అద్దంకి: మూడు మాసాల తర్వాత పెళ్లి బాజాల మోత మోగనుంది. శుక్ర మూఢమి శుక్రవారంతో ముగియనుండడంతో జిల్లాలోనూ సుముహూర్తాల సందడి మొదలుకానుంది. గత ఏడాది నవంబర్‌ 26 నుంచి ఈ నెల 13 వరకు శుక్ర మూఢమి కారణంగా సుముహూర్తాలకు బ్రేక్‌ పడింది. మాఘమాసం శుభప్రదమైన మాసమైనప్పటికీ మూఘమితో ముహూర్తాలు లేకుండా పోయాయి. ఈ నెల 19 నుంచి సుముహూర్తాలు ఉన్నట్లు పండితులు పేర్కొంటున్నారు. ఇప్పటికే ముహూర్తాలు ఖరారు చేసుకున్న వారు వివాహాది, గృహప్రవేశ, గృహారంభాలకు సిద్ధమవుతున్నారు. మూడు నెలల తర్వాత జిల్లాలో పురోహితులు, భజంత్రీ కళాకారులు, కల్యాణ మండపాల నిర్వాహకులు, పూల వ్యాపారులు, వస్త్ర దుకాణాలు, అర్కెస్ట్రాలు, ట్రావెల్‌ ఏజెన్సీలు, కేటరింగ్‌ సంస్థలు, విద్యుత్‌, మైక్‌ సెట్టింగ్‌ నిర్వాహకులు తదితర 25 రంగాల వారికి మెండుగా ఉపాధి కలగనుంది. కల్యాణ మండపాలకు గిరాకీ మూడు నెలల తర్వాత మరో మూడు నెలలపాటు మెండుగా ముహుర్తాలు ఉండటంతో కల్యాణ మండపాల బుకింగ్‌లు మొదలయ్యాయి. ఉమ్మడి జిల్లాలోని ఒంగోలు, అద్దంకి, కందుకూరు, మార్కాపురం, గిద్దలూరు, కనిగిరి, కొండపి, సంతనూతలపాడు, దర్శి, పొదిలి పట్టణాల్లో ఉన్న సుమారు 200కు పైగా ఉన్న కల్యాణ మండపాల్లో ఇప్పటికే కొన్ని డేట్లు బుక్‌ అయినట్లు నిర్వాహకులు చెబుతున్నారు. సుముహూర్తాలు ఇవే.. ఈ ఏడాది ఫిబ్రవరితోపాటు, మార్చి, ఏప్రిల్‌ మే, జూన్‌, ఆగస్టు, నవంబర్‌, డిసెంబరు నెలల్లో ఎక్కువగా ముహుర్తాలు ఉన్నాయని పురోహితులు చెబుతున్నారు. ఫిబ్రవరి నెలలో 19, 20, 21, 24, 25, 26, మార్చిలో 5, 6, 7, 8, 9, 11, 12, 13, 14, 20, 21, 25, 29, ఏప్రిల్‌ నెలలో 1 నుంచి 8వ తేదీ వరకు, 10, 11, 12, 21, 25, 26, 28, 29, 30వ తేదీల్లో దాదాపు ఎక్కువ మందికి సూటయ్యే ముహుర్తాలు ఉన్నట్లు పురోహితులు పేర్కొంటున్నారు. నేటితో ముగియనున్న శుక్ర మూఢమి 19 తర్వాత సుముహూర్తాలతో మోగనున్న బాజాభజంత్రీలు ఫిబ్రవరి, మార్చి, ఏప్రిల్‌ నెలల్లో మెండుగా ముహూర్తాలు 3 నెలలుగా వేచి ఉన్న వివిధ రంగాల వారికి మళ్లీ ఉపాధి బుకింగ్‌లు మొదలయ్యాయి ఈనెల 18న చాలా పెళ్లిళ్లు ఉన్నాయి. తరువాత మూడు నెలల్లోనూ వివాహాలు పెట్టుకున్న వారు ముందుగానే కల్యాణ మండపాలను బుక్‌ చేసుకుంటున్నారు. ఈ ఏడాది ముహూర్తాలు ఎక్కువే అని పురోహితులు చెబుతున్నారు. – సుబ్బారావు, కళ్యాణ మండపం నిర్వాహకుడు మంచి ముహుర్తాలు ఉన్నాయి మూడు నెలలపాటు మూఢం తర్వాత ఈ ఏడాది ఫిబ్రవరి, మార్చి, ఏప్రిల్‌, మే, ఆ తరువాత కూడా సుముహూర్తాలు ఉన్నాయి. ఎక్కువ మందికి సూటయ్యే ముహూర్తాలు అధికంగా ఉండటం ఈ ఏడాది విశేషం. – గణేశ్‌, పురోహితుడు

కందుకూరు: ప్రమాదవశాత్తు జరిగిన అగ్నిప్రమాదాన్ని ఆసరాగా చేసుకుని పరిశ్రమల కోసం భూములిచ్చిన రైతులను, స్థానిక వైఎస్సార్‌ సీపీ నాయకులను లక్ష్యంగా చేసుకుని పోలీసులు విచారణ పేరుతో వేధించడం సరైన పద్ధతి కాదని వైఎస్సార్‌ సీపీ నియోజకవర్గ ఇన్‌చార్జి బుర్రా మధుసూదన్‌యాదవ్‌ ఆగ్రహం వ్యక్తం చేశారు. గుడ్లూరు మండలం చేవూరు గ్రామంలో ఇటీవల ఇండోసోల్‌ కంపెనీకి చెందిన నీటి తరలింపు పైప్‌లైన్లు దగ్ధమైన సంగతి తెలిసింది. అయితే ఈ సంఘటనతో సంబంధం ఉందంటూ గ్రామ వైఎస్సార్‌ సీపీ నాయకులు నక్కల శరత్‌, కళ్యాణ్‌లను పోలీసులు స్టేషన్‌లో అక్రమంగా నిర్బంధించారు. అనంతరం విచారణ పేరుతో వేధించడం ప్రారంభించారు. ఈ సందర్భంగా గ్రామంలో గురువారం వైఎస్సార్‌సీపీ నాయకులను బుర్రా పరామర్శించారు. అనంతరం గ్రామంలోని సచివాలయంలో ఉన్న గుడ్లూరు ఎస్సై వెంకట్రావ్‌ని కలిసి ఆయన ప్రశ్నించారు. చెత్తకుప్ప పక్కనే ఉన్న పైప్‌లైన్‌లు ప్రమాదవశాత్తు దగ్ధమైతే ఎటువంటి ఆధారాలు లేకుండా వైఎస్సార్‌ సీపీ నాయకులను బాధ్యులను చేయడం ఎంతవరకు సబబు అని ప్రశ్నించారు. రోజుల తరబడి విచారణ పేరుతో వారిని వేధించడం పద్ధతి కాదని హెచ్చరించారు. పరిశ్రమలు వస్తే తమ జీవతాలు బాగుపడతాయనే ఉద్దేశంతో భూములిచ్చి సహకరించిన రైతులను ఈ విధంగా పోలీసులు వేధించడం దుర్మార్గమైని ఆవేదన వ్యక్తం చేశారు. ప్రతి రోజు గ్రామానికి వచ్చి విచారణ పేరుతో రైతులను ఇబ్బందులు పెట్టడం మానుకోవాలని, పోలీసుల తీరు మారకపోతే చూస్తూ ఊరుకునే ప్రసక్తే లేదని స్పష్టం చేశారు. అంతగా ప్రభుత్వం నుంచి ఒత్తిళ్లు ఉంటే అసలైన బాధ్యులను గుర్తించి చర్యలు తీసుకోవాలే తప్పా అమాయకులను కేసుల్లో ఇరికించే ప్రయత్నం చేయడం తగదన్నారు. ఇటువంటి చర్యల వల్ల పోలీసులపై ఉన్న నమ్మకం పోతుందని, ఇప్పటికై నా తీరుమార్చుకోవాలని హితవు పలికారు. వైఎస్సార్‌సీపీ నాయకులు బిల్లా రమణయ్య, కాట్రగడ్డ వెంకట్రావ్‌, కోర్సిపాటి రవికాంత్‌రెడ్డి, తాటిపర్తి రమేష్‌ తదితరులు పాల్గొన్నారు. ప్రమాదవశాత్తు జరిగిన సంఘటనను వైఎస్సార్‌ సీపీ నాయకులకు అంటగడతారా విచారణ పేరుతో రైతులను, నాయకులను వేధించడం సరైన పద్దతి కాదు చేవూరులో పోలీసులు తీరుపై బుర్రా ఆగ్రహం

త్రిపురాంతకం: జిల్లాలో ప్రసిద్ధి గాంచిన పార్వతి సమేత త్రిపురాంతకేశ్వరస్వామి ఆలయంలో మహాశివరాత్రి మహోత్సవాలు శుక్రవారం ప్రారంభం కానున్నాయి. భక్తులకు ఇబ్బంది లేకుండా తగు ఏర్పాట్లు చేశారు. 13వ తేదీ ఉదయం 9 గంటలకు గణపతి పూజ, పుణ్యాహవచనం, రుత్వికరణం, పంచగవ్య ప్రాశనతో మహాశివరాత్రి మహోత్సవాల అంకురార్పణ, అగ్ని ప్రతిష్టాపన, ధ్వజారోహణ కార్యక్రమాలు నిర్వహిస్తారు. ప్రతి రోజు బాలాత్రిపురసురదీదేవి, శ్రీపార్వతి సమేత త్రిపురాంతకేశ్వరస్వామి ఆలయాల్లో విశేష అర్చనలు, రుద్రహోమం, బలిహరణ, విశేషపూజలు, ప్రదోషకాల పూజలు జరగనున్నాయి. 15వ తేదీ మహాశివరాత్రి రోజు తెల్లవారుజామున 3 గంటలకు మహన్యాస పూర్వక రుద్రాభిషేకం, రాత్రి 11:30 గంటలకు లింగోద్భవ కాల రుద్రాభిషేకాలు, అమ్మవారికి కుంకుమార్చనలు, 12:30 గంటలకు స్వామి అమ్మవార్ల కల్యాణ మహోత్సవం వైభవంగా జరగనుంది. 17వ తేదీ మంగళవారం రథాంగ హోమం, రథాంగ బలి, రథోత్సవం వైభవంగా నిర్వహించనున్నారు. 18వ తేదీ రుద్రహోమం, వసంతోత్సవం, నాగవల్లి, మూకబలి, ధ్వజావదోహణ ప్రత్యేక పూజలు, 19వ తేదీ శయనోత్సవం ప్రత్యేక పూజలు జరుగుతాయి. భక్తులు ఇబ్బంది పడకుండా దేవదాయ ధర్మాదాయ శాఖ ఆధ్వర్యంలో ఏర్పాట్లు చేశారు. ఆలయాల వద్ద సామాజిక సత్ర నిర్వాహకులు భోజన వసతి సౌకర్యాలు ఏర్పాటు చేశారు. ● శ్రీశైలంకు 140..కోటప్పకొండకు 78 ఆర్టీసీ బస్సులు ● జిల్లా ప్రజా రవాణాధికారి జి.సత్యనారాయణ వెల్లడి ఒంగోలు టౌన్‌: మహా శివరాత్రి పండుగను పురస్కరించుకొని ప్రత్యేక ఆర్టీసీ సర్వీసులు ఏర్పాటు చేసినట్లు జిల్లా ప్రజా రవాణాధికారి జి.సత్యనారాయణ తెలిపారు. ఉమ్మడి ప్రకాశం జిల్లాలోని 7 ఆర్టీసీ బస్‌ డిపోల నుంచి శ్రీశైలం క్షేత్రానికి 140, కోటప్పకొండ క్షేత్రానికి 78 ఆర్టీసీ బస్సు సర్వీసులను నడపనున్నట్లు పేర్కొన్నారు. ఆర్టీసీ డిపోలోని ఆయన ఛాంబర్‌లో గురువారం జరిగిన విలేకరుల సమావేశంలో ఆయన మాట్లాడారు. మొగిలిచెర్ల 25, భైరవకోన 23, త్రిపురాంతకం 12, రామతీర్థం 8, సంగమేశ్వరం 5, పునుగోడు 2కు ప్రత్యేక బస్సు సర్వీసులు నడపనున్నట్లు వివరించారు. ఈ ఏడాది ప్రత్యేకంగా కనిగిరి, గిద్దలూరు నుంచి నేరుగా శ్రీశైలానికి, పొదిలి, దర్శి నుంచి కోటప్పకొండకు, పొదిలి, కనిగిరి నుంచి మార్కాపురం జిల్లా త్రిపురాంతకానికి ప్రత్యేక బస్సులు నడుపుతున్నట్లు చెప్పారు. ప్రతిష్టాత్మకంగా నిర్వహిస్తున్న పాకల బీచ్‌ ఫెస్టివల్‌కు 12 బస్సులు నడపుతున్నట్లు తెలిపారు. కందుకూరు 4, కనిగిరి 2, పొదిలి 2, అద్దంకి 2, ఒంగోలు నుంచి 2 బస్సులు నడిపేలా నిర్ణయించినట్లు చెప్పారు. గత ఏడాది కంటే అదనంగా 50 బస్సులను నడిపేందుకు ప్రణాళిక సిద్ధం చేశామని వివరించారు. ● భారీగా తరలివెలుతున్న భక్తజన సందోహం ● రాత్రి పూట ప్రయాణాలకూ అనుమతినిచ్చిన అటవీశాఖ పెద్దదోర్నాల: మహా శివరాత్రి పర్వదినాన్ని పురస్కరించుకుని శ్రీశైల పుణ్యక్షేత్రంలో జరిగే బ్రహ్మాత్సవాల్లో పాల్గొనేందుకు భక్తులు భారీగా శ్రీశైలం తరలివెళుతున్నారు. దీంతో యాత్రికులు, భక్తులతో మండల కేంద్రంలో రద్దీ వాతావరణం నెలకొంది. పర్వదినాన్ని దృష్టిలో ఉంచుకుని అటవీశాఖ శ్రీశైలం ఘాట్‌ రోడ్డులో రాత్రి వేళ ప్రయాణాలకు అనుమతినిచ్చింది. దీంతో ఈ నెల 13వ తేదీ శుక్రవారం రాత్రి నుంచి 16వ తేదీ వరకు రాత్రి వేళల్లో పుణ్యక్షేత్రానికి నిరంతరం ప్రయాణించే వెసులుబాటు భక్తులకు లభించింది. రాష్ట్రం నలుమూలల నుండే కాకుండా కర్ణాటక, మహారాష్ట్ర రాష్ట్రాల నుంచి భక్తులు భారీగా శ్రీశైలం చేరుకుంటున్నారు. అధిక శాతం భక్తులు కాలి నడకన నల్లమల అటవీ ప్రాంతం గుండా పుణ్య క్షేత్రానికి చేరుకుంటున్నారు. వాహనాల రద్దీ అధికంగా ఉండడంతో పలువురు భక్తులు రైళ్ల ద్వారా మార్కాపురం చేరుకుని అక్కడి నుంచి శ్రీశైలం వస్తున్నారు. బ్రహాత్సవాలల్లో పాల్గొనేందుకు భక్తులు ఆసక్తి చూపుతుండటంతో పండుగకు ముందే రద్దీ అధికంగా ఉంది. ఒంగోలు: ఏపీ బార్‌ కౌన్సిల్‌ ఎన్నికల పోలింగ్‌ ప్రక్రియ శుక్రవారం ఉదయం 10.30 గంటలకు ప్రారంభం కానుంది. రాష్ట్రవ్యాప్తంగా ఉన్న 149 బార్‌లలోని 40వేల మంది అడ్వకేట్లు తమ ఓటు హక్కు వినియోగించుకోనున్నారు. ప్రకాశం జిల్లాలో 1600 మంది ఉండగా అందులో 821 మంది ఒక్క ఒంగోలు బార్‌ అసోసియేషన్‌లోనే ఉన్నారు. ఉదయం 10.30గంటలనుంచి పోలింగ్‌ ప్రక్రియ ప్రారంభించేలా చర్యలు చేపట్టారు. బరిలో 143 మంది: రాష్ట్రవ్యాప్తంగా జరుగుతున్న ఈ ఎన్నికల ప్రక్రియలో మొత్తం 143 మంది అభ్యర్థులు బరిలో ఉన్నారు. వీరి నుంచి మొత్తం 23 మంది రాష్ట్ర బార్‌ కౌన్సిల్‌కు ఎన్నిక కావాల్సి ఉండగా అందులో ఐదుగురు మహిళా అభ్యర్థులు తప్పనిసరి . వీరందరినీ ప్రాధాన్యతా ఓటు ప్రకారం ఎన్నుకుంటారు. బార్‌ కౌన్సిల్‌ ఎన్నికల్లో ఓటు హక్కు కలిగిన అడ్వకేట్‌ కనీసం ఐదుగురికి ఓటు వేయాల్సి ఉంటుంది. అలాగే గరిష్టంగా 23 మంది వరకు ప్రాధాన్యత ఓటు వేయాలి. ప్రాధాన్యత ఓటు కూడా సంఖ్యలకు బదులుగా ఆంగ్ల వర్ణమాలలోని ఒకటవ బడి పెద్ద అక్షరాలను మాత్రమే వినియోగించాలి. పొరబాటున ఓకే ప్రాధాన్యత ఓటు ఒకరికంటే ఎక్కువమందికి వేస్తే అది చెల్లుబాటు కాదు. ఇలాంటి అనేక నిబంధనలు ఉండడంతో బరిలో ఉన్న అభ్యర్థులు తమదైన శైలిలో వాయిస్‌ కాల్స్‌, సంక్షిప్త సందేశాలు, సామాజిక మాధ్యమాలు, కరపత్రాల పంపిణీ, హోర్డింగ్‌లు ఏర్పాటు వంటి వాటి ద్వారా విస్తృత ప్రచారం చేపట్టారు. ఎన్నికల ప్రక్రియ ప్రశాంతంగా నిర్వహించే బాధ్యతను ఒంగోలు బార్‌ అసోసియేషన్‌ అధ్యక్షులు బొడ్డు భాస్కరరావు వ్యవహరిస్తారు. ఒంగోలు బార్‌ అసోసియేషన్‌ హాలులో నాలుగు సీసీ కెమెరాలు ఏర్పాటుచేశారు. ఎన్నికలను అన్ని ఏర్పాట్లు చేశారు. ఒంగోలు టౌన్‌: కార్మిక నగర్‌ బాధిత పేదలపై తాలూకా పోలీసులు కేసు నమోదు చేశారు. ఇస్లాంపేటకు చెందిన షేక్‌ అల్లాబక్షు ఇచ్చిన ఫిర్యాదు మేరకు 10 మంది బాధితులతో పాటుగా మరికొందరిపై కేసు నమోదు చేశారు. ఈ నెల 4వ తేదీన కొందరు వ్యక్తులు కార్మికనగర్‌లో పేదల ఇళ్లను కూల్చివేయడం తెలిసిందే. ఆ తరువాత బుధవారం సాయంత్రం స్థల యజమానులుగా చెప్పుకొంటున్న ప్రైవేటు వ్యక్తులు ఫెన్సింగ్‌ వేసేందుకు వెళ్లారు. వారిని బాధితులు అడ్డుకోవడంతో కాసేపు ఉద్రిక్త వాతావరణం నెలకొంది. ఈ క్రమంలో తమపై కార్మిక నగర్‌ వాసులు దాడికి ప్రయత్నం చేశారని అల్లాబక్షు పోలీసులకు ఫిర్యాదు చేసినట్లు సమాచారం. దీంతో పోలీసులు కేసులు నమోదు చేసినట్లు తెలిసింది. ప్రకాశం జిల్లాలో 1600 మంది ఒంగోలు బార్‌ అసోసియేషన్‌లో ఓటు హక్కు కలిగిన వారు 821

రాచర్ల: మండలంలోని గుడిమెట్ట పంచాయతీ రామాపురంలో సిద్ధిభైరవేశ్వరస్వామి మహా శివరాత్రి తిరుణాళ్ల మహోత్సవం సందర్భంగా 15వ తేదీ ఆదివారం జిల్లాస్థాయి బండలాగుడు పోటీలు నిర్వహించనున్నట్లు దేవస్థాన కమిటీ సభ్యులు గురువారం ఒక ప్రకటనలో తెలిపారు. అసక్తి ఉన్న ఎడ్ల యజమానులు 15వ తేదీ ఆదివారం మధ్యాహ్నం 12 గంటల్లోగా రూ.500 ప్రవేశ రుసుం చెల్లించి పేర్లు నమోదు చేసుకోవాలన్నారు. పోటీల్లో గెలుపొందిన విజేతలకు మొదటి బహుతిగా రూ. 50 వేలు, రెండో బహుమతిగా రూ.30, మూడవ బహుమతిగా రూ.20 వేల అందజేస్తామన్నారు. పూర్తి వివరాలకు 99639 70858 సంప్రదించాలని కోరారు. పొదిలి: పొదిలి ఎస్సైగా సూరెడ్డి రాజేష్‌ గురువారం బాధ్యతలు స్వీకరించారు. రామాయపట్నం మైరెన్‌ ఎస్సైగా బాధ్యతలు నిర్వహిస్తూ ఆయన బదిలీపై పొదిలికి వచ్చారు. శాంతి భద్రతలతో పాటు, ట్రాఫిక్‌ సమస్యపై దృష్టి సారించి పరిష్కారం చేస్తామని రాజేష్‌ చెప్పారు. ఆయన్ను పలువురు కలిసి శుభాకాంక్షలు తెలిపారు. సింగరాయకొండ: మండల పరిధిలోని విమానాల ఎమర్జెన్సీ ల్యాండింగ్‌ వద్ద గురువారం 132 కేవీ అండర్‌లైన్‌ సర్వే పనులను ఎమర్జెన్సీ ల్యాండింగ్‌ జేఏసీ సభ్యులు అడ్డుకున్నారు. ఎమర్జెన్సీ ల్యాండింగ్‌ పై నుంచి వెళ్తున్న కేబుల్‌ లైనును తొలగించి అండర్‌గ్రౌండ్‌లో ఏర్పాటు చేస్తామని, ఇందుకోసం సర్వే చేస్తున్నామని అధికారులు తెలిపారు. దీంతో జేఏసీ సభ్యులు ప్రస్తుతం ఎమర్జెన్సీ ల్యాండింగ్‌ రద్దు కోసం పోరాడుతున్నామని, సర్వేను నిలిపివేసి సహకరించాలని సర్వే అధికారులకు విజ్ఞప్తి చేశారు. దీంతో అధికారులు సర్వే పనులు నిలిపేసి అక్కడి నుంచి వెళ్లిపోయారు. ● క్యాబిన్‌లో ఇరుక్కున్న ఆర్టీసీ బస్సు డ్రైవర్‌ చీమకుర్తి రూరల్‌: ఆర్టీసీ బస్సు, లారీ ఢీకొన్నాయి. ఈ ప్రమాదం మండల పరిధిలోని మర్రిచెట్లపాలెం వద్ద గురువారం మధ్యాహ్నం జరిగింది. వివరాల్లోకి వెళితే..ఒంగోలు–కర్నూలు రహదారిపై చీమకుర్తి వైపు నుంచి వస్తున్న గ్రానైట్‌ లారీ, కనిగిరి డిపోకు చెందిన ఆర్టీసీ బస్సు విజయవాడ వెళ్తుండగా మర్రిచెట్లపాలెం వద్ద ఎదెరుదురుగా వస్తూ ఢీకొన్నాయి. ప్రమాదంలో ఆర్టీసీ బస్సు, లారీ డ్రైర్లకు గాయాలయ్యాయి. ఆర్టీసీ బస్సు డ్రైవర్‌ క్యాబిన్‌లో ఇరుక్కుపోగా ఎస్కార్ట్‌ సహాయంతో బయటకు తీశారు. బస్సులోని ముగ్గురు ప్రయాణికులకు గాయాలయ్యాయి. క్షతగాత్రులను చికిత్స నిమిత్తం ఒంగోలు జీజీహెచ్‌కి తరలించారు.

ఒంగోలు టౌన్‌: నిబద్ధత కలిగిన నాయకుడు మేదరమేట్ల శంకరారెడ్డి అని, నేటి తరాలకు ఆదర్శంగా నిలిచారని వక్తలు కొనియాడారు. నగరంలోని రైల్వేస్టేషన్‌ రోడ్డులోని బచ్చల బాలయ్య కళ్యాణ మండపంలో మేదరమెట్ల శంకరారెడ్డి దశదిన కర్మ సందర్భంగా గురువారం సంస్మరణ సభ నిర్వహించారు. ఆయన కుమారులు రాజశేఖర్‌, డాక్టర్‌ చంద్రశేఖర్‌ ఆధ్వర్యంలో జరిగిన సంస్మరణ సభలో ఉమ్మడి ప్రకాశం జిల్లాలోని పలువురు ప్రముఖులు, మాజీ శాసనసభ్యులు హాజరయ్యారు. శంకరారెడ్డితో తమకున్న అనుభవాలు గుర్తు చేసుకున్నారు. చివరి శ్వాస వరకు నమ్మిన సిద్ధాంతం కోసం నిలబడ్డారని, ఇలాంటి వ్యక్తులు చాలా అరుదని వక్తలు పేర్కొన్నారు. కార్యక్రమంలో వైఎస్సార్‌ సీపీ జిల్లా అధ్యక్షుడు, దర్శి ఎమ్మెల్యే బూచేపల్లి శివప్రసాద్‌రెడ్డి, మాజీ మంత్రులు ఆదిమూలపు సురేష్‌, వైఎస్సార్‌ సీపీ ఒంగోలు పార్లమెంటరీ పరిశీలకుడు బత్తుల బ్రహ్మానందరెడ్డి, మాజీ ఎమ్మెల్యేలు కరణం బలరాం, కేపీ కొండారెడ్డి, జంకె వెంకటరెడ్డి, బుర్రా మధుసూధనరావు, ముక్కు కాశిరెడ్డి, బాచిన చెంచుగరటయ్య, పీడీసీసీ బ్యాంకు సిబ్బంది పాల్గొన్నారు. తొలుత శంకరారెడ్డి చిత్రపటానికి పూలమాలలు వేసి నివాళులర్పించారు.

● పార్టీ నియోజకవర్గ ఇన్‌చార్జి, మాజీ మంత్రి డాక్టర్‌ ఆదిమూలపు సురేష్‌ సింగరాయకొండ: కొండపి నియోజకవర్గంలో వైఎస్సార్‌ సీపీ జెండా ఎగరేయడమే లక్ష్యంగా గ్రామస్థాయి నుంచి పార్టీని బలోపేతం చేయడంతో పాటు నాయకులు, కార్యకర్తలకు భరోసా కల్పించే విధంగా స్మార్ట్‌ కార్డు, ఇన్సూరెన్స్‌ సౌకర్యం వంటి బృహత్తర కార్యక్రమాలు నిర్వహిస్తున్నామని ఆ పార్టీ కొండపి నియోజకవర్గ ఇన్‌చార్జి, పీఏసీ సభ్యుడు, మాజీ మంత్రి డాక్టర్‌ ఆదిమూలపు సురేష్‌ తెలిపారు. స్థానిక పార్టీ కార్యాలయంలో గురువారం కొండపి మండల స్థాయిలో పార్టీ సంస్థాగత నిర్మాణ కార్యక్రమం నిర్వహించారు. ఈ సందర్భంగా ఆదిమూలపు సురేష్‌ మాట్లాడుతూ మనది కేడర్‌ బేస్డ్‌ పార్టీ అని, లీడర్‌ బేస్డ్‌ పార్టీ కాదని అన్నారు. అధికారంలో ఉన్నా లేకపోయినా ప్రజా సమస్యలపై పోరాడే పార్టీ అని స్పష్టం చేశారు. ప్రతి మండలంలో సుమారు వెయ్యి మంది సమర్థులైన నాయకులను పార్టీ పదవుల్లో నియమిస్తామన్నారు. మనమంతా వైఎస్‌ జగన్‌మోహన్‌రెడ్డి గ్రూపు అని, ఆ ప్రకారమే ప్రతిఒక్కరూ నడుచుకోవాలని, అంతేగానీ కోవర్టు రాజకీయాలు చేయవద్దని కోరారు. గతంలో బల్బు ఇక్కడ ఉండేదని, స్విచ్‌ మాత్రం ఎక్కడో ఉండేదని, కానీ ఇప్పుడు ఆ పరిస్థితి లేదని సాక్షాత్తూ పార్టీ జిల్లా అధ్యక్షుడు బూచేపల్లి శివప్రసాదరెడ్డి కొండపి సమావేశంలో ప్రకటించిన విషయాన్ని ఆదిమూలపు సురేష్‌ గుర్తు చేశారు. దమ్మున్న నాయకుడు జగనన్న... మన నాయకుడు మాట తప్పడు, మడమ తిప్పడు అని వైఎస్‌ జగన్‌మోహన్‌రెడ్డి గురించి ఆదిమూలపు సురేష్‌ గర్వంగా చెప్పారు. కానీ, పక్క పార్టీల నాయకులలో ఒకరు శ్రీమా నాయన దేవుడి హారతితో సిగరెట్‌ వెలిగించేవాడని ఒకసారి, మా ఇంట్లో అంతా రామనామమే జపిస్తారని మరోసారి, నా భార్య బాప్టిస్టు అని ఇంకోసారి చెప్పి చివరకు సనాతన ధర్మమని అంటాడంటూ ఎద్దేవా చేశారు. సనాతన ధర్మమంటే ఏకపత్నివ్రతుడని, కానీ ఆ నాయకుడు ఉదయం ఒకమాట, సాయంత్రం ఒకమాట, తెల్లారి మరోమాట చెబుతాడని, జగనన్న అలాంటి వ్యక్తి కాదని అన్నారు. పార్టీ స్థాపించినప్పటి నుంచి పొత్తులు లేకుండా ఒంటరిగానే జగనన్న పోటీ చేశారని గుర్తు చేశారు. రాష్ట్రంలో వైఎస్సార్‌ సీపీకి 40 శాతం ఓటు బ్యాంకు ఉందని, కొండపి నియోజకవర్గంలో తమ పార్టీ ఓడిపోలేదని, 92 వేల ఓట్లు రాగా 43 శాతం ఓటర్లు ఉన్నారని తెలిపారు. రాబోయే 2029 ఎన్నికల్లో ఆ శాతాన్ని పెంచేందుకు మాత్రమే కృషి చేయాలని పార్టీ కార్యకర్తలకు దిశా నిర్దేశం చేశారు. పార్టీని బలోపేతం చేయడమే లక్ష్యం... రాబోయే రోజుల్లో పార్టీ కేడర్‌ను ఉత్సాహపరిచి పార్టీని బలోపేతం చేసే విధంగా జగనన్న బస్సుయాత్ర, పాదయాత్ర, నియోజకవర్గ యాత్రలు చేస్తారని ఆదిమూలపు సురేష్‌ వెల్లడించారు. 2029లో అధికారంలోకి రావడమే లక్ష్యంగా ఈ యాత్రలు చేస్తారని వివరించారు. పార్టీ కోసం కష్టపడే కార్యకర్తలకు తాను పూర్తి అండగా ఉంటానని, గోడమీద పిల్లులుగా ఉండే నాయకులను దూరంగా పెడతానని స్పష్టం చేశారు. పార్టీలో క్రమశిక్షణ అవసరమని, కలుపు మొక్కలను ఏరివేస్తానని హెచ్చరించారు. నియోజకవర్గంలో రెడ్‌బుక్‌ పాలన... కొండపి నియోజకవర్గంలో చంద్రబాబు ప్రభుత్వం రెడ్‌బుక్‌ పాలన సాగిస్తోందని ఆదిమూలపు సురేష్‌ ఆరోపించారు. ఆస్తులు, పొలాలు బలవంతంగా లాక్కున్నారని, చివరికి గంజాయి కేసులు పెడతామని కూడా పోలీసులు బెదిరించారని విమర్శించారు. తమ పార్టీ కార్యకర్తలను అన్యాయంగా ఇబ్బందులకు గురిచేసిన రెవెన్యూ, పోలీసు యంత్రాంగం, టీడీపీ నాయకులకు వడ్డీతో సహా చెల్లిస్తామని హెచ్చరించారు. నియోజకవర్గంలో ఇద్దరు మంత్రులు...నియోజకవర్గంలో ఇద్దరు మంత్రులు ఉన్నారని, వారిలో మారిటైం బోర్డు చైర్మన్‌ ఒకరని, ఇతను ముఖ్యమంత్రికి తక్కువ మంత్రికి ఎక్కువ అన్నట్లుగా వ్యవహరిస్తున్నారని సురేష్‌ విమర్శించారు. ప్రస్తుతం నియోజకవర్గంలో పోలీసులు తమ పార్టీ కార్యక్రమాలకు అడ్డంకుల సృష్టించటంతో పాటు అక్రమ కేసులు బనాయిస్తున్నారని ఆరోపించారు. తాను జాగ్రత్తగా పార్టీ కార్యక్రమాలను విజయవంతం చేస్తున్నానని తెలిపారు. అవసరమొచ్చినప్పుడు సై అంటే సై అంటానని స్పష్టం చేశారు. కొండపిలో విజయం సాధిస్తే రాష్ట్రంలో 175 సీట్లు సాధించినట్లేనని, అందువలన నియోజకవర్గంలో పార్టీ గెలుపునకు ప్రతి ఒక్కరూ కృషి చేయాలని సూచించారు. కార్యక్రమంలో పార్టీ ఎస్‌ఈసీ సభ్యుడు డాక్టర్‌ బత్తుల అశోక్‌కుమార్‌రెడ్డి, మండల అధ్యక్షుడు మసనం వెంకట్రావు, మండల పరిశీలకుడు పల్నాటి వెంకటేశ్వరరెడ్డి తదితరులు పాల్గొన్నారు.

● శనగ పంటకు గిట్టుబాటు ధర లేక అల్లాడుతున్న రైతులు ● కోల్డ్‌ స్టోరేజీలో 10 లక్షల క్వింటాల శనగలు ● శనగ రైతును దగా చేస్తున్న డబుల్‌ ఇంజన్‌ సర్కార్‌ ● విదేశీ సుంకం తగ్గించి రైతుపై పోటు ● శనగ రైతును పట్టించుకోని సీఎం చంద్రబాబు ● వైఎస్సార్‌ సీపీ ప్రభుత్వంలో కేంద్రంతో పోరాడి దిగుమతి సుంకం పెంపునకు కృషి ● ఉమ్మడి ప్రకాశం జిల్లాలో 70 వేల ఎకరాలకు సాగు పరిమితం ● గత సంవత్సరం ధర లేకపోవడంతో కోల్డ్‌ స్టోరేజీలో మూలుగుతున్న వైనం సాక్షి ప్రతినిధి, ఒంగోలు: ఉమ్మడి ప్రకాశం జిల్లాలో ప్రతి సంవత్సరం 1.50 లక్షల ఎకరాలకుపైగా శనగ సాగు చేస్తారు. వైఎస్సార్‌ సీపీ ప్రభుత్వ హయాంలో అయితే దాదాపు 2 లక్షల ఎకరాల వరకూ సాగు చేశారు. చంద్రబాబు అధికారం చేపట్టిన తరువాత శనగ సాగు ఏడాదికేడాదికి దిగనాశిగా తయారవుతోంది. గత సంవత్సరం లక్ష ఎకరాల్లో సాగు చేస్తే.. ఈ సంవత్సరం కేవలం 70 వేల ఎకరాల్లో మాత్రమే సాగైంది. ఈ ఏడాది రబీ సీజన్‌లో శనగ పంట మరో నెల రోజుల్లో కోతకు వచ్చే పరిస్థితులు ఉన్నాయి. 10 లక్షల క్వింటాలు కోల్డ్‌ స్టోరేజీల్లో... రైతులు పండించిన పంటకు గిట్టుబాటు ధర రాకపోవటంతో రెండేళ్లుగా శనగ నిల్వలు కోల్డ్‌ స్టోరేజీల్లో మూలుగుతున్నాయి. 50 వేల మందికిపైగా రైతులు తమ శనగ నిల్వలను కోల్డ్‌ స్టోరేజీల్లో పెట్టుకోవాల్సిన పరిస్థితి దాపురించాయి. కనీసం మద్దతు ధరకు కూడా కొనుగోలు చేయకపోవటంతో నష్టాలకు అమ్ముకోలేక, తెచ్చిన అప్పులకు వడ్డీలు కట్టలేక శనగ రైతులు పడుతున్న అవస్థలు అన్నీ ఇన్నీ కావు. ఒంగోలుతో పాటు సంతనూతలపాడు, కొండపి, అద్దంకి, దర్శి, మార్కాపురం అసెంబ్లీ నియోజకవర్గాలలో, జిల్లా వ్యాప్తంగా ఉన్న కోల్డ్‌ స్టోరేజీలలో పది లక్షల క్వింటాల పాత శనగలు మగ్గుతున్నాయి. వీటికి అద్దెలు కూడా కట్టలేని స్థితిలో రైతులు ఉన్నారు. మద్దతు ధర కూడా లేక అవస్థలు... ఆరుగాలం రైతులు పండించిన శనగ పంటకు మద్దతు ధర లేక రైతులు నానా అవస్థలు పడుతున్నారు. ప్రభుత్వం ప్రకటించిన కనీస మద్దతు ధర క్వింటాకు రూ.5650 కూడా లేకపోవటంతో రైతుల బాధలు వర్ణణాతీతం. ప్రస్తుతం క్వింటా రూ.5 వేల లోపే కొనుగోలు చేసే పరిస్థితులు ఉండడంతో ఖర్చులు కూడా రావని రైతులు ఆందోళన చెందుతున్నారు. రెండు సంవత్సరాల్లో రైతులు పండించిన శనగ పంటను కొంత మేర తెగనమ్ముకున్నారు. ఎందుకంటే కూలీలకు, మందులకు పెట్టిన పెట్టుబడులు అయినా చెల్లించాల్సి ఉంది కాబట్టి ఇచ్చిన కాడికి అమ్ముకోవాల్సిన దుస్థితి ఏర్పడింది. వైఎస్సార్‌ సీపీ ప్రభుత్వంలో దిగుమతి సుంకం పెంచేందుకు పోరాటం... వైఎస్సార్‌ సీపీ ప్రభుత్వంలో విదేశాల నుంచి దిగుమతయ్యే శనగలపై సుంకాన్ని పెంచేందుకు అప్పటి ముఖ్యమంత్రి వైఎస్‌ జగన్‌మోహన్‌రెడ్డి కేంద్ర ప్రభుత్వంతో పోరాడారు. ప్రధానమంత్రి నరేంద్ర మోదీ, కేంద్ర వాణిజ్య శాఖామంత్రుల చుట్టూ తిరిగి లేఖలమీద లేఖలు రాసి దిగుమతి సుంకం 30 శాతం నుంచి 60 శాతానికి తీసుకెళ్లారు. దాంతో దేశీయంగా శనగ పండించిన రైతులందరికీ ప్రయోజనం చేకూరింది. శనగ రైతుకు క్వింటాకు రూ.1,500 ఇచ్చి ఆదుకున్న వైఎస్‌ జగన్‌... 2014 నుంచి 2019 మే నెల వరకు చంద్రబాబు ప్రభుత్వం అధికారంలో ఉంది. అప్పుడు కూడా చంద్రబాబు దగా చేయడంతో రైతులు దిగుబడులను కోల్డ్‌ స్టోరేజీల్లో నిల్వచేసుకున్నారు. నష్టాల ఊబిలో కూరుకుపోయిన శనగ రైతులకు క్వింటాకు రూ.1,500 ఇచ్చి వైఎస్‌ జగన్‌ ఆదుకున్నారు. ఆ విధంగా జిల్లాలోని దాదాపు 35 వేల మంది శనగ రైతులకు ప్రయోజనం చేకూరింది. దానికితోడు 2020 నుంచి బహిరంగ మార్కెట్లో జేజే రకం శనగలకు దాదాపు క్వింటా రూ.8,000కు పైగా ధర పలికింది. కాగ్‌–2 రకానికి రూ.10,000 నుంచి రూ.11,000 వరకు ధర రావటంతో రైతులు ఎంతో సంతోషంగా పంట సాగు చేశారు. రాష్ట్రంలోని శనగ రైతులను ఆదుకోవాలని వైఎస్సార్‌ సీపీ ఎంపీలు కేంద్ర ప్రభుత్వానికి లేఖలు రాశారు. విదేశాల నుంచి దిగుమతి అవుతున్న శనగలకు తగ్గించిన సుంకాన్ని పెంచాలని, వైఎస్సార్‌ సీపీ ప్రభుత్వంలో ఉన్న విధంగా 50 నుంచి 60 శాతం వరకు సుంకాన్ని పెంచాలని కోరుతూ ఎంపీలు వైవీ సుబ్బారెడ్డి, వైఎస్‌ అవినాష్‌ రెడ్డి, మద్దెల గురుమూర్తి తదితరులంతా కేంద్ర మంత్రులు శివరాజ్‌సింగ్‌ చౌహాన్‌కు, పియూష్‌ గోయల్‌కు లేఖలు రాశారు. విదేశాల నుంచి దిగుమతయ్యే శనగలకు కేంద్రంలో ఉన్న ఎన్‌డీఏ ప్రభుత్వం దిగుమతి సుంకాన్ని భారీగా తగ్గించింది. గతంలో ఉన్న 60 శాతం సుంకాన్ని ప్రస్తుతం ఎన్‌డీఏ ప్రభుత్వం 10 శాతానికి కుదించింది. ఫలితంగా స్థానికంగా పండే శనగలకు ధర ఇంకా దారుణంగా పడిపోయే ప్రమాదం ఉంది. కనీసం పెట్టిన ఖర్చులు కూడా రావటం లేదని రైతులు వాపోతుంటే.. దిగుమతి సుంకాన్ని తగ్గించి రైతులను నిలువునా నడ్డి విరిచేసిందని రైతు సంఘాలు ఆగ్రహం వ్యక్తం చేస్తున్నాయి.

జిల్లాలో శనగ పండిస్తున్న రైతులు నష్టాలతో కునారిల్లుతున్నారు. గత సంవత్సరం పండించిన పంటకు గిట్టుబాటు ధర లేక రైతులు కోల్డ్‌ స్టోరేజీల్లో నిల్వ చేసుకుని ఉన్నారు. క్వింటా శనగలకు కనీసం రూ.5 వేలు కూడా రావటం లేదు. ఎన్‌డీఏ ప్రభుత్వంలో భాగస్వామిగా ఉన్న చంద్రబాబు ప్రభుత్వం దిగుమతి సుంకాన్ని పెంచే ప్రయత్నం చేయకపోగా, తగ్గిస్తుంటే కళ్లప్పగించి చూస్తున్నారు. శనగ రైతులను ఆదుకుందామన్న ఆలోచనే చంద్రబాబుకు లేదు. – మారెడ్డి సుబ్బారెడ్డి, రాష్ట్ర ఉపాధ్యక్షుడు, వైఎస్సార్‌ సీపీ రైతు విభాగం కేంద్రంపై ఒత్తిడి తీసుకురావాలిశనగలపై దిగుమతి సుంకం పెంచేందుకు రాష్ట్రంలో ఉన్న చంద్రబాబు ప్రభుత్వం కేంద్రంపై ఒత్తిడి తీసుకురావాలి. అందుకోసం రాష్ట్ర ప్రభుత్వం బాధ్యత తీసుకుని దేశీయ శనగ రైతులను ఆదుకోవాలి. గతంలో ఉన్న మాదిరిగా 50 శాతం, 60 శాతం దిగుమతి సుంకాలు అమలు చేస్తేనే దేశీయ శనగ రైతులు అప్పుల ఊభి నుంచి బయట పడతారు. లేకుంటే కోల్డ్‌ స్టోరేజీల్లో ఉన్న శనగలు కూడా రైతులకు దక్కకుండా పోయే పరిస్థితులు ఎదురవుతాయి. అందువలన కేంద్ర, రాష్ట్ర ప్రభుత్వాలు దేశంలో పండించిన శనగ రైతులను ఆదుకోవాల్సిన అవసరం ఎంతైనా ఉంది. – దుగ్గినేని గోపీనాథ్‌, రైతు సంఘ జిల్లా అధ్యక్షుడు

సింగరాయకొండ: మండలంలోని పాకలలో ఈ నెల 14, 15 తేదీల్లో బీచ్‌ ఫెస్టివల్‌ నిర్వహించేందుకు ఒకవైపు ముమ్మరంగా ఏర్పాట్లు జరుగుతుండగా.. మరోవైపు పాకల ప్రజలు తీవ్రస్థాయిలో విద్యుత్‌ సమస్య ఎదుర్కొంటున్నారు. గత మూడు రోజులుగా విద్యుత్‌ సమస్యతో స్థానికులు అల్లాడుతున్నారు. ప్రతిరోజూ మధ్యాహ్నం 12 గంటల నుంచి రాత్రి 8 గంటల వరకు విద్యుత్‌ అంతరాయం ఏర్పడుతుండటంతో ప్రజలు తీవ్ర అసహనానికి గురయ్యారు. కనీసం విద్యుత్‌ అంతరాయంపై ముందస్తు సమాచారం కూడా ఇవ్వకపోతుండటంతో గురువారం రోడ్డెక్కారు. రోజూలానే రాత్రి సుమారు 9 గంటల సమయంలో విద్యుత్‌ సరఫరా చేయగా, స్థానిక ఆది ఆంధ్ర కాలనీలోని ట్రాన్స్‌ఫార్మర్‌ ఒక్కసారిగా పేలిపోయింది. ఆ సమయంలో కాలనీలో రెండు వివాహాలు జరుగుతున్నాయి. దీంతో కాలనీవాసులు ఆగ్రహించి వెంటనే ట్రాన్స్‌ఫార్మర్‌ ఏర్పాటు చేయాలని కోరుతూ బీచ్‌ ఫెస్టివల్‌ ఏర్పాట్లను పరిశీలించి తిరిగి వెళ్తున్న జేసీ కల్పనాకుమారి కారు ఆపి సమస్య వివరించారు. స్పందించిన జేసీ.. సమస్య పరిష్కరించాలని విద్యుత్‌ శాఖ ఎస్‌ఈ కట్టా వెంకటేశ్వర్లును ఆదేశించారు. ఎస్‌ఈ కట్టా వెంకటేశ్వర్లుతో కాలనీవాసులు మాట్లాడుతూ ఎన్నోనెలలుగా కాలనీలో లో ఓల్టేజీ సమస్య ఉందని, ఎన్నిసార్లు చెప్పినా పట్టించుకోవటం లేదని ఆగ్రహం వ్యక్తం చేశారు. మూడు రోజులుగా కరెంటు సమస్య ఎదుర్కొంటున్నామని, కరెంటు ఎప్పుడు వస్తుందో, ఎప్పుడు పోతుందో తెలియడం లేదని ఆగ్రహం వ్యక్తం చేశారు. గురువారం మధ్యాహ్నం కరెంటు తీసివేసి రాత్రి ఇచ్చిన వెంటనే ట్రాన్స్‌ఫార్మర్‌ కాలిపోయిందని, తమ సమస్యకు శాశ్వత పరిష్కారం కావాలని డిమాండ్‌ చేశారు. సమస్యను వెంటనే పరిష్కరిస్తామని ఎస్‌ఈ వెంకటేశ్వర్లు హామీ ఇచ్చారు. ఈలోగా ఎస్సై బీ మహేంద్ర సంఘటన స్థలానికి చేరుకుని అధికారుల కార్లను కాలనీవాసులు అడ్డుకోకుండా జాగ్రత్తలు తీసుకున్నారు.

ఒంగోలు: జిల్లాలోని న్యాయసేవాధికార సంస్థలో ఖాళీలకు సంబంధించి ఈ నెల 15వ తేదీ నిర్వహించనున్న పరీక్షలలో డేటా ఎంట్రీ ఆపరేటర్‌ పరీక్షను వాయిదా వేసినట్లు జిల్లా న్యాయసేవాధికార సంస్థ చైర్మన్‌, జిల్లా ఇన్‌చార్జి ప్రధాన న్యాయమూర్తి టి.రాజ్యలక్ష్మి గురువారం ఒక ప్రకటనలో తెలిపారు. ఇతర రెండు పరీక్షలు స్థానిక ఇందిరా ప్రియదర్శిని కళాశాలలో యథావిధిగా 15వ తేదీనే జరుగుతాయని చెప్పారు. వాయిదా వేసిన పరీక్ష నిర్వహించే తేదీని తదుపరి ఆదేశాల మేరకు ప్రకటిస్తామని పేర్కొన్నారు. ఒంగోలు టౌన్‌: వైఎస్సార్‌ సీపీ ముదిరాజ్‌ విభాగం జిల్లా అధ్యక్షునిగా పులుసు సురేష్‌బాబును నియమిస్తూ ఆ పార్టీ అధినేత వైఎస్‌ జగన్‌మోహన్‌రెడ్డి ఆదేశాల మేరకు కేంద్ర కార్యాలయం గురువారం ప్రకటన విడుదల చేసింది. తనపై నమ్మకంతో ముదిరాజ్‌ విభాగం జిల్లా అధ్యక్షునిగా నియమించిన పార్టీ అధినేత వైఎస్‌ జగన్‌మోహన్‌రెడ్డి, సహకరించిన జిల్లా అధ్యక్షుడు, దర్శి ఎమ్మెల్యే డాక్టర్‌ బూచేపల్లి శివప్రసాద్‌రెడ్డి, ఒంగోలు నియోజకవర్గ ఇన్‌చార్జి చుండూరి రవిబాబుకు సురేష్‌బాబు కృతజ్ఞతలు తెలిపారు. పార్టీ బలోపేతానికి తనవంతు కృషి చేస్తానని చెప్పారు. ● శ్రీశైలం ఘాట్‌ రోడ్డులో ట్రాఫిక్‌పై ఎస్పీ హర్షవర్థన్‌రాజు పెద్దదోర్నాల: మహాశివరాత్రి పర్వదినాన్ని పురస్కరించుకుని శ్రీశైలం పుణ్యక్షేత్రానికి భక్తులు భారీగా తరలివెళ్తున్న నేపథ్యంలో పెద్దదోర్నాల నుంచి శ్రీశైలం వరకు ఉన్న ఘాట్‌ రోడ్డులో ఎటువంటి ట్రాఫిక్‌ అంతరాయం కలగకుండా ప్రత్యేక చర్యలు చేపట్టినట్లు మార్కాపురం జిల్లా ఇన్‌చార్జి ఎస్పీ హర్షవర్థన్‌రాజు గురువారం ఒక ప్రకటనలో తెలిపారు. భక్తులకు ఎటువంటి అసౌకర్యం కలగకుండా ట్రాఫిక్‌ను క్రమబద్ధీకరించేందుకు ప్రత్యేక పోలీసు బృందాలు, హైవే పెట్రోలింగ్‌ వాహనాలు, టోయింగ్‌ వెహికల్స్‌ను సిద్ధంగా ఉంచినట్లు తెలిపారు. అత్యవసర పరిస్థితుల్లో తక్షణ స్పందన కోసం కంట్రోల్‌ రూంల ద్వారా పర్యవేక్షణ కొనసాగుతుందని అన్నారు. ఘాట్‌రోడ్డులో అనుభవం ఉన్న డ్రైవర్లే వాహనాలు నడపాలని ఎస్పీ కోరారు. రోడ్డుకు ఇరువైపులా వాహనాలు నిలిపి ట్రాఫిక్‌కు ఆటంకం కలిగించరాదని, డ్రోన్‌ కెమెరాల ద్వారా నిరంతర నిఘా ఏర్పాటు చేశామని ఆయన తెలిపారు. రద్దీ సమయాల్లో అదనపు పోలీసు సిబ్బందితో ట్రాఫిక్‌ను క్రమబద్ధీకరించే కార్యక్రమాన్ని చేపట్టినట్లు ఆయన తెలిపారు. భారీ వాహనాల రాకపోకలను నియంత్రించి ప్రమాదాలను నివారించేందుకు హెచ్చరిక బోర్డులు, సూచికలు, రిఫ్లెక్టర్లు ఏర్పాటు చేస్తున్నట్లు ఆయన తెలిపారు. ప్రమాద ప్రాంతాలలో ప్రత్యేక పర్యవేక్షణ బృందాలను అందుబాటులో ఉంచనున్నట్లు చెప్పారు. ఘాట్‌ రోడ్లలో వేగాన్ని, ఓవర్‌ టేకింగ్‌లను నియంత్రించాలని కోరారు. అన్ని శాఖలతో సమన్వయం చేసుకుని మహా శివరాత్రి వేడుకలను శాంతియుతంగా, సజావుగా నిర్వహించేందుకు ఏర్పాట్లు చేస్తున్నట్లు ఎస్పీ తెలిపారు. ● యూటీఎఫ్‌ ఆధ్వర్యంలో పోస్టుకార్డు ఉద్యమం ఒంగోలు టౌన్‌: గత ఎన్నికలలో ఇచ్చిన హామీ నిలబెట్టుకుంటూ వెంటనే పీఆర్‌సీ కమిషన్‌ నియమించాలని యూటీఎఫ్‌ రాష్ట్ర కార్యదర్శి ఎస్‌.రవి డిమాండ్‌ చేశారు. పీఆర్‌సీ కమిషన్‌ను నియమించాలని కోరుతూ యూటీఎఫ్‌ జిల్లా శాఖ ఆధ్వర్యంలో పోస్టు కార్డు ఉద్యమం చేపట్టినట్లు తెలిపారు. గురువారం యూటీఎఫ్‌ నాయకులతో కలిసి కార్డులు పోస్టు చేశారు. అనంతరం రవి మాట్లాడుతూ చంద్రబాబు ప్రభుత్వం అధికారంలోకి వచ్చిన తర్వాత ఉద్యోగుల ఆర్థిక సమస్యలు కొనసాగుతూనే ఉన్నాయని చెప్పారు. ఇప్పటి వరకు 25 వేల కోట్ల రూపాయల బకాయిలు పేరుకుపోయాయని, ఇంకా పీఆర్‌సీ కమిషన్‌ నియమించకుండా ప్రభుత్వం కాలపయాపన చేస్తోందని విమర్శించారు. ఐఆర్‌ 29 శాతం ప్రకటించాలని డిమాండ్‌ చేశారు. నాలుగు డీఏలు పెండింగ్లో ఉన్నాయని, జెడ్‌పీపీఎఫ్‌, ఏపీజీఎల్‌ఐ, గ్రాట్యుటీ బకాయిలు, మెడికల్‌ రీయింబర్స్‌మెంట్‌ బిల్లులు సకాలంలో చెల్లించలేకపోతున్నారని ఆందోళన వ్యక్తం చేశారు. కార్యక్రమంలో యూటీఎఫ్‌ జిల్లా ప్రధాన కార్యదర్శి అబ్దుల్‌ హై, ఉపాధ్యాయ సంఘ నాయకులు పాల్గొన్నారు.

మార్కాపురం టౌన్‌: ప్రకాశం, గుంటూరు జిల్లాల్లో బైక్‌ చోరీలకు పాల్పడుతున్న ముగ్గురు అంతర్‌ జిల్లా నేరస్తుల ముఠాను పోలీసులు కటకటాల్లోకి నెట్టారు. నిందితుల నుంచి ఒక పల్సర్‌, 3 బుల్లెట్‌ బైక్‌లు స్వాధీనం చేసుకున్నట్లు సీఐ పి.సుబ్బారావు తెలిపారు. బుధవారం స్థానిక సర్కిల్‌ కార్యాలయంలో పట్టణ, రూరల్‌ ఎస్సైలు సైదుబాబు, వేమనతో కలిసి ఏర్పాటు చేసిన విలేకర్ల సమావేశంలో నిందితుల వివరాలు వెల్లడించారు. మార్కాపురం టౌన్‌లోని 10వ వార్డుకు చెందిన సయ్యద్‌ మసీద్‌ అలియాస్‌ ఆసిఖ్‌, ఇదే వార్డులోని విజయ థియేటర్‌ వద్ద ఉండే దూదేకుల మొహిద్దీన్‌ షా, గుంటూరు టౌన్‌లోని నల్లచెరువు 7వ లైన్‌లో తాత్కాలిక నివాసముంటున్న పులి అంజిరెడ్డి ముగ్గురూ ఒక ముఠాగా ఏర్పడి మోటారు సైకిళ్లను చోరీ చేస్తున్నారు. వీరిపై ఉమ్మడి ప్రకాశం, గుంటూరు జిల్లాల్లోని పలు పోలీసు స్టేషన్లలో చోరీ కేసులు నమోదయ్యాయి. జైల్లో ఉన్న సమయంలో స్నేహితులైన ముగ్గురు యువకులు బెయిల్‌పై బయటకు వచ్చిన తర్వాత బైకు చోరీలకు అలవాటుపడ్డారు. ఈ నెల 2వ తేదీన మార్కాపురం రైల్వేస్టేషన్‌ సమీపంలోని రాయవరం వద్ద బైకు చోరీ కాగా పోలీసులు దర్యాప్తు చేస్తున్నారు. బుధవారం ఉదయం మార్కాపురం మండలంలోని కుంట వద్ద వాహనాలు తనిఖీ చేస్తుండగా నంద్యాల వైపు బైక్‌పై వెళ్తున్న ముగ్గురు యువకులు పోలీసులను చూసి పారిపోయేందుకు యత్నించారు. వారిని అదుపులోకి తీసుకున్న పోలీసులు స్టేషన్‌లో విచారించగా గుంటూరులో 2, వినుకొండలో 1, రాయవరంలో 1 బైకు చోరీ చేసి నికరంపల్లి సమీపంలోని చిల్లచెట్లలో దాచిపెట్టినట్లు వెల్లడించారు. నిందితులను కోర్టులో హాజరుపరచనున్నట్లు సీఐ తెలిపారు. 3 బుల్లెట్‌ బైక్‌లు, ఒక పల్సర్‌ స్వాధీనం నిందితులపై ప్రకాశం, గుంటూరు జిల్లాల్లో పలు కేసులు

● జాయింట్‌ కలెక్టర్‌ కల్పనాకుమారి ఒంగోలు సబర్బన్‌: ఒంగోలు అర్బన్‌ డెవలెప్‌మెంట్‌ అధారిటీ పరిధిలో జరిగే భవన నిర్మాణాలకు అనుమతుల జారీలో జాప్యం ఉండరాదని జాయింట్‌ కలెక్టర్‌, అర్బన్‌ డవలెప్‌మెంట్‌ వైస్‌ చైర్మన్‌ కల్పనా కుమారి ఆదేశించారు. ప్రకాశం భవన్‌లోని ఆమె ఛాంబర్‌లో బుధవారం అర్బన్‌ డవలప్‌మెంట్‌ అధికారులతో సమావేశం నిర్వహించారు. ఈ సందర్భంగా జాయింట్‌ కలెక్టర్‌ మాట్లాడుతూ పట్టణ ప్రణాళికా విభాగానికి సంబంధించి ప్రస్తుతం అమలవుతున్న ఎల్‌ఆర్‌ఎస్‌, బీపీఎస్‌, ఏపీడీపీఎంఎస్‌, ఇంజినీరింగ్‌ విభాగం, గ్రామ పంచాయతీలలోని భవన నిర్మాణాలకు ఇచ్చే అనుమతుల్లో పురోగతిపై జాయింట్‌ కలెక్టర్‌ ఆరా తీశారు. ఆయా అంశాలపై ఆమె అధికారులకు స్పష్టమైన ఆదేశాలు జారీ చేశారు. వలేటివారిపాలెం: మండలంలోని మాలకొండ మాల్యాద్రి లక్ష్మీ నరసింహస్వామి వారి దేవస్థానంలో బుధవారం తలనీలాలకు బహిరంగ వేలం నిర్వహించారు. వేలంలో రూ.2,30,150,000 ఆదాయం వచ్చినట్లు ఆలయ డిప్యూటీ కమిషనర్‌ ఎస్‌ చంద్రశేఖర్‌ తెలిపారు. కర్నూలు జిల్లా చాగలమర్రి గ్రామానికి చెందిన కేవీఎన్‌ ఎంటర్‌ప్రైజర్స్‌ అధినేత కోటపాడు వెంకటనరసమ్మ హెచ్చు పాట పాడి దక్కించుకున్నట్లు తెలిపారు. పమిడపాడు గ్రూప్‌ టెంపుల్‌ ఈఓ యు శ్రీనివాసరావు ప్రత్యేకాధికారిగా కార్యక్రమం నిర్వహించారు. కార్యాక్రమంలో ఆలయ సిబ్బంది ప్రసాద్‌రావు, మధు, మోహన్‌రావు, మాల్యాద్రి, వంశీ, ఏఎస్సై బ్రహ్మయ్య, రాజు పాల్గొన్నారు.

త్రిపురాంతకం: రాష్ట్రంలోని ప్రధాన ఆలయాల్లో వరుసగా చోటుచేసుకుంటున్న దారుణ ఘటనలు భక్తుల్లో ఆధ్యాత్మికతను దెబ్బతీస్తూ ఆందోళనలోకి నెడుతున్నాయి. ఆలయాల్లో భక్తుల రద్దీని నియంత్రించడం, తగిన ఏర్పాట్లు చేయడంలో ప్రభుత్వం విఫలం చెందమే అందుకు కారణం. మహా శివరాత్రి సందర్భంగా జిల్లాలో ప్రసిద్ధ శైవక్షేత్రమైన త్రిపురాంతకేశ్వర స్వామి సన్నిధిలో ఈ నెల 13 నుంచి నిర్వహించే ఉత్సవాలకు ఇప్పటి వరకు తగిన ఏర్పాట్లు చేయకపోవడం భక్తుల్లో మరింత ఆందోళన రేకెత్తిస్తోంది. శ్రీశైల క్షేత్రంలో భక్తుల రద్దీకి తగినట్లుగా ఏర్పాట్లు చేయడంలో ప్రభుత్వ పెద్దలు, అధికార యంత్రాంగం ఘోరంగా విఫలం కావడంతో శివ భక్తులు తీవ్ర ఇబ్బందులు ఎదుర్కొన్నారు. శివమాలధారులపై పోలీసులు లాఠీలు ఝులిపించడంతో ఆగ్రహంతో రగిలిపోయిన భక్తులు మల్లన్న సన్నిధి ఎదుట ఆందోళనకు దిగిన దృశ్యాలు.. జిల్లాలోని శివ భక్తులను ఆలోచనలో పడేశాయి. త్రిపురాంతకం క్షేత్రంలో ఉత్సవాలకు లక్ష మందికి పైగా భక్త జనులు తరలివచ్చే అవకాశం ఉంది. ఈ నేపథ్యంలో పూజల సమయంలో, క్యూలైన్లలో తోపులాటలను నివారించడంతోపాటు తగిన భద్రత కల్పిస్తారా అని భక్తుల్లో చర్చ నడుస్తోంది. త్రిపురాంతకేశ్వరుని సన్నిధిలో శివరాత్రికి మూడు రోజుల పాటు నిర్వహించే ఉత్సవాలకు తరలివచ్చే భక్తుల సంఖ్య ఏటికేటికీ పెరుగుతున్న నేపథ్యంలో అందుకు తగిన విధంగా ఏర్పాట్లు చేయాల్సి ఉన్నప్పటికీ, ఇప్పటి వరకు ఆ దిశగా అడుగులు పడలేదని తెలుస్తోంది. ట్రాఫిక్‌ తిప్పలు తప్పేనా? కొండపైన చదును చేసినందున వాహనాలు పార్కింగ్‌ చేసుకునే అవకాశం ఉంది. కొండకు రెండు వైపులా రోడ్డు ఉన్నందున వాహనాల రాకపోకలకు అవకాశం కల్పించాలని భక్తులు డిమాండ్‌ చేస్తున్నారు. రద్దీ సమయంలో వాహనాలు నిలిపివేసినా మిగిలిన వేళ్లల్లో వాహనాలను కొండపైకి పంపాలన్న అభిప్రాయం భక్తుల నుంచి వ్యక్తమవుతోంది. ఆలయాలకు వెళ్లే రోడ్డులో సాగర్‌ కాలువ వంతెన వద్ద ఏటా ట్రాఫిక్‌ అంతరాయం ఏర్పడి భక్తులు గంటల తరబడి ఇబ్బందులు ఎదుర్కొనాల్సి వస్తోంది. ఈ వంతెన వద్ద పోలీసులకు భక్తులు సహకరిస్తేనే ట్రాఫిక్‌ సమస్య తప్పుతుంది. అడ్డదిడ్డంగా వాహనాలు నడిపితే రాకపోకలు నిలిచిపోవడం ఖాయం. వీఐపీల దర్శనానికి టైమింగ్‌ స్లాట్‌ విధించాలని పలువులు అభిప్రాయపడుతున్నారు. త్రిపురాంతకంలో శివరాత్రి ఉత్సవాలకు లక్ష మందికి పైగా భక్తులు వచ్చే అవకాశం ప్రభుత్వం తగిన ఏర్పాట్లు చేస్తుందా అని సంశయిస్తున్న భక్తులు శ్రీశైలంలో మాదిరి ఇబ్బందులు ఎదురవుతాయని ఆందోళన క్యూలైన్లు, మెట్ల మార్గంలో భక్తుల రద్దీని కట్టడి చేయాలి. గంటల తరబడి క్యూలైన్లలో ఉండే భక్తులకు కనీసం మంచినీరు, మజ్జిగ అందించాలి. ఆలయ పరిసరాల్లో చలువ పందిళ్లు ఏర్పాటు చేయాలి. ఆలయంలో అభిషేకాలు, పూజలకు ప్రత్యేక ఏర్పాట్లు చేయాలి. రథోత్సవానికి వేలాదిగా తరలివచ్చే భక్తులు ఇబ్బంది పడకుండా జాగ్రత్తలు తీసుకోవాలి. బయో టాయిలెట్స్‌ ఏర్పాటు చేయాలి.

ఒంగోలు టౌన్‌: చంద్రబాబు ప్రభుత్వానికి రైతుల సంక్షేమం పట్టడం లేదని, రైతుల గురించి ఆలోచించే తీరిక, ఓపిక లేనట్లు వ్యవహరిస్తోందని వైఎస్సార్‌ సీపీ రైతు విభాగం రాష్ట్ర ఉపాధ్యక్షుడు, పొగాకు బోర్డు మాజీ సభ్యుడు మారెడ్డి సుబ్బారెడ్డి అన్నారు. బుధవారం ఆయన విలేకరులతో మాట్లాడుతూ...రబీలో వరి తరువాత అత్యధికంగా శనగ పండిస్తున్నారని, అనంతపురం, శ్రీసత్య సాయి, కర్నూలు, నంద్యాల, వైఎఎస్సార్‌ కడప, బాపట్ల, ప్రకాశం, గుంటూరు, పల్నాడు జిల్లాల్లోని మెట్ట ప్రాంతాల్లో 9.2లక్షల ఎకరాల సాగు చేస్తున్నారని తెలిపారు. సుమారు 6 లక్షల టన్నుల ఉత్పత్తి జరుగుతుందని అంచనాలు ఉన్నట్లు చెప్పారు. 2024, 2025 రబీలో నష్టాలకు శనగ అమ్ముకున్నారని, ఇప్పుడు 2026లో కూడా అదే పరిస్థితి ఉందన్నారు. ప్రస్తుతం క్వింటా రూ.5 వేల నుంచి రూ.5,200లకు మాత్రమే కొనుగోలు చేస్తున్నారన్నారు. ప్రభుత్వం కనీస మద్దతు ధర రూ.5,650 ఉన్నా ఆ ధర గురించి పట్టించుకునే వారే కరువయ్యారన్నారు. గత వైఎస్సార్‌ సీపీ హయాంలో శనగ క్వింటా రూ.8 వేలకు పైనే అమ్ముడుపోయిన విషయాన్ని గుర్తు చేశారు. 2025 శనగలను కొందరు రైతులు కోల్డ్‌ స్టోరేజీలో దాచుకున్నారని తెలిపారు. దేశ వ్యాప్తంగా గత ఏడాది కంటే 4.66 లక్షల హెక్టార్లలో శనగ సాగు పెరిగిందని, మన రాష్ట్రంలో కూడా శనగ సాగు పెరిగినట్లు తెలిపారు. 2025 ఏప్రిల్‌ 1 నుంచి 10 శాతం డ్యూటీ మూలంగా విదేశాల నుంచి శనగలు దిగుమతి జరిగి దేశంలో రైతుల తీవ్రంగా నష్టపోయారని ఆవేదన వ్యక్తం చేశారు. శనగ రైతులను ఆదుకునేందుకు క్వింటాకు వేయి రుపాయలు అదనంగా మద్దతు ధరను పెంచాలని డిమాండ్‌ చేశారు. రాష్ట్రంలో, కేంద్రంలో ఎన్డీఏ కూటమి అధికారంలో ఉన్నా శనగ రైతులకు న్యాయం చేయమని రాష్ట్ర ప్రభుత్వం అడగకపోవడం సిగ్గుచేటన్నారు. ఒంగోలు టౌన్‌: చెడు వ్యసనాలకు గురైన భర్త వ్యవహార శైలితో విసిగి వేసారిన వివాహిత ఆత్మహత్యకు పాల్పడింది. పోలీసుల కథనం ప్రకారం...నగరంలోని ఒక ప్రైవేట్‌ ఆసుపత్రిలో పనిచేసే చంద్రశేఖర్‌, పద్మజ దంపతులు గోపాల్‌నగర్‌ నాల్గవ లైనులో నివాసం ఉంటున్నారు. వారికి కుమారుడు, కుమార్తె ఉన్నారు. కొంతకాలంగా చంద్ర శేఖర్‌ చెడు వ్యసనాలకు బానిసై అప్పులపాలయ్యాడు. ఎంతకూ మారకపోవడంతో విరక్తి చెందిన పద్మజ బుధవారం ఇంట్లో ఎవరూ లేని సమయంలో ప్యాన్‌కు ఉరేసుకొని ఆత్మహత్య చేసుకుంది. టూటౌన్‌ పోలీసులు కేసు నమోదు చేసుకొని దర్యాప్తు చేస్తున్నారు. పెద్దదోర్నాల: నల్లమల అటవీ ప్రాంతంలో పాదయాత్ర చేస్తున్న భక్తులకు పెద్దపులి తారసపడటంతో తీవ్ర భయాందోళన వ్యక్తం చేస్తున్నారు. అందిన వివరాల మేరకు.. మహాశివరాత్రి పర్వదినాన్ని పురస్కరించుకుని గత 6వ తేదీ నుంచి నల్లమల అడవిలో ఒకే ఒక్క ప్రాంతం నుంచి పాదయాత్ర భక్తులకు అటవీశాఖ అధికారులు అనుమతులు ఇచ్చారు. ఈ క్రమంలో నంద్యాల జిల్లా వెంకటాపురం నుంచి పాదయాత్ర చేస్తున్న భక్తులకు మంగళవారం రాత్రి పెచ్చెరువు వద్ద పెద్దపులి కనిపించిందన్న వార్తతో యాత్రికుల్లో కలకలం రేగింది. దీంతో పెద్ద సంఖ్యలో పాద యాత్రికులు ఒకే ప్రాంతంలో చాలాసేపు వేచి ఉన్నారు. పెద్దపులి సంచారం ప్రస్తుతానికి లేదని అధికారులు నిర్ధారించిన అనంతరం తిరిగి పాదయాత్ర కొనసాగించారు. పెద్దపులి సంచారంపై పెద్దదోర్నాల ఫారెస్ట్‌ రేంజ్‌ అధికారి హరిని వివరణ కోరగా.. పెచ్చెరువు ఆత్మకూరు పరిధిలో ఉందని, తమ పరిధి కాదని, పూర్తి వివరాలు తెలియవని బదులిచ్చారు. పెద్దపులి రాత్రి వేళల్లో స్వేచ్ఛగా సంచరిస్తుందని, ఎవరిపై ఎటువంటి దాడులకు పాల్పడదని చెప్పారు. ప్రస్తుతం నల్లమల అభయారణ్యంలో పెద్దపులుల గణన చేపడుతున్నందున భక్తులు కొద్దిపాటి జాగ్రత్తలు తీసుకుని ముందుకు సాగాలని సూచించారు. వైఎస్సార్‌ సీపీ రైతు విభాగం రాష్ట్ర ఉపాధ్యక్షుడు మారెడ్డి సుబ్బారెడ్డి

● ఎస్పీ హర్షవర్ధన్‌రాజు సింగరాయకొండ: పాకల బీచ్‌ ఫెస్టివల్‌కు ప్రత్యేక ఏర్పాట్లు చేసినట్లు ఎస్పీ హర్షవర్ధన్‌రాజు తెలిపారు. ఈ నెల 14, 15 తేదీల్లో బేస్‌ ఫెస్టివల్‌ నేపథ్యంలో ఏర్పాట్లను బుధవారం సాయంత్రం ఆయన స్వయంగా పరిశీలించారు. ఈ సందర్భంగా ఎస్పీ మాట్లాడుతూ ఫెస్టివల్‌కు వచ్చే ప్రజలకు ఎటువంటి అసౌకర్యం కలగకుండా ప్రత్యేక ఏర్పాట్లు చేశామన్నారు. ద్విచక్ర వాహనాలకు, నాలుగు చక్రాల వాహనాలకు ప్రత్యేకంగా పార్కింగ్‌ ఏర్పాటు చేశామన్నారు. ప్రజలు మద్యం తాగి బీచ్‌ వద్దకు రావద్దని సూచించారు. ట్రాఫిక్‌కు అంతరాయం కలగకుండా క్రేన్‌లు, టోయింగ్‌ వాహనాలు సిద్ధంగా ఉంచుతామన్నారు. బీచ్‌ వద్ద ప్రత్యేక బందోబస్తు ఏర్పాటు చేయటంతో పాటు ప్రజలకు ఎటువంటి ప్రాణాపాయం కలగకుండా గజ ఈతగాళ్లను ఏర్పాటు చేస్తున్నట్లు పేర్కొన్నారు. బీచ్‌ ప్రాంతంలో ప్రత్యేకంగా డ్రోన్‌లు ఎగరవేసి అనుమానితులను గుర్తిస్తామన్నారు. ప్రజలకు ఇబ్బంది కలగకుండా పోలీసులు సకాలంలో స్పందించేందుకు కంట్రోల్‌ రూమ్‌ ఏర్పాటు చేస్తామని చెప్పారు. ఫెస్టివల్‌ సజావుగా సాగేందుకు అన్ని ఏర్పాట్లు చేస్తామన్నారు. ఫెస్టివల్‌కు వచ్చే రోడ్లను పరిశీలించారు. ఒంగోలు డీఎస్పీ రాయపాటి శ్రీనివాసరావు, సీఐ సీహెచ్‌ హజరత్తయ్య, రామాయపట్నం మైరెన్‌ సీఐ శివన్నారాయణ, ఎస్సైలు బి.మహేంద్ర, నాగమల్లేశ్వరరావు, బి.మహేంద్ర పాల్గొన్నారు.

కొనకనమిట్ల: టీడీపీ నేతల ధనదాహానికి ప్రకృతి వననులు ధ్వంసమవుతున్నాయి. రియల్‌ ఎస్టేట్‌ వెంచర్ల యజమానులతో ఒప్పందం చేసుకున్న కొందరు పచ్చ నేతలు.. అధికారులపై అజమాయిషీ చేస్తూ గ్రావెల్‌ అక్రమ తవ్వకాలకు పూర్తి సహకారం అందిస్తున్నారు. వివరాల్లోకి వెళ్లే.. కొనకనమిట్ల పరిధిలోని కొండ పోరంబోకు భూముల్లో గ్రావెల్‌ తవ్వకాలకు రంగం సిద్ధం చేసిన టీడీపీ నేతలు కొద్ది రోజుల క్రితం పచ్చని వృక్షాలను జేసీబీలతో పెకలించి సొమ్ము చేసుకున్నారు. తద్వారా గ్రావెల్‌ రవాణాకు ‘మార్గం’ సుగమం చేసుకున్నారు. ‘రియల్‌’వ్యాపారులకు అవసరమైన మట్టిని ప్రభుత్వ భూముల్లో తవ్విస్తూ టిప్పర్‌కు రూ.2 వేలు, ట్రాక్టర్‌కు రూ.200 లెక్కన వసూలు చేస్తూ జేబులు నింపుకొంటున్నట్లు స్థానికంగా ఆరోపణలు వినిపిస్తున్నాయి. అక్రమ రవాణా తంతు మొత్తం రాత్రి వేళ దర్జాగా సాగిస్తుండటం గమనార్హం. ఈ వ్యవహారం మొత్తం రెవెన్యూ అధికారులకు తెలిసినా చూసీచూడనట్లు వ్యవహరిస్తుండటంపై విమర్శలు వెల్లువెత్తుతున్నాయి. పేదల ఇళ్ల స్థలాల పక్కనే తవ్వకాలు గత వైఎస్సార్‌ సీపీ ప్రభుత్వంలో కొనకనమిట్ల కొండ సమీపంలో ఉన్న భూమిని చదును చేసి జగనన్న కాలనీ ఏర్పాటు చేశారు. పేదలకు ఇళ్ల స్థలాలు మంజూరు చేశారు. ఆ పక్కనే ఉన్న ప్రభుత్వ భూమిలో అక్రమార్కులు గ్రావెల్‌ తవ్వకాలు చేస్తుండటంతో భవిష్యత్‌లో ఇబ్బందులు వస్తాయని స్థానికులు ఆందోళన వ్యక్తం చేస్తున్నారు. పేదలకు ఉచితంగా ఇళ్ల స్థలాలు ఇవ్వాలన్నా ఇబ్బందులు తలెత్తే పరిస్థితి ఉంది. అధికారుల నిర్లక్ష్యం అక్రమార్కులకు వరంగా మారిందనే విమర్శలు వినిపిస్తున్నాయి. ఇటీవల దొనకొండ అడ్డరోడ్డు వద్ద ఉన్న వెంచర్‌కు టిప్పర్‌తో మట్టి తోలుతుండగా తహసీల్దార్‌ కార్యాలయం వద్ద స్థానిక రెవెన్యూ అధికారులు ఆపి మాట్లాడి పంపిచేశారని ప్రత్యక్ష సాక్షులు చెబుతున్నారు. సోమవారం రాత్రి కూడా కొనకనమిట్ల సమీపంలో జగనన్న కాలనీ పక్కనే జేసీబీతో మట్టి తవ్వి ట్రాక్టర్ల సాయంతో తరలించారు. ప్రభుత్వ భూమిలో అనుమతి లేకుండా చెట్లు తొలగించడమే కాకుండా అక్రమంగా గ్రావెల్‌ తవ్వి తరలిస్తున్నా రెవెన్యూ, పోలీస్‌ అధికారులు స్పందించకపోవడంపై స్థానికులు అనుమానాలు వ్యక్తం చేస్తున్నారు. అక్రమార్కులపై కఠిన చర్యలు తీసుకోవాలని డిమాండ్‌ చేస్తున్నారు. అక్రమ గ్రావెల్‌ మైనింగ్‌పై తహసీల్దార్‌ సురేష్‌ను వివరణ కోరగా ‘మట్టి తవ్వకాల విషయం నాకు తెలియదు. కనుక్కొంటాను. అక్రమార్కులపై చర్యలు తీసుకుంటాం’ అని ముక్తాయించారు.

త్రిపురాంతకం: త్రిపురాంతక క్షేత్రంలో మహాశివరాత్రి మహోత్సవాల ఏర్పాట్ల తీరుపై జేసీ పులి శ్రీనివాసులు ఆసంతృప్తి వ్యక్తం చేశారు. ఇప్పటి వరకు 50 శాతం పనులు పూర్తి చేయకపోతే ఇంకెప్పుడు చేస్తారని అధికారులపై ఆగ్రహం వ్యక్తం చేశారు. యుద్ధప్రాతిపదికన ఏర్పాట్లు చేయాలని ఆదేశించారు. ఈ నెల 13 నుంచి 15 వరకు నిర్వహించనున్న ఉత్సవాల ఏర్పాట్లపై బుధవారం వివిధ శాఖల అధికారులతో సమీక్షించారు. క్యూలైన్లు, సాగర్‌ స్నాన ఘట్టాలను పరిశీలించారు. మెట్ల మార్గాన్ని నీటితో శుభ్రం చేయించాలని చెప్పారు. ప్రొటోకాల్‌ ఉన్నవారిని మాత్రమే వీఐపీలుగా పరిగణించాలని స్పష్టం చేశారు. మార్కాపురం, గిద్దలూరు, ఒంగోలు, వినుకొండ డిపోల నుంచి ఇరవై ప్రత్యేక బస్సులు ఏర్పాటు చేస్తున్నట్లు తెలిపారు. ఉద్యోగులందరూ ఐడీ కార్డులతో విధులకు హాజరుకావాలని సూచించారు. కార్యక్రమంలో ఇన్‌చార్జి సబ్‌ కలెక్టర్‌ శివరామిరెడ్డి, డీఎస్పీ నాగరాజు, డీఎంహెచ్‌ఓ వాణిశ్రీ, ఎన్‌ఎస్పీ ఈఈ విజయలక్ష్మి, తహసీల్దార్‌ భాస్కర్‌, ఈఓ అనిల్‌కుమార్‌, సీఐ అసాన్‌, ఎస్సై శివబసవరాజు తదితరులు పాల్గొన్నారు. యుద్ధప్రాతిపదికన పనులు పూర్తి చేయాలని అధికారులకు ఆదేశం

ఒంగోలు టౌన్‌: రాష్ట్రంలో చంద్రబాబు ప్రభుత్వం అధికారంలోకి వచ్చిన తరువాత దివ్యాంగుల పెన్షన్‌ మంజూరు, తొలగింపులో తీవ్ర వివక్ష కొనసాగుతోందని వైఎస్సార్‌ సీపీ దివ్యాంగుల విభాగం రాష్ట్ర అధ్యక్షుడు పులిపాటి దుర్గారెడ్డి విమర్శించారు. రాష్ట్ర పర్యటనలో భాగంగా ఆయన బుధవారం ఒంగోలుకు వచ్చారు. కిమ్స్‌ హాస్పిటల్‌ జాతీయ రహదారి వద్ద ఆయనను వైఎస్సార్‌ విభాగం జిల్లా నాయకుడు కొండరాజు రమణయ్య ఘనస్వాగతం పలికారు. ఈ సందర్భంగా పులిపాటి దుర్గారెడ్డి మాట్లాడుతూ చంద్రబాబు ప్రభుత్వం అధికారంలోకి వచ్చిన తరువాత దివ్యాంగుల పెన్షన్‌ విషయంలో ఉద్దేశపూర్వకంగా గందరగోళ పరిస్థితులు సృష్టించారని ఆరోపించారు. దాంతో రాష్ట్ర వ్యాప్తంగా దివ్యాంగుల పరిస్థితి ఎక్కడ వేసిన గొంగళి అక్కడే అన్నట్లు తయారైందన్నారు. సదరన్‌ రీ వెరిఫికేషన్‌లో కూటమి ప్రభుత్వం దివ్యాంగులను వేధింపులకు గురిచేస్తోందని చెప్పారు. దివ్యాంగులు ప్రతి ఒక్కరూ లబ్ధిదారులుగా ఉండాలన్నదే తన లక్ష్యమన్నారు. దివ్యాంగులను చైతన్యపరుస్తూ రాష్ట్ర వ్యాప్తంగా పర్యటిస్తున్నట్లు చెప్పారు. పులిపాటి దుర్గారెడ్డి వెంట రాష్ట్ర వర్కింగ్‌ ప్రసిడెంట్‌ ఆవుల నాగేందర్‌, ఉమ్మడి చిత్తూరు జిల్లా అధ్యక్షుడు కోణతం చంద్రశేఖర్‌ తదితరులు ఉన్నారు.

కంచె వేయడానికి వచ్చిన వారిని అడ్డుకుంటున్న బాధిత మహిళలువారంతా కార్మికులు. చిన్నపాటి ఉద్యోగాలు చేసుకుంటూ కుటుంబాలను పోషించుకుంటున్నారు. పదిహేను సంవత్సరాలుగా కార్మికనగర్‌లో చిన్న చిన్న ఇళ్లు నిర్మించుకుని నివాసముంటున్నారు. రూ.కోట్ల విలువజేసే ఈ భూములపై బడాబాబుల కన్నుపడింది. ఈ నెల 4వ తేదీ అధికార పార్టీ ప్రజాప్రతినిధుల అండతో కిరాయి దుండగులు రాత్రికిరాత్రే జేసీబీలతో ఇళ్లను కూల్చేసి నిలువ నీడ లేకుండా చేశారు. అవి ఇనాం భూములని రికార్డుల్లో ఉంది. కానీ, రిజిస్టర్డ్‌ భూములంటూ ప్రైవేటు వ్యక్తులు వచ్చి ఇళ్లు కూల్చేస్తుంటే పోలీసులు, రెవెన్యూ, నగరపాలక సంస్థ అధికారులు పట్టించుకోకపోవడం గమనార్హం. వారం రోజులవుతున్నా ఇళ్లు కూల్చేసిన వారిపై ఎలాంటి కేసులు నమోదు చేయకపోవడంపై భిన్న కథనాలు ప్రచారంలో ఉన్నాయి. అసలు ఈ కూల్చివేతల వెనుకున్న అదృశ్య శక్తి ఎవరన్న దానిపై చర్చ సాగుతోంది. 15 ఏళ్లుగా నివాసం ఉంటున్నాం కుటుంబంతో కలిసి 15 ఏళ్లుగా కార్మిక నగర్లోనే నివాసం ఉంటున్నాం. మేము ఎవరి రిజిస్టర్‌ భూములనూ ఆక్రమించుకోలేదు. ఇనాం భూములలో తలదాచుకున్నాం. ఈ భూమిని సర్వే చేసి ప్రభుత్వ భూమిలో మాకు పట్టాలు ఇవ్వాలని పదేళ్లుగా అధికారుల చుట్టూ తిరుగుతున్నాం. ఇప్పుడు కూడా మేము అదే అడుగుతున్నాం. వెంటనే ఈ భూమిని సర్వే చేసి నిజానిజాలు తేల్చాలి. అప్పటి వరకు మేము కార్మిక నగర్లోనే నివాసం ఉండేందుకు అనుమతివ్వాలి. ప్రభుత్వం రక్షణ కల్పించాలి. – గరికపూడి సుధాకర్‌ అధికారులు జోక్యం చేసుకోవాలి నేను ప్రైవేటు కారుకు డ్రైవర్‌గా పనిచేస్తుంటాను. నగరంలో ఉండటానికి ఇళ్లు లేక 15 ఏళ్లుగా కార్మిక నగర్లో నివాసం ఉంటున్నాను. రాత్రికి రాత్రి మా ఇళ్లను కూల్చివేశారు. ఇళ్లు ఖాళీ చేసి వెళ్లిపొమ్మని బెదిరిస్తున్నారు. ఎక్కడికి వెళ్లాలో అర్థం కావడంలేదు. ప్రభుత్వం, అధికారులు వెంటనే జోక్యం చేసుకోవాలి. ఇనాం భూములను ప్రభుత్వం స్వాధీనం చేసుకుని నివాసితులకు పట్టాలివ్వాలి. – కురగంటి మనోహర్‌ కూల్చివ్యథలుసాక్షి ప్రతినిధి, ఒంగోలు: ముక్తినూతలపాడు పంచాయతీ పరిధిలోని సర్వే నంబర్‌ 186/1లో 4.62 ఎకరాలు, 186/2లో 4.47 ఎకరాల ఇనాం భూమిలో నగరంలోని వివిధ ప్రాంతాలకు చెందిన ఇళ్లు లేని నిరుపేదలు కొందరు నివాసాలు ఏర్పాటు చేసుకున్నారు. తొలుత తడికలతో పాకలు వేసుకున్నారు. తరువాత చిన్న చిన్న రేకుల షెడ్లు వేసుకుని పిల్లాపాపలతో జీవిస్తున్నారు. వీరిలో కొందరికి 2012 నుంచి కార్మికనగర్‌, నియర్‌ ఎంఎన్‌ఆర్‌ కేన్సర్‌ హాస్పిటల్‌ చిరునామాతో ఆధార్‌ కార్డులు కూడా మంజూరయ్యాయి. మధ్యలో ఒకసారి 2018లో చదలవాడ గ్రామానికి చెందిన కొందరు వ్యక్తులు ఈ భూమి తమదని చెబుతూ 50 మందిని తీసుకొచ్చి నాలుగు ఇళ్లు కూల్చివేశారు. దాంతో బాధితులు కోర్టును ఆశ్రయించారు. కోర్టు 2018లో ఇంజక్షన్‌ ఆర్డర్‌ ఇచ్చింది. ప్రస్తుతం కేసు కోర్టు పరిధిలో ఉంది. ఆ తరువాత 2023లో సిట్‌ కేసు నమోదు చేసి కొందరిని అరెస్టు చేశారు. అయితే, రెవెన్యూ రికార్డుల్లో మీ భూమి వెబ్‌సైట్‌లో ఇప్పటికీ ఈ భూములు ఇనాం భూములుగానే రికార్డయి ఉండటం గమనార్హం. వాస్తవాలు ఇలా ఉండగా, ఈ మరకలను వైఎస్సార్‌ సీపీకి అంటించడానికి ఎల్లో మీడియా విషపు రాతలు రాస్తోంది. ప్రజలను తప్పుదోవ పట్టించేందుకు ప్రయత్నిస్తుండడంతో బాధితులు ఆగ్రహం వ్యక్తం చేస్తున్నారు. దౌర్జన్యంగా ఇళ్లు కూల్చివేత... పరిస్థితి ఇలా ఉండగా ఈ నెల 4వ తేదీ సాయంత్రం సుమారు 150 నుంచి 200 మంది ప్రైవేటు సైన్యాన్ని వెంటబెట్టుకొని కొందరు వ్యక్తులు కార్మిక నగర్లోకి ప్రవేశించారు. వెంట మూడు జేసీబీలు తీసుకొచ్చారు. వచ్చీరాగానే మూడు గ్రూపులుగా విడిపోయి బలవంతంగా ఇళ్లను కూల్చివేయడం మొదలుపెట్టారని బాధితులు చెబుతున్నారు. ఇళ్లల్లో నిద్రపోతున్న చిన్నారులు, పిల్లలను బయటకు లాగి పడేశారు. అడ్డొచ్చిన మహిళలు, యువకులపైకి ఎగబడ్డారు. కనీసం ఇంట్లోని సామాన్లు తీసుకునేందుకు అవకాశం ఇవ్వమని బతిమాలినా వినలేదంటూ బాధితులు వాపోతున్నారు. ఇళ్లు కూల్చివేసిన తరువాత ఇంటి నిర్మాణానికి వాడిన కర్రలు, సిమెంటు రేకులను ధ్వంసం చేశారని, కాలనీలో చెట్లను నరికినట్లు మొదలుకంటా తీసేశారని, చివరికి పొయ్యి మీద ఉడుకుతున్న అన్నం గిన్నెను కూడా కాలితో తన్నారని ఒక బాధిత మహిళ కన్నీటి పర్యంతమైంది. డయల్‌ 100కు ఫోన్‌ చేస్తే ముగ్గురు పోలీసులు వచ్చి చోద్యం చూస్తూ నిలబడ్డారని బాధితులు ఆరోపించారు. 15 ఏళ్లకుపైగా ఇక్కడ నివాసం ఉంటున్న నిరుపేదలు కట్టుబట్టలతో రోడ్డున పడ్డారు. వారం రోజుల నుంచి ప్రైవేటు వ్యక్తులు బాధితులను బెదిరిస్తూనే ఉన్నారు. రోజూ ఏదోక సమయంలో కార్మిక నగర్లోకి వచ్చి ఘర్షణలు పెట్టుకునేందుకు ప్రయత్నిస్తున్నారని బాధితులు ఆరోపిస్తున్నారు. బుధవారం కార్మిక నగర్‌కు వచ్చిన ప్రైవేటు వ్యక్తులు ఫెన్సింగ్‌ వేసేందుకు ప్రయత్నించడంతో బాధితులు అడ్డుకున్నారు. అధికారులు, పోలీసులు ఏమయ్యారు... కార్మిక నగర్‌లోని పేదల ఇళ్లను కూల్చివేసి నేటికి వారం రోజులు. ఇళ్లను కూల్చివేసిన ప్రదేశంలో మీడియా సమావేశం పెట్టి బహిరంగంగా తామే ఇళ్లను కూల్చివేశామని ప్రైవేటు వ్యక్తులు ప్రకటిస్తుంటే ప్రభుత్వం ఏమైంది? ప్రభుత్వ అధికారులు, పోలీసులు ఏమాయ్యారని నగర ప్రజలు, ప్రజా సంఘాల నాయకులు ప్రశ్నిస్తున్నారు. చట్టాన్ని చేతుల్లోకి తీసుకున్న వ్యక్తుల మీద కేసులు ఎందుకు నమోదు చేయలేదు, ఎందుకు అరెస్టు చేయలేదన్న ప్రశ్నలకు అధికారుల నుంచి జవాబులేదు. ప్రభుత్వ పెద్దల ఒత్తిడి వలనే అధికారులు నోరు మెదపడంలేదన్న వాదనలు వినిపిస్తున్నాయి. ఇనాం భూములను రిజిస్టర్‌ ఎలా చేస్తారు..? కార్మిక నగర్‌ను కూల్చివేసిన ప్రైవేటు వ్యక్తులు ఈ భూమిని రిజిస్టర్డ్‌ భూమిగా ప్రచారం చేస్తున్నారని బాధితులు ఆరోపిస్తున్నారు. రెవెన్యూ రిజిస్టర్లో ఈ భూములు ఇనాం భూములుగా ఉన్నాయి. అయితే ఇందులో 186/1లో 0.1800 భూమి ఒక వ్యక్తికి అనువంశికంగా, 0.1100 భూమి మరో వ్యక్తి కొనుగోలు చేసినట్లు ఉంది. ఇనాం భూములు ఎవరూ కొనడానికి, అమ్మడానికి వీలులేదని ప్రభుత్వ నిబంధనలు పేర్కొంటున్నాయి. మరి ఇనాం భూముని ఒక వ్యక్తి కొనుగోలు చేసినట్లు మీ భూమి వెబ్‌సైట్‌లో చూపించడం పట్ల బాధితులు విస్మయం వ్యక్తం చేస్తున్నారు. ఇనాం భూములను ఎలా రిజిస్టర్‌ చేశారని బాధితులు ప్రశ్నిస్తున్నారు. దీనికి రెవెన్యూ అధికారులు జవాబు చెప్పడం లేదని ఆవేదన వ్యక్తం చేస్తున్నారు. ఇన్నేళ్లుగా లేని అభ్యంతం ఇప్పుడే ఎందుకు వచ్చిందన్న ప్రశ్నలు తలెత్తుతున్నాయి. ఈ భూమిని సర్వే చేసి ఇందులో ప్రభుత్వ భూమి లెక్క తేల్చాలని గత పదేళ్లుగా అధికారులకు విజ్ఞప్తి చేస్తున్నప్పటికీ పట్టించుకోవడం లేదని బాధితులు చెబుతున్నారు. ప్రభుత్వ భూమి అయితేనే తమకు పట్టాలు ఇవ్వాలని అధికారులకు మొరపెడుతున్నా పట్టించుకోవడంలేదని వాపోతున్నారు. కూల్చివేతల వెనక పెద్ద తలకాయలు... కార్మిక నగర్‌ కూల్చివేతల వెనక పెద్ద తలకాయలు ఉన్నట్లు జిల్లాలో ప్రచారం జరుగుతోంది. ఒక కీలక నేత ఆదేశాలతోనే కూల్చివేత జరిగినట్లు గుసగుసలు వినిపిస్తున్నాయి. నగర పరిధిలో దశాబ్దాలుగా కాపురాలు చేసుకుంటున్న వారి నివాసాలను ప్రైవేటు వ్యక్తులు వచ్చి ఎలా కూలగొడతారని బాధితులు ప్రశ్నిస్తున్నారు. సుమారు రూ.100 కోట్ల విలువ చేసే ఈ భూములపై కన్నేసిన అధికార పార్టీ నాయకులు ఎలాగైనా సరే దీన్ని కబ్జా చేసేందుకు ప్రయత్నిస్తున్నారని ఆరోపణలు వినిపిస్తున్నాయి. మంగళవారం రాత్రి బాధితులను పిలిపించిన కీలక నేత ఆ స్థలం ఖాళీ చేసి వెళ్లాలని హుకుం జారీ చేసినట్లు ప్రచారం జరుగుతోంది. ఒంగోలు సబర్బన్‌: కేంద్ర ప్రభుత్వం ప్రవేశపెట్టిన లేబర్‌ కోడ్స్‌ను వెంటనే ఉపసంహరించుకోవాలని యూఎఫ్‌బీయూ కన్వీనర్‌ రాజీవ్‌ రతన్‌ దేవ్‌ డిమాండ్‌ చేశారు. ఈ మేరకు బుధవారం నగరంలోని నెల్లూరు బస్టాండ్‌ సెంటర్‌లోని యూనియన్‌ బ్యాంకు ఆఫ్‌ ఇండియా ముందు నిరసన వ్యక్తం చేశారు. ఈ సందర్భంగా రాజీవ్‌ రతన్‌ దేవ్‌ మాట్లాడుతూ ఈ నెల 12న దేశ వ్యాప్తంగా నిర్వహిస్తున్న సార్వత్రిక సమ్మెకు సంఘీభావంగా నిరసన చేపట్టామన్నారు. అన్ని యూనియన్లు సార్వత్రిక సమ్మెకు మద్దతు తెలుపుతున్నాయన్నారు. ఈ సందర్భంగా కేంద్ర ప్రభుత్వానికి వ్యతిరేకంగా నినాదాలు చేశారు. కార్యక్రమంలో యూనియన్ల నాయకులు సుబ్బారావు, రాజేష్‌ ఖన్నా, వి.శ్రీనివాస రావు, ఉమా శంకర్‌, సుధాకరరావు, బ్రహ్మనాయుడుతో పాటు పలువురు పాల్గొన్నారు. ఒంగోలు వన్‌టౌన్‌: ప్రకాశం పోస్టల్‌ డివిజన్‌ పరిధిలోని చీమకుర్తి, మద్దిపాడు, వేటపాలెం, పర్చూరు పోస్టల్‌ కార్యాలయాల్లో ఉన్న ఆధార్‌ కేంద్రాల్లో ప్రత్యేక ఆధార్‌ క్యాంపులు నిర్వహించనున్నట్లు సీనియర్‌ సూపరింటెండెంట్‌ ఎండీ జాఫర్‌ సాధిక్‌ బుధవారం ఒక ప్రకటనలో తెలిపారు. ఆధార్‌ ప్రత్యేక క్యాంపులను ఈ నెల 12 నుంచి 28వ తేదీ వరకూ నిర్వహిస్తున్నట్లు తెలిపారు. ఐదేళ్ల వయస్సు నుంచి 15 సంవత్సరాల వయస్సు ఉన్న వారికి ఆధార్‌ బయోమెట్రిక్‌ తప్పనిసరి అని తెలిపారు. ఈ సేవలు ఈ నెల 30వ తేదీ వరకూ పూర్తి ఉచితంగా నిర్వహిస్తున్నట్లు చెప్పారు. ఒంగోలు, కందుకూరు, చీరాల, సంతనూతలపాడు, టంగుటూరు పోస్టు ఆఫీసులలో ఆధార్‌ సేవలు ప్రజలకు అందుబాటులో ఉంటాయన్నారు. ఆధార్‌ నమోదు పూర్తిగా ఉచితం అని, డిమోగ్రాఫిక్‌ అప్‌డేట్‌కు రూ.75, బయోమెట్రిక్‌ అప్‌డేట్‌ రూ.125 చెల్లించాల్సి ఉంటుందన్నారు. 15 నుంచి 17 సంవత్సరాల మధ్య వారికి బయోమెట్రిక్‌ అప్‌డేట్‌ తప్పనిసరి అన్నారు.

మార్కాపురం: వచ్చే నెలలో ఉగాది పండుగ నాటికి నిర్దేశించిన లక్ష్యం ప్రకారం లబ్ధిదారులతో ఇళ్లు కట్టించి గృహ ప్రవేశం చేయించాలని మార్కాపురం జిల్లా గృహ నిర్మాణ శాఖ ఇన్‌చార్జి పీడీ శ్రీనివాసప్రసాద్‌ చెప్పారు. బుధవారం ఎంపీడీఓ కార్యాలయంలో జిల్లాలోని హౌసింగ్‌ డీఈలు, ఏఈలు, వర్క్‌ ఇన్‌స్పెక్టర్లతో సమీక్ష సమావేశం నిర్వహించారు. మార్కాపురం, గిద్దలూరు, యర్రగొండపాలెం, కనిగిరి నియోజకవర్గాల్లో మొత్తం 5,169 ఇళ్ల నిర్మాణాన్ని ఉగాది రోజు ప్రారంభించేలా చర్యలు చేపట్టాలన్నారు. ఇందులో వైపాలెం నియోజకవర్గంలో 1140, గిద్దలూరు నియోజకవర్గంలో 1469, మార్కాపురం నియోజకవర్గంలో 1971, కనిగిరి నియోజకవర్గంలో 598 గృహాలను లక్ష్యంగా పెట్టుకుని పూర్తిచేయించాలన్నారు. ఇందులో బీసీ ఎస్సీలకు రూ.50 వేలు, ఎస్టీలకు రూ.75 వేలు, చెంచులకు ప్రత్యేకంగా 1 లక్ష రూపాయలను ప్రభుత్వం మంజూరు చేస్తుందన్నారు. ఆయా గృహాల్లో టాయిలెట్ల నిర్మాణం పూర్తి చేయించాలన్నారు. జిల్లాలో ఆవాస్‌ పీఎంజేవై పథకం కింద 24,177 ఇళ్ల నిర్మాణాల సర్వే పూర్తయిందని చెప్పారు. ఇల్లు కట్టుకునే విషయంలో లబ్ధిదారులకు సలహాలు, సూచనలు ఇవ్వాలని, త్వరగా పూర్తయ్యేలాగా చర్యలు చేపట్టాలని ఆదేశించారు. అనంతరం పట్టణ శివార్లలో నిర్మాణంలో ఉన్న పలు గృహాలను మార్కాపురం ఇన్‌చార్జి ఈఈ పవన్‌కుమార్‌తో కలిసి పరిశీలించారు.

పెద్దదోర్నాల: మహాశివరాత్రి పర్వదినాన్ని పురస్కరించుకుని శ్రీశైలంలోని శ్రీగిరి పర్వతంపై వెలసిన భ్రమరాంబ మల్లికార్జునల దర్శనానికి తరలివెళ్లే శివభక్తుల సంఖ్య రోజురోజుకూ గణనీయంగా పెరుగుతోంది. శివరాత్రి పర్వదినానికి ముందే అట్టహాసంగా ప్రారంభమైన బ్రహ్మోత్సవాల్లో పాల్గొనేందుకు భక్తులు భారీగా తరలివెళ్తున్నారు. దీంతో శ్రీశైల ముఖద్వారంగా పేరొందిన దోర్నాలలో యాత్రికులు, శివస్వాముల రద్దీ పెరిగింది. యాత్రికుల సౌకర్యంపై దృష్టి సారించని దేవస్థానం అధికారులు.. శివరాత్రి పర్వదినానికి మరో రెండు రోజులు మాత్రమే ఉన్నా మండల కేంద్రంలో దేవస్థానం అధికారులు ఎటువంటి సౌకర్యాలు కల్పించకపోవటంపై భక్తులు ఆగ్రహం వ్యక్తం చేస్తున్నారు. శ్రీశైలం ముఖద్వారంగా పేరొందిన పెద్దదోర్నాలలో యాత్రికులకు కనీస సౌకర్యాలు కల్పించడంలో శ్రీశైల దేవస్థానం అధికారులు చొరవ చూపకపోవడంపై విమర్శలు వెల్లువెత్తుతున్నాయి. తెలంగాణ జిల్లాలను మినహాయించి రాష్ట్రంలోని అన్ని జిల్లాలతో పాటు కేరళ, తమిళనాడు, కర్ణాటక రాష్ట్రాల నుంచి వచ్చే భక్తులు సైతం పెద్దదోర్నాల మండల కేంద్రం మీదుగా శ్రీశైలం వెళ్లాల్సిందే. సుదూర ప్రాంతాల నుంచి వచ్చే భక్తులు దోర్నాల నుంచి 50 కిలోమీటర్ల మేర నల్లమలగుండా శ్రీశైలం ప్రయాణించాల్సి ఉంది. అటవీ ప్రాంతంలో ఎటువంటి సౌకర్యాలు లేనందున ఎందరో భక్తులు దోర్నాలలోనే బసచేసి భోజన, అల్పాహార కార్యక్రమాలు చూసుకున్న తరువాత శ్రీశైలం ప్రయాణమవుతారు. దీంతో సాధారణ సమయాల్లోనే అధిక రద్దీ ఉన్న దోర్నాలలో శివరాత్రి, ఉగాది పర్వదినాల సందర్భంగా వేల మంది యాత్రికులతో మండల కేంద్రం కిటకిటలాడుతుంది. దీనిని దృష్టిలో ఉంచుకుని దేవస్థానం అధికారులు మండల కేంద్రంలో మంచినీటి సౌకర్యం, తాత్కాలిక వసతి సౌకర్యం, తాత్కాలిక మరుగుదొడ్లు ఏర్పాటు చేయకపోవడంపై యాత్రికులు ఆగ్రహం వ్యక్తం చేస్తున్నారు. గతంలో మండల కేంద్రంలోని శివసదనంలో టెంట్లు వేసి దానికి అనుగుణంగా విశ్రాంతి తీసుకునేందుకు కార్పెట్లు ఏర్పాటు చేసేవారు. అధికారుల నిర్లక్ష్యంతో టెంట్లను సైతం వేయకపోవటంపై భక్తులు ఆగ్రహం వ్యక్తం చేస్తున్నారు.

● కందుకూరు ఎమ్మెల్యేకు చేదు అనుభవం ఉలవపాడు: ఉలవపాడులోని ప్రభుత్వ ఉన్నత పాఠశాలలో మంగళవారం సీఐఎస్‌ఎఫ్‌ ర్యాలీకి హాజరైన కందుకూరు ఎమ్మెల్యే ఇంటూరి నాగేశ్వరరావుకు చేదు అనుభవం ఎదురైంది. పాఠశాలలో చదువుకుంటూ ఉలవపాడులోని సాంఘిక సంక్షేమ హాస్టల్లో ఉంటున్న విద్యార్థులు ఎమ్మెల్యేతో తమ సమస్యలు మొరపెట్టుకున్నారు. శ్రీమాకు అన్నం సరిగా పెట్టడం లేదు, చాలీచాలని భోజనంతో రోజూ విలవిల్లాడుతున్నాం. మీరు ఒకసారి మాట్లాడండిశ్రీ అంటూ వేడుకున్నారు. సాయంత్రం 5 గంటల సమయంలో హాస్టల్‌కు వెళ్లిన ఎమ్మెల్యే మెనూ ఎందుకు అమలు చేయడం లేదంటూ వార్డెన్‌, వంట మనిషిని ప్రశ్నించారు. గతంలోనూ ఇలాంటి ఫిర్యాదులు వచ్చాయని, పునరావృతమైతే చర్యలు కఠినంగా ఉంటాయని చెప్పి వెనుదిరిగారు.

● మరొకరికి గాయాలు మేదరమెట్ల: ద్విచక్రవాహనాన్ని లారీ ఢీకొనడంతో మహిళ మృతి చెందింది. ఈ సంఘటన కొరిశపాడు మండలంలోని మేదరమెట్ల జాతీయరహదారిపై మంగళవారం జరిగింది. వివరాల్లోకి వెళితే..మార్టూరు మండలం కోనంకి గ్రామానికి చెందిన మెడసరి వెంకటేశ్వర్లు భార్య మల్లేశ్వరితో కలిసి ద్విచక్రవాహనంపై తమ్మవరం గ్రామానికి వచ్చి తిరిగి వెళుతున్నారు. ఈ క్రమంలో తమ్మవరం రోడ్డు నుంచి జాతీయరహదారిపైకి వెళ్లేందుకు సర్వీసు రోడ్డులో వెళ్లి జాతీయరహదారి ఎక్కారు. అదే సమయంలో ఒంగోలు వైపు నుంచి గుంటూరు వైపుకు వెళుతున్న లారీ అతివేగంగా వచ్చి ఢీకొట్టింది. ప్రమాదంలో వెనుక కూర్చున్న మల్లేశ్వరి (42) రోడ్డుపై పడిపోగా అమైపె నుంచి లారీ చక్రం వెళ్లడంతో అక్కడికక్కడే మృతి చెందగా.. భర్త వెంకటేశ్వర్లుకు స్వల్ప గాయాలయ్యాయి. సమాచారం తెలుసుకున్న మేదరమెట్ల పోలీసులు సంఘటనా స్థలానికి చేరుకొని ప్రమాదం జరిగిన తీరును తెలుసుకొని క్షతగాత్రున్ని వైద్యశాలకు తరలించి కేసు నమోదు చేసి మృతదేహాన్ని పోస్టుమార్టం నిమిత్తం అద్దంకి ప్రభుత్వ ఆసుపత్రికి తరలించారు. టంగుటూరు: చింతకాయలు కోస్తూ ప్రమాదవశాత్తు చెట్టు నుంచి జారిపడి వ్యక్తి మృతి చెందాడు. ఈ సంఘటన మండలంలోని మల్లవరప్పాడు సమీపంలో మంగళవారం జరిగింది. పోలీసుల వివరాలు మేరకు..మండలంలోని మల్లవరప్పాడు గ్రామానికి చెందిన చౌటూరి చిరంజీవి(35) తండ్రి సింగయ్యతో కలిసి మల్లవరప్పాడు, తూర్పునాయుడుపాలెం గ్రామాల మధ్య చింతచెట్టు ఎక్కి చింతకాయలు కోస్తున్నారు. ఈ క్రమంలో చిరంజీవి చెట్టు మీద నుంచి జారిపడి గాయపడడంతో వెంటనే ఒంగోలులోని ప్రైవేట్‌ వైద్యశాలకు తరలించారు. అక్కడ చికిత్స పొందుతూ మృతి చెందాడు. తండ్రి సింగయ్య ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్సై నాగమల్లేశ్వరరావు తెలిపారు. అద్దంకి: రోడ్డు ప్రమాదంలో వ్యక్తి మృతి చెందాడు. ఈ ఘటన మండలంలోని గుర్రంవారిపాలెంలో మంగళవారం జరిగింది. వివరాల్లోకి వెళితే.. మార్టూరు మండలం తాటవారిపాలెం గ్రామానికి చెందిన మర్రి శేషయ్య(65) పనిమీద గుర్రవారంపాలెం గ్రామానికి బైకుపై బయలుదేరారు. గుర్రంవారిపాలెం సమీపంలోకి రాగానే బైక్‌ అదుపుతప్పి కిందపడ్డాడు. ప్రమాదంలో శేషయ్యకు తీవ్రగాయాలు కావడంతో అక్కడికక్కడే మృతి చెందాడు. ఈ విషయమై ఎటువంటి కేసు నమోదు కాలేదు.

ఒంగోలు టౌన్‌: కుష్టు వ్యాధిని గుర్తించి సరైన వైద్య చికిత్స తీసుకుంటే పూర్తిగా నయం చేయడం సాధ్యమేనని జిల్లా వైద్యారోగ్య శాఖ అధికారి డాక్టర్‌ టి.వెంకటేశ్వర్లు అన్నారు. ప్రభుత్వ సర్వజన ఆసుపత్రిలోని సమావేశ మందిరంలో కుష్టు వ్యాధి నివారణపై పీహెచ్‌సీ, యుపీహెచ్‌సీ వైద్యాధికారులు, లెప్రసీ నోడల్‌ పర్సన్లకు శిక్షణ నిర్వహించారు. లెప్రసీ, ఏయిడ్స్‌ , క్షయ జిల్లా అధికారి డాక్టర్‌ జి.బాలాజీ ఆధ్వర్యంలో జరిగిన సమావేశంలో డీఎంహెచ్‌ఓ మాట్లాడుతూ కుష్టు వ్యాధిపై వైద్యాధికారులు, నోడల్‌ పర్సన్లు సంపూర్ణ అవగాహన కల్పించుకోవాలని సూచించారు. వ్యాధి నివారణ గురించి నిత్యం అధ్యయనం చేయాలన్నారు. మంచి ఆహారం, సానుకూల ఆలోచనలను పెంపొందించుకోవాలని సూచించారు. కుష్టు నివారణ కోసం ప్రభుత్వం కృషి చేస్తుందని, ప్రభుత్వ సేవలను సద్వినియోగం చేసుకోవాలని చెప్పారు. జీజీహెచ్‌ సూపరింటెండెంట్‌ డాక్టర్‌ మాణిక్యరావు మాట్లాడుతూ ఆధునిక వైద్యంలో కుష్టు వ్యాధి నివారణకు చాలా మంచి ఔషధాలు ఉన్నాయని చెప్పారు. చర్మవ్యాధుల విభాగాధిపతి డాక్టర్‌ ఏడుకొండలు కుష్టు వ్యాధి లక్షణాలు, వ్యాప్తి, నివారణకు సంబంధించి సమగ్రంగా విశ్లేషించారు. నెల్లూరు డామియన్‌ ఫౌండేషన్‌ ప్రాజెక్ట్‌ మేనేజర్‌ సతీష్‌ మాట్లాడుతూ కుష్టు వ్యాధి వల్ల సంభవించే అంగవైకల్యం, నివారణకు తీసుకోవాల్సిన జాగ్రత్తలను వివరించారు. టీహెచ్‌ వార్డ్‌ ఎంఓ డాక్టర్‌ రజిత, పీఎంఓ టి.సూరిబాబు, డీపీఎంఓలు, ఫిజియోథెరపిస్టులు పాల్గొన్నారు. జిల్లా వైద్యారోగ్య శాఖ అధికారి డాక్టర్‌ వెంకటేశ్వర్లు

కొండపి: పట్టాదారు పాసుపుస్తకాలు జారీలో అవకతవకలకు పాల్పడితే కఠిన చర్యలు తీసుకుంటామని జాయింట్‌ కలెక్టర్‌ కల్పనాకుమారి అధికారులను హెచ్చరించారు. మండలంలోని ముప్పవరం పంచాయతీ కార్యాలయాన్ని సందర్శించి వీఆర్‌ఓలు, సర్వేయర్లతో సమావేశం నిర్వహించారు. గ్రామంలోని కొన్ని గృహాలను సందర్శించి పాసుపుస్తకాల జారీలో ఎదుర్కొంటున్న సమస్యలు అడిగి తెలుసుకున్నారు. ఈ సందర్భంగా ఆమె మాట్లాడుతూ పట్టాదారు పాసు పుస్తకాల కరెక్షన్‌ గురించి సమీక్షించి పొరపాట్లకు తావు లేకుండా పుస్తకాలను పంపిణీ చేయాలన్నారు. పాసు పుస్తకాలు తీసుకున్న లబ్ధిదారులు అధికారులకు ఎటువంటి రుసుం ఇవ్వాల్సిన అవసరం లేదని తెలిపారు. తొలుత కేజీ కండ్రిక గ్రామంలో సర్వే నంబర్‌ 60లోని 7 ఎకరాల స్థలాన్ని మహాత్మా జ్యోతిరావు పూలే బాలుర బీసీ వెల్ఫేర్‌ రెసిడెన్షియల్‌ పాఠశాల, హాస్టల్‌కు పరిశీలించారు. అనంతరం అధికారులతో సమీక్షించి వివరాలను అడిగి తెలుసుకున్నారు. కార్యక్రమంలో ఇరిగేషన్‌ డీఈ ఎం.శివరామప్రసాద్‌, ఎంపీడీఓ రామాంజనేయులు, డిప్యూటీ తహసీల్దార్‌ రవిబాబు, ఆర్‌ఐ శ్రీనివాసరావు, ఇరిగేషన్‌ ఏఈ రవికుమార్‌, సర్వేయర్‌ రాజు, రెవెన్యూ, మండల పరిషత్‌ , ఇరిగేషన్‌ అధికారులు పాల్గొన్నారు. సామాన్య భక్తులకు ప్రాధాన్యత ఇవ్వండి ● మహా శివరాత్రి రోజు భక్తులకు అసౌకర్యం లేకుండా చూడాలి ● దేవదాయ శాఖతో పాటు ఇతర శాఖల అధికారులను ఆదేశించిన కలెక్టర్‌ ఒంగోలు సబర్బన్‌: మహా శివరాత్రి పర్వదినం సందర్భంగా జిల్లాతో పాటు ఇతర జిల్లాలకు వెళ్లే భక్తులకు ఎలాంటి అసౌకర్యం లేకుండా చర్యలు తీసుకోవాలని కలెక్టర్‌ పి.రాజాబాబు జిల్లా అధికారులను ఆదేశించారు. ఈ మేరకు ఆయన కలెక్టరేట్‌లోని వీసీ హాలు నుంచి దేవదాయ శాఖ, రెవెన్యూ, పోలీస్‌ శాఖలతో పాటు ఇతర జిల్లా అధికారులతో మంగళవారం రాత్రి వర్చువల్‌గా మాట్లాడారు. సామాన్య భక్తులకు అత్యధిక ప్రాధాన్యం కల్పించాలన్నారు. అసౌకర్యం లేకుండా శైవ క్షేత్రాల్లో దైవ దర్శనాలు కలిగేలా చూడాలన్నారు. ఈ నెల 15న మహా శివరాత్రి సందర్భంగా జిల్లాలో ప్రముఖ శైవ క్షేత్రాల్లో చేపట్టాల్సిన ఉత్సవ ఏర్పాట్లుపై దిశానిర్దేశం చేశారు. ప్రత్యేకంగా ఆర్టీసీ బస్సులు ఏర్పాటు చేయాలన్నారు. కార్యక్రమంలో డీఆర్‌ఓ ఓబులేసు, దేవాదాయ శాఖ అధికారులతో పాటు జిల్లా అధికారులు పాల్గొన్నారు.

● అధికారుల సమీక్షలో కలెక్టర్‌ పి.రాజాబాబు ఒంగోలు సబర్బన్‌: సింగరాయకొండ మండలం పాకల సముద్ర తీరంలో చేపట్టనున్న బీచ్‌ ఫెస్టివల్‌ను ఎలాంటి పొరపాట్లు లేకుండా చేపట్టాలని కలెక్టర్‌ పి.రాజాబాబు జిల్లా అధికారులను ఆదేశించారు. ప్రకాశం భవన్‌లోని కాన్ఫరెన్స్‌ హాలులో మంగళవారం జిల్లా స్థాయి అధికారులతో సమీక్ష నిర్వహించారు. ఈ సందర్భంగా కలెక్టర్‌ మాట్లాడుతూ ఈ నెల 14, 15 తేదీల్లో నిర్వహిస్తున్న బీచ్‌ ఫెస్టివల్‌ను ఛాలెంజ్‌గా తీసుకొని నిర్వహించాలన్నారు. ఎలాంటి పొరపాట్లకు తావివ్వకుండా విజయవంతం చేయాలని సూచించారు. బీచ్‌ ఫెస్టివల్‌ నిర్వహణలో భాగంగా శాఖల వారీగా చేపట్టాల్సిన ఏర్పాట్లపై సమీక్షించారు. కార్యక్రమానికి నోడల్‌ అధికారిగా జెడ్పీ సీఈఓ చిరంజీవిని నియమించామని వెల్లడించారు. కార్యక్రమంలో పటిష్ట బందోబస్తు ఏర్పాటు చేయాలని ఒంగోలు డీఎస్పీ రాయపాటి శ్రీనివాసరావును ఆదేశించారు. పారిశుధ్యం, మరుగుదొడ్లు నిర్వహణ, తాగునీటి సౌకర్యం, పార్కింగ్‌ ఏర్పాట్లుపై ప్రత్యేక దృష్టి సారించాలని సంబంధిత శాఖల అధికారులకు సూచించారు. సందర్శకులకు ఆహ్లాదాన్ని కలిగించేందుకు వివిధ రకాల సాహస క్రీడలు, ఎగ్జిబిషన్‌, హెలికాప్టర్‌ రైడింగ్‌, లేజర్‌ షోలతో పాటు సాంస్కృతిక కార్యక్రమాలు, ఫుడ్‌ కోర్టులను కూడా ఏర్పాటు చేయాలన్నారు. కార్యక్రమంలో డీఆర్‌ఓ ఓబులేసు, డీపీఓ వెంకటేశ్వరరావు తదితరులు పాల్గొన్నారు.

రాష్ట్ర ఫుడ్‌ కమిషన్‌ సభ్యుడు లక్ష్మీరెడ్డి తనిఖీలో వెలుగులోకి వాస్తవాలు సింగరాయకొండ/సంతనూతలపాడు (చీమకుర్తి రూరల్‌)/ఉలవపాడు: విద్యార్థుల సంక్షేమంపై చంద్రబాబు సర్కారు ఉదాసీన వైఖరి అవలంబిస్తోందన్న ఆరోపణలు రాష్ట్ర ఫుడ్‌ కమిషన్‌ తనిఖీలతో వాస్తవమేనని నిరూపితమయ్యాయి. జిల్లాలోని అంగన్‌వాడీ కేంద్రాలు, ప్రభుత్వ పాఠశాలలు, సంక్షేమ హాస్టళ్లను ఫుడ్‌ కమిషన్‌ సభ్యుడు ఇండేల లక్ష్మీరెడ్డి మంగళవారం తనిఖీ చేశారు. సింగరాయకొండలోని బీఆర్‌ అంబేడ్కర్‌ గురుకుల పాఠశాలలో పుచ్చిపోయిన వేరుశనగలు, పురుగు పట్టిన కందిపప్పు, నాసిరకంగా ఉన్న శనగలను చూసి శ్ఙ్రీపిల్లల ఆరోగ్యంతో చెలగాటమాడతారాశ్రీశ్రీ అంటూ ప్రిన్సిపాల్‌ రమాదేవితోపాటు ఉపాధ్యాయులపై ఆగ్రహం వ్యక్తం చేశారు. పాఠశాలలో 800 మంది బాలికలు ఉండగా వారికి సరిపడా ఆహారం వండకపోవడం, మెనూ పాటించకపోవడాన్ని గమనించి కేర్‌టేకర్‌ను ప్రశ్నించారు. ఉదయం బగారా రైస్‌, చికెన్‌ పెట్టాల్సి ఉండగా కేవలం సాధారణ రైస్‌, చికెన్‌ పెట్టారని, మెనూ పాటించటం లేదని బాలికలు చెప్పడంతో ఉపాధ్యాయుల తీరుపై ఆగ్రహం వ్యక్తం చేశారు. అనంతరం లక్ష్మీరెడ్డి మాట్లాడుతూ.. స్టాక్‌ రిజిస్టర్‌ సక్రమంగా లేకపోవడం, పిల్లలకు ఆహారం సరిపడినంత ఇవ్వకపోవడంపై జేసీ కల్పనాకుమారికి తెలియజేశానని పేర్కొన్నారు. అంగన్‌వాడీల తీరుపై ఆగ్రహం సంతనూతనలపాడు మండలంలోని పి.గుడిపాడు 1, 2 అంగన్‌వాడీ కేంద్రాలను పుడ్‌ కమిషన్‌ సభ్యుడు తనిఖీ చేశారు. ఉదయం 9 గంటలకే చిన్నారులను తీసుకురావాల్సి ఉండగా 10.30 గంటల వరకు ఎందుకు తేలేదని అంగన్‌వాడి సిబ్బందిపై ఆగ్రహం వ్యక్తం చేశారు. కోడిగుడ్లు పంపిణీ చేయకపోవడం, రిజస్టర్లు అస్తవ్యస్తంగా ఉండటంపై అసంతృప్తి వ్యక్తం చేశారు. సూపర్‌వైజర్‌ సావిత్రికి షోకాజ్‌ నోటీసు ఇవ్వాలని ఐసీడీఎస్‌ అధికారులను ఆదేశించారు. పి.గుడిపాడు 2వ అంగన్‌వాడీ కేంద్రంలో హాజరు పట్టిక తప్పులతడకగా ఉండటం, పరిసరాల అపరిశుభ్రతను గమనించి సిబ్బందిపై ఆగ్రహం వ్యక్తం చేశారు. అదే గ్రామంలోని మండల పరిషత్‌ ప్రాథమిక పాఠశాలలో ఆహారం వండకుండా ఇంటి దగ్గర వంట చేయడంపై ఏజెన్సీ నిర్వాహకులను ప్రశ్నించారు. ఇకపై పాఠశాలలోనే వంట వండి ఫొటోలు తీసి తనకు పంపాలని ఆదేశించారు. చీమకుర్తి మండలంలోని ఎర్రగుడిపాడు గ్రామంలోని ఎస్టీ కాలనీలోని అంగన్‌వాడీ కేంద్రం మూత వేయడం, ఎస్సీ కాలనీలో కేంద్రానికి పిల్లలను తేకపోవడం, అంగన్‌వాడీ కేంద్రాల్లో పిలల్లకు, బాలింతలకు ఇచ్చే పౌష్టికాహారం లేకపోవడాన్ని గమనించి, చర్యలకు సిఫార్సు చేశారు. ఆయన వెంట సోషల్‌ వెల్ఫేర్‌ డీడీ లక్ష్మానాయక్‌, డీఎస్‌ఓ పద్మశ్రీ, సివిల్‌ సప్లయ్‌ డీఎం వరలక్ష్మి, సమగ్ర శిక్ష జిల్లా బాలిక సంరక్షణ అధికారి హేమలత తదితరులు ఉన్నారు. జిల్లాలోని పలు అంగన్‌వాడీలు పాఠశాలలు, సంక్షేమ హాస్టళ్లలో మెనూకు మంగళం కడుపు నిండా అన్నం పెట్టడం లేదని విద్యార్థుల ఆవేదన సింగరాయకొండ గురుకులంలో పుచ్చిపోయిన పల్లీలు.. పురుగుల కందిపప్పు చీమకుర్తి మండల అంగన్‌వాడీ కేంద్రాల్లో బాలామృతం నిల్‌ ఉలవపాడు సంక్షేమ హాస్టల్లో విద్యార్థుల ఆకలి కేకలు

ఒంగోలు టౌన్‌: సార్వత్రిక సమ్మెలో రవాణా రంగ కార్మికులు పాల్గొని విజయవంతం చేయాలని ఆల్‌ ఇండియా రోడ్‌ ట్రాన్స్‌పోర్ట్‌ వర్కర్స్‌ ఫెడరేషన్‌ రాష్ట్ర ప్రధాన కార్యదర్శి ముజఫర్‌ అహమ్మద్‌ పిలుపునిచ్చారు. స్థానిక సీఐటీయూ కార్యాలయంలో మంగళవారం రవాణా కార్మికుల సమావేశం నిర్వహించారు. సమావేశానికి పెళ్లూరి శ్రీనివాసరావు అధ్యక్షత వహించారు. ఈ సందర్భంగా ముజఫర్‌ అహమ్మద్‌ మాట్లాడుతూ లేబర్‌ కోడ్ల పేరుతో కేంద్రంలోని మోడీ ప్రభుత్వం రవాణా రంగాన్ని దెబ్బతీస్తుందన్నారు. పెట్రోల్‌ చార్జీలు పెంచుతున్న ప్రభుత్వం అందుకు బదులుగా రవాణా రంగానికి ఉపశమనం కలిగించే చర్యలు తీసుకోవడం లేదన్నారు. మోడీ పాలనలో రవాణా రంగం కుదేలైపోయిందని విమర్శించారు. నూతన విద్యుత్‌ చట్టం, విత్తన చట్టాలను రద్దు చేయాలని డిమాండ్‌ చేశారు. గ్రామీణ ప్రజల జీవనోపాధిని మెరుగుపరిచిన ఉపాధి హామీ చట్టాన్ని యధావిధిగా కొనసాగించాలని కోరారు. ఎం.రమేష్‌, తంబి శ్రీనివాసులు, షేక్‌ ముహమ్మద్‌, యు.వెంకటేశ్వర్లు పాల్గొన్నారు. ● ద్విచక్రవాహనదారుడు మృతి పెద్దదోర్నాల: ముందు వెళుతున్న టిప్పర్‌ను అధిగమించే క్రమంలో ఎదురుగా వస్తున్న తుఫాన్‌ వాహనాన్ని ఢీకొట్టడంతో వ్యక్తి మృతి చెందాడు. ఈ సంఘటన శ్రీశైలం ఘాట్‌లోని చిన్నారుట్ల వద్ద మంగళవారం జరిగింది. ఈ ఘటనలో తెనాలికి చెందిన విష్ణు మొలకల బ్రహ్మేశ్వరరరావు (50) అక్కడికక్కడే మృతి చెందాడు. సమాచారం అందుకున్న ఎస్సై వెంకట రమణయ్య హుటాహుటిన సంఘటనా స్థలికి చేరుకొని ప్రమాదం జరిగిన తీరును పరిశీలించారు. ఎస్సై కథనం మేరకు..మండల కేంద్రం నుంచి ద్విచక్రవాహనంపై శ్రీశైలం వెళుతున్న బ్రహ్మేశ్వరరరావు చిన్నారుట్ల వద్ద తన ముందుగా వెళ్తున్న టిప్పర్‌ను ఓవర్‌ టేక్‌ చేస్తుండగా అదే సమయంలో ఎదురుగా వస్తున్న తుఫాన్‌ వాహనాన్ని ఢీకొట్టడంతో తలకు తీవ్ర గాయాలయ్యాయి. దీంతో బ్రహ్మేశ్వరరరావు ఘటనా స్థలంలోనే మృతి చెందాడు. ఈ మేరకు పోలీసులు కేసు నమోదు చేసుకొని దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం మార్కాపురం ఏరియా వైద్యశాలకు తరలిస్తున్నారు. బ్రహ్మోత్సవాల సమయంలో ఘాట్‌రోడ్లలో రద్దీ అధికంగా ఉన్న నేపథ్యంలో ద్విచక్ర వాహనదారులు వేగాన్ని నియత్రించుకుని జాగ్రత్తగా వాహనాలను నడపాలని ఎస్సై కోరారు. ● పోస్ట్‌ కార్డుల క్యాంపెయిన్‌ ద్వారా సీఎంకు వినతి చీమకుర్తి: ఉపాధ్యాయుల సమస్యల పరిష్కారానికి చర్యలు తీసుకోవాలంటూ యూటీఎఫ్‌ ఉపాధ్యాయ సంఘం తరఫున ఉపాధ్యాయులు పోస్టుకార్డు క్యాంపెయిన్‌ కింద పోస్టుకార్డులు రాసి సీఎం చంద్రబాబు నాయుడుకు పోస్టు చేశారు. పీఆర్‌సీ కమిషన్‌ చైర్మన్‌ను వెంటనే నియమించాలని, 29 శాతం ఐఆర్‌ను ప్రకటించాలని, ఉద్యోగులు, పెన్షనర్‌ల బకాయిల చెల్లింపునకు రూట్‌ మ్యాప్‌ను ప్రకటించాలని కోరారు. సీపీఎస్‌ను రద్దు చేయాలని, మెమో 57 ప్రకారం 2004కు ముందు నియామక ప్రక్రియ పూర్తయిన వారికి పాత పెన్షన్‌ను అమలు చేయాలన్నారు. హెల్త్‌ కార్డులు, మెడికల్‌ బిల్స్‌కు సంబంధించిన సమస్యలను పరిష్కరించాలని డిమాండ్‌ చేశారు. ప్రస్తుతం జరగనున్న బడ్జెట్‌ సమావేశాలలో పై సమస్యల పరిష్కారానికి అవసరమైన చర్యలు చేపట్టాలని కోరారు. కార్యక్రమంలో యూటీఎఫ్‌ అధ్యక్ష, కార్యదర్శులు తాళ్ళూరి రోజారావు, చలువాది శ్రీనివాసరావు, జిల్లా, మండల స్థాయి నాయకులు నల్లూరి వెంకటేశ్వరరావు, షేక్‌ శిలార్‌ సాహెబ్‌, పర్వతం వెంకటేశ్వర్లు, మన్నం శ్రీనివాసరావు, పల్లేల రమేష్‌, స్థానికులు పాల్గొన్నారు.

లింగసముద్రం: ఉపాధి హామీ పథకం సామాజిక తనిఖీల్లో సుమారు రూ.25 లక్షలు అవకతవకలు జరిగినట్లు గుర్తిస్తే ..డ్వామా పీడీ కేవలం రూ.32 వేల రికవరీ చేయాలని ఆదేశించడంపై సర్వత్రా విమర్శలు వ్యక్తమవుతున్నాయి. స్థానిక మండల పరిషత్‌ కార్యాలయంలో ఎంపీడీఓ కట్టా శ్రీనివాసులు అధ్యక్షతన మంగళవారం సామాజిక తనిఖీ ప్రజావేదిక నిర్వహించారు. మండలంలోని 16 పంచాయతీల్లో డీఆర్పీ అధికారులు రూపొందించిన నివేదికను నెల్లూరు జిల్లా డ్వామా పీడీ గంగాభవాని విచారించారు. 2024–25 ఆర్థిక సంవత్సరానికి సంబంధించి ఉపాధిహామీ పథకం, ఆర్‌డబ్ల్యూఎస్‌, పంచాయతీరాజ్‌లలో రూ.9.65 కోట్లతో జరిగిన పనులపై గ్రామాల్లో డీఆర్పీలు తనిఖీలు నిర్వహించి కూలీలను విచారించారు. విచారణ సందర్భంగా ఏపీఓ సమీష్‌బాషా, డీఆర్పీలు పంచాయతీల వారీగా నివేదికలను చదివి వినిపించారు. డీఆర్పీలు చూపించిన రికార్డులు, మస్టరు కార్డుల్లో కూలీల వేలిముద్రలు దిద్దుబాటు, కొట్టివేతలు ఉండడం, కూలీల వేలిముద్రలు, సంతకాలు లేకపోయినా డబ్బులు చెల్లించినట్లు గుర్తించారు. పలు చోట్ల మొక్కలు లేకపోవడాన్ని కూడా గుర్తించారు. డీఆర్పీలు మొత్తం రూ.25 లక్షల మేరకు అవకతవకలు జరిగినట్లు గుర్తించినా డ్వామా పీడీ ఉపాధి సిబ్బందికి కేవలం రూ.32,243 రికవరీ చేయాలని ఆదేశించడం విశేషం. జిల్లా విజిలెన్స్‌ అధికారి విజయలక్షి, ఏపీడీలు శ్రీనివాసులు, బాబూరావు, ఎస్‌ఆర్పీ రవి తదితరులు పాల్గొన్నారు.

ఒంగోలు టౌన్‌: మహిళల రక్షణ కోసం రూపొందించిన చట్టాల అమలులో పోలీసు, న్యాయ వ్యవస్థ వైఫల్యాలను ఆధారాలతో నిరూపిస్తూ మహిళా పోరాట యోధుల అనుభవాలతో రచించిన మహిళా చట్టాల అమలు అనుభవాలు పుస్తకాన్ని ప్రతి ఒక్కరూ చదవాలని ప్రగతిశీల మహిళా సంఘం రాష్ట్ర ప్రధాన కార్యదర్శి బి.పద్మ అన్నారు. స్థానిక మాదాల నారాయణ స్వామి భవనంలో మహిళా చట్టాల అమలు అనుభవాలు, న్యాయం కోసం మహిళల సుదీర్ఘ ప్రయాణం పుస్తకాన్ని మంగళవారం ఆవిష్కరించారు. ఈ సందర్భంగా పద్మ మాట్లాడుతూ గృహహింస, లైంగిక వేధింపులు, పనిస్థలంలో అసమానతలు, కుల వర్గ అధారిత వివక్ష వంటి అనేక సమస్యలపై ఈ పుస్తకంలో ప్రత్యేక్ష అనుభవాలను పొందుపరిచినట్లు తెలిపారు. ఈ పుస్తకం మహిళలను కేవలం బాధితులుగా కాకుండా పోరాట యోధులుగా చిత్రీకరిస్తుందన్నారు. చట్టాలు ఉన్నా న్యాయం కోసం మహిళలు ఎంతటి సుదీర్ఘ పోరాటం చేయాల్సి వస్తుందో స్పష్టంగా వివరించినట్లు తెలిపారు. మహిళా ఉద్యమాలు, సంఘటిత పోరాటాల అవసరాన్ని ఈ పుస్తకం నొక్కి చెబుతుందన్నారు. ఈ నెల 12వ తేదిన జరిగే సార్వత్రిక సమ్మెలో మహిళలంతా పాల్గొని విజయవంతం చేయాలని పిలుపునిచ్చారు. కార్యక్రమంలో వి.మంజుల, శాఖమూరి భారతి, సీహెచ్‌ పద్మ, వై.సుశీల, యరమాల కోటేశ్వరమ్మ, వి.సుజాత అమ్మాజీ, కుమారి పాల్గొన్నారు.

ఒంగోలు టౌన్‌: కార్మికులను కట్టుబానిసలుగా మార్చే లేబర్‌ కోడ్లను రద్దు చేయాలని, పాత కార్మిక చట్టాలను అమలు చేయాలని కోరుతూ ఈ నెల 12వ తేదీ దేశ వ్యాప్తంగా నిర్వహిస్తున్న సార్వత్రిక సమ్మెను జయప్రదం చేయాలని కార్మిక సంఘాల నాయకులు పిలుపునిచ్చారు. మంగళవారం నగరంలోని నెల్లూరు బస్టాండు సెంటర్‌ నుంచి కలెక్టర్‌ కార్యాలయం, చర్చి సెంటర్‌, ట్రంక్‌ రోడ్డు, అద్దంకి బస్టాండు సెంటర్‌ మీదుగా కర్నూలు రోడ్డు, ఆర్టీసీ బస్టాండు సెంటర్‌ వరకు భారీ మోటారు బైకు ర్యాలీ నిర్వహించారు. ఈ సందర్భంగా కార్మిక నాయకులు మాట్లాడుతూ మోదీ ప్రభుత్వం తీసుకొచ్చిన నాలుగు లేబర్‌ కోడ్లతో కార్మిక హక్కులకు తీవ్ర విఘాతం కలుగుతుందన్నారు. యూనియన్‌ పెట్టుకునే హక్కు, సమ్మె హక్కు, యాజమాన్యంతో బేరసారాలాడుకునే హక్కులను కోల్పోతారని తెలిపారు. పరిమితకాల ఉద్యోగాలతో ఉద్యోగ భద్రత కోల్పోతారని, కార్మికులు కట్టు బానిసలుగా మారతారని తెలిపారు. ఉపాధి హామీ పథకాన్ని రద్దు చేసి దాని స్థానంలో తీసుకొచ్చిన వీబీజీ రామ్‌ జీ పథకంతో రాష్ట్రాలపై భారం పడుతుందని, గ్రామీణ జీవనం అస్తవ్యస్తం అవుతుందని చెప్పారు. విత్తన బిల్లుతో రైతాంగం తీవ్రంగా నష్టపోతారని, విద్యుత్‌ చట్టంతో మొత్తం ప్రజల జేబులకు చిల్లు పడుతుందని, అమెరికాతో చేసుకున్న ఒప్పందంతో రైతాంగం నడివీధిన పడే పరిస్థితి దాపురిస్తుందని చెప్పారు. ఈ నేపథ్యంలో 12వ తేదీ నిర్వహించే దేశ వ్యాప్త సమ్మెను విజయవంతం చేయాలని పిలుపునిచ్చారు. కార్యక్రమంలో యం.రమేష్‌, జీవి కొండారెడ్డి, పి.కల్పన, ఆర్‌.వెంకటరావు, కంకణాల ఆంజనేయులు, చుండూరి రంగారావు, మోహన్‌, హనుమారెడ్డి, రాజీవ్‌ రతన్‌ దేవ్‌, ఎంఏ సాలార్‌, జీ.శేషయ్య, చిరంజీవి, రాజశేఖర్‌, పి.శ్రీనివాసరావు పాల్గొన్నారు.

కనిగిరిరూరల్‌: కేవలం రాజకీయ స్వార్థ ప్రయోజనాల కోసం.. పరమ పవిత్రమైన శ్రీవారి లడ్డ్డూపై అసత్య ప్రచారాలు చేస్తున్న మానవ రూప రాక్షసులు చంద్రబాబు, కూటమి నేతలు అని వైఎస్సార్‌ సీపీ ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి అన్నారు. స్థానిక పార్టీ కార్యాలయంలో మంగళవారం వైఎస్సార్‌ సీపీ కనిగిరి ఇన్‌చార్జి డాక్డర్‌ దద్దాల నారాయణ యాదవ్‌, పార్టీ నియోజకవర్గ పరిశీలకుడు, మాజీ ఎమ్మెల్యే కసుకుర్తి ఆదెన్నలతో కలిసి విలేకర్ల సమావేశంలో మాట్లాడారు. తిరుమల లడ్డు ప్రసాదంలో జంతువుల కొవ్వు కలిసిందని చంద్రబాబు, పవన్‌ కళ్యాణ్‌లు చేసిన ప్రచారం అబద్ధమని సీబీఐ సిట్‌, చార్జిషీట్‌ సాక్షిగా బట్టబయలు కావడంతో.. వారి పై వస్తున్న ప్రజా వ్యతిరేకత నుంచి బయట పడేందుకే కూటమి నేతలు డైవర్షన్‌ పాలిటిక్స్‌ చేస్తున్నారన్నారు. ప్రతిపక్షంలో ఉన్నప్పుడు శ్రీవారి ప్రసాదంపై ఎటువంటి ఆరోపణలు చేయని, చంద్రబాబు.. ఇప్పుడు కూటమి ప్రభుత్వం అధికారంలో వచ్చాక.. కేవలం రాజకీయ లబ్ధి కోసం శ్రీవారి ప్రసాదంపై విషప్రచారం చేయడాన్ని తీవ్రంగా తప్పుపట్టారు. ఎన్నికల్లో ప్రజలకు ఇచ్చిన హామీలను అమలు చేయలేక.. ప్రజా వ్యతిరేకత నుంచి ప్రజల దృష్టి మరల్చేందుకే .. అత్యంత పవిత్రమైనా.. విశ్వాసమైన శ్రీవారి ప్రసాదంపై చంద్రబాబు, పవన్‌ కళ్యాణ్‌లు అసత్య ఆరోపణలు చేస్తున్నారని.. కూటమి నేతలను ఆ దైవం క్షమించదన్నారు. వైఎస్సార్‌ సీపీ నాయకులను జైలుకు పంపాలనే దురుద్దేశంతో ఏకసభ్య కమిషన్‌ ఏర్పాటుకు చంద్రబాబు తెరతీశాడని విమర్శించారు. రాష్ట్రంలో రెడ్‌బుక్‌ రాజ్యాంగం అమలు చేస్తున్నారని.. డైవర్షన్‌ పాలిటిక్స్‌లో భాగంగానే మాజీ మంత్రులు అంబటి రాంబాబు, జోగి రమేష్‌ల ఇళ్ల పై దాడులు, అక్రమ అరెస్ట్‌లు చేస్తున్నారని విమర్శించారు. ఇప్పటికై నా పశ్చాత్తాపం ప్రకటించి, ప్రజలకు క్షమాపణలు చెప్పాలని, లేకుంటే ప్రజా తిరుగుబాటు జరుగుతుందని హెచ్చరించారు. వైఎస్సార్‌ సీపీ కనిగిరి ఇన్‌చార్జి డాక్టర్‌ దద్దాల నారాయణ యాదవ్‌ మాట్లాడుతూ శ్రీవారి లడ్డూలో ఎటువంటి జంతువుల కొవ్వు లేదని సుప్రీం కోర్టు నివేదికలో స్పష్టం చేసినా కేవలం వైఎస్సార్‌ సీపీ నాయకులపై బురద జల్లేందుకే చంద్రబాబు, కూటమి నేతలు దుష్ప్రచారం చేస్తున్నారని దుయ్యబట్టారు. భక్తుల మనోభావాలు మరింత దెబ్బతినేలా.. లడ్డూ తయారీకి బాత్రూం క్లీనింగ్‌కి వాడే రసాయనాలు వంటి కెమికల్స్‌ వాడారంటూ మరీ దిగజారుడు రాజకీయాలు చేయడాన్ని తీవ్రంగా మండిపడ్డారు. కార్యక్రమంలో మున్సిపల్‌ చైర్మన్‌ ఎస్‌కే అబ్దుల్‌ గఫార్‌, జెడ్పీటీసీలు మడతల కస్తూరిరెడ్డి, ఒకేరెడ్డి, పులి శాంతి గోవర్ధన్‌రెడ్డి, తమ్మినేని సుజాతరెడ్డి, ఆర్‌ మాణిక్యరావు, పార్టీ రాష్ట్ర, జిల్లా కార్యదర్శులు గాండ్లపర్తి ఆదినారాయణరెడ్డి, ఆవుల భాస్కర్‌ రెడ్డి, కటికల వెంకటరత్నం, ఆయిమల్ల నాగమణి, డాక్టర్‌ ఆవుల కృష్ణారెడ్డి, డాక్టర్‌ రసూల్‌, సిరుప వెంకట గోవర్ధన్‌రెడ్డి, పార్టీ మండల అధ్యక్షులు యక్కంటి శ్రీను, జీ బొర్రారెడ్డి, మాజీ ఎంపీపీ గాయం బలరాంరెడ్డి, శ్యామల సాంబిరెడ్డి పోలక సిద్దారెడ్డి, ముల్లంగి శ్రీహరిరెడ్డి, దరిశి సుబ్రహ్మణ్యం, ఎస్‌కే రహీం, దాదిరెడ్డి మాలకొండారెడ్డి తదితరులు పాల్గొన్నారు.

● టీచర్స్‌ గిల్డ్‌ డిమాండ్‌ ఒంగోలు సిటీ: ఎయిడెడ్‌ విద్యార్థులు, ఉపాధ్యాయుల సమస్యలను త్వరితగతిన పరిష్కరించాలని ఏపీ టీచర్స్‌ గిల్డ్‌ జిల్లా అధ్యక్ష, ప్రధాన కార్యదర్శులు కోడూరి వెంకటరావు, సీహెచ్‌.ప్రభాకరరెడ్డి మంగళవారం ఒక ప్రకటనలో డిమాండ్‌ చేశారు. ఉమ్మడి ప్రకాశం జిల్లాలో ప్రస్తుతం పనిచేస్తున్న 136 ఎయిడెడ్‌ పాఠశాలల్లో చదివే 10,500 మంది పేద విద్యార్థులకు సంబంధించి బెంచీలు, ప్యానల్‌ బోర్డులు, స్పోర్ట్స్‌ మెటీరియల్‌, ఎఫ్‌ఎల్‌ఎన్‌ కిట్లు ఇంత వరకు ప్రభుత్వం సప్లై చేయలేదన్నారు. ఎయిడెడ్‌ పాఠశాలలో పనిచేసే 593 మంది ఉపాధ్యాయ, నాన్‌ టీచింగ్‌ సిబ్బందికి సంబంధించి ఇంత వరకు ఎన్టీఆర్‌ ట్రస్ట్‌ కింద ఆరోగ్య కార్డులు మంజూరు కాలేదన్నారు. ఎయిడెడ్‌ పాఠశాలల్లో పనిచేస్తూ సర్వీసులో మరణించిన కుటుంబ సభ్యులకు కారుణ్య నియామకాల జీవో విడుదల చేయలేదని, ప్రభుత్వంలో విలీనమైన ఎయిడెడ్‌ ఉపాధ్యాయులకు పూర్తి సర్వీస్‌ను, ప్రస్తుతం పని చేస్తున్న తెలుగు, హిందీ సంస్కృత, పీఈటీలకు పదోన్నతి సౌకర్యం కల్పించకపోవడం, ఎయిడెడ్‌ పాఠశాలలో పనిచేస్తూ పదవీ విరమణ పొందిన ఉపాధ్యాయులకు గ్రాట్యుటీ, సరెండర్‌ లీవ్‌ డీఏ బకాయిలు వెంటనే చెల్లించాలని కోరారు. ఒంగోలు టౌన్‌: దేశం కోసం త్యాగాలు చేయాల్సిన బాధ్యత ప్రతి ఒక్కరి మీద ఉందని కేంద్ర పారిశ్రామిక భద్రతా దళం (సీఐఎస్‌ఎఫ్‌) సీనియర్‌ కమాండెంట్‌ సంజీత్‌ కుమార్‌ పిలుపునిచ్చారు. తీరం, తీర ప్రాంతాల పరిరక్షణతో పాటుగా మత్తు పదార్థాల వినియోగం వలన కలిగే అనర్థాలపై ప్రజలకు అవగాహన కల్పిస్తూ వందేమాతరం కోస్టల్‌ సైక్లోథాన్‌–2026 పేరిట చేపట్టిన సైకిల్‌ యాత్ర మంగళవారం ఒంగోలులోని జిల్లా పోలీసు కార్యాలయానికి చేరింది. జిల్లా పోలీసు అధికారులు, ఎన్‌సీసీ విద్యార్థులు సీఐఎస్‌ఎఫ్‌ జవాన్లకు ఘనస్వాగతం పలికారు. ఈ సందర్భంగా కమాండర్‌ సంజీత్‌ కుమార్‌ మాట్లాడుతూ జనవరి 28వ తేదీ కోల్‌కతా నుంచి ప్రారంభమైన ఈ సైకిల్‌ యాత్ర ఈ నెల 23వ తేదీ కేరళ రాష్ట్రంలోని కొచ్చిలో ముగిస్తుందని తెలిపారు. 100 మందికి పైగా సైకిలిస్టులతో నిర్వహిస్తున్న ఈ సైకిల్‌ ర్యాలీ ప్రతి రోజూ 150 నుంచి 160 కిలోమీటర్ల వరకు కొనసాగుతుందని వివరించారు. మొత్తం 6500 కిలోమీటర్ల మేర ర్యాలీ కొనసాగుతుందని చెప్పారు. ఈ ర్యాలీలో మహిళా జవాన్లు ఉత్సాహంగా పాల్గొనడం ప్రత్యేక ఆకర్షణగా నిలుస్తుందని చెప్పారు. వందేమాతరం రచించి 150 ఏళ్లు పూర్తయిన సందర్భంగా మాతృభూమి రక్షణ, దేశం కోసం త్యాగాలు చేయాల్సిన అవసరాన్ని ప్రజల్లోకి తీసుకెళ్లే ఉద్దేశంతో ర్యాలీ నిర్వహిస్తున్నట్లు తెలిపారు. తీర ప్రాంతాల్లో నివశిస్తున్న ప్రజలకు తీర భద్రత ప్రాధాన్యత, దేశ రక్షణలో వారి పాత్ర, భద్రతా దళాలకు తీర ప్రజల సహకారం ర్యాలీ ద్వారా వివరించనున్నట్లు చెప్పారు. కార్యక్రమంలో అసిస్టెంట్‌ కమాండర్‌ విక్రమ్‌ సింగ్‌, ఎస్బీ డీఎస్పీ చిరంజీవి, ఒంగోలు డీఎస్పీ ఆర్‌.శ్రీనివాసరావు, తాలూకా సీఐ విజయ కృష్ణ, ట్రాఫిక్‌ సీఐ జగదీష్‌, ఆర్‌ఐలు సీతారామిరెడ్డి, రమణా రెడ్డి, ఎస్సైలు పాల్గొన్నారు.

ఒంగోలు సబర్బన్‌: ఒంగోలు నగర పాలక సంస్థలో అడ్డగోలుగా దోచుకుంటున్నారని, నిబంధనలకు విరుద్ధంగా నామినేషన్‌పై లక్షలాది రూపాయల వర్కులు కేటాయించారని వైఎస్సార్‌సీపీ సభ్యులు ధ్వజమెత్తారు. నిబంధనల ప్రకారం రూ.5 లక్షల లోపు వర్కులను మాత్రమే నామినేషన్‌ పద్ధతిపై కేటాయించాల్సి ఉంటే అంతకు మించి వర్కులను నామినేషన్‌పై ఇవ్వటం అత్యంత దారుణమని కౌన్సిల్‌లో వైఎస్సార్‌ సీపీ సభ్యులు నిలదీశారు. మేయర్‌ జీ.సుజాత అధ్యక్షతన మంగళవారం నగర పాలక సంస్థ కార్యాలయ ప్రాంగణంలోని కౌన్సిల్‌ హాలులో కార్పొరేషన్‌ కౌన్సిల్‌ సాధారణ సమావేశం నిర్వహించారు. 130 అంశాలతో కూడిన అజెండాను నామమాత్రపు చర్చతో మ..మ అనిపించారు. అయితే ప్రజా సమస్యలను చర్చించకుండా అధికార టీడీపీ సభ్యులు ఆమోదం తెలపటంతో వైఎస్సార్‌ సీపీ కౌన్సిల్‌ ఫ్లోర్‌ లీడర్‌ పఠాన్‌ ఇమ్రాన్‌ ఖాన్‌ తీవ్రంగా వ్యతిరేకించారు. ప్రధానంగా ఒంగోలు నగరంలో డివైడర్లకు పెయింట్లు వేయటంతో పాటు ఇంటి నంబర్ల వేయటంలో నగర పాలక సంస్థ అధికారులు నిబంధనలకు నీళ్లు వదిలారంటూ ఇమ్రాన్‌ ఖాన్‌ ధ్వజమెత్తారు. ఇంటి గోడలకు రంగు పూసి, నంబర్లు వేయటానికి ఏకంగా నామినేషన్‌ పద్ధతిపై రూ.75 లక్షలకు కాంట్రాక్టు ఇవ్వటమేమిటని ప్రశ్నించారు. నిబంధనల ప్రకారం రూ.5 లక్షల లోపు వర్కుకు మాత్రమే నామినేషన్‌ పద్ధతిపై కేటాయిస్తారని, రూ.లక్షలోపు అయితే బాక్స్‌ పద్ధతిపై వర్కు ఇస్తారన్నారు. అలాంటిది రూ.75 లక్షల వర్కు నామినేషన్‌ పద్ధతిపై ఇవ్వటం వెనుక దాగిఉన్న మతలబు ఏమిటన్నది స్పష్టం చేయాలని అధికారులను నిలదీశారు. అదేవిధంగా ట్రంకు రోడ్డు విస్తరణ విషయంలో అధికారుల తీరు ప్రశ్నార్థకంగా ఉందని కౌన్సిల్‌ దృష్టికి తీసుకొచ్చారు. ట్రంకు రోడ్డు బాధితులకు టీడీఆర్‌ బాండ్లు ఇస్తామనటం కోర్టు ధిక్కరణ కిందకు వస్తుందని ప్రస్తావించారు. ఇదే అంశాన్ని అధికార జనసేన సభ్యుడు, డిప్యూటీ మేయర్‌ వెలనాటి మాధవరావు కూడా ట్రంకు రోడ్డు బాధితుల విషయంలో అన్యాయం చేయకూడదని కౌన్సిల్‌ దృష్టికి తీసుకొచ్చారు. రాజకీయ పార్టీల వారీగా మంచినీళ్లు ఇస్తున్నారు... ఒంగోలు నగరంలో అగ్రహారం రైల్వే గేటు అవతల ప్రజలకు రాజకీయ పార్టీల వారీగా చూసిమరీ మంచినీళ్లు ట్యాంకర్ల ద్వారా సరఫరా చేయటం దారుణమని వైఎస్సార్‌ సీపీ ఫ్లోర్‌ లీడర్‌ పఠాన్‌ ఇమ్రాన్‌ ఖాన్‌ ధ్వజమెత్తారు. అగ్రహారం రైల్వే గేటు అండర్‌ పాస్‌ పనులు జరుగుతున్నాయని, మంచినీటి పైపులైను తీసేయటంతో 16వ డివిజన్‌ ప్రజలకు ట్యాంకర్ల ద్వారా మంచినీరు సరఫరా చేస్తున్నారని, అయితే అధికార పార్టీకి చెందిన ప్రజలకు ఒకరకంగా, ప్రతిపక్ష పార్టీలకు చెందిన ప్రజలకు మరోరకంగా, అధికార పార్టీలోనే కూటమి పార్టీలోని మరో పార్టీ ప్రజలకు ఇంకో రకంగా మంచినీరు సరఫరా చేయటం దారుణమన్నారు. ఇంటికి ఒక డ్రమ్ము కూడా ఇవ్వటం లేదని, ప్రజలు సొంత డబ్బులు వెచ్చించి మరీ మంచినీళ్లు కొనుక్కోవాల్సిన దుస్థితి ఏర్పడిందని ఆగ్రహం వ్యక్తం చేశారు. టీడీపీ సభ్యులు తేజతో పాటు ఏ.శ్రీనివాస్‌లు వైఎస్సార్‌ సీపీ ఫ్లోర్‌ లీడర్‌ మాట్లాడుతుంటే అడుగడుగునా అడ్డుకున్నారు. నగరంలోని వ్యాపారుల వద్ద వసూలు చేయాల్సిన ట్రేడ్‌ లైసెన్స్‌ ఫీజులు వసూలు చేయకుండా బకాయిల పేరుతో నగర పాలక సంస్థ ఆదాయానికి మంగళం పాడుతున్నారని జనసేన సభ్యుడు ఈదర సురేష్‌ బాబు కౌన్సిల్‌లో ప్రస్తావించారు. మొత్తం నగరంలో 791 మంది నుంచి వసూలు చేయాల్సిన రూ.77 లక్షలను ఏ విధంగా రద్దు చేస్తారంటూ మండిపడ్డారు. ఆ అంశంలో వైఎస్సార్‌సీపీ ఫ్లోర్‌ లీడర్‌ ఇమ్రాన్‌ ఖాన్‌ కూడా ఈదర సురేష్‌కు మద్దతుగా మాట్లాడారు. బకాయిలు రద్దు చేసిన వాళ్లలో బడా బాబులు, పెట్రోలు బంకులు, ఇంకా రూ.కోట్లలో వ్యాపారం జరిగే వాళ్లు కూడా ఉన్నారన్నారు. నగరంలోని డివైడర్ల మధ్యలో ఎల్‌ఈడీ అడ్వర్‌టైజ్‌మెంట్‌ బోర్డులు విద్యుత్‌ స్తంభాలకు బిగిస్తున్న అంశంపై జనసేన, టీడీపీ సభ్యుల మధ్య వాగ్వాదం జరిగింది. వర్షాకాలంలో ప్రమాదాలు జరిగే అవకాశం ఉందని జనసేన సభ్యులు అభ్యంతరాన్ని వ్యక్తం చేశారు. సమావేశంలో ఎమ్మెల్యే దామచర్ల జనార్దన్‌, కమిషనర్‌ కే.వెంకటేశ్వరరావు, ఎంఈ ఏసయ్య, డిప్యూటీ మేయర్‌ వేమూరి సూర్యనారాయణతో పాటు వివిధ విభాగాల అధికారులు పాలొన్నారు.

ఒంగోలు సబర్బన్‌: ఉల్లాస్‌ అక్షరాంధ్ర వాల్‌పోస్టర్‌ను కలెక్టర్‌ పి.రాజాబాబు ఆవిష్కరించారు. స్థానిక ప్రకాశం భవన్‌లోని కాన్ఫరెన్స్‌ హాలులో వయోజన విద్య ఉపసంచాలకుడు బి.జగన్‌మోహనరావుతో కలిసి ఆయన బ్రోచర్‌ను ఆవిష్కరించారు. ఉల్లాస్‌ అక్షరాంధ్ర కార్యక్రమం మార్చి 29 వరకు జిల్లాలోని అన్ని గ్రామ పంచాయతీల్లో సాయంత్రం 5 నుంచి 7 గంటల వరకు రెండు గంటల పాటు కార్యక్రమం నిర్వహిస్తున్నామని కలెక్టర్‌ పేర్కొన్నారు. గ్రామ పంచాయతీలతో పాటు మున్సిపాలిటీల్లో కూడా పనిచేస్తాయన్నారు. జిల్లాలోని అన్ని శాఖల అధికారులు ఉల్లాస్‌ అక్షరాంధ్ర కార్యక్రమాన్ని విజయవంతం చేయాలన్నారు. మార్చి 29న జరిగే ఉల్లాస్‌ అక్షరాంధ్ర ఫైనల్‌ పరీక్షకు అభ్యాసకులను సిద్ధం చేయాలని అధికారులను కోరారు. కార్యక్రమంలో డీఆర్‌ఓ బీసీహెచ్‌ ఓబులేసు, డివిజనల్‌ సూపర్‌వైజర్‌ టి.పోతురాజు, డీపీఓ ముప్పూరి వెంకటేశ్వర రావు, డీఆర్‌డీఏ పీడీ నారాయణ, జెడ్పీ సీఈఓ చిరంజీవి, మెప్మా ఒంగోలు ప్రతినిధి రాణిలతో పాటు పలువురు జిల్లా అధికారులు పాల్గొన్నారు.

ఈసీ హడావుడి..మార్కాపురం: ఉమ్మడి జిల్లా వ్యాప్తంగా మొత్తం 925 గ్రామ పంచాయతీలున్నాయి. మార్కాపురం జిల్లాలో 406, ప్రకాశం జిల్లాలో 519 గ్రామ పంచాయతీలు ఉన్నాయి. మార్కాపురం, యర్రగొండపాలెం, గిద్దలూరు, కనిగిరి, కందుకూరు, ఒంగోలు, సంతనూతలపాడు, దర్శి, కొండపి, అద్దంకి నియోజకవర్గాల్లోని 925 గ్రామ పంచాయతీల సర్పంచ్‌ల పదవీకాలం ఏప్రిల్‌ 2వ తేదీతో ముగియనుంది. అలాగే మార్చి 17 తో మున్సిపాలిటీల పాలక వర్గాల పదవీకాలం ముగియనుంది. వీటికి ఎన్నికలు నిర్వహించాల్సి ఉండడంతో హడావుడి ప్రారంభమైంది. మార్చి 9 నాటికి ఓటర్ల జాబితా ప్రకటించాలని ఎన్నికల కమిషన్‌ ఆదేశాలిచ్చింది. ఆ తర్వాత వార్డుల రిజర్వేషన్లు, గ్రామ పంచాయతీ సర్పంచ్‌లు, మున్సిపల్‌ చైర్మన్ల రిజర్వేషన్లు ఖరారు చేస్తారు. దీనితో ఇప్పటి నుంచే ఆయా వార్డుల్లో పంచాయితీ సర్పంచ్‌ల పదవులకు, మున్సిపల్‌ చైర్మన్ల పదవులకు పలువురు ఆశావహులు అంచనాలు వేసుకుంటున్నారు. గ్రామ పంచాయతీ, సచివాలయ సిబ్బంది, రెవెన్యూ, మున్సిపల్‌ అధికారులు ఓటర్ల జాబితా తయారీలో నిమగ్నమయ్యారు. కొత్తగా వార్డులు, పంచాయతీలు ఎన్నికల నిర్వహణపై ఇంకా స్పష్టత రావాల్సి ఉంది. గత ఏడాది సెప్టెంబరు 3న రాష్ట్ర ఎన్నికల కమిషన్‌ తాత్కాలికంగా షెడ్యూల్‌ను ప్రకటించినప్పటికీ మళ్లీ వాయిదా వేసింది. మార్చి 9వ తేదీ నాటికి ఓటర్ల జాబితాను ప్రకటించాలని ఎన్నికల కమిషన్‌ తాజాగా ఆదేశాలు ఇవ్వడంతో ఒక్కసారిగా రాజకీయంగా వేడెక్కింది. జిల్లాలో ఎన్ని పంచాయతీలకు, మున్సిపాలిటీల్లో ఏయే మున్సిపాలిటీకి ఎన్నికలు నిర్వహించాలనే అంశంపై అధికారులు ఏర్పాట్లు చేస్తున్నారు. ఓటర్ల జాబితా తయారీలో బిజీ..బిజీ మార్చి 9వ తేదీ నాటికి ఓటర్ల జాబితా ప్రకటించాలని ఎన్నికల కమిషన్‌ ఈనెల 6వ తేదీన ఉత్తర్వులు జారీ చేసింది. 2026 జనవరి 1వ తేదీకి 18 ఏళ్లు నిండిన వారికీ ఓటు హక్కు కల్పించేలా కొత్త ఫొటో ఓటర్ల జాబితాలను సిద్ధం చేయాలని సూచించింది. కమిషన్‌ ఆదేశాల మేరకు జిల్లా అధికారులు కసరత్తు ప్రారంభించారు. గ్రామ పంచాయతీలు, మున్సిపాలిటీల్లో వార్డులు, ఒంగోలు కార్పొరేషన్‌లో డివిజన్ల వారీగా వివరాలు సేకరించేందుకు చర్యలు తీసుకుంటున్నారు. ఈసీ ఆదేశాల ప్రకారం ఒక ఇంటిలో ఉండే ఓటర్లు ఒకే పోలింగ్‌ బూత్‌లో ఉండేలా చర్యలు తీసుకుంటున్నారు. అందుకు అనుగుణంగా ఏర్పాట్లు చేస్తున్నారు. రిజర్వేషన్లపై ఆశావహుల చర్చ స్థానిక సంస్థల ఎన్నికల ప్రక్రియ ప్రారంభం కావడంతో గ్రామాలు, పట్టణాల్లో ఆశావహుల సందడి ప్రారంభమైంది. ఏ నలుగురు కలిసినా వార్డుల రిజర్వేషన్లు, పదవుల రిజర్వేషన్లపైనే చర్చ జరుగుతోంది. ఉమ్మడి ప్రకాశం జిల్లాలో ఒంగోలు కార్పొరేషన్‌లో 50 డివిజన్లు, మార్కాపురంలో 35 వార్డులు, కందుకూరులో 32, అద్దంకిలో 27, పొదిలిలో 20, కనిగిరిలో 20, దర్శిలో 27, గిద్దలూరు 20, చీమకుర్తిలో 27 వార్డులు ఉన్నాయి. గత ఎన్నికల్లో దర్శిలో 20, చీమకుర్తిలో 20, అద్దంకిలో 20 ఉండగా ఇటీవలే 7 వార్డులను పెంచుతూ ప్రభుత్వం నిర్ణయం తీసుకుంది. అయితే కందుకూరు మున్సిపాలిటీకి, పొదిలి నగర పంచాయతీలకు గతంలో కూడా ఎన్నికలు నిర్వహించలేదు. గ్రామాల విలీనంపై పలువురు కోర్టుకు వెళ్లడంతో ఎన్నికలు వాయిదా వేశారు.

కొత్తపట్నం: మండలంలోని కె.పల్లెపాలెం గ్రామ పంచాయతీ కార్యదర్శి సంపత్‌ కుమార్‌ ఓ కాంట్రాక్టర్‌ వద్ద రూ.55 వేల లంచం తీసుకుంటుండగా సోమవారం ఏసీబీ అధికారులు దాడి చేసి పట్టుకున్నారు. కొత్తపట్నం పంచాయతీకి కూడా ఇన్‌చార్జి కార్యదర్శిగా సంపత్‌ కుమార్‌ బాధ్యతలు నిర్వర్తిస్తున్నారు. కొత్తపట్నం డీడీ కాలనీ శ్మశానంలో రూ.4.70 లక్షలతో ఫెన్సింగ్‌ రాళ్లను కాంట్రాక్టర్‌ జాజుల జాలరామ్‌ ఏర్పాటు చేశారు. ఆ బిల్లులకు సంబంధించి ఎంబుక్‌ చేయడానికి రూ.55 వేల లంచాన్ని పంచాయతీ కార్యదర్శి సంపత్‌ కుమార్‌ డిమాండ్‌ చేశారు. దీనిపై ఫిర్యాదు అందుకున్న ఏసీబీ అధికారులు.. సోమవారం కే పల్లెపాలెం సచివాలయంలో ఉన్న సంపత్‌ కుమార్‌ వద్దకు వెళ్లి కాంట్రాక్టర్‌ జాలరామ్‌ రూ.55 వేల లంచం ఇస్తుండగా మాటువేసి రెడ్‌ హ్యాండెడ్‌గా పట్టుకున్నారు. ఈ సందర్భంగా ఏసీబీ డీఎస్పీ రామకృష్ణుడు మాట్లాడుతూ పంచాయతీ కార్యదర్శి సంపత్‌ కుమార్‌ విజయవాడలో డెంటల్‌ డాక్టర్‌ కోర్సు పూర్తి చేశాడని, 2019లో పంచాయతీ కార్యదర్శిగా ఉద్యోగం పొందాడని తెలిపారు. తొలుత అద్దంకి నియోజకవర్గంలో పనిచేశాడని, బదిలీల్లో భాగంగా కొత్తపట్నం మండలం కె.పల్లెపాలెం పంచాయతీకి వచ్చాడని వెల్లడించారు. సంపత్‌ కుమార్‌ను కోర్టులో హాజరుపరుస్తామని తెలిపారు.

ఒంగోలు సబర్బన్‌: ముస్లిం మైనార్టీలకు చెందిన వక్ఫ్‌ భూములను చంద్రబాబు ప్రభుత్వం తమ అనుయాయులకు, బినామీలకు ధారాదత్తం చేస్తోందని వైఎస్సార్‌ సీపీ మైనారిటీ విభాగం నాయకులు ధ్వజమెత్తారు. ఆ మేరకు సోమవారం ఒంగోలులోని ప్రకాశం భవన్‌ ముందు వైఎస్సార్‌ సీపీ మైనార్టీ విభాగం జిల్లా అధ్యక్షుడు షేక్‌ సుల్తాన్‌ బాషా ఆధ్వర్యంలో ఆందోళన కార్యక్రమం నిర్వహించారు. తొలుత వైఎస్సార్‌ సీపీ ముస్లిం మైనార్టీ విభాగం ఆధ్వర్యంలో ఆ పార్టీ జిల్లా కార్యాలయంలో సమావేశం ఏర్పాటు చేశారు. అనంతరం అక్కడి నుంచి ప్రకాశం భవనం వద్దకు చేరుకున్నారు. వైఎస్సార్‌ సీపీ జిల్లా అధ్యక్షుడు, దర్శి ఎమ్మెల్యే డాక్టర్‌ బూచేపల్లి శివప్రసాదరెడ్డి ఆదేశాల మేరకు పార్టీ జిల్లా కార్యాలయంలో మైనారిటీ విభాగం జిల్లా అధ్యక్షుడు షేక్‌ సుల్తాన్‌ బాషా ఆధ్వర్యంలో ఏర్పాటు చేసిన సమావేశంలో చంద్రబాబు ప్రభుత్వం రాష్ట్రంలోని మైనార్టీలకు చేస్తున్న అన్యాయాలను నిలదీశారు. అనంతరం ప్రకాశం భవనం ముందు ఆందోళన చేపట్టిన మైనారిటీ నాయకులు.. చంద్రబాబు ప్రభుత్వ తీరును దుయ్యబట్టారు. ఈ సందర్భంగా సుల్తాన్‌ బాషా మాట్లాడుతూ సీఎం చంద్రబాబు, కూటమి ప్రభుత్వం వక్ఫ్‌ భూములపై కన్నేసిందన్నారు. తరతరాలుగా వక్ఫ్‌ భూములు ముస్లిం మైనారిటీల సంక్షేమం కోసం, మసీదుల నిర్వహణ కోసం, ముస్లిం పేద విద్యార్థులను ఆదుకునేందుకు ఉపయోగపడుతున్నాయన్నారు. అలాంటిది.. రాష్ట్ర వక్ఫ్‌ బోర్డు ద్వారా అంజుమాన్‌ సొసైటీకి కట్టబెట్టేందుకు చంద్రబాబు కుటిల రాజకీయం చేస్తున్నారని మండిపడ్డాడు. చంద్రబాబు బినామీలకు, అనుయాయులకు దోచిపెట్టడానికే వక్ఫ్‌ భూములపై కన్నేసిందని ధ్వజమెత్తారు. వైఎస్సార్‌ సీపీ నాయకుడు, ఒంగోలు నగరపాలక సంస్థ కౌన్సిల్‌ ఫ్లోర్‌ లీడర్‌ మహమ్మద్‌ ఇమ్రాన్‌ఖాన్‌ మాట్లాడుతూ తమ పార్టీ జిల్లా అధ్యక్షుడు బూచేపల్లి శివప్రసాదరెడ్డితో పాటు ఉమ్మడి ప్రకాశం జిల్లాలోని అన్ని అసెంబ్లీ నియోజకవర్గాల ఇన్‌చార్జ్‌లు, యర్రగొండపాలెం ఎమ్మెల్యే తాటిపర్తి చంద్రశేఖర్‌ ఆదేశాల మేరకు జిల్లా నలుమూలల నుంచి వైఎస్సార్‌ సీపీ ముస్లిం మైనార్టీ నాయకులతో పాటు పార్టీలకు అతీతంగా మైనార్టీలు పాల్గొని వక్ఫ్‌ భూముల విషయంలో చంద్రబాబు ప్రభుత్వం అనుసరిస్తున్న వైఖరిని తీవ్రంగా ఖండిస్తున్నారన్నారు. వక్ఫ్‌ భూములను రాష్ట్ర ప్రభుత్వం అమ్మకానికి పెట్టి భవిష్యత్తు ముస్లిం తరాలకు అన్యాయం చేస్తోందని ధ్వజమెత్తారు. ప్రైవేటు వ్యక్తులకు, తమ అనుయాయులకు అమ్మకానికి పెడుతున్నారన్నారు. బినామీలకు వక్ఫ్‌ భూములు కట్టబెట్టడం అత్యంత దారుణమన్నారు. మంగళగిరిలోని 71.57 ఎకరాల వక్ఫ్‌ భూములను అంజుమాన్‌ సొసైటీకి అమ్మాలని చూడటం దుర్మార్గమైన చర్యగా అభివర్ణించారు. చంద్రబాబు మొండి ఆలోచనలతో ముందుకు పోతున్నారని, భవిష్యత్తులో ముస్లింల ఆగ్రహానికి గురికాక తప్పదని హెచ్చరించారు. అనంతరం ముస్లిం మైనారిటీ నాయకులంతా కలెక్టర్‌ ఆధ్వర్యంలో నిర్వహిస్తున్న మీ కోసం కార్యక్రమంలో డీఆర్‌ఓ ఓబులేసుకు వినతిపత్రం అందించారు. తమ నిరసనను రాష్ట్ర ప్రభుత్వం దృష్టికి తీసుకెళ్లాలని కోరారు. కార్యక్రమంలో మైనారిటీ సెల్‌ అధికార ప్రతినిధి అయిన మార్కాపురంకు చెందిన గౌస్‌ మొహిద్దీన్‌, దర్శికి చెందిన అమాన్‌ బాషా, అల్లాభక్షు, ఖాశిం, రహంతుల్లా, ఒంగోలు కరీముల్లా, అబ్దుల్లా, సయ్యద్‌ అప్సర్‌, షేక్‌ జిలానీ బాషా, షేక్‌ మహబూబ్‌ బాషా, షేక్‌ మలాంగ్‌, ఎండీ చాంద్‌ బాషా, సయ్యద్‌ రఫి, షేక్‌ సమీర్‌, షేక్‌ కరీముల్లా, జిల్లా నలుమూలల నుంచి వచ్చిన ముస్లిం మైనార్టీ నాయకులు పాల్గొన్నారు.

ఒంగోలు టౌన్‌: రాష్ట్రంలోని నిరుద్యోగులందరికీ ఉద్యోగాలిస్తామని, అప్పటివరకూ ప్రతి ఒక్కరికీ నెలకు 3 వేల రూపాయల చొప్పున నిరుద్యోగ భృతి ఇస్తామని ఎన్నికల సమయంలో చంద్రబాబు ప్రభుత్వం ఇచ్చిన హామీని ఎప్పటి నుంచి అమలు చేస్తారో చెప్పాలని అఖిల భారత యువజన సమాఖ్య (ఏఐవైఎఫ్‌) రాష్ట్ర ఉపాధ్యక్షుడు పి.ప్రభాకర్‌ డిమాండ్‌ చేశారు. రాష్ట్రంలో నిరుద్యోగ సమస్య పరిష్కరించాలని, ప్రభుత్వరంగ సంస్థలలో ఖాళీలను వెంటనే భర్తీ చేయాలని కోరుతూ సోమవారం కలెక్టరేట్‌లో నిర్వహించిన స్పందన కార్యక్రమంలో జేసీ కల్పనా కుమారికి వినతిపత్రం అందజేశారు. ఈ సందర్భంగా ప్రభాకర్‌ మాట్లాడుతూ రాష్ట్రంలో అధికారంలోకి వచ్చిన మొదటి ఏడాదిలోనే వివిధ ప్రభుత్వ శాఖల ఖాళీలను భర్తీ చేస్తామని, ప్రతి సంవత్సరం జనవరిలో జాబ్‌ క్యాలెండర్‌ ప్రకటిస్తామని చెప్పారని గుర్తు చేశారు. నిరుద్యోగ యువతకు ప్రోత్సహకాలు ఇచ్చి ప్రతి ఒక్కరినీ పారిశ్రామికవేత్తలుగా తీర్చిదిద్దుతామని చెప్పారన్నారు. అధికారంలోకి వచ్చి 19 నెలల గడుస్తున్నా కనీసం ఒక్క హామీనైనా అమలు చేయకుండా అటకెక్కించారని విమర్శించారు. రానున్న అసెంబ్లీ సమావేశాలలో నిరుద్యోగ సమస్యపై చర్చించాలని, మంత్రివర్గ ఉపసంఘం ఏర్పాటు చేయాలని డిమాండ్‌ చేశారు. కూటమి ప్రభుత్వం అధికారంలోకి వచ్చిన తరువాత రాష్ట్రానికి వచ్చిన పరిశ్రమలు, పెట్టుబడుల గురించి శ్వేత పత్రం విడుదల చేయాలని కోరారు. గత ప్రభుత్వంలో ఏపీ బేవరేజెస్‌ కార్పొరేషన్‌లో మద్యం దుకాణాలలో పనిచేసిన సిబ్బందిని, సివిల్‌ సప్లయిస్‌ కార్పొరేషన్‌లో రేషన్‌ వాహనాలకు డ్రైవర్లుగా, సహాయకులుగా పనిచేసిన వారికి చంద్రబాబు ప్రభుత్వం వచ్చాక తొలగించారని, వారికి న్యాయం చేయాలని డిమాండ్‌ చేశారు. నిరుద్యోగ సమస్యపై తక్షణమే కార్యాచరణ ప్రకటించకపోతే రాష్ట్ర వ్యాప్తంగా ఉద్యమిస్తామని హెచ్చరించారు. కార్యక్రమంలో యువజన సమాఖ్య జిల్లా అధ్యక్షుడు కరుణానిధి, నాయకులు కొండ గోపి, వీవీఎస్‌ చౌదరి, పవన్‌ కళ్యాణ్‌ పాల్గొన్నారు.

భూముల ధరలు భారీగా పెరగడంతో అధికారులను అడ్డంపెట్టుకుని అధికార టీడీపీ నేతలు జోరుగా భూ దందాలకు పాల్పడుతున్నారన్న ఆరోపణలు ఉన్నాయి. ఇక్కడ భూ వ్యాపారాన్ని శాసిస్తూ తాము చెప్పిందే శాసనం అన్నట్లు వ్యవహరిస్తున్నారు. అధికార పార్టీ నేతల అండతో భూ ఆక్రమణలు చేసి కొందరు వ్యవసాయం చేస్తుండగా.. మరికొందరు అక్రమంగా పట్టాలు తీసుకున్నట్లు తెలిసింది. బల్లిపల్లి రెవెన్యూకు శాశ్వత వీఆర్వో లేకపోవడం, ఉన్న వీఆర్వో మూడు పంచాయతీలకు ఇన్‌చార్జి కావడంతో అక్కడ ఏం జరుగుతోందో ఎవరికీ తెలియని పరిస్థితి నెలకొంది. కనిగిరి పట్టణ, మండలంలో 40 రెవెన్యూ గ్రామాలు, 25 పంచాయతీలు, 20 వార్డులు, 32 సచివాలయాలు ఉండగా, 14 మంది వీఆర్వోలు మాత్రమే ఉండటం గమనార్హం. రెవెన్యూ విభాగంలో అధికారుల కొరత కూడా అక్రమార్కులకు కలిసి వచ్చే అంశంగా మారింది. ఉన్నతాధికారులకు తెలిసినా పట్టించుకోవడం లేదన్న ఆరోపణలు ఉన్నాయి. ‘‘గ్రీన్‌ ఫీల్డ్‌ హైవే.. నడికుడి – శ్రీకాళహస్తి రైల్వేలైన్‌.. ట్రిపుల్‌ ఐటీ లాంటి కీలకమైన ప్రాజెక్టులు వచ్చేస్తున్నాయి.. ఈ ప్రాంత రూపురేఖలు మారిపోనున్నాయి’’ అంటూ పచ్చ మాఫియా భూ దందాకు తెగబడుతోంది. బల్లిపల్లి పంచాయతీ పరిధిలో నిన్నమొన్నటి వరకూ ఎకరా రూ.10 లక్షలు పలకగా.. నేడు రూ.80 లక్షలకు చేరింది. ఒక్కసారిగా భూముల ధరలకు రెక్కలు రావడంతో ఇదే అదునుగా కూటమి పార్టీల నేతలు భూ ఆక్రమణలకు పాల్పడుతున్నారన్న ఆరోపణలు ఉన్నాయి. అధికారాన్ని, అధికారులను అడ్డం పెట్టుకుని రెచ్చిపోతున్నారన్న విమర్శలున్నాయి. కనిగిరి రూరల్‌: కనిగిరి మండలంలోని అతిపెద్ద రెవెన్యూ గ్రామాల్లో బల్లిపల్లి పంచాయతీ ఒకటి. దీని పరిధిలో సుమారు 6 ప్రధాన గ్రామాలు(12 విడిగ్రామాలు, కాలనీలతో కలిపి) ఉన్నాయి. బల్లిపల్లి, విశ్వనాథపురం, బాలవెంకటాపురం రెవెన్యూ గ్రామాల్లో సుమారు 4 వేల ఎకరాలకుపైగా అసైన్డ్‌, వాగు, గ్రేజింగ్‌, కొండపోరంబోకు, ఫారెస్ట్‌ భూములున్నాయి. అత్యధికంగా ప్రభుత్వ భూములు, సుమారు 16 చదరపు కిలోమీటర్ల విస్తీర్ణం ఉన్న రూరల్‌ గ్రామాల్లో పెద్ద ెపంచాయతీ ఇది. ప్రభుత్వ భూములు ఎక్కువగా ఉండడంతో అక్రమార్కుల కన్ను ఈ పంచాయతీపై పడింది. భూ మంత్రం.. అత్యంత ప్రతిష్టాత్మకమైన ట్రిపుల్‌ ఐటీ కాలేజీ నిర్మాణానికి గతంలో చంద్రబాబు, మంత్రులు పామూరు మండలం దూబగుంటలో శంకుస్థాపన చేసి వదిలేశారు. ఆ తర్వాత వచ్చిన వైఎస్సార్‌ సీపీ ప్రభుత్వంలో ప్రజాభీష్టం మేరకు ప్రధాన రహదారి పక్కన కనిగిరి–పామూరు ఎన్‌హెచ్‌ 565 రహదారి పక్కన బల్లిపల్లి పంచాయతీలో ట్రిపుల్‌ ఐటీ కళాశాల నిర్మాణానికి శ్రీకారం చుట్టింది. అందుకు సర్వే నంబర్‌ 766, 766–1లోని సుమారు 255 ఎకరాల (పోరంబోకు) భూమి కేటాయించింది. దాని పక్కనే సుమారు 15 ఎకరాల్లో జగనన్న కాలనీ నిర్మించింది. తాజాగా ట్రిపుల్‌ ఐటీ నిర్మాణానికి సంబంధించి అధికారులు భూ పరిశీలన ప్రక్రియను వేగవంతం చేశారు. అలాగే బల్లిపల్లి లోపలి గ్రామంలోని కాలనీ వద్ద నడికుడి– కాళహస్తి రైలు మార్గం పనులు చురుగ్గా సాగుతున్నాయి. పంచాయతీకి కొంత దూరంలో (సుమారు 6 కిలోమీటర్ల దూరంలో) కనిగిరి రోడ్డు వైపు గ్రీన్‌ ఫీల్డ్‌ ఎక్స్‌ప్రెస్‌ హైవే సర్కిల్‌ నిర్మాణ పనులు జరుగుతున్నాయి. దీంతో ఈ పంచాయతీ చుట్టుపక్కల ప్రాంతాల్లో భూములకు రెక్కలొచ్చాయి. అధికారం అండగా భూ దందా... అధికారాన్ని అడ్డంపెట్టుకుని కూటమి పార్టీల నేతలు భూ ఆక్రమణలు, భూ దందాకు తెరలేపారు. టీడీపీకి చెందిన ముగ్గురు నేతలు ఇక్కడ భూ దందాలో కీలకపాత్ర పోషిస్తున్నట్లు ఆరోపణలు ఉన్నాయి. బల్లిపల్లి పంచాయతీలో అత్యధికంగా పోరంబోకు, అసైన్డ్‌ భూములు ఉన్నాయి. ఈ ఒక్క పంచాయతీలోనే సుమారు 4 వేలకుపైగా ప్రభుత్వ, పోరంబోకు, అసైన్డ్‌, కొండ పోరంబోకు భూములున్నట్లు రెవెన్యూ నివేదికలున్నాయి. ప్రస్తుతం ట్రిపుల్‌ ఐటీ కళాశాలకు కేటాయించిన సర్వే నంబర్‌ 766లో దాదాపు 450 నుంచి 500 ఎకరాల పోరంబోకు భూమి ఉంది. ట్రిపుల్‌ ఐటీకి, జగనన్న లే అవుట్‌కుపోను ఇంకా 150 ఎకరాల వరకు పోరంబోకు భూమి ఉంది. ఇందులో అగ్రభాగం ప్రధాన రహదారి వైపునకున్నట్లు తెలిసింది. దీంతో అధికార పార్టీకి చెందిన అక్రమార్కులు భూ దందా షురూ చేశారు. అధికారుల అండతో కొందరు అక్రమార్కులు సుమారు రూ.కోట్ల భూమికి ఎసరు పెట్టినట్లు ప్రచారం జరుగుతోంది. గత తహసీల్దార్‌ హయంలో జగనన్న లే అవుట్‌లో ఇద్దరు టీడీపీ నేతల అండతో 12 మందికి పొజిషన్‌ సర్టిఫికెట్లు ఇచ్చినట్లు సమాచారం. ఇందుకు ఒక్కో పట్టాకు రూ.లక్ష నుంచి రూ.2 లక్షల వరకు వసూలు చేసినట్లు ఆరోపణలున్నాయి. అంతేగాకుండా ట్రిపుల్‌ ఐటీ కళాశాల నిర్మాణం పరిసర ప్రాంతాల్లో కొందరికి పట్టాలు కూడా ఇచ్చినట్లు సమాచారం. దీనిపై అధికార కూటమి పార్టీలోని ఒక వర్గం రెవెన్యూ శాఖలోని ఉన్నతాధికారులకు ఫిర్యాదు చేసినట్లు తెలిసింది. భారీగా పెరిగిన భూముల ధరలు... ప్రస్తుతం బల్లిపల్లి పంచాయతీ చుట్టుపక్కల ప్రాంతాల్లోని భూముల ధరలకు విపరీతంగా రెక్కలొచ్చాయి. గతంలో ప్రధాన రహదారి పక్కన ఉన్న భూములు ఎకరా రూ.పది లక్షల వరకు ఉండగా.. ప్రస్తుతం రిజిష్టర్డ్‌ భూమి ఎకరా రూ.60 లక్షల నుంచి రూ.80 లక్షల వరకూ ధర పలుకుతోంది. అసైన్డ్‌ భూములైతే సుమారు రూ.45 లక్షల వరకు ఎకరా పలుకుతున్నాయి. లోపలి ప్రాంతాల్లో భూములు ఎకరా రూ.15 లక్షల నుంచి రూ.20 లక్షలకుపైమాటే. దీంతో ఇక్కడ భూములపై అధికార టీడీపీ నేతల కన్నుపడింది.

ఒంగోలు సబర్బన్‌: పెన్షనర్ల సమస్యలను తక్షణమే పరిష్కరించాలని జిల్లా ఆల్‌ పెన్షనర్స్‌ అండ్‌ రిటైర్డ్‌ పర్సన్స్‌ అసోసియేషన్‌ నేతలు డిమాండ్‌ చేశారు. స్థానిక ప్రకాశం భవన్‌ ముందు సోమవారం జిల్లా స్థాయి పెన్షనర్లు ధర్నా చేశారు. ఏపీఆర్‌పీఏ జిల్లా శాఖ ఆధ్వర్యంలో నిర్వహించిన ధర్నాకు అసోసియేషన్‌ అధ్యక్షుడు జి.శేషయ్య అధ్యక్షత వహించారు. ఈ సందర్భంగా జిల్లా ప్రధాన కార్యదర్శి సీహెచ్‌ రాంబాబు మాట్లాడుతూ ధర్నా చేపట్టడానికి గల ఉద్దేశాన్ని వివరించారు. ప్రధానంగా ఈపీఎఫ్‌ పెన్షన్‌దారులకు కనీస పింఛన్‌ నెలకు రూ.9 వేలు ఇవ్వాలని, దాంతో పాటు డీఏ కూడా కలిపి నిర్ణయించాలని డిమాండ్‌ చేశారు. అదేవిధంగా ఈపీఎఫ్‌ పెన్షన్‌దారులకు ఉచిత వైద్య సదుపాయాలు కల్పించాలని, కేంద్ర ప్రభుత్వ పెన్షనర్లకు ఉద్యోగులకు ప్రకటించిన ఎనిమిదో పీఆర్‌సీ రిపోర్టును తక్షణమే ప్రకటించి అమలు చేయాలని డిమాండ్‌ చేశారు. సీనియర్‌ సిటిజన్లకు రైల్వేలో ప్రయాణ రాయితీ పునరుద్ధరించాలని డిమాండ్‌ చేశారు. రాష్ట్ర ప్రభుత్వ ఉద్యోగ పెన్షనర్లకు 12వ పీఆర్‌సీ నియమించి ఐఆర్‌ 30 శాతం మంజూరు చేయాలన్నారు. 1–7–2018 నుంచి నేటి వరకు పెన్షనర్లకు రావాల్సిన డీఏ బకాయిలు, పీఆర్‌సీ బకాయిలు వెంటనే మంజూరు చేయాలని డిమాండ్‌ చేశారు. 2024 జూలై నుంచి రావాల్సిన కరువు భత్యాలను ప్రకటించాలని, 2024 ఆగస్టు నుంచి ఉద్యోగ విరమణ చేసిన పెన్షనర్లకు గ్రాట్యుటీ, లీవ్‌ ఎన్కాష్‌మెంట్‌ వెంటనే మంజూరు చేయాలని కోరారు. మెడికల్‌ రీయింబర్స్‌మెంట్‌ బిల్లులను తక్షణమే మంజూరు చేయాలన్నారు. 2018 నుంచి డీఏ బకాయిలు అందరికీ రాలేదని, అందరికీ జమయ్యేలా చర్యలు తీసుకోవాలని కోరారు. హెల్త్‌ కార్డు పరిమితిని రూ.2 లక్షల నుంచి రూ.5 లక్షలకు పెంచాలన్నారు. ధర్నా అనంతరం జేసీ కల్పనా కుమారిని కలిసి వినతిపత్రం అందజేశారు. కార్యక్రమంలో సీఐటీయూ జిల్లా ప్రధాన కార్యదర్శి ఎం.రమేష్‌, ఏపీఆర్‌పీ గౌరవ సలహాదారు అయ్యప్పరెడ్డి, డిప్యూటీ జనరల్‌ సెక్రటరీ పేరయ్య, నాయకులు నాగేశ్వరరావు, బి.బ్రహ్మానందరెడ్డి, ఆర్‌.నాగేశ్వరరావు, వెంకయ్య, అజీజ్‌, పోస్టల్‌ నుంచి కే వెంకటేశ్వరరావు, ఎస్‌.రంగారావు, కే వీరాస్వామిరెడ్డి, బ్యాంకుల నుంచి కే నారాయణరావు, సీబీ రావు, వీవీ రత్నం, వివిధ ప్రభుత్వ విభాగాల నాయకులు పాల్గొన్నారు.

ఒంగోలు టౌన్‌: రాష్ట్ర ప్రభుత్వ శాఖల్లో ఖాళీగా ఉన్న పోస్టుల వివరాలన్నీ ప్రకటించి ప్రతి సంవత్సరం జాబ్‌ క్యాలండర్‌ ప్రకటిస్తామన్న మాటను కనీసం ఈ ఏడాదైనా చంద్రబాబు ప్రభుత్వం నిలుపుకోవాలని భారత ప్రజాతంత్ర యువజన సమాఖ్య (డీవైఎఫ్‌ఐ) జిల్లా అధ్యక్షుడు కేవీ పిచ్చయ్య డిమాండ్‌ చేశారు. స్థానిక ఎల్బీజీ భవనంలో సోమవారం నిర్వహించిన జిల్లా కమిటీ సమావేశంలో ఆయన మాట్లాడారు. రాష్ట్రంలో పరిశ్రమలు ఏర్పాటు చేసి స్థానికులకు ఉద్యోగాలు ఇవ్వాలని కోరారు. ఒంగోలులో వాన్‌పిక్‌, కనిగిరి నిమ్జ్‌, చీమకుర్తి శిల్పారామం, దొనకొండ పారిశ్రామిక కారిడార్‌, తదితర పరిశ్రమలు పూర్తి చేయాలన్నారు. నిర్మాణం ఆగిపోయిన దర్శి డ్రైవింగ్‌ స్కూల్‌ను పూర్తి చేయాలన్నారు. ఇటీవల కనిగిరిలో శంకుస్థాపన చేసిన గ్యాస్‌ కంపెనీని వెంటనే పూర్తి చేసి స్థానికులకే ఉద్యోగాలు ఇవ్వాలని కోరారు. నిరుద్యోగ భృతిగా నెలకు 3 వేల రూపాయలు ఇస్తామని హామీ ఇచ్చారని, ప్రభుత్వం ఏర్పడి 2 సంవత్సరాలు గడుస్తున్నప్పటికీ అమలుకు నోచుకోలేదని విమర్శించారు. కేంద్ర బడ్జెట్లో రాష్ట్రానికి వచ్చిందేమీ లేదని, ఈ బడ్జెట్‌ వలన నష్టం తప్ప లాభం లేదని వ్యాఖ్యానించారు. బడ్జెట్లో న్యాయంగా రాష్ట్రానికి రావాల్సిన వాటాను అడిగే దమ్ము చంద్రబాబు ప్రభుత్వానికి లేదన్నారు. రెండు కోట్ల ఉద్యోగాలు ఇస్తామని చెప్పిన మోదీ సర్కార్‌.. 12 ఏళ్లు గడుస్తున్నా ఆతీగతీ లేదని మండిపడ్డారు. ఎల్‌ఐసీ, బీఎస్‌ఎన్‌ఎల్‌, పోస్టల్‌, రైల్వే సంస్థలను ప్రైవేటు వ్యక్తులకు కట్టబెడుతూ దేశం అభివృద్ధిలో నడుస్తోందని మోదీ ప్రభుత్వం అబద్ధాలు ప్రచారం చేస్తోందని విమర్శించారు. సమావేశంలో యువజన నాయకులు దానియేలు, టి.భాను, నవీన్‌, రాజు పాల్గొన్నారు.

చీమకుర్తి: భక్తిశ్రద్ధలతో తిరుపతి వెంకటేశ్వరస్వామిని కొలుచుకునే భక్తుల మనోభావాలు దెబ్బతినే విధంగా శ్రీవారి లడ్డూపై సీఎం చంద్రబాబు నీచ రాజకీయాలు చేయడం సిగ్గుచేటని మాజీ మంత్రి, వైఎస్సార్‌ సీపీ సంతనూతలపాడు నియోజకవర్గ ఇన్‌చార్జి మేరుగు నాగార్జున ధ్వజమెత్తారు. చీమకుర్తిలో సోమవారం నిర్వహించిన ఓ కార్యక్రమానికి హాజరైన సందర్భంగా ఆయన మాట్లాడారు. ప్రతిపక్షాలతో రాజకీయాలు చేయొచ్చుగానీ.. పవిత్రమైన దేవదేవుడిని రాజకీయాలకు అడ్డం పెట్టుకోవడం దారుణమన్నారు. ఎన్‌డీడీబీ, సిట్‌ సంస్థలు లడ్డూలో కల్తీ లేదని ధ్రువీకరించినప్పటికీ ప్రజల మనోభావాలు దెబ్బతీసే విధంగా వైఎస్సార్‌ సీపీపై బురద చల్లేందుకు సీఎం చంద్రబాబు చేస్తున్న రాజకీయాలను ప్రజలు చీత్కరిస్తున్నారని ఆగ్రహం వ్యక్తం చేశారు. మాజీ ముఖ్యమంత్రి వైఎస్‌ జగన్‌మోహన్‌రెడ్డి ఐదేళ్ల వైఎస్సార్‌ సీపీ ప్రభుత్వంలో అమలు చేసిన అభివృద్ధి, సంక్షేమ పథకాలను నేడు చంద్రబాబు అమలు చేయకపోగా, ఎన్నికలప్పుడు అతను ఇచ్చిన హామీలను కూడా నెరవేర్చలేదని మండిపడ్డారు. దీనిపై వైఎస్సార్‌ సీపీ ఆధ్వర్యంలో చేస్తున్న ఉద్యమాల నుంచి ప్రజల దృష్టిని మరల్చేందుకే కుటిల రాజకీయాలకు పాల్పడుతున్నారని మేరుగు నాగార్జున ధ్వజమెత్తారు. లడ్డూ మీద భక్తుల సెంటిమెంట్‌ను దెబ్బతీసే విధంగా వాల్‌పోస్టర్లు వేయించటం, చివరకు పెట్రో బాంబుల సంస్కృతిని కూడా తీసుకురావడం చంద్రబాబుకే చెల్లుతుందని ఎద్దేవా చేశారు. దేవుళ్లను అడ్డం పెట్టుకుని ఎల్లకాలం మోసపూరిత రాజకీయాలు చేయలేరని, చంద్రబాబుకు జ్ఞానోదయం కలగాలని వైఎస్సార్‌ సీపీ నాయకులు ఆలయాలలో పూజలు చేస్తుంటే కూడా తప్పుడు కేసులు పెట్టడం అతని కక్షపూరిత రాజకీయాలకు నిదర్శనమని మేరుగు నాగార్జున ఆగ్రహం వ్యక్తం చేశారు.

ఒంగోలు సబర్బన్‌: ప్రజా సమస్యల పరిష్కార వేదికకు అర్జీదారులు పోటెత్తారు. జిల్లా నలుమూలల నుంచి వందలాది మంది సమస్యలను జిల్లా అధికారులకు విన్నవించుకునుందుకు తరలివచ్చారు. గత రెండు సోమవారాలు ప్రజా సమస్యల పరిష్కార వేదిక రద్దు కావడంతో ఈ సోమవారం కార్యక్రమానికి భారీగా పోటెత్తారు. అయితే వందల మంది అర్జీదారులు బారులుదీరి ఉన్నా భోజనం సమయం అయిందని జిల్లా అధికారులు వెళ్లిపోవడంతో వారంతా చేసేది లేక నిరాశతో వెనుదిరిగారు. కొంత మంది అలవాటు ప్రకారం మార్కాపురం జిల్లా నుంచి ఇక్కడకు వచ్చారు. వారిని అధికారులు బయట నుంచే మార్కాపురంలో నిర్వహిస్తున్న మీ కోసం కార్యక్రమానికి వెళ్లాలని పంపించారు. అర్జీల ఆన్‌లైన్‌ రిజిస్ట్రేషన్‌ వద్దే ఆలస్యం.. మీ కోసం కార్యక్రమానికి వచ్చే అర్జీదారుల కోసం అర్జీలను ఆన్‌లైన్‌లో రిజిస్టర్‌ చేసేందుకు కేవలం నాలుగు కంప్యూటర్లు మాత్రమే ఏర్పాటు చేశారు. దీంతో వందల సంఖ్యలో వచ్చిన అర్జీదారులతో సిబ్బందికి ఆన్‌లైన్‌ చేయడం గగనంగా మారింది. ఆన్‌లైన్‌ రిజిస్ట్రేషన్‌ దగ్గర తోపులాటలు, నెట్టుకోవడంతో పాటు కొద్దిపాటి ఘర్షణలు చోటుచేసుకున్నాయి. వందల సంఖ్యలో అర్జీదారులు క్యూ లైన్లలో ఉన్నా మధ్యాహ్నం 2.30 గంటలు అయిందని జిల్లా రెవెన్యూ అధికారి సీహెచ్‌.ఓబులేసు ప్రకటించారు. జేసీ కల్పనా కుమారి, డీఆర్‌ఓ, ఇతర జిల్లా అధికారుల వద్దకు వెళ్లే వీలులేక అర్జీదారులు ఆన్‌లైన్‌ రిజిస్ట్రేషన్‌, ఆ తరువాత ఆర్‌డీఓ కౌంటర్లు, రెవెన్యూ కౌంటర్ల వద్దే అర్జీదారులు ఆగిపోయారు. జిల్లా అధికారులు వేదికపై లేకపోవడంతో వందలాది మంది అర్జీలు ఇవ్వకుండానే నిరాశతో వెనుతిరిగి వెళ్లిపోయారు. మొత్తంమీద 513 అర్జీలు ఆన్‌లైన్‌ రిజిస్ట్రేషన్‌లో వచ్చాయి. అర్జీదారులు ఉండగానే వెళ్లిపోయిన జిల్లా అధికారులు నిరాశతో వెనుదిరిగిన అర్జీదారులు

మార్కాపురం టౌన్‌: మార్కాపురం జిల్లా ప్రభుత్వ సర్వజన వైద్యశాలలో సూపర్‌ స్పెషాలిటీ వైద్యం అందక పేద, మధ్య తరగతి ప్రజలు తీవ్ర ఇబ్బందులు పడుతున్నారని మాజీ ఎమ్మెల్యే, వైఎస్సార్‌ సీపీ మార్కాపురం ఇన్‌చార్జి అన్నా రాంబాబు అన్నారు. జీజీహెచ్‌లో నెలకొన్న సమస్యలు, సిబ్బంది నియామకంపై సోమవారం పార్టీ నాయకులతో కలిసి స్థానిక కలెక్టరేట్‌లో జరుగుతున్న ప్రజాసమస్యల పరిష్కార వేదికలో వినతిపత్రం అందచేశారు. ఈ సందర్భంగా ఆయన మాట్లాడుతూ గత వైఎస్సార్‌ సీపీ ప్రభుత్వంలో జిల్లా వైద్యశాలను 100 పడకల నుంచి 350 పడకలకు పెంచి జీజీహెచ్‌గా మార్చారన్నారు. అప్పుడు ప్రజలకు సూపర్‌ స్పెషాలిటీ వైద్యం అందించేందుకు 75 మంది వైద్యులను, వైద్య సిబ్బందిని నియమించడంతో 700 నుంచి 800 మంది ఓపీ పేషంట్లు వైద్య సేవలు పొందారని తెలిపారు. కానీ ఈ ప్రభుత్వంలో ప్రస్తుతం ఓపీల సంఖ్య 200 నుంచి 250కి పడిపోయిందని, గతంలో 150 ఉన్న ఇన్‌పేషంట్ల సంఖ్య ప్రస్తుతం 40 నుంచి 50కి తగ్గిందంటే జీజీహెచ్‌ పరిస్థితి ఏ విధంగా ఉందో ప్రజాప్రతినిధులు అర్థం చేసుకోవాలన్నారు. కూటమి ప్రభుత్వాన్ని విమర్శించడం లేదని, పేద మధ్య తరగతి ప్రజలు పడుతున్న ఇబ్బందులను గుర్తు చేస్తున్నామని తెలిపారు. జిల్లా కేంద్రంలోని జీజీహెచ్‌లో ప్రస్తుతం 9 మంది మాత్రమే వైద్యులు వైద్యసేవలు అందిస్తున్నారని, సెక్యూరిటీగార్డులు, శానిటేషన్‌ సిబ్బంది మాత్రమే ఉన్నారని గుర్తు చేశారు. ఒక్క జీఓతో సుమారు 53 మంది వైద్య సిబ్బందిని బదిలీ చేయడం అన్యాయమని విమర్శించారు. జిల్లా కేంద్రంలో ఉన్న జీజీహెచ్‌లోనే ప్రజలకు మెరుగైన వైద్యం అందకపోవడంపై తాము పోరాడుతుంటే ఎమ్మెల్యే కందుల నారాయణరెడ్డి తమపై ప్రతిపక్ష నాయకులు విమర్శలు, బురద జల్లుతున్నారని సైటెర్లు వేయడం అన్యాయమన్నారు. మేము సమస్యలపై పోరాడుతుంటే అధికారంలో ఉండి సమస్యలను ప్రభుత్వం దృష్టికి తీసుకెళ్లి ప్రజలకు న్యాయం చేయాల్సింది పోయి మాపై ప్రెస్‌మీట్లు పెట్టి సైటెర్లు వేయడం తగదన్నారు. ఇప్పటికై నా కూటమి నాయకులు ప్రజలు ఎదుర్కొంటున్న సమస్యలపై దృష్టి సారించి పరిష్కరించాలని, జీజీహెచ్‌లో వైద్య సిబ్బందిని నియమించి, మెరుగైన వైద్యం అందించాలని కోరారు. అనంతరం సమస్యలతో కూడిన వినతిపత్రాన్ని అందచేశారు. కార్యక్రమంలో జెడ్పీటీసీ నారుబాపన్‌రెడ్డి, పార్టీ పట్టణ అధ్యక్షుడు, కౌన్సిలర్‌ సలీమ్‌, ఏఎంసీ మాజీ చైర్మన్‌ జి.శ్రీనివాసరెడ్డి, మండల పార్టీ అధ్యక్షుడు పి.చెంచిరెడ్డి, వాల్మీకి కార్పొరేషన్‌ మాజీ డైరెక్టర్‌ నల్లబోతుల కొండయ్య, పోరుమామిళ్ల విజయలక్ష్మి, చెన్నలక్ష్మి, నాయకులు, కార్యకర్తలు పాల్గొన్నారు. పేద, మధ్య తరగతి ప్రజలకు అందని సూపర్‌స్పెషాలిటీ వైద్యం ప్రభుత్వ వైద్యంపై ఎమ్మెల్యే స్పందించాలి మాజీ ఎమ్మెల్యే, వైఎస్సార్‌ సీపీ నియోజకవర్గ ఇన్‌చార్జి అన్నా రాంబాబు

ఒంగోలు టౌన్‌: వరసగా రెండు వారాలు పోలీసు గ్రీవెన్స్‌ వాయిదా పడడంతో సోమవారం గ్రీవెన్స్‌లో ఫిర్యాదులు వెల్లువెత్తాయి. జిల్లా నలుమూలల నుంచి తరలివచ్చిన 124 మంది బాధితులు ఫిర్యాదులు అందజేశారు. బాధితుల నుంచి ఫిర్యాదులను స్వీకరించిన పోలీసు అధికారులు వారి సమస్యలను, పూర్వాపరాలను అడిగి తెలుసుకున్నారు. ఫిర్యాదులపై చట్టపరంగా చర్యలు తీసుకుంటామని భరోసా ఇచ్చారు. కార్యక్రమంలో మహిళా పోలీసుస్టేషన్‌ డీఎస్పీ రమణకుమార్‌, పీసీఆర్‌ సీఐ దుర్గాప్రసాద్‌, రూరల్‌ సీఐ శేషగిరిరావు, సంతనూతలపాడు సీఐ వెంకటరావు, కొండపి సీఐ సోమశేఖర్‌, ప్యానల్‌ అడ్వకేట్‌ బి.బాలాజీసింగ్‌, వేదిక ఎస్సై జనార్దన్‌రావు పాల్గొన్నారు.

కందుకూరు: ఓ ప్రైవేట్‌ స్కూల్‌ యజమాన్యం నిర్లక్ష్యానికి ఎంతో భవిష్యత్‌ ఉన్న ఓ విద్యార్థి నిండుప్రాణం బలైంది. ఆదివారం స్కూల్‌ హాస్టల్‌ నుంచి బయటకు వెళ్లిన విద్యార్థి చివరకు కుంటలో శవమై తేలాడు. ఈ సంఘటన సోమవారం కందుకూరు పట్టణంలో వెలుగులోకి వచ్చింది. బాధిత తల్లిదండ్రులు తెలిపిన వివరాల ప్రకారం...పీసీపల్లి మండలం లక్ష్మక్కపల్లి గ్రామానికి చెందిన నరాల మధుసూదన్‌రెడ్డి, భాగ్యలక్ష్మీ కుమారుడు వెంకట మణిదీప్‌రెడ్డి(14) పట్టణంలోని కోవూరు రోడ్డులోని విజ్ఞాన్‌ విహార్‌ స్కూల్‌లో 9వ తరగతి చదువుతున్నాడు. స్కూల్‌ హాస్టల్‌లోనే ఉంటున్నాడు. ఆదివారం మధ్యాహ్నం సమయంలో తండ్రికి ఫోన్‌ చేసిన మణిదీప్‌రెడ్డి డబ్బులు కావాలని అడిగాడు. నేను సోమవారం స్కూల్‌ దగ్గరికి వస్తాను, అప్పుడు ఇస్తానులే అని చెప్పిన మధుసూదన్‌రెడ్డి జాగ్రత్తగా ఉండాలంటూ కుమారుడికి సూచించాడు. ఇంతలోనే ముగ్గురు స్నేహితులు వచ్చి పార్టీ చేసుకుందాం బయటకు వెళ్దాం రా అని పిలవడంతో వారితో కలిసి మణిదీప్‌రెడ్డి బయటకు వెళ్లాడు. ఆ తరువాత నలుగురు కలిసి పట్టణంలోని 60అడుగుల రోడ్డు చివరలో ఉన్న కోమటికుంట వద్దకు వెళ్లారు. అక్కడ బిర్యానీతో పాటు, థమ్స్‌ఆప్‌ బాటిల్స్‌తో పార్టీ చేసుకున్నారు. అనంతరం ఈత కొట్టేందుకు అంటూ కోమటికుంటలోకి దిగారు. మణిదీప్‌రెడ్డి ఈతరాదని చెప్తున్నా తోటి స్నేహితుల బలవంతంగా భుజాలపై ఎక్కించుకుని కుంటలోకి దిగారు. ఈ క్రమంలో లోతైన ప్రదేశంలో మణిదీప్‌రెడ్డి ఒక్కసారిగా నీళ్లలోకి మునిగిపోయాడు. ఈ సంఘటనతో భయపడిపోయిన మిగిలిన ముగ్గురు అక్కడి నుంచి పారిపోయారు. స్కూల్‌కు కూడా వెళ్లకుండా నేరుగా ఇళ్లకు వెళ్లిపోయారు. దీంతో నీటికుంటలో మునిగిన మణిదీప్‌రెడ్డి కుంటలోనే ప్రాణాలు వదిలాడు. శవాన్ని వెతికి బయటకు తీసిన బంధువులు అయితే ఆదివారం మధ్యాహ్నం హాస్టల్‌ నుంచి బయటకు వెళ్లిన మణిదీప్‌రెడ్డి తిరిగి హాస్టల్‌కు చేరకపోయినా స్కూల్‌ యాజమాన్యం తల్లిదండ్రులకు ఎటువంటి సమాచారం ఇవ్వలేదు. తీరిగ్గా సోమవారం ఉదయం తండ్రి మధుసూదన్‌రెడ్డికి ఫోన్‌ చేసి మీ పిల్లవాడు ఏమైనా ఇంటికి వచ్చాడా అని హాస్టల్‌ వార్డెన్‌ అడగడంతో కంగారు పడ్డ తల్లిదండ్రులు హడావుడిగా కందుకూరు వచ్చారు. తీరా వచ్చిన తరువాత అసలు విషయం తెలిసింది. దీంతో బంధువులతో కలిసి ప్రమాదం జరిగిన కోమటికుంట వద్దకు చేరుకుని కుంట వద్ద కుమారుడి దుస్తులు చూసి బోరున విలపించారు. బంధువులు కొందరు నీటి కుంటలోకి దిగి వెతకడం ప్రారంభించడంతో మణిదీప్‌రెడ్డి మృతదేహం దొరికింది. దీంతో మృతదేహాన్ని ఒడ్డుకు చేర్చి కన్నీటిపర్యంతమయ్యారు. ఆ కుటుంబం మొత్తాన్ని ఒక్కడే కుమారుడు కావడంతో వారి ఆవేదన అంతా ఇంతా కాదు. చదువుకుని ప్రయోజకుడు అవుతాడనుకుంటే శవమై తేలాడంటూ బోరున విలపించారు. స్కూల్‌ యాజమాన్యం నిర్లక్ష్యంపై మండిపాటు ఈ సందర్భంగా తల్లిదండ్రులతో పాటు, బంధువులు స్కూల్‌ యాజమాన్య నిర్లక్ష్యంపై తీవ్ర ఆగ్రహం వ్యక్తం చేశారు. హాస్టల్‌లో ఉన్న పిల్లవాడు బయటకు ఎలా వెళ్లాడు, ఒకవేళ వెళ్లినా తిరిగి హాస్టల్‌కు రాకపోతే తమకు ఎందుకు సమాచారం ఇవ్వలేదంటూ ఆవేదన వ్యక్తం చేశారు. అదే సందర్భంలో ప్రమాదం జరిగిందని తెలిసిన తరువాత కూడా కుంట వద్ద స్కూల్‌ యాజమాన్యం గానీ, సిబ్బంది గానీ రాకపోవడంపై మండిపడ్డారు. స్కూల్‌ బాగా లేదని చెప్తున్నా వినకుండా అక్కడే ఉంచి పిల్లాడిని పోగొట్టుకున్నామంటూ ఆవేదన వ్యక్తం చేశారు. ఈ సంఘటనపై కేసు నమోదు చేసిన పోలీసులు మృతదేహాన్ని పోస్టుమార్టం నిమిత్తం ఏరియా వైద్యశాలకు తరలించారు. విజ్ఞాన్‌విహార్‌ స్కూల్‌ హాస్టల్‌ నుంచి బయటకు వెళ్లి శవమై తేలిన విద్యార్థి ఆదివారం తోటి స్నేహితులతో కలిసి ఈతకు వెళ్లిన మణిదీప్‌రెడ్డి సోమవారం ఉదయం తల్లిదండ్రులకు సమాచారం ఇచ్చిన స్కూల్‌ యాజమాన్యం కోమటికుంటలో వెతికి శవాన్ని బయటకు తీసుకున్న విద్యార్థి బంధువులు 9వ తరగతి చదువుతున్న విద్యార్థులు పార్టీతో శివారు ప్రాంతానికి వెళ్లడంపై సర్వత్రా ఆందోళన వ్యక్తమవుతుంది. బైక్‌పై వెళ్లిన విద్యార్థులు అక్కడే బిర్యానీ తినడంతో పాటు, థమ్స్‌బాటిల్‌లు, ప్లాస్టిక్‌ గ్లాసులు పడి ఉండడంతో, ఆ సమీపంలోనే రెండు మద్యం బాటిళ్లు దొరకడంపై మణిదీప్‌రెడ్డి బంధువులు ఆందోళన వ్యక్తం చేశారు. సంఘటన జరిగిన ప్రదేశంలోనే రెండు క్వార్టర్‌ బాటిళ్లు చిల్లచెట్లలో దొరికాయని, వీటిని అక్కడి నుంచి తీసుకెళ్లిపోయారని చెప్పారు. మద్యంతాగి బలవంతంగా తమ పిల్లవాడిని లాక్కెళ్లి ఉండవచ్చని అనుమానం వ్యక్తం చేశారు. దీంతో ఈ సంఘటనలో పాల్గొన్న మిగిలిన ముగ్గురు విద్యార్థులను పోలీసులు అదుపులోకి తీసుకుని విచారిస్తున్నారు.

ఒంగోలు: రాష్ట్ర క్రీడాప్రాధికార సంస్థ ఆదేశాల మేరకు ఈ నెల 17న చదరంగం, 24న సైక్లింగ్‌ జిల్లాస్థాయి పోటీలు నిర్వహించనున్నట్లు జిల్లా క్రీడాప్రాధికార సంస్థ కార్యదర్శి జి.రాజరాజేశ్వరి సోమవారం ఒక ప్రకటనలో తెలిపారు. పోటీలు ఉదయం 9 గంటలకు స్థానిక డాక్టర్‌ పర్వతరెడ్డి ఆనంద్‌ మినీ స్టేడియంలో ప్రారంభమవుతాయన్నారు. పోటీల్లో పాల్గొనే వారు ముందుగా క్రీడాయాప్‌లో పేర్లు నమోదు చేసుకోవాన్నారు. చెస్‌ పోటీలు అండర్‌ 13, 15, 17,19 విభాగాల్లో, సైక్లింగ్‌ పోటీలు జూనియర్‌ అండర్‌ 18 విభాగంలో జరుగుతాయన్నారు. పోటీల్లో గెలుపొందిన వారు ఈ నెల 21,22 తేదీల్లో తిరుపతిలో జరిగే రాష్ట్రస్థాయి చెస్‌ పోటీలకు, ఈ నెల 28, మార్చి 1వ తేదీల్లో ఎన్‌టీఆర్‌ జిల్లాలో జరిగే రాష్ట్రస్థాయి సైక్లింగ్‌ పోటీల్లో పాల్గొనేందుకు అర్హులని పేర్కొన్నారు. పూర్తి వివరాలకు 9121106840 నంబర్‌ను సంప్రదించాలని కోరారు. నాగులుప్పలపాడు: అతి వేగం నిండు ప్రాణాన్ని బలి తీసుకుంది. పోలీసులు, స్థానికుల వివరాల మేరకు..మండలంలోని ఈదుమూడి గ్రామానికి చెందిన కుమ్మూరి అనుబాబు (18) తిమ్మనపాలెం గ్రోత్‌ సెంటర్‌లోని ఓ కంపెనీలో పనిచేస్తున్నాడు. ఈ క్రమంలో సోమవారం విధులు ముగించుకొని మోటార్‌సైకిల్‌ పై వెళ్తున్న క్రమంలో కొత్తకోట సమీపంలో అతివేగంగా ఆర్చీని బలంగా ఢీకొట్టడంతో యువకుడు అక్కడికక్కడే మృతి చెందాడు. పోలీసులు ఘటనా స్థలానికి చేరుకొని మృతదేహాన్ని పోస్టుమార్టం నిమిత్తం ఒంగోలుకు తరలించారు. ఈ మేరకు కేసు నమోదు చేసుకొని దర్యాప్తు చేస్తున్నారు. ● రూ.10 లక్షల విలువైన బంగారు ఆభరణాలు ఆపహరణ మర్రిపూడి: మర్రిపూడి పడమటిబజారులో పట్టపగలే చోరీ జరిగింది. ఈ సంఘటన ఆలస్యంగా వెలుగుచూసింది. వివరాల్లోకి వెళితే.మర్రిపూడి పడమటి బజారుకు చెందిన మారెడ్డి నరేంద్రారెడ్డి, బేబి దంపతులు వ్యవసాయం చేస్తుంటారు. వారం క్రితం బ్యాంకులో పెట్టిన బంగారాన్ని విడిపించి ఇంట్లోని బీరువాలో ఉంచారు. ఇంటికి తాళాలు వేసి భార్యభర్తలు రోజూ పొలం వెళ్లి వచ్చేవారు. ఈ క్రమంలో ఆదివారం రాత్రి బీరువాను తెరవగా అందులోని బంగారు ఆభరణాలు కనిపించలేదు. గుర్తు తెలియని వ్యక్తులు ఇంట్లోకి చొరబడి బీరువా తలుపులు తీసి లాకర్‌లో ఉన్న బంగారాన్ని దొంగిలించి, తిరిగి యధావిధిగా బీరువాకు తాళాలు వేశారని బాధితులు తెలిపారు. మొత్తం రూ.10 లక్షల విలువైన బంగారు ఆభరణాలు చోరీకి గురయ్యాయని పోలీస్‌స్టేన్‌లో ఫిర్యాదు చేశారు. తెలిసిన వ్యక్తులు దొంగిలించి ఉంటారని స్థానికులు అనుమానం వ్యక్తం చేస్తున్నారు. పోలీసుల దర్యాప్తులో వివరాలు తెలియాల్సి ఉంది.

అనుమతులుండవు.. అడిగేందుకు ఏ శాఖ అధికారీ ముందుకు రాడు. ఫిర్యాదులు వస్తే నామ్‌కే వాస్తేగా దాడులతో మమ అనిపిస్తారు. అధికారం మాది.. అధికారులు మావాళ్లు.. ఏవరి వాటా వారికిస్తున్నాం.. మా ఇష్టం అన్నట్లు తెల్ల ఖనిజాన్ని తెలుగు తమ్ముళ్లు కొల్లగొడుతూ రూ.కోట్లు దండుకుంటున్నారు. ఉమ్మడి ప్రకాశం జిల్లాలోనే కనిగిరి ప్రాంతంలోని తెల్లరాయికి మంచి గిరాకీ ఉండటంతో అధికార పార్టీ అండగా.. తెలుగు తమ్ముళ్ల భాగస్వామ్యంతో అక్రమార్కులు భారీగా తెల్లరాయి తవ్వకాలు చేసి ఇతర ప్రాంతాలకు తరలిస్తున్నారు. దీంతో ప్రభుత్వ ఆదాయానికి గండిపడుతోంది. మైనింగ్‌ అక్రమ తవ్వకాలపై ప్రత్యేక నిఘా పెట్టాల్సిన అధికారులు మామూళ్ల మత్తులో జోగుతున్నారు. మైనింగ్‌, రెవెన్యూ, అటవీ శాఖల అధికారులు తెల్లరాయి ఖనిజాల తవ్వకాలపై దృష్టి పెట్టాల్సి ఉంది. కానీ ఆ వైపు అడుగులు వేసిన దాఖలాలు లేవు. మైనింగ్‌ శాఖ రాష్ట్ర అధికారులకు ఎవరైనా ఫిర్యాదులు చేస్తే.. నామ్‌కే వాస్తే రెండు నెలలకొకసారి మేమున్నాం అంటూ ఒకటి రెండు కేసులు పెట్టి మమ అనిపిస్తారు. కొంతకాలం క్రితం కనిగిరి, వెలిగండ్ల శివారు ప్రాంతాల్లో చీర్లదిన్నె, నాగిరెడ్డి కొండల మధ్య ఫారెస్ట్‌ బీట్‌ భూముల్లో టీడీపీ నాయకుడు అక్రమంగా మైనింగ్‌ తవ్వుతుండగా ఫారెస్ట్‌ అధికారులు పట్టుకున్నారు. భారీ స్థాయిలో తవ్వకాలు జరిపినట్లు గుర్తించారు. అయితే సుమారు 10 టన్నుల రాయి స్టాక్‌ మాత్రమే దొరకడంతో రూ.1.30 లక్షల పెనాల్టీ వేసినట్లు తెలిసింది. గత గురువారం రాత్రి మురిగమ్మి కొండ ప్రాంతంలో అక్రమంగా తరలిస్తున్న తెల్లరాయిని మైనింగ్‌, విజిలెన్స్‌ ఉన్నతాధికారులు దాడులు చేసి ఓ లారీ, జేసీబీ సీజ్‌ చేశారు. బల్లిపల్లి ప్రాంతంలో తెల్లరాయి తవ్వకం విషయంలో కూటమి నేతలు పోటీ పడుతున్నట్లు సమాచారం. కనిగిరిరూరల్‌/పీసీపల్లి: కనిగిరి నియోజకవర్గంలో అధికార పార్టీ నాయకులు రూ.లక్షల విలువైన సహజ వనరులను, ఖనిజ సంపదలను ఇష్టానుసారంగా దోచుకుంటున్నారు. ఆరు మండలాల్లో రెవెన్యూ, ఫారెస్ట్‌, కొండ పరివాహక శివారు ప్రాంత భూములను అడ్డాగా మార్చుకుని యంత్రాలతో రాత్రుల్లో తెల్లరాయిని యథేచ్ఛగా తవ్వి తరలిస్తూ జేబులు నింపుకుంటున్నారు. కొన్ని చోట్ల కొంత భూమిని లీజు అనుమతి పొంది.. వారికి ఇష్టమొచ్చినంత తవ్వుతుండగా, మరికొన్ని చోట్ల అసలు అనుమతి అనే మాట లేకుండానే అధికార పార్టీ అండే తమకు లైసెన్స్‌ అన్నట్లు వ్యవహరిస్తున్నారు. ఉమ్మడి ప్రకాశం జిల్లాలో అనేక మండలాల్లో తెల్లరాయి ఉన్నా.. కనిగిరి ప్రాంతంలో ఉన్న తెల్లరాయికి మంచి గిరాకీ ఉంది. ఇక్కడ గ్రేడ్‌ 1 రకం రాయి లభ్యమవుతుంది. దీంతో కనిగిరి నియోజకవర్గంలో తెల్లరాయి తవ్వకాలకే మైనింగ్‌ మాఫియా ఎక్కువ ప్రాధాన్యత ఇస్తున్నారు. రెవెన్యూ, అటవీ ప్రాంతం అధికంగా ఉండటం.. శివారు ప్రాంతం కావడంతో చైన్నె లాంటి ప్రాంతాలకు వైట్‌ క్వార్జ్‌ (తెల్ల రాయిని)ని ఎక్కువగా తరలించే అవకాశం ఉండటంతో ఇతర జిల్లాలు, రాష్ట్రాలకు చెందిన వారు స్థానిక టీడీపీ నేతల అండతో ఇక్కడ మకాం వేసి అక్రమ దందా సాగిస్తున్నారు. మామూళ్ల మత్తులో రెవెన్యూ, ఫారెస్ట్‌ అధికారులు.. తెల్లరాయి అక్రమ తవ్వకాల వ్యవహారం అధికారులకు తెలియదంటే పొరపాటే. అధికార పార్టీ నేతల ఒత్తిడి కొంత ఉన్నా.. అక్రమార్జనలో తిలా పాపం తలా పిడికెడు అన్న చందాన కొల్లగొట్టిన తెల్ల ఖనిజ ఆదాయంలో అధికారులకు నెలవారీ నజరానాలు అందుతున్నట్లు ప్రచారం సాగుతోంది. దీంతో అధికారుల సలహాలు, సూచనలతో స్టాక్‌ పాయింట్‌లకు, తవ్వకాలకు కొంత భూములను అనుమతి తీసుకుని వాటిని అధికారులకు చూపిస్తూ ఇతర రెవెన్యూ, ఫారెస్ట్‌ భూములుగా నిర్ధారణ కాని, హద్దులు తేల్చని ప్రాంతాల్లో తవ్వకాలు చేస్తున్నారు. రాత్రుళ్లు పొకై ్లన్లతో, జేసీబీలతో తవ్వకాలు చేసి అనుమతి పొందిన స్టాక్‌ పాయింట్‌ ప్రదేశంలో వేసుకుని తెల్లవారిన తర్వాత తరలిస్తున్నారు. ఇది ఒకరకం దోపిడీ కాగా మరో రకం దోపిడీ అయితే పీసీపల్లి కేంద్రంగా సాగుతోంది. ఇక్కడ అనుమతులుండవు.. అధికారులు రారు.. తమ్ముళ్లదే ఇష్టారాజ్యం. అటవీ, రెవెన్యూ ఇలా ఏ భూముల్లో అయినా రాత్రింబవళ్లు తవ్వకాలు జోరుగా చేస్తుంటారు. ఒక్కో లారీకి 30 నుంచి 40 టన్నుల ఎగుమతి జరగ్గా.. టన్నుకు రూ.30 నుంచి రూ.40 వేల వరకు ఆదాయం వస్తోందని తెలిసింది. వారానికి నాలుగు లారీల చొప్పున తెల్లరాయి తరలిస్తున్నాయి. పీసీపల్లి అడ్డాగా.. పచ్చ నేతల చీకటి దందా.. పీసీపల్లి మండలంలో మైనింగ్‌ మాఫియా రోజురోజుకూ రెచ్చిపోతోంది. మండలంలోని అధికార పార్టీ మాజీ ఎంపీటీసీ కుమారుడు నేరేడుపల్లి, లక్ష్మక్కపల్లిలో గుంటూరు లింగన్నపాలెం, అడవిలోపల్లి, మెట్లవారిపాలెం, గుంటుపల్లి, తురకపల్లి, మురిగమ్మి గ్రామాల్లో అక్రమ మైనింగ్‌కి పాల్పడుతున్నారు. మురగమ్మిలో 20 ఎకరాల్లో అటవీ, రెవెన్యూ, కొండపోరంబోకు భూములు, నేరేడుపల్లిలో 25 ఎకరాల్లో, గుంటుపల్లిలో 10 ఎకరాల్లో, తురకపల్లిలో 15 ఎకరాల్లో, లక్ష్మక్కపల్లిలో (మాలకొండకు పోయే దారిలో) 20 ఎకరాల్లో, లింగన్నపాలెంలో 5 ఎకరాల్లో అటవీ, రెవెన్యూ, కొండపోరంబోకు భూముల్లో నెల్లూరు, విజయవాడ ప్రాంతాలకు చెందిన వారు స్థానిక అధికార పార్టీ నేతల అండతో జోరుగా తవ్వకాలు చేస్తున్నారు. గడిచిన కాలంలో ఒక్క మురగమ్మి ప్రాంతంలోనే మైనింగ్‌ శాఖ అధికారులు ఐదు సార్లు దాడులు చేసి లారీలను, జేసీబీలను, తెల్లరాయిని పట్టుకున్నారు. అయినా తెల్లరాయి దందాను తమ్ముళ్లు యథేచ్ఛగా సాగిస్తున్నారు. పీసీపల్లి నుంచి నెల రోజుల వ్యవధిలో సుమారు ఒక వెయ్యి టన్నుల మేర అక్రమార్కులు గ్రేజింగ్‌, అటవీ పోరంబోకు భూముల్లో తెల్లరాయి తవ్వకాలు జరిపినట్లు అంచనా. అనుమతి (లీజు) పొందిన ప్రదేశంలో తవ్వకాలు జరిపినట్లు రికార్డులు చూపిస్తూ.. పది శాతం చలానా చెల్లించి.. 100 శాతం అధికార పార్టీ నేతలు జేబులు నింపుకుంటున్నారు. తెల్ల ఖనిజం తవ్వేస్తూ..

కనిగిరిరూరల్‌: మండలంలోని నేలటూరి గొల్లపల్లి కాటంరాజు గంగమ్మ తల్లి గుడిలో ఆదివారం చోరీ జరిగింది. దేవస్థాన కమిటీ సభ్యుల వివరాల మేరకు..గుర్తు తెలియని దుండగులు తాళం పగులకొట్టి గుడిలోకి ప్రవేశించి అమ్మవారి వెండి కళ్లు రాగి గంటలతో పాటు హుండీ పగులకొట్టి అందులోని సుమారు రూ 20 వేల నగదు అపహరించినట్లు వెల్లడించారు. ఈ మేరకు పోలీసులకు ఫిర్యాదు చేసినట్లు కమిటీ సభ్యుడు పి.మధు తెలిపారు. కనిగిరిరూరల్‌: కనిగిరి ప్రభుత్వ జూనియర్‌ కళాశాల 1980–82 బ్యాచ్‌ విద్యార్థుల ఆత్మీయ సమ్మేళనం ఆదివారం ఘనంగా నిర్వహించారు. 46 ఏళ్ల తర్వాత స్నేహితులంతా ఒకచోట కలుసుకొని అలనాటి జ్ఞాపకాలను నెమరువేసుకున్నారు. ఎక్కడెక్కడో వివిధ హోదాల్లో, వ్యాపార, విద్యా రంగాల్లో స్థిరపడిన వారంతా దాదాపు 150 మంది ఒకచోట చేశారు. కార్య నిర్వాహకులు మున్సిపల్‌ చైర్మన్‌ అబ్దుల్‌ గఫార్‌, బొగ్గరపు సుందరరాజ, కేవీఎన్‌రాజు, వసంతకుమారి, పీవీఎస్‌ మురళీధర్‌, కేవీ రమణారెడ్డి, అబ్దుల్‌ ఖాదర్‌, బీవీ నారాయణ, కొప్పోలు ప్రభాకర్‌, భారతీ, జయరామిరెడ్డి, గోపి కిషోర్‌, జీవి లక్ష్మణ్‌ కుమార్‌, బచ్చలి భాస్కర్‌, ఒమేగా రామిరెడ్డి, విజయభాస్కర్‌రెడ్డి, ఉషా, పద్మా, రత్నాకర్‌రెడ్డి, మైమున్నీసా, వి.భక్తవత్సలం పర్యవేక్షణలో కార్యక్రమాలు నిర్వహించారు. ఆనాటి అధ్యాపకులు ఓబయ్య, జాకబ్‌లను పూర్వ విద్యార్థులు ఘనంగా సన్మానించారు. వారు తమ జీవిత అనుభవాలను వివరించారు. ఈ సందర్భంగా ఒకరినొకరు యోగక్షేమాలు అడిగి తెలుసుకొని మనసారా నవ్వుకున్నారు. పాటలు పాడుతూ నృత్యాలు చేస్తూ సందడి చేశారు.అనంతరం పూర్వ విద్యార్థుల కమిటీ కళాశాల అభివృద్ధికి తమ వంతు ఆర్థికసాయాన్ని ప్రకటించారు. భవిష్యత్‌లో సేవాహిత, సహాయ కార్యక్రమాల నిర్వహణకు ప్రణాళిక రూపొందించారు. కార్యక్రమంలో కళాశాల ప్రస్తుత ప్రిన్సిపాల్‌, పాఠశాల హెచ్‌ఎం రమణారెడ్డి, హెచ్‌ఎంలు జి.సంజివీ, పల్లా కోటిరత్నం, పూర్వ విద్యార్థులు పాల్గొన్నారు.

పామూరు: మండలంలోని చింతపాలెంలో రైతు కేతు రాధాకృష్ణారెడ్డికి చెందిన పొగాకు బ్యార్నీ ప్రమాదవశాత్తు దగ్ధమైంది. పొగాకు క్యూరింగ్‌ జరుగుతున్న సమయంలో ఆకు మొద్దు గొట్టడంపై పడటంతో మంటలు చెలరేగాయి. సమాచారం అందుకున్న అగ్నిమాపక సిబ్బంది ఘటనా స్థలానికి వచ్చి మంటలను అదుపు చేశారు. అయితే అప్పటికే పూర్తిగా కాలిపోయింది. ప్రమాదంలో సుమారు రూ.5 లక్షలు నష్టం వాటిల్లినట్లు అగ్నిమాపక శాఖ అధికారులు తెలిపారు. మర్రిపూడి: మండలంలోని ధర్మవరంలో ఆదివారం పొగాకు బ్యారెన్‌ దగ్ధమైంది. వివరాల్లోకి వెళితే..గ్రామానికి చెందిన మార్తాల నరసింహారెడ్డికి చెందిన పొగాకు బ్యారెన్‌లో దాదాపు 1350 పచ్చాకు కర్ర క్యూరింగ్‌ జరుగుతుండగా ఆకు మొద్దు గొట్టంపై పడటంతో పెద్ద ఎత్తున మంటలు చెలరేగాయి. స్థానికులు మంటలను అదుపు చేసేందుకు ప్రయత్నించినా ఫలించలేదు. కొండపి నుంచి అగ్ని మాపక సిబ్బంది వచ్చిసరికి పూర్తిగా దగ్ధమైంది. ప్రమాదంలో 1350 అల్లుడు కర్ర, టైర్లు, గొట్టాలు పూర్తిగా కాలిపోయాయి. ప్రమాదంలో రూ.3.50 లక్షల ఆస్తినష్టం సంభవించిందని బాధితుడు వాపోయాడు.

ఒంగోలు టౌన్‌: నగరంలోని పీవీఆర్‌ బాలుర ఉన్నత పాఠశాలలో రెండో రోజు ఆదివారం బాలోత్సవం చిన్నారుల పండుగ సంబరాలు అంబరాన్నంటాయి. జిల్లా నలుమూలల నుంచి సుమారు 4 వేల మందికి పైగా విద్యార్థులు ఈ పండుగకు తరలివచ్చారు. వివిధ సాంస్కృతిక కార్యక్రమాల్లో ఉత్సాహంగా పాల్గొన్నారు. ఒక్కో విద్యార్థి ఒక్కో అంశంలో తన సత్తా చాటారు. ఏకపాత్రాభినయనంలో అద్భుతంగా నటించారు. సంప్రదాయ కోలాటంతో ప్రేక్షకులను కట్టిపడేశారు. జానపద నృత్యాలతో అదరగొట్టారు. సీ్త్ర విద్య కోసం అవిరళ కృషి చేసిన సావిత్రిబాయి, పూలే, ఫాతిమా షేక్‌ వంటి మహనీయులను ఉద్దేశించి ‘మరవ వద్దురా సమాజమా మహనీయులను’ అంటూ ప్రదర్శించిన నృత్యం ఆహుతులను ఆలోచింపజేసింది. మట్టితో చేసిన బొమ్మలను చూడడానికి ఆసక్తి కనబరిచారు. సమాజంలో మూఢ విశ్వాసాల వలన జరుగుతున్న నష్టాలు, కష్టాల గురించి వివరిస్తూ మెడలో పుర్రె బొమ్మలతో తాళ్లూరు మండలం తూర్పు గంగవరం గ్రామానికి చెందిన 8వ తరగతి విద్యార్ధిని ఐ.భాగ్యశ్రీ చేసిన ప్రదర్శనకు ప్రశంసలు దక్కాయి. నూతన ఆవిష్కరణలతో నిర్వహించిన సైన్స్‌ ప్రదర్శన అబ్బురపరిచింది. ఏక కాలంలో 8 వేదికలపై జరిగిన పలు ప్రదర్శనలను తిలకించేందుకు ప్రజలు పెద్ద ఎత్తున తరలి వచ్చారు. 200 మంది ఎన్‌సీసీ వాలంటీర్లు, వంద మంది ఉపాధ్యాయులు సేవలందించారు. బాలల ఉజ్వల భవితకు బాలోత్సవం బాటలు... బాలల ఉజ్వల భవితకు బాలోత్సవం బంగారు బాటలు వేస్తుందని వక్తలు చెప్పారు. మొబైల్‌ ఫోన్ల మాయలోపడి కొట్టుకుపోతున్న విద్యార్థులకు చక్కటి దిశానిర్దేశం చేసే బాలోత్సవం జిల్లాలోని అన్నీ ప్రాంతాలలో నిర్వహించాల్సిన అవసరముందని అతిథులు అభిప్రాయం వ్యక్తం చేశారు. వేలాది మంది విద్యార్థులను ఒక వేదిక మీదకు చేర్చిన నిర్వాహకుల కృషిని అభినందించారు. టంగుటూరు మండల విద్యాశాఖాధికారి టి.బాలాజీ జాతీయ జెండాను ఆవిష్కరించారు. కార్యక్రమంలో ఎమ్మెల్యే దామచర్ల జనార్ధన్‌, మేయర్‌ గంగాడ సుజాత, బాలోత్సవ కమిటీ గౌరవాధ్యక్షుడు ఏవీ రమణా రెడ్డి, కమిటీ ప్రతినిధులు బండారు లక్ష్మి నారాయణ, డి.వీరాజంనేయులు, రవి, అబ్దుల్‌ హై, జ్యోతి, జయప్రకాష్‌, షేక్‌ ఖాజా హుసేన్‌, ఉమా మహేశ్వరి, భాస్కర్‌, చిన్నస్వామి తదితరులు పాల్గొన్నారు. 4 వేల మందికి పైగా విద్యార్థుల సందడి కోలాటం, జానపద నృత్యాలు, సైన్స్‌ ప్రదర్శనల, మట్టిబొమ్మలతో ఔరా అనిపించిన చిన్నారులు

అద్దంకి రూరల్‌: అద్దంకి పట్టణంలో 50 వేల జనాభా, మండలంలో మరో 50 వేల మంది, నాలుగైదు మండలాల నుంచి అద్దంకికి వచ్చే వారితో కలుపుకొని 2 లక్షలకు పైనే జనాభాకు పట్టణంలోని సీహెచ్‌సీ వైద్యశాలే దిక్కు. పెరుగుతున్న జనాభాకు, ప్రజలకు అవసరాలకు అనుగుణంగా వైద్యశాల స్థాయి పెరగలేదు. దీంతో చిన్న చిన్న వైద్య సేవలు తప్ప పెద్ద పెద్ద వైద్య సేవలకు ఒంగోలు, గుంటూరు, విజయవాడ వంటి నగరాలకు పరుగులు తీయాల్సిన పరిస్థతి. ఈ క్రమంలో ఎన్నికల సమయంలో ప్రస్తుతం మంత్రిగా ఉన్న రవికుమార్‌ పట్టణానికి వంద పడకల వైద్యశాల మంజూరు చేస్తామని హామీ ఇచ్చారు. కానీ చంద్రబాబు ప్రభుత్వం అధికారం చేపట్టి 18 నెలలు గడుస్తున్నా వంద పడకల వైద్యశాల హామీని పూర్తిగా విస్మరించారు. ఒక్కసారి కూడా దానిపై సమీక్షించడం గానీ, భవిష్యత్‌లోనైనా చేద్దామని ప్రయత్నం కూడా చేయలేదు. దీంతో మంత్రి తీరుపై సర్వత్రా విమర్శలు వ్యక్తమవుతున్నాయి. ఈ క్రమంలో వంద పడకల వైద్యశాల తేవాలని వైఎస్సార్‌సీపీ నియోజకవర్గ ఇన్‌చార్జి చింతలపూడి అశోక్‌కుమార్‌ నడుం బిగించారు. మీరు తెస్తారా? లేక మేము వచ్చిన తరువాత వంద పడకల వైద్యశాల తెచ్చుకోమంటారా? అనే సవాల్‌ విసురుతున్నారు. ఉన్నతస్థాయి వైద్యం కరువు.. అద్దంకి నియోజకవర్గంలోని 5 మండలాల ప్రజలకు ఎలాంటి రోగాలు వచ్చిన అద్దంకి ప్రభుత్వ వైద్యశాలలో వైద్యులు తమ స్థాయిలో ప్రాథమిక వైద్యం చేస్తారు. పెద్ద పెద్ద జబ్బులు అయితే వెంటనే ఒంగోలుకు లేదా మరో నగరానికి సిఫార్సు చేస్తారు. సీహెచ్‌సీలో నిపుణులైన వైద్యులు ఉన్నా పరికరాలు, వివిధ విభాగాలు అందుబాటులో లేవు. ఈ క్రమంలో వంద పడకల వైద్యశాల అవసరం అద్దంకికి ఎంతైనా అవసరం. అద్దంకి హైవేపై తరుచూ ప్రమాదాలు అద్దంకిలో ఉన్న హైవేపై తరుచూ రోడ్డు ప్రమాదాలు జరుగుతుంటాయి. ఈ రోడ్డు ప్రమాదాల్లో ప్రాణాపాయ పరిస్థితిలో వచ్చిన వారికి ప్రాథమిక వైద్యం చేయడం తప్ప వైద్యులు ఏమీ చేయలేని పరిస్థితి. మెరుగైన చికిత్స నిమిత్తం ఒంగోలు లేదా గుంటూరు సిఫార్సు చేస్తున్నారు. ఈ పరిస్థితుల్లో క్షతగాత్రులకు సకాలంలో వైద్యం అందక మార్గమధ్యంలోనే మృతి చెందిన ఘటనలు ఎన్నో ఉన్నాయి. అద్దంకిలోనే 100 పడకల వైద్యశాల ఉంటే ఎంతో మంది ప్రాణాలతో బయటపడేవారు. ఇక్కడ ప్రసూతి, జ్వరాలు, జలుబు, చిన్నపిల్లలు వైద్యం వంటి సాధారణ విభాగాలు మినహా, ఇతర ఆధునికమైన పరికరాలు, వైద్యం అందే స్థాయి ఈ వైద్యశాలకు లేదు. ఈ క్రమంలో ఎన్నికల సమయంలో మంత్రి గొట్టిపాటి హామీ ఇవ్వడంతో అందరూ సంతోషించారు. ఆయన ఎమ్మెల్యే నుంచి మంత్రిగా బాధ్యతలు స్వీకరించినా అద్దంకికి 100 పడకల వైద్యశాల మంజూరు పట్ల అలివిమాలిన నిర్లక్ష్యం ప్రదర్శిస్తున్నారని ప్రజలు బాహాటంగా విమర్శిస్తున్నారు. వైద్యశాల సాధనకు ఉద్యమం అద్దంకిలో 100 పడకల వైద్యశాల సాధనకు వైఎస్సార్‌ సీపీ నియోజకవర్గ ఇన్‌ఛార్జి డాక్టర్‌ అశోక్‌కుమార్‌ నడుం బిగించారు. విద్య, వైద్యం అద్దంకి ప్రజలకు అందనంత దూరం చేసిన ప్రజాప్రతినిధులు అలసత్వాన్ని ఖండిస్తూ ఉద్యమానికి సన్నద్ధమవుతున్నారు. దానికి ప్రజల నుంచి మంచి స్పందన వస్తోంది. అది చేస్తాం..ఇది చేస్తాం..అంటూ ఎన్నికలప్పుడు హామీ ఇవ్వడం..అధికారం రాగానే ఆ హామీని, ప్రజలను విస్మరించడం నేతలకు రివాజుగా మారింది. అద్దంకికి 100 పడకల వైద్యశాల కూడా ఎన్నికల హామీగానే మిగిలిపోయింది. ఎన్నికల సమయంలో ఆర్భాటంగా హామీ ఇచ్చిన మంత్రి గొట్టిపాటి రవికుమార్‌..18 నెలల్లో ఆ హామీని పూర్తిగా మరిచిపోయారని నియోజకవర్గ ప్రజలు మండిపడుతున్నారు. ఎన్నికల సమయంలో అద్దంకిలో 100 పడకల ఆస్పత్రికి గొట్టిపాటి హామీ 18 నెలలైనా ఆ ఊసే ఎత్తని వైనం సీహెచ్‌సీ స్థాయికే పరిమితమైన వైద్యశాల మెరుగైన వైద్యానికి నగరాలకు తప్పని పరుగులు మంత్రి తీరుపై సర్వత్రా విమర్శలు 100 పడకల వైద్యశాల సాధనకు నడుం బిగించిన వైఎస్సార్‌ సీపీ ఇన్‌చార్జి డాక్టర్‌ చింతలపూడి అశోక్‌కుమార్‌

● రూ.3.50 లక్షల విలువైన సొత్తు అపహరణ సింగరాయకొండ: మండల కేంద్రమైన శ్రీరాంనగర్‌ వడ్డెర కాలనీలో ఆదివారం తెల్లవారుజామున చోరీ జరిగింది. పంచాయతీ కార్మికుడు తన్నీరు శివనాగరాజు నివాసంలో దుండగులు రూ.3.50 లక్షల విలువైన నగదు, బంగారు ఆభరణాలు వెండి సామగ్రి చోరీ చేశారు. బాధితుడు శివనాగరాజు కథనం ప్రకారం.. శివనాగరాజు బంధువులు బుంగబావి సెంటర్‌లో నివాసముంటున్నారు. వారికి అనారోగ్యంగా ఉండటంతో చూసేందుకు కుటుంబసభ్యులతో కలిసి వెళ్లారు. తిరిగి ఆదివారం ఉదయం 6 గంటలకు రాగా కిటికీ తలుపులు తీసి ఉన్నాయని, లోపలికి వెళ్లి చూడగా ఇంటి నిర్మాణానికి బీరువాలో ఉంచిన రూ.1.50 లక్షల నగదు, రూ.లక్ష విలువైన బంగారు ఆభరణాలు, రూ.లక్ష విలువైన వెండి వస్తువులు చోరీకి గురయ్యాయని గుర్తించారు. ఈ మేరకు పోలీసులకు ఫిర్యాదు చేశారు. క్లూస్‌ టీం వచ్చి ఆధారాలు సేకరించారు. ఈ మేరకు కేసు నమోదు చేసి దర్యాప్తు చేయనున్నట్లు పోలీసులు తెలిపారు.

ఒంగోలు సిటీ: ఉద్యోగుల బకాయిలకు సంబంధించి రూ.35 వేల కోట్లను ప్రస్తుత బడ్జెట్‌లో కేటాయించేలా కృషి చేయాలని వైఎస్సార్‌ సీపీ జిల్లా అధ్యక్షుడు, దర్శి ఎమ్మెల్యే బూచేపల్లి శివప్రసాద్‌రెడ్డిని ప్రభుత్వ ఉద్యోగుల సంఘ జిల్లా అధ్యక్షుడు చిన్నపరెడ్డి కిరణ్‌కుమార్‌రెడ్డి కోరారు. ఒంగోలు వైఎస్సార్‌ సీపీ కార్యాలయంలో ఆదివారం బూచేపల్లిని కలిసి వినతిపత్రం అందజేశారు. సమస్య పరిష్కారం కోసం కృషి చేస్తానని బూచేపల్లి శివప్రసాద్‌రెడ్డి తెలిపారు. ఈ సందర్భంగా జిల్లా అధ్యక్షుడు చిన్నపరెడ్డి కిరణ్‌కుమార్‌ రెడ్డి మాట్లాడుతూ ఉద్యోగ, ఉపాధ్యాయ, పెన్షనర్లకు హక్కుగా సంక్రమించి ఇప్పటికే మంజూరైన వివిధ రకాల ఆర్థిక ప్రయోజనాలు దాదాపు రూ.35 వేల కోట్లకు చేరాయన్నారు. మంజూరు కావాల్సిన వేతన సవరణ, 4 విడతల డీఏ, సరెండర్‌ లీవులు తదితర ప్రయోజనాల అంచనా కొన్ని వేల రూ.కోట్లు ఉన్నాయన్నారు. రాష్ట్ర ఆర్థిక పరిస్థితి దృష్ట్యా ఇన్ని వేల కోట్ల రూపాయల చెల్లింపు ప్రభుత్వానికి అసాధ్యంగా మారిన నేపథ్యంలో ప్రత్యామ్నాయ పరిష్కార మార్గంగా మన సంఘం ‘బాకీకి భూమి’ అనే ప్రతిపాదనను అటు ప్రభుత్వానికి నివేదించినట్లు తెలిపారు. ప్రభుత్వం నుంచి ఎటువంటి నిర్ధిష్టమైన స్పందన లేనందున ఉద్యోగ, ఉపాధ్యాయ, పెన్షనర్లలో తీవ్ర ఆవేదన నెలకొందన్నారు. మరోపక్క వంది మాగదులుగా తయారైన భజన సంఘాలు ప్రభుత్వంతో చర్చించేశాం, వేల కోట్ల బకాయిల చెల్లింపులు అయిపోయాయి, వరాల జల్లులు కురిసిపోయాయి అంటూ యథావిధిగా తమ భజన కొనసాగిస్తున్నారన్నారు. ప్రస్తుతం రాష్ట్ర బడ్జెట్‌ సమావేశాల తేదీలను ఖరారు చేసిన నేపథ్యంలో, ఉద్యోగులకు ఇప్పటికే మంజూరు చేసి పెండింగ్‌లో ఉన్న బకాయిలు, అలాగే మంజూరు చేయాల్సిన ఆర్ధిక ప్రయోజనాలు సిట్టింగ్‌ లేదా విశ్రాంత న్యాయమూర్తి నేతృత్వంలో పీఆర్‌సీ కమిషన్‌ ఏర్పాటు, నాలుగు విడతల డీఎలు, మధ్యంతర భృతి తదితర అంశాలకు ఈ బడ్జెట్‌లోనే నిర్ధిష్టమైన కేటాయింపులు చూపాలన్నారు. ప్రత్యామ్నాయ పరిష్కారంపై ప్రభుత్వం తమ విధాన ప్రకటనను బడ్జెట్‌ ద్వారా తెలియపరచాలని డిమాండ్‌ చేస్తున్నామన్నారు. కార్యక్రమంలో కార్యదర్శి వరకుమార్‌, ఒంగోలు పట్టణ అధ్యక్షుడు శ్రీనివాసరావు, మహిళా విభాగం చైర్మన్‌ ప్రసన్న, ఒంగోలు సెక్రటరీ శ్రీనివాస యాదవ్‌. యేసు రత్నం, అంకబాబు, వంశీకృష్ణ, చంచారావు, హరిబాబు, బాబురావు తదితరులు పాల్గొన్నారు.

ఒంగోలు సిటీ: పవిత్రమైన తిరుమల లడ్డూ విషయంలో సీఎం చంద్రబాబు అండ్‌ కో కొత్త డ్రామాలకు తెరసిందని దర్శి ఎమ్మెల్యే, వైఎస్సార్‌ కాంగ్రెస్‌పార్టీ జిల్లా అధ్యక్షుడు బూచేపల్లి శివప్రసాద్‌రెడ్డి ధ్వజమెత్తారు. నగరంలోని పార్టీ జిల్లా కార్యాలయంలో ఆదివారం ఏర్పాటు చేసిన విలేకర్ల సమావేశంలో ఆయన మాట్లాడారు. సుప్రీం కోర్టు ఏర్పాటు చేసిన సిట్‌ నివేదిక వచ్చే వరకూ హిందువులు ఎంతో పరమ పవిత్రంగా భావించే వెంకటేశ్వరస్వామి ప్రసాదం లడ్డూ తయారీల్లో జంతువుల కొవ్వు, పంది కొవ్వు, ఫిష్‌ ఆయిల్‌ కలిసిందని చంద్రబాబు విష ప్రచారం చేశారని ఆరోపించారు. సిట్‌ నివేదిక వచ్చాక ప్రసాదంలో బాత్రూంలకు వినియోగించే రసాయనాలు వాడారంటూ తప్పుడు ప్రచారం చేస్తున్నారని మండిపడ్డారు. లడ్డూ తిన్న ఎంత మంది భక్తులు అనారోగ్యానికి గురయ్యారో చెప్పాలని ఆయన డిమాండ్‌ చేశారు. ఎప్పుడూ లేని విధంగా తిరుపతి లడ్డూపై రాజకీయం చేయడం తగదని ఆయన ఖండించారు. సిట్‌ కోర్టుకు అందించిన నివేదికలో జంతుకొవ్వులు కలవలేదని పేర్కొందని చెప్పారు. 03–08–22లో మా ప్రభుత్వం అధికారంలో ఉన్నప్పుడు బోలేబాబా, వైష్ణవి తదితర సంస్థలు సరఫరా చేసిన నెయ్యి శాంపిల్స్‌ను ల్యాబ్‌కు పంపిస్తే జంతుకొవ్వు, పంది కొవ్వు, ఫిష్‌ ఆయిల్‌ కలిసిందని నివేదికలో ఎక్కడా చెప్పలేదన్నారు. తమ స్వార్థ రాజకీయాల కోసం, వైఎస్‌ జగన్‌ మోహన్‌రెడ్డిని నేరుగా ఎదుర్కొనలేక ప్రపంచ వ్యాప్తంగా ఉన్న హిందువుల మనోభావాలు దెబ్బతినేలా లడ్డూపై తప్పుడు ప్రచారానికి దిగారని బూచేపల్లి ఆగ్రహం వ్యక్తం చేశారు. సీబీఐ సమర్పించిన నివేదికలో మీ ప్రభుత్వం అధికారంలోకి వచ్చాక 06–07–24 నుంచి 12–07–24 నుంచి సేకరించిన శాంపిల్స్‌లో కూడా ఫిష్‌ ఆయిల్‌ కలవలేదని వచ్చిందన్నారు. దీనిని బట్టి ఎక్కడా జంతుకొవ్వు, పంది కొవ్వు కలవలేదని స్పష్టమవుతోందన్నారు. సిట్‌ నివేదిక బహిరంగమయ్యాక చంద్రబాబు మాటమార్చారని, బాత్రూంలకు వినియోగించే రసాయనాలు వాడారంటూ అసత్య ప్రచారానికి తెరతీసిందని ఆగ్రహం వ్యక్తం చేశారు. డెయిరీ ఫాంల్లో క్లీనింగ్‌ కోసం వినియోగించే రసాయనాలు లడ్డూలో కలిసిందని చెప్పడం రాజకీయ కక్షలో భాగమేనన్నారు. వైఎస్‌ జగన్‌ మోహన్‌రెడ్డి ఏనాడూ తన రాజకీయ స్వార్థం కోసం దేవుళ్లను వాడుకోలేదన్నారు. జగన్‌ నుంచి హిందువులను దూరం చేసేలా కుట్రలకు దిగుతున్నారన్నారు. మీ ప్రభుత్వానికి వ్యతిరేకంగా సర్వే రిపోర్టులు వస్తుండడంతో కుట్ర రాజకీయాలకు పాల్పడుతున్నారని ధ్వజమెత్తారు. తిరుమల లడ్డూ విషయంలో ప్రజలు తన మాటలు నమ్మడంలేదని గుర్తించి జనసేన, బీజేపీ నాయకులతో కలసి విలేకర్ల సమావేశం నిర్వహించే దుస్థితిలో చంద్రబాబు ఉన్నారన్నారు. పవన్‌ రోజుకో మతం జపం.. జనసేన అధ్యక్షుడు పవన్‌ కళ్యాణ్‌ రోజుకో మతాన్ని జపిస్తున్నారని బూచేపల్లి శివప్రసాద్‌ రెడ్డి ఎద్దేవా చేశారు. ఎన్నికల ముందు తన తండ్రి దేవుడ్ని పూజించరని, దేవుడి దీపంతో సిగరెట్‌ వెలిగించేవారని చెప్పారని గుర్తు చేశారు. నేడు సనాతన ధర్మం పేరుతో అధర్మాలకు పాల్పడుతున్నారని ఆరోపించారు. రాష్ట్రంలో జరుగుతున్న అన్యాయాలపై, దేవుడికి జరుగుతున్న అన్యాయంపై ఎందుకు ప్రశ్నించడంలేదని నిలదీశారు. బీజేపీ అధ్యక్షుడు సైతం తన మాటల్లో ఎక్కడా జంతువుల కొవ్వు, పంది కొవ్వు కలిసిందని చెప్పలేదన్నారు. కమిటీలు ఎందుకు: దేశంలోని సర్వోన్నత న్యాయస్థానం నియమించిన సిట్‌ ఇచ్చిన నివేదికను కాదని ఇప్పుడు తన సొంత మనుషులతో వేసిన కమిటీ ఎందుకని బూచేపల్లి ప్రశ్నించారు. మీ పార్టీ నాయకులతో వేసిన కమిటీ మీకు అనుకూలంగా నివేదిక ఇస్తుందన్న విషయం అందరికీ తెలుసన్నారు. మీకు అనుకూలంగా మాట్లాడలేదని టీటీడీ ఈఓ అశోక్‌ సింఘాల్‌ను బదిలీ చేశారని ఆరోపించారు. సమావేశంలో జెడ్పీ చైర్‌పర్సన్‌ బూచేపల్లి వెంకాయమ్మ, ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి, పార్టీ రాష్ట్ర కార్యదర్శులు కేవీ రమణారెడ్డి, వై.వెంకటేశ్వరరావు, మాజీ ఎమ్మెల్యే కసుకుర్తి ఆదెన్న, బొట్ల రామారావు, తదితరులు పాల్గొన్నారు.

మార్కాపురం టౌన్‌: ఆంధ్రప్రదేశ్‌ ప్రైవేటు స్కూల్స్‌ అసోసియేషన్‌ (అపుస్మా) మార్కాపురం జిల్లా అధ్యక్షునిగా గొట్టం మలికార్జునరెడ్డిని ఎన్నుకున్నారు. స్థానిక కమలా స్కూల్‌లో ఆదివారం జిల్లా నూతన కమిటీ ఎన్నిక నిర్వహించారు. ప్రధాన కార్యదర్శిగా పీ సుధీర్‌కుమార్‌రెడ్డి, కోశాధికారిగా ఏ వెంకటేశ్వరరెడ్డి, గౌరవ అధ్యక్షునిగా జే రత్నంబాబు, ఉపాధ్యక్షులుగా ఎస్‌ పిచ్చిరెడ్డి, సంయుక్త కార్యదర్శిగా కే రంగయ్య, కార్యవర్గ సభ్యులుగా పీ మణి చైతన్య, ఆర్‌ గుంటయ్య, యం సాలీగ్రాంలను ఏకగ్రీవంగా ఎన్నుకున్నట్లు తెలిపారు. కార్యక్రమానికి ముఖ్యఅతిథులుగా ప్రకాశం జిల్లా అధ్యక్షుడు మాధవరావు, గౌరవ అధ్యక్షుడు బీ హనుమంతరావు, గిద్దలూరు, కనిగిరి, మార్కాపురం, యర్రగొండపాలెం నియోజకవర్గాల నుంచి సుమారు 60 మంది ప్రైవేటు పాఠశాలల కరస్పాండెంట్లు హాజరయ్యారు. ● 3.3 సెం.మీ అతి సూక్ష్మ వరల్డ్‌ కప్‌ తయారీ చీరాల: 2026 అండర్‌ 19 క్రికెట్‌ ప్రపంచ కప్‌ పోటీల్లో చరిత్ర సృష్టించిన భారత్‌ జట్టుకు బాపట్ల జిల్లా చీరాలకు చెందిన స్వర్ణకారుడు నక్కా వెంకటేష్‌ తనదైన శైలిలో శుభాకాంక్షలు తెలిపారు. తన ప్రతిభతో 3.3 సెంటీమీటర్ల అతి సూక్ష్మమైన అండర్‌ 19 క్రికెట్‌ వరల్డ్‌ కప్‌ తయారు చేశారు. క్రికెట్‌లో ఇంగ్లాడ్‌ను ఓడించిన భారత్‌ యువ క్రికెటర్లకు దీనిని అంకితం చేశారు. ఈ కప్పు తయారీలో 0.500 మిల్లీగ్రాముల బంగారాన్ని, 2.900 మిల్లిగ్రాముల వెండిని ఉపయోగించి రెండు రోజులు పాటు శ్రమించి వరల్డ్‌కప్‌ తయారు చేసినట్లు ఆయన తెలిపారు.

మార్కాపురం టౌన్‌: మార్కాపురం కలెక్టరేట్‌లో సోమవారం ప్రజాసమస్యల పరిష్కార వేదికలో అర్జీలు స్వీకరించనున్నట్లు జాయింట్‌ కలెక్టర్‌ పి.శ్రీనివాసులు తెలిపారు. కలెక్టరేట్‌లో ఉదయం 10 గంటల నుంచి మధ్యాహ్నం 2 గంటల వరకు ప్రజా సమస్యల పరిష్కారం కోసం అర్జీలు స్వీకరిస్తామని చెప్పారు. ప్రజలు తమ సమస్యలను అర్జీల రూపంలో తీసుకువచ్చి పరిష్కరించుకోవచ్చని కోరారు. గుడ్లూరు: ఇండో సోలార్‌ కంపెనీ పైపులు దగ్ధమైన ఘటన ఆదివారం గుడ్లూరు మండలంలోని చేవూరు చెరువు వద్ద జరిగింది. 150 మీటర్ల పొడవైన పైపులు కాలిపోయాయి. వాటి విలువ సుమారు రూ.12 లక్షలు ఉంటుందని కంపెనీ ప్రతినిధులు తెలిపారు. ఆ మేరకు గుడ్లూరు పోలీస్‌స్టేషన్‌లో గుర్తు తెలియని వ్యక్తులు పైపులను తగులబెట్టారని ఫిర్యాదు చేశారు. కందుకూరు డీఎస్పీ బాల సుబ్రహ్మణ్యం, సీఐ నరేశ్‌ కుమార్‌, గుడ్లూరు ఎస్సై ఐవీ వెంకట్రావు చేవూరు చెరువు వద్దకు చేరుకొని విచారించారు. కేసు నమోదు చేసి దర్యాప్తు చేస్తున్నామని ఎస్సై వి.వెంకట్రావు తెలిపారు. పెరిగిన భక్తుల రద్దీ ● శ్రీశైలానికి భారీగా తరలివెళుతున్న యాత్రికులు పెద్దదోర్నాల: మహాశివరాత్రి పర్వదినాన్ని పురస్కరించుకుని ప్రసిద్ధి గాంచిన శ్రీశైల పుణ్యక్షేత్రానికి భారీగా తరలివచ్చే భక్తులతో ఆదివారం మండల కేంద్రం కిక్కిరిసిపోయింది. రాష్ట్ర నలుమూలల నుంచి భక్తులు శ్రీశైలం పుణ్యక్షేత్రానికి భారీగా తరలి రావడంతో ట్రాఫిక్‌కు అంతరాయం ఏర్పడింది. ఆదివారం సెలవు కావడంతో జిల్లాలోని పలు ప్రాంతాలతో పాటు, గంటూరు, కర్నూలు ప్రాంతాల నుంచి మాలలు ధరించిన శివస్వాములు శ్రీశైలానికి అధికంగా తరలివచ్చారు. దీంతో బస్సులు ప్రయాణికులతో కిక్కిరిశాయి. దీనికి తోడు పర్యావరణ పరిరక్షణ రుసుం వసూలు చేయడంలో అంతరాయంతో శ్రీశైలం రహదారిలోని గణపతి చెక్‌పోస్టు వద్ద ట్రాఫిక్‌కు కొంతమేర అంతరాయం ఏర్పడింది. ఒంగోలు టౌన్‌: బైక్‌ ఢీకొని యువకుడికి తీవ్ర గాయాలయ్యాయి. వివరాల్లోకి వెళితే.. నగరంలోని చంద్రయ్య కాలనీకి చెందిన వల్లెపు దుర్గా ప్రసాద్‌, మారుతీనగర్‌కు చెందిన ఇట్లా సందీప్‌ స్నేహితులు. ఆదివారం ఇద్దరు స్నేహితులు కలిసి తిరిగారు. సందీప్‌ను ఇంటి వద్ద వదిలిపెట్టేందుకు బయలుదేరారు. పాత వర్మ హోటల్‌ వద్దకు రాగానే వేగంగా వచ్చిన మోటారు బైకు ఢీకొట్టింది. దీంతో సందీప్‌ తలకు తీవ్ర గాయాలయ్యాయి. వెంటనే అతడ్ని జీజీహెచ్‌కు తరలించారు. పరిస్థితి విషమంగా ఉన్నట్లు వైద్యులు చెప్పారు. దుర్గా ప్రసాద్‌కు స్వల్ప గాయలయ్యాయి. ఈ మేరకు తాలుకా పోలీసులు కేసు నమోదు చేసుకొని దర్యాప్తు చేస్తున్నారు. టంగుటూరు: ద్విచక్రవాహనాన్ని తప్పించే క్రమంలోఅదుపుతప్పి క్రేన్‌ బోల్తా పడింది. ఈ సంఘటన మండలంలోని మల్లవరప్పాడు సమీపంలో ఆదివారం జరిగింది. స్థానికులు తెలిపిన వివరాలు మేరకు..టంగుటూరు మండలం కందులూరు–మల్లవరపాడు గ్రామం దారిలో మల్లవరప్పాడు గ్రామం నుంచి ద్విచక్రవాహనంపై మద్యం సేవించి వ్యక్తి వేగంగా వస్తుండగా ద్విచక్ర వాహనాన్ని తప్పించే క్రమంలో పక్కనే ఉన్న వంట కాలవలోకి క్రేన్‌ బోల్తా పడింది. ప్రమాదంలో డ్రైవర్‌కు స్వల్ప గాయాలు కాగా చికిత్స నిమిత్తం ప్రైవేట్‌ ఆస్పత్రికి తరలించారు.

మార్కాపురం: గత వైఎస్సార్‌ సీపీ ప్రభుత్వంలో మార్కాపురంలో మెడికల్‌ కాలేజీని నాటి ముఖ్యమంత్రి వైఎస్‌ జగన్‌మోహన్‌రెడ్డి ప్రారంభిస్తే కూటమి ప్రభుత్వం వచ్చిన తరువాత పనులు నిలిపేసి పీపీపీ విధానంలోకి తీసుకుని రావడాన్ని తీవ్రంగా వ్యతిరేకిస్తున్నామని, దీనిపై సుమారు 3 నెలల పాటు ఉద్యమాలు కూడా చేశామని మార్కాపురం వైఎస్సార్‌ సీపీ ఇన్‌చార్జి, మాజీ ఎమ్మెల్యే అన్నా రాంబాబు చెప్పారు. మార్కాపురం పట్టణంలోని వివిధ వార్డుల్లో ఆదివారం నిర్వహించిన సమావేశాల్లో ఆయన మాట్లాడారు. దివంగత ముఖ్యమంత్రి వైఎస్‌ రాజశేఖర్‌రెడ్డి పలు మెడికల్‌ కాలేజీలను మంజూరు చేయగా వైఎస్‌ జగన్‌మోహన్‌రెడ్డి మరో అడుగు ముందుకేసి రాష్ట్ర వ్యాప్తంగా మొత్తం 17 మెడికల్‌ కళాశాలలను ఏర్పాటు చేసి పలు చోట్ల పూర్తిచేశారన్నారు. అయితే కూటమి ప్రభుత్వంలో వాటిని ప్రైవేటుపరం చేసేందుకు పీపీపీ విధానం తెచ్చారని, దీన్ని తాము వ్యతిరేకిస్తూ ఉద్యమాలు చేయడంతో నిర్వహించేందుకు ఎవరూ ముందుకు రాలేదన్నారు. నాటి వైఎస్సార్‌ సీపీ ప్రభుత్వంలో జీజీహెచ్‌లో సుమారు 75 మంది వైద్యులను నియమించగా కూటమి ప్రభుత్వం వచ్చిన తరువాత ప్రస్తుతం జీజీహెచ్‌లో 9 నుంచి 15 మంది మాత్రమే ఉండటం శోచనీయమన్నారు. వైద్యం కూడా ప్రైవేటుపరం చేయడంతో పేద ప్రజలకు అందని ద్రాక్షలాగా మారిందన్నారు. నాణ్యమైన వైద్యం కోసం మళ్లీ ఒంగోలు, గుంటూరుకు వెళ్లాల్సిన పరిస్థితులు ఏర్పడుతున్నాయన్నారు. ప్రభుత్వం తక్షణమే స్పందించి జీజీహెచ్‌లో పూర్తి స్థాయిలో వైద్యులను నియమించాలని డిమాండ్‌ చేశారు. అవసరమైతే ఈ సమస్యపై పోరాటం చేస్తామన్నారు. పార్టీ నాయకులు, కార్యకర్తలు ఈ విషయంపై ప్రజలకు వివరించాలని తెలిపారు.

మార్కాపురం రూరల్‌: ఈతకు వెళ్లి నీటిలో మునిగి 9వ తరగతి విద్యార్థి మృతి చెందాడు. ఈ సంఘటన ఆదివారం మండలంలోని రాయవరం గ్రామంలో జరిగింది. వివరాల్లోకి వెళితే.. పట్టణంలోని పూలసుబ్బయ్య కాలనీకి చెందిన ఏసుబాబు (15) ఆదివారం సెలవు రోజు కావడంతో తన స్నేహితులైన బత్తుల జాన్‌ వెస్లీ, బూతపాటి అభిరామ్‌లతో కలిసి రాయవరం సమీపంలో హైవేరోడ్డు పక్కన ఉన్న పలకల క్వారీ వద్దకు వెళ్లారు. అక్కడ ఈతకొట్టేందుకు గుంతలో దిగగా..నీళ్లు ఎక్కువ లోతు ఉండటంతో మునిగిపోయాడు. సమాచారం అందుకున్న గ్రామస్తులు, తల్లిదండ్రులు పోలీసులు సంఘటన స్థలానికి చేరుకున్నారు. ఒక్కసారిగా ఆ ప్రాంతమంతా తల్లిదండ్రుల రోదనలతో మిన్నంటింది. మార్కాపురం సీఐ సుబ్బారావు, రూరల్‌ ఎస్సై వేమన ఈతగాళ్లతో గుంతలో గాలించారు. రాత్రి 8 గంటల సమయంలో మృతదేహాన్ని బయటకు తీశారు. మృతుని తల్లిదండ్రులు ప్రభాకర్‌, అల్లూరమ్మలు బేల్దారి పనులు చేసుకుంటూ ఇందిరమ్మకాలనీలో నివాసం ఉంటూ కుమారుడిని చదివించుకుంటున్నారు.

ఒంగోలు సబర్బన్‌: డిస్ట్రిక్ట్‌ డవలెప్‌మెంట్‌ కో ఆర్డినేషన్‌ అండ్‌ మోనటరింగ్‌ కమిటీ మీటింగ్‌ (దిశ) దిక్కులేనిదిగా మారింది. జిల్లా అభివృద్ధికి సంబంధించిన కీలక సమావేశం ప్రజాప్రతినిధులు లేక వెలవెలబోయింది. జిల్లాలో అమలవుతున్న కేంద్ర ప్రభుత్వ పథకాలపై సమీక్షించేందుకు ఎంపీ చైర్మన్‌గా ప్రతి మూడు నెలలకు ఒకసారి ఈ సమావేశం నిర్వహిస్తారు. అందులో భాగంగా శనివారం కలెక్టరేట్‌లోని పీజీఆర్‌ఎస్‌ భవన్‌లో ఎంపీ మాగుంట శ్రీనివాసులరెడ్డి ఆధ్వర్యంలో సమావేశం నిర్వహించారు. అయితే, ఈ సమావేశానికి టీడీపీకి చెందిన ఒక్క ఎమ్మెల్యే కూడా హాజరుకాలేదు. చివరకు కొండపి ఎమ్మెల్యేగా ఉన్న రాష్ట్ర సాంఘిక సంక్షేమ శాఖామంత్రి స్వామి కూడా హాజరుకాకుండా ముఖం చాటేశారు. సమావేశంలో ఎమ్మెల్యేల కోసం ఏర్పాటు చేసిన సీట్లన్నీ ఖాళీగా దర్శనమిచ్చాయి. జెడ్పీటీసీలు, ఎంపీపీలు కూడా సమావేశానికి రావడానికి నిరాసక్తత వ్యక్తం చేసినట్లుగా దిశ సమావేశానికి వచ్చిన ప్రజాప్రతినిధులను బట్టి స్పష్టమవుతోంది. ఒక్క ఎమ్మెల్యే కూడా హాజరుకాకపోవడంపై విమర్శలు... ఒంగోలు పార్లమెంట్‌ నియోజకవర్గ పరిధిలో ఏడు అసెంబ్లీ నియోజకవర్గాలు ఉన్నాయి. ఐదుగురు టీడీపీకి చెందిన ఎమ్మెల్యేలు ఉన్నారు. ఈ సమావేశానికి వారిలో ఒక్కరంటే ఒక్కరు కూడా హాజరుకాకపోవటంపై ప్రజల్లో తీవ్ర విమర్శలు వెల్లువెత్తుతున్నాయి. టీడీపీ ఇన్‌చార్జ్‌లు వస్తున్నారని వైఎస్సార్‌ సీపీ ఎమ్మెల్యేల నిరసన... గతంలో జరిగిన దిశ సమావేశాలకు ప్రొటోకాల్‌కు వ్యతిరేకంగా దర్శి, యర్రగొండపాలెం నియోజకవర్గాలకు చెందిన ఇన్‌చార్జ్‌లు వస్తున్నారని వైఎస్సార్‌ సీపీ ఎమ్మెల్యేలు డాక్టర్‌ బూచేపల్లి శివప్రసాద్‌రెడ్డి, తాటిపర్తి చంద్రశేఖర్‌ నిరసన వ్యక్తం చేశారు. గతంలో కూడా యర్రగొండపాలెం వైఎస్సార్‌ సీపీ ఎమ్మెల్యే తాటిపర్తి చంద్రశేఖర్‌ ఈ విషయమై ప్రశ్నించారు కూడా. ఎలాంటి ప్రొటోకాల్‌ లేకుండా అధికారికంగా నిర్వహించే సమావేశాలకు ఏ విధంగా హాజరవుతారని నిలదీశారు కూడా. అందుకే ఈ సమావేశానికి రాకుండా సహాయ నిరాకరణ పాటించారు. లోపాలను ప్రశ్నించేవారు లేక... కేంద్ర ప్రభుత్వం అమలు చేస్తున్న పథకాల అమలులో లోపాలపై ప్రశ్నించేవారే కరువయ్యారు. దీంతో అజెండా ప్రకారం అధికారులు వారు తెచ్చుకున్న నోట్స్‌ను చదువుకుంటూ పోయారు. అయితే సమావేశానికి వచ్చిన వెలిగండ్ల, హెచ్‌ఎం పాడు జెడ్పీటీసీలు, సంతనూతలపాడు, జరుగుమల్లి ఎంపీపీలు మాత్రమే స్థానికంగా ఉన్న సమస్యలను సమావేశం దృష్టికి తీసుకొచ్చారు. నగరంలో గంజాయి బ్యాచ్‌... ఒంగోలు నగరంలో గంజాయి బ్యాచ్‌ ఎక్కువయ్యారని నగర మేయర్‌ గంగాడ సుజాత ఆందోళన వ్యక్తం చేశారు. చాలా ప్రాంతాల్లో విద్యుత్‌ లైన్లు వేయకపోవటం వల్ల వీధిలైట్లు లేక రాత్రి వేళల్లో గంజాయి బ్యాచ్‌ వీరంగం సృష్టిస్తున్నారని, వచ్చేపోయే వారిపై దాడులు చేస్తున్నారని, మహిళలు రాత్రి వేళల్లో తిరగటానికే భయపడుతున్నారని సమావేశం దృష్టికి తీసుకొచ్చారు. ప్రధానంగా నగర శివారుతోపాటు, చెరువుకొమ్ముపాలెం వెళ్లే రోడ్డులో ఈ పరిస్థితి మరీ దారుణంగా ఉందన్నారు. విద్యుత్‌ లైన్లు వేసేందుకు ప్రణాళికలు రూపొందించాలని ఏపీసీపీడీసీఎల్‌ ఎస్‌ఈ కట్టా వెంకటేశ్వర్లుకు ఎంపీ సూచించారు. సమావేశంలో జేసీ కల్పనా కుమారి, జెడ్పీ సీఈఓ చిరంజీవి, డీఆర్‌ఓ బీసీహెచ్‌ ఓబులేసు, డ్వామా, డీఆర్‌డీఏ, హౌసింగ్‌, ఆర్‌డబ్ల్యూఎస్‌, వ్యవసాయం, విద్యుత్‌, పరిశ్రమలు, పంచాయతీరాజ్‌, పబ్లిక్‌ హెల్త్‌, చేనేత–జౌళి, మత్స్య, ఐసీడీఎస్‌, విద్యాశాఖ, జాతీయ రహదారులు, ఆర్‌అండ్‌బీ, రైల్వే, బీఎస్‌ఎన్‌ఎల్‌ అధికారులు పాల్గొన్నారు.

ప్రతి కార్యకర్తకు మంచి భవిష్యత్తు వైఎస్సార్‌ సీపీలో కష్టపడే ప్రతి కార్యకర్తకు మంచి భవిష్యత్తు ఉంటుందని మాజీ మంత్రి ఆదిమూలపు సురేష్‌ అన్నారు. జరుగుమల్లి మండలం వావిలేటిపాడులో కార్యకర్తలతో ఆయన మాట్లాడారు.ఆకాశం పాక్షికంగా మేఘావృతమైఉంటుంది. చలిగాలులు వీస్తాయి. పొగమంచు కురుస్తుంది. ఎరువుల ధరలు తగ్గించాలి ఇప్పటికే దిగుబడులు రాక ఇబ్బందులు పడుతున్నాం. ఇటువంటి పరిస్థితుల్లో కేంద్రం ఎరువుల ధరలు పెంచడం వలన వ్యవసాయం చేయాలంటే భారంగా ఉంది. ప్రధానంగా వరి, పత్తి, మిర్చి సాగుకు అవసరమయ్యే ఎరువుల ధరలను కేంద్ర ప్రభుత్వం పెంచింది. ఈ ఏడాది ఇప్పటి వరకూ వర్షాలు లేక ఇబ్బంది పడుతున్నాం. పత్తి సాగు చేసినా వర్షాలు లేకపోవడంతో వాడుముఖం పడుతోంది. ఇటువంటి పరిస్థితుల్లో ధరలు పెంచడం రైతులకు భారమే. – ఉడుముల కోటిరెడ్డి, వైఎస్సార్‌ సీపీ రాష్ట్ర కమిటీ సభ్యులు పంటలకు మద్దతు ధరలు లభించక కుదేలవుతున్న అన్నదాతలపై పెనుభారం పడనుంది. ఒక వైపు యూరియా లభించకపోవడం, మరో వైపు ఎరువులు ధరలు పెరగడంతో రైతుల నడ్డి విరుగుతోంది. ఎరువుల ధరలు పెరగడంతో ఉమ్మడి జిల్లాలోని రైతులపై కోట్లాది రూపాయల భారం పడనుంది. రైతులను ఆదుకోవడంలో చంద్రబాబు పూర్తిగా విఫలమయ్యారన్న ఆరోపణలు ఉన్నాయి. కూటమి అధికారంలోకి వచ్చాక వ్యవసాయం కష్టతరంగా మారింది. పెరిగిన ఎరువుల ధరలు అన్నదాతపై మోయలేని భారాన్ని మోపుతోంది. వివిధ కంపెనీలకు చెందిన ఎరువులు బస్తాకు సుమారు రూ.150 నుంచి రూ.200 వరకు పెరిగాయి. గత ఏడాది మిర్చి, పత్తి, పొగాకు సాగు చేసిన రైతులకు ఆశించిన స్థాయిలో గిట్టుబాటు ధరలు లేకపోవటంతో నష్టపోయారు. టన్నుకు 20 బస్తాలు లెక్కగా వ్యవసాయాధికారులు లెక్కిస్తారు. రబీలో మొత్తం ఎరువుల వినియోగం 1,26,060 మెట్రిక్‌ టన్నులు కాగా సగటున బస్తాకు రూ.150 ప్రకారం పెరిగిన ఎరువులు లెక్కిస్తే మొత్తం మీద సుమారు రూ.38 కోట్ల మేర అదనపు భారం పడుతుంది. అప్పులు చేసి సాగుచేస్తే ప్రభుత్వం ఎరువుల ధరలు పెంచడంతో వ్యవసాయం చేయడం కష్టమని రైతులు వాపోతున్నారు. ఇప్పటికే అప్పులు ఎక్కువై ఉమ్మడి జిల్లాలో పలువురు రైతులు ఆత్మహత్యలు చేసుకుంటున్నారు. ఎరువు..ధరవు!మార్కాపురం: జిల్లాలో మొత్తం 5,31,369 మంది రైతులున్నారు. రబీ సీజన్‌కు సంబంధించి 86,982 హెక్టార్లలో వివిధ రకాల పంటలు సాగు చేశారు. ఒక వైపు యూరియా అందక అవస్థలు పడుతున్న రైతులకు పెరిగిన ఎరువుల ధరలు శాపంగా మారుతున్నాయి. గత ఏడాది ఖరీఫ్‌లో మోంథా తుఫాన్‌ తాకిడికి మిర్చి, పత్తి రైతులు తీవ్రంగా నష్టపోయారు. దీంతో రబీలో పప్పుశనగ, మొక్కజొన్న, శనగ పంటలపై ఆశలు పెంచుకున్నారు. ఈ దశలో ఎరువులు ధరలు మోతమోగుతుండడం రైతులకు షాక్‌ ఇచ్చింది. గత ఏడాది ఖరీఫ్‌ ప్రారంభంలో ప్రభుత్వం ఎరువుల ధరలు పెంచింది. నాలుగైదు నెలల వ్యవధిలోనే మరోసారి ధరలు పెంచిన ప్రభుత్వం రైతులను పొలాకు దూరం చేస్తోంది. పెరిగిన ఎరువుల ధరలు చూసి రైతులు ఆందోళన చెందుతున్నారు. చంద్రబాబు అధికారంలోకి వచ్చిన తరువాత క్రమంగా ఎరువుల ధరలు పెరుగుతుండడంతో సాగు చేయాలా ? వద్దా ? అన్న సందిగ్ధంలో పడిపోతున్నారు. కేంద్రంలో, రాష్ట్రంలో డబుల్‌ ఇంజన్‌ సర్కారు అంటూ చెప్పుకుంటున్న నాయకులు కేంద్రం ధరలు పెంచితే నోరు మెదపకపోవడంపై విమర్శలు వెల్లువెత్తుతున్నాయి. రబీలో 86,982 హెక్టార్లలో సాగు.. ఉమ్మడి జిల్లాలో మొత్తం రబీ సీజన్‌లో 86,982 హెక్టార్లలో వివిధ పంటలు సాగయ్యాయి. ఇందులో వరి 11,526 హెక్టార్లలో, జొన్న 2529 హెక్టార్లలో, మొక్కజొన్న 14,230 హెక్టార్లలో, శనగలు 19,430 హెక్టార్లలో సాగు చేశారు. ఈ సీజన్‌లో యూరియాతో పాటు ఎరువులు వినియోగం ఎక్కువగా ఉంటుంది. పెరిగిన ధరలతో రైతులు బెంబేలెత్తుతున్నారు. గత సీజన్లలో గిట్టుబాటు ధరలు లభించక ఒక వైపు, ప్రకృతి వైపరీత్యాలు మరో వైపు కోలుకోలేకుండా చేశాయి. ఆదుకోవాల్సిన ప్రభుత్వం మొండిచేయి చూపడంతో రబీ సీజన్‌లోనైనా నష్టాన్ని పూడ్చుకుందామన్న వారి ఆశలపై ధరలు నీళ్లు జల్లాయి. హెక్టారుకు రెండున్నర బస్తాల డీఏపీ వినియోగం.. 28–28 రకం ఎరువులో యూరియా, భాస్వరం ఉంటాయి. వేర్లు ఏపుగా పెరిగేందుకు ఉపయోగపడుతుంది. 14–35–14 (నత్రజని, భాస్వరం, పొటాష్‌) ఎరువు, 20–20–20–0–13 రకం ఎరువులను ఎక్కువగా వరి, మిర్చి పంటలకు వినియోగిస్తారు. ఇందులో ప్రధానంగా నత్రజని మొక్క పెరుగుదలకు, భాస్వరం వేర్ల అభివృద్ధికి, పొటాష్‌ గింజ నాణ్యతకు, బరువు పెరుగుదలకు, పురుగులు, తెగుళ్లు తట్టుకునే వ్యాధి నిరోధక శక్తి పెరిగేందుకు ఉపయోగపడుతుంది. దీంతో కాంప్లెక్స్‌ ఎరువులను రైతులు కచ్చితంగా వాడాల్సి వస్తోంది. ఈ నేపథ్యంలో పెరిగిన ఎరువుల ధరలు రైతులకు భారంగా మారనున్నాయి. ఉమ్మడి జిల్లా వ్యాప్తంగా రైతులు ఎక్కువగా యూరియాను ఉపయోగిస్తున్నారు. గత ఏడాది అక్టోబర్‌ నుంచి ఇప్పటి వరకు 39,587 టన్నుల యూరియా జిల్లాకు రాగా సుమారు 38 వేల టన్నుల యూరియాను రైతులు వాడారు. మిగిలిన కాంప్లెక్స్‌ ఎరువులను కూడా వాడారు. యూరియా ధర ఒక్కటి మాత్రం బస్తా రూ.266 చొప్పున విక్రయిస్తున్నారు.

ఒంగోలు టౌన్‌: ‘‘నగరంలో తలదాచుకునేందుకు చారెడు జాగా లేకపోవడంతో ఇక్కడ రేకుల షెడ్డులు వేసుకొని జీవిస్తున్నాం... పది పన్నెండేళ్లుగా ఇక్కడే నివసిస్తున్నాం..ఇప్పుడు అర్ధంతరంగా మా ఇళ్లు పడగొట్టి బయటకు వెళ్లగొడితే మా పరిస్థితి ఏమిటి..ఎక్కడికి వెళ్లాలి..అందుకే చివరి శ్వాస వరకు ఇక్కడే ఉంటాం.. ఈ మట్టిలోనే చస్తామని’’ ఒంగోలులోని కార్మిక నగర్‌ కాలనీ నిర్వాసితులు ప్రకటించారు. కలెక్టరేట్‌ వద్ద బాధితులు సీపీఎం ఆధ్వర్యంలో శనివారం ధర్నా చేపట్టారు. ఈ సందర్భంగా కాలనీకి చెందిన చెరుకూరి లక్ష్మి మాట్లాడుతూ ఏరోజుకారోజు పనులు చేసుకొని బతికేవాళ్లం, నగరంలో అద్దెలు చెల్లించే స్థోమత లేక, ఊరిబయట ప్రభుత్వ స్థలంలో రేకుల షెడ్డులు వేసుకొని బతుకీడుస్తున్నాం. ప్రభుత్వం మాకు న్యాయం చేయాలి, మా ఇళ్లు కూల్చిన వారి మీద చర్యలు తీసుకోవాలని డిమాండ్‌ చేశారు. గతంలో కొందరు వ్యక్తులు నకిలీ రిజిస్ట్రేషన్‌ కాగితాలు తీసుకొచ్చి ఇళ్లు ఖాళీ చేయించాలని ప్రయత్నించారు, 2012, 2016లో తాము కోర్టుకు వెళితే తమకు అనుకూలంగా ఇంజక్షన్‌ ఆర్డర్‌ ఇచ్చిందని గుర్తు చేశారు. ఒంగోలుకు చెందిన అల్లాబక్షు, ఉన్నం నరేష్‌, కోడే శ్రీనివాసరావు, విజయవాడకు చెందిన శ్రీనివాసరావు, పాడిబండ్ల కృష్ణ, ప్రవీణ్‌ అనే వ్యక్తులు కానిస్టేబుళ్లను తీసుకొచ్చి రాత్రి పూట దౌర్జన్యంగా ఇళ్లు కూల్చివేశారని ఆరోపించారు. సామానులు సర్దుకునేందుకు కూడా అవకాశం ఇవ్వలేదని వాపోయారు. కార్మిక నగర్‌ నిర్వాసితులకు సీపీఎం మద్దతు తెలుపుతున్నట్లు నగర కమిటీ సభ్యుడు తంబి శ్రీనివాసరావు ప్రకటించారు. ముక్తినూతలపాడు సర్వే నంబర్‌ 186లోని కార్మిక నగర్‌ నిర్వాసితులకు చట్టపరంగా రక్షణ కల్పించాలని కోరారు. నిరుపేదలపై దాడులు చేసిన వారిని కఠినంగా శిక్షించాలని డిమాండ్‌ చేశారు. అనంతరం జేసీ కల్పనా కుమారికి వినతి పత్రం అందజేశారు. ఈ అంశంపై తక్షణమే విచారణ జరపాలని ఆమె రెవెన్యూ అధికారులకు ఆదేశించారని సీపీఎం నాయకులు తెలిపారు. కార్యక్రమంలో కాలనీకి చెందిన కారాణి దుర్గ, ఎస్‌కే సైదులు, బెల్లంకొండ వెంకట శేషయ్య, గరికపూడి సుధాకర్‌, అశోక్‌, పెదసింగు నాంచారమ్మ, మన్నేపల్లి ప్రమీల, చొప్పర సువార్తమ్మ పాల్గొన్నారు.

ఒంగోలు సబర్బన్‌: డాక్టర్‌ బీఆర్‌ అంబేడ్కర్‌ గురుకుల విద్యాలయాల పోస్టర్‌ను శనివారం కలెక్టర్‌ పి.రాజాబాబు ఆవిష్కరించారు. స్థానిక కలెక్టరేట్‌లోని ఆయన ఛాంబర్‌లో జిల్లాలో 2026–27 విద్యా సంవత్సరానికి సంబంధించిన పోస్టర్‌ను ఆవిష్కరించారు. డాక్టర్‌ బీఆర్‌ అంబేడ్కర్‌ గురుకుల విద్యాలయాల సంస్థ ఆధ్వర్యంలో 5వ తరగతి నుంచి జూనియర్‌ ఇంటర్‌ వరకు ప్రవేశాల దరఖాస్తుల ఆహ్వానంపై రూపొందించిన వాల్‌ పోస్టర్‌ను ఆవిష్కరించారు. కార్యక్రమంలో ఏపీ సోషల్‌ వెల్ఫేర్‌ రెసిడెన్షియల్‌ ఎడ్యుకేషనల్‌ ఇన్‌స్టిట్యూషన్‌ సొసైటీ జిల్లా కో ఆర్డినేటర్‌ జయ పాల్గొన్నారు. ఒంగోలు సిటీ: వికసిత్‌ భారత్‌లో విద్యార్థులు భాగస్వామ్యం కావాలని ప్రిన్సిపాల్‌ ఎన్‌.నిర్మలమణి అన్నారు. ఆంధ్ర కేసరి విశ్వవిద్యాలయంలో వైస్‌ ఛాన్సలర్‌ ప్రొఫెసర్‌ డీవీఆర్‌ మూర్తి, రిజిస్ట్రార్‌ ప్రొఫెసర్‌ బి.హరిబాబు గారి ఆదేశాల మేరకు విశ్వవిద్యాలయంలోని సెమినార్‌ హాల్‌లో ప్రధానమంత్రి మోదీ మంత్రా కార్యక్రమంపై వీడియో కాన్ఫరెన్స్‌ నిర్వహించారు. ఈ సందర్భంగా వారు మాట్లాడుతూ భారతదేశంలోని విద్యార్థినీ విద్యార్థులు దేశ చరిత్రను అవగాహన చేసుకోవాలని, సీ్త్ర సాధికారతను సాధించుకోవాలన్నారు. విద్యార్థులు ప్రొఫెషనల్‌ స్కూల్స్‌ లో లైఫ్‌ స్కిల్స్‌లో ప్రాధాన్యత పెంపొందించుకోవాలన్నారు. కార్యక్రమంలో అధ్యాపకులు, ఎన్‌ఎస్‌ఎస్‌ కోఆర్డినేటర్‌ డాక్టర్‌ మండే హర్ష ప్రీతం దేవ్‌ కుమార్‌, విద్యార్థినీ విద్యార్థులు పాల్గొన్నారు. మార్కాపురం: ఎడ్లపందేల బరిలో బరువైన బండను లాగుతూ గుండెపోటుతో ఎద్దు మృతిచెందిన ఘటన మార్కాపురం జిల్లా తర్లుపాడులో శనివారం జరిగింది. గ్రామంలోని రుక్మిణీ సత్యభామ సమేత వేణుగోపాలస్వామి బ్రహ్మోత్సవాల సందర్భంగా నిర్వహిస్తున్న రాష్ట్ర స్థాయి బండలాగుడు పోటీల్లో శనివారం నంద్యాల జిల్లా అలగనూరు గ్రామానికి చెందిన కట్టిబడి రోలి అనే రైతు ఎడ్ల జతలో ఒక ఎద్దు బండలాగుతూ గుండెపోటుతో మృతి చెందింది. సుమారు 800 అడుగులు లాగిన ఎడ్లజతలో ఒక ఎద్దు కుప్పకూలి తుది శ్వాస విడవడంతో ఉత్సవాల్లో విషాదం నెలకొంది. రైతులు కంటతడి పెట్టారు. ఎద్దు మృతదేహాన్ని గ్రామంలో ఊరేగించారు. గ్రామస్తులు చందాలు వేసుకుని సుమారు రూ.2.50 లక్షలను ఎడ్ల యజమాని రోలికి అందజేశారు.

ఒంగోలు సబర్బన్‌: ఒంగోలు నగరంలో ఫుడ్‌ సేఫ్టీ అధికారులు తూనికలు, కొలతల అధికారులతో కలిసి శనివారం ఆకస్మికంగా దాడులు నిర్వహించారు. రాష్ట్ర ఫుడ్‌ సేఫ్టీ కమిషనర్‌ అండ్‌ డైరెక్టర్‌ ఆదేశాల మేరకు నగరంలోని హోటల్స్‌, రెస్టారెంట్లు, బేకరీలు, స్వీట్స్‌ షాపుల్లో సంయుక్తంగా దాడులు చేపట్టారు. మొత్తం 10 బృందాలుగా ఏర్పడిన అధికారులు హోటల్స్‌లో, రెస్టారెంట్లలో నిల్వ ఉంచిన మాంసాహారాలను గమనించారు. రోజుల తరబడి ఫ్రిడ్జ్‌లలో ఉంచిన మాంసాన్ని చూసిన అధికారులు నివ్వెరబోయారు. 50 కేజీల మాంసాన్ని గమనించిన అధికారులు ఆ మాంసాన్ని ధ్వంసం చేశారు. కాలం చెల్లిన ఆహార పదార్థాలను కూడా కనుగొన్నారు. అదేవిధంగా స్వీట్‌ షాపులు, బేకరీల్లో కూడా నిల్వచేసిన, కాలం చెల్లిన ఆహార పదార్థాలను గుర్తించారు. ఆహార పదార్థాల్లో తయారు తేదీ కానీ, గడువు తేదీకానీ లేకుండా విక్రయిస్తున్న వాటిని, కాలం చెల్లిన వాటిని స్వాధీనం చేసుకున్నారు. మొత్తం 21 శాంపిల్స్‌ సేకరించిన అధికారులు పరీక్షల నిమిత్తం ఫుడ్‌ లేబొరేటరీకి పంపిస్తున్నామని అధికారులు తెలిపారు. నిబంధనలు పాటించని నిర్వాహకులకు నోటీసులు జారీ చేశారు. తనిఖీల్లో తూనికలు, కొలతల అధికారులు మొత్తం 20 కేసులు నమోదు చేశారు. మొత్తం నివేదికను జాయింట్‌ కలెక్టర్‌ కల్పనా కుమారికి సమర్పిస్తామని జిల్లా ఫుడ్‌ కంట్రోలర్స్‌, ఫుడ్‌ సేఫ్టీ ఆఫీసర్లు, డిప్యూటీ కంట్రోలర్‌, అసిస్టెంట్‌ కంట్రోలర్‌ లీగల్‌ మెట్రాలజీ అధికారులు తెలిపారు.

పెద్దదోర్నాల: మహాశివరాత్రి పర్వదినాన్ని పురస్కరించుకుని శ్రీశైల పుణ్యక్షేత్రంలోని శ్రీగిరి పర్వతంపై వెలసిన భ్రమరాంబ మల్లికార్జున స్వామి దర్శనానికి తరలివెళ్లే శివభక్తుల సంఖ్య రోజురోజుకూ గణనీయంగా పెరుగుతోంది. దీంతో శ్రీశైల ముఖద్వారంగా పేరొందిన దోర్నాలలో యాత్రికులు, శివస్వాములతో సందడి నెలకొంది. రాష్ట్ర నలుమూలల నుంచి భారీగా శివస్వాములు కాలినడకన శ్రీశైలం తరలి వెళుతుండడంతో నల్లమల అటవీప్రాంతం శివనామస్మరణతో మారుమోగుతోంది. దోర్నాల నుంచి 50 కిలోమీటర్ల మేర దట్టమైన నల్లమల అటవీ ప్రాంతంగుండా కాలినడకన శివస్వాములు శ్రీశైలం వెళ్లాల్సి ఉండడంతో వారి సౌకర్యార్థం పలువురు స్వచ్ఛందంగా ఉచిత భోజన వసతి, తాగునీటి సౌకర్యాన్ని కల్పించేందుకు ఏర్పాట్లు చేస్తున్నారు. నేటి నుంచి బ్రహ్మోత్సవాలు: శ్రీశైల మహాక్షేత్రంలో నేటి నుంచి ఈ నెల 18వ తేదీ వరకు మహా శివరాత్రి బ్రహ్మోత్సవాలు నిర్వహిస్తారు. ఈ సందర్భంగా జ్యోతిర్లింగ స్వరూపుడైన మల్లికార్జునస్వామి వారికి విశేష అర్చనలు, మహాశక్తి స్వరూపిణి అయిన భ్రమరాంబాదేవికి ప్రత్యేక పూజలను ఆలయ కమిటీ ఆధ్వర్యంలో నిర్వహించనున్నారు. బ్రహ్మోత్సవాల్లో భాగంగా నిత్యహోమ బలిహరణలు, జపానుప్ఠానాలు, స్వామివారికి విశేష అర్చనలు, అమ్మవారికి నవావరణార్చనలు, రుద్రహోమం, చండీహోమం, సాయంత్రం నిత్యపూజలు, వాహన సేవలను కన్నుల పండువగా నిర్వహించనున్నారు. మహాశివరాత్రి మహోత్సవాలు వైభవంగా నిర్వహించాలి ● జేసీ శ్రీనివాసులు త్రిపురాంతకం: జిల్లాలోని ప్రముఖ శైవక్షేత్రమైన త్రిపురాంతకంలో బాలాత్రిపురసుందరీదేవి, పార్వతి సమేత త్రిపురాంతకేశ్వరస్వామి ఆలయాల్లో మహా శివరాత్రి మహోత్సవాలను విజయవంతం చేసేందుకు అధికారులంతా సమన్వయంతో పనిచేయాలని మార్కాపురం జాయింట్‌ కలెక్టర్‌ శ్రీనివాసులు ఆదేశించారు. త్రిపురాంతకంలో శనివారం ఉత్సవాల నిర్వహణ సమాయత్త సమావేశంలో ఆయన మాట్లాడారు. ఉత్సవాల నిర్వహణలో అన్ని శాఖల అధికారుల మధ్య సమన్వయం అవసరమన్నారు. ప్రతి శాఖ తమ పరిధిలో నిర్వహించాల్సిన పనులు సక్రమంగా నిర్వర్తించేలా చూడాలన్నారు. అవసరమైతే ఇతర మండలాలకు చెందిన సిబ్బందిని బృందాలుగా ఏరా్పాటు చేసి విధులకు హాజరయ్యేలా చూడాలన్నారు. సాగర్‌ కాలువలకు ఇరువైపులా ప్రమాదాలు జరగకుండా చర్యలు తీసుకోవాలన్నారు. ఈనెల 13 నుంచి 19 వ తేదీ వరకు మహాశివరాత్రి మహోత్సవాలు నిర్వహించనున్నట్లు తెలిపారు. సమావేశంలో సబ్‌కలెక్టర్‌ శివరామిరెడ్డి, డీఎస్పీ నాగరాజు, తహసీల్దార్‌ విజయభాస్కర్‌ అన్ని శాఖల అధికారులు పాల్గొన్నారు.

టంగుటూరు: రొయ్యల చెరువులోని విద్యుత్‌ మోటారుకు మరమ్మతులు చేస్తుండగా షాక్‌ కొట్టి ఫీడ్‌ బాయ్‌ మృతిచెందిన సంఘటన మండలంలోని అనంతవరం పంచాయతీ పరిధి లోని తాళ్లపాలెంలో శుక్రవారం రాత్రి చోటుచేసుకుంది. పోలీసులు తెలిపిన వివరాల మేరకు టంగుటూరు మండలం తాళ్లపాలెం గ్రామ సమీపంలో కొల్లూరి శ్రీను అనే వ్యక్తి రెండు సంవత్సరాల లీజుకు రొయ్యల చెరువు తీసుకుని రొయ్యలు సాగు చేస్తున్నాడు. ఆ రొయ్యల చెరువుకు మరమ్మతులు చేసే క్రమంలో మోటారు పనిచేయలేదు. రొయ్య ల చెరువులకు ఫీడ్‌ బాయ్‌గా పనిచేస్తున్న ఒడిశా రాష్ట్రం కోరాపుట్‌ జిల్లా ప్రతులను మండలం ఆనందపూర్‌ గ్రామానికి చెందిన రమేష్‌ మల్లిక్‌ (20) మోటారుకు ఉన్న కరెంటు వైర్లను కలుపుతుండగా ప్రమాదవశాత్తూ షాక్‌ కొట్టింది. దీంతో అక్కడికక్కడే కిందపడి రమేష్‌ మల్లిక్‌ మృతి చెందాడు. పోస్టుమార్టం నిమిత్తం ఒంగోలు జీజీహెచ్‌కి అతన్ని తరలించారు. తాళ్లపాలెం గ్రామ వీఆర్‌ఓ కత్తి నరసింహం ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై నాగమల్లేశ్వర రావు తెలిపారు.

● వైఎస్సార్‌ సీపీ కొండపి నియోజకవర్గ ఇన్‌చార్జి డాక్టర్‌ ఆదిమూలపు సురేష్‌ జరుగుమల్లి (సింగరాయకొండ): వైఎస్సార్‌ సీపీలో కష్టపడే ప్రతి కార్యకర్తకు మంచి భవిష్యత్తు ఉంటుందని, తమది క్యాడర్‌ బేస్డ్‌ పార్టీగానీ.. లీడర్‌ బేస్డ్‌ పార్టీ కాదని ఆ పార్టీ కొండపి నియోజకవర్గ ఇన్‌చార్జి, పీఏసీ సభ్యుడు, మాజీ మంత్రి డాక్టర్‌ ఆదిమూలపు సురేష్‌ అన్నారు. జరుగుమల్లి మండలంలోని వావిలేటిపాడు గ్రామంలో శనివారం పార్టీ మండల స్థాయి సంస్థాగత నిర్మాణ సమావేశంలో ఆయన ముఖ్యఅతిథిగా పాల్గొని మాట్లాడారు. పార్టీ పదవుల్లో అన్ని వర్గాల వారికి ప్రాధాన్యత ఇస్తున్నామన్నారు. నియోజకవర్గంలో గ్రామ స్థాయి నుంచి రాష్ట్ర స్థాయి వరకు 8 వేల మందికి పదవులిచ్చి బలమైన టీమ్‌ను సిద్ధం చేస్తున్నామన్నారు. చంద్రబాబు ప్రభుత్వంలో తమ పార్టీ నాయకులు, కార్యకర్తలు పోలీస్‌స్టేషన్‌, రెవెన్యూ కార్యాలయానికి వెళ్తే పట్టించుకోవటం లేదని ఆందోళన వ్యక్తం చేశారు. ఇదేమైనా రాజరికం, జమీందారీ వ్యవస్థా అని ప్రశ్నించారు. ప్రజాస్వామ్య వ్యవస్థలో ప్రభుత్వాలు వస్తుంటాయి.. పోతుంటాయని, కానీ, ప్రజలందరికీ రాజ్యాంగం హక్కులు కల్పించిందని గుర్తు చేశారు. జగనన్న హయాంలో పార్టీలు, కులాలు, మతాలు చూడకుండా అర్హులైన ప్రతి ఒక్కరికీ సంక్షేమ పథకాలు అందజేశారని, ఏ ప్రభుత్వమైనా అదే విధానాన్ని పాటించాలని కూటమి ప్రభుత్వానికి హితవు పలికారు. కొండపి నియోజకవర్గంలో పార్టీ ఓడిపోలేదు... కొండపి నియోజకవర్గంలో చంద్రబాబు ప్రభుత్వం గెలిచింది తప్ప వైఎస్సార్‌ సీపీ ఓడిపోలేదని ఆదిమూలపు సురేష్‌ అన్నారు. పార్టీకి 32 వేల ఓట్లు వచ్చాయని, 44 శాతం ఓటు బ్యాంకు ఉందని గుర్తుచేశారు. ఎన్నికల సమయంలో ప్రత్యర్థులు ఉంటారేగానీ శత్రువులు ఉండరన్నారు. జగన్‌మోహన్‌రెడ్డి దమ్మున్న నాయకుడని, తమ పార్టీకి ఉజ్వల భవిష్యత్తు ఉందని అన్నారు. మాజీ మంత్రులు అంబటి రాంబాబు, జోగి రమేష్‌లను పరామర్శించడానికి తన ఇంటి నుంచి 10 కిలోమీటర్ల దూరం వెళ్లడానికి జగన్‌మోహన్‌రెడ్డికి సుమారు 8 గంటలు పట్టిందని, ఇది ప్రజలకు జగన్‌పై ఉన్న అభిమానమని అన్నారు. చంద్రబాబు ప్రభుత్వంలో వైఎస్సార్‌ సీపీ నాయకులను అక్రమంగా జైలులో పెడుతున్నారని, ఇళ్లపై పెట్రోలు బాంబులు వేస్తున్నారని, పొలాలు ఆక్రమిస్తున్నారని ఆరోపించారు. పార్టీ ఫ్లెక్సీలు వేయకూడదని.. చివరకు గణేష్‌ నిమజ్జనం రోజున కూడా డీజేలు పెట్టకూడదని ఆంక్షలు విధించారని మండిపడ్డారు. చివరకు రోడ్డుపైనే గణేష్‌ విగ్రహం వదిలి వెళ్లే పరిస్థితి కల్పించారని ఆందోళన వ్యక్తం చేశారు. పార్టీ పదవులు పొందిన ప్రతిఒక్కరికీ గుర్తింపు కార్డులు ఇస్తామని, రూ.5 లక్షల ఇన్సూరెన్స్‌ సౌకర్యం కూడా కల్పిస్తామని వివరించారు. పార్టీ పేరు చెప్పుకుని ఎదిగినవారు పార్టీని మర్చిపోకూడదని, పార్టీ విధేయులుగా ఉండాలే తప్ప వెన్నుపోటు పొడవకూడదని కోరారు. పొగాకుకు గిట్టుబాటు ధర కల్పించాలి... పొగాకు రైతులకు గిట్టుబాటు ధర కల్పించాలని చంద్రబాబు ప్రభుత్వాన్ని ఆదిమూలపు సురేష్‌ డిమాండ్‌ చేశారు. గత ప్రభుత్వంలో జగనన్న మార్కెఫెడ్‌ ద్వారా పొగాకు కొనుగోలు చేసి రైతులను ఆదుకున్నారని గుర్తు చేశారు. వైఎస్సార్‌ సీపీ ప్రభుత్వంలో, ప్రస్తుత చంద్రబాబు ప్రభుత్వంలో పొగాకు ధరలు ఏ విధంగా ఉన్నాయన్న విషయాన్ని ప్రజల్లోకి తీసుకెళ్లాలని సూచించారు. రైతు కంటతడిపెట్టినా, కుదేలైనా ఆ ప్రభుత్వాలు మనుగడ సాగించవని హెచ్చరించారు. జగనన్నది సంక్షేమ ప్రభుత్వమని తెలిపారు. అర్హులైన ప్రతి ఒక్కరికీ పదవులు ఇస్తామని, నాయకులు, కార్యకర్తలకు అండగా ఉంటామని భరోసా ఇచ్చారు. ఈ సందర్భంగా సురేష్‌ను పార్టీ నాయకులు ఘనంగా సత్కరించి తమ అభిమానాన్ని చాటుకున్నారు. పార్టీ మండల అధ్యక్షుడు పిన్నిక శ్రీనివాసరావు, బత్తిన మదన మనోహరరావు, కనపర్తి శేషారెడ్డి, కొమ్మాలపాటి మధుసూదనరావు, దగ్గుమాటి బూసిరెడ్డి, హనుమారెడ్డి, పాడిబండ్ల వేణు, కసుకుర్తి పున్నారావు, నాగినేని భాస్కర్‌, పాలేటి రవి, ఉప్పాళ్ల శ్రీనివాసులు, తదితర నాయకులు, కార్యకర్తలు పాల్గొన్నారు.

మార్కాపురం: గత ఖరీఫ్‌ సీజన్‌లో సాగుచేసిన పత్తి, మిర్చి పైర్లను మోంథా తుఫాన్‌ కారణంగా రైతులు తీవ్రంగా నష్టపోయారు. భారీగా అప్పుల పాలయ్యారు. ఆ నష్టపరిహారం ఇంకా ప్రభుత్వం నుంచి విడుదల కాలేదు. ఈ నేపథ్యంలో రబీలో సాగుచేసిన మొక్కజొన్న దిగుబడులపై రైతుల ఆశలు పెంచుకుంటున్నారు. మార్కాపురం జిల్లా వ్యాప్తంగా ఉన్న 21 మండలాల్లో 19,052 హెక్టార్లలో మొక్కజొన్న సాగు చేశారు. ఎకరాకు సుమారు 30 వేల వరకూ ఖర్చు వస్తోంది. దాదాపు 3 టన్నుల వరకూ దిగుబడి రావచ్చని అంచనా వేస్తున్నారు. మార్కెట్‌లో టన్ను రేటు రూ.35 వేల వరకూ ఉంది. ఎకరా మొక్కజొన్న నాటడానికి 3 వేల రూపాయలు, కలుపు మందుకు 1500 రూపాయలు, ఎరువులకు సుమారు 12 వేలు, పురుగుమందులకు 3 వేలు, జుట్లు పీకడానికి 2200, సేద్యపు ఖర్చుల కింద 2 వేలు, కోత ఖర్చుల కింద దాదాపు 6 వేల రూపాయల ఖర్చు వస్తోంది. ఈ నేపథ్యంలో మొక్కజొన్న దిగుబడులు, తద్వారా వచ్చే లాభాలపై రైతులు ఆశలు పెంచుకుంటున్నారు. ఇప్పటివరకూ ఉన్న గిట్టుబాటు ధర కొనసాగినా, పత్తి, మిర్చి సాగుచేసి వచ్చిన నష్టాలను మొక్కజొన్న ద్వారా తీర్చుకోవచ్చని రైతులు భావిస్తున్నారు. మార్కాపురం జిల్లాలో 19,052 హెక్టార్లలో మొక్కజొన్న సాగు దిగుబడులు, లాభాలపై రైతుల ఆశలు

ముండ్లమూరు: సర్వీస్‌ వైరు బిగించేందుకు స్తంభం ఎక్కి ప్రమాదశాత్తూ విద్యుత్‌ షాక్‌కు గురై జారిపడి గూడాల అంజిరెడ్డి (38) మృతి చెందిన సంఘటన మండలంలోని పసుపుగల్లు గ్రామంలో శనివారం చోటుచేసుకుంది. గ్రామానికి చెందిన ఓ ఇంటికి విద్యుత్‌ సరఫరా లేకపోవడంతో విద్యుత్‌ సరఫరా ఇచ్చేందుకు పాత ఊరు వీధిలో ఉన్న విద్యుత్‌ స్తంభాన్ని ఎక్కి సర్వీస్‌ వైర్‌ బిగుస్తున్నారు. ఆ క్రమంలో అంజిరెడ్డికి తన చేతిలో ఉన్న కటింగు బేర్‌ లైన్‌ తగలడంతో ఒక్కసారిగా షాక్‌ గురై స్తంభం పక్కన ఉన్న గోడపై పడి తలకు తీవ్ర గాయమైంది. దీంతో సంఘటన స్థలంలోనే అంజిరెడ్డి మృతి చెందాడు. కుటుంబానికి జీవనాధారంగా ఉన్న అంజిరెడ్డిని కోల్పోయిన కుటుంబ సభ్యులు భోరున విలపించారు. విషయం తెలుసుకున్న ముండ్లమూరు ఎస్సై కమలాకర్‌ సంఘటన స్థలానికి వచ్చి మృతదేహాన్ని పరిశీలించారు. మృతుని భార్య లక్ష్మి ఇచ్చిన ఫిర్యాదు మేరకు ఏఎస్‌ఐ ఎన్‌.వెంకటేశ్వరరెడ్డి కేసు నమోదు చేసి దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం ప్రభుత్వాస్పత్రికి తరలించారు. మృతునికి భార్య, కుమారుడు ఉన్నారు. అంజిరెడ్డి మృతితో గ్రామంలో విషాద చాయలు అలముకున్నాయి. సింగరాయకొండ: హైకోర్టు పరిధిలో వివాదంలో ఉన్న మామిడి తోటను కొందరు అక్రమంగా జేసీబీలతో ధ్వంసం చేసిన ఘటన శుక్రవారం అర్ధరాత్రి సుమారు 12.30 గంటల సమయంలో జరిగింది. వైఎస్సార్‌ సీపీ బీసీ సెల్‌ రాష్ట్ర ప్రధాన కార్యదర్శి యన్నాబత్తిన వెంకటేశ్వరరావు (చిన్నా), మాజీ ఎంపీటీసీ షేక్‌ సలీంబాషా, కనుమళ్ల మాజీ సర్పంచ్‌ తన్నీరు రమణయ్య తెలిపిన వివరాల ప్రకారం.. మండల కేంద్రంలోని బాలయోగినగర్‌లో సోమరాజుపల్లి రెవెన్యూ గ్రామానికి చెందిన సర్వేనెంబరు 659–3లో 2.74 ఎకరాల స్థలాన్ని కుంచాల విజయకు 1997వ సంవత్సరంలో అప్పటి మంత్రి దామచర్ల ఆంజనేయులు అసైన్‌మెంటు కమిటీ ద్వారా కేటాయించారు. ఇటీవల ఆమె తన స్థలంలో సుమారు రూ.3 లక్షలు ఖర్చు చేసి మామిడిమొక్కలు వేసుకుని భధ్రత కోసం ఫెన్సింగ్‌, సీసీ కెమెరాలు ఏర్పాటు చేసింది. కానీ, రాత్రివేళ సుమారు 30 మంది రెండు జేసీబీలు తీసుకొచ్చి ఫెన్సింగ్‌, సీసీ కెమెరాలు ధ్వంసం చేశారు. అంతేగాకుండా వారు వెంట తెచ్చుకున్న కత్తులతో మామిడి మొక్కలను కూడా నరికేశారు. అక్కడ కాపలా ఉన్న వాచ్‌మెన్‌ను కూడా బెదిరించారు. కోర్టులో వివాదంలో ఉన్న భూమిలో ఈ విధంగా విధ్వంసం సృష్టించటంపై వైఎస్సార్‌ నాయకులు విస్మయం వ్యక్తం చేశారు. దీనిపై సోమవారం ఎస్పీ హర్షవర్థన్‌రాజును కలిసి బాధితురాలు ఫిర్యాదు చేయనున్నట్లు వెల్లడించారు. కనిగిరి రూరల్‌: పీసీ పల్లి మండలం బండపాలెం గ్రామంలో ఏనుగంటి వెంగమ్మ ఇంట్లో చోరీకి పాల్పడిన కేసులో ఒకరిని అరెస్ట్‌ చేసినట్లు పోలీసులు శనివారం వెల్లడించారు. స్థానిక డీఎస్పీ సాయి ఈశ్వర్‌ యశ్వంత్‌ విలేకరుల సమావేశంలో వెల్లడించిన వివరాల ప్రకారం.. ఈ నెల 2వ తేదీ బండపాలెంలోని ఏనుగంటి వెంగమ్మ ఇంట్లో దొంగతనం జరిగింది. బాధితురాలి ఫిర్యాదు మేరకు పోలీసులు కేసు నమోదు చేశారు. ఎస్పీ ఆదేశాలు, డీఎస్పీ సూచనలతో కనిగిరి సీఐ శ్రీనివాసరావు ఆధ్వర్యంలో అనుమానితుల కోసం గాలించారు. శనివారం స్థానిక బొడ్డు చావిడి సెంటర్‌లో బంగారపు వస్తువులు అమ్మడానికి వచ్చిన కాళహస్తి శివశంకర్‌ను అనుమానించి పట్టుకుని విచారించారు. నేరం అంగీకరించడంతో అతన్ని అరెస్ట్‌ చేశారు. అతని వద్ద నుంచి ఒక బంగారు నల్లపూసల తాడు, రెండు బంగారపు ఉంగరాలు, ఒక బంగారు చెవి కమ్మలు, రెండు జతల వెండి పట్టీలను స్వాధీనం చేసుకున్నారు. నిందితుడిని కోర్టులో హాజరుపరచగా, 14 రోజుల రిమాండ్‌ విధించినట్లు పోలీసులు చెప్పారు. అలాగే, పరారీలో ఉన్న మరో ముగ్గురిని త్వరలో పట్టుకుని మిగతా ఆభరణాలను రికవరీ చేసి బాధితులకు న్యాయం చేస్తామని తెలిపారు.

వలేటివారిపాలెం: మండలంలోని మాలకొండలో ఉన్న మాల్యాద్రి లక్ష్మీనరసింహస్వామి దేవస్థానానికి శనివారం రూ.7,96,793 ఆదాయం వచ్చినట్లు ఆలయ ఈఓ ఎస్‌.చంద్రశేఖర్‌ ఒక ప్రకటనలో తెలిపారు. కుంకుమార్చన ద్వారా రూ.20,680, తలనీలాల ద్వారా రూ.27,325, ప్రత్యేక దర్శనాల ద్వారా రూ.2,36,800, రూమ్‌ అద్దెలకు రూ.25,860, లడ్డు ప్రసాదాలకు రూ.2,08,380, అన్నదానానికి విరాళంగా రూ.2,48,057, ఇతర విరాళాలు కలిపి మొత్తం రూ.7,96,793 ఆదాయం వచ్చినట్లు వెల్లడించారు. ● రూ.4 లక్షల మేర ఆస్తి నష్టం టంగుటూరు: ప్రమాదవశాత్తూ పొగాకు బ్యారన్‌ దగ్ధమైన సంఘటన మండలంలోని ఎం.నిడమానూరు గ్రామంలో శుక్రవారం అర్ధరాత్రి చోటుచేసుకుంది. బాధితులు తెలిపిన వివరాల మేరకు మండలంలోని ఎం.నిడమానూరు గ్రామానికి చెందిన అన్నాబత్తిన బాలాజీరావు బ్యారన్‌లో పొగాకు రెలిపి క్యూరింగ్‌ కోసం దాదాపు 1200 కర్రలు పెట్టారు. అయితే రైజ్‌ చూసే సమయంలో కర్ర మొద్దు గొట్టాంపై జారిపడి మంటలు వ్యాపించాయి. బ్యారన్‌లో ఉన్న కర్ర, ఆకు, టైర్లు అగ్నికి ఆహుతై సుమారు రూ.4 లక్షల మేరకు ఆస్తి నష్టం వాటిల్లిందని బాధితులు తెలిపారు. మంగపతివారిపాలెంలో... పొన్నలూరు: మండలంలోని మంగపతివారిపాలెం గ్రామంలో మన్నెం స్రవంతికి చెందిన పొగాకు బ్యారన్‌ శనివారం ప్రమాదవశాత్తూ దగ్ధమైంది. క్యూరింగ్‌ జరుగుతుండగా పొగాకు అల్లిక కర్రలు జారి మొద్దుగొట్టంపై పడి అగ్ని ప్రమాదం జరిగినట్లు బాధితులు చెబుతున్నారు. ఈ అగ్ని ప్రమాదంతో సుమారు 1200 పొగాకు కర్రలు, బ్యారన్‌ లోపలి భాగం పూర్తిగా కాలిపోయింది. దీంతో దాదాపు రూ.6 లక్షల ఆస్తి నష్టం జరిగినట్లు బాధిత రైతు వాపోయాడు. విషయం తెలుసుకున్న కందుకూరు అగ్నిమాపక సిబ్బంది సంఘటన స్థలానికి చేరుకుని మంటలను అదుపులోకి తెచ్చారు. గిద్దలూరు రూరల్‌: పట్టణంలోని రాజానగర్‌ ముందు భాగంలో శనివారం ఓ యువకుడు మద్యం మత్తు నెత్తికెక్కి తన గమ్యస్థానానికి వెళ్లలేక రోడ్డు పక్కనే ఉన్న మురికి కాలువ వద్ద పడిపోయాడు. ప్రభుత్వం విచ్చలవిడిగా మద్యం విక్రయాలు చేస్తుండటంతో యువకులు మద్యానికి బానిసలై జీవితాలను నాశనం చేసుకుంటున్నారనడానికి ఈ సంఘటన నిదర్శనంగా నిలిచింది. మేదరమెట్ల: ఒంగోలు వైపు నుంచి మాచర్ల వైపునకు వెళ్తున్న లారీ ఢీకొని మహిళలకు గాయాలైన సంఘటన శనివారం రాత్రి జాతీయ రహదారిపై జరిగింది. కొరిశపాడు మండలం తిమ్మనపాలెం వద్ద రోడ్డు దాటేందుకు ప్రయత్నిస్తున్న మహిళను లారీ ఢీకొట్టింది. ఈ ప్రమాదంలో ఆత్మకూరు అంజమ్మ కాలికి తీవ్ర గాయమవగా హైవే అంబులెన్స్‌లో ఒంగోలు జీజీహెచ్‌కి తరలించినట్లు కేసు నమోదు చేసినట్లు మేదరమెట్ల పోలీసులు తెలిపారు. అద్దంకి రూరల్‌: అద్దంకిలోని చర్చిపై దుండగులు బుధవారం దాడి చేయగా, శనివారం వెలుగులోకి వచ్చింది. పంగులూరు మండలానికి చెందిన వ్యక్తి అద్దంకిలోని రామ్‌నగర్‌లో చర్చి ఏర్పాటు చేసుకుని ప్రార్థనలు నిర్వహిస్తున్నాడు. గుర్తు తెలియని వ్యక్తులు ఆ చర్చిపై దాడి చేసి లోపలున్న వస్తువులు ధ్వంసం చేశారు. ఈ ఘటనపై బాధితుడి ఫిర్యాదు మేరకు కేసు నమోదు చేసినట్లు సీఐ తెలిపారు.

ఇందుకూరుపేట: విద్యుత్‌ లైన్‌ పనులు చేస్తూ విద్యుదాఘాతానికి గురై ఉలవపాడు మండలం చాకిచర్లకు చెందిన వ్యక్తి మృతిచెందిన ఘటన నెల్లూరు జిల్లా ఇందుకూరుపేట మండలంలోని జగదేవిపేటలో శనివారం చోటుచేసుకొంది. పోలీసుల కథనం మేరకు.. మైపాడు– నెల్లూరు రోడ్డు విస్తరణలో భాగంగా పాత విద్యుత్‌ లైన్లను తొలగించి కొత్త లైన్లు ఏర్పాటు చేసే పనులు సాగుతున్నాయి. ఈ క్రమంలో ఉలవపాడు మండలం చాకిచర్లకు చెందిన ప్రళయకావేరి జాలయ్య (44)తో పాటు మరికొందరు మండలంలోని జగదేవిపేటలో విద్యుత్‌ స్తంభాలు ఏర్పాటు చేసేందుకు వచ్చారు. కొత్త స్తంభాలను ట్రాక్టర్‌ సాయంతో ఏర్పాటు చేసే క్రమంలో పాత లైన్‌కు తగలడంతో జాలయ్య, ఆవుల శీను, వెంకటరమణయ్యలకు కరెంట్‌ షాక్‌ తగిలింది. శీను, వెంకటరమణయ్య స్వల్పగాయాల పాలవగా, జాలయ్య తీవ్రంగా గాయపడ్డాడు. చికిత్స నిమిత్తం ఆయన్ను ఇందుకూరుపేట ప్రభుత్వ వైద్యశాలకు తరలించగా, పరీక్షించిన వైద్యులు అప్పటికే మృతిచెందినట్లు చెప్పారు. విద్యుత్‌ అధికారులు, కాంట్రాక్టర్‌ నిర్లక్ష్యం కారణంగానే ప్రమాదం జరిగిందని బాధితులు ఆరోపిస్తున్నారు. పాత లైన్‌కు విద్యుత్‌ సరఫరా నిలిపివేసి పనులు చేయాల్సి ఉండగా, ఇందుకు భిన్నంగా కరెంటు నిలిపివేయకుండా పనులు చేయడంతోనే ప్రమాదం జరిగిందని వారు పేర్కొన్నారు.

బాబు పాలనలో జీజీహెచ్‌ నిర్వీర్యం మార్కాపురం జీజీహెచ్‌లో వైద్యసేవలు తగ్గిపోయాయని వైఎస్సార్‌ సీపీ నాయకులు ఆందోళన వ్యక్తం చేశారు. ఆకాశం పాక్షికంగా మేఘావృతమై ఉంటుంది. చల్లని గాలులు వీస్తాయి. పొగమంచు కురుస్తుంది.ఏఆర్‌వీ ఇంజక్షన్లు అందుబాటులో లేవు... జిల్లాలోని అన్నీ ప్రభుత్వ వైద్యశాలలు, ఒంగోలులోని సర్వజన ఆస్పత్రి, మార్కాపురంలోని జీజీహెచ్‌ల్లో ఏఆర్‌వీ ఇంజక్షన్లు, ఇమ్యూనోగ్లోబులిన్‌ ఇంజక్షన్లు అందుబాటులో ఉన్నట్లు అధికారులు చెబుతున్నారు. అయితే తాళ్లూరు, ముండ్లమూరు మండలాల్లో ఏఆర్‌వీ ఇంజక్షన్లు అందుబాటులో లేవని, కుక్క కరిచినప్పుడు ఆస్పత్రికి వెళితే బయట మెడికల్‌ షాపులకు ఇంజక్షన్లు రాస్తున్నారని స్థానికులు చెబుతున్నారు. కుక్క కరిస్తే ఒక్కొక్కరికి నాలుగు డోసుల ఇంజక్షన్‌ వేయాలి. బయట దుకాణాల్లో ఒక్కో డోసు రూ.500 అవుతోంది. ఇమ్యూనోగ్లోబులిన్‌ ఇంజక్షన్‌ ఖరీదు రూ.20 వేల నుంచి రూ.30 వేల వరకు ఉంటోంది.రోడ్డుమీదకొస్తే చాలు గుంపులు గుంపులుగా కనిపించే శునకాలు ప్రజలకు వణుకు పుట్టిస్తున్నాయి. పగలు, రాత్రి తేడా లేదు..నడిచి వెళ్లినా.. ద్విచక్ర వాహనాలపై వెళ్లినా వదలకుండా కుక్కలు మీదపడి రక్కేస్తున్నాయ్‌. జిల్లాలో రోజుకు సరాసరి 80 నుంచి 100 మంది దాకా కుక్కకాటు బారిన పడి గాయాలపాలవుతున్నట్లు అధికారిక లెక్కలే చెబుతున్నాయి. పెద్ద సంఖ్యలో కుక్కలు సంచరిస్తున్నా వాటిని నియంత్రించడంలో యంత్రాంగం విఫలమవుతోంది. ఏఆర్‌వీ ఇంజక్షన్ల కొరతతో కుక్కకాటు బాధితులకు ఇక్కట్లు తప్పడం లేదు. ఉమ్మడి ప్రకాశం జిల్లాలో ఒంగోలులో మాత్రమే యానిమల్‌ బర్త్‌ కంట్రోల్‌ సెంటర్‌ ఉండటంతో కుక్కల నియంత్రణ నామమాత్రంగా సాగుతోంది.జిల్లాలో ఒక్కటే ఏబీసీ సెంటర్‌... ఉమ్మడి ప్రకాశం జిల్లాలో కేవలం ఒంగోలులో మాత్రమే యానిమల్‌ బర్త్‌ కంట్రోల్‌ సెంటర్‌ (ఏబీసీ) ని ఏర్పాటు చేశారు. నగరంలోని మామిడి పాలెంలో ఏర్పాటు చేసిన ఏబీసీ సెంటర్‌కు జిల్లాలోని అన్నీ నియోజకవర్గాల నుంచి కుక్కలను తరలించే సౌకర్యం కూడా లేకపోవడం గమనార్హం. తరలించినా అంత పెద్ద సంఖ్యలో కుక్కలకు శస్త్ర చికిత్సలు చేసి, వ్యాక్సినేషన్‌ చేసేందుకు సిబ్బంది కూడా లేరు. ఏడాది కాలంగా ఏబీసీ సెంటర్లో కేవలం 5 వేల కుక్కలకు మాత్రమే శస్త్ర చికిత్సలు చేశారు. ఈ ఏడాది మరో రెండు వేల కుక్కలను గుర్తించామని, వాటికి ఆపరేషన్లు చేయించడానికి ఏర్పాటు చేస్తున్నట్లు నగర పాలక సంస్థ కమిషనర్‌ కోడూరు వెంకటేశ్వర్లు చెప్పారు. సాక్షి ప్రతినిధి, ఒంగోలు: జిల్లాలో వీధి కుక్కల బెడద తీవ్రంగా ఉంది. జిల్లా ప్రధాన కేంద్రం నుంచి మారుమూల గ్రామాల వరకు కుక్కల బెడద లేని గ్రామం లేదు. పట్టపగలు పిల్లలను ఒంటరిగా బడికి పంపించాలన్నా, మహిళలు మార్కెట్‌కు వెళ్లాలన్నా దడుస్తున్నారు. తెల్లవారుజామున జాగింగ్‌ కు వెళ్లేవారి మీద తరచుగా కుక్కలు దాడి చేసి కరుస్తున్నాయి. ఇక రాత్రి పూట ఏదైనా అత్యవసర పనిపడితే బయటకు వెళ్లే పరిస్థితి లేకుండా పోయింది. ఎక్కడ చూసినా గుంపులు గుంపులుగా కుక్కలు సంచరిస్తూ ఒంటరిగా కనిపిస్తే చాలు పైనపడి రక్కేస్తున్నాయి. జిల్లా కేంద్రమైన ఒంగోలు సర్వజన ఆస్పత్రిలో ఆపరేషన్‌ థియేటర్‌ వద్ద, పిల్లల వార్డు సమీపంలోనే తరచుగా కుక్కలు కనిపిస్తుండడంతో రోగులు భయపడిపోతున్నారు. కుక్కకాట్లపై సీరియస్‌గా స్పందించిన సుప్రీం కోర్టు బహిరంగ ప్రదేశాల్లో కుక్కలు కనిపించకుండా చర్యలు తీసుకోవాలని మున్సిపల్‌ కమిషనర్లను ఆదేశించింది. అయినా మున్సిపల్‌ అధికారులు పట్టించుకున్న దాఖలాలు కనిపించడం లేదు. ఒంగోలు నగరంలో ప్రతి వీధిలోనూ పెద్ద సంఖ్యలో కుక్కలు సంచరిస్తున్నా వాటిని పట్టుకొని తరలించడం లేదని ప్రజలు విమర్శిస్తున్నారు. 30 వేల మందిని కరిచిన కుక్కలు... 2025 జనవరి నుంచి డిసెంబర్‌ వరకు 30 వేల మందిని కుక్కలు కరిచినట్లు ప్రభుత్వ వైద్యశాలల లెక్కలను బట్టి తెలుస్తోంది. గత ఏడాది ఒక్క ఒంగోలు పరిసర ప్రాంతాల్లోనే 5843 మందిని కుక్కలు కాటు వేశాయి. కందుకూరు నియోజకవర్గంలో 2402, కనిగిరి 3598, దర్శి 2162, సంతనూతలపాడు 3577, కొండపి 3636, యర్రగొండపాలెం 1350, మార్కాపురం 2150, అద్దంకి 1590, గిద్దలూరు నియోజకవర్గంలో 2960 మందిని కుక్కలు కరిచి రక్కేశాయి. ఒంగోలు జీజీహెచ్‌ పరిధిలో ఈ ఏడాది జనవరిలో 603 మందిని కుక్కలు కరిచాయి. అంటే రోజుకు 82 నుంచి 100 మందిని కరుస్తున్నాయి. 5 వేల మందికి తీవ్ర గాయాలు... కుక్కలు మీద పడి ఎక్కడ పడితే అక్కడ రక్కేయడంతో అనేక మందికి తీవ్రగాయాలవుతున్నాయి. తొడ కండలు, కాలి పిక్కలే కాకుండా ముఖం మీద కూడా రక్కేస్తున్నాయి. దీంతో సర్జరీ చేయాల్సిన పరిస్థితులు కూడా ఏర్పడుతున్నాయి. గత ఏడాది 30 వేల మందికి పైగా కుక్కలు కాటు వేయగా వారిలో సుమారు 5 వేల మందికి పైగా తీవ్రగాయాల బారినపడ్డారు. వీరికి ఎలాంటి ప్రాణాపాయం కలగకుండా ఇమ్యూనోగ్లోబులిన్‌ ఇంజక్షన్లు వేసినట్లు వైద్యారోగ్య శాఖ అధికారులు చెబుతున్నారు. ఒంగోలులో ఈ ఏడాది జనవరిలో కుక్కకాటుకు గురైన 603 మందిలో 105 మందికి ఇమ్యూనోగ్లోబులిన్‌ ఇంజక్షన్లు వేసినట్లు తెలుస్తోంది. అలాగే గతేడాది కుక్కలు కరిచిన వారిలో కనిగిరిలో 100 మందికి పైగా ఈ ఇంజక్షన్‌ వేసినట్లు సమాచారం. దర్శిలో 56, సంతనూతలపాడులో 150 మందికి, కొండపిలో 729 మందికి, యర్రగొండపాలెంలో 195 మందికి, ఒంగోలులో 1633 మందికి, అద్దంకిలో 150 మందికి ఇమ్యూనోగ్లోబులిన్‌ ఇంజక్షన్లు వేసినట్లు సమాచారం. వాస్తవానికి ఈ సంఖ్య రెట్టింపు ఉంటుందని వైద్య శాఖ ఉద్యోగులు చెబుతున్నారు. లక్ష కుక్కలకు పైగా సంచారం.. జిల్లాలో ఎటు చూసినా కుక్కలే కనిపిస్తున్నాయి. ఒంగోలు నగరంలోని ఇస్లాంపేట రెండవ లైనులోని ఒక వీధిని కుక్కల బజారు అని పిలుస్తారు. ఈ వీధిలో పగలు, రాత్రి కుక్కల గుంపు తిరుగుతుంది. అంతేకాకుండా కుక్కలు ఇళ్లలోకి దూరి మంచాల కింద కూర్చుంటున్నాయని స్థానికులు చెబుతున్నారు. ఉమ్మడి ప్రకాశం జిల్లాలో లక్షకు పైగా కుక్కలు ఉన్నట్లు అంచనా. ఒంగోలు, కొండపి, దర్శి ప్రాంతాల్లోనే సుమారు 50 వేలకు పైగా కుక్కలు సంచరిస్తున్నట్లు సమాచారం. ఒంగోలు పరిసరాల్లో 16 వేలకు పైగా కుక్కలు ఉన్నాయి. కేవలం నగరంలోనే 10 వేలకు పైగా కుక్కలున్నట్లు అధికారిక లెక్కల ద్వారా తెలుస్తోంది. ఇక కొండపి, దర్శి నియోజకవర్గాలలో ఒక్కొక్కచోట 16750 కుక్కలు ఉన్నట్లు అంచనా. గిద్దలూరు పరిసరాలలో 1000, అద్దంకి పరిసరాల్లో 3500, మార్కాపురం ప్రాంతంలో 2 వేలు, యర్రగొండపాలెంలో 4 వేలు, సంతనూతలపాడులో 9500, కనిగిరిలో 10200, కందుకూరులో 3200 కుక్కలు ఉన్నట్లు అంచనా. వీధి కుక్కలతోపాటుగా పెద్ద సంఖ్యలో పెంపుడు కుక్కలున్నాయి. మొత్తం మీద లక్షకు పైగానే కుక్కలు ఉన్నట్లు అధికారులు చెబుతున్నారు. ఉన్నతాధికారులు స్పందించి కుక్కల నియంత్రణకు చర్యలు తీసుకోవడంతో పాటు, కుక్కకాటు ఇంజక్షన్లు అందుబాటులో ఉంచాలని ప్రజలు కోరుతున్నారు. ఒంగోలు: ఉమ్మడి ప్రకాశం పరిధిలోని జిల్లా న్యాయసేవాధికార సంస్థలో ఖాళీగా ఉన్న పోస్టులకు దరఖాస్తు చేసుకున్న అర్హులైన అభ్యర్థులకు ఈనెల 15న రాత పరీక్ష నిర్వహిస్తున్నట్లు జిల్లా న్యాయసేవాధికార సంస్థ ఇన్‌చార్జి చైర్మన్‌ టి.రాజ్యలక్ష్మి శుక్రవారం ఒక ప్రకటనలో తెలిపారు. ఉదయం 10 నుంచి 11.30 గంటల వరకు రికార్డు అసిస్టెంట్‌, మధ్యాహ్నం ఒంటిగంట నుంచి 2 గంటల వరకు డేటా ఎంట్రీ ఆపరేటర్‌, సాయంత్రం 3.30 నుంచి 5 గంటల వరకు ఫ్రంట్‌ ఆఫీస్‌ కోఆర్డినేటర్‌ పోస్టులకు రాత పరీక్ష ఉంటుందన్నారు. ఈ రాత పరీక్ష ఒంగోలు దక్షిణ బైపాస్‌ సమీపంలోని ఇందిరా ప్రియదర్శిని న్యాయ కళాశాలలో నిర్వహిస్తున్నట్లు పేర్కొన్నారు. అభ్యర్థులు పరీక్ష సమయం కంటే గంటన్నర ముందుగా పరీక్ష కేంద్రంలో రిపోర్టు చేసుకోవాలని జిల్లా న్యాయసేవాధికార సంస్థ చైర్మన్‌, జిల్లా ఇన్‌చార్జి ప్రధాన న్యాయమూర్తి టి.రాజ్యలక్ష్మి సూచించారు. ఒంగోలు సబర్బన్‌: జిల్లాలో సాగు చేసిన పొగాకు పంటను పొగాకు బోర్డు ఎగ్జిక్యూటివ్‌ డైరెక్టర్‌ (ఈడీ) బి.విశ్వశ్రీ పరిశీలించారు. ఈ మేరకు జిల్లాకు వచ్చిన ఆమె ఒంగోలు–2 పొగాకు వేలం కేంద్రం పరిధిలోని పలు గ్రామాల్లో శుక్రవారం పర్యటించారు. ప్రత్యేకంగా ఎఫ్‌సీవీ పొగాకు పొలాలను పరిశీలించారు. పేనుబంక, పొగాకు మల్లెలాంటి వ్యాధులు సోకిన పంటలు ఎక్కువగా ఉన్న ప్రాంతాలకు వెళ్లిన ఈడీ విశ్వశ్రీ రైతులతో మాట్లాడారు. తెగుళ్ల నివారణ చర్యలు చేపట్టాలని, క్యూరింగ్‌, గ్రేడింగ్‌ చేస్తున్న సమయంలో ఉత్తమ యాజమాన్య పద్దతులు పాటించాలని సూచించారు. ఈ సందర్భంగా ఒంగోలు–2 (త్రోవగుంట) పొగాకు వేలం కేంద్రం నిర్వహణాధికారి జే.తులసి ప్రస్తుతం సాగు చేసిన పొగాకు పంటకు సంబంధించి పలు గ్రామాల్లో ఉన్న పరిస్థితులను వివరించారు. ఈడీ వెంట పొగాకు ఆక్షన్స్‌ మేనేజర్‌ రామాంజనేయులు, ఆర్‌ఎం ఎస్‌.రామారావుతో పాటు పలువురు అధికారులు ఉన్నారు.

ఒంగోలు సిటీ/మార్కాపురం/కనిగిరి రూరల్‌: ఒంగోలులోని గనులు, భూగర్భజలాల (మైన్స్‌ అండ్‌ జియాలజీ) శాఖ డిప్యూటీ డైరెక్టర్‌ కార్యాలయంలో సర్వేయర్‌గా పనిచేస్తున్న షేక్‌ అబ్దుల్‌ ఆసిఫ్‌ ఆదాయానికి మించి ఆస్తులు సంపాదించినట్లు అందిన సమాచారం ఆధారంగా అవినీతి నిరోధక చట్టం కింద కేసు నమోదు చేసి ఏసీబీ అధికారులు దర్యాప్తు చేస్తున్నారు. అందులో భాగంగా శుక్రవారం స్థానిక మంగమూరు రోడ్డు వేద రెసిడెన్సీలోని కార్యాలయంలో సోదాలు చేపట్టిన ఏసీబీ బృందం ఆసిఫ్‌ను అదుపులోకి తీసుకుని విజయవాడకు తరలించింది. ఆసిఫ్‌ది మార్కాపురం కాగా కనిగిరిలో వివాహం చేసుకుని ప్రస్తుతం విజయవాడలో నివాసం ఉంటున్నట్లు సమాచారం. ఆయన గతంలో కడప, కృష్ణా, శ్రీపొట్టి శ్రీరాములు నెల్లూరు జిల్లాల్లో పనిచేశారు. ఏడాదిగా ఒంగోలు డిప్యూటీ డైరెక్టర్‌ కార్యాలయంలో పనిచేస్తున్నాడు. నెల్లూరులో పనిచేస్తుండగా ఆదాయానికి మించి అక్రమంగా ఆస్తులు కూడబెట్టినట్లు ఏసీబీకి పక్కా సమాచారం అందిన నేపథ్యంలో నెల్లూరు ఏసీబీ డీఎస్పీ ఆధ్వర్యంలో ఈ దాడులు చేపట్టారు. ఆసిఫ్‌ నివాసం విజయవాడలో ఉండటంతో అక్కడి స్వగృహంతో పాటు మార్కాపురం, కనిగిరి, నెల్లూరు, గుంటూరుల్లోని బంధువుల ఇళ్లల్లో కూడా ఏకకాలంలో ఏసీబీ సోదాలు కొనసాగిస్తున్నారు. ఈ సోదాల్లో అతని అక్రమ ఆస్తులకు సంబంధించి వివిధ డాక్యుమెంట్స్‌ను స్వాధీనం చేసుకున్నట్లు ఏసీబీ అధికారులు తెలిపారు. అక్రమ ఆస్తుల్లో రెండు ఇళ్లు, ఒక ఇంటి స్థలం, 22 ఎకరాల వ్యవసాయ భూమి, రూ.2,82,264 నగదు, సుమారు 620 గ్రాముల బంగారం, సుమారు 500 గ్రాముల వెండి, రూ.3,54,000 ల ప్రాంసరీనోట్లు, 16 చేతిగడియారాలు, ఒక మోటారు సైకిల్‌, విలువైన గృహోపకరణాలు ఉన్నట్లు తెలిపారు. ఇవికాక అసిఫ్‌ హెచ్‌డీఎఫ్‌సీ ఇన్సూరెన్స్‌లో రూ.15 లక్షలతో పాలసీలు తీసుకొన్నట్లు చెప్పారు. అలాగే టొయోటా హై రైడర్‌ కారు కొనడానికి రూ.20 వేలు అడ్వాన్స్‌గా ఇచ్చినట్లు గుర్తించారు. ప్రస్తుతం సోదాలు ఇంకా కొనసాగుతున్నట్లు తెలిపారు. ఈ సోదాల్లో ఒక లాకర్‌ను గుర్తించారు. సోదాల అనంతరం సర్వేయర్‌ను అరెస్ట్‌ చేసి నెల్లూరు ఏసీబీ కోర్టు న్యాయమూర్తి ఎదుట హాజరు పరచనున్నట్లు చెప్పారు.

పొదిలి: ఒంటరిగా నివాసం ఉంటున్న మహిళను హత్యచేసిన కేసులో నిందితుడు మెడబలిమి ఏడుకొండలను అరెస్ట్‌ చేశారు. కేసు పూర్వాపరాలను కనిగిరి డీఎస్పీ సాయి ఈశ్వర్‌ యశ్వంత్‌, పొదిలి సీఐ రాజేష్‌కుమార్‌ శుక్రవారం ఏర్పాటు చేసిన విలేకర్ల సమావేశంలో వివరించారు. పొదిలి మండలంలోని గోగినేనివారిపాలెం గ్రామానికి చెందిన పులి బుల్లెమ్మ భర్త మల్లికార్జునరావు అనారోగ్యంతో మృతి చెందాడు. దీంతో బుల్లెమ్మ ఒంటరిగా నివాసం ఉంటోంది. అదే గ్రామానికి చెందిన మెడబలిమి ఏడుకొండలు వ్యవహారశైలి గురించి ఏడుకొండలు భార్యతో బుల్లెమ్మ చెప్పింది. పలువురు మహిళలతో నీ భర్తకు వివాహేతర సంబంధం ఉందని చెప్పడంతో ఏడుకొండలుతో అతని భార్య గొడవపడి పిల్లలను తీసుకుని పుట్టింటికి వెళ్లింది. తన భార్య అలిగి వెళ్లిపోవడానికి బుల్లెమ్మ కారణమని భావించి ఆమైపె ఏడుకొండలు పగ పెంచుకున్నాడు. లైంగిక కోరికలు, పగ తీర్చుకునేందుకు గత సంవత్సరం డిసెంబర్‌ 18వ తేదీ రాత్రి పూట ఒంటరిగా ఉన్న బుల్లెమ్మ ఇంటిలోకి ఏడుకొండలు వెళ్లాడు. లైంగిక కోరికలు తీర్చాలని బుల్లెమ్మపై ఒత్తిడి చేశాడు. అందుకు బుల్లెమ్మ అంగీకరించకుండా పెనుగులాడింది. దీంతో ఈ విషయం గ్రామంలోని వారికి తెలిస్తే పరువుపోతుందని, గొడవలు అవుతాయని భావించిన ఏడుకొండలు.. బుల్లెమ్మను చంపాలని నిర్ణయించుకున్నాడు. పక్కనే షోకేసులో ఉన్న ప్లాస్టిక్‌ తాడును బుల్లెమ్మ మెడకు బిగించి ఊపిరి ఆడకుండా చేసి హత్య చేశాడు. పోలీసులు కేసు నమోదు చేసి విచారణ చేపట్టారు. పరారీలో ఉన్న నిందితుడు.. పోలీసుల నుంచి ఎక్కువ రోజులు తప్పించుకుని తిరగడం కష్టమని భావించి వీఆర్‌ఓ కిలారి సుబ్బారావును సంప్రదించాడు. దీంతో ఏడుకొండలును పోలీసులు అరెస్ట్‌ చేశారు. అతన్ని కోర్టులో ప్రవేశపెట్టనున్నటు డీఎస్పీ తెలిపారు. ఈ కేసులో నిందితుడిని పట్టుకునేందుకు కృషి చేసిన సీఐ రాజేష్‌కుమార్‌, హెడ్‌ కానిస్టేబుల్‌ షాకీర్‌, కానిస్టేబుల్‌ కోటేశ్వరరావును జిల్లా ఇన్‌చార్జ్‌ ఎస్పీ ప్రత్యేకంగా అభినందించినట్లు డీఎస్పీ తెలిపారు.

మార్కాపురం: తర్లుపాడు మండలంలోని కేతగుడిపి గ్రామంలో విద్యుత్‌ షార్ట్‌ సర్క్యూట్‌ కారణంగా శుక్రవారం మధ్యాహ్నం అగ్ని ప్రమాదం జరిగింది. గ్రామంలో నివసిస్తున్న వి.రమణకు చెందిన ఇల్లు షార్ట్‌ సర్క్యూట్‌ కారణంగా దగ్ధమైంది. ఈ ఘటనలో సుమారు 2 లక్షల మేర ఆస్తి నష్టం జరిగింది. ఇంట్లోని గృహోపకరణాలు, దుస్తులు, నిత్యావసర సరుకులు మంటల్లో కాలిపోయాయని బాధితుడు తెలిపాడు. సమాచారం అందుకున్న ఫైర్‌ సిబ్బంది సంఘటన స్థలానికి చేరుకుని మంటలు అదుపులోకి తెచ్చింది. బాఽధిత కుటుంబం వద్దకు సచివాలయం సిబ్బంది చేరుకుని పరిస్థితిని పరిశీలించి ప్రభుత్వం నుంచి తక్షణ సాయం అందించేందుకు అవసరమైన చర్యలు తీసుకుంటామని తెలిపారు. సుంకేశుల గ్రామంలో గడ్డివామి దగ్ధం... పెద్దారవీడు మండలంలోని సుంకేశుల గ్రామంలో రైతు అనంతయ్యకు చెందిన గడ్డివామి శుక్రవారం దగ్ధమైంది. గుర్తుతెలియని వ్యక్తులు సిగరెట్‌ కాల్చి పడేసి ఉండవచ్చని భావిస్తున్నట్లు బాధితుడు తెలిపాడు. సమాచారం అందుకున్న మార్కాపురం ఫైర్‌ ఆఫీసరు రామకృష్ణ తన సిబ్బందితో వెళ్లి మంటలను ఆర్పారు. సుమారు 30 వేల రూపాయల నష్టం వాటిల్లిందని తెలిపారు. రూ.2 లక్షల ఆస్తి నష్టం

లింగసముద్రం: మద్యం సేవించి మోటార్‌ సైకిల్‌పై వెళ్తూ అదుపుతప్పి కింద పడటంతో బొచ్చు వేణు (37) అనే యువకుడు మృతిచెందాడు. ఈ సంఘటన లింగసముద్రం మండలంలోని చినపవని ఎస్టీకాలనీ సమీపంలో గురువారం అర్ధరాత్రి జరిగింది. ఎస్సై జి.రాంబాబు తెలిపిన వివరాల ప్రకారం.. గుడ్లూరు మండలం గుండ్లపాలెం గ్రామానికి చెందిన బొచ్చు వేణు మద్యం సేవించి పూరేటిపల్లి మీదుగా చినపవని వైపు మోటార్‌ సైకిల్‌పై వేగంగా వెళ్తున్నాడు. ఎస్టీకాలనీ వద్ద అదుపుతప్పి కింద పడటంతో తలకు బలమైన గాయాలై అక్కడికక్కడే మృతి చెందాడు. మృతదేహానికి పంచనామా నిర్వహించి పోస్టుమార్డం నిమిత్తం కందుకూరు ఏరియా వైద్యశాలకు తరలించినట్లు ఎస్సై తెలిపారు.

ఒంగోలు సిటీ: స్థానిక క్విస్‌ ఇంజినీరింగ్‌ కళాశాలలో క్విస్‌ ఫెస్ట్‌ – 2026 శుక్రవారం ఘనంగా ప్రారంభమైంది. ఈ ఏడాది స్పందన అద్భుతంగా ఉందని క్విస్‌ విద్యాసంస్థల అధినేత డాక్టర్‌ నిడమానూరి సూర్య కల్యాణ్‌ చక్రవర్తి, ఎగ్జిక్యూటివ్‌ వైస్‌ చైర్మన్‌ డాక్టర్‌ నిడమానూరి గాయత్రిదేవి తెలిపారు. వివిధ రాష్ట్రాల నుంచి దాదాపు 1200 మంది విద్యార్థులు టెక్నికల్‌, స్పోర్ట్స్‌, పేపర్‌ ప్రజంటేషన్‌, పోస్టర్‌ ప్రజంటేషన్‌, సాంస్కృతిక కార్యక్రమాల్లో పాల్గొనేందుకు వచ్చినట్లు వెల్లడించారు. ప్రారంభోత్సవ కార్యక్రమానికి ముఖ్య అతిథిగా ఇస్రో ఐపీఆర్‌ సీ యూనిట్‌ మాజీ డైరెక్టర్‌ బదరీ నారాయణమూర్తి, స్పెషల్‌ గెస్ట్‌గా బ్యాంక్‌ ఆఫ్‌ బరోడా రీజినల్‌ మేనేజర్‌ కపా కిరణ్‌రెడ్డి సారెళ్ల హాజరయ్యారు. ఈ సందర్భంగా బదరీ నారాయణమూర్తి మాట్లాడుతూ ప్రస్తుతం టెక్నాలజీ పరుగులు పెడుతోందని, దానికి తగ్గట్లుగా అందరూ అప్‌ డేట్‌ అవ్వాలని విద్యార్థులకు సూచించారు. తాము చదువుకునే రోజుల్లో ఇన్ని ఫెసిలిటీస్‌ లేవని, ఇప్పుడు సరికొత్త టెక్నాలజీలు అందుబాటులోకి వచ్చాయని, ప్రతిఒక్కరూ దాన్ని అందిపుచ్చుకోవాలని సూచించారు. క్విస్‌ విద్యాసంస్థల్లో టెక్నికల్‌ ఎక్స్‌ పోని సందర్శించిన ఆయన.. విద్యార్థుల ప్రాజెక్ట్‌లు అద్భుతంగా ఉన్నాయని కొనియాడారు. అనంతరం మాట్లాడిన బ్యాంక్‌ ఆఫ్‌ బరోడా రీజినల్‌ మేనేజర్‌ కపా కిరణ్‌ రెడ్డి సారెళ్ల ప్రకాశం జిల్లా నుంచి ఎంతోమంది అద్భుతమైన విద్యావంతులు వచ్చారని అన్నారు. నిడమానూరి గాయత్రిదేవి మాట్లాడుతూ క్విస్‌ కాలేజీ వరుసగా మూడో ఏడాది క్విస్‌ ఫెస్ట్‌ నిర్వహిస్తోందని తెలిపారు. సాయంత్రం జరిగిన డీజే నైట్‌లో విద్యార్థులు ఉత్సాహంగా పాల్గొన్నారు. కార్యక్రమంలో క్విస్‌ కళాశాల ప్రిన్సిపాల్‌ డాక్టర్‌ వై.వి.హనుమంతరావు, ఫార్మసీ ప్రిన్సిపాల్‌ డాక్టర్‌ కిశోర్‌బాబు, డీపీఎస్‌ ఆర్‌ డైరెక్టర్‌ డాక్టర్‌ బి.వి.సుబ్బారావు పాల్గొనగా, డాక్టర్‌ సమీర్‌ కుమార్‌ కన్వీనర్‌గా, డాక్టర్‌ లక్ష్మీవరప్రసాద్‌, డాక్టర్‌ అరుణ్‌ నంబి కో – కన్వీనర్లుగా వ్యవహరించారు.

మార్కాపురం జీజీహెచ్‌లో పూర్తిస్థాయిలో వైద్యసిబ్బందిని నియమించకపోతే చూస్తూ ఊరుకోమని వైఎస్సార్‌ సీపీ నెల్లూరు పార్లమెంటు పరిశీలకుడు జంకె వెంకటరెడ్డి హెచ్చరించారు. శుక్రవారం మార్కాపురంలో మీడియాతో ఆయన మాట్లాడారు. నాడు వైఎస్సార్‌ సీపీ ప్రభుత్వంలో జీజీహెచ్‌ని ఉన్నత స్థాయికి తీసుకెళ్లి దాదాపు 75 మంది వైద్యులు, స్పెషలిస్టులను నియమించి నాణ్యమైన ఉచిత వైద్యాన్ని అందించారని గుర్తుచేశారు. కూటమి ప్రభుత్వం వచ్చిన తరువాత జీజీహెచ్‌ను నిర్వీర్యం చేశారని ఆగ్రహం వ్యక్తం చేశారు. ఈ ప్రభుత్వం వచ్చిన తరువాత సుమారు 60 మందికిపైగా వైద్యులను బదిలీ చేయడంతోపాటు 53 మంది నర్సింగ్‌ స్టాఫ్‌ను కూడా పిడుగురాళ్లకు బదిలీ చేయడం దుర్మార్గమని అన్నారు. జిల్లా ఇచ్చిన ఆనందాన్ని చంద్రబాబు నాయుడు తీసేశారని, ప్రస్తుతం జీజీహెచ్‌ పూర్తిగా ఖాళీ అవుతోందని ఆందోళన వ్యక్తం చేశారు. జిల్లా కేంద్రంలో ఉన్న వైద్యశాలల్లో డాక్టర్లు, స్పెషలిస్టు వైద్యులు లేకపోతే రోగులకు ఎలా సేవలందుతాయని ఆయన ప్రశ్నించారు. పూర్తిస్థాయిలో డాక్టర్లు, సిబ్బందిని నియమించి మంచి సేవలు అందించాలని జంకె డిమాండ్‌ చేశారు. లేకపోతే ఉద్యమం చేస్తామని హెచ్చరించారు. జిల్లాలో నల్లమల అటవీ ప్రాంతం ఎక్కువగా ఉందని, గిరిజనులు, పేద, మధ్య తరగతి ప్రజలు ఎక్కువగా వైద్య సేవల కోసం జీజీహెచ్‌కి వస్తుంటారని తెలిపారు. ప్రస్తుతం జీజీహెచ్‌లో వైద్యులు లేకపోవడంతో ఓపీ కూడా తగ్గిపోయిందని తెలిపారు. ఇప్పటికై నా వైద్యారోగ్యశాఖ అఽధికారులు దృష్టిపెట్టి డాక్టర్లు, సిబ్బందిని నియమించాలని జంకె కోరారు. వైఎస్సార్‌ సీపీ నెల్లూరు పార్లమెంటు పరిశీలకుడు జంకె వెంకటరెడ్డి

అద్దంకి: సెక్స్‌ సార్టెడ్‌ సెమన్‌తో పశువులకు ఆడ దూడలు పుట్టే విధానంపై పశుసంవర్థకశాఖ సిబ్బంది పశుపోషకులకు అవగాహన కల్పించాలని జేడీ వెంకటేశ్వరరావు తెలిపారు. పట్టణంలోని పశు వైద్యశాలను శుక్రవారం ఆయన సందర్శించారు. పరిసరాలను పరిశీలించారు. వసతుల గురించి అడిగి తెలుసుకున్నారు. అనంతరం పశుసంవర్థకశాఖ కార్యాలయంలో నిర్వహించిన సమీక్ష సమావేశానికి ముఖ్య అతిఽథిగా హాజరై మాట్లాడారు. సాధారణ సెమన్‌తో పశువులకు గర్భధారణ జరిగేలా గతంలో ఉండేదన్నారు. ప్రస్తుతం సెక్స్‌ సార్టెడ్‌ సెమన్‌తో ఆడదూడలు నూరు శాతం పుడతాయని తెలిపారు. ఈ ఇంజక్షన్‌ గతంలో రూ.500 ఉండగా ప్రస్తుతం రూ.150కే అందుబాటులో ఉన్న విషయాన్ని పశుపోషకులకు తెలియజేసి ఆడ దూడల పుట్టుకతో పశువుల అభివృద్ధి, తద్వారా పాల వృద్ధికి దోహదపడాలని చెప్పారు. పాడి రైతులు బాగుంటే గ్రామాభివృద్ధి, తద్వారా మండలం, జిల్లా, రాష్ట్రం, దేశం అభివృద్ధి చెందుతుందని చెప్పారు. మార్చి నాటికి లక్ష్యాలను అధిగమించాలని, రాబోయే కాలంలో నిర్వహించనున్న వ్యాక్సినేషన్‌ కార్యక్రమాన్ని విజయవంతం చేయాలని సూచించారు. కార్యక్రమంలో పశువైద్యులు సైదయ్య, రాంబాబు, 1962 మొబైల్‌ వాహన వైద్యులు స్వేత, నాగబాబు, నౌషద్‌, పశు వైద్య సిబ్బంది పాల్గొన్నారు. ధర్మవరంలో మెగా గోకులం స్థలాన్ని పరిశీలించిన జేడీ... మండలంలోని ధర్మవరం గ్రామంలో ఏర్పాటు చేయనున్న మెగా గోకులం స్థలాన్ని జేడీ వెంకటేశ్వరరావు పరిశీలించారు. ఈ సందర్భంగా ఆయన మాట్లాడుతూ మెగా గోకులంను ప్రభుత్వం స్థలంలో ఏర్పాటు చేయబోతున్నట్లు చెప్పారు. ఈ మెగా గోకులం నిర్మించిన తరువాత మేత లేని పశుపోషకుల పశువులను ఇక్కడకు తెచ్చి మేపుకుని పాలు పిండుకుని వెళ్లవచ్చని తెలిపారు. అందుకోసం అయ్యే వ్యయాన్ని పశుపోషకులు భరిస్తే సరిపోతుందని చెప్పారు. జేడీ వెంట ఏడీ డాక్టర్‌ కసుకుర్తి వీరబ్రహ్మయ్య, గ్రామస్తులు ఉన్నారు. పశుసంవర్థకశాఖ జేడీ వెంకటేశ్వరరావు

ముండ్లమూరు: భార్యాభర్తల మధ్య మనస్పర్థలతో భర్త పురుగుల మందు తాగి ఆత్మహత్య చేసుకున్న సంఘటన మండలంలోని ఉల్లగల్లు గ్రామంలో శుక్రవారం చోటుచేసుకుంది. మండలంలోని బసాపురం గ్రామానికి చెందిన మోత్కూరి సుబ్బారావు (47) 20 సంవత్సరాల క్రితం ఉల్లగల్లుకు చెందిన సుభాషిణిని వివాహం చేసుకుని ఉల్లగల్లులోనే కాపురం ఉంటున్నాడు. వీరికి ఒక కుమారుడు ఉన్నారు. మద్యానికి బానిసైన భర్తతో భార్య సుభాషిని మద్యం మానుకోమని చెప్పింది. వరి పొలంలో మందు పిచికారీ చేయడానికి వెళ్లిన భర్త.. భార్య నీరు తీసుకొచ్చేలోపు పురుగుల మందు తాగి అపస్మారక స్థితిలోకి వెళ్లాడు. స్థానికులు సుబ్బారావును దర్శి ప్రభుత్వ ఆస్పత్రికి తీసుకెళ్లారు. అక్కడ చికిత్స అందించేలోపే సుబ్బారావు మృతి చెందినట్లు వైద్యులు ధ్రువీకరించారు. ముండ్లమూరు ఏఎస్‌ఐ వెంకటేశ్వరరెడ్డి కేసు నమోదు చేసి దర్యాప్తు చేస్తున్నారు. మృతదేహానికి పోస్టుమార్టం అనంతరం కుటుంబ సభ్యులకు అప్పగించారు.

పామూరు: ముందు వెళ్తున్న బైకును వెనుక నుంచి వచ్చిన ఆటో ఢీకొన్న ఘటనలో బైకుపై వెళ్తున్న యువకుడు అక్కడికక్కడే మృతిచెందాడు. శుక్రవారం రాత్రి మండలంలోని వగ్గంపల్లె గ్రామ సమీపంలో 565వ నంబర్‌ జాతీయ రహదారిపై చోటుచేసుకున్న ఈ సంఘటనకు సంబంధించి ఎస్సై కట్టా అనూక్‌ తెలిపిన వివరాల ప్రకారం... మండలంలోని నిమ్మచెట్లపల్లె గ్రామానికి చెందిన రాగిపిండి గురునారాయణ (35) అనే వ్యక్తి బైకుపై వగ్గంపల్లె గ్రామం వైపు నుంచి స్వగ్రామం నిమ్మచెట్లపల్లెకు వెళ్తున్నాడు. అదే సమయంలో వగ్గంపల్లె వైపు నుంచి కనిగిరి వైపునకు వెళ్తున్న ఆటో అదుపుతప్పి ముందు వెళ్తున్న మోటార్‌ సైకిల్‌ను ఢీకొట్టింది. రోడ్డుపై పడిన గురునారాయణ తలకు గాయాలై అక్కడికక్కడే మృతిచెందాడు. కుటుంబ సభ్యులు ఇచ్చిన ఫిర్యాదు మేరకు సంఘటన స్థలాన్ని పరిశీలించిన ఎస్సై వివరాలు సేకరించి కేసు నమోదు చేసి దర్యాప్తు చేపట్టారు. మృతదేహాన్ని పోస్టుమార్టం నిమిత్తం కనిగిరి వైద్యశాలకు తరలించారు. మృతునికి భార్య, ఇద్దరు సంతానం ఉన్నారు.

యర్రగొండపాలెం: వైఎస్సార్‌ సీపీ అధినేత వైఎస్‌.జగన్‌మోహన్‌రెడ్డి గిరిజన గూడాలకు స్వయం ప్రతిపత్తి అధికారాలు ఇచ్చారని, తమ ప్రభుత్వ కాలంలోనే పాలుట్ల గిరిజన గూడెంను పంచాయతీగా ఏర్పాటు చేసి అభివృద్ధి చేశారని ఎమ్మెల్యే, వైఎస్సార్‌ సీపీ రాష్ట్ర అధికార ప్రతినిధి తాటిపర్తి చంద్రశేఖర్‌ అన్నారు. స్థానిక పార్టీ కార్యాలయంలో శుక్రవారం ఏర్పాటు చేసిన విలేకరుల సమావేశంలో ఆయన మాట్లాడారు. పాలుట్లలో విద్యుత్‌ శాఖ మంత్రి గొట్టిపాటి రవికుమార్‌ ప్రారంభిస్తున్న సోలార్‌ ప్యానల్‌ పరికరాల్లో సమస్యలు ఉన్నాయని కొంతమంది గిరిజనులు ఆరోపిస్తున్నారని, వాటి పరిస్థితిని గమనించి కాంట్రాక్టర్‌పై తగు చర్యలు తీసుకోవాలన్నారు. గతంలో ఇదేవిధంగా ప్రచార ఆర్భాటంతో, కాసుల కక్కుర్తి కోసం నాసిరకం సోలార్‌ పరికరాలు ఏర్పాటు చేశారని, ఆ వెలుగులు పట్టుమని 12 నెలలు నిండక ముందే పనిచేయడం మానేశాయన్నారు. సోలార్‌ పరికరాల ప్యానల్‌ జీవితకాలం కనీసం 25 సంవత్సరాలు ఉంటుందన్న వాస్తవాన్ని గమనించాలని, ప్రస్తుతం బిగిస్తున్న పరికరాల నాణ్యత లోపాలను సరిచేయాలన్నారు. వైఎస్సార్‌ సీపీ హయాంలో రూ.1.50 కోట్లతో అభివృద్ధి పనులు: వైఎస్సార్‌ సీపీ ప్రభుత్వ కాలంలో ఎంపీ నిధులతో పాలుట్ల గిరిజన గూడెంలో వీధి దీపాలు వెలిగించి అటవీ మృగాలు, విషపురుగుల బారి నుంచి రక్షణ కల్పించారని, ఆ పంచాయతీ అభివృద్ధి కోసం రూ.42 లక్షలు ఖర్చుపెట్టి గ్రామ సచివాలయం నిర్మించారని, జల్‌జీవన్‌ మిషన్‌ కింద రూ.29 లక్షలు వెచ్చించి ఇంటింటికీ మంచి నీటి సదుపాయం కల్పించారని, రూ.25 లక్షలతో సీసీ రోడ్డు, రూ.15 లక్షలతో అప్రోచ్‌ రోడ్డు వేశారని, నాడు–నేడు కింద రూ.20 లక్షలతో పాఠశాలను ఆధునీకరించారని, ప్రస్తుతం జిల్లా పరిషత్‌ గ్రాంట్‌ కింద రూ.25 లక్షలు మంజూరు చేయించి ప్రధాన రోడ్డు వేయనున్నారని ఆయన అన్నారు. గిరిజనుల జీవన విధానాలకు మెరుగైన వ్యవస్థను జగనన్న పాలనలోనే ఏర్పాటు చేశారన్నారు. పాలుట్ల పంచాయతీని మరింతగా అభివృద్ధి పరచాలన్న ప్రధాన ఉద్దేశంతో ఢిల్లీలోని గిరిజన సంక్షేమ శాఖ మంత్రి జూయల్‌ ఓరంను ఈ నెల 4వ తేదీ కలిసి వారి అభివృద్ధిపై చర్చించామని, కేంద్ర, రాష్ట్ర ప్రభుత్వాల నుంచి వారికి ఏర్పాటు చేయాల్సిన పథకాలు అందకపోవడం వలన వారి అభివృద్ధి కుంటుపడిందన్న విషయాన్ని ఆయన దృష్టికి తీసుకెళ్లామన్నారు. కేంద్ర అటవీశాఖ మంత్రి భూపేంద్ర యాదవ్‌తో కలిసి పాలుట్ల గిరిజన గూడెం వాసులు ఎదుర్కొంటున్న రవాణా వ్యవస్థను మెరుగుపరచాలని, రోడ్డును అడ్డుకుంటున్న అటవీశాఖ నుంచి అనుమతులు వచ్చేలా చర్యలు తీసుకోవాలని వినతి పత్రం అందజేసినట్లు చెప్పారు. పాలుట్ల పంచాయతీలోని పవిత్రమైన ఇష్టకామేశ్వరి అమ్మవారి ఆలయం వద్ద జెడ్పీ గ్రాంట్‌తో బోరు వేయించి తాగునీటి సౌకర్యం కల్పించేందుకు నిధులు మంజూరు చేశామని అన్నారు. 6 సార్లు అధికారంలోకి వచ్చిన టీడీపీ నేటికీ ఆ గ్రామానికి చేసింది ఏమీలేకపోయినా.. ప్రచార ఆర్భాటాల కోసం గిరిజన గూడెంలో కార్యక్రమాలు ఏర్పాటు చేస్తున్నారని విమర్శించారు. సమావేశంలో వైఎస్సార్‌ సీపీ మండల కన్వీనర్‌ ఏకుల ముసలారెడ్డి, జిల్లా కార్యదర్శి కొప్పర్తి చిన్న ఓబులరెడ్డి, ముస్లిం మైనార్టీ రాష్ట్ర ప్రధాన కార్యదర్శి షేక్‌.బుజ్జి, నియోజకవర్గ యూత్‌ కన్వీనర్‌ ఆళ్ల కృష్ణారెడ్డి, సయ్యద్‌ జబీవుల్లా, షేక్‌ మొహమ్మద్‌ ఖాసీం పాల్గొన్నారు.

మార్కాపురం టౌన్‌: మార్కాపురంలోని ప్రభుత్వ సర్వజన వైద్యశాలకు పూర్వ వైభవం తీసుకొచ్చి ప్రజలకు నాణ్యమైన వైద్యం అందేలా ప్రభుత్వం చర్యలు తీసుకోవాలని వైఎస్సార్‌ సీపీ మార్కాపురం నియోజకవర్గ ఇన్‌చార్జి, మాజీ ఎమ్మెల్యే అన్నా రాంబాబు డిమాండ్‌ చేశారు. శుక్రవారం స్థానిక తన నివాసంలో నిర్వహించిన విలేకరుల సమావేశంలో ఆయన మాట్లాడారు. మాజీ ముఖ్యమంత్రి వైఎస్‌ జగన్‌మోహన్‌రెడ్డి మార్కాపురం కేంద్రంగా ఉన్న జిల్లా వైద్యశాలను ప్రభుత్వ జనరల్‌ వైద్యశాలగా 100 పడకల నుంచి 350 పడకలకు పెంచడం జరిగిందన్నారు. ఆనాడు 75 మంది స్పెషలిస్టు డాక్టర్లతో కలిపి మొత్తం 498 మంది సిబ్బంది ఉన్నారన్నారు. 90 శాతం జీజీహెచ్‌లో సిబ్బందిని నియమించడం జరిగిందన్నారు. ఆనాడు ఓపీ 700 నుంచి 800 వరకూ వస్తుందని, వైద్యశాలకు అవసరమైన పరికరాలన్నీ ఏర్పాటు చేయడం జరిగిందని అన్నారు. మార్కాపురం కేంద్రంగా రాయవరం మెడికల్‌ కాలేజీని కోట్ల రూపాయల నిధులతో మంజూరు చేయించడంతో పాటు పనులను ప్రారంభించగా సుమారు 50 శాతానికిపైగా పనులు జరిగాయన్నారు. దురదృష్టవశాత్తూ చంద్రబాబు ప్రభుత్వం అధికారంలోకి వచ్చిన తర్వాత రాష్ట్రంలో మెడికల్‌ కాలేజీల పరిస్థితి ఏమిటో ప్రజలందరికీ తెలుసన్నారు. గత ఏడాది డిసెంబరు 30న మార్కాపురాన్ని జిల్లాగా ప్రకటించారని, అయితే జిల్లాలో ఉన్న ప్రభుత్వ వైద్యశాలలో సౌకర్యాలు మెరుగుపరచాల్సిందిపోయి నిర్వీర్యం చేసేలా ప్రభుత్వం చర్యలు తీసుకోవడం దురదృష్టకరమని అన్నారు. కేవలం 15 మంది వైద్యులు మాత్రమే వైద్యసేవలు అందిస్తున్నారన్నారు. గతంలో 75 మంది డాక్టర్లున్న వైద్యశాలలో ప్రస్తుతం ఉన్న వైద్యులు ఎలా వైద్యం అందిస్తారని ప్రశ్నించారు. 65 మంది స్టాఫ్‌ నర్సులుండగా, సుమారు 53 మందిని బదిలీ చేయడం ఏమిటని ప్రశ్నించారు. వైద్యశాలకు వస్తున్న రోగులను సెక్యూరిటీ గార్డులు, శానిటేషన్‌ సిబ్బంది చూడాల్సిన పరిస్థితి ఏర్పడిందన్నారు. జిల్లాలో ఉన్న 4 నియోజకవర్గాల నుంచి వచ్చే ప్రజలకు నాణ్యమైన వైద్యం అందక దూర ప్రాంతాలైన గుంటూరు, ఒంగోలు, నంద్యాల, విజయవాడ తదితర ప్రాంతాలకు వెళ్లాల్సిన పరిస్థితి ఏర్పడిందన్నారు. కేవలం జిల్లా ఇచ్చినంత మాత్రాన ఈ ప్రభుత్వానికి సరిపోదని, జిల్లాలో ఇప్పటివరకూ ఉన్న వైద్య సేవలు కూడా లేకుండా చేయడంపై పునరాలోచన చేసుకోవాలని కోరారు. రాజకీయ విమర్శలు కాకుండా ఈ ప్రాంతంలో జరిగే పరిస్థితులపై ఆలోచిస్తే చాలా బాధాకరంగా ఉంటుందన్నారు. ఎమ్మెల్యే ఈ ప్రాంత పరిస్థితులపై పునరాలోచించి పూర్తిస్థాయిలో వైద్యశాలకు వైద్యసిబ్బందిని నియమించాలని డిమాండ్‌ చేశారు. వైద్యశాలలో ఇంతటి దయనీయ పరిస్థితి ఏర్పడినా ప్రజాప్రతినిధులు పట్టించుకోకపోవడం దౌర్భాగ్యమని అన్నా రాంబాబు ఆవేదన వ్యక్తం చేశారు. మార్కాపురం కేంద్రంగా ఉన్న మెడికల్‌ కాలేజీని నిర్వీర్యం చేస్తూ పీపీపీకి అప్పగించడం ఏమిటని ప్రశ్నించారు. జీజీహెచ్‌ని కూడా నిర్వీర్యం చేసి కేవలం 15 మంది వైద్యులతో సరిపెట్టడం సరికాదని అన్నారు. సరైన సిబ్బంది లేని కారణంగా పేద, బడుగు, బలహీన వర్గాల ప్రజలకు సక్రమంగా వైద్యం అందక.. దూరప్రాంతాలకు వెళ్లేందుకు ఆర్థిక స్థోమత లేక అవస్థపడుతున్నారని తెలిపారు. ఇప్పటికై నా ప్రభుత్వం స్పందించి వైద్యశాలలో పూర్తిస్థాయిలో వైద్యసిబ్బందిని, పరికరాలను ఏర్పాటు చేయాలని ప్రభుత్వాన్ని అన్నా రాంబాబు డిమాండ్‌ చేశారు. గవర్నమెంట్‌ జనరల్‌ హాస్పిటల్లో తగ్గిన వైద్య సేవలు ఇబ్బందులు పడుతున్న జిల్లా ప్రజలు పట్టించుకోని కూటమి ఎమ్మెల్యే వైఎస్సార్‌ సీపీ మార్కాపురం నియోజకవర్గ ఇన్‌చార్జి, మాజీ ఎమ్మెల్యే అన్నా రాంబాబు

నా పేరు సైకం ఏసులీల. భర్త పేరు కృష్ణ. మాకు నలుగురు సంతానం. అందరికీ పెళ్లిళ్లయిపోయాయి. మేము ఇద్దరమే కాలనీలో నివసిస్తున్నాం. ఇద్దరికీ గుండె జబ్బు.. రేషన్‌ బియ్యం తెచ్చుకొని వండుకొని తింటున్నాం. మా ఆయనకు పెన్షన్‌ వస్తుంది. దాంతో మందులు తెచ్చుకొని బతుకుతున్నాం. మమ్మల్ని చూసేవారులేరు. ఉన్న ఇల్లు కూడా అన్యాయంగా కూల్చేశారు. ఎక్కడికి పోవాలో తెలియడం లేదు. గత ఎన్నికల్లో కూటమికి ఓటేశాం. న్యాయం సంగతి దేవుడెరుగు ఇల్లు లేకుండా దగా చేశారు. ఇప్పటికై నా మాకు కార్మిక నగర్‌లో పట్టాలు ఇవ్వాలి. పక్కా గృహాలు నిర్మించి ఇవ్వాలి. – సైకం ఏసులీల

కార్మిక నగర్‌లో పేదలు నివసిస్తున్న ఇళ్లను ప్రైవేటు వ్యక్తులు కూల్చివేయడం గురించి తీవ్రమైన విమర్శలు వెల్లువెత్తుతున్నాయి. కార్మిక నగర్‌ ఇళ్ల సమస్య వివాదంలో ఉందని, ఇళ్ల కూల్చి వేత గురించి తమకేమీ తెలియదని రెవెన్యూ అధికారులు చెబుతున్నారు. డయల్‌ 100కు ఫోన్‌ వస్తే పోలీసు సిబ్బంది వెళ్లారని, అక్కడ భూ వివాదం జరుగుతుండడంతో పోలీసులు వెనక్కి వచ్చారని తాలుకా సీఐ విజయకృష్ణ చెబుతున్నారు. జేసీబీలతో ఇళ్లు కూల్చిన విషయం తెలియదని, బాధితులు ఫిర్యాదు చేస్తే తగిన చర్యలు తీసుకుంటామని స్పష్టం చేశారు. ఇదిలా ఉండగా ఇళ్లను కూల్చివేస్తున్నప్పుడు ఘటనా స్థలంలో ఒక మహిళా ఏఎస్‌ఐ, ముగ్గురు కానిస్టేబుళ్లు ఉన్నారని బాధితులు చెబుతుండడం గమనార్హం. రెండు మూడు రోజుల ముందే ఒక పోలీసు జీపు కార్మిక నగర్లోకి వచ్చి పోయిందని, ఇలా జరుగుతుందని తాము ఊహించలేకపోయామని బాధితులు వాపోతున్నారు.

నంద్యాల జిల్లా నందికొట్కూరు వద్ద ఉన్న పోతిరెడ్డిపాడు ప్రాజెక్టుకు రాష్ట్ర ప్రభుత్వం చేస్తున్నఅన్యాయానికి నిరసనగా వైఎస్సార్‌ సీపీ ఆధ్వర్యంలో గురువారం నిర్వహించిన ధర్నాలో ఉమ్మడి ప్రకాశం జిల్లాకు చెందిన పలువురు వైఎస్సార్‌ సీపీ నాయకులు పాల్గొన్నారు. పార్టీ జిల్లా అధ్యక్షుడు, దర్శి ఎమ్మెల్యే బూచేపల్లి శివప్రసాద్‌రెడ్డి, యర్రగొండపాలెం ఎమ్మెల్యే తాటిపర్తి చంద్రశేఖర్‌తో పాటు పలువురు నియోజకవర్గ ఇన్‌చార్జ్‌లు, పార్టీ నాయకులు పాల్గొన్నారు. ● జాయింట్‌ కలెక్టర్‌ శ్రీనివాసులు మార్కాపురం టౌన్‌: మహా శివరాత్రి సందర్భంగా ప్రముఖ పుణ్యక్షేత్రమైన త్రిపురాంతకానికి వచ్చే భక్తులకు పటిష్ట ఏర్పాట్లు చేయాలని జాయింట్‌ కలెక్టర్‌ పులి శ్రీనివాసులు అధికారులను ఆదేశించారు. సబ్‌కలెక్టర్‌ కార్యాలయంలో బ్రహ్మోత్సవాల సందర్భంగా త్రిపురాంతకం ఆలయం వద్ద తీసుకోవాల్సిన ఏర్పాట్లపై గురువారం ఆయన రెవెన్యూ, పోలీసు, దేవదాయశాఖ, వైద్యారోగ్యశాఖ, పంచాయతీరాజ్‌, ఆర్‌అండ్‌బీ తదితర శాఖల అధికారులతో సమీక్ష నిర్వహించారు. బ్రహ్మోత్సవాలకు భారీగా భక్తులు వచ్చే అవకాశం ఉన్నందున వారికి ఎలాంటి అసౌకర్యం కలగకుండా అన్నీరకాల వసతులు కల్పించాలని జేసీ సూచించారు. దేవస్థాన ప్రాంగణంలో ఎప్పటికప్పుడు పారిశుధ్య పనులు చేపట్టాలని, భక్తులకు తాగునీరు అందించాలని, క్యూలైన్లు ఏర్పాటు చేయాలని, తొక్కిసలాట జరగకుండా చూడాలని ఆదేశించారు. ఆర్టీసీ అధికారులు బస్సు సౌకర్యం ఏర్పాట్లు చేయాలన్నారు. దేవదాయశాఖ అసిస్టెంట్‌ కమిషనర్‌ పానకాలరావు మాట్లాడుతూ త్రిపురాంతకేశ్వరస్వామి రథోత్సవానికి సుమారు 45 నుంచి 50 వేల మంది భక్తులు హాజరవుతారని అంచనా వేస్తున్నట్లు తెలిపారు. ఆలయంలో ఉదయం 4 గంటల నుంచే అభిషేకాలు ప్రారంభమవుతాయన్నారు. అమ్మవారి ఆలయంలో కుంకుమార్చనలు జరుగుతాయని, భక్తుల సౌకర్యార్థం రూ.10, రూ.100, రూ.250 టిక్కెట్లను ప్రవేశపెడుతున్నామన్నారు. భోజన వసతి, మజ్జిగ ప్యాకెట్లు, చిన్నపిల్లలకు పాలు ఇచ్చేందుకు చర్యలు తీసుకుంటామన్నారు. రాష్ట్ర నలుమూలల నుంచి వచ్చే భక్తులకు ఇబ్బంది లేకుండా చర్యలు తీసుకుంటామని తెలిపారు. కార్యక్రమంలో సబ్‌కలెక్టర్‌ శివరామిరెడ్డి, వివిధ శాఖల అధికారులు పాల్గొన్నారు.

ఒంగోలు సిటీ: జిల్లాలో మార్చి 2026 లో జరగబోవు పదో తరగతి పబ్లిక్‌ పరీక్షల ఫీజు చెల్లించని విద్యార్థులకు ఫీజు చెల్లింపు తేదీలను తత్కాల్‌ స్కీం ద్వారా పొడిగించినట్లు డీఈఓ సీవీ రేణుక గురువారం ఒక ప్రకటనలో తెలిపారు. ఈ సందర్భంగా డీఈఓ మాట్లాడుతూ పాఠశాల ప్రధానోపాధ్యాయులు ఈ నెల 6 నుంచి 12వ తేదీ లోపల అపరాధ రుసుం రూ.1000 లు చెల్లించాలని కోరారు. ప్రధానోపాధ్యాయులు ఈ నెల 6 నుంచి 12వ తేదీ లోపల నామినల్‌ రోల్స్‌, ఇతర పత్రాలను ఆన్‌లైన్‌లో సమర్పించాలని కోరారు. ఫీజు చెల్లించని విద్యార్థులు ఎవరైనా ఉన్నా ఈ అవకాశాన్ని సద్వినియోగం చేసుకోవాలని కోరారు. ఒంగోలు సిటీ: ఒంగోలులోని డీఎస్‌ ప్రభుత్వ మహిళా డిగ్రీ కళాశాలలో ఆంధ్రకేసరి విశ్వవిద్యాలయం డిగ్రీ మూడో సెమిస్టర్‌ మూల్యాంకనం ఈనెల 6వ తేదీ శుక్రవారం ఉదయం పది గంటల నుంచి ప్రారంభమవుతుందని క్యాంప్‌ ఆఫీసర్‌ డాక్టర్‌ డీ కళ్యాణి గురువారం ఒక ప్రకటనలో తెలిపారు. డాక్టర్‌ కళ్యాణి మాట్లాడుతూ అన్ని సబ్జెక్ట్‌ల పేపర్లు వచ్చాయని, యూనివర్సిటీకి సంబంధించిన ఐడీ కార్డులతో ఆయా సంబంధిత ప్రిన్సిపాల్‌ వద్ద నుంచి రిలీవింగ్‌ ఆర్డర్‌ కాపీలతో కళాశాలలో రిపోర్ట్‌ చేయాల్సిందిగా కోరారు. మూల్యాంకనం తప్పనిసరి బాధ్యత కనుక సంబంధిత కళాశాల ప్రిన్సిపాల్‌ లను అధ్యాపకులను రిలీవ్‌ చేయాలన్నారు. ఒంగోలు టౌన్‌: ఎట్టకేలకు మూడు బార్లకు లైసెన్సులు జారీ అయ్యాయి. ఒంగోలు కార్పొరేషన్‌ 1, మార్కాపురం 2 బార్లకు గురువారం కలెక్టర్‌ కార్యాలయంలోని డీఆర్‌ఓ చిన ఓబులేసు చాంబర్లో లాటరీ నిర్వహించారు. ఒంగోలు బార్‌కు నలుగురు, మార్కాపురంలోని రెండు బార్లకు 8 మంది దరఖాస్తు చేసుకున్నారు. వారి సమక్షంలో లాటరీ నిర్వహించినట్లు ఎకై ్సజ్‌ సూపరింటెండెంట్‌ షేక్‌ అయేషా బేగం తెలిపారు. దీంతో ఉమ్మడి ప్రకాశం జిల్లాలో మొత్తం బార్లకు లైసెన్స ప్రక్రియ ముగిసిందని చెప్పారు. ● డీవైఎఫ్‌ఐ జిల్లా అధ్యక్షుడు పిచ్చయ్య దర్శి: కార్మికుల సమస్యల కోసం ఉపాధి హామీ చట్టాన్ని ఎత్తివేయడాన్ని నిరసిస్తూ రాష్ట్రంలో నిరుద్యోగ సమస్యను పరిష్కరించాలని, జాబ్‌ క్యాలెండర్‌ ని ప్రకటించాలని కోరుతూ ఈనెల 12వ తేదీన జరిగే సార్వత్రిక సమ్మెకు డీవైఎఫ్‌ఐ పూర్తి మద్దతు తెలియజేస్తున్నట్టు జిల్లా అధ్యక్షుడు కేవీ పిచ్చయ్య తెలిపారు. స్థానిక సుందరయ్య భవన్లో ఏర్పాటు చేసిన సమావేశంలో ఆయన మాట్లాడుతూ తిరుపతి జిల్లాలో విద్యార్థి సంఘం, ఎస్‌ఎఫ్‌ఐ నాయకులు వినోద్‌, అక్బర్‌ ని కిడ్నాప్‌ చేసిన మోహన్‌బాబు యూనివర్సిటీని బ్లాక్‌ లో పెట్టాలని డిమాండ్‌ చేశారు. కార్యక్రమంలో డీవైఎఫ్‌ఐ మండల అధ్యక్ష, కార్యదర్శులు షేక్‌ పిరా సాహెబ్‌, ఆర్‌ జెస్సిపాల్‌, నాయకులు కొండలు, కళ్యాణ్‌ తదితరులు పాల్గొన్నారు. మార్కాపురం: కూటమి ప్రభుత్వంలో దళితులపై దాడులు ఎక్కువయ్యాయని ఎమ్మార్పీఎస్‌ రాష్ట్ర నాయకుడు పానుగంటి షాలేమ్‌రాజు, జిల్లా అధ్యక్షుడు మందాటి పీటర్‌, వర్కింగ్‌ ప్రెసిడెంట్‌ నేదరపల్లి జయరాజ్‌ అన్నారు. ఇటీవల కర్నూలు జిల్లా బొందిమడుగులలో ఎమ్మార్పీఎస్‌ నాయకులు టీఎం రమేష్‌ మాదిగను దారుణంగా హత్యచేయడాన్ని ఖండిస్తూ గురువారం మార్కాపురంలోని అంబేడ్కర్‌ విగ్రహం వద్ద, సబ్‌కలెక్టర్‌ కార్యాలయం వద్ద నిరసన ప్రదర్శన చేశారు. ఈ సందర్భంగా వారు మాట్లాడుతూ హత్య కేసులో నిందితులను కఠినంగా శిక్షించాలని, దళితులపై దాడులను అరికట్టాలని డిమాండ్‌ చేశారు. సమాజంలోని అట్టడుగు వర్గాల కోసం పోరాడిన రమేష్‌ను దారుణంగా హత్య చేశారని వారు ఆందోళన వ్యక్తం చేశారు. రమేష్‌ కుటుంబానికి పరిహారం అందించి, 5 ఎకరాల భూమిని, కుటుంబంలో ఉద్యోగాన్ని ఇవ్వాలని డిమాండ్‌ చేశారు. కార్యక్రమంలో ఎమ్మార్పీఎస్‌ నాయకులు గోన మొహన్‌, బూదాల ఆనంద్‌, భాస్కర్‌, గుర్రం రాణమ్మ, పి శీల, రాజు శ్రీధర్‌, మహేష్‌, సుధీర్‌, ప్రవీణ్‌ రాజ్‌ తదితరులు పాల్గొన్నారు.

సాక్షి ప్రతినిధి, ఒంగోలు: దశాబ్దం క్రితం ఊరికి ఉత్తరాన దూరంగా విసిరేసినట్లున్న ప్రాంతం అది. ముక్తినూతలపాడు గ్రామ పంచాయతీ పరిధిలోకి వచ్చేసర్వే నంబర్‌ 186 లోని 12 ఎకరాల ఇనాం భూములు. నగరంలో తలదాచుకునేందుకు కాసింత చోటు లేని 60 కుటుంబాలకు చెందిన నిరుపేద ప్రజలు నివాసాలు ఏర్పాటు చేసుకున్నారు. కనీసం గుడిసెలేసుకునే తాహతు కూడా లేక చిరిగి పోయిన పాత చీరలను చుట్టూ కట్టేసుకొని లోపల నివాసం ఉంటున్నారు. కాలక్రమంలో రేకుల షెడ్డులు వేసుకున్నారు. అప్పో సప్పో చేసిన ఒకరిద్దిరు పక్కా గృహాలు నిర్మించుకున్నారు. అయితే ఇటీవల ఈ భూముల ధరలు భారీగా పెరిగాయి. వందల కోట్ల రూపాయలకు పెరిగిన ఈ భూములపై అధికార పార్టీ నాయకుల కన్ను పడింది. ఎలాగైనా దీన్ని కాజేయాలని ప్లాన్‌ చేసుకున్నారు. అందుకు దొడ్డి దారిన డాక్యుమెంట్లు సృష్టించుకున్నారు. ఇనాం భూములను రిజిస్టర్‌ భూములుగా చెబుతూ కాలనీపై పడి దౌర్జన్యానికి పాల్పడ్డారు. నిజానికి ఈ భూములను ఇప్పటి వరకు ఎవరూ క్లయిమ్‌ చేసుకోలేదని, నిబంధనల ప్రకారం ఈ భూములను ప్రభుత్వం స్వాధీనం చేసుకోవాల్సి ఉంటుందని, ఆ తరువాత అక్కడ పదేళ్లుగా నివాసం ఉంటున్న నిరుపేదలకు పట్టాలు ఇవ్వాలని సీపీఐ నాయకులు చెబుతున్నారు. ఇనాం భూములను ఎవరికై నా సరే ఎలా రిజిస్టర్‌ చేస్తారని వాదిస్తున్నారు. పేదల భూములపై కన్నేసిన అధికార పార్టీ నాయకులు ఒక వ్యూహం ప్రకారం భూముల కబ్జాకు పాల్పడ్డారని, అందులో భాగంగానే పదేళ్లుగా నిరుపేదలు నివాసం ఉంటున్న ఇళ్లను అక్రమంగా కూల్చేశారని ఆరోపిస్తున్నారు. కరెంటు, మంచినీరు లేకపోయినా... నగరంలోని వివిధ ప్రాంతాలకు చెందిన నిరుపేదలు 11 ఏళ్ల క్రితం నివాసం ఏర్పాటు చేసుకొని జీవిస్తున్నారు. ఇక్కడ 60 కుటుంబాలు నివాసముంటున్నాయి. వీరిలో 15 ఎస్సీ కుటుంబాలు, 30 బీసీ కుటుంబాలు, 12 మైనార్టీ, 4 ఓసీ కుటుంబాలకు చెందిన వారున్నారు. వంటపని, ఇళ్లలో పాచిపనులు, హోటళ్లు, హాస్పిటళ్లలో పనులు చేసుకుంటూ కుటుంబాలను పోషించుకుంటున్నారు. ఇక్కడ ఎలాంటి కనీస సౌకర్యాలు లేవు. మంచినీటి కొళాయిలు, విద్యుత్‌ సౌకర్యం లేదు. రాత్రయ్యే సరికల్లా గుడ్డి దీపాలు వెలిగించుకొని బిక్కు బిక్కుమని బతుకులు వెళ్లదీస్తున్నారు. తరుచూ ఇళ్లలోకి పాములు, తేళ్లు వస్తుంటాయి. దాంతో ప్రాణాలు అరచేతిలో పెట్టుకొని పిల్లాపాపలను గుండెల్లో పెట్టుకొని కాపాడుకుంటున్నారు. మోంథా తుఫాను సమయంలో కాలనీ నీట మునిగింది. అయినా సరే నీళ్లు తోడేసుకొన్నారు. తలదాచుకునేందుకు మరో అవకాశం లేకపోవడంతో ఇక్కడ జీవిస్తున్నట్లు స్థానికులు చెబుతున్నారు. కొన్నేళ్లుగా తమకు పట్టాలు ఇవ్వాలని నాయకుల చుట్టూ తిరుగుతున్నట్లు కన్నీరు పెట్టుకున్నారు. గత ఎన్నికలకు ముందు మేము గెలిస్తే మీకు న్యాయం చేస్తానంటూ కూటమి నాయకులు చెప్పారని, నమ్మి ఓట్లేసి గెలిపిస్తే నెత్తిమీద నీడలేకుండా చేశారని స్థానికులు ఆగ్రహం వ్యక్తం చేస్తున్నారు. అధికార పార్టీ నాయకుల అండదండలతోనే కార్మిక నగర్‌ను నేలమట్టం చేశారని ఇక్కడి మహిళలు వాపోతున్నారు. మేమేం పాపం చేశామయ్యా... నా భర్త అనారోగ్యంతో ఉన్నారు. మాకు ఇద్దరు పిల్లలున్నారు. 11 ఏళ్లుగా ఇక్కడే నివసిస్తున్నాం. కూలీనాలి చేసుకొని బతుకుతున్నాం. కరెంటు లేదు. మంచినీళ్లు రావు. అయినా సరే గతి లేక ఇక్కడే సర్దుకొని జీవిస్తున్నాం. మాకు పట్టాలు ఇచ్చి సౌకర్యాలు ఏర్పాటు చేయాలని నాయకుల చుట్టూ తిరుగుతున్నాం. అదిగో ఇదిగో అంటూ చెబుతూ వచ్చారు. కానీ ఇంత పెద్ద కుట్ర చేస్తారని అనుకోలేదు. కట్టుకునే దుస్తులు, సామాన్లు కూడా తీసుకోకుండా ఇళ్లు కూల్చేయడానికి మేమేం పాపం చేశామయ్యా. ఇంత కక్ష ఎందుకు. నిరుపేదలకు పొట్టగొడితే మీకేం వస్తుంది. అయ్యా ..మాకు న్యాయం చేయండి. అన్యాయంగా మా ఇళ్లు కూల్చేసిన వారిని కఠినంగా శిక్షించండి. – షేక్‌ షంషాద్‌ బేగం మా పార్టీ అధికారంలో ఉంది, ఎవరికి చెప్పుకుంటారో చెప్పుకోండని బెదిరింపులు

● కలెక్టర్‌ పి.రాజాబాబు సింగరాయకొండ: పాకల బీచ్‌లో ఈ నెల 14,15 తేదీల్లో జరిగే బీచ్‌ ఫెస్టివల్‌ జిల్లాకే గర్వకారణమని కలెక్టర్‌ బి.రాజాబాబు అన్నారు. బీచ్‌ ఫెస్టివల్‌ను విజయవంతం చేసేందుకు చేపట్టాల్సిన పనులపై గురువారం సాయంత్రం సమీక్షించారు. ఈ సందర్భంగా కలెక్టర్‌ మాట్లాడుతూ కార్యక్రమంలో ప్రముఖంగా ఎగ్జిబిషన్‌, స్టేజ్‌షోలు, సింగర్స్‌, సెలబ్రిటీల హంగామా, వాటర్‌ గేమ్స్‌, హెలీ టూరిజం, వంటి కార్యక్రమాలు ఉంటాయన్నారు. ఫెస్టివల్‌లో 30 వేల మంది పాల్గొంటారని భావిస్తున్నామని, వారికి ఎటువంటి ఇబ్బంది కలగకుండా ఏర్పాటు చేస్తామన్నారు. బీచ్‌ ఫెస్టివల్‌కు బస్సులు, కార్లు, మోటార్‌సైకిల్‌పై వచ్చే వాహనదారులకు ఎటువంటి ఇబ్బంది కలగకుండా పార్కింగ్‌ వసతి కల్పిస్తామన్నారు. తరువాత అధికారులతో సమీక్ష నిర్వహించి సింగరాయకొండ– పాకల, పాకల– ఊళ్లపాలెం మధ్య రోడ్డు గుంతలు పూడ్చాలని సంబంధిత శాఖల నుంచి నిధులు సమీకరించుకోవాలని సూచించారు. ఫెస్టివల్‌ను విజయవంతం చేసేందుకు అన్ని శాఖల అధికారులు సహాయ సహకారాలు అందించాలన్నారు. తరువాత పాకల పల్లెపాలెంలో అక్షరాంధ్ర కేంద్రాన్ని సందర్శించి మహిళలతో మాట్లాడారు. డీఆర్‌ఓ ఓబులేసు, ఆర్‌డీఓ లక్ష్మీ ప్రసన్న, డీఎస్పీ రాయపాటి శ్రీనివాసరావు, జెడ్పీ సీఈఓ చిరంజీవి, డీపీఓ వెంకటేశ్వర్లు, తహసీల్దార్‌ రాజేష్‌, సీఐ సీహెచ్‌ హజరత్తయ్య, ఎస్సై బి.మహేంద్ర, ఇతర శాఖల అధికారులు పాల్గొన్నారు.

● వైఎస్సార్‌ సీపీ కార్యకర్తల సమావేశంలో అన్నా కొనకనమిట్ల: వైఎస్సార్‌ కాంగ్రెస్‌ పార్టీ అధినేత వైఎస్‌ జగన్‌మోహన్‌రెడ్డి ఆశయాలకు అనుగుణంగా మనమందరం పనిచేసి పార్టీ బలోపేతానికి కృషి చేద్దామని మార్కాపురం నియోజకవర్గ ఇన్‌చార్జి, మాజీ ఎమ్మెల్యే అన్నా రాంబాబు అన్నారు. మండలంలోని నాగిరెడ్డిపల్లి, తువ్వపాడు, కాట్రగుంట పంచాయతీ ఓబులరెడ్డిపల్లి గ్రామాల్లో గురువారం సాయంత్రం నిర్వహించిన వైఎస్సార్‌ సీపీ కార్యకర్తల సమావేశంలో ఆయన మాట్లాడారు. పార్టీ గ్రామ కమిటీలు పటిష్టంగా ఉండాలని, కార్యకర్తలు క్రమశిక్షణ కలిగిన సైనికుల్లా ముందుకు సాగాలని కార్యకర్తలకు పిలుపునిచ్చారు. గ్రామాల్లో ఉన్న వ్యక్తిగత వర్గ విభేదాలు విడనాడి పార్టీ విజయమే లక్ష్యంగా కృషి చేయాల్సిన అవసరం ఉందన్నారు. పార్టీ కార్యకర్తల కోసం పోరాడేందుకు తన వంతు సహకారం ఎల్లప్పుడూ ఉంటుందని అన్నా కార్యకర్తలకు భరోసా ఇచ్చారు. కూటమి ప్రభుత్వం వచ్చినప్పటి నుంచి మన పార్టీ నాయకులను ఇబ్బంది పెట్టే దిశగా అక్రమ కేసులు పెట్టి క్షణికానందం పొందుతున్నారని, అవి ఇంకెంతోకాలం సాగవని కూటమి నాయకులు తెలుసుకోవాలన్నారు. రాష్ట్రంలో చంద్రబాబు ప్రభుత్వం దోచుకో..దాచుకో అనే విధానంతో ముందుకెళ్తోందని, బాబు పాలనలో వ్యవస్థల్లో అవినీతి పెరిగిపోయిందని అన్నా ఆరోపించారు. ప్రభుత్వ మెడికల్‌ కళాశాలలను ప్రైవేటు శక్తులకు దోచిపెట్టేందుకు ప్రైవేటీకరణ చేస్తున్నారని, ప్రతి ఒక్కరూ ప్రతిఘటించాలని పిలుపునిచ్చారు. దుర్మార్గపు పాలనకు వ్యతిరేకంగా వైఎస్సార్‌ సీపీ ప్రజా ఉద్యమం చేపట్టి వారు ఇచ్చిన హామీలను నెరవేర్చేలా మనం ప్రజల్లోకి తీసుకెళదామన్నారు. ముందుగా ఆయా గ్రామాల్లో గ్రామ పార్టీ అధ్యక్షుడు బైరెడ్డి కొండారెడ్డి, మందలపు శ్రీనివాసులరెడ్డి, రాజాల వెంకటేశ్వరరెడ్డి ఆధ్వర్యంలో నాయకులకు ఘనస్వాగతం పలికారు. కార్యక్రమంలో పార్టీ జిల్లా అధికార ప్రతినిధి, వైస్‌ ఎంపీపీ మెట్టు వెంకటరెడ్డి, ఎంపీపీ మోరబోయిన మురళీకృష్ణయాదవ్‌, జెడ్పీటీసీ అక్కిదాసరి ఏడుకొండలు, మండల పార్టీ అధ్యక్షుడు మోరా శంకర్‌రెడ్డి, తువ్వపాడు సర్పంచ్‌ శిలువకుమారి, విద్యార్థి విభాగం నియోజకవర్గ కన్వీనర్‌ ఏలూరి సంజీవరెడ్డి, పార్టీ అనుబంధ విభాగల సభ్యులు గంగిరెడ్డి వెంకటేశ్వరరెడ్డి, కందెర పెద్దన్న, కుమ్మరి రమణయ్య, చిరుగూరి కోటేశ్వరరావు, మంచికల కోటేశ్వరరావు పాల్గొన్నారు.

● గురువారం ఒక్కరోజే ఏడుగురిపై దాడి హనుమంతునిపాడు: వీధి కుక్కల స్వైరవిహారంతో ప్రజలు బెంబేలెత్తిపోతున్నారు. గురువారం ఒక్క రోజే ఏడుగురిపై దాడి చేశాయి. దీంతో బాధితులంతా స్థానిక పీహెచ్‌సీకి వచ్చి వైద్యం పొందారు. మండలంలోని రశీదుపురానికి చెందిన సజ్జన్‌, హనుమంతునిపాడుకు చెందిన జి.తిరుపతమ్మ, నల్లగుండ్లకు చెందిన జి.హాన్సీ, వి.రత్తమ్మ, వేములపాడుకు చెందిన సీహెచ్‌ గంగాధర్‌, వాలిచర్లకు చెందిన వినయ్‌బాబు, ఎం వైశాల్యపై కుక్కలు దాడి చేయడంతో గాయాల పాలయ్యారు. ఈ మధ్య కాలంలో గ్రామాల్లో కుక్కల దాడి ఎక్కువైంది. దీంతో చిన్న పిల్లల తల్లిదండ్రులు పిల్లలను బయటకు పంపాలంటే బెంబేలెత్తిపోతున్నారు. ఒంగోలు సబర్బన్‌: హరితాంధ్రప్రదేశ్‌ సాధనే లక్ష్యంగా ముందుకు సాగాలని కలెక్టర్‌ పి.రాజాబాబు పిలుపునిచ్చారు. స్థానిక కలెక్టరేట్‌లోని కాన్ఫరెన్స్‌ హాలులో జిల్లాలో అటవీ విస్తీర్ణం పెంపుపై గురువారం జిల్లా అధికారులతో సమీక్ష నిర్వహించారు. హరితాంధ్రప్రదేశ్‌ సాధనలో ప్రజలు, సంబంధిత ప్రభుత్వ శాఖలు చురుకై న పాత్ర పోషించాలని కలెక్టర్‌ దిశానిర్దేశం చేశారు. ఈ దిశగా సమగ్ర కార్యాచరణ రూపొందించాలని అధికారులను ఆదేశించారు. ఈ సందర్భంగా జిల్లా అటవీ శాఖ అధికారి రాజశేఖర్‌ మాట్లాడుతూ ఇరిగేషన్‌, రోడ్లు భవనాలు, పంచాయతీరాజ్‌, గ్రామీణాభివృద్ధి, మున్సిపల్‌, విద్య, గిరిజన, పరిశ్రమల శాఖలు, జాతీయ రహదారుల ప్రాధికార సంస్థలను భాగస్వాములను చేస్తూ రాష్ట్రంలో అటవీ విస్తీర్ణం పెరిగేలా ప్రభుత్వం ప్రణాళికలు రూపొందించిందన్నారు. ఉమ్మడి ప్రకాశం జిల్లాలో అటవీ విస్తీర్ణం 37 శాతం ఉందని, దీనికి 2030 నాటికి మరో 7 శాతం జోడించాల్సి ఉందన్నారు. కలెక్టర్‌ మాట్లాడుతూ ప్రభుత్వ లక్ష్యాలకు అనుగుణంగా అటవీ విస్తీర్ణాన్ని పెంచేందుకు సంబంధిత శాఖల నుంచి డిమాండ్‌ను తెలుసుకున్నారు. ఆ మేరకు మొక్కలు సరఫరా చేసి నాటించి, పర్యవేక్షించేలా ప్రత్యేక ప్రణాళిక రూపొందించాలని కలెక్టర్‌ ఆదేశించారు. అందుబాటులో ఉన్న స్థలాలను అడవుల పెంపకానికి సమర్ధంగా వినియోగిచుకునేలా భాగస్వాములు దృష్టి సారించాలని ఆయన దిశా నిర్దేశం చేశారు. సమావేశంలో డీఎఫ్‌ఓ వినోద్‌కుమార్‌, డీఈఓ రేణుక, ఆర్‌ఐఓ ఆంజనేయులు, గిరిజన సంక్షేమ అధికారి వరలక్ష్మి, డ్వామా పీడీ జోసఫ్‌కుమార్‌, ఒంగోలు నగర కమిషనర్‌ కె.వెంకటేశ్వరరావు, ఆర్‌అండ్‌బీ ఎస్‌ఈ రవినాయక్‌, పరిశ్రమల శాఖ జీఎం శ్రీనివాస రావు, వివిధ విభాగాల అధికారులు పాల్గొన్నారు. మార్కాపురం: జిల్లా కేంద్రమైన మార్కాపురం ఆర్టీసీ బస్టాండ్‌లో ప్రయాణికులకు మెరుగైన సౌకర్యాలు కల్పించాలని జాయింట్‌ కలెక్టర్‌ పి.శ్రీనివాసులు అధికారులను ఆదేశించారు. స్థానిక ఆర్టీసీ బస్టాండ్‌ను గురువారం ఆకస్మికంగా తనిఖీ చేశారు. ఈ సందర్భంగా బస్టాండ్‌ ఆవరణలోని మరుగుదొడ్లను పరిశీలించి పలు సూచనలు చేశారు. టాయిలెట్లు శుభ్రంగా లేకపోవడంపై అసహనం వ్యక్తం చేశారు. పలువురు ప్రయాణికులు బస్టాండ్‌ ఆవరణలో తమ వద్ద అధిక డబ్బులు వసూలు చేస్తున్నారని జేసీ దృష్టికి తీసుకెళ్లగా మరోసారి ఇలాంటి ఫిర్యాదులు వస్తే చర్యలు తీసుకుంటామని హెచ్చరించారు. బస్టాండ్‌ ప్రాంగణం మొత్తాన్ని శుభ్రంగా ఉంచాలని డిపో మేనేజర్‌ లావణ్యను ఆదేశించారు. అధిక ధరలకు విక్రయించిన వారిపై చర్యలు తీసుకోవాలన్నారు. సబ్‌ కలెక్టర్‌ శివరామిరెడ్డి ఉన్నారు. సీఎస్‌పురం(పామూరు): మహాశివరాత్రి వేడుకలకు భైరవకోన, మిట్టపాలెం నారాయణస్వామి క్షేత్రాల్లో జరుగుతున్న ఏర్పాట్లను దేవదాయ ధర్మాదాయ శాఖ ప్రకాశం జిల్లా ఏసీ ఎం పానకాలరావు గురువారం పరిశీలించారు. భక్తులకు ఎక్కడా తాగునీటి ఇబ్బందులు, క్యూలైన్‌లలో ఇబ్బందులు, వాహన పార్కింగ్‌ సమస్యలు, ట్రాఫిక్‌ సమస్య తలెత్తకుండా ప్రత్యేక చర్యలు చేపడుతున్నట్లు తెలిపారు. ఏర్పాట్లపై ఈఓతో చర్చించి సూచనలు చేశారు. భైరవకోన ఆలయ చైర్మన్‌ ముప్పాళ్ల శ్యామ్‌సుందర్‌రాజు, సూపరింటెండెంట్‌ జి.శ్రీధర్‌రెడ్డి, ఇన్‌స్పెక్టర్‌ జి.ఏ.సత్యనారాయణ, చైతన్య, ఈఓ గిరిరాజు నరసింహబాబు, డిం.వంశీకృష్ణారెడ్డి ఉన్నారు.

బిట్రగుంట / కావలి రూరల్‌: బోగోలు మండలం విశ్వనాథరావుపేటలో అద్దెకు ఉంటున్న లోకో పైలెట్‌ గుంజి వెంకటశేషారావు తనతో సహజీవనం చేస్తున్న మహిళపై దాష్టీకానికి ఒడిగట్టాడు. కావలి పట్టణంలోని తన కార్యాలయంలో ఏర్పాటు చేసిన విలేకరుల సమావేశంలో డీఎస్పీ శ్రీధర్‌ గురువారం కేసు పూర్వాపరాలు వెల్లడించారు. ప్రకాశం జిల్లా నాగులప్పలపాడుకు చెందిన గుంజి వెంకటశేషారావు లోకో పైలెట్‌గా పనిచేస్తున్నారు. అతనికి కావలికి చెందిన శ్రీలేఖతో వివాహం కాగా ఇద్దరు పిల్లలు ఉన్నారు. అయితే కుటుంబ కలహాల నేపథ్యంలో భార్య భర్తలు ఇద్దరూ విడిపోవాలని నిర్ణయించుకోగా కోర్టులో కేసు నడుస్తోంది. ఈ క్రమంలో సుమారు మూడేళ్ల క్రితం సోషల్‌ మీడియా ద్వారా విశాఖపట్నంలోని చిన్నముసిడివాడకు చెందిన కరుణకుమారితో పరిచయం ఏర్పడింది. వెంకటశేషారావు బిట్రగుంటలోనే లోకో పైలెట్‌గా విధులు నిర్వహిస్తుండటంతో గతేడాది జూన్‌ నుంచి విశ్వనాథరావుపేటలో భార్య భర్తలుగా ఇల్లు అద్దెకు తీసుకొని నివాసముంటున్నారు. ఈ క్రమంలో వెంకటశేషారావు కావలిలో ఉంటున్న తన పిల్లలను చూసేందుకు వెళ్లిన ప్రతీసారి కరుణకుమారితో గొడవ జరిగేది. బుధవారం సాయంత్రం విధులు ముగించుకుని ఇంటికి వచ్చిన వెంకటశేషారావుకు కరుణకుమారితో మరోమారు గొడవ జరిగింది. దీంతో కూరగాయలు కోసే కత్తితో కరుణకుమారిపై దారుణంగా దాడి చేశాడు. తీవ్రంగా గాయపడిన బాధితురాలిని స్థానికులు తొలుత కావలి ఏరియా వైద్యశాలకు, అక్కడి నుంచి మెరుగైన వైద్యం కోసం నెల్లూరుకు తరలించారు. ప్రస్తుతం బాధితురాలు కోలుకుంటున్నట్లు తెలిసింది. కాగా గర్భిణిపై కత్తితో దాడి అంటూ సోషల్‌ మీడియాలో, ఇతర మీడియాల్లో వస్తున్న కథనాలను పోలీసులు ఖండించారు. ఒంగోలు టౌన్‌: జె.పంగులూరు మండలం కొండమూరు గ్రామం వద్ద 2019లో జరిగిన హత్య కేసులో నిందితులకు జీవిత ఖైదు విధిస్తూ ఒంగోలు మూడో అదనపు జిల్లా సెషన్స్‌ కోర్టు తీర్పు ఇచ్చింది. వివరాల్లోకి వెళితే.. కొండమూరు గ్రామానికి చెందిన చిలమకూరి అనంతరెడ్డి(33)కి అదే గ్రామానికి చెందిన చిలమకూరి వెంకట కృష్ణారెడ్డికి మధ్య చాలా కాలంగా భూ వివాదం ఉంది. ఈ క్రమంలో అనంతరెడ్డి నిర్మించిన కాంపౌండ్‌ వాల్‌తో కృష్ణారెడ్డి మరింత పగ పెంచుకున్నాడు. 2019 ఏప్రిల్‌ 8వ తేదీ రాత్రి 10 గంటల సమయంలో అనంతరెడ్డి స్నేహితుడితో కలిసి మోటారు బైకుపై రేణంగివరం గ్రామం నుంచి కొండమూరు వెళుతున్నాడు. అప్పటికే వేసుకున్న ప్లాన్‌ ప్రకారం బీమనాథం దిలీప్‌రెడ్డి మోటారు బైకును అడ్డగించి అనంతరెడ్డిపై ఇనుపరాడ్డుతో దాడి చేశారు. దాడిలో అనంతరెడ్డి తీవ్రంగా గాయపడి మృతి చెందాడు. ఈ హత్యను జె.పంగులూరు పోలీస్‌స్టేషన్‌లో అప్పటి ఎస్సై కె.అజయ్‌కుమార్‌ కేసు నమోదు చేసి దర్యాప్తు చేశారు. అప్పట్లో ఇంకొల్లు సీఐగా ఉన్న మద్దినేని శేషగిరిరావు దర్యాప్తు చేశారు. అనంతరం చార్జిషీటు దాఖలు చేశారు. అదనపు పబ్లిక్‌ ప్రాసిక్యూటర్‌ కేవీ రమేశ్వర్‌రెడ్డి ప్రాసిక్యూషన్‌ తరఫున వాదించారు. పోలీసులు సకాలంలో సాక్షులను కోర్టులో ప్రవేశపెట్టి విచారణను సమర్ధవంతంగా నడిపించారు. సాక్ష్యాధారాలతో నేరం రుజువు కావడంతో గురువారం మూడో అదనపు జిల్లా సెషన్స్‌ జడ్జి ఏ.పూర్ణిమ నిందితులకు జీవితఖైదుతో పాటుగా ఒక్కొక్కరికి రూ.5 వేల జరిమానా విధించారు. హత్య కేసులో నిందితులకు శిక్ష పడేలా చేసిన దర్యాప్తు అధికారులు, ప్రాసిక్యూషన్‌, కోర్టు లైజన్‌ సిబ్బందికి, పోలీసు సిబ్బందికి ఎస్పీ హర్షవర్థన్‌ రాజు అభినందనలు తెలిపారు. మొదటి భార్య వద్దకు ఎందుకెళ్తున్నావని గొడవ

అశ్రునయనాల మధ్య కంభం: తండ్రి చనిపోయి రెండు నెలలు గడవక ముందే కుమారుడు చనిపోవడంతో ఆ కుటుంబంలో విషాధ చాయలు అలుముకున్నాయి. ఈ విషాదకర ఘటన మండలంలోని తురిమెళ్ల గ్రామంలో జరిగింది. వివరాల్లోకి వెళితే.. మండలంలోని తురిమెళ్ల గ్రామానికి చెందిన యేలం వెంకటరమణ(49) 30 ఏళ్లుగా ఆర్మీలో విధులు నిర్వహిస్తున్నారు. ఇటీవల లెఫ్టనెంట్‌గా పదోన్నతి పొంది అసోం రాష్ట్రం దిబ్రూగఢ్‌లో విధులు నిర్వహిస్తున్నారు. విధులు నిర్వహించే క్రమంలో బ్రెయిన్‌స్ట్రోక్‌కు గురయ్యాడు. వెంటనే తోటి ఉద్యోగులు వైద్యశాలలో చేర్పించగా..అక్కడ చికిత్స పొందుతూ మంగళవారం మృతి చెందాడు. మరో నెల రోజుల్లో వెంకటరమణ రిటైర్డ్‌ అయి ఇంటికి రావాల్సి ఉండగా ఇలా అర్ధంతరంగా తనువు చాలించడంతో ఆ కుటుంబంలో విషాదం అలుముకుంది. గురువారం ఆర్మీ అధికారి మృతదేహాన్ని తురిమెళ్లకు తీసుకురాగా అధికార లాంఛనాలతో అంత్యక్రియలు నిర్వహించారు. ఇటీవల వెంకట రమణ తండ్రి వేమయ్య మరణించడంతో ఆయన దిశదిన కార్యక్రమాలు నిర్వహించే ఇటీవలే తిరిగి వెళ్లారు. అంతలోనే అంతలోనే తనువు చాలించడంతో గ్రామంలో సైతం విషాదచాయలు అలుముకున్నాయి. ఆర్మీ మేజర్‌ ఎస్‌పీ సింగ్‌, నాయక్‌ సుబేదార్‌లు గోపాల్‌రెడ్డి, గంగాసింగ్‌, హవాల్దార్‌ కేపీ గౌడ్‌ ప్రేరేడ్‌ నిర్వహించి అధికార లాంఛనలాతో అంత్యక్రియల్లో పాల్గొని కుటుంబసభ్యులకు జాతీయ జెండా అందజేశారు. తహసీల్దార్‌ వి. కిరణ్‌కుమార్‌, కంభం ఎస్సై శివక్రిష్ణారెడ్డి, డిప్యూటీ ఎంపీడీఓ విజయలక్ష్మి, మాజీ సైనికుల సంఘ అధ్యక్షుడు వేణుగోపాల్‌, సంకతాల ప్రసాద్‌, పుల్లయ్య, పోలయ్య, శ్రీనివాసులు, తదితరులు మృతదేహం వద్ద పూలమాలలు వేసి నివాళులర్పించారు. మృతుడికి భార్య, కుమారుడు, కుమార్తె ఉన్నారు. మృతి చెందిన వెంకటరమణ (ఫైల్‌) మరో నెలరోజుల్లో రిటైర్డ్‌ కానున్న వెంకటరమణ అంతలోనే ఇలా జరగడంతో కుటుంబంలో విషాదం తండ్రి చనిపోయి రెండు నెలలు గడవకముందే కుమారుడు మృతి తురిమెళ్ల గ్రామంలో విషాదచాయలు

మద్దిపాడు: పదే పదే తప్పులు చేస్తే కఠిన చర్యలు తీసుకుంటానని జాయింట్‌ కలెక్టర్‌ కల్పనాకుమారి రెవెన్యూ శాఖ సిబ్బందిని హెచ్చరించారు. మండల కేంద్రమైన మద్దిపాడులో గురువారం పట్టాదారు పాసుపుస్తకాల పంపిణీలో జేసీ పాల్గొన్నారు. ఈ సందర్భంగా ఆమె మాట్లాడుతూ పట్టాల్లో ఏవైనా తప్పులు దొర్లితే సరి చేయించుకోవాలని రైతులను కోరారు. ఈ క్రమంలో పలువురు రైతులు తమ ఆవేదనను జాయింట్‌ కలెక్టర్‌కు విన్నవించారు. పొలం విస్తీర్ణం తక్కువగా నమోదు చేశారని, అదేమని అడిగితే మీ పొలం మేం తీసుకోవడం లేదు కదా అంటూ నిర్లక్ష్యంగా సర్వేయర్‌ సమాధానం ఇచ్చారని వాపోయారు. మరో రైతు శుద్ధపల్లి వెంకటేశ్వర్లు మాట్లాడుతూ పొలాన్ని ఆన్‌లైన్‌లో తక్కువగా నమోదు చేశారని, దీనిపై రెండుసార్లు అర్జీ ఇఛ్చినా పట్టించుకోవడం లేదని ఫిర్యాదు చేశారు. మరోరైతు సింగారావు తమ బంధువుల పొలం తనకు ఆన్‌లైన్‌లో ఎక్కిందని చెప్పినా సరి చేయకుండా తనతో వేలి ముద్ర వేయించుకుని పాసుపుస్తకం ఇచ్చారని తెలిపారు. ఇలా పలువురు రైతులు సమస్యలు ఏకరువు పెట్టడంతో తొలుత జేసీ సిబ్బందిపై అసహనం వ్యక్తం చేశారు. ఈ క్రమంలో మరి కొందరు నాయకులు మాట్లాడుతూ ఎకరాకు ఐదు సెంట్లు లోపు తగ్గితే దానిని ఒప్పుకోవాలని ప్రభుత్వ నిబంధనలు చెబుతున్నాయని వీఆర్‌ఓ, సర్వేయర్‌లు చెబుతున్నారని తెలిపారు. దీందో జేసీ తొలుత వీఆర్‌ఓ, సర్వేయర్‌లపై మండిపడి వారిని ప్రశ్నించగా వారు బిక్కముఖం వేశారు. ఇన్ని తప్పులు జరుగుతుంటే మీరేం చేస్తున్నారని తహసీల్దార్‌ ఆదిలక్ష్మి, ఆర్డీఓ లక్ష్మీ ప్రసన్నలను ప్రశ్నించి అసహనం వ్యక్తం చేశారు. అనంతరం వీఆర్‌ఓ, సర్వేయర్‌కు నోటీసులు ఇవ్వాలని ఆదేశాలు జారీ చేశారు. అనంతరం పలువురు విలేకరులు మాట్లాడుతూ ఇప్పటి వరకు రీ సర్వే జరిగిన గ్రామాల్లో రైతులను పిలవకుండానే రీ సర్వే పూర్తి చేశారని, దీంతో భారీగా తప్పులు నమోదయ్యాయని చెప్పారు. దీనికి జేసీ స్పందించి ఇప్పటి వరకు రీ సర్వే జరిగిన గ్రామాల్లో ఏమైనా తప్పులు ఉంటే వాటిని యుద్ధ ప్రాతిపదికన పరిష్కరించాలని, రీ సర్వే జరగనున్న గ్రామాల్లో తప్పులు లేకుండా పర్యవేక్షించాలని తహసీల్దార్‌, ఆర్‌డీఓను ఆదేశించారు. రీ సర్వే సమయంలో రైతులను నగదు కోసం పీడించినట్లు తన దృష్టికి వస్తే కఠిన చర్యలు తప్పవని, ఈ విషయంలో ఆర్‌డీఓ నుంచి కిందిస్థాయి సిబ్బంది వరకు ఎవరికీ మినహాయింపు లేదని హెచ్చరించారు. కార్యక్రమంలో నాయకులు, రెవెన్యూ సిబ్బంది పాల్గొన్నారు జాయింట్‌ కలెక్టర్‌ కల్పనాకుమారి పాస్‌పుస్తకాల్లో తప్పులపై వీఆర్‌ఓ, సర్వేయర్‌పై మండిపాటు మీరేం చేస్తున్నారని తహసీల్దార్‌, ఆర్‌డీఓపై అసహనం

పదో తరగతిలో మంచి స్కోర్‌ సాధించేందుకు అవకాశం ఉన్న గణతం సబ్జెక్టుపై విద్యార్థుల్లో ఆందోళన నెలకొంది. 100 రోజుల ప్రణాళికను ఉపాధ్యాయులు కచ్చితంగా అనుసరించాలని విద్యాశాఖ ఉత్తర్వులు జారీ చేసింది. ఈ ఆదేశాలే విద్యార్థుల గుండెల్లో రైళ్లు పరుగెత్తిస్తున్నాయి. సులువుగా ఉత్తీర్ణులయ్యే అవకాశం ఉన్న సబ్జెక్టులకు ఎక్కువ సమయం, కష్టమైన సబ్జెక్టులకు తక్కువ సమయం ఇవ్వడంతో విద్యార్థులు మదనపడుతున్నారు. విద్యాశాఖ ఆదేశాలను ధిక్కరిస్తే చిక్కులు తప్పవని భావించిన ఉపాధ్యాయులు కిమ్మనడం లేదు. గణితం, ఫిజికల్‌ సైన్స్‌ సబ్జెక్టుల ప్రిపరేషన్‌పై విద్యార్థులతోపాటు ఉపాధ్యాయులు కూడా ఆందోళన చెందుతున్నారు. మంచి స్కోర్‌ వచ్చే ఈ రెండు సబ్జెక్టులకు 100 రోజుల ప్రణాళికలో తక్కువ సమయం కేటాయించడంపై విద్యాశాఖ అధికారులు పునరాలోచన చేయాలని ఉపాధ్యాయులు కోరుతున్నారు. మార్కాపురం: విద్యార్థి దశలో పదో తరగతి అత్యంత కీలకం. విద్యార్థుల బంగారు భవితకు పునాది వేసి ఉన్నత శిఖరాలు అధిరోహించడానికి తొలిమెట్టు లాంటిది. రాష్ట్ర ప్రభుత్వం పదో తరగతి పరీక్షలకు ఇటీవలే షెడ్యూల్‌ విడుదల చేసింది. మార్చి 16 నుంచి ఏప్రిల్‌ 1వ తేదీ వరకు పదో తరగతి పబ్లిక్‌ పరీక్షలు నిర్వహించనున్నారు. ఈ నేపథ్యంలోనే ప్రభుత్వ పాఠశాలల్లో విద్యార్థుల కోసం 100 రోజుల యాక్షన్‌ ప్లాన్‌ రూపొందించింది. యాక్షన్‌ ప్లాన్‌ ప్రారంభమై 60 రోజులు గడిచిపోయాయి. పరీక్షలకు మరో 40 రోజులు మాత్రమే సమయం మిగిలి ఉండటంతో విద్యార్థుల్లో టెన్షన్‌ మొదలైంది. మార్కాపురం జిల్లాలోని యర్రగొండపాలెం, గిద్దలూరు, కనిగిరి, మార్కాపురం నియోజకవర్గాల్లో 197 హైస్కూళ్ల నుంచి దాదాపు 28 వేల మంది విద్యార్థులు ఈ ఏడాది పదో తరగతి పరీక్షలకు సిద్ధమవుతున్నారు. 100 రోజుల ప్రణాళికలో భాగంగా ఇప్పటికే విద్యార్ధులు స్టడీ అవర్స్‌లో కుస్తీలు పడుతున్నారు. అయితే కొన్ని పాఠశాలల్లో సిలబస్‌ ఇంకా కొనసాగుతోంది. చదువులో వెనుకబడిన విద్యార్థుల కోసం కోసం ఆయా పాఠశాలల్లో ఉపాధ్యాయులు ప్రత్యేక స్టడీ అవర్లు నిర్వహిస్తున్నారు. విద్యార్థులను దత్తత తీసుకుని వెనుకబడిన సబ్జెక్టుల్లో సందేహాలు నివృత్తి చేస్తున్నారు. ఉదయం 8 నుంచి 9 గంటల వరకు స్టడీ, సాయంత్రం 4 నుంచి 5 గంటల వరకు అసెస్‌మెంట్‌ పరీక్ష నిర్వహిస్తున్నారు. షైనింగ్‌, రైజింగ్‌ స్టార్స్‌గా విభజన ప్రతి పాఠశాలలో పదో తరగతి పరీక్షలు రాసే విద్యార్థులను షైనింగ్‌ స్టార్స్‌, రైజింగ్‌ స్టార్స్‌గా విభజించారు. చదువులో ముందుండే వారిని షైనింగ్‌ స్టార్లుగా పేర్కాన్న విద్యాశాఖ వారిపై ప్రత్యేక దృష్టి సారించి అత్యధిక మార్కులు సాధించేలా ప్రోత్సహించాలని నిర్ణయించింది. సబ్జెక్టుల్లో వెనుకబడిన వారిని రైజింగ్‌ స్టార్స్‌గా పేర్కొంటూ కచ్చితంగా ఉత్తీర్ణత సాధించేలా పాఠ్యాంశాలు బోధించాలని సూచించింది. టెన్త్‌ పబ్లిక్‌ పరీక్షలకు కుస్తీ పడుతున్న విద్యార్థులు సర్కారు 100 రోజుల ప్రణాళికలో లోపాలు సబెక్టులకు కేటాయించిన సమయంపై ఆందోళన కొన్ని పాఠశాలల్లో ఇంకా పూర్తి కాని సిలబస్‌

● రూ.3 లక్షలు వెచ్చిస్తున్న చాపలమడుగు సర్పంచ్‌ పుల్లలచెరువు: మండలంలోని చాపలమడుగు పంచాయతీలోని సి.కొత్తపల్లి గ్రామానికి రహదారి సక్రమంగా లేకపోవడంతో స్థానికులు తీవ్రంగా ఇబ్బందులు పడుతున్నారు. ఇదే విషయాన్ని గ్రామానికి చెందిన కొందరు యర్రగొండపాలెం ఎమ్మెల్యే తాటిపర్తి చంద్రశేఖర్‌ దృష్టికి తీసుకురాగా తక్షణమే స్పందించారు. ఎమ్మెల్యే ఆదేశాల మేరకు గ్రామ సర్పంచ్‌ టి.సత్యనారాయణరెడ్డి తన సొంత నిధులు రూ.3 లక్షలు వెచ్చించి మెటల్‌ రోడ్డు ఏర్పాటు చేసేందుకు ముందుకొచ్చారు. బుధవారం రోడ్డు నిర్మాణ పనులకు శంకుస్థాపన చేశారు. రహదారి కోసం 600 ట్రాక్టర్ల గ్రావెల్‌ వినియోగిస్తున్నట్లు సర్పంచ్‌ తెలిపారు. ఎమ్మెల్యే, సర్పంచ్‌కు గ్రామస్తులు కృతజ్ఞతలు తెలిపారు. కార్యక్రమంలో మల్లాపాలెం సర్పంచ్‌ ఆవుల రమణారెడ్డి, నాయకులు లింగం రవి, సంపతి, చిన్న ఓబయ్య తదితరులు పాల్గొన్నారు.

సీఎస్‌పురం(పామూరు): తిరుపతిలో గృహ నిర్మాణ పనులు చేస్తున్న సమయంలో మహిళా కూలీ తలపై ఇటుకరాయి పడటంతో తీవ్రంగా గాయపడింది. ఈ సంఘటన సోమవారం సాయంత్రం చోటుచేసుకోగా క్షతగాత్రురాలు చికిత్స పొందుతూ మంగళవారం మృతి చెందింది. వివరాలు.. మండల కేంద్రమైన సీఎస్‌పురం వడ్డెపాలేనికి చెందిన బండారు అంజలి, ఆమె భర్త అంకాలు తిరుపతిలో భవన నిర్మాణ పనులకు వెళ్లారు. సోమవారం సాయంత్రం పని చేస్తున్న సమయంలో అంజలి తలపై ఇటుక పడి తలకు తీవ్ర గాయమైంది. క్షతగాత్రురాలిని తిరుపతిలోని ఓ వైద్యశాలకు తరలించి చికిత్స చేయిస్తుండగా మంగళవారం వేకువజామున మృతిచెందింది. మృతురాలి భర్త ఫిర్యాదు మేరకు అలిపిరి పోలీసులు కేసు దర్యాప్తు చేపట్టారు. పోస్టుమార్టం అనంతరం మృతదేహాన్ని బుధవారం కుటుంబ సభ్యులకు అప్పగించారు. అంజలి మృతితో వడ్డెపాలెంలో విషాదఛాయలు అలుముకున్నాయి. బంధువులు కన్నీరుమున్నీరుగా విలపిస్తున్నారు.

ఒంగోలు సిటీ: జిల్లా పరిషత్‌ యాజమాన్యం పరిధిలో పనిచేస్తూ మరణించిన సిబ్బంది కుటుంబ సభ్యులకు కారుణ్య నియామకం ద్వారా 8 మందికి ఆఫీస్‌ సబార్డినేట్‌లుగా జెడ్పీ చైర్‌పర్సన్‌ బూచేపల్లి వెంకాయమ్మ నియామక ఉత్తర్వులను అందజేశారు. మండల ప్రజా పరిషత్‌, జెడ్పీ ఉన్నత పాఠశాలల్లో నియమించారు. ఒంటేరు బాల సుబ్రహ్మణ్యం దొనకొండ జెడ్పీ ఉన్నత పాఠశాలకు, ముద్రగడ దివ్యాంజలికి టంగుటూరు మండల పరిషత్‌ కార్యాలయంలో, షేక్‌ రజియా బేస్తవారిపేట మండల పరిషత్‌ కార్యాలయంలో, వలేటి దిలీప్‌కుమార్‌ను హనుమంతునిపాడు మండల పరిషత్‌ కార్యాలయంలో, కొంగలేటి దిలీప్‌కుమార్‌ ఆమనిగుడిపాడు జెడ్పీ ఉన్నత పాఠశాలకు, దేవండ్ల మహాలక్ష్మి కనిగిరి మండల పరిషత్‌ కార్యాలయంలో, అద్దంకి లక్ష్మిశశికళను వైదేన జెడ్పీ ఉన్నత పాఠశాలకు, బూచిరాజు నాగరాజు సంతనూతలపాడు మండల పరిషత్‌ కార్యాలయంలో నియమిస్తూ జెడ్పీ చైర్‌పర్సన్‌ బూచేపల్లి వెంకాయమ్మ ఉత్తర్వులు అందజేశారు. కార్యక్రమంలో సీఈఓ చిరంజీవి తదితరులు పాల్గొన్నారు.

ఒంగోలు టౌన్‌: తిరుపతిలోని ఎంబీ యూనివర్శిటీలో అక్రమాలను ప్రశ్నించిన విద్యార్థి సంఘ నాయకులను కిడ్నాప్‌ చేసిన వారిపై చట్టపరమైన చర్యలు తీసుకోవాలని ఎస్‌ఎఫ్‌ఐ జిల్లా కార్యదర్వి వీరాస్వామి డిమాండ్‌ చేశారు. ఈ ఘటనపై రాష్ట్ర ప్రభుత్వం ఇంత వరకు స్పందించకపోవడం దుర్మార్గమన్నారు. బుధవారం నగరంలోని రంగరాయుడు చెరువు వద్ద ఎస్‌ఎఫ్‌ఐ ఆధ్వర్యంలో నిరసన కార్యక్రమం చేపట్టారు. ఎంబీ ఈ సందర్బంగా వీరాస్వామి మాట్లాడుతూ... ఎంబీ యూనివర్శిటీలో అక్రమాలను ఉన్నత విద్యా మండలి దృష్టికి తీసుకెళ్లడాన్ని జీర్ణించుకోలేక ఆ సంస్థ యాజమాన్యం విద్యార్థి సంఘ నాయకులకు కిడ్నాప్‌ చేసిందని ఆరోపించారు. నిందితులపై చర్యలు తీసుకోకపోతే పెద్ద ఎత్తున ఉద్యమిస్తామని హెచ్చరించారు. టంగుటూరు: జిల్లా అవతరణ దినోత్సవాన్ని పురస్కరించుకొని జనవరి 31వ తేదీన ఒంగోలులో నిర్వహించిన జిల్లా స్థాయి క్విజ్‌ పోటీల్లో స్థానిక ప్రభుత్వ పాఠశాల విద్యార్థి ఆయుధం సన్నీకుమార్‌ ద్వితీయస్థానం సాధించాడు. ఈ సందర్భంగా విద్యార్థిని పాఠశాల ప్రధానోపాధ్యాయురాలు పద్మావతి, ఉపాధ్యాయులు, గ్రామస్తులు అభినందించారు.

పుల్లలచెరువు: ‘సంతకం పెట్టి మాట్లాడు, బయట ఉండి మాట్లాడతావేంటి, ముందు బయటకు వెళ్లి మాట్లాడు’ అంటూ ఎంపీటీసీ సభ్యుడు, మండల ఉపాధ్యక్షుడు ఎల్‌.రాములుపై ఎంపీడీఓ మరియదాసు నోరుపారేసుకున్నారు. బుధవారం ఎంపీపీ అధ్యక్షతన స్థానిక మండల పరిషత్‌ కార్యాలయంలో సర్వసభ్య సమావేశం నిర్వహించాల్సి ఉంది. కోరం లేకుండా సమావేశం నిర్వహించేందుకు ఎంపీడీఓ సిద్ధం కావడంతో ఎంపీటీసీ సభ్యుడు రాములు ప్రశ్నించారు. దీంతో టీడీపీ నాయకులను పక్కన కూర్చోబెట్టుకుని మరీ ఎంపీడీఓ ఇష్టారీతిగా మాట్లాడటం చర్చనీయాంశమైంది. కోరం ఎక్కడుందో చూపండి అని ఎంపీటీసీ కోరగా.. ‘ముందు బయటకు వెళ్లు, లేదా సంతకం పెట్టి సభలో ఉండు, నువ్వు అడిగిన దానికి సమాధానం చెబుతాం. అంతే కానీ సంతకం పెట్టకుండా మాట్లాడకు, ముందు కార్యాలయం నుంచి బయటకు వెళ్లు’ అని ఎంపీడీఓ దురుసుగా మాట్లాడారు. దీంతో ఇద్దరి మధ్య వాగ్వివాదం చోటుచేసుకుంది. ఎంపీడీఓ తీరు పచ్చ కండువా కప్పుకొన్న రాజకీయ నాయకుడిలా ఉందని అక్కడే ఉన్న ప్రజాప్రతినిధులు, పలు శాఖల అధికారులు చర్చించుకోవడం గమనార్హం. ఈ క్రమంలోనే అక్కడికి పోలీసులు చేరుకోవడం, రైతుల ఇబ్బందులపై సభ్యులు, విలేకర్లు ప్రశ్నిస్తుండగా పోలీసులు వారించడంతో సమావేశం రసాభాసగా మారింది. కోరం లేకుండా, ముఖ్య శాఖల అధికారులు పాల్గొనకుండానే సభ నిర్వహించి మమ అనిపించారు. ప్రజా సమస్యలు, అభివృద్ధి పనులపై చర్చ ఆవగింజంతైనా అవకాశం లేకుండా ఎంపీడీఓ ఇష్టానుసారం వ్యవహరించారని వైఎస్సార్‌ సీపీ ప్రజాప్రతినిధులు మండిపడ్డారు. ఎంపీడీఓ వ్యవహార శైలిపై కలెక్టర్‌కు ఫిర్యాదు చేయనున్నట్లు ఎంపీటీసీ సభ్యుడు ఎల్‌.రాములు తెలిపారు. ఇదిలా ఉండగా సర్వసభ్య సమావేశంలో బయట వ్యక్తులు దర్జాగా పాల్గొనడం కొసమెరుపు. పుల్లలచెరువు ఎంపీడీఓ మరియదాసు నోటి దురుసు ఎంపీటీసీ సభ్యుడు రాములుపై దుర్భాష కోరం లేకుండానే సమావేశం నిర్వహణ

చీమకుర్తి రూరల్‌: మండలంలోని కూనంనేనివారిపాలెం గ్రామ సచివాలయంలో పంచాయతీ అభివృద్ధి అధికారిగా విధులు నిర్వర్తిస్తున్న శ్యామ్‌పై జిల్లా ఉన్నతాధికారులు సస్పెండ్‌ చేశారు. హౌస్‌ టాక్స్‌ సక్రమంగా వసూలు చేయడం లేదనే కారణంతో సస్పెండ్‌ చేస్తూ డీపీఓ వెంకటేశ్వరావు ఉత్తర్వులు ఇచ్చారని ఎంపీడీఓ రాఘేంద్ర తెలిపారు. గిద్దలూరు(బేస్తవారిపేట): స్థానిక నంద్యాల రోడ్డులోని సగిలేరు రైల్వే వంతెనపై గూడ్స్‌ రైలు ఢీకొని ఒకరు మృతి చెందిన సంఘటన బుధవారం వెలుగులోకి వచ్చింది. రైల్వే పోలీసులు అందించిన సమాచారం ప్రకారం.. గిద్దలూరు మండలం క్రిష్టంశెట్టిపల్లెకు చెందిన జంగం రమణారెడ్డి(45) భార్యతో విభేదాల నేపథ్యంలో ఒంటరిగా తల్లి వద్దనే ఉంటున్నాడు. మంగళవారం రాత్రి సగిలేరు వాగు వంతెన మీద రైల్వే ట్రాక్‌పై సెల్‌ఫోన్‌ చూస్తున్నాడు. అదే సమయంలో గూడ్స్‌ ట్రైన్‌ ఢీకొనడంతో వంతెన నుంచి కింద పడి అక్కడికక్కడే మృతి చెందాడు. రైల్వే ట్రాక్‌ తనిఖీ చేస్తున్న ట్రాక్‌మన్‌ మద్దిలేటి వంతెన కింద ఒకరు మృతి చెంది ఉండటాన్ని గుర్తించారు. నంద్యాల రైల్వే పోలీసులకు సమాచారం అందించారు. పోలీసులు కేసు నమోదు చేసుకుని, మృతదేహాన్ని గిద్దలూరు ప్రభుత్వ వైద్యశాలకు తరలించారు. మేదరమెట్ల: లారీ కింద కిందపడి వృద్ధురాలు మృతి చెందిన సంఘటన గురువారం మేదరమెట్లలో చోటుచేసుకుంది. అందిన సమాచారం మేరకు గ్రామానికి చెందిన భాగ్యలక్ష్మి(65) కూరగాయలు, సరుకులు కొనుగోలు చేసేందుకు మెయిన్‌ సెంటర్‌కు వెళ్తుండగా, అదే సమయంలో మలుపు తిరుగుతున్న కంటైనర్‌ లారీ వెనుక భాగం ఆమెను ఢీకొట్టింది. దీంతో లారీ చక్రాల కింద వృద్ధురాలు పడిపోవడంతో కాళ్లు నుజ్జునుజ్జయ్యాయి. క్షతగాత్రురాలిని వైద్యశాలకు తరలిస్తుండగా మార్గమధ్యంలో మృతి చెందింది. పోలీసులు కేసు నమోదు చేసి దర్యాప్తు చేస్తున్నారు. మద్దిపాడు: నీళ్ల ట్యాంకర్‌ ఢీకొనడంతో ఓ వ్యక్తి అక్కడికక్కడే దుర్మరణం చెందాడు. ఈ సంఘటన మద్దిపాడు మండలంలోని గుండ్లాపల్లి సర్వీస్‌ రోడ్డులో బుధవారం ఉదయం చోటుచేసుకుంది. వివరాలు.. గుండ్లాపల్లి గ్రామానికి చెందిన సాదినేని ఆంజనేయులు(59) మోటారుసైకిల్‌పై గుండ్లాపల్లి ఫ్లైఓవర్‌ సర్వీసు రోడ్డులోకి వస్తుండగా వెనుక నుంచి కల్యాణి ఆక్వా సంస్థకు చెందిన నీళ్ల ట్యాంకర్‌ ఢీకొట్టింది. ట్యాంకర్‌ వెనుక టైరు కింద పడిపోవడంతో ఆంజనేయులు తల నుజ్జునుజ్జయి అక్కడికక్కడే మరణించాడు. మృతునికి భార్య, కుమార్తె ఉన్నారు. మద్దిపాడు పోలీసులు కేసు దర్యాప్తు చేస్తున్నారు. ● రూ.5 లక్షల మేర నష్టం యర్రగొండపాలెం: మండలంలోని పందివానిపల్లె గ్రామంలో పొగాకు పందిరికి మంగళవారం అర్ధరాత్రి దాటిన తరువాత గుర్తుతెలియని వ్యక్తులు నిప్పు పెట్టారు. ఈ సంఘటనలో దాదాపు రూ 5 లక్షల రూపాయల విలువైన 30 క్వింటాళ్ల పొగాకు దగ్ధమైంది. ఉద్దేశపూర్వకంగా తన పొగాకును తగలబెట్టారని బాధిత రైతు మల్లికార్జునరెడ్డి ఆరోపించారు. ఈ మేరకు పోలీసులకు ఫిర్యాదు చేసినట్లు తెలిపారు. టంగుటూరు: పోలీసులు గంజాయి స్వాధీనం చేసుకున్న సంఘటన టంగుటూరు టోల్‌ ప్లాజా వద్ద బుధవారం చోటుచేసుకుంది. అందిన సమాచారం మేరకు.. ఇద్దరు వ్యక్తులు రాజమండ్రి నుంచి సింగరాయకొండకు సుమారు 2.6 కేజీల గంజాయిని రైలు మార్గం ద్వారా తరలిస్తున్నారని సమాచారం అందుకున్న ఈగల్‌ టీం సీఐ సుధాకర్‌, ఎస్సై సుదర్శన్‌ మాటు వేశారు. ఇద్దరు వ్యక్తులు సూరారెడ్డిపాలెం రైల్వే స్టేషన్లో దిగి రోడ్డు మార్గాన వచ్చి టోల్‌ ప్లాజా వద్ద మార్పిడి చేస్తున్న సమయంలో ఈగల్‌ టీం పోలీసులు అదుపులోకి తీసుకున్నారు. సుమారు 2.6 కేజీల గంజాయిని స్వాధీనం చేసుకుని టంగుటూరు పోలీసు స్టేషన్‌కు తరలించారు. ఇద్దరు నిందితులను విచారిస్తున్నట్లు సమాచారం.

కనిగిరిరూరల్‌: ఏపీ, తెలంగాణ ముఖ్యమంత్రులు చంద్రబాబునాయుడు, రేవంత్‌రెడ్డి కుమ్మకై ్క రాయలసీమ ఎత్తిపోతల పథకాన్ని అడ్డుకుంటూ రైతులకు, ప్రజలకు తాగు, సాగు నీరు లేకుండా దూరం చేస్తున్నారని వైఎస్సార్‌ సీపీ కనిగిరి ఇన్‌చార్జి డాక్టర్‌ దద్దాల నారాయణ యాదవ్‌ ధ్వజమెత్తారు. వైఎస్సార్‌ సీపీ అధినేత, మాజీ సీఎం వైఎస్‌ జగన్‌ మోహన్‌రెడ్డి ఆదేశాల మేరకు రాయలసీమ ఎత్తిపోతల పథకం సాధనకు, రాయలసీమకు జరుగుతున్న ఘోరమైన అన్యాయానికి నిరసనగా ఈ నెల 5న ఉదయం 10 గంటలకు నంద్యాల జిల్లా నందికొట్కూరు నియోజకవర్గంలోని పోతిరెడ్డి పాడు వద్ద జరిగే బహిరంగ సభను విజయవంతం చేయాలని కోరుతూ ఛలో పోతిరెడ్డిపాడు వాల్‌పోస్టర్‌ను బుధవారం ఆవిష్కరించారు. ఈ సందర్భంగా మున్సిపల్‌ చైర్మన్‌ అబ్దుల్‌ గఫార్‌ అధ్యక్షతన జరిగిన కార్యక్రమంలో దద్దాల నారాయణ యాదవ్‌ రెండు తెలుగు రాష్ట్రాల కుమ్మకై ్క రాజకీయాలపై తీవ్రంగా ధ్వజమెత్తారు. ఛలో పోతిరెడ్డి పాడు బహిరంగ సభకు 5వ తేదీ ఉదయం 7 గంటలకు స్థానిక పార్టీ కార్యాలయం నుంచి నియోజకవర్గ ప్రజాప్రతినిధులు, నాయకులు, కార్యకర్తలు, అభిమానులు బయలు దేరనున్నట్లు చెప్పారు. కార్యక్రమంలో మున్సిపల్‌ చైర్మన్‌ ఎస్‌కే అబ్దుల్‌ గఫార్‌, జెడ్పీటీసీ మడతల కస్తూరిరెడ్డి, ఓకేరెడ్డి, జి.బొర్రారెడ్డి, కటికల వెంకట రత్నం, గాండ్లపర్తి ఆదినారాయణరెడ్డి, తమ్మినేని సుజాత, రామనబోయిన శ్రీను, పోలక సిద్ధారెడ్డి, డాక్టర్‌ ఆవుల కృష్ణారెడ్డి, డాక్టర్‌ రసూల్‌, ఆయిమల్ల నాగమణి, పార్టీ రాష్ట్ర, జిల్లా, నియోజకవర్గ కార్యదర్శులు దాదిరెడ్డి మాలకొండారెడ్డి, సంగటి మహేంద్రారెడ్డి, బత్తుల మాలీ, పిల్లి లక్ష్మీ నారాయణరెడ్డి, బచ్చు వెంగళరావు, ఎస్‌కే రహీం బాషా, ఎస్‌కే ఖాశింవలి, ఎస్‌కే షరీఫ్‌, వై దేవరాజ్‌, మూలే రాజశేఖరరెడ్డి, కంటు గురవయ్య, పలుకూరి భాస్కర్‌, మూలే యోగిరెడ్డి, సంగు వెంకటేశ్వరరెడ్డి, కసిరెడ్డి రామసుబ్బారెడ్డి, గోడి నారాయణరెడ్డి, కన్నేటి సుబ్బారెడ్డి, యాళ్ల కృష్ణారెడ్డి, ఎస్‌కే షకీలా, మద్దిశెట్టి భారతీ, లక్ష్మీ, వేముల రేష్మా, శెట్టిపల్లి కొండయ్య, ఎస్‌కే రహిమాన్‌, ఎస్‌కే నాగూర్‌వలి, డబ్బుకొట్టు రవి, చిల్లా సాయి, దాసరి మాల్యాద్రి, దమ్ము వెంకటయ్య, మల్లెల యాకోబు, తాతపుడి నాని, గోనా జేమ్స్‌, ఏకుల వెంకట సుబ్బారెడ్డి, ఎస్‌కే షబ్బీర్‌, ఎస్‌కే ఖాదర్‌ జిలానీ, ఆండ్ర వెంకట్రావ్‌, జైపాల్‌, మోరా సుబ్బారెడ్డి, తిరుపతిరెడ్డి, తమ్మినేని కొండారెడ్డి, ఎస్‌కే రఫీ, దేవసాయం, ఎలిక శ్రీను, కాసుల బాల గురవయ్య, వేంపాటి మల్లికార్జున గంగులు పాల్గొన్నారు.

చదువులో వెనుకబడిన విద్యార్థులను మా ఉపాధ్యాయులు దత్తత తీసుకున్నారు. విద్యార్థుల ఇంటికి వెళ్లి చదువుపై తల్లిదండ్రులతో మాట్లాడుతున్నారు. ప్రత్యేక క్లాసులు కూడా నిర్వహిస్తున్నాం. మా స్కూల్లో మొత్తం 255 మంది విద్యార్థులు పదో తరగతి పరీక్షలకు సిద్ధమవుతున్నారు. రాష్ట్ర స్థాయిలో విద్యార్థులు రాణించేందుకు కృషి చేస్తున్నాం. – చంద్రశేఖర్‌రెడ్డి, హెచ్‌ఎం, జెడ్పీ బాయ్స్‌, మార్కాపురం మార్కాపురం డివిజన్‌లో పదో తరగతి విద్యార్థులపై ప్రత్యేక దృష్టి సారిస్తున్నాం. రోజూ ఉదయం 8 నుంచి 9 గంటల వరకు స్టడీ అవర్‌ నిర్వహిస్తున్నాం. మొత్తం పాఠశాలలో విద్యార్ధి ఉండే సమయాన్ని నాలుగు సెషన్స్‌గా విభజించి పాఠాలు బోధిస్తున్నాం. వారిలో ఉన్న లోపాలను సవరించేందుకు పరీక్షలు పెడుతున్నాం. తల్లిదండ్రులు కూడా తమ పిల్లల చదువుపై దృష్టిపెట్టాలి. – ఎం శ్రీనివాసులరెడ్డి, ఉప విద్యాశాఖ అధికారి, మార్కాపురం డివిజన్‌

26 మందికి ఒంగోలు సిటీ: జిల్లా పరిషత్‌ యాజమాన్య పరిధిలోని వివిధ కార్యాలయాల్లో పనిచేస్తున్న 17 మంది జూనియర్‌ సహాయకులు, 9 మంది టైపిస్ట్‌లకు సీనియర్‌ సహాయకులుగా పదోన్నతి కల్పించి బుధవారం పదోన్నతి ఉత్తర్వులను జెడ్పీ చైర్‌పర్సన్‌ బూచేపల్లి వెంకాయమ్మ అందజేశారు. ఎల్‌ మధుకర్‌ను ఒంగోలు జెడ్పీ కార్యాలయంలో, బి.శ్రీనివాసరెడ్డిని చీరాల మండల పరిషత్‌ కార్యాలయం, కేవీ రమణారెడ్డిని పెద్దారవీడు మండల పరిషత్‌ కార్యాలయ,ం, అబ్ధుల్‌రహమాన్‌ మార్కాపురం మండల పరిషత్‌ కార్యాలయంలో, ఎన్‌.వెంకటేశ్వర్లును ఒంగోలు జెడ్పీ కార్యాలయంలో, పి.సురేష్‌చంద్రమూర్తి వేటపాలెం మండల పరిషత్‌ కార్యాలయం, కేకే జగన్‌మోహన్‌రెడ్డి తర్లుపాడు, ఇ.విశ్వప్రసాద్‌రెడ్డిని కొత్తపట్నం, ఎస్పీ.కృష్ణసూరిని నాగులుప్పలపాడు, కె.చంద్రశేఖరశర్మ ఒంగోలు జెడ్పీ, టి.వెంకటేశ్వరరెడ్డి దర్శి, సీహెచ్‌.శివలక్ష్మిదేవి దొనకొండ, పి.నమ్మాళ్వార్‌ ఒంగోలు జెడ్పీ కార్యాలయంలో, కె.శ్రీనివాసరావు కందుకూరు, ఏ .యాదగిరిబాబు యర్రగొండపాలెం, ఎన్‌.రమాదేవి కొనకనమిట్ల, ఎల్‌.ప్రహ్లాదరావు వలేటివారిపాలెం, ఎస్‌కే మస్తాన్‌బి పొన్నలూరు, జెడ్‌.సౌదామిని ఇంకొల్లు, వి.విజయలక్ష్మి అద్దంకి, సీహెచ్‌.పుల్లయ్య దోర్నాల, ఎం.సరళకుమారి కొండపి, సీహెచ్‌ ప్రేమ్‌చంద్‌ కారంచేడు, ఎం.శ్రీనివాసరావు ఒంగోలు జెడ్పీ కార్యాలయంలో, ఎం.ఉషాస్రవంతి ముండ్లమూరు, ఎస్‌.జగన్‌మోహన్‌రెడ్డి రాచర్ల మండల పరిషత్‌ కార్యాలయాలకు బదిలీ చేస్తూ ఉత్తర్వులు జారీ చేశారు. కార్యక్రమంలో సీఈఓ చిరంజీవి, డీవై సీఈఓ బాలమ్మ, ఏఓ చల్లా శ్రీనివాస్‌కుమార్‌, తదితరులు పాల్గొన్నారు.

● వీఆర్‌కు శ్రీకాంత్‌బాబు, నాగులప్పలపాడు ఎస్సై రజియా సుల్తానా ఒంగోలు టౌన్‌: ఒంగోలు రూరల్‌ సీఐగా ముప్పలనేని శేషగిరిరావు బుధవారం బాధ్యతలు స్వీకరించారు. ప్రస్తుతం ఆయన వీఆర్‌లో ఉన్నారు. ఇప్పటి వరకు ఇక్కడ విధులు నిర్వహిస్తున్న శ్రీకాంత్‌బాబును వీఆర్‌కు బదిలీ చేశారు. శ్రీకాంత్‌ వ్యవహార శైలిపై ఐజీకి ఫిర్యాదుల నేపథ్యంలో ఆయనపై వీఆర్‌ వేటు పడినట్లు ప్రచారం సాగుతోంది. నాగులప్పలపాడు ఎస్సై షేక్‌ రజియా సుల్తానాను కూడా వీఆర్‌కు పంపించినట్లు సమాచారం. ఉమ్మడి జిల్లాకు చెందిన మరొక సీఐ కూడా రెండు మూడు రోజుల్లో వీఆర్‌కు వెళ్లనున్నట్లు సమాచారం. జిల్లా పోలీసు శాఖలో జరుగుతున్న ఆకస్మాత్తు బదిలీలు క్షేత్రస్థాయిలో తీవ్రమైన చర్చ సాగుతోంది. ఒంగోలు టౌన్‌: క్యాన్సర్‌ వ్యాధి లక్షణాలను తొలిదశలో గుర్తించి సరైన వైద్య సహాయం పొందితే వ్యాఽధిని పూర్తిగా నయం అవుతుందని జిల్లా వైద్యారోగ్య శాఖ అధికారి డాక్టర్‌ టి.వెంకటేశ్వర్లు చెప్పారు. ప్రపంచ క్యాన్సర్‌ దినోత్సవాన్ని పురస్కరించుకొని బుధవారం డీఎంహెచ్‌ఓ కార్యాలయం వద్ద ర్యాలీ ప్రారంభించారు. దీర్ఘకాలిక అల్సర్‌, పొగాకు, మద్యం సేవించే వారిలో నోటిలో తెల్లపొక్కులు, ఎర్రపొక్కులు వంటి లక్షణాలు కనిపిస్తే క్యాన్సర్‌గా అనుమానించి వెంటనే వైద్య పరీక్షలు చేయించుకోవాలని సూచించారు. రొమ్ములో గడ్డలు, కొన్ని రకాల వాపులు రొమ్ము క్యాన్సర్‌ లక్షణాలుగా అనుమానించాలని చెప్పారు. సీ్త్రలకు దీర్ఘకాలికంగా తెల్లబట్ట, రక్త స్రావం, గడ్డలు ఉండడం వంటివి సర్వికల్‌ క్యాన్సర్‌ లక్షణాలు కావచ్చన్నారు. క్యాన్సర్‌ వ్యాధికి ఔషధాలు ఎంతగా పనిచేస్తాయో మానసిక ధైర్యం కూడా అంతే పనిచేస్తుందని, అనవసర ఆందోళలు పెట్టుకోకుండా ధైర్యంగా చికిత్స చేయించుకోవాలని సూచించారు. జిల్లా మాస్‌ మీడియా అధికారి బి.నరసింహారావు, వైద్యాధికారులు అనిల్‌, అంజిరెడ్డి, రాజేష్‌ పాల్గొన్నారు.

జిల్లాలో మద్యం దుకాణాల జాతర కొనసాగుతోంది. చంద్రబాబు అధికారంలోకి వచ్చాక ఆ పార్టీ నేతల కబంధ హస్తాల్లోనే మద్యం దందా సాగుతోంది. ఉమ్మడి జిల్లాలో అధికారికంగా 232 దుకాణాలకు లైసెన్సులు మంజూరు చేస్తే అనధికారికంగా కీలక నేత కనుసన్నల్లో వేలాది బెల్టు దుకాణాలు నడుస్తున్నాయి. మందుబాబులతో పీకలదాకా తాగించి రెండు చేతులా సంపాదిస్తూ జేబులు నింపుకుంటున్నారు. లైసెన్స్‌ పొందిన దుకాణాల్లో ఎమ్మార్పీ కంటే అధిక ధరలకు విక్రయిస్తున్నారన్న ఆరోపణలు వెల్లువెత్తుతున్నాయి. ఇక బెల్టు దుకాణాల్లో ఇష్టం వచ్చిన రీతిలో దోచేస్తున్నారు. మద్యం అధిక ధరలపై ఉపముఖ్యమంత్రి పవన్‌ కళ్యాణ్‌ చేసిన ప్రకటన అంతులేని మద్యం దందా సాగుతోందన్న ఆరోపణలకు బలం చేకూరుతోందన్న వాదనలు వినిపిస్తున్నాయి. జిల్లాలో విచ్చలవిడిగా మద్యం దుకాణాలు వెలిశాయి. గుడి బడి తేడా లేకుండా మద్యం దుకాణాలు ఏర్పాటు చేసి బహిరంగంగా మద్యం విక్రయిస్తుండడంతో మహిళలు, చిన్నారులు, వృద్ధులు ఇబ్బందులు పడుతున్నారు. దేవాలయాలకు వచ్చిపోయే భక్తులు చాలా ఇబ్బందులు పడుతున్నా అధికారులకు పట్టడంలేదు. అఽధికార టీడీపీ నాయకులుగా ఏమాత్రం పాపభీతి లేకుండా దేవాలయాల వద్దే మద్యం విక్రయిస్తున్నారని గ్రామస్తులు ఆవేదన వ్యక్తం చేస్తున్నారు. కొండపి నియోజకవర్గంలోని సింగరాయకొండ గ్రామంలో కందుకూరు రోడ్డు సెంటర్లో ఉన్న జాలమ్మతల్లి దేవాలయం ఎదురుగా లైసెన్స్‌ మద్యం దుకాణాన్ని నిర్వహిస్తున్నారు. అదే దేవాలయం సమీపంలో బెల్ట్‌ షాపు కూడా ఉంది. ఒంగోలు మండలంలోని అనేక గ్రామాల్లో ఇలాంటి పరిస్థితి కనిపిస్తుంది. కీలక నాయకుల ఆదేశాలతో ఎకై ్సజ్‌ అధికారులు తనిఖీలు చేయకుండా వదిలిపెట్టడం వల్లనే ఈ దుస్థితి నెలకొందని స్థానికులు విమర్శలు గుప్పిస్తున్నారు.జిల్లాలోని దర్శి నియోజకవర్గంలో బెల్ట్‌ షాపులు మూడు బీర్లు, ఆరు లిక్కర్‌ బాటిళ్లుగా యమజోరుగా కొనసాగుతున్నట్లు ప్రచారం జరుగుతోంది. దర్శి మండలంలోని తూర్పు వీరాయపాలెం గ్రామంలో ఏకంగా 14 బెల్ట్‌ షాపులు నిర్వహిస్తున్నట్లు సమాచారం. సుమారు రెండున్నర వేల జనాభా కూడా లేని ఈ గ్రామంలో ఇంత పెద్ద మొత్తంలో షాపులు పెట్టి మద్యం విక్రయిస్తున్నా ఎకై ్సజ్‌ అధికారులు ఏం చేస్తున్నారన్న ప్రశ్నకు సమాధానం లేదు. ఒంగోలు మండలంలోని కరవది, గుండాయపాలెం, ఉలిచి, దేవరంపాడు గ్రామాల్లో కూడా అధిక సంఖ్యలో బెల్ట షాపులు నిర్వహిస్తున్నట్లు ప్రచారం జరుగుతోంది. గుండాయపాలెం గ్రామంలోని బెల్ట్‌ షాపుల్లో నగరంలోని లైసెన్స్‌డ్‌ మద్యం దుకాణాని కంటే అఽధికంగా మద్యం విక్రయాలు జరుగుతున్నట్లు ఎకై ్సజ్‌ శాఖలో పనిచేసే ఉద్యోగులే గుసగుసలాడుకుంటున్నారు. ఒంగోలులోని ఊరచెరువు రాత్రయితే చాలు మందుబాబులతో దర్శనమిస్తుంది. ఇక్కడ బహిరంగంగా మద్యం సేవిస్తున్నా అటు పోలీసులకు, ఇటు ఎకై ్సజ్‌ అధికారులకు పట్టడం లేదన్న విమర్శలు వస్తున్నాయి. జిల్లాలోని అన్ని నియోజకవర్గాల్లో దాబా కల్చర్‌ విస్తరించింది. రాత్రయితే చాలు దాబాల హడావుడి మొదలౌతుంది. కల్యాణ మండపాల తరహాలో రంగురంగుల విద్యుత్‌ దీపాలతో దాబాలను అలంకరించిన దాబాల్లో విచ్చలవిడిగా మద్యం విక్రయాలు జరుగుతున్నాయి. తరుచూ ఈ దాబాల్లో ఘర్షణలు జరుగుతున్నాయి. ఇటీవల యర్రగొండపాలెంలోని మార్కాపురం రోడ్డులో ఉన్న ఒక దాబాలో పీకలదాకా మద్యం సేవించిన మందుబాబులు మాటామాటా పెరిగి రెచ్చిపోయి కొట్టుకున్నట్లు సమాచారం. వెంటనే రంగంలోకి దిగిన పోలీసులు రాజీ చేసి పంపించినట్లు తెలిసింది. ఇందుకు గాను మందుబాబులు, దాబా నిర్వాహకుల నుంచి పోలీసులకు బాగానే ముట్టినట్లు ప్రచారం జరుగుతోంది. అధికార పార్టీ నాయకులు, అధికారులు కుమ్మకై ్క సామాన్యుల చెమటను దోచుకుంటున్నారని మహిళా సంఘాలు ఆగ్రహం వ్యక్తం చేస్తున్నాయి. అయినా సరే పాలకులకు చీమకుట్టినట్టయినా లేదు. సొంతంగా సంపదను సృష్టించుకోడానికి తెగబడుతున్నారన్న విమర్శలు వెల్లువెత్తుతున్నాయి.

ఒంగోలు టౌన్‌: రోడ్డు ప్రమాదాల నివారణే లక్ష్యంగా ఉమ్మడి ప్రకాశం జిల్లాలో 34 బృందాలను ఏర్పాటు చేసినట్లు ఎస్పీ హర్షవర్థన్‌ రాజు తెలిపారు. జిల్లా పోలీసు కార్యాలయంలో ఉమ్మడి ప్రకాశం జిల్లాకు చెందిన డీఎస్పీలు, సీఐలు, ఎస్సైలతో బుధవారం వీడియో కాన్ఫరెన్స్‌ ద్వారా సమీక్ష సమావేశం నిర్వహించారు. ఈ సందర్భంగా బృందాల వివరాలను ఆయన వెల్లడించారు. జిల్లా నుంచి వెళ్లే ఏడు జాతీయ రహదారులపై రోడ్డు భద్రతను మరింత సురక్షితం చేయడానికి రోడ్డు సేఫ్టీ బృందాలను ఏర్పాటు చేసినట్లు తెలిపారు. ఎన్‌హెచ్‌–16కు 8 టీంలు, ఎన్‌హెచ్‌ 544డీ 8 టీంలు, ఎన్‌హెచ్‌ 765కు 2 టీంలు, ఎన్‌హెచ్‌ 165బీ 5 టీంలు, ఎన్‌హెచ్‌ 216 కు 2 టీంలు, ఎన్‌హెచ్‌ 565కు 8 టీంలు, ఎన్‌హెచ్‌సి ఒక టీం ఏర్పాటు చేసినట్లు వివరించారు. ఈ సేఫ్టీ టీంలో నేషనల్‌ హైవే అధికారులు, 1033 సిబ్బంది, టోల్‌ప్లాజా సిబ్బంది, ఆర్టీఏ అధికారులు, వైద్య ఆరోగ్య శాఖ, 108 అధికారులు, సిబ్బంది సభ్యులుగా వ్యవహరిస్తారని తెలిపారు. జాతీయ రహదారులపై ఉన్న టోల్‌ ప్లాజాలు, బస్సులు, లారీలు నిలిపే రెస్ట్‌ ప్రదేశాలు, ఎమెర్జన్సీ పార్కింగ్‌ ప్రదేశాలు, అనధికార పార్కింగ్‌ ప్రదేశాలు, బ్లాక్‌ స్పాట్లు, సర్వీసు రోడ్ల నుంచి ప్రధాన రహదారికి అనుసంధానమయ్యే ప్రాంతాలు, నేరుగా ఉన్న 5 కిలోమీటర్ల వరకు వున్న రోడ్డుపై అతివేగం నియంత్రణ కోసం తీసుకోవాల్సిన చర్యలపై అధికారులు స్పష్టమైన అదేశాలు ఇచ్చారు. సీసీ కెమెరాలు, పబ్లిక్‌ అడ్రసింగ్‌ సిస్టం, కాన్వెక్స్‌ మిర్రర్లు, తగినంత లైటింగ్‌, రంబుల్‌ స్ట్రీప్స్‌, ట్రాఫిక్‌ సిగ్నల్స్‌ ఏర్పాటు చేయాలని ఆదేశించారు. సర్వీస్‌ రోడ్లు కలిసే ప్రాంతాల వద్ద ఇసుక డ్రమ్ములు, స్పీడ్‌ బ్రేకర్లు, ఇల్యూమిషన్స్‌ ఏర్పాటు చేసి ప్రమాదాలకు అవకాశం లేకుండా చేయాలని చెప్పారు. రోడ్డు ప్రమాదాలు నియంత్రించేందుకు అన్ని శాఖలు సమన్వయంతో పనిచేయాలని చెప్పారు. కార్యక్రమంలో ఎస్బీ సీఐ శ్రీనివాసరావు, డీసీఆర్బీ సీఐ దేవ ప్రభాకర్‌ సిబ్బంది పాల్గొన్నారు.

ఒంగోలు టౌన్‌: కేంద్ర ప్రభుత్వం అనుసరిస్తున్న ప్రజా వ్యతిరేక విధానాలను నిరసిస్తూ ఈ నెల 12వ తేదీన దేశ వ్యాప్తంగా జరగనున్న సార్వత్రిక సమ్మెలో రైతులు, కార్మికులు పెద్ద సంఖ్యలో పాల్గొని విజయవంతం చేయాలని వ్యవసాయ కార్మిక సంఘం జిల్లా ప్రధాన కార్యదర్శి కంకణాల ఆంజనేయులు పిలుపునిచ్చారు. ప్రజా సంఘాల కార్యాలయంలో బుధవారం వ్యవసాయ కార్మిక సంఘం జిల్లా కమిటీ సమావేశం నిర్వహించారు. సమావేశానికి నెరుసుల వెంకటేశ్వర్లు అధ్యక్షత వహించారు. ఈ సందర్భంగా కంకణాల ఆంజనేయులు మాట్లాడుతూ కార్మికలోకం ఎన్నో త్యాగాలతో సాఽధించుకున్న చట్టాలను మోడీ ప్రభుత్వం రద్దు చేసి నాలుగు లేబర్‌ కోడ్లను ప్రవేశపెట్టిందని తెలిపారు. దానికి అనుబంధంగా రాష్ట్రంలోని చంద్రబాబు ప్రభుత్వం 8 గంటల పనిదినాన్ని రద్దు చేసి 12 గంటల పనిదినాన్ని తీసుకొచ్చిందని చెప్పారు. అమెరికా ప్రభుత్వం ఆంక్షలు లేకుండా వ్యవసాయ ఉత్పత్తులను దేశంలోకి దిగుమతి చేయడానికి మోడీ ప్రభుత్వం అనుమతిచ్చిందని, అసలే సంక్షోభంలో కూరుకుపోయిన వ్యవసాయ రంగానికి ఇది ఆత్మహత్య వంటిదని ఆందోళన వ్యక్తం చేశారు. దీని వల్ల గ్రామీణ ఆర్థిక వ్యవస్థకు తీవ్ర నష్టం కలుగుతుందన్నారు. వ్యవసాయ రంగంపై ఆధారపడి బతుకుతున్న వ్యవసాయ కూలీలకు బతుకు దుర్భరం అవుతుందని, తీవ్ర ఇబ్బందికర పరిణామాలు చోటు చేసుకుంటాయని తెలిపారు. కనీస మద్దతు ధరల చట్టం చేయకపోతే రానున్న రోజుల్లో రైతుల ఆత్మహత్యలు పెరుగుతాయని చెప్పారు. కాస్తో కూస్తో గ్రామీణ పేదల జీవనోపాధికి ఉపయోగపడుతున్న ఉపాధి హామీ చట్టాన్ని రద్దు చేయడం దుర్మార్గమన్నారు. దీన్ని మన రాష్ట్రానికి చెందిన ఎంపీలు మద్దతు తెలపడం దారుణమన్నారు. రాజ్యాంగం కల్పించిన హక్కులు, చట్టాలను కాపాడుకోవడానికి సార్వత్రిక సమ్మెకు దిగుతున్నట్లు చెప్పారు. సమావేశంలో తన్నీరు సుజాత, కంకణాల వెంకటేశ్వర్లు, బాలనాగయ్య, కేజీ మస్తాన్‌, మోజెస్‌, కొమ్మాలపాటి మాల్యాద్రి, ఉబ్బ వెంకటేశ్వర్లు, బడుగు జనార్ధన్‌, తురక ఏడుకోండలు, జి.రాములు పాల్గొన్నారు.

కొనకనమిట్ల: పార్టీకి గ్రామ కమిటీలు, కార్యకర్తలే మూలమని, వారే పార్టీని ముందుండి నడిపిస్తారని మాజీ ఎమ్మెల్యే, వైఎస్సార్‌ సీపీ నియోజకవర్గ ఇన్‌చార్జి అన్నా రాంబాబు స్పష్టం చేశారు. మండలంలోని ఇరసలగుండం, పాతపాడు, నాయుడుపేట గ్రామాల్లో బుధవారం సాయంత్రం ఏర్పాటు చేసిన రచ్చబండ సమావేశంలో ఆయన మాట్లాడారు. పార్టీ కోసం కష్టపడి పనిచేసే వారికి అధికారంలోకి రాగానే సముచిత స్థానం కల్పిస్తామని హామీ ఇచ్చారు. చంద్రబాబు ప్రభుత్వం చేస్తున్న అరాచకాలను అడ్డుకునేందుకు వెనకడుగు వేసేది లేదన్నారు. పార్టీ అధినేత వైఎస్‌ జగన్‌మోహన్‌రెడ్డి ఆశయాలకు అనుగుణంగా అందరం ప్రజల్లోనే ఉండి సమస్యల పరిష్కారానికి కృషి చేద్దామని పిలుపునిచ్చారు. గ్రామ కమిటీలు గ్రామాల్లో పటిష్టంగా ఉండాలని, కార్యకర్తలు క్రమశిక్షణ కలిగిన సైనికుల్లా ముందుకు సాగాలని దిశా నిర్దేశం చేశారు. పార్టీ అనుబంధాల విభాగాల్లో పదవులు పొందిన నాయకులు కూడా కార్యకర్తలకు అందుబాటులో ఉంటూ వారి సమస్యలు పరిష్కరించడంలో ముందుండాలన్నారు. కూటమి ప్రభుత్వం వచ్చినప్పటి నుంచి చంద్రబాబు దుర్మార్గపు పాలనకు వ్యతిరేకంగా వైఎస్సార్‌ సీపీ ప్రజా ఉద్యమం చేపట్టిందని, దీనికి గ్రామస్థాయి నుంచి మండల, జిల్లా, రాష్ట్ర స్థాయిలో మంచి స్పందన వచ్చిందని పేర్కొన్నారు. పశ్చిమ ప్రాంత ప్రజల ఆరోగ్యాన్నీ దృష్టిలో పెట్టుకొని వైఎస్సార్‌ సీపీ ప్రభుత్వంలో మార్కాపురంలో మెడికల్‌ కాళాశాల ఏర్పాటుకు వైఎస్‌ జగన్‌మోహన్‌రెడ్డి శ్రీకారం చుట్టారని గుర్తు చేశారు. కూటమి ప్రభుత్వం చేపట్టిన మెడికల్‌ కళాశాలల ప్రెవేటీకరణను ప్రతి ఒక్కరూ వ్యతిరేకించాలని పిలుపునిచ్చారు. ఇరసలగుండం, పాతపాడు సర్పంచ్‌లు గోపిరెడ్డి ఓబులరెడ్డి, దొంతిరెడ్డి జయమ్మ చినరామిరెడ్డి, ఎంపీటీసీ కరేటి నాగలక్ష్మి కోటేశ్వరరావు ఆధ్వర్యంలో నాయకులకు ఘనస్వాగతం పలికారు. కార్యక్రమంలో పార్టీ జిల్లా అధికార ప్రతినిధి, వైస్‌ ఎంపీపీ మెట్టు వెంకటరెడ్డి, ఎంపీపీ మోరబోయిన మురళీకృష్ణయాదవ్‌, జెడ్పీటీసీ అక్కిదాసరి ఏడుకొండలు, మండల పార్టీ అధ్యక్షుడు మోరా శంకర్‌రెడ్డి, యూత్‌ కన్వీనర్‌ గాడి కోనేటిరెడ్డి, విద్యార్థి విభాగం నియోజకవర్గ కన్వీనర్‌ ఏలూరి సంజీవరెడ్డి, మాజీ సొసైటీ చైర్మన్‌ ఉడుముల కాశిరెడ్డి, పార్టీ అనుబంధ విభాగల సభ్యులు గోనుగుంట్ల శ్రీనివాసులు, నాగం ప్రసాద్‌, పసల చెన్నకేశవులు, ఉప్పుటూరి పెదవెంకటయ్య, గుంటక నారాయణ, కుందురు గురుస్వామిరెడ్డి, ఉన్నం శ్రీనివాసులు, తంగిరాల బ్రహ్మారెడ్డి, పోలసాని నారాయణరెడ్డి, సుబ్బారెడ్డి, చలమారెడ్డి, గోపిరెడ్డి మాధవరెడ్డి, దొంతిరెడ్డి చినరామిరెడ్డి, మోరబోయిన మాలకొండయ్య, దారకమల్లి వెంకటేశ్వర్లు, వాకా పెద్దిరెడ్డి, కోండ్రు వెంకటేశ్వర్లు, ఇమాంసా, రంజిత్‌ తదితరులు పాల్గొన్నారు.

చెరువులు..గుట్టలుసాక్షి ప్రతినిధి, ఒంగోలు: ఉమ్మడి ప్రకాశం జిల్లాలో చెరువు కనిపిస్తే చాలు జేసీబీలతో గద్దల్లా వాలిపోతున్నారు. కీలక నేతలకు నైవేద్యం సమర్పిస్తుండడంతో మట్టి దొంగలకు వారు అండగా నిలబడుతున్నారు. దీంతో పగలు, రాత్రి తేడా లేకుండా మట్టిని తవ్వుకుంటూ ఇష్టమొచ్చిన ధరలకు అమ్ముకుంటూ జేబులు నింపుకుంటున్నారు. చంద్రబాబు అధికారంలోకి వచ్చిన తొలినాళ్లలోనే రెట్టింపు ధరలకు మట్టిని విక్రయించారు. ఏడాది తరువాత మరింతగా రెచ్చిపోయారు. తాజాగా మూడింతలు వసూలు చేస్తున్నట్లు ప్రచారం జరుగుతోంది. దీంతో సామాన్యులకు మట్టి దొరకడం గగనమై పోయింది. కొత్తగా మార్కాపురం జిల్లా ఏర్పాటు కావడంతో పశ్చిమాన మట్టికి రెక్కలొచ్చాయి. అధికారులు, నాయకులు కుమ్మకై ్క మట్టిని మింగేస్తున్నారని ఆరోపణలు గుప్పుమంటున్నాయి. సమాధులను కూడా తవ్వేస్తున్న తమ్ముళ్లు... జిల్లాలో కీలక మంత్రి ప్రాతినిధ్యం వహిస్తున్న అద్దంకి నియోజకవర్గంలో తెలుగు తమ్ముళ్లు రెచ్చిపోతున్నారు. చెరువులు, కొండలను వదిలిపెట్టడంలేదన్న విమర్శలు వెల్లువెత్తుతున్నాయి. ప్రజలు తిరగబడ్డారంటే పరిస్థితులు ఎంతగా శ్రుతిమించాయో అర్థం చేసుకోవచ్చని చెబుతున్నారు. అద్దంకి, మద్దిపాడు మండలాల సరిహద్దుల్లోని ధేనువకొండ గ్రామంలో పురాతన సమాధులున్నాయి. క్రీస్తు పూర్వం నాటి ఈ సమాధులను కూడా వదిలిపెట్టకుండా తవ్వేస్తున్నారని గ్రామస్తులు ఆవేదన వ్యక్తం చేస్తున్నారు. దొడ్డవరం, పేరాయపాళెం దారిలో ఉన్న రెండు కొండలను భారీ యంత్రాలతో తవ్వేస్తున్నారు. దీంతో ఈ కొండలు కనిపించకుండా పోయే రోజులు ఎంతో దూరంలో లేవని గ్రామస్తులు చెబుతున్నారు. అధికార పార్టీ నాయకుల అండదండలతోనే తవ్వకాలు జరుగుతున్నాయని, స్థానిక ప్రజలు ఫిర్యాదు చేసినా రెవెన్యూ, మైనింగ్‌ అధికారులు ఇటువైపు తొంగిచూసేందుకు సాహసించడం లేదని ఆరోపిస్తున్నారు. జె.పంగులూరు మండలంలో కొండమూరు చెరువు ఎర్రమట్టి దిబ్బలను తవ్వుకుంటుంటే గ్రామస్తులు అడ్డుకున్నారు. దీంతో అధికారులు తప్పనిసరి పరిస్థితుల్లో అధికారులు రంగంలోకి దిగాల్సి వచ్చింది. ప్రస్తుతానికి ఇక్కడ తవ్వకాలు ఆగిపోయాయి. వల్లూరు చెరువులో రోజుకు వంద టిప్పర్ల మట్టి మాయం... జిల్లాలో కీలక పాత్ర పోషిస్తున్న మరో మంత్రి సొంత నియోజకవర్గం కొండపిలో మట్టి దొంగలు పడ్డారు. టంగుటూరు మండలంలో జాతీయ రహదారికి అనుకొని ఉన్న వల్లూరు చెరువులో ఎటువంటి బెరుకు భయం లేకుండా పట్టపగలే మట్టిని తవ్వకొంటున్నా అధికారులకు పట్టడంలేదని గ్రామస్తులు ఆగ్రహం వ్యక్తం చేస్తున్నారు. ఇక్కడ గ్రామస్తులకు అవసరమైన మట్టిని మూడు అడుగుల లోతు వరకు తవ్వుకునేందుకు తీర్మానం చేశారు. ఇందుకు విరుద్ధంగా నియోజకవర్గ పెద్దల అండదండలతో పచ్చదండు 10 నుంచి 15 అడుగుల లోతు వరకు తవ్వేసుకుంటున్నారని సమాచారం. రోజుకు 100 టిప్పర్ల వరకు మట్టిని తవ్వేసి తోలుకొని పోతున్నారని ప్రచారం జరుగుతోంది. ఒక్కో టిప్పర్‌ మట్టిని రూ.9 వేలకు పైగా వసూలు చేస్తున్నట్లు తెలుస్తోంది. అంటే రోజుకు లక్ష రూపాయల మట్టిని కొట్టుకొని పోతున్నా అధికారులు ఏం చేస్తున్నారో అర్థం కావడంలేదని స్థానికులు వాపోతున్నారు. సింగరాయకొండ పరిధిలోని పాత సింగరాయకొండ, సోమరాజుపల్లి, టంగుటూరు పరిధిలోని కొణిజేడు, ఒంగోలు, టంగుగూరు సరిహద్దులోని యరజర్ల కొండలను ఇష్టారాజ్యంగా తవ్వేస్తూ అమ్ముకుంటున్నారన్న ఆరోపణలు ఉన్నాయి. ఒంగోలులో ఫలానా నేత తాలుకా పేరుతో రాసి ఉన్న ట్రాక్టర్లలో మట్టి తరలిపోతోంది. సంతనూతలపాడు నియోజకవర్గంలోని మద్దిపాడు మండలం బూరేపల్లి కొండను టీడీపీ నాయకులు కొల్లడొడుతున్నారని ప్రజలు మండిపడుతున్నారు. నియోజకవర్గానికి చెందిన కీలక నేత కనుసన్నల్లో మట్టి వ్యాపారం జరుగుతుందని సమాచారం. గ్రావెల్‌ను పూర్తిగా తన కంట్రోల్‌లో ఉంచుకున్న ఓ మండల ముఖ్యనాయకుడు పోలీసులు కానీ రెవెన్యూ అధికారులు కానీ అడ్డుకోకుండా చక్రం తిప్పుతున్నాడన్న ఆరోపణలు వెల్లువెత్తుతున్నాయి. ఇది ఇలా కొనసాగితే రానున్న రోజుల్లో బూరేపల్లి కొండ కనుమరుగైపోవడం ఖాయంగా కనిపిస్తోంది. గిద్దలూరులో బెదిరింపుల పర్వం... పశ్చిమ ప్రకాశంలో నిత్యం అనేక ఆరోపణలు ఎదుర్కొంటున్న గిద్దలూరు నియోజకవర్గ టీడీపీ నాయకులు బరితెగించినట్లు ప్రచారం జరుగుతోంది. ఇక్కడ కీలక నాయకుడికి కప్పం చెల్లించకుండా మట్టిని అమ్ముకుంటే తీవ్ర పరిణామాలు చవిచూడాల్సి వస్తుందని ఒక మట్టి వ్యాపారిని బెదిరించిన ఆడియో కలకలం రేపుతోంది. మామతో మాట్లాడి సెటిల్‌ చేసుకో..లేకపోతే నీ ట్రాక్టర్‌ను సీజ్‌ చేయిస్తానంటూ సదరు వ్యక్తి వార్నింగ్‌ ఇవ్వడం సోషల్‌ మీడియాలో చక్కర్లు కొడుతోంది. నియోజకవర్గంలోని బేస్తవారిపేట సాయిబాబా గుడి సమీపంలో కొండ నుంచి మట్టిని తోలుకొని పోతున్నారు. కంభం మండలంలో ఏనుగుకొండ, చిన్న కంభం పరిసర ప్రాంతాల నుంచి పట్టపగలే మట్టిని తోలేస్తున్నారు. కొమరోలు, ఇడమకల్లు, గోనపల్లె, కృష్ణంపల్లె, తాటిచర్ల, అక్కపల్లె, రెడ్డిచెర్ల నుంచి అక్రమంగా మట్టిని తవ్వేస్తున్నారు. అర్ధవీడు మండలంలోని నాగులవరం కొండ నుంచి మట్టిని తరలిస్తున్నారు. కొత్త జిల్లాలో మట్టి కొట్టుకొనిపోతున్న తమ్ముళ్లు...మార్కాపురం కేంద్రంగా కొత్త జిల్లా ఏర్పడడంతో రియల్‌ వ్యాపారం ఊపందుకుంది. దీంతో జిల్లాలో ఎక్కడ చూసినా మట్టి వ్యాపారం జోరందుకుంది. తర్లుపాడు రోడ్డులో కలెక్టర్‌, జాయింట్‌ కలెక్టర్‌ కార్యాలయాలు ఏర్పాటు చేయడంతో చుట్టుపక్కల పొలాలు, ఇతర భూములను కొనుగోలు చేసి వెంచర్లు వేస్తున్న రియల్టర్లు పొలాలను చదును చేయడానికి మట్టిని తరలిస్తున్నారు. దీంతో మట్టికి గిరాకీ పెరిగింది. ట్రాక్టర్‌ మట్టిని 1000 రూపాయలకు, టిప్పర్‌ మట్టి రూ.5 వేల వరకు అమ్ముతున్నట్లు సమాచారం. యర్రగొండపాలెంలో రాత్రి 9 గంటలు దాటితే చాలు పదుల సంఖ్యలో ట్రాక్టర్లు మట్టిని తరలించుకొని పోతున్నారు. కనిగిరి నియోజకవర్గంలో మట్టి మాఫియా చెలరేగి పోతోంది. అధికారులు తాత్కాలికంగా తీసుకుంటున్న చర్యలు పెద్దగా ఫలితాలు ఇవ్వడంలేదు. అధికార పార్టీ నాయకులే మట్టి వ్యాపారం చేస్తుండడంతో అడ్డుకునే పరిస్థితులు లేకుండా పోయాయని ప్రజలు చెబుతున్నారు.

● టిఫిన్‌ కోసం వెళ్తుండగా బైక్‌ ప్రమాదం ● అక్కడికక్కడే టెన్త్‌ విద్యార్థి మృతి ● మరోబాలుని పరిస్థితి విషమం యర్రగొండపాలెం: ఆకలి తీర్చుకోవడానికి మోటారు సైకిల్‌పై వెళ్తున్న ఇద్దరు విద్యార్థులను ఎదురుగా వచ్చిన గుర్తుతెలియని వాహనం ఢీకొట్టింది. ఈ సంఘటనలో ఒకరు మృతి చెందగా, మరో బాలుడు తీవ్ర గాయాలపాలయ్యాడు. సోమవారం రాత్రి యర్రగొండపాలెం మండలంలోని కొలుకుల రోడ్డులో చోటుచేసుకున్న ఈ ప్రమాదం వివరాలిలా ఉన్నాయి. కొలుకులకు చెందిన వేల్పుల గాలెయ్య(16) పదో తరగతి పబ్లిక్‌ పరీక్షలకు సిద్ధం అవుతున్నాడు. రాత్రి చదువుకుంటున్న సమయంలో తనకు ఆకలి వేయడంతో తోడుగా 8వ తరగతి విద్యార్థి సండ్రపాటి నానిని పిలుచుకొని మోటారుబైక్‌పై యర్రగొండపాలెం బయలుదేరాడు. తమ గ్రామం దాటిన తర్వాత ఎదురుగా వచ్చిన గుర్తుతెలియని వాహనం ఢీకొనడంతో గాలెయ్య అక్కడికి అక్కడే మృతి చెందాడు. తీవ్రంగా గాయపడిన నాని స్థానిక ప్రభుత్వ వైద్యశాలలో చికిత్స పొందుతున్నాడు. బైక్‌ను వరి కోత యంత్రం ఢీకొని ఉండవచ్చని పోలీసులు భావిస్తున్నారు. కేసు దర్యాప్తు చేస్తున్నట్లు ఎస్సై పి.చౌడయ్య తెలిపారు. ● డివైడర్‌ను బైక్‌ ఢీకొని ఒకరికి తీవ్ర గాయాలు! యర్రగొండపాలెం: పూటుగా మద్యం తాగిన ఓ వ్యక్తి బైక్‌పై ప్రయాణిస్తూ డివైడర్‌ను ఢీకొట్టడంతో తల పగిలి తీవ్రంగా గాయపడ్డాడు. ఈ సంఘటన సోమవారం రాత్రి వైపాలెం మండలంలోని గురిజేపల్లిలో చోటుచేసుకుంది. ఆవులమంద నాగరాజు అనే వ్యక్తి బోయలపల్లెలో ఒక శుభకార్యానికి వెళ్లాడు. అక్కడి నుంచి మద్యం మత్తులో బైక్‌పై స్వగ్రామానికి చేరాడు. కొన్ని నిమిషాల్లో ఇంటికి చేరుకుంటాడనగా రోడ్డుపై పడిపోయాడు. దీంతో తలకు తీవ్రంగా గాయమైంది. రక్తపు మడుగులో పడి ఉన్న నాగరాజును సంఘటన జరిగిన దాదాపు అరగంట తర్వాత గ్రామస్తులు గుర్తించి యర్రగొండపాలెంలోని ఒక ప్రైవేట్‌ వైద్యశాలలో చేర్పించారు. పరిస్థితి విషమంగా ఉండటంతో మెరుగైన వైద్యం కోసం గుంటూరు తరలించారు. నాగరాజు నడుపుతున్న బైక్‌ అదుపు తప్పి డివైడర్‌ను ఢీకొట్టిందా, లేదంటే గుర్తుతెలియని వాహనం ఢీకొట్టి వెళ్లిపోయిందా అనే కోణంలో పోలీసులు విచారిస్తున్నారు. కేసు దర్యాప్తు చేస్తున్నట్లు ఎస్సై పి.చౌడయ్య తెలిపారు. మార్కాపురం టౌన్‌: ప్రజా సమస్యల పరిష్కార వేదికలో ప్రజలు ఇచ్చే ప్రతి అర్జీపై చట్టప్రకారం విచారణ చేపట్టి బాధితులకు న్యాయం చేస్తామని డీఎస్పీ యు.నాగరాజు తెలిపారు. సోమవారం మార్కాపురంలోని ఎస్పీ కార్యాలయంలో నిర్వహించిన పోలీస్‌ గ్రీవెన్స్‌లో ప్రజలు వివిధ సమస్యలపై 43 అర్జీలు అందించారు. ఈ సందర్భంగా డీఎస్పీ మాట్లాడుతూ.. ఫిర్యాదులపై సంబంధిత పోలీసు అధికారులతో చర్చించినట్లు తెలిపారు. త్వరితగతిన విచారణ చేపట్టి బాధితులకు న్యాయం చేయాలని ఆదేశించామన్నారు. ప్రధానంగా భూ సమస్యలు, ఆర్థిక మోసాలు, ఉద్యోగ మోసాలు, కుటుంబ కలహాలు, చీటింగ్‌ కేసులపై ఫిర్యాదులు అందాయని డీఎస్పీ వివరించారు. కార్యక్రమంలో మార్కాపురం, పొదిలి, పామూరు, గిద్దలూరు సీఐలు సుబ్బారావు, రాజేష్‌కుమార్‌, శ్రీనివాసరావు, సురేష్‌, పలువురు ఎస్సైలు పాల్గొన్నారు. కొనకనమిట్ల: పొగాకు క్యూరింగ్‌ చేస్తుండగా ప్రమాదవశాత్తు బ్యారన్‌ దగ్ధమైంది. ఈ సంఘటన కొనకనమిట్ల మండలంలోని పెదారికట్ల గ్రామంలో సోమవారం చోటుచేసుకుంది. గ్రామానికి చెందిన అట్లా నరసింహారెడ్డికి చెందిన బ్యారన్‌లో సుమారు 1100 పొగాకు అల్లుడుకర్రలు క్యూరింగ్‌ చేస్తున్నారు. ప్రమాదవశాత్తు మొద్దు గొట్టంపై అల్లుడుకర్ర పడటంతో ఒక్కసారిగా మంటలు చెలరేగి పూర్తిగా కాలిపోయింది. వైఎస్సార్‌ సీపీ సోషల్‌ మీడియా కన్వీనర్‌ చింతంరెడ్డి చెన్నారెడ్డి ఇచ్చిన సమాచారంతో మార్కాపురం అగ్నిమాపక దళం వచ్చి మంటలను అదుపులోకి తెచ్చింది. రూ.3 లక్షల మేర నష్టం వాటిల్లినట్లు బాధిత రైతు తెలిపారు. ప్రభుత్వం, పొగాకు బోర్డు అధికారులు నష్ట పరిహారం ఇచ్చి ఆదుకోవాలని కోరారు.

జేసీబీతో ముసి వాగును శుభ్రం చేస్తున్న దృశ్యం వాగును పరిశీలిస్తున్న దేవదాయశాఖ అధికారి శ్రీధర్‌రెడ్డి ● జిల్లా దేవదాయశాఖ అధికారి శ్రీధర్‌రెడ్డి కొనకనమిట్ల: జిల్లాలో ప్రసిద్ధ పుణ్యక్షేత్రమైన వెలుగొండస్వామి ఆలయ అభివృద్ధికి చర్యలు తీసుకుంటామని జిల్లా దేవదాయశాఖ అధికారి శ్రీధర్‌రెడ్డి పేర్కొన్నారు. ఆలయంలో మౌలిక వసతుల కల్పనను రెండేళ్లుగా గాలికొదిలేసిన వైనంపై ‘దేవదేవుడే ధ్వజమెత్తాలి’ శీర్షికన సోమవారం ‘సాక్షి’లో ప్రచురించిన కథనానికి ఆయన స్పందించారు. సోమవారం వెలుగొండ క్షేత్రం పరిసరాలను పరిశీలించారు. ఆలయ ఈఓ చెన్నకేశవరెడ్డి, అర్చకులు ప్రసాదాచార్యులుతో ఆలయ అభివృద్ధి, మౌలిక వసతుల కల్పనపై చర్చించారు. ఆలయ పరిసరాలు శుభ్రపరిచేందుకు చర్యలు తీసుకుంటున్నామన్నారు. గతంలో కురిసిన వర్షాలకు కూలిన ధ్వజ స్తంభం స్థానంలో మరొకటి ప్రతిష్టించేందుకు ఉభయదాతలైన గార్లదిన్నె గ్రామస్తులతో చర్చిస్తున్నట్లు చెప్పారు. మార్చిలో బ్రహ్మోత్సవాల నాటికి మౌలిక వసతులు కల్పించి భక్తులకు ఇబ్బంది లేకుండా చూస్తామన్నారు. ఆలయం పక్కన ఉన్న ముసి వాగులో పిచ్చి చెట్లను జేసీబీతో తొలగింపజేశారు.

ఒంగోలు సిటీ: జిల్లా 57వ ఆవిర్భావ దినోత్సవం సందర్భంగా ఒంగోలు వైఎస్సార్‌ సీపీ జిల్లా కార్యాలయంలో టంగుటూరి ప్రకాశం పంతులు చిత్రపటానికి పార్టీ జిల్లా అధ్యక్షుడు, దర్శి ఎమ్మెల్యే బూచేపల్లి శివప్రసాద్‌రెడ్డి, జెడ్పీ చైర్‌పర్సన్‌ బూచేపల్లి వెంకాయమ్మ, ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి, ఒంగోలు నియోజకవర్గ ఇన్‌చార్జ్‌ చుండూరి రవిబాబు పూలమాలలు వేసి ఘన నివాళులర్పించారు. ఈ సందర్భంగా బూచేపల్లి శివప్రసాద్‌రెడ్డి మాట్లాడుతూ మాజీ ముఖ్యమంత్రి కాసు బ్రహ్మానందరెడ్డి ముఖ్యమంత్రిగా ఉన్న సమయంలో నెల్లూరు జిల్లాలోని కందుకూరును, కర్నూలు జిల్లాలోని మార్కాపురంను, గుంటూరు జిల్లాలోని ఒంగోలును కలిసి ప్రకాశం జిల్లాగా ఏర్పాటు చేశారన్నారు. కార్యక్రమంలో పార్టీ రాష్ట్ర కార్యదర్శులు కేవీ రమణారెడ్డి, వై.వెంకటేశ్వర్లు, మాజీ ఎమ్మెల్యే కసుకుర్తి ఆదెన్న, గౌడ విభాగం జిల్లా అధ్యక్షుడు తాతా నరసింహాగౌడ్‌, వైఎస్సార్‌ సీపీ నాయకులు గౌతమ్‌ అశోక్‌, పార్టీ సంయుక్త కార్యదర్శి దామరాజు క్రాంతికుమార్‌, దేవరపల్లి అంజిరెడ్డి, రామసుబ్బారెడ్డి, తదితరులు పాల్గొన్నారు.

● బాలుడి తల్లికి అందజేసిన వైఎస్సార్‌ సీపీ నేతలు మార్కాపురం రూరల్‌ (మార్కాపురం): విద్యుదాఘాతానికి గురై తీవ్ర గాయాలతో గుంటూరులోని ఓ ఆస్పత్రిలో చికిత్స పొందుతున్న బాలుడికి వైఎస్సార్‌ సీపీ నేతలు ఆర్థిక సాయం అందించి అండగా నిలిచారు. మార్కాపురం పట్టణంలోని తర్లుపాడు రోడ్డులో గల సబ్‌స్టేషన్‌ సమీపంలో షేక్‌ కాశీంవలి అనే బాలుడు తమ ఇంటిపై ఆడుకుంటూ విద్యుత్‌ తీగలు తగిలి తీవ్రంగా గాయపడిన విషయం తెలిసిందే. బాలుడి కుటుంబ ఆర్థిక పరిస్థితి గురించి తెలుసుకున్న మార్కాపురం వైఎస్సార్‌ సీపీ ఇన్‌చార్జి, మాజీ ఎమ్మెల్యే అన్నా రాంబాబు సూచన మేరకు అన్నా మిత్రమండలి ప్రతినిధులు రిటైర్డు వార్డెన్‌ నజీర్‌ అహ్మద్‌, పట్టణ వైఎస్సార్‌ సీపీ ఉపాధ్యక్షుడు షేక్‌ మహబూబ్‌ బాషా, 18వ బ్లాక్‌ వైఎస్సార్‌ సీపీ ఇన్‌చార్జి సయ్యద్‌ గఫూర్‌, సీఎం ఖాశీం తదితరులు 1.20 లక్షల రూపాయల నగదును సోమవారం ఆస్పత్రిలో బాలుడి తల్లికి అందజేశారు. దాతల సహకారంతో ఇప్పటికే రూ.53 వేలు అందజేసిన 17వ బ్లాకు వైఎస్సార్‌ సీపీ ఇన్‌చార్జి షేక్‌ కరీముల్లా.. సోమవారం మరో రూ.1.05 లక్షల నగదు అందించి దాతృత్వం చాటుకున్నారు.

● వైఎస్సార్‌ సీపీ జిల్లా అధ్యక్షుడు, దర్శి ఎమ్మెల్యే బూచేపల్లి శివప్రసాదరెడ్డి కొండపి: వైఎస్సార్‌ సీపీలో కష్టపడే ప్రతి కార్యకర్తకు సముచిత స్థానం కల్పిస్తామని ఆ పార్టీ జిల్లా అధ్యక్షుడు, దర్శి ఎమ్మెల్యే బూచేపల్లి శివప్రసాదరెడ్డి భరోసా ఇచ్చారు. కొండపి మండల కేంద్రంలోని వైఎస్సార్‌ సీపీ కార్యాలయంలో సోమవారం నిర్వహించిన పార్టీ నియోజకవర్గస్థాయి సంస్థాగత నిర్మాణ సమావేశంలో బూచేపల్లి శివప్రసాదరెడ్డి, జెడ్పీ చైర్‌పర్సన్‌ బూచేపల్లి వెంకాయమ్మ ముఖ్య అతిథులుగా పాల్గొన్నారు. ఈ సందర్భంగా బూచేపల్లి శివప్రసాదరెడ్డి మాట్లాడుతూ నియోజకవర్గంలో పార్టీ బలోపేతానికి ప్రతిఒక్కరూ సమష్టిగా పనిచేయాలని పిలుపునిచ్చారు. నియోజకవర్గంలో గతంలో ఇన్‌చార్జిలుగా పనిచేసిన వారికి అప్పటి నాయకులు పూర్తి బాధ్యతలు ఇవ్వలేదని, స్విచ్‌ ఒక చోట ఉంటే.. బల్బు ఇంకోచోట ఉందని, కానీ, ప్రస్తుతం కొండపిలో ఆ దరిద్రం పోయిందని స్విచ్‌, బల్బు రెండూ ప్రస్తుత ఇన్‌చార్జి ఆదిమూలపు సురేష్‌ చేతుల్లోనే ఉన్నాయని తెలిపారు. తాను నియోజకవర్గ రాజకీయాల్లో ఎటువంటి జోక్యం చేసుకోనని తెలిపారు. రాబోయే ఎన్నికలలో సురేష్‌ పోటీ చేస్తాడని, ఇంకెవరూ ఇక్కడికి రారని తేల్చి చెప్పారు. గత ఎన్నికల్లో పార్టీ కేడర్‌ ఎలా పోరాడిందో తెలియదని, కానీ, ఈసారి ఎన్నికల్లో పార్టీ కేడర్‌ కష్టపడి పనిచేయాలని, ఇందుకోసం పార్టీని గ్రామ స్థాయి నుంచి బలోపేతం చేస్తున్నామని చెప్పారు. నియోజకవర్గంలో సుమారు 8 వేల మందికి పదవులిచ్చి బలమైన సైన్యాన్ని సిద్ధం చేస్తున్నామని తెలిపారు. పార్టీ కొండపి నియోజకవర్గ ఇన్‌చార్జి, పీఏసీ సభ్యుడు, మాజీ మంత్రి డాక్టర్‌ ఆదిమూలపు సురేష్‌ మాట్లాడుతూ నియోజకవర్గంలో పార్టీ బలోపేతానికి పొన్నలూరు మండలం నుంచి మండల, గ్రామస్థాయి సమావేశాలను ప్రారంభిస్తున్నామన్నారు. నియోజకవర్గంలో పార్టీకి ఓటర్ల సంఖ్య బాగానే ఉందని, 2014లో 84 వేలు, 2019లో 90 వేలు, 2024లో 92 వేల ఓట్లు పడ్డాయని తెలిపారు. ఓటర్లను మరింత ప్రభావితం చేసుకుని రాబోయే ఎన్నికల్లో జగనన్నను ముఖ్యమంత్రిని చేయడమే లక్ష్యంగా పనిచేయాలని సూచించారు. ప్రస్తుతం చంద్రబాబు పాలన సాగడం లేదని, వారి ఆదేశాలతో పోలీసు పాలన జరుగుతోందని ఆరోపించారు. ప్రతిపక్ష పార్టీలు ఫ్లెక్సీలు వేసినా, మీటింగులు పెట్టినా, మైకులు పెట్టుకున్నా పోలీసుల ఆంక్షలు ఎక్కువయ్యాయని విమర్శించారు. ఈ రెండు సంవత్సరాల కాలంలో అనేక కేసులు పెట్టారని, అయినప్పటికీ పార్టీ కార్యక్రమాలను విజయవంతం చేశామని తెలిపారు. కూటమి ప్రభుత్వంపై అసంతృప్తితో ఎవరైనా ఆ పార్టీని వీడి వైఎస్సార్‌ సీపీలో చేరితే సాయంత్రానికి వారిని లాక్కెళ్లి మళ్లీ తమ పార్టీల కండువాలు కప్పుతున్నారని ఆరోపించారు. గణేష్‌ నిమజ్జనం సమయంలో పొన్నలూరు మండలం చవటపాలెంలో వినాయక విగ్రహాన్ని రోడ్డుపైనే వదిలేయాల్సిన దుస్థితి ఏర్పడిందని, పోలీసుల ఆటవిక పాలనను ఎదురొడ్డి పోరాడుతున్నామని అన్నారు. గతంలో ఎప్పుడూ ప్రతిపక్షాలను ఈ విధంగా ఇబ్బంది పెట్టలేదన్నారు. తిరుపతి లడ్డూ వివాదంలో కూటమి ప్రభుత్వ నాయకులకు మంచి బుద్ధి ప్రసాదించాలని కోరేందుకు ఆలయానికి వెళ్లి పూజలు జరిపితే.. విలేకరుల సమావేశం పెట్టవద్దంటూ పోలీసులు ఆంక్షలు విధించారని ఆరోపించారు. చంద్రబాబు ప్రభుత్వానికి ధైర్యం ఉంటే స్థానిక సంస్థల ఎన్నికలు పెట్టాలని, సై అంటే సై అంటూ పోటీ చేస్తామని సవాల్‌ విసిరారు. మాజీ మంత్రి అంబటి రాంబాబు ఇంటిని తగలపెట్టారని, మరో మాజీ మంత్రి జోగి రమేష్‌ ఇంటిలో పెట్రోల్‌ బాంబులు వేశారని, పోలీసులు మాత్రం ప్రేక్షక పాత్ర వహించారే తప్ప నిలువరించలేదని ఆరోపించారు. దళితుడు సాల్మన్‌ను ఆటవికంగా హత్య చేశారని, దీనిపై ఢిల్లీ వెళ్లి నేషనల్‌ ఎస్సీ కమిషన్‌కు, హ్యూమన్‌ రైట్స్‌ కమిషన్‌కు ఫిర్యాదు చేయనున్నట్లు వివరించారు. బడ్జెట్‌లో రాష్ట్రానికి నిధులెక్కడ..? కేంద్ర బడ్జెట్‌లో రాష్ట్రానికి నిధులు కేటాయించలేదని పోలవరం, అమరావతికి నిధులు తగ్గాయని ఆదిమూలపు సురేష్‌ విమర్శించారు. రాష్ట్రానికి రూ.20 లక్షల కోట్ల పెట్టుబడులు వచ్చాయని, 20 లక్షల మంది యువతకు ఉద్యోగాలు కల్పించామని చంద్రబాబు ప్రచారం చేసుకుంటున్నారని, కానీ, ప్రజలను సూపర్‌ సిక్స్‌ పథకాలతో మోసం చేశారని విమర్శించారు. రాష్ట్రంలో పేదరికం జీరో అవడం కాదని, రాబోయే రోజుల్లో టీడీపీ జీరో అవుతుందని జోస్యం చెప్పారు. పార్టీ ఒంగోలు పార్లమెంటు పరిశీలకుడు బత్తుల బ్రహ్మానందరెడ్డి మాట్లాడుతూ కరోనా సమయంలో సైతం రాష్ట్రంలో సంక్షేమ పథకాలు అమలు చేసిన ఘనత జగనన్నకు దక్కుతుందన్నారు. వైఎస్సార్‌ సీపీ ప్రభుత్వ హయాంలో తిరుమల వెంకటేశ్వరస్వామిని దర్శించుకున్న చంద్రబాబు లడ్డూ కూడా తిన్నాడని, అప్పుడు ఏమీ మాట్లాడలేదని, కానీ, టీడీపీ అధికారంలోకి రాగానే లడ్డూలో జంతువుల కొవ్వు కలిసిందని కోట్లాది మంది భక్తుల మనోభావాలు దెబ్బతీశారని ఆరోపించారు. ప్రతి నియోజకవర్గంలో గ్రామస్థాయి నుంచి పార్టీని బలోపేతం చేసి డిజిటలైజేషన్‌ కూడా చేస్తున్నామని, డిజిటలైజేషన్‌లో జిల్లాలోనే కొండపి మొదటి స్థానంలో నిలిచిందని కొనియాడారు. పార్టీ నియోజకవర్గ పరిశీలకుడు వై.వెంకటేశ్వరరావు, సీఈసీ సభ్యుడు డాక్టర్‌ మాదాసి వెంకయ్య, మండల అధ్యక్షుడు బచ్చల కోటేశ్వరరావు, నాయకులు మసనం వెంకట్రావు, పిన్నిక శ్రీనివాసరావు, దుద్దుగుంట మల్లికార్జునరావు, ఇంకొల్లు సుబ్బారెడ్డి, చింతపల్లి హరిబాబు, రాష్ట్ర కార్యదర్శి బొట్ల రామారావు, జిల్లా ఉపాధ్యక్షుడు డాకా పిచ్చిరెడ్డి, పార్టీ రాష్ట్ర, జిల్లా, నియోజకవర్గ, మండల స్థాయి నాయకులు, కార్యకర్తలు పాల్గొన్నారు.

ఒంగోలు సిటీ: టీటీడీకి సరఫరా అయిన నెయ్యిలో కుంభకోణం జరిగిందని చెప్తూ ఏ సంబంధం లేని మాజీ సీఎం వైఎస్‌ జగన్‌మోహన్‌రెడ్డి, టీటీడీ మాజీ చైర్మన్లు వైవీ.సుబ్బారెడ్డి, భూమన కరుణాకరరెడ్డి మీద దుష్ప్రచారం చేస్తూ అన్నీ చోట్ల కావాలనే ఫ్లెక్సీలు ఏర్పాటు చేసి మత విద్వేషాలు రెచ్చగొట్టడాన్ని తీవ్రంగా ఖండిస్తున్నామని వైఎస్సార్‌ సీపీ జిల్లా అధ్యక్షుడు, దర్శి ఎమ్మెల్యే బూచేపల్లి శివప్రసాద్‌రెడ్డి ధ్వజమెత్తారు. ఒంగోలు వైఎస్సార్‌ సీపీ కార్యాలయంలో సోమవారం ఏర్పాటు చేసిన విలేకర్ల సమావేశంలో ఆయన మాట్లాడారు. రాష్ట్రంలో మూడు రోజుల నుంచి మాజీ మంత్రులు అంబటి రాంబాబు, జోగిరమేష్‌ ఇళ్ల మీద దాడిచేసి భౌతికంగా, నానా రకాలుగా ఇబ్బందులు పెడుతున్నారన్నారు. ప్రశాంతంగా ఉన్న రాష్ట్రంలో చంద్రబాబు స్వార్థ రాజకీయాల కోసం తిరుపతి లడ్డులో నెయ్యి కల్తీ జరిగిందని చెప్పడం దుర్మార్గమన్నారు. ఏ రిపోర్టులు లేకుండా కావాలనే ఒక ఫ్లెక్సీలో కల్తీ జరిగిందని వేయడం ఏమిటని ప్రశ్నించారు. మాజీ మంత్రి అంబటి రాంబాబు మొదటి నుంచి చాలా సౌమ్యంగా ఉండేవారన్నారు. అటువంటి ఆయన ఇంటిమీద, ఆఫీసు మీద, జోగి రమేష్‌ ఇంటి మీద దాడి చేయడం బాధాకరమన్నారు. వైఎస్సార్‌ సీపీ ఆదేశాల మేరకు దేవుడి గుడిలో కొబ్బరికాయలు కొట్టే కార్యక్రమంలో భాగంగా రోడ్డు మార్గంలో వెళ్లేటప్పుడు ఆయన వాహనం ముందు రాడ్లు, కర్రలతో టీడీపీ నాయకులు వచ్చి అతని కారుపై దాడి చేశారన్నారు. ఒక మహిళ చెప్పరాని విధంగా నువ్వు మగాడివి అయితే బయటికి రా ఫ్లెక్సీ ఎట్లా చించుతావో చూస్తాం అంటూ అసభ్యపదజాలంతో దూషించి కారు మీద కొట్టిందన్నారు. టీడీపీ నాయకులు గొడవ చేస్తున్నా పోలీసులు ఉండి కూడా ఏమీ చేయకుండా చోద్యం చూశారని విమర్శించారు. కావాలనే టీడీపీ నాయకులు గూండాల్లా ప్రవర్తించి ఆ ఇంటిమీద దాడులు చేసి కారు అద్దాలు పగులగొట్టారన్నారు. పోలీసులు ఉన్నా, పక్కనే కూతవేటు దూరంలో డీజీపీ ఆఫీస్‌ ఉన్నా, పోలీసు పహారాలో వచ్చి అంబటి రాంబాబుపై దాడి చేయడం కన్నా దుర్మార్గం మరొకటి లేదని విమర్శించారు. లా అండ్‌ ఆర్డర్‌ కంట్రోల్‌ చేయడంలో ముఖ్యమంత్రి చంద్రబాబు, హోంమంత్రి అనిత పూర్తిగా విఫలమయ్యారన్నారు. కాపు నాయకులపై దాడులు బాధాకరం: టీడీపీ నాయకులు కావాలనే దాడులు చేస్తూ ప్రజల్లో తప్పుడు సంకేతాలకు అవకాశమిస్తున్నారని బూచేపల్లి మండిపడ్డారు. కాపు నాయకుడు ముద్రగడ పద్మనాభం ఏ పాపం చేశారని ఆ రోజుల్లో పోలీసుల చేత దాడి చేయించారని ప్రశ్నించారు. కాపుల ఐక్యత కోసం, కాపుల పోరాటం కోసం, కాపులకు రిజర్వేషన్‌ కావాలని ముద్రగడ పద్మనాభం పోరాటం చేశారన్నారు. అధికారంలోకి వచ్చిన తర్వాత చంద్రబాబు కాపు నాయకులను ఇబ్బంది పెట్టాలని ఉద్దేశంతో పోలీసుల సమక్షంలో ఐదారు గంటల సేపు అంబటి రాంబాబు పై దాడి చేయడం బాధాకరమన్నారు. రెండేళ్లుగా డైవర్షన్‌ పాలిటిక్సే.. చంద్రబాబు గత రెండేళ్లుగా డైవర్షన్‌ పాలిటిక్సే చేస్తున్నారని బూచేపల్లి విమర్శించారు. కల్తీ నెయ్యి, మెడికల్‌ కాలేజీల పేరుతో మరొక డైవర్షన్‌ పాలిటిక్స్‌ చేస్తున్నారని, మీడియాను డైవర్ట్‌ చేయడానికి ఇవన్నీ చేస్తున్నారని విమర్శించారు. చంద్రబాబు ఇచ్చిన హామీలను విస్మరించి వైఎస్సార్‌సీపీ నాయకులపై, బీసీ నాయకులపై, కాపు నాయకులపై దాడులు చేయడంతోనే సరిపోయిందన్నారు. భౌతికంగా దాడి చేస్తే తప్పా వైఎస్సార్‌ సీపీ నాయకులు లొంగరని అంబటి రాంబాబు, జోగి రమేష్‌లను ఇబ్బంది పెడుతున్నారన్నారు. ఎన్ని ఇబ్బందులు పెట్టినా, ఎన్ని కేసులు పెట్టినా, ఎన్ని భౌతిక దాడులు చేసినా ఎవరూ భయపడే ప్రసక్తే లేదన్నారు. ఆరు నెలల నుంచి లడ్డులో కల్తీ నెయ్యి అని మీ రాజకీయాల కోసం పవిత్రమైన వెంకటేశ్వరస్వామిని వాడుకుంటున్నారని, మిమ్మల్ని ఆ దేవుడు వదలడన్నారు. శాంతిభద్రతలు క్షీణించిన ఈ రాష్ట్రంలో రాష్ట్రపతి పాలన విధించాలని డిమాండ్‌ చేశారు. లా అండ్‌ ఆర్డర్‌ కంట్రోల్‌ చేసే సమయంలో ఈ ఫ్లెక్సీలన్నింటినీ తొలగించాలని కోరారు. సమావేశంలో జెడ్పీ చైర్‌పర్సన్‌ బూచేపల్లి వెంకాయమ్మ, ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి, ఒంగోలు నియోజకవర్గ ఇన్‌చార్జ్‌ చుండూరి రవిబాబు, పార్టీ రాష్ట్ర కార్యదర్శులు కేవీ.రమణారెడ్డి, మాజీ ఎమ్మెల్యే కసుకుర్తి ఆదెన్న, వై.వెంకటేశ్వర్లు, కార్పొరేటర్‌ ఇమ్రాన్‌ఖాన్‌, గౌడ విభాగం జిల్లా అధ్యక్షుడు తాతా నరసింహాగౌడ్‌, వైఎస్సార్‌సీపీ నాయకులు గౌతమ్‌ అశోక్‌, మల్లిశెట్టి దేవా, షేక్‌ అప్సర్‌, దేవరపల్లి అంజిరెడ్డి, దేవరపల్లి రామసుబ్బారెడ్డి, నరసింహారెడ్డి, తదితరులు పాల్గొన్నారు.

ఆకాశం పాక్షికంగా మేఘావృతమైఉంటుంది. చలిగాలులు వీస్తాయి. పొగమంచు కురుస్తుంది. మద్దిపాడు మండలం పాత బూరేపల్లి లో గ్రావెల్‌ తవ్వకాలుకందుకూరు నియోజకవర్గంలోని 5 మండలాల్లో అక్రమంగా మట్టి తవ్వకాలు జరుగుతున్నాయి. నియోజకవర్గంలో 96 ఇరిగేషన్‌ చెరువులుండగా వాటిలో యథేచ్ఛగా మట్టిని తవ్వుకుంటున్నారు. గుడ్లూరు, కరేడు, కొండి కందుకూరుల్లో పచ్చ తమ్ముళ్లు మట్టి కొట్టుకొని పోతున్నారు. ఒక్క పెదపవని నుంచే రోజుకు 200కు పైగా ట్రాక్టర్ల మట్టిని దోపిడీ చేశారంటే ఏ రేంజ్‌లో మట్టి వ్యాపారం జరుగుతుందో అర్థం చేసుకోవచ్చని స్థానికులు చెబుతున్నారు. లింగసముద్రం మండలంలో జెడ్పీటీసీ సభ్యురాలు డాక్టర్‌ నళినీ పద్మ కొనుగోలు చేసిన 7 ఎకరాల భూమి ఉంది. నాలుగు జేసీబీలతో ఆ భూమిలోకి దిగిన తెలుగుదేశం పార్టీ నాయకులు ఏకంగా 20 ట్రాక్టర్లు పెట్టి మట్టిని తవ్వేసి తోలుకొని పోతున్నారు. రోజుకు 200 ట్రాక్టర్ల మట్టిని తరలించినట్లు సమాచారం. మట్టి తవ్వకాలను అడ్డుకోవడానికి ప్రయత్నించిన నళిని పద్మ బంధువులపై మట్టి మాఫియా దాడికి దిగింది. దాంతో సబ్‌ కలెక్టర్‌కు ఫిర్యాదు చేశారు. అధికారుల ఒత్తిడితో కాసేపు మట్టి తవ్వకాలను ఆపినట్లు నటించిన మాఫియా అధికారులు వెళ్లిపోయిన వెంటనే యథాతధంగా తిరిగి మట్టిని తవ్వేసి అమ్ముకుంటున్నారు. అధికారం అండదండలున్నాయి, మీరేమీ చేసుకోలేరని మాఫియా నాయకులు చెబుతుండడం గమనార్హం.ఆదాయం బీకే త్రషర్స్‌కు..రోగాలు ప్రజలకు గత అక్టోబర్‌లో సింగరాయకొండలోని బీకే త్రషర్స్‌ పొగాకు గోడౌన్‌లో జరిగిన అగ్నిప్రమాదంలో వచ్చిన వ్యర్థాలను తరలించడంలో కంపెనీ నిర్లక్ష్యంగా వ్యవహరిస్తోంది.

సింగరాయకొండ: ఆదాయం మాకు..రోగాలు మీకు అన్నట్లుగా ఉంది సింగరాయకొండ మండలంలోని కలికవాయ పంచాయతీ పరిధిలో ఉన్న బీకే త్రషర్స్‌ కంపెనీ తీరు. గత అక్టోబర్‌లో కంపెనీలో జరిగిన భారీ అగ్నిప్రమాదానికి సుమారు రూ.600 కోట్ల నష్టం వాటిల్లగా కోటి కేజీల పొగాకు దగ్ధమైంది. ప్రస్తుతం కంపెనీ యాజమాన్యం ఫ్యాక్టరీ నుంచి ఆ వ్యర్థాలను తరలించే పనిలో నిమగ్నమైంది. కానీ, ఆ వ్యర్థాలను సరైన నిబంధనలు పాటించి జనావాసాలకు దూరంగా ఖాళీ స్థలాల్లో డంప్‌ చేయాల్సి ఉండగా, ఎటువంటి జాగ్రత్తలు పాటించకుండా పాలేరు నదిలో, మూలగుంటపాడు పంచాయతీ పరిధిలోని జువ్వలగుంట ఇరిగేషన్‌ చెరువులో, జాతీయ రహదారి పక్కన డంప్‌ చేయటంతో పాటు వెంటనే ఆ వ్యర్థాలను తగలబెడుతూ వాయు కాలుష్యానికి కారణమవుతున్నారు. దీని వలన పాలేరులో నీరు కలుషితమయ్యే ప్రమాదం ఉండగా జువ్వలగుంట చెరువు సమీపంలోని ఎస్సీ కాలనీవాసులు విషపూరితమైన వాయుకాలుష్యం కారణంగా రోగాల బారినపడే ప్రమాదం ఉందని ఆందోళన చెందుతున్నారు. ట్రాక్టర్ల ద్వారా పొగాకు వ్యర్థాల తరలింపు... కంపెనీ వారు వ్యర్థాలను ట్రాక్టర్ల ద్వారా జరుగుమల్లి మండలం కే బిట్రగుంట సమీపంలోని పాలేరు బ్రిడ్జి కింది ప్రాంతంలో నది ఒడ్డున, జాతీయ రహదారి పక్కన, మూలగుంటపాడు పంచాయతీ జువ్వలగుంట చెరువు వద్ద డంప్‌ చేస్తున్నారు. ఈ వ్యర్థాలను కూలీలచే తగలబెట్టించి వాయు కాలుష్యానికి కారణమవు తున్నారు. ఈ పొగాకు వ్యర్థాలు తగలబెట్టడం వలన విషపూరిత వాయువులు వెలువడి వాయు కాలుష్యం అవుతోందని, ఈ వాయువులను పీల్చితే ప్రజలు రోగాల బారిన పడే ప్రమాదం ఉందని పర్యావరణవేత్తలు ఆందోళన వ్యక్తం చేస్తున్నారు. అంతేగాకుండా ఈ వ్యర్థాలు చెరువులో కలిస్తే నీరు కూడా కలుషితమయ్యే అవకాశం ఉంది. ఈ చెరువు సమీపంలో ఎస్సీలు నివసిస్తున్న వెంకటేశ్వరకాలనీ, రాజులకాలనీ ఉన్నాయి. గతంలో కూడా ఈ వ్యర్థాలను వేసినప్పుడు పంచాయతీ అధికారులు అడ్డుకున్నారు. అయినా పంచాయతీ అధికారుల ఆదేశాలను బేఖాతరు చేస్తూ వ్యర్థాలను చెరువులో డంప్‌ చేస్తున్నారు. అంతేగాకుండా ఈ చెరువులో రక్షిత మంచినీటి పథకం సంప్‌ కూడా ఉంది. రాంగ్‌ రూట్‌లో వ్యర్థాల తరలింపు... బీకే త్రషర్స్‌ కంపెనీ నుంచి మూలగుంటపాడులోని జువ్వలగుంట చెరువుకు వ్యర్థాలను ట్రాక్టరులో జాతీయ రహదారిపై రాంగ్‌రూట్‌లో వేగంగా డ్రైవర్లు తరలిస్తున్నారు. దీంతో ఒంగోలు వైపు వెళ్లే వాహనదారులు ఈ ప్రాంతానికి వచ్చేసరికి నెమ్మదిగా, చాలా జాగ్రత్తగా వాహనాలు నడపాల్సి వస్తోంది. ఏమాత్రం ఆదమరిచినా రోడ్డు ప్రమాదాలు జరిగే అవకాశం నెలకొంది. జాతీయ రహదారిపై పెట్రోలింగ్‌ నిర్వహించే పోలీసు వ్యవస్థ ఉన్నప్పటికీ వారు మాత్రం పట్టీపట్టనట్లు వ్యవహరిస్తున్నారని వాహనదారులు ఆరోపిస్తున్నారు. అయితే, అదృష్టవశాత్తూ ఎటువంటి ప్రమాదం జరగలేదని, ఒకవేళ ప్రమాదం జరిగితే పరిస్థితి ఏంటని వాహనదారులు హైవే పెట్రోలింగ్‌ పోలీసులను ప్రశ్నిస్తున్నారు. సంపదను కాల్చేస్తున్నారు... వాస్తవానికి కలికవాయ పంచాయతీ పరిధిలో ఉన్న కంపెనీ వ్యర్థాలను ఆ గ్రామంలోని డంపింగ్‌ యార్డు కు తరలించాలి. కానీ, అలా చేయకుండా సమీపంలోని చెరువులో వ్యర్థాలు వేస్తున్నారు. వ్యర్థాలను ఇష్టారాజ్యంగా తరలిస్తున్న కంపెనీ వారి గురించి గ్రామ పంచాయతీ అధికారులు పట్టీపట్టనట్లు వ్యవహరించటంపై ప్రజలు ఆగ్రహం వ్యక్తం చేస్తున్నారు. ఒకవైపు పారిశుధ్యంపై ప్రత్యేక చర్యలు తీసుకుంటున్నామని, చెత్త నుంచి సంపద సృష్టిస్తామని మాటలు తప్ప చేతల్లో అమలు చేయడం లేదన్న ఆరోపణలు వినిపిస్తున్నాయి. పంచాయతీ అధికారుల నిర్లక్ష్యం కారణంగానే ఇదంతా జరుగుతోందని ప్రజలు ఆరోపిస్తున్నారు. ఇప్పటికై నా అధికారులు స్పందించి కనీస జాగ్రత్తలు పాటించకుండా వ్యర్థాలు తరలించి తగలబెడుతున్న కంపెనీ యాజమాన్యంపై తగిన చర్యలు తీసుకోవాలని ప్రజలు కోరుతున్నారు. పొగాకు వ్యర్థాలను తీసుకొచ్చి జువ్వలగుంట చెరువులో డంప్‌ చేస్తున్న ట్రాక్టర్‌ బీకే త్రషర్స్‌ కంపెనీ నుంచి జాతీయ రహదారిపై రాంగ్‌రూట్‌లో పొగాకు వ్యర్థాలు తరలిస్తున్న ట్రాక్టర్‌ జాతీయ రహదారి పక్కన డంప్‌ చేసిన వ్యర్థాలు పాలేరు ఒడ్డున డంప్‌ చేసి తగలబెట్టిన వ్యర్థాలు గత అక్టోబర్‌లో బీకే త్రషర్స్‌లో భారీ అగ్నిప్రమాదం సుమారు రూ.600 కోట్ల విలువైన కోటి కేజీల పొగాకు దగ్ధం పొగాకు వ్యర్థాలను తరలించడంలో కంపెనీ నిర్లక్ష్య వైఖరి వ్యర్థాలను ట్రాక్టరు ద్వారా పాలేరు, చెరువులకు తరలింపు వ్యర్థాల కారణంగా కలుషితమవుతున్న నీరు తరలించిన వ్యర్థాలను తగలబెట్టడంతో పర్యావరణ సమస్యలు నిస్సహాయస్థితిలో ఇరిగేషన్‌, హైవే పోలీసులు

ఒంగోలు టౌన్‌: కల్తీ లడ్డు పేరుతో ఏర్పాటు చేసిన ఫ్లెక్సీలను తొలగించాలంటూ వైఎస్సార్‌ సీపీ నాయకులు మున్సిపల్‌, పోలీసు అధికారులకు ఫిర్యాదు చేశారు. ఒంగోలులో అపరిచితులు ఏర్పాటు చేసిన ఫ్లెక్సీలను తొలగించాలని నియోజకవర్గ వైఎస్సార్‌ సీపీ ఇన్‌చార్జ్‌ చుండూరి రవిబాబు సోమవారం వన్‌టౌన్‌, తాలుకా పోలీసు స్టేషన్లలో ఫిర్యాదు చేశారు. ఆయన వెంట నగర పాలక సంస్థ ఫ్లోర్‌ లీడర్‌ ఇమ్రాన్‌ ఖాన్‌, వైఎస్సార్‌ సీపీ లీగల్‌ సెల్‌ జిల్లా అధ్యక్షుడు నగరికంటి శ్రీనివాసరావు, బీసీ సెల్‌ జిల్లా అధ్యక్షుడు బొట్ల సుబ్బారావు ఉన్నారు.

అంబటి రాంబాబు, జోగి రమేష్‌, విడదల రజనీలపై దాడిని ఖండించిన వైఎస్సార్‌ సీపీ నాయకులుకాపులు, బీసీలే టార్గెట్‌గా దాడులుపక్కా ప్రణాళికతోనే దాడులు పోలీసులు చూస్తుండగానే పక్కా ప్రణాళికతో మాజీ మంత్రులు అంబటి రాంబాబు, జోగి రమేష్‌ ఇళ్లపై టీడీపీ గూండాలు విధ్వంసం సృష్టించారు. రాష్ట్రంలో శాంతి భద్రతలు పూర్తిగా అదుపు తప్పాయి. ఇది ప్రజాస్వామ్య పాలనా లేక అటవిక పాలనా ? రాష్ట్రంలో మాజీ మంత్రులకే రక్షణ లేని పరిస్థితి నెలకొంది. రెడ్‌బుక్‌ రాజ్యాంగాన్ని అమలు చేస్తూ రాష్ట్రాన్ని హింసకు కేరాఫ్‌గా మార్చారు. తిరుమల లడ్డు విషయంలో కూటమి నేతలు చేసిన దుష్పచారం ప్రజలకు తెలిసిపోయింది. డైవర్షన్‌ పాలిటిక్స్‌లో భాగంగానే కాపు నేత, మాజీ మంత్రి అంబటి రాంబాబుపై హత్యాయత్నం, అరెస్ట్‌కు టీడీపీ పాల్పడింది. ఇది చాలా దుర్మార్గమైన చర్య. దీనికి రానున్న రోజుల్లో మూల్యం చెల్లించుకోవాల్సి వస్తుంది. అధికారం శాశ్వతం కాదని, టీడీపీ దుర్మార్గ పాలన ఎల్లకాలం సాగదు. – దద్దాల నారాయణ యాదవ్‌, వైఎస్సార్‌ సీపీ కనిగిరి ఇన్‌చార్జి జోగి రమేష్‌ ఇంటిపై దాడి అమానుషం మాజీ మంత్రి జోగి రమేష్‌ నివాసంపై టీడీిపీ రౌడీ మూకల దాడి అమానుషం. రాజకీయాల్లో విమర్శలు, ప్రతి విమర్శలు సర్వసాధారణం. వ్యక్తిగత దాడులకు పాల్పడటం, ఇళ్లపై పడి విధ్వంసం సృష్టించడం ప్రజాస్వామ్యానికి గొడ్డలి పెట్టు . కూటమి ప్రభుత్వం అధికారంలోకి వచ్చినప్పటి నుంచి వైఎస్సార్‌ సీపీ నాయకులపై దాడులు పెరిగిపోయాయి. ఇది ముమ్మాటికీ కక్ష సాధింపు చర్యే. – డాక్టర్‌ చింతలపూడి అశోక్‌కుమార్‌, వైఎస్సార్‌ సీపీ అద్దంకి ఇన్‌చార్జి ఇది నియంతృత్వ పాలన వైఎస్సార్‌ సీపీ సీనియర్‌ నాయకులు, మాజీ మంత్రులు అంబటి రాంబాబు, జోగి రమేష్‌, విడదల రజనిపై తెలుగుదేశం పార్టీ మూకలు దాడి చేయడం హేయమైన చర్య. చంద్రబాబునాయుడు ప్రభుత్వంలో ఏపీ జంగిల్‌రాజ్‌ అయింది. ప్రజాస్వామ్యాన్ని పూర్తిగా ఖూనీ చేశారు. నియంతృత్వ పాలనకు చంద్రబాబు తెరతీశారు. వైఎస్సార్‌సీపీ నాయకుల ఇళ్లపై దాడి చేసి తగలబెట్టడం దారుణం. దీనికి చంద్రబాబు సమాధానం చెప్పాలన్నారు. రెడ్‌బుక్‌ రాజ్యాంగాన్ని అమలు చేస్తూ రాష్ట్రంలో హింసను ప్రేరేపిస్తున్నారు. మాజీ మంత్రులకే రక్షణ లేకపోతే ఇక సామాన్య ప్రజల పరిస్థితి ఏంటి? భవిష్యత్‌లో ఇటువంటి దాడులకు చంద్రబాబు ప్రభుత్వం మూల్యం చెల్లించుకోక తప్పదు. – బుర్రా మధుసూదన్‌ యాదవ్‌, వైఎస్సార్‌ సీపీ కందుకూరు నియోజకవర్గ ఇన్‌చార్జ్‌ , మాజీ ఎమ్మెల్యే కాపులు, బీసీ నేతలపై దాడులు దారుణం కాపు నేత మాజీ మంత్రి అంబటి రాంబాబు, బీసీ నాయకులైన మాజీ మంత్రులు జోగి రమేష్‌, విడదల రజని వంటి వైఎస్సార్‌ సీపీ నాయకులు, వంగవీటి మోహన్‌రంగా అభిమానులను టార్గెట్‌గా చేసి దాడులు చేయిస్తున్నారు. హత్యాయత్నం చేసే కుట్రలో భాగంగా ఇంటిపై దాడి చేసి ఇంట్లో చొరబడి విచక్షణా రహితంగా ఫర్నిచర్‌ ధ్వంసం చేయడాన్ని ఖండిస్తున్నాం. తిరుమల తిరుపతి వెంకటేశ్వర స్వామి లడ్డుపై సుప్రీంకోర్టు ఆదేశాల మేరకు సీబీఐ ఎంక్వయిరీలో ఉన్న నిజాలు మాట్లాడితే దాడి చేయడం ప్రజాస్వామ్యానికి విరుద్ధం. అబద్ధాలు నిజాలు చేయాలని ఫ్లెక్సీలు వేస్తే వాటిని తీయాలని చెప్పిన అంబటి రాంబాబు ఇంటిపై టీడీపీ గూండాలు విచక్షణా రహితంగా కర్రలు, రాడ్‌లు పెట్రోల్‌ బాంబులతో తాలిబన్లలా దాడులు చేయడం సమంజసం కాదు. దాడుల్లో పాల్గొన్న టీడీపీ గూండాలను పోలీసులు అరెస్ట్‌ చేసి చర్యలు తీసుకోవాలి. – డాక్టర్‌ బూచేపల్లి శివప్రసాద్‌రెడ్డి, వైఎస్సార్‌ సీపీ జిల్లా అధ్యక్షుడు, దర్శి ఎమ్మెల్యే పవిత్రమైన తిరుమల లడ్డు ప్రసాదం విషయంలో టీడీపీ నేతల అసత్య ప్రచారాలను ఖండించిన మాజీ మంత్రులు అంబటి రాంబాబు, జోగి రమేష్‌, విడదల రజనిలపై టీడీపీ అల్లరి మూకలు దాడులు చేయడం, ఇళ్లను ధ్వంసం చేయడం హేయమైన చర్య అని వైఎస్సార్‌ సీపీ నాయకులు మండిపడ్డారు. రాష్ట్రంలో అరాచకపాలన సాగుతోందని, కాపులు, బీసీలే లక్ష్యంగా దాడులకు తెగబడుతున్నారని ఆగ్రహం వ్యక్తం చేశారు.దాడులు చేయడం దుర్మార్గ చర్య మాజీ మంత్రులు అంబటి రాంబాబు, జోగి రమేష్‌లపై దాడులు చేయడం దుర్మార్గమైన చర్య. రాష్ట్రంలో రాజ్యాంగబద్ధమైన ప్రభుత్వం ఉందా లేదా అనిపిస్తోంది. రెండు రోజులుగా జరుగుతున్న సంఘటనల తీరు గమనిస్తే ప్రభుత్వాన్ని చూసి ప్రజలు తల దించుకుంటున్నారు. ఎమ్మెల్యేగా పనిచేస్తున్నవారు, ముఖ్య స్థానాల్లో, పదవుల్లో, శాసనకర్తలుగా ఉన్నవారు ప్రతిపక్షనేతల ఇళ్లకు వెళ్లి దాడులు చేయడం ఎప్పుడూ చూడలేదు. ఇప్పటికై నా దాడులను మానకొని మంచిపాలన అందించాలి. ప్రజాస్వామ్యానికి గొడ్డలిపెట్టు మాజీ మంత్రులు అంబటి రాంబాబు, జోగి రమేష్‌లపై టీడీపీ మూకలు జరిపిన దాడులు అత్యంత హేయమైన చర్య. పోలీసులు చూస్తుండగానే పక్కా ప్రణాళిక ప్రకారం టీడీపీ మూకలు వైఎస్సార్‌ సీపీ నాయకుల ఇళ్లపై దాడులు చేసి విధ్వంసం సృష్టించారు. రాష్ట్రంలో శాంతి భధ్రతలు ఉన్నాయా.. లేదా అనిపిస్తోంది. మాజీ మంత్రులకే రక్షణ లేని పరిస్థితులు రాష్ట్రంలో ఏర్పడ్డాయి. రాజకీయాల్లో విమర్శలు, ప్రతి విమర్శలు సహజం. ఇలా దాడులకు దిగడం, విధ్వంసం సృష్టించడం ప్రజాస్వామ్యానికి గొడ్డలిపెట్టు. – జంకె వెంకటరెడ్డి, నెల్లూరు పార్లమెంట్‌ వైఎస్సార్‌ సీపీ పరిశీలకుడు, మాజీ ఎమ్మెల్యే ప్రజాస్వామ్యంలో దాడులు సరికాదు ప్రజాస్వామ్యంలో దాడులు చేయడం మంచి పద్ధతికాదు. తిరుమల లడ్డూ ప్రసాదంపై కూటమి ప్రభుత్వం సాగిస్తున్న ఫ్లెక్సీ రాజకీయాలను మానుకోవాలి. కోట్లాది మంది ఆరాధ్య దైవమైన తిరుమల వేంకటేశ్వరస్వామివారి లడ్డూ ప్రసాదంలో జంతువుల కొవ్వు కలిసిందని కూటమి పెద్దలు చెడు ప్రచారం చేశారు. దీనిపై వైఎస్సార్‌ సీపీ నాయకులు సుప్రీం కోర్టును ఆశ్రయించగా సిట్‌ను ఏర్పాటు చేసింది. వారు దర్యాప్తు జరిపి స్వామివారి లడ్డూ ప్రసాదంలో ఎటువంటి జంతువుల కొవ్వు లేదని స్పష్టం చేశారు. కూటమి నేతలు భక్తుల మనోభావాలను పట్టించుకోకుండా ఇంకా లడ్డూ ప్రసాదంపై ఫ్లెక్సీల రాజకీయం చేయడం తగదు. మాజీ మంత్రి అంబటి రాంబాబుపై హత్యాయత్నం చేయడం, ఆయన ఇల్లు తగలబెట్టడం చూస్తుంటే రాష్ట్రంలో పాలన ఎటుపోతుందో అర్థంకావడం లేదు. ఎల్లకాలం చీకటి ఉండదు. మంచిరోజులు వస్తాయి. వైఎస్సార్‌ సీపీ నాయకులు, కార్యకర్తలు అధైర్య పడవద్దు. – అన్నా రాంబాబు, మార్కాపురం నియోజకవర్గ వైఎస్సార్‌ సీపీ ఇన్‌చార్జి, మాజీ ఎమ్మెల్యే – కేపీ నాగార్జునరెడ్డి, గిద్దలూరు నియోజకవర్గ వైఎస్సార్‌ సీపీ ఇన్‌చార్జి, మాజీ ఎమ్మెల్యే

ఇది ప్రజా వ్యతిరేక బడ్జెట్‌ కేంద్ర బడ్జెట్‌ జిల్లా ప్రజల ఆశలను అడియాసలు చేసింది. గత బడ్జెట్లో జిల్లాను వెనకబడిన జిల్లాగా ప్రకటించి రూ.50 కోట్లు ప్రకటించినా ఆ నిధులు వచ్చాయో లేదో తెలియకుండానే ఆర్ధిక సంవత్సరం గడిచిపోయింది. ఈ ఏడాది బడ్జెట్లో దాని ఊసే లేకుండా చేశారు. దశాబ్దాలుగా ఎంఎస్‌ఎంఈల అభివృద్ధి కేవలం బోర్డులకు పరిమితమైంది. జిల్లా వెనకబాటును గుర్తించిన కేంద్రం ఆ దామాషాలో నిధులు కేటాయించపోవడం దారుణం. జిల్లా సమగ్రాభివృద్ధికి రూ.10 వేల కోట్లు కేటాయించాలి. – ఎస్‌కే మాబు, సీపీఎం జిల్లా కార్యదర్శి కరువు జిల్లా ప్రస్తావనే లేదు కేంద్ర బడ్జెట్లో జిల్లాకు మరోసారి మొండిచేయి చూపారు. తరచుగా కరువుబారిన పడే ఉమ్మడి ప్రకాశం జిల్లాకు కరువు నివారణకు ప్రత్యేక నిధులు కేటాయించలేదు. సాగునీటి ప్రాజెక్టులను తీవ్ర నిర్లక్ష్యం చేసినట్లు స్పష్టంగా కనిపిస్తోంది. జిల్లాకు ప్రధాన ఆదాయవనరులైన మిర్చి, పొగాకు రైతులకు మద్దతు ధరలకు సంబంధించి ఎలాంటి హామీలు ఇవ్వలేదు. – చిట్టిపాటి వెంకటేశ్వర్లు, సీపీఐ ఎంఎల్‌ న్యూ డెమోక్రసి రాష్ట్ర అధికార ప్రతినిధినిత్యం కరువు కాటకాలతో అల్లాడే జిల్లాకు కేంద్ర బడ్జెట్‌లో మరోసారి మొండిచేయే మిగిలింది. వెనకబడిన జిల్లాల ప్రస్తావన లేకుండానే నిర్మలమ్మ బడ్జెట్‌ ప్రసంగం ముగిసింది. ప్రజల మౌలిక అవసరాలు, జీవనోపాధిని పట్టించుకోకుండా అంకెల గారడీతో మురిపించే ప్రయత్నాలు చేసినట్లు ప్రజా సంఘాలు మండిపడుతున్నాయి. రాష్ట్రంలో ఉన్న కూటమి ప్రభుత్వం జిల్లాకు నిధులు కేటాయించడంలో నిర్లక్ష్యం చేస్తోందని, కనీసం కేంద్రం నుంచి కూడా నిధులు తీసుకొని రాలేకపోతోందని ప్రజలు ఆగ్రహం వ్యక్తం చేస్తున్నారు. మద్యం, ఇసుక, రేషన్‌ వ్యవహారాలతో తలమునకలవుతున్న స్థానిక ప్రజా ప్రతినిధులు జిల్లా అభివృద్ధి గురించి పట్టించుకోవడం లేదనే విమర్శలు వెల్లువెత్తుతున్నాయి. పద్దు పొడవని ఆశలుఒంగోలు టౌన్‌: కేంద్ర ఆర్ధిక శాఖా మంత్రి నిర్మలా సీతారామన్‌ ఆదివారం పార్లమెంట్‌లో ప్రవేశపెట్టిన కేంద్ర బడ్జెట్‌ 2026–27తో కార్పొరేట్‌ కంపెనీలకు, పారిశ్రామికవేత్తలకు మినహా ఉద్యోగులు, కార్మికులు, నిరుద్యోగులు, రైతులు, విద్యార్థులకు పెద్దగా ప్రయోజనం లేదన్న విమర్శలు వెల్లువెత్తుతున్నాయి. కరువు జిల్లాగా పేరొందిన ప్రకాశం జిల్లా ఇప్పుడు రెండుగా విభజన చెందింది. కొత్తగా మార్కాపురం జిల్లా ఏర్పాటు చేశారు. మరింతగా వెనకబడిన పశ్చిమ ప్రాంతమైన మార్కాపురం జిల్లాలోని వెలుగొండ ప్రాజెక్టు పూర్తి కావాల్సి ఉంది. బడ్జెట్లో దీని ప్రస్తావనే లేకపోవడంతో జిల్లా ప్రజలు పెదవి విరుస్తున్నారు. జిల్లా తరచుగా కరువుబారిన పడుతుంది. గత బడ్జెట్లో ఈ విషయాన్ని కేంద్ర ప్రభుత్వం గుర్తించినట్లే కనిపించింది. అందుకే వెనకబడిన జిల్లాగా ప్రకటించడమే కాకుండా రూ.50 కోట్లు కేటాయించింది. అయితే ఆ నిధులు వచ్చాయో లేదో తెలియని పరిస్థితి. వస్తే ఆ నిధులతో ఏఏ పనులు చేశారో కూడా తెలియకుండా పోయిందని ప్రజా సంఘాల నాయకులు విమర్శిస్తున్నారు. తాజా బడ్జెట్లో మరింత నిధులు కేటాయిస్తారేమోనని జిల్లా ప్రజలు ఆశగా ఎదురు చూశారు. అసలు ఆ ప్రస్తావనే లేకుండా పోయింది. జిల్లాలో కరువును తరమి కొట్టాలంటే సాగునీటి ప్రాజెక్టులు పూర్తి చేయడం ఒక్కటే పరిష్కారం. అయితే గుండ్లకమ్మ, వెలిగొండ ప్రాజెక్టులతో పాటుగా ఇతర చిన్న తరహా ప్రాజెక్టులకు సరిపడా నిధులు కేటాయించలేదు. జిల్లా రైతులకు ప్రధాన ఆదాయ వనరుగా పొగాకు, మిర్చి పంటలున్నాయి. ఈ ఏడాది పొగాకు, మిర్చి, శనగ పంటలకు గిట్టుబాటు లేక రైతులు రోడ్డెక్కారు. పొగాకు రైతులైతే రోజుల తరబడి బోర్డు ఎదుట కళ్లు కాయలు కాసేలా ఎదురు చూసినా కొనేనాథుడు లేక అల్లాడిపోయారు. ఈ బడ్జెట్లో పొగాకు, మిర్చి పంటలకు గిట్టుబాటు ధరల గురించి ప్రస్తావించలేదు. శనగ రైతులను ఆదుకునేందుకు ఎలాంటి చర్యలు ప్రకటించలేదు. దీంతో రైతాంగం తీవ్ర నిరాశకు గురయ్యారు. రామాయపట్నం పోర్టు, ట్రిపుల్‌ ఐటీ, మార్కాపురం మెడికల్‌ కాలేజీ, ఆంధ్ర కేసరి యూనివర్శిటీ అభివృద్ధికి తగిన నిధులు తీసుకొని రావడంలో రాష్ట్ర ప్రభుత్వం, రాష్ట్రానికి చెందిన అధికార పార్టీ ఎంపీలు విఫలమయ్యారని ప్రజా సంఘాల నాయకులు మండిపడుతున్నారు. జిల్లా అభివృద్ధికి రూ.10 వేల కోట్లు కేటాయించాలని ప్రజలు కోరుతున్నారు. ఈ విషయంలో గతంలో ఉద్యమాలు కూడా జరిగాయి. అయినా ఈ విషయాన్ని జిల్లా ప్రజా ప్రతినిధులు కూడా పట్టించుకున్న దాఖలాలు కనిపించడంలేదన్న విమర్శలు వినిపిస్తున్నాయి. జిల్లా వ్యాప్తంగా అన్ని శాఖల్లో కలిపి 25 వేల మందికిపైగా ఉద్యోగులున్నారు. పన్ను రాయితీ కోసం వారంతా ఆశగా ఎదురుచూసినా నిరాశే ఎదురైంది. మొత్తం మీద కేంద్ర బడ్జెట్‌తో జిల్లాకు ఒరిగిందేమీ లేదని ప్రజా సంఘాలు పెదవి విరుస్తున్నారు.

ఒంగోలు సిటీ: వైఎస్సార్‌ కాంగ్రెస్‌ పార్టీ రాష్ట్ర అధ్యక్షుడు వైఎస్‌ జగన్‌మోహన్‌రెడ్డి ఆదేశాల మేరకు ప్రకాశం జిల్లాకు చెందిన నాయకులను వివిధ హోదాల్లో నియమించినట్లు పార్టీ కేంద్ర కార్యాలయంలో ఒక ప్రకటనలో పేర్కొంది. రాష్ట్ర గ్రీవెన్స్‌ సెల్‌ జనరల్‌ సెక్రటరీగా కొండపికి చెందిన మండవ మాలకొండయ్యను నియమించారు. జిల్లా స్టూడెంట్‌ వింగ్‌ జనరల్‌ సెక్రటరీగా ఒంగోలుకు చెందిన దండు దుర్గాప్రసాద్‌రెడ్డి, జిల్లా పంచాయతీరాజ్‌ వింగ్‌ జనరల్‌ సెక్రటరీగా కొండపికి చెందిన వాకా శ్రీకాంత్‌రెడ్డి, జిల్లా లీగల్‌ సెల్‌ ఎగ్జిక్యూటివ్‌ మెంబరుగా దర్శికి చెందిన బీరం శ్రీనివాసులరెడ్డిలను నియమించారు. కనిగిరి నియోజకవర్గ గౌడ విభాగం ప్రెసిడెంట్‌గా పరుచూరి రమేష్‌, కనిగిరి నియోజకవర్గ దేవాంగ విభాగం ప్రెసిడెంట్‌గా కొంపాల పెదకాశయ్య, ఒంగోలు నియోజకవర్గ గౌడ విభాగం ప్రెసిడెంట్‌గా తాతా నాంచార్లు లను నియమించారు. నాగులుప్పలపాడు మండల సోషల్‌ మీడియా వింగ్‌ ప్రెసిడెంట్‌గా పెనిగండ్ల చెన్నకేశవులను నియమించినట్లు పార్టీ కార్యాలయం తెలిపింది. చీమకుర్తి రూరల్‌: మండలంలోని ఆర్‌ఎల్‌పురం జిల్లా పరిషత్‌ హైస్కూల్‌ విద్యార్థి తాళ్లూరి విజయ్‌ జాతీయ స్థాయి ఖోఖో జట్టుకు ఎంపికై నట్లు ప్రధానోపాధ్యాయిని సీహెచ్‌ పద్మావతి, వ్యాయామ ఉపాధ్యాయుడు కరిచేటి హనుమంతరావు తెలిపారు. కురుక్షేత్రంలో జరిగే రాష్ట్ర సబ్‌ జూనియర్‌ జట్టుకు ప్రాతినిధ్యం వహిస్తున్న విజయ్‌ను ఉపాధ్యాయులు అభినందించారు. కురిచేడు: మండలంలోని జగన్నాథపురం బౌద్ధ క్షేత్రాన్ని పరిశోధకులు ఆదివారం సందర్శించారు. శోధన చారిత్రక పరిశోధనా సంస్థ ఆధ్వర్యంలో చారిత్రక పరిశోధకులు తురిమెళ్ల శ్రీనివాస ప్రసాద్‌ అధ్యక్షతన అన్నపురెడ్డి వీరారెడ్డి, జ్యోతి చంద్రమౌళి పర్యవేక్షణలో సుమారు 30 మందికిపైగా చరిత్ర ప్రియులు ఈ బౌద్ధ స్థూపం సందర్శించారు. ఈ బృందం అనేక చారిత్రక ఆనవాళ్లు కనుగొన్నారు. ప్రాచీన స్థూపానికి దక్షిణం వైపున ఉన్న మట్టి దిబ్బపై 12 అంగుళాలు, 18 అంగుళాలున్న రెండవ శతాబ్దపు ఇటుకలతో నిర్మించిన బౌద్ధుల కాలంనాటి మరో చిన్న స్థూపాన్ని గుర్తించారు. అలానే ఈ కొత్త స్థూపానికి 50 అడుగుల దూరంలో బౌద్ధులు ఉపయోగించిన రోలు లాంటి రాతిని, మరో వంద అడుగుల దూరంలో పురాతన మానవుల సమాధిని గుర్తించారు. ఇక్కడ రెండు వేల ఏళ్ల నాటి పిడతలు, చిన్నచిన్న కుండ భాగాలను గుర్తించారు. గుండ్లకమ్మ ఒడ్డున బౌద్ద శిల్పాన్ని గుర్తించారు. తదుపరి బౌద్ద సూపాన్ని సందర్శించి ఆనాటి బౌద్ధ జీవనవిధానం గురించి చర్చించారు. ప్రభుత్వం వెంటనే స్పందించి బౌద్ధ స్థూపాన్ని పర్యాటక కేంద్రంగా అభివృద్ధి చేయాలని కోరారు. కార్యక్రమంలో స్థూప రక్షక సిబ్బంది, లాయర్‌ శ్రీనివాస రెడ్డి, యర్రగొండపాలెం బీజేపీ పార్టీ అధ్యక్షుడు మాదాల సూర్య నారాయణ, గొట్టిపాటి ప్రభాకరరావు పాల్గొన్నారు.

దర్శి: కష్టకాలంలో ఉన్నప్పుడు పార్టీ కోసం కష్టపడిన ప్రతి కార్యకర్తను గుర్తు పెట్టుకుంటామని దర్శి ఎమ్మెల్యే, వైఎస్సార్‌ సీపీ జిల్లా అధ్యక్షుడు డాక్టర్‌ బూచేపల్లి శివప్రసాద్‌రెడ్డి, జిల్లా పరిషత్‌ చైర్‌పర్సన్‌ బూచేపల్లి వెంకాయమ్మ అన్నారు. స్థానిక వైఎస్సార్‌ సీపీ నియోజకవర్గ కార్యాలయంలో దర్శి మున్సిపాలిటీలోని వార్డుల వారీగా కమిటీల నియామకం సందర్భంగా పట్టణ నాయకులు, కార్యకర్తలతో ఆదివారం పట్టణ అధ్యక్షుడు ముత్తినీడి సాంబయ్య అధ్యక్షతన సమావేశం నిర్వహించారు. ఈ సందర్భంగా హాజరైన బూచేపల్లి శివప్రసాద్‌రెడ్డి, బూచేపల్లి వెంకాయమ్మ మాట్లాడుతూ వార్డు కమిటీల్లో మంచి సర్వీస్‌ చేసే వారిని, అందరికీ అందుబాటులో ఉంటూ అందరికీ అండగా ఉండే వారిని నియమిస్తే ఆ వార్డులో పార్టీ బలోపేతం అవుతుందన్నారు. ప్రధానంగా సోషల్‌ మీడియా నియామకాల్లో చదువుకుని మంచి అవగాహన ఉన్నవారిని నియమించాలని సూచించారు. మనం ఏం చేశామో ప్రజలకు చెప్పుకునేలా ఉండాలన్నారు. మళ్లీ అధికారంలోకి రావడమే లక్ష్యంగా పనిచేయాలని సూచించారు. అధికారంలోకి వచ్చిన వెంటనే సంక్షేమంతో పాటు కార్యకర్తలకు పెద్ద పీట వేస్తారన్నారు. గతంలో పార్టీలకు అతీతంగా అందరికీ పథకాలు అందించాలనే ఉద్దేశంతో వైఎస్‌ జగన్‌ పాలన కొనసాగిస్తే ప్రస్తుతం అధికారంలోకి వచ్చి ముఖ్యమంత్రి స్థాయిలో ఉన్న చంద్రబాబు వైఎస్సార్‌ సీపీ వాళ్లకు ఎటువంటి పథకాలు ఇవ్వవద్దని చెప్పడం ప్రజలందరూ గమనిస్తున్నారన్నారు. ఆయన స్వార్థం కోసం ఎన్ని అబద్దాలైనా చెప్పి అధికారంలోకి వచ్చి ప్రజలను మోసం చేయడం చంద్రబాబుకు అలవాటుగా మారిందన్నారు. కార్యక్రమంలో మండల కన్వీనర్‌ వెన్నపూస వెంకటరెడ్డి, మున్సిపల్‌ వింగ్‌ రాష్ట్ర కార్యదర్శి కుమ్మిత అంజిరెడ్డి, జిల్లా ఉపాధ్యక్షుడు కేవీరెడ్డి, విద్యార్థి విభాగం కోఆర్డినేటర్‌ దుగ్గిరెడ్డి నారాయణరెడ్డి, వార్డు కౌన్సిలర్‌లు మేడం మోహన్‌రెడ్డి, తుళ్లూరి బాబురావు, ఆవుల జ్యోతి శివారెడ్డి,జగన్నాధం మోహన్‌బాబు, జిల్లా ఎస్సీసెల్‌ అధ్యక్షుడు గాలిమూటి దేవప్రసాద్‌, జిల్లా వాణిజ్య విభాగం అధ్యక్షుడు కొల్లా ఉదయ్‌భాస్కర్‌, వైస్‌ ఎంపీపీ సోముదుర్గారెడ్డి, మాజీ ఎంపీపీ ఇత్తడి దేవదానం, మాజీ మార్కెట్‌ యార్డ్‌ చైర్మన్‌ షేక్‌ షకీలా అమీన్‌ భాషా, వార్డు ఇన్‌చార్జ్‌లు పాణెం మజ్ఞువలి, అన్నవరపు రవి, కొండలు, అంకాల నాగయ్య, నాయకులు దామెర్ల చంద్రం, వెన్నపూస పేరిరెడ్డి, భాస్కర్‌రెడ్డి, శ్రీనివాసరెడ్డి, కర్ణా రమణారెడ్డి, దామెర్ల రామ్మోహన్‌, మేడగం బాలకృష్ణారెడ్డి, కృష్ణ, కరిపిరెడ్డి సుబ్బారెడ్డి, గంజి వెంకటేశ్వరరెడ్డి, పానుగంటి మోహన్‌రావు, బొమ్మిరెడ్డి లక్ష్మీరెడ్డి తదితరులు పాల్గొన్నారు.

గత బడ్జెట్లో జిల్లాను వెనకబడిన జిల్లాగా గుర్తించినట్లు ప్రకటించిన కేంద్రం ఈ ఏడాది బడ్జెట్లో అందుకు తగిన విధంగా నిధులు కేటాయించకపోవడం దారుణం. వెలుగొండ ప్రాజెక్టు, రామాయపట్నం పోర్టు, ఇతర సాగునీటి ప్రాజెక్టులకు, ఆంధ్రకేసరి యూనివర్శిటీకి నిధులు తీసుకొని రావడంలో రాష్ట్ర ప్రభుత్వం విఫలమైందనే చెప్పాలి. ఉపాధి హామీ పథకానికి నామ మాత్రంగా నిధులు కేటాయించడంతో జిల్లా నుంచి వలసలు పెరిగే అవకాశం ఉంది. ఇప్పటికే జిల్లా నుంచి ఏడాదికి లక్ష మంది వివిధ పనుల కోసం వలసలు వెళుతున్నారు. – ఎంఎల్‌ నారాయణ, సీపీఐ జిల్లా కార్యదర్శి

మార్కాపురం టౌన్‌: రాష్ట్ర ప్రభుత్వం ఉద్యోగులకు తక్షణమే 30 శాతం ఐఆర్‌ ప్రకటించాలని పీఆర్‌టీయూ రాష్ట్ర అధ్యక్ష, కార్యదర్శులు మిట్టా కృష్ణయ్య, ఏఎం గిరిప్రసాద్‌ డిమాండ్‌ చేశారు. మార్కాపురం జిల్లా పీఆర్‌టీయూ సమావేశంలో ఆదివారం ముఖ్య అతిథిగా మాట్లాడారు. ఉపాధ్యాయ సమస్యలను పరిష్కరించాలని ప్రభుత్వాన్ని డిమాండ్‌ చేశారు. మోడల్‌ ప్రైమరీ పాఠశాలలో 125 మంది విద్యార్థులకు 5 మంది ఉపాధ్యాయులు, ఒక హెచ్‌ఎంను కేటాయించాలని, ప్రతి పాఠశాలలో కనీసం ఇద్దరు ఉపాధ్యాయులు ఉండాలని డిమాండ్‌ చేశారు. మోడల్‌ ప్రైమరీలో రెండేళ్ల పాటు రేషనలైజేషన్‌ చేయరాదని, హైస్కూల్‌లో ఉపాధ్యాయుల కొరత తీర్చాలని కోరారు. 1 నుంచి 10 తరగతులు ఉన్న పాఠశాలలో ప్రాథమిక, ఉన్నత పాఠశాలలకు వేరు వేరుగా డైస్‌ కోడ్‌ నిర్వహించాలని, ప్రభుత్వ, పంచాయతీరాజ్‌ పాఠశాలల ఉపాధ్యాయులకు ఉమ్మడి సర్వీసుపై కమిటీ ఏర్పాటు చేయాలని డిమాండ్‌ చేశారు. పెండింగ్‌లో ఉన్న డీఏలు, పీఆర్‌సీ అరియర్‌ బకాయిలు తక్షణమే చెల్లించాలని కోరారు. 12వ పీఆర్‌సీ కమిషన్‌ ఏర్పాటు చేసి 30 శాతం ఐఆర్‌ ఇవ్వాలని, మెడికల్‌ బిల్లులు చెల్లించాలని, 45 పైబడిన ఉపాధ్యాయులకు బాడీ చెకప్‌కు ఈహెచ్‌ఎస్‌ ద్వారా అనుమతించాలని కోరారు. తర్లుపాడు రోడ్డులో నూతన పీఆర్‌టీయూ కార్యాలయాన్ని ప్రారంభించారు. ఎస్‌టీయూ నుంచి పీఆర్‌టీయూలో చేరిన మండ్లా రామాంజనేయులును వారు అభినందించారు. కార్యక్రమంలో జిల్లా అధ్యక్ష, కార్యదర్శులు పిల్లి రమణారెడ్డి, వెన్నా వెంకటరెడ్డి, పులి శ్రీనివాసులు, అంజిరెడ్డి, బాపట్ల జిల్లా ప్రధాన కార్యదర్శి ఎన్‌వి రమణారెడ్డి, పద్మజ తదితరులు పాల్గొన్నారు.

గిద్దలూరు రూరల్‌: కొందరు గుర్తుతెలియని వ్యక్తులు కారును దహనం చేసిన సంఘటన గిద్దలూరు పట్టణంలోని విశ్వభారతి స్కూల్‌ వద్ద ఆదివారం జరిగింది. పట్టణానికి చెందిన సచివాలయం ఉద్యోగి సయ్యద్‌ సైఫుల్లా తన కారుకు మరమ్మతుల కారణంగా కొన్ని నెలల నుంచి విశ్వభారతి స్కూల్‌ సమీపంలోని ఓ ఖాళీ స్థలంలో ఉంచారు. ఈ నేపథ్యంలో కొందరు గుర్తుతెలియని వ్యక్తులు కారుకు నిప్పంటించడంతో పెద్ద ఎత్తున మంటలు వ్యాపించాయి. స్థానికుల ద్వారా సమాచారం అందుకున్న అగ్నిమాపక సిబ్బంది సంఘటన స్థలానికి చేరుకుని మంటలను అదుపులోకి తీసుకొచ్చారు. పోలీసులు సంఘటన స్థలం వద్దకు చేరుకుని ప్రమాదానికి గల కారణాలపై విచారణ చేపట్టారు. కురిచేడు: పంట పొలంలో కంది కోయడానికి వెళ్లిన వ్యక్తిపై అడవి పంది దాడిచేయడంతో మృతిచెందిన సంఘటన కురిచేడు మండలంలోని బోధనంపాడులో జరిగింది. స్థానిక ఎస్సై ఎం.శివ తెలిపిన వివరాల మేరకు.. మండలంలోని ఎన్‌ఎస్‌పీ అగ్రహారం గ్రామానికి చెందిన రాతం ఏడుకొండలు (41) బోధనంపాడు సరిహద్దులో ఆదివారం ఉదయం కంది పంట కోసేందుకు మరి కొంతమందితో కలిసి పొలానికి వెళ్లాడు. పొలంలో ఉన్న అడవి పంది ఏడుకొండలుపై దాడి చేయడంతో కాళ్లకు తీవ్రగాయాలయ్యాయి. తోటి వారు ఏడుకొండలును హుటాహుటిన దర్శి ప్రభుత్వ వైద్యశాలకు తరలించారు. అక్కడ చికిత్స పొందుతూ ఏడుకొండలు మృతి చెందాడు. పంచనామా నిర్వహించి పోస్టుమార్టం అనంతరం మృతదేహాన్ని కుటుంబ సభ్యులకు అప్పగించినట్లు ఎస్సై తెలిపారు. కేసు నమోదు చేసి దర్యాప్తు చేస్తున్నట్లు చెప్పారు. మృతునికి భార్య, ఇద్దరు కుమారులు ఉన్నారు. కందుకూరు: పట్టణంలో నూతనంగా నిర్మిస్తున్న ఇళ్లను లక్ష్యంగా చేసుకుని కాపర్‌వైర్‌ చోరీ చేసి దొంగలు తమ చేతివాటాన్ని ప్రదర్శిస్తున్నారు. పట్టణంలోని వాసవీనగర్‌ సమీపంలో సిరిచందన లేఅవుట్‌లో గృహాలు నిర్మిస్తున్నారు. ఈ క్రమంలో ఇళ్లకు విద్యుత్‌ వైరింగ్‌ చేయించడంతో పాటు, విద్యుత్‌మోటార్లు బిగించారు. అయితే శనివారం అర్ధరాత్రి గుర్తు తెలియని దుండగులు దాదాపు ఐదు ఇళ్లకు వేసిన విద్యుత్‌ వైర్లను పూర్తిగా కత్తిరించి లాక్కెళ్లారు. అలాగే నీటి బోర్లకు బిగించిన మూడు విద్యుత్‌ మోటార్లను కూడా దొంగిలించారు. దీంత ఇళ్ల నిర్మాణదారులు ఆవేదన వ్యక్తం చేస్తున్నారు. ఇటీవల కాలంలో మోటార్లు, విద్యుత్‌వైర్ల చోరీ ముఠా పలు ప్రాంతాల్లో ఇటువంటి దొంగతనాలకు పాల్పడుతుందని, వీరి ఆగడాలకు అడ్డుకట్ట వేయాలని పట్టణ వాసులు కోరుతున్నారు. ఒంగోలు టౌన్‌: అతిగా మద్యం తాగిన వ్యక్తి అనుమానాస్పదస్థితిలో మృతిచెందిన సంఘటన ఒంగోలులో ఆదివారం జరిగింది. పేర్నమిట్టకు చెంది పెయింటింగ్‌, ఇతర కూలి పనులు చేసుకుని జీవించే ఎడ్లూరు శ్రీను మద్యానికి బానిసై వివాహం కూడా చేసుకోకుండా తిరుగుతున్నాడు. ఎప్పటిలాగే పనికోసం ఒంగోలు వచ్చి శనివారం రాత్రి తిరిగి ఇంటికి వెళ్లలేదు. ఆదివారం ఉదయం ఒంగోలు ఆర్టీసీ బస్టాండు వద్ద ఉన్న ఒక లాడ్జి సమీపంలో నిర్జీవంగా పడి ఉన్నాడు. సమాచారం తెలుసుకున్న శ్రీను సోదరుడు కోటేశ్వరరావు ఒంగోలు చేరుకుని మృతదేహాన్ని పేర్నమిట్ట తరలించాడు. కాగా, దీనిపై పోలీసులకు ఎలాంటి ఫిర్యాదు అందలేదని సమాచారం.

కొత్తపట్నం: రాష్ట్రంలో ఉన్న కాపులను అణగదొక్కడాన్ని టీడీపీ లక్ష్యంగా పెట్టుకుందని వైఎస్సార్‌ సీపీ రాష్ట్ర ప్రధాన కార్యదర్శి వై.వెంకటేశ్వరరావు ఆరోపించారు. కొత్తపట్నంలో ఆదివారం నిర్వహించిన మండల స్థాయి కార్యకర్తల సమావేశం అనంతరం ఏర్పాటు చేసిన మీడియా సమావేశంలో ఆయన మాట్లాడారు. రాష్ట్రంలో 1989 సంవత్సరానికి ముందు కాపులు ఎదుగుతారనే ఉద్దేశంతో తమ నాయకుడు వంగవీటి రంగాను టీడీపీ ప్రభుత్వంలోనే హత్య చేశారని గుర్తు చేశారు. రాష్ట్రంలో నోరు కలిగిన వ్యక్తులతో పాటు కాపులను అణగదొక్కడమే పనిగా కూటమి ప్రభుత్వం వ్యవహరిస్తోందని మండిపడ్డారు. 2014 నుంచి 2019 వరకు కాపు నాయకుడు ముద్రగడ పద్మనాభంపై కూడా అక్రమ కేసులు పెట్టారని గుర్తుచేశారు. టీడీపీ ఎప్పుడు అధికారంలోకి వచ్చినా కాపులను అణగదొక్కడమే ధ్యేయంగా ముందుకు సాగుతుందని ఆవేదన వ్యక్తం చేశారు. వైఎస్సార్‌ సీపీ ముఖ్య నాయకుడు అయిన అంబటి రాంబాబు కూటమి ప్రభుత్వం చేస్తున్న అరాచకాలను ప్రతిరోజూ మీడియా ద్వారా ప్రజలకు వివరిస్తూ విమర్శలు చేస్తుండటంతో శనివారం టీడీపీ గూండాలు దాడి చేయడం దుర్మార్గపు చర్యని మండిపడ్డారు. ఆయన మీద దాడి చేసి మట్టుబెట్టాలనే ఉద్దేశంతో దారుణానికి తెగబడ్డారన్నారు. ఆయన ఇంటిమీద, కార్యాలయం మీద బీభత్సం సృష్టించి ఆయన లోపల ఉంటే కోడి గుడ్లు, రాళ్లు విసిరి దాడి చేయడం అమానుషమని అన్నారు. కాపు నాయకుడు అంబటి రాంబాబుపై చేసిన దాడులను ఖండించాలని వెంకటేశ్వరరావు పిలుపునిచ్చారు. కాపుల మీద జరుగుతున్న దాడులను ప్రభుత్వ అధికారులు పట్టించుకుని న్యాయం చేయాలని కోరారు.

● మార్కాపురం జిల్లా గౌడ ఉద్యోగుల సంక్షేమ సంఘ అధ్యక్షుడు వెంకటేశ్వర్లు గౌడ్‌ మార్కాపురం టౌన్‌: గౌడ సంఘ ఉద్యోగుల సమస్యలను పరిష్కరించేందుకు తనవంతు కృషి చేస్తానని జిల్లా గౌడ ఉద్యోగుల సంక్షేమ సంఘ అధ్యక్షుడు కే వెంకటేశ్వర్లు గౌడ్‌ అన్నారు. మార్కాపురం జిల్లా గౌడ ఉద్యోగుల సంక్షేమ సంఘం నూతన కమిటీ సమావేశం ఆదివారం లక్ష్మీనరసింహస్వామి దేవస్థానం వద్ద ఉన్న కల్యాణ మండపంలో ఇల్లూరి రంగస్వామి గౌడ్‌ ఆధ్వర్యంలో నిర్వహించారు. జిల్లాలోని గౌడ ఉద్యోగుల అభివృద్ధి కోసం, సంఘం పటిష్టత కోసం నిరంతరం పాటుపాడాలని కోరారు. గౌడ భవనం నిర్మాణం కోసం 51 సెంట్ల స్థలాన్ని సేకరించామని, భవన నిర్మాణానికి అందరూ కృషిచేయాలన్నారు. నూతన కమిటీ అధ్యక్షునిగా వెంకటేశ్వర్లు గౌడ్‌, ప్రధాన కార్యదర్శిగా నాగేశ్వరరావు గౌడ్‌, జిల్లా ఆర్గనైజింగ్‌ సెక్రటరీ నాగరాజు గౌడ్‌, కోశాధికారిగా పోలయ్య గౌడ్‌, సహాయ కార్యదర్శిగా శ్రీనివాసులు, చెన్నయ్య, ఉపాధ్యక్షులుగా లక్ష్మీ ప్రసన్న, వెంకటేశ్వర్లు గౌడ్‌, కమిటీ సభ్యులను ఎన్నుకున్నారు. సమావేశంలో దర్శి, ప్రకాశం జిల్లా నాయకులు గురవయ్య గౌడ్‌, టీ వెంకటేశ్వర్లు తదితరులు పాల్గొన్నారు.

పాలకుల నిర్లక్ష్యంపై..కొనకనమిట్ల: జిల్లాలో ప్రసిద్ధ పుణ్యక్షేత్రమైన వెలుగొండ స్వామి దేవస్థానం అభివృద్ధిని చంద్రబాబు ప్రభుత్వం గాలికొదిలేయడంపై భక్తుల్లో ఆగ్రహావేశాలు వ్యక్తమవుతున్నాయి. స్వామివారిని దర్శించుకునేందుకు ఆలయానికి వస్తున్న భక్తులు ఇక్కడి పరిస్థితులు చూసి తీవ్ర అసంతృప్తి వ్యక్తం చేస్తున్నారు. వెలుగొండ క్షేత్రంలో స్వామివారిని సాక్షాత్తు తిరుమల తిరుపతి వెంకటేశ్వరస్వామిగా భక్తులు భావించి మొక్కులు చెల్లిస్తుంటారు. ఇంతటి ప్రాశస్త్యం ఉన్న ఆలయంలో కనీస వసతులు కల్పించకపోవడం.. మరోవైపు బ్రహ్మోత్సవాలు సమీపిస్తున్నా దేవదాయశాఖగానీ, ప్రజాప్రతినిధులుగానీ స్పందించకపోవడంపై విమర్శలు వెల్లువెత్తుతున్నాయి. ఆదాయం వస్తున్నా అదే తీరు.. వెలుగొండ క్షేత్రంలో స్వామివారు, కొండపైన అమ్మవారిని శనివారాలు, పండగలు, ప్రత్యేక పర్వదినాల్లో భారీ సంఖ్యలో భక్తులు దర్శించుకుంటారు. ఏటా 13 రోజులపాటు నిర్వహించే బ్రహ్మోత్సవాలకు వేలాది మంది భక్తులు తరలివస్తారు. శ్రీవారి ఆలయం దేవదాయ శాఖ పరిధిలో ఉండటంతో ఏటా బ్రహ్మోత్సవాల సందర్భంగా దుకాణాలు, తలనీలాల వేలం హక్కులు, భక్తులు సమర్పించే కానుకల రూపంలో ఏటా సుమారు రూ.15 లక్షలకు పైగా ఆదాయం వస్తోంది. స్వామివారి భూములకు సంబంధించి కౌలు వేలం ద్వారా కొంత ఆదాయం సమకూరుతోంది. అయినప్పటికీ ఈ పురాతన ఆలయం అభివృద్ధికి ఆమడ దూరంలో ఉండటం భక్తుల్లో అసంతృప్తి, ఆగ్రహానికి కారణమవుతోంది. గతంలో కొంతమంది దాతల సహకారంతో ఆలయంలో కల్యాణ మండపం, ప్రవేశ ద్వారం వద్ద ఆర్చి, మెట్ల మార్గంలో రేకుల షెడ్‌ ఏర్పాటు చేశారు. ప్రస్తుతం మెట్ల మార్గంలో రేకులు ఈదురు గాలులకు లేచిపోయి దర్శనమిస్తున్నాయి. అన్నదాన సత్రాల నిర్వాహకులు, దాతలు అందిస్తున్న సహకారం తప్ప ప్రభుత్వం నుంచి ఆలయ అభివృద్ధికి ఎలాంటి సహకారం అందడం లేదన్నది బహిరంగ రహస్యం. ముక్కు పుటాలు అదిరేలా ‘ముసి’ వెలుగొండ క్షేత్రాన్ని ఆనుకుని ఉండే ముసి వాగు గతంలో వర్షాలు కురిసిన సమయంలో నీటి ప్రవాహం సజావుగా సాగేంది. ప్రస్తుతం ముసి వాగులో చిల్లచెట్లు భారీగా పెరగడంతో నీటి ప్రవాహానికి అడ్డంకిగా మారాయి. నెలల తరబడి నిల్వ ఉన్న నీరు మురికిగా మారి దుర్వాసన వస్తున్నాయి. ఇటీవల ఆలయ పరిసరాల్లో నూతన విద్యుత్‌ స్తంభాల ఏర్పాటులో భాగంగా కొన్ని చెట్లను, కొమ్మలను నరికి ముసి వాగులో పడేయడంతో సమస్య మరింత జఠిలమైంది. ఇదిలా ఉండగా ఆలయం ఎదురుగా ఉన్న శ్రీవారి పుష్కరిణి అధ్వానంగా తయారైంది. కోనేరు చుట్టూ చెట్లు పెరగడంతో నీరంతా అపరిశుభ్రంగా మారింది. ముసి వాగుతోపాటు కోనేరు పరిసరాలను బాగు చేయకుండా వదిలేయడంపై భక్తులు మండిపడుతున్నారు. మరో నెల రోజుల్లో నిర్వహించనున్న శ్రీవారి బ్రహ్మోత్సవాల నాటికి భక్తులు స్నానమాచరించేందుకు వీలుగా కోనేరును అభివృద్ధి చేయాలన్న డిమాండ్‌ ప్రజల నుంచి వినిపిస్తోంది. ధ్వజస్తంభం ఏర్పాటు చేస్తాం ఈదురు గాలులతో కూడిన భారీ వర్షం కురవడం వల్ల ధ్వజ స్తంభం విరిగిపడింది. ఈ పరిణామంతో ఆలయ గర్భగుడి అంచు కొంతమేర దెబ్బతింది. ఈ విషయాన్ని దేవదాయ శాఖ ఉన్నతాధికారులకు, అలాగే ఉభయదాతలైన గార్లదిన్నె గ్రామస్తులకు తెలియజేశాం. త్వరలోనే నూతన ధ్వజ స్తంభం ఏర్పాటు చేసేందుకు చర్యలు తీసుకుంటాం. – చెన్నకేశవరెడ్డి, ఆలయ ఈఓ

ఒంగోలు: మార్షల్‌ ఆర్ట్స్‌ నాంచాక్‌ జాతీయ ఏ గ్రేడ్‌ జడ్జిలుగా జిల్లావాసులు ఇద్దరు ఎంపికయ్యారు. జనవరి 30 నుంచి ఈ నెల 1వ తేదీ వరకు ఉత్తరప్రదేశ్‌లోని కాన్పూర్‌ కో ఆపరేటివ్‌ ఎస్టేట్‌ దాదానగర్‌లో నిర్వహించిన 4వ జాతీయ నాంచాక్‌ పోటీల రిఫరీ జడ్జి సెమినార్‌కు దేశవ్యాప్తంగా 80 మంది హాజరయ్యారు. రిఫరీ జడ్జిలుగా అత్యుత్తమ ప్రతిభ కనబరిచిన ప్రకాశం జిల్లా జపాన్‌ కరాటే అసోసియేషన్‌ అధ్యక్షుడు టి.శ్రీనివాసరెడ్డి, ఏపీ టెక్నికల్‌ డైరెక్టర్‌ కె.రఘునాథబాబు నాంచాక్‌ కటా విభాగంలో జడ్జిలుగా ఏ గ్రేడ్‌ సర్టిఫికెట్లు పొందారు. ఈ సందర్భంగా వీరికి నేషనల్‌ నాంచాక్‌ అసోసియేషన్‌ అధ్యక్షుడు మాలిక్‌ విజయ్‌ కపూర్‌, ప్రధాన కార్యదర్శి బబుల్‌ వర్మ, నేషనల్‌ కోచ్‌ ముకుంద్‌ బర్దన్‌తో పాటు జిల్లా భాష్యం లిటిల్‌ చాంప్స్‌ జెడ్‌సీవో బి.సుశీల, నారాయణ స్కూల్స్‌ క్లస్టర్‌ ప్రిన్సిపాల్‌ వాకా వేదవతి వేర్వేరు ప్రకటనల్లో అభినందనలు తెలిపారు. ఒంగోలు టౌన్‌: నగరంలో చైన్‌ స్నాచింగ్‌ ముఠా రెచ్చిపోతోంది. ద్విచక్రవాహనాలపై సంచరిస్తూ ఒంటరిగా మహిళలు కనిపిస్తే కళ్లు తెరిచి మూసే లోపే చేతివాటం ప్రదర్శిస్తున్నారు. నగరంలో ఎప్పుడూ రద్దీగా ఉండే సంతపేటలోని పశువుల ఆసుపత్రి ఎదరుగా శేషమ్మ పాలబూత్‌ నిర్వహిస్తున్నారు. ఆదివారం తెల్లవారుజామున 5.30 గంటల సమయంలో పాల బూత్‌ తెరచి సర్దుకుంటుండగా ఇద్దరు వ్యక్తులు హెల్మెట్‌ ధరించి మోటారు బైకుపై వచ్చి శేషమ్మ మెడలోని బంగారు చైన్‌ను లాక్కొని పారిపోయారు. శేషమ్మ వెంటనే తేరుకొని టూ టౌన్‌ పోలీసులకు ఫిర్యాదు చేశారు. పోలీసులు కేసు నమోదు చేసుకొని దర్యాప్తు చేస్తున్నారు. రెండు పొగాకు బ్యారెన్లు దగ్ధం ● రూ.5 లక్షల ఆస్తి నష్టం కొండపి: ప్రమాదవశాత్తు మంటలు చెలరేగి రెండు పొగాకు బ్యారెన్లు దగ్ధమయ్యాయి. ఈ సంఘటన మండలంలోని నేతివారిపాలెం గ్రామంలో ఆదివారం జరిగింది. వివరాల్లోకి వెళితే.. మండలంలోని నేతివారిపాలెం గ్రామానికి చెందిన పోయి వినోద్‌ కుమార్‌, తుళ్లూరి సత్యవతి, తుళ్లూరు వెంకటరావు, పొగాకున సాగు చేస్తున్నారు. వారికి సంబంధించిన రెండు బ్యారన్‌లలో పొగాకు క్యూరింగ్‌ చేస్తుండగా అల్లిక కర్ర జారి మొద్దు గొట్టంపై పడటంతో మంటలు చెలరేగాయి. స్థానికులు వెంటనే అగ్నిమాపక సిబ్బందికి సమాచారం అందించడంతో సిబ్బంది సంఘటనా స్థలానికి చేరుకొని మంటలను అదుపు చేశారు. అప్పటికే బ్యారన్‌ లోపలి టైర్లు, కర్రలు, పొగాకు మొత్తం కాలిపోయాయి. ప్రమాదంలో రూ.5 నుంచి రూ.6 లక్షల వరకు నష్టం వాటిల్లినట్లు అగ్నిమాపక సిబ్బంది తెలిపారు.

ఉలవపాడు: కందుకూరు నియోజకవర్గం నెల్లూరు జిల్లా నుంచి విడిపోయి ప్రకాశం జిల్లాలోకి వచ్చి దాదాపు నెల గడిచిపోయింది. ఈ నెల నుంచి కందుకూరు నియోజకవర్గం పరిధిలో రెవెన్యూ సేవలు నిలిచిపోయాయి. ఎప్పటి నుంచి సేవలు అందిస్తారో కూడా రెవెన్యూ శాఖలో ఎవరికీ అర్థంకాని పరిస్థితులు ఉన్నాయి. జనవరి ఒకటో తేదీ నుంచి కందుకూరు నియోజకవర్గంలోని కందుకూరు, ఉలవపాడు, గుడ్లూరు, లింగసముద్రం, ఉలవపాడు మండలాలు ప్రకాశం జిల్లాలోకి వచ్చాయి. చేరిన తర్వాత ప్రకాశం కలెక్టర్‌ రాజాబాబు, ఎస్పీ హర్షవర్ధన్‌రాజులు నియోజకవర్గంలో విస్తృతంగా పర్యటించారు. ఇక నుంచి కందుకూరు నియోజకవర్గం ప్రకాశం జిల్లా అని నిర్ధారించారు. జిల్లా మార్చారుగానీ సేవలు అందించడంలో మాత్రం నిర్లక్ష్యం జరుగుతోంది. రెవెన్యూకు సంబంధించి నెల్లూరు జిల్లా నుంచి కందుకూరు నియోజకవర్గంలోని 5 మండలాలను వెబ్‌ ల్యాండ్‌లో తొలగించారు. అయితే ప్రకాశం జిల్లాలో వెబ్‌ ల్యాండ్‌లోకి ఆ 5 మండలాలను కలపడంలో తీవ్ర జాప్యం జరుగుతోంది. ఈ నెల 15 వరకు ప్రకాశం జిల్లాలో వెబ్‌ల్యాండ్‌లో 5 మండలాలు లేవు. దీంతో రెవెన్యూకు సంబంధించి ఎలాంటి సేవలు అందించే వీల్లేకుండా పోయింది. ఈ నెల 20వ తేదీన వెబ్‌ల్యాండ్‌లో మండలాలను నమోదు చేశారు. కానీ సేవలు అందించే విషయంలో మాత్రం ఏ మాత్రం పట్టించుకోని పరిస్థితి నెలకొంది. డిజిటల్‌ సంతకం లేక నిలిచిన సేవలు కందుకూరు నియోజకవర్గంలో జనవరి ఒకటో తేదీ నుంచి రెవెన్యూ సేవలు నిలిచిపోయాయి. ప్రకాశం జిల్లాలోకి వచ్చిన తర్వాత వెబ్‌ ల్యాండ్‌ మారినా తహసీల్దార్‌లకు డిజిటల్‌ సంతకం ఇవ్వని కారణంగా సేవలు నిలిచిపోయాయి. కుల ధ్రువీకరణ పత్రం, ఆదాయ ధ్రువీకరణ పత్రం, విద్యార్థులకు ఇవ్వాల్సిన ఇతర ధ్రువీకరణ పత్రాలు, రైతులకు అందించాల్సిన సేవలు, పాస్‌ పుస్తకాల పంపిణీ, మ్యుటేషన్‌లు.. ఇలా అన్ని సేవలు నిలిచిపోయాయి. ఏ సేవ అందించాలన్నా ఆన్‌లైన్‌లో తహసీల్దార్‌ డిజిటల్‌ సంతకం పెట్టాల్సి ఉంటుంది. నెల రోజులగా ఈ డిజిటల్‌ సంతకం ఇవ్వడంలో ఉన్నతాధికారుల నిర్లక్ష్యం కారణంగా జనవరి మొత్తం రెవెన్యూ సేవలు నిలిచిపోయాయి. సేవల కోసం ఎదురుచూపులు రెవెన్యూ శాఖ ద్వారా అందించే సేవల కోసం కందుకూరు నియోజకవర్గ ప్రజలు ఎదురు చూస్తున్నారు. రెవెన్యూ శాఖతో పాటు ఎన్నో రకాల సేవలు ఇంకా పూర్తిస్థాయిలో ప్రజలకు అందుబాటులోకి రాలేదు. కార్మిక శాఖ ఆధ్వర్యంలో ఇవ్వాల్సిన సర్టిఫికెట్ల జారీలో ప్రకాశం జిల్లాలో ఉలవపాడు మండలం ఉందిగానీ అందులో గ్రామాల జాబితా రావడం లేదు. ఇక ప్రజా పంపిణీ వ్యవస్థలో ఇప్పటికీ ఏఈపీడీఎస్‌ వెబ్‌సైట్‌లో కందుకూరు నియోజకవర్గం నెల్లూరు జిల్లాలోనే ఉంది. రేషన్‌ షాపులకు సంబంధించిన వివరాలన్నీ ఇంకా నెల్లూరు జిల్లా పరిధిలోనే ఉన్నాయి. జిల్లా మార్పు తర్వాత వేగంగా జరగాల్సిన మార్పులు నత్తనడకన జరుగుతుండటంతో ప్రజలు ఇబ్బందులు పడుతున్నారు. ఉన్నతాధికారులు కందుకూరు నియోజకవర్గ ప్రజలకు అన్ని శాఖల సేవలు అందేలా చూడాలని ప్రజలు కోరుతున్నారు. ఈ విషయమై తహసీల్దార్‌ శ్రీనివాసరావును వివరణ కోరగా రెండు రోజుల్లో డిజిటల్‌ సంతకాలు వస్తాయని చెప్పారు. నెల్లూరు జిల్లా నుంచి ప్రకాశంలో కలిసిన కందుకూరు నియోజకవర్గం నెల రోజులుగా పరిష్కారం కాని రెవెన్యూ సమస్యలు తహసీల్దార్‌లకు నూతన డిజిటల్‌ సంతకాల జారీలో జాప్యం ప్రభుత్వ నిర్లక్ష్యంతో ప్రజల ఇబ్బందులు

ఒంగోలు టౌన్‌: జిల్లా అవతరణ దినోత్సవాన్ని పురస్కరించుకొని సోమవారం జిల్లా పోలీసు కార్యాలయంలో నిర్వహించనున్న ప్రజా ఫిర్యాదుల పరిష్కార వేదికను తాత్కాలికంగా రద్దు చేసినట్లు ఎస్పీ హర్షవర్థన్‌ రాజు ఆదివారం ఒక ప్రకటనలో తెలిపారు. ప్రజలు ఈ విషయాన్ని గమనించాలని కోరారు. ద్విచక్ర వాహనానికి నిప్పు జె.పంగులూరు: మండల పరిధిలోని బూదవాడ ధనలక్ష్మి కాలనీ సమీపంలోని చెరువు కట్టపై ఆదివారం దుండగలు బైకుకు నిప్పంటించారు. ప్రమాదంలో బైక్‌ పూర్తిగా కాలిపోయింది. వివరాల్లోకి వెళితే.. జలకర ప్రశాంత్‌కు చెందిన బైకును ఆదివారం చెరుకు కట్టపై ఉంచి స్నేహితుని ద్విచక్రవాహనంలో ఇంకొల్లు వెళ్లాడు. అక్కడ స్నేహితున్ని వైద్యునికి చూపిస్తుండగా బైక్‌ మంటల్లో కాలిపోతుందన్న విషయం తెలుసుకొని హుటాహుటిన సంఘటనా స్థలానికి చేరుకొని చేరుకున్నారు. అప్పటికే బైక్‌ పూర్తిగా కాలిపోయింది. బాధితుడు రేణింగవరం పోలీస్‌స్టేషన్‌లో ఫిర్యాదు చేశాడు. ర్తు తెలియని వ్యక్తులు ఎవరో నిప్పంటించారని ఫిర్యాదులో పేర్కొన్నాడు. ఉద్యోగులకు ఇచ్చిన హామీని నిలబెట్టుకోవాలి ● బీటీఏ జిల్లా అధ్యక్షుడు ఆంథోని మార్కాపురం టౌన్‌: కూటమి ప్రభుత్వం అధికారంలోకి వచ్చి సుమారు రెండేళ్లవుతున్నా ఉద్యోగులకు ఇచ్చిన హామీలను నిలబెట్టుకోకపోవడం అన్యాయమని బహుజన టీచర్స్‌ అసోషియేషన్‌ జిల్లా అధ్యక్షుడు ఎల్‌ ఆంథోని అన్నారు. పట్టణంలోని బీటీఏ కార్యాలయంలో ఆదివారం జిల్లా కార్యవర్గ సమావేశం నిర్వహించారు. ఈ సందర్భంగా ఆయన మాట్లాడుతూ ప్రభుత్వం ప్రకటించిన ఎన్నికల హామీ ప్రకారం మెరుగైన పీఆర్‌పీ ఇవ్వాల్సి ఉన్నా ఇప్పటి వరకూ పీఆర్‌సీ కమిటీ ఊసేలేదన్నారు. ఉద్యోగులకు ఆర్ధిక నష్టం జరగకుండా 30 శాతం ఐఆర్‌ ఇవ్వాలని, ఇచ్చిన హామీలను నెరవేర్చాలని ప్రభుత్వాన్ని డిమాండ్‌ చేశారు. యూనియన్‌ గౌరవ అధ్యక్షుడు ఎన్‌ శ్రీనివాస్‌ మాట్లాడుతూ బహుజన సిద్ధాంతాన్ని జిల్లా వ్యాప్తంగా విస్తృతం చేయాలని, అన్నీ మండలాల్లో బీటీఏ శాఖలను ఏర్పాటు చేయాలని కోరారు. సమావేశానికి జిల్లా ప్రధాన కార్యదర్శి జగన్నాథం నాగయ్య అధ్యక్షత వహించగా కార్యక్రమంలో రాష్ట్ర వర్కింగ్‌ ప్రెసిడెంట్‌ శ్రీనివాస్‌ యాదవ్‌, ముసలయ్య, శ్రీనివాసులు, సజీవరాజు, దేవండ్ల బాలయ్య, చిన్న వెంగయ్య, ప్రదీప్‌, కొండలరావు, నాగేశ్వరరావు తదితరులు పాల్గొన్నారు.

ఆలయానికి గర్భగుడి ముఖమైతే ధ్వజ స్తంభం హృదయం లాంటిది. భక్తులు గుడిలోకి వెళ్లే ముందు ధ్వజ స్తంభానికి మొక్కడం ఆనవాయితీ. అయితే వెలుగొండ క్షేత్రంలో భక్తులు మొక్కేందుకు ధ్వజ స్తంభమే లేకపోవడం పాలకుల నిర్లక్ష్యాన్ని తేటతెల్లం చేస్తోంది. ఆలయంలో సుమారు 20 ఏళ్ల క్రితం ప్రతిష్ఠించిన ధ్వజ స్తంభం 2024 మే నెలలో భీకర గాలులకు ఒరిగి నేలవాలింది. ఈ దుర్ఘటన చోటుచేసుకుని 19 నెలలైనా ఇప్పటి వరకు నూతన ధ్వజ స్తంభం ఏర్పాటు చేయడంపై పాలకులు దృష్టి సారించలేదు. ప్రస్తుతం ఆలయ కమిటీ చైర్మన్‌, ధర్మకర్తలు ఉన్నారో లేదో కూడా తెలియడం లేదని భక్తులు పెదవి విరుస్తున్నారు.

ఉలవపాడు: అనారోగ్యంతో మరణించిన పీడీసీసీ బ్యాంకు మాజీ చైర్మన్‌ మేదరమెట్ల శంకరరెడ్డి కుటుంబ సభ్యులను మండల పరిధిలోని బద్దిపూడి గ్రామంలోని వారి స్వగృహంలో రాజ్యసభ సభ్యుడు, టీటీడీ బోర్డు మాజీ చైర్మన్‌ వైవీ సుబ్బారెడ్డి శనివారం పరామర్శించారు. కుటుంబ సభ్యులకు ధైర్యం చెప్పారు. ఆయన వెంట యర్రగొండపాలెం ఎమ్మెల్యే తాటిపర్తి చంద్రశేఖర్‌, రాష్ట్ర అధికార ప్రతినిధి బత్తుల బ్రహ్మానందరెడ్డి, ఒంగోలు నియోజకవర్గ సమన్వయకర్త చుండూరి రవిబాబు, పీడీసీసీ బ్యాంకు మాజీ చైర్మన్‌లు మాదాసి వెంకయ్య, వైఎం మారుతీ ప్రసాద్‌రెడ్డి, రమణారెడ్డి, వెంకటేశ్వరరావు, కందుకూరు నియోజకవర్గ వైఎస్సార్‌ సీపీ నాయకులు రఫీ, గంగిరెడ్డి, అమర్‌నాథ్‌రెడ్డి తదితరులు పాల్గొన్నారు.

కనిగిరి రూరల్‌: రియల్‌ ఎస్టేట్‌ ముసుగులో ఉన్న కొందరు అధికార పార్టీ నేతలు రాత్రి రాత్రే వాల్మీకి బోయకులానికి చెందిన వారి సమాధులను తవ్వేసిన ఘటన శనివారం కనిగిరిలో వెలుగు చూసింది. బాధిత వాల్మీకి బోయల కథనం ప్రకారం.. కనిగిరి పుట్టిన నాటి నుంచి పాతూరు పక్కనే వాల్మీకి బోయపాలెం ఉంది. దీనికి సంబంధించి కొత్తూరు అభయాంజనేయ స్వామి గుడి ఎదురుగా (ప్రస్తుతం ఎన్‌హెచ్‌ 565) రోడ్డు పక్కన సర్వే నంబర్‌ 554లో వాల్మీకి బోయల సమాధుల తోట ఉంది. తాతముత్తాతల కాలం నుంచి సుమారు ఎకరా భూమిలో ఆ కులానికి చెందిన వారు చనిపోతే అక్కడ అంత్యక్రియలు చేస్తున్నారు. కొంతకాలంగా దీనిపై కన్నేసిన అధికార పార్టీ రియల్టర్లు శుక్రవారం అర్ధరాత్రి ప్రస్తుతం సుమారు 50 సెంట్ల స్థలంలో ఉన్న సమాధుల కట్టడాలను పొక్లెయిన్‌లతో తొలగించి పక్కనే ఉన్న రాగి కుంటలో పడేశారు. రూ.1.50 కోట్ల స్థలం పైకన్ను వాస్తవానికి సర్వే నంబర్‌ 554లోని సుమారు 50 సెంట్ల స్థలంలో పూర్వీకుల కాలం నుంచి వాల్మీకి బోయల శ్మశానవాటికగా ఉంది. అందులోనే అంత్యక్రియలు పూర్తి చేసుకునే వారు. అందులోని కొద్ది స్థలంపై కోర్టులో వివాదం కూడా నడుస్తున్నట్లు సమాచారం. ఇటీవల అక్కడ హైవే పడటం.. భూములకు విలువ విపరీతంగా పెరగడం.. ప్రస్తుతం ఆ స్థలం విలువ సుమారు రూ.1.50 కోట్లు ఉండటంతో కొందరు రియల్టర్‌లు అధికార పార్టీ అండతో ఆక్రమించుకునేందుకు యత్నిస్తున్నట్లు స్థానికంగా ప్రచారం జరుగుతోంది. దీంతో విషయం తెలుసుకున్న వాల్మీకి బోయలు శనివారం నిరసనకు దిగారు. తమ సమాధులను దున్నేసిన వారిపై చర్యలు తీసుకోవాలని డిమాండ్‌ చేస్తున్నారు. రూ.1.50 కోట్ల స్థలం కబ్జాకు యత్నం ఆర్థిక, అంగ, రాజకీయ బలంతో దుశ్చర్య వాల్మీకి బోయలు గగ్గోలు

ఒంగోలు సబర్బన్‌: కలియుగ దైవం వెంకటేశ్వరస్వామి మీద ఇంతటి దుష్ప్రచారమా.. తిరుమల లడ్డూ విషయంలో ఇంతటి దుర్మార్గమా.. స్వార్థ రాజకీయాల కోసం భక్తుల మనోభావాలు దెబ్బతినేలా చేయడం ఎంత వరకు సబబని వైఎస్సార్‌ సీపీ లీగల్‌ సెల్‌ అధ్యక్షుడు, న్యాయవాది నగరికంటి శ్రీనివాసరావు ధ్వజమెత్తారు. కూటమి పార్టీల నేతలు చేస్తున్న అసత్య ప్రచారంపై తీవ్రంగా మండిపడ్డారు. ఒంగోలు నగరంతో పాటు జిల్లాలో తిరుమల లడ్డూ విషయంలో విషం చిమ్ముతూ వేసిన ఫ్లెక్సీలపై ఒంగోలు నగర పాలక సంస్థ కార్యాలయంలో శనివారం ఆయన నిరసన వ్యక్తం చేశారు. పలువురు వైఎస్సార్‌ సీపీ నాయకులు, ఒంగోలు నగరపాలక సంస్థ కౌన్సిల్‌ ఫ్లోర్‌ లీడర్‌ ఇమ్రాన్‌ఖాన్‌తో కలిసి కమిషనర్‌ కార్యాలయం ముందు నిరసన వ్యక్తం చేశారు. ఈ సందర్భంగా వైఎస్సార్‌ సీపీ లీగల్‌ సెల్‌ అధ్యక్షుడు నగరికంటి శ్రీనివాసులు మాట్లాడుతూ తిరుమల లడ్డూలో ఎలాంటి పశువుల కొవ్వు కలవలేదని సీబీఐ నివేదిక ఇచ్చినా ప్రజల్లో అపోహలు కల్పించటానికి, దేవదేవుని భక్తుల మనోభావాలు దెబ్బతీసేందుకు ఫ్లెక్సీలు వేయడాన్ని తీవ్రంగా వ్యతిరేకిస్తున్నామన్నారు. తిరుమల లడ్డూ విషయంలో అసత్య ప్రచారం చేస్తూ శ్రీమహా పాపం నిజం.. అసలు అది నెయ్యే కాదు.. పామాయిల్‌, కెమికల్‌ వాడిన ద్రవం.. జంతువుల కొవ్వుతో తయారు చేయబడిన ఘీ (అంటే నెయ్యి), ఆ నెయ్యితోనే 20 కోట్ల లడ్డూ ప్రసాదాల తయారీశ్రీ... అని ఫ్లెక్సీ ఏర్పాటు చేయడం దుర్మార్గమని మండిపడ్డారు. కూటమి పార్టీల నాయకులు దేవదేవుడి ప్రసాదాన్ని వీధిన పడేయటం ఎంత వరకు సబబని ప్రశ్నించారు. లడ్డూ విషయాన్ని వివాదాస్పదం చేయటానికి ఇంతకు తెగిస్తారా అని మండిపడ్డారు. ఈ నాయకులకు దేవుడన్నా భయం లేదని, ఎందుకంటే వాళ్ల అనుకూల మీడియా ఉంటే చాలన్న బరితెగింపుతో దుర్మార్గాలు చేస్తున్నారని మండిపడ్డారు. కమిషనర్‌ కార్యాలయం ముందు నిరసన వ్యక్తం చేసిన అనంతరం అసిస్టెంట్‌ కమిషనర్‌కు వైఎస్సార్‌ సీపీ లీగల్‌ సెల్‌ అధ్యక్షుడు, వైఎస్సార్‌ సీపీ నాయకులు వినతిపత్రం అందజేశారు. తిరుమల లడ్డూపై విషప్రచారం చేస్తూ ఒంగోలులో కూటమి పార్టీల నాయకులు ఏర్పాటు చేసిన ఫ్లెక్సీ ఆరోపణలు అవాస్తవమని సీబీఐ నివేదిక ఇచ్చినా కూటమి పార్టీల నేతల తీరు మారదు కల్తీ పేరుతో ఫ్లెక్సీలు ప్రదర్శిస్తున్న కూటమి పార్టీల నేతలు దేవుడన్న విచక్షణ కూడా లేకుండా మీడియాను అడ్డంపెట్టుకుని నీచ రాజకీయాలు వైఎస్సార్‌ సీపీ లీగల్‌ సెల్‌ అధ్యక్షుడు నగరికంటి శ్రీనివాసరావు ధ్వజం టీడీపీ కూటమి నాయకులు వేసిన ఫ్లెక్సీలు తీసేయాలంటూ ఒంగోలు నగర కమిషనర్‌కు వినతిపత్రం

● గుప్తనిధుల కోసమేనని అనుమానాలు కంభం: స్థానిక కంభం చెరువుకు వెళ్లే దారిలో ఓ పంట పొలంలో ఉన్న పురాతన నంది విగ్రహాన్ని గుర్తుతెలియని వ్యక్తులు తొలగించి తవ్వకాలు జరిపిన సంఘటన శనివారం ఆలస్యంగా వెలుగుచూసింది. నంది విగ్రహం కింద గుప్తనిధులు ఉన్నాయనే ఉద్దేశంతో తవ్వకాలు జరిపి ఉంటారని స్థానికులు అనుమానిస్తున్నారు. కాగా, ఈ సంఘటనపై పోలీసులకు ఎటువంటి ఫిర్యాదు అందలేదని తెలిసింది. ఒంగోలు టౌన్‌: ఎర్నాకులం ఎక్స్‌ప్రెస్‌లో మరోసారి భారీగా గంజాయి లభ్యమైంది. జిల్లా పోలీసు కార్యాలయంలో శనివారం ఎస్పీ హర్షవర్థన్‌రాజు తెలిపిన వివరాల మేరకు.. గంజాయి కట్టడిలో భాగంగా శనివారం ఒంగోలు నుంచి కావలి వరకు ఎర్నాకులం ఎక్స్‌ప్రెస్‌లో స్పెషల్‌ పార్టీ పోలీసులు ప్రత్యేక తనిఖీలు నిర్వహించారు. ఈ తనిఖీల్లో ఒడిశా రాష్ట్రంలోని రాయగడ జిల్లా అంబాదర్‌ గ్రామానికి చెందిన పృథ్వీరాజ్‌బాగ్‌, తమిళనాడులోని రాణిపేట జిల్లా వన్నియ మొట్టూరు గ్రామానికి చెందిన వి.జగదీష్‌ను అదుపులోకి తీసుకున్నారు. వారి వద్ద నుంచి 15 కిలోల గంజాయిని స్వాధీనం చేసుకున్నారు. తదుపరి విచారణ నిమిత్తం నిందితులను జీఆర్‌పీ పోలీసులకు అప్పగించారు. మహిళా పోలీసు స్టేషన్‌ సీఐ సుధాకర్‌ ఆధ్వర్యంలో నిర్వహించిన తనిఖీల్లో ఎస్సైలు సుదర్శన్‌, శ్రీరాం, చెంచయ్య, ఏఎస్సై షేక్‌ మహబూబ్‌ బాషా, ఈగిల్‌ టీం సిబ్బంది, స్పెషల్‌ పార్టీ సిబ్బంది పాల్గొన్నారు. పుల్లలచెరువు: బైకు అదుపుతప్పి వ్యక్తి మృతిచెందిన సంఘటన శుక్రవారం రాత్రి స్థానిక హైదరాబాద్‌ రహదారిపై జరిగింది. పుల్లలచెరువు మండలంలోని మల్లాపాలెం గ్రామానికి చెందిన నాగుల అమరలింగయ్య (39) అనే రైతు పనిపై పల్నాడు జిల్లా దావపల్లి వెళ్లి తిరిగి మల్లాపాలెం వస్తున్నాడు. అతివేగం కారణంగా కల్వర్టును ఢీకొని సుమారు 20 అడుగుల దూరం ఎగిరిపడి అక్కడికక్కడే మృతి చెందాడు. ఇంటికి రాకపోవడంతో అతని సోదరుడు గాలించగా, బైకును గుర్తించి చుట్టుపక్కల చూడగా, లింగయ్య మృతదేహం కనిపించింది. కుటుంబ సభ్యుల ఫిర్యాదు మేరకు కేసు నమోదు చేసి విచారిస్తున్నట్లు ఎస్‌ఐ సంపత్‌కుమార్‌ తెలిపారు.

ఒంగోలు సబర్బన్‌: రాష్ట్ర శాసనసభ అంచనాల కమిటీ ఈనెల 4వ తేదీన జిల్లాలో పర్యటించనున్నట్లు కలెక్టర్‌ పి.రాజాబాబు తెలిపారు. ఈ మేరకు ఆయన శనివారం విడుదల చేసిన ప్రకటనలో ఆ రోజు ఉదయం 8 గంటలకు నెల్లూరు నుంచి బయలుదేరిన కమిటీ 11 గంటలకు ఒంగోలు చేరుకుంటారన్నారు. కలెక్టరేట్‌లో అధికారులతో సమీక్ష నిర్వహిస్తారన్నారు. 2019–20, 20202–21, 2021–22 ఆర్ధిక సంవత్సరాలకు సంబంధించిన బడ్జెట్‌ అంచనాలపై సమీక్షిస్తారన్నారు. అద్దంకి: మాస్టర్‌ ఆఫ్‌ ఫ్రేం అకాడమీ ఆధ్వర్యంలో ఐ మార్కు జగన్‌ సారథ్యంలో మోతుగూడెంలో ఈ నెల 28 నుంచి మూడు రోజుల పాటు నిర్వహించిన జాతీయ స్థాయి ఫొటోగ్రఫీ కాంపిటీషన్‌లో మండలంలోని కలవకూరు గ్రామానికి చెందిన యోగికి బెస్ట్‌ ఇమేజ్‌ అవార్డు లభించింది. మూడు రోజుల పాటు అల్లూరు సీతారామరాజు జిల్లా మోతుగూడెంలో ఫ్యాకల్టీగా బీకే అగర్వార్‌ వర్క్‌ షాపు నిర్వహించారు. ఈ పోటీల్లో యోగీ తీసిన భద్రకాళి బ్లాక్‌ అండ్‌ వైట్‌ ఫొటోకు బెస్ట్‌ ఇమేజ్‌ అవార్డు లభించింది. యోగికి ప్రముఖ ఫొటోగ్రాఫర్‌ ఎస్‌కే ఏ షరీఫ్‌ మెమోరియల్‌ అవార్డును అందజేశారు.

చంద్రబాబు ప్రభుత్వం ఒంగోలు ట్రిపుల్‌ ఐటీకి మంగళం పాడేస్తోందని ఏడాది కిందటే ‘సాక్షి’ దినపత్రిక వరుస కథనాలను ప్రచురించింది. కాదు..లేదంటూ మంత్రులు, అధికార పార్టీ ప్రజాప్రతినిధులు ఆనాడు బుకాయించారు. ట్రిపుల్‌ ఐటీని ఒంగోలులోనే కొనసాగించనున్నట్లు ప్రకటనలు గుప్పించారు. ఇప్పుడు తేలుకుట్టిన దొంగల్లా మిన్నకుండిపోయారు. ఒంగోలు త్రిపుల్‌ ఐటీ కాలేజీని కనిగిరికి తరలించుకొని పోతుంటే చోద్యం చూస్తున్నారని విద్యార్థుల తల్లిదండ్రులు విమర్శిస్తున్నారు. తెరవెనక మాత్రం క్యాంపస్‌ ఎత్తివేయడానికి చేయాల్సినదంతా చేశారని విద్యార్థులు ఆరోపిస్తున్నారు.

తండ్రి హెడ్‌ కానిస్టేబుల్‌.. ఒంగోలు టౌన్‌: ప్రతిష్టాత్మక గ్రూప్‌–1 పరీక్షల్లో ఒంగోలు యువతి సత్తా చాటింది. తండ్రి హెడ్‌ కానిస్టేబుల్‌గా విధులు నిర్వహిస్తుంటే కుమార్తె డీఎస్పీగా ఎంపికై ఔరా..అనిపించింది. ఒంగోలు ఏఆర్‌లో కానిస్టేబుల్‌గా విధులు నిర్వహిస్తున్న చెరుకూరి హుసేన్‌, నూర్జహాన్‌ దంపతులకు ఇద్దరు పిల్లలు. అబ్బాయి రిజ్వాన్‌ బీ టెక్‌ చదువుతున్నాడు. కుమార్తె రిజ్వానా గ్రూప్‌–1 పరీక్షల్లో అద్భుత ప్రతిభ కనబరిచి డీఎస్పీగా ఎంపికై ంది. రిజ్వానా ఒంగోలులోనే విద్యాభ్యాసం చేసింది. 4వ తరగతి నుంచి 10వ తరగతి వరకు విజ్ఞాన భారతి కాన్సెప్ట్‌ స్కూల్లో చదువుకుంది. ఒంగోలు చైతన్యలో ఇంటర్‌ చదివిన రిజ్వానా హైదరాబాద్‌లోని నోబుల్‌ డిగ్రీ కాలేజీలో హెచ్‌పీజీ డిగ్రీ చదివింది. ప్రస్తుతం విజన్‌ కోచింగ్‌ సెంటర్‌లో సివిల్స్‌కు శిక్షణ తీసుకుంటోంది. రిజ్వానా తొలి నుంచి చదువుతో పాటు అన్నింటా అగ్రస్థానంలో నిలిచింది. పదో తరగతిలో 10కు 10 జీపీఏ సాధించింది. ఇంటర్లోనూ ఏ గ్రేడ్‌ సాధించింది. తొలి ప్రయత్నంలోనే గ్రూప్‌–1లో ఉద్యోగం సాధించి ప్రశంసలు పొందింది. సివిల్స్‌ సాధించడమే తన ఏకై క లక్ష్యమని రిజ్వానా చెబుతోంది. తండ్రి వారసత్వాన్ని కొనసాగిస్తూ డీఎస్పీ ఉద్యోగం సాధించిన రిజ్వానా జిల్లా పోలీసు శాఖ ప్రతిష్టను పెంచిందని ఎస్పీ హర్షవర్థన్‌రాజు అభినందనలు తెలిపారు. ఎంపీడీఓ నుంచి ట్రెజరీ ఆఫీసర్‌గా.. తాళ్లూరు: మండలంలోని తూర్పుగంగవరం గ్రామానికి చెందిన వల్లపనేని జ్యోతి రాష్ట్ర ప్రభుత్వం శుక్రవారం రాత్రి విడుదల చేసిన గ్రూప్‌–1 ఫలితాల్లో అసిస్టెంట్‌ ట్రెజరీ ఆఫీసర్‌గా సత్తా చాటారు. ప్రస్తుతం ఆమె మద్దిపాడు ఎంపీడీవోగా విధులు నిర్వహిస్తున్నారు. జ్యోతి మండలంలోని నాగంబొట్లపాలెం సొసైటీ అధ్యక్షుడు వల్లపనేని సుబ్బయ్య కుమార్తె. గ్రామ ప్రజలు, మండల వాసులు ఆమెను అభినందించారు.

ఒంగోలు సిటీ: పరిపాలన చేతకాక ముఖ్యమంత్రి చంద్రబాబు కల్తీ లడ్డూ పేరుతో మహాపాపాలకు ఒడిగడుతున్నాడని వైఎస్సార్‌ సీపీ రాష్ట్ర అధికార ప్రతినిధి, యర్రగొండపాలెం ఎమ్మెల్యే తాటిపర్తి చంద్రశేఖర్‌ ఆరోపించారు. ఒంగోలులోని శ్రీగిరి వెంకటేశ్వరస్వామి గుడిలో శనివారం ప్రత్యేక పూజల్లో యర్రగొండపాలెం ఎమ్మెల్యే తాటిపర్తి చంద్రశేఖర్‌, ఒంగోలు నియోజకవర్గ పార్టీ ఇన్‌చార్జ్‌ చుండూరి రవిబాబు పాల్గొన్నారు. తిరుమల లడ్డూపై చంద్రబాబు ప్రభుత్వం అపచారానికి పరిహారంగా వారు కొబ్బరికాయలు కొట్టారు. అనంతరం వారు మీడియాతో మాట్లాడారు. పథకాలిస్తామని చెప్పి ప్రజలను మోసం చేసిన చంద్రబాబు చివరకు దేవుడ్ని కూడా మోసం చేస్తున్నారని ఎమ్మెల్యే తాటిపర్తి చంద్రశేఖర్‌ ధ్వజమెత్తారు. చంద్రబాబుకు దేవుడి మీద ఎలాంటి భక్తి లేదని, అందుకే పవిత్రమైన తిరుపతి లడ్డూ మీద కోట్లాది మంది హిందువుల మనోభావాలు దెబ్బతినేలా తప్పుడు ప్రచారానికి పాల్పడుతున్నారని ధ్వజమెత్తారు. తిరుపతి లడ్డూలో పందికొవ్వు కలపలేదని సీబీఐ రిపోర్టులో స్పష్టంగా పేర్కొన్నప్పటికీ కూటమి నాయకులు సిగ్గు ఎగ్గూ లేకుండా కులమతాలను రెచ్చగొట్టేందుకు ప్రయత్నిస్తున్నారని మండిపడ్డారు. తిరుపతి లడ్డూ విషయంలో సీబీఐ, ఎన్‌డీపీఎల్‌ ఇచ్చిన రిపోర్టులన్నిటినీ సాక్షి పత్రిక ఆధారాలతో సహా ప్రచురించిందని తెలిపారు. ఏ ఆధారాలతో చంద్రబాబు తప్పుడు ఆరోపణలు చేస్తున్నారో రాష్ట్ర ప్రజలంతా నిలదీయాలని పిలుపునిచ్చారు. హిందూ ధర్మంపై ప్రేమ ఉన్న ప్రతి ఒక్కరూ చంద్రబాబు ఆరోపణల్లో వాస్తవాన్ని ప్రశ్నించాలని కోరారు. టీడీపీ ప్రభుత్వంలో తీసిన శాంపిల్స్‌ని తీసుకొని పరీక్షలకు పంపించడం వెనక అసలు ఉద్దేశం ఏమిటో చెప్పాలని డిమాండ్‌ చేశారు. బోలేబాబాకు అనుమతిచ్చింది నాటి చంద్రబాబు ప్రభుత్వమేనన్నది వాస్తవం కాదా అని నిలదీశారు. మీ హయాంలో పంపించిన నెయ్యి కల్తీ జరిగితే అది మీ పాపమే కదా అని ప్రశ్నించారు. వైఎస్సార్‌ ప్రభుత్వ పాలనలో తిరుపతిలో కొనుగోలు కమిటీలో ఉన్నవారికి పదవులిచ్చి పక్కన కూర్చోబెట్టుకుంటున్న చంద్రబాబు వారి మీద ఈగవాలకుండా చూసుకుంటున్నారని, వైఎస్సార్‌ సీపీ నాయకుల మీద మాత్రం కేసులు బనాయిస్తున్నారని విమర్శించారు. రాష్ట్రంలో టీడీపీ నాయకులు ఏర్పాటు చేసిన ఫ్లెక్సీలను తొలగించకపోతే వైఎస్సార్‌ సీపీ నాయకులు, కార్యకర్తలే స్వయంగా తీసేస్తారని స్పష్టం చేశారు. చంద్రబాబు అబద్ధాలకు దేవదేవుడు మంచి బుద్ధి ప్రసాదించాలి.. ఒంగోలు నియోజకవర్గ పార్టీ ఇన్‌చార్జ్‌ చుండూరి రవిబాబు మాట్లాడుతూ రాష్ట్ర వ్యాప్తంగా కూటమి అబద్ధాలను ఎండగడుతూ దేవదేవుడు వారికి మంచి బుద్ధిని ప్రసాదించాలని కోరారు. పచ్చ పత్రికల్లో రోజూ అబద్ధాల ప్రచారం రాస్తూ జగన్‌మోహన్‌రెడ్డిపై బురద జల్లుతున్నారని మండిపడ్డారు. ల్యాండ్‌ టైట్లింగ్‌ యాక్టుకు కేంద్ర ప్రభుత్వం మాజీ సీఎం వైఎస్‌ జగన్‌మోహన్‌రెడ్డిని ప్రశంసించడం ఓర్వలేక డైవర్షన్‌ కోసం ఇలాంటి కట్టుకథలు అల్లుతున్నారని ధ్వజమెత్తారు. చంద్రబాబు అండ్‌కో సహకారంతోనే పట్టణ నడిబొడ్డులో ఫ్లెక్సీలు కట్టిస్తున్నారని విమర్శించారు. పోలీసులకు తెలియజేశామని, వారు తొలగించేందుకు చర్యలు తీసుకోవాలని, లేని పక్షంలో జరిగే పరిణామాలకు కార్పొరేషన్‌ కమిషనర్‌, పోలీసు అధికారులదే బాధ్యతన్నారు. కార్యక్రమంలో పార్టీ రాష్ట్ర కార్యదర్శులు కేవీ రమణారెడ్డి, వై.వెంకటేశ్వరరావు, పార్టీ రాష్ట్ర కార్యదర్శి కె.ప్రసాద్‌, రాష్ట్ర సంయుక్త కార్యదర్శి పాలడుగు రాజీవ్‌, మహిళా విభాగం రాష్ట్ర కార్యదర్శి భూమిరెడ్డి రమణమ్మ, లీగల్‌ సెల్‌ జిల్లా అధ్యక్షులు నగరికంటి శ్రీనివాసరావు, గౌడ విభాగం జిల్లా అధ్యక్షుడు తాతా నరసింహా గౌడ్‌, విద్యార్థి విభాగం జిల్లా అధ్యక్షుడు పల్నాటి రవీంద్రారెడ్డి, కార్పొరేటర్లు వెన్నపూస కుమారి, వైఎస్సార్‌సీపీ నాయకులు వెంకటేశ్వరరెడ్డి, వైఎస్సార్‌సీపీ నాయకులు గౌతమ్‌ అశోక్‌, వైఎస్సార్‌సీపీ నాయకులు పల్నాటి వెంకటేశ్వరరెడ్డి, చందోలు చెంచిరెడ్డి, పిల్లి రాధాకృష్ణారెడ్డి, ఎదురు మాల్యాద్రిరెడ్డి, పాలడుగు శ్రీనివాసరావు, గోపిరెడ్డి అశోక్‌రెడ్డి, పిగిలి శ్రీనివాసరావు, తదితరులు పాల్గొన్నారు.

ఒంగోలు టౌన్‌: భద్రంగా వాహనాలు నడపడం ద్వారా క్షేమంగా ఇంటికి చేరాలని ఎస్పీ హర్షవర్థన్‌రాజు సూచించారు. 37వ జాతీయ రహదారి భద్రతా మాసోత్సవాల ముగింపు సందర్భంగా శనివారం స్థానిక జిల్లా పోలీసు కార్యాలయం వద్ద నుంచి నిర్వహించిన ర్యాలీని ఆయన ప్రారంభించారు. ఈ సందర్భంగా ఎస్పీ మాట్లాడుతూ బిడ్డలపై ప్రేమతో తల్లిదండ్రులు వాహనాలు కొనిస్తున్నారని, ఉత్సాహంతో రోడ్డు మీదకు వచ్చిన యువకులు వేగంగా వాహనాలు నడిపి ప్రాణాల మీదకు తెచ్చుకుంటున్నారని చెప్పారు. కన్నబిడ్డలు రోడ్డు ప్రమాదంలో చనిపోతే కుటుంబ సభ్యులు పడే వేదన అంతాఇంతా కాదన్నారు. వాహనాలు నడుపుతున్న సమయంలో హెల్మెట్‌ పెట్టుకుంటే ప్రాణాలు కాపాడుకోవచ్చని చెప్పారు. వాహనాలను వేగంగా నడుపుతున్న సమయంలో ఇంటి వద్ద తల్లిదండ్రులు ఎదురుచూస్తున్నారన్న సంగతి మర్చిపోకూడదని హితవు పలికారు. ప్రతిరోజూ రోడ్డు ప్రమాదాలలో చాలా మంది ప్రాణాలు కోల్పోతున్నారని, పెద్దలు, పిల్లలు మరణించడం బాధాకరమని ఆవేదన వ్యక్తం చేశారు. ప్రతిఒక్కరు ట్రాఫిక్‌ నిబంధనలపై అవగాహన పెంపొందించుకోవాలని, వాటిని పాటించడం వలన రోడ్డు ప్రమాదాలకు చెక్‌ పెట్టవచ్చని చెప్పారు. కార్యక్రమంలో డీఎస్పీ రాయపాటి శ్రీనివాసరావు, ట్రాఫిక్‌ సీఐ జగదీష్‌, వన్‌టౌన్‌ సీఐ నాగరాజు, టూటౌన్‌ సీఐ మేడా శ్రీనివాసరావు, తాలూకా సీఐ విజయకృష్ణ, రూరల్‌ సీఐ శ్రీకాంత్‌ బాబు, ఆర్‌ఐ రమణారెడ్డి, ఎస్సైలు పాల్గొన్నారు. ఎస్పీ కార్యాలయం నుంచి అద్దంకి బస్టాండు సెంటర్‌ వరకు ర్యాలీ నిర్వహించారు. ర్యాలీలో పాల్గొన్న వారిచే ప్రతిజ్ఞ చేయించారు. ఎస్పీ హర్షవర్థన్‌రాజు

దర్శి: దర్శి మున్సిపల్‌ కమిషనర్‌ మహేశ్వరరావుకు ఆదాయానికి మించి ఆస్తులు ఉన్నాయని, ఆయన ఇంట్లో ఏసీబీ అధికారులు సోదాలు నిర్వహించారు. దర్శి పట్టణంలోని కురిచేడు రోడ్డులో ఆయన నివాసం ఉంటున్న ఇంట్లో శనివారం తెల్లవారుజామున మూడు గంటల నుంచి ఆయన్ను అదుపులోకి తీసుకుని ప్రశ్నించారు. పలు కీలక డాక్యుమెంట్లు పరిశీలించారు. డాక్యుమెంట్లతో పాటు బంగారం స్వాధీనం చేసుకున్నారు. మధ్యాహ్నం ఆయన ఇంటి నుంచి మున్సిపల్‌ కార్యాలయానికి తీసుకెళ్లారు. అక్కడ సాయంత్రం వరకు పలు డాక్యుమెంట్లు పరిశీలించారు. ఆ తరువాత ఆయన్ను కారులో ఎక్కించుకుని తీసుకెళ్లారు. ఈ సందర్భంగా ఏసీబీ డీఎస్పీ రామకృష్ణుడు మాట్లాడుతూ 1990లో రెవెన్యూ అధికారిగా ఉన్న ఆయన నెల్లూరు, సత్తెనపల్లి, నరసరావుపేట, చిలకలూరిపేట, వినుకొండలలో పని చేశారన్నారు. దర్శిలో మూడేళ్లకుపైగా కమిషనర్‌గా విధులు నిర్వర్తిస్తున్నారని చెప్పారు. విధి నిర్వహణలో అక్రమాలకు పాల్పడ్డారన్న అవినీతి ఆరోపణలు, ఫిర్యాదుల మేరకు తాము తనిఖీలు చేశామన్నారు. ఈ తనిఖీల్లో కీలక పత్రాలు, డాక్యుమెంట్లు స్వాధీనం చేసుకున్నామని చెప్పారు. ఆయనకు ఆదాయానికి మించి ఆస్తులు ఉన్నట్లు గుర్తించామన్నారు. దర్శి, ఒంగోలు, సత్తెనపల్లి, నరసరావుపేట, వినుకొండలలో కూడా సోదాలు చేస్తున్నామని చెప్పారు. అన్నీ ప్రాంతాల్లో ఏకకాలంలో నిర్వహించిన దాడుల్లో భారీ మొత్తంలో ఆస్తులు గుర్తించినట్లు వెల్లడించారు. ఇంకా సోదాలు పూర్తి కాలేదని, అన్నీ పరిశీలించిన తరువాత ఎంత ఆస్తులు గుర్తించామో వివరాలు వెల్లడిస్తామని చెప్పారు. ఎవరైనా అధికారులు పనులు చేయాలంటే లంచాలు అడిగినా, అవినీతి ఆరోపణలు ఎదుర్కొంటున్నా, ఆదాయానికి మించి ఆస్తులు కూడపెట్టినట్లు సమాచారం ఉన్నా 1064 నంబర్‌కు ఫోన్‌ చేయాలని సూచించారు. సోదాల్లో సీఐ పీ శ్రీనివాసరావు, ఎస్‌ఐ షరీఫ్‌ తదితరులు పాల్గొన్నారు.

101 టెంకాయలు కొడుతున్న ఎమ్మెల్యే బూచేపల్లి శివప్రసాద్‌రెడ్డిదర్శి: చెప్పిన అబద్ధాలే మళ్లీ మళ్లీ చెప్పి వాటిని నిజాలు చేయాలనే విషప్రచారాలు మానుకోవాలని సీఎం చంద్రబాబు, డిప్యూటీ సీఎం పవన్‌ కళ్యాణ్‌కు దర్శి ఎమ్మెల్యే, వైఎస్సార్‌ సీపీ జిల్లా అధ్యక్షుడు డాక్టర్‌ బూచేపల్లి శివప్రసాద్‌రెడ్డి హితవు పలికారు. పొదిలి రోడ్డులోని వెంకటేశ్వరస్వామి ఆలయంలో పాపపరిహార పూజలు శనివారం నిర్వహించారు. ఈ సందర్భంగా నియోజకవర్గ వైఎస్సార్‌ సీపీ నాయకులు భారీగా తరలి వచ్చారు. శివప్రసాద్‌రెడ్డి, వెంకాయమ్మలు ఆలయంలో పూజలు నిర్వహించి చంద్రబాబుకు మంచి బుద్ధి ప్రసాదించాలని వేడుకున్నారు. అనంతరం 101 కొబ్బరికాయలు కొట్టారు. బూచేపల్లికి పూర్ణకుంభంతో అర్చకులు ఘన స్వాగతం పలికారు. అనంతరం ఆలయం బయట వైఎస్సార్‌ సీపీ నాయకులు ప్లకార్డులు ప్రదర్శించారు. ఈ సందర్భంగా బూచేపల్లి శివప్రసాద్‌రెడ్డి మాట్లాడుతూ హిందువులు దైవంగా పూజించే తిరుమల తిరుపతి వెంకటేశ్వర స్వామి వారి పవిత్రమైన లడ్డులో పంది కొవ్వు, చేపకొవ్వు, జంతువుల కొవ్వు కలసిందని ముఖ్యమంత్రి స్థాయిలో ఉన్న చంద్రబాబు అసత్య విషప్రచారం చేసి అభాసుపాలయ్యారన్నారు. రాజకీయ లబ్ధి కోసం తిరుపతి లడ్డును కూడా వదల లేదని మండిపడ్డారు. సనాతన ధర్మం అని చెప్పుకుంటూ మడి కట్టి, రకరకాల వేషాలు వేసే పవన్‌ కళ్యాణ్‌ సీబీఐ, ఎన్‌డీఆర్‌ఐ స్టేట్‌మెంట్‌ వచ్చిన తరువాత అడ్రస్‌ లేకుండా పారి పోయారన్నారు. వీళ్లు స్వార్థం కోసం సోషల్‌ మీడియాల ద్వారా, ఫ్లెక్సీలు వేసి విషప్రచారం చేస్తున్నారని మండిపడ్డారు. ఇప్పటికై నా తప్పుడు ప్రకటనలు మానుకుని, చేసిన తప్పులకు క్షమాపణ చెప్పాలని డిమాండ్‌ చేశారు. చంద్రబాబు గతంలో అధికారంలోకి వచ్చి విజయవాడలో గుడులన్నీ కూల్చి వేసిన సంగతి గుర్తు చేశారు. ఆయన గుళ్లు కూల్చి వేస్తే మాజీ సీఎం వైఎస్‌ జగన్‌మోహన్‌రెడ్డి అధికారంలోకి వచ్చి కూల్చిన గుడుల స్థానంలో కొత్త గుడులు నిర్మాణాలు చేశారని గుర్తు చేశారు. అన్నవరం ప్రసాదంలో ఎలుకలు తిరుగుతుంటే ఆ విషయంపై బాబు ఎందుకు స్పందించలేదని ప్రశ్నించారు. విజయవాడ కనకదుర్గమ్మ ఆలయంలో విద్యుత్‌ లేకుండా చేస్తే ఎందుకు స్పందించలేదని మండిపడ్డారు. ఇప్పటికై నా డైవర్షన్‌ పాలిటిక్స్‌ మానుకుని నిజాయతీగా పాలన చేయాలని హితవు పలికారు. కార్యక్రమంలో మండల పార్టీ కన్వీనర్లు వెన్నపూస వెంకటరెడ్డి, యన్నా బత్తిన సుబ్బయ్య, కాకర్ల కృష్ణారెడ్డి, చింతా శ్రీనివాసరెడ్డి, మున్సిపల్‌ వింగ్‌ రాష్ట్ర కార్యదర్శి కుమ్మిత అంజిరెడ్డి, రాష్ట్ర కార్యదర్శిలు పోశం మధు, సంకర సునీతా బ్రహ్మానందరెడ్డి, జిల్లా ఎస్సీసెల్‌ అధ్యక్షుడు గాలిమూటి దేవప్రసాద్‌, ట్రేడ్‌ యూనియన్‌ కార్యదర్శి షేక్‌ సైదా, వాణిజ్య విభాగం జిల్లా అధ్యక్షుడు కొల్లా ఉదయ్‌భాస్కర్‌, పట్టణ అధ్యక్షుడు ముత్తినీడి సాంబయ్య, జిల్లా ఉపాధ్యక్షుడు కేవీ రెడ్డి, జెడ్పీటీసీలు నుసుం వెంకటనాగిరెడ్డి, తాతపూడి రత్నరాజు, వైస్‌ ఎంపీపీ సోము దుర్గారెడ్డి, కొరివి ముసలయ్య, కౌన్సిలర్లు మేడం మోహన్‌రెడ్డి, ఆవుల జ్యోతి శివారెడ్డి, తుళ్ళూరి బాబురావు, జగన్నాథం మోహన్‌బాబు, వార్డు ఇంచార్జ్‌లు చెరుకూరి జగన్‌, అన్నవరపు రవి, మాజీ ఎంపీపీ ఇత్తడి దేవదానం, నాయకులు కోరె సుబ్బారావు, పానుగంటి మోహన్‌రావు, కొరివి కోటయ్య, సుబ్బారెడ్డి, శ్రీనివాసరెడ్డి, అంజిరెడ్డి, కుంటా అచ్చారావు, వైఎస్సార్‌సీపీ నాయకులు, కార్యకర్తలు, అభిమానులు పాల్గొన్నారు.

ఒంగోలు టౌన్‌: చంద్రబాబు ప్రజలకు ఇచ్చిన హామీలు నెరవేర్చకుండా మాటతప్పారని, పరిపాలన చేతకాక రెడ్‌బుక్‌ రాజ్యాంగం పేరుతో పాలన చేస్తున్నారని వైఎస్సార్‌ సీపీ ఒంగోలు పార్లమెంట్‌ నియోజకవర్గ ఇన్‌చార్జి చెవిరెడ్డి భాస్కర్‌ రెడ్డి ఆరోపించారు. అన్యాయంగా ఇరికించిన మద్యం అక్రమ కేసులో బెయిల్‌ మీద వచ్చిన చెవిరెడ్డి భాస్కర్‌ రెడ్డి శుక్రవారం ఒంగోలులోని వైఎస్సార్‌ సీపీ జిల్లా కార్యాలయంలో ఎమ్మెల్యేలు, సమన్వయకర్తలతో కలిసి విలేకరుల సమావేశం నిర్వహించారు. చెవిరెడ్డి మాట్లాడుతూ ప్రజలకు ఇచ్చిన హామీలను నెరవేర్చకపోవడంతో ప్రజల్లో వస్తున్న వ్యతిరేకత నుంచి దృష్టి మరల్చేందుకు డైవర్షన్‌ పాలిటిక్స్‌లో భాగంగా కేసులు పెడుతున్నారని విమర్శించారు. ప్రజలు చంద్రబాబును నమ్మి మోసపోయామని బాధపడుతున్నారని, రాబోవు రోజుల్లో ప్రభుత్వంపై పోరాటాలకు సంసిద్ధంగా ఉన్నారని చెప్పారు. ప్రకాశం జిల్లాలోని ప్రతి పల్లె నుంచి ప్రజలు తిరుగుబాటు చేయడం ఎంతో దూరంలో లేదన్నారు. స్థానిక ఎన్నికల్లో కూటమి ప్రభుత్వానికి గుణపాఠం చెప్పడానికి సిద్ధంగా ఉన్నారని చెప్పారు. ఒంగోలు నుంచే కూటమి పతనానికి నాంది మొదలవుతుందని స్పష్టం చేశారు. జిల్లా నాయకులు, కార్యకర్తలందరూ ఒకతాటి మీద నిలబడి ప్రజల పక్షాన పోరాటం చేస్తామని చెప్పారు. తప్పుడు కేసులకు భయపడం.. చంద్రబాబు ప్రభుత్వం పెడుతున్న తప్పుడు కేసులకు భయపడేది లేదని చెవిరెడ్డి భాస్కర్‌ రెడ్డి స్పష్టం చేశారు. వైఎస్సార్‌ సీపీ పోరాటాలతో పుట్టిన పార్టీ అని, అనేక అవమానాలను తట్టుకొని పుట్టిన పార్టీ అని చెప్పారు. ఎంత మంది ఏకమై వేధించినా లెక్కచేయకుండా గట్టిగా నిలబడి కలబడిన నాయకుడు జగన్‌ పెట్టిన పార్టీ అన్నారు. మా పార్టీ లాక్కున్న పార్టీ కాదని, వెన్నుపోటు పొడిచి తీసుకున్న పార్టీ కాదని, నమ్మకద్రోహంతో పుట్టిన పార్టీ అసలే కాదని చెప్పారు. ఒక తండ్రి ఆశయం కోసం ఒక కొడుకు పెట్టిన పార్టీ వైఎస్సార్‌ సీపీ అని, ఎన్నో కష్టాలు, మరెన్నో ఒడిదుడుకులను తట్టుకొని నిలబడిన పార్టీ అని చెప్పారు. ఇలాంటి పార్టీ నాయకులను తప్పుడు కేసులతో బెదిరించాలంటే ఎవరూ భయపడన్నారు. పార్టీ నాయకులు, కార్యకర్తలను భయాందోళనలకు గురి చేయడానికి కేసులు పెట్టి జైలుకు పంపిస్తున్నారని విమర్శించారు. క్రియాశీలకంగా పనిచేస్తున్న నాయకులు, కార్యకర్తలపై కేసులు పెట్టి, జైలుకు పంపించి పార్టీని నిర్వీర్యం చేసేందుకు దిగజారుడు రాజకీయాలకు పాల్పడుతున్నారని ఆగ్రహం వ్యక్తం చేశారు. చంద్రబాబు వచ్చినప్పుడల్లా కేసులే.. చంద్రబాబు అధికారంలోకి వచ్చినప్పుడల్లా తన మీద కేసులు పెట్టి జైలుకు పంపించడం ఆనవాయితీగా మారిందని చెవిరెడ్డి ధ్వజమెత్తారు. ఇప్పటికే తన మీద 72 కేసులు పెట్టారని, ఈసారి తన కుమారుడి మీద కూడా 10 కేసులు బనాయించారన్నారు. పోరాటాలతో పురుడు పోసుకున్న వైఎస్సార్‌ కాంగ్రెస్‌ పార్టీ నాయకులు, కార్యకర్తలు తప్పుడు కేసులకు భయపడరని, మరింత రెట్టించిన ఉత్సాహంతో పార్టీకి పనిచేస్తారని చెప్పారు. 36 ఏళ్లుగా వైఎస్‌ కుటుంబంతో కలిసి నడుస్తున్నానని, వైఎస్‌ రాజారెడ్డి, ప్రజా నాయకుడు వైఎస్‌ రాజశేఖరరెడ్డి, జననేత జగన్‌ మోహన్‌ రెడ్డిలు తనను ఎంతో ఆదరించారని చెప్పారు. కూటమిలో చాలా మంది అరవ శ్రీధర్‌లు.. కూటమి ప్రభుత్వంలో చాలా మంది ఎమ్మెల్యే అరవ శ్రీధర్‌లు ఉన్నారని చెవిరెడ్డి ఎద్దేవా చేశారు. ఎమ్మెల్యేలు మహిళల వెంటపడుతుంటే, చంద్రబాబు తప్పుడు ఆరోపణలతో కాలం గడుపుతున్నారని విమర్శించారు. అబద్ధాలు చెప్పడంలో ఆస్కార్‌ అవార్డు ఇస్తే చంద్రబాబుకే ఇవ్వాల్సి వస్తుందని, అసత్య ఆరోపణలు చేయడంలో చంద్రబాబు దిట్టని చెప్పారు. కల్తీ లడ్డూ అబద్ధమని సీబీఐ, సిట్‌ చెప్పాయి.. స్వార్థ రాజకీయ ప్రయోజనాల కోసం దేవుడిని కూడా వదిలిపెట్టలేదని చంద్రబాబుపై మండిపడ్డారు. పవిత్రమైన తిరుపతి లడ్డులో కల్తీ జరగలేదని కూటమి ప్రభుత్వం వేసిన సీబీఐ, సిట్‌లు తేల్చి చెప్పాయన్నారు. కూటమి నాయకుల వద్ద ఏదైనా సాక్ష్యాలుంటే సీబీఐకి ఎందుకు ఇవ్వలేదని ప్రశ్నించారు. మంచి రాజధాని ఉండాలని అందరూ కోరుకుంటున్నామని చెప్పారు. ఊహలతో కూడిన రాజధాని కావాలని ఎవరూ అడగడం లేదన్నారు. చంద్రబాబు పాలనలో ఒక్క హామీని కూడా అమలు చేయలేదన్నారు. ఆరోగ్య శ్రీ కింద ఏ హాస్పిటల్లో వైద్యం చేస్తున్నారో చూపెట్టాలని, ఫీజు రీయింబర్స్‌మెంట్‌ ఇచ్చిన కాలేజీ అడ్రస్‌ చెప్పాలని, 50 ఏళ్లు దాటిన బీసీలకు ఎంత మందికి పింఛన్లు ఇస్తున్నారో చూపెట్టాలని ప్రశ్నించారు. చిలకలూరిపేట నుంచి ఒంగోలు వరకు తనకు ఘన స్వాగతం పలికిన పార్టీ నాయకులు, కార్యకర్తలకు ధన్యవాదాలు తెలిపారు. తన వెనక బలమైన జగన్‌ అనే శక్తి ఉందని ధీమా వ్యక్తం చేశారు. సమావేశంలో వైఎస్సార్‌ సీపీ జిల్లా అధ్యక్షుడు, దర్శి ఎమ్మెల్యే బూచేపల్లి శివప్రసాద్‌ రెడ్డి, యర్రగొండపాలెం ఎమ్మెల్యే తాటిపర్తి చంద్రశేఖర్‌, జిల్లా పరిషత్‌ చైర్‌ పర్సన్‌ బూచేపల్లి వెంకాయమ్మ, కొండపి ఇన్‌చార్జ్‌, మాజీ మంత్రి డాక్టర్‌ ఆదిమూలపు సురేష్‌, మార్కాపురం ఇన్‌చార్జి, మాజీ ఎమ్మెల్యే అన్నారాంబాబు, గిద్దలూరు ఇన్‌చార్జ్‌, మాజీ ఎమ్మెల్యే కుందురు నాగార్జున రెడ్డి, ఒంగోలు, కనిగిరి నియోజకవర్గాల ఇన్‌చార్జ్‌లు చుండూరి రవిబాబు, దద్దాల నారాయణ, ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి, పీడీసీసీ బ్యాంక్‌ మాజీ చైర్మన్‌లు వైఎం ప్రసాద్‌ రెడ్డి, మాదాసి వెంకయ్య, పార్టీ నాయకులు కె.రమణారెడ్డి, బొట్ల రామారావు, వై.వెంకటేశ్వరరావు, బొట్ల సుబ్బారావు తదితరులు పాల్గొన్నారు.

ఒంగోలు సిటీ: జాతిపిత మహాత్మా గాంధీ ఆశయాల సాధనకు ప్రతి ఒక్కరూ కృషి చేయాలని వైఎస్సార్‌ సీపీ ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి, ఒంగోలు నియోజకవర్గ పార్టీ ఇన్‌చార్జ్‌ చుండూరి రవిబాబు అన్నారు. ఒంగోలు వైఎస్సార్‌ సీపీ జిల్లా కార్యాలయంలో మహాత్మాగాంధీ 78వ వర్ధంతిని పురస్కరించుకొని శుక్రవారం గాంధీ చిత్రపటానికి పూలమాలలు వేసి ఘన నివాళులర్పించారు. అనంతరం వారు మాట్లాడుతూ అహింసను ఆయుధంగా చేసుకొని దేశానికి స్వాతంత్య్రం తెచ్చిన గొప్ప వ్యక్తి గాంధీజీ అని కొనియాడారు. కార్యక్రమంలో పార్టీ రాష్ట్ర కార్యదర్శులు కె.వి.రమణారెడ్డి, మాజీ ఎమ్మెల్యే కసుకుర్తి ఆదెన్న, వై.వెంకటేశ్వరరావు, పార్టీ రాష్ట్ర కార్యదర్శి బొట్ల రామారావు, వైఎస్సార్‌ సీపీ నాయకులు దామరాజు క్రాంతికుమార్‌, గల్లా దుర్గ, దేవరపల్లి అంజిరెడ్డి, సయ్యద్‌ అప్సర్‌, పల్నాటి వెంకటేశ్వర రెడ్డి, చందోలు చెంచి రెడ్డి, పాలడుగు శ్రీనివాస రావు, వెంకయ్య నాయుడు, షైక్‌ మీరావళి, మధు, యెహన్‌, గుత్తి కొండ నారపు రెడ్డి, పీటర్‌, తోటపల్లి రవి, మారుతీ, అమర్‌, ఖాదర్‌ బాషా, సాయి చందు, నాయకులు పాల్గొన్నారు.

పొదిలి: జిల్లాలోని ప్రభుత్వ వైద్యశాలల్లో వైద్య సేవలు అధ్వానంగా ఉన్న వాటిల్లో పొదిలి ప్రభుత్వ వైద్యశాల ఒకటని కలెక్టర్‌ రాజాబాబు తీవ్ర అసంతృప్తి వ్యక్తం చేశారు. స్థానిక సామాజిక వైద్యశాలను శుక్రవారం ఆయన ఆకస్మికంగా తనిఖీ చేశారు. ఓపీ, ఫార్మాసిస్ట్‌, వైద్య సేవలు పొందే గదులను పరిశీలించారు. రోగులతో మాట్లాడి వైద్య సేవల గురించి ఆరా తీశారు. వైద్యులు సక్రమంగా విధుల్లో ఉండటం లేదని, నర్సింగ్‌ స్టాఫ్‌ రౌండ్స్‌ విధులు సరిగా నిర్వర్తించడం లేదని, బయటికి మందులు రాస్తున్నారని తనకు ఫిర్యాదులు వస్తున్నట్లు కలెక్టర్‌ చెప్పారు. పరిసరాల అపరిశుభ్రతపై కలెక్టర్‌ ఆగ్రహం వ్యక్తం చేశారు. తాను తరచూ వైద్యశాలలను తనిఖీ చేస్తానని వైద్యశాల నిర్వహణ పట్ల, రోగులకు అందించే సేవల్లో, వైద్యులు, సిబ్బంది విధి నిర్వహణలో మార్పు లేకపోతే చర్యలు తప్పవని తుది హెచ్చరికలిచ్చారు. తహసీల్దార్‌, నగర పంచాయతీ కమిషనర్‌ తరచుగా వైద్యశాలను తనిఖీ చేయాలని కలెక్టర్‌ ఆదేశించారు. వైద్యులు, సిబ్బంది ఉదయం, సాయంత్రం థంబ్‌ హాజరు వేయాల్సి ఉంటుందని అన్నారు. సీసీ కెమెరాల ఫీడ్‌ బ్యాక్‌ ఆధారంగా సక్రమంగా విధులు నిర్వహించని వైద్యులపై చర్యలు తీసుకుంటామని కలెక్టర్‌ హెచ్చరించారు. ఆయనతో పాటు తహసీల్దార్‌ కృష్ణారెడ్డి, నగర కమిషనర్‌ మారుతీరావు ఉన్నారు.

ఫ్లోరైడ్‌ మహమ్మారి ప్రజల జీవితాలను చిదిమేస్తోంది. ఫ్లోరిన్‌తో నిండిన నీరు తాగిన వారు ఫ్లోరైడ్‌ బారిన పడి జీవచ్ఛవాల్లా బతుకీడుస్తున్నారు. కొన్ని గ్రామాల్లో ఇంటికొకరు ఫ్లోరైడ్‌ బాధితులున్నారు. అటువంటి గ్రామమే పొదిలి మండలంలోని రాజుపాలెం. దశాబ్దాలుగా ఇక్కడి ప్రజలు పడుతున్న అవస్థలు అన్నీ ఇన్నీ కావు. ఇక్కడి ఫ్లోరైడ్‌ సమస్యకు చెక్‌పెడతానని ఉపముఖ్యమంత్రి పవన్‌ కళ్యాణ్‌ హామీ ఇచ్చి వెళ్లి ఏడు నెలలైనా అమలుకు నోచుకోలేదు. రాజుపాలెం గ్రామంలోని ఫ్లోరైడ్‌ సమస్యపై ‘సాక్షి’ ఫోకస్‌.. పొదిలి: ఉమ్మడి ప్రకాశం జిల్లాలోని 1,009 ఊళ్లలో ఫ్లోరైడ్‌ మహమ్మారితో పోరాడుతున్నారు. ప్రధానంగా కనిగిరి ప్రాంతంలో 339, దర్శి ప్రాంతంలో 120, మార్కాపురం పరిధిలో 113 గ్రామాల్లో ఫ్లోరైడ్‌ సమస్య ఉందని ప్రభుత్వ లెక్కలు చెబుతున్నాయి. ఫ్లోరిన్‌ మూలంగా గారపళ్లు, గొగ్గిరి కొయ్యలు, దంతాలు విరిగిపోవటం, కాళ్లు వంకర్లు, పాదాలు వేళ్లు వంకర్లు తిరగటం, నడుంనొప్పులు, కీళ్ల నొప్పులతో అల్లాడిపోతున్నారు. జలజీవన్‌ మిషన్‌ కింద మంచినీటి పథకాన్ని ప్రారంభించేందుకు గత ఏడాది జూలై నెలలో మార్కాపురానికి ఉపముఖ్యమంత్రి పవన్‌ కళ్యాణ్‌ వచ్చారు. ఈ సందర్భంగా ఫ్లోరైడ్‌ సమస్యకు చెక్‌ పెడతామంటూ హామీ ఇచ్చి వెళ్లారు. అది హామీగానే మిగిలిపోయింది. రాజుపాలెంలో ఇంటికొక్కరు.. పొదిలి శివారులోని రాజుపాలెంలో సుమారు 1000 మంది జనాభా ఉండగా 250 వరకు గృహాలున్నాయి. ఇక్కడ ఇంటికొక్కరు చొప్పున బాధితులు ఉన్నారు. ఏళ్ల తరబడి ఫ్లోరైడ్‌ భూతం సగటున ఇంటికొకరు చొప్పున బాధితులను చేస్తున్నా..ఇప్పటి వరకు శాశ్వత పరిష్కారానికి అధికారులు చర్యలు తీసుకోకపోవటం విమర్శలకు తావిస్తోంది. సర్వే, పరీక్షల పేరుతో గ్రామానికి వచ్చి, వారిలో ఆశలు నింపటం తప్ప, ఫ్లోరైడ్‌ నుంచి వారికి విముక్తి కలిగించే పనులు ఏమీ చేయటం లేదని గ్రామస్తులు ఆగ్రహం వ్యక్తం చేస్తున్నారు. టీటీడీ మాజీ చైర్మన్‌ వైవీ సుబ్బారెడ్డి ఒంగోలు పార్లమెంట్‌ సభ్యుడిగా ఉన్న సమయంలో ఢిల్లీ స్థాయిలో రాజుపాలెం ఫ్లోరైడ్‌ సమస్య పరిష్కారం కోసం గట్టి ప్రయత్నం చేశారు. ఇరవైలో అరవైలా... ఫ్లోరైడ్‌ సంబంధిత రోగాలతో నెమ్ము, లివర్‌, కిడ్నీలు పాడైపోవటం మూలంగా పలువురు తక్కువ వయస్సులోనే మృత్యువాత పడ్డారని గ్రామస్తులు వాపోతున్నారు. కీర్తి వెంకటస్వామి, ఎం.వెంకటరావు, తుల్లూరి తిరుపతమ్మ, చాతరాజుపల్లి చినకాశయ్య కుమారుడు, తాతా కిష్టయ్య కుమారుడు ఇలా మృత్యుపాలైన వారిలో ఉన్నారని స్థానికులు చెప్పారు. సాగర్‌ నీటి కోసమని... గతంలో అప్పటి రాష్ట్ర గవర్నర్‌ కుముద్‌బెన్‌ జోషి గ్రామంలో పర్యటించారు. పరిస్థితి చూసి చలించిపోయారు. వెంటనే ఎన్‌ఏపీ పథకం అమలయ్యేలా ఆగమేఘాలపై ఉత్తర్వులు వచ్చేలా చేశారు. ఓవర్‌ హెడ్‌ ట్యాంకు నిర్మాణం జరిగింది. సాగర్‌ నీరు గ్రామానికి చేరింది. దీంతో సమస్య తీరిందనుకుని గ్రామస్తులు కుదుట పడే లోపే పథకం అటకెక్కింది. సాగర్‌ నీరు ఆగిపోయింది. పరిస్థితి మొదటికొచ్చింది. ఏదో మొక్కుబడిగా సాగర్‌నీరు సరఫరా అవుతోంది. వారానికో, పదిరోజులకొకమారు సాగర్‌నీరు ఇస్తున్నారు. అది కూడా అందరికీ కాకుండా కొందరికే అందుతుండటంతో సమస్య తీరలేదు. అధికారులు శ్రద్ధ తీసుకుని సాగర్‌నీరు క్రమం తప్పకుండా సరఫరా చేయడంతో పాటు, శాశ్వత పరిష్కారం దిశగా చర్యలు తీసుకోవాల్సిన అవసరం ఉందని గ్రామస్తులు విజ్ఞప్తి చేస్తున్నారు. బోరు నీరే దిక్కు సాగర్‌నీరు ఎప్పుడు వస్తాయో కూడా తెలియదు. పిల్లలు పనులకు పోతారు. ఇంట్లో ఆయన లేవలేడు, నేను కూర్చోలేను ఇక రోడ్డుకు వెళ్లి సాగర్‌నీరు తెచ్చేది ఎలా. అందుకే ఇంట్లో బోరు నీరే తాగాల్సి వస్తోంది. వీధుల్లో కొళాయిలు ఏర్పాటు చేసి, సాగర్‌నీరు సక్రమంగా వచ్చేలా చేయాలి. – చల్లా తిరుపతమ్మ పనికి పోయేది లేదు నడుంనొప్పి కూచోనివ్వదు. నిలబడనివ్వదు. ఒకటే నొప్పి తీపుగా వస్తుంటుంది. మంచానికే పరిమితం అయ్యాను. ఏపనీ చేయలేను. మాయదారి నీరు తాగి వళ్లంతా నొప్పులే, కాళ్లు, మోకాళ్లు తీపులు తీస్తుంటాయి. ఏ పనికిపోయేందుకు వీలు లేదు. ఇంట్లోనే ఉంటాను. ఇంట్లో వాళ్లు చేస్తేనే కుటుంబం గడిచేది. – జూపల్లి వెంకటేశ్వర్లు శ్రద్ధతో సమస్య పరిష్కారం చేయాలి ఫ్లోరైడ్‌ భూతం నుంచి రాజుపాలెంను కాపాడేందుకు ప్రజా ప్రతినిధులు, అధికారులు శ్రద్ధతో పనిచేయాలి. సాగర్‌నీరు క్రమం తప్పకుండా సరఫరా జరగాలి. శాశ్వత పరిష్కారం కోసం తగిన చర్యలు తీసుకోవాలి. బాధితులందరికీ వైద్య సేవలు అందేలా అధికారులు చర్యలు తీసుకోవాలి. – ఏడుకొండలు, మాజీ ఎంపీటీసీ ఈమె పేరు భాగ్యలక్ష్మి.. 30 ఏళ్లు వచ్చినా కదలలేదు.. మెదలలేదు..అడగలేదు..అడిగిన దానికి సమాధానం చెప్పలేదు. అంతో ఇంతో పెడితే తినటం, మౌనంగా జోగాడుకుంటూ వచ్చి కూర్చోవటం. బిడ్డ పరిస్థితి చూస్తున్న కన్న వారికి కడుపు తరుక్కు పోతోంది. ఫ్లోరైడ్‌ మహమ్మారితో ఆమె భవిష్యత్‌ అంధకారంగా మారిపోయింది. కన్నవారు మౌనంగా రోదిస్తూ ఆమె బాగోగులు చూస్తున్నారు.

గాంధీనగర్‌(విజయవాడసెంట్రల్‌): ‘సొంత పార్టీ కార్యకర్తనే సర్వనాశనం చేశారు. రాజకీయ నాయకులు, పోలీసులు కుమ్మకై ్క నా ఆస్తులు బలవంతంగా రాయించుకున్నారు. ఎదురు తిరిగితే భార్యను, కుమార్తెల జీవితం నాశనం చేస్తామని బెదింరించారు. అక్రమ కేసులు బనాయించి జైలుకు పంపించారు. వ్యాపారంలో నేను సంపాదించిన ఆస్తులన్నీ సొంత పార్టీ వాళ్లే లాక్కోవడంతో రోడ్డున పడ్డాను’ ఇది ప్రకాశం జిల్లా టంగుటూరు టీడీపీ కార్యకర్త కారుమంచి సురేంద్ర ఆవేదన. శుక్రవారం విజయవాడ ప్రెస్‌క్లబ్‌లో తనకు జరిగిన అన్యాయంపై కారుమంచి సురేంద్ర భార్యతో కలిసి మీడియాతో మాట్లాడారు. శ్ఙ్రీనేను గత 25 ఏళ్లుగా అధికార టీడీపీకి చెందిన కామని విజయ కుమార్‌, కామని బాల మురళీ మోహన కృష్ణ, కామని రాజా రంగ భూపతిలకు చెందిన శ్రీప్రగతి టొబాకో ట్రేడర్స్‌శ్రీ కంపెనీలో క్లర్క్‌గా, ఆ తర్వాత అకౌంటెంట్‌గా పనిచేస్తున్నారు. కేవలం ఉద్యోగం మీద వచ్చే జీతం మీదే ఆధారపడకుండా కుటుంబాన్ని 2014లో ‘నవ్య సప్లయర్స్‌’ పేరుతో టెంట్‌ హౌస్‌, ‘నవ్యాస్‌ డిజే’ శ్రీఎల్‌ఈడీ స్క్రీన్స్‌శ్రీ బిజినెస్‌ స్టార్ట్‌ చేశాను. నా మేనల్లుడు నలతోటి సుధీర్‌ ఈ వ్యాపారాలను చూసుకుంటున్నాడు. 2022లో సింగరాయకొండలో ఒక రెస్టారెంట్‌ ప్రారంభించాను. ఆ తర్వాత రైతుల దగ్గర పొగాకు కొనుగోలు చేసి ఇతర కంపెనీలకు అమ్మడం ప్రారంభించాను. అలా కిలో రూ. 180 చొప్పున 50 టన్నుల పొగాకు కొనుగోలు చేసి కోల్డ్‌ స్టోరేజీలో నిల్వ చేశాను. ఆ సమయంలో నేను పనిచేస్తున్న కంపెనీకి ఎగుమతి ఆర్డర్‌ వచ్చింది. మార్కెట్‌లో పొగాకు కిలో రూ. 260కు చేరింది. దీంతో నేను పనిచేస్తున్న కంపెనీ యజమానుల్లో ఒకరైన బాల మురళీ మోహనకృష్ణ నా వద్ద ఉన్న పొగాకుపై కన్నేశారు. తక్కువ ధరకు తమకు ఇవ్వాలని ఒత్తిడి చేశారు. అందుకు నేను అంగీకరించలేదు. కిలో రూ.260 ఉండగా కేవలం రూ.200ల ధరకు ఇవ్వాలని తీవ్ర ఒత్తిడి చేశాడు. మార్కెట్‌ రేటు ఇస్తే నా పొగాకు ఇచ్చేస్తానని చెప్పాను. తక్కువ కులం వాడివి మా దగ్గర తింటూ మాకే ఎదురు తిరుగుతావా? నీ బతుకు ఎంత? నీవు ఎలా వ్యాపారం చేస్తావో చూస్తాను. అంటూ బెదిరించాడని సురేంద్ర వాపోయాడు. ఆ తర్వాత కిలో రూ. 250లకు కొనుగోలు చేస్తానని, తనను ఒంగోలు రావాలని నమ్మబలికాడు. అందుకు అంగీకరించి గతేడాది ఆగస్టు 28న ఒంగోలు బయలు దేరిన తనను మార్గమధ్యంలో ట్రాఫిక్‌ సీఐ వై. పాండురంగారావుతో పాటు మరికొంత మంది పోలీసులు నన్ను అక్రమంగా ఎత్తుకెళ్లి నిర్బంధించారు. విపరీతంగా కొట్టి బెదిరించారు. హైదరాబాద్‌లో బీటెక్‌ చదువుతున్న నా పెద్ద కూతురుని నాశనం చేస్తామన్నారు. నా భార్యను, నా ఇద్దరు ఆడపిల్లలను నీచంగా దూషించారు. గన్‌తో బెదిరించి ఆస్తి పత్రాలపై, ఖాళీ చెక్కులపై సంతకాలు చేయించుకున్నారు. ఎస్పీ ఏఆర్‌. దామోదర్‌, డీఎస్పీ రాయపాటి సాంబశివరావుల ఆదేశాలతో సీఐలు హజరత్తయ్య, పాండురంగారావు, ఎస్‌ఐలు నాగమల్లేశ్వరరావు, కమలాకరరావు మా ఇంటిపై దాడి చేసి రూ.40 లక్షల నగదు, 400 గ్రాముల బంగారం, ఆస్తి పత్రాలను బలవంతంగా లాక్కుని వెళ్లారు. అక్కడ నుంచి ఎస్పీ కార్యాలయానికి వెళ్లి ఆ సొమ్ము మొత్తాన్ని ఎస్పీ దామోదర్‌, డీఎస్సీ సాంబశివరావులు.. బాల మురళీ మోహన కృష్ణకు అప్పగించారు. నన్ను, నా భార్య కమల, నా మేనల్లుడు సుధీర్‌ ను మరోసారి అక్రమ కస్టడీలోకి తీసుకున్నారని కన్నీటి పర్యంతమయ్యాడు. కంపెనీ యజమానులు కామని విజయ కుమార్‌, బాల మురళీ మోహన కృష్ణ, రాజా రంగ భూపతి ముగ్గురు టంగుటూరు మండల టీడీపీ అధ్యక్షుడు చదలవాడ చంద్రశేఖర్‌, పోలీసుల సహకారంతో నేను కష్టపడి సంపాదించిన ఆస్తినంతా తమ పేర్ల మీద బలవంతంగా రాయించుకుని తనను రోడ్డుపై పడేశారని మొరపెట్టుకున్నాడు. 50 టన్నుల పొగాకు, ఫ్లాట్లు, కార్లు, అన్నీ తమ పేర్లపై మార్చుకుని.. తనపై అక్రమ కేసులు బనాయించి జైలుకు పంపారని, తన కుటుంబాన్ని సర్వ నాశనం చేశారని వాపోయాడు. జైలు నుంచి వచ్చిన తర్వాత తనకు జరిగిన అన్యాయంపై సీఎం చంద్రబాబుకు లేఖరాశానని, కానీ ఎటువంటి స్పందన రాలేదన్నారు. 2024లో పార్టీ కోసం సొంత డబ్బు ఖర్చు పెట్టి పనిచేశా. సొంత పార్టీ నాయకులే నన్ను సర్వనాశనం చేశారు. నాకు జరిగిన అన్యాయంపై చంద్రబాబు, లోకేష్‌, పవన్‌ కళ్యాణ్‌ స్పందించాలి. నన్ను ఇబ్బందులకు గురిచేసిన కంపెనీ యజమానులు, పోలీసులపై చర్యలు తీసుకోవాలని కారుమంచి సురేంద్ర వేడుకున్నాడు.