Nirmal District News

ఆదిలాబాద్‌టౌన్‌: రిమ్స్‌లో ప్రాణాలు కోల్పోయిన శిశువుల కుటుంబాలకు రూ.25లక్షల చొప్పున ఎక్స్‌గ్రేషియా చెల్లించాలని సీపీఎం రాష్ట్ర కార్యదర్శి జాన్‌ వెస్లీ డిమాండ్‌ చేశారు. శుక్రవారం ఆయన రిమ్స్‌ను సందర్శించారు. ఎస్‌ఎన్‌సీయూ వార్డుతో పాటు ఆస్పత్రిలోని పలు విభాగాలను పరిశీలించి రోగుల ఇబ్బందులు అడిగి తెలుసుకున్నారు. కాంట్రాక్ట్‌, ఔట్‌సోర్సింగ్‌ కార్మికులు తమ సమస్యలపై వినతి పత్రాలు సమర్పించారు. అనంతరం ఆయన మాట్లాడుతూ, రిమ్స్‌లో నిర్వహణ, పర్యవేక్షణ లోపం కారణంగానే అగ్ని ప్రమాద ఘటన చోటుచేసుకుందని తెలిపారు. ఆయన వెంట పార్టీ జిల్లా కార్యదర్శి మల్లేశ్‌, రాష్ట్ర కార్యవర్గ సభ్యుడు రవికుమార్‌, రవి, సచిన్‌, ఐద్వా రాష్ట్ర ఉపాధ్యక్షురాలు ఆశాలత, రాఘవులు, కిరణ్‌ తదితరులున్నారు. నిర్వాసితులకు అన్యాయం జరిగితే చూస్తూ ఊరుకోబోం.. ఆదిలాబాద్‌ ఎయిర్‌పోర్ట్‌ నిర్మాణంలో భూములు కోల్పోతున్న నిర్వాసితులకు అన్యాయం జ రిగితే చూస్తూ ఊరుకోబోమని జాన్‌ వెస్లీ స్ప ష్టం చేశారు. ఎయిర్‌పోర్టు కోసం భూములు సేకరించనున్న అనుకుంట గ్రామాన్ని శుక్రవా రం సందర్శించారు. గ్రామస్తులు, నిర్వాసిత రైతులతో సమావేశమై ప్రభుత్వ భూసేకరణ విషయంలో వారికున్న ఇబ్బందులను అడిగి తెలుసుకున్నారు. ఈ సందర్భంగా ఆయన మాట్లాడుతూ వినాయశ్రయ భూ సేకరణలో తమ సాగు భూములను కోల్పోతున్న రైతుల ను పూర్తి స్తాయిలో ఆదుకోవాల్సిన బాధ్యత ప్రభుత్వంపై ఉందన్నారు. ఎకరాకు రూ. 6కో ట్ల పరిహారంతో పాటు పునరావాసం, పునర్నిర్మాణం కల్పించాలని డిమాండ్‌ చేశారు.

లక్ష్మణచాంద: రీసర్వేతో ఏళ్ల తరబడి కొనసాగుతున్న భూవివాదాలకు శాశ్వత పరిష్కారం లభిస్తుందని కలెక్టర్‌ భవేశ్‌మిశ్రా అన్నారు. సోన్‌ మండలం న్యూవెల్మల్‌లో భూముల రీసర్వే ప్రక్రియపై గ్రామస్తులు, రైతులతో గ్రామ పంచాయతీ కార్యాలయంలో శుక్రవారం ఏర్పాటు చేసిన సమావేశంలో కలెక్టర్‌ భవేశ్‌ మిశ్రా పాల్గొన్నారు. నెల రోజులలో భూముల రీసర్వే పురోగతిని సమీక్షించారు. ల్యాండ్‌ సర్వే అండ్‌ రికార్డ్స్‌ ఏడీ విఠల్‌రావు మాట్లాడుతూ గ్రామంలో మొత్తం 1,241.29 ఎకరాల భూమి ఉండగా, ఇప్పటి వరకు 1,053.38 ఎకరాల్లో సర్వే పూర్తి చేసినట్లు తెలిపారు. 187.31 ఎకరాల భూమి సర్వే చేయాల్సి ఉందని ఈనెలాఖరు వరకు పూర్తి చేస్తామన్నారు. అనంతరం కలెక్టర్‌ మాట్లాడుతూ ప్రభుత్వం చేపట్టిన రీసర్వేతో భూముల హద్దులు, హక్కులకు సంబంధించి నెలకొన్న సమస్యలకు పరిష్కారం లభిస్తుందని తెలిపారు. న్యూ వెల్మల్‌ గ్రామంలో 80 శాతం రీసర్వే పూర్తయిందని, మిగిలిన ప్రక్రియను త్వరగా పూర్తి చేయాలని అధికారులను ఆదేశించారు. సర్వే సమయంలో రైతులు తప్పనిసరిగా అందుబాటులో ఉండి అధికారులకు సహకరించాలని సూచించారు. క్షేత్రస్థాయిలో సర్వే ప్రక్రియ సజావుగా జరిగేలా సంబంధిత అధికారుల బృందాలు సమన్వయంతో పనిచేయాలని ఆదేశించారు. అక్టోబర్‌లో సర్వే పూర్తి చేసి నివేదికను ప్రభుత్వానికి పంపుతామని తెలిపారు. ఆమోదం రాగానే మిగిలిన ప్రక్రియ అయిన ఫాం నంబర్‌ 9 జారీ అనంతరం రెండు నెలల సమయం పడుతుందని అనంతరం ఫాం నంబర్‌ 12 జారీ చేసి చివరకు కొత్త ఆర్థిక సంవత్సరం వరకు రైతులకు పట్టా పాస్‌బుక్‌లు అందించేందుకు చర్యలు చేపట్టాలని అధికారులను ఆదేశించారు. ఈ సందర్భంగా పలువురు రైతులు మాట్లాడుతూ, గ్రామంలో ఎన్నో ఏళ్లుగా ఉన్న భూ సమస్యలకు రీసర్వేతో పరిష్కారం లభిస్తుందనే ఆశాభావం వ్యక్తం చేశారు. సర్వే పూర్తయ్యే వరకు అధికారులకు తమ పూర్తి సహకారం అందిస్తామని తెలిపారు. సమావేశంలో ఇన్‌చార్జి అదనపు కలెక్టర్‌ (రెవెన్యూ) రాథోడ్‌ రమేశ్‌, తహసీల్దార్‌ సంతోష్‌, ఎంపీవో జ్యోతి, సర్పంచ్‌ సాగర్‌, సంబంధిత అధికారులు, రైతులు పాల్గొన్నారు. గ్రామ సభలో పాల్గొన్న రైతులున్యూ వెల్మల్‌లో మాట్లాడుతున్న కలెక్టర్‌ భవేశ్‌ మిశ్రా

సాత్నాల: విద్యార్థుల సంఖ్య, విద్యాప్రమాణా ల పెంపు, పాఠశాల, వి ద్యార్థుల సమగ్రాభివృద్ధి కి అనేక కార్యక్రమాలు చే పట్టిన భోరజ్‌ మండలం పిప్పర్‌వాడ జిల్లా పరిషత్‌ ప్రాథమిక పాఠశా ల ప్రధానోపాధ్యాయురాలు గడ్డం శశికళ వి యత్నాం పర్యటనకు ఎంపికయ్యారు. ఆమె ను ఎంపిక చేస్తూ డైరెక్టర్‌ ఆఫ్‌ స్కూల్‌ ఎడ్యుకేషన్‌ హైదరాబాద్‌ నుంచి ఉత్తర్వులు జారీ అయ్యాయి. ఈ పర్యటనలో భాగంగా ఆమె వియత్నాం దేశంలో అమలవుతున్న విద్యా విధానం, ఆధునిక బోధనా పద్ధతులపై అధ్యయనం చేయనున్నారు. ఆమె ఎంపికపై తోటి ఉపాధ్యాయులు, గ్రామస్తులు, విద్యార్థులు హర్షం వ్యక్తం చేశారు. ఆమె ఎంపిక మండలంలోని మరింతమంది ఉపాధ్యాయులకు స్ఫూర్తినిస్తుందని విద్యావేత్తలు పేర్కొన్నారు.

కడెం: గణేశ్‌ నిమజ్జనంలో అపశృతి చోటుచేసుకుంది. ఎస్సై సాయికిరణ్‌, స్థానికులు తెలిపిన వివరాల ప్రకారం.. మండలంలోని ధర్మాజీపేట్‌ గ్రామపంచాయతీ పరిధిలోని కుర్రగూడేనికి చెందిన చుంచు రమేశ్‌ (45) కడెం ప్రాజెక్ట్‌లో పడి మృతి చెందాడు. గురువారం రాత్రి ప్రారంభమైన నిమజ్జన శోభా యాత్ర శుక్రవారం ఉదయం 11గంటలకు గ్రామ సమీపంలోని కడెం ప్రాజెక్ట్‌ బ్యాక్‌ వాటర్‌కు చేరుకుంది. గణేశుడిని నిమజ్జనం చేసే క్రమంలో రమేశ్‌ ప్రమాదవశాత్తు నీటిలో పడ్డాడు. గమనించిన స్థా నికులు వెంటనే అతడిని బయటకు తీసినా అప్పటి కే మృతి చెందాడు. నిరుపేద గిరిజన కుటుంబానికి చెందిన రమేశ్‌ గ్రామంలో పశువుల కాపరిగా పనిచేస్తూ కుటుంబాన్ని పోషించుకుంటున్నాడు. మృతుడికి భార్య రమాదేవి, కుమారుడు, కూతురు ఉన్నా రు. మృతుడి భార్య ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై పేర్కొన్నారు.

ఉట్నూర్‌రూరల్‌: స్థానిక ప్రభుత్వ డిగ్రీ కళాశాల తె లుగు అధ్యాపకుడు, యువ కవి కపిల్‌ను వరుస సాహిత్య పురస్కారాలు వరించాయని కళాశాల అ ధ్యాపకులు పేర్కొన్నారు. ఇటీవల వివిధ సాహితీ సంస్థలు నిర్వహించిన రాష్ట్ర, జాతీయ స్థాయి కవి తల పోటీల్లో ప్రతిభ చాటి ఆయన ఈ పురస్కారా లు అందుకున్నట్లు తెలిపారు. తెలుగు కళారత్నాలు, ఉషోదయ ఫౌండేషన్‌ సంయుక్త ఆధ్వర్యంలో నిర్వహించిన పోటీల్లో గుర్రం జాషువా జయంతి సందర్భంగా రాసిన కవితకు ప్రథమ విజేతగా నిలిచి గు ర్రం జాషువా సేవా సౌరభం బిరుదు పొందారు. అ లాగే, డాక్టర్‌ బోయి భీమన్న జయంతి పోటీల్లో డా క్టర్‌ బోయి భీమన్న చైతన్య దీప్తి బిరుదు సాధించారు. వీటితో పాటు ఆర్గనైజేషన్‌ ఆఫ్‌ గ్లోబల్లీ యు నైటెడ్‌ టీచర్స్‌ నిర్వహించిన పోటీల్లో ప్రత్యేక ప్రశంసాపత్రాన్ని అందుకున్నారు. ఈ సందర్భంగా కళా శాల ప్రిన్సిపాల్‌ టి.ప్రతాప్‌ సింగ్‌, వైస్‌ ప్రిన్సిపాల్‌ సాయిప్రసాద్‌, సంస్థ ప్రతినిధులు శుక్రవారం ఆయనను అభినందిస్తూ.. కపిల్‌ సాధించిన పురస్కారాలు కళాశాలకే గర్వకారణమని కొనియాడారు.

మంచిర్యాలరూరల్‌(హాజీపూర్‌): ఎల్లంపల్లి ప్రాజెక్ట్‌ పూర్తిస్థాయి నీటిమట్టానికి చేరుకుని జలకళను సంతరించుకుంది. శుక్రవారం ప్రాజెక్ట్‌ నీటి మట్టం వివరాలు ఇలా ఉన్నాయి. 148 మీటర్ల క్రస్ట్‌ లెవెల్‌కు 148 మీటర్లు చేరగా.. 20.175 టీఎంసీలకు గాను 20.100 టీఎంసీల నీటి మట్టంతో నిండుకుండను తలపిస్తోంది. ఇన్‌ఫ్లో కింద ఎగువ ప్రాంతాల నుంచి 13వేల క్యూసెక్కుల వరదనీరు ప్రాజెక్ట్‌లోకి వచ్చి చేరుతుండగా.. అవుట్‌ ఫ్లో కింద హైదరాబాద్‌కు 277, ఎన్టీపీసీకి 121, నంది పంప్‌హౌస్‌కు 12,600 క్యూసెక్కుల నీటిని తరలిస్తున్నారు. ‘కడెం’కు స్వల్ప ఇన్‌ఫ్లో కడెం: కడెం ప్రాజెక్ట్‌కు శుక్రవారం 1,242 క్యూసెక్కుల స్వల్ప ఇన్‌ఫ్లో వస్తున్నట్లు ప్రాజెక్ట్‌ అధికారులు తెలిపారు. ప్రస్తుతం ప్రాజెక్ట్‌ పూర్తిస్థాయి నీటిమట్టం 700 అడుగులు ఉన్నట్లు పేర్కొన్నారు.

ఆదిలాబాద్‌టౌన్‌: ఆదిలాబాద్‌ రిమ్స్‌ మెడికల్‌ కళాశాల ఆర్థోపెడిక్‌ విభాగం అసిస్టెంట్‌ ప్రొఫెసర్‌ డాక్టర్‌ మామిడి శరత్‌రావుకు ఢిల్లీలోని ఇండియన్‌ స్పైనల్‌ ఇంజురీస్‌ సెంటర్‌ (ఐఎస్‌ఐసీ)లో స్పైన్‌ సర్జరీ ఫెలోషిప్‌లో సీటు లభించింది. దేశ వ్యాప్తంగా ప్రతిష్టాత్మకమైన స్పైన్‌ వైద్య సంస్థల్లో ఒకటైన ఐఎస్‌ఐసీలో ఈ అవకాశం దక్కడం విశేషమని వైద్య వర్గాలు పేర్కొన్నాయి. 2025లో నేషనల్‌ బోర్డ్‌ ఆఫ్‌ మెడికల్‌ సైన్సెస్‌ నిర్వహించిన ఎఫ్‌ఎన్‌బీ (ఫెలోషిప్‌ ఇన్‌ నేషనల్‌ బోర్డ్‌) ప్రవేశ పరీక్షలో డాక్టర్‌ శరత్‌రావు జాతీయ స్థాయిలో 44వ ర్యాంక్‌ సాధించారు. ఈ ప్రతిభ ఆధారంగా రెండేళ్ల పాటు కొనసాగే స్పైన్‌ సర్జరీ ఫెలోషిప్‌ కోర్సుకు ఎంపికయ్యారు. తెలంగాణ నుంచి ఢిల్లీలోని ఐఎస్‌ఐసీలో ఫెలోషిప్‌ సీటు సాధించడం ఆనందంగా ఉందని డాక్టర్‌ శరత్‌రావు తెలిపారు. ఈ సందర్భంగా ఆయన తల్లిదండ్రులు ఆంజనేయులు, వసంతతో పాటు కుటుంబ సభ్యులు, స్నేహితులు, రిమ్స్‌ వైద్యులు, అధికారులు అభినందనలు తెలిపారు. పాపహరేశ్వరాలయంలో అనంత చతుర్దశి వేడుకలుదిలావర్‌పూర్‌: మండలంలోని కదిలి మాతాన్నపూర్ణేశ్వరీ పాపహరేశ్వరాలయంలో శుక్రవారం నర్సాపూర్‌(జి) మండలం గొల్లమాడ గురుదత్త ఆశ్రమ భక్తులు అనంత చతుర్థశి వేడుకలు ఘనంగా నిర్వహించారు. అనేక మంది భక్తులు కంకణధారణ చేసి ఆలయ ప్రాంగణంలో చేపట్టిన అన్న ప్రసాద వితరణలో ఉపవాస దీక్షలు విరమించారు. 14 ముడులతో కూడిన కంకణధారణం ఆనవాయితీగా వస్తోందని వెల్ల డించారు. ఆలయ కమిటీ చైర్మన్‌ నార్వాడి వెంకట్రావు పాటిల్‌, ధర్మకర్తలు సింధే ధత్తురాం పాటిల్‌, మాడేగం గ్రామ సర్పంచ్‌ జాదవ్‌ మారుతీ రావు పాటిల్‌, మాజీ చైర్మన్‌లు నార్వాడి సంభాజీ రావు పాటిల్‌, భుజంగ్‌రావు పాటిల్‌, దేవాదాయ శాఖ సీనియర్‌ అసిస్టెంట్‌ జాదవ్‌ మాధవరావు పాటిల్‌, వివిధ గ్రామాల భక్తులు పాల్గొన్నారు.

నిర్మల్‌ రూరల్‌: విద్యార్థుల్లో సృజనాత్మకత, శాసీ్త్రయ ఆలోచన, ప్రయోగాత్మక అభ్యాసం, సమస్య పరి ష్కార నైపుణ్యాలను పెంపొందించేందుకు అటల్‌ టింకరింగ్‌ ల్యాబ్‌ (ఏటీఎల్‌)ను పాఠశాల విద్యతో అనుసంధానం చేయాలనే లక్ష్యంతో జిల్లాలోని ఎంపిక చేసిన ఉపాధ్యాయులకు హైదరాబాద్‌లో మూ డు రోజుల శిక్షణా తరగతులు నిర్వహిస్తున్నారు. ఈ నెల 24 నుంచి 26 వరకు జిల్లాలోని 18 పాఠశాలల నుంచి 18 మంది ఉపాధ్యాయులు ఈ కార్యక్రమంలో పాల్గొన్నారు. విద్యార్థులకు భవిష్యత్తులో ఉపయోగపడే ఆధునిక సాంకేతిక పరిజ్ఞానాన్ని పరిచ యం చేయడంతోపాటు, ఉపాధ్యాయులు స్వయంగా ప్రయోగాలు చేసి వాటిని సులభంగా బోధించేందుకు అవసరమైన నైపుణ్యాలను అందించడం ఈ శిక్షణ ప్రధాన ఉద్దేశం. శిక్షణలో భాగంగా ప్రాథమిక ఎలక్ట్రానిక్స్‌, బేసిక్‌ ఎలక్ట్రానిక్‌ సర్క్యూట్లు, సిరీస్‌, ప్యారలల్‌ సర్క్యూట్లు వంటి అంశాలను ప్రయోగా త్మకంగా వివరించారు. ప్రయోగాలను భౌతికంగా రూపొందించే ముందు వాటిని డిజిటల్‌గా పరీక్షించే పద్ధతులపైనా శిక్షకులు అవగాహన కల్పించారు. కోడింగ్‌తోపాటు ఏఐ సంబంధిత ప్రాథమిక అంశాలపై కూడా శిక్షణ ఇస్తున్నారు. జిల్లా సైన్స్‌ అధికారి వినోద్‌ కుమార్‌ ఆధ్వర్యంలో ఈ కార్యక్రమం నడుస్తోంది. విద్యార్థుల్లో శాసీ్త్రయ దృక్పథం, సృజనాత్మకత, సాంకేతిక నైపుణ్యాలు, సమస్య పరిష్కార సామర్థ్యాలను పెంపొందించడంలో ఇది కీలక పాత్ర పోషిస్తుంది.

తానూరు : మండలంలోని భోసి గ్రామంలో 11 రోజులుగా విశేష పూజలందుకున్న కర్ర గణనాథుడి నిమజ్జన వేడుకలు శుక్రవారం కన్నులపండువగా నిర్వహించారు. ముందుగా ఆలయ కమిటీ సభ్యులు కర్ర వినాయకునికి ప్రత్యేక పూజలు చేసి శోభాయాత్రను ప్రారంభించారు. చివరి రోజు దర్శనం కోసం తెలంగాణతో పాటు మహారాష్ట్ర నుంచి భక్తులు అధిక సంఖ్యలో తరలిరావడంతో భోసి జనసంద్రంగా మారింది. కర్ర వినాయకుని లడ్డూను రూ.71 వేలకు గ్రామానికి చెందిన పసుల భోజన్న సొంతం చేసుకున్నారు. గ్రామ కమిటీ ఆధ్వర్యంలో భక్తులకు అన్నదానం నిర్వహించారు. అనంతరం బావి సమీపానికి తీసుకెళ్లి నీళ్లు చల్లి, ప్రత్యేకంగా తయారుచేసిన బీరువాలో కర్ర వినాయకుని భద్రపరిచారు. బ్యాండు మేళాలు.. తీన్మార్‌ స్టెప్పులుగణేశ్‌ మండలి వద్ద బ్యాండు మేళాలు ప్రతిధ్వనించాయి. యువకులు తీన్మార్‌ స్టెప్పులు వేసి వేడుకలకు శోభను తెచ్చారు. ఎటు చూసినా బ్యాండు మేళాల చప్పుళ్లే వినిపించాయి. శోభాయాత్ర పొడవునా ప్రధాన వీధుల్లో మహిళలు మంగళహారతులు ఇచ్చి అక్షింతలు చల్లి దీవించాలని వేడుకున్నా రు. అందరినీ చల్లగా కాపాడి ఆరోగ్యంగా ఉంచి మంచి పంటలు పండాలని కోరుకున్నారు. భైంసా మున్సిపల్‌ చైర్మన్‌ దత్తాత్రి స్వామివారిని దర్శించుకున్నారు. ఆలయ కమిటీ చైర్మన్‌ ఉత్తం బాలేరావ్‌, వీడీసీ అధ్యక్షులు బాలా జీ, నాయకులు నాగనాథ్‌, ఉపసర్పంచ్‌ లక్ష్మణ్‌ పాల్గొన్నారు. భైంసారూరల్‌: మండలంలోని మాటేగాం గ్రామంలో భక్తిశ్రద్ధలతో కొరడి గణేశుని నిమజ్జనం శుక్రవారం నిర్వహించారు. ఉదయం నుంచే భక్తులు మాటేగాం గ్రామానికి తరలివెళ్లారు. ఆలయంలో పూజలు చేశారు, తర్వాత శోభయాత్రలో పాల్గొన్నారు. శోభయాత్ర అనంతరం కొరడి గణేశునిపై నీళ్లు చల్లి ఆలయంలో ప్రత్యేకంగా ఏర్పాటు చేసిన బీరువాలో భద్రపరిచారు.

నిర్మల్‌ఖిల్లా: తెలంగాణతోపాటు భారతీయ వలస కార్మికుల హక్కులు, రక్షణ, సంక్షేమం కోసం తెలంగాణ గల్ఫ్‌ సమితి–ఖతార్‌, ప్రవాసీమిత్ర కార్మిక సంఘం–తెలంగాణ సంయుక్తంగా పనిచేయాలని నిర్ణయించాయి. ఈ మేరకు శుక్రవారం డిజిటల్‌ వర్చువల్‌ వేదికగా రెండు సంస్థల మధ్య అవగాహన ఒప్పందం కుదిరింది. బిల్డింగ్‌ అండ్‌ వుడ్‌ వర్కర్స్‌ ఇంటర్నేషనల్‌కు అనుబంధంగా పనిచేస్తున్న ఈ రెండు కార్మిక సంఘాలు సురక్షిత, క్రమబద్ధమైన, చట్టబద్ధమైన వలసలను ప్రోత్సహించడంతోపాటు వలస కార్మికుల సమస్యలను క్షేత్రస్థాయి నుంచి అంతర్జాతీయ స్థాయి వరకు తీసుకెళ్లేందుకు సమన్వయంతో పనిచేయనున్నాయి. ఈ డిజిటల్‌ అవగాహన ఒప్పందంపై ప్రవాసీ మిత్ర కార్మిక సంఘం తెలంగాణ రాష్ట్ర అధ్యక్షుడు స్వదేశ్‌ పరికిపండ్ల, తెలంగాణ గల్ఫ్‌ సమితి–ఖతార్‌ అధ్యక్షుడు మధు మైదం సంతకాలు చేశారు. ఈ మేరకు ప్రవాసీమిత్ర లేబర్‌ యూనియన్‌ రాష్ట్ర అధ్యక్షుడు నిర్మల్‌ జిల్లాకు చెందిన స్వదేశ్‌ వివరాలు వెల్లడించారు. ఉమ్మడి ఆదిలాబాద్‌ జిల్లాతోపాటు ఉత్తర తెలంగాణ జిల్లాల నుంచి విరివిగా విదేశీ ఉపాధి కోసం వెళ్తున్న కార్మికులకు వీసా, ఉద్యోగ ఒప్పందం, వేతనాలు, నియామక ప్రక్రియ, పని పరిస్థితులు, కార్మికుల హక్కులు, చట్టపరమైన అంశాలపై అవగాహన కల్పించేందుకు కార్యక్రమాలు నిర్వహించనున్నట్లు తెలిపారు. స్వదేశానికి తిరిగి వచ్చిన కార్మికులకు పునరావాసం, పునఃసమీకరణ, నైపుణ్యాభివృద్ధి, ఉపాధి అవకాశాలు తదితర అంశాలపై సమాచారం, మార్గదర్శకత్వం అందించే కార్యక్రమాలూ చేపట్టనున్నట్లు పేర్కొన్నారు. వలస కార్మికులు సమస్యలు సేకరించి కేంద్ర, రాష్ట్ర ప్రభుత్వాల దృష్టికి తీసుకెళ్లనున్నట్లు తెలిపారు.

ఒకప్పుడు కూతురు భారం అనుకునేవారు..! తరం మారుతున్న కొద్దీ కుమారుల కంటే కూతురేం తక్కువ కాదని తల్లిదండ్రులు ఘంటాపథంగా చెబుతున్నారు. కూతుళ్లు ఏ రంగం ఎంచుకున్నా సరే విజయపథంలో దూసుకెళ్తూ తల్లిదండ్రులకు పేరు తెస్తున్న వారెందరో ఉన్నారు. ఏ చిన్న అవకాశం దొరికినా ఇదీ మా కూతురు గొప్పదనం అంటూ ఉదాహరణలెన్నో చెబుతా రు. ఆ గొప్పదనం మరింత మందితో పంచుకునేలా సాక్షి దినపత్రిక అవకాశం కల్పిస్తోంది. కూతురు గొప్పదనం గురించి నాలుగు వాక్యాలు నేటి సాయంత్రం 5గంటల వరకు మా వాట్సప్‌ నంబర్‌కు పంపించండి. ఈ నెల 27న కూతుళ్ల దినోత్సవం సందర్భంగా ‘సాక్షి’ లో ప్రచురిస్తాం. మీ కూతురుతో దిగిన సెల్ఫీ ఫొటో పంపించడం మర్చిపోవద్దు. పేర్లు, ఊరు, మండలం వివరాలు ఉండాలి.97054 44372

ఆదిలాబాద్‌రూరల్‌: ఆదిలాబాద్‌ జిల్లా యాపల్‌గూడలోని తెలంగాణ స్టేట్‌ స్పెషల్‌ పోలీస్‌ రెండో బెటాలియన్‌లో పలు అక్రమాలు జరిగినట్లు తీవ్ర ఆరోపణలు వెలుగులోకి వచ్చాయి. బెటాలియన్‌ సిబ్బంది పేరిట ఉన్నట్లు పేర్కొంటున్న ఓ లేఖలో బదిలీలు, అటాచ్‌మెంట్‌లు, డ్యూటీల కేటాయింపు, పర్మిషన్లు, పనిష్మెంట్‌లు, మోటార్‌ ట్రాన్స్‌పోర్ట్‌ విభాగం, పెట్రోల్‌–డీజిల్‌ వినియోగం, నిర్మాణ పనులు, వెల్ఫేర్‌, క్యాంటీన్‌, మెడికల్‌ కొనుగోళ్లు తదితర అంశాలను ప్రస్తావించారు. కొందరు అధికారులు సిబ్బందితో వ్యవహరిస్తున్న తీరుపైనా అభ్యంతరాలు వ్యక్తం చేసినట్లు తెలుస్తోంది. బదిలీలు, అటాచ్‌మెంట్‌లు, కంపెనీ మార్పులు, డ్యూటీల విషయంలో డబ్బుల వ్యవహారం నడుస్తోందని, పనిష్మెంట్‌లు డ్రాప్‌ చేయడం, పర్మిషన్లు ఇవ్వడం వంటి అంశాల్లోనూ అక్రమాలు జరుగుతున్నాయని లేఖలో ఆరోపించినట్లు సమాచారం. బదిలీలు, డ్యూటీలకు ప్యాకేజీ బెటాలియన్‌లో కంపెనీ నుంచి కంపెనీకి బదిలీలు, వింగ్‌లలో పోస్టింగులు, అటాచ్‌మెంట్‌ల విషయంలో డబ్బుల వ్యవహారం జరుగుతోందని లేఖలో ఆరోపించినట్లు తెలుస్తోంది. మరో బెటాలియన్‌కు అటాచ్‌మెంట్‌ కావాలంటే పిటిషన్‌ ఫార్వర్డ్‌ చేయడానికి సుమారు రూ.15వేల వరకు చెల్లించాల్సి వస్తోందని పేర్కొన్నట్లు సమాచారం. కంపెనీల మార్పులు, అటాచ్‌మెంట్‌లు, డ్యూటీల కేటాయింపుల విషయంలో కొందరి ద్వారా డబ్బులు వసూలు చేస్తున్నారని ఆరోపించారు. డ్యూటీలకు హాజరు, సెలవులు, పర్మిషన్లు, ఫ్యాటిగ్స్‌, గార్డ్‌ డ్యూటీలు, మూవ్‌మెంట్ల విషయంలోనూ లేఖలో పలు అంశాలున్నాయి. కొందరు సిబ్బంది డ్యూటీలకు హాజరు కాకపోయినా పర్మిషన్లు, సెలవుల విషయంలో అనుకూలంగా వ్యవహరిస్తున్నారని, రోజుకు రూ.500 చొప్పున ప్యాకేజీ తరహాలో డబ్బులు చెల్లిస్తున్నారనే ఆరోపణలున్నాయి. పనిష్మెంట్‌ విధించిన అనంతరం దానిని డ్రాప్‌ చేయడానికి కూడా డబ్బులు డిమాండ్‌ చేస్తున్నారని, అధికారులు సిబ్బందితో దూషణలకు పాల్పడుతున్నారని, అసభ్య పదజాలం ఉపయోగిస్తున్నారని కూడా లేఖలో పేర్కొన్నట్లు సమాచారం. విచారణతో వాస్తవాలు వెలుగులోకి.. రెండో బెటాలియన్‌లోని వివిధ విభాగాలకు సంబంధించిన అనేక అంశాలను ప్రస్తావిస్తూ సిబ్బంది ఉన్నతాధికారుల దృష్టికి తీసుకెళ్లినట్లు తెలుస్తోంది. వాటిపై విచారణ కోరినట్లు సమాచారం. ఆరోపణలకు సంబంధించిన ఆధారాలు తమ వద్ద ఉన్నాయని, విచారణ జరిగితే అందజేస్తామని లేఖలో పేర్కొన్నట్లు తెలుస్తోంది. ఆరోపణలు ఎదుర్కొంటున్న అధికారుల వివరణతో పాటు సంబంధిత ఉన్నతాధికారుల స్పందన కూడా కీలకంగా మారనుంది. లేఖలో పేర్కొన్న అంశాలపై సమగ్ర విచారణ జరిపి వాస్తవాలను వెలుగులోకి తీసుకురావాలని సిబ్బంది కోరుతున్నట్లు తెలుస్తోంది.పెట్రోల్‌, డీజిల్‌ నుంచి ఎంటీ వింగ్‌ వరకు..బెటాలియన్‌ మోటార్‌ ట్రాన్స్‌పోర్ట్‌ వింగ్‌, పెట్రోల్‌ బంక్‌ వ్యవహారాలపై లేఖలో ప్రత్యేకంగా ఆరోపణలు చేసినట్లు తెలుస్తోంది. వాహనాలకు ఇంధనం నింపే సమయంలో టెస్టింగ్‌ పేరుతో తీసే పెట్రోల్‌, డీజిల్‌లో కొంత మొత్తాన్ని సొంత వాహనాలకు వినియోగిస్తున్నారని ఆరోపించారు. 40 లీటర్ల టెస్టింగ్‌లో 20 లీటర్లు మాత్రమే పంప్‌ స్టోరేజ్‌లోకి వెళ్లి, మిగతా 20 లీటర్లను వేరే విధంగా వినియోగిస్తున్నారనే ఆరోపణలు లేఖలో ఉన్నట్లు సమాచారం. ప్రభుత్వ వాహనంలో ప్రయాణికులను ఎక్కించుకుని డబ్బులు వసూలు చేసిన వ్యవహారాన్ని కూడా ప్రస్తావించినట్లు తెలుస్తోంది. డ్రైవింగ్‌ టెస్టులు, డ్రైవింగ్‌ డ్యూటీల పిటిషన్లు, ఎంపిక ప్రక్రియపైనా ఆరోపణలున్నాయి. ఎంటీ వింగ్‌లో డ్యూటీలు, మూవ్‌మెంట్లు, అధికారిక–అనధికారిక పర్మిషన్లు, ఆన్‌లైన్‌ బెట్టింగ్‌, ఫైనాన్స్‌ వ్యవహారాలపై కూడా లేఖలో ప్రస్తావించినట్లు తెలుస్తోంది. ఇంధన కూపన్లు, లాగ్‌బుక్‌లు, వాహనాల కిలోమీటర్‌ రీడింగ్‌లు, పెట్రోల్‌ బంక్‌ స్టాక్‌, బిల్లులను పరిశీలిస్తే వాస్తవాలు తేలే అవకాశముంది.

ఖానాపూర్‌: పట్టణంలో వినాయక విగ్రహాల శోభాయాత్ర శుక్రవారం వైభవంగా ప్రారంభమైంది. స్థానిక ప్రజాప్రతినిధులు, హిందూ ఉత్సవ సమితి నాయకులు, అధికారులు ధ్వజారోహణ చేసి, మండపాల నంబర్ల వారీగా ఊరేగింపులను ప్రారంభించారు. బ్యాండ్‌ మేళాలు, డీజే చప్పుళ్ల నడుమ యువతీ, యువకుల నృత్యాలు ఆకట్టుకున్నాయి. స్థానిక జగన్నాథ్‌రావు చౌరస్తాలో హిందూ ఉత్సవ సమితి ఆధ్వర్యంలో పలు పాఠశాలల విద్యార్థులతో నిర్వహించిన సాంస్కృతిక కార్యక్రమాలు అలరించాయి. శివాజీనగర్‌ మండపం వద్ద మాస్కట్‌, బాడీ సూట్‌, కార్టూన్‌, గొరిల్లా, రాక్షస వేషధారణలతో నిర్వహించిన ప్రదర్శనలు ఆకట్టుకున్నాయి. శోభాయాత్ర సాగిన ప్రధాన రహదారికి ఇరువైపులా పలుచోట్ల భక్తులకు తాగునీరు, అల్పాహారం పంపిణీ చేశారు. ఎలాంటి అవాంఛనీయ ఘటనలు చోటుచేసుకోకుండా పోలీసులు బందోబస్తు ఏర్పా టు చేశారు.

సారంగపూర్‌: మండలంలోని ఆయా గ్రామాల్లో గల తెల్ల కల్లు దుకాణాలు, వైన్‌ షాపులు, దాబా హోటళ్లను శుక్రవారం ఎకై ్సజ్‌, పోలీస్‌ అధికారులు సీజ్‌ చేశారు. ఈ సందర్భంగా ఎకై ్సజ్‌ ఎస్సై వసంత్‌రావు, స్థానిక ఎస్సై శ్రీకాంత్‌ మాట్లాడారు. శని, ఆదివారాల్లో ప లు గ్రామాల్లో గణపతి నిమజ్జన శోభా యా త్ర జరగనున్న నేపథ్యంలో ముందస్తుగా వీ టిని సీజ్‌ చేసినట్లు తెలిపారు. ఎక్కడైనా, ఎవరైనా మద్యం విక్రయించినట్లు తమ దృష్టికి వస్తే కఠినచర్యలు తప్పవని హెచ్చరించారు. ఎకై ్సజ్‌, పోలీస్‌శాఖల సిబ్బంది ఉన్నారు. గుర్తుతెలియని వాహనం ఢీకొని ఒకరు మృతిగుడిహత్నూర్‌: మండల కేంద్రంలోని జవహర్‌నగర్‌ సమీపంలో జాతీయ రహదారి 44పై గురువా రం రాత్రి జరిగిన ప్రమాదంలో బజార్‌హత్నూర్‌ మండలం హర్కాయి గ్రామానికి చెందిన హిరకుమ్ర పాండు (32) మృతి చెందాడు. పోలీసులు తెలిపిన వివరా ల ప్రకారం.. హిరకుమ్ర పాండు గురువారం రాత్రి 8గంటల ప్రాంతంలో జాతీయ రహదా రి దాటుతుండగా స్థానిక జవహర్‌నగర్‌ వద్ద గుర్తు తెలియని వాహనం ఢీకొట్టడంతో తల కు తీవ్రగాయాలయ్యాయి. గమనించిన స్థా నికులు వెంటనే అంబులెన్స్‌లో రిమ్స్‌కు తరలించి చికిత్స అందించారు. అయినా, రాత్రి 10గంటల సమయంలో పాండు చికిత్స పొందుతూ మృతి చెందాడు. భార్య లక్ష్మి ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్సై ఎల్‌.శ్రీకాంత్‌ తెలిపారు. పాము కాటుతో రైతు..లక్ష్మణచాంద: పాము కాటుకు గురై రైతు మృతి చెందిన ఘటన మండలంలోని చామన్‌పెల్లి గ్రామంలో చోటు చేసుకుంది. వివరాలు.. గ్రామానికి చెందిన కుంటాల పోశెట్టి (51) శుక్రవారం తన పొలానికి వెళ్లాడు. అక్కడ పాము కాటు వేసింది. ఏదో పురు గు కాటువేసినట్లు భావించిన పోశెట్టి ఇంటికి వచ్చి కుటుంబ సభ్యులకు విషయం తెలిపాడు. వెంటనే వారు పోశెట్టిని నిర్మల్‌ ఏరియాస్పత్రికి త రలించే క్రమంలో అపస్మారక స్థితికి చేరుకున్నాడు. ఆస్పత్రికి తీసుకెళ్లాక వైద్యులు పరీక్షించి అప్పటికే మృతి చెందాడని తెలిపారు. పోశెట్టికి భార్య ముత్తవ్వ, కుమారుడు నవీన్‌, కుమార్తె ఉన్నారు. గుండెపోటుతో అంగన్‌వాడీ హెల్పర్‌.. తాంసి: భీంపూర్‌ మండలం ఇందూర్‌పల్లి గ్రా మానికి చెందిన అంగన్‌వాడీ హెల్పర్‌ అనుసూయ(38) శుక్రవారం గుండెపోటుతో మృతి చెందింది. గురువారం సాయంత్రం ఇంటి వద్ద పనులు చేస్తుండగా శ్వాస తీసుకోవడంలో ఇబ్బంది ఎదురైంది. రిమ్స్‌ ఆస్పత్రికి తరలించగా చికిత్స పొందుతూ శుక్రవారం ఉదయం చనిపోయింది. ఆమె మృతి పట్ల గ్రామ సర్పంచ్‌ సురేఖ సంతాపం వ్యక్తం చేశారు.

నిర్మల్‌ రూరల్‌: ఫార్మర్‌ రిజిస్ట్రీతో రైతులకు అనేక ప్రయోజనాలు ఉన్నాయని జిల్లా ఇన్‌చార్జి వ్యవసాయ అధికారి బి.సుజాత తెలిపా రు. మండలంలోని కౌట్ల(కే) గ్రామంలో రైతు రిజిస్ట్రీపై శుక్రవారం అవగాహన కల్పించారు. కేంద్ర ప్రభుత్వ అగ్రిస్టాక్‌ కార్యక్రమంలో భా గంగా రాష్ట్ర ప్రభుత్వం అమలు చే స్తున్న ఫా ర్మర్‌ రిజిస్ట్రీ విధానంలో ప్రతీ రైతుకు ప్రత్యేకమైన ఫార్మర్‌ ఐడీ అందించనున్నట్లు వివరించారు. రైతు రిజిస్ట్రేషన్‌తో భూమి వివరాలు ఒకే చోట నమోదు కావడంతోపాటు, నిజమై న రైతులకు పారదర్శకంగా ప్రభుత్వ పథకా లు అందే అవకాశం ఉంటుందన్నారు. ఎరువుల కొనుగోలు కోసం ఎఫ్‌ఎఫ్‌ఎస్‌ యాప్‌, బ్యాంకుల ద్వారా రుణాలు, పీఎం కిసాన్‌, జాతీయ ఆహార భద్రత మిషన్‌, రాష్ట్ర వ్యవసాయ పథకాలు, సబ్సిడీలు తదితర రైతు సేవలకు ఫార్మర్‌ ఐడీ ఎంతగానో ఉపయోగపడుతుందన్నారు. ఏవో వసంత్‌రావు, ఏఈవో అంబాజీ, సర్పంచ్‌ రాజు, ఉప సర్పంచ్‌ రఘు, న ర్సారెడ్డి, దేవేందర్‌రెడ్డి, రైతులు పాల్గొన్నారు.

భైంసాటౌన్‌: వందేమాతరం గేయ రచన జరిగి 150 ఏళ్లు పూర్తి చేసుకున్న నేపథ్యంలో విద్యాభారతి అఖి ల భారతీయ శిక్షాసంస్థాన్‌ ఆధ్వర్యంలో ‘నమామి భారతం–వందేమాతరం సామూహిక గానం’ శుక్రవారం భైంసాలో చేపట్టారు. పట్టణంలోని ఎస్‌ఎస్‌ కాటన్‌ జిన్నింగ్‌ ఫ్యాక్టరీలో పాఠశాలల విద్యార్థులతో కలిసి వందేమాతరం సామూహికంగా ఆలపించారు. ఇందులో భాగంగా పట్టణంలోని ప్రభుత్వ, ప్రైవేట్‌ పాఠశాలల నుంచి 2,150 మంది విద్యార్థులు పాల్గొన్నారు. ఎమ్మెల్యే పి.రామారావు పటేల్‌, మున్సిపల్‌ చైర్మన్‌ తూముల దత్తాత్రి, ప్రధాన వక్త నర్రా వెంకటశివకుమార్‌, ఆర్‌ఎస్‌ఎస్‌ నాయకులతో కలిసి వందేమాతరం ఆలపించారు. అంతకుముందు జాతీయజెండా ఆవిష్కరించారు. అనంతరం జాతీయగీతం ఆలపించారు. కార్యక్రమంలో సరస్వతి విద్యాపీఠం ఆదిలాబాద్‌ విభాగ్‌ కార్యదర్శి సరికొండ దామోదర్‌, ఆర్‌ఎస్‌ఎస్‌ ఇందూరు విభా గ్‌ ప్రచారక్‌, జిల్లా సహ సంఘచాలక్‌ కృష్ణదాస్‌, సరస్వతి శిశుమందిర్‌ పాఠశాలల అధ్యక్షులు, ప్రబంధకారిణి సభ్యులు, ఉపాధ్యాయులు పాల్గొన్నారు.

నిర్మల్‌ రూరల్‌: మండలంలోని ఆయా గ్రామాల్లో శుక్రవారం రూరల్‌ పోలీసులు బెల్ట్‌ షాపులపై మెరుపు దాడులు నిర్వహించారు. ఎల్లపల్లి, న్యూ పోచంపాడు, కొండాపూర్‌, వెంగ్వాపేట్‌, రత్నాపూర్‌ కాండ్లీ గ్రామాల్లో నిబంధనలకు విరుద్ధంగా మద్యం అమ్ముతున్నారనే సమాచారంతో బెల్ట్‌ షాపులపై దాడి నిర్వహించారు. అక్రమంగా నిల్వ చేసిన మద్యాన్ని స్వాధీనం చేసుకున్నారు. ఎల్లపల్లిలో రూ.93,620 విలువైన 202 లీటర్ల మద్యం, న్యూపోచంపాడులో రూ.27,330 విలువైన 58.3 లీటర్లు, కొండాపూర్‌లో రూ.1,74,658 విలువైన 264.33 లీటర్లు, వెంగ్వాపేట్‌లో రూ.39,650 విలువైన 80 లీటర్లు, రత్నాపూర్‌కాండ్లీలో రూ.97,250 విలువైన 174 లీటర్ల మద్యాన్ని స్వాధీనం చేసుకున్నారు. ఈ సందర్భంగా ఎస్సై లింబాద్రి మాట్లాడుతూ.. ప్రభుత్వ అనుమతి లేకుండా అక్రమంగా మద్యం విక్రయించడం, బెల్ట్‌ షాపులు నిర్వహించడం చట్టవిరుద్ధమన్నారు. ఇలాంటి కార్యకలాపాలకు పాల్పడే వారిపై కఠినచర్యలు తీసుకుంటామని హెచ్చరించారు.

నిర్మల్‌: ‘గణపతి బప్పా మోరియా.. మంగళమూర్తి లౌకరియా..’ ‘జైబోలో గణేశ్‌ మహరాజ్‌కీ..’ అంటూ చిన్నాపెద్దా నినదిస్తుండగా, బ్యాండ్‌ చప్పుళ్లు, డీజే మోతలు మోగిస్తుండగా, తన్మయత్వం.. భా వోద్వేగంతో కూడిన భక్తిని నింపుకున్న జనమంతా ఘనంగా సాగనంపగా గణనాథుడు గంగమ్మ ఒడికి చేరాడు. 11 రోజులు పూజలందుకున్న పార్వతీపుత్రుడికి నిర్మల్‌వాసులు అట్టహాసంగా వీడ్కోలు పలి కారు. జిల్లాకేంద్రంలో శుక్రవారం మధ్యాహ్నం ప్రారంభమైన నిమజ్జనోత్సవం శనివారం సాయంత్రం వరకూ కొనసాగనుంది. దారి పొడవునా జనసందోహం, మరోవైపు భారీ బందోబస్తు నడుమ వినాయక శోభాయాత్ర సాగుతోంది. ‘గణ’ంగా సాగుతూ..స్థానిక బుధవార్‌పేట్‌ ఒకటో నంబర్‌ గణపతి వద్ద గణేశ్‌ ఉత్సవ కమిటీ ఆధ్వర్యంలో బీజేఎల్పీ నేత మహేశ్వర్‌రెడ్డి, ఎస్పీ జానకీషర్మిల, మున్సిపల్‌ వైస్‌చైర్మన్‌ అప్పాల గణేశ్‌చక్రవర్తి పూజలు చేసి నిమజ్జనోత్సవాన్ని ప్రారంభించారు. ఇక నంబర్ల వారీగా గణనాథులు ఒక్కొక్కటిగా ముందుకు కదిలాయి. గణేశ్‌ ఉత్సవ సమితి ఆధ్వర్యంలో సాయంత్రం స్థానిక నగరేశ్వరవాడ చౌరస్తాలో ఏర్పాటు చేసిన వేదికపై నుంచి వినాయకులకు స్వాగతం పలికారు. ఎవరి గణనాథుడి వద్ద వాళ్లు డీజేలు, బ్యాండ్‌లతో చిన్నాపెద్దా సందడి చేస్తూ ముందుకుసాగారు. మూషికుడిపై వెళ్తున్నట్లే..మెల్లగా కదిలే మూషికుడిపై వెళ్తున్నట్లే జిల్లాకేంద్రంలో నిమజ్జనోత్సవం సాఫీగా సాగుతోంది. ఒకదాని వెనుక ఒక వాహనం కదులుతుంటే.. దానిపైన కొలువుదీరిన వినాయక విగ్రహాలు భక్తులను వరుసగా దీవిస్తున్నట్లు కనువిందు చేశాయి. శోభాయమానంగా సాగిన ఈ నిమజ్జనోత్సవంలో పట్టణప్రజలతోపాటు చుట్టూ గ్రామాల నుంచి ప్రజలు వచ్చి పాల్గొన్నారు. అందరూ గణపయ్యకు చివరిసారి పూజలు చేసి, డీజే పాటలకు చిందేస్తూ ముందుకు సాగారు. బ్యాండు చప్పుళ్లను మించిన డీజేల మోతతో పట్టణం మార్మోగింది. జిల్లాకేంద్రంలోని ఏ రోడ్డు చూసినా నిమజ్జనానికి కదులుతున్న గణనాథులే కనిపించాయి. శోభాయాత్ర రూట్‌లో ఇబ్బంది లేకుండా ముందస్తుగా ట్రాఫిక్‌ ఆంక్షలు విధించారు. బంగల్‌ చెరువుకు మంగళమూర్తి..వాడవాడలో కొలువైన గౌరీతనయుడిని భక్తిశ్రద్ధలతో గంగమ్మ ఒడికి చేర్చారు. బుధవార్‌పేట్‌నుంచి జయశంకర్‌చౌరస్తా వరకు, అలాగే జయశంకర్‌ చౌరస్తా నుంచి బంగల్‌పేట్‌ వరకూ రోడ్లన్నీ గణనాథులు, జనంతో నిండిపోయాయి. బంగల్‌పేట్‌ బంగల్‌చెరువు(వినాయక సాగర్‌) వద్ద ప్రత్యేక క్రేన్‌తో నిమజ్జనం చేశారు. చెరువులోకి ఎవరూ వెళ్లకుండా కేవలం వినాయక విగ్రహాన్ని మాత్రమే తీసుకెళ్లి నిమజ్జనం చేస్తున్నారు.

నిర్మల్‌టౌన్‌: జిల్లా ఎస్పీ క్యాంపు కార్యాలయంలో ప్రతిష్టించిన గణేశ్‌ విగ్రహానికి ఎస్పీ జానకీషర్మిల శుక్రవారం ప్రత్యేక పూజలు నిర్వహించారు. అనంతరం శోభయాత్రను ప్రారంభించారు. శోభయాత్రలో ఎస్పీ పాల్గొ ని, నిమజ్జనానికి తరలించారు. ఇందులో పో లీస్‌ అధికారులు, సిబ్బంది పాల్గొని భక్తిశ్రద్ధలతో గణనాథుడికి వీడ్కోలు పలికారు. అనంతరం అన్నదానం చేశారు. కార్యక్రమంలో వి కారాబాద్‌ అడిషనల్‌ ఎస్పీ రాజేశ్‌మీనా, భైంసా ఏఎస్పీ సాయి కిరణ్‌, నిర్మల్‌ డీఎస్పీ శ్రీని వాస్‌, పోలీస్‌ అధికారులు పాల్గొన్నారు.

లింగాపూర్‌: ఆదిలాబాద్‌ రిమ్స్‌ ఆస్పత్రిలో జరిగిన అఆగ్ని ప్రమాదంలో కంచన్‌పల్లి గ్రామపంచాయతీ పరిధి మూలగూడ గ్రామానికి చెందిన చిన్నారి మృతి చెందగా బాధిత దుర్గాబాయి–మారుతి దంపతులను ఐటీడీఏ పీవో మంద మకరందు శుక్రవారం పరామర్శించారు. రాష్ట్ర ప్రభుత్వం తరఫున మంజూరైన రూ.5లక్షల చెక్కు అందించారు. ప్రభుత్వం అండగా ఉంటుందని భరోసా కల్పించారు. ఆపద సమయంలో బాధిత కుటుంబానికి అవసరమైన స హాయ సహకారాలు అందించేందుకు ప్రభుత్వం చ ర్యలు తీసుకుంటుందని తెలిపారు. ఏవో సంజ య్‌కుమార్‌, ఏపీవో పీవీటీవీ ఆత్రం భాస్కర్‌, హౌ సింగ్‌ ఏఈ శశికాంత్‌, సర్పంచ్‌ ఆత్రం శేషునారాయణ, కనక పార్వతీబాయి, అధి కారులు పాల్గొన్నారు.

నిర్మల్‌చైన్‌గేట్‌: ఖరీఫ్‌ ధాన్యం కొనుగోలుకు సన్నద్ధం కావాలని ఇన్‌చార్జి అదనపు కలెక్టర్‌ రాథోడ్‌ రమేశ్‌ అధికారులను ఆదేశించారు. కలెక్టరేట్‌ సమావేశ మందిరంలో అధికారులు, కొనుగోలు కేంద్రాల నిర్వాహకులతో శుక్రవారం సమావేశం నిర్వహించా రు. సంబంధిత శాఖల అధికారులు, కొనుగోలు కేంద్రాల నిర్వాహకులు సమన్వయంతో పనిచేస్తూ, పంటల కొనుగోళ్లు పకడ్బందీగా చేపట్టాలన్నారు. గతంలో క్షేత్రస్థాయిలో ఎదురైన అనుభవాల దష్ట్యా తగిన ప్రణాళిక సిద్ధం చేసుకోవాలన్నారు. కేంద్రాల వద్ద రైతులకు సదుపాయాలు కల్పించాలని తెలిపా రు. వ్యవసాయ అధికారులు మండలాల వారీగా వివరాలు సేకరించి, తగినన్ని కొనుగోలు కేంద్రాలు ఏర్పాటు చేయాలన్నారు. పౌర సరఫరాల అధికారులు రాజేందర్‌, సుధాకర్‌, వ్యవసాయ అధికారి సుజాత, తూనికలు, కొలతల అధికారి శంకర్‌, డీసీవో నర్సయ్య, అధికారులు పాల్గొన్నారు.

నిర్మల్‌చైన్‌గేట్‌: జిల్లాలోని మా తాశిశు ఆస్పత్రిలో ఏసీలకు వై ద్యాధికారులు, ఆస్పత్రి యాజ మాన్యం గురువారం మరమ్మతులు చేయించింది. ‘శిశువుల భద్రత గాలికి’ శీర్షికన ‘సాక్షి’లో గురువారం ప్రచురితమైన కథనానికి అధికారులు స్పందించారు. ఎస్‌ఎన్‌సీయూ, ఇతర వార్డుల్లో ఏసీలు పనిచేయక నవజాత శిశువులు, బాలింతలు పడుతున్న అవస్థలను ‘సాక్షి’ వెలుగులోకి తెచ్చింది. దీంతో జిల్లా జనరల్‌ ఆస్పత్రి సూపరింటెండెంట్‌ వివిధ విభాగాలను తనిఖీ చేశారు. స్వయంగా శిశువుల వార్డులు, ఐసీయూ విభాగాలను సందర్శించారు. పనిచేయని ఏసీలు, ఇతర వసతులను పరిశీలించారు. ఏసీలు చెడిపోవడానికి కా రణాలను సాంకేతిక సిబ్బందిని అడిగి తెలుసుకున్నారు. వెంటనే ఎలకి్ట్రకల్‌, టెక్నికల్‌ టీమ్‌ను రంగంలోకి దించి మరమ్మతులు ప్రారంభించారు. ఆస్పత్రిలో రోగులకు, ముఖ్యంగా చిన్న పిల్లలకు ఎటువంటి ఇబ్బంది కలగకుండా ని రంతరం వసతులను పర్యవేక్షించాలని సిబ్బందికి స్పష్టమైన ఆదేశాలు జారీ చేశారు. స్పందన

ఒకప్పుడు కూతురు భారం అనుకునేవారు..! తరం మారుతున్న కొద్దీ కుమారుల కంటే కూతురేం తక్కువ కాదని తల్లిదండ్రులు ఘంటాపథంగా చెబుతున్నారు. కూతుళ్లు ఏ రంగం ఎంచుకున్నా సరే విజయపథంలో దూసుకెళ్తూ తల్లిదండ్రులకు పేరు తెస్తున్న వారెందరో ఉన్నారు. ఏ చిన్న అవకాశం దొరికినా ఇదీ మా కూతురు గొప్పదనం అంటూ ఉదాహరణలెన్నో చెబుతా రు. ఆ గొప్పదనం మరింత మందితో పంచుకునేలా సాక్షి దినపత్రిక అవకాశం కల్పిస్తోంది. కూతురు గొప్పదనం గురించి నాలుగు వాక్యాలు శనివారం సాయంత్రం 5గంటల వరకు మా వాట్సప్‌ నంబర్‌కు పంపించండి. ఈ నెల 27న కూతుళ్ల దినోత్సవం సందర్భంగా ‘సాక్షి’ లో ప్రచురిస్తాం. మీ కూతురుతో దిగిన సెల్ఫీ ఫొటో పంపించడం మర్చిపోవద్దు. పేర్లు, ఊరు, మండలం వివరాలు ఉండాలి.97054 44372

నిర్మల్‌టౌన్‌: గణేశ్‌ నిమజ్జన శోభాయాత్ర కోసం నిర్మల్‌ పోలీస్‌ శాఖ సమగ్ర భద్రతా చర్యలు చేపట్టింది. శుక్రవారం జరగనున్న నిమజ్జన కార్యక్రమాన్ని ప్రశాంతంగా నిర్వహించేందుకుఎస్పీ జానకీషర్మిల ఆధ్వర్యంలో సుమారు 700 మంది పోలీసులతో బందోబస్తు ఏర్పాటు చేస్తున్నా రు. భద్రతా విధుల్లో ఒక అదనపు ఎస్పీ, ఒక ఏఎస్పీ, 15 మంది డీఎస్పీలు, సుమారు 50 మంది సీఐలు, ఎస్సైలు, ఇతర సిబ్బంది పా ల్గొంటారు. శోభాయాత్ర మార్గాన్ని 8 సెక్టార్లుగా విభజించి ప్రతీ సెక్టార్‌కు ప్రత్యేక పోలీస్‌ బలగా లను నియమించారు. అవసరమైన ప్రాంతాల్లో లిఫ్టింగ్‌, పుషింగ్‌ పార్టీలను కూడా అందుబాటులో ఉంచుతున్నారు. ప్రధాన మసీదులు, సున్ని త ప్రాంతాలు, రూఫ్‌టాప్‌లు, ట్రాఫిక్‌ పాయింట్లు, నిమజ్జన ప్రదేశాల వద్ద ప్రత్యేక భద్రతా చ ర్యలు చేపట్టారు. పట్టణంలోని కీలక ప్రాంతా ల్లో 106 సీసీ కెమెరాలతోపాటు నాలుగు డ్రోన్ల ద్వారా నిరంతర నిఘా కొనసాగించనున్నారు. ట్రాఫిక్‌ ఆంక్షలునిమజ్జన శోభాయాత్ర నేపథ్యంలో పట్టణంలో ట్రాఫిక్‌ నియంత్రణకు పోలీసులు ప్రత్యే క చర్యలు చేపట్టారు. నాగరేశ్వరవాడ నుంచి బంగాల్‌పేట్‌ వరకు శోభాయాత్ర మార్గంలో వాహనాలు పార్కింగ్‌ చేయవద్దని సూచించారు. మయూరి హోటల్‌ పరిసరాల్లో శోభాయాత్రను వీక్షించేందుకు వచ్చేవారు తమ వాహనాలు ఎన్‌టీఆర్‌ స్టేడియం సమీపంలోని కేటాయించిన పార్కింగ్‌ ప్రాంతాల్లో నిలపాలని సూచించారు. పోలీసుల ఫ్లాగ్‌ మార్చ్‌నిమజ్జన శోభాయాత్ర నేపథ్యంలో ప్రజల్లో భద్రతా భరోసా కల్పించేందుకు ఎస్పీ జానకీషర్మిల ఆధ్వర్యంలో గురువారం సాయంత్రం జిల్లా కేంద్రంలో పోలీస్‌ సిబ్బంది ఫ్లాగ్‌ మార్చ్‌ నిర్వహించారు. బుధవార్‌పేట్‌లోని ఎంకె.ఫంక్షన్‌ హాల్‌ నుంచి ప్రారంభమైన మార్చ్‌ జామా మసీదు, గుల్జార్‌ మసీదు, చింతకుంటవాడ, గాంధీచౌక్‌, కబూతర్‌ఖానా మీదుగా సాగింది. అవాంఛనీయ ఘటనలకు తావులేకుండా ప్రజ లు పోలీసు ల సూచనలు, నిబంధనలు పాటించాలని ఎస్పీ కోరారు. గణేశ్‌ మండపాల నిర్వాహకులు, యువత పోలీస్‌ శాఖకు సహకరించి నిమజ్జనం ప్రశాంతంగా నిర్వహించాలని సూ చించారు. ఫ్లాగ్‌మార్చ్‌లో డీఎస్పీ శ్రీనివాస్‌, సీఐలు, ఎస్సైలు, పోలీసులు పాల్గొన్నారు.

నిర్మల్‌చైన్‌గేట్‌: పాలిటెక్నిక్‌ విద్యార్థుల భవిష్యత్తును కాపాడాలని, సాంకేతిక విద్యా వ్యవస్థలో పాలిటెక్నిక్‌ను కొనసాగిస్తూ ఎస్‌బీటీఈటీ స్వతంత్రతను పరిరక్షించాలని విద్యార్థులు గురువారం నిర్మల్‌లో ధర్నా చేపట్టారు. బీజేపీ శాసనసభాపక్ష నేత, ఎమ్మెల్యే ఏలేటి మహేశ్వర్‌రెడ్డి విద్యార్థుల డిమాండ్లకు పూర్తి మద్దతు తెలిపారు. విద్యార్థుల ప్రయోజనాల రక్షణకు స్పష్టమైన చర్యలు తీసుకోవాలని పే ర్కొన్నారు. కార్యక్రమంలో బీజేపీ నాయకులు రావుల రామనాథ్‌, దొడ్డికింది ముత్యంరెడ్డి, జమాల్‌, సత్యం చంద్రకాంత్‌, సుంకరి సాయి, పలువురు కౌన్సిలర్లు, నాయకులు విద్యార్థులు పాల్గొన్నారు.

నిర్మల్‌టౌన్‌: నిర్మల్‌ పట్టణంలోని అనేక ప్రాంతాల్లో విద్యుత్‌ తీగలు, ఇంటర్నెట్‌ వైర్లు అస్తవ్యస్తంగా ఉన్నాయి. విద్యుత్‌ స్తంభాలపై ఒకదాంట్లో ఒకటి చిక్కుకున్న తీగలు కనిపిస్తున్నాయి. కొన్నిచోట్ల ఒకే స్తంభానికి పదుల సంఖ్యలో కేబుల్‌ వైర్లు అమర్చడంతో ఏది విద్యుత్‌ వైరో, ఏది కేబుల్‌ వైరో గుర్తించలేని పరిస్థితి నెలకొంది. మరికొన్ని ప్రాంతాల్లో వైర్లు కిందికి వేలాడుతుండగా, స్తంభాలకు తీగజాతి మొక్కలు అల్లుకుపోయాయి. పాదచారులు, వాహనదారులు ఇబ్బందులు పడుతున్నారు. కొన్ని చోట్ల ట్రాన్స్‌ఫార్మర్లు కూడా ప్రమాదకరంగా కనిపించడంతో స్థానికులు ఆందోళన వ్యక్తం చేస్తున్నారు. నిమజ్జన మార్గంలో..వినాయక నిమజ్జన శోభాయాత్ర శుక్రవారం ప్రా రంభమవుతుంది. అయినా పట్టణంలో కొన్ని చోట్ల వైర్ల పరిస్థితి మారకపోవడంతో నిర్వాహకులు ఆందోళన చెందుతున్నారు. బుధవార్‌పేట్‌, నాగ్రేశ్వరవాడ, నిషాత్‌, ధ్యాగవాడ, సోమవార్‌పేట్‌, గాంధీచౌక్‌, నాయుడువాడ, బంగల్‌పేట్‌ మీదుగా గణప తి విగ్రహాలు, అలంకరించిన రథాలు వెళ్లనున్నా యి. ఈ మార్గంలో కొన్ని చోట్ల విద్యుత్‌, కేబుల్‌ వైర్లు తక్కువ ఎత్తులో ఉండటంతో భారీ విగ్రహా లు, రథాలు వెళ్లే సమయంలో వాటికి తగిలే అవకా శం ఉంది. ఇప్పటికే కొన్ని ప్రాంతాల్లో విద్యుత్‌ అధి కారులు తీగలను సరిచేసినప్పటికీ, మిగతా చోట్ల కూడా పూర్తిస్థాయిలో పరిశీలించి అవసరమైన చర్యలు తీసుకోవాలని నిర్వాహకులు కోరుతున్నారు. నిమజ్జనం రోజున ముందస్తు జాగ్రత్తలు తీసుకోవాలని సూచిస్తున్నారు. వర్షంతో ముప్పు..విద్యుత్‌ తీగల చుట్టూ చెట్ల కొమ్మలు, తీగలు పెరగ డం, కేబుల్‌ వైర్లు అడ్డదిడ్డంగా ఉండటంతో వర్షం కురిసే సమయంలో ప్రమాదం మరింత పెరిగే అవకాశం ఉందని స్థానికులు చెబుతున్నారు. వర్షానికి చె ట్ల కొమ్మలు విరిగి విద్యుత్‌ తీగలపై పడటం, వైర్లు ఒకదానికొకటి తగిలే పరిస్థితులు ఏర్పడవచ్చని అంటున్నారు. ముఖ్యంగా రద్దీ ప్రాంతాల్లో ప్రజలు అప్రమత్తంగా ఉండాల్సిన అవసరం ఉందని పేర్కొంటున్నారు. ప్రమాదకరంగా ఉన్న ట్రాన్స్‌ఫార్మర్లు, వేలాడుతున్న విద్యుత్‌ తీగలను వెంటనే సరిచేయాలని కోరుతున్నారు.

నిర్మల్‌: నిర్మల్‌లో గణేశ్‌ నిమజ్జనోత్సవానికి వేళయింది. అంగరంగ వైభవంగా గణనాథుడిని గంగమ్మ ఒడికి చేర్చేందుకు సర్వం సన్నద్ధమైంది. ఈ ఉత్సవ ఘట్టాన్ని ప్రశాంతంగా పూర్తిచేసేందుకు నిర్మల్‌ మున్సిపాలిటీ, జిల్లా అధికారులు, వివిధ శాఖలు సమన్వయంతో ఏర్పాట్లు పూర్తిచేశాయి. శాంతిభద్రతల సమస్యలు తలెత్తకుండా పోలీసుశాఖ భారీ బందోబస్తు ఏర్పాట్లు చేసింది. గణనాథులకు స్వాగతం పలుకుతూ సాగనంపేందుకు గణేశ్‌ ఉత్సవకమిటీ సిద్ధమైంది. భారీ శోభాయాత్ర..నిర్మల్‌లో గణేశ్‌ శోభాయాత్ర రెండురోజులపాటు సాగుతుంది. మొత్తం 51 మండపాలు ఉండగా, ఈసారి 49 చోట్ల భారీ వినాయక విగ్రహాలను ప్రతిష్టించారు. స్థానిక బుధవార్‌పేట్‌లో మొదటి నంబర్‌ నుంచి వినాయక శోభాయాత్ర ప్రారంభమవుతుంది. నంబర్ల వారీగా వరుసగా ట్రాక్టర్లు, డీజేలు, భాజాభజంత్రీలతో కోలాహలంగా ముందుకు సాగుతుంది. బంగల్‌పేట్‌ చివరలో గల బంగల్‌చెరువు(వినాయక సాగర్‌)లో విగ్రహాలను నిమజ్జనం చేస్తారు. పూజలతో ప్రారంభం..నిర్మల్‌ గణేశ్‌ ఉత్సవ కమిటీ ఆధ్వర్యంలో నిమజ్జనోత్సవాన్ని బుధవార్‌పేట్‌ నంబర్‌వన్‌ గణేశుడి నుంచి ప్రారంభిస్తారు. స్థానిక ఎమ్మెల్యే, బీజేఎల్పీ నేత ఏలేటి మహేశ్వర్‌రెడ్డి, మున్సిపల్‌ చైర్‌పర్సన్‌ అప్పాల కావ్యగణేశ్‌చక్రవర్తి, కలెక్టర్‌ భవేశ్‌మిశ్రా, ఎస్పీ జానకీషర్మిల అథితులుగా హాజరు కానున్నారు. సాయంత్రం 5 గంటల నుంచి స్థానిక నగరేశ్వరవాడ చౌరాస్తాలో వినాయక శోభాయాత్రకు ఉత్సవ కమిటీ ఆధ్వర్యంలో అతిథులు స్వాగతం పలకనున్నారు. బంగల్‌ చెరువులో నిమజ్జనం.. జిల్లాకేంద్రం శివారులో గల బంగల్‌చెరువు(వినాయక సాగర్‌)లో వినాయక విగ్రహాలను నిమజ్జనం చేయనున్నారు. ఇందుకు సంబంధించి చెరువు కట్టపై ఏర్పాట్లు పూర్తిచేశారు. ఒక భారీ క్రేన్‌ను ఏర్పాటు చేయడంతోపాటు మరో క్రేన్‌ను అదనంగా అందుబాటులో ఉంచారు. చెరువులో భారీగా నీరు ఉండటంతో ప్రమాదాలు జరగకుండా అగ్నిమాపక సిబ్బంది ఉన్నారు. ఎలాంటి అవాంఛనీయ ఘటనలు జరగకుండా పోలీసుశాఖ ఆధ్వర్యంలో భారీ బందోబస్తు ఏర్పాటు చేశారు. దారి పొడవునా ఉన్నతాధికారులు, సిబ్బందిని భారీగా మోహరించారు. విద్యుత్‌శాఖ ఆధ్వర్యంలో అదనపు స్తంభాలు ఏర్పాటు చేశారు. శోభాయాత్ర పూర్తయ్యేదాకా శాఖాధికారులు, సిబ్బంది అందుబాటులో ఉండనున్నారు. మున్సిపల్‌ ఆధ్వర్యంలో కట్ట వద్ద అన్నదానం, దారి పొడవునా మంచినీటి వసతి, గుంతలు లేకుండా రోడ్లపై ఏర్పాట్లు చేశారు. నిర్మల్‌ పట్టణంలోని వినాయకసాగర్‌ వద్ద ఏర్పాట్లు ప్రధాన రహదారిపై వీధిదీపాలు వెలగక ఉన్న చీకట్లు రూట్‌మ్యాప్‌ ఇలా..బుధవార్‌పేట్‌ నుంచి ప్రారంభమయ్యే శోభా యాత్ర వివిధ వీధుల గుండా బంగల్‌పేట్‌ వరకు సాగుతుంది. నంబర్ల వారీగా ఆయా వీధుల గణనాథులు శోభాయాత్రలోకి వస్తుంటాయి. బుధవార్‌పేట్‌–పింజరిగుట్ట–పాతబస్టాండ్‌–వివేక్‌చౌక్‌–ఎన్‌హెచ్‌–7– జయశంకర్‌చౌరాస్తా–నగరేశ్వర్‌వాడ–సునార్‌గల్లీ–ద్యాగవాడ–పెద్దమార్కెట్‌–పట్టణ పోలీస్‌స్టేషన్‌–సోమవార్‌పేట్‌–గాంధీచౌక్‌–జుమ్మెరాత్‌పేట్‌–నాయుడివాడ–బేస్తవార్‌పేట్‌–బంగల్‌పేట్‌–బంగల్‌చెరువు(వినాయక సాగర్‌). ఖానాపూర్‌లో అరకొర పనులు.. ఖానాపూర్‌: పట్టణంలో వినాయక నిమజ్జనోత్సవం శుక్రవారం జరగనుంది. అన్ని వార్డులకు చెందిన వినాయక విగ్రహాలను స్థానిక గోదావరిలో నిమజ్జనం చేయనున్నారు. పట్టణంలోని ప్రధాన రహదారి ఇరుకుగా ఉండటం, ఇతర రహదారులు మిషన్‌ భగీరథ, అమృత్‌–2 పనులతో గుంతలమయంగా మారాయి. కొట్టుకుపోయిన మొరం..ఇటీవల మున్సిపల్‌ అధికారులు రహదారులపై ఉన్న గుంతల్లో మొరం పోశారు. అయితే వర్షాలకు మొరం కొట్టుకుపోయి గుంతలు ఏర్పడ్డాయి. దీంతో వినాయక విగ్రహాలతో శోభాయాత్రగా వెళ్లే భక్తులు, నిర్వాహకులకు ఇబ్బందులు తలెత్తే అవకాశం ఉంది. గురువారం శాంతినగర్‌ ప్రధాన రహదారిపై బస్సు దిగబడింది. మార్గంలో చిమ్మచీకట్లు...పట్టణంలో రోడ్డు వెడల్పు పనులు మధ్యలో నిలి చిపోవడం, రాత్రివేళల్లో వెలగని వీధి దీపాలతో మరిన్ని సమస్యలు ఎదురవుతున్నాయి. ప్రధాన రహదారిపై ఏర్పాటు చేసిన సెంట్రల్‌ లైటింగ్‌ స్తంభాల్లో చాలా వరకు దీపాలు వెలగడం లేదు. గోదావరి వద్ద ఏర్పాట్లుమరోవైపు గోదావరి వద్ద మున్సిపల్‌ ఆధ్వర్యంలో నిమజ్జనానికి ఏర్పాట్లు చేపట్టారు. క్రేన్‌ ఏర్పాటు చేశారు. నిమజ్జనోత్సవం సందర్భంగా భక్తులకు ఇబ్బందులు కలగకుండా చర్యలు తీసుకున్నారు.

నిర్మల్‌లో వినాయక నిమజ్జన ఏర్పాట్ల తీరుపై భక్తులు మండిపడుతున్నారు. పట్టణంలోని ప్రధాన కూడలి బుధవార్‌పేట్‌ నుంచి గాంధీచౌక్‌ వరకు ఉన్న ప్రధాన రహదారిపై పెద్ద గుంతల్లో కేవలం డస్ట్‌, కంకర పోసి వదిలేశారు. సాయంత్రం వాహనాల రద్దీతో రోడ్డు మొత్తం దుమ్ము కమ్మేయడంతో వాహనదారులు ఇబ్బంది పడుతున్నారు. బీటీ లేదా సిమెంట్‌తో శాశ్వత మరమ్మతులు చేపట్టాల్సి ఉండగా, తాత్కాలికంగా కంకర, మట్టి పోసి చేతులు దులుపుకున్నారని ప్రజలు ఆగ్రహం వ్యక్తం చేస్తున్నారు. శోభాయాత్రలో భారీ గణేశ్‌ విగ్రహాలను లారీలు, ట్రాక్టర్లు, ఇతర భారీ వాహనాల్లో తీసుకెళ్తున్నప్పుడు ఈ కంకర, డస్ట్‌ తేలిపోయి వాహనాలు అదుపు తప్పే ప్రమాదం ఉంది. వర్షం పడితే డస్ట్‌ కొట్టుకుపోయే అవకాశం ఉంది. మొక్కుబడి పనులు ఎందుకు చేసినట్లు అని పట్టణవాసులు మండిపడుతున్నారు. వినాయకా శోభాయాత్రలో జర పైలం అని దేవుడిని వేడుకుంటున్నారు. – సాక్షి ఫొటోగ్రాఫర్‌ నిర్మల్‌

నిర్మల్‌చైన్‌గేట్‌: మెడికల్‌ కాంట్రాక్టు వర్కర్స్‌ యూనియన్‌(ఏఐటీయూసీ) ఆధ్వర్యంలో జిల్లా ప్రసూతి ఆస్పత్రి ఎదుట కాంట్రాక్టు కార్మికులు బుధవారం ధర్నా నిర్వహించారు. ఏఐటీయూసీ రాష్ట్ర ఉపాధ్యక్షుడు కామ్రేడ్‌ ఎస్‌ విలాస్‌, జిల్లా ఉపాధ్యక్షుడు భూక్యా రమేశ్‌ ధర్నాలో పాల్గొని మాట్లాడారు. కార్మికులకు ప్రతి నెలా 5వ తేదీ నాటికే వేతనాలు చెల్లించాలని డిమాండ్‌ చేశారు. ఆగస్టు, సెప్టెంబర్‌ నెలల జీతాలు ఇంకా చెల్లించలేదన్నారు. పెరిగిన నిత్యావసర ధరలకు అనుగుణంగా కాంట్రాక్ట్‌ కార్మికులకు కనీస వేతనం రూ.26 వేలకు పెంచాలని కోరారు. సోమవారంలోగా పెండింగ్‌ వేతనాలు చెల్లించకపోతే ‘చలో కలెక్టరేట్‌’ నిర్వహిస్తామని హెచ్చరించారు. కార్యక్రమంలో యూనియన్‌ నాయకులు రాజేందర్‌, సాయి, పోశెట్టి, సరస్వతి, భాగ్యలక్ష్మి, సంగీత కాంట్రాక్ట్‌ కార్మికులు పాల్గొన్నారు.

నిమజ్జనానికి పటిష్ట భద్రతనిర్మల్‌టౌన్‌: ఈ నెల 25న జిల్లా కేంద్రంలో జరగనున్న గణేశ్‌ నిమజ్జనోత్సవానికి పటిష్ట భద్రత ఏర్పాటు చేయనున్నట్లు బాసర జోన్‌–2 డీఐజీ ఆర్‌.భాస్కరన్‌ తెలిపారు. జిల్లా పోలీస్‌ గెస్ట్‌హౌస్‌కు బుధవారం చేరుకున్న డీఐజీకి ఎస్పీ జానకీషర్మిల స్వాగతం పలికారు. అనంతరం డీఐజీ పోలీసుల గౌరవ వందనం స్వీకరించారు. ఈ సందర్భంగా గణేశ్‌ నిమజ్జన ఏర్పాట్లపై జిల్లా పోలీస్‌ అధికారులతో డీఐజీ సమీక్ష నిర్వహించారు. శోభాయాత్రసాగే మార్గాలు, బందోబస్తు, ట్రాఫిక్‌ నియంత్రణ, సీసీ కెమెరాల ద్వారా పర్యవేక్షణ, నిమజ్జన ప్రాంతాల్లో ప్రజల భద్రత తదితర అంశాలపై చర్చించారు. ఎలాంటి అవాంఛనీయ ఘటనలు జరగకుండా ముందస్తు చర్యలు చేపట్టాలని, శోభాయాత్ర ప్రశాంతంగా సాగేలా సమన్వయంతో విధులు నిర్వహించాలని అధికారులకు సూచించారు. ప్రజలకు ఇబ్బందులు కలగకుండా పటిష్ట బందోబస్తు ఏర్పాటు చేయాలని ఆదేశించారు. భద్రత ఆడిట్‌పై దృష్టి ఖాళీగా వైద్యుల పోస్టులు నిధుల కొరతతో నీరసం పనిచేసేవి మూడు వార్మర్లే..

దిలావర్‌పూర్‌: ప్రతీ వ్యక్తి సంపూర్ణ ఆరోగ్యంగా ఉండడమే మహాభాగ్యమని జిల్లా వైద్యాధికారి డాక్టర్‌ రాజేందర్‌ అన్నారు. మండలంలోని సిర్గాపూర్‌ గ్రామంలో బుధవారం 11వ ఆయుద్వేద దినోత్సవం బుధవారం నిర్వహించారు. ఆయుర్వేదం, యునానీ, హోమియోపతి ఆధ్వర్యంలో ఏర్పాటు చేసిన మెగా వైద్య శిబిరాన్ని రాజేందర్‌ ప్రారంభిచారు. ప్రతీవ్యక్తి దినచర్యలో భాగంగా యోగా, నడక అవసరమన్నారు. ఆయుష్‌ జిల్లా ఇన్‌చార్జి డాక్టర్‌ నారాయణరావు మాట్లాడుతూ గ్రామాల్లో తాము చేపడుతున్న వైద్య శిబిరాలకు మంచి స్పందన లభిస్తోందన్నారు. ప్రతీ ఆస్పత్రి ఆవరణలో యునానీ, ఆయుర్వేద, హోమియోపతి మందులు అందుబాటులో ఉంచేందుకు ప్రభుత్వం ఏర్పాట్లు చేసిందని తెలిపారు. స్థానిక విద్యార్థులకు యోగాపై అవగాహన కల్పించి ఆసనాలు నేర్పాంచారు. శిబిరంలో 400 మందికి వైద్య పరీక్షలుచేసి అవసరమైనవారికి మందులు అందించారు. ఇందులో ఆయుష్‌ ఫార్మసిస్ట్‌ సంఘం రాష్ట్ర ఉపాధ్యక్షుడు కొప్పుల నర్సారెడ్డి, వివిధ ఆస్పత్రుల డాక్టర్లు పాల్గొన్నారు.

సాక్షి ప్రతినిధి, మంచిర్యాల: గత యాసంగి సేకరించిన(2025–26రబీ) ధాన్యాన్ని వేలం వేయనున్నా రు. ఈ మేరకు పౌరసరఫరాల శాఖ ఇటీవల నోటిఫికేషన్‌ జారీ చేసింది. మంచిర్యాల, నిర్మల్‌ జిల్లాల పరిధిలో ఉన్న దొడ్డు రకం ధాన్యాన్ని లాట్‌ల కింద చేర్చి టెండర్‌ పిలిచింది. ఈ నెల 28న టెండర్‌ ఓపె న్‌ చేయనున్నారు. రెండు జిల్లాల పరిధిలో ఉన్న రైస్‌ మిల్లులతోపాటు గోదాంల్లో నిల్వ చేసిన వడ్లను సై తం వేలంలో చేర్చారు. రెండు జిల్లాలో మొత్తం ధా న్యాన్ని మూడు లాట్లుగా నిర్మల్‌, మంచిర్యాలతోపాటు మరో లాట్‌లో సిరిసిల్ల పరిధిలోని వడ్లకు కూడా టెండరు పిలిచారు. మంచిర్యాల జిల్లాలో 26, నిర్మల్‌ జిల్లాలో 30 మిల్లులను మొత్తం గోదాంల్లో ఉన్న వడ్లను కలిపి మూడు లాట్లుగా విభజించా రు. ఒక లాట్‌లో సిరిసిల్ల జిల్లా ధాన్యం చేర్చారు. ఒక్కో లాట్‌కు 50 వేల మెట్రిక్‌ టన్నుల చొప్పున మొత్తం 150 మెట్రిక్‌ టన్నులకు వేలం వేయనున్నా రు. పౌరసరఫరాల శాఖ కనీస ధర క్వింటాల్‌కు రూ.2,389 చొప్పున రిజర్వు చేశారు. బిడ్డర్లు ఇంతకంటే తక్కువకు కోట్‌ చేయరాదు. అర్హులు వేలంలో పాల్గొని ధాన్యాన్ని దక్కించుకోవచ్చు. ఈ మేరకు టెండరు నిర్వహణ మూడు ఏజెన్సీలకు అప్పగించారు. అయితే ధర విషయంలో బిడ్డర్లు ముందుకు వస్తారా? లేదా? అనేది తేలనుంది. కొనసాగుతున్న తనిఖీలు మరోవైపు సీఎంఆర్‌ ఇస్తున్న మిల్లుల్లో పీవీ(ఫిజికల్‌ వెరిఫికేషన్‌) జరుగుతోంది. ప్రతీ బుధవారం ఈ మేరకు ధాన్యం నిల్వలపై పరిశీలనలు జరుగుతున్నాయి. గతంలో వలే కాకుండా పకడ్బందీగా పరిశీలనలు చేస్తున్నారు. రెవెన్యూ అధికారులతోపాటు సివిల్‌ సప్లయి అధికారులు పాల్గొంటున్నారు. దీంతో మిల్లర్లు తమ బియ్యం బాకీలను అప్పగించడంతోపాటు పౌరసరఫరాల శాఖకు బాకీ ఉన్న మొత్తాన్ని చెల్లిస్తున్నారు. మిల్లర్లకు బదులు వేలమే పౌరసరఫరాల శాఖ రైతుల నుంచి కనీస మ ద్దతు ధరతో వడ్లను కొనుగోలు చేస్తూ మిల్ల ర్లకు లెవీ(కస్టం మిల్లింగ్‌ రైస్‌) కింద ఇస్తున్న విషయం తెలిసిందే. ఈ మేరకు నిర్ణీత గడువులోపు ఫుడ్‌కార్పొరేషన్‌ ఆఫ్‌ ఇండియా(ఎఫ్‌సీ ఐ), రాష్ట్ర పరిధిలో పౌరసరఫరాల శాఖ బఫ ర్‌ గోదాంలకు మిల్లర్లు బియ్యంగా అందించా లి. అయితే ప్రభుత్వం సన్న బియ్యం ఇస్తున్న తరుణంలో దొడ్డు రకాన్ని వేలం వేస్తోంది. అంతేకాక రాష్ట్రంలో గత యాసంగిలో దండిగా ధాన్యం దిగుబడి వచ్చింది. దీంతో కార్పొరేషన్‌కు పెద్ద మొత్తంలో ఆదాయం సమకూరే అవకాశం ఉండడంతో వేలం నిర్వహిస్తోంది. అయితే పెద్ద మొత్తంలో లాట్‌లు ఉండడంతో మిల ్లర్లు ధాన్యం వేలంలో పాల్గొంటారా? లేదా? అనేది వేచి చూడాలి.మంచిర్యాల జిల్లా గోదాంలలో 117003 మెట్రిక్‌ టన్నులు రా మిల్లుల్లో 4439.286 మెట్రిక్‌ టన్నులు మొత్తం 1,21,442 మెట్రిక్‌ టన్నులు నిర్మల్‌ జిల్లా గోదాంలలో 14704.160 మెట్రిక్‌ టన్నులు రా మిల్లుల్లో 89931.809 మెట్రిక్‌ టన్నులు మొత్తం 1,04,635.969 మెట్రిక్‌ టన్నులు

సారంగపూర్‌: మండలంలోని స్వర్ణ ప్రాజెక్టు భూముల ఆక్రమణల గర్తింపునకు నిర్వహిస్తున్న సర్వే వరుసగా రెండో రోజు బుధవారం కొనసాగింది. కలెక్టర్‌ ఆదేశాల మేరకు మంగళవారం సర్వే ప్రారంభించారు. మండలంలోని పొట్యా గ్రామ శివారు ప్రాంతంలో జరుగుతున్న సర్వేను తహశీల్దార్‌ విజయ్‌కాంత్‌రావు, ఎంపీడీవో లక్ష్మీకాంత్‌రావుతో కలిసి ఆర్డీవో దేవీదాస్‌ బుధవారం పరిశీలించారు. సర్వే బృందం సభ్యులు ఎంసీలు యోహాన్‌, నరేందర్‌ కు పలు సూచనలు చేశారు. సర్వే పూర్తి కాగానే హద్దులను గుర్తించడంతోపాటు హద్దుల వద్ద పిల్లర్లు ఏర్పాటు చేయించి శాశ్వతంగా ప్రాజెక్టు భూముల పరిరక్షణకు చర్యలు తీసుకోవాలని తెలిపారు. అలాగే శిఖం భూముల సర్వే పూర్తి కాగానే ప్రాజెక్టు ఆనకట్టకింద గల వ్యవసాయ భూములు, గ్రామ సమీపంలోని అధికారులు, సిబ్బంది క్వార్టర్లు, గ్రామపంచాయతీ నిర్మించిన మడిగెల స్థలాలను సర్వే చేయాలన్నారు. ప్రాజెక్టు భూములు తేలితే కలెక్టర్‌కు నివేదించాలని తహశీల్దార్‌కు సూచించారు. ఆర్డీవో వెంట ఎంఆర్‌ఐ నర్సయ్య, జీపీవో రమాదేవి, పంచాయతీ కార్యదర్శి ప్రేమలత, సర్వే బృందం సభ్యులు పాల్గొన్నారు. అరిటాకులో భోజనం.. ప్లాస్టిక్‌కు దూరం ఖానాపూర్‌: పర్యావరణ పరిరక్షణలో భాగంగా ఖానాపూర్‌ మండలం ఎగ్బాల్పూర్‌ గ్రామంలో శివసేన యూత్‌ ఆధ్వర్యంలో బుధవారం వినా యక మండపం వద్ద వినూత్న కార్యక్రమం నిర్వహించారు. వినాయకుడికి ప్రత్యేక పూజ లు చేసిన అనంతరం గ్రామస్తులకు అరిటాకుల్లో భోజనం వడ్డించారు. ప్లాస్టిక్‌ ప్లేట్లను పూర్తి గా నిషేధించి పర్యావరణ హితాన్ని చాటారు. ఎంపీడీవో రాధరాథోడ్‌ హాజరై యువకులను అభినందించారు. అనంతరం శివసేన యూత్‌ కు వాలీబాల్‌ కిట్‌, నెట్‌ బహూకరించారు. సర్పంచ్‌ రెడ్డి లక్ష్మీనరేందర్‌, ఉపసర్పంచ్‌ గుగ్లావత్‌ రమేశ్‌, పంచాయతీ కార్యదర్శి ముత్యంరెడ్డి, మహిళలు పాల్గొన్నారు. అరిటాకుల్లో భోజనం చేస్తున్న భక్తులు

భైంసా/భైంసారూరల్‌: భైంసా పట్టణంలో గణనాథుల నిమజ్జన శోభాయాత్ర మంగళవారం ప్రారంభమైంది. దీంతో పట్టణం కాషాయమయంగా మారింది. వీధులన్నీ గణేశుడి నామస్మరణతో మార్మోగాయి. శోభాయాత్ర పొడవునా రంగులు చల్లుకుంటూ, ‘గణపతి బప్పా మోరియా.. మంగళమూర్తి మోరియా’ అంటూ యువకుల కేరింతల మధ్య గణనాథులు ముందుకు సాగారు. గణపయ్యను సాగనంపే వేళ పట్టణమంతా భక్తి పారవశ్యంలో మునిగిపోయింది. గోపాలకృష్ణ మందిరంలో ప్రత్యేక పూజల అనంతరం ఎమ్మెల్యే పవార్‌ రామారావు పటేల్‌, ఎస్పీ జానకీషర్మిల, మున్సిపల్‌ చైర్మన్‌ తూమొల్ల దత్తాత్రి, ఉత్సవ సమితి అధ్యక్షుడు సరికొండ శ్రీనివాస్‌, హిందూ వాహిని, ఆర్‌ఎస్‌ఎస్‌, శాంతి కమిటీ సభ్యులు, పురప్రముఖులు శోభాయాత్రను ప్రారంభించారు. మున్నూరుకాపు సంఘం భవనం వద్ద నిర్వాహకులు ప్రముఖులను శాలువాలతో సత్కరించారు. అడుగడుగునా ఆధ్యాత్మిక సందడి శోభాయాత్రలో డీజేలు, బ్యాండ్‌ మేళా లు, భజనలు ప్రత్యేక ఆకర్షణగా నిలిచా యి. మహిళల కోలాటాలు, చిన్నారుల నృత్యాలు, యువత స్టెప్పులు, భక్తుల జైకారాలతో ప్రధాన వీధులు సందడిగా మారాయి. మున్నూరుకాపు సంఘం గణేశ్‌ వద్ద కోలాటం ఆకట్టుకోగా, హాతీ గణేశ్‌ మండలి ఆధ్వర్యంలో సాగిన మరాఠీ భజనలు సంప్రదాయ భక్తి భావాన్ని చాటాయి. శోభాయాత్రలో భక్తులు నృత్యాలు చేస్తూ, జైకారాలు చేస్తూ ముందుకు సాగారు. దారి పొడవునా ప్రజలు ఇళ్ల ముంగిళ్ల వద్దకు వచ్చి గణనా థుడిని దర్శించుకుని పూజలు చేశారు. భక్తులకు సేవలు శోభాయాత్ర మార్గంలో పలుచోట్ల భక్తులకు అల్పాహారం, అన్నదానం, తాగునీరు పంపిణీ చేశారు. సేవా కార్యక్రమాల్లో యువకులు, వివిధ సంఘాల ప్రతినిధులు ఉత్సాహంగా పాల్గొన్నారు. పాల్గొన్న ప్రతి ఒక్కరికీ ఎలాంటి ఇబ్బందులు కలగకుండా మున్సిపల్‌ యంత్రాంగం అవసరమైన ఏర్పాట్లు చేసింది. అడుగడుగునా నిఘా నిమజ్జనం ప్రశాంతంగా నిర్వహించేందుకు పోలీసులు పటిష్ట బందోబస్తు ఏర్పాటు చేశారు. సుమారు 600 మంది పోలీసులతో భద్రత కల్పించారు. 19 పికెట్లు, ఏడు సెక్టార్లుగా పట్టణాన్ని విభజించి నిఘా పెట్టారు. డ్రోన్లు, సీసీ కెమెరాలతో శోభాయాత్ర మార్గాలను పర్యవేక్షించారు. ఎస్పీ జానకీషర్మిల స్వయంగా మార్గాలను ఎప్పటికప్పుడు పరిశీలిస్తూ అధికారులను సమన్వయం చేశారు.

నిర్మల్‌ రూరల్‌/దస్తురాబాద్‌: ప్రపంచ పర్యాటక దినోత్సవం సందర్భంగా ప్రభుత్వ పాఠశాలల విద్యార్థులకు జిల్లా కేంద్రంలోని సోఫీ నగర్‌ గురుకుల పాఠశాలలో యువ టూరిజం క్లబ్‌ జిల్లాస్థాయి పోటీలు మంగళవారం నిర్వహించారు. డ్యాన్స్‌ విభాగంలో 9 గ్రూపులు, డ్రాయింగ్‌ విభాగంలో 9 గ్రూపులు పాల్గొన్నాయి. గెలుపొందిన మొదటి మూడు గ్రూపులను హైదరాబాదులో జరిగే రాష్ట్రస్థాయి పోటీలకు ఎంపిక చేశారు. కార్యక్రమంలో పాఠశాల ప్రిన్సిపాల్‌ డానియల్‌, జిల్లా పంచాయతీ ఆఫీసర్‌ శ్రీనివాస్‌, అసిస్టెంట్‌ నోడల్‌ ఆఫీసర్‌ సాయికృష్ణ , జిల్లా సైన్స్‌ అధికారి వినోద్‌ కుమార్‌, సెక్టోరల్‌ అధికారి రమాదేవి పాల్గొన్నారు. డాన్స్‌ విభాగంలో విజేతలు ● మొదటి బహుమతి(కేజీబీవీ తానూర్‌) ● రెండో బహుమతి(జెడ్పీహెచ్‌ఎస్‌, దస్తురాబాద్‌) ● మూడో బహుమతి(జెడ్పీహెచ్‌ఎస్‌, పాత ఎల్లాపూర్‌) డ్రాయింగ్‌ విభాగంలో.. ● మొదటి బహుమతి(శ్రీహితి, జెడ్పీహెచ్‌ఎస్‌ మస్కాపూర్‌) ● రెండో బహుమతి(ఎం.మనోజ్ఞ, జెడ్పీహెచ్‌ఎస్‌ గుండంపల్లి) ● మూడో బహుమతి(జే.పూజ, జెడ్పీహెచ్‌ఎస్‌ కడ్తాల్‌)

కుంటాల: ప్రభుత్వ పాఠశాలల విద్యార్థులకు సకాలంలో యూనిఫాం అందించాలని స్టేట్‌ సెర్ఫ్‌ డైరెక్టర్‌ సూర్యారావు పేర్కొన్నారు. మండలంలోని కల్లూరు, కుంటాల గ్రామాల్లో స్టిచ్చింగ్‌ హబ్‌లను మంగళవారం పరిశీలించారు. అర్హులైన వారికి పెన్షన్లు అందేలా చర్యలు తీసుకోవాలని ఆదేశించారు. నూతన పెన్షన్‌ దరఖాస్తులను పరిశీలించి వారి సందేహాలు నివృత్తి చేశారు. ఆయన వెంట ఏపీడీ నాగవర్ధన్‌, సర్పంచులు జక్కుల గజేందర్‌, పెంటవార్‌ దశరథ్‌, ఉప సర్పంచ్‌ పరికిపండ్ల వెంకటరమణ, డీపీఎం చరణ్‌దాస్‌, ఎంపీడీవో గణపతివార్‌ వెంకటరాజు, ఏవో విక్రమ్‌, ఏపీఎం లక్ష్మణ్‌, డీఎంజీ పోశెట్టి, కార్యదర్శులు రాజబాపు, మాలతి ఉన్నారు.

ఆదిలాబాద్‌టౌన్‌/కై లాస్‌నగర్‌: నవమాసాలు పూర్తి కాకుండా పుట్టిన కొందరు, చిన్నపాటి రుగ్మతలతో జన్మించిన మరికొందరిని రిమ్స్‌ ఎస్‌ఎన్‌సీయూ వార్మర్‌లో ఉంచారు. వీరి పాలిట ఏసీ మృత్యుపాశంగా మారింది. అప్పటి వరకు తమ చిన్నారులను చూసి మురిసిపోయిన వారంతా అర్ధరాత్రి అకస్మాత్తుగా జరిగిన షార్ట్‌ సర్క్యూట్‌తో హతాశులయ్యారు. దట్టమైన పొగతో ముగ్గురు పసికందుల ప్రాణాలు గాలిలో కలిసిపోయాయి. ఘటన జరిగిన వెంటనే కలెక్టర్‌, ఎస్పీ హుటాహుటిన అక్కడికి చేరుకున్నారు. ప్రమాదానికి గురైన చిన్నారులను జిల్లా కేంద్రంలోని ప్రైవేట్‌ ఆసుపత్రులకు తరలించారు. పెనుప్రమాదం తప్పినట్లయింది. ముగ్గురు చిన్నారుల మృత్యువాత ఈ ఘటనలో ముగ్గురు చిన్నారులు మృత్యువాత పడ్డారు. ఇచ్చోడ మండల కేంద్రంలోని సుభాష్‌నగర్‌కు చెందిన సలీంఖాన్‌(ఫీర్‌ఖాన్‌) సబాఖానంలకు శుక్రవారం పాప జన్మించింది. ఏడు నెలలకే పుట్టిన పాపను ఎస్‌ఎన్‌సీయూ వార్డులో ఉంచారు. ఊపిరాడక చిన్నారి మృతి చెందింది. ఇంద్రవెల్లి మండలంలోని గిన్నెరకు చెందిన షేకుబాయి– కుమ్ర దినేష్‌ దంపతులకు రెండో సంతానంగా ఆడబిడ్డ జన్మించింది. ఎనిమిది నెలలకే బిడ్డ పుట్టడంతో ఎస్‌ఎన్‌సీయూ వార్డులో ఉంచారు. చికిత్స నిమిత్తం ప్రైవేట్‌ ఆస్పత్రికి తీసుకెళ్లినా ఫలితం లేకుండా పోయింది. తెల్లవారుజామున 4.35 గంటలకు చిన్నారి మృతి చెందింది. అలాగే ఉట్నూర్‌ మండల కేంద్రానికి చెందిన సబా సమ్రిన్‌–తౌఫిక్‌ దంపతులకు రెండో సంతానంగా ఆడబిడ్డ జన్మించింది. బరువు 1,100 గ్రాములు ఉండడంతో ఎస్‌ఎన్‌సీయూలో ఉంచా రు. పొగతో ఊపిరాడక చిన్నారి అస్వస్థతకు గురైంది. మొదట జిల్లా కేంద్రంలోని ప్రైవేట్‌ ఆస్పత్రికి త రలించగా, మెరుగైన వైద్యం కోసం నిర్మల్‌, అక్కడి నుంచి నిజామాబాద్‌కు తరలించారు. అక్కడికి చేరుకునే సమయంలోనే చిన్నారి మృతిచెందింది. ప్రైవేట్‌ ఆస్పత్రులకు తరలింపు.. అస్వస్థతకు గురైన చిన్నారులను వెంటనే జిల్లా కేంద్రంలోని ప్రైవేట్‌ చిల్డ్రన్స్‌ ఆస్పత్రులకు తరలించా రు. పట్టణంలోని ఇషా, కేర్‌, సురక్ష, లక్ష్మినర్సింహా ఆస్పత్రులకు తరలించి చికిత్స అందిస్తున్నారు. కలెక్టర్‌, ఎస్పీ మంగళవారం వేకువజామున 4 గంటల వరకు అక్కడే ఉండి సహాయక చర్యలు ముమ్మరం చేశారు. ప్రతి చిన్నారికి సంబంధించి ప్రత్యేక చొరవ చూపారు. రిమ్స్‌ డైరెక్టర్‌ జైసింగ్‌ రాథోడ్‌ ప్రమాదం జరిగినప్పటి నుంచి చిన్నారులను తరలించే వరకు దగ్గరుండి పరిస్థితిని సమీక్షించారు. మెరుగైన వైద్యం అందించాలని వైద్యులకు సూచించారు. మరో ఇద్దరు శిశువుల పరిస్థితి విషమం ప్రమాదంలో గాయపడ్డ శిశువుల్లో మరో ఇద్దరి పరిస్థితి విషమంగా ఉంది. ఆదిలాబాద్‌ పట్టణంలోని విఘ్నేశ్వర ఆసుపత్రిలో చికిత్స పొందుతున్న శిశువు ఆరోగ్య పరిస్థితి ఆందోళనకరంగా ఉన్నట్లు వైద్యులు చెబుతున్నారు. ఈ పాప 900 గ్రాముల బరువు ఉందని పేర్కొన్నారు. ఈ శిశువు మహారాష్ట్రలోని పాఠన్‌కు చెందినదిగా చెబుతున్నారు. అలాగే రిమ్స్‌లో చికిత్స పొందుతున్న చిన్నారి పరిస్థితి సైతం విషమంగానే ఉన్నట్లుగా పేర్కొంటున్నారు. మరో 22 మంది చిన్నారుల ఆరోగ్య పరిస్థితి ప్రస్తుతం నిలకడగా ఉందని అధికారులు చెబుతున్నారు. వీరంతా జిల్లా కేంద్రంలోని వివిధ ప్రైవేట్‌ ఆసుపత్రుల్లో, రిమ్స్‌లో చికిత్స పొందుతున్నారు. షార్ట్‌సర్క్యూట్‌లో దెబ్బతిన్న వైద్య పరికరాలుఆదిలాబాద్‌ రిమ్స్‌ ఆసుపత్రిలోని ఎస్‌ఎన్‌సీయూ వార్డులో 27 మంది చిన్నారులు చికిత్స పొందుతున్నారు. సోమవారం అర్ధరాత్రి 11.45గంటల సమయంలో ఈ సంఘటన జరిగింది. ఆ విభాగంలోని రిసెప్షన్‌ వద్ద ఉన్న ఏసీలో షార్ట్‌సర్క్యూట్‌తో ఒక్కసారిగా పేలుడు సంభవించింది. అందులోని గ్యాస్‌ లీకై దట్టమైన పొగ అలుముకుంది. అక్కడున్న వైద్యులు, సిబ్బంది భయంతో పరుగు తీశారు. ఒక్కసారిగా అక్కడ ఏం జరుగుతుందో తెలియని అయోమయం. తల్లిదండ్రులు, కుటుంబీకులు కొంతమంది సిబ్బంది లోపలకు వెళ్లి చిన్నారులను ఒక్కొక్కరిని బయటకు తీసుకువచ్చారు. తల్లిదండ్రుల రోదనలు, చిన్నారుల ఏడుపులతో వార్డు దద్దరిల్లింది. మిగతా వార్డులో చికిత్స పొందుతున్న రోగుల సహాయకులు, వైద్య సిబ్బంది అక్కడికి చేరుకున్నారు. చిన్నారులను కాపాడే ప్రయత్నం చేశారు. దట్టమైన పొగ కారణంగా పసికందుల శరీరమంతా మసిబారిపోయింది. చిన్నారులను బయటకు తీసుకువచ్చే సమయంలో కొందరు ఊపరాడక ఉక్కిరిబిక్కిరి అయ్యారు. ఓ వైద్యుడు, కొంతమంది సిబ్బంది తమ ప్రాణాలకు తెగించి నవజాత శిశువులను కాపాడారు. అయినప్పటికి ఓ శిశువు పొగతో ఊపిరాడక తనువు చాలించింది. ప్రమాదతీవ్రత పెరుగవద్దనే ఉద్దేశంతో ఆ వార్డులో విద్యుత్‌ సరఫరాను నిలిపివేశారు. దీంతో ఇంక్యుబేటర్లు పనిచేయడం ఆగిపోయాయి. వెంటిలేటర్లపై ఉన్న నలుగురు చిన్నారులు తీవ్ర అస్వస్థతకు గురయ్యారు. కాగా అదే సమయంలో వార్డుల సందర్శనకు వచ్చిన డైరెక్టర్‌ హుటాహుటిన అక్కడకు చేరుకున్నారు. తాను సైతం పొగలోనూ లోపలకు వెళ్లి చిన్నారులను బయటకు తీసుకువచ్చారు. వెంటనే విషయాన్ని కలెక్టర్‌ రాజర్షి షా, ఎస్పీ అఖిల్‌ మహాజన్‌ దృష్టికి తీసుకెళ్లారు. వారు సైతం 15 నిమిషాల్లోనే అక్కడికి చేరుకున్నారు.

నిర్మల్‌తల్లిడిల్లిన గుండెలు నెలలు నిండక ముందే లోకం చేరిన ఆ పసికందులపై విధి కన్నెర్రజేసింది. ఆసుపత్రిలో అర్ధరాత్రి అగ్ని ప్రమాదరూపంలో వారిని కబలించింది. పుట్టి వారం గడవకముందే ఊపిరాడకుండా చేసి తిరిగిరాని లోకాలకు చేర్చింది. పేరు పెట్టకముందే పేగుబంధాన్ని తెంచేసింది. పురిటి నొప్పులు సైతం వీడని ఆ తల్లులకు గుండె కోత.. బాధిత కుటుంబాలకు తీరని శోకం మిగిల్చింది. ఆదిలాబాద్‌ రిమ్స్‌లో చోటుచేసుకున్న ఈ ఘటన రాష్ట్ర వ్యాప్తంగా కలకలం రేపింది. 7 ఘటనపై విచారణకు ఆదేశించిన సీఎం

నిర్మల్‌టౌన్‌: చట్టాలపై ప్రతి ఒక్కరూ అవగాహన పెంచుకోవాలని జిల్లా న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి పి.రవీందర్‌ అన్నా రు. లయన్స్‌క్లబ్‌ నిర్మల్‌ ఆధ్వర్యంలో నిర్వహిస్తున్న మెగా ఇంపాక్ట్‌ ప్రోగ్రామ్‌లో భాగంగా మంగళవారం స్థానిక సాగర్‌ కన్వెన్షన్‌ హాల్‌లో నిర్వహించిన న్యాయ అవగాహన కార్యక్రమానికి హాజరై మాట్లాడారు. డ్రగ్స్‌ వినియోగంతో కలిగే నష్టాలు, ర్యాగింగ్‌ నిరోధక చట్టం, పోక్సో చట్టం తదితర అంశాలపై విద్యార్థులు అవగాహన కలిగి ఉండాలన్నారు. అనంతరం మోటివేషన్‌ స్పీకర్‌ గంప నాగేశ్వరరావు, సుధీర్‌ సండ్రా, శ్రీపాదరాం, సునీల్‌ కుమార్‌, రమేష్‌ తదితరులు కెరీర్‌ గైడెన్స్‌, పర్సనాలిటీ డెవలప్మెంట్‌, స్కిల్స్‌ పెంపు, ఒత్తిడి నిర్వహణ, తదితర అంశాలపై అవగాహన కల్పించారు. ఏఐ టెక్‌ నిపుణుడు నిఖిల్‌ గుండా ఆర్టిఫీషియల్‌ ఇంటెలిజెన్స్‌ సాంకేతికత భవిష్యత్తులో దాని అవకాశాలపై ప్రత్యేకంగా వివరించారు. కార్యక్రమంలో లయన్స్‌ క్లబ్‌ నిర్మల్‌ అధ్యక్షుడు వెంకటరమణారెడ్డి, ప్రోగ్రాం చైర్మన్‌ ముత్యంరెడ్డి, అసిస్టెంట్‌ లీగల్‌ ఎయిడ్‌ లింగాగౌడ్‌, విద్యార్థులు పాల్గొన్నారు.

ఈ ఘటనపై ముఖ్యమంత్రి రేవంత్‌రెడ్డి వెంటనే స్పందించారు. ప్రమాదంలో చిన్నారులు మృతిచెందడంపై తీవ్ర దిగ్భ్రాంతి వ్యక్తం చేశారు. క్షేత్రస్థాయిలో పరిస్థితుల పరిశీలనకు రాష్ట్ర వైద్యారోగ్య శాఖ మంత్రి దామోదర రాజనర్సింహాను జిల్లాకు పంపించారు. మంత్రి ప్రత్యేక హెలిక్యాప్టర్‌లో రిమ్స్‌కు చేరుకున్నారు. వైద్యారోగ్య శాఖ ప్రిన్సిపల్‌ సెక్రెటరీ క్రిస్టీనా జడ్‌.చోంగ్తూ, ఆదిలాబాద్‌ ఎమ్మెల్యే పాయల్‌ శంకర్‌ మంత్రితో కలిసి వచ్చారు. రిమ్స్‌లోని ఎస్‌ఎన్‌సీయూతో పాటు పలు వార్డులను పరిశీలించారు. దాదాపు గంటకు పైగా పలువురు రోగులతో మాట్లాడి సంఘటన తీరు, వైద్య సేవలపై ఆరా తీశారు. అనంతరం డైరెక్టర్‌ చాంబర్‌లో ఆస్పత్రి సేవల్లోని లోపాలు, అవసరమైన వసతులు, ప్రమాదానికి దారితీసిన పరిస్థితులపై సమీక్ష నిర్వహించారు. అనంతరం మాట్లాడుతూ.. అగ్నిప్రమాద ఘటనపై సమగ్ర విచారణ చేపడుతున్నట్లు పేర్కొన్నారు. ఎలక్ట్రికల్‌, ఫైర్‌, సివిల్‌స్ట్రక్చర్‌ ఆడిట్‌లను నిర్వహించాలని కలెక్టర్‌ను మంత్రి ఆదేశించారు. వారం రోజుల్లో అందే నివేదిక ఆధారంగా తగు చర్యలు చేపడతామని స్పష్టం చేశారు. ప్రత్యేకంగా 150 పడకలతో కూడిన మాతా శిశు సంరక్షణ కేంద్రాన్ని ఏర్పాటు చేసేలా చర్యలు చేపడతామన్నారు. వంద రోజుల్లో రిమ్స్‌ రూపురేఖలు మార్చుతామని పేర్కొన్నారు. ఇలాంటి ఘటనలు రాష్ట్ర వ్యాప్తంగా పునరావృతం కాకుండా చర్యలు చేపడతామని తెలిపారు. తలసేమియా, సికిల్‌సెల్‌, ఎనిమియా, హెమోఫీలియా వంటి వ్యాధిగ్రస్తులకు చికిత్స అందించేలా రిమ్స్‌లో ప్రత్యేకంగా హెమటాలజీ సేవలు అందుబాటులోకి తెస్తామని పేర్కొన్నారు. మంత్రి వెంట డీఎంఈ పి.వాణి, కలెక్టర్‌ రాజర్షి షా, ఎస్పీ అఖిల్‌ మహాజన్‌, ఐటీడీఏ పీవో మంద మకరందు, డీఎంహెచ్‌వో సాధన, మార్కెట్‌, లైబ్రెరీ, మున్సిపల్‌ చైర్మన్లు శ్రీకాంత్‌ రెడ్డి, నర్సయ్య, అనూష, కాంగ్రెస్‌ ఆదిలాబాద్‌ నియోజకవర్గ ఇన్‌చార్జి కంది శ్రీనివాసరెడ్డి తదితరులున్నారు.

సారంగపూర్‌: మండలంలోని స్వర్ణ ప్రాజెక్టు శిఖం భూములతోపాటు ప్రాజెక్టు దిగువన గల భూములు, అప్పట్లో సిబ్బంది నివాసం ఉండేందుకు కేటాయించిన భూములను గ్రామానికి చెందిన పలువురు ఆక్రమించుకుని నిర్మాణాలు చేపడుతన్నారు. దీనిపై గ్రామస్తులు రెండు వారాలుగా కలెక్టర్‌కు ఫిర్యాదు చేశారు. కలెక్టర్‌ భవేశ్‌మిశ్రా ఆదేశాల మేరకు అధికారులు స్పందించి మంగళవారం సర్వే పనులు ప్రారంభించారు. శిఖం భూముల గుర్తింపు కోసం మండలంలోని కుప్టి, పొట్య గ్రామాల నుంచి సర్వే ప్రారంభించారు. శిఖం భూములను గుర్తించిన అనంతరం హద్దులు ఏర్పాటు చేయనున్నట్లు ఎంసీ యోహాన్‌, తహశీల్దార్‌ విజయ్‌కాంత్‌రావు తెలిపారు. అనంతరం ప్రాజెక్టు దిగువన గల భూములతోపాటు సిబ్బంది నివసించేందుకు, అధికారులు నివశించేందుకు నిర్మించిన క్వార్టర్ల స్థానంలో నిర్మించిన ప్రతీ నిర్మాణం గుర్తిస్తామని తెలిపారు. వెంటనే నిర్మాణ పనులను నిలిపివేయాలని సూచించారు. కార్యక్రమంలో ఎంపీడీవో లక్ష్మీకాంత్‌రావు, సర్వేయర్లు నరేందర్‌, సర్వే టీమ్‌ సభ్యులు పాల్గొన్నారు.

నిర్మల్‌చైన్‌గేట్‌: బీజేపీ శాసనసభాపక్ష నేత, నిర్మల్‌ ఎమ్మెల్యే ఏలేటి మహేశ్వర్‌రెడ్డి జన్మదిన వేడుకలు నిర్మల్‌లో మంగళవారం ఘనంగా నిర్వహించారు. మహేశ్వర్‌రెడ్డికి పుట్టినరోజు సందర్భంగా శుభాకాంక్షలు తెలిపేందుకు రాష్ట్ర నాయకులతోపాటు జిల్లా నలుమూలల నుంచి నాయకులు, పార్టీ కార్యకర్తలు, ప్రజలు, అభిమానులు, విద్యార్థులు తరలివచ్చారు. ఈ సందర్భంగా ఎమ్మెల్యే క్యాంపు కార్యాలయంలో అభిమానులు భారీ కేక్‌ కట్‌ చేయించారు. ప్రజాసేవలో మరింతగా ముందుకు సాగాలని, ఆయురారోగ్యాలతో నిండునూరేళ్లు జీవించాలని ఆకాంక్షించారు.

ఖానాపూర్‌: ఖానాపూర్‌ కమ్యూనిటీ హెల్త్‌ సెంటర్‌ (సీహెచ్‌సీ)లో నూతనంగా ఏర్పాటు చేసిన అల్ట్రాసౌండ్‌ స్కాన్‌ యంత్రాన్ని స్థానిక ఎమ్మెల్యే, డీసీసీ అధ్యక్షుడు వెడ్మ బొజ్జు పటేల్‌ సోమవారం ప్రారంభించారు. స్కానింగ్‌ యంత్రాన్ని పరిశీలించారు. ప్రభుత్వ ఆస్పత్రుల్లో ప్రజలకు మెరుగైన వైద్యం అందేలా చర్యలు తీసుకుంటున్నట్లు తెలిపారు. కార్యక్రమంలో మున్సిపల్‌ చైర్‌పర్సన్‌ మౌనిక, వైస్‌ చైర్మన్‌ సోయబ్‌, డీసీహెచ్‌ఎస్‌ కాశీనాథ్‌, డీఎంహెచ్‌వో రాజేందర్‌, సూపరింటెండెంట్‌ స్వర్ణరెడ్డి తదితరులు పాల్గొన్నారు.

నిర్మల్‌భైంసా: హిందూ పండుగల్లో ముఖ్యమైన పండుగ వినాయక నవరాత్రి ఉత్సవాలు. వినాయక నవరా త్రి వేడుకలు కేవలం భక్తి, ఆధ్యాత్మికతకు మాత్రమే పరిమితం కావు. ఈ తొమ్మిది రోజుల ఉత్సవాలు అనేక కుటుంబాలకు ప్రత్యక్షంగా, పరోక్షంగా ఉపాధి కల్పిస్తూ స్థానిక ఆర్థిక వ్యవస్థను బలోపేతం చేస్తున్నాయి. పండుగ సీజన్‌లో చిన్న వ్యాపారుల నుంచి కళాకారుల వరకు విస్తృత వర్గాలకు అదనపు ఆదాయ మార్గాలు తెరుచుకుంటున్నాయి. విగ్రహ తయారీ నుంచి మండపాల అలంకరణ వరకు వినాయక విగ్రహాల తయారీతో ప్రారంభమై మండపాల డెకరేషన్‌, లైటింగ్‌, టెంట్‌హౌస్‌ ఏర్పాట్లు వంటి పనులు వేల మందికి ఉపాధి అందిస్తున్నాయి. శిల్పులు, అలంకరణ నిపుణులు మెరుగైన ఆదాయం పొందుతున్నారు. అదేవిధంగా వస్త్రాలు, రంగులు, పూజా సామగ్రి అమ్మకాలు కూడా గణనీయంగా పెరుగుతున్నాయి. వాహనాలు, డ్రైవర్లు, అర్చకులు, టపాసులు, డప్పు కళాకారులు, కోలాటం, నృత్యకారులు తదితర రంగాలవారికి ఉపాధి లభిస్తుంది. ఆహారం, అర్చకులు, వాహనాల యజమానులు, డ్రైవర్లకు డిమాండ్‌.. లడ్డూ తయారీ, స్వీట్‌హౌస్‌లు, వంట మనుషులు వంటి ఆహార సంబంధిత వృత్తులకు ఈ సీజన్‌లో ప్రత్యేక గిరాకీ ఏర్పడుతోంది. అర్చకులు, పూజా కార్యక్రమాల నిర్వహణలో నిమగ్నమైనవారు కూడా ఎక్కువ పని అవకాశాలు పొందుతున్నారు. వాహనాల అద్దె, రవాణా సేవలు కూడా పండుగ కాలంలో గణనీయంగా పెరుగుతున్నాయి. కళాకారులు, వినోద రంగం డప్పు కళాకారులు, మహారాష్ట్ర బ్యాండ్‌, మైక్‌సెట్‌, డీజే వంటి వినోద సేవలు అందించేవారికి ఈ తొమ్మిది రోజులు ప్రత్యేక ఆదాయ కాలంగా మారుతున్నాయి. సాంస్కృతిక కార్యక్రమాలు, ఊరేగింపులు వీరికి నిరంతర పని అవకాశాలు కల్పిస్తున్నాయి. ఆర్థిక వ్యవస్థపై సానుకూల ప్రభావం ఈ ఉత్సవాలు మతాలకు అతీతంగా స్థానిక వ్యాపారాలు, చిన్న తరహా పరిశ్రమలు, కళాకారుల జీవనోపాధికి దోహదం చేస్తున్నాయి. పండుగ సీజన్‌లో పెరిగిన డిమాండ్‌ వల్ల అనేక కుటుంబాలు అదనపు ఆదాయం సంపాదించుకోగలుగుతున్నాయి. ఇది గ్రామీణ, పట్టణ ప్రాంతాల్లోని చిన్న వ్యాపారులకు ఆర్థిక స్థిరత్వాన్ని అందిస్తోంది. మొత్తంగా వినాయక నవరాత్రి వేడుకలు సంప్రదాయాలను కాపాడుతూనే వేల మందికి ఉపాధి అవకాశాలు కల్పించి సమాజ అభివృద్ధికి తోడ్పడుతున్నాయి. విగ్రహాల తయారీతో ఉపాధి వినాయక చవితికి మూడు నెలల ముందు నుంచే విగ్రహాల తయారీ ప్రారంభిస్తాం. మట్టి, రంగులు, అలంకరణ సామగ్రి తెచ్చుకుని కుటుంబ సభ్యులంతా కలిసి పనిచేస్తాం. పండుగ సమయంలో వచ్చే ఆదాయం మాకు ఎంతో ఉపయోగపడుతుంది. – గోపి, విగ్రహ తయారీదారుడు మైక్‌సెట్‌.. డీజేలకు.. మండపాల్లో పూజలు, భక్తి కార్యక్రమాలకు మైక్‌సెట్లు అవసరం. శోభాయాత్రలకు సౌండ్‌ సిస్టమ్‌, డీజేలకు కూడా బుకింగ్‌లు వస్తున్నాయి. మండపాల వద్ద నీడ కోసం టెంట్‌, షామియానాలు, అన్నదానాలకు బాసన్లు చవితికి పది రోజుల ముందే బుకింగ్‌ చేశారు. – అర్బజ్‌ఖాన్‌, డీజే నిర్వాహకుడు మాకు మస్తు డిమాండ్‌ విగ్రహాలను మండపాలకు తరలించడం, నిమజ్జనం కోసం ఘాట్‌లకు తీసుకెళ్లడం వంటి పనులకు వాహనాలు అవసరం. పండుగ సమయంలో అద్దెకు వాహనాలకు డిమాండ్‌ పెరుగుతుంది. మాలాంటి డ్రైవర్లకు ఉపాధి దొరుకుతుంది. – మోహన్‌, ట్రాక్టర్‌ డ్రైవర్‌ 0000723507-000001-NZB ADSALES SPO 4.00x8.00 NZB ADSALES SPOT PAYMENT ACCOUNTనిర్మల్‌లో నిమజ్జన ఏర్పాట్లు పరిశీలిస్తున్న మున్సిపల్‌ వైస్‌ చైర్మన్‌ గణేశ్‌ చక్రవర్తి

నిర్మల్‌టౌన్‌: ప్రజావాణిలో అందే ఫిర్యాదులపై తక్షణమే స్పందించాలని, చట్టపరంగా పరిష్కారం చూపాలని ఎస్పీ జానకీషర్మిల అధికారులను ఆదేశించారు. జిల్లా పోలీసు కార్యాలయంలో సోమవారం నిర్వహించిన గ్రీవెన్స్‌లో జిల్లాలోని వివిధ ప్రాంతాల నుంచి వచ్చిన ప్రజల ఫిర్యాదులు స్వీకరించారు. సమస్యలను స్వయంగా అడిగి తెలుసుకున్నారు. అనంతరం సంబంధిత పోలీస్‌స్టేషన్‌ అధికారులతో ఫోన్‌లో మాట్లాడి ఫిర్యాదులపై స్పందించాలని సూచించారు. ప్రతీ ఫిర్యాదును బాధ్యతగా పరిశీలించి, బాధితులకు సకాలంలో న్యాయం అందేలా చర్యలు తీసుకోవాలన్నారు.

మండపాలతోపాటు శోభాయాత్ర జరిగే మార్గాల్లోనూ విద్యుత్‌ అలంకరణలు చేస్తున్నారు. పండుగ సమయంలో సాధారణ రోజుల కంటే ఎక్కువ పని ఉంటుంది. వినాయక చవితితోనే మాకు ఉపాధి పెరుగుతుంది. తర్వాత దసరా, దీపావళి వరకు ఉపాధి దొరుకుతుంది. – సాయికుమార్‌, లైటింగ్‌ మెన్‌ క్రేన్‌లకు ఉపాధి.. భారీ విగ్రహాలు రావడంతో క్రేన్‌లకు ఉపాధి దొరుకుతుంది. విగ్రహాల ప్రతిష్టాపన సమయంలోనూ చేతి నిండా పని ఉంటుంది. ఇక విగ్రహాలు నిమజ్జనం సమయంలోనూ బిజీగా ఉంటున్నాం. ఏటా ఉత్సవాలతో ఉపాధి దొరుకుతుంది. – రాజుఖాన్‌, క్రేన్‌ నిర్వాహకుడు అర్చకులు బిజీ.. మండపాల్లో ప్రతిరోజూ పూజలు, హారతులు, ప్రత్యేక కార్యక్రమాలు నిర్వహిస్తున్నారు. దీంతో పూజా స్టోర్ల నిర్వాహకులకు ఆదాయం వస్తుంది. ఇక పండుగ రోజుల్లో అర్చకులకు కూడా అదనపు పని లభిస్తోంది. చవితి రోజుల్లో పెళ్లిళ్లు ఉండవు. దీంతో అర్చకులకు వినాయకుడు ఆదాయం ఇస్తున్నాడు. – దశరథ్‌, పూజా సామగ్రి విక్రేత

భైంసారూరల్‌: తెలంగాణ గ్రామీణ బ్యాంకు ఆధ్వర్యంలో ఈనెల 10న జిల్లా కేంద్రం నిర్మల్‌లో నిర్వహించిన మహిళా మహోత్సవం రుణమేళాలో భైంసా మండలం జిల్లా స్థాయిలో ప్రథమ స్థానంలో నిలిచింది. మండలంలోని 73 మహిళా సంఘాలకు రూ.10.44 కోట్ల రుణాలను మంజూరు చేయించి ఈ ఘనత సాధించింది. జిల్లాస్థాయిలో ఏపీఎంలకు అవార్డులు ప్రకటించగా.. అందులో ప్రథమ అవార్డు భైంసా మండల ఏపీఎం రమేశ్‌కు దక్కింది. లీడ్‌ బ్యాంకు మేనేజర్‌ రాంగోపాల్‌, డీఆర్డీవో విజయలక్ష్మీ చేతుల మీదుగా అవార్డు అందుకున్నారు. సీసీల విభాగంలో ప్రకటించిన 10 అవార్డుల్లో భైంసా మండలానికి చెందిన నలుగురు సీసీలు అవార్డులు అందుకున్నారు. మహిళా సంఘాలకు బ్యాంకు రుణాలు అందించడంలో అధికారులు, సిబ్బంది సమన్వయంతో పనిచేయడంతో తక్కువ వ్యవధిలోనే భారీ మొత్తంలో రుణాలు మంజూరయ్యాయని అధికారులు తెలిపారు. జిల్లా స్థాయిలో భైంసా మండలం ప్రథమ స్థానంలో నిలవడంపై మహిళా సంఘాల ప్రతినిధులు, సిబ్బంది హర్షం వ్యక్తం చేశారు.

భైంసారూరల్‌: మండలంలోని మాటేగాం స్వయంభూ కొరడి గణేశుని దర్శనానికి ఆదివారం భక్తులు భారీగా తరలివచ్చారు. సెలవు రోజు కావడంతో ఉదయం నుంచే ఆలయానికి భక్తుల రాక పెరిగింది. నిర్మల్‌ జిల్లాతోపాటు భైంసా, ముధోల్‌, కుబీర్‌, కుంటాల, లోకేశ్వరం, మహారాష్ట్ర తదితర ప్రాంతాల నుంచి భక్తులు కుటుంబ సమేతంగా ఆలయానికి చేరుకున్నారు. ఆలయంలో ప్రత్యేక పూజలు నిర్వహించి స్వామివారిని దర్శించుకున్నారు. భక్తులు కొబ్బరికాయలు కొట్టి మొక్కులు చెల్లించుకున్నారు. ఆలయ ప్రాంగణం, పరిసర ప్రాంతాలు భక్తులతో సందడిగా మారాయి. గణేశ్‌ నవరాత్రుల సందర్భంగా రోజురోజుకూ భక్తుల సంఖ్య పెరుగుతుండటంతో ఆలయ పరిసరాల్లో పండుగ వాతావరణం నెలకొంది. భక్తులకుఇబ్బందులు కలగకుండా ఆలయ నిర్వాహకులు ఏర్పాట్లు చేశారు. రద్దీని దృష్టిలో ఉంచుకుని క్యూలైన్లు, తాగునీటి సౌకర్యాలను అందుబాటులో ఉంచారు. ఆలయ కమిటీ ఆధ్వర్యంలో అన్నదానం చేస్తున్నారు. ఇక ఆలయ ఆవరణలో నిర్వహిస్తున్న సాంస్కృతిక కార్యక్రమాలు భక్తులను ఆకట్టుకుంటున్నాయి. చుట్టుపక్కల కళాకారులు కార్యక్రమాల్లో భాగస్వాములవుతున్నారు.

నర్సాపూర్‌(జి): మండలంలోని చాక్‌పల్లి గ్రామంలో బాల్య వివాహం జరగనున్నట్లు అందిన విశ్వసనీయ సమాచారం మేరకు.. జిల్లా బాలల సంరక్షణ విభాగం, ఐసీడీఎస్‌, పోలీసు, పంచాయతీరాజ్‌ శాఖ అధికారులు ఆదివారం గ్రామానికి వెళ్లారు. జరగబోయే బాల్య వివాహాన్ని అడ్డుకున్నారు. భైంసా పట్టణానికి చెందిన బాలికను(16), చాక్‌పల్లి గ్రామానికి చెందిన యువకుడితో వివాహం నిశ్చయించారు. అమ్మమ్మ ఇంట్లో ఆదివారం వివాహం జరిపించేందుకు ఏర్పాట్లు చేశారు. ఈ క్రమంలో అందిన సమాచారం మేరకు బాలల సంరక్షణ అధికారి రాజు, ఎస్సై గణేశ్‌, ఐసీడీఎస్‌ సూపర్‌ వైజర్‌ లక్ష్మీవిశారద అక్కడకు చేరుకున్నారు. బాలిక తల్లిదండ్రులకు కౌన్సెలింగ్‌ చేశారు. బాల్య వివాహం చేస్తే ఎదుర్కొనే పరిణామాలు తెలిపారు. దీంతో తమ తప్పును గ్రహించిన బాలిక తల్లిదండ్రులు తమ కుమార్తెకు 18 ఏళ్లు నిండిన తర్వాతనే వివాహం చేస్తామని లిఖితపూర్వకంగా డిక్లరేషన్‌ అందజేశారు. కార్యక్రమంలో బాలల సంరక్షణ అధికారి రాజు, లీగల్‌ అడ్వైజర్‌ షేర్‌ నరేందర్‌, సర్పంచ్‌ మ్యాదరి సుధాకర్‌, పంచాయతీ కార్యదర్శి నరేశ్‌కుమార్‌, అంగన్వాడీ టీచర్లు, వార్డు సభ్యులు పాల్గొన్నారు.

ముధోల్‌: మండల కేంద్రం ముధోల్‌లో వినాయకుని నిమజ్జనోత్సవం ఆదివారం వైభవంగా నిర్వహించారు. ఏడు రోజులు పూజలందుకున్న గణనాథులను ప్రత్యేకంగా ఏర్పాటు చేసిన వాహనాల్లో ప్రధాన వీధులగుండా ఊరేగిస్తూ ముందుకు సాగారు. ఎస్పీ జానకీషర్మిల రామ మందిర్‌లో ప్రతిష్టించిన సార్వజనిక్‌ గణేశ్‌ వద్ద వినాయకునికి ప్రత్యేక పూజలు చేశారు. అనంతరం శోభయాత్రను ప్రారంభించారు. అంతకుముందు పోలీసులతో జీఎం ఫంక్షన్‌హాల్‌లో సమావేశం నిర్వహించి బందోబస్తుపై దిశానిర్దేశం చేశారు. కార్యక్రమంలో ఏఎస్పీ సాయికిరణ్‌, నిర్మల్‌ డీఎస్పీ శ్రీనివాస్‌, ముధోల్‌ సీఐ రవీందర్‌నాయక్‌, ఎస్సై బిట్ల పెర్సిస్‌, పలువురు ఎస్సైలు, 500 మంది పోలీసులు పాల్గొన్నారు. ఎమ్మెల్యే పూజలు నిమజ్జన శోభాయాత్రలో ముధోల్‌ ఎమ్మెల్యే పవార్‌ రామారావుపటేల్‌ పాల్గొన్నారు. రామమందిరంలో ప్రతిష్టించిన సార్వజనిక్‌ గణేశ్‌ వద్ద ఎమ్మెల్యే ప్రత్యేక పూజలు చేసి హారతి ఇచ్చారు. గ్రామంలో ప్రతిష్టించిన వినాయక మండపాల వద్దకు వెళ్లి పూజలు చేశారు. ఎమ్మెల్యే వెంట సర్పంచ్‌ ఏజాజొద్దీన్‌, బోరిగాం సర్పంచ్‌ కిష్టయ్య, వీడీసీ అధ్యక్షులు విఠల్‌, వెంకటేశ్‌, నాయకులు విఠల్‌, వెంకటేశ్‌, కోరి పోతన్న, సతీశ్‌రెడ్డి, తాటివార్‌ రమేశ్‌, రవికిరణ్‌గౌడ్‌ ఉన్నారు.

● పంటలు, తోటలపై దాడులు.. ఖానాపూర్‌: ఖానాపూర్‌ పట్టణంతోపాటు మండలంలోని పలు గ్రామాల్లో కోతుల బెడద రోజురోజుకూ పెరుగుతోంది. కోతుల గుంపులు జనావాసాల్లో యథేచ్ఛగా సంచరిస్తూ చిన్నారులు, మహిళలు, వృద్ధులుపై ప్రత్యక్ష దాడులు చేస్తున్నాయి. దీంతో ప్రజలు భయాందోళనకు గురవుతున్నారు. చేతిలో కవర్‌ కనిపిస్తే చాలు.. దానిని లాక్కునేందుకు ఎగబడుతున్నాయి. ఇళ్లలోకి చొరబడి వస్తువులను ధ్వంసం చేయడంతోపాటు ఆహార పదార్థాలను ఎత్తుకెళ్తున్నాయి. గతంలో జిల్లా కేంద్రానికే పరిమితమైన ఈ సమస్య గత కొన్నేళ్లుగా ఖానాపూర్‌ పట్టణంతోపాటు మారుమూల గ్రామాలకు విస్తరించింది. పాఠశాలల్లో మధ్యాహ్న భోజన సమయంలో విద్యార్థులు, నిర్వాహకులపై కూడా దాడులు జరుగుతున్నాయి. విద్యార్థులకు రక్షణ కల్పించాలని తల్లిదండ్రులు పలుమార్లు కోరినా శాశ్వత పరిష్కారం లభించడం లేదని ఆవేదన వ్యక్తం చేస్తున్నారు. కోతుల భయంతో మహిళ మృతి.. కోతుల దాడుల భయం ఎంత తీవ్రంగా ఉందంటే 2024లో పట్టణంలోని విద్యానగర్‌కు చెందిన లక్ష్మి అనే మహిళ కోతుల నుంచి తప్పించుకునే క్రమంలో మృతి చెందింది. ఈ నెల 10న విద్యానగర్‌కు చెందిన శ్రీనాథ్‌ అనే బాలుడిపై కోతులు దాడి చేసి గాయపర్చాయి. గత నెల 30న ఇంద్రనగర్‌కు చెందిన కిషన్‌ అనే యువకుడిపై దాడి చేసి గాయపర్చాయి. గత నెలలో గాంధీనగర్‌ కాలనీలో కత్తెరపాక రాజు, చంద్రకళ అనే మహిళలపై వరుస దాడులు జరిగాయి. ఇలాంటి విషాద ఘటనలు పునరావృతం కాకుండా అధికారులు ప్రత్యేక దృష్టి సారించాలని ప్రజలు కోరుతున్నారు. పంటలపై దాడులు.. కోతుల బెడద జనావాసాలకే పరిమితం కాకుండా పంట పొలాలు, మామిడి, జామ తోటలకు కూడా విస్తరించింది. రైతులు కష్టపడి పండించిన పంటలను కోతుల గుంపులు ధ్వంసం చేస్తుండటంతో తీవ్ర నష్టం జరుగుతోంది. పంటలను కాపాడుకునేందుకు రాత్రింబవళ్లు పొలాల వద్ద కాపలా ఉండాల్సి వస్తోందని రైతులు వాపోతున్నారు. ప్రభుత్వం ఉచితంగా సోలార్‌ ఫెన్సింగ్‌ ఏర్పాటు చేసి తమ పంటలను కాపాడాలని కోరుతున్నారు. పునరావాసంపై దృష్టి పెట్టాలి జిల్లాలో అటవీ ప్రాంతం అధికంగా ఉండటంతో కోతుల సంతతి గణనీయంగా పెరుగుతోందని ప్రజలు పేర్కొంటున్నారు. 2020లో జిల్లా కేంద్రంలో ప్రయోగాత్మకంగా మంకీ రీహాబిలిటేషన్‌ సెంటర్‌ ఏర్పాటు చేసి సంతతి నియంత్రణకు చర్యలు చేపట్టారు. ఈ విధానాన్ని మరింత విస్తృతంగా అమలు చేయడంతో పాటు ప్రత్యేక మంకీ క్యాచర్స్‌ బృందాలను ఏర్పాటు చేయాలని ప్రజలు కోరుతున్నారు. ప్రత్యేక బోనులు, ఉచ్చులు ఏర్పాటు చేసి కోతులను పట్టుకుని ఆహారం, నీరు సమృద్ధిగా ఉన్న అటవీ ప్రాంతాలకు తరలించాలని, అవసరమైన వాటిని పునరావాస కేంద్రాలకు తరలించాలని విజ్ఞప్తి చేస్తున్నారు. పట్టణం నుంచి తరలిస్తాం.. పట్టణ పరిధిలో కోతుల బెడద నియంత్రించేందుకు తగిన చర్యలు చేపడతాం. ఇప్పటికే ప్రజల నుంచి పలుమార్లు ఫిర్యాదులు వచ్చాయి. ఇటీవల పలు కాలనీల్లో రూ.3 లక్షలు ఖర్చుచేసి 600 కోతులను పట్టుకుని దూర ప్రాంతాలకు తరలించాం. దాడులు పెరుగుతున్న నేపథ్యంలో సమస్యను ఉన్నతాధికారుల దృష్టికి తీసుకెళ్తాం. మున్సిపల్‌ కౌన్సిల్‌ సమావేశంలో సభ్యులతో చర్చించి కోతుల బెడద నియంత్రణకు ప్రత్యేకంగా నిధులు కేటాయించేలా చూస్తాం. – సుందర్‌సింగ్‌, మున్సిపల్‌ కమిషనర్‌, ఖానాపూర్‌ తరలించినా మళ్లీ జనావాసాల్లోకే కోతుల నియంత్రణకు పట్టణంతోపాటు గ్రామాల్లో ప్రజా ప్రతినిధులు, అధికారులు వివిధ చర్యలు చేపడుతున్నారు. కొన్ని చోట్ల ప్రత్యేక బృందాలతో కోతులను పట్టి తరలిస్తుండగా, మరికొన్ని చోట్ల గొరిల్లా, కొండముచ్చు తదితర వేషధారణలతో వాటిని ఊళ్ల నుంచి పక్క గ్రామాలు, పంట పొలాలు, అటవీ ప్రాంతాల వైపు తరుముతున్నారు. మండలంలోని గోసంపల్లె గ్రామంలో మే నెలలో 100 కోతులను పాలకవర్గం సొంత ఖర్చుతో పట్టి సుదూర ప్రాంతాలకు తరలించారు. ఖానాపూర్‌ పట్టణంలో మున్సిపల్‌ ఆధ్వర్యంలో నెల క్రితం ఒక్కో కోతికి రూ.500 చొప్పున రూ.3 లక్షల ఖర్చుతో 600 కోతులను పట్టుకుని ఉట్నూర్‌–ఇందన్‌పల్లి చౌరస్తాలోని అటవీ ప్రాంతంలో వదిలిపెట్టారు. అయితే కొద్ది రోజులకే మళ్లీ సంఖ్య పెరుగుతోందని ప్రజలు చెబుతున్నారు. అటవీ ప్రాంతాల్లో ఆహారం, నీటి కొరత కారణంగా కోతులు తిరిగి జనావాసాలు, రహదారులపైకి వస్తున్నాయని పేర్కొంటున్నారు. ఇక రోడ్లపైకి అకస్మాత్తుగా వచ్చే కోతుల కారణంగా వాహనదారులు ప్రమాదాలకు గురైన ఘటనలు కూడా ఉన్నాయి.

భైంసాటౌన్‌: పట్టణంలోని వినాయక విగ్రహాల నిమజ్జనోత్సవాలకు అన్ని ఏర్పాట్లు చేస్తున్నట్లు మున్సిపల్‌ చైర్మన్‌ తూముల దత్తాత్రి తెలిపారు. ఈ మేరకు ఆదివారం మున్సిపల్‌ కౌన్సిల్‌ హాల్‌లో విలేకరుల సమావేశంలో వివరాలు వెల్లడించారు. మంగళవారం జరుగనున్న గణేశ్‌ నిమజ్జన శోభాయాత్ర నేపథ్యంలో ఎలాంటి ఇబ్బందులు లేకుండా అన్ని చర్యలు తీసుకుంటున్నట్లు చెప్పారు. శోభాయాత్ర మార్గంలో ధ్వంసమైన రోడ్లకు మరమ్మతులు చేపట్టినట్లు పేర్కొన్నారు. అలాగే దారి పొడువునా వీధి లైట్ల ఏర్పాటు, మరమ్మతులు, గుంతల పూడ్చివేత, ఇతర అన్ని మరమ్మతులు చేయించినట్లు వెల్లడించారు. పోలీసు శాఖ సూచన మేరకు శోభాయాత్ర మార్గం వెంబడి అలాగే, నిమజ్జన ఘాట్‌ వద్ద సీసీ కెమెరాలు ఏర్పాటు చేయించామన్నారు. విగ్రహాల నిమజ్జనం కోసం ప్రత్యేకంగా భారీ క్రేన్‌ ఏర్పాటు చేయనున్నట్లు చెప్పారు. ఉత్సవ ఏర్పాట్లపై కొందరు దుష్ప్రచారం చేస్తున్నారని, ఏమైనా లోటుపాట్లు ఉంటే తమకు సమాచారం ఇవ్వాలన్నారు. తద్వారా వాటి పరిష్కారానికి కృషి చేస్తామన్నారు. పోలీసు, రెవెన్యూ, మున్సిపల్‌ శాఖల సంయుక్త సహాకారంతో పట్టణంలో నిమజ్జనోత్సవాలు ఘనంగా నిర్వహిస్తామన్నారు. ప్రతి ఒక్కరు తమ ధర్మాన్ని గౌరవిస్తూనే, పర ధర్మ సహనం పాటిస్తూ ఉత్సవాలు ప్రశాంత వాతావరణంలో జరిగేలా పట్టణ ప్రజలు సహకరించాలని కోరారు. సమావేశంలో మున్సిపల్‌ వైస్‌ చైర్‌పర్సన్‌ బీబీ కుతిజా సిద్ధిఖ, కౌన్సిలర్లు ప్రవీణ్‌, సుభాష్‌, వడ్నపు శ్రీనివాస్‌, ఆమోల్‌, డి శ్రీనివాస్‌ పాల్గొన్నారు.

నిర్మల్‌డీఏలు ప్రకటించాలి ఖానాపూర్‌: ఉద్యోగ, ఉపాధ్యాయుల న్యాయమైన డిమాండ్లు పరిష్కరించడంలో రాష్ట్ర ప్రభుత్వం జాప్యం చేస్తోందని ఎస్సీ, ఎస్టీ ఉపాధ్యా య సంఘం రాష్ట్ర అధ్యక్షుడు జాదవ్‌ వెంకట్రావు అన్నారు. ఖానాపూర్‌లో ఆదివారం మాట్లాడుతూ పెండింగ్‌లో ఉన్న ఆరు డీఏలు విడుదల చేసి, నూతన పీఆర్సీ అమలు చేయాలని డిమాండ్‌ చేశారు. నిత్యావసరాల ధరలు పెరగడంతో ఉద్యోగులు, ఉపాధ్యాయులు ఆర్థి క ఇబ్బందులు ఎదుర్కొంటున్నారని పేర్కొన్నారు. సీపీఎస్‌ రద్దు చేసి పాత పెన్షన్‌ విధానం పునరుద్ధరించాలని, ఉద్యోగుల పెండింగ్‌ బిల్లులు వెంటనే చెల్లించాలని డిమాండ్‌ చేశారు. ఆయన వెంట జిల్లా అధ్యక్షుడు భూక్యా రాజేశ్‌నాయక్‌, ప్రధాన కార్యదర్శి క్రాంతికుమార్‌, కోశాధికారి రవినాయక్‌ పాల్గొన్నారు. భైంసా: జిల్లా వ్యాప్తంగా వినాయక నవరాత్రోత్సవాలతో ఆధ్యాత్మిక వాతావరణం నెలకొంది. వాడవాడలా గణనాథుడికి ప్రత్యేక పూజలు నిర్వహిస్తూ భక్తులు తరలివస్తున్నారు. గణేశ్‌ మండపాల వద్ద నిత్యం భక్తి కార్యక్రమాలు, భజనలు, సాంస్కృతిక కార్యకలాపాలు కొనసాగుతున్నాయి. పలు ప్రాంతాల్లో నిర్వాహకులు అన్నదానాలు చేపడుతుండగా.. ఉత్సవాలు ముగింపు దశకు చేరుకోవడంతో నిమజ్జనానికి అధికారులు ఏర్పాట్లను వేగవంతం చేశారు. మూడు మున్సిపాలిటీలు, 18 మండలాల్లో.. నిర్మల్‌, భైంసా, ఖానాపూర్‌ మున్సిపాలిటీలతో పాటు 18 మండలాల పరిధిలోని గ్రామాల్లో నిమజ్జన కార్యక్రమాలు ప్రశాంతంగా జరిగేందుకు అధికారులు చర్యలు చేపట్టారు. పట్టణాలు, గ్రామాల్లోని నిమజ్జన మార్గాలు, చెరువులు, కుంటలు తదితర ప్రాంతాలను పరిశీలిస్తున్నారు. విగ్రహాలు తరలించే సమయంలో ఇబ్బందులు తలెత్తకుండా రహదారుల పరిస్థితిని పరిశీలించి అవసరమైన చోట్ల మరమ్మతులు చేపడుతున్నారు. విద్యుత్‌ తీగలు, రహదారుల పరిశీలన శోభాయాత్ర సాగే ప్రధాన మార్గాల్లో విద్యుత్‌ సమస్యలు రాకుండా ట్రాన్స్‌కో సిబ్బంది చర్యలు చేపట్టారు. రహదారులపై తీగలు, స్తంభాలను పరిశీలించి అవసరమైన చోట్ల సరిదిద్దారు. ప్రమాదాలు జరగకుండా ముందస్తు జాగ్రత్తలు తీసుకుంటూ ప్రధాన మార్గాల్లో విద్యుత్‌ దీపాలను కూడా సరిచేస్తున్నారు. శాంతి కమిటీలు, గణేశ్‌ సమితులతో సమన్వయం కలెక్టర్‌ భవేష్‌ మిశ్రా, ఎస్పీ డాక్టర్‌ జానకీషర్మిల ఉ త్సవాలపై ప్రత్యేక దృష్టి సారించారు. అధికారులతో నిత్యం సమీక్షలు నిర్వహిస్తూ నిమజ్జన ఏర్పాట్ల ను పర్యవేక్షిస్తున్నారు. గణేశ్‌ ఉత్సవ సమితులు, క మిటీలు, శాంతి కమిటీల ప్రతినిధులతో సమావేశాలు నిర్వహించి వారి సూచనలు, సమస్యలను తెలు సుకుంటున్నారు. ప్రజలు, నిర్వాహకులు, వివిధ శా ఖల అధికారులు సమన్వయంతో పనిచేస్తే నిమజ్జన వేడుకలు ప్రశాంతంగా పూర్తవుతాయని అధికారులు అభిప్రాయపడుతున్నారు. శోభాయాత్ర సమయంలో నిబంధనలు పాటిస్తూ పోలీసులకు సహకరించాలని నిర్వాహకులకు సూచిస్తున్నారు. ఆధ్యాత్మిక సందడి కొనసాగుతూనే వారం రోజులుగా జిల్లా వ్యాప్తంగా వినాయక ఉత్సవాలు ఘనంగా సాగుతున్నాయి. పట్టణాలు, గ్రామాల్లోని మండపాలు భక్తులతో కళకళలాడుతున్నాయి. ఉదయం, సాయంత్రం ప్రత్యేక పూజలు, హారతులు నిర్వహిస్తుండగా.. పలుచోట్ల అన్నదానాలు కూడా జరుగుతున్నాయి. ఇప్పటివరకు ఉత్సవాలు ప్రశాంతంగా సాగిన నేపథ్యంలో నిమజ్జనాన్ని కూడా అవాంఛనీయ ఘటనలకు తావులేకుండా నిర్వహించేందుకు జిల్లా యంత్రాంగం సిద్ధమైంది. పోలీస్‌, రెవెన్యూ, మున్సిపల్‌, ట్రాన్స్‌కో, వైద్య, అగ్నిమాపక తదితర శాఖలు సమన్వయంతో కార్యాచరణ చేపట్టాయి. పోలీసుల నిఘా, సీసీటీవీ పర్యవేక్షణ శోభాయాత్ర సందర్భంగా అవాంఛనీయ ఘటనలు చోటుచేసుకోకుండా పోలీస్‌ యంత్రాంగం ప్రత్యేక భద్రతా చర్యలు చేపడుతోంది. ప్రధాన మార్గాలు, రద్దీ ప్రాంతాలు, నిమజ్జన ఘాట్ల వద్ద సీసీ కెమెరాలు ఏర్పాటు చేస్తున్నారు. వీటి ద్వారా నిరంతరం పర్యవేక్షణ చేయనున్నారు. ట్రాఫిక్‌ సమస్యలు రాకుండా ప్రత్యేక ప్రణాళిక రూపొందించారు. రద్దీ ఎక్కువగా ఉండే ప్రాంతాల్లో బందోబస్తు ఏర్పాటుతో పాటు వాహనాల మళ్లింపు చర్యలు కూడా తీసుకోనున్నారు. ఘాట్ల వద్ద సౌకర్యాలు నిమజ్జన ఘాట్ల వద్ద భక్తులకు ఇబ్బంది కలుగకుండా మున్సిపల్‌ అధికారులు చర్యలు చేపడుతున్నారు. విగ్రహాలు మునిగే ప్రాంతాల్లో పారిశుద్ధ్య నిర్వహణ, వెలుగులు, తాగునీరు, బారికేడ్లు ఏర్పాటు చేస్తున్నారు. నిమజ్జనం అనంతరం వ్యర్థాలు తొలగించేందుకు ప్రత్యేక సిబ్బందిని సిద్ధం చేశారు. గతంలో సమస్యలు ఎదురైన ప్రాంతాలను గుర్తించి ముందస్తు చర్యలు తీసుకుంటున్నారు. శోభాయాత్ర మార్గాల్లోని గుంతలు, గతుకుల రోడ్లను సరిచేసే పనులపై ప్రత్యేక దృష్టి సారించారు.

రైస్‌మిల్లుల్లో విజిలెన్స్‌ తనిఖీలతో జిల్లాలో పదుల సంఖ్యలో మిల్లర్లు రూ.5 కోట్ల నుంచి రూ.20 కోట్లపైనే ధాన్యం పక్కదారి పట్టించినట్లు వెల్లడైంది. ఈ క్రమంలో తమ డిమాండ్ల సాధనకు ఈనెల 11 నుంచి రాష్ట్రవ్యాప్తంగా రైస్‌ మిల్లర్లు బందు పాటిస్తున్నారు. సమ్మెలో ఉన్న కారణంగా ‘‘ఎవరైనా తనిఖీలు చేయదలచుకుంటే సమ్మె విరమించిన తరువాత రాగలరని’’ మనవి అంటూ ఏకంగా మిల్లుల వద్ద పోస్టర్లు ఏర్పాటు చేయడం విస్తుగొలుపుతోంది. ఓవైపు ప్రభుత్వం రాష్ట్రవ్యాప్తంగా రైస్‌మిల్లుల్లో తనిఖీలకు ప్రతీ బుధవారం పీవీ(ఫిజికల్‌ వెరిఫికేషన్‌ డే) నిర్వహించాలని అధికారులకు సూచించింది. మరోవైపు మిల్లర్లు ఇలా పోస్టర్లు ఏర్పాటు చేయడంతో మరి అధికారులు తనిఖీలు చేస్తారా.. లేదా అన్న సందేహాలు వ్యక్తమవుతున్నాయి. – భైంసాటౌన్‌

భైంసా పట్టణంలో మంగళవారం నిర్వహించే వినాయక విగ్రహాల నిమజ్జనోత్సవాలకు రావాలని గణేశ్‌నగర్‌ మున్నూరుకాపు సంఘం నాయకులు ఎస్పీ జానకీషర్మిలను కోరారు. ఈ మేరకు ముధోల్‌లో ఆమెను కలిసి ఆహ్వానించారు. ఏటా నిమజ్జనం రోజున గణేశ్‌ నగర్‌లోని మున్నూరుకాపు సంఘ భవనంలో హారతి పూజ అనంతరం శోభాయాత్ర ప్రారంభమవుతుందని, ఈసారి సైతం పూజా కార్యక్రమానికి హాజరై శోభాయాత్ర ప్రారంభించాలని ఎస్పీని కోరినట్లు సంఘ అధ్యక్షుడు తోట రాము తెలిపారు. కార్యక్రమంలో ఉపాధ్యక్షులు నారాయణ, పెరుగు నవీన్‌, తోటరాజు పాల్గొన్నారు.

● యంత్రాల అద్దెతో అదనపు ఆదాయం లక్ష్మణచాంద: మండలంలోని చామన్‌పల్లిలో మహిళా రైతులు అన్నదాతలకు నాణ్యమైన సేవలందిస్తున్నారు. పురుషులకు తామేమీ తక్కువ కాదంటూ ఆర్థికాభివృద్ధి సాధిస్తున్నారు. చామనపల్లిలో 2023లో నాబార్డు సహకారంతో మహిళా రైతు ఉత్పత్తిదారుల సంస్థ (ఫార్మర్‌ ప్రొడ్యూసింగ్‌ ఆర్గనైజేషన్‌)ను ప్రారంభించారు. ఈ సంఘంలో 350మంది బోరిగాం, రాచాపూర్‌, లక్ష్మణచాంద, చామన్‌పెల్లి, మాచాపూర్‌, మల్లాపూర్‌, మునిపెల్లి, చింతల్‌చాంద, తిర్పెల్లి గ్రామాల మహిళా రైతులు సభ్యులుగా ఉన్నారు. ఇందులో ఒకరు చైర్మన్‌గా తొమ్మిదిమంది డైరెక్టర్లుగా వ్యవహరిస్తున్నారు. ఇందులో సభ్యులుగా చేరేవారు రూ.2,200 చెల్లించాలి. ఇందులో రూ.2వేల వాటా మూలధనం కాగా, రూ.200 సభ్యత్వ రుసుం కింద తీసుకుంటున్నారు. మూడేళ్లలో రూ.46లక్షల టర్నోవర్‌ ఏటా ఇతర రైతులకూ మేలైన వరి, మొక్కజొన్న, సోయా, పెసర, మినుము విత్తనాలు, యూరియా, డీఏపీ, కాంప్లెక్స్‌ ఎరువులు, పురుగు మందులు మార్కెట్‌ ధర కంటే తక్కువకే విక్రయిస్తున్నారు. ఫలితంగా 2023–24లో రూ.8లక్షలు, 2024–25లో రూ.10లక్షలు, 2025–26లో రూ.15లక్షలు, 2026–27లో (ఇప్పటివరకు) రూ.10లక్షల టర్నోవర్‌ జరిగినట్లు చైర్మన్‌ మంగశ్రీ తెలిపారు. ఈ సంవత్సరం రూ.కోటి టర్నోవరే లక్ష్యంగా పెట్టుకున్నట్లు పేర్కొన్నారు. అలాగే, ఇప్పటివరకు రూ.3లక్షలతో (సబ్సిడీ పోనూ) పసుపు ఉడికించే యంత్రం, రూ.4.5లక్షలతో (రూ.1.5లక్షల సబ్సిడీ పోనూ) పసుపు పాలీష్‌ చేసే మిషన్‌ కొనుగోలు చేశారు. వీటిని లీజ్‌కు ఇచ్చి ఏటా రూ.55వేలు ఆదాయం ఆర్జిస్తున్నారు. వచ్చిన లాభాలతో సంస్థలో పని చేసే సీఈవోకు నెలకు రూ.17వేలు, అకౌంటెంట్‌కు రూ.12వేలు వేతనాలు, రూము రెంట్‌ రూ.8వేలు.. మొత్తంగా రూ.37వేలు చెల్లిస్తున్నారు.

దిలావర్‌పూర్‌: మండలంలోని సిర్గాపూర్‌ ప్లేర్‌ ఉన్న త పాఠశాలలో శనివారం 70వ ఎస్‌జీఎఫ్‌ జూడో పోటీలు నిర్వహించారు. జిల్లా వ్యాప్తంగా పలు పా ఠశాలల నుంచి వచ్చిన విద్యార్థులు ప్రతిభ కనబరి చి పతకాలు సాధించారు. వీరు జోనల్‌ స్థాయిలో ఆదిలాబాద్‌లో నిర్వహించనున్న పోటీల్లో పాల్గొంటారని జూడో అసోసియేషన్‌ అధికారులు వెల్లడించారు. పోటీల్లో ప్రతిభ కనబర్చిన క్రీడాకారులను డీఈవో భోజన్న, ఎస్జీఎఫ్‌ కార్యదర్శి లక్ష్మణ్‌, ప్లేర్‌ కరస్పాండెంట్‌ వెంకటనరసింహారెడ్డి, జూడో అసో సియేషన్‌ ఉపాధ్యక్షుడు సాయికిరణ్‌, కార్యదర్శి శివప్రసాద్‌ వివిధ స్కూళ్ల పీఈటీలు అభినందించారు. జోనల్‌ స్థాయి పోటీల్లోనూ అత్యుత్తమ ప్రతిభ కనబర్చి జిల్లాకు పేరు తీసుకురావాలని సూచించారు.

నిర్మల్‌ రూరల్‌: ప్రభుత్వ జూనియర్‌ లెక్చరర్ల సంఘం జిల్లా కార్యవర్గాన్ని శనివారం జిల్లా కేంద్రంలో ఎన్నుకున్నారు. ప్రిన్సిపల్‌ ప్రమోషన్లతో ఖాళీ అయిన స్థానాలకు నిర్వహించిన ఎ న్నికల్లో అధ్యక్షునిగా పట్వారి నవీన్‌కుమార్‌, మహిళా సెక్రటరీగా పి.శ్రీదేవి, కోశాధికారిగా కృష్ణ, రాష్ట్ర కౌన్సిల్‌ సభ్యునిగా అజీజ్‌ ఏకగ్రీవంగా ఎన్నికయ్యారు. రాష్ట్ర ప్రధాన కార్యదర్శి బలరాం జాదవ్‌, ఉపాధ్యక్షుడు సత్యపాల్‌రెడ్డి, జిల్లా ప్రధాన కార్యదర్శి మురళి, జిల్లా ప్రిన్సిపల్‌ల సంఘం అధ్యక్షుడు తుకారాం, ప్రధాన కార్యదర్శి శంకర్‌ తదితరులు పాల్గొన్నారు.

నిర్మల్‌: ‘మూషికా.. ఓ మూషికా.. ఉండ్రాళ్లు ఆరగించి గుర్రు పెట్టావా ఏంటీ.. ఎంత పిలిచినా పలకడం లేదు..’ అంటూ షెడ్డు (మండపం) తగలకుండా కదులుతూ గణనాథుడు పిలుస్తున్నాడు. ‘ఏంది స్వామీ.. ఈ పూట ఏం ముచ్చట..’ అంటూ మూషికుడు కళ్లు నులుముకుంటూ గణనాథుడి వైపు చూశాడు. ‘ఏం లేదు.. ఈ భూలోకవాసులు బాగా మారిపోతున్నారు..’ అని నిట్టూర్చాడు వినాయకుడు. ‘అగో.. ఏమైంది గణనాథ.. ఇంకో రెండురోజులైతే నవరాత్రులు పూర్తిచేసుకుని మనం కై లాసానికే వెళ్లిపోతం కదా.. ఇంకేంటి స్వామి..’ అని మూషికుడు ప్రశ్నార్థకంగా చూశాడు. ‘అది కాదు మూషికా.. ఒకప్పుడు 80–90స్‌లో నవరాత్రులు ఘనంగా చేసేవారు’ అని గణేశుడు చెబుతుండగనే.. ‘ఏం తక్కువ చేస్తున్నరని స్వామీ.. అలా అంటున్నారు..’ అని మూషికుడు ఎదురు ప్రశ్నించాడు. అప్పుడు గణనాథుడు ఇలా ముచ్చట మొదలు పెట్టాడు. వినాయకుడు: తరం మారినట్లే పండుగలో మార్పులు వచ్చేస్తున్నాయి మూషికా..! మూషికుడు: డీజేలు, లైట్ల గురించేనా స్వామీ..! వినాయకుడు: గుండెలు దడదడలాడే డీజేలు ఎందుకు మూషికా? 80లోని భక్తిపాటలు, భజనలు కనిపించడంలేదు. మూషికుడు: ఇప్పుడు మండపాలు పెద్దవయ్యా యి.. అలాగే, విగ్రహాలు కూడా ఎత్తయ్యాయి గదా స్వామీ..! వినాయకుడు: నన్ను ఎత్తుగా పెట్టడం కాదు.. భక్తులు మనస్సులో నన్ను ఉన్నతంగా పెట్టుకోవాలి. మూషికుడు: అంటే.. ఆ పాతకాలపు భక్తి మళ్లీ రావాలంటారా స్వామీ..? వినాయకుడు: వస్తే తప్పేముంది.. అప్పటి భజ నలో భక్తి ఉండేది. మోగే బ్యాండులో ఉత్సాహం ఉండేది. ఊరేగింపులో అందరి భాగస్వామ్యం ఉండేది. ఇప్పుడు దడదడలాడించే సౌండ్‌ పెరిగింది.. కానీ ఆత్మీయత తగ్గుతోందనిపిస్తోంది. మూషికుడు: అర్థమైంది స్వామీ.. ట్రెండ్‌ మారినా భక్తి మారకూడదన్నమాట! వినాయకుడు: అందుకే మూషికా.. 80స్‌ ట్రెండే బాగుండేది. ఎందుకంటే అప్పటి పండుగలో శబ్ధం కంటే భక్తి ఎక్కువగా కనిపించేది, వినిపించేది. అప్పుడే బాగుండే. మూషికుడు: ఇంతకు.. ఈసారి నిమజ్జనోత్సవానికి మీ సందేశం ఏంటి స్వామీ? వినాయకుడు: ఒక్కటే మూషికా.. విగ్రహం ఎంత పెద్దది, చిన్నది అనేది ముచ్చట కాదు. భక్తి అంతకంటే పెద్దదై ఉండాలి. డీజే ఎంత తక్కువైనా పర్వాలేదు.. మనసులో ‘వినాయకా’ అనే నామస్మరణ అంతకంటే గట్టిగా వినిపించాలి. నా పండుగ ధ్వని శక్తిని చాటేదిగా కాకుండా.. మనసులో భక్తిని పెంచేదిగా, మనుషుల్లో సమష్టితత్వాన్ని బలపర్చేదిగా ఉండాలన్నదే నా కోరిక. ఇలా గణనాథుడు, మూషికుడు సంభాషిస్తుండగానే పూజలు చేసేందుకు మండపానికి భక్తుల రాక మొదలైంది. దీంతో మూషిక, గణనాథులు తమ సంభాషణ ముగించేశారు.

బాసర: బాసరలో కొనసాగుతున్న మాస్టర్‌ప్లాన్‌ ప నుల పురోగతిపై అధికార యంత్రాంగం ప్రత్యేక దృష్టి సారించింది. పనులు వేగంగా పూర్తిచేసే లక్ష్యంతో వారానికోసారి సమీక్ష నిర్వహిస్తోంది. ఇందులో భాగంగా శనివారం ఆలయ ఈవో కార్యాలయంలో సీఎం సలహాదారు, ఐఏఎస్‌ అధికారి శ్రీనివాసుల రాజు సంబంధిత అధికారులతో సమావేశమై మాస్టర్‌ప్లాన్‌ పనులపై సమగ్రంగా సమీక్షించారు. చేపడుతున్న వివిధ అభివృద్ధి పనుల ప్రస్తుత పరిస్థితి, ఇప్పటివరకు సాధించిన పురోగతి, పనుల అమలులో ఎదురవుతున్న సమస్యల గురించి అధికారులను అడిగి తెలుసుకున్నారు. పెండింగ్‌ పనులకు సంబంధించిన వివరాలు సేకరించి, వాటిని పరిష్కరించేందుకు తీసుకోవాల్సిన చర్యలపై చర్చించారు. నిర్ణీత ప్రణాళిక ప్రకారం పనులను వేగవంతం చేసి త్వరగా పూర్తిచేయాలని అధికారులకు సూచించా రు. మాస్టర్‌ప్లాన్‌లోని ప్రతీ అంశంపై ఎప్పటికప్పు డు పర్యవేక్షణ కొనసాగించాలని, పనుల్లో జాప్యం లేకుండా సంబంధిత శాఖలు సమన్వయంతో ముందుకు సాగాలని ఆదేశించారు. గత వారం కూ డా అధికారులతో సమీక్ష నిర్వహించిన ఆయన.. వారం రోజుల వ్యవధిలోనే మరోసారి పనుల పురో గతిని పరిశీలించడం ప్రాధాన్యత సంతరించుకుంది. పనులు పూర్తయ్యేవరకు ఎదురయ్యే సమస్యల ను ఎప్పటికప్పుడు సమీక్షిస్తూ పరిష్కరించేందుకు చర్యలు తీసుకుంటామని అధికారులు తెలిపారు. సమీక్షకు ముందు రెవిన్‌ గెస్ట్‌హౌస్‌ను సందర్శించిన సీఎం సలహాదారు అనంతరం బాసర ఈవో కార్యాలయంలో అధికారులతో సమావేశమయ్యారు. మా స్టర్‌ప్లాన్‌ పనులను త్వరగా పూర్తిచేసే దిశగా అధికా ర యంత్రాంగంపై ఉన్నతస్థాయి నుంచి పర్యవేక్షణ కొనసాగుతున్నట్లు తెలుస్తోంది. సమావేశంలో బాసర తహసీల్దార్‌ పవన్‌చంద్ర, ఎంపీడీవో దేవేందర్‌రెడ్డి, ఆలయ ఈవో అంజనాదేవి, వివిధ శాఖల అధికారులు, ఇంజినీర్లు పాల్గొన్నారు.

నిర్మల్‌ రూరల్‌: స్టేట్‌ టీచర్స్‌ యూనియన్‌ ఏర్పడి 80 వసంతాలు పూర్తయిన సందర్భంగా ఈ నెల 27న హైదరాబాద్‌లో నిర్వహించనున్న కార్యక్రమానికి ఉపాధ్యాయులు అధికసంఖ్య లో హాజరు కావాలని సంఘం జిల్లా అధ్యక్షుడు భూమన్న యాదవ్‌ పిలుపునిచ్చారు. శనివారం జిల్లా కేంద్రంలోని సంఘ భవనంలో కార్యక్ర మ ప్రచార పోస్టర్‌ ఆవిష్కరించి మాట్లాడారు. ఉపాధ్యాయుల హక్కుల పరిరక్షణలో ఎస్టీ యూ కీలకపాత్ర పోషిస్తోందని తెలిపారు. ఉ పాధ్యాయులు వెంకటేశ్వరరావు, లక్ష్మీనారాయణ, ఖలీద్‌ హైమత్‌, శివలింగయ్య, ఇంతియా జ్‌, లక్ష్మీపతి తదితరులు పాల్గొన్నారు. సందడి చేసిన ఎర్రకాళ్ల కొంగలు ఖానాపూర్‌: మండలంలోని భాదనకుర్తి గ్రామ గోదావరి తీరంలోని పంట పొలాల్లో పెయింటెడ్‌ స్టార్క్‌ (ఎర్రకాళ్ల కొంగ)లు సందడి చేస్తున్నాయి. తెల్లటి శరీరంపై నల్లటి చారలు, రెక్క ల చివర గులాబీ ఛాయలున్న ఈకలు, పొడవై న పసుపు–నారింజ రంగు వంగిన ముక్కు, ఎ రుపు–గులాబీ రంగు పొడవైన కాళ్లు వీటి ప్ర త్యేకత. వీటి శాసీ్త్రయ నామం మైక్టీరియా ల్యూ కోసెఫాలా. కొంగల జాతికి చెందిన ఈ పక్షులు చెరువులు, నదులు, తడి నేలలు, నీరు నిలిచిన పొలాల్లో ఆహారం కోసం సంచరిస్తాయి. చిన్న చేపలు, కప్పలు, శంఖువులు, కీటకాలు, ఇతర చి న్న జలచరాలను ఆహారంగా తీసుకుంటూ పర్యావరణ సమతుల్యతకు దోహదపడతా యి. వీటిని చూసిన రైతులు, గ్రామస్తులు, పక్షి ప్రేమికులు ఆనందం వ్యక్తం చేస్తున్నారు.

నిర్మల్‌టౌన్‌/ఖానాపూర్‌: మున్నూరు కాపుల వాస్త వ జనాభా వివరాలను ప్రభుత్వానికి తెలుపాలని తెలంగాణ మున్నూరు కాపు సంఘం (పటేల్స్‌) రా ష్ట్ర అధ్యక్షుడు కొండ దేవయ్య పటేల్‌ కోరారు. అధి కారిక గణాంకాల్లో మున్నూరు కాపుల జనాభా త క్కువగా నమోదవుతోందని, వాస్తవ జనాభా కోటికి పైగా ఉంటుందని పేర్కొన్నారు. ప్రతీ కుటుంబం తమ సభ్యుల వివరాలను నమోదు చేసుకునేందు కు రూపొందించిన వెబ్‌సైట్‌ను శనివారం జిల్లా కేంద్రంలోని విశ్రాంత ఉద్యోగుల సంఘ భవనంలో, ఖానాపూర్‌లోని తిమ్మాపూర్‌ మున్నూరుకాపు సంఘ భవనంలో ఆవిష్కరించారు. ఈ సందర్భంగా ఆ యన మాట్లాడుతూ.. పుట్టిన శిశువు నుంచి వయోవృద్ధుల వరకు కుటుంబ సభ్యుల వివరాలను వెబ్‌సైట్‌లో నమోదు చేయాలని కోరారు. జిల్లా కేంద్రాల్లో మున్నూరుకాపు సంఘ భవనాల నిర్మాణానికి రెండెకరాలు కేటాయించాలని ప్రభుత్వాన్ని డిమాండ్‌ చేశారు. సంఘం ఐక్యత, హక్కుల సాధనకు ప్రతి ఒక్కరూ సంఘటితంగా ముందుకుసాగాలని పిలు పునిచ్చారు. ఆయా కార్యక్రమాల్లో మున్సిపల్‌ వైస్‌ చైర్మన్‌ అప్పాల గణేశ్‌ చక్రవర్తి, మున్సిపల్‌ మాజీ చైర్మన్‌ గండ్రత్‌ ఈశ్వర్‌, విశ్రాంత ఉద్యోగుల సంఘం జిల్లా అధ్యక్షుడు ఎంసీ లింగన్న, ఎఫ్‌ఎస్‌సీఎస్‌ మాజీ చైర్మన్‌ ధర్మాజీ రాజేందర్‌, గండి రామన్న దత్తసాయి ఆలయ కమిటీ చైర్మన్‌ కొట్టే శేఖర్‌, కాంగ్రెస్‌ పట్టణాధ్యక్షుడు ఆకుల హరీశ్‌, నాయకులు బీసీ రాజన్న, దయానంద్‌, రమేశ్‌, నర్సయ్య, సంతోష్‌, వెంకటరాములు, చిన్నయ్య, బీసీ రమేశ్‌, రాజశేఖర్‌, శ్రీనివాస్‌, గజేందర్‌, శంకర్‌, మధు, రాజేందర్‌, రాజన్న తదితరులున్నారు.

ఖానాపూర్‌: ఈ నెల 28, 29, 30 తేదీల్లో ఖమ్మంలోని రాయల సుభాష్‌చంద్రబోస్‌ గ్రౌండ్‌లో నిర్వహించనున్న ఆల్‌ ఇండియా కిసాన్‌ మజ్దూర్‌ సభ (ఏఐకేఎంఎస్‌) నాలుగో జాతీయ మహాసభలను విజయవంతం చేయాలని ఉమ్మడి ఆదిలాబాద్‌, ని ర్మల్‌ జిల్లాల ప్రధాన కార్యదర్శి ఎల్‌ఆర్‌ ఉపాలి పి లుపునిచ్చారు. ఖానాపూర్‌లోని జగన్నాథరావు చౌరస్తాలో మహాసభల ప్రచార పోస్టర్‌ను శనివారం ఆవి ష్కరించి మాట్లాడారు. గ్రామీణ సంక్షేమ పథకాల పై జరుగుతున్న దాడులు, పేదల అభివృద్ధిని విస్మరించే విధానాలు, నిర్బంధం తదితర అంశాలపై మ హాసభలో చర్చించి తీర్మానాలు చేయనున్నట్లు తెలి పారు. మతపరమైన దాడులు, కుల, లైంగిక అసమానతలు, పర్యావరణ విధ్వంసానికి వ్యతిరేకంగా భవిష్యత్‌ కార్యాచరణ ప్రకటిస్తామని పేర్కొన్నారు. మహాసభలకు 20రాష్ట్రాల నుంచి ప్రతినిధులు హా జరుకానున్నారని తెలిపారు. రైతులు, వ్యవసాయ కూలీలు, ప్రజలు అధికసంఖ్యలో పాల్గొని విజయవంతం చేయాలని కోరారు. కార్యక్రమంలో అఖిల భారత రైతు కూలీ సంఘం జిల్లా సహాయ కార్యదర్శి గోగు శేఖర్‌, కోశాధికారి కుడుదుల రాజేశ్వర్‌, జిల్లా కమిటీ సభ్యులు మానుక శ్రీనివాస్‌, గూట్ల ప్రసాద్‌, గోని స్వామి, నాయకులు రవి, మొహినొద్దీన్‌, భీమురావు తదితరులు పాల్గొన్నారు.

కుంటాల: మండల కేంద్రంలోని శాంతినికేత న్‌ పాఠశాలలో కబడ్డీ అసోసియేషన్‌ ఆధ్వర్యంలో సబ్‌ జూనియర్‌, సీనియర్‌ బాలబాలికల జిల్లా కబడ్డీ జట్ల ఎంపిక పోటీలు శుక్రవా రం ప్రారంభమయ్యాయి. సర్పంచ్‌ జక్కుల గజేందర్‌, తహసీల్దార్‌ కమల్‌సింగ్‌, ఎంపీవో శోభన, కబడ్డీ అసోసియేషన్‌ జిల్లా కార్యదర్శి సునీల్‌, ఒలింపిక్‌ అసోసియేషన్‌ జిల్లా కన్వీన ర్‌ శ్రీధర్‌రెడ్డి, పెటా జిల్లా అధ్యక్షుడు అంబా జీ, టీఆర్‌టీఎఫ్‌ జిల్లా అధ్యక్షుడు దేవేందర్‌, జాతీయ రెఫరీ ప్రేమలత, ఆర్గనైజర్‌ శ్రీనివా స్‌, కార్యదర్శి రాజబాపు తదితరులున్నారు.

నిర్మల్‌: ‘మాది నిర్మల్‌..’ అని జిల్లాకు చెందిన వారెవరైనా అనగానే ‘మీ ఊరు బొమ్మలకు ఫేమస్‌ కదా..’ అని వెంటనే అంటారు. అంతలా.. నిర్మల్‌ ను విశ్వవ్యాప్తం చేశాయి కొయ్యబొమ్మలు. ఉట్టిపడే జీవంతో ఆకట్టుకునే కళతో ఎవరినైనా ఇట్టే కట్టిపడేస్తాయి. ఎప్పుడో వందల ఏళ్ల క్రితం నకాషీ కళాకా రుల చేతుల్లో పొనికి కర్రతో ఊపిరి పోసుకున్న ఈ బొమ్మ దశాబ్దాలపాటు తన ఘనత చాటుకుంది. ఇంటి అలంకరణకే పరిమితం కాకుండా.. ప్రత్యేక సందర్భాల్లో ఆత్మీయులకు కానుకగా.. దేశ, విదేశీ పర్యాటకులు ఆసక్తిగా కొనుగోలు చేసే బహుమతి గా ఎదిగింది. ఘనమైన వారసత్వమున్న నిర్మల్‌ కొ య్యబొమ్మ ఇప్పుడు ఆదరణ కోసం ఎదురుచూస్తోంది. తరతరాలుగా ఈ కళను నమ్ముకుని జీవిస్తు న్న కళాకారులకు గిరాకీ తగ్గడం ఆందోళన కలిగి స్తోంది. కొనుగోళ్లు ఆశించిన స్థాయిలో లేక కొత్తత రం ఈ వృత్తివైపు రావడానికి ఆసక్తి చూపడం లేదు. దీంతో ప్రపంచవ్యాప్తంగా నిర్మల్‌కు గుర్తింపు తెచ్చి న ఈ కళ ఉనికి ప్రశ్నార్థకంగా మారింది. ఎంతో మంది కలెక్టర్లు, ఉన్నతాధికారులు ఇచ్చిన హామీలు నీటిమూటలే అయ్యాయి. తాజాగా కలెక్టర్‌ భవేశ్‌మిశ్రా కూడా కొయ్యబొమ్మల పరిశ్రమను పరిశీ లించి విక్రయాలు పెంచేలా చూస్తానని హామీ ఇచ్చారు. గిరాకీ తగ్గడంతో..నిర్మల్‌ కొయ్యబొమ్మలకు ప్రత్యేకమైన శైలి, నైపుణ్యముంది. స్థానికంగా లభించే పొనికి కర్రతో నకా షీ కళాకారులు ఎంతో నైపుణ్యంతో బొమ్మలకు ప్రా ణం పోస్తారు. రంగులు, ఆకృతులు సహజత్వానికి దగ్గరగా ఉంటాయి. సంప్రదాయ డిజైన్లతో పాటు ఇటీవలి కాలంలో కొత్తదనాన్నీ సంతరించుకుంటున్నాయి. ఒకప్పుడు బొమ్మల తయారీకి చేతినిండా పని ఉండగా.. ప్రస్తుతం విక్రయాలు తగ్గడంతో కళాకారులకు ఉపాధి కష్టంగా మారుతోంది. మార్కెటింగ్‌ ఉంటేనే మనుగడకొయ్యబొమ్మలకు దేశీయ, అంతర్జాతీయ స్థాయిలో మార్కెట్‌ కల్పించాల్సిన అవసరముందని కళాకారులు ఎప్పటినుంచో కోరుతున్నారు. ఆన్‌లైన్‌ విక్రయాలు, పర్యాటక ప్రాంతాల్లో ప్రత్యేక విక్రయ కేంద్రాలు, ప్రభుత్వ కార్యక్రమాల్లో ప్రదర్శనలు, బహుమతులుగా వీటినే ఇవ్వడం, ఎగ్జిబిషన్లలో అవకాశాలు కల్పించడం చేస్తే కొంత గిరాకీ పెరిగే అవకాశముంటుంది. కొత్త డిజైన్లు, ఆధునిక అవసరాలకు అనుగుణంగా బొమ్మల ఉత్పత్తులను రూపొందించేందు కు ఆర్థికంగా చేయూతనిస్తూ యువతరానికీ శిక్షణ, డిజైన్‌ సహకారం అందించాల్సిన అవసరముంది. ప్రత్యేక కార్యాచరణ అవసరంనిర్మల్‌ కొయ్యబొమ్మ కేవలం ఒక ఉత్పత్తి కాదు.. తెలంగాణ సాంస్కృతిక వైభవంలో భాగం. ఈ కళ ను కాపాడేందుకు కళాకారులకు నిరంతర ఉపాధి కల్పించాలి. ముడిసరుకు అందుబాటులో ఉంచాలి. పక్కా మార్కెటింగ్‌ సదుపాయాలు, శిక్షణ, ఆర్థిక ప్రోత్సాహకాలు అవసరం. ప్రభుత్వం, జిల్లా యంత్రాంగం, పర్యాటక శాఖ సమన్వయంతో ప్రత్యేక కార్యాచరణ చేపడితే మినహా.. అంతరించిపోతున్న కళను కాపాడుకోలేని పరిస్థితి. ప్రస్తుతం జిల్లా గ్రా మీణాభివృద్ధి శాఖ ఆధ్వర్యంలో పొనికి వనాలను పెంచడం ఊరట కలిగిస్తున్నా.. మార్కెటింగ్‌పై సర్కారు దృష్టిపెట్టాల్సిన అవసరముంది. కొయ్యబొమ్మల తయారీలో నైపుణ్యం సంపాదించడానికి ఏళ్లకేళ్లు శిక్షణ అవసరం. పెద్దలు నేర్చుకున్న విద్యను పిల్లలకు నేర్పడం ఆనవాయితీగా కొనసాగేది. ఎప్పు డో నిమ్మలనాయుడు కాలంలో ఈ కళకు పురుడుపోసిన నకాషీ కుటుంబాలే ఈవృత్తిని కొనసాగిస్తున్నాయి. ప్రస్తుతం ఈ వృత్తిలో ఆదాయం స్థిరంగా లేకపోవడం, ఎదుగుదల కనిపించకపోవడంతో కొత్తతరం యువత ఇతర ఉపాధి మార్గాల వైపు మళ్లింది. ఫలితంగా కొయ్యబొమ్మల తయారీ కుటుంబాల సంఖ్య క్రమంగా తగ్గుతోంది. కొంతమంది మాత్రమే కళాకారులుగా కొనసాగుతున్నారు. కొంతమంది మహిళలు ఇంటిపట్టున చేసిస్తున్నారు. తరతరాల కళకు వారసులు కరువు

భైంసా/బాసర: బాసర శ్రీజ్ఞాన సరస్వతీ అమ్మవారి ఆలయ అభివృద్ధి పనులు శరవేగంగా కొనసాగుతున్నాయి. గోదావరి పుష్కరాల నాటికి ఆలయానికి భవ్యరూపం తీసుకువచ్చేలా అధికారులు చర్యలు చేపట్టారు. రూ.354 కోట్ల ప్రభుత్వ నిధులతో చేపట్టిన పనుల్లో భాగంగా పాత నిర్మాణాల తొలగింపు, నూతన నిర్మాణాల పనులు కొనసాగుతున్నాయి. పుష్కరాలకు ముందే పనులు పూర్తి చేసేలా అధికా రులు ప్రణాళికతో ముందుకెళ్తున్నారు. దాతల సహకారంతో గర్భగుడి..ఆలయ గర్భగుడితోపాటు ప్రాకార మండపం, ధ్వ జస్తంభం, మహాకాళి ఆలయం తదితర నిర్మాణాలు చేపట్టేందుకు దాతలు సురపనేని సునంద్‌–పద్మప్రియ దంపతులు ముందుకువచ్చారు. నిర్ణయించిన గడువు కంటే ముందే నిర్మాణ పనులు పూర్తి చేయాలనే సంకల్పంతో పనులు కొనసాగిస్తున్నారు. ఆలయ గర్భగుడి నిర్మాణానికి అవసరమైన కృష్ణశిలను ఇప్పటికే సిద్ధం చేసి పెట్టారు. తొలగింపులు.. కొత్త నిర్మాణాలుఆలయ సమగ్ర అభివృద్ధిలో భాగంగా ప్రధాన ఆల యం, క్యూ కాంప్లెక్స్‌, కోనేరు, స్వాగత తోరణం, వంటశాల, ప్రసాదం కౌంటర్లు, డైనింగ్‌ హాల్‌, దు కాణా సముదాయాలు, అనుష్ఠాన మండపం, పోలీ స్‌స్టేషన్‌, ఈవో కార్యాలయం, వీఐపీ గెస్ట్‌హౌస్‌, గోశాల, పూజారుల క్వార్టర్లు, మరుగుదొడ్లు, వి ద్యుత్‌ ఉపకేంద్రం, ఎస్టీపీ తదితర సౌకర్యాల కల్ప న, నిర్మాణ పనుల్లో వేగం పెంచారు. ప్రైవేట్‌ భవనాల విషయంలో అనుమతులు, పరిహారం చెల్లింపు ప్రక్రియ ఇంకా కొనసాగుతోంది. పుష్కర ఘాట్లకు రూ.20 కోట్లువచ్చే ఏడాది జూన్‌ 27వ తేదీ నుంచి గోదావరి పుష్కరాలు ప్రారంభం కానున్న నేపథ్యంలో బాసరలో రూ.20 కోట్లతో పుష్కర ఘాట్ల నిర్మాణం, విస్తరణ, మరమ్మతులు, అభివృద్ధి పనులకు ఇటీవలే జిల్లా ఇన్‌చార్జి మంత్రి జూపల్లి కృష్ణారావు శంకుస్థాపన చేశారు. భక్తుల రద్దీకి అనుగుణంగా ఘాట్లను అభివృద్ధి చేయడంతోపాటు మహిళల కోసం డ్రె స్సింగ్‌ రూములు, మరుగుదొడ్లు, మొబైల్‌ టాయిలెట్లు ఏర్పాటు చేయనున్నారు. వైద్యశిబిరాలు నిర్వ హిస్తారు. అంబులెన్స్‌లు, పార్కింగ్‌, తాగునీరు, పారిశుద్ధ్యం, భద్రతా ఏర్పాట్లు చేయనున్నారు. గోదావరి తీరంలో 12 ప్రాంతాల్లో వసతులుబాసరతోపాటు గోదావరి తీరంలోని 12ప్రాంతాల్లో భక్తులకు వసతులు కల్పిస్తున్నట్లు ఇటీవల రాష్ట్ర మంత్రి జూపల్లి కృష్ణారావు తెలిపారు. పనులు గడువులోపు నాణ్యతతో పూర్తి చేయించాలని అధికారుల ను ఆదేశించారు. కలెక్టర్‌ భవేశ్‌ మిశ్రా ఆలయ అభివృద్ధి, పుష్కర ఘాట్ల పనుల పురోగతిని ఎప్పటికప్పుడు సమీక్షిస్తున్నారు. అన్ని శాఖల సమన్వయంతో పుష్కరాలకు వచ్చే భక్తులకు ఎలాంటి ఇబ్బందులు లేకుండా ఏర్పాట్లు చేస్తున్నట్లు తెలిపారు.

బాసర: గోదావరి పుష్కరాల పనులన్నీ గడువులోపు పూర్తి చేయాలని కలెక్టర్‌ భవేశ్‌ మిశ్రా ఆదేశించారు. శుక్రవారం బాసర ఆలయ ఈవో కార్యాలయంలో గోదావరి పుష్కరాల పనులపై అధికారులతో సమావేశం నిర్వహించి మాట్లాడారు. పుష్కరాల కు బాసరకు వచ్చే భక్తుల రద్దీకి తగినట్లు ఏర్పాట్లు చేయాలని సూచించారు. సాధారణ భక్తులు, వీఐ పీ, వీవీఐపీ భక్తులకు ప్రత్యేక పార్కింగ్‌ సౌకర్యం క ల్పించాలని తెలిపారు. పుష్కరాల నిర్వహణ, భక్తు ల రద్దీ, సంఖ్య లెక్కింపు అంశాల్లో కృత్రిమ మేధ సాంకేతిక పరిజ్ఞానాన్ని వినియోగించాలని సూచించారు. పనులను ఇంజినీరింగ్‌ అధికారులు నిరంతరం పర్యవేక్షించి నాణ్యత లోపించకుండా చూడాలని తెలిపారు. భక్తుల భద్రతకు ప్రాధాన్యం ఇవ్వాలని పేర్కొన్నారు. భక్తుల రద్దీకి తగినట్లు రవాణా సౌకర్యం కల్పించాలని, పార్కింగ్‌, ట్రాఫిక్‌ ఇబ్బందులు లేకుండా ఏర్పాట్లు చేయాలని, సరిపడా మరుగుదొడ్లు నిర్మించాలని, తాగునీటి వసతి కల్పించాలని సూచించారు. అనంతరం హెలిప్యాడ్‌ నిర్మించనున్న ప్రాంతాన్ని పరిశీలించారు. ఆయన వెంట భైంసా సబ్‌ కలెక్టర్‌ అజ్మీరా సంకేత్‌కుమార్‌, విద్యుత్‌ ఎస్‌ఈ రమేశ్‌, ఆర్‌అండ్‌బీ, ఆర్‌డబ్ల్యూఎస్‌, నీటిపారుదల శాఖల ఈఈలు సుభాష్‌, సందీప్‌, అనిల్‌, ఆలయ ఈవో అంజనాదేవి, తహసీల్దార్‌ పవన్‌చంద్ర తదితరులు పాల్గొన్నారు.

రైతాంగాన్ని ఆదుకోవాలి: రామారావుపటేల్‌భైంసా: వర్షాభావ పరిస్థితులతో ఇబ్బందులు పడుతున్న నియోజకవర్గ రైతులను ఆదుకోవాలని ము ధోల్‌ ఎమ్మెల్యే పవార్‌ రామారావు పటేల్‌ కోరారు. శుక్రవారం అసెంబ్లీలో మాట్లాడుతూ.. సాగునీటి ప్రాజెక్ట్‌లను పూర్తి చేసి రైతులకు భరోసా కల్పించా లని విజ్ఞప్తి చేశారు. దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి కలలుగన్న 28 ప్యాకేజీ పనులు పూర్తి చేసేందుకు తక్షణమే రూ.500 కోట్ల నిధులు మంజూరు చేయాలని కోరారు. శ్రీరాంసాగర్‌ ప్రాజెక్ట్‌ కోసం నియోజకవర్గ రైతులు విలువైన భూ ములు కోల్పోయారని తెలిపారు. ఇప్పుడు సాగునీటి కోసం వారు ఇబ్బందులు పడటం బాధాకరమని పేర్కొన్నారు. పిప్రి లిఫ్ట్‌ ఇరిగేషన్‌ పనులకు ఇప్పటికే సుమారు రూ.80 కోట్లు ఖర్చు చేసి పనులు పూర్తి చేశామని తెలిపారు. ట్రాన్స్‌ఫార్మర్లు, విద్యుత్‌ సరఫరా కోసం మరో రూ.2.20 కోట్లు అవసరమని పేర్కొన్నారు. నిధులు విడుదల చేసి విద్యుత్‌ సౌకర్యం కల్పిస్తే సుమారు 5వేల ఎకరాలకు సాగునీరు అందించవచ్చని తెలిపారు. గిరిజన హక్కులపై రాజీ లేదు: వెడ్మ బొజ్జు పటేల్‌ఖానాపూర్‌: గిరిజన ప్రాంతాల ప్రజల హక్కులు, ప్రత్యేక అవకాశాలను పరిరక్షించేందుకు ప్రభుత్వం చర్యలు తీసుకోవాలని ఖానాపూర్‌ ఎమ్మెల్యే వెడ్మ బొజ్జు పటేల్‌ శాసనసభలో కోరారు. జీవో 3తోపా టు షెడ్యూల్డ్‌ ప్రాంతాలకు సంబంధించిన ఇతర నిబంధనలు, సుమారు 29 జీవోలు రద్దు కావడంతో గిరిజనుల ఉద్యోగ, విద్యావకాశాలపై ప్రభావం పడుతుందని తెలిపారు. ఏజెన్సీ ప్రాంతాల స్థానిక గిరిజన యువతకు పోలీస్‌ నియామకాల్లో 75శాతం ఉద్యోగావకాశాలు కల్పించాలని కోరారు. ఆంధ్రప్రదేశ్‌లో షెడ్యూల్డ్‌ ఏరియాల్లో 75శాతం ప్రత్యేక ని బంధన ఉన్న విషయాన్ని ప్రస్తావిస్తూ, తెలంగాణ లోనూ ఇలాంటి అవకాశం కల్పించాలని విజ్ఞప్తి చేశా రు. గిరిజన ప్రాంతాల్లో ఫారెస్ట్‌, రెవెన్యూ సమస్యలు, విద్యుత్‌ స్తంభాల మార్పిడి, పారిశుద్ధ్యం, రెవె న్యూ సర్టిఫికెట్ల జారీ తదితర సమస్యలకు శాశ్వత పరిష్కారం చూపాలని కోరారు. గిరిజనులకు మౌలి క వసతులు, హక్కులు, ఉద్యోగావకాశాలు కల్పించేలా చర్యలు తీసుకోవాలనియ విజ్ఞప్తి చేశారు. మాట్లాడుతున్న ఎమ్మెల్యే రామారావు పటేల్‌మాట్లాడుతున్న ఎమ్మెల్యే వెడ్మ బొజ్జు పటేల్‌

రీజియన్‌ వారీగా ఉద్యోగులుమంచిర్యాలఅర్బన్‌/ఆదిలాబాద్‌: దాదాపు రెండు దశాబ్దాల తర్వాత ఆర్టీసీలో గుర్తింపు ఎన్నికల నిర్వహణకు ప్రభుత్వం నిర్ణయించింది. ఈ మేరకు తెలంగాణ రాష్ట్ర రోడ్డు రవాణా సంస్థలో ఎన్నికలు నిర్వహించే రాష్ట్ర కార్మిక శాఖ గ్రీన్‌ సిగ్నల్‌ ఇచ్చింది. ఎన్నికలను పారదర్శకంగా రహస్య బ్యాలెట్‌ విధానంలో నిర్వహించనున్నారు. ఈ నెల 21న పోటీలో పాల్గొనే సంఘాల నుంచి అంగీకార పత్రాలు స్వీకరిస్తారు. 22న సంబంధిత డిపో మేనేజర్లు ముసాయిదా ఓటర్ల జాబితాను అందజేయాల్సి ఉంటుంది. అక్టోబర్‌ 9వ తేదీన ప్రధాన ఎన్నికలు నిర్వహించనున్నట్లు తెలిపారు. 17న ఓట్లు లెక్కించి ఫలితాలు వెల్లడించనున్నట్లు ప్రకటించారు. చివరిగా ఎన్నికలు ఎప్పుడు జరిగాయంటే..ఆర్టీసీ సంస్థలో 2016లో గుర్తింపు కార్మిక సంఘం ఎ న్నికలు జరిగాయి. గుర్తింపు యూనియన్‌గా ఆర్టీసీ ఎంప్లాయీస్‌ యూనియన్‌(ఈయూ) ఏఐటీయూసీ అనుబంధ సంఘం గెలుపొందింది. తర్వాత సంస్థ పరిరక్షణ, కార్మికుల సమస్యల పరిష్కారం కోసం 2019లో 53రోజుల సమ్మె జరిగింది. జేఏసీగా ఏర్ప డి ఉద్యమాన్ని కొనసాగించారు. అప్పటి ప్రభుత్వం కార్మిక సంఘ ప్రాతినిధ్య సంఘాల సభ్యత్వాన్ని రద్దు చేసింది. ఎన్నికలు నిర్వహించకుండా వెల్ఫేర్‌ కమిటీలను నియమించింది. కమిటీ ఆధ్వర్యంలోనే సమస్యలపై చర్చలు సాగినా కార్మికుల్లో అసంతృప్తి నెలకొంది. 2026 ఏప్రిల్‌లో మూడు రోజుల పాటు జరిగిన సమ్మె సందర్భంలో జరిగిన చర్చల్లో ఆర్టీసీ సంస్థను ప్రభుత్వం విలీనం చేయటం.. ఎన్నికల నిర్వహణ, తదితర సమస్యలపై సానుకూలంగా స్పందించింది. ఈ నేపథ్యంలో ఎన్నికల నిర్వహణకు ప్రభుత్వం అడుగులు వేస్తోంది. డిపో ఉద్యోగుల సంఖ్య ఆదిలాబాద్‌ 406 ఆసిఫాబాద్‌ 264 భైంసా 208 మంచిర్యాల 420 నిర్మల్‌ 410 ఉట్నూర్‌ 118 ఆర్‌ఎంఎస్‌ ఆఫీస్‌ 44 మొత్తం 1,870 ఎన్నికలు ఇలా..ఆర్టీసీలో అనేక కార్మిక సంఘాలు ఉన్నప్పటికీ ఎన్నికల్లో గెలిచిన సంఘాన్నే అధికారిక గుర్తింపు సంఘంగా పరిగణిస్తారు. రీజియన్‌ స్థా యి, రాష్ట్రస్థాయిలో గుర్తింపు సంఘాలుగా ఉంటాయి. రెండింటికీ వేర్వేరు బ్యాలెట్‌ పత్రాలతో ఎన్నికలు నిర్వహిస్తారు. కార్మికుల వేతనాలు, బోనస్‌, డీఏల నుంచి మొదలుకొ ని సమస్యలపై చర్చలు జరిపే చట్టబద్ధమైన హక్కు ఈ సంఘానికే ఉంటుంది. ఎన్నికల్లో గెలిచిన సంఘాలు కార్మికుల సమస్యపై యా జమాన్యంతో సంప్రదింపులు జరుపుతాయి. డ్రైవర్లు, కండక్టర్లు, ఇతర కార్మికుల సమస్యలపై అధికారుల దృష్టికి తీసుకెళ్లి పరిష్కరిస్తా యి. సంస్థలో పనిచేసే అధికారి స్థాయి వారు మినహా, మిగిలిన ఆర్టీసీ ఉద్యోగులు, ఆర్టీసీ కార్మికులు అందరికీ ఓటు హక్కు ఉటుంది.

భైంసారూరల్‌: భైంసా మండలంలోని మాటేగాం గ్రామంలోని స్వయంభూ కొరడి గణపతిని శుక్రవారం ఎస్పీ జానకీ షర్మిల దర్శించుకుని పూజలు చేశారు. ఆలయ విశిష్టతను నిర్వాహకులు ఎస్పీకి వివరించారు. రోజుకు సుమారు 30వేల మంది భక్తులు గణపతిని దర్శించుకుంటున్నట్లు తెలిపారు. ఎస్పీ వెంట భైంసా ఏఎస్పీ సాయికిరణ్‌, సీఐ ప్రవీణ్‌, పోలీస్‌ సిబ్బంది ఉన్నారు. లోకేశ్వరం: మండలంలోని అబ్ధుల్లాపూర్‌ గ్రామంలోని మోక్ష (కర్ర) గణపతిని ఎస్పీ జానకీ షర్మిల దర్శించుకుని పూజలు చేశారు. ఈ సందర్భంగా ఎస్పీని గ్రామస్తులు సన్మానించారు. కార్యక్రమంలో భైంసా ఏఎస్పీ సాయికిరణ్‌, సీఐ రవీందర్‌ నాయక్‌, మల్లేశ్‌, ప్రవీణ్‌, ఎస్సైలు సుప్రియ, ప్రదీప్‌, తహసీల్దార్‌ సూర్యరావ్‌, సర్పంచ్‌ దడిగే జయలలిత, ఉత్సవ కమిటీ సభ్యులు పాల్గొన్నారు.

టీటీడీ 100 గదుల వెనుకాల ఉన్న ఆలయ పరి ధిలోని 18 పూజా సామగ్రి దుకాణాలకు ఆలయ అధికారులు ఇటీవల బహిరంగ, సీల్డ్‌ టెండర్లు నిర్వహించారు. టెండర్‌ దక్కించుకున్న వ్యాపారులకు ఏడాది కాలపరిమితితో దుకాణాలు కే టాయించారు. ఇందుకు సంబంధించి పలువురు వ్యాపారులు ఏడాది మొత్తానికి సంబంధించిన నగదును దేవస్థానానికి చెల్లించినట్లు తెలిపారు. అయితే. మాస్టర్‌ప్లాన్‌ పనుల్లో భాగంగా దుకా ణాలు తొలగించాల్సి రావడంతో అధికారులు వ్యాపారులకు నోటీసులు జారీ చేశారు. దీనిపై ఆలయ ఈవో అంజనాదేవి వివరణ ఇస్తూ.. టెండర్‌ ప్రక్రియ నిర్వహించిన సమయంలోనే ప్రతీ దుకాణాదారుకు ఆలయ అభివృద్ధి పనులు ప్రారంభమైతే దుకాణాలు తొలగించాల్సి ఉంటుందని స్పష్టంగా చెప్పామని తెలిపారు. ఎంతకాలం దుకాణాలు వినియోగించుకుంటే అంతే మొత్తాన్ని లెక్కించి, మిగతా మొత్తాన్ని దుకాణాదారులకు తిరిగి చెల్లించే ప్రతిపాదనను దేవాదాయ కమిషనర్‌కు పంపినట్లు పేర్కొన్నారు. కమిషనర్‌ నుంచి ఆదేశాలు రాగానే 10రోజుల్లోపు అర్హులకు మిగతా మొత్తాన్ని చెల్లించేలా చర్యలు తీసుకుంటామని వెల్లడించారు.

మల్యాల: కొద్ది నెలలుగా ట్రాన్స్‌ఫార్మర్లు పగులగొట్టి కాపర్‌ వైరు చోరీ చేస్తున్న దొంగలముఠాను మల్యాల పోలీసులు అరెస్టు చేసి రిమాండ్‌కు తరలించారు. గురువారం స్థానిక సర్కిల్‌ కార్యాలయంలో సీఐ రాజ్‌కుమార్‌, ఎస్సై ఎస్‌.సందీప్‌కుమార్‌ దొంగల ముఠా వివరాలు వెల్లడించారు. మండల కేంద్రానికి చెందిన తపాల బాబు, మంచిర్యాల వి కాస్‌నగర్‌కు చెందిన కోట శ్రీను, పల్లపు సురేశ్‌, సూ ర సురేశ్‌ ముఠాగా ఏర్పడి కొంతకాలంగా ట్రాన్స్‌ఫార్మర్లను పగులగొట్టి కాపర్‌వైరు దొంగిలిస్తున్నా రు. వైర్‌ను ముద్దగా చేసి.. విక్రయించి.. వచ్చిన డ బ్బును పంచుకునేవారు. మల్యాల, వెల్గటూర్‌, ధ ర్మపురి, గొల్లపల్లి, బుగ్గారం మండలాల్లోని వివిధ గ్రామాల్లో మొత్తం తొమ్మిది దొంగతనాలకు పాల్ప డ్డారు. గురువారం కొండగట్టు వద్ద కోట శ్రీను, పల్లపు సురేశ్‌, సూర సురేశ్‌ అనుమానాస్పదంగా తిరుతుగుతుండగా పట్టుకున్నారు. నిందితుల నుంచి ప్యాసింజర్‌ ఆటో, మొబైల్‌ ఫోన్‌, ట్రాన్స్‌ఫార్మర్‌ పగులగొట్టే ప్రత్యేక పరికరం, 39 కిలోల కాపర్‌ వైర్‌ స్వాధీనం చేసుకున్నామని సీఐ వెల్లడించారు. ఏ–1 నిందితుడు తపాలా బాబు పరారీలో ఉన్నట్లు తెలిపారు. కేసు చేధించడంలో కృషి చేసిన ఎస్సై సందీప్‌కుమార్‌, కానిస్టేబుల్‌ రాజేందర్‌, ఆంజనేయులు, విక్రాంత్‌ను ఎస్పీ అశోక్‌కుమార్‌ అభినందించారు.

నిర్మల్‌టౌన్‌: జిల్లా కేంద్రంలోని దేవరకోట శ్రీ లక్ష్మీవేంకటేశ్వరస్వామి ఆలయ హుండీ లెక్కింపు గురువారం నిర్వహించారు. గత ఎనిమిది నెలలకు సంబంధించిన హుండీ ఆదాయాన్ని లెక్కించగా రూ.4,19,719 సమకూరినట్లు ఇన్‌చార్జి ఈవో భూమయ్య, ఇన్‌స్పెక్టర్‌ రంగు రవికిషన్‌న్‌గౌడ్‌ తెలిపారు. భక్తులు స్వామివారికి సమర్పించిన కానుకల ద్వారా ఈ ఆదాయం వచ్చినట్లు పేర్కొన్నారు. ఆలయ చైర్మన్‌ ఆమెడ శ్రీనివాస్‌, ధర్మకర్తలు దేవేందర్‌గౌడ్‌, ముడారపు గంగాధర్‌, ఆలయ అధికారులు, సిబ్బంది పర్యవేక్షణలో హుండీ లెక్కింపు చేపట్టారు.

శ్రీరాంపూర్‌: కొత్త గనులతో సింగరేణికి ఉజ్వల భవిష్యత్తు ఉండబోతుందని శ్రీరాంపూర్‌ జీఎం శ్రీనివాస్‌ తెలిపారు. గురువారం శ్రీరాంపూర్‌ జీఎం కార్యాలయం వద్ద తెలంగాణ ప్రజాపాలన దినోత్సవాన్ని ఘనంగా నిర్వహించారు. ఈ సందర్భంగా ఆయన జాతీయ జెండా ఆవిష్కరించి జాతీయ గేయం, వందేమాతరం ఆలపించారు. అనంతరం మాట్లాడుతూ తాడిచెర్ల 2 బ్లాక్‌, మణుగూరు డిప్‌ సైడ్‌ 2 బ్లాక్‌లను సాధించుకోవడం, బొగ్గు ఉత్పత్తి పెరగడంతోపాటు కొత్త ఉద్యోగ, ఉపాధి అవకాశాలు దక్కబోతున్నాయన్నారు. ఈ కార్యక్రమంలో ఏరియా ఎస్‌ఓటు జీఎం కృష్ణప్రసాద్‌, గుర్తింపు సంఘం బ్రాంచీ కార్యదర్శి షేక్‌ బాజీసైదా, సీఎంఓఏఐ ఏరియా ప్రతినిధి పద్మ, ఏజీఎం(ఫైనాన్స్‌) శ్రీధర్‌, డీజీఎంలు అనిల్‌కుమార్‌, హరినారాయణ, ఏరియా సెక్యూరిటీ అధికారి హనుమాన్‌గౌడ్‌, డీవైపీఎం కాంత్రి పాల్గొన్నారు.

నిర్మల్‌టౌన్‌: గణేశ్‌ నిమజ్జన ఉత్సవాలకు పటిష్ట ఏర్పాట్లు చేస్తున్నట్లు మున్సిపల్‌ వైస్‌ చైర్మన్‌ అప్పాల గణేశ్‌ చక్రవర్తి తెలిపారు. నిర్మల్‌ మున్సిపల్‌ కార్యాలయంలో గణేశ్‌ ఉత్సవ సమితి సభ్యులు, మున్సిపల్‌ కౌన్సిలర్లతో గురువారం సమావేశం నిర్వహించారు. ఈ సందర్భంగా ఆయన మాట్లాడుతూ ప్రతీ ఏటా మాదిరిగా ఈసారి శోభాయాత్రను విజయవంతంగా నిర్వహించేందుకు మున్సిపల్‌ తరఫున అన్ని ఏర్పాట్లు చేస్తున్నట్లు తెలిపారు. నిమజ్జన మార్గాల్లో పారిశుద్ధ్యం, తాగునీరు, విద్యుత్‌ తదితర సౌకర్యాల కల్పనకు చర్యలు తీసుకుంటున్నట్లు పేర్కొన్నారు. అధికారులు, సిబ్బంది సమన్వయంతో పనిచేయాలన్నారు. సమావేశంలో మున్సిపల్‌ కమిషనర్‌ రవిబాబు, డీఈ హరిభూవన్‌, శానిటరీ ఇన్‌స్పెక్టర్‌ ప్రవీణ్‌ కుమార్‌ తదితరులు పాల్గొన్నారు.

అప్రమత్తతే ప్రధానంఆదిలాబాద్‌టౌన్‌/ఆదిలాబాద్‌: గణేశ్‌ నిమజ్జన ఉత్సవాల్లో అపశ్రుతులు చోటుచేసుకుండా నిర్వాహకులు, యువత పూర్తి అప్రమత్తంగా ఉండాలని జిల్లా పోలీసులు సూచిస్తున్నారు. సంగారెడ్డి జిల్లా ఇంద్రేశంలో బుధవారం నిర్వహించిన నిమజ్జన కార్యక్రమంలో ఆరుగురు విద్యార్థులు చెరువులో మునిగి మృత్యువాతపడటం తీవ్ర విషాదం నింపింది. ఇలాంటి ఘటనలకు తావివ్వకుండా భక్తులు, ఉత్సవ కమిటీలు జాగ్రత్తలు పాటించాలని ఎస్పీ అఖిల్‌ మహాజన్‌ సూచిస్తున్నారు. చెరువులు, కుంటల వద్ద..నిమజ్జనం జరిగే చెరువులు, కుంటలు, నదులు, ఇతర నీటి వనరుల వద్ద భక్తులు అప్రమత్తంగా ఉండాలి. నిమజ్జన ప్రాంతాల్లో ఏర్పాటు చేసిన బారికేడ్లను దాటి లోతైన ప్రాంతాల్లోకి వెళ్లకూడదు. ప్రమాదకర ప్రదేశాల్లో నిలబడి ఫొటోలు, సెల్ఫీలు తీసుకోవడం, నీటిలోకి దూకడం వంటి చర్యలకు దూరంగా ఉండాలి. పోలీసులు, అగ్నిమాపక సిబ్బంది, గజ ఈతగాళ్లు, ఇతర రక్షణ సిబ్బంది అందుబాటులో ఉండేలా చర్యలు చేపట్టాలి. భారీ గణేశ్‌ విగ్రహాలను ఊరేగింపుగా తరలించే సమయంలో విద్యుత్‌ తీగలు, విద్యుత్‌ స్తంభాలు, ట్రాన్స్‌ఫార్మర్ల విషయంలో ప్రత్యేక జాగ్రత్తలు తీసుకోవాలి. ప్రమాదకరంగా వేలాడుతున్న తీగలు, ఇతర సమస్యలు కనిపిస్తే వెంటనే విద్యుత్‌ శాఖ అధికారులకు సమాచారం అందించాలి. ట్రాఫిక్‌ నిబంధనలు తప్పనిసరి నిమజ్జనం సందర్భంగా ప్రధాన రహదారి, కూడళ్లలో ట్రాఫిక్‌ రద్దీ ఏర్పడే అవకాశం ఉన్నందున వాహనదారులు పోలీసుల సూచనలు పాటించాలి. ఊరేగింపునకు ఆటంకం కలిగించేలా రోడ్లపై వాహనాలను ఎక్కడపడితే అక్కడ నిలిపివేయొద్దు. అత్యవసర సేవలైన అంబులెన్స్‌లు, అగ్నిమాపక వాహనాలు, పోలీసు వాహనాలకు ఎలాంటి ఆటంకం కలగకుండా మార్గం కల్పించాలి. ఉత్సవకమిటీలు తమ వలంటీర్లను ఏర్పాటు చేసుకుని భక్తులను క్రమబద్ధంగా నడిపించేందుకు సహకరించాలని సూచిస్తున్నారు. దీంతోపాటు పర్యావరణ పరిరక్షణకు ప్రాధాన్యం ఇవ్వాలని, ప్లాస్టిక్‌ కవర్లు, పూజాసామగ్రి, పూలు, ఇతర వ్యర్థాలను నిర్దేశించిన ప్రదేశాల్లో వేయాలని కోరుతున్నారు. జాగ్రత్తలు తీసుకోవాలి..గణేశ్‌ విగ్రహాలను నిమజ్జన ప్రాంతాలకు తరలించే సమయంలో ట్రాక్టర్లు, లారీలు, ఇతర వాహనాల డ్రైవర్లు అప్రమత్తంగా ఉండాలి. వాహనాల్లో పరిమితికి మించి భక్తులను ఎక్కించుకోవద్దు. వాహనపత్రాలు, డ్రైవింగ్‌ లైసెన్స్‌ తప్పనిసరిగా కలిగి ఉండాలి. నిమజ్జన వేడుకల్లో డ్రైవర్లు మద్యం తాగి వాహనాలు నడిపితే చర్యలు తీసుకుంటాం.

అప్రమత్తతే ప్రధానం గణేశ్‌ నిమజ్జన ఉత్సవాల్లో అప్రమత్తంగా ఉండాలని పోలీసులు సూచిస్తున్నారు. సంగారెడ్డి ఘటన నేపథ్యంలో జాగ్రత్తలు పాటించాలని అంటున్నారు.ప్రజల ఐక్యతతోనే అభివృద్ధి నిర్మల్‌టౌన్‌: రాష్ట్రప్రజల ఐక్యతతోనే అభివృద్ధి సాధ్యమని బోథ్‌ ఎమ్మెల్యే అనిల్‌ జాదవ్‌ అన్నారు. తెలంగాణ జాతీయ సమైక్యతా దినోత్సవం సందర్భంగా జిల్లా బీఆర్‌ఎస్‌ కార్యాలయంలో జాతీయ జెండాను ఆవిష్కరించారు. ఈ సందర్భంగా ఆయన మాట్లాడుతూ తెలంగాణ కోసం పోరాడిన మహనీయుల త్యాగాలను స్మరించుకోవ డం ప్రతి ఒక్కరి బాధ్యత అన్నారు. రాష్ట్ర సా ధన కోసం కేసీఆర్‌ నాయకత్వంలో సాగిన ఉద్యమాన్ని గుర్తుచేశారు. ప్రజల హక్కులు, ఆత్మగౌరవం, అభివృద్ధి కోసం బీఆర్‌ఎస్‌ ఎల్లప్పుడూ ప్రజల పక్షాన నిలుస్తోందని పేర్కొన్నారు. రాష్ట్ర ప్రజలందరికీ తెలంగాణ జాతీయ సమైక్యతా దినోత్సవ శుభా కాంక్షలు తెలిపారు. కార్యక్రమంలో జెడ్పీ మాజీ చైర్‌పర్సన్‌ విజయలక్ష్మి, బీఆర్‌ఎస్‌ ని ర్మల్‌ నియోజకవర్గ ఇన్‌చార్జి రాంకిషన్‌రెడ్డి, ఖానాపూర్‌ ఇన్‌చార్జి జాన్సన్‌ నాయక్‌, నా యకులు మరుగొండ రాము, భూషణ్‌రెడ్డి, డాక్టర్‌ సుభాష్‌రావు, మహేశ్‌రెడ్డి, ప్రజాప్రతినిధులు తదితరులు పాల్గొన్నారు. జెండా ఆవిష్కరిస్తున్న ప్రభుత్వ విప్‌ వేముల వీరేశం నిర్మల్‌: ఎంతోమంది వీరులు, సమరయోధుల త్యాగాలు, పోరాటాల ఫలమే తెలంగాణ ప్రాంతానికి స్వతంత్రాన్ని తీసుకువచ్చిందని, వారి పోరాటస్ఫూర్తితో ప్రజాసంక్షేమం కోసం రాష్ట్ర ప్రభుత్వం పనిచేస్తోందని ప్రభుత్వ విప్‌ వేముల వీరేశం అన్నారు. జిల్లాకేంద్రంలోని కలెక్టరేట్‌లో గురువారం ప్రజాపాలన దినోత్సవాన్ని ఘనంగా నిర్వహించారు. కలెక్టర్‌ భవేశ్‌మిశ్రా, ఎస్పీ జానకీషర్మిల తదితరులతో కలిసి పోలీసుల గౌరవ వందనాన్ని స్వీకరించి, జాతీయ పతాకాన్ని ఆవిష్కరించారు. అనంతరం వివిధ శాఖల ద్వారా అమలవుతున్న అభివృద్ధి, సంక్షేమ కార్యక్రమాలను ప్రభుత్వ విప్‌ తన సందేశంలో వివరించారు. విద్య, వైద్యం.. జిల్లాప్రజలకు నాణ్యమైన వైద్యసేవలు అందించేందుకు ప్రభుత్వం కృషిచేస్తోందన్నారు. జిల్లా జనరల్‌ ఆస్పత్రిలో అధునాతన క్రిటికల్‌ కేర్‌ బ్లాక్‌ ప్రారంభానికి సిద్ధంగా ఉందన్నారు. రాజీవ్‌ ఆరోగ్యశ్రీ ద్వారా 14,131 శస్త్రచికిత్సలు చేసి, రూ.45కోట్ల 25లక్షల విలువైన వైద్యసేవలు అందించామన్నారు. జిల్లాలో 628 పాఠశాలల్లో రూ.20 కోట్ల 65 లక్షలతో మౌలిక వసతుల పనులు మంజూరు చేశామన్నారు. పదోతరగతి ఫలితాల్లో జిల్లా 98. 96 శాతంతో రాష్ట్రంలో మూడోస్థానంలో నిలిచిందన్నారు. ప్రత్యేక అవసరాలు గల విద్యార్థుల కోసం పది నూతన భవిత భవనాలు నిర్మిస్తుండగా, 689 పాఠశాలల శానిటరీ సిబ్బందికి నెలకు రూ.36 లక్షల చెల్లింపులు చేస్తున్నట్లు వివరించారు. వ్యవ‘సాయం’.. వ్యవసాయ రంగాన్ని బలోపేతం చేసి రైతుల సంక్షేమం కోసం ప్రభుత్వం పాటుపడుతోందన్నారు. రైతుభరోసా పథకం కింద లక్షా 89వేల924మంది రైతులకు రూ.267కోట్ల 96లక్షల పంట పెట్టుబడి సాయాన్ని వారి ఖాతాల్లో జమచేశామన్నారు. ఉద్యాన, పట్టు పరిశ్రమరంగంలో రైతులకు ప్రభుత్వం పూర్తి సహకారం అందిస్తోందన్నారు. 2026–27లో 488 మంది రైతులకు ఆయిల్‌పామ్‌ సాగుకోసం రూ.కోటి 81లక్షలు, 224మంది రైతులకు సూక్ష్మ సేద్యం కోసం రూ.కోటి 62 లక్షలు మంజూరు చేశామన్నారు. అన్నివర్గాల సంక్షేమం కోసం.. రాష్ట్ర ప్రభుత్వం ఎస్సీ,ఎస్టీ, బీసీ, మైనార్టీ అన్నివర్గాల సంక్షేమం కోసం ఆయా శాఖల ద్వారా సంక్షేమ ఫలాలు అందిస్తోందని వీరేశం వివరించారు. యువజన సర్వీసుల ద్వారా క్రీడల అభివృద్ధి తోడ్పాటునందిస్తుందని చెప్పారు. మహిళా శిశుసంక్షేమం కోసం అధిక ప్రాధాన్యతనిస్తున్నామన్నారు. జిల్లాలో శాంతిభద్రతల పరిరక్షణ కోసం పోలీసుశాఖ పకడ్బందీగా చర్యలు చేపడుతోందన్నారు. రోడ్డుప్రమాదాలు, గంజాయి నిర్మూలన, మహిళల భద్రతకు ప్రత్యేకంగా చేపడుతున్న కార్యక్రమాలు ప్రశంసనీయమన్నారు. ప్రశంసాపత్రాలతో విద్యార్థులు, ప్రిన్సిపాల్‌, ప్రాజెక్ట్‌ గైడ్‌ తదితరులు పుష్కరాలు.. బాసర అభివృద్ధి.. గోదావరి పుష్కరాలు ఘనంగా నిర్వహించడంతో పాటు, బాసర ఆలయ అభివృద్ధికి రాష్ట్రం నిధులు విడుదల చేసిందని, పనులు కూడా వేగంగా సాగుతున్నాయని చెప్పారు. ఆలయ పునర్‌ నిర్మాణం కోసం రూ.354 కే టాయించినట్లు తెలిపారు. ప్రజాపాలన ఉత్సవంలో అడిషనల్‌ కలెక్టర్‌ వెంకటేశ్వర్లు, డీఎఫ్‌ ఓ సుశాంత్‌ సుఖ్‌దేవ్‌ బోబడే, డీఆర్‌వో రాథో డ్‌ రమేశ్‌, శాఖల అధికారులు, ఉద్యోగులు, సిబ్బంది, ప్రజాప్రతినిధులు పాల్గొన్నారు. గ్రామీణాభివృద్ధిలో.. వీబీజీ రాంజీ పథకంలో 92 శాతం పని దినాల సాధనతో రాష్ట్రంలో ప్రథమస్థానం సాధించామన్నారు. బ్యాంకు రుణాల వసూళ్లలో వందశాతం ప్రగతితో రాష్ట్రంలో ప్రథమస్థానం సాధించడం ప్రశంసనీయమన్నారు. జిల్లాలో 1,659 ఫామ్‌పాండ్లను తవ్వించామన్నారు. పట్టణాలు, గ్రామాల అభివృద్ధి, పారిశుద్ధానికి ప్రభుత్వం అధిక ప్రాధాన్యత ఇస్తోందన్నారు. సొంతింటి కల..పేద ప్రజల సొంతింటి కలను సాకారం చేయాలనే లక్ష్యంతో రాష్ట్ర ప్రభుత్వం ఇందిరమ్మ గృహాల పథకాన్ని అమలు చేస్తోందన్నారు. జిల్లాలో 9,268 ఇళ్లు మంజూరు కాగా, ఇప్పటి వరకు 3,150ఇళ్ల నిర్మాణం పూర్తయిందన్నారు. లబ్ధిదారుల ఖాతాల్లో ఇప్పటికే రూ.171కోట్ల 20లక్షలు విడుదల చేశామన్నారు. రెండోదశలో నియోజకవర్గానికి రెండువేల ఇళ్ల చొప్పున కేటాయించామన్నారు.

రామకృష్ణాపూర్‌: రామకృష్ణాపూర్‌లోని సింగరేణి ఏరియా ఆసుపత్రి, డిస్పెన్సరీని జిల్లా కలెక్టర్‌ కుమార్‌దీపక్‌ గురువారం సందర్శించారు. రోగులకు అందుతున్న వైద్యసేవలు, మౌలిక వసతులు, కల్పిస్తున్న సదుపాయాలను పరిశీ లించారు. రోగులకు అవసరమైన వైద్య సేవలు సక్రమంగా అందేలా చర్యలు తీసుకోవాల ని అధికారులకు సూచించారు. అనంతరం రామకృష్ణాపూర్‌లో నూతన ప్రభుత్వ ఆసుపత్రి ఏర్పాటుకు అనువైన స్థలం కోసం సింగరేణి స్థలాలను పరిశీలించారు. కార్యక్రమంలో మందమర్రి ఏరియా జీఎం రాధాకృష్ణ, తహసీల్దార్‌ సతీష్‌, క్యాతనపల్లి మున్సిపల్‌ కమిషనర్‌ మురళీకృష్ణ తదితరులు పాల్గొన్నారు. క్లెయిమ్‌లు త్వరగా పరిష్కరించాలి శ్రీరాంపూర్‌: సీఎంపీఎఫ్‌ క్లెయిమ్‌లను త్వరగా పరిష్కరించాలని సీఎంపీఎఫ్‌ రీజినల్‌ కమిషన ర్‌ భరత్‌కుమార్‌ తెలిపారు. గురువారం విజి లెన్సు అవగాహన కార్యక్రమాన్ని జీఎం కార్యాలయంలోని సమావేశ మందిరంలో నిర్వహించారు. ఈ సందర్భంగా ఆయన మాట్లాడుతూ పెన్షన్‌, పీఎఫ్‌ క్లెయిమ్‌లు, అడ్వాన్స్‌లపై అవగాహన కల్పించారు. క్లెయిమ్‌లు జీరో పెండెన్సీ లక్ష్యంగా పని చేస్తున్నామన్నారు. కార్యక్రమంలో ఏరియా ఎస్‌ఓటు జీఎం కృష్ణప్రసాద్‌, డీజీఎం(పర్సనల్‌)అనిల్‌కుమార్‌ పాల్గొన్నారు. రక్షణకు అధికప్రాధాన్యతనివ్వాలి శ్రీరాంపూర్‌: రక్షణకు అధిక ప్రాధాన్యతనివ్వాలని డీడీఎంఎస్‌(మెకానికల్‌) కౌశిక్‌సేన్‌ గుప్తా తెలిపారు. గురువారం సీసీసీలోని సింగరేణి గెస్టుహౌజ్‌ సమావేశ మందిరంలో లైఫ్‌, సేఫ్టీ అంశాలపై అవగాహన కల్పించారు. ప్రతీ ఉద్యోగి సేఫ్టీతో పని చేసేలా చూడాలని అన్నా రు. రక్షణ సూత్రాలు పాటించి పని చేయాలన్నారు. ఈ కార్యక్రమంలో ఏరియా జీఎం ఎం.శ్రీనివాస్‌, బెల్లంపల్లి రీజియన్‌ సేఫ్టీ జీఎం రఘుకుమార్‌, ఏరియా ఎస్‌ఓటు జీఎం కృష్ణప్రసాద్‌, ఏరియా సేఫ్టీ అధికారి సత్యనారాయణ, ఓసీపీ పీఓలు వెంకటేశ్వర్లు, ఏవీ రెడ్డి, ఏజెంట్లు రవికుమార్‌, శ్రీధర్‌ పాల్గొన్నారు.

ఆకాశం మేఘావృతమై ఉంటుంది. ఉరుములు, మెరుపులతో కూడిన వర్షం కురిసే అవకాశం ఉంది. ఈదురుగాలులు వీస్తాయి. అమరవీరుల త్యాగాలు స్మరించుకోవాలి బాసర: ప్రతి ఒక్కరూ అమరవీరుల త్యాగాలు స్మరించుకోవాలని వీసీ ప్రొఫెసర్‌ ఏ.గోవర్ధన్‌ పేర్కొన్నారు. ఆర్జీయూకేటీలో తెలంగాణ ప్రజాపాలన దినోత్సవాన్ని గురువారం ఘనంగా నిర్వహించారు. వీసీ ప్రొఫెసర్‌ ఏ.గోవర్ధన్‌ ముఖ్య అతిథిగా హాజరై జాతీయ జెండా ఎగురవేశారు. అధికారులు, అధ్యాపకులు, బోధనేతర సిబ్బంది, విద్యార్థులు జాతీయ, రాష్ట్ర గీతాలను ఆలపించారు. ఈ సందర్భంగా వీసీ మాట్లాడుతూ ప్రభుత్వ ఆదేశాలతో ఈ కార్యక్రమాన్ని నిర్వహించినట్లు తెలిపారు. సీనియర్‌ ఫ్యాకల్టీ సాగర్‌, అసోసియేట్‌ డీన్లు డాక్టర్‌ ఎస్‌. విట్టల్‌, శీలం శేఖర్‌, డీఎస్పీ ఎం.వెంకట్‌, డాక్టర్‌ బి. విజయ్‌కుమార్‌, డాక్టర్‌ దేవరాజు, స్పోర్ట్స్‌ ఇన్‌చార్జి ఫ్యాకల్టీ ఎం. రామకృష్ణ, పీడీలు శ్యాంబాబు, రవికిరణ్‌ తదితరులు పాల్గొన్నారు. రేపు జిల్లాస్థాయి జూడో ఎంపిక పోటీలు నిర్మల్‌టౌన్‌: జిల్లా జూడో అసోసియేషన్‌ ఆధ్వర్యంలో సిర్గాపూర్‌లోని ప్లేయర్‌ హైస్కూల్‌లో శనివారం జిల్లాస్థాయి జూడో ఎంపిక పోటీలు నిర్వహించనున్నట్లు జిల్లా విద్యాశాఖాధికారి దర్శనం భోజన్న, ఎస్జీఎఫ్‌ సెక్రెటరీ రాథోడ్‌ లక్ష్మణ్‌ ఓ ప్రకటనలో తెలిపారు. ఉదయం 9.30 గంటలకు పోటీలు ప్రారంభమవుతాయని పేర్కొన్నారు. అండర్‌–14, 17, 19 విభాగాల్లో బాలురు, బాలికలకు ఈ పోటీలు ఉంటాయని వివరించారు. పోటీల్లో పాల్గొనేవారు ముందస్తుగా పేర్లు నమోదు చేసుకోవాలని సూచించారు. వివరాలకు 8555836057 నంబర్‌లో సంప్రదించాలని కోరారు.

రెబ్బెన: సింగరేణిలో గుర్తింపు సంఘం ఏఐటీయూసీ కాలపరిమితి ముగిసినందున వెంటనే ఎన్నికలు నిర్వహించాలని టీబీజీకేఎస్‌ అధ్యక్షుడు మిర్యాల రాజిరెడ్డి, హెచ్‌ఎంఎస్‌ రాష్ట్ర అధ్యక్షుడు రియాజ్‌ అహ్మద్‌, సీఐటీయూ ప్రధాన కార్యదర్శి తుమ్మల రాజిరెడ్డి డిమాండ్‌ చేశారు. ఎన్నికలు నిర్వహించేవరకు అన్ని రిజిష్టర్డ్‌ యూనియన్లకు సమాన హోదా కల్పించి ఆహ్వానించాలని కోరుతూ గురువారం హైదరాబాద్‌లోని డిప్యూటీ చీఫ్‌ లేబర్‌ కమిషనర్‌, సింగరేణి సీఅండ్‌ఎండీ బుద్దప్రకాశ్‌, డైరెక్టర్‌ గౌతమ్‌లకు వినతిపత్రాలు అందజేశారు. ఈ సందర్భంగా వారు మాట్లాడుతూ ఎన్నికలపై హైకోర్టులో దాఖలు చేసిన పిటిషన్‌ విచారణకు వచ్చందన్నారు. ప్రభుత్వం, సింగరేణికి సంబంధించిన ఏజీ మరో వారం సమయం కావాలని కోరగా ఇదే చివరి అవకాశమని కోర్టు హెచ్చరిస్తూ ఈనెల 21వ తేదీకి వాయిదా వేసిందన్నారు.

మంచిర్యాలక్రైం: జిల్లాలో నలుగురు ఎస్సైలను బదిలీ చేస్తూ కాళేశ్వరం జోన్‌ 1 ఐజీ, రామగుండం పోలీస్‌ కమిషనర్‌ అంబర్‌ కిషోర్‌ ఝా గురువారం ఉత్తర్వులు జారీ చేశారు. పేరు ప్రస్తుత స్థానం బదిలీ స్థానం మేకల ప్రశాంత్‌ సీసీసీ నస్పూర్‌ తాళ్లగురిజాల పీఎస్‌ బి.రామకృష్ణ తాళ్లగురిజాల పీఎస్‌ వీఆర్‌ రామగుండం సిహెచ్‌ శ్రావణ్‌కుమార్‌ మంచిర్యాలటౌన్‌ ఎస్‌హెచ్‌వో కాసిపేట ఏ.ఆంజనేయులు ఎస్‌హెచ్‌వో కాసిపేట వీఆర్‌ రామగుండం

మందమర్రిరూరల్‌: సింగరేణిలో గుర్తింపు కార్మిక సంఘాల కాలపరిమితి ముగిసిందని, జేబీసీసీఐ లోని సంఘాలకు సింగరేణిలో అవకాశం కల్పించా లని బీఎంఎస్‌ వర్కింగ్‌ ప్రెసింట్‌ యాదగిరి సత్త య్య డిమాండ్‌ చేశారు. గురువారం స్థానిక ప్రెస్‌క్లబ్‌లో నిర్వహించిన సమావేశంలో ఆయన మాట్లాడా రు. 2025– 26 ఆర్దిక సంవత్సరం సంస్థకు వచ్చిన వాస్తవ లాభాలను వెంటనే ప్రకటించి 40 శాతం వా టా పంపిణీ చేయాలని డిమాండ్‌ చేశారు. ఈ సమావేశంలో యూనియన్‌ నాయకులు శ్రీనివాసరావు, ప్రదీప్‌కుమార్‌, వీరన్న, దీక్షితులు పాల్గొన్నారు.

భైంసా: ఉత్తర ఫల్గుణి కార్తెలో భానుడి ప్రతాపంతో పత్తి రైతుల్లో ఆందోళన మొదలైంది. జిల్లావ్యాప్తంగా నాలుగు రోజులుగా ఎండలు తీవ్రంగా ఉండటంతో పత్తిపై ప్రభావం పడుతోంది. పూత, కాత దశలో పిందెలు, చిన్న కాయలు నేలరాలుతున్నాయి. పంటను కాపాడుకునేందుకు నీటి తడులు, ఇతర యాజమాన్య చర్యలు చేపడుతూ అన్నదాతలు తిప్పలు పడుతున్నారు. మధ్యాహ్నం 12 దాటితే పంట పొలాల్లో పనిచేయలేని పరిస్థితి నెలకొంది. వ్యవసాయ కూలీలు ఎండవేడిమికి అల్లాడుతున్నారు. ఉదయం, సాయంత్రం వేళల్లో పనులు చేసుకోవాల్సి వస్తోంది. జిల్లావ్యాప్తంగా సుమారు లక్ష ఎకరాల్లో పత్తి సాగైంది. ఇటీవల కురిసిన వర్షాలతో పంటలు కొంత పుంజుకున్నాయి. అయితే, రెండురోజులుగా ఎండ తీవ్రత ఒక్కసారిగా పెరగడంతో పొలాల్లో తేమ తగ్గడంతో దిగుబడిపై ప్రభావం పడనుంది. ఇటీవల కురిసిన వర్షాలతో కొంత ఊరట పొందిన పంటకు మళ్లీ ఎండ సెగ తగలడంతో పరిస్థితి మారింది. మరోసారి వానలు కురిస్తే పంటకు ప్రాణం పోసినట్టవుతుందని రైతులు ఆశిస్తున్నారు. పిందెలు.. కాయలు రాలుతున్నాయి పత్తి మొక్కలు పూత, కాత దశలో ఉన్న సమయంలో ఎండలు ముదరడంతో పిందెలు నిలవడం లేదని రైతులు చెబుతున్నారు. చిన్న కాయలు సైతం నేలరాలుతున్నాయని పేర్కొంటున్నారు. ఈ దశలో పంటను కాపాడుకుంటేనే దిగుబడి చేతికందుతుందని, నీటి తడులు పెట్టడంతోపాటు యాజమాన్య చర్యలపై దృష్టిసారిస్తున్నారు. ఎండలు పెరిగాయి ఈసారి పత్తి బాగానే పెరిగింది. ప్రస్తుతం పూత, కాత దశలో ఉంది. ఎండతీవ్రతతో పిందెలు, చిన్న కాయలు రాలుతున్నాయి. పొలంలో తేమ తగ్గిపోతోంది. కూలీలతో పనులు చేయించాలన్నా మధ్యాహ్నం ఎండకు రావడం లేదు. వర్షం కురిస్తే పంట నిలబడుతుంది. లేకపోతే పెట్టుబడి కూడా తిరిగివస్తుందో లేదోనన్న భయం ఉంది. – కదం మారుతి పటేల్‌, మాలేగాం

ఆసిఫాబాద్‌అర్బన్‌/రెబ్బెన: చోరీలకు పాల్పడుతు న్న అంతర్‌జిల్లా దొంగల ముఠాను అరెస్టు చేసినట్లు ఎస్పీ నితిక పంత్‌ తెలిపారు. జిల్లాకేంద్రంలోని పోలీసు కార్యాలయంలో గురువారం వివరాలు వె ల్లడించారు. రెబ్బెన పోలీసుస్టేషన్‌ పరిధిలోని కై ర్‌ గాంలో ఈనెల7న ఇంటికి తాళం వేసి యజమాని తాండూర్‌లో వారి బంధువు అంతక్రియల కోసం వెళ్లారు. గమనించిన నిందితులు ముందుగా రెక్కీ నిర్వహించి, తాళం పగులగొట్టి విలువైన వస్తువులను ఎత్తుకెళ్లారు. యజమాని ఫిర్యాదుతో పోలీసులు కేసు నమోదు చేశారు. కేసు ఛేదనకు మూడు ప్రత్యేక పోలీసు బృందాలు ఏర్పాటు చేసి డీఎస్పీ అశోక్‌, రెబ్బెన సీఐ సంజయ్‌ ఆధ్వర్యంలో దర్యాపు చేపట్టాయి. గురువారం కాగజ్‌నగర్‌ ఎక్స్‌రోడ్డు వద్ద వాహన తనిఖీలు నిర్వహించారు. అనుమానాస్పదంగా కనిపించిన స్విఫ్ట్‌ డిజైర్‌ కారును తనిఖీ చేయగా, తాళాలు పగులగొట్టేందుకు ఉపయోగించే సామగ్రితోపాటు బంగారం, వెండి లభించాయి. కారులో నలుగురిని అదుపులో తీసుకుని విచారించారు. తాండూర్‌, ఖైర్‌గావ్‌, జక్కులపల్లి, రెబ్బెన ప్రాంతాల్లో చోరీలు చేసినట్లు అంగీకరించారు. పట్టుబడిన నిందితుల్లో మంచిర్యాల జిల్లా తాండూర్‌లోని శివాజీనగర్‌కు చెందిన ఊపట్ల ప్రణయ్‌, శివాజీనగర్‌కు చెందిన రాజేశం, శాలిగామ కృష్ణ, శంబాజీనగర్‌కు చెందిన మంచెర్ల సతీశ్‌కుమారర్‌ ఉన్నారు. వీరు జల్సాలకు అలవాటుపడి చోరీలకు పాల్పడుతున్నారు. వారి నుంచి 10.3 తులాల బంగారం, 30 తులాల వెండి, 4 సెల్‌ఫోన్లు, స్విఫ్ట్‌ డిజైర్‌ కారు, సామగ్రిని స్వాధీనం చేసుకున్నారు. నిందితులను కోర్టులో హాజరుపర్చి, న్యాయస్థానం ఆదేశాలతో రిమాండ్‌కు తరలించినట్లు ఎస్పీ తెలిపారు. కేసు ఛేదించడంలో ప్రతిభ కనబర్చిన డీఎస్పీ అశోక్‌, రెబ్బెన సీఐ సంజయ్‌, ఎస్సై వెంకటకృష్ణ, హెచ్‌సీ రవికుమార్‌, పీసీ నౌషద్‌, వెంకటేశ్‌ ఎస్పీ అభినందించారు.

బోథ్‌: మండలంలోని పొచ్చెర క్రాస్‌రోడ్డు సమీపంలో భారత్‌ పెట్రోల్‌ బంకులో బుధవారం అర్ధరాత్రి భారీ ప్రమాదం తప్పింది. అర్ధరాత్రి సమయంలో గుర్తుతెలియని యువకుడు బైక్‌తో బంకు వద్దకు వచ్చాడు. సిబ్బంది క్యాబిన్‌లో నిద్రిస్తుండగా, స్వయంగా డిస్పెన్సింగ్‌ నాజిల్‌తో బైక్‌లో పెట్రోల్‌ నింపుకొనేందుకు యత్నించాడు. పైపు కనెక్టర్‌ ఊడిపోవడంతో పెట్రోల్‌ బయటకు వచ్చి నేలపాలైంది. భయాందోళనకు గురైన యువకుడు అక్కడి నుంచి బైక్‌పై పరారయ్యాడు. దాదాపు రూ.43,960 విలువైన 375.44 లీటర్ల పెట్రోల్‌ బంకు ఆవరణతో పాటు పక్కనే ఉన్న రోడ్డు, డ్రెయినేజీ వరకు ప్రవహించింది. సిబ్బంది వెంటనే మెషిన్‌ను నిలిపివేయడంతో ముప్పు తప్పింది. ఆ సమయంలో చిన్న నిప్పు రవ్వ చెలరేగిన బంకుతోపాటు పరిసర ప్రాంతాలు అగ్నికి ఆహుతై భారీ ప్రాణ, ఆస్తి నష్టం సంభవించేది. ఈ ఘటన మొత్తం సీసీ కెమెరాల్లో రికార్డయింది. నిర్వాహకులు జిల్లా ఎస్పీ అఖిల్‌ మహాజన్‌ దృష్టికి, బోథ్‌ పోలీస్‌ స్టేషన్‌లో ఫిర్యాదు చేశారు. పోలీసులు కేసు నమోదు చేసి సీసీఫుటేజీ ఆధారంగా యువకుడి కోసం గాలిస్తున్నారు.

● ఎస్పీ జానకీ షర్మిల నిర్మల్‌టౌన్‌: శాంతిభద్రతల పరిరక్షణకు పోలీసులు అంకితభావంతో పనిచేయాలని ఎస్పీ జానకి షర్మిల సూచించారు. ప్రజాపాలన దినోత్సవం సందర్భంగా గురువారం జిల్లా పోలీస్‌ కార్యాలయంలో జాతీయ పతాకాన్ని ఆవిష్కరించారు. ఈ సందర్భంగా ఎస్పీ మాట్లాడుతూ ప్రజలతో మమేకమై విధులు నిర్వహించాలని, శాంతిభద్రతల పరిరక్షణలో నిరంతరం అప్రమత్తంగా ఉండాలని సూచించారు. ప్రజలకు మెరుగైన సేవలందించాలన్నారు. కార్యక్రమంలో డీఎస్పీ శ్రీనివాస్‌, ఏఓ ఎండీ యూనస్‌ అలీ, సీఐలు కృష్ణ, సమ్మయ్య, మల్లేశ్‌, గోవర్ధన్‌న్‌రెడ్డి, ఆర్‌ఐ అడ్మిన్‌ రామ్‌ నిరంజన్‌, ఎస్సైలు, ఆర్‌ఎస్‌ఐలు, డీపీఓ, ఐటీ కోర్‌, భరోసా సిబ్బంది పాల్గొన్నారు.

తానూరు: మండలంలోని భోసిలో నెలకొల్పిన కోర్కెలు తీర్చే కర్రవినాయకుని దర్శించుకునేందుకు గురువారం భక్తులు బారులు తీరారు. తెలంగాణతోపాటు మహారాష్ట్ర నుంచి అధికసంఖ్యలో తరలివచ్చారు. దీంతో ఆలయం భక్తులతో కిటకిటలాడింది. ఆలయంలో ప్రత్యేక పూజలు నిర్వహించారు. తమ కోర్కెలు తీర్చాలని ముడుపులు చెల్లించుకున్నారు. అలాగే ఆయా గ్రామాల నుంచి భక్తులు పాదయాత్రగా చేరుకుని స్వామివారి దర్శనం చేసుకున్నారు. దర్శించుకున్న దత్తపీఠ స్వామి మహారాష్ట్రలోని పింపల్‌గావ్‌ దత్తపీఠ స్వామిశ్రీ తపస్వి బాలయోగి వెంకటస్వామి మహారాజ్‌ గురువారం మధ్యాహ్నం భోసి గ్రామంలోని కర్రవినాయకుని దర్శించుకున్నారు. భక్తులు ఆయనకు స్వాగతం పలికి పూలు చల్లారు. అనంతరం ఆలయంలో ప్రత్యేక పూజలు చేశారు. ఈ సందర్భంగా అయన మాట్లాడుతూ గ్రామస్తుల ఐక్యత ఒకే విగ్రహం ఏర్పాటు చేసి భక్తిశ్రద్ధలు చాటుకోవడం సంతోషంగా ఉందన్నారు. ఆలయ కమిటీ అధ్యక్షుడు ఉత్తం బాలేరావ్‌, కమిటీ సభ్యులు, గ్రామస్తులు తదితరులు పాల్గొన్నారు.

లక్ష్మణచాంద: విద్యుత్‌ షాక్‌తో యువ రైతు మృతి చెందిన ఘటన మండలంలోని పార్‌పెల్లిలో చోటు చేసుకుంది. వివరాలు ఇలా ఉన్నాయి.. పార్‌పెల్లి గ్రామానికి చెందిన దావ వినేష్‌(32) గురువారం సాయంత్రం తన వరి పొలం ఒడ్డుపై గడ్డిని కోయడానికి గ్రాస్‌ కట్టర్‌ తీసుకుని వెళ్లాడు. కట్‌ చేసే సమయంలో బోరు మోటార్‌కు విద్యుత్‌ స్తంభం నుంచి స్టార్టర్‌కు వచ్చే విద్యుత్‌ తీగ ఒక చోట కట్‌ అయింది. వినేష్‌ గమనించలేదు. గ్రాస్‌ కట్టర్‌ కింది భాగానికి తెగిన వైరు తగిలి అక్కడికక్కడే మృతి చెందాడు. ఎంతసేపటికి కుమారుడు ఇంటికి రాకపోవడంతో తండ్రి చిన్న గంగన్న ఫోన్‌ చేయగా లిఫ్ట్‌ చేయలేదు. అనుమానంతో పొలం వద్దకు వెళ్లి చూడగా విగతజీవిగా పడి ఉన్నాడు. విషయం తెలుసుకున్న పోలీసులు ఘటన స్థలానికి చేరుకుని పరిశీలించారు. తండ్రి ఫిర్యాదుతో కేసు దర్యాప్తు చేస్తున్నట్లు ఎస్సై శ్రావణి తెలిపారు. మృతుడికి భార్య అఖిల, ఇద్దరు రెండేళ్లలోపు కుమారులు ఉన్నారు. వాహనం ఢీకొని గుర్తుతెలియని వ్యక్తి.. రెబ్బెన: మండలంలోని నేర్పల్లి బస్టాప్‌ వద్ద జాతీయ రహదారిపై గురువారం తెల్లవారుజామున వాహనం ఢీకొని గుర్తు తెలియని వ్యక్తి మృతి చెందినట్లు ఎస్సై వెంకటకృష్ణ తెలిపారు. తమకందిన సమాచారంతో ఘటన స్థలానికి వెళ్లి మృతదేహాన్ని పరిశీలించినట్లు పేర్కొన్నారు. మృతుడి వయస్సు 35 నుంచి 40 ఏళ్లు ఉంటుందని, ఒంటిపై గోధుమ రంగు చొక్కా, ప్యాంటు ధరించి ఉన్నాడని తెలిపారు. హెడ్‌ కానిస్టేబుల్‌ శ్రీనివాస్‌ ఫిర్యాదుతో కేసు నమోదు చేసి మృతదేహాన్ని ఆసిఫాబాద్‌ ప్రభుత్వ ఆసుపత్రికి తరలించినట్లు ఎస్సై తెలిపారు. నీటికుంటలో పడి బాలుడి.. ఉట్నూర్‌రూరల్‌: ప్రమాదవశాత్తు నీటికుంటలో పడి బాలుడు మృతిచెందాడు. మండలంలోని లింగోజితండా పరిధిలో ఈఘటన చోటుచేసుకుంది. ఉట్నూర్‌ ఎస్సై గుంపుల విజయ్‌కుమార్‌, స్థానికులు తెలిపిన వివరాల ప్రకారం..మహారాష్ట్ర నుంచి కబీర్‌దాస్‌, సవిత దంపతులు పదేళ్ల క్రితం బతుకుదెరువు కోసం లింగోజితండాకు వచ్చి నివాసం ఉంటున్నారు. వీరికి ఐదుగురు సంతానం. పెద్ద కుమారుడు దేవిదాస్‌ (16) గురువారం తన ఇద్దరు సోదరులతో కలిసి రోజూ మాదిరిగా ఈత కోసం భీంగూడకు వెళ్లేమార్గంలో ఉన్న నీటికుంట వద్దకు వెళ్లాడు. ప్రమాదవశాత్తు దేవిదాస్‌ నీటికుంటలో పడి పోయాడు. ఈ విషయాన్ని అన్న స్థానికులకు తెలిపాడు. ఉపసర్పంచ్‌ జాదవ్‌ హరిచంద్‌, సూరినాయక్‌ యువసేన యువకులతో కలిసి వెళ్లారు. నీటి గుంటలో దేవిదాస్‌ మృతదేహాన్ని బయటకు తీశారు. పంచనామా కోసం ఉట్నూర్‌ ఆసుపత్రికి తరలించినట్లు ఉపసర్పంచ్‌ తెలిపారు. కుటుంబ సభ్యుల ఫిర్యాదుతో కేసు దర్యాప్తు చేస్తున్నట్లు ఎస్సై తెలిపారు. పురుగుల మందు తాగి ఒకరి ఆత్మహత్య లోకేశ్వరం: పురుగుల మందు తాగి ఒకరు ఆత్మహత్యకు పాల్పడినట్లు ఏఎస్సై భారతి తెలిపారు. ఏఎస్సై కథనం ప్రకారం.. మండలంలోని రాయాపూర్‌కాండ్లీ గ్రామానికి చెందిన తోండకూర్‌ శ్రీనివాస్‌(32) ఎలాంటి పనిచేయక తాగుడికి బానిసై తిరుగుతుండేవాడు. ఈనెల 13న మద్యం సేవించేందుకు డబ్బులు ఇవ్వమని భార్య లావణ్యతో గొడవ పడ్డాడు. భార్య డబ్బులు ఇవ్వపోయేసరికి ఇంట్లో పురుగు మందు తాగాడు. గమనించిన కుటుంబ సభ్యులు 108లో భైంసా ఏరియాస్పత్రికి తరలించారు. మెరుగైన వైద్య కోసం నిజామాబాద్‌ ప్రభుత్వ ఆస్పత్రికి తీసుకెళ్లారు. చికిత్స పొందుతూ గురువారం మృతిచెందాడు. మృతుడికి ఇద్దరు కుమారులు ఉన్నారు. మృతుడ బంధువు బక్కురి ఆనందం ఫిర్యాదుతో కేసు దర్యాప్తు చేస్తున్నట్లు ఏఎస్సై తెలిపారు.

ఉట్నూర్‌రూరల్‌: మండల పరిసర ప్రాంతాల్లో గత ఎనిమిది నెలలుగా వరుస చోరీలకు పాల్పడుతున్న ఇద్దరితోపాటు వారికి సహకరించిన పలువురిని అరె స్టు చేసినట్లు ఉట్నూర్‌ ఏఎస్పీ రుత్విక్‌ సాయి తెలి పారు. ఉట్నూర్‌ ఏఎస్పీ కార్యాలయంలో గురువా రం వివరాలు వెల్లడించారు. ఉట్నూరు ప్రాంతంలో మోనూ, షాజిద్‌లు తాళం వేసి ఉన్న ఇళ్లను లక్ష్యంగా చేసుకుని చోరీలకు పాల్పడేవారు. ఇప్పటివరకు మూడు ఇళ్లలో రూ.30 వేల నగదుతోపాటు 3 తు లాల బంగారం, 47 తులాల వెండి ఆభరణా లను ఎత్తుకెళ్లారు. పంట పొలాల్లోని ట్రాన్స్‌ఫార్మర్ల నుంచి రాగితీగలు, కాపర్‌ కాయిల్స్‌, సోలార్‌ బ్యాటరీ లు, ఇతర పరికరాలను ఎత్తుకెళ్లారు. కేసు దర్యాప్తులో భాగంగా నిందితులను అరెస్టు చేసి విచారించడగా ఆరు చోట్ల చోరీలకు పాల్పడినట్లు అంగీకరించారు. చోరీ చేసిన విద్యుత్‌ సామగ్రిని షమ్షూ, మొబీన్‌, అతిక్‌ సహాయంతో స్థానిక స్కారప్‌ షాపులకు విక్రయించగా, బంగారు, వెండి ఆభరణాలను వ్యాపారులు ప్రభాకర్‌, చందన్‌, నారోజి విజయ్‌ కొనుగోలు చేశారు. వాటి అమ్మకాల్లో సహకరించిన మోహన్‌, జయవంత్‌, శివరాత్రి శ్రీనివాస్‌పై పోలీసులు కేసులు నమోదు చేశారు. సమావేశంలో సీఐ ప్రసాద్‌, ఎస్సై విజయ్‌ పాల్గొన్నారు.

నిర్మల్‌ టౌన్‌: నిర్మల్‌ కొయ్య బొమ్మల కళ సంరక్షణకు, కళాకారులకు ప్రోత్సాహం అందించేందుకు అవసరమైన చర్యలు చేపడతామని కలెక్టర్‌ భవేశ్‌ మిశ్రా పేర్కొన్నారు. మంగళవారం జిల్లా కేంద్రంలోని కొయ్య బొమ్మల తయారీ కేంద్రాన్ని కలెక్టర్‌ పరిశీలించారు. ఈ సందర్భంగా కొయ్య బొమ్మల చరిత్ర, తయారీ విధానం, మార్కెటింగ్‌, కళాకారుల పరిస్థితి, పొనికి కర్ర లభ్యత తదితర వివరాలు నిర్వాహకులను అడిగి తెలుసుకున్నారు. ఈ సందర్భంగా కలెక్టర్‌ మాట్లాడుతూ.. నిర్మల్‌ కొయ్య బొమ్మలకు దేశ, విదేశాల్లో ప్రత్యేక గుర్తింపు ఉందని పేర్కొన్నారు. ఈ కళ ద్వారా జిల్లాకు అంతర్జాతీయ స్థాయిలో ప్రత్యేక గుర్తింపు లభించిందని తెలిపారు. తరతరాలుగా వస్తున్న కళను సంరక్షించుకోవాల్సిన బాధ్యత అందరిపై ఉందని పేర్కొన్నారు. బొమ్మల తయారీకి వాడే కలప కోసం పొనికి చెట్ల పెంపకాని కి అవసరమైన చర్యలు చేపడతామని తెలిపారు. రానున్న గోదావరి పుష్కరాల సందర్భంగా బాసరలో కొయ్య బొమ్మల ప్రదర్శన, విక్రయాల కోసం ప్రత్యేక స్టాళ్లు ఏర్పాటు చేసేలా చూస్తామని హామీ ఇచ్చారు. కార్యక్రమంలో జిల్లా పంచాయతీ అధికారి శ్రీనివాస్‌, డీవైఎస్వో శ్రీకాంత్‌రెడ్డి, ము న్సిపల్‌ కమిషనర్‌ రవిబాబు, తహసీల్దార్‌ రాజు, అధికారులు, సిబ్బంది పాల్గొన్నారు. సంఘాల అభివృద్ధికి కృషి చేయాలి జిల్లాలోని స్వయం సహాయక సంఘాల అభివృద్ధికి కృషి చేయాలని కలెక్టర్‌ భవేశ్‌ మిశ్రా ఆదేశించారు. కలెక్టరేట్‌లో జిల్లా గ్రామీణాభివృద్ధి సంస్థకు సంబంధించిన అంశాలపై సమీక్ష నిర్వహించారు. ఈ సందర్భంగా మాట్లాడుతూ.. రుణ మంజూరు లక్ష్యాలను గడువులోపు పూర్తి చేయాలని తెలిపారు. సభ్యులకు ఆర్థిక అక్షరాస్యతపై అవగాహన కల్పించాలని, డిజిటల్‌ చెల్లింపుల్లో ప్రోత్సహించాలని సూచించారు. డీఆర్డీవో విజయలక్ష్మి, ఎల్డీఎం రామ్‌గోపాల్‌, అధికారులు, సిబ్బంది పాల్గొన్నారు.

ముధోల్‌: కరీంనగర్‌ జిల్లాలో నిర్వహించిన రాష్ట్ర స్థాయి యోగా పోటీల్లో ముధోల్‌ గురుకుల పాఠశాలకు చెందిన ఐదోతరగతి విద్యార్థి జి.అఖిలేశ్‌ ప్రతిభ కనబరిచి బంగారు పతకం సాధించి జాతీయ స్థాయికి ఎంపికై నట్లు యోగా గురువు సాయినాథ్‌ తెలిపారు. అఖిలేశ్‌ను మంగళవారం పాఠశాలలో శాలువాతో సత్కరించారు. ఉపాధ్యాయులు, సిబ్బంది ఉన్నారు. ఆలూరులో స్టీల్‌బ్యాంక్‌ సారంగపూర్‌: మండలంలోని ఆలూరు గ్రామంలో సంపూర్ణ ప్లాస్టిక్‌ నిషేధంలో భాగంగా వీడీసీ, గ్రామపంచాయతీ ఆధ్వర్యంలో స్టీల్‌బ్యాంక్‌ ఏర్పాటు చేశారు. ఈ సందర్భంగా గణేశ్‌ మండపం వద్ద అన్నదాన కార్యక్రమం నిర్వహించారు. కార్యక్రమంలో డీపీవో శ్రీనివాస్‌, సర్పంచ్‌ ఈర్ల చిన్నయ్య, ఎంపీడీవో లక్ష్మీకాంత్‌రావు, ఎంపీవో అజీజ్‌ఖాన్‌, పంచాయతీ కార్యదర్శి లింగయ్య, వీడీసీ సభ్యులున్నారు.

భైంసా: యూరియా కొరతతో ఇప్పటికే ఇబ్బందులు పడుతున్న రైతులపై రవాణా భారం కూడా పడుతోంది. ప్రభుత్వం నిర్ణయించిన ధర ప్రకారం యూరియా బస్తా రూ.266కే విక్రయించాల్సి ఉండగా.. రవాణా చార్జీల పేరిట సొసైటీల్లో రూ.50 వరకు, ప్రైవేట్‌ డీలర్ల వద్ద రూ.100 వరకు అదనంగా వసూలు చేస్తున్నారనే ఆరోపణలున్నాయి. గతంలో డీసీఎంఎస్‌ కేంద్రాలకు యూరియా లోడ్‌తో వచ్చే లారీల రవాణా ఖర్చు ప్రభుత్వమే భరించే విధానముండేది. కాంగ్రెస్‌ ప్రభుత్వం అధికారంలోకి వచ్చిన తర్వాత ఈ ఖర్చు చెల్లించడం నిలిపివేసిందని రైతులు, సొసైటీ వర్గాలు చెబుతున్నాయి. దీంతో రెండేళ్లుగా డీసీఎంఎస్‌ కేంద్రాల పరిధిలో యూరియా విక్రయాలపై రవాణా భారం ప్రభావం చూపుతోంది. తాజాగా, పీఏసీఎస్‌లపై లారీల అద్దె చెల్లింపులు భారం పడుతోంది. ఒక్కో బస్తా రవాణా చార్జీ రూ.30కి పైగానే.. జిల్లాకు నిజామాబాద్‌ నుంచి యూరియా లారీలు వస్తున్నాయి. ఒక్కో లారీలో సుమారు 450 బస్తాలుంటాయి. లారీకి రూ.13,500 నుంచి రూ.15వేల వరకు అద్దె చెల్లించాల్సి వస్తోంది. ఈ లెక్కన బస్తా రవాణా ఖర్చు సుమారు రూ.30 నుంచి రూ.33 వరకు వస్తోంది. గోదాంలో దించేందుకు బస్తాకు రూ.5 హమాలీ చార్జీ చెల్లించాలి. రైతు తీసుకెళ్లే సమయంలో మళ్లీ హమాలీ చార్జీ పడుతోంది. అంటే, రవాణాతో పాటు రెండుసార్లు హమాలీ ఖర్చు కూడా రైతులు భరించాల్సి వస్తోంది. పొట్ట దశలో తప్పనిసరి ప్రస్తుతం జిల్లాలో పలు ప్రాంతాల్లో పంటలు పొట్ట దశకు చేరుకున్నాయి. ఈ సమయంలో యూరియా వేయడం కీలకం. యూరియా కోసం రైతులు సొసైటీలు, డీలర్ల చుట్టూ తిరుగుతున్నారు. యాప్‌లో యూరియా అందుబాటులో లేకపోవడం.. అందుబాటులో ఉన్న చోట అధిక రేటు వసూలు చేయడంతో రైతులు తీవ్ర ఇబ్బందులు పడుతున్నారు. ఒకవైపు వర్షాభావ పరిస్థితులు.. మరోవైపు ఎరువుల కోసం అదనపు ఖర్చు రైతులకు భారంగా మారింది. యూరియా పూర్తిగా సబ్సిడీపై అందిస్తున్నప్పుడు దాని రవాణా, హమాలీ ఖర్చులనూ ప్రభుత్వమే భరించాలని రైతులు కోరుతున్నారు. నిర్ణయించిన రూ.266కే బస్తా అందేలా చర్యలు తీసుకోవాలని, యాప్‌లో నిరంతరాయంగా నిల్వ వివరాలు అందుబాటులో ఉంచాలని, అదనపు వసూళ్లను అరికట్టాలని డిమాండ్‌ చేస్తున్నారు. రైతుపైనే రెండింతలు.. యూరియా బస్తాకు ప్రభుత్వం నిర్ణయించిన ధర రూ.266 కాగా.. రవాణా, హమాలీ ఖర్చులు కలిపి వాస్తవంగా రైతు చెల్లించే మొత్తం పెరుగుతోంది. ప్రస్తుతం సొసైటీల్లో బస్తాకు రూ.50 వరకు, ప్రైవేట్‌ డీలర్ల వద్ద రూ.100 వరకు అదనంగా వసూలు చేస్తున్నట్లు రైతులు చెబుతున్నారు. యూరియా యాప్‌లో లభ్యత లేకపోవడంతో అవసరమైన సమయంలో ఎక్కడ దొరికితే అక్కడ కొనుగోలు చేయాల్సి వస్తోంది. దీంతో ధరపై ప్రశ్నించే పరిస్థితి కూడా లేకుండా పోతోందని రైతులు ఆవేదన వ్యక్తం చేస్తున్నారు.

ఏకదంతముపాస్మహే.. నవరాత్రోత్సవాల నిర్వహణకు ఏర్పాట్లు నిర్మల్‌టౌన్‌: శాంతియుత వాతావరణంలో గణే శ్‌ నవరాత్రోత్సవాలు నిర్వహించేందుకు అన్ని ఏర్పాట్లు చేసినట్లు ఎస్పీ జానకి తెలిపారు. ని ర్మల్‌ రూరల్‌ పోలీస్‌స్టేషన్‌ ఆవరణలో మంగళవారం ముస్లిం పెద్దలతో సమావేశమై పలు సూచనలు చేశారు. ఉత్సవాల సందర్భంగా తీ సుకోవాల్సిన భద్రతా చర్యలు, ప్రజల సహకా రం తదితర అంశాలపై చర్చించారు. ఈ సందర్భంగా ఎస్పీ మాట్లాడుతూ.. జిల్లాలో గణేశ్‌ న వరాత్రోత్సవాలు, నిమజ్జన శోభాయాత్ర సందర్భంగా ప్రతి ఒక్కరూ పోలీస్‌ శాఖకు సహకరించి ప్రశాంత వాతావరణాన్ని కాపాడాలని కోరా రు. అనంతరం ముస్లిం పెద్దలు తమ చిన్ననా టి అనుభవాలను ఎస్పీతో పంచుకున్నారు. గ తంలో గణేశ్‌ ఉత్సవాల్లో హిందువులతో కలిసి పాల్గొన్న సందర్భాలను గుర్తు చేసుకుంటూ మ త సామరస్యం, స్నేహభావం ఎల్లప్పుడూ కొనసాగాలని ఆకాంక్షించారు. డీఎస్పీ శ్రీనివాస్‌, సీఐలు కృష్ణ, ప్రవీణ్‌, సమ్మయ్య పాల్గొన్నారు. అనుమతి.. లేకుంటేనేమి?

మెడికల్‌ ల్యాబ్‌ ఏర్పాటు చేయాలంటే నిబంధనల ప్రకారం నిర్ణీత అర్హతలున్న వైద్యులు తప్పనిసరిగా ఉండాలి. ప్రతీ ల్యాబ్‌ వైద్యుని పర్యవేక్షణలో నిర్వహించాల్సి ఉంటుంది. చిన్నపాటి ల్యాబ్‌ ఏర్పాటు చేయాలన్నా కనీసం ఎంబీబీఎస్‌ అర్హత గల వైద్యుడి పర్యవేక్షణ ఉండాలి. పెద్ద స్థాయిలో ల్యాబ్‌లు ఏర్పాటు చేయాలంటే ఫాథాలోజిస్ట్‌, రేడియాలజిస్ట్‌, మైక్రోబయోలాజిస్ట్‌ తదితర అర్హత గల వైద్యులుండాలి. వీరికి సహాయకులుగా ల్యాబ్‌ టెక్నీషియన్లుండాలి. ల్యాబ్‌ నిర్వహణకు డిప్లొమా, డిగ్రీ కోర్సు పూర్తి చేసినవారు అర్హులు. కాగా, జిల్లాలో చాలాచోట్ల ప్రైవేట్‌ ఆస్పత్రులకు అనుబంధంగా మెడికల్‌ ల్యాబ్‌లు నిర్వహిస్తున్నా వాటిని సదరు ఆస్పత్రి వైద్యుడి పేరిట ఇతర వ్యక్తులే నడుపుతున్నారు. జిల్లాలో ఇంటర్‌, డిగ్రీ పూర్తి చేసినవారూ మెడికల్‌ ల్యాబ్‌లు నిర్వహిస్తున్నారనే ఆరోపణలున్నాయి.

ఖానాపూర్‌: నిజాం నిరంకుశ పాలన, భూస్వాముల దోపిడీకి వ్యతిరేకంగా తెలంగాణ రైతాంగం సాగించిన మహత్తర పోరాటంలో కమ్యూనిస్టు పార్టీ నాయకత్వంలో వేలాది మంది రైతులు, కూలీలు, పేదలు పాల్గొన్నారని సీపీఐ జి ల్లా కార్యదర్శి భూక్య రమేశ్‌ తెలిపారు. చరిత్ర వక్రీకరించి కమ్యూనిస్టుల పాత్రను కనుమరు గు చేయాలనే ప్రయత్నాలను ప్రజలు తిప్పికొ ట్టాలని పిలుపునిచ్చారు. తెలంగాణ రైతాంగ సాయుధ పోరాట వారోత్సవాల సందర్భంగా మంగళవారం ఖానాపూర్‌లోని కుమురం భీమ్‌ విగ్రహానికి పూలమాల వేసి నివాళులర్పించా రు. అనంతరం నిర్వహించిన ప్రదర్శనలో ఆ యన మాట్లాడారు. ఈ నెల 17న హైదరాబాద్‌ ఎగ్జిబిషన్‌ గ్రౌండ్స్‌లో నిర్వహించనున్న భారీ బ హిరంగ సభకు కార్మికులు, కర్షకులు, ప్రజలు అధికసంఖ్యలో హాజరై విజయవంతం చేయాలని పిలుపునిచ్చారు. సీపీఐ మండల కార్యదర్శి పిల్లి రమేశ్‌, ఏఐటీయూసీ అధ్యక్షుడు గంగ న్న, ఎల్‌హెచ్‌పీఎస్‌ జిల్లా అధ్యక్షుడు గోవింద్‌, స్వామి, నర్సయ్య, హన్మంత్‌ ఉన్నారు.

భైంసా: వర్షాభావంతో ఎండుముఖం పట్టిన పంట లకు రెండ్రోజులుగా కురిసిన వర్షాలు ఊరటని చ్చాయి. సోయా, వరి తదితర పంటలకు జీవం పో సినట్లయింది. కాగా, జిల్లాలో చెరువులు ఇంకా పూర్తిస్థాయిలో నిండలేదు. దీంతో సాగునీటి కోసం రైతుల ఇబ్బందులు పడుతున్నారు. ప్రస్తుతం సోయా పంటకు కీలక దశ కావడంతో ఈ వర్షాలు మేలు చేశాయి. జిల్లాలో 803 చెరువులుండగా వీటిలో 678 నిండాయి. మరో 125 చెరువుల్లోకి ఆశించిన స్థాయిలో నీరు చేరలేదు. వీటిపై ఆధారపడి సాగు చేస్తున్న రైతులు ఆందోళన చెందుతున్నారు. కాగా, పుస్తెలు చెరువులోకి ఆశించిన స్థాయిలో నీరు చేరక ఆయకట్టు రైతులు అవస్థలు పడుతున్నారు. పంటలకు ప్రస్తుతం నీటి అవసరం పెరుగుతున్న నేపథ్యంలో చెరువు నిండితే తమ సాగునీటి సమస్య తీరుతుందని ఆశిస్తున్నారు. జిల్లాలో 17.6 శాతం లోటు జూన్‌ 1నుంచి సెప్టెంబర్‌ 15వరకు జిల్లాలో సాధారణ వర్షపాతం 829.1 మిల్లీ మీటర్లు కాగా, ఇప్పటివరకు 683.1 మిల్లీ మీటర్లుగా నమోదైంది. సాధారణంతో పోలిస్తే 146 మిల్లీ మీటర్లు తక్కువగా.. 17.6 శాతం లోటులో ఉంది. సెప్టెంబర్‌ 14న జిల్లా సగటున 6.4 మిల్లీ మీటర్ల వర్షపాతం నమోదైంది. మండలాల వారీగా చూస్తే కుభీర్‌లో అత్యధికంగా 42శాతం, తానూరులో 37శాతం, బాసరలో 32 శాతం లోటు వర్షపాతం నమోదైంది. కుంటాలలో 27, ముధోల్‌, భైంసా, నర్సాపూర్‌(జి), సారంగపూర్‌లో 25శాతం వరకు లోటు ఉంది. లోకేశ్వరంలో 16, దిలావర్‌పూర్‌లో 17, నిర్మల్‌ రూరల్‌లో 23, సోన్‌లో 15, లక్ష్మణచాందలో 18, ఖానాపూర్‌లో 13, దస్తూరాబాద్‌లో 9శాతం లోటు ఏర్పడింది. మరోవైపు పెంబిలో 8శాతం, కడెం పెద్దూర్‌లో 5శాతం అధిక వర్షపాతం నమోదైంది. నిర్మల్‌ అర్బన్‌లో సాధారణ వర్షపాతం నమోదైంది. మామడ సాధారణానికి దగ్గరగా ఉంది. రెండు రోజుల వర్షాలతో పంటలకు తాత్కాలికంగా ఊరట లభించినా.. జిల్లాలో లోటు వర్షపాతం కొనసాగుతోంది. దీంతో జిల్లా రైతులు ఆందోళనకు గురవుతున్నారు. మండలాల వారీగా తాజా వర్షపాతం వివరాలుమండలం సాధారణం నమోదు లోటు/అధికం (మి.మీ.లలో) (శాతంలో) కుభీర్‌ 829.1 477.3 42 లోటు తానూరు 789.1 496.4 37 లోటు బాసర 803.3 546.6 32 లోటు ముధోల్‌ 813.9 616.1 24 లోటు భైంసా 849.5 635.3 25 లోటు కుంటాల 848.7 622.8 27 లోటు నర్సాపూర్‌(జి) 824.6 617.9 25 లోటు లోకేశ్వరం 773.9 646.2 16 లోటు దిలావర్‌పూర్‌ 871.8 721.3 17 లోటు సారంగపూర్‌ 845.5 630.2 25 లోటు నిర్మల్‌ అర్బన్‌ 889.4 889.3 సాధారణం నిర్మల్‌ రూరల్‌ 835.3 644.1 23 లోటు సోన్‌ 823.6 700.1 15 లోటు లక్ష్మణచాంద 797.1 654.9 18 లోటు మామడ 761.4 753.6 1 లోటు పెంబి 853.9 925.1 8 అధికం ఖానాపూర్‌ 841.4 728.4 13 లోటు కడెం పెద్దూర్‌ 868.3 914.0 5 అధికం దస్తూరాబాద్‌ 832.8 759.4 9 లోటు

చాలా నేర్చుకున్నాం శిక్షణలో భాగంగా పలు ప్రాంతాల్లో పర్యటించాం. ఇక్కడ అడవులు చాల దట్టంగా ఉన్నాయి. టేకు చెట్లు ఎక్కువగా ఇక్కడే కనిపించాయి. పచ్చని అడవుల్లో పర్యటించడం చాలా ఆనందంగా ఉంది. ఇక్కడి అధికారులు చాలా విషయాలు తెలియజేశారు. – అమిత్‌ కోరి, మధ్యప్రదేశ్‌ జన్నారం: హైదరాబాద్‌లోని దూలపెల్లి అకాడమీకి చెందిన 57 మంది శిక్షణ రేంజ్‌ అధికారులు డిప్యూటీ డైరెక్టర్‌ మంజుల ఆధ్వర్యంలో ఆదివారం కవ్వాల్‌ టైగర్‌జోన్‌ పరిధిలోని జన్నారం అటవీ డివిజన్‌లో పర్యటించారు. జన్నారం అటవీ డివిజన్‌లోని బైసన్‌కుంట, గొండుగూడ బేస్‌క్యాంపు, వాచ్‌టవర్‌, తదితర ప్రాంతాల్లో కాలినడకన కలియతిరిగారు. అడవి అందాలను చూస్తూ, ఆహ్లాదం పొందారు. అడవుల రక్షణ, వన్యప్రాణుల సంరక్షణకు డివిజన్‌లో తీసుకుంటున్న చర్యల గురించి ఎఫ్‌డీవో రామ్మోహన్‌ వారికి వివరించారు. అడవులు, గడ్డి క్షేత్రాల అభివృద్ధి, వన్యప్రాణుల కోసం ఏర్పాటు చేసిన కుంటలు, గడ్డి మైదానాలు, ఆవాసాలు, కలప స్మగ్లింగ్‌ నిరోధానికి తీసుకుంటున్న జాగ్రత్తలు వివరించారు. డాగ్‌స్క్వాడ్‌ వల్ల ఉపయోగం, స్మగ్లర్లను పట్టుకునే విధానం గురించి డాగ్‌స్క్వాడ్‌ బీట్‌ అధికారి అనిల్‌ వివరించారు. వారి వెంట రేంజ్‌ అధికారి ఖాదర్‌వలీ, సెక్షన్‌ అధికారులు మమత, శంకర్‌, బీట్‌ అధికారులు ఉన్నారు. ఈ సందర్భంగా వారిని పలుకరించిన ‘సాక్షి’తో తమ అభిప్రాయాలు వెల్లడించారు. వారి మాటల్లోనే..

నిర్మల్‌చైన్‌గేట్‌: జిల్లాలో మధుమేహం, రక్తపోటు చాపకింద నీరులా వ్యాపిస్తున్నాయి. పల్లె, పట్టణం అని తేడా లేకుండా అన్ని ప్రాంతాల్లోనూ బాధితుల సంఖ్య పెరుగుతోంది. ఇటీవల ప్రాథమిక ఆరోగ్య కేంద్రాల(పీహెచ్‌సీల) వారీగా నిర్వహించిన నాన్‌ కమ్యూనికేబుల్‌ డిసీజెస్‌(ఎన్‌సీడీ) సర్వే ఈ వాస్తవాన్ని స్పష్టం చేసింది. బీపీ, డయాబెటిస్‌పై క్షేత్రస్థాయిలో నిర్వహించిన పరీక్షల్లో ఆందోళనకర విషయాలు వెలుగు చూశాయి. సర్వేలో వెల్లడైన గణాంకాలు జిల్లాలో 30 ఏళ్లు దాటిన వారి జనాభా 3,93,944 ఉండగా, వీరిలో 2,58,399 మందిని పరీక్షించారు. అందులో 34,163 మందికి అధిక రక్తపోటు, 21,208 మందికి డయాబెటిస్‌ ఉన్నట్లు నిర్ధారణ అయింది. సారంగాపూర్‌ మండలంలోనే 2,053 మందికి అధిక రక్తపోటు, 1,418 మందికి మధుమేహం ఉన్నట్లు తేలింది. ప్రతీ ప్రాథమిక ఆరోగ్య కేంద్రం పరిధిలోనూ బీపీ, షుగర్‌ బాధితులు భారీ సంఖ్యలో ఉన్నారని సర్వే వెల్లడించింది. నిశ్శబ్దంగా మధుమేహం.. మధుమేహం పైకి పెద్దగా లక్షణాలు కనిపించకుండా లోపల శరీరం, కీలక అవయవాలను చెదలా తొలుస్తోంది. వైద్యుల ప్రకారం ఇది కేవలం ఒక వ్యాధి కాదు. అనేక ప్రాణాంతక వ్యాధులకు మూలకారణం. శరీరంలోని ప్రతి కణానికి గ్లూకోజ్‌ అవసరం. తీసుకున్న ఆహారం జీర్ణమై గ్లూకోజ్‌గా మారి రక్తం ద్వారా కణాలకు సరఫరా అవుతుంది. ఈ గ్లూకోజ్‌ను కణాలు గ్రహించడానికి ఇన్సులిన్‌ హార్మోన్‌ అవసరం. ఇన్సులిన్‌ సక్రమంగా ఉత్పత్తి కాకపోయినా, ఉత్పత్తైనదాన్ని సమర్థంగా వినియోగించకపోయినా గ్లూకోజ్‌ రక్తంలోనే ఉండిపోతుంది. దీన్నే మధుమేహం అంటారు. నిర్లక్ష్యం చేస్తే ప్రాణాంతకంగా మారుతుంది. పోటెత్తుతున్న రక్తం.. రక్తపోటు కూడా స్వయంగా వ్యాధి కాదు. ఒక వ్యక్తి ఆరోగ్య స్థితిని సూచించే జీవలక్షణం. అయితే అవధిని మించి పెరిగినా తగ్గినా అది రోగలక్షణమవుతుంది. అధిక రక్తపోటుకు చికిత్స చేయకపోతే గుండెపోటు ప్రమాదం పెరుగుతుంది. మెదడు నుంచి శరీరానికి వెళ్లే రక్తనాళాలు దెబ్బతిని పక్షవాతానికి గురయ్యే అవకాశం ఉంటుంది. మారిన జీవనశైలే కారణం.. చిన్న వయసులోనే బీపీ, షుగర్‌ రావడానికి జీవనశైలిలో వచ్చిన మార్పులే ప్రధాన కారణమని వైద్యులు చెబుతున్నారు. ఉదయం నుంచి అర్ధరాత్రి వరకు మొబైల్‌, కంప్యూటర్‌ ముందు గడపడం, వ్యాయామానికి సమయం కేటాయించకపోవడం, ఫాస్ట్‌ ఫుడ్‌కు అలవాటు పడడం వల్ల అనారోగ్య సమస్యలు పెరుగుతున్నాయి. పుట్టినప్పటి నుంచి 25 ఏళ్లలోపు వారికి వచ్చే షుగర్‌ను టైప్‌–1 డయాబెటిస్‌ అంటారు. అలాంటి వారికి ఇన్సులిన్‌ అవసరం పడుతుంది. బీపీ, షుగర్‌ కారణంగా కిడ్నీ సమస్యలు, క్రియాటిన్‌ పెరగడం, నరాల సమస్యలు, కంటి చూపు కోల్పోవడం వంటి ప్రమాదాలు ఉన్నాయని నిపుణులు హెచ్చరిస్తున్నారు. ప్రాథమిక ఆరోగ్య కేంద్రాల ఆధ్వర్యంలో బీపీ షుగర్‌ మందులు వాడుతున్న వారు.. పీహెచ్‌సీ బీపీ షుగర్‌ బాసర 1961 971 పెంబి 1986 896 దస్తురాబాద్‌ 1350 968 దిలావర్‌పూర్‌ 1,575 515 కడెం 1,886 985 కుభీర్‌ 1,790 1,325 కుంటాల 1,978 592 లక్ష్మణచాంద 1,323 1,095 లోకేశ్వరం 1,425 1,060 మహాగాం 1,535 1,041 మామడ 1,950 1,141 ముజిగి 1,045 1,151 నర్సాపూర్‌(జి) 1,534 1,021 సారంగాపూర్‌ 2,053 1,418 సోన్‌ 1,010 795 తానూర్‌ 1,988 1,160 వెల్మల్‌బొప్పారం 1,040 935 బంగల్‌పేట్‌ 1,783 1,295 భైంసా 1,145 275 రాంనగర్‌ 1,945 1,542 30 ఏళ్లలోపు జిల్లా టార్గెట్‌ 3,93,944ఇప్పటివరకు నిర్వహించిన పరీక్షలు2,58,399బీపీ వ్యాధిగ్రస్తులు 34,163 షుగర్‌ వ్యాధిగ్రస్తులు 21,208ఈ జాగ్రత్తలు తప్పనిసరి షుగర్‌, బీపీ బారిన పడకుండా ఉండాలంటే జీవనశైలిలో మార్పులు అవసరమని వైద్యులు సూచిస్తున్నారు. సమతుల్య పోషకాహారం తీసుకోవాలి. నూనెతో చేసిన పదార్థాలు, జంక్‌, ప్యాకేజ్డ్‌ ఫుడ్స్‌ను వీలైనంత దూరం పెట్టాలి. మద్యం, ధూమపానం మానుకోవాలి. నిత్యం యోగా, ధ్యానం చేయాలి. నడక, వ్యాయామానికి రోజు కనీసం గంట సమయం కేటాయించాలి. వయసు, ఎత్తుకు తగిన బరువు ఉంచుకోవాలి. కాలానుగుణంగా వైద్య పరీక్షలు చేయించుకోవాలని వైద్యులు సలహా ఇస్తున్నారు.వ్యాయామం చేయాలి ప్రస్తుత జీవన విధానంలో ప్రతిఒక్కరూ వ్యాయామం, యోగా, ప్రాణాయామం చేయడం తప్పనిసరి. ఆరు నెలలకోసారి కచ్చితంగా బీపీ, షుగర్‌ పరీక్షలు చేయించుకోవాలి. బీపీ, షుగర్‌ ఉన్నవారు వైద్యుల సూచన మేరకు మందులు వాడాలి. అలాగే తాజా పండ్లు, కూరగాయలు ఎక్కువగా తీసుకోవాలి. జంక్‌ పుడ్‌, వేపుళ్లకు దూరంగా ఉంటే చాలా మంచిది. – డాక్టర్‌ రత్నాకర్‌ రెడ్డి, ఫిజీషియన్‌

సారంగపూర్‌: మండలంలోని మహారాష్ట్ర సరిహద్దులో చిరుత సంచారం ప్రజల్లో భయాందోళనలు రేకెత్తిస్తోంది. ఆదివారం అటవీ ప్రాంతంలో లేగదూడ కళేబరం కనిపించడంతో ప్రజలు బెంబేలెత్తిపోతున్నారు. రెండురోజుల క్రితం సిర్పెల్లి గ్రామ శివారులోని అడవిలోకి మేతకు వెళ్లిన ఆవులమందలోంచి ఒక లేగదూడ కనిపించకపోవడంతో స్థానికులు గాలింపు మొదలు పెట్టారు. రెండురోజుల తర్వాత కళేబరం కనిపించడంతో అటవీశాఖ అధికారులకు సమాచారం ఇచ్చారు. ఎఫ్‌ఆర్‌ఓ రామక్రిష్ణారావు, డీఆర్‌వో నజీర్‌ఖాన్‌ లేగదూడ కళేబరం లభ్యమైన ప్రాంతంలో సీసీకెమెరాలను అమర్చి చిరుతపులి హతమార్చినట్లు గుర్తించారు. ప్రజలు అప్రమత్తంగా ఉండాలని సూచించారు. అటవీశాఖ అధికారులు హర్షవర్ధన్‌, సంధ్యారెడ్డి, సంతోష్‌, సుజాత, వెన్నెల, తదితరులు ఉన్నారు. గేదెలు తరలిస్తున్న ఆరుగురిపై కేసు దహెగాం: అక్రమంగా గేదెలు తరలిస్తున్న ఆరుగురిపై కేసు నమోదు చేసినట్లు ఎస్సై చుంచు రమేశ్‌ తెలిపారు. తమకు అందిన సమాచారం మేరకు ఆదివారం మండలంలోని కల్వాడ చెక్‌పోస్టు వద్ద తనిఖీలు నిర్వహిస్తుండగా ఐచర్‌ వాహనంలో 11 గేదెలు, బొలెరో వాహనంలో ఏడు గేదెలు పట్టుబడినట్లు ఆయన పేర్కొన్నారు. నిందితులను విచారించగా చింతలమానెపల్లి నుండి జగిత్యాలకు తరలిస్తున్నట్లు తెలిపారు. వాహనాలు, గేదెలు స్వాధీనం చేసుకుని నిందితులు ఎండీ అహ్మద్‌, షేక్‌ ఫిరోజ్‌, అబ్దుల్‌ సమీర్‌, షాహీద్‌ అలీ, ఎండీ అబ్బుషేక్‌, సర్వర్‌పై కేసు నమోదు చేసినట్లు తెలిపారు. రైలు ఢీకొని ఒకరు మృతి బెల్లంపల్లి: రైలు ఢీకొని ఒకరు మృతి చెందిన సంఘటన పట్టణంలో చోటు చేసుకుంది. జీఆర్‌పీ హెడ్‌ కానిస్టేబుల్‌ కె.తిరుపతి తెలిపిన వివరాల ప్రకారం ఆదివారం మధ్యాహ్నం కన్నాలబస్తీకి చెందిన కన్నెపల్లి నాగేశ్వరరావు (55) కన్నాల గేటు వద్ద రైలు పట్టాలను దాటే క్రమంలో గుర్తుతెలియని రైలు ఢీకొని మృతి చెందాడు. ఘటనపై మంచిర్యాల రైల్వే పోలీసులు కేసు నమోదు చేశారు. నగల దుకాణంలో అగ్ని ప్రమాదం నిర్మల్‌టౌన్‌: జిల్లా కేంద్రంలోని పాత బస్టాండ్‌–పింజారిగుట్ట రోడ్డులో ఉన్న నగల దుకాణంలో ఆదివారం రాత్రి అగ్ని ప్రమాదం జరిగింది. దుకాణం మూసి ఉండటం, లోపల లేకపోవడంతో ప్రాణ నష్టం జరగలేదు. రాత్రి 10:30 గంటల సమయంలో దుకాణం నుంచి పొగలు, మంటలు రావడాన్ని గమనించిన స్థానికులు వెంటనే అగ్నిమాపక కేంద్రానికి, దుకాణం యజమానికి సమాచారం అందించారు. అగ్నిమాపక సిబ్బంది ఘటనాస్థలానికి చేరుకుని మంటలు అదుపు చేశారు. షార్ట్‌సర్క్యూట్‌ కారణంగానే మంటలు చెలరేగి ఉంటాయని భావిస్తున్నారు. ఈ ప్రమాదంలో జరిగిన నష్టం వివరాలు తెలియాల్సి ఉంది.

ఇతర రాష్ట్రాల నుంచి.. ఉమ్మడి జిల్లాకు చెందిన చిన్నారులను ఇతర రాష్ట్రాల తల్లిదండ్రులు దత్తత తీసుకుంటున్న మాదిరిగానే ఇతర జిల్లాలు, పరాయి రాష్ట్రాలకు చెందిన బాలబాలికలను మన ఉమ్మడి జిల్లా దంపతులు దత్తత తీసుకోవడంలో ఆదర్శంగా నిలుస్తున్నారు. 2000 నుంచి 2026 ఆగస్టు నెలాఖరు వరకు 42 మంది చిన్నారులను దత్తత తెచ్చుకున్నారు. అందరూ వంచితులే.. నవ మాసాలు మోసి జన్మనిచ్చిన తర్వాత పిల్లలు ఏదో రకంగా వంచితులు అవుతున్నారు. కారణమేదైనా కొందరు శిశువులు పసిప్రాయంలోనే అనాథలుగా మారుతున్నారు. ఆడపిల్లలు అనే వివక్షతో వదిలి వెళ్తుండగా.. కుటుంబ ఆర్థిక పరిస్థితులు, పోషణ భారం తదితర అంశాలతో శిశుగృహకు చేరుతున్నారు.అమెరికా.. ఇతర రాష్ట్రాల్లో ..బెల్లంపల్లి: అనాథగా మిగిలిపోయిన చిన్నారులకు అమ్మానాన్నల ప్రేమ లభిస్తోంది. అర్హులైన దంపతులకు పిల్లలను చట్టబద్ధంగా దత్తత ఇవ్వడం ద్వారా వారికీ ఓ కుటుంబం ఏర్పడుతోంది. అనాథ పిల్లలను కుటుంబం చెంతకు చేర్చడంలో ఉమ్మడి ఆదిలాబాద్‌ జిల్లా ముందంజలో ఉంది. దత్తత పొందిన దంపతులు చిన్నారులను అక్కున చేర్చుకుని మమతానురాగాలు పంచుతున్నారు. పేగుబంధాని కన్నా మిన్నగా అనుబంధాన్ని పెనవేసుకుంటున్నారు. దత్తత ద్వారా చిన్నారులు కొత్త కుటుంబాల్లోకి అడుగు పెడుతుండడం వారికి ఆనందాన్ని పంచుతోంది.స్వరాష్ట్రం తెలంగాణతోపాటు ఇతర రాష్ట్రాలు, విదేశాలకూ చిన్నారులు దత్తత వెళ్లారు. ఆంధ్రప్రదేశ్‌, మహారాష్ట్ర, కర్ణాటక, తమిళనాడు, జార్ఘండ్‌ రాష్ట్రా ల దంపతులు చిన్నారులను దత్తత తీసుకున్నారు. ఇద్దరు బాలికలను అమెరికా దేశీయులకు దత్తత ఇ చ్చారు. రెండేళ్లలోపు చిన్నారులను దత్తత తీసుకోవడానికి దంపతులు ఇష్టపడుతున్నారు. దత్తత విషయంలో బాలబాలికలనే లింగ వివక్షకు దంపతులు చూపించడం లేదని శిశుగృహ నిర్వాహకులు చెబు తున్నారు. ఏక సంతానం అమ్మాయి కలిగిన దంపతులు అబ్బాయిని దత్తత తీసుకోవడానికి ముందు కు వస్తుండగా, అబ్బాయి ఉన్న దంపతులు అ మ్మా యి కావాలని కోరుతున్నారు. సంతానానికి నో చుకోని దంపతులు ఎవరైనా పరవాలేదని దత్తతకు ముందుకు వస్తున్నారు. దివ్యాంగులైన చిన్నారుల ను దత్తత తీసుకోకపోవడంతో మిగిలిపో తునారు.

గుడిహత్నూర్‌: అత్తగారిపై కక్ష పెంచుకున్న ఓ అల్లుడు ఏకంగా ఆ ఇంటికే నిప్పుపెట్టిన ఘటన మండల కేంద్రంలో చోటు చేసుకుంది. పోలీసుల కథనం ప్రకారం.. మండల కేంద్రానికి చెందిన కడమంచి రాజమణికి ముగ్గురు కుమార్తెలు, కుమారుడు ఉన్నారు. మండల కేంద్రానికి చెందిన వస్తాద్‌ అరుణ్‌ అనే యువకుడు రాజమణి చిన్న కూతురిని రెండేళ్ల క్రితం ప్రేమ వివాహం చేసుకున్నాడు. అప్పటి నుంచి రోజూ తాగి వచ్చి భార్యను కొడుతుండేవాడు. ఈనెల 8న రాజమణి ఇంటికి వచ్చిన అరుణ్‌.. భార్యతో పాటు ఇంట్లో వారిని చంపేస్తానని బెదిరించి వెళ్లాడు. భయాందోళనలకు గురైన రాజమణి, తన చిన్న కుమార్తెను తీసుకుని హైదరాబాద్‌లోని మరో కుమార్తె వద్దకు వెళ్లిపోయింది. దీంతో కోపం పెంచుకున్న అరుణ్‌ శనివారం రాత్రి రాజమణి ఇంటికి నిప్పుపెట్టాడు. స్థానికుల ద్వారా విషయం తెలుసుకున్న బాధితురాలు పోలీసులకు ఫిర్యాదు చేసింది. కేసు నమోదు చేసుకుని నిందితుడిని రిమాండ్‌కు తరలించినట్లు ఎస్సై శ్రీకాంత్‌ తెలిపారు.

నిర్మల్‌గణేశ్‌ మండపాల్లో సీసీ కెమెరాలు ఏర్పాటు చేయాలి ఖానాపూర్‌: గణేశ్‌ నవరాత్రి ఉత్సవాలు శాంతియుత వాతావరణంలో నిర్వహించేందుకు ఉత్సవ కమిటీ సభ్యులు పోలీసులకు సహకరించాలని నిర్మల్‌ డీఎస్పీ శ్రీనివాస్‌ సూచించారు. ఎస్పీ జానకీషర్మిల ఆదేశాల మేరకు ఖానాపూర్‌ మండలం మస్కాపూర్‌లో ఖానాపూర్‌ పట్టణంతోపాటు మండలం గణేశ్‌ ఉత్సవ కమిటీ సభ్యులతో శనివారం సమావేశం నిర్వహించారు. డీఎస్పీ మాట్లాడుతూ గణేశ్‌ మండపాల వద్ద నిర్వాహకులు అప్రమత్తంగా ఉండాలన్నారు. పోలీసుల సూచనలు పాటించాలని తెలిపారు. మండపాల వద్ద సీసీ కెమెరాలు ఏర్పాటు చేసుకోవాలని, నిమజ్జనం సందర్భంగా ట్రాఫిక్‌కు అంతరాయం కలగకుండా చర్యలు తీసుకోవాలని కోరారు. ఉత్సవాల ప్రారంభం నుంచి నిమజ్జనం వరకు ప్రజలకు ఎలాంటి అసౌకర్యం కలగకుండా బాధ్యతగా వ్యవహరించాలన్నారు. అనుమతి లేకుండా డీజేలు ఏర్పాటు చేయవద్దని పేర్కొన్నారు. సమావేశంలో ఖానాపూర్‌ సీఐ సత్యనారాయణ, ఎస్సై రాహుల్‌ గైక్వాడ్‌ , హిందూ ఉత్సవ సమితి అధ్యక్షుడు మంత్రరాజ్యం సురేశ్‌, కార్యదర్శి శెట్టి శ్యామ్‌ తదితరులు పాల్గొన్నారు. రెండు రోజులుగా వాతావరణం మారిపోయింది. మొన్నటి వరకు భగ్గుమన్న భానుడు చల్లబడ్డాడు.. ఆకాశం మేఘావృతమవుతోంది. కొన ఊపిరితో కొట్టుమిట్టాడుతున్న పంటలకు చిరు జల్లులు ఊపిరి పోస్తున్నాయి. చినుకులకు కొత్త చిగురు మురిసిసోతోంది.. పశుపక్షాదులు చిందులేస్తున్నాయి.. ఇదంతా ఆది దేవుడు గణనాథుడికి రాకకు సంకేతంగా నిలుస్తోంది. బొజ్జ గణపయ్య మరి కొన్ని గంటల్లో మండపాల్లో కొలువుదీరనున్నాడు. వినాయకుడి రాకతో వర్షాలు కురుస్తాయని, చెరువులు మత్తడి దూకుతాయని, ప్రాజెక్టులు నిండుతాయని భక్తుల నమ్మకం. ఈసారి ఎల్‌నినో పరిస్థితులతో జిల్లాలో లోటు వర్షపాతం నమోదైంది. ఈ నేపథ్యంలో దివి నుంచి భువికి వస్తున్న గణనాథుడు వరుణ దేవుడిని కూడా తీసుకురావాలని జిల్లావాసులు కోరుతు న్నారు. ఈ నేపథ్యంలో గణనాథుడు భువికి వచ్చే ముందు భక్తుడితో మాట్లాడితే ఇలా ఉంటుంది. – నిర్మల్‌

ఎకో ఫ్రెండ్లీ విగ్రహాల తయారీ నిర్మల్‌టౌన్‌: పర్యావరణ పరిరక్షణపై అవగాహన కల్పించేందుకు నిర్మల్‌ ప్రభుత్వ డిగ్రీ కళాశాల విద్యార్థులు ఎకో ఫ్రెండ్లీ గణేశ్‌ విగ్రహాలను తయారు చేశారు. ఎనన్‌ఎస్‌ఎస్‌ ఆధ్వర్యంలో నిర్వహించిన కార్యక్రమంలో విద్యార్థులు ఆసక్తిగా పాల్గొని పర్యావరణహిత విగ్రహాలను స్వయంగా రూపొందించారు. విద్యార్థుల ప్రతిభను కళాశాల ప్రిన్సిపాల్‌ ప్రొఫెసర్‌ ఎం. సుధాకర్‌ అభినందించారు. విగ్రహాలను ప్రొఫెసర్లకు, అధ్యాపకులకు పంపిణీ చేశారు. కార్యక్రమంలో వైస్‌ ప్రిన్సిపాల్‌ యు.గంగాధర్‌, డాక్టర్‌ కె.సూర్యసాగర్‌, డాక్టర్‌ ఎం.రజిత, నాగ శ్రీనివాస్‌, రమేశ్‌రెడ్డి, పీజీ.రెడ్డి, హేమలత, శ్రీహరి, సుభాష్‌, అర్చన, త్రిపాఠి, నరేంద్ర, పవన్‌ తదితరులు పాల్గొన్నారు. భైంసాటౌన్‌ పట్టణంలో శనివారం భారీ వర్షం కురిసింది. మధ్యాహ్నం నుంచి రాత్రి వరకు ఎడతెరిపి లేకుండా కురిసిన వర్షానికి పట్టణంలోని లోతట్టు ప్రాంతాలు జలమయమయ్యాయి. వివేకానంద చౌరస్తా, టిప్పుసుల్తాన్‌ చౌక్‌లో వర్షపునీరు రోడ్డుపైకి వరద చేరడంతో వాహనాలు, పాదచారులు ఇబ్బందులు పడ్డారు. దాదాపు మోకాలు లోతు వరకు నీరు పారింది. డ్రెయినేజీల నుంచి వచ్చిన చెత్తాచెదారం రోడ్డుపై చేరింది. – భైంసాటౌన్‌

మామడ: మండలంలోని పొన్కల్‌ సదర్మాట్‌ బ్యారేజీని ఇంజనీరింగ్‌ అధికారులు, నిపుణుల బృందం శనివారం తనిఖీ చేసింది. ప్రాజెక్టు నిర్మాణం పూర్తయిన అనంతరం మొదటి సారిగి ప్రాజెక్ట్‌లో నీటిని నిల్వ చేస్తున్నారు. బ్యారేజీలో నీటి నిల్వ, గేట్ల నిర్వహణ, లీకేజీలు, కట్ట నిర్మాణం పరిశీలించి వివరాలను నమోదు చేశారు. బ్యారేజీ పూర్తిస్థాయి నీటి సామార్థ్యం 1.58 టీఎంసీలు కాగా, ప్రస్తుతం బ్యారేజీలో 1.2 టీఎంసీల నీరు నిల్వ ఉంది. బృందంలో రిటైర్డ్‌ ఈఎన్‌సి శ్రీనివాస్‌, సీఈ జగదీశ్‌, ఎస్‌ఈ రాజేంద్రప్రసాద్‌, డీసీఈ మధుసూదన్‌రెడ్డి, ఈఈ అనిల్‌, డీఈ సురేందర్‌, ఏఈ నవీన్‌కుమార్‌, రోషన్‌ ఉన్నారు.

నిర్మల్‌ఖిల్లా: బాల సాహిత్య వికాసానికి విశేషంగా కృషి చేస్తున్న జిల్లా కవులను సిరిసిల్ల జిల్లాకేంద్రంలోని రంగినేని సుజాత మోహన్‌రావు ఎడ్యుకేషనల్‌ అండ్‌ చారిటబుల్‌ ట్రస్ట్‌ ఆధ్వర్యంలో శనివారం ఘనంగా సన్మానించారు. ట్రస్ట్‌ నిర్వహించిన రాష్ట్రస్థాయి ‘బాల సాహిత్యం–పిల్లల పండుగ’ మహోత్సవంలో పాల్గొని, బాల సాహిత్య అభివృద్ధికి చేపట్టాల్సి న కార్యక్రమాలు, భవిష్యత్‌ దిశాదశలను వివరించిన జిల్లా కవులను సత్కరించారు. బాల సాహిత్య వికాసానికి నిరంతరం కృషి చేస్తున్న కడారి దశరథ్‌, కొండూరు పోతన్న, కందకుర్తి దేవిప్రియ, జాధవ్‌ పుండలీక్‌రావు పాటిల్‌ను ట్రస్ట్‌ ప్రతినిధులు సన్మానించి అభినందన ప త్రాలను అందజేశారు. కార్యక్రమంలో పిల్లల పండుగ అధ్యక్షుడు రంగినేని మోహన్‌రావు, ర ంగినేని ట్రస్ట్‌ అధ్యక్షుడు రంగినేని నవీన్‌కుమార్‌, పిల్లల పండుగ కన్వీనర్‌ అమూల్య, పిల్లల పండుగ అధ్యక్షుడు గరిపెల్లి అశోక్‌ పాల్గొని కవులను సన్మానించారు.

భైంసా: మహారాష్ట్ర సరిహద్దులోని కొన్ని గ్రామాల్లో వినాయక ప్రతిష్టలో ప్రత్యేకత ఉంది. ఇక్కడ రంగులు, హంగులు, ఆడంబరం లేవు. సమాజహితం, ప ర్యావరణ పరిరక్షణే ప్రధాన లక్ష్యం. పూర్వీకుల మార్గాన్ని అనుసరిస్తూ ఈ గ్రామాల ప్రజలు కేవలం కర్రతో చేసిన వినాయక విగ్రహాలనే ప్రతిష్టిస్తా రు. ప్లాస్టర్‌ ఆఫ్‌ ప్యారిస్‌(పీవోపీ), రసాయనిక రంగుల ప్రతిమలు గానీ మట్టి విగ్రహాలు గానీ కనిపించవు. నిమజ్జనం అనే సంప్రదాయం కూడా లేదు. పాలజ్‌ గణేశ్‌ ప్రసిద్ధి తెలంగాణ–మహారాష్ట్ర సరిహద్దులోని చిన్న మరాఠీ గ్రామం పాలజ్‌. కుభీర్‌కు సమీపంలో మహారాష్ట్ర బోకర్‌ తాలూకాలో ఉంది. స్వాతంత్య్రానికి ముందు ఈ గ్రామంలో కలరా, ప్లేగు వ్యాధులు వ్యాపించాయి. అదే సమయంలో వినాయక చవితి వచ్చింది. వ్యాధులు, కరువు పరిస్థితులతో ప్రజలు సతమతమయ్యారు. గ్రామ పెద్దలు కర్ర గణపతిని చేయించి ప్రతిష్టించాలని నిర్ణయించారు. నిర్మల్‌ కొయ్యబొమ్మల నకాషీ కళాకారుడు గుండాజీ వర్మను సంప్రదించారు. ఆయన చేసిన సుందరమైన కర్ర విగ్రహాన్ని ప్రతిష్టించి ఊరంతా మొక్కిన తర్వాత వ్యాధులు తొలగిపోయాయని, కరువు తీరిందని గ్రామస్తులు చెబుతారు. 1948 నుంచి ఈ సంప్రదాయం కొనసాగుతోంది. ఆ గ్రామ ఆడపడుచుల ద్వారా ఇతర ఊళ్లకు కూడా ఈ విషయం తెలిసింది. నిమజ్జన విధానం పూజల అనంతరం నిమజ్జన రోజున కర్ర గణేశుడిని స్థానిక వాగు వద్దకు తీసుకెళ్తారు. అక్కడ పూజలు జరిపి నీళ్లు చల్లి తిరిగి ఆలయానికి తీసుకువస్తారు. దీన్నే నిమజ్జనోత్సవంగా భావిస్తారు. తర్వాత విగ్రహాన్ని ఆలయంలోని బీరువాలో భద్రపరుస్తారు. భారీగా భక్తుల రాక.. ఏటా వినాయక ఉత్సవాల్లో దాదాపు ఆరు నుంచి ఏడు లక్షల మంది భక్తులు పాల్గొంటారు. తిరుపతి, షిర్డీల్లోలా ఇక్కడ కూడా క్యూలైన్లు ఏర్పడతాయి. లక్షలాది భక్తులకు గ్రామస్థులే కలిసికట్టుగా సేవలు అందిస్తారు. ఇతర కర్ర గణపతులు తానూరు మండలం బోసిలో వరసిద్ధి కర్ర వినాయకుడు, కుభీర్‌ మండలం కుభీర్‌, పార్డి, మాలేగాం చిక్లీ, భైంసా మండలం మాటేగాం, లోకేశ్వరం మండలం అబ్దుల్లాపూర్‌ గ్రామాల్లోనూ కర్ర గణపతులను ప్రతిష్టించి పూజలు చేస్తున్నారు. స్వాతంత్య్ర పోరాట కాలంలో కరువు నేపథ్యంలో గ్రామస్తుల మొక్కులతో ఈ ప్రాంతంలో కర్ర గణపతి ప్రతిష్ట ప్రారంభమైంది. ఇలా చేరుకోవాలి.. హైదరాబాద్‌ నుంచి నిజామాబాద్‌, బాసర మీదుగా భైంసా చేరుకుంటే దూరం తగ్గుతుంది. నిర్మల్‌ మీదుగా వచ్చేవారు కూడా భైంసా మీదుగానే పాలజ్‌కు వెళ్లాలి. భైంసా నుంచి 23 కిలోమీటర్ల దూరంలో పాలజ్‌ ఉంది. ఉత్సవాల సందర్భంగా ఆర్టీసీ ప్రత్యేక బస్సులు నడుపుతుంది. ప్రైవేటు వాహనాలు కూడా అందుబాటులో ఉంటాయి.

నిర్మల్‌చైన్‌గేట్‌: తమ సమస్యల పరిష్కారం కోసం పోరాడుతున్న అంగన్‌వాడీ, ఆశ వర్కర్లపై రాష్ట్ర ప్రభుత్వం నిర్బంధకాండ కొనసాగిస్తోందని సీఐటీయూ నాయకులు ఆరోపించారు. కాంగ్రెస్‌ ప్రభుత్వ కార్మిక వ్యతిరేక విధానాలను నిరసిస్తూ ఈ నెల 16న రాష్ట్ర వ్యాప్తంగా అన్ని జిల్లా కేంద్రాల్లో సామూహిక నిరసన దీక్షలు చేపట్టనున్నట్లు జిల్లా ప్రధాన కార్యదర్శి బొమ్మెన సురేశ్‌ వెల్లడించారు. నిర్మల్‌లోని టీఎన్జీవో భవన్‌లో శనివారం నిర్వహించిన అంగన్‌వాడీ యూనియన్‌ జిల్లాస్థాయి సమావేశం నిర్వహించారు. సెప్టెంబర్‌ 8, 9 తేదీల్లో అంగన్‌వాడీ, ఆశ వర్కర్లు తలపెట్టిన ‘చలో హైదరాబాద్‌’ను పోలీసులతో ప్రభుత్వం భగ్నం చేయించిందని ఆరోపించారు. అర్ధరాత్రి బస్సుల నుంచి కార్మికులను దింపి అరెస్టు చేయించిందని పేర్కొన్నారు. ఇందిరమ్మ రాజ్యంలో ప్రశ్నించే గొంతులను అణచివేస్తున్నారని దుయ్యబట్టారు. ధర్నా చౌక్‌పై అప్రకటిత నిషేధం విధిస్తూ కార్మిక సంఘాలకు ‘నో ఎంట్రీ‘ అనడం సరికాదన్నారు. ఈనెల 16న నిర్వహించే సామూహిక నిరసన దీక్షను జయప్రదం చేయాలని కోరారు. సమావేశంలో సీఐటీయూ జిల్లా కమిటీ సభ్యులు కై ్లమేంట్‌ వెస్లీ, అంగన్‌వాడీ యూనియన్‌ జిల్లా అధ్యక్షురాలు బి.లలిత, జిల్లా ప్రధాన కార్యదర్శి వి.శైలజ, పట్టణ కార్యదర్శి కవిత, చంద్రకళ, ఉమ, అమత, రాజ్యలక్ష్మి, స్వరూప నాయకులు పాల్గొన్నారు.

భైంసా: ఆంగ్లేయుల కాలంలో స్వాతంత్య్రం కోసం జాతీయ నాయకులు పోరాటాలు చేస్తున్నారు. బాలగంగాధర్‌ తిలక్‌ కూడా ఈ ఉద్యమంలో పాల్గొన్నారు. ప్రజలను సమైక్యంగా కలుపుకోవాలన్న లక్ష్యంతో ఆయన ముందుకు సాగారు. అప్పట్లో ఆంగ్లేయులు సభలు, సమావేశాలు నిర్వహించుకోవడానికి అనుమతి ఇచ్చేవారు కాదు. నలుగురు ఒకచోట కలుసుకోవడం కూడా కష్టమైంది. దీన్ని అధిగమించేందుకు తిలక్‌ ఒక ఉపాయం ఆలోచించారు. ఆ రోజుల్లో గణపతి పూజలు ఇళ్లలోనే జరుగుతుండేవి. ఏటా సార్వజనికంగా గణేశ్‌ విగ్రహాలు ప్రతిష్టిస్తే ప్రజలంతా ఒకే చోట సమావేశమై ఉత్సవాలు జరుపుకుంటారని ఆయన భావించారు. ఈ ఉత్సవాల నేపథ్యంలో దేశభక్తి, స్వాతంత్య్ర సందేశాలను చేరవేయవచ్చని అనుకున్నారు. అలా 1893లో మహారాష్ట్రలోని పుణేలో శ్రీకస్బా గణపతిని ప్రతిష్టించి సార్వజనిక గణేశ్‌ ఉత్సవాలను ప్రారంభించారు. అప్పటి నుంచి ఈ సంప్రదాయం వందల ఏళ్లుగా కొనసాగుతోంది. కుభీర్‌లో ఉత్సవాలు ప్రారంభం ఆ కాలంలో ముధోల్‌ ప్రాంతం నిజాం పరిపాలనలో ఉండేది. ఇది నాందేడ్‌ జిల్లా పరిధిలోకి వచ్చేది. దేశవ్యాప్తంగా పర్యటిస్తున్న తిలక్‌ ప్రస్తుత నిర్మల్‌ జిల్లా ముధోల్‌ నియోజకవర్గ పరిధిలోని కుభీర్‌కు చేరుకున్నారు. అప్పటి కుభీర్‌ పాలకుడు యశ్వంత్‌రావు దేశ్‌ముఖ్‌ తిలక్‌కు దగ్గరి బంధువు. 1905లో భైంసాకు వచ్చిన తిలక్‌ పట్టణానికి చెందిన నారాయణ్‌ వాగ్‌తో సమావేశమయ్యారు. అదే సంవత్సరం కుభీర్‌లో గణేశ్‌ ఉత్సవాలు ప్రారంభమయ్యాయి. యశ్వంత్‌రావు దేశ్‌ముఖ్‌ వీటిని నిర్వహించేవారు. 1950 నుంచి 40 ఏళ్లపాటు వైద్యనాథ్‌ ఈ బాధ్యతను నిర్వహించారు. ప్రస్తుతం గ్రామస్తులు కొనసాగిస్తున్నారు. ఇలా 121 ఏళ్లుగా కుభీర్‌లో ఉత్సవాలు జరుగుతున్నాయి. భైంసాలో 107 ఏళ్లుగా.. భైంసా పట్టణంలో 1919లో సార్వజనిక గణేశ్‌ మండలివారు గోపాలకృష్ణ మందిరంలో నారాయణ్‌ వాగ్‌ సమక్షంలో మొదటిసారి ఉత్సవాలు ప్రారంభించారు. అప్పటి నుంచి ఇప్పటికీ అవి కొనసాగుతున్నాయి. నిమజ్జన రోజున ఇక్కడే పూజలు చేసి శోభాయాత్ర ప్రారంభిస్తారు. 1921లో హతి గణేశ్‌ మండలి కూడా ఉత్సవాలు ప్రారంభించింది. నేడు భైంసాలో వందకు పైగా గణేశ్‌ మండలీలు ఉత్సవాలు జరుపుకుంటున్నాయి. గతంలో అంతా కలిసి భజనలు చేస్తూ ఒకే చోట జరుపుకునేవారు. ప్రస్తుతం మండలీల సంఖ్య పెరిగినా సామూహిక భావన మాత్రం కొనసాగుతోంది. 1893లో మహారాష్ట్రలోని పుణేలో గణేశ్‌ ఉత్సవాలు ప్రారంభం పుణేలో శ్రీకస్బ గణపతిని ప్రతిష్టించిన బాలగంగాధర్‌ తిలక్‌ 1905 నుంచి కొనసాగుతున్న కుభీర్‌ ఉత్సవాలు 1919లో భైంసాలో సార్వజనిక్‌ ఉత్సవాలు ప్రారంభం 1921లో హతి గణేశ్‌ ఉత్సవాలు ప్రారంభం

నిర్మల్‌టౌన్‌: జిల్లా కేంద్రంలోని ప్రధాన కోర్టు, భైంసా, ఖానాపూర్‌ కోర్టులలో శనివారం జాతీయ లోక్‌అదాలత్‌ నిర్వహించారు. జిల్లా జడ్జి శ్రీవాణి, సీనియర్‌ సివిల్‌ జడ్జి పోరిక రవీందర్‌ కార్యక్రమాన్ని ప్రారంభించారు. జిల్లా జడ్జి శ్రీవాణి మాట్లాడుతూ.. ప్రజలు లోక్‌అదాలత్‌ను సద్వినియోగం చేసుకోవాలని సూచించారు. చెక్‌ బౌన్స్‌, సివిల్‌, భూతగాదాలు తది తర కేసులను పరస్పర అంగీకారంతో త్వరగా పరిష్కరించుకోవాలన్నారు. కోర్టుల చుట్టూ తిరిగే సమయం, ఖర్చును తగ్గించుకోవడంతో పాటు ఇరుపక్షాలకు సంతృప్తికరమైన పరిష్కా రం లభిస్తుందని తెలిపారు. జిల్లా వ్యాప్తంగా లోక్‌అదాలత్‌లో 8 సివిల్‌, 1,330 క్రిమినల్‌ కేసులు పరిష్కరించినట్లు వివరించారు. అలాగే బ్యాంకు రికవరీ కేసుల్లో నిర్మల్‌ కోర్టులో 4 కేసులకు సంబంధించి రూ.2,02,000, భైంసా కోర్టులో 10 కేసులకు రూ.13,86,350, ఖానా పూర్‌ కోర్టులో 11 కేసులకు రూ.11,15,000 రికవరీ అయినట్లు వివరించారు.

నిర్మల్‌ఖిల్లా: పర్యావరణ పరిరక్షణే లక్ష్యంగా మట్టితో వినాయకుడి ప్రతిమను స్వయంగా తయారు చేస్తూ ఆదర్శంగా నిలుస్తున్నాడు నిర్మల్‌ రూరల్‌ మండలం అనంతపేటకు చెందిన కళాకారుడు పోలీస్‌ భీమేశ్‌. వృత్తిరీత్యా నిర్మల్‌ జిల్లా కేంద్రంలోని ఓ స్వచ్ఛంద సంస్థలో సమన్వయకర్తగా పనిచేస్తున్నాడు. ఆయనకు కళలపై ఆసక్తి ఉంది. సహజసిద్ధంగా అలవడిన కళతో రెండున్నర దశాబ్దాలకు పైగా పర్యావరణహిత వినాయక ప్రతిమలు తయారు చేస్తూ వస్తున్నారు. ఈ ఏడాది కూడా అదే సంప్రదాయాన్ని కొనసాగిస్తూ చూడచక్కని గణేశుని ప్రతిమకు ప్రాణం పోశారు. బంకమట్టితో అందమైన గణనాథుడు.. ఈ ఏడాది వినాయక చవితిని పురస్కరించుకుని స్థానిక చెరువులో లభించే సహజసిద్ధమైన బంకమట్టిని సేకరించి, దానితో గణనాథుడి ప్రతిమను రూపొందించారు. సహజసిద్ధమైన నీటిరంగులతో ప్రతిమకు తుదిమెరుగులు అద్దారు. వినాయక చవితి సందర్భంగా తొమ్మిది రోజులు ప్రత్యేక పూజలు నిర్వహించి అనంతరం స్థానిక చెరువులో నిమజ్జనం చేస్తామని భీమేష్‌ తెలిపాడు. పండుగ సంబరాలతోపాటు ప్రకృతి పరిరక్షణకు ప్రాధాన్యం ఇవ్వాలనే సందేశాన్ని తన కళ ద్వారా చాటుతున్నాడు భీమేశ్‌. మట్టి గణేశుని ప్రతిమతో పోలీస్‌ భీమేశ్‌

సాక్షి ప్రతినిధి, మంచిర్యాల: ప్రత్యేక సమగ్ర పరిశీలన(ఎస్‌ఐఆర్‌)లో అన్‌మ్యాపింగ్‌, అనామలీస్‌ ఓటర్ల పరిశీలనతో బీఎల్‌వోలు, అధికారులకు తీవ్ర ఇబ్బందులు వస్తున్నాయి. ఓటర్లకు నోటీసుల జారీ నుంచి విచారణ(హియరింగ్‌) చేపట్టడం వరకు ప్రయాసగా మారింది. ఓటర్లకు తగిన రుజువులు లేకపోతే మరోసారి రావడం, ఓటర్లు నిర్ణీత సమయంలో బీఎల్‌వోల ముందు హాజరు కావడం లేదు. ఆ తేదీలు రద్దు(ల్యాప్స్‌) అవుతున్నాయి. బీఎల్‌వోలు ప్రతీ ఓటరు ఫొటో తీసుకుని యాప్‌లో అప్‌లోడ్‌ చేయాల్సి ఉంది. దీంతో చాలా చోట్ల వేలాది మంది ఓటర్ల పరిశీలనలో జాప్యం జరుగుతోంది. ఒక్కో రోజు ఒక అసెంబ్లీ నియోజకవర్గ పరిధిలో సగటున కనీసం వెయ్యికిపైనే ఓటర్ల పరిశీలన చేయాలని లక్ష్యంగా పెట్టుకున్నారు. కొందరు తగిన రుజువులు తీసుకురాకపోవడంతో మళ్లీ మళ్లీ హియరింగ్‌ ఏర్పాట్లు చేయాల్సి వస్తోంది. వృద్ధులు, మహిళలకు చాలామంది పదో తరగతి మా ర్కుల మెమో, బ్యాంకు పాస్‌బుక్‌, లేదా కుల ధ్రువీ కరణలు అడుగుతున్నారు. ఆధార్‌, పాన్‌, రేషన్‌ కార్డులు ఆమోదించక ఇబ్బందులు వస్తున్నాయి. గడువులోపు పూర్తయ్యేనా?ప్రస్తుతం ముసాయిదా ఓటరు జాబితా ప్రకారం ఓటర్ల నుంచి అభ్యంతరాలు, ఫిర్యాదుల స్వీకరణ కొనసాగుతోంది. అదే సమయంలో ఓటర్ల తప్పులను సరి చేస్తున్నారు. వేలాది ఓటర్లకు నోటీసుల జారీ, హియరింగ్‌, తేదీలు, బీఎల్‌వోలు ధ్రువపత్రా ల పరిశీలన నుంచి ఆర్వోలు, ఎన్నికల సిబ్బంది, జిల్లా ఎన్నికల అధికారుల వరకు పరిశీలన చేయా లి. దీంతో గడవులోపు సర్‌ ప్రక్రియ పూర్తవుతుందా? అనే సందేహాలు వస్తున్నాయి. ఇప్పటికే ఎన్నిక ల కమిషన్‌ తుది జాబితా ప్రచురణకు అక్టోబర్‌ 15నుంచి నవంబర్‌ 9వరకు గడువు పొడగించింది. నియోజకవర్గాల వారీగా నోటీసుల వివరాలు ని.వర్గం నోటీసులు జారీ చేసింది పెండింగ్‌ హియరింగ్‌ హియరింగ్‌ ల్యాప్స్‌ సిర్పూర్‌ 53,245 37,474 15,771 7,564 17,081 ఆసిఫాబాద్‌ 52,647 30,990 21,657 6,608 14,398 చెన్నూరు 57,380 43,445 13,935 1,586 39,674 బెల్లంపల్లి 45370 39,629 5,741 1,828 21,344 ఆదిలాబాద్‌ 85525 23,596 61,929 3,339 56,722 బోథ్‌ 64,900 54,386 10,514 10,671 32,762 ఖానాపూర్‌ 68,052 62,436 5,616 13,964 25,462 నిర్మల్‌ 83,370 65,818 17,552 14,377 57,800 ముథోల్‌ 70,581 65,348 5,233 20,019 28,582 మంచిర్యాల 68,218 43,481 24,737 10,019 16,407

లోకేశ్వరం: ఎంబీబీఎస్‌ సీట్లు సాధించడం ఎంత ముఖ్యమో.. ఉత్తమ వైద్యులుగా ఎదగడం అంతకన్నా ముఖ్యమని, ఉత్తమ వైద్య సేవలందిస్తేనే ఉజ్వల భవిష్యత్తు ఉంటుందని నిర్మల్‌ ప్రముఖ ప్రభుత్వ వైద్యుడు డాక్టర దేవేందర్‌రెడ్డి అన్నారు. మండల కేంద్రంలోని గ్రామ పంచాయతీ ఆవరణలో ఎంబీబీఎస్‌ సీట్లు సాధించిన లోకేశ్వరానికి చెందిన మెండె సాయిచైతన్య, తోకల ముత్తవ్వ, మేఘన, ధర్మోరకు చెందిన మనీష్‌, భాగాపూర్‌కు చెందిన హర్షనవ్యశ్రీను శుక్రవారం సన్మానించారు. అనంతరం దేవేందర్‌రెడ్డి మాట్లాడుతూ తాము చదువుకునే రోజుల్లో ఉమ్మడి రాష్ట్రంలో ఎంబీబీఎస్‌ సీట్లు కేవలం 1100 మాత్రమే ఉండేవని, ప్రస్తుతం తెలంగాణ రాష్ట్రంలోనే 13 వేలు ఉన్నాయన్నారు. ఇప్పటి నుంచే లక్ష్యాన్ని నిర్ధేశించుకుని పీజీతోపాటు స్పెషలైజేషన్‌ పై దృష్టిసారిస్తే ఉజ్వల భవిష్యత్తు ఉంటుందని సూచించారు. చిన్నతనంలో తల్లిదండ్రులు కోల్పోయినా పట్టుదలతో చదివి సీటు దక్కించుక్నున తోకల ముత్తవ్వకు ఐదు ఏళ్లు వైద్య విద్యకయ్యే ఖర్చును తానే భరిస్తానని హామీ ఇచ్చారు. మొదటి ఏడాది ఫీజు కింద రూ.25 వేల చెక్కును అందజేశారు. కార్యక్రమంలో సర్పంచ్‌ దర్వాడి కపిల్‌, మాజీ సర్పంచ్‌ మెండె శ్రీధర్‌, సర్పంచుల ఫోరం మండల అధ్యక్షుడు భూజంగ్‌రావు, నాయకులు సురేశ్‌రావు, విజయరావ్‌, నరేందర్‌రెడ్డి, ముత్తన్న, రమణారావు పాల్గొన్నారు.

నిర్మల్‌చైన్‌గేట్‌: జిల్లా ప్రభుత్వ ప్రధాన ఆస్పత్రికి వైద్యం కోసం వచ్చే ప్రజలకు మెరుగైన, నాణ్యమైన వైద్యం అందేలా చర్యలు తీసుకో వాలని కలెక్టర్‌ భవేశ్‌ మిశ్రా అధికారులను ఆదేశించారు. ఆస్పత్రి సూపరింటెండెంట్‌ కా ర్యాలయంలో వైద్యాధికారులు, వివిధ విభాగా ల అధిపతులతో శుక్రవారం సమీక్షించారు. రోజు వారీగా నమోదవుతున్న ఓపీ వివరాలతోపా టు వివిధ విభాగాల్లో అందుతున్న సేవలను అడిగి తెలుసుకున్నారు. జనరల్‌ మెడిసిన్‌, గైనకాలజీ, ఆర్థోపెడిక్‌, కార్డియాలజీ, రేడియాల జీ, ఈఎన్‌టీ తదితర విభాగాల్లో వైద్య సేవల మెరుగుదలకు అవసరమైన పరికరాలు, శస్త్రచికిత్సకు అవసరమైన యంత్రాల వివరాలు సేకరించారు. అవసరమైన పరికరాలను ప్రాధాన్యత క్రమంలో సమకూర్చేందుకు చర్యలు తీసుకుంటామని కలెక్టర్‌ తెలిపారు. రోగులకు మెరుగైన వైద్యం అందేలా మౌలిక వసతులు కల్పిస్తామన్నారు. ఆస్పత్రి ప్రాంగణంలో పార్కింగ్‌ సమస్యలు తలెత్తకుండా చర్యలు చేపట్టాలని అధికారులను ఆదేశించారు. అనంతరం పార్కింగ్‌ స్థలాన్ని కలెక్టర్‌ స్వయంగా పరిశీలించారు. సమావేశంలో ఆస్పత్రి పర్యవేక్షకులు గోపాల్‌సింగ్‌, అధికారులు రమేశ్‌, సరోజ, వైద్యులు, సిబ్బంది పాల్గొన్నారు.

లక్ష్మణచాంద: దేశానికి అన్నం పెట్టే అన్నదాతలు వ్యవసాయంలో ఎన్ని నష్టాలు ఎదురైనా అధైర్యపడకుండా, ప్రకృతి వైపరీత్యాలకు ఎదురొడ్డి పంటలు పండిస్తారు. భూమాతను నమ్ముకుని మళ్లీ పంటలు పండిస్తారు. ఈ ఏడాది ఎల్‌నినోకు ఎదురొడ్డుతున్నారు. ఎల్‌నినో ప్రభావంతో వరుణుడు ముఖం చాటేశాడు. జూలైలో వర్షాలు ఆశాజనకంగా కురవడంతో రైతులు వరి, మొక్కజొన్న, సోయాబీన్‌, పత్తి వంటి పంటలను సాగు చేశారు. అయితే తర్వాత భారీ వర్షాలు లేక పంటలు ఎండిపోతున్నాయి. తడారుతున్న వరి..జిల్లాలో సరైన వర్షాలు కురవడం లేదు. రైతులు సాగు చేస్తున్న వరి, మొక్కజొన్న, సోయాబీన్‌, పత్తి పంటలకు నీరు అందక అవి ఎండిపోతున్నాయి. ముఖ్యంగా వరి వేసిన రైతులు పంట తడి కోసం కంటతడి పెడుతున్నారు. వారం రోజులుగా ఎండల తీవ్రత ఎక్కువగా ఉండటంతో వరి పైర్లలో తడారుతోంది. కళ్లముందే పంటలు ఎండిపోతుంటే రైతుల కళ్లలో నీళ్లు తిరుగుతున్నాయి. సంక్షోభంలో 16 వేల ఎకరాలు..సరస్వతి కాలువ కింద 16 వేల ఎకరాల ఆయకట్టు ఉంది. ప్రధానంగా నిర్మల్‌ రూర ల్‌, సోన్‌, లక్ష్మణచాంద మండలాల రైతులు ఈ ఎకరాల్లో వివిధ పంటలు సాగు చేస్తున్నా రు. బోరు బావులు ఉన్న రైతులు తమ పంటలకు నీరు అందిస్తూ కాపాడుకుంటున్నారు. అయితే కాలువపై ఆధారపడిన రైతులు నీరు రాకపోవడంతో మరో రెండు రోజులు ఎండలు కొనసాగితే వరి, మొక్కజొన్న, సోయా పంటలు సుమారు 4,000 ఎకరాల్లో ఎండిపోతాయని ఆందోళన చెందుతున్నారు. లీకేజీ నీరు వాగులోకి..వర్షాలు లేక ఎండలు తీవ్రంగా ఉన్న నేపథ్యంలో స రస్వతీ కాలువ లీకేజీ ద్వారా కొంత నీరు వస్తోంది. ముఠాపూర్‌–న్యూ వెల్మల్‌ సమీపంలో కాలువ కింద నుంచి ముఠాపూర్‌ వాగు ప్రవహిస్తుంది. కాలువ స్లాబ్‌కు గండ్లు పడటంతోపాటు చెత్త, ప్లాస్టిక్‌ బాటి ళ్లు అడ్డుగా ఉండటం లీకేజీ నీరు వాగులోకే వెళుతోంది. కిందకు చుక్క నీరు కూడా రావడం లేదని రైతులు వాపోతున్నారు.

నిర్మల్‌టౌన్‌: పోలీస్‌ అమరవీరుల కుటుంబా లకు సంక్షేమ ప్రయోజనాలు సులభంగా అందేలా ప్రభుత్వం రూపొందించిన టీజీ వీర్‌ ఫ్యామిలీ కార్డులు ఎస్పీ జానకీషర్మిల శుక్రవారం పంపిణీ చేశారు. ఆర్థిక సహాయం, పింఛన్లు, కారుణ్య నియామకాలు, ఇంటి స్థలాలు తదితర ప్రయోజనాల వివరాలు ఈ కార్డు ద్వారా నమోదు చేసి, వాటి పురోగతిని సులభంగా తెలు సుకునే అవకాశం ఉంటుందన్నారు. ప్రజల రక్షణ కోసం ప్రాణత్యాగం చేసిన పోలీస్‌ అమరవీరుల సేవలు చిరస్మరణీయమన్నా రు. వారి కుటుంబాల సంక్షేమానికి పోలీస్‌ శాఖ అండగా ఉంటుందన్నారు. భైంసా ఏఎస్పీ సాయికిరణ్‌, నిర్మల్‌ డీఎస్పీ శ్రీనివా స్‌, పాల్గొన్నారు.

నిర్మల్‌టౌన్‌: ఐదు రోజుల బ్యాంకింగ్‌ విధానం అమలు చేయాలని, ప్రభుత్వం ఏకపక్షంగా తీసుకొచ్చిన పీఎల్‌ఐ(పర్ఫార్మెన్స్‌ లింక్డ్‌ ఇన్సెంటివ్‌) స్కీమ్‌ను ఉపసంహరించుకోవాలని బ్యాంకు ఉద్యోగులు శుక్రవారం సమ్మె చే శారు. నిర్మల్‌ రీజియన్‌ యునైటెడ్‌ ఫోరం ఆఫ్‌ బ్యాంక్‌ యూనియన్స్‌ ఆధ్వర్యంలో జిల్లా కేంద్రంలోని ఎస్‌బీఐ మెయిన్‌ బ్రాంచ్‌ ఎదుట ఉద్యోగులు నిరసన తెలిపారు. ప్రధాన డిమాండు పరిష్కరించాలని ఈనెల 28, 29, 30 తేదీల్లో దేశవ్యాప్తంగా సమ్మె నిర్వహించనున్నట్లు యూనియన్‌ ప్రతినిధులు తెలిపా రు. అప్పటికీ సమస్యలు పరిష్కారం కాకపోతే అక్టోబర్‌ 26 నుంచి నిరవధిక సమ్మెకు దిగుతామని హెచ్చరించారు. సమ్మెలో టి.శ్రీనివాస్‌, శ్రీధర్‌, లక్ష్మణ్‌, పోశెట్టి, వివిధ బ్యాంకుల ఉద్యోగులు పాల్గొన్నారు

భైంసా: గణేశ్‌ ఉత్సవాలకు మండపాలు ఏర్పాటు చేసే నిర్వాహకులు ముందస్తుగానే అవసరమైన దరఖాస్తులు పూర్తి చేసుకోవాలని అధికారులు సూచిస్తున్నారు. మండపాల ఏర్పాటు, విద్యుత్‌ సరఫరా, అగ్నిమాపక భద్రత, ఊరేగింపు, నిమజ్జనం వంటి అంశాల్లో నిబంధనలు పాటించాలని చెబుతున్నారు. ఈ మేరకు కలెక్టర్‌ భవేష్‌ మిశ్రా, ఎస్పీ డాక్టర్‌ జానకీషర్మిల ఉత్సవ సమితుల సభ్యులతో సమీక్ష నిర్వహించి భద్రతా ఏర్పాట్లపై సూచనలు చేశారు. మండల స్థాయిలోనూ అధికారులు గణేశ్‌ ఉత్సవ కమిటీలు, నిర్వాహకులతో సమావేశాలు నిర్వహించి ముందస్తు చర్యలపై అవగాహన కల్పించాలని సూచించారు. విద్యుత్‌ కనెక్షన్‌ ముందుగానేమండపాలకు తాత్కాలిక విద్యుత్‌ సరఫరా కోసం సంబంధిత విద్యుత్‌ శాఖకు ముందుగానే దరఖాస్తు చేసుకోవాలి. నిబంధనలకు అనుగుణంగా వైరింగ్‌ ఏర్పాటు చేయాలి. అనధికారిక కనెక్షన్లకు దూరంగా ఉండాలని అధికారులు సూచిస్తున్నారు. ఫైర్‌ సేఫ్టీ చర్యలు తప్పనిసరిఅగ్నిప్రమాదాలు జరగకుండా ముందస్తు జాగ్రత్తలు తీసుకోవాలి. అగ్నిమాపక పరికరాలను అందుబాటులో ఉంచడంతో పాటు విద్యుత్‌ తీగలు, అలంకరణ సామగ్రిని సురక్షితంగా ఏర్పాటు చేయాలి. అత్యవసర సమయంలో బయటకు వెళ్లేందుకు మార్గం ఉండేలా చూడాలి. ఊరేగింపు వివరాలు తెలియజేయాలి..గణేశ్‌ నిమజ్జన ఊరేగింపు మార్గం, సమయం తది తర వివరాలను పోలీసులకు ముందుగానే తెలియజేయాలి. ట్రాఫిక్‌కు అంతరాయం లేకుండా చర్యలు తీసుకోవడంతో పాటు శాంతిభద్రతలకు విఘా తం కలగకుండా పోలీసుల సూచనలు పాటించాలి. చివరి నిమిషంలో ఇబ్బందులు తలెత్తకుండా మండపాల నిర్వాహకులు అన్ని ప్రక్రియలను ముందుగా నే పూర్తి చేసుకోవాలని అధికారులు సూచించారు. మండల స్థాయిలో సమావేశాలుజిల్లా స్థాయిలో ఇప్పటికే గణేశ్‌ ఉత్సవ కమిటీలు, నిర్వాహకులతో సమీక్ష నిర్వహించిన నేపథ్యంలో మండలస్థాయి అధికారులు కూడా స్థానిక ఉత్సవ సమితులతో సమావేశాలు నిర్వహించాలని సూచించారు. మండపాల ఏర్పాటు నుంచి నిమజ్జనం వరకు తీసుకోవాల్సిన జాగ్రత్తలు, పోలీస్‌ పోర్టల్‌లో నమోదు, విద్యుత్‌ సరఫరా, ఫైర్‌ సేఫ్టీ తదితర అంశాలపై నిర్వాహకులకు అవగాహన కల్పించనున్నారు.పోలీస్‌ పోర్టల్‌లో నమోదుమండపాల నిర్వాహకులు తెలంగాణ పోలీస్‌ శాఖ ఏర్పాటు చేసిన ప్రత్యేక పోర్టల్‌ htt p//policeportal.tspolice.gov.in/ index.htm ద్వారా ఆన్‌లైన్‌లో వివరాలు న మోదు చేయాలి. పోర్టల్‌లో మండపం ఏర్పా టు చేసే ప్రాంతం, నిర్వాహకుల వివరాలు, విగ్రహ ఏర్పాటు, ఊరేగింపు, నిమజ్జనం తదితర సమాచారాన్ని నమోదు చేయాలి.

ఖానాపూర్‌: మండలంలోని మస్కాపూర్‌ పీఎంశ్రీ పాఠశాల గణిత ఉపాధ్యాయుడు జాడి శ్రీని వాస్‌ అంతర్జాతీయ వేదికపై మెరిశాడు. తెలంగాణ పాఠశాల విద్యాశాఖ డైరెక్టర్‌ నవీన్‌ నికోలస్‌ నేతృత్వంలో 29 మంది ఉపాధ్యాయులు, ఎస్‌సీఈఆర్‌టీ సభ్యులు, వ్యక్తిత్వ వికాస నిపుణులతో కూడిన బృందం జపాన్‌లో విద్యా మా ర్పిడి, అధ్యయన పర్యటనలో ఉంది. యూనివర్సిటీ ఆఫ్‌ సుకుబా, చియోడా యూనివర్సిటీ, ఒట్సుకా ఉన్నత విద్యాసంస్థలు సహా ప్రముఖ పాఠశాలలు, సాంకేతిక సంస్థలను సందర్శించా రు. టోక్యో కోసెన్‌ రోబోటిక్‌ విద్యావిధానాన్ని అధ్యయనం చేశారు. ఉపాధ్యాయుల వృత్తిపరమైన అభివృద్ధి, శిక్షణ, ప్రత్యేక అవసరాలు కలిగిన విద్యార్థులకు సాంకేతిక సహాయంతో అందిస్తున్న సమగ్ర విద్యా విధానాలను కూడా పరిశీలించారు. పరిశోధనా పత్ర ప్రదర్శన..అంతర్జాతీయ సదస్సులో మస్కాపూర్‌ పాఠశాల ఉపాధ్యాయుడు శ్రీనివాస్‌ తన పరిశోధనా పత్రాన్ని సమర్పించారు. తెలంగాణలో అమలవుతున్న వినూత్న గణిత బోధనా పద్ధతులు, విద్యార్థుల ప్రతిభాభివృద్ధి, నైపుణ్యాల పెంపుపై వివరాలు అందించారు. ఆయన ప్రదర్శనను అభినందిస్తూ జపాన్‌ ఇంటర్నేషనల్‌ కోఆపరేషన్‌ సెంటర్‌ ఎగ్జిక్యూటివ్‌ డైరెక్టర్‌, మేనేజింగ్‌ డైరెక్టర్‌ ఆకావో, పాఠశాల విద్యాశాఖ డైరెక్టర్‌ నవీన్‌ నికోలస్‌ కలిసి ప్రశంసాపత్రం అందజేశారు. పర్యటనలో భాగంగా జాడి శ్రీనివాస్‌ జపాన్‌లోని ఒక జూనియర్‌ హైస్కూల్‌లో 9వ తరగతి విద్యార్థులకు గణితం బోధించారు.

నిర్మల్‌చైన్‌గేట్‌: అంగన్‌వాడీ పోస్టుల భర్తీకి ఎట్టకేల కు గ్రీన్‌ సిగ్నల్‌ లభించింది. మూడు, నాలుగేళ్లుగా జిల్లాలో వివిధ పోస్టులు ఖాళీగా ఉన్నాయి. అయినప్పటికీ ప్రభుత్వం నుంచి ఆదేశాలు లేకపోవడంతో టీచర్లు, ఆయాలు లేకుండానే కేంద్రాలు నడుస్తున్నాయి. పిల్లల ఇబ్బందులను దృష్టిలో ఉంచుకుని ప్రభుత్వం ఖాళీగా ఉన్న టీచర్‌, ఆయాల పోస్టుల ను భర్తీ చేయాలని నిర్ణయించింది. మొదటి విడతగా జిల్లాలోని టీచర్ల పోస్టులకు జిల్లా మహిళా, శిశు సంక్షేమ శాఖ ఆధ్వర్యంలో ప్రకటన విడుదలైంది. తొలివిడత టీచర్‌ పోస్టులే..జిల్లాలోని ఐదు ప్రాజెక్టుల పరిధిలో మొత్తం 89 టీచర్‌, 459 ఆయా పోస్టులు ఖాళీగా ఉండగా, ప్రస్తుతం 89 టీచర్‌ పోస్టులను మాత్రమే భర్తీ చేయనున్నారు. ఏళ్లుగా సిబ్బంది లేక చిన్నారులకు ప్రీస్కూల్‌ విద్య, పోషకాహార పంపిణీ, గర్భిణులు, బాలింతలకు అందాల్సిన సేవలు, ప్రభుత్వ సంక్షేమ కార్యక్రమాల అమలుపై ప్రభావం పడింది. 30 వరకు దరఖాస్తుల స్వీకరణమొత్తం 89 పోస్టుల భర్తీకి శుక్రవారం నోటిఫికేషన్‌ విడుదల చేశారు. ఆన్‌లైన్‌ విధానంలో ఈనెల 15 నుంచి 30వ తేదీ వరకు దరఖాస్తులు స్వీకరించనున్నారు. కనీస విద్యార్హత ఇంటర్మీడియట్‌గా నిర్ణయించింది. దరఖాస్తు చేసుకునే అభ్యర్థులు 18 ఏళ్ల నుంచి 35 ఏళ్లలోపు వయసు ఉండాలి. అభ్యర్థి ఏ అంగన్‌వాడీ కేంద్రానికి దరఖాస్తు చేసుకుంటున్నారో.. ఆ గ్రామం, హాబిటేషన్‌, వార్డు నివాసై ఉండా లి. ఎంపిక విధానంలో ఇంటర్మీడియట్‌ మార్కుల మెరిట్‌, జిల్లా సెలక్షన్‌ కమిటీ నిర్వహించే ఇంట ర్వ్యూలకు రోస్టర్‌ నిబంధనలు పాటించి ఎంపిక చేయనున్నారు. దళారులను ఆశ్రయించొద్దు.. జిల్లాలో తొలివిడతగా 89 టీచర్‌ పోస్టులకు నోటిఫికేషన్‌ విడుదలైంది. నియామక ప్రక్రియ పూర్తి పారదర్శకంగా ఉంటుంది. దళారులను నమ్మి మోసపోవద్దు. ఈ నెల 30 వరకు అర్హులైన మహిళా అభ్యర్థులు దరఖాస్తు చేసుకోవాలి. –వినూత్న, డీడబ్ల్యూవో

లీకేజీ నీటిని కిందకు తీసుకురావడానికి ముఠాపూర్‌, న్యూ వెల్మల్‌, రాచాపూర్‌ గ్రామా ల రైతులు సొంత డబ్బులతో టిప్పర్ల ద్వారా మట్టిని తెప్పించి జేసీబీ సహాయంతో వాగులో గండి పడ్డ ప్రదేశంలో పోస్తున్నారు. ఈ విధంగానైనా నీరు కిందకు వస్తే పంటలను కాపాడుకుంటామని, లేకుంటే పెట్టిన పెట్టుబడి కూడా రాకుండా పోతుందని ఆవేదన చెందుతున్నారు. కొందరు రైతులు కాలువలో అక్కడక్కడ ఉన్న నీటిని మోటార్ల వద్దకు తీసుకురావడానికి పారలతో కాలువలు తీసి నీరు ప్రవహించేలా చేస్తూ పంటలను కాపాడుకునేందుకు తీవ్ర ప్రయత్నం చేస్తున్నారు.

జిల్లాలోని నిర్మల్‌ రూరల్‌, సోన్‌, లక్ష్మణచాంద, మామడ, ఖానాపూర్‌, కడెం, పెంబి మండలాల్లో సరస్వతి కాలువ ప్రవహిస్తుంది. మొదట్లో ఎల్‌ని నో కారణంగా వర్షాలు తక్కువగా కురుస్తాయని వ్యవసాయాధికారులు సూచించడంతో కాలువ ఆయకట్టు కింద పంటలు సాగు చేయవద్దని రైతులు భావించారు. అయితే జూలైలో వర్షాలు ఆశాజనకంగా కురవడంతో ప్రాజెక్టు నిండి కాలువకు నీరు విడుదలవుతుందని ఆశతో పంటలు సాగు చేశారు. కానీ ఆగస్టులో వర్షాలు లేక ప్రాజెక్టు నిండకపోవడంతో సరస్వతి ఆయకట్టు కింద సాగు చేస్తున్న వరి, మొక్కజొన్న, సోయా, పత్తి పంటలు ఎండిపోతున్నాయి.

బాసర: గోదావరి పుష్కరాల పనులు సమన్వయంతో చేపట్టాలని కలెక్టర్‌ భవేశ్‌మిశ్రా అధికారులను ఆదేశించారు. ఎస్పీ జానకీషర్మిలతో కలిసి బాసర ఈవో కార్యాలయంలో గురువారం సమీక్ష నిర్వహించారు. పుష్కర స్నానాల కోసం బాసరకు వచ్చే భక్తుల రద్దీని దృష్టిలో ఉంచుకుని తగిన ఏర్పాట్లు చేయాలన్నారు. వీఐపీ, వీవీఐపీలకు ప్రత్యేకంగా పార్కింగ్‌ సౌకర్యం ఏర్పాటు చేయాలన్నారు. పనులన్నీ నాణ్యతతో ఉండాలని సూచించారు. భక్తుల భద్రతకు ప్రాధాన్యత ఇవ్వాలని చెప్పారు. హెలీ ప్యాడ్‌ ఏర్పాటు చేయాలని తెలిపారు. ఎస్పీ జానకీషర్మిల మాట్లాడుతూ, పుష్కరాలకు వచ్చే భక్తులకు భద్రత కల్పిస్తామన్నారు. సంబంధిత శాఖల అధికా రుల సమన్వయంతో భక్తులకు ఇబ్బందులు లేకుండా చూస్తామని తెలిపారు. కమాండ్‌ కంట్రోల్‌ రూమ్‌ ఏర్పాటు చేసి, కేంద్రీకృత విధానం ద్వారా నిఘా ఉంచుతామన్నారు. సీసీ కెమెరాల సహాయంతో భక్తుల భద్రతను పర్యవేక్షిస్తామని తెలిపారు. సమావేశంలో ఆర్‌అండ్‌బీ, ఆర్‌డబ్ల్యూఎస్‌, పంచాయతీరాజ్‌, నీటిపారుదల శాఖల ఈఈలు సుభా ష్‌, సందీప్‌, శంకరయ్య, అనిల్‌, ఆలయ ఈవో అంజనాదేవి, తహసీపవన్‌ చంద్ర పాల్గొన్నారు.

నిర్మల్‌చైన్‌గేట్‌: కలెక్టరేట్‌ సమావేశ మందిరంలో వీరనారి చాకలి ఐలమ్మ వర్ధంతి కార్యక్రమం గురువారం నిర్వహించారు. అదనపు కలెక్టర్‌ బి.వెంకటేశ్వర్లు అధికారులతో కలిసి ఐలమ్మ చిత్రపటానికి పూలమాల వేసి నివాళులర్పించారు. రెండు నిమిషాలు మౌనం పాటించారు. తెలంగాణ సాయుధ రైతాంగ పోరాటంలో ఐలమ్మ పాత్రను వివరించారు. నాటి కాలంలోనే దొరలు, భూస్వాములకు వ్యతిరేకంగా పోరాటం చేసి తెలంగాణ పోరాటాల చరిత్రలో ఒక గొప్ప అధ్యాయాన్ని లిఖించిందని తెలిపారు. చాకలి ఐలమ్మ ఉద్యమ స్ఫూర్తితో మనమంతా ముందుకు సాగాలన్నారు. కార్యక్రమంలో ఎస్సీ సంక్షేమ అధికారి దయానంద్‌, ఎస్సీ కార్పొరేషన్‌ ఈడీ శంకర్‌, సీపీవో గంగారెడ్డి పాల్గొన్నారు.

లోకేశ్వరం: చిన్నారులు, మహిళలకు పోషకాహారంపై అవగాహన కల్పించేందుకు జిల్లాలోని అన్ని మండలాల్లో కార్యక్రమాలు ప్రారంభమయ్యాయి. అక్టోబర్‌ 8 వరకు ప్రభుత్వం అంగన్‌వాడీ కేంద్రాల్లో పోషణ మాసోత్సవం నిర్వహించేందుకు ఏర్పాట్లు చేసింది.జంక్‌ ఫుడ్‌ వినియోగం తగ్గించడం, చక్కెర, ఉప్పు, నూనె వాడకాన్ని పరిమితం చేయడంపై ప్రచారం నిర్వహించనున్నారు. నెల రోజులపాటు ప్రతిరోజూ ఒక కార్యక్రమం నిర్వహించేందుకు క్యాలెండర్‌ రూపొందించారు. నెలరోజులు కార్యక్రమాలు ఈ నెల 9 నుంచి అక్టోబర్‌ 8 వరకు ప్రతిరోజూ ఒక కార్యక్రమం రూపొందించారు. అంగన్‌వాడీ కేంద్రాల్లో గర్భిణులు, పాలిచ్చే తల్లులు, శిశువులు, చిన్నపిల్లల పోషణపై సలహా సమావేశాలు, పౌష్టికాహారం తయారీపై వంటకాల పోటీలు నిర్వహిస్తారు. కిశోర బాలికలు, పెద్దవారికి బీఎంఐ పరీక్షలు, పిల్లల ఎత్తు–బరువు కొలతలు తీస్తారు. ఆహారంలో చక్కెర, నూనె వినియోగం తగ్గించే విషయంపై అవగాహన కల్పిస్తారు. నిర్వహణ ఏర్పాట్లు.. జిల్లాలోని అన్ని ప్రాజెక్టుల పరిధిలో అంగన్‌వాడీ కేంద్రాల్లో పోషణ మాసం నిర్వహణకు ఏర్పాట్లు చేశాం. నిర్దేశిత క్యాలండర్‌ ప్రకారం నిత్యం ఓ కార్యక్రమం నెలరోజులపాటు నిర్వహిస్తాం. చిన్నారులు, మహిళలకు ఆరోగ్యంపై సంపూర్ణ అవగాహన కల్పిస్తాం. – వినూత్న, డీడబ్ల్యూవో ప్రతీ ఇంటికీ పోషణ సందేశం చిన్నారులు, మహిళల ఆరోగ్యం, పోషకాహారాన్ని మెరుగుపరిచే లక్ష్యంతో ప్రభుత్వం కేంద్ర ప్రభుత్వ సహకారంతో ఈ మహోత్సవాన్ని నిర్వహిస్తోంది. అంగన్‌వాడీ సిబ్బంది ద్వారా ప్రతి ఇంటికీ పోషణ సందేశం చేరవేసేలా కార్యాచరణ సిద్ధం చేశారు. పోషణ మాసంలో ప్రజా ప్రతినిధులను కూడా భాగస్వాములను చేస్తున్నారు. ప్రతీ నియోజకవర్గంలో స్థానిక ప్రజా ప్రతినిధులకు ఆశ కార్యకర్తల ద్వారా లేఖలు పంపారు. గ్రామస్థాయి నుంచి జిల్లా స్థాయి వరకు పోషణపై చైతన్య కార్యక్రమాలు, అవగాహన శిబిరాలు, ఆరోగ్య పరీక్షల క్యాంపులు నిర్వహించనున్నారు. ప్రారంభమైన పోషణ మాసోత్సవం జిల్లాలో ఇలా.. జిల్లాలో ఖానాపూర్‌, భైంసా, నిర్మల్‌, ముధోల్‌ ఐసీడీఎస్‌ ప్రాజెక్టులు ఉన్నాయి. వీటి పరిధిలో 931 అంగన్‌వాడీ కేంద్రాలు పనిచేస్తున్నాయి. జిల్లాలో 0–3 ఏళ్ల చిన్నారులు 27,853 మంది, 3–6 ఏళ్ల చిన్నారులు 22,383 మంది నమోదయ్యారు. గర్భిణులు 5,415, బాలింతలు 3,399 మంది ఉన్నారు. తీవ్ర పోషకాహార లోపం ఉన్న పిల్లలు 277 మంది, తక్కువ పోషకాహార లోపం ఉన్న పిల్లలు 1,345 మంది ఉన్నట్లు అధికారులు గుర్తించారు. చిన్నారులను పోషకాహార లోపం నుంచి దూరం చేసేందుకు ఈ కార్యక్రమం ద్వారా శ్రీకారం చుట్టారు.

నిర్మల్‌చైన్‌గేట్‌: ప్రభుత్వ పాఠశాలల్లో పనిచేస్తున్న మధ్యాహ్న భోజన కార్మికుల పెండింగ్‌ వేతనాలు, బిల్లులను వెంటనే విడుదల చేయాలని సీఐటీయూ జిల్లా కార్యదర్శి బొమ్మెన సురేశ్‌ డిమాండ్‌ చేశారు. ఈమేరకు డీఈవో కార్యాలయం ఎదుట గురువా రం ధర్నా నిర్వహించారు. నెలల తరబడి వేతనా లు, బిల్లులు పెండింగ్‌లో ఉండడంతో కార్మికులు తీవ్ర ఆర్థిక ఇబ్బందులు పడుతున్నారని తెలిపారు. ఆన్‌లైన్‌ ప్రక్రియ పేరుతో బిల్లులు తిరస్కరిస్తున్నారని ఆవేదన వ్యక్తం చేశారు. ఎన్నికల మేనిఫెస్టోలో హామీ ఇచ్చిన విధంగా వేతనాన్ని నెలకు రూ.10 వేలకు పెంచాలని డిమాండ్‌ చేశారు. మార్కెట్‌ ధరలకు అనుగుణంగా మెస్‌ చార్జీలు, కోడిగుడ్ల బిల్లులు పెంచాలని, గత ప్రభుత్వ హయాంలో పెండింగ్‌లో ఉన్న అల్పాహారం బిల్లులను చెల్లించడంతోపా టు రాగిజావాకు ప్రత్యేక బడ్జెట్‌ కేటాయించాలన్నా రు. ధర్నాలో యూనియన్‌ నాయకులు కె.రాధ, లక్ష్మి, సునీత, భాను పాల్గొన్నారు.

నిర్మల్‌మట్టి గణపతులను పూజిద్దాం నిర్మల్‌చైన్‌గేట్‌: మట్టి గణపతులు పూజించి పర్యావరణాన్ని కాపాడాల్సిన బాధ్యత మనందరిపై ఉందని అదనపు కలెక్టర్‌ బి.వెంకటేశ్వర్లు అన్నారు. కలెక్టరేట్‌లో గురువారం అధికారులకు, సిబ్బందికి అదనపు కలెక్టర్‌ మట్టి గణపతి విగ్రహాలు ఉచితంగా పంపిణీ చేశారు. ప్లాస్టర్‌ ఆఫ్‌ పారిస్‌ విగ్రహాలు, కృత్రిమ రంగులతో పర్యావరణానికి ఎంతో హాని కలుగుతుందన్నారు. ప్రతి ఒక్కరూ మట్టితో చేసిన విగ్రహాలనే పూజించాలన్నారు. లక్ష్మణచాంద: రాష్ట్ర ప్రభుత్వం ప్రభుత్వ పాఠశాలల ను బలోపేతం చేసేందుకు ప్రత్యేక చర్యలు చేపట్టింది. అనేక మంది విద్యార్థులు ఉదయం ఇంట్లో సకాలంలో ఆహారం దొరకక, ఖాళీ కడుపుతోనే పా ఠశాలకు చేరుతున్నారు. మధ్యాహ్నం వరకు ఆకలి తో ఉండడంతో పాఠాలపై దృష్టి సారించలేకపోతున్నామని వారు చెబుతున్నారు. ఈ సమస్యను గమనించిన ముఖ్యమంత్రి రేవంత్‌రెడ్డి ప్రభుత్వ పాఠశాలల్లో చదివే విద్యార్థులకు బ్రేక్‌ఫాస్ట్‌ అందించాలని నిర్ణయించారు. సెంట్రలైజ్డ్‌ కిచెన్‌ ద్వారా ప్రతిరోజూ నాణ్యమైన, రుచికరమైన ఒక రకం అల్పాహారం అందిస్తామని తెలిపారు. ముందుగా హైదరాబాద్‌ చుట్టుపక్కల పాఠశాలల్లో ప్రారంభించి, తర్వాత రాష్ట్రవ్యాప్తంగా విస్తరిస్తామని తెలిపారు. జిల్లాలో 40,365 మంది.. జిల్లాలో 498 ప్రభుత్వ ప్రాథమిక పాఠశాలలు, 82 ప్రాథమికోన్నత పాఠశాలలు, 118 ప్రభుత్వ ఉన్నత పాఠశాలలు ఉన్నాయి. మొత్తం 698 పాఠశాలల్లో 40,365 మంది విద్యార్థులు చదువుతున్నారు. బ్రేక్‌ఫాస్ట్‌ పథకం అమలైతే ఈ విద్యార్థులందరికీ ప్రయోజనం చేకూరుతుంది. హరేకృష్ణ సంస్థకు బాధ్యత ప్రభుత్వ పాఠశాల విద్యార్థులకు అల్పాహారం అందించే బాధ్యతను తెలంగాణ ప్రభుత్వం హరేకృష్ణ సంస్థకు అప్పగించింది. హైదరాబాద్‌ చుట్టుపక్కల ప్రాంతాల్లో జూన్‌ 15న ఈ కార్యక్రమం ప్రారంభమైంది. ఇటీవల ఇతర జిల్లాల్లో కూడా ప్రారంభిస్తున్నారు. జిల్లా పాఠశాలల్లో ఇంకా ప్రారంభం కాలేదు. ఉదయం నుంచి మధ్యాహ్నం వరకు ఖాళీ కడుపుతో చదువుతున్న విద్యార్థులు, దీని ప్రభావం చదువుపై పడుతోందని వాపోతున్నారు. స్థల పరిశీలన పూర్తి.. జిల్లాలో సెంట్రలైజ్డ్‌ కిచెన్‌ ఏర్పాటు కోసం హరేకృష్ణ సంస్థ ప్రతినిధులు గత నెల జిల్లా కేంద్రంలోని వ్యవసాయ మార్కెట్‌ యార్డులోని గోదామును పరిశీలించారని జిల్లా విద్యాశాఖ అధికారులు తెలిపారు. స్థల పరిశీలన పూర్తయిందని వారు చెప్పారు. హరేకృష్ణ సంస్థ బృందం ‘సాక్షి’తో మాట్లాడుతూ, రెండు, మూడు రోజుల్లో సెంట్రలైజ్డ్‌ కిచెన్‌ ఏర్పాటు పనులు ప్రారంభిస్తామని తెలిపింది. పనులు పూర్తి చేసి రెండు నుంచి రెండున్నర నెలల్లోగా విద్యార్థులకు అల్పాహారం అందించే ప్రక్రియ మొదలుపెడతామని పేర్కొన్నారు. ఉద్యాన పంటలపై అవగాహన తానూరు: మండలంలోని కోలూరు, ఎల్వత్‌ గ్రామాల్లో రైతులు సాగు చేసిన ఉద్యాన పంటలను జిల్లా ఉద్యాన, పట్టు పరిశ్రమ శాఖ అధికారి బీవీ.రమణ పరిశీలించారు. కూరగాయల సాగు లాభదాయకమన్నారు. తక్కువ పెట్టుబడితో ఆర్థికంగా ఎదగాలని సూచించారు. కూరగాయలు సాగుచేసే రైతులు ముందుగా ఉద్యానవన అధికారులకు దరఖాస్తులు చేసుకుంటే వారికి ప్రభుత్వం ద్వారా సబ్సిడీ అందిస్తామని తెలిపారు. ఆయన వెంట ఉద్యానవన విస్తరణ అధికారి జావీద్‌పాషా, మోయిన్‌ మియా, కోలూరు సర్పంచ్‌ మాధవ్‌రావు రైతులు ఉన్నారు. జిల్లా సమాచారం.... ప్రాథమిక పాఠశాలలు 498ప్రాథమికోన్నత పాఠశాలలు 82ఉన్నత పాఠశాలలు 118లబ్ధి చేకూరే విద్యార్థులు 40,365

అకారణంగా మాల్‌ప్రాక్టీస్‌ అంటూ ఫలితాన్ని ప్రకటించి విద్యార్థుల విలువైన జీవితాన్ని దెబ్బతీయడం సరికాదు. గంగాభవాని విద్యాసంవత్సరం కోల్పోవడానికి యూనివర్సిటీ బాధ్యత వహించాలి. – సింగరి వెంకటేశ్‌, పీడీఎస్‌యూ జిల్లా అధ్యక్షుడు అడిగినా వివరాలు ఇవ్వలేదు.. నా బిడ్డ బాగా చదివి పరీక్షలన్నీ మంచిగా రాసింది. అయినా ఫలితాల్లో మాల్‌ప్రాక్టీస్‌ అని ఇచ్చారు. ఎందుకిలా ఇచ్చారని వరంగల్‌ దాకా రెండుమూడుసార్లు వెళ్లి యూనివర్సిటీ సార్లను అడిగినం. కానీ.. వారు సరైన సమాచారం ఇవ్వకుండా.. మళ్లీ పరీక్షలు రాయాల్సిందే.. అంటూ తిప్పిపంపించారు. –బర్కుంట గంగారాం, గంగాభవాని తండ్రి

నిర్మల్‌చైన్‌గేట్‌: జిల్లాలో పర్యాటక రంగాన్ని మరింత అభివృద్ధి చేయాలని రాష్ట్ర యువజన, పర్యాటక, సాంస్కృతిక శాఖల ప్రత్యేక ప్రధాన కార్యదర్శి వాణీప్రసాద్‌ ఆదేశించారు. బుధవారం కలెక్టర్లు, సంబంధిత అధికారులతో ఆమె వీడియో కాన్ఫరెన్స్‌ నిర్వహించి మాట్లాడారు. పర్యాటక ప్రాధాన్యత క లిగిన ప్రాంతాలను గుర్తించి దశలవారీగా అభివృద్ధి చేయాలని సూచించారు. ఇందుకోసం జిల్లాకు నోడ ల్‌ పర్యాటక అధికారిని నియమించాలని తెలిపారు. పర్యాటక ప్రాంతాలకు విస్తృత ప్రచారం కల్పించేందుకు సోషల్‌ మీడియా ఇన్‌ఫ్లుయెన్సర్ల సహకారం తీసుకోవాలని సూచించారు. అన్ని పర్యాటక ప్రాంతాల్లో తాగునీరు, ఆహారం, రవాణా, మరుగుదొ డ్లు, పార్కింగ్‌, పారిశుద్ధ్యం, సీసీ కెమెరాలు, భద్రత తదితర మౌలిక వసతులు మెరుగుపరచాలని ఆదేశించారు. సినిమాల చిత్రీకరణకు అనువైన ప్రకృతి, చారిత్రక, సాంస్కృతిక ప్రదేశాలను గుర్తించి అవసరమైన సదుపాయాలతో అభివృద్ధి చేయాలని పే ర్కొన్నారు. ప్రపంచ పర్యాటక దినోత్సవాన్ని ఘనంగా నిర్వహించాలని, విద్యార్థులకు పర్యాటక రంగంపై వ్యాసరచన, చిత్రలేఖనం తదితర పోటీలు నిర్వహించాలని సూచించారు. వీసీలో కలెక్టర్‌ భవేశ్‌ మిశ్రా, డీఆర్వో రాథోడ్‌ రమేశ్‌, డీపీవో శ్రీనివాస్‌, డీఐఈవో పరశురామ్‌, డీవైఎస్వో శ్రీకాంత్‌రెడ్డి, అధికారులు, సిబ్బంది పాల్గొన్నారు. ఈవీఎం గోదాం తనిఖీ కలెక్టరేట్‌ సమీపంలోని ఈవీఎం గోదాంను కలెక్టర్‌ భవేశ్‌ మిశ్రా తనిఖీ చేశారు. ఈ సందర్భంగా రిజిష్టర్లు పరిశీలించారు. సీసీ కెమెరాలు, అగ్నిమాపక వ్యవస్థ పనితీరును తనిఖీ చేశారు. గోదాం వద్ద బందోబస్తు నిర్వహిస్తున్న భద్రత సిబ్బందికి పలు సూచనలు చేశారు. ఆయన వెంట అదనపు కలెక్టర్‌ వెంకటేశ్వర్లు, తహసీల్దార్‌ రాజు, వివిధ రాజకీయ పార్టీల ప్రతినిధులు గండ్రత్‌ రమేశ్‌, సిరికొండ రమేశ్‌, మజార్‌, ముజాహిద్‌, కోరిపెల్లి శ్రావణ్‌రెడ్డి, అజార్‌, అధికారులు, సిబ్బంది పాల్గొన్నారు.

నిర్మల్‌చైన్‌గేట్‌: తమకు రూ.18వేల గౌరవ వేతనం ఇవ్వాలని సీఐటీయూ ఆధ్వర్యంలో జిల్లా కేంద్రంలోని ఆర్డీవో కార్యాలయం ఎదుట బుధవారం ఆశ వర్కర్లు రాస్తారోకో చేశారు. పీఎఫ్‌, ఈఎస్‌ఐ, ఇ న్సూరెన్స్‌ సౌకర్యం, ఉద్యోగ భద్రత కల్పించాలని డిమాండ్‌ చేశారు. ఈ సందర్భంగా సీఐటీయూ జి ల్లా కార్యదర్శి బొమ్మెన సురేశ్‌ మాట్లాడారు. గ్రామీ ణ ప్రాంతాల్లో గర్భిణులు, బాలింతలు, చిన్నారుల కు ఆరోగ్య సేవలు అందిస్తూ ప్రభుత్వ వైద్య రంగా నికి ఆశ వర్కర్లు వెన్నెముకగా నిలుస్తున్నా వారి శ్ర మకు తగిన వేతనం అందడంలేదని తెలిపారు. వా రు ఆర్థికంగా తీవ్ర ఇబ్బందులు పడుతున్నారని పే ర్కొన్నారు. డిమాండ్లు నెరవేర్చకుంటే ఆందోళనలు ఉధృతం చేస్తామని హెచ్చరించారు. మంగళవారం ‘చలో అసెంబ్లీ’కి బయలుదేరిన ఆశ వర్కర్లను ముందస్తుగా అరెస్ట్‌ చేయడాన్ని తీవ్రంగా ఖండిస్తున్నామని తెలిపారు. వెంటనే వారిని విడుదల చే యాలని డిమాండ్‌ చేశారు. ఆశ వర్కర్స్‌ యూనియ న్‌ డివిజన్‌ అధ్యక్షురాలు సుగుణ, కార్యదర్శి లక్ష్మి, నాయకులు రామలక్ష్మి, భాగ్య, సంగీత ఉన్నారు.

ఖానాపూర్‌: జిల్లా మహిళా శిశు సంక్షేమశాఖ ఆధ్వర్యంలో బుధవారం మస్కాపూర్‌ ఉన్నత పాఠశాలలో పదోతరగతి విద్యార్థులకు మాదకద్రవ్యాల ని వారణపై ప్రత్యేక అవగాహన సదస్సు నిర్వహించా రు. తెలంగాణ యాంటీ నార్కోటిక్స్‌ బ్యూరో, నశా ముక్త్‌ భారత్‌ అభియాన్‌ మార్గదర్శకాలకు అనుగుణంగా డిజిటల్‌ స్క్రీన్‌పై ప్రదర్శన ద్వారా విద్యార్థులకు డ్రగ్స్‌తో కలిగే అనర్ధాలను వివరించారు. ఈ సందర్భంగా పాఠశాల జిల్లా నార్కోటిక్‌ విభాగం ఇన్‌చార్జి రాజశేఖర్‌ మాట్లాడుతూ.. మాదకద్రవ్యాల వినియోగంతో శారీరక, మానసిక ఆరోగ్యం తీవ్రంగా దెబ్బతింటుందని తెలిపారు. మెదడు పనితీరు, ఆలోచనా శక్తి, జ్ఞాపకశక్తి క్షీణించి విద్యార్థుల భవిష్య త్‌ నాశనమయ్యే ప్రమాదముందని హెచ్చరించారు. డ్రగ్స్‌కు బానిసైతే కుటుంబాలు ఆర్థికంగా, సామాజికంగా నష్టపోతాయని పేర్కొన్నారు. మాదకద్రవ్యాల కొనుగోలు, విక్రయం, రవాణా, నిల్వ, విని యోగం చట్టరీత్యా తీవ్రమైన నేరాలని తెలిపారు. డ్రగ్స్‌కు దూరంగా ఉంటూ చదువుతో పాటు క్రీడలపై దృష్టి సారించాలని సూచించారు. ఎవరైనా డ్రగ్స్‌ విక్రయిస్తున్నా, వినియోగిస్తున్నా యాంటీ డ్రగ్‌ టోల్‌ఫ్రీ నంబర్‌ 1908కు సమాచారం ఇవ్వాలని కోరారు. హెచ్‌ఎం నరేందర్‌, ఉపాధ్యాయులు అంజయ్య, షేక్‌ ఇమ్రాన్‌ తదితరులున్నారు.

నిర్మల్‌టౌన్‌: జిల్లా న్యాయ సేవాధికార సంస్థ (డీఎల్‌ఎస్‌ఏ) కార్యదర్శి పోరిక రవీందర్‌ బుధవారం జిల్లా కేంద్రంలోని భరోసా కేంద్రాన్ని సందర్శించారు. సేవలు, సౌకర్యాలు పరిశీలించి సిబ్బంది ద్వారా వివరాలు తెలుసుకున్నారు. బాధితులకు సకాలంలో సహాయం అందించి వారి వివరాలు గోప్యంగా ఉంచాలని సూచించారు. అనంతరం బాలల సంరక్షణ కేంద్రాన్ని సందర్శించి బాలల సంరక్షణ, భద్రత, హక్కు ల పరిరక్షణకు తీసుకుంటున్న చర్యలను సంబంధిత అధికారుల ద్వారా తెలుసుకున్నారు. కార్యక్రమంలో మొదటి అదనపు జూనియర్‌ సివిల్‌ జడ్జి జె.భవిష్య, భరోసా కేంద్రం ఎస్సై సుమాంజలి, సిబ్బంది పాల్గొన్నారు.

కుంటాల: మండలంలోని ఓల శివారులోని రైతు కృష్ణారావు సాగు చేస్తున్న సోయా పంటను బుధవారం పలువురు పరిశీలించారు. హైదరాబాద్‌ ప్రొఫెసర్‌ అజయ్‌శంకర్‌, తెలంగాణ విశ్వవిద్యాలయ విత్తన కేంద్రం పరిశోధనా సంస్థ శాస్త్రవేత్తలు డాక్టర్‌ బలరాం, డాక్టర్‌ రాజేందర్‌, తెలంగాణ రైతు విజ్ఞాన కేంద్రం నిర్మల్‌ శాస్త్రవేత్త రాహుల్‌ విశ్వకర్మ రైతులకు పలు సూచనలు చేశారు. సస్యరక్షణ చర్యలు చేపడితేనే అధిక దిగుబడి సాధ్యమని తెలి పారు. సోయాలో పండాకు, ఆకుమచ్చ తెగుళ్ల ను గుర్తించి నివారణ చర్యలు సూచించారు. ఏ ఈవోలు శ్రీనివాస్‌, హర్షిత తదితరులున్నారు.

లక్ష్మణచాంద: ప్రభుత్వ, ప్రైవేట్‌ బడుల్లో పరిసరాలను మరింత ఆహ్లాదంగా మార్చేందుకు ప చ్చదనం, పరిసరాల పరిశుభ్రతను పెంచేందు కు కేంద్రం ప్రోత్సహిస్తోంది. ఇందుకు స్వచ్ఛ ఏవం హరిత్‌ విద్యాలయ రేటింగ్‌ విధానాన్ని అ మల్లోకి తెచ్చింది. నీటి వసతి, పరిసరాల పరిశుభ్రత, పారిశుద్ధ్యం, పచ్చదనంతో పాఠశాల ఆవరణను తీర్చిదిద్దడమే లక్ష్యంగా ఈ పథకాన్ని అమలు చేస్తోంది. జిల్లాలో ప్రభుత్వ ప్రాథమిక, ప్రాథమికోన్నత, ఉన్నత, ఆదర్శ పాఠశాలలు, కేజీబీవీలు, గురుకులాలతోపాటు ప్రైవేట్‌ బడులుండగా రెండేళ్ల క్రితం జిల్లా నుంచి ఎనిమిది రాష్ట్రస్థాయికి వెళ్లాయి. ఇందులో సెయింట్‌ థా మస్‌ పాఠశాల జాతీయస్థాయికి ఎంపికై రూ.లక్ష నగదు ప్రోత్సాహకం అందుకుంది. గతేడాది ఎ నిమిది బడులు రాష్ట్రస్థాయికి వెళ్లాయి. ఈ ఏడా ది ఎలాగైనా జాతీయస్థాయికి వెళ్లేలా చర్యలు చేపడుతున్నట్లు అధికారులు చెబుతున్నారు. నమోదు ఎలా చేసుకోవాలంటే.. ప్రధానోపాధ్యాయులు ఎస్‌హెచ్‌వీఆర్‌ పోర్టల్‌ లేదా స్వచ్ఛ ఏవం హరిత్‌ విద్యాలయ రేటింగ్‌ మొబైల్‌ యాప్‌ ద్వారా నమోదు చేసుకోవచ్చు. యూడైస్‌ ప్లస్‌ కోడ్‌ పాస్‌వర్డ్‌తో లాగినై స్వీయ మూల్యాంకన ఫారంలో వివరాలు నమోదు చే యాలి. పాఠశాలలోని మౌలిక వసతులు, వ్యర్థా ల నిర్వహణ, పర్యావరణ పరిరక్షణ, విద్యుత్‌ పొదుపు, సౌర శక్తి వినియోగం తదితర అంశాల చిత్రాలను సంబంధిత ఫోర్టల్‌లో అప్‌లోడ్‌ చే యాలి. అప్‌లోడ్‌ చేసిన అంశాలను పరిశీలించి వాటి ఆధారంగా గ్రేడ్‌ కేటాయిస్తారు. 5 స్టార్‌ రేటింగ్‌ సాధించిన ఎనిమిది పాఠశాలలను రాష్ట్ర స్థాయికి పంపిస్తారు. అక్కడి నుంచి జాతీయ స్థా యికి ఎంపిక చేస్తారు. జాతీయ స్థాయికి ఎంపికై న పాఠశాలకు రూ.లక్ష ప్రోత్సాహకం ఇస్తారు. సద్వినియోగం చేసుకోవాలి ఈ నెల 11లోపు స్వచ్ఛ ఏవం హరిత్‌ విద్యాలయ పథకానికి దరఖాస్తు చేసుకోవాలి. ఇప్పటివరకు ఇంకా రిజిస్ట్రేషన్‌ చేసుకోని పాఠశాలలు వెంటనే చేసుకోవాలి. ఇందులో ఉత్తమ రేటింగ్‌ వచ్చిన పాఠశాలలను రాష్ట్ర స్థాయికి పంపుతాం. అక్కడ మంచి రేటింగ్‌ వచ్చి జాతీయ స్థాయికి ఎంపికై తే కేంద్రం ఇచ్చే ప్రోత్సాహకాన్ని పాఠశాల అభివృద్ధికి వినియోగించుకోవచ్చు. – భోజన్న, జిల్లా విద్యాధికారిజిల్లాలోని మొత్తం స్కూళ్లు 1,062 రిజిస్ట్రేషన్‌ పూర్తి చేసుకున్నవి 755 వివరాలు అప్‌లోడ్‌ చేసినవి 488 రిజిస్ట్రేషన్‌ ప్రారంభించనవి 307

నిర్మల్‌చైన్‌గేట్‌: ఎస్‌ఐఆర్‌ను గడువులోపు పారదర్శకంగా పూర్తి చేయాలని రాష్ట్ర ప్రధాన ఎన్నికల అధి కారి సుదర్శన్‌రెడ్డి ఆదేశించారు. బుధవారం పట్ట ణంలోని అంబేడ్కర్‌ భవన్‌లో ఎస్‌ఐఆర్‌ ప్రక్రియను కలెక్టర్‌ భవేశ్‌ మిశ్రాతో కలిసి పరిశీలించారు. బీఎ ల్వోలతో మాట్లాడి వివరాలు తెలుసుకున్నారు. అ ర్హుల పేర్లు జాబితాలో ఉండేలా, అనర్హుల పేర్లు తొ లగించేలా ప్రక్రియను పకడ్బందీగా నిర్వహించాల ని సూచించారు. 18 ఏళ్లు నిండినవారంతా ఓటరుగా నమోదు చేసుకునేలా అవగాహన కల్పించాలని ఆదేశించారు. కలెక్టర్‌ మాట్లాడుతూ.. జిల్లాలో ప్రక్రియను పకడ్బందీగా నిర్వహిస్తున్నట్లు తెలిపారు. అ దనపు కలెక్టర్‌ వెంకటేశ్వర్లు, డీఎస్పీ శ్రీనివాస్‌, ఆర్డీ వో దేవిదాస్‌, తహసీల్దార్‌ రాజు తదితరులున్నారు.

లక్ష్మణచాంద: విద్యార్థినులకు రుచికరమైన భోజ నం అందించాలని తెలంగాణ రాష్ట్ర బాలల హక్కు ల పరిరక్షణ కమిషన్‌ సభ్యులు సరిత, ప్రేమలత అగర్వాల్‌ ఆదేశించారు. బుధవారం లక్ష్మణచాంద కేజీబీవీని ఆకస్మీకంగా తనిఖీ చేశారు. వంట గదిలో ని సరుకులు, కూరగాయలు పరిశీలించారు. వంట లు రుచి చూసి సంతృప్తి వ్యక్తంచేశారు. అనంతరం విద్యార్థినుల జూడో, కరాటే ప్రతిభను గుర్తించి అభినందించారు. విద్యార్థినులను ప్రశ్నలు అడిగి సమాధానాలు రాబట్టారు. విద్యార్థినులకు మాక్‌ అసెంబ్లీని నిర్వహించాలని, జీకే, వివిధ సమకాలిన అంశాలపై బోధించాలని సూచించారు. కంప్యూటర్‌ ల్యాబ్‌లో పరీక్ష రాస్తున్న విద్యార్థినులతో మాట్లాడా రు. వసతుల గురించి ఎస్వో నవితను అడిగి తెలు సుకున్నారు. వారి వెంట డీఈవో భోజన్న, ఐసీడీఎ స్‌ సీడీపీవో సరిత, సూపర్‌వైజర్‌ ప్రసూన కుమారి, ఎంఈవో రాజునాయక్‌ తదితరులున్నారు. సోన్‌ మండ లం లెఫ్ట్‌ పోచంపాడ్‌లో.. సోన్‌ మండలం లెఫ్ట్‌పోచంపాడ్‌ బాలికల గురుకుల పాఠశాలను తెలంగాణ రాష్ట్ర బాలల హ క్కుల పరిరక్షణ కమిషన్‌ సభ్యులు సరిత, ప్రేమలత తనిఖీ చేశారు. వంటశాల పరిశీలించారు. విద్యార్థినుల సమస్యలు తెలుసుకున్నారు.

నిర్మల్‌టౌన్‌: నేరాల నియంత్రణకు ముందస్తు చర్యలు చేపట్టాలని, పెండింగ్‌ కేసులు త్వరగా పరిష్కరించాలని ఎస్పీ జానకీ షర్మిల ఆదేశించారు. బుధవారం జిల్లా పోలీస్‌ ప్రధాన కార్యాలయంలో నెలవారీ నేర సమీక్ష నిర్వహించారు. జిల్లాలో నమోదైన కేసులు, దర్యాప్తు పురోగతి, శాంతిభద్రతలు, పోలీ స్‌స్టేషన్ల పనితీరుపై సమీక్షించారు. అనంతరం మా ట్లాడుతూ.. కేసుల నమోదు, దర్యాప్తు పురోగతిని ఎప్పటికప్పుడు అప్‌డేట్‌ చేయాలని ఆదేశించారు. రౌడీషీటర్లు, గతంలో నేరాలకు పాల్పడిన వ్యక్తులు, అనుమానాస్పద వ్యక్తుల కదలికలపై నిరంతరం నిఘా ఉంచాలని సూచించారు. రాత్రి గస్తీ పటిష్టం చేయాలని, అవసరమైన చోట సీసీ కెమెరాలు, సాంకేతిక ఆధారాలను వినియోగించాలని ఆదేశించారు. సైబర్‌ మోసాలకు గురి కాకుండా ఉండేందుకు ప్రజ లకు అవగాహన కల్పించాలని సూచించారు. గణేశ్‌ మండపాల సమాచారాన్ని తెలంగాణ పోలీస్‌ అధి కారిక పోర్టల్‌లో ముందుగానే నమోదు చేసుకోవా లని సూచించారు. తద్వారా బందోబస్తు, ట్రా ఫిక్‌ నియంత్రణ, ఊరేగింపు మార్గాలు, నిమజ్జన ఏర్పాట్లను సమర్థవంతంగా చేపట్టేందుకు వీలుంటుందని పేర్కొన్నారు. శాంతిభద్రతలకు విఘాతం కలగకుండా ప్రతి ఒక్కరూ పోలీసుల సూచనలు, నిబంధనలు పాటించాలని కోరారు. సమావేశంలో భైంసా ఏఎస్పీ సాయికిరణ్‌, నిర్మల్‌ డీఎస్పీ శ్రీనివాస్‌, ఏవో యూనస్‌ అలీ, ఇన్‌స్పెక్టర్లు గోవర్ధన్‌రెడ్డి, ప్రవీ ణ్‌కుమార్‌, కృష్ణ, రవీందర్‌నాయక్‌, సమ్మయ్య, సాయికుమార్‌, దీపక్‌, ఆర్‌ఐలు రామ్‌నిరంజన్‌, శేఖర్‌, ఎస్‌హెచ్‌వోలు, సిబ్బంది పాల్గొన్నారు. వినతులు విని.. పరిష్కారానికి ఆదేశించి.. భైంసాటౌన్‌: పట్టణంలోని ఎస్పీ క్యాంపు కార్యాలయంలో ప్రజావాణి నిర్వహించారు. భైంసా సబ్‌ డివిజన్‌ పరిధిలోని వివిధ గ్రామాల నుంచి వచ్చిన అర్జీదారుల నుంచి ఎస్పీ జానకీ షర్మిల వినతులు స్వీకరించారు. వాటిని పరిశీలించి పరిష్కరించాలని సంబంధిత ఎస్‌హెచ్‌వోలను ఆదేశించారు. కుటుంబ సమస్యల పరిష్కారానికి షీటీం బృందం నిర్వహిస్తున్న కౌన్సిలింగ్‌ను పరిశీలించి సంతృప్తి వ్యక్తం చేశారు. అనంతరం గత గ్రీవెన్స్‌ డేల్లో అందిన ఫిర్యాదుల పరిష్కార స్థితిని సమీక్షించారు. ఏఎస్పీ సాయికిరణ్‌ ఉన్నారు.

నిర్మల్‌కాళోజీకి ఘన నివాళి నిర్మల్‌చైన్‌గేట్‌: ప్రజాకవి కాళోజీ నారాయణరా వు జయంతిని బుధవారం కలెక్టరేట్‌లో ఘనంగా నిర్వహించారు. స్థానిక సంస్థల అదనపు క లెక్టర్‌ వెంకటేశ్వర్లు కాళోజీ చిత్రపటానికి పూలమాల వేసి నివాళులర్పించారు. తెలంగాణ యాసలో తాను రాసిన కవితలతో ప్రజల్లో చైతన్యం తెచ్చారని కొనియాడారు. ఆయన పుట్టిన రోజును తెలంగాణ భాష దినోత్సవంగా జరుపుకొంటున్నామని గుర్తు చేశారు. కార్యక్రమంలో డీఆర్వో రాథోడ్‌ రమేశ్‌, బీసీ, ఎస్సీ సంక్షేమాధికారులు శ్రీనివాస్‌, దయానంద్‌, హార్టిక ల్చర్‌ అధికారి రమణ, ఎల్డీఎం రామ్‌గోపాల్‌, అధికా రులు, సిబ్బంది పాల్గొన్నారు. నిర్మల్‌చైన్‌గేట్‌: ఎల్పీజీ దిగుమతుల్లో నెలకొన్న అనిశ్చితి జిల్లా వాసులను ఉక్కిరిబిక్కిరి చేస్తోంది. గ్యాస్‌ కొరత, రీఫిల్‌ బుకింగ్‌ గడువు పెంపు ప్రభావం కొత్త కనెక్షన్ల డిమాండ్‌ను ఒక్కసారిగా పెంచేసింది. మార్చి నుంచి చమురు సంస్థలు కొత్త కనెక్షన్ల జారీని నిలిపివేశాయి. పశ్చిమాసియాలో నెలకొన్న యుద్ధం నేపథ్యంలో బుకింగ్‌ కోసం 45రోజుల గడువు విధించగా ఇటీవల 25రోజులకు కుదించారు. అమెరికా–ఇరాన్‌ దేశాల మధ్య ఉద్రిక్త పరిస్థితులు తగ్గినా ఆ ప్రభావం ఇంకా గ్యాస్‌ సిలిండర్ల సరఫరాపై పడుతోంది. గతంలో ఒక్క రోజులోనే కొత్త కనెక్షన్‌తో పాటు డబుల్‌ సిలిండర్‌ కూడా మంజూరయ్యేది. ఇప్పుడు పరిస్థితి మారింది. ప్రభుత్వం ఏజెన్సీల ద్వారా నూతన గ్యాస్‌ కనెక్షన్లు, రెండో సిలిండర్ల మంజూరు నిలిపివేశారు. ఈ నిబంధనలతో వినియోగదారులు అవస్థలు పడుతున్నారు. ఇదే అదనుగా బహిరంగ మార్కెట్లో గ్యాస్‌ సిలిండర్లకు భారీ డిమాండ్‌ ఉంది. యుద్ధం ముగిసినా నిరీక్షణే.. ఐదుగురు సభ్యులున్న కుటుంబానికి నెలకో సిలిండర్‌ తప్పనిసరి అవుతోంది. అయితే, ప్రస్తుతం అమలవుతున్న గడువుతో వినియోగదారులకు నిరీక్షణ తప్పడం లేదు. బుకింగ్‌ చేసినా ఫలితం ఉండటం లేదు. కొత్త కనెక్షన్ల కోసం ఎదురుచూస్తున్నవారు సమస్య ఎప్పుడు పరిష్కారమవుతుందా? అని ఆశగా నిరీక్షిస్తున్నారు. యుద్ధం ముగిసినప్పటి కీ మరికొన్ని రోజులు వేచి చూడాలని అధికారులు చెబుతున్నారు. కనెక్షన్లు లేని వారు గ్యాస్‌ వాడకం తక్కువగా ఉన్నవారి వద్ద ఓటీపీ తీసుకుని ఎంతో కొంత ముట్టజెప్పి సిలిండర్లు తీసుకుంటున్నారు. పని చేయని వెబ్‌సైట్‌ నూతన కనెక్షన్‌ ఇవ్వాలని, ఒక సిలిండర్‌ ఉన్నవారు మరొకటి కావాలని గృహావసరాల వినియోగదారులు ఏజెన్సీలకు దరఖాస్తులు అందిస్తున్నా.. నాలుగు నెలలుగా వెబ్‌సైట్‌ పని చేయకపోవడంతో డీలర్లూ ఏమీ చేయలేని పరిస్థితి తలెత్తింది. నూతనంగా వివాహం చేసుకున్న జంటలకు గ్యాస్‌ కనెక్షన్‌ తలనొప్పిగా మారింది. పెళ్లయిన వారు, ఇతర కారణాలతో వేరే కాపురం పెడుతున్నవారు ఇబ్బందులు పడుతున్నారు. గత్యంతరం లేక ఇండక్షన్‌ స్టవ్‌లు, ఎలక్ట్రిక్‌ రైస్‌ కుక్కర్లపై ఆధారపడాల్సి వస్తోంది. కొత్త కనెక్షన్‌ ఇవ్వాలి సింగిల్‌ సిలిండర్‌తో ఇబ్బందవుతోంది. బుకింగ్‌కు సమయం ఎక్కువగా పడుతోంది. సింగిల్‌ కనెక్షన్‌దారులకు రెండో సిలిండర్‌ ఇవ్వాలి. గ్యాస్‌ ఏజెన్సీలు కొత్త కనెక్షన్లు ఇచ్చేలా అధికారులు చొరవచూపాలి. – దాసరి సాయికృష్ణ, నిర్మల్‌ మా పరిధిలో లేదు గ్యాస్‌ కొత్త కనెక్షన్లు మంజూరు చమురు సంస్థలు నిర్ణయించాల్సి ఉంది. యుద్ధం కారణంగా గ్యాస్‌ కొరత కొద్దిరోజులుండే. కానీ, ఇప్పుడు సిలిండర్లు అందుబాటులో ఉన్నాయి. కొత్త కనెక్షన్లు ఇవ్వాలా? వద్దా? అనేది మా నిర్ణయం కాదు. – రాజేందర్‌, డీసీఎస్వో

నర్సాపూర్‌(జి): మండల కేంద్రంలోని సీహెచ్‌సీ లో వైద్యులు సమయపాలన పాటించడం లేదు. డాక్టర్‌ శైలజ, డాక్టర్‌ స్వప్న, డాక్టర్‌ ముఖేష్‌ ఉదయం 10 గంటలు దాటిన తర్వాత ఆస్పత్రికి వచ్చారు. రోగులకు రక్త పరీక్షల్లో సీబీపీ టెస్ట్‌ ఫలితాలు రావడం లేదని ల్యాబ్‌ టెక్నీషియన్‌ మధు తెలిపారు. మంగళవారం ఆస్పత్రిలో 3 సిజేరియన్లు జరిగినట్లు వైద్య సిబ్బంది తెలిపారు. భైంసా మండలం... భైంసా మండలం మహగాం పీహెచ్‌సీలో ఇద్దరు మెడికల్‌ ఆఫీసర్లకు ఒకరే ఉన్నారు. నలుగురు స్టాఫ్‌ నర్స్‌లకు ఒకరు డిప్యూటీషన్లో ఉన్నారు. వార్డ్‌ బాయ్స్‌ పోస్టులు లేవు,

నిర్మల్‌చైన్‌గేట్‌: స్పీకర్‌ గడ్డం ప్రసాద్‌పై బీఆర్‌ఎస్‌ ఎమ్మెల్సీ తాతా మధు చేసిన అనుచిత వ్యాఖ్య ల ను నిరసిస్తూ, టీపీసీసీ అధ్యక్షుడు మహేశ్‌కుమార్‌గౌడ్‌, నిర్మల్‌ జిల్లా డీసీసీ అధ్యక్షుడు వెడ్మ బొజ్జుపటేల్‌ ఆదేశాల మేరకు మంగళవారం నిర్మల్‌లో నిరసన కార్యక్రమం నిర్వహించారు. పార్టీ పట్టణ అధ్యక్షుడు ఆకుల హరీశ్‌కుమార్‌ ఆధ్వర్యంలో ఆర్డీవో కార్యాలయం ఎదుట నాయకులు, కార్యకర్తలు పెద్దఎత్తున ధర్నా చేపట్టారు. మాజీ సీఎం కేసీఆర్‌, ఎమ్మెల్సీ తాతా మధు దిష్టిబొమ్మలు దహనం చేసేందుకు ప్రయత్నించగా పోలీసులు అడ్డుకున్నారు. కేసీఆర్‌ బహిరంగ క్షమాపణ చెప్పాలని, నిబంధనలు ఉల్లంఘించిన ఎమ్మెల్సీ తాతా మధును సస్పెండ్‌ చేయాలని డిమాండ్‌ చేశారు. కార్యక్రమంలో జిల్లా గ్రంథాల య సంస్థ చైర్మన్‌ అర్జుమన్‌ అలీ, మున్సిపల్‌ వైస్‌ చైర్మన్‌ అప్పాల గణేశ్‌ చక్రవర్తి, యూత్‌ కాంగ్రెస్‌ జిల్లా అధ్యక్షుడు సమరసింహారెడ్డి, జిల్లా జనరల్‌ సెక్రెటరీ జూనెద్‌, నాయకులు పాల్గొన్నారు. నిర్మల్‌టౌన్‌: అసెంబ్లీకి వస్తున్న మహిళా ఎమ్మెల్యేలను అడ్డుకోవడం, వారిపై పోలీసులు చేయిచేసుకోవడం అప్రజాస్వామికమని జెడ్పీ మాజీ చైర్‌పర్సన్‌ విజయలక్ష్మి అన్నారు. సోమవారం అసెంబ్లీ వద్ద జరిగిన ఘటనలను నిరసిస్తూ.. జిల్లా కేంద్రంలోని ఆర్డీవో కార్యాలయం ఎదుట బీఆర్‌ఎస్‌ ఆధ్వర్యంలో నిరసన చేపట్టి, అనంతరం రాస్తారో కో నిర్వహించారు. కాంగ్రెస్‌ ప్రభుత్వానికి వ్యతిరేకంగా పెద్దఎత్తున నినాదాలు చేశారు. ప్రతిపక్ష నాయకుల గొంతు నొక్కేందుకు అధికారాన్ని దుర్వినియోగం చేయడం సరికాదన్నారు. ప్రజా స్వామ్య పద్ధతిలో నిరసనలు, పోరాటాలు కొనసాగిస్తామని, కాంగ్రెస్‌ ప్రభుత్వ ప్రజావ్యతిరేక విధానాలను ప్రజల్లోకి తీసుకెళ్తామని స్పష్టం చేశారు. నిర్మల్‌ నియోజకవర్గ ఇన్‌చార్జి రాంకిషన్‌రెడ్డి, నాయకులు రామాదేవి, లోలం శ్యాంసుందర్‌, డాక్టర్‌ కిరణ్‌, గండ్రత్‌ రమేశ్‌, అయ్యన్నగారి రాజేందర్‌, శ్రీకాంత్‌ యాదవ్‌, జీవన్‌రెడ్డి, జీవన్‌రావు, మహేశ్‌రెడ్డి, భూషణ్‌రెడ్డి, దేవి శంకర్‌, నజీరుద్దీన్‌, తదితరులు పాల్గొన్నారు.

● కుభీర్‌, లక్ష్మణచాంద, సోన్‌ మండలాల్లో రైతుల ఆందోళనభైంసా/లక్ష్మణచాంద: ఎల్‌నినో ప్రభావంతో ఈ ఏడాది వర్షాలు సక్రమంగా కురవడం లేదు. ఆగస్టు నాటికి 20 శాతానికిపైగా లోటు వర్షపాతం నమోదైంది. అయితే జూలై చివరన కురిసిన భారీ వర్షాలతో జిల్లాలోని ప్రధాన జలాశయాలు నిండాయి. దీంతో భూగర్భ జలాలు ప్రస్తుతం మెరుగ్గా ఉన్నాయి. ఈ క్రమంలో బోర్లు, బావుల కింద పంటలు వేసిన రైతులు ఖరీఫ్‌కు ఎలాంటి ఇబ్బంది ఉండదని భావించారు. కానీ, అప్రకటిత విద్యుత్‌ కోతలు వారి ఆశలకు గండికొడుతున్నాయి. అంతరాయాలతో కూడిన విద్యుత్‌ సరఫరాతో మోటార్లు నడవక పొలాలకు తడి అందడం లేదు. వ్యవసాయానికి నిరంతరాయంగా విద్యుత్‌ సరఫరా చేయాలని రైతులు డిమాండ్‌ చేస్తున్నారు. మామడలోనూ.. మామడ మండల పరిధిలో వ్యవసాయానికి రోజుకు 8 నుంచి 10 గంటల మేర మాత్రమే విద్యుత్‌ సరఫరా జరుగుతోందని రైతులు చెబుతున్నారు. అది కూడా ఒకేసారి కాకుండా మధ్యలో పలుమార్లు అంతరాయం ఏర్పడుతోందని అంటున్నారు. సాయంత్రం వేళల్లోనూ కరెంటు పోతుండటంతో మోటార్లు నడపలేకపోతున్నామని వాపోతున్నారు. కనీసం 15 గంటలపాటు విద్యుత్‌ ఇస్తేనే పంటలను కాపాడుకోగలమని చెబుతున్నారు. భైంసా, ముధోల్‌, బాసర మండలాల్లో.. బైంసా మండలంలోని పలు గ్రామాల్లోనూ వ్యవసాయ విద్యుత్‌ సరఫరాలో తరచూ అంతరాయాలు ఏర్పడుతున్నాయని రైతులు చెబుతున్నారు. కరెంటు వచ్చిన కొద్దిసేపటికే పోవడంతో మోటార్లు సరిగా పనిచేయడం లేదని, పొలాలకు తడి పెట్టడం కష్టంగా మారిందని వాపోతున్నారు. ముధోల్‌ మండలంలో రోజులో పలుమార్లు వి ద్యుత్‌ సరఫరా నిలిచిపోతోందని రైతులు చెబుతున్నారు. కరెంటు ఎప్పుడు వస్తుందో ఎప్పుడు పోతుందో తెలియడం లేదని పేర్కొంటున్నారు. బాసర మండలంలోని పలు గ్రామాల్లోనూ బోర్లు, బావుల ఆధారంగా సాగు చేస్తున్న రైతులు విద్యుత్‌ కోసం ఎదురు చూడాల్సి వస్తోంది. కరెంటు వచ్చిన సమయంలో మోటార్లు నడిపి నీరు పెట్టుకునేలోపే మళ్లీ సరఫరా నిలిచిపోతుందని రైతులు చెబుతున్నారు. తానూర్‌లో అప్రకటిత కోతలు... తానూర్‌ మండలంలో అప్రకటిత విద్యుత్‌ కోతలతో రైతులు ఇబ్బందులు పడుతున్నారు. ప్రకటించి న వేళల్లోనూ సరఫరా నిలిచిపోతుండటంతో పంట లకు నీరు పెట్టుకోవడం కష్టంగా మారిందని చెబు తున్నారు. వర్షాలు లేక భూమిలో తేమ తగ్గుతున్న సమయంలో కరెంటు కోతలు మరింత నష్టాన్ని తెచ్చిపెడుతున్నాయని ఆవేదన వ్యక్తం చేస్తున్నారు. ప్రమాదంలో సోయా, వరి పంటలు.. సోయాకు తడి అవసరమైన సమయంలో నీరు అందక కొన్ని ప్రాంతాల్లో మొక్కలు వాడిపోతున్నాయి. బోర్ల కింద వరి నాట్లు వేసిన పొలాలు కూడా పొడిబారుతున్నాయి. కరెంటు కోసం రైతులు రాత్రిళ్లు పొలాల వద్ద ఎదురుచూస్తున్నారు. పగలు కరెంటు లేకపోతే రాత్రి వస్తుందేమోనని రైతులు పొలాల వద్దకు వెళ్లి ఎదురు చూడాల్సి వస్తోంది. కరెంటు వచ్చిన వెంటనే మోటారు ఆన్‌ చేసి పొలానికి నీరు పెట్టే ప్రయత్నం చేస్తున్నా.. మధ్యలో సరఫరా నిలిచిపోవడంతో చేను తడవడం లేదని రైతులు ఆవేదన వ్యక్తం చేస్తున్నారు. నిరంతర విద్యుత్‌ ఇవ్వాలి వర్షాలు లేని ప్రస్తుత పరిస్థితుల్లో బోర్లు, బావుల నీటితో పంటలను కాపాడుకునే పరిస్థితి ఉంది. కనీసం 15–16 గంటలపాటు నిరంతరాయంగా వ్యవసాయ విద్యుత్‌ సరఫరా చేస్తేనే పంటలను కాపాడుకోగలం. రోజులో చాలా సార్లు కరెంటు సరఫరా నిలిచిపోతుంది. అధికారులు క్షేత్రస్థాయిలో పరిస్థితిని పరిశీలించి కోతలు లేకుండా విద్యుత్‌ సరఫరా చేయాలి. – ముత్తన్న, రైతు పంటను కాపాడుకోవాలి విత్తనాలు, ఎరువులు, పురుగు మందులు, కూలీల కోసం ఇప్పటికే వేలాది రూపాయలు ఖర్చు చేశాం. ఇప్పుడు పంటను కాపాడుకోవడానికి నానా అవస్థలు పడుతున్నాం. పంట చేతికొచ్చే సమయంలో నీటి తడి అందకపోతే పెట్టుబడి మొత్తం నష్టపోయే ప్రమాదం ఉంది. నిరంతరాయంగా కరెంటు ఇస్తే పంటను కాపాడుకుంటాం. – గంగాధర్‌, రైతువిద్యుత్‌ కోతలతో పంటలకు నీరందకపోవడంతో కుభీర్‌ మండలంలో రైతులు సోమవారం ఆందోళనకు దిగారు. కరెంటు సరఫరా సక్రమంగా చేయాలని డిమాండ్‌ చేస్తూ రాస్తారోకో నిర్వహించారు. వర్షాలు లేక ఇప్పటికే పంటలు ఇబ్బందుల్లో ఉండగా.. బోర్ల ద్వారా నీరు పెట్టుకుందామంటే విద్యుత్‌ సరిగా రావడం లేదని రైతులు ఆవేదన వ్యక్తం చేశారు. మల్లాపూర్‌, న్యూవెల్మల్‌, బొప్పారం సబ్‌స్టేషన్ల వద్ద నిరసనవిద్యుత్‌ కోతలను నిరసిస్తూ లక్ష్మణచాంద మండలంలోని మల్లాపూర్‌ రైతులు సబ్‌ స్టేషన్‌ను రైతులు మంగళవారం ముట్టడించారు. విద్యుత్‌ కోతలు ఎత్తివేయాలని, పంటలను కాపాడాలని కోరారు. సోన్‌ మండలం న్యూ వెల్మల్‌, బొప్పా రం గ్రామాలకు చెందిన రైతులు సబ్‌ స్టేషన్‌ వద్ద బైఠాయించి ఆందోళనకు దిగారు. విద్యుత్‌ కోతలు ఇలాగే కొనసాగితే పంటలను ఎలా కాపాడుకోవాలని ప్రశ్నించారు. నిరంతరాయంగా విద్యుత్‌ సరఫరా చేయాలని డిమాండ్‌ చేశారు. లక్ష్మణచాంద ఏఈ మహేశ్‌ను ‘సాక్షి’ ఫోన్‌లో సంప్రదించగా అక్కాపూర్‌ సబ్‌ స్టేషన్‌లో 50 వేల కేపీహెచ్‌ ట్రాన్స్‌ఫార్మర్‌ కాలిపోయిందని, దీంతో విద్యుత్‌ సరఫరాకు అంతరాయం ఏర్పడిందని తెలిపారు. మూడు నాలుగు రోజుల్లో సమస్య పరిష్కారం అవుతుంని వెల్లడించారు. కుభీర్‌లో రోడ్డెక్కిన రైతులు... లక్ష్మణచాంద మండలం మల్లాపూర్‌ సబ్‌ స్టేషన్‌ ఎదుట ఆందోళన చేస్తున్న రైతులు

ఖానాపూర్‌ : నియోజకవర్గ కేంద్రమైన ఖానాపూర్‌ ప్రభుత్వ ఆస్పత్రిలో సర్జన్‌, ఫిజీషియన్‌, ఆర్థోపెడిక్‌ పోస్టులు ఏళ్లుగా ఖాళీగా ఉన్నాయి. ఖానాపూర్‌, కడెం, పెంబి, దస్తురాబాద్‌ తదితర ప్రాంతాల నుంచి వచ్చే ప్రమాద బాధితులు, క్లిష్టమైన కేసులను నిర్మల్‌కు రిఫర్‌ చేయాల్సి వస్తోంది. 50 పడకల ఆస్పత్రిని 100 పడకలకు పెంచుతామన్న హామీ అమలు కాలేదు. ఖాళీ పోస్టులు భర్తీ చేసి, ఆస్పత్రిని ఏరియా ఆస్పత్రిగా అప్‌గ్రేడ్‌ చేసేందుకు ఎమ్మెల్యే బొజ్జు పటేల్‌ ప్రయత్నిస్తున్నారు.

● టీజీఈజేఏసీ రాష్ట్ర చైర్మన్‌ మారం జగదీశ్వర్‌ నిర్మల్‌చైన్‌గేట్‌: ఉద్యోగ, ఉపాధ్యాయ, పెన్షనర్ల సమస్యల పరిష్కారానికి మరో రెండేళ్లు ఆగాల ని ముఖ్యమంత్రి రేవంత్‌రెడ్డి చెప్పడం సరికా దని, ఇప్పటికే రెండున్నరేళ్లు వేచి చూశామని.. తక్షణమే సమస్యలు పరిష్కరించాలని టీజీఈజేఏసీ రాష్ట్ర చైర్మన్‌ మారం జగదీశ్వర్‌ అన్నారు. ఈ నెల 10న తలపెట్టిన ‘చలో హైదరాబాద్‌’ విజయవంతం చేయాలని నిర్మల్‌లోని ప్రభుత్వ ఉద్యోగ పెన్షనర్ల సంఘ భవనంలో తెలంగాణ ఎంప్లాయీస్‌ జాయింట్‌ యాక్షన్‌ కమిటీ (టీజీఈజేఏసీ) సన్నాహక సమావేశం మంగళవా రం నిర్వహించారు. పోస్టర్లు ఆవిష్కరించారు. అనంతరం మాట్లాడుతూ ఉద్యోగ విరమణతో కోట్ల రూపాయల బెనిఫిట్స్‌ పొందుతున్నారనే ప్రచారాన్ని ఖండించారు. ఎన్నికల సమయంలో కాంగ్రెస్‌ ప్రభుత్వం ఉద్యోగులు, ఉపాధ్యాయులు, కార్మికులు, పెన్షనర్లకు ఇచ్చిన హామీలు నెరవేర్చాలని డిమాండ్‌ చేశారు. హక్కుల సాధన కోసం చేపడుతున్న ‘చలో హైదరాబాద్‌’కు నిర్మల్‌ జిల్లా నుంచి ఉద్యోగులు, ఉపాధ్యాయులు, కార్మికులు, పెన్షనర్లు పెద్ద ఎత్తున తరలిరావాలని పిలుపునిచ్చారు. ఓపెన్‌ డిగ్రీకి నేడే లాస్ట్‌ నిర్మల్‌టౌన్‌: అంబేడ్కర్‌ ఓపెన్‌ యూనివర్సిటీ డిగ్రీ కోర్సుల్లో ప్రవేశాలకు దరఖాస్తు గడువు బుధవారంతో ముగియనుందని ప్రభుత్వ డిగ్రీ కళాశాల ప్రిన్సిపాల్‌ ఎం.సుధాకర్‌, అంబేడ్కర్‌ యూనివర్సిటీ స్టడీ సెంటర్‌ కోఆర్డినేటర్‌ డాక్టర్‌ యు.గంగాధర్‌ తెలిపారు. బీఏ, బీకాం, బీఎస్సీ కోర్సుల్లో చేరేందుకు అర్హత ఉన్న విద్యార్థులు బుధవారం ఆన్‌లైన్‌లో దరఖాస్తు చేసుకోవాలని సూచించారు. చదువు మధ్యలో ఆపేసిన వారు, ఉద్యోగం చేస్తూ.. ఉన్నత విద్యను కొనసాగించాలనుకునే వారు ఈ అవకాశాన్ని సద్వినియోగం చేసుకోవాలని సూచించారు.

వైద్యం వసతులు.. ఎడ్లబండిలో చెత్తను సేకరిస్తున్న సర్పంచ్‌ శ్రీనివాస్‌ భైంసా ఆస్పత్రిలో బీపీ చెక్‌ చేసుకోవడానికి వేచిఉన్న రోగులుఓపీ ఓ చోట.. బీపీ మరోచోట..! భైంసాటౌన్‌: భైంసా ఏరియాస్పత్రిలో రోగులకు సరైన వైద్యసేవలందక ఇబ్బంది పడుతున్నారు. భైంసా పట్టణంతోపాటు చుట్టుపక్కల మండలాల్లోని గ్రామాల నుంచి, సరిహద్దున ఉన్న మహారాష్ట్ర నుంచి సైతం రోగులు వస్తుంటారు. అయితే, ఓపీ గదుల్లో వైద్యులు రోగి నాడి పట్టి చూసిన పాపన పోవడం లేదు. తూతూమంత్రంగా రోగుల ఆరోగ్య పరిస్థితి తెలుసుకుని మందులు రాసిస్తున్నారు. అయితే, వైద్యులు బీపీ చెక్‌ చేయకుండా ఔట్‌సోర్సింగ్‌ సిబ్బందితో చేయిస్తున్నారు. దీంతో వందల సంఖ్యలో రోగులు బీపీ చెక్‌ చేసుకునేందుకు క్యూలో ఉంటున్నారు. వృద్ధులు, బీపీ పేషెంట్లు క్యూలో నిల్చోలేక అవస్థలు పడుతున్నారు. రోగులకు మందులు ఇచ్చే గది సైతం ఇరుకుగా ఉండడంతో ఇబ్బంది ఎదురవుతోంది. నర్సింగ్‌ సిబ్బంది సరిపడా లేక ఎమర్జెన్సీ విభాగంతోపాటు సాధారణ వార్డుల్లో రోగులకు సకాలంలో వైద్య సేవలు అందడం లేదు. మందులు సరిపడా ఉన్నా.. సేవల్లో జాప్యం జరుగుతోందని రోగులు ఆవేదన వ్యక్తం చేస్తున్నారు. జిల్లా జనరల్‌ ఆసుపత్రిలో అత్యవసరంగా అందించాల్సిన కార్డియో, న్యూరో, నెఫ్రాలజీ, యూరాలజీ, ఎండోక్రైనాలజీ వంటి విభాగాల సేవలు నామ మాత్రమయ్యాయి. ఈ విభాగాల్లో నిపుణు కొరత తీవ్రంగా ఉంది. రాష్ట్ర, జాతీయ స్థాయి రహదారులు ఉన్న జిల్లాల్లో తరుచూ రోడ్డు ప్రమాదాలు జరుగుతుంటాయి. తలకు గాయాలై వస్తున్న క్షతగాత్రులకు ఇక్కడ సరైన వైద్యం లభించడం లేదు. న్యూరో సర్జన్‌ వైద్యులు అందుబాటులో లేరు. ఎంఆర్‌ఐ వంటి సదుపాయాలు లేవు. దీంతో క్షతగాత్రులను నిజాబాబాద్‌, హైదరాబాద్‌కు రెఫర్‌ చేస్తున్నారు. సకాలంలో చికిత్స అందక ఎందరో ప్రాణాలు కోల్పోయిన సందర్భాలు ఉన్నాయి. ఇక గుండెపోటుతో ఈ దవాఖానకు రోజుకు నాలుగైదు కేసులు వస్తున్నాయి. సూపర్‌ స్పెషాలిటీస్థాయి వైద్యం అందుబాటులో లేక వారికి సేవలు అందడం లేదు. రూ.లక్షలు వెచ్చించి 2డీ ఎకో వంటి పరికరాలు ఏర్పాటు చేసినా వాటిని వినియోగించి సేవలు అందించే వైద్య నిపుణుల లేరు. క్రిటికల్‌ కేర్‌ భవనం ఏర్పాటు చేసినా అందులో వైద్యులు, సిబ్బంది లేక సేవలు ప్రారంభం కాలేదు. సిరంజీలు లేవు.. పేదలకు పెద్ద దిక్కుగా ఉండాల్సిన జిల్లా జనరల్‌ ఆస్పత్రి, జిల్లా ప్రసూతి ఆస్పత్రిలో సిరంజీల కొరత రోగులకు ఇబ్బందిగా మారింది. 2 ఎంఎల్‌, 5 ఎం ఎల్‌, 10 ఎంఎల్‌ సిరంజీలు అందుబాటులో లేక రక్త నమూనాల సేకరణ, ఇంజక్షన్ల విషయంలో సమస్యలు ఎదురవుతున్నాయి. అత్యవసర పరిస్థితుల్లో రోగుల కుటుంబ సభ్యులే బయట మెడికల్‌ దుకాణాల్లో సిరంజీలు కొనుగోలు చేయాల్సి వస్తోందని చెబుతున్నారు. ఈ రెండు ఆస్పత్రుల్లో ఇన్‌పేషెంట్‌, ఔట్‌ పేషెంట్‌ సేవలతోపాటు రక్త నమూనాల సేకరణ, వివిధ ఇంజక్షన్ల కోసం రోజూ సుమారు వెయ్యి నుంచి 1,500 వరకు సిరంజీలు అవసరమవుతాయి. రోగులే వీటిని బయట కొనుగోలు చేస్తున్నారు.

నిర్మల్‌చైన్‌గేట్‌: జిల్లా ఆర్థికాభివృద్ధిని వేగవంతం చేసేందుకు నిర్దేశించిన వార్షిక రుణ ప్రణాళిక లక్ష్యాలను వంద శాతం సాధించాలని కలెక్టర్‌ భవేష్‌ మిశ్రా బ్యాంకర్లను ఆదేశించారు. అర్హులైన రైతులు, విద్యార్థులు, యువత, మహిళా స్వయం సహాయక సంఘాలు, చిరు వ్యాపారులకు రుణాలు సకాలంలో అందేలా బ్యాంకర్లు ప్రత్యేక చొరవ చూపాలని సూచించారు. కలెక్టరేట్‌ సమావేశ మందిరంలో ఎస్‌బీఐ ఆధ్వర్యంలో మంగళవారం నిర్వహించిన డీసీసీ, డీఎల్‌ఆర్సీ సమావేశంలో 2026–27 వార్షిక రుణ ప్రణాళిక, ప్రభుత్వ పథకాల రుణాల మంజూరు, ప్రాధాన్యత రంగాలకు ఆర్థిక సహాయం, సా మాజిక భద్రతా పథకాల అమలుపై కలెక్టర్‌ సమీ క్షించారు. జిల్లాలోని బ్యాంకులకు రూ.7,952.87 కోట్ల రుణ లక్ష్యం నిర్దేశించగా ఇప్పటివరకు రూ.2,331.18 కోట్లు (29.31 శాతం) సాధించినట్లు తెలిపారు. ప్రాధాన్యత రంగాలకు నిర్దేశించిన రూ.6,661.73 కోట్ల లక్ష్యానికి రూ.1,847.71 కోట్లు (27.74 శాతం) సాధించారన్నారు. ఆర్థిక సంవత్సరం ముగిసే నాటికి లక్ష్యాలను వంద శాతం పూర్తి చేయాలన్నారు. విద్యా రుణాల మంజూరు తక్కువగా ఉందని, అర్హులైన విద్యార్థులకు అధిక సంఖ్యలో రుణాలు అందించాలన్నారు. విద్యార్థులే లక్ష్యంగా పెట్టుకున్న 3,500 ఖాతాల్లో ఇప్పటికే 1,022 కొత్త ఖాతాలు ప్రారంభించినట్లు వెల్లడించారు. పీఎంఈజీపీ, పీఎంఎఫ్‌ఎంఈ, పీఎం విశ్వకర్మ, పీఎం స్వనిధి, ఎస్‌హెచ్‌జీ బ్యాంక్‌ లింకేజీ తదితర పథకాల అమలును కలెక్టర్‌ సమీక్షించారు. రుణ లక్ష్యాల సాధనకు జిల్లా పరిశ్రమల శాఖ బ్యాంకర్లతో నిరంతరం సమన్వయం చేసుకోవాల ని ఆదేశించారు. ఎస్‌హెచ్‌జీ బ్యాంక్‌ లింకేజీ, పీఎం స్వనిధి రుణాల్లో ఎన్‌పీఏలను తగ్గించేందుకు మున్సిపల్‌ కమిషనర్లతో సమావేశాలు నిర్వహించా లని ఎల్‌డీఎంను సూచించారు. విజయ డెయిరీ సమన్వయంతో రైతులకు పాడి పశువుల కొనుగో లుకు రుణాలు అందించాలన్నారు. రైస్‌ మిల్లుల ఫైనాన్స్‌కు అవసరమైన ఎన్‌వోసీలు, బ్యాంకు గ్యారెంటీల జారీ ప్రక్రియను త్వరితగతిన పూర్తి చేసేందుకు సంబంధిత శాఖలు బ్యాంకులతో సమన్వయం చేసుకోవాలన్నారు. సమావేశంలో ఎల్‌డీఎం బి.రామ్‌గోపాల్‌, ఆర్‌బీఐ ఏజీఎం, ఎల్‌బీవో ఎస్‌. రాములు, పీడీ డీఆర్డీవో విజయలక్ష్మి, ఆర్‌ఎం నవీన్‌, సీఎం క్రెడిట్‌ ఆర్‌బీవో ఆదిలాబాద్‌ పీయూష్‌, వివిధ బ్యాంకుల అధికారులు, నాబార్డ్‌, ప్రభుత్వ శాఖల అధికారులు పాల్గొన్నారు.

నిర్మల్‌చైన్‌గేట్‌: జిల్లాలో ఓటర్ల జాబితా సమగ్ర సవరణ(ఎస్‌ఐఆర్‌) ప్రక్రియలో ఇటు ఓటర్లకు, అటు బీఎల్‌వోలకు విచిత్ర పరిస్థితులు ఎదురవుతున్నా యి. కుటుంబ సభ్యుల మధ్య వయసు తేడాలు, పేర్లలో మార్పులు, కుటుంబ సంబంధాల నమోదులో తేడాలు, పుట్టిన తేదీల్లో వ్యత్యాసాలు ప్రజలకు కొత్త చిక్కులు తెస్తున్నాయి. భార్యాభర్తల మధ్య వయసు తేడా తొమ్మిది నెలల కంటే తక్కువగా ఉంటే అదనపు పరిశీలన చేయాల్సిన కేసుగా పరిగణిస్తున్నారు. తల్లిదండ్రులు–పిల్లల మధ్య వయస్సు తేడా 15 ఏళ్ల కంటే తక్కువగా లేదా 50 ఏళ్లకుపైగా ఉన్నా సంబంధిత ఆధారాలు సమర్పించాలని సూచిస్తున్నారు. ఒకే రకమైన పేరును తండ్రి పేరు పేర్కొంటే వాటిని సరిచేసుకోవాల్సిందేనని నోటీసులు జారీ చేస్తున్నారు. ఇలాంటి కారణాలతో నోటీసులు ఇవ్వడంతో ప్రజలు ఆందోళన వ్యక్తం చేస్తున్నారు. తార్కిక వ్యత్యాసాలు ఉంటే అదనపు ధ్రువపత్రాలు సమర్పించి సరిచేసుకోవాల్సిన బాధ్యత ఓటర్లదేనని అధికారులు పేర్కొంటున్నారు. ఇది మరింత ఆందోళన కలిగిస్తోంది. కొనసా..గుతున్న నోటీసుల జారీ జిల్లాలో సర్‌ నోటీసుల జారీ ప్రక్రియ కొనసాగుతోంది. మొత్తం 2,22,003 మందికి నోటీసులు జారీ చేయాల్సి ఉండగా, ఇప్పటి వరకు 1,64,050 మందికి ఇచ్చారు. ఇంకా 57,953 మందికి నోటీసులు ఇవ్వాల్సి ఉంది. అయితే ఇప్పటి వరకు కేవలం 16,308 మంది మాత్రమే హియరింగ్‌కు హాజరై తమ ఆధారాలను చూపించారు. అయితే నోటీసుల డౌన్‌లోడ్‌, ప్రింటింగ్‌ ఆలస్యం కావడం, పంపిణీకి ఎక్కువ సమయం తీసుకోవడంతో ప్రక్రియ ముందుకు సాగడం లేదు. చిన్నచిన్న తప్పులకే నోటీసులు వస్తుండడంతో ఓటర్లు ఇబ్బంది పడుతున్నారు. అక్షర దోషాలు ఉన్నా అనామలీస్‌ జాబితాలో చేరాయి. నోటీసులు అందుకున్నవారు తమకు కేటాయించిన రోజున ఏదైనా పని ఉంటే ఆ రోజు వెళ్లలేకపోతున్నారు. హియరింగ్‌కు రాకపోతే.. ఎస్‌ఐఆర్‌ నోటీసులు అందుకున్న ఓటర్ల నుంచి అభ్యంతరాల స్వీకరణకు ఈ నెల 16వ తేదీ వరకు మాత్రమే గడువు మిగిలి ఉంది. ఈ క్రమంలో బీఎ ల్‌వోల ద్వారా నోటీసుల జారీలో జాప్యంతోపాటు హియరింగ్‌కు ఓటర్లు హాజరుకాకపోవడంతో మరోసారి రీషెడ్యూల్‌ చేయాల్సి వస్తోంది. సోమవారం నాటికి 147 మందికి రీషెడ్యూల్‌ చేశారు. పూర్తి భారం బీఎల్‌వోలపైనే ఎస్‌ఐఆర్‌ ప్రక్రియలో భాగంగా ఎన్యుమరేషన్‌ ఫారాల పంపిణీ సమయంలో బీఎల్‌వోలతో పాటు ప్రభుత్వంలోని ఇతర అధికారులు, సిబ్బందిని వినియోగించారు. కానీ నోటీసుల జారీ ప్రక్రియను మాత్రం బీఎల్‌వోలకే వదిలేయడంతో ఆలస్యం అవుతోంది. యాప్‌లో నోటీసుతో పాటు ఓటరు సమర్పించే పత్రాలు, హియరింగ్‌కు హాజరైన ఓటరు ఫొటోలను మూడు విడతలుగా బీఎల్‌వోలే అప్‌లోడ్‌ చేయాల్సి వస్తోంది. పదేపదే నిబంధనలు మారుతుండటం, నోటీసులు వచ్చిన ఓటర్లు ఎన్ని ధ్రువపత్రాలు సమర్పించాలన్న విషయంలో ఓటర్లతో పాటు బీఎల్‌వోల్లోనూ గందరగోళం నెలకొంది. హియరింగ్‌కు పిలుస్తున్న బీఎల్‌వోలు సమాధానం ఎలా ఇవ్వాలో తెలియక.. ఎస్‌ఐఆర్‌ సంబంధించి ఎన్యుమరేషన్‌ ప్రక్రియను పకడ్బందీగా చేపట్టిన జిల్లా అధికారులు నోటీసులు జారీ తర్వాత అంతగా పట్టించుకోవడం లేదు. చాలామందికి అక్షర దోషాలు, వయసు, చిరునామా, కుటుంబ సభ్యుల వివరాల్లో పొరపాట్లు వంటి చిన్న చిన్న కారణాలతో నోటీసులు జారీ అయినట్లు తెలుస్తోంది. వాటిని ఎలా సరిచేయాలి, ఏయే పత్రాలు సమర్పించాలన్నదానిపై ఓటర్లకు స్పష్టత లేదు. అధికారులు సైతం అవగాహన కల్పించడం లేదు. ఈ నేపథ్యంలో ఓటర్లు అయోమయానికి గురవుతున్నారు. ప్రధానంగా నోటీసులు ఎందుకు ఇస్తున్నారు, ఓటర్లు ఏం చేయాలి, ఏయే పత్రాలు సమర్పించాలి, విచారణకు ఎక్కడికి హాజ రు కావాలనే విషయం కూడా చాలామందికి తెలి యని పరిస్థితి నెలకొంది. గ్రామీణ ప్రాంతాల్లోని చాలామంది ఓటర్లు మరింత అభద్రతా భావంతో ఉన్నారు. వీరందరికీ అవగాహన కల్పించడంతోపాటు నోటీసులను సకాలంలో అందించి, సరైన ఆధారాలు సమర్పించేలా జిల్లా యంత్రాంగం చర్యలు తీసుకోవాలని స్థానికులు కోరుతున్నారు. జిల్లాలో సోమవారం నాటికి జారీ చేసిన నోటీసులు.. జిల్లాలో మొత్తం పోలింగ్‌ కేంద్రాలు 930మొత్తం జారీ చేయాల్సిన నోటీసులు 2,22,054 జనరేట్‌ చేసిన నోటీసులు 2,22,003 పంపిణీ చేసిన నోటీసులు 1,64,050 పంపిణీ చేయాల్సిన నోటీసులు 57,953 హియరింగ్‌ ప్రక్రియ పూర్తయిన వారు 16,308 హియరింగ్‌ గడువు ముగిసిన వారు 88,504

నిర్మల్‌ఖిల్లా: ప్రభుత్వ విద్యారంగం బలోపేతం, గ్రామీణ, గిరిజన ప్రాంతాల విద్యార్థులకు మెరుగై న విద్య అందించేందుకు ప్రభుత్వం తెలంగాణ ప బ్లిక్‌ స్కూల్స్‌ (టీపీఎస్‌) ఏర్పాటుకు ప్రాధాన్యమి స్తోంది. రాష్ట్ర వ్యాప్తంగా 73 ప్రభుత్వ పాఠశాలలను తెలంగాణ పబ్లిక్‌ స్కూళ్లుగా అభివృద్ధి చేయడానికి ప్రభుత్వం పరిపాలనా అనుమతులు ఇచ్చింది. ఇందులో భాగంగా ఉమ్మడి ఆదిలాబాద్‌ జిల్లాలోని ఎని మిది పాఠశాలలను ఎంపిక చేసింది. ఈ మేరకు నిఽ దులు కేటాయిస్తూ విద్యాశాఖ కార్యదర్శి యోగితా రాణా తాజాగా ఉత్తర్వులు జారీ చేశారు. ఆయా పాఠశాలల్లో మౌలిక వసతులు, అభివృద్ధి పనులకు రూ.83.19 కోట్లు కేటాయించారు. ప్రీప్రైమరీ నుంచి 12వ తరగతి వరకు విద్యార్థుల అభ్యసన ఫలి తాలను మెరుగుపరిచేలా నాణ్యమైన, సమగ్ర విద్యా వాతావరణాన్ని కల్పించేలా అభివృద్ధి చేస్తా రు. ప్రస్తుతం ఉన్న జెడ్పీహెచ్‌ఎస్‌లు, మోడల్‌ స్కూళ్లను తెలంగాణ పబ్లిక్‌ స్కూళ్లుగా తీర్చిదిద్దేందుకు ఎంపిక చేశారు. ప్రభుత్వ విద్యకు కొత్త రూపు ప్రభుత్వ పాఠశాలల్లో విద్యా ప్రమాణాల ను మరింత మెరుగుపర్చడంతో పాటు ప్రైవేట్‌ పాఠశాలలకు ధీటుగా మౌలిక వసతులు, నాణ్యమైన బోధన అందించాలనే లక్ష్యంతో తెలంగాణ పబ్లిక్‌ స్కూళ్లను అభివృద్ధి చేయాలని ప్రభుత్వం లక్ష్యంగా పెట్టుకుంది. పేద, మధ్యతరగతి కుటుంబాల విద్యార్థులకు మెరుగైన విద్యను అందుబాటులోకి తీసుకురావడం, ప్రభుత్వ విద్యపై తల్లిదండ్రుల్లో విశ్వాసాన్ని పెంచడం ఈ పాఠశాలల ప్రధాన ఉద్దేశం. ఆధునిక తరగతి గదులు, డిజిటల్‌ బోధన, సైన్స్‌, కంప్యూటర్‌ ల్యాబ్‌లు, గ్రంథాలయం, క్రీడా మైదానాలు, కళలు, సాంస్కృతిక కార్యక్రమాలకు వేదికలు వంటి సదుపాయాలు కల్పించనున్నారు. విద్యార్థులకు పరిశుభ్రమైన తాగునీరు, మరుగుదొడ్లు, సురక్షితమైన పాఠశాల వాతావరణం అందించడంపై దృష్టి సారించనున్నారు. విద్యార్థుల సమగ్ర వికాసంపాఠ్యపుస్తకాల బోధనకే పరి మితం కాకుండా విద్యార్థుల మేధో, శారీరక, మానసిక, సా మాజిక, సాంస్కృతిక వికాసానికి వేదికగా నిలువనున్నా యి. క్రీడలు, కళలు, సైన్స్‌, సాంకేతికత, తదితర రంగా ల్లో విద్యార్థుల ప్రతిభ ను వెలి కితీసేలా అవకాశాలు కల్పించనున్నారు. ప్రైవేట్‌ పాఠశాలల్లో అధిక ఫీజుల కారణంగా ఆర్థికంగా ఇబ్బందులు పడుతున్న కుటుంబాలకు ప్రభుత్వ పబ్లిక్‌ స్కూళ్లు ప్ర త్యామ్నాయంగా నిలిచే అవకాశం ఉంది. నాణ్యమై న విద్యతో పాటు ఆధునిక సదుపాయాలు ప్రభు త్వ పాఠశాలల్లోనే అందుబాటులోకి వస్తే తల్లిదండ్రులపై విద్యా ఖర్చుల భారం తగ్గనుంది.జిల్లా పాఠశాల నిధులు (రూ.కోట్లలో) కుమురంభీం ఆసిఫాబాద్‌ జెడ్పీహెచ్‌ఎస్‌ 8.40 కాగజ్‌నగర్‌ జెడ్పీహెచ్‌ఎస్‌ 10.09 మందమర్రి మోడల్‌ స్కూల్‌ 10.70 మంచిర్యాల కాసిపేట మోడల్‌ స్కూల్‌ 10.30 సీతారాంపల్లి జెడ్పీహెచ్‌ఎస్‌ 12 నిర్మల్‌ కుంటాల మోడల్‌ స్కూల్‌ 9 నర్సాపూర్‌(జీ) జెడ్పీహెచ్‌ఎస్‌ 12.50 ఆదిలాబాద్‌ యాపల్‌గూడ జెడ్పీహెచ్‌ఎస్‌ 10.20 ఉమ్మడి జిల్లాలో ఎంపిక చేసిన పాఠశాలలు, కేటాయించిన నిధులు

నిర్మల్‌చైన్‌గేట్‌: రానున్న వినాయక ఉత్సవాలు ప్రశాంతంగా జరుపుకోవాలని కలెక్టర్‌ భవేశ్‌ మిశ్రా అన్నారు. సమావేశ మందిరంలో ఎస్పీ జానకీషర్మిలతో కలిసి ఉత్సవాల నిర్వహణపై సోమవారం పీస్‌ కమిటీ సమావేశం నిర్వహించారు. కలెక్టర్‌ మాట్లాడుతూ అన్ని మతాల పండుగలు సోదర భావంతో, కలిసి మెలసి జరుపుకోవాలన్నారు. గ్రామీణ, పట్టణ ప్రాంతాల్లో గణేశ్‌ ఉత్సవాలకు ఇబ్బందులు కలగకుండా చర్యలు తీసుకుంటామన్నారు. విద్యుత్‌ ప్రమాదాలు జరగకుండా వైర్లు సరి చేస్తామని చెప్పారు. ఉత్సవ నిర్వాహకులు విద్యుత్‌ ప్రమాదాలు జరగకుండా జాగ్రత్తలు తీసుకోవాలని సూచించారు. నిమజ్జన కార్యక్రమానికి అవసరమైన అన్ని చర్యలు తీసుకుంటామని పేర్కొన్నారు. శాంతియుతంగా జరుపుకునేలా చర్యలు ఎస్పీ జానకీషర్మిల మాట్లాడుతూ జిల్లాలో గణేశ్‌ ఉత్సవాలు మొత్తం ప్రశాంతంగా పూర్తయ్యేలా పోలీసు శాఖ తరఫున తగిన చర్యలు తీసుకుంటామన్నారు. వేడుకలకు తగిన బందోబస్తు ఏర్పాటు చేస్తామని తెలిపారు. గ్రామీణ, పట్టణ ప్రాంతాల్లో వినాయక ఉత్సవాలు పకడ్బందీగా నిర్వహించేలా చూస్తామన్నారు. సమావేశంలో అదనపు కలెక్టర్‌ బి.వెంకటేశ్వర్లు, భైంసా సబ్‌ కలెక్టర్‌ అజ్మీరా సంకేత్‌ కుమార్‌, డీఆర్వో రాథోడ్‌ రమేశ్‌, డీఎస్పీ శ్రీనివాస్‌, ఆర్డీవో దేవీదాస్‌, శాంతి కమిటీ సభ్యులు పాల్గొన్నారు.

ఖానాపూర్‌: పట్టణంలోని కుమురంభీమ్‌ చౌరస్తా సమీపంలో గత ప్రభుత్వం నిర్మించిన డబుల్‌ బెడ్‌రూం ఇళ్ల లబ్ధిదారుల ఎంపికపై సమగ్ర విచా రణ చేపట్టి అనర్హులను తొలగించాలని, అర్హులైన నిరుపేదలకు ఇళ్లు కేటాయించాలని వామపక్ష పార్టీల నాయకులు డిమాండ్‌ చేశారు. ఈమేరకు కలెక్టర్‌ భవేశ్‌మిశ్రాకు సోమవారం వినతిపత్రం సమర్పించారు. సీపీఐ(ఎంఎల్‌) న్యూ డెమోక్రసీ ఖానాపూర్‌ డివిజన్‌ కార్యదర్శి సునారికారి రాజేశ్‌, ఎంసీపీఐయూ జిల్లా కార్యదర్శి అల్లెపు పీటర్‌, బహుజన కమ్యూనిస్టు పార్టీ జిల్లా కార్యదర్శి పసుపుల వెంకన్న మాట్లాడుతూ.. గత ప్రభు త్వ హయాంలో భూమి, ఇల్లు లేని పేదల కోసం నిర్మించిన డబుల్‌ బెడ్‌రూం ఇళ్ల లబ్ధిదారులను నిబంధనలకు విరుద్ధంగా ఎంపిక చేశారని ఆరో పించారు. పొరపాట్లు సరిదిద్ది అర్హులైన నిరుపేదలకు ఇళ్లు ఇవ్వాలని డిమాండ్‌ చేశారు. డబుల్‌ బెడ్‌రూమ్‌ లబ్ధిదారుల జాబితాను పూర్తిస్థాయిలో పరిశీలించి సమగ్రంగా దర్యాప్తు చేయాలని కోరారు. మున్సిపాలిటీలో డబుల్‌ బెడ్‌రూం ఇళ్లకు సంబంధించిన ప్రస్తుత ఆన్‌లైన్‌ ప్రక్రియను రద్దు చేసి, అనర్హులను తొలగించిన అనంతరం అర్హుల వివరాలు ఆన్‌లైన్‌లో నమోదు చేయాలని డిమాండ్‌ చేశారు. కార్యక్రమంలో ఎంసీపీఐయూ జిల్లా సహాయ కార్యదర్శి భూక్య సురేందర్‌, ఐఎఫ్‌టీయూ జిల్లా ఉపాధ్యక్షుడు దుర్గం లింగన్న, డబుల్‌ బెడ్‌రూం సాధన కమిటీ కన్వీనర్‌ తోట రాధ, కోకన్వీనర్‌ షేక్‌గౌస్‌, మజ్జిత్‌, కల్పన, లక్ష్మి, గంగోత్రి, సునీత, షరీన్‌ పాల్గొన్నారు.

నిర్మల్‌చైన్‌గేట్‌: సమీకృత కలెక్టరేట్‌లో ప్రతీ సోమవారం జరిగే ప్రజావాణికి ఫిర్యాదులు వెల్లువెత్తుతున్నాయి. జిల్లా నలుమూలల నుంచి ప్రజలు తరలి వచ్చి.. ఉన్నతాధికారులతో తమ సమస్యలను ఏకరువు పెడుతున్నారు. ప్రజావాణిలో పరిష్కారం చూపెడతారనే ఆశతో వ్యయ, ప్రయాసాలకోర్చి వచ్చే ఫిర్యాదుదారుల సమస్యలు మాత్రం అపరిష్కృతంగానే ఉండిపోతున్నాయి. కలెక్టర్‌ భవేశ్‌మిశ్రా ఆదేశాల మేరకు తహసీల్దార్‌ కార్యాలయాల్లో సైతం ఫిర్యాదుల దినోత్సవం నిర్వహిస్తున్నప్పటికీ అనేక ఫిర్యాదులు టేబుళ్లకే పరిమితమవుతున్నా యి. ప్రజావాణి ఫిర్యాదుల పరిష్కారంపై నిర్లక్ష్యం వహించొద్దని కలెక్టర్‌ హెచ్చరిస్తున్నా అధికారుల తీరులో మార్పు కనిపించడం లేదని పలువురు ఆవేదన చెందుతున్నారు. కాగా, సోమవారం నిర్వహించిన ప్రజావాణికి 130 ఫిర్యాదులు అందాయి. కలెక్టర్‌ భవిశ్‌మిశ్రా, అదనపు కలెక్టర్‌ వెంకటేశ్వర్లు ప్రజల సమస్యలు నేరుగా తెలుసుకుని అర్జీలు స్వీకరించారు. డీఆర్వో రమేశ్‌రాథోడ్‌ పాల్గొన్నారు.

లక్ష్మణచాంద: చదువుకునే బాలికలకు నెలసరిపైన సరైన అవగాహన లేకపోవడంతో వ్యక్తిగత పరిశుభత్ర పాటించక అనేక అనారోగ్య సమస్యలు ఎదుర్కొంటున్నారు. పాఠశాలల్లో నెలసరి సమయంలో బాలికలు తీసుకునే జాగ్రత్తలు, వ్యక్తిగత పరిశుభ్రతపై బాలికలకు మహిళా ఉపాధ్యాయులతో లేదా, గైనకాలజిస్టుతో అవగాహన కల్పించాలి. గ్రామీణ ప్రాంతాలలో ప్రభుత్వ పాఠశాలలో విద్యను అభ్యసిస్తున్న విద్యార్థినులు ఎక్కువ మంది పేద కుటుంబాలకు చెందిన వారే. అవగాహన లేక వీరు సరైన జాగ్రత్తలు తీసుకోవడం లేదు. పీఎంశ్రీ పాఠశాలలో... జిల్లాలోని పీఎంశ్రీ పాఠశాలల్లోని బాలికల ఆరోగ్యానికి ప్రభుత్వం ప్రత్యేక చర్యలు చేపడుతుంది. బాలికలకు నెలసరి సమయంలో ప్రభుత్వం ద్వారా న్యాప్‌కిన్లను పంపిణీ చేస్తుంది. కార్పొరేట్‌ పాఠశాలలకు దీటుగా వసతులు సమకూర్చేందుకు కేంద్ర ప్రభుత్వం పీఎంశ్రీ పాఠశాలలకు ప్రత్యేకంగా నిధులు మంజూరు చేస్తుంది. నాణ్యమైన బోధనతోపాటు, నృత్యం, కంప్యూటర్‌, చిత్రలేఖనం, సంగీతం నేర్పించేందుకు ప్రత్యేకంగా ఇన్‌స్ట్రక్టర్లను కూడా నియమించింది. ఏటా ప్రత్యేకంగా ఎడ్యుకేషనల్‌ టూర్‌కు విద్యార్థులను తీసుకెళ్లుతున్నారు. పేద పిల్లలు... ప్రభుత్వ పాఠఽశాలలో చదివేవారిలో ఎక్కువ మంది బాలికలు నిరుపేద కుటుంబాలకు చెందిన వారే. పల్లె ప్రాంతాల్లో కుటుంబ ఆర్థిక సమస్యలు, నిరక్షరాస్యత, సరైన అవగాహన లేకపోవడంతో ఎక్కువ మంది బాలికలు నెలసరి సమయంలో న్యాప్‌కిన్లను వినియోగించడం లేదు. ఈ కారణంగా అనారోగ్య సమస్యలబారిన పడుతున్నారు. బాలికలు ఆరోగ్యంగా ఉంటేనే వారికి మంచి భవిష్యత్తు ఉంటుంది. దీనిని దృష్టిలో పెట్టుకుని బాలికల కుటుంబాలకు ఆర్థిక భారం తప్పించాలనే ఉద్దేశంతోనే ప్రభుత్వం బాలికలకు న్యాప్‌కిన్లను అందచేస్తుంది. జిల్లాకు రూ.10,63,300 నిధులు... జిల్లాలో మొత్తం 19 పీఎంశ్రీ పాఠశాలలు ఉండగా ఇందులో 16 పాఠశాలల్లోని బాలికలకు అవసరమైన న్యాప్‌కిన్లు అందచేసేందుకు ప్రభుత్వం రూ.10,63,300 మంజూరు చేసింది. న్యాప్‌కిన్లు సరఫరా చేసేందుకు ఇటీవలనే టెండర్లు పిలిచామని త్వరలోనే సరఫరా చేస్తామని అధికారులు తెలిపారు. త్వరలో అందించేలా చర్యలు జిల్లాలోని పీఎంశ్రీ పాఠశాలల బాలికలకు న్యాప్‌కిన్లను అందచేసేందుకు టెండర్లు పిలిచాం. ఈ ప్రక్రియను త్వరగా పూర్తిచేసి న్యాప్‌కిన్లు త్వరగా బాలికలకు అందచేసేందుకు చర్యలు తీసుకుంటాం. విద్యార్థినులకు ఇబ్బంది కలుగకుండా చూస్తాం. – భోజన్న, డీఈవో జిల్లా సమాచారం... జిల్లాలోని పీఎంశ్రీ పాఠశాలలు 19బాలికలు ఉన్న పాఠశాలలు 16వచ్చిన మొత్తం నిధులు రూ.10,63,300