Nirmal District News

ఉట్నూర్‌రూరల్‌: మండలంలోని మత్తడిగూడ గ్రామంలో మంగళవారం సాయంత్రం ఆరుగురు చిన్నారులు ఆముదపు గింజలు తిని అస్వస్థతకు గురయ్యారు. కుటుంబ సభ్యులు తెలిపిన వివరాల ప్రకారం.. మత్తడిగూడ గ్రామానికి చెందిన ఆత్రం భూమిక, తిరుపతి, మీనాక్షి, సోయం జయ, లక్ష్మి, పెందూర్‌ బందు అనే ఆరుగురు చిన్నారులు ఆడుకుంటూ గ్రామం సమీపంలో ఉన్న ఆముదపు చెట్టు వద్ద గింజలు తిన్నారు. ఇంటికి వచ్చిన తరువాత పిల్లలు వాంతులు కావడం, కడుపునొప్పి ఉందని చెప్పడంతో ఏమైనా తిన్నారా అని కుటుంబ సభ్యులు ఆరా తీశారు. ఆముదం చెట్ల వద్ద గింజలు తిన్నట్లు చిన్నారులు పేర్కొన్నారు. వెంటనే కుటుంబ సభ్యులు ఉట్నూర్‌ ఆసుపత్రికి తరలించి చికిత్స అందించారు. వీరిలో సోయం జయ, ఆత్రం భూమిక ఆరోగ్యం కొంత విషమంగా ఉందని వైద్యులు తెలిపారు. మెరుగైన వైద్యం కోసం వారిని రిమ్స్‌కు తరలించినట్లు కుటుంబ సభ్యులు పేర్కొన్నారు. ఉట్నూరు ఆసుపత్రిలో చిన్నారులను మాజీ ఎంపీపీ జైవంత్‌రావు, లక్కారం వార్డు మెంబర్‌ జయచంద్రలు పరామర్శించారు.

లక్ష్మణచాంద: మండలంలోని వడ్యాల్‌ ప్రభుత్వ ఉన్నత పాఠశాలలో మధ్యాహ్న భోజనం వంట చేసే సమయంలో మంటలు చెలరేగాయి. మంగళవారం మండలంలోని వడ్యాల్‌ ప్రభుత్వ ఉన్నత పాఠశాలలో ఉదయం 11గంటలకు వంట చేసే సమయంలో సిలిండర్‌ పైపు వద్ద అకస్మాత్తుగా మంటలు చెలరేగాయి. అప్రమత్తమైన సిబ్బంది ప్రధానోపాధ్యాయుడు భూషన్‌కు విషయం తెలుపగా వెంటనే ఫైర్‌ ఇంజన్‌కు ఫోన్‌ చేశారు. సకాలంలో చేరుకున్న ఫైర్‌ సిబ్బంది మంటలను ఆర్పివేశారు. మంటల్లో వంట సరుకులు, పుప్పులు కొంత మేర కాలిపోయాయి. ఈ సందర్భంగా అగ్నిమాపక సిబ్బంది శివాజీ మధ్యాహ్న భోజన కార్మికులకు పలు సూచనలు చేశారు. ఇందులో సిబ్బంది రాజలింగు ఉన్నారు. గంజాయి సేవించిన ఇద్దరిపై కేసుఆదిలాబాద్‌టౌన్‌: గంజాయి సేవించిన ఇద్దరు నిందితులపై కేసు నమోదు చేసినట్లు వన్‌టౌన్‌ సీఐ సునీల్‌ కుమార్‌ తెలిపారు. వన్‌టౌన్‌ పోలీస్‌స్టేషన్‌ పరిధిలో మంగళవారం గంజాయి సేవిస్తున్నట్లు సమాచారం రావడంతో దాడిచేసి పట్టుకున్నట్లు పేర్కొన్నారు. నిందితుల నుంచి 2 గ్రాముల గంజాయి స్వాధీనం చేసుకున్నట్లు వివరించారు. నేటితో ముగియనున్న స్పెషల్‌ ఎక్స్‌ప్రెస్‌ రైలు గడువుకాగజ్‌నగర్‌టౌన్‌: బతుకమ్మ, దసరా పండుగలు పురస్కరించుకొని గత నెల 9న ప్రారంభించిన 07711/12 బతుకమ్మ ఎక్స్‌ప్రెస్‌ రైలు గడువు బుధవారం ముగియనుంది. ఈ రైలుకు ప్రత్యేక ఆదరణ లభించడంతో రైలును పొడిగిస్తారా..? లేదా..? అన్న సందేహం ప్రయాణికుల్లో నెలకొంది. మొదట్లో బతుకమ్మ, దసరా వరకు నడిపిస్తామని దక్షిణ మధ్య రైల్వే ప్రకటించినప్పటికీ దీపావళి వరకు పొడిగించింది. రద్దీతో కిటకిటలాడిన బోగీలు ఈ ప్రత్యేక రైలులో ప్రతీరోజు బోగీలు ప్రయాణికులతో కిటకిటలాడాయి. కాగజ్‌నగర్‌, ఆసిఫాబాద్‌, బెల్లంపల్లి, మంచిర్యాల, రామగుండం, పెద్దపల్లి మీదుగా వెళ్లే ఈ రైలులో ఉద్యోగులు, విద్యార్థులు, వ్యాపారులు, కూలీలు పెద్ద సంఖ్యలో ప్రయాణించారు. బస్సుల్లో అధిక చార్జీలు వసూలు చేస్తున్న సమయంలో ఈ రైలు పేద, మధ్య తరగతి ప్రయాణికులకు పెద్ద ఊరటనిచ్చింది. వివిధ రాజకీయ పార్టీల నాయకులు మాత్రం ఈ రైలును శాశ్వతంగా నడిపించేలా చర్యలు తీసుకోవాలని డిమాండ్‌ చేస్తున్నారు. వచ్చే నెలలో భారత ప్రధాని నరేంద్రమోడీ పర్యటన సందర్భంగా ఈ రైలును క్రమబద్ధీకరించి ప్రారంభిస్తారా..? లేదా..? అని ప్రయాణికులు వేచిచూస్తున్నారు.

వరంగల్‌స్పోర్ట్స్‌: హనుమకొండ జిల్లా ఎస్‌జీఎఫ్‌ ఆధ్వర్యంలో మంగళవారం నగరంలోని జేఎస్‌ఎస్‌లో 70వ తెలంగాణ రాష్ట్ర స్థాయి ఎస్‌జీఎఫ్‌ అథ్లెటిక్స్‌ మీట్‌ ఉత్సాహంగా ప్రారంభమైంది. ఈ సందర్భంగా బాలుర అండర్‌–14 విభాగంలో నిర్వహించిన 100 మీటర్ల పరుగుపందెం విజేతలకు డీఈఓ మెడల్స్‌, బహుమతులు అందజేశారు. పోటీల్లో వరంగల్‌కు చెందిన వర్సా ప్రదీప్‌ 11.50 సెకన్లలో లక్ష్యం చేరుకుని ప్రథమ స్థానంలో నిలిచి స్వర్ణ పతకం సాధించాడు. హైదరాబాద్‌కు చెందిన ఓం రాజేంద్ర కుంభార్‌ 11.90 సెకన్లతో ద్వితీయ స్థానం, ఆదిలాబాద్‌కు చెందిన షేక్‌ రెహాన్‌ 12.20 సెకన్లతో తృతీయ స్థానం సాధించారు. డీఈఓ గిరిరాజ్‌గౌడ్‌ మాట్లాడుతూ క్రీడలతో శారీరక, మానసిక ఉల్లాసం కలుగుతుందన్నారు. కార్యక్రమంలో తెలంగాణ అథ్లెటిక్స్‌ అసోసియేషన్‌ ప్రధాన కార్యదర్శి కె. సారంగపాణి, అసోసియేషన్‌ అబ్జర్వర్‌ డాక్టర్‌ సొలపోగుల స్వాములు, పీఈటీ సంఘం జిల్లా అధ్యక్షుడు ఎ.ప్రభాకర్‌రెడ్డి, ఫిజికల్‌ డైరెక్టర్లు, పీఈటీలు తదితరులు పాల్గొన్నారు.

నిర్మల్‌టౌన్‌: అఖిలభారత అయ్యప్ప సేవా ట్రస్ట్‌ ఆధ్వర్యంలో, నిర్మల్‌ అయ్యప్ప సేవా సమితి అనుబంధ సంస్థ ద్వారా శబరిమలలోని నిలక్కల్‌ ప్రాంతంలో అయ్యప్ప స్వాములు, భక్తుల కోసం నిత్యాన్నదాన కార్యక్రమాన్ని నిర్వహించనున్నట్లు ట్రస్ట్‌ సభ్యులు తెలిపారు. మంగళవారం నిర్మల్‌ ప్రెస్‌క్లబ్‌లో వారు మాట్లాడారు. నవంబర్‌ 16 నుంచి జనవరి 20 వరకు ఈ అన్నదాన కార్యక్రమం కొనసాగుతుందని వెల్లడించారు. శబరిమల యాత్రకు వచ్చే అయ్యప్ప స్వాములు, భక్తులకు ఇబ్బందులు కలగకుండా నిత్యం అన్నదానం నిర్వహించనున్నట్లు పేర్కొన్నారు. భక్తులు ఈ అన్నదాన సేవలను సద్వినియోగం చేసుకోవాలని కోరారు. ఈ నెల 13న పట్టణంలోని గాంధీ చౌక్‌ నుంచి నిత్యావసర సరుకులతో కూడిన డీసీఎం వాహనం శబరిమలకు బయలుదేరనున్నట్లు తెలిపారు. అయ్యప్ప స్వా ముల అన్నదాన సేవకు సహకరించాలనుకునే దాతలు తమకు తోచిన విధంగా బియ్యం, పప్పులు, నూనె తదితర నిత్యావసర సరుకులను అందజేయాలని విజ్ఞప్తి చేశారు. గురుస్వాములు చేనిగారపు చిన్నయ్య, బద్రి శ్రీనివాస్‌, ట్రస్టు సభ్యులు కనపర్తి విఘ్నేష్‌, జాప ప్రకాశ్‌, సాదం ఆనంద్‌, వస్త్రాల శివప్రసాద్‌, మారుతి, తురక శ్రీను, జ్యోతిర్మయన్‌ తదితరులు ఉన్నారు.

సాత్నాల: మద్యానికి బానిసై కుటుంబ కలహాలతో తోట సురేందర్‌ (43) అనే వ్యక్తి ఆత్మహత్య చేసుకున్న ఘటన మండలంలోని మార్గుడా గ్రామంలో చోటుచేసుకుంది. ఎస్సై పవర్‌ గౌతమ్‌ కథనం ప్ర కారం.. 14 సంవత్సరాల క్రితం తోట సు రేందర్‌కు అదే గ్రామానికి చెందిన మధుశ్రీతో ప్రేమ వివాహం జరిగింది. వీరికి ఒక బాబు, పాప ఉన్నారు. మున్సిపాలిటీలో డ్రైవర్‌గా పని చేస్తున్న ఆయన కుటుంబంతో జిల్లా కేంద్రంలో నివాసం ఉంటున్నారు. అక్టోబర్‌ 24న భార్యాభర్తల మధ్య గొడవ జరగ్గా మధుశ్రీ పిల్లలను తీసుకొని పుట్టింటికి వెళ్లిపోయింది. రెండు రోజుల పాటు తల్లిదండ్రుల వద్ద ఉన్న సురేందర్‌ అక్టోబర్‌ 26న చనిపోతానని ఇంటి నుంచి వెళ్లిపోయాడు. తల్లిదండ్రులు, బంధువులు ఎంత వెతికినా ఆచూకీ లభించలేదు. దీంతో తల్లిదండ్రులు మిస్సింగ్‌ కేసు పెట్టారు. మంగళవారం ఉదయం గ్రామానికి చెందిన కుమ్రే లక్ష్మణ్‌ గ్రామ శివారులోని అ టవీ ప్రాంతం గుండా వెళ్తుండగా మనిషి చనిపోయిన వాసన రాగా గ్రామస్తులకు విషయం తెలిపాడు. గ్రామస్తులు అక్కడికి వెళ్లగా సురేందర్‌ చెట్టుకు ఉరేసుకొని ఉన్నాడు. పక్కన పొదలో పుర్రె భాగం, దానికి దగ్గరలో వెన్నుపూస, కాళ్ల వరకు శరీరభాగం పడి ఉ న్నాయి. వేసుకున్న చొక్కా ఆధారంగా మృతదేహం సురేందర్‌దేనని తండ్రి గుర్తించాడు. తండ్రి మల్లేష్‌ ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్సై పవర్‌ గౌతమ్‌ వెల్లడించారు.

లక్సెట్టిపేట: మున్సిపాలిటీ పరిధిలోని మస్తాన్‌గూడకు చెందిన బెడద శ్రీనివాస్‌ (47) అనే వ్యక్తి అప్పుల బాధతో పురుగుల మందు తాగి ఆత్మహత్యకు పాల్పడినట్లు ఎస్సై గోపతి సురేశ్‌ తెలిపారు. కడెం మండలం నుంచి 20 సంవత్సరాల క్రితం పట్టణానికి వచ్చి ఫౌల్ట్రీఫారం పెట్టుకుని, ఆర్‌ఎంపీగా పనులు చేస్తున్నాడు. ఇద్దరు కూతుళ్లు ఉండగా ఇటీవల పెద్ద కుమార్తెకు వివాహం జరిపించాడు. కొన్నేళ్లుగా వ్యాపారంలో నష్టం వచ్చి అప్పుల పాలయ్యాడు. ఆస్తి అమ్మినా అప్పులు తీరకపోవడంతో అప్పులు ఎలా తీర్చాలో తెలియక మనస్తాపానికి గురై ఈనెల 9న స్థానిక గోదావరి వద్ద పురుగుల మందు తాగి కూతురుకు ఫోన్‌ చేసి చెప్పాడు. కుటుంబీకులు వెంటనే అక్కడికి వెళ్లి స్థానిక ప్రభుత్వ ఆసుపత్రికి, మెరుగైన చికిత్స కోసం కరీంనగర్‌ ఆసుపత్రికి తరలించగా చికిత్స పొందుతూ మంగళవారం మృతి చెందాడు. ఆయన భార్య విజయ ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు ఎస్సై పేర్కొన్నారు.

ఆసిఫాబాద్‌రూరల్‌: జోనల్‌ స్థాయి ఖోఖో, హ్యాండ్‌ బాల్‌ పోటీలు మంగళవారం రసవత్తరంగా సాగాయి. జిల్లా కేంద్రంలోని గిరిజన ఆదర్శ క్రీడా పాఠశాలలో ఎస్‌జీఎఫ్‌ ఆధ్వర్యంలో జరిగిన ఉమ్మడి జిల్లా ఆసిఫాబాద్‌, మంచిర్యాల, ఆదిలాబాద్‌, నిర్మల్‌ జిల్లాల జోనల్‌స్థాయి అండర్‌ 14, 17 ఖోఖో బాలికలు, అండర్‌ 17 హ్యాండ్‌ బాల్‌ బాలికల పోటీలు పోటాపోటీగా జరిగాయి. క్రీడా పోటీలకు డీఈవో సచ్చిదానందచారి, డీవైఎస్‌వో అశ్వక్‌ హాజరై ప్రారంభించారు. పోటీల్లో మొత్తం 250 మంది క్రీడాకారులు పాల్గొనగా ఉత్తమ ప్రతిభ కనబర్చిన 46 మందిని ఖోఖో, హ్యాండ్‌ బాల్‌ రాష్ట్రస్థాయి పోటీలకు ఎంపిక చేసినట్లు ఎస్‌జీఎఫ్‌ జిల్లా కార్యదర్శి రామ్మోహన్‌ రావు తెలిపారు. విజేతలుగా నిలిచిన జట్లు.. జోనల్‌ స్థాయి ఖోఖో అండర్‌ 14 విభాగంలో మొదటి స్థానంలో కుమురం భీం, రెండో స్థానంలో ఆదిలాబాద్‌ జట్లు నిలిచాయి. ఖోఖో అండర్‌ 17 విభాగంలో మొదటి స్థానంలో కుమురం భీం జట్టు, రెండో స్థానంలో నిర్మల్‌ జట్లు నిలిచాయి. హ్యాండ్‌బాల్‌ అండర్‌ 17 బాలికల విభాగంలో మొదటి స్థానం కుమురం భీం, రెండో స్థానం నిర్మల్‌ జట్టు గెలుచుకుంది. కార్యక్రమంలో డీఎస్‌వో షేకు, నోడల్‌ అధికారి మీనారెడ్డి, హ్యాండ్‌ బాల్‌ కోచ్‌ అరవింద్‌, ఖోఖో అసోసియేషన్‌ ఉమ్మడి జిల్లా కార్యదర్శి కృష్ణ, అథ్లెటిక్స్‌ జిల్లా కార్యదర్శి లక్ష్మణ్‌, పీడీలు, పీఈటీలు రాకేశ్‌, పాండు, ప్రవీణ్‌, శ్రీనివాస్‌, తిరమల్‌ తదితరులు పాల్గొన్నారు.

నార్నూర్‌: దండారీ ఉత్సవాల్లో పాల్గొని ఇంటికి తిరిగొస్తున్న సోదరులకు ఊహించని ప్రమాదం ఎదురైంది. మార్గమధ్యలో జరిగిన రోడ్డు ప్రమాదం ఒక యువకుడి ప్రాణాలను బలిగొనగా, మరో యువకుడు గాయాలపాలయ్యాడు. గాదిగూడ ఎస్సై రమ్య తెలిపిన వివరాల ప్రకారం.. ఉట్నూర్‌ మండలం సాలేగూడ గ్రామానికి చెందిన టేకం పవన్‌ (22), అతడి సోదరుడు టేకం సిద్ధేశ్వర్‌ ఈ నెల 9న ఉట్నూర్‌ మండలం నర్సాపూర్‌ గ్రామంలో నిర్వహించిన దండారీ ఉత్సవాల్లో పాల్గొన్నారు. అనంతరం బైక్‌పై గాదిగూడ మండలం అర్జుని కొలాంగూడకు తిరుగు పయణమయ్యారు. రాత్రి 11 గంటల ప్రాంతంలో అర్జుని గ్రామ సమీపంలోని మూలమలుపు వద్ద వారి ద్విచక్రవాహనం అదుపుతప్పి ప్రమాదానికి గురైంది. ఘటనలో పవన్‌ అక్కడికక్కడే మృతి చెందగా, సిద్ధేశ్వర్‌కు గాయాలయ్యాయి. మృతదేహాన్ని ఆదిలాబాద్‌ ప్రభుత్వ ఆసుపత్రికి తరలించారు. కళ్లముందే పెద్ద కుమారుడు అకాల మరణం చెంద డం, మరో కుమారుడు గాయపడటంతో కుటుంబం తీవ్ర విషాదంలో మునిగిపోయింది. తండ్రి టేకం మారుతి ఫిర్యాదు మేరకు కేసు నమోదు చేసి దర్యాప్తు చేపట్టినట్లు ఎస్సై తెలిపారు.

దహెగాం: ‘వైద్యులు, సిబ్బంది లేక కాన్పు చేసిన ఆయమ్మ’ శీర్షికన ‘సాక్షి’ మెయిన్‌లో ప్రచురితమైన కథనానికి కుమురంభీం ఆసిఫాబాద్‌ జిల్లా వైద్యాధికారులు స్పందించారు. మండలంలోని అమరగొండ గ్రామానికి చెందిన జునుగరి తులసికి సోమవారం పురిటినొప్పులు రాగా దహెగాంలోని ప్రాథమిక ఆరోగ్య కేంద్రానికి తరలించడం, వైద్యులు, సిబ్బంది లేకపోవడంతో ఆయమ్మ ప్రసవం చేసిన విషయం తెలిసిందే. స్పందించిన ఉన్నతాధికారులు విచారణకు ఆదేశించారు. దీంతో డిప్యూటీ డీఎంహెచ్‌వో సీతారాం, డీడీవో సుజీత్‌, పీవో సునీల్‌ మంగళవారం ఆస్పత్రిలో విచారణ చేపట్టారు. వైద్య సి బ్బంది లేకపోవడం, ఆయమ్మ కాన్పు చేయడంపై వివరాలు సేకరించామని, విచారణ నివేదికను జి ల్లా ఉన్నతాధికారులకు అందజేస్తామని తెలిపారు.

తానూరు: ముధోల్‌ మండలం తరోడా గ్రామానికి చెందిన కన్యబోయి లక్ష్మణ్‌ కుమారుడు సాయి కుమార్‌ను దుబాయ్‌ నుంచి స్వదేశానికి రప్పించాలని బీజేపీ నిర్మల్‌ జిల్లా ప్రధాన కార్యదర్శి యాతాళం చిన్నారెడ్డి ఆధ్వర్యంలో బాధిత కుటుంబ సభ్యులు మంగళవారం కరీంనగర్‌లో కేంద్ర హోంశాఖ సహాయ మంత్రి బండి సంజయ్‌ కుమార్‌ను కలిసి వినతిపత్రం అందజేశారు. దుబాయ్‌లో హోటల్‌ యాజమాన్యం వేధింపుల కారణంగా తన కుమారుడు తీవ్ర ఇబ్బందులు ఎదుర్కొంటున్నాడని తండ్రి ఆవేదన వ్యక్తం చేశారు. మానవతా దృక్పథంతో స్పందించి సాయి కుమార్‌ను త్వరగా స్వదేశానికి రప్పించేందుకు అవసరమైన చర్యలు తీసుకోవాలని కేంద్ర మంత్రిని కోరారు. స్పందించిన ఆయన సాయికుమార్‌ను స్వదేశానికి రపించేందుకు అన్ని చర్యలు చేపడతామని హామీ ఇచ్చారు. తరోడా మాజీ సర్పంచ్‌ రవికిరణ్‌ గౌడ్‌, కుటుంబ సభ్యులు ఉన్నారు.

ఇంద్రవెల్లి: దీపావళి పండుగ పురస్కరించుకొని ఆదివాసీ గ్రామాల్లో ప్రారంభించిన దండారీ ఉత్సవాలు మంగళవారం కొలబోడి పూజలతో ముగిశాయి. మండలంలోని వాల్గొండ, పొల్లుగూడ, తుమ్మగూడ, జెండగూడ, పాకిడిగూడ, మోడిగూడ తదితర గ్రామాల్లో గుస్సాడీలు సంప్రదాయ వాయిద్యాలు వాయిస్తూ నృత్యం చేస్తూ హారతులు స్వీకరించారు. అనంతరం గ్రామాల పొలిమేరల్లో ఇప్ప(భీమల్‌ మర్ర) చెట్టు వద్ద ప్రత్యేక పూజలు నిర్వహించి వేషధారణ విడిచారు. మందబొగుడలో.. బోథ్‌: మండలంలోని మందబొగుడ గ్రామంలో దండారీ ఉత్సవాలు మంగళవారం ముగిశాయి. ముగింపు సందర్భంగా గ్రామ దేవతలకు ప్రత్యేక పూజలు నిర్వహించారు. డప్పు, తుడే వాయిద్యాల నడుమ గుస్సాడీ భక్తులు సంప్రదాయ వేషధారణతో చేసిన నృత్యాలు ఆకట్టుకున్నాయి.

జైనథ్‌: మండలంలోని హరియాలి గ్రామ శివారు పెనుగంగ నదిలో ఇసుకను అక్రమంగా తరలిస్తున్న ముఠా గుట్టును పోలీసులు రట్టు చేశారు. మైనింగ్‌ అధికారుల పక్కా సమాచారంతో మంగళవారం పో లీసులు దాడి చేసి ఇసుక తోడేందుకు వాడుతున్న బోట్‌, జేసీబీ, టిప్పర్‌, వాహనం పట్టుకొని సీజ్‌ చేశారు. నదిలో నీటి ప్రవాహానికి అడ్డుగా బోటుతో ఇసుక తోడటం వల్ల నది గర్భం దెబ్బతినడంతో పాటు పరిసర గ్రామాల్లో భూగర్భ జలాలు తగ్గిపోతున్నాయని అధికారులు పేర్కొన్నారు. నది పరీ వాహక గ్రామాల్లో నిత్యం నిఘా ఉంటుందని ఎస్సై గౌతమ్‌ పవర్‌ హెచ్చరించారు. కేసు నమోదు చేసుకొని వాహనాలను, సీజ్‌ చేసినట్లు తెలియజేశారు. తనిఖీల్లో రెవెన్యూ ఇన్‌స్పెక్టర్‌ రాందాస్‌, మైనింగ్‌ అధికారులు, జైనథ్‌ పోలీస్‌ సిబ్బంది పాల్గొన్నారు.

నిర్మల్‌తహసీల్దార్‌ కార్యాలయం తనిఖీ తానూరు: ముధోల్‌ తహసీల్దార్‌ కార్యాలయాన్ని అదనపు కలెక్టర్‌ డి.వెంకటమాధవరావు మంగళవారం తనిఖీ చేశారు. రికార్డులు, ఫైళ్లు క్షుణ్ణంగా పరిశీలించారు. రెవెన్యూ శాఖకు సంబంధించిన రికార్డుల నిర్వాహణ, పెండింగ్‌ దరఖాస్తులు, ప్రజలకు అందిస్తున్న సేవల వివరాలు అడిగి తెలుసుకున్నారు. గ్రామాల్లో జరుగుతున్న భూ సర్వేల వివరాలు ఆరాతీశారు. ప్రజలు తమ భూసమస్యలు, ఇతర రెవెన్యూ సంబంధిత పనుల కోసం కార్యాలయానికి వచ్చినప్పుడు వారికి ఇబ్బందులు కలగకుండా సత్వర సేవలు అందించాలని తెలిపారు. అనంతరం కార్యాలయంలో ఉన్న రికార్డుల గదిని క్షుణ్ణంగా పరిశీలించారు. ఆయన వెంట తహసీల్దార్‌ శ్రీలత, డిప్యూటీ తహసీల్దార్‌ తెలంగ రావు, ఆర్‌ఐ సత్యనారాయణ, ఉన్నారు. భైంసా: గ్రామీణ పేద, మధ్య తరగతి విద్యార్థులకు నాణ్యమైన సాంకేతిక విద్య అందించాలనే లక్ష్యంతో ఏర్పాటైన రాజీవ్‌గాంధీ వైజ్ఞానిక సాంకేతిక విశ్వవిద్యాలయం(ఆర్జీయూకేటీ) బాసరలో మళ్లీ ట్రబుల్స్‌ మొదలయ్యాయి. సమస్యలు విద్యార్థుల చదువుపై ప్రభావం చూపుతున్నాయి. సుమారు 9 వేల మంది విద్యార్థులు చదువుతున్న ఈ యూనివర్సిటీలో తాగునీరు, ఆహారం, వైద్యం, అధ్యాపకుల కొరత, హాస్టళ్ల నిర్వహణ, పరిపాలనా జవాబుదారీతనం వంటి అంశాలు ప్రశ్నార్థకంగా మారాయి. ఇటీవల నీటి కొరత కారణంగా దసరా సెలవులు పొడిగించి ఆన్‌లైన్‌ తరగతులు నిర్వహించాల్సి వచ్చింది. తాజాగా హాస్టళ్లలోని కుళాయిల నుంచి మురుగు నీరు వస్తోందని విద్యార్థులు ఆందోళన వ్యక్తం చేస్తున్నారు. ఈ నేపథ్యంలో 18 ప్రధాన సమస్యలను మంత్రి డి.శ్రీధర్‌బాబు మంత్రి దృష్టికి తీసుకెళ్లేందుకు విద్యార్థులు సిద్ధమయ్యారు. చెరువు ఉన్నా నిర్వహణ లోపం.. క్యాంపస్‌లో సుమారు 24 ఎకరాల విస్తీర్ణంలో నీటి నిల్వ చెరువు ఉన్నప్పటికీ దాని నిర్వహణ, శుభ్రత, నీటి నిల్వ సామర్థ్యంపై తగిన పర్యవేక్షణ లేదని విద్యార్థులు ఆందోళన వ్యక్తం చేస్తున్నారు. చెరువులో నీటి నిల్వలు ఎంత ఉన్నాయి? వర్షపు నీటిని ఎంతమేరకు నిల్వ చేస్తున్నారు? అవసరమైన సమయంలో వినియోగించుకునేలా ఎలాంటి ఏర్పాట్లు ఉన్నాయి? అనే అంశాలపై అధికారులు దృష్టి సారించడం లేదని పేర్కొంటున్నారు. అందుబాటులో ఉన్న జలవనరులను ముందుగానే అభివృద్ధి చేసి నిర్వహించాల్సిన అవసరం ఉందని అభిప్రాయపడుతున్నారు. 19 మందే శాశ్వత అధ్యాపకులు.. వర్సిటీలో సుమారు 9 వేల మంది విద్యార్థులకు కేవలం 19 మంది శాశ్వత అసిస్టెంట్‌ ప్రొఫెసర్లు మాత్రమే ఉన్నారని, అసోసియేట్‌ ప్రొఫెసర్లు, ప్రొఫెసర్లు లేరని పేర్కొంటున్నారు. అధ్యాపకుల కొరత కారణంగా కొన్ని సబ్జెక్టులకు ఎన్‌పీటీఈఎల్‌ ఆన్‌లైన్‌ కోర్సులపై ఆధారపడాల్సి వస్తోందని, ప్రత్యక్ష బోధన, సందేహ నివృత్తి, వ్యక్తిగత మార్గదర్శకత్వం లోపిస్తున్నాయని చెబుతున్నారు. శాశ్వత అధ్యాపకులను నియమించి ప్రయోగశాలలను ఆధునీకరించి, సాంకేతిక పరికరాలు, ల్యాప్‌టాప్‌లు, గ్రంథాలయ వనరులు అందించాలని కోరుతున్నారు. స్కాలర్‌షిప్‌ జాప్యం.. టీఎస్‌ ఈపాస్‌ ద్వారా రావాల్సిన ట్యూషన్‌ ఫీజు రీయింబర్స్‌మెంట్‌, మెయింటనెన్స్‌ ఫీజుల విడుదలలో జాప్యం విద్యార్థులను ఆర్థిక ఇబ్బందులకు గురిచేస్తోందని పేర్కొంటున్నారు. ప్రభుత్వ బకాయిలు పెండింగ్‌లో ఉన్నప్పటికీ విద్యార్థులు సొంతంగా ఫీజులు చెల్లించే వరకు సర్టిఫికెట్లు నిలిపివేస్తున్నారనే ఆరోపణలున్నాయి. దీనిపై స్పష్టమైన విధానం తీసుకురావాలని కోరుతున్నారు. వైద్యం, క్రీడలు, వసతుల అభివృద్ధి విశ్వవిద్యాలయంలో అత్యవసర వైద్య సేవలు అందుబాటులో ఉండేలా పూర్తిస్థాయి వైద్య కేంద్రం, అర్హత కలిగిన వైద్యులు, సిబ్బంది, అంబులెన్స్‌ ఏర్పాటు చేయాలని విద్యార్థులు కోరుతున్నారు. మెస్‌లలో ఆహార నా ణ్యత, పరిశుభ్రతపై నిరంతర తనిఖీలు నిర్వహించాలని విజ్ఞప్తి చేస్తున్నారు. ఎన్‌సీసీ అవకాశాలు కల్పించడం, శాతవాహన గ్రౌండ్‌ను శుభ్రపరిచి విస్తరించడం, పారిశుద్ధ్యం మెరుగుపరచాలని డిమాండ్‌ చేస్తున్నారు. విజ్ఞానానికి కొత్త లైబ్రరీలుపాఠశాలలో మంటలు లక్ష్మణచాంద మండలం వడ్యాల్‌ ప్రభుత్వ ఉన్నత పాఠశాలలో మంగళవారం మధ్యాహ్న భోజనం వంట చేసే సమయంలో మంటలు చెలరేగాయి. ప్రశ్నిస్తే వేధింపులు? కనీస సదుపాయాలపై ప్రశ్నించే విద్యార్థులను కొందరు అధికారులు బెదిరిస్తున్నారని, ఫోన్లను అనుమతి లేకుండా తీసుకుంటున్నారని విద్యార్థులు ఆరోపిస్తున్నారు. సమస్యలను లేవనెత్తే వారిపై తప్పుడు ఫిర్యాదులు చేయడం, వివక్ష చూపడం, ప్రతీకార చర్యలకు పాల్పడుతున్నారనే ఫిర్యాదులు ఉన్నాయని చెబుతున్నారు. ఓఎస్‌డీ సహా కొంతమంది అధికారుల వ్యవహారశైలిపై వచ్చిన ఆరోపణలపై నిష్పక్షపాత విచారణ జరపాలని కోరుతున్నారు. విద్యార్థుల సమస్యలను వినేందుకు స్వతంత్ర ఫిర్యాదుల పరిష్కార వ్యవస్థ ఏర్పాటు చేయడంతోపాటు ప్రజాస్వామ్య పద్ధతిలో విద్యార్థి ప్రతినిధి సంఘానికి గుర్తింపు కల్పించాలని డిమాండ్‌ చేస్తున్నారు. 18 అంశాలతో వినతిపత్రం సీఎం క్షమాపణ చెప్పాలి నిర్మల్‌చైన్‌గేట్‌: రాష్ట్ర ముఖ్యమంత్రి రేవంత్‌రెడ్డి దేశ ప్రధాని నరేంద్ర మోదీకి బహిరంగ క్షమాపణ చెప్పాలని, లేకుంటే తెలంగాణ ప్రజా కోర్టులో శిక్ష తప్పదని బీజేపీ రాష్ట్ర నాయకుడు రావుల రాంనాథ్‌ హెచ్చరించారు. నిర్మల్‌లో మంగళవారం మాట్లాడారు. సోమవారం కొ డంగల్‌లో అభివృద్ధి పనులకు శంకుస్థాపన, బ హిరంగ సభలో సీఎం మాట్లాడుతూ ప్రధానిని కించపరిచేలా మాట్లాడటాన్ని ఖండించారు. గతంలో కేసీఆర్‌ కూడా ఇదే రీతిలో నరేంద్రమోదీపై పరుష పదజాలంతో మాట్లాడి ఈరోజు ఫామ్‌హౌస్‌కే పరిమితమయ్యారని గుర్తుచేశారు. రేవంత్‌రెడ్డి కూడా తన భాషను మార్చుకోకపోతే కేసీఆర్‌కు పట్టిన గతే పడుతుందని హెచ్చరించారు. తెలంగాణలో ప్రజలు మార్పును కోరుకుంటున్నారని, ఎ న్నికల వేళ ఇచ్చిన హామీలను నెరవేర్చలేక ప్ర జలు ఎక్కడ ప్రశ్నిస్తారోననే భయంతోనే రేవంత్‌రెడ్డి ప్రజలను పక్కదారి పట్టిస్తున్నారని మండిపడ్డారు. దేశాన్ని అభివృద్ధి పథంలో ముందుకు తీసుకెళ్తున్న ప్రధాని నరేంద్ర మోదీని టార్గెట్‌ చేసి మాట్లాడితే తెలంగాణ ప్రజలు తగిన గుణపాఠం చెప్తారని హెచ్చరించారు. మంత్రి జోక్యంపై ఆశలు విద్యార్థుల ప్రధాన డిమాండ్లలో వేధింపుల ఆరో పణలపై విచారణ, ఫిర్యాదుదారులకు రక్షణ, సురక్షిత తాగునీరు, నాణ్యమైన ఆహారం, వైద్య సదుపాయాలు, అధ్యాపకుల నియామకాలు, స్కాలర్‌షిప్‌ల విడుదల, విద్యార్థి ప్రతినిధి సంఘానికి గుర్తింపు, ప్రత్యేక నిధులతో క్యాంపస్‌ అభివృద్ధి ఉన్నాయి. 18 అంశాలపై నిర్దిష్ట కాలపరిమితితో కార్యాచరణ ప్రణాళిక రూపొందించా లని కోరుతున్నారు. తాము పరిపాలనకు వ్యతిరేకులు కాదని, వర్సిటీ అభివృద్ధి కోసమే సమస్యలు ప్రస్తావిస్తున్నామని స్పష్టం చేస్తున్నారు.

బాసర ట్రిపుల్‌ఐటీలో నీటి సమస్య కొత్తది కాదు. అక్టోబర్‌ 22న నీటి కొరత నేపథ్యంలో విశ్వవిద్యాలయం దసరా సెలవులను పొడిగిస్తూ ఉత్తర్వులు జారీ చేసింది. సుమారు 9 వేల మంది విద్యార్థులు, వెయ్యి మంది సిబ్బంది ఉన్న క్యాంపస్‌కు రోజుకు 20 లక్షల లీటర్ల నీరు అవసరమని, గో దావరి నుంచి సుమారు 10 లక్షల లీటర్లు మా త్రమే సరఫరా అవుతున్నాయని అప్పట్లో వెల్లడైంది. మరోవైపు రోజువారీ అవసరం 25 లక్షల లీటర్లు కాగా సరఫరా 15 లక్షల లీటర్లుగా కూడా పేర్కొన్నారు. అవసరానికి తగిన నీటి సరఫరా లేకపోవడం అప్పట్లోనే స్పష్టమైంది. తాజాగా నవంబర్‌ 10న గంగ, యమున బాలికల హాస్టళ్లలోని కుళాయిల నుంచి మురుగు నీరు రావడంతో విద్యార్థులు ఆందోళన చెందారు. ఈ నీటిని వినియోగించడంతో కొందరికి చర్మ సమస్యలు, అలర్జీలు వస్తున్నాయని ఆవేదన వ్యక్తం చేశారు. మెస్‌లలో వండే ఆహార నాణ్యతపైనా ఫిర్యాదులు చేశారు. విద్యార్థుల ఫిర్యాదులతో అధికారులు నీటి నమూనాలను సేకరించి ప్రయోగశాలకు పంపినట్లు వెల్లడించారు. పరీక్షల నివేదిక ఆధారంగా తదుపరి చర్యలు తీసుకుంటామని తెలిపారు. అయితే నీటి కలుషితమే ఆరోగ్య సమస్యలకు కారణమా అన్నది వైద్య, ప్రయోగశాల పరీక్షలతో నిర్ధారించాల్సి ఉంది.

లక్ష్మణచాంద: మండలంలోని చామన్‌పల్లిలో ఎల్లమ్మకు మంగళవారం బోనాలు సమర్పించారు. అంబేడ్కర్‌ సంఘం ఆధ్వర్యంలో ఎల్లమ్మ పండుగను నిర్వహించారు. మహిళలు బోనాలతో ముందుగా రామాలయం వద్దకు చేరుకుని పూజలు చేశారు. అనంతరం ప్రధాన వీధులగుండా ఊరేగింపుగా బోనాలతో ఎల్లమ్మ ఆలయానికి చేరుకున్నారు. అమ్మవారికి బోనాలు సమర్పించి మొక్కులు చెల్లించుకున్నారు. ఊరేగింపులో పోతురాజుల నృత్యాలు ఆకట్టుకున్నాయి. ఇందులో సర్పంచ్‌ లక్ష్మీ సుదర్శన్‌, ఉప సర్పంచ్‌ గంగారెడ్డి, సంఘం సభ్యులు రాజేందర్‌, శ్రీనివాస్‌, సురేశ్‌, మధు, సాయన్న, గంగాధర్‌ తదితరులు పాల్గొన్నారు.

లక్ష్మణచాంద: ప్రభుత్వ పాఠశాలల్లో చదువుతు న్న విద్యార్థుల్లో పఠనాసక్తి, విజ్ఞానం పెంపొందించేందుకు పాఠశాల విద్యాశాఖ ప్రత్యేక చర్యలు చేపట్టింది. ఇందులో భాగంగా రాష్ట్రంలో ఎంపిక చేసిన 1,138 పాఠశాలల్లో గ్రంథాలయాలను నూతనంగా తీర్చిదిద్దాలని నిర్ణయించింది. జిల్లా గ్రంథాలయాల వద్ద ఉన్న నిధుల నుంచి పాఠశాలల్లోని అమ్మ ఆదర్శ పాఠశాల కమిటీల బ్యాంక్‌ ఖాతాలకు ఇప్పటికే నిధులు బదలాయించింది. విడుదలైన నిధులను వినియోగించి వెంటనే రీడింగ్‌ రూమ్‌లు ఆధునీకరించి అందుబాటులోకి తేవాలని డీఈవోలు, ఆర్జేడీలకు పాఠశాల విద్యాశాఖ డైరెక్టర్‌ నవీన్‌ నికోలస్‌ ఇటీవలే ఉత్తర్వులు జారీ చేశారు. మౌలిక సదుపాయాలకు అదనపు గ్రాంట్‌ జిల్లా గ్రంథాలయ నిధుల నుంచి రీడింగ్‌ రూమ్‌ల్లో అవసరమైన మౌలిక వసతుల కల్పన, పుస్తకాల కొనుగోలు కోసం జిల్లాలోని ఎనిమిది పాఠశాలలకు ఒక్కో పాఠశాలకు రూ.15 వేల గ్రాంట్‌ విడుదల చేశారు. ఈ నిధులతో గ్రంథాలయ గదులకు మరమ్మతులు, పెయింటింగ్‌, బల్బులు, ఫ్యాన్లు అమర్చడం వంటి పనులు చేపట్టాలని సూచించారు. విద్యార్థులు, ఉపాధ్యాయులు చదవడానికి రీడింగ్‌ టేబుళ్లు, కుర్చీ లు, ర్యాక్‌లు సమకూర్చుకోవాలని తెలిపారు. మంజూరైన నిధులు కేవలం గ్రంథాలయ అవసరాలకే వినియోగించాలని, ఇతర అవసరాలకు మళ్లించరాదని అధికారులు స్పష్టం చేశారు. గ్రంథాలయ అభివృద్ధికి ముందు, తర్వాత ఫొటోలు తీసి యూసీలు అధికారులకు సమర్పించాలి. గ్రంథాలయాల పనితీరును నిరంతరం తనిఖీ చేస్తూ పర్యవేక్షణ చేయాలని డీఈవోలను పాఠశాల విద్యా శాఖ డైరెక్టర్‌ ఆదేశించారు. 14న ప్రారంభం జిల్లాలో ఎంపికై న ఎనిమిది పాఠశాలల్లోని రీడింగ్‌ రూమ్‌లను ఈ నెల 14న కలెక్టర్‌, గ్రంథాలయ చైర్మన్‌, జిల్లా విద్యాధికారి చేతుల మీదుగా ప్రారంభించనున్నారు. ఈమేరకు ఏర్పాట్లు చేయాలని పాఠశాల విద్యాశాఖ నుంచి ఆదేశాలు వచ్చాయని జిల్లా అధికారులు తెలిపారు. గ్రంథాలయాల అభివృద్ధి జిల్లాలో విద్యార్థుల సంఖ్య ఎక్కువగా ఉన్న 8 పాఠశాలలు గ్రంథాలయాల ఆధునికీకరణ కు ఎంపికయ్యాయి. అమ్మ ఆదర్శ కమిటీల ఖాతాల్లో నిధులు జమ చేయడం జరిగింది. నిధులు గ్రంథాలయాల అభివృద్ధికి మాత్రమే వినియోగించాలి. అవసరమైన పుస్తకాలు, వసతులు సమకూర్చుకోవాలి. – భోజన్న, డీఈవోజిల్లాలో ఎనిమిది పాఠశాలలకు.. జిల్లాలోని పొన్కల్‌, లింగాపూర్‌, మామడ, నర్సాపూర్‌(జి), కిసాన్‌గల్లీ(బాలికలు), బోసి, కుభీర్‌, సోమవార్‌పేట్‌(బాలికల) ప్రభుత్వ పాఠశాలలను ఎంపిక చేశారు. ఒక్కో పాఠశాలకు రూ.10 వేల చొప్పున సమగ్రశిక్ష నుంచి నిధులు ప్రభుత్వం బదలాయించినట్లు జిల్లా విద్యాశాఖ అధికారులు తెలిపారు. ఈ నిధులతో తెలుగు, ఆంగ్ల దినపత్రికలు, మ్యాగజైన్‌లు, కరెంట్‌ అఫైర్స్‌, సైన్స్‌ అండ్‌ టెక్నాలజీ, క్రీడలు, పర్యావరణం, జనరల్‌ నాలెడ్జ్‌ వంటి అంశాలకు సంబంధించిన పుస్తకాలు కొనుగోలు చేయాలని సూచించారు.

నిర్మల్‌టౌన్‌: జిల్లా కేంద్రం గులాబీ మయమైంది. బీఆర్‌ఎస్‌ పార్టీ ఆధ్వర్యంలో బుధవారం రైతు గర్జన సభ నిర్వహించనున్నారు. ప్రధాన రహదారులు, కూడళ్లు, వీధులన్నీ గులాబీ జెండాలు, పార్టీ నాయకుల ఫ్లెక్సీలు, హోర్డింగ్‌లతో నిండిపోయాయి. పట్టణంలోని ఎన్టీఆర్‌ మినీ స్టేడియంలో సాయంత్రం 4 గంటలకు సభ నిర్వహణకు ఏర్పాట్లు చేశారు. బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ హాజరుకానున్నారు. సుమారు 20 వేల మందికి పైగా హాజరవుతారని పార్టీ నాయకులు అంచనా వేస్తున్నారు. సభా ప్రాంగణంలో వేదిక, ప్రజలు, కార్యకర్తలు కూర్చునేందుకు అవసరమైన ఏర్పాట్లు పూర్తి చేశారు. సభ ఏర్పాట్లను మాజీ మంత్రులు వేముల ప్రశాంత్‌రెడ్డి, జోగు రామన్న, మాజీ ఎంపీ బాల్క సుమన్‌, బోథ్‌ ఎమ్మెల్యే అనిల్‌ జాదవ్‌, నిర్మల్‌ నియోజకవర్గ ఇన్‌చార్జి కొరిపెల్లి రాంకిషన్‌రెడ్డి, ఖానాపూర్‌ నియోజకవర్గ ఇన్‌చార్జి జాన్సన్‌ నాయక్‌ పరిశీలించారు. నిర్మల్‌ పట్టణంలో మాజీ మంత్రి వేముల ప్రశాంత్‌ రెడ్డి మాట్లాడుతూ.. రైతుల కోసం, రైతుల పక్షాన పోరాటం చేసేందుకే రైతు గర్జన సభ నిర్వహిస్తున్నట్లు తెలిపారు. ప్రస్తుత ప్రభుత్వ హయాంలో రైతులకు జరుగుతున్న అన్యాయాలపై గళమెత్తి, ప్రభుత్వంపై ఒత్తిడి తీసుకొచ్చి రైతులకు న్యాయం జరిగేలా పోరాటం సాగిస్తామని పేర్కొన్నారు. ఈ ప్రాంతంలోని ప్రాజెక్టులు, కాలువలకు సాగునీరు అందేలా చర్యలు చేపట్టాలని డిమాండ్‌ చేస్తూ.. ఉద్యమిస్తామని స్పష్టం చేశారు. కార్యక్రమంలో బీఆర్‌ఎస్‌ నాయకులు నల్ల వినయ్‌రెడ్డి, లోలం శ్యాంసుందర్‌, కౌన్సిలర్లు శ్రీకాంత్‌ యాదవ్‌, రాము తదితరులు పాల్గొన్నారు.

తానూరు: భూగర్భ జలాలను పెంచేందుకు బోర్‌వెల్‌ రీచార్జి చేసుకోవాలని ఏపీడీ నాగార్జున్‌ అన్నారు. ముధోల్‌ మండలం ఆష్ట గ్రామంలో సర్పంచ్‌ రావుల లావణ్య శ్రీనివాస్‌ చేపట్టిన పశువుల తొట్టి, పంటకుంట, బోర్‌వెల్‌ రీచార్జి పనులను మంగళవారం పరిశీలించి మాట్లాడారు. బోర్‌వెల్‌ రీచార్జి ద్వారా వర్షపు నీటిని శాసీ్త్రయ పద్ధతిలో భూగర్భంలోకి పంపి జలాల నిల్వలు పెంచే అవకాశం ఉంటుందన్నారు. వీబీజీ రాంజీ పథకంలో భాగంగా గ్రామపంచాయతీల అవసరాలకు అనుగుణంగా నీటి సంరక్షణ పనులు ప్రణాళికాబద్ధంగా చేసుకోవాలన్నారు. ఖాళీ భూముల్లో పశువులకు అవసరమైన మేత కోసం విత్తనాలను అందిస్తున్నట్లు తెలిపారు. పుష్కర ఘాట్లు, పొలాలకు రహదారులు, గ్రామాభివృద్ధి పనులను సర్పంచ్‌ ఆయన దృష్టికి తీసుకువచ్చారు. అనంతరం మహిళ సమాక్య భవనానికి మార్కింగ్‌ చేశారు. కార్యక్రమంలో హార్టికల్చర్‌ ఏడీ రమణ, ఏపీవో శిరీష, ఐకేపీ ఏపీఎం గురుచరణ్‌, సీసీ గంగారెడ్డి, టెక్నికల్‌, ఫీల్డ్‌ అసిస్టెంట్లు, యోగేష్‌, రాజేశ్వర్‌ పాల్గొన్నారు.

పదేళ్లు అద్దె ఇంట్లో.. ఇందిరమ్మ పథకంతో నిరుపేదల సొంతింటి కల సాకారమవుతోంది. ఇన్నాళ్లూ అద్దె ఇళ్లలో గడిపిన మాకు కొత్తింట్లో పండుగలు జరుపుకుంటున్నాం. ఇప్పటికే బతుకమ్మ ఆడి సంబరాలు చేసుకున్నాం. తాజాగా దీపావళి వేడుకలు నిర్వహించాం. నూతన గృహంలో జరిగిన వేడుకల్లో అధికారులు, ప్రజాప్రతినిధులు, గ్రామస్తులు పాల్గొన్నారు. పదేళ్ల అద్దె జీవితం తర్వాత సొంతింట్లో దీపావళి జరుపుకోవడం సంతోషంగా ఉంది. – ఎర్రోళ్ల గంగామణి, ఖానాపూర్‌ మండలం, సుర్జాపూర్‌ సంతోషంతో కన్నీళ్లు వచ్చాయి.. పదేళ్లుగా నా కూతురితో కలిసి ఇరుకు రేకుల గదిలోనే జీవించాను. వర్షాకాలం ఇంట్లోకి నీళ్లు వచ్చేవి. భర్త చనిపోవడంతో ఆర్థిక ఇబ్బందులు ఎదుర్కొంటూ కనీసం ఇంటికి మరమ్మతులు కూడా చేయించుకోలేకపోయాను. ఇందిరమ్మ ఇల్లు మంజూరుతో మా సొంతింటి కల నెరవేరింది. ఈసారి నా కూతురితో కలిసి సొంతింట్లో దీపావళి జరుపుకోవడం ఆనందంగా ఉంది. సంతోషంతో కన్నీళ్లు వచ్చాయి. – కొడిపెల్లి రాధ, పెద్ద బెల్లాల్‌ సొంత ఇంట్లో దీపావళిఖానాపూర్‌: అద్దె ఇల్లు, గూనపెంకుల గూల్లు, రేకుల షెడ్లు, తాడిపత్రి కప్పిన పూరిళ్లు.. ఇలా ఎన్నో ఏళ్లుగా ఇబ్బందులు పడిన నిరుపేద కుటుంబాలకు ఇందిరమ్మ ఇళ్ల పథకం కొత్త భరోసా అందిస్తోంది. సొంతింటి కల నెరవేరడంతో లబ్ధిదారుల జీవితాల్లో కొత్త వెలుగులు నిండుతున్నాయి. గతంలో అద్దె ఇళ్లలోనో, శిథిలావస్థకు చేరిన పూరిళ్లలోనో పండుగలు జరుపుకున్న కుటుంబాలు ఈసారి సొంత గూటిలో దీపావళి వేడుకలు నిర్వహించుకుని మురిసిపోయాయి. కొత్త ఇంటి ముంగిట దీపాలు వెలిగిస్తూ కుటుంబ సభ్యులతో ఆనందంగా గడిపారు. ఏళ్ల నాటి నిరీక్షణకు తెరపడటంతో సొంతింట్లో తొలి పండుగ జరుపుకోవడం మరపురాని అనుభూతిగా ఉందని లబ్ధిదారులు తెలిపారు. జిల్లాలో పథకం పురోగతి.. జిల్లాలో మొత్తం 10,314 ఇందిరమ్మ ఇళ్లు మంజూరు కాగా, 8,288 ఇళ్లకు గ్రౌండింగ్‌ పూర్తయింది. వీటిలో 3,584 ఇళ్ల నిర్మాణం పూర్తయింది. 19 మండలాలు, రెండు మున్సిపాలిటీల పరిధిలో ఈ పథకం అమలవుతోంది. ఖానాపూర్‌ నియోజకవర్గ పరిధిలోని (ఖానాపూర్‌, కడెం, పెంబి, దస్తురాబాద్‌) మొత్తం 599, నిర్మల్‌ నియోజకవర్గం 1498, ముథోల్‌ నియోజకవర్గం 1487, కుటుంబాలకు సొంతింటి భాగ్యం కలిగింది. సొంతింటి కల నెరవేర్చడమే లక్ష్యం బాసర: పేదలందరికీ సొంతింటి కలను సాకా రం చేయడమే ప్రభుత్వ ప్రధాన లక్ష్యమని కలెక్టర్‌ భవేశ్‌ మిశ్రా అన్నారు. బాసర మండలం లాబ్ధి గ్రామంలో ఆదివారం నిర్వహించిన ‘మా ఇందిరమ్మ ఇంట్లో దీపావళి’ కార్యక్రమంలో పాల్గొన్నారు. లబ్ధిదారు తోకలవాడ్‌ అనూష బాయినర్సింగ్‌ దంపతుల నూతన గృహంలో కలెక్టర్‌ దీపావళి జరుపుకున్నారు. పిల్లలకు మిఠాయిలు, టపాసులు, నోటుపుస్తకాలు అందజేసి చక్కగా చదువుకోవాలని సూచించారు. లాబ్ధి గ్రామం ఇందిరమ్మ ఇళ్ల నిర్మాణంలో ముందంజలో ఉందన్నారు. ఇళ్ల నిర్మాణ ప్రగతికి కృషి చేసిన అధికా రులు, ప్రజాప్రతినిధులను ఆయన అభినందించారు. లబ్ధిదారు అనూష బాయి మాట్లాడుతూ.. తమకు ఇందిరమ్మ ఇల్లు మంజూరు చేసి, నిర్మించి ఇచ్చిన రాష్ట్ర ప్రభుత్వానికి, ముఖ్యమంత్రికి, కలెక్టర్‌కు కృతజ్ఞతలు తెలిపారు. కలెక్టర్‌ స్వయంగా తమ ఇంటికి రావడం ఎంతో సంతోషాన్ని ఇచ్చిందని పేర్కొన్నారు.

నిర్మల్‌లో దీపాలతో యువతులుజిల్లా వ్యాప్తంగా వెలుగుల పండుగ దీపావళిని ఆదివారం ఘనంగా జరుపుకున్నారు. ఇళ్లు, వాణిజ్య సముదాయాలను విద్యుత్‌ దీపాలతో సుందరంగా అలంకరించారు. సాయంత్రం ఇళ్ల ముంగిళ్లలో దీపాలు వెలిగించారు. లక్ష్మీ పూజ చేశారు. ఖాతా బుక్కులకు పూజలు చేశారు. ఈ దీపావళి తమ జీవితాల్లో మరింత వెలుగులు నింపాలని వేడుకున్నారు. తర్వాత చిన్న, పెద్ద అందరూ కలిసి టపాసులు కాల్చి సంబరాలు జరుపుకున్నారు. కుటుంబ సభ్యులంతా ఒక్కచోట చేరి సహపంక్తి భోజనాలు చేశారు. భైంసాలోని ఎస్‌ఎస్‌ కాటన్‌లోని ఎమ్మెల్యే పి రామారావు పటేల్‌ నివాసంతోపాటు, మాజీ ఎమ్మెల్యే, కాంగ్రెస్‌ పార్టీ నియోజకవర్గ ఇన్‌చార్జి బి నారాయణ్‌రావు పటేల్‌, బీజేపీ రాష్ట్ర కార్యవర్గ సభ్యుడు బి.మోహన్‌రావు పటేల్‌ నివాసాల్లో లక్ష్మీ పూజలు చేశారు. – నిర్మల్‌టౌన్‌/భైంసాటౌన్‌ బీజేపీ రాష్ట్ర కార్యవర్గ సభ్యుడు మోహన్‌రావు పటేల్‌..లక్ష్మీపూజలో ఎమ్మెల్యే రామారావు పటేల్‌..

నిర్మల్‌కార్తికం.. శుభప్రదం శివుడికి ప్రీతికరమైన కార్తిక మాసం మంగళవారం నుంచి ప్రారంభం కానుంది. భక్తులు దీపదానాలు, ఉసిరి దానాలు, అర్చనలు, అభిషేకాలకు ప్రాధాన్యతనిస్తారు. ఈవీఎం గోదాం తనిఖీ నిర్మల్‌చైన్‌గేట్‌: నిర్మల్‌ కలెక్టరేట్‌ సమీపంలో ఉన్న ఈవీఎం గోదాంను కలెక్టర్‌ భవేశ్‌ మిశ్రా సోమవారం తనిఖీ చేశారు. ఈ పర్యటనలో గోదాంలోని రికార్డులు, రిజిస్టర్లు నిశితంగా పరి శీలించారు. సీసీ కెమెరాల పనితీరు, అగ్నిమాపక వ్యవస్థల సన్నద్ధతను సమీక్షించారు. ఈవీఎం గోదాం వద్ద పటిష్టమైన భద్రతా ఏర్పాట్లు నిరంతరం కొనసాగాలని స్పష్టం చేశారు. సీసీ కెమెరాల ద్వారా పోలీసు సిబ్బంది నిరంతర పర్యవేక్షణ చేపట్టాలని, అగ్నిప్రమాదాల నివారణకు అవసరమైన పరికరాలను ఎల్లప్పుడూ సిద్ధంగా ఉంచుకోవాలని ఆదేశించారు. భద్రతా నిబంధనలను కచ్చితంగా పాటిస్తూ, ఎలాంటి చిన్నపాటి లోపాలకు కూడా తావులేకుండా చూడాలని అధికారులకు సూచించారు. తనిఖీల్లో అదనపు కలెక్టర్‌ వెంకట మాధవరావు, అధికారులు పాల్గొన్నారు. నిర్మల్‌: తెలంగాణ ఏర్పడిన తర్వాత పదేళ్లపాటు ఉమ్మడి ఆదిలాబాద్‌ జిల్లాలో ఎదురులేని శక్తిగా బీఆర్‌ఎస్‌ చక్రం తిప్పింది. నిర్మల్‌ జిల్లాలో మూడు నియోజకవర్గాల్లోనూ గులాబీపార్టీ గుత్తాధిపత్యాన్ని చెలాయించింది. 2023 అసెంబ్లీ ఎన్నికల ఫలితాలు ఆ పార్టీ ప్రస్థానాన్ని ఒక్కసారిగా తలకిందులు చేశాయి. జిల్లాలోని నిర్మల్‌, ముధోల్‌, ఖానాపూర్‌ మూడు అసెంబ్లీ స్థానాల్లో ఓటమి పాలైంది. అప్పటి వరకూ ఉన్న కీలక నేతలూ పార్టీని వీడడంతో కేడర్‌ దిక్కుతోచనిస్థితిలో పడింది. ప్రస్తుతం నియోజకవర్గాల్లో ఉన్న లీడర్లు పార్టీని కాపాడుకుంటూ వస్తున్నా.. మళ్లీ పూర్వవైభవం తీసుకురావాలన్న లక్ష్యంతో వర్కింగ్‌ ప్రెసిడెంట్‌ కేటీఆర్‌ జిల్లాల వారీగా బహిరంగసభలు నిర్వహిస్తున్నారు. అధికార కాంగ్రెస్‌ను ప్రజల్లో ఎండగట్టడంతోపాటు సంస్థాగతంగా, క్షేత్రస్థాయి నుంచి గులాబీదళాన్ని మళ్లీ బలోపేతం చేసి వచ్చే ఎన్నికల్లో గెలుపుజెండా ఎగురవేయాలన్న లక్ష్యంతో ఉన్నారు. ఈ నేపథ్యంలో ఈనెల 11న బుధవారం నిర్మల్‌లోని ఎన్టీఆర్‌ మినిస్టేడియంలో నిర్వహించనున్న రైతుగర్జనకు బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ రానున్నారు. ఈక్రమంలో గులాబీశ్రేణులన్నీ ఏకమవుతూ సభ విజయవంతానికి శ్రమిస్తున్నాయి. ఓటమితో తగ్గిన వేగం.. టాప్‌గేర్‌లో దూసుకెళ్తున్న కారు పార్టీకి 2023 అసెంబ్లీ ఎన్నికల ఫలితాలు బ్రేకులు వేశాయి. నిర్మల్‌లో మాజీ మంత్రి ఇంద్రకరణ్‌రెడ్డి, ముధోల్‌లో మాజీ ఎమ్మెల్యే, అప్పటి పార్టీ జిల్లా అధ్యక్షుడిగా ఉన్న విఠల్‌రెడ్డిలతోపాటు, ఖానాపూర్‌లో కేటీఆర్‌ సన్నిహితుడు, అప్పుడే రాజకీయాల్లోకి వచ్చిన యువ నాయకుడు జాన్సన్‌నాయక్‌ పరాజయం చవిచూశారు. ఇది చాలదన్నట్లు.. ఎన్నికల అనంతరం మాజీ మంత్రి ఇంద్రకరణ్‌రెడ్డి, మాజీ ఎమ్మెల్యే విఠల్‌రెడ్డి కాంగ్రెస్‌ గూటికి చేరడంతో పార్టీకి నాయకత్వలోటు ఏర్పడింది. అధికారం కోల్పోవడం, కీలక నేతలు దూరం కావడంతో ద్వితీయశ్రేణి నాయకులు, కార్యకర్తల్లో నైరాశ్యం నెలకొంది. ఖానాపూర్‌లో జాన్సన్‌నాయక్‌, నిర్మల్‌లో రాంకిషన్‌రెడ్డి, ముధోల్‌లో రమాదేవి, డా.కిరణ్‌ కొమ్రెవార్‌, లోలం శ్యాంసుందర్‌తోపాటు ముందునుంచీ ఉన్న సీనియర్‌నేత విలాస్‌ గాదేవార్‌ తదితరులు అందుబాటులో ఉన్నప్పటికీ మునుపటి చైతన్యం శ్రేణుల్లో కనిపించడం లేదు. రైతుగర్జన.. బలప్రదర్శన ఈనెల 11న కేటీఆర్‌ పాల్గొననున్న రైతుగర్జన బహిరంగ సభను బీఆర్‌ఎస్‌ ప్రతిష్టాత్మకంగా తీసుకుంటోంది. రైతు సమస్యలను ప్రధాన అజెండాగా చేసుకుని కాంగ్రెస్‌ ప్రభుత్వంపై విమర్శనాస్త్రాలు సంధించడంతోపాటు.. నిస్తేజంగా ఉన్న పార్టీ శ్రేణుల్లో జోష్‌ నింపాలని భావిస్తోంది. సభకు భారీగా జనసమీకరణ చేయడం ద్వారా జిల్లాలో తమకు ఇంకా బలమైన కేడర్‌ ఉందనే సంకేతాలు పోటీపార్టీలకు పంపాలని చూస్తోంది. ఈక్రమంలో పక్క జిల్లాకు చెందిన బాల్కొండ ఎమ్మెల్యే, మాజీమంత్రి ప్రశాంత్‌రెడ్డి, మాజీ ఎంపీ బాల్కసుమన్‌, బోథ్‌ ఎమ్మెల్యే అనిల్‌జాదవ్‌లకు బహిరంగసభ బాధ్యతలు అప్పజెప్పింది. నిర్మల్‌లోనే ఉంటూ స్థానిక నేతలతో కలిసి వారు సభ విజయవంతానికి శ్రమిస్తున్నారు. పదేళ్లు ఆధిపత్యం.. 2014 తెలంగాణ రాష్ట్ర ఆవిర్భావం నుంచి జిల్లాలో బీఆర్‌ఎస్‌ రాజకీయంగా బలమైన శక్తిగా ఎదిగింది. నిర్మల్‌, ముధోల్‌, ఖానాపూర్‌ నియోజకవర్గాల్లో వరుసగా తన పట్టును నిలుపుకుంటూ వచ్చింది. గ్రామస్థాయి వరకూ పార్టీ విస్తరించింది. ప్రభుత్వ పథకాలు, రాజకీయ సమీకరణాలతో ప్రజల్లోనూ మంచి పట్టు సాధించింది. పదేళ్లపాటు అధికారంలో ఉండటం, ఏ ఎన్నికై నా గులాబీదళానిదే గెలుపు కావడంతో పార్టీ శ్రేణుల్లోనూ ఆత్మవిశ్వాసం కనిపించేది. ‘కారు’లో కొత్త ముఖాలు.. మున్ముందు మళ్లీ బీఆర్‌ఎస్‌కే విజయావకాశాలు ఉంటాయన్న ఆశలు కారు పార్టీలో కనిపిస్తున్నాయి. ఇందుకు ఇటీవల పేరు, పరపతి ఉన్న పలువురు కారెక్కడమే కారణం. నిర్మల్‌ నియోజకవర్గంలో ఎన్‌వీఆర్‌ ఫౌండేషన్‌ వ్యవస్థాపకుడు, యువనేత నల్ల వినయ్‌రెడ్డి బీఆర్‌ఎస్‌లో చేరడం పార్టీకి కొంత ఊరటనిచ్చే పరిణామం. యువ నాయకత్వాన్ని ప్రోత్సహించడం, కొత్తవారిని పార్టీలోకి తీసుకురావడం ద్వారా పూర్వవైభవం సాధించాలని అధిష్టానం భావిస్తున్నట్లు కనిపిస్తోంది. సభలో, ఆ తర్వాత మరికొందరు పార్టీలో చేరనున్నట్లు గులాబీశ్రేణులు పేర్కొంటున్నాయి.

నిర్మల్‌టౌన్‌: పోలీస్‌ ప్రజావాణికి వచ్చే ఫిర్యాదులపై తక్షణమే స్పందించి, చట్టపరంగా పరిష్కారం చూపాలని ఎస్పీ జానకీషర్మిల అధికారులను ఆదేశించారు. జిల్లా పోలీసు కార్యాలయంలో సోమవారం నిర్వహించిన ప్రజావాణిలో వివిధ ప్రాంతాల నుంచి వచ్చిన బాధితుల నుంచి ఫిర్యాదులు స్వీకరించారు. వారి సమస్యలను స్వయంగా అడిగి తెలుసుకున్నారు. అనంతరం సంబంధిత పోలీస్‌స్టేషన్‌ అధికారులతో మాట్లాడి ఫిర్యాదులపై వెంటనే స్పందించాలని సూచించారు. ప్రతీ ఫిర్యాదును బాధ్యతగా పరిశీలించి, బాధితులకు సకాలంలో న్యాయం అందేలా చర్యలు తీసుకోవాలన్నారు. పరిష్కారంలో అనవసర జాప్యం లేకుండా చూడాలని పేర్కొన్నారు. ఠాణాకు వచ్చేవారితో మర్యాదపూర్వకంగా వ్యవహరించాలని ఆదేశించారు.

ఖానాపూర్‌ మండలంలోని బీర్నంది పంచాయతీ పరిధిలోని ఇప్పమడ గ్రామంలో దీపావళి ఉత్సవాల ముగింపు వేడుకలను ఆదివాసీలు సోమవారం సంప్రదాయబద్ధంగా నిర్వహించారు. ఇందులో భాగంగా గ్రామంలోని ప్రతీ ఇంట్లో గోమాతకు ప్రత్యేక పూజలు చేశారు. అనంతరం ఇంటింటా లక్ష్మీ పూజలు నిర్వహించి కోలాటాలు, గుస్సాడీ నృత్యాలతో సందడి చేశారు. తర్వాత సంప్రదాయం ప్రకారం స్నానాలు ఆచరించారు. గ్రామ పటేల్‌ ఇంటి వద్ద ఆకీ పేన్‌కు ప్రత్యేక పూజలు నిర్వహించి గుస్సాడీ వేషధారణను విరమించారు. అనంతరం గ్రామ దేవతలకు నైవేద్యాలు సమర్పించి, ఆదివాసీలు సహపంక్తి భోజనాలు చేశారు. – ఖానాపూర్‌

నిర్మల్‌చైన్‌గేట్‌: ప్రజావాణిలో ప్రజల నుంచి స్వీకరించిన అర్జీలను క్షుణ్ణంగా పరిశీలించి, నిబంధనల ప్రకారం నిర్ణీత గడువులోగా పరిష్కరించాలని కలెక్టర్‌ భవేష్‌మిశ్రా అధికారులను ఆదేశించారు. కలెక్టరేట్‌ సమావేశ మందిరంలో సోమవారం నిర్వహించిన ప్రజావాణిలో వివిధ ప్రాంతాల నుంచి వచ్చిన ప్రజల నుంచి అర్జీలు స్వీకరించారు. ఇందిరమ్మ ఇళ్లు, ఉపాధి, భూ సమస్యలు తదితర అంశాలకు సంబంధించిన దరఖాస్తులను పరిశీలించి, వాటి పరిష్కారానికి సంబంధిత అధికారులు చర్యలు తీసుకోవాలని సూచించారు. ప్రజావాణి లాగిన్‌లో నమోదైన ప్రతీ దరఖాస్తుకు నిబంధనల ప్రకారం సముచిత సమాధానం ఇవ్వాలని తెలిపారు. పెండింగ్‌లో ఉన్న అర్జీలను ప్రత్యేకంగా గుర్తించి వెంటనే పరిష్కరించాలని ఆదేశించారు. ప్రజల సమస్యల పరిష్కారంలో నిర్లక్ష్యం, జాప్యం లేకుండా నిర్దేశిత గడువులోగా చర్యలు పూర్తి చేయాలన్నారు.

లక్ష్మణచాంద: గతంలో గ్రామాల్లో చేపట్టిన అభివృద్ధి పనుల బిల్లుల మంజూరీ కోసం సర్పంచులు ట్రెజరీకి పంపి, నిధులు రావడానికి నెలల తరబడి వేచి ఉండాల్సి వచ్చేది. దీంతో తీవ్ర ఇబ్బందులు ఎదుర్కొనేవారు. ఈ సమస్యను అధిగమించి సర్పంచుల కష్టాలు తీర్చేందుకు రాష్ట్ర ప్రభుత్వం నూతన విధానాన్ని అమలులోకి తెచ్చింది. నూతన ఖాతాలకు ఉత్తర్వులు.. రాష్ట్ర ప్రభుత్వం గ్రామ పంచాయతీల నిధుల కోసం కొత్త ఖాతాలు తెరవాలని ఉత్తర్వులు జారీ చేసింది. శాసనసభలో చట్ట సవరణ ద్వారా ఇకపై జీపీలకు ఈ ఖాతాలు అందుబాటులోకి రానున్నాయి. కేంద్ర, రాష్ట్ర నిధులతోపాటు స్థానికంగా వచ్చే పన్నులు కూడా ఈ ఖాతాల్లో జమ చేసుకునే అవకాశం ఉంది. దీంతో జిల్లా వ్యాప్తంగా సర్పంచులు సంతోషం వ్యక్తం చేస్తున్నారు. నిధులు జమ చేసుకునే విధానం.. జాతీయ బ్యాంకులు, సహకార బ్యాంకులు, తపాలా కార్యాలయాల్లో ఈ ఖాతాలు తెరవవచ్చు. 16వ ఆర్థిక సంఘం నిధులు, రాష్ట్ర ప్రభుత్వం నుంచి వచ్చే రాష్ట్ర ఫైనాన్స్‌ తదితర నిధులతోపాటు స్థానికంగా వసూలయ్యే ఇంటి పన్నులు, అద్దెలు కూడా ఇందులో జమ చేసుకోవచ్చు. అత్యవసర ప నుల కోసం ఈ నిధులను వెంటనే ఉపసంహరించుకునే సౌలభ్యం కలిగిందని సర్పంచులు తెలిపారు. సమస్యల పరిష్కారానికి.. ఎల్‌నినో ప్రభావంతో గ్రామాల్లో తాగునీటి సమస్యలు తలెత్తే అవకాశం ఉంది. బోర్లు, బావుల నుంచి ట్యాంకర్ల ద్వారా నీటిని సరఫరా చేయడం, పారిశుద్ధ్య పనులు నిర్వహించడం, వీధి దీపాల సమస్యలు పరిష్కరించేందుకు ఈ నిధులు వినియోగించుకోవచ్చని సర్పంచులు పేర్కొంటున్నారు. జిల్లా సమాచారం... మొత్తం మండలాలు : 19మొత్తం గ్రామ పంచాయతీలు :400

నిర్మల్‌చైన్‌గేట్‌: తమ సమస్యలను పరిష్కరించి ఉద్యోగ భద్రత కల్పించాలని కోరుతూ ఎన్‌హెచ్‌ఎం ఉద్యోగులు చేపట్టిన నిరవధిక సమ్మె సోమవారం 28వ రోజుకు చేరుకుంది. ఈ సందర్భంగా సమ్మె శిబిరంలోనే ఉద్యోగులు దీపావళి జరుపుకున్నారు. కుటుంబ సభ్యులతో ఇంట్లో జరుపుకోవాల్సిన పండుగను తమ భవిష్యత్తు కోసం నిరసన టెంట్‌ కిందనే దీపాలు వెలిగించి, మిఠాయిలు పంచుకుంటూ బాధతో జరుపుకున్నామని ఉద్యోగులు తెలిపారు. తమ కాంట్రాక్ట్‌ జీవితాలనే చీకటిని తొలగించి, ఉద్యోగాలను రెగ్యులరైజ్‌ చేయడం ద్వారా వెలుగులు నింపాలని ప్రభుత్వాన్ని వేడుకున్నారు. డిమాండ్లు తీరేవరకూ పోరాటం ఆపేది లేదని స్పష్టం చేశారు.

ఖానాపూర్‌: విద్యుత్‌ వినియోగదారులకు నాణ్యమైన, అంతరాయం లేని విద్యుత్‌ సరఫరా అందిస్తామని, తరచూ ఏర్పడుతున్న అంతరాయాలను నివారించేందుకు ప్రత్యేక చర్యలు చేపడుతున్నామని విద్యుత్‌ శాఖ డీఈ నాగరాజు తెలిపారు. పట్టణంలోని 132/33 కేవీ విద్యుత్‌ సబ్‌స్టేషన్‌లో 33 కేవీ కడెం ఫీడర్‌ విభజనకు సంబంధించి చేపడుతున్న పనులను శనివారం పరిశీలించారు. బే విస్తరణ, బ్రేకర్‌ ఏర్పాటు పనుల పురోగతిని తనిఖీ చేయడంతోపాటు ఫీడర్‌పై ఉన్న ప్రస్తుత విద్యుత్‌ లోడ్‌ పరిస్థితులను సమీక్షించారు. పెరుగుతున్న విద్యుత్‌ డిమాండ్‌కు అనుగుణంగా ఫీడర్‌ విభజన చేపట్టడం ద్వారా ఓవర్‌లోడ్‌ సమస్యను తగ్గించి, సరఫరాలో అంతరాయాలు లేకుండా చూడవచ్చని పేర్కొన్నారు. పనులను నాణ్యతా ప్రమాణాలతో నిర్ణీత సమయంలో పూర్తి చేయాలని ఏఈ రామ్‌సింగ్‌, సంబంధిత సిబ్బందికి సూచించారు. ఈ పనులు పూర్తయితే కడెం పరిసర ప్రాంతాల విద్యుత్‌ సరఫరా వ్యవస్థ మరింత పటిష్టమై వినియోగదారులకు మెరుగైన సేవలు అందుతాయని డీఈ తెలిపారు.

నిర్మల్‌:దీపావళి దేశమంతా జరుపుకునే వెలుగుల పండుగ. వేడుక ఒక్కటే అయినా ఆచారాలు, సంప్రదాయాలు, సంబరాల తీరు ప్రతీ రాష్ట్రంలో ప్రత్యేకంగా ఉంటాయి. భిన్న సంస్కృతుల కలయికగా నిలిచిన జిల్లా ఈ విషయంలో మినీ భారతంగా కనిపిస్తుంది. ఉపాధి, వ్యాపారం, ఉద్యోగాల కోసం దేశంలోని వివిధ రాష్ట్రాల నుంచి వచ్చి ఇక్కడ స్థిరపడిన కుటుంబాలు తమ తమ సంప్రదాయాలను ఇప్పటికీ కొనసాగిస్తున్నాయి. వారి ఇళ్లలో దీపావళి వేడుకలు ఎలా సాగుతాయి, ఏ రాష్ట్రం వారు ఎలాంటి ఆచారాలు పాటిస్తారు, ఏయే ప్రత్యేక వంటకాలు చేసుకుంటారు అనే అంశాలపై ప్రత్యేక కథనం. భిన్న సంస్కృతుల ఖిల్లా.. జిల్లా వివిధ ప్రాంతాల ప్రజల సమ్మేళనం. ఉత్తరాన కాశ్మీరం నుంచి దక్షిణాన కన్యాకుమారి వరకు దేశాన్ని కలిపే 44వ జాతీయ రహదారి నిర్మల్‌ నడిబొడ్డు నుంచే వెళ్తోంది. ఈ మార్గం వల్ల మహారాష్ట్ర, మధ్యప్రదేశ్‌, రాజస్థాన్‌, గుజరాత్‌, ఒడిశా, ఉత్తరప్రదేశ్‌, బీహార్‌, కర్ణాటక, తమిళనాడు, కేరళ తదితర రాష్ట్రాల నుంచి అనేక కుటుంబాలు ఇక్కడ స్థిరపడ్డా యి. ప్రాంతాలు మారినా తమ మూలాలను మాత్రం వారు మరచిపోలేదు. స్థానిక సంప్రదాయాలకు అనుగుణంగా మెలుగుతూనే తమ ప్రత్యేక ఆచారాలను కాపాడుకుంటున్నారు. జిల్లాలోని వివిధ సంస్కృతలవారు దీపావళి జరుపుకునే తీరు వారి మాటల్లో.. గుజరాతీలకు దీపావళి కేవలం పండుగ మాత్రమే కాదు.. కొత్త సంవత్సర ఆరంభం కూడా. లక్ష్మీపూజతోపాటు వ్యాపారులు కొత్త ఖాతా పుస్తకాలను ప్రారంభిస్తారు. దీన్ని చోప్రాపూజ అంటారు. దీపావళి మరుసటి రోజు బెస్తువరస్‌ పేరుతో కార్తీకమాసం మొదటిరోజును గుజరాతీ నూతన సంవత్సరాన్ని ప్రారంభిస్తాం. ఇళ్లను అలంకరించి, బంధుమిత్రులకు మిఠాయిలు పంచుకుంటాం. –నర్మద, శాంతిలాల్‌పటేల్‌ దంపతులు

లక్ష్మణచాంద: మండల కేంద్రానికి చెందిన జగడం భీమన్న(95) వృద్ధాప్యం, అనారోగ్య సమస్యలతో శనివారం మృతిచెందాడు. ఆయన మృతితో లక్ష్మణచాంద గ్రామంతోపాటు పరిసర గ్రామాల్లో విషాదఛాయలు అలుముకున్నాయి. భీమన్నకు దేవుడు ఆవహిస్తాడని స్థానికులు విశ్వసిస్తారు. చుట్టుపక్కల గ్రామాల ప్రజలు తమ కుటుంబాల్లో సమస్యలు ఎదురైనా, పశువులు తప్పిపోయినా ఆయన్ను సంప్రదించేవారు. ప్రత్యేక ఆచారాలతో అంతిమయాత్ర శనివారం అంత్యక్రియలను ప్రత్యేక సంప్రదాయ పద్ధతిలో నిర్వహించారు. స్థానిక ఆచారాల ప్రకారం కర్రలతో ప్రత్యేకంగా జూలా ఏర్పాటు చేసి, అందులో భీమన్న పార్థివదేహాన్ని ఉంచి పూలతో అలంకరించి పూజలు చేశారు. పసుపు చల్లుతూ సంప్రదాయబద్ధంగా అంతిమ యాత్ర చేపట్టి అంత్యక్రియలు నిర్వహించారు. లక్ష్మణచాంద గ్రామస్తులతోపాటు చుట్టుపక్కల గ్రామాల ప్రజలు పాల్గొని కన్నీటి వీడ్కోలు పలికారు.

ఇబ్రహీంపట్నంరూరల్‌: అనుమానాస్పద స్థితిలో ఓ యువకుడు మృతిచెందాడు. తల్లిదండ్రులు రాకముందే మృతదేహాన్ని తరలించడంతో తమ కొడుకును హత్య చేశారని పోలీస్‌స్టేషన్‌ ఎదుట రోదించారు. ఈ సంఘటన ఆదిభట్ల పోలీస్‌స్టేషన్‌ పరిధిలో చోటు చేసుకుంది. వివరాలు ఇలా ఉన్నాయి.. కొహెడ సమీపంలోని నిధి కన్వెన్షన్‌ హాల్‌లో ఆదిలాబాద్‌ జిల్లాకు చెందిన తల్లీకొడుకులు జ్యోతి, గజానంద్‌ (21) ఆరు నెలలుగా పని చేస్తున్నారు. జ్యోతి హౌస్‌కీపింగ్‌, గజానంద్‌ సెక్యూరిటీ గార్డుగా పని చేస్తున్నారు. భర్త సంజీవ దసరా పండుగకు వచ్చాడు. భార్యాభర్తలు శుక్రవారం దీపావళి పండుగ కోసం స్వగ్రామానికి వెళ్లారు. అదే రోజు రాత్రి గజానంద్‌ ఇంట్లో ఫ్యాన్‌కు చీరతో ఉరివేసుకొని బలవన్మరణానికి పాల్పడ్డాడు. శనివారం ఉదయం మేనేజర్‌ విజయ్‌ ఫోన్‌ చేసి తల్లిదండ్రులకు విషయం తెలిపాడు. అప్పటికే పోలీసులు మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు. పోలీస్‌ స్టేషన్‌లో ఫిర్యాదు చేయడానికి తల్లిదండ్రులతోపాటు కుటుంబ సభ్యులు వచ్చా రు. ఎస్సై రాజశేఖర్‌రెడ్డి ఏకపక్షంగా వ్యవహరిస్తున్నారని తమ గోడు వినడం లేదని ఆరోపించారు. దీంతో ఊగి పోయిన ఎస్సై వారిని స్టేషన్‌ నుంచి బయటకు పంపించేశారు. తమ కొడుకుది ముమ్మాటికీ హత్యేనని, చనిపోయంతా పిరికివాడు కాదని, ఉన్నతాధికారులు న్యాయం చేయాలని తల్లిదండ్రులు స్టేషన్‌ ఎదుట బోరున విలపించారు. ఈ విషయమై ఎస్సైని సంప్రదించగా.. గజానంద్‌ ఆత్మహత్య కేసులో సమగ్ర విచారణ చేపడతామని తెలిపారు. ప్రేమ వ్యవహారం చెడిపోవడంతోనే ఆత్మహత్యకు పాల్పడినట్టు అనుమానం వ్యక్తం చేశారు. కేసు నమోదు చేసుకొని దర్యాప్తు చేస్తున్నట్టు చెప్పారు.

● భైంసా ప్రాంతంలో ఏళ్లుగా కొనసాగుతున్న సంస్కృతిభైంసాటౌన్‌: ఇప్పుడు అందరికీ కంప్యూటర్‌ పరిజ్ఞా నం అందుబాటులోకి వచ్చింది. వ్యాపారానికి సంబంధించి నగదు లావాదేవీలన్నీ కంప్యూటర్‌లోనే నిక్షిప్తం చేస్తున్నారు. అయితే, భైంసాతోపాటు పరిస ర ప్రాంతాల్లో చాలామంది వ్యాపారులు గతంలో ఖాతా బుక్కులనే వినియోగించేవారు. అందులోనే రోజువారీ నగదు లావాదేవీలు నమోదు చేసేవారు. ఆ సంస్కృతిని ఇప్పటికీ కొందరు కొనసాగిస్తున్నా రు. ముఖ్యంగా భైంసా పట్టణంలోని పలు కాటన్‌ జిన్నింగ్‌ మిల్లుల్లో, కమీషన్‌ ఏజెంట్లు రోకడ్‌ ఖాతా(క్యాష్‌ బుక్‌)లు నిర్వహిస్తున్నారు. వీటిని రాసేందు కు ప్రత్యేకంగా సిబ్బంది సైతం ఉంటారు. అయితే, క్రమేపీ ఇలాంటి ఖాతాలను నిర్వహించడం తగ్గుతోంది. రాసే వారికి సైతం ఆదరణ తగ్గుతోంది. అయినా, కొందరు వర్తకులు వారి ఉపాధికి గండి కొట్టకూడదన్న సదుద్దేశంతో ఇంకా రోకడ్‌ ఖాతాలు నిర్వహిస్తున్నారు. వారికి ఉపాధి కల్పిస్తున్నారు. మహారాష్ట్ర సంస్కృతి.. భైంసా మహారాష్ట్ర సరిహద్దు ప్రాంతం కావడంతో అక్కడి సంస్కృతి ఇక్కడివారిపై ప్రభావం చూపుతుంది. వ్యాపారులు సైతం అక్కడి నుంచి ఇక్కడ స్థిరపడినవారు ఉన్నారు. ప్రతీ దీపావళి సందర్భంగా కొత్తగా ఖాతా పుస్తకాలు కొనుగోలు చేసి లక్ష్మీపూజ రోజున ఈ ‘రోకడ్‌ ఖాతా’లను ప్రారంభించడం ఒక విశిష్టమైన సంప్రదాయంగా వస్తోంది. లక్ష్మీపూజ ముహూర్తంలో వ్యాపారులు తమ పాత ఖాతా పుస్తకాలకు స్వస్తి చెప్పి, కుంకుమ, పసుపు, పుష్పాలతో కొత్త ‘రోకడ్‌‘ పుస్తకాలకు పూజ చేస్తారు. స్థానిక మార్వాడీ, గుజరాతీ, మరాఠీ వర్తక వర్గాలు ‘రోకాడ్‌ వహీ’ (నగదు పుస్తకం)లను కొత్త ఆర్థిక సంవత్సర ప్రారంభంగా భావిస్తారు. తొలి లావాదేవీని ‘శ్రీ’ లేదా ‘లాభ్‌’ అని రాసి ప్రారంభించడం ద్వారా ఏడాది పొడవునా వ్యాపారం సజావుగా, లాభదాయకంగా సాగుతుందని వ్యాపారులు నమ్ముతారు.

తమిళ సంప్రదాయంలోనూ దీపావళిని ఘనంగా చేసుకుంటాం. చెడుపై మంచి గెలిచినందుకు ఈ పర్వదినాన్ని వెలుగులతో జరుపుకుంటాం. కొన్నిచోట్ల నాన్‌ వెజ్‌తోనూ సంబురాలు చేసుకుంటారు. మా ఇంట్లో అన్నిరకాల మిఠాయిలతో పండుగ ఉంటుంది. పిల్లలు, పెద్దలు అనే తేడాలేకుండా పెద్ద ఎత్తున పటాకులు కాలుస్తాం. – కాసిమల్లి, శరవణన్‌ దంపతులు, నిర్మల్‌ఉత్తరప్రదేశ్‌తోపాటు ఉత్తరాది ప్రాంతాల్లో దీపావళికి రామాయణమే నేపథ్యం. శ్రీరాముడు రావణుడిని సంహరించి అయోధ్యకు తిరిగి వచ్చిన సందర్భంగా చేసుకునే పండుగగా భావిస్తాం. దీపాలు వెలిగించి స్వాగతం పలికిన సంప్రదాయాన్ని గుర్తు చేసుకుంటాం. ఇక్కడ కూడా లక్ష్మీదేవితోపాటు పండుగ రోజు రాముడిని పూజిస్తాం. – జానమతి, వినోద్‌ దంపతులు, నిర్మల్‌రాక్షసుడైన రావణుడిని సంహరించి లోకానికి వెలుగులు తెచ్చిన రాముడు తిరిగి అయోధ్యకు వస్తున్న సందర్భాన్ని దీపావళిగా జరుపుకుంటాం. మధ్యప్రదేశ్‌లో లక్ష్మీపూజతోపాటు రాముడికి ప్రత్యేక పూజలు చేస్తాం. చిత్రకూట్‌లోని కాంతాదాస్‌, రామాలయాలను సందర్శించడం ఆనవాయితీ. ఇక్కడ చేసుకున్నట్లే సేగలు, స్వీట్లు చేసుకుంటాం. –నమ్రత, నవీన్‌తివారీ దంపతులు, నిర్మల్‌లక్ష్మణచాంద: మండలంలోని న్యూ కంజర్‌ గ్రామ భూ సమస్యలు త్వరగా పరిష్కరించేందుకు చర్యలు తీసుకోవాలని కలెక్టర్‌ భవేశ్‌ మిశ్రా అధికారులను ఆదేశించారు. భూ సమస్యల పరిష్కారంపై తహసీల్దార్‌ కార్యాలయంలో శనివారం సమీక్ష నిర్వహించారు. ఈ సందర్భంగా భూ సమస్యల దరఖాస్తుల సంఖ్య, సమస్యల పరిష్కారానికి చేపట్టిన చర్యల వివరాలు అధికారులను అడిగి తెలుసుకున్నారు. సర్వే సందర్భంగా ప్రతి దరఖాస్తును క్షుణ్ణంగా పరిశీలించి పరిష్కరించాలన్నారు. ప్రతీ దరఖాస్తుకు సంబంధించి వివరాలు క్లుప్తంగా నమోదు చేయాలని సూచించారు. దరఖాస్తుల వివరాలన్నీ పకడ్బందీగా నమోదు చేయాలని చెప్పారు. మండలస్థాయి ప్రజావాణి దరఖాస్తులు ఎప్పటికప్పుడు పరిష్కరించాలని తెలిపారు. సమావేశంలో అదనపు కలెక్టర్‌ వెంకట మాధవరావు, ఆర్డీవో దేవీదాస్‌, తహసీల్దార్‌ సరిత, ఎంపీడీవో వనజ, ఇతర అధికారులు పాల్గొన్నారు. కేసీఆర్‌ పాలన.. రైతులకు ఓ భరోసా అయోధ్యకు రాముడిని ఆహ్వానిస్తూ..తమిళనాట తెలుగు లెక్కనే... మధ్యదేశంలో వెలుగుల వేడుక..

రెబ్బెన: గోలేటి టౌన్‌షిప్‌లోని సింగరేణి పాఠశాల మైదానంలో శనివారం ఉమ్మడి జిల్లా సెపక్‌తక్రా జోనల్‌స్థాయి స్కూల్‌ గేమ్స్‌ అండర్‌–14, 17, 19 బాలబాలికల ఎంపిక పోటీలు నిర్వహించారు. ఈ పోటీల్లో పలువురు ప్రతిభ కనబర్చి రాష్ట్ర స్థాయి పోటీలకు ఎంపికయ్యారు. జనగామ జిల్లాలో ఈనెల 12 నుంచి 14 వరకు జరిగే రాష్ట్రస్థాయి పోటీల్లో పాల్గొంటారని ఉమ్మడి జిల్లా సెపక్‌తక్రా అసోసియేషన్‌ ఉపాధ్యక్షుడు తిరుపతి, రాష్ట్రస్థాయి కార్యవర్గ సభ్యులు భాస్కర్‌, మల్లేశ్‌ వివరించారు. అనంతరం వారు మాట్లాడుతూ పట్టుదలతో ఆడి జిల్లా క్రీడాకారులు రాష్ట్ర స్థాయి పోటీల్లో పతకాలు సాధించాలన్నారు. కార్యక్రమంలో గోలేటి సర్పంచ్‌ అజ్మీర బాబురావు, సెపక్‌తక్రా రాష్ట్ర సంయుక్త కార్యదర్శి శిరీష, రాష్ట్ర కార్యవర్గ సభ్యులు కుమ్మరి మల్లేష్‌, జిల్లా ప్రధాన కార్యదర్శి సత్యనారాయణ, పంచాయతీ కార్యదర్శి పోశం, పీడీ వశీం ఖాన్‌, శారద, స్వప్న, పీఈటీ రవి తదితరులు పాల్గొన్నారు. ఎంపికై న అండర్‌–14 జట్టు అండర్‌–14 బాలుర జట్టులో సీహెచ్‌ హరీశ్‌, జె.అభిషేక్‌, డి.శివప్రణీత్‌, కె.కేశవరావు, కె.సాయి శ్రీరాం, సీహెచ్‌ అంకిత్‌, జె.ప్రణీత్‌. బాలికల జట్టుకు కె.దర్శిని, ఎం.యాసశ్రీ, జి.అక్షయ, జి.స్వరూప, డి.వైష్ణవి, ఎ.సహస్విని, పి.ప్రితి ఎంపికయ్యారు.

కెరమెరి: ఆదివాసీ సంస్కృతి సంప్రదాయానికి ప్రతీకగా నిలిచే దండారీ ఉత్సవాలకు ప్రభుత్వం నుంచి తగిన ప్రోత్సాహం అందడం లేదు. వీటి నిర్వహణకు గిరిజనులకు భారంగా మారాయి. గతంలో రూ.50 వేలతో ముగిసే ఉత్సవాలకు నేడు రూ.లక్ష దాటుతుంది. ఒక్కో దండారీకి ప్రభుత్వం అందించే రూ.15 వేల అరకొర సాయం ఎటు సరిపోక అప్పుల ఊబిలోకి కూరుకుపోతున్నారు. కనీసం రూ. 50 వేలకు పెంచాలని నిర్వాహకులు, ఆదివాసీ సంఘాల నాయకులు, పెద్దలు కోరుతున్నారు. ఆతిథ్యం ప్రధానం దీపావళి వేళ పదిరోజుల పాటు సాగే దండారీ ఉత్సవాల్లో పరస్పర ఆతిథ్యానిదే ప్రధానం. ఒక గూడెం దండారీ బృందం మరో గూడేనికి అతిథులుగా వెళ్లి కాళ్లు కడిగి సాదరంగా ఆహ్వానించడం ఆనవాయితీ. పొరుగు గ్రామం నుంచి వచ్చే దండారీకి టీ, టిఫిన్‌, రెండు పూటలు భోజన వసతికి రూ.20 వేల నుంచి 30 వేలు ఖర్చవుతుంది. అతిథులు పెరిగితే వ్యయం రెట్టింపవుతుంది. ఒక్కో గ్రామానికి రెండు, మూడు బృందాలు వస్తే రూ. 50 వేలు దాటుతాయి. గుస్సాడీ వేషధారణకు రూ.వేలల్లో ఖర్చు గుస్సాడీ వేషధారణకు సమకూర్చుకోవాల్సిన ప్రతి వస్తువు ఖరీదైనది. నెమలిపింఛాల టోపీ, రకరకాల పూసల మాలలు, జింక చర్మం, నడుముకు, కాళ్లకు కట్టే భారీ గజ్జెలకు రూ.20 వేలకు పైగా వెచ్చించాల్సి వస్తుంది. లయబద్ధంగా శబ్దాలు చేసే సంప్రదాయ డప్పు ఒక్కొక్కటి తయారీకి రూ. 3 వేలు ఖర్చవుతుంది. పాత వాటికి సరిచేయిస్తే మరో రూ.వెయ్యి అవుతోంది. బృందంలో నృత్యం చేసే పోరీల(వేషధారణ) ఆభరణాల కోసం ఒక్కొక్కరికి దాదాపు రూ. 5 వేలు వరకు వెచ్చించాలి. పూజలు జరిగే వేదిక నృత్యాలు చేసే టెంట్‌ మండపం డెకరేషన్‌కు మరో రూ. 20 వేల వరకు ఖర్చు వస్తుంది. ఏత్మాసూర్‌ ఉన్న ఇంటికే భారం గూడెంలో ఎవరి ఇంట్లో ‘ఏత్మాసూర్‌’దేవత ప్రతిష్ట అయి ఉంటుందో ఆ కుటుంబమే దండారీ నిర్వహణ భారం మోయాల్సి ఉంటుంది. ఏడాదంతా ఎండనక, వాననక కష్టపడి పండించిన పాడి పంటల ద్వారా వచ్చిన కొద్ది ఆదాయం పది రోజుల పండుగకే ఖర్చులకు సరిపోతుందని పలువురు నిర్వాహకులు పేర్కొంటున్నారు. ఝరిలో నృత్యాలు చేస్తున్న గుస్సాడీలువివరాలు జిల్లా దండారీల ఆదిలాబాద్‌ 641 కుమురంభీం 247 మంచిర్యాల 34 నిర్మల్‌ 78

భైంసాలో సదర్‌ వేడుకలు భైంసా: సదర్‌ వేడుకలకు భైంసా సర్వం సిద్ధమైంది. సోమవారం జరగనున్న వేడుకలకు పట్టణం ముస్తాబైంది. ఇప్పటికే రైతులు అన్ని ఏర్పాట్లు చేస్తున్నారు. ఈ ఏడాది సుమారు 30 దున్నపోతులతో ప్రత్యేక ఆకర్షణగా నిలవనున్నాయి. పూలమాలల అలంకరణతో కవాతు చేయనున్న వాటి విన్యాసాలు, యువత స్టెప్పులతో పండుగ కోలాహలం ఉండనుంది. వాటిని అందంగా అలంకరించి ప్రజల సందర్శనార్థం ప్రదర్శిస్తారు. ఒక్కోటి వెనుక యజమాని పడే శ్రమ, పెట్టే ఖర్చు, చూపించే ప్రేమ ప్రత్యేకంగా చెప్పుకోవాల్సిందే. నాలుగేళ్లుగా వేడుకలు భైంసాలో గత నాలుగేళ్లుగా సదర్‌ ఉత్సవాలను స్థానికులు ఉత్సాహంగా నిర్వహిస్తున్నారు. ఏటా ఈ వేడుకలపై ఆసక్తి పెరుగుతోంది. పశుపోషకులంతా ఒకచోట చేరి తమ పశుసంపదను ప్రదర్శించడంతోపాటు సంప్రదాయాన్ని భావితరాలకు పరిచయం చేస్తున్నారు.

నిర్మల్‌టౌన్‌ : కేసీఆర్‌ పాలన రైతులకు ఓ భరోసా ఇచ్చిందని, రాజులా బతికారని, కాంగ్రెస్‌ ప్రభుత్వంలో అన్నదాత కష్టాల కడలిలో కొట్టుమిట్టాడుతున్నాడని మాజీ మంత్రి వేముల ప్రశాంత్‌రెడ్డి విమర్శించారు. ఈ నెల 11న జిల్లా కేంద్రంలోని ఎన్టీఆర్‌ మినీ స్టేడియంలో నిర్వహించనున్న బీఆర్‌ఎస్‌ రైతు గర్జన మహాసభ ఏర్పాట్లకు శనివారం భూమిపూజ చేశారు. అనంతరం మాట్లాడుతూ.. రైతులకు ముందస్తు జాగ్రత్తగా సాగునీరు, తాగునీటి కోసం కేసీఆర్‌ చేపట్టిన చర్యలను పక్కనపెట్టి, ప్రాజెక్టుల నిర్వహణను రేవంత్‌ సర్కార్‌ నిర్లక్ష్యం చేసిందని ఆరోపించారు. కాంగ్రెస్‌ అధికారంలోకి వచ్చిన తర్వాత రైతుల పరిస్థితి దయనీయంగా మారిందన్నారు. గతంలో కేసీఆర్‌ ప్రభుత్వం రైతులకు 24 గంటల నాణ్యమైన విద్యుత్‌, సాగునీరు, రైతుబంధు, రైతుబీమా వంటి పథకాలతో అండగా నిలిచిందని గుర్తుచేశారు. నేడు యూరియా కోసం రైతులు ఎదురుచూడాల్సిన దుస్థితి ఏర్పడిందన్నా రు. రైతుల ప్రయోజనాలను కాపాడాల్సిన బాధ్యతను విస్మరించి, సాగునీటి నిర్వహణలో నిర్లక్ష్యం వహించడం వల్లే రైతులు ఇబ్బందులు ఎదుర్కొంటున్నారన్నారు. రైతుల సమస్యలను ప్రభుత్వం దృష్టికి తీసుకెళ్లడంతోపాటు వారి హక్కుల సాధన కోసం బీఆర్‌ఎస్‌ నిరంతరం పోరాడుతుందని తెలిపారు. యూరియా కొరత, సాగునీటి ఇబ్బందులు, విద్యుత్‌ సమస్యలు, పంటలకు గిట్టుబాటు ధర లేకపోవడం, రైతు సంక్షేమ పథకాల అమలులో జాప్యం వంటి అంశాలపై రైతు గర్జన సభలో గళమెత్తనున్నట్లు చెప్పారు. ఈ నెల 11న నిర్మల్‌లో జరిగే మహాసభకు బీఆర్‌ఎస్‌ రాష్ట్ర వర్కింగ్‌ ప్రెసిడెంట్‌ కేటీఆర్‌ హాజరవుతారని వెల్లడించారు. రైతులు, పార్టీ శ్రేణులు పెద్ద సంఖ్యలో తరలివచ్చి సభను విజయవంతం చేయాలని పిలుపునిచ్చారు. కార్యక్రమంలో బోథ్‌ ఎమ్మెల్యే అనిల్‌ జాదవ్‌, మాజీ ఎంపీ బాల్క సుమన్‌, ఖానాపూర్‌, నిర్మల్‌ నియోజకవర్గాల ఇన్‌చార్జీలు జాన్సన్‌ నాయక్‌, రాంకిషన్‌రెడ్డి, ముధోల్‌ నియోజకవర్గ సమన్వయకర్తలు పడకంటి రమాదేవి, లోలం శ్యాంసుందర్‌, నాయకులు పాల్గొన్నారు.

● క్వాంటమ్‌ టెక్నాలజీస్‌పై మూడు రోజుల ప్రోగ్రాం బాసర: రాజీవ్‌గాంధీ వైజ్ఞానిక సాంకేతిక విశ్వవిద్యాలయం(ఆర్జీయూకేటీ)లో మెకానికల్‌ బిల్డింగ్‌, మెకానికల్‌ డిజైన్‌ అండ్‌ సిమ్యులేషన్‌ ల్యాబ్‌లో ‘క్వాంటమ్‌ కమ్యూనికేషన్స్‌ అండ్‌ అప్లికేషన్స్‌ ఇన్‌ క్వాంటమ్‌ టెక్నాలజీలో అభివృద్ధి చెందుతున్న ధోరణులు’ అనే అంశంపై మూడు రోజులు నిర్వహించిన ఫ్యాకల్టీ డెవలప్‌మెంట్‌ ప్రోగ్రామ్‌ (ఎఫ్‌డీపీ) విజయవంతంగా ముగిసింది. మెకానికల్‌ ఇంజనీరింగ్‌ విభాగం, ఐఐటీఎం సిడాట్‌ సంజ్ఞ టెక్నాలజీస్‌ ఫౌండేషన్‌తో కలిసి ఈ కార్యక్రమాన్ని నిర్వహించింది. తెలంగాణలో క్వాంటమ్‌ విద్య, పరిశోధన, పారిశ్రామిక సహకారానికి విశ్వవిద్యాలయాన్ని ముఖ్య కేంద్రంగా తీర్చిదిద్దడంలో ఇది కీలక మైలురాయిగా నిలిచింది. ప్రారంభోత్సవంలో ఐఐటిఎమ్‌ సిడాట్‌ సంజ్ఞ టెక్నాలజీస్‌ ఫౌండేషన్‌ సిఈఓ డాక్టర్‌ రవీంద్ర బార్లింగే ఆన్‌లైన్‌లో ప్రసంగించారు. క్వాంటమ్‌ ల్యాబ్‌ల స్థాపన, విద్యార్థుల ఇంటర్న్‌షిప్‌లు, పరిశోధన ఫెలోషిప్‌లు, ప్రాజెక్ట్‌ ఫండింగ్‌, ఉమ్మడి ఆర్‌అండ్‌డి అవకాశాలను వివరించారు. ఈ సందర్భంగా క్యూకై ్లర్‌వాయన్స్‌ క్వాంటమ్‌ ల్యాబ్స్‌ ప్రైవేట్‌ లిమిటెడ్‌ వ్యవస్థాపకులు, డైరెక్టర్‌ కల్నల్‌ (రిటైర్డ్‌) సాయి శంకర్‌ పి సుమారు 40 లక్షల రూపాయల విలువైన 40 అడ్వాన్స్‌డ్‌ క్వాంటమ్‌ టెక్నాలజీ సాఫ్ట్‌వేర్‌ లైసెన్సులను ఉచితంగా విశ్వవిద్యాలయానికి అందజేశారు. వీటి ఆధారంగా ఎంపికై న 40 మంది విద్యార్థులకు ఆరు నెలల క్వాంటమ్‌ టెక్నాలజీ సర్టిఫికేషన్‌ కోర్సును ఉచితంగా అందించనున్నట్లు ప్రకటించారు. ముగింపు కార్యక్రమంలో ఆర్జీయూకేటీ ఇన్చార్జి వీసీ ప్రొఫెసర్‌ ఎ.గోవర్ధన్‌ ముఖ్య అతిథిగా పాల్గొని మాట్లాడారు. మెకానికల్‌ ఇంజినీరింగ్‌ విభాగ ప్రతినిధి డాక్టర్‌ కె.మహేష్‌, వారి బృందం చొరవను కొనియాడారు. వేగంగా మారుతున్న భవిష్యత్‌ సాంకేతికతలకు అనుగుణంగా విద్యాసంస్థలు అడుగులు వేయడం అవసరమని నొక్కి చెప్పారు. ఎంపికై న 40 మంది విద్యార్థులకు ఆరు నెలల క్వాంటమ్‌ టెక్నాలజీ సర్టిఫికేషన్‌ కోర్సును పూర్తిగా ఉచితంగా ప్రారంభించనున్నట్లు అధికారికంగా ప్రకటించారు. విశ్వవిద్యాలయంలో క్వాంటమ్‌ టెక్నాలజీకి ప్రత్యేక సెంటర్‌ ఆఫ్‌ ఎక్సలెన్స్‌ (సిఓఈ) ఏర్పాటుకు అవసరమైన చర్యలు ప్రారంభించాలని అకాడమిక్‌ అడ్మినిస్ట్రేషన్‌ను ఆదేశించారు. కార్యక్రమ ముగింపులో అతిథులు, నిర్వాహకులను సత్కరించారు. ఈ ఎఫ్‌డీపీ విజయవంతానికి సహకరించిన ఐఐటీఎం సీడాట్‌ సంజ్ఞ టెక్నాలజీస్‌ ఫౌండేషన్‌, జిల్లా కలెక్టర్‌, క్యూకై ్లర్‌వాయన్స్‌ క్వాంటమ్‌ ల్యాబ్స్‌ యాజమాన్యానికి ఆర్జీయూకేటీ యాజమాన్యం కృతజ్ఞతలు తెలిపింది. కార్యక్రమానికి ఎఫ్‌డీపీ కోఆర్డినేటర్‌ డాక్టర్‌ కె.మహేశ్‌, కోఆర్డినేటర్‌ జి.నాగరాజు, మెకానికల్‌ ఇంజినీరింగ్‌ విభాగాధిపతి చరణ్‌రెడ్డి సమన్వయకర్తలుగా వ్యవహరించగా, మెకానికల్‌ విభాగ అధ్యాపకులు, విశ్వవిద్యాలయ పరిపాలక వర్గం సహకారం అందించారు.

● డ్రంక్‌ అండ్‌ డ్రైవ్‌, ఈపెట్టీ కేసుల్లో జాప్యం వద్దు ● ఎస్పీ జానకీషర్మిల నిర్మల్‌టౌన్‌: పెండింగ్‌ కేసులపై ప్రత్యేక దృష్టి సారించాలని ఎస్పీ పోలీస్‌ అధికారులను ఆదేశించారు. జిల్లా పోలీస్‌ కార్యాలయం నుంచి అన్ని పోలీస్‌ స్టేషన్ల ఎస్‌హెచ్‌వోలు, సైబర్‌ వారియర్స్‌తో శనివారం కాన్ఫరెన్స్‌ నిర్వహించారు. కేసుల పురోగతిపై సమీక్షించారు. సైబర్‌ నేరాలకు సంబంధించిన కేసులను వేగంగా దర్యాప్తు చేసి బాధితులకు త్వరితగతిన న్యాయం జరిగేలా చూడాలన్నారు. ప్రతీ కేసు పురోగతిని ఎప్పటికప్పుడు పర్యవేక్షించాలని సూచించారు. ఈపెట్టీ కేసులను ఎప్పటికప్పుడు పరిష్కరించాలని, కేసులను అనవసరంగా పెండింగ్‌లో ఉంచొద్దని ఆదేశించారు. డ్రంక్‌ అండ్‌ డ్రైవ్‌ కేసులకు సంబంధించిన డీడీల పరిష్కారంలోనూ జాప్యం చేయొద్దన్నారు. సమావేశంలో అదనపు ఎస్పీ ఉపేంద్రారెడ్డి, సీఐలు కృష్ణ, మల్లేశ్‌, ఎస్సైలు లింబాద్రి, అశోక్‌, ముత్యం, శ్రావణి, డీసీఆర్‌బీ, ఐటీ కోర్‌, సైబర్‌ క్రైమ్‌ సిబ్బంది పాల్గొన్నారు.

‘గడ్డెన్న’ వెలవెలభైంసా: ఎల్‌నినో ప్రభావం జిల్లాలో స్పష్టంగా కనిపిస్తోంది. 24 శాతం తక్కువ వర్షపాతం నమోదు కావడంతో జలాశయాలు నిండలేదు. ఉన్న నీటిమట్టాలు కూడా వేగంగా తగ్గుతున్నాయి. భూగర్భ జలాలు అడుగంటుతున్నాయి. బోర్లు వట్టిపోతున్నాయి. ఖరీఫ్‌ పంటలే అక్కడక్కడా ఎండుతున్నాయి. దీంతో రాబోయే వేసవిలో తాగునీటి అవసరాలపై ఆందోళన నెలకొంది. కడెం మినహా మిగతా జలాశయాలు, చిన్న–మధ్యతరహా ప్రాజెక్టులు, ప్రధాన చెరువుల్లో నీరు సరిపడా లేదు. ఈ నేపథ్యంలో రాబోయే ఆరు నెలల నీటి నిర్వహణ కీలకం. తగ్గుతున్న ఎస్సారెస్పీ నీటిమట్టం.. ఉత్తరతెలంగాణ వరప్రదాయిని శ్రీరాంసాగర్‌ ప్రా జెక్టు. ఇది కూడా ఈసారి నిండలేదు. జిల్లా తాగునీటికి ప్రధాన ఆధారం ఈ జలాశయమే. అక్టోబ రు 29 ఉదయం 6 గంటల నాటికి నీటిమట్టం 35. 777 టీఎంసీలు మాత్రమే. గతేడాది ఇదే సమయంలో 80.501 టీఎంసీలు ఉండగా ఇప్పుడు అందులో సగం కూడా లేవు. ఇన్‌ఫ్లో రావడం లే దు. ఔట్‌ఫ్లో సగటు 1,535 క్యూసెక్కులుగా ఉంది. ట్రిపుల్‌ ఐటీలో సంక్షోభం.. గత వారం బాసర రాజీవ్‌గాంధీ విజ్ఞాన సాంకేతిక విశ్వవిద్యాలయంలో నీటి కొరత తీవ్రమైంది. సుమారు 9 వేల మంది విద్యార్థులకు క్యాంపస్‌లో సరఫరా సరిపోక సెలవులు, ఆన్‌లైన్‌ తరగతులు ప్రకటించారు. కలెక్టర్‌ భవేశ్‌మిశ్రా నేతృత్వంలో సమీక్ష చేసి సమస్య పరిష్కరించి తరగతులు పునఃప్రారంభించారు. ఇది వేసవి నిర్వహణ ఎంత ముఖ్యమో చూపిస్తోంది. ఖానాపూర్‌, పట్టణాల్లో ఇబ్బందులు ఖానాపూర్‌లో కొన్ని ప్రాంతాల్లో తాగునీటి సరఫరా ఇబ్బందులు మొదలయ్యాయి. భైంసా సమీప గడ్డెన్నవాగు, సారంగాపూర్‌ స్వర్ణ ప్రాజెక్టులు భైంసా, నిర్మల్‌ పట్టణాలకు కీలకం. వర్షాభావంతో వీటిలోనూ లభ్యత తగ్గింది. పట్టణాలు, గ్రామాల్లో స్థానిక వనరులు, సరఫరా వ్యవస్థల సామర్థ్యం, రోజువారీ అవసరాలను ముందస్తుగా సమీక్షించాలి. ఇక ప్రధాన చెరువులు పూర్తిగా నిండకపోవడంతో స్థానిక వనరులపై ఆధారపడే గ్రామాలకు వేసవిలో ఇబ్బందులు రావచ్చు. భూగర్భ జలాలపై ఒత్తిడి పెరిగే ప్రమాదం ఉంది. ఆరుతడి పంటలు, నీటి పొదుపు పద్ధతులపై రైతులకు అవగాహన కల్పించాలి. ఆరు నెలల ప్రణాళిక అవసరం గ్రామాలు, పట్టణాలు, విద్యాసంస్థల వారీగా రోజువారీ అవసరాలు లెక్కించి గడ్డెన్నవాగు, స్వర్ణ, కడెం, ఎస్సారెస్పీ తదితర నిల్వలను సమీక్షించాలి. తాగునీటికి ప్రాధాన్యం ఇచ్చి సాగునీటి కేటాయింపు నిర్ణయించాలి. బాసర వంటి సంఘటనలు పునరావృతం కాకుండా విద్యాసంస్థలకు ప్రత్యేక దృష్టి పెట్టాలి. ప్రత్యామ్నాయ వనరులు గుర్తించి, చెరువుల నిల్వలు కాపాడి, వృథా నివారించాలి. భైంసాటౌన్‌: ఏటా వర్షాకాలంలో నిండుకుండలా మారే గడ్డెన్నవాగు ప్రాజెక్టు ప్రస్తుతం వెలవెలబోతోంది. ఎల్‌నినో ప్రభావంతో ఈసారి వర్షాలు అంతంతమాత్రంగానే కురవడంతో ప్రాజెక్టులోకి పూర్తిస్థాయిలో నీరు చేరలేదు. దీంతో పూర్తిస్థాయి నీటిమట్టం 358.70 మీటర్లు కాగా, ప్రస్తుతం 357 మీటర్ల నీరు నిల్వ ఉంది. ఈ ప్రాజెక్టు ద్వారా భైంసా, లోకేశ్వరం మండలాల్లో 9 వేల ఎకరాలకు ఏటా రెండు పంటలకు సాగునీరందించేవారు. ఈసారి సాగు నీరందించలేదు. ప్రస్తుతం తాగునీరు అందించేందుకే పరిమితమైంది. రోజుకు 20 క్యూసెక్కులు... పట్టణంలోని మిర్జాపూర్‌ మార్గంలో నిర్మించిన గడ్డెన్నవాగు ప్రాజెక్టు నుంచి భైంసా డివిజన్‌లోని దాదాపు 250 గ్రామాలకు మిషన్‌ భగీరథ ద్వారా తాగునీటిని అందిస్తున్నారు. ప్రాజెక్టు సమీపంలో మిర్జాపూర్‌ మార్గంలో నిర్మించిన మిషన్‌ భగీరథ వాటర్‌ ట్రీట్‌మెంట్‌ ప్లాంట్‌ ద్వారా పట్టణంతోపాటు బాసర మండలం మినహా డివిజన్‌లోని అన్ని మండలాల్లోని గ్రామాలకు తాగునీరు అందిస్తున్నారు. ఇందుకు రోజుకు 20 క్యూసెక్కుల నీటిని వినియోగిస్తున్నారు. వాటిని శుద్ధిచేసి 45 ఎంఎల్‌డీల నీటిని సరఫరా చేస్తున్నారు. ప్రాజెక్టులో ప్రస్తుతం సగం నీరే ఉంది. వచ్చే జూన్‌ వరకు తాగునీటికి ఇబ్బంది ఉండదని మిషన్‌ భగీరథ అధికారులు చెబుతున్నారు. లీకేజీలతో వృథా.. గడ్డెన్నవాగు ప్రాజెక్టు వరద గేట్ల నుంచి ప్రతీరోజు నీరు వృథాగా పోతోంది. ప్రాజెక్టుకు మొత్తం ఎనిమి ది గేట్లు ఉండగా, రెండో గేటు వద్ద లీకేజీ భారీగానే ఉంటోంది. ప్రాజెక్టు నిర్వహణను సంబంధిత అధి కారులు పట్టించుకోకపోవడంతో ప్రాజెక్టు పరిసరా లు కళావిహీనంగా మారాయి. ప్రస్తుత ఎల్‌నినో పరి స్థితుల్లో లీకేజీలను అరికట్టాల్సిన అవసరముంది. సాగునీరు కష్టమే.. ఎల్‌నినో ప్రభావంతో వర్షాలు కురవక ఆశించిన స్థాయిలో ప్రాజెక్టులోకి వరద చేరలేదు. ప్రస్తుతం ప్రాజెక్టులో సగం వరకే నీరు నిల్వ ఉంది. ఏటా ఖరీఫ్‌, రబీ సీజన్లలో ఒక టీఎంసీ వరకు నీటిని సాగునీటికి వినియోగించేది. ఈసారి సాగు అవసరాలకు నీటి విడుదల సాధ్యం కాదు. మిష న్‌ భగీరథ పథకం కింద ప్రాజెక్టు నుంచి రోజుకు 20 క్యూసెక్కులు వినియోగిస్తున్నా రు. మరో పది క్యూసెక్కులు లీకేజీలు, ఆవి రి రూపంలో పోతోంది. – అనిల్‌కుమార్‌, డీఈఈ, గడ్డెన్నవాగు ప్రాజెక్టు తాగునీటికి ఢోకా లేదు.. పట్టణంలోని గడ్డెన్నవాగు ప్రాజెక్టు నుంచి మిషన్‌ భగీరథ వాటర్‌ ట్రీట్‌మెంట్‌ ప్లాంట్‌కు నీరు వినియోగిస్తున్నాం. భైంసా డివిజన్‌ పరిధిలోని 250 గ్రామాలకు రోజుకు 45 ఎంఎల్‌డీల నీరు సరఫరా చేస్తున్నాం. గడ్డెన్నవాగు ప్రాజెక్టులో ఉన్న నీటి నిల్వ ప్రకారం జూన్‌ వరకు నీటి సరఫరాకు ఇబ్బంది లేదు. – ధర్మేందర్‌, డీఈఈ, మిషన్‌ భగీరథ డబ్ల్యూటీపీ

బాసర: ప్రముఖ సనాతన ధర్మ ప్రచారకులు, ఆధ్యాత్మిక ప్రసంగకర్త, వేద పండితుడు బ్రహ్మశ్రీ పసలపూడి శ్రీనివాస బంగారయ్య శర్మ శుక్రవారం బాసర క్షేత్రాన్ని దర్శించుకున్నారు. వేకువజామునే ఆలయానికి చేరుకున్న ఆయన శ్రీజ్ఞాన సరస్వతి, మహాలక్ష్మి, మహాకాళి అమ్మవార్ల అభిషేక పూజల్లో పాల్గొన్నారు. అనంతరం అమ్మవార్లకు నిర్వహించిన ప్రత్యేక పూజలు, అర్చనల్లో పాల్గొని అమ్మవార్లను దర్శించుకున్నారు. అంతకుముందు క్షేత్రానికి వచ్చిన శర్మకు వ్యాసపురి సంక్షేమ సంఘం వైదిక బృందం పూర్ణకుంభంతో ఘనంగా స్వాగతం పలికింది. ఆలయ ప్రధాన అర్చకుడు సంజీవ్‌ పూజారి బాలాలయంలో శర్మకు అమ్మవారి తీర్థప్రసాదాలు అందజేసి, శాలువాతో సన్మానించారు. ఆగమ శాస్త్రం ప్రకారమే పునర్నిర్మాణం కర్ణాటకలోని శృంగేరి శారదా పీఠం సూచనల మే రకు అమ్మవారి ఆలయ పునర్నిర్మాణం, అభివృద్ధి పనులు సాగడం హర్షణీయమని బ్రహ్మశ్రీ పసలపూడి శ్రీనివాస బంగారయ్య శర్మ పేర్కొన్నారు. శ్రీ శృంగేరి శారదా పీఠం ఉత్తరాధికారి జగద్గురు విధుశేఖర భారతీ మహాస్వామి వారి దివ్య అనుగ్రహం, సూచనలతో.. ఆగమ శాస్త్ర నిబంధనలకు కచ్చితంగా లోబడి ఈ మాస్టర్‌ ప్లాన్‌ను రూపొందించడం అ భినందనీయమని కొనియాడారు. ఆలయ పవిత్రత దెబ్బతినకుండా పనులు చేపట్టడం గొప్ప విషయమని తెలిపారు. ఉభయ జగద్గురువుల ఆశీస్సులతో, బ్రహ్మశ్రీ తంగిరాల సీతారామశాస్త్రి ఆధ్వర్యంలో దేవస్థాన వైదిక బృందం ఈ పనులను నడిపించడం, దీనికి రాష్ట్ర ప్రభుత్వం, దాతలు పూర్తి సహకారం అందించడం ప్రశంసనీయమని శర్మ పేర్కొన్నారు. వైదిక ప్రముఖులు, భక్తులు పాల్గొన్నారు.

నిర్మల్‌: దీపావళి అంటేనే దీపాల వెలుగులు, పటాకుల సందళ్లు వీటితోపాటు ఈ పండుగ మరింత తియ్యటి వేడుక కావాలంటే నోటిని తీపి చేసే స్వీట్లు ఉండాల్సిందే. ఈ పండుగ వేళ బంధుమిత్రులకు స్వీట్లు ఇచ్చిపుచ్చుకోవడం ఆనవా యితీ. ఇంట్లో, దుకాణాల్లో చేసే పూజల్లోనూ మి ఠాయిలు ఉండాల్సిందే. ఈ పండుగ మిఠాయి దుకాణాలకు అతిపెద్ద సీజన్‌. ఏ స్వీట్ల దుకాణా నికి వెళ్లినా ఇప్పుడు వినియోగదారులతో కిటకిటలాడుతుంటాయి. ఇదే అదనుగా.. కొందరు వ్యాపారులు నాణ్యతతో సంబంధం లేకుండా లాభాలే లక్ష్యంగా స్వీట్ల తయారీ చేపడుతున్నారు. పిండిముద్దలకు రంగులద్ది ఆకర్షణీయమైన మిఠాయిలుగా మార్చేస్తున్నారు. కల్తీ కోవా, నాసిరకమైన నెయ్యి, నాణ్యతలేని నూనెలతో తయారు చేసి అంటగడుతున్నారు. బయటకు చూడటానికి నోరూరించేలా కనిపిస్తున్నా.. లోపల మాత్రం ఆరోగ్యానికి చేటు చేసే పదార్థాలే ఉంటున్నాయి. ఈ క్రమంలో సంబంధిత అధికారులు స్వీట్లపై ఓ కన్నేసి ఉంచాలన్న డిమాండ్‌ పెరుగుతోంది. సగం ధరకే కోవా స్వీట్ల తయారీకి కోవా, పాలపదార్థాలు అవసరం. మార్కెట్లో లీటరు పాలు రూ.90 నుంచి రూ. 100. అయితే చాలా స్వీట్‌హోమ్‌లు మహారాష్ట్ర నుంచి వచ్చే రెడీమేడ్‌ కోవాను కిలో రూ.250 నుంచి రూ.300లకే కొని వాడుతున్నారు. ఇంత చౌకగా లభించే కోవా నాణ్యత ప్రశ్నార్థకమే. పిండి ముద్దలు, రంగుల హంగులు అసలు ముడిపదార్థాలకు బదులు మైదా లేదా బి య్యం పిండి, చక్కెర, నూనెల మిశ్రమాన్ని ముద్దలుగా చేసి ఆకర్షణీయ రంగులు అద్ది విక్రయిస్తున్నారని ఆరోపణలున్నాయి. అద్దాల బాక్సుల్లో అందంగా కనిపించే వీటిని వినియోగదారులు ని జమైన మిఠాయిలుగా భావించి కొనుతున్నారు. నిల్వ చేసినవే అమ్మకం మిఠాయిలపై కాలపరిమితి ఉండదు. ఫ్రీజర్‌లో వారాల తరబడి నిల్వ చేసి పాతవాటిని కొత్తవిగా అమ్ముతున్నారు. సాధారణ రోజులతో పోలిస్తే దీపావళి సమయంలో డిమాండ్‌ ఎక్కువగా ఉండటంతో కొత్తవాటితో కలిపి విక్రయిస్తున్నారు.

ఖానాపూర్‌: మండలంలోని ఆదివాసీ గూడేల్లో దండారీ సంబరాలు ఘనంగా కొనసాగుతున్నాయి. దీపావళి పర్వదినానికి వారం ముందు ప్రారంభమయ్యే ఈ ఉత్సవాలను ఆదివాసీలు సంప్రదాయబద్ధంగా జరుపుకుంటున్నారు. కోలాటాలు, సంప్రదాయ నృత్యాలు, గుస్సాడీ నృత్యాలతో పల్లెల్లో పండుగ సందడి నెలకొంది. ఖానాపూర్‌ మండలం బీర్నంది గ్రామపంచాయతీ పరిధిలోని ఇప్పమాడలో కడెం మండలం కొత్త మైసమ్మపేటకు చెందిన ఆదివాసీ బృందం పాల్గొని సంప్రదాయ నృత్యాలతో సందడి చేసింది. అడవి సారంగాపూర్‌ గ్రామంలో ఆదివాసీలు సంస్కృతి, సంప్రదాయాలు, కళారూపాలను ప్రతిబింబించేలా దండారీ వేడుకలు జరుపుకున్నారు.

ఇంద్రవెల్లి: ఆదివాసీల ఐక్యతకు దండారీ ప్రతీకగా నిలుస్తుందని ఎంపీ గోడం నగేశ్‌ పేర్కొన్నారు. శుక్రవారం మండలంలోని కోయాల్‌పాండ్రి, మారుతిగూడ గ్రామాల్లో నిర్వహించిన దండారీ ఉత్సవాలకు హాజరయ్యారు. ఎంపీకి ఆదివాసీలు సంప్రదాయ వాయిద్యాలు, గుస్సాడీ నృత్యాలతో స్వాగతం పలికారు. ఈ సందర్భంగా ఎంపీ మాట్లాడారు. 2015లో న్యూఢిల్లీలో గుస్సాడీ నృత్య ప్రదర్శన నిర్వహించడం, కనకరాజుకు పద్మశ్రీ లభించడంతో ఆదివాసీ సంస్కృతికి దేశవ్యాప్తంగా గుర్తింపు వచ్చిందని పేర్కొన్నారు. మాజీ జెడ్పీటీసీ ఆర్క పుష్పలత, బీజేపీ నాయకులు జాదవ్‌ సుమన్‌బాయి, సర్పంచులు కోవ రాజేశ్వర్‌, మెస్రం తుకారాం, కొరెంగా సుంగు, రాందాస్‌, నాయకులు ఆర్క ఖమ్ము, ఆరెల్లి రాజలింగు, ఆదివాసీ పెద్దలు గేడం యేశ్వంత్‌రావ్‌, పుర్క చిత్రు తదితరులున్నారు.

ఖానాపూర్‌: ఖానాపూర్‌ పట్టణంలో మిషన్‌ భగీరథ, అమృత్‌–2, బోర్లు, బావుల ద్వారా సరఫరా జరుగుతున్నా సుభాష్‌నగర్‌, గాంధీనగర్‌, శివాజీనగర్‌, శాంతినగర్‌, శ్రీరామ్‌నగర్‌లో నీటి ఎద్దడి మొదలైంది. వేసవికి ముందే ప్రజలు ఆందోళన వ్యక్తం చేస్తున్నారు. లీకేజీలు, వృథా నీరు సమస్యను మరింత తీవ్రం చేస్తున్నాయి. 12 వార్డుల్లో సుమారు 25,600 మంది, 7,267 కుటుంబాలు ఉన్నాయి. 6,576 కుటుంబాలకు భగీరథ కుళాయిలు, అమృత్‌–2 కింద 704 కుళాయిలు ఉన్నాయి. రోజుకు 2.34 ఎంఎల్‌డీ అవసరమైనా కొన్ని ప్రాంతాలకు సరిపడా నీరు అందడం లేదు. సరఫరా ఇలా.. కడెం నుంచి భగీరథ ద్వారా నీరు వస్తోంది. 1,175 కిలోలీటర్ల సామర్థ్యం గల ఎనిమిది ట్యాంకుల నుంచి ఉదయం 6–8, సాయంత్రం 5–6 గంటలకు విడుదలవుతోంది. అయినా పైపులైన్‌ లీకేజీలు, ఒత్తిడి తేడాలు, పంపిణీ లోపాలు ఉన్నాయి. అమృత్‌–2 పనులు ఆలస్యం.. రూ.22 కోట్లతో 45 కిలోమీటర్ల పైపులైన్లు వేశారు. 1,300, 500 కిలోలీటర్ల రెండు కొత్త ట్యాంకుల నిర్మాణం కొనసాగుతోంది. పూర్తయితే నిల్వ, పంపిణీ మెరుగవుతాయి. జాప్యంతో ప్రయోజనం ఆలస్యమవుతోంది. అదనపు వనరులు.. రెండు ఓపెన్‌ వెల్స్‌, 96 పవర్‌ బోర్లు, 52 చేతిపంపులు ఉన్నాయి. నిరుపయోగ బావులను పునరుద్ధరించాలి. లీకేజీలు అరికట్టి, చివరి ప్రాంతాలకు తగిన ఒత్తిడితో నీరు చేరేలా చూడాలి. ప్రతి వార్డు సరఫరాను సమీక్షించి సమస్యాత్మక ప్రాంతాల్లో చర్యలు తీసుకోవాలని ప్రజలు కోరుతున్నారు. సమస్యలు పరిష్కరిస్తున్నాం ఖానాపూర్‌ పట్టణంలో తాగునీటి సమస్యలు మా దృష్టికి వచ్చిన వెంటనే పరిష్కరించేందుకు చర్యలు తీసుకుంటున్నాం. అమృత్‌ – 2 పనుల్లో జరుగుతున్న జాప్యాన్ని ఉన్నతాధికారుల దృష్టికి తీసుకెళ్తున్నాం. పనులను త్వరగా పూర్తిచేయకపోతే తగిన చర్యలు తీసుకుంటాం. ఎక్కడైనా నీటి లీకేజీలు, నీటి వృథా ఉన్నా ప్రజలు మా దృష్టికి తీసుకువస్తే వెంటనే మరమ్మతులు చేపట్టి సమస్యను పరిష్కరిస్తాం. – సుందర్‌సింగ్‌, మున్సిపల్‌ కమిషనర్‌

లోకేశ్వరం: భూ సమస్యల పరిష్కారానికి కృషి చేస్తానని అదనపు కలెక్టర్‌ వెంకటమాధవరావు అన్నారు. మండలంలోని అర్లి–గొడిసెరాలోని స్వాధ్యాయ వృక్ష మందరంకు కేటాయించే 312 సర్వే నంబరు భూమిని శుక్రవారం పరిశీ లించారు. అర్లి–గొడిసెరా గ్రామ శివారులోని ప్రభుత్వ భూమి 312 సర్వే నంబరులో 137 ఎకరాల భూమి ఉంది. ఇందులో 12.03 ఎకరాలను స్వాధ్యాయ వృక్ష మందిరం కోసం కేటాయించాని స్వాధ్యాయ ట్రాస్టు వారు దరఖాస్తును చేసుకున్నారు. 312 ప్రభుత్వ సర్వే నంబరులోని స్వాధ్యాయ వృక్ష మందిరంకు కేటాయించే భూమి వివరాలను తహసీల్దార్‌ సూర్యారావ్‌ను అడిగి తెలుసుకున్నారు. అనంతరం మండల కేంద్రంలోని తహసీల్దార్‌ కార్యాలయంలో రికార్డులను పరిశీలించి పలు సూచనలు ఇచ్చారు. అదపపు కలెక్టర్‌ వెంట భైంసా సబ్‌ కలెక్టర్‌ ఆజ్మీర సాయిసంకేత్‌ కుమార్‌, తహసీల్దార్‌ సూర్యారావ్‌, సర్పంచ్‌ జంగం ప్రసన్న, ఏంపీవో సోలమాన్‌రాజ్‌, సర్వేయర్‌ మల్లికార్జున్‌, ఆర్‌ఐ లలిత ఉన్నారు.

నర్సాపూర్‌(జి): మండలంలోని నసీరాబాద్‌ గ్రామ 61వ జాతీయ రహదారిపై శుక్రవారం ఉదయం జరిగిన రోడ్డు ప్రమాదంలో ఒకరు మృతి చెందారు. పోలీసులు తెలిపిన వివరాల ప్రకారం.. భైంసా పట్టణానికి చెందిన ఎస్కే మునీర్‌ (38) ద్విచక్ర వాహనంపై నిర్మల్‌ వైపు వెళ్తున్నాడు. ఈ క్రమంలో నసీరాబాద్‌ గ్రామ 61వ జాతీయ రహదారిపై అదే వైపు వెళ్తున్న కారు వెనుక నుంచి ద్విచక్రవాహనాన్ని ఢీకొనడంతో మునీర్‌కు తీవ్ర గాయాలై అక్కడికక్కడే మృతి చెందాడు. ప్రమాదానికి కారణమైన కారు డ్రైవర్‌ను ఉద్గిరి ప్రీతం నిర్మల్‌ వాసిగా గుర్తించారు. మృతుడి భార్య ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్సై గణేశ్‌ తెలిపారు.

ఆదిలాబాద్‌టౌన్‌: నేర ప్రవృత్తిని వీడి సత్ప్రవర్తనతో మెలగాలని ఎస్పీ అఖిల్‌ మహాజన్‌ సూచించారు. గురువారం అర్ధరాత్రి ఆదిలాబాద్‌ పట్టణంలో ఆకస్మిక తనిఖీలు నిర్వహించారు. ప్రధాన కూడళ్లతో పాటు కోలిపుర, రవీంద్రనగర్‌, చిల్కూరిలక్ష్మీనగర్‌ ప్రాంతాల్లోని రౌడీషీటర్ల ఇళ్లను తనిఖీ చేశారు. వారి ప్రస్తుత జీవనశైలి, ఉపాధి పరిస్థితులు, సామాజిక వ్యవహారాలు, గత నేర చరిత్రకు సంబంధించిన వివరాలు తెలుసుకున్నారు. చట్టవ్యతిరేక కార్యకలాపాలకు పాల్పడితే జైలుకు వెళ్లాల్సి వస్తుందని హెచ్చరించారు. మద్యం సేవించి వాహనాలు నడుపుతున్న వారి వాహనాలు స్వాధీనం చేసుకున్నారు. ఆదిలాబాద్‌ డీఎస్పీ జీవన్‌రెడ్డి, పట్టణ సీఐలు సునీల్‌కుమార్‌, నాగరాజు, ఎస్సై నాగనాథ్‌, సిబ్బంది పాల్గొన్నారు.

ఆసిఫాబాద్‌అర్బన్‌/నిర్మల్‌ టౌన్‌: దీపావళి పండుగ అంటేనే మొదట గుర్తుకు వచ్చేది టపాసులు. ముఖ్యంగా పెద్దలకంటే పిల్లల సందడే ఎక్కువగా కనిపిస్తుంది. అయితే, టపాసులు కాల్చే సమయంలో జాగ్రత్తలు పాటించాలని, పండుగను సంతోషంగా జరుపుకోవాలని వైద్యులు సూచిస్తున్నారు. టపాసులు కాల్చే సమయంలో చిన్నారులు, వృద్ధులు జాగ్రత్తగా ఉండాలని చెబుతున్నారు. చిన్నపాటి కారణాలతో ప్రతీ సంవత్సరం అనేక మంది ప్రమాదాలకు గురవుతున్నారని, ఉమ్మడి ఆదిలాబాద్‌ జిల్లాలోనూ కంటి చూపు కోల్పోయినవారూ ఉన్నారని పేర్కొంటున్నారు. చిన్నారులు టపాసులు కాల్చే సమయంలో తల్లిదండ్రులు, పెద్దలు దగ్గరుండి పర్యవేక్షించాలని సూచిస్తున్నారు. దీపావళి పండుగ నేపథ్యంలో వైద్యులు సూచించిన మరిన్ని సూచనలు, జాగ్రత్తలతో కథనం.. ఇవీ తీసుకోవాల్సిన జాగ్రత్తలుపిల్లలు టపాసులు కాల్చే సమయంలో పెద్దలు పక్కనే ఉండడం ఎంతో శ్రేయస్కరం. టపాసులను ఇంట్లో, మేడపై కాల్చేందుకు ప్రయత్నించడం ప్రమాదకరం. బహిరంగ ప్రదేశాలు, ఆరుబయట మాత్రమే కాల్చడం ఎంతో మేలు. బాణాసంచా కాల్చే సమయంలో ఫస్ట్‌ ఎయిడ్‌ కిట్లు అందుబాటులో ఉంచుకోవడం మంచింది. నిప్పు రవ్వలు దుస్తులపై పడి వ్యాపించకుండా ఉండేందుకు కాటన్‌ దుస్తులు ధరించాలి. ఒకవేళ అగ్ని ప్రమాదాలు జరిగితే మంటలు ఆర్పేందుకు బకెట్‌లో నీటిని అందుబాటులో ఉంచుకోవాలి. ముఖ్యంగా గ్యాస్‌ సిలిండర్లు, మండే పదార్థాలకు బాణాసంచాను దూరంగా ఉంచడం చాలా అవసరం. టపాసులను ఒకసారి అంటించిన తర్వాత నిప్పు అంటుకోలేదని వెంటనే దగ్గరకు వెళ్లకూడదు. కొన్ని సందర్భాల్లో అవి పేలే ప్రమాదముంది. పర్యావరణ హితమైన పటాకులు మాత్రమే కాలిస్తే మంచిది. చుడీదార్‌ వేసుకునేవారు వదులుగా ఉన్నవి కాకుండా బిగుతుగా ఉండేవి ధరించాలి. టపాసులు కాల్చే సమయంలో ఏ మాత్రం అజాగ్రత్తగా ఉన్నా.. నిప్పు రవ్వలు పూరి గుడిసెలు, గడ్డివాములపైకి దూసుకెళ్లి భారీ అగ్ని ప్రమాదాలు సంభవించే అవకాశముంటుంది.

కడెం: మిషన్‌ భగీరథ తాగునీటి అవసరాల పేరుతో కడెం ఆయకట్టులోని 68వేల ఎకరాల పంటలకు ఈ నెల 7నుంచి సాగు నీటిని నిలిపివేయాలని ప్రభుత్వం జారీ చేసిన ఉత్తర్వులను వెంటనే ఉపసంహరించుకోవాలని రైతు సంఘాల నేతలు, జలసాధన సమితి తీవ్రంగా డిమాండ్‌ చేశాయి. పంటలు చేతికి వచ్చే కీలక తరుణంలో నీటిని నిలిపివేయడం రైతు ల జీవితాలపై గొడ్డలి పెట్టు లాంటిదని మండిపడ్డా యి. ఈ మేరకు తెలంగాణ జలసాధన సమితి కన్వీ నర్‌, నీటిపారుదల ప్రాజెక్టుల విశ్లేషకుడు నైనాల గోవర్ధన్‌ నేతృత్వంలో కడెం ప్రాజెక్ట్‌ను సందర్శించారు. ఈ సందర్భంగా వారు మాట్లాడుతూ.. ప్ర స్తుతం కడెం ప్రాజెక్ట్‌లో 693.25 అడుగుల నీటి మ ట్టం ఉందని, కాలువకు నీరు అందించడానికి 675 అడుగులు సరిపోతుందని తెలిపారు. కాలువ మ ట్టం కంటే దాదాపు 18.25 అడుగుల అదనపు నీరు నిల్వ ఉన్నప్పటికీ, 20–25 రోజుల్లో కోతకు వచ్చే పంటలకు నీటిని నిలిపివేయడం చరిత్రలో ఎన్నడూ జరగలేదని పేర్కొన్నారు. ప్రాజెక్ట్‌లో పుష్కలంగా నీరున్నప్పటికీ మిషన్‌ భగీరథ పేరుతో నీటిని తరలించి రైతుల పొలాలను ఎండబెట్టే కుట్ర జరుగుతోందని తెలిపారు. కడెం భగీరథ నీటిని ఆయకట్టులోని ఏ ఒక్కరూ తాగునీటికి ఉపయోగించడం లేద ని, ఇదొక పెద్ద కుంభకోణమని ఆరోపించారు. చివ రి ఎకరం పండే వరకూ నీటిని విడుదల చేయాలని, లేనిపక్షంలో ఆయకట్టు రైతు కుటుంబాల తీవ్ర ఆగ్రహాన్ని, ఉద్యమాన్ని ఎదుర్కోవాల్సి ఉంటుందని ప్ర భుత్వాన్ని హెచ్చరించారు. మంచిర్యాల జిల్లా రైతు సంఘాల సమాఖ్య అధ్యక్షుడు మిక్కిలినేని రాజశేఖర్‌, అఖిల భారత ఐక్య రైతు సంఘం ఉమ్మడి జిల్లా అధ్యక్షుడు నంది రామయ్య, రైతు నాయకులు రాజేశ్వర్‌రెడ్డి, రమేశ్‌ తదితరులున్నారు.

మంచిర్యాలఅర్బన్‌: స్థానిక బాయ్స్‌ ఉన్నత పాఠశాల మైదానంలో కాకతీయ యూనివర్సిటీ పరిధిలోని ఉమ్మడి ఆదిలాబాద్‌ జిల్లా క్రికెట్‌ ఎంపిక పోటీలు శుక్రవారం నిర్వహించారు. పోటీల్లో ఉమ్మడి జిల్లా నుంచి డిగ్రీ, పీజీ కళాశాలల విద్యార్థులు ఉత్సాహంగా పాల్గొన్నారు. సీవీ రామన్‌ కళాశాలకు చెందిన కృష్ణ, జీఎస్‌కే రెడ్డి, సాత్విక్‌, సింహాద్రి, హురైయ్‌, ఇజాన్‌, రెహమాన్‌, ఆకాశ్‌, చరణ్‌, సాయివర్మ, మిమ్స్‌ కళాశాలకు చెందిన సిద్ధార్థ, రాఘవ, బెల్లంపల్లి డిగ్రీ కళాశాలకు చెందిన శ్రీకాంత్‌, నిఖిల్‌, ఉట్నూర్‌ డిగ్రీ కళాశాల విద్యార్థులు పవన్‌, ఆకాశ్‌, వాగ్ధేవి డిగ్రీ కళాశాలకు చెందిన చరణ్‌, వీవీడీసీ కళాశాలకు చెందిన రాకేశ్‌ ఎంపికయ్యారు. వీరు ఈ నెల 10, 11, 12 తేదీల్లో కాకతీయ యూనివర్సిటీలో నిర్వహించనున్న పోటీలకు ఉమ్మడి ఆదిలాబాద్‌ జట్టు నుంచి ప్రాతినిధ్యం వహించనున్నారు. ఎంపిక ప్రక్రియలో పీడీలు నూనె శ్రీనివాస్‌, కె.శ్రీనివాస్‌, ప్రశాంత్‌, శ్రీనివాస్‌, రమేశ్‌కుమార్‌ తదితరులు పాల్గొన్నారు.

నిర్మల్‌టౌన్‌: రైతు సమస్యలపై పోరాటంలో భాగంగా ఈనెల 11న నిర్మల్‌లో బీఆర్‌ఎస్‌ పార్టీ రైతు గర్జన మహాసభ నిర్వహిస్తున్నట్లు మాజీ మంత్రి వేముల ప్రశాంత్‌రెడ్డి తెలిపారు. కేసీఆర్‌ పాలనలో రైతు రాజులా బతికితే.. కాంగ్రెస్‌ ప్రభుత్వంలో అన్నదాతలు అడుగడుగునా ఇబ్బందులు ఎదుర్కొంటున్నారని విమర్శించారు. జిల్లా కేంద్రంలోని బీఆర్‌ఎస్‌ పార్టీ కార్యాలయంలో సభ పోస్టర్లు శుక్రవారం ఆవి ష్కరించారు. 24 గంటల నాణ్యమైన విద్యుత్‌, సాగునీరు అందించిన ఘనత బీఆర్‌ఎస్‌ ప్రభుత్వానిదని, ప్రస్తుతం యూరియా కోసం రైతులు పడిగాపులు కాయాల్సిన పరిస్థితి నెలకొందన్నారు. రైతుల పక్షాన పోరాడేందుకే ఈ నెల 11న నిర్మల్‌ పట్టణంలోని ఎన్టీఆర్‌ మినీ స్టేడియంలో బీఆర్‌ఎస్‌ ఆధ్వర్యంలో రైతుగర్జన సభ నిర్వహిస్తున్నట్లు వెల్లడించారు. ఈ సభకు పార్టీ రాష్ట్ర వర్కింగ్‌ ప్రెసిడెంట్‌ కేటీఆర్‌ హాజరవుతారని తెలిపారు. సభకు పెద్ద సంఖ్యలో రైతులు, యువత తరలిరావాలని పిలుపునిచ్చారు. బోథ్‌ ఎమ్మెల్యే అనిల్‌ జాదవ్‌, మాజీ ఎంపీ బాల్క సుమన్‌, నియోజకవర్గ ఇన్‌చార్జీలు జాన్సన్‌ నాయక్‌, రాంకిషన్‌రెడ్డి పాల్గొన్నారు.

ఆదిలాబాద్‌టౌన్‌: విద్యార్థులు పరిశోధన్మాకత ఆలో చనలతో ముందుకు సాగాలని కలెక్టర్‌ రాజర్షిషా సూచించారు. జిజ్ఞాస రాష్ట్రస్థాయి పోటీల్లో ప్రతిభ కనబర్చిన ఉమ్మడి జిల్లా పరిధిలోని ప్రభుత్వ డిగ్రీ కళాశాలల విద్యార్థులకు ప్రశంసాపత్రాలతో పాటు నగదు బహుమతులు అందజేశారు. ఈ సందర్భంగా కలెక్టర్‌ మాట్లాడుతూ.. విద్యార్థుల పరిశోధనకు జిజ్ఞాస ఓ వేదికగా నిలుస్తుందని పేర్కొన్నారు. నూతన ఆలోచనలతో ఆవిష్కరణలు తయారు చేయాలని సూచించారు. చరిత్ర, గిరిజన, సంస్కృతి, అడవులు, వన్యప్రాణులు, గణిత శాస్త్రం, స్మార్ట్‌ హెల్త్‌కేర్‌ సిస్టమ్‌ లాంటి భిన్న అంశాలపై విద్యార్థులు రూపొందించిన ప్రాజెక్టులను తిలకించి వారిని అభినందించారు. ఆదివాసీ గూడేల్లో నెలకొన్న మూఢనమ్మకాలు, విద్యకు దూరమవుతున్న పిల్లల సమస్యలను గుర్తించి అవగాహన కల్పించాలని సూచించారు. రాష్ట్రస్థాయి జిజ్ఞాస పోటీల్లో ఉట్నూర్‌ ప్రభుత్వ డిగ్రీ కళాశాలకు ప్రథమ, తృతీయ బహుమతి, ప్రభుత్వ ఆర్ట్స్‌ అండ్‌ కామర్స్‌ డిగ్రీ కళాశాలకు, నిర్మల్‌ డిగ్రీ కళాశాలకు ద్వితీయ బహుమతి, కాగజ్‌నగర్‌ డిగ్రీ కళాశాలకు తృతీయ బహుమతులు లభించాయి. కార్యక్రమంలో ప్రభుత్వ సైన్స్‌ కళాశాల ప్రిన్సిపల్‌ సంగీత, వివిధ కళాశాలల ప్రిన్సిపాల్‌లు అతీఖ్‌బేగం, ప్రతాప్‌సింగ్‌, జిజ్ఞాస కోఆర్డినేటర్‌ డాక్టర్‌ అరుణ్‌కుమార్‌, సూపర్‌వైజర్లు యోగలక్ష్మి, కట్ట రమేశ్‌, నర్సింగ్‌రావు, పృథ్విరాజ్‌, జనార్దన్‌, జగ్‌రాం, సంతోష్‌కుమార్‌, చక్రవర్తి, స్రవంతి, శ్రీధరదేవి, జ్యోత్స్న, మంజుల, రమాకాంత్‌, రాజ్‌కుమార్‌, రవికిరణ్‌, అష్రఫ్‌ అలీ, శ్రావణ్‌, కరుణాకర్‌, శేఖర్‌ పాల్గొన్నారు.

నిర్మల్‌● యువతకు ఉచిత ఆర్మీ, పోలీస్‌ శిక్షణపటాకులతో పదిలం దీపావళి పండుగ అంటేనే మొదట గుర్తుకు వచ్చేది టపాసులు. టపాసులు కాల్చే సమయంలో చిన్నారులు, వృద్ధులు జాగ్రత్తగా ఉండాలని వైద్యులు చెబుతున్నారు. సమన్వయంతో పనిచేయాలి నిర్మల్‌ రూరల్‌: ప్రభుత్వ సంక్షేమ, అభివృద్ధి పథకాల అమలులో నిర్దేశించిన లక్ష్యాలు సకాలంలో సాధించేలా అధికారులు సమన్వయంతో పనిచేయాలని సీఎస్‌ సంజయ్‌జాజు ఆదేశించారు. విద్య, వీబీజీ రామ్‌జీ, ఇందిరమ్మ ఇళ్ల నిర్మాణం, తాగునీటి సరఫరా, చేయూత పింఛన్ల పరిశీలన తదితర అంశాలపై ప్రత్యేక దృష్టి సారించాలని సూచించారు. శుక్రవారం నిర్వహించిన వీడియో కాన్ఫరెన్స్‌లో కలెక్టర్‌ భవేశ్‌మిశ్రా, అదనపు కలెక్టర్‌ రాథోడ్‌ రమేశ్‌ పాల్గొన్నారు. ప్రభుత్వ పథకాల అమలు, నిధుల వినియోగం, నిర్దేశిత లక్ష్యాల పురోగతిపై సీఎస్‌ సమీక్షించారు. సమగ్ర శిక్ష అభియాన్‌, పీఎంశ్రీ పథకాల కింద మంజూరైన నిధులను జనవరి మొదటి వారంలోగా గరిష్ట స్థాయిలో వినియోగించాలని సూచించారు. పీఎంశ్రీ పథకం కింద ఎంపికై న పాఠశాలల్లో మౌలిక సదుపాయాల కల్పనతోపాటు విద్యార్థుల అభ్యసన సామర్థ్యాలు, విద్యా ప్రమాణాలు మెరుగుపడేలా చర్యలు తీసుకోవాలన్నారు. వేసవి కాలం ముగిసే వరకు ప్రజలకు నిరంతర తాగునీటి సరఫరా అందించడమే ప్రధాన ప్రాధాన్యతగా ఉండాలని సీఎస్‌ స్పష్టం చేశారు. నవంబర్‌ 15లోగా చేతిపంపులు, బోర్లు, బావులకు సంబంధించిన మరమ్మతులు పూర్తి చేయాలని, నవంబర్‌ 15 నుంచి డిసెంబర్‌ 31 వరకు ప్రత్యేక డ్రైవ్‌ నిర్వహించి తాగునీటి సమస్యలను గుర్తించి పరిష్కరించాలని ఆదేశించారు. వీబీజీ రామ్‌జీ పథకం కింద చేపట్టే పనులను నాణ్యతతో, మార్చి నెలాఖరు నాటికి 12 కోట్ల పనిదినాల లక్ష్యాన్ని సాధించాలని సీఎస్‌ సూచించారు. వీడియో కాన్ఫరెన్స్‌లో డీఆర్డీవో విజయలక్ష్మి, డీఈవో భోజన్న, హౌసింగ్‌ పీడీ శ్రీనివాస్‌, మున్సిపల్‌ కమిషనర్‌ రవిబాబు, వివిధ శాఖల జిల్లా అధికారులు, సిబ్బంది పాల్గొన్నారు.నిర్మల్‌ డిగ్రీ కళాశాల మైదానంలో ఫిజికల్‌ ఫిట్‌నెస్‌పై శిక్షణ పొందుతున్న యువతీ యువకులు మామడ: గ్రామీణ నిరుద్యోగ యువతకు ఆర్మీ, పోలీస్‌ ఉద్యోగాలపై ఆసక్తి ఉన్నా సరైన మార్గదర్శకత్వం లేక అవకాశాలు కోల్పోతున్నారు. ప్రత్యేక శిక్షణ ఖరీదైనందున పేద కుటుంబాలవారు ఆర్థిక భారంతో దూరమవుతున్నారు. ఈ నేపథ్యంలో ఎస్పీ జానకీషర్మిల ఆదేశాలతో పోలీస్‌శాఖ ఆధ్వర్యంలో జిల్లా కేంద్రంలో ఉచిత శిక్షణ ఇస్తున్నారు. శిక్షణ ఇలా.. మారుమూల గ్రామాల నుంచి వచ్చిన యువతను రాతపరీక్ష, ఫిజికల్‌ ఈవెంట్లకు సన్నద్ధం చేస్తున్నారు. జనరల్‌ ఇంటలిజెన్స్‌, రీజనింగ్‌, జనరల్‌ నాలెడ్జ్‌, గణితం, భాషా నైపుణ్యాలపై తరగతులు నిర్వహిస్తున్నారు. 230 మందికి ఉచిత భోజనం, వసతి, ఫిజికల్‌ ఫిట్‌నెస్‌, లైబ్రరీ సౌకర్యం కల్పించారు. ట్రైనర్‌ జాదవ్‌ వెంకటేశ్‌ ఉదయం, సాయంత్రం రన్నింగ్‌, లాంగ్‌జంప్‌ తదితరాల్లో శిక్షణ ఇస్తున్నారు. ఎస్‌ఎస్‌సీ జనరల్‌ డ్యూటీ, అగ్నివీర్‌ పరీక్షల్లో వివిధ దశలు దాటి 15 మంది సిద్ధమయ్యారు. పోలీస్‌ పరీక్షలు నెల రోజుల్లో ఉండటంతో శిక్షణ పొడిగించాలని యువత కోరుతున్నారు. గెలిచేవరకు అండగా ఉండాలంటున్నారు.

ఆదిలాబాద్‌రూరల్‌: ఎల్‌నినో ప్రభావంతో పంటలు దెబ్బతిని రైతులు తీవ్ర ఆర్థిక ఇబ్బందులు ఎదుర్కొంటున్నారని, ఈ ఏడాది జిల్లాలో 26మంది ఆత్మహత్య చేసుకున్నారని రైతు స్వరాజ్య వేదిక జిల్లా అధ్యక్షుడు సంగెపు బొర్రన్న ఆవేదన వ్యక్తం చేశారు. ఆదిలాబాద్‌రూరల్‌ మండలం కచ్‌కంటి గ్రామానికి చెందిన రైతు బొళ్లి రాజేశ్వర్‌ పంటలు పూర్తిగా ఎండిపోవడంతో, వ్యవసాయానికి పెట్టిన పెట్టుబడులు తిరిగి రావనే ఆందోళనతో ఇటీవల పురుగుల మందు తాగి ఆత్మహత్య చేసుకున్నాడు. శుక్రవారం బాధిత కుటుంబాన్ని బొర్రన్న పరామర్శించారు. ఆయన వ్యవసాయ పెట్టుబడులు, పంట దిగుబడులు, ఆర్థిక పరిస్థితుల వివరాలు తెలుసుకున్నారు. ఈ సందర్భంగా ఆయన మాట్లాడుతూ.. గతేడాది భారీ వర్షాల కారణంగా పంటలు దెబ్బ తినగా, ఈ ఏడాది తక్కువ వర్షపాతంతో పంటలు ఆశించిన స్థాయిలో ఎదగలేదని తెలిపారు. పత్తి సాగు కోసం భారీగా పెట్టుబడులు పెట్టినప్పటికీ దిగుబడి రాకపోవడంతో రైతు తీవ్ర మనోవేదనకు గురయ్యాడని పేర్కొన్నారు. బాధిత కుటుంబానికి రాష్ట్ర ప్రభుత్వం జీవో 194 ప్రకారం రూ.6లక్షల పరిహారం అందించాలని కోరారు. కుటుంబ యజమానురాలికి నెలకు రూ.5వేల పెన్షన్‌ మంజూరు చేయడంతో పాటు పిల్లలకు ఉచితంగా ఉన్నత విద్య, వైద్య సదుపాయాలు కల్పించాలని డిమాండ్‌ చేశారు. ఆయన వెంట రాములు, దత్తు, రుక్మిణి తదితరులున్నారు.

నిర్మల్‌టౌన్‌: హైదరాబాద్‌లో ఈ నెల 17, 18, 19 తేదీల్లో నిర్వహించనున్న ఐదో తెలంగాణ పోలీస్‌ గేమ్స్‌ అండ్‌ స్పోర్ట్స్‌ మీట్‌–2026లో ప్రతిభ చాటేందుకు బాసర జోన్‌ క్రికెట్‌ జట్లు సన్నద్ధమవుతున్నాయి. జోన్‌ పరిధిలోని నిర్మల్‌, ఆదిలాబాద్‌, నిజామాబాద్‌, జగిత్యాల జిల్లాలకు చెందిన పోలీస్‌ క్రీడాకారులతో జట్లను ఎంపిక చేశారు. ఈ పోటీల్లో భాగంగా క్లస్టర్‌–బీ పరిధిలో నిర్వహించనున్న టీ20 క్రికెట్‌ పోటీల్లో మొత్తం 21 జట్లు పాల్గొననున్నాయి. ఇందులో భాగంగా నిర్మల్‌ శివారులోని కొండాపూర్‌లో గల లక్కీ స్పోర్ట్స్‌ క్రికెట్‌ అకాడమీలో రెండు రోజులుగా బాసర జోన్‌ జట్లకు ప్రాక్టీస్‌ మ్యాచ్‌లు నిర్వహిస్తున్నారు. శుక్రవారం నిర్వహించిన మ్యాచ్‌లను ఎస్పీ జానకీ షర్మిల వీక్షించారు. ప్రాక్టీస్‌ మ్యాచ్‌ల కోసం నిర్మల్‌కు వచ్చిన జగిత్యాల ఎస్పీ అశోక్‌కుమార్‌ కూడా క్రికెట్‌ మ్యాచ్‌లో పాల్గొని పోలీస్‌ క్రీడాకారులతో కలిసి ఆడారు. రానున్న రాష్ట్రస్థాయి పోటీల్లో బాసర జోన్‌ జట్లు సమష్టి కృషి, క్రీడాస్ఫూర్తితో ఉత్తమ ప్రతిభ కనబరిచి విజయాలు సాధించాలని ఆకాంక్షించారు. నిర్మల్‌ డీఎస్పీ శ్రీనివాస్‌, జిల్లా యువజన క్రీడల అధికారి శ్రీకాంత్‌రెడ్డి, పోలీస్‌ అధికారులు, సిబ్బంది పాల్గొన్నారు.

లోకేశ్వరం: నీటిని పొదుపుగా వాడుకోవాలని డీపీవో శ్రీనివాస్‌ సూచించారు. బుధవారం మండలంలోని హథ్గాం గ్రామంలో ఇంటింటా తిరిగి మిషన్‌ భగీరథ నల్లాలను పరిశీలించారు. అనంతరం మండల కేంద్రంలో వీబీ జీరామ్‌జీ పథకంపై మేట్‌లకు ఇస్తున్న శిక్షణ తరగతుల్లో పాల్గొని మాట్లాడారు. భూగర్భజలాలు పెరిగేందుకు పంట పొలాల్లో నీటి కుంటలు, గ్రామాల్లో ఇంటింటా ఇంకుడుగుంతలు నిర్మించుకోవాలని సూచించారు. వీబీ జీరా మ్‌జీ పనులకు కూలీల శాతం పెంచాలని ఆదేశించారు. ఎంపీడీవో సోలమాన్‌రాజ్‌, భైంసా డీఎల్పీవో లక్ష్మణ్‌, ఏపీవో అనిల్‌, టీఏలు శార ద, మంజుల, హరిత, రవీందర్‌ పాల్గొన్నారు. ఆర్టీసీ ఉద్యోగులకు రక్షణ కల్పించాలి నిర్మల్‌టౌన్‌: విధి నిర్వహణలో ఉన్న ఆర్టీసీ ఉ ద్యోగులపై దాడులను అరికట్టి, రక్షణ కల్పించాలని నిర్మల్‌ డిపో సిబ్బంది డిమాండ్‌ చేశారు. భద్రాద్రి కొత్తగూడెం జిల్లా మణుగూరు డిపోకు చెందిన కండక్టర్‌ గుండ్ల ప్రవళికపై చిల్లర విషయంలో జరిగిన వివాదంలో దాడి జరగడం, చికిత్స పొందుతూ ఆమె మృతి చెందడం బాధాకరమని పేర్కొన్నారు. ఈ ఘ టనను నిరసిస్తూ.. బుధవారం జిల్లా కేంద్రంలోని బస్‌ డిపో నుంచి జేఏసీ ఆధ్వర్యంలో కొ వ్వొత్తుల ర్యాలీ నిర్వహించారు. ఈ సందర్భంగా సిబ్బంది మాట్లాడుతూ.. దాడుల ఘటనలు పునరావృతం కాకుండా ప్రభుత్వం కఠిన చర్యలు తీసుకోవాలని కోరారు. కండక్టర్‌ ప్రవళిక మృతికి కారణమైన వారిపై కఠినచర్యలు తీసుకోవాలని, ఆమె కుటుంబానికి ప్రభుత్వం అండగా నిలిచి తగిన పరిహారం అందించాలని డిమాండ్‌ చేశారు. డిపో మేనేజర్‌ పండరి, ఆర్టీసీ జేఏసీ నాయకులు, ఉద్యోగులున్నారు. కొవ్వొత్తులతో ర్యాలీ నిర్వహిస్తున్న సిబ్బంది

భైంసాటౌన్‌: ప్రతినెలా ప్రభుత్వం అందించే పింఛన్‌పై ఆధారపడి జీవించేవారు జిల్లాలో ఎంతోమంది ఉన్నారు. అయితే, ఒక ఇంట్లో ఒకరికే పింఛన్‌ ఇస్తుండడంతో పింఛన్‌ పొందుతున్న భర్త మరణించిన సందర్భంలో అతనిపై ఆధారపడిన భార్య, పిల్లలు ఆర్థికంగా ఇబ్బంది పడేవారు. ఇదివరకు వృద్ధాప్య పింఛన్‌ పొందుతున్న భర్త మరణిస్తే అతని భార్యకు మాత్రమే తక్షణం పింఛన్‌ మంజూరు చేసే నిబంధనలుండేవి. మిగతా కేటగిరీలకు ఈ అవకాశం లేకపోవడంతో బాధితులు పింఛన్‌ కోసం కార్యాలయాల చుట్టూ తిరుగుతున్నారు. ఇలాంటివారికి ప్రభుత్వం తీపికబురు చెప్పింది. చేయూత పథకం కింద వృద్ధాప్య పింఛన్‌ పొందుతున్న భర్త మరణిస్తే అతని భార్యకు తక్షణ పింఛన్‌ మంజూరు చేసే అవకాశాన్ని విస్తరించి దివ్యాంగులు, గీత, చేనేత, డయాలసిస్‌, హెచ్‌ఐవీ, ఫైలేరియా పింఛన్‌దారులకూ వర్తింపజేస్తూ పంచాయతీరాజ్‌, గ్రామీణాభివృద్ధి శాఖ ఉత్తర్వులు జారీ చేసింది. దీంతో జిల్లాలో పింఛన్‌ పొందుతూ మృతి చెందిన వారి భార్యలకు ఇకపై తక్షణ పింఛన్‌ మంజూరు కానుంది. నూతన మార్గదర్శకాలు ఇలా.. దివ్యాంగులు, గీత కార్మికులు, చేనేత, డయాలసిస్‌, ఫైలేరియా కేటగిరీల కింద పింఛన్‌ పొందుతున్న లబ్ధిదారు మరణిస్తే అతని భార్యకు తక్షణమే పింఛన్‌ మంజూరు చేయాలని అధికారులు ఉత్తర్వుల్లో పేర్కొన్నారు. భార్య వయస్సు 57 ఏళ్లపైబడి ఉంటే వృద్ధాప్య పింఛన్‌, అంతకంటే తక్కువ ఉంటే వితంతు పింఛన్‌ మంజూరు చేస్తారు. ఇందుకు గ్రామీణ ప్రాంతాల్లో పంచాయతీ కార్యదర్శిని, పట్టణాల్లో బిల్‌ కలెక్టర్‌ను సంప్రదించాలని ప్రభుత్వం సూచించింది. దరఖాస్తుకు కావాల్సిన పత్రాలు భర్త మరణించిన సందర్భంలో జీవించి ఉన్న భార్య కింద సంబంధిత ధ్రువీకరణ పత్రాలతో దరఖాస్తు చేసుకోవాలి. ఆధార్‌ కార్డు, బ్యాంక్‌ పాస్‌బుక్‌ మొదటి పేజీ, మరణించిన పెన్షనర్‌ ఆధార్‌ కార్డు, మరణించిన పెన్షనర్‌ డెత్‌ సర్టిఫి కెట్‌ దరఖాస్తుకు జత చేయాలి. దరఖాస్తును పరిశీలించి, చేయూత పోర్టల్‌ ద్వారా సంబంధిత ఎంపీడీవో/మున్సిపల్‌ కమిషనర్‌/తహసీల్దార్‌, డీఆర్డీవో/కలెక్టర్‌ ఆమోదంతో పింఛన్‌ పింఛన్‌ మంజూరు చేస్తారు. ఈ ప్రక్రియ నిరంతరం కొనసాగుతుందని జారీ చేసిన ఉత్వర్లుల్లో ప్రభుత్వం పేర్కొంది. జిల్లాలో కేటగిరీల వారీగా పింఛన్లు వృద్ధాప్య 33.233 ఒంటరి మహిళ 2,082 వితంతు 35,354 దివ్యాంగులు 9,815 గీత కార్మికులు 264 చేనేత కార్మికులు 48 డయాలిసిస్‌ 152 ఫైలేరియా 220 బీడీ కార్మికులు 61,763 మొత్తం 1,43,652

కుంటాల: ఉపాధిహామీలో అక్రమాలకు తావి వ్వొద్దని డీఆర్డీవో విజయలక్ష్మి సూచించారు. బుధవారం కుంటాల రైతువేదికలో నిర్వహించిన వీబీ జీరామ్‌జీ 16వ విడత సామాజిక తని ఖీ ప్రజావేదికలో పాల్గొని మాట్లాడారు. మండలంలో 2025–26లో రూ.2.83 కోట్లతో చేపట్టిన ఉపాధి, పంచాయతీరాజ్‌ పనులు, పింఛన్లపై సామాజిక తనిఖీ బృందాలు తనిఖీ చేపట్టాయని తెలిపారు. ప్రజావేదికలో తీర్మానం లే కుండానే పనులు చేపట్టడం, ఒకరి పేరుతో మ రొకరు బిల్లులు తీసుకోవడం లాంటి అంశాలు వెల్లడయ్యాయి. కార్యక్రమంలో ఎంపీడీవోలు గణపతివార్‌ వెంకటరాజు, వనజ, లింబాద్రి, ఎంపీవో శోభన, హెచ్‌ఆర్‌ మేనేజర్‌ సుధాకర్‌, పీఆర్‌ ఏఈ గౌరీశ్‌, ఎస్సార్‌ సుశీల, ఏపీవో నవీన్‌, సర్పంచులు జక్కుల గజేందర్‌, కుభీర్‌ రాజన్న, శివాజీ తదితరులున్నారు.

సోయా ధర ౖపైపెకి.. భైంసాటౌన్‌: పట్టణంలోని వ్యవసాయ మార్కెట్‌లో సోయా ధర రోజురోజుకూ పెరుగుతోంది. తొలుత క్వింటాల్‌కు రూ.6వేల వరకే ఉండగా, బుధవారం గరిష్టంగా రూ.7,301 పలికింది. మార్కెట్‌కు మొత్తం 187 లాట్లు విక్రయానికి వచ్చాయి. కనిష్టంగా రూ.5,888, మోడల్‌ ధర రూ.7,069 పలికింది. ఇక, తొగర్లు రూ.8,601, జొన్నలు రూ.2,626, మక్కలు రూ.3,039, పెసర్లు రూ.6,011, నువ్వులు రూ.14,888, మినుములు రూ.8,001 ధర పలికాయి. ప్రైవేట్‌ కాటన్‌ జిన్నింగ్‌ మిల్లుల్లో పత్తి క్వింటాల్‌ ధర రూ.8,821గా నమోదైంది. కాగా, సోయా ధర గత నెల 1న రూ.6,175 ఉండగా, 6న రూ.6,279, 7న రూ.6,426, 14న రూ.7,099, 15న రూ.7,279 పలికింది. బుధవారం రూ.7,031 గా నమోదైంది. దరఖాస్తుల ఆహ్వానం

భైంసారూరల్‌: మండలంలోని మాటేగాం గ్రామంలో అర్హులను గుర్తించి డబుల్‌ బెడ్రూం ఇళ్లు కేటా యించాలని కలెక్టర్‌ భవేశ్‌ మిశ్రా ఆదేశించారు. బు ధవారం మాటేగాంలో ఇళ్ల కేటాయింపుపై అధికారులతో సమీక్ష నిర్వహించారు. ఇప్పటివరకు గుర్తించి న లబ్ధిదారుల వివరాలు తెలుసుకున్నారు. అనంత రం భైంసా పట్టణంలోని ఎంపీడీవో కార్యాలయ ప్రాంగణంలో ప్రభుత్వ కార్యాలయాల నిర్మాణానికి ప్రతిపాదిత స్థలాన్ని పరిశీలించారు. విస్తీర్ణం, వస తుల గురించి అధికారుల ద్వారా తెలుసుకుని పలు సూచనలు చేశారు. భైంసా సబ్‌ కలెక్టర్‌ అజ్మీరా సంకేత్‌కుమార్‌, హౌసింగ్‌ పీడీ శ్రీనివాస్‌, తహసీల్దార్‌ శశిభూషణ్‌, ఎంపీడీవో నీరజ్‌ తదితరులున్నారు.

నిర్మల్‌టౌన్‌: తిరుపతిలో ఆలిండియా వెలమ అసో సియేషన్‌ ఆధ్వర్యంలో రూ.50కోట్లతో చేపట్టనున్న పద్మనాయక వెలమ భవన నిర్మాణానికి నిర్వహిస్తు న్న భూమిపూజ మహోత్సవానికి హాజరుకావాలని జిల్లా వెలమ సంఘం సభ్యులను అసోసియేషన్‌ ప్ర తినిధులు ఆహ్వానించారు. ఈ మేరకు బుధవారం నిర్మల్‌కు వచ్చిన ప్రతినిధులు స్థానిక వెలమ సంఘం ఆధ్వర్యంలో నిర్వహించిన సమావేశంలో భవ న నిర్మాణ వివరాలు వెల్లడించారు. ఎనిమిది అంతస్తుల్లో 150గదులతో నిర్మిస్తున్న ఈ భవనంలో సా ధారణ భక్తులు, వీఐపీలకు వసతితోపాటు వివాహా ల నిర్వహణకు బ్యాంకెట్‌ హాళ్లు ఏర్పాటు చేయనున్నట్లు తెలిపారు. భవనం ద్వారా వచ్చే ఆదాయంతో పేద వెలమ విద్యార్థులకు ఏటా రూ.కోటి స్కా లర్‌షిప్‌లు అందిస్తున్నామని, భవిష్యత్‌లో ఈ మొ త్తాన్ని రూ.2కోట్ల నుంచి రూ.3కోట్లకు పెంచే ఆలో చన ఉందని పేర్కొన్నారు. శ్రీశైలంలోనూ రూ.4.5 కోట్లతో భవనం నిర్మించామని, యాదాద్రిలో మరో భవన నిర్మాణానికి ఏర్పాట్లు చేస్తున్నట్లు వివరించారు. ఆల్‌ ఇండియా వెలమ సంఘం ప్రతినిధులను జిల్లా అధ్యక్షుడు శ్రీధర్‌రావు, ప్రధాన కార్యదర్శి తిరుమలరావు శాలువాలతో సత్కరించారు. సంఘం ప్రతినిధులు తాండ్ర శ్రీనివాసరావు, దామోదర్‌రావు, భాస్కరరావు, సంజీవరావు, ప్రతాప్‌రావు, జిల్లా సంఘం బాధ్యులు పాల్గొన్నారు.

నిర్మల్‌టౌన్‌: హక్కులు, చట్టాలపై అవగాహన కలిగి ఉండాలని జిల్లా న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి పి.రవీందర్‌ సూచించారు. జిల్లా న్యాయ సేవాధికార సంస్థ ఆధ్వర్యంలో జిల్లా కేంద్రంలోని కేజీబీవీలో న్యా య అవగాహన కార్యక్రమం నిర్వహించారు. ఈ సందర్భంగా ఆయన మాట్లాడుతూ.. విద్యార్థినులకు న్యాయ సేవల చట్టాలు, ఉచిత న్యాయ సహాయం పొందే విధానం, రాజ్యాంగం కల్పించిన హక్కులు, బాలల హక్కులు తదితర అంశాలపై అవగాహన కల్పించారు. అనంతరం పాఠశాల హాస్టల్‌ ప్రాంగణం, వసతి, పరిసరాలు పరిశీలించారు.

నిర్మల్‌టౌన్‌: నేరాల నియంత్రణ, శాంతిభద్రతల పరిరక్షణలో ఆధునిక సాంకేతిక పరిజ్ఞానాన్ని సమర్థవంతంగా వినియోగించుకోవాలని ఎస్పీ జానకీ షర్మిల సూచించారు. ఫేషియల్‌ రికగ్నిషన్‌ సిస్టమ్‌ (ఎఫ్‌ఆర్‌ఎస్‌) కొత్త మాడ్యూల్‌పై పోలీస్‌ సిబ్బందికి వీడియో కాన్ఫరెన్స్‌ ద్వారా బుధవారం అవగాహన కల్పించారు. జన సమూహాల్లో చట్టవిరుద్ధ కార్యకలాపాలకు పాల్పడే వ్యక్తులు, శాంతిభద్రతలకు విఘాతం కలిగించే వారిని, నాఫిస్‌ ద్వారా వేలిముద్రల ఆధారంగా వ్యక్తులను గుర్తించే ప్రక్రియ గురించి వివరించారు. ఫింగర్‌ ప్రింట్‌ యూనిట్‌, డీసీఆర్‌బీ, ఐటీ కోర్‌ సిబ్బంది పాల్గొన్నారు. ఫిర్యాదులను సత్వరం పరిష్కరించాలి భైంసాటౌన్‌: ప్రజల నుంచి వచ్చే ఫిర్యాదులను సత్వరం పరిష్కరించాలని ఎస్పీ జానకీ షర్మిల ఆదేశించారు. పట్టణంలోని క్యాంపు కార్యాలయంలో ప్ర జావాణి నిర్వహించి డివిజన్‌ పరిధిలోని వివిధ ప్రాంతాల అర్జీదారుల నుంచి వినతులు, ఫిర్యాదులు స్వీకరించారు. ప్రతీ ఫిర్యాదుపై వెంటనే స్పందించి పరిష్కరించాలని సంబంధిత అధికారులను ఆదేశించారు. భరోసా కేంద్రంలో కుటుంబ సమస్యలకు సంబంధించి వచ్చిన ఫిర్యాదులపై షీ టీం సిబ్బంది ఇస్తున్న కౌన్సిలింగ్‌ తీరును పరిశీలించారు. అనంతరం గత గ్రీవెన్స్‌ ఫిర్యాదుల స్థితిగతులపై సమీక్షించారు. ఏఎస్పీ సాయికిరణ్‌ ఉన్నారు.

ఆత్మవిశ్వాసాన్ని పెంచుతుంది అమ్మాయిలకు ఆత్మరక్షణ కోసం నేర్పే విద్య వారిలో ఆత్మవిశ్వాసాన్ని పెంచుతుంది. ఇందుకు మాటేగాం అక్షయనే ఉదాహరణ. పదోతరగతి వరకు సోన్‌ కేజీబీవీలో చదివిన అక్షయ ప్రస్తుతం దిలావర్‌పూర్‌ కేజీబీవీలో ఇంటర్‌ సెకండియర్‌ చదువుతోంది. బాలికా విద్యాలయాల్లోనే సెల్ఫ్‌డిఫెన్స్‌లో భాగంగా నేర్పిన కిక్‌బాక్సింగ్‌పై కాసింత దృష్టిపెట్టి బాగా ప్రాక్టీస్‌ చేసింది. దీంతో అక్షయ ఏకంగా నేషనల్‌ లెవెల్‌లో కిక్‌బాక్సింగ్‌ చాంపియన్‌గా నిలిచి గోల్డ్‌మెడల్‌ అందుకుంది. చాలా పోటీల్లో విజేతగా నిలిచింది.ధైర్యే సాహసే ‘లక్ష్మి’.. రాప్తాడు స్కూల్‌ ఘటనలో విద్యార్థిని గోపికపై ఎలక్ట్రిక్‌ రంపంతో హేమంత్‌ దాడి చేస్తున్నపుడు ఉపాధ్యాయురాలు, విద్యార్థులంతా పరుగులు తీస్తుండగా, ఒక్క లక్ష్మి మాత్రమే ధైర్యం చేసింది. ప్రాణాలకు తెగించి ఆ రాక్షసుడిని నిలువరించేందుకు యత్నించింది. ఈ క్రమంలో జరిగిన తోపులాటలో రంపం జారి లక్ష్మి మోకాళ్ల నుంచి పాదాల వరకు బలమైన గాయాలయ్యాయి. అలా.. లక్ష్మి ధైర్యంగా పోరాడితేనే గోపిక ప్రాణాలతో ఆస్పత్రికి చేరుకోగలిగింది. లేకుంటే అక్కడే ప్రాణాలు కోల్పోయేది.బాలికల సంఖ్య 72,461 విద్యార్థుల సంఖ్య 1,48,408 స్కూళ్లు, ఇంటర్‌ కాలేజీలు 1,065 బాలుర సంఖ్య 75,947నిర్మల్‌: బడి అంటే భద్రతకు చిరునామా.. తరగతి గది అంటే భవిష్యత్‌కు పునాది. అలాంటి చోటే దా డులు జరిగితే బాలికల భద్రతపై ఎన్నో ప్రశ్నలు తలెత్తుతాయి. ఆంధ్రప్రదేశ్‌లోని అనంతపురం జి ల్లా రాప్తాడు ప్రభుత్వ పాఠశాలలో పదోతరగతి వి ద్యార్థినిపై జరిగిన దారుణ దాడి ప్రతి ఒక్కరినీ కలచివేసింది. పాఠశాలల్లోనే విద్యార్థినుల భద్రతకు భ రోసా లేకపోవడం ఆందోళన కలిగిస్తోంది. ఈ ఘట న భద్రతతో పాటు బాలికల్లో ఆత్మరక్షణ నైపుణ్యాలు, ఆత్మవిశ్వాసం పెంచాల్సిన అవసరాన్ని మరో సారి గుర్తుచేస్తోంది. మరోవైపు విద్యార్థి దశలోనే గంజాయి లాంటి మత్తుకు అలవాటు పడటం, హింసాత్మక సినిమాలు, రీల్స్‌ చూస్తూ అలాంటి ప్రవృత్తిని పెంచుకోవడంపైనా చర్చ కొనసాగుతోంది. భయం కాదు.. ధైర్యం నింపాలి బాలికల భద్రత అంటే తల్లిదండ్రులు వెంట ఉండటం, పాఠశాలల్లో కాపలాదారులను ఏర్పాటు చేయ డమే కాదు. ప్రమాదకర పరిస్థితులను ముందుగానే గుర్తించడం, అనుమానాస్పద ప్రవర్తనను తేలిగ్గా తీసుకోకపోవడం, అవసరమైనప్పుడు స్పందించడం, సురక్షిత ప్రాంతాలను ఎంచుకోవడం లాంటి అంశాలపై బాలికలకు అవగాహన కల్పించాలి. స్వీయ రక్షణ శిక్షణ తప్పనిసరి కరాటే, జూడో, తైక్వాండో లాంటి మార్షల్‌ ఆర్ట్స్‌తో పాటు ప్రాథమిక స్వీయ రక్షణ పద్ధతులపై బాలికలకు శిక్షణ ఇవ్వాలి. ప్రమాదం ఎదురైనప్పుడు ఎలా స్పందించాలి? దాడి చేసే వ్యక్తి నుంచి ఎలా దూరం కావాలి? ఎప్పుడు అక్కడి నుంచి తప్పించుకోవాలి? సహాయం కోసం ఎవరినీ ఆశ్రయించాలి? తదితర అంశాలను నిపుణుల ద్వారా నేర్పించాలి. ముఖ్యంగా ఆయుధాలతో దాడి లాంటి ప్రాణాపా య పరిస్థితులు ఎలా ఎదుర్కోవాలో నేర్పించాల్సిన అవసరముంది. ప్రభుత్వ, ప్రైవేట్‌ పాఠశాలల్లో బా లికల కోసం క్రమం తప్పకుండా స్వీయ రక్షణ శిక్షణ తరగతులు నిర్వహించాలి. ప్రస్తుతం ప్రభుత్వ ఉన్న త పాఠశాలు, కేజీబీవీల్లో 45రోజులు, పీఎంశ్రీ స్కూళ్లల్లో 75రోజుల పాటు కరాటే, జూడో, కిక్‌బా క్సింగ్‌లో శిక్షణ ఇస్తున్నారు. ఇలాంటి ఆత్మరక్షణ వి ద్యనూ ఓ పాఠ్యాంశంగా మార్చి కేజీ టు పీజీ వరకు అందరికీ నేర్పించాలన్న డిమాండ్‌ పెరుగుతోంది.

నిర్మల్‌టౌన్‌: ప్రభుత్వం నిర్ణయించిన ధరలకే సన్న బియ్యం విక్రయించాలని, అధిక ధరకు విక్రయిస్తే కఠిన చర్యలు తీసుకుంటామని జిల్లా పౌరసరఫరాల అధికారి రాజేందర్‌ వ్యాపారులను హెచ్చరించారు. పట్టణంలోని పలు బియ్యం దుకాణాలను మంగళవారం తనిఖీ చేశారు. బియ్యం విక్రయాల ధరలు, వ్యాపారులు పాటిస్తున్న ధరల వివరాలు పరిశీలించారు. ప్రభుత్వం నిర్ణయించిన ధరల సూచికను ప్రతీవ్యాపారి తప్పనిసరిగా పాటించాలని సూచించారు. వినియోగదారులకు నాణ్యమైన బియ్యాన్ని నిర్ణీత ధరలకే అందించాలని, ధరల విషయంలో ఎలాంటి అక్రమాలకు పాల్పడొద్దని స్పష్టం చేశారు. తనిఖీల్లో ఏఎస్‌వో సాగర్‌, లీగల్‌ మెట్రాలజీ ఇన్‌స్పెక్టర్‌ శంకర్‌ పాల్గొన్నారు.

ముధోల్‌: ముధోల్‌ ప్రభుత్వ సామాజిక ఆరోగ్య కేంద్రంలో వైద్యసేవలు మరింత మెరుగుపర్చి రోగులకు నాణ్యమైన చికిత్స అందించేలా చర్యలు తీసుకుంటామని కలెక్టర్‌ భవేశ్‌ మిశ్రా అన్నారు. ముధోల్‌ సామాజిక ఆరోగ్య కేంద్రాన్ని మంగళవారం సందర్శించారు. వివిధ విభాగాలను క్షేత్రస్థాయిలో పరిశీలించారు. ఆసుపత్రిలో పనిచేస్తున్న వైద్యులు, సిబ్బంది సంఖ్య, ప్రతీరోజు చికిత్స కోసం వస్తున్న రోగుల వివరాలు, వారికి అందిస్తున్న వైద్య సేవల గురించి అధికారులను అడిగి తెలుసుకున్నారు. రక్త పరీక్షల గది, మందుల పంపిణీ కేంద్రం తదితర విభాగాలను పరిశీలించారు. ప్రతీరోగికి నాణ్యమైన వైద్యం అందించాలని వైద్యులు, సిబ్బందిని ఆదేశించారు. ఆస్పత్రి భవనం పాతదైనందున అవసరమైన మరమ్మతులు, మౌలిక సదుపాయాల కల్పనపై దృష్టి సారిస్తామని కలెక్టర్‌ పేర్కొన్నారు. ఆస్పత్రి మార్చురీ ఏర్పాటుకు చర్యలు తీసుకుంటామని, నూతన భవన నిర్మాణానికి సంబంధించి ఉన్నతాధికారులతో సంప్రదించి అవసరమైన చర్యలు చేపడతామని తెలిపారు. అనంతరం ప్రాథమిక పాఠశాలను తనిఖీ చేశారు. శిథిలావస్థకు చేరిన భవనం తొలగించేందుకు చర్యలు తీసుకోవాలన్నారు. నూతన అదనపు తరగతుల నిర్మాణానికి కృషి చేస్తామని పేర్కొన్నారు. విద్యార్థులు, ఉపాధ్యాయుల సంఖ్య వివరాలు అడిగి తెలుసుకున్నారు. 5వ తరగతి విద్యార్థులతో కలెక్టర్‌ నేరుగా మాట్లాడారు. ప్రతీరోజు పాఠశాలకు రావాలన్నారు. స్నేహితులైవరైనా బడికి రానట్లయితే, వారిని కూడా తీసుకొని రావాలన్నారు. లెక్కలు సులభంగా అర్థమయ్యేలా మెలకువలను నేర్పి, కొన్ని లెక్కలు చేయించారు. ఇంగ్లిష్‌ పదాలను వ్యతిరేక క్రమంలో చదివిపించారు. తనిఖీలో డీఈవో భోజన్న, డీసీహెచ్‌ఎస్‌ కాశీనాథ్‌, తహసీల్దార్‌ శ్రీలత, ఎంపీడీవో లవకుమార్‌, డీఎల్పీవో లక్ష్మణ్‌, సర్పంచ్‌ షబానా బేగాం తదితరులు పాల్గొన్నారు.

నిర్మల్‌టౌన్‌: ఎల్‌నినో ప్రభావంతో రానున్న వేసవిలో నిర్మల్‌ పట్టణంలో తాగునీటి సమస్య తలెత్తకుండా ముందస్తు చర్యలు చేపడుతున్నట్లు మున్సిపల్‌ వైస్‌ చైర్మన్‌ అప్పాల గణేశ్‌చక్రవర్తి తెలిపారు. పట్టణానికి తాగునీరు సరఫరా చేసే ఎస్సార్‌ఎస్పీ ప్రాజెక్టును అధికారులతో కలిసి మంగళవారం సందర్శించారు. నీటి నిల్వలను పరిశీలించారు. ప్రస్తుతం ప్రాజెక్టులో ఉన్న నీటి నిల్వలు వేసవి అవసరాలకు సరిపోతాయని, ప్రజలకు తాగునీటి ఇబ్బందులు ఎదురయ్యే అవకాశం లేదని తెలిపారు. అనుకోని పరిస్థితుల్లో నిల్వలు తగ్గినా ఎదుర్కొనేందుకు ప్రత్యామ్నాయ చర్యలపై అధికారులతో చర్చించినట్లు పేర్కొన్నారు. ప్రజలు నీటిని పొదుపుగా వినియోగించాలని, తాగునీటి పైపులైన్లలో లీకేజీలు గుర్తిస్తే వెంటనే మున్సిపల్‌ అధికారులకు సమాచారం ఇవ్వాలని కోరారు. వేసవిలో నిరంతర నీటి సరఫరాకు అధికారులు అప్రమత్తంగా ఉండాలని సూచించారు. ఆయన వెంట కౌన్సిలర్లు గోపు గోపి, పెండం శ్రీనివాస్‌, నాందేడపు చిన్ను, రఫీ, చెనిగరపు నరేశ్‌, జాకీ, శ్రీకాంత్‌ యాదవ్‌, డీఈ హరిభువణ్‌ ఉన్నారు.

నిర్మల్‌టౌన్‌: యువతలోని ప్రతిభను, సృజనాత్మకతను, కళానైపుణ్యాలను వెలికితీసేందుకు యువజనోత్సవాలు దోహదపడతాయని అదనపు కలెక్టర్‌ రమేశ్‌రాథోడ్‌ అన్నారు. జిల్లా యువజన, క్రీడలశాఖ ఆధ్వర్యంలో సోఫీనగర్‌లో జేవీఎన్‌ఆర్‌ ఉన్నత పాఠశాలలో జిల్లాస్థాయి యువజనోత్సవాలు–2026 పోటీలు మంగళవారం నిర్వహించారు. అదనపు కలెక్టర్‌ పోటీలను ప్రారంభించి మాట్లాడారు. యువత తమలోని ప్రతిభను గుర్తించి ఆసక్తి ఉన్న రంగాల్లో రాణించాలని సూచించారు. పోటీల్లో ఉత్సాహంగా పాల్గొని స్వామి వివేకానంద ఆశయాలను, స్ఫూర్తిని భావితరాలకు అందించాలని పిలుపునిచ్చారు. ఈ సందర్భంగా జానపద బృంద గానం, జానపద బృంద నత్యం, నాటిక, చిత్రలేఖనం, కవితారచన తదితర విభాగాల్లో పోటీలు నిర్వహించారు. వివిధ పాఠశాలలు, కళాశాలలకు చెందిన విద్యార్థులు, యువత తమ ప్రతిభను ప్రదర్శించి ఆకట్టుకున్నారు. ప్రథమ బహుమతి సాధించిన విజేతలు రాష్ట్రస్థాయిలో నిర్వహించే యువజన పోటీల్లో జిల్లా తరఫున ప్రాతినిధ్యం వహించనున్నారు. కార్యక్రమంలో జిల్లా యువజన ,క్రీడలశాఖ అధికారి బి.శ్రీకాంత్‌రెడ్డి, జిల్లా సైన్స్‌ అధికారి డాక్టర్‌ వినోద్‌ కుమార్‌, పాఠశాల ప్రిన్సిపాల్‌ పద్మావతి, న్యాయ నిర్ణేతలు జోసఫ్‌ బాబురావు, ఎట్టెం రజిత, సౌమ్య, మధు, మెట్టు రవి, కొండూరు పోతున్న, విశ్వనాథ్‌వర్మ, చెనిగారపు నాగరాజు, వేణుగోపాల్‌, ఎర్రన్న, రఫీక్‌, రవీందర్‌, భోజన్న తదితరులు పాల్గొన్నారు.

లక్ష్మణచాంద:విద్యార్థి దశలో పదో తరగతి అత్యంత ముఖ్యమైనది. ఉత్తమ ఫలితాలు సాధించేందుకు రాష్ట్ర విద్యాశాఖ ప్రత్యేక చర్యలు చేపడుతోంది. ఈ క్రమంలో ప్రభుత్వ పాఠశాలల్లో పదో తరగతి విద్యార్థులకు ఈనెల 2 నుంచి సాయంత్రం ప్రత్యేక తరగతులు ప్రారంభించాలని రాష్ట్ర పాఠశాల విద్యాడైరెక్టర్‌ నవీన్‌ నికోలస్‌ ఆదేశాలు జారీ చేశారు. ప్రత్యేక తరగతులు షురూ.. రాష్ట్ర పాఠశాల విద్యా డైరెక్టర్‌ ఆదేశాల మేరకు జిల్లాలోని అన్ని ప్రభుత్వ పాఠశాలల్లో పదో తరగతి విద్యార్థులకు సాయంత్రం ప్రత్యేక తరగతులు ప్రారంభమయ్యాయి. గతేడాదికన్నా మెరుగైన ఫలితాలు సాధించాలనే లక్ష్యంతో ప్రత్యేక ప్రణాళికలు సిద్ధం చేశారు. గతేడాది జిల్లాలో 9,743 మంది విద్యార్థులు పరీక్షకు హాజరు కాగా, వారిలో 9,642 మంది ఉత్తీర్ణులయ్యారు. 98.96 శాతం ఫలితాలతో జిల్లా రాష్ట్రంలో మూడో స్థానంలో నిలిచింది. ఈసారి మరింత మెరుగైన ఫలితాలు సాధించి జిల్లాను ముందు వరుసలో నిలపాలని ఉపాధ్యాయులు విద్యార్థులను సన్నద్ధం చేస్తున్నారు. 90 రోజుల కార్యాచరణ.. వచ్చే ఏడాది మార్చిలో జరిగే వార్షిక పరీక్షలకు ఇప్పటి నుంచే విద్యార్థులను సంసిద్ధం చేయాలని జిల్లా విద్యాశాఖ అధికారులు భావిస్తున్నారు. జనవరి 10 నాటికి అన్ని సిలబస్‌లు పూర్తి చేయాలని ప్రధానోపాధ్యాయులకు సూచించారు. సిలబస్‌ పూర్తయిన తర్వాత పునఃశ్చరణ తరగతులు నిర్వహించనున్నారు. ఈనెల 2న ప్రారంభమైన ప్రత్యేక తరగతులు డిసెంబర్‌ 31 వరకు కొనసాగుతాయి. ప్రతిరోజూ సాయంత్రం 4.15 నుంచి 5.15 గంటల వరకు తరగతులు నిర్వహిస్తారు. జనవరి 1 నుంచి 30 వరకు ఉదయం, సాయంత్రం ప్రత్యేక తరగతులు నిర్వహిస్తారు. చురుకై న విద్యార్థులను మరింత ప్రోత్సహించడంతోపాటు, చదువులో వెనుకబడిన విద్యార్థులపై ప్రత్యేక దృష్టి సారించనున్నట్లు అధికారులు తెలిపారు. పకడ్బందీగా అమలు పాఠశాల విద్యాశాఖ ఆదేశాల మేరకు, జిల్లా కలెక్టర్‌ భవేశ్‌మిశ్రా సూచనలతో జిల్లాలోని అన్ని ప్రభుత్వ ఉన్నత పాఠశాలల్లో పదో తరగతి విద్యార్థులకు సాయంత్రం ప్రత్యేక తరగతులు ప్రారంభించాం. ఈ ప్రత్యేక తరగతులు పకడ్బందీగా అమలు చేయాలని ప్రధానోపాధ్యాయులకు ఆదేశాలు జారీ చేశాం. ఉత్తమ ఫలితాల సాధన లక్ష్యంగా ముందుకు సాగి గత ఏడాది కంటే మరింత మెరుగైన లక్ష్యాలు సాధించేందుకు ఉపాధ్యాయులు విద్యార్థులను సన్నద్ధం చేయాలి. – భోజన్న, డీఈవో నిత్యం పర్యవేక్షణ పదో తరగతి విద్యార్థులు ఉత్తమ ఫలితాలు సాధించేందుకు విద్యాశాఖ అదనపు చర్యలు తీసుకుంటోంది. విద్యార్థులను వారి సామర్థ్యాల ఆధారంగా ఏ, బీ, సీ గ్రూపులుగా విభజించారు. ప్రతీ ఉపాధ్యాయుడికి కొంతమంది విద్యార్థులను కేటాయించారు. ఇన్‌చార్జి ఉపాధ్యాయుడు ప్రతిరోజూ ఉదయం 5 గంటలకు ఫోన్‌ చేసి విద్యార్థులను నిద్రలేపడం, తల్లిదండ్రులతో మాట్లాడటం వంటి పనులు చేయాల్సి ఉంటుంది.ఐదేళ్లలో పది ఫలితాలు... సంవత్సరం పాఠశాలలు హాజరు ఉత్తీర్ణత శాతం స్థానం 2021–22 231 9,642 9,423 97.73 2 2022–23 233 9,071 8,980 99.00 1 2023–24 230 8,908 8,823 99.05 1 2024–25 235 9,123 8,822 96.70 15 2025–26 241 9,743 9,642 98.96 3

నిర్మల్‌చైన్‌గేట్‌: కఠిన నిబంధనల కారణంగా పీఎం కిసాన్‌ సమ్మాన్‌ నిధి పథకం లబ్ధిదారుల సంఖ్య జిల్లాలో ఏటా తగ్గుతూ వస్తోంది. పథకం ప్రారంభమైనప్పటి నుంచి గడిచిన ఏడేళ్లలో 43,219 మందికిపైగా రైతులు ఈ పథకానికి అర్హత కోల్పోయారు. అదే సమయంలో కటాఫ్‌ తేదీని మార్చకపోవడంతో కొత్తగా పట్టాదారు పాస్‌ పుస్తకాలు పొందిన రైతులకు పెట్టుబడిసాయం అందకుండా పోతోంది. అనర్హుల తొలగించే విషయంలో కేంద్ర ప్రభుత్వం చురుకుగా ఉన్నా, కొత్త దరఖాస్తుదారులకు అవకాశం కల్పించడంలో నిర్లక్ష్యం కనిపిస్తోంది. జిల్లాలో ఈ ఏడేళ్లలో 20 వేల మందికిపైగా కొత్తగా పట్టాదారు పాస్‌ పుస్తకాలు పొందారు. కొత్త పట్టాదారుల ఎదురుచూపు జిల్లాలో 20 వేల మందికిపైగా కొత్తగా పట్టాదారు పాస్‌ పుస్తకాలు పొందిన రైతులు ఉన్నారు. వీరు పీఎం కిసాన్‌ కోసం దరఖాస్తు చేసుకునే అవకాశం కోసం ఎదురుచూస్తున్నారు. ఎవరిని సంప్రదించాలో తెలియక ఆందోళన చెందుతున్నారు. ఏవోలు, ఏఈవోలను కలిసినా స్పష్టమైన సమాధానం రావడం లేదు. వారసత్వం కింద మినహాయింపు కటాఫ్‌ తేదీ తర్వాత భూములు కొన్న రైతులకు సా యం అందడం లేదు. అయితే అనువంశికంగా భూములు పొందినవారికి దరఖాస్తు అవకాశం ఉంది. అయితే ఆ భూమి గతంలో పథకం కింద లబ్ధి పొందినట్లయితేనే కొత్త దరఖాస్తుదారులు అర్హులవుతారు. ఏటా రూ.6 వేల పెట్టుబడి.. చిన్న, సన్నకారు రైతులకు పెట్టుబడిసాయం అందించాలనే ఉద్దేశంతో కేంద్ర ప్రభుత్వం 2019 ఫిబ్రవరిలో పీఎం కిసాన్‌ సమ్మాన్‌ నిధి పథకాన్ని ప్రారంభించింది. ఐదెకరాలలోపు రైతులకు విడతకు రూ.2 వేల చొప్పున, సంవత్సరానికి మూడు విడతల్లో మొత్తం రూ.6 వేలు లబ్ధిదారుల ఖాతాల్లో జమ చేస్తోంది. పథకం ప్రారంభం నుంచి ఇప్పటి వరకు 23 సార్లు ఈ మొత్తాన్ని జమ చేసింది. లబ్ధిదారుల సంఖ్యలో క్షీణత 2019 ఫిబ్రవరిలో పథకం ప్రారంభమైనప్పుడు జిల్లాలో 1,12,151 మంది రైతులకుసాయం అందింది. తర్వాత నిబంధనలు కఠినతరం చేయడంతో లబ్ధిదారుల సంఖ్య క్రమంగా తగ్గుతూ తాజాగా 68,932కి చేరుకుంది. ప్రారంభంలో సెల్ఫ్‌ డిక్లరేషన్‌ ఆధారంగా నమోదు జరిగినా, తర్వాత ఈ–కేవైసీ తప్పనిసరి చేశారు. 2019, ఫిబ్రవరి 1 తర్వాత కటాఫ్‌ తేదీని మార్చకపోవడం కూడా కొత్తగా దరఖాస్తు చేసుకునే అవకాశం లేకుండా పోయింది. ఫలితంగా చాలామంది రైతులు సాయానికి దూరమయ్యారు.

నిర్మల్‌● నేతల ప్రసంగంతో శ్రేణుల్లో ఫుల్‌జోష్‌‘కౌలు’కోలేని దెబ్బ ఎల్‌నినోతో ఉమ్మడి జిల్లాలో తీవ్ర వర్షాభావం నెలకొంది. ఖరీఫ్‌ పంటల దిగుబడి తగ్గింది. రబీలో పంటలు వేయలేని పరిస్థితి నెలకొంది. కౌలు రైతులు దిక్కుతోచని స్థితిలో ఉన్నారు. ఖోఖో జట్ల ఎంపిక లక్ష్మణచాంద: మండల కేంద్రంలోని పీఎంశ్రీ ప్రభుత్వ ఉన్నత పాఠశాలలో ఎస్జీఎఫ్‌ ఆధ్వర్యంలో అండర్‌–14 జిల్లాస్థాయి ఖోఖో పోటీలు మంగళవారం నిర్వహించారు. ఇందులో 250 మంది విద్యార్థులు పాల్గొన్నారు. అత్యుత్తమ ప్రదర్శన కనబర్చిన వారిని జిల్లా జట్టుకు ఎంపిక చేశారు. ఎంఈవో రాజునాయక్‌, ఎస్‌జీఎఫ్‌ జిల్లా కార్యదర్శి లక్ష్మణ్‌, పెటా జిల్లా అధ్యక్షులు అంబాజీ, కృష్ణ, సత్తయ్య, డేవిడ్‌, భూషణ్‌, శంకర్‌, అశోక్‌, మహేంద్రచారి, అశోక్‌, హరిప్రసాద్‌, వివిధ పాఠశాలల వ్యాయామ ఉపాధ్యాయులు పాల్గొన్నారు. బాలుర జట్టు.. గౌతమ్‌, శ్రీనిక్షిత్‌, గంగచరణ్‌, నందకిశోర్‌, అఖిలేష్‌, ఈశ్వర్‌, సాత్విక్‌, రాఘవ, రిశ్వంత్‌, సాయిజయంత్‌, విష్ణువర్ధన్‌, గంగదీప్‌, మనోజ్‌, సాత్విక్‌, నాగవెంకటేశ్‌, వరుణ్‌, రాహుల్‌, మణిదీప్‌, రిత్విక్‌. బాలికల జట్టు.. నవీన, ప్రవస్తిక, రమణి, మనిశ్రీ, అణజ్ఞ, అక్షర, అవంతిక, అక్షిత, వరణ్య, మహేశ్వరి, గంగలక్ష్మి, శ్రీవల్లి, సాదియా తబస్సుం, మన్విత, తేజశ్విని.నిర్మల్‌: ‘ఛత్రపతి శివాజీ వారసులకు, కత్తిలాంటి కార్యకర్తలకు జన్మనిచ్చిన నిర్మల్‌గడ్డకు దండాలు’ అంటూ కేంద్రమంత్రి బండి సంజయ్‌ జోష్‌ నింపారు. ‘నిర్మల్‌ జిల్లా నలుమూలల నుంచి వేలాదిగా తరలివచ్చిన కార్యకర్తలు, ప్రజలను చూస్తుంటే వచ్చేది మన ప్రభుత్వమే అని స్పష్టమవుతోంది’ అని ఎంపీ ఈటల రాజేందర్‌ ఉత్సాహాన్ని పెంచారు. ‘వర్షాన్ని సైతం లెక్కచేయకుండా వెంట నడిచిన కుటుంబ సభ్యులందరికీ పేరుపేరునా హృదయపూర్వక ధన్యవాదాలు’ అంటూ స్థానిక ఎమ్మెల్యే, బీజేఎల్పీనేత మహేశ్వర్‌రెడ్డి అన్న మాటలు కార్యకర్తలను ఆకట్టుకున్నాయి. ఓట్‌ చోరీ అంటూ అటు కాక్రోచ్‌ పార్టీ, ఇటు కాంగ్రెస్‌ పార్టీ చేస్తున్న ఆరోపణలను తిప్పికొట్టేందుకు, ప్రజల్లోకి తమ వాదనను తీసుకెళ్లేందుకు ఉత్తర తెలంగాణలో బీజేపీ నిర్వహించిన తొలి మహాపాదయాత్ర విజయవంతమైంది. నిర్మల్‌ జిల్లా కేంద్రంలో మంగళవారం దాదాపు నాలుగు గంటలపాటు సాగిన కార్యక్రమంలో భారీగా కార్యకర్తలు, అభిమానులు పాల్గొన్నారు. కాంగ్రెస్‌పార్టీ నిరసనలకు భారీ జనసమీకరణతో పార్టీ సమాధానం చెప్పడం కాషాయదళంలో కొత్త ఉత్సాహాం నింపింది. పార్టీ రాష్ట్ర ఇన్‌చార్జి, ఈ కార్యక్రమ ముఖ్యఅతిథి సునీల్‌ బన్సల్‌ సభలో మాట్లాడకపోవడం గమనార్హం. నేడు జోనల్‌స్థాయి బాస్కెట్‌ బాల్‌పోటీలులక్ష్మణచాంద: మండలంలోని పీచరలో జోనల్‌స్థాయి బాస్కెట్‌బాల్‌ జట్ల ఎంపిక పోటీలు బుఽ దవారం నిర్వహించనున్నట్లు హెచ్‌ఎం సాయికృష్ణ తెలిపారు. ఉదయం 10 గంటలకు ప్రభు త్వ ఉన్నత పాఠశాలలో అండర్‌–14 జోనల్‌ బాస్కెట్‌బాల్‌ జట్ల ఎంపికకు పోటీలు ప్రారంభమవుతాయని వెల్లడించారు. క్రీడాకారులు సకాలంలో హాజరు కావాలని కోరారు. రెండు గంటలు నడిచి.. జిల్లా కేంద్రంలోని కలెక్టరేట్‌ రోడ్డు హెలిప్యాడ్‌ వద్దకు మధ్యాహ్నం 12 గంటల తర్వాత బీజేపీ రాష్ట్ర ఇన్‌చార్జి సునీల్‌బన్సల్‌ చేరుకున్నారు. ఆయనతోపాటు మిగిలిన పార్టీ నేతలందరూ కలిసి ప్రత్యేక వాహనంలో స్థానిక శాంతినగర్‌ చౌరస్తాకు చేరుకున్నారు. అక్కడి నుంచి.. బీజేఎల్పీ నేత మహేశ్వర్‌రెడ్డి అధ్యక్షతన సునీల్‌బన్సల్‌, రాష్ట్ర అధ్యక్షుడు రాంచందర్‌రావు, రాష్ట్ర సహ ఇన్‌చార్జీలు రేఖాశర్మ, అభయ్‌పాటిల్‌, కేంద్రమంత్రి బండి సంజయ్‌, ఆదిలాబాద్‌, మల్కాజ్‌గిరి ఎంపీలు గోడం నగేశ్‌, ఈటల రాజేందర్‌, ముధోల్‌, ఆదిలాబాద్‌, సిర్పూర్‌, ఆర్మూర్‌, నిజామాబాద్‌ ఎమ్మెల్యేలు రామారావుపటేల్‌, పాయల్‌ శంకర్‌, పాల్వాయి హరీశ్‌, రాకేశ్‌రెడ్డి, ధన్‌పాల్‌ సూర్యనారాయణగుప్తా, ఎమ్మెల్సీలు అంజిరెడ్డి, మల్క కొమురయ్య, జిల్లా అధ్యక్షుడు రితేశ్‌రాథోడ్‌, సీనియర్‌ నాయకులు, భారీసంఖ్యలో వచ్చిన కార్యకర్తలతో కలిసి మహాపాదయాత్ర ప్రారంభించారు. శాంతినగర్‌ చౌరస్తా నుంచి శివాజీచౌక్‌, చైన్‌గేట్‌, జయశంకర్‌ సర్కిల్‌ మీదుగా వివేక్‌చౌక్‌ వరకు దాదాపు రెండు గంటలు పాదయాత్ర చేశారు. వివేక్‌చౌక్‌లో ఏర్పాటు చేసిన వేదికపై నుంచి ఎంపీలు, ఎమ్మెల్యేలు, ఎమ్మెల్సీలు మాట్లాడారు.

లక్ష్మణచాంద: మండలంలోని పీచర ప్రభుత్వ ఉన్నత పాఠశాలలో జిల్లాస్థాయి బాస్కెట్‌బాల్‌ సెలక్షన్స్‌ సోమవారం నిర్వహించారు. ముఖ్య అతిథిగా ఎస్సై శ్రావణి, ఎంఈవో రాజునాయక్‌, సర్పంచ్‌ రాజేశ్వర్‌ హాజరై పోటీలను ప్రారంభించారు. కార్యక్రమంలో ఎస్జీఎఫ్‌ సెక్రెటరీ లక్ష్మణ్‌, వ్యాయామ ఉపాధ్యాయులు, వివిధ పాఠశాలల విద్యార్థులు పాల్గొన్నారు. బాలుర జట్టు.. మహేశ్‌, వెంకటరమణ, దీక్షిత్‌, రిషి, శ్రేయాన్‌, అనూష్‌, ఇనోష్‌, శశిధర్‌, వేదాంశ్రీ, ఇరుమై, మణికంఠ, శరత్‌. బాలికల జట్టు.. హర్షిత, రక్షిత, దీక్షిత, యోగిత, సమీక్షరెడ్డి, సహస్రరెడ్డి, ఎమీలియా, వర్షిణి, ప్రహర్ష, హారిక, సురేఖ, ప్రణవి, చందన.

నిర్మల్‌: ఓట్‌ చోరీ పేరిట ప్రతిపక్షాలు చేస్తున్న దాడిని తిప్పికొట్టడమే లక్ష్యంగా కమల దళం తెలంగాణలో మహాపాదయాత్రలకు శ్రీకారం చుట్టింది. ఇందులో భాగంగా ఉత్తర తెలంగాణలో బీజేపీ తొలి నిరసన కార్యక్రమంగా నిర్మల్‌లో మంగళవా రం కాషాయ కవాతు నిర్వహించనుంది. స్థానిక ఎమ్మెల్యే, బీజేఎల్పీనేత ఏలేటి మహేశ్వర్‌రెడ్డి అధ్యక్షతన నిర్వహించే ఈ కార్యక్రమానికి ముఖ్య అతిథిగా పార్టీ రాష్ట్ర ఇన్‌చార్జి సునీల్‌బన్సల్‌, కేంద్రమంత్రి బండి సంజయ్‌, రాష్ట్ర అధ్యక్షుడు రాంచందర్‌రావు, సహ ఇన్‌చార్జీలు అభయ్‌పాటిల్‌, రేఖాశర్మలతోపాటు పార్టీ ఎంపీలు, ఎమ్మెల్యేలు, నాయకులు పాల్గొననున్నారు. భారీగా జనసమీకరణ.. హైదరాబాద్‌ తర్వాత ఉత్తర తెలంగాణ ప్రాంతంలో నిర్వహించనున్న తొలి నిరసన కార్యక్రమం కావడంతో నిర్మల్‌ మహాపాదయాత్రను విజయవంతం చేసేందుకు బీజేపీ శ్రేణులు శ్రమిస్తున్నాయి. భారీగా జనసమీకరణ చేపడుతున్నారు. నిర్మల్‌, ముధోల్‌, ఖానాపూర్‌ నియోజకవర్గాల నుంచి 50 వేలమందికిపైగా కార్యకర్తలు, జనాలను సమీకరించాలని పార్టీ నాయకత్వం లక్ష్యంగా పెట్టుకుంది. ఎమ్మెల్యేలు ఏలేటి మహేశ్వర్‌రెడ్డి, పవార్‌ రామారావు పటేల్‌, బీజేపీ జిల్లా అధ్యక్షుడు రితేష్‌రాథోడ్‌తోపాటు రాష్ట్ర, జిల్లా నాయకులు ఇప్పటికే నియోజకవర్గాల వారీగా సమావేశాలు నిర్వహించి కార్యకర్తలను సమాయత్తం చేశారు. సర్పంచులు, పార్టీ పదాధికారులు, కార్యకర్తల సమన్వయంతో పాదయాత్ర విజయవంతానికి ఏర్పాట్లు చేస్తున్నారు. శాంతినగర్‌ నుంచి వివేక్‌చౌక్‌ దాకా.. జిల్లాకేంద్రంలోని శాంతినగర్‌ చౌరస్తా నుంచి శివాజీచౌక్‌, జయశంకర్‌చౌరస్తాల మీదుగా వివేక్‌చౌక్‌ వరకు సుమారు రెండు కిలోమీటర్ల మేర మహాపాదయాత్ర నిర్వహించనున్నారు. రాష్ట్ర ఇన్‌చార్జిగా సునీల్‌ బన్సల్‌ తొలి నిర్మల్‌ పర్యటన నేపథ్యంలో స్వాగత ఏర్పాట్లను భారీగా చేపట్టారు. ట్రాఫిక్‌ మళ్లింపు నిర్మల్‌టౌన్‌: పట్టణంలో బీజేపీ ర్యాలీ నేపథ్యంలో పోలీసులు ట్రాఫిక్‌ మళ్లింపు చేపట్టారు. ర్యాలీ సందర్భంగా వాహనాల రాకపోకలకు అంతరాయం కలగకుండా ప్రజల సౌకర్యార్థం ప్రత్యేక చర్యలు తీసుకున్నారు. భైంసావైపు నుంచి వచ్చే వాహనాలు తల్వేద మీదుగా గాజులపేట్‌ చేరుకుని నిర్మల్‌కు రావాలని, హైదరాబాద్‌ నుంచి వచ్చే వాహనాలు కడ్తాల్‌, కొండాపూర్‌, ఎల్లపల్లి మీదుగా బంగల్‌పేట్‌ చేరుకోవాలని సూచించారు. ఖానాపూర్‌ నుంచి వచ్చే వాహనాలు కొండాపూర్‌, ఎల్లాపల్లి, బంగల్‌పేట్‌ మీదుగా పట్టణంలోకి చేరుకోవాలని తెలిపారు. వాహనదారులు ఈ మార్గాలను గమనించి పోలీసులకు సహకరించాలని నిర్మల్‌ డీఎస్పీ శ్రీనివాస్‌ కోరారు.

భైంసా: ఎల్‌నినో ప్రభావంతో ఈ ఏడాది జిల్లాలో 24 శాతం లోటు వర్షపాతం నమోదైంది. దీంతో పంటల సాగు విస్తీర్ణం, దిగుబడి తగ్గింది. యాసంగిలో పంటలు వేయొద్దని ప్రభుత్వం తెలిపింది. ఈ క్రమంలో వివిధ అంశాలను పరిగణనలోకి తీసుకుని జిల్లాలో కరువు మండలాలను ఖరారు చేసింది. ఖానాపూర్‌లో తీవ్ర కరువు, 8 మండలాల్లో మోస్తరు కరువు ఉన్నట్లు టీవల ప్రకటించింది. ఈ నేపథ్యంలో కరువు మండలాల్లో రైతులు, రైతు కూలీలకు పని కల్పించేందుకు అధికారులు కసరత్తు చేస్తున్నారు. వీబీజీ రామ్‌జీ పథకంలో ఎక్కువ మందికి పనికల్పించేలా ప్రణాళిక రూపొందిస్తున్నట్లు డీఆర్డీవో విజయలక్ష్మి తెలిపారు. ‘సాక్షి’కి ఇచ్చిన ఇంటర్వ్యూలో పలు అంశాలు వెల్లడించారు. సాక్షి: జిల్లాలో కరువు పరిస్థితుల నేపథ్యంలో ఉపాధి కల్పనకు ఎలాంటి ప్రణాళిక రూపొందిస్తున్నారు? డీఆర్డీవో: జిల్లాలోని కరువు ప్రభావిత మండలాల్లో గ్రామీణ కూలీలకు ఎక్కువ సంఖ్యలో ఉపాధి కల్పించడంపై ప్రభుత్వం ప్రత్యేక దృష్టి సారిస్తోంది. వర్షాభావ పరిస్థితులు, వ్యవసాయ పనులు తగ్గడంతో గ్రామీణ ప్రాంతాల్లో కూలీలకు ఉపాధి అవసరం పెరుగుతుంది. ఈ నేపథ్యంలో వీబీజీ రామ్‌జీ పథకం ద్వారా గ్రామాల్లోనే పనులు కల్పించి కూలీలకు ఆర్థిక భరోసా కల్పించేలా చర్యలు తీసుకుంటున్నాం. అవసరమైన చోట పనులను గుర్తించి, కూలీలు పని కోరినప్పుడు ఉపాధి కల్పించే దిశగా ప్రణాళిక సిద్ధం చేస్తున్నాం. సాక్షి: కరువు మండలాల్లో ప్రస్తుతం ఎంతమంది కూలీలు పనులకు వస్తున్నారు? డీఆర్డీవో: జిల్లాలోని 9 కరువు ప్రభావిత ప్రాంతాల్లో ప్రస్తుతం సుమారు 13 వేల మంది కూలీలు ఉపాధి పనులకు వస్తున్నారు. వీరికి గ్రామాల్లో అందుబాటులో ఉన్న పనుల ద్వారా ఉపాధి కల్పిస్తున్నాం. రానున్న రోజుల్లో మరింత మంది కూలీలు పనులకు వచ్చే అవకాశం ఉన్నందున అందుకు అనుగుణంగా పనులను గుర్తిస్తున్నాం. కూలీలకు పనులు కల్పించడంలో గ్రామ పంచాయతీలు, క్షేత్రస్థాయి సిబ్బంది సమన్వయంతో పనిచేసేలా చర్యలు తీసుకుంటున్నాం. సాక్షి: అదనపు పనిదినాలు కేటాయించే అవకాశం ఉందా? డీఆర్డీవో: అదనపు పనిదినాల కేటాయింపు ప్రభుత్వ నిర్ణయంపై ఆధారపడి ఉంటుంది. కరువు పరిస్థితులు, కూలీల అవసరాలను ప్రభుత్వం దృష్టికి తీసుకెళ్లడం జరుగుతుంది. ప్రభుత్వం నుంచి వచ్చే మార్గదర్శకాలు, ఆదేశాల ప్రకారం తదుపరి చర్యలు తీసుకుంటాం. సాక్షి: ఏడాదికి ఎన్ని రోజులు పని కల్పిస్తారు? డీఆర్డీవో: వీబీజీ రామ్‌జీ పథకం కింద అర్హులైన కూలీలకు ఏడాదికి 125 రోజులు పని కల్పిస్తాం. వ్యవసాయ పనులు లేని సమయంలో ఈ పథకం ఎంతో ఉపయోగకరంగా ఉంటుంది. కూలీలు తమ గ్రామాల్లోనే పనులు చేసుకుంటూ కుటుంబ అవసరాలకు ఆదాయం సమకూర్చుకోవచ్చు. సాక్షి: కరువు మండలాల్లో ఎలాంటి పనులకు ప్రాధాన్యం ఇస్తారు? డీఆర్డీవో: గ్రామీణ ప్రాంతాల్లో కూలీలకు ఉపాధి కల్పించడంతోపాటు భవిష్యత్తులో రైతులకు ఉపయోగపడే శాశ్వత ఆస్తుల నిర్మాణానికి ప్రాధాన్యత ఇస్తున్నాం. ఇందులో భాగంగా మట్టి రోడ్ల నిర్మాణం, ఫాంపాండ్లు, గడ్డి పెంపకం, పశువుల తొట్లు, బోరుబావుల రీచార్జి నిర్మాణాలు, ఇంకుడు గుంతలు, ఊటకుంటలు తదితర పనులు చేపడతాం. గ్రామాల్లో అవసరాలను గుర్తించి పనులను ఎంపిక చేస్తాం. ముఖ్యంగా వర్షపు నీటిని భూమిలోకి ఇంకించే నిర్మాణాలు చేపట్టడం ద్వారా భూగర్భ జలాలు పెరుగుతాయి. సాక్షి: ఇంకా ఎంతమందికి జాబ్‌కార్డులు జారీ చేయనున్నారు? డీఆర్డీవో: ఉపాధి పనులు చేయడానికి ఆసక్తి ఉన్న అర్హులైన ప్రతి ఒక్కరికీ జాబ్‌కార్డులు జారీ చేస్తున్నాం. దీనికి ప్రత్యేకంగా సంఖ్యను నిర్దేశించలేదు. అర్హత కలిగిన వారు దరఖాస్తు చేసుకుంటే నిబంధనల ప్రకారం పరిశీలించి జాబ్‌కార్డులు అందిస్తాం. గ్రామాల్లో అర్హులైన కూలీలను గుర్తించి వారికి పథకం వివరాలు తెలియజేయాలని క్షేత్రస్థాయి సిబ్బందికి సూచిస్తున్నాం. జాబ్‌కార్డు ఉన్న ప్రతీ కుటుంబం ఉపాధి అవకాశాలను వినియోగించుకోవాలి. సాక్షి: కూలీలకు రోజువారీ వేతనం ఎంత చెల్లిస్తున్నారు? డీఆర్డీవో: ప్రస్తుతం ఉపాధి కూలీలకు రోజుకు రూ.308 వేతనం చెల్లిస్తున్నారు. కూలీలు చేపట్టిన పనుల కొలతలు, నిబంధనల ప్రకారం వేతన చెల్లింపులు జరుగుతాయి. కూలీలు పనుల్లో పాల్గొని నిర్దేశించిన పని ప్రమాణాలను పాటించాలి. వేతన చెల్లింపుల్లో పారదర్శకత ఉండేలా సంబంధిత సిబ్బంది పర్యవేక్షణ చేపడుతున్నారు.

నిర్మల్‌: ప్రజాస్వామ్య పరిరక్షణ, అరాచకవాదా న్ని తరిమికొట్టడమే లక్ష్యంగా జిల్లాకేంద్రంలో మంగళవారం చేపట్టనున్న మహాపాదయాత్రను విజయవంతం చేయాలని బీజేపీ జిల్లా అధ్యక్షుడు రితేష్‌ రాథోడ్‌ కోరారు. బీజేఎల్పీనేత మహేశ్వర్‌రెడ్డి నివాసంలో సోమవారం నిర్వహించిన సమావేశంలో మాట్లాడారు. ప్రజాస్వామ్య వ్యవస్థలను అస్థిరపరిచేందుకు కాంగ్రెస్‌ కూటమి ప్రయత్నిస్తోందని, రాజ్యాంగ సంస్థలపై దాడులకు పాల్పడుతూ ప్రజలను తప్పుదోవ పట్టిస్తోందని ఆరోపించారు. కాంగ్రెస్‌ అసత్య ప్రచారాన్ని తిప్పికొట్టి ప్రజలకు వాస్తవాలు వివరించడమే ఈ మహాపాదయాత్ర ప్రధాన ఉద్దేశమన్నారు. సమావేశంలో పార్టీ నాయకులు రావుల రాంనాథ్‌, యాతాళం చిన్నారెడ్డి, మెడిసెమ్మె రాజు, సత్యం చంద్రకాంత్‌, కౌన్సిలర్లు, నాయకులు పాల్గొన్నారు.

నిర్మల్‌ రూరల్‌: రాష్ట్రీయ ఏక్తా దివస్‌(జాతీయ సమైక్యత దినోత్సవం) వేడుకల్లో మూడురో జులు పాల్గొనేందుకు గుజరాత్‌లోని ఏక్తానగర్‌ కు జిల్లా నుంచి ప్రత్యేక ఆహ్వానిత బృందం వె ళ్లింది. ప్రపంచంలోనే అత్యంత ఎత్తైన 182 మీ టర్ల సర్దార్‌ వల్లభాయ్‌ పటేల్‌ విగ్రహం స్టా చ్యూ ఆఫ్‌ ఈక్వాలిటీని సందర్శించింది. బృందం సభ్యులు, దాని నిర్మాణ వైభవాన్ని, ఇంజి నీరింగ్‌ నైపుణ్యాన్ని చూసి అబ్బురపడ్డారు. ఆఽ దునిక సాంకేతిక పరిజ్ఞానంతో నిర్మించిన ఈ అద్భుత కట్టడం భారతదేశ సాంకేతిక సామర్థ్యానికి, సర్దార్‌ పటేల్‌ ఆశయమైన జాతీయ సమైక్యతకు ప్రతీకగా నిలుస్తోందని పేర్కొన్నా రు. అనంతరం నర్మదా నది తీరంలో నిర్మించి న సర్దార్‌ సరోవర్‌ డ్యామ్‌ను సందర్శించారు. బృందంలో నోడల్‌ ఆఫీసర్‌, డీఈవో భోజన్న, ప్రముఖ కవి, చరిత్ర పరిశోధకులు డాక్టర్‌ తు మ్మల దేవరావ్‌, సామాజిక సేవకులు యాటకా రి సాయన్న, కత్తురోజు అశోక్‌చారి, నిర్మల్‌ కొ య్య బొమ్మల కళాకారులు నాంపల్లి శ్రీనివాస్‌, సముద్రాల పెంటయ్య, సుస్మారెడ్డి, విజయలక్ష్మి, మనుప్రియ తదితరులు ఉన్నారు.

నిర్మల్‌సెమిస్టర్‌కు స్వస్తి! పాలిటెక్నిక్‌ ప్రథమ సంవత్సరంలో వార్షిక పరీక్షల విధానం ప్రవేశపెట్టడానికి రాష్ట్ర సాంకేతిక విద్యాశాఖ నిర్ణయం తీసుకుంది. ఈ విద్యా సంవత్సరం నుంచి అమలు చేయనుంది.ప్రజావాణి ఫిర్యాదులపై స్పందించాలి నిర్మల్‌టౌన్‌: ప్రజావాణిలో అందే ఫిర్యాదులపై తక్షణమే స్పందించి, చట్టపరంగా పరిష్కారం చూపాలని ఎస్పీ జానకీషర్మిల అధికారులను ఆదేశించారు. జిల్లా పోలీసు కార్యాలయంలో సోమవారం నిర్వహించిన ప్రజావాణిలో ప్రజల ఫిర్యాదులు, వినతులు స్వీకరించారు. వారి సమస్యలను స్వయంగా అడిగి తెలుసుకున్నారు. అనంతరం సంబంధిత పోలీస్‌స్టేషన్‌ అధికారులతో మాట్లాడి ఫిర్యాదులపై వెంటనే స్పందించాలని సూచించారు. ప్రతీ ఫిర్యాదును బాధ్యతగా పరిశీలించి, బాధితులకు సకాలంలో న్యాయం అందేలా చర్యలు తీసుకోవాలన్నారు. పరిష్కారంలో అనవసర జాప్యం లే కుండా, బాధితులతో మర్యాదపూర్వకంగా వ్య వహరించాలని ఆదేశించారు. అంతకుముందు స్వయంగా నడవడానికి ఇబ్బంది పడుతున్న ప లువురు దగ్గరికి వెళ్లి వినతిపత్రం స్వీకరించా రు. వారి సమస్యను అడిగి తెలుసుకున్నారు. అక్టోబర్‌ 26న నిర్మల్‌ బస్‌స్టాండ్‌ నుంచి హిమాయత్‌నగర్‌ వెళ్లే బస్సు సోమవారం స్టేజీ వద్ద ఇంజిన్‌ స్టార్ట్‌ కాక నిలిచిపోయింది. కండక్టర్‌ సూచనల మేరకు మహిళా ప్రయాణికులతోపాటు ఇతరులు బస్సును ముందుకు నెట్టేందుకు ప్రయత్నించారు. సుమారు 20 నిమిషాలపాటు ఈ పరిస్థితి కొనసాగింది. ఇదేరోజు భైంసా డిపోకు చెందిన భైంసా–ధర్మాబాద్‌ బస్సు తిరుగు ప్రయాణంలో తానూరులోని పెట్రోల్‌ బంక్‌ వద్ద సాంకేతిక సమస్యతో నిలిచిపోయింది. ప్రయాణికులు దిగి నెట్టాల్సి వచ్చింది. ఆర్టీసీ డిపోలో రిపేర్‌ షెడ్డులో ఉన్న బస్సులుఫిట్‌నెస్‌పై ప్రభావం పరిమితికి మించిన ప్రయాణికులు, అధిక బరువు, కొన్ని మార్గాల్లో అధ్వాన్న రోడ్లు కారణంగా టైర్లు నిర్ణీత గడువు కంటే ముందే అరిగిపోతున్నాయి. కనీస నిర్వహణ లోపించడంతో స్టార్టింగ్‌ సమస్యలు తరచూ తలెత్తుతున్నాయి. గమ్యస్థానాలకు చేరాల్సిన బస్సులు మార్గమధ్యలో నిలిచిపోతుండటంతో ప్రయాణికులు అవస్థలు పడుతున్నారు. టికెట్‌ ఉచితమే అయినా సమయానికి చేరుకోలేకపోతున్నామని మహిళా ప్రయాణికులు వాపోతున్నారు. అధికారులు డిపోల వారీగా బస్సుల మెకానికల్‌ కండిషన్‌ను నిశితంగా పరిశీలించాలి. తక్షణమే బ్రేక్‌డౌన్‌ సమస్యలను పరిష్కరించాలి. అవసరమైతే కొత్త బస్సులు కేటాయించాలి. డిమాండ్‌కు తగ్గట్టు జిల్లాకు అదనపు బస్సులు అందించాలని ప్రయాణికులు అభిప్రాయం వ్యక్తం చేస్తున్నారు. రవాణా శాఖ అధికారులు కూడా క్షేత్రస్థాయిలో బస్సుల కండిషన్‌ను పరీక్షించాలి.

నిర్మల్‌చైన్‌గేట్‌: ఉద్యోగులు విధి నిర్వహణతోపాటు, తమ ఆరోగ్య సంరక్షణకు ప్రాధాన్యం ఇవ్వాలని కలెక్టర్‌ భవేశ్‌మిశ్రా అన్నారు. కలెక్టరేట్‌లో ఉద్యోగుల కోసం జిల్లా వైద్యారోగ్యశాఖ ఆధ్వర్యంలో సోమవారం ప్రత్యేక వైద్యశిబిరం నిర్వహించారు. ఈ శిబిరాన్ని కలెక్టర్‌ సందర్శించి మాట్లాడారు. కలెక్టరేట్‌ అధికారులు, ఉద్యోగులంతా వైద్య శిబిరంలో ఉచితంగా రక్త పరీక్షలు చేసుకునేలా చూడాలన్నారు. అనారోగ్య సమస్యలు ముందుగానే తెలుసుకోవడం ద్వారా మేలు ఉంటుందన్నారు. తగిన మందులు, జాగ్రత్తలు, జీవనశైలిలో మార్పుల ద్వారా మంచి ఆరోగ్యకర జీవితాన్ని పొందవచ్చునన్నారు. ప్రతీరోజు శారీరక వ్యాయామాలు, యోగా అలవాటు చేసుకోవాలని సూచించారు. ఉద్యోగులంతా రక్త పరీక్షలు పూర్తి చేసుకునే వరకు వైద్య శిబిరం కొనసాగించాలని తెలిపారు. కార్యక్రమంలో డీఎంహెచ్‌వో రాజేందర్‌, అధికారి సౌమ్య, సిబ్బంది పాల్గొన్నారు. ఓటరు జాబితా సవరణ వేగవంతం చేయాలి నిర్మల్‌చైన్‌గేట్‌: ఓటరు జాబితా ప్రత్యేక సమగ్ర సవరణ ప్రక్రియ త్వరగా పూర్తి చేయాలని కలెక్టర్‌ భవేశ్‌మిశ్రా అధికారులను ఆదేశించారు. హైదరాబాద్‌ నుంచి రాష్ట్ర ప్రధాన ఎన్నికల అధికారి సుదర్శన్‌రెడ్డి అన్ని జిల్లాల ఎన్నికల అధికారులు, కలెక్టర్లతో ప్రత్యేక ఓటరు జాబితా సవరణ పురోగతి, పెండింగ్‌ ఫారం– 6, 7, 8 దరఖాస్తుల పరిష్కారం, ఇతర ఎన్నికల సంబంధిత అంశాలపై సోమవారం వీడియో కాన్ఫరెన్స్‌ నిర్వహించారు. సమావేశంలో కలెక్టర్‌తోపాటు అదనపు కలెక్టర్లు రాథోడ్‌ రమేశ్‌, వెంకట మాధవ రావు, ఆర్డీవో దేవీదాస్‌, అధికారులు పాల్గొన్నారు. సుదర్శన్‌రెడ్డి మాట్లాడుతూ, ఫారం–6, 7, 8 దరఖాస్తులను నిర్దేశిత గడువులోగా పరిష్కరించాలన్నారు. ఎస్‌ఐఆర్‌లో తప్పుగా మ్యాపింగ్‌ అయిన ఓటర్ల వివరాలను క్షుణ్ణంగా పరిశీలించాలని సూచించారు. అనర్హుల విషయంలో తగిన ఆధారాలతో రికార్డులు భద్రపరచాలన్నారు. కలెక్టర్‌ మాట్లాడుతూ జిల్లాలో పెండింగ్‌లో దరఖాస్తులను ఎప్పటికప్పుడు పరిష్కరిస్తామన్నారు. ఎస్‌ఐఆర్‌ ప్రక్రియను మొత్తం పారదర్శకంగా పూర్తిచేస్తామని తెలిపారు.

నిర్మల్‌టౌన్‌: రాష్ట్రంలో అధికారంలో ఉన్న కాంగ్రెస్‌ ప్రజలకు ఇచ్చిన హామీలు అమలు చేయకుండా మోసం చేస్తోందని బోథ్‌ ఎమ్మెల్యే అనిల్‌ జాదవ్‌ విమర్శించారు. కాంగ్రెస్‌ పార్టీ బోనస్‌ ఇచ్చే పార్టీ కాదని.. బోగస్‌ చేసే పార్టీ అని ఎద్దేవా చేశారు. ప్రజలు మళ్లీ కేసీఆర్‌ పాలన కోరుకుంటున్నారన్నారు. జిల్లా కేంద్రంలోని బీఆర్‌ఎస్‌ పార్టీ నిర్మల్‌ నియోజకవర్గ ఇనన్‌చార్జి రాంకిషన్‌రెడ్డి నివాసంలో సోమవారం మాట్లాడారు. ఈనెల 11న నిర్మల్‌ పట ణంలో 50 వేల మందితో యువ గర్జన సభ నిర్వహించనున్నట్లు ప్రకటించారు. ఈ సభకు బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ ముఖ్య అతిథిగా హాజరవుతారని తెలిపారు. రాష్ట్రంలో కాంగ్రెస్‌ పాలనపై యువతలో తీవ్ర అసంతృప్తి నెలకొందని, ఎన్నికల సమయంలో ఇచ్చిన హామీలను నెరవేర్చడంలో ప్రభుత్వం విఫలమైందని విమర్శించారు. బీఆర్‌ఎస్‌ హయాంలో జరిగిన అభివృద్ధి, అమలు చేసిన సంక్షేమ పథకాలను ప్రజలు గుర్తు చేసుకుంటున్నారన్నారు. ప్రతీపల్లె, పట్టణంలో కేసీఆర్‌ పాలన మళ్లీ రావాలని కోరుకుంటున్నారని పేర్కొన్నారు. యువ గర్జన సభను విజయవంతం చేసేందుకు ప్రతీ గ్రామం నుంచి యువత పెద్ద సంఖ్యలో తరలిరావాలని పిలుపునిచ్చారు. బీఆర్‌ఎస్‌ను మరింత బలోపేతం చేసే దిశగా నవంబర్‌ 5న భారీ స్థాయిలో యువత పార్టీలో చేరనున్నట్లు తెలిపారు. సమావేశంలో నిర్మల్‌ నియోజకవర్గ ఇన్‌చార్జి రాంకిషన్‌రెడ్డి, ఖానాపూర్‌ నియోజకవర్గ ఇన్‌చార్జి భూక్య జాన్సన్‌ నాయక్‌, పార్టీ పట్టణ అధ్యక్షుడు రాము, సీనియర్‌ నాయకుడు రాజేందర్‌, కౌన్సిలర్‌ శ్రీకాంత్‌యాదవ్‌, పార్టీ నాయకులు పాల్గొన్నారు.

నిర్మల్‌గుస్సాడీ హోరు షురూ.. ఆదివాసీ సంస్కృతి, సంప్రదాయాలను ప్రతిబింబించే దండారీ ఉత్సవాలు ఉమ్మడి జిల్లాలో ప్రారంభమయ్యాయి. వేడుకల కోసం గిరిజన పల్లెలు ఇప్పటికే ముస్తాబయ్యాయి. ఘనంగా ఆలయ వార్షికోత్సవంలక్ష్మణచాంద: మండలంలోని పీచర గ్రామంలో పోచమ్మ ఆలయ మొదటి వార్షికోత్సవాన్ని వీడీసీ, ఆలయ కమిటీ ఆధ్వర్యంలో ఆదివారం ఘనంగా నిర్వహించారు. మహిళలు బోనాలు నెత్తినెత్తుకుని ప్రధాన వీధుల గుండా డప్పుచప్పుళ్ల మధ్య ఊరేగింపుగా ఆలయానికి చేరుకున్నారు. అమ్మవారికి బోనాలు సమర్పించారు. పూజలు చేసి మొక్కు తీర్చుకున్నారు. సర్పంచ్‌ రాజేశ్వర్‌, ఉప సర్పంచ్‌ వినీత్‌, మాజీ సర్పంచులు లస్మన్న, భూమేశ్‌ తదితరులున్నారు. ఊటకుంటలో చేపపిల్లలు వదులుతున్న డీఆర్డీవో, గ్రామస్తులువాన నీటిని ఒడిసిపట్టి.. వాతావరణ మార్పులు, వర్షాభావ పరిస్థితులు వ్యవసాయాన్ని వెంటాడుతున్న ప్రస్తుత తరుణంలో నీటివనరుల ప్రాధాన్యం మరింత పెరి గింది. వర్షాధారంగా పంటలు సాగుచేసే రైతులు చినుకు కోసం ఎదురుచూస్తుంటే.. అనంతపేట గ్రామంలో మాత్రం ఊటకుంట అందించిన నీటి భరోసాతో సాగు ముందుకు సాగుతోంది. వర్షపు నీటిని ఒడిసి పట్టిన ఊటకుంట దాదాపు 40–50మంది రైతులకు చెందిన 90–100ఎకరాలకు ఆసరా అవుతోంది. వరితో పాటు మక్క, పసుపు, జొన్న తదితర పంటలూ సాగుచేస్తున్నారు. తాజాగా ఈ ఊటకుంటలో చేపలు పెంచేందుకు డీఆర్డీవో విజయలక్ష్మి ఆధ్వర్యంలో చేపపిల్లలు వదిలారు. ఈ చిత్రంలో కనిపిస్తున్న రైతు అనంతపేటకు చెందిన బొజ్జ గంగన్న. ఇక్కడ నిండుగా నీటిని పోస్తున్న ఈ బోరు రెండేళ్ల క్రితం దాదాపు ఎత్తిపోయే దశకు చేరుకుంది. చాలా తక్కువగా నీరు పోసేది. ఎప్పుడైతే ఊటకుంట నిర్మాణమైందో.. అప్పటి నుంచి ఇదిగో.. ఇలా నిండుగా నీరు పోస్తోంది. రెండుపంటలకూ సరిపడా నీరందిస్తోంది.

ఖానాపూర్‌: గిన్నిస్‌ ప్రపంచ రికార్డే లక్ష్యంగా నిర్వహించిన కరాటే కార్యక్రమంలో పట్టణానికి చెందిన ఆరుగురు క్రీడాకారులు పాల్గొని ఒకేసారి చాప్స్‌ ప్రదర్శించడం అభినందనీయమని నియోజకవర్గ బీఆర్‌ఎస్‌ ఇన్‌చార్జి భూక్యా జాన్సన్‌ నాయక్‌ పేర్కొన్నారు. ఈ సందర్భంగా క్రీడాకారులను ఆదివారం శాలువాలతో సన్మానించి బహుమతులు అందజేశారు. క్రీడల్లో క్రమశిక్షణ, పట్టుదల, నిరంతర సాధనతో మరిన్ని విజయాలు సాధించి గిన్నిస్‌ ప్రపంచ రికార్డులో స్థానం సంపాదించాలని ఆకాంక్షించారు. అనంతరం కరాటే మాస్టర్‌ ఆరిఫ్‌ ఖాన్‌ ఆధ్వర్యంలో జాన్సన్‌ నాయక్‌నూ సన్మానించారు. క్రీడాకారులు తుర్క అశ్రీత్‌రెడ్డి, బత్తుల శశిర్‌, మైలారపు హనిత్య, మహ్మద్‌ ఇక్లసుద్దీన్‌, అప్షిన్‌ మైషా తదితరులున్నారు.

కోరి తెచ్చుకున్న తెలంగాణ రాష్ట్రంలో కేసీఆర్‌ మాట వినకుండా కాంగ్రెస్‌కు ఓటు వేసినందుకు దేశానికి అన్నం పెట్టే రైతన్న చెయ్యి పట్టి అడుక్కునే పరిస్థితి ఏర్పడింది. వారం రోజుల్లో బోథ్‌ నియోజకవర్గంలో నలుగురు అన్నదాతలు ఆత్మహత్యకు పాల్పడ్డారు. రైతు బంధు, రుణమాఫీ ఇవ్వని ప్రభుత్వ అసమర్థత, చేసిన అప్పులు తీర్చే అవకాశం లేకనే రైతులు ప్రాణాలు తీసుకుంటున్నారు. ఏడాది ఓపిక పడితే చాలు.. వచ్చేది కేసీఆర్‌ ప్రభుత్వమే. రైతులు అధైర్య పడకుండా ఉండాలి. ఆత్మహత్యలు చేసుకోవద్దు. కాంగ్రెస్‌ను తరిమే రోజులు దగ్గర పడ్డాయ్‌. – అనిల్‌ జాదవ్‌, బోథ్‌ ఎమ్మెల్యే

ఖానాపూర్‌: మండలంలోని బీర్నంది గ్రామపంచాయతీ పరిధి ఇప్పమడ గ్రామంలో రాజ్‌గోండు ఆదివాసీలు ఆదివారం భోగి పూజలతో దండారీ ఉత్సవాలకు శ్రీకారం చుట్టారు. దీపావళి వేడుకల్లో భాగంగా దండారీ భోగి పండుగను సంప్రదాయబద్ధంగా జరుపుకొన్నారు. 10రోజుల పాటు కొనసాగే ఈ ఉత్సవాలు దీపావళి అనంతరం కొలాబుడీ వేడుకలతో ముగియనున్నాయి. ఆదివాసీ సంస్కృతి, సంప్రదాయాలు, ఆచార వ్యవహారాలకు ప్రతీకగా నిలిచే ఈ పండుగలో డప్పు, తుడుం, కాళీకోమ్‌, పేప్రే లాంటి వాయిద్యాలతో పాటు కోలాటం, సంప్రదాయ నృత్యాలు, గీతాలు ప్రత్యేక ఆకర్షణగా నిలవనున్నాయి. రాత్రింభవళ్లు డప్పుల మోతలు, గజ్జెల సవ్వళ్లతో గిరిజన గూడేలు పండుగ శోభను సంతరించుకోనున్నాయి. ఈ పండుగను తరతరా లుగా నియమనిష్టలతో నిర్వహిస్తున్నామని గ్రామ పెద్దలు పటేల్‌ పెందుర్‌ బాపురావు, ఇశ్రు, సురేశ్‌, లచ్చు, సత్తన్న, జైతు, దాంబాయి తెలిపారు.

నిర్మల్‌చైన్‌గేట్‌: నేషనల్‌ హెల్త్‌ మిషన్‌ ఉద్యోగుల సమ్మె 20వ రోజుకు చేరింది. ఆదివారం ఉద్యోగులు చేతులపై గోరింటాకుతో డిమాండ్లు రాసుకుని వినూత్న నిరసన తెలిపారు. 20ఏళ్లుగా అంకితభావంతో ప్రజలకు వైద్య సేవలందిస్తున్నా వేతనాలు పెంచడంలేదని ఆవేదన వ్యక్తంజేశారు. కుటుంబ పోషణ, పిల్ల ల చదువులు భారమై తీవ్రమైన ఆర్థిక ఇబ్బందులతో దుర్భర జీవితం గడుపుతున్నామని వాపోయారు. ప్రభుత్వం స్పందించి రెగ్యులరైజ్‌ చేయాలని, వేతనాలు పెంచాలని, ఉద్యోగ భద్రత కల్పించాలని, మహిళా ఉద్యోగులకు వేతనంతో కూడిన ప్రసూతి సెలవులు మంజూరు చేయాలని, వార్షిక ఇంక్రిమెంట్లు, లాయల్టీ బోనస్‌, హెల్త్‌ కార్డులు అందించాలని డిమాండ్‌ చేశారు. లేనిపక్షంలో ఆందోళన ఉధృతం చేస్తామని హెచ్చరించారు.

ఆదిలాబాద్‌టౌన్‌/కై లాస్‌నగర్‌: రైతాంగ సమస్యల పరిష్కారం కోసం ప్రభుత్వంపై ఒత్తిడి తెచ్చేందుకు ఆదిలాబాద్‌లో బీఆర్‌ఎస్‌ నిర్వహించిన రైతుగర్జన సభ సక్సెస్‌ అయ్యింది. జిల్లా కేంద్రంలోని డైట్‌ మైదానంలో ఆదివారం నిర్వహించిన ఈ సభ గులాబీ శ్రేణుల్లో జోష్‌ నింపింది. పార్టీ వర్కింగ్‌ ప్రెసిడెంట్‌ కేటీఆర్‌ నిర్ణీత సమయం కంటే గంటన్నర ఆలస్యంగా వచ్చినప్పటికీ ప్రజలు ఓపిగ్గా ఎదురుచూశారు. రైతులు, యువకులు, మహిళలు భారీగా తరలిరావడంతో సభా ప్రాంగణం కిక్కిరిసి పోయింది. జై తెలంగాణ.. జై బీఆర్‌ఎస్‌ నినాదాలతో మార్మోగింది. సాయంత్రం 6.40 గంటలకు సభాస్థలికి చేరుకున్న కేటీఆర్‌కు బీఆర్‌ఎస్‌ నాయకులు ఆదివాసీ సంప్రదాయ దండారీ నృత్యాలు, బాణాసంచా నడుమ ఘన స్వాగతం పలికారు. వేదికపై పార్టీ ముఖ్య నేతలతో కలిసి కేటీఆర్‌ అభివాదం చేయడం ప్రత్యేక ఆకర్షణగా నిలిచింది. కేటీఆర్‌ ప్రసంగిస్తున్నంత సేపు పార్టీ శ్రేణులు గులాబీ జెండాలు, ఫ్లెక్సీలను ప్రదర్శిస్తూ హర్షం వ్యక్తం చేశారు. కార్యక్రమంలో జగిత్యాల ఎమ్మెల్యే డాక్టర్‌ సంజయ్‌, మాజీ ఎమ్మెల్యేలు బాల్క సుమన్‌, జీవన్‌రెడ్డి, హన్మంత్‌ శిండే, గంప గోవర్ధన్‌, జాజుల సురేందర్‌, క్రాంతి కిరణ్‌, దుర్గం చిన్నయ్య, నడిపెల్లి దివాకర్‌ రావు, జెడ్పీ మాజీ చైర్మన్‌ రాథోడ్‌ జనార్దన్‌, ఖానాపూర్‌ నియోజకవర్గ ఇన్‌చార్జి భుక్యా జాన్సన్‌ నాయక్‌ తదితరులు పాల్గొన్నారు. ఉత్సాహం నింపిన ప్రసంగం కేటీఆర్‌ ప్రసంగం పార్టీ శ్రేణులతో పాటు సభకు వచ్చిన వారిలో ఉత్సాహం నింపింది. ప్రధానంగా సీఎం రేవంత్‌రెడ్డి, ప్రధాని నరేంద్రమోదీ, ఆదిలాబాద్‌ ఎంపీ, ఎమ్మెల్యేలపై తీవ్ర స్థాయిలో విమర్శలు గుప్పించారు. కేంద్ర, రాష్ట్ర ప్రభుత్వాలు దొంగచాటుగా చీకటి ఒప్పందం కుదుర్చుకొని ఒకరికొకరు సహకరించుకుంటున్నాయని ఆరోపించారు. డబుల్‌ ఇంజిన్‌ సర్కార్‌ అంటూ చెప్పే మోదీ ఆదిలాబాద్‌లో ఎంపీ, ఎమ్మెల్యే ఇద్దరూ బీజేపీ వారే ఉన్నప్పటికీ రైతాంగ సమస్యలపై ఏ ఒక్కరోజు నోరు మెదపలేదన్నారు. ఎన్నికల అనంతరం సీసీఐని తెరిపిస్తామని అమిత్‌షా ప్రకటించగా, తుక్కు కింద విక్రయిస్తున్నా వారు ఎందుకు మౌనం వీడటం లేదని ప్రశ్నించారు. ఎమ్మెల్యే శంకర్‌కు ఇండస్ట్రీయల్‌ కారిడార్‌, ఎయిర్‌పోర్టు కమీషన్లపై ఉన్న శ్రద్ధ రైతుల సమస్యలపై లేదన్నారు. కోర్టా–చనాఖా ప్రాజెక్ట్‌ను తాము పూర్తి చేస్తే కనీసం కాలువలు తవ్వే సోయి ఈ ప్రభుత్వానికి లేదని విమర్శించారు. అంతకముందు కళాకారుల సాంస్కృతిక కార్యక్రమాలు ఆకట్టుకున్నాయి. అనంతరం వివిధ పార్టీలకు చెందిన పలువురు నాయకులు, కార్యకర్తలు కేటీఆర్‌ సమక్షంలో బీఆర్‌ఎస్‌లో చేరారు. ఇటీవల రిమ్స్‌లో జరిగిన అగ్ని ప్రమాదఘటనలో మృతి చెందిన ఐదుగురు పసికందుల కుటుంబ సభ్యులకు రూ.లక్ష చొప్పున ఆర్థికసాయం అందజేశారు. భారీగా తరలివచ్చిన రైతులు, ప్రజలు తలమడుగులో బాధిత రైతు కుటుంబాలకు కేటీఆర్‌ పరామర్శ కేసీఆర్‌తోనే రామరాజ్యం శ్రీరాముని పాలనగా సాగిన తెలంగాణ రాష్ట్రంలో అధికారం చేపట్టిన రేవంత్‌రెడ్డి రావణాసురుడి మాదిరిగా రాక్షస పాలన సాగిస్తున్నారు. పుట్టిన బిడ్డ తండ్రి చేతిలో ఉంటే ఎంత సురక్షితంగా ఉంటుందో, తెలంగాణ రాష్ట్రం కేసీఆర్‌ నేతృత్వంలో ఉంటేనే ప్రజలకు మేలు జరుగుతుంది. రామ రాజ్యం కేసీఆర్‌తోనే సాధ్యమవుతుంది. దేవుడు, ధర్మం పేరిట స్థానిక ఎమ్మెల్యే రాక్షసుడి మాదిరిగా రాజ్యమేలుతున్నాడు. స్థానికంగా జోగు రామన్న, రాష్ట్రంలో కేటీఆర్‌లను గెలిపించుకొని కాంగ్రెస్‌, బీజేపీలకు తగిన గుణపాఠం చెప్పాలి. – భార్గవ్‌ దేశ్‌పాండే, బీఆర్‌ఎస్‌ యువ నాయకుడు

ముఖ్యమంత్రి రేవంత్‌రెడ్డిది రాక్షస పాలన. ఈ ఏడాది జిల్లాలో 178 మంది రైతులు ఆత్మహత్య చేసుకోగా, అందులో రైతు బీమా ప్రీమియం ముగిశాకే 108 మంది తనువు చాలించారు. లక్ష మంది రైతుల రుణాలను ఎగ్గొట్టిన దుర్మార్గుడు రేవంత్‌రెడ్డి. కేసీఆర్‌ ప్రభుత్వం రైతులను ఆదుకునేందుకు 90 శాతం సబ్సిడీపై ట్రాక్టర్లు, డ్రిప్‌, స్ప్రింక్లర్లు అందజేస్తే, రైఫిల్‌రెడ్డి అయిన రేవంత్‌ రెడ్డి క్రాప్‌ హాలీడే ప్రకటించడం సిగ్గుచేటు. బాధల్లో ఉన్న రైతులను ఆదుకోవాల్సిన స్థానిక ఎమ్మెల్యే పాయల్‌ శంకర్‌ ఇండస్ట్రీయల్‌ కారిడార్‌, ఎయిర్‌పోర్టు అంటూ కమీషన్ల కోసం కక్కుర్తి పడుతున్నాడు. సర్కార్‌కు వ్యతిరేకంగా పాదయాత్ర చేస్తానని బెదిరించి రేవంత్‌ రెడ్డి కమీషన్లకు అమ్ముడుపోయాడు. పాదయాత్ర మర్చి భూ దందా సాగిస్తున్నాడు. జిల్లాలో అన్ని మండలాలను కరువుగా ప్రకటించేంత వరకు కేటీఆర్‌ నాయకత్వంలో పోరాడుతూనే ఉంటాం.– జోగు రామన్న, మాజీ మంత్రి

జిల్లాలో రైతులు ఆత్మహత్యలు చేసుకుంటే కాంగ్రెస్‌ మంత్రులు, ఎమ్మెల్యేల్లో కనీసం ఒక్కరు కూడా బాధిత కుటుంబాలను పరామర్శించిన పాపాన పోలేదు. కేటీఆర్‌ మూడుసార్లు ఉమ్మడి జిల్లాలో పర్యటించి రైతుల యోగక్షేమాలు అడిగి తెలుసుకొని అండగా నిలిచారు. కరోనా సమయంలోనూ కేసీఆర్‌ ప్రభుత్వం రైతుబంధు, రైతు భరోసా వంటి పథకాలన్నీ ఆపకుండా అమలు చేసి అండగా నిలిచారు. ఈ ముఖ్యమంత్రి రేవంత్‌రెడ్డి రైతులను ఆదుకోవాల్సింది పోయి పంటలు వేయవద్దని చెప్పడం సిగ్గుచేటు. – కోవ లక్ష్మి, ఆసిఫాబాద్‌ ఎమ్మెల్యే

నిర్మల్‌చైన్‌గేట్‌: సర్దార్‌ వల్లభాయ్‌ పటేల్‌ ఐక్యతా స్ఫూర్తితో మనమంతా ముందుకు సాగాలని కలెక్టర్‌ భవేశ్‌మిశ్రా పిలుపునిచ్చారు. కలెక్టరేట్‌ సమావేశ మందిరంలో సర్దార్‌ వల్లభాయ్‌ పటేల్‌ 151వ జయంతి(జాతీయ ఐక్యతా దినోత్సవం)ని శనివా రం ఘనంగా నిర్వహించారు. కలెక్టర్‌తోపాటు అధి కారులు పటేల్‌ చిత్రపటానికి పూలమాలలు వేసి నివాళులర్పించారు. అనంతరం ఐక్యతా ప్రతిజ్ఞ చే శారు. ఈ సందర్భంగా కలెక్టర్‌ మాట్లాడుతూ స్వా తంత్రోద్యమంలో కీలక పాత్ర పోషించడంతోపా టు, దేశంలోని అనేక సంస్థానాలను భారత్‌లో విలీ నం చేసి ‘ఉక్కు మనిషి’గా పటేల్‌ చరిత్ర సష్టించార ని కొనియాడారు. ఆయన ఆశయ సాధనకు ప్రతి ఒక్కరూ కృషి చేయాలని పిలుపునిచ్చారు. అదనపు కలెక్టర్లు రాథోడ్‌ రమేశ్‌, వెంకట మాధవరావు, వివిధ శాఖల జిల్లా అధికారులు పాల్గొన్నారు.

నిర్మల్‌చైన్‌గేట్‌: ఓటరు సమగ్ర సవరణ(ఎస్‌ఐఆర్‌)పై కాంగ్రెస్‌, ఇండియా కూటమి చేస్తున్న దుష్ప్రచారాన్ని తిప్పికొట్టేందుకు నవంబర్‌ 3న నిర్మల్‌లో నిర్వహించే బీజేపీ మహా పాదయాత్రకు పటిష్ట బందోబస్తు ఏర్పాటు చేయాలని బీజేఎల్పీ నేత, నిర్మల్‌ ఎమ్మెల్యే ఏలేటి మహేశ్వర్‌రెడ్డి కోరారు. ఈ ప్రతిష్టాత్మక పాదయాత్రకు బీజేపీ జాతీయ ప్రధాన కార్యదర్శి సునీల్‌ బన్సల్‌ ముఖ్య అతిథిగా హాజరుకానున్న ట్లు తెలిపారు. భద్రతా ఏర్పాట్లపై పోలీసు అధికారులతో శనివారం సమీక్ష నిర్వహించారు. జిల్లాలోని మూడు నియోజకవర్గాల నుంచి దాదాపు 50 వేల మందికిపైగా కార్యకర్తలు, ప్రజలు ఈ పాదయాత్రలో పాల్గొంటారని తెలిపారు. అందుకు తగినట్లుగా బందోబస్తు ఏర్పాటు చేయాలని సూచించారు. ట్రాఫిక్‌ సమస్యలు తలెత్తకుండా, ప్రజలకు ఎలాంటి ఇబ్బందులు కలగకుండా ప్రణాళికతో వ్యవహరించాలని స్పష్టం చేశారు. సమావేశంలో మాజీ ఎమ్మెల్యే నల్ల ఇంద్రకరణ్‌రెడ్డి, బీజేపీ సీనియర్‌ నాయకులు అయ్యన్నగారి భూమయ్య, తక్కల రమణారెడ్డి, జమాల్‌, మార గంగారెడ్డి, సాదం అరవింద్‌, జిల్లా ఉపాధ్యక్షులు సత్యం చంద్రకాంత్‌, కరిపే విలాస్‌, కౌన్సిలర్లు గంజి రాజు, శ్రీరామోజీ నరేశ్‌, జింక సురేందర్‌, సూరజ్‌ నాయక్‌ నాయకులు పాల్గొన్నారు.

కలెక్టర్‌ భవేశ్‌ మిశ్రాపై భైంసా మున్సిపల్‌ కార్యాలయ సమావేశంలో కొందరు చేసిన అనుచిత వ్యాఖ్యలను టీజీఈజేఈసీ, పెన్షనర్ల సంఘం తీవ్రంగా ఖండించాయి. జిల్లా కేంద్రంలో ఉద్యోగులు శనివారం నల్లబ్యాడ్జీ లు ధరించి నిరసన తెలిపారు. అనంతరం కలెక్టర్‌ను కలిసి తమ సంఘీభావం ప్రకటించారు. నిజాయితీ, నిబద్ధతతో జిల్లా అభివృద్ధికి అంకితభావంతో పనిచేస్తున్న కలెక్టర్‌పై అనుచిత వ్యాఖ్యలు చేయడం బాధాకరమన్నారు. కలెక్టర్‌కు ఉద్యోగ, పెన్షనర్లు ఎల్లవేళలా అండగా ఉంటామని స్పష్టం చేశారు. కలెక్టర్‌పై చేసిన వ్యాఖ్యలను వెనక్కి తీసుకుని బేషరతుగా క్షమాపణలు చెప్పాలని డిమాండ్‌ చేశారు. కార్యక్రమంలో టీజీఈజేఈసీ గౌరవాధ్యక్షుడు ఎంసీ.లింగన్న, చైర్మన్‌ వి.ప్రభాకర్‌, ప్రధాన కార్యదర్శి పీసీ.రెడ్డి, టీజీవో ప్రధాన కార్యదర్శి రమేశ్‌, టీఎన్జీవో ప్రధాన కార్యదర్శి రవికుమార్‌ తదితరులు పాల్గొన్నారు. – నిర్మల్‌చైన్‌గేట్‌

కడెం: వినియోగదారులను మోసం చేసే వ్యాపారులపై కఠిన చర్యలు తప్పవని జిల్లా తూనికలు, కొలతల(లీగల్‌ మెట్రాలజీ) అధికా రి పి.శంకర్‌ హెచ్చారించారు. మండలంలోని పలు దుకాణాల్లో శని వారం ఆకస్మిక తనిఖీలు చేపట్టారు. మండల కేంద్రంలోని సత్తయ్య కిరా ణా దుకాణంలో బియ్యం బస్తా 25 కిలోలకు కిలో తక్కువ ఉండడంతో కేసు నమోదు చేశా రు. ఎస్‌వీఆర్‌ సూపర్‌ మార్కెట్‌లో ప్యాకింగ్‌ లైసెన్స్‌, తూకం యంత్రం స్టాంపింగ్‌ లేకపోవ డం, అమృత జ్యువెల్లర్స్‌లో నిబంధనలు ఉల్ల ఘించినందుకు కేసులు నమోదు చేశారు. తూ కం యంత్రాలు స్టాంపింగ్‌ చేయించుకోవాలని, ప్యాకింగ్‌ లైసెన్స్‌ తీసుకోవాలని సూచించారు.

పచ్చని పంట పొలాలు, ఆకాశాన్ని తాకుతున్నట్లు కనిపించే కొబ్బరి చెట్లు ప్రకృతి ఒడిలో ఆహ్లాదాన్ని పంచుతున్న గ్రామీణ అందాలు ఇవన్నీ కోనసీమను గుర్తుచేస్తాయి. అయితే అలాంటి దృశ్యాలే భైంసా మండలం ఇలేగాంలో ప్రకృతి ప్రేమికులను ఆకట్టుకుంటున్నాయి. రైతులు పొలం గట్లపైనే కొబ్బరి చెట్లను పెంచుతూ వ్యవసాయ క్షేత్రాలకు కొత్త అందాన్ని తీసుకొస్తున్నారు. పచ్చని పంట పొలాల మధ్య వరుసగా పెరిగిన కొబ్బరి చెట్లు చూపరులను మంత్రముగ్ధులను చేస్తున్నాయి.ఉదయం వేళల్లో సూర్యకిరణాలు పంట పొలాలపై పడటంతో ఈ ప్రాంతం మరింత అందంగా కనిపిస్తోంది. నిర్మల్‌ కోనసీమను తలపిస్తోంది. – భైంసారూరల్‌

ఆదిలాబాద్‌టౌన్‌: ఆదిలాబాద్‌ జిల్లా కేంద్రంలో బీఆర్‌ఎస్‌ ఆదివారం తలపెట్టిన రైతు గర్జనకు అన్ని ఏర్పాట్లు పూర్తయ్యాయి. రైతాంగం ఎదుర్కొంటున్న సమస్యల పరిష్కారంపై ప్రభుత్వాన్ని నిలదీసేందుకు ఆ పార్టీ పోరాటానికి సిద్ధమైంది. ఇందులో భాగంగానే ఆదిలాబాద్‌లోని ప్రభుత్వ డైట్‌ కళాశాల మైదానంలో భారీ బహిరంగసభ నిర్వహిస్తున్నారు. ఏర్పాట్లను మాజీ మంత్రి జోగు రామన్న, మాజీ ఎమ్మెల్యే బాల్క సుమన్‌తోపాటు ఇటీవల కేటీఆర్‌ సమక్షంలో పార్టీలో చేరిన డీసీసీ మాజీ అధ్యక్షుడు భార్గవ్‌ దేశ్‌పాండే తదితరులు దగ్గరుండి పరిశీలిస్తున్నారు. సభ ప్రాధాన్యత చాటిచెప్పేలా పట్టణాన్ని పూర్తిగా గులాబీమయం చేశారు. ఆదివారం సాయంత్రం ఐదు గంటలకు నిర్వహించనున్న ఈ సభకు పార్టీ వర్కింగ్‌ ప్రెసిడెంట్‌ కేటీఆర్‌, మాజీ మంత్రులు, ఎమ్మెల్యేలు హాజరవుతారు. మధ్యాహ్నం 3గంటలకు నేరడిగొండలో కేటీఆర్‌కు బోథ్‌ ఎమ్మెల్యే అనిల్‌ జాదవ్‌ స్వాగతం పలుకుతారు. ఇటీవల ఆత్మహత్యకు పాల్పడిన తలమడుగులోని రైతు కుటుంబాన్ని పరామర్శిస్తారు. భారీగా జన సమీకరణ ప్రభుత్వ తీరును ఎండగట్టేందుకు బీఆర్‌ఎస్‌ పార్టీ ఈ సభ ద్వారా ముందుకు సాగుతున్నట్లు తెలుస్తోంది. దాదాపు 20వేల మందిని సభకు తరలించేందుకు ఏర్పాట్లు చేస్తోంది. ఉమ్మడి జిల్లా నుంచి రైతులు, వివిధ వర్గాల ప్రజలను తరలించేలా నియోజకవర్గాల ఇన్‌చార్జీలకు బాధ్యతలు అప్పగించారు. మాజీ ఎమ్మెల్యే బాల్క సుమన్‌ నాలుగు రోజులుగా ఆదిలాబాద్‌లోనే ఉంటూ ఏర్పాట్లను పరిశీలిస్తున్నారు. ఇటీవల పార్టీలో చేరిన భార్గవ్‌ దేశ్‌పాండే తన అనుచరులను పార్టీలో చేర్పించనున్నట్లు తెలుస్తోంది.

ఉట్నూర్‌రూరల్‌: వివిధ శాఖల భాగస్వామ్యంతో వీబీ జీరామ్‌జీ లక్ష్యాలను గడువులోపు సాధించాలని ఐటీడీఏ పీవో మంద మకరందు సూచించారు. గ్రామీణ ప్రాంతాల్లో ఉపాధి అవకాశాలు మెరుగుపరచడం, వివిధ ప్రభుత్వ శాఖల మధ్య సమన్వయాన్ని బలోపేతం చేయడం, వీబీ జీరామ్‌జీ పథకాన్ని అత్యంత సమర్థవంతంగా అమలు చేయడమే లక్ష్యంగా ఉమ్మడి జిల్లాలోని ఎంపీడీవోలు, జిల్లా గ్రామీణాభివృద్ధి అధికారులతో గూగుల్‌ మీట్‌ ద్వారా సమన్వయ సమావేశం నిర్వహించారు. గ్రామస్థాయిలో చేపట్టాల్సిన అభివృద్ధి పనులు, పథకం అమలుకు సంబంధించిన విధివిధానాలపై సమగ్రంగా చర్చించారు. పథకం అమలును అధికారులు నిరంతరం పర్యవేక్షిస్తూ, అర్హులైన ప్రతీ లబ్ధిదారుకు ప్రయోజనం చేకూరేలా చర్యలు తీసుకోవాలని సూచించారు. క్షేత్రస్థాయిలో ఎదురవుతున్న చిన్నపాటి ఇబ్బందులను పరస్పర సమన్వయంతో పరిష్కరించుకోవాలని, ఎప్పటికప్పుడు పురోగతి నివేదికలను అందించాలని ఆదేశించారు. ఈ సమావేశం ద్వారా వివిధ శాఖల మధ్య సమన్వయం మరింత బలపడి, గ్రామీణ ప్రాంతాల సర్వతోముఖాభివృద్ధికి బాటలు వేయాలని నిర్ణయించారు.

నిర్మల్‌టౌన్‌: అండర్‌–17 ఎస్‌జీఎఫ్‌ బాలుర క్రికెట్‌ విభాగంలో నిర్మల్‌కు చెందిన జాదవ్‌ ఉమేశ్‌ జాతీయస్థాయి పోటీలకు ఎంపికయ్యాడు. ఇటీవల గద్వాల్‌లో నిర్వహించిన రాష్ట్రస్థాయి క్రికెట్‌ పోటీల్లో అత్యుత్తమ ప్రతిభ కనబరిచి తెలంగాణ రాష్ట్ర జట్టులో చోటు సంపాదించాడు. వచ్చే నెలలో మధ్యప్రదేశ్‌లోని గువాహటిలో నిర్వహించనున్న జాతీయస్థాయి పోటీల్లో తెలంగాణ జట్టు తరఫున పాల్గొననున్నాడు. నిర్మల్‌ శివారు కొండాపూర్‌లోని లక్కీ క్రికెట్‌ అకాడమీలో కోచ్‌ సుదర్శన్‌ వద్ద బ్యాటింగ్‌ విభాగంలో శిక్షణ పొందిన ఉమేశ్‌ జాతీయస్థాయికి ఎంపిక కావడంతో అకాడమీ నిర్వాహకులు, కోచ్‌ హర్షం వ్యక్తం చేశారు. భవిష్యత్‌లోనూ ఇదే ప్రతిభ కొనసాగిస్తూ జాతీయ జట్టులో స్థానం సంపాదించాలని ఆకాంక్షించారు.

ఖానాపూర్‌: వన్యప్రాణుల వేట కోసం అమర్చినట్లు భావిస్తున్న నాటు బాంబు తరహా పేలుడు పదార్థం ఓ మూగజీవానికి తీవ్ర గాయాలు చేసింది. మండలంలోని మస్కాపూర్‌ గ్రామ శివారులో ఈ ఘటన చోటుచేసుకుంది. గ్రామానికి చెందిన రైతులు ఎప్పటిలాగే పశువులను మేత కోసం గంగయ్యపేట అట వీ ప్రాంతానికి తీసుకెళ్లి తిరిగి వస్తుండగా పెద్దమ్మతల్లి ఆలయ సమీపంలోని రహదారి పక్కన తౌడుతో తయారు చేసిన ముద్దలు కనిపించాయి. వాటిని తినే క్రమంలో రైతు దెబ్బడి రాజేశ్వర్‌కు చెందిన దుక్కిటి ఎద్దు నోటిలో పేలుడు సంభవించింది. దీంతో ఎద్దు దవడ భాగంలో తీవ్ర గాయాలయ్యాయి. అటవీ జంతువులను వేటాడేందుకు కొందరు తౌడు ముద్దల్లో నాటు బాంబులు అమర్చి అటవీ ప్రాంతాల్లో వదిలేస్తున్నట్లు స్థానికులు ఆరోపిస్తున్నారు. శుక్రవారం కూడా ఓ అడవి పందిని వేటాడి తీసుకెళ్లినట్లు చెబుతున్నారు. అటవీ, పోలీసు అధికారులు ఘటనపై విచారణ జరిపి బాధ్యులను గుర్తించి కఠినచర్యలు తీసుకోవాలని కోరుతున్నారు.

నిర్మల్‌టౌన్‌: ఎల్‌నినోతో ఈ ఏడాది జిల్లాలో వర్షాలు తక్కువగా కురిశాయి. ఈ క్రమంలో నిర్మల్‌ మున్సిపాలిటీ నీటి పొదుపుపై దృష్టి పెట్టింది. వృథాను అరికట్టేందుకు చర్యలు ప్రారంభించింది. నీటి వృథాను అరికట్టడం ప్రజలు బాధ్యతగా భావించాలని మున్సిపల్‌ కమిషనర్‌ రవిబాబు సూచించారు. పట్టణ పరిధిలో ఎక్కడైనా పైపులైన్లకు లీకేజీలు ఏర్పడితే వెంటనే మున్సిపల్‌ ఇంజినీర్‌ నంబర్‌కు 8179376375 సమాచారం అందించాలని తెలిపారు. ప్రతీ గృహ వినియోగదారుడు తమ నీటి కనెక్షన్లకు తప్పనిసరిగా ట్యాప్‌లు బిగించుకోవాలని సూచించారు. నీరు వథా కాకుండా తగిన జాగ్రత్తలు తీసుకోవాలన్నారు. అలాగే గృహ వినియోగదారులు ప్రైవేట్‌ లేదా అనధికార మోటార్ల ద్వారా మున్సిపల్‌ నీటిని వినియోగించరాదని స్పష్టం చేశారు. నిబంధనలకు విరుద్ధంగా మోటార్లు ఏర్పాటు చేసి నీటిని తోడితే జప్తు చేస్తామని హెచ్చరించారు. నీటిని వృథా చేస్తున్నట్లు గుర్తిస్తే మున్సిపల్‌ చట్టం ప్రకారం జరిమానా విధించడంతోపాటు, చట్టపరమైన చర్యలు తీసుకుంటామని పేర్కొన్నారు. ప్రజలందరూ నిబంధనలు పాటిస్తూ మున్సిపాలిటీకి సహకరించాలని కోరారు.

కైలాస్‌నగర్‌: జిల్లాకు చెందిన గడ్డం శశికళ, కట్ట సుజాత, మద్ది లక్ష్మణ్‌ ఉపాధ్యాయ బృందం ఇటీవల వియత్నాం దేశంలో పర్యటించింది. ఐదు రోజులు పర్యటించిన ఈ బృందం సభ్యులు ఆదేశంలోని విద్యావిధానాలు, బోధనా పద్ధతులు, విద్యాభివృద్ధి కార్యక్రమాలను అధ్యయనం చేశారు. ప్రాథమిక, ఉన్నత పాఠశాలలను సందర్శించి అక్కడ అమలవుతున్న విద్యా కార్యక్రమాలు, బోధనా వి ధానాలు, విద్యార్థులకు అందిస్తున్న సౌకర్యాలను క్షే త్రస్థాయిలో ప్రత్యక్షంగా పరిశీలించారు. అక్కడి వి ద్యా రంగంలో అనుసరిస్తున్న అభివృద్ధి కార్యక్రమాలను జిల్లాలోనూ అమలు చేసేందుకు అనువైన అంశాలను గుర్తించారు. భవిష్యత్‌లో చేపట్టాల్సిన కా ర్యాచరణపై ప్రత్యేక ప్రణాళిక రూపొందించారు. ఈ సందర్భంగా శుక్రవారం కలెక్టర్‌ రాజర్షి షాను తన క్యాంపు కార్యాలయంలో మర్యాదపూర్వకంగా కలి సి శాలువాతో సత్కరించారు. తమ వియత్నాం ప ర్యటన విశేషాలు వివరించారు. అక్కడ పరిశీలించి న విద్యా విధానాలు, జిల్లాలో అమలు చేయడానికి రూపొందించిన ప్రణాళికను అందజేశారు. ఓ పెన్‌ స్కూల్‌ జిల్లా కో ఆర్డినేటర్‌ అశోక్‌, ఏఎంవో లక్ష్మణ్‌, సెక్టోరల్‌ అధికారి తిరుపతి తదితరులున్నారు.

బోథ్‌: చేతిలో చిల్లిగవ్వ లేక, ఫీజులు చెల్లించలేక ఆగిపోవాల్సిన ఎంబీబీఎస్‌ ప్రవేశం.. సమాజం చాటిన అపార మానవత్వంతో చిగురించింది. తల్లిదండ్రుల చేతులు పట్టుకుని, వారి కళ్లలోని ఆనంద భాష్పాలను తుడుస్తూ బోథ్‌ మండల కేంద్రానికి చెందిన నిరుపేద విద్యార్థి సాయిచరణ్‌ కామారెడ్డి ప్రభుత్వ వైద్య కళాశాలలోకి శుక్రవారం సగర్వంగా అడుగుపెట్టాడు. నీట్‌లో మంచి ర్యాంక్‌ సాధించినా ఆర్థిక స్తోమత లేక సాయిచరణ్‌ ఎదుర్కొంటున్న దీనస్థితిని వివరిస్తూ అక్టోబర్‌ 4న ‘సాక్షి’ దినపత్రికలో ప్రచురితమైన ‘డాక్టర్‌ కలకు పేదరికం అడ్డు’ కథనం అక్షరాలకే చలనం తెచ్చింది. సమాజంలోని మానవత్వాన్ని తట్టిలేపింది. గాంధీ పూర్వ విద్యార్థుల చేయూత కథనానికి చలించిన గాంధీ మెడికల్‌ కాలేజీ పూర్వ విద్యార్థులు డాక్టర్‌ రోహిణి వంగ (అమెరికా), డాక్టర్‌ విక్రమ్‌రెడ్డి, స్థానిక బోథ్‌ సామాజిక ఆరోగ్యకేంద్రం సూపరింటెండెంట్‌ రవీంద్రప్రసాద్‌ స్పందించారు. సాయిచరణ్‌ ఎంబీబీఎస్‌ పూర్తి చేయడానికి అవసరమయ్యే సుమారు రూ.5 లక్షల వ్యయాన్ని భరిస్తామని ప్రకటించి, తక్షణ సాయంగా రూ.50వేల చెక్కు అందజేశారు. రైస్‌ మిల్లు గుమాస్తా రాజా లక్ష్మణ్‌ దాస్‌ రూ.2,151 ఆర్థికసాయాన్ని అందించి మానవత్వాన్ని చాటారు. తమ బిడ్డ వైద్య విద్యకు తోడ్పాటునందించిన ‘సాక్షి’ తోపాటు దాతలకు సాయిచరణ్‌ తల్లిదండ్రులు రమేశ్‌, విజయ కృతజ్ఞతలు తెలిపారు.

ఉట్నూర్‌రూరల్‌: తెలంగాణ రాష్ట్ర గిరిజన సంక్షేమ శాఖ సంచాలకుడు సంతోష్‌కుమార్‌ ఆధ్వర్యంలో ఐటీడీఏ ప్రాజెక్ట్‌ అధికారులు, సహాయ ప్రాజెక్ట్‌ అధికారులు, డిప్యూటీ డైరెక్టర్లు, జిల్లా గిరిజన అభివృద్ధి అధికారులు, ఇంజినీరింగ్‌ అధికారులతో వీసీ ద్వారా ఉన్నత స్థాయి సమీక్ష నిర్వహించారు. ఉట్నూర్‌ ఐటీడీఏ పీవో మంద మకరందు హాజరయ్యారు. సమావేశంలో డైట్‌ బిల్లులు, కాస్మొటిక్‌, అద్దె చార్జీల చెల్లింపులు, పాఠశాలలు–వసతి గృహాల నిర్వహణ, విద్యార్థులకు నాణ్యమైన ఆహారం సరఫరా, యూనిఫాంల పంపిణీ, ఉపకార వేతనాల మంజూరు అంశాలపై చర్చించారు. ధర్తీ ఆబా జనజాతీయ గ్రామ ఉత్కర్ష్‌ అభియాన్‌, పీఎం–జన్‌మన్‌ పథకాల పనుల పురోగతి, జీసీసీ బిల్లుల రీకన్సిలియేషన్‌, ట్రైకార్‌ ద్వారా నైపుణ్యాభివృద్ధి కార్యక్రమాలపై సమీక్ష జరిపి, పెండింగ్‌ సమస్యలపై సమగ్ర నివేదికలు ఇవ్వాలని సమీక్షలో అధికారులను ఆదేశించినట్లు తెలిపారు. దండారీ సంబురాలు షురూ..దండేపల్లి: రాష్ట్రంలోనే ఏకైక ఆలయంగా ప్రసిద్ధి గాంచిన మండలంలోని గుడిరేవు గోదావరి ఒడ్డునగల ఆదివాసీల ఆరాధ్య దైవం శ్రీపద్మల్‌పురి కాకో ఆలయంలో దండారీ సంబురాలు మొదలయ్యాయి. శుక్రవారం వివిధ ప్రాంతాల నుంచి వచ్చిన ఆదివాసీ గిరిజనులు కాకోను దర్శించుకుని మొక్కులు చెల్లించుకున్నారు. ఆలయ ఆవరణలో ఆదివాసీ గిరిజనులు గుస్సాడీ వే షాలతో నృత్యాలు చేయడం ఆకట్టుకుంది.

లక్ష్మణచాంద: స్కూల్‌ గేమ్స్‌ ఫెడరేషన్‌(ఎస్జీఎఫ్‌)ఆధ్వర్యంలో జిల్లా కేంద్రంలో శుక్రవారం నిర్వహించిన క్రీడల్లో సోన్‌ మండలం లెఫ్ట్‌పోచంపాడ్‌ గురుకుల పాఠశాలకు చెందిన ఇద్దరు బాలికలు ప్రతిభ కనబర్చారు. పాఠశాలకు చెందిన సింధుల జోనల్‌స్థాయిలో నిర్వహించి జూనియర్‌ సాఫ్ట్‌బాల్‌ పోటీల్లో ఉత్తమ ప్రదర్శనతో రాష్ట్రస్థాయి జట్టుకు ఎంపికై ంది. ఇదే పాఠశాలకు చెందిన నందన అండర్‌–17 ఖోఖో పోటీల్లో అత్యుత్తమ ప్రధర్శనతో జోనల్‌స్థాయి జట్టుకు ఎంపికై ంది. ఇద్దరు విద్యార్థులను ప్రిన్సిపాల్‌ ప్రశాంతి అభినందించారు.నందన సింధుల

నిర్మల్‌ రూరల్‌/నిర్మల్‌టౌన్‌/లక్ష్మణచాంద: సమాజంలో జరుగుతున్న వివిధ సంఘటనల నేపథ్యంలో విద్యార్థినులు ఎప్పుడూ అప్రమత్తంగా ఉండాలని సీనియర్‌ సివిల్‌ జడ్జి, డిస్ట్రిక్‌లీగల్‌ సర్వీస్‌ అథారిటీస్‌ సెక్రెటరీ జి.రాధిక, జుడీషియల్‌ మేజిస్ట్రేట్‌ భవిశ్య అన్నారు. జిల్లా కేంద్రంలోని సోమవార్‌పేట్‌ ప్రభుత్వ బాలికల ఉన్నత పాఠశాల, లక్ష్మణచాందలోని పీఎంశ్రీ పాఠశాలలో శుక్రవారం ‘సురక్షిత్‌ బచ్‌ పన్‌ అభియాన్‌’ నిర్వహించారు. న్యాయమూర్తులు ముఖ్యఅతిథులుగా హాజరై మాట్లాడారు. విద్యార్థులు అపరిచిత వ్యక్తులతో మాట్లాడకూడదని, వారు ఏదైనా బహుమతులు ఇస్తే తీసుకోకూడదని పేర్కొన్నారు. ఉపాధ్యాయులు, పోషకులు చెప్పే విషయాలను అనుసరించాలన్నారు. ఏదైనా సమస్య ఎదురైనప్పుడు భయపడకుండా వెంటనే పోలీసులను సంప్రదించాలని తెలిపారు. పోక్సో, బాలల హక్కలు, మాదకద్రవ్యాల నిరోధకచట్టం, రోడ్డు భద్రతా నియమాలపై అవగాహన కల్పించారు. కార్యక్రమాల్లో జేజేబీ బోర్డు సభ్యుడు డాక్టర్‌ నరేశ్‌కుమార్‌, లక్ష్మణచాంద ఎంఈవో రాజునాయక్‌, డీఎల్‌ఎస్‌ఏ సభ్యులు లింగాగౌడ్‌, హెచ్‌ఎంలు ముడారపు పరమేశ్వర్‌, పోతన్న, లీగల్‌సెల్‌ చీఫ్‌ న్యాయవాది కే.రాజలింగం, లీగల్‌ వాలంటరీ లోలం గంగన్న, కేఎస్‌. గంగాధర్‌, చైల్డ్‌ వెల్ఫేర్‌ ఆఫీసర్‌ శ్రీలత, ఎండీ. గౌసొద్దీన్‌, అడ్వకేట్‌ దిలీప్‌రెడ్డి, సర్పంచ్‌ ఓస కవిత, ఎస్సై శ్రావణి, ఉపాధ్యాయులు పాల్గొన్నారు

డిసెంబర్‌లో పూత దశబెల్లంపల్లి: మామిడిని చీడపీడలు, తెగుళ్లు ఆశించకుండా, అ ధిక దిగుబడి సాధించేలా రైతులు యాజమాన్య పద్ధతులు పా టించాలి. నిర్లక్ష్యం చేస్తే తోట లు నిర్జీవంగా తయారు కావడంతోపాటు దిగుబడి పడిపో యి తీవ్రంగా నష్టపోవాల్సిన ప రిస్థితులు ఉంటాయని బెల్లంపల్లి క్లస్టర్‌ ఉద్యానవన శాఖ అధికారి అర్చన తెలిపారు. ఆమె మాటల్లో మామిడి తోటల్లో యాజమాన్య పద్ధతులు ఇలా.. చీడపీడలు, నియంత్రణ చర్యలుతేనె మంచు పురుగు: మామిడిని ప్రధానంగా తేనె మంచు పురుగు ఆశిస్తే 20నుంచి 100శాతం వరకు నష్టం కలుగుతుంది. ఈ పురుగు లేత ఆకులు, పుష్పగుచ్చాలు, పూలు, పిందెలను చేరి రసాన్ని పీలుస్తాయి. ఇది విసర్జించిన తేనెలాంటి తీయని పదార్థంతో మసిమంగు ఆశిస్తుంది. మంచు పురుగు ప్రభావంతో పూత, కాతలేని సమయంలో చెట్ల బెరడులోని పగుళ్లు, చెట్టు కాండంపై దాక్కొని ఉంటాయి. ఈ పురుగు రసం పీల్చడంతో పూత పూర్తిగా మాడిపోయి పిందె కట్టదు. నియంత్రణ: తేనె మంచు పురుగు నియంత్రణకు త యోమెథొక్సం 0.5 గ్రాములు లీటర్‌ నీటికి లేదా లా ంబ్డా సహైలోత్రిన్‌ 0.5 మిల్లీ లీటర్లను లీటర్‌ నీటిలో కలిపి కాండం మొత్తం తడిసేలా పిచికారీ చేయాలి. తామర పురుగు: తామర పురుగు మామిడికి నష్టం కలిగిస్తుంది. చెట్లకు కొత్త చిగురు వచ్చే దశలో ఆకులపై అసంఖ్యాకంగా చేరి గోకి రసాన్ని పీలుస్తాయి. దీంతో ఆకులు చిన్నవిగా ఉండి రాలిపోతాయి. పుష్పగుచ్చం, పిందెలపై చర్మం గీకి రసం పీల్చడంతో రాతి మంగు ఏర్పడి కాయ నాణ్యత తగ్గుతుంది. నియంత్రణ: తామర పురుగు నివారణకు ఫిప్రోనిల్‌ 1.5 మిల్లీ లీటర్‌ లేదా ఆసిఫేట్‌ 1.5 గ్రాములు లీటర్‌ నీటిలో కలుపుకొని పిచికారీ చేయాలి. ఆకు జల్లెడ గూడు పురుగు: ఈ పురుగు ఆకుల ఈనెల మధ్య ఉన్న కణజాలాన్ని పూర్తిగా తినేసి ఆకుల్ని జల్లెడ లాగా చేసి ఆ తర్వాత ఆకుల్ని దగ్గరకు చేర్చి గూడు ఏర్పరుచుకుంటుంది. పూత దశలో పూలు, మొగ్గలను ఆశించి పూగుత్తులను గూడుగా ఏర్పాటు చేసుకుంటుంది. నియంత్రణ: ఆకు జల్లెడ పురుగు నియంత్రణకు పురుగుల గూళ్లను ముందుగా వెదురు కర్రలతో దులిపి క్లోరిఫైరిఫోస్‌ 2మిల్లీ లీటర్లను లీటర్‌ నీటిలో కలిపి పిచికారీ చేయాలి. బూడిద తెగులు: బూడిద తెగులు కూడా మామిడిని కోలుకోకుండా చేయడంలో కీలకంగా వ్యవహరిస్తుంది. ఆకులు, పూరెమ్మల మీద బూడిదలాంటి తెల్లని పదార్థం వ్యాపించి పూత, పిందె రాలి పోయి నష్టం కలిగిస్తుంది. నియంత్రణ: బూడిద తెగులు నివారణకు కారేథేన్‌ ఒక మిల్లీ లీటర్‌ లేదా హెక్సాకోనోజెల్‌ ఒక మిల్లీ లీటర్‌ను లీటరు నీటిలో కలిపి పిచికారీ చేయాలి. పక్షి కన్ను తెగులు: ఆ శిలీంద్రం ఆకులపై మచ్చ తెగులునే కాక చిగురు మాడు, పూత మాడు తెగుళ్లను కూడా కలిగిస్తుంది. గాలిలో అధిక తేమ, అకాల వర్షం అధికంగా కురిసినప్పుడు ఈ తెగులు కాయలను ఆశిస్తుంది. నియంత్రణ: పక్షి కన్ను తెగులు నియంత్రణకు కాపర్‌ ఆక్సీక్లోరైడ్‌ 3 గ్రాములు లీటర్‌ నీటిలో లేదా కార్బెండిజ్‌ ఒక గ్రామును లీటర్‌ నీటిలో కలిపి పిచికారీ చేసుకోవాలి. పురుగు మందులను చల్లని వేళలో అనగా ఉదయం లేదా సాయంత్రం పూట పిచికారీ చేయాలి. పురుగు మందులను మార్చి వాడాలి. ఒకే మందును అనేకసార్లు వాడితే పురుగులు ఆ మందులకు అలవాటు పడిపోయి నశించవు.అక్టోబర్‌, నవంబర్‌ మాసాల్లో మామిడి చెట్లు నిద్రావస్థ దశలో ఉంటాయి. ఈ రెండు నెలలు చెట్లకు ఎట్టి పరిస్థితుల్లోనూ నీటితడులు అందించవద్దు. మామిడి చెట్లకు పూ మొగ్గలు అన్ని ఒకేసారి విచ్చుకోవడం, కాయలు కూడా ఒకేసారి కట్టడం కోసం పొటాషియం నైట్రేట్‌ను 10 గ్రాములు నీటిలో కలిపి పిచికారీ చేయాలి. అక్టోబర్‌లో పిచికారీ చేయలేని పరిస్థితుల్లో నవంబర్‌లో చేసుకోవాలి. డిసెంబర్‌లో పూత మొదలై జనవరిలో పాచిపూతదశ లేదా పూత వికసించే దశ మొదలవుతుంది.

నిర్మల్‌మామిడి.. మెళకువలతోనే రాబడి మామిడిని తెగుళ్లు ఆశించకుండా, అధిక దిగుబడి సాధించేలా రైతులు యాజమా న్య పద్ధతులు పాటించాలని బెల్లంపల్లి క్లస్టర్‌ ఉద్యానవన శాఖ అధికారి అర్చన తెలిపారు. మహా పాదయాత్రకు ఏర్పాట్లు నిర్మల్‌చైన్‌గేట్‌: ఎస్‌ఐఆర్‌పై కాంగ్రెస్‌, ఇండీ కూటమి చేస్తున్న దుష్ప్రచారానికి వ్యతిరేకంగా నవంబర్‌ 3న నిర్మల్‌లో బీజేపీ మహా పాదయాత్ర చేపట్టనుంది. ఇందుకు ఏర్పాట్లు ముమ్మరంగా సాగుతున్నాయి. బీజేఎల్పీ నేత, నిర్మల్‌ ఎమ్మెల్యే ఏలేటి మహేశ్వర్‌రెడ్డి శుక్రవారం ఏర్పాట్లను, హెలిప్యాడ్‌ స్థలాన్ని పరిశీ లించారు. ఈ మహా పాదయాత్రకు బీజేపీ జాతీయ ప్రధాన కార్యదర్శి సునీల్‌బన్సల్‌ ముఖ్య అతిథిగా హాజరుకానున్నారు. ఈ కార్యక్రమాన్ని విజయవంతం చేయడానికి చేపడుతున్న ఏర్పాట్లపై ఎమ్మెల్యే స్థానిక నాయకులతో చర్చించారు. తగు సూచనలు చేశారు. ఏ ర్పాట్లను వేగవంతం చేయాలని నాయకులను ఆదేశించారు. కార్యక్రమంలో మాజీ ఎమ్మెల్యే నల్ల ఇంద్రకరణ్‌రెడ్డి, బీజేపీ జిల్లా అధ్యక్షుడు రితేష్‌ రాథోడ్‌, సీనియర్‌ నాయకులు అయ్యన్నగారి భూమయ్య, రమణారెడ్డి, సరికేల గంగన్న, శ్రీనివాస్‌, కౌన్సిలర్లు గంజి రాజు, శ్రీరామోజి నరేష్‌, జింక సురేందర్‌, ఈశ్వర్‌, కూన శశాంక్‌, సూరజ్‌నాయక్‌, నాయకులు కందుల హరీశ్‌, భరత్‌, సాయి పాల్గొన్నారు. నిర్మల్‌: జాతీయ స్థాయిలో ప్రత్యర్థులైన కాంగ్రెస్‌, బీజేపీ పోటాపోటీ కార్యక్రమాలతో జిల్లాలో రాజకీయం వేడెక్కింది. కాంగ్రెస్‌ శ్రేణులు ‘చలో ఢిల్లీ’ అంటూ జాతీయ నిరసనకు తరలివెళ్తుండగా, బీజేపీ జిల్లాకేంద్రంలో మహా పాదయాత్రను విజయవంతం చేసేందుకు సన్నద్ధమవుతోంది. జిల్లాలో కాంగ్రెస్‌, బీజేపీ ప్రజల్లోకి వెళ్లడమే లక్ష్యంగా ఎత్తుకు పై ఎత్తు వేస్తున్నట్లు కనిపిస్తోంది. పోటాపోటీ కార్యక్రమాలు.. కాంగ్రెస్‌ కేంద్రంలోని ఎన్డీఏ ప్రభుత్వాన్ని గద్దె దించడమే లక్ష్యంగా ఢిల్లీ నిరసనను విజయవంతం చేయాలని రాహుల్‌గాంధీ పిలుపు నిచ్చారు. ఈ మేరకు నిర్మల్‌, ముధోల్‌, ఖానాపూర్‌ నియోజకవర్గాల నుంచి శ్రేణులను తరలించారు. మరోవైపు బీజేపీ సోషల్‌ మీడియా నుంచి బయటకు వచ్చి నేరుగా ప్రజల్లోకి వెళ్లి కాంగ్రెస్‌ తీరును ఎండగట్టాలని నిర్ణయించింది. జిల్లాలో ఇద్దరు ఎమ్మెల్యేలు ఉండటం, నిర్మల్‌ ఎమ్మెల్యే బీజేఎల్పీ నేత కావడంతో ఈ కార్యక్రమాన్ని ప్రతిష్టాత్మకంగా తీసుకుంది. మళ్లీ రాజకీయ ఉద్రిక్తత.. సర్పంచ్‌ ఎన్నికల తర్వాత తగ్గిన రాజకీయ ఉద్రిక్తత ‘ఓటు చోరీ’ అంశంతో మళ్లీ పెరిగింది. కాంగ్రెస్‌ ఢిల్లీకి శ్రేణులను తరలించి స్థానికంగా ఈ అంశాన్ని చర్చకు తీసుకురావాలని భావిస్తే, బీజేపీ ఎక్కడికక్కడ వ్యతిరేక కార్యక్రమాలు నిర్వహించాలని ప్లాన్‌ చేస్తోంది. రెండు పార్టీలు భారీ కార్యక్రమాలు చేపడుతుండటంతో జిల్లాలో మళ్లీ రాజకీయ సందడి కనిపిస్తోంది.ఢిల్లీకి ధీటుగా బీజేపీ ఏర్పాట్లు.. కాంగ్రెస్‌ చేస్తున్న ‘ఓటు చోరీ’ ఆరోపణలను తిప్పికొట్టేందుకు బీజేపీ సన్నద్ధమైంది. రాష్ట్రంలో నవంబర్‌ 2 నుంచి కార్యక్రమాలు చేపట్టనుంది. హైదరాబాద్‌, నిర్మల్‌, కరీంనగర్‌లలో ‘ప్రజాస్వామ్యాన్ని కాపాడుదాం – విద్రోహులను తరిమికొట్టుదాం’ పేరిట భారీ జనసమీకరణ చేయనుంది. నిర్మల్‌లో నవంబర్‌ 3న మహా పాదయాత్ర నిర్వహించనున్నారు. ఇందులో బీజేపీ జాతీయ నేత, రాష్ట్ర ఇన్‌చార్జి సునీల్‌ బన్సల్‌ పాల్గొననున్నారు. ఉత్తర తెలంగాణలో తొలి కార్యక్రమం కావడంతో స్థానిక ఎమ్మెల్యే ఏలేటి మహేశ్వర్‌ రెడ్డి పార్టీ శ్రేణులను సన్నద్ధం చేస్తున్నారు. హస్తిన బాటలో హస్తం నేతలు.. ‘ఓటు బచావో – దేశ్‌ బచావో’ పేరిట నవంబర్‌ 1న(ఆదివారం)ఢిల్లీలోని రామ్‌లీలా మైదానంలో నిర్వహించనున్న భారీ నిరసనకు జిల్లా నుంచి కాంగ్రెస్‌ శ్రేణులు తరలివెళ్తున్నాయి. డీసీసీ అధ్యక్షుడు వెడ్మ బొజ్జు పటేల్‌, మాజీ అధ్యక్షుడు కూచాడి శ్రీహరిరావు, మాజీ మంత్రులు అల్లోల ఇంద్రకరణ్‌ రెడ్డి, సముద్రాల వేణుగోపాలచారి, మాజీ ఎమ్మెల్యేలు విఠల్‌ రెడ్డి, నారాయణరావు పటేల్‌, యువ నేతలు అప్పాల గణేశ్‌చక్రవర్తి, అర్జుమంద్‌ అలీ తదితరులు తమ పరిధిలోని సర్పంచులు, నాయకులు, కార్యకర్తలను ఢిల్లీకి పంపుతున్నారు. ఇప్పటికే నిర్మల్‌ నియోజకవర్గం నుంచి పలు బస్సుల్లో నాయకులు బయలుదేరారు. గ్రూపుల వారీగా తరలిస్తుండటంతో జిల్లా నుంచి ఎంతమంది పాల్గొంటారన్నది ఆసక్తికరంగా మారింది.

నిర్మల్‌చైన్‌గేట్‌: చేయూత పింఛన్ల కోసం జిల్లా దరఖాస్తుదారులకు నిరీక్షణ తప్పడం లేదు. వేలాది మంది పేదలు ఎదురుచూస్తున్నారు. కాంగ్రెస్‌ ఎన్నికల సమయంలో అధికారంలోకి వచ్చిన తర్వా త కొత్త పింఛన్లు మంజూరు చేయడంతోపాటు ప్రస్తుతం ఇస్తున్న మొత్తాన్ని పెంచుతామని ఇచ్చిన హామీ ఇంకా అమలు కాలేదు. ప్రభుత్వం ఏర్పడి మూడేళ్లు కావస్తున్నా కొత్త పింఛన్ల మంజూరుపై స్పష్టత లేకపోవడంతో అర్హుల్లో ఆందోళన నెలకొంది. జూన్‌ 2, ఆగస్టు 15, దసరా పండుగ వంటి సందర్భాల్లో పింఛన్లు వస్తాయని ఆశపడి నిరాశ చెందడం లబ్ధిదారులకు పరిపాటైంది. హామీలు ఘనం.. అమలు శూన్యం అసెంబ్లీ ఎన్నికల సమయంలో పింఛన్‌ మొత్తాన్ని రూ.2 వేల నుంచి రూ.4 వేలకు పెంచుతామని, ఇతర పింఛన్లను కూడా పెంచుతామని కాంగ్రెస్‌ పార్టీ హామీ ఇచ్చింది. అధికారంలోకి వచ్చిన వెంటనే తమకు పింఛన్లు అందుతాయని అర్హులు ఆశించారు. ప్రభుత్వం ‘ప్రజాపాలన’ కార్యక్రమం ద్వారా కొత్త పింఛన్ల కోసం దరఖాస్తులు స్వీకరించింది. అయితే వాటి మంజూరుపై దృష్టి పెట్టలేదు. దరఖాస్తు చేసుకున్నవారు ప్రభుత్వ కార్యాలయాల చుట్టూ తిరుగుతూ తమ దరఖాస్తుల స్థితి తెలుసుకోవాలని ప్రయత్నిస్తున్నారు. నెలలు గడిచినా పింఛన్లు రాకపోవడంతో ఇబ్బందులు పడుతున్నామని ఆవేదన వ్యక్తం చేస్తున్నారు. ఏడు రకాల పింఛన్లు.. ప్రభుత్వం ఏడు రకాల పింఛన్లకు అవకాశం కల్పిస్తూ ఒంటరి మహిళలు, వితంతువులు, గీతకార్మికులు, నేతకార్మికులు, ఫైలేరియా బాధితులు, డయాలసిస్‌ రోగులు(కిడ్నీ ఫెయిల్యూర్‌), దివ్యాంగులు (తలసేమియా, సికిల్‌ సెల్‌, హీమోఫీలియా బాధితులు) దరఖాస్తులను ఆన్‌లైన్‌లో స్వీకరించింది. ముందుగా ఆగస్టు 30లోగా దరఖాస్తులు సమర్పించాలని గడువు విధించింది. క్షేత్రస్థాయిలో ధ్రువీకరణ పత్రాలు అందించేందుకు సమయం కావాలని అభ్యర్థనలు రావడంతో సెప్టెంబరు 15 వరకు గడువు పొడిగించింది. జిల్లావ్యాప్తంగా 11,384 దరఖాస్తులు వచ్చాయి. అర్హులను గుర్తించేందుకు క్షేత్రస్థాయిలో విచారణ చేపట్టారు. ప్రాథమిక అంచనా ప్రకారం 10,119 మంది అర్హులు ఉన్నట్లు తేలింది. వృద్ధులు, బీడీ కార్మికులకు తప్పని నిరీక్షణ.. జిల్లాలో అర్హులైన వృద్ధులు, బీడీ కార్మికులు ఉన్నా చేయూత పింఛన్లకు ప్రభుత్వం అవకాశం కల్పించలేదు. పీఎఫ్‌ సౌకర్యం ఉన్నా బీడీలు చేసే కార్మికులు కొత్తగా పింఛన్లు కావాలని కోరుతున్నారు. వృద్ధులు కూడా సామాజిక పింఛన్లకు ఆశగా చూస్తున్నారు. ఇప్పటికే స్వీకరించిన దరఖాస్తులకు మంజూరు కాకపోవడంతో దీపావళి పండుగ నాటికై నా శుభవార్త వస్తుందని భావిస్తున్నారు. ప్రతీసారి నిరాశే.. రాష్ట్ర ఆవిర్భావ దినోత్సవం జూన్‌ 2న కొత్త పింఛన్లు ఇస్తారని ప్రచారం జరిగింది. ఆ తర్వాత ఆగస్టు 15న కచ్చితంగా ఇస్తారన్నారు. దివ్యాంగులు, ఒంటరి మహిళలు, వితంతువులు, చేనేత, గీత కార్మికులకు మొదటి ప్రాధాన్యం ఇస్తామని ప్రభుత్వ వర్గాలు ప్రకటించడంతో వారిలో ఆశలు చిగురించాయి. జూన్‌ 2, స్వాతంత్య్ర దినోత్సవం గడిచినా పింఛన్లు మంజూరు కాలేదు. ఆ తర్వాత దరఖాస్తుల పరిశీలన ప్రారంభించి మండలాల వారీగా అర్హతలు పరిశీలించారు. దీంతో కనీసం దసరా నాటికై నా పింఛన్లు అందుతాయని దరఖాస్తుదారులు భావించారు. కానీ అది కూడా నిరాశే మిగిల్చింది. కొత్తగా వచ్చిన దరఖాస్తులు 11,384 వెరిఫికేషన్‌ తర్వాత అర్హులు 10,265 అనర్హులు 632 హోల్డ్‌లో ఉంచినవి 450 పెండింగ్‌లో ఉన్నవి 47 జిల్లాలో ప్రస్తుత పింఛన్లు ఇలా.. మొత్తం 1,44,773 బీడీ కార్మికులు 61,933 వృద్ధాప్య 33,890 వితంతు 35,664 దివ్యాంగ 9,822 ఒంటరి మహిళ 2,093 గీత కార్మికులు 266 ఫైలేరియా 221 డయాలసిస్‌ 110

ఖానాపూర్‌: పోలీస్‌ అమరవీరుల సంస్మరణ వారోత్సవాల్లో భాగంగా ఖానాపూర్‌లో శుక్రవారం రాత్రి పోలీస్‌ అమరులకు కొవ్వొత్తులతో నివాళులర్పించారు. స్థానిక పోలీస్‌ స్టేషన్‌ నుంచి జగన్నాథరావు చౌరస్తా వరకు ర్యాలీ తీశారు. నిర్మల్‌ డీఎస్పీ శ్రీనివాస్‌, ఖానాపూర్‌ సీఐ సత్యనారాయణ పాల్గొన్నారు. విధి నిర్వహణలో ప్రాణాలర్పించిన పోలీసు అమరవీరు ల త్యాగాలు చిరస్మరణీయమని పేర్కొన్నారు. కార్యక్రమంలో ఎస్సైలు సాయికుమార్‌, హనుమాండ్లు, ప్రజాప్రతినిధులు, నాయకులు గుమ్ముల అశోక్‌, తోడసం ఇందిరా, దయానంద్‌, ప్రకాశ్‌గౌడ్‌, పోలీసు సిబ్బంది పాల్గొన్నారు.

జన్నారం: అనారోగ్యంతో తల్లిదండ్రులు మృతి చెందగా అనాథలైన పిల్లలకు గల్ఫ్‌ కార్మికుల సంక్షేమ సంఘం ఆపన్నహస్తం అందించింది. మండలంలో ని రాంపూర్‌ గ్రామానికి చెందిన ఓరుగంటి లింగ య్య మూడేళ్ల క్రితం, దివ్య నెల క్రితం అనారోగ్యంతో మృతి చెందారు. వీరికి ఇద్దరు కూతుళ్లు అమూల్య, స్పందన ఉన్నారు. తల్లిదండ్రుల మృతితో అ నాథలయ్యారు. విషయం తెలుసుకున్న తెలంగాణ గల్ఫ్‌ కార్మికుల సంక్షేమ సంఘం రాష్ట్ర కన్వీనర్‌ సు దర్శన్‌, గ్రామ కమిటీ అధ్యక్షుడు వెంకటేశ్‌ సంఘం దృష్టికి తీసుకెళ్లి సహాయం అందించారు. సంఘం ఆధ్వర్యంలో రూ.93,200 పోగు చేసి ఇద్దరు పిల్లల పేరిట ఫిక్స్‌డ్‌ డిపాజిట్‌ చేయించినట్లు వ్యవస్థాపక రాష్ట్ర అధ్యక్షుడు కల్లెడ భూమయ్య తెలిపారు. శుక్రవారం బాండ్లను సర్పంచ్‌ నూతి రామయ్య చేతుల మీదుగా పిల్లలకు ఇచ్చినట్లు పేర్కొన్నారు.

ఆసిఫాబాద్‌రూరల్‌: జిల్లా కేంద్రంలోని గిరిజన క్రీడా పాఠశాలలో జోనల్‌ స్థాయి అథ్లెటిక్స్‌ ఎంపిక పోటీలు పోటాపోటీగా జరిగాయి. పోటీలను డీఈవో సచ్చిదానందచారి ప్రారంభించారు. ఈ సందర్భంగా ఆయన మాట్లాడుతూ.. జోనల్‌ స్థాయి అండర్‌–14, 17, 19 ఎస్‌జీఎఫ్‌ బాలికల అథ్లెటిక్స్‌ పోటీల్లో 100, 200, 400, 800, 1,500, 3వేల మీటర్ల రన్నింగ్‌, లాగ్‌ జంప్‌, హై జంప్‌, షాట్‌ఫుట్‌, జావెలిన్‌ త్రో పోటీలకు ఉమ్మడి జిల్లా నుంచి 200 మంది క్రీడాకారులు పాల్గొన్నారని ఎస్‌జీఎఫ్‌ జిల్లా కార్యదర్శి రామ్మోన్‌రావు తెలిపారు. వీరిలో ప్రతిభ కనబర్చిన 80మందిని రాష్ట్ర స్థాయికి ఎంపిక చేసినట్లు అథ్లెటిక్స్‌ కోచ్‌ విద్యాసాగర్‌ పేర్కొన్నారు. ఎస్వో శ్రీనివాస్‌, నోడల్‌ అధికారి మీనారెడ్డి, పీడీలు, పీఈటీలు లక్ష్మణ్‌, రవి తదితరులున్నారు.

లక్ష్మణచాంద: ప్రభుత్వ పాఠశాలలను కార్పొరేట్‌ పాఠశాలలకు దీటుగా మార్చేందుకు కేంద్ర ప్రభుత్వం ప్రత్యేక చర్యలు చేపడుతోంది. ఈ క్రమంలో ప్రధాన మంత్రి స్కూల్స్‌ ఫర్‌ రైజింగ్‌ ఇండియా(పీఎంశ్రీ) పథకం కింద ఎంపికై న ప్రభుత్వ పాఠశాలల్లో కార్పొరేట్‌స్థ్థాయి వసతులు కల్పిస్తోంది. ఇప్పటికే ల్యాబ్‌లు, లైబ్రరీలు, సంగీతం క్లాసులు నిర్వహిస్తోంది. ఇటీవల బతుకమ్మ పండుగకు ప్రత్యేక నిధులు ఇచ్చింది. ఈ పాఠశాలలను మరింత బలోపేతం చేసేందుకు విద్యార్థులకు మొదటిసారిగా డైరీలు అందజేసింది. డైరీల్లోని వివరాలు పీఎంశ్రీ పాఠశాలల్లో అందజేసిన డైరీల్లో విద్యార్థులు తమ పూర్తి వివరాలు నమోదు చేసుకునే అవకాశం ఉంది. వీటిలో తరగతి టైమ్‌టేబుల్‌, పరీక్షలు, పనిదినాలు, సెలవులు, పాఠశాలలో, ఇంటివద్ద చేయాల్సిన పనుల వివరాలు ఉన్నాయి. కవర్‌ పేజీతోపాటు మొదటి పేజీలో విద్యార్థి వ్యక్తిగత వివరాలు, ఫొటో, పేరు, తరగతి, రూల్‌ నంబర్‌, ప్రవేశ సంఖ్య, పుట్టిన తేదీ, తల్లిదండ్రుల పేర్లు, ఆధార్‌ నంబర్‌, సెల్‌ నంబర్‌, పాఠశాల పేరు, యూఐడీ నంబర్‌ నమోదు చేసి విద్యార్థి, తరగతి ఇన్‌చార్జ్‌ ఉపాధ్యాయుడి సంతకాలు చేయాలి. పాఠశాల మొదటి పనిదినం నుంచి చివరి రోజు వరకు ప్రతిరోజూ విద్యార్థులు ఈ డైరీలో రాయాల్సి ఉంటుంది. అలాగే పరీక్ష తేదీలు, ఎఫ్‌ఏ, ఎస్‌ఏ, ఎస్‌ఎస్‌సీ బోర్డు పరీక్షలు, ఉపాధ్యాయులు తల్లిదండ్రులకు ఇచ్చే సూచనల కోసం ‘నోట్‌ టు ది పేరెంట్‌’ కాలమ్‌ కూడా ఉంది. ఉత్తమ లక్షణాలు అలవడతాయి పీఎంశ్రీ ప్రభుత్వ పాఠశాల విద్యార్థులకు ప్రభుత్వం అందించిన డైరీలను విద్యార్థులు సద్వినియోగం చేసుకోవాలి. ప్రతీరోజు ఆ రోజు చేసిన పనులు, చదివిన అంశాలు, చదవాల్సిన అంశాలను క్రమం తప్పకుండా నమోదు చేయాలి. నిత్యం రాయడం వల్ల క్రమశిక్షణ అలవడుతుంది. ముందుకు ఎలా సాగాలో అర్ధం అవుతుంది. – రాజునాయక్‌, ఎంఈవో, లక్ష్మణచాందజిల్లాలో ఇలా.. నిర్మల్‌ జిల్లాలో మొత్తం 715 ప్రభుత్వ పాఠశాలలు ఉండగా, వాటిలో 40,365 మంది విద్యార్థులు చదువుతున్నారు. పీఎంశ్రీ పాఠశాలలు 20 ఉండగా, వాటిలో 8,200 మంది విద్యార్థులు ఉన్నారు. వీరికి విద్యాశాఖ అధికారులు డైరీలు అందజేశారు.

కైలాస్‌నగర్‌/ఇంద్రవెల్లి: ఉమ్మడి ఆదిలాబాద్‌లో తెలంగాణ రక్షణ సేన (టీఆర్‌ఎస్‌) బలోపేతం దిశగా ఆ పార్టీ చీఫ్‌ కల్వకుంట్ల కవిత దృష్టి సారించా రు. ఆదిలాబాద్‌ జిల్లా ఇంద్రవెల్లి వేదికగా శుక్రవా రం నిర్వహించిన పాంచజన్య సభలో ఆయా నియోజకవర్గాల నేతలను జనానికి పరిచయం చేస్తూ, రాష్ట్రంలో కొత్త పార్టీ ఆవశ్యకతను వివరించారు. ముందుగా ముత్నూర్‌లోని కుమురంభీం విగ్రహా నికి నివాళులర్పించారు. అక్కడి నుంచి ప్రత్యేక వాహనంలో ఇంద్రవెల్లి అమరవీరుల స్తూపాన్ని సందర్శించారు. అనంతరం నిర్వహించిన సభలో ఇంద్రవెల్లి పుణ్యభూమికి పాదాభివందనమంటూ తన ప్రసంగాన్ని ప్రారంభించారు. కాంగ్రెస్‌, బీఆర్‌ఎస్‌లపై ధ్వజం .. కవిత తన ప్రసంగంలో ఉమ్మడి జిల్లా వెనుకబాటును ప్రస్తావిస్తూ ఇన్నేళ్లు పాలించిన కాంగ్రెస్‌, బీఆర్‌ఎస్‌లపై మండిపడ్డారు. అధికారంలోకి వచ్చాక రెండు నెలలకోసారి జిల్లాకు వస్తానన్న ముఖ్యమంత్రి మూడేళ్లలో కేవలం రెండుసార్లు మాత్రమే వచ్చారన్నారు. ప్రజలకు ఇచ్చిన హామీలను సైతం నిలబెట్టుకోలేదని విమర్శించారు. ఇక బీఆర్‌ఎస్‌ పదేళ్ల పాలనలోనూ ఈ ప్రాంతానికి ఒరిగిందేమీ లేదన్నారు. యూనివర్సిటీ హామీని కేసీఆర్‌ విస్మరించారని, కనీసం ఇంజినీరింగ్‌ కాలేజ్‌ కూడా ఇవ్వలేదన్నారు. దీనిపై కేటీఆర్‌ జిల్లా ప్రజలకు సమాధానం చెప్పాలని డిమాండ్‌ చేశారు. ఆదిలాబాద్‌లో సీసీఐని తెరిపించకుండా చేసిన పాపం బీఆర్‌ఎస్‌, కాంగ్రెస్‌, బీజేపీలదేనని ఆరోపించారు. నాగోబా తల్లి దయతో మా పార్టీ తొలి జెండా ఇక్కడ నుంచే ఎగురుతుందని ధీమా వ్యక్తం చేశారు. కాగా, సభ సక్సెస్‌తో శ్రేణుల్లో ఉత్సాహం నింపింది. కార్యక్రమంలో మాజీ మంత్రి బోడ జనార్దన్‌, మాజీ ఎమ్మెల్యే రాథోడ్‌ బాపూరావు, సభ రాష్ట్ర పరిశీలకులు పడిగపాటి విక్రాంత్‌రెడ్డి, నియోజకవర్గ ఇన్‌చార్జీలు మేస్రం దయాకర్‌, వేణుగోపాల్‌, కావేటి సబిత, కాదాసీ గీత, డాక్టర్‌ చంద్రప్రకాశ్‌, కె.వినోద్‌చారి, నిర్మల్‌ జిల్లా అధ్యక్షుడు లోకిని రాము, పార్లమెంట్‌ ఇన్‌చార్జి మడావి బాపురావు తదితరులు పాల్గొన్నారు.

నర్సాపూర్‌(జి): రోజువారీగా లక్ష్యాలను నిర్దేశించుకుని భూముల రీసర్వే త్వరగా పూర్తి చేయాలని కలెక్టర్‌ భవేశ్‌మిశ్రా అధికారులను ఆదేశించారు. నర్సాపూర్‌ (జి) మండలం చాక్‌పల్లి గ్రామంలో కొనసాగుతున్న రీసర్వేను శుక్రవారం తనిఖీ చేశారు. వివరాలు అధికారులను అడిగి తెలుసుకున్నారు. మొత్తం రీసర్వే చేయాల్సిన భూమి, పట్టా భూములు, ఎస్సారెస్పీ భూములు, ఇతర భూముల వివరాలను అడిగారు. హద్దుల గుర్తింపు పక్కాగా ఉండాలన్నారు. సభ్యుల పర్యవేక్షణలో, రైతుల సమక్షంలో మాత్రమే సర్వే చేపట్టాలన్నారు. అనంతరం రైతులతో మాట్లాడుతూ... సాగు చేసిన పంటల వివరాలు అడిగి తెలుసుకున్నారు. ప్రస్తుత వాతావరణ పరిస్థితులు, నీటి కొరత అంశాలను బేరీజు వేసుకుని తక్కువ నీటితో పండే పంటలు యాసంగిలో వేసుకోవాలని సూచించారు. వ్యవసాయ క్షేత్రంలో పంట కుంటలు(ఫామ్‌ పాండ్‌)లు నిర్మించుకోవాలని తెలిపారు. కార్యక్రమంలో తహసీల్దార్‌ శ్రీకాంత్‌, సర్వేయర్‌ విలాస్‌, సర్పంచ్‌ మ్యాదరి సుధాకర్‌, ఇరిగేషన్‌ ఏఈ గంగాధర్‌, పంచాయతీ కార్యదర్శి నరేశ్‌కుమార్‌, సిబ్బంది పాల్గొన్నారు.

భైంసాటౌన్‌:పట్టణంలోని దుకాణదారులు మున్సిపల్‌ ట్రేడ్‌ లైసెన్స్‌ కలిగి ఉండాలని కమిషనర్‌ జాదవ్‌ సంతోష్‌కుమార్‌ అన్నారు. పలు దుకాణ సముదాయాల్లో ట్రేడ్‌ లైసెన్సులను శుక్రవారం తనిఖీ చేశారు. దుకాణదారులు ట్రేడ్‌ లైసెన్స్‌ పొంది ఉండాలని, గడువు ముగిసినవారు రెన్యూవల్‌ చేసుకోవాలని సూచించారు. సింగిల్‌ యూజ్‌ ప్లాస్టిక్‌ వినియోగించవద్దని, బహిరంగ ప్రదేశాల్లో చెత్త వేయొద్దని తెలిపారు. అంతకుముందు ఎల్‌నినో ప్రభావంతో ఎదురయ్యే సమస్యలపై పలు వార్డుల్లో ప్రజలకు అవగాహన కల్పించారు. నీటిని వృథా చేయొద్దని, నల్లాలకు ఆన్‌/ఆఫ్‌ బిగించుకోవాలని సూచించారు. ఆయన వెంట మెప్మా టీఎంసీ దత్తాత్రి, శానిటరీ ఇన్‌స్పెక్టర్‌ జాదవ్‌ మురహరి, పర్యావరణ ఇంజినీర్‌ మన్మోహన్‌, రాథోడ్‌ కృష్ణ ఉన్నారు.

ముధోల్‌: ఎల్‌నినో ప్రభావంతో ఆయిల్‌పామ్‌ పంటపై ప్రతికూల ప్రభావాలను తగ్గించి మొక్కలు నీటి ఎద్దడి నుంచి కాపాడేందుకు రైతులు తగిన జాగ్రత్తలు తీసుకోవాలని భైంసా డివిజన్‌ ఉద్యాన అధికారి షేక్‌ జావిద్‌ పాషా సూచించారు. ముధోల్‌ రైతు వేదికలో గురువారం ఉద్యాన పట్టు పరిశ్రమ శాఖ ఆధ్వర్యంలో ఆయిల్‌పామ్‌ సాగులో ఎల్‌నినో ప్రభావం, నివారణ చర్యలపై అవగాహన సదస్సు నిర్వహించారు. మొక్కలకు తగినంత నీటిని అందించడంతోపాటు సిఫార్సు చేసిన మొతాదులో ఎరువులను వినియోగించాలని తెలిపారు. పొటాష్‌ ఎరువుల వాడకంపై శాసీ్త్రయ సూచనలు పాటించడం ద్వారా నీటి కొరతతో కలిగే ఇబ్బందులను కొంత వరకు తగ్గించవచ్చని వివరించారు. మొక్కల్లో 30 నుండి 35 ఆకులు ఉండేలా యాజమా న్య చర్యలు చేపట్టాలని సూచించారు. వాతావరణ పరిస్థితులకు అనుగుణంగా పంట యాజమాన్య పద్ధతులను పాటించాలని తెలిపారు. కార్యక్రమంలో వ్యవసాయ పరిశోధన కేంద్రం శాస్త్రవేత్త దినేష్‌, మండల వ్యవసాయ అధికారి రచన, ఏఈవో రాణి, ఉద్యాన విస్తరణ అధికారి మోయిన్‌ మియా, ఆయిల్‌పామ్‌ కంపెనీ ప్రతినిధులు, ముధోల్‌, తానూర్‌, బాసర మండలాల రైతులు పాల్గొన్నారు.

కుంటాల: జిల్లా కేంద్రంలో ఈనెల 28న పీఎంశ్రీ పాఠశాలల విద్యార్థులకు నమూనా పార్లమెంట్‌ నిర్వహణ పోటీలు నిర్వహించా రు. కుంటాల ఆదర్శ పాఠశాలకు చెందిన తొమ్మిదో తరగతి విద్యార్థిని శిలా వైష్ణవి నమూనా పార్లమెంటు నిర్వహణలో ప్రధాన ప్రతిపక్ష నాయకురాలిగా ప్రతిభ కనబర్చి ఉమ్మడి జిల్లాలో రెండో స్థానంలో నిలిచింది. ఇంగ్లిష్‌ స్పెషల్‌ బీలో 10వ తరగతి విద్యార్థి మేసినేని కార్తికేయ మూడో స్థానంలో నిలిచా డు. ఇద్దరూ రాష్ట్రస్థాయికి ఎంపికయ్యారు. హైదరాబాద్‌లో ఈ నెల 30, 31 తేదీల్లో నిర్వహించే రాష్ట్రస్థాయి పోటీల్లో పాల్గొంటారని గైడ్‌టీచర్‌ నరేశ్‌కుమార్‌ తెలిపారు. విద్యార్థులను ప్రిన్సిపాల్‌ ఎత్రాజ్‌ రాజు, నవీన్‌గౌడ్‌ అభినందించారు. మేసినేని కార్తికేయ

నిర్మల్‌చైన్‌గేట్‌: జిల్లా గ్రామీణాభివద్ధి సంస్థ ఆధ్వర్యంలో ‘మీ సేవ’ ద్వారా స్లాట్‌ బుక్‌ చేసుకుని, మొబైల్‌కు సమాచారం వచ్చిన దివ్యాంగుల కోసం నిర్మల్‌ ప్రభుత్వ ఆస్పత్రిలో నిర్వహించే నవంబర్‌ నెల సందరం శిబిరాల షెడ్యూలను డీఆర్డీవో విజయలక్ష్మి వెల్లడించారు. శిబిరాలకు హాజరయ్యే దివ్యాంగులు ఉదయం 9 గంటలకు నిర్దేశించిన తేదీల్లో హాజరుకావాలని పేర్కొన్నారు. శిబిరాల తేదీలు..ఆర్థోపెడిక్‌, హ్యాండీక్యాప్‌ 3, 6, 10, 17, 27 వినికిడి లోపం 4, 18, 25 దృష్టి లోపం 5, 12, 19, 26 మానసిక అనారోగ్యం 11 మేధోపరమైన వైకల్యం 20 శిబిరాలకు తీసుకెళ్లవలసిన పత్రాలు..

నిర్మల్‌: చెరువులు, కందకాలు, దేవుడి మాన్యాలు, అసైన్డ్‌ ల్యాండ్‌, పోరంబోకు భూములు.. ఇలా దేనినీ వదలకుండా ఖాళీగా కనిపిస్తే చాలు అడ్డదారుల్లో, అధికారం సాయంతో ఆక్రమించేశారు. ఏళ్లుగా అడిగేవారు, ఆపేవారు లేకపోవడంతో యథేచ్ఛగా ఆక్రమణలు సాగించారు. ఇప్పుడు పరిస్థితులు మారుతున్నాయి. స్మార్ట్‌ పరిపాలనవైపు ప్రభుత్వాలు అడుగులు వేయడంతో ఆక్రమణలు వెలుగులోకి వస్తున్నాయి. కలెక్టర్‌ భవేశ్‌మిశ్రా సీరియస్‌గా స్పందించడంతో రెవెన్యూ యంత్రాంగం ప్రభుత్వ భూముల పరిరక్షణపై దృష్టి సారించింది. పలు మండలాల్లో సమగ్ర సర్వే కొనసాగుతుండగా, జిల్లా కేంద్రం, చుట్టుపక్కల నాలుగు గ్రామాల్లో డిజిటల్‌ సర్వే చేపట్టాలని నిర్ణయించారు. దీంతో సర్కారు భూములు, ఆక్రమణలు బయటపడనున్నాయి. రూ.కోట్ల విలువైన భూములు..నిర్మల్‌ జిల్లా కేంద్రంగా మారి విస్తరిస్తుండటం, రియల్‌ ఎస్టేట్‌ కార్యకలాపాలు పెరగడంతో భూమి విలువ లక్షల నుంచి కోట్లకు చేరింది. చిన్న ప్లాట్‌కు కనీసం రూ.10 లక్షలు, పేరున్న ప్రాంతాల్లో రూ.50 లక్షల నుంచి రూ.70 లక్షలు పలుకుతోంది. ఈ నేపథ్యంలో విలువైన ప్రభుత్వ భూములపై అక్రమార్కుల దృష్టి పడింది. హద్దులపై స్పష్టత లేకపోవడం, రికార్డులు, క్షేత్రస్థాయి వ్యత్యాసాలు, ఇరిగేషన్‌ అధికారులకు స్పష్టత లేకపోవడం ఆక్రమణలకు కబ్జాదారులకు కలిసివచ్చింది. ఈ నేపథ్యంలో తాజా సర్వే ఏం తేలుస్తుందో అన్న ఆసక్తి నెలకొంది. హద్దులు తేలితేనే.. సర్వేలో ముందుగా గ్రామ సరిహద్దులు గుర్తిస్తారు. తర్వాత రికార్డుల్లోని భూములు క్షేత్రస్థాయిలో ఏ స్థితిలో ఉన్నాయో పరిశీలిస్తారు. పరిధి, ప్రైవేటు నిర్మాణాలు, చెరువులు, కుంటలు, ఇతర ప్రభుత్వ ఆస్తులపై ఆక్రమణలు ఉన్నాయా అనే అంశాలను డిజిటల్‌ సర్వే తేలుస్తుంది. రికార్డులను క్షేత్రస్థాయి పరిస్థితులతో సరిపోల్చి సరిహద్దులు నిర్ధారిస్తే ఆక్రమణలపై స్పష్టత వస్తుంది. గుర్తించిన తర్వాత చర్యలు ఎలా ఉంటాయన్నది కీలకం. కేవలం సర్వేతో సరిపెట్టకుండా పక్కా చర్యలు చేపట్టాలని పట్టణవాసులు డిమాండ్‌ చేస్తున్నారు. త్వరలో సర్వే.. నిర్మల్‌ అర్బన్‌ పరిధిలోని నాలుగు రెవెన్యూ గ్రామాల్లో డిజిటల్‌ సర్వే నిర్వహించబోతున్నాం. ఇప్పటికే ఇందుకు సంబంధించి రోవర్లను సమకూర్చాం. ఈ సర్వే ఇరిగేషన్‌, ప్రభుత్వ భూ ఆక్రమణల కచ్చితమైన సమాచారాన్ని అందిస్తుంది. తర్వాత కబ్జాదారులపై చర్యలు తీసుకుంటాం. – భవేశ్‌మిశ్రా, కలెక్టర్‌కొరడా ఝళిపించేనా?పట్టాకు ఉన్న కొంత భూమికి పక్కనే ఉన్న ప్రభుత్వ భూమిని కలిపేసుకోవడం, అమ్మడానికి వీలులేని అసైన్డ్‌ భూములను సొంతం చేసుకోవడం, అసైన్డ్‌ ల్యాండ్‌లో ఫంక్షన్‌ హాల్‌ నిర్మించడం, బంధువుల పేర్ల మీద బదలాయించుకోవడం, పునరావాస గ్రామాలకు ఇవ్వాల్సిన డీ–1 పట్టాలతో భూములు రాసుకోవడం వంటి ఉదంతాలు ఎన్నో ఉన్నాయి. అధికారులకు తెలిసినా ఏళ్లుగా నిర్లక్ష్యం చేశారు. ప్రజావాణిలో ఫిర్యాదులు వస్తున్నా సీరియస్‌గా పరిగణించలేదని ఫిర్యాదుదారులు ఆరోపిస్తున్నారు. లెక్క తేలుస్తారా?ఒకట్రెండు రోజుల్లో ప్రారంభమయ్యే డిజిట ల్‌ సర్వేతో ప్రభుత్వ భూములు ఎక్కడెక్కడ ఉన్నాయి, విస్తీర్ణం ఎంత, ఆక్రమణలకు గురయ్యాయా అనే విషయాలను నిగ్గు తేలుతుంది. కబ్జాలకు కేంద్రంగా మారిన నిర్మల్‌ పట్టణం, చుట్టుపక్కల గ్రామాల్లో జరుగుతున్న ఈ సర్వేపై ఆసక్తి నెలకొంది. ఆక్రమిత భూములు, ఆక్రమణదారుల పేర్లు బయటపెట్టాలని స్థానికులు డిమాండ్‌ చేస్తున్నారు. ప్రతీకాత్మక చిత్రం

నిర్మల్‌టౌన్‌: జిల్లా కేంద్రంలో భూ ఆక్రమణలు, చెరువుల శిఖంలో అక్రమ నిర్మాణాలపై ‘సాక్షి’లో ‘టాస్క్‌ ఫోర్స్‌ ఏది..!’ శీర్షికన గురువారం కథనం ప్రచురితమైంది. ఇది మున్సిపల్‌ సర్వసభ్య సమావేశంలో చర్చనీయాంశమైంది. ఆక్రమణల తీరును కళ్లకు కట్టించేలా ఉన్న కథనాన్ని ప్రదర్శిస్తూ ఆక్రమణల విషయాన్ని అధికార కాంగ్రెస్‌ పార్టీ కౌన్సిలర్‌ తాహీదుద్దీన్‌ రవూఫ్‌ చైర్‌పర్సన్‌ అప్పాల కావ్య, వైస్‌ చైర్మన్‌ అప్పాల గణేశ్‌చక్రవర్తి, కమిషనర్‌ రవిబాబు దృష్టికి తీసుకువచ్చారు. కబ్జాలపై చర్యలు చేపట్టాలని డిమాండ్‌ చేశారు.

2025, ఏప్రిల్‌ 10 రాత్రి 11.30 గంటలకు ఎస్‌బీ ఎస్సై నాకు ఫోన్‌ చేశాడు. మామడ మండలం కప్పన్‌పల్లి గ్రామానికి చెందిన రాజుల రాధ, గట్టుమీది లక్ష్మి, కంబాల లింగవ్వ, బత్తుల సరోజ తునికాకు సేకరణకు వెళ్లి తిరిగి రాలేదని చెప్పాడు. సమాచారం అందిన క్షణం అలర్ట్‌ అయ్యాం. ఏప్రిల్‌ 11న వేకువజామునే నేరుగా కప్పన్‌పల్లి వెళ్లాను. మా వాహనాలు వెళ్లే పరిస్థితి లేకపోవడంతో గ్రామస్తుల ట్రాక్టర్లను తెప్పించి వారితోనే కలిసి అడవి లోపలికి వెళ్లా. కొన్నిగంటల తర్వాత నలుగురు మహిళలను క్షేమంగా తీసుకువచ్చాం. ఈ ఘటన ఎప్పటికీ గుర్తుంటుంది. – జానకీషర్మిల, ఎస్పీ

నిర్మల్‌టౌన్‌: పోలీస్‌ అమరవీరుల సంస్మరణ వారోత్సవాల్లో భాగంగా నిర్మల్‌ పట్టణ పోలీ స్‌ స్టేషన్‌లో గురువారం ఓపెన్‌ హౌస్‌ నిర్వహించారు. విన్నర్స్‌ హైస్కూల్‌, దీక్ష జూనియ ర్‌ కళాశాల విద్యార్థులు ఠాణాను సందర్శించారు. వీరికి డీఎస్పీ శ్రీనివాస్‌ పోలీసుల విధులు, నేరాల నియంత్రణ, ప్రజల భద్రతపై వి ద్యార్థులకు అవగాహన కల్పించారు. వివిధ రకాల ఆయుధాలు, బాంబులను గుర్తించే ప రికరాలను తెలియజేశారు. పోలీస్‌ కంట్రోల్‌ రూంలో సీసీటీవీ కెమెరాల ద్వారా నిఘా, డయల్‌ 100 సేవల గురించి విద్యార్థులు తెలుసుకున్నారు. కార్యక్రమంలో పట్టణ సీఐ సమ్మయ్య, ఉపాధ్యాయులు, విద్యార్థులు పాల్గొన్నారు.

ఇంద్రవెల్లి: మండలంలోని ముత్నూర్‌ గ్రామానికి చెందిన ఆదిమూలం సంతోష్‌(45) అప్పులు ఇచ్చిన వారి వేధింపులు భరించలేక బుధవారం తెల్లవారుజామున ఆత్మహత్య చేసుకున్నాడు. కుటుంబ సభ్యులు, ఎస్సై సాయన్న తెలిపిన వివరాల ప్రకారం.. ముత్నూర్‌ గ్రామానికి చెందిన ఆదిమూలం సంతోష్‌ ఆదే గ్రామంలో కటింగ్‌ షాప్‌ నిర్వహిస్తూ కుటుంబాన్ని పోషిస్తున్నాడు. ఇంటి అవసరాలు, షాప్‌ నిర్వహణ కోసం పలు ఫైనాన్స్‌ సంస్థల వద్ద అప్పు చేశాడు. ఇంట్లో ఆర్థిక పరిస్థితి బాగలేకపోవడంతో తీసుకున్న ఫైనాన్స్‌ డబ్బులు చెల్లించలేకపోయాడు. దీంతో ఫైనాన్స్‌ వారు రోజూ ఇంటికి వచ్చి డబ్బులు కట్టాలని వేధించేవారు. ఈ నెల 27న ఫైనాన్స్‌ నిర్వాహకులు ఇంటికి వచ్చి ఇంట్లో ఉన్న భార్య, కుటుంబ సభ్యులతో డబ్బులు కట్టాలని గొడవకు దిగారు. ప్రైవేట్‌ ఫైనాన్స్‌ నిర్వాహకుడు శంకర్‌గూడ గ్రామానికి చెందిన సాయి కూడ డబ్బుల కోసం గొడవ చేశాడు. అప్పుల బాధ భరించలేక క్షణికావేశంలో బుధవారం ఉదయం ఇంటి వెనుక ఉన్న చెట్టుకు ఉరేసుకుని సంతోష్‌ ఆత్మహత్యకు పాల్పడ్డాడు. పోలీసులు ఘటన స్థలానికి చేరుకుని సంతోష్‌ ఆత్మహత్యకు గల కారణాలు తెలుసుకున్నారు. భార్య ఆదిమూలం జయ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

ఆదిలాబాద్‌టౌన్‌: అధిక వడ్డీల పేరుతో రైతులు, సామాన్య ప్రజలను ఇబ్బందులకు గురిచేస్తున్న వ్యాపారులపై జిల్లా పోలీసులు కొరడా ఝులిపించారు. ఎస్పీ అఖిల్‌ మహాజన్‌ ఆదేశాల మేరకు మంగళవారం రాత్రి జిల్లా వ్యాప్తంగా 13 మండలాల్లో 25 పోలీసు బృందాలతో ఏకకాలంలో ఆకస్మిక దాడులు నిర్వహించారు. 18 కేసులు నమోదు చేశారు. వడ్డీ వ్యాపారుల నుంచి ప్రామిసరీ నోట్లు, బ్యాంకు చెక్కులు, రిజిస్టర్లు, ఇళ్ల స్థలాల డాక్యుమెంట్లు స్వాధీనం చేసుకున్నారు. జిల్లాలోని ఆదిలాబాద్‌ వన్‌టౌన్‌, టూటౌన్‌, మావల, రూరల్‌, బోథ్‌, బేల, ఉట్నూర్‌, ఇచ్చోడ, నార్నూర్‌, గుడిహత్నూర్‌, నేరడిగొండ, జైనథ్‌ తదితర ప్రాంతాల్లో ఈ దాడులు నిర్వహించారు. ప్రజల అవసరాలను ఆసరాగా చేసుకొని అధిక వడ్డీలు వసూలు చేస్తూ, ఆర్థికంగా ఇబ్బందులకు గురిచేసే వారిపై కఠిన చర్యలు తీసుకుంటామని ఎస్పీ ఈ సందర్భంగా హెచ్చరించారు. లైసెన్సులు లేకుండా వడ్డీ వ్యాపారం నిర్వహించడం, ప్రజలను ఇబ్బందులకు గురిచేయడం వంటి అక్రమాలకు పాల్పడే వారిని ఉపేక్షించబోమని స్పష్టం చేశారు. ప్రజలు ఇలాంటి వేధింపులకు గురైతే పోలీసులను ఆశ్రయించాలని సూచించారు. పోలీస్‌ స్టేషన్ల వారీగా కేసులు.. ఆదిలాబాద్‌ వన్‌టౌన్‌ పోలీస్‌ స్టేషన్‌ పరిధిలో మూడు, టూ టౌన్‌ పరిధిలో మూడు, మావల పరిధిలో నాలుగు, ఆదిలాబాద్‌ రూరల్‌ పరిధిలో ఒకటి, జైనథ్‌లో ఒకటి, బేలలో ఒకటి, బోథ్‌లో ఒకటి, ఉట్నూర్‌లో రెండు, గుడిహత్నూర్‌లో ఒకటి, నార్నూర్‌లో ఒకటి, నేరడిగొండలో ఒకటి చొప్పున కేసులు నమోదైనట్లు వివరించారు. ఈ కేసుల్లో తెలంగాణ ఏరియా మనీ లెండర్స్‌ యాక్ట్‌ ప్రకారం చర్యలు చేపట్టినట్లు తెలిపారు. కేసులు నమోదైన వారి వివరాలు.. ఆదిలాబాద్‌ వన్‌టౌన్‌ పరిధిలో ఎస్‌కే సాజిద్‌, ఎ ర్రోజు కేశవ్‌, ఓరగంటి రఘు, ఆదిలాబాద్‌ టూటౌన్‌లో తౌఫిక్‌ అహ్మద్‌, షేక్‌ అక్బర్‌, మావల పరిధిలో దుర్గా శేఖర్‌ రెడ్డి, దాసరి నరోత్తం, చిట్టి రాజేశ్వర్‌, షేక్‌ ఆసిఫ్‌, ఆదిలాబాద్‌ రూరల్‌లో అజయ్‌ కుమార్‌ గాడ్సే, జైనథ్‌లో ఆత్మకూరు అమరేందర్‌, బేలలో కార్తీక్‌, బోథ్‌లో రమేశ్‌, ఉట్నూర్‌లో సాయి రెడ్డి, ఇప్ప సంతోష్‌, నేరడిగొండలో కలాలి వెంకటరమణ, నార్నూర్‌లో అరే అశ్విని, గుడిహత్నూర్‌లో కేంద్రీ రాహుల్‌లపై కేసులు నమోదయ్యాయి.

లక్ష్మణచాంద: సోన్‌ మండలం న్యూ వెల్మల్‌ బొప్పారం ప్రభుత్వ ఉన్నత పాఠశాల 9వ తరగతి విద్యార్థి గుగ్లావత్‌ చరిత జాతీయ స్థాయి కథల పోటీల్లో ప్రతిభ చాటింది. చిల్డ్రన్స్‌ ఎడ్యుకేషనల్‌ అకాడమీ హైదరాబాద్‌ బాల చెలిమి మాస పత్రిక బాలల దినోత్సవాన్ని పురస్కరించుకుని ఇటీవల హైదరాబాద్‌లో నిర్వహించిన జాతీయ స్థాయి కథల పోటీల్లో ఎనిమిదవ స్థానాన్ని సాధించింది. చరిత, గైడ్‌ టీచర్‌ కొండూరు పోతన్నను బుధవారం ప్రధానోపాధ్యాయుడు విద్యాసాగర్‌, న్యూ వెల్మల్‌ సర్పంచ్‌ రాచకొండ సాగర్‌, బొప్పారం సర్పంచ్‌ దేశెట్టి నరేష్‌ అభినందించారు.

రామకృష్ణాపూర్‌: చరిత్రకు సాక్ష్యాలుగా నిలిచే శి ల్పసంపద.. ఆధ్యాత్మికతను చాటిచెప్పే ఆలయాలు.. నాటి పాలకుల నిర్మాణ వైభవాన్ని గుర్తుచేసే కోటగోడలు.. కొండల నడుమ కనువిందు చేసే ప్రకృతి అందాలు.. ఇలా ఎన్నో ప్రత్యేకతలకు నిలయమైన గాంధారి ఖిల్లా పర్యాటక ప్రాంతంగా అభివృద్ధికి నోచుకోవడం లేదు. మంచిర్యాల జిల్లా మందమర్రి మండలం బొక్కలగుట్ట శివారులో ఉన్న ఈ చారిత్రక ప్రాంతం తగిన గుర్తింపు, అభివృద్ధి కోసం ఎదురుచూస్తోంది. గతంలోనే పర్యాటక ప్రాంతంగా తీర్చిదిద్దాలనే ప్రతిపాదనలు తెరపైకి వచ్చినప్పటికీ, అవి కార్యరూపం దాల్చలేదు. ఇటీవల పెద్దపల్లి ఎంపీ గడ్డం వంశీకృష్ణ రామగిరి ఖిల్లాకు రోప్‌వే సదుపాయం కల్పించే దిశగా కృషి చేస్తున్న నేపథ్యంలో.. అదే తరహాలో గాంధారి ఖిల్లా అభివృద్ధిపైనా దృష్టి సారించాలని స్థానికులు కోరుతున్నారు. అడుగడుగునా చరిత్ర ఆనవాళ్లు.. గాంధారి ఖిల్లా ప్రాంతంలో జైన, బౌద్ధ సంప్రదాయాలతో పాటు కాకతీయులు, రెడ్డి రాజుల కాలానికి చెందినవిగా భావించే చారిత్రక ఆనవాళ్లు ఉన్నాయి. ఖిల్లాపై ఉన్న శిల్పాలు, శిలాశాసనాలు, ఆలయ నిర్మాణాలు ఈ ప్రాంత ప్రాచీన చరిత్రపై ఆసక్తిని రేకెత్తిస్తున్నాయి. ఖిల్లాకు చేరుకోవాలంటే గాంధారివనం నుంచి బొక్కలగుట్ట మీదుగా వెళ్లాల్సి ఉంటుంది. ఖిల్లా ప్రవేశ ద్వారం నుంచి కొండపైకి వెళ్తున్నా కొద్దీ కనిపించే పురాతన నిర్మాణాలు సందర్శకులను ఆకట్టుకుంటాయి. కాలభైరవుడి విగ్రహం, గాంధారి మైసమ్మ ఆలయంతో పాటు అష్టబైరవుల విగ్రహాలు, ఏడు తలల ఆదిశేషుడి శిల్పం, వీరాంజనేయ స్వామి విగ్రహం, శివాలయం, విష్ణుమూర్తి ఆలయ ఆనవాళ్లు ఈ ప్రాంత ప్రత్యేకతను చాటుతున్నాయి. గౌతమబుద్ధుడి ధ్యానమండపంగా భావించే నిర్మాణ ఆనవాళ్లు, రెడ్డి రాజుల కాలానికి చెందినదిగా పేర్కొనే శిలాశాసనం ఈ ప్రాంత చరిత్రను మరింత అధ్యయనం చేయాల్సిన అవసరాన్ని సూచిస్తున్నాయి. నాటి నిర్మాణ నైపుణ్యానికి నిదర్శనాలు.. తాగునీటి అవసరాల కోసం ఖిల్లాపై భాగంలో నిర్మించిన కోనేరు, పలు బావులు, పెద్ద బావి ఇప్పటికీ ఈ ప్రాంతంలో కనిపిస్తుండటం విశేషం. గుర్రాలు, ఏనుగుల అవసరాల కోసం ఉపయోగించేవిగా స్థానికులు చెబుతున్న రాతితొట్లు కూడా ఇక్కడ ఉన్నాయి. ఖిల్లాకు ఆనుకుని ఉన్న మెడి చెరువు, నీటి నిల్వకు అనుసంధానించినట్లు చెబుతున్న రాతి నిర్మాణాలు, కొండను తొలచి ఏర్పాటు చేసినట్లు చెప్పే సొరంగ మార్గం నాటి నిర్మాణ నైపుణ్యంపై ఆసక్తిని కలిగిస్తున్నాయి. జీడికోట.. ధ్యానానికి ప్రకృతి ఒడి..గాంధారి ఖిల్లా కొండల మధ్య ఉన్న జీడికోట ప్రాంతం ప్రకృతి ప్రేమికులకు, ఆధ్యాత్మిక సాధకులకు అనువైన ప్రదేశంగా నిలుస్తోంది. ప్రశాంతమైన వాతావరణం, స్వచ్ఛమైన గాలి, చెట్లతో కూడిన ప్రకృతి పరిసరాలు ఈ ప్రాంతానికి ప్రత్యేక ఆకర్షణ. గతంలో ఇక్కడ పంటలు పండించేవారని స్థానికులు చెబుతున్నారు. ఈ ప్రాంతాన్ని పర్యావరణ పరిరక్షణకు ప్రాధాన్యమిస్తూ ధ్యాన కేంద్రంగా అభివృద్ధి చేయాలని సూచిస్తున్నారు. గాంధారి ఖిల్లా ప్రాధాన్యాన్ని గుర్తించిన అటవీశాఖ అధికారులు ఇప్పటికే ఈ ప్రాంతంలో జంగిల్‌ సఫారీ, మారథాన్‌ వంటి కార్యక్రమాలు నిర్వహించారు. మరోవైపు ప్రతీ ఆదివారం ట్రెక్కింగ్‌ చేపడుతున్నారు. ఈ ప్రాంతాన్ని పర్యాటక ప్రాంతంగా తీర్చిదిద్దేందుకు రాష్ట్ర కార్మిక శాఖ మంత్రి వివేక్‌ వెంకటస్వామి, పెద్దపల్లి ఎంపీ గడ్డం వంశీకృష్ణ చొరవ చూపాలని స్థానికులు విజ్ఞప్తి చేస్తున్నారు.అభివృద్ధికి కృషి.. గాంధారి ఖిల్లాను పర్యాటక కేంద్రంగా అభివృద్ధి చేసేందుకు తప్పక కృషి చేస్తా. ఖిల్లా అభివృద్ధికి సంబంధించి ఇప్పటికే లేఖ కూడా రాశాను. త్వరలో గాంధారి ఖిల్లాను సందర్శించి చారిత్రక ప్రాధాన్యం, పర్యాటక అభివృద్ధికి ఉన్న అవకాశాలను పరిశీలిస్తా. రామగిరి ఖిల్లా తరహాలో గాంధారి ఖిల్లాకు కూడా గుర్తింపు తీసుకువచ్చి, పర్యాటక కేంద్రంగా తీర్చిదిద్దేందుకు సంబంధిత శాఖల అధికారులతో మాట్లాడుతా. – గడ్డం వంశీ కృష్ణ, ఎంపీ, పెద్దపల్లి

ఇంటర్‌ విద్యార్థిని.. తలమడుగు: తండ్రి మందలించాడని కుమార్తె ఆత్మహత్య చేసుకున్న సంఘటన మండలంలో చోటుచేసుకుంది. పోలీ సులు తెలిపిన ప్రకారం మండలంలోని అర్లీ గ్రామానికి చెందిన కొండ్ర దీపిక (16) ఆదిలాబాద్‌లోని బంగారుగూడ మహాత్మ జ్యోతిబాపూలే కళాశాలలో ఇంటర్‌ రెండో సంవత్సరం చదువుతుంది. ఇటీవల దసరా సెలవుల కో సం ఇంటికి వచ్చింది. పని విషయంలో తండ్రి సతీ శ్‌ మందలించడంతో మంగళవారం రాత్రి ఇంట్లోనే దూలానికి ఉరేసుకొని ఆత్మహత్య చేసుకుంది. తల్లి రజిత ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్సై రాధిక తెలిపారు.

భైంసా: ప్రభుత్వం కరువు మండలాల జాబితా వి డుదల చేయడంతో వర్షాభావ పరిస్థితుల్లో ఇబ్బందులు ఎదుర్కొంటున్న రైతుల్లో ఆశలు చిగురిస్తున్నాయి. ప్రభుత్వ సాయం అందితే కొద్దిపాటి ఉపశమనమైనా లభిస్తుందని భావిస్తున్నారు. ఇప్పటికే వ ర్షాభావంతో పంటలు, దిగుబడులపై ప్రభావం పడగా.. పెట్టుబడి కూడా వచ్చే పరిస్థితి లేక రైతులు ఆవేదన వ్యక్తం చేస్తున్నారు. ఈ నేపథ్యంలో ప్రభుత్వం ప్రకటించిన సహాయక చర్యలు ఎంతవరకు ప్రయోజనం చేస్తాయోనని ఎదురుచూస్తున్నారు. జిల్లాలో వర్షపాతం ఇలా.. జిల్లాలోని తొమ్మిది మండలాలను ప్రభుత్వం కరు వు ప్రభావిత ప్రాంతాలుగా గుర్తించింది. ఖానాపూర్‌ను తీవ్ర కరువు ప్రభావిత మండలంగా, కుభీర్‌, భైంసా, కుంటాల, నిర్మల్‌ అర్బన్‌, సోన్‌, లక్ష్మణ చాంద, కడెం పెద్దూర్‌, దస్తూరాబాద్‌ మండలాలను మోస్తరు కరువు ప్రభావిత ప్రాంతాలుగా ప్రకటించింది. జూన్‌ 1నుంచి అక్టోబర్‌ 19వరకు నమోదైన వర్షపాత గణాంకాలను పరిశీలిస్తే కుభీర్‌ మండలంలో అత్యధికంగా 49శాతం లోటు నమోదైంది. సాధారణంగా 975.7 మి.మీ. వర్షపాతం న మోదు కావాల్సి ఉండగా.. 495.5 మి.మీ. మాత్రమే కురిసింది. తానూర్‌లో సాధారణ వర్షపాతం 950.1 మి.మీ. కాగా.. 537.6 మి.మీ. వర్షం మాత్రమే నమోదై 42శాతం లోటు ఏర్పడింది. బాసరలో 37శాతం, కుంటాలలో 34, సారంగపూర్‌లో 32, ముధోల్‌లో 31, భైంసాలో 30శాతం వర్షపాతం లోటు నమోదైనట్లు గణాంకాలు వెల్లడిస్తున్నాయి. కుభీర్‌, తానూర్‌ను గుర్తించాలని.. వర్షపాతం లోటు అధికంగా ఉన్న కుభీర్‌, తానూర్‌ మండలాల్లో కరువు పరిస్థితులను క్షేత్రస్థాయిలో అ ధికారులు సమగ్రంగా పరిశీలించాలని రైతులు కో రుతున్నారు. వర్షపాతం గణాంకాలతోపాటు పంట ల ప్రస్తుత పరిస్థితి, భూముల్లో తేమశాతం, దిగుబ డులపై ప్రభావం, సాగు ఖర్చులు తదితర అంశాల ను పరిగణనలోకి తీసుకోవాలని సూచిస్తున్నారు. వాస్తవ పరిస్థితులకు అనుగుణంగా ఈ మండలాల ను తీవ్ర కరువు ప్రభావిత ప్రాంతాలుగా గుర్తిస్తే మ రింత ప్రయోజనముంటుందని భావిస్తున్నారు.అన్నదాతల్లో చిగురిస్తున్న ఆశలు కరువు ప్రభావిత మండలాల్లో అర్హులైన రైతులకు పంట పెట్టుబడి రాయితీతో పాటు తాగునీటి సరఫరా, పశువుల మేత లాంటి ఉపశమన చర్యలు చేపట్టాలని ప్రభుత్వం ఆదేశించింది. అయితే, ఈ చర్యలు క్షేత్రస్థాయిలో ఎంతవరకు అమలవుతాయన్నది కీలకంగా మారింది. పంట నష్టాలను సమగ్రంగా అంచనా వేసి, ప్రభుత్వ మార్గదర్శకాలకు అనుగుణంగా అర్హులకు సకాలంలో ఆర్థికసాయం అందించాలని రైతులు కోరుతున్నారు. పశువులకు మేత కొరత ఏర్పడకుండా చర్యలు చేపట్టాలని, గ్రామాల్లో తాగునీటి సమస్య తలెత్తకుండా ముందస్తు ఏర్పాట్లు చేయాలని కోరుతున్నారు.

నిర్మల్‌టౌన్‌: నవంబర్‌ 3న నిర్మల్‌లో బీజేపీ ఆ ధ్వర్యంలో మహా పాదయాత్ర నిర్వహించనుండగా బీజేపీ శాసనసభాపక్ష నేత, నిర్మల్‌ ఎమ్మె ల్యే ఏలేటి మహేశ్వర్‌రెడ్డి బుధవారం ఏర్పాట్లు పరిశీలించారు. పార్టీ జాతీయ ప్రధాన కార్యదర్శి సునీల్‌ బన్సల్‌ ముఖ్య అతిథిగా పాదయాత్రకు హాజరు కానున్నట్లు ఆయన తెలిపారు. హెలిప్యాడ్‌ ఏర్పాటు కోసం స్థలాన్ని పరిశీలించి కార్యక్రమాన్ని విజయవంతం చేసేందుకు పార్టీ నాయకులకు సూచనలు చేశారు. ఆయన వెంట నాయకులు జమాల్‌, సాదం అరవింద్‌, స త్యం చంద్రకాంత్‌, గంజి రాజు, శ్రీరామోజి న రేశ్‌, జింక సురేందర్‌, ఈశ్వర్‌, కూన శశాంక్‌, బి ట్లింగ్‌ నవీన్‌, నరేందర్‌, కందుల హరీశ్‌, భరత్‌, స్వాప్నిక్‌, నేరేళ్ల సాయి తదితరులున్నారు.

ఉట్నూర్‌రూరల్‌: పాఠశాలల్లో విద్యార్థులకు మెరుగైన విద్య అందించడంతో పాటు విద్యా ప్రమాణా లను పెంపొందించేందుకు ఉపాధ్యాయులు ప్రత్యేక శ్రద్ధ తీసుకోవాలని ఐటీడీఏ పీవో మంద మకరందు సూచించారు. బుధవారం ఉట్నూర్‌లోని కు ము రం భీం కాంప్లెక్స్‌లో ఉన్న పీఎంఆర్‌సీ భవనంలో ప్రధానోపాధ్యాయులతో ఆయన సమీక్ష సమావేశం నిర్వహించారు. ఈ సందర్భంగా పాఠశాలల్లో వి ద్యార్థులకు అందుతున్న సదుపాయాలు, విద్యార్థుల హాజరు, సంక్షేమ పథకాలు, పదో తరగతి పరీ క్షల సన్నద్ధత తదితర కీలక అంశాలపై సమీక్షించా రు. ఆయన మాట్లాడుతూ డైట్‌ బిల్లులు, ప్రీ మె ట్రిక్‌, పోస్ట్‌ మెట్రిక్‌ ఉపకార వేతనాలు, యూనిఫాంల పంపిణీ, మౌలిక సదుపాయాలు సక్రమంగా అందేలా అధికారులు, ప్రధానోపాధ్యాయులు సమన్వయంతో పనిచేయాలన్నారు. ఇన్‌స్పెక్షన్‌ యాప్‌, విద్యా వీక్షణ కార్యక్రమం, యూడైస్‌ పోర్టల్‌ ద్వారా విద్యార్థుల పురోగతిని పర్యవేక్షించాలన్నారు. నవంబర్‌ 1 నుంచి 15 వరకు కార్యక్రమాలపై అవగాహ న కల్పించడంతో పాటు, నవంబర్‌ 5లోగా విభాగ స్థాయి క్రీడా పోటీలను పూర్తి చేయాలన్నారు. వీసీలో పాల్గొన్న పీవో.. గ్రామీణాభివృద్ధి, పంచాయతీరాజ్‌ శాఖలకు సంబంధించిన వివిధ అభివృద్ధి అంశాలపై సమీక్షించేందుకు పంచాయతీరాజ్‌, గ్రామీణాభివృద్ధి శాఖ మంత్రి అధ్యక్షతన, ఆ శాఖ ప్రత్యేక ప్రధాన కార్యదర్శి, గ్రామీణాభివృద్ధి కమిషనర్‌ సమక్షంలో వీడియో కాన్ఫరెన్స్‌ నిర్వహించగా ఉట్నూర్‌ ఐటీడీఏ పీవో మంద మకరందు తమ కార్యాలయాల నుంచి వీసీలో పాల్గొన్నారు. సంబంధిత అధికారులందరూ సమన్వయంతో ప్రభుత్వ లక్ష్యాలను సాధించే దిశగా తగిన చర్యలు తీసుకోవాలని ఈ సందర్భంగా అధికారులు ఆదేశించినట్లు పీవో తెలిపారు. ఉత్సవ పోస్టర్‌ ఆవిష్కరణఉట్నూర్‌రూరల్‌: గొండ్వానా భూభాగంలో అత్యంత పవిత్రమైన ఎత్మసార్‌ ఉత్సవాలు, గుస్సాడి –పద్మల్‌పూరి కాకో దేవత పోస్టర్‌ను ఐటీడీఏ కార్యాలయంలో పీవో మంద మకరందు ఆవిష్కరించారు. నిర్వాహకులు మాట్లాడుతూ.. నవంబర్‌ 5న పద్మల్‌పూరి కాకో దేవస్థానంలో ప్రత్యేక దర్బార్‌ నిర్వహించనున్నట్లు తెలిపారు. నవంబర్‌ 1 నుంచి 12 వరకు ఘనంగా గుస్సాడి –దండారి ఉత్సవాలు జరగనున్నాయన్నారు. ఈ పవిత్ర వేడుకలకు ప్రజలు, నాయకులు పెద్ద సంఖ్యలో భారీ ఎత్తున హాజరు కావాలని వారు కోరారు. పద్మపూరి కాకో వైస్‌ చైర్మన్‌ కుమ్ర లింగారావు, రాజ్‌ గోండు సేవా సమితి రాష్ట్ర ప్రధాన కార్యదర్శి మంగం విషంరావు, రాష్ట్ర నాయకులు తొడాసం భీంరావు, నిర్మల్‌ జిల్లా అధ్యక్షులు ఆత్రం రాజేశ్వర్‌, రాజ్‌ విద్యార్థి సంఘం నిర్మల్‌ జిల్లా అధ్యక్షులు ఆత్రం భగవంత్‌ రావు, పెందోర్‌ శ్రీనివాస్‌, ఆదివాసీ సేన మండల అధ్యక్షులు ఆత్రం జలపాత్‌ పటేల్‌ తదితరులు పాల్గొన్నారు.

చరిత్రకు సాక్ష్యం ‘గాంధారి’ ఎన్నో ప్రత్యేకతలున్నా గాంధారి ఖిల్లా పర్యాటక ప్రాంతంగా అభివృద్ధికి నోచుకోవడంలేదు. గతంలోనే ప్రతిపాదనలు తెరపైకి వచ్చినా ఇప్పటివరకుకార్యరూపం దాల్చలేదు. కోట ముందా.. పట్టా ముందా..! చుట్టూ ఎత్తైన రాతికట్టడంతో అద్భుతంగా 450 ఏళ్ల క్రితం నిర్మించిన ఈ కోట.. శ్యాంగఢ్‌. ఘనమైన గతచరిత్రకు రాచరికపు ఆనవాలు అన్నట్లు ఉంటుంది. ఐదేళ్లక్రితం అప్పటి కలెక్టర్‌ దీన్ని పర్యాటకంగా అభివృద్ధి చేద్దామనుకున్నా కోటలోపలి భూమికీ పట్టా ఉన్నట్లు తేలగా విస్మయం వ్యక్తంచేశారు. ఇప్పుడు చుట్టూ ఉన్న పోరంబోకు భూములకూ ఎసరు పెడుతున్నారు. రెవెన్యూ వ్యవస్థలు చూసీచూడనట్లు వ్యవహరిస్తుండగా సర్కారు జాగాల్లో రాళ్లు వేస్తూ, మట్టి పోస్తూ.. పాగా వేస్తున్నారు.

ఆదిలాబాద్‌టౌన్‌: ఆదిలాబాద్‌ పట్టణంలోని క్రాంతినగర్‌కు చెందిన మోహన్‌ అనే యువకుడు అదృశ్యమైనట్లు టూటౌన్‌ ఎస్సై అఖిల్‌ తెలిపారు. ఈనెల 23న పెయింటింగ్‌ పనుల కోసం నిజామాబాద్‌ వెళ్తున్నానని ఇంట్లో చె ప్పి వెళ్లాడు. 25న ఆయనకు ఫోన్‌ చేస్తే కలవ డం లేదని, స్విచ్‌ ఆఫ్‌ వస్తుందని కుటుంబీకులు తెలిపారు. వారి ఫిర్యాదు మేరకు బుధవారం కేసు నమోదు చేసినట్లు పేర్కొన్నారు. పాముకాటుతో మహిళ మృతిఖానాపూర్‌: పాముకాటుతో మహిళ మృతి చెందిన ఘటన పెంబి పోలీస్‌స్టేషన్‌ పరిధిలోని బావాపూర్‌(ఆర్‌) తండాలో చోటుచేసుకుంది. ఎస్సై హనుమాన్లు తెలిపిన వివరాల ప్రకారం.. గుగ్లావత్‌ లక్ష్మి (65) మంగళవారం పంట పొలంలో పనికి వెళ్లగా పింజర కాటేసింది. కుటుంబ సభ్యులు ప్రథమ చికిత్స అందించాంచి రాత్రి వరకు వేచి చూశారు. ఉదయం పరిస్థితి విషమించడంతో నిర్మల్‌ ఆసుపత్రికి తరలించగా అప్పటికే మృతి చెందినట్లు వైద్యులు నిర్ధారించారు. మృతురాలికి భర్త రాము, కుమారుడు, కుమార్తె ఉన్నారు. కుమారుడు సుభాష్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

నిర్మల్‌టౌన్‌: యువత మత్తు పదార్థాలకు దూరంగా ఉండాలని అదనపు కలెక్టర్‌ రాథోడ్‌ రమేశ్‌ సూచించారు. నషాముక్త్‌ భారత్‌ అభియాన్‌లో భాగంగా ఇండియన్‌రెడ్‌క్రాస్‌ సొసైటీ జిల్లా శాఖ ఆధ్వర్యంలో బుధవారం జిల్లా కేంద్రంలోని శివాజీ చౌక్‌ నుంచి అంబేడ్కర్‌ చౌక్‌ వరకు అవగాహన ర్యాలీ నిర్వహించారు. విద్యార్థులు, వివిధ శాఖల అధికారులు పాల్గొని మత్తు పదార్థాల వినియోగానికి వ్యతిరేకంగా నినాదాలు చేశారు. ఈ సందర్భంగా అదనపు కలెక్టర్‌ మాట్లాడుతూ.. యువత మద్యం, గుట్కా, సిగరెట్లకు దూరంగా ఉండాలని, తల్లిదండ్రులు, గురువుల సూచనలు పాటిస్తూ ఆరోగ్యకరమైన జీవనాన్ని అలవర్చుకోవాలని సూచించారు. డీఎంహెచ్‌వో రాజేందర్‌, రెడ్‌క్రాస్‌ సొసైటీ జిల్లా చైర్మన్‌ జనార్దన్‌, వైస్‌ చైర్మన్‌ ఎంసీ లింగన్న, కోశాధికారి అల్లాడి రవి, రాష్ట్ర డైరెక్టర్‌ రాఘవులు, జిల్లా డైరెక్టర్లు షేక్‌ ముజాహిద్‌, నాగభూషణం, అయ్యన్నగారి భూమయ్య, సాయన్న, విద్యార్థులు పాల్గొన్నారు.

భైంసాటౌన్‌: జనాభా, భవిష్యత్‌ అవసరాలకు అనుగుణంగా మాస్టర్‌ప్లాన్‌ రూపొందిస్తున్నట్లు కలెక్టర్‌ భవేశ్‌ మిశ్రా పేర్కొన్నారు. పట్టణంలో ని మున్సిపల్‌ కార్యాలయంలో బుధవారం మాస్టర్‌ ప్లాన్‌ అమలుపై రెండో కన్సల్టేటివ్‌ వ ర్క్‌షాప్‌ నిర్వహించి మాట్లాడారు. మాస్టర్‌ప్లా న్‌ ముసాయిదాపై సందేహాలు, అభ్యంతరా లుంటే అధికారులకు తెలుపాలని సూచించా రు. ఎమ్మెల్యే రామారావు పటేల్‌ మాట్లాడు తూ.. మాస్టర్‌ ప్లాన్‌ అందరికీ ఆమోదయోగ్యంగా ఉండేలా రూపొందించాలని సూచించారు. అంతకుముందు డీటీసీపీ ఏడీ అశ్విని ముసాయిదా మాస్టర్‌ప్లాన్‌పై పవర్‌పాయింట్‌ ప్రజెంటేషన్‌ ద్వారా వివరించి సందేహాలను నివృత్తి చేశారు. సబ్‌కలెక్టర్‌ అజ్మీర సంకేత్‌కుమార్‌, బ ల్దియా చైర్మన్‌ దత్తాత్రి, వైస్‌ చైర్మన్‌ కుతిజా సిద్ది కీ, ఏఎస్పీ సాయికిరణ్‌, కమిషనర్‌ సంతో ష్‌కుమార్‌, ప్రజాప్రతినిధులు, అధికారులున్నారు. ఎస్‌ఐఆర్‌పై పార్టీల నేతలతో సమావేశం నిర్మల్‌ రూరల్‌: కలెక్టరేట్‌ సమావేశ మందిరంలో ఎస్‌ఐఆర్‌పై వివిధ రాజకీయ పార్టీల ప్రతి నిధులతో కలెక్టర్‌ భవేశ్‌ మిశ్రా సమావేశమై మాట్లాడారు. ఫామ్‌–6, 8 దరఖాస్తుల స్వీకరణ, పరిష్కారం, తిరస్కరణకు గల ప్రధాన కా రణాలు వివరించారు. అదనపు కలెక్టర్లు వెంక ట మాధవరావు, రాథోడ్‌ రమేశ్‌, భైంసా సబ్‌ క లెక్టర్‌ అజ్మీరా సంకేత్‌కుమార్‌, ఉట్నూర్‌ సబ్‌ క లెక్టర్‌ ప్రణయ్‌కుమార్‌, ఆర్డీవో దేవీదాస్‌, డి ప్యూటీ కలెక్టర్‌ రాకేశ్‌ తదితరులు పాల్గొన్నారు. పీఎం రాహత్‌ అమలుపై సమీక్ష కలెక్టరేట్‌ సమావేశ మందిరంలో పీఎం రాహత్‌ పథకం అమలుపై కలెక్టర్‌ సమీక్ష నిర్వహించా రు. రోడ్డు ప్రమాద బాధితులకు సకాలంలో వై ద్యసేవలందేలా అధికారులు సమన్వయంతో పనిచేయాలని సూచించారు. అధికారులు తిరుపతి, అసీఫ్‌, రజినీకాంత్‌ తదితరులున్నారు.

నిర్మల్‌టౌన్‌: విద్యార్థులు కళా నైపుణ్యాలు, ప్రజా స్వామ్య విలువలు పెంచుకోవాలని, ఆంగ్ల భాషపై పట్టు సాధించాలని జిల్లా విద్యాధికారి భోజన్న సూ చించారు. జిల్లా కేంద్రంలోని ఎన్టీఆర్‌ మినీ స్టేడియంలో బుధవారం జిల్లా స్థాయి పీఎంశ్రీ మాక్‌ పా ర్లమెంట్‌, స్పెల్‌ బీ, ఆర్ట్స్‌ అండ్‌ కల్చర్‌ పోటీలు ని ర్వహించారు. ఈ సందర్భంగా ఆయన మాట్లాడు తూ.. మాక్‌ పార్లమెంట్‌ ద్వారా ప్రజాస్వామ్య వ్యవస్థపై అవగాహన, స్పెల్‌ బీ ద్వారా ఆంగ్ల భాషా పరి జ్ఞానం, కళా పోటీల ద్వారా సృజనాత్మక నైపుణ్యాలు అభివృద్ధి చెందుతాయని పేర్కొన్నారు. అనంతరం వివిధ విభాగాల్లో విజేతలుగా నిలిచిన విద్యార్థులకు ప్రశంసాపత్రాలు, జ్ఞాపికలు అందజేసి స త్కరించారు. కార్యక్రమంలో కోఆర్డినేటర్‌ నర్స య్య, రామ్‌నరేశ్‌, సాయికిరణ్‌, రాఘవేంద్ర, కిశోర్‌, భూషణ్‌, వేణుగోపాల్‌, రతన్‌, రాజేశ్వర్‌, రవీందర్‌, సంజయ్‌, గోదావరి, సౌజన్య, శ్రీజ, రవికిరణ్‌, నాగరాజు తదితరులు పాల్గొన్నారు. పోటీల విజేతల వీరే.. మాక్‌ పార్లమెంట్‌లో ఆర్‌.వైష్ణవి (టీజీఎస్‌డబ్ల్యూఆర్‌ఎస్‌ నచ్చనిల్లాపూర్‌, కడెం), వైష్ణవి (టీజీఎంఎస్‌ కుంటాల), ఖుషి (జెడ్పీహెచ్‌ఎస్‌ మస్కాపూర్‌) ప్రథమ, ద్వితీయ, తృతీయ బహుమతులు అందుకున్నారు. స్పెల్‌ బీలో తరుణశ్రీ (టీజీ ఎస్‌డబ్ల్యూఆర్‌ఈఐ లెఫ్ట్‌ పోచంపాడు), జి.నైతిక (టీజీఎస్‌డబ్ల్యూఆర్‌ఈ ముధోల్‌), కార్తికేయ (టీజీఎంఎస్‌ కుంటాల), ఆర్ట్స్‌ అండ్‌ కల్చర్‌ విభాగం జానపద గీతా లాపనలో జె.సాహితి (కేజీబీవీ దస్తురాబాద్‌), దిశ (హెచ్‌ఎస్‌ గర్ల్స్‌ నిర్మల్‌), కె.అక్షర (టీజీఎస్‌డబ్ల్యూఆర్‌ఎస్‌ జామ్‌), జానపద నృత్యంలో జి.అమూల్య (కేజీబీవీ దస్తురాబాద్‌), జె.చిన్మయి (జీఎస్‌డబ్ల్యూఆర్‌ఎస్‌ జామ్‌), టి.లక్ష్మి (టీజీఎస్‌డబ్ల్యూఆర్‌ఎస్‌ లెఫ్ట్‌ పోచంపాడు), పెయింటింగ్‌లో సీహెచ్‌.వర్షిణి (ఎల్లాపూర్‌), జె.నందిని (కేజీబీవీ కుభీర్‌), పి.చందన (జెడ్పీహెచ్‌ఎస్‌ లక్ష్మణచాంద), క్రాఫ్ట్‌లో ఈ.దీప (కేజీబీవీ కుభీర్‌), వి.మహిక (జెడ్పీహెచ్‌ఎస్‌ లక్ష్మణచాంద), ఎస్కే.రియాన్‌ (జెడ్పీహెచ్‌ఎస్‌ దిలావర్‌పూర్‌) ప్రథమ, ద్వితీయ, తృతీయ స్థానాల్లో నిలిచిన బహుమతులు గెలుచుకున్నారు.

కడెం: సదర్మాట్‌ చివరి ఆయకట్టు పంటలకు సాగు నీరందక ఎండిపోతున్న నేపథ్యంలో బు ధవారం ఇరిగేషన్‌ ఎస్‌ఈ రాజేంద్రప్రసాద్‌ మండలంలోని కొత్త మద్దిపడగ గ్రామంలో పంటలు, కాలువను పరిశీలించారు. గ్రామ సమీ పంలోని కాలువపై గల కల్వర్టు స్లాబ్‌ దెబ్బతిందని రైతులు తెలుపగా, త్వరలోనే మరమ్మతులు చేయిస్తామని ఎస్‌ఈ పేర్కొన్నారు. ఉన్నతాధికారుల ఆదేశాల మేరకు ఇరిగేషన్‌ అధికారులు సాయంత్రం వరకు మద్దిపడగ, పెద్దూర్‌తండా వద్దకు కాలువ నీరు వచ్చేదాకా అక్కడే ఉండి పర్యవేక్షించారు. సర్పంచ్‌ జడ లావణ్యకృష్ణ, ఈఈ ప్రవీణ్‌, రైతులున్నారు.

ఖానాపూర్‌: బీఎల్వోలుగా విధులు నిర్వహిస్తున్న తమ సమస్యలు పరిష్కరించాలని తెలంగాణ అంగన్‌వాడీ వర్కర్స్‌ అండ్‌ హెల్పర్స్‌ అసోసియేషన్‌ జిల్లా అధ్యక్షురాలు గుడిసె సంపూర్ణ విజ్ఞప్తి చేశారు. బుధవారం జిల్లా కేంద్రంలోని కలెక్టరేట్‌లో అదనపు కలెక్టర్‌ వెంకటమాధవరావును కలిసి వినతిపత్రం అందజేశారు. ఈ సందర్భంగా ఆమె మాట్లాడుతూ.. బీఎల్వోలకు నెలకు రూ.వెయ్యి మాత్రమే చెల్లిస్తున్నారని, పనికి తగిన పారితోషికం ఇవ్వాలని కోరా రు. ట్యాబ్‌లు పనిచేయడంలేదని, సెలవులు దొరకడం లేదని తెలిపారు. సమస్యలు పరిష్కరించాలని కోరారు. వినతిపత్రం ఇచ్చినవారి లో అసోసియేషన్‌ నాయకులు వరలక్ష్మి, చందూరాణి, విజయ, లీలారాణి, మంగ, సుకన్య, మమత, వనిత, అనుపమ, గాయత్రి ఉన్నారు.

కడెం: మండలంలోని లింగాపూర్‌ జిల్లా పరిష త్‌ సెకండరీ పాఠశాలలో జిల్లా లీగల్‌ సర్వీసెస్‌ అథారిటీ ఆధ్వర్యంలో పోక్సో చట్టం, బాలబా లికలకు చట్టపరమైన హక్కులు, రక్షణ, ఆరో గ్యం తదితర అంశాలపై జిల్లా లీగల్‌ సర్వీసెస్‌ అథారిటీ సెక్రటరీ రవీందర్‌ అవగాహన కల్పించారు. అకృత్యాలను ఎలా ఎదుర్కోవాలి, పోలీ సులను సంప్రదించి సాయం పొందే విధానం గురించి దిశానిర్దేశం చేశారు. అత్యవసర పరిస్థితుల్లో 1098, ఆన్‌లైన్‌ మోసాలకు గురైతే 1830 నంబర్లను సంప్రదించి రక్షణ పొందాలని సూచించారు. ఈ సందర్భంగా బాలికల ఆరో గ్యపరమైన చర్యలను వివరించే కరపత్రాన్ని ఆవిష్కరించారు. ప్రధానోపాధ్యాయుడు వెంకటరమణ, ఎస్సై సాయికిరణ్‌, బార్‌ అసోషియేషన్‌ అధ్యక్షుడు రాజశేఖర్‌, సర్పంచ్‌ కుమ్మరి రంజిత్‌, ఉపసర్పంచ్‌ కమ్మల లక్ష్మి, ఉపాధ్యాయులు, సిబ్బంది, గ్రామస్తులు పాల్గొన్నారు. నిర్మల్‌టౌన్‌: జిల్లా కేంద్రంలోని ప్రియదర్శినినగర్‌లో గల జెడ్పీహెచ్‌ఎస్‌లో సీనియర్‌ సివిల్‌ జడ్జి రాధిక చట్టాలపై విద్యార్థులకు అవగాహన కల్పించారు. బాలల లైంగిక నేరాల నిరోధక చట్టం–2012 (పోక్సో)పై ప్రతి ఒక్కరూ అవగాహన కలిగి ఉండాలని సూచించారు. న్యాయవాదులు, ఉపాధ్యాయులు పాల్గొన్నారు.

దిలావర్‌పూర్‌: మండలంలోని న్యూలోలం లిటిట్‌ స్కాలర్స్‌ ఉన్నత పాఠశాలలో బుధవారం ఉమ్మడి ఆదిలాబాద్‌ జిల్లా ఖోఖో అసోసియేషన్‌ సర్వసభ్య సమావేశం నిర్వహించారు. గడిచిన జిల్లా స్థాయి పోటీలు, అత్యుత్తమంగా జిల్లా, జాతీయ స్థాయిల్లో రాణిస్తున్న క్రీడాకారులపై చర్చించారు. అనంతరం నూతన కార్యవర్గాన్ని ఏకగ్రీవంగా ఎన్నుకున్నారు. అసోసియేషన్‌ చైర్మన్‌గా గండ్రత్‌ ఈశ్వర్‌, అధ్యక్షుడిగా నిమ్మల శ్రీధర్‌ రెడ్డి, ప్రధాన కార్యదర్శిగా పెరుమండ్ల కృష్ణ, కోశాధికారిగా శంకర్‌తోపాటు ఐదుగురు ఉపాధ్యక్షులను, ఐదుగురు సహాయ కార్యదర్శులను ఎన్నుకున్నారు. ఎన్నికల పరిశీలకులుగా తెలంగాణ ఖోఖో అసోసియేషన్‌ కోశాధికారి విలియం, ఎన్నికల అధికారిగా అడ్వకేట్‌ ఎన్‌.నరేందర్‌ వ్యవహరించారు. కార్యక్రమంలో పాఠశాల ప్రిన్సిపాల్‌ బి.సురేశ్‌కుమార్‌, ఉమ్మడి జిల్లాలోని వివిధ మండలాలకు చెందిన అధ్యక్ష, కార్యదర్శులు పాల్గొన్నారు. రాష్ట్రీయ ఏక్తా దివస్‌ వేడుకలకు ఆహ్వానంఇచ్చోడ: గుజరాత్‌ రాష్ట్రంలోని కెవాడియాలో ఈ నెల 31న దేశ ప్రధాని నరేంద్ర మోదీ పాల్గొననున్న రాష్ట్రీయ ఏక్తా దివస్‌ కార్యక్రమానికి బోరిగామ సర్పంచ్‌ ఆసిఫ్‌ఖాన్‌కు ఆహ్వానం అందింది. గ్రామీణాభివృద్ధిలో విశేష ప్రతిభ కనబర్చినందుకు అధికారికంగా ఆహ్వానం అందినట్లు ఆసిఫ్‌ఖాన్‌ తెలిపారు. బుధవారం గ్రామస్తులు సర్పంచ్‌ను అభినందించారు.

రోడ్డుపక్కన ఉండటమే పాపమా? నిర్మల్‌: కొయ్యబొమ్మలు, కోట బురుజులు, నల్లని గుట్టలకు ప్రసిద్ధి చెందిన నిర్మల్‌ కబ్జాలకు కేరాఫ్‌గా మారింది. తాజాగా ధర్మసాగర్‌ చెరువు ఎఫ్‌టీఎల్‌లో నిర్మాణాలు చేపట్టడం, కలెక్టర్‌ స్వయంగా వాటిని తొలగింపజేయడంతో మరోసారి జిల్లాకేంద్రంలోని కబ్జాలపర్వం తెరపైకి వచ్చింది. గత కలెక్టర్‌ అభిలాష అభినవ్‌ హయాంలో స్థానిక అయ్యప్ప టెంపుల్‌ ఎదురుగా ప్రభుత్వభూమి ఆక్రమణపై ‘బుల్డోజర్‌’ ప్రయోగించారు. ఒత్తిళ్లకు లొంగకుండా కబ్జాల పనిపట్టాలంటూ రెవెన్యూ, ఇరిగేషన్‌, మున్సిపల్‌, పోలీసుశాఖల అధికారులతో ‘టాస్క్‌ ఫోర్స్‌’ ఏర్పాటు చేశారు. పలు ఆక్రమణలనూ అప్పట్లో గుర్తించినా ఇప్పటికీ అధికారికంగా చర్యలు చేపట్టకపోవడం విమర్శలకు తావిస్తోంది. పురావస్తు ప్రాపర్టీలో రెవెన్యూ పట్టాలు చారిత్రక కట్టడమైన శ్యాంగఢ్‌లో ఎప్పుడో రెవెన్యూ అధికారులు పట్టాలిచ్చారు. అసలు పురావస్తు ప్రాపర్టీలో రెవెన్యూ పట్టాలు జారీ చేయడం ఏమిటన్న ప్రశ్న ఇప్పటికీ ఉంది. గతంలో ఇచ్చిన పట్టాదారులకు వేరే చోట భూకేటాయింపులు చేసి, శ్యాంగఢ్‌ను అభివృద్ధి చేస్తామని చెప్పి ఏళ్లు గడుస్తున్నా ఆచరణలోకి రావడం లేదు. శ్యాంగఢ్‌ లోపలే కాదు.. చుట్టూ ఉన్న పోరంబోకు భూములకూ పట్టాలిచ్చినట్లు ఆరోపణలున్నాయి. ఈ భూములపై పూర్తి విచారణ చేపట్టాలని గత కలెక్టర్‌ ఉన్నప్పుడు ప్రజావాణిలోనూ ఫిర్యాదు చేశారు. చెరువులు, కందకాల్లో చేపట్టిన నిర్మాణాలనూ క్రమబద్ధీకరించడంపైనా ఫిర్యాదులున్నాయి. ప్రియదర్శినినగర్‌, విశ్వనాథ్‌పేట్‌, గాజుల్‌పేట్‌ తదితర ఏరియాల్లోని దేవుడి మాన్యాల్లోనూ దొంగదారిలో పట్టాలు చేయించుకున్నట్లు ఆరోపణలున్నాయి. అసైన్డ్‌, ఎఫ్‌టీఎల్‌లో వెంచర్లు జిల్లాకేంద్రంలో చాలావరకు వెంచర్లు అసైన్డ్‌ భూ ముల్లోనే ఉండటం గమనార్హం. భూమిలేని పేదల పేరిట ఉండాల్సిన అసైన్డ్‌ల్యాండ్స్‌ చాలావరకు ఇ ప్పుడు బడాబాబుల చేతుల్లోకి మారాయి. వీటిలో చేసిన వెంచర్లకు అనుమతులు, ప్లాట్లకు రిజిస్ట్రేష న్లూ అవుతుండటం గమనార్హం. ప్రియదర్శినినగర్‌ లాంటి ఖరీదైన ఏరియాలో గల చిన్నరాంసాగర్‌ (మంజులాపూర్‌) చెరువు చుట్టూ కబ్జాకు గురవుతోంది. ఇక్కడి ఎఫ్‌టీఎల్‌ హద్దుల గుర్తింపు సరిగా లేక ఇష్టారీతిన ఆక్రమణలు కొనసాగుతున్నాయి. ‘బుల్డోజర్‌’ సాగుతుందా? జిల్లాకేంద్రంలో ఆక్రమణలపై ఎన్ని ఫిర్యాదులు, వార్తలు వస్తున్నా.. సంబంధిత అధికారులు పూర్తి స్థాయిలో చర్యలు చేపట్టడం లేదన్న విమర్శలు న్నాయి. గత కలెక్టర్‌ అసైన్డ్‌ పేరిట ప్రభుత్వ భూమి ఆక్రమణపై చర్యలు తీసుకోవాలని ఆదేశించడంతో దివ్యగార్డెన్‌ పక్కన భూముల్లో బుల్డోజర్‌తో నిర్మాణాలు తొలగించారు. ఆ తర్వాత అది మధ్యలోనే నిలిచిపోయింది. తాజాగా కలెక్టర్‌ భవేశ్‌మిశ్రా ఎఫ్‌టీఎల్‌లో నిర్మాణాలపై సీరియస్‌గా స్పందించడంతో సర్వత్రా హర్షం వ్యక్తమవుతోంది. ఈప్రక్రియను ఇలాగే కొనసాగించాలని, మిగతా ఆక్రమణలపైనా చర్యలు చేపట్టాలన్న అభిప్రాయాలు వ్యక్తమవుతున్నాయి. కానీ, గతంలో ఏర్పాటు చేసిన ‘టాస్క్‌ఫోర్స్‌’ తరహాలోనే పేరుకే నిలిచిపోతరా.. లేక కబ్జాల లెక్క తేలుస్తారా..! వేచిచూడాల్సిందే. ఎఫ్‌టీఎల్‌లో నిర్మాణాలు చేపట్టరాదు చెరువులకు సంబంధించిన భూముల్లో ఎలాంటి ఆక్రమణలు చేపట్టరాదు. ఎఫ్‌టీఎల్‌లో పట్టా భూములున్నా వాటిలో ఎలాంటి నిర్మాణాలు చేయొద్దు. కలెక్టర్‌ ఆదేశాల మేరకు ధర్మసాగర్‌లో నిర్మాణాలు తొలగించాం. – అనిల్‌కుమార్‌, ఇరిగేషన్‌ ఈఈప్రధాన రహదారికి పక్కన ఉండటమే ఇక్కడి కందకం చేసుకున్న పాపమన్నట్లుగా ఉంది. ఈ చిత్రం జిల్లాకేంద్రంలోని చైన్‌గేట్‌ వద్ద కందకానిది. రోడ్డుకు ఇరువైపులా ఉన్న ఈ కందకం మొత్తం కబ్జాకు గురై చిన్నమురుగు కాలువలా మారిపోయింది. రూ.కోట్లలో భూముల విలువ ఉండటంతో ఇలా నిర్మల్‌లో కందకాలనూ వదలకుండా ఆక్రమించేస్తున్నారు. ఈ ఆక్రమణలకు గతంలో నిర్మల్‌లో పనిచేసిన పలువురు రెవెన్యూ అధికారులూ సహకరించినట్లు ఆరోపణలున్నాయి.

నిర్మల్‌టౌన్‌: నిర్మల్‌ నుంచి 6 జ్యోతిర్లింగాల యాత్రకు ప్రత్యేక ఆర్టీసీ బస్సు మంగళవారం బయల్దేరింది. దీనిని డిపో మేనేజర్‌ కే.పండరి నిర్మల్‌ బస్టాండ్‌లో పూజలు చేసి ప్రారంభించారు. ఈ యాత్రలో భాగంగా నాందేడ్‌ గురుద్వారా, భద్ర మారుతి, ఘృష్ణేశ్వర్‌ జ్యోతిర్లింగం, ఎల్లోరా, శని శింగణాపూర్‌, షిరిడీ, నాసిక్‌, త్రయంబకేశ్వర్‌, నిష్కలంక మహాదేవ్‌, సోమనాథ్‌ జ్యోతిర్లింగం, ద్వారక, నాగేశ్వర్‌ జ్యోతిర్లింగం, ఉజ్జయిని మహాకాళేశ్వర్‌, ఓంకారేశ్వర్‌ జ్యోతిర్లింగాలను భక్తులు దర్శించుకుంటారని వివరించారు. ఈ నెల 27న బయలుదేరిన బస్సు నవంబర్‌ 2న తిరిగి నిర్మల్‌ చేరుకుంటుందని డిపో మేనేజర్‌ తెలిపారు. నిర్మల్‌ డిపో పరిధిలో వివిధ పుణ్యక్షేత్రాలకు ప్రత్యేక బస్సులు ఏర్పాటు చేస్తున్నామని, ప్రయాణికుల నుంచి మంచి స్పందన లభిస్తోందని పేర్కొన్నారు. వచ్చే నెలలో కర్ణాటక యాత్రకు కూడా ప్రత్యేక బస్సు ఏర్పాటు చేయనున్నట్లు తెలిపారు. ఈ యాత్రలో మంత్రాలయం, హంపి, కుక్కే సుబ్రహ్మణ్య, ధర్మస్థల, ఉడుపి, మురుడేశ్వర్‌, గోకర్ణ వంటి పుణ్యక్షేత్రాలను సందర్శించేలా ప్రణాళిక రూపొందిస్తున్నామని వెల్లడించారు. యాత్ర తేదీలను త్వరలో ప్రకటిస్తామని చెప్పారు.వివరాలకు 9959226003, 9440018549 నంబర్లకు సంప్రదించాలని సూచించారు.

నిర్మల్‌చైన్‌గేట్‌: జిల్లాలో నీటిపారుదల శాఖకు చెందిన భూములు అన్యాక్రాంతం కాకుండా అధికారులు నిరంతరం పర్యవేక్షణ చేపట్టాలని కలెక్టర్‌ భవేశ్‌మిశ్రా ఆదేశించారు. ప్రభుత్వ భూములు ఆక్రమించేవారిపై చట్టప్రకారం కఠిన చర్యలు తీసుకోవాలని స్పష్టం చేశారు. పట్టణంలోని ధర్మసాగర్‌ చెరువు ఎఫ్‌టీఎల్‌ పరిధిలో జరుగుతున్న ఆక్రమణలను కలెక్టర్‌ మంగళవారం స్వయంగా పరిశీలించారు. చెరువుకు సంబంధించిన పూర్తి వివరాలు అధికారులను అడిగి తెలుసుకుని, మ్యాపులను పరిశీలించారు. ఎఫ్‌టీఎల్‌ పరిధిలో అక్రమంగా వెంచర్‌ ఏర్పాటు చేసేందుకు చేపట్టిన నిర్మాణాలను తక్షణమే తొలగించాలని ఆదేశించారు. సంబంధిత వ్యక్తులకు నోటీసులు జారీ చేయాలని సూచించారు. ధర్మసాగర్‌ చెరువు వద్ద అనధికారికంగా నిర్మించిన లేఅవుట్‌ ఫెన్సింగ్‌ గోడను అధికారులు కూల్చివేశారు. వెంచర్‌ నిర్మాణ పనులకు వినియోగిస్తున్న యంత్రాలు, సామగ్రి, ఇసుక తదితర వస్తువులను స్వాధీనం చేసుకుని, నిబంధనల ప్రకారం చర్యలు తీసుకోవాలని సూచించారు. జిల్లాలోని నీటిపారుదల శాఖ భూములు, చెరువుల పరిధిలో ఆక్రమణలు జరగకుండా సంబంధిత శాఖల అధికారులు సమన్వయంతో పనిచేయాలని ఆదేశించారు. ప్రభుత్వ భూముల పరిరక్షణకు నిరంతరం అప్రమత్తంగా ఉండాలని స్పష్టం చేశారు. కలెక్టర్‌ వెంట నీటిపారుదల శాఖ ఈఈ అనిల్‌, మున్సిపల్‌ కమిషనర్‌ రవిబాబు, తహసీల్దార్‌ రాజు, ఇతర అధికారులు, సిబ్బంది పాల్గొన్నారు.

ముధోల్‌/భైంసారూరల్‌: విద్యార్థులు చట్టాల పై అవగాహన కలిగి ఉండాలని డిస్ట్రిక్ట్‌ లీగల్‌ సర్వీస్‌ అథారిటీ చైర్మన్‌ పోరిక రవీందర్‌ అన్నా రు. సురక్షిత్‌ బచ్పన్‌ అభియాన్‌లో భాగంగా ముధోల్‌లోని రబీంద్ర పాఠశాలలో, చుచుంద్‌ జిల్లా పరిషత్‌ ఉన్నత పాఠశాలలో మంగళవారం అవగాహన కార్యక్రమాలు నిర్వహించా రు. బాలల హక్కులు, విధులను, సైబర్‌ క్రైమ్‌ గురించి తెలిపారు. అన్యాయం జరిగినప్పుడు కోర్టు ద్వారా ఎలా న్యాయం పొందాలో తెలి యజేశారు. విద్యార్థులు మత్తు పదార్థాలకు దూరంగా ఉండాలన్నారు. మైనర్లు డ్రైవింగ్‌ చేయవద్దని సూచించారు. బాల్య వివాహాలు చట్టరీత్యా నేరమని పేర్కొన్నారు. మొబైల్‌ వాడకాన్ని తగ్గించాలన్నారు. ఎస్సైలు బిట్లా పెర్సిస్‌, సుప్రియ, ప్రిన్సిపాల్‌ సాయినాథ్‌, కరస్పాండెంట్‌ రాజేందర్‌, హెచ్‌ఎం వెంకటేశ్వర్‌, సర్పంచ్‌ రాచేవాడ్‌ గణేశ్‌, కార్యదర్శి సురేశ్‌, ఉపాధ్యాయులు, పోలీసులు పాల్గొన్నారు.

భైంసా: జిల్లాలో వర్షాభావ పరిస్థితులు వ్యవసాయ రంగంపై ప్రభావం చూపుతున్నాయి. ఈ నేపథ్యంలో 2026 ఖరీఫ్‌ సీజన్‌కు సంబంధించి జిల్లాలోని తొమ్మిది మండలాలను కరువు ప్రభావిత ప్రాంతాలుగా రాష్ట్ర ప్రభుత్వం ప్రకటించింది. ఖానాపూర్‌ మండలాన్ని తీవ్ర కరువు ప్రభావితంగా గుర్తించగా, మరో ఎనిమిది మండలాలను మోస్తరు కరువు ప్రభావితంగా ప్రకటించింది. రెవెన్యూ (డిజాస్టర్‌ మేనేజ్‌మెంట్‌– II) శాఖ ఈ నెల 24న జారీ చేసిన జీవో 3లో ఈ వివరాలు పేర్కొన్నారు. రైతులకు పెట్టుబడి రాయితీ.. కరువు ప్రభావిత మండలాల్లో అర్హులైన రైతులకు పంట పెట్టుబడి రాయితీ అందించేందుకు చర్యలు చేపట్టాలని ఆదేశించారు. కేంద్రం నుంచి జాతీయ విపత్తు ప్రతిస్పందన నిధి(ఎన్‌డీఆర్‌ఎఫ్‌) కింద సహాయం అందిన తర్వాత నెల రోజుల్లోగా డైరెక్ట్‌ బెనిఫిట్‌ ట్రాన్స్‌ఫర్‌(డీబీటీ) ద్వారా రైతుల ఖాతా ల్లో జమ చేయాలని వ్యవసాయ శాఖకు సూచించా రు. లబ్ధిదారుల జాబితాలను జిల్లా కలెక్టర్లు, రాష్ట్ర ప్రభుత్వ వెబ్‌సైట్లలో ప్రచురించాలని పేర్కొన్నారు. తాగునీరు, పశుగ్రాసంపై దృష్టి తాగునీటి సరఫరా మెరుగుపరచడం, పశువులకు మేత అందుబాటులో ఉంచడం, అవసరమైతే పశువుల శిబిరాలు ఏర్పాటు, ఉపాధి అవకాశాలు కల్పించడం వంటి చర్యలు చేపట్టాలని అధికారులను ఆదేశించారు. వ్యవసాయ రుణాల పునర్వ్యవస్థీకరణ, వసూళ్లకు సంబంధించి వర్తించే నిబంధనల మేరకు చర్యలు తీసుకోవాలని సూచించారు. ఆరు నెలలపాటు అమలు కరువు ప్రభావిత మండలాల ప్రకటన ఆరు నెలలు అమల్లో ఉంటుంది. పరిస్థితులను బట్టి ముందుగానే ఉపసంహరించవచ్చు లేదా అవసరమైతే అదనపు మండలాలను తదుపరి నోటిఫికేషన్‌ ద్వారా చేర్చవచ్చు. తొమ్మిది మండలాలు జాబితాలో చేరడంతో పంట నష్టాల అంచనా, అర్హుల గుర్తింపు, రాయితీ పంపిణీపై రైతులు ఆశలు పెట్టుకున్నారు. జిల్లా సగటు వర్షపాతం జిల్లాలో సాధారణ వర్షపాతం 966.3 మి.మీ. కాగా, ఈ ఏడాది 731 మి.మీ. నమోదైంది. దీంతో జిల్లాలో 235.3 మి.మీ లోటు ఏర్పడి, సాధారణం కంటే 24 శాతం తక్కువ వర్షాలు కురిశాయి. కుంటాల మండలం వేంకూర్‌లో ఎండిపోయిన పొలం ఖానాపూర్‌లో తీవ్ర కరువు ఖానాపూర్‌ను తీవ్ర కరువు ప్రభావిత మండలంగా ప్రభుత్వం గుర్తించింది. కుభీర్‌, భైంసా, కుంటాల, నిర్మల్‌ అర్బన్‌, సోన్‌, లక్ష్మణచాంద, కడెం పెద్దూర్‌, దస్తూరాబాద్‌ మండలాలను మోస్తరు కరువు ప్రభావితంగా ప్రకటించారు. జూన్‌ 1 నుంచి సెప్టెంబర్‌ 30 వరకు వర్షపాతం, వ్యవసాయ శాఖ నివేదికలు, ఉపగ్రహ ఆధారిత వృక్షసంపద సూచికలు, నేల తేమ, భూగర్భ జలాల పరిస్థితులను పరిగణనలోకి తీసుకుని తీవ్రతను అంచనా వేశారు. ఎల్‌నినో ప్రభావం, వర్షపాత లోటు, దీర్ఘకాలిక పొడి వాతావరణం వ్యవసాయ రంగాన్ని ప్రభావితం చేసినట్లు నోటిఫికేషన్‌లో పేర్కొన్నారు.

ఖానాపూర్‌: పట్టణంలోని కుమురంభీం చౌరస్తాలో 15వ ఆర్థిక సంఘం నిధులు రూ.2 కోట్లతో నిర్మించనున్న అగ్నిమాపక కేంద్రానికి ఎమ్మెల్యే వెడ్మ బొజ్జు పటేల్‌ మంగళవారం శంకుస్థాపన చేశారు. అగ్నిప్రమాదాలు, ప్రకృతి వైపరీత్యాలు, ఇతర అత్యవసర పరిస్థితుల్లో ప్రజల ప్రాణ, ఆస్తుల రక్షణకు అగ్నిమాపక శాఖ కీలకమన్నారు. ఖానాపూర్‌లో ఫైర్‌స్టేషన్‌ ఏర్పాటుతో ప్రమాదాలు జరిగినప్పుడు సత్వరమే స్పందించి మెరుగైన సేవలు అందించేందుకు వీలవుతుందని తెలిపారు. ఫైర్‌స్టేషన్‌ పూర్తయితే ఖానాపూర్‌తోపాటు పరిసర ప్రాంతాల ప్రజలకు ప్రయోజనం కలుగుతుందన్నారు. కార్యక్రమంలో మున్సిపల్‌ చైర్‌పర్సన్‌ అంకం మౌనిక మహేందర్‌, వైస్‌ చైర్మన్‌ సోయబ్‌, ఆత్మ కమిటీ చైర్మన్‌ తోట సత్యం, కౌన్సిలర్లు, నాయకులు తొడసం ఇందిర, చిన్నం సత్యం, నిమ్మల రమేశ్‌, గుమ్ముల ఆనంద్‌, గొర్రె గంగాధర్‌, ప్రకాశ్‌గౌడ్‌, మార్కెట్‌ కమిటీ వైస్‌ చైర్మన్‌ మాజిద్‌, జిల్లా ఇన్‌చార్జి అగ్నిమాపక అధికారి భగవాన్‌రెడ్డి, ఖానాపూర్‌ ఫైర్‌స్టేషన్‌ అధికారి శ్రీనివాస్‌, అధికారులు శివాజి, రవి, శ్రీనివాస్‌ పాల్గొన్నారు.

● చార్జ్‌ క్లర్కులు, టెక్నికల్‌ అసిస్టెంట్లకు శిక్షణ నిర్మల్‌చైన్‌గేట్‌: జనగణనకు జిల్లా యంత్రాంగం సన్నద్ధమవుతోంది. ఇళ్ల గణన(హౌస్‌లిస్టింగ్‌ ఆపరేషన్‌) విజయవంతంగా పూర్తయింది. 2027 ఫిబ్రవరిలో ప్రారంభం కానున్న జనగణనకు ముందస్తు ప్రణాళిక రూపకల్పన ప్రారంభమైంది. శిక్షణ కార్యక్రమాలు ప్రారంభం వారం రోజుల క్రితం చార్జ్‌ క్లర్కులు, టెక్నికల్‌ అసిస్టెంట్లకు శిక్షణ కార్యక్రమాలు మొదలయ్యాయి. ఈనెల 16, 17 తేదీల్లో వారికి శిక్షణ ఇచ్చారు. రెవెన్యూ శాఖకు చెందిన ఆర్‌ఐలు, డీటీలు, సీనియర్‌ అసిస్టెంట్లు చార్జ్‌ క్లర్కులుగా వ్యవహరిస్తారు. మున్సిపాలిటీల్లో వార్డు అధికారులు, సమానస్థాయి అధికారులు బాధ్యతలు నిర్వహిస్తారు. టెక్నికల్‌ అసిస్టెంట్ల సహాయంతో ప్రత్యేక సాఫ్ట్‌వేర్‌ ద్వారా బ్లాకులను గుర్తిస్తున్నారు. ఎన్యుమరేషన్‌ బ్లాకుల ఏర్పాటు మొదటి విడత హౌస్‌లిస్టింగ్‌ తరహాలోనే జనగణనకు 750 నుంచి 800 మంది జనాభాకు ఒక ఎన్యుమరేషన్‌ బ్లాకుగా గుర్తిస్తున్నారు. ఇళ్ల గణనలో వచ్చిన గణాంకాల ఆధారంగా ఈ బ్లాకులను నిర్ణయిస్తున్నారు. ఎన్యుమరేటర్‌కు పనిభారం తగ్గేలా ఈ పరిమితిని పాటిస్తున్నారు. 21 చార్జ్‌లుగా విభజన జిల్లా వ్యాప్తంగా 21 చార్జ్‌లు ఉంటాయి. ప్రతీ మండలాన్ని ఒక రూరల్‌ చార్జ్‌గా, మున్సిపాలిటీలను అర్బన్‌ చార్జ్‌గా పరిగణిస్తారు. జిల్లాలో 18 మండలాలు, మూడు మున్సిపాలిటీలు ఉండటంతో ఈ విభజన సాధ్యమవుతుంది. ఈ చార్జ్‌ల్లో రెండు వేలకు పైగా బ్లాకులు ఉంటాయి. హౌస్‌లిస్టింగ్‌ సమయంలోనే అధికారులు ఇలాగే బ్లాకులను గుర్తించి ఇళ్ల లెక్కింపు చేపట్టారు. ఉన్నతాధికారులకు శిక్షణ కేంద్ర ప్రభుత్వం ప్రతిష్టాత్మకంగా చేపట్టనున్న ఈ జనగణనలో పొరపాట్లు జరగకుండా పక్కా శిక్షణ, అవగాహన కార్యక్రమాలు నిర్వహిస్తున్నారు. ఈ నెల 27, 28 తేదీల్లో కలెక్టర్‌, అదనపు కలెక్టర్‌తోపాటు ఇతర జిల్లా ఉన్నతాధికారులకు ప్రత్యేక శిక్షణ ఇవ్వనున్నారు. తహసీల్దార్లు, ఎంపీడీవోలకు కూడా తర్ఫీదు ఇవ్వనున్నారు. వివరాలు.. మునుపటి ఈబీలు 1566ప్రస్తుత ఈబీలు 1705ఎన్యుమరేటర్లు 1462సూపర్‌ వైజర్లు 247మునుపటి ఎన్యుమరేటర్లు 1386 మునుపటి సూపర్‌ వైజర్లు 239చార్జ్‌ క్లార్క్‌, టెక్నికల్‌ అసిస్టెన్స్‌ శిక్షణ తరగతులు 16, 17 తేదీల్లో చార్జ్‌ ఆఫీసర్‌ శిక్షణ తరగతులు 27, 28 తేదీల్లో

నిర్మల్‌లో..పోలీస్‌ సంస్మరణ వారోత్సవాల్లో భాగంగా నిర్మల్‌, భైంసా పట్టణాల్లో పోలీసులు మంగళవారం బైక్‌ ర్యాలీ నిర్వహించారు. నిర్మల్‌ పోలీస్‌ ప్రధాన కార్యాలయం నుంచి బస్టాండ్‌ వరకు ర్యాలీ కొనసాగింది. భైంసా పోలీస్‌ స్టేషన్‌ నుంచి నిర్మల్‌ చౌరస్తా వరకు ర్యాలీ తీశారు. ఈ సందర్భంగా అదనపు ఎస్పీ ఉపేంద్రారెడ్డి, భైంసా ఏఎస్సీ సాయికిరణ్‌ మాట్లాడుతూ.. ప్రజల రక్షణ, శాంతిభద్రతల పరిరక్షణ కోసం విధి నిర్వహణలో ప్రాణాలర్పించిన పోలీసు అమరవీరుల సేవలను ఎప్పటికీ మరువలేమన్నారు. వారి త్యాగాలను స్మరించుకుంటూ.. ప్రతీ పోలీస్‌ అంకితభావంతో విధులు నిర్వర్తించాలని సూచించారు. – నిర్మల్‌టౌన్‌/భైంసాటౌన్‌భైంసాలో..

ఖానాపూర్‌ మండలం సుర్జాపూర్‌ శ్రీలక్ష్మీవేంకటేశ్వరస్వామి ఆలయ బ్రహ్మోత్సవాలు భక్తిశ్రద్ధలతో కొనసాగుతున్నాయి. మంగళవారం ఉదయం రథోత్సవం వైభవంగా నిర్వహించారు. స్వామివారి ఉత్సవమూర్తిని రథంపై ఉంచి ఊరేగించారు. మహిళలు మంగళహారతులతో స్వాగతం పలికారు. జిల్లాతోపాటు ఇతర జిల్లాలు, పొరుగు రాష్ట్రాల నుంచి భక్తులు పెద్ద సంఖ్యలో తరలి వచ్చి రథోత్సవంలో పాల్గొన్నారు. గోవింద నామస్మరణతో జుర్జాపూర్‌ వీదులన్నీ మార్మోగాయి. ఎమ్మెల్యే వెడ్మ బొజ్జు పటేల్‌, బీజేపీ జిల్లా అధ్యక్షుడు రితీష్‌ రాథోడ్‌ స్వామివారిని దర్శించుకున్నారు. కమిటీ అధ్యక్షుడు తునికి మహేందర్‌, సర్పంచ్‌ బక్కశెట్టి వెంకటరాములు వారికి సన్మానం చేశారు. – ఖానాపూర్‌

నిర్మల్‌టౌన్‌: జిల్లా కేంద్రంలోని ఎన్టీఆర్‌ మినీ స్టేడియంలో పీఎంశ్రీ పాఠశాలల జిల్లాస్థాయి బాల, బాలికల కబడ్డీ పోటీలు మంగళవారం ప్రారంభమయ్యాయి. డీఈవో భోజన్న, జిల్లా క్రీడల శాఖ అధికారి శ్రీకాంత్‌రెడ్డి పోటీలను ప్రారంభించారు. జిల్లాలోని వివిధ పీఎంశ్రీ పాఠశాలలకు చెందిన సుమారు 300 మంది విద్యార్థులు పాల్గొన్నారు. ఈ పోటీల్లో ప్రతిభ కనబర్చిన క్రీడాకారులను నవంబర్‌ 4, 5, 6 తేదీల్లో హైదరాబాద్‌లో నిర్వహించే రాష్ట్రస్థాయి పోటీలకు పంపించనున్నట్లు డీఈవో తెలిపా రు. కార్యక్రమంలో నిర్మల్‌ ఎంఈవో పద్మ, సెక్టోరియల్‌ అధికారి నర్సయ్య, సైన్స్‌ అధికారి వినోద్‌ కుమార్‌, పీఈటీ సంఘం అధ్యక్షుడు అంబాజీ, కార్యదర్శి భూమన్న, సత్తయ్య, మూడరపు పరమేశ్వర్‌, జిల్లా వ్యాయామ ఉపాధ్యాయులు, ఉపాధ్యాయులు పాల్గొన్నారు.

జూన్‌ 1 నుంచి అక్టోబర్‌ 19వరకు మండలాల వారీగా వర్షపాతం వివరాలు(మి.మీ.లలో) మండలం సాధారణం కురిసింది లోటు శాతం కుభీర్‌ 975.7 495.5 49 తానూర్‌ 950.1 537.6 42 బాసర 942 594 37 ముధోల్‌ 953.6 660.3 31 భైంసా 992.5 695.8 30 కుంటాల 987.8 649.5 34 నర్సాపూర్‌(జి) 963.9 620.6 36 లోకేశ్వరం 896.7 715.3 20 దిలావర్‌పూర్‌ 1,014.1 735.3 27 సారంగాపూర్‌ 982.1 663.6 32 నిర్మల్‌ అర్బన్‌ 1,032.6 925.8 10 నిర్మల్‌ రూరల్‌ 971.8 687.6 29 సోన్‌ 969.2 734.5 24 లక్ష్మణచాంద 922.9 698.9 24 మామడ 886.7 808.6 9 ఖానాపూర్‌ 987.1 783.4 21 కడెం 999.8 993.7 1 దస్తూరాబాద్‌ 952.3 865.2 9 పెంబి 999.1 1,023.1 2(అధికం)ఖానాపూర్‌లో తాగునీటి కష్టాలు.. 24 శాతం లోటు వర్షపాతం జూన్‌ 1 నుంచి అక్టోబర్‌ 19 వరకు జిల్లాలో సాధారణ వర్షపాతం 966.3 మి.మీ. కాగా, వాస్తవంగా 731 మి.మీ. మాత్రమే నమోదైంది. 235.3 మి.మీ. తక్కువతో 24 శాతం లోటు ఏర్పడింది. మండలాల వారీగా వ్యత్యాసాలు ఉన్నప్పటికీ పలు ప్రాంతాల్లో సాధారణం కంటే గణనీయంగా తక్కువ వర్షాలు కురిశాయి. ఇది పంటల సాగు, దిగుబడులు, నేల తేమ, భూగర్భ జలాలపై ప్రభావం చూపుతోంది.

● డీసీసీ చీఫ్‌ వెడ్మ బొజ్జు పటేల్‌ నిర్మల్‌చైన్‌గేట్‌: నవంబర్‌ 1న న్యూఢిల్లీలోని రామ్‌లీలా మైదానంలో నిర్వహించనున్న ‘‘ఓట్‌ బచావో – దేశ్‌ బచావో’’ జాతీయ ర్యాలీని విజయవంతం చేసే లక్ష్యంతో మంగళవారం నిర్మల్‌లోని మారుతి ఇన్‌ హోటల్‌లో రాజకీయ వ్యవహారాల కమిటీ(పీఏసీ) సమావేశం డీసీసీ అధ్యక్షుడు, ఖానాపూర్‌ ఎమ్మెల్యే వెడ్మ బొజ్జు పటేల్‌ అధ్యక్షతన నిర్వహించారు. ఈ సమావేశానికి ఏఐసీసీ కార్యదర్శి, అబ్జర్వర్‌ సీడీ.మేయప్పన్‌, ఇండియన్‌ యూత్‌ కాంగ్రెస్‌ జాతీయ ప్రధాన కార్యదర్శి శ్రవణ్‌రావు హాజరయ్యారు. నవంబర్‌ 1న నిర్వహించనున్న చలో ఢిల్లీ కార్యక్రమానికి సంబంధించిన ఏర్పాట్లు, పార్టీ నాయకులు, కార్యకర్తల భాగస్వామ్యం, తెలంగాణ నుంచి పెద్ద ఎత్తున కాంగ్రెస్‌ శ్రేణులను తరలించడం తదితర అంశాలపై సమావేశంలో చర్చించారు. ఓటు హక్కుల పరిరక్షణ, ప్రజాస్వామ్య విలువల సంరక్షణ లక్ష్యంగా నిర్వహిస్తున్న ‘‘ఓట్‌ బచావో – దేశ్‌ బచావో’’ జాతీయ ర్యాలీని విజయవంతం చేసేందుకు పార్టీ నాయకులు, కార్యకర్తలు సమన్వయంతో పనిచేయాలన్నారు. సమావేశంలో నిర్మల్‌, ము ధోల్‌ నియోజకవర్గ ఇన్‌చార్జీలు కుచాడి శ్రీహరిరావు, నారాయణరావు పటేల్‌, జిల్లా గ్రంథాలయ సంస్థ చైర్మన్‌ అర్జుమంద్‌ అలీ, కాంగ్రెస్‌ పార్టీ ముఖ్య నాయకులు పాల్గొన్నారు.

నిర్మల్‌చైన్‌గేట్‌: ఆదివాసీ వీరుడు కొమురంభీం 86వ వర్ధంతిని సోమవారం నిర్మల్‌లో ఘనంగా నిర్వహించారు. ఆదివాసీ నాయక పోడు సంఘం జిల్లా అధ్యక్షుడు సాకి లక్ష్మణ్‌ ఆధ్వర్యంలో కార్యక్రమం ఏర్పాటు చేశారు. ఈ సందర్భంగా రాష్ట్ర ఉపాధ్యక్షుడు వెంకగారి భూమ య్య మాట్లాడుతూ నిజాంపై పోరాడిన భీం త్యాగం యావత్‌ ఆదివాసీ సమాజానికి స్ఫూర్తి దాయకమని పేర్కొన్నారు. భీం ఆశయాలను కేవలం మాటల్లో కాకుండా ఆచరణలో చూపాలని, ఆయన చరిత్రను భావితరాలకు అందించేలా ప్రభుత్వం చర్యలు తీసుకోవాలన్నారు. భీం వర్ధంతి ఒకే జిల్లాకు లేదా ఉమ్మడి ఆదిలా బాద్‌కే పరిమితం చేయడంపై అసంతృప్తి వ్యక్తం చేశారు. రాష్ట్రంలోని అన్ని జిల్లాల్లో అధి కారికంగా నిర్వహించాలని డిమాండ్‌ చేశారు. కార్యక్రమంలో సంఘం రాష్ట్ర సంయుక్త కార్యదర్శి ముసలి చిన్నయ్య, ఉపాధ్యక్షులు సుంచు సవీన్‌, రమేశ్‌, తుడుం దెబ్బ జిల్లా కార్యదర్శి తోడుసం గోవర్ధన్‌ తదితరులు పాల్గొన్నారు.

నిర్మల్‌చైన్‌గేట్‌: ప్రజావాణికి అర్జీల రూపంలో వచ్చే వివిధ సమస్యలను ఎప్పటికప్పుడు పరిష్కరించాలని అదనపు కలెక్టర్లు రాథోడ్‌ రమేశ్‌, వెంకట మాధవరావు ఆదేశించారు. కలెక్టరేట్‌ సమావేశ మందిరంలో సోమవారం నిర్వహించిన ప్రజావాణి కార్యక్రమంలో ప్రజల నుంచి వచ్చిన ఫిర్యాదులను స్వయంగా స్వీకరించారు. ప్రతీ దరఖాస్తును క్షుణ్ణంగా పరిశీలించి, తక్షణమే స్పందించాలని ఆయా శాఖల అధికారులకు సూచించారు. మండలాల వారీగా పెండింగ్‌లో ఉన్న ప్రజావాణి దరఖాస్తులకు సంబంధించి సమస్యలు వెంటనే పరిష్కరించాలన్నారు. ప్రజల సమస్యలను సంబంధిత శాఖలు సమన్వయంతో పరిష్కరించేలా పనిచేయాలని సూచించారు. ప్రజలు విద్య, వైద్యం, ఇందిరమ్మ ఇళ్లు, పింఛన్లు, భూసమస్యలకు సంబంధించి దరఖాస్తులు సమర్పించారు. నాకు నిర్మల్‌ రూరల్‌ పరిధిలోని కౌట్ల(కే) గ్రామంలో సర్వే నంబర్‌ 523/ఆ/2 లో 1.20 ఎకరాల భూమి ఉంది. అయితే ఈ భూమిని రెవెన్యూ రికార్డుల నుంచి తొలగించారు. ధరణి సర్వే సమయంలో తన భూమిని కొలిచినప్పటికీ రికార్డుకు ఎక్కించలేదు. రెవెన్యూ అధికారులకు అనేకసార్లు దరఖాస్తు చేసుకున్నప్పటికీ ఎలాంటి ప్రయోజనం లేదు. – సురకంటి హన్మంత్‌ రెడ్డి