Kurnool District News

కర్నూలు(అగ్రికల్చర్‌): సహకార ఎన్నికలకు సంబంధించి అవసరమైన ఏర్పాట్లు చేయాలని రాష్ట్ర సహకార శాఖ రిజిస్ట్రార్‌ నుంచి ఆదేశాలు వచ్చిన నేపధ్యంతో ఉమ్మడి జిల్లా సహకార అధికారులు ఈ దిశగా దృష్టి సారించారు. తాజాగా పోలింగ్‌ కేంద్రాల ఏర్పాటుపై అధికార యంత్రాంగం దృష్టి సారించింది. చివరిసారిగా 2013లో సహకార ఎన్నికలు జరిగాయి. అప్పట్లో ఏర్పాటు చేసిన పోలింగ్‌ కేంద్రాలను ప్రస్తుతం సహకార శాఖ అసిస్టెంటు రిజిస్టార్లు, సీనియర్‌ ఇన్స్‌పెక్టర్లు, ఆడిటర్లు పరిశీలిస్తున్నారు. అప్పట్లో ఏర్పాటు చేసిన పోలింగ్‌ కేంద్రాలనే ప్రస్తుత ఎన్నికలకు సిద్ధం చేస్తున్నారు కర్నూలు జిల్లాలో 43 సంఘాలు ఉండగా... 76 వేల మంది రైతులు సభ్యులుగా ఉన్నారు. నంద్యాల జిల్లాలో 86 వేలకుపైగా సభ్యులు ఉన్నారు. ప్రస్తుతం రైతులతో ఈ–కేవైసీ చేయిస్తున్నారు. ఈ–కేవైసీ చేయించుకోవాల్సిన అవసరాన్ని రైతుల్లోకి తీసుకెళ్లాలిం్స ఉండగా... ఆ దిశగా చర్యలు లేకపోవడం గమానార్హం. మరోవైపు కొత్త సభ్యులను కూడా నమోదు చేస్తున్నారు. ఉమ్మడి జిల్లాలో 99 సహకార సంఘాలు ఉన్నాయి. ప్రతి సంఘానికి ఒక పోలింగ్‌ లొకేషన్‌లను గుర్తించారు. ఈ లొకేషన్‌లలో 300 నుంచి 500 మంది సభ్యులకు ఒక పోలింగ్‌ కేంద్రాన్ని ఏర్పాటు చేస్తారు. కొత్త సభ్యుల సంఖ్యను బట్టి పోలింగ్‌ లోకేషన్‌లు, పోలింగ్‌ కేంద్రాలు ఏర్పాటు అవుతాయని సహకార అధికారులు తెలిపారు. శ్రీమఠం హుండీ ఆదాయం రూ.2.76 కోట్లు మంత్రాలయం: శ్రీరాఘవేంద్రస్వామి మఠం హుండీ ఆదాయం రూ.2,76,62,955 సమకూరింది. బుధవారం స్థానిక రాజాంగణ భవనంలో (23.10.2026 నుంచి 10.11.2026) 19 రోజులకు సంబంధించి కానుకలు లెక్కించారు. అందులో నగదు రూపేణా రూ.2,68,66,655 రాగా నాణేలా రూపంలో 7,96,300 వచ్చింది. ఇక 49 గ్రాముల బంగారం, 680 గ్రాముల వెండి ఆభరణాలు సమకూరినట్లు మేనేజర్‌ ఎస్‌కే. శ్రీనివాసరావు తెలిపారు. వైఎస్‌ఆర్‌సీపీకి మద్దతిచ్చారని గుడిసె తొలగింపు ఎమ్మిగనూరుటౌన్‌: మున్సిపల్‌ ఎన్నికల్లో వైఎస్‌ఆర్‌సీపీ జెండా పట్టుకొని జైకొట్టినందుకు ఓ నిరుపేద తన ఇంటిముందు వేసుకొన్న షెడ్డును మున్సిపల్‌ అధికారులు తొలగించారు. శివన్న నగర్‌లోని ఎస్సీ హస్టల్‌ వద్ద తన ఇంటి ముందు 15 ఏళ్ల క్రితం రేకుల షెడ్డు వేసుకున్నానని, అయితే రాజకీయ కక్షతో తొలగించడం బాధ కలిగించిందని షఫితాత ఆవేదన వ్యక్తం చేశాడు. షెడ్డుకు సంబంధించి మున్సిపాలిటీకి ఏటా పన్ను చెల్లిస్తున్నా కనికరించకుండా బుధవారం ఉదయమే మున్సిపల్‌ సిబ్బంది జేసీబీలతో వచ్చి షెడ్డును తొలగించారని వాపోయాడు. దీంతో తాను ఆర్థికంగా నష్టపోవడమే కాకుండా తన కుటుంబం ఇబ్బందుల పాలైందన్నాడు. రాజకీయాలు ఎన్నికల వరకు ఉండాలే కానీ ఇలాంటి కక్షపూరిత చర్యలు ఎవరికీ మంచిది కాదన్నారు. క్వింటా వేరుశనగ రూ.7,890 ఎమ్మిగనూరు టౌన్‌: స్థానిక వ్యవసాయ మార్కెట్‌ లో బుధవారం క్వింటా వేరుశనగ గరిష్టంగా రూ.7,890 ధర పలికింది. మార్కెట్‌కు 9 క్వింటా ళ్ల వేరుశనగ దిగుబడులను రైతులు విక్రయానికి తెచ్చారు. క్వింటా కనిష్ట ధర రూ.4,690, మధ్యస్థ ధర రూ.6,290 ప్రకారం మార్కెట్‌లో వ్యాపారు లు కొనుగోలు చేశారని మార్కెట్‌ యార్డ్‌ ప్రత్యేక శ్రేణి కార్యదర్శి పి.కల్పన తెలిపారు. అదేవిధంగా 4క్వింటాళ్ల ఆముదాలు విక్రయానికి రాగా క్వింటా గరిష్ట ధర రూ.7,481 పలికిందన్నారు. శ్రీశైల దేవస్థానానికి రూ.4లక్షల విరాళాలు శ్రీశైలంటెంపుల్‌: శ్రీశైల దేవస్థానం భక్తుల సౌకర్యార్థం నిర్వహిస్తున్న అన్నప్రసాద వితరణ, గోసంరక్షణనిధి, ప్రాణధాన ట్రస్ట్‌ పథకానికి పలువురు భక్తులు రూ.4లక్షల విరాళాలను అందించారు. బుధవారం హైదరాబాద్‌కు చెందిన కె.ఆర్‌.సుధాకర్‌రావు అన్నప్రసాద వితరణ పథకానికి రూ.1,00,001 విరాళాన్ని, గోసంరక్షణనిధి పథకానికి రూ.1,00,001 విరాళాన్ని, ప్రాణదాన ట్రస్ట్‌కు రూ.1,00,001విరాళాన్ని అందించారు. అలాగే ఒంగోలుకు చెందిన బి.శ్రీనివాసరావు అన్నప్రసాద వితరణ పథకానికి రూ.లక్ష విరాళాన్ని పర్యవేక్షకులు కె.శివప్రసాద్‌కు అందజేశారు. విరాళాలను అందించిన దాతలను సత్కరించారు.

నంద్యాల(వ్యవసాయం): ఆర్టీసీలో ప్రైవేటు వ్యక్తులతో విద్యుత్‌ బస్సులను నడపాలనే ఆలోచనను ప్రభుత్వం విరమించుకోవాలని, ఆర్టీసీ డ్రైవర్లతోనే బస్సులను నడపాలని ఆంధ్రప్రదేశ్‌ పబ్లిక్‌ ట్రాన్స్‌పోర్ట్‌ డిపార్టమెంట్‌ ఎంప్లాయీస్‌ యూనియన్‌ రాష్ట్ర అధ్యక్షుడు పలిశెట్టి దామోదర్‌రావు డిమాండ్‌ చేశారు. బుధవారం ఏపీపీటీడీ ఎంప్లాయీస్‌ యూనియన్‌ జిల్లా కార్యదర్శి ఆర్‌ఎస్‌రావు ఆధ్వర్యంలో స్థానిక ఫంక్షన్‌ హాల్‌లో జిల్లా స్థాయి కౌన్సిల్‌ సమావేశం నిర్వహించారు. ఆయన మాట్లాడుతూ ఆర్టీసీ ఉద్యోగుల సమస్యల పరిష్కారం, హక్కుల పరిరక్షణ, సంస్థ అభివృద్ధి లక్ష్యంగా ఎంప్లాయీస్‌ యూనియన్‌ నిరంతరం పోరాటాలు నిర్వహిస్తోందన్నారు. డిసెంబర్‌లో జరిగే ఏపీఎస్‌ ఆర్టీసీ ఉద్యోగుల క్రెడిట్‌ కో ఆపరేటివ్‌ సొసైటీ ఎన్నికల్లో ఈయూ శ్రేణులంతా ఐక్యంగా పని చేసి గెలిపించాలని పిలుపునిచ్చారు. ఆర్టీసీలో విద్యుత్‌ బస్సులు ప్రవేశపెట్టడాన్ని ఉద్యోగ సంఘాల జేఏసీ వ్యతిరేకం కాదని, అవసరమైతే బస్సులను ప్రభుత్వమే కొనుగోలు చేసి సొంత సిబ్బందితో నిర్వహించాలని ఆయన స్పష్టం చేశారు.

బనగానపల్లె: పట్టణంలోని మంగళవారం పేటలో ఓ మహిళ ఆత్మ హత్యకు పాల్పడినట్లు సీఐ ప్ర వీణ్‌ కుమార్‌ తెలిపా రు. కోడుమూరుకు చెందిన లత (26)కు ఏడేళ్ల క్రితం బనగానపల్లెకు చెందిన చంద్రశేఖర్‌తో వివాహమైంది. వీరికి రెండేళ్ల కూతురు ఉంది. అయితే ఏమి జరిగిందో తెలియదు కానీ.. బుధవారం మధ్యాహ్నం ఇంటిలో ఎవరూ లేని సమ యంలో ఆమె ఉరేసుకుని ఆత్మహత్యకు పాల్పడింది. ఆత్మహత్యకు కారణాలు తెలియాల్సి వుందని సీఐ ప్రవీణ్‌కుమార్‌ తెలిపారు. కేసు నమోదు చేసి దర్యాప్తు చేస్తున్నట్లు తెలిపారు. భార్యను కాపురానికి పంపలేదని .. బేతంచెర్ల: పట్టణంలోని హెచ్‌పీ గ్యాస్‌ గోడౌన్‌ వద్ద నివాసం ఉంటున్న వుశేన్‌ బాషా అనే వ్యక్తి భార్యను కాపురానికి పంపడం లేదని బామర్ది బైక్‌కు నిప్పు పెట్టాడు. బాధితుడు మౌలాలి ఫిర్యాదు మేరకు కేసు నమోదు చేసినట్లు హెడ్‌ కానిస్టేబుల్‌ చెన్నయ్య తెలిపారు. వివరాల మేర కు పట్టణంలోని పాతపోస్టాఫీసు వీధిలో ఉన్న నసిమూన్‌, వుశేన్‌ బాషాకు వివాహమైంది. భర్త మద్యానికి బానిసై కుటుంబాన్ని పట్టించుకోకపోవడంతో నసిమూన్‌ పుట్టింటిలో ఉంది. కాపురానికి రావాలని వుశేన్‌ బాషా ఈనెల 9వ తేదీన రాత్రి నసిమూన్‌ పుట్టింటి వద్దకు వెళ్లి గొడవ పడ్డారు. ఆమె కాపురానికి రానని తేల్చిచెప్పింది. దీంతో అర్ధరాత్రి బామర్ధి మౌలాలి బైక్‌కు వుశేన్‌ బాష నిప్పు పెట్టడంతో దగ్ధమైనట్లు ఫిర్యాదులో పేర్కొన్నట్లు హెడ్‌ కానిస్టేబుల్‌ తెలిపారు. ఉరేసుకుని యువకుడు మృతి ఓర్వకల్లు: కుటుంబ కలహాలతో మనస్తాపానికి గురైన ఓ యు వకుడు ఆత్మహత్యకు పాల్పడిన సంఘటన బుధవారం మండలంలోని నన్నూ రు గ్రామంలో చోటు చేసుకుంది. పోలీసులు తెలిపిన వివరాల మేరకు.. మీదివేముల గ్రామానికి చెందిన గొల్ల నిద్రము మల్లయ్య కుమారుడు సురేష్‌ కుమార్‌ (35) బీటెక్‌ పూర్తి చేసి కొద్ది రోజుల పాటు హైదరాబాద్‌లో సాఫ్ట్‌ వేర్‌ ఉద్యోగం చేస్తున్నాడు. సుమారు ఆరేళ్ల క్రితం నన్నూరు గ్రామానికి చెందిన గొల్ల శ్రీనివాసులు కూతురు శిరీషతో వివాహమైంది. వీరికి ఒక కుమారుడు ఉన్నారు. పెళ్లయిన ఏడా ది కాలం వీరి కాపురం సజావుగా సాగింది. త ర్వాత కుటుంబ కలహాలతో భార్య పుట్టింటికి వెళ్లిపోయింది. భార్యను కాపురానికి రమ్మని పిలిచిన తన కుమారునిపై వారి కుటుంబ సభ్యులు దాడి చేయడంతో మనస్తాపం చెంది ఇంట్లో ఉరేసుకుని మృతి చెందినట్లు మృతుని తండ్రి మల్లయ్య ఆరోపిస్తున్నారు. ఈ మేరకు ఫిర్యాదు చేయడంతో కేసు నమోదు చేసుకుని దర్యాప్తు చేపడుతున్నట్లు పోలీసులు తెలిపారు. ట్రావెల్స్‌ బస్సులు ఢీ కర్నూలు: కర్నూలు శివారులో జాతీయ రహదారిపై రెండు ప్రైవేటు ట్రావెల్స్‌ బస్సులు ఢీకొన్నాయి. బాలగంగాధర్‌ ట్రావెల్స్‌ బస్సు హైదరాబాదు నుంచి తిరుపతికి వెళ్తూ బుధవారం ఉద యం 6 గంటల సమయంలో తుంగభద్ర బ్రిడ్జి సమీపంలో ఆగి ఉంది. అదే సమయంలో వెనుక నుంచి హైదరాబాదు నుంచి కడపకు వెళ్తున్న ప్రైవేటు ట్రావెల్స్‌ బస్సు అదుపు తప్పి ఢీకొట్టింది. బస్సులో ప్రయాణిస్తున్న యాత్రికులు స్వా ములు (47), ప్రభాకర్‌రెడ్డి (23) గాయాలపాల య్యారు. హైవే పెట్రోలింగ్‌ పోలీస్‌లు ఘట నా స్థలానికి చేరుకుని ప్రమాదానికి గురైన వారిని చికిత్స నిమిత్తం ప్రభుత్వాసుపత్రికి తరలించారు. వారికి చిన్న చిన్న గాయాలు కావడంతో వైద్యులు ప్రథమ చికిత్స చేసి పంపించేశారు. విషయం తెలుసుకున్న కర్నూలు అర్బన్‌ తాలూకా పోలీసు లు సంఘటనపై దర్యాప్తు చేస్తున్నారు.

శ్రీశైలంటెంపుల్‌: కార్తీక మాసోత్సవాలను పురస్కరించుకుని శ్రీశైల భ్రమరాంబా సమేత మల్లికార్జున స్వామి అమ్మవార్ల దర్శనానికి భక్తులు పోటెత్తుతున్నారు. కార్తీక మొదటి బుధవారం పురస్కరించుకుని ఉభయ తెలుగు రాష్ట్రాల నుంచే కాకుండా ఇతర ప్రాంతాల నుంచి సైతం భక్తులు క్షేత్రానికి తరలివచ్చి స్వామిఅమ్మవార్లను దర్శించుకున్నారు. అనంతరం ఆలయ ఉత్తర మాఢవీధిలో, గంగాధర మండపం వద్ద కార్తీక దీపాలను వెలిగించి ప్రత్యేక నోములు నోచుకున్నారు. కార్తీక మాసం పురస్కరించుకుని ఆలయ ధ్వజస్తంభం వద్ద ఆకాశ దీపాన్ని నెలకొల్పారు. కార్తీక దీప ప్రజ్వలనకు ముందుగా అర్చక స్వాములు సంకల్పం పఠించి, కార్యక్రమం నిర్విఘ్నంగా జరగాలని గణపతిపూజ జరిపించారు. అనంతరం దీప ప్రజ్వలన, దీపారాధన జరిపించారు. ఆకాశదీప కార్యక్రమంలో దేవస్థాన ధర్మకర్తల మండలి చైర్మన్‌ పోతుగుంట రమేష్‌నాయుడు పాల్గొన్నారు. ఈ ఆకాశ దీపాన్ని వెలిగించినా, చూసినా సకల పాపాలు నశించి అనంతపుణ్యం కలుగుతుందని, వ్యాధులు తొలగి ఆయురారోగ్యాలు చేకురుతాయని విశ్వాసం ఉంది. ఆలయ ధ్వజస్తంభంపై ఆకాశ దీపం

దక్షిణ శ్రీకాళహస్తికి● కార్తీక మాసంలో కొత్తూరు సుబ్రహ్మణ్యేశ్వరుడికి భక్తుల రద్దీ ● ఆది, సోమవారాల్లో మరింత తాకిడి ● ప్రత్యేక ఏర్పాట్లు చేస్తున్న అధికారులు పాణ్యం:దక్షిణ శ్రీకాళహస్తిగా పేరొందిన శ్రీవల్లి సుబ్రహ్మణ్యేశ్వరుడి క్షేత్రానికి కార్తీక శోభ సంతరించుకుంది. ఏటా కార్తీక మాసంలో భక్తులు తాకిడి పెరుగుతుండటంతో ఆ మేరకు అధికారులు ఏర్పాట్లు చేస్తున్నారు. సాధారణ ఆది, సోమవారాల్లో దాదాపు 15 వేల మంది వరకు భక్తులు స్వామివారికి దర్శించుకోగా.. కార్తీక మాసంలో ఈ సంఖ్య మూడింతలు కానుంది. కనీసం 30 వేల మందికి పైగా భక్తులు స్వామివారిని దర్శించుకుని మొక్కులు తీర్చుకుంటారు. ఈ ఒక్క రోజే కనీ సం 500పైగా అభిషేకాలు జరుగుతాయి. క్యూలైన్‌లు సైతం గంట వ్యవధిలోనే నిండి రోడ్లపైకి చేరుతాయి. మూడేళ్ల క్రితం భక్తుల తాకిడిని దృష్టిలో ఉంచుకోని దాదాపుగా రూ.1.50 కోట్ల వ్యయంతో ప్రత్యేక క్యూలైన్‌లు ఏర్పాటు చేశా రు. భక్తుల సౌకర్యార్థం శిథిలమైన గదుల స్థానంలో కొత్తగా షెడ్లు నిర్మించారు. వృద్ధులు, చిన్న పిల్లల తల్లులు, దివ్యాంగుల కోసం ప్రత్యేక దర్శన ఏర్పాట్లు చేయనున్నారు. క్యూలైన్లలో భక్తులకు మంచినీటి సౌకర్యం కల్పించారు. భక్తులు త్వరగా స్వామి వారి దర్శనం చేసుకునేలా అధికారులు ఏర్పాట్లు చేశారు. కార్తీక మాసంలో తెల్లవారుజామున 4 గంటల నుంచి ఏకాంత సేవతో మొదలై అర్చకులు ప్రత్యేక పూజలు పూర్తయిన అనంతరం ఉదయం 6 గంటల నుంచి భక్తులకు దర్శన భాగ్యం కల్పిస్తారు. మహిళలు ఉపవాసాలతో ఆలయ ప్రాంగణంలో కార్తీక దీపారాధనకు ప్రత్యేక స్థలం కేటాయించారు. ప్రత్యేక పార్కింగ్‌ స్థలం కార్తీక మాసం పురస్కరించుకుని చుట్టు పక్కల రాష్ట్రాల నుంచి వచ్చే భక్తులకు సంబంధించి వాహనాల కోసం ప్రత్యేక స్థలాన్ని కేటాయించారు. ఆలయానికి వంద మీటర్ల దూరంలో దేవస్థాన అధికారులు ఇందు కోసం స్థలాన్ని శుభ్రం చేయించి బైక్‌లు, కార్లు, ఇతర వాహనాలు పార్కింగ్‌ చేసుకునేలా ఏర్పాటు చేశారు. ఇక నుంచి వాహనాలను ఆలయ సమీపానికి అనుమతించరు. అదనంగా అన్నప్రసాదాలు సాధారణంగా ఆది, సోమవారాల్లో వచ్చే భక్తులకు దేవస్థాన నిత్యన్నదాన సత్రంలో అన్నప్రసాదాలు అందిస్తారు. అయితే కార్తీక మాసం సందర్భంగా అదనంగా అన్న ప్రసాదాలను అందుబాటులో ఉంచేందుకు అధికారులు ఏర్పాట్లు చేశారు. ఉదయం 9 గంటల నుంచే సాయంత్రం వరకు భక్తులు అన్నప్రసాదాలు అందించనున్నారు. కార్తీక మాసం సందర్భంగా భక్తులు ఎలాంటి ఇబ్బందులు లేకుండా అన్ని జాగ్రత్తలు తీసుకుంటున్నాం. భక్తులు సంతృప్తి చెందేలా వారికి సౌకర్యాలు కల్పిస్తున్నాం. ప్రత్యేకంగా ఆలయ ప్రాంగణంలో ట్రాఫిక్‌ సమస్యపై దృష్టి సారించి ప్రణాళిక తయారు చేశాం. వచ్చే మొదటి ఆదివారం సందర్భంగా భక్తులు త్వరగా స్వామివారిని దర్శించుకుని అన్నప్రసాదాలు స్వీకరించేలా చర్యలు తీసుకుంటున్నాం. – రామకృష్ణ, ఆలయ ఈఓ

పూర్వం కొన్నేళ్ల క్రితం కొత్తూరు గ్రామానికి చెందిన చెన్నారెడ్డి అనే రైతు తీవ్ర ఆర్థిక ఇబ్బందులు ఎదుర్కొన్నాడు. గట్టెక్కే మార్గం చూపాలని ఓ బ్రాహ్మణుడిని ఆశ్రయించాడు. మాఘ మాసంలో షష్ఠి రోజున పొలం దున్నితే కష్టాలు తొలగుతాయని బ్రాహ్మణుడు సూచించాడు. దీంతో చెన్నారెడ్డి కాడెద్దులను నాగలికి కట్టి పొలం దున్నుతండగా నాగలికి ఉన్నట్లుండి భూమిలో ఏదో అడ్డుతగులుతుంది. ఆ క్షణంలోనే ఆకాశంలో 12 తలల నాగుపాము రూపం ప్రత్యక్షమౌతుంది. ఆ తేజస్సుకు రైతు కంటిచూపు కోల్పోతాడు. కాసేపటి చుట్టు పక్కల రైతులు వచ్చి నాగలిని వెనక్కులాగి చూస్తారు. అక్కడ 12 శిరస్సుల నాగేంద్రుడి విగ్రహం బయట పడుతుంది. గుడి నిర్మాణం ముందు గ్రామస్తులు బాలుని రూపంలో ఉన్న సుబ్రహ్మణ్యుని వేడుకుంటారు. రాత్రి వేళ గుడి నిర్మాణం చేపట్టి కోడి కూతకు ముందే పూర్తి చేయాలని, లేదంటే ఏడుగురు బలి అవుతారని హెచ్చరిస్తాడు. స్వామివారి స్వయంభు విగ్రహాన్ని నేలపైనే పెట్టి గుడి నిర్మాణం ప్రారంభిస్తారు. కోడి కూతలోగా ప్రహరీ మాత్రమే పూర్తవుతుంది. పైకప్పులేని ఆలయం సిద్ధమవుతుంది. ఇప్పటికీ అలాగే ఉండిపోయింది. మొదట ఈ గ్రామం పేరు కొత్తూరు కాగా స్వామి వెలసిన తరువాత సుబ్బరాయుడు కొత్తూరుగా మారింది.శ్రీవల్లి సుబ్రమణ్యేశ్వరుడి మూలవిరాట్‌

కర్నూలు(సెంట్రల్‌): జిల్లాలో మాదకద్రవ్యాలు, గంజాయి అక్రమ రవాణా, విక్రయాలు, వినియోగాన్ని పూర్తిస్థాయిలో నియంత్రించేందుకు పటిష్టమైన చర్యలు చేపట్టాలని జిల్లా కలెక్టర్‌ డాక్టర్‌ ఎ.సిరి అధికారులను ఆదేశించారు. బుధవారం కలెక్టరేట్‌లోని కాన్ఫరెన్స్‌ హాల్‌లో జిల్లా ఎస్పీ విక్రాంత్‌ పాటిల్‌తో కలిసి జిల్లా కలెక్టర్‌ నార్కో కోఆర్డినేషన్‌ సమావేశాన్ని నిర్వహించారు. ఈ సందర్భంగా ఆమె మాట్లాడుతూ విద్యార్థులు, యువత మాదకద్రవ్యాలకు ఆకర్షితులు కాకుండా పాఠశాల, కళాశాలల స్థాయిలో విస్తత అవగాహన చేపట్టాలన్నారు. మాదకద్రవ్యాల వినియోగంతో కలిగే అనారోగ్య సమస్యలు, విద్యార్థుల భవిష్యత్తుపై పడే ప్రభావం, కుటుంబాలపై కలిగే దుష్పరిణామాలను వివరించాలని సూచించారు. కర్నూలు నగరంలోని జొహరాపురం రోడ్డు, ఫిష్‌ ఏరియా, బంగారుపేట తదితర ప్రాంతాలను హాట్‌స్పాట్లుగా గుర్తించి ప్రత్యేక భద్రతా చర్యలు చేపట్టాలన్నారు. నగరంలో గుర్తించిన 30 డార్క్‌ స్పాట్లలో అవసరమైన లైటింగ్‌ సదుపాయాలు కల్పించాలన్నారు. జిల్లా ఎస్పీ విక్రాంత్‌ పాటిల్‌ మాట్లాడుతూ ఇప్పటివరకు 9 కార్డన్‌ సెర్చ్‌ ఆపరేషన్లు నిర్వహించామని, ఆపరేషన్‌ త్రిశూల్‌లో భాగంగా లాడ్జీలు, హోటళ్లు, ఇతర అనుమానిత ప్రాంతాల్లో ఆకస్మిక తనిఖీలు చేపట్టామన్నారు. ఈ నెలలో మాదకద్రవ్యాలకు సంబంధించిన మూడు ఎఫ్‌ఐఆర్‌లు నమోదు చేశామన్నారు. సమావేశంలో డిటిసి శాంతకుమారి, జిల్లా వ్యవసాయ అధికారి వరలక్ష్మి, సెట్కూర్‌ సీఈవో వేణుగోపాల్‌, డి ఈ ఓ సుధాకర్‌ పాల్గొన్నారు.

● జూనియర్‌ అడ్వకేట్లకు ఇస్తామన్న రూ.10 వేలు స్టైఫండ్‌ ఇంకెప్పుడిస్తారు? ● హామీలు అమలు చేయడంలో కూటమి ప్రభుత్వం వైఫల్యం ● వైఎస్సార్‌సీపీ లీగల్‌ సెల్‌ జిల్లా అధ్యక్షులు జి. స్వాములు కర్నూలు (టౌన్‌): ఈ ఏడాది జూలై 30వ తేదీన ఆదోనికి వచ్చిన ఐటీ, విద్యా శాఖ మంత్రి నారా లోకేశ్‌ .. 90 రోజుల్లో కర్నూలులో హైకోర్టు బెంచ్‌ ఏర్పాటు చేస్తామని చెప్పిన గడువు పూర్తయిందని, బెంచ్‌ ఏమైందని.. వైఎస్సార్‌ కాంగ్రెస్‌ పార్టీ లీగల్‌ సెల్‌ జిల్లా అద్యక్షులు జి. స్వాములు ప్రభుత్వాన్ని ప్రశ్నించారు. బుధవారం స్థానిక జిల్లా కోర్టులోని జిల్లా న్యాయవాదుల సంఘం కార్యాలయ ప్రాంగణంలో ఆయన మాట్లాడుతూ.. ఎన్నికల సమయంలో న్యాయవాదులకు, జూనియర్‌ అడ్వకేట్లకు ఎన్నో హామీలు ఇచ్చారని గుర్తు చేశారు. ప్రభుత్వం వచ్చి మూడేళ్లు అవుతున్న ఎందుకు అమలు చేయడం లేదని ప్రశ్నించారు. రాజ్యాంగ బద్ధ పాలనను పక్కనపెట్టి రాష్ట్రంలో ‘రెడ్‌ బుక్‌ రాజ్యాంగం’అమలు చేస్తూ ప్రతిపక్షాల గొంతు నొక్కడం, న్యాయవాదులను వేధించడమే పనిగా పెట్టుకుందని విమర్శించారు. కర్నూలులో ఉన్న హ్యూమన్‌ రైట్స్‌ కమిషన్‌, లోకాయుక్త, ఇతర ట్రిబ్యునళ్లను విజయవాడకు తరలించేందుకు ప్రభుత్వం అన్ని ప్రయత్నాలు చేస్తుందని, ఈ ప్రభుత్వానికి ఒకప్పటి రాజధాని అయిన కర్నూలు అంటే ఎందుకంత వివక్ష అన్నారు. జూనియర్‌ అడ్వకేట్లకు నెలకు రూ. 10 వేలు స్టైఫండ్‌ తక్షణమే విడుదల చేయాలని డిమాండ్‌ చేశారు. న్యాయవాద వృత్తిని నమ్ముకున్న యువ న్యాయవాదులను ప్రోత్సహించడంలోనూ, రాయలసీమ ప్రాంత ఆకాంక్షలను నెరవేర్చడంలోనూ ఈ ప్రభుత్వం తీవ్ర నిర్లక్ష్యం ప్రదర్శిస్తోందన్నారు. నారా లోకేశ్‌ ఇచ్చిన హామీ మేరకు వెంటనే కర్నూలులో హైకోర్టు బెంచ్‌ ప్రకటన చేయాలని డిమాండ్‌ చేశారు. లోకాయుక్త, ఇతర ట్రిబ్యునళ్లను విజయవాడకు తరలించే ప్రయత్నాలను తక్షణం విరమించుకుని కర్నూలులోనే కొనసాగించి మౌలిక వసతులు కల్పించాలన్నారు. హామీలు విస్మరించి, రెడ్‌ బుక్‌ రాజ్యాంగంతో కక్షసాధింపులకు దిగుతున్న టీడీపీ ప్రభుత్వానికి 2029 ఎన్నికల్లో ప్రజలు తగిన బుద్ధి చెబుతారని స్పష్టం చేశారు. కార్యక్రమంలో వైఎస్సార్‌సీపీ లీగల్‌ సెల్‌ రాష్ట్ర కార్యదర్శి పి. సువర్ణ రెడ్డి, న్యాయవాదులు రాజేష్‌, మహేష్‌ బాబు, ప్రభాకర్‌, ఇతర న్యాయవాదులు పాల్గొన్నారు.

● ఉమ్మడి జిల్లాలో రూ.7,951 హెక్టార్లలో సాగు లెక్కలు ● కర్నూలు జిల్లాకు 11.25 కోట్లు, నంద్యాల జిల్లాకు రూ.1.84 కోట్లు విడుదల ● పత్తి సాగులో అధునాతన పద్ధతులు పాటించాలనేది ప్రదాన ఉద్దేశం ● పేపర్లపై తప్పితే ఎక్కడా కనిపించని అమలు ● ఇప్పటికే కర్నూలు జిల్లాలో రూ.6.75 కోట్లు, నంద్యాల జిల్లాలో రూ.75.45 లక్షల వినియోగం ● క్షేత్రస్థాయిలో ఈ పథకం ఉందనే విషయమే తెలియని రైతులు ● కంపెనీలతో కుమ్మకై ్క ఇన్‌పుట్స్‌ను నగదుగా మార్చుకుంటున్న వైనంక్రిష్ణగిరి మండలంలో పత్తి పంటను దున్నేస్తున్న వైనంకర్నూలు(అగ్రికల్చర్‌): వర్షాభావం పత్తి రైతులకు కన్నీళ్లు మిగిలిస్తే.. వ్యవసాయ శాఖలోని కొందరు అధికారులకు కాసులు కురిపిస్తోంది. చంద్రబాబు ప్రభుత్వం ఏర్పాటు తర్వాత వ్యవసాయ శాఖ అక్రమాలు, అవినీతికి కేరాఫ్‌గా మారింది. తాజాగా వ్యవసాయ శాఖలో మరో కుంభకోణం సంచలనం రేపుతోంది. కాటన్‌ మిషన్‌ నిధులను కొల్లగొడుతున్న తీరు ఆశ్చర్యం కలిగిస్తోంది. రైతులకు ఎలాంటి శిక్షణా కార్యక్రమాలు నిర్వహించకపోయినా దొంగ బిల్లులతో నిధులు కొల్లగొట్టినట్లు స్పష్టమవుతోంది. పత్తిలో అధునాతన పద్ధతులను ప్రోత్సహించేందుకు కేంద్రం ప్రత్యేకంగా కాటన్‌ మిషన్‌ పథకాన్ని 2026–27 నుంచి అమలు చేస్తోంది. కర్నూలు జిల్లాలో రాష్ట్రంలోనే పత్తి సాగు ఎక్కువగా ఉండటంతో ఈ పథకం కింద అత్యధిక బడ్జెట్‌ను ఈ జిల్లాకే కేటాయించారు. కాటన్‌ మిషన్‌లో మూడు అనుబంధ పథకాలు(హెచ్‌డీపీఎస్‌, క్లోజర్‌ ప్లేసింగ్‌, ఐసీఎం) ఉండగా.. వీటి కింద 7,951 హెక్టార్లలో పత్తి సాగు చేసినట్లు కాగితాలపై కనిపిస్తోంది. హెచ్‌డీపీస్‌ కింద హెక్టారుకు రూ.18,500, క్లోజర్‌ ప్లేసింగ్‌లో హెక్టారుకు రూ.15వేలు, ఐసీఎంలో హెక్టారుకు రూ.10 వేలు ఖర్చు చేస్తున్నారు. రసాయన ఎరువులు మినహా విత్తనంతో పాటు పురుగు మందులు, సూక్ష్మపోషకాలు, విత్తన శుద్ధి మందులు, గులాబిరంగు పురుగుల నివారణ మందులు ఉచితంగా ఇస్తారు. పత్తి విత్తనాలకు సంబంధించి వాటి ఽవిలువను విధిగా రైతుల బ్యాంకు ఖాతాలకు జమ చేయాల్సి ఉంది. లేదా వ్యవసాయ శాఖనే విత్తనాలు కొని పంపిణీ చేయాలి. అయితే కర్నూలు జిల్లాలో నిబంధనలకు విరుద్ధంగా పత్తి విత్తన కంపెనీలకు విత్తనం విలువను జమ చేయించినట్లు తెలుస్తోంది. కంపెనీల నుంచి ఈ సొమ్మును వెనక్కి తీసుకునేందుకు ఈ విధంగా చేసినట్లు చర్చ జరుగుతోంది. ఉమ్మడి జిల్లాలో 39 మండలాల్లో కాటన్‌ మిషన్‌ అమలవుతున్నా.. 96 శాతం మండలాల్లో ఒక్క రైతుకూ విత్తనం కానీ, విత్తనం విలువకు సంబందించిన నగదు కానీ అందకపోవడం ఆశ్చర్యం కలిగిస్తోంది. జిల్లాలో కాటన్‌ మిషన్‌ కింద కర్నూలు జిల్లాలో 6,800 హెక్టార్లు, నంద్యాల జిల్లాలో 1,151 హెక్టార్లలో పత్తి సాగు చేసినట్లు లెక్కలు ఉన్నా.. రైతులకు పురుగు మందులు, సూక్ష్మపోషకాలు, విత్తనశుద్ధి మందులు అందించిన దాఖలాలు లేవు. కాటన్‌ మిషన్‌ పథకం కర్నూలు జిల్లాలోని అన్ని మండలాలు, నంద్యాల జిల్లాలోని 12 మండలాల్లో అమలవుతోంది. ఉమ్మడి కర్నూలు జిల్లా పత్తి సాగుకు పెట్టింది పేరు. అయితే వర్షాభావం వల్ల పత్తి పంట లేకుండా పోయింది. ఈ ఏడాది ఈ స్కీమ్‌ వద్దంటూ రాసిచ్చారు. కానీ ఇక్కడ మాత్రం కాటన్‌ మిషన్‌ అద్భుతంగా పనిచేస్తోంది. ఈ పథకం కింద ఇన్‌పుట్స్‌ మార్క్‌ఫెడ్‌ సరఫరా చేస్తోంది. రెండు నెలలుగా ఏవోలు ఇన్‌పుట్స్‌ కోసం మార్క్‌ఫెడ్‌కు ఇండెంటు పెట్టారు. మార్క్‌ఫెడ్‌ అన్ని మండలాలకు సరఫరా చేసింది. కానీ రైతులకు ఇన్‌పుట్స్‌ పంపిణీ చేసిన దాఖలాలు లేవు. ఏవోలు మార్క్‌ఫెడ్‌ నుంచి వచ్చిన ఇన్‌పుట్స్‌, పురుగు మందులను ఆయా కంపెనీలకు అప్పగించి నగదుగా మార్చుకుంటున్నారనే విమర్శలు వ్యక్తమవుతున్నాయి. కొన్నింటిని డీలర్లకు అప్పగించి సొమ్ము చేసుకున్నట్లు చర్చ జరుగుతోంది. కరువు కాలంలోనూ అధికారులకు సిరులు కాటన్‌ మిషన్‌ కింద కర్నూలు జిల్లాకు రూ.6.75 కోట్లు, నంద్యాల జిల్లాకు రూ.75.45 లక్షలు విడుదలయ్యాయి. కాటన్‌ మిషన్‌ రైతులకు ఉద్దేశించినదే అయినా లబ్ధిపొందిన రైతులు లేకపోవడం ఆశ్చర్యం కలిగించే విషయం. ఉమ్మడి జిల్లాలో ఒక ఏడీ కాటన్‌ మిషన్‌ గురించి రైతులకు చెప్పడానికి ప్రయత్నిస్తే ఏవోలు అడ్డుకున్నట్లు సమాచారం. ఆదాయంలో 35–40 శాతం వాటా ఇవ్వాల్సిందేనని ఏఓ, ఏడీఏలు డిమాండ్‌ చేస్తున్నారనే విమర్శలు వ్యక్తమవుతున్నారు. కాటన్‌ మిషన్‌ బడ్జెట్‌ ఏడీఏల ఖాతాలకే విడుదలవుతుండటంతో తాము డిమాండ్‌ చేసిన స్థాయిలో కమీషన్‌ ఇస్తేనే సహకరిస్తామనని ఏవోలకు తేల్చి చెబుతున్నట్లు తెలుస్తోంది. వర్షాభావం వల్ల పత్తి పంటే లేనప్పుడు స్కీమ్‌ అమలు ఎలా సాధ్యమనే ప్రశ్న ఎక్కడా ఉత్పన్నం కాకపోవడం గమనార్హం. స్కీమ్‌ను పక్కాగా అమలు చేస్తున్నామం టూ ఏవోలు బిల్లులు, ఇండెంట్లు పెడుతుండటం ఆశ్చర్యం కలిగిస్తోంది.

సాతనూరు మజరా గ్రామమైన సాతనూరు కొట్టాల గ్రామంలో తాగునీరు లేక ప్రజలు తీవ్ర ఇబ్బందులు పడుతున్నారు. బుధవారం గ్రామ ప్రజలు ఖాళీ బిందెలతో రోడ్డు పైకి వచ్చి నిరసన తెలిపారు. గ్రామంలో పది రోజులుగా తాగునీటి బోరు మరమ్మతులకు గురైంది. పంచాయతీ కార్యదర్శికి సమస్యను వివరించినా నేడు, రేపు అంటూ వాయిదాలకు వేస్తూ కాలయాపన చేస్తున్నారని ఆరోపించారు. గ్రామంలో ఉన్న ఒక్క బోరు పనిచేయక పోవడంతో బిందెలను తీసుకుని పొలాలకు వెళ్లి బోర్లను ఆశ్రయించి తాగునీటి తెచ్చుకుంటూ అవస్థలు పడుతున్నామని గ్రామస్తులు రాముడు, లక్ష్మీ, రామలింగమ్మ, లలితమ్మ, భాగ్యమ్మ, రాములమ్మ, వీరభద్రమ్మలు ఆరోపించారు. వేసవి కాక ముందే తాగునీటి కష్టాలు వస్తే వేసవిలో ఇంకెన్ని కష్టాలు ఎదుర్కోవాల్సి వస్తోందోనని ఆవేదన వ్యక్తం చేశారు. ఇప్పటికై న సంబంధింత ఉన్నత అధికారులు స్పందించి నిర్లక్ష్యం వహిస్తున్న పంచాయతీ కార్యదర్శిపై చర్యలు తీసుకుని గ్రామంలో తాగునీటి సమస్య పరిష్కరించాలని గ్రామస్తులు కోరారు. – కోసిగి

● చేసిన ఖర్చులకు డబ్బులు ఇవ్వాలని కోరుతున్న పీఎస్‌లుజూపాడుబంగ్లా: జెడ్పీటీసీ, ఎంపీటీసీ ఎన్నికలు ఈనెల 5న నిర్వహించినా పోలింగ్‌ కేంద్రాల వద్ద గ్రామాల పంచాయతీ కార్యదర్శులు ఏర్పాటు చేని సౌకర్యాలకు ఇప్పటి వరకు డబ్బులు ఇవ్వలేదు. వెంటనే నిధులు ఇవ్వాలని లేదంటే పంచాయతీ ఎన్నికలకు పోలింగ్‌ కేంద్రాల వద్ద ఎలాంటి ఏర్పాట్లు చేయలేమని కార్యదర్శులు చెబుతున్నారు. జూపాడుబంగ్లా మండలంలో 12 గ్రామ పంచాయతీలుండగా 11 మంది పంచాయతీ కార్యదర్శులు విధులు నిర్వహిస్తున్నారు. తాటిపాడుకు పీఎస్‌ లేకపోవటంతో డిజిటల్‌ అసిస్టెంటుకు పంచాయతీ నిర్వహణ బాధ్యతలు అప్పగించారు. ఎంపీడీఓ ఆదేశాల మేరకు పోలింగ్‌ కేంద్రాల వద్ద ఒక్కో పంచాయతీ కార్యదర్శి రూ.20వేల నుంచి రూ.40వేల దాకా చేతినుంచి డబ్బులు వెచ్చించారు. వాస్తవానికి ప్రభుత్వం ఒక్కో పోలింగ్‌ కేంద్రానికి రూ.10వేల చొప్పున కేటాయించింది. అందులో రూ.5వేలు అడ్మినిస్ట్రేషన్‌ ఖర్చులకు, రూ.2,500 అధికారుల ఖర్చులకు, ప్రచురణ, ప్రింటింగ్‌ ఖర్చులకు రూ.1,000, వాహనచార్జీలు, ఇందనం కోసం రూ.500 చొప్పున కేటాయించారు. ఈలెక్కన మండలంలోని 32 పోలింగ్‌ కేంద్రాకు రూ.3,20,000 కేటాయించినట్లు సమాచారం. అయితే పోలింగ్‌ కేంద్రాల వద్ద ఏర్పాటు చేసిన సౌకర్యాలు, పోలింగ్‌ సిబ్బంది భోజనాలు, టీ, టిఫిన్‌కు కేటాయించిన నిధులు మంజూరు చేయలేదు. దీంతో కార్యదర్శులు ఆందోళన వ్యక్తం చేస్తున్నారు. అఽధికారులు చర్యలు తీసుకొని తాము చేసిన ఖర్చుల మొత్తాన్ని సత్వరమే చెల్లించాలని కోరుతున్నారు. లేనిపక్షంలో త్వరలో జరగనున్న పంచాయతీ ఎన్నికలకు పోలింగ్‌ కేంద్రాల వద్ద చేతినుంచి నగదు వెచ్చించి ఏర్పాట్లు చేయటం కష్టసాధ్యమవుతుందన్నారు.

● కాలువలో పడి వ్యక్తి దుర్మరణం పత్తికొండ: పూజలో వినియోగించిన పూలతో పాటు ఇతరత్రా వస్తువులను కాలువలో పారవేయడానికి వెళ్లిన వ్యక్తి ప్రమాదవశాత్తు కాలు జారి మృత్యువాత పడ్డాడు. ఈ ఘటన పత్తికొండ పట్టణంలో బుధవారం చోటు చేసుకుంది. పట్టణంలోని సుంకంగేట్‌ దగ్గర అవకాలమ్మ గుడి సమీపంలో నివాసం ఉండే సురేష్‌శెట్టి(42) ఇంట్లో దీపావళి పండుగతో పాటు కార్తీకమాసం సందర్భంగా ప్రత్యేక పూజలు నిర్వహించారు. రెండు రోజులు పాటు పూజా కార్యక్రమాల కోసం వినియోగించిన వస్తువులను నీళ్లలో వసేందుకు ఉదయాన్నే సమీపంలోని హంద్రీనీవా కాల్వ వద్దకు చేరుకున్నాడు. మెట్ల దగ్గర కాలువలోకి దిగుతున్న సమయంలో హఠాత్తుగా కాలు జారీ హంద్రీనీవా కాలువలో పడిపోయి గల్లంతయ్యాడు. కాలువ మీద వాకింగ్‌ చేస్తున్న కొందరు గుర్తించి ఆయనను కాపాడటానికి ప్రయత్నం చేశారు. వెంటనే అగ్నిమాపక శాఖ అధికారులుకు సమాచారం ఇచ్చారు. సిబ్బంది అక్కడికి చేరుకుని గాలిస్తుండగా సంఘటనకు కొద్ది దూరంలోనే మృతదేహాన్ని గుర్తించి బయటకు తీశారు. మృతుడుకి భార్య రాధిక, కుమారుడు, కుమార్తె ఉన్నారు. వారు సమాచారం అందుకున్ని అక్కడికి చేరుకుని కన్నీరుమున్నీరుగా విలపించారు. సమాచారం తెలుసుకున్న పోలీసులు అక్కడికి చేరుకోని మృతదేహాన్ని పోస్టుమార్టం నిమిత్తం పత్తికొండ ప్రభుత్వ అసుపత్రికి తరలించారు.

కర్నూలు(సెంట్రల్‌): మునిసిపల్‌, ఎంపీటీసీ, జెడ్పీటీసీ ఎన్నికల్లో టీడీపీ, దాని మిత్రపక్షాలు చేసిన అక్రమాలు, అరాచకాలపై విచారణ జరపాలని సీపీఎం, సీపీఐ డిమాండ్‌ చేశాయి. పోలీసులతో ప్రతిపక్ష పార్టీ నాయకులను భయపెట్టి కూటమి నాయకులు గెలుపొందారని, అసలు అది విజయమే కాదని, ఫోజులు ఇవ్వడం మానుకోవాలని హితవు పలికారు. బుధవారం రాష్ట్ర వ్యాప్తంగా వామపక్ష పార్టీలు ఇచ్చిన పిలుపులో భాగంగా స్థానిక ఎన్నికలలో కూటమి పార్టీలు చేసిన అక్రమాలకు నిరసనగా కర్నూలు నగరంలో ధర్నా చౌక్‌ వద్ద వామపక్ష పార్టీల ఆధ్వర్యంలో ఆందోళన నిర్వహించారు. సిపిఎం ఓల్డ్‌ సిటీ కార్యదర్శి రాజశేఖర్‌, సిపిఐ నగర సహాయ కార్యదర్శి డి శ్రీనివాసరావు అధ్యక్షతన జరిగిన నిరసనలో నాయకులు మాట్లాడుతూ ప్రజాస్వామ్యయుతంగా పనిచేయాల్సిన పోలీసు, రెవెన్యూ యంత్రాంగాలు కూటమి పార్టీల కొమ్ము కాశాయని ఆరోపించారు. పోలీసులు ప్రతిపక్ష పార్టీల నాయకులపై బైండోవర్‌ కేసులు పెట్టడం, అక్రమంగా అరెస్టులు చేయడం, పోలింగ్‌ ఏజెంట్లు కూర్చోకుండా అడ్డుకోవడంతోనే కూటమి పార్టీలు రిగ్గింగ్‌, సైక్లింగ్‌కు పాల్పడ్డాయన్నారు. ఇంత జరిగినా నిస్సిగ్గుగా చంద్రబాబునాయుడు ఎన్నికలు ప్రశాంత వాతావరణంలో జరిగాయని చెప్పడం అన్యాయమన్నారు.

బేతంచెర్ల: పట్టణంలో అక్రమంగా తరలిస్తున్న 110 ప్యాకెట్ల రేషన్‌ బియ్యాన్ని పోలీసులు స్వాధీనం చేసుకున్నారు. మంగళవారం రాత్రి పట్టణంలోని బొరుగుల బట్టి నిర్వాహకుడు వెంకట నారాయణ రెడ్డి వద్ద నుంచి ఐచర్‌ వాహనంలో తరలిస్తున్న బియ్యాన్ని అయ్యప్ప స్వామి ఆలయం వద్ద అదుపులోకి తీసుకున్నట్లు ఎస్‌ఐ రమేష్‌ బాబు తెలిపారు. వాహన డ్రైవర్‌ నేష కార్తీక్‌తో పాటు బొరుగుల బట్టి నిర్వాహకుడు వెంకట నారాయణ రెడ్డిపై కేసు నమోదు చేసి, వాహనాన్ని సీజ్‌ చేసినట్లు ఎస్‌ఐ వెల్లడించారు. శ్రీశైల సందర్శనతో ఆధ్యాత్మిక శక్తి శ్రీశైలంటెంపుల్‌:‘జ్యోలిర్లింగ క్షేత్రాల యాత్ర లో భాగంగా భారతదేశంలో పర్యటిస్తున్నా ను. ఇప్పటి వరకు ఐదు జ్యోతిర్లింగాలు సందర్శించాను. శ్రీశైల యాత్రతో ఆరు జ్యోతిర్లింగాల సందర్శన పూర్తి అయింది. శ్రీశైలం యాత్ర ఎంతో సంతృప్తిని ఇవ్వడంతో పాటు పరిపూర్ణమైన ఆధ్యాత్మిక శక్తిని ఇచ్చింది. ఇ క్కడి వాతావరణం చాలా బాగుంది. ఒకే ప్రా ంగణంలో జ్యోతిర్లింగం, శక్తిపీఠం కలగలసి ఉండడం ఎక్కడా చూడలేదు’ అని నెదర్లాండ్‌ నివాసి జూలి యా అన్నారు. భారతదేశంలోని ద్వాదశ జ్యోతిర్లింగాల దర్శనం చేసుకోవాలన్న సంకల్పంతో ఐదేళ్ల నుంచి వస్తూ ఇప్పటి వరకు ఐదు క్షేత్రాలను దర్శించుకున్న ఆమె మూడు రోజుల క్రితం మల్లికార్జున స్వామివారి దర్శనానికి శ్రీశైలం చేరుకున్నారు. సోలోగా వచ్చిన ఈ పిలిగ్రీమ్‌ ట్రావెలర్‌కు వసతి గది ఇవ్వకపోవడంతో శ్రీశైల వాసి నటరాజస్వామి విజ్ఞప్తి మేరకు శ్రీశైలంలోని అక్కమహాదేవి చైతన్య కేంద్రం వద్ద వసతి కల్పించారు. ఆన్‌లైన్‌లో టికెట్లు పొంది స్పర్శదర్శనం, రుద్రహోమం, భ్రమరాంబాదేవికి చండీహోమం, కుంకుమార్చన, మహా మృత్యుంజయ హోమం, గణపతి హోమం, స్వామిఅమ్మవార్లకు లీలా కల్యాణం, వృద్ద మల్లికార్జున స్వా మివారికి అభిషేకం, వేదాశీర్వచనం చేసుకున్నారు. దేవస్థానం ప్రచురించిన శ్రీశైలఖండం పుస్తకాన్ని రూ.1200 చెల్లించి కొనుగోలు చేశారు. ఆమెకు ఈఓ శ్రీనివాసరావు క్షేత్ర ప్రాశస్త్యం, క్షేత్ర విశేషాలు, సంప్రదాయాలు, ఆచార వ్యవహారాలు, కట్టుబాట్లు, భయ దేవాలయాల్లో నిర్వహించే ఉత్సవాలు, క్షేత్ర మహిమా విశేషాలను వివరించారు.

● న్యాయ సేవాధికార సంస్థ కార్యదర్శి కర్నూలు: పిల్లలకు ఎదురయ్యే సమస్యలను భయపడకుండా తల్లిదండ్రులు, ఉపాధ్యాయులు, సంబంధిత అధికారుల దృష్టికి తీసుకురావాలని న్యాయ సేవాధికార సంస్థ జిల్లా కార్యదర్శి లీలా వెంకటశేషాద్రి అన్నా రు. రాష్ట్ర న్యాయ సేవాధికార సంస్థ ఆదేశాల మేరకు గూడూరు మండలం గుడిపాడు గ్రామంలోని జిల్లాపరిషత్‌ హైస్కూల్‌లో బుధవారం సురక్షిత్‌ బచ్చన్‌, అభియాన్‌ కార్యక్రమానికి ఆయన ముఖ్య అతిథిగా హాజరై ప్రారంభించారు. దేశ వ్యాప్తంగా నిర్వహిస్తున్న సురక్షిత్‌ బచ్చన్‌ అభియాన్‌ కార్యక్రమంలో భాగంగా విద్యార్థులను ఉద్దేశించి ఆయన మాట్లాడుతూ.. బాలల హక్కులు, వ్యక్తిగత భద్రత, లైంగిక నేరాల నుంచి పిల్లల రక్షణ, ఆన్‌లైన్‌ భద్రత, లైంగిక వేధింపులు జరిగినప్పుడు తీసుకోవాల్సిన చర్యలు, ఫిర్యాదు చేసే విధానం, ఉ చిత న్యాయ సహాయం తదితర అంశాలపై అవగాహన కలిగి ఉండాలని సూచించారు. పిల్లలు తమకు ఎదురయ్యే సమస్యలను భయపడకుండా అధికారుల దృష్టికి తేవాలని సూచించారు. లీగల్‌ ఎయిడ్‌ డిఫెన్స్‌ కౌన్సిల్‌ చీఫ్‌ శివరామచంద్రరావు మాట్లాడుతూ.. బాలల భద్రత, హక్కుల పరిరక్షణపై విద్యార్థుల్లో చైతన్యం కల్పించడమే ప్రధాన లక్ష్యమని పేర్కొన్నారు. లీగల్‌ ఎయిడ్‌ సభ్యుడు డాక్టర్‌ రాయపాటి శ్రీనివాస్‌, స్కూల్‌ ఇన్‌చార్జి హెడ్‌ మాస్టర్‌ పర్‌సిస్‌, ప్యానల్‌ లాయర్‌ రామపుల్లయ్య, పారా లీగల్‌ వలంటీర్స్‌ గోపి, హేమంత్‌, అనీఫ్‌ తదితరులు కార్యక్రమంలో పాల్గొన్నారు.

మాలధారణ చేస్తున్న అయ్యప్ప స్వామి ఆలయ పూజరి బాలస్వామి,దీక్ష స్వీకరించడానికి హాజరైన భక్తులు కర్నూలు కల్చరల్‌: కార్తీక మాసం ప్రారంభం కావడంతో అయ్యప్ప స్వామి భక్తులకు అత్యంత ప్రీతి పాత్రమైన బుధవారం రోజు భక్తులు అయ్యప్ప దీక్షలు ీస్వీకరించారు. నగరంలోని భాస్కర్‌నగర్‌ అయ్యప్పస్వామి ఆలయం, సప్తగిరినగర్‌లోని మణికంఠ అయ్యప్పస్వామి ఆలయాల్లో వందల సంఖ్యలో అయ్యప్ప భక్తులు దీక్ష స్వీకరించారు. భక్తుల అయ్యప్ప స్వామి శరణు ఘోషతో ఆలయాలు మారుమోగాయి. అంతకు ముందు అయ్యప్ప స్వామికి పంచామృతాఽభిషేకం, ప్రత్యేక అలంకరణతో భక్తులకు దర్శనం కల్పించారు. సుమారు 800 మంది భక్తులు అయ్యప్ప దీక్ష స్వీకరించినట్లు ఆలయ కమిటీ సభ్యులు పేర్కొన్నారు.

కొలిమిగుండ్ల: బందార్లపల్లె సమీపంలోని పురాతన నేల బెలుం మల్లేశ్వరస్వామి ఆలయంలో అద్భుత దృశ్యం ఆవిష్కృతమైంది. కార్తీక మాసంలో నెల రోజుల పాటు భానుడి కిరణాలు స్వామిపై పడుతుంటాయి. ఈ మేరకు బుధవారం ఉదయ భానుడి లేలేత సూర్యకిరణాలు నేరుగా మల్లేశ్వరస్వామి, పార్వతిదేవి, వీరభద్రస్వామి వార్లపై ప్రసరించాయి. స్వామి వారిని సూర్యకిరణాలు తాకిన అపురూప దృశ్యాన్ని భక్తులు దర్శించుకుని పరవశించిపోయారు. సూర్యభగవానుడే స్వయంగా మల్లేశ్వ రస్వామికి కాంతితో అభిషేకం చేస్తున్నట్లుగా కనిపించింది. ప్రకృతి రమణీయల మధ్యలో వెలసిన మల్లేశ్వరస్వామి ఆలయంలో కార్తీక మాసంలో అభిషేకాలు, ప్రత్యేక పూజలు జరుగుతుంటాయి. కార్తీక మాసం చివరి సోమవారం ఇక్కడ తిరుణాల నిర్వహిస్తారు. వందల ఏళ్ల క్రితం నిర్మించిన ఆలయంలో ప్రతి ఏటా కార్తీక మాసంలో కిరణాలు ఉదయం15 నిమిషాల పాటు పడుతుంటాయని భక్తులు తెలిపారు. మల్లేశ్వరస్వామి,పార్వతిదేవిపై పడిన కిరణాలు

● జేఎన్‌టీయూ అనంతపురం వీసీ ప్రొఫెసర్‌ హెచ్‌. సుదర్శనరావుఅనంతపురం: ప్రతి ఒక్కరి జీవితంలో తల్లిదండ్రుల తర్వాత అధ్యాపకుల పాత్ర ఎంతో ప్రాముఖ్యమైనదని జేఎన్‌టీయూ అనంతపురం వీసీ హెచ్‌. సుదర్శనరావు అన్నారు. జేఎన్‌టీయూ అనంతపురం పాలక భవనంలోని ఆర్యభట్ట ఆడిటోరియంలో బుధవారం ‘యూనివర్సిటీ లెవెల్‌ అవార్డ్స్‌–2026’ ప్రదాన కార్యక్రమాన్ని నిర్వహించారు. వీసీ ముఖ్య అతిథిగా హాజరై.. అవార్డు గ్రహీతలను ఘనంగా సత్కరించారు. వీసీ మాట్లాడుతూ విద్యార్థులను బాధ్యతాయుతమైన పౌరులుగా తీర్చిదిద్దడంలో అధ్యాపకులు కీలక పాత్ర పోషిస్తున్నారని కొనియాడారు. జిల్లాకు సంబంధించి అవార్డులు ఇలా.. యూనివర్సిటీ బెస్ట్‌ టీచర్స్‌ అవార్డు (అటానమస్‌ కళాశాలలు): ఎస్‌.జహుర్‌ ఉయి హుక్‌ (పుల్లారెడ్డి కాలేజ్‌, కర్నూలు). ఉత్తమ ఫార్మాస్యూటికల్‌ సైన్స్‌ అవార్డు: ఎన్‌.ఎం.వాగేష్‌ (సెయింట్‌ జోన్స్‌ ఫార్మసీ కాలేజ్‌, కర్నూలు). బెస్ట్‌ ఫిజికల్‌ డైరెక్టర్‌ అవార్డు: జి.చంద్రారెడ్డి (శాంతిరామ్‌ ఇంజినీరింగ్‌ కాలేజ్‌, నంద్యాల). బెస్ట్‌ ఉమెన్‌ కో–ఆర్డినేటర్స్‌ అవార్డు: డాక్టర్‌ కె.దేవికాదేవి (పుల్లారెడ్డి కాలేజ్‌, కర్నూలు).

దమ్ముంటే ఎన్నికలు ● వైఎస్సార్‌సీపీ జిల్లా అధ్యక్షుడు ఎస్వీకర్నూలు(టౌన్‌): స్థానిక సంస్థల ఎన్నికల్లో కూటమి ప్రభుత్వం అనూహ్య విజయం సాధించిందని ముఖ్య మంత్రి చంద్రబాబు నాయుడు ప్రకటించడం సిగ్గు చేటని, దమ్ముంటే ఎన్నికలు ప్రజాస్వామ్యబద్ధంగా నిర్వహించాలని వైఎస్సార్‌ కాంగ్రెస్‌పార్టీ కర్నూలు జిల్లా అధ్యక్షులు ఎస్వీ మోహన్‌ రెడ్డి సవాల్‌ విసిరారు. మంగళవారం స్థానిక ఎస్వీ కాంప్లెక్స్‌లోని వైఎస్సార్‌ సీపీ కార్యాలయంలో ఆయన విలేకరుల సమావేశంలో మాట్లాడారు. రాజకీయాల్లో 45 ఏళ్ల ఇండస్ట్రీ అని చెప్పుకునే చంద్రబాబు అనుభవం అబద్దాలు చెప్పేందుకు ఉపయోగపడుతోందన్నారు. దేశంలో ఎక్కడా లేని విధంగా స్థానిక సంస్థల ఎన్నికల్లో దౌర్జన్యాలు, మహిళా అభ్యర్థులపై దాడులు, నామినేషన్లు వేయకుండా బలవంతంగా లాక్కున్న ఘటనలు, వైఎస్సార్‌సీపీ నాయకులను అక్రమ కేసుల్లో ఇరికించడం, లక్ష లాది బైండోవర్‌ కేసులు నమోదు చేసి స్టేషన్లను తరలించడం చేశారన్నారు. నామినేషన్లు ముగిసిన తరువా త పోలింగ్‌ రోజు యథేచ్ఛగా పోలింగ్‌ కేంద్రాల వద్దే డబ్బులు పంపిణీ, బూత్‌లను ఆక్రమించుకొని భారీగా రిగ్గింగ్‌ చేయడం ప్రపంచమంతా చూసిందన్నారు. రీపోలింగ్‌ లేదా రీ కౌంటింగ్‌ వెళ్లే దమ్ముందా? కర్నూలులో మంత్రి స్థాయిలో అధికార పార్టీ నేతలు అక్రమాలు, దాడులు, బైండోవర్‌ కేసులు పెట్టి ఎన్నికలు నిర్వహించారన్నారు. కౌంటింగ్‌ కేంద్రంలో గంట ల కొద్ది మంత్రికి ఏం పని అన్నారు. 23వ వార్డు అభ్యర్థి 58 ఓట్ల తేడాతో టీడీపీ అభ్యర్థిపై గెలుపొందితే రీకౌంటింగ్‌ పేరుతో తిరస్కరణకు గురైన ఓట్లు కలిపి టీడీపీ గెలిచినట్లు డిక్లరేషన్‌ ప్రకటించారన్నారు. 50 వార్డు, 52వ వార్టులోనే ఇదే పరిస్థితి వచ్చిందన్నారు. ముందుగా వైఎస్సార్‌సీపీ అభ్యర్థులను గెలిచినట్లు ప్రకటించి డిక్లరేషన్‌ ఇచ్చే సమయంలో అధికార పార్టీ నేతలు, ఎలెక్షన్‌ అథారిటీగా వ్యవహరించిన కమిషన ర్‌ చల్లా ఓబులేసు టీడీపీ అభ్యర్థులు గెలిపించడమే లక్ష్యంగా పనిచేశారన్నారు. జగనన్న కన్నా రెండింతల సంక్షేమ పథకాలు ఇస్తామంటే నమ్మి ప్రజలు మోసపోయారన్నారు. 2029 ఎన్నికల్లో ప్రజలు ఈ ప్రభుత్వానికి బుద్ధి చెప్పేందుకు సిద్ధంగా ఉన్నారన్నారు.

ఆదోని అర్బన్‌: పట్టణంలోని కోటఅశ్వర్థ నగర్‌లో మంగళవారం తెల్లవారుజామున గుర్తు తెలియని వ్యక్తులు ఆటోకు నిప్పంటించారు. లక్ష్మిరెడ్డికి చెందిన ఆటోను ఇంటి ముందు పార్కింగ్‌ చేయగా తెల్లవారుజామున 3 గంటల సమయంలో దుండగులు నిప్పంటించారు. చుట్టుపక్కల వారు యజమానికి సమాచారం ఇవ్వగా ఆయన బయటికి వచ్చేలోపే ఆటో పూర్తిగా కాలిపోయింది. రోజూ ఆటో నడుపుకుంటూ కుటుంబాన్ని పోషించుకుంటున్నానని, తనకు శత్రువులు లేరని, గతంలో కూడా ఆటో టైర్లు, బ్యాటరీని ఎత్తుకెళ్లారని బాధితుడు వాపోయారు. రూ.4.50 లక్షలకు ఫైనాన్స్‌లో ఆటోను తీసుకొని నడుపుకుంటూ వాయిదాలు కడుతున్నానని, ఇంకా రూ.1.50 లక్షలు మిగిలి ఉందని ఆవేదనకు గురయ్యారు. ఆటోకు నిప్పంటించిన వారిపై చర్యలు తీసుకోవాలని పోలీసులను కోరాడు. ఘటనపై వన్‌టౌన్‌ పోలీస్‌స్టేషన్‌లో ఫిర్యాదు చేయగా.. వారు అక్కడికి చేరుకుని పరిశీలించారు. తనకు న్యాయం చేయాలని బాధితుడు వేడుకున్నారు. లెక్చరర్‌ ఆత్మహత్య బొమ్మలసత్రం: నంద్యాల మండలం రైతునగరం గ్రామ శివారులో లెక్చరర్‌ చంద్రమౌళీశ్వరరెడ్డి (52) పురుగు మందు తాగి ఆత్మహత్యకు పాల్పడిన సంఘటన సోమవారం చోటుచేసుకుంది. తాలుకా సీఐ ఈశ్వరయ్య తెలిపిన వివరాల మేరకూ రైతునగరం సమీపంలోని గురుదత్త కాలనీలో నివసిస్తున్న చంద్రమౌళీశ్వరరెడ్డి పట్టణంలోని వెంకటేశ్వర జూనియర్‌ కళాశాలలో లెక్చరర్‌గా పనిచేస్తున్నాడు. అవసరాల నిమిత్తం కొందరు వ్యక్తుల వద్ద రూ.30 లక్షలు అప్పు తీసుకున్నాడు. అప్పు తీర్చలేక మనస్తాపంతో ఇంట్లో ఎవరూ లేని సమయంలో పురుగు మందు తాగి ఆత్మహత్యాయత్నానికి పాల్పడ్డాడు. కాసేపటికి ఇంటికి చేరుకున్న కుటుంబ సభ్యులు చంద్రమౌళీశ్వరరెడ్డిని మెరుగైన చికిత్స నిమిత్తం పట్టణంలోని ఓ ప్రైవేటు ఆసుపత్రికి తరలించారు. చికిత్స పొందుతూ కోలుకోలేక మంగళవారం మృతిచెందాడు. భార్య లక్ష్మిదేవి ఫిర్యాదు మేరకు పోలీసులు కేసు నమోదు చేసి విచారణ చేపట్టారు. మృతుడికి జోశ్వని అనే కుమార్తె ఉంది.

● 19న ఎంపీపీ, వైస్‌ ఎంపీపీ, 20న జెడ్పీ చైర్మన్‌, వైస్‌ చైర్మన్ల ఎన్నిక ● ఆయా తేదిల్లో మండలానికి ఒకరు, జెడ్పీకి ఇద్దరు కోఆప్షన్‌ సభ్యుల ఎన్నిక ● ప్రత్యేకాధికారుల పర్యవేక్షణలో ఎన్నికలు కర్నూలు(అర్బన్‌): గత నెల 21వ తేదీ నుంచి ప్రారంభమైన ఎంపీటీసీ, జెడ్పీటీసీ ఎన్నికల ప్రక్రియ చివరి అంకానికి చేరుకుంది. ఈ నెల 5న పోలింగ్‌, 7వ తేదీన ఓట్ల లెక్కింపు పూర్తయిన నేపథ్యంలో ఇక మిగిలిన మండల పరిషత్‌ అధ్యక్షులు, జిల్లా పరిషత్‌ చైర్మన్‌ను ఎన్నుకునేందుకు రాష్ట్ర ఎన్నికల కమిషన్‌ మంగళవారం షెడ్యూల్‌ను విడుదల చేసింది. ఈ నెల 19న ఎంపీపీ, వైస్‌ ఎంపీపీ, 20వ తేదీన జెడ్పీ చైర్మన్‌, వైస్‌ చైర్మన్‌ను ఎన్నుకునేందుకు పలు సూచనలు చేస్తూ నోటిఫికేషన్‌ జారీ అయ్యింది. ఈ ఎన్నికలను నిర్వహించేందుకు కొన్ని గంటల ముందే మండలాల్లో ఒకరు, జిల్లా పరిషత్‌లో ఇద్దరు కోఆప్షన్‌ సభ్యులను ఎన్నుకోవాల్సి ఉంది. కోఆప్షన్‌ సభ్యుల ఎన్నికలు పూర్తయిన అనంతరం ఎంపీపీ, వైస్‌ ఎంపీపీ, జెడ్పీ చైర్మన్‌, వైస్‌ చైర్మన్‌ ఎన్నికలు ప్రత్యేకాధికారుల పర్యవేక్షణలో నిర్వహించనున్నారు. ఎంపీపీ ఎన్నికకు.. మండల పరిషత్‌ అధ్యక్షున్ని ఎన్నుకునేందుకు ముందుగా ఈ నెల 14వ తేదిలోపు ఆయా మండలాల్లో ఎన్నికై న ఎంపీటీసీలందరికీ 19వ తేదిన ప్రత్యేక సమావేశం నిర్వహిస్తున్నట్లు నోటీసులు జారీ చేయాల్సి ఉంది. ఎంపీపీ, వైస్‌ ఎంపీపీ ఎన్నికకు ముందుగా అదే రోజు ఉదయం 10 గంటల్లోపు ఆయా మండలాల్లో కోఆప్షన్‌ సభ్యున్ని ఎన్నుకునేందుకు నామినేషన్లను స్వీకరించాలి. మధ్యాహ్నం 12 గంటల్లోపు నామినేషన్లను పరిశీలించి చెల్లుబాట య్యే నామినేషన్ల జాబితాలను ప్రచురించాల్సి ఉంది. అలాగే మధ్యాహ్నం 1 గంటలోపు(కోఆప్షన్‌ సభ్యునికి పోటీ ఉంటే) నామినేషన్ల ఉపసంహరణ అనంతరం సభ్యుల ప్రమాణ స్వీకారం చేసిన వెంటనే కోఆప్షన్‌ సభ్యున్ని ఎన్నుకుంటారు. కోఆప్షన్‌ సభ్యుని ఎన్నిక పూర్తయిన అనంతరం మధ్యాహ్నం 3 గంటలకు ప్రత్యేక సమావేశాన్ని ఏర్పాటు చేసి ఎంపీపీ, వైస్‌ ఎంపీపీలను ఎన్నుకుంటారు. జెడ్పీ చైర్మన్‌, వైస్‌ చైర్మన్‌ ఎన్నికకు.. జిల్లా పరిషత్‌ చైర్మన్‌, వైస్‌ చైర్మన్‌ ఎన్నికకు సంబంధించి కూడా ఈ నెల 14లోగా జెడ్పీటీసీలుగా ఎన్నికై న వారందరికీ 20వ తేదీన ప్రత్యేక సమావేశం నిర్వహిస్తున్నట్లు నోటీసులు జారీ చేయాల్సి ఉంది. అదే రోజున ఉదయం 10 గంటల్లోపు ఇద్దరు కోఆప్షన్‌ సభ్యులను ఎన్నుకునేందుకు నామినేషన్లను స్వీకరిస్తారు. మధ్యాహ్నం 12 గంటల్లోపు నామినేషన్ల పరిశీలన, చెల్లుబాటయ్యే నామినేషన్ల తుది జాబితాలను ప్రచురిస్తారు. ఇద్దరి కంటే ఎక్కువ నామినేషన్లు ఉంటే మధ్యాహ్నం 1 గంటలోపు నామినేషన్ల ఉపసంహరణ కార్యక్రమాన్ని పూర్తి చేయాల్సి ఉంటుంది. ఈ నేఫథ్యంలోనే సభ్యుల ప్రమాణ స్వీకారం అనంతరం కోఆప్షన్‌ సభ్యులను ఎన్నుకుంటారు. మధ్యాహ్నం 3 గంటలకు ప్రత్యేక సమావేశాన్ని ఏర్పాటు చేసి జెడ్పీ చైర్మన్‌, వైస్‌ చైర్మన్‌ను సభ్యులు ఎన్నుకుంటారు. కోఆప్షన్‌ సభ్యులుగా ఎవరిని ఎన్నుకోవాలంటే.. మండల పరిషత్‌, జిల్లా పరిషత్‌కు ఆయా మండల/జిల్లాలో ఓటరుగా నమోదై, కనీసం 21 సంవత్సరాల వయస్సు కలిగి ఉండాలి. మతపరంగా ముస్లిం, క్రిస్టియన్‌, సిక్కు, బౌద్దులు, పార్సీలను కోఆప్షన్‌ సభ్యులుగా ఎన్నుకుంటారు. వైఎస్‌ జగన్‌ పాలనలో ఇద్దరు వైస్‌ చైర్మన్లు వైఎస్‌ జగన్‌మోహన్‌రెడ్డి ప్రభుత్వంలో జిల్లా పరిషత్‌కు ఇద్దరు వైస్‌ చైర్మన్లను నియమించారు. అప్పట్లో ఈ విధానం అమల్లో ఉన్న నేపథ్యంలో జెడ్పీ ఛైర్మన్‌ పదవి అన్‌ రిజర్వుడ్‌ జనరల్‌కు కేటాయించగా, వైస్‌ ఛైర్మన్లుగా బీసీ సామాజిక వర్గానికి చెందిన హొళగుంద జెడ్పీటీసీ కురువ బుజ్జమ్మ, మైనారిటీ సామాజిక వర్గానికి చెందిన దిల్షాద్‌నాయక్‌ కొనసాగారు. అలాగే మండలాల్లో కూడా ఒక ఎంపీపీతో పాటు ఇద్దరు వైస్‌ ఎంపీపీలు కొనసాగారు. అయితే, ప్రస్తుతం మండల, జిల్లా పరిషత్తుల్లో వైస్‌ ఎంపీపీ, చైర్మన్ల సంఖ్యను ఒకటికే పరిమితం చేశారు.

● ప్రారంభమైన బ్యాలెట్‌ పేపర్ల ముద్రణ ● జిల్లాలో మూడు విడతలుగా పంచాయతీ ఎన్నికలు ● మొదటి విడతకు 13వ తేదీన నోటిఫికేషన్‌ మొదటి విడతలో ఎన్నికలు ఎక్కడ జరుగుతున్నాయంటే.. ( ఓటర్ల వారీగా ) మండలం మొత్తం గ్రామ మొత్తం పురుషులు సీ్త్రలు ఇతరులు మొత్తం పంచాయతీలు వార్డులు ఓటర్లు ఆదోని –1 20 200 20,265 20,251 03 40,519 ఆదోని – 2 19 202 25,121 25,248 14 50,383 హొళగుంద 17 174 22,059 22,059 16 44,134 కోసిగి 24 242 27,749 29,024 12 56,785 కౌతాళం 30 302 29,154 30,515 11 59,680 మంత్రాలయం 20 210 23,997 25,133 04 49,134 నందవరం 15 178 23,604 24,503 04 48,111 పెద్దకడుబూరు 20 206 22,881 23,425 02 46,308 ఎమ్మిగనూరు 17 202 29,660 29,834 05 59,499కర్నూలు(అర్బన్‌): జిల్లాలో గ్రామ పంచాయతీ ఎన్నికల నిర్వహణకు ఏర్పాట్లు వేగవంతమయ్యా యి. మూడు విడతలుగా ఈ ఎన్నికలను నిర్వహిస్తున్నట్లు గతంలోనే రాష్ట్ర ఎన్నికల కమిషన్‌ షెడ్యూల్‌ను ప్రకటించింది. మొదటి విడత ఎన్నికల నిర్వహణకు ఈ నెల 13న నోటిఫికేషన్‌ విడుదల కానుంది. నోటిఫికేషన్‌ విడుదలైన వెంటనే ఎన్నికల ప్రక్రి య ప్రారంభమవుతున్న దృష్ట్యా, ముందుగానే మొ దటి విడత ఎన్నికలు జరగనున్న ఆదోని డివిజన్‌లో ని తొమ్మిది మండలాలకు జిల్లా పరిషత్‌లోని డీపీఆర్‌సీ భవనంలో భద్రపరిచిన ఎన్నికల సామగ్రిని ప్రత్యేక వాహనాల్లో తరలించారు. అలాగే ఈ ఎన్నికల నిర్వహణకు అవసరమైన(సర్పంచు/వార్డు స భ్యుల) బ్యాలెట్‌ పేపర్ల ముద్రణను కూడా మంగళవారం ప్రారంభించారు. ఈ ప్రక్రియను నిర్ణీత సమయంలోగా పూర్తి చేసేందుకు జిల్లా పరిషత్‌ సీఈఓ ఆర్‌.సుధాకర్‌రెడ్డి, జిల్లా పంచాయతీ అధికారి జీ.భాస్కర్‌ సిబ్బందికి తగు సూచనలు చేశారు. ఎన్నికల నిర్వహణకు స్టేజ్‌–1 ఆర్‌ఓలుగా 226 మంది, స్టేజ్‌–2 ఆర్‌ఓలుగా 582, స్టేజ్‌ –1 ఏఆర్‌ఓలు 226 మందిని నియమించారని డీపీఓ తెలిపారు.

● 23వ వార్డు వైఎస్‌ఆర్‌సీపీ అభ్యర్థి ఎస్‌.వెంకటరమణకు వేధింపులు కర్నూలు(సెంట్రల్‌): ఓటమిని ఒప్పుకుంటావా.. లేదంటే టింబర్‌ డిపోను మూసివేయాలా అని కర్నూలు నగర పాలక సంస్థ 23వ వార్డు కార్పొరేటర్‌గా వైఎస్‌ఆర్‌సీపీ తరపున పోటీ చేసిన ఎస్‌.రమణయ్యపై ఫారెస్టు అధికారులు తీవ్ర ఒత్తిడి చేయడం చర్చనీయాంశమైంది. మునిసిపల్‌ ఎన్నికలకు సంబంధించి ఎస్‌.వెంకటరమణ 59 ఓట్లతో విజయం సాధించానని చెబుతున్నాడు. అయితే మంత్రి టీజీ భరత్‌ కౌంటింగ్‌ కేంద్రంలో కూర్చోని తన గెలుపును తారుమారు చేయించారని ఆయన ఆరోపిస్తున్నారు. దీంతో తాను ఓటమిని ఒప్పుకోకుండా సంతకం చేయలేదని, తనకు కౌంటింగ్‌ కేంద్రంలో జరిగిన అన్యాయంపై కోర్టుకు వెళ్లినట్లు వివరణ ఇస్తున్నారు. అయితే తనను టీడీపీ నాయకులు ఎలాగైనా లొంగదీసుకునేందుకు బెదిరింపులనకు పాల్పడుతున్నట్లు వాపోతున్నాడు. విజిలెన్స్‌కు ఫిర్యాదు మంత్రి టీజీ భరత్‌ గుప్తా అనుచర న్యాయవాది ఒకరు ఎస్‌.వెంకటరమణ జోహరాపురంలో నిర్వహిస్తున్న అల్ట్రాలక్స్‌ టింబర్‌ డిపోలో అక్రమాలు ఉన్నాయని విజిలెన్స్‌కు ఫిర్యాదు చేశారు. ఫిర్యాదును పూర్తి స్థాయిలో విచారించాలని అటవీశాఖకు బదిలీ చేశారు. ఈ క్రమంలో అటవీ శాఖాధికారులు నవంబర్‌ 7వ తేదీ సాయంత్రం ఎస్‌.వెంకటరమణయ్య టింబర్‌ డిపోను తనిఖీ చేసి 24 టన్నులు కలప ఉన్నట్లు గుర్తించారు. ఇందుకు సంబంధించి అన్ని బిల్లులు ఉన్నట్లు చూపించారు. అయితే అల్ట్రాలక్స్‌ టింబర్‌ డిపో లైసెన్స్‌ కాల పరిమితి ముగిసింది. ఈ నేపథ్యంలో అటవీ శాఖాధికారులు బయట ఏమైనా సెటిల్‌ చేసుకుంటావా, లేదంటే డిపోను మూసివేయాలా అని తీవ్ర ఒత్తిడి తెస్తున్నారు. పైగా డిపోలో ఉన్న కలపకు ఎలాంటి బిల్లులు లేవని బెదిరింపులకు పాల్పడుతున్నారు. ఓటమిని అంగీకరించి సంతకం చేయాలని నిమిష నిమిషానికి ఫోన్‌ చేస్తుండటంతో వెంకటరమణ దిక్కుతోచని స్థితిలో ఉన్నారు. పెండింగ్‌లో లైసెన్స్‌ రెన్యువల్‌ దరఖాస్తు ఎస్‌.వెంకటరమణ నడిపే అల్ట్రాలక్స్‌ టింబర్‌ డిపోకు సంబంధించి 2025 మార్చి 31వ తేదీతోనే లైసెన్స్‌ గడువు ముగిసింది. అయితే 2026 సెప్టెంబర్‌ లైసెన్స్‌ రెన్యువల్‌ కోసం ఫారెస్టు అధికారులకు చలానా తీసి దరఖాస్తు పెట్టుకున్నారు. దీనిని అటవీశాఖాధికారులు ఆమోదించకుండా పెండింగ్‌లో పెట్టారు. కర్నూ లు నగరంలో 31 టింబర్‌ డిపోలు ఉన్నాయి. దాదాపు 16 డిపోలకు సంబంధించి లైసెన్స్‌ల రెన్యువల్‌ జరుగలేదు. అందులో ఎస్‌.వెంకటరమణకు సంబంధించి అల్ట్రాలక్స్‌ ఒక్కటి.

మంత్రాలయం: ప్రముఖ ఆధ్యాత్మి కేంద్రం శ్రీమఠంలో దీపావళి పాడ్యమి పురస్కరించుకుని మంగళవారం పీఠాధిపతి సుబుధేంద్రతీర్థులు ఆధ్వర్యంలో వేడుకలు వైభవంగా జరిగాయి. బంగారు మండపంను పండ్లతో అలకరించారు. మూలరామ, దిగ్విజయరామ, జయరామ దేవుళ్ల సంస్థాపన విగ్రహాలకు మహాపంచామృతాభిషేకం నిర్వహించారు. గంధ లేపనం సమర్పించి, నారికేళాలతో జలాభిషేకం, వేద పండితుల మంత్రోచ్ఛరణలతో విశిష్ట పూజలు చేపట్టారు. ఈ మహాభి షేకం ఏడాదికి రెండు పర్యాయాలు మాత్రమే, శ్రీరామనవమి రోజున, రెండవది దీపావళి బలిపాడ్యమి పర్వాదినాన నిర్వహిస్తారు. పీఠాధిపతి మూలరాములకు మంగళ హారతి గావించారు. భక్తులకు పెద్ద సంఖ్యలో స్వామివారిని దర్శించుకొని మొక్కులు తీర్చుకున్నారు. – శ్రీమఠంలో కార్తీక దీపాత్సోవాల్లో భాగంగా గ్రామ దేవత మంచాలమ్మ మంగళవారం మయూర వాహనంపై భక్తులకు దర్శనమిచ్చారు. ప్రత్యేకంగా అలంకరించిన అమ్మవారికి పీఠాధిపతి సుబుధేంద్ర తీర్థులు కుంకుమార్చన, అభిషేకం, మంగళహారతి గావించారు.

ఆళ్లగడ్డ: వ్యక్తిపై ప్రత్యర్థులు గొడ్డలితో దాడిచేసి నరికిన సంఘటన మంగళవారం మండలంలోని ఆర్‌.కృష్ణాపురం గ్రామంలో కలకలం రేపింది. స్థానికులు తెలిపిన వివరాల మేరకు ఆర్‌.కృష్ణాపురం ఎస్సీ కాలనీలో నివాసముండే జకిరయ్య కుటుంబానికి, అదే కాలనీకి చెందిన యోహాన్‌ కుటుంబానికి మధ్య గత కొన్ని రోజులుగా మనస్పర్థలు ఉన్నాయి. నాలుగు రోజుల క్రితం ఇరువర్గాల మధ్య వాగ్వాదం జరగడంతో ఓ యువకుడిపై దాడి చేసినట్లు తెలిసింది. ఈ క్రమంలో మంగళవారం సాయంత్రం జకిరయ్య ఇంటి వద్ద ఉండగా యోహాన్‌తో పాటు మరో ముగ్గురు వ్యక్తులు ఒక్కసారిగా దాడి చేసి గొడ్డలితో నరికారు. జకిరయ్య ప్రాణభయంతో గట్టిగా కేకలు వేస్తూ రక్తపు మడుగులో పడిపోయాడు. ఇరుగు పొరుగు వారు గాయపడిన జకిరయ్యను 108 వాహనంలో ఆళ్లగడ్డ ప్రభుత్వ వైద్యశాలకు తరలించారు. పరిస్థితి విషమంగా ఉండటంతో మెరుగైన వైద్యం కోసం నంద్యాల వైద్యశాలకు తరలించారు. ఘటనపై కేసు నమోదు చేసి విచారణ చేస్తున్నట్లు రూరల్‌ ఎస్‌ఐ రామ్మోహన్‌రెడ్డి తెలిపారు

నంద్యాల(న్యూటౌన్‌):నేల ఆరోగ్యా న్ని కాపాడుకోవడం, భూసార క్షీణతను అరికట్టడం, రైతులకు శాసీ్త్రయ వ్యవసాయ పద్ధతులపై అవగాహన కల్పించడమే ఖేత్‌ బచావో అభియా న్‌‘ ముఖ్య ఉద్దేశం అని రీసెర్చ్‌ అసో సియేట్‌ డైరెక్టర్‌ డాక్టర్‌ వి.జయలక్ష్మి తెలిపారు. మంగళవారం కలెక్టరేట్‌లో ని పీజీఆర్‌ఎస్‌ హాల్‌లో ప్రాంతీయ వ్యవసాయ విశ్వవిద్యాలయం ఆధ్వర్యంలో పొలం సంరక్షణ కార్యక్రమం నిర్వహించారు. డైరెక్టర్‌ మాట్లాడుతూ.. దేశవ్యాప్తంగా ఖేత్‌ బచావో అభియాన్‌ కార్యక్రమం అక్టోబర్‌ 22 నుంచి నవంబర్‌ 30వ తేదీ వరకు కొనసాగుతుందని తెలిపారు. దేశంలో సుమారు 30 శాతం సాగు భూమి క్షీణత, ఎడారీకరణ వంటి సమస్యలను ఎదుర్కొంటోందని, నేల కోత, అడవుల నరికివేత తదితర కారణాలతో భూసారం దెబ్బతింటోందన్నారు. భవిష్యత్‌ తరాలకు సారవంతమైన భూమిని అందించాలంటే నేల ఆరోగ్య పరిరక్షణకు ప్రాధాన్యత ఇవ్వాలని సూచించారు. నేలలో సేంద్రియ కార్బన్‌ శాతాన్ని పెంచడం, భూసార పరీక్షల ఆధారంగా సమతుల్యంగా ఎరువులను వినియోగించడం, సాయిల్‌ హెల్త్‌ కార్డుల సూచనలను పాటించడం, పంట మార్పిడి విధానాలను అవలంభించడం ద్వారా నేల సారాన్ని కాపాడుకోవచ్చని వివరించారు. మహానంది అగ్రికల్చరల్‌ కాలేజ్‌ అసోసియేట్‌ డీన్‌ డాక్టర్‌ శ్యామ్‌రాజ్‌ నాయక్‌ మాట్లాడుతూ.. భూమి కేవలం ఆస్తి మాత్రమే కాదని, మానవాళి మనుగడకు, ఆహార భద్రతకు ప్రధాన ఆధారమన్నారు. జిల్లా వ్యవసాయ శాఖ అధికారి వెంకటేశ్వర్లు మాట్లాడుతూ.. వ్యవసాయ రంగంలో నెలకొన్న సవాళ్లకు రైతులు, శాస్త్రవేత్తలు, సమాజంలోని ప్రతి ఒక్కరూ తమ వంతు బాధ్యతను గుర్తించి పరిష్కారం దిశగా కృషి చేయాల్సిన అవసరం ఉందన్నారు. అధిక దిగుబడుల కోసం విచక్షణారహితంగా రసాయనాలను వినియోగించడం వల్ల దీర్ఘకాలంలో వ్యవసాయ భూములపై ప్రతికూల ప్రభావం పడే అవకాశం ఉందని, ఈ నేపథ్యంలో ప్రకృతి వ్యవసాయాన్ని ప్రోత్సాహించాలన్నారు. అనంతరం ఖేత్‌ బచావో బుక్‌లెట్‌ను ఆవిష్కరించారు. రైతులకు భూసార అవగాహన పత్రాలను పంపిణీ చేశారు. కె. బాలా మద్దిలేటి, ఐఎఫ్‌ఎన్‌ కోఆర్డినేటర్‌, నంద్యాల, డి. సూరిబాబు, తదితరులు పాల్గొన్నారు.

నందికొట్కూరు: నందికొట్కూరు నుంచి ఆత్మకూరు పోయే రహదారి పక్కన ఓ దిబ్బలో గుర్తు తెలియని వ్యక్తి శవం లభ్యమైనట్లు నందికొట్కూరు పోలీసు లు మంగళవారం తెలిపారు. మృతుడి వయస్సు సుమారు 75 –80 ఏళ్లు ఉంటుందని, ఒంటిపై తెల్లని కాటన్‌ బనియన్‌ ధరించిఉన్నట్లు తెలిపారు. ఎత్తు 5.3 అడుగులు, చామన చాయ కలిగి ఉండి తెల్లని గడ్డం 6 ఇంచులు కలిగి ఉన్నాడని, తలపై నలుపు, తెలుపు వెంట్రుకలు 8 ఇంచులు కలిగి ఉండి స్థానిక కేజీ రోడ్డు ఆత్మకూరు పోయే రస్తాలో గవర్నమెంట్‌ ప్రభుత్వ బాలికల హాస్టల్‌ పక్కన గల ఖాళీ స్థలం దిబ్బలో చనిపోయి ఉన్నాడని చెప్పారు. మృతుడి వివరాలు తెలిసి న వారు నందికొట్కూరు పోలీస్‌ స్టేషన్‌ ఇన్‌స్పెక్టర్‌ సెల్‌ 91211 01187 నంబర్‌ను సంప్రదించాలని కోరారు.

కర్నూలు: రాష్ట్ర న్యాయ సేవాధికార సంస్థ ఆదేశాల మేరకు ఈ నెల 24వ తేదీ వరకు నంద్యాల జిల్లా లోని పాఠశాలల్లో విద్యార్థులకు పోక్సో చట్టంపై అవగాహన సదస్సులు నిర్వహించనున్నట్లు న్యాయ సేవాధికార సంస్థ కార్యదర్శి లీలా వెంకటశేషాద్రి తెలిపారు. ప్యానల్‌ న్యాయవాదులు, పారా లీగల్‌ వలంటీర్లు ఈ కార్యక్రమాన్ని విరివిగా నిర్వహించాలని కోరారు. సురక్షిత బాల్యం, బాలల సంరక్షణ ఉద్యమం అనే పాన్‌ ఇండియా స్కూల్‌ అవేర్‌నెస్‌ క్యాంపెయిన్‌ ఆవిష్కరించిందని తెలిపారు. ఈ మేరకు పోక్సో చట్టంపై అవగాహన కార్యక్రమాలు నిర్వహించాలని కోరారు. పిల్లలకు సమస్య వస్తే లీగల్‌ సర్వీసెస్‌ టోల్‌ఫ్రీ నంబర్‌ 15100కు కాల్‌ చేస్తే పరిష్కరానికి కృషి చేస్తామన్నారు. నవంబర్‌ 21న ప్రత్యేక లోక్‌ అదాలత్‌ రాష్ట్ర న్యాయ సేవాధికార సంస్థ ఆదేశాల మేరకు ఈ నెల 21న స్పెషల్‌ లోక్‌ అదాలత్‌ జరుగుతుందని న్యాయ సేవాధికార సంస్థ కార్యదర్శి లీలా వెంకటశేషాద్రి తెలిపారు. ఉమ్మడి కర్నూలు జిల్లాలో ఈ స్పెషల్‌ లోక్‌ అదాలత్‌ నిర్వహించి చెక్‌బౌన్స్‌ కేసులు పరిష్కరిస్తామని మంగళవారం విడుదల చేసిన ప్రకటనలో తెలిపారు. కర్నూలు, నంద్యాల జిల్లాల్లోని కోర్టుల్లో ప్రతి రోజూ జరిగే ఫ్రీ లోక్‌ అదాలత్‌ సిట్టింగులలో కక్షిదారులు చెక్‌బౌన్స్‌ కేసులను రాజీపూర్వకంగా పరిష్కరించుకోవాలని సూచించారు.

కర్నూలు(సెంట్రల్‌): మాతా శిశు మరణాల తగ్గిపునకు ప్రత్యేక చర్యలు చేపట్టాలని జిల్లా కలెక్టర్‌ డాక్టర్‌ ఏ.సిరి ఆదేశించారు. మంగళవారం కలెక్టరేట్‌ మినీ కాన్ఫరెన్స్‌ హాల్లో వైద్య ఆరోగ్య, మహిళా శిశు సంక్షేమ శాఖల ద్వారా అమలవుతున్న ఆరోగ్య కార్యక్రమాల పురోగతిపై సంబధిత అధికారులతో కలెక్టర్‌ సమీక్షించారు. ఈ సందర్భంగా మాట్లాడుతూ ఆదోని డివిజన్‌, పత్తికొండ, కర్నూలు అర్బన్‌ ప్రాంతాల్లో టీనేజ్‌ గర్భధారణలు, బాల్య వివాహాల సమస్యపై ప్రత్యేక దృష్టి సారించాలని సూచించారు. ప్రభుత్వాసుపత్రులకు వచ్చే పేద ప్రజలపై సిబ్బంది మర్యాదపూర్వకంగా వ్యవహరించాలన్నారు. ఉదయం 9 గంటలకే అంగన్‌వాడీ కేంద్రాలను తెరవాలని, విధుల్లో నిర్లక్ష్యం వహిస్తే కఠిన చర్యలు తప్పవని హెచ్చరించారు. జిల్లాలో గర్భిణుల నమోదు 98 శాతం లక్ష్యంగా పనిచేయాలన్నారు. సమావేశంలో డిఎంహెచ్వో డాక్టర్‌ కామేశ్వర ప్రసాద్‌, అదనపు డిఎంహెచ్వో డాక్టర్‌ భాస్కర్‌, ఐసిడిఎస్‌ ప్రాజెక్ట్‌ డైరెక్టర్‌ (ఇంచార్జి) నరసమ్మ, జిల్లా ఇమ్యునైజేషన్‌ అధికారి డాక్టర్‌ ఉమ, జిల్లా గణాంక అధికారి డాక్టర్‌ హేమ సుందర్‌ తదితరులు పాల్గొన్నారు. భక్తులకు ఉచిత బస్సు సదుపాయం శ్రీశైలంటెంపుల్‌: కార్తీక మాసోత్సవాల సందర్భంగా భక్తులకు మంగళవారం నుంచి డిసెంబరు 9వ తేదీ వరకు ఉచిత బస్సు సదుపాయం కల్పిస్తున్నట్లు శ్రీశైల దేవస్థాన ధర్మకర్తల మండలి అధ్యక్షులు పోతుగుంట రమేష్‌నాయుడు, ఈఓ శ్రీనివాసరావు తెలిపారు. ఈ సందర్భంగా వారు మాట్లాడుతూ.. పాతాళగంగమెట్ల మార్గం నుంచి నంది సర్కిల్‌, గంగాధర మండపం, ఉచిత క్యూలైన్‌, లడ్డూ కౌంటర్ల వరకు ఈ బస్సులు నడుపుతున్నట్లు తెలిపారు. ఉదయం 5 గంటల నుంచి రాత్రి 9 గంటల వరకు ఉచిత బస్సులు అందుబాటులో ఉంటాయని, భక్తులు ఈ అవకాశాన్ని సద్వినియోగం చేసుకోవాలని వారు తెలిపారు.

శ్రీశైలంటెంపుల్‌: లోక కల్యాణం కోసం కార్తీక మాసోత్సవాల సందర్భంగా శ్రీశైల దేవస్థానం శివచతుస్సప్తాహ భజనలు ప్రారంభించింది. మంగళవారం నుంచి డిసెంబరు 9వ తేదీ వరకు భజనలు నిర్వహిస్తారు. ముందుగా లోక కల్యాణాన్ని కాంక్షిస్తూ అర్చకులు సంకల్పం పఠించారు. భజన కార్యక్రమం నిర్విఘ్నంగా జరగాలని మహాగణపతి పూజ జపిరించారు. అనంతరం శివప్రణవ పంచాక్షరీ నామ అఖండ శివభజన ప్రారంభించారు. ఈ భజనలలో కర్నూలు జిల్లాకు చెందిన మూడు బృందాలకు, కర్ణాటకకు చెందిన మూడు బృందాలకు అవకాశం కల్పించారు. ప్రారంభ కార్యక్రమంలో ధర్మకర్తల మండలి సభ్యులు కోడె కాంతివర్ధిని, స్వామివారి ఆలయ ప్రధానార్చకులు హెచ్‌.వీరయ్యస్వామి, అర్చకస్వాములు, సిబ్బంది పాల్గొన్నారు. యాళ్లూరులో చైన్‌స్నాచింగ్‌ గోస్పాడు: మండలంలోని యాళ్లూరు గ్రామంలో మంగళవారం మహిళ మెడలోని బంగారు గొలుసును గుర్తు తెలియని వ్యక్తి లాక్కెళ్లినట్లు ఎస్‌ఐ సుధాకర్‌రెడ్డి తెలిపారు. గ్రామానికి చెందిన పోగుల చంద్రకళ ఇంటి వద్ద ఉండగా గుర్తు తెలియని వ్యక్తి వచ్చి తాగేందుకు నీరు అడిగాడు. ఆమె నీరు తెచ్చేందుకు ఇంట్లోకి వెళ్తుండగా వెనక నుంచి మెడలోని బంగారు చైన్‌ను లాక్కునేందుకు ప్రయత్నించాడు. ఆమె ప్రతిఘటించి చైన్‌ను గట్టిగా పట్టుకోవడంతో రెండుగా తెగిపోయింది. చేతికి వచ్చిన సగభాగంతో దుండగుడు పరారయ్యాడు. చోరీకి గురైన బంగారు విలువ రూ.60 వేల వరకు ఉంటుందని తెలిపారు. విషయం తెలుసుకున్న జిల్లా ఎస్పీ సునీల్‌షెరాన్‌ గ్రామానికి వచ్చి ఘటన జరిగిన తీరుపై బాధితులను అడిగి తెలుసుకున్నారు. బాధితురాలి భర్త పోగుల చంద్రశేఖర్‌రెడ్డి పోలీసులకు ఫిర్యాదు చేయడంతో కేసు నమోదు చేసి దర్యాప్తు చేస్తున్నట్లు ఎస్‌ఐ వెల్లడించారు. రాష్ట్ర క్రికెట్‌ జట్టులో పత్తికొండ బాలిక పత్తికొండ/నంద్యాల(న్యూటౌన్‌): పత్తికొండ పట్టణానికి చెందిన క్రికెటర్‌ లిఖిత ఆంధ్రప్రదేశ్‌ అండర్‌–17 మహిళల క్రికెట్‌ జట్టుకు ఎంపికై ంది. మంగళవారం విజయవాడలో జరిగిన సెలక్షన్‌ కమిటీ సమావేశంలో ఆ విద్యార్థినికి జాతీయ జట్టులో అవకాశం కల్పించారు. పత్తికొండకు చెందిన వ్యాయామ ఉపాధ్యాయుడు రాఘవేంద్ర, హరిలక్ష్మి దంపతులు కుమార్తె లిఖిత చిన్నతనం నుంచే క్రికెట్‌పై ఆసక్తి చూపుతుండటంతో తల్లిదండ్రులు ప్రత్యేక శిక్షణ ఇప్పించి ప్రోత్సహించారు. ప్రస్తుతం ఈమె నంద్యాలలో నలంద కళాశాలలో చదువుతోంది. కోచ్‌ ప్రసన్నకుమార్‌ వద్ద శిక్షణ పొందుతూ ఈ స్థాయికి చేరుకుంది. ఓపెనింగ్‌ బ్యాటర్‌గా రాణిస్తున్న లిఖిత ఈ నెల 15 నుంచి 22వ తేదీ వరకు జమ్మూ కశ్మీర్‌లో జరిగే జాతీయస్థాయి పోటీల్లో ఆంధ్రప్రదేశ్‌ జట్టు తరఫున లిఖిత ప్రాతినిథ్యం వహించనున్నట్లు తల్లిదండ్రులు తెలిపారు. జాతీయ స్థాయిలో జట్టుకు ఎంపిక కావడంతో పట్టణ ప్రముఖులు, ఉపాధ్యాయులు, క్రీడాసంఘాల ప్రతినిధులు అభినందనలు తెలిపారు. కర్నూలు కల్చరల్‌: దేవదాయ శాఖ పరిధిలో జరుగుతున్న ఆలయాల నిర్మాణ పనులు వేగవంతం చేయాలని డిప్యూటీ కమిషనర్‌ ఎం.రామాంజనేయులు ఆదేశించారు. మంగళవారం కర్నూలు డీసీ కార్యాలయంలో కర్నూలు, అనంతపురం, కడప, చిత్తూరు ఉమ్మడి జిల్లాల ఇంజినీరింగ్‌ అధికారులతో సమీక్ష నిర్వహించారు. పనుల్లో నా ణ్యత పాటించేలా జాగ్రత్తలు తీసుకోవాలన్నారు. కొన్ని చోట్ల నిర్మాణాలు చాలా నెమ్మదిగా జరుగుతున్నాయని వాటిని త్వరగా పూర్తి చేయాలన్నా రు. ఎస్టిమేషన్స్‌ను సకాలంలో వేసి ఈఓలకు అందరూ సహకరించాలన్నారు. సమీక్షలో కర్నూలు డీఈఈ శ్రీనివాస ప్రసాద్‌, ఏఈలు పాల్గొన్నారు. బైక్‌ అదుపుతప్పి వ్యక్తి మృతి ఆళ్లగడ్డ: పట్టణ శివారులోని జాతీయ రహదారిపై మంగళవారం జరిగిన రోడ్డు ప్రమాదంలో ఇమ్మానియేలు (38) మృతి చెందాడు. మండలంలోని చింతకొమ్ముదిన్నెకు చెందిన ఇమ్మానియేలు గడేకారి పనికి పట్టణానికి వచ్చాడు. పని ముగించుకుని ఇంటికి వెళ్తుండగా పట్టణ శివారులోని ఇస్కాన్‌ దేవాలయం వద్ద బైక్‌ అదుపుతప్పి డివైడర్‌ను ఢీకొట్టాడు. తీవ్రంగా గాయపడ్డ ఇమ్మానియేలును 108 వాహనంలో ప్రభుత్వ వైద్యశాలకు తరలిస్తుండగా మార్గం మధ్యలోనే మృతి చెందాడు. ప్రమాదంపై కేసు నమోదు చేసుకుని విచారణ చేస్తున్నట్లు పోలీసులు తెలిపారు లిఖిత

కర్నూలు సిటీ: వచ్చే ఏడాది మార్చిలో నిర్వహిస్తున్న పదవ తరగతి పబ్లిక్‌ పరీక్షలకు నేటి నుంచి ఫీజు చెల్లించవచ్చని జిల్లా విద్యాశాఖ మంగళవారం ఒక ప్రకటన జారీ చేసింది. ఫీజులు htt ps:// bse.ap.gov.in అనే వెబ్‌సైట్‌ల్లోని ఆయా స్కూల్‌ లాగిన్‌ ద్వారా మాత్రమే చెల్లించాలన్నారు. ఎలాంటి అపరాధ రుసుము లేకుండా ఈ నెల 25లోపు చెల్లించ్చవన్నారు. రూ.50 అపరాధ రుసుముతో ఈ నెల 26 నుంచి వచ్చే నెల 2వ తేది వరకు, రూ.200 అపరా ధ రుసుముతో వచ్చే నెల 3 నుంచి 9వ తేది వరకు, రూ.500 అపరాధ రుసుముతో వచ్చే నెల 10 నుంచి 15వ తేదిలోపు చెల్లించవ్చన్నా రు. రెగ్యులర్‌ విద్యార్థులకు రూ.125, మూడు కంటే ఎక్కువ సబ్జెక్టులు ఫెయిల్‌ అయిన వారు రూ.125, మూడు సబ్జెక్టుల వరకు రూ.110, ఒకేషనల్‌ విద్యార్థులకు రూ.125కు అదనంగా రూ.60 చెల్లించాల్సి ఉంటుందన్నారు. అండర్‌ ఏజ్‌ మినహాయింపునకు రూ.300 చెల్లించాలని ప్రకటనలో పేర్కొన్నారు. ఆర్‌యూలో విద్యార్థుల మధ్య వివాదం కర్నూలు కల్చరల్‌: రాయలసీమ యూనివర్సిటీలో సీనియర్స్‌, జూనియర్స్‌ మధ్య చిన్నపాటి వివాదం ర్యాగింగ్‌కు దారి తీసింది. వర్సిటీ హాస్టల్‌లో గత నాలుగు రోజులుగా పీజీ ఫస్ట్‌ ఇయర్‌ బయోటెక్నాలజీ విద్యార్థిఽని పీజీ రెండో సంవత్సరం బాటనీ, జువాలజీ, బయోటెక్నాలజీ విద్యార్థులు ర్యాగింగ్‌ చేసినట్లు తెలిసింది. సదరు విద్యార్థి వర్సిటీ టీచింగ్‌ ఫ్యాకల్టీకి ఫిర్యాదు చేసినా పట్టించుకోకపోవడంతో విషయం తన తల్లిదండ్రుల దృష్టికి తీసుకెళ్లాడు. దీంతో ఆ విద్యార్థి తల్లిదండ్రులు వర్సిటీ సమీపంలో ఉన్న వారి బంధువులకు చెప్పడంతో వారు సోమవారం రాత్రి వర్సిటీకి చేరుకున్నారు. అక్కడి ఉద్యోగులు రాత్రి సమయంలో ఎందుకు ఉదయం వచ్చి వర్సిటీ అఽధికారులతో మాట్లాడమని చెప్పడంతో వెనక్కు వెళ్లిపోయారు. మంగళవారం కెమిస్ట్రీ డిపార్ట్‌మెంట్‌ మొదటి సంవత్సరం విద్యార్థి సైతం సీనియర్స్‌పై వర్సిటీ రిజిస్ట్రార్‌, ప్రిన్సిపాల్‌కు ఫిర్యాదు చేశారు. ఈ విషయమైన వర్సిటీ రిజిస్ట్రార్‌ ప్రొఫెసర్‌ బి.విజయ్‌కుమార్‌ నాయుడును వివరణ కోరగా ర్యాగింగ్‌ జరగలేదన్నారు. ఇంట్రడక్షన్‌లో భాగంగా జూనియర్‌కు సంబంధించిన ఎడ్యుకేషన్‌ తదితర వివరాలను సీనియర్స్‌ అడిగారని, దీంతో ఫస్ట్‌ ఇయర్‌ విద్యార్థి ఒత్తిడికి లోనయ్యాడన్నారు. విద్యార్థులందరికీ కౌన్సెలింగ్‌ ఇస్తున్నామని, క్లోజ్‌ మానిటరింగ్‌ చేస్తామన్నారు. ఇద్దరు టీచింగ్‌ ఫ్యాకల్టీతో ఆకస్మిక తనిఖీలు చేయిస్తున్నట్లు వెల్లడించారు. శ్రీగిరిలో కార్తీక రద్దీ శ్రీశైలంటెంపుల్‌: శ్రీశైల మహాక్షేత్రంలో మంగళవారం నుంచి కార్తీకమాసోత్సవాలు ప్రారంభమయ్యాయి. పరమేశ్వరునికి ప్రీతికరమైన మాసం కావడంతో శ్రీశైల మల్లన్న దర్శనానికి భక్తులు బారులుదీరారు. జ్యోతిర్లింగ స్వరూపుడైన మల్లికార్జున స్వామివారి దర్శనానికి ఉభయ తెలుగు రాష్ట్రాల నుంచే కాకుండా ఇతర రాష్ట్రాల నుంచి సైతం భక్తులు భారీగా తరలివచ్చారు. వేకువజా ము నుంచే పాతాళగంగలో పుణ్యస్నానాలు ఆచరించిన భక్తులు ఆ లయ ఉత్తరద్వారం, గంగాధర మండపం వద్ద దేవస్థానం ఏర్పాటు చేసిన ప్రత్యే క దీపారాధన వేదిక వద్ద భక్తులు ప్రత్యేక నోము లు నోచుకున్నారు. అనంతరం ఆలయ క్యూలైన్ల ద్వారా భ్రమరాంబా సమేత మల్లికార్జున స్వామిఅమ్మవార్లను దర్శించుకున్నారు. భక్తుల రద్దీతో ఆలయ క్యూలైన్లు నిండిపోయాయి. భక్తుల శివనామస్మరణతో ఆలయం మారుమోగింది. నంద్యాల డెమూ నందలూరు వరకే కోవెలకుంట్ల: నంద్యాల– ఎర్రగుంట్ల రైల్వే మార్గంలో నంద్యాల నుంచి చిత్తూరు జిల్లా రేణిగుంట వరకు ప్రతి రోజు నడిచే డెమూ రైలును (77211) మంగళవారం నుంచి వైఎస్సార్‌జిల్లా నందలూరు వరకే కుదించారు. రేణిగుంట యూడ్‌లో నాన్‌ ఇంటర్‌ లాకింగ్‌ పనులు చేపడుతున్న దృష్ట్యా ఈ మార్గంలో రైలు ప్రయాణ సేవలను తగ్గించారు. నంద్యా లలో ఉదయం 6 గంటలకు బయలుదేరే డెమూ బనగానపల్లె, కోవెలకుంట్ల, నొస్సం, వైఎస్సార్‌జిల్లా జమ్మలమడుగు, ప్రొద్దుటూ రు, ఎర్రగుంట్ల, కడప మీదుగా మధ్యాహ్నం 12.30 గంటలకు రేణిగుంట చేరుకునేది. తిరిగి అక్కడ మధ్యాహ్నం 1.45 గంటలకు బయ లుదేరి ఇదే మార్గంలో రాత్రి 8.45 గంటలకు నంద్యాలకు వచ్చేది. రేణిగుంట స్టేషన్‌ మరమ్మతుల దృష్టా డిసెంబర్‌ 27 వరకు ఈ రైలు నందలూరు వరకు మాత్రమే నడుస్తుందని రైల్వేశాఖ అధికారులు పేర్కొన్నారు.

కర్నూలు(అగ్రికల్చర్‌): అర్బన్‌ లోకల్‌ బాడీస్‌, ఎంపీటీసీ, జెడ్పీటీసీ ఎన్నికల్లో చంద్రబాబు సర్కారు చేయని అరాచకం లేదు. వైఎసార్‌సీపీ నేతలు నామినేషన్లు వేయకుండా అడుగడుగునా దౌర్జన్యకాండ నిర్వహించారు. నామినేషన్ల పరిశీలన, ఉపసంహరణలో సాగించిన అక్రమాలు అన్నీ, ఇన్నీ కావు. పోలింగ్‌ రోజు సాగించిన అక్రమాలకు అడ్డే లేకుండా పోయింది. పోలింగ్‌ బూతులను ఆక్రమించడం, ఓటర్లు రాకుండా అడ్డుకోవడం. అక్రమాలకు ఎన్ని అవకాశాలు ఉన్నాయో.. అన్నింటినీ చేసి గెలిచాం అనిపించుకుంది. అదే తరహాలో సహకార ఎన్నికలు కూడా నిర్వహించి ప్రాథమిక వ్యవసాయ సహకార పరపతి సంఘాలు, జిల్లా సహకార కేంద్ర బ్యాంకులు, జిల్లా సహకార మార్కెటింగ్‌ సొసైటీల్లో తిష్ట వేయడానికి కసరత్తు మొదలు పెట్టింది. పీఏసీఎస్‌ల్లో ఒకవైపు ఈ–కేవైసీ పేరుతో వైఎస్సార్‌సీపీకి అనుకూలమని భావించే రైతులపై అనర్హత వేటు వేయడం, కొత్త సభ్యత్వం పేరుతో టీడీపీ మద్దతుదారులు, సానుభూతిపరులు, కార్యకర్తలను నమోదు చేయించే కార్యక్రమం మొదలైంది. గుట్టుగా సభ్యత్వ నమోదు సహకార సంఘాల్లో కొత్త సభ్యత్వం పొందేందుకు సహకార శాఖ ఈ నెల 6వ తేదీ నుంచే అవకాశం కల్పించింది. అయితే ఇటు కర్నూలు, అటు నంద్యాల జిల్లా సహకార శాఖ అధికారులు ఈ విషయం బయటికి పొక్కనీయకుండా ఒక పథకం ప్రకారం సభ్యత్వ నమోదు చేపట్టారు. సభ్యత్వం ఉన్న రైతులందరికీ ఓటు హక్కు ఉంటుంది. కర్నూలు జిల్లాలో 43, నంద్యాల జిల్లాలో 56 ప్రకారం ఉమ్మడి జిల్లాలో 99 ప్రాథమిక వ్యవసాయ సహకార పరపతి సంఘాలు ఉన్నాయి. ఇప్పటివరకు సంఘాల్లో సభ్యత్వం ఉన్న రైతులతో ఈ–కేవైసీ చేయిస్తోంది. ఈ–కేవైసీ ద్వారా వైఎస్సార్‌సీపీ అనుకూలురుగా భావించే రైతులను పక్కన పెడుతుండటం గమనార్హం. మరోవైపు కొత్త సభ్యత్వ నమోదు ఏకపక్షంగా జరుగుతోంది. సహకార సంఘాల్లో సభ్యత్వం పొందాలంటే విధిగా పొలం ఉండాలి. పొలం ఎక్కడ ఉందో అక్కడి సంఘంలో సభ్యత్వం నమోదు చేసుకోవచ్చు. సభ్యత్వ నమోదు ఆన్‌లైన్‌లోనే జరుగుతుంది. ఆధార్‌ ఆధారంగా సభ్యత్వ నమోదు చేపడుతారు. సభ్యత్వం పొందాలంటే రైతు పేరుమీద పొలం ఉండటంతో పాటు కనీసం రూ.300 షేర్‌క్యాపిటల్‌ చెల్లించాలి. సభ్యత్వ నమోదు కార్యక్రమాన్ని మాన్యువల్‌గా ఎట్టి పరిస్థితుల్లో చేపట్టరాదని, నెట్‌వర్క్‌ సమస్యలు ఉంటే ఉదయం, రాత్రి వేళల్లో నమోదు చేయాలని సహకార శాఖ రిజిస్ట్రార్‌ ఆదేశించారు. ఈ నెల 6వ తేదీ నుంచి 15 రోజులు సభ్యత్వ నమోదుకు అవకాశం కల్పించారు. మరోవైపు పోలింగ్‌ కేంద్రాలను కూడా గుర్తించే కార్యక్రమాన్ని చేపట్టారు. సహకార సంఘాలు, డీసీసీబీ, డీసీఎంఎస్‌లను స్వాధీనం చేసుకునేందుకు టీడీపీ వర్గాలు అప్పుడే కసరత్తు చేపట్టాయి. సభ్యత్వ నమోదుకు సంబంధిత సహకార సంఘం సీఈఓలను రైతులు సంప్రదించవచ్చని అధికార వర్గాలు తెలిపాయి.

గెలుపొందిన గోస్పాడు వైఎస్సార్‌సీపీ ఎంపీటీసీ అభ్యర్థులుచంద్రబాబు ప్రభుత్వం గడిచిన రెండున్నరేళ్ల పాటు అధికారంలో ఉన్నా ఇచ్చిన మాట మేరకు సంక్షేమ, అభివృద్ధి కార్యక్రమాలను ప్రజలకు అందించలేక పోయింది. పట్టణ ప్రాంతాల్లో సంగతి దేవుడెరుగు.. గ్రామీణ ప్రాంతాల్లోనూ ప్రజలకు తాగునీటిని అందించలేకపోతోంది. శ్రీశైలం జలాశయంలో ఉన్న నీళ్లను తెలంగాణ ప్రభుత్వం తరలించుక వెళ్లినా చంద్రబాబు ప్రభుత్వం నోరు మెదపలేదు. కర్నూలు జిల్లాతో పాటు రాయలసీమలో ఒక్క పంటకు కూడా నీళ్లివ్వక మొండిచేయి చూపింది. బాబు సర్కార్‌ సృష్టించిన కరువుతో ప్రజలు అల్లాడిపోతున్నారు. బియ్యం మొదలు నిత్యావసరాల ధరలు నింగినంటినా ప్రభుత్వం చర్యలు లేవు. గ్రాసం దొరక్క పశువులను కబేళాలకు అమ్ముకొని పొట్టచేత పట్టుకొని ప్రజలు తెలంగాణ, కర్ణాటక రాష్ట్రాలకు వలస వెళుతున్నారు. ఈ పరిస్థితుల్లో ప్రభుత్వంపై తీవ్ర వ్యతిరేకత పెల్లుబుకుతోంది. ఇది సర్పంచ్‌ ఎన్నికలలో తీవ్ర ప్రభావం చూపనుంది. ప్రజా వ్యతిరేకత సాక్షి ప్రతినిధి, కర్నూలు: ఉమ్మడి కర్నూలు జిల్లాలో మున్సిపోల్స్‌తో మొదలుపెట్టి జెడ్పీటీసీ, ఎంపీటీసీ ఎన్నికల్లో అధికార పచ్చపార్టీని గట్టిగా ఢీకొట్టిన వైఎస్సార్‌సీపీ సర్పంచు ఎన్నికల్లో పోటీకి సన్నద్ధమైంది. ఇటీవల ముగిసిన మున్సిపల్‌, జెడ్పీటీసీ, ఎంపీటీసీ ఎన్నికల్లో పోరాటం స్ఫూర్తిగా పల్లె పోరులో వెనకడుగు లేదంటూ వైఎస్సార్‌సీపీ శ్రేణులు ఢీ అంటే ఢీ అంటున్నాయి. గ్రామీణ ప్రాంతాల్లో ప్రజాబలంతో ఉన్న వైఎస్సార్సీపీ అధికార పచ్చపార్టీని ఢీ కొట్టేందుకు సిద్ధంగా ఉంది. ఉమ్మడి జిల్లా వ్యాప్తంగా కర్నూలులో 484, నంద్యాలలో 488 చొప్పున 972 సర్పంచ్‌ స్థానాలుండగా.. ఈ నెల 13 నుంచి ఎన్నికల నోటిఫికేషన్‌ వెలువడనుంది. నవంబర్‌ 26, 29.. డిసెంబర్‌ 2 తేదీల్లో మూడు విడతలుగా పోలింగ్‌ జరగనుంది. అన్నింటిలో పోటీకి వైఎస్సార్‌సీపీ సన్నద్ధమైంది. అధికార పార్టీ బెదిరింపులకు తలొగ్గక అమీతుమీకి సిద్ధమవుతోంది. అధికార పార్టీ పోలీసులను అడ్డుపెట్టి దౌర్జన్యానికి దిగినా ప్రజల తీర్పు వారికి వ్యతిరేకంగా ఉండనుంది. మున్సిపోల్స్‌, జెడ్పీటీసీ, ఎంపీటీసీ ఎన్నికల్లో ఏకపక్షంగా గెలుపొందినట్లు చూపించుకోవాలని అధికార పార్టీ పలు రకాల అక్రమాలకు తెగబడింది. అయితే వైఎస్సార్‌సీపీ శ్రేణులు ఎదురొడ్డి నిలిచిన చోట పచ్చపార్టీకి భంగపాటు తప్పలేదు. నంద్యాల జిల్లాలోని నందికొట్కూ రు మున్సిపాలిటీలో వచ్చిన ఫలితాలు ఇందుకు ఉదా హరణ. ఇక్కడ పచ్చపార్టీ ఘోర ఓటమి చవిచూడక తప్పలేదు. అలాగే కోట్ల సుజాతమ్మ మున్సిపల్‌ చైర్మన్‌గా పోటీ చేసిన డోన్‌లో వైఎస్సార్‌సీపీ విజయం సాధి ంచినా లెక్కించిన ఓట్లను తిరిగి లెక్కించి గెలిచినట్లు ప్రకటించుకున్నారు. నంద్యాల మున్సిపాలిటీలో వైఎస్సార్‌సీపీ అభ్యర్థి విజయం సాధించగా ముఖ్యమంత్రి కార్యాలయం నుంచి ఒక సీనియర్‌ ఐఏఎస్‌ అధికారి జిల్లా ఉన్నతాధికారికి ఫోన్‌ చేసి ఒత్తిడితెచ్చి పచ్చపార్టీ గెలిచినట్లు ప్రకటించుకున్నారు. బేతంచెర్లలో వైఎస్సార్‌సీపీ గెలిచింది. చాలా మున్సిపాలిటీలలో వైఎస్సార్‌ సీపీ గెలిచినా అధికారం అడ్డుపెట్టి పచ్చపార్టీ గెలిచిన ట్లు ప్రకటించుకోవడం గమనార్హం. ఇక జెడ్పీటీసీ, ఎంపీటీసీ ఎన్నికల్లోనూ ఇదే తరహాలో అధికార పార్టీ అక్రమాలకు తెగబడింది. వైఎస్సార్‌సీపీ అభ్యర్థులను పోలింగ్‌ బూత్‌ల్లోకి రానివ్వలేదు. కొన్నిచోట్ల ఓటర్లను పోలింగు కేంద్రాల దరిదాపులకు కూడా రానివ్వలేదు. మరికొన్ని చోట్ల వైఎస్సార్‌సీపీ వారిపై దాడులకు తెగబడ్డారు. వైఎస్సార్‌సీపీ గెలిచిన చోట్ల రీ కౌంటింగ్‌ పేరు తో తమ అభ్యర్థులు గెలిచినట్లు పచ్చపార్టీ ప్రకటించుకుంది. అన్ని అక్రమాలకు పాల్పడినా ఎదురొడ్డి నిలిచిన ప్రతిచోటా వైఎస్సార్‌సీపీ విజయం సాధించింది. అధికారం అడ్డుపెట్టి అక్రమాలు సర్పంచ్‌ పోరుకు సన్నద్ధం గెలిచి చూపించారు: ఉమ్మడి జిల్లాలో ఆదోని–1, ఆస్పరి, కోడుమూరు, మంత్రాలయం, ఎమ్మిగనూరు, నంద్యాల, గోస్పా డు, పాములపాడు, ప్యాపిలి, బండి ఆత్మకూరుతో కలిపి మొత్తం 10 జెడ్పీటీసీ స్థానాలను గెలుచుకో గా జిల్లాలో మొత్తం 809 ఎంపీటీసీలకు గాను 257 ఎంపీటీసీ స్థానాలను వైఎస్సార్‌సీపీ కై వసం చేసుకుంది. ఇక కోడుమూరు, నంద్యాల, గోస్పాడు, మిడుతూరు, కొత్తపల్లి, పాములపాడు మండల పరిషత్‌లను సైతం వైఎస్సార్‌సీపీ గెలుచుకుంది. టీడీపీ గెలిచినట్లు ప్రకటించుకున్న స్థానాల్లో పచ్చనేతలు డిక్లరేషన్‌ ఫారాలు తీసుకొని మౌనంగా వెళ్ల డం మినహా ఎటువంటి సంబరాలు చేసుకోకపోవడం చూస్తుంటే వారి గెలుపుపట్ల ప్రజల్లో ఏ స్థా యి వ్యతిరేకత ఉందో తెలుస్తుంది. మిగిలిన ఎన్నికలు లాగే సర్పంచ్‌ ఎన్నికల్లో పోటీకి నిలబడితే గెలిపించేందుకు ప్రజలు సిద్ధంగా ఉన్నారన్న విషయం వైఎస్సార్‌సీపీ శ్రేణులకు తెలుసు. అందుకే పల్లెపోరులో పోటీకి ఆ పార్టీ సై అంటోంది. ఇప్పటికే వైఎస్సార్‌సీపీకి చెందిన ఎమ్మెల్యేలు, నియోజకవర్గ సమన్వయకర్తలు, ముఖ్యనేతలు ఎన్నికల్లో పోటీకి పార్టీ శ్రేణులను సమాయత్తం చేస్తున్నారు.

కార్తీక మాస వ్రతాన్ని ఆచరించడంతో అనంత పుణ్య ఫలం సిద్ధిస్తుంది. సర్వదేవతలను ఆరాధించిన పూజా ఫలం లభిస్తుంది. అత్యంత పవిత్ర ౖమైన కార్తీక మాసం శివకేశవులకు ప్రీతికరం. దీపారాధన చేసి ఆకాశ దీపాన్ని దర్శించి ఉసిరి చెట్టు చుట్టూ ప్రదక్షిణ చేయడంతో పాపాలు తొలగుతాయి. సూర్యోదయానికి ముందు స్నానం, దీపారాధన, శివకేశవుల అర్చన, కార్తీక సోమవారాల వ్రతం, తులసీ పూజ, ధాత్రిపూజ, కార్తీక వన భోజనాలు, యధాశక్తి దాన ధర్మాలు చేస్తే సర్వ శుభాలు కల్గుతాయి. – పి. చంద్రశేఖర శర్మ, పండితులు

కర్నూలు: కర్నూలు శివారు కోడుమూరులోని రిలయన్స్‌ మాల్‌ వెనుక భాగంలో లోకల్‌ లారీ అసోసియేషన్‌ ఆఫీస్‌ వద్ద పార్కు చేసి ఉంచిన లారీ చోరీకి గురైంది. కర్నూలు పాతబస్తీ ఉస్మానియా కళాశాల రోడ్డులో నివాసముంటున్న ప్రేమ్‌నాథ్‌ లారీ ఓనర్‌ కమ్‌ డ్రైవర్‌. ఈయన ప్రతిరోజూ బాడుగలకు వెళ్లి రాత్రికి లోకల్‌ లారీ అసోసియేషన్‌ కార్యాలయం వద్ద తన వాహనాన్ని పార్కు చేసి ఉంచుతాడు. ఇందులో భాగంగా ఈ నెల 7వ తేదీ కూడా తన లారీని అక్కడే పార్కు చేసి ఉంచాడు. మరుసటి రోజు మధ్యాహ్నం 12 గంటలకు అక్కడికి వెళ్లి చూడగా లారీ కనిపించలేదు. ఈ విషయం అసోసియేషన్‌ నాయకుల దృష్టికి తీసుకెళ్లగా ఆ ప్రాంతంలో ఉన్న సీసీ కెమెరాలు పరిశీలించారు. ఇద్దరు గుర్తు తెలియని వ్యక్తులు లారీని తీసుకెళ్లినట్లు సీసీ కెమెరాలో నిక్షిప్తమై ఉంది. దీంతో ప్రేమ్‌నాథ్‌ పోలీసులను ఆశ్రయించారు. తన లారీ చోరీకి గురైందని, వెతికిపెట్టాలని వినతిపత్రం సమర్పించాడు. ఈ మేరకు పోలీసులు దర్యాప్తు ప్రారంభించారు. యాళ్లూరులో వ్యక్తి ఆత్మహత్య గోస్పాడు: పుట్టింటికి వెళ్లిన భార్య రాలేదని భర్త ఈశ్వరయ్య(34) ఆత్మహత్యకు పాల్పడిన ఘటన సోమవారం యాళ్లూరు గ్రామంలో చోటుకుంది. పోలీసులు తెలిపిన వివరాల మేరకు గ్రామానికి చెందిన ఈశ్వర్యయ్యకు ఆర్‌ఎస్‌ రంగాపురానికి చెందిన మహిళతో 12 ఏళ్ల క్రితం వివాహం అయ్యింది. వీరిద్దరి మధ్య మనస్పర్ధలు రావడంతో భార్య పుట్టింటికి వెళ్లింది. ఇటీవల అనారోగ్యంతో బాధపడుతున్నా భార్య కాపురానికి రాలేదని మనస్తాపానికి గురైన ఈశ్వరయ్య ఆదివారం రాత్రి పురుగుల మందు తాగాడు. అపస్మారక స్థితిలో పడిఉన్న ఆయనను గమనించిన స్థానికులు చికిత్స నిమిత్తం గ్రామంలోని ప్రభుత్వ ఆసుపత్రికి తరలించారు. కోలుకోలేక అక్కడే మృతిచెందాడు. మృతునికి ఇద్దరు కుమార్తెలు ఉన్నారు. కేసు నమోదుచేసి దర్యాప్తు చేస్తున్నట్లు ఎస్‌ఐ సుధాకర్‌రెడ్డి తెలిపారు. భార్యను హత్య చేసిన వ్యక్తిని కఠినంగా శిక్షించాలి పత్తికొండ: కుటుంబ కలహాలతో భార్యను హత్య చేసిన భర్తను కఠినంగా శిక్షించాలని మృతురాలు మహేశ్వరి కుటుంబ సభ్యులు డిమాండ్‌ చేశారు. ఆదివారం పత్తికొండ పట్టణంలోని నాలుగు స్తంభాల కూడలి వద్ద ప్రధాన రహదారిపై మృతురాలి కుటుంబ సభ్యులు కాలనీ వాసులతో కలిసి ధర్నా నిర్వహించారు. ఈ సందర్భంగా వారు మాట్లాడుతూ... ‘6నెలలు కిందట ఆస్పరి మండలం తురవగల్లు గ్రామానికి చెందిన మల్లికార్జునకు తమ కూతురు మహేశ్వరిని ఇచ్చి పెళ్లి చేశాం. కొద్ది రోజులకే అదనపు కట్నం తీసుకురావాలని చిత్రహింసలు పెట్టి చివరకు ఇంట్లో ఉరి వేసి చంపేశాడ’ని వాపోయారు. కిరాతకంగా తమ బిడ్డను చంపిన మల్లికార్జునను కఠినంగా శిక్షించాలని డిమాండ్‌ చేశారు. దేవాలయానికి వెళ్తూ మృత్యువాత బండిఆత్మకూరు: అమావాస్య సందర్భంగా ఆటోలో దేవాలయానికి వెళ్లే క్రమంలో ప్రమాదం జరిగి సోమవారం ఒక మహిళ మృతి చెందారు. వెలుగోడు మండలంలోని గుంతకందాల గ్రామానికి చెందిన విజయుడు తన కుటుంబ సభ్యులతో కలిసి ఆటోలో నంద్యాల పట్టణంలోని జగజ్జననీ ఆలయానికి బయలుదేరారు. పెద్దదేవలాపురం గ్రామ ఏకశిల ఆంజనేయ స్వామి దేవాలయం వద్ద రోడ్డుపై ఉన్న కుక్కను తప్పించబోయే క్రమంలో ఆటో అదుపు తప్పి పక్కనే ఉన్న బ్రిడ్జ్‌ అంచులకు ఢీకొట్టింది. ఈ ప్రమాదంలో జంగం సోమేశ్వరి (36) అక్కడికక్కడే మృతి చెందారు. శారదమ్మ అనే వృద్ధురాలికి తీవ్ర గాయాలయ్యాయి. గాయపడిన వారిన స్థానికులు 108లో ఆసుపత్రికి తరలించారు. ఆటో డ్రైవర్‌ విజయుడు ఫిర్యాదు మేరకు కేసు నమోదు చేసి విచారణ చేపట్టినట్లు ఎస్‌ఐ జగన్‌మోహన్‌ తెలిపారు. కుక్కను తప్పించబోయి.. గోనెగండ్ల: కుక్కను తప్పించబోయి కిందపడిన ఘటనలో ఓ వ్యక్తి మృతి చెందాడు. సీఐ చంద్రబాబు తెలిపిన వివరాల మేరకు.. పెద్దనేలటూర్‌ గ్రామానికి చెందిన గొల్ల రంగన్న (34) సజ్జ పంట సాగుచేశాడు. ఆదివారం రాత్రి ఆ పంటకు నీళ్లు కట్టి తిరిగి ఇంటికి బైకుపై వస్తున్న క్రమంలో అలువాల రోడ్డులో కుక్క అడ్డం వచ్చింది. రంగన్న ఆ కుక్కను తప్పించబోయి అదపుతప్పి కింద పడ్డాడు. తలకు తీవ్రగాయమై ముక్కు, చెవిలోంచి రక్తం వచ్చింది. అటుగా వెలుతున్న వారు కుటుంబ సభ్యులకు సమాచారం ఇవ్వడంతో వారు వెళ్లి రంగన్నను అంబులెన్స్‌లో కర్నూలు ఆసుపత్రికి తరలించగా కోలుకోలేక సోమవారం తెల్లవారు జామున మృతిచెందాడు. మృతుడికి భార్య సరస్వతి, ఇద్దరు పిల్లలున్నారు. కుటుంబసభ్యుల ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు సీఐ తెలిపారు.

● ఇంటి నుంచి వెళ్లిపోయిన బాలుడు ● పోలీసులు గుర్తించి బంధువులకు అప్పగించిన వైనం వెల్దుర్తి: జన్మదిన వేడుకలకు కుటుంబీకులు డబ్బులు ఇవ్వలేదని ఓ బాలుడు మనస్తాపంతో ఇంటి నుంచి వెళ్లిపోగా.. పోలీసులు గుర్తించి ఇంటికి చేర్చారు. శ్రీరంగాపురం పంచాయతీ మజరా గ్రామం లక్ష్ముంపల్లెకు చెందిన బోయ పెద్ద అయ్యస్వామి, రాణి దంపతులకు కుమార్తె, కుమారుడు. కుమార్తెకు వివాహం కాగా.. 13 ఏళ్ల కుమారుడు జగన్‌ మోహన్‌ చదవు నిలిపేసి జీవాల పెంపకంలో కుటుంబానికి తోడుగా ఉన్నాడు. ఈనెల 8వ తేదీ ఆదివారం దీపావళి నాడు తన పుట్టిన రోజు కావడంతో వేడుకలు చేసుకునేందుకు కుటుంబీకులను రూ. 500 అడిగాడు. అయితే వారు నిరాకరించడంతో మనస్తాపం చెందాడు. హెయిర్‌ కటింగ్‌ చేయించుకునేందుకు పక్కనే ఉన్న గోవర్ధనగిరి గ్రామానికి వెళ్తున్నట్లు చెప్పాడు. సాయంత్రమైనా ఇంటికి రాకపోవడంతో తల్లిదండ్రులు అంతా వెతికారు. బంధుమిత్రుల వద్ద వాకబు చేసినా ఆచూకీ తెలియలేదు. దీంతో సోమవారం స్థానిక పోలీస్‌స్టేషన్‌లో ఫిర్యాదు చేశారు. ఎస్‌ఐ నరేశ్‌ విచారణ చేపట్టి నంద్యాల రైల్వేస్టేషన్‌లో బాలుడి ఉన్నట్లు తెలుసుకుని పోలీసులు తీసుకొచ్చి బంధువులకు అప్పగించారు.

చాంద్రమానంలో ఎనిమిదవ నెల కార్తీకమాసం ఆధ్యాత్మికంగా ఎంతో విశేషమైనది. ఈ నెలలో పౌర్ణమినాడు చంద్రుడు కృత్తికా నక్షత్రానికి దగ్గరగా ఉండడం చేత ఈ నెల కార్తీకంగా పేరొందింది. శరదృతువులో రెండవ నెల అయిన ఈ కార్తీకానికి కౌముది మాసం అని కూడా పేరు. కౌముది అంటే వెన్నెల అని అర్థం.శ్రీశైలంటెంపుల్‌: పరమశివుడు స్వయంభులింగంగా వెలసిన శ్రీశైలమహాపుణ్యక్షేత్రంలో మంగళవారం నుంచి కార్తీకమాసోత్సవాలు వైభవంగా ప్రారంభంకానున్నాయి. కార్తీకమాసంలో శివున్ని ఆరాధిస్తే సకల ఫలాలు లభిస్తాయని భక్తుల నమ్మకం. అందుకే మిగతా పర్వదినాల కంటే ఈ మాసంలో శివుడిని ఆరాధించేందుకు భక్తులు ఆరాటపడుతూ శ్రీగిరికి అధికసంఖ్యలో తరలివస్తారు. కార్తీకమాసం ప్రారంభమైనప్పటి నుంచి రెండు తెలుగు రాష్ట్రాల నుంచే కాకుండా ఇతర రాష్ట్రాల నుంచి సైతం భక్తులు తండోపతండాలుగా తరలివచ్చి స్వామిఅమ్మవార్లను దర్శించుకుని దీపారాధన చేసుకుంటారు. ఈ మాసంలో ప్రతి సోమవారం కనుల పండువగా లక్షదీపోత్సవం, పుష్కరిణి హారతి, కార్తీకపౌర్ణమి రోజున కృష్ణానది వద్ద పుణ్యనదీహారతి, జ్వాలాతోరణం విశేషంగా జరుపుతారు. ఈ నెల 24న ఆలయం ఎదురుగా గంగాధర మండపం వద్ద సాయంత్రం 6గంటలకు జ్వాలాతోరణాన్ని నిర్వహిస్తారు. తోరణంలో కాలిన నూలు వత్తుల నుంచి వచ్చిన భస్మాన్ని భక్తులు నుదుట ధరించడం ఎంతో విశేషంగా భావిస్తారు. కార్తీకమాసం శివకేశవులకు ప్రీతికరం.. ఈ మాసం శివారాధనకు, విష్ణు ఆరాధనకు ఎంతో ప్రసిద్ధి. కార్తీకమాసంలో శివారాధన చెప్పలేనంత పుణ్యఫలితాన్నిస్తుంది. ఈ నెలలో పగలు ఉపవాసం ఉండి, రాత్రి భుజించడం చేస్తూ ప్రదోషంలో శివున్ని ఆరాధించడం వలన శివానుగ్రహం లభించడంతో పాటు సర్వదేవతలను పూజించినంత ఫలితం లభిస్తుందని పలు పురాణాలు చెబుతున్నాయి. ఈ నెలలో పరమేశ్వరుడుని మారేడుదళాలతో, తుమ్మిపూలతో పూజించడం విశేషఫలదాయకం. కార్తీకమాసానికంతటికి విష్ణుదేవుడు ‘దామోదర’ నామంతో అధిపతిగా ఉంటాడు. కార్తీకవ్రతాచరణ ప్రారంభంలో ‘‘నిర్విఘ్నం కురు మే దేవ దామోదర నమోస్తుతే’’ అని దామోదరుని ప్రార్థిస్తారు. అదే విధంగా ఈ మాసంలో చేసే ప్రతిపుణ్యకార్యాన్ని కూడ ‘‘కార్తీక దామోదర ప్రీత్యర్థ్యం’’ అని సంకల్పించడం సంప్రదాయం. కార్తీకమాసంలో గృహనిర్మాణాలు అరంభించడం మంచిది. ఇంటినిర్మాణాలు చేపట్టడంతో ధనధాన్య లాభం సిద్ధ్దిస్తుందని మత్స్యపురాణం చెబుతుంది. కార్తీకవ్రతాచరణలో ఆచరించాల్సిన కొన్ని నియమాలు ప్రత్యేకంగా చెప్పబడ్డాయి. వీటిలో కార్తీకస్నానం, ఉపవాసం, దీపారాధన, దానధర్యాలు, సోమవారవ్రతం ముఖ్యమైనవి. వనభోజనాలు కార్తీకమాసంలో ముఖ్యమైన అంశం వనభోజనాలు. ఈ వనభోజనాలను పలు వృక్షజాతులున్న వనంలో ఉసిరిక చెట్టు కిందనే చేయాలని శాస్త్రం చెబుతుంది. వనంలోనే వంటలను వండుకోని తినాలి. ఈ వంటల్లో ఉసిరిక కాయలను విధిగా వినియోగించాలి. వనభోజనాల్లో ముందుగా ఉసిరిక చెట్టు కింది భాగాన్ని గోమయంతో అలికి, పసుపు, కుంకుమలతో అలంకరించాలి. ‘శ్రీ ధాత్య్రై నమః’, శ్రీ మేధాయైనమః మొదలైన 21నామాలతో చెట్టును పూజించాలి. అనంతరం చెట్టు కింద సాలగ్రామాన్ని ఉంచి, అర్చించి, వనంలోనే వండిన వంటకాలను నివేధించి, భుజించాలి. ఈ వనభోజనాలను చేయడం వలన అశ్వమేధయాగం చేసినంత ఫలితం లభిస్తుందని భక్తుల విశ్వాసం. వనభోజనాల సంప్రదాయంలో ఆధ్యాత్మిక అంశాలే కాకుండా సామాజిక ఏకత్వం లాంటి లౌకిక అంశాలు కూడ యిమిడి ఉన్నాయి. పంచమఠాల్లో ఆర్జిత అభిషేకాలుభక్తులందరికీ స్వామివారి సౌకర్యవంతమైన దర్శనం కల్పించేందుకు ఆలయ పూజావేళలను మార్పులు చేసి వేకువజామున 4.30 గంటల నుంచి దర్శనాలకు అనుమతిస్తారు. క్యూకాంప్లెక్స్‌లో భక్తులకు ఉచితంగా పాలు, అల్పాహారం, తాగునీరు ఏర్పాట్లు చేశారు. ఆలయ ఉత్తరమాఢవీధి వద్ద కార్తీకదీపాలు వెలిగించుకునేందుకు ఏర్పాట్లు చేశారు. శని, ఆది. సోమవారాల్లో, ఇతర పర్వదినాల్లో స్వామివారి స్పర్శదర్శనం పూర్తిగా నిలుపుదల చేశారు. మంగళవారం నుంచి శుక్రవారం వరకు ఐదు విడతలుగా స్పర్శదర్శనం కల్పించారు. కార్తీకపౌర్ణమి సందర్భంగా గంగాధర మండపం వద్ద జ్వాలాతోరణం, పాతాళగంగలో పుణ్యనదీహారతి నిర్వహిస్తారు. భక్తులందరికీ లడ్డూ ప్రసాదాల కొరత లేకుండా ఏర్పాట్లు చేశారు. ఈ ఏడాది నూతనంగా పంచమఠాలలో పరమేశ్వరునికి అభిషేకాలను నిర్వహించుకునేందుకు రూ.216 సేవా రుసుంతో ఆర్జిత అభిషేకాన్ని ఏర్పాటు చేశారు. ఈ నెల 20న శుద్ధ ఏకాదశిని పురస్కరించుకుని కోటిదీపోత్సవం నిర్వహించనున్నారు. శ్రీగిరిలో నేటి నుంచి కార్తీకమాసోత్సవాలు ప్రతి సోమవారం లక్ష దీపోత్సవం, పుష్కరిణి హారతి కార్తీక పౌర్ణమిన జ్వాలాతోరణం ఈ ఏడాది నూతనంగా పంచమఠాల్లో ఆర్జిత అభిషేకాలు

● తప్పిన పెనుప్రమాదం శ్రీశైలం: మహారాష్ట్రకు చెందిన టూరిస్టు బస్సు ఆదివారం రాత్రి బ్రేక్‌ ఫెయిల్‌ కావటంతో పార్కింగ్‌లో ఉన్న ఐదు కార్లను ఢీకొని ఆగిపోయింది. ప్రత్యక్ష సాక్షుల వివరాల మేరకు...టోల్‌గేటు దాటిన తర్వాత టూరిస్టు బస్టాండులో ఆగి ఉన్న బస్సును స్టార్ట్‌ చేసిన ముందుకు కదిలించాలని డ్రైవర్‌ యత్నించాడు. ఆసమయంలో బ్రేకులు పడకపోవటంతో డ్రైవర్‌ బస్సు వేగాన్ని నియంత్రించి అదుపుచేసే క్రమంలో అలంకారేశ్వరస్వామి ఆలయం పక్కన పార్కుచేసి ఉన్న ఐదుకార్లను ఢీకొట్టాడు. ఐదుకార్లు నుజ్జు నుజ్జు కాగా ఓ కారులో ఉన్న బాలికకు స్వల్పగాయాలు అయ్యాయి. సమాచారం తెలుసుకొన్న భద్రతా సిబ్బంది, పోలీసులు సంఘటనా స్థలానికి చేరుకొని పరిస్థితులను సమీక్షించారు. బస్సు ఢీకొన్న నాలుగు కార్లలో యాత్రికులెవ్వరూ లేకపోవటంతో పెను ప్రమాదం తప్పిందని అధికారులు ఊపిరి పీల్చుకొన్నారు. ఓ కారులోని బాలికకు స్వల్పగాయాలు కావటంతో ప్రథమ చికిత్సలు నిర్వహించారు. వన్‌టౌన్‌ పోలీసులు కేసునమోదు చేసుకొని దర్యాప్తు చేస్తున్నారు. వెయిట్‌లిఫ్టింగ్‌ పోటీలు ప్రారంభం కర్నూలు (టౌన్‌): నగరంలోని స్థానిక స్పోర్ట్స్‌ అథారిటీ స్టేడియంలో అంతర్‌ కళాశాలల వెయిట్‌ లిఫ్టింగ్‌ పోటీలు సోమవారం ప్రారంభమయ్యాయి. ఈ పోటీలను రాయలసీమ యూనివర్సిటీ స్పోర్ట్స్‌ బోర్డు కార్యదర్శి డాక్టర్‌ కె. శివకిషోర్‌, జిల్లా క్రీడల అబివృద్ధి అధికారి భూపతిరావు ప్రారంభించారు. ఈ సందర్భంగా వారు మాట్లాడుతూ.. క్రీడాకారులు పోటీల్లో ప్రతిభ కనబరచాలన్నారు. సేలంలో నిర్వహించనున్న సౌత్‌జోన్‌ స్థాయి వెయిట్‌ లిఫ్టింగ్‌ పోటీల్లో క్రీడాకారులు పతకాలు సాధించి తిరిగి రావాలన్నారు. వెయిట్‌ లిఫ్టింగ్‌ కోచ్‌ యూసుఫ్‌ బాషా, సీనియర్‌ వెయిట్‌ లిఫ్టింగ్‌ క్రీడాకారులు ఫర్జాన్‌ అన్సారీ పాల్గొన్నారు. గుర్తుతెలియని వ్యక్తి బలవన్మరణం కోసిగి: రైలు కింద పడి గుర్తు తెలియని వ్యక్తి ఆత్మహత్య చేసుకున్నాడు. కోసిగి – ఐరన్‌గల్లు రైల్వే స్టేషన్‌ మధ్యలో ఆదివారం రాత్రి 9.30 గంటల సమయంలో ఈ ఘటన చోటుచేసుకుంది. మృతి వయస్సు 30 ఏళ్లు ఉంటుందని రైల్వే పోలీసులు తెలిపారు. నలుపు రంగు రెడిమేడ్‌ జీన్స్‌ ప్యాంట్‌, తెల్లని అడ్డం గీతలు కలిగిన నలుపు రంగు రెడిమేడ్‌ ఫుల్‌షర్ట్‌ ధరించి ఉన్నట్లు చెప్పారు. కేసు నమోదు చేసి, మృతదేహాన్ని ఆదోని ఏరియా ఆసుపత్రికి తరలించినట్లు రైల్వే హెడ్‌ కానిస్టేబుల్‌ సి. శివరామయ్య తెలిపారు. ఆచూకీ తెలిసిన వారు ఆదోని రైల్వే పోలీస్‌ స్టేషన్‌లో సంప్రదించాలని సూచించారు. మహిళ అదృశ్యం మహానంది: సీతారామపురం గ్రామానికి చెందిన కంచి లక్ష్మీప్రసన్న కనిపించడం లేదని కుటుంబ సభ్యులు ఫిర్యాదు చేసినట్లు ఎస్‌ఐ ఎల్‌. శివాంజల్‌ తెలిపారు. సోమవారం ఆయన మాట్లాడుతూ లక్ష్మీప్రసన్నకు మార్కాపురం జిల్లా కంభం గ్రామానికి చెందిన రామాంజనేయులుతో వివాహమైందన్నారు. ఇటీవల భర్త వద్ద నుంచి వచ్చి స్వగ్రామమైన సీతారామాపురంలో ఉంటుందన్నారు. అయితే సోమవారం ఉదయం 11 గంటల సమయంలో ఇంట్లో ఎవరికీ చెప్పకుండా ఆటో ఎక్కి వెళ్లిందన్నారు. ఆమె ఆచూకీ ఎవరికై నా తెలిస్తే మహానంది ఎస్‌ఐ 91211 01093 సమాచారం అందించాలన్నారు.

● ఖాళీ బిందెలతో నిరసన ● అధికారులపై ఎమ్మెల్యే వై.బాలనాగిరెడ్డి ఆగ్రహం కోసిగి: తాగునీటి కోసం సోమవారం కోసిగి సిద్దప్ప పాళెం మహిళలు రోడ్డెక్కి ఖాళీ బిందెలతో నిరసన తెలిపారు. కాలనీలో దాదాపు 15 రోజులుగా కుళాయిలకు నీరు రావడం లేదని ఆవేదన వ్యక్తం చేశారు. పంచాయతీ అధికారులకు పలుమార్లు విన్నవించినా పట్టించుకోవడం లేదని ఆగ్రహం వ్యక్తం చేశారు. ఆరునెలల క్రితం ఇంటింటా కుళాయిలు ఏర్పాటు చేయిస్తామని కొత్త పైప్‌లైన్‌ వేసి మధ్యలోనే వదిలేశారన్నారు. బిందెలను పట్టుకుని ఇతర కాలనీలు, దూర ప్రాంతాల కుళాయిలకు వెళ్లినా దొరకని పరిస్థితి నెలకొందన్నారు. సమస్య పరిష్కరించ వరకు నిరసన విరమించేది లేదని భీష్మించారు. పోలీసులు అక్కడకు చేరుకుని ఆందోళనకారులతో మాట్లాడారు. తాత్కాలికంగా ట్యాంకర్లు ఏర్పాటు చేస్తామని చెప్పడంతో ఆందోళన విరమించారు. అధికారులపై ఎమ్మెల్యే ఆగ్రహం కోసిగి ప్రజలు తాగునీటి కోసం రోడ్డెక్కారు అనే విషయం తెలిసిన వెంటనే ఎమ్మెల్యే వై.బాలనాగిరెడ్డి ఆర్‌డబ్ల్యూఎస్‌ అధికారులకు ఫోన్‌ చేశారు. నీటి కోసం ప్రజలు రోడ్డెక్కుతుంటే ఏమి చేస్తున్నారని ఆగ్రహం వ్యక్తం చేశారు. ప్రజలకు నిరంతరంగా తాగునీటిని అందించాలని ఆదేశించారు. అవసరమైన ప్రాంతంలో కొత్త పైప్‌లైన్‌, కొత్త బోరు వేసేలా చూడాలన్నారు. అధికారులు నిర్లక్ష్యం వహించకుండా బాధ్యతా యుతంగా విధులు నిర్వర్తించాలని సూచించారు. కోసిగిలోని 1వ వార్డులో వెంటనే తాగునీటి సరఫరా చేసేలా చూడాలన్నారు.

ప్రస్తుతం కర్నూలు కేంద్రంగా రాష్ట్ర మానవ హక్కుల కమిషన్‌ పనిచేస్తోంది. ఇక్కడే చైర్మన్‌, ఇద్దరు సభ్యులు ఉండి కేసుల విచారణ చేపడతారు. నవంబర్‌ నుంచి హెచ్‌ఆర్‌సీ కార్యకలాపాలను క్యాంపు కోర్టుల పేరిట విజయవాడ, రాజమండ్రి, గుంటూరులలో ఏర్పాటు చేస్తారు. హెచ్‌ఆర్‌సీ ప్రిన్సిపల్‌ కోర్టు ప్రతి నెలా మొదటి వారంలో కర్నూలులోనే ఉండి పని చేస్తున్నా..మిగిలిన మూడు వారాలు ఇతర ప్రాంతాలకు వెళ్తుండడాన్ని సర్యూట్‌ కోర్టుగా పరిగణించవచ్చు. చైర్మన్‌ విడుదల చేసిన క్యాంపు కోర్టుల అధికార ఉత్వర్వులు

● ఆలూరు ఎమ్మెల్యే విరూపాక్షి ఆలూరు రూరల్‌: స్థానిక సంస్థల ఎన్నికల్లో చంద్రబాబు ప్రభుత్వం అరాచకాలు, దౌర్జన్యాలకు పాల్పడిందని.. నీచ రాజకీయాలకు కేరాఫ్‌ ముఖ్యమంత్రి చంద్రబాబు అని ఎమ్మెల్యే విరూపాక్షి విమర్శించారు. చిప్పగిరిలోని తన నివాసంలో ఆదివారం విలేకరుల సమావేశంలో ఎమ్మెల్యే మాట్లాడారు. నామినేషన్‌ నుంచి కౌంటింగ్‌ వరకు వైఎస్సార్‌సీపీ ఎంపీటీసీ అభ్యర్థులను పోలీసుల చేత ఇబ్బంది పెట్టించారన్నారు. బైండోవర్‌ కేసులు పెట్టించి.. ప్రచారాలు కూడా చేయనీకుండా నిలువరించారన్నారు. కౌంటింగ్‌లో వైఎస్సార్‌ సీపీ అభ్యర్థుల ఓట్లు ఆధిక్యంలో రాగానే అధికారులను బెదిరించి రీ కౌంటింగ్‌ చేయించారన్నారు. నారా లోకేష్‌ రాజకీయ భవిష్యత్తు కోసం చంద్రబాబు రాష్ట్రాన్ని రావణకాష్టంగా మారుస్తున్నారని ఆరోపించారు. ఎమ్మెల్యే అని కూడా చూడకుండా తనపై ఆలూరు ఎస్‌ఐ మన్మథ విజయ్‌ దురుసుగా ప్రవర్తించారన్నారు. కౌంటింగ్‌ హాల్‌ నుంచి తొందరగా వెళ్లిపోవాలంటూ హుకూం జారీ చేశారన్నారు. తననే ఇలా అంటే వైఎస్సార్‌సీపీ కార్యకర్తలపై ఎలాంటి దౌర్జన్యాలకు పాల్పడి ఉంటారో అర్థం చేసుకోవాలన్నారు. విలేకరుల సమావేశంలో ఆలూరు–2 ఎంపీటీసీ సభ్యుడు వరుణ్‌ కుమార్‌, వైఎస్సార్‌సీపీ విద్యార్థి విభాగం నాయకుడు రాజు, నాయకులు మల్లికార్జున నాయక్‌, గజ్జలప్ప తదితరులు ఉన్నారు.

కర్నూలు(సెంట్రల్‌): జనాభా గణన ప్రక్రియను పకడ్బందీగా నిర్వహించాలని అధికారులకు జిల్లా కలెక్టర్‌ డాక్టర్‌ ఏ సిరి సూచించారు. సోమవారం బృందావన్‌ ఇంజినీరింగ్‌ కళాశాలలో జిల్లా స్థాయి జనగణన అధికారులకు శిక్షణ కార్యక్రమాన్ని నిర్వహించారు. ముఖ్యఅతిథిగా జిల్లా కలెక్టర్‌ మాట్లాడుతూ.. 2027 జనవరి 10 నుంచి 24వ తేదీ వరకు ప్రజలు స్వయంగా తమ వివరాలను తామే ఆన్‌లైన్‌లో నమోదు చేసుకోవచ్చన్నారు. స్వీయ గణనపై ప్రజల్లో విస్తృత అవగాహన కల్పించాలని ఆదేశించారు. జనవరి 25 నుంచి ఫిబ్రవరి 28వ తేదీ వరకు ఎన్యూమరేటర్లు ఇంటింటా తిరిగి కుటుంబాల్లోని ప్రజల వివరాలను సేకరించాల్సి ఉంటుందన్నారు. 2027 మార్చి ఒకటో తేదీ అర్థరాత్రి 12 గంటల వరకు పుట్టిన, చనిపోయిన వారి వివరాలను జనాభా సేకరణలో లిఖించాల్సి ఉందన్నారు. సేకరించిన వివరాలపై మార్చి 1 నుంచి 5వ తేదీ మధ్య ఏమైనా సవరణలు చేసుకోవడానికి ప్రజలకు అవకాశం కల్పించినట్లు చెప్పారు. జనగణన నిర్వహణపై రెండు రోజుల పాటు అందించే శిక్షణను అధికారులు, సిబ్బంది పూర్తిస్థాయిలో సద్వినియోగం చేసుకోవాలని సూచించారు. డివిజన్ల వారీగా ఆర్‌డీఓలు, తహసీల్దార్లు, సీపీఓ, డీఆర్‌ఓ తదితర అధికారులు సమన్వయంతో పనిచేయాలన్నారు. జిల్లా రెవెన్యూ అధికారి వెంకట నారాయణమ్మ, పత్తికొండ ఆర్డీఓ ఓబులేసు, ఆదోని ఆర్డీవో అరుణ దేవి, కర్నూలు ఆర్డీఓ సందీప్‌ కుమార్‌, జిల్లా సెన్సస్‌ ఇన్‌చార్జ్‌ ఎన్‌. దీపక్‌ భరద్వాజ్‌ పాల్గొన్నారు.

● వైఎస్సార్‌సీపీ నంద్యాల జిల్లా అధ్యక్షుడు కాటసాని రాంభూపాల్‌రెడ్డికల్లూరు: చంద్రబాబు ప్రభుత్వంలో ప్రజాస్వామ్యం ఖూనీ అయ్యిందని, ఎన్నికల్లో గెలిచినా న్యాయం జరగని పరిస్థితి ఉందని వైఎస్సార్‌సీపీ నంద్యాల జిల్లా అధ్యక్షుడు, మాజీ ఎమ్మెల్యే కాటసాని రాంభూపాల్‌రెడ్డి అన్నారు. కల్లూరులోని తన స్వగృహంలో ఆదివారం విలేకరులతో మాట్లాడారు. మున్సిపల్‌ కార్పొరేషన్‌, ఎంపీటీసీ, జెడ్పీటీసీ ఎన్నికల్లో ప్రజాస్వామ్యాన్ని అపహాస్యం చేసే విధంగా టీడీపీ నేతలు వ్యవహరించారన్నారు. ఎన్నికలకు ముందే కల్లూరు అర్బన్‌ 22 వార్డులో ఫోర్త్‌ టౌన్‌, ఇతర పోలీసు స్టేషన్ల సీఐలు వైఎస్సార్‌సీపీ నాయకులు, కార్యకర్తలకు 41ఏ నోటీసులు ఇచ్చి తీవ్రంగా భయభ్రాంతులకు గురి చేశారన్నారు. ఒక సీఐ అయితే వైఎస్సార్‌సీపీ అభ్యర్థినే పోలీసు స్టేషన్‌కు తీసుకెళ్లి రాత్రి 11 గంటల వరకు కూర్చోబెట్టిన పరిస్థితి ఉందన్నారు. జెడ్పీటీసీ, ఎంపీటీసీ ఎన్నికల సమయంలోనూ ఇదే తరహా వ్యవహారం కొనసాగిందని కాటసాని అన్నారు. పాణ్యం నియోజకవర్గంలోని వివిధ పోలీసు స్టేషన్ల పరిధిలో వైఎస్సార్‌సీపీ ముఖ్య నాయకులను ఇళ్ల నుంచి బయటకు రాకుండా హౌస్‌ అరెస్టులు చేశారన్నారు. బస్తిపాడు గ్రామంలో కల్లా వెంకట రమణారెడ్డి, కొంగనపాడు గ్రామంలో కేశవరెడ్డి, నాయకుల్లు గ్రామంలో చంద్రశేఖర్‌రెడ్డిని బయటకు రానీయకుండా అడ్డుకున్నారన్నారు. ప్రజాస్వామ్యంలో పోటీ చేసే హక్కును, ప్రచారం చేసే హక్కును పోలీసుల ద్వారా కాలరాయడం ఎంతవరకు సమంజసమని ప్రశ్నించారు. రీకౌంటింగ్‌ పేరుతో గందరగోళం కల్లూరు అర్బన్‌ 50వ వార్డులో వైఎస్సార్‌సీపీ అభ్యర్థి గెలిచిన తర్వాత కూడా రీకౌంటింగ్‌ పేరుతో గందరగోళం సృష్టించారన్నారు. డిక్టరేషన్‌ ఇవ్వకుండా ఇబ్బందులకు గురి చేశారన్నారు. ఓర్వకల్లు మండలం ఎంపీటీసీ ఎన్నికల్లోనూ వైఎస్సార్‌సీపీ గెలిస్తే టీడీపీ గెలిచినట్లు ప్రకటించారనే ఆరోపణలు ఉన్నాయన్నారు. ఉప్పలపాడు, బ్రాహ్మణపల్లె తదితర గ్రామాల్లోనూ ఎన్నికల ప్రక్రియపై తీవ్ర అభ్యంతరాలు వ్యక్తమవుతున్నాయన్నారు. ఈ మూడు స్థానాల ద్వారా ఎంపీపీ పదవిని దక్కించుకోవాలనే ఉద్దేశంతోనే పాణ్యం నియోజకవర్గం టీడీపీ ముఖ్య నాయకులు నేరుగా ఫోన్లలో అధికారులతో మాట్లాడి సూచనలు ఇచ్చారని విమర్శించారు. పోలింగ్‌ పూర్తయిన తర్వాత కౌంటింగ్‌లోనూ పారదర్శకత లేకపోతే ప్రజలు ఎవరిని ఆశ్రయించాలని కాటసాని ప్రశ్నించారు.ఎన్నికల నిర్వహణలో అధికారుల పాత్ర నిష్పక్షపాతంగా ఉండాలన్నారు. వైఎస్సార్‌సీపీ అభ్యర్థులకు జరిగిన అన్యాయంపై న్యాయ పోరాటం చేస్తామన్నారు. మాజీ డిప్యూటీ మేయర్‌ ఎస్‌. రేణుక, వైఎస్సార్‌సీపీ నాయకులు పాల్గొన్నారు.

కర్నూలు: లీగల్‌ సర్వీసెస్‌తో ప్రజలకు సత్వర న్యా యం జరుగుతుందని లీగల్‌ సర్వీసెస్‌ అథారిటీ కార్యదర్శి లీలా వెంకటశేషాద్రి అన్నారు. జాతీయ న్యాయ సేవా దినోత్సవం సందర్భంగా సోమవారం జిల్లా కోర్టులోని న్యాయ సేవా సదన్‌లో కార్యక్రమాన్ని 4వ అదనపు జిల్లా జడ్జి టి.లీలావతి జ్యోతి ప్రజ్వలన చేసి ప్రారంభించారు. ఈ సందర్భంగా లీలా వెంకటశేషాద్రి మాట్లాడుతూ.. ప్రతి సంవత్సరం నవంబర్‌ 9వ తేదీన జాతీయ న్యాయ సేవల దినోత్సవాన్ని జరుపుకుంటున్నామన్నారు. ఏసీబీ కోర్టు అదనపు జిల్లా జడ్జి శ్రీవిద్య, ఫోక్సో కోర్టు స్పెషల్‌ అదనపు జడ్జి రాజేంద్రబాబు, 7వ అదనపు జిల్లా జడ్జి లక్ష్మీరాజ్యం, శాశ్వత లోక్‌ అదాలత్‌ చైర్మన్‌ వెంకటహరినాథ్‌, ప్రిన్సిపాల్‌ జూనియర్‌ సివిల్‌ జడ్జి సంధ్యారాణి, ఎకై ్సజ్‌ మెజిస్ట్రేట్‌ అనిల్‌ కుమార్‌, బార్‌ అసోసియేషన్‌ అధ్యక్షులు చంద్రు డు తదితరులు ఈ కార్యక్రమంలో పాల్గొన్నారు. ఈ సందర్భంగా లీగల్‌ సర్వీసెస్‌ గోడ పత్రికలను ఆవిష్కరించి న్యాయవాదులు, పారా లీగల్‌ వాలంటీర్స్‌తో పా టు కొండారెడ్డిబురుజు వరకు ర్యాలీ నిర్వహించారు.

కర్నూలు(అగ్రికల్చర్‌): తక్కువ ధరకే బియ్యం పంపిణీ నామమాత్రానికే పరిమితం అయ్యింది. సామాన్య, మధ్య తరగతి కుటుంబీకులు ఒక బస్తా బియ్యం కొనలేకపోతున్నారు. చంద్రబాబు ప్రభుత్వం అధికారంలోకి రాక ముందు 2024 మార్చిలో 25కిలోల బియ్యం రూ.1,200 మాత్రమే. ప్రస్తుతం బహిరంగ మార్కెట్‌లో 25 కిలోల బియ్యం బస్తా ధర రూ.2,300 నుంచి రూ.2,400 ఉంటోంది. ధరలు రెట్టింపు అయిన నేపథ్యంలో తక్కువ ధరకే 25 కిలో బియ్యం బస్తా రూ.1300 ప్రకారం పంపిణీ చేస్తున్నామని ప్రభుత్వం ప్రచారం చేసింది. అయితే జిల్లాలో ఎక్కడా పంపిణీ చేయలేదు. అర్బన్‌ లోకల్‌ బాడీస్‌ ఎన్నికల నేపథ్యంతో ఓటర్లను ఆకట్టుకునేందుకు తక్కువ ధరకే రైతు బజార్ల ద్వారా పౌరసరఫరాల శాఖ బియ్యం పంపిణీ చేపట్టింది. ఇది కూడా ఈ నెల 2వ తేదీ అరకొరగా పంపిణీ చేశారు. అ తర్వాత బియ్యం పంపిణీ జాడ లేకుండా పోయింది. నిత్యం వందలాది మంది వినియోగదారులు బియ్యం కోసం వచ్చి వెనక్కి పోతున్నారు. వినియోగదారుల తాకిడి తట్టుకోలేక రైతుబజార్లలో బియ్యం స్టాకు లేదు అనే బోర్డులు ఉంచారు. రాష్ట్ర చరిత్రలో ఎప్పుడూ లేని విధంగా బియ్యం ధరలు పెరిగిపోవడానికి చంద్రబాబు సర్కారే కారణమనే విమర్శలు వెల్లువెత్తుతున్నాయి. గ్రామీణ ప్రాంతాల్లో కిలో బియ్యం రూ.100 ఆపైనే అమ్మకాలు సాగిస్తుండటం గమనార్హం.

కర్నూలు(హాస్పిటల్‌): డిప్లమా ఇన్‌ అలైడ్‌ అండ్‌ హెల్త్‌కేర్‌ సర్వీసెస్‌(డిప్ల్లమా ఇన్‌ పారామెడికల్‌) కోర్సుల్లో మిగిలిన సీట్ల భర్తీకి ఈ నెల 10న (మంగళవారం) రెండో విడత కౌన్సిలింగ్‌ నిర్వహించనున్నట్లు కర్నూలు మెడికల్‌ కాలేజీ ప్రిన్సిపల్‌ డాక్టర్‌ కె.చిట్టినరసమ్మ సోమవారం ఒక ప్రకటనలో తెలిపారు. ఉదయం 10 గంటలకు కళాశాలలోని ఆడిటోరియంలో కౌన్సెలింగ్‌ ప్రారంభం అవుతుందన్నారు. మొదటి విడతలో మిగిలిన సీట్లతో పాటు ఖాళీ అయ్యే సీట్లను కలిపి రెండో విడతలో భర్తీ చేస్తామన్నారు. ఇప్పటికే దరఖాస్తు చేసుకున్న అభ్యర్థులందరూ తమ ఒరిజినల్‌ సర్టిఫికెట్లతో హాజరై ఈ అవకాశాన్ని సద్వినియోగం చేసుకోవాలని కోరారు. రబీలో ఆరు పంటలకు బీమా కర్నూలు(అగ్రికల్చర్‌): రబీలో ఆరు పంటలకు బీమా కల్పించినట్లు జిల్లా వ్యవసాయ అధికారి పీఎల్‌ వరలక్ష్మి సోమవారం ఒక ప్రకటనలో తెలిపారు. ప్రధానమంత్రి ఫసల్‌ బీమా యోజన కింద పప్పుశనగ, వేరుశనగ, జొన్న, ఉల్లి, వరి, వాతావరణ ఆధారిత బీమా కింద టమాట పంట వస్తుందని పేర్కొన్నారు. వరి పంటకు డిసెంబరు 31లోపు, ఇతర పంటలకు డిసెంబరు 15లోపు ప్రీమియం చెల్లించాల్సి ఉందని తెలిపారు. పప్పుశనగకు ఎకరాకు రూ.420, వేరుశనగకు రూ.480, జొన్నకు రూ.297, ఉల్లికి రూ.1350, వరికి రూ.630, టమాటకు రూ.1500 ప్రకారం ప్రీమియం చెల్లించాల్సి ఉందన్నారు. అక్టోబరు 1 నుంచి డిసెంబరు 15 వరకు బ్యాంకుల్లో పంట రుణాలు పొందిన రైతులు పంటల బీమాకు అర్హులని తెలిపారు. బ్యాంకుల నుంచి పంట రుణాలు పొందని రైతులు సమీప బ్యాంకుల్లో, సహకార సంఘాలు, కామన్‌ సర్వీస్‌ సెంటర్లలో ప్రీమియం చెల్లించాలని సూచించారు. ఆదోనిలో యువకుడి దారుణ హత్య ఆదోని అర్బన్‌: యువకుడిని దారుణంగా హత్య చేసిన ఘటన ఆదోనిలో ఆదివారం రాత్రి చోటు చేసుకుంది. వన్‌టౌన్‌ సీఐ యుగంధర్‌ తెలిపిన వివరాల మేరకు.. పట్టణంలోని మదీనా కాలనీకి చెందిన షేక్‌ఖాదర్‌(26) అనే యువకుడు సెంట్రింగ్‌ పని చేస్తూ జీవనం సాగించేవాడు. తనపై దుష్ప్రచారం చేస్తున్నాడని ఇంట్లో ఉన్న షేక్‌ ఖాదర్‌ను అదే కాలనీకి చెందిన రంజాన్‌ అనే యువకుడు బయటకు పిలిపించాడు. ఉద్దేశపూర్వకంగానే గొడవపడి తీవ్రంగా గాయపడిచాడు. అపస్మారక స్థితిలో పడి ఉన్న షేక్‌కాదర్‌ను చూసిన స్థానికులు వెంటనే ఆదోని ప్రభుత్వ ఆసుపత్రికి తరలించారు. పరీక్షించిన వైద్యులు అప్పటికే మృతిచెందినట్లు నిర్ధారించారని సీఐ తెలిపారు. నిందితుడు రంజాన్‌పై గతంలో దొంగతనం కేసు నమోదయ్యిందని, పరారీలో ఉన్నాడని, త్వరలోనే పట్టుకుంటామని చెప్పారు. 2.59 లక్షల హెక్టార్లలో పంట నష్టం కర్నూలు(అగ్రికల్చర్‌): నేషనల్‌ డిజాస్టర్‌ రిలీఫ్‌ పండ్‌ (ఎన్‌డీఆర్‌ఎఫ్‌), స్టేట్‌ డిజాస్టర్‌ రిలీఫ్‌ పండ్‌(ఎస్‌డీఆర్‌ఎఫ్‌) పంపిన ప్రాఽథమిక అంచనాల ప్రకారం కర్నూలు జిల్లాలోని 21 కరువు మండలాల్లో 2,59,746.57 హెక్టార్లలో పంటలు దెబ్బతిన్నాయి. అలాగే 2,88,166 మంది రైతులు బాధితులుగా ఉన్నారు. ఎన్‌డీఆర్‌ఎఫ్‌ ప్రకారం రూ. 290.14 కోట్లు, ఎస్‌డీఆర్‌ఎఫ్‌ నామ్స్‌ ప్రకారం రూ.383.61 కోట్లు రైతులకు ఇన్‌పుట్‌ సబ్సిడీ రూపంలో చెల్లించాలని కోరారు. కరువు ప్రాంతాల్లో రైతులకు 1,36,279 టన్నుల దిగుబడులు కోల్పోయారని, కోల్పోయిన పంటల విలువ రూ.929.47 కోట్లు ఉందని నివేదికలో పేర్కొన్నారు. జిల్లాలో 30 రకాల పంటలు దెబ్బతినగా ఇటీవలనే కరువు ప్రాంతాల్లో సెంట్రల్‌ టీమ్‌ పర్యటించింది. నాలుగో స్థానంలో మహానంది ● రెండో స్థానంలో శ్రీ రంగాపురం మద్దిలేటిస్వామి మహానంది/బేతంచెర్ల: రాష్ట్రంలోని డిప్యూటీ కమిషనర్‌ హోదా కలిగిన 14 ఆలయాల్లో భక్తులకు అందే సౌకర్యాలు, వసతులు తదితర వాటిపై ఆంధ్రప్రదేశ్‌ దేవదాయశాఖ నిర్వహించిన భక్తుల అభిప్రాయాలపై మహానంది ఆలయం నాలుగో స్థానంలో నిలిచింది. రాష్ట్రంలోని పెంచలకోన ఆలయం 77.0 శాతంతో మొదటి స్థానంలో నిలవగా జిల్లాలోని రంగాపురం శ్రీ లక్ష్మీ మద్దులేటి స్వామి దేవస్థానం 75.3 శాతంతో రెండో స్థానంలో ఉంది. రాష్ట్రంలోని ఆర్‌జేసీ, డీసీ హోదా కలిగిన ఆలయాల్లో దర్శనం సంతృప్తికరంగా జరిగిందా?, దేవాలయాల్లో తాగునీటి వసతులు బాగున్నాయా?, ప్రసాదం తాజాగా, రుచిగా ఉందా?, దేవాలయాల్లో పారిశుధ్య సంతృప్తికరంగా ఉందా? అనే ప్రశ్నలతో భక్తుల నుంచి ఫీడ్‌ బ్యాక్‌ తీసుకున్నారు. అందులో మహానంది ఆలయం 72.0 శాతంతో కేవలం నాలుగవ స్థానానికే పరిమితం కావడం అధికారుల పాలనా తీరుకు నిదర్శనంగా కనిపిస్తుందని స్థానికులు చర్చించుకుంటున్నారు.

● ఇద్దరూ కౌతాళానికి చెందినవారు ● కర్నూలు జీజీహెచ్‌లో ఇద్దరికీ చికిత్స కర్నూలు(హాస్పిటల్‌): ప్రాణాంతక మెదడు వాపు వ్యాధి ఇద్దరు చిన్నారులను పట్టిపీడిస్తోంది. గ్రామాల్లో నెలకొన్ని అపరిశుభ్ర వాతావరణంతో దోమకాటు వల్ల వచ్చే ఈ వ్యాధి ప్రస్తుతం ఈ ఇద్దరు చిన్నారులను అంపశయ్యపై పడుకోబెట్టింది. జిల్లాలోని సరిహద్దు ప్రాంతమైన కౌతాళానికి చెందిన బసవ, ఎల్లమ్మ దంపతుల కుమారుడైన బసవ(3) గత పది రోజులుగా తీవ్ర జ్వరంతో బాదపడుతుండటంతో తల్లిదండ్రులు స్థానికంగా, అనంతరం ఆదోని ప్రభుత్వ ఆసుపత్రిలో చికిత్స చేయించారు. అక్కడి వైద్యుల సూచన మేరకు గత మంగళవారం కర్నూలు జీజీహెచ్‌కు రెఫర్‌ చేశారు. ప్రస్తుతం ఆ బాలుడు ప్రభుత్వ ఆసుపత్రిలోని పీఐసీయులో వెంటిలేటర్‌పై చికిత్స పొందుతున్నాడు. అలాగే కౌతాళానికి చెందిన ఈరన్న, మంగమ్మల కుమార్తె అయిన గాయత్రి(1) గత దసరా పండుగ సమయం నుంచి జ్వరంతో బాధపడుతుండగా స్థానికంగా చికిత్స చేయించినా తగ్గకపోవడంతో ఆదోనికి తీసుకెళ్లారు. అక్కడి వైద్యుల సూచన మేరకు వారం క్రితం కర్నూలు జీజీహెచ్‌కు తీసుకొచ్చారు. ఇక్కడి పిల్లల వైద్యులు వీరి లక్షణాలను బట్టి రక్తపరీక్షలు చేయించగా మెదడువాపు(జేఈ) నిర్ధారణ అయ్యింది. దీంతో ఆ మేరకు వారికి అవసరమైన వైద్యం అందిస్తున్నారు. వీరిలో వేదాంత్‌ ఆరోగ్య పరిస్థితి విషమంగా ఉన్నట్లు వైద్యులు తెలిపారు. గాయత్రివేదాంత్‌

● పోస్టల్‌ సూపరింటెండెంట్‌ జి.జనార్ధన్‌ రెడ్డికర్నూలు (అర్బన్‌): మారుతున్న ఈ–కామర్స్‌ రంగం, కొరియర్‌, పార్సిల్‌ డిమాండ్‌ను దృష్టిలో ఉంచుకుని తపాలా శాఖ ప్రజలకు మరింత చేరువయ్యేందుకు కొత్తగా ప్రాంచైజ్‌ 2.0 పథకాన్ని ప్రవేశపెట్టినట్లు కర్నూలు డివిజన్‌ పోస్టల్‌ సూపరింటెండెంట్‌ జి.జనార్ధన్‌ రెడ్డి తెలిపారు. అధునాతన ఏపీటీ 2.0 డిజిటల్‌ టెక్నాలజీని ఉపయోగించి పారదర్శక సేవలను ప్రజలకు అందించడమే ఈ పథకం ప్రధాన లక్ష్యమని తెలిపారు. కేవలం రూ.10 వేలు సెక్యూరిటీ డిపాజిట్‌తో సొంతంగా పోస్టల్‌ వ్యాపారం ప్రారంభించుకునేందుకు నిరుద్యోగులు, విద్యార్థులు, మహిళలకు ఈ పథకం అద్భుతమైన అవకాశం కల్పిస్తుందని తెలిపారు. సోమవారం ఆయన విలేకరులతో మాట్లాడుతూ ... ఫ్రాంఛైజ్‌ 2.0 గురించి వివరించారు. ప్రాంచైజ్‌ రకాలు: బుకింగ్‌ సేవలు: స్పీడ్‌ పోస్ట్‌, సాధారణ పార్సిళ్లు, అంతర్జాతీయ ఈఎంఎస్‌ డాక్యుమెంట్స్‌ బుక్‌ చేయడం. డెలివరీ సేవలు: ఈ–కామర్స్‌ పార్సిళ్లను కస్టమర్ల ఇళ్లకు చేరవేయడం. పికప్‌ సేవలు: నేరుగా వ్యాపారులు లేదా ప్రజల వద్ద నుంచే పార్సిళ్లను సేకరించడం. ఆల్‌ ఇన్‌ వన్‌ సేవలు: బుకింగ్‌, డెలివరీ, పికప్‌ వంటి అన్ని సేవలు ఒకే చోట అందించడం. అర్హతలు, సెక్యూరిటీ డిపాజిట్‌ : వయస్సు: కనీసం 18 ఏళ్లు నిండి ఉండాలి. చదువు: బుకింగ్‌ కౌంటర్లకై తే ఇంటర్మీడియట్‌ మరియు డిప్లొమా, కేవలం డెలివరీ సేవలకు 10వ తరగతి పాస్‌ అయి ఉండాలి. డిపాజిట్‌: డెలివరీ, పికప్‌ సేవలకు రూ.5 వేలు, బుకింగ్‌ సేవలకు రూ.10 వేలు. అన్ని సేవలకు రూ.15 వేలు చెల్లించాలి. అవసరాలు: ఆపరేట్‌ చేయడానికి స్మార్ట్‌ఫోన్‌ లేదా కంప్యూటర్‌ ఉండాలి. డెలివరీ సేవలకు సొంత టూవీలర్‌, డ్రైవింగ్‌ లైసెన్స్‌ తప్పనిసరి. పోస్టల్‌ ఉద్యోగుల కుటుంబ సభ్యులు ఈ పథకానికి అనర్హులు. కమీషన్‌, లావాదేవీలు ఇలా ప్రతి బుకింగ్‌, పికప్‌, డెలివరీపై కమీషన్‌ లభిస్తుంది. వ్యాపారం పెరిగేకొద్దీ కమీషన్‌ శాతం పెరుగుతుంది. కొత్తగా తీసుకువచ్చిన ఏపీటీ 2.0 మొబైల్‌ యాప్‌, సెల్ఫ్‌ సర్వీస్‌ పోర్టల్‌ ద్వారా బుకింగ్‌లు నిర్వహించవచ్చు. ప్రతి బుకింగ్‌కు సంబంధించిన సమాచారం వెంటనే సిస్టమ్‌లో నమోదవుతుంది. అర్హులైన అభ్యర్థులు ఆన్‌లైన్‌ ద్వారా దరఖాస్తు చేసుకోవచ్చు. ఎంపికై న వారికి శిక్షణ ఇచ్చి, ఒప్పందం కుదుర్చుకున్న 30 రోజులలోపు కార్యకలాపాలు ప్రారంభించే అవకాశం కల్పిస్తారు. ప్రస్తుతం ఆన్‌లైన్‌ వ్యాపారం, ఇంటర్నేషనల్‌ షిప్‌మెంట్‌లు, పార్సిల్‌ సేవలకు రోజురోజుకూ డిమాండ్‌ పెరుగుతోంది. ఈ నేపథ్యంలో ఈ–కామర్స్‌ విక్రేతలు, చిన్న వ్యాపారులు, విద్యార్థులు, ఇంట్లోనే ఉండి పని చేసుకునేవారికి ఈ పథకం ఆర్థికంగా చేయూతనిస్తుంది. ఈ పథకానికి సంబంధించిన పూర్తి సమాచారం కోసం కర్నూలు డివిజనల్‌ ఆఫీస్‌ తపాలా కార్యాలయం, సెల్‌ : 94412 63745లో సంప్రదించాలన్నారు.

కర్నూలు కల్చరల్‌: కార్తీక మాసంలో అన్నీ రోజులు పర్వదినాలే. ప్రతి ఇంట్లో దీపపు కాంతులతో ఆధ్యాత్మిక పరిమళాలు వెదజల్లుతాయి. దాదాపుగా నెలంతా పండుగలే అని చెప్పవచ్చు. ఈ మేరకు ఉమ్మడి జిల్లాలోని శ్రీశైలం, మహానంది, యాగంటి, ఓంకారం, భోగేశ్వరాలయం, జగన్నాథథగట్టు రూపాల సంగమేశ్వరాలయం, కాల్వబుగ్గ, సంగమేశ్వరం, రుద్రకోడూరులోని క్షేత్రాల్లో కార్తీక మాస పూజలు విశేషంగా జరుగుతాయి. వీటితో పాటు అహోబిలం, మంత్రాలయం, ఉరుకుందు క్షేత్రాల్లో పూజలు జరుగుతాయి. ముఖ్యంగా శ్రీశైల మహాక్షేత్రంలో కార్తీక పౌర్ణమి రోజున జ్వాలాతోరణోత్సవం అత్యంత వైభవంగా నిర్వహిస్తారు. కర్నూలు నగరంలో నగరేశ్వరస్వామి ఆలయం, సప్తగిరినగర్‌ కై లాసగిరి ఆలయం, సూర్యనారాయణ స్వామి ఆలయం, అశోక్‌ నగర్‌ ప్రసన్నాంజనేయ ద్వారకామాయి ఆలయం, శివరామాలయం, శ్రీరామనగర్‌ శివాలయం, ఓల్డ్‌సిటీలోని లలితా పీఠం, బుధవారపేట ఈశ్వరాంజనేయస్వామి ఆలయం, మాధవనగర్‌లోని సీతారామాలయం, కొత్తపేటలోని ఈశ్వరాంజనేయ స్వామి ఆలయం తదితర ప్రాంతాల్లోని ఆలయాల్లో కార్తీక మాస పూజలను భక్తి శ్రద్ధలతో నిర్వహిస్తారు. కార్తీక మాసంలోని పర్వదినాలు 10న కార్తీక స్నాన ఆరంభం, బలి పాడ్యమి, ఆకాశ దీప వ్రత ఆరంభం. 11న యమ ద్వితీయ, భగినీ హస్త భోజనం, చిత్ర గుప్త జయంతి. 12న త్రిలోచన గౌరీ వ్రతం 13న నాగ చతుర్ధి 17న వృశ్చిక సంక్రమణం, గోసాష్టమి 20న ప్రబోధనైకాదశి 21న క్షీరాభ్ది ద్వాదశి, చిల్కు ద్వాదశి, చాతుర్మాస వ్రతసమాప్తి 23న వైకుంఠ చతుర్ధశి 24న కార్తీక పూర్ణిమ, జ్వాలాతోరణం 27న సంకష్ట హర చతుర్థి డిసెంబర్‌ 4న బహుళ ఏకాదశి 6న ధన్వంతరి జయంతి, యమప్రీతి దీప దానం 7న మాస శివరాత్రి

బనగానపల్లె రూరల్‌: నందవరం గ్రామంలోని శ్రీ చౌడేశ్వరిదేవి దేవస్థానంలో పలు వ్యాపారాలు నిర్వహించుకునేందుకు శనివారం నిర్వహించిన బహిరంగవేలాల ద్వారా ఆలయానికి మొత్తం రూ.18,87,000 ఆదాయం వచ్చిందని ఆలయ అసిస్టెంట్‌ కమిషనర్‌ శ్రీనివాసరెడ్డి తెలిపారు. ఇందులో పూలదండలు విక్రయించుకునే హక్కు ప్రొద్దుటూరు పట్టణానికి చెందిన పుల్లయ్య రూ.6.72 లక్షలు, బొమ్మలు అమ్ముకునే హక్కును చెరువుపల్లె గ్రామానికి చెందిన అనసూయ రూ.7 లక్షలు, అమ్మవారి ఫొటోలు, స్కిక్కర్లు, దారా లు, ఉంగారాలు అమ్ముకునే హక్కును నందవరం గ్రా మానికి చెందిన బి సుధాకర్‌రెడ్డి రూ.5.15 లక్షలు అత్యధిక బహిరంగవేలం పాడి దక్కించుకున్నట్లు ఆలయ అసిస్టెంట్‌ కమిషనర్‌ శ్రీనివాసరెడ్డి తెలిపారు. ఆలయ పర్యవేక్షణాధికారి బ్రహ్మనందరెడ్డి, చైర్మన్‌ పీవీ నాగార్జునరెడ్డి ఆలయ కమిటీ సభ్యులు పాల్గొన్నారు.

జూపాడుబంగ్లా: నేషనల్‌హైవే 340సీ రోడ్డు నిర్మాణంలో భాగంగా మండ్లెం నుంచి మండల కేంద్రమైన జూపాడుబంగ్లా వరకు బీటీరోడ్డు నాసిరకంగా వేస్తుండటంతో ప్రయాణికులు, వాహనాల డ్రైవర్లు ఆందోళన వ్యక్తం చేస్తున్నారు. మండ్లెం నుంచి జూపాడుబంగ్లా వరకు ఐదు కిలోమీటర్ల మేర బీటీ రోడ్డు నిర్మిస్తున్నారు. పనులు దక్కించుకొన్న కాంట్రాక్టర్‌ రోడ్డుకు ఇరువైపుల డ్రైనేజీ నిర్మాణంతో పాటు బీటీరోడ్డును నిర్మించాల్సి ఉంది. డ్రైనేజీ కాల్వను ఇష్టానుసారంగా తాగునీటి పైపులైన్‌పై నిర్మించటంతో గ్రామస్తులు ఆందోళన చేశారు. ఈ మేరకు డ్రైనేజీ నిర్మాణం పనులు పరిశీలించిన హైవే అధికారులు కాంట్రాక్టర్‌ను తీవ్రంగా మందలించటంతో పాటు డ్రైనేజీ కాల్వ నిబంధనలకు విరుద్ధంగా నిర్మించారని పేర్కొంటూ కాంట్రాక్టర్‌ను హెచ్చరించడంతో పాటు డ్రైనేజీ కాల్వ నిర్మాణం పనులను నిలిపివేయించారు. అందులో భాగంగా ప్రస్తుతం మండ్లెం, తంగడంచ, జూపాడుబంగా గ్రామాల్లో ఐదు కిలో మీటర్ల మేర బీటీ రోడ్డు నిర్మిస్తున్న కాంట్రాక్టర్‌ ఇష్టానుసారంగా నాణ్యతకు తిలోదకాలిచ్చి రోడ్డును నిర్మిస్తుండటంతో గ్రామస్తులు, ప్రయాణికులు, వాహనాల డ్రైవర్లు మండిపడుతున్నారు. పదికాలాల పాటు మన్నికగా ఉండాల్సిన రోడ్డును నాసిరకంగా నిర్మిస్తే ఎలాగని ప్రశ్నిస్తున్నారు.

కోట్ల భానుశ్రీ జీ భీమారెడ్డి గూళ్యం బసవరాజుఉరుకుందప్పచిట్టెమ్మజిల్లాలోని ఎమ్మిగనూరు, కోడుమూరు, ఆస్పరి, మంత్రాలయం, ఆదోని–1 జెడ్పీటీసీ స్థానాలను వైఎస్సార్‌సీపీ అభ్యర్థులు కై వసం చేసుకున్నారు. ఎన్ని అడ్డంకులు సృష్టించినా, కార్యకర్తలను భయభ్రాంతులకు గురి చేసినా, ఎక్కడా తగ్గేదేలేదు అనే విధంగా మూడు జెడ్పీటీసీ స్థానాల్లో వైఎస్సార్‌సీపీ అభ్యర్థులు విజయం సాధించారు. ఎమ్మిగనూరు నుంచి చిట్టెమ్మ 10,163, కోడుమూరు నుంచి కోట్ల భానుశ్రీ 638, ఆస్పరి జెడ్పీటీసీగా గూళ్యం బసవరాజు 3,076, మంత్రాలయం నుంచి జీ భీమారెడ్డి 3,379, ఆదోని–1 నుంచి ఉరుకుందప్ప 3,860 ఓట్ల మెజారిటీతో విజయం సాధించారు.

● కర్నూలు మార్కెట్‌లో క్వింటా రూ.3,798 కర్నూలు(అగ్రికల్చర్‌): కర్నూలు మార్కెట్‌లో ఉల్లి ధరలు తగ్గుతున్నాయి. మార్కెట్‌కు శనివారం 4,360 క్వింటాళ్ల(178 లాట్లు) ఉల్లి రాగా.. కనిష్ట ధర రూ.629, గరిష్ట ధర రూ.3,728 లభించగా.. సగటు ధర రూ.3,189 నమోదైంది. వేరుశనగ మార్కెట్‌కు 101 క్వింటాళ్లు వచ్చింది. కనిష్ట ధర రూ.5,700 లభించగా.. గరిష్ట ధర రూ.9,471.. సగటు ధర రూ.9,329 పలికింది. మొక్కజొన్న ధర కాస్త తగ్గింది. కనిష్ట ధర రూ.2,563.. గరిష్ట ధర రూ.2,840 లబించింది. మిర్చి రెడ్‌ రకానికి కనిష్ట ధర రూ.14,099 లభించగా.. గరిష్ట ధర రూ.23,129.. సగటు ధర రూ.16,799 నమోదైంది. ఓటు హక్కు నమోదు చేసుకోండి కర్నూలు(సెంట్రల్‌): అర్హులైన ప్రతి ఓటరును జాబితాలో ఉంచేందుకు ఎన్నికల సంఘం చర్యలు చేపట్టింది. సర్‌ పేరతో ఓటర్లను తొలగిస్తూ పోతోందని ఆరోపణలు రావడంతో దిద్దుబాటు చర్యలు చేపట్టింది. ఈ నేపథ్యంలో సర్‌లో తొలగించిన ఓటర్లపై మరోసారి విచారణ చేయాలని నిర్ణయించింది. అర్హులైన వారిని తొలగించి ఉంటే వారి నుంచి ఫారం–6 తీసుకునేలా బీఎల్‌ఓలను ఆదేశించారు. అలాగే 18 ఏళ్లు నిండిన ప్రతి ఒక్కరి నుంచి కూడా ఫారం–6 తీసుకోవాలని కేంద్ర ఎన్నికల సంఘం ఆదేశించినట్లు జిల్లా కలెక్టర్‌ డాక్టర్‌ ఏ.సిరి తెలిపారు. 10 నుంచి కార్తీక మాసోత్సవాలు బనగానపల్లె: పవిత్రశైవక్షేత్రమైన యాగంటి దేవస్థానంలో ఈ నెల 10 నుంచి కార్తీక మాసోత్సవాలు వైభవంగా నిర్వహిస్తున్నట్లు ఆలయ ఈఓ పాండురంగారెడ్డి, చైర్మన్‌ బండి మౌలీశ్వరరెడ్డి తెలిపారు. డిసెంబరు 8వ తేదీ వరకు కార్తీకమాసోత్సవాలు కొనసాగుతాయన్నారు. 16వ తేదీన మహాన్యాసపూర్వక ఏకాదశి రుద్రాబిషేకాలు, కుంకుమార్చనలు సహస్త్రనామావలి, మహానివేదిత, ఉచిత ప్రసాద వితరణ, స్వామివారి పల్లకీ సేవ, 24న కార్తీక పౌర్ణమి రోజు లక్షదీపోత్సవ కార్యక్రమం, సాయంత్రం 8 గంటలకు పౌరాణిక పద్యనాటక ప్రదర్శనలు, సాంస్కృతిక కార్యక్రమాలు నిర్వహిస్తున్నట్లు తెలిపారు. తరలివచ్చే భక్తులకు మెరుగైన సౌకర్యాలు కల్పిస్తామన్నారు. తగ్గిన మొక్కజొన్న దిగుబడులు ఉయ్యాలవాడ: ఈ ఏడాది ఖరీఫ్‌ సీజన్‌లో సాగు చేసిన మొక్కజొన్న దిగుబడులు గణనీయంగా తగ్గాయి. మండలంలో ఇంజేడు, ఉయ్యాలవాడ, పెద్దయమ్మనూరు, మాయలూరు, అల్లూరు, తదితర గ్రామాల పరిధిలో 328 హెక్టార్లలో రైతులు మొక్కజొన్న సాగు చేశారు. ప్రస్తుతం పంట కోత, నూర్పిడి పనులు జరుగుతున్నాయి. ఎకరాకు 12 నుంచి 15 క్వింటాళ్ల దిగుబడులు వస్తున్నాయని రైతులు పేర్కొంటున్నారు. వాతావరణ పరిస్థితులు అనుకూలించకపోవడంతోపాటు వర్షాలు లేక పంట దిగబడులు తగ్గాయని అన్నదాతలు ఆవేదన వ్యక్తం చేస్తున్నారు. గత ఏడాది 30 నుంచి 35 క్వింటాళ్ల దిగుబడులు వచ్చాయని రైతులు తెలిపారు. పంట సాగుకు రసాయన ఎరువులు, క్రిమి సంహారక మందులు, సేద్యాలు, కోత, నూర్పిడి, తదితర పెట్టుబడుల రూపంలో ఎకరాకు రూ. 30 వేలుపెట్టుబడులు వచ్చాయన్నారు. దిగుబడులు ఇళ్లవద్ద నిల్వ చేసుకునేందుకు కూడా వసతులు లేకపోవడంతో రహదారులపై ఆరబెట్టుకున్నారు. ప్రస్తుతం మొక్కజొన్న మార్కెట్‌లో క్వింటా ధర రూ. 2,500 పలుకుతోంది. కౌలు రైతులు ఎకరాకు ముందస్తు రూ. 25 వేలు కౌలు చెల్లించి పంట సాగు చేశారు. తీరా దిగుబడులు ఎకరాకు 15 క్వింటాళ్లలోపే వస్తుండటంతో నష్టాలు చవిచూడాల్సి వస్తోంది. ప్రభుత్వం గిట్టుబాటు ధర క్వింటా రూ. 4 వేలు కల్పించి ఆదుకోవాలని కోరుతున్నారు.

బనగానపల్లె రూరల్‌: పట్టణంలోని అవుకు రోడ్డులోని రైస్‌మిల్లు సమీపంలో ఉన్న వెంచర్ల లో గుర్తు తెలియని దుండగులు ఓ వ్యక్తి బైక్‌ అపహరించి, దూరంగా తీసుకెళ్లి నిప్పు పెట్టి దగ్ధం చేశారు. రాళ్లకొత్తూరు తండా గ్రామానికి చెందిన అర్జున్‌నాయక్‌ అనే వ్యక్తికి తన బైక్‌ను శుక్రవారం గ్రామంలోని తన ఇంటి ముందు నిలిపాడు. అయితే అర్ధ రాత్రి సమయంలో గుర్తు తెలియని దుండగులు బైక్‌ ను అపహరించి బనగానపల్లె సమీపంలోని వెంచర్ల వద్ద దగ్ధం చేసినట్లు తెలిపారు. బాధితేడే బనగానపల్లె పోలీసుస్టేషన్‌లో కూడా ఫిర్యాదు చేశాడు. ఈ మేరకు దర్యాప్తు చేస్తున్నట్లు పోలీసులు తెలిపారు. మోటర్‌ సైకిల్‌ను దగ్ధం చేసిన దృశ్యం

● ఆర్‌యూ స్థాయి డిగ్రీ కళాశాలల క్రీడా పోటీలు ప్రారంభం కర్నూలు(టౌన్‌): విద్యార్థుల సర్వతోముఖాభివృద్ధిలో భాగంగా క్రీడలకు సమాన ప్రాధాన్యత ఇవ్వాలని సెయింట్‌ జోసఫ్‌ డిగ్రీ కళాశాలల డీన్‌ శౌరీలు రెడ్డి అన్నారు. శనివారం స్థానిక సుంకేసుల రోడ్డులోని సెయింట్‌ జోసఫ్‌ డిగ్రీ కళాశాల క్రీడా మైదానంలో రాయలసీమ యూనివర్సీటీ స్థాయి డిగ్రీ కళాశాలల క్రీడా పోటీల్లో భాగంగా ఖో–ఖో, కబడ్డీ, హ్యాండ్‌ బాల్‌ పోటీలను కళాశాల ప్రిన్సిపాల్‌ డాక్టర్‌ శాంతితో కలిసి ప్రారంభించారు. ఈ సందర్భంగా డీన్‌ మాట్లాడుతూ యూనివర్సీటీ స్థాయి మహిళల క్రీడా పోటీల్లో 250 మంది క్రీడాకారులు పాల్గొనడం అభినందనీయమన్నారు. రాయలసీమ యూనివర్సీటీ క్రీడల కోఆర్డినేటర్‌ డాక్టర్‌ శివకిషోర్‌ మాట్లాడుతూ ప్రతిరోజు క్రీడల్లో సాధన చేయడం వల్ల మంచి ఫలితాలు సాఽధిస్తారన్నారు. కార్యక్రమంలో పోటీల నిర్వాహక కార్యదర్శి వెంకటేశ్వర్లు, నరసప్ప, ఇమ్రాన్‌ బాషా, పీఈటీలు పాల్గొన్నారు.

● రీకౌంటింగ్‌ అడిగితే పోలీసుల దౌర్జన్యం ● ఆందోళన చేసిన వైఎస్సార్‌సీపీ శ్రేణులు ఎమ్మిగనూరుటౌన్‌: జెడ్పీటీసీ, ఎంపీటీసీ ఎన్నికల కౌంటింగ్‌లో పోలీసులు, అధికారులు ‘పచ్చ’ పాతం చూపించారు. ఎమ్మిగనూరు పట్టణంలోని ప్రభుత్వ జూనియర్‌ కళాశాలలో శనివారం ఉదయం నుంచి మూడు మండలాల కౌంటింగ్‌ అధికారులను ప్రారంభించారు. గోనెగండ్ల 3వ ఎంపీటీసీ వైఎస్సార్‌సీపీ అభ్యర్థి కడపల రాణి ఆరు ఓట్లతో ఓడిపోవడంతో రీకౌంటింగ్‌కు ఆమె అడిగారు. ఆమెను గోనెగండ్ల సీఐ బెదిరించి దౌర్జన్యంగా బయటికి పంపించారు. అయితే గోనెగండ్ల ఒకటో ఎంపీటీసీ టీడీపీ అభ్యర్థి అభ్యర్థి రీకౌంటింగ్‌కు డిమాండ్‌ చేయడంతో పోలీసులు దగ్గరుండి జరిపించారు. వైఎస్సార్‌సీపీ అభ్యర్థికి మెజార్టీ రావడంతో చేసేదేమి లేకపోయారు. అలాగే చిన్నమరివీడు వైఎస్సార్‌సీపీ అభ్యర్థి 46 ఓట్లతో గెలుపొందగా టీడీపీ వారు రీకౌంటింగ్‌కు డిమాండ్‌ చేశారు. రీకౌంటింగ్‌ చేస్తే మరో రెండు ఓట్లు పెరిగి 48 ఓట్ల మెజారిటీ వచ్చి వైఎస్సార్‌సీపీ అభ్యర్థే గెలుపొందారు. వైఎస్సార్‌సీపీ నాయకుల ఆందోళన టీడీపీ అభ్యర్థులు ఓడిపోయిన గ్రామాల్లో పోలీసులు దగ్గరుండి రీకౌంటింగ్‌ చేయించడంపై వైఎస్సార్‌సీపీ కేంద్ర కమిటీ సభ్యుడు బీఆర్‌ బసిరెడ్డి ఆగ్రహం వ్యక్తం చేశారు. అఽధికారుల తీరుగా వైఎస్సార్‌సీపీ నాయకులు కౌంటింగ్‌ కేంద్రం వద్ద ఆందోళన చేశారు. టీడీపీ శ్రేణులు అక్కడే ఉండి రెచ్చగొట్టడంతో పోలీసులు వైఎస్సార్‌సీపీ నాయకులపై లాఠీచార్జ్‌ చేసి తరిమారు. ఇదిలా ఉండగా.. కౌంటింగ్‌ కేంద్రంలోకి టీడీపీ జిల్లా ఉపాధ్యక్షుడు భాస్కర్ల చంద్రశేఖర్‌ను పోలీసులు అనుమంతించడంపై వైఎస్సార్‌సీపీ శ్రేణులు బైఠాయించాయి. టీడీపీ నాయకుడిని ఎలా అనుమతిస్తారని, ఎంపీటీసీ ఎన్నికల కౌంటింగ్‌తో ఆయనకు ఏమి సంబంధమని ప్రశ్నించారు. ఆందోళన ఉధృతం కావడంతో టీడీపీ నాయకుడిని పోలీసులు బయటికి పంపించారు. కాగా.. ఎమ్మిగనూరు మండలంలో 8 స్థానాల్లో వైఎస్సార్‌సీపీ, 13 స్థానాల్లో టీడీపీ ఎంపీటీసీ అభ్యర్థులు గెలుపొందారు. నందవరం మండలంలో 16 స్థానాల్లో టీడీపీ, ఒక స్థానంలో వైఎస్సార్‌సీపీ ఎంపీటీసీ అభ్యర్థి గెలుపొందారు. గోనెగండ్ల మండలంలో తొమ్మిది స్థానాల్లో వైఎస్సార్‌సీపీ, 12 స్థానాల్లో టీడీపీ అభ్యర్థులు గెలుపొందారు. కౌంటింగ్‌ కేంద్రాన్ని ఎస్పీ విక్రాంత్‌ పాటిల్‌, ఎన్నికల పరిశీలకులు అనీల్‌కుమార్‌రెడ్డి పరిశీలించారు. కౌంటింగ్‌ కేంద్రంలో కూర్చోనేందుకు కుర్చీలు కూడా ఏర్పాటు చేయకపోవడంతో చెట్ల కింద ఉండాల్సి వచ్చిందని ఏజెంట్లు ఆరోపించారు.

ఆదోని రూరల్‌: పట్టణంలోని ఆర్ట్స్‌ అండ్‌ సైన్స్‌ కళాశాలలో ఏర్పాటు చేసిన కౌంటింగ్‌ కేంద్రం వద్ద మహిళా ఉద్యోగులు ఆందోళన చేశారు. ఇక్కడ ఆదోని మండలం–1, ఆదోని మండలం–2, మంత్రాలయం, పెద్దకడబూరు, కోసిగి, కౌతాళం మండలాలకు సంబంధించి శనివారం జెడ్పీటీసీ, ఎంపీటీసీల ఓట్ల లెక్కింపు కార్యక్రమం చేపట్టారు. విధులకు హాజరైన మహిళా ఉద్యోగులకు కనీస సౌకర్యాలైన మరుగుదొడ్లు, తాగునీరు, అల్పాహారం, భోజనం వంటి సదుపాయాలను కల్పించడంలో విఫలమయ్యారు. దీంతో మహిళా ఉద్యోగులు ఆర్ట్స్‌ కళాశాలలోని కౌంటింగ్‌ కేంద్రంలో నిరసన తెలియజేశారు. దాదాపు గంట పాటు నినాదాలు చేస్తూ ఎన్నికల ఉన్నతాధికారుల నిర్లక్ష్యాన్ని ఎత్తి చూశారు. మహిళలకు కల్పించాల్సిన కనీస సౌకర్యాలైన మరుగుదొడ్లు కూడా ఏర్పాటు చేయకపోవడం దురదృష్టకరమని వాపోయారు. కొంతమంది ఉన్నతాధికారులు, పోలీసులు నచ్చజెప్పడంతో మహిళా ఉద్యోగులు విధులకు హాజరయ్యారు. కౌంటింగ్‌ యథాతథంగా కొనసాగింది.

కర్నూలు(సెంట్రల్‌): జాతీయ హరిత ట్రిబ్యునల్‌ ఆదేశాల మేరకు దీపావళి రోజున గ్రీన్‌ క్రాకర్స్‌ను మాత్రమే కాల్చేలా అధికార యంత్రాంగం చర్యలు చేపట్టింది. అయితే వ్యాపారులు ఆ ఆదేశాలను మాత్రం పట్టించుకోవడంలేదు. అధిక లాభాల కోసం పర్యావరణానికి కీడు చేస్తున్న బాణసంచా విక్రయాలే అధికంగా చేస్తున్నారు. వీటి పేలుళ్లతో దుమ్మూధూళి(డస్టు), సల్ఫర్‌డయాక్సైడ్‌, నైట్రోజన్‌ డయాక్సైడ్‌లు విడుదలై వాతావారణాన్ని కలుషితం చేస్తాయి. అంతేకాక 100 డెసిబుళ్లకుపైగా శబ్దం ఉత్పత్తి అవుతుంది. ఈ క్రమంలో గ్రీన్‌ క్రాకర్లను మాత్రమే విక్రయ స్టాళ్లలో ఉంచాలని వ్యాపారులకు ఉన్నతాధికారులు చెప్పారు. ప్రభుత్వం రూపొందించిన నియమ, నిబంధనలను కచ్చితంగా పాటించాలని, అతిక్రమిస్తే కేసులు నమోదు చేస్తామని హెచ్చరించారు. వీటిని పట్టించుకోకుండా అధిక లాభాల కోసం వ్యాపారులు సీఎస్‌ఐఆర్‌–నీరీ గ్రీన్‌ ఫైర్‌ వర్‌ుక్స గుర్తింపు, క్యూఆర్‌ కోడ్‌ వివరాలు కనిపించకున్నా విక్రయాలు చేస్తున్రాను. గ్రీన్‌ క్రాకర్స్‌ అమ్మడం లేదనే విషయం స్పష్టమవుతోంది. ఆకాశన్నంటుతున్న ధరలు దీపావళి పండుగ రోజున కుటుంబ సభ్యులందరూ ఒకచోటా చేరి బాణసంచా పేలుస్తున్నారు. ప్రజలకు అవసరమైన వాటిని అందుబాటులో ఉంచేందుకు 86 ఏళ్ల నుంచి ప్రభుత్వ పర్యవేక్షణలో క్రాకర్స్‌ మర్చంట్‌ అసోసియేషన్‌ స్టాళ్లను ఏర్పాటు చేస్తోంది. కర్నూలు, పత్తికొండ, ఆదోనిలలో ప్రజలకు అనువైన చోటా స్టాళ్లను ఏర్పాటు చేసి పరిమితమైన ధరలకు అమ్ముతున్నారు. ఈ ఏడాది కర్నూలులో 100, ఆదోనిలో 15, పత్తికొండలో 4 బాణసంచా స్టాళ్లను ఏర్పాటు చేశారు. వీటిలో గతేడాదితో పోల్చుకుంటే ఏకంగా 25 శాతం వరకు రేట్లు పెరిగినట్లు వినియోగదారులు చెబుతున్నారు. దీంతో ఒక్కో కుటుంబంపై రూ.3 వేల నుంచి రూ. 5 వేల వరకు అదనపు భారం పడుతోంది. మరోవైపు స్థానిక క్రాకర్స్‌ మర్చంట్‌ ప్రోద్బలంతోనే రేట్లు పెంచి అముతున్నట్లు చెబుతున్నారు. ఈ స్టాళ్లలో షాపు ఏర్పాటు చేసుకోవాలంటే అసోసియేషన్‌కు రూ.20 వేలు, జీఎస్టీ పేరిట రూ.20 వేలు, మునిసిపాలిటీకి రూ.5 వేలు, అదనపు ఖర్చుల కింద రూ.1000 చెల్లించాల్సి ఉంటుంది. ఈ క్రమంలో ఆయా డబ్బులతోపాటు పెట్టుబడి, నాలుగు రోజుల నిర్వహణ ఖర్చులు, లాభాల కోసం రేట్లను పెంచి అమ్ముతున్నట్లు తెలుస్తోంది. కాగా.. షాపుల్లో మాత్రం 80–90 శాతం వరకు డిస్కౌంట్‌ ఇస్తున్నా వినియోగదారుడికి మాత్రం రేట్లు తగ్గడం లేదు. వ్యాపారాలు తగ్గాయంటున్న వ్యాపారులు మరోవైపు తక్కువ సమయంలో ఎక్కువ లాభాలు వస్తాయన్న ఆశతో అసోసియేషన్‌కు రూ.46 వేలు కట్టి స్టాల్‌ను ఏర్పాటు చేసిన వ్యాపారాలు జరగడంలేదని వ్యాపారులు వాపోతున్నారు. కర్నూలుకు సమీపంలోని వెల్దుర్తిలో క్రాకర్స్‌ తయారీ కేంద్రం ఉండడంతో వినియోగదారులతోపాటు వ్యాపారు లు అక్కడికి వెళ్లి తెచ్చుకుంటున్నారు. ఫలితంగా ఇక్కడ వ్యాపారాలు తగ్గినట్లు వ్యాపారులు చెబుతున్నారు. ఈ క్రమంలో స్టాళ్లు ఏర్పాటు చేసుకున్న వారు కనీసం అసోసియేషన్‌కు చెల్లించినా డబ్బులైనా వస్తాయా లేదా అన్న మీమాంసలో ఉన్నారు. జిల్లా కలెక్టర్‌కు ఫిర్యాదు... కర్నూలు నగరంలోని ఎస్టీబీసీ కళాశాల మైదానంలో దీపావళిని పురస్కరించుకొని ఏర్పాటు చేసిన తాత్కాలిక బాణసంచా విక్రయ కేంద్రాల్లో భద్రతా ప్రమాణాలు, లైసెన్సులు, అగ్నిమాపక ఏర్పాట్లపై పలు సందేహాలు వ్యక్తమవుతున్నాయని కౌన్సిల్‌ ఆఫ్‌ సివిల్‌ రైట్స్‌ అండ్‌ విజిలెన్స్‌ (సీసీఆర్‌వీ) అధ్యక్షుడు దండు విద్యాసాగర్‌ జిల్లా కలెక్టర్‌కు, ఆర్‌డివో , ఫైర్‌ , పొల్యూషన్‌ కంట్రోల్‌ బోర్డులకు కు మెయిల్‌ ద్వారా ఫిర్యాదు చేశారు. మైదానంలో సుమారు 100 దుకాణాలు ఒకే ప్రాంగణంలో ఏర్పాటు చేశారని, కొన్ని దుకాణాల మధ్య దూరం సుమారు ఒక మీటరు మాత్రమే ఉన్నట్లు ప్రత్యక్ష పరిశీలనలో గుర్తించామని ఫిర్యాదులో పేర్కొన్నారు. నిబంధనల ప్రకారం దుకాణాల మధ్య తప్పనిసరిగా ఉండాల్సిన మూడు మీటర్ల దూరం, క్లస్టర్ల వారీగా అనుమతులు, ఆమోదిత లేఅవుట్‌ను అధికారులు క్షేత్రస్థాయిలో పరిశీలించాలని కోరారు. అలాగే అనేక దుకాణాల వద్ద అగ్నిమాపక పరికరాలు కనిపించకపోవడం, విక్రయిస్తున్న ఉత్పత్తులపై సీఎస్‌ఐఆర్‌–నీరీ గ్రీన్‌ ఫైర్‌వర్క్స్‌ గుర్తింపు, క్యూఆర్‌ కోడ్‌ వివరాలు స్పష్టంగా కనిపించకపోవడం వంటి అంశాలను ప్రస్తావించారు. ప్రతి దుకాణానికి జారీ చేసిన ఎల్‌ఈ–5 లైసెన్సులు, ఇతర అనుమతులు, నిల్వ పరిమితులు, కొనుగోలు బిల్లులు, పాత నిల్వల విక్రయాలు, ముద్రిత గరిష్ట చిల్లర ధర కంటే అధికంగా వసూలు చేస్తున్నారా అనే అంశాలను కూడా తనిఖీ చేయాలని కోరారు.

కోవెలకుంట్ల: స్థానిక కమ్యూనిటీ హెల్త్‌ సెంటర్‌ ఆవరణలో ఓ వృద్ధుడు అనారోగ్యంతో బాధపడుతున్నాడు. రెండు రోజుల క్రితం కొందరు వ్యక్తులు ఆటోలో తీసుకొచ్చి ఆసుపత్రిలో వదిలి వెళ్లారు. అక్కడ పనిచేస్తున్న వైద్య సిబ్బంది శనివారం ఆ వృద్ధుడిని వివరాలు ఆడుగగా తన పేరు కృష్ణారెడ్డి అని కోవెలకుంట్ల పట్టణంలోని బొల్లవరం వీధి అని అతికష్టం మీద చెబుతున్నాడు. వైద్యసిబ్బంది ఆ కాలనీకి వెళ్లి విచారించినా కుటుంబ సభ్యులు, బంధువుల ఆచూకీ తెలియడం లేదు. వృద్ధుడికి నడుము వద్ద ఇన్షెక్షన్‌ అయి రక్తస్రావం అవుతుండటంతోపాటు నిలబడలేని స్థితిలో ఉన్నాడు. వైద్య సిబ్బంది సైలెన్‌ బాటిల్‌ పెట్టి ఆసుపత్రిలో వైద్య చికిత్సలు అందిస్తున్నారు. వృద్ధుడి కుటుంబ సభ్యులు గుర్తించి ఇంటికి తీసుకెళ్లాలని అక్కడ వైద్య సిబ్బంది తెలిపారు. అనుమానాస్పద స్థితిలో వివాహిత మృతిపత్తికొండ/పత్తికొండ రూరల్‌ : అనుమానాస్పద స్థితిలో ఓ వివాహిత మృతి చెందిన ఘటన శనివారం పత్తికొండలో చోటుచేసుకుంది. పట్టణంలోని ఆంజినేయనగర్‌లో లక్ష్మిదేవి, నరసింహులు దంపతుల కుమార్తె మహేశ్వరిని ఆరు నెలల కిందట ఆస్పరి మండలం తురువగల్లు గ్రామానికి చెందిన మల్లికార్జునకు ఇచ్చి వివాహం జరిపించారు. అక్కడ కుటుంబ కలహాలతో భార్యాభర్తలను పత్తికొండ పట్టణంలో ఇల్లు అద్దెకు తీసుకున్నారు. శుక్రవారం రాత్రి భార్యాభర్తలు ఇద్దరు ఇంట్లోనే ఉన్నారు. ఉదయం ఆలస్యమైనా ఇంటి తలుపు తెరవలేదని కుటుంబ సభ్యులు అనుమానంతో ఇంటిని పరిశీలించారు. ఉరివేసుకుని వేలాడుతున్న మహేశ్వరి(20) మృతదేహాన్ని గమనించారు. భర్త ఇంటి దగ్గర లేకపోవడంతో ఉరివేసి చంపేశారని మృతురాలి కుటుంబ సభ్యులు అనుమానం వ్యక్తం చేశారు. విషయం తెలుసుకున్న పోలీసులు అక్కడికి చేరుకుని పోస్టుమార్టం నిమిత్తం మృతదేహాన్ని పత్తికొండ ప్రభుత్వాసుపత్రికి తరలించారు. మృతురాలి తండ్రి ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు సీఐ నాగరాజరావు తెలిపారు. బొమ్మలసత్రం: పట్టణంలోని ఎస్‌ఎల్‌వీ ఫంక్షన్‌హాల్‌పై ఉన్న గదిలో యువ పురోహితుడు భగవాన్‌శర్మ (23) ఉరేసుకుని అనుమానాస్పద స్థితిలో మృతిచెందాడు. టూటౌన్‌ పోలీసులు తెలిపిన వివరాల మేరకు.. మిడుతూరు మండలం రోళ్లపాడు గ్రా మానికి చెందిన విశ్వేశ్వరరావు కుమారుడు భగవాన్‌శర్మ పట్టణంలోని క్రాంతినగర్‌లో నివాసముంటున్నారు. గత ఆరు నెలలుగా రోజకుంట వీధిలోని వెంకటేశ్వరస్వామి దేవాలయంలో పురోహితునిగా పనిచేస్తున్నాడు. ఈక్రమంలో రాత్రి పక్కనే ఉన్న ఎస్‌ఎల్‌వీ ఫంక్షన్‌హాల్‌పై ఉన్న గదిలో నిద్రించేవాడు. ఉదయం స్థానికులు భగవాన్‌శర్మ ఉరివేసుకున్నట్లు పోలీసులకు సమాచారం అందించారు. సంఘటన స్థలానికి చేరుకున్న పోలీసులు మృతదేహాన్ని కిందకు దించి పోస్టుమార్టం నిమిత్తం జీజీహెచ్‌కు తరలించారు. తన కుమారుడు మృతిపై అనుమానాలు ఉన్నాయని, ఎవరో హత్యచేసి తాడుకు వేలడదీశారని పోలీసులకు ఫిర్యాదు చేశారు. ఈ క్రమంలో పోలీసులు కేసు నమోదు చేసి దర్యాప్తు చేపట్టారు. రైలు కింద పడి వ్యక్తి మృతి డోన్‌ టౌన్‌: పట్టణంలోని కృష్ణా లాడ్జి వెనుక వీధిలో నివాసం ఉంటున్న రాజశేఖర్‌(31) రైలు కిందపడి మృతిచెందాడు. కర్నూలు రైల్వే పోలీసులు తెలిపిన వివరాలు.. ఆటో నడుపుతూ జీవనం సాగించే రాజశేఖర్‌ మృతదేశం శుక్రవారం రాత్రి పట్టణ సమీపంలోని వెంకటనాయునిపల్లె గ్రామ సమీపంలో రైల్వే ట్రాక్‌పై పడివుండటంతో కుటుంబ సభ్యులకు సమాచారం ఇచ్చారు. యశ్వంత్‌పూర్‌ నుంచి కాచిగూడ వెళ్లే వందే భారత్‌ ట్రైన్‌ కింద పడి మృతి చెంది ఉండవచ్చని పోలీసులు అనుమానం వ్యక్తం చేశారు. పోస్ట్‌మార్టం అనంతరం మృతదేహాన్ని కుటంబ సభ్యులకు అప్పగించారు. మృతుడు ఆత్మహత్యకు పాల్పడ్డాడా? ప్రమాదవశాత్తూ మృతిచెందాడా అనేది విచారణలో తెలియాల్సి ఉంది. మృతునికి భార్య శ్రావణితో పాటు ముగ్గురు పిల్లలు ఉన్నారు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేపట్టినట్లు కర్నూలు రైల్వే పోలీసులు తెలిపారు.

కర్నూలు(అగ్రికల్చర్‌): వరిలో అగ్గి తెగులు ఎక్కువగా కనిపిస్తోందని, ఈ తెగులు నివారణకు రైతులు తగిన జాగ్రత్తలు తీసుకోవాలని కర్నూలు ఏరువాక కేంద్రం ప్రధాన శాస్త్రవేత్త డాక్టర్‌ సుజాతమ్మ తెలిపారు. శనివారం జిల్లాలోని వేముగోడు, గోనెగండ్ల, మునగాలపాడు, జి.సింగవరం గ్రామాల్లో వరి పంటను పరిశీలించారు. అన్ని ప్రాంతాల్లో అగ్గి తెగులు తీవ్రతను గుర్తించామని, దీనిని రైతులు నిర్లక్ష్యం చేస్తే నష్టపోవాల్సి ఉంటుందన్నారు. తెగులు నివారణకు ట్రైసైక్లోజోల్‌ 75 శాతం ఎకరాకు 120 గ్రాములు లేదా ఐసోప్రొతియోలేన్‌ 40 శాతం ఎకరాకు 300 ఎంఎల్‌ లేదా , కాసుగా మైసిన్‌ 3 శాతం ఎకరాకు 500 ఎంఎల్‌ పిచికారీ చేసి నివారించుకోవచ్చన్నారు. అగ్గి తెగులు ఆశించిన పంటపై ముదురు గోధుమ రంగు అంచులో.. మధ్యలో బూడిదరంగు గల నూలుకండె ఆకారపు మచ్చలు వస్తాయన్నారు. తెగులు తీవ్రమైనపుడు ఆకులు ఎండిపోయి తగులబడినట్లుగా కనిపిస్తాయన్నారు. పిలకల కణుపుల వద్ద ఆశిస్తే ఆ ప్రదేశం వద్ద విరిగి పిలక వాడిపోతుందన్నారు. వెన్నులు ఏర్పడిన తర్వాత మెడ భాగంలో తెగులు ఆశిస్తే వెన్నులు విరిగి కిందకు వాలిపోతాయన్నారు. ఫలితంగా వెన్నులో తాలు లేదా సగం నిండిన గింజలు ఏర్పడుతాయన్నారు.

కోవెలకుంట్ల: స్థానిక మేజర్‌ గ్రామ పంచాయతీ పరిధిలోని గుంజలపాడు రహదారి పక్కన బహిరంగ ప్రదేశంలో దీపావళి పండుగ సందర్భంగా ఏర్పాటు చేసిన టపాసుల విక్రయ కేంద్రానికి శనివారం అధికారులు తాళం వేశారు. పట్టణంలో ఎనిమిది విక్రయ కేంద్రాల నిర్వహణకు సంబంధించి ఆన్‌లైన్‌లో చలానా చెల్లించి తహసీల్దార్‌ కార్యాలయంలో అందజేశారు. తహసీల్దార్‌ పవన్‌కుమార్‌రెడ్డి లైసెన్సుల జారీ నిమిత్తం బనగానపల్లె ఆర్డీఓ కార్యాలయానికి నివేదించారు. ఆర్డీఓ నరేంద్రనాథరెడ్డి అనుమతి పత్రాలు ఇవ్వాల్సి ఉంది. దుకాణ దారులు ఆ పత్రాలు లేకుండానే ఉదయం టపాసుల కేంద్రాలను ఏర్పాటు చేశారు. ఈ మేరకు తహసీల్దార్‌ విక్రయ కేంద్రాలను తనిఖీ చేసి అనుమతి పత్రాలు చూపించాలని అడుగ్గా ఆర్డీఓ వద్ద నుంచి ఇంకా తీసుకోలేదని నిర్వాహకులు సమాధానమిచ్చారు. అంతేకాకుండా షాపుల మధ్య మూడు మీటర్ల దూరం ఉండాలనే నిబంధన పాటించకుండా అన్ని దుకాణాలను పక్కపక్కనే ఏర్పాటు చేశారు. లైసెన్స్‌ లేకపోవడం, నిబంధనలు పాటించని కారణంగా తహసీల్దార్‌తో పాటు ఆర్‌ఐ పుల్లయ్య, వీఆర్‌ఓలు ఓబులేసు, రాజశేఖర్‌రెడ్డి, దస్తగిరిబాబులతో కలిసి విక్రయ కేంద్రానికి తాళం వేశారు. అనుమతి ధ్రవపత్రాలతో తహసీల్దార్‌ కా ర్యాలయానికి హాజరై నిబంధనలు పాటించి దుకాణాలు తెరుచుకోవాలని ఆదేశాలు జారీ చేశారు. ఎట్టకేలకు ఆర్డీఓ టపాసుల విక్రయ కేంద్రాల నిర్వహణకు రాత పూర్వక అనుమతి ఇవ్వడంతో రాత్రి 7 గంటల నుంచి దుకాణాలు తెరుచుకున్నాయి.

● వైఎస్సార్‌సీపీ జిల్లా అధ్యక్షులు కాటసాని రాంభూపాల్‌రెడ్డి బొమ్మలసత్రం: ఆళ్లగడ్డలో శాంతి భద్రతలను రక్షించడంలో అక్కడి పోలీసులు పూర్తిగా విఫలమయ్యారని వైఎస్సార్‌సీపీ జిల్లా అధ్యక్షులు కాటసాని రాంభూపాల్‌రెడ్డి విమర్శించారు. ఆళ్లగడ్డలో మున్సిపల్‌ చైర్మన్‌ అభ్యర్థిగా పోటీ చేసిన వుసేన్‌బాషా ఇంటి ముందున్న కార్లను కొందరు టీడీపీ గూండాలు దగ్ధం చేయడంపై కాటసాని, మాజీ ఎమ్మెల్యే గంగుల బిజేంద్రనాథ్‌రెడ్డిలు శనివారం ఎస్పీ సునీల్‌షోరాణ్‌కు ఫిర్యాదు చేశారు. ఈ సందర్భంగా వారు మాట్లాడుతూ.. ఆళ్లగడ్డలో వుస్సేన్‌బాషా చైర్మన్‌ అభ్యర్థిగా ఎన్నికల్లో పోటీ చేస్తున్నప్పటి నుంచి టీడీపీ నేతల బెదిరింపులు హెచ్చుమీరాయన్నారు. మూడు రోజుల క్రితం ఆయన కుమారుడిపై కత్తులతో హత్యాయత్నానికి పాల్పడ్డారన్నారు. ఆసుపత్రిలో చికిత్స చేయించుకుని ఇంటికి తిరిగి రాగానే రాత్రి కొందరు టీడీపీ గూండాలు ఇంటి ముందున్న కార్లకు నిప్పుపెట్టి బెదిరింపులకు దిగడం జరిగిందన్నారు. దీనిపై సీఐకు ఫిర్యాదు చేస్తే మంచి నాణ్యమైన సీసీ కెమెరా అమర్చుకోమనడం హాస్యాస్పదంగా ఉందన్నారు. రక్షణ కల్పించాల్సిన పోలీసులు వెటకారంగా మాట్లాడే బదులు యూనిఫామ్‌ తీసేసి ఉద్యోగానికి రాజీనామా చేయటం మంచిదన్నారు. శాంతిభద్రతలు రక్షించి ప్రజల ప్రాణాలు కాపాడాల్సిన పోలీసులే దాడులకు పాల్పడే వారికి అండగా నిలబడటం దుర్మార్గమన్నారు. ఈ విషయంపై జిల్లా ఎస్పీకి ఫిర్యాదు చేశామన్నారు. బాధితులకు రక్షణ కల్పించి వారికి న్యాయం జరిగేలా చూడాలని ఎస్పీని కోరామన్నారు.

దీపావళి పర్వదినాన్ని పురస్కరించుకొని పట్టణ చిత్రకారుడు చింతలపల్లె కోటేష్‌ బాదంపప్పుపై దీపావళి గురించి సూక్ష్మ చిత్రాలను చిత్రించారు. భయంకర రూపంలో ఉన్న నరకాసుడనే రాక్షసుడిని సత్యభామ సంహరిస్తున్నట్లు, పక్కనే శ్రీకృష్ణుడు ఉన్నట్లు, ఆరు ప్రమిదల దీపాలు ఉన్నట్లు చిత్రాలు వేశారు. ఈ సందర్భంగా ఆయన మాట్లాడుతూ హిందువులకు దీపావళి ముఖ్యమైన పండుగ అని, ద్వాపర యుగంలో శ్రీకృష్ణుడు సత్యభామతో కలిసి లోకకంఠకుడైన నరకాసుడిని వధించారన్నారు. చీకటిని పారదోలుతూ ఇళ్ల ముందు ప్రమిదలతో దీపాలు వెలిగించడమే దీపావళి పండుగ విశేషమన్నారు. – నంద్యాల(అర్బన్‌)

రేట్లు విపరీతంగా పెంచారు. అన్నీ కొంటే రూ.5 వేల వరకు అవుతుందనుకుంటే రూ. 20 వేలు అయ్యింది. పిల్లల కోసం కొనడం తప్పడంలేదు. రేట్లు తగ్గించాలి. లేదంటే పేదలు, మధ్యత రగతి వర్గాల ప్రజలకు ఇబ్బంది అవుతుంది. – రఘురామ్‌, కర్నూలు గ్రీన్‌ క్రాకర్స్‌ మాత్రమే విక్రయించేలా చర్యలు తీసుకున్నాం. స్టాళ్లలో వాటిని మాత్రమే అమ్మాలని వ్యాపారులకు నిర్దేశించాం. అయితే స్టాళ్లలో గ్రీన్‌ క్రాకర్స్‌ అమ్మడం లేదనే దానిపై ఫిర్యాదులు రాలేదు. వస్తే చర్యలు తీసుకుంటాం. – పీవీ కిశోర్‌రెడ్డి, ఎన్విరాన్‌మెంట్‌ ఇంజినీరు, ఏపీ పీసీబీ, కర్నూలు

కర్నూలు: స్థానిక సంస్థల ఎన్నికల నేపథ్యంలో ఎకై ్స జ్‌ అసిస్టెంట్‌ కమిషనర్‌ హనుమంతరావు ఆదేశా ల మేరకు కర్నూలు ఎన్‌ఫోర్స్‌మెంట్‌ సీఐ జయరాం నాయుడు, ఆదోని ఎకై ్సజ్‌ స్టేషన్‌ సీఐ జాన్‌ సైదులు తమ సిబ్బందితో కలసి కౌతాళం మండలం ఎరిగేరి గ్రామంలో తనిఖీలు నిర్వహించారు. గ్రామానికి చెందిన పసుల ధర్మన్న ఇంటి వద్ద 6 కార్టన్‌ బాక్సుల్లో నిల్వ ఉంచిన కర్ణాటక రాష్ట్రానికి చెందిన 576 మద్యం ప్యాకెట్లు (51.84 లీటర్లు) స్వాధీనం చేసుకున్నారు. మద్యాన్ని అక్రమంగా నిల్వ ఉంచినందుకు ధర్మన్నను అరెస్టు చేసి కేసు నమోదు చేశారు. సీజ్‌ చేసిన మద్యం విలువ దాదాపు రూ.30 వేలు ఉంటుందని ఎకై ్సజ్‌ అసిస్టెంట్‌ కమిషనర్‌ హనుమంతరావు తెలిపారు. దాడుల్లో ఎన్‌ఫోర్స్‌మెంట్‌ ఎస్‌ఐ రవితేజ, ఆదోని స్టేషన్‌ ఎస్‌ఐ శ్రీనివాసరెడ్డి, సిబ్బంది షేక్‌షావలి, శంకర్‌నాయక్‌, నరసింహులు తదితరులు పాల్గొన్నారు. పారిశుద్ధ్యంపై ప్రత్యేక శ్రద్ధ చూపాలి కర్నూలు (టౌన్‌) : నగరంలో పారిశుద్ధ్య నిర్వహణపై ప్రత్యేక శ్రద్ధ చూపాలని నగరపాలక కమిషనర్‌ చల్లా ఓబులేసు సూచించారు. శనివారం స్థానిక రాజ్‌విహార్‌, బుధవారపేట, బిర్లా కాంపౌండ్‌, కృష్ణానగర్‌, చెన్నమ్మ సర్కిల్‌ ప్రాంతాల్లో పారిశుద్ధ్యంపై తనిఖీలు నిర్వహించారు. ఆయన మాట్లాడుతూ నగరంలో పారిశుద్ధ్య నిర్వహణ నిరంతరాయంగా కొనసాగాలని చెప్పారు. ఎక్కడా చెత్త పేరుకుపోకుండా ఎప్పటికప్పుడు తొలగించాలని ఆదేశించారు.

బనగానపల్లె రూరల్‌: జిల్లాలోనే నాపరాతి పరిశ్రమకు బనగానపల్లె మండల పలుకూరు గ్రామం ఎంతో ప్రసిద్ధి. ఈ ప్రాంతంలో ఎంతో విలువైన నాపరాయి గనులు ఉన్నాయి. గ్రామంలోని శ్రీ రామేశ్వరస్వామి దేవస్థానానికి చెందిన 308 సర్వే నంబరులో నాలుగు ఎకరాల మాన్యం భూమి ఉంది. ఇందులో రూ. కోట్ల విలువు చేసే నాపరాయిని అధికార పార్టీ అండదండలతో మైనింగ్‌ మాఫియా దర్జాగా తరలించి సొమ్ము చేసుకుంటోంది. రెండేళ్లుగా ఈ దందా సాగుతున్న దేవదాయ, మైనింగ్‌, రెవెన్యూ అధికారులు ఏ మాత్రం పట్టించు కోవడం లేదు. ఆలయ భూమిలో జరుగుతున్న అక్రమ మైనింగ్‌పై చర్యలు తీసుకోవాలని ఆలయ అర్చకులు పలుమార్లు బనగానపల్లె మండల తహసీల్దార్‌, ఆర్టీఓ, జిల్లా కలెక్టర్‌కు ఫిర్యాదులు చేశారు. అయితే ఫిర్యాదులు చేసిన రెండు మూడు రోజులు మాత్రం అక్రమ మైనింగ్‌ను తాత్కాలికంగా ఆపివేసి మళ్లీ యథేచ్ఛగా కొనసాగుతోంది. ప్రభుత్వం నుంచి ఎలాంటి అనుమతి లేకుండా, రాయల్టీ చెల్లించకుండా మైనింగ్‌ మాఫియా రూ. కోట్లు సంపాదిస్తున్నా అడిగేవారు లేరు. ఈ సర్వే నంబర్‌లో అక్రమ మైనింగ్‌ రోజురోజుకు విస్తరించింది. మరికొన్ని రోజులు ఇలానే కొనసాగితే శివాలయానికి ముప్పు ఉందని భక్తులు వాపోతున్నారు. ఆయా శాఖల ఉన్నతాధికారులు సంయుక్తంగా దాడులు చేసి అక్రమ మైనింగ్‌ పాల్పడుతున్న వారిపై కఠిన చర్యలు తీసుకొని ఆలయ విలు వైన భూమిని కాపాడాలని భక్తులు కోరుతున్నారు. మాన్యం భూమిలో యథేచ్ఛగా అక్రమ మైనింగ్‌ అధికారులకు ఫిర్యాదు చేసినా చర్యలు శూన్యం అధికార పార్టీ అండతో రెచ్చిపోతున్న మైనింగ్‌ మాఫియా

ఎమ్మిగనూరుటౌన్‌: ఎమ్మిగనూరు మండలంలోని కడిమెట్ల గ్రామంలో జరిగిన ఎంపీటీసీ, జెడ్పీటీసీ పోలింగ్‌లో అధికారులు పన్నిన కుట్రనో లేక పొరపాటున చేశారో కాని 397 ఓట్లకు పైగా చెల్లకుండా పోయాయి. బ్యాలెట్‌ పేపర్‌లో అభ్యర్థుల గుర్తుపై ఓటు వేసేందుకు స్వస్తిక్‌ గుర్తు ఉండే ముద్ర కాకుండా పోలింగ్‌ నంబర్‌ ఉండే సీల్‌ను ఓట్లర్లకు ఇచ్చారు. ఓట్లర్లంతా దానితో ఓటు చేశారు. తీరా కౌంటింగ్‌లో అవన్నీ చెల్లకుండా పోయాయి. ఇలా గ్రామంలోని పోలింగ్‌ కేంద్రాల్లో చాలా ఓట్లు చెల్లకుండా పోయాయని, ఇది పోలింగ్‌ సిబ్బంది పొరపాటున చేశారా లేక కుట్రనా అని అభ్యర్థులు ఆరోపించారు. దీంతో గెలుపొందిన అభ్యర్థులు తమకు మెజారిటీ తగ్గిందని పేర్కొనగా ఓడిన అభ్యర్థులు తమకు మరిన్ని ఓట్లు వచ్చేవని ఈ సందర్భంగా తెలిపారు.కర్నూలు(అర్బన్‌): జిల్లాలో జరిగిన ఎంపీటీసీ, జెడ్పీటీసీ ఎన్నికల్లో ‘పచ్చ’నేతలు సాగించిన కుట్రలు ఓట్ల లెక్కింపుతో బహిర్గతమయ్యాయి. ఈ ఎన్నికలకు నోటిఫికేషన్‌ విడుదలైనప్పటి నుంచి పోలింగ్‌ ప్రక్రియ ముగిసేంతవరకు ఎలాగైనా తమ పంతం నెగ్గించుకునేందుకు టీడీపీ నేతలు అనేక రూపాల్లో ప్రధాన ప్రతిపక్షమైన వైఎస్సార్‌సీపీ నేతలను అడుగడుగునా ఇబ్బందులకు గురి చేశారు. రెండేళ్ల కూటమి ప్రభుత్వ పాలనలో ప్రజా వ్యతిరేకత అంతకంతకు పెరుగుతున్నా, ప్రజాదరణ తమకే ఉందనే భ్రమను కలిగించేందుకు అధికారాన్ని అడ్డుపెట్టుకొని వివిధ రూపాల్లో ప్రజాస్వామ్యాన్ని అపహాస్యం చేశారు. వైఎస్సార్‌సీపీకి మంచి పట్టు ఉన్న గ్రామాల్లో కూడా నామినేషన్లను అడ్డుకోవడం, దర్జాగా సైక్లింగ్‌, రిగ్గింగ్‌ చేసుకొని ప్రజల ఓట్లతోనే విజయం సాధించామని సంకలు గుద్దుకుంటున్నారు. ఓ వైపు రాష్ట్ర ప్రభుత్వం ఇబ్బందులకు గురి చేస్తున్నా, జిల్లాలోని అనేక ప్రాంతాల్లో ప్రజలు వైఎస్సార్‌సీపీ అభ్యర్థులను గెలిపించుకున్నారు. ఓట్ల లెక్కింపు కేంద్రాల్లో కూడా ఏజెంట్ల అడ్డగింత ఎంపీటీసీ, జెడ్పీటీసీ ఓట్ల లెక్కింపు కేంద్రాల్లోకి కూడా వైఎస్సార్‌సీపీ ఏజెంట్లను వెళ్లనీయకుండా పలు ప్రాంతాలో అడ్డుకున్నారు. ఓట్ల లెక్కింపు ప్రారంభానికి ముందే ఆలూరులో ఏజెంట్ల పాసులు తీసుకొని కౌంటింగ్‌ హాల్‌లోకి వెళ్లనీయకుండా ఇబ్బందులకు గురి చేశారు. ఈ నేపథ్యంలోనే అధికారులు, పోలీసులు, వైఎస్సార్‌సీపీ నేతల మధ్య తీవ్ర వాగ్వివాదం చోటు చేసుకుంది. అలాగే ... పలు ఎంపీటీసీ స్థానాల్లో వైఎస్సార్‌సీపీ అభ్యర్థులు స్వల్ప మెజారిటీతో విజయం సాధిస్తే, డిక్లరేషన్‌ ఇవ్వకుండా ఇబ్బంధులు పెట్టడమే గాక, రీకౌంటింగ్‌ పేరుతో కాలయాపన చేశారు. అదే టీడీపీకి చెందిన అభ్యర్థులు స్వల్ప మెజారిటీతో బయటపడితే వెంటనే డిక్లరేషన్‌ ఇవ్వడం గమనార్హం. మొత్తం మీద ఎంపీటీసీ, జెడ్పీటీసీ ఎన్నికలు ఏకపక్షంగా జరిపించేందుకు అధికారులు పూర్తి స్థాయిలో సహకారాన్ని అందించారు. 115 ఎంపీటీసీ స్థానాల్లో జయకేతనం అనేక రూపాల్లో ఒత్తిళ్లు, దాడులు, దౌర్జన్యాలు చేసినా, జిల్లాలో 115 ఎంపీటీసీ స్థానాల్లో వైఎస్సార్‌సీపీకి చెందిన అభ్యర్థులు జయకేతనం ఎగురవేశారు. పలు ప్రాంతాల్లో టీడీపీకి మంచి పట్టు ఉన్న స్థానాల్లో కూడా వైఎస్సార్‌సీపీ అభ్యర్థులు విజయం సాధించారు. అలాగే ఆదోని –1, ఆస్పరి, దేవనకొండ, ఎమ్మిగనూరు, గోనెగండ్ల, కోడుమూరు, కోసిగి, మంత్రాలయం, తుగ్గలి, వెల్దుర్తి , ఓర్వకల్లు మండలాల్లో వైఎస్సార్‌సీపీ అభ్యర్థులు పట్టు నిలుపుకున్నారు. ప్రజాస్వామ్యాన్ని అపహాస్యం చేసిన అధికార పార్టీ కౌంటింగ్‌లో ఆటంకాలు సృష్టించిన టీడీపీ నేతలు ఏజెంట్లను అడ్డుకున్న తెలుగు తమ్ముళ్లు కౌంటింగ్‌లో యథేచ్ఛగా ‘పచ్చ’పాతం కుట్రలను ధైర్యంగా అడ్డుకున్న వైఎస్సార్‌సీపీ నేతలు 115 ఎంపీటీసీ స్థానాల్లో వైఎస్సార్‌సీపీ అభ్యర్థుల విజయం వైఎస్సార్‌సీపీ ఖాతాలోకి ఐదు జెడ్పీటీసీ స్థానాలు

బొమ్మలసత్రం: నంద్యాల, గోస్పాడు మండలాలల్లో అత్యధిక స్థానాలు వైఎస్సార్‌సీపీ కై వసం చేసుకోవటంతో నంద్యాల పట్టణంలో సంబరాలు మిన్నంటాయి. రెండు మండలాధ్యక్షుల పదవులతో పాటు రెండు జెడ్పీటీలను కై వసం చేసుకుంది. ఇటీవల జరిగిన మున్సిపల్‌ ఎన్నికల్లో టీడీపీ అభ్యర్థులకు ధీటుగా వైఎస్సార్‌సీపీ అభ్యర్థులు గట్టి పోటీనిచ్చారు. ఫలితంగా టీడీపీకి చావు తప్పి కన్నులొట్టబోయిన చందంగా సగానికి పైగా వైఎస్సార్‌సీపీ అభ్యర్థులు గెలిచి సత్తాచాటారు. శనివారం ఎంపీటీసీ, జెడ్పీటీసీ ఎన్నికల్లో విజయం సాధించిన అభ్యర్థులు నాయకులు, కార్యకర్తలు అధిక సంఖ్యలో శిల్పా నివాసానికి చేరుకున్నారు. మాజీ మంత్రి శిల్పా మోహన్‌రెడ్డి, మాజీ ఎమ్మెల్యేలు శిల్పా రవిచంద్రకిషోర్‌రెడ్డి, శిల్పా చక్రపాణిరెడ్డిల, సీనియర్‌ నేత పీపీ నాగిరెడ్డి, పీపీ మధుసూదన్‌రెడ్డిని భారీ గజమాలలతో సన్మానించారు.

● మదిరే వద్ద ఎదురెదురుగా ఢీకొన్న బైక్‌లు ● ఘటనా స్థలంలో ఇద్దరు దుర్మరణం ● మరో ఇద్దరి పరిస్థితి విషమం ఆదోని అర్బన్‌: అతివేగానికి ఇద్దరు బలయ్యారు. ఆదోని – సిరిగుప్ప రహదారిలో మదిరే గ్రామ సమీపంలో శుక్రవారం రాత్రి 8 గంటల సమయంలో రెండు బైక్‌లు ఎదురెదురుగా ఢీకొన్నాయి. ఈ ప్రమాదంలో ఇద్దరు అక్కడికక్కడే మృతి చెందగా, మరో ఇద్దరు తీవ్రంగా గాయపడ్డారు. ఇస్వీ ఎస్‌ఐ మహేష్‌కుమార్‌ తెలిపిన వివరాలు ఇలా ఉన్నాయి. హొళగుంద మండలం ఇంగళదహాల్‌ గ్రామానికి చెందిన దస్తగిరి, హోసూరమ్మ దంపతుల మొదటి కుమారుడు జయసోబు(18) అదే గ్రామానికి చెందిన మోహన్‌ ఆదోనిలో గుజిరీలో పని చేస్తూ రోజూ స్వగ్రామం నుంచి వచ్చి వెళ్లేవారు. ఈ క్రమంలో శుక్రవారం విధులు ముగించుకుని స్వగ్రామానికి బయలుదేరారు. అదే సమయంలో నందవరం మండలం కె.బాపురం గ్రామానికి చెందిన శివారెడ్డి(55), ఆదోని పట్టణంలోని చిన్న మార్కెట్‌కు చెందిన అయూబ్‌ మరో బైక్‌పై కర్ణాటక రాష్ట్రం సిరిగుప్ప నుంచి ఆదోని వైపు వస్తున్నారు. వేగంగా వస్తున్న రెండు బైకులు ఆదోని మండలం మదిరే గ్రామ క్రాస్‌ రోడ్డు సమీపంలో ఎదురెదురుగా ఢీకొనడంతో రెండు బైక్‌లపై ఉన్న నలుగురికి తీవ్ర గాయాలయ్యాయి. వారిని స్థానికులు వెంటనే ఆదోని ప్రభుత్వ ఆసుపత్రికి తరలించారు. అప్పటికే జయసోబు, శివారెడ్డి మృతిచెందినట్లు వైద్యులు ధ్రువీకరించారు. తీవ్ర గాయాలపాలైన అయూబ్‌, మోహన్‌లను మెరుగైన చికిత్స కోసం వారి కుటుంబ సభ్యులు స్థానిక ప్రైవేట్‌ ఆసుపత్రికి తరలించారు. సమాచారం అందుకున్న మృతుల కుటుంబీకులు, బంధువులు పెద్ద సంఖ్యలో ఆదోని ఆసుపత్రికి చేరుకుని కన్నీరుమున్నీరుగా విలపించారు. జయసోబు తల్లిదండ్రులకు మొదటి సంతానం కాగా, శివారెడ్డి వ్యవసాయ పనులు చేసుకుంటూ జీవనం సాగించేవాడు. ఆయనకు భార్య కవితారెడ్డి, ఒక కుమారుడు, ఒక కుమార్తె ఉన్నారు. కేసు నమోదు చేసుకుని దర్యాప్తు చేస్తున్నట్లు ఎస్‌ఐ తెలిపారు. మృతిచెందిన జయసోబు, శివరామ్‌రెడ్డి

కర్నూలు(సెంట్రల్‌): జెడ్పీటీసీ, ఎంపీటీసీ ఎన్నికల ఓట్ల లెక్కింపులో భాగంగా ఉదయం 10.30 గంటల్లోపు మొదటి రౌండ్‌ ఫలితాలు వెల్లడించాలని జిల్లా కలెక్టర్‌/జిల్లా ఎన్నికల అధికారి డాక్టర్‌ ఏ.సిరి అధికారులను ఆదేశించారు. శనివారం ఓట్ల లెక్కింపు సందర్భంగా శుక్రవారం ఆమె స్పెషల్‌ ఆఫీసర్లు, ఆర్వోలు, ఏఆర్వోలతో టెలీ కాన్ఫరెన్స్‌ నిర్వహించారు. ఈ సందర్భంగా మాట్లాడుతూ స్ట్రాంగ్‌ రూమ్‌ తెరవడం, సీల్‌ తొలగించడం, బ్యాలెట్‌ బాక్సులను బయటకు తీసే ప్రక్రియను పూర్తిగా వీడియోగ్రఫీ చేయాలన్నారు. ఉదయం 8 గంటలకు పోస్టల్‌ బ్యాలెట్ల లెక్కింపు ప్రారంభించాలన్నారు. కౌంటింగ్‌ ప్రారంభానికి ముందు ఉదయం 7 నుంచి 7.30 గంటల మధ్య సిబ్బందికి ప్రత్యేకంగా శిక్షణనిచ్చి ఓట్ల చెల్లుబాటుపై సందేహాలను నివృత్తి చేయాలన్నారు. కౌంటింగ్‌ ప్రారంభమైన తర్వాత ఏ కారణంతోనూ ప్రక్రియను నిలిపివేయడానికి వీల్లేదని కలెక్టర్‌ స్పష్టం చేశారు. టెలీ కాన్ఫరెన్స్‌లో జాయింట్‌ కలెక్టర్‌ నూరుల్‌ ఖమర్‌, జిల్లా పరిషత్‌ సీఈఓ సుధాకర్‌ రెడ్డి తదితరులు పాల్గొన్నారు.

బేతంచెర్ల: వైష్ణవ పుణ్యక్షేత్రమైన శ్రీ మద్దిలేటి నరసింహస్వామి హుండీ ఆదాయం రూ.70,96,949 వచ్చింది. స్వామి, అమ్మ వార్లకు భక్తులు హుండీల్లో సమర్పించిన కానుకలు, ముడుపులు, నిత్యన్నదాన సత్రం హుండీ లెక్కింపు శుక్రవారం చేపట్టారు. ఆలయ పాలక మండలి సభ్యులు, దేవదాయశాఖ అధికారి రమేష్‌ పర్యవేక్షణలో 101 రోజులకు సంబంధించిన హుండీ లెక్కింపు చేపట్టారు. ఈ మేరకు రూ.70,96,949 నగదు, 24.5 గ్రాముల బంగారు, 812.250 గ్రాముల వెండి వచ్చిందని ఆలయ ఉప కమిషనర్‌ రామాంజనేయులు, చైర్మన్‌ ఎల్ల నాగయ్య వెల్లడించారు. కార్యక్రమంలో బాలజీ సేవా ట్రస్ట్‌ సభ్యులు, డోన్‌, బేతంచెర్ల మద్దిలేటి సేవా సమితి, వాసవీ సభ్యులు పాల్గొన్నారు.

ఓర్వకల్లు: గ్రామీణ ప్రాంతాలలో వైద్య ఆరోగ్యసేవలను విస్తృతం చేయాలని ఎన్‌ఆర్‌ఎల్‌ మిషన్‌ బృందం సభ్యులు డాక్టర్‌ నరసింహులు నాయక్‌ అన్నారు. రాష్ట్ర ఆరోగ్య రివ్యూ మిషన్‌ సభ్యులు, రాష్ట్ర వైద్య ఆరోగ్య శాఖ ఎన్‌పీసీబీ జాయింట్‌ డైరెక్టర్‌ డాక్టర్‌ నరసింహ నాయక్‌, రాష్ట్ర కన్సల్టెంట్‌ రామచంద్రుడు శుక్రవారం హుసేనాపురం ప్రాథమిక ఆరోగ్య కేంద్రాన్ని ఆకస్మికంగా తనిఖీ చేశారు. ఆసుపత్రిలోని వివిధ విభాగాలను నిశితంగా పరిశీలించారు. ప్రధా నంగా ఓపీ రిజిష్టర్లు, గర్భిణులు, బాలింతలకు అందుతున్న సేవలు, వివరాలు, చిన్నారుల వాక్సినేషన్‌ మందుల పంపిణీ రికార్డులను క్షుణ్ణంగా తనిఖీ చేశా రు. అనంతరం వారు రోగులతో మాట్లాడి వైద్య సేవలపై ఫీడ్‌బ్యాక్‌ తీసుకున్నారు. స్థానిక వైద్యాధికారులు హెల్త్‌ వర్కర్లతో సమావేశమై విధి నిర్వహణలో వారు ఎదుర్కొంటున్న సవాళ్లు, ఆసుపత్రికి కావాల్సిన అదనపు మౌలిక వసతుల గురించి అడిగి తెలుసుకున్నారు. వారి వెంట జిల్లా వైద్య ఆరోగ్య శాఖ, డీపీఎంఓ హేమలత, స్థానిక వైద్యాధకారి డాక్టర్‌ రేఖా, ఆయుష్‌ వైద్యులు డాక్టర్‌ ప్రసాద్‌, ఆరోగ్య విస్తరణ అధికారి రాబర్టు తదితరులు ఉన్నారు.

కోసిగి: ఆర్లబండ గ్రామంలో శుక్రవారం పోలింగ్‌ భారీ పోలీస్‌ బందోబస్తు మధ్య కొనసాగింది. ఏఆర్‌ ఏఎస్పీ కృష్ణమోహన్‌, ఎమ్మిగనూరు డీఎస్పీ ఆముదాల శ్రీనివాస్‌, కర్నూలు మహిళా డీఎస్పీ ఉపేంద్రబాబు, ఆరుగురు సీఐలు, నలుగురు ఎస్‌ఐలు, ఇద్దరు హెడ్‌ కానిస్టేబుళ్లు, 30 మంది సివిల్‌ పోలీసులు, 63 మంది స్పెషల్‌ పార్టీ ట్రైనింగ్‌ పోలీసులు, 35 మంది స్పెషల్‌ పార్టీ, 9 మంది మహిళా పోలీసులు మొత్తం 158 మంది బందోబస్తు మధ్య రీపోలింగ్‌ నిర్వహించారు. గురువారం ప్రాదేశిక ఎన్నికల పోలింగ్‌ సందర్భంగా గ్రామంలో 2/2 పోలింగ్‌ కేంద్రంలో టీడీపీ నాయకులు రిగ్గింగ్‌కు పాల్పడడంతో ఎన్నికల కమిషన్‌ రీపోలింగ్‌కు ఆదేశించింది. ఈ మేరకు శుక్రవారం గ్రామ శివారు నుంచి ఎవరు బయట వ్యక్తులు రాకుండా బారికేడ్లు ఏర్పాటు చేసి పోలింగ్‌ ప్రక్రియ ప్రారంభించారు. ఈ బూత్‌లో 954 ఓట్లు ఉండగా ఎన్నికల రిటర్నింగ్‌ అధికారి లోకరాజు, ఆదోని ఆర్డీఓ అరుణాదేవి ఆధ్వర్యంలో పోలింగ్‌ను ఉదయం 7 గంటలకు ప్రారంభించారు. సాయంత్రం 5 గంటలకు ఓటింగ్‌ ప్రక్రియ ముగిసే సమయానికి 595 మంది ఓటు హక్కును వినియోగించుకున్నారు. ఇందులో పురుషులు 317 మంది, మహిళలు 278 మంది ఓటు వేయగా 62.37 శాతం నమోదైంది. పోలింగ్‌ కేంద్రాన్ని జెడ్పీ సీఈఓ సుధాకర్‌, మంత్రాలయం నియోజకవర్గ ఎన్నికల రిటర్నింగ్‌ ఆఫీసర్‌ ఓబులేష్‌ పర్యవేక్షించారు. అలాగే వైఎస్సార్‌సీపీ జెడ్పీటీసీ అభ్యర్థి పాలేగర్‌ శ్యాంసుందర్‌ రాజు, టీడీపీ జడ్‌పీటీసీ అభ్యర్థి గిరయ్యగారి జ్ఞానేష్‌లు పోలింగ్‌ కేంద్రాన్ని సందర్శించారు.

● క్వింటా రూ.3,889 కర్నూలు(అగ్రికల్చర్‌): కర్నూలు వ్యవసాయ మార్కెట్‌ యార్డులో ఉల్లి ధరలు తగ్గాయి. మార్కెట్‌కు శుక్రవారం 5,438 క్వింటాళ్లు(209 లాట్లు) విక్రయానికి రాగా.. కనిష్ట ధర రూ.696, గరిష్ట ధర రూ.3,889 లభించగా.. సగటు ధర రూ.3,291 నమోదైంది. కాగా మొక్కజొన్న ధర పెరుగుతోంది. పంట లేకపోవడం వల్లే ధర పెరుగుతుందనే అభిప్రాయం వ్యక్తమవుతోంది. మార్కెట్‌కు మొక్కజొన్నలు 87 క్వింటాళ్లు రాగా.. కనిష్ట ధర రూ.2,182 లభించగా.. గరిష్ట ధర రూ.3059 లభించింది. వేరుశనగకు కనిష్ట ధర రూ.5312, గరిష్ట ధర రూ.9,369 లబించగా.. సగటు ధర రూ.7,861 పలికింది. మిర్చి రెడ్‌ రకానికి కనిష్ట ధర రూ.13,611, గరిష్ట ధర రూ.23,333 లభించగా.. సగటు ధర రూ.14,777 నమోదైంది. కేఎంసీలో పెరిగిన పీజీ సీట్లు కర్నూలు(హాస్పిటల్‌): కర్నూలు మెడికల్‌ కళాశాలలో 19 పీజీ సీట్లు పెరిగాయని కళాశాల ప్రిన్సిపాల్‌ డాక్టర్‌ కె.చిట్టి నరసమ్మ శుక్రవారం ఒక ప్రకటనలో తెలిపారు. ప్రస్తుతం 188 పీజీ సీట్లు ఉన్నాయని, 19 పెరగడం ద్వారా 207కు చేరాయన్నారు. వీటితో పాటు కళాశాలలో 22 సూపర్‌స్పెషాలిటీ పీజీ సీట్లు ఉన్నట్లు పేర్కొన్నారు. పెరిగిన వాటిలో జనరల్‌ సర్జరీ, అనెస్థీషియా, రేడియాలజీ, పీడియాట్రిక్‌, రేడియేషన్‌ ఆంకాలజీ ఉన్నాయన్నారు. వీటికి నేషనల్‌ మెడికల్‌ కౌన్సిల్‌ నుంచి అనుమతి లభించిందన్నారు. 28న నవోదయ 6వ తరగతి ప్రవేశ పరీక్ష ఎమ్మిగనూరు రూరల్‌: మండల పరిధిలోని బనవాసి జవహర్‌ నవోదయ విద్యాలయంలో 6వ తరగతి ప్రవేశానికి ఈ నెల 28న ప్రవేశ పరీక్ష నిర్వహించనున్నట్లు విద్యాలయం ఇన్‌చార్జి ప్రిన్సిపాల్‌ హరిష్‌కుమార్‌ శుక్రవారం ఓ ప్రకటనలో తెలిపారు. 6వ తరగతి ప్రవేశానికి దరఖాస్తు చేసుకున్న విద్యార్థులు https:// cbseitms.rcll.gov.in/nvsవెబ్‌ ద్వారా హాల్‌ టికెట్స్‌ను పొందాలని చెప్పారు. అనుమతుల్లేకుండా టపాసులు విక్రయిస్తే చర్యలు కర్నూలు: జిల్లాలో అనుమతులు లేకుండా, నిబంధనలకు విరుద్ధంగా టపాసులు విక్రయించినా, నిల్వ ఉంచినా చర్యలు తప్పవని ఎస్పీ విక్రాంత్‌ పాటిల్‌ హెచ్చరించారు. కర్నూలు, ఆదోని, ఎమ్మిగనూరు, పత్తికొండ సబ్‌ డివిజన్లలో టపాసుల విక్రయాలు జరిగే ప్రాంతాల్లో అన్ని జాగ్రత్తలు, సూచనలు పాటించాలని శుక్రవారం విడుదల చేసిన ప్రకటనలో పోలీసు అధికారులను ఆదేశించారు. ప్రమాదాలకు తావు లేకుండా సరైన భద్రతా ప్రమాణాలు పాటిస్తూ విక్రయాలు జరుపుకోవాలని విక్రయదారులకు తెలియజేయాలని సూచించారు. కేటాయించిన ప్రదేశాల్లోనే దుకాణాలు ఏర్పాటు చేసుకుని టపాసుల విక్రయాలు జరుపుకోవాలన్నారు. పోలీసు అధికారులు అన్ని ప్రభుత్వ శాఖల సమన్వయంతో దీపావళి పండుగ సజావుగా నిర్వహించే విధంగా చూసుకోవాలన్నారు. ఎక్కడైనా ప్రమాదం చోటు చేసుకున్నా, టపాసులు అక్రమంగా విక్రయిస్తున్నా వెంటనే డయల్‌ 112 లేదా 100కు సమాచారం అందించాలని జిల్లా ప్రజలకు విజ్ఞప్తి చేశారు. గొర్రెల పెంపకందారుల శిక్షణా కేంద్రం పేరు మార్పు ● రాష్ట్ర నెమరు వేసే సన్నజీవాల అభివృద్ధి సంస్థగా ఉత్తర్వులు కర్నూలు(అగ్రికల్చర్‌): ఉమ్మడి కర్నూలు జిల్లాలో ఏర్పాటైన గొర్రెల పెంపకందారుల శిక్షణా కేంద్రం పేరును మార్పు చేస్తూ ప్రభుత్వం ఉత్తర్వులు జారీ చేసింది. వైఎస్‌ఆర్‌సీపీ పాలనలో అప్పటి డోన్‌ ఎమ్మెల్యే, ఆర్థిక శాఖ మంత్రి బుగ్గన రాజేంద్రనాథరెడ్డి ప్రత్యేక చొరవతో ప్యాపిలి మండలంలోని డి.హుపేనాపురంలో గొర్రెల పెంపకందారుల శిక్షణా కేంద్రం ఏర్పాటైంది. వైఎస్‌ఆర్‌సీపీ ప్రభుత్వం ప్రత్యేకంగా మూడు ఎకరాల భూమి కేటాయించి సొంత భవనాన్ని నిర్మించింది. చంద్రబాబు ప్రభుత్వం ఏర్పాటు తర్వాత గొర్రెల పెంపకందారుల శిక్షణా కేంద్రం ప్రాధాన్యతను తగ్గిస్తూ వస్తోంది. అందులో భాగంగానే బడ్జెట్‌లోనూ గణనీయంగా కోత పెట్టడం గమనార్హం. తాజాగా శిక్షణా కేంద్రం పేరును కూడా మార్పు చేసింది. ఇకపై రాష్ట్ర నెమరు వేసే సన్నజీవాల అభివృద్ధి సంస్థ(స్టేట్‌ ఇన్సిట్యూట్‌ ఆఫ్‌ స్మాల్‌ రుమినెంట్‌ డెవలప్‌మెంటు–ఎస్‌ఐఎస్‌ఆర్‌డీ)గా వ్యవహరిస్తారు. ఈ కేంద్రంలో శిక్షణలు కూడా తగ్గిపోయాయి. గతంలో గొర్రెల పెంపకందారులకు నెలలో రెండు శిక్షణా కార్యక్రమాలు నిర్వహించేవారు. ఇకపై నెలకు ఒక్క శిక్షణా కార్యక్రమం మాత్రమే నిర్వహించనుండటం విమర్శలకు తావిస్తోంది.

గోనెగండ్ల: స్థానిక సంస్థల ఎన్నికల పోలింగ్‌ గురువారం ముగిసింది. ఇక నాయకులకు ఓటర్లతో పనిలేదు. ఓట్ల లెక్కింపు మాత్రమే మిగిలింది. ఈ తతంగంతో కూలీలకు అవసరం లేదు. కాబట్టి శుక్రవారం ఉదయం బతుకు జీవుడా అంటూ కూలీలు తమ పిల్లపాపలతో పట్టణాలకు వలసబాట పట్టారు. మండలంలోని అలువాల గ్రామం నుంచి రెండు బొలెరో వాహనాల్లో 50 కుటుంబాలు హుబ్లీకి కొందరు, మరికొందరు గోవాకు వలసకు వెళ్లారు. అలాగే గంజిహళ్లి గ్రామం నుంచి 40 కుటుంబాల సభ్యులు వివిధ ప్రాంతాలకు వలస వెళ్లి పనులు చేసుకుంటూ జీవనం సాగిస్తుండగా స్థానిక ఎన్నికల నేపథ్యంలో నాయకులు ప్రత్యేక వాహనాలు ఏర్పాటు చేసి కొంత సొమ్ము చేతికిచ్చి పిలిపించుకున్నారు. దీంతో వారు స్వగ్రామాల్లో ఓటు వేసి శుక్రవారం మళ్లీ వలస బండ్లు ఎక్కారు. గోనెగండ్లలోని కూలీలు కూడా ఓట్లు వేసి గురువారం రాత్రే బయలుదేరి వెళ్లారు. కొన్ని గ్రామాల కూలీలు మళ్లీ క్రిస్మస్‌కు ఊరికి వస్తామంటే మరికొందరు గంజిహళ్లిలో జరిగే ఉరుసు వేడుకలకు వస్తామని చెబుతున్నారు. ఇలా ప్రతి రోజు ఏదో ఒక గ్రామం నుంచి వలస బండ్లు వెళుతూనే ఉన్న అధికారులు మాత్రం పట్టించుకోవడం లేదు. ఇప్పటికై నా స్పందించి గ్రామాల్లో ఉపాధి పనులు కల్పించి వలసలు నివారించాలని కూలీలు కోరుతున్నారు.

కర్నూలు: పరిషత్‌ ఎన్నికల బందోబస్తు విషయంలో జిల్లా పోలీసు బాస్‌ చేసిన ప్రకటనలు కూటమి నాయకుల దౌర్జన్యకాండ ముందు పటాపంచలయ్యాయి. కూటమి నాయకుల దౌర్జన్యాలు, సైక్లింగ్‌, రిగ్గింగ్‌, యథేచ్ఛగా దొంగ ఓట్లు వేసుకున్నా పోలీసులు కనీసం నిలువరించే ప్రయత్నం చేయలేదు. మున్సిపల్‌ ఎన్నికల తరహాలోనే పరిషత్‌ ఎన్నికల పోలింగ్‌ సందర్భంగా కూటమి నాయకులు అనుకున్న వ్యూహాలను అమలు చేశారు. ఇందుకు పోలీసులు ప్రత్యక్షంగానే మద్దతు ఇచ్చారనే విమర్శలు వ్యక్తమయ్యాయి. ఓటర్లను ప్రభావితం చేయగలిగిన వైసీపీ నాయకులను ఒక్కొక్క నియోజకవర్గంలో కనీసం మండలానికి పది మంది చొప్పున ముందస్తు అరెస్టులు చేసి పోలింగ్‌ ముగిసిన తర్వాత వదిలారు. కర్నూలు రూరల్‌ మండల పరిధిలో ఆర్‌.కొంతలపాడు, సుంకేసుల, తొలిశాపురం, ఎదురూరు, ఆర్‌కే దుద్యాల గ్రామాల్లో వైఎస్సార్‌సీపీ ఏజెంట్లను బెదిరించి పోలింగ్‌ కేంద్రాల నుంచి బయటకు పంపించి తెలుగుదేశం గూండాలు ఏకపక్షంగా రిగ్గింగ్‌ చేసుకున్నారు. ఆలూరు నియోజకవర్గంలో 5 పోలీస్‌స్టేషన్ల పరిధిలో సుమారు 100 మందికి పైగా వైఎస్సార్‌సీపీ నాయకులను ముందస్తు అరెస్టులు చేసి పోలీసులు ఏకపక్షంగా వ్యవహరించారు. చిప్పగిరి మండలం గుమ్మనూరులో వైఎస్సార్‌సీపీ ఏజెంట్లను బెదిరించి కూర్చోకుండా చేశారు. ఆలూరు టౌన్‌ బాయ్స్‌ స్కూల్‌లో ఒకటవ పోలింగ్‌ కేంద్రంలో ఎంపీటీసీ అభ్యర్థులు బోయ భాస్కర్‌, బోయ వరుణ్‌కుమార్‌ను చంపేస్తామని టీడీపీ నాయకులు బెదిరించి బయటకు పంపించి రిగ్గింగ్‌ చేసుకున్నారు. అలాగే పత్తికొండ, క్రిష్ణగిరి మండలాల్లో కూడా పోలీసులు పచ్చమూకలకు ఏకపక్షంగా సహకరించారు. క్రిష్ణగిరిలోనూ ఏజెంట్లు లేకుండా పోలీసులు బెదిరింపులకు పాల్పడటం గమనార్హం.

బేతంచెర్ల: ఆర్‌ఎస్‌ రంగాపురం గ్రామంలోని పాఠశాలకు వెళ్లే రహదారిలో మద్యం దుకాణం ఏర్పాటును మహిళలు, గ్రామస్తులు గురువారం వ్యతిరేకించారు. ప్రజలు, విద్యార్థులు తిరిగే రహదారిలో మద్యం దుకాణం ఏర్పాటు చేయొద్దంటూ నిరసన వ్యక్తం చేశారు. గతంలో మండలంలోని సీతారామాపురం గ్రామంలో మద్యం దుకాణం ఉండగా అక్కడ వ్యాపారం సరిగా లేకపోవడంతో ఆర్‌ఎస్‌ రంగాపురం గ్రామంలో ప్రస్తుతం ఉన్న మద్యం దుకాణానికి ఎదురుగా పొలంలో మరో మద్యం దుకాణం ఏర్పాటు చేసుకోవడానికి సిద్ధమయ్యారు. అందుకు అవసరమైన సామగ్రిని వాహనంలో తీసుకెళ్లారు. ఈ విషయం తెలుసుకున్న గ్రామంలోని మహిళలు అక్కడికి చేరుకుని ఆందోళనకు దిగారు. ఇప్పుడే ఒక మద్యం దుకాణం ఉందని అదనంగా మరో మద్య దుకాణం వద్దని గ్రామంలోని మహిళ లు భీష్మించారు. ఈ విషయంపై ఎక్స్‌జ్‌ సీఐ జఫ్రుల్లాను వివరణ కోరగా.. మండలంలో ఎక్కడైనా మద్యం దుకాణాన్ని ఏర్పాటు చేసుకోవడానికి అవకాశం ఉందన్నారు. రూల్‌ 24 ప్రకారం జాతీయ రహదారికి 220 మీటర్లు, గుడి, బడి, చర్చికి 100 మీటర్లు దూరం ఉండేలా చర్యలు తీసుకుంటామన్నారు. నిబంధనలకు విరుద్ధంగా ఉంటే అనుమతి ఇవ్వమని తెలిపారు.

● భయభ్రాంతులకు గురైన ఓటర్లు కర్నూలు సిటీ: పోలింగ్‌ కేంద్రాల్లో కేడీసీసీ చైర్మన్‌ డి.విష్ణువర్ధన్‌ రెడ్డి అనుచరులు దౌర్జన్యం చేశారు. ఓటు హక్కు వినియోగించుకునేందుకు వచ్చిన ఓటర్లను భయభ్రాంతులకు గురిచేశారు. కల్లూరు మండలంలో గురువారం జరిగిన జిల్లా, మండల పరిషత్‌ ప్రాదేశిక ఎన్నికల్లో 66.58 శాతం పోలింగ్‌ నమోదైంది. మొత్తం 77,575 మంది ఓటర్లకుగాను, 51,652 మంది ఓటు హక్కును వినియోగించుకున్నారు. బసాపురం(తొలిశాపురం, ఎదురూరు, ఆర్‌.కె దుద్యాల, బసాపురం గ్రామాలు) ఎంపీటీసీగా పోటీ చేస్తున్న బోయ సరస్వమ్మ స్వగ్రామం ఎదురూరు. కేడీసీసీ చైర్మన్‌ డి.విష్ణువర్ధన్‌ రెడ్డి స్వగ్రామం కూడా అదే కావడంతో పోటీలో నుంచి తప్పుకోవాలని బెదిరించినా విత్‌డ్రా చేసుకోలేదు. ఇటీవల ప్రచారాన్ని అడ్డుకున్నారు. ఎన్నికల రోజున ఏజెంటు ఫారాలు ఇవ్వకుండా, అభ్యర్థితో పాటు ఆమె భర్త బి.రంగయ్య, కుమారుడు బోయ వెంకటేష్‌, ఇతర కుటుంబ సభ్యులను సైతం ఓటు కూడా టీడీపీ ముఠాలు దౌర్జన్యం చేశాయి. ● సుంకేసుల పోలింగ్‌ స్టేషన్‌లో ఓ ఎస్‌ఐ, కానిస్టేబుల్స్‌ ఇద్దరు ఉన్నా..స్థానిక టీడీపీ నేతలే ఓట్లను వేసేసుకున్నారు. అక్కడే విధుల్లో ఉన్న పీఓ, ఏపీఓ, ఇతర సిబ్బంది పట్టించుకోకుండా వారికి సహకరించారు. ● ఆర్‌.కొంతలపాడులో రెండు చోట్ల ఏర్పాటు చేసిన పోలింగ్‌ కేంద్రాల్లో విష్ణు అనుచరులు సాయిక్రిష్ణ, మరి కొంత మంది, ఎదురూరు గ్రా మంలో నరసింహారెడ్డి, రఫీ అనే వారు ఓటరు దగ్గర వెళ్లి టీడీపీ గుర్తులపై వేయించారు. ● తొలిశాపురంలో క్యూలో ఓటర్లు ఉన్నా వారిని ఓటు వేయనీయలేదు. ఆ గ్రామానికి చెందిన విష్ణువర్ధన్‌ రెడ్డి బంధువు మహేశ్వరరెడ్డి ఆధ్వర్యంలో ఓటర్ల బదులు టీడీపీ నేతలే ఓట్లు వేశారు. వీరికి పోలీసులు దగ్గర ఉండి సహాయం చేయడంపై అనేక విమర్శలు వ్యక్తం అవుతున్నాయి.

కర్నూలు(సెంట్రల్‌):ప్లాస్టిక్‌ బ్యాగులు వద్దు..జ్యూట్‌, దుస్తులు, పేపర్‌తో తయారు చేసిన బ్యాగులనే వినియోగించాలని ఏపీ కాలుష్య నియంత్రణ మండలి అధికారులు ప్రజలకు విజ్ఞప్తి చేశారు. బ్రిక్స్‌ సుస్థిర జీవనశైలి వారోత్సవాలను పురస్కరించుకునిగురువారం కర్నూలు, నంద్యాల జిల్లాల్లో పీసీబీ అధికారులు అవగాహన కల్పించారు. సింగిల్‌ యూజ్‌ ప్లాస్టిక్‌ వినియోగానికి దూరంగా ఉండాలని కోరారు. ఈ సందర్భంగా పీసీబీ ప్రాంతీయాధికారి పీవీ కిశోర్‌కుమార్‌ మాట్లాడుతూ..సింగిల్‌ యూజ్‌ ప్లాస్టిక్‌తో పర్యావరణానికి ఇబ్బంది కలుగుతుందన్నారు. అందువల్ల ప్రజలు జ్యూట్‌ బ్యాగులను వినియోగించాలని సూచించారు.

కర్నూలు(సెంట్రల్‌): జిల్లాలో జరుగుతున్న ఎంపీటీసీ, జెడ్పీటీసీ ఎన్నికల పోలింగ్‌ ప్రక్రియను వెబ్‌ కాస్టింగ్‌ ద్వారా కలెక్టరేట్‌లోని కాన్ఫరెన్స్‌ హాల్‌ నుంచి జిల్లా ఎన్నికల అధికారి డాక్టర్‌ ఏ సిరి పర్యవేక్షించారు. సంబంధిత రిటర్నింగ్‌ అధికారులకు పలు సూచనలు ఇచ్చారు. పోలింగ్‌ కేంద్రాల వద్ద అధిక సంఖ్యలో ప్రజలు గుమిగూడకుండా తగిన చర్యలు తీసుకోవాలని ఆదేశించారు. ఎన్నికల నిబంధనలను ఖచ్చితంగా అమలు చేయాలన్నారు. కార్యక్రమంలో డీఆర్‌ఓ సి. వెంకట నారాయణమ్మ, స్పెషల్‌ డిప్యూటీ కలెక్టర్‌ అనురాధ పాల్గొన్నారు. జిల్లాలో 68.29 శాతం పోలింగ్‌ ● అత్యధికంగా కల్లూరు మండలంలో 81.79 శాతం ● అత్యల్పంగా కోసిగిలో 54.44 శాతం కర్నూలు(అర్బన్‌): జిల్లాలో గురువారం జరిగిన ఎంపీటీసీ, జెడ్పీటీసీ ఎన్నికల్లో 68.29 శాతం పోలింగ్‌ నమోదైంది. మొత్తం ఓటర్లు 12,49,212 కాగా ఇందులో 8,52,335 మంది ఓటర్లు తమ ఓటు హక్కును వినియోగించుకున్నారు. 26 మండలాల్లో జరిగిన పోలింగ్‌ను పరిశీలిస్తే అత్యధికంగా కల్లూరు మండలంలో మొత్తం ఓటర్లు 38,479 మంది ఉండగా, 31,473 మంది (81.79 శాతం) ఓటింగ్‌లో పాల్గొన్నారు. అత్యల్పంగా కోసిగి మండలంలో 55,831 మంది ఓటర్లకు గాను 30,395 (54.44 శాతం) మంది ఓటింగ్‌లో పాల్గొన్నారు. ఈ మండలంలో ఆర్లబండ పోలింగ్‌ బూత్‌ 2/2లో ఈ నెల 6వ తేదీన రీపోలింగ్‌ జరగనుంది. ఈ పోలింగ్‌ కేంద్రంలో 954 మంది ఓటర్లు ఉన్నారు. టీడీపీ నేతలు ఈ పోలింగ్‌ కేంద్రంలో రిగ్గింగ్‌కు పాల్పడడంతో ఇక్కడ రీపోలింగ్‌ నిర్వహిస్తున్నారు. ఓటేసిన కొద్దిసేపటికే వృద్ధురాలు మృతి ఆస్పరి: జెడ్పీటీసీ, ఎంపీటీసీల ఎన్నికల్లో ఓటు వేసిన అనంతరం ఓ వృద్ధురాలు గుండెపోటుతో మరణించింది. కర్నూ లు జిల్లా ఆస్పరి మండలంలోని హలిగేరలో నరసమ్మ(61) ఓటు వేసి ఇంటికి వెళ్లింది. ఆ సమయంలో స్పృహ తప్పి పడిపోయింది. ఆస్పత్రికి తీసుకెళ్తుండగా మార్గంమధ్యలోనే మృతి చెందినట్లు కుటుంబ సభ్యులు తెలిపారు. రెండేళ్ల క్రితం ఈమె భర్త, కుమారుడు గుండెపోటుతోనే మృతి చెందారు.

కర్నూలు(అగ్రిల్చర్‌): జాతీయ గ్రామీణ ఉపాధి హామీ పథకం, వీబీ జీ రామ్‌ జీ కింద తుగ్గలి మండలంలో జరిగిన అక్రమాలపై విచారణ ముమ్మరంగా జరుగుతోందని అంబుడ్స్‌మన్‌ సురేంద్ర కుమార్‌ తెలిపారు. తుగ్గలి పంచాయతీతో పాటు మండలంలోని అన్ని గ్రామాల్లో నిర్వహించిన ఉపాధి పనుల్లో అక్రమాలు జరిగాయంటూ ఫిర్యాదులు వచ్చాయన్నారు. వీటన్నింటిపై దశల వారీగా విచారణ జరుపుతున్నామన్నారు. తమ విచారణలో వెలుగు చూసిన అక్రమాలకు సంబంధించి ఇప్పటికే డ్వామా అధికారులు చర్యలు కూడా తీసుకుంటున్నారని గురువారం ఆయన ‘సాక్షి’కి తెలిపారు. మార్కెట్‌లకు తగ్గిన పంట ఉత్పత్తులు కర్నూలు(అగ్రికల్చర్‌): కర్నూలు వ్యవసాయ మార్కెట్‌ యార్డుకు వ్యవసాయ ఉత్పత్తులు తక్కువగా వచ్చాయి. ఎంపీటీసీ, జెడ్పీటీసీ ఎన్నికల నేపథ్యంలో దాదాపు అన్ని పంటలు తక్కువగా వచ్చాయి. ఉల్లిగడ్డలు 3,960 క్వింటాళ్లు(161 లాట్లు) రాగా.. కనిష్ట ధర రూ.701, గరిష్ట ధర రూ.4260 లభించగా.. సగటు ధర రూ.3,240 నమోదైంది. కర్నూలు మార్కెట్‌లో వేరుశనగ ధర తగ్గింది. కనిష్ట ధర రూ.4,313, గరిష్ట ధర రూ.7,913 లభించగా... సగటు ధర రూ.7,694 పలికింది. మొక్కజొన్న ధర పెరిగింది. కనిష్ట ధర రూ.2,940, గరిష్ట ధర రూ.3,010 నమోదైంది. మిర్చి రెడ్‌ రకానికి కనిష్ట ధర రూ.15,009 లభించగా.. గరిష్ట ధర రూ.23,709 పలికింది. సజ్జలకు గరిష్ట ధర రూ.3,301 నమోదైంది. ఆదోని మార్కెట్‌కు పత్తి కేవలం 355 క్వింటాళ్లు మాత్రమే వచ్చింది. కనిష్ట ధర రూ.6,219, గరిష్ట ధర రూ.9,323 లభించగా.. సగటు ధర రూ.8951 నమోదైంది. ఆదోని మార్కెట్‌లో వేరుశనగకు కనిష్ట ధర రూ.5,162, గరిష్ట ధర రూ.8,200 లభించగా.. సగటు ధర రూ.7,676 పలికింది. ఖైదీలకు ఉచిత న్యాయ సేవలు డోన్‌ టౌన్‌: రిమాండ్‌ ఖైదీలకు ఉచిత న్యాయ సేవలు అందిస్తామని జిల్లా న్యాయ సేవాధికార సంస్థ కార్యదర్శి లీలా వెంకటశేషాద్రి అన్నారు. పట్టణంలోని సబ్‌ జైలును గురువారం మేజిస్ట్రేట్‌ జ్యోతితో కలిసి ఆయన ఆకస్మిక తనిఖీ చేశారు. జైలులో ఏర్పాటు చేసిన ప్రిజన్‌ లీగల్‌ ఎయిడ్‌ హెల్ప్‌ డెస్క్‌, క్లినిక్‌ గురించి ఖైదీలకు అవగాహన కల్పించారు. ఈ సందర్భంగా ఆయన మాట్లాడుతూ.. ౖఖైదీల తమ హక్కులను తెలుసుకోవాలన్నారు. న్యాయవాదులు నియమించుకోలేని వారికి ఉచితంగా ఏర్పాటు చేస్తామన్నారు. 70 ఏళ్లు పైబడిన వారికి, అనారోగ్యంతో బాధపడే వారికి ఉచిత న్యాయ సహాయం అందిస్తామన్నారు. అనంతరం జైలులో వసతులు, వైద్య సేవలపై ఆరా తీశారు. ఖైదీలను కోర్టు వాయిదాలకు కచ్చితంగా హాజరు చేయాలని పోలీసులను ఆదేశించారు. ఏవైన సమస్యలు ఉంటే 15100 నంబర్‌ను సంప్రదించాలన్నారు. ఈ తనిఖీల్లో జైలు సూపరింటెండెంట్‌ సురేష్‌, లీగల్‌ ఎయిడ్‌ డిఫెన్స్‌ కౌన్సిల్‌ చీఫ్‌ శివరామచంద్రరావు కోర్టు సిబ్బంది ఉన్నారు. భారత వైమానిక దళంలో ఉద్యోగావకాశాలు నంద్యాల(న్యూటౌన్‌): జాతీయ భద్రతలో కీలక పాత్ర పోషిస్తున్న భారత వైమానిక దళంలో యువతకు లభించే ఉద్యోగావకాశాలపై అవగాహన కల్పించేందుకు డిసెంబర్‌ 6వ తేదీన నంద్యాలలో ప్రత్యేక ప్రచార కార్యక్రమం నిర్వహించనున్నట్లు జిల్లా కలెక్టర్‌ రాజకుమారి తెలిపారు. గురువారం కలెక్టరేట్‌లోని వీడియో కాన్ఫరెన్స్‌ హాల్‌లో భారత వైమానిక దళానికి చెందిన 12వ ఎయిర్‌మెన్‌ సెలెక్షన్‌ సెంటర్‌ ప్రతినిధులు శేఖర్‌, నిధీష్‌లు జిల్లా కలెక్టర్‌ జి.రాజకుమారి కలిసి, డిసెంబర్‌ 6న నంద్యాలలో నిర్వహించనున్న యువత అవగాహన కార్యక్రమానికి సంబంధించిన అధికారిక వినతిపత్రాన్ని సమర్పించారు. కార్యక్రమాన్ని విజయవంతంగా నిర్వహించేందుకు అనువైన వేదిక కేటాయించడం, జిల్లాలోని కళాశాలల నుంచి విద్యార్థులను పెద్ద సంఖ్యలో భాగస్వాములను చేయడం, విస్తృత ప్రచారం కల్పించడం వంటి అంశాల్లో జిల్లా యంత్రాంగం సహకరించాలని ప్రతినిధులు కలెక్టర్‌ను కోరారు. ఈ అవగాహన కార్యక్రమం ద్వారా జిల్లాలోని యువతకు భారత వైమానిక దళంలోని ఉద్యోగావకాశాలు, అర్హతలు, ఎంపిక విధానంపై స్పష్టమైన అవగాహన కలగడంతో పాటు, దేశ రక్షణలో భాగస్వాములయ్యే దిశగా ప్రోత్సాహం లభించనుందని కలెక్టర్‌ తెలిపారు.

పత్తికొండ రూరల్‌: స్థానిక ఎన్నికల్లో వైఎస్సార్‌సీపీ నాయకులపై పోలీసులు జులుం ప్రదర్శించారు. హోసూరులోని పోలింగ్‌ కేంద్రం వద్ద ఉన్న పార్టీ నాయకుడు బనగాని శ్రీనివాసులును సీఐ జయన్న దండించారు. తరువాత ఇక్కడి నుంచి వెళ్లిపోవాలని సూచించారు. ఇదేమిటని ప్రశ్నిస్తుండగా అక్రమంగా అరెస్టుకు యత్నించారు. అధికారపార్టీ నాయకులకు వత్తాసు పలుకుతూ ఒక వర్గం వారిని వెళ్లిపోవాలని సూచించడం సరైంది కాదని, పార్టీ నాయకులు, కార్యకర్తలు ఎందుకు అరెస్టు చేస్తారో చెప్పాలని సీఐని నిలదీశారు. దీంతో వాగ్వాదం చోటుచేసుకుంది. గుంపులుగా గ్రామస్తులు రావడంతో పోలీసులు స్వల్ప లాఠీచార్జ్‌ చేసి వారిని చెదరగొట్టారు. ఉదయం నుంచి మధ్యాహ్నం వరకు ప్రశాంతంగా జరుగుతున్న పోలింగ్‌ కేంద్రం దగ్గర పోలీసులు అకారణంగా అలజడి సృష్టించి భయానక వాతావరణాన్ని సృష్టించారని వైఎస్సార్‌సీపీ నాయకులు, కార్యకర్తలు వాపోయారు. అలాగే పందికోనలో అధికార పార్టీ నాయకులు దౌర్జన్యంగా పోలింగ్‌ కేంద్రంలో నుంచి ఏజెంట్లను బయటకు పంపించారు. తరువాత ఇరువర్గాల వారికి వాగ్వాదం జరిగింది. గ్రామపెద్దలు సర్దిచెప్పడంతో వివాదం సద్దుమణిగింది.

తుగ్గలి: రోడ్డు ప్రమాదంలో ఓ వ్యక్తి మృతి చెందిన ఘటన గురువారం మండలంలో చోటు చేసుకుంది. తుగ్గలి ఎస్‌ఐ బాలనరసింహులు తెలిపిన వివరాల మేరకు.. మద్దికెర మండలం పెరవలికి చెందిన కొత్తగొల్ల సుంకన్న (38) ఆదోనిలో బండలు పరిచే పనికి వెళ్లి బైక్‌పై వెళ్లాడు. స్వగ్రామానికి తిరిగి వస్తూ రాతన ఆశ్రమ పాఠశాల సమీపంలో గుత్తి నుంచి పత్తికొండ వైపు వెళుతున్న జీపును ఢీకొట్టాడు. ప్రమాదంలో సుంకన్న అక్కడికక్కడే మృతి చెందాడు. మృతుడికి భార్య, ఇద్దరు కూతుళ్లు, కుమారుడు ఉన్నారు. మృతుడి భార్య ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్‌ఐ తెలిపారు. ఓటేసి వెళ్తూ.. వలస కూలీ దుర్మరణం తుగ్గలి: ఓటువేసిన అనంతరం పనికి వెళ్లి ఇంటి వస్తూ పోల్‌ పడటంతో వలస కూలీ ఈడిగి భాస్కరగౌడ్‌ మృతి చెందాడు. ఈ దుర్ఘటన గుత్తి సమీపంలో గురువారం చోటుచేసుకుంది. చెన్నంపల్లికి చెందిన ఈడిగి భాస్కరగౌడ్‌(42) తన భార్య శివలక్ష్మి, నలుగురు కుమార్తెలతో కలిసి బతుకుదెరువు నిమిత్తం పది రోజుల క్రితం తెలంగాణకు వలస వెళ్లారు. ఎన్నికల్లో ఓటు వేసేందుకు బుధవారం సొంతూరికి వచ్చాడు. ఓటువేసిన అనంతరం పని నిమిత్తం అదే గ్రామానికి చెందిన కలచట్ల వెంకన్నతో కలిసి బైక్‌పై గుత్తికి వెళ్లాడు. అక్కడి పని పూర్తి చేసుకుని తిరిగి వస్తుండగా గుత్తి ఆర్‌ఎస్‌ చర్చి సమీపంలో కర్ణాటకకు చెందిన కారు డివైడర్‌ను ఢీకొట్టింది. రోడ్డు మధ్యలో ఉన్న పోల్‌ మోటారు సైకిల్‌పై పడి భాస్కర్‌గౌడ్‌ అక్కడిక్కడే మృతి చెందారు. తీవ్రగాయాలపాలైన వెంకన్నను ప్రాథమిక చికిత్స అనంతరం పరిస్థితి విషమంగా ఉండటంతో అనంతపురానికి తరలించారు. ఉరుకుంద ఆలయానికి రూ.లక్ష విరాళం కౌతాళం: ఉరుకుంద ఈరన్న స్వామి దేవాలయ అభివృద్ధి కోసం రూ.1,00,116 నగదును జోగులాంబ గద్వాల జిల్లా సుల్తానాపురం గ్రామానికి చెందిన మహదేవగౌడ్‌ కుటుంబ సభ్యులు గురువారం అందజేశారు. దాతలకు ఆలయ అధికారులు సంప్రదాయం ప్రకారం స్వామి సన్నిధిలో ప్రత్యేక పూజలను చేయించారు. స్వామి వారి తీర్థప్రసాదాలను, బాండును అందజేశారు. ఆలయ అభివృద్ధికి భక్తులు విరివిగా విరాళాలు అందజేయాలని డిప్యూటీ కమిషనర్‌ వాణి కోరారు. కార్యక్రమంలో ఆలయ ముఖ్య అర్చకుడు శివకుమార్‌, ఆలయ సిబ్బంది పాల్గొన్నారు. కుక్కల దాడిలో గొర్రె పిల్లలు మృతి ెపద్దకడబూరు : కుక్కల దాడిలో దాదాపు 40 గొర్రె పిల్లలకు పైగా మృతి చెందిన సంఘటన మండల పరిధిలోని జాలవాడి గ్రామంలో గురువారం చోటుచేసుకుంది. బాధితుల వివరాల మేరకు.. గ్రామ సమీపంలో ఉన్న కురువ బీరప్ప పొలంలో దొడ్డి వేసి గొర్రెలను ఆపుతున్నారు. యథావిధిగా గురువారం రోజున ఉదయం గొర్రెలను మేతకు తీసుకెళ్లారు. అయితే 150కి పైగా ఉన్న గొర్రె పిల్లలను అక్కడే దొడ్డిలో నిలిపి వాటి చుట్టూ ఇనుప కంచెను ఏర్పాటు చేశారు. ఎన్నికల సందర్భంగా వాటికి కాపలా ఉన్న వారు ఓటు వేసేందుకు గ్రామంలోకి వెళ్లారు. మధ్యాహ్నం ఎవ్వరూ లేని సమయంలో కుక్కలు దాడి చేయడంతో 20కి పైగా గొర్రెపిల్లలు మృతిచెందగా మరో 20కి పైగా గొర్రె పిల్లలు తీవ్రంగా గాయపడ్డాయి. దీంతో రూ. 2లక్షలకు పైగా నష్టం వాటిల్లినట్లు బాధితులు కంబగిరి గోపాల్‌, మల్లయ్య, ఓంకార్‌ తెలిపారు. ప్రభుత్వం తమను ఆదుకోవాలని కోరారు.

● వైఎస్సార్‌సీపీ రాష్ట్ర వర్కింగ్‌ ప్రెసిడెంట్‌ బైరెడ్డి సిద్ధార్థరెడ్డి పగిడ్యాల: అధికార కూటమి ప్రభుత్వం నీచమైన చర్యలకు పాల్పడుతోందని వైఎస్సార్‌సీపీ రాష్ట్ర వర్కింగ్‌ ప్రెసిడెంట్‌ బైరెడ్డి సిద్ధార్థరెడ్డి విమర్శించారు. ఆయన గురువారం ముచ్చుమర్రిలోని స్వగృహంలో విలేకరులతో మాట్లాడుతూ.. ఎంపీటీసీ, జెడ్పీటీసీ ఎన్నికల్లో ఓటమి భయంతో వైఎస్సార్‌సీపీ నాయకులను ఊరూరా అక్రమ అరెస్ట్‌లు చేసి స్టేషన్లలో పెట్టారని ధ్వజమెత్తారు. నందికొట్కూరు మున్సిపాలిటీ ఎన్నికల్లో వైఎస్సార్‌సీపీకి ఓటర్లు పట్టం కట్టడాన్ని జీర్ణించుకోలేని కూటమి ప్రభుత్వం పోలీసులను అడ్డం పెట్టుకుని ఎంపీటీసీ, జెడ్పీటీసీ ఎన్నికల్లో లబ్ధిపొందేందుకు అక్రమ అరెస్ట్‌లు చేయించిందని విమర్శించారు. నామినేషన్లు వేసి ప్రచారాలు మాత్రమే తమ అభ్యర్థులు చేశారని టీడీపీ నేతల్లాగా మందు, డబ్బులు పంపిణీ చేయలేదని అయినా తమ నాయకులు, కార్యకర్తలు, పోలింగ్‌ ఏజెంట్లపై బెదిరింపులకు పాల్పడుతుండడాన్ని ప్రజలు గమనిస్తున్నారన్నారు. ఇలాంటి నీచమైన చర్యలకు పాల్పడే దానికంటే ఎంపీటీసీ, జెడ్పీటీసీ పదవులను కూడా నామినేటెడ్‌ విధానంలో ఇచ్చుకుంటే ఏ బాధ ఉండేది కాదని నిప్పులు చెరి గారు. పోలీసులు ఎన్ని నిర్బంధాలు, అక్రమ అరెస్ట్‌ లు చేసినా ప్రజల్లో వైఎస్సార్‌సీపీకి ఆదరణ తగ్గలేదన్నారు. రానున్న సాధారణ ఎన్నికల్లో ప్రజలు కూటమి ప్రభుత్వానికి తగిన గుణపాఠం చెప్పడం ఖాయమన్నారు. ప్రజలు స్వేచ్ఛాయుత వాతావరణంలో ఓట్లు వేయలేని పరిస్థితి కూటమి ప్రభుత్వంలోనే చూస్తున్నామని భవిష్యత్‌లో కూటమి చర్యలు ఏ పరిణామాలకు దారి తీస్తాయోనని ఆందోళన వ్యక్తం చేశారు. ఆయన వెంట వైఎస్సార్‌సీపీ నాయకులు, కార్యకర్తలు, అభిమానులు ఉన్నారు.

నందికొట్కూరు: ప్రసాజ్వామ్య పద్ధతిలో ఎన్నికలు జరిగితే గెలవలేమనే అక్కసుతో టీడీపీ గూండాలు దౌర్జన్యాలు, అక్రమాలకు, దాడులకు పాల్పడ్డారు. నందికొట్కూరు, మిడుతూరు, పాములపాడు వైఎస్సార్‌సీపీ నాయకులను పోలీసులు అరెస్టు చేశారు. పట్టణంలోని రూరల్‌ పోలీసు సర్కిల్‌ కార్యాలయానికి తరలించారు. నందికొట్కూరు మండలంలో ఓంకారీశ్వర్‌రెడ్డి, శంకరయ్య, శ్రీను, ఆంజనేయులు, అల్లిబాషా, బాబులాల్‌, దుబాయిబాషా, నాగార్జున, మురళి, నాగరాజు, మిడుతూరు మండలంలో శివరామకృష్ణారెడ్డి, తులసిరెడ్డి, మల్లేశ్వరరెరెడ్డి, చంద్రశేఖర్‌రెడ్డి, శివనాగిరెడ్డి, కిషోర్‌కుమార్‌రెడ్డి, ఎల్లారెడ్డి, గోపు చంద్రశేఖర్‌రెడ్డి, నాగేశ్వర్‌రెడ్డి, శివ, రాముడు,జూపాడుబంగ్లా మండలంలో నక్క మల్లయ్య, నరేష్‌రెడ్డి, మండ్లెం రమణ, తిరుమలేష్‌రెడ్డితో పాటు మరికొందరిని అరెస్టు చేసి బలవంతంగా వాహనాల్లో తీసుకెళ్లారు. సాయంత్రం వరకు వారిని స్టేషన్‌లో కూర్చొబెట్టి తర్వాత వదిలేశారు. శ్రీశైలంటెంపుల్‌: శ్రీశైల దేవస్థాన ఈఓ ఎం.శ్రీనివాసరావుకు రెండు సంవత్సరాలుగా జీతం రాకపోవడంపై పూర్తిస్థాయిలో సమగ్ర విచారణ జరిపించాలని అఖిల భారత హిందూ మహాసభ పార్టీ ఏపీ అధ్యక్షుడు గూండ్ల మల్లికార్జున డిమాండ్‌ చేశారు. ఈ మేరకు గురువారం ఓ ప్రకటన విడుదల చేశారు. శ్రీశైల దేవస్థాన ఈఓ ఎం.శ్రీనివాసరావుకు గత 21 నెలలుగా జీతం రాకపోవడం పలు సందేహాలకు తావిస్తోందని పేర్కొన్నారురు. అలాగే ఈఓ డీడీఏగా ఉండి దేవస్థాన డిప్యూటీ కార్యనిర్వహణాధికారి, సహాయ కమిషనర్‌కు జీతాలు డ్రా చేయాలని, అయితే నిబంధనలకు విరుద్ధంగా డీఈఓ డీడీఓగా ఉండడం ఏంటని ప్రశ్నించారు. ఇందుకు అనుమతులు ఎవరు ఇచ్చారని, డీడీఓ అధికారాలు మరొకరికి బదిలీ చేసేందుకు అనుమతులు ఎవరు ఇచ్చారని ప్రశ్నించారు. ఆయా అధికారాలు ఇవ్వడానికి గల కారణాలు ఎంటో ఉన్నతాధికారులు తెలపాలని డిమాండ్‌ చేశారు. ఏపీ సీఎం, దేవదాయశాఖ మంత్రి, ప్రభుత్వ ప్రధాన కార్యదర్శి తక్షణమే స్పందించి ఈ వ్యవహారంపై స్వతంత్ర ఉన్నత స్థాయి విచారణ కమిటీని ఏర్పాటు చేయాలని డిమాండ్‌ చేశారు.

గోస్పాడు: స్థానిక ఎన్నికల పోలింగ్‌ రోజున వైఎస్సార్‌సీపీ నాయకులు బయటకు రాకుండా పోలీసుల అండతో టీడీపీ నాయకులు అడ్డుకున్నారు. దీబగుంట్లలో రాష్ట్ర మార్క్‌ఫెడ్‌ మాజీ చైర్మన్‌, వైఎస్సార్‌సీపీ సీఈసీ మెంబర్‌ పీపీ నాగిరెడ్డి, శ్రీశైలం నియోజకవర్గ పరిశీలకులు మధుసూదన్‌రెడ్డిని వారి స్వగృహల్లో నిర్బంధించారు. అలాగే రాయపాడుకు చెందిన యాసం రామసుబ్బారెడ్డి, జిల్లెల్లకు చెందిన కృష్ణారెడ్డి, ఆయన తనయుడు నారాయణరెడ్డిలను గోస్పాడు స్టేషన్‌కు తరలించి నిర్బంధించారు. పరిషత్‌ ఎన్నికలను దృష్టిలో ఉంచుకొని వైఎస్సార్‌సీపీ నాయకులు బయటకు వెళ్లకుండా పోలీసులు అడ్డుకున్నారు. ఈ విషయంపై పీపీ నాగిరెడ్డి మాట్లాడుతూ ప్రజాస్వామ్య దేశంలో ప్రతిపక్ష పార్టీ నాయకులను నిబంధనల పేరుతో హౌస్‌ అరెస్ట్‌ చేయడం తగదన్నారు. ఈ నిబంధన అధికార పార్టీ నాయకులకు వర్తించేలా చూడాలన్నారు. ప్రతిపక్ష నాయకులను ఇళ్లకు పరిమితం చేసి అధికార పార్టీ నాయకులు పోలింగ్‌ కేంద్రాల వద్ద తిరగడం పద్ధతి కాదన్నారు. టీడీపీ నాయకులు రిగ్గింగ్‌, దౌర్జన్యాలను చేసుకొనేందుకే తమను గృహ నిర్బంధం చేశారన్నారు. ఓటుతో వారికి ప్రజలే తగిన విధంగా సమాధానం చెబుతారన్నారు.

కొలిమిగుండ్ల: కోర్నపల్లె సమీపంలోని గుండం ఆంజనేయస్వామి ఆలయ శివార్లలోని గుహలో గురువారం శివలింగం బయటపడింది. ఏడాదిన్నర క్రితం గుహ ఆనవాళ్లు కనిపించడంతో అబ్దులాపురం, కోర్నపల్లె గ్రామాలకు చెందిన భక్తులు ముందు భాగంలో అతి కష్టం మీద మట్టిని తొలగించగా లోపల విశాలమైన గుహ కనిపించింది. పెద్ద బండరాళ్లు అడ్డుగా ఉండటంతో అప్పట్లో పనులు విరమించారు. తాజా గా భక్తులు గుహ వద్దకు చేరుకొని అడ్డుగా ఉన్న బండరాళ్లను తొలగించి సుమారు. 120 అడుగుల మేర ముందు కెళ్లారు. లోపల ఒక చోట పీఠం మాదిరిగా ఉన్న చోట శివ లింగం కనిపించడంతో భక్తులు ఆశ్చర్యానికి గురయ్యారు. పైనుంచి తరచూ నీటి బొట్లు లింగం మీద పడుతున్న దృశ్యాలను తిలకించారు. గుహ లోపల చిమ్మ చీకటి ఉన్నా ఊపిరాడక పోయినా అతి కష్టం మీద సెల్‌ఫోన్‌ లైట్ల సాయంతో శివలింగాన్ని శుభ్రం చేశారు. అనంతరం పూజలు నిర్వహించారు. గుహలో పలు చోట్ల విశాలమైన మార్గాలు ఉన్నాయని భక్తులు పేర్కొన్నారు.

కోవెలకుంట్ల: ఆర్టీసీ బస్సులో ప్రయాణం సురక్షితం. శిక్షణ పొందిన డ్రైవర్లు ప్రయాణికులను క్షేమంగా గమ్యస్థానాలకు చేరుస్తారన్నది ఆర్టీసీ నినాదం. అలాంటిది ప్రస్తుతం ఆర్టీసీ కష్టాలతో కొట్టుమిట్టాడుతోంది. గతేడాది ఆగస్టు 15 నుంచి సీ్త్రశక్తి పథకం ద్వారా రాష్ట్ర ప్రభుత్వం మహిళలకు బస్సుల్లో ఉచిత ప్రయాణ సౌకర్యం కల్పించింది. ఈ పథకం అమలుకు పూర్తిస్థాయి చర్యలు తీసుకోకపోవడంతో ప్రయాణికులు, సంస్థలో పనిచేసే సిబ్బంది తీవ్ర ఇబ్బందులు పడుతున్నారు. నంద్యాల జిల్లాలో కోవెలకుంట్ల, బనగానపల్లె, ఆళ్లగడ్డ, డోన్‌, నంద్యా ల, ఆత్మకూరు, నందికొట్కూరు పట్టణాల్లో ఆర్టీసీ డిపోలున్నాయి. ఏడు డిపోల పరిధిలో 312 ఆర్టీసీ, 126 అద్దె బస్సుల ద్వారా ప్రయాణికులు వివిధ ప్రాంతాలకు రాకపోకలు సాగిస్తున్నారు. ఇందులో అల్ట్రా డీలక్స్‌, సూపర్‌ లగ్జరీ, ఇందిరా ఏసీ బస్సుల్లో మహిళలకు ఉచిత ప్రయాణానికి అనుమతి లేదు. దీంతో పల్లెవెలుగు, ఎక్స్‌ప్రెస్‌,ఆర్టీనరీ బస్సులు కిటకిటలాడుతున్నాయి. ఎక్స్‌ప్రెస్‌ బస్సుల్లో 51 మంది, ఆర్టీనరీ, పల్లెవెలుగు బస్సుల్లో 54 మంది సీటింగ్‌ కెపాసిటీ కాగా ప్రతి బస్సులో కెపాసిటీకి మించి ప్రయాణికులు రాకపోకలు సాగిస్తున్నారు. అస్తవ్యస్తంగా మారిన ప్రయాణం: జిల్లాలో 438 ఆర్టీసీ బస్సులుండగా 1,229 మంది డ్రైవర్లు, కండక్లర్లు విధులు నిర్వర్తిస్తున్నారు. 50 మంది ప్రయాణించాల్సిన బస్సులో 80–100 మంది దాకా రాకపోకలు సాగిస్తుండటం గమనార్హం. రద్దీ దృష్ట్యా ప్రభుత్వం బస్సుల సంఖ్య పెంచాల్సి ఉంది. అయితే పథకం ప్రారంభమై 14 నెలలు గడిచినా అలాంటి చర్యలు చేపట్టకపోవడం విచారకరం. రెన్యూవల్‌కు విముఖత ఆయా డిపోల పరిధిలో 126 అద్దె బస్సులు నడుస్తున్నాయి. 5.7 కి.మీలకు ఒక లీటర్‌ చొప్పున 420 కి.మీ.లకు డీజిల్‌ సరఫరా చేస్తారు. కి.మీకు రూ.8 చొప్పున బాడుగ చెల్లిస్తారు. డ్రైవర్‌, క్లీనర్‌, ఇతర మెయింటెనెన్స్‌ ఖర్చులు బస్సు యజమానులే పెట్టుకోవాలి. బస్సుల్లో రద్దీ పెరిగాక నిర్వహణ యాజమానులకు భారంగా మారింది. ట్రిప్పుకు 80 –100 మంది ప్రయాణికులు ఉంటుండటంతో మైలేజీ రాక అదనపు భారం పడుతోంది. లీటరు డీజిల్‌ 4.5 కి.మీలకు మించి రాకపోవడం, టైర్లు త్వరగా అరిగిపోవడం, కట్టలు విరిగిపోవడం, మె యింటెనెన్స్‌ రూపంలో వేలాది రూపాయలు వెచ్చించాల్సి వస్తోంది. ఆయా డిపోల పరిధిలో 18 అద్దెబస్సులు రెన్యూవల్‌ చేసుకోకపోవడం గమనార్హం. కోవెలకుంట్ల బస్టాండ్‌లో బస్సుల కోసం వేచి ఉన్న ప్రయాణికులు బస్సులో సీటు పట్టుకునేందుకు ఎగబడుతున్న ప్రయాణికులు నిత్యం గొడవలే! ప్రయాణికుల సంఖ్య పెరగడంతో నిత్యం ఏదో ఒకచోట గొడవలు చోటు చేసుకుంటున్నాయి. స్టేజీల వద్ద బస్సులు ఆపడం లేదని, తాము పట్టుకున్న సీట్లలో ఇతరులు కూర్చున్నారని, ఫుట్‌బోర్డ్‌పై నిలబడి, వేలాడుతూ ప్రయాణిస్తున్నారని, బస్సులో వెనక్కు వెళ్లడం లేదని, తదితర కారణాలతో ప్రయాణికులు, డ్రైవర్లు, కండకర్ల మధ్య వాగ్వాదాలు చోటుచేసుకుంటున్నాయి. కొన్ని సందర్భాల్లో మహిళలు, పురుష ప్రయాణికుల మధ్య గొడవలు తప్పడం లేదు. సీటింగ్‌ కెపాసిటీకి మించి ప్రయాణాలు చేస్తుండటంతో ఆయా డిపోల్లో 22 బస్సులను స్క్రాబ్‌ పేరుతో డిపోకే పరిమితం చేశారు.

● మంత్రి టీజీ భరత్‌కు దమ్ముంటే 23 వార్డులో రీపోలింగ్‌, రీకౌంటింగ్‌ నిర్వహించాలి ● వైఎస్సార్‌సీపీ జిల్లా అధ్యక్షుడు ఎస్వీ మోహన్‌ రెడ్డి కర్నూలు (టౌన్‌): కౌంటింగ్‌లో అనేక అక్రమాలు చేపట్టారని, తమ వద్ద ఆధారాలు ఉన్నాయని, హైకోర్టును ఆశ్రయిస్తామని వైఎస్సార్‌సీపీ జిల్లా అధ్యక్షుడు ఎస్వీ మోహన్‌ రెడ్డి అన్నారు. అవసరమైతే సుప్రీం కోర్టు దృష్టికి తీసుకెళ్లి అక్రమాలకు పాల్పడిన అధికారులు, ఎన్నికల అధికారులపై శిక్ష పడేంత వరకు వదిలేదని హెచ్చరించారు. కర్నూలులోని తన కార్యాలయంలో బుధవారం ఆయన విలేకరులతో మాట్లాడారు. తెలుగుదేశం పార్టీ ఎన్నికల ఏజెంటుగా మున్సిపల్‌ కమిషనర్‌ చల్లా ఓబులేసు వ్యవహరించారని ఎస్వీ విమర్శించారు. రిటర్నింగ్‌ అధికారులపై తీవ్రమైన ఒత్తిడి తీసుకువచ్చి విజయాన్ని సాధించిన వైఎస్సార్‌సీపీ కార్పొరేటర్‌ అభ్యర్థులను కాదని టీడీపీకి డిక్లరేషన్‌ ఇప్పించారన్నారు. వైఎస్సార్‌సీపీ అభ్యర్థులు 50, 52, 23 వార్డుల్లో గెలిచినా రీకౌంటింగ్‌ పేరుతో తిరస్కరణకు గురైన ఓట్లను కలిపేసి టీడీపీ అభ్యర్థులు గెలిచినట్లు ప్రకటించారన్నారు. ఇలా అనేక వార్డుల్లో దౌర్జన్యం.. దుర్మార్గం చేశారన్నారు. మంత్రి టీజీ భరత్‌కు దమ్ముంటే 23వ వార్డులో రీపోలింగ్‌, రీకౌంటింగ్‌కు ముందుకు వస్తారా.. అని సవాల్‌విసిరారు. దుర్మార్గాలు, దౌర్జన్యాలు చేసిన అధికార పార్టీకి ఎదురొడ్డి నిలిచి గెలిచిన వైఎస్సార్‌సీపీ కార్పొరేటర్లకు ఎస్వీ అభినందనలు తెలిపారు. ప్రభుత్వంపై తీవ్ర వ్యతిరేకత వైఎస్సార్‌సీపీ మహిళా విభాగం రాష్ట్ర వర్కింగ్‌ ప్రెసిండెంట్‌ ఎస్వీ విజయ మనోహరి మాట్లాడుతూ.. కర్నూలు కార్పొరేషన్‌ ఎన్నికల నోటిఫికేషన్‌ నుంచి ఫలితాలు వరకు వైఎస్సార్‌సీపీ అభ్యర్థులను పోలీసులతో బెదిరించారన్నారు. మంత్రి ప్రోద్బలంతోనే కమిషనర్‌ అక్రమాలకు పాల్పడ్డారన్నారు. కర్నూలు నగర వైఎస్సార్‌సీపీ మేయర్‌ అభ్యర్థి సుశీల మాట్లాడుతూ.. రెండున్నరేళ్లలో నిర్వహించిన ఎన్నికల్లో తనకు లక్ష ఓట్లు వచ్చాయని, ప్రభుత్వంపై తీవ్రమైన వ్యతిరేకతకు ఇదే నిదర్శనమన్నారు. కర్నూలు మాజీ ఎమ్మెల్యే హఫీజ్‌ ఖాన్‌ మాట్లాడుతూ.. కర్నూలు పాతబస్తీని లక్ష్యంగా చేసుకొని అభ్యర్థులపై, బంధువులపై మంత్రి టీజీ భరత్‌ అక్రమ కేసులు నమోదు చేయించారన్నారు. అయినా 11 మంది కార్పొరేటర్లు గెలిచారన్నారు. ఎన్ని దుర్మార్గాలు చేసినా 15వ వార్డులో వైఎస్సార్‌సీపీ కార్పొరేటరే గెలిచారన్నారు. వచ్చే 2029 సాధారణ ఎన్నికల్లో వైఎస్సార్‌సీపీ విజయం ఖాయమన్నారు. పోలీసులతో బెదిరించారు వైఎస్సార్‌సీపీ కర్నూలు నగర అధ్యక్షుడు అహమ్మద్‌ ఆలీఖాన్‌ మాట్లాడుతూ.. రెడ్‌బుక్‌ రాజ్యాంగం పేరుతో పోలింగ్‌ రోజు వైఎస్సార్‌సీపీ నేతలను గృహ నిర్భందం చేశారన్నారు. పొలింగ్‌ బూత్‌లో రిగ్గింగ్‌కు పాల్పడ్డారన్నారు. 23వ వార్డు అభ్యర్థి వెంకటరమణ మాట్లాడుతూ.. కౌంటింగ్‌ కేంద్రంలో తాను గెలిచినట్లు చెప్పి తిరిగి రీకౌంటింగ్‌ పేరుతో టీడీపీ గెలిచినట్లు ప్రకటించారన్నారు. ఇదే విషయాన్ని మంత్రి టీజీ భరత్‌ దృష్టికి తీసుకెళ్తే బయటకు పంపించడని ఆగ్రహం వ్యక్తం చేశారన్నారు. 15వ వార్డు కార్పొరేటర్‌గా గెలిచిన మల్లిఖా సుమయా మాట్లాడుతూ.. తనను ప్రచారం చేయనీయకుండా టీడీపీ నాయకులు ఇబ్బందులు పెట్టారన్నారు. విలేకరుల సమావేశంలో గెలిచిన వైఎస్సార్‌సీపీ కార్పొరేటర్లు ఎస్‌టీ షేక్‌ అహమ్మద్‌, షేక్‌ జుబేర్‌, మహమ్మద్‌ ఖలీల్‌, ఉస్తాద్‌ నర్గీస్‌ అలీ, అర్షియా ఫర్హీన్‌, షేక్‌ మహబూబ్‌బీ, కురువ దీప్తి, జగ్గుల శరణమ్మ, సంధ్య పోగు సౌజన్యలు పాల్గొన్నారు.

కర్నూలు (టౌన్‌): అప్రజాస్వామికంగా నిర్వహించిన బోగస్‌ ఎన్నికలకు ప్రజాధనం వృథా చేశారని జిల్లా గ్రంథాలయ సంస్థ మాజీ చైర్మన్‌, వైఎస్సార్‌సీపీ రాష్ట్ర కార్యదర్శి మద్దూరు సుభాష్‌ చంద్రబోస్‌ విమర్శించారు. ఆయన బుధవారం తన కార్యాలయంలో మాట్లాడుతూ.. అధికారం అడ్డుపెట్టుకొని కూటమి ప్రభుత్వం మున్సిపాలిటీలు, కార్పొరేషన్‌ ఎన్నికల్లో నామినేషన్ల నుంచి కూటమి నాయకులు వైఎస్సార్‌సీపీ అభ్యర్థులపై దాడులు, దౌర్జన్యాలు చేశారన్నారు. పోలింగ్‌ రోజున బూత్‌లను ఆక్రమించి నిస్సిగ్గుగా రిగ్గింగ్‌, సైక్లింగ్‌ ద్వారా దొంగ ఓట్లు వేసుకున్నారని ధ్వజమెత్తారు. చివరకు కౌంటింగ్‌ కేంద్రాల్లో కొన్ని చోట్ల వైఎస్సార్‌సీపీ అభ్యర్థులు గెలుపొందినా కౌంటింగ్‌ అధికారులపై ఒత్తిడితెచ్చి టీడీపీ అభ్యర్థులు గెలుపొందినట్లు డిక్లరేషన్‌ చేయించుకునే స్థితికి దిగజారరని యద్దేవా చేశారు. స్థానిక సంస్థల ఎన్నికల్లో గతంలో ఎప్పుడూ ఇంత అరాచకాలు జరగలేదని రాష్ట్రంలో గత నాలుగు దశాబ్దాలుగా ఎన్నికల్లో ఇటువంటి హింస జరగలేదన్నారు. ముఖ్యమంత్రి చంద్రబాబు నాయుడు తన పాలనలో ఇంత హింసాత్మకంగా, దౌర్జన్యంగా ఎన్నికలు నిర్వహించడాన్ని ప్రజలు ఛీ కొడుతున్నారన్నారు. అధికారం ఉపయోగించి అక్రమ మార్గాల్లో గెలుపొందిన కూటమి నాయకులది గెలుపే కాదని విమర్శించారు. ప్రజా వ్యతిరేక పాలన సాగిస్తున్న కూటమికి పాపం పండక తప్పదని హెచ్చరించారు. కుక్కల దాడిలో జింక పిల్ల మృతి డోన్‌ టౌన్‌: మండలంలోని వెంకటాపురం గ్రామ సమీప పొలాల్లో బుధవారం వీధికుక్కలు దాడి చేయడంతో ఒక నెల వయసున్న జింక పిల్ల మృతి చెందింది. గ్రామ సమీపంలోని మాగాణి ప్రాంతంలో వందల సంఖ్యలో జింకలు సంచరిస్తుంటాయి. ఇటీవల జన్మించిన ఒక జింక పిల్ల తల్లితో వెళుతుండగా వీధి కుక్కలు వెంబడించాయి. బెదిరిన తల్లి పారిపోగా జింక పిల్ల కుక్కలకు చిక్కడంతో కొరికి చంపినట్లు పశువుల కాపర్లు తెలిపారు. జింక పిల్ల కళేబరాన్ని కుక్కలు పీక్కుతిన్నట్లు తెలిసింది. అటవీశాఖ అధికారులు ఇక్కడ సంచరించే జింకలను సంరక్షణ కేంద్రాలకు తరలించాలని, దీంతో వాటి సంతతి పెరుగుదలతో పాటు రైతుల పొలాలను కాపాడిన వారు అవుతారని ప్రజలు భావిస్తున్నారు. 7న రగ్బీ జట్ల ఎంపిక కర్నూల్‌ టౌన్‌: స్థానిక స్పోర్ట్స్‌ అథారిటీ అవుట్‌డోర్‌ స్టేడియంలో ఈనెల 7వ తేదీన ఉమ్మడి జిల్లాస్థాయి సబ్‌ జూనియర్‌ అండర్‌ –15 రగ్బీ జట్ల ఎంపిక పోటీలు నిర్వహించనున్నట్లు జిల్లా రగ్బీ సంఘం కార్యదర్శి రామాంజనేయులు బుధవారం ఒక ప్రకటనలో తెలిపారు. 2011, 2012, 2013 సంవత్సరాల్లో జన్మించిన బాలబాలికలు ఈ ఎంపిక పోటీల్లో పాల్గొనేందుకు అర్హులని తెలిపారు. ప్రతిభ కనబరచి ఎంపికై న క్రీడాకారులు ఈనెల 14, 15 తేదీల్లో విశాఖపట్నంలో నిర్వహించే రాష్ట్రస్థాయి రగ్బీ సబ్‌ జూనియర్‌ చాంపియన్‌షిప్‌ పోటీల్లో పాల్గొంటారని వెల్లడించారు. ఆసక్తి కలిగి ఎంపిక పోటీల్లో పాల్గొనే క్రీడాకారులు ఆధార్‌ జిరాక్స్‌ వెంట తీసుకురావాలని సూచించారు. టిప్పర్‌ ఢీకొని వ్యక్తికి తీవ్ర గాయాలు మహానంది: మహానంది మండలం గాజులపల్లె రైల్వేస్టేషన్‌ వద్ద హైవే నిర్మాణం కోసం మట్టిని తరలిస్తున్న టిప్పర్‌ ఢీకొన్న సంఘటనలో ఒకరికి తీవ్ర గాయాలయ్యాయి. గ్రామానికి చెందిన ఎర్రమల మద్దిలేటి అలియాస్‌ చిన్న కిట్టు స్కూటర్‌పై ఇంటికి వస్తుండగా వేగంగా దూసుకొచ్చిన టిప్పర్‌ ఢీకొట్టడంతో తీవ్ర గాయాలయ్యాయి. గాయపడిన మద్దిలేటిని స్థానికులు చికిత్స నిమిత్తం 108 వాహనం ద్వారా నంద్యాల ప్రభుత్వ ఆసుపత్రికి తరలించారు. కాగా ఈ మార్గంలో మట్టి టిప్పర్‌ డ్రైవర్లు వేగంగా వెళ్తుండటం వలన తరచూ ప్రమాదాలు జరుగుతున్నాయి. రెండు రోజుల క్రితం అయ్యన్న నగర్‌ గ్రామస్తులు మట్టి టిప్పర్లను అడ్డుకొని నిరసన వ్యక్తం చేసిన విషయం తెలిసిందే అనుమానితులపై నిఘామహానంది: మహానంది మండలంలో జెడ్పీటీసీ, ఎంపీటీసీ ఎన్నికల సందర్భంగా పోలీసులు అనుమానితులపై నిఘా ఉంచారు. ఈ మేరకు మహానందిలోని ఒక కమ్యూనిటీ సత్రం వద్ద కొత్తవారు సంచరిస్తుండటంతో సమాచారం మేరకు బుధవారం రాత్రి పోలీసులు విచారణ చేశారు. అయితే వారు ఓ వివాహానికి హాజరయ్యామని చెప్పడంతో పూర్తి వివరాలు సేకరించి పంపించినట్లు మహానంది పోలీసులు తెలిపారు. ఇదిలా ఉండగా దేవస్థానం పరిధిలోని లాడ్జీల్లో గుర్తు తెలియని వారికి, పది నుంచి 15 మంది గుంపులుగా వస్తే వసతి గదులు ఇవ్వవద్దని పోలీసులు ఆదేశించినట్లు వివిధ లాడ్జీల నిర్వాహకులు తెలిపారు. పోలింగ్‌ సందర్భంగా ఎలాంటి అవాంఛనీయ సంఘటనలు చోటు చేసుకోకుండా పోలీసులు బందోబస్తు నిర్వహిస్తున్నారు. సుభాష్‌ చంద్రబోస్‌, వైఎస్సార్‌సీపీ రాష్ట్ర కార్యదర్శి

కర్నూలు(సెంట్రల్‌): బ్రిక్స్‌ సుస్థిర జీవనశైలి వారోత్సవాల్ల్లో భాగంగా చిరుధాన్యాల వినియోగం అలవాటు చేసుకోవాలని ఏపీ పీసీబీ ప్రాంతీయాధికారి పీవీ కిశోర్‌రెడ్డి విద్యార్థులకు సూచించారు. బుధవారం పీసీబీ ఆధ్వర్యంలో కర్నూలు, నంద్యాల జిల్లాల్లోని ప్రధాన పరిశ్రమల్లోని కార్మికులకు హెల్త్‌ కేర్‌ ఫెసిలిటీస్‌పై అవగాహన కార్యక్రమాలు నిర్వహించారు. అలాగే పిల్లల్లో సుస్థిర జీవనశైలి పెంపొందించడానికి కర్నూలులోని ప్రభుత్వ బీసీ హాస్టల్‌, ఎస్సీ హాస్టల్‌ – ఆనంద–నిలయం (అనాథ) హాస్టల్‌ విద్యార్థులకు బ్రిక్స్‌ సుస్థిర జీవనశైలి వారోత్సవం – సుస్థిర ఆహార వ్యవస్థలను అలవరచుకోండి‘ అనే అంశంపై బొమ్మలు గీయడం, వ్యాసరచన పోటీలు నిర్వహించారు. ఈ సందర్భంగా ఆయన మాట్లాడుతూ.. రోజువారీ ఆహారంలో చిరుధాన్యాలను భాగం చేసుకోవాలని, పర్యావరణం కోసం జీవనశైలిని ప్రోత్సహించాలని పిలుపునిచ్చారు. అనంతరం పర్యావరణ పరిరక్షణ కోసం ప్రతిజ్ఞ, చిరుధాన్యాల భోజనం వినియోగ కార్యక్రమాలను నిర్వహించారు.

జూపాడుబంగ్లా: మండలంలోని తర్తూరు గ్రామంలో బుధవారం సాయంత్రం మాజీ సర్పంచ్‌ శివరామకృష్ణారెడ్డి ఓటర్లకు డబ్బులు పంపిణీ చేస్తున్నారనే అనుమానంతో పోలీసులు అదుపులోకి తీసుకొని పోలీసుస్టేషన్‌కు తరలించారు. విషయం తెలుసుకున్న గ్రామ వైఎస్సార్‌సీపీ ఎంపీటీసీ అభ్యర్థి అబ్బిరెడ్డిగారి జయశ్రీ, భర్త నరేష్‌రెడ్డి, మామ రాధాకృష్ణారెడ్డి పోలీసుస్టేషన్‌ వద్దకు చేరుకోగా ఎస్‌ఐ మల్లికార్జున మొదట శివరామకృష్ణారెడ్డిపై మాత్రమే చర్యలు తీసుకుంటామని పేర్కొన్నట్లు బాధితులు తెలిపారు. తర్వాత మాట మార్చి అభ్యర్థి భర్త నరేష్‌రెడ్డి, మామ రాధాకృష్ణారెడ్డిపై కూడా చర్యలు తీసుకుంటామని పేర్కొనటంతో వారు భయాందోళనకు గురయ్యారు. పోలీసు అదుపులో ఉన్న వ్యక్తిని చూడటానికి వచ్చిన తమపై కేసులు పెట్టడం తగదని వేడుకున్నా ఎస్‌ఐ వదిలిపెట్టలేదని ఆవేదన వ్యక్తం చేశారు. టీడీపీ నాయకులు గ్రామంలో యథేచ్ఛగా డబ్బులు పంపిణీ చేస్తున్నా పట్టించుకోని పోలీసులు కేవలం వైఎస్సార్‌సీపీ నాయకులను డబ్బులు పంచుతున్నారనే అనుమానంతో అరెస్టు చేసి భయాందోళనకు గురిచేయడం తగదని బాధితులు ఆవేదన వ్యక్తం చేశారు. ఈ విషయమై ఎస్‌ఐ మల్లికార్జునను వివరణ కోరేందుకు యత్నించగా ఆయన స్పందించలేదు.

బ్యాలెట్‌ పేపర్లు తీసుకుంటున్న పోలింగ్‌ సిబ్బందిజిల్లాలో జరుగుతున్న జెడ్పీటీసీ, ఎంపీటీసీ ఎన్నికల నిర్వహణలో ఎలాంటి ఇబ్బందులు ఎదురు కాకుండా అవసరమైన అన్ని చర్యలు చేపట్టాం. అన్ని మండల కేంద్రాలకు సకాలంలో అవసరమైన ఎన్నికల సామగ్రిని చేరవేశాం. ఆయా మండల కేంద్రాల నుంచి కూడా గ్రామాలకు చేర్చే ప్రక్రియపై పూర్తి స్థాయిలో దృష్టి కేంద్రీకరించాం. ఎన్నికల విధుల్లో ఉన్న ఉద్యోగులకు, ఓటర్లకు అన్ని పోలింగ్‌ కేంద్రాల్లో అవసరమైన సౌకర్యాలను ఏర్పాటు చేయించాం. సజావుగా ఎన్నికలను నిర్వహించేందుకు అవసరమైన అన్ని రకాల చర్యలు తీసుకున్నాం. – ఆర్‌.సుధాకర్‌రెడ్డి, స్థానిక సంస్థల ఎన్నికల అధికారి/జెడ్పీ సీఈఓ కర్నూలు(అర్బన్‌): జిల్లాలో మండల పరిషత్‌, జిల్లా పరిషత్‌ ప్రాదేశిక నియోజకవర్గ సభ్యుల ఎంపికకు నేడు ఎన్నికలు జరగనున్నాయి. ఈ ఎన్నికలకు సంబంధించిన పోలింగ్‌ ఉదయం 7 గంటల నుంచి సాయంత్రం 5 గంటల వరకు కొనసాగనుంది. జిల్లాలో మొత్తం 26 జెడ్పీటీసీ స్థానాలకు ఎన్నికలు నిర్వహిస్తున్నారు. ఈ స్థానాలకు వివిధ రాజకీయ పార్టీల నుంచి 97 మంది అభ్యర్థులు పోటీలో ఉన్నారు. జిల్లాలోని వెల్దుర్తి మినహా మిగిలిన 25 జెడ్పీటీసీ స్థానాల్లో వైఎస్సార్‌సీపీ అభ్యర్థులు బరిలో నిలిచారు. 26 మండలాల్లోని మొత్తం 432 ఎంపీటీసీ స్థానాలకు గాను 74 స్థానాలు ఏకగ్రీవం కాగా, మిగిలిన 358 స్థానాలకు ఎన్నికలు జరుగుతున్నాయి. ఈ స్థానాలకు మొత్తం 907 మంది అభ్యర్థులు పోటీ చేస్తున్నారు. ఎన్నికలు జరుగుతున్న ఎంపీటీసీ, జెడ్పీటీసీ స్థానాల్లో అధికార కూటమి పార్టీలకు చెందిన అభ్యర్థులకు ధీటుగా ఎన్ని అవాంతరాలు ఎదురైనా, వైఎస్సార్‌సీపీ అభ్యర్థులు ధైర్యంగా ఎన్నికల బరిలో నిలిచారు. 1,432 కేంద్రాల్లో పోలింగ్‌ జిల్లాలోని 26 మండలాలకు చెందిన 648 లోకేషన్లలో 1,432 పోలింగ్‌ కేంద్రాలను ఏర్పాటు చేశారు. ఇందు లో అత్యంత సమస్యాత్మక పోలింగ్‌ కేంద్రాలుగా 299, సమస్యాత్మక పోలింగ్‌ కేంద్రాలుగా 398, సాధారణ పోలింగ్‌ కేంద్రాలుగా 735ను గుర్తించారు. ఈ పోలింగ్‌ కేంద్రాల్లో పోలింగ్‌ను ప్రశాంత వాతావరణంలో నిర్వహించేందుకు వీలుగా అవసరమైన మేర రక్షణ, భద్రత ఏర్పాట్లు కూడా చేపట్టారు. అలాగే అత్యంత సమస్యాత్మక, సమస్యాత్మక పోలింగ్‌ కేంద్రాల్లో పోలింగ్‌ సరళిని పర్యవేక్షించేందుకు 255 మంది సూక్ష్మ పరిశీలకులను ( మైక్రో అబ్జర్వర్లు ) నియమించారు. ఈ నేపథ్యంలోనే 697 అత్యంత సమస్యాత్మక, సమస్యాత్మక కేంద్రాల్లో జరిగే ఓటింగ్‌ను వెబ్‌క్యాస్టింగ్‌ చేయనున్నారు. అలాగే 735 సాధారణ పోలింగ్‌ కేంద్రాల్లో జరిగే ఓటింగ్‌ను వీడియోగ్రఫీ చేయనున్నారు. ఎన్నికల నిర్వహణను పరిశీలించేందుకు 52 ఫ్లైయింగ్‌ స్వ్కాడ్‌ బృందాలు, 52 స్టాటిక్‌ సర్వైలెన్స్‌ బృందాలను ఏర్పాటు చేశారు. ఎన్నికల విధుల్లో 8,681 మంది ఉద్యోగులు ఈ నెల 5వ తేదిన జరగనున్న ఎంపీటీసీ, జెడ్పీటీసీ ఎన్నికల కు సంబంధించి వివిధ కేడర్లలో మొత్తం 8,681 మంది అధికారులు, ఉద్యోగులు ఎన్నికల విధుల్లో పా ల్గొంటున్నారు. జిల్లాలోని 26 మండలాల్లో ఈ ఎన్నికలు జ రుగుతున్నాయి.మొత్తం 1432 పోలింగ్‌ కేంద్రాల్లో జరగనున్న ఈ ఎన్నికల్లో 1575 మంది ప్రిసైడింగ్‌ అధికారులు, 1578 మంది ఏపీఓలు, 5128 మంది ఓపీఓలు, రిజర్వులో 100 మంది విధులు నిర్వహించనున్నారు. ఎన్నికలకు అన్ని ఏర్పాట్లు పూరి్త కర్నూలు(సెంట్రల్‌): ఎంపీటీసీ, జెడ్పీటీసీ ఎన్నికల నిర్వహణకు అన్ని ఏర్పాట్లు పూర్తయ్యాయని జిల్లా కలెక్టర్‌/జిల్లా ఎన్నికల అధికారి డాక్టర్‌ ఏ.సిరి తెలిపారు. బుధవారం ఆమె కలెక్టరేట్‌లోని తన కార్యాలయంలో మాట్లాడుతూ ఓటర్‌ స్లిప్‌ ఉన్నా, లేకపోయినా 20 రకాల గుర్తింపు కార్డుల్లో ఏదో ఒకటి చూపి ఓటు హక్కు వినియోగించుకోవచ్చన్నారు. ఈనెల 7వ తేదీ ఉదయం 8 గంటల నుంచి ఓట్ల లెక్కింపు ప్రక్రియ ప్రారంభమవుతుందన్నారు. జిల్లా వ్యాప్తంగా 648 ప్రాంతాల్లో మొత్తం 1,432 పోలింగ్‌ కేంద్రాలను ఏర్పాటు చేశామన్నారు. పోలింగ్‌ కేంద్రాల్లో జరిగే కౌంటింగ్‌ ప్రక్రియను సీసీ కెమెరాల ద్వారా పర్యవేక్షిస్తామన్నారు. జిల్లాలో ఓటర్ల వివరాలు ... మండలాల వారీగా ఏకగ్రీవమైన ఎంపీటీసీలు కోసిగి 20, వెల్దుర్తి 15, క్రిష్ణగిరి 12, పత్తికొండ 06, హాలహర్వి 04, మంత్రాలయం 03, ఆలూరు 03, హోళగుంద 03, కర్నూలు రూరల్‌ 05, కౌతాళం 02, చిప్పగిరి మండలంలో 01 ఎంపీటీసీ స్థానం ఏకగ్రీవమయ్యాయి. 26 జెడ్పీటీసీ, 358 ఎంపీటీసీ స్థానాలకు పోలింగ్‌ గ్రామాలకు తరలిన ఎన్నికల సామాగ్రి జిల్లా పరిషత్‌ నుంచి జిల్లా మండల కేంద్రాలకు చేరిన ఎన్నికల సామగ్రి బుదవారం ఉదయం నుంచి ఆయా మండల కేంద్రాల నుంచి ప్రిసైడింగ్‌ అఫీ సర్లు,ఆర్‌ఓ, ఎంపీడీఓల పర్యవేక్షణలో గ్రామాలకు చేరింది.ప్రత్యేకంగా ఎన్నికల నిర్వహణ కోసం కేటాయించిన ఆర్‌టీసీ బస్సులు,ఇతర వాహనా ల్లో బ్యాలెట్‌ బాక్సులు,బ్యాలెట్‌ పేపర్ల ట్రంకు పె ట్టెలు, ఇతరత్రా స్టేషనరీని ఆయా కేంద్రాల్లో ఎన్ని కల విధులు నిర్వహించనున్న ఉద్యోగులు తీసుకు వెళ్లారు.పోలింగ్‌ ప్రక్రియ ముగిసిన అనంతరం జిల్లాలోని వివిధ ప్రాంతాల్లో ఏర్పాటు చేసిన 29 స్ట్రాంగ్‌ రూమ్స్‌లో బ్యాలెట్‌ బాక్సులను భద్రపరచనున్నారు. పోలింగ్‌ సామగ్రిని తీసుకుంటూ..బ్యాలెట్‌ బాక్స్‌ను తీసుకెళ్తూ...

● సమస్యాత్మక ప్రాంతాలపై ప్రత్యేక నిఘా ● పలు పోలింగ్‌ కేంద్రాలను తనిఖీ చేసిన ఎస్పీ విక్రాంత్‌ పాటిల్‌ కర్నూలు(అగ్రికల్చర్‌): జిల్లావ్యాప్తంగా గురువారం జరగనున్న జెడ్పీటీసీ, ఎంపీటీసీ ఎన్నికల నేపథ్యంలో జిల్లా ఎస్పీ విక్రాంత్‌ పాటిల్‌ వివిధ ప్రాంతాల్లో పర్యటించారు. పోలింగ్‌ కేంద్రాలు, ఎన్నికలు ప్రశాంతంగా నిర్వహించేందుకు తీసుకున్న బందోబస్తు ఏర్పాట్లపై సమీక్ష నిర్వహించారు. కోడుమూరు, గోనెగండ్ల మండలం కుర్నూరు, కప్పట్రాళ్ల, హోసూరు, ఆస్పరి తదితర గ్రామాల్లో ఏర్పాటు చేసిన పోలింగ్‌ కేంద్రాలను క్షేత్రస్థాయిలో పరిశీలించారు. పోలింగ్‌ కేంద్రాల వద్ద చేపట్టిన భద్రత ఏర్పాట్లు, బందోబస్తును పరిశీలించి అక్కడ విధుల్లో ఉన్న అధికారులకు పలు కీలక సూచనలు చేశారు. ఎన్నికలు ప్రశాంత వాతావరణంలో, నిస్పక్షపాతంగా జరిగే విధంగా పోలీసు సిబ్బంది అప్రమత్తంగా ఉండి విధులు నిర్వహించాలని సూచించారు. ఎలాంటి అవాంఛనీయ సంఘటనలకు తావు లేకుండా పకడ్బందీగా ముందస్తు జాగ్రత్తలు తీసుకోవాలని, సమస్యాత్మక ప్రాంతాలపై ప్రత్యేక నిఘా ఉంచాలని ఆదేశించారు. విధుల్లో ఎవరూ నిర్లక్ష్యం, అలసత్వం వహించకుండా సమన్వయంతో బాధ్యతాయుతంగా పనిచేయాలని పేర్కొన్నారు. కర్నూలు డీఎస్పీ రాఘవేంద్ర, సీఐలు మధుసూదన్‌ రావు, తబ్రేజ్‌, శేషయ్య, ధనుంజయ, మన్సూరుద్దీన్‌, నాగరాజరావు, కోడుమూరు ఎస్‌ఐ బీవై స్వామి తదితరులు పాల్గొన్నారు.

● 1.5 కిలోల గంజాయి, రెండు వాహనాలు స్వాధీనం కర్నూలు(అగ్రికల్చర్‌): కర్నూలు నగర శివారులోని మునగాలపాడు బ్రిడ్జి వద్ద గంజాయి విక్రయిస్తున్న ఈడిగ శ్రీనివాసులు గౌడ్‌ అనే వ్యక్తిని ఎకై ్సజ్‌ అధికారులు అరెస్టు చేశారు. ఈ దాడుల్లో నిందితుడి వద్ద నుంచి 1.5 కిలోల గంజాయిని, గంజాయి విక్రయాలకు ఉపయోగిస్తున్న ఒక యాక్టివా (నంబర్‌ లేని) ద్విచక్ర వాహనం, ఒక మహీంద్ర బొలెరో (ఏపీ 21 బీజీ 6966) వాహనాన్ని స్వాధీనం చేసుకున్నారు. నిందితుడు శ్రీనివాసులు గౌడ్‌ టీచర్స్‌ కాలనీకి చెందిన వ్యక్తిగా గుర్తించినట్లు ఎకై ్సజ్‌ పోలీసులు తెలిపారు. ఇతను కొంతకాలంగా గంజాయి విక్రయాలకు పాల్పడుతున్నట్లు అందిన సమాచారంతో నిఘా ఉంచి అరెస్టు చేసినట్లు పేర్కొన్నారు. సదరు నిందితుడు గతేడాది సెప్టెంబర్‌లో 420 గ్రాముల గంజాయితో పట్టుబడి రిమాండ్‌కు తరలించబడ్డాడని, అనంతరం బయటకు వచ్చిన తర్వాత కూడా గంజాయి విక్రయాలు కొనసాగిస్తూ రెండోసారి పట్టుబడ్డాడని తెలిపారు. గంజాయి వంటి మాదక ద్రవ్యాల అక్రమ రవాణా, విక్రయాలపై ప్రొహిబిషన్‌ అండ్‌ ఎకై ్సజ్‌ శాఖ నిరంతరం నిఘా కొనసాగిస్తుందని, ఇలాంటి అక్రమ కార్యకలాపాలకు పాల్పడే వారిపై చట్టపరమైన చర్యలు తీసుకుంటామన్నారు. ఈ దాడుల్లో ఎకై ్సజ్‌ ఇన్‌స్పెక్టర్‌ చంద్రహాస్‌, ఎస్‌ఐలు నవీన్‌కుమార్‌, రెహనా, ట్రైనీ ఎస్‌ఐలు హరికృష్ణ, శృతి, మౌనిక, హెడ్‌ కానిస్టేబుల్‌ నరసింహులు, కానిస్టేబుళ్లు రామచంద్ర, సూర్యనారాయణ తదితరులు పాల్గొన్నారు.

● తిరస్కరించిన ఓట్లను టీడీపీ అభ్యర్థికి కలిపించిన మంత్రి టీజీ భరత్‌ కర్నూలు(సెంట్రల్‌): నేను 59 ఓట్లతో గెలుపు సాధించినా మంత్రి టీజీ భరత్‌ ప్రోద్బలంతోనే ఓడినట్టు కర్నూలు కమిషనర్‌ ప్రకటించారని వైఎస్సార్‌సీపీ 23వ వార్డు అభ్యర్థి ఎస్‌.వెంకటరమణ ఆవేదన వ్యక్తం చేశారు. తనకు న్యాయం చేయాలని కోరుతూ బుధవారం ఆయన కలెక్టరేట్‌ ఎదుట ధర్నా చేశారు. ఈ సందర్భంగా ఆయన మాట్లాడుతూ 23వ వార్డుకు సంబంధించి 6వ రౌండ్‌ వరకు తనకు 2,336 ఓట్లు, టీడీపీ అభ్యర్థికి 2,278 ఓట్లు పడ్డాయని, 59 ఓట్లతో గెలుపొందినట్లు ఆర్‌ఓ డిక్లరేషన్‌ ఫారమ్‌ రాస్తుండగా మంత్రి టీజీ భరత్‌గుప్తా ఆదేశాలతో మునిసిపల్‌ కమిషనర్‌ చల్లా ఓబులేసు కలుగజేసుకొని అడ్డుకున్నారన్నారు. ఆయన స్వయంగా చెల్లని ఓట్లను టీడీపీ అభ్యర్థి ఖాతాలో వేసి ఆయన 35 ఓట్లతో గెలుపొందినట్లు ప్రకటించారన్నారు. ఇది చాలా అన్యాయమని, గెలిచినా తనను ఓడినట్లు అధికారులు ప్రకటించడం దారుణమన్నారు. తనకు న్యాయం జరగకపోతే టీజీ భరత్‌ గుప్తానే తన చావుకు కారణమవుతారని, ఆయన ఇంటి ఎదుటే ఆత్మహత్య చేసుకుంటానని హెచ్చరించారు. అనంతరం కలెక్టర్‌ డాక్టర్‌ ఎ.సిరిని కలిసి తన ఆవేదనను విపించగా ఆమె కోర్టుకు వెళ్లమని చెప్పినట్లు వివరించారు. వైఎస్సార్‌సీపీ నాయకులు షరీఫ్‌, యాట ఓబులేసు, మాల సంఘం జిల్లా అధ్యక్షుడు మాధ్వస్వామి పాల్గొన్నారు.

కర్నూలు: నగర శివారులోని నందికొట్కూరు రోడ్డులో సెయింట్‌ జోసెఫ్‌ జూనియర్‌ కళాశాల సమీపంలో మద్యం మత్తులో ఉన్న ఇద్దరు కారుతో బీభత్సం సృష్టించారు. కర్నూలు నుంచి వెంకాయపల్లె వైపు వెళ్తూ సెయింట్‌ జోసెఫ్‌ కళాశాల వద్ద రోడ్డు పక్కన ఆగి ఉన్న ఆటోను వేగంగా ఢీకొట్టడంతో అది ముందుకు దూసుకెళ్లి కల్వర్టును బలంగా తాకింది. ఆటోలో ఎవరూ లేకపోవడంతో ప్రమాదం తప్పింది. ఈ ప్రమాదంలో కారు పూర్తిగా ధ్వంసం కాగా, అందులో మద్యం సీసాలు, స్నాక్స్‌ లభించాయి. ఘటనపై పోలీసులు దర్యాప్తు చేస్తున్నారు. కృష్ణగిరి: జాతీయ రహదారి 44పై బుధవారం సాయంత్రం మండల పరిధిలోని అమకతాడు టోల్‌ప్లాజా సమీపాన రోడ్డు ప్రమాదం జరిగింది. టోల్‌ప్లాజా వద్ద సెన్సార్‌ టోల్‌ప్లాజా కోసం పనులు జరుగుతుండటంతో దారిని ఒక వైపు మూసి వేశారు. దీంతో వాహనాలన్నీ డోన్‌ నుంచి టోల్‌ప్లాజాకు వచ్చే దారిలో వెళుతున్నాయి. ఈ సమయంలో అమకతాడు స్టేజీ వద్ద ఓ ఆటో ప్రయాణికులను దింపేందుకు ఆగింది. వెనుక వచ్చిన టాటా ఏస్‌ డ్రైవర్‌ షేక్‌ సొహైల్‌ ఆటోను గమనించి వాహన వేగం తగ్గించాడు. ఇంతలో వెనుక వేగంగా దూసుకొచ్చిన కంటైనర్‌ టాటా ఏస్‌ వాహనాన్ని ఢీకొట్టింది. టాటాఏస్‌ ముందుకు దూసుకెళ్లగా డ్రైవర్‌ ప్రయాణికుల ఆటోను ఢీకొట్టకుండా తప్పించే క్రమంలో పక్కకు తిప్పగా సింగిల్‌ వేలో ఎదురుగా వస్తున్న లారీని ఢీకొట్టాడు. ఈ ప్రమాదంలో టాటాఏస్‌ డ్రైవర్‌ సొహైల్‌, క్లీనర్‌ ఇర్ఫాన్‌ గాయపడ్డారు. వెంటనే వారిని మెరుగైన వైద్యం కోసం కర్నూలు తరలించినట్లు స్థానికులు తెలిపారు. గాయపడ్డ డ్రైవర్‌ సొహైల్‌ కల్లూరులోని ముజఫర్‌నగర్‌ వ్యక్తి కాగా, క్లీనర్‌ ఇర్ఫాన్‌ పందిపాడు గ్రామ వాసిగా తెలిసింది.

కర్నూలు(హాస్పిటల్‌): కర్నూలు ప్రభుత్వ సర్వజన వైద్యశాలలో వైద్యులు ఒకే వేదికపై రెండు క్లిష్టమైన శస్త్రచికిత్సలను విజయవంతంగా నిర్వహించి రోగుల ప్రాణాలు కాపాడారు. రోడ్డు ప్రమాదంలో ప్లీహానికి తీవ్రగాయమైన గూడూరుకు చెందిన మాసూంమియ్య (32)కు కోత లేకుండా ల్యాపరోస్కోపిక్‌ స్ల్పీనెక్టమి గత నెల 1న విజయవంతంగా చేశారు. అలాగే ఆదోనికి చెందిన ఇక్బాల్‌బాషా (52)కు డయాఫ్రాగ్మాటిక్‌ హెర్నియా (ఊపిరితిత్తుల కింద కండ మెత్తబడటం) సమస్యకు ఆధునిక థొరకోస్కోపిక్‌ విధానంలో శస్త్రచికిత్స గత నెల 15న నిర్వహించారు. ఈ శస్త్రచికిత్సలను జనరల్‌ సర్జరీ విభాగం ప్రొఫెసర్‌ డాక్టర్‌ రామకృష్ణనాయక్‌ ఆధ్వర్యంలో అసోసియేట్‌ ప్రొఫెసర్‌ డాక్టర్‌ సబీరా, అసిస్టెంట్‌ ప్రొఫెసర్లు డాక్టర్‌ ప్రణీత్‌, డాక్టర్‌ ప్రశాంతి, పీజీ వైద్యులు డాక్టర్‌ మనోజ్‌, డాక్టర్‌ తేజ, డాక్టర్‌ అంచల్‌, డాక్టర్‌ సోమశేఖర్‌ నిర్వహించారు. రెండు వారాల అనంతరం వారు ఆరోగ్యంగా ఉండటంతో ఆసుపత్రి నుంచి డిశ్చార్జ్‌ చేశారు. తాజాగా రోగులిద్దరూ చికిత్స నిమిత్తం ఆసుపత్రికి రావడంతో మళ్లీ పరీక్షించి ఎలాంటి సమస్యా లేదని నిర్దారించుకున్నారు. వైద్యులను బుధవారం ఆసుపత్రి సూపరింటెండెంట్‌ డాక్టర్‌ కె.వెంకటేశ్వర్లు, హెచ్‌ఓడీ డాక్టర్‌ హరిచరణ్‌ అభినందించారు.

నందికొట్కూరు: మునిసిపాలిటీ చైర్‌పర్సన్‌ కుర్చీ వైఎస్సార్‌సీపీ కై వసం చేసుకోవడంతో రాష్ట్రమంతా నందికొట్కూరు వైపు చూసిందని పార్టీ రాష్ట్ర యువజన విభాగం వర్కింగ్‌ ప్రెసిడెంట్‌ బైరెడ్డి సిద్ధార్థరెడ్డి అన్నా రు. బుధవారం పట్టణంలోని వైఎస్సార్‌ కాంగ్రెస్‌ పార్టీ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు. పేద ప్రజలను ఆదుకోవడంలో, అర్హులైన వారందరికీ సంక్షేమ పథకాలు అందించడంలో టీడీపీ ప్రభుత్వం ఘోరంగా విఫలమైందన్నారు. ప్రజలు, రైతులు స్వచ్ఛందంగా వచ్చి వైఎస్సార్‌సీపీ తరఫున ప్రచారం చేశారన్నారు. ఓట్లేసి వైఎస్సార్‌సీపీ గెలిపించిన నందికొట్కూరు పట్టణ ప్రజల రుణం తీర్చుకోలేనిదన్నారు. వైఎస్సార్‌సీపీ తరఫున గెలిచిన అభ్యర్థులు వార్డుల అభివృద్ధికి కృషిచేయాలని పార్టీ నియోజకవర్గ ఇన్‌చార్జ్‌ డాక్టర్‌ దార సుధీర్‌ సూచించారు. చైర్‌పర్సన్‌ షేక్‌ ఫాతిమాబీకి సహకారం అందించాలన్నారు. రాష్ట్రంలో ఎన్నికలు సాఫీగా జరగకుండా దాడులు, దౌర్జన్యాలకు పాల్పడి టీడీపీ నేతలు ఏకగ్రీవాలు చేసుకోవడం సిగ్గు చేటన్నారు. నియోజకవర్గంలోని ప్రతి మండలంలో జెడ్పీటీసీ, ఎంపీటీసీ స్థానాల్లో వైఎస్సార్‌సీపీని గెలిపించడానికి ప్రజలు సిద్ధంగా ఉన్నారన్నారు. విలేకరుల సమావేశంలో వైఎస్సార్‌సీపీ పట్టణ అధ్యక్షుడు షేక్‌ మన్సూర్‌, పార్టీ నాయకులు పాల్గొన్నారు.

పెద్దకడబూరు: కారు ఢీకొని ఓ ద్విచక్రవాహనదా రుడు దుర్మరణం చెందాడు. బుధవారం మధ్యా హ్నం మంత్రాలయం మండలం ఓం నగర్‌ సమీపంలో ఈఘటన చోటు చేసుకుంది. మాధవరం ఎస్‌ఐ విజయ్‌కుమార్‌ తెలిపిన వివరాల మేరకు..పెద్దకడబూరు మండలం చిన్నతుంబళం గ్రామానికి చెందిన చాకలి తిక్కయ్య(45) ద్విచక్ర వాహనంపై మంత్రాలయం మండలం మాలపల్లి గ్రామం వెళ్తుండగా ఓంనగర్‌ గ్రామం సమీపంలో మంత్రాలయం నుంచి ఆదోని వెళ్తున్న కారు ఎదురుగా వచ్చి ద్విచక్ర వాహనాన్ని ఢీకొంది. కారు డ్రైవర్‌ అజాగ్రత్తతో జరిగిన ఈ ప్రమాదంలో తీవ్రంగా గాయపడిన తిక్కయ్యను చికిత్స నిమిత్తం స్థానికులు ఆదోని ఆస్పత్రికి తరలించగా కోలుకోలేక మృతి చెందాడు. మృతిడికి భార్య శాంతమ్మ, కొడుకు, కూతురు సంతానం. మృతిడి కుటుంబ సభ్యుల ఫిర్యాదు మేరకు కేసు నమోదు చేసినట్లు ఎస్‌ తెలిపారు.

కర్నూలు: ఎంపీటీసీ, జెడ్పీటీసీ ఎన్నికలకు పోలీసు శాఖ కట్టుదిట్టమైన భద్రత ఏర్పాట్లు చేసింది. సుమారు 2,155 మంది వివిధ హోదాల్లోని పోలీసు అధికారులు, సిబ్బందిని బందోబస్తు విధులకు నియమించారు. జిల్లాలో 24 ఫ్యాక్షన్‌ ప్రభావిత గ్రామాలు ఉన్నాయి. ఆయా గ్రామాలపై ప్రత్యేక నిఘా కోసం అదనపు సాయుధ బలగాలను మోహరించారు. అలాగే 94 అత్యంత సమస్యాత్మక, 162 సమస్యాత్మక పోలింగ్‌ స్టేషన్లను గుర్తించి ఆయా ప్రాంతాల పరిస్థితులకు అనుగుణంగా భద్రతా చర్యలు చేపట్టారు. మొబైల్‌ నిఘా బృందాలు సైతం ఏర్పాటయ్యాయి. సమస్యాత్మక ప్రాంతాల పోలింగ్‌ కేంద్రాల వద్ద సీసీ కెమెరాలు, వెబ్‌ క్యాస్టింగ్‌ ద్వారా కంట్రోల్‌ రూమ్‌ నుంచి నిరంతరం పర్యవేక్షించనున్నారు. ప్రాదేశిక ఎన్నికల నేపథ్యంలో ఎన్నికల నిబంధనల ప్రకారం పోలింగ్‌ కేంద్రాల పరిసరాల్లో నిషేధాజ్ఞలు అమలులో ఉంటాయి. ఇందులో భాగంగా సెక్షన్‌ 144 పోలీస్‌ యాక్ట్‌, సెక్షన్‌ 30ని అమలు చేస్తున్నారు. సోషల్‌ మీడియాపై నిఘా వాట్సాప్‌, ఫేస్‌బుక్‌ తదితర సామాజిక మాధ్యమా ల్లో రెచ్చగొట్టే పోస్టులు పెట్టినా, తప్పుడు ప్రచారం చేసినా, పుకార్లు వ్యాప్తి చేసినా సంబంధిత వ్యక్తులపై చట్టపరమైన చర్యలు తీసుకోనున్నారు. అనుమతి లేని వాహనాల్లో తిరిగితే చట్టపరమైన చర్యలతో పాటు వాహనాలను సీజ్‌ చేస్తామని ఎస్పీ విక్రాంత్‌ పాటిల్‌ హెచ్చరించారు. బందోస్తుకు వెళ్తున్న పోలీసులు

మంత్రాలయం:ప్రకృతి వైభవం, పర్యావరణ స్పృహ నిమిత్తం ప్రముఖ ఆధ్యాత్మిక కేంద్రం మంత్రాలయంలో రాఘవ సరోవర్‌ పేరుతో సరస్సు నిర్మించనున్నారు. బుధవారం రాఘవేంద్రస్వామి పీఠాధిపతి సుబుధేంద్రతీర్థులు సరస్సు నిర్మాణానికి భూమి పూజ గావించారు. 167వ జాతీయ రహదారిని ఆనుకుని చెట్నెహళ్లి గ్రామ మార్గంలోని అభయ రామ విగ్రహంతో ఈ సరోవర్‌ నిర్మాణం చేపట్టనున్నారు. 25 ఎకరాల విస్తీర్ణంలో పచ్చని చెట్లు, ఆయుర్వేద మొక్కలు, పచ్చిక మైదానాలు, వాటర్‌ ఫౌంటెన్లు ఇందులో ఏర్పాటు చేయనున్నారు. శ్రీమఠానికి విచ్చేసే భక్తులకు ఆహ్లాదం పంచేందుకు ప్రకృతి ప్రేమికుల కోసం ఈ సరోవర్‌ నిర్మిస్తున్నట్లు పీఠాధిపతి వివరించారు. సరోవర్‌ నిర్మాణానికి కర్ణాటకలోని బెంగుళూరుకు చెందిన మదన్‌పాటిల్‌ అనే వ్యాపారవేత్త రూ.25 లక్షలు విరాళంగా అందజేశారు. డాక్టర్‌ సీపీ మంజునాథ్‌, మేనేజర్లు శ్రీనివాసరావు, వెంకటేష్‌జోషి, ఈఈ సురేష్‌ కోనాపూర్‌, సంస్కృత పాఠశాల రిటైర్డు ప్రిన్సిపాల్‌ వాదీరాజాచార్‌ పాల్గొన్నారు.

ఒక్కో బస్సు రూ.52 లక్షలకు కొనుగోలు చేసి కోవెలకుంట్ల డిపోలో రెండు, అనంతపురం జిల్లా తాడిపత్రి డిపోలో మూడు బస్సులను అద్దెకు నడిపేందుకు ఒప్పందం కుదర్చుకున్నాను. సీ్త్రశక్తి పథకం అమల్లోకి వచ్చాక ప్రయాణికుల సంఖ్య పెరగడంతో డీజిల్‌ మైలేజీ రావడం లేదు. ఆర్టీసీ సరఫరా చేసే డీజిల్‌ సరిపోక రోజూ డీజిల్‌కు రూ.2 వేలు అదనపు భారం పడుతోంది. బస్సు నెలవారీకంతు, డ్రైవర్‌కు రోజుకు రూ.1,500, క్లీనర్‌కు రూ.200 వేతనం ఇవ్వాల్సి ఉండటంతో నిర్వహణ కష్టతరంగా మారింది. – సుదర్శన్‌రెడ్డి, అద్దెబస్సుల యజమాని, కోవెలకుంట్ల

● పత్తికొండ మాజీ ఎమ్మెల్యే కంగాటి శ్రీదేవి పత్తికొండ: స్థానిక సంస్థల ఎన్నికల నోటిఫికేషన్‌ వచ్చిన రోజు నుంచి వైఎస్సార్‌సీపీ నాయకులను పోలీసులు బెదిరిస్తున్నారని, వారి తీరుపై న్యాయ పోరాటం చేస్తామని పత్తికొండ మాజీ ఎమ్మెల్యే కంగాటి శ్రీదేవి అన్నారు. బుధవారం పత్తికొండ పట్టణంలోని వైఎస్సార్‌సీపీ కార్యాలయంలో విలేకరులతో ఆమె మాట్లాడారు. కృష్ణగిరి మండలంలో సీఐ యుగంధర్‌, హనుమంతరెడ్డి బెదిరింపులకు పాల్పడుతున్నారన్నారు. కృష్ణగిరి మండలంలో టీడీపీ తరఫున జెడ్పీ టీసీ అభ్యర్థి లేడని, ప్రజలు వైఎస్సార్‌సీపీ అభ్యర్థికి ఓటు వేస్తారని కారణంతో 70 మంది నాయకులను పోలీస్‌స్టేషన్‌కు పిలిపించారన్నారు. వైఎస్సార్‌సీపీకి ఏజెంట్లుగా కూర్చోవద్దని హెచ్చరికలు జారీ చేశారన్నారు. శాంతిభద్రతలకు విఘాతం కలిగినప్పుడు ఇలాంటి చర్యలకు తీసుకోవాలి తప్ప అప్రజాస్వామ్యకంగా పోలీసులు వ్యవహరిచడం తగదన్నారు. ఏజెంట్లు లేకుండా ఎన్నికల ఎలా నిర్వహిస్తారని ప్రశ్నించారు. అలాంటిప్పుడు ప్రజాతీర్పును పరిగణనలోకి తీసుకోకుండా ఎంపీటీసీ, జెడ్పీటీసీలను నామినేట్‌డ్‌గా మార్చుకోవాలని సూచించారు. నామినేషన్లు సమయంలో తనను అక్రమంగా పోలీసులు హౌస్‌ అరెస్టు చేశారన్నారు. తమ పార్టీ నాయకులను ఇబ్బందులకు గురి చేసిన పోలీసులపై వైఎస్సార్‌సీపీ అధికారంలోకి వచ్చిన తరువాత న్యాయ పోరాటం చేసి శిక్షిస్తామన్నారు. సమావేశంలో వైఎస్సార్‌సీపీ నాయకులు శ్రీరంగడు, సోమశేఖర్‌, నారాయణ్‌దాస్‌, గాంధీరెడ్డి, భాస్కర్‌నాయక్‌, రంగానాయక్‌, మహమ్మద్‌, సాబ్డిన్‌ నూర్‌భాషా, బబ్లు తదితరులు పాల్గొన్నారు.

● గోరుకల్లు ఘటన నిందితులను ఎందుకు పట్టుకోలేదు ● వైఎస్సార్‌సీపీ నంద్యాల జిల్లా అధ్యక్షుడు కాటసాని రాంభూపాల్‌రెడ్డి పాణ్యం: స్థానిక ఎన్నికల వేళ టీడీపీ నాయకుల మాయమాటలు నమ్మి మరోసారి మోసపోవద్దని వైఎస్సార్‌సీపీ నంద్యాల జిల్లా అధ్యక్షుడు కాటసాని రాంభూపాల్‌రెడ్డి అన్నారు. మంగళవారం ఆయన గోరుకల్లు, కొండజూటూరు, కౌలూ రు, మద్దూరు గ్రామాల్లో ఎన్నికల ప్రచారం చేశారు. ముందుగా గోరుకల్లులో ఆయన ఇంటింటికీ వెళ్లి ఫ్యాన్‌ గుర్తుకు ఓటు వేయాలని అభ్యర్థించారు. వైఎస్సార్‌సీపీ ఎంపీటీసీ అభ్యర్థి షేక్‌ మలాన్‌బీ, జెడ్పీటీసీ అభ్యర్థి గని సత్యాలను భారీ మెజార్టీతో గెలిపించాలన్నారు. స్థానిక రామాలయం వద్ద ఏర్పాటు చేసిన సమావేశంలో ఆయన మాట్లాడుతూ.. చేపలు పట్టుకునేందుకు గోరుకల్లు గేట్లు ఎత్తి ప్రజల ప్రాణాలతో చెలగాటమాడిన వ్యక్తులను ప్రజాప్రతినిధులుగా పోటీ చేసే అవకాశం కల్పించిన దౌర్భాగ్యమైన దుస్థితి టీడీపీకి పట్టిందన్నారు. ఘటన జరిగి రెండు నెలలు గడిచినా నిందితులను ఇప్పటి వరకు ఎందుకు పట్టుకోలేకపోయని విమర్శించారు. ప్రస్తుతం టీడీపీ తరఫున పాణ్యంలో పోటీ చేస్తున్న అభ్యర్థుల వ్యాపారం రేషన్‌ బియ్యం దందా అని, సాక్షాత్తు నంద్యాల ఎంపీ ఆధ్వర్యంలో దాడులు జరిగితే వారు వైఎస్సార్‌సీపీకి చెందిన వారంటూ ప్రచారం చేశార న్నారు. తీరా ఇప్పుడు ఆ కుటుంబాల వ్యక్తులకు టీడీపీ ఎంపీటీసీ అభ్యర్థులుగా టికెట్లు ఇవ్వడం వాస్తవం కాదా అన్నా రు. ఇలాంటి వ్యక్తులు పోటీ చేస్తున్నారని, ఓటర్లు అప్రమత్తంగా ఉండాలన్నారు. గత వైఎస్సార్‌సీపీ పాలనలో వేసిన రోడ్లు తప్పా కొత్తవి ఎక్కడ వేశారని ప్రశ్నించారు. పాణ్యం – గోరుకల్లు రోడ్లుకు ఆనాడే బీటీ రోడ్డు వేసి ప్రజల రాకపోకలు ఇబ్బందులు లేకుండా చేశామన్నారు. కాని ఇప్పుడు రోడ్డు వేసినట్లు ప్రచారం చేసుకుంటూ నవ్వులపాలవుతున్నారన్నారు. కాటసాని వెంట మాజీ జెట్పీటీసీ సభ్యులు సద్దల సూర్యనారాయణరెడ్డి, జింకల సుబ్బారెడ్డి, మాజీ సర్పంచ్‌ సద్దల సుజిత్‌రెడ్డి, రామలక్ష్మయ్య, అమర్నాథ్‌రెడ్డి, వెంకటరామిరెడ్డి, లక్ష్మీమద్దయ్య, గోపాల్‌, డాల్‌సా, బాబు, వడ్డుగండ్ల రాముడు, జయచంద్రారెడ్డి తదితరులు ఉన్నారు.

● వైఎస్సార్‌సీపీ రాష్ట్ర యువజన విభాగం వర్కింగ్‌ ప్రెసిడెంట్‌ బైరెడ్డి సిద్ధార్థరెడ్డినందికొట్కూరు: మున్సిపాలిటీ ఎన్నికల్లో నందికొట్కూరు వైఎస్సార్‌సీపీ చైర్‌ పర్సన్‌తో పాటు 23 వార్డుల్లో తమ కౌన్సిలర్లు గెలవడంతో టీడీపీ నాయకులు జీర్ణించుకోలేక దౌర్జన్యాలకు పాల్పడినా.. అధికారులను బెదిరించినా చివరకు న్యాయమే గెలిచిందని వైఎస్సార్‌సీపీ రాష్ట్ర యువజన విభాగం వర్కింగ్‌ ప్రెసిడెంట్‌ బైరెడ్డి సిద్ధార్థరెడ్డి అన్నారు. మంగళవారం పట్టణంలోని ప్రభుత్వ డిగ్రీ కళాశాల మున్సిపాలిటీ ఎన్నికల కౌంటింగ్‌ కేంద్రంలో ప్రశాంతంగా ఓట్ల లెక్కింపు కొనసాగింది. కాగా ఫలితాల్లో వైఎస్సార్‌సీపీ అభ్యర్థులు గెలుపొందుతుండటంతో టీడీపీ నాయకులు జీర్ణించుకోలేక కౌంటింగ్‌కు ఆటంకం కలిగించారు. అన్ని వార్డుల్లో రీ కౌంటింగ్‌ చేయాలంటూ అధికారులను బెదిరించారు. సర్దిచెప్పబోయిన ఆత్మకూరు రూరల్‌ సీఐ సురేష్‌ కుమార్‌రెడ్డిని చుట్టుముట్టి దాడి చేసినంత పని చేశారు. పక్కనే ఉన్న పోలీసు సిబ్బంది అక్కడికి చేరుకోవడంతో ఉద్రిక్తత పరిస్థితి నెలకొంది. కాగా టీడీపీ నేతల చేష్టలను తెలుసుకున్న బైరెడ్డి సిద్ధార్థరెడ్డి, డాక్టర్‌ దారా సుధీర్‌, నియోజకవర్గ పరిశీలకుడు బుడ్డా శేషారెడ్డి వెంటనే నందికొట్కూరు–నంద్యాల రోడ్డుపై ఆందోళనకు దిగారు. పెద్ద ఎత్తున వైఎస్సార్‌సీపీ నాయకులు, కార్యకర్తలు కౌటింగ్‌ సమీపంలోని రోడ్డుపైకి చేరుకున్నారు. ఎలాంటి ఇబ్బందులు జరగకుండా ప్రశాంతంగా కౌంటింగ్‌ నిర్వహిస్తామని డీఎస్పీ రామాజంనేయులు నాయక్‌ హామీ ఇవ్వడంతో నిరసన విరమించారు. ఈ సందర్భంగా బైరెడ్డి సిద్ధార్థరెడ్డి మాట్లాడుతూ.. మున్సిపల్‌ ఎన్నికల్లో పచ్చ గూండాలు దౌర్జన్యాలను ప్రజలు గమనిస్తున్నారన్నారు. నామినేషన్‌ మొదలు, ఓట్ల లెక్కింపు వరకు తమ అభ్యర్థులను భయపెట్టాలని చూశారన్నారు. వైఎస్సార్‌సీపీ విజయాన్ని జీర్ణించుకోలేక కౌంటింగ్‌కు ఆటంకం కలిగించడమే కాకుండా అధికారులు, పోలీసులను బెదిరించడం ఎంత వరకు సమంజసమన్నారు. ప్రజాస్వామ్యాన్ని కాపాడాలని తాము నిరసనతో అధికారుల దృష్టికి తీసుకెళ్లామన్నారు. వైఎస్సార్‌సీపీ మున్సిపల్‌ చైర్‌ పర్సన్‌ షేక్‌ ఫాతిమాబీని, కౌన్సిలర్లను గెలిపించిన నందికొట్కూరు పట్టణ ప్రజల రుణం తీర్చుకోలేనిదని చెప్పారు. పట్టణాభివృద్ధిని చేసి చూపిస్తామని స్పష్టం చేశారు.

● కేంద్ర బృందం ఎదుట రైతుల ఆవేదన జూపాడుబంగ్లా/ఆత్మకూరు: తీవ్ర వర్షాభావ పరిస్థితుల్లో పంటలు గిడసబారి, ఎండిపోయి తీవ్రంగా నష్ట పోయామని, ప్రభుత్వం ఆదుకోకపోతే ఆత్మహత్యలు శరణ్యమని.. ఆయా గ్రామాల రైతులు ఇంటర్‌ మినిస్ట్రీయల్‌ సెంట్రల్‌ టీమ్‌ ఎదుట ఆవేదన వ్యక్తం చేశారు. జిల్లాలో కరువు పరిస్థితులను పరిశీలించేందుకు మంగళవారం కేంద్ర ప్రభుత్వ డీవోడీ డైరెక్టర్‌ కే.పొన్నుస్వామి, ఎన్‌ఐటీఐ సీనియర్‌ రీసెర్చ్‌ ఆఫీసర్‌ బి.అనురాధ బఠాన, ఎన్‌పీఎంయూ పీహెచ్‌ఈ ఆర్‌ఐసీ ధీరేంద్రకుమార్‌, ఫుడ్‌అండ్‌ పీడీ సెక్రటరీ ప్రదీప్‌కుమార్‌, కేంద్ర పశుసంర్ధకశాఖ అధికారి బదౌరియాల బృందం మంగళవారం కరువు పరిస్థితులను తెలుసుకునేందుకు నందికొట్కూరుకు చేరుకుంది. జిల్లా జాయింట్‌ కలెక్టర్‌ సూరజ్‌ ధనుంజయతో కలసి నందికొట్కూరు రబ్బాని గోదాము సమీపంలోని పత్తి, మొక్కజొన్న పంటలు, తర్తూరులోని రమేష్‌రెడ్డితో పాటు మరికొంత మంది రైతుల మొక్కజొన్న, పత్తి పంటలను పరిశీలించి రైతు ల నుంచి పంట నష్టం వివరాలు తెలుసుకొన్నారు. ఏటా మొక్కజొన్న పంట ఎకరాకు 30 క్వింటాళ్ల దిగుబడి తీసేవాళ్లమని, ఈ ఏడాది క్వింటా కూడా చేతికందలేని రైతులు కేంద్రం బృందం ఎదుట ఏకరువు పెట్టారు.కేంద్ర, రాష్ట్ర ప్రభుత్వాలు పంట నష్టపరిహారం ప్రకటించి ఆదుకోకపోతే అప్పులు తీర్చలేక ఆత్మహత్య చేసుకోవాల్సి ఉంటుందని ఆవేదన వ్యక్తం చేశారు. డబ్బులు వెచ్చించి పంటలకు ఇన్సూరెన్స్‌ చెల్లించామని, పంటలు దున్నేసినా ఇప్పటిదాకా పరిహారం పైసా మంజూరు చేయలేదని వివరించారు. అనంతరం వారు విలేకరులతో మాట్లాడుతూ.. తాము పరిశీలించిన పంటల స్థితిగతులు, రైతులు తెలియజేసిన వివరాల నివేదికలను కేంద్ర ప్రభుత్వానికి అందజేస్తామన్నారు. పాములపాడు మండలంలోని కృష్ణారావుపేట, ఎర్రగూడూరు గ్రామాల్లో కలెక్టర్‌ రాజకుమారి గణియాతో కలసి కేంద్ర బృందం సభ్యులు దెబ్బతిన్న పంటలను పరిశీలించారు. ఆత్మకూరు మండలంలో కరువుపై ఏర్పాటు చేసిన ఫొటో ఎగ్జిబిషన్‌ సందర్శించారు. వీరి వెంట ఆర్డీఓ వెంకటశివ, జిల్లా వ్యవ సాయాధికారి వెంకటేశ్వర్లు వ్యవ సాయశాఖ ఏడీఏ గిరీశ్‌, ఏఓ కృష్ణారెడ్డి, కేవీకే శాస్త్రవేత్తలు, తహసీల్దార్‌ చంద్రశేఖర్‌నాయక్‌ తదితరులు పాల్గొన్నారు.

కర్నూలు(అర్బన్‌): ఈ నెల 5వ తేదీన జరగనున్న ఎంపీటీసీ, జెడ్పీటీసీ పోలింగ్‌కు సంబంధించి బ్యాలెట్‌ పేపర్లను ఉమ్మడి జిల్లాలోని అన్ని మండలాలకు పంపినట్లు స్థానిక సంస్థల ఎన్నికల అధికారి/ జెడ్పీ సీఈఓ ఆర్‌ సుధాకర్‌రెడ్డి తెలిపారు. బ్యాలెట్‌ పేపర్ల ముద్రణలో జాప్యం జరగరాదనే ఉద్దేశంతో జిల్లా ఎన్నికల అధికారి/ జిల్లా కలెక్టర్‌ డా. ఏ సిరి ఆదేశాల మేరకు స్థానిక జిల్లా పరిషత్‌ ప్రాంగణంలోని డీపీఆర్‌సీ భవనంలో బ్యాలెట్‌ పేపర్లను ముద్రించడం జరిగిందన్నారు. ముద్రించిన బ్యాలెట్‌ పేపర్లను ఈ నెల 1వ తేదీ నుంచి ఆయా మండలాలకు పంపించడం ప్రారంభిచామని, ఈ ప్రక్రియ మంగళవారం ఉదయంతో పూర్తి అయ్యిందన్నారు. ● కర్నూలు జిల్లాలో మొత్తం 432 ఎంపీటీసీ స్థానాలకు గాను 74 స్థానాలు ఏకగ్రీవం కాగా, 358 స్థానాలకు ఎన్నికలు జరుగనున్నాయన్నారు. ● నంద్యాల జిల్లాలో మొత్తం 377 ఎంపీటీసీ స్థానాలకు గాను 152 స్థానాలు ఏకగ్రీవం కాగా, మిగిలిన 225 స్థానాలకు ఎన్నికలు జరగాల్సి ఉందన్నారు. ● బనగానపల్లె మండలంలోని క్రిష్ణగిరి ఎంపీటీసీ స్థానానికి దాఖలైన నామినేషన్లన్ని తిరస్కరణకు గురి కావడంతో అక్కడ ఎన్నిక నిలిచిపోయిందన్నారు. ● నంద్యాల జిల్లాలో 224 ఎంపీటీసీ స్థానాలకు ఎన్నికలు జరగుతున్నట్లు తెలిపారు. ● కర్నూలు జిల్లాలో 26 జెడ్పీటీసీ స్థానాలకు ఎన్నికలు జరుగుతున్నట్లు తెలిపారు. ● నంద్యాల జిల్లాలో 28 జెడ్పీటీసీలకు గాను 8 స్థానాలు ఏకగ్రీవం కాగా, 20 స్థానాలకు ఎన్నికలు జరగనున్నట్లు తెలిపారు.

● 3 వేల మంది సిబ్బందితో కార్యాచరణ ప్రణాళిక ● జిల్లాలో 255 సమస్యాత్మక, అత్యంత సమస్యాత్మక గ్రామాల గుర్తింపు ● ఆయా ప్రాంతాలపై ప్రత్యేక దృష్టి కర్నూలు: పల్లె పోరుకు పోలీసు అధికార యంత్రాంగం సిద్ధమవుతోంది. ఓట్ల లెక్కింపుతో పురపాలక సంఘాల ఎన్నిక ఘట్టం ముగిసింది. ఇక మండల ప్రాదేశిక నియోజకవర్గాలు (ఎంపీటీసీ), జిల్లాపరిషత్‌ ప్రాదేశిక నియోజకవర్గాల ఎన్నికలకు సంబంధించి ఈనెల 5న పోలింగ్‌, 7న ఓట్ల లెక్కింపు, అదే రోజు ఫలితాలు వెల్లడిస్తారు. ఈ నేపథ్యంలో శాంతిభద్రతలు, బందోబస్తు, ఎన్నికల ప్రవర్తన నియమావళి అమలు తదితర అంశాలను దృష్టిలో పెట్టుకుని 3 వేల మంది సిబ్బందితో కార్యాచరణ ప్రణాళిక సిద్ధం చేస్తున్నారు. పోలీసులు పురపాలక సంఘాల ఎన్నికలకు సుమారు వారం రోజుల పాటు బందోబస్తు నిర్వహించారు. పురపోరులో అమలు చేసిన విధానాన్నే పల్లె పోరులో అమలు చేసేందుకు పోలీసు శాఖ కార్యాచరణను సిద్ధం చేసింది. బందోబస్తుకు సిబ్బంది నియామకం, పోలింగ్‌, కౌంటింగ్‌ కేంద్రాల వద్ద తలెత్తే వివాదాలను సర్దుబాటు చేసేందుకు తీసుకోవలసిన చర్యలు తదితర వాటిని దృష్టిలో పెట్టుకుని భద్రత విధులకు సిబ్బందిని కేటాయిస్తున్నారు. అదనపు బలగాలు జెడ్పీటీసీ, ఎంపీటీసీ ఎన్నికల పోలింగ్‌ గడువు కేవలం ఒక రోజు మాత్రమే ఉంది. దీంతో పోలీసు శాఖ బందోబస్తు కార్యాచరణ సిద్ధం చేసింది. జిల్లాలో 22 జెడ్పీటీసీలు, 358 ఎంపీటీసీ స్థానాలకు ఎన్నికలు జరగనున్నాయి. ఇందుకోసం 1,432 పోలింగ్‌ కేంద్రాలను ఏర్పాటు చేశారు. 94 అత్యంత సమస్యాత్మక గ్రామాల్లో 299 పోలింగ్‌ కేంద్రాలు, 161 సమస్యాత్మక గ్రామాల పరిధిలో 398 పోలింగ్‌ కేంద్రాలను గుర్తించారు. ఆయా ప్రాంతాలపై పోలీసు శాఖ ప్రత్యేక దృష్టి సారించి అదనపు బలగాలను మొహరించనుంది. ఇందుకోసం ఏపీఎస్పీ నుంచి 13 ప్లటూన్ల సిబ్బందిని వినియోగించనున్నారు. అలాగే 400 మంది ఏఆర్‌ సిబ్బంది, వివిధ విభాగాల్లో పనిచేస్తున్న మరో 100 మంది సిబ్బందిని వినియోగిస్తున్నారు. అత్యంత సమస్యాత్మక పోలింగ్‌ కేంద్రాల వద్ద అదనపు పోలీసు బలగాలను వినియోగించనున్నారు. అలాగే వీడియో చిత్రీకరణ ఉంటుంది. 26 మండలాలను 85 జోన్లుగా, 171 రూట్లుగా విభజించి అందుకు తగ్గట్టుగా వివిధ విభాగాల పోలీసు అధికారులు, సిబ్బందిని విధులకు కేటాయించనున్నారు.

కర్నూలు(అర్బన్‌): నగరంలోని రైల్వేస్టేషన్‌, బస్టాండ్‌ ప్రా ంతాల్లో గుర్తి ంచిన ఇద్దరు బాలురను సీడబ్ల్యూసీ ఆదేశాల మేరకు కడపలోని ప్రభుత్వ చిల్డ్రన్‌ హోం సంరక్షణలో ఉంచడం జరిగిందని జిల్లా మహిళ శిశు సంక్షేమ సాధికారత అధికారి కే నరసమ్మ తెలిపా రు. రైల్వేస్టేషన్‌ ప్రాంతంలో షేక్‌ తన్వీర్‌ ( 11 ), బస్టాండ్‌ ప్రాంతంలో చిన్న ( 10 )ను గుర్తించడం జరిగిందని ఆమె మంగళవారం ఒక ప్రకటనలో పేర్కొన్నారు. ఈ బాలురను క్లెయిమ్‌ చేసుకునేందుకు వీరికి జన్మనిచ్చిన తల్లిదండ్రులు గాని సంబంధీకులు ఈ ప్రకటన వెలువడిన 30 రోజుల్లోగా తగిన సాక్షాధారాలతో తమను సంప్రదించాలన్నారు. లేని పక్షంలో ఈ బాలురను వదలివేయబడిన వారిగా ప్రకటించి ప్రభుత్వ నిబంధనల మేరకు దత్తత ఇవ్వడం జరుగుతుందని ఆమె తెలిపారు. ప్రకృతి వ్యవసాయాన్ని తెలుసుకోవడం ముఖ్యం ● కెనెడా వర్సిటీ ప్రొఫెసర్‌ జయితా శర్మ వెల్దుర్తి: ప్రకృతి వ్యవసాయం ఎంతో మేలు చేస్తుందని, ప్రపంచంలోని అన్ని దేశాలు తెలుసుకోవడం ముఖ్యమని కెనెడాలోని యూనివర్సిటీ ఆఫ్‌ టోరెంటో ప్రొఫెసర్‌, పీడింగ్‌ సిటీ ల్యాబ్‌ డైరెక్టర్‌ జయితా శర్మ అన్నారు. వెల్దుర్తి మండల పరిధిలో ప్రకృతి వ్యవసాయ క్షేత్రాలను మంగళవారం ఆమె పరిశీలించారు. మల్లెపల్లె రైతు పవిత్ర చేపట్టిన ప్రకృతి వ్యవసాయ క్షేత్ర వివరాలు తెలుసుకున్నారు. మదార్‌ పురంలో రామకృష్ణారెడ్డి వ్యవసాయ వనరుల కేంద్రాన్ని, గుంటుపల్లెలో రవికుమార్‌ రెడ్డి ఉద్యాన పంటను పరిశీలించారు. పొదుపు మహిళలు చేస్తున్న ప్రకృతి వ్యవసాయాన్ని, విత్తన గుళికలు, జీవామృతం తదితరాల తయారీని డెమో ద్వారా తెలుసుకున్నారు. ఆమె వెంట పీడీ మాధురి, డీపీఎం శ్వేత, డీఎల్‌పీఎమ్‌ లక్ష్మయ్య, స్టేట్‌ టీం మెంబర్‌ స్వాతి, పీఈ సందీదప్‌ కుమార్‌, ఎన్‌ఎఫ్‌ఏ మల్లికార్జున, డీపీపీ శ్వేత, ఎఫ్‌ఎమ్‌టీలు జనార్దన్‌, జగన్‌, పరమేశ్వరుడు ఉన్నారు.

కర్నూలు(సెంట్రల్‌): కర్నూలు మునిసిపల్‌ కార్పొరేషన్‌కు సంబంధించి అథెనా స్కూల్‌లో ఏర్పాటు చేసిన కౌంటింగ్‌ కేంద్రాన్ని మంగళవారం జిల్లా కలెక్టర్‌ డాక్టర్‌ ఏ సిరి పరిశీలించారు. అక్కడున్న సిబ్బందికి పలు సూచనలు చేశారు. నిబంధనలు మేరకు కౌంటింగ్‌ను చేపట్టాలని ఆదేశించారు. పోలీసుల నిషేధాజ్ఞలు బేఖాతర్‌ కర్నూలు: పుర పోరులో చివరి అంకమైన ఓట్ల లెక్కింపు ప్రక్రియ పటిష్ట పోలీసు బందోబస్తు మధ్య సాగింది. అయితే ఫలితాలు వెలువడిన తర్వాత అధికార పార్టీ నాయకులు, కార్యకర్తలు పోలీసు నిషేధాజ్ఞలను బేఖాతర్‌ చేశారు. ఆయా కేంద్రాల వద్ద బాణసంచా కాలుస్తూ గుంపులుగా చేరి కొన్నిచోట్ల కవ్వింపు చర్యలకు పాల్పడినా పోలీసులు మిన్నకుండిపోయారు. ఎంపీటీసీ, జెడ్పీటీసీ ఎన్నికల ప్రచార కార్యక్రమాలు జరుగుతున్న నేపథ్యంలో ఊరేగింపులు, విజయోత్సవ ర్యాలీలు, బహిరంగ వేడుకలకు అనుమతి లేదని జిల్లా పోలీసు బాస్‌ స్పష్టంగా ప్రకటించినప్పటికీ అధికార పార్టీ నాయకులు సంబరాల్లో మునిగి తేలారు.

కడమకుంట్ల నుంచి లంకాయపల్లె గ్రామానికి వెళ్లేందుకు రోడ్డు సరిగ్గా లేదు. చాలా ఇబ్బంది పడుతున్నాం. వర్షాకాలంలో వానలు కురిఏ్త ఆటోలు కూడా వెళ్లలేవు. మోటారు సైకిల్పై వెళ్లే వారు కూడా పలు సందర్భాల్లో ప్రమాదాలకు గురయ్యారు. ప్రమాదాలు జరిగిన సందర్భాల్లో వారి ఇబ్బందులు వర్ణనాతీతం. ఇప్పటికై నా లంకాయపల్లె రోడ్డును బాగు చేయాల్సి ఉంది. – హనుమంతరెడ్డి, కడమకుంట్ల, తుగ్గలి మండలం సజ్జలగుడ్డం నుంచి దేవరబెట్టకు వెళ్లేందుకు నిత్యం ఇబ్బందులు పడుతున్నాం. రోడ్డు సరిగ్గా లేకపోవడంతో అవస్థలు ఎదుర్కొంటున్నాం. రోడ్డు మధ్యలో కల్వర్ట ఉంది. వర్షాలు వస్తే నీళ్లు రోడ్డు పైకి వస్తాయి. నీళ్లు తగ్గేంతవరకు రాకపోకలు ఉండవు. ఈ రోడ్డు తప్ప మాకు వేరే మార్గం లేదు. – శ్రీనివాసులు, దేవరబెట్ట, కోసిగి మండలం ● కోసిగి మండలంలోని కడదొడ్డి గ్రామ ప్రజలు కూడా రోడ్లు సౌకర్యం లేక ఇబ్బందులు పడుతున్నారు. వీరు తమ గ్రామం నుంచి మండల కేంద్రమైన కోసిగికి చేరుకోవాలంటే, కోసిగి – తుంగభద్ర వెళ్లే బస్సులో ప్రయాణించి కందుకూరు స్టేజీ వద్ద దిగి కడదొడ్డికి రెండు కిలోమీటర్లు నడచిపోవాల్సి ఉంది. గ్రామానికి వెళ్లే రోడ్డు కూడా పూర్తి స్థాయిలో శిథిలావస్థకు చేరడంతో ప్రజలు నిత్యం ఇబ్బందులను ఎదుర్కొంటున్నారు. సజ్జలగుడ్డం నుంచి దేవరబెట్టకు వెళ్లే ప్రజలు కూడా సరైన రోడ్డు సౌకర్యం లేక ఇబ్బందులు పడుతున్నారు.కర్నూలు(అర్బన్‌): జిల్లాలో పూర్తిగా శిథిలమైన రోడ్లను బాగు చేసేందుకు హార్టికల్చర్‌ ప్రాజెక్టు కింద పంపిన ప్రతిపాదనలు నేటికి కార్యరూపం దాల్చలేదు. తద్వారా గ్రామీణ ప్రజలు నిత్యం శిథిలమైన రోడ్లపై ప్రయాణాలు చేస్తు ఇబ్బందులకు గురవుతున్నారు. మూడు విడతలుగా మొత్తం 788.25 కిలోమీటర్ల మేర 232 రోడ్ల పనులను చేపట్టేందుకు పంచాయతీరాజ్‌ ఇంజినీరింగ్‌ అధికారులు రూ.570 కోట్లతో ప్రతిపాదనలు పంపారు. అయితే ఈ ప్రతిపాదనలపై ప్రభుత్వం నుంచి ఇప్పటి వరకు ఎలాంటి స్పందన లభించలేదు. అటకెక్కిన ప్రతిపాదనలు ... రాష్ట్రంలో కూటమి ప్రభుత్వం అధికారంలోకి వచ్చాక, జిల్లాలోని 721 గ్రామాల్లో నివశిస్తున్న 15,44,771 మంది ప్రజలకు రోజుకు 55 లీటర్ల మంచినీటిని అందించేందుకు రూ.2,432.31 కోట్లతో వాటర్‌గ్రిడ్‌ ప్రాజెక్టు ప్రతిపాదనలను ఆర్‌డబ్ల్యూఎస్‌ అధికారులు పంపారు. అయితే నేటికి ఈ ప్రతిపాదనలు కార్యరూపం దాల్చలేదు. ఈ ప్రాజెక్టు అమలుకు నోచుకుంటే ... కోడుమూరు, పాణ్యం, పత్తికొండ, ఆదోని, ఆలూరు, మంత్రాలయం నియోజకవర్గాలకు చెందిన గ్రామాలకు ప్రయోజనం ఉంటుంది. ప్రతి ఏటా జిల్లాలోని పశ్చిమ ప్రాంత ప్రజలు తాగునీటికి తీవ్ర ఇబ్బందులను ఎదుర్కొంటున్నారు. ఈ విషయాన్ని జిల్లాకు పలుమార్లు వచ్చిన ముఖ్యమంత్రి చంద్రబాబు దృష్టికి కూడా తీసుకువెళ్లారు. అయినా, నేటికి పలు మంచినీటి పథకాలు కార్యరూపం దాల్చకపోవడంతో జిల్లాలోని మెజారిటీ గ్రామాలు తీవ్ర తాగునీటి సమస్యను ఎదుర్కొంటున్నాయి. రుణాలు ఇవ్వకుండా.. స్వయం ఉపాధి పథకాలు ఏర్పాటు చేసుకొని ఆర్థికంగా తమ జీవన విధానాన్ని మార్చుకోవాలని ఆశపడిన పేద, మధ్యతరగతి వర్గాల ప్రజలు కూటమి ప్రభుత్వం మోసం చేసింది. ఎస్సీ, ఎస్టీ, బీసీ, మైనారిటీ కార్పొరేషన్ల ద్వారా రుణాలు అందిస్తామని చెప్పి మోసం చేయడం పట్ల ప్రజలు తమ అక్కసును వెలిబుచ్చుతున్నారు. ● ఏడాది క్రితం జిల్లాలోని బీసీ వర్గాలకు బీసీ కార్పొరేషన్‌ ద్వారా రూ.41.23 కోట్ల రుణాలు ఇస్తామని కూటమి ప్రభుత్వం ప్రకటించింది. దీంతో 2,034 మంది బీసీ కులాలకు చెందిన ప్రజలు దరఖాస్తు చేసుకున్నారు. ఈ ప్రక్రియపై నేటికి ఒక్కరికి కూడా రుణాలు అందిన దాఖలాలు లేవు. ● ఎస్సీ కార్పొరేషన్‌ ద్వారా 973 మంది దళిత వర్గాలకు చెందిన పేద ప్రజలకు రూ.4073 మందికి రుణాలు ఇస్తున్నట్లు ప్రకటించారు. అర్హులైన ఎస్సీలకు రూ.3 లక్షల నుంచి రూ.10 లక్షలకు వరుకు ( 40 నుంచి 60 శాతం సబ్సిడీ ) రుణాలు ఇస్తున్నట్లు నమ్మించారు. అయితే, నేటికి జిల్లాలోని ఎస్సీ వర్గాలకు ఎలాంటి రుణాలు ఎస్సీ కార్పొరేషన్‌ ద్వారా అందలేదు. ప్రచారంలో దూసుకుపోతున్న వైఎస్సార్‌సీపీ అభ్యర్థులు...ప్రభుత్వ ప్రజా వ్యతిరేక విధానాలే అజెండాగా జిల్లాలోని అన్ని జెడ్పీటీసీ, ఎంపీటీసీ స్థానాల్లో వైఎస్సార్‌సీపీ అభ్యర్థులు ప్రచార పర్వంలో దూసుకుపోతున్నారు. కూటమి ప్రభుత్వం అధికారంలోకి రాకముందు అసెంబ్లీ ఎన్నికల సమయంలో ఇచ్చిన హామీల్లో మెజారిటీ హామీలను నెరవేర్చలేదు. నెరవేర్చినట్లు చెబుతున్న హామీల్లో ఎదుర్కొంటున్న ఇబ్బందులను ప్రజలు వైఎస్సార్‌సీపీ అభ్యర్థుల దృష్టికి తీసుకువస్తున్నారు. పల్లెల్లో కనీసం రోడ్లు, డ్రెయినేజీలు, తాగునీరు వంటి సమస్యలను కూడా పరిష్కరించడం లేదని రెండున్నరేళ్ల కూటమి పాలనలో తమకు ఒరిగింది ఏమి లేదని, ఎక్కడి సమస్యలు అక్కడే ఉన్నాయని ప్రజలు తీవ్ర ఆందోళనను వ్యక్తం చేస్తున్నారు. ముఖ్యంగా జిల్లాలోని అన్ని ప్రాంతాల్లో కూడా వైఎస్సార్‌సీపీ నేతలు సమన్వయం, ఐకమత్యంతో ముందుకు పోతున్నారు. దీంతో ఆయా ప్రాంతాల్లో వైఎస్సార్‌సీపీ అభ్యర్థుల గ్రాఫ్‌ రోజురోజుకు పెరుగుతోంది. ప్రజల నుంచి తమకు లభిస్తున్న స్పందనతో రెట్టింపు ఉత్సాహంతో అభ్యర్థులు ప్రచారాలను హోరెత్తిస్తున్నారు. .. ఇలా జిల్లాలోని అనేక గ్రామాల ప్రజలకు నేటికీ మట్టిరోడ్లే దిక్కుగా మారాయి. ఈ రోడ్లు కూడా బాగున్నాయనుకుంటే పొరపాటే, ఈ మట్టి రోడ్లలో మెజారిటీ రోడ్లు పూర్తి శిథిలావస్థకు చేరాయి. కనీసం ఈ రోడ్లపై తట్టెడు మట్టి కూడా వేయలేని దుస్థితి. అధికారంలోకి రాక ముందు రోడ్లపై వివిధ రూపాల్లో యాగీ చేసిన కూటమి నేతలు ప్రస్తుతం నోరు మెదపడం లేదు. ప్రతి మండలంలో కనీసం నాలుగైదు గ్రామాలకు చెందిన రోడ్లు పూర్తి అధ్వాన్నంగా మారాయి. పల్లె ప్రజలను పీడిస్తున్న అనేక సమస్యలు కార్యరూపం దాల్చని హార్టికల్చర్‌ ప్రాజెక్టు ప్రతిపాదనలు అటకెక్కిన రూ.2,428.31 కోట్ల వాటర్‌ గ్రిడ్‌ ప్రతిపాదనలు రుణాలు ఇస్తామని ఊరించిన చంద్రబాబు ప్రభుత్వంపై ప్రజల అక్కసు ప్రభుత్వ వ్యతిరేకతే అజెండాగా ప్రచారాల్లో దూసుకుపోతున్న వైస్సార్‌సీపీ

కౌంటింగ్‌ కేంద్రంలోనే మంత్రి ఫరూక్‌ తనయుడు ఫిరోజ్‌ ఘర్షణ● రీకౌంటింగ్‌ పెట్టాలంటూ అధికారులపై ఒత్తిళ్లు ● మెజార్టీ వచ్చినా ఫలితాలను ప్రకటించని అధికారులు ● డిక్లరేషన్‌ ఇవ్వాలంటూ మాజీ ఎమ్మెల్యే శిల్పారవి డిమాండ్‌ ● రాజకీయ ఒత్తిళ్లకు తలొగ్గిన రిటర్నింగ్‌ అధికారులు నంద్యాల(అర్బన్‌): నంద్యాల మున్సిపల్‌ ఎన్నికల ఫలితాల్లో వైఎస్సార్‌సీపీ గెలిచిన రెండు వార్డుల డిక్లరేషన్‌ విషయంలో టీడీపీ నాయకులు పేచీ పెట్టారు. స్థానిక ప్రభుత్వ పాలిటెక్నిక్‌ కళాశాలలో మంగళవారం నిర్వహించిన మున్సిపల్‌ వార్డుల కౌంటింగ్‌లో వైఎస్సార్‌సీపీ అభ్యర్థులు విజయం సాధిస్తుండటంతో జీర్ణించుకోలేని మంత్రి ఫరూక్‌ తనయుడు ఫిరోజ్‌ రెండు వార్డుల ఫలితాలపై రీ కౌంటింగ్‌కు డిమాండ్‌ చేస్తూ డిక్లరేషన్‌ ఫారాల అందజేతకు అడ్డుపడ్డారు. పట్టణంలోని 20వ వార్డు అభ్యర్థి వెంకటరెడ్డి టీడీపీ అభ్యర్థి వెంకటేశ్వర్లుపై 8 ఓట్ల మెజార్టీతో గెలిచినట్లు రిటర్నింగ్‌ అధికారులు ప్రకటించారు. రెండు ఓట్లలో స్వస్తిక్‌ సక్రమంగా పడలేదంటూ అక్కడున్న ఏజెంట్లు అభ్యంతరం తెలిపారు. రెండు ఓట్లు పోయినా 6 ఓట్లతో గెలుపును ప్రకటించాలని మల్లు వెంకటరెడ్డి కోరినా డిక్లరేషన్‌ ఫారం ఇచ్చేందుకు ఎన్నికల అధికారులు సుముఖత చూపలేదు. 52వ వార్డులో సైతం వైఎస్సార్‌సీపీ అభ్యర్థి సావిత్రమ్మ మొదట 20 ఓట్లతో గెలుపొందడంతో టీడీపీ నాయకులు జీర్ణించుకోలేకపోయారు. రీ కౌంటింగ్‌లో 12 ఓట్ల మెజార్టీ ఉన్నట్లు అధికారులు ప్రకటించారు. మరోమారు రీకౌంటింగ్‌ నిర్వహించాలని టీడీపీ నాయకులు పట్టుబట్టారు. ఇదిలా ఉంటే గెలుపొందిన అభ్యర్థులకు డిక్లరేషన్‌ ఫారం ఇవ్వడంలో జాప్యం ఎందుకు చేస్తున్నారంటూ నంద్యాల మాజీ ఎమ్మెల్యే శిల్పా రవిచంద్రకిశోర్‌రెడ్డి అక్కడున్న రిటర్నింగ్‌ అధికారులను నిలదీశారు. సమయం తక్కువగా ఉందని, డిక్లరేషన్‌ ఫారాలు అందరికీ ఇస్తామంటూ అధికారులు దాటవేత ధోరణి ప్రదర్శించారు. ఇందుకు మాజీ ఎమ్మెల్యే శిల్పా స్పందిస్తూ తక్షణమే అభ్యర్థులకు డిక్లరేషన్‌ ఫారం ఇవ్వాలని, లేని పక్షంలో కలెక్టర్‌కు ఫిర్యాదు చేస్తామన్నారు. ఇదే సమయంలో మంత్రి ఫరూక్‌ కుమారుడు ఫిరోజ్‌ అక్కడికి రావడంతో వాతావరణం ఒక్కసారిగా వేడెక్కింది. కమాండ్‌ కంట్రోల్‌ సెంటర్‌లో కూర్చొని వార్డు అభ్యర్థుల డిక్లరేషన్‌ ఫారాల పంపిణీపై రాజకీయం చేసేందుకు ప్రయత్నించారు. దీన్ని గమనించిన శిల్పారవి ఆయన అక్కడ ఉండటాన్ని వ్యతిరేకించడంతో వాతావరణం రసాభాసగా మారింది. వాగ్వాదం తీవ్ర స్థాయికి చేరుకోవడంతో పోలీసులు రంగప్రవేశం చేశారు. కౌంటింగ్‌ కేంద్రంలో జరుగుతున్న ఘటనను తెలుసుకున్న కలెక్టర్‌ రాజకుమారి హుటాహుటినా అక్కడికి చేరుకున్నారు. గెలుపొందిన వైఎస్సార్‌సీపీ అభ్యర్థులకు తక్షణమే డిక్లరేషన్‌ ఫారం ఇచ్చేలా చర్యలు తీసుకోవాలని మాజీ ఎమ్మెల్యే శిల్పా రవి జిల్లా కలెక్టర్‌కు వినతిపత్రం ఇచ్చారు. నంద్యాల మున్సిపాలిటీలో ఉత్కంఠనంద్యాల మున్సిపాలిటీలో వైఎస్సార్‌సీపీ చైర్మన్‌ అభ్యర్థి దాల్‌మిల్‌ అమిర్‌ బాషా, టీడీపీ అభ్యర్థి డాక్టర్‌ బాబన్‌ మధ్య ఉత్కంఠ పోరు సాగుతోంది. మొత్తం 52 వార్డులున్న మున్సిపాలిటీలో రాత్రి 12 గంటల సమయానికి వైఎస్సార్‌సీపీ 25 వార్డుల్లో గెలిచినట్లు తెలుస్తోంది. టీడీపీ 27 వార్డుల్లో విజయం సాధించినట్లు అధికారులు చెప్పినా ధ్రువీకరణ చేయలేకపోయారు. నంద్యాల మున్సిపాలిటీలో విజయం సాధించేందుకు పచ్చ పార్టీ పోలింగ్‌ నాడు అక్రమాలకు పాల్పడే ప్రయత్నం చేసింది. అయితే మాజీ ఎమ్మెల్యే శిల్పా రవిచంద్ర కిషోర్‌ రెడ్డి నంద్యాలలో మకాం వేసి అన్నీ తానై వ్యవహరించారు. ఢీ అంటే ఢీ అంటూ అధికార పార్టీని సమర్థవంతంగా ఎదుర్కొన్నారు. పార్టీ కేడర్‌తో పాటు ఓటర్లలో ధైర్యాన్ని నింపారు.

కర్నూలు(అగ్రికల్చర్‌): జిల్లా నీటి యాజమాన్య సంస్థ విజిలెన్స్‌ ఆఫీసర్‌గా గోరంట్ల నాగశేషాచలరెడ్డిని నియమిస్తూ ప్రభుత్వం ఉత్తర్వులు జారీ చేసింది. ఈయన పంచాయతీరాజ్‌లో డివిజినల్‌ డెవలప్‌మెంట్‌ స్థాయి అధికారి. పోస్టింగ్‌ కోసం ఎదురుచూస్తున్న తరుణంలో డీవీవోగా నియమిస్తూ పంచాయతీ రాజ్‌, గ్రామీణాభివృద్ధి శాఖ ప్రిన్స్‌పల్‌ సెక్రటరీ కాంతిలాల్‌ దండే జీవో 1079 జారీ చేశారు. డ్వామాలో డీవీవో పోస్టు జూన్‌ నుంచి ఖాళీగా ఉంది. పరిపాలన అధికారి నాగశివలీల పూర్తి అదనపు బాధ్యతలతో ఈ పోస్టులో కొనసాగుతున్నారు. నూతన డీవీవోగా నియమితులైన నాగశేషాచలరెడ్డి జిల్లాలోని వివిధ మండలాల్లో ఎంపీడీవోగా పని చేశారు. 5న కార్మికులకు వేతనంతో కూడిన సెలవు కర్నూలు(అర్బన్‌): జిల్లాలోని ఎంపీటీసీ, జెడ్పీటీసీ స్థానాలకు ఈ నెల 5న పోలింగ్‌ జరుగుతున్న దృష్ట్యా ఆయా ప్రాంతాల్లోని దుకాణాలు, ఇతర సంస్థల్లో పనిచేస్తున్న ఉద్యోగులు, కార్మికులకు వేతనంతో కూడిన సెలవును ప్రకటిస్తున్నట్లు సంయుక్త కార్మిక కమిషనర్‌ సీహెచ్‌ ఆషారాణి తెలిపారు. ఈ మేరకు ఏపీ కార్మిక శాఖ కమిషనర్‌ ఉత్తర్వులు జారీ చేసినట్లు ఆమె మంగళవారం ఒక ప్రకటనలో పేర్కొన్నారు. కర్నూలు జోన్‌ పరిధిలోని కర్నూలు, నంద్యాల, అనంతపురం, శ్రీ సత్యసాయి, కడప, అన్నమయ్య, తిరుపతి, చిత్తూరు పరిధిలోని దుకాణాలు, సంస్థల్లో పనిచేస్తున్న ఉద్యోగ, కార్మికులకు ఈ ఉత్తర్వులు వర్తిస్తాయని ఆమె తెలిపారు. క్వింటా ఉల్లి రూ.4,359 ● మొక్కజొన్నకు రికార్డు స్థాయిలో రూ.2,964 ధర కర్నూలు(అగ్రికల్చర్‌): కర్నూలు వ్యవసాయ మార్కెట్‌ యార్డుకు ఉల్లి గడ్డల తాకిడి పెరిగింది. మార్కెట్‌కు 6,890 క్వింటాళ్లు(260 లాట్లు) విక్రయానికి వచ్చాయి. ఉల్లికి కనిష్ట ధర రూ.729, గరిష్ట ధర రూ.4,359 లభించగా.. సగటు ధర రూ.3,248 నమోదైంది. వేరుశనగ ధర కనిష్టంగా రూ.5,416, గరిష్టంగా రూ.9,269 లబించగా.. సగటు ధర రూ.7,109 పలికింది. ఈ సారి మొక్కజొన్న పంటకు గరిష్ట ధర రూ.2,964 లభించింది. ఈ సారి వర్షాభావం వల్ల మొక్కజొన్న పంట పూర్తిగా పాడైంది. దిగుబడులు లేవు. మార్కెట్‌కు 43 క్వింటాళ్లు మాత్రమే వచ్చాయి. దిగుబడులు లేని నేపథ్యంలో రికార్డు స్థాయి ధర లభించడం గమనార్హం. మిర్చిలో రెడ్‌ రకానికి కనిష్ట ధర రూ.8,099, గరిష్ట ధర రూ.2,2002 లభించగా.. సగటు ధర రూ.20,299 ధర లభించింది. ఆదోనిలో పత్తి ధరలు తగ్గిపోతున్నాయి. కనిష్ట ధర రూ.7,080, గరిష్ట ధర రూ.9,411 లభించగా.. సగటు ధర రూ.9,039 నమోదైంది. ఎన్నికల విధుల్లో 8,681 మంది ఉద్యోగులు కర్నూలు(అర్బన్‌): ఈ నెల 5వ తేదీన జరగనున్న ఎంపీటీసీ, జెడ్పీటీసీ ఎన్నికల విధుల్లో వివిధ కేడర్లలో మొత్తం 8,681 మంది అధికారులు, ఉద్యోగులు పాల్గొంటున్నారు. జిల్లాలోని 26 మండలాల్లో ఈ ఎన్నికలు జరుగుతున్నాయి. మొత్తం 1,432 పోలింగ్‌ కేంద్రాల్లో జరగనున్న ఈ ఎన్నికల్లో 1,575 మంది ప్రిసైడింగ్‌ అధికారులు, 1,578 మంది ఏపీఓలు, 5,128 మంది ఓపీఓలు , రిజర్వులో 100 మంది విధులు నిర్వహించనున్నారు. జిల్లాలో గుర్తించిన 255 అత్యంత సమస్యాత్మక పోలింగ్‌ కేంద్రాలు ఉన్న ప్రాంతాల్లో 300 మంది మైక్రో అబ్జర్వర్లు ఎన్నికల విధుల్లో పాల్గొననున్నారు. ప్రతి 2 గంటలకోసారి పోలింగ్‌ శాతం కర్నూలు(అర్బన్‌): ఎంపీటీసీ, జెడ్పీటీసీ ఎన్నికలకు సంబంధించి రూపొందించిన ప్రత్యేక యాప్‌లో ప్రతి రెండు గంటలకు ఒకసారి పోలింగ్‌ శాతాన్ని నమోదు చేయాలని పీఆర్‌అండ్‌ఆర్‌డీ ఉన్నతాధికారులు స్పష్టం చేశారు. మంగళవారం జిల్లాలోని ప్రిసైడింగ్‌ అధికారులు, ఎంపీడీఓలతో వీడియో కాన్ఫరెన్స్‌ నిర్వహించారు. ఈ సందర్భంగా వారు మాట్లాడుతూ ఉదయం 7 నుంచి సాయంత్రం 5 గంటల వరకు జరుగుతున్న పోలింగ్‌కు సంబంధించిన ఓటింగ్‌ వివరాలను నమోదు చేయడంలో ప్రత్యేక శ్రద్ధ్ద చూపాలన్నారు. ఇందుకు ప్రతి మండలంలో ఆరు నుంచి ఏడుగురు నిష్ణాతులైన డాటా ఎంట్రీ ఆపరేటర్లను నియమించుకోవాలన్నారు. సమావేశంలో జిల్లా పరిషత్‌ నుంచి పరిపాలనాధికారులు రాంగోపాల్‌, జితేంధ్ర, సరస్వతి, ఉద్యోగులు పాల్గొన్నారు.

వెల్దుర్తి: మండల కేంద్రంలోని బీసీ బాలికల హాస్టల్‌, మహాత్మా జ్యోతిబాపూలే బాలికల గురుకుల పాఠశాలను బీసీ సంక్షేమ శాఖ ప్రిన్సిపల్‌ సెక్రటరీ సత్యనారాయణ మంగళవారం ఆకస్మికంగా తనిఖీ చేశారు. హాస్టల్‌ ఆవరణలోని జ్యోతిబాపూలే దంపతుల విగ్రహాలకు నివాళులర్పించిన అనంతరం, ఎస్‌ఎస్‌ఏ, ఏపీఈడబ్ల్యూఐడీసీ ద్వారా చేపట్టిన అదనపు గదులు, వసతులను పరిశీలించారు. హాస్టల్‌లో విద్యార్థినుల సంఖ్య అధికంగా ఉన్నందున, మంజూరైన అదనపు భవనం నిర్మాణం పూర్తయ్యే వరకు వెంటనే అద్దె భవనాన్ని అందుబాటులోకి తీసుకురావాలని హాస్టల్‌ వెల్ఫేర్‌ ఆఫీసర్‌ గిరిజారెడ్డి ఆయనకు విజ్ఞప్తి చేశారు. అనంతరం గురుకుల పాఠశాలను సందర్శించిన ఆయన ఉపాధ్యాయులతో సమీక్ష నిర్వహించి, పదో తరగతి ఫలితాల్లో వంద శాతం ఉత్తీర్ణత సాధించాలని సూచించారు. గురుకులానికి సొంత భవనం ఏర్పాటుకు చర్యలు తీసుకుంటామని ప్రిన్సిపాల్‌ నర్సమ్మకు హామీ ఇచ్చారు. కార్యక్రమంలో ఎస్‌ఎస్‌ఏ చీఫ్‌ ఇంజినీర్‌ శివకుమార్‌, డీఈ నాగరాజు, ఏఈ వెంకటేశ్వరరెడ్డి పాల్గొన్నారు.

శ్రీశైలంటెంపుల్‌: శ్రీశైల మహాక్షేత్రంలో స్వామిఅమ్మవార్ల ఆలయ ప్రాంగణంలో శనగల బసవన్నగా పేరుపొందిన నందీశ్వరునికి, శ్రీశైల క్షేత్రపాలకునిగా ప్రసిద్ధిగాంచిన బయలు వీరభద్రస్వామి వారి కి మంగళవారం సందర్భంగా శాస్త్రోక్తంగా ఆలయ అధికారులు, అర్చకులు విశేషపూజలను నిర్వహించారు. ఇందులో భాగంగా ప్రదోషకాల సమయంలో క్షేత్రపాలకుడైన వీరభద్రునికి, నందీశ్వరునికి పంచామృతాలతో అభిషేకాది అర్చనలు నిర్వహించారు. ఆరంభ పూజలలో భాగంగా లోక క్షేమాన్ని కాంక్షిస్తూ సంకల్పం పఠించారు. అనంతరం ఈ కార్యక్రమాలు నిర్విఘ్నంగా జరిగేందుకు గణపతి పూజ చేశారు. తరువాత నందీశ్వర స్వామికి నూతన వస్త్రసమర్పణ విశేషార్చనలు, నానబెట్టిన శనగలను, క్షేత్రపాలకునికి ప్రత్యేక నైవేద్యాన్ని సమర్పించి కర్పూర నీరాజనాలు అర్పించారు. వచ్చే నెలలో భగవద్గీత కంఠస్థ పఠన పోటీలు కర్నూలు కల్చరల్‌: గీతా జయంతి సందర్భంగా తిరుమల తిరుపతి దేవస్థానములు, హిందూ ధర్మ ప్రచార పరిషత్‌ ఆధ్వర్యంలో భగవద్గీత కంఠస్థ పఠన పోటీలు నిర్వహిస్తున్నట్లు హిందూ ధర్మ ప్రచార పరిషత్‌ కార్య నిర్వాహకులు డాక్టర్‌ మల్లు వేంకట రెడ్డి తెలిపారు. నంద్యాల జిల్లాలో డిసెంబర్‌ 12వ తేదీ ఉదయం 10 గంటలకు నంద్యాల పట్టణంలోని శ్రీ శారదా విద్యా పీఠంలో, కర్నూలు జిల్లాలో డిసెంబర్‌ 14వ తేదీ ఉదయం 10 గంటలకు సీక్యాంప్‌లోనీ టీటీడీ కళ్యాణ మండపంలో పోటీలు జరుగుతాయని పేర్కొన్నారు. ప్రతి విభాగంలో ప్రథమ బహుమతి రూ.1,116, ద్వితీయ రూ.816, తృతీయ రూ.516 నగదు బహుమతితో పాటు, జ్ఞాపిక, ప్రశంసా పత్రం అందజేయడం జరుగుతుందని తెలిపారు. పోటీల్లో పాల్గొనే వారు రిజిస్ట్రేషన్‌, ఇతర వివరాలకు 9441008677, 9059802265 నంబర్లను సంప్రదించాలని విజ్ఞప్తి చేశారు. వ్యవసాయాధికారికి గాయాలు కోవెలకుంట్ల: కోవెలకుంట్ల – ఆళ్లగడ్డ ఆర్‌అండ్‌బీ రహదారిలో మంగళవారం రాత్రి జరిగిన రోడ్డు ప్రమాదంలో కోవెలకుంట్ల మండల వ్యవసాయాధికారి సుధాకర్‌రెడ్డి గాయపడ్డారు. 108 అంబులెన్స్‌ సిబ్బంది అందించిన సమాచారం మేరకు.. ఏఓ విధులు ముగించుకుని స్వగ్రామమైన దొర్నిపాడుకు బైక్‌పై వెళుతుండగా మండలంలోని భీమునిపాడు గ్రామ సమీపంలో ఒక వాహనం లైట్లు వేసు కుని ఎదురుగా కన్పించింది. ఆ వాహనానికి సైడు ఇచ్చే క్రమంలో బైక్‌ను రోడ్డుపక్కకు మళ్లించగా అక్కడ మరొక బైక్‌ నిలిచి ఉండటాన్ని గమనించకపోవడంతో ప్రమాదం చోటుచేసుకుంది. ప్రమాదంలో ఏఓకు గాయాలయ్యాయి. స్థానికులు అంబులెన్స్‌కు సమాచారం ఇవ్వడంతో సిబ్బంది చికిత్స నిమిత్తం కోవెలకుంట్ల ప్రభుత్వ ఆసుపత్రిలో చేర్పించారు.

కౌంటింగ్‌ కేంద్రంలో కర్నూలు మునిసిపల్‌ కార్పొరేషన్‌ ఓట్లను లెక్కిస్తున్న ఉద్యోగులుసాక్షి ప్రతినిధి, కర్నూలు: మున్సిపల్‌ ఎన్నికల్లో వైఎస్సార్‌సీపీ నందికొట్కూరులో విజయకేతనం ఎగురవేసింది. కొన్ని మున్సిపాలిటీల్లో మెజారిటీ వార్డు మెంబర్లను గెలుచుకుని సత్తా చాటింది. మరికొన్ని మున్సిపాలిటీల్లో గట్టి పోటీ ఇచ్చింది. ఉమ్మడి కర్నూలు జిల్లాలోని నందికొట్కూరు మున్సిపాలిటీలో వైఎస్సార్‌సీపీ జెండా ఎగురవేసింది. 32 వార్డులున్న మున్సిపాలిటీలో వైఎస్సార్‌సీపీ 23 వార్డులు గెలుచుకోగా అధికార పార్టీ 9 వార్డులకే పరిమితమైంది. మున్సిపాలిటీ చైర్‌పర్సన్‌గా పోటీ చేసిన వైఎస్సార్‌సీపీ అభ్యర్థి షేక్‌ ఫాతిమాబీ 2,634 ఓట్ల మెజార్టీతో టీడీపీ అభ్యర్థి సబేరున్నిసాపై ఘన విజయం సాధించారు. ఈ మున్సిపాలిటీలో వైఎస్సార్‌సీపీ ఏకపక్ష విజయాన్ని అందుకుంది. వైఎస్సార్‌సీపీ నియోజకవర్గ సమన్వయకర్త ధారా సుధీర్‌.. వైఎస్సార్‌సీపీ యువజన విభాగం రాష్ట్ర అధ్యక్షుడు బైరెడ్డి సిద్ధార్థ రెడ్డిలు విజయానికి కృషి చేశారు. బైరెడ్డి తనదైన శైలిలో పోలింగ్‌ను నడిపి నందికొట్కూరులో వైఎస్సార్‌సీపీ జెండా ఎగురవేశారు. ఈ విజయంతో నియోజకవర్గంలో వైఎస్సార్‌సీపీ శ్రేణులు సంబరాలు చేసుకున్నారు. కోట్ల సుజాతమ్మ అలా బయటపడ్డారు! డోన్‌ మున్సిపాలిటీలో వైఎస్సార్‌సీపీ గట్టిపోటీ ఇచ్చింది. ఇక్కడ టీడీపీ నుంచి మున్సిపల్‌ చైర్‌పర్సన్‌ అభ్యర్థిగా పోటీ చేసిన కోట్ల సుజాతమ్మ స్వల్ప మెజారిటీతో విజయం సాధించారు. ఒక దశలో వైఎస్సార్‌సీపీ అభ్యర్థి చైతన్య 500 ఓట్ల మెజార్టీ సాధించారు. ౖవైఎస్సార్‌సీపీ అభ్యర్థి విజయం ఖాయమనుకున్న తరుణంలో టీడీపీ అభ్యర్థి కోట్ల సుజాతమ్మ చివరి నిమిషంలో కేవలం 375 ఓట్ల స్వల్ప మెజర్టీతో నెగ్గారు. పోలింగ్‌ రోజు అధికారాన్ని, పోలీసులను అడ్డుపెట్టి వైఎస్సార్‌సీపీ ఏజెంట్లను బయటకు లాగి పచ్చ పార్టీ రిగ్గింగ్‌కు పాల్పడింది. ఏకపక్షంగా ఓట్లు వేసుకుంది. అయినా కోట్ల సుజాతమ్మ ఓటమి అంచుల దాకా వెళ్లి బయటపడటం చర్చనీయాంశమవుతోంది. మున్సిపాలిటీలో మొత్తం 36 వార్డులు ఉండగా వైఎస్సార్‌సీపీ 15 వార్డుల్లో, సీపీఐ 2 వార్డుల్లో విజయం సాధించాయి. టీడీపీ 16 వార్డులు గెలుచుకోగా, జనసేన 2, ఇండిపెండెంట్‌ 1 వార్డులు గెలుచుకున్నాయి. గూడూరులో హోరాహోరీ కోడుమూరు నియోజకవర్గంలోని గూడూరు నగర పంచాయతీలో వైఎస్సార్‌సీపీ గట్టి పోటీ ఇచ్చింది. వైఎస్సార్‌సీపీ చైర్మన్‌ అభ్యర్థి పద్మావతి విజయం అంచుల వరకు వచ్చారు. చివరి నిమిషంలో టీడీపీ అభ్యర్థి సునితా బాయి 1,463 ఓట్ల మెజార్టీతో గెలుపొందారు. 23 వార్డులున్న మున్సిపాలిటీలో 11 టీడీపీ, 8 వైఎస్సార్‌సీపీ, జనసేన 1, బీజేపీ 1, 2 ఇండిపెండెంట్లు గెలిచారు. ఆదోనిలో ఇండిపెండెంట్‌ విజయం ఆదోని మున్సిపాలిటీలో విజయం వైఎస్సార్‌సీపీ, ఇండిపెండెంట్‌ అభ్యర్థి మధ్య దోబూచులాడింది. జనసేనకు చెందిన స్వప్నకు టిక్కెట్‌ దక్కకపోవడంతో ఇండిపెండెంట్‌ అభ్యర్థిగా పోటీలో నిలిచారు. చివరకు ఆమె 2,062 ఓట్లతో చైర్‌పర్సన్‌ అభ్యర్థిగా విజయం సాధించారు. 52 వార్డులున్న మున్సిపాలిటీలో టీడీపీ 30 వార్డులు, వైఎస్సార్‌సీపీ 16 వార్డులు గెలుచుకున్నాయి. సీపీఐ 1, సీపీఎం 1, బీజేపీ 3, టీడీపీ రెబల్‌ అభ్యర్థి ఒక స్థానాన్ని గెలుచుకున్నారు. ● ఉమ్మడి కర్నూలు జిల్లాలో కర్నూలు కార్పొరేషన్‌తో పాటు 7 మున్సిపాలిటీలు, 2 నగర పంచాయతీలు ఉండగా ఇప్పటికే ఆళ్లగడ్డ, ఆత్మకూరు మున్సిపాలిటీలను అధికారం అడ్డుపెట్టి టీడీపీ ఏకగ్రీవం చేసుకుంది. ఆత్మకూరు మున్సిపాలిటీలోని 4 వార్డులకు మాత్రమే ఎన్నికలు నిర్వహించగా.. 1 టీడీపీ, 1 వైఎస్సార్‌సీపీ, 1 సీపీఎం, 1 ఇండిపెండెంట్‌లు కై వసం చేసుకున్నారు.కర్నూలులో పోలీస్‌ మార్కు విజయం, కౌంటింగ్‌లో మంత్రి హల్‌చల్‌ కర్నూలు మేయర్‌ స్థానాన్ని టీడీపీ కై వసం చేసుకుంది. మంత్రి టీజీ భరత్‌ పోలింగ్‌ నాడు అధికారాన్ని, పోలీసులను అడ్డుపెట్టి ఎన్నికలను ఏకపక్షంగా మార్చుకుని రిగ్గింగ్‌, రీసైక్లింగ్‌కు పాల్పడ్డారు. మెజారిటీ వార్డుల్లో ఏజెంట్లను బలవంతంగా బయటకు పంపారు. కొన్ని వార్డుల్లో అభ్యర్థులను పోలీస్‌స్టేషన్‌లో కూర్చోబెట్టారు. చీఫ్‌ ఏజెంట్లను పోలింగ్‌ బూత్‌ల్లో ఉండకుండా అడ్డుకున్నారు. క్యూలైన్‌ల వద్దే డబ్బులు పంచారు. కొన్ని వార్డుల్లో బెదిరింపులకు పాల్పడ్డారు. అన్ని రకాలుగా అధికార దుర్వినియోగానికి పాల్పడటంతో ఈ ఎన్నికల్లో పచ్చ పార్టీ గెలుపొందింది. కౌంటింగ్‌లో మంత్రి హల్‌చల్‌ కౌంటింగ్‌ హాల్‌లో మంత్రి టీజీ భరత్‌ హల్‌చల్‌ సృష్టించారు. అక్కడే మకాం వేసి అధికారులపై ఒత్తిడి తెచ్చారు. పలు వార్డుల్లో వైఎస్సార్‌సీపీ అభ్యర్థులు గెలిచినా అధికారం అడ్డుపెట్టి రీకౌంటింగ్‌ పేరుతో టీడీపీ అభ్యర్థులు గెలిచినట్లు ప్రకటించుకున్నారు. 52వ వార్డులో వైఎస్సార్‌సీపీ అభ్యర్థి ప్రణీత్‌ గెలవగా కోడుమూరు పచ్చ నేతతో పాటు మంత్రి రీకౌంటింగ్‌ కోసం అధికారులపై ఒత్తిడి తెచ్చారు. రీకౌంటింగ్‌ అనంతరం టీడీపీ అభ్యర్థి రమేష్‌ గెలిచినట్లు డిక్లేర్‌ చేసుకున్నారు. అదే విధంగా 50వ వార్డులోనూ వైఎస్సార్‌సీపీ అభ్యర్థి విజయం సాధించగా రీకౌంటింగ్‌ పెట్టారు. మొత్తం 68 డివిజన్లలో ప్రధాన పార్టీలు టీడీపీ 52, వైఎస్సార్‌సీపీ 11, బీజేపీ 3, జనసేన 2 స్థానాల్లో గెలిచాయి. గెలిచిన వైఎస్సార్‌సీపీ అభ్యర్థులకు డిక్లరేషన్‌ ఫారాలు ఇవ్వలేదు. నందికొట్కూరు మున్సిపాలిటీలో వైఎస్సార్‌సీపీ ఘన విజయం డోన్‌లో దోబూచులాడిన విజయం చివరకు స్వల్ప ఆధిక్యంతో నెగ్గిన కోట్ల సుజాతమ్మ బేతంచెర్లలో వైఎస్సార్‌సీపీ ముందంజ మెజార్టీ వార్డులు గెలుచుకున్న వైఎస్సార్‌సీపీ గూడూరు నగర పంచాయతీలో హోరాహోరీ ఆదోనిలోనూ గట్టి పోటీ ఇచ్చిన వైఎస్సార్‌సీపీ కర్నూలులో అధికార పార్టీ రిగ్గింగ్‌ ఎఫెక్ట్‌తో గెలుపుడోన్‌ నియోజకవర్గంలోని బేతంచెర్ల నగర పంచాయతీలో వైఎస్సార్‌సీపీ చైర్మన్‌ అభ్యర్థి దూదేకుల దస్తగిరి ముందంజలో ఉన్నారు. ఈ మున్సిపాలిటీలో మొత్తం 28 వార్డులు ఉండగా, వైఎస్సార్‌సీపీ 18 వార్డులను గెలుచుకుంది. టీడీపీ 10 వార్డులకే పరిమితమైంది. అయితే ఇక్కడ 8 వార్డుల్లో రీకౌంటింగ్‌ నిర్వహించాలంటూ ఎమ్మెల్యే కోట్ల సూర్యప్రకాష్‌ రెడ్డి అధికారులపై ఒత్తిడి తీసుకొచ్చారు. పోలీసులను అడ్డుపెట్టి హడావుడి చేశారు. అధికారపార్టీ ఒత్తిళ్లకు తలొగ్గిన అధికారులు ఇక్కడ రీకౌంటింగ్‌ నిర్వహించారు. అయినా వైఎస్సార్‌సీపీ తరపున పోటీ చేసిన వార్డు నెంబర్లు విజయం సాధించినట్లు రీకౌంటింగ్‌లోనూ తేటతెల్లమైంది. ఇదిలా ఉంటే అర్ధరాత్రి 12 గంటల సమయానికి వైఎస్సార్‌సీపీ చైర్మన్‌ అభ్యర్థి దస్తగిరి ఐదో రౌండ్‌ ముగిసే సరికి 1,553 ఓట్ల మెజారిటీలో ఉన్నారు.

కర్నూలు(అర్బన్‌): మురసు తుపాను నేపథ్యంలో రానున్న రెండు, మూడు రోజుల్లో ఒక మోస్తరు నుంచి భారీ వర్షాలు కురిసే అవకాశం ఉన్నందున ప్రజలు అప్రమత్తంగా ఉండాలని జిల్లా కలెక్టర్‌ డాక్టర్‌ ఎ సిరి తెలిపారు. అత్యవసర పరిస్థితులు ఎదురైతే తక్షణ సహాయానికి కలెక్టరేట్‌లో ఏర్పాటు చేసిన కంట్రోల్‌ రూమ్‌ నెంబర్‌ 08518–277305ను సంప్రదించాలన్నారు. గ్రీన్‌ క్రాకర్స్‌నే కొనుగోలు చేయండి కర్నూలు(అర్బన్‌): సుప్రీంకోర్టు ఆదేశాల మేరకు, నేషనల్‌ గ్రీన్‌ ట్రిబ్యునల్‌ సూచనల మేరకు దీపావళి సందర్భంగా గ్రీన్‌ క్రాకర్స్‌ను(పర్యావరణహిత బాణసంచా) మాత్రమే కొనుగోలు చేయాలని జిల్లా కలెక్టర్‌ డాక్టర్‌ ఏ.సిరి సూచించారు. గ్రీన్‌ క్రాకర్స్‌ శబ్ధ, కాలుష్యరహితం కావడంతో పర్యావరణానికి హాని కలిగించే పరిస్థితి ఉండదన్నారు. అదేవిధంగా దీపావళి సమయంలో కాల్చే బాణసంచాను నిర్దేశించిన సమయాల్లో మాత్రమే కాల్చాలని సూచించారు. బ్యాన్‌ చేసిన, కాల పరిమితి దాటిన బాణసంచాను ఉపయోగించరాదన్నారు. గుర్తింపు కార్డులతో ఓటు హక్కు వినియోగం కర్నూలు(అర్బన్‌): జెడ్పీటీసీ, ఎంపీటీసీ ఎన్నికల పోలింగ్‌ నవంబర్‌ 5న నిర్వహించనున్న సందర్భంగా ఓటర్లు తమ ఓటు హక్కును స్వేచ్ఛగా వినియోగించుకునేందుకు రాష్ట్ర ఎన్నికల సంఘం ప్రత్యామ్నాయ గుర్తింపు పత్రాలను అనుమతించిందని జిల్లా ఎన్నికల అధికారి/కలెక్టర్‌ డాక్టర్‌ ఎ.సిరి తెలిపారు. ఓటరు గుర్తింపు కార్డు లేని పక్షంలో ఎన్నికల సంఘం సూచించిన 20 రకాల ఫొటో గుర్తింపు పత్రాల్లో ఏదైనా ఒకదాన్ని పోలింగ్‌ కేంద్రంలో చూపించి ఓటు హక్కు వినియోగించుకోవచ్చని ఆమె సోమవారం ఒక ప్రకటనలో పేర్కొన్నారు. 6న డాక్‌ అదాలత్‌ కర్నూలు(అర్బన్‌): తపాలా కార్యాలయాల్లో ప్రజలకు అందించే సేవలకు సంబంధించిన ఫిర్యాదులపై ఈ నెల 6న ఉదయం 11 గంటలకు స్థానిక ప్రధాన తపాలా కార్యాలయంలో డాక్‌ అదాలత్‌ కార్యక్రమాన్ని నిర్వహిస్తున్నట్లు కర్నూలు డివిజన్‌ పోస్టల్‌ సూపరింటెండెంట్‌ జీ.జనార్దన్‌రెడ్డి సోమవారం ఒక ప్రకటనలో తెలిపారు. సేవలకు సంబంధించిన ఫిర్యాదులు, ఇతర ఫిర్యాదులను ఈ నెల 4న డివిజన్‌ కార్యాలయంలో స్వీకరిస్తామన్నారు. ఫిర్యాదులను పోస్టు ద్వారా పంపే వారు ఈ నెల 4వ తేది లేదా అంతకుముందు చేరేలా పోస్టు కవర్‌పై ‘డాక్‌ అదాలత్‌’ అని పెద్ద అక్షరాలతో రాసి పంపాలన్నారు. ఫిర్యాదుదారులు నేరుగా 6వ తేదిన నిర్వహించే డాక్‌ అదాలత్‌ కార్యక్రమానికి హాజరు కావచ్చన్నారు. అక్కడ ఫిర్యాదులను పరిశీలించి అర్జీకి సంబంధించిన పరిష్కార లెటర్‌/ ఈమెయిల్‌ ద్వారా తెలియజేస్తామన్నారు. ఇంటర్‌ విద్యార్థిని అదృశ్యం కర్నూలు: నంద్యాల జిల్లా ఆత్మకూరు మండలం సిద్ధాపురం గ్రామానికి చెందిన పీట్ల రామకృష్ణ కుమార్తె వడ్డె పీట్ల శ్వేత (16) కళాశాల నుంచి అదృశ్యమైంది. కర్నూలు మండలం బి.తాండ్రపాడు సమీపంలో ఉన్న ఎస్‌ఆర్‌ జూనియర్‌ కళాశాలలో ఇంటర్మీడియట్‌ ద్వితీయ సంవత్సరం చదువుతూ హాస్టల్‌లో ఉంటోంది. వీరి కుటుంబం ప్రస్తుతం ఆత్మకూరులో నివాసముంటోంది. 1వ తేదీ ఉదయం 10.30 గంటల సమయంలో హాస్టల్‌ నుంచి బయటకు వెళ్లి తిరిగి రాలేదు. తండ్రి రామకృష్ణ ఫిర్యాదు మేరకు కర్నూలు అర్బన్‌ తాలూకా పోలీసులు కేసు నమోదు చేసుకుని దర్యాప్తు చేస్తున్నారు. సుమారు 5.6 అడుగుల ఎత్తు, తెలుపు వర్ణం, పొడవాటి నల్లటి జుట్టు, ముక్కుపుడక ధరించింది. విద్యార్థిని ఆచూకీ గురించి సమాచారం తెలిస్తే 91211 01063, 8919668119కు ఫోన్‌ చేసి సమాచారమివ్వాలని కర్నూలు అర్బన్‌ తాలూకా ఎస్‌ఐ మోహన్‌ కిషోర్‌ రెడ్డి కోరారు. వర్షాల్లేక ముందుకు సాగని రబీ కర్నూలు(అగ్రికల్చర్‌): ఉమ్మడి కర్నూలు జిల్లాపై అల్పపీడనాలు, తుపానులు ఎలాంటి ప్రభావం చూపని పరిస్థితి. ఇటీవల బంగాళాఖాతంలో ఏర్పడిన అర్నబ్‌ తుపాను జిల్లాపై ఎలాంటి ప్రభావం చూపించలేదు. తాజాగా పశ్చిమ మధ్య బంగాళాఖాతంలో మురను తుపాను కేంద్రీకృతమైంది. ఇది తీవ్రమైన తుపానుగా మారుతోంది. కోస్తాంధ్ర జిల్లాలు తుపానులు మాకొద్దు బాబోయ్‌ అంటున్నాయి. మాకు కావాలని రాయలసీమ జిల్లాల రైతులు కోరుతున్నారు. రబీ సీజన్‌ అక్టోబర్‌ 1 నుంచి మొదలైంది. అక్టోబర్‌లో సాధారణ వర్షపాతం 109.9 మిమీ ఉండగా.. 20 మి.మీ వర్షపాతం మాత్రమే నమోదైంది. రబీ సాగుకు వాతావరణం సహకరించకపోవడంతో సాగు ముందుకు సాగని పరిస్థితి ఏర్పడింది. మురసు తుపాను ప్రభావంతో రాయలసీమ జిల్లాల్లో అక్కడక్కడ వర్షాలు పడే అవకాశం ఉందని వాతావరణ శాస్త్రవేత్తలు ప్రకటించారు.

నందికొట్కూరు: మండలంలోని బిజినవేముల గ్రామానికి చెందిన టీడీపీ నాయకులు సోమవారం వైఎస్సార్‌ కాంగ్రెస్‌ పార్టీలో చేరారు. బాబులాల్‌, మహేష్‌, బాలకృష్ణ, బుడ్డన్న, పులెంద్ర, అఖిల్‌, బాషా, ఫైల్‌మాన్‌, ఇలియాస్‌, శేఖర్‌ తదితరులు వైఎస్సార్‌సీపీ పార్టీ యువజన విభాగం రాష్ట్ర వర్కింగ్‌ ప్రెసిడెంట్‌ బైరెడ్డి సిద్ధార్థరెడ్డి సమక్షంలో చేరారు. వారికి పార్టీ కండువా కప్పి సాదారంగా ఆహ్వానించారు. వీరితో పాటు 100 మంది వైఎస్సార్‌సీపీలో చేరారు. ఈ సందర్భంగా వారు మాట్లాడుతూ.. వైఎస్‌ జగన్‌మోహన్‌రెడ్డి నాయకత్వ లక్షణాలు, వైఎస్సార్‌సీపీ సిద్ధాంతాలకు ఆకర్షితులై పార్టీలో చేరామన్నారు. ఎన్నికల ముందు ఇచ్చిన హామీలను అమలు చేయకుండా చేతులు ఎత్తేసిన సీఎం చంద్రబాబుకు ఓటుతో ప్రజలు బుద్ధి చెప్పాలన్నారు. పేద కుటుంబాల బాగుకోసం ఆలోచించే గొప్ప నాయకులు మాజీ సీఎం వైఎస్‌ జగన్‌మోహన్‌రెడ్డేనన్నారు. కార్యక్రమంలో మాజీ సర్పంచు సవారయ్య, వైఎస్సార్‌సీపీ నాయకులు అలీబాషా, అబుబక్కర్‌, మన్సూర్‌బాషా, నూర్‌బాషా, తదితరులు పాల్గొన్నారు.

కర్నూలు: ఎంపీటీసీ, జెడ్పీటీసీ ఎన్నికల దృష్ట్యా పోలింగ్‌ సమయానికి 48 గంటల ముందుగానే రూరల్‌ మండలాల్లో అన్ని మద్యం దుకాణాలు 48 గంటల వరకు మూసివేస్తున్నట్లు ప్రొహిబిషన్‌ అండ్‌ ఎకై ్సజ్‌ జిల్లా అధికారి ఎం.సుధీర్‌ బాబు తెలిపారు. జిల్లా ఎన్నికల అధికారి, కలెక్టర్‌ డాక్టర్‌ ఎ.సిరి ఉత్తర్వుల మేరకు ఎన్నికలు జరిగే అన్ని మండలాల్లో మద్యం రిటైల్‌ షాపులు, బార్లు, కల్లు దుకాణాలు 3వ తేదీ సాయంత్రం 5 గంటల నుంచి 48 గంటల పాటు పూర్తిగా అమ్మకాలు జరగకుండా మూసివేస్తున్నట్లు సుధీర్‌ బాబు సోమవారం విడుదల చేసిన ప్రకటనలో పేర్కొన్నారు. కర్ణాటక, తెలంగాణ రాష్ట్రాల సరిహద్దుల్లో 5 కి.మీ లోపు ఉన్న అన్ని మద్యం దుకాణాలు మూసివేయాలని బళ్లారి, రాయచూరు, గద్వాల జిల్లా కలెక్టర్లకు కూడా లేఖ రాశామన్నారు. అలాగే మున్సిపల్‌ ఎన్నికల ఓట్ల లెక్కింపు జరిగే పట్టణ ప్రాంతాల్లో కూడా 3వ తేదీ పూర్తిగా మద్యం షాపులు మూసివేయిస్తున్నట్లు తెలిపారు.

మహానంది: గాజులపల్లె గ్రామానికి చెందిన సంసాని రంగయ్య ఆలి యాస్‌ స్వామి రంగయ్య కిడ్నాప్‌నకు గురైనట్లు మహానంది ఎస్‌ఐ ఎల్‌.శివాంజల్‌ తెలిపారు. సోమవారం ఆయన మాట్లాడుతూ.. గాజులపల్లె గ్రామంలో ఉంటున్న రంగయ్య, ఆయన భార్య భజన కార్యక్రమానికి వెళ్లి తెల్లవారుజామున మూడు గంటలకు ఇంటికి వచ్చారన్నారు. సుమారు 6 గంటల ప్రాంతంలో ఆరుగురు వ్యక్తులు వచ్చి తన భర్త రంగయ్యను బలవంతంగా తీసుకెళ్లినట్లు ఆయన భార్య పెద్ద పుల్లమ్మ ఫిర్యాదు చేసిందన్నారు. ఇదిలా ఉండగా రంగయ్య టీటీడీ, ఇతర సంస్థల్లో ఉద్యోగాలు ఇప్పిస్తానని పలువురి వద్ద డబ్బులు వసూలు చేసినట్లు గతంలో పోలీసుల దృష్టికి కొందరు తీసుకెళ్లినట్లు సమాచారం. అందులో భాగంగానే బాధితుల్లో ఎవరైనా ఇచ్చిన డబ్బుల కోసం తీసుకెళ్లి ఉంటారని పోలీసులు అనుమానిస్తున్నారు. రంగయ్య భార్య పెద్దపుల్లమ్మ ఫిర్యాదు మేరకు కేసు నమోదు చేసి విచారణ చేస్తున్నట్లు చెప్పారు.

నంద్యాల(న్యూటౌన్‌): ఏసు క్రీస్తు లోక రక్షణార్థమై ప్రాణతాగ్యం చేశారని, ఆయన త్యాగానికి ఫలితంగానే మానవులకు పాప విమోచన లభించిందని బిషప్‌ సంతోష్‌ ప్రసన్నరావు అన్నారు. పట్టణంలోని పొగాకు కంపెనీ నంద్యాల బైపాస్‌ ప్రధాన రహదారి సమీపంలో ఉన్న క్రైస్తవుల సమాధుల తోటలో సోమ వారం సమాధుల పండుగను భక్తిశ్రద్ధలతో నిర్వహించారు. మొదటగా కుటుంబ సభ్యులు సమాధుల వద్దకు చేరుకొని ప్రత్యేకంగా అలంకరించారు. పాస్టర్ల ఆధ్వర్యంలో కొవ్వొత్తులు వెలిగించి అక్కడే సామూహిక ప్రార్థనలు చేశారు. చనిపోయిన వారి ఆత్మలకు మోక్షం ప్రసాదించాలని ఏసును వేడుకున్నారు. నంద్యాల డయాసిస్‌ పీఠాధిపతులు బిషప్‌ ది రైట్‌ రెవరెండ్‌ సంతోష్‌ప్రసన్నరావు ప్రత్యేక ప్రార్థనలు చేశారు. ఆయన మాట్లాడుతూ బతికిన కాలంలో చిన్న చిన్న తప్పులు చేసి మృతి చెందిన వ్యక్తులు స్వర్గానికి, నరకానికి మధ్యలో ఉండిపోతారని అటువంటి వారి ఆత్మలు దైవ సన్నిధికి చేరడానికి ఏటా నవంబర్‌ 2వ తేదీన ఆత్మల దినోత్సవం జరుపుతారన్నారు. పాపాలను విడిచి పెట్టి దేవునికి ఇష్టానుసారమైన వ్యక్తిగా జీవించాలని సూచించారు. అలాగే నంద్యాల డయాసిస్‌ పరిధిలో అన్ని పాస్టరేట్‌ సంఘాల్లో సమాదుల పండుగను ఘనంగా నిర్వహించారు. కార్యక్రమంలో నంద్యాల హోలీక్రాస్‌ క్యాథడ్రల్‌ పాస్టరేట్‌–1 డీనరీ చైర్మన్‌ కొత్తమాసీ జోసెఫ్‌, పాస్టరేట్‌–2 డీనరీ చైర్మన్‌ మైఖేల్‌ సామేల్‌, పాస్టరేట్‌–3 డీనరీ చైర్మన్‌ సామేల్‌రత్నరాజ్‌ గురువులు అన్నారు. పాస్టర్లు విజయకుమార్‌, జోయల్‌, భాస్కర్‌, జీవన్‌, మారడోన, పాల్‌రాజారావు, తదితరులు పాల్గొన్నారు.

కర్నూలు: లీగల్‌ సర్వీసెస్‌ ఉచిత న్యాయ సేవలను ప్రతి ఒక్కరూ వినియోగించుకోవాలని న్యాయ సేవాధికార సంస్థ జిల్లా కార్యదర్శి లీలా వెంకటశేషాద్రి జిల్లా ప్రజలకు సూచించారు. రాష్ట్ర న్యాయ సేవాధికార సంస్థ ఆదేశాల మేరకు ఈనెల 9వ తేదీ వరకు జాతీయ న్యాయ సేవ దినోత్సవ వారోత్సవాలను నిర్వహిస్తున్నట్లు తెలిపారు. చట్టపరమైన సమస్యలు ఉంటే ప్రతి మండల హెడ్‌ క్వార్టర్‌లో ఉన్న లీగల్‌ సర్వీసులు, జిల్లా కేంద్రంలోని న్యాయ సేవాధికార సంస్థను కానీ సంప్రదించి సమస్యలను పరిష్కరించుకోవచ్చని సోమవారం నిర్వహించిన సదస్సులో తెలిపారు. లీగల్‌సర్వీసెస్‌ టోల్‌ఫ్రీ నెంబర్‌ 15100కు కాల్‌ చేస్తే వారి సమస్యను పరిష్కరిస్తామని తెలిపారు. జాతీయ న్యాయ సేవా దినోత్సవంపై కళాశాలలు, పాఠశాలల్లో వ్యాసరచన, డ్రాయింగ్‌ పోటీలు నిర్వహించి నవంబర్‌ 9వ తేదీన గెలుపొందిన వారికి బహుమతులను ప్రదానం చేస్తామన్నారు. లీగల్‌ ఎయిడ్‌ డిఫెన్స్‌ కౌన్సిల్‌ శివరామచంద్రరావు, లీగల్‌ ఎయిడ్‌ మెంబర్‌ రాయపాటి శ్రీనివాస్‌ తదితరులు ఈ సదస్సులో పాల్గొన్నారు.

కర్నూలు(అగ్రికల్చర్‌): ఐడీబీఐ బ్యాంకును పరాయి దేశానికి అమ్మవద్దని ఆ బ్యాంకు ఉద్యోగులు ఆందోళన చేపట్టారు. ఐడీబీఐ బ్యాంకును కెనడాకు చెందిన ఫెయిర్‌ఫాక్స్‌ కంపెనీకి విక్రయించడాన్ని నిరసిస్తూ సోమవారం భోజన విరామ సమయంలో కర్నూలులోని ఐడీబీఐ బ్యాంకు ఎదుట ఉద్యోగులు నిరసన ప్రదర్శన చేపట్టారు. కెనడా దేశానికి చెందిన సంస్థకు బ్యాంకు అమ్మడాన్ని వ్యతిరేకిస్తున్నామన్నారు. ప్రభుత్వ వాటాలో నుంచి 30.48 శాతం, ఎల్‌ఐసీ వాటాలో 30.24 శాతం విక్రయం ఈ ఆర్థిక సంవత్సరంలోపు పూర్తవుతుందని కేంద్రం చెప్పడం ఏకపక్ష చర్యగా ఉద్యోగులు పేర్కొన్నారు. ప్రభుత్వ రంగాన్ని దెబ్బతీసేదిగా ఉన్న ఈ ప్రతిపాదనలను వెంటనే వెనక్కి తీసుకోవాలన్నారు. బ్యాంకింగ్‌ చరిత్రలోనే ఒక బ్యాంకును విదేశీ పెట్టుబడిదారులకు అమ్మడం ఇదే మొదటిసారని, ఇది అత్యంత దారుణమైన విషయమన్నారు. బ్యాంకు ఉద్యోగ సంఘాలు మేల్కోకపోతే మరిన్ని బ్యాంకులను అమ్మేసే ప్రమాదం ఉందన్నారు. ఈ చర్యల వల్ల బ్యాంకుల్లో ప్రజలు దాచుకున్న సంపదకు భద్రత ఉండదని వివరించారు. కార్యక్రమంలో ఐసీఈయూ నాయకు లు సురేష్‌, రమేష్‌, ఉస్మాన్‌బాషా, నీలిమ, వసంత, సేవ్‌ పబ్లిక్‌ సెక్టారు నాయకులు ప్రసాద్‌శర్మ, రఘుబాబు, గ్రామీణ బ్యాంకుల నుంచి జగదీశ్వరరెడ్డి, హనుమంతురెడ్డి, పట్టణ పౌరసేవా సంఘం నాయుకుడు పుల్లారెడ్డి పాల్గొన్నారు.

● విద్యుదాఘాతంతో ఇద్దరు భవన నిర్మాణ కార్మికులు మృతిమంత్రాలయం/రూరల్‌: కాంట్రాక్టర్‌ నిర్లక్ష్యం, యజమాని అలసత్వం కారణంగా ఇద్దరు భవన కార్మికులు మృత్యువాత పడ్డారు. మంత్రాలయంలో ఓ లాడ్జి మూడో అంతస్తు నిర్మాణంలో భాగంగా సెంట్రింగ్‌ కోసం ఇనుప కడ్డీలు కింది నుంచి పైకి చేర్చుతుండగా ఈ ఘోరం జరిగింది. మంత్రాలయంలో నాగయ్య శెట్టికి చెందిన గురు గోవర్ధన్‌ లాడ్జిపై మూడో అంతస్తు నిర్మాణం జరుగుతోంది. పనులు చేయడానికి ఇంజినీర్‌ తారకేష్‌కు కాంట్రాక్టు ఇచ్చాడు. ప్రస్తుతం సెంట్రింగ్‌ పనులు జరుగుతున్నాయి. ఆలూరు మండలం మొలగవళ్లి గ్రామానికి చెందిన బంగారు గొల్ల చిన్న ఈరప్ప (55), ఆస్పరి మండల కేంద్రానికి చెందిన చాకలి మహానంది (38), ఆస్పరికే చెందిన బోయ ఉరుకుందు (30) పనులు చేస్తున్నారు. సోమవారం ఉదయం లాడ్జి పక్క వీధిలో ఉంచిన ఇనుప కడ్డీలను మూడో అంతస్తుపైకి చేర్చుతుండగా ఈ ప్రమాదం జరిగింది. కింది నుంచి చిన్న ఈరప్ప తాడుకు రెండు కడ్డీలు కట్టగా పైనుంచి మహానంది, ఉరకుందు లాగుతుండగా లాడ్జి పక్క నుంచి వెళ్లిన విద్యుత్‌ తీగలు తాకాయి. దీంతో మూడో అంతస్తులో ఉన్న ఇద్దరు విద్యుదాఘాతానికి గురై పైనుంచి కింద పడ్డారు. కింద పనిచేస్తున్న చిన్న ఈరప్పపై విద్యుత్‌ తీగ పడటంతో అతను అక్కడికక్కడే మృతి చెందాడు. తీవ్రంగా గాయపడిన మహానంది, ఉరుకుందును 108లో ఎమ్మిగనూరు ప్రభుత్వాసుపత్రికి తరలించారు. మహానంది పరిస్థితి విషమంగా ఉండటంతో కర్నూలు తరలిస్తుండగా మార్గమధ్యలో మృతి చెందాడు. ఉరుకుంద ఎమ్మిగనూరు ఆసుపత్రిలోనే చికిత్స పొందుతున్నాడు. మృతుడు చిన్న ఈరప్ప కుటుంబం ప్రస్తుతం ఎమ్మిగనూరులోని లక్ష్మీపేటలో నివాసం ఉంటున్నారు. భార్య శకుంతల, కూతురు సువర్ణ, కొడుకు నీలకంఠప్ప ఉన్నారుమృతుడు మహానందికి ఇద్దరు భార్యలు ఉండగా ప్రస్తుతం ఆయన చిన్న భార్య లక్ష్మి, ముగ్గురు కొడుకులు, ఇద్దరు కూతుళ్లతో కలిసి మంత్రాలయంలోని అభయాంజనేయ స్వామి ఆలయ సమీపంలో రేకుల షెడ్‌లో కాలం వెల్లదీస్తున్నాడు. ఇంటికి ఆసరాగా ఉన్న వ్యక్తులు మృతి చెందడంతో కుటుంబీకులు కన్నీరుమున్నీరుగా విలపిస్తున్నారు. కార్మికుల మృతికి కారణమైన వారిపై చర్యలు తీసుకోవాలని పలువురు కోరుతున్నారు. మృతి చెందిన చిన్న ఈరప్ప, చాకలి మహానంది (ఫైల్‌)

● జిల్లాలో పర్యటించిన కేంద్ర కరువు బృందంకర్నూలు(అగ్రికల్చర్‌): వర్షాభావ పరిస్థితులతో ఉత్పన్నమైన కరువు పరిస్థితులను చూసి ఇంటర్‌ మినిస్టీరియల్‌ సెంట్రల్‌ టీమ్‌ ప్రతినిధులు తీవ్రంగా చలించిపోయారు. జిల్లాలో నెలకొన్న కరువు పరిస్థితిని తెలుసుకునేందుకు వచ్చిన సెంట్రల్‌ టీమ్‌ అనంతపురం జిల్లా పర్యటనను ముగించుకొని సోమవారం మధ్యాహ్నం 12.50 గంటలకు తుగ్గలి మండలం జి.ఎర్రగుడి గ్రామం చేరుకుంది. జిల్లాలోని తుగ్గలి, మద్దికెర, పత్తికొండ మండలాల్లో కేంద్రబృందం పర్యటించింది. ఖరీఫ్‌ సీజన్‌లో వివిధ పంటలు సాగు చేసి సర్వం కోల్పోయిన రైతులు సెంట్రల్‌ టీమ్‌ ఎదుట కన్నీరుమున్నీరయ్యారు. చుక్కనీరు లేని చెరువులను, ఎండిపోయిన పంటలను, ఇతర కరువు పరిస్థితులను ఐదుగురు సభ్యులు కలిగిన సెంట్రల్‌ టీమ్‌ ప్రత్యక్షంగా చూసి చలించిపోయారు. కేంద ప్రభుత్వ డీవోడీ డైరెక్టర్‌ కే. పొన్నుసామి నేతృత్వంలో నీతి ఆయోగ్‌ సీనియర్‌ రీసెర్చ్‌ ఆఫీసర్‌ బి.అనురాధ, ఎన్‌పీఎంయు–పీహెచ్‌ఈ ఆర్‌ఐసీ ధీరేంద్రకుమార్‌, కేంద్ర ఫుడ్‌ అండ్‌ పీడీ సెక్రటరీ ప్రదీప్‌కుమార్‌, కేంద్ర పశుసంవర్ధక శాఖ అధికారి సాక్షి బౌదరియా కరువు పరిస్థితులను పరిశీలించారు. ఎర్రగుడి గ్రామంలో కరువుపై ఏర్పాటు చేసిన ఫొటో ఎగ్జిబిషన్‌ తిలకించారు. పత్తి, వేరుశనగ, కంది, మొక్కజొన్న తదితర పంటలు సాగు చేసి తీవ్రంగా నష్టపోయిన రైతులతో ముఖాముఖి మాట్లాడి కరువు తీవ్రతను తెలుసుకున్నారు. మద్దికెర మండలం పెరవలిలో సెంట్రల్‌ టీమ్‌ సజ్జ, పత్తి పంటలతో పాటు ఉద్యాన పంటలైన మిర్చి తదితర కూడా పరిశీలించారు. జిల్లా మీదుగా హంద్రీనీవా పారుతున్నా రైతులకు ఉపయోగం లేదని, వ్యవసాయానికి హంద్రీనీవా నీటిని వాడుకునే విధంగా చూడాలని మద్దికెర మండల రైతులు కోరారు. అనంతరం కర్నూలు చేరుకొని కలెక్టరేట్‌ కాన్ఫరెన్స్‌ హాలులో ఖరీఫ్‌ కరువుపై ఏర్పాటు చేసిన ఫొటో ఎగ్జిబిషన్‌ను తిలకించారు. జిల్లాలో నెలకొన్న కరువు తీవ్రతను జిల్లా కలెక్టర్‌ డాక్టర్‌ ఏ.సిరి తరపున జేసీ నూరుల్‌ఖమర్‌ సెంట్రల్‌ టీమ్‌కు వివరించారు. కరువు పరిస్థితిపై కేంద్రానికి సమగ్రంగా నివేదిస్తామని సెంట్రల్‌ టీమ్‌ లీడర్‌ పొన్నుస్వామి వెల్లడించారు. సెంట్రల్‌ టీమ్‌ వెంట జిల్లా వ్యవసాయ అధికారి పీఎల్‌ వరలక్ష్మి, డ్వామా పీడీ నరసింహారెడ్డి, ఉద్యానశాఖ ఏడీ రాజాకృష్ణారెడ్డి, పత్తికొండ ఏడీఏ మోహన్‌ విజయ్‌, తుగ్గలి, మద్దికెర, పత్తికొండ ఏవోలు తదితరులు పాల్గొన్నారు.

ఎమ్మిగనూరురూరల్‌: పార్లపల్లి–పెసలదిన్నె గ్రామాల మధ్య జరిగిన రోడ్డు ప్రమాదంలో ఓ యువకుడు మృతి చెందాడు. రూరల్‌ ఎస్‌ఐ శ్రీనివాసులు తెలిపిన వివరాల మేరకు.. ఆదోని మండలం సాంబగల్లు గ్రామానికి చెందిన కురవ దస్తగిరి(23) ఎమ్మిగనూరు మండలం పెసలదిన్నె గ్రామానికి చెందిన మహేశ్వరిని పెళ్లి చేసుకున్నాడు. మహేశ్వరి రెండు నెలల క్రితం కుమారుడికి జన్మనిచ్చింది. ఈ క్రమంలో సోమవారం కుమారుడిని చూసి తిరిగి ఆదోనికి వెళ్తుండగా ఎదురుగా వస్తున్న బొలెరో బైక్‌ను ఢీ కొనటంతో కురవ దస్తగిరి (23) తీవ్ర గాయాలయ్యాయి. గాయపడిన వ్యక్తిని చికిత్స కోసం ప్రభుత్వాసుపత్రికి తరలించగా కోలుకోలేక చికిత్స పొందుతూ మృతి చెందాడు. మృతుడికి ఇద్దరు కుమారులు ఉన్నట్లు తెలిపారు. కేసు నమోదు చేసుకొని దర్యాప్తు చేస్తున్నామని రూరల్‌ ఎస్‌ఐ చెప్పారు. క్వింటా వేరుశనగ రూ.8,869 ఎమ్మిగనూరు టౌన్‌: స్థానిక వ్యవసాయ మార్కెట్‌లో సోమవారం క్వింటా వేరుశనగ గరిష్టంగా రూ.8,869 ధర పలికింది. మార్కెట్‌కు 42 క్వింటాళ్ల వేరుశనగ దిగుబడులను రైతులు విక్రయానికి తెచ్చారు. క్వింటా కనిష్ట ధర రూ.6,269, మధ్యస్థ ధర రూ.8,390 ప్రకారం మార్కెట్‌లో వ్యాపారులు కొనుగోలు చేశారని మార్కెట్‌ యార్డ్‌ ప్రత్యేక శ్రేణి కార్యదర్శి పి.కల్పన తెలిపారు. మహిళ ఆత్మహత్యాయత్నం కోవెలకుంట్ల: మండలంలోని కలుగొట్లకు చెందిన ఓ మహిళ సోమవారం రాత్రి ఆత్మహత్యాయత్నానికి పాల్పడింది. స్థానికులు అందించిన సమాచారం మేరకు.. గ్రామానికి చెందిన మద్దమ్మ కొంతకాలం నుంచి మానసిక స్థితి సరిగా లేక జీవితంపై విరక్తి చెంది క్రిమి సంహారక గుళికలు మింగి అపస్మారక స్థితికి చేరుకుంది. గమనించిన కుటుంబ సభ్యులు చికిత్స నిమిత్తం స్థానిక ప్రభుత్వ ఆసుపత్రిలో చేర్పించారు. అక్కడ ప్రాథమిక చికిత్స అనంతరం మెరుగైన వైద్యం కోసం 108 అంబులెన్స్‌ ద్వారా నంద్యాల ఆసుపత్రికి తరలించారు. ఆత్మహత్యాయత్న ఘటనపై రేవనూరు పోలీసులు విచారణ జరుపుతున్నారు. ఘాట్‌రోడ్డులో వాహనదారులు అప్రమత్తం ● భక్తులకు కలెక్టర్‌ సూచన శ్రీశైలం: శ్రీ భ్రమరాంబ మల్లికార్జున స్వామి వార్ల దర్శనార్థం శ్రీశైలం వచ్చే భక్తులు ఘాట్‌ రోడ్‌లో ప్రయాణించేటప్పుడు అప్రమత్తంగా ఉండాలని జిల్లా కలెక్టర్‌ రాజకుమారి ఒక ప్రకటనలో సూచించారు. మురుసు తుపాన్‌ కారణంగా వర్షాలకు శ్రీశైలం – దోర్నాల ఘాట్‌ రోడ్డు, శ్రీశైలం – అమ్రాబాద్‌ ఘాట్‌ రోడ్లలో కొండ రాళ్లు రహదారిపై పడే అవకాశం ఉందని హెచ్చరించారు. తుపాను ప్రభావం ఉన్నందున మూడు రోజులు పాటు ఘాట్‌రోడ్డులో వాహనదారులు జాగ్రత్తగా వెళ్లాలన్నారు. ఏవైనా సంఘటనలు జరిగినప్పుడు స్పందించేందుకు అధికారులు సిద్ధంగా ఉండాలన్నారు. కల్లూరు ఎంఈఓ సస్పెన్షన్‌ కర్నూలు (సిటీ): నగరపాలక సంస్థ ఎన్నికల నేపథ్యంలో ప్రచారం గడువు ముగిసిన తర్వాత వాట్సప్‌లో తెలుగుదేశం పార్టీకి చెందిన ఓ కార్పొరేటర్‌ అభ్యర్థికి ఓటు వేయాలని సందేశం పోస్టు చేశారు. పోలింగ్‌కు ముందు రోజు ఈ సంఘటన జరిగినట్లు ‘సాక్షి’లో సోమవారం ‘ఎన్నికల ప్రచారంలో ఎంఈఓ’ అనే శీర్షికన ప్రచురితమైన కథనానికి జిల్లా కలెక్టర్‌ డాక్టర్‌ ఎ.సిరి స్పందించారు. సదరు ఎంఈఓ ఎం.శ్రీనివాసులును సస్పెండ్‌ చేస్తూ ఉత్తర్వులు జారీ చేశారు. రాష్ట్ర స్థాయి ఎస్‌జీఎఫ్‌ అథ్లెటిక్స్‌ పోటీలు ప్రారంభం కర్నూలు (టౌన్‌): స్థానిక ఏపీఎస్‌పీ క్యాంపు క్రీడా మైదానంలో సోమవారం రాష్ట్ర స్థాయి స్కూల్‌గేమ్స్‌ ఫెడరేషన్‌ అండర్‌–17 బాల బాలికల అథ్లెటిక్స్‌ పోటీలు నిర్వహించారు. పోటీలను ఏపీఎస్‌పీ కమాండెంట్‌ సుధాకర్‌ పాల్గొని ప్రారంభించారు. ఈ సందర్భంగా ఆయన మాట్లాడుతూ.. క్రీడల్లో రాణిస్తే విద్యార్థులకు మంచి భవిష్యత్తు ఉంటుందన్నారు. కేంద్ర, రాష్ట్ర ప్రభుత్వాలు సైతం క్రీడలను ప్రోత్సహిస్తున్నాయని, విద్యా, ఉద్యోగాల్లో 3 శాతం వరకు స్పోర్ట్స్‌ కోటా రిజర్వేషన్లు అమలు చేస్తోందన్నారు. కార్యక్రమంలో జిల్లా క్రీడల అభివృద్ధి అధికారి భూపతిరావు, డాక్టర్‌ సీ. వాసురెడ్డి, టోర్నమెంటు ఆర్గనైజింగ్‌ కార్యదర్శి శ్రీనివాసులు, అరుణ, సుధాకర్‌, ఎస్‌జీఎఫ్‌ జిల్లా కార్యదర్శి లక్ష్యయ్య పాల్గొన్నారు. కారు ఢీకొని వ్యక్తికి గాయాలు మంత్రాలయం రూరల్‌: చిలకడోణ గ్రామంలో రోడ్డు దాటుతుండగా కారు ఢీకొని ఓ వ్యకి గాయపడ్డాడు. వ్యవసాయ పనులు చేసుకునే గుజ్జుల గోవిందు అనే వ్యక్తి ఆదివారం రాత్రి 7 గంటల సమయంలో స్థానిక ఓ దుకాణంలో పెరుగు ప్యాకెట్‌ తీసుకొని రోడ్డు దాటుతుండగా ఎమ్మిగనూరు వైపు వెళ్తున్న కారు వేగంగా వచ్చి ఢీకొంది. గాయపడిన గోవింద్‌ను స్థానికులు హైవే అంబులెన్స్‌లో ఏరియా ప్రభుత్వాసుపత్రికి తరలించా రు. మెరుగైన వైద్యం కోసం వైద్యులు కర్నూలుకు రెఫర్‌ చేశారు. కేసు నమోదు చేసినట్లు హెడ్‌ కానిస్టేబుల్‌ లక్ష్మీనారాయణ తెలిపారు.

శ్రీశైలంటెంపుల్‌: శ్రీశైల ఆలయంలో ఆధ్యాత్మిక వెలుగులు విరజిమ్ముతూ భక్తులను ఆకట్టుకున్న సౌండ్‌ అండ్‌ లైట్స్‌ షో గత రెండేళ్లుగా నిలిచిపోయింది. ఎంతో ప్రతిష్టాత్మకంగా చేపట్టిన ఈ కార్యక్రమం ప్రారంభించిన కొద్ది కాలంలోనే అటకెక్కడం అధికారుల నిర్లక్ష్యానికి అద్దం పడుతుంది. శ్రీశైల దేవస్థా నంలో భక్తుల సౌకర్యార్థం పలు సౌకర్యాలు కల్పించాలని కేంద్ర ప్రభుత్వం భావించింది. 2017లో కేంద్ర ప్రభుత్వం శ్రీశైల దేవస్థానానికి ప్రసాద్‌ పథకం ద్వారా సుమారు రూ.43 కోట్లు విడుదల చేసింది. కేంద్ర పర్యాటక శాఖ ‘పిలిగ్రిమేజ్‌ రెజువెనేషన్‌ అండ్‌ స్పిర్చువల్‌ అగ్మెంటేషన్‌ డ్రైవ్‌’ (ప్రసాద్‌) పథకం కింద శ్రీశైల క్షేత్రంలో భక్తులకు, పర్యాటకులకు సౌకర్యాలు కల్పించేందుకు ఈ నిధులు మంజూరు చేసింది. మూడు విడతలుగా నిధులు విడుదలయ్యాయి. 2017లో శ్రీశైలంలో ప్రసాద్‌ పథకం ద్వారా పనులు ప్రారంభించారు. కేంద్రం మంజూరు చేసిన పనులను రాష్ట్ర పర్యాటక శాఖ, శ్రీశైల దేవస్థాన ఇంజినీరింగ్‌ అధికారుల పర్యవేక్షణలో చేపట్టారు. కేంద్రప్రభుత్వ ప్రసాద్‌ స్కీం ద్వారా ప్రధాన ఆలయంలో సుమారు రూ.6 కోట్లతో సౌండ్‌ అండ్‌ లైట్‌ షో ఏర్పాటు చేశారు. సుమారు 40 నిమిషాల నిడివి గల ఈ ప్రదర్శనలో జ్యోతిర్లింగ క్షేత్రాల విశిష్టత, అష్టాదశ శక్తిపీఠాల పరిచయం, శ్రీశైలక్షేత్ర ప్రాశస్త్యం, శ్రీశైల చారిత్రక విశిష్టతో పాటు శ్రీశైలానికి సంబంధించిన వివిధ రకాల చరిత్రల విశేషాలు మొదలైన అంశాలతో ఈ ప్రదర్శనను రూపొందించారు. 2022 డిసెంబరు 26న రాష్ట్రపతి ద్రౌపది ముర్ము చేతుల మీదుగా కేంద్ర ప్రభుత్వ ప్రసాద్‌ పథకం ద్వారా క్షేత్రంలో నిర్మించిన అన్ని అభివృద్ధి పనులను ప్రారంభించారు. ఇందులో భాగంగా సౌండ్‌ అండ్‌ లైట్‌ షో కూడా ఉంది. ఈ షో ప్రారంభించిన కొన్ని నెలలకు అమ్మవారి ఆలయం వెనుక ప్రత్యేక కౌంటర్‌ను ఏర్పాటు చేసి టికెట్లు విక్రయించి షోను నిర్వహించారు. అయితే సౌండ్‌ అండ్‌ లైట్స్‌ షో కాంట్రాక్టర్‌కు టూరిజం శాఖ పూర్తిస్థాయిలో బిల్లులు చెల్లించకపోవడంతో సదరు కాంట్రాక్టర్‌ సౌండ్‌ అండ్‌ లైట్స్‌ షోకు సంబంధించిన సాఫ్ట్‌వేర్‌ను తనతో పాటు తీసుకెళ్లినట్లు తెలుస్తోంది. దీంతో గత రెండేళ్లుగా శ్రీశైల ఆలయంలో సౌండ్‌ అండ్‌ లైట్‌ షో నిలిచినా దేవస్థానం అధికారులు ఇప్పటి వరకు పట్టించుకోవడం లేదు. ఓ వైపు భక్తులకు మెరుగైన సేవలు అందిస్తున్నామని చెబుతున్నారే కానీ.. రోజురోజుకు దూరమవుతున్న సేవలను గురించి అడిగేవారు లేరు. శ్రీశైలంలో నిలిచిన ‘సౌండ్‌ అండ్‌ లైట్స్‌ షో’ కేంద్ర ప్రభుత్వ ప్రసాద్‌ పథకంలో భాగంగా రూ.6 కోట్లతో ఏర్పాటు బిల్లులు చెల్లించకపోవడంతో సాఫ్ట్‌వేర్‌ను అప్పగించని కాంట్రాక్టర్‌ రెండేళ్లుగా షో నిలిచినా పట్టించుకోని దేవస్థానం

కర్నూలు(అర్బన్‌): పట్టణ స్థానిక సంస్థల ఎన్నికల ఓట్ల లెక్కింపు ప్రక్రియను సాధ్యమైనంత త్వరగా, ప్రశాంతంగా, ఎలాంటి ఇబ్బందులు తలెత్తకుండా పూర్తి చేయాలని జిల్లా కలెక్టర్‌/జిల్లా ఎన్నికల అధికారి డాక్టర్‌ ఏ.సిరి అధికారులను ఆదేశించారు. సోమవారం ఉదయం ఓట్ల లెక్కింపుపై సంబంధిత అధికారులతో కలెక్టర్‌ టెలి కాన్ఫరెన్స్‌ నిర్వహించారు. ఈ సందర్భంగా మాట్లాడుతూ మధ్యాహ్నం 3 గంటల్లోపు కౌంటింగ్‌ పూర్తి చేసి ఫలితాలు ప్రకటించేలా ప్రణాళికాబద్ధంగా వ్యవహరించాలన్నారు. బ్యాలెట్‌ పేపర్‌ బాక్సులను తెరిచే సమయంలో, కౌంటింగ్‌ అనంతరం సీల్‌ చేసే సమయంలో అత్యంత జాగ్రత్తగా ఉండాలన్నారు. ఏదైనా టేబుల్‌ వద్ద సమస్య తలెత్తినప్పుడు సంబంధిత మున్సిపల్‌ కమిషనర్లు, రిటర్నింగ్‌ ఆఫీసర్‌లను సంప్రదించి వెంటనే పరిష్కరించుకోవాలన్నారు. టెలి కాన్ఫరెన్స్‌లో జాయింట్‌ కలెక్టర్‌ నూరుల్‌ ఖమర్‌, కర్నూలు మున్సిపల్‌ కమిషనర్‌ చల్లా ఓబులేసు, ఎమ్మిగనూరు మున్సిపల్‌ కమిషనర్‌ గంగిరెడ్డి, ఆదోని మున్సిపల్‌ కమిషనర్‌ నయీం అహ్మద్‌, గూడూరు మున్సిపల్‌ కమిషనర్‌ రమేష్‌ బాబు, తదితరులు పాల్గొన్నారు.

నాన్న పనికి వెళ్లారు.. డబ్బులు తీసుకొస్తారు.. దీపావళి పండుగకు బాణాసంచా కొనుగోలు చేస్తాం.. మంచి దుస్తులు ధరిస్తాం అనుకున్న చిన్నారుల ఆశలు గల్లంతయ్యాయి. ఇంటి పెద్దలు వస్తారు.. అందరం కలసి భోజనం చేద్దామనుకున్న ఇల్లాలులకు కన్నీరే మిగిలింది. మంత్రాలయంలోని ఓ లాడ్జి మూడో అంతస్తు నిర్మాణంలో విద్యుదాఘాతానికి గురై ఇద్దరు మృతి చెందారు. ఇనుప కడ్డీలు కింది నుంచి పైకి చేరుస్తుండగా ఈ దుర్ఘటన చోటుచేసుకుంది. కాంట్రాక్టర్‌ నిర్లక్ష్యానికి పేదల కుటుంబాల్లో విషాదం నెలకొంది.

● ఆర్‌యూ వైస్‌చాన్స్‌లర్‌ ఆచార్య వి.వెంకట బసవరావుకర్నూలు కల్చరల్‌: ఫుడ్‌ టెక్నాలజీ కోర్సుకు సంబంధించిన ఆధునిక విషయాలపై విద్యార్థులు అవగాహన అవసరమని రాయలసీమ విశ్వవిద్యాలయ వైస్‌చాన్స్‌లర్‌ ఆచార్య వి.వెంకట బసవరావు అన్నా రు. వర్సిటీ లైఫ్‌ సైన్స్‌ విభాగం ఆధ్వర్యంలో వర్సిటీ సెనేట్‌ హాలులో సోమవారం నిర్వహించిన సదస్సును వీసీ ప్రారంభించి ప్రసంగించారు. ఆహార సంరక్షణ, ప్రాసెసింగ్‌, ఆహార భద్రత, నాణ్యతా ప్రమాణాలు మొదలైన విషయాలపై నిపుణులు అందించే సూచనలను తెలుసుకోవాలని సూచించారు. సమస్త జీవజాతికి ఆహారం ఎంతో అత్యవసరమైందని, ఈ మేరకు మన సంప్రదాయ విధానాలతో పాటు, ఆధునిక పరిశోధనల గురించి అవగాహన కలిగి ఉండాలన్నారు. డీన్‌ ఆఫ్‌ లైఫ్‌ సైన్సెస్‌ ఆచార్య ఆర్‌. భరత్‌కుమార్‌ అఽధ్యక్షతన జరిగిన సదస్సులో ఉస్మానియా విశ్వవిద్యాలయానికి చెందిన ప్రముఖ పరిశోధకులు ఆచార్య ఎం. శ్రీనివాస్‌, ఆచార్య వి. భాస్కర్‌ ముఖ్య వక్తలుగా హాజరై ఆహార శాస్త్రం, ఆహార సాంకేతిక పరిజ్ఞానంలో వస్తున్న ఆధునిక పరిణామాలగురించి వివరించారు. కార్యక్రమంలో వర్సిటీ రిజిస్ట్రార్‌ ఆచార్య బి. విజయకుమార్‌ నాయుడు, వర్సిటీ కాలేజి ప్రిన్సిపాల్‌ ఆచార్య సి. విశ్వనాథ రెడ్డి, వర్సిటీ ఇంజినీరింగ్‌ కళాశాల ప్రిన్సిపాల్‌ ఆచార్య సుందరానందపుచ్చ తదితరులు పాల్గొన్నారు.

ఖరీఫ్‌లో నష్టపోయిన రైతును రబీలోనూ వరుణుడు కరుణించ లేదు. మినుము, మొక్క జొన్న పంటలు సాగు చేసిన రైతుల ఆశలు మొలకెత్తలేదు. వర్షాభావ పరిస్థితుల కారణంగా విత్తు సరిగా మొలవక పోవడం, ఎండ తీవ్రతకు పంటలు దెబ్బతిన్నాయి. దీంతో చేసేదిలేక మండల పరిధిలోని తిప్పారెడ్డిపల్లె, ఆర్‌.కొత్తూరు, బీ.నాగిరెడ్డిపల్లె, పేరూరు తదితర గ్రామాల పరిధిలో మొక్కజొన్న పైరును ట్రాక్టర్లతో దున్నేస్తున్నారు. ఎన్నో ఆశలతో పెట్టుబడులు పెట్టి పంటలు సాగు చేసి చివరకు చేతికి చిల్లి గవ్వకూడా అందకుండానే పైరును దున్నేసుకోవాల్సిన దుస్థితి నెలకొందని తిస్పారెడ్డిపల్లె రైతు తులసిరెడి ఆవేదన వ్యక్తం చేశాడు. – రుద్రవరం

కర్నూలు: ఎన్నికల ప్రవర్తనా నియమావళి అమలులో ఉన్నందున ఓట్ల లెక్కింపు ఫలితాలు వెలువడిన అనంతరం విజయోత్సవ ర్యాలీలు, ఊరేగింపులపై పోలీసు శాఖ నిషేధం విధించింది. ఓట్ల లెక్కింపు ప్రశాంతంగా జరిగేందుకు పటిష్ట భద్రత ఏర్పాట్లపై ఎస్పీ విక్రాంత్‌ పాటిల్‌ కర్నూలు శివారులోని అథెనా స్కూల్‌, గూడూరులోని జెడ్పీహెచ్‌ స్కూల్‌లో ఉన్న ఇండోర్‌ స్టేడియం, ఎమ్మిగనూరులోని బనవాసి జవహర్‌ నవోదయ స్కూల్‌, ఆదోనిలోని ఆర్ట్స్‌ కళాశాలలో ఏర్పాటు చేసిన కౌంటింగ్‌ కేంద్రాలను సోమవారం విస్తృతంగా పర్యటించి తనిఖీ చేశారు. స్ట్రాంగ్‌ రూమ్‌, ఓట్ల లెక్కింపు కేంద్రాల్లో సీసీ కెమెరాల ఏర్పాటు తదితర వాటిని పరిశీలించి అక్కడ విధుల్లో ఉన్న సిబ్బందికి పలు సూచనలు చేశారు. కౌంటింగ్‌ కేంద్రంలోకి మొబైల్‌ ఫోన్లు, నిషేధిత వస్తువులు, పెన్నులు, పేపర్లు తీసుకెళ్లడం నిషేధం అన్నారు. ఓట్ల లెక్కింపు ప్రక్రియ అన్ని ప్రాంతాల్లో ప్రశాంతంగా, పారదర్శకంగా జరిగేందుకు ఏర్పాట్లు పూర్తి చేసినట్లు ఎస్పీ మీడియాకు వెల్లడించారు. ఎస్పీ వెంట స్థానిక పోలీసు అధికారులు ఉన్నారు.

● ఓటమి భయంతోనే టీడీపీ దాడులు ● వైఎస్సార్‌సీపీ నేతలు ఎస్వీ, కోట్ల హర్ష, సతీష్‌ విష్ణు వర్గీయుల దాడిలో గాయపడి ఆసుపత్రిలో చికిత్స పొందుతున్న వైఎస్సార్‌సీపీ నాయకులను పరామర్శిస్తున్న పార్టీ జిల్లా అధ్యక్షులు ఎస్వీ మోహన్‌రెడ్డి, ఎస్‌ఈసీ మెంబర్‌ కోట్ల హర్ష, కోడుమూరు ఇన్‌చార్జి ఆదిమూలపు సతీష్‌, తీవ్రంగా గాయపడిన తులశాపురం ఎంపీటీసీ అభ్యర్థి రంగయ్య కర్నూలు సిటీ: స్థానిక సంస్థల ఎన్నికల్లో ప్రజాస్వామ్యబద్ధంగా పోటీ చేసి గెలవడం చేతకాక..ఎన్నికలు సక్రమంగా జరిగితే ఓడిపోతామనే భయంతోనే తెలుగుదేశం పార్టీ నాయకులు వైఎస్సార్‌సీపీ అభ్యర్థులపై దాడులకు తెగబడుతున్నారని వైఎస్‌ఆర్‌సీపీ కర్నూలు జిల్లా అధ్యక్షులు ఎస్వీ మోహన్‌ రెడ్డి, ఆ పార్టీ కోడుమూరు నియోజకవర్గ సమన్వయకర్త, కేంద్ర కమిటీ సభ్యులు కోట్ల హర్షవర్ధన్‌ రెడ్డి, నియోజవర్గ ఇన్‌చార్జి డాక్టర్‌ ఆదిమూలపు సతీష్‌ అన్నారు. కర్నూలు రూరల్‌ మండలంలోని బసాపురం ఎంపీటీసీగా పోటీ చేసిన వైఎస్సార్‌సీపీ అభ్యర్థి బి.సరస్వతమ్మ, ఆర్‌.కొంతలపాడుకు చెందిన టి.ప్రవీణ్‌కుమార్‌ రెడ్డిపై టీడీపీ నాయకుల దాడి చేశారు. దాడిలో గాయపడి జనరల్‌ హాస్పటల్‌లో చికిత్స పొందుతున్న బాధితులను వారు పరామర్శించారు. కుటుంబ సభ్యులకు, పార్టీ నాయకులు, కార్యకర్తలకు ధైర్యం చెప్పారు. ఈ సందర్భంగా వారు మా ట్లాడుతూ.. స్థానిక సంస్థల ఎన్నికల్లో గెలవలేమనే భయంతోనే పోలీసులను అడ్డం పెట్టుకొని టీడీపీ నాయకులు రాజకీయాలు చేస్తున్నారన్నారు. భయభ్రాంతులకు గురి చేసేందుకే ఇలాంటి దాడు లు చేస్తున్నారని, నిజాయితీగా కాకుండా ఏదో రకంగా గెలవాలనే పోలీసుల అండతో ఎన్నికలు నిర్వహిస్తున్నారన్నారు. ప్రజలు తిరగబడక ముందే పోలీసులు అప్రమత్తం కావాలన్నారు. ఇలాగే దాడులు చేస్తూ పోతే మళ్లీ కర్నూలు జిల్లాలో ఫ్యాక్షన్‌ రోజులు రాక మానవన్నారు. వైఎస్సార్‌సీపీ నాయకులు, కార్యకర్తలపై జరుగుతున్న దాడులను పోలీసులు అడ్డుకోవాలని, లేకపోతే కోర్టులను ఆశ్రయిస్తామన్నారు. గతంలో తాము నిర్వహించిన స్థానిక సంస్థల ఎన్నికల్లో ఆ రోజుల్లో తాము అడ్డుకొని ఉంటే బసాపురం ఎంపీటీసీతో పాటు పలు ఎంపీటీసీ స్థానాలకు పోటీ చేసి గెలిచేవారు కాదన్నారు. ప్రజాస్వామ్యబద్ధంగా జరగాల్సిన ఎన్నికల్లో దాడుల సంస్కృతి సరైంది కాదన్నారు. రేపటి రోజున తాము అధికారంలోకి వస్తే ఇప్పుడు జరుగుతున్న దాడులకు పరిణామాలు ఎలా ఉంటాయో ఊహించుకోవాలన్నారు. తమ పార్టీ ఎంపీటీసీ అభ్యర్థులకు రక్షణ కల్పించాలని న్యాయ స్థానాలను ఆశ్రయించగా, జిల్లా కలెక్టర్‌, ఎస్పీలకు సైతం స్పష్టమైన సూచనలు చేసిందన్నారు. అధికారులు నిష్పక్షపాతంగా ఎన్నికలు నిర్వహించాలన్నారు. టీడీపీ కార్యకర్తల దాడిలో తులశా పురం ఎంపీటీసీ అభ్యర్థి రంగయ్య తీవ్రంగా గాయపడ్డారని, ఆయన పరిస్థితి ఆందోళనకరంగా ఉందన్నారు. ఆర్‌.కొంతలపాడు, సుంకేసుల గ్రామాల్లో నూ ఎన్నికల ప్రచారాన్ని అడుకుని దాడులు చేశారన్నారు. దాడిలో తీవ్రంగా గాయపడితే హాస్పిటల్‌కు తరలించేందుకు అంబులెన్స్‌ను సైతం రాకుండా అడ్డుకోవడం దుర్మార్గమన్నారు.

● రెచ్చిపోయిన బీజేపీ నాయకుడు గుమ్మనూరు నారాయణ ● వైఎస్సార్‌సీపీ నాయకుడిపై అనుచరులతో కలిసి దాడి గుంతకల్లు: బీజేపీ నాయకుడు గుమ్మనూరు నారాయణ రెచ్చిపోయాడు. ఎన్నికల్లో పోటీ చేస్తే కాళ్లు, చేతులు విరుగుతాయని బెదిరించడమే కాకుండా వైఎస్సార్‌ సీపీ నాయకుడిపై అనుచరులతో కలిసి దాడికి పాల్పడ్డాడు. వివరాలు.. కర్నూలు జిల్లా చిప్పగిరి మండలంలోని గుమ్మనూరు ఎంపీటీసీ స్థానానికి వైఎస్సార్‌సీపీ నాయకుడు సురేష్‌ సోదరు డు లాలెప్ప పోటీ చేస్తున్నాడు. దీన్ని ఓర్వలేని బీజేపీ నాయకుడు గుమ్మనూరు నారాయణ ‘మీరు పోటీలో ఉండకూడదు’ అంటూ సురేష్‌ కుటుంబీకులను కొంతకాలంగా బెదిరిస్తున్నాడు. సురేష్‌, లాలెప్పలు బెదిరింపులకు లొంగకపోవడంతో శనివారం రాత్రి వారి ఇంటి వద్దకు తన అనుచరులు 30 మందితో కలిసి వెళ్లి బీభత్సం సృష్టించాడు. సురేష్‌పై విచక్షణారహితంగా దాడి చేశాడు. కింద పడేసి గుండైపె తన్నాడు. విడిపించేందుకు ప్రయత్నించిన సురేష్‌ తల్లిదండ్రులపైనా దాడికి పాల్పడ్డాడు. తీవ్ర గాయాలైన సురేష్‌ను కుటుంబీకులు గుంతకల్లు ప్రభుత్వ ఆస్పత్రికి తీసుకొచ్చారు. బాధితుడిని చిప్పగిరికి చెందిన మాజీ ఎంపీపీ, వైఎస్సార్‌ సీపీ రాష్ట్ర సంయుక్త కార్యదర్శి మారయ్య పరామర్శించారు. ఎన్ని బెదిరింపులకు దిగినా, దాడులు చేసినా ప్రాణం ఉన్నంత వరకు జగనన్నతోనే తమ ప్రయాణం సాగుతుందని స్పష్టం చేశారు.

నిష్పక్షపాతంగా, పారదర్శకంగా నిర్వహించాల్సిన ఎన్నికలను కూటమి ప్రభుత్వం అపహాస్యం చేసింది. మున్సిపల్‌ ఎన్నికల్లో నామినేషన్లు మొదలు అదే దాడులు.. అదే దౌర్జన్యం. చివరకు ప్రజలు ప్రశాంతంగా ఓటు హక్కు కూడా వినియోగించుకోలేని పరిస్థితిని తెచ్చింది. ఇతర ప్రాంతాల నుంచి పచ్చమూకలను తీసుకొచ్చి యథేచ్ఛగా బోగస్‌ ఓట్లు వేయించినా అధికారులు చూస్తూ ఉండిపోయారు. పోలింగ్‌ కేంద్రాలను చుట్టుముట్టి హల్‌చల్‌ చేస్తున్నా పోలీసులు ప్రేక్షకపాత్ర వహించారు. పోలింగ్‌ కేంద్రాలను అడ్డాగా చేసుకుని దొంగ ఓట్లతో రీ సైక్లింగ్‌కు పాల్పడ్డాయి. ఎన్నికల అధికారులు, పోలీసుల సమక్షంలో టీడీపీ నేతలు రెచ్చిపోయారు. వీరి ఆగడాలు చూసి ఓటర్లు పోలింగ్‌ కేంద్రాల వైపు వచ్చేందుకు భయపడ్డారు. బేతంచెర్ల: టీడీపీ నాయకుల అరాచకానికి బేతంచెర్ల నగర పంచాయతీ ఎన్నికలు రణరంగంగా మారాయి. పోలింగ్‌ ఉదయం 10 గంటల వరకు ప్రశాంతంగా సాగుతుండగా వైఎస్సార్‌సీపీకి అనుకూలంగా ఓట్లు పడుతున్నాయని భావించిన టీడీపీ నేతలు పోలింగ్‌ కేంద్రాలను ఏకంగా తమ ఆధీనంలోకి తీసుకున్నారు. శేషారెడ్డి ఉన్నత పాఠశాల, సరస్వతి శిశు మందిరం ఉన్నత పాఠశాల, ప్రాథమిక మెయిన్‌ పాఠశాల, సంజీవనగర్‌, హనుమాన్‌నగర్‌ కాలనీల్లో పోలింగ్‌ కేంద్రాలకు టీడీపీ నాయకులు గుంపులుగా వెళ్లి తిష్ట వేశారు. ఇతర ప్రాంతాల నుంచి వందలాది మందిని తీసుకొచ్చి భయభ్రాంతులకు గురి చేశారు. మండల టీడీపీ నాయకులు పోలూరు రాఘవరెడ్డి, షేక్షావలి చౌదరి, ఉన్నం ఎల్లనాగయ్య, చంద్రశేఖర్‌ సైతం పలువురు చుట్టు పక్కల గ్రామాల నుంచి ఇతర ఓటర్లను తరలించారు. శేషారెడ్డి ఉన్నత పాఠశాల ప్రాంగణంలో పోలింగ్‌ కేంద్రం వద్ద దొంగ ఓట్లు వేస్తున్నారనే సమాచారం రావడంతో మాజీ ఎంపీపీ బుగ్గన నాగభూషణం రెడ్డి, ఉర్దూ అకాడమీ మాజీ డైరక్టర్‌ మూర్తుజావలీ, నాయకులు నాగేశ్వరరావు, బుగ్గన కుమార్‌రెడ్డి, వైఎస్సార్‌సీపీ శ్రేణులు టీడీపీ నాయకులు పోలింగ్‌ కేంద్రం నుంచి బయటకు పంపించాలని కోరడంతో ఉద్రిక్త పరిస్థితి తలెత్తింది. టీడీపీ నాయకులకు కొమ్ము కాస్తున్న పోలీసులు వైఎస్సార్‌సీపీ శ్రేణులపైన లాఠీ ఝుళిపించారు. పోలింగ్‌ కేంద్రాల వద్ద లేకుండా తరిమివేశారు. బయటి వ్యక్తులు వచ్చి దొంగ ఓట్లు వేస్తే ఒప్పుకునేది లేదని 2 గంటల సమయంలో 3వ వార్డు కౌన్సిలర్‌ చింతల నాగిరెడ్డి పట్టుబట్టారు. ఒక క్రమంలో ఆయనపైకి టీడీపీ నాయకులు దాడికి యత్నించా రు. బయటి ఓటర్లను అనుమతించనని పోలింగ్‌ కేంద్రం ముందు కూర్చున్నాడు. అతడిని 3 గంటల ప్రాంతంలో పోలీసులు బలవంతంగా బయటకు తీసుకెళ్లిన తర్వాత దొంగ ఓట్లు వేసుకున్నారు. 28వ వార్డులో పచ్చమూకలు భారీగా రీసైక్లింగ్‌ పాల్పడినట్లు తెలుస్తోంది. ఇతర ప్రాంతాల నుంచి వందాలాది మందిని తీసుకొచ్చి షెల్టర్‌ కల్పించారు. బూత్‌లను ఆక్రమించుకొని ఓటర్ల స్థానంలో పచ్చమూకలను పంపించి సాయంత్రం 5 గంటల వరకు రీ సైక్లింగ్‌కు పాల్పడ్డారు. పోలింగ్‌ కేంద్రాల వద్ద 144 సెక్షన్‌ అమలులో ఉందని ప్రకటనలకే పరిమితమైనా అన్ని చోట్ల టీడీపీ నాయకులు పదుల సంఖ్యలో మోహరించడంతో సామాన్య ఓటర్లు తమ ఓటు హక్కును వినియోగించుకోలేక పోయారు. కీలక నేతలు అరెస్టు పోలింగ్‌కు ముందే నగర పంచాయతీ మాజీ చైర్మన్‌ చలం రెడ్డి, మాజీ ఎంపీటీసీ మునేశ్వర్‌ రెడ్డి, వైఎస్సార్‌సీపీ నాయకులు మర్రికుంట మురళీధర్‌ రెడ్డిని పోలీస్‌ స్టేషన్‌లో నిర్భందించారు. మిగిలిన ద్వితీయ శ్రేణి నాయకులపై పోలీసుల అండతో పచ్చమూకలు దాడులు, దౌర్జన్యాలకు దిగారు. బేతంచెర్లలో టీడీపీ నాయకుల చేతుల్లోకి వెళ్లిన పోలింగ్‌ కేంద్రాలు వైఎస్సార్‌సీపీకి అనూకూలంగా ఉండటంతో దొంగ ఓట్లతో రీసైక్లింగ్‌ ఇతర ప్రాంతాల నుంచి జనాన్ని తరలించి ఓట్లేయించిన టీడీపీ నేతలు ఎన్నికల అధికారులు, పోలీసుల సమక్షంలోనే భారీగా బోగస్‌ ఓట్లు టీడీపీ నాయకుల దౌర్జన్యానికి భయపడి ఓటింగ్‌కు రాని సామాన్య ఓటర్లు

హాలహర్వి: మండలంలోని గూళ్యం గ్రామంలో వృద్ధ దంపతులు ఆదివారం మృతి చెందారు. గ్రామానికి చెందిన హరిజన లింగమ్మ(60), మస్తానప్ప (65) దంపతులు. శనివారం సాయంత్రం లింగమ్మకు ఒక్కసారిగా లోబీపీ కావడంతో తీవ్ర అస్వస్థతకు గురయ్యారు. కుటుంబ సభ్యులు ఆమె ను మెరుగైన వైద్యం కోసం కర్ణాటకలోని బళ్లారి ఆసుపత్రికి తరలిస్తుండగా మార్గమధ్యలో మోకా వద్ద మృతిచెందారు. భార్య మృతి భర్తను తీవ్రంగా కుంగదీసింది. రాత్రి 9 గంటల సమయంలో మస్తానప్ప తీవ్ర మనోవేదనకు గురికావడంతో కుటుంబ సభ్యు లు ఆయనను వెంటనే కర్ణాటకలోని మోకా ప్రభుత్వ ఆసుపత్రికి తరలించగా చికిత్స పొందుతూ కొద్దిసేపటికే మృతిచెందాడు. వృద్ధ దంపతులకు ఒక కుమారుడు, నలుగురు కుమార్తెలు ఉన్నారుఏ. అందరికీ వివాహాలు అయ్యాయి. స్థానికంగానే వైద్యం అందకనే వృద్ధులు ప్రాణాలు కోల్పోయారని గ్రామస్తులు ఆవేదన వ్యక్తం చేస్తున్నా రు. దాదాపు 10 వేలకు పైగా జనాభా కలిగిన గ్రామంలో అత్యవసర వైద్యం వస్తే దూర ప్రాంతానికి వెళ్లాల్సి వస్తోందని ప్రజలు ఆవేదన వ్యక్తం చేశారు. తమ గ్రామానికి సరైన రోడ్డు సౌకర్యం కూడా లేదని, జిల్లా కేంద్రమైన కర్నూలుకు 130 కి.మీ. దూరం వెళ్లాల్సిన పరిస్థితి నెలకొందని వాపోయారు. మస్తానప్ప (ఫైల్‌),హరిజన లింగమ్మ (ఫైల్‌)

కర్నూలు సిటీ: కోడుమూరు నియోజకవర్గానికి చెంది.. నగరపాలక సంస్థ పరిధిలోని వార్డుల్లో ఆదివారం జరిగిన నగరపాలక ఎన్నికల్లో 51,52,53,54 వార్డులకు సంబంధించిన పోలింగ్‌ కేంద్రాల్లో టీడీపీ నాయకులు స్వేచ్ఛగా తిరుగుతూ ఓటర్లను ప్రలోభాలకు గురి చేశారు. పోలింగ్‌ కేంద్రంలోకి వచ్చి తమ అభ్యర్థికి ఓటేయాలని అభ్యర్థిస్తున్నా.. అక్కడే ఉన్న పోలీసులు పట్టించుకోకపోవడం విశేషం. పోలింగ్‌ కేంద్రాల వద్దర స్థానిక యువతతో పాటు, స్థానికేతరులతో కలిసి గుంపులు గుంపులుగా హల్‌ చల్‌ చేశారు. బాలాజీ నగర్‌లోని 54వ వార్డు పోలింగ్‌ కేంద్రానికి టీడీపీ కార్పొరేటర్‌ అభ్యర్థి జయచంద్రకు మద్దతుగా కొంత మంది యువకులు మద్యాహ్నం 3 గంటల తరువాత స్థానికేతరులతో ఓట్లేయించారు. విషయాన్ని కొందరు ఓటర్లు అక్కడే ఉన్న పోలీసుల దృష్టికి తీసుకెళ్లినా వారు పట్టించుకోలేదు. దీంతో ఓటర్లు అక్కడి ఎన్నికల అధికారి దృష్టికి తీసుకెళ్లడంతో స్థానికేతరులు అక్కడి నుంచి జారుకున్నారు. ఎంపీ బస్తిపాటి నాగరాజు అక్కడికి చేరుకొని ఓట్లేయించాలని సూచించారు.. వాస్తవానికి ఎంపీ నగరపాలక సంస్థ పరిధిలోని ఓటరు కాదు. కాకపోయినా తన వెంట స్థానికేతర యువతతో వార్డుల్లోని పోలింగ్‌ కేంద్రాల్లో తిరగడం గమనార్హం. మామిదలపాడులోని పోలింగ్‌ కేంద్రాల్లో చివరి సమయంలో దొంగ ఓట్లు వేయించారు. వైఎస్సార్‌సీపీ ఏజెంట్లను బెదిరించి స్థానికేతరులతో ఓట్లు వేయించారు. వైఎస్సార్‌సీపీ మేయర్‌ అభ్యర్థి యు.సుశీల, కోడుమూరు మాజీ ఎమ్మెల్యే ఎం.మణిగాంధీ, కుమారులతో కలిసి 52వ వార్డులోని మునగాలపాడులో ఓటు హక్కును వినియోగించుకున్నారు.

వెల్దుర్తి: గ్రామ దేవత ఎల్లమ్మ అమ్మవారు సువర్ణ కిరీటాలంకరణలో ధగధగ మెరిసిపోయారు. దాతలు అమ్మవారికి అపురూప కానుక సమర్పించడంతో స్వర్ణ కాంతిలో జగజ్జనని విరాజిల్లారు. వెల్దుర్తి పట్టణానికి చెందిన ప్రముఖ బ్రాహ్మణ కుటుంబం అన్నదానం వాసుదేవయ్య కుటుంబీకులు దాతలుగా మూడు రోజులుగా శాస్త్రోక్తంగా యాగాలు, హోమాలు నిర్వహించారు. అమ్మవారికి కేజీ బరువైన రూ.కోటిన్నరపై విలువ కలిగిన బంగారు కిరీటాన్ని ఆదివారం భక్తి శ్రద్ధలతో బహూకరించారు. అర్చకుల సమక్షంలో దాతలు తమ స్వహస్తాలతో అమ్మవారికి అలంకరించారు. కార్యక్రమంలో ఆలయ ధర్మకర్త వంశస్తులు బొమ్మన దశరథ రామిరెడ్డి, పట్టణ ప్రముఖ వ్యాపారవేత్త తిరివీధి సాయిప్రసాద్‌ పాల్గొన్నారు.

● బెదిరించడమే టీడీపీ రాజకీయమా? ● ఆలూరు ఎమ్మెల్యే విరూపాక్షి దేవనకొండ: మనం ప్రజాస్వామ్యంలో ఉన్నామో.. రౌడీ రాజ్యంలో ఉన్నామో అర్థం కావడం లేదని ఆలూరు ఎమ్మెల్యే విరూపాక్షి అన్నారు. ప్రజా సమస్యలు పరిష్కరించకుండా బెదిరించడమే లక్ష్యంగా టీడీపీ నేతలు రాజకీయాలు చేస్తున్నారన్నారు. దేవనకొండ, పి.కోటకొండ గ్రామాల్లో వైఎస్సార్‌సీపీ ఎంపీపీ , జెడ్పీటీసీ, ఎంపీటీసీ అభ్యర్థులతో కలిసి ఆదివారం ఎన్నికల ప్రచారం నిర్వహించారు. ఈ సందర్భంగా ఎమ్మెల్యే మాట్లాడుతూ.. చంద్రబాబు ప్రభుత్వ తీరు ప్రజాస్వామ్యంలో రౌడీరాజ్యంగా మారిందన్నారు. తనపై తప్పుడు కేసులు నమోదు చేయించి జైలుకు పంపారన్నారు. తాను ప్రజల కోసం ఎల్లప్పుడూ అండగా ఉంటానని, వైఎస్సార్‌సీపీ కార్యకర్తల కోసం తాను ఎన్నిసార్లయినా జైలుకు వెళ్లడం సిద్ధంగా ఉన్నానన్నారు. తనను 70 రోజులు జైలులో పెట్టిన ఘనత టీడీపీ ఇన్‌చార్జ్‌ వైకుంఠం జ్యోతికే చెల్లిందన్నారు. కరువుతోనూ రాజకీయమా? ఆలూరు నియోజకవర్గంలోని దేవనకొండ మండలంలో వైఎస్సార్సీపీకి మంచి పట్టు ఉందని ఎమ్మెల్యే అన్నారు. దీని దృష్టిలో ఉంచుకుని దేవనకొండ మండలాన్ని కరువు జాబితా నుంచి తప్పించారన్కానరు. టీడీపీ ఆలూరు ఇన్‌చార్జ్‌గా ఉన్న వారు కరువుతోనూ రాజకీయం చేస్తున్నారని విమర్శించారు. దేవనకొండ మండలంలో లక్షల ఎకరాల్లో పంటలు వేసినా రైతులకు విత్తన ఖర్చులు కూడా రాలేదన్నారు. రైతుల ఆవేదన చంద్రబాబు ప్రభుత్వానికి పట్టదా అని ప్రశ్నించారు. ప్రజలు అన్నీ గమనిస్తున్నారని, స్థానిక సంస్థల ఎన్నికల్లో టీడీపీ అభ్యర్థులకు ఓటుతో బుద్ధి చెబుతారన్నారు. కార్యక్రమంలో జెడ్పీటీసీ అభ్యర్థి వేదావతి, ఎంపీపీ అభ్యర్థి దివాకర్‌నాయుడు, మండల కన్వీనర్‌ రామకృష్ణ, లీగల్‌ సెల్‌ అడ్వైజర్‌ కబీర్‌దాస్‌, మాజీ సహకార సంఘం చైర్మన్‌ లక్ష్మీదేవి, చైర్మన్‌ కొత్త కాపు మధుసూదన్‌రెడ్డి, రాజారెడ్డి, మోహన్‌రెడ్డి, అరుణ్‌కుమార్‌, లుమాంబ, వీరేష్‌, హర్షవర్ధన్‌రెడ్డి, హనుమంతరెడ్డి, మండలంలోని కార్యకర్తలు పాల్గొన్నారు.

● బూత్‌లు ఆక్రమించి యథేచ్ఛగా సైక్లింగ్‌ ● డోన్‌లో రిగ్గింగ్‌ చేసుకున్న కోట్ల సుజాతమ్మ ● బేతంచర్లలో వైఎస్సార్‌సీపీ వారిని బయటకు లాగి ఓట్లు వేసుకున్న వైనం ● డోన్‌ పోలీస్‌ స్టేషన్‌ ఎదుట పార్టీ శ్రేణులతో బుగ్గన రాజేంద్రనాథ్‌ రెడ్డి ధర్నా ● కర్నూలులో పలు పోలింగ్‌ బూత్‌ల్లో పచ్చ పార్టీ సైక్లింగ్‌ ● వైఎస్సార్‌సీపీ ఏజెంట్లను అరెస్టు చేయించి యథేచ్ఛగా దొంగ ఓట్లు ● కాటసాని రాంభూపాల్‌ రెడ్డిని అదుపులోకి తీసుకుని వాహనం సీజ్‌ ● ఎమ్మిగనూరులో సమన్వయకర్త రాజీవ్‌ రెడ్డి హౌస్‌ అరెస్ట్‌ ● పోలీసులను అడ్డుపెట్టి పచ్చ పార్టీ అక్రమాలుకర్నూలు ఉస్మానియా కాలేజీలోని పోలింగ్‌ కేంద్రానికి గుంపుగా వస్తున్న మంత్రి టీజీభరత్‌ సాక్షి ప్రతినిధి కర్నూలు: మున్సిపల్‌ పోలింగ్‌లో పచ్చ పార్టీ అక్రమాలకు తెగబడింది. బరితెగించి రిగ్గింగ్‌, సైక్లింగ్‌కు పాల్పడి ప్రజాస్వామ్యానికి పాతరేసింది. ఉమ్మడి కర్నూలు జిల్లాలో పలు చోట్ల పచ్చమూకలు పోలీసులతో కలసి ఓటర్లను ఓట్లు వేసుకోనివ్వలేదు. కొన్ని బూత్‌ల్లో వెబ్‌ కెమెరాల సాక్షిగా మహిళల ఓట్లు పురుషులు వేయడం గమనార్హం. కొన్ని మున్సిపాలిటీల్లో పచ్చమూకలు వైఎస్సార్‌సీపీ ఏజెంట్లను బయటకు లాగి రిగ్గింగ్‌కు పాల్పడ్డారు. పోలీసులే వైఎస్సార్‌సీపీ ఏజెంట్లను దౌర్జన్యంగా బయటకు పంపి పచ్చ పార్టీకి అనుకూలంగా దొంగ ఓట్లు వేయించారు. మొత్తంగా ఆదివారం జరిగిన మున్సిపల్‌ ఎన్నికల్లో అధికార పార్టీ అక్రమాలకు పాల్పడింది. ఆదోని, ఎమ్మిగనూరు, గూడూరు, నంద్యాల, నందికొట్కూరు, ఆత్మకూరు మున్సిపాలిటీ పరిధిలోనూ పలు వార్డుల్లో పచ్చ నేతలు దొంగ ఓట్లు వేశారు. కొన్ని చోట్ల రిగ్గింగ్‌ చేసుకునేందుకు ప్రయత్నించారు. ఇక్కడ వైఎస్సార్‌ కాంగ్రెస్‌ పార్టీ నేతలు ప్రతిఘటించడంతో పచ్చ పార్టీ నేతలు వెనక్కు తగ్గారు. డోన్‌లో కోట్ల సుజాతమ్మ దౌర్జన్యం డోన్‌ మున్సిపాలిటీలో పచ్చమూకలు యథేచ్ఛగా రిగ్గింగ్‌కు పాల్పడ్డారు. ఉదయం 7 నుంచి 8 గంటల వరకు గంట పాటు ఓటింగ్‌ సజావుగా సాగింది. ఈలోపు చైర్మన్‌ అభ్యర్థి కోట్ల సుజాతమ్మ పోలీసులను ప్రయోగించి పోటీలో ఉన్న అభ్యర్థుల భర్తలను, ఇతర కుటుంబ సభ్యులను పోలీస్‌స్టేషన్‌లో డీఎస్పీ శ్రీనివాసులు ఎదుట కూర్చోబెట్టారు. కొన్ని బూత్‌లలో ఏజెంట్లను సకాలంలో పోలింగ్‌ బూత్‌లకు రాకుండా పోలీసులు అదుపులోకి తీసుకుని సమయం ముగిసిన తర్వాత వదిలిపెట్టారు. 9 గంటల ప్రాంతం నుంచి పెద్ద ఎత్తున ఇతర ప్రాంతాల నుంచి తరలివచ్చిన పచ్చమూకలు మున్సిపాలిటీల్లోని అన్ని వార్డులను ఆక్రమించారు. పోలీసుల సహకారంతో వైఎస్సార్‌సీపీ ఏజెంట్లను బయటకు లాక్కొచ్చారు. కొందరిపై చేయి చేసుకున్నారు. ఆ తర్వాత పోలింగ్‌ బూత్‌లలో యథేచ్ఛగా రిగ్గింగ్‌, సైక్లింగ్‌లకు పాల్పడ్డారు. బేతంచెర్ల మున్సిపాలిటీలో సైతం టీడీపీ రిగ్గింగ్‌కు పాల్పడింది. టీడీపీ నాయకుడు ధర్మవరం సుబ్బారెడ్డి ఆధ్వర్యంలో ఇక్కడ పచ్చమూకలు వైఎస్సార్‌సీపీ ఏజెంట్లను బూత్‌ల నుంచి బయటకు లాగి కొన్ని చోట్ల రిగ్గింగ్‌, కొన్ని చోట్ల సైక్లింగ్‌కు పాల్పడ్డారు. వైఎస్సార్‌సీపీ శ్రేణులను పోలింగ్‌ బూత్‌ల వద్దకు రాకుండా పోలీసులు పలుమార్లు లాఠీచార్జీ చేశారు. బుగ్గన ధర్నా.. రీపోలింగ్‌కు డిమాండ్‌ డోన్‌, బేతంచెర్ల మున్సిపాలిటీల్లో అధికార పార్టీ రిగ్గింగ్‌కు పాల్పడటాన్ని నిరసిస్తూ మాజీ మంత్రి బుగ్గన రాజేంద్రనాథ్‌ రెడ్డి డోన్‌ టౌన్‌ పోలీస్‌స్టేషన్‌ ఎదుట వైఎస్సార్‌సీపీ శ్రేణులతో కలసి ఆందోళనకు దిగారు. పోలీస్‌స్టేషన్‌ ఎదుట బైఠాయించారు. పచ్చ పార్టీ అక్రమాలకు మద్దతు పలికిన పోలీసులపై ఆగ్రహం వ్యక్తం చేశారు. పోలీసులు డౌన్‌ డౌన్‌ అంటూ ఈ సందర్భంగా పార్టీ శ్రేణులు పెద్ద ఎత్తున నినాదాలు చేశారు. పోలీసు అధికారులు వచ్చి చెప్పినా బుగ్గన ధర్నా విరమించలేదు. ఉదయం 11 నుంచి 1 గంట వరకు ఆందోళన కొనసాగించారు. డీఎస్పీ శ్రీనివాసులు వచ్చి బుజ్జగించే ప్రయత్నం చేసినా బుగ్గన ససేమిరా అన్నారు. డోన్‌, బేతంచెర్ల మున్సిపాలిటీల్లో రీ పోలింగ్‌ నిర్వహించాలని డిమాండ్‌ చేశారు. పచ్చపార్టీ అక్రమాలపై న్యాయస్థానాన్ని ఆశ్రయిస్తామన్నారు. ఈ ఆందోళన కార్యక్రమంలో వేలాది మంది వైఎస్సార్‌సీపీ శ్రేణులు పాల్గొన్నారు. వెబ్‌ కాస్టింగ్‌ ద్వారా పోలింగ్‌ సరళి పరిశీలనకర్నూలు(సెంట్రల్‌): కలెక్టరేట్‌లో ఏర్పాటు చేసిన కమాండ్‌ కంట్రోల్‌ రూమ్‌ నుంచి వెబ్‌కాస్టింగ్‌ ద్వారా పోలింగ్‌ సరళిని కలెక్టర్‌ డాక్టర్‌ ఏ సిరి పరిశీలించారు. కర్నూలు మునిసిపల్‌ కార్పొరేషన్‌, ఆదోని, ఎమ్మిగనూరు మునిసిపాలిటీలు, గూడూరు నగర పంచాయతీలో ఉదయం 7 గంటల నుంచి సాయంత్రం 5 గంటల వరకు జరిగిన పోలింగ్‌ సరళిని వెబ్‌ కాస్టింగ్‌ ద్వారా తెలుసుకున్నారు. గంట గంటకు పోలింగ్‌ వివరాలు తెలుసుకుని అవసరమైన సలహాలు, సూచనలు ఇచ్చారు. పోలింగ్‌ ప్రశాంతంగా జరిగినట్లు కలెక్టర్‌ చెప్పారు.

● స్థానిక ఓటర్లు గుర్తించి పోలీసులకు చెప్పినా పట్టించుకోని వైనంబేతంచెర్ల: నగర పంచాయతీ ఎన్నికల్లో ఎప్పుడూ లేని విధంగా మొదటి సారిగా ఇతర ప్రాంతాల వ్యక్తులు దర్జాగా వచ్చి దొంగ ఓట్లు వేయడంతో స్థానిక ఓటర్లు నివ్వెరపోయారు. అడ్డుకోవాల్సిన అధికారులు, పోలీసులు సహకారం అందించారనే విమర్శలు ఉన్నాయి. ఏపీ సీడ్స్‌ చైర్మన్‌ ధర్మవరం సుబ్బారెడ్డి టీడీపీ నాయకులు, అనుచరులతో కలిసి యథేచ్ఛగా దొంగ ఓట్లు వేయించారు. ఆదివారం ఉదయం నుంచి 10 గంటల వరకు ప్రశాతంగా ఓటింగ్‌ జరుగుతున్న తరుణంలో ఓటర్లు వైస్సార్‌సీపీకి ఓటు వేస్తున్నారని సమాచారం అందుకున్న ధర్మవరం సుబ్బారెడ్డి సరస్వతి శిశు మందిర్‌, శేషా రెడ్డి ఉన్నత పాఠశాల, హనుమాన్‌ నగర్‌ తదితర పోలింగ్‌ కేంద్రాల వద్ద మండల టీడీపీ నాయకులతో కలిసి హడావుడి సృష్టించారు. వైఎస్సార్‌సీపీ అభ్యర్థులను బయటికి వెళ్లి పోవాలంటూ హుకుం జారీ చేశారు. ఈ క్రమంలో శేషారెడ్డి ఉన్నత పాఠశాల పోలింగ్‌ కేంద్రం వద్ద బయటి వ్యక్తులు వచ్చి ఓట్లు వేస్తున్నారంటూ వైఎస్సార్‌సీపీ శ్రేణులు ఆందోళనకు దిగాయి. అయినా అధికారులు, పోలీసులు పట్టించుకోలేదు. దీంతో ధర్మవరం సుబ్బారెడ్డి తన అనుచరుల, టీడీపీ నాయకులతో కలిసి సాయంత్రం 4.30 గంటల వరకు పోలింగ్‌ కేంద్రాల్లోకి వెళ్లి తన అనచరులు గ్రామాలకు చెందిన వ్యక్తులతో యథేచ్ఛగా దొంగ ఓట్లు వేయించారు. పోలింగ్‌ కేంద్రాల వద్ద చోటు చేసుకున్న వాగ్వాదాలు, తోపులాటలు పట్టణంలో చర్చనీయాంశమయ్యాయి. బయటి వ్యక్తుల సంచారం, దొంగ ఓట్లపై ఎన్నికల అధికారులు సమగ్ర విచారణ జరపాలని పట్టణ ప్రజలు కోరుతున్నారు.

కర్నూలు(సెంట్రల్‌): మునిసిపల్‌ ఎన్నికలను అధికారులు ప్రజస్వామ్యబద్ధంగా నిర్వహించలేకపోయారని వైఎస్సార్‌సీపీ కర్నూలు, నంద్యాల జిల్లా అధ్యక్షులు ఎస్వీ మోహన్‌రెడ్డి, కాటసాని రాంభూపాల్‌ రెడ్డి అన్నారు. టీడీపీ నేతలు యథేచ్ఛగా ఎన్నికల నిబంధలను ఉల్లంఘించినా ఎలాంటి చర్యలు తీసుకోలేదని మండిపడ్డారు. ఉమ్మడి కర్నూలు జిల్లాలో పోలీసులు కక్షపూరితంగా వ్యవహరించారని విమర్శించారు. కల్లూరు పరిధిలోని రాఘవేంద్రనగర్‌లో కాటసాని కారును పోలీసులు నిలిపివేశారు. మరో కారు కోసం నడిరోడ్డుపైనే ఎండలో అరగంటపాటు ఆయన నిలబడాల్సి వచ్చింది. బీక్యాంపు రాజరాజేశ్వరి దేవాలయంలో సమీపంలో ఎస్వీ కారును నిలుపుదల చేశారు. దీంతో ఆయన కూడా మరో కారు కోసం అరగంటపాటు నడి రోడ్డుపైనే నిలవాల్సి వచ్చింది. ఈ సందర్భంగా వారు విలేకరులతో మాట్లాడారు. తాము ప్రయాణిస్తున్న కార్లకు వెహికల్‌ పాసులు తీసుకున్నా.. చిన్న సాంకేతిక కారణం చూపి వాటిని సీజ్‌ చేశారని ఆగ్రహం వ్యక్తం చేశారు. పోలీసులు కక్షపూరితంగా వ్యవహరించారన్నారు. ఏకంగా రెండు కార్లను సీజ్‌ చేయడం దారుణమన్నారు. ఇది ఒకరంగా ఎన్నికల నిబంధలను ఉల్లంఘించడం అవుతుందని చెప్పారు. మంత్రి టీజీ, ఎమ్మెల్యే చరితల కార్లకు అనుమతులు ఉన్నాయా? తాము ప్రయాణిస్తున్న కారును పోలీసులు సీజ్‌ చేయడంపై కాటసాని రాంభూపాల్‌రెడ్డి ఆగ్రహం వ్యక్తం చేశారు. ఎమ్మెల్యే గౌరు చరిత, ఆమె కుమారుడు వెళ్తున్న వాహనాలకు అనుమతులు ఉన్నాయా అని ప్రశ్నించారు. మంత్రి టీజీ భరత్‌ పెద్ద కాన్వాయ్‌లో పోలింగ్‌ కేంద్రాల పరిశీలనకు వెళ్తున్నారని, వాటికి అనుమతులు ఉన్నాయని ఎస్వీమోహన్‌రెడ్డి ప్రశ్నించారు. ఎన్నికల నిబంధలను యథేచ్ఛగా ఉల్లంఘించారు వైఎస్సార్‌సీపీ కర్నూలు, నంద్యాల జిల్లా అధ్యక్షులు ఎస్వీ మోహన్‌రెడ్డి, కాటసాని రాంభూపాల్‌ రెడ్డి

కర్నూలు (అర్బన్‌): కర్నూలు నగరపాలక సంస్థ ఎన్నికలకు సంబంధించి ఆదివారం జరిగిన పోలింగ్‌లో పలు ఆసక్తికరమైన సంఘటనలు చోటు చేసుకున్నాయి. భార్యాభర్తలు ఇద్దరూ ఒకే ఇంట్లో ఉన్నా వారి ఓట్లు మాత్రం వేర్వేరు పోలింగ్‌ కేంద్రాల్లో నమోదయ్యాయి. జిల్లాపరిషత్‌ రిటైర్డ్‌ సీఈఓ జి.జయపాల్‌రెడ్డి కుటుంబం నంద్యాల రోడ్డులోని మారుతీ మెగా సిటీ సమీపంలో నివాసం ఉంటోంది. జయపాల్‌ రెడ్డి, ఆయన సతీమణి ఓట్లు ఒకే పోలింగ్‌ కేంద్రంలో ఉండాలి. అయితే జయపాల్‌ రెడ్డి సతీమణి ఓటు నంద్యాల చెక్‌పోస్టు సమీపంలోని కేంద్రీయ విశ్వ విద్యాలయం పోలింగ్‌ స్టేషన్‌లో ఉండగా ఆయన ఓటు నందికొట్కూరు రోడ్డులోని సోమిశెట్టి నగర్‌ గుడ్‌షెప్పర్డ్‌ స్కూల్‌లో నమోదైంది. ఇలాంటి సంఘటనలు కర్నూలు నగరంలోని వేర్వేరు ప్రాంతాల్లో చోటు చేసుకోవడం గమనార్హం. పోలింగ్‌ కేంద్రంలో టీడీపీ అభ్యర్థి హల్‌చల్‌ కర్నూలు(సెంట్రల్‌): కేంద్రీయ విద్యాలయంలో ఏర్పాటు చేసిన పోలింగ్‌ కేంద్రంలో టీడీపీ అభ్యర్థి పెరుగు పురుషోత్తంరెడ్డి హల్‌చల్‌ చేశారు. ఇక్కడ పోలీసులు వైఎస్సార్‌సీపీ ఏజెంట్లను కూడా లోపలకు పంపలేదు. జనరల్‌ ఏజెంట్‌ మహేశ్వరరెడ్డిని మూడో పట్టణ పోలీసులు ఉదయం 8.30 గంటలకే అరెస్టు చేసి తీసుకెళ్లారు. మరోవైపు క్యూలైన్లో నిలబడిన ఓటర్లను సైతం పురుషోత్తంరెడ్డి తనకు ఓటు వేయాలని అభ్యర్థించాడు. కర్నూలు(సెంట్రల్‌): టీడీపీ నాయకులు దొంగ ఓట్లు వేస్తుండటంతో కర్నూలు 30వ వార్డులో సీపీఎం నేతలు నిరసన తెలిపారు.ఈ విషయంపై అధికారులకు ఫిర్యాదు చేశారు. అయినా పట్టించుకోకపోవడంతో వారు పోలీసులను తీరును తప్పుబట్టారు. దీంతో పోలీసులు సీపీఎం నాయకులను అక్కడి నుంచి పంపారు. ఇదే సమయంలో ఎస్పీ విక్రాంత్‌పాటిల్‌ అక్కడికి రావడంతో సీపీఎం జిల్లా కార్యదర్శి డి.గౌస్‌దేశాయ్‌ ఆయన తో మాట్లాడారు. ఎస్పీ చొరవ తీసుకుని అక్కడ ఉన్న టీడీపీ నాయకులందరినీ పంపడంతో సీపీఎం నాయకులు శాంతించారు. వైఎస్సార్‌సీపీ కార్యకర్తపై దాడి ఆలూరు: స్థానిక సంస్థల ఎన్నికల్లో టీడీపీ నాయకులు రౌడీయిజం చేస్తున్నారు. వైఎస్సార్‌సీపీ ఎంపీటీసీ అభ్యర్థి తరఫున గుమ్మనూరు గ్రామంలో ప్రచారం చేస్తున్న అదే పార్టీ కార్యకర్త సురేష్‌పై టీడీపీ నాయకులు దాడికి పాల్పడ్డారు. తలకు, వీపుకు, చేతికి గాయాలయ్యాయి. గాయపడిన సురేష్‌ను గుంతకల్లు ప్రభుత్వ ఆసుపత్రికి తరలించి చికిత్స అందించినట్లు కుటుంబ సభ్యులు తెలిపారు. దాడి చేసిన టీడీపీ నాయకులపై చిప్పగిరి పోలీస్‌స్టేషన్‌లో ఫిర్యాదు చేశామన్నారు.కర్నూలు(అగ్రికల్చర్‌): జిల్లాలో మరో ఆరు మండలాలను కరువు ప్రాంతాలుగా గుర్తిస్తూ ప్రభు త్వం ఉత్వర్వులు జారీ చేసింది. జిల్లాలోని 27 మండలాలను కరువు ప్రాంతంగా గుర్తించాలని జిల్లా యంత్రాంగం ప్రభుత్వానికి నివేదించింది. అయితే కేవలం 15 మండలాలను మాత్ర మే గుర్తించారు. జిల్లాలోని 12 మండలాల్లో కనీవినీ ఎరుగని రీతిలో కరువు ఉన్నప్పటికీ పట్టించుకోకపోవడంపై ఆందోళనలు వెల్లువెత్తాయి. ఈ నేపథ్యంలో అక్టోబరు 21న మరో ఆరు మండలాల ను కరువు ప్రాంతాలుగా గుర్తించాలని కోరు తూ జిల్లా కలెక్టర్‌ సిరి ప్రభుత్వానికి నివేదిక పంపా రు. జిల్లా కలెక్టర్‌ పంపిన నివేదికను పురస్కరించుకొని ఆస్పరి, నందవరం, ఆదోని– 2, కోసిగి, మంత్రాలయం, కల్లూరు మండలాలను తీవ్ర కరువు ప్రాంతాలుగా గుర్తిస్తూ జీవో జారీ అ య్యింది. దీంతో జిల్లాలో కరువు మండలాల సంఖ్య 21కి పెరిగింది. కౌతాళం, ఎమ్మిగనూరు, సీ బెళగల్‌, గోనెగండ్ల, దేవనకొండ, పెద్దకడుబూరు మండలాల్లో తీవ్ర కరువు ఉన్నప్పటికీ ప్రభుత్వం పక్కన పెట్టడం పట్ల ఆందోళన వ్యక్తమవుతోంది.

కర్నూలు(అర్బన్‌): ఈ నెల 5వ తేదీన జరగనున్న ఎంపీటీసీ, జెడ్పీటీసీ పోలింగ్‌కు సంబంధించి బ్యాలెట్‌ పేపర్లను మండలాలకు చేరవేసే ప్రక్రియ వేగంగా జరుగుతోంది. కర్నూలు, నంద్యాల జిల్లా పరిషత్‌ సీఈఓలు ఆర్‌ సుధాకర్‌రెడ్డి, శివశంకర్‌, ఏఆర్‌ఓ అశ్వినీకుమార్‌, జెడ్పీ పరిపాలనాధికారి మురళీమోహన్‌రెడ్డి పర్యవేక్షణలో స్థానిక జిల్లా పరిషత్‌ ప్రాంగణంలోని డీపీఆర్‌సీ భవనంలో ముద్రిస్తున్న బ్యాలెట్‌ పేపర్లను ఆదివారం ఉదయం నుంచి ఆయా మండలాలకు పంపించే కార్యక్రమంలో జిల్లా పరిషత్‌ పరిపాలనాధికారులు, ఉద్యోగులు నిమగ్నం అయ్యారు. ఆయా మండలాలకు చెందిన ఎంపీడీఓ, ఏఓలను ఇక్కడకు పిలిపించి వారి ఆధ్వర్యంలో బ్యాలెట్‌ పేపర్లను పంపుతున్నారు. కాగా, కర్నూలు జిల్లాలో ఎన్నికలు జరిగే అన్ని మండలాలకు రాత్రిలోగా పంపించేందుకు, నంద్యాల జిల్లాకు ఈ నెల 2వ తేది సాయంత్రంలోగా చేరేలా కార్యచరణను రూపొందించారు. కర్నూలు జిల్లాలో మొత్తం 432 ఎంపీటీసీ స్థానాలకు గాను 74 స్థానాలు ఏకగ్రీవం కాగా, 358 స్థానాలకు ఎన్నికలు జరుగనున్నాయి. నంద్యాల జిల్లాలో మొత్తం 377 ఎంపీటీసీ స్థానాలకు గాను 152 స్థానాలు ఏకగ్రీవం కాగా,మిగిలిన 225 స్థానాలకు ఎన్నికలు జరగాల్సి ఉంది. అయితే బనగానపల్లె మండలంలోని క్రిష్ణగిరి ఎంపీటీసీ స్థానానికి దాఖాలైన నామినేషన్లన్ని తిరస్కరణకు గురి కావడంతో అక్కడ ఎన్నిక నిలిచి పోయింది. ఈ నేపథ్యంలోనే నంద్యాల జిల్లాలో 224 ఎంపీటీసీ స్థానాలకు ఎన్నికలు జరగనున్నాయి. అలాగే కర్నూలు జిల్లాలో 26 జెడ్పీటీసీ, నంద్యాల జిల్లాలో 28 జెడ్పీటీసీలకు గాను 8 స్థానాలు ఏకగ్రీవం కాగా, 20 స్థానాలకు ఎన్నికలు జరగనున్నాయి.

● వాట్సాప్‌ గ్రూపులో టీడీపీ అభ్యర్థికి ఓటు వేయాలని సందేశం కర్నూలు(సెంట్రల్‌)/కల్లూరు:మునిసిపల్‌ ఎన్నికల నేపథ్యంలో ఎన్నికల ప్రచార గడువు ముగిసినా కల్లూ రు మండల విద్యాశాఖాధికారి ముద్దనూరు శ్రీనివాసులు టీడీపీ అభ్యర్థి తరఫున ప్రచారం చేసినట్లు ఆరోపణలు వస్తున్నాయి. ఉన్నత స్థానంలో ఉన్న ఆయన 300 మందికి పైగా ప్రభుత్వ అధికారులు సభ్యులు ఉన్న వాట్సాప్‌ గ్రూపులో తెలుగుదేశం పార్టీకి చెందిన ఒక కార్పొరేటర్‌ అభ్యర్థికి తప్పనిసరిగా ఓటు వేసి గెలిపించాలని కోరుతూ సందేశం ఇచ్చారు. పోలింగ్‌కు ముందు రోజు ఈ ఘటన చోటుచేసుకున్నట్లు తెలుస్తోంది. ఎన్నికల సమయంలో ఎంఈఓ నిష్పక్షపాతంగా వ్యవహరించాల్సి ఉన్నా ఒక రాజకీయ పార్టీ అభ్యర్థికి అనుకూలంగా ప్రచారం చేసినట్లు వస్తున్న ఆరోపణలు చర్చనీయాంశంగా మారాయి. ఈ ఘటనపై ఎన్నికల అధికారులు, సంబంధిత ఉన్నతాధికారులు స్పందించి విచారణ చేపడతారా? ఆరోపణలు నిజమని తేలితే ఎలాంటి చర్యలు తీసుకుంటారు? అన్నది ఇప్పుడు ఆసక్తికరంగా మారింది.ప్రభుత్వ ఉద్యోగులు ఉండే వాట్సాప్‌ గ్రూపులో టీడీపీ అభ్యర్థికి ఓటు వేయాలని పోస్టర్‌ను పోస్టు చేసిన ఎంఈఓ శ్రీనివాసులు

కోసిగి: మండల కేంద్రమైన కోసిగిలో టీడీపీ నాయకులు ఎన్నికల కోడ్‌ను ఉల్లంఘించారు. కొత్త బోరు ఏర్పాటు చేయడంపై వైఎస్సార్‌సీపీ జెడ్‌పీటీసీ అభ్యర్థి పాలేగర్‌ శ్యాంసుందర్‌ రాజు దొర, మాజీ ఎంపీపీ ఈరన్న, మండల నాయకులు నాడుగేని నాగరాజు, దళవాయి మంగమ్మలు ఆగ్రహం వ్యక్తం చేశారు. ఆదివారం కోసిగిలో ఏర్పాటు చేసిన విలేకర్ల సమావేశంలో వారు మాట్లాడుతూ.. చంద్రబాబు ప్రభుత్వం వచ్చి రెండున్నరేళ్లు గడిచినా తాగునీటి సమస్య టీడీపీ నాయకులకు కనిపించలేదన్నారు. ప్రస్తుతం ఎన్నికల వేళ ఓటర్లను మభ్య పెట్టేందుకు తాగునీటి బోరు వేయిస్తున్నారని ధ్వజమెత్తారు. ఈ విషయం ఎన్నికల రిటర్నింగ్‌ అధికారి లోకరాజుకు ఫోన్‌ ద్వారా ఫిర్యాదు చేశారు. ఎన్నికల కోడ్‌ను ఉల్లంఘించిన టీడీపీ నాయకులపై చర్యలు తీసుకోవాలని డిమాండ్‌ చేశారు. సమావేశంలో వైఎస్సార్‌సీపీ నాయకులు గానిగ వీరస్వా మి, కాంట్రాక్టర్‌ నాగరాజు, బుళ్లి నరసింహులు, కొరివి నాగరాజు, ప్రవీణ్‌ కుమార్‌, కట్టెల నరసింహులు, కాల్వ లక్ష్మయ్య, వెంకటేష్‌ పాల్గొన్నారు.

ఎమ్మిగనూరుటౌన్‌: వైఎస్సార్‌సీపీ నియోజక వర్గ సమన్వయకర్త ఎర్రకోట రాజీవ్‌రెడ్డి ఎమ్మిగనూరు పట్టణంలోకి రాకుండా ఆదివారం ఉదయం గోనెగండ్ల బైపాస్‌లో పట్టణ సీఐ కంభగిరి రాముడు, పోలీసులు అడ్డుకున్నారు. దీంతో అక్కడ కొద్దిసేపు ఉద్రిక్త పరిస్థి తి నెలకొంది. మీకు పట్టణంలో ఓటు లేనందుకు రాకూడదని చెప్పగా తన తాత మాజీ ఎమ్మెల్యే చెన్నకేశవరెడ్డి నివాసానికి వెళుతున్నానని, పోలింగ్‌ కేంద్రాలకు వెళ్లనని ఆయన చెప్పారు. అయినా పోలీసులు ఒప్పుకోకపోవడంతో దాదాపు గంట సేపు అక్కడ ఉద్రిక్తత పరిస్థితి నెలకొంది. విషయం తెలుసుకున్న వైఎస్సార్‌సీపీ శ్రేణులు అక్కడికి చేరు కొని కర్నూలు ప్రధాన రహదారిపై రాస్తారోకోకు దిగారు. చివరకు ఇంటిలోనే ఉండాలని నిబంధన పెట్టగా టీటీడీ నాయకులు దొంగ ఓట్లు వేసుకునేందుకు ప్రయత్నిస్తే మాత్రం సహించనని రాజీవ్‌రెడ్డి పోలీసులకు స్పష్టం చేశారు. ఆదివారం సాయంత్రం 26వ వార్డులో టీడీపీ నాయకులు దొంగఓట్లు వేసుకుంటారని తెలిసి రాజీవ్‌రెడ్డి ఆ కేంద్రానికి వెళ్లగా పోలీసులు ఆయనను అదుపులో తీసుకొని పోలీస్‌ స్టేషన్‌కు తరలించారు.

ఎమ్మిగనూరులో పచ్చ పార్టీ అక్రమాలకు పాల్పడింది. వైఎస్సార్‌సీపీ నియోజకవర్గ సమన్వయకర్త ఎర్రకోట రాజీవ్‌రెడ్డిని పోలీసులు హౌస్‌ అరెస్ట్‌ చేశారు. మున్సిపాలిటీలోని 26, 10 వార్డులలో పచ్చ పార్టీ నేతలు దొంగ ఓట్లు వేసుకున్నారు. విషయం తెలుసుకున్న రాజీవ్‌ రెడ్డి ఇంటి నుంచి పోలింగ్‌ బూత్‌ల వద్దకు చేరుకున్నారు. ఆయన వస్తున్న విషయం తెలుసుకున్న వైఎస్సార్‌సీపీ శ్రేణులు పెద్ద ఎత్తున అక్కడికి తరలిరావడంతో ఉద్రిక్త పరిస్థితి నెలకొంది. దీంతో పోలీసులు రాజీవ్‌రెడ్డిని అదుపులోకి తీసుకుని పోలీస్‌స్టేషన్‌కు తరలించారు. 26వ వార్డులో రిగ్గింగ్‌కు పాల్పడుతున్న పచ్చ పార్టీ నేత శేఖర్‌ జోలికి పోలీసులు వెళ్లలేదు.

జూపాడుబంగ్లా: టీడీపీ ప్రభుత్వ పాలన నచ్చక తర్తూరు గ్రామానికి చెందిన టీడీపీ నాయకులు ఆదివారం తర్తూరు గ్రామంలో వైఎస్సార్‌సీపీ రాష్ట్ర యువజనవిభాగ వర్కింగ్‌ ప్రెసిడెంటు బైరెడ్డి సిద్దార్థరెడ్డి సమక్షంలో వైఎస్సార్‌ కాంగ్రెస్‌ పార్టీలో చేరారు. గ్రామానికి చెందిన మాజీ సర్పంచ్‌ పీఎం నాగిరెడ్డి, మాజీ ఉప సర్పంచ్‌ పోతిరెడ్డి శివకృష్ణారెడ్డి, పోతుల మహేశ్వరరెడ్డి, షేక్‌ ఖలీం, విజయ్‌కుమార్‌, మల్లికార్జునరెడ్డి, ఫారూక్‌, మహబూబ్‌బాషా, చాకలి నాగరాజు, మాబాషా తదితరులకు సిద్దార్థరెడ్డి కండువా కప్పి పార్టీలోకి ఆహ్వానించారు. ఈ సందర్భంగా వారు మాట్లాడుతూ.. సీఎం చంద్రబాబు నాయుడు ఎన్నికల సమయంలో ఇచ్చిన హామీలు నెరవేర్చకుండా కాలయాపన చేస్తున్నారని తెలిపారు. వైఎస్సార్‌సీపీతోనే అభివృద్ధి సాధ్యమని భావించి ఆ పార్టీలో చేరుతున్నట్లు తెలిపారు.