసు నమోదుతోనే సరిపెట్టొద్దు.. ఈ ఘటన సామాజిక మాధ్యమాల్లో విస్త్‌త్రతంగా ప్రచారం కావడంతో ఎన్నికల కమిషన్‌ తీవ్రంగా పరిగణించింది. అనంతరం పోలీసులు బాధితుడి ఫిర్యాదు మేరకు కేసు నమోదు చేశారు. పాపంపేటకు చెందిన భానుకోట రామాంజనేయులు, మద్దినేని కృష్ణ, భరత్‌చౌదరి, నందమూరినగర్‌కు చెందిన చల్లా జయకృష్ణ, మనోహర్‌నాయుడు, కురుగుంటకు చెందిన ధర్మేంద్రతో పాటు మరికొందరిపై బీఎన్‌ఎస్‌ 118 (1), 126(2), 223, 351(2), 3(5) సెక్షన్ల కింద కేసు నమోదైంది. వైద్య నివేదికల ఆధారంగా బాధ్యులపై చట్టప్రకారం కఠిన చర్యలు తీసుకోవాలని బాధిత కుటుంబ సభ్యులు కోరుతున్నారు. ఇలాంటి ఘటనలు పునరావృత్తం కాకుండా ఉన్నతాధికారులు కఠినంగా వ్యవహరించడంతో పాటు, ఎన్నికల సమయంలో అభ్యర్థులు, వారి అనుచరులకు తగిన రక్షణ కల్పించాలని పలువురు విజ్ఞప్తి చేస్తున్నారు. నామినేషన్‌ వేయడానికి వెళ్తే రాళ్లతో టీడీపీ నాయకుల దాడి శస్త్రచికిత్స జరిగినా కోలుకోని బాధితుడు ఆరుగురు టీడీపీ నాయకులతో పాటు మరికొందరిపై కేసు నమోదు

● ప్రత్యామ్నాయం చూపకపోవడంతో అధికారులపై ప్రయాణికుల మండిపాటు కూడేరు: ఆర్టీసీ బస్సు ముందు టైర్‌ పంక్చర్‌ కావడం.. డ్రైవర్‌ అప్రమత్తతతో ప్రయాణికులకు ప్రమాదం తప్పింది. వివరాలు.. ఆదివారం మండలంలోని గొటుకూరు రోడ్డు క్రాస్‌ సమీపాన అనంతపురం–బళ్లారి ప్రధాన రహదారిపై అనంతపురం డిపోనకు చెందిన ఆర్టీసీ బస్సు ముందు టైర్‌ పంక్చర్‌ కావడంతో.. టైర్‌ చీలిపోయింది. డ్రైవర్‌ అప్రమత్తంగా వ్యవహరించి బ్రేకులు వేయడంతో బస్సులో ఉన్న ప్రయాణికులకు పెను ప్రమాదం తప్పింది. బస్సు ఉరవకొండ నుంచి అనంతపురం వెళుతుండగా ఈ ఘటన చోటు చేసుకుంది. అందులో సుమారు 40 మందికి పైగానే ప్రయాణికులు ఉన్నారు. ప్రమాదం తప్పడంతో ప్రయాణికులు ఊపిరి పీల్చుకున్నారు. అయితే ప్రత్యామ్నాయ బస్సు కోసం ప్రయాణికులు గంటల తరబడి రహదారిపైనే వేచి ఉండాల్సి రావడంతో తీవ్ర ఇబ్బంది పడ్డారు. బస్సుల నిర్వహణ, కండీషన్‌పై అధికార యంత్రాంగం నిర్లక్ష్యం వహించడం వల్లే ఇలాంటి పరిస్థితులు ఎదురవతున్నాయని ప్రయాణికులు మండిపడ్డారు. ఇలాంటి ఘటనలు పునరావృత్తం కాకుండా అధికారులు చర్యలు తీసుకోవాలని వారు డిమాండ్‌ చేశారు.

శింగనమల మండలంలోని 12 ఎంపీటీసీ స్థానాలకు 74 నామినేషన్లు రాగా.. రెండింటిని తిరస్కరించారు. సలకంచెర్వు ఎంసీటీసీ స్థానానికి వైఎస్సార్‌సీపీ నుంచి నామినేషన్‌ వేసిన అలివేలమ్మ, అంజినమ్మలకు చెవుడు ఉండడంతో పోటీ చేయడానికీ అనర్హులని ప్రకటించారు. వైఎస్సార్‌సీపీ తరఫున అడ్వొకేట్‌ రమణారెడ్డి వాదించారు. చట్టంలో చెవుడు, మూగ రెండూ ఉన్న వారే అనర్హులని, ఒకటి మాత్రమే ఉన్నప్పుడు ఎలా రిజెక్ట్‌ చేస్తారని ప్రశ్నించారు. టీడీపీ నాయకులు ఒత్తిడి చేయడంతో ఆర్‌ఓ లలితమ్మ నామినేషన్‌ పత్రాలను తిరస్కరణ చేసి, అనంతపురం ఆర్డీఓకు రెఫర్‌ చేశారు. స్క్రూటినీలో ‘పచ్చ’ నేతల హల్‌చల్‌ ఆత్మకూరు మండలంలో 11 ఎంపీటీసీ స్థానాలకు వైఎస్సార్‌సీపీ, టీడీపీ, కాంగ్రెస్‌ నుంచి 61 నామినేషన్లు దాఖలయ్యాయి. శనివారం పరిశీలన కార్యక్రమం చేపట్టారు. ఇనుప ముళ్ల కంచెల నడుమ అభ్యర్థుల నామినేషన్లను పరిశీలించారు. అయితే టీడీపీ నేతలు.. వైఎస్సార్‌సీపీ నామినేషన్లు తిరస్కరించాలంటూ అధికారులపై తీవ్రస్థాయిలో ఒత్తిడి చేస్తూ హల్‌చల్‌ చేశారు. ఈ క్రమంలోనే వైఎస్సార్‌సీపీ అభ్యర్థులకు సంబంధించి బి.యాలేరు నుంచి రెండు, వేపచెర్ల, ముట్టాల, సింగంపల్లి నుంచి ఒక్కొక్కటి మొత్తం ఐదు నామినేషన్లను తిరస్కరిస్తూ.. ఆర్డీఓ కోర్టుకు అప్పీలు పంపిస్తున్నట్లు అధికారులు తెలిపారు. చిన్నచిన్న కారణాలతో కక్షకట్టి తిరస్కరించేలా చేశారని వైఎస్సార్‌సీపీ నాయకులు మండిపడ్డారు. ● రాప్తాడు మండలంలో ఎంపీటీసీ ఎన్నికల నామినేషన్ల పరిశీలన అనంతరం వైఎస్సార్‌సీపీకి చెందిన ముఖ్య అభ్యర్థులతో సహా మొత్తం ముగ్గురు నామినేషన్లను అధికారులు తిరస్కరించారు. ఇంకా ఎక్కడెక్కడ ఎన్ని తిరస్కరించారంటే... ● శింగనమల నియోజకవర్గంలోని నార్పల మండలం బొందలవాడ ఎంపీటీసీ అభ్యర్థి నారాయణను ప్రతిపాదించిన వ్యక్తిని పరిశీలనకు రాకుండా చేసి, ఫారంలో ఉన్న సంతకం తనది కాదని ఆ వ్యక్తితో చెప్పించిన వీడియోను అధికారులు పరిగణనలోకి తీసుకుని నామినేషన్‌ను తిరస్కరించారు. నార్పల – 1 అభ్యర్థి ఆదినారాయణమ్మ పంచాయతీకి అద్దె బకాయి చెల్లించలేదన్న సాకుతో నామినేషన్‌ను రిజెక్ట్‌ చేశారు. అదే సమయంలో నార్పల–4 ఎంపీటీసీ జనసేన అభ్యర్థి రాయదుర్గం తేజలక్ష్మి పన్ను బకాయి ఉండటంపై వైఎస్సార్‌సీపీ నాయకులు అభ్యంతరం తెలిపినా పట్టించుకోకుండా అధికారులు ఆమె నామినేషన్‌ను ఆమోదించడం ఏకపక్ష వైఖరికి నిదర్శనంగా నిలిచింది. ● బుక్కరాయసముద్రం – 4 ఎంపీటీసీ అభ్యర్థి కొండయ్యకు సంబంధించి ఓటర్‌ లిస్టులోని సీరియల్‌ నంబర్‌, నామినేషన్‌ దరఖాస్తు ఫారంలో పొందుపరిచిన సీరియల్‌ నంబర్‌ సరిపోలలేదనే కారణంతో నామినేషన్‌ను తిరస్కరించారు. సెల్ఫ్‌ డిక్లరేషన్‌లో సంతకాలు చేయలేదని దండువారిపల్లి ఎంపీటీసీ అభ్యర్థి నాగరాజు, చెన్నంపల్లి అభ్యర్థులు సుబ్బలక్ష్మి, నల్లాని కుమారి, వెంకటాపురం అభ్యర్థి లక్ష్మీదేవి నామినేషన్లను రిజెక్ట్‌ చేశారు. కొర్రపాడు–2 ఎంపీటీసీ అభ్యర్థి కుళ్లాయమ్మ దరఖాస్తు ఫారంలో సంతకం చేయలేదని నామినేషన్‌ను పరిగణనలోకి తీసుకోలేదు. ● తాడిపత్రి మండలంలో బ్రాహ్మణపల్లి, వంగనూరు, బోడాయిపల్లి, ఎర్రగుంటపల్లి, గన్నెవారిపల్లి–2, గన్నెవారిపల్లి–3 ఎంపీటీసీ స్థానాల్లో వైఎస్సార్‌సీపీ అభ్యర్థుల నామినేషన్లను అధికారులు ఉద్దేశపూర్వకంగా తిరస్కరించారు. నామినేషన్‌ పత్రాల్లో కొన్నింటిని గల్లంతు చేసి... పత్రాలు పొందుపరచలేదనే నెపంతో రిజెక్ట్‌ చేశారు. పెద్దపప్పూరు మండలం పెద్ద ఎక్కలూరు, జూటూరు, చిన్న ఎక్కలూరు, నరసాపురం ఎంపీటీసీ స్థానాల్లో నామినేషన్‌ పత్రాలను సరిగా నింపలేదనే సాకుతో అధికారులు తిరస్కరించారు. ● ఉరవకొండ మండలంలో మంత్రి పయ్యావుల కేశవ్‌ స్వగ్రామమైన పెద్దకౌకుంట్లలో రెండు ఎంపీటీసీ స్థానాలను టీడీపీ ఏకగ్రీవం చేసుకున్న తీరుపై అనుమానాలు వ్యక్తమవుతున్నాయి. ఈ స్థానాల్లో వైఎస్సార్‌సీపీ అభ్యర్థులు నామినేషన్లు వేయడానికి సిద్ధపడగా, టీడీపీ నేతలు వారిని తీవ్ర భయాందోళనలకు గురిచేసి, నామినేషన్లు వేయకుండా అడ్డుకున్నారని ఆరోపణలు వెల్లువెత్తాయి. విడపనకల్లు మండలంలోని వి.కొత్తకోట, హావళిగి–1 వైఎస్సార్‌సీపీ ఎంపీటీసీ అభ్యర్థులు సరైన ప్రతాలను పొందుపరచలేదనే సాకుతో అధికారులు నామినేషన్లను తిరస్కరించారు. ఇదిలా ఉండగా నామినేషన్ల పరిశీలనకు సంబంధించిన వివరాలను సాయంత్రం ఏడుగంటలైనా తెలపకుండా ఆర్‌ఓ వెళ్లిపోవడంతో ఇరు పార్టీల అభ్యర్థులు కార్యాలయం వద్ద ఆందోళన వ్యక్తం చేశారు. వైఎస్సార్‌సీపీ నామినేషన్ల తిరస్కరణకు అధికారులపై ఒత్తిడి టీడీపీ నాయకులు అభ్యంతరం తెలపడమే తడవుగా రిజెక్ట్‌.. దాఖలు సమయంలో అన్నీ ఉన్నా.. పరిశీలనలో పత్రాల గల్లంతు వైఎస్సార్‌సీపీ ప్రభావం అధికంగా ఉన్న ప్రాంతాలపైనే గురి ఎన్నికలు జరగకుండానే సింహభాగం స్థానాల కై వసానికి కుట్ర

అనంతపురం న్యూ టౌన్‌: ఈవీఎంల భద్రతపై అప్రమత్తంగా ఉండాలని అధికారులను ఆదేశించారు. పాత ఆర్‌డీఓ కార్యాలయం పక్కన ఏర్పాటు చేసిన ఈవీఎం గోదాములను శనివారం కలెక్టర్‌ అసిస్టెంట్‌ కలెక్టర్‌ సుయాష్‌ కుమార్‌, డీఆర్‌ఓ మలోలతో కలిసి గోదామును తనిఖీ చేశారు. డోర్‌ లాక్‌ సీళ్ల స్థితిని పరిశీలించి ఈవీఎంల రక్షణ చర్యలు, భద్రతప్రమాణాలు ఈసీ మార్గదర్శకాల ప్రకారం అమలవుతున్నాయా అనే అంశాలపై అధికారులతో అడిగి తెలుసుకున్నారు. అనంతరం కలెక్టర్‌ మాట్లాడుతూ గోదాముల వద్ద విధులు నిర్వహిస్తున్న పోలీసు సిబ్బంది ఎల్లప్పుడూ అప్రమత్తంగా ఉండాలన్నారు. పోలీసు లాగ్‌ బుక్‌ను పరిశీలించారు. అలాగే సీసీటీవీ పర్యవేక్షణ వ్యవస్థ పనితీరు, నిరంతర విద్యుత్‌ సరఫరా కొనసాగింపు, అగ్నిమాపక పరికరాల అందుబాటుపై ఆరా తీశారు. స్పెషల్‌ డిప్యూటీ కలెక్టర్‌ ఆనంద్‌, ఎన్నికల విభాగం డిప్యూటీ తహసీల్దార్‌ కనకరాజు సీనియర్‌ అసిస్టెంట్‌ శామ్యూల్‌ బెంజ్‌ మెన్‌ పాల్గొన్నారు. అనారోగ్యంతో ఉపాధ్యాయుడి మృతి బొమ్మనహాళ్‌: మండల కేంద్రానికి చెందిన ఉపాధ్యాయుడు కురుబ మల్లికార్జున (52) అనారోగ్యంతో శనివారం మృతి చెందారు. కొన్నేళ్లుగా క్యాన్సర్‌తో బాధపడుతున్న ఆయన అనంతపురంలోని ఓ ప్రైవేట్‌ ఆస్పత్రిలో చికిత్స పొందుతూ తుదిశ్వాస విడిచినట్లు కుటుంబ సభ్యులు తెలిపారు. మల్లికార్జున బొమ్మనహాళ్‌, కురువల్లి పాఠశాలల్లో ఉపాధ్యాయుడిగా సేవలందించారు. ప్రస్తుతం రాయదుర్గంలో ఉపాధ్యాయుడిగా పని చేస్తున్నారు. ఎమ్మెల్యే కాలవ శ్రీనివాసులు, జనసేన ఇన్‌చార్జ్‌ మంజునాథ్‌తో పాటు పలువురు ఉపాధ్యాయులు మల్లికార్జున మృతదేహానికి పూలమాలలు వేసి నివాళ్పురించారు. మృతుడు మల్లికార్జునకు భార్య, ఇద్దరు పిల్లలు ఉన్నారు. మహిళా కౌన్సిలర్‌ అభ్యర్థికి బెదిరింపులు గుంతకల్లు: వైఎస్సార్‌సీపీ 23వ వార్డు కౌన్సిలర్‌ అభ్యర్థి డీ.జరీనా రీనాతోపాటు ఆమె భర్త విష్ణును ఆదే వార్డుకు చెందిన పలువురు టీడీపీ నాయకులు బెదిరించారు. ఈమేరకు రాష్ట్ర ఎన్నికల కమిషనర్‌కు ఫిర్యాదు చేసినట్లు తెలిపారు. శనివారం వారు మాట్లాడుతూ వైఎస్సార్‌సీపీ తరఫున కౌన్సిలర్‌ టికెట్‌ కేటాయించినప్పటి నుంచి టీడీపీ అభ్యర్థి భర్తతోపాటు ఆమె బంధువులు, సహచరులు వేధింపులకు గురి చేస్తున్నారన్నారు. నామినేషన్‌ వేసేటప్పుడు, బీ–ఫారం అందజేసే సమయంలో తమ పత్రాలను లాక్కునేందుకు ప్రయత్నించినట్లు వాపోయారు. ఎన్నికల ప్రచారం చేయకూడాదని అసభ్య పదజాలంతో దూషిస్తున్నారన్నారు. తమకు మద్దతుగా వచ్చే స్నేహితులను కూడా బెదిరిస్తున్నారన్నారు. దీనిపై ఈ నెల 21న ఎస్‌ఈసీకి ఈమెయిల్‌ ద్వారా ఫిర్యాదు పంపినట్లు తెలిపారు. తమకు ప్రాణాభయం ఉందని, తక్షణమే పోలీసులు రక్షణ కల్పించి బాధ్యులపై చట్టపరమైన చర్యలు తీసుకోవాలని కోరారు.

కూడేరు: ఎంపీడీఓ కార్యాలయంలో శనివారం జరిగిన ఎంపీటీసీల నామినేషన్ల పరిశీలన కార్యక్రమంలో విధులు నిర్వహిస్తున్న ఏఎస్‌ఐ రామానాయుడు ఉన్నట్టుండి కళ్లు తిరిగి కిందపడిపోయాడు. వెంటనే పక్కన ఉన్న వ్యక్తులు అప్రమత్తమై ఏఎస్‌ఐని పట్టుకున్నారు. పోలీసులు ఆయన్ను హుటాహుటిన అనంతపురం ఆస్పత్రికి తరలించారు. అక్కడ పరీక్షించిన వైద్యులు బ్రెయిన్‌ స్ట్రోక్‌ వచ్చినట్లు నిర్ధారించారు. మెరుగైన వైద్యం కోసం బెంగళూరుకు తరలించాలని వైద్యులు సూచించినట్లు తెలిసింది. బైక్‌ను ఢీకొన్న కారు: యువకుడి దుర్మరణం ● మరో ఇద్దరికి తీవ్రగాయాలు కూడేరు: శివరాంపేట సమీపాన అనంతపురం–బళ్లారి ప్రధాన రహదారిపై శనివారం బైక్‌ను కారు ఢీకొన్న ఘటనలో ఓ యువకుడు దుర్మణం చెందాడు. మరో ఇద్దరికి తీవ్రగాయాలయ్యాయి. పోలీసులు అందించిన వివరాలు ఉరవకొండ మండలం చిన్న ముష్టూరుకు చెందిన శేషు(26) సురేంద్ర, వంశీతో కలిసి అనంతపురం నుంచి స్వగ్రామానికి బైక్‌పై బయలుదేరారు. శివరాంపేట సమీపాన బళ్లారి నుంచి అనంతపురం వైపు వస్తున్న కారు అదుపుతప్పి బైక్‌ను ఢీకొంది. ఘటనలో బైక్‌పై ఉన్న ముగ్గురికీ తీవ్రగాయాలయ్యాయి. కారు డ్రైవింగ్‌ చేస్తున్న మహిళ గాయపడింది. ఇదే సమయంలో బైక్‌ వెనుక వస్తున్న ఇటుకల ట్రాక్టర్‌ డ్రైవర్‌ రోడ్డుపై పడిన యువకులను తప్పించే క్రమంలో సడన్‌ బ్రేక్‌ వేయడంతో అదుపుతప్పి రోడ్డుపై పడింది. ఆ సమయంలో అటుఇటూ వాహనాలు రాకపోవడంతో పెద్ద ప్రమాదం తప్పింది. క్షతగాత్రులను 108 వాహనంలో అనంతపురం ఆస్పత్రికి తరలించారు. అక్కడికి వెళ్లగానే శేషు మృతి చెందాడు. మృతుడి తల్లి అనంతపురంలో ఓ ఆస్పత్రిలో స్వీపర్‌గా పని చేస్తోంది. అతడు వ్యవసాయ కూలీ పనులకు వెళుతుంటాడు. ఒక్కగానొక్క కుమారుడు రోడ్డు ప్రమాదంలో మృతి చెందడంతో తల్లి కన్నీరుమున్నీరైంది.

● కలెక్టర్‌ ఆనంద్‌ ఆదేశంఅనంతపురం న్యూ టౌన్‌: మున్సిపల్‌ ఎన్నికల కౌంటింగ్‌ కేంద్రంలో పకడ్బందీగా ఏర్పాట్లు చేయాలని కలెక్టర్‌, జిల్లా ఎన్నికల అధికారి ఓ.ఆనంద్‌ అధికారులను ఆదేశించారు. శనివారం ఆయన నగరంలోని ఎస్‌ఎస్‌బీఎన్‌ డిగ్రీ కళాశాలలో మున్సిపల్‌ ఎన్నికల మెటీరియల్‌ పంపిణీ, కౌంటింగ్‌ కేంద్రం, స్ట్రాంగ్‌ రూమ్‌ని ఎస్పీ పి.జగదీష్‌, అసిస్టెంట్‌ కలెక్టర్‌ సుయాష్‌ కుమార్‌తో కలిసి తనిఖీ చేశారు. ఈ సందర్భంగా కలెక్టర్‌ మాట్లాడుతూ కౌంటింగ్‌ కేంద్రంలో నిబంధనల ప్రకారం అన్ని ఏర్పాట్లు పూర్తి చేయాలన్నారు. మెటీరియల్‌ పంపిణీ సందర్భంగా వర్షం కురిసినా ఇబ్బందులు తలత్తెకుండా ప్రత్యామ్నాయ ఏర్పాట్లను చేపట్టాలన్నారు. కౌంటింగ్‌ కేంద్రంలో ఎన్ని టేబుళ్లు ఏర్పాటు చేస్తారు, ఎన్ని రౌండ్ల కౌంటింగ్‌ చేపడతారు, రిసెప్షన్‌ ఏర్పాటు, తదితర అంశాలపై కలెక్టర్‌ సూచనలు చేశారు. నగరపాలక సంస్థ కమిషనర్‌ జస్వంత్‌ రావు, డీఎస్పీ కరుణాకర్‌రావు తదితరులు పాల్గొన్నారు. స్ట్రాంగ్‌ రూంల తనిఖీ ఉరవకొండ: స్థానిక ప్రభుత్వ జూనియర్‌ కళాశాలలో ఏర్పాటు చేసిన స్ట్రాంగ్‌ రూంలను శనివారం జిల్లా కలెక్టర్‌ ఆనంద్‌, ఎస్పీ జగదీష్‌, అసిస్టెంట్‌ కలెక్టర్‌ సుయాష్‌కుమార్‌ అధికారులతో కలిసి పరిశీలించారు. ఈసందర్భంగా కలెక్టర్‌, ఎస్పీ మాట్లాడుతూ జడ్పీటీసీ, ఎంపీటీసీ ఎన్నికల కౌంటింగ్‌ కోసం ఎలాంటి ఇబ్బందులు లేకుండా చర్యలు తీసుకోవాలన్నారు. ఒక కౌటింగ్‌ కేంద్రంలో కనీసం నాలుగు టేబుళ్లు పట్టేలా ఏర్పాట్లు చేసుకోవాలని సూచించారు. రిసెప్షన్‌, కౌంటింగ్‌ కేంద్రాల వద్ద పటిష్ట భద్రత కల్పించాలన్నారు. డీఎస్పీ శ్రీనివాస్‌, రిటర్నింగ్‌ అధికారి సాలురెడ్డి, తహసీల్దార్‌ అరుణ, ఎంపీడీఓ రవిప్రసాద్‌, సీఐలు మహనంది, ఈరన్న పాల్గొన్నారు.

● రాయదుర్గం నియోజకవర్గం కణేకల్లు మండలం ఎర్రగుంట–1 ఎంపీటీసీ స్థానానికి వైఎస్సార్‌సీపీ తరఫున మంజుల రెండు సెట్లు, సునీతమ్మ ఒక సెట్టు చొప్పున మొత్తం మూడు సెట్ల నామినేషన్‌ పత్రాలను దాఖలు చేశారు. అయితే, దాఖలు చేసిన నామినేషన్‌ పత్రాల్లో పోటీ చేసే స్థానం ఎదుట ‘ఎర్రగుంట–1’ అని ఉండాల్సింది పోయి కేవలం ‘ఎర్రగుంట’ అని మాత్రమే రాసి ఉందనే సాకుతో టీడీపీ నాయకులు అభ్యంతరం వ్యక్తం చేశారు. ఆ నిమిషమే అధికారులు సదరు ఇద్దరు అభ్యర్థుల నామినేషన్లను తిరస్కరిస్తూ, ఆర్డీవో అప్పీలుకు వెళ్లాలని సూచించారు. తామన్నీ సక్రమంగా దరఖాస్తులో పొందుపరిచి సమర్పించామని, అధికారులు కూడా ఎర్రగుంట–1 స్థానానికి రశీదు ఇచ్చి డిపాజిట్‌ కూడా కట్టించుకున్నారని, ఇప్పుడే వివరాలు మార్చేసి రభస చేసి.. నామినేషన్‌ను తిరస్కరించారని వైఎస్సార్‌సీపీ నాయకులు ధ్వజమెత్తారు.

ఢిల్లీ అహంకారానికి..అనంతపురం: నగర పాలక సంస్థ ఎన్నికలు ఢిల్లీ అహంకారానికి.. అనంతపురం ఆత్మగౌరవానికి మధ్యే పోటీ అని కర్నూలు మాజీ ఎమ్మెల్యే హఫీజ్‌ఖాన్‌, వైఎస్సార్‌సీపీ మేయర్‌ అభ్యర్థి రమేష్‌గౌడ్‌ అభివర్ణించారు. శనివారం అనంతపురంలోని వైఎస్సార్‌సీపీ జిల్లా కార్యాలయంలో మేయర్‌ అభ్యర్థి రమేష్‌గౌడ్‌తో కలిసి వైఎస్సార్‌సీపీ – మైనార్టీ నాయకులతో సమావేశం నిర్వహించారు. ఈ సందర్భంగా హఫీజ్‌ఖాన్‌, రమేష్‌గౌడ్‌ మాట్లాడుతూ ప్రశాంతంగా ఉన్న అనంతపురంలో మతాల మధ్య చిచ్చు పెట్టేందుకు బీజేపీని రంగంలోకి దించారని ఆగ్రహం వ్యక్తం చేశారు. వక్ఫ్‌ సవరణ చట్టం వంటి నిర్ణయాలతో ముస్లిం మైనారిటీలను తీవ్రంగా ఇబ్బంది పెడుతున్న బీజేపీకి మేయర్‌ స్థానం కేటాయించడంపై టీడీపీ ముస్లిం నాయకులు సమాధానం చెప్పాలని నిలదీశారు. నగరంలో కూటమి ఎమ్మెల్యే అనుచరుల దాడులు, దౌర్జన్యాలు, భూకబ్జాలు పెరిగిపోయాయని మండిపడ్డారు. వైఎస్సార్‌సీపీ మేయర్‌, కార్పొరేటర్‌ అభ్యర్థులను గెలిపిస్తే సేవకులుగా ఉంటారని స్పష్టం చేశారు. 2019–2024 మధ్య వైఎస్సార్‌సీపీ హయాంలో రూ.1200 కోట్లతో నగరాన్ని ఎంతో అభివృద్ధి చేసినట్లు గుర్తు చేశారు. రాష్ట్ర యాదవ సంఘం మాజీ అధ్యక్షుడు హరీష్‌ యాదవ్‌ మాట్లాడుతూ సామాజిక న్యాయం వైఎస్సార్‌సీపీతోనే సాధ్యమన్నారు. ఎన్నికల్లో కూటమి నేతలు డబ్బు, అధికార మదంతో దౌర్జన్యాలు చేస్తున్నారని, అన్ని వర్గాల ప్రజలు ఏకమై కూటమి అభ్యర్థులను తిరస్కరించాలని పిలుపునిచ్చారు. వైఎస్సార్‌సీపీ సీఈసీ సభ్యుడు నదీమ్‌ అహ్మద్‌, మాజీ మేయర్‌ వసీం మాట్లాడుతూ స్థానిక ఎన్నికల సాకుతో నగరంలో ప్రశాంత వాతావరణాన్ని దెబ్బతీసేందుకు కూటమి నేతలు ప్రయత్నిస్తున్నారని విమర్శించారు. ఈ సందర్భంగా 21వ డివిజన్‌కు సంబంధించిన టీడీపీ నాయకులు గఫ్ఫార్‌, షఫీ వైఎస్సార్‌సీపీలో చేరారు. కార్యక్రమంలో పార్టీ ఎస్‌ఈసీ సభ్యులు కోగటం విజయభాస్కర్‌ రెడ్డి, మైనార్టీ విభాగం రాష్ట్ర నాయకులు కాగజ్‌ఘర్‌ రిజ్వాన్‌, వేముల నదీం అహమ్మద్‌, ఏకే ఫయాజ్‌ఖాన్‌, 21వ డివిజన్‌ అభ్యర్థి ఖాజాపీర్‌ తదితరులు పాల్గొన్నారు.

● ఎమ్మెల్సీ వై. శివరామిరెడ్డి ధ్వజం అనంతపురం: స్థానిక సంస్థల ఎన్నికల ప్రక్రియలో చంద్రబాబు ప్రభుత్వం నియంతగా వ్యవహరిస్తోందని వైఎస్సార్‌సీపీ ఎమ్మెల్సీ వై. శివరామిరెడ్డి తీవ్ర ఆగ్రహం వ్యక్తం చేశారు. స్థానిక పార్టీ జిల్లా కార్యాలయంలో నిర్వహించిన ఆయన విలేకరులతో మాట్లాడారు. 40 ఏళ్ల రాజకీయ అనుభవం ఉందని చెప్పుకునే చంద్రబాబుకు స్థానిక సంస్థల ఎన్నికల్లో ఎలా ప్రవర్తించాలో తెలియదా అని ఘాటుగా ప్రశ్నించారు. రాష్ట్ర చరిత్రలో ఎన్నడూ లేనివిధంగా స్థానిక ఎన్నికల్లో హింసను ప్రోత్సహిస్తున్నారని మండిపడ్డారు. విపక్ష అభ్యర్థులను నామినేషన్లు వేయనీయకుండా ఎక్కడికక్కడ అడ్డుకోవడం, దాడులు చేయడం, పత్రాలను బలవంతంగా లాక్కుని చింపివేయడమే టీడీపీ విధానమా అని నిలదీశారు. గుత్తి, గుంతకల్లు తదితర నియోజకవర్గాల్లో వైఎస్సార్‌సీపీ అభ్యర్థుల ఇళ్లకు వెళ్లి వారి కుటుంబ సభ్యులను భయభ్రాంతులకు గురిచేస్తున్నారని పేర్కొన్నారు. గోరంట్లలో మంత్రి అనుచరులు సాక్షాత్తూ ఎన్నికల అధికారి చేతిలో నుంచే నామినేషన్‌ పత్రాలను లాక్కుని చించివేసినా ఇప్పటివరకు ఎందుకు చర్యలు తీసుకోలేదని ప్రశ్నించారు. గుంతకల్లు నామినేషన్‌ కేంద్రాల వద్ద రౌడీలు, గూండాలు అరాచకాలు సృష్టిస్తుంటే అధికారులు పట్టించుకోకపోవడం దారుణమన్నారు. పోలీసు, అధికార యంత్రాంగం వైఫల్యం టీడీపీ గూండాలు బహిరంగంగా దాడులకు పాల్పడుతున్నా పోలీసులు ప్రేక్షక పాత్ర వహించడం దుర్మార్గమని ఆగ్రహం వ్యక్తం చేశారు. ప్రజలకు, అభ్యర్థులకు రక్షణ కల్పించాల్సిన బాధ్యత పోలీసులకు లేదా అని ప్రశ్నించారు. రాజ్యాంగబద్ధంగా నిష్పక్షపాతంగా వ్యవహరించాల్సిన అధికారులు, పచ్చచొక్కాలు వేసుకున్నట్లుగా అధికార పార్టీకి వత్తాసు పలుకుతున్నారని విమర్శించారు. వైఎస్సార్‌సీపీ రాష్ట్ర కార్యదర్శి వీరా రామకృష్ణారెడ్డి, డీసీఎంఎస్‌ మాజీ చైర్మన్‌ సోమర జయచంద్రనాయుడు, మార్కెట్‌ యార్డ్‌ మాజీ చైర్మన్‌ రమణ యాదవ్‌ తదితరులు పాల్గొన్నారు.

● పెనకచెర్ల, ముంటిమడుగు వైఎస్సార్‌సీపీ అభ్యర్థుల నామినేషన్లు పునఃపరిశీలించాలి ● మాజీ మంత్రి శైలజానాథ్‌ డిమాండ్‌ గార్లదిన్నె:రాజకీయంగా ఎదుర్కోలేకే కూటమి నేతలు కుట్రపన్ని అధికారుల చేత వైఎస్సార్‌సీపీ అభ్యర్థుల నామినేషన్లను తిరస్కరింపజేశారని మాజీ మంత్రి, వైఎస్సార్‌సీపీ శింగనమల నియోజకవర్గ సమన్వయకర్త డాక్టర్‌ సాకే శైలజానాథ్‌ ఆగ్రహం వ్యక్తం చేశారు. గార్లదిన్నె ఎంపీడీఓ కార్యాలయంలో ఎంపీటీసీ నామినేషన్ల పరిశీలన నిర్వహించారు. వైఎస్సార్‌సీపీ అభ్యర్థులు బ్యాళ్ల భీమన్న, బీరప్ప నామినేషన్‌ పత్రాల్లో ఆస్తులకు సంబంధించిన పేపర్‌ ఒకటి లేదని ఆర్‌ఓ మంజుల తిరస్కరించారు. ముంటిమడుగు ఎంపీటీసీ అభ్యర్థులు సునీత, నాగలక్ష్మి నామినేషన్లు కూడా రిజెక్ట్‌ చేశారు. అధికార పార్టీ నేతల ఒత్తిడితోనే ఆర్‌ఓ ఏకపక్షంగా వ్యవహరించారంటూ వైఎస్సార్‌సీపీ నాయకులు ఆందోళనకు దిగారు. లోనికెళ్లి అధికారులతో మాట్లాడుతామని ప్రయత్నించగా అధికారులు అడ్డుకున్నారు. అనంతరం అక్కడకు వచ్చిన ఆర్‌ఓతో మాజీ మంత్రి శైలజానాథ్‌ మాట్లాడారు. నామినేషన్‌ సమ ర్పించినప్పుడు అన్నీ సక్రమంగా ఉన్నట్లు ధ్రువీకరించి సంతకం కూడా చేసి.. ఇప్పుడు ఎలా తిరస్కరిస్తారని ప్రశ్నించారు. అధికారులు నిబంధనల ప్రకారం నడుచుకోవాలని సూచించారు. తిరస్కరించిన నామినేషన్లను పునఃపరిశీలన చేసి.. ఆమోదం తెలపాలని డిమాండ్‌ చేశారు. కార్యక్రమంలో రైతు విభాగం జిల్లా అధ్యక్షుడు నారాయణరెడ్డి, మండల అధ్యక్షుడు ఎల్లారెడ్డి, వైఎస్సార్‌సీపీ జిల్లా కార్యదర్శి, బచ్చలన్న, బూత్‌ కమిటీ నియోజకవర్గ అధ్యక్షుడు ఓబిరెడ్డి, మండల బూత్‌ కమిటీ అధ్యక్షులు సుంకిరెడ్డి, హేమసుందర్‌, ఎస్సీ సెల్‌ నియోజకవర్గ అధ్యక్షుడు ఆంజనేయులు, ఆర్టీఐ విభాగం నియోజవర్గ అధ్యక్షుడు నాగరాజు, నాయకులు, కార్యకర్తలు తదితరులు పాల్గొన్నారు. నామినేషన్ల పరిశీలనఅంతా గోప్యమే బుక్కరాయసముద్రం: స్థానిక సంస్థల ఎన్నికల నిర్వహణలో భాగంగా బుక్కరాయసముద్రంలో శనివారం నామినేషన్ల పరిశీలనను అధికారులు గోప్యంగా చేశారని మాజీ మంత్రి శైలజానాథ్‌ మండిపడ్డారు. నామినేషన్ల పరిశీలనలో హెల్ప్‌ డెస్క్‌ అని పేరుకు మాత్రమే పెట్టారని, వాటిలో ఎక్కడా నామినేషన్లను సరిగా పరిశీలించలేదని పలువురు వైఎస్సార్‌సీపీ అభ్యర్థులు తన దృష్టికి తేవడంపై శైలజానాథ్‌ స్పందించారు. అధికార పార్టీ నాయకులను నామినేషన్‌ కేంద్రంలోకి ఎందుకు అనుమతించారని ఎన్నికల అధికారులను ప్రశ్నించారు. స్క్రూట్నీ సమాచారం బయటకు ఎందుకు తెలపడం లేదన్నారు. నామినేషన్ల పరిశీలన, అధికారుల నిర్లక్ష్య ధోరణిపై జిల్లా ఉన్నత అధికారులకు ఫిర్యాదు చేస్తామని శైలజానాథ్‌ తెలిపారు. కార్యక్రమంలో వైఎస్సార్‌సీపీ మండల అధ్యక్షుడు గువ్వల శ్రీకాంత్‌రెడ్డి, నరసింహారెడ్డి తదితరులు పాల్గొన్నారు. యల్లనూరులో ప్రజాస్వామ్యానికి విఘాతం అనంతపురం : శింగనమల నియోజకవర్గం యల్లనూరు మండలంలో స్థానిక ఎన్నికల సందర్భంగా చోటుచేసుకున్న పరిణామాలు ప్రజాస్వామ్యానికి విఘాతం కలిగించేవిగా ఉన్నాయని మాజీ మంత్రి డాక్టర్‌ సాకే శైలజానాథ్‌ ఆవేదన వ్యక్తం చేశారు. తిమ్మంపల్లి వైఎస్సార్‌సీపీ ఎంపీటీసీ అభ్యర్థినిని పోలీస్‌ స్టేషన్‌ వద్దే ఉంచి నామినేషన్‌ వేయకుండా అడ్డుకున్నారని మండిపడ్డారు. ఈ ఘటనలపై జిల్లా ఎన్నికల అధికారి, కలెక్టర్‌ ఆనంద్‌ను శనివారం కలిసి వినతిపత్రం అందజేశారు. వీటిపై విచారణ జరిపి.. అభ్యర్థిని నామినేషన్‌ వేయకుండా అడ్డుకున్న బాధ్యులపై చర్యలు తీసుకోవాలని కోరారు. నిబంధనలన్నీ వైఎస్సార్‌సీపీ వారికేనా? అనంతపురం న్యూటౌన్‌: నిబంధనలన్నీ వైఎస్సార్‌సీపీ అభ్యర్థుల విషయంలోనే వెలుగుచూస్తున్నాయని ఆ పార్టీ శింగనమల నియోజకవర్గ సమన్వయకర్త డాక్టర్‌ సాకే సాకే శైలజనాథ్‌ ధ్వజమెత్తారు. జిల్లా పరిషత్‌ ఎన్నికలకు సంబంధించి నార్పల జెడ్పీటీసీ అభ్యర్థి నామినేషన్‌ తిరస్కరణపై శనివారం రాత్రి స్థానిక రిటర్నింగ్‌ అధికారి విజయలక్ష్మిని శైలజానాథ్‌ కలిసి, వివరాలు అడిగి తెలుసుకున్నారు.

అనంతపురం: యువత సృజనాత్మక ఆలోచనలకు పదును పెట్టాలని జేఎన్‌టీయూ(అనంతపురం) వైస్‌ చాన్సలర్‌ డాక్టర్‌ హెచ్‌.సుదర్శనరావు సూచించారు. జేఎన్‌టీయూఏ వేదికగా విస్తార విద్యానిధి ట్రస్ట్‌ ఆధ్వర్యంలో రెండు రోజుల పాటు నిర్వహిస్తున్న ఇన్నోవేటర్స్‌ కాన్‌క్లేవ్‌–2026 శనివారం వర్సిటీ ఆడిటోరియంలో అట్టహాసంగా ప్రారంభమైంది. ఈ సందర్భంగా ఆయన మాట్లాడుతూ నూతన ఆవిష్కరణలకు ప్రోత్సాహం, స్టార్టప్‌లకు సరికొత్త అవకాశాలు, విద్యాసంస్థలు–పరిశ్రమల మధ్య అనుసంధానానికి బలమైన వేదికగా జేఎన్‌టీయూఏ నిలుస్తోందన్నారు. దేశంలోని విద్యా, సాంకేతిక సంస్థలు, పరిశ్రమలు, అంకుర సంస్థలకు చెందిన ప్రతినిధులను ఒకే వేదికపైకి తీసుకువచ్చిన ఈ సదస్సుకు మూడు వేల మందికి పైగా విద్యార్థులు, 300కు పైగా స్టార్టప్‌ల ప్రతినిధులు, 80 మందికి పైగా పరిశ్రమల ప్రముఖులు హాజరు కావడం గొప్ప విషయమన్నారు. ఆవిష్కరణలను ప్రోత్సహించడం, పరిశోధనలను ఆచరణాత్మక పరిష్కారాలుగా మలచడం, యువతలో వ్యవస్థాపక దృక్పథాన్ని పెంపొందించడం, పరిశ్రమల అవసరాలకు అనుగుణంగా సాంకేతిక నైపుణ్యాలను అభివృద్ధి చేయడం ఈ కాన్‌క్లేవ్‌ ప్రధాన లక్ష్యాలని తెలిపారు. విశ్వవిద్యాలయాలు, పరిశ్రమలు, పరిశోధనా సంస్థలు సమన్వయంతో పనిచేసినప్పుడే రాయలసీమ సమగ్రాభివృద్ధి సాధ్యమవుతుందని ఎస్కేయూ వీసీ డాక్టర్‌ ఎన్‌వీఆర్‌ జ్యోతి కుమార్‌ అన్నారు. కార్యక్రమంలో ఏపీ ప్రభుత్వ మాజీ ప్రత్యేక ప్రధాన కార్యదర్శి జేఏ చౌదరి, యాక్సెంచర్‌ గ్లోబల్‌ మేనేజింగ్‌ డైరెక్టర్‌ గోపాల్‌ పింగళి, టాటా ఏఐజీ బోర్డ్‌ ఆఫ్‌ డైరెక్టర్స్‌ సభ్యురాలు విజయ దీప్తి, ఐఈఈఈ ఇండియా కంట్రీ హెడ్‌ అండ్‌ సీనియర్‌ డైరెక్టర్‌ డాక్టర్‌ శ్రీకాంత్‌ చంద్రశేఖరన్‌, ఈథర్‌వింగ్‌ ఏరోస్పేస్‌ సీఈఓ మానేగార్‌ శర్మాస్‌ వలి తదితరులు పాల్గొన్నారు. కాన్‌క్లేవ్‌ తొలిరోజు సుస్థిర ఆవిష్కరణలు, సంస్థల నిర్మాణం, వ్యూహాత్మక సాంకేతికతలు, జాతీయ భద్రత, దేశ సాంకేతిక స్వావలంబన వంటి కీలక అంశాలపై చర్చలు జరిపారు. రెండో రోజు ఆదివారం జాతీయ ప్రగతిలో ఆవిష్కరణల పాత్ర, స్టార్టప్‌ ఇంక్యుబేషన్‌, నిధుల సమీకరణ, సాంకేతికత–చట్టం–పరిపాలన వంటి అంశాలపై చర్చలు జరగనున్నాయి. కృత్రిమ మేధస్సు (ఏఐ), సైబర్‌ భద్రత, భవిష్యత్‌ సాంకేతికతలపై ప్రత్యేక వర్క్‌షాప్‌ నిర్వహించనున్నారు. ఇన్నోవేటర్స్‌ కాన్‌క్లేవ్‌లో జేఎన్‌టీయూఏ వీసీ సుదర్శనరావు హాజరైన 3వేల మందికి పైగా విద్యార్థులు, 300కు పైగా స్టార్టప్‌ కంపెనీల ప్రతినిధులు

అనంతపురంలో మేయర్‌ అభ్యర్థి రమేష్‌గౌడ్‌, కార్పొరేటర్‌ అభ్యర్థి టీవీ చంద్రమోహన్‌రెడ్డిని గెలిపించాలని కోరుతున్న వైఎస్సార్‌సీపీ జిల్లా అధ్యక్షుడు అనంత వెంకటరామిరెడ్డి మున్సిపల్‌ ఎన్నికల్లో అభ్యర్థుల ప్రచారం ఊపందుకుంది. శనివారం వర్షం కురుస్తున్నా వైఎస్సార్‌సీపీ మున్సిపల్‌ చైర్‌ పర్సన్‌, కౌన్సిలర్‌ అభ్యర్థులు ఇంటింటికీ తిరుగుతూ ఫ్యాన్‌ గుర్తుకు ఓటు వేసి గెలిపించాలని ఓటర్లను అభ్యర్థించారు. గుంతకల్లులో వృద్ధురాలిని ఓటు అభ్యర్థిస్తున్న చైర్‌పర్సన్‌ అభ్యర్థి ఎన్‌.వెంకటలక్ష్మి తాడిపత్రిలో ప్రచారం చేస్తున్న చైర్‌పర్సన్‌ అభ్యర్థి ఫయాజ్‌

అనంతపురం న్యూ టౌన్‌ : స్థానిక ఎన్నికల్లో టీడీపీ నేతలు చేస్తున్న దురాగతాలపై ప్రశ్నించడమే నేరమా అంటూ జిల్లా పరిషత్‌ తాజా మాజీ చైర్‌పర్సన్‌ బోయ గిరిజమ్మ మండిపడ్డారు. ఈనెల 22న నామినేషన్లు సందర్భంగా వైఎస్సార్‌సీపీకి చెందిన అభ్యర్థులను అనుమతించకపోగా తీవ్రస్థాయిలో పచ్చ గూండాలు దాడి చేయడం అత్యంత దారుణమని ఆమె ఆందోళన వ్యక్తం చేశారు. దీంతో తనను విచారణకు రావాలంటూ పోలీస్‌ నోటీసులు ఇవ్వడం ప్రభుత్వ నిరంకుశత్వానికి నిదర్శనమన్నారు. మనం ప్రజాస్వామ్యంలో ఉన్నామా లేక పాకిస్తాన్లో ఉన్నామా అంటూ ప్రభుత్వంపై ధ్వజమెత్తారు. అన్యాయాన్ని ప్రశ్నిస్తే పోలీసుల ద్వారా వేధింపులకు గురి చేయడం చంద్రబాబుకే చెల్లిందన్నారు. ఇప్పటికై నా ప్రభుత్వం తన తప్పును గుర్తించి ఈ విధమైన వేధింపులకు స్వస్తి పలకాలని హితవుపలికారు.

అవును.. కొంతసేపు చేయించుకున్నా.. నేను స్వగ్రామం వెళ్లి వచ్చినపుడు ఒంట్లో నలతగా ఉంటే అవుట్‌ సోర్సింగ్‌ ఉద్యోగి అయిన వాచ్‌మెన్‌ (అసిస్టెంట్‌ కుక్‌) మృత్యుంజయతో బాడీ మసాజ్‌ మిషన్‌ ద్వారా కొంతసేపు మసాజ్‌ చేయించుకున్నాను. ఇష్టపూర్వకంగా చేస్తాడనే అనుకున్నాను. కానీ అతను ఇలా చేస్తాడని అనుకోలేదు. పాఠశాలలో శుభ్రంగా ఉండాలని అతనికి చెప్పాను. ఇది నచ్చక.. నాపై అనవసరంగా ఆరోపణలు చేస్తూ రాద్ధాంతం చేస్తున్నాడు. – ఎం.ప్రవీణ్‌ కుమార్‌, ప్రిన్సిపాల్‌, ఎస్టీ గురుకుల పాఠశాల ఉన్నతాధికారులకు నివేదించాం కళ్యాణదుర్గం గిరిజన సంక్షేమ గురుకుల పాఠశాల ప్రిన్సిపాల్‌పై వచ్చిన ఆరోపణలపై సిబ్బందిని విచారించాం. అవుట్‌ సోర్సింగ్‌ సిబ్బందితో మసాజ్‌ చేయించుకోవడం తప్పు. ప్రిన్సిపాల్‌ వివరణనూ తీసుకున్నాం. రాష్ట్రస్థాయి ఉన్నతాధికారులకు నివేదించాం. – ఎం.శ్రీనివాసరావు, డీటీడబ్ల్యూఓ, అనంతపురం కళ్యాణదుర్గం: గురుకుల పాఠశాల ప్రిన్సిపాల్‌ వ్యవహార శైలి వివాదాస్పదంగా మారింది. బాడీ మసాజ్‌ చేయడంతో పాటు తన వ్యక్తిగత పనులకు, ఇంటి పనులకు సిబ్బందిని పురమాయిస్తుండటం, మాట వినకపోతే వేధింపులకు గురిచేస్తుండటం కలకలం రేపుతోంది. ప్రిన్సిపాల్‌ బాడీ మసాజ్‌ చేయించుకుంటున్న దృశ్యం సోషల్‌ మీడియాలో వైరల్‌ అయ్యాయి. బాధితుడు రాసిన లేఖలోని సారాంశం ఇలా ఉంది. కళ్యాణదుర్గంలోని గిరిజన సంక్షేమ బాలుర గురుకుల పాఠశాల ప్రిన్సిపాల్‌గా ఎం.ప్రవీణ్‌కుమార్‌ ఆరు నెలల కిందట బాధ్యతలు స్వీకరించారు. కృష్ణా జిల్లా నుంచి వచ్చిన ఆయన ఇక్కడ ఒంటరిగా ఉంటున్నారు. అయితే ఈయన సిబ్బందితో అనుచితంగా ప్రవర్తిస్తున్నారని, వేధింపులకు గురి చేస్తున్నారనే ఆరోపణలు వెల్లువెత్తుతున్నాయి. బీఎస్సీ, బీఈడీ చేసిన దళవాయి మృత్యుంజయ అవుట్‌సోర్సింగ్‌ కింద అసిస్టెంట్‌ కుక్‌గా పనిచేస్తున్నారు. విద్యార్థులకు వడ్డిస్తున్న భోజనం నాణ్యతగా లేదంటూ మృత్యుంజయను మందలించి.. తన వ్యక్తిగత గదికి పిలిపించుకుని సపర్యలకు వినియోగించుకుంటున్నారు. రోజూ రాత్రి 8 నుంచి 10.30 గంటల వరకు బాడీ మసాజ్‌ మెషిన్‌ ద్వారా మసాజ్‌ చేయించుకుంటున్నారు. అంతటితో ఆగక ఆయన బట్టలు, లోదుస్తులను కూడా శుభ్రం చేయించుకుంటున్నారు. ఆ పనులు చేయడానికి నిరాకరిస్తే మృత్యుంజయను గేటు బయటే పెట్టి పనిష్మెంట్‌ ఇస్తున్నారు. విధిలేని పరిస్థితుల్లో అయిష్టంగా పనులు చేయాల్సి వస్తోందని అసిస్టెంట్‌ కుక్‌ చెబుతున్నాడు. తన భార్యకు ఆరోగ్యం బాగలేదని, ఇంటికెళ్తానని చెప్తే పంపకుండా వేధిస్తున్నాడని తెలిపాడు. ప్రిన్సిపాల్‌ తీరుతో విసిగిపోయిన అసిస్టెంట్‌ కుక్‌ ఈ నెల 22వ తేదీన తన బాధనంతా ఓ లేఖలో రాసి ఎస్టీ కమిషన్‌ సభ్యుడు వెంకటప్ప, స్థానిక ఎమ్మెల్యే దృష్టికి తీసుకుపోయారు. ప్రిన్సిపాల్‌ వేధింపులు తాళలేక ఓ మహిళా సిబ్బంది తన ఉద్యోగానికి రాజీనామా చేసి వెళ్లిపోయిందని, పాఠశాలలో తనకు అనుకూలంగా లేని ఉపాధ్యాయులకు ఏదో ఒక సాకుతో మెమోలు ఇచ్చి వారి నుంచి బలవంతంగా డబ్బు వసూలు చేస్తూ వేధిస్తున్నాడని లేఖలో ఆరోపించాడు. ఈ క్రమంలోనే ప్రిన్సిపాల్‌కు బాడీ మసాజ్‌ చేస్తున్న వీడియో ఒకటి సోషల్‌ మీడియాలో వైరల్‌ అయ్యింది. ఈ ఘటనకు సంబంధించి గిరిజ సంక్షేమ శాఖ అధికారులు విచారణ సైతం చేపట్టారు. మసాజ్‌ చేయాలని అసిస్టెంట్‌ కుక్‌కు హుకుం చేయకుంటే ఉద్యోగం నుంచి తొలగిస్తానని హెచ్చరిక లోదుస్తులు కూడా ఉతికిస్తున్నారంటూ బాధితుడి ఆవేదన అనుకూలంగా లేని ఉపాధ్యాయులకు మెమోలు జారీ చేస్తున్నారు ఎస్టీ కమిషన్‌ సభ్యుడు, ఎమ్మెల్యేకు లేఖ ద్వారా ఫిర్యాదు చేసిన బాధితుడు

● జెడ్పీటీసీ, ఎంపీటీసీ ఎన్నికలకు పీఓ, ఏపీఓలను నియామకం ● జాబితాలు చూసి షాక్‌ తిన్న టీచర్లు అనంతపురం ఎడ్యుకేషన్‌: ఎన్నికల విధుల కేటాయింపులో అధికారుల తీరు ఉపాధ్యాయుల్లో తీవ్ర చర్చకు దారితీస్తోంది. ఉద్యోగ విరమణ చేసినవారు, దివ్యాంగులు, రిటైర్మెంట్‌కు దగ్గరలో ఉన్నవారికీ జెడ్పీటీసీ, ఎంపీటీసీ ఎన్నికల విధులు కేటాయించడంతో ఉపాధ్యాయులు విస్మయం వ్యక్తం చేస్తున్నారు. మరోవైపు కొన్ని పాఠశాలల్లో పనిచేస్తున్న ఉపాధ్యాయులందరికీ డ్యూటీలు వేయడంతో శిక్షణ రోజుల్లో పాఠశాలలను ఎలా నిర్వహించాలనే ప్రశ్న తలెత్తుతోంది. జిల్లా వ్యాప్తంగా ఎన్నికల విధుల జాబితాలను పరిశీలించిన ఉపాధ్యాయులు, హెచ్‌ఎంలు అభ్యంతరాలు వ్యక్తం చేస్తున్నారు. ఉద్యోగ విరమణ చేసినా.. విధులా? అనంతపురంలోని అబ్దుల్‌ కలాం ఆజాద్‌ మున్సిపల్‌ కార్పొరేషన్‌ ఉర్దూ ఉన్నత పాఠశాల హెచ్‌ఎంగా పనిచేసిన అనంతరాజు శ్రీదేవి సెప్టెంబరు 30న ఉద్యోగ విరమణ చేశారు. అయినప్పటికీ ఆమెకు ఈ నెల 26, 29 తేదీల్లో అనంతపురం జేఎన్‌టీయూలో నిర్వహించే శిక్షణకు హాజరుకావాలంటూ ఉత్తర్వులు జారీ చేశారు. ఉద్యోగ విరమణ చేసిన వారికి సైతం ఎన్నికల విధులు కేటాయించడం ఎలా జరిగిందన్న ప్రశ్నలు వ్యక్తమవుతున్నాయి. దివ్యాంగులకూ తప్పని డ్యూటీలు అనంతపురం రూరల్‌ మండలం ఉప్పరపల్లి జెడ్పీహెచ్‌ఎస్‌లో తెలుగు పండిట్‌గా పనిచేస్తున్న నాగార్జునకు వంద శాతం దృష్టి వైకల్యం ఉంది. ఆలమూరు జెడ్పీహెచ్‌ఎస్‌ సోషల్‌ టీచర్‌ రమాదేవికి 90 శాతం వైకల్యం ఉండగా, రుద్రంపేట జెడ్పీహెచ్‌ఎస్‌ సోషల్‌ టీచర్‌ తిప్పయ్య కూడా దివ్యాంగుడే. కళ్యాణదుర్గం మండలం తిమ్మసముద్రం ఎంపీయూపీ పాఠశాలలో హిందీ స్కూల్‌ అసిస్టెంట్‌గా పనిచేస్తున్న టి.సమీవుల్లాఖాన్‌కు 55 శాతం శారీరక వైకల్యం ఉంది. వీరందరికీ ఎన్నికల విధులు కేటాయించారు. గతంలో ఎప్పుడూ ఎన్నికల విధులు కేటాయించని దివ్యాంగ టీచర్లకూ ఈసారి కేటాయించడం విశేషం. అనంతపురం నగరంలోని శారదా నగరపాలక ఉన్నత పాఠశాలలోనూ దివ్యాంగ ఉపాధ్యాయులకు విధులు కేటాయించినట్లు తెలిసింది. అందరికీ డ్యూటీలేస్తే బడులు నడిచేదెలా? అనంతపురం నగరంలోని ప్రభుత్వ ఉన్నత పాఠశాల నంబర్‌–1లో ఉపాధ్యాయులందరికీ ఎన్నికల విధుల ఉత్తర్వులు అందాయి. అనంతపురం రూరల్‌ మండలం సిండికేట్‌నగర్‌ జిల్లా పరిషత్‌ ఉన్నత పాఠశాలలోనూ ఇదే పరిస్థితి నెలకొంది. ఒకే పాఠశాలలో పనిచేసే ఉపాధ్యాయులందరినీ ఎన్నికల విధులకు కేటాయిస్తే, శిక్షణ జరిగే రోజుల్లో విద్యార్థులకు బోధన ఎలా కొనసాగించాలనే ఆందోళన హెచ్‌ఎంలను వేధిస్తోంది. పాఠశాలల నిర్వహణకు ప్రత్యామ్నాయ ఏర్పాట్లు చేయాల్సిన అవసరం ఉందని ఉపాధ్యాయులు అభిప్రాయపడుతున్నారు. మినహాయింపులపై స్పష్టత ఏదీ? ప్రత్యేక పరిస్థితులు ఉన్న ఉద్యోగులు, దివ్యాంగులకు ఎన్నికల విధుల నుంచి మినహాయింపు ఉంటుందని అధికారులు ప్రకటించినట్లు ఉపాధ్యాయులు చెబుతున్నారు. అయితే, విడుదలైన జాబితాల్లో దివ్యాంగులు, ఉద్యోగ విరమణ చేసినవారు, ఏడాదిలోపు పదవీ విరమణ చేయనున్నవారి పేర్లు ఉండటంపై అభ్యంతరాలు వ్యక్తమవుతున్నాయి. ప్రిసైడింగ్‌ ఆఫీసర్లు (పీఓలు), అసిస్టెంట్‌ ప్రిసైడింగ్‌ ఆఫీసర్లు (ఏపీఓలు), ఇతర పోలింగ్‌ ఆఫీసర్లుగా (ఓపీఓలు) విద్యాశాఖతో పాటు ఇతర శాఖల ఉద్యోగులను నియమించినప్పటికీ, ఎక్కువగా హెచ్‌ఎంలు, ఉపాధ్యాయులకే బాధ్యతలు కేటాయించారు. శనివారం సాయంత్రం విడుదలైన జాబితాలను పరిశీలించిన ఉపాధ్యాయులు ఖంగుతిన్నారు.

●వైవీఆర్‌ కుటుంబ సభ్యుల హౌస్‌ అరెస్ట్‌ గుంతకల్లుటౌన్‌: గుంతకల్లు మాజీ ఎమ్మెల్యే, వైఎస్సార్‌సీపీ సమన్వయకర్త వై.వెంకటరామిరెడ్డితో పాటు పార్టీ జిల్లా ఉపాధ్యక్షురాలు నైరుతిరెడ్డి, యువనాయకుడు మంజునాథరెడ్డిని పోలీసులు హౌస్‌ అరెస్ట్‌ చేశారు. ఎంపీటీసీ, జెడ్పీటీసీ ఎన్నికల నామినేషన్‌కు వెళ్లకుండా ఆంక్షలు విధించారు. టూటౌన్‌ సీఐ రమేష్‌కుమార్‌, ఎస్‌ఐ కళ్యాణ్‌ తమ సిబ్బందితో శుక్రవారం ఉదయాన్నే వైవీఆర్‌ నివాసానికి చేరుకుని వారిని బయటకు వెళ్లరాదంటూ గృహ నిర్బంధం చేశారు. ఓటమి భయంతోనే అధికార టీడీపీ దాడులు, దౌర్జన్యాలకు పాల్పడుతూ ప్రజాస్వామ్యాన్ని ఖూనీ చేస్తోందని వైవీఆర్‌ విమర్శించారు. కూటమి పాలకులు, వారికి వత్తాసు పలుకుతున్న అధికారులంతా ప్రజాగ్రహానికి గురికాకతప్పదని ఆయన హెచ్చరించారు. ●వైఎస్సార్‌సీపీ నాయకుల గృహనిర్బంధం పామిడి: మండలంలోని 14 ఎంపీటీసీ స్థానాలకు నామినేషన్‌ వేసేందుకు అభ్యర్థులు శుక్రవారం పామిడిలోని వైఎస్సార్‌సీపీ జిల్లా ఆర్గనైజింగ్‌ ప్రధాన కార్యదర్శి పెమ్మక చెన్నకేశవరెడ్డి నివాసంలో సమావేశమయ్యారు. ఇదే సమయంలో సీఐ మనోహర్‌ వచ్చి పెమ్మక చెన్నకేశవరెడ్డితో పాటు వైఎస్సార్‌సీపీ రాష్ట్ర ప్రధాన కార్యదర్శి చుక్కలూరు దిలీప్‌రెడ్డి, ఎస్టీ సెల్‌ రాష్ట్ర ప్రధాన కార్యదర్శి మురళీనాయక్‌, జిల్లా నాయకులు బోయ రామచంద్ర, బోయ సూరి, పార్టీ పట్టణ, రూరల్‌ కన్వీనర్లు నాగూరు ఈశ్వర్‌రెడ్డి, రమావత్‌ రామకృష్ణనాయక్‌ను గృహ నిర్బంధం చేశారు. అభ్యర్థులపై దాడులు, బెదిరింపులకు పాల్పడుతూ భయానక వాతావరణం సృష్టిస్తున్న ఎమ్మెల్యే గుమ్మనూరు జయరాం అనుచరులు, టీడీపీ మూకలను కట్టడి చేయాల్సిందిపోయి తమను అక్రమంగా నిర్బంధించడం తగదని నాయకులు అన్నారు. ప్రజాస్వామ్యాన్ని కాపాడలేని ఈ ఎన్నికలను బాయ్‌కాట్‌ చేస్తున్నట్లు వైఎస్సార్‌సీపీ నేతలు ప్రకటించారు.

● 450 ఎంపీటీసీ స్థానాలకు 2,450 నామినేషన్లు ● 31 జెడ్పీటీసీ స్థానాలకు 265 నామినేషన్ల దాఖలు అనంతపురం న్యూ టౌన్‌: పరిషత్‌ ఎన్నికలకు సంబంధించి మూడు రోజులుగా సాగిన నామినేషన్ల ఘట్టం శుక్రవారం ముగిసింది. జిల్లాలోని 450 ఎంపీటీసీ స్థానాలకు గాను అన్ని పార్టీలకు సంబంధించి 2,450 మంది అభ్యర్థులు నామినేషన్లను దాఖలు చేశారు. ఇందులో కళ్యాణదుర్గం డివిజన్‌ పరిధిలోని 183 ఎంపీటీసీ స్థానాలకు 984 మంది నామినేషన్లు వేశారు. ఈ డివిజన్‌లో అత్యధికంగా కణేకల్లు మండలంలోని 19 ఎంపీటీసీ స్థానాలకు 138 మంది నామినేషన్లు దాఖ లు చేయడం గమనార్హం. అనంతపురం డివిజన్‌లోని 178 ఎంపీటీసీ స్థానాలకు 959 మంది నామినేషన్లు వేశారు. ఇందులో అత్యధికంగా అనంతపురం రూరల్‌ పరిధిలో ఉన్న 36 ఎంపీటీసీ స్థానాలకు మొత్తం 199 నామినేషన్లు దాఖలు అయ్యాయి. ఇక గుంతకల్లు డివిజన్‌ సంబంధించి 119 స్థానాలకు మొత్తం 507 మంది నామినేషన్లు వేశారు. ఈ డివిజన్లో అత్యధికంగా 23 ఎంపీటీసీ స్థానాలు ఉన్న ఉరవకొండ బరిలో 107 నామినేషన్లు దాఖలయ్యాయి. జిల్లాలోని 31 జెడ్పీటీసీ స్థానాలకు 265 మంది నామినేషన్లు వేశారు. నేడు నామినేషన్ల పరిశీలన పరిషత్‌ ఎన్నికలకు సంబంధించి నామినేషన్ల పరిశీలన కార్యక్రమం శనివారం జరగనుంది. జెడ్పీటీసీ నామినేషన్ల పరిశీలన జిల్లా పరిషత్‌ కార్యాలయం, ఎంపీటీసీ నామినేషన్ల పరిశీలన ఎంపీడీఓ కార్యాలయాల్లో నిర్వహించనున్నారు. నామినేషన్‌ దాఖలు చేసిన అభ్యర్థులు పరిశీలనకు హాజరు కావాల్సి ఉంటుందని ఎన్నికల అధికారులు తెలిపారు.

బెళుగుప్ప: నరసాపురం ఎంపీటీసీ స్థానానికి యలగలవంక గ్రామానికి చెందిన బోయ రాధమ్మ వైఎస్సార్‌సీపీ తరఫున నామినేషన్‌ వేసేందుకు ఎంపీడీఓ కార్యాలయం వద్దకు వచ్చారు. అప్పటికే అక్కడ కాపు కాచి ఉన్న నరసాపురం టీడీపీ నాయకులు ఆర్‌.కె.వెంకటేశులు, ఎర్రగుడి నాయకులు లక్ష్మినారాయణ, మురళి తదితరులు రాధమ్మ చేతిలోని నామినేషన్‌ పత్రాలను లాక్కుని చించేశారు. అభ్యర్థిపై దౌర్జన్యం చేయడాన్ని వైఎస్సార్‌సీపీ ఉరవకొండ నియోజకవర్గ సమన్వయకర్త, మాజీ ఎమ్మెల్యే వై.విశ్వేశ్వరరెడ్డి తీవ్రంగా ఖండించారు. ఘటనపై ఎన్నికల కమిషన్‌కు ఫిర్యాదు చేస్తామని పేర్కొన్నారు. నామినేషన్‌ పత్రాల చించివేత ఘటనపై ఎస్‌ఐ శివ స్పందించారు. మరోసెట్‌ పత్రాలను తెప్పించి వైఎస్సార్‌సీపీ అభ్యర్థి రాధమ్మతో నామినేషన్‌ వేయించారు.

అనంతపురం అర్బన్‌: ఎంపీటీసీ, జెడ్పీటీసీ ఎన్నికల నామినేషన్లతో పాటు రాబోయే పంచాయతీ ఎన్నికల్లో నామినేషన్‌ దాఖలు చేసేందుకు వచ్చే అభ్యర్థులను అడ్డుకున్నా, భయభ్రాంతులకు గురిచేసినా సదరు వ్యక్తులపై కఠిన చర్యలు తీసుకుంటామని కలెక్టర్‌, జిల్లా ఎన్నికల అధికారి ఆనంద్‌ హెచ్చరించారు. ఇలాంటి ఫిర్యాదులు అందిన వెంటనే స్పందించి చర్యలు తీసుకోవాలని అధికారులను ఆదేశించారు. ఈ మేరకు ఆయన శుక్రవారం ఒక ప్రకటన విడుదల చేశారు. నిబంధనల ప్రకారం అర్హులైన అభ్యర్థులందరి నామినేషన్లు స్వీకరించాలని ఆర్‌ఓలను ఆదేశించామన్నారు. నామినేషన్‌ వేసేందుకు వెళుతున్న సమయంలో ఎవరైనా అడ్డంకులు సృష్టించినా, అడ్డుకున్నా సంబంధిత రిటర్నింగ్‌ అధికారులు, పోలీసు, రెవెన్యూ అధికారుల దృష్టికి తీసుకురావాలని అభ్యర్థులకు సూచించారు. నిర్భయంగా నామినేషన్‌ దాఖలు చేసేందుకు పోలీసు అధికారులు పూర్తి సహాయ సహకారాలు అందిస్తారన్నారు. ఎన్నికల ప్రక్రియలో ప్రజాస్వామ్య హక్కులను పరిరక్షించేందుకు అధికార యంత్రాంగం సిద్ధంగా ఉందని, అభ్యర్థులు స్వేచ్ఛగా నామినేషన్‌ వేసుకోవచ్చన్నారు.

● వైఎస్సార్‌సీపీ అభ్యర్థుల నామినేషన్ల తిరస్కరణకు అధికారులపై ఒత్తిడి ● ఎంపీటీసీ స్థానాల ఏకగ్రీవాలతో పట్టు పెంచుకోవాలని పాట్లు సాక్షిప్రతినిధి, అనంతపురం: ఉరవకొండ నియోజకవర్గంలో ఎంపీటీసీ స్థానాలన్నీ అధికార టీడీపీ ఏకగ్రీవం చేసుకునేలా మంత్రి పయ్యావుల కేశవ్‌ కుట్ర పన్నినట్లు తెలుస్తోంది. నియోజకవర్గ పరిధిలోని పలు మండలాలు వైఎస్సార్‌సీపీకి సుదీర్ఘకాలంగా బలమైన కంచుకోటలుగా ఉన్నాయి. క్షేత్రస్థాయిలో ఆ పార్టీకి ఉన్న పట్టును దెబ్బతీసేందుకు, పరిషత్‌ పీఠాలను ఏకగ్రీవంగా కై వసం చేసుకునేందుకు మంత్రి పావులు కదుపుతున్నట్లు సమాచారం. ప్రధానంగా వైఎస్సార్‌సీపీ గెలుపు అవకాశాలు ఉన్న ఎంపీటీసీ స్థానాలు, భారీ మెజారిటీ వచ్చే ఎంపీటీసీ స్థానాలకు దాఖలైన నామినేషన్లను ఏదో ఒక కారణంతో తిరస్కరించాలని ఎన్నికల అధికారులపై ఒత్తిడి తెస్తున్నట్లు సమాచారం. మండలానికి రెండు లేదా మూడు నామినేషన్లు మాత్రమే వైఎస్సార్‌సీపీ తరఫున ఉండేలా చూడాలని మౌఖిక ఆదేశాలు జారీ చేసినట్లు తెలిసింది. నియోజకవర్గంలో మంత్రి పట్టు నిలుపుకోవడానికి ఈ వ్యూహం అమలు చేస్తున్నారనే చర్చ జరుగుతోంది. ప్రజాస్వామ్య వ్యవస్థలో ఓటర్ల తీర్పునకు అవకాశం ఇవ్వకుండా, ఇలా అడ్డదారుల ద్వారా గెలవాలనుకోవడం మంచిది కాదని ప్రజలు మండిపడుతున్నారు. వైఎస్సార్‌సీపీ అభ్యర్థుల వ్యాపారాలపై జీఎస్టీ దాడులు ఉరవకొండ: మంత్రి పయ్యావుల కేశవ్‌ ప్రాతినిధ్యం వహిస్తున్న ఉరవకొండ నియోజకవర్గంలో వైఎస్సార్‌సీపీ ఎంపీటీసీ–జెడ్పీటీసీ అభ్యర్థులను ఎన్నికల బరిలో లేకుండా చేసేందుకు టీడీపీ నేతలు కుట్ర రాజకీయాలకు తెర తీశారు. ఇప్పటికే నామినేషన్లు వేసిన అభ్యర్థులను ప్రత్యక్షంగా, ఫోన్‌ ద్వారా బెదిరింపులకు గురి చేశారు. తాజాగా జీఎస్టీ అధికారులను ఉసిగొలిపి వైఎస్సార్‌సీపీ అభ్యర్థుల షాపులపై దాడులు చేయించారు. శుక్రవారం ఉరవకొండ–1 ఎంపీటీసీ అభ్యర్థి బెలగల్‌ షమ్ము, ఉరవకొండ–2 ఎంపీటీసీ అభ్యర్థి పామిడి జాకీర్‌ వైఎస్సార్‌సీపీ తరఫున నామినేషన్లు దాఖలు చేశారు. ఇద్దరూ మైనార్టీ సామాజిక వర్గంలో బలమైన అభ్యర్థులు కావడంతో.. వారు నామినేషన్లు ఉపసంహరించుకునేలా టీడీపీ నేతలు నీచ రాజకీయాలకు ఒడిగట్టారు. ఆర్థికంగా బలహీనపరిచేందుకు వీరికి చెందిన రెండు జ్యువెలరీ షాపులతో పాటు గుంతకల్లు రోడ్డులోని హార్డ్‌వేర్‌ షాపుపై జీఎస్టీ అధికారులతో దాడులు చేయించారు. పట్టణంలో పదుల సంఖ్యలో జ్యువెలరీ షాపులు, ఇతర వ్యాపార షాపులు ఉన్నా... ఈ మూడు షాపులను మాత్రమే లక్ష్యంగా చేసుకుని దాడులు చేయించటం చర్చనీయాంశంగా మారింది. వైఎస్సార్‌సీపీ నాయకులు ఈడిగ ప్రసాద్‌, బసవరాజు, ఓబన్న తదితరులు మాట్లాడుతూ తమ పార్టీ అభ్యర్థులు నామినేషన్లు ఉపసంహరించుకునేలా మంత్రి ఆదేశాల మేరకే దాడులు అధికారుల ద్వారా దాడులు చేయించారని మండిపడ్డారు. అధికార పార్టీకి ఓటమి భయం పట్టుకుందనేది స్పష్టంగా తెలుస్తోందన్నారు.

● మాజీ ఎమ్మెల్యే కేతిరెడ్డి పెద్దారెడ్డి ఎంపీటీసీ ఎన్నికల నామినేషన్ల ఘట్టం చివరిరోజు కూడా పెద్దవడుగూరులో టీడీపీ నేత జేసీ ప్రభాకర్‌రెడ్డి వర్గీయులు అడుగడుగునా దాష్టీకానికి పాల్పడ్డారు. వైఎస్సార్‌సీపీ అభ్యర్థులు నామినేషన్లు వేయకుండా తొలి రెండు రోజులూ రాళ్లు, కర్రలతో విరుచుకుపడి భయోత్పాతం సృష్టించారు. ఎన్ని ఆటంకాలు సృష్టించినా మండలంలోని 13 ఎంపీటీసీ స్థానాలకూ నామినేషన్‌ వేసి తీరుతామని వైఎస్సార్‌సీపీ అభ్యర్థులు భీష్మించారు. నామినేషన్లు వేయించేందుకు తాము సహకరిస్తామని సీఐ నరేంద్రరెడ్డి హామీ ఇచ్చారు. ఆ మేరకు చివరిరోజు శుక్రవారం పార్టీ కార్యాలయం వద్ద నుంచి సీఐ తన సిబ్బందితో కలిసి వైఎస్సార్‌సీపీ అభ్యర్థులను ప్రైవేట్‌ వాహనాల్లో ఎక్కించుకుని నామినేషన్‌ కేంద్రానికి బయల్దేరారు. విషయం తెలుసుకున్న టీడీపీ గూండాలు మార్గమధ్యంలో అడ్డగించి రాళ్లు, కట్టెలతో దాడి చేశారు. దీంతో వాహనాలను అక్కడి నుంచి పోలీస్‌ స్టేషన్‌కు తరలించారు. గూండాలను చెదరగొట్టడానికి ప్రయత్నించారు. టీడీపీ వాళ్లతో మంతనాలు చేసిన సీఐ.. తిరిగి వైఎస్సార్‌సీపీ అభ్యర్థులను నామినేషన్‌ కేంద్రానికి వాహనాల్లో తీసుకెళ్లారు. పోలీస్‌ భద్రత నడుమ పెద్దవడుగూరులోని నామినేషన్‌ కేంద్రానికి చేరుకున్న వైఎస్సార్‌సీపీ అభ్యర్థుల్లోని ఓ మహిళ వద్ద నుంచి నామినేషన్‌ పత్రాలు లాక్కుని చించేందుకు టీడీపీ కార్యకర్త ప్రయత్నించగా.. అక్కడున్నవారు అడ్డుకున్నారు. అయినా వారు అంతటితో ఆగలేదు. ఏకంగా నామినేషన్‌ కేంద్రంపై దాడులకు తెగబడ్డారు. కిటికీలను కట్టెలతో బాదారు. వైఎస్సార్‌సీపీ నాయకుల వాహనాలను ధ్వంసం చేశారు. పరిస్థితిని సమీక్షించిన ఎస్పీ జగదీష్‌ పోలీస్‌ బలగాలతో చేరుకోవడంతో టీడీపీ గూండాలు అక్కడి నుంచి పరారయ్యారు. యల్లనూరులో రణరంగం ఎంపీటీసీ ఎన్నికల నామినేషన్ల చివరిరోజు శుక్రవారం యల్లనూరులో టీడీపీ గూండాలు రణరంగం సృష్టించారు. పోలీసుల భద్రత నడుమ వైఎస్సార్‌సీపీ అభ్యర్థులు వెళ్తున్న వాహనాలపై రాళ్లు రువ్వి.. కేకలు వేస్తూ రెచ్చిపోయారు. మండలంలో 10 ఎంపీటీసీ స్థానాలకు గాను 9 స్థానాలకు వైఎస్సార్‌సీపీ అభ్యర్థులు నామినేషన్‌ వేశారు. అయితే తాడిపత్రి మాజీ ఎమ్మెల్యే కేతిరెడ్డి పెద్దారెడ్డి స్వగ్రామం అయిన తిమ్మంపల్లి ఎంపీటీసీ స్థానం నుంచి వైఎస్సార్‌సీపీ అభ్యర్థి నామినేషన్‌ దాఖలు చేయకూడదని టీడీపీ నేత జేసీ ప్రభాకర్‌రెడ్డి వర్గీయులు కుట్ర పన్నారు. తిమ్మంపల్లి ఎంపీటీసీ అభ్యర్థిగా మిద్దె మనీషతో నామినేషన్‌ వేయిస్తామని, అందుకు అవకాశం కల్పించాలని వైఎస్సార్‌సీపీ రాష్ట్ర సంయుక్త కార్యదర్శి భోగతి విజయప్రతాప్‌రెడ్డి, రైతు విభాగం రాష్ట్ర జాయింట్‌ సెక్రటరీ సూరి, యూత్‌ విభాగం రాష్ట్ర జాయింట్‌ సెక్రటరీ వనం రవి, ప్రచార కమిటీ మాజీ అధ్యక్షుడు ఈశ్వరరెడ్డి, మాజీ ఉప సర్పంచ్‌ భాస్కర్‌రెడ్డి, బాలవెంకటరెడ్డి, చిలమకూరు జనార్థన్‌తో పాటు తదితరులు పోలీస్‌స్టేషన్‌ వద్ద రోడ్డుపై ధర్నాకు దిగారు. నామినేషన్‌ వేసేందుకు భద్రత కల్పిస్తామని అడిషనల్‌ ఎస్పీ నాగభూషణం, పుట్లూరు సీఐ వంశీ కృష్ణ, ఎస్‌ఐలు రామాంజనేయరెడ్డి, ధరణిబాబు తెలిపారు. ఈ మేరకు అభ్యర్థి మిద్దె మనీషను వాహనంలో ఎక్కించుకుని అడిషనల్‌ ఎస్పీ ముందు వస్తుండగా.. ‘పచ్చ’ గూండాలు రాళ్లు రువ్వుతూ కేకలు వేసుకుంటూ దూసుకొచ్చారు. దాడుల్లో కోడిమూర్తి గ్రామానికి చెందిన ఓబులేసుకు చెవి, తలకు గాయాలయ్యాయి. ఈ క్రమంలో పోలీసులు గాల్లోకి భాష్పవాయువును ప్రయోగించారు. అనంతరం ప్రత్యేక బలగాలు రంగంలోకి దిగడంతో పరిస్థితి అదుపులోకి వచ్చింది. అయినప్పటికీ మనీషతో నామినేషన్‌ మాత్రం వేయించలేకపోయారు. గుంతకల్లులో నామినేషన్లకు అడ్డంకులు అధికార పార్టీ నాయకుల దౌర్జన్యం, దాడుల కారణంగా గుంతకల్లు మండలంలోని 13 ఎంపీటీసీ స్థానాలకు వైఎస్సార్‌సీపీ అభ్యర్థులు నామినేషన్లు వేయలేకపోయారు. నామినేషన్లు వేసేందుకు కేంద్రం దాకా వచ్చిన అభ్యర్థుల చేతిలోనుంచి పత్రాలను లాక్కుని చించేయడంతో వైఎస్సార్‌సీపీ అభ్యర్థులు నామినేషన్లను బాయ్‌కాట్‌ చేశారు. పెద్దారెడ్డిని ఇంటి నుంచి బయటకు రాకుండా అడ్డుకుంటున్న సీఐ ఆరోహణరావు ప్రాదేశిక ఎన్నికల్లో ఆగని దమనకాండ పోలీసుల కళ్లెదుటే దాడులు.. దౌర్జన్యాలు పచ్చ గూండాలను నిలువరించలేని నిస్సహాయత కొనసాగిన వైఎస్సార్‌సీపీ నాయకుల హౌస్‌ అరెస్టులు తాడిపత్రిటౌన్‌: ‘వైఎస్సార్‌సీపీ కార్యకర్తలపై దాడులు చేసినా.. ఇంటిపై రాళ్లు రువ్వినా.. కేవలం మా పార్టీ అధినేత వైఎస్‌ జగన్‌మోహన్‌రెడ్డి ఆదేశాలతోనే రెండున్నరేళ్లుగా సంయమనం పాటించా. మౌనంగా ఉన్నాం కదా అని తెగేదాకా లాగాలని చూడకు’ అంటూ టీడీపీ నేత జేసీ ప్రభాకర్‌రెడ్డిని మాజీ ఎమ్మెల్యే కేతిరెడ్డి పెద్దారెడ్డి హెచ్చరించారు. స్వగ్రామం యల్లనూరు మండలం తిమ్మంపల్లిలో వైఎస్సార్‌సీపీ ఎంపీటీసీ అభ్యర్థి నామినేషన్‌ వేయకుండా జేసీ అనుచరులైన టీడీపీ గూండాలు దాడులకు తెగబడిన విషయం తెలుసుకున్న పెద్దారెడ్డి.. శుక్రవారం అక్కడికి వెళ్లేందుకు సిద్ధమయ్యారు. ఈ క్రమంలో తాడిపత్రి పట్టణ సీఐ ఆరోహణరావు సిబ్బందితో వచ్చి పెద్దారెడ్డిని హౌస్‌ అరెస్ట్‌ చేశారు. ఈ సందర్భంగా పెద్దారెడ్డి మాట్లాడుతూ జేసీ అనుచరులు వైఎస్సార్‌సీపీ అభ్యర్థులపై దాడులకు తెగబడుతుంటే పోలీసులు అండగా నిలుస్తున్నారని, ఇలాంటి పరిస్థితుల్లో తాడిపత్రి, యల్లనూరు మండలంలో ఎన్నికలకు దూరంగా ఉండాలని నిర్ణయించుకున్నామని చెప్పారు. జేసీ, పోలీసుల అండ చూసుకుని రెచ్చిపోతున్న టీడీపీ మూకలు భవిష్యత్తులో తగిన మూల్యం చెల్లించుకుంటారని హెచ్చరించారు.

గుంతకల్లు రూరల్‌: సినీ హీరో విజయ్‌ దేవరకొండ శుక్రవారం కసాపురం శ్రీ నెట్టికంటి ఆంజనేయస్వామిని దర్శించుకున్నారు. రణబాలి సినిమా ప్రేక్షకాదరణ పొందడంతో స్వామివారిని దర్శించుకునేందుకు వచ్చిన ఆయనకు ఆలయ ఈఓ ఎం.విజయరాజు, అర్చక బృందం ఘన స్వాగతం పలికారు. ఆలయంలో స్వామి వారికి విజయ్‌ దేవరకొండ కుటుంబ సభ్యుల తరఫున ప్రత్యేక పూజలు నిర్వహించి తీర్థప్రసాదాలు, ఆశీర్వచనాలు అందజేశారు. ఈ సందర్భంగా సినీ హీరోను చూసేందుకు చుట్టుపక్కల ప్రాంతాల నుంచి అభిమానులు పెద్దఎత్తున ఆలయం వద్దకు తరలివచ్చారు. మొరాయించిన ఆర్టీసీ బస్సు ● గంటన్నర పాటు పడిగాపులు కాసిన ఉద్యోగులు, ప్రయాణికులు కూడేరు: ప్రభుత్వం కండీషన్‌ బస్సులు నడపకపోవడంతో అవి ఎక్కడపడితే అక్కడ మొరాయిస్తుండడంతో సమయానికి అధికారులు విధులకు వెళ్లలేక, ప్రజలు గమ్యస్థానానికి చేరుకోలేక తీవ్ర ఇబ్బంది పడుతున్నారు. వివరాల్లోకి వెళితే.. శుక్రవారం ఉదయం 9 గంటల ప్రాంతంలో కూడేరు మండల శివారు ప్రాంతంలో అనంతపురం నుంచి బళ్లారికి వెళ్తున్న ఆర్టీసీ బస్సు మొరాయించింది. అందులో కూడేరు, ఉరవకొండ, విడపనకల్‌ మండలాల్లో పని చేసే ప్రభుత్వ ఉద్యోగులు, ప్రజలు ఉన్నారు. దాదాపు గంటన్నర పాటు వారు బయట పడిగాపులు కాయాల్సి వచ్చింది. దీంతో ఉద్యోగులు, ప్రయాణికులు సకాలంలో గమ్యస్థానానికి చేరుకోలేక ఇబ్బందులు పడ్డారు. అనంతరం మరొక బస్సు రావడంతో అందులో ఎక్కి వెళ్లారు. ఇప్పటికై నా ఆర్టీసీ అధికారులు కండీషన్‌ ఉన్న బస్సులనే నడపాలని ప్రజలు కోరారు. నామినేషన్ల ప్రక్రియ ప్రశాంతంగా ముగించండి ఆత్మకూరు: ఎంపీటీసీ ఎన్నికలకు సంబంధించిన నామినేషన్ల ప్రక్రియ ప్రశాంతంగా ముగించాలని జిల్లా ఎస్పీ జగదీష్‌ పోలీస్‌ సిబ్బందికి సూచించారు. శుక్రవారం ఆత్మకూరు మండల కేంద్రంలో జరుగుతున్న నామినేషన్ల ప్రక్రియను ఆయన పరిశీలించారు. నామినేషన్ల వేసేందుకు వచ్చిన అభ్యర్థులు ఎలాంటి ఇబ్బందులు తలెత్తకుండా చూసుకోవాలని ఆదేశించారు. అనంతరం ఎంపీడీఓ కార్యాలయానికి వెళ్లి నామినేషన్ల ప్రక్రియపై ఆర్డీఓను అడిగి తెలుసుకున్నారు. ఎలాంటి అవాంఛనీయ సంఘటనలు తలెత్తకుండా జాగ్రత్తలు తీసుకోవాలని పోలీసు సిబ్బందికి సూచించారు. డీఎస్పీ విజయ్‌కుమార్‌, సీఐ హేమంత్‌కుమార్‌, ఆర్‌డీఓ హేమంత్‌కుమార్‌, ఎస్‌ఐ లక్ష్మణరావు పాల్గొన్నారు. నామినేషన్ల పరిశీలనకు అభ్యర్థులు హాజరవ్వాలి ● జెడ్పీ సీఈఓ పి.విజయలక్ష్మి అనంతపురం న్యూ టౌన్‌: జిల్లాలో జెడ్పీటీసీ, ఎంపీటీసీ నామినేషన్ల పరిశీలన (స్క్రూటినీ) ప్రక్రియలో అభ్యర్థులు తప్పక హాజరుకావాలని జెడ్పీటీసీ, ఎంపీటీసీ ఎన్నికల రిటర్నింగ్‌ అధికారి, జిల్లా ప్రజా పరిషత్‌ సీఈఓ పి.విజయలక్ష్మి తెలిపారు. జిల్లా కలెక్టర్‌ తరఫున ఆమె మీడియాకు సమాచారాన్ని అందించారు. జిల్లాలోని మూడు డివిజన్ల పరిధిలో జెడ్పీటీసీ స్థానాలకు, అలాగే అన్ని మండలాల పరిధిలోని ఎంపీటీసీ స్థానాలకు దాఖలైన నామినేషన్ల పరిశీలన (స్క్రూటినీ) శనివారం ఉదయం 8 గంటల నుండి ప్రారంభం కానుందని చెప్పారు. జెడ్పీటీసీ స్థానాలకు సంబంధించి జిల్లా కేంద్రంలోని జిల్లా పరిషత్‌లో, ఎంపీటీసీ స్థానాలకు సంబంధిత మండల పరిషత్‌ కార్యాలయాలలోనూ ఈ ప్రక్రియ జరుగుతుందని చెప్పారు. నామినేషన్లు దాఖలు చేసిన అభ్యర్థులు ఆర్‌ఓలు, సహాయ రిటర్నింగ్‌ అధికారుల సమక్షంలో షెడ్యూల్‌ ప్రకారం జరగబోయే ఈ స్క్రూటినీ ప్రక్రియకు తప్పనిసరిగా హాజరుకావాలని కోరారు. అభ్యర్థులు తమ వెంట అవసరమైన ధ్రువీకరణ పత్రాలను సిద్ధం చేసుకుని సకాలంలో హాజరుకావాలని సీఈఓ తెలియజేశారు.

● సర్కారీ ఉద్యోగానికి రాజీనామా చేసి రాజకీయాల్లోకి.. ● రాప్తాడు జెడ్పీటీసీ బరిలో వైఎస్సార్‌సీపీ అభ్యర్థినిగా ఆగ్రహారం కావ్య రాప్తాడు రూరల్‌: ప్రభుత్వ ఉద్యోగం.. భద్రమైన భవిష్యత్తుఅయినా ఆమె మనసు మాత్రం ప్రజాజీవితం వైపు మళ్లింది. ఉద్యోగ బాధ్యతలకు రాజీనామా చేసి రాజకీయాల్లోకి అడుగుపెట్టారు ఆగ్రహారం కావ్య. ప్రజలకు సేవ చేయాలనే తలంపుతో రాప్తాడు జెడ్పీటీసీ ఎన్నికల్లో వైఎస్సార్‌సీపీ తరఫున బరిలో నిలిచారు. ఉన్నత విద్య, ఉద్యోగ అనుభవం ఉన్న ఆమె రాజకీయ ప్రస్థానం ఇప్పుడు స్థానికంగా ఆసక్తిని రేకెత్తిస్తోంది. ఉద్యోగాన్ని వీడి.. రాజకీయాల వైపు రాప్తాడు మండలం హంపాపురం గ్రామానికి చెందిన మాజీ ఎంపీటీసీ సభ్యుడు చుక్క సంజీవరాయుడు కోడలు ఆగ్రహారం కావ్య బీటెక్‌ పూర్తి చేశారు. సచివాలయ డిజిటల్‌ అసిస్టెంట్‌గా ఉద్యోగం సాధించారు. అయితే రాజకీయాలపై ఉన్న ఆసక్తి, వైఎస్సార్‌సీపీ అధినేత వైఎస్‌ జగన్‌మోహన్‌రెడ్డిపై అభిమానం, కుటుంబ సభ్యుల ప్రోత్సాహంతో ప్రజాప్రతినిధిగా సేవలందించాలని నిర్ణయించుకుని రాజకీయాల్లోకి వచ్చింది. రాప్తాడు మండల అభివృద్ధికి తనవంతు కృషి, మండలంలో నెలకొన్న ప్రజా సమస్యలు పరిష్కరించడమే లక్ష్యమని కావ్య తెలియజేశారు. రాప్తాడు జెడ్పీటీసీ స్థానానికి వైఎస్సార్‌సీపీ అభ్యర్థిగా ఆగ్రహారం కావ్య శుక్రవారం అనంతపురం జిల్లా పరిషత్‌ కార్యాలయంలో నామినేషన్‌ దాఖలు చేశారు. మండలంలోని అన్ని గ్రామాల్లో ప్రజలను కలుపుకుని, అందరి మద్దతుతో ఎన్నికల ప్రచారం నిర్వహిస్తానని తెలిపారు.

అనంతపురం: ఏఎఫ్‌ ఎకాలజీ సెంటర్‌ ఆధ్వర్యంలో జిల్లాలోని నిరుద్యోగ యువతకు కంప్యూటర్‌, ట్యాలీ కోర్సుల్లో ఉచిత శిక్షణ ఇస్తున్నట్టు సెంటర్‌ డైరెక్టర్‌ డాక్టర్‌ వైవీ మల్లారెడ్డి శుక్రవారం ఓ ప్రకటనలో పేర్కొన్నారు. 45 రోజుల వ్యవధి ఉన్న కోర్సులో కస్టమర్‌ రిలేషన్‌షిప్‌ – సర్వీస్‌, కంప్యూటర్‌ స్కిల్స్‌, టైపింగ్‌, ఎంఎస్‌ ఆఫీస్‌, ట్యాలీ (జీఎస్టీ), స్పోకెన్‌ ఇంగ్లిష్‌, కమ్యూనికేషన్‌ స్కిల్స్‌, లైఫ్‌ స్టైల్స్‌, వర్క్‌ ప్లేస్‌ ఎథిక్స్‌ తదితర అంశాలపై శిక్షణ ఇవ్వనున్నట్టు తెలియజేశారు. ఇంటర్‌ పాస్‌, డిప్లమా/డిగ్రీ/పీజీ – పాస్‌/ఫెయిల్‌ అయ్యి, 19 నుంచి 35 ఏళ్ల మధ్య వయసున్న యువతీ యువకులు అర్హులని చెప్పారు. శిక్షణలో అభ్యర్థులకు మధ్యాహ్న భోజనం ఉచితంగా అందించనున్నట్టు తెలిపారు. శిక్షణ పూర్తి చేసుకున్న వారికి సర్టిఫికెట్ల ప్రదానంతోపాటు వంద శాతం ఉద్యోగ అవకాశాలు కల్పిస్తారు. వివరాలకు 77807 52418ను సంప్రదించవచ్చన్నారు. 26న జిల్లాస్థాయి పారా అథ్లెట్ల ఎంపిక అనంతపురం: జిల్లాస్థాయి పారా జూనియర్‌, సబ్‌ జూనియర్‌ అథ్లెటిక్స్‌ పోటీలు ఈ నెల 26న అనంతపురంలోని అశోక్‌నగర్‌లో ఉన్న ఇండోర్‌ స్టేడియంలో చేపట్టనున్నట్టు జిల్లా పారా స్పోర్ట్స్‌ అసోసియేషన్‌ సెక్రటరీ ఎన్‌.శ్రీనివాసులు శుక్రవారం ఓ ప్రకటన విడుదల చేశారు. ఎంపికై న వారిని ఏపీ పారా స్పోర్ట్స్‌ అసోసియేషన్‌ ఆధ్వర్యంలో త్వరలో జరిగే రాష్ట్రస్థాయి పోటీలకు పంపనున్నట్టు పేర్కొన్నారు. ఆసక్తి ఉన్న పారా అథ్లెట్లు ఈ నెల 26న ఉదయం 9:30 నుంచి 1 గంట లోపు పేర్లు రిజిస్ట్రేషన్‌ చేసుకోవాల్సి ఉంటుంది. రిజిస్ట్రేషన్‌ చేసుకున్న వారికి ఆయా ఈవెంట్లలో పోటీలు నిర్వహించి, ప్రతిభ కనబరిచిన వారిని రాష్ట్రస్థాయి పోటీలకు ఎంపిక చేయనున్నారు. వివరాలకు జిల్లా పారా స్పోర్ట్స్‌ అసోసియేషన్‌ అధ్యక్షుడు శివప్ప 85009 64473, కార్యదర్శి శ్రీనివాసులు 80741 06154ను సంప్రదించవచ్చని తెలిపారు. శెభాష్‌.. సురేష్‌ ● ఇస్రోకు ఎంపికై న చిన్నమట్లగొంది వాసి శింగనమల: మండలంలోని చిన్నమట్లగొంది గ్రామానికి చెందిన ఆకుల సాయిసురేష్‌ ఇస్రో పరీక్ష ఫలితాల్లో ఆలిండియా 28వ ర్యాంక్‌ సాధించినట్టు అతడి తండ్రి సూర్యనారాయణ తెలిపారు. పదో తరగతి వరకు సలకంచెర్వులోని జెడ్పీహెచ్‌ఎస్‌లో చదువుకున్న సురేష్‌ ఇంటర్‌ అనంతపురంలో, బీటెక్‌ ఎస్వీయూలో, ఎం.టెక్‌ ఎన్‌ఐటీ వరంగల్‌లో చదివాడు. ఇస్రోలోని యంత్రాల తయారీ విభాగంలో ఇంజనీర్‌గా ఎంపికై నట్టు కుటుంబసభ్యులు తెలిపారు. ఇస్రోలో సురేష్‌ ఉద్యోగం సాధించడంతో గ్రామస్తులు అభినందనలు తెలియజేశారు.

చిలమత్తూరు: రాప్తాడు మాజీ ఎమ్మెల్యే తోపుదుర్తి ప్రకాష్‌రెడ్డి సోదరుడు తోపుదుర్తి రాజశేఖర్‌రెడ్డి, నయనతారెడ్డిలను రాష్ట్ర సరిహద్దు బాగేపల్లి టోల్‌ప్లాజా వద్ద హిందూపురం పోలీసులు అడ్డుకున్నారు. శుక్రవారం బెంగళూరు నుంచి రాప్తాడు వెళ్తున్న వారిని వెళ్లనియ్యలేదు. తాము తప్పనిసరిగా వెళ్లాల్సి ఉందని చెప్పినా వినకపోవడంతో పోలీసుల తీరుపై వారు అసహనం వ్యక్తం చేశారు. తమను అడ్డుకున్నా ప్రజల మనసుల్లో వైఎస్‌ జగన్‌మోహన్‌రెడ్డి ఉన్నారని, టీడీపీకి తగిన సమయంలో ప్రజలే బుద్ధి చెబుతారని పేర్కొన్నారు.

అనంతపురం సెంట్రల్‌: త్రిపుల్‌ ఐటీలో ఇంటర్‌ చదువుతున్న విద్యార్థిని ఉరి వేసుకొని ఆత్మహత్య చేసుకున్న ఘటన నగరంలోని ఐదో రోడ్డులో జరిగింది. త్రీటౌన్‌ పోలీసులు తెలిపిన వివరాల మేరకు.. స్థానికంగా నివాసముంటున్న సుబ్బరెడ్డి కుమార్తె తనుశ్రీ(18) ఇడుపులపాయ త్రిపుల్‌ ఐటీలో ఇంటర్‌ చదువుతోంది. దసరా సెలవులకు వచ్చిన విద్యార్థిని చదువు విషయంలో ఇబ్బందులు పడుతున్నట్టు తల్లిదండ్రులకు తెలిపింది. సెలవులు ముగియడంతో శనివారం కళాశాలకు బయలుదేరాల్సి ఉంది. ఇంతలోనే ఇంట్లో ఎవరూ లేని సమయంలో ఫ్యాన్‌కు ఉరివేసుకొని ఆత్మహత్య చేసుకుంది. గమనించిన తల్లిదండ్రులు హుటాహుటిన ప్రభుత్వాసుపత్రికి తరలించగా అప్పటికే మృతి చెందినట్టు వైద్యులు ధ్రువీకరించారు. ఘటనాస్థలాన్ని త్రీటౌన్‌ పోలీసులు పరిశీలించి కేసు నమోదు చేసుకొని దర్యాప్తు చేస్తున్నారు.

అనంతపురం అర్బన్‌: మునిసిపల్‌ ఎన్నికల పోలింగ్‌ నిర్వహణకు కేటాయించిన అధికారులకు సంబంధించి రెండవ దశ ర్యాండమైజేషన్‌ ప్రక్రియ పూర్తయ్యిందని కలెక్టర్‌, జిల్లా ఎన్నికల అధికారి ఒ.ఆనంద్‌ చెప్పారు. శుక్రవారం కలెక్టరేట్‌లోని ఎన్‌ఐసీలో పోలింగ్‌ అధికారుల రెండవ దశ ర్యాండమైజేషన్‌ను కలెక్టర్‌తోపాటు ఎన్నికల సాధారణ, ఎక్స్‌పెండేచర్‌ పరిశీలకులు స్మరణ్‌రాజ్‌, సుబ్బరాజు పరిశీలించారు. ర్యాండమైజేషన్‌ తీరును ఎన్‌ఐసీ డీఐఓ భారతి వివరించారు. ఈ సందర్భంగా కలెక్టర్‌ మాట్లాడుతూ అనంతపురం నగరపాలక సంస్థతోపాటు జిల్లాలోని గుత్తి, గుంతకల్‌, కళ్యాణదుర్గం, రాయదుర్గం, తాడిపత్రి మున్సిపాలిటీల పరిధిలో 689 పోలింగ్‌ కేంద్రాలు ఏర్పాటు చేశామన్నారు. వీటికి సంబంధిత హెచ్‌ఓడీలు ఎంట్రీ చేసిన డేటా ప్రకారం అధికారుల హోదా ఆధారంగా ప్రిసైడింగ్‌ అధికారులు, అసిస్టెంట్‌ ప్రిసైడింగ్‌ అధికారులు, ఓపీఓలు మొత్తం 4,960 మంది పోలింగ్‌ సిబ్బందిని కేటాయించామన్నారు. అదే విధంగా 20 శాతం అదనంగా సిబ్బంది కేటాయింపు ప్రక్రియ చేపట్టామన్నారు. వీరికి శనివారం స్థానిక నీలం రాజశేఖర్‌రెడ్డి కన్వెన్షన్‌ హాల్‌లో శిక్షణ నిర్వహించి పకడ్బందీగా పోలింగ్‌ నిర్వహణకు చర్యలు తీసుకుంటామన్నారు. కార్యక్రమంలో డీఆర్‌ఓ ఎ.మలోల, స్పెషల్‌ డిప్యూటీ కలెక్టర్‌ పద్మావతి, జిల్లా రిజిస్ట్రర్‌ ఆడిట్‌ భార్గవ్‌, కలెక్టరేట్‌ పరిపాలనాధికారి అలెగ్జాండర్‌, గణాంకాధికారి గిరిధర్‌ తదితరులు పాల్గొన్నారు. రెండో దశ ర్యాండమైజేషన్‌ ప్రక్రియ పరిశీలన మున్సిపల్‌ ఎన్నికల విధుల్లో 4960 మంది వివరాలు వెల్లడించిన కలెక్టర్‌, జిల్లా ఎన్నికల అధికారి ఆనంద్‌

అనంతపురం అర్బన్‌: చంద్రబాబు ప్రభుత్వంలో కూటమి పార్టీల నాయకులు ప్రజాస్వామ్యాన్ని ఖూనీ చేస్తున్నారని సీపీఐ రాష్ట్ర కార్యదర్శివర్గ సభ్యుడు డి.జగదీష్‌ ధ్వజమెత్తారు. శుక్రవారం స్థానిక ఆ పార్టీ కార్యాలయంలో వైఎస్సార్‌సీపీ మేయర్‌ అభ్యర్థి సి.రమేష్‌గౌడ్‌, సీపీఐ రాష్ట్ర కార్యవర్గ సభ్యుడు సి.జాఫర్‌, జిల్లా కార్యదర్శి పాళోయం నారాయణస్వామితో కలిసి ఆయన విలేకరులతో మాట్లాడారు. చంద్రబాబు అధికారాన్ని అడ్డుపెట్టుకుని అధికారపార్టీ నాయకులు ఎన్నడూ లేనంతగా ప్రతిపక్ష పార్టీల అభ్యర్థులపై దౌర్జన్యాలు, దాడులు తెగబడుతున్నారని తెలిపారు. స్థానిక సంస్థల ఎన్నికలు సజావుగా జరిగితే ఓటమి తప్పదనే, అధికార పార్టీ నాయకులు ఇలాంటి దుశ్చర్యలకు పాల్పడుతున్నారని పేర్కొన్నారు. ప్రజా వ్యతిరేక ప్రభుత్వానికి ఓటు వేయొద్దని ప్రజలకు పిలుపునిచ్చారు. స్వేచ్ఛగా జరగాల్సిన ఎన్నికలను ఏకంగా కేంద్రాల వద్ద అధికార పార్టీలకు చెందిన గూండాలు తిష్టవేసి, దాడులకు పాల్పడడం అప్రజాస్వామికమన్నారు. కార్పొరేషన్‌ ఎన్నికల బరిలో ఉన్న వైఎస్సార్‌సీపీ, సీపీఐ అభ్యర్థుల రక్షణకు గన్‌మెన్‌లను ఇవ్వాలని డిమాండ్‌ చేశారు. రమేష్‌గౌడ్‌ను గెలిపించండి వైఎస్సార్‌సీపీ మేయర్‌ అభ్యర్థి సి.రమేష్‌గౌడ్‌ను సీపీఐ పార్టీ బలపరుస్తోందని, ఆయనతో వైఎస్సార్‌సీపీ, సీపీఐ, సీపీఎం అభ్యర్థులకు ఓటు వేసి గెలిపించాలని ప్రజలను జగదీష్‌ కోరారు. అర్బన్‌ ఎమ్మెల్యే అవినీతి, అక్రమాల ఆరోపణలతో సైకిల్‌ గుర్తు లేకుండా కమలం గుర్తు తీసుకొచ్చారని ఎద్దేవా చేశారు. టీడీపీ హయాంలో అభివృద్ధి శూన్యం ఎన్నికల సమయంలో ఇచ్చిన ఏఒక్క హామీని చంద్రబాబు ప్రభుత్వం అమలు చేయలేదని వైఎస్సార్‌సీపీ మేయర్‌ అభ్యర్థి సి.రమేష్‌గౌడ్‌ వాపోయారు. 2014 నుంచి 2019 వరకు టీడీపీ హయాంలో అభివృద్ధి శూన్యమన్నారు. 2019 నుంచి 2024 వరకు వైఎస్సార్‌సీపీ ప్రభుత్వ హాయంలో నగర పరిధిలో వేల కోట్ల రూపాయల వ్యయంతో అభివృద్ధి పనులు జరిగాయని గుర్తు చేశారు. టీడీపీ ప్రభుత్వ రెండున్నరేళ్ల పాలనలో విసిగిపోయామని ప్రజలు బహిరంగంగానే చెబుతున్నారని తెలియజేశారు. ‘సేవ్‌ అనంతపురం’నినాదంతో నగర ప్రజలందరూ ఏకమవ్వడం సంతోషదాయకమన్నారు. 62 డివిజన్లలో జరుగుతున్న పోరు ఢిల్లీ గర్వానికి, అనంతపురం నగర ఆత్మగౌరవానికి మధ్యేనని స్పష్టం చేశారు. టీడీపీ పాలనలో ప్రజాస్వామ్యం ఖూనీ ఎన్నడూ లేనంతగా దౌర్జన్యాలు, దాడులు వైఎస్సార్‌సీపీ, సీపీఐ, సీపీఎం అభ్యర్థులను గెలిపించండి : సీపీఐ నేత జగదీష్‌

శెట్టూరు: మండల వైఎస్సార్‌సీపీ జెడ్పీటీసీ అభ్యర్థిగా కె.మహాదేవి నామినేషన్‌ పత్రాలు సమర్పించింది. శుక్రవారం ఆమె నాలుగు నెలల చిన్నారిని ఎత్తుకొని నామినేషన్‌ వేయడానికి రావడం అక్కడున్న వారి చేత ఔరా అనిపించేలా చేసింది. స్థానిక సంస్థల ఎన్నికల అధికార పార్టీ నాయకులు చేస్తున్న దౌర్జన్యాలు, అలజడులను చూస్తున్నా.. ఆమె చిన్నారితో నామినేషన్‌ వేయడానికి రావడం పలువురిని అవాక్కు చేసింది. వైఎస్‌ జగన్‌ ఆశయసాధన.. వైఎస్సార్‌సీపీపై మక్కువతో జెడ్పీటీసీగా పోటీ చేస్తున్నట్టు ఆమె తెలిపారు. మండలానికి చెందిన పలువురు వైఎస్సార్‌సీపీ నాయకులతో కలిసి అనంతపురంలోని జెడ్పీ కార్యాలయంలో మహాదేవి తన నామినేషన్‌ పత్రాలు అధికారులకు అందజేశారు. ఆమె వెంట మాజీ జెడ్పీటీసీ మంజునాథ, మండల కన్వీనర్‌ ఎమ్మెఎస్‌ రాయుడు, మాజీ ఎంపీపీ రామభీమప్ప, పెద్ద సంఖ్యలో కార్యకర్తలు పాల్గొన్నారు.

అనంతపురం ఎడ్యుకేషన్‌: ప్రజాస్వామ్యబద్ధంగా జరగాల్సిన స్థానిక సంస్థల ఎన్నికల్లో అధికార బలాన్ని అడ్డుపెట్టుకుని ప్రతిపక్ష అభ్యర్థులను నామినేషన్లు వేయకుండా అడ్డుకుంటున్నారని మాజీ ఎంపీ గోరంట్ల మాధవ్‌ మండిపడ్డారు. గోరంట్ల మాధవ్‌, వైఎస్సార్‌సీపీ సీనియర్‌ నాయకుడు తోపుదుర్తి చంద్రశేఖర్‌రెడ్డిలను శుక్రవారం రామగిరి మండలానికి వెళ్లకుండా అనంతపురం నగర శివారులోని గోరంట్ల మాధవ్‌ నివాసంలో పోలీసులు హౌస్‌ అరెస్ట్‌ చేశారు. శాంతిభద్రతల సమస్యలు తలెత్తే ప్రమాదం ఉందని, అక్కడికి వెళ్లేందుకు అనుమతించలేమని పోలీసులు స్పష్టం చేశారు. ఈ సందర్భంగా గోరంట్ల మాధవ్‌ మాట్లాడుతూ.. గత మూడు రోజులుగా తనను బయటకు వెళ్లనీయకుండా నిర్బంధిస్తున్నారని ఆవేదన వ్యక్తం చేశారు. రాష్ట్రంలో ప్రజాస్వామ్యాన్ని, రాజ్యాంగాన్ని, సుప్రీంకోర్టు తీర్పును, చివరకు ఎన్నికల ప్రక్రియనే అపహాస్యం చేస్తున్నారని తీవ్ర ఆగ్రహం వ్యక్తం చేశారు. ఎన్నికల్లో పోటీ చేసే అభ్యర్థులకు నామినేషన్లు దాఖలు చేసే అవకాశం కల్పించాల్సిన బాధ్యత అధికారులపై ఉందని, కానీ అందుకు భిన్నంగా ప్రతిపక్ష పార్టీ అభ్యర్థులను అడ్డుకుంటూ, ప్రశ్నించే నాయకులను ఇళ్ల నుంచి బయటకు వెళ్లనివ్వకుండా చేస్తుండడం అప్రజాస్వామికమన్నారు. నామినేషన్‌ కేంద్రాల వద్ద టీడీపీకి చెందిన గూండాలు, రౌడీలు, బ్లేడ్‌బ్యాచ్‌, తాగుబోతులతో పాటు కర్ణాటక నుంచి కిరాయి హంతకులను రప్పించారని ఆరోపించారు. రాళ్లు, రప్పలు, వేటకొడవళ్లతో భయోత్పాతం సృష్టించి ప్రతిపక్ష అభ్యర్థులు నామినేషన్లు వేయకుండా అడ్డుకున్నారని మండిపడ్డారు. నామినేషన్‌ పత్రాలను చించివేయడంతోపాటు దాడులకు పాల్పడ్డారని, మహిళలనే కనికరం లేకుండా దాడులు చేయడం విచారకరమన్నారు. స్వేచ్ఛగా ఎన్నికలు జరిగితే ప్రజలు తిరస్కరిస్తారనే ఆందోళనతో అధికారాన్ని అడ్డుపెట్టుకుని, పోలీసుల సమక్షంలోనే నామినేషన్లను అడ్డుకుంటూ ఏకగ్రీవాలకు ప్రయత్నిస్తుండడాన్ని తీవ్రంగా తప్పుబట్టారు. ప్రశ్నించే హక్కునూ కాలరాస్తున్నారు నామినేషన్ల సందర్భంగా చోటు చేసుకుంటున్న ఘటనలను ప్రశ్నించేందుకు కూడా ప్రతిపక్ష నాయకులకు హక్కు లేకుండా చేస్తున్నారని గోరంట్ల మాధవ్‌ వాపోయారు. ప్రజాస్వామ్యంలో ప్రతిపక్షానికి మాట్లాడే హక్కు, ఎన్నికల్లో పోటీ చేసే హక్కు ఉన్నాయని గుర్తుచేశారు. ఎన్నికల ప్రక్రియ నిష్పక్షపాతంగా జరిగేలా చూడాల్సిన బాధ్యత అధికారులపై ఉందన్నారు. ప్రస్తుత పరిణామాలకు ప్రజలు తగిన సమాధానం చెబుతారన్నారు. 2029 ఎన్నికల్లో చంద్రబాబునాయుడును రాజకీయంగా పాతాళానికి తొక్కి, వైఎస్‌ జగన్‌మోహన్‌రెడ్డిని ముఖ్యమంత్రిని చేయడానికి ప్రజలు సిద్ధంగా ఉన్నారని వ్యాఖ్యానించారు. ప్రజాస్వామ్యాన్ని, ఎన్నికల హక్కులను కాపాడుకోవాల్సిన అవసరం ఉందని పేర్కొన్నారు. భయోత్పాతం సృష్టించి నామినేషన్లు అడ్డుకునే కుట్ర మహిళలపై దాడులకు పాల్పడడం విచారకరం కూటమి తీరుపై మాజీ ఎంపీ గోరంట్ల మాధవ్‌ ధ్వజం రామగిరికి వెళ్లనీయకుండా ఆయనతో పాటు తోపుదుర్తి చంద్రశేఖర్‌రెడ్డిని హౌస్‌ అరెస్ట్‌ చేసిన పోలీసులు

పెద్దవడుగూరులో వైఎస్సార్‌సీపీ నాయకుడు శేషానందరెడ్డిపై టీడీపీ నాయకులు దాడికి తెగబడ్డారు. రెండోరోజు నామినేషన్లు విషయమై చర్చించడానికి పోలీస్‌స్టేషన్‌కు రావాలని పోలీసులు చెప్పడంతో గుత్తి అనంతపురం వైఎస్సార్‌సీపీ నాయకుడు గోవర్ధన్‌రెడ్డి, శేషానందరెడ్డి పోలీస్‌స్టేషన్‌కు వెళ్తుండగా అప్పటికే మార్గమధ్యలో కాపుకాచిన టీడీపీ మూకలు శేషానందరెడ్డిపై దాడి తెగబడ్డారు. పోలీసులు సంఘటనా స్థలానికి చేరుకున్నాక అక్కడి నుంచి పచ్చ మూకలు పరారయ్యాయి. ఒక్క నామినేషన్‌ వేస్తే ఒట్టు పెద్దవడుగూరులోని వైఎస్సార్‌సీపీ కార్యాలయం వద్ద నుంచి అభ్యర్థులు 13 ఎంపీటీసీ స్థానాలకు ఒకేసారి నామినేషన్లు వేయడానికి బయలు దేరుతుండగా సీఐ నరేంద్రరెడ్డి తన సిబ్బందితో అక్కడికి చేరుకొని వైఎస్సార్‌సీపీ నేతలను అడ్డుకున్నారు. తమను కాదని నామినేషన్లు వేయడానికి వెళ్లకూడదన్నారు. దీంతో వారు పోలీసులతో వాగ్వావాదానికి దిగి రోడ్డుపై బైఠాయించారు. 23వ తేదీ వైఎస్సార్‌సీపీ వాళ్లతో నామినేషన్లు వేయించడానికి చర్యలు తీసుకొంటామని హామీ ఇవ్వడంతో వైఎస్సార్‌సీపీ నాయకులు ఆందోళన విరమించారు.

స్థానిక సంస్థల ఎన్నికల వేళ జిల్లాలో అలజడులు కొనసాగుతూనే ఉన్నాయి. ముఖ్యంగా సమస్యాత్మక ప్రాంతమైన తాడిపత్రికి అపఖ్యాతి తీసుకురావడంలో టీడీపీ నేత జేసీ ప్రభాకర్‌రెడ్డి విజయవంతమయ్యారు. గంజాయ్‌, బ్లేడ్‌బ్యాచ్‌ రౌడీలను పెంచి పోషిస్తూ వారితో ప్రత్యర్థులను బెదిరించేందుకు వాడుకుంటున్నారు. మాటవినని వారిని కిడ్నాప్‌ చేయడంతో పాటు ఇళ్ల వద్దకు వచ్చి దాడులు చేయడం, ఆస్తులను ధ్వంసం చేయడం చేస్తున్నారు. మున్సిపాలిటీ ఎన్నికల్లో చేసిన అరాచకాలనే పరిషత్‌ ఎన్నికల్లోనూ కొనసాగిస్తున్నారు. పెద్దవడుగూరులో నామినేషన్‌ వేయకుండా పోలీసులు అడ్డుకోవడంతో అభ్యర్థులంతా రోడ్డుపై బైఠాయించి ఆందోళన చేపట్టారు. రాప్తాడు నియోజకవర్గంలో తమ్ముళ్ల అరాచకం రాప్తాడు నియోజకవర్గం ఆత్మకూరు మండలంలోని ఎంపీటీసీ స్థానాలకు పోటీ చేసే అభ్యర్థులను టీడీపీ గూండాలు అడ్డుకున్నారు. వైఎస్సార్‌సీపీ అభ్యర్థులతో నామినేషన్‌ వేయించేందుకు వెళ్తున్న మాజీ ఎమ్మెల్యే తోపుదుర్తి ప్రకాశ్‌రెడ్డిని వడ్డుపల్లి వద్ద అడ్డుకున్నారు. మండల కేంద్రంలో సుమారు వెయ్యి మంది టీడీపీ గూండాలు మోహరించారు. కట్టెలు, రాళ్లు, రాడ్లతో నిల్చుని భయభ్రాంతులకు గురిచేశారు. దీంతో బుధ, గురువారాల్లో వైఎస్సార్‌సీపీ నుంచి ఏ ఒక్కరూ నామినేషన్‌ వేయలేకపోయారు. అనంతపురం రూరల్‌ మండలంలోనూ పరిటాల అనుచరులు నామినేషన్‌ పత్రాలను చించుతూ స్వైర విహారం చేశారు. వైఎస్సార్‌సీపీ కార్యకర్త బీసీ రాముడిపై విచక్షణ రహితంగా దాడి చేసి గాయపరిచారు. మహిళల చేతుల్లోంచి నామినేషన్ల పత్రాలను తీసుకెళ్లి చించేస్తున్నా పోలీసులు అడ్డుకోకపోవడం గమనార్హం. యల్లనూరులో భయం..భయం జేసీ ప్రభాకర్‌రెడ్డి యల్లనూరు, పుట్లూరుకు తన విష సంస్కృతిని వ్యాపింపజేస్తున్నారు. యల్లనూరులో గురువారం ఉదయం నుంచి టీడీపీ గూండాలు గుంపులుగా తిరుగుతూ ప్రజలను భయభ్రాంతులకు గురి చేశారు. గురువారం యల్లనూరులో వైఎస్సార్‌సీపీ నుంచి ఏ ఒక్క నామినేషన్‌ను వేయించలేదంటే పరిస్థితి ఎలా ఉందో అర్థం చేసుకోవచ్చు. గురువారం ఉదయమే మాజీ ఎమ్మెల్యే కేతిరెడ్డి పెద్దారెడ్డిని యల్లనూరు మండలం తిమ్మంపల్లిలో హౌస్‌ అరెస్ట్‌ చేశారు. ఆ తర్వాత ఆయన్ను తాడిపత్రికి తరలించారు. అలాగే వెన్నపూసపల్లిలోని వైఎస్సార్‌సీపీ రాష్ట్ర సంయుక్త కార్యదర్శి భోగతి విజయ ప్రతాప్‌రెడ్డిని కస్తూర్భా పాఠశాల వద్ద కంచె ఏర్పాటు చేసి అడిషన్‌ ఎస్పీ నాగభూషణం అడ్డుకున్నారు. దీంతో రోడ్డుపై ఎంపీటీసీ అభ్యర్థులతో కలిసి నిరసన తెలిపారు. గుంతకల్లులో ఆటవిక రాజ్యం గుంతకల్లు నియోజకవర్గంలో ఎమ్మెల్యే గుమ్మనూరు జయరాం బరితెగిస్తున్నారు. గుత్తిలో వైఎస్సార్‌సీపీ అభ్యర్థులు నామినేషన్లు వేయకుండా అడ్డుకుని బలవంతంగా ఏకగ్రీవం చేసుకున్న వైనంపై సుప్రీంకోర్టు చీవాట్లు పెట్టినా మార్పురాలేదు. పరిషత్‌ ఎన్నికలకు బుధ, గురువారాల్లో తీవ్ర ఆటంకాలు కల్పించారు. వైఎస్సార్‌సీపీ జిల్లా ఉపాధ్యక్షురాలు నైరుతిరెడ్డి బురఖా వేసుకుని నామినేషన్‌ కేంద్రానికి వెళ్లారు. 13 మంది అభ్యర్థుల పత్రాలను చూపించి, అభ్యర్థులు బయటే ఉన్నారని నామినేషన్లు స్వీకరించాలని కోరినా అధికారులు పట్టించుకోలేదు. టీడీపీ గూండాలు లోనికి వచ్చి ఆమె చేతిలో ఉన్న పత్రాలను బలవంతంగా లాక్కొని చింపేశారు. పచ్చ మూకల అరాచకంపై రోడ్డుపై కూర్చొని ధర్నా చేశారు. ఎంపీటీసీ, జెడ్పీటీసీ నామినేషన్ల వేళ తమ్ముళ్ల బరితెగింపు పలు ప్రాంతాల్లో వైఎస్సార్‌సీపీ శ్రేణులపై రాళ్లు, భౌతికదాడులు నామినేషన్‌ పత్రాలు లాక్కొని చింపేసిన వైనం పోలీసుల ప్రేక్షకపాత్రపై సర్వత్రా విమర్శలు తెల్లవారుజాము నుంచే వైఎస్సార్‌సీపీ నాయకుల అరెస్టులు

చంద్రబాబు ప్రభుత్వంలో ప్రజాస్వామ్యం ఖూనీ అవుతోందని వైఎస్సార్‌సీపీ జిల్లా అధ్యక్షుడు అనంత వెంకటరామిరెడ్డి, మాజీ మంత్రి శైలజానాథ్‌ అన్నారు. స్థానిక సంస్థల నామినేషన్ల వేళ చంద్రబాబు ప్రభుత్వం చేస్తున్న దాష్టీకాలు, దౌర్జన్యాలకు నిరసనగా కలెక్టర్‌, జిల్లా ఎన్నికల అధికారి ఓ.ఆనంద్‌కు గురువారం వినతిపత్రం అందజేశారు. అనంతరం మీడియాతో మాట్లాడారు. స్థానిక ఎన్నికల్లో వైఎస్సార్‌సీపీ అభ్యర్థులు నామినేషన్లు వేయకుండా అడ్డుకోవడమే లక్ష్యంగా ప్రభుత్వం పోలీసులను పావులుగా వాడుకుంటోందన్నారు. అధికారంలోకి వచ్చిన స్వల్ప కాలంలోనే ప్రతిపక్షాల గొంతు నొక్కేలా ముందస్తు అరెస్టులు, గృహ నిర్బంధాలకు తెగబడటం చంద్రబాబు ప్రభుత్వ వైఫల్యానికే అద్దం పడుతోందని విమర్శించారు. ఎన్నికల ప్రక్రియ స్వేచ్ఛగా, పారదర్శకంగా జరిగేలా జిల్లా యంత్రాంగం తక్షణమే కఠిన చర్యలు తీసుకోవాలని డిమాండ్‌ చేశారు. ప్రజాస్వామ్యబద్ధంగా నామినేషన్లు వేసేందుకు అవకాశం కల్పించకపోతే న్యాయపోరాటం చేస్తామని హెచ్చరించారు.

అనంతపురం 39వ డివిజన్‌ నాయక్‌ నగర్‌లో వైఎస్సార్‌సీపీ కార్యకర్తలపై టీడీపీ నేత, మాజీ డిప్యూటీ మేయర్‌ గంపన్న వర్గీయులు గురువారం దాడికి పాల్పడ్డారు. వైఎస్సార్‌సీపీ కార్యకర్తలు ఆనంద్‌బాబు, శ్రీకాంత్‌కు తీవ్ర గాయాలయ్యాయి. వారిని స్థానిక సర్వజనాస్పత్రికి తరలించారు. బాధితులను వైఎస్సార్‌సీపీ జిల్లా అధ్యక్షుడు అనంత వెంకటరామిరెడ్డి, మేయర్‌ అభ్యర్థి రమేష్‌ గౌడ్‌, పార్టీ నాయకులు అనంత చంద్రారెడ్డి, సాకే చంద్రశేఖర్‌ పరామర్శించారు. ఓటమి భయంతోనే టీడీపీ నాయకులు దాడులకు పాల్పడుతున్నారని అనంత మండిపడ్డారు.

ఎన్నికలకు ముందే టీడీపీకి ఓటమి భయం పట్టుకుందని, అందుకే రాప్తాడు నియోజకవర్గంలో వైఎస్సార్‌సీపీ ఎంపీటీసీ అభ్యర్థులను నామినేషన్లు దాఖలు చేయకుండా అడ్డుకుంటున్నాయని మాజీ ఎమ్మెల్యే తోపుదుర్తి ప్రకాష్‌రెడ్డి మండిపడ్డారు. పోలీసుల సమక్షంలోనే దౌర్జన్యాలు జరుగుతున్నా అడ్డుకోవడం లేదని విమర్శించారు. నామినేషన్లకు అడ్డంకులు, దాడులకు నిరసనగా గురువారం సాయంత్రం అనంతపురం కలెక్టరేట్‌ ఎదుట ఎంపీటీసీ అభ్యర్థులతో కలిసి ధర్నా నిర్వహించారు. మాజీ ఎంపీ గోరంట్ల మాధవ్‌, జెడ్పీ మాజీ చైర్‌పర్సన్‌ గిరిజమ్మ, వైఎస్సార్‌సీపీ పంచాయతీరాజ్‌ విభాగం రాష్ట్ర అధ్యక్షుడు వెన్నపూస రవీంద్రారెడ్డి పాల్గొన్నారు. ఈ సందర్భంగా తోపుదుర్తి ప్రకాష్‌రెడ్డి మాట్లాడుతూ.. నియోజకవర్గంలో 81 ఎంపీటీసీ స్థానాలుండగా తొలిరోజు ఒక్క నామినేషన్‌ కూడా దాఖలు చేయనీయలేదన్నారు. కనగానపల్లిలో కొడవళ్లు, కర్రలతో వీరంగం సృష్టించారని, ఎస్‌ఐ వాహనాన్ని పల్టీలు కొట్టించారని పేర్కొన్నారు. అనంతపురం రూరల్‌ ఎంపీడీఓ కార్యాలయం వద్ద వైఎస్సార్‌సీపీ అభ్యర్థులు, నాయకులపై దాడులు జరిగాయన్నారు. రామగిరి, చెన్నేకొత్తపల్లి మండలాల్లోనూ ఇదే పరిస్థితి నెలకొందన్నారు. ఆత్మకూరులో 11 మంది ఎంపీటీసీ అభ్యర్థులను పోలీసులకు అప్పగించినా నామినేషన్లు వేయించలేదని విమర్శించారు. రాప్తాడులో 1995 నాటి దౌర్జన్యపూరిత ఎన్నికల పరిస్థితులు మళ్లీ కనిపిస్తున్నాయని, పరిటాల కుటుంబం కిరాయి మూకలను ప్రోత్సహిస్తూ ప్రజాస్వామ్యాన్ని పరిహాసం చేస్తోందని మండిపడ్డారు. ధర్మవరం, కర్ణాటక రాష్ట్రం నుంచి పెద్ద ఎత్తున క్రిమినల్స్‌, గూండాలు, రౌడీషీటర్లను పరిటాల శ్రీరామ్‌ రప్పించారన్నారు. ఓ మర్డర్‌ కేసులో ముద్దాయిగా ఉన్న ఎమ్మెల్యే పరిటాల సునీత తమ్ముడిని ఆత్మకూరు ఎంపీడీఓ కార్యాలయంలోకి ఎలా అనుమతించారని ప్రశ్నించారు. వరుస ఘటనలపై ఎన్నికల కమిషన్‌కు ఫిర్యాదు చేసినట్లు తెలిపారు. రెండు జిల్లాల కలెక్టర్లు, ఐజీ, ఎస్పీలు జోక్యం చేసుకుని చివరి రోజైనా తమ పార్టీ అభ్యర్థులందరికీ నామినేషన్లు దాఖలు చేసే అవకాశం కల్పించాలని కోరారు.

అనంతపురం అర్బన్‌: ఎంపీటీసీ, జెడ్పీటీసీ నామినేషన్ల సందర్భంగా ప్రతిపక్ష అభ్యర్థులపై అఽధికార పార్టీ వ్యక్తులు పోలీసుల సమక్షంలో దాడులు చేయడం దారుణమని సీపీఎం జిల్లా కార్యదర్శివర్గ సభ్యుడు నాగేంద్రకుమార్‌ పేర్కొన్నారు. ఈ వ్యవహారంలో కలెక్టర్‌, ఎస్పీ జోక్యం చేసుకుని బాధ్యులపై కేసులు నమోదు చేయాలని డిమాండ్‌ చేశారు. గురువారం పార్టీ జిల్లా కార్యాలయంలో ఆయన విలేకరులతో మాట్లాడారు. గుంతకల్లు, అనంతపురం రూరల్‌, ఆత్మకూరు, రాప్తాడు, తదితర ప్రాంతాల్లో ఎంపీటీసీ, జెడ్పీటీసీ నామినేషన్ల సందర్భంగా ప్రతిపక్ష పార్టీల అభ్యర్థులపై దాడులు చేయడం, నామినేషన్‌ పత్రాలను చింపివేయడం, ఇతర ప్రాంతాల నుంచి వ్యక్తులను తీసుకొచ్చి దాడులకు పాల్పడటం సరికాదన్నారు. మాజీ ఎమ్మెల్యేలు, ఎమ్మెల్సీలు, మాజీ ఎంపీలను గృహనిర్భందం చేయడం ప్రతిపక్షాల గొంతు నొక్కడమేనన్నారు. దాడులకు పాల్పడిన అధికారపార్టీ వ్యక్తులపై ఒక్క కేసు కూడా ఎందుకు నమోదు కాలేదని నిలదీశారు. ఇంటి భయానక పరిస్థితులను అధికారపార్టీ నాయకులు సృష్టిస్తున్నా కలెక్టర్‌, ఎస్పీ స్పందించకపోవడం శోచనీయమన్నారు. సుమోటోగా విచారణ చేపట్టాలి దాడులపై ఎన్నికల సంఘం సమోటోగా విచారణ చేపట్టి బాధ్యులపై చర్యలు తీసుకోవాలన్నారు. నామినేషన్‌ వేయకుండా అడ్డుకున్న అభ్యర్థులకు మరో అవకాశం కల్పించాలన్నారు. నామినేషన్ల గడువు మరో రెండు రోజులు పొడిగించాలన్నారు. అధికారాన్ని అడ్డుపెట్టుకుని ప్రతిపక్షాల ఎన్నికల హక్కులను కాలరాయడమే రెడ్‌బుక్‌ రాజ్యాంగమా అని ప్రశ్నించారు. స్వేచ్చాయుత, నిష్పక్షపాల ఎన్నికలు జరిగేలా చర్యలు తీసుకోవాలని డిమాండ్‌ చేశారు.

గుంతకల్లు: ప్రశాంతతకు మారుపేరైన గుంతకల్లులో టీడీపీ నాయకులు రెడ్‌బుక్‌ రాజ్యాంగం అమలు చేస్తున్నారని, భవిష్యత్తులో వారు ఇందుకు మూల్యం చెల్లించుకోక తప్పదని మాజీ ఎమ్మెల్యే వై.వెంకటరామిరెడ్డి హెచ్చరించారు. గురువారం స్థానిక పార్టీ కార్యాలయంలో ఆయన విలేకరులతో మాట్లాడారు. మున్సిపల్‌ నామినేషన్లపై సుప్రీంకోర్టు తీర్పుతోనైనా టీడీపీ నేతలకు కనువిప్పు కలుగుతుందనుకున్నామని, అయితే పరిస్థితి అందుకు భిన్నంగా ఉందన్నారు. నామినేషన్ల కేంద్రాల వద్ద పదుల సంఖ్యలో టీడీపీ గూండాలు కత్తులు, రాళ్లు, కొడవళ్లు చేతబట్టుకుని ప్రతిపక్ష పార్టీల అభ్యర్థులను భయపెట్టించి నామినేషన్‌ పత్రాలను బలవంతగా లాక్కొని చించివేస్తున్నారన్నారు. కసాపురం, చింతలాంపల్లి, నక్కనదొడ్డి, నెలగొండ. జి.కొట్టాల అభ్యర్థుల నామినేషన్‌ పత్రాలను పోలీసుల సమక్షంలోనే చించేశారని మండిపడ్డారు. గుత్తి మున్సిపాల్టీ అభ్యర్థి అంజల మూడు సెట్లు నామినేషన్లు వేస్తే..అందులోని కొన్ని పత్రాలను మాయం చేసి స్క్రూట్నీలో ఇన్‌వాలిడ్‌ చేశారని ఆరోపించారు. అధికారులు, పోలీసుల కనుసన్నల్లోనే ఇవన్నీ జరుగుతున్నాయన్నారు. పామిడి 6వ వార్డు అభ్యర్థి రమేష్‌పై కత్తితో దాడి చేసి గాయపరిచినట్లు తెలిపారు. చింతలాంపల్లి ఎంపీటీసీ అభ్యర్థి భర్త బొజ్జనపై ఎంపీడీఓ కార్యాలయం వద్ద పోలీసుల సమక్షంలోనే దాడి చేశారన్నారు. వైఎస్సార్‌సీపీ జిల్లా ఉపాధ్యక్షురాలు నైరుతిరెడ్డి అభ్యర్థులతో కలిసి నామినేషన్‌ వేయడానికి వెళ్లగా ఆమెను బలవంతంగా బయటకు నెట్టివేశారని మండిపడ్డారు. అధికారం శాశ్వతం కాదని, ప్రతి ఒక్కరూ మూల్యం చెల్లించక తప్పదని హెచ్చరించారు. సమావేశంలో జిల్లా ఉపాధ్యక్షురాలు నైరుతిరెడ్డి, సీనియర్‌ నేతలు జింకల రామాంజినేయులు, ఎద్దుల శంకర్‌, పట్టణ, రూరల్‌ అధ్యక్షులు ఖలీల్‌, రాము, ఎస్టీ సెల్‌ రాష్ట్ర ఉపాధ్యక్షుడు ఎన్‌.గోవింద్‌నాయక్‌, నాయకులు వినోద్‌కుమార్‌రెడ్డి, బాబురావు, రంగనాయకులు జయరామిరెడ్డి, వినోద్‌కుమార్‌ రెడ్డి, లింగన్న. అబ్దుల్‌బాసిద్‌, తిక్కస్వామి, బెస్త మనోహర్‌, సోమిరెడ్డి, పవన్‌, విష్ణు తదితరులు పాల్గొన్నారు. పోలీసులు, అధికారుల కనుసన్నల్లోనే టీడీపీ దౌర్జన్యాలు టీడీపీ నేతలు మూల్యం చెల్లించుకోక తప్పదు మాజీ ఎమ్మెల్యే వైవీఆర్‌

● రోడ్డు ప్రమాదంలో తండ్రీకొడుకు మృతి ● తల్లికి తీవ్రగాయాలు గుంతకల్లు రూరల్‌: తిరుమల వేంకటేశ్వరస్వామి దర్శనార్థం వెళ్తున్న ఓ కుటుంబం రోడ్డు ప్రమాదానికి గురైంది. ఘటనలో తండ్రీకుమారుడు మృతి చెందారు. తల్లి తీవ్రగాయాలపాలైంది. బాధిత కుటుంబ సభ్యులు, పోలీసులు తెలిపిన వివరాలు.. గుంతకల్లు మండలం నెలగొండ గ్రామానికి చెందిన దేవన్నగారి రమేష్‌ గుంతకల్లులోని ఓ ఫర్టిలైజర్‌ షాపులో పని చేసేవాడు. తిరుమల వేంకటేశ్వరస్వామి దర్శనార్థం భార్య, ఇద్దరు కుమారులతో కలిసి గురువారం ఉదయం ఇంటి నుంచి బైక్‌పై రైలులో వెళ్లేందుకు గుంతకల్లుకు బయలుదేరాడు. మార్గమధ్యంలో దోనిముక్కల సమీపంలో ఎదురుగా వస్తున్న కారు బైకును ఢీకొట్టింది. ఘటనలో తీవ్రంగా గాయపడిన రమేష్‌(38) అతడి కుమారుడు మోక్షిత్‌ (8) అక్కడికక్కడే మృతి చెందారు. భార్య గీత, మరో కుమారుడు ప్రణీత్‌ తీవ్రంగా గాయపడ్డారు. క్షతగాత్రులను గుంతకల్లు ఆసుపత్రికి తరలించారు. అనంతరం వైద్యుల సూచన మేరకు అనంతపురం తీసుకెళ్లారు. విమల స్మారక పురస్కారాల విజేతలు వీరే.. అనంతపురం కల్చరల్‌: జాతీయ స్థాయిలో ప్రతిష్టాత్మకంగా అందించే ‘విమల స్మారకశాంతి కథా పురస్కారాల విజేతలను డాక్టర్‌ శాంతి నారాయణ గురువారం వెల్లడించారు. ‘ఇల్లిడిసిన తొమ్మిది కథలు’ రాసిన మారుతీ పౌరోహితం, స్వర్ణకిలారి రచించిన ‘గోడవతల’ కథా సంపుటాలు ఈ ఏడాది విమలా స్మారక పురస్కారాలకు ఎంపిక చేశామన్నారు. వీరందరికీ త్వరలో నగదు పురస్కారంతో పాటు ఘనంగా సత్కరించనున్నట్లు శాంతినారాయణ పేర్కొన్నారు. మృతి చెందిన రమేష్‌(ఫైల్‌), మోక్షిత్‌(ఫైల్‌)

అనంతపురం: జేఎన్‌టీయూఏలో బజాజ్‌ ఇంజినీరింగ్‌ స్కిల్‌ ట్రైనింగ్‌ (బెస్ట్‌) కేంద్రం ఏర్పాటుకు రంగం సిద్ధమైంది. ఈ మేరకు తంజావూరు సమీపంలోని శస్త్ర డీమ్డ్‌ విశ్వవిద్యాలయంలో ముందడుగు పడింది. జేఎన్‌టీయూఏ వీసీ హెచ్‌.సుదర్శనరావు నేతృత్వంలో అకడమిక్‌ అండ్‌ ప్లానింగ్‌ డైరెక్టర్‌ డాక్టర్‌ ఎస్‌.వి.సత్యనారాయణ, ఎలక్ట్రికల్‌ అండ్‌ ఎలక్ట్రానిక్స్‌ విభాగం హెడ్‌ డాక్టర్‌ ఎం.రామశేఖరరెడ్డి, మెకానికల్‌ ఇంజినీరింగ్‌ విభాగం హెడ్‌ డాక్టర్‌ కె.కళ్యాణిరాధ, ఎలక్ట్రానిక్స్‌ అండ్‌ కమ్యూనికేషన్‌ విభాగం హెడ్‌ డాక్టర్‌ ఎస్‌.అరుణ మస్తానీ బృందం బుధవారం శస్త్ర వర్సిటీలో పర్యటించింది. ఈ సందర్భంగా పరిశ్రమల అవసరాలకు అనుగుణంగా మానవ వనరుల ఉత్పత్తి, ఆధునిక సాంకేతిక నైపుణ్యాభివృద్ధిని అందిపుచ్చుకునేలా బజాజ్‌ ఆటో ఫౌండేషన్‌ సౌజన్యంతో బెస్ట్‌ కేంద్రాన్ని జేఎన్‌టీయూఏలో ఏర్పాటు చేసే సాధ్యాసాధ్యాలపై అధ్యయనం చేసింది.

● మరొకరికి తీవ్రగాయాలు.. గుత్తి రూరల్‌: మండలంలోని కొత్తపేట గ్రామ శివారులో 67వ నంబర్‌ జాతీయ రహదారిపై గురువారం రెండు ద్విచక్రవాహనాలు పరస్పరం ఢీకొన్న ప్రమాదంలో ఓ మహిళ దుర్మరణం పాలయ్యారు. మరొకరికి తీవ్రగాయాలయ్యాయి. పోలీసులు తెలిపిన వివరాలు.. మండలంలోని జక్కలచెరువు గ్రామానికి చెందిన సులోచన(32) బొమ్మనహాళ్‌ మండలం సిద్దరాంపురం గ్రామానికి చెందిన తన సోదరుడు మహేంద్ర, మేనకోడలు శ్రీలక్ష్మిలతో కలిసి సరుకుల కొనుగోలుకు గుత్తికి బయలుదేరారు. అయితే కొత్తపేట గ్రామ శివారులోని శ్రీకృష్ణ మందిరం వద్ద గుత్తి నుంచి తాడిపత్రి వైపునకు వెళ్తున్న నంద్యాల జిల్లా డోన్‌ మండలం కొత్త బురుజుల గ్రామానికి చెందిన రంగస్వామి ద్విచక్రవాహనాలు పరస్పరం ఢీకొన్నాయి. ప్రమాదంలో సులోచన, రంగస్వామికి తీవ్ర గాయాలయ్యాయి. శ్రీలక్ష్మి, మహేంద్ర స్వల్ప గాయాలతో బయటపడ్డారు. క్షతగాత్రులను 108 వాహనంలో గుత్తి ప్రభుత్వ ఆసుపత్రికి తరలించారు. సులోచన పరిస్థితి ఆందోళనకరంగా ఉండటంతో అనంతపురం తరలిస్తుండగా మార్గమధ్యలో మృతి చెందింది. రంగస్వామిని మెరుగైన చికిత్స కోసం కర్నూలుకు తరలించారు. ఈ మేరకు పోలీసులు కేసు నమోదు చేసి దర్యాప్తు చేపట్టారు. కొనసాగిన నామినేషన్ల ప్రక్రియ అనంతపురం న్యూ టౌన్‌: జెడ్పీటీసీ, ఎంపీటీసీ నామినేషన్ల స్వీకరణ ప్రక్రియ రెండో రోజూ గురువారం కొనసాగింది. గురువారం జిల్లాలోని 31 జెడ్పీటీసీ స్థానాలకు 92 నామినేషన్లు దాఖలు కాగా ఇందులో వైఎస్సార్‌సీపీ తరఫున మొత్తం 41 మంది నామినేషన్లు వేశారు. ఇక జిల్లాలోని 450 ఎంపీటీసీ స్థానాలకుగాను రెండు రోజులుగా 1,199 మంది అభ్యర్థులు తమ నామినేషన్‌ పత్రాలను దాఖలు చేశారు. ఇందులో 237 మంది వైఎస్సార్‌సీపీ అభ్యర్థులున్నారు. అయితే రాప్తాడు, తాడిపత్రి ఆత్మకూరు మండలాల్లో టీడీపీ నేతల అరాచకంగా కారణంగా ఎంపీటీసీ స్థానాలకు వైఎస్సార్‌సీపీ తరఫున నామినేన్లు దాఖలు కాలేదు.

స్థానిక సంస్థల ఎన్నికల్లో యథేచ్ఛగా కోడ్‌ ఉల్లంఘన జరుగుతోంది. టీడీపీ అభ్యర్థులు నిబంధనలు ఉల్లంఘిస్తున్నా అధికారులు ఎలాంటి చర్యలూ తీసుకోవడం లేదు. కళ్యాణదుర్గంలో ఓ కౌన్సిలర్‌ అభ్యర్థి ఓటర్లను ప్రలోభపెట్టేలా బోరుబావి తవ్వించాడు. ఇక ఓ ఎంపీటీసీ అభ్యర్థి ఏకంగా టీడీపీ నేతల గుంపుతో నామినేషన్‌ వేయడం విశేషం. అనంతపురంలో మెప్మా ఆర్పీ ఏకంగా పసుపు కండువా కప్పుకుని టీడీపీ కార్పొరేటర్‌ అభ్యర్థి తరఫున ప్రచారం నిర్వహించడం గమనార్హం. కళ్యాణదుర్గం: మున్సిపల్‌ ఎన్నికలలో గెలుపు కోసం టీడీపీ కూటమి 28వ వార్డు కౌన్సిలర్‌ అభ్యర్థి గెల్లీ వెంకట కార్తీక్‌ (చింతపండు కార్తీక్‌) నానా తంటాలు పడుతున్నారు. గురువారం పార్టీ శ్రేణులతో కలిసి ప్రచారాన్ని ప్రారంభించారు. ఓటర్లను ఆకట్టుకునేందుకు బోరు డ్రిల్లింగ్‌ చేయిస్తూ ప్రలోభాలకు గురి చేశారు. టీడీపీ అధికారంలోకి వచ్చి రెండన్నరేళ్లు అవుతున్నా తాగునీటి సమస్యను పరిష్కరించకుండా పట్టించుకోని నేతలు మున్సిపల్‌ ఎన్నికల వేళ ఆర్భాటంగా బోర్లు తవ్వించడంపై స్థానికులు మండిపడుతున్నారు. ఎన్నికల కోడ్‌ ఉన్నప్పటికీ కేవలం ఓట్ల కోసం ఇలా చేయడం ఏంటని పలువురు ప్రశ్నిస్తున్నారు. ఎన్నికల కమిషన్‌ నిబంధనలు ఉల్లంఘించినా ఎన్నికల అధికారులు మాత్రం అటువైపు కన్నెత్తి చూడకపోవడంపై విమర్శలు వెల్లువెత్తుతున్నాయి. టీడీపీ కౌన్సిలర్‌ అభ్యర్థి స్వయానా బోర్లు తవ్విస్తున్నారని తెలిసినా టీడీపీ నేతలు మాత్రం స్థానిక కాలనీవాసులే సొంత డబ్బుతో బోర్లు డ్రిల్లింగ్‌ చేయిస్తున్నారని చెప్పడం గమనార్హం. ప్రలోభాలకు తెర లేపుతున్న అభ్యర్థులపై ఎన్నికల అధికారులు దృష్టి పెట్టాలని ప్రజలు కోరుతున్నారు. టీడీపీ తరఫున మెప్మా ఆర్‌పీ ప్రచారం అనంతపురం: మెప్మాలో ఆర్‌పీ (రీసోర్స్‌ పర్సన్‌)గా పని చేస్తున్న పద్మ అనే మహిళ టీడీపీ కండువా ధరించి ప్రత్యక్షంగా ఎన్నికల ప్రచారంలో పాల్గొన్నారు. నిబంధనల ప్రకారం ప్రభుత్వ వేతనం, గౌరవ వేతనం పొందే సిబ్బంది ఎన్నికల్లో ఏ రాజకీయ పార్టీకీ మద్దతుగా ప్రచారం చేయకూడదు. అయితే 19వ డివిజన్‌లోని రహమత్‌నగర్‌, బాబానగర్‌లో పద్మ ప్రచారం చేశారు. ఎన్నికల అధికారులు ఆమైపె చర్యలు తీసుకోవాలని పలువురు డిమాండ్‌ చేస్తున్నారు. టీడీపీ కండువాతో ప్రచారం చేస్తున్న మెప్మా ఆర్‌పీ పద్మ కళ్యాణదుర్గం 28 వార్డులో బోరు డ్రిల్లింగ్‌ను పరిశీలిస్తున్న టీడీపీ నేతలు ఓటర్లను ఆకట్టుకునేందుకు టీడీపీ అభ్యర్థి తంటాలు అప్పటికప్పుడే బోరు డ్రిల్లింగ్‌

గుంతకల్లు: నామినేషన్‌ కేంద్రాల వద్ద పచ్చమూకలు గుంపులు, గుంపులుగా ఉంటూ కత్తులు, కొడవళ్లతో అభ్యర్థులను భయాభ్రాంతులకు గురి చేస్తున్నారని, వారికి పోలీసు 30 యాక్ట్‌ వర్తించదా అంటూ సీపీఐ రాష్ట్ర కార్యవర్గ సభ్యుడు డీ.జగదీష్‌ పోలీసులను నిలదీశారు. ఎన్నికల్లో రాష్ట్ర వ్యాప్తంగా టీడీపీ గుండాలు సృష్టిస్తున్న అల్లర్లకు నిరసనగా సీపీఐ ఆధ్వర్యంలో రాజ్యాంగాన్ని కాపాడాలంటూ స్థానిక మున్సిపల్‌ కార్యాలయ సమీపంలోని రాజ్యాంగ నిర్మాత డాక్టర్‌ బీఆర్‌ అంబేడ్కర్‌ విగ్రహం వద్ద ప్రతిజ్ఞ కార్యక్రమాన్ని ఏర్పాటు చేశారు. ఈసందర్భంగా సీఐ రమేష్‌కుమార్‌ అక్కడికి చేరుకుని పోలీస్‌ 30 యాక్ట్‌ అమల్లో ఉందని వెంటనే అక్కడి నుంచి వెళ్లిపోవాలని లేనిపక్షంలో మీపై కేసులు పెడతామంటూ జగదీష్‌తోపాటు ఆ పార్టీ నేతలను హెచ్చరించారు. దీంతో జగదీష్‌ సీఐపై మండిపడ్డారు. నామినేషన్‌ కేంద్రాల వద్ద అధికారి పార్టీకి చెందిన కార్యకర్తలు గుంపులుగుంపులుగా కత్తులు, కొడవళ్లతో తిరుగుతూ అభ్యర్థులను భయాబాంత్రులకు గురి చేస్తున్నా ఎందుకు పట్టించుకోవడం లేదని నిలదీశారు. శాంతియుతంగా నిరసన తెలియజేస్తున్న తమను అడ్డుకోవడం మంచి పద్ధతికాదని హితవుపలికారు. ఈ సందర్భంగా జగదీష్‌ విలేకరులతో మాట్లాడుతూ గుంతకల్లులో గుమ్మనూరు మార్క్‌తో ఏకపక్షంగా ఎన్నికల జరిపించాలని చూడటం మంచి పద్ధతి కాదన్నారు. నాయకులు బీ.గోవింద్‌, ఎం.వీరభద్రస్వామి, ఎస్‌ఎండీ గౌస్‌, రామురాయల్‌, ఈశ్వరయ్య, శ్రీనివాసులు పాల్గొన్నారు.

అనంతపురం న్యూ టౌన్‌: రాష్ట్ర ఎన్నికల కమిషన్‌ నియమావళి ప్రకారం ఒక అభ్యర్థి తన నామినేషన్‌ దాఖలు చేయాలంటే తనతో పాటు మరో ఇద్దరు ప్రతిపాదకులు మాత్రమే వెంట వెళ్లాల్సి ఉంటుంది. అయితే రాష్ట్ర ఆర్థిక మంత్రి పయ్యావుల కేశవ్‌ ఇలాకాలో అలాంటి నిబంధనలు వర్తించడం లేదు. వివరాల్లోకెళితే.. ఉరవకొండ ఎంపీడీఓ కార్యాలయంలో గురువారం చిన్న ముష్టూరు ఎంపీటీసీ స్థానం నుంచి పోటీ చేస్తున్న టీడీపీ అభ్యర్థి నవనీత పదుల సంఖ్యలో నాయకులతో కలిసి నామినేషన్‌ వేశారు. పోలీసులు గాని అసిస్టెంట్‌ రిటర్నింగ్‌ అధికారి గాని రిటర్నింగ్‌ అధికారి గానీ వారిని నిలువరించకపోవడం గమనార్హం. అదే సమయంలో వైఎస్సార్‌సీపీతోపాటు ఇతర పార్టీల అభ్యర్థులు నామినేషన్లు వేసే సమయంలో వారి వెంట కనీసం ఇద్దరు వెళ్లేందుకు అనుమతులు ఉన్నా సవాలక్ష ప్రశ్నలు ఎదుర్కొనాల్సి రావడం అధికారుల ద్వంద్వ నీతికి నిదర్శనమని ఆరోపణలు వినపడుతున్నాయి.

అనంతపురం: జేఎన్‌టీయూఏ వేదికగా ఆంధ్రప్రదేశ్‌ ఎకనమిక్‌ డెవలప్‌మెంట్‌ బోర్డు ఆధ్వర్యంలో శుక్రవారం నిర్వహించనున్న కాన్ఫిడరేషన్‌ ఇండియన్‌ ఇండస్ట్రీ పార్టనర్‌షిప్‌ సమ్మిట్‌ – 2026 (సీఐఐ)లో ఎలాంటి లోటుపాట్లు తలెత్తరాదని కలెక్టర్‌ ఓ.ఆనంద్‌ అధికారులను ఆదేశించారు. జేఎన్‌టీయూఏలోని ఎన్టీఆర్‌ ఆడిటోరియంలో రీజనల్‌ కాన్ఫరెన్స్‌ కోసం చేపట్టిన ఏర్పాట్లను గురువారం జేసీ సి.విష్ణుచరణ్‌, అసిస్టెంట్‌ కలెక్టర్‌ సుయాష్‌కుమార్‌తో కలిసి కలెక్టర్‌ పరిశీలించి మాట్లాడారు. డెలిగేట్లు ఎలాంటి అసౌకర్యానికి గురికాకుండా ఏర్పాట్లు చేయాలన్నారు. పరిశ్రమల శాఖ, ఏపీఐఐసీ, సంబంధిత శాఖల అధికారులు సమన్వయం చేసుకొని ఏపీ పెవిలియన్‌ ఎండ్‌ నుంచి 4 జిల్లాల్లో ప్రాముఖ్యత కలిగిన ఉత్పత్తుల ప్రదర్శన చేపట్టాలన్నారు. ఎంఎస్‌ఎంఈ స్టాల్స్‌ ఏర్పాటు చేయాలన్నారు. పెట్టుబడిదారులు, ప్రతినిధులు, విధాన రూపకర్తలు ప్రధానంగా ఏరోస్పేస్‌–డిఫెన్స్‌, ఆటోమోటివ్‌, ప్రకృతి వ్యవసాయం, హార్టికల్చర్‌, ఫుడ్‌ ప్రాసెసింగ్‌, పునరుత్పాదక శక్తి వంటి కీలక రంగాలపై చర్చించనున్నారన్నారు. జిల్లా పరిశ్రమల శాఖ జీఎం శ్రీనివాసయాదవ్‌, ఏపీఐఐసీ జెడ్‌ఎం నాగకుమార్‌, ఆర్డీఓ ప్రేమంతకుమార్‌, ఐఅండ్‌పీఆర్‌ డీఐపీఆర్‌ఓ ఏ.బాలకొండయ్య, పరిశ్రమల శాఖ ఏడీ రాజశేఖర్‌ రెడ్డి, డీఎస్‌ఓ శోభారాణి పాల్గొన్నారు.

● టికెట్‌ రాక స్వతంత్రులుగా బరిలోకి.. గుంతకల్లు: గుంతకల్లు టీడీపీలో రెబల్స్‌ బెడద అధికమైంది. ఇంతకాలం పార్టీని నమ్ముకొని పనిచేసిన కార్యకర్తలు టికెట్‌ వస్తుందని ఆశిస్తే.. చివరిరకు చుక్కెదురైంది. దీంతో తీవ్ర నిరాశతో కొందరు స్వతంత్ర అభ్యర్థులుగా బరిలో నిలిచారు. ఆది నుంచి టిక్కెట్ల కేటాయింపులో పార్టీ నాయకత్వం నాన్చుడు ధోరణితో వ్యహరించిదన్న విమర్శలు వినింపించాయి. దీనికి తోడు బీజేపీ, జనసేన పార్టీల నుంచి కూడా టిక్కెట్లు కేటాయింపులో టీడీపీకి నిరసన వ్యక్తమయినట్లు తెలుస్తోంది. జెండా మోసిన వారిని పక్కకు పెట్టి భజనపరులకు టిక్కెట్లు ఇచ్చారని రెబల్‌ అభ్యర్థులు రగలిపోతున్నారు. టికెట్‌ దక్కని కొందరు రెబల్‌ అభ్యర్థులుగా బరిలో నిలిచారు. పాత గుంతకల్లులో ఇదీ పరిస్థితి.. = పాత గుంతకల్లుకు చెందిన టీడీపీ సీనియర్‌ నాయకుడు టీ కేశప్ప (6వ వార్డు) ఆవిర్భావరం నుంచి పార్టీలో కొనసాగుతున్నారు. ఉత్తమ కార్యకర్తగా అనేక సార్లు అవార్డులు అందుకున్నారు. క్లస్టర్‌ ఇన్‌చార్జ్‌తోపాటు ఆయన భార్య సుశీలమ్మ, సోదరుడు జయరాముడు, కోడలు సుమలత కౌన్సిలర్లుగా పని చేశారు. అయితే గుమ్మనూరు జయరాం బంధువు రమేష్‌కు 6వ వార్డు బీ–ఫాంను అందజేయడంతో తీవ్ర అసంతృప్తికి వ్యక్తం చేశాడు. దీంతో పాత గుంతకల్లులోని 6వ వార్డుకు నేను (టీ కేశప్ప), 5వ వార్డుకు సుమలత (కోడలు), 11వ వార్డుకు మా అన్న జయరాముడును రెబల్‌ అభ్యర్థులుగా చంద్రబాబు, లోకేష్‌ ఫొటోలతో బరిలో దిగినట్లు విలేకరులకు చెప్పారు. 6 వార్డుకు చెందిన మరో టీడీపీ నాయకుడు శేఖర్‌ కూడా టికెట్‌ అశించాడు. పార్టీ కోసం రూ.లక్షలు ఖర్చు చేసి మోసిపోయినట్లు వాపోయాడు. దీంతో మనస్తాపానికి గురైన శేఖర్‌ భార్య పురుగుల మందు తాగి ఆత్మహత్యయత్నం చేసింది. ఆయను కూడా రెబల్‌ అభ్యర్థిగా బరిలోకి దిగాడు. అదేవిధంగా 41వ వార్డుకు చెందిన మరో సీనియర్‌ నాయకుడు రామచంద్రయ్య పార్టీ టికెట్‌ ఆశించి భంగపడ్డాడు. ఇక జనసేన, బీజేపీ పోటీ చేసిన స్థానాల్లో టీడీపీ నాయకులు అసంతృప్తిగా ఉన్నట్లు సమాచారం. అసంతృప్తలను, రెబల్స్‌ను బుజ్జగించడానికి టీడీపీ నాయకులు చేస్తున్న ప్రయత్నాలు ఫలించడం లేదు.

● పోలీసులకు ఎస్పీ జగదీష్‌ ఆదేశం యల్లనూరు: స్థానిక సంస్థల ఎన్నికలు ప్రశాంతంగా నిర్వహించాలని, సమస్యాత్మక గ్రామాలపై నిఘా ఉంచాలని ఎస్పీ జగదీష్‌ ఆదేశించారు. మంగళవారం యల్లనూరు, పుట్లూరు మండలాల్లో జిల్లా ఎస్పీ పర్యటించారు. ఈ సందర్భంగా ఎస్పీ పోలీస్‌ స్టేషన్లను తనిఖీ చేశారు. పోలింగ్‌ కేంద్రాలను తనిఖీ చేశారు. పుట్లూరు మండలంలోని గరుగుచింతలపల్లి, కోమటికుంట్లలో ఆయన పర్యటించారు. ఏఎస్పీ అశ్విన్‌ మణిదీప్‌, పుట్లూరు సీఐ వంశీకృష్ణ , ఎస్‌ఐలు రామాంజనేయరెడ్డి, సురేంద్రబాబు, ధరణీబాబు పాల్గొన్నారు. నామినేషన్‌ ప్రక్రియ ప్రశాంతంగా జరగాలి ఆత్మకూరు: స్థానిక సంస్థల ఎన్నికల నామినేషన్‌ ప్రక్రియ ప్రశాంతంగా నిర్వహించాలని ఎస్పీ జగదీష్‌ ఆదేశించారు. మంగళవారం ఆత్మకూరులో ఎంపీడీఓ కార్యాలయ ఆవరణాన్ని ఎస్పీ పరిశీలించారు. నిబంధనలు తప్పనిసరిగా పాటించాలని హెచ్చరించారు. అనంతరం స్థానిక పోలీస్‌ స్టేషన్‌లో రాజకీయ పార్టీ నాయకులతో సమావేశం నిర్వహించారు. కార్యక్రమంలో సీఐ హేమంత్‌కుమార్‌, ఎస్‌ఐ లక్ష్మణరావు, ఎంపీడీఓ నాగకృష్ణయ్య, పోలీస్‌లు పాల్గొన్నారు.

అనంతపురం సిటీ: జిల్లా సర్వజనాస్పత్రి (జీజీహెచ్‌)కు వచ్చే రోగులకు మెరుగైన వైద్య సేవలు అందించాలని సంబంధిత వైద్యాధికారులకు కలెక్టర్‌ ఆనంద్‌ సూచించారు. ప్రభుత్వ సూపర్‌ స్పెషాలిటీ ఆస్పత్రిలో బుధవారం జరిగిన ఆస్పత్రి అభివృద్ధి కమిటీ సమావేశంలో కలెక్టర్‌ మాట్లాడారు. ఆస్పత్రికి వచ్చే రోగులకు అన్ని విభాగల వైద్యులు అందుబాటులో ఉండేలా చర్యలు తీసుకోవాలన్నారు.ఆస్పత్రి పరిశుభ్రత, మందుల నిల్వ, మంచినీటి సమస్య, డస్ట్‌ బిన్ల నిర్వహణ, కరెంటు లేని సమయంలో ప్రత్యామ్నాయంగా జనరేటర్‌, సీసీ కెమెరాల ఏర్పాటుపై చర్చించారు. అనంతరం గత సమావేశంలోని అజెండాతో పాటు పలు అంశాలపై సమీక్షించారు. సమావేశంలో డిప్యూటీ కలెక్టర్‌ – జీజీహెచ్‌ పాలనాధికారి మల్లికార్జునరెడ్డి, డీఎంహెచ్‌ఓ డాక్టర్‌ వెంకటేశ్వర్లు, జీజీహెచ్‌ సూపరింటెండెంట్‌ డాక్టర్‌ మల్లీశ్వరి, వైద్యులు పాల్గొన్నారు. దరఖాస్తు గడువు పొడిగింపు అనంతపురం సిటీ: మహిళా హెల్త్‌ వర్కర్‌ (ఎంపీహెచ్‌డబ్ల్యూ) కోర్సులో ప్రవేశాలకు దరఖాస్తు గడువు పొడిగించారు. ఈ మేరకు డీఎంహెచ్‌ఓ డాక్టర్‌ కట్టా వెంకటేశ్వర్లు బుధవారం ఓ ప్రకటన విడుదల చేశారు. రెండేళ్ల కాల వ్యవధి గల కోర్సులో వయోపరిమితి లేదని, ఇంటర్మీడియట్‌లో ఉత్తీర్ణత అయ్యి ఉండాలన్నారు. ఆసక్తి ఉన్న మహిళలు http:// cfw.ap.nic.in వెబ్‌సైట్‌ ద్వారా డౌన్‌లోడు చేసుకున్న దరఖాస్తులను భర్తీ చేసి, ఈ నెల 31 లోపు డీఎంహెచ్‌ఓ కార్యాలయంలో అందజేయాలని తెలియజేశారు. నవంబర్‌ 15న అర్హుల జాబితాను ప్రదర్శిస్తామని, ఎంపికై న వారికి అదే నెల 21 నుంచి తరగతులు ప్రారంభమవుతాయని ఆ ప్రకటనలో తెలిపారు. హెచ్చెల్సీ ఉద్యోగి సుధాకర్‌యాదవ్‌ హైడ్రామా అనంతపురం సెంట్రల్‌: ధర్మవరం హెచ్చెల్సీ డివిజన్‌ కార్యాలయం ఎదుట ఓ ఉద్యోగి హైడ్రామా నడిపించాడు. రాజకీయాల్లోకి వెళదామంటే తనకు వీఆర్‌ఎస్‌ ఇవ్వకుండా అధికారులు ఇబ్బందులకు గురి చేస్తున్నారని ఆరోపించారు. వివరాలు.. ధర్మవరం కుడికాలువ డివిజన్‌ కార్యాలయం పరిధిలో వడ్డుపల్లి సబ్‌ డివిజన్‌ సీనియర్‌ అసిస్టెంట్‌గా పని చేస్తున్న ఎ. సుధాకర్‌రాజు ఆమరణ నిరాహార దీక్ష పేరుతో ఆందోళనకు దిగాడు. అనంతపురం కార్పొరేషన్‌కు మేయర్‌గా పోటీ చేసేందుకు వీఆర్‌ఎస్‌కు దరఖాస్తు చేశానన్నారు. అయితే వీఆర్‌ఎస్‌ ఆమోదించేందుకు ఎలాంటి ఇబ్బందులు లేవని, హెచ్చెల్సీ ఎస్‌ఈ వీఆర్‌ఎస్‌ చేస్తామని మాట ఇచ్చారని, అందుకు అనుగుణంగా ఫైల్‌ను రెడీ చేశారని తెలిపారు. అయితే కొందరి వల్ల ఆలస్యం చేస్తున్నారన్నారు. అయితే ప్రభుత్వ ఉద్యోగిగా ఉంటూ ఎలాంటి అనుమతి లేకుండా దీక్ష చేయడం నిబంధనలకు విరుద్ధమని హెచ్చెల్సీ అధికారులు పోలీసులకు ఫిర్యాదు చేసేందుకు సిద్ధమయ్యారు. కాగా ఈవిషయం తెలుసుకున్న సదరు ఉద్యోగి.. దీక్ష విరమించి వెళ్లిపోయారు. దీనిపై హెచ్చెల్సీ ఎస్‌ఈ సుధాకర్‌రావును అడగ్గా.. సదరు ఉద్యోగి వీఆర్‌ఎస్‌ కోసం తన వద్దకు వచ్చారని తెలిపారు. అయితే రూ. 70 లక్షలకు పైగా అతని జీతం నుంచి కోర్టు అటాచ్‌మెంట్స్‌ ఉన్నాయన్నారు. ఈ నేపథ్యంలో వీఆర్‌ఎస్‌ ఇవ్వడానికి కుదరదని స్పష్టం చేశారు.

గార్లదిన్నె: దసరా పండుగకు సొంతూరుకు ఇల్లూరుకు వచ్చి, కుటుంబ సభ్యులతో సంతోషంగా పండుగ చేసుకోవాలనుకున్న అజయ్‌ (25)ను రోడ్డు ప్రమాద రూపంలో మృత్యువు కబళించింది. మరో ఎనిమిది మందికి తీవ్ర గాయాలయ్యాయి. ఈఘటన ఇల్లూరు వద్ద బుధవారం చోటుచేసుకుంది. గార్లదిన్నె మండలం ఇల్లూరుకు చెందిన అజయ్‌ ( 25) మృతిచెందగా, మరో ఎనిమిది మందికి తీవ్ర గాయాలయ్యాయి. పోలీసులు తెలిపిన మేరకు.. ప్రయాణికుల ఆటో బుధవారం కల్లూరు నుంచి బయల్దేరి ఇల్లూరుకు వెళ్తోంది. తీరా ఇల్లూరు జెడ్పీహెచ్‌ఎస్‌ వద్దకు వెళ్లగానే అదే సమయంలో వంశీ, సోమశేఖర్‌ అనే యువకులు ద్విచక్ర వాహనంపై కల్లూరుకు వెళ్తుండగా ఆటో, ద్విచక్ర వాహనం ఢీ కొన్నాయి. ఈ ప్రమాదంలో ఆటోలో ఉన్న రమీజా, భవ్యశ్రీ, రామాంజనమ్మ, వెంకటేష్‌, సుంకమ్మ, నరసక్క,అజయ్‌తో పాటు ద్విచక్ర వాహనదారులు వంశీ, సోమశేఖర్‌కు తీవ్ర గాయాలయ్యాయి. వెంటనే స్థానికులు గమనించి 108 వాహనంలో క్షతగాత్రులను చికిత్స నిమిత్తం పామిడి ప్రభుత్వాస్పత్రికి తరలించారు. అనంతరం మెరుగైన చికిత్స కోసం అనంతపురం ప్రభుత్వ ఆస్పత్రికి రెఫర్‌ చేశారు.

యల్లనూరు: మండలం కల్లూరులో దసరా పండుగ పూట విషాదం చోటుచేసుకుంది. విద్యుదాఘాతంతో వినయ్‌కుమార్‌ (17) మృతి చెందాడు. కరెంటు రూపంలో మృత్యువు యువకుడి ప్రాణాలు బలిగొన్న ఘటన కల్లూరులో మంగళవారం చోటు చేసుకుంది. పోలీసులు తెలిపిన మేరకు.. కల్లూరు గ్రామానికి చెందిన లింగయుతుల మల్లికార్జున చిన్న కుమారుడు వినయ్‌కుమార్‌ పండుగరోజు ఇంటికి తాగునీరు పట్టుకునేందుకు మోటారు ఆన్‌ చేశాడు. అయితే మోటారుకు ఉన్న వైరు అర్త్‌ తగిలి విద్యుత్‌ షాక్‌కు గురై, అక్కడికక్కడే మృతి చెందాడు. పండుగరోజు అందరూ సంతోషంగా ఉన్న సమయంలో కరెంటుషాక్‌తో ఒక్కగానొక్క కుమారుడు ప్రాణాలు కోల్పోయి విగతజీవిగా కనిపించడంతో ఆ కుటుంబంలో విషాదం అలుముకుంది. పోస్టుమార్టం నిమిత్తం మృతదేహాన్ని తాడిపత్రి ఆసుపత్రికి తరలించారు. బాధిత కుటుంబ సభ్యుల ఫిర్యాదు మేరకు కేసు నమోదు చేసినట్లు హెడ్‌కానిస్టేబుల్‌ వెంకటేష్‌ తెలిపారు. వ్యక్తి ఆత్మహత్య రాయదుర్గం రూరల్‌: దసరా పండుగ కోసం వచ్చిన ఓ వ్యక్తి ఉరివేసుకుని ఆత్మహత్య చేసుకున్న ఘటన పల్లేపల్లి గ్రామంలో బుధవారం చోటుచేసుకుంది. కుటుంబ సభ్యులు, పోలీసులు తెలిపిన మేరకు.. కర్ణాటక రాష్ట్రం, చిత్రదుర్గం జిల్లా జీరిపల్లికి చెందిన బోయ శివన్న (33) దసరా పండుగ కోసం ఈనెల 18న పల్లేపల్లిలోని అత్తారింటికి వచ్చాడు. తాగుడుకు బానిసైన అతను.. భార్యతో గొడవపడి ఇంటి నుంచి వెళ్లిపోయాడు. అయితే ఈనెల 20న గ్రామ సమీపంలోని చెట్టుకు ఉరివేసుకొని ఆత్మహత్య చేసుకున్నాడు. మృతుడికి భార్య మీనాక్షి, కుమారుడు, కుమార్తె ఉన్నారు. ఘటనపై కేసు దర్యాప్తు చేస్తున్నట్లు పోలీసులు తెలిపారు.

● మాజీ ఎమ్మెల్యే తోపుదుర్తి ప్రకాష్‌రెడ్డి రాప్తాడు రూరల్‌: స్థానిక సంస్థల ఎన్నికల నామినేషన్‌ సందర్భంగా అధికార పార్టీ దౌర్జన్యాలకు పాల్పడుతూ ప్రజాస్వామ్యాన్ని ఖూనీ చేస్తోందని మాజీ ఎమ్మెల్యే తోపుదుర్తి ప్రకాష్‌రెడ్డి మండిపడ్డారు. మున్సిపల్‌ ఎన్నికల్లో అధికార పార్టీ నేతలు కొనసాగిస్తున్న దమనకాండను ఇప్పుడు మండల, గ్రామస్థాయి ఎన్నికలకూ విస్తరించిందన్నారు. బుధవారం ఆయన అనంతపురం నగర శివారులోని తన క్యాంపు కార్యాలయంలో విలేకరులతో మాట్లాడారు. అనంతపురం రూరల్‌, రాప్తాడు, ఆత్మకూరు, చెన్నేకొత్తపల్లి తదితర మండలాల్లో వైఎస్సార్‌సీపీ అభ్యర్థులను నామినేషన్లు వేయకుండా అడ్డుకునేందుకు టీడీపీ వర్గీయులు ప్రయత్నించారన్నారు. ఆత్మకూరులో ఎంపీటీసీ అభ్యర్థి వెంకటేష్‌నాయక్‌పై దాడి చేశారని, అనంతపురం రూరల్‌లో పార్టీ కార్యకర్త శ్రీరామిరెడ్డిపై దాడులకు పాల్పడ్డారన్నారు. చియ్యేడు దళిత మహిళా అభ్యర్థి నామినేషన్‌ పత్రాలను చించివేశారని, రాప్తాడు మండలం మరూరులో ఎంపీటీసీ అభ్యర్థిని ప్రతిమ నామినేషన్‌ వేస్తుండగా పత్రాలను లాక్కుని చించేశారని ఆరోపించారు. చెన్నేకొత్తపల్లి మండలం గంగినేపల్లికి చెందిన అభ్యర్థిని సైతం అడ్డుకున్నారని తెలిపారు. టీడీపీ గూండాలపై పోలీసుల చర్యలేవీ? కుల, ఆదాయ ధ్రువీకరణ పత్రాలు, ఇతర అవసరమైన పత్రాల కోసం అధికారులను సంప్రదించేందుకు వెళ్లిన తమ అభ్యర్థులకు ఇబ్బందులు కల్పిస్తున్నారని ప్రకాష్‌రెడ్డి విమర్శించారు. ఎంపీడీఓ కార్యాలయాల వద్ద టీడీపీ గూండాలు గుమిగూడి భయానక వాతావరణం సృష్టిస్తున్నా పోలీసులు తగిన చర్యలు తీసుకోలేదని ఆరోపించారు. ఈ వ్యవహారంపై డీఐజీతో పాటు అనంతపురం, శ్రీసత్యసాయి జిల్లాల ఎస్పీలకు ఫిర్యాదు చేసినట్లు వెల్లడించారు. ఫ్యాక్షన్‌ రాజకీయాలకు స్వస్తి పలకాలి .. 1995లో పరిటాల రవి హయాంలో జరిగిన పరిణామాలు తనను ప్రజా జీవితంలోకి వచ్చేలా చేశాయని ప్రకాష్‌రెడ్డి గుర్తుచేశారు. ఫ్యాక్షన్‌ కారణంగా ఎన్నో కుటుంబాలు నష్టపోయాయని, అలాంటి పరిస్థితులు మళ్లీ రాకూడదనే ఉద్దేశంతోనే తాను రాజకీయాల్లో ఫ్యాక్షన్‌ కు దూరంగా ఉంటూ ప్రజలకు దగ్గరగా పనిచేశానన్నారు. ఎమ్మెల్యేగా ఉన్న సమయంలోనూ రక్తపాతం జరగకుండా చూసుకున్నానని, 2021 స్థానిక సంస్థల ఎన్నికలు ప్రశాంతంగా జరిగేందుకు సహకరించామని చెప్పారు. రాజకీయ పోటీని ప్రజాస్వామ్యబద్ధంగా ఎదుర్కోవాలే తప్ప దాడులు, బెదిరింపులతో కాదన్నారు. నేడు ఆరు మండలాల్లో పర్యటన.. వైఎస్సార్‌సీపీ అభ్యర్థులు స్వేచ్ఛగా నామినేషన్లు దాఖలు చేసుకునేలా పోలీసులు చర్యలు తీసుకోవాలని ప్రకాష్‌రెడ్డి డిమాండ్‌ చేశారు. గురువారం ఆత్మకూరు, అనంతపురం రూరల్‌, రాప్తాడు, కనగానపల్లి, చెన్నేకొత్తపల్లి, రామగిరి మండలాల్లోని నామినేషన్‌ కేంద్రాలకు వస్తానని ప్రకటించారు. పార్టీ నాయకులు, కార్యకర్తలు, అభిమానులు అభ్యర్థులకు అండగా నిలిచి నామినేషన్ల ప్రక్రియ విజయవంతమయ్యేలా చూడాలని పిలుపునిచ్చారు. 1995 నాటి పరిస్థితులు మళ్లీ పునరావృతం కాకూడదని, ఫ్యాక్షన్‌ రాజకీయాలకు స్వస్తి పలికి ప్రజాస్వామ్యాన్ని కాపాడుకోవాల్సిన బాధ్యత అందరిపై ఉందన్నారు. సమావేశంలో వైఎస్సార్‌సీపీ నాయకులు రంగంపేట గోపాల్‌రెడ్డి, చిట్రెడ్డి సత్యనారాయణరెడ్డి, సాకే వెంకటేశు, మదిగుబ్బ వీరాంజనేయులు, సిండికేట్‌నగర్‌ శ్రీరామిరెడ్డి, మరూరు బండి శ్రీనివాసులు పాల్గొన్నారు.

వారిద్దరూ ప్రాణ స్నేహితులు.. అన్నదమ్ముల్లా సరదాగా ఉండేవారు.. పండుగైనా, శుభకార్యమైనా.. ఎక్కడికెళ్లాలన్నా కలిసే ఉండేవారు. దసరా పండుగ సందర్భంగా మంగళవారం ఇద్దరి ఇళ్లలోనూ సరదాగా గడిపారు.. పండుగ సంప్రదాయాలను పూర్తి చేసుకొని, భోజనం చేసిన అనంతరం సినిమాకు వెళ్లాలని నిర్ణయించుకున్నారు. ఎప్పటిలాగే ఇద్దరూ ఒకే బైక్‌పై బయల్దేరారు. అలా ఇంటి నుంచి వెళ్లిన ఇద్దరూ తిరిగి వస్తారని కుటుంబ సభ్యులు ఎదురుచూశారు.. అయితే వారి స్నేహబంధాన్ని చూసి మూడు పదులైనా నిండకనే విధికి కన్నుకుట్టింది. రోడ్డు ప్రమాద రూపంలో మృత్యువు ఇద్దరినీ కబళించింది. మంగళవారం మధ్యాహ్నం అనంతపురం రూరల్‌ మండలం సిండికేట్‌నగర్‌ వద్ద చోటు చేసుకున్న ఈ ఘటన రెండు కుటుంబాల్లో విషాదం నింపింది. – రాప్తాడు రూరల్‌ అనంతపురం రూరల్‌ మండలం అక్కంపల్లి పంచాయతీ సదాశివకాలనీకి చెందిన వికాస్‌కుమార్‌ (24) పెయింటింగ్‌ పనులు చేస్తుంటాడు. అదే కాలనీకి చెందిన చందు అలియాస్‌ విక్కీ (26) ఆటో డ్రైవర్‌గా జీవనం సాగిస్తున్నాడు. రాచానపల్లి వైపు నుంచి అనంతపురం నగరానికి వెళ్తున్న వికాస్‌కుమార్‌, చందు బైక్‌.. సిండికేట్‌నగర్‌ సమీపంలోని బళ్లారి జాతీయ రహదారిపై సిమ్స్‌ ఆస్పత్రి ఎదురుగా ఉన్న యూటర్న్‌ వద్ద ప్రమాదానికి గురైంది. యూటర్న్‌ దాటుతున్న సిండికేట్‌నగర్‌కు చెందిన బైక్‌ను వీరి వాహనం ఢీకొంది. దీంతో బైక్‌ అదుపుతప్పి డివైడర్‌ను బలంగా ఢీకొట్టింది. ఈ ప్రమాదంలో ఇద్దరి తలలకు తీవ్ర గాయాలయ్యాయి. తీవ్ర రక్తస్రావంతో కొన ఊపిరితో కొట్టుమిట్టాడుతున్న వారిని వెంటనే అనంతపురం సర్వజనాస్పత్రికి తరలించారు. అయితే, అప్పటికే ఇద్దరూ మృతి చెందినట్లు వైద్యులు ధ్రువీకరించారు. రెండు కుటుంబాల్లో తీరని విషాదం.. ఈ ప్రమాదం రెండు కుటుంబాల్లో తీరని విషాదాన్ని మిగిల్చింది. వికాస్‌కుమార్‌ తండ్రి పెద్దరెడ్డప్ప సదాశివకాలనీ శాఖ సీపీఐ కార్యదర్శిగా పని చేస్తున్నాడు. ఆయనకు ముగ్గురు కుమారులు. రెండో కుమారుడైన వికాస్‌ ఇలా అర్ధంతరంగా తనువు చాలించడంతో ఆ కుటుంబంలో విషాదం అలముకుంది. మరోవైపు చందు అలియాస్‌ విక్కీది మరింత హృదయవిదారకమైన పరిస్థితి. తండ్రి చంద్రశేఖర్‌ గతంలోనే మృతి చెందాడు. తల్లి లలితమ్మ కూలి పనులు చేసుకుంటూ ఒక్కగానొక్క కుమారుడిని పెంచి పోషిస్తోంది. ఆటో డ్రైవర్‌గా పనిచేస్తున్న చందు..ఆ తల్లికి జీవితంలో అండగా ఉంటాడని ఎన్నో ఆశలు పెట్టుకుంది. అయితే పండుగ రోజే ఆ తల్లి ఆశలన్నీ ఒక్కసారిగా ఆవిరయ్యాయి. రెక్కల కష్టంతో అల్లారుముద్దుగా పెంచిన కొడుకు ఇక తిరిగిరాడన్న నిజాన్ని ఆమె జీర్ణించుకోలేకపోతోంది. ఇద్దరు ప్రాణస్నేహితుల జీవితాలను చిదిమేసిన మృత్యువు పండుగ పూట పెను విషాదం దసరా పండుగ వేళ సినిమాకెళ్తుండగా దుర్ఘటన అనంతపురం రూరల్‌ సదాశివకాలనీలో రెండు కుటుంబాలకు తీరని శోకం

● వైఎస్సార్‌సీపీ పీఏసీ సభ్యుడు విశ్వ అనంతపురం/ఉరవకొండ: రాష్ట్రంలో మున్సిపల్‌, కార్పొరేషన్‌ ఎన్నికల నామినేషన్ల స్వీకరణలో టీడీపీ నేతలు కొనసాగించిన విధ్వంస కాండపై సుప్రీంకోర్టు వెలువరించిన తీర్పును స్వాగతిస్తున్నామని, ఈ తీర్పు చంద్రబాబు ప్రభుత్వానికి చెంప పెట్టు అని వైఎస్సార్‌సీపీ పీఏసీ సభ్యుడు విశ్వేశ్వరరెడ్డి పేర్కొన్నారు. బుధవారం స్థానిక వైఎస్సార్‌సీపీ కార్యాలయంలో ఆయన విలేకరులతో మాట్లాడారు. 19 మున్సిపాల్టీల పరిధిలో దారుణమైన హింసా కాండ సృష్టించిన టీడీపీ నేతలు.. తమ పార్టీ సీనియర్‌ ఎంపీలు, మాజీ ఎమ్మెల్యేల వాహనాలపై మారణాయుధాలతో దాడులు చేశారన్నారు. నామి నేషన్‌ వేసేందుకు వచ్చిన అభ్యర్థులపై దాడులు చేసి, మహిళలపైనా దాడులకు తెగబడి ప్రజాస్వామ్యానికి పాతర వేశారన్నారు. తమ పార్టీ అధినేత వైఎస్‌ జగన్‌మోహన్‌రెడ్డి ఆధారాలతో సహా ఎన్నికల కమిషన్‌, గవర్నర్‌తో పాటు సుప్రీంకోర్టు దృష్టికి తీసుకెళ్లడంతో తమకు న్యాయం జరిగిందన్నారు. ఉరవకొండలో మంత్రి కేశవ్‌ అనుచరుల దౌర్జన్యం.. ఉరవకొండ నియోజకవర్గంలో నామినేషన్‌ వేయడానికి సిద్ధవుతున్న తమ పార్టీ అభ్యర్థులను మంత్రి కేశవ్‌ ఆదేశాలతో టీడీపీ నాయకులు బెదిరింపులకు దిగుతున్నారని విశ్వ అన్నారు. ఉరవకొండ, కూడేరు సీఐలతో అభ్యర్థులకు నేరుగా ఫోన్లు చేయించి, నామినేషన్‌ వేస్తే అంతు చూస్తాం అంటూ బెదిరింపులకు దిగుతున్నారన్నారు. మంత్రి కేశవ్‌ స్వగ్రామం కౌకుంట్లలో తమ పార్టీ ఎంపీటీసీ అభ్యర్థులు హనుమంతుతో పాటు మరో అభ్యర్థిని ఉరవకొండ సీఐ మహానంది వారి ఇంటికి వెళ్లి అభ్యర్థుల కళ్లకు గంతలు కట్టి వారిని ఎవరూ గుర్తించని ప్రదేశంలోకి తీసుకెళ్లి దాచారన్నారు. సీఐ స్థాయి వ్యక్తి ఇంతగా దిగజారి మంత్రికి కొమ్ముకాయడం దుర్మార్గమన్నారు. దీనిపై ఎన్నికల కమిషన్‌కు ఫిర్యాదు చేస్తామన్నారు. జిల్లా కలెక్టర్‌, ఎస్పీలకు కూడా టీడీపీ నేతల దౌర్జ న్యాలు, పోలీసుల తీరుపై ఫిర్యాదు చేశామన్నారు. ఓటమి భయంతో మంత్రి కేశవ్‌ కూడా ఇలాంటి దుర్మార్గాలకు పాల్పడడం ప్రజాస్వామ్యాన్ని ఖూనీ చేసినట్లేనని మండిపడ్డారు. కార్యక్రమంలో పార్టీ నాయకులు అశోక్‌, ఏసీ ఎర్రిస్వామి, ఎర్రిస్వామిరెడ్డి, ధనంజయ పాల్గొన్నారు.

గుంతకల్లు రూరల్‌: మండలంలోని పాతకొత్తచెరువు వద్ద గుంతకల్లు– గుత్తి జాతీ య రహదారిపై మంగళవారం సాయంత్రం జరిగిన రోడ్డు ప్రమాదంలో వెంకటేశ్వర్లు (60) దుర్మరణం చెందాడు. రూరల్‌ ఎస్‌ఐ బాలముణి తెలిపిన మేరకు.. గుంతకల్లు మిల్లు కాలనీలో భార్య పార్వతి, పిల్లలతో కలిసి నివాసం ఉంటున్న వెంకటేశ్వర్లు గుజిరీ వస్తువులు సేకరించి, విక్రయిస్తూ జీవనం సాగిస్తు న్నాడు. మంగళవారం సాయంత్రం గుజిరీలో వస్తువులు తీసుకెళ్తుండగా పాతకొత్తచెరువు సమీపంలోని ముష్కిషావలీ దర్గా వద్ద రోడ్డు దాటే క్రమంలో గుంతకల్లు నుంచి గుత్తి వైపు వేగంగా వెళ్తున్న కారు ఢీకొట్టింది. ఈ ప్రమాదంలో తీవ్రంగా గాయపడి అక్కడికక్కడే మృతి చెందాడు. అటుగా వెళ్తున్న వాహనదారుల ద్వారా విషయం తెలుసుకున్న పోలీసులు హుటాహుటిన ఘటనా స్థలికి చేరుకొని ప్రమాదం జరిగిన ప్రాంతాన్ని పరిశీలించారు. మృతదేహాన్ని పోస్టుమార్టం నిమిత్తం గుంతకల్లు ప్రభుత్వాస్పత్రికి తరలించి, కేసు దర్యాప్తు చేస్తున్నట్లు పోలీసులు తెలిపారు. ‘నామినేషన్‌ వేస్తే అంతు చూస్తాం’ అనంతపురం: ‘ ప్రభుత్వం మాది.. గ్రామ పంచాయతీ ఎన్నికల్లో మేము పోటీ చేస్తున్నాం.. నీకు తెలియదా? ..ఎంపీటీసీ అభ్యర్థిగా నువ్వు ఎలా పోటీ చేస్తావ్‌.. నువ్వు నామినేషన్‌ వేస్తే నీ అంతు చూస్తాం..’ అంటూ టీడీపీ నాయకులు వైఎస్సార్‌ సీపీ నాయకులను బెదిరించారు. వివరాలు.. గార్లదిన్నె మండల పరిధిలోని ముంటిమడుగు గ్రామ పంచాయతీ ఎంపీటీసీ అభ్యర్థిగా వైఎస్సార్‌సీపీ నాయకుడు తలారి సుబ్బరాయుడు భార్య సునీత నామినేషన్‌ వేసేందుకు ఏర్పాట్లు చేసుకున్నారు. అందులో భాగంగా భర్త తలారి సుబ్బరాయుడు, నాయకులు వెంకటయ్య ఇద్దరు నామినేషన్‌ దాఖలుకు అవసరమైన పత్రా లు సిద్ధం చేసుకునేందుకు బుధవారం గార్లదిన్నెకు వెళ్లి, మీ సేవా కేంద్రం వద్ద ఉన్నారు. ఆ సమయంలో ముంటిమడుగుకు చెందిన టీడీపీ నాయ కులు కారులో వచ్చి వెఎస్సార్‌సీపీ నాయకులను బలవంతంగా కారులో ఎక్కించుకున్నారు. అక్కడి నుంచి ముంటిమడుగులోని టీడీపీ నాయకుడి ఇంటికి తీసుకెళ్లారు. ‘నీవు పోటీ నుంచి తప్పుకో.. లేకుంటే ఇబ్బంది పడుతావ్‌.. అధికారంలో ఉండేది మా ప్రభుత్వం.. మీరు ఏమీ చేసుకోలేరు.. అంటూ బెదిరించినట్లు వైఎస్సార్‌సీపీ నాయకులు ఆవేదన వ్యక్తం చేశా రు. అనంతరం తిరిగి వారి కారులోనే గార్లదిన్నెలో వదిలి వెళ్లిపోయినట్లు తెలిపారు. మేము నామి నేషన్‌ వేసేందుకు ఎన్నికల అధికారులు, పోలీస్‌లు చర్యలు తీసుకోవాలని అభ్యర్థులు కోరుతున్నారు. విత్‌డ్రా చేసుకోవాలని బెదిరింపులు గుంతకల్లుటౌన్‌: పట్టణంలోని 23వ వార్డు వైఎస్సార్‌సీపీ కౌన్సిలర్‌ అభ్యర్థిగా బరిలో దిగనున్న డి.జరీనా భర్త విష్ణును అదే వార్డుకు చెందిన పలువురు టీడీపీ నాయకులు బెదిరించినట్లు విష్ణు విలేకరులకు తెలిపారు. తన భార్య తరఫున పార్టీ బీ–ఫారం మున్సిపల్‌ ఆఫీసులో ఎన్నికల అధికారికి అందజేయడానికి రాగానే అక్కడే ఉన్న టీడీపీ నాయకులు బీ–ఫారం లాక్కునేందుకు యత్నించారు. అతను తప్పించుకునే ప్రయత్నం చేయగా.. అసభ్య పదజాలంతో దూషించారు. అక్కడే ఉన్న వన్‌టౌన్‌ సీఐ శ్రీధర్‌, ఎస్‌ఐలు సురేష్‌, కళ్యాణ్‌లు జోక్యం చేసుకొని టీడీపీ నాయకులను అక్కడి నుంచి పంపివేయడంతో విష్ణు బీ–ఫారంను ఎన్నికల అధికారికి సమర్పించారు. విషయం తెలుసుకున్న మాజీ ఎమ్మెల్యే వై.వెంకటరామిరెడ్డి పార్టీ నాయకులను అక్కడికి పంపి విష్ణును క్షేమంగా పార్టీ కార్యాలయానికి చేర్చారు. సీఐఐ సదస్సుకు ఏర్పాట్లు అనంతపురం అర్బన్‌: జేఎన్‌టీయూ వేదికగా ఈనెల 23న జరగనున్న సీఐఐ పార్ట్‌నర్‌షిప్‌ సమ్మిట్‌–2026 సదస్సు నిర్వహణకు సంబంధించి పటిష్టమైన ఏర్పాట్లు చేయాలని జాయింట్‌ కలెక్టర్‌ సి.విష్ణుచరణ్‌ సంబంధిత అధికారులను ఆదేశించారు. జేఎన్‌టీయూలో సదస్సు నిర్వహణకు చేపట్టిన ఏర్పాట్లను జేసీ బుధవారం పరిశీలించారు. అధికారులకు తగిన సూచనలు, ఆదేశాలిచ్చారు. ఈ సందర్భంగా ఆయన మాట్లాడుతూ రాష్ట్రంలో పెట్టుబడులను ఆకర్షించడానికి ప్రభుత్వం చర్యలు చేపట్టిందన్నారు. అందులో భాగంగా ఏపీ ఎకనామిక్‌ డెవలప్‌మెంట్‌ బోర్డ్‌ (ఏపీఈడీబీ) ఆధ్వర్యంలో సీఐఐ పార్టనర్‌షిప్‌ సమ్మిట్‌ ఈనెల 23న జేఎన్‌టీయూలోని ఎన్‌టీఆర్‌ ఆడిటోరియంలో జరగనుందన్నారు. సదస్సు నిర్వహణకు సంబంధించి అన్ని ఏర్పాట్లు గురువారానికి పూర్తి చేయాలని ఆదేశించారు. సదస్సుకు హాజరయ్యే ప్రతినిధులకు వసతి సదుపాయం కల్పించాలన్నారు. రిజిస్టేషన్‌ ప్రక్రియ, సీటింగ్‌ అరేంజ్‌మెంట్స్‌, ఎంఎస్‌ఎంఈ ఎగ్జిబిషన్‌, భోజన వసతి, తదితర అన్ని ఏర్పాట్లపై ప్రత్యేక దృష్టి సారించాలని ఆదేశించారు. కార్యక్రమంలో అసిస్టెంట్‌ కలెక్టర్‌ సుయాష్‌కుమార్‌, ఆర్‌డీఓ ప్రేమంత్‌కుమార్‌, పరిశ్రమల శాఖ జీఎం శ్రీనివాసయాదవ్‌, ఏపీఐఐసీ జెడ్‌ఎం నాగకుమార్‌, డీఐపీఆర్‌ఓ బాలకొండయ్య, ఈడీబీ రామకృష్ణ, ఈమెంట్‌ మేనేజర్‌ కిశోర్‌, ఇతర అధికారులు పాల్గొన్నారు.

● గుంతకల్లు నియోజకవర్గంలో బరితెగించిన ఎమ్మెల్యే అనుచరులు పామిడి: ఎంపీటీసీ నామినేషన్ల తొలిరోజే టీడీపీ గూండాలు కత్తులతో విరుచుకుపడ్డారు. వైఎస్సార్‌సీపీ నాయకులపై దాడిచేసి గాయపరిచారు. బుధవారం పామిడి ఎంపీడీఓ కార్యాలయ సమీపంలోకి గుంతకల్లు ఎమ్మెల్యే అనుచరులు, టీడీపీ కార్యకర్తలతో పాటు స్థానికేతరులు పెద్ద సంఖ్యలో చేరుకున్నారు. అయినా పోలీసులు వారిని అక్కడి నుంచి పంపించలేదు. పామిడి ఎంపీటీసీ–6 వైఎస్సార్‌సీపీ అభ్యర్థి కొత్తపల్లికి చెందిన డ్రైవర్‌ రమేష్‌కు టీడీపీ నేతలతో పాటు స్థానికేతరులు ఫోన్‌ చేసి.. ‘ఎన్నికల్లో పోటీచేస్తే నీ కాళ్లు చేతులు విరుస్తాం’ అని బెదిరించారు. అయినా రమేష్‌ వారి మాటలను ఖాతరు చేయలేదు. పోటీ చేయడానికి సిద్ధమయ్యారు. ఇందులో భాగంగా పెండింగ్‌ ఉన్న ఇంటి గుత్త చెల్లించేందుకని వైఎస్సార్‌సీపీకి చెందిన కత్రిమల రమేష్‌, కొండూరు బబ్లూ తమ్ముడు రమేష్‌తో కలిసి అభ్యర్థి డ్రైవర్‌ రమేష్‌ పంచాయతీ కార్యాలయానికి వెళ్లారు. సమాచారం అందుకున్న టీడీపీ గూండాలు కత్తులు, రాడ్లతో చేరుకుని దాడికి పాల్పడ్డారు. ఈ దాడిలో కత్రిమల రమేష్‌ ఎడమచేతి, బబ్లూ తమ్ముడు రమేష్‌కు కన్ను, కణతిపై గాయాలయ్యాయి. వీరిని ఆస్పత్రికి తరలించకుండా అడ్డుకున్నారు.

● వైఎస్సార్‌సీపీ, సీపీఐ అభ్యర్థులను గెలిపించండి ● వైఎస్సార్‌సీపీ జిల్లా అధ్యక్షుడు అనంత అనంతపురం: నగరపాలక సంస్థ ఎన్నికల్లో కూటమి అభ్యర్థికి ఓటు వేస్తే ప్రజలు అవినీతికి అనుమతి ఇచ్చినట్లేనని వైఎస్సార్‌సీపీ జిల్లా అధ్యక్షుడు, మాజీ ఎమ్మెల్యే అనంత వెంకటరామిరెడ్డి పేర్కొన్నారు. నగరం అభివృద్ధి పథంలో ముందుకు సాగాలంటే వైఎస్సార్‌సీపీ మేయర్‌ అభ్యర్థి రమేష్‌ గౌడ్‌ను గెలిపించాలని పిలుపునిచ్చారు. బుధవారం వైఎస్సార్‌సీపీ జిల్లా కార్యాలయంలో ఏర్పాటు చేసిన విలేకరుల సమావేశంలో నాయకులతో కలిసి ఆయన మాట్లాడారు. మేయర్‌ స్థానంతో పాటు 60 కార్పొరేటర్‌ స్థానాల్లో వైఎస్సార్‌సీపీ అభ్యర్థులు, మరో రెండు కార్పొరేటర్‌ స్థానాల్లో సీపీఐ అభ్యర్థులు పోటీ చేస్తున్నారని, ప్రజలు ఆశీర్వదించి గెలిపించాలని కోరారు. చంద్రబాబు ప్రభుత్వం వచ్చాక అనంతపురంలో దాడులు, దౌర్జన్యాలు, అరాచకాలు పెరిగిపోయాయని మండిపడ్డారు. 2019 నుంచి 2024 వరకు ప్రశాంతంగా ఉన్న నగరంలో, గడిచిన ఈ రెండున్నరేళ్లలో పరిస్థితులు ఎలా మారాయో ప్రజలు ఆలోచించాలని విజ్ఞప్తి చేశారు. నామినేషన్ల ఉపసంహరణ తర్వాత వైఎస్సార్‌సీపీ అభ్యర్థులకు బెదిరింపులు ఎక్కువయ్యాయని, ప్రచారం చేస్తే దాడులు చేస్తామని, కేసులు పెడతామని మధ్యవర్తులతో బెదిరిస్తున్నారని ఆరోపించారు. సుప్రీం కోర్టు తీర్పు మేరకు రాష్ట్ర వ్యాప్తంగా 19 చోట్ల నామినేషన్ల స్వీకరణకు సమయం ఇవ్వడం చంద్రబాబు ప్రభుత్వానికి చెంపపెట్టు వంటిదని వ్యాఖ్యానించారు. వైఎస్సార్‌సీపీ పార్లమెంట్‌ పరిశీలకుడు బోరెడ్డి నరేష్‌ కుమార్‌రెడ్డి మాట్లాడుతూ స్థానిక సంస్థల ఎన్నికల్లో కూటమి ప్రభుత్వం ప్రజాస్వామ్యాన్ని ఖూనీ చేసిందని, పోలీసులు అధికార పార్టీకి కొమ్ము కాస్తున్నారని మండిపడ్డారు. ప్రజలు విజ్ఞతతో ఆలోచించి సరైన అభ్యర్థులను గెలిపించాలని కోరారు. ఎమ్మెల్సీ వై.శివరామిరెడ్డి మాట్లాడుతూ నామినేషన్ల పర్వంలో అధికార పార్టీ పోలీసులను అడ్డుపెట్టుకుని వైఎస్సార్‌సీపీ అభ్యర్థులు నామినేషన్లు వేయకుండా అడ్డుకుందన్నారు. గుత్తి మునిసిపాలిటీతో పాటు ప్రస్తుతం ఎంపీటీసీ, జెడ్పీటీసీ ఎన్నికల్లోనూ అరాచకం సృష్టిస్తోందని ధ్వజమెత్తారు. మన అనంతపురాన్ని మనం కాపాడుకుందాం ‘మన అనంతపురాన్ని మనం కాపాడుకుందాం’ నినాదంతో ఎన్నికల్లో ముందుకు వెళ్తామని వైఎస్సార్‌సీపీ మేయర్‌ అభ్యర్థి రమేష్‌ గౌడ్‌ తెలిపారు. 2014–19 మధ్య మూడు ముక్కలాటగా ఉన్న పాలనను చూశామని, 2019–24 మధ్య అనంత వెంకటరామిరెడ్డి నాయకత్వంలో 50 డివిజన్లలో రూ.1200 కోట్లతో అభివృద్ధి పనులు చేపట్టి, ప్రతి ఇంటికీ సంక్షేమం అందించామని గుర్తు చేశారు. గత రెండున్నరేళ్ల కూటమి పాలనలో చిన్న వ్యాపారుల నుంచి పెద్ద వ్యాపారుల వరకు ఆస్తులకు, శాంతిభద్రతలకు రక్షణ లేకుండా పోయిందని ఆవేదన వ్యక్తం చేశారు. ప్రజాస్వామ్యాన్ని కాపాడుకోవడానికి మేధావులు, ఉద్యోగులు, ప్రజలు ఆలోచించి వైఎస్సార్‌సీపీకి ఒక్క అవకాశం ఇవ్వాలని కోరారు. కార్యక్రమంలో వైఎస్సార్‌సీపీ సీనియర్‌ నాయకులు, చిత్తూరు పార్లమెంట్‌ పరిశీలకుడు చవ్వా రాజశేఖరరెడ్డి, పీఏసీ సభ్యుడు మహాలక్ష్మీ శ్రీనివాస్‌, మాజీ మేయర్‌ వసీం, సీఈసీ సభ్యులు నదీం అహ్మద్‌, మీసాల రంగన్న, ఎస్‌ఈసీ సభ్యులు కోగటం విజయభాస్కరరెడ్డి, సీనియర్‌ నాయకులు వైటీ శివారెడ్డి, మైనార్టీ విభాగం రాష్ట్ర ప్రధాన కార్యదర్శి కాగజ్‌ఘర్‌ రిజ్వాన్‌, నాయకులు రంగంపేట గోపాల్‌రెడ్డి, గువ్వల రాజేష్‌రెడ్డి, క్రిస్టియన్‌ మైనార్టీ విభాగం రాష్ట్ర సంయుక్త కార్యదర్శి జానీ, సాంస్కృతిక విభాగం నగర కార్యదర్శి కేశవరెడ్డి పాల్గొన్నారు.

అనంతపురం: మున్సిపల్‌ ఎన్నికలకు సంబంధించి నామినేషన్ల ఉపసంహరణ బుధవారం ప్రశాంతంగా పూర్తయింది. ఉపసంహరణల అనంతరం అనంతపురం నగరపాలక సంస్థ మేయర్‌ స్థానానికి 12 మంది, 62 డివిజన్లకు 197 మంది అభ్యర్థులు బరిలో నిలిచారు. రాయదుర్గం మున్సిపల్‌ చైర్‌పర్సన్‌కు ఆరుగురు, 40 వార్డులకు 107 మంది పోటీలో మిగిలారు. గుంతకల్లులో చైర్‌పర్సన్‌కు నలుగురు, 48 కౌన్సిలర్‌ స్థానాలకు 189 మంది బరిలో ఉన్నారు. కళ్యాణదుర్గం మున్సిపల్‌ చైర్‌పర్సన్‌ స్థానానికి ముగ్గురు పోటీలో నిలిచారు. ఇక తాడిపత్రి, గుత్తి మున్సిపల్‌ స్థానాలకు సంబంధించి సుప్రీం కోర్టు తీర్పు మేరకు ఈ నెల 25న బరిలో ఉన్న అభ్యర్థుల వివరాలు ప్రకటిస్తారు.