Kurnool District News

గూడూరు/శ్రీశైలం ప్రాజెక్ట్‌: సుంకేసుల బ్యారేజీకి ఎగువ ప్రాంతాల నుంచి ఇన్‌ఫ్లో కొనసాగుతోంది. ఆదివారం ఉదయం 7 గంటల సమయానికి 7 వేల క్యూసెక్కుల ఇన్‌ ఫ్లో నమోదు కాగా, అధికారులు ఒక స్పిల్‌వే గేటును 0.5 మీటర్ల మేర పైకి ఎత్తి 2,248 క్యూసెక్కుల నీటిని దిగువకు విడుదల చేస్తున్నారు. అలాగే కేసీ కెనాల్‌కు 2,445 క్యూసెక్కులు విడుదల చేస్తున్నారు. ప్రస్తుతం డ్యామ్‌లో 1.235 టీఎంసీల నీటి మట్టం ఉండగా, అవుట్‌ఫ్లో 4,693 క్యూసెక్కులుగా ఉంది. శ్రీశైలంప్రాజెక్ట్‌: సుంకేసుల, హంద్రీల నుంచి 2,498 క్యూసెక్కులు శ్రీశైలంకు వచ్చి చేరుతున్నాయి. ప్రసుత్తం జలాశయంలో 92.9240 టీఎంసీల నీరు నిల్వ ఉంది. డ్యాం నీటిమట్టం 855.40 అడుగులకు చేరుకుంది. శనివారం నుంచి ఆదివారం వరకు జలాశయం నుంచి దిగువ ప్రాజెక్టులకు 10,794 క్యూసెక్కుల నీటిని విడుదల చేశారు. ఎడమగట్టు కేంద్రంలో 0.521 మిలియన్‌ యూనిట్ల విద్యుత్‌ను ఉత్పత్తి చేసి నాగార్జునసాగర్‌కు 1,061 క్యూసెక్కుల నీటిని వదిలారు. బ్యాక్‌వాటర్‌ నుంచి కల్వకుర్తి ఎత్తిపోతలకు 2,233 క్యూసెక్కులు, వెలిగొండ ప్రాజెక్ట్‌కు 500 క్యూసెక్కులు, హంద్రీనీవా సుజలస్రవంతికి 3,800 క్యూసెక్కులు, పోతిరెడ్డిపాడు హెడ్‌రెగ్యులేటరీ ద్వారా 3,000 క్యూసెక్కుల నీటిని విడుదల చేశారు. వీబీఆర్‌లో 8.853 టీఎంసీల నీటి నిల్వ వెలుగోడు: వెలుగోడు బ్యాలెన్సింగ్‌ రిజర్వాయర్‌ (వీబీఆర్‌)లో ఆదివారం ఉదయం 6 గంటల సమయానికి 8.853 టీఎంసీల నీటి నిల్వ ఉన్నట్లు తెలుగు గంగ అధికారులు తెలిపారు. రిజర్వాయర్‌ ప్రస్తుత నీటిమట్టం 259.21 మీటర్లు (850.425 అడుగులు)గా నమోదైంది. ప్రస్తుతం రిజర్వాయర్‌కు టీజీపీ లింక్‌ ఛానల్‌, క్యాచ్‌మెంట్‌ ప్రాంతాల నుంచి ఎలాంటి ఇన్‌ఫ్లో లేదని అధికారులు తెలిపారు. రిజర్వాయర్‌ నుంచి మొత్తం 450 క్యూసెక్కుల నీరు బయటకు విడుదలవుతోంది. ఇందులో టీజీపీ ప్రధాన కాలువకు 350 క్యూసెక్కులు, వెలుగోడు, ఆత్మకూరు, నంద్యాల పట్టణాల తాగునీటి అవసరాలకు 20 క్యూసెక్కులు సరఫరా అవుతున్నాయి. 1ఎల్‌, 1ఆర్‌ కాలువలకు నీటి విడుదల నిలిపివేశారు.

● ఈ నెల 29, 30 తేదీల్లో నిరాహార దీక్షలు కర్నూలు(సెంట్రల్‌): తమ సమస్యల పరిష్కారం కోసం రాష్ట్ర ప్రభుత్వ పెన్షనర్లు శంఖారావం పూరించారు. ఈ నెల 29, 30 తేదీల్లో నిరాహార దీక్షలు చేపట్టనున్నట్లు ఆ సంఘం కర్నూలు జిల్లా శాఖ అధ్యక్షుడు కోట్ల లింగం తెలిపారు. కర్నూలులోని గౌరీగోపాల్‌ హాస్పిటల్‌కు ఎదురుగా ఉన్న ధర్నా చౌక్‌లో 24 గంటల మహాధర్నా నిర్వహిస్తున్నట్లు చెప్పారు. పెన్షన్‌ రూల్స్‌ వ్యాలిడేషన్‌ చట్టం– 2025ను తక్షణమే రద్దు చేయాలని డిమాండ్‌ చేశారు. అలాగే 8వ వేతన సంఘం పరిధిలో పెన్షన్‌ సవరణను చేర్చాలని, మధ్యంతర భృతిని వెంటనే ప్రకటించాలని కోరారు. సమాన హోదాకు సమాన పెన్షన్‌ అమలు చేయాలని, ఫ్యామిలీ పెన్షన్ను మెరుగుపరచాలని కోరుతున్నట్లు చెప్పారు. ఆయా డిమాండ్ల సాధన కోసం చేపట్టే నిరాహార దీక్షలకు పెన్షనర్లు పెద్ద సంఖ్యలో హాజరై విజయవంతం చేయాలని ఆయన కోరారు. శ్రీగిరిపై భక్తుల రద్దీ శ్రీశైలంటెంపుల్‌: శ్రీశైల మహాక్షేత్రంలో వెలసిన శ్రీభ్రమరాంబా మల్లికార్జున స్వామిఅమ్మవార్ల దర్శనానికి వేలాది మంది భక్తులు బారులు దీరారు. ఆదివారం సెలవు రోజును పురస్కరించుకుని ఉభయ తెలుగు రాష్ట్రాల నుంచే కాకుండా ఇతర రాష్ట్రాల నుంచి సైతం వేలాది మంది భక్తులు తరలివచ్చారు. వేకువజామున్నే పాతాళగంగలో పుణ్యస్నానాలు ఆచరించిన భక్తులు మల్లన్న దర్శనానికి ఆలయ క్యూలైన్ల వద్ద బారులుదీరారు. భక్తుల రద్దీతో ఉచిత, శీఘ్ర, అతిశీఘ్ర దర్శన క్యూలైన్లు నిండిపోయాయి. నేడు డయల్‌ యువర్‌ సీఎండీ, ఎస్‌ఈ కర్నూలు(అగ్రికల్చర్‌): డయల్‌ యువర్‌ ఏపీఎస్‌పీడీసీఎల్‌ సీఎండీ కార్యక్రమాన్ని సోమవారం ఉదయం 10 నుంచి మధ్యాహ్నం 12.30 గంటల వరకు నిర్వహిస్తున్నట్లు కర్నూలు సర్కిల్‌ ఎస్‌ఈ ఆర్‌.ప్రదీప్‌కుమార్‌ ఆదివారం ఒక ప్రకటనలో తెలిపారు. వినియోగదారులు 8977716661 నంబరుకు ఫోన్‌ చేసి సమస్యలు వివరించవచ్చని పేర్కొన్నారు. కర్నూలు కొత్తబస్టాండు సమీపంలో ఉన్న విద్యుత్‌ భవన్‌లో డయల్‌ యువర్‌ ఎస్‌ఈ కార్యక్రమాన్ని సోమవారం నిర్వహిస్తున్నట్లు ఆయన తెలిపారు. వినియోగదారులు ఉదయం 8.30 గంటల నుంచి 9.30 గంటల వరకు 7382614308 నంబరుకు ఫోన్‌చేసి సమస్యలు పరిష్కరించుకోవచ్చని పేర్కొన్నారు. డిగ్రీ విద్యార్థిని ఆత్మహత్య ఎమ్మిగనూరురూరల్‌: ఇంట్లో ఉరివేసుకొని డిగ్రీ విద్యార్థి ఆరేకంటి ప్రవళ్లిక(19) ఆదివారం ఆత్మహత్య చేసుకున్నారు. ఏనుగుబాల గ్రామానికి చెందిన ఈ విద్యార్థిని ఎమ్మిగనూరులో డిగ్రీ మొదటి సంవత్సరం చదువుతున్నారు. తండ్రి బజారి కొన్నేళ్ల క్రితం మృతి చెందారు. తల్లి కు టుంబాన్ని పోషిస్తున్నారు. ఆదివారం చర్చికి వెళ్లి వచ్చాక తల్లి, కుమార్తె భోజనం చేశారు. తల్లి పొ లంలో పత్తి పనికి వెళ్లగా ప్రవళ్లిక ఇంట్లో ఉరివేసు కొని ఆత్మహత్య చేసుకున్నారు. ఆత్మహత్యకు కారణాలు తెలియటం లేదు. విచారణ జరుపుతున్నట్లు రూరల్‌ ఎ్‌స్‌ఐ శ్రీనివాసులు తెలిపారు. నేడు కలెక్టరేట్‌లో పీజీఆర్‌ఎస్‌ కర్నూలు(సెంట్రల్‌): ప్రజా ఫిర్యాదుల పరిష్కార వేదికను సోమవారం కలెక్టరేట్‌లోని సునయన ఆడిటోరియంలో ఉదయం 9.30 గంటలకు నిర్వహించనున్నట్లు కలెక్టర్‌ డాక్టర్‌ ఏ సిరి ఆదివారం ఓ ప్రకటనలో తెలిపారు. సమస్యలు ఉన్న ప్రజ లు వినతులను సమర్పించుకోవాలని సూచించారు. ఈ కార్యక్రమాన్ని సోమవారం కలెక్టరేట్‌తోపాటు అన్ని మండల, డివిజినల్‌, మునిసిపల్‌ కార్యాలయాల్లోనూ నిర్వహిస్తున్నట్లు తెలిపారు.

పనుల్లేక పిల్లాపాపలతో కలసి వలస వెళ్తున్న వీరు కోసిగి మండలం దుద్ది గ్రామస్తులు. వీరే కాకుండా పలు గ్రామాల్లో 600 మంది ప్రజలు ఆదివారం కర్ణాటక రాష్ట్రంలోని చాపూరు, గబ్బూరు, మటమారి తదితర ప్రాంతాలకు తరలి వెళ్లిపోయారు. తమతో పాటు బడుల్లో చదువుకునే పిల్లలను సైతం తీసుకెళ్లారు. ప్రభుత్వం పనులు కల్పించడం లేదని, అరకొర చేసిన పని కూలి కూడా ఇవ్వడం లేదని ప్రజలు ఆవేదన వ్యక్తం చేశారు. కుటుంబ పోషణ భారంగా మారడంతో వలస వెళ్తున్నట్లు చెప్పారు. – కోసిగి

కోసిగి: మండల పరిధిలోని వందగల్లు గ్రామానికి చెందిన తలారి చిన్న ఈరన్న, లక్ష్మీ దంపతుల కుమారుడు బాలరాజు (11) పాము కాటుకు గురై మృతి చెందాడు. గ్రామస్తులు తెలిపిన వివరాల మేరకు.. ఈరన్న కుటుంబం చావిడి సమీపంలోని కొండ పక్కన నివసిస్తుంది. ఆదివారం వేకువజామున ఆరుబయట నిద్ర పోతుండగా కొండ పక్కన నుంచి పాము వచ్చి బాలరాజుకు పెదవి పై కాటు వేసింది. వెంటనే ఆ బాలుడు తల్లిదండ్రులను అప్రమత్తం చేయగా గ్రామంలో నాటు వైద్యం చేయించారు. తర్వాత మెరుగైన వైద్యం కోసం 108 ఆంబులెన్స్‌లో ఆదోనికి తీసుకెళ్తుండగా మార్గమధ్యంలోనే మృతి చెందాడు. ఆ దంపతులకు ముగ్గురు కుమార్తెలు, ఒక కుమారుడు. గ్రామంలోని ప్రాథమిక పాఠశాలలో 5వ తరగతి చదువుతున్నాడు. ఒక్కగానొక్క కుమారుడు పాము కాటుతో మృతి చెందడంతో కన్నీరుమున్నీరుగా విలపించారు.

బనగానపల్లె: పట్టణంలోని ఆర్టీసీ బస్టాండ్‌ సమీపంలో ఎస్సార్బీసీ కాల్వ వద్ద టిప్పర్‌ ఢీకొన్న ఘటనలో ఓ బాలుడు మృతి చెందాడు.కుటుంబ సభ్యులు, పోలీసులు తెలిపిన వివరాల మేరకు.. యాగంటిపల్లె గ్రామానికి చెందిన బండి వెంకటేశ్వరరెడ్డి, సర్వసతి దంపతులకు ఇద్దరు సంతానం కాగా కారీక్‌రెడ్డి (6)చిన్నవాడు. ఆదివారం ఉదయం పెదనాన్న శివారెడ్డితో కలిసి కార్తీక్‌రెడ్డి బనగానపల్లె కూరగాయల మార్కెట్‌కు బైక్‌పై వచ్చారు. పని ముగించుకొని తిరిగి వెళ్తుండగా ఎస్సార్బీసీ కాల్వ సమీపంలో శివారెడ్డికి ఫోన్‌ రావడంతో బైక్‌ను సైడ్‌కు ఆపి మాట్లాడుతున్నాడు. అక్కడే ముందుభాగంలో లోడ్‌తో టిప్పర్‌ ఉంది. డ్రైవర్‌ గమనించకుండా స్పీడ్‌గా టిప్పర్‌ను వెనుకకు కదిలించడంతో ద్విచక్రవాహనంపై ఉన్న కార్తీక్‌రెడ్డి టిప్పర్‌ టైర్‌ కిందపడి అక్కడిక క్కడే మృతి చెందాడు. శివారెడ్డికి స్వల్ప గాయాలయ్యాయి. పోలీసులు బాలుడి మృతదేహాన్ని పోస్టుమార్టం నిమిత్తం స్థానిక ప్రభుత్వ వైద్యశాలకు తరలించి కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేపట్టారు. ఉదయం ఇంటి వద్ద కుటుంబ సభ్యులతో ఆడుకుంటూ సరదాగా గడిపిన బాలుడు ఇలా ఆకస్మత్తుగా ప్రమాదానికి గురై మృతి చెందడంతో కుటుంబ సభ్యులు శోకసంద్రంలో మునిగిపోయారు.

● పోలీసుల అదుపులో గ్రామ, వార్డు సచివాలయాల ఉద్యోగులు ● ఆందోళనలో కుటుంబ సభ్యులు ఆదోని: సమస్యల పరిష్కారం కోసం శనివారం రాత్రి విజయవాడకు వెళ్లిన గ్రామ, వార్డు సచివాలయ ఉద్యోగులను రైల్వేస్టేషన్లు, బస్టాండ్లలోనే పోలీసులు నిర్బంధించారు. పలు పోలీస్‌ స్టేషన్లకు తరలించారు. ఆదోని డివిజన్‌ నుండి దాదాపు 300 మంది ఉద్యోగులు శనివారం రాత్రి విజయవాడకు వెళ్లారు. వారిలో ఆదోనికి చెందిన వారు 60 మంది వరకు ఉన్నారు. వారిని విజయవాడ రైల్వే స్టేషన్‌లో పోలీసులు అడ్డుకున్నారు. తప్పించుకుని ఆదోని సచివాలయాల సంఘం అధ్యక్షుడు వెంకప్ప, జనరల్‌ సెక్రటరీ వీరేష్‌, ట్రెజరర్‌ ప్రభాకర్‌ తదితరులు ధర్నా చౌక్‌కు చేరుకున్నారు. అయితే పోలీసులు అక్కడ ఉక్కుపాదం మోపడంతో వీరంతా అక్కడ చిక్కుకుపోయినట్లు సమాచారం. చిక్కుకుపోయిన వారిలో కొందరు పోలీసుల వలయం దాటుకుని అష్టకష్టాలతో బయటపడ్డారు. ఆదోని సచివాలయాల నాయకుడు వెంకప్పతో పాటు మరి కొందరిని పోలీసులు పట్టుకెళ్లి విజయవాడ చుట్టుపక్కల ఉన్న పోలీసు స్టేషన్లలో అక్రమంగా నిర్బంధించారు. వారిని ఏ స్టేషన్‌కు తరలించారో తెలియక కుటుంబ సభ్యులు ఆందోళన చెందుతున్నారు. విశ్వసనీయ సమాచారం మేరకు ఆదోనికి చెందిన ఉద్యోగులను నందిగామ, ఉయ్యూరు, పటమట, మాచారం, ఇబ్రహీంపట్నం, తదితర పోలీసుస్టేషన్‌లలో ఉంచారు. ఇదిలా ఉండగా గ్రామ, వార్డు సచివాలయాల ఉద్యోగులను పోలీసులు ఎక్కడికి తీసుకెళ్లారంటూ ఆయా ఉద్యోగుల కుటుంబసభ్యులు ఆందోళన చెందుతున్నారు.

కొలిమిగుండ్ల: ప్రధాన మంత్రి నరేంద్రమోదీ మన్‌కీ బాత్‌ కార్యక్రమం ద్వారా జాతినుద్దేశించి ప్రసంగించారు. ఆదివారం రేడియోలో ప్రసారమైన ఈ కార్యక్రమంలో కొలిమిగుండ్ల మండలానికి చెందిన పూర్వక రక్షక సేన సభ్యులను ప్రధాని అభినందించారు. పురాతన బావులు చెత్తచెదారంతో పూర్తిగా నిండిపోవడంతో వాటికి పూర్వ వైభవం తీసుకొచ్చేందుకు మండలంలో యువకులు పూర్వక రక్షక సేన ఏర్పాటు చేసి ఆయా గ్రామాల్లోని పెద్దలు, ప్రజలతో చర్చించి వారి సాయంతో బావులను శుభ్రం చేస్తూ వస్తున్నారు. మన్‌కీ బాత్‌ కార్యక్రమంలో ప్రధాన మంత్రి ఆ సభ్యులు చేపడుతున్న కార్యక్రమం గురించి ప్రస్తావించి అభినందించారు. తాము చేపడుతున్న కార్యక్రమం మోదీ దృష్టికి వెళ్లడంతో పాటు ఆయనే స్వయంగా అభినందించడం పట్ల రక్షక సేన సభ్యులు సంతోషం వ్యక్తం చేశారు. సీఈసీ జ్ఞానేశ్వర్‌కుమార్‌ను తొలగించాలి కర్నూలు(సెంట్రల్‌): కేంద్ర ఎన్నికల సంఘం ప్రధాన ఎన్నికల కమిషనర్‌ జ్ఞానేశ్వర్‌కుమార్‌ను తొలగించాలని వామపక్షాల నేతలు డిమాండ్‌ చేశారు. కలెక్టరేట్‌ ఎదుట ఆదివారం ధర్నా నిర్వహించారు. ఈ సందర్భంగా సీపీఎం రాష్ట్ర కమిటీ సభ్యురాలు పి.నిర్మల, జిల్లా కార్యవర్గ సభ్యులు కేవీ నారాయణ, సీపీఐ జిల్లా సహాయ కార్యదర్శి ఎస్‌.మునెప్ప,, ఎస్‌యూసీఐ జిల్లా కార్యదర్శి నాగన్న, సీపీఐ ఎంఎల్‌ న్యూ డెమోక్రసీ జిల్లా నాయకులు వెంకటస్వామి మాట్లాడారు. దేశంలో ఓటర్‌ జాబితా ప్రత్యేక సమగ్ర సవరణ (సర్‌) ప్రక్రియలో అనేక అవకతవకలు జరిగాయన్నారు. అర్హులైన ఓటర్లను తొలగించారని తోటి కమిషనర్లు ఎన్నికల ప్రధాన అధికారి దృష్టికి తీసుకు వచ్చినప్పటికీ ఏమాత్రం పట్టించుకోలేదన్నారు. తక్షణమే ఆయనను ప్రధాన ఎన్నికల కమిషనర్‌ పదవి నుంచి తొలగించాలని కోరుతూ భగత్‌ సింగ్‌ జయంతి నుంచి గాంధీ జయంతి వరకు ఆందోళనలు చేపట్టనున్నట్లు చెప్పారు. ఈనెల 28న జిల్లా వ్యాప్తంగా అన్ని మండల కేంద్రాలలో ఆందోళనలు, అక్టోబర్‌ రెండో తేదీన గాంధీ విగ్రహాల ముందు పెద్ద ఎత్తున నిరసనలు తెలుపుతామన్నారు. అన్నదాన పథకానికి రూ.లక్ష విరాళం శ్రీశైలంటెంపుల్‌: శ్రీశైల దేవస్థానం భక్తుల సౌకర్యార్థం నిర్వహిస్తున్న అన్నప్రసాద వితరణ పథకానికి ఆదివారం గుంటూరుకు చెందిన జె.లలితప్రసాద్‌ రూ.1,00,116 విరాళాన్ని ఆలయ ఏఈవో ఫణిధరప్రసాద్‌కు అందించారు. విరాళాన్ని అందించిన దాతకు దేవస్థానం తరఫున స్వామివారి శేషవస్త్రాన్ని, లడ్డూప్రసాదాన్ని అందించి సత్కరించారు.

ఆలూరు రూరల్‌: మంచినీళ్ల కోసం వెళ్లిన యువతి ప్రమాదవశాత్తు పొలంలోని నీటికుంటలో పడి మృతిచెందారు. ఆలూరు మండలం అరికెర తండా గ్రామంలో ఆదివారం సాయంత్రం ఈ విషాదం చోటుచేసుకుంది. గ్రామంలో 70 కుటుంబాలు ఉండగా విరుపాపురం రిజర్వాయర్‌ నుంచి నీటిని సరఫరా చేస్తున్నారు. అయితే 40 రోజులుగా సరఫరా నిలిచిపోయింది. గ్రామంలో మూడు బోర్లు ఉన్నా.. వాటిలో ఒకటి మాత్రమే పనిచేస్తోంది. మంచినీటి కోసం రెడ్డప్ప నాయక్‌, సాలు బాయిల కుమార్తె శాంతి బాయి (21) గ్రామానికి దగ్గరలోని పొలంలో ఉన్న నీటి కుంట వద్దకు వెళ్లారు. ప్రమాదవశాత్తు అందులో పడి మృతి చెందారు. పక్క పొలాల వారు గమనించి తల్లిదండ్రులకు సమాచారం అందించారు. బంధువులు వచ్చి యువతిని వెలికి తీసేలోపు అప్పటికే మృతి చెందారు. గ్రామంలో నీటి సరఫరా లేకపోవడంతో శాంతిబాయి నీటి కుంట వద్దకు వెళ్లి మృతిచెందారని బంధువులు కన్నీటిపర్యంతమయ్యారు. నీటి సరఫరాలో అధికారుల నిర్లక్ష్యం యువతి ప్రాణాలు తీసిందని గ్రామస్తులు ఆరోపించారు. నీటికుంటలో పడి యువతి మృతి ఆలూరు మండలం అరికెర తండాలో విషాదం

నందికొట్కూరు: కృష్ణా జలాలను కుప్పానికి తరలించామని గొప్పలు చెప్పుకుంటున్న సీఎం చంద్రబాబు నాయుడు ముందుగా శ్రీశైలం నీటి ముంపు నిరుద్యోగుల కన్నీళ్లు తుడవాలని ఆ సంఘం నాయకులు విమర్శించారు. ఆదివారం పట్టణంలోని కర్నూలు–గుంటూరు ప్రధాన రహదారిపై శ్రీశైలం నీటిముంపు నిరుద్యోగులు చేపట్టిన రిలే నిరాహార దీక్ష 186 రోజుకు చేరింది. ఈ సందర్భంగా సంఘం నాయకులు జయన్న మాట్లాడుతూ.. ప్రతి సార్వత్రిక ఎన్నికలు వచ్చినప్పుడల్లా నీటి ముంపు నిరుద్యోగులకు ఉద్యోగాలు ఇస్తామని చంద్రబాబు బహిరంగంగా చెప్పడం, ఆ తర్వాత పట్టించుకోకపోవడం జరుగుతుందన్నారు. కూటమి ప్రభుత్వం పట్టించుకోకపోతే ఆమరణ నిరాహార దీక్ష చేపడతామని హెచ్చరించారు. దీక్షలో రమాదేవి, యశోద, శైలజ, కిరణ్‌, నారాయణ, నాగేంద్రుడు, కురుమన్న, చంద్రశేఖర్‌, తదితరులు కూర్చున్నారు.

‘పచ్చని’ హామీలు..పాదయాత్రల సమయంలో ‘యువగళం’ వేదికగా లోకేష్‌బాబు అనేక హామీలు ఇచ్చారు. అధికారంలోకి రాగానే పే స్కేల్‌ అమలు చేస్తాం, అర్హత ఉన్నవారికి ప్రమోషన్లు ఇస్తాం, అలవెన్స్‌లు ఇస్తాం అని నమ్మబలికారు. గద్దెనెక్కగానే అవన్నీ మరిచి పోయారు. డిమాండ్ల సాధనకు నిరాహార దీక్ష చేస్తుంటే ప్రభుత్వం కనీస స్పందన లేదు. ప్రభుత్వం దిగొచ్చి మా డిమాండ్లను నెరవేర్చే వరకు ఈ సమ్మె ఆపేది లేదు. – నారాయణ, వీఆర్‌ఏల సంఘం జిల్లా అధ్యక్షుడు 40 ఏళ్లుగా రాత్రింబవళ్లు పల్లెల్లో ప్రభుత్వ సేవల కోసం పనిచేస్తున్నాం. మేము చేయని పనిలేదు. ఏ అధికారి వచ్చిన వారికి నీళ్ల దగ్గర నుంచి భోజనం పెట్టేవరకు అన్ని సపర్య లు చేయాలి. అనాథ శవాలకు మేమే దహన సంస్కారాలు నిర్వహిస్తున్నాం. రోజుకు కనీస కూలీ కూడా పడటం లేదు. తక్షణమే హామీలు అమలు చేయకపోతే ఈ పోరాటం రణరంగమవుతుంది. – పెద్ద మాబుషా, వీఆర్‌ఏ, పి.చింతకుంట సుమారు 35 ఏళ్లుగా పనిచేస్తున్నా. ఈ మధ్య కూలి పనికి పోదామన్నా కుదరడం లేదు. ఉదయం నుంచి రాత్రి వరకు ఏదో ఒక పని చేపిస్తూనే ఉంటారు. చాలీచాలని జీతంతో ఆర్థికంగా తీవ్ర ఇబ్బందులు పడుతున్నాం. రూ 10,500తో కుటుంబాలను ఎలా పోషించుకోవాలో నాయకులు, పై అధికారులు వచ్చి చూపించాలి. రెండు వారాలుగా అన్ని వదులుకుని నిరాహార దీక్ష చేస్తుంటే మా గోడు పట్టించుకునే నాథుడు లేరు. – శాంతమ్మ, వీఆర్‌ఏ, చిన్న కందుకూరు ఆళ్లగడ్డ: గ్రామానికి పోలీస్‌, రెవన్యూ, పంచాయతీ, వ్యవసాయ.. తదితర శాఖల ఏ అధికారి వచ్చిన ముందుగా కనిపించేది గ్రామ వీఆర్‌ఏనే. గ్రామ స్థాయిలో ప్రభుత్వ యంత్రాంగానికి అసలైన వెన్నముక వీఆర్‌ఏ (తలారి). అర్ధరాత్రి ఇసుక రీచ్‌ల దగ్గర కాపలా అయినా, రీ – సర్వే, భూ తగదాలు, కొలతలు, ఆఖరికి ఏదైనా సంఘటన జరిగినప్పుడు శవాల దగ్గర, తుపాన్లు, వరదల సమయంలో ప్రాణాలకు తెగించి విధుల్లో ఉండేది వీరే. ఏళ్ల తరబడి వీరు న్యాయమైన డిమాండ్ల కోసం పోరాడుతున్నా పట్టించుకునే వారు లేరు. నంద్యాల జిల్లాలో 1,346 మంది వీఆర్‌ఏలు పని చేస్తుండగా మరో 500 దాకా ఖాళీలు ఉన్నట్లుగా అంచనా. దశాబ్దాలుగా చాలీచాలనీ వేతనాలతో చాకిరీ చేస్తున్నా నేటికి తమ జీవితాలు ఎక్కడ వేసిన గొంగళి అక్కడే అన్న చందంగా ఉందని ఆవేదన వ్యక్తం చేస్తున్నారు. ఎన్నికల ముందు యువగళం పాదయాత్రలో లోకేశ్‌ వీఆర్‌ఏల భుజం తడుతూ అధికారంలోకి వచ్చిన వెంటనే సమస్యలు పరిష్కరిస్తామని హామీ ఇచ్చారు. అధికారం చేపట్టి రెండేళ్లు గడిచి పోయింది. ఇచ్చిన ఐదు హామీల్లో కనీసం మూడైనా అమలు చేయాలని తప్పనిసరి పరిస్థితుల్లో సమ్మెబాట పట్టడంతో గ్రామాల్లో పాలన స్తంభించి పోయింది. విధులను బహిష్కరించి తహసీల్దార్‌ కార్యాలయాల ఎదురుగా నిరాహార దీక్ష చేపట్టారు. టీడీపీ ప్రభుత్వం ఇస్తామన్న కనీస వేతనం రూ. 26 వేలు ఇవ్వక పోవడంతో అర్ధాకలితో కుటుంబాలను నెట్టకొస్తున్నారు. వీఆర్‌ఏల కారుణ్య నియామకాల విషయంలో టీడీపీ ప్రభుత్వం అత్యంత దారుణంగా వ్యవహరిస్తోంది. సర్వీసులో ఉండగా రాత్రింబవళ్లు వెట్టిచాకిరీ చేస్తూ విధి నిర్వహణలోనే కన్ను మూసిన వీఆర్‌ఏల కుటుంబాలు నేడు దిక్కులేని స్థితిలో వీధిన పడుతున్నా పట్టించుకోవడం లేదు. స్తంభించిన సేవలు.. ఇబ్బందుల్లో ప్రజలు వీఆర్‌ఏల నిరవధిక సమ్మె కారణంగా గ్రామాల్లో రెవెన్యూ వ్యవస్థ పూర్తిగా పడకేసింది. క్షేత్రస్థాయిలో విచారణలు, ధ్రువీకరణ పత్రాల జారీ, భూ రీసర్వే, భూ రికార్డుల పరిశీలన, ఈ క్రాప్‌, పంటల బీమా, ప్రభుత్వ బకాయిల వసూలు, భూముల కొలతలు, నీటి పారుదల నిర్వహణ తదితర నిత్యావసర పను లు పూర్తిగా స్తంభించి పోయాయి. దీంతో సామాన్య ప్రజలు తీవ్ర ఇబ్బందులు పడుతున్నా ప్రభుత్వం మొండివైఖరి వీడటం లేదు. పదోన్నతులపై దాగుడు మూతలు.. వీఆర్‌ఏల పదోన్నతుల విషయంలో టీడీపీ ప్రభుత్వం తీవ్రమైన దాగుడు మూతల రాజకీయం చేస్తోంది. యువగళం పాద యాత్రలో అర్హతలున్న ప్రతి వీఆర్‌ఏకు రెవెన్యూ శాఖలో ఖాళీగా ఉన్న పోస్టుల్లో ప్రమోషన్లు కల్పిస్తామని భరోసా ఇచ్చారు. అధికారంలోకి వచ్చాక వీఆర్‌ఓ గ్రేడ్‌ – 2 నియామకాల్లో సర్వీస్‌ రూల్స్‌ సవరణల పేరుతో కాలయాపన చేస్తున్నారు. బ్యాచిలర్‌ డిగ్రీ పూర్తి చేయడానికి ఐదేళ్ల గడువు అంటూ జీవోలు తెచ్చారే తప్ప క్షేత్ర స్థాయిలో ఏళ్ల తరబడి డిగ్రీలు, పీజీలు చేసిన సీనియర్‌ వీఆర్‌ఏలు ఎందరో ఉన్నా ప్రమోషన్లు ఇవ్వడంలో మాత్రం తీవ్ర ఉదాసీనత ప్రదర్శించడం గమనార్హం నియోజకవర్గం వీఆర్‌ఏలు ఆళ్లగడ్డ 296 శ్రీశైలం 171 బనగానపల్లె 292 డోన్‌ 142 నంద్యాల 120 నందికొట్కూరు 296 పాణ్యం 99 మొత్తం 1,346వీఆర్‌ఏల ప్రధాన డిమాండ్లు.. తెలంగాణలో మాదిరిగాపే స్కేల్‌ అమలు చేయాలి నామినీ వీఆర్‌ఏలను బేషరతుగా రెగ్యులర్‌ వీఆర్‌ఏలుగా గుర్తించాలి వన్‌టైం సెటిల్‌మెంట్‌గా గ్రేడ్‌ టూ వీఆర్‌ఏలుగా పదోన్నతులు కల్పించాలి 20 శాతంగా ఉన్న అంటెండర్‌, నైట్‌ వాచ్‌మెన్‌, డ్రైవర్‌ పోస్టుల ప్రమోషన్ల కోటాను 70 శాతానికి పెంచాలి కూటమి ప్రభుత్వానికి పట్టని వీఆర్‌ఏల ఆకలి కేకలు! హామీలు అమలు చేయాలని 10 రోజులుగా సమ్మె స్తంభించిన గ్రామ పాలన

● కర్నూలు జిల్లాలో 1.82, నంద్యాల జిల్లాలో 1.36 రేటు ● రాష్ట్ర సగటు కంటే కాస్త మేలు ● జీవనశైలిలో మార్పులే కారణం ● వేధిస్తున్న స్థూలకాయం, హార్మోన్‌ సమస్యలు ● సంతాన సాఫల్య కేంద్రాల చుట్టూ ప్రదక్షిణలుగతంతో పోలిస్తే ప్రస్తుతం సంతానోత్పత్తి రేటు గణనీయంగా తగ్గుతోంది. ఇందుకు మనుషుల్లో వచ్చిన జీవనశైలిలో మార్పులే కారణం. మగవారిలో వీర్యకణాల సంఖ్య తక్కువగా ఉంటోంది. సీ్త్రలలో ఇన్‌ఫెక్షన్లు, పీసీఓఎస్‌, ఊబకాయం కనిపిస్తున్నాయి. తీవ్ర మానసిక ఒత్తిడితో కూడిన జీవనంతో సంతానలేమి సమస్యలు వస్తున్నాయి. దీనికితోడు సామాజిక, ఆర్థిక, కుటుంబ పరిస్థితులు సైతం జంటలు ఒకరిద్దరు పిల్లలతో సరిపెట్టడానికి కారణం అవుతున్నాయి. సంతానం కావాలనున్న వారు వైద్యులను కలిసి చికిత్స తీసుకుంటే ఇప్పుడు మెరుగైన ఫలితాలు కనిపిస్తున్నాయి. –డాక్టర్‌ ఎంఎస్‌. మల్లేశ్వరి, గైనకాలజిస్ట్‌, కర్నూలు జనాభాలో సంతానోత్పత్తి రేటు 2.1 ఉండాలి. కానీ మన జిల్లాలో 1.8లోపు ఉంది. అక్షరాస్యత పెరగడం, కుటుంబ నియంత్రణ పద్ధతులు పాటించడం, ఆలస్యంగా వివాహాలు చేసుకోవడం, చిన్న కుటుంబాలు వంటి కారణాలు సంతానోత్పత్తి తగ్గడానికి కారణం అవుతున్నాయి. మరోవైపు ఆలస్యంగా వివాహాలు చేసుకోవడం, ఆలస్యంగా పిల్లలను కనేందుకు ప్లాన్‌ చేసుకోవడం, జీవనశైలిలో మార్పులతో సంతానలేమి సమస్యలూ వస్తున్నాయి. ఫెర్టిలిటీ కేంద్రాలు కూడా పెరుగుతున్నాయి. వీటిని జిల్లా వైద్య ఆరోగ్యశాఖ కార్యాలయంలో తప్పనిసరిగా రిజిస్ట్రేషన్‌ చేసుకోవాలి. – వై. కామేశ్వరరావు, డీఎంహెచ్‌ఓ, కర్నూలు కర్నూలు(హాస్పిటల్‌): ఉమ్మడి కర్నూలు జిల్లాలో పుట్టబోయే పిల్లల సంఖ్య బాగా తగ్గిపోతోంది. భార్యాభర్తలు ఒకరు లేదా ఇద్దరికే పరిమితం అవుతున్నారు. ఉమ్మడి కుటుంబాలు లేకపోవడం, చిన్న కుటుంబాలు పెరిగిపోవడంతో పిల్లలను పెంచడం భారంగా మారింది. దీంతో పాటు బిడ్డ కడుపులో పడినప్పుటి నుంచి వారు పెద్దయ్యే వరకు ఖర్చు లక్షల రూపాయల్లో ఉంటోంది. పూర్వపు రోజుల్లో ఇలాంటి ఖర్చులేమీ ఉండేది కాదు. ఆడుతూ పాడుతూ...పెద్దయ్యాక ఏదో ఒక పనిచేసుకుంటూ ఉండటంతో అధిక సంతానం ఎవ్వరికీ భారమయ్యేది కాదు. ప్రస్తుతం ఉమ్మడి కర్నూలు జిల్లాలో సంతానలేమి సమస్యతో బాధపడే వారి సంఖ్య ఎక్కువైంది. సంతానం కలగడం లేదని పూర్వపు రోజుల్లో వందలో ఒకరో ఇద్దరో డాక్టర్‌ వద్దకు వెళ్లేవారు. ఇప్పుడు వందలో 15 నుంచి 20 శాతం మంది తమకు పిల్లలు కలగడం లేదని వైద్యులను ఆశ్రయిస్తున్నారు. రాష్ట్రంలో సంతానోత్పత్తి రేటు 1.5 రేటులోపే ఉండగా కర్నూలు జిల్లా కాస్త మెరుగ్గా 1.86గా, నంద్యాల జిల్లా 1.36గా నమోదైంది. అక్షరాస్యత తక్కువగా ఉండే ఆదోని, పత్తికొండ, ఎమ్మిగనూరు, ఆలూరు, ఆస్పరి, కౌతాళం తదితరప్రాంతాల్లో సంతానోత్పత్తి రేటు 3 నుంచి 3.5 ఉంటోంది. పట్టణ ప్రాంతాలైన కర్నూలు, నంద్యాలలో మాత్రం 1.5 నుంచి 1.8రేటు మధ్యలో నమోదవుతూ వస్తోంది. పెరిగిన సంతాన సాఫల్య కేంద్రాలు మనిషికి ఒకప్పటిలా ప్రస్తుతం శారీరక శ్రమ లేదు. యాంత్రీకరణతో శారీరక శ్రమ తగ్గిపోయింది. ఒత్తిడి, ఆహారపు అలవాట్లలో మార్పుల కారణంగా యువతలో ఊబకాయం, థైరాయిడ్‌, పీసీఓడీ, పురుషుల్లో వీర్యకణాల సమస్యలు పెరుగుతున్నాయి. పిల్లలు కలగని దంపతులు ఒకప్పుడు సమీప గైనకాలజిస్టులను కలిసి చికిత్స తీసుకునేవారు. అప్పటికీ పిల్లలు కలగకపోతే మెరుగైన వైద్యం కోసం హైదరాబాద్‌, చైన్నె, బెంగళూరు వంటి నగరాలకు వెళ్లి సంతాన సాఫల్య కేంద్రాలలోని వైద్యులను సంప్రదించేవారు. ప్రస్తుతం కర్నూలు, నంద్యాల, ఆదోని వంటి పట్టణ కేంద్రాల్లోనూ సంతాన సాఫల్య కేంద్రాలు పదుల సంఖ్యలో పుట్టుకొచ్చాయి. కర్నూలు జిల్లాలోనే వైద్య ఆరోగ్యశాఖ వద్ద రిజిస్టర్‌ అయిన సంతాన సాఫల్య కేంద్రాలు 20 దాకా ఉన్నాయి. ఆయా కేంద్రాలు, వైద్యుల వద్దకు రోజూ 120 నుంచి 150 మంది దాకా కొత్త దంపతులు చికిత్స కోసం వెళ్తున్నారు. తగ్గిన శిశు మరణాల రేటు ఆరోగ్య సదుపాయాలు మెరుగుపడటం, వంద శాతం ఆసుపత్రి ప్రసవాలు జరగడం, సకాలంలో పిల్లలకు వ్యాక్సినేషన్‌ చేయించడం వంటి కారణాలతో శిశుమరణాల రేటు గతంతో పోలిస్తే ప్రస్తుతం బాగా తగ్గింది. గతంలో ఎక్కువ మంది పిల్లలు ఉంటే అనారోగ్యంతో కొందరు మరణించినా, మరికొందరు మిగులుతారనే భావన ఉండేది. ఇప్పుడు శిశు సంరక్షణ పెరగడంతో ఒక్కరు లేదా ఇద్దరు చాలు అనే భరోసా ప్రజల్లో వచ్చేసింది.

సి.బెళగల్‌: భవణానికి పేయింటింగ్‌ వేస్తూ కిందపడి గాయాలపాలైన ఓ యువకుడు కోలుకోలేక ఆదివారం మృతి చెందాడు. వివరాల్లోకి వెళితే.. సి.బెళగల్లోని కోట వీధిలో నివాసముంటున్న సత్తార్‌ కుమారుడు ఖాజాహుసేన్‌ (24) ఇంటి పేయింటింగ్‌ పనులు చేసేవాడు. ఈనెల 25వ తేది పనిచేస్తుండగా ప్రమాదవశాత్తు కింద పడి తీవ్రంగా గాయపడ్డాడు. చికిత్స నిమిత్తం కుటుంబ సభ్యులు కర్నూలులోని ఓ ప్రైవేట్‌ ఆసుపత్రిలో చేర్పించారు. అయితే, కోలుకోలేక ఆదివారం మృతి చెందినట్లు కుటుంబసభ్యులు తెలిపారు. ఒక్కగానొక కుమారుడు మృతితో తల్లిదండ్రులు శోకసంద్రంలో మునిగిపోయారు. సీసీ కెమెరా, హౌస్‌వైరింగ్‌లో ఉచిత శిక్షణ కర్నూలు(అగ్రికల్చర్‌): జిల్లాలోని గ్రామీణ ప్రాంతాలకు చెందిన యువకులకు కెనరా బ్యాంక్‌ గ్రామీణ స్వయం ఉపాధి శిక్షణ సంస్థ ఉచిత శిక్షణ ఇస్తున్నట్లు ఆ సంస్ధ డైరెక్టర్‌ కె.పుష్పక్‌ తెలిపారు. సీసీటీవీ కెమెరా ఇన్‌స్టలేషన్‌– రిపేరీలో 13 రోజులు, హౌస్‌ వైరింగ్‌లో 30 రోజులు ఉచిత శిక్షణ ఇస్తున్నట్లు ఆయన ఆదివారం ఒక ప్రకటన లో తెలిపారు. అక్టోబరు 7 వ తేదీ నుంచి శిక్షణ కార్యక్రమాలు మొదలవుతాయని పేర్కొన్నారు. 19 నుంచి 50 ఏళ్లలోపు వయస్సు ఉండి కనీసం 10వ తరగతి పాసైన యువకులు అర్హులని పేర్కొన్నారు. శిక్షణ కాలంలో ఉచిత భోజనం, హాస్టల్‌ వసతి కూడా కల్పిస్తున్నట్లు పేర్కొన్నారు. ఆసక్తి కలిగిన యువకులు ఆరు ఫొటోలు, రేషన్‌కార్డు, ఆధార్‌, బ్యాంకు ఖాతా, విద్యార్హత ధ్రువపత్రాల జిరాక్స్‌ కాపీలతో సంస్థలో దరఖా స్తు చేసుకోవాలని కోరారు. వివరాలకు 08518– 273710, 9000710508, 8500272720ను సంప్రదించాలని సూచించారు. మట్కా బీటర్‌ అరెస్ట్‌ సాక్షి టాస్క్‌ఫోర్స్‌: డోన్‌ పట్టణానికి చెందిన టీడీపీ కార్యకర్త, మట్కా బీటర్‌ అయిన కటికె రమణను పట్టణ పోలీసులు అరెస్టు చేశారు. మట్కా రాస్తున్నట్లు సమాచారం రావడంతో పట్టణ పోలీసులు దాడి చేసి రమణను అదుపులోకి తీసుకోని అతని వద్ద ఉన్న మట్కా చీటీలతో పాటు రూ.7,500 నగదును స్వాధీనం చేసుకోని కేసు నమోదు చేశారు. గత కొద్ది రోజుల క్రితం పట్టణంలో నూతనంగా నిర్మించి పాలక వర్గం ప్రారంభించిన ఎంపీడీఓ కార్యాలయం గేట్లను టీడీపీ నాయకులతో కలిసి కటికె రమణ గేటు తాళాలను పగులగొట్టినా పోలీసులు ఎలాంటి చర్యలు తీసుకోలేదు. పొలానికి నీరు రాలేదని రైతు ఆత్మహత్య ఆళ్లగడ్డ: తెలుగుగంగ కాలువ నుంచి పొలానికి నీరు రాదని తెలిసి కౌలురైతు దమ్ముగాళ్ల ఓబులేసు (50) పురుగుల మందు ఆత్మహత్య చేసుకున్నాడు. కుటుంబ సభ్యులు తెలిపిన వివరాల మేరకు.. ఆళ్లగడ్డ మండలం మిట్టపల్లె గ్రామానికి చెందిన ఓబులేసు (50) పొలాన్ని కౌలుకు తీసుకుని పంటలు సాగు చేసేవాడు. ఈ ఏడాది నాలుగు ఎకరాల పొలం కౌలుకు తీసుకుని వరి, మొక్కజొన్న, మిరప సాగు చేశాడు. తెలుగుగంగ కాలువకు నీరు రాకపోవడంతో పాటు ఉన్న బోరులో కూడా నీరు పూర్తిగా తగ్గిపోయింది. దీంతో లక్షలు ఖర్చు పెట్టి సాగు చేసిన పంటలు కళ్ల ముందే రోజురోజుకు ఎండిపోతుండటంతో తీవ్ర మనోవేదనకు గురయ్యేవాడు. ఈ క్రమంలో ఈ నెల 12వ తేదీ కాలువకు నీళ్లు వస్తున్నాయంటూ అక్కడి వెళ్లాడు. నీరు తాగడానికే అని పొలాలకు కాదని చెప్పడంతో మనస్తాపం చెందాడు. పొలం చుట్టూ తిరిగి ఇంటికి వచ్చి పొలానికి అని తెచ్చిపెట్టుకున్న క్రిమిసంహారక మందు తాగాడు. అపస్మారక స్థితిలో ఉన్న ఓబులేసును కుటుంబ సభ్యులు గమనించి ఆళ్లగడ్డ వైద్యశాలకు తరలించారు. పరిస్థితి విషమంగా ఉండటంతో నంద్యాల వైద్యశాలకు తరలించగా చికిత్స పొందుతూ కోలుకోలేక ఆదివారం మృతి చెందాడని భార్య పామక్క తెలిపారు. ఆమె ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నామని రూరల్‌ పోలీసులు తెలిపారు. పొలాల్లో శవమై తేలిన వృద్ధుడు బొమ్మలసత్రం:నంద్యాల పట్టణానికి చెందిన పాపాఖాన్‌ (65) అనే వ్యక్తి శవమై తేలాడు. వన్‌టౌన్‌ సీఐ సుధాకర్‌ రెడ్డి తెలిపిన వివరాల మేరకు.. పఠాన్‌పేటలో జీవించే పాపాఖాన్‌ స్థానిక ఓ దుకాణంలో గుమా స్తాగా పనిచేసేవాడు. నాలుగు నెలల క్రితం మతిస్థితిమితం సరిగ్గా లేక పని మానేశాడు. అప్పటి నుంచి ఖాళీగా నంద్యాల పట్టణంలో తిరిగి రాత్రికి ఇంటికి చేరుకునే వాడు. ఈనెల 16వ తేదీన బయటకు వెళ్లి తిరిగి ఇంటికి రాలేదు. ఆచూకీ లభించకపోవడంతో కుటుంబసభ్యులు శనివారం వన్‌టౌన్‌ పోలీసులకు ఫిర్యాదు చేశారు. ఉదయం హరిజనవాడ పొలాల్లో ఓ వృద్ధుడు శవమై కనిపించటంతో పోలీసులు అక్కడికి చేరుకున్నారు. మృతదేహం పాపాఖాన్‌దేనని గుర్తించిన పోలీసులు కుటుంబ సభ్యులకు సమాచారం అందించారు. పోస్టుమార్టం నిమిత్తం మృతదేహాన్ని జీజీహెచ్‌కు తరలించారు. మృతుడి పెద్దకుమారుడు మాబుఖాన్‌ ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు.

● జిల్లా కలెక్టర్‌ డాక్టర్‌ ఎ.సిరిజ్యోతి ప్రజ్వలన చేస్తున్న కలెక్టర్‌ డాక్టర్‌ ఏ సిరినృత్యం చేస్తున్న విద్యార్థినులుకర్నూలు కల్చరల్‌: పర్యాటక రంగానికి ఏఐ (ఆర్టిఫీషియల్‌ ఇంటెలిజెన్స్‌) మరింత ఊతమిస్తుందని జిల్లా కలెక్టర్‌ డాక్టర్‌ ఎ.సిరి తెలిపారు. కలెక్టరేట్‌లోని సునయ ఆడిటోరియంలో ఆదివారం ప్రపంచ పర్యాటక దినోత్సవాన్ని నిర్వహించారు. ఈ సందర్భంగా కలెక్టర్‌ మాట్లాడుతూ.. జిల్లాలో కొండారెడ్డి బురుజు వంటి చారిత్రక ప్రదేశాలు ఉన్నాయన్నారు. వీటితోపాటు మంత్రాలయం, పెద్దతుంబళంలోని జైన దేవాలయం, రామాలయం, ఉరుకుంద తదితర ప్రాంతాలను అనుసంధానించాలన్నారు. ఇందుకు టెంపుల్‌ సర్క్యూట్‌గా అభివృద్ధి చేయాల్సిన అవసరం ఉందన్నారు. మంత్రాలయానికి బెంగళూరు, బళ్లారి తదితర ప్రాంతాల నుంచి వచ్చే భక్తులు ఇతర పర్యాటక ప్రాంతాలను సందర్శించేలా ప్యాకేజీలను రూపొందించాలన్నారు. ఆన్‌లైన్‌లో ప్రచారం చేస్తే పర్యాటలకు సంఖ్య పెరిగే అవకాశం ఉంటుందన్నారు. గాజులదిన్నె ప్రాజెక్టు వద్ద రిసార్ట్‌, బోటింగ్‌ తదితర సౌకర్యాల అభివృద్ధికి ప్రణాళికలు రూపొందిస్తున్నట్లు పేర్కొన్నారు. రాంజల చెరువు, సుంకేసుల బ్యారేజీ ప్రాంతాల్లోనూ పర్యాటక అభివృద్ధికి అవకాశాలు ఉన్నాయన్నారు. వ్యాసరచన పోటీల్లో విజేతలు, సాంస్కృతిక ప్రదర్శనలు ఇచ్చిన విద్యార్థులకు బహుమతులు, మెమెంటో, ప్రశంసా పత్రాలను కలెక్టర్‌ అందజేశారు. విద్యార్థులు ప్రదర్శించిన నృత్యాలు అలరించాయి. కార్యక్రమంలో జిల్లా పర్యాటక సాంస్కృతిక శాఖాధికారి ఎం.ఇ. తిరుమలనాయుడు, సెట్కూరు సీఈవో డాక్టర్‌ కె. వేణుగోపాల్‌, ట్రైబల్‌ వెల్ఫేర్‌ అఽధికారి సురేష్‌, మత్స్య శాఖ అఽధికారి రంగనాథ్‌, ఆర్‌ఐవో లాలప్ప పాల్గొన్నారు.

గోనెగండ్ల: గంజిహళ్లి గ్రామంలో గత నెలలో జరిగిన ఓ హత్య కేసు మిస్టరీని పోలీసులు ఛేదించారు. నిందితుల్లో ఒకరు పోక్సో కేసు నుంచి బయటపడేందుకు ఈ దారుణానికి ఒడిగట్టాడు. తన సొంత అన్న కుమారుడిని హత్య చేసి, ఆ నేరాన్ని పోక్సో కేసు పెట్టిన వ్యక్తిపై మోపి తప్పించుకోవాలని చూసిన నిందితులను పోలీసులు రిమాండ్‌కు తరలించారు. ఆదివారం ఎమ్మిగనూరు సీఐ చంద్రబాబు తెలిపిన వివరాల మేరకు.. గంజిహళ్లి గ్రామానికి చెందిన పెద్ద బడేసా, చిన్న బడేసా అన్నదమ్ములు అయితే పెద్ద బడేసా నాలుగేళ్ల క్రితం మృతి చెందాడు. పెద్ద బడేసా కుమారుడు బెస్త రమేష్‌కు తల్లి శంకరమ్మ, తమ్ముడు ఉండగా.. రెండెకరాల పొలాన్ని వీరు వ్యవసాయం చేస్తూ జీవనం సాగిస్తున్నారు. అయితే గత నెల 10వ తేదీన బెస్త రమేష్‌ హత్యకు గురయ్యాడు. గ్రామ శివారు వంకలో మృతదేహం బయటపడింది. ఈ క్రమంలో తమ వాడిని గ్రామానికి చెందిన ఓ వ్యక్తి కుటుంబీకులు చంపి ఉంటారని రమేష్‌ సొంత చిన్నన్న చిన్న బడేసా అనుమానం వ్యక్తం చేశారు. పోలీసులు కేసు నమోదు చేసి దర్యాప్తు చేపట్టగా అసలు నిజం వెలుగు చేసింది. దాడి చేసి.. గొంతు నులిమి హత్య మృతుడు రమేష్‌ చిన్నాన్న చిన్న బడేసా మూడేళ్ల క్రితం గ్రామానికి చెందిన ఓ బాలిక పోక్సో కేసులో నిందితుడిగా ఉన్నాడు. ఈ కేసు ట్రయిల్‌కు వచ్చింది. ఆ కేసు నుంచి తప్పించుకునేందుకు హత్యకు పథకం పన్నాడు. తన అన్న కుమారుడు బెస్త రమేష్‌ను హత్య చేసి ఆ కేసును తనపై పోక్సో కేసు పెట్టిన కుటుంబీకులపై నెట్టేందుకు పథకం వేశాడు. అందులో భాగంగా గత నెల 10వ తేదీన పొలం పనులు చేసుకుంటున్న బెస్త రమేష్‌ను చిన్నన్న చిన్న బడేసా, చిన్న తాత అయిన అయ్యన్న దాడి చేసి, గొంతు నులిమి హత్య చేసి గ్రామ శివారులోని వంక నీటిలో పూడ్చి పెట్టారు. హత్య చేసిన వారే రమేష్‌ కనిపించడం లేదంటూ గ్రామంలో వెతకడం ప్రారంభించారు. మరుసటి రోజు వంకలో రమేష్‌ శవం బయట పడింది. పథకం ప్రకారం తనపై పోక్సో కేసు పెట్టిన వారిపై అనుమానం వ్యక్తం చేయడంతో ఆ మేరకు పోలీసులు కేసు నమోదు చేసి దర్యాప్తు చేపట్టారు. పోలీసుల విచారణలో ఆసక్తికర విషయాలు వెలుగులోకి వచ్చాయి. సొంత చిన్నాన్న, చిన్న తాతనే రమేష్‌ను అంతమొందించినట్లు దర్యాప్తులో తేలింది. పోక్సో కేసు ట్రయిల్‌కు రావడంతో, హత్య కేసుతో ముడిపెట్టి రాజీ కావచ్చని భావించి దారుణానికి ఒడిగట్టారు. ఆస్తిని కూడా కాజేసే కుట్ర ఉన్నట్లు తెలుస్తోంది. ఇద్దరి నిందితులను ఆదివారం అరెస్ట్‌ చేసి రిమాండ్‌కు తరలించినట్లు సీఐ చంద్రబాబు తెలిపారు. పోక్సో కేసులో బయట పడేందుకు దారుణం సొంత చిన్నాన్న, చిన్న తాత నిందితులు అరెస్ట్‌ చేసి రిమాండ్‌కు తరలించిన పోలీసులు 40 రోజుల తర్వాత మిస్టరీ వీడిన హత్య కేసు

ఉమ్మడి జిల్లాలో 70 శాతానికి పైగా మహిళలు కుటుంబ నియంత్రణ పద్ధతులను పాటిస్తున్నారు. చాలా మంది మహిళలు ఒక బిడ్డ జన్మించగానే కు.ని. ఆపరేషన్లు చేసుకుంటున్నారు. గ్రామీణ, పట్టణ ప్రాంతాల్లో ఆశా కార్యకర్తలు, ప్రాథమిక ఆరోగ్య కేంద్రాల ద్వారా అందించిన సేవల ఫలితంగా చిన్న కుటుంబ భావన బలంగా స్థిరపడింది. చాలా మంది ఉద్యోగాల్లో స్థిరపడిన తర్వాత వివాహం చేసుకుంటున్నారు. కెరీర్‌లో స్థిరత్వం కోసం మొదటి సంతానాన్ని మరింత ఆలస్యం చేస్తున్నారు. ఫలితంగా సహజ గర్భధారణ అవకాశాలపై ప్రభావితం చూపిస్తున్నాయి. ప్రస్తుతం పిల్లలను పెంచాలంటే పెనుభారంగా మారింది. వారికి చదువు చెప్పించడం పెద్ద సవాలు. ప్రైవేటులో వేలకు వేల ఫీజులు, నాణ్యమైన వైద్యం, జీవన వ్యయం భారీగా పెరగడం వంటి విషయాలు ఎక్కువ మంది పిల్లలను పోషించడం భారంగా మారింది. ఈ కారణంతోనే మధ్యతరగతి, దిగువ తరగతి కుటుంబాలు ఎక్కువ మంది పిల్లల కంటే ఒక్కరికే మంచి భవిష్యత్‌ ఇవ్వడం ముఖ్యమనే ఆలోచనకు వస్తున్నాయి.

కర్నూలు(అగ్రికల్చర్‌): ఉమ్మడి జిల్లాలోని ప్రభుత్వరంగ, ప్రైవేట్‌, సహకార, గ్రామీణ బ్యాంకులు ఈ నెల 28 నుంచి మూడు రోజుల పాటు సమ్మె పాటించనున్నాయి. వారంలో ఐదు రోజుల పనిదినాల విధానాన్ని అమలు చేయాలనే ప్రధానమైన డిమాండ్‌తో ఈ సమ్మె చేస్తున్నట్లు యునైటెడ్‌ ఫోరం ఆఫ్‌ బ్యాంకు యూనియన్స్‌ జిల్లా కన్వీనర్‌ నాగరాజు, ఆంధ్రప్రదేశ్‌, తెలంగాణ బ్యాంకు ఎంప్లాయీస్‌ పెడరేషన్‌ యూత్‌ కౌన్సిల్‌ మెంబరు అనిల్‌రెడ్డి తెలిపారు. జిల్లా పరిషత్‌లోని ఆంధ్రప్రదేశ్‌ గ్రామీణ బ్యాంకు దగ్గర ఈ నెల 28, 29 తేదీల్లో ఉదయం 9.30 గంటలకు నిరసన కార్యక్రమం ఉంటుందని యుఎఫ్‌బీయూ జిల్లా కన్వీనర్‌ తెలిపారు. ధర్నా చౌక్‌ దగ్గర 30న ఆందోళన కార్యక్రమాలు నిర్వహిస్తామన్నారు. అయితే మూడు రోజుల పాటు కార్పొరేట్‌ బ్యాంకులు యథాతథంగా పనిచేస్తాయి. కేడీసీసీబీ ఎదుట నిరసన బ్యాంకింగ్‌రంగంలో ఐదు రోజుల పనిదినాల విధానాన్ని వెంటనే అమలు చేయాలని ఆంధ్రప్రదేశ్‌ కో ఆపరేటివ్‌ బ్యాంక్‌ అసోసియేషన్‌( ఏపీసీబీఏ), ఆంధ్రప్రదేశ్‌ కో–ఆపరేటివ్‌ సెంట్రల్‌ బ్యాంక్‌ అసోషియేషన్‌ (ఏపీసీసీబీఏ) నేతలు డిమాండ్‌ చేశారు. ఆదివారం జిల్లా సహకార కేంద్రబ్యాంకు ప్రధాన కార్యాలయం ఎదుట నిరసన కార్యక్రమం చేపట్టారు. సోమవారం నుంచి మూడు రోజుల పాటు చేపట్టనున్న సమ్మెకు ప్రతి ఒక్కరూ సహకరించాలని కోరారు. ఏపీసీబీఏ నేత పి.రాఘవేంద్ర, (ఏపీసీసీబీఏ నేత విజయసింహారెడ్డి పాల్గొన్నారు. నిరసనకు సీనియర్‌ అధికారులు పి.రామంజనేయులు, ఉమామహేశ్వరరెడ్డి, సునీల్‌కుమార్‌ తదితరులు సంఘీభావం ప్రకటించారు.

కర్నూలు: నగరంలోని కేసీ కాల్వలో నంద్యాల చెక్‌పోస్టు ప్రాంతానికి చెందిన 7వ తరగతి విద్యార్థి అభిజయ్‌ (12) గల్లంతయ్యారు. పూల రత్నమయ్య, లక్ష్మీదేవి దంపతుల కుమారుడు అభిజయ్‌ నంద్యాల చెక్‌పోస్టు దగ్గర ఉన్న ట్వింకిల్‌ స్టార్‌ స్కూల్‌లో 7వ తరగతి చదువుతున్నాడు. ఆదివారం మధ్యాహ్నం 3.30 గంటల ప్రాంతంలో అదే కాలనీకి చెందిన వంశీ, మరొకరితో కలసి దేవనగర్‌ వద్ద ఉన్న వినాయక నిమజ్జనం జరిగిన ఘాట్‌ వద్దకు చేరుకున్నారు. ముగ్గురు కలసి ఈత కొట్టేందుకు కేసీ కెనాల్‌లోకి దిగారు. ఇందులో ఇద్దరికి ఈత వస్తుండటంతో ఈదుకుంటూ ఒడ్డుకు చేరుకున్నారు. అభిజయ్‌కి ఈత రాకపోవడంతో నీళ్లలో మునిగిపోయారు. కేసీ కెనాల్‌కు పెద్ద ఎత్తున వరద నీరు రావడంతో ప్రవాహ ఉధృతి పెరిగింది. దీంతో కెనాల్‌లో ఉన్న గుర్రపు డెక్క మొత్తం ఘాట్‌ వద్దకు కొట్టుకవచ్చి నిమజ్జనం జరిగిన ప్రాంతంలో నిలిచిపోయింది. గల్లంతైన విద్యార్థి గుర్రపు డెక్కలో కూరుకపోయి ఉండొచ్చని స్థానికులు అనుమానిస్తున్నారు. విషయం తెలిసిన వెంటనే చుట్టుపక్కల ఉన్న కాలనీల ప్రజలు పెద్ద ఎత్తున అక్కడికి తరలివచ్చారు. కొందరు యువకులు నీళ్లలోకి దిగి విద్యార్థి కోసం గాలించినప్పటికీ ఆచూకి లభించలేదు. తల్లిదండ్రులు కూడా విషయం తెలుసుకొని కెనాల్‌ వద్దకు చేరుకున్నారు. వీరికి ముగ్గురు పిల్లలు సంతానం. పెద్దకుమారుడైన అభిజయ్‌ నీటిలో గల్లంతు కావడంతో వారు కన్నీరుమున్నీరుగా విలపించారు. విషయం తెలిసిన మూడో పట్టణ సీఐ శేషయ్య తన సిబ్బందిలో ఘటనా స్థలానికి చేరుకొని గాలింపు చర్యలు చేపట్టారు.

మాది నిరుపేద కుటుంబం. పదేళ్ల క్రితం నాన్న కుళ్లాయప్ప మృతి చెందాడు. నాతో పాటు ఇద్దరు తమ్ముళ్లు ఉన్నారు. నాన్న మరణించే సమయానికి వాళ్లు ఇంకా చిన్న పిల్లలు. పదేళ్ల నుంచి మా అమ్మ లక్షుమ్మ ఇంటి బాధ్యతలతో పాటు నా చదువును ప్రోత్సహిస్తూ వచ్చారు. ఒక్క రోజు కూడా ఇంటి వద్ద ఉండకుండా పనులు చేస్తూనే నన్ను కర్నూలు సమీపంలోని తాండ్రపాడు డీఎడ్‌ చదివించారు. డీఎస్సీ రాయడంతో ఇటీవలనే నాకు ఉపాధ్యాయ ఉద్యోగం వచ్చింది. అమ్మ కష్టాలు నా ఉన్నతికి దారులు వేశాయి. – లక్ష్మీకుళ్లాయమ్మ, కొలిమిగుండ్ల తల్లిదండ్రుల బాటలో.. నంద్యాల(వ్యవసాయం): తల్లిదండ్రుల ఆశయాలను అందిపుచ్చుకొని నంద్యాల పట్టణంలోని సాయిబాబానగర్‌కు చెందిన హృదయ ఆదర్శంగా నిలుస్తున్నారు. తల్లిదండ్రులు రాజేశ్వరి, నాగకృష్ణకుమార్‌ ఇద్దరూ న్యాయవాద వృత్తిలో కొనసాగుతున్నారు. న్యాయవాది వృత్తిలో పేద ప్రజలకు సరైన న్యాయ సలహాలు, న్యాయం జరిగేందుకు కృషి చేయవచ్చు అని తల్లిదండ్రులు చెప్పిన మాటతో వైద్యవృత్తి ఆలోచనను కుమార్తె పక్కనబెట్టారు. న్యాయవాద వృత్తిని ఎంచుకున్నారు.

మంత్రాలయం: ప్రముఖ ఆధ్యాత్మిక కేంద్రం మంత్రాలయం రాఘవేంద్రస్వామి మఠం పీఠాధిపతి సుబుధేంద్రతీర్థులు సీమోల్లంఘన శోభాయమానంగా జరిగింది. చాతుర్మాస దీక్ష ముగియడంతో శనివారం రాత్రి సీమోల్లంఘన వైభవంగా నిర్వహించారు. పండితుల వేద ఘోషలు, పుష్పవృష్టి, భక్తజనుల కోలాహలం మధ్య పీఠాధిపతి వైభవంగా ఊరేగారు. ముందుగా స్వామిజీ రాఘవేంద్రుల ఆశీస్సులు తీసుకుని ప్రత్యేక పల్లకీలో బయలు దేరారు. స్థానిక కొండాపురం ఆంజనేయస్వామి ఆలయం వాయుదేవుడికి విశేషాత్మక పూజలు నిర్వహించారు. అక్కడి నుంచి అలంకరణ అశ్వవాహనపై ఆశీనులై పట్టణంలోని రాఘవేంద్ర సర్కిల్‌ చేరుకున్నారు. బాజాభజంత్రీలు, వేద పఠనాలతో స్వామిజీకి ఆహ్వానం పలుకగా భారీగా బాణా సంచా పేల్చి పుష్పాల వాన కురిపించారు. అడుగడుగునా ఆధ్యా త్మిక సంబరం ఉట్టి పడుతుండగా భక్త జనులకు ఆశీర్వాదాలు ఇస్తూ స్వామిజీ ఊరేగింపు ముందుకు సాగింది. స్థానిక సర్కిల్‌ నుంచి అశేష భక్తజనుల ప్రదర్శనల నడుమ ప్రధాన ఆర్చి మీదుగా మధ్వ కారిడార్‌ వీధుల్లో ఊరేగుతూ పీఠాధిపతి శ్రీమఠం చేరుకున్నారు.

బీఎస్సీ చదువుకున్నాను. మా నాన్న రవిప్రసా ద్‌, తల్లి మనెమ్మ వ్యవసాయం చేస్తా రు. వారి ఆశయాలను వ మ్ముచేయను. ప్రజలకు సేవ చేసేందుకే పోలీసు శాఖలోకి వచ్చా. నాకు పోలీ సంటే చిన్నప్పటి నుంచి ఆసక్తి. శిక్షణ పూర్తి కావడంతో విధుల్లో ఎప్పుడు చేరతానా అన్న ఉత్సుకత ఉంది. – మహేష్‌, పోలవరం, తూగో జిల్లా బీటెక్‌ చదివాను. తల్లిదండ్రులు శ్రీనివాసరావు, ఆదిలక్ష్మి ప్రోత్సాహంతో పోలీసునవుతున్నా. శిక్షణలో శాంతిభద్రతలకు సంబంధించిన అనేక అంశాలపై తర్ఫీదునిచ్చారు. పోలీసుకు ఎంపిక కావడం, శిక్షణ పూర్తవడం చకచకా జరిగిపోయాయి. సమాజం బాగు కోసం శక్తివంచన లేకుండా విధులు నిర్వహిస్తా. – సుబ్రహ్మణ్యం, పోలవరం, తూగో జిల్లా బీటెక్‌ పూర్తి చేశా. పోలీసు శాఖలో ఎస్‌ఐ కావాలన్నది లక్ష్యం. తండ్రి ఓబుల్‌ రెడ్డి, తల్లి నాగమ్మ వ్యవసాయం చేస్తుంటారు. పోలీసు అంటే బాధ్యతాయుతమైన వృత్తి. గౌరవంతో పాటు సమాజంలో బాధ్యత ఎక్కువగా ఉంటుంది. ప్రజలకు రక్షణగా నిలిచే అవకాశం ఉంటుంది. ఉద్యోగ విధిని నిర్వహిస్తూనే ఎస్‌ఐ కావాలనే లక్ష్యాన్ని చేరుకుంటా. – ఓబుల్‌ రెడ్డి, కడప జిల్లా

ఒక ఆడపిల్ల ఆరోగ్యం మన భవిష్యత్‌ తరాన్ని నిర్ణయిస్తుంది. ఒక ఆడపిల్ల పుట్టినప్పటి నుంచి పెద్ద మనిషి అయి తల్లి అయ్యే వరకు తన శరీరంలో ఆరోగ్యంలో అనేక కీలక మార్పులు జరుగుతాయి. వారి ఆరోగ్యం చాలా ముఖ్యం. మొదటగా ఆడపిల్లలు నెలసరి మైల సమయంలో మంచి పోషకాహారంతో పాటు శుభ్రత గురించి తగిన జాగ్రతలు తీసుకోవాలి. సరిగా నెలసరి రాకపోయిన అతిగా బరువు పెరిగినా వెంటనే వైద్యులను సంప్రదించాలి. ప్రతి ఆడపిల్ల 10 సంవత్సరాలు నిండాక గర్భసంచి ముఖద్వార క్యాన్సర్‌ నివారణ వ్యాక్సిన్‌ వేయించుకోవడం అత్యవసరం. గర్భవతులు మంచి పోషకాహారం, ఐరన్‌, బలం మాత్రలు వాడాలి. – డాక్టర్‌ స్నిగ్ధ, హెచ్‌ఓడీ, గైనకాలజీ, జీజీహెచ్‌, కర్నూలు ●

ఎమ్మిగనూరురూరల్‌: ఎమ్మిగనూరు పట్టణంలో శనివారం పట్టపగలే చోరీ జరిగింది. రంగారెడ్డి అనే రైతు స్థానిక కెనరా బ్యాంక్‌ నుంచి రూ. 2 లక్షలు డ్రా చేసుకొని బైక్‌ ట్యాంక్‌ కవర్‌లో పెట్టుకుని ఇంటికి బయలుదేరాడు. మార్గమధ్యలో వైఎస్సార్‌ సర్కిల్‌ దగ్గర ఉన్న స్వీట్‌ స్టాల్‌ ముందు బైక్‌ నిలిపి లోపలికి వెళ్లాడు. అప్పటికే బ్యాంక్‌ నుంచి అనుసరిస్తూ వచ్చిన ఓ గుర్తు తెలియని వ్యక్తి ట్యాంక్‌ కవర్‌లో ఉంచిన రూ. 2 లక్ష నగదును ఎత్తుకెళ్లిపోయాడు. స్వీట్‌ స్టాల్‌ నుంచి బయటకు వచ్చిన రైతు రంగారెడ్డికి డబ్బులు కనిపించకపోవటంతో వెంటనే పట్టణ పోలీసుకు సమాచారం అందించారు. పోలీసులు సంఘటన స్థలానికి చేరుకుని స్వీట్‌ స్టాల్‌ దగ్గర ఉన్న సీసీ పుటేజీని పరిశీలించగా ఓ వ్యక్తి బైక్‌ నుంచి డబ్బులు తీసుకెళ్లిన దృశ్యాలు కనించాయి. కేసు నమోదు చేసుకొని విచారణ చేపట్టినట్లు టౌన్‌ ఎస్‌ఐ మధుసూదన్‌రెడ్డి తెలిపారు. మల్లన్న సేవలో లోకాయుక్త న్యాయమూర్తి శ్రీశైలంటెంపుల్‌: శ్రీశైల శ్రీభ్రమరాంబా మల్లికార్జున స్వామిఅమ్మవార్లను ఏపీ లోకాయుక్త న్యాయమూర్తి టీ.మల్లికార్జునరావు దంపతులు దర్శించుకుని ప్రత్యేక పూజలు నిర్వహించుకున్నారు. శనివారం మల్లన్న దర్శనార్థం ఆలయం వద్దకు విచ్చేసిన న్యాయమూర్తికి దేవస్థాన చైర్మన్‌ పోతుగుంట రమేష్‌నాయుడు, ఈఓ శ్రీనివాసరావు, అధికారులు, అర్చకులు ఆలయ మర్యాదలతో స్వాగతం పలికారు. అనంతరం ఏపీ లోకాయుక్త న్యాయమూర్తి టీ.మల్లికార్జున రావు దంపతులు మల్లికార్జున స్వామివారికి రుద్రాభిషేకం, భ్రమరాంబాదేవికి కుంకుమార్చన తదితర ప్రత్యేక పూజలు నిర్వహించుకున్నారు. అనంతరం వారికి వేదపండితులు వేదమంత్రాలు పలుకగా, అర్చకులు ఆశీర్వచనాలను అందించారు. అనంతరం న్యాయ మూర్తి దంపతులకు దేవస్థాన చైర్మన్‌, ఈఓ స్వామివారి శేషవస్త్రాన్ని, లడ్డూప్రసాదాలను, జ్ఞాపికను అందించి సత్కరించారు. ఆదోని: విధుల్లో నిర్లక్ష్యంగా వ్యవహరించిన పెద్దహరివాణం 30 పడకల ప్రాథమిక ఆరోగ్య కేంద్రంలోని స్టాఫ్‌ నర్స్‌కు వైద్యాధికారులు షోకాజ్‌ నోటీసులు జారీ చేశారు. బుధవారం ఉదయం పురిటి నొప్పులతో ఆసుపత్రికి వచ్చిన గర్భిణికి వైద్య సేవలు అందించేందుకు ఎవరూ అందుబాటులో లేరు. బంధువులే పురుడు పోసి కాపాడారు. ఈ క్రమంలో ‘గర్భిణికి బంధువులే పురుడు పోశారు’ అనే శీర్షికన సాక్షిలో శనివారం వెలువడిన వార్తకు వైద్య ఆరోగ్య శాఖ అధికారులు స్పందించారు. ఆదోని డిప్యూటీ డీఎంహెచ్‌ఓ సత్యవతి ఉదయం హుటాహుటిన పెద్దహరివాణం ఆరోగ్య కేంద్రానికి చేరుకుని విచారణ చేపట్టారు. వైద్య సేవలు పొందుతున్న బాలింత పవిత్ర, బిడ్డ ఆరోగ్య క్షేమాలను అడిగి తెలుసుకున్నారు. ఆసుపత్రిలో విధుల్లో ఉన్న సిబ్బందిని, రాత్రి డ్యూటీ వివరాలను తెలుసుకున్నారు. నైట్‌ డ్యూటీలో ఉన్న స్టాఫ్‌ నర్సు తన తర్వాత నర్సు వచ్చే వరకు విధుల్లో ఉండాల్సి ఉన్నప్పటికీ ఎవరికీ చెప్పా పెట్టకుండా ముందుగానే వెళ్లిపోయినట్లు గుర్తించారు. ఈ మేరకు సదరు స్టాఫ్‌ నర్సుకు షోకాజ్‌ నోటీసును జారీ చేయాల్సిందిగా ఆదేశించారు. భవిష్యత్తులో ఇలాంటి ఘటనలు పునరావృతం కాకుండా సిబ్బంది అప్రమత్తంగా విధులు నిర్వహించాలన్నారు.

మాది కర్నూలు నగరంలోని బుధవారపేట. నా భార్య లక్ష్మి రెండో కాన్పులో ఆడబిడ్డను ప్రసవించింది. మూడేళ్ల క్రితం మొదటి కాన్పులోనూ ఆడపిల్లే పుట్టింది. అయినా ఇప్పుడు ఎలాంటి బాధ మాకు లేదు. ఇది మాకు భగవంతుడు ఇచ్చిన వరమని భావిస్తాం. నేను బేకరిలో పనిచేస్తూ జీవనం సాగిస్తున్నా. అయినా సరే మా బిడ్డను ఎంతో బాగా పెంచాలని ఉంది. వారిని మంచి పాఠశాలలో చేర్పించి ఉన్నతంగా చదివించాలని ఆలోచన ఉంది. ఈ మేరకు అవసరమైన ప్రణాళిక ఇప్పటికే నా మదిలో ఉంది. –ఏసేపు, బుధవారపేట, కర్నూలు

కర్నూలు(సెంట్రల్‌): బ్యాంకు ఉద్యోగుల సమ్మె నేపథ్యంలో అక్టోబర్‌ 1వ తేదీ మధ్యాహ్నం నుంచి పింఛన్ల పంపిణీ చేయనున్నట్లు జిల్లా కలెక్టర్‌ డాక్టర్‌ ఎ..సిరి శనివారం ఓ ప్రకటనలో తెలిపారు. జిల్లాలోని అన్ని స్వర్ణ గ్రామ, స్వర్ణ వార్డు కార్యాలయాల సిబ్బంది అక్టోబర్‌ ఒకటో తేది ఉదయం బ్యాంకుల నుంచి నగదును డ్రా చేసుకోవాలన్నారు. అదే రోజు మధ్నాహ్నం నుంచి ఇంటింటికి తిరిగి పింఛన్లను పంపిణీ చేయాలన్నారు. ఈ మార్పును జిల్లాలోని పింఛను లబ్ధిదారులు గమనించాలని ఆమె కోరారు. శనగ విత్తనాల ధరలు ఖరారు కర్నూలు(అగ్రికల్చర్‌): రబీ సీజన్‌కు సంబంధించి జేజీ–11 రకం పప్పు శనగ ధరలను ఖరారు చేస్తూ వ్యవసాయ శాఖ కమిషనర్‌ ఉత్తర్వులు జారీ చేశారు. కిలో పూర్తి ధర రూ.90 ఉండగా.. సబ్సిడీ 35 శాతం ఉంటుందని వ్యవసాయ అధికారులు తెలిపారు. రైతులు సబ్సిడీ పోను కిలోకు రూ.58.50 చెల్లించాల్సి ఉంటుందన్నారు. ప్రత్యామ్నాయ పంటలు, రబీ సీజన్‌కు కర్నూలు జిల్లాకు 25వేల క్వింటాళ్లు, నంద్యాల జిల్లాకు 17వేల క్వింటాళ్లు మాత్రమే కేటాయించింది. అదనంగా శనగ విత్తనాలు కేటాయించాలని కర్నూలు, నంద్యాల జిల్లాల అధికారులు ప్రభుత్వానికి ప్రతిపాదనలు పంపినప్పటికీ బుట్టదాఖలయ్యాయి. పొడి చెత్తకు ప్రోత్సాహక బహుమతులు కర్నూలు(అర్బన్‌): గ్రామీణ ప్రాంతాల పరిశుభ్రతలో భాగంగా ఇళ్ల నుంచి పొడి చెత్తను అందించే వారికి ప్రోత్సాహక బహుమతులు అందించనున్నట్లు జిల్లా పరిషత్‌ సీఈఓ ఆర్‌.సుధాకర్‌రెడ్డి తెలిపారు. శనివారం ఆయన విలేకరులతో మాట్లాడుతూ దసరా పండుగ సందర్భంగా అన్ని గ్రామ పంచాయతీల్లో ‘దసరా ధమాకా–స్వచ్చ రథం’ ప్రత్యేక డ్రైవ్‌ నిర్వహిస్తున్నట్లు చెప్పారు. ఈ నెల 24 నుంచి ప్రారంభమైన ఈ డ్రైవ్‌ అక్టోబర్‌ 24వ తేది వరకు కొనసాగుతుందన్నారు. ఇళ్లలో నిరుపయోగంగా ఉన్న పొడి చెత్తను గ్రామ పంచాయతీ స్వచ్ఛ రథానికి విక్రయిస్తే సాధారణ ధరపై అదనంగా 10 శాతం నగదు చెల్లిస్తామన్నారు. అలాగే ప్రత్యేక డ్రైవ్‌ రోజుల్లో స్వచ్ఛ రథానికి వస్తువులు ఇచ్చిన ప్రతి ఒక్కరికీ ఒక కూపన్‌ అందిస్తామన్నారు. గ్రామ పంచాయతీ వారీగా లక్కీ డిప్‌ నిర్వహించి విజేతలకు ప్రత్యేక బహుమతులు అందజేస్తామన్నారు. అన్ని గ్రామ పంచాయతీల్లో ఈ నెల రోజుల్లో ఎక్కువ మొత్తంలో పొడి చెత్త/వస్తువులు ఇచ్చిన వారికి ప్రత్యేకంగా ప్రోత్సాహక బహుమతులు ఉంటాయన్నారు. వైభవంగా శ్రీశైలగిరి ప్రదక్షిణ శ్రీశైలంటెంపుల్‌: శ్రీశైల ఆలయంలో పౌర్ణమిని పురస్కరించుకుని శనివారం సాయంత్రం శ్రీశైల గిరిప్రదక్షిణ కార్యక్రమాన్ని సంప్రదాయబద్ధంగా నిర్వహించారు. సాయంత్రం స్వామిఅమ్మవార్ల మహా మంగళహారతుల అనంతరం శ్రీస్వామిఅమ్మవార్ల ఉత్సవమూర్తులను పల్లకీలో ఉంచి ప్రత్యేక పూజలు జరిపారు. పల్లకీ ఊరేగింపుతో శ్రీశైల గిరి ప్రదక్షిణ ప్రారంభమైంది. ఆలయ మహాద్వారం నుంచి మొదలైన ఈ ప్రదక్షిణ గంగాధర మండపం నుంచి పుష్కరిణి వద్దకు చేరుకుంది. అక్కడి నుంచి తిరిగి ఆలయ మహాద్వారం వద్దకు చేరుకుంది. దేవస్థాన అధికారులు, సిబ్బంది, పలువురు భక్తులు పాల్గొన్నారు. అహోబిలంలో పౌర్ణమి పూజలు ఆళ్లగడ్డ: అహోబిలం లక్ష్మీనరసింహ స్వామి ఆలయంలో పౌర్ణమిని పురస్కరించుకుని శనివారం విశేష పూజలు నిర్వహించారు. ఉదయం మూలమూర్తులకు నిత్యపూజలు నిర్వహించారు. అనంతరం ఉత్సవమూర్తులు శ్రీదేవి, భూదేవి సమేత శ్రీ ప్రహ్లాదవరదస్వాములను ఆలయం ముఖద్వారం మండపంలో కొలువుంచి పంచామృతాలతో అభిషేకించి ధూపదీపాలతో మహామంగళహారతి ఇచ్చి నైవేద్యం నివేదించారు. రాత్రి విశేషాలంకరణలో స్వామి ఉభయ దేవేరులతో కొలువుదీరి మాఢవీధుల్లో విహరిస్తూ భక్తులకు కనువిందు చేశారు.

మా తల్లిదండ్రులు గోవిందరెడ్డి, శారదాదేవి. మేం నలుగురం ఆడపిల్లలం. అయినా మా తల్లిదండ్రులు అందరూ ఆడపిల్లలే కదా అని ఎప్పుడూ బాధపడలేదు. మా నాన్న ఆలూరులోని డిగ్రీకళాశాలలో అటెండర్‌, మా అమ్మ శిశువిహార్‌లో పనిచేశారు. ఈ రోజుల్లో ఒకరిని చదివించాలంటేనే కష్టం. అలాంటిది మా నలుగురుకి మంచి చదువులు చెప్పించారు. మేం కాలేజీలో ఉన్న నాన్న దగ్గరికి ఎప్పుడు వెళ్లినా మీరు కూడా టీచర్లు కావాలని చెబుతుండేవారు. ఆ మాటలు మా మనసులో ఉండిపోయాయి. నేను మద్దికెరలోని బాలికల ఉన్నత పాఠశాలలో హిందీ టీచర్‌గా, మా సోదరి సరిత ఎమ్మిగనూరులోని బాలుర జూనియర్‌ కళాశాలలో జూనియర్‌ లెక్చరర్‌గా, ఇంకో సోదరి రాజమంజరి అనంతపురం జిల్లా కొత్తచెరువులోని జూనియర్‌ అధ్యాపకురాలుగా పనిచేస్తున్నారు. తల్లిదండ్రులకు జీవితాంతం రుణపడి ఉంటాం. – రాజేశ్వరి

మంత్రాలయం: హమాలీగా పనిచేసే తండ్రి రంగోళి ప్రాణేష్‌ అనారోగ్యంతో ఇంటికే పరిమితయ్యారు. తల్లి దేవమ్మ కూలి పనులు చేస్తూ కుటుంబాన్ని పోషిస్తున్నారు. అమ్మ కష్టాన్ని చూసి రెండో కూతురు అంజలి చలించిపోయారు. మంత్రాలయం నుంచి తుంగభద్ర రైల్వే స్టేషన్‌, కర్ణాటకలోని బిచ్చాలయ, పంచముఖి క్షేత్రాలకు ఆటోను నడుపుతూ కుటుంబానికి అండగా నిలిచారు. ఆటో కొనుగోలు కోసం రుణాలు ఇవ్వాలని అధికారుల చుట్టూ తిరగలేదు. కష్టాలు వచ్చినా బెదర కూడదని, నిలబడి ఉండాలని తలిదండ్రులు నేర్పిన పాఠం అంజలిని నడిపిస్తోంది. కూలికి వెళ్లి దాచుకున్న కొంత మొత్తంతోపాటు చినమ్మ, వరుసకు అన్నదమ్ముల వద్ద డబ్బులు తీసుకుని ఆటోను కొనుగోలు చేశారు. ఆటో నడిపి కూడబెట్టిన డబ్బును తన అక్క ఐశ్వర్య, చెల్లి సింధూ పెళ్లిళ్లకు ఖర్చు చేశారు. అంతేగాక తాత నుంచి వచ్చిన సెంటున్నర స్థలంలో పెద్ద గోతిని గరుసుతో రూ.50 వేలు ఖర్చుపెట్టి పూడ్చించారు. ఇంటి ఖర్చులు చూసుకుంటూ అర్ధ ఎకరం పొలంలో పంటల సాగు కూడా సాయం చేస్తున్నారు. పెళ్లిళ్లకు రూ.8 లక్షల వరకు అప్పు చేశానని, అప్పు తీర్చే బాధ్యత కూడా తనపై ఉందని అంజలి తెలిపారు. తన ఆఖరి చెల్లెలకు పెళ్లి చేసే వరకు ఇదే కష్టం చేస్తానని తెలిపారు. అమ్మానాన్నకు అండగా ఉంటానని, ఎవరైనా దాతలు సహకరిస్తే ఆటోపై తెచ్చుకున్న అప్పును (అంజలి సెల్‌ నంబర్‌: 9035155664)తీరుస్తానని చెప్పారు. ఆటో నడుపుతున్న అంజలి

కర్నూలు: కర్నూలు ఏపీఎస్పీ రెండో పటాలం, డీటీసీలో శిక్షణ పూర్తి చేసుకున్న 2025–26 బ్యాచ్‌ కానిస్టేబుళ్లకు శనివారం పటాలం గ్రౌండ్‌లో సంయుక్తంగా పాసింగ్‌ ఔట్‌ పరేడ్‌ నిర్వహించారు. బెటాలియన్‌ కమాండెంట్‌ దీపిక పాటిల్‌ అధ్యక్షతన జరిగిన కార్యక్రమానికి ముఖ్య అతిథులుగా మంత్రి టీజీ భరత్‌ గుప్తా, కలెక్టర్‌ ఎ.సిరి, డీఐజీ డాక్టర్‌ కోయ ప్రవీణ్‌, ఎస్పీ విక్రాంత్‌ పాటిల్‌ హాజరై కవాతును పరిశీలించి ట్రైనీ కానిస్టేబుళ్ల నుంచి గౌరవ వందనం స్వీకరించారు. పరేడ్‌ కమాండర్‌ ఆధ్వర్యంలో ప్రదర్శించిన లయబద్ధమైన కవాతు, మార్చ్‌ఫాస్ట్‌ విశేషంగా ఆకట్టుకున్నాయి. శాంతిభద్రతల పరిరక్షణకు పాటు పడతామని ప్రమాణం ‘ప్రజల ఆస్తి, ప్రాణాలకు నష్టం రానీయకుండా ప్రభుత్వ, ప్రైవేటు ఆస్తుల పరిరక్షణకు నిరంతరం శ్రమిస్తామంటూ ఈ సందర్భంగా ట్రైనీ కానిస్టేబుళ్లతో ప్రమాణం చేయించారు. ప్రాణాలు సైతం లెక్క చేయకుండా శాంతిభద్రతల పరిరక్షణకు రాత్రి, పగలు తేడా లేకుండా విధుల్లో నిమగ్నమవుతాం.. వృత్తికి వన్నె తెస్తాం’ అని నూతన పోలీస్‌ కానిస్టేబుళ్లు ప్రమాణం చేశారు. ఏపీఎస్పీ రెండో పటాలంలో 430 మంది, పోలీసు శిక్షణ కేంద్రంలో 199 మంది కలిపి 629 మంది శిక్షణ పూర్తయింది. తొమ్మిది మాసాలుగా కఠోరమైన శిక్షణతో పాటు పోలీసు విధి నిర్వహణలో తీసుకోవాల్సిన జాగ్రత్తలు, సూచనలు, సాంకేతికపరమైన అంశాలు బోధించారు. ఇక విధుల్లో చేరడమే మిగిలింది. సత్తా చాటారిలా.. పాసింగ్‌ ఔట్‌ పరేడ్‌ సందర్భంగా ట్రైనీలకు పలు పోటీలు నిర్వహించారు. ఈ పోటీల్లో కానిస్టేబుళ్లు తమ ప్రతిభను కనబరచి సత్తా చాటారు. బెస్ట్‌ ఆల్‌రౌండర్‌, బెస్డ్‌ ఇండోర్‌గా నందికం శ్రీనివాసులు, బెస్ట్‌ ఔట్‌డోర్‌గా ముప్పరి శ్రీకాంత్‌, బెస్ట్‌ ఫైరర్‌గా పరస తరుణ్‌కుమార్‌, పెరేడ్‌ కమాండర్‌గా అంకెనంద కుమార్‌ ప్రథమ స్థానంలో నిలిచారు. ఉద్వేగభరితం పాసింగ్‌ ఔట్‌ పరేడ్‌కు రాష్ట్రంలోని వివిధ జిల్లాల నుంచి వచ్చిన ట్రైనీ కానిస్టేబుళ్ల తల్లిదండ్రులు, కుటుంబీకులు తమ పిల్లల పరేడ్‌ చూస్తున్నంత సేపు ఉద్వేగానికి లోనయ్యారు. కళ్లముందు తప్పటడుగులు వేస్తూ పెరిగిన తమ పిల్లలు పోలీసు శిక్షణ పూర్తి చేసుకుని త్వరలో ఉద్యోగంలో చేరనుండటంతో వారంతా ఆనందంలో మునిగారు. పరేడ్‌ దృశ్యాలను తమ సెల్‌ఫోన్లలో బంధిస్తూ మురిసిపోయారు. పరేడ్‌ ముగిసిన తర్వాత మైదానంలోనే కుటుంబీకులతో కలసి కొత్త కానిస్టేబుళ్లు ఫొటోలు దిగి మధుర క్షణాలను ఆస్వాదించారు. మరికొందరు తమ పిల్లల దగ్గర ఉన్న తుపాకులను తీసుకుని భుజాలపై పెట్టుకుని ఫొటోలకు ఫోజులిచ్చి మురిసిపోయారు. లక్కింశెట్టి మహేష్‌ చప్పటి రోహిత్‌ నందికం శ్రీనివాసులు మంత్రి నుంచి అవార్డు అందుకుంటున్న పరేడ్‌ కమాండర్‌ నందకుమార్‌ వెంకటసాయి కృష్ణారెడ్డి కర్నూలు శివారు జగన్నాథగట్టుపై ఉన్న పోలీసు శిక్షణ కేంద్రంలో పలువురు టాపర్లుగా నిలిచారు. బెస్ట్‌ ఆల్‌రౌండర్‌, బెస్ట్‌ ఇండోర్‌గా చప్పటి రోహి త్‌, బెస్ట్‌ ఔట్‌డోర్‌గా లక్కింశెట్టి మహేష్‌, బెస్ట్‌ ఫైరర్స్‌గా వెంకటసాయికృష్ణారెడ్డి, అసది శివశంకర్‌ నిలిచారు. వీరికి మంత్రి చేతుల మీదుగా మెమొంటో అవార్డులు అందజేశారు. అలా గే ఉత్తమ డ్రిల్‌ ఇన్‌స్ట్రక్టర్లకు కూడా ప్రశంసాపత్రాలు, అవార్డులు అందజేశారు. డీటీసీలో టాపర్లు వీరే..

కర్నూలు(సెంట్రల్‌): న్యాయవాదుల హక్కుల కోసం పోరాటాలు చేయాలని ఆల్‌ ఇండియా లాయర్స్‌ యూనియన్‌ (ఏఐఎల్‌యూ) కన్జ్యూమర్‌ నాయకులు పిలుపునిచ్చారు. శనివారం కర్నూలు నగరంలోని ఓ హోటల్‌ హాలులో ఆల్‌ ఇండియా లాయర్స్‌ యూనియన్‌ (ఐలు) 5వ కర్నూలు జిల్లా మహాసభలు జరిగాయి. ఐలు రాష్ట్ర సంఘం సహా వ్యవస్థాపక నాయకులు ఆర్‌. రామాంజనేయులు జెండాను ఆవిష్కరించి మహాసభలు ప్రారంభించారు. జిల్లా అధ్యక్షుడు లక్ష్మణ్‌ అధ్యక్షతన వహించిన సభలో ముఖ్య అతిథులుగా హాజరైన కన్జ్యూమర్‌ జిల్లా ఫోరం మెంబర్‌ నారాయణ రెడ్డి, రాష్ట్ర ఐలు కోశాధికారి రమేష్‌ కుమార్‌, జిల్లా కార్యదర్శి కె.కుమార్‌ మాట్లాడుతూ.. రాజ్యాంగ పరిరక్షణ, ప్రజాస్వామ్య పరిరక్షణలో న్యాయవాదుల పాత్ర కీలకమన్నారు. కర్నూలులో శాశ్వత హైకోర్టు బెంచ్‌ను ఏర్పాటు చేయాలని, జూనియర్‌ అడ్వకేట్‌లకు స్టైఫండ్‌ను రూ.5 వేల నుంచి రూ.10 వేలకు పెంచాలని, అడ్వకేట్స్‌ డెత్‌ బెనిఫిట్‌ రూ.15 లక్షలకు పెంచి అమలు చేయాలని, న్యాయవాదులకు ఆరోగ్య బీమా కార్డులు ఇవ్వాలని, ఇళ్ల స్థలాల కేటాయించి న్యాయవాద కాలనీలను ఏర్పాటు చేయాలని మహాసభల్లో పలు తీర్మానాలు చేసి ఆమోదించారు. నూతన కమిటీ ఎన్నిక.. మహాసభల్లో 42 మందితో జిల్లా నూతన కమిటీని ఎన్నుకున్నారు. గౌరవ అధ్యక్షులు దిడ్డి వెంకటస్వామి, అధ్యక్ష, ప్రధాన కార్యదర్శులుగా శ్రీనివాసమూర్తి, కె.కుమార్‌, వర్కింగ్‌ ప్రెసిడెంట్‌ సింగరా జు లక్ష్మణ్‌, కోశాధికారి శివ ప్రసాద్‌ గుప్తా, ఉపాధ్యక్షులుగా పి. నిర్మల, మురళీమోహన్‌, ఆజాద్‌, తిమ్మప్ప, జి. వెంకటరమణ, సాయికుమార్‌ రెడ్డి, జాస్మిన్‌ కార్యదర్శిలుగా షాకీర్‌, మహమ్మద్‌ రఫీ, సంజమ్మ, మహేష్‌ కుమార్‌, పార్వతితోపాటు 26 మంది సభ్యులుగా ఏకగ్రీవంగా ఎన్నుకున్నారు.

కర్నూలు: సివిల్‌ చట్టాలకు సంబంధించిన కొన్ని అంశాలపై జిల్లాస్థాయి న్యాయాధికారులకు వర్క్‌షాప్‌ జరిగింది. హైకోర్టు ఆదేశాల మేరకు కర్నూలులోని జిల్లా న్యాయస్థాన ప్రాంగణంలో జిల్లా ప్రధాన న్యాయమూర్తి వాసు పర్యవేక్షణలో ఈ కార్యక్ర మం జరిగింది. అధ్యాపకులుగా హైకోర్టు న్యాయమూర్తి జస్టిస్‌ ఎ.హరినాథ శర్మ, రిటైర్డ్‌ జిల్లా జడ్జి హరికృష్ణ భూపతి పాల్గొన్నారు. కార్యక్రమంలో అదనపు జిల్లా న్యాయమూర్తి అమ్మన రాజా, నంద్యాల జిల్లా మూడవ అదనపు న్యాయమూర్తి లీలావతి, నాల్గవ అదనపు జిల్లా న్యాయమూర్తి లక్ష్మీరాజ్యం, 7వ అద నపు జిల్లా న్యాయమూర్తి రాజేంద్రబాబు, పోక్సో న్యాయమూర్తి ఎన్‌.శ్రీవిద్య, ఏసీబీ న్యాయమూర్తి ఎం.వి.హరినాథ్‌, కర్నూలు, నంద్యాల జిల్లాలకు చెందిన సీనియర్‌, జూనియర్‌ సివిల్‌ న్యాయమూర్తులు పాల్గొన్నారు.

నందవరం: తండ్రి లేడు, తల్లి ఎన్నో కష్టాలను ఎదుర్కొన్నారు. పట్టుదలతో నందవరం మండల కేంద్రానికి చెందిన పవిత్ర శ్రద్ధగా చదివి డాక్టర్‌ అవుతున్నారు. పేదలకు వైద్యం అందించడమే తన లక్ష్యమని చెబుతున్నారు. పవిత్రకు ఆరేళ్ల వయస్సు ఉన్నప్పుడు తండ్రి జెంబు బసవరాజు గౌడ్‌ అనారోగ్యంతో మృతి చెందాడు. అమ్మ జెంబు సరితమ్మ కష్టాన్ని చూసిన పవిత్ర బాగా చదువు కోవాలని నిర్ణయించుకున్నారు. ఎమ్మిగనూరులో ఇంటర్మీడియట్‌ విద్యను పూర్తి చేసి నీట్‌లో 198 ర్యాంకు సాధించారు. కర్నూలు వైద్య కళాశాలలో ఎంబీబీఎస్‌ పూర్తి చేశారు. పీజీ నేషనల్‌ నీట్‌–2026 ఆల్‌ ఇండియా స్థాయిలో 478 ర్యాంకు, కర్నూలు జిల్లాలో ప్రథమ స్థానం సాధించారు. అమ్మ కోరిక మేరకు ర్యాంకు సాధించానని, పేదలకు సేవలందించేందుకు కర్నూలు మెడికల్‌ కళాశాలలో జనరల్‌ మెడిసిన్‌(ఎండీ) చేస్తానని పవిత్ర తెలిపారు. అమ్మానాన్నలే దైవంబనగానపల్లె: అమ్మనాన్నలు తమకు దైవంతో సమానమని బనగానపల్లెలోని పెండేకంటి నగర్‌కు చెందిన డాక్టర్‌ తేజస్వి, డాక్టర్‌ సాయిఅనిలా పేర్కొన్నారు. తమది వ్యవసాయ కుటుంబమని, తండ్రి ఎన్‌ రామ్మోహన్‌రెడ్డి ఎన్నో ఇబ్బందులు పడుతూ చదివి ప్రభుత్వ ఉపాధ్యాయుడిగా విజయం సాధించారని చెప్పారు. తల్లి లక్ష్మీదేవి గృహిణిగా ఉంటూ తమ విజయానికి కృషి చేశా రని పేర్కొన్నారు. తామిద్దరం కర్నూలు మెడికల్‌ కళాశాలలోనే ఎంబీబీఎస్‌ పూర్తి చేసినట్ల చెప్పా రు. తాను పీజీ జనరల్‌ మెడిసిన్‌ కూడా ఇక్కడే పూర్తి చేసినట్లు తేజస్వి తెలిపారు. తాను ఇటీవలే నీట్‌ పీజీలో జాతీయస్థాయిలో 1,537వ ర్యాంకు సాధించినట్లు సాయిఅనిలా చెప్పారు. తాము ఈ స్థాయికి వచ్చేందుకు తల్లిదండ్రుల కష్టం చెప్పలేనిదన్నారు. వారికి ఏ కష్టం రాకుండా సొంత పిల్లలుగా చూసుకుంటామని స్పష్టం చేశారు. ఆత్మస్థైర్యమే నడిపించింది! కుమార్తె ఆరు నెలల వయస్సులో ఉన్నప్పుడే పోలియో మహమ్మారి సోకడంతో తల్లిదండ్రలు బాధపడలేదు. కుమార్తెలో ఆత్మస్థైర్యం నింపి డాక్టర్‌గా తయారు చేశారు. కర్నూలు నగరానికి చెందిన జయరాజ్‌ దంపతులకు ఆరుగురు సంతానం. వీరిలో చిట్టచివరి సంతానమైన గ్రేస్‌ సెలెస్టియల్‌ ఎదుగుదలకు అంగవైకల్యం అడ్డుకాకూడని ఆమెకు ఉగ్గుపాల నుంచి ఆత్మస్థైర్యాన్ని నింపారు. కృషి, పట్టుదల ఉంటే ఏదైనా సాధించవచ్చని బిడ్డకు ధైర్యం చెప్పారు. ఆత్మవిశ్వాసంతో కుమార్తె ఆయూష్‌ వైద్యాధికారిణిగా విధులు నిర్వర్తిస్తున్నారు. కోవిడ్‌ సమయంలో ఆమె అందించిన వైద్యసేవలను గుర్తించి ప్రభుత్వం ఉత్తమ వైద్యాధికారిణిగా అవార్డు అందజేసింది. ప్రసుత్తం దివ్యాంగుల ఉద్యోగుల రాష్ట్ర మహిళా విభాగం అధ్యక్షురాలిగా ఆమె కొనసాగుతున్నారు.

కృష్ణగిరి: పేదరికంలోనూ తల్లిదండ్రులు కుమార్తెను ప్రోత్సహించడంతో ఆ ఇంట్లో వెన్నెల విరిసింది. కృష్ణగిరి మండలం లక్కసాగరం గ్రామానికి చెందిన దాసరి శ్రీనివాసులు, మీనాక్షమ్మలకు ఇద్దరు కుమారులు, ఇద్దరు కూమార్తెలు. వీరు తమకున్న 4.70 ఎకరాల పొలంలోనే వ్యవసాయం చేసుకుంటూ జీవనం సాగిస్తున్నారు. పొలంలో నీటి కోసం బోర్లు పలుమార్లు వేసి అప్పులు చేశారు. అయినా కుమార్తె పార్వతి చదువును నిర్లక్ష్యం చేయలేదు. తిరుపతిలో సంగీత కళాశాలలో శిక్షణ తీసుకున్న పార్వతి ఒక కార్యక్రమంలో ‘ఊరంతా వెన్నెల.. మనసంతా చీకటి’ అనే పాట పాడగా సంగీత సామ్రట్‌ కోటి మెచ్చుకున్నారు. తన గ్రామానికి బస్సు వేయాలని పార్వతి కోరగా న్యాయనిర్ణేతలు అప్పటి వైఎస్సార్‌సీపీ ప్రభుత్వం దృష్టికి తీసుకెళి డోన్‌ నుంచి దేవనకొండ వేళ్లే బస్సును వేశారు. తాను తిరుపతిలోని మ్యూజిక్‌ కాలేజీలో ఐదేళ్లు ఎంఏ పూర్తి చేసి ప్రస్తుతం తిరుపతిలోని బాలజీ కాలనీలో ఉంటున్నట్లు పార్వతి తెలిపారు. అవకాశం దొరికినప్పుడల్లా పాటలు పాడుతున్నానని తెలిపారు. ఈ మధ్య అనుకోని ప్రయాణం, కౌమారం సినిమాలకు పాటలు పాడినట్లు చెప్పారు.

జీవితంలో అమ్మానాన్నల ప్రోత్సాహం మరువలేనిది. వారి సహకారంతోనే నేను ఉన్నత స్థానానికి ఎదిగాను. నాన్న కోరిక మేరకు డాక్టర్‌ను అయ్యాను. అమ్మ కోరిక మేరకు కలెక్టర్‌ను అయ్యాను. డాటర్‌ ఆఫ్‌ లక్ష్మణరావు..డాటర్‌ ఆఫ్‌ లలిత అనిపించుకోవడం గర్వంగా ఉంది. ఆడ, మగ అన్న తేడా చూపకుండా ఉన్నత చదువులు చదివించారు. మా తల్లిదండ్రుల స్ఫూర్తితోనే జిల్లాలో బాల్య వివాహాల నివారణకు కృషి చేస్తున్నాను. జిల్లా వెనుకబడడానికి విద్య లేకపోవడమేనని నేను భావిస్తున్నా. అందుకే జిల్లాలో విద్యాభివృద్ధికి ప్రాధాన్యం ఇస్తున్నాను. అందులోనూ బాలికల విద్యకు అధిక ప్రాధాన్యం ఇస్తున్నాను. – డాక్టర్‌ ఏ సిరి, కర్నూలు జిల్లా కలెక్టర్‌తండ్రితో జిల్లా కలెక్టర్‌ సిరి

నందవరం: నిన్నటివరకు వెలవెలబోయిన తుంగభద్రమ్మ నేడు వానల రాకతో జలకళ సంతరించుకుంది. తీవ్ర వాయుగుండం ప్రభావంతో గత మూడురోజులుగా కురిసిన వర్షాలతో నది ఉధృతంగా ప్రవహిస్తోంది. శుక్రవారం మండల పరిధిలోని నాగలదిన్నె బ్రిడ్జి వద్ద వరద నీటితో తుంగభద్ర నది ఉధృతంగా పారుతోంది. కర్ణాటకలోని హగిరి, బళ్లారి, శివమొగ్గ తదితర ప్రాంతాలతో పాటు ఆదోని, కౌతళం, కోసిగి ప్రాంతాల్లో భారీ వర్షాలు కురవడంతో తుంగభద్ర నదికి వరద నీరు వచ్చి చేరింది. కాగా తుపాను తాకిడికి పత్తి పంటలు పూర్తిగా దెబ్బతిన్నాయి. కొన్ని గ్రామాల్లో పత్తి నేల రాలింది, మరికొన్ని ప్రాంతాల్లో కాయలు కుళ్లిపోతున్నాయని, పత్తి తడిసి రంగు మారుతోందని రైతులు వాపోయారు. కుందూనదికి వరద ఉధృతి కోవెలకుంట్ల: ఎగువ ప్రాంతాలతోపాటు కోవెలకుంట్ల వ్యవసాయ సబ్‌ డివిజన్‌లో నాలుగు రోజుల పాటు విస్తారంగా వర్షాలు కురిశాయి. భారీ వర్షాలతో కుందూనదికి వరద పోటెత్తింది. నీరంతా నదిలోకి చేరడంతో ఉధృతంగా ప్రవహిస్తోంది. గత నెలలో శ్రీశైలం జలాశయంలో నీరు ఉన్నప్పటికీ అధికారులు నదికి విడుదల చేయలేదు. దీంతో పంటల సాగుకు అదును దాటిపోయింది. ప్రస్తుతం నదిలో నీరు చేరినా అదును దాటాక ప్రయోజనం లేకుండా పోయిందని రైతులు పెదవి విరుస్తున్నారు.

కొలిమిగుండ్ల(అవుకు): పట్టణంలోని సెయింట్‌ మేరీ స్కూల్‌ విద్యార్థి అనుమానాస్పద మృతికి సంబంధించి సీసీ టీవీ ఫుటేజీ దృశ్యాలు కీలకం కానున్నాయి. కొలిమిగుండ్ల మండలం బెలుంకు చెందిన తోక సురే ష్‌, ఇందిరమ్మ దంపతుల కుమారుడు నిఖిల్‌ (13) పాఠశాలలో 8వ తరగతి చదువుతూ హాస్టల్‌లో ఉంటున్నాడు. ఈనెల 23న ముగ్గురు సహచర విద్యార్థులతో కలిసి తెల్లవారుజామున రెండు గంటలకు హాస్టల్‌ నుంచి బయటకు వచ్చారు. ఆర్టీసీ బస్టాండ్‌ సమీపంలోని ఢిల్లీ బజార్‌ ఎదురుగా ఉన్న విద్యుత్‌ స్తంభం వద్ద విద్యార్థి నిఖిల్‌ మృతదేహమై కనిపించాడు. దీనిపై పోలీసులు ప్రాథమికంగా విద్యుఘాతంతో మృతి చెందాడని నిర్ధారించారు. ఆర్టీసీ బస్టాండ్‌ ప్రాంతంలోని సీసీ పుటేజీలను పరిశీలించగా విద్యార్థి మృతికి సంబంధించి కొత్త విషయాలు వెలుగులోకి వస్తున్నా యి. ఢిల్లీ బజార్‌లోకి వెళ్లి మృతి చెందినట్లు దృశ్యాలు కనిపిస్తున్నాయి. ఇవి సోషల్‌ మీడియాలో వైరల్‌ అవుతున్నాయి. విద్యార్థి మృతిపై ఒకటి, రెండు రోజుల్లో పూర్తి వివరాలు వెల్లడయ్యే సూచనలు కనిపిస్తున్నాయి. కర్నూలు కల్చరల్‌: చరిత్ర, సంస్కృతి, వారసత్వంపై విద్యార్థులు అవగాహన కలిగి ఉండాలని జిల్లా పర్యాటక సాంస్కృతిక శాఖాధికారి ఎం.ఇ.తిరుమల నాయుడు పేర్కొన్నారు. ప్రపంచ పర్యాటక దినోత్సవం పురస్కరించుకొని శుక్రవారం కొండారెడ్డి బురుజు వద్ద హెరిటేజ్‌ వాక్‌ నిర్వహించారు. సెట్కూరు సీఈఓ డాక్టర్‌ కె.వేణుగోపాల్‌, మెప్మా పీడీ శ్రీనివాసులు, ఆర్‌ఐవో లాలెప్ప మాట్లాడుతూ.. కర్నూలు నగర చారిత్రక, సాంస్కృతిక వైభవం, వారసత్వాన్ని ప్రజలు, యువత, పర్యాటకులకు పరిచయం చేయడంతో పాటు వారసత్వ కట్టడాల పరిరక్షణపై అవగాహన కల్పించే ఉద్దేశంతో జిల్లా పర్యాటక శాఖ హెరిటేజ్‌ వాక్‌ నిర్వహిస్తోందన్నారు. తిరుమల నాయుడు మాట్లాడుతూ.. శనివారం ఉదయం 6 గంటలకు కర్నూలు నగర వనంలో ‘ప్రకృతి ఒడిలో ప్రాతఃకాలపు నడక’ కార్యక్రమం నిర్వహిస్తున్నట్లు పేర్కొన్నారు. అనంతరం కొండారెడ్డి బురుజు ప్రాంతంలో మొక్కలు నాటారు.

మంత్రాలయం రూరల్‌: ఎల్‌నినో ప్రభావంతో వర్షాభావ పరిస్థితులు ఏర్పడిన నేపథ్యంలో రైతులు ప్రకృతి వ్యవసాయం ద్వారా లాభాలు పొందవచ్చని జిల్లా వ్యవసాయ అధికారి పీఎల్‌ వరలక్ష్మి సూచించారు. మిశ్రమ పంటల సాగుకు తక్కువ పెట్టుబడితో పాటు నీటి అవసరం కూడా తగ్గుతుందన్నారు. మండల పరిధిలోని చెట్నెహళ్లి గ్రామంలో మహిళా రైతు లక్ష్మీ పీఎండీఎస్‌ పద్ధతిలో సాగు చేసిన పంటను ఆమె శుక్రవారం తనిఖీ చేశారు. 0.70 ఎకరంలో మినుములు, అలసందులు, కంది, గోరుచిక్కుడు, పెసర, బీరకాయలు, దోసకాయ, టమోట, చెండుపూలు వంటి మిశ్రమ పంటలు సాగు చేసినట్లు చెప్పారు. మిశ్రమ పంటలు సాగుచేయడం వల్ల మంచి ఆదాయం పొందవచ్చన్నారు. భూమిలో తేమ ఎరువులను వినియోగించుకుని దిగుబడి పొందవచ్చని వివరించారు. అలాగే క్రిమీ సంహారక మందులను తగ్గించి ద్రవ, ఘన జీవమృతాలను వాడి రైతులు లాభాలను పొందాలన్నారు. తక్కువ వర్షపాతం నమోదైనప్పటికీ మహిళా రైతు మిశ్రమ పంట సాగుచేసి ఆదాయం పొందడంపై అభినందించారు. ఇప్పటివరకు అన్ని ఖర్చులు పోనూ రూ.20 వేలు ఆదాయం వచ్చినట్లు రైతు ఆమెకు తెలిపారు. ఏడీఏ మహమ్మద్‌ ఖాద్రి, ఏఓ జీరా గణేష్‌, ఏఈఓలు ప్రతాప్‌గౌడ్‌, తిరుమలరెడ్డి, ఎంపీఈఓలు బసవరాజు, ప్రకృతి వ్యవసాయ సిబ్బంది ఉన్నారు.

నందికొట్కూరు: ఎన్నికల సమయంలో అడ్డగోలుగా హామీలు ఇచ్చి అధికారం చేపట్టి రెండేళ్లు దాటినా సీఎం చంద్రబాబు, డిప్యూటి సీఎం పవన్‌ కళ్యాణ్‌, మంత్రి లోకేశ్‌ వాటి ఊసే ఎత్తడం లేదని వైఎస్సార్‌సీపీ రాష్ట్ర యువజన విభాగం వర్కింగ్‌ ప్రెసిడెంట్‌ బైరెడ్డి సిద్ధార్థరెడ్డి విమర్శించారు. శుక్రవారం పట్టణంలోని వైఎస్సార్‌సీపీ కార్యాలయంలో ఏర్పాటు చేసిన నాయకులు, కార్యకర్తల సమావేశంలో ఆయన మాట్లాడుతూ.. మున్సిపల్‌ ఎన్నికల్లో బంపర్‌ మెజార్టీతో అత్యధిక స్థానాలను కై వసం చేసుకోవాలని దిశానిర్దేశం చేశారు. అధికారం దాహంతో అమలుసాధ్యం కాని హామీలు ఇచ్చి పీఠం ఎక్కిన చంద్రబాబు ప్రజలను మోసం చేయడం ఎంత వరకు సమంజసమన్నారు. అమలుకు నోచుకోని సూపర్‌ సిక్స్‌ పథకాల గురించి వైఎస్సార్‌సీపీ శ్రేణులు ప్రతి ఇంటికీ వెళ్లి వివరించాలని సూచించారు. తెలుగుదేశం ప్రభుత్వంపై ఉన్న వ్యతిరేకతను ప్రజలకు తెలియజేయాల్సిన బాధ్యత కార్యకర్తలపై ఉందన్నారు. నందికొట్కూరు పట్టణాభివృద్ధి వైఎస్సార్‌సీపీ హయాంలోనే జరిగిందనే విషయాన్ని ప్రజలు గమనించాలన్నారు. రూ.16 కోట్లతో పట్టణంలోని వీధుల్లో సీసీ రోడ్లు వేశామని, టీడీపీ అధికారంలోకి వచ్చి రెండున్నరేళ్లు గడుస్తున్నా అభివృద్ధి శూన్యమని ఈ విషయం ప్రజలందరికీ తెలిసిందేనన్నారు. కరువు కాలంలో రైతులు, వ్యవసాయ కూలీలను ఆదుకోవడంలో సీఎం చంద్రబాబు ఘోరంగా విఫలమయ్యారన్నారు. హామీలు గుప్పించడం ప్రజలను మోసం చేయడం ఆయనకు అలవాటేనని స్పష్టం చేశారు. స్థానిక ఎన్నికల్లో టీడీపీ కుట్రలను తిప్పికొట్టేందుకు ఓటర్లను చైతన్యం చేయాలని పిలుపునిచ్చారు. పట్టణ అధ్యక్షుడు మన్సూర్‌, నాయకులు శ్రీకాంత్‌, లడ్డు, ల్యాబ్‌ రవి, మార్కెట్‌ రాజు, కేశవ్‌, సోమల సుధాకర్‌రెడ్డి, జనార్ధన్‌గౌడ్‌, కిషోర్‌, తదితరులు పాల్గొన్నారు.

శ్రీశైలం టెంపుల్‌: శ్రీశైలం శ్రీభ్రమరాంబా మల్లికార్జున స్వామి వార్లను సుప్రీంకోర్టు మాజీ ప్రధాన న్యాయమూర్తి జస్టిస్‌ ఎన్‌.వి.రమణ శుక్రవారం దర్శించుకుని ప్రత్యేక పూజలు చేశారు. అనంతరం మల్లికార్జున స్వామికి రుద్రాభిషేకం, భ్రమరాంబాదేవికి కుంకుమార్చన తదితర ప్రత్యేక పూజలు నిర్వహించుకున్నారు. ఆశీర్వచన మండపంలో వేదపండితులు, అర్చకులు ఆశీర్వదించగా, దేవస్థానం చైర్మన్‌, ఈవో స్వామివారి శేషవస్త్రం, లడ్డూప్రసాదాలు, జ్ఞాపికతో సత్కరించారు. బైక్‌ దొంగకు జైలు శిక్ష ఎమ్మిగనూరురూరల్‌: మండల పరిధిలోని బనవాసి ఫారం వద్ద బైక్‌ను అపహరించిన కేసులో నిందితుడు వడ్డె మహేష్‌కు మెజిస్ట్రేట్‌ పి.హేమ ఆరు నెలలు జైలు శిక్ష విధిస్తూ తీర్పునిచ్చినట్లు రూరల్‌ ఎస్‌ఐ శ్రీనివాసులు తెలిపారు. శుక్రవారం సాయంత్రం ఆయన మాట్లాడుతూ.. మండల పరిధిలోని మల్కాపురం గ్రామానికి చెందిన గొల్ల వెంకటరావు తన బైక్‌ను 2026 మే 17న బనవాసి ఫారం సాయిబాబా దేవాలయం వద్ద ఉంచి ఎమ్మిగనూరుకు వెళ్లాడు. తిరిగి వచ్చి చూడగా బైక్‌ కనిపించకపోవటంతో రూరల్‌ పోలీస్‌స్టేషన్‌లో ఫిర్యాదు చేశారు. కేసు నమోదు చేసుకొని సాంకేతికత ఆధారంగా దర్యాప్తు చేపట్టగా పెద్దకడుబూరు మండలం చిన్నతుంబళంకు చెందిన వడ్డె మహేష్‌ బైక్‌ను అపహరించినట్లు గుర్తించారు. నిందితుడిని అరెస్ట్‌ చేసి బైక్‌ స్వాధీనం చేసుకొని కోర్టులో హాజరుపరచగా నేరం రుజువు కావడంతో ఆరు నెలలు జైలు శిక్ష విధిస్తూ న్యాయమూర్తి తీర్పునిచ్చారని వెల్లడించారు.

కర్నూలు(హాస్పిటల్‌): అవగాహనతోనే హెచ్‌ఐవి రహిత సమాజం సాధ్యమని జిల్లా కలెక్టర్‌ డాక్టర్‌ ఎ.సిరి అన్నారు. శుక్రవారం ఎయిడ్స్‌ నివారణ ప్రచారంలో భాగంగా కోల్స్‌ కాలేజి నుంచి నంద్యాల చెక్‌పోస్టు వరకు 5 కె రన్‌ నిర్వహించిన సందర్భంగా నంద్యాల చెక్‌పోస్టు వద్ద రన్‌లో పాల్గొన్న విజేతలకు కలెక్టర్‌ చేతుల మీదుగా బహుమతులు అందజేశారు. ఈ సందర్భంగా కలెక్టర్‌ మాట్లాడుతూ చికిత్స తీసుకోవడం ద్వారా హెచ్‌ఐవితో జీవిస్తున్న వారు సాధారణ జీవితం కొనసాగించవచ్చన్నారు. ఈ యేడాది జిల్లాలో పిల్లల్లో కొత్త హెచ్‌ఐవి పాజిటివ్‌ కేసులు నమోదు కాకపోవడం సంతోషకరమైన విషయమన్నారు. అయితే ముగ్గురు గర్భిణిల్లో హెచ్‌ఐవి పాజిటివ్‌గా గుర్తించామని, వారికి నిరంతరం వైద్యపర్యవేక్షణ, చికిత్స అందిస్తూ వారి పిల్లలకు సంక్రమణ జరగకుండా చర్యలు తీసుకుంటున్నట్లు వివరించారు. హెచ్‌ఐవి పరీక్ష చేయించుకోవడంలో ఎలాంటి సిగ్గు, భయం అవసరం లేదన్నారు. 5కె రన్‌ పోటీల్లో పురుషుల్లో మొదటి బహుమతి పి.బషీర్‌, రెండవ బహుమతి కె.వెంకటభారత్‌, మహిళల విభాగంలో మొదటి బహుమతి డి.వెంకటేశ్వరి, రెండవ బహుమతి పి.రామలక్ష్మి సాధించారు. కార్యక్రమంలో డీఎంహెచ్‌ఓ డాక్టర్‌ వై.కామేశ్వరప్రసాద్‌, జిల్లా ఎయిడ్స్‌ అండ్‌ లెప్రసి, టీబీ అధికారి డాక్టర్‌ ఎల్‌.భాస్కర్‌, డీఎస్‌డీఓ భూపతిరావు, క్లస్టర్‌ ప్రోగ్రామ్‌ మేనేజర్‌ అలీ హైదర్‌ పాల్గొన్నారు.

మంత్రాలయం: ప్రముఖ ఆధ్యాత్మిక క్షేత్రం మంత్రాలయం శ్రీ రాఘవేంద్రస్వామి మఠం పీఠాధిపతి సుభుదేంద్రతీర్థుల చాతుర్మాస దీక్ష శనివారంతో ముగియనుంది. గత నెల 10 నుంచి 48 రోజుల పాటు స్వామిజీ దీక్ష బూనారు. చాతుర్మాస నియమ నిష్టలతో సద్గురు రాఘవేంద్రులు, ఉత్సవమూర్తి ప్రహ్లాదరాయల సేవలో తరించారు. ధార్మిక పర్యటనలకు దూరంగా ఉంటూ స్వామి సన్నిధిలో దీక్ష చేపట్టారు. దీక్ష పూర్తి కానున్న సందర్భంగా స్వామీజీ సీమోల్లంఘన కార్యక్రమం జరగనుంది. రాత్రి స్వామిజీ మాధవరం రోడ్డులోని కొండాపురం ఆంజనేయస్వామి చెంతకు వెళ్లి విశేష పూజలు నిర్వహించారు. అక్కడ వేలాది మంది భక్తులకు ఆశీర్వచనాలు అందిస్తూ మంత్రాలయం రాఘవేంద్రస్వామి సర్కిల్‌ చేరుకుంటారు. అక్కడ ప్రత్యేక అలంకరణ వాహనంపై ఆశీనులై ఊరేగింపుగా బయలు దేరుతారు. పండితుల వేద పఠనాలు, గురుసార్వ భౌమ సాహిత్య అకాడమీ మహిళల భజనలు, బాణసంచాతో ఎంతో ఘనంగా ఊరేగనున్నారు. ప్రధాన ముఖద్వారం నుంచి మధ్వ కారిడార్‌ ద్వారా శ్రీమఠం చేరుకుంటారు. యోగీంద్ర మంటపంలో స్వామిజీని శ్రీమఠం పరిపాలన అధికారులు, స్థానిక ప్రముఖులు సన్మానిస్తారు. అనంతరం స్వామిజీ చాతుర్మాస దీక్ష పవిత్రతను భక్తులకు ప్రవచిస్తారు.

బేతంచెర్ల: మండల పరిధిలోని గూటుపల్లెకు చెందిన యువకుడు చెరువులో పడి మృతి చెందిన ఘటన శుక్రవారం వెలుగులోకి వచ్చింది. ఏఎస్‌ఐ విక్టర్‌బాబు తెలిపిన వివరాల మేరకు.. గూటుపల్లెకు చెందిన బిజ్జన్న గారి రంగయ్య, లక్ష్మీదేవి దంపతుల పెద్ద కుమారుడు రమేష్‌ (24) ఆయా ప్రాంతాల్లో టైల్స్‌ ఫ్లోరింగ్‌ పని చేస్తుంటాడు. గత కొంత కాలంగా అనారోగ్యంతో బాధపడుతున్నాడు. పలు చోట్ల వైద్యం చేయించినా ఆరోగ్యం మెరుగుపడకపోవడంతో మనస్తాపానికి గురయ్యాడు. ఈ స్థితిలో బుధవారం రాత్రి ఇంటి నుంచి బయటకు వెళ్లి తిరిగి రాలేదు. కుటుంబ సభ్యులు అతని కోసం గాలించారు. గ్రామంలోని చెరువు వద్ద రమేష్‌ చెప్పులు కనిపించడంతో అనుమానం వచ్చి చెరువులో గాలించినా ఆచూకీ లభించలేదు. ఈ స్థితిలో శుక్రవారం ఉదయం రమేష్‌ మృతదేహం చెరువులో తేలడంతో కుటుంబసభ్యులు కన్నీరు మున్నీరయ్యారు. సమాచారం అందుకున్న పోలీసులు ఘటనా స్థలానికి చేరుకొని మృతదేహాన్ని పోస్టుమార్టం నిమిత్తం బేతంచెర్ల ఆస్పత్రికి తరలించారు. తల్లి లక్ష్మిదేవి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఏఎస్‌ఐ వెల్లడించారు. పెయింట్‌ వేస్తూ కింద పడిన యువకుడు ● తీవ్రంగా గాయపడటంతో ఆస్పత్రికి తరలింపు సి.బెళగల్‌: నూతన భవనానికి పెయింట్‌ వేస్తూ సార్వ విరిగి కిందపడి యువకుడు తీవ్రంగా గాయపడ్డాడు. ఇందుకు సంబంధించిన వివరాలు.. సి.బెళగల్‌లోని కోట వీధిలో నివాసముంటున్న సత్తార్‌కు నలుగురు కుమార్తెలు, కుమారుడు ఖాజాహుసేన్‌ ఉన్నారు. ఖాజాహుసేన్‌ (24) మిత్రులతో కలిసి పెయింట్‌ వేసే పనులకు వెళ్తూ కుటుంబానికి ఆసరాగా ఉన్నాడు. గ్రామంలో నూతనంగా నిర్మించిన భవనానికికి రంగులు వేసే పనికి గురువారం వెళ్లాడు. పొడవాటి కర్రలతో ఏర్పాటు చేసిన సార్వపై ఖాజాహుసేన్‌ ఎక్కి రంగులు వేస్తుండగా కర్రలు విరిగాయి. ఖాజాహుసేన్‌ భవనం పక్కనున్న సీసీ రోడ్డుపై పడటంతో తలకు తీవ్ర రక్తగాయం అయ్యింది. బాధితుడికి ప్రథమ చికిత్స అనంతరం కర్నూలు ఆసుపత్రికి తరలించారు. ఖాజాహుసేన్‌ను వెంటిలేటర్‌ ఉంచి చికిత్స అందిస్తున్నట్లు కుటుంబసభ్యులు తెలిపారు. హైవేలో దోపిడీ పాణ్యం: మండల పరిధిలోని జాతీయ రహదారిపై తెల్లవారుజామున శాంతిరామ్‌ మెడికల్‌ కళాశాల వద్ద ఆగి ఉన్న కారులో దొంగలు దోపిడీకి పాల్పడ్డారు. పోలీసులు తెలిపిన వివరాల మేరకు.. హైదరాబాద్‌లో మెడిసిన్‌ చదువుతున్న నలుగురు విద్యార్థులు టీఎస్‌ 07 కేజీ 2554 నంబర్‌ గల కారులో అరుణాచలం బయలుదేరారు. శుక్రవారం తెల్లవారుజామున నిద్ర రావడంతో శాంతిరాం మెడికల్‌ కళాశాల వద్ద కారు సైడ్‌కు ఆపి నిద్రించారు. ఆ సమయంలో బైక్‌పై వచ్చిన దొంగలు కారు వెనక భాగంలో అద్దాలు పగులగొట్టి బ్యాగ్‌లను ఎత్తుకెళ్లారు. బ్యాగ్‌లో దుస్తులు, ఇతర వస్తువులు ఉన్నట్లు బాధితులు తెలిపారు. సమాచారం అందుకున్న హైవే పోలీసులు, పాణ్యం పోలీసులు ఘటనా స్థలానికి చేరుకొని పరిశీలించారు. కేసు విచారణ జరుపుతున్నారు. యువకుడి హత్యకేసులో తండ్రి, అన్న అరెస్ట్‌ బేతంచెర్ల: మండల పరిధిలోని ఆర్‌ఎస్‌ రంగాపురంలో యువకుడి హత్యకేసులో అతని తండ్రి, అన్నను అరెస్టు చేసినట్లు సీఐ వెంకటేశ్వరరావు శుక్రవారం తెలిపారు. వివరాల మేరకు.. గ్రామానికి చెందిన గంప ఎల్ల రమేష్‌ (23) మద్యానికి బానిసై కుటుంబ సభ్యులను వేధించేవాడు. అతడి వేధింపులు తాళలేక ఈనెల 17న రమేష్‌ మెడకు తాడు బిగించి తండ్రి గంప లింగన్న, అన్న శివనారాయణ హత్య చేశారు. ఈ ఘటనపై కేసు నమోదు చేసి దర్యాప్తు చేపట్టిన పోలీసులు నిందితులైన లింగప్ప, శివనారాయణలను గ్రామం సమీపంలోని కాశిరెడ్డి నాయన ఆశ్రమం వద్ద అదుపులోకి తీసుకున్నారు. విచారణలో వారు నేరాన్ని అంగీకరించడంతో అరెస్టు చేసి, నిందితులు ఉపయోగించిన తాడును స్వాధీనం చేసుకున్నారు. నిందితులను డోన్‌ కోర్టులో హాజరుపరిచి రిమాండ్‌కు పంపినట్లు సీఐ వెల్లడించారు.

● కేసీలోకి దూసుకెళ్లిన స్కూటర్‌ ● వ్యాపారి దుర్మరణం పగిడ్యాల: జీవనోపాధి కోసం రెండు నెలల క్రితం ముచ్చుమర్రి గ్రామానికి వచ్చిన ఓ వ్యాపారి ప్రమాదవశాత్తు కేసీ కాలువలో పడి మృతి చెందిన ఘటన శుక్రవారం చోటుచేసుకుంది. ముచ్చుమర్రి ఎస్‌ఐ నరేంద్ర తెలిపిన వివరాల మేరకు.. గుంతకల్లు పట్టణానికి చెందిన వాల్మీకి వెంకటేశ్వర్లు (62) గృహోపకరణాలైన మిక్సీలు, ఫ్యాన్లు, కూలర్స్‌, కుక్కర్లు తదితర సామగ్రిని ప్రజలకు నెలసరి వాయిదాలకు విక్రయించేవారు. తొమ్మిదేళ్లుగా పగిడ్యాల మండలంలోని గ్రామాల్లో తిరుగుతూ ప్రజలతో మమేకమయ్యాడు. వ్యాపార రీత్యా ఉదయం నెహ్రూనగర్‌ గ్రామానికి స్కూటర్‌పై సామగ్రి తీసుకెళ్లాడు. అక్కడ వ్యాపారం ముగించుకుని తిరిగి ముచ్చుమర్రికి కేసీ కాలువ గట్టుపై వస్తుండగా మార్గం మధ్యలో స్కూటర్‌ అదుపుతప్పి కేసీ కాలువలోకి దూసుకెళ్లింది. కాల్వలో నీరు ఉండటంతో స్కూటర్‌తో పాటు మునిగి మృతి చెందాడు. తర్వాత నీటిలో తేలియాడుతున్న మృతదేహాన్ని లస్కర్‌ వెంకటరమణ గుర్తించి ముచ్చుమర్రి పోలీసులకు సమాచారం ఇచ్చారు. ఎస్‌ఐ సిబ్బందితో పాటు వెళ్లి మృతదేహాన్ని, స్కూటర్‌ను బయటకు తీయించి కుటుంబీకులకు సమాచారం తెలిపారు. మృతుడి కుమారుడు త్రినాథ్‌కుమార్‌ కూడా పగిడ్యాలలో వాయిదా పద్ధతిలో గృహోపకరణాలు విక్రయిస్తుంటాడని వెల్లడించారు. మృతుని కుమారుడి ఫిర్యాదు మేరకు కేసు నమోదు చేసి మృతదేహాన్ని పోస్టుమార్టం నిమిత్తం నందికొట్కూరుకు తరలించినట్లు ఎస్‌ఐ తెలిపారు.

మంత్రాలయం: ప్రముఖ ఆధ్యాత్మిక కేంద్రం మంత్రాలయం రాఘవేంద్రస్వామి మఠంలో రాఘవేంద్రుల స్వర్ణ పల్లకోత్సవం వైభవంగా జరిగింది. గురువారం ఊంజల మంటపంలో ముందుగా రజత రాఘవేంద్రుల బృందావన ప్రతిమకు విశేష పూజలు చేపట్టారు. అనంతరం శ్రీమఠం ప్రాంగణ వీధుల్లో అశేష భక్తజన వాహిని మధ్య స్వర్ణ పల్లకీ సేవ నిర్వహించారు. ఈ వేడుక భక్తులను విశేషంగా ఆకట్టుకుంది. ఈవీఎంల భద్రతకు పటిష్ట నిఘా ఉంచాలి కర్నూలు(సెంట్రల్‌): ఈవీఎంల భద్రతకు సంబంధించి ఎటువంటి నిర్లక్ష్యం ఉండకూడదని, పటిష్టమైన నిఘా ఉంచాలని జిల్లా కలెక్టర్‌ డా. ఏ.సిరి అధికారులను ఆదేశించారు. గురువా రం కలెక్టరేట్‌ కార్యాలయ ఆవరణలోని ఈవీఎమ్‌ గోడౌన్‌ను ఆమె తనిఖీ చేశారు. ఈ సందర్భంగా ఆమె మాట్లాడుతూ.. ఈవీఎంగోడౌన్‌ను పరిశీలిస్తూ ఈవీఎంలకు సంబంధించిన భద్రత ఏర్పాట్లు, సీసీ టీవీ పర్యవేక్షణ, ఎంట్రీ, ఎగ్జిట్‌ రిజిస్టర్‌ నిర్వహణకు సంబంధించి ఎన్నికల విభాగం, భద్రతా సిబ్బందికి కలె క్టర్‌ పలు సూచనలు చేశారు. ఆమె వెంట ఎన్ని కల విభాగం సూపరింటెండెంట్‌ మురళి, సా యి ప్రదీప్‌(బీజేపీ), శ్రావణ్‌ కుమార్‌ (వైఎస్‌ఆర్‌సీపీ),అరుణ్‌కుమార్‌(బీఎస్పీ) పాల్గొన్నారు. జిల్లాలో మోస్తరు వర్షాలు ● హొళగుందలో 40.4 మి.మీ వర్షపాతం కర్నూలు(అగ్రికల్చర్‌): బంగాళఖాతంలో ఏర్పడిన అల్పపీడన ప్రభావం వల్ల జిల్లాలో తేలికపాటి నుంచి ఒక మోస్తరు వర్షాలు కురుస్తున్నాయి. బుధవారం ఉదయం నుంచి గురువారం ఉదయం వరకు జిల్లా వ్యాప్తంగా అన్ని మండలాల్లో వర్షపాతం నమోదు అయింది. హొళగుందలో 40.4 మి.మీ, ఆలూరులో 35.8. చిప్పగిరిలో 30, సీ.బెళగల్‌లో 25.2, ఓర్వకల్‌లో 25.2, ఆదోని–1లో 24.8, హాలహర్విలో 23.6, వెల్దుర్తి లో 20.4, కోడుమూరులో 19.8, కౌతాళంలో 18, కల్లూరులో 17.2, మద్దికెరలో 16.6, క్రిష్ణగిరిలో 15.8, గూడూరులో 15 మి.మీ ప్రకారం వర్షాలు కురిశాయి. మిగిలిన మండలాల్లో తేలికపాటి వర్షాలు కురిశాయి. సెప్టెంబరు నెల సాధారణ వర్షపాతం 116.2 మిమీ ఉండగా.. ఇప్పటి వరకు 64.1 మి.మీ వర్షపాతం నమోదైంది. ఉద్యాన పంటలను కాపాడుకోవాలి కృష్ణగిరి:వర్షాల్లేని పరిస్థితుల్లో ఉద్యాన పంటలను రైతులు కాపాడుకోవాలని ఉద్యానశాఖ డిప్యూటీ డైరెక్టర్‌, పశ్చిమ రాయలసీమ జిల్లాల ప్రత్యేకాధి కారి ఎంకేవీ శ్రీనివాసులు తెలిపారు. అమకతాడు గ్రామ సమీపంలో ఉద్యాన పంటలను గురువారం ఆయన పరిశీలించారు. రాష్ట్రంలో ఉద్యానపంటలను కాపాడేందుకు ప్రభుత్వం రూ.190 కోట్లు మంజూరు చేసిందన్నారు. చీని, మామిడి, సపోట తోటల్లో మొక్కలను బతికించుకునేందుకు ఈ నిధులు ఉపయోగిస్తామన్నారు. ఫాంపాండ్‌లో వీడ్‌ మ్యాట్‌ వేసి నీటిని ‘డ్రిప్‌’ ద్వారా అయిల్‌పా మ్‌ మొక్క లకు అందిస్తున్న విధానాన్ని పరిశీలించారు. ఈయన వెంట జిల్లా ఉద్యానశాఖ అధికారి రాజకృష్ణారెడ్డి, ఏపీఎంఐపీ ఏపీడీ ఫీరోజ్‌ఖాన్‌, ఉద్యాన అధికారి నరేష్‌కుమార్‌రెడ్డి ఉన్నారు. క్వింటా ఉల్లి రూ.4,630 కర్నూలు(అగ్రికల్చర్‌): కర్నూలు వ్యవసాయ మార్కెట్‌ యార్డులో గురువారం క్వింటా ఉల్లికి గరిష్ట ధర రూ.4630 లభించింది. మొత్తం 2,046 క్వింటాళ్ల ఉల్లి అమ్మకానికి వచ్చింది. క్వింటా సగటు ధర రూ.3,830 నమోదైంది. మార్కెట్‌కు 124 క్వింటాళ్ల వేరుశనగ రాగా.. కనిష్ట ధర రూ.5,089, గరిష్ట ధర రూ.9,389 లభించింది. సగటు ధర రూ.5719 నమోదైంది. మొక్కజొన్న కొరత ఎక్కువగా ఉండటంతో క్వింటా ధర రూ.2,515 పలికింది. ఆదోని మార్కెట్‌లో క్వింటా పత్తికి కనిష్ట ధర రూ.6000, గరిష్ట ధర రూ.9709 లభించింది.

● ఓటుహక్కు కలిగిన ప్రతి మహిళకు ఆడబిడ్డ నిధి కింద నెలకు రూ.1500 ఇస్తామని గత ఎన్నికల సమయంలో టీడీపీ అధినేత చంద్రబాబు హామీ ఇచ్చారు. అధికారంలోకి వచ్చి రెండున్నరేళ్లు అయినా ఇప్పటి వరకు అమలు చేయలేదు. ● ఎస్సీ, ఎస్టీ, బీసీ, మైనారిటీ మహిళలకు 50 ఏళ్లకే పింఛన్‌ ఇస్తామని మోసం చేశారు. ● యువతకు 20 లక్షల ఉద్యోగాలు, నెలకు రూ.3వేల నిరుద్యోగ భృతి అని ఎన్నికల మేనిఫెస్టో ప్రకటించి ఇప్పటి వరకు అమలు చేయలేదు. ● పేదలను సంపన్నులు చేస్తామని ‘పూర్‌ టు రిచ్‌’ అని హామీ ఇచ్చి ఇప్పటి వరకు పీ4 పథకాలు అమలు చేయలేదు. ● యువత కోసం డిజిటల్‌ లైబ్రరీలు ఏర్పాటు చేస్తామని మాట ఇచ్చి అటకెక్కించారు. ● వలంటీర్లకు గౌరవ వేతనం రూ.5వేల నుంచి రూ.10 వేల వరకు పెంచుతామని హామీ ఇచ్చి మరచిపోయారు. ● స్వయం సహాయ సంఘాలకు వడ్డీలేని రుణాలను రూ.3 లక్షల నుంచి రూ10 లక్షల వరకు పెంచుతామని హామీ ఇచ్చి అమలు చేయడం లేదు. ● ఉద్యోగాలు చేసే మహిళలకు హాస్టల్‌ వసతి ఏర్పాటు చేస్తామని మోసం చేశారు. .. ఇవే కాదు చాలా హామీలు ఇప్పటి వరకు అమలు చేయలేదు. ఎన్నికల సమయంలో ఇచ్చిన వాటిలో కొన్ని అమలు చేస్తున్నా పెద్ద ఎత్తున కోతలు పెడుతున్నారు. అన్నదాత సుఖీభవ, గ్యాస్‌ సిలిండర్ల హామీ సక్రమంగా అమలు కావడం లేదు. సాక్షి ప్రతినిధి,కర్నూలు: తప్పుడు దివ్యాంగ, స్పోర్ట్స్‌ సర్టిఫికెట్లతో లోకేశ్‌ యువగళం సభ్యులకు ఉపాధ్యాయ ఉద్యోగాలను కట్టబెట్టిన చంద్రబాబు ప్రభుత్వం ఇప్పుడు ప్రజాధనంతో ఐటీడీపీ సభ్యులకు ఆర్థిక లబ్ధి చేకూర్చేందుకు సిద్ధమైంది. సోషల్‌ మీడియా ఇన్‌ప్లుయెన్సర్ల పాలసీ పేరుతో ఈ సరికొత్త దోపిడీ పథకానికి రంగం సిద్ధం చేసింది. పచ్చపార్టీ సానుభూతిపరులైన సోషల్‌ మీడియా ఇన్‌ప్లుయెన్సర్లను గుర్తించి వారిని ఎం ప్యానెల్‌ చేసే విధంగా ప్రభుత్వం సోషల్‌ మీడియా ఇన్‌ప్లుయెన్సర్ల పాలసీకి ఆమోదం తెలిపింది. పేరుకు సంక్షేమ పథకాలు, మౌలిక వసతుల అభివృద్ధి, ఇతర ప్రభుత్వ కార్యక్రమాలపై ప్రజలకు అవగాహన కల్పించడం కోసమే ఈ విధానం ఉద్దేశం అని రాష్ట్ర ప్రభుత్వం చెబుతోంది. వీరిని ఏపీ డిజిటల్‌ కార్పొరేషన్‌ లిమిటెడ్‌ ద్వారా ఎంప్యానెల్‌ చేయనున్నారు. ఈ విధానం ఫేస్‌బుక్‌, ఇన్‌స్ట్రాగామ్‌, యూట్యూబ్‌ కంటెంట్‌ క్రియేటర్లకు వర్తిస్తుంది. ప్రారంభ ఎంప్యానెల్‌ ఒక సంవత్సరం ఉంటుంది. దీనిని మరింతగా పొడిగించవచ్చు. లక్ష వ్యూస్‌కు రూ.15 వేల చొప్పున ఒక్కొక్కరికి రూ. 1.50 లక్షల వరకు చెల్లించే అవకాశముంటుంది. బుధవారం రాష్ట్రమంత్రి వర్గం ఈ కొత్త పథకానికి ఆమోదం తెలిపింది. ఐటీడీపీకి ఆర్థిక లబ్ధి కోసమే! వాస్తవానికి ఐటీడీపీలో పనిచేస్తున్న వారికి నేరుగా ప్రభుత్వం ద్వారా ఆర్థిక లబ్ధి చేకూర్చే ఉద్దేశంతోనే చంద్రబాబు ప్రభుత్వం ఈ కొత్త పథకానికి నాంది పలికిందన్న విమర్శలు వెల్లువెత్తుతున్నాయి. ప్రభుత్వం తీరుపై విద్యార్థి, నిరుద్యోగ యువతతోపాటు అన్నివర్గాల ప్రజలు ఆగ్రహం వ్యక్తం చేస్తున్నారు. ఎన్నికల ముందు హామీ ఇచ్చిన మేరకు ఇప్పటికే లోకేశ్‌ యువగళం సభ్యులకు అత్యంత కీలకమైన ఉపాధ్యాయ ఉద్యోగాలను ప్రభుత్వం అక్రమ పద్ధతిలో కట్టబెట్టింది. నకిలీ దివ్యాంగ సర్టిఫికెట్లతోపాటు స్పోర్ట్స్‌ సర్టిఫికెట్లతో టెట్‌కు క్వాలిఫై కాకున్నా పెద్ద ఎత్తున ఉద్యాగాలు ఇచ్చింది. కర్నూలు జిల్లాలో ఇప్పటికే ఉపాధ్యాయ నియామకాల్లో జరిగిన అక్రమాలు పెద్ద ఎత్తున వెలుగు చూశాయి. ఇదే పద్ధతిలో అటు పోలీసు ఉద్యోగ నియామకాల్లోనూ అక్రమాలు జరిగినట్లు ఆరోపణలు వస్తున్నాయి. ఇదే సమయంలో ప్రభుత్వం రాష్ట్ర ప్రజలను గాలికి వదిలి టీడీపీ కార్యకర్తలకు లబ్ధి చేకూర్చడమే లక్ష్యంగా ఈ ఇన్‌ప్లుయెన్సర్ల పాలసీ పథకానికి రూపకల్పన చేసినట్లు విమర్శలు వినపడుతున్నాయి. రాష్ట్రంలో కోట్ల సంఖ్యలోనే యూట్యూబ్‌, ఫేస్‌బుక్‌, ఇన్‌స్ట్రాగామ్‌లలో ఇన్‌ప్లుయెన్సర్లు ఉన్నారు. వీరిలో టీడీపీకి చెందినవారు లక్షల్లోనే ఉంటారు. మరో వైపు ఐటీడీపీ సభ్యలు పెద్ద మొత్తంలో ఉన్నారు. వారందరికీ నేరుగా ఆర్థిక లబ్ధి చేకూర్చేందుకు ప్రభుత్వం ఈ ఇన్‌ప్లుయెన్సర్ల పాలసీకి ఆమోదం తెలిపిందన్న విమర్శలు వినవస్తున్నాయి. ప్రభుత్వం తీరుపై అన్ని వర్గాల ప్రజలు ఆగ్రహం వ్యక్తం చేస్తున్నారు. హామీలు తుంగలో తొక్కి.. కరువు కోరల్లో ప్రజలు సకాలంలో వర్షాలు లేక, ప్రాజెక్టుల్లో నీళ్లున్నా ప్రభుత్వం విడుదల చేయకపోవడంతో ప్రజలు కరువు కోరల్లోచిక్కి అల్లాడిపోతున్నారు. రాబోయే కాలంలో తిండిగింజలు, పశుగ్రాసం దొరికే పరిస్థితి కానరావడం లేదు. ప్రజలను ఆదుకోవాల్సిన ప్రభుత్వం కనీసం గ్రాసం కూడా అందించే పరిస్థితిలేకుండా పోయింది. కానీ టీడీపీ కార్యకర్తలకు మాత్రం ఆర్థిక లబ్ధి చేకూరచేందుకు ప్రజాధనాన్ని దోచిపెట్టేందుకు ప్రభుత్వం సిద్ధమవడంపై విమర్శలు వెల్లు వెత్తుతున్నాయి.

● ఈ నెల 28, 29, 30 తేదీల్లో బ్యాంకుల సమ్మె కర్నూలు(అగ్రికల్చర్‌): ఐదు రోజుల పని దినాల విధానం తక్షణమే అమలు చేయాలని యునైటెడ్‌ ఫోరం ఆఫ్‌ బ్యాంక్‌ యూనియన్స్‌ జిల్లా నాయకులు డిమాండ్‌ చేశారు. బ్యాంకుల యాజమాన్య సంస్థ ఐబీఏ, బ్యాంకు యూనియన్స్‌ మధ్య జరిగిన ఒప్పందం అమలు చేయకపోవడంతో ఈ నెల 28, 29, 30 తేదీల్లో సమ్మె అనివార్యమైందని తెలిపారు. బ్యాంకుల మూడు రోజుల సమ్మెకు ముందస్తుగా గురువారం సాయంత్రం గాయత్రీ ఎస్టేటులోని యూనియన్‌ బ్యాంక్‌ ఆఫ్‌ ఇండియా బ్రాంచ్‌ వారు ఎదుట నిరసన కార్యక్రమాన్ని చేపట్టారు. ఈ సందర్భంగా యూఎఫ్‌బీయూ కన్వీనర్‌ నాగరాజు మాట్లాడుతూ.. ఐదు రోజుల పని దినాలు కల్పించే విధానం అమలు చేయాలని పలు దఫాలుగా కేంద్ర కార్మిక కమిషనర్‌ సమక్షంలో ఐబీఏ, ఆర్థిక శాఖ అధికారులతో జరిపిన చర్చల్లో ఎలాంటి హామీ ఇవ్వనందున సమ్మె అనివార్యమైందన్నారు. ఈ నెల 28 నుంచి చేపడుతున్న మూడు రోజుల సమ్మెను విజయవంతం చేయాలని పిలుపునిచ్చారు. ఈ సమ్మెకు అన్ని బ్యాంకుల ఖాతా దారులు సహకరించాలని కోరారు. ఆందోళనలో ఏఐబీఈఏ నాయకులు శివ కృష్ణ, వాసుదేవరెడ్డి, ఏఐబీఓసీ నాయకులు రాజు, సూర్య శివ పర్సాద్‌, పుష్పాకుమార్‌, ఏబీజీబీ నాయకులు హనుమంతరెడ్డి, రాఘవేంద్ర తదతరులు పాల్గొన్నారు.

తుగ్గలి/మద్దికెర: రైతులను ఆదుకోవడంలో ముఖ్యమంత్రి చంద్రబాబు విఫలమయ్యారని వైఎస్సార్‌ సీపీ రైతు విభాగం రాష్ట్ర అధ్యక్షుడు ఎంవీఎస్‌ నాగిరెడ్డి మండిపడ్డారు. రాష్ట్ర వర్కింగ్‌ ప్రెసిడెంట్‌ వంగాల భరత్‌కుమార్‌రెడ్డితో కలిసి గురువారం తుగ్గలి మండలం జి.ఎర్రగుడి, మద్దికెర మండలం ఎం.అగ్రహారం పరిసరా ల్లో ఎండిపోయిన కంది, సజ్జ, ఆముదం పంట పొలా లను ఆయన పరిశీలించారు. ముందుగా పలువురు రైతులు తమ కష్టాలను ఆయనకు తెలిపారు. అనంతరం నాగిరెడ్డి మాట్లాడుతూ.. దాదాపు రెండున్నర నెలలకు పైగా వానల్లేకపోవడంతో అన్ని పంటలు ఎండిపోయాయని, ఇప్పుడు వర్షం కురిసినా ఏ మాత్రం దిగుబడులు వచ్చే పరిస్థితి లేదన్నారు. రాయలసీమలో జూలైలో 68 శాతం, ఆగస్టులో 58 శాతం లోటు వర్షపాతం ఏర్పడిందన్నారు. చంద్రబాబు కరువును పట్టించుకోకుండా అమరావతిలో బిల్డింగ్‌ అద్దాలకు మాత్రం రూ.2 వేలు కోట్లు ఖర్చు చేశారని ఆరోపించారు. 28 జిల్లాల్లో 55.5 శా తం లోటు వర్షపాతం ఉందన్నారు. తక్షణం కరువు అత్యవసర పరిస్థితిని ప్రకటించి ప్రత్యేక ప్యాకేజీ ఇచ్చి ప్రతి కుటుంబాన్ని ఆదుకోవాలన్నారు. పంట నష్టపోయిన ప్రతి రైతుకు ఎకరాకు రూ.15వేలు, పశువులకు పశుగ్రాసం ఉచితంగా ఇవ్వాలన్నారు. పండ్ల తోటల రైతులకు 80శాతం సబ్సిడీతో ట్యాంకర్ల ద్వారా నీటిని సరఫరా చేయాలని, ఉపాధి పథకం కింద 150 రోజుల పని కల్పించి, పథ కాన్ని వ్యవసాయానికి అనుసంధానం చేయడంతో పాటు ఇచ్చిన హామీలన్నీ వెంటనే అమలు చేయాలని డిమాండ్‌ చేశారు. కార్యక్రమంలో కర్నూలు, నంద్యాల రైతు విభాగం అధ్యక్షులు రవిచంద్రారెడ్డి, మహేశ్వరరెడ్డి, ఎస్సీసెల్‌ జిల్లా అధ్యక్షుడు వెంకటేశ్వర్లు, సీపీఎం జిల్లా నాయకులు భాస్కరరెడ్డి, వైఎస్సార్‌సీపీ నాయకులు అయ్యన్న, కృష్ణానాయక్‌ పాల్గొన్నారు.

కర్నూలు(అర్బన్‌): పెద్దల స్ఫూర్తి, అందరి సహకారంతో మరింత పారదర్శకంగా, ఎక్కడా అవినీతికి తావు లేకుండా సేవలు అందించామని జిల్లా పరిషత్‌ చైర్మన్‌ యర్రబోతుల పాపిరెడ్డి అన్నారు. జెడ్పీ చైర్మన్‌గా పదవీ కాలం పూర్తి అయిన సందర్భంగా గురువారం స్థానిక ఎస్‌వీ రీజెన్సీలోని సమావేశ భవనంలో అధికారులు, జెడ్పీటీసీలు, సహచరులు, స్నేహితులు ఆయనకు ఘనంగా ఆత్మీయ వీడ్కోలు కార్యక్రమాన్ని నిర్వహించారు. మాజీ జెడ్పీటీసీ పుల్యాల నాగిరెడ్డి అధ్యక్షతన జరిగిన ఈ కార్యక్రమంలో జెడ్పీ సీఈఓ ఆర్‌ సుధాకర్‌రెడ్డి, డిప్యూటీ సీఈఓ ఈవీ సుబ్బారెడ్డి, స్వర్ణగ్రామ/ వార్డు సచివాలయాల జిల్లా అధికారి టీవీ భాస్కర్‌నాయుడు, కర్నూలు డీడీఓ అశ్వినీకుమార్‌, జెడ్పీ వైస్‌ చైర్మన్‌ కురువ బుజ్జమ్మతో పాటు జెడ్పీటీసీ, మాజీ ఎంపీపీలు, జెడ్పీ ఉద్యోగులు పెద్ద సంఖ్యలో హాజరయ్యారు. ఈ సందర్భంగా పాపిరెడ్డి మాట్లాడుతూ స్థానిక సంస్థలను ఆర్థికంగా బలోపేతం చేస్తేనే గ్రామాల్లో అనేక సమస్యలు పరిష్కారం అవుతాయన్నారు. ముఖ్యమంత్రిగా వైఎస్‌ జగన్‌మోహన్‌రెడ్డి, పంచాయతీరాజ్‌, గ్రామీణాభివృద్ధి శాఖా మంత్రిగా పెద్దిరెడ్డి రామచంద్రారెడ్డి ఉన్న సమయంలోనే పంచాయతీరాజ్‌లో ఉద్యోగుల పదోన్నతులకు కదలిక వచ్చిందన్నారు. గతంలో ఎంతో మంది ఎంపీడీఓలుగానే పదవీ విరమణ చేశారన్నారు. వైఎస్‌ జగన్‌ తీసుకున్న నిర్ణయంతో అనేక మంది ఎంపీడీఓలు డీఎల్‌డీఓలుగా పదోన్నతులు పొందారని గుర్తు చేశారు. అప్పట్లో పదోన్నతుల ప్రక్రియ ప్రారంభించడం వల్ల నేడు అనేక మంది వివిధ ప్రభుత్వ శాఖల్లో జిల్లా అధికారులుగా కొనసాగుతున్నారని చెప్పారు. జెడ్పీటీసీలు యుగంధర్‌రెడ్డి, జగదీశ్వరరెడ్డి, భీమిరెడ్డి తదితరులు మాట్లాడుతూ.. జెడ్పీ చైర్మన్‌ పదవికే పాపిరెడ్డి వన్నె తీసుకువచ్చారని కొనియాడారు. పాపిరెడ్డికి ఘన సన్మానం ... ఆత్మీయ వీడ్కోలు సందర్భంగా జెడ్పీ చైర్మన్‌ యర్రబోతుల పాపిరెడ్డిని జెడ్పీ సీఈఓ ఆర్‌ సుధాకర్‌రెడ్డి, డిప్యూటీ సీఈఓ ఈవీ సుబ్బారెడ్డి, ఎస్‌జీఎస్‌డబ్ల్యూ సచివాలయాల జిల్లా అధికారి టీవీ భాస్కర్‌నాయుడు, కర్నూలు డీడీఓ అశ్వినీకుమార్‌ తదితరులు శ్రీ వెంక టేశ్వరస్వామి జ్ఞాపికను అందించి శాలువాలు, పూలమాలలతో ముంచెత్తారు.

కర్నూలు: జిల్లాలో మద్యం దుకాణాల అనుమతుల పునరుద్ధరణకు సంబంధించి ముందుకు రాని 17 దుకాణాలకు జిల్లా కలెక్టర్‌ అనుమతితో ఎకై ్సజ్‌ అండ్‌ ప్రొహిబిషన్‌ జిల్లా అధికారి సుధీర్‌ బాబు గురువారం గెజిట్‌ నోటిఫికేషన్‌ విడుదల చేశా రు. జిల్లాలో మొత్తం 106 మద్యం దుకాణాలు ఉండగా 92 దుకాణాల లైసెన్సుల పునరుద్ధరణ ప్రక్రియ పూర్తయ్యింది. లైసెన్స్‌ రెన్యువల్‌ గడువు ముగిసినందున మిగిలిన 14 దుకాణాలతో పాటు గతంలో మూసివేసిన మరో మూడు దుకాణాల ను కలిపి మొత్తం 17 దుకాణాలకు నోటిఫికేషన్‌ విడుదలైంది. ఈ దుకాణాల లైసెన్సు కోసం ఆన్‌లైన్‌లో హైబ్రిడ్‌ మోడ్‌లో దరఖాస్తు చేసుకునే అవకాశం కల్పించారు. అలాగే ఆఫ్‌ లైన్‌ విధానంలోనూ మాన్యువల్‌గా దరఖా స్తు చేసుకుని ఎకై ్సజ్‌ కార్యాలయంలో సమర్పించాల్సి ఉంటుంది. ప్రతి దుకాణానికి 4 దరఖాస్తులు వస్తేనే దానికి లక్కీడిప్‌ నిర్వహిస్తారు. ఆసక్తి ఉన్నవారు అక్టోబర్‌ 1వ తేదీ అర్ధరాత్రి వరకు దరఖాస్తులు సమర్పించుకోవచ్చు. అక్టోబర్‌ 5న జెడ్పీలో కలెక్టర్‌ సమక్షంలో లాటరీ తీసి లక్కీడిప్‌ తగిలిన వారికి లైసెన్సు జారీ చేయనున్నట్లు ఈఎస్‌ సుధీర్‌ బాబు తెలిపారు.

ప్రభుత్వ ధనాన్ని ఐటీడీపీ కార్యకర్తలకు దోచిపెట్టడం కోసమే ఇన్‌ప్లుయెన్సర్లను తెరపైకి తీసుకొచ్చారు. ఏకంగా వ్యూస్‌ను బట్టి లక్ష వరకు జీతాలు ఇస్తామని చెప్పడం అన్యాయం. ఇలాంటి పాలసీ ఏరాష్ట్రంలో లేదు. వెంటనే ఈ పాలసీని ప్రభుత్వం వెనక్కి తీసుకోవాలి. లేదంటే పోరాటం తప్పదు. – కె.శ్రీనివాసులు, జిల్లా కార్యదర్శి, ఏఐవైఎఫ్‌, కర్నూలు సోషల్‌ మీడియా ఇన్‌ప్లుయెన్సర్ల పేరుతో ఐటీ డీపీ వారికి ప్రభుత్వ సొమ్మును దోచిపెట్టడా నికి సిద్ధపడింది. డీఎస్సీలో నారా లోకేష్‌ టీంకు స్పోర్ట్స్‌ కోటాలో అక్రమాలు చేసి ఉద్యోగాలు ఇచ్చారు. ఇప్పుడు ఐటీడీపీ కార్యకర్తలకు ఇన్‌ప్లుయెన్సర్ల పేరుతో జీతాలు ఇవ్వడానికి సిద్ధమవడం దారుణం. ఈ పాలసీని తీవ్రంగా వ్యతిరేకిస్తున్నాం. – వై.నగేష్‌, సీపీఎం నగర కమిటీ సభ్యుడు, కర్నూలు సీఎం చంద్రబాబు నిజమైన విజనరీ అయినట్లయితే ఇలాంటి ఇన్‌ప్లుయెన్సర్ల పాలసీ అవసరం ఏముంది? అబద్ధాల ప్రచారం కోసమే ఇలా చేస్తున్నారు. రాష్ట్ర ప్రజల సొమ్మును దోచుకొని టీడీపీ నాయకులకు, కార్యకర్తలకు పంచిపెట్టడాన్ని చూస్తూ ఊరుకోం. ప్రజల ధనానికి జవాబుదారీతనంగా ఉండాలని కోరుతున్నాం. – బారెడ్డి విజయభాస్కర్‌ రెడ్డి, బండిఆత్మకూరు

డోన్‌ టౌన్‌: ఆటోలో ప్రయాణికురాలు మరచిపోయిన బ్యాగును పోలీసులకు అప్పజెప్పి ఆటోడ్రైవర్లు నిజాయితీ చాటుకున్నారు. వివరాలు.. ప్యాపిలి మండలం ఊటకొండ గ్రామానికి చెందిన తెలుగు చిరంజీవి భార్య లీలావతి కొచ్చెర్వు గ్రామానికి చెందిన ఆటోలో ఎక్కి డోన్‌కు వెళ్లారు. పట్టణంలోకి ప్రవేశించిన తరువాత పిల్లలను ఆటో నుంచి దింపుకోవడంలో హ్యాండ్‌బ్యాగును మరచి వెళ్లిపోయారు. ప్యాసింజర్లు అందరూ దిగిపోయాక డ్రైవర్‌కు ఆటోలో హ్యాండ్‌బ్యాగు కనిపించింది. ఆటో డ్రైవర్లు సాంబ, శ్రీనివాసులు బ్యాగును తెరచి చూడగా రూ.8500 నగదు, సెల్‌ఫోన్‌తో పాటు విలువైన వస్తువులు ఉన్నాయి. వెంటనే పట్టణ పోలీసు స్టేషన్‌కు వెళ్లి బ్యాగును అందజేశారు. ఎస్‌ఐ శరత్‌కుమార్‌రెడ్డి విచారణ జరిపి హ్యాండ్‌బ్యాగ్‌ను మరిచి వెళ్లిన మహిళను గుర్తించారు. సీఐ ఇంతియాజ్‌బాషా ఆదేశాలతో సదరు మహిళను పోలీస్‌స్టేషన్‌కు పిలిపించి బ్యాగును అప్పజెప్పారు. బ్యాగును నిజాయితీగా తిరిగిచ్చిన ఆటోడ్రైవర్లను అభినందించారు.

కర్నూలు: స్థానిక ఏపీఎస్పీ రెండో బెటాలియన్‌ పెరేడ్‌ మైదానంలో 2025–26 బ్యాచ్‌కు చెందిన 629 మంది ట్రైనీ కానిస్టేబుళ్ల పాసింగ్‌ ఔట్‌ పెరేడ్‌ రిహార్సల్స్‌ జరిగాయి. రెండో బెటాలియన్‌లో శిక్షణ పొందిన 430 మంది, కర్నూలు డీటీసీలో శిక్షణ పొందిన 199 మంది కలిపి మొత్తం 629 మంది ట్రైనీ కానిస్టేబుళ్లకు ఈనెల 26న ప్రధాన పాసింగ్‌ ఔట్‌ పెరేడ్‌ జరగనుంది. అందుకు సంబంధించిన రిహార్సల్స్‌ను గురువారం నిర్వహించారు. ఎస్పీ విక్రాంత్‌ పాటిల్‌, బెటాలియన్‌ కమాండెంట్‌ దీపిక పాటిల్‌ హాజరై ట్రైనీ పోలీసుల కవాతును పరిశీలించారు. ప్రధాన పాసింగ్‌ ఔట్‌ పెరేడ్‌ను సమన్వయంతో విజయవంతం చేసేలా అధికారులు, ట్రైనీ పోలీసులకు ఎస్పీ దిశానిర్దేశం చేశారు. శిక్షణ కాలంలో వివిధ అంశాల్లో ప్రతిభ కనబరచిన కానిస్టేబుళ్లకు కమాండెంట్‌ దీపిక పాటిల్‌ చేతుల మీదుగా అవార్డు, ప్రశంసాపత్రాలు ప్రదానం చేశారు. 26న జరిగే ప్రధాన వేడుకకు జిల్లా మంత్రి టీజీ భరత్‌, కర్నూలు రేంజ్‌ డీఐజీ కోయ ప్రవీణ్‌, కలెక్టర్‌ ఎ.సిరి ముఖ్య అతిథులుగా హాజరవుతారని వెల్లడించారు. ట్రైనీలకు శిక్షణ కాలంలో సహకరించి విశేష సేవలందించిన శిక్షకులకు, పోలీసు అధికారులకు వారి సేవలను గుర్తిస్తూ ప్రశంసాపత్రాలు అందజేశారు. అడ్మిన్‌ అడిషనల్‌ ఎస్పీ హుసేన్‌ పీరా, అడిషనల్‌ కమాండెంట్‌ నాగేంద్రరావు, అసిస్టెంట్‌ కమాండెంట్లు వెంకటరమణ, ఎస్‌ఎం బాషా, వెంకటశివుడు, డీటీసీ వైస్‌ ప్రిన్సిపాల్‌ దుర్గాప్రసాద్‌ తదితరులు పాల్గొన్నారు.

ఓర్వకల్లు: మండలంలోని హుసేనాపురం గ్రామానికి చెందిన కొందరు టీడీపీ మూకలు, అదే గ్రామానికి చెందిన వైఎస్సార్‌సీపీ నాయకుడు గడేకారి వెంగన్న కుమారుడు వెంకట సుబ్బన్నపై దాడికి పాల్పడిన సంఘటన ఆలస్యంగా వెలుగుచూసింది. ఘటనపై గురువారం బాధితుడి తండ్రి తెలిపిన వివరాల మేరకు.. ఈ నెల 20వ తేదీన సాయంత్రం వెంకట సుబ్బన్న ఇంట్లో ఉండగా టీడీపీకి చెందిన పల్లె మధు ఫోన్‌ చేసి హైవేలో ఉన్న హెచ్‌ఎం హోటల్‌ దగ్గరకు రమ్మని పిలిచాడు. ఆ హోటల్‌ వద్దకు వెళ్లగా మధు అను వ్యక్తి వెనుక నుంచి కొట్టాడని, తిరిగి చూడగా మల్లెల ప్రశాంత్‌ అనే వ్యక్తి చితక బాదినట్లు పేర్కొన్నారు. ఆ తర్వాత రాత్రి 7.30 గంటల సమయంలో సుబ్బన్నను పోలీసు స్టేషన్‌లో అప్పగించారన్నారు. పోలీసులు రాత్రి 10.30 గంటలకు విడిచిపెట్టగా ఇంటికి వెళ్లినట్లు తెలిపారు. నువ్వు ఊర్లో ఎలా తిరుగుతావో చూస్తామని బెదిరించినట్లు పేర్కొన్నాడు. ఈ విషయాన్ని వెంకటసుబ్బన్న గురువారం తన తండ్రి జీకే వెంగన్నతో చెప్పగా సాయంత్రం పలువురు వైఎస్సార్‌సీపీ నాయకులతో కలిసి పోలీసు స్టేషన్‌కు వెళ్లి ఫిర్యాదు చేశారు. తన కుమారుడికి ఏదైనా హాని జరిగితే దాడికి పాల్పడిన ఇద్దరు నిందితులే బాధ్యులని ఫిర్యాదులో పేర్కొన్నారు.

బనగానపల్లె: మండలంలోని కాపులపల్లి గ్రామానికి చెందిన బి.రామలక్ష్మమ్మ (42) గత కొంత కాలంగా ఆనారోగ్యంతో బాధపడుతూ జీవితంపై విరక్తి చెంది బుధవారం అర్ధరాత్రి సమయంలో పేడరంగు ద్రావణం తాగి ఆత్మహత్యకు పాల్పడి మృతి చెందినట్లు సీఐ ప్రవీణ్‌కుమార్‌ గురువారం తెలిపారు. అర్ధరాత్రి సమయంలో ఇంట్లో అందరు నిద్రిస్తున్న సమయంలో విష ద్రావణం తాగింది. గమనించిన కుటుంబ సభ్యులు ఆమెను బనగానపల్లె ప్రభుత్వ వైద్యశాలకు తరలించారు. చికిత్స పొందుతూ కోలుకోలేక మృతి చెందినట్లు సీఐ తెలిపారు. భర్త నాగేశ్వరరావు ఫిర్యాదు మేరకు కేసు నమోదు చేసి దర్యాప్తు చేస్తున్నట్లు సీఐ తెలిపారు. మృతురాలికి ఇద్దరు సంతాపం ఉన్నారు. యువకుడిపై కత్తితో దాడి ఆదోని అర్బన్‌: పట్టణంలోని క్రాంతినగర్‌లో పవన్‌యశ్వంత్‌ అనే యువకుడిపై గురువారం తెల్లవారుజామున అదే కాలనీకి చెందిన చిలక రవి, మరో ముగ్గురు కత్తితో దాడి చేశారని టూటౌన్‌ సీఐ రాజశేఖర్‌రెడ్డి తెలిపారు. పవన్‌యశ్వంత్‌ క్రేన్‌ ఆపరేటర్‌గా పనిచేస్తూ జీవనం సాగించేవాడు. అర్ధరాత్రి సమయంలో బెంగళూరుకు వెళ్లేందుకు క్రాంతినగర్‌ కాలనీలో నడుచుకుంటూ అరుస్తూ వెళ్తున్నాడని తెలిపారు. అదే కాలనీకి చెందిన చిలక రవితో పాటు మరో ముగ్గురు ఆ యువకుడిని ఎందుకు అరుస్తున్నావని నిలదీశారు. మాటామాటా పెరిగి చిలక రవి మరో ముగ్గురు కత్తితో పవన్‌యశ్వంత్‌పై దాడి చేశారు. గాయపడిన పవన్‌యశ్వంత్‌ను ఆదోని ప్రభుత్వ ఆసుపత్రికి తరలించారు. అక్కడినుంచి మెరుగైన వైద్యం కోసం ఆదోనిలోని ప్రైవేట్‌ ఆసుపత్రికి తరలించారు. కేసు నమోదు చేసుకుని దర్యాప్తు చేస్తున్నట్లు సీఐ తెలిపారు.

కృష్ణగిరి: మండల పరిధిలోని పుట్లూరు గ్రామంలో శ్రీమాతా మారెమ్మ బ్రహ్మోత్సవాల్లో భాగంగా గురువారం నిర్వహించిన అంతర్‌ రాష్ట్రస్థాయి న్యూ కేటగిరీ వృషభాల బండలాగుడు పోటీల్లో తెలంగాణ రాష్ట్రం, జోగుళాంబ గద్వాల జిల్లా, గట్టు మండలం, గోర్లకాన్‌దొడ్డి గ్రామానికి చెందిన కురువ కర్రెప్ప వృషబాలు నిర్ణీత సమయంలో బండను 4,987 అడుగుల దూరం లాగి విజేతగా నిలిచాయి. ఈ పోటీల్లో మొత్తం 12 జతల వృషభాలు పాల్గొనగా నంద్యాల జిల్లా, బేతంచర్లకు చెందిన మేకల భానుజా వృషబాలు (4,440 అడుగులు), నంద్యాల జిల్లా, ప్యాపిలి మండలం, పీఆర్‌ పల్లె నాగేశ్వరయాదవ్‌ వృషభాలు (4,328 అడుగులు), అనంతపురం జిల్లా, పెద్దవడుగూరు మండలం, లక్షుంపల్లె శివారెడ్డి, నంద్యాల జిల్లా డోన్‌ మండలం, ఉంగరానిగుండ్లకు చెందిన పెద్ద మద్దిలేటి వృషభాలు ఉమ్మడిగా (4,262 అడుగులు), కర్నూలు జిల్లా, గోనెగండ్ల మండలం, పెద్దనేలటూరు చాకలి నరసమ్మ వృషభాలు (4,257 అడుగులు) లాగి తర్వాతి స్థానాల్లో నిలిచాయి. విజేత వృషభాల యజమానులకు దాతలు స్వర్గీయ చెరుకులపాడు కంగాటి లక్ష్మినారాయణరెడ్డి జ్ఞాపకార్థం ఆయన సోదరులు కంగాటి ప్రదీప్‌కుమార్‌రెడ్డి, డాక్టర్‌ కంగాటి వెంకటరామిరెడ్డి తరఫున ఆలయ కమిటీ సభ్యులు, పార్టీ నాయకులు వరుసగా రూ.40 వేలు, రూ.30 వేలు, రూ.20 వేలు, రూ.15 వేలు, రూ.10 వేలను అందజేశారు. అలాగే 2027లో జరిగే మాతా మారెమ్మ బ్రహోత్సవాల్లో ఇదే కేటగిరికీ చెందిన అన్ని బహుమతులను నారాయణరెడ్డి జ్ఞాపకార్థం ఆయన సతీమణి పత్తికొండ మాజీ ఎమ్మెల్యే కంగాటి శ్రీదేవి, నారాయణరెడ్డి సోదరులు ప్రదీప్‌కుమార్‌రెడ్డి, వెంకటరామిరెడ్డి అందిస్తామని ప్రకటించినట్లు కమిటీ సభ్యులు తెలిపారు. నేడు సీనియర్‌ విభాగంలో... శుక్రవారం సీనియర్‌ విభాగంలో అంతర్‌ రాష్ట్రస్థాయి వృషభాల బండలాగుడు పోటీలు నిర్వహించనున్నట్లు ఆలయ కమిటీ సభ్యులు తెలిపారు. పోటీల్లో పాల్గొనే వృషభాల యజమానులు రూ.వెయ్యి ఎంట్రీ ఫీజు చెల్లించి పేరు నమోదు చేసుకోవాలని సూచించారు. విజేతలకు కేఈ మాదన్న, కేఈ లక్ష్మన్న జ్ఞాపకార్థం ఎమ్మెల్యే కేఈ శ్యాంకుమార్‌ సహకారంతో వరుసగా రూ.70 వేలు, రూ.60 వేలు, రూ.50 వేలు, రూ.40 వేలు, రూ.30 వేలు అందజేయనున్నట్లు వెల్లడించారు. పేర్ల నమోదుకు 75693 90793, 89851 25199 ఫోన్‌ నంబర్లను సంప్రదించాలన్నారు.

కర్నూలు(హాస్పిటల్‌): జిల్లా వ్యాప్తంగా ఈ నెల 25న జాతీయ నులిపురుగుల నివారణ దినోత్సవం నిర్వహించనున్నట్లు డీఎంహెచ్‌ఓ డాక్టర్‌ వై.కామేశ్వరప్రసాద్‌ చెప్పారు. ఈ మేరకు గురువారం ఆయన తన ఛాంబర్‌లో సమీక్ష సమావేశం నిర్వహించారు. జిల్లాలోని అన్ని ప్రభుత్వ, ప్రైవేటు కళాశాలలు, వసతి గృహాలు, అంగన్‌వాడీ కేంద్రాల్లో 1 – 19 ఏళ్ల పిల్లలకు శుక్రవారం ఉచితంగా ఆల్బెండజోల్‌ మాత్రలు ఇస్తామన్నారు. జిల్లాలో 1– 19 ఏళ్ల పిల్లలు 6,41,154 మంది ఉన్నట్లు తెలిపారు. వీరందరికీ ఆల్బెండజోల్‌ మాత్రలు అందించేలా ఏర్పాట్లు చేశామన్నారు. అలాగే నులిపురుగుల సంక్రమణ, నిర్మూలన పట్ల విద్యార్థులు, తల్లిదండ్రులకు అవగాహన కార్యక్రమాలు నిర్వహించినట్లు చెప్పారు. అంగన్‌వాడీ కేంద్రాలు, పాఠశాలలు, కళాశాలల్లోని విద్యార్థులకు మధ్యాహ్న భోజనం అనంతరం ఒక మాత్రను చప్పరించి మింగేలా చూస్తామన్నారు. రాష్ట్రీయ బాలస్వాస్త్య కార్యక్రమం అధికారి డాక్టర్‌ మహేశ్వరప్రసాద్‌ మాట్లాడుతూ.. 25న మాత్రలు తీసుకోని పిల్లలకు అక్టోబర్‌ 5న మాత్రలు ఇస్తామన్నారు.

● కలుషిత ఆహారం, నీటి ద్వారా శరీరంలోకి.. ● చిన్నారుల్లో రక్తహీనత, ఇతర అనారోగ్య సమస్యలు ● ఎదుగుదల లోపించే ప్రమాదం ● ప్రభుత్వ ఆసుపత్రుల పరిధిలో మాత్రల పంపిణీకి చర్యలు ● నేడు జాతీయ నులిపురుగుల దినోత్సవం గోస్పాడు: పిల్లల ఉజ్వల భవిష్యత్‌కు ఆరోగ్యమే ప్రధానం. చిన్నారులను పీడించే అనారోగ్య సమస్యల్లో నులిపురుగులు ప్రధానమైనవి. ఈ పురుగు లు పిల్లల కడుపులో చేరి మెలిపెడుతూ పిల్లల్లో పేలతనం, నీరసం, ఆహారం సరిగా తీసుకోకపోవడం తరచూ కనిపిస్తుంటుంది. వారి ఎదుగుదలపై ప్రభావం చూపిస్తుంటా యి. రక్తహీనత, పోషకలోపం, పలు అనారోగ్య సమస్యలకు కారణమవుతుంటాయి. నిర్లక్ష్యంగా ఉంటే జీవితాలనే నులిమేస్తాయి. ఈ సమస్య పరిష్కారానికి ఏడాదికి రెండుసార్లు జాతీయ నులి పురుగుల నివారణ కార్యక్రమాలను నిర్వహిస్తున్నారు. 1–19 ఏళ్ల పిల్లల్లో నులిపురుగుల సమస్య ఉంటుంది. ఒక్క ఆల్బెండ్‌జోల్‌ మాత్రతో ఈ సమస్యను అధిగమించవచ్చని వైద్యు లు చెబుతున్నారు. ఈ నెల 25న జాతీయ నులిపురుగుల నివారణ దినోత్సవం రోజున అంగన్వాడీలు, పాఠశాలలు, జూనియర్‌ కళాశాలల్లో చదువుకుంటున్న పిల్లలకు ఆల్బెండజోల్‌ మాత్రలు పంపిణీ చేసేందుకు వైద్య ఆరోగ్య శాఖ చర్యలు తీసుకుంది. నులిపురుగులతో నష్టదాయకం నులిపురుగులు పిల్లల పేగుల్లో పెరిగే పరాన్నజీవులు. ఇవి అపరిశుభ్రమైన చేతులు, కలుషితమైన ఆహారం, నీటిద్వారా శరీరంలోకి ప్రవేశిస్తాయి. మనం ఇచ్చే ఆహారాన్ని పిల్లల శరీరం గ్రహించకుండా ఈ పురుగులు అడ్డుకుంటాయి. తద్వారా రక్తహీనతకు దారితీస్తాయి. మానసిక ఎదుగుదలకు ఆటంకంగా మారుతాయి. కడుపునొప్పి, వికారం కలగజేస్తాయి. ఆహారం సహించదు, ఆకలి ఉండదు. నీరస ంగా ఉంటుంది.పిలల కడుపులో కొంకి, నులి, బద్దె, గుండ్రని పురుగులు రక్తాన్ని పీల్చేస్తాయి. వ్యాధి నిరోధక శక్తి తగ్గుతుంది. వాంతులు, మలంలో రక్తం, అతిసారం వంటి సమస్యలు తలెత్తుతాయి. ఆల్బెండజోల్‌ మాత్రల డోస్‌ ఇలా.. నులిపురుగుల నివారణకు ఆల్బెండజోల్‌ మాత్రలను ప్రభుత్వం పంపిణీ చేస్తోంది. 1 – 2 ఏళ్ల చిన్నారులకు సగం మాత్ర (200 ఎంజీ) నీటిలో కలిపి తా పాలి. 2–19 ఏళ్లలోపు పిల్లలకు 400 ఎంజీ మాత్ర ను మధ్యాహ్నం భోజనం తరువాత చప్పరించేలా చూడాలి. ఈ మాత్రలను దీర్ఘకాలిక వ్యాధులు ఉన్న వారు కూడా తీసుకోవచ్చు. ఇది సురక్షితమైనది. 4,46,400 మందికి ఆల్బెండజోల్‌ మాత్రలు జిల్లాలో 1663 అంగన్వాడీ కేంద్రాల్లోని 94,355 మంది పిల్లలు, 2950 ప్రభుత్వ, ప్రైవేట్‌ పాఠశాలల్లోని 3,52,045 మందికి, కళాశాలల్లో ఆల్బెండజోల్‌ మాత్రలు వేసేలా అధికారులు చర్యలు చేపట్టారు. 1–2 ఏళ్ల పిల్లలు 19,331 మంది, 2–19 ఏళ్ల పిల్లలు 4,27,069 మంది మొత్తంగా 4,46,400 మంది ఉన్నట్లు జిల్లా వైద్యశాఖ అధికారులు గుర్తించారు. వీరికి ఆల్బెండజోల్‌ మాత్రలు అందించేందుకు ప్రత్యేక డ్రైవ్‌ చేపడుతున్నారు. ఈ నెల 25న మాత్రలు తీసుకోని వారుంటే అక్టోబర్‌ 5న మరోమారు వైద్య సిబ్బంది ఆధ్వర్యంలో మాత్రలు అందిస్తారు.

● మరో నలుగురికి గాయాలు ● లారీని ప్రైవేట్‌ బస్సు ఢీకొట్టడంతో ప్రమాదం ఓర్వకల్లు: ముందుగా వెళుతున్న లారీని వెనక నుంచి అతి వేగంగా వచ్చిన ప్రైవేట్‌ ట్రావెల్‌ బస్సు ఢీకొట్టిన ఘటన ఓర్వకల్లు వద్ద గురువారం తెల్లవారుజామున చోటు చేసుకొంది. పోలీసులు తెలిపిన వివరాల మేరకు.. హైదరాబాద్‌ నుంచి బద్వేల్‌కు 18 మంది ప్రయాణికులతో ట్రావెల్‌ బస్సు బయలుదేరింది. ఉదయం 5.30 గంటల సమయంలో ఓర్వకల్లు వద్ద డ్రైవర్‌ నిద్రమత్తుతో ముందుగా వెళుతున్న లారీని బస్సు ఢీకొట్టింది. బస్సును సడన్‌ బ్రేకు వేయడంతో డ్రైవర్‌ వెనకాల సీటులో పడుకున్న.. వైఎస్సార్‌ కడప జిల్లా గోపవరం మండలం సుమిత్రనగర్‌కు చెందిన రామాంజనేయులు (20) అలియాస్‌ నాని ఎగిరి రోడ్డుపై పడ్డాడు. తలకు బలమైన రక్తగాయం కావడంతో అక్కడికక్కడే మృతి చెందగా, మరో నలుగురు ప్రయాణికులు గాయపడినట్లు తెలిపారు. విషయం తెలుసుకున్న పోలీసులు ఘటనా స్థలానికి చేరుకొని గాయపడిన వారిని హైవే పెట్రోలింగ్‌ వాహనంలో, మృతి చెందిన యువకుడిని 108 వాహనంలో కర్నూలు ప్రభుత్వాస్పత్రికి తరలించారు.ఘటనపై కేసు నమోదు చేసుకొని దర్యాప్తు చేస్తున్నట్లు పోలీసులు తెలిపారు.

● కోమాలో మరొకరు, ఇంకొకరికి తీవ్రగాయాలు ● మూడు ఇళ్లలో విషాదం ఆదోని రూరల్‌: ఆదోని మండలంలోని పెద్దతుంబలం గ్రామానికి చెందిన వలస కూలీ దాసరి తిమ్మప్ప (32) బెంగళూరులో నిర్మాణ పనులు చేస్తూ ఐదో అంతస్తు నుంచి కిందపడి మృతిచెందాడు. గురువారం బంధువులు తెలిపిన వివరాల మేరకు.. తిమ్మప్ప, భార్య సుజాత, నలుగురు పిల్లలతో కలిసి జీవనం సాగిస్తున్నాడు. తాపీ బేల్దారిగా పనిచేస్తూ వచ్చే ఆదాయంతో కుటుంబాన్ని పోషించేవాడు. బెంగళూరులోని జంగని ప్రాంతంలో ఐదో అంతస్తులో గోడ నిర్మాణ పనులు చేస్తుండగా సపోర్టు ఉన్న తాడు తెగడంతో ముగ్గురు కూలీలు కింద పడ్డారు. తిమ్మప్ప తలకు తీవ్ర గాయాలయ్యాయి. అంబులెన్స్‌లో ఆసుపత్రికి తరలించి చికిత్స అందించినప్పటికీ కోలుకోలేక మృతిచెందాడు. మరో వ్యక్తి కోమాలో ఉండగా, మూడో వ్యక్తికి కాళ్లు, చేతులకు తీవ్ర గాయాలైనట్లు సమాచారం. ఈ ముగ్గురూ ఒకే కుటుంబానికి చెందినవారని, అక్కాచెల్లెళ్లను వివాహం చేసుకున్నారని బంధువులు తెలిపారు. దీంతో మూడు కుటుంబాల్లో తీవ్ర విషాధం నెలకొంది. ప్రభుత్వం ఆదుకోవాలి రెక్కాడితే గానీ డొక్కాడని కుటుంబానికి పెద్ద దిక్కుగా ఉన్న తిమ్మప్ప మృతితో భార్య, నలుగురు పిల్లలు దిక్కుతోచని స్థితిలో పడ్డారు. వలస వెళ్లి కూలీ పనులు చేస్తూ జీవనం సాగిస్తున్న కుటుంబానికి ప్రభుత్వం తక్షణ ఆర్థిక సాయం అందించాలని గ్రామస్తులు, బంధువులు కోరుతున్నారు. ప్రభుత్వ నిబంధనల ప్రకారం పరిహారం, ఇతర సంక్షేమ పథకాల ద్వారా బాధిత కుటుంబానికి అండగా నిలవాలని విజ్ఞప్తి చేస్తున్నారు.

హంద్రీనది ఉధృతికి గోరంట్ల–కొత్తపల్లె మధ్య కోతకు గురైన దారి కర్నూలు(అగ్రికల్చర్‌): ఖరీఫ్‌ సీజన్‌ ముగియనున్న సమయంలో వర్షాలు పడుతున్నాయి. మంగళవారం ఉదయం నుంచి బుధవారం ఉదయం వరకు జిల్లా వ్యాప్తంగా 14.4 మి.మీ సగటు వర్షపాతం నమోదైంది. అత్యధికంగా కోడుమూరులో 62.6 మి.మీ, అత్యల్పంగా 1.0 మి.మీ వర్షం కురిసింది. కోడుమూరు, ఎమ్మిగనూరు, వెల్దుర్తి, క్రిష్ణగిరి మండలాల్లో వర్షాలు పడటం వల్ల కోడుమూరు మండలంలోని లద్దగిరి, గోరంట్ల హంద్రీకి వరద నీరు భారీగా వచ్చింది. సెప్టెంబర్‌ నెల సాధారణ వర్షపాతం 116.2 మి.మీ ఉండగా.. ఇప్పటి వరకు 47.6 మి.మీ వర్షపాతం నమోదైంది.

ఐదు రోజులు బ్యాంకుల బంద్‌ కర్నూలు(అగ్రికల్చర్‌): బ్యాంకులు రెండు రోజుల సెలవు, మూడు రోజుల సమ్మె వల్ల బంద్‌ కానుండ టంతో నగదు సమస్య ఏర్పడనుంది. ఈ నెల 26వ తేదీ 4వ శనివారం, 27న ఆదివారం కావడంతో సెలవులు ఉన్నాయి. బ్యాంకులకు 5 రోజుల పని విధానాన్ని తీసుకురావాలనే ప్రధాన డిమాండ్‌తో ఈ నెల 28 నుంచి 30వ తేదీ వరకు యునైటెడ్‌ ఫోరం బ్యాంక్‌ యూనియన్స్‌ పిలుపు మేరకు అన్ని బ్యాంకులు సమ్మె పాటిస్తున్నాయి. ఈ లెక్కన మొత్తం ఐదు రోజులు బ్యాంకులు మూతపడనుండ టంతో లావాదేవీలు స్తంభించే ప్రమాదం ఏర్పడింది. అక్టోబర్‌ 1న జరిగే పింఛన్ల పంపిణీకి సైతం బ్యాంకుల సమ్మె ఎఫెక్ట్‌ తీవ్రంగా ఉండనుంది. ఆదివారం బ్యాంకులు పని చేస్తాయి వరుసగా ఐదు రోజులు బ్యాంకులు పనిచేయకపోతే నగదు సమస్య ఏర్పడే ప్రమాదం ఉన్నట్లు గుర్తించిన ఆర్‌బీఐ ఈ నెల 27న ఆదివారం సాధారణ పని వేళల ప్రకారం బ్యాంకులు, కరెన్సీ చెస్ట్‌లు పనిచేసేలా ఆదేశాలు ఇచ్చింది. సెలవులు, సమ్మె వల్ల బ్యాంకింగ్‌ సేవలకు అంతరాయం కలుగకుండా అన్ని బ్యాంకులు ముందస్తు ఏర్పాట్లు చేసుకోవాలి. ముఖ్యమైన బ్యాంకు శాఖలు నగదు పంపిణీ కేంద్రాల్లో ఖాతాదారుల అవసరాలకు అనుగుణంగా నగదు అందుబాటులో ఉంచాలి. ఇప్పటికే గ్రామ పంచాయతీల పాలన దాదాపు కూటమి నేతల చేతుల్లోకి వెళ్లింది. తాజాగా మండల పరిషత్‌ అధ్యక్షుల పదవీ కాలం పూర్తయిన నేపథ్యంలో మండల పాలన కూడా కూటమి నేత ల గుప్పిట్లోకి పోనుంది. మండలానికి ప్రత్యేకాధికారి ఉన్నా అభివృద్ధి పనులు చేపట్టే విషయంలో ఎమ్మెల్యే/ఇన్‌చార్జీలు చెప్పిన వాటికే ప్రాధాన్యత ఇవ్వాల్సి ఉంటుంది. సంక్షేమ పథకాల అమలులో నూ కేవలం అధికార పార్టీకి సంబంధించిన వారికే ప్రాధాన్యత ఇస్తారనే అభిప్రాయం వ్యక్తమవుతోంది. పారదర్శకంగా ఆయా పథకాలను అర్హులైన వారందరికీ అందించే విషయంలో ప్రత్యేకాధికారులు, ఎంపీడీఓలు కొంత మేర ఇబ్బందులు పడాల్సిన పరిస్థితులు ఉంటాయని తెలుస్తోంది. కర్నూలు(అర్బన్‌): జిల్లాలోని అన్ని మండలాల్లో నేటి నుంచి ప్రత్యేకాధికారుల పాలన ప్రారంభం కానుంది. మండల పరిషత్‌ అధ్యక్షుల పదవీ కాలం ఈ నెల 23వ తేదీతో ముగిసిన దృష్ట్యా ఆయా మండల పరిషత్‌లకు జిల్లా కలెక్టర్‌ డాక్టర్‌ ఎ.సిరి ప్రత్యేకాధికారులను నియమిస్తూ బుధవారం ఉత్తర్వులు జారీ చేశారు. ప్రభుత్వం జారీ చేసిన ఉత్తర్వుల మేరకు జిల్లా స్థాయి అధికారులు, ఆర్‌డీఓ, డీడీలతో పాటు ఎంపీడీఓ కంటే పైస్థాయి అధికారులను మండల ప్రత్యేకాధికారులుగా నియమించారు. ఈ నేఫథ్యంలోనే నేటి నుంచి మండలాల పాలన ప్రత్యేకాధికారుల చేతుల మీదుగా సాగనుంది. కొత్తగా ఏర్పడిన ఆదోని –2 మండలంతో కలిపి జిల్లాలో మొత్తం 26 మండలాలు ఉన్నాయి. ప్రస్తుతం ఆయా మండలాలకు స్పెషల్‌ ఆఫీసర్లుగా కొనసాగుతున్న అధికారులనే దాదాపు ప్రత్యేకాధికారులుగా నియమించారు. ముగిసిన ఉమ్మడి పాలన జిల్లా పరిషత్‌ పాలకవర్గం పదవీ కాలం ఈ నెల 24తో(నేటితో ) ముగియనున్న నేపథ్యంలో ఉమ్మడి కర్నూలు జిల్లా పరిషత్‌ పాలనకు తెర పడనుంది. జిల్లాల పునర్విభజనలో భాగంగా కొత్త జిల్లాగా నంద్యాల ఏర్పడిన దృష్ట్యా ఈ నెల 25వ తేదీ నుంచి నంద్యాలలోని మండల పరిషత్‌ అభివృద్ధి అధికారి కార్యాలయ ప్రాంగణంలోని ఎంఆర్‌సీ భవనంలో నూతన జిల్లా పరిషత్‌ కార్యాలయాన్ని ఏర్పాటు చేయనున్నారు. ఎంఆర్‌సీ భవనంలో జెడ్పీ చైర్మన్‌, సీఈఓ, డిప్యూటీ సీఈఓలకు చాంబర్లు ఏర్పాటు చేస్తున్నారు. అలాగే నంద్యాల ఎంపీడీఓ కార్యాలయంలోని పై అంతస్తు, అదే ప్రాంగణంలోని పీఆర్‌, ఆర్‌డబ్ల్యూఎస్‌ కార్యాలయాల్లో ఖాళీ గదులను జిల్లా పరిషత్‌ పాలనకు వినియోగించుకునేందుకు అధికారులు చర్యలు చేపట్టారు. కాగా, కొత్తగా ఏర్పాటు కానున్న నంద్యాల జిల్లా పరిషత్‌కు సీఈఓ, డిప్యూటీ సీఈఓలను కూడా ప్రభుత్వం నేడు నియమించే అవకాశాలు ఉన్నాయి. క్షేత్ర స్థాయి ప్రక్రియ పూర్తి గ్రామ పంచాయతీలతో పాటు మండల పరిషత్‌, జిల్లా పరిషత్‌ ఎన్నికల నిర్వహణకు క్షేత్ర స్థాయిలో చేపట్టాల్సిన కార్యక్రమాలన్నీ దాదాపు పూర్తయ్యాయి. పోలింగ్‌ కేంద్రాల గుర్తింపు, ఓటరు జాబితా ప్రచురణ.. బీసీ, ఎస్సీ, ఎస్టీ ఓటర్ల గుర్తింపు తదితర కార్యక్రమాలన్నింటినీ పూర్తి చేశారు. అలాగే ఎన్నికల కమిషన్‌ ఆదేశాల మేరకు బ్యాలెట్‌ బాక్సులు, బ్యాలెట్‌ పేపర్‌ తదితర వివరాలను కూడా ఉన్నతాధికారులకు పంపారు. సేవల్లో చోటు చేసుకోనున్న జాప్యం మండల పరిషత్‌లకు పాలకవర్గాలు లేకపోవడం వల్ల ప్రజలకు అందించాల్సిన సేవల్లో జాప్యం చోటు చేసు కునే అవకాశాలు అధికంగా ఉంటాయనే అభిప్రాయం వ్యక్తమవుతోంది. ప్రత్యేకాధికారులు తమ శాఖకు సంబంధించిన విధులు నిర్వహిస్తూనే, అదనంగా మండ ల పాలనపై దృష్టి కేంద్రీకరించాల్సి ఉండటమే అందు కు కారణమవుతోంది. మండలాల్లోని అనేక గ్రామ పంచాయతీల్లో ప్రజా సమస్యలతో పాటు అభివృద్ధి పనులు(రోడ్లు, డ్రైనేజీ, తాగునీరు, పాఠశాల భవనాలు) చేపట్టే విషయంలో పాలకవర్గాలు లేకపోవడం వల్ల సమస్యలను పరిష్కరించే విషయంలో ప్రత్యేకాధికారు ల నిర్ణయం మీద ఆధారపడాల్సి వస్తుంది. పైగా తమ పరిధిలోని గ్రామాల్లో ఏ సమస్య ఉందో ప్రజాప్రతినిధులకు తెలుసు. ప్రత్యేకాధికారులు స్థానిక సమస్యల పై అవగాహన పెంచుకోవాల్సి ఉంటుంది. దీంతో సమస్యల పరిష్కారంలో జాప్యం చోటు చేసుకోనుందనే అభిప్రాయం వ్యక్తమవుతోంది. ప్రత్యేకాధికారులకు చెక్‌ పవర్‌ ఉన్నా, ప్రతి పనికి జిల్లా కలెక్టర్‌ అనుమతిని తీసుకోవాల్సి ఉంటుంది. 26న ఉపాధి కార్యాలయంలో జాబ్‌మేళా కర్నూలు(సెంట్రల్‌): నైపుణ్యం, ఉపాధి శిక్షణ శాఖ ఆధ్వర్యంలో ఈనెల 26న జిల్లా ఉపాధి కార్యాలయంలో జాబ్‌మేళా నిర్వహిస్తున్నట్లు జిల్లా ఎంప్లాయ్‌మెంట్‌ ఆఫీసర్‌ పి.దీప్తి బుధవారం ఓ ప్రకటనలో తెలిపారు. ఆల్‌ డిక్సాన్‌ టెక్నాలజీస్‌, ప్రీమియర్‌ ఎనర్జీ ప్రాజెక్ట్స్‌ సంస్థలు ఇంటర్వ్యూలతో 350 ఖాళీలను భర్తీ చేసుకోనున్నట్లు చెప్పారు. ఉద్యోగాలకు ఎంపికై న వారికి రూ.14 వేల నుంచి రూ.25 వేల వరకు జీతభత్యాలు ఉంటాయన్నారు. పది, ఇంటర్‌, ఐటీఐ, డిప్లొమో, డిగ్రీ, బీటెక్‌ ఉత్తీర్ణులైన 18 నుంచి 30 సంవత్సరాల మధ్య వయస్సు యువతీ, యువకులు అర్హులన్నారు. వివరాలకు www.ncs.gov.in, https://www.employment. ap.gov.in వెబ్‌సైట్లను సందర్శించి తమ పేర్లను నమోదు చేసుకోవాలని ఆమె సూచించారు. కూటమి నేతలదే పెత్తనం మండల పరిషత్‌లకు ప్రత్యేక అధికారులు నూతనంగా ఏర్పాటవుతున్న నంద్యాల జిల్లా పరిషత్‌ పాలనకు సంబంధించి అవసరమైన ఉద్యోగులను సర్దుబాటు చేయనున్నారు. ప్రస్తు తం ఉమ్మడి జిల్లా పరిషత్‌ కార్యాలయంలో ఆఫీసు సబార్డినేట్‌ నుంచి పరిపాలనాధికారుల వరకు మొత్తం 96 మంది ఉద్యోగులు ఉండగా, ఆఫీసు సబార్డినేట్‌ పోస్టులు 10 ఖాళీగా ఉన్నా యి. మిగిలిన 86 మంది ఉద్యోగులు వివిధ కేడర్లలో విధులు నిర్వహిస్తున్నారు. వీరిని కేడర్‌ వారీగా నంద్యాల జెడ్పీకి పంపేందుకు జెడ్పీ సీఈఓ, డిప్యూటీ సీఈఓలు నివేదికలను సిద్ధం చేశారు. కలెక్టర్‌ ఆమోదం లభించిన వెంటనే వారిని నంద్యాలకు పంపనున్నారు. త్వరలో జెడ్పీటీసీ, ఎంపీటీసీ ఎన్నికలు జరగనున్న దృష్ట్యా, ఎన్నికల నిర్వహణలో అనుభవం ఉన్న వారిని రెండు జిల్లాలకు సమానంగా కేటాయించేందుకు చర్యలు తీసుకున్నారు.

● రిజర్వాయర్‌ నిండిందని పుకార్లు ● ప్రాణ భయంతో ఊరు వదిలేందుకు సిద్ధమైన ప్రజలు ● ఎస్‌ఐ నచ్చజెప్పడంతో ఇళ్లకు చేరుకున్న వైనం పాణ్యం: జలాశయం నిండిందని ఏ క్షణమైనా నీళ్లు ఊరిలోకి వచ్చే ప్రమాదముందని ఆకతాయిలు చేసిన పుకార్లు గోరుకల్లు గ్రామస్తులను భయాందోళనకు గురి చేశాయి. దీంతో కొందరు బుధవారం సాయంత్రం నుంచే సమీపంలోని వేణుగోపాల స్వామి కొండపైకి చేరుకోవడం మొదలు పెట్టారు. పుకార్లు షికార్లు కావడంతో గ్రామస్తులు ఒకరికి ఒకరు చర్చించుకుని కొండపై చేరుకున్నారు. ఈ విషయం పోలీసుల దృష్టికి వెళ్లడంతో గడివేముల ఎస్‌ఐ నాగార్జునరెడ్డి ఆధ్వర్యంలో రాత్రి గ్రామస్తులతో సమావేశం నిర్వహించారు. ఎలాంటి అపోహలు నమ్మొద్దని యంత్రాంగం అందుబాటులో ఉందన్నారు. అవసరమైతే ఇంజనీర్లు, పోలీసులు ఇతరశాఖాధికారులు గ్రామంలోనే బసచేస్తామ ని అపోహలు వీడాలన్నారు. దాదాపు గంట పాటు ప్రజలకు ఎస్‌ఐ నచ్చజెప్పారు. కొండదిగి ఇళ్లకు వెళ్లాలని కోరారు. దీంతో కొండ ఎక్కినవారు కిందకు దిగి ఇళ్లకు చేరుకున్నారు. ఈ విషయంపై ఈఈ భవాని ప్రసాద్‌రెడ్డి వివరణ కోరగా.. గోరుకల్లు జలాశయానికి ఎలాంటి ప్రమాదం లేదన్నారు. జలాశయంలో 9.6 టీఎంసీల నీరు నిల్వ ఉండగా గాలేరుకు 4 వేల క్యూసెక్కులు విడుదల చేస్తున్నామన్నారు. బానకచెర్ల క్రాస్‌ రెగ్యులేటర్‌ నుంచి 3 వేల క్యూసెక్కులు నీరు చేరుతుందన్నారు. ప్రజలు నిచ్చింతగా ఉండవచ్చని, అసత్య ప్రచారాలు, అపోహలు నమ్మరాదన్నారు. జలాశయాన్ని నిత్యం పర్యవేక్షించేందుకు సిబ్బంది అందుబాటులో ఉన్నారన్నారు.

పాణ్యం: గోరుకల్లు ఘటనపై ముమ్మర దర్యాప్తు చేపట్టి గేటు ఎత్తిన వారిని వెంటనే గుర్తించాలని సీఈ కబీర్‌బాషా అధికారులను ఆదేశించారు. బుధవారం గోరుకల్లు జలాశయాన్ని ఆయన సందర్శించారు. ఈ సందర్భంగా సిబ్బందికి పలు సూచనలు ఇచ్చారు. డ్యామ్‌ వద్ద తప్పకుండా లస్కర్లు ఉండాలని, రాత్రింవబళ్లు విధులు నిర్వహించాలని ఆదేశించారు. గేటు ఎత్తిన వ్యక్తి ఎవరన్న విషయాన్ని గ్రామంలో విచారించాలన్నారు. అనంతరం ఎస్సార్‌బీసీ కాల్వను పరిశీలించారు. బైపాస్‌ కెనాల్‌ వద్ద భారీగా కోతకు గురైన ప్రాంతాన్ని చూశారు. ఎస్సార్‌బీసీ ప్రధాన కాల్వ వద్ద కోతకు గురి కావడంతో ప్రమాదకరంగా మారిందని, వెంటనే తక్షణమే మరమ్మతులు చేయాలని సిబ్బందిని ఆదేశించారు. త్వరితగతిన పనులు పూర్తి చేసి యాథావిధిగా కాల్వ సపోర్టును నిర్మించాలన్నారు. బాధుల్యైన వారిని చట్టపరమైన చర్యలు తీసుకుంటున్నట్లు హెచ్చరించారు. సీఈ వెంట ఎస్‌ఐ ప్రతాప్‌, ఈఈ భవానీప్రసాద్‌రెడ్డి, డీఈలు గీతావాణి, జ్యోతి, సిబ్బంది అహృత్‌సాగర్‌ సిబ్బంది తదితరులు ఉన్నారు.

శ్రీశైలంటెంపుల్‌: శ్రీశైల దేవస్థానంలో ఏటా శతచండీ హోమం జరిపించేవారని, అయితే లోక కల్యాణం కోసం ఈ ఏడాది మొట్టమొదటిసారిగా దసరా ఉత్సవాల్లో సహస్ర చండీ సహిత మహా రుద్రహోమం జరిపించాలని ధర్మకర్తల మండలి తీర్మానించిందని చైర్మన్‌ పోతుగుంట రమేష్‌నాయుడు తెలిపారు. బుధవారం దేవస్థాన పరిపాలన భవనంలోని సమావేశ మందిరంలో 11వ ధర్మకర్తల మండలి సమావేశం జరిగింది. ఈ సమావేశానికి దేవస్థాన ఈఓ శ్రీనివాసరావు, ధర్మకర్తల మండలి సభ్యులు, ప్రత్యేక ఆహ్వానితులు హాజరయ్యారు. మొత్తం 20 అంశాలు చర్చించగా 18 అంశాలకు ఆమోదం, రెండు అంశాలను తిరస్కరించారు. ధర్మకర్తల మండలి సమావేశ తీర్మానాలను చైర్మన్‌ పోతుగుంట రమేష్‌నాయుడు వివరించారు. శ్రీశైల దేవస్థానం దత్తత దేవాలయమైన కొలనుభారతి (సరస్వతి) అమ్మవారి ఆలయంలో రూ.3.20 కోట్లతో అభివృద్ధి పనులు చేపట్టేందుకు ఆమోదించారు. వీటిలో రూ.3.13 కోట్లతో శాశ్వత పనులు, రూ.7 లక్షలతో తాత్కాలిక పనులు చేపట్టనున్నారు. శ్రీశైల క్షేత్ర పరిధిలో శౌచాలయాలలో భక్తుల నుంచి వినియోగ రుసుము వసూలు చేయకూడదని ధర్మకర్తల మండలి నిర్ణయించింది. నందీశ్వర డార్మెంటరీకి రూ.10 లక్షలతో మరమ్మతులు చేసే ప్రతిపాదనను ఆమోదించినట్లు, దసరా మహోత్సవాల్లో ఆలయ విద్యుద్దీకరణకు ఆమోదం తెలిపామని, పరిపాలన, సాంకేతిక అనుమతుల అనంతరం ఇ–ప్రొక్యూర్‌మెంట్‌ ద్వారా టెండర్లు పిలుస్తామన్నారు. డిసెంబరు 10వ తేదీ నుంచి శ్రీశైలంలోని ఐ.ఓ.సీ.ఎల్‌ పెట్రోల్‌బంక్‌ను దేవస్థానమే నిర్వహిస్తుందని తెలిపారు. దేవస్థానంలోని అన్ని సీసీ కెమెరాలను ఆర్టిఫిషియల్‌ ఇంటెలిజెన్స్‌తో అనుసంధానం చేసి భక్తుల రద్దీ క్రమబద్ధీకరణ, వాహనాల క్రమబద్ధీకరణ మొదలైన వాటిని ఏఐ ఆధారిత పరిష్కారాలతో తగు చర్యలు తీసుకోవడం జరుగుతుందని అన్నారు.

● ఆర్థికభారంతో ఉన్నత విద్యకు దూరమవుతున్న పేద వర్గాలు ● వైఎస్సార్‌సీపీ విద్యార్థి విభాగం రాష్ట్ర కార్యదర్శి కటారుకొండ సాయికుమార్‌ కర్నూలు(అర్బన్‌): పేద, బడుగు, బలహీన వర్గాల విద్యార్థులకు ఫీజు రీయింబర్స్‌మెంట్‌ బకాయిలను విడుదల చేయడంలో రాష్ట్రంలోని కూటమి ప్రభుత్వం తీవ్ర తాత్సారం చేస్తోందని వైఎస్సార్‌సీపీ విద్యార్థి విభాగం రాష్ట్ర కార్యదర్శి కటారుకొండ సాయికుమార్‌ ఆందోళన వ్యక్తం చేశారు. బుధవారం స్థానిక కార్యాలయంలో ఆయన విలేకరుల సమావేశంలో మాట్లాడారు. ఎన్నికలకు ముందు విద్యార్థులకు అనేక హామీలు ఇచ్చిన కూటమి పార్టీలకు చెందిన నేతలు అధికారంలోకి వచ్చాక ఏ ఒక్క హామీని అమలు చేయడం లేదని ఆగ్రహం వ్యక్తం చేశారు. ఫీజు రీయింబర్స్‌మెంట్‌, హాస్టల్‌ మెయింటెనెన్స్‌ కింద రాష్ట్రవ్యాప్తంగా రూ.10,700 కోట్లను విద్యార్థులకు చెల్లించాల్సి ఉందన్నారు. వేలాది మంది ఎస్సీ, ఎస్టీ, బీసీ, మైనారిటీ తదితర పేద, మధ్య తరగతి వర్గాలకు చెందిన విద్యార్థులు ఫీజులు చెల్లించలేక ఉన్నత విద్యకు దూరమవుతున్నారని ఆవేదన వ్యక్తం చేశారు. ప్రభుత్వం ఫీజు బకాయిలను విడుదల చేయకపోవడం వల్ల ఈ పరిస్థితులు ఏర్పడ్డాయన్నారు. ఫీజు రీయింబర్స్‌మెంట్‌ విడుదల చేయకపోవడంతో కళాశాలల యాజమాన్యాలు విద్యార్థులకు సర్టిఫికెట్లు ఇవ్వకుండా ఇబ్బందులకు గురి చేస్తున్నా ప్రభుత్వం ఏ మాత్రం స్పందించడం లేదన్నారు. పేద విద్యార్థుల విద్యపై రాజకీయాలు చేయడం ప్రభుత్వానికి తగదన్నారు. జిల్లా ప్రధాన కార్యదర్శి కడుమూరు గిరీష్‌, కార్యదర్శి రంగన్న మాట్లాడుతూ.. పలు కళాశాలల యాజమాన్యాలు విద్యార్థుల నుంచి ఫీజులు చెల్లించే విషయంలో బాండ్లు రాసి ఇవ్వాలని ఒత్తిడి చేస్తున్నాయన్నారు.ప్రభుత్వం కార్పొరేట్‌ వ్యవస్థకు కొమ్ముకా స్తూ విద్యార్థుల సంక్షేమాన్ని గాలికి వదలేసిందన్నారు. పరిస్థితులు ఇలాగే కొనసాగితే రాష్ట్రవ్యాప్తంగా ఉద్యమాన్ని ఉధృతం చేస్తామని హెచ్చరించారు. బిల్లేకల్లు కొండల్లో చిరుత సంచారం

మంత్రాలయం రూరల్‌: మండల కేంద్రంలోని రామచంద్ర నగర్‌కు తాగునీరు నిలిపివేయడంతో మహిళలు ఆగ్రహంతో రోడ్డెక్కారు. బుధవారం ఖాళీ బిందెలతో రాఘవేంద్ర సర్కిల్‌లో ధర్నా నిర్వహించారు. వారు మట్లాడుతూ.. రామచంద్రనగర్‌లో 20 రోజుల నుంచి కుళాయిలకు నీరు రాక ఇబ్బందులు పడుతున్నామని వాపోయారు. దీనిపై అధికారులకు విన్నవించినా సమస్య పరిష్కారం కాకపోవడంతో ధర్నా చేపట్టమన్నారు. ఇప్పుడే నీరు లేకపోతే ఎండకాలం పరిస్థితి ఎలాగో అర్థం కావడం లేదని వాపోయారు. దాదాపు గంటకు పైగా రాస్తారోకో చేపట్టడంతో ట్రాఫిక్‌ స్తంభించింది. ఎస్‌ఐ మల్లికార్జున, డిప్యూటీ ఎంపీడీఓ ఉపేంద్రరెడ్డి అక్కడకు చేరుకుని మహిళలతో మాట్లాడి రస్తారోకో విరమింపజేశారు. అనంతరం మహిళలు తహసీల్దార్‌ కార్యాలయం ముందు ఽనిరసన చేపట్టారు. తహసీల్దార్‌, స్పెషల్‌ ఆఫీసర్‌ రమాదేవికి వినతి పత్రం ఇచ్చారు. స్పెషల్‌ ఆఫీసర్‌ మట్లాడుతూ.. సమస్య పరష్కారమయ్యే వరకు ట్యాంకర్లతో నీటిని సరఫరా చేస్తామన్నారు. రూ.20 లక్షలతో పైపులైన్‌ ఏర్పాటు చేశామని నీటి సరఫరాలో ఇబ్బందులు లేకుండా చూస్తామని కాలనీవాసులకు హామీ ఇచ్చారు.

కొలిమిగుండ్ల(అవుకు): పట్టణంలోని సెయింట్‌ మేరీ హైస్కూల్‌లో చదువుతున్న విద్యార్థి బుధవారం తెల్లవారుజామున ఆర్టీసీ బస్టాండ్‌ సమీపంలో అనుమానాస్పద స్థితిలో మృతి చెందాడు. వివరాలిలా ఉన్నాయి. కొలిమిగుండ్ల మండలం బెలుంకు చెందిన తోక సురేష్‌, ఇందిరమ్మ దంపతుల కుమారుడు నిఖిల్‌ (13) అవుకు సెయింట్‌ మేరీ స్కూల్‌ హాస్టల్‌లో ఉంటూ 8వ తరగతి చదువుతున్నాడు. తెల్లవారుజామున 2 గంటల సమయంలో మరో ముగ్గురు విద్యార్థులతో కలిసి ఆర్టీసీ బస్టాండ్‌ వద్దకు వచ్చారు. ఏం జరిగిందో గానీ బస్టాండ్‌కు సమీపంలో ఢిల్లీ బజార్‌ ఎదుట విద్యుత్‌ స్తంభం వద్ద విద్యార్థి విగతజీవిగా పడి ఉన్నాడు. తెల్లవారాక మృతదేహాన్ని స్థానికులు గమనించారు. పోలీసులు మృతదేహాన్ని స్థానిక ప్రభుత్వ ఆసుపత్రిలోని మార్చురీ గదిలో పెట్టారు. తల్లిదండ్రులు, బంధువులు వచ్చినా బాలుడి మృతదేహాన్ని చాలాసేపటి వరకు చూపకపోవడంతో వారు పోలీసుల తీరుపై ఆగ్రహం వ్యక్తం చేశారు. పాఠశాల వద్దకు చేరుకొని ఆందోళనకు దిగారు. హాస్టల్‌ నుంచి విద్యార్థులు బయటకు ఎలా వెళ్లారని ప్రశ్నించారు. పాఠశాల యాజమాన్యం నిర్లక్ష్యం వల్లే తమ బిడ్డ మృతి చెందాడని తల్లితండ్రులు కోపోద్రిక్తులయ్యారు. లోపలికి పోకుండా గేటు వేయడంతో కొద్దిసేపు ఉద్రిక్తత నెలకొంది. బస్టాండ్‌ ప్రాంతంలోని సీసీ కెమెరాల్లో నమోదైన దృశ్యాలను పోలీసులు పరిశీలించారు. నలుగురు విద్యార్థులు హాస్టల్‌ నుంచి బయటకు రాగా నిఖిల్‌ మాత్రమే విద్యుత్‌ స్తంభం వద్ద మృతదేహంగా ప్రతక్ష్యం కావడంపై పలు అనుమానాలు వ్యక్తమవుతున్నాయి. బాధిత కుటుంబానికి న్యాయం చేయాలి విషయం తెలుసుకున్న మాజీ ఎమ్మెల్యే కాటసాని రామిరెడ్డి పాఠశాల వద్దకు చేరుకుని బాధిత తల్లిదండ్రులను పరామర్శించారు. విద్యార్థులు అర్ధరాత్రి వేళ బయటకు ఎలా వెళ్లారని యాజమాన్యంపై ఆగ్రహం వ్యక్తం చేశారు. పోలీసులు సైతం ప్రేక్షక పాత్ర వహించడంతో వారి తీరుపై అసహనం వ్యక్తం చేశారు. విద్యార్థి మృతిపై అన్ని కోణాల్లో విచారించి బాధిత కుటుంబానికి న్యాయం చేయాలని డిమాండ్‌ చేశారు.

నందవరం: మండల పరిధిలోని ముగతి గ్రామ సమీపంలోని 167వ జాతీయ రహదారిపై ఘోర రోడ్డు ప్రమాదం జరిగింది. ఈ ప్రమాదంలో ముగతి గ్రామానికి చెందిన బారిక ఈశ్వర్‌ (38) బుధవారం మృతి చెందాడు. స్థానికులు, పోలీసులు తెలిపిన వివరాలు ఇవీ.. బారిక ఈశ్వర్‌ బుధవారం బైక్‌పై హాలహర్వి నుంచి స్వగ్రామానికి బయలు దేరాడు. అలాగే కర్ణాటక రాష్ట్రం రాయచూర్‌ చెందిన వెంకట్‌రెడ్డి తన కారులో ఎమ్మిగనూరు నుంచి మంత్రాలయం మీదుగా రాయచూర్‌కి బయలుదేరారు. నందవరం మండలంలోని ముగతి గ్రామ సమీపంలో 167వ జాతీయ రహదారిపై కంకర మిషన్‌ సమీపంలో కారు వేగంగా వచ్చి బైక్‌ను ఢీకొట్టింది. ఈ ప్రమాదంలో ఈశ్వర్‌ తల, కాళ్లకు తీవ్ర గాయలయ్యాయి. స్థానికులు అంబులెన్స్‌లో ఎమ్మిగనూరు ప్రభుత్వ ఆసుపత్రికి తరలించారు. డాక్టర్లు పరీక్షించి అప్పటికే మృతి చెందినట్లు నిర్ధారించారు. మృతుడికి భార్య రామలక్ష్మి, ఇద్దరు కూతుర్లు, కుమారుడు ఉన్నారు. మృతుడి భార్య రామలక్ష్మి ఫిర్యాదు మేరకు ఎస్‌ఐ తిమ్మారెడ్డి కేసు నమోదు చేసుకుని దర్యాప్తు చేపట్టారు. మహిళ మృతదేహం లభ్యం పెద్దకడబూరు: మండల కేంద్రంలో ఎల్లెల్సీలో గుర్తు తెలియని మహిళ శవం కొట్టుకొచ్చింది. కాలువలో బుధవారం మహిళ మృతదేహం కొట్టుకొచ్చి సల్లమ్మవ్వ వాగు వద్ద ఉన్న అండర్‌ గ్రౌండ్‌ బ్రిడ్జి వద్ద చెత్తాచెదారంతో కలిసి ఉండిపోయింది. శవం పూర్తిగా ఉబ్బి పోవడంతో బ్రిడ్జి కిందకు పోకుండా అక్కడే నిలిచిపోయింది. అటుగా వెళుతున్న స్థానికుల వివరాల మేరకు మృతురాలు తెలుపు రంగు దుస్తులు ధరించినట్లు పేర్కొన్నారు. మహిళ మృతదేహం ఎక్కడి నుంచి కొట్టుకొచ్చిందో, ఆమె ఎవరో? పూర్తి వివరాలు తెలియాల్సి ఉంది. వ్యక్తి దారుణహత్య కర్నూలు (అగ్రికల్చర్‌): నగరంలోని గోపాల్‌ దర్వాజా వద్ద తుంగభద్ర నది ఒడ్డున గొల్ల హరీష్‌ (32) దారుణహత్యకు గురయ్యాడు. బుధవారం మధ్యాహ్నం 1.30 గంటల సమయంలో హత్య జరిగినట్లు తెలుస్తోంది. ఈ ఘటనపై నగరానికి చెందిన గొల్ల శారదమ్మ పోలీసులకు ఫిర్యాదు చేశారు. శారదమ్మ చిన్న కుమారుడు హరీష్‌ తన ఇంటికి ఎదురుగా నివసించే ఎరుకలి ఉమతో వివాహేతర సంబంధం కలిగి ఉన్నట్లు ఆరోపణలు ఉన్నాయి. ఈ విషయమై ఉమ భర్త హరికృష్ణ గతంలో పలుమార్లు హరీష్‌ను హెచ్చరించాడు. వివాహేతర సంబంధాన్ని మానుకోకపోతే చంపుతానని బెదిరించినట్లు శారదమ్మ పోలీసులకు ఇచ్చిన ఫిర్యాదులో పేర్కొన్నారు. మధ్యాహ్నం సమయంలో శారదమ్మ ఇంటి వద్ద ఉండగా స్థానికంగా నివసించే కడియాల నాగేంద్ర వచ్చి కుమారుడి హత్య గురించి సమాచారమిచ్చారు. హరీష్‌, మరికొందరు గంగమ్మ ఆలయం వెనుక వైపు వెళ్లిన కొద్దిసేపటికి కేకలు వినిపించడంతో అక్కడికి వెళ్లగా ఎరుకలి హరికృష్ణ, ప్రసాద్‌, వెంకటేష్‌ హడావుడిగా వెళ్తూ కనిపించా రని పేర్కొన్నారు. హరీష్‌ తలకు తీవ్ర గాయాల తో రక్తపు మడుగులో పడి ఉన్నట్లు చెప్పారు. సమాచారం అందుకున్న శారదమ్మ పెద్ద కుమారుడు అశోక్‌, నాగేంద్రతో కలిసి వెళ్లి చూడగా హరీష్‌ అప్పటికే మృతిచెందాడు. వివాహేతర సంబంధం కారణంగా హరీష్‌ను ముగ్గురూ కలిసి బండరాయితో తలపై మోదడంతో రక్తగాయాలై మృతి చెందినట్లు ఒకటో పట్టణ పోలీసులు కేసు నమోదు చేసుకుని దర్యాప్తు చేస్తున్నారు. కెమికల్‌ ఫ్యాక్టరీ సూపర్‌వైజర్‌ దుర్మరణం కర్నూలు (అగ్రికల్చర్‌): కల్లూరు ఇండస్ట్రియల్‌ ఎస్టేట్‌లోని రఘునాథ్‌ డై కెమికల్‌ ఫ్యాక్టరీలో సూపర్‌వైజర్‌గా పనిచేస్తున్న మణికంఠ రెడ్డి (32) విధు ల్లో ఉండగా దుర్మరణం పాలయ్యాడు. కర్నూలు మండలం బి.తాండ్రపాడు ఎస్సీ కాలనీ సమీపంలోని చైతన్య స్కూల్‌ వద్ద ఫ్లాట్‌ నంబర్‌ 9లో దుర్గా రామకృష్ణారెడ్డి కుటుంబం నివసిస్తోంది. ఈయనకు ఇద్దరు కుమారులు కాగా చిన్న కుమారుడు 2017 నుంచి రఘునాథ్‌ డై కెమికల్‌ ఫ్యాక్టరీలో సూపర్‌వైజర్‌గా పనిచేస్తున్నాడు. బుధవారం ఉదయం ఫ్యాక్టరీలో 12 అడుగుల ఎత్తులో పనిచేస్తూ కింద పడటంతో తీవ్ర రక్తగాయాలయ్యాయని, ప్రభుత్వాసుపత్రికి తీసుకెళ్తున్నామని సంబంధిత ఫ్యాక్టరీ నుంచి రామకృష్ణా రెడ్డికి ఫోన్‌లో సమాచారం అందింది. కుటుంబసభ్యులు వెంటనే వెళ్లి డాక్టర్లను సంప్రదించగా.. ఆస్పత్రికి వచ్చేలోపే మృతి చెందినట్లు తెలిపారు. కాగా కుమారుడి మృతిపై తమకు అనుమానాలు ఉన్నాయని తండ్రి, కుటుంబ సభ్యులు నాలుగవ పట్టణ సీఐకి ఫిర్యాదు చేశారు. ఈ మేరకు కేసు నమోదు చేసుకుని దర్యాప్తు చేస్తున్నారు. కత్తిపోట్లకు గురైన వ్యక్తి మృతి కొలిమిగుండ్ల(అవుకు): అవుకులో వినాయక నిమజ్జనం సందర్భంగా ఈనెల 16వ తేదీ రాత్రి కత్తిపోట్లకు గురైన ఉయ్యాలవాడ మధు సుధాకర్‌ (38) ఆసుపత్రిలో చికిత్స పొందుతూ కోలుకోలేక బుధవారం మృతి చెందినట్లు పోలీసులు తెలిపారు. సుధాకర్‌కు, వెంకటేష్‌ అనే వ్యక్తికి పాత గొడవలు ఉన్నాయి. వినాయక నిమజ్జనంలో అందరూ చూస్తుండగానే సుధాకర్‌ను వెంకటేష్‌ కత్తితో చాతీలో పొడవడంతో తీవ్రంగా గాయపడ్డాడు. కుటుంబ సభ్యులు కర్నూలు ఆస్పత్రికి తరలించగా కోలుకోలేక బుధవారం మృతి చెందాడు. ఘటన జరిగిన రోజే పోలీసులు వెంకటేష్‌ పై కేసు నమోదు చేసిన విషయం తెలిసిందే.

● నీట మునిగిన మక్కజొన్న ● నేల రాలుతున్న పత్తి ● రైతన్నలను వెంటాడుతున్న కష్టాలు బంగాళాఖాతంలో ఏర్పడిన అల్పపీడన ప్రభావంతో జిల్లాలో గత మూడు రోజులుగా కురుస్తున్న వర్షాలు రైతులకు కంటికి కునుకు లేకుడా చేస్తున్నాయి. చేతికి వస్తాయనుకున్న దిగుబడులు నీటిపాలు కావడంతో అన్నదాతలు లబోదిబోమంటున్నారు.బుధవారం కురి సిన భారీ వర్షానికి వాగులు, వంకలు ఉప్పొంగాయి. పలు గ్రామాలకు రాకపోకలు నిలిచిపోయాయి. రోడ్లు, వీధుల్లో వర్షపునీరు ప్రవహించింది.విద్యుత్‌ స్తంభాలు విరిగిపడటంతో గ్రామాల్లో అంధకారం నెలకొంది. నందవరం: మండలంలో కురిసిన వర్షాలు పత్తి రైతు లను తీవ్రంగా దెబ్బతీశాయి.వచ్చిన కాసింత పత్తి తీద్దామనుకునేలోపు వర్షం అడ్డుపడింది. పత్తి నేల రాలుతుందని,కాయలు కూల్లిపోతాయని, పత్తి రంగు మారుతుందని రైతులు ఆవేదన చెందుతున్నారు. ఉయ్యాలవాడ: మండలంలో ఖరీఫ్‌ సీజన్‌లో సాగు చేసిన పంటలు వర్షపునీటిలో మునిగాయి. మొక్కజొన్న 225 హెక్టార్లు, మినుము 52, మిరప 260, పెసర 121, పత్తి, 58 హెక్టార్లలో రైతులు పంటలు సాగు చేశారు. లోతట్టు ప్రాంతాల్లో ఉన్న పంట పొలాల్లో వర్షపునీరు చేరింది. పంట చేతికొచ్చే తరుణంలో వరదనీటి పాలవుతుండటంతో అన్నదాతలు కన్నీంటి పర్యంతమవుతున్నారు. జూపాడుబంగ్లా: మండలంలోని తాటిపాడు గ్రామానికి చెందిన బోయ నరసింహ అనే వ్యక్తికి చెందిన మట్టిమిద్దె బుధవారం కూలింది. ఇంట్లో చెత్త ఊడ్చుతున్న రమణమ్మ అనే మహిళ తృటిలో ప్రాణాపాయం నుంచి తప్పించుకొని బయటకు పరుగులు తీసింది. ఇంట్లోని వంటసామగ్రి, నిత్యావసర వస్తువులు మట్టిలో కలిసిపోయాయి. కోవెలకుంట్ల: కోవెలకుంట్ల– ఆళ్లగడ్డ ఆర్‌అండ్‌బీ రహదారిలో భీమునిపాడు సమీపంలో ఉన్న గోదాము పైకప్పు రేకులు గాలికి ఎగిరిపోయాయి. చుట్టుపక్కల గ్రామాల రైతులు గోదాములో దాదాపు 3 వేల బస్తాల పప్పుశనగలు, వడ్లు నిల్వ ఉంచుకున్నారు. పైకప్పు ఎగిరిపోయి వర్షం కురవడంతో ధాన్యం బస్తాలు తడిసిపోయాయి. దీంతో రైతులు లబోదిబోమంటున్నారు. గూళ్యం వద్ద ఉధృతంగా ప్రవహిస్తున్న వేదావతి నది

● జిల్లా జడ్జి వాసు కర్నూలు(అర్బన్‌): నల్సా (పిల్లల స్నేహ పూర్వక న్యాయ సేవలు) పథకం 2024 ద్వారా 18 ఏళ్ల లోపు వయస్సు ఉన్న ప్రతి బాల బాలికలకు ఉచిత సురక్షితమైన సులభమైన న్యాయ సహాయాన్ని అందిస్తామని 6వ అదనపు జిల్లా జడ్జి, జిల్లా ప్రధాన న్యాయమూర్తి పీ వాసు అన్నారు. బుధవారం స్థానిక జిల్లా పరిషత్‌ సమావేశ భవనంలో అంతర్జాతీయ బధిరుల దినోత్సవం సందర్భంగా నల్సా పిల్లల కోసం స్నేహ పూర్వక న్యాయ సేవల పథకం 2024పై న్యూ మాడ్యూల్‌ లీగల్‌ సర్వీసెస్‌ క్యాంపు, అంతర్జాతీయ సంకేత భాషల దినోత్సవాన్ని ఘనంగా నిర్వహించారు. ఈ సందర్భంగా పీ వాసు మాట్లాడుతూ.. విద్యా హక్కు, హెల్ప్‌ లైన్‌ 1098, మహిళా హెల్ప్‌లైన్‌ 181, న్యాయ సహాయం కోసం హెల్ప్‌లైన్‌ 15100, చైల్డ్‌ హెల్ప్‌లైన్‌ 1098, దివ్యాంగుల హెల్ప్‌లైన్‌ 14456 తదితర అంశాల గురించి తెలియజేశారు. జిల్లా న్యాయ సేవాధికార సంస్థ కార్యదర్శి బీ లీలా వెంకటశేషాద్రి మాట్లాడుతూ.. వినికిడి లోపం ఉన్న బధిరుల భావ ప్రకటన స్వేచ్ఛను, మానవ హక్కులను కాపాడటం, సాంకేతిక భాషకు సహజమైన పూర్తి స్థాయి ప్రామాణిక భాషగా గుర్తించాలన్నారు. శాశ్వత లోక్‌ అదాలత్‌ చైర్మన్‌ వెంకట హరినాథ్‌, జిల్లా విద్యాశాఖ అధికారి సుధాకర్‌, ఐసీడీఎస్‌ పీడీ పీ విజయ, దివ్యాంగుల సంక్షేమ శాఖ సహాయ సంచా లకులు రయిస్‌ఫాతిమా పాల్గొన్నారు.

● జిల్లాలో 11 మండలాల్లో సాధారణ పరిస్థితులట ● 7 మండలాల్లో తీవ్రం, 8 మండలాల్లో మధ్యస్థ కరువు ఉన్నట్లు లెక్కలు ● నంద్యాల జిల్లాలో 26 మండలాల్లో తీవ్ర కరువు, 2 మండలాల్లో మధ్యస్థం ● అన్ని మండలాల్లో దిగుబడి లాస్‌ 90 శాతంపైనే.. ● కరువు మండలాల గుర్తింపులో వింత లెక్కలు కర్నూలు(అగ్రికల్చర్‌): ప్రభుత్వం కరువు తీవ్రతను తగ్గించి చూపే ప్రయత్నాలు చేస్తోంది. ఇటు కర్నూ లు, అటు నంద్యాల జిల్లాల్లోని అన్ని మండలాల్లో గతంలో ఎన్నడూ లేని విధంగా కరువు తీవ్రత ఉందనే విషయం అందరికీ తెలిసిందే. కర్నూలు జిల్లాలోని 11 మండలాలు, నంద్యాల జిల్లాలో ఒక మండలంలో సాధారణ పరిస్థితులు ఉన్నాయని చూపేందుకు ప్రయత్నాలు జరుగుతున్నట్లు తెలు స్తోంది. కరువు మండలాలను గుర్తించేందుకు అధికార యంత్రాంగం కసరత్తు చేస్తోంది. పంటల సా గు, రెయిన్‌ఫాల్‌, భూగర్భ జలాల లెక్కల ప్రకారం కర్నూలు జిల్లాలో 11 మండలాలు, నంద్యాల జిల్లాలో ఒక మండలంలో సాధారణ పరిస్థితులు ఉన్నాయట. రాష్ట్ర ప్రభుత్వం నుంచి వచ్చిన వివరాల ప్రకారం జిల్లాలో కల్లూరు, పెద్దకడుబూరు మండలాల్లో కరువు తీవ్రత లేదని తేల్చడం గమనార్హం. జిల్లా యంత్రాంగం లెక్కల ప్రకారం మరో 9 మండలాల్లో కరువు లేదని స్పష్టమవుతోంది. ● జిల్లాలో 26 మండలాలు ఉండగా అన్నిచోట్ల కరువు విలయతాండవం చేస్తోంది. నీటి ఆధారం కింద సాగు చేసిన పంటల్లో కొంతమేర దిగుబడులు ఉన్నప్పటికీ వర్షాధార భూముల్లో దిగుబడులు జీరో ఉన్నట్లు పంట కోత ప్రయోగాలే స్పష్టం చేస్తున్నాయి. విపత్తుల నిర్వహణ సంస్థ మార్గదర్శకాల ప్రకారం పంట నష్టం 33 శాతం ఆపైన ఉంటే కరువు ఉన్నట్లే.. కర్నూలు జిల్లాలో వ్యవసాయ అధికారుల లెక్కల ప్రకారమే 1,10,800 హెక్టార్లలో పంటలు ఎండిపోయాయి. పత్తి 63.470 హెక్టార్లు, కంది 31,340, వేరుశనగ 10,910, మొక్కజొన్న 1030, ఆముదం 2525, సజ్జ 1525 హెక్టార్లలో ఎండిపోయినట్లు స్పష్టమవుతోంది. వర్షాధారం పంటలన్నీ పూర్తిగా పనికిరాకుండా పోయాయి. కరువును తగ్గించి చూపేందుకు చంద్రబాబు సర్కారు ముమ్మరంగా ప్రయత్నిస్తుండటం గమనార్హం. ● కర్నూలు జిల్లాలో సాధారణ సాగు 4,22,540 హెక్టార్లు ఉండగా 3,48,389 హెక్టార్లలో పంటలు సాగు చేశారు. కాల్వలు, ట్యాంకులు కింద ఒక్క ఎకరా కూడా సాగు కాలేదు. ఎత్తిపోతల పథకాల కింద 2,647 హెక్టార్లలో, బావులు, బోర్ల కింద 23,005 హెక్టార్లలో పంటలు సాగయ్యాయి. 3,22,737 హెక్టార్లలో పూర్తిగా వర్షాధారం కిందనే సాగు చేయగా ఇవన్నీ పూర్తిగా ఎండిపోయాయి. భూగర్భ జలాలు 2025 ఆగస్టులో జిల్లా సగటున 6.36 మీటర్లలో ఉండగా 2026 ఆగస్టులో 8.64 మీటర్ల లోతుకు పడిపోయాయి. ఏకంగా 2.27 మీటర్ల లోతుకు పడిపోవడం గమనార్హం. అయితే 11 మండలాల్లో సాధారణ పరిస్థితులు ఉన్నట్లు వ్యవసాయ శాఖ నివేదిక రూపొందించడం పట్ల ఆందోళన వ్యక్తమవుతోంది. 7 మండలాల్లో తీవ్ర కరువు, 8 మండలాల్లో మధ్యస్థం, 11 మండలాల్లో సాధారణ పరిస్థితులు ఉన్నట్లు తేల్చారు. కరువు తీవ్రతను తగ్గించి చూపి రైతులకు అన్యాయం చేసేందుకు జిల్లా యంత్రాంగం ప్రయత్నిస్తుందనే విమర్శలు వెల్లువెత్తుతున్నాయి. ● కర్నూలు జిల్లాలో వెల్దుర్తి, ఓర్వకల్‌, గూడూరు, కర్నూలు రూరల్‌, హొళగొంద, హలహర్వి, చిప్పగిరి మండలాల్లో తీవ్ర కరువు, గోనెగండ్ల, ఆలూరు, కర్నూలు అర్బన్‌, కృష్ణగిరి, పత్తికొండ, తుగ్గలి, కోడుమూరు, మద్దికెరలో కరువు మధ్యస్థంగా ఉన్నట్లు నివేదిక రూపొందించారు. కొసిగి, కల్లూరు, పెద్దకడుబూరు, సి.బెళగల్‌, దేవనకొండ, ఆదోని, కౌతాళం, మంత్రాలయం, ఆస్పరి, నందవరం, ఎమ్మిగనూరు మండలాల్లో సాధారణమని (నార్మల్‌) పేర్కొనడం గమానార్హం. ప్రభుత్వం నుంచే కల్లూరు, పెద్దకడుబూరు మండలాల్లో కరువు లేదని రావడంతో వాటిని కరువు మండలాలుగా గుర్తించాలని జిల్లా కలెక్టర్‌ ద్వారా ప్రత్యేక రిపోర్టు పంపినట్లు తెలుస్తోంది. మిగిలిన మండలాలను కూడ దిగుబడి లాస్‌ కింద కరువు మండలాలుగా గుర్తించాలని కోరుతున్నారు. నంద్యాల జిల్లాలో 28 మండలాల్లో కరువు నంద్యాల జిల్లాలో మొదటిసారిగా నీటి వసతి కింద పంటల సాగుకు చంద్రబాబు సర్కారు విరామం ప్రకటించింది. 28 మండలాల్లో కరువు ఉన్నట్లు జిల్లా యంత్రాంగం గుర్తించింది. దిగుబడి నష్టం 33 శాతం నుంచి 49.9 శాతం ఉంటే కరువు మధ్యస్థంగా వ్యవహరిస్తారు. ఈ ప్రకారం చాగలమర్రి మండలంలో 36 శాతం, కొలిమిగుండ్ల మండలంలో 47–48 శాతం దిగుబడి లాస్‌ ఉన్నట్లు వ్యవసాయ శాఖ నిర్ధారించింది. ఈ మండలాల్లో కరువు మద్యస్థంగా ఉన్నట్లు ప్రభుత్వానికి నివేదించింది. పాములపాడులో 90–92 శాతం, కొత్తపల్లిలో 90 శాతం దిగుబడి లాస్‌ ఉన్నట్లు జిల్లా యంత్రాంగం తేల్చింది. నందికోట్కూరు, పగిడ్యాల, జూపాడుబంగ్లా, ఆత్మకూరు, మిడుతూరు, బేతంచెర్ల, పాణ్యం, గడివేముల, వెలుగోడు, బండి ఆత్మకూరు, నంద్యాల రూరల్‌, మహనంది, శిరువెల్ల, గోస్పాడు, బనగానపల్లి, డోన్‌, ప్యాపిలి, అవుకు, కోవెలకుంట్ల, రుద్రవరం ఆళ్లగడ్డ, దొర్నిపాడు, ఉయ్యలవాడ, నంద్యాల అర్బన్‌ మండలాల్లో దిగుబడి లాస్‌ 50 శాతం నుంచి 88 శాతం వరకు ఉన్నట్లు తేల్చారు. సంజామల మండలం డిజాస్టర్‌ మేనేజ్‌మెంట్‌ నామ్స్‌ ప్రకారం కరువు మండలంగా రావడం లేదు. అయితే జిల్లా కలెక్టర్‌ ద్వారా సంజామలను కరువు మండలంగా గుర్తించేందుకు ప్రత్యేకంగా రిపోర్టు రాసినట్లు వ్యవసాయ అధికారులు తెలిపారు.

కర్నూలు(అగ్రికల్చర్‌): చేనేత పింఛన్ల మంజూరులో అర్హులందరికీ న్యా యం చేస్తామని చేనేత, జౌళిశాఖ సహాయ సంచా లకులు పి.శ్రీనివాసరెడ్డి తెలిపారు. పింఛన్‌ మంజూరు చేయిస్తామనే దళారుల మాటలు నమ్మవద్దని, అర్హతకు పెద్దపీట వేస్తామని పేర్కొన్నారు. అనంతపురం జిల్లాకు చెందిన ఈయన తిరుపతిలో చేనేత ఎన్‌పోర్స్‌మెంటులో ఏడీగా పనిచేస్తూ.. పూర్తి అదనపు బాధ ్యతలతో ఇక్కడ ఏడీగా బాద్యతలు చేపట్టిన సందర్భంగా మంగళవారం విలేకరులతో మాట్లాడారు. కర్నూలు జిల్లాలో ఇప్పటివరకు 520, నంద్యాల జిల్లాలో 200 పింఛన్‌ ధరఖాస్తులను పరిశీలించి రెకమెండ్‌ చేసినట్లు పేర్కొన్నారు. పూర్తి పరిశీలన తర్వాతే పింఛన్లకు రెకమెండ్‌ చేస్తున్నామన్నారు. అర్హులందరికీ న్యాయం చేసేందుకు చర్యలు తీసుకుంటామన్నారు.

ఆదోని అర్బన్‌: పట్టణంలోని అమరావతి నగర్‌లో పొలంలో వ్యక్తి గొంతు కోసి హత్య చేసిన కేసును వన్‌టౌన్‌ పోలీసులు ఛేదించారు. ఈ మేరకు వన్‌టౌన్‌ పోలీస్‌స్టేషన్‌లో మంగళవారం ఇద్దరు నిందితులను అరెస్టు చేసి మీడియాకు చూపుతూ సీఐ చంద్రశేఖర్‌ వివరాలు వెల్లడించారు. అమరావతి నగర్‌లో నివసించే అక్కాచెల్లెళ్లు అఖిలను చిన్నహరివాణం గిడ్డయ్య గారి వీరేష్‌, చెల్లెలు శైలజను అరికెర గ్రామానికి చెందిన వీరేష్‌ పెళ్లి చేసుకున్నారు. అయితే బావ గిడ్డయ్య గారి వీరేష్‌కు మరదలు శైలజతో వివాహేతర సంబంధం ఏర్పడింది. ఈ విషయం తెలుసుకున్న అరికెర వీరేష్‌ భార్య శైలజను కొట్టి వేధించేవాడు. ఈ బాధను శైలజ బావకు ఫోన్‌లో చెప్పుకునేది. పది రోజుల క్రితం బాధను తట్టుకోలేక నువ్వైనా చచ్చిపో, నన్నైనా చంపు లేదా నా భర్తనైనా చంపు అని రెచ్చగొట్టింది. ఈ క్రమంలో సెప్టెంబరు 18న ఆదోనిలో గణేష్‌ నిమజ్జనం కోసం ఇద్దరు అల్లుళ్లు అమరావతి నగర్‌కు వచ్చారు. రాత్రి డ్యాన్స్‌కు వెళ్లిన అరికెర వీరేష్‌ తన భార్యను కూడా రమ్మని పిలిచాడు. బిడ్డ ఏడుస్తుందని, రానని చెప్పడంతో కోపంతో కాలితో తన్నాడు. శైలజకు నొప్పి ఎక్కువ కావడంతో ఆసుపత్రికి వెళ్లి వచ్చారు. దీంతో తీవ్ర ఆగ్రహానికి గురైన గిడ్డయ్య గారి వీరేష్‌ మరదలు మాటలు గుర్తుకు తెచ్చుకుని అరికెర వీరేష్‌ను చంపాలని నిర్ణయించుకున్నాడు. అదేరోజు అర్ధరాత్రి బహిర్భూమికి వెళ్దామని చెప్పి బయటకు తీసుకెళ్లి లుంగీతో గొంతు బిగించి, తర్వాత కత్తితో పొడిచి గొంతు కోసి హత్య చేసి పరారయ్యాడు. ఈ కేసులో నిందితుడు గిడ్డయ్యగారి వీరేష్‌పై హత్య నేరం, హత్యకు ప్రేరేపించిన శైలజపై కేసు నమోదు చేశారు. ఇద్దరినీ అరెస్టు చేసి రిమాండ్‌కు పంపినట్లు సీఐ తెలిపారు.

● కర్నూలు, నంద్యాల జిల్లాల్లో ఏపీఈఎంసీఎల్‌ చైర్మన్‌ పర్యటన కర్నూలు(సెంట్రల్‌): హానికర వ్యర్థాల నిర్వహణలో పర్యావరణ నిబంధనలు కచ్చితంగా పాటించేందుకు ఆధునిక సాంకేతిక పరిజ్ఞానాన్ని సమర్థవంతంగా వినియోగించాలని ఏపీ ఎన్విరాన్‌మెంటల్‌ మేనేజ్‌మెంట్‌ కార్పొరేషన్‌ లిమిటెడ్‌ (ఏపీఈఎంసీఎల్‌) చైర్మన్‌ పోలంరెడ్డి దినేష్‌ రెడ్డి కంపెనీల యాజమాన్యాలు, అధికారులకు సూచించారు. ఆయన మంగళవారం కర్నూలు, నంద్యాల జిల్లాల్లో పర్యటించారు. నగరంలోని ఏపీ కాలుష్య నియంత్రణ మండలి ప్రాంతీయ కార్యాలయం, జోనల్‌ కార్యాలయాలను సందర్శించారు. అధికారులతో సమావేశమై హానికర వ్యర్థాల నిర్వహణ, పరిశ్రమల పర్యవేక్షణకు సంబంధించిన వివిధ అంశాలపై సమీక్ష నిర్వహించారు. అనంతరం నంద్యాల జిల్లా, కొలిమిగుండ్ల మండలంలోని అస్కెన్షన్‌ మెర్చెంటైల్‌ ప్రైవేట్‌ లిమిటెడ్‌ హానికర వ్యర్థాల ప్రీ–ప్రాసెసింగ్‌ యూనిట్‌ను తనిఖీ చేశారు. యూనిట్‌లో హానికర వ్యర్థాలను స్వీకరించడం, ప్రీ–ప్రాసెసింగ్‌ చేయడం వంటి ప్రక్రియలను పరిశీలించారు. ప్రీ–ప్రాసెసింగ్‌ చేసిన హానికర వ్యర్థాలను నిబంధనలు, మార్గదర్శకాలకు అనుగుణంగా సిమెంట్‌ పరిశ్రమలకు పంపుతున్నారా? లేదా? అనే అంశాన్ని పరిశీలించడంతో పాటు యూనిట్‌ నిర్వహణ రికార్డులను పరిశీలించారు. పరిశ్రమకు సంబంధించిన హానికర వ్యర్థాల నిర్వహణ వివరాలను ఏపీఈఎంసీఎల్‌ పోర్టల్‌ ద్వారా పరిశీలించారు. హానికర వ్యర్థాల రవాణా, కదలికను పర్యవేక్షించేందుకు వినియోగిస్తున్న జీపీఎస్‌ ఆధారిత ట్రాకింగ్‌ వ్యవస్థను కూడా తనిఖీ చేశారు. అనంతరం పర్యావరణ పరిరక్షణలో భాగంగా పరిశ్రమ ప్రాంగణంలో మొక్కను నాటారు. పరిశ్రమ ప్రాంగణం, పరిసర ప్రాంతాల్లో పచ్చదనం పెంపొందించేందుకు విస్తృతంగా మొక్కలు నాటి సంరక్షణకు చర్యలు చేపట్టాలని పరిశ్రమ యాజమాన్యానికి సూచించారు. ఏపీపీసీబీ జాయింట్‌ చీఫ్‌ ఎన్విరాన్‌మెంటల్‌ ఇంజినీర్‌ ఓ.రమేష్‌, ఎన్విరాన్‌మెంటల్‌ ఇంజినీరు పీవీ కిషోర్‌ రెడ్డి వెంట ఉన్నారు.

● ప్రత్యేక బృందాలతో జిల్లావ్యాప్తంగా తనిఖీలు ● రైతు బజార్లలో కేజీ బియ్యం రూ.50కే లభ్యం కర్నూలు(సెంట్రల్‌): నిత్యావసర సరుకులను అధిక ధరకు విక్రయిస్తే చర్యలు తీసుకోవాలని జాయింట్‌ కలెక్టర్‌ డాక్టర్‌ నూరుల్‌ఖమర్‌ అధికారులను ఆదేశించారు. ఇందుకోసం ప్రత్యేకంగా తనిఖీ బృందాలను ఏర్పాటు చేయాలని ఆదేశించారు. మంగళవారం కలెక్టరేట్‌లోని మినీ కాన్ఫరెన్స్‌ హాల్‌లో జిల్లా స్థాయి ధరల నియంత్రణ కమిటీ సమావేశం నిర్వహించారు. ఈ సందర్భంగా జేసీ మాట్లాడుతూ.. ప్రజల పై అదనపు భారం పడకుండా నిర్ణయించిన ధరకు సరుకుల విక్రయాలు జరిగేలా చర్యలు తీసుకోవాలన్నారు. రాష్ట్ర సగటు ధరల మేరకు బియ్యం కిలో రూ.56, ఫ్రీడమ్‌ సన్‌ఫ్లవర్‌ ఆయిల్‌ లీటర్‌ రూ.178, కందిపప్పు కిలో రూ.120 చొప్పున విక్రయించేలా ఆదేశాలు ఇచ్చినా సరైన చర్యలు తీసుకోవడం లేదని అసహనం వ్యక్తం చేశారు. రాష్ట్ర సగటు ధరకు మించి సరుకులను విక్రయిస్తే చర్యలు తప్పవని మిల్లర్లు, హోల్‌సేల్‌, రిటైల్‌ వ్యాపారులను హెచ్చరించారు. నిబంధనలను ఉల్లంఘించే వ్యాపారులపై చర్యలు తీసుకునేందుకు పౌర సరఫరాల శాఖ, లీగల్‌ మెట్రాలజీ, కమర్షియల్‌ ట్యాక్స్‌, మున్సిపల్‌ కార్పొరేషన్‌, ఫుడ్‌ సేఫ్టీ, లేబర్‌, ఫైర్‌ తదితర శాఖల అధికారులతో ప్రత్యేక తనిఖీ బృందాలను ఏర్పాటు చేయాలని డీఎస్‌ఓను ఆదేశించారు. జిల్లా వ్యాప్తంగా మార్కెట్లు, వ్యాపార సంస్థల్లో తనిఖీలు నిర్వహించి, అక్రమ నిల్వలు, అధిక ధరకు విక్రయాలు, నిబంధనల ఉల్లంఘనలను గుర్తించి చట్టప్రకారం చర్యలు తీసుకోవాలన్నారు. మరోవైపు రైతు బజార్లలో రూ.50కే కిలో బియ్యం ప్రకారం ఒక్కో కుటుంబానికి 25 కేజీలు ఇవ్వాలన్నారు. పౌర సరఫరాల శాఖ అధికారి రాజా రఘువీర్‌, డిస్ట్రిక్ట్‌ చాంబర్‌ ఆఫ్‌ కామర్స్‌ అధ్యక్షుడు విజయ్‌కుమార్‌ రెడ్డి, మార్కెటింగ్‌ అసిస్టెంట్‌ డైరెక్టర్‌ నారాయణమూర్తి, లీగల్‌ మెట్రాలజీ అధికారి శ్రీరాములు పాల్గొన్నారు.

కొలిమిగుండ్ల: మండల కేంద్రం కొలిమిగుండ్లలో ఇంటి నిర్మాణం కోసం తవ్విన గుంతలో మంగళవారం ప్రమాదవశాత్తు పడి ఓ బాలుడు మృతి చెందాడు. వివరాలిలా ఉన్నాయి.. అవుకు మండలం చెర్లోపల్లెకు చెందిన కంబగిరిస్వామి, అమరావతి దంపతుల కుమారుడు అజిత్‌(8) అవ్వగారి ఊరైన కొలిమిగుండ్లలో ఉంటు బీసీ ప్రాథమిక పాఠశాలలో నాల్గవ తరగతి చదువుతున్నాడు. సాయంత్రం ఐదు గంటల సమయంలో మినరల్‌ వాటర్‌ తీసుకొని వస్తానని లలితా సుందరేశ్వరస్వామి ఆలయం ఎదురుగా ఉన్న వాటర్‌ ప్లాంట్‌ వద్దకు బయలు దేరాడు. ఈ కోవలోనే అదే వీధిలో కొత్తగా ఇంటి నిర్మాణం కోసం తవ్విన గుంతలో ప్రమాద వశాత్తు కాలు జారి పడిపోయాడు. వర్షాలు కురుస్తుండటంతో గుంతలో నీరు నిల్వ చేరాయి. నీళ్ల కోసమని పోయిన బాలుడు ఎంతకి ఇంటికి రాక పోవడంతో అవ్వ చుట్టు పక్కల వెతికింది. కనిపించక పోవడంతో విషయాన్ని తల్లిదండ్రులకు సమాచారం చేరవేయడంతో కొలిమిగుండ్లకు చేరుకొని ప్రధాన రహదారిలో దుకాణాల వద్ద ఏర్పాటు చేసిన సీసీ కెమెరాల్లో బాలుడి ఆచూకీ కోసం వెతికినా కనిపించలేదు. చివరకు బాలుడు ఉండే వీధి సమీపంలోని గుంతలో లైట్ల సాయంతో వెతుకుతుండగా కాళ్లు కనిపించాయి. హుటాహుటిన స్థానికంగా ఉన్న ఓ ప్రవేట్‌ ఆసుపత్రికి తీసుకురాగా అప్పటికే మృతి చెందాడు. అవ్వ ఒంటరిగా ఉండటంతో తోడుగా ఉండి చదువుకుంటున్న కుమారుడి అకాల మరణం చెందడంతో తల్లితండ్రులు బోరున విలపించారు. విషయం తెలుసుకున్న పోలీసులు సంఘటనా స్థలానికి చేరుకొని వివరాలు సేకరించారు.

కర్నూలు(సెంట్రల్‌): జిల్లాలో హెచ్‌ఐవీ నియంత్రణకు వైద్య ఆరోగ్య శాఖాధికారులు కృషి చేయాలని కలెక్టర్‌ డాక్టర్‌ ఏ.సిరి ఆదేశించారు. మంగళవారం కలెక్టరేట్‌లోని తన కార్యాలయంలో కలెక్టర్‌ ఎయిడ్స్‌ సురక్ష అంశంపై వైద్య అధికారులతో సమీక్ష నిర్వహించారు. ఆమె మాట్లాడుతూ.. హెచ్‌ఐవీ వ్యక్తులను గుర్తించి అవసరమైన పరీక్షలు, చికిత్స, కౌన్సెలింగ్‌ అందించేలా చర్యలు చేపట్టాలన్నారు. ముఖ్యంగా హైరిస్క్‌ గ్రూపులను గుర్తించి విస్తృతంగా పరీక్షలు నిర్వహించాలన్నారు. ఇందుకోసం మొబైల్‌ ఐసీటీసీ వాహనాల ద్వారా కీలక ప్రాంతాల్లో పరీక్షల సంఖ్యను పెంచాలని సూచించారు. చికిత్సకు దూరమైన లాస్ట్‌ టు ఫాలో అప్‌ కేసులపై ప్రత్యేక దృష్టి సారించాలన్నారు. ప్రతి నెలా ఫోన్‌లో వారిని సంప్రదించి, వారి పరిస్థితిని తెలుసుకోవడంతో పాటు అవసరమైన కౌన్సెలింగ్‌ అందించి తిరిగి క్రమం తప్పకుండా చికిత్స పొందేలా చర్యలు తీసుకోవాలన్నారు. హెచ్‌ఐవీ బాధితులు క్రమం తప్పకుండా ఇఈ4, వైరల్‌ లోడ్‌ పరీక్షలు చేయించుకునేలా అవగాహన కల్పించాలని, మందులను నిరంతరాయంగా వినియోగించేలా కౌన్సెలింగ్‌ ఇవ్వాలని కలెక్టర్‌ వైద్య అధికారులను ఆదేశించారు. కేర్‌ సపోర్ట్‌ సెంటర్ల ద్వారా రోగుల చిరునామా ధ్రువీకరణ, లాస్ట్‌ ఫర్‌ ఫాలోఅప్‌ కేసులను గుర్తించి తిరిగి చికిత్స పరిధిలోకి తీసుకురావడం వంటి అంశాలపై ప్రత్యేక దృష్టి సారించాలన్నారు. డీఎంహెచ్‌ఓ డాక్టర్‌ కామేశ్వరప్రసాద్‌, జిల్లా లేప్రసీ, ఎయిడ్స్‌ – టీబీ అధికారి డాక్టర్‌ భాస్కర్‌, జిల్లా ఎయిడ్స్‌ నియంత్రణ క్లస్టర్‌ ప్రోగ్రాం మేనేజర్‌ అలీ హైదర్‌, ఏఆర్‌టీ మెడికల్‌ ఆఫీసర్‌ డాక్టర్‌ అభిగేయల్‌ పాల్గొన్నారు.

మంత్రాలయం రూరల్‌: తీవ్ర వర్షాభావం రైతన్నలను కుంగదీస్తోంది. నదీ జలాలపై ఆధారపడ్డ రైతన్నల కంట కన్నీరు నింపుతోంది. నట్టేట నష్టాల మూటను కూడ బెడుతోంది. అందుకు తార్కాణమే ఈ రైతు ఘోష. చెట్నేహళ్లి గ్రామ శివారులోని మోహినిపురం పొలాల్లో కాపురం ఉంటున్న విఠల్‌బాబు తన సొంత పొలం కాకుండా దాదాపు 42 ఎకరాల భూమిని కౌలుకు తీసుకుని వ్యవసాయం చేస్తున్నాడు. తుంగభద్ర నదీ జలాలపై ఆధారపడి ఏటా ఇలా కౌలుకు తీసుకుని సాగు చేసుకుంటున్నాడు. కాలాన్ని నమ్ముకుని ఈ ఏడాది కూడా 42 ఎకరాల భూమిని కౌలుకు తీసుకుని వరి పంట వేశాడు. తన సొంత భూమిలో మూడు ఎకరాల్లోనూ ఇదే పంట సాగు చేశాడు. అయితే వర్షాభావ పరిస్థితులతో నదిలో జలాలు అడుగంటిపోయాయి. దీంతో తాను కౌలుకు చేసిన పొలానికి సాగునీరు మృగ్యమైంది. పంటను కాపాడుకునేందుకు నెలల తరబడి ఎంతగానో శ్రమించారు. పంట పొట్టు దశకు చేరిన సమయంలో పైరు పూర్తిగా ఎండిపోయింది. చేసేది లేక రైతు కలత చెంది వరి పైరును గొర్రెలకు మేతగా వదిలేశాడు. మంగళవారం ఈ దృశ్యం పలువురిని కలచి వేసింది. పెట్టిన పెట్టుబడి అంతా నేలపాలు కావడంతో రైతు కన్నీరుమున్నీరయ్యాడు. నష్టాల నుంచి ఎలా గట్టెక్కాలో దిక్కుతోచడం లేదని వాపోయాడు. ఎకరాకు రూ.30 వేలు ఖర్చుచేశానని, 18 ఎకరాల పైరును గొర్రెలకు మేతగా వదలాల్సి వచ్చిందని బాధిత రైతు గోడును వినిపించారు. – గొర్రెలకు మేతగా 18 ఎకరాల వరి పైరు – కౌలు రైతుకు తీరని నష్టం

మంత్రాలయం రూరల్‌: టీడీపీ పాలనలో ప్రభుత్వ విద్యా వ్యవస్థ పూర్తిగా నిర్వీర్యమవుతోంది. పాఠశాలల్లో అభివృద్ధి పనులు నిలిచిపోయాయి. నిర్వహణకు నిధులు విడుదల చేయకపోవడంతో చాలా బడుల్లో కనీస సౌకర్యాలు లేక విద్యార్థులు అవస్థలు పడుతున్నారు. చెట్ల కింద విద్యార్థులు చదువుతున్న ఈ దృశ్యం మంత్రాలయం మండలం సూగూరు గ్రామంలోనిది. గ్రామ కొత్త కాలనీ దారిలో ఎంపీపీ (డిపెప్‌) పాఠశాల ఇది. ఇక్కడ 187 మంది విద్యార్థులు విద్యనభ్యసిస్తున్నారు. ఒకటి నుంచి ఐదు తరగతులకు పాఠశాలలో నాలుగు గదులు ఉన్నాయి. అందులో ఒకటి పూర్తిగా శిథిలావస్థకు చేరడంతో ఆ గదికి తాళం వేశారు. మిగిలిన మూడు గదులను విద్యాబోధనకు వినియోగిస్తున్నారు. అందులో ఓ గదిలో హెచ్‌ఎం గది కూడా పెట్టుకున్నారు. ఐదు తరగతులకు కేవలం మూడు గదులు మిగిలాయి. మిగతా తరగతులను స్కూలు ఆవరణలో చెట్ల కింద నడుపుతున్నారు. వానొస్తే అన్ని తరగతులను కలిపేసి బోధన కానిస్తున్నారు. చెట్ల కింద విద్యార్థులు ఇబ్బందులు పడుతున్నారు. వరండాలోనూ ఓ తరగతి నడుపుతున్నారు. పాఠశాల భవనం చూడటానికి పాడుబడ్డ బంగ్లాను తలపిస్తోంది. గతంలో మూడు తరగతి గదులకు పైకప్పు వేసేసి చేతులు దులుపుకున్నారు. పాఠశాలకు ఎలాంటి రంగులు వేయలేదు. చెట్ల కింద బోధన విద్యార్థుల చెవికెక్కని పరిస్థితి. స్కూల్‌కు కాంపౌండ్‌ వాల్‌ లేకపోవడంతో పందులు ఆవరణలో తిరుగుతుంటాయి. మరుగుదొడ్ల నిర్మాణం మధ్యలోనే ఆగిపోయింది. కాలకృత్యాలు తీర్చుకోవడానికి ఉపాధ్యాయులతో సహా విద్యార్థులు బహిర్భూమికి వెళ్లాల్సిన దుస్థితి. పాఠశాల సమస్యలను అధికారులు పట్టించుకోకపోవడంతో గ్రామస్తులు ఆందోళన వ్య క్తం చేస్తున్నారు. వెంటనే పాఠశాలకు మరమ్మతులు చేసి, సౌకర్యాలు కల్పించాలని కోరుతున్నారు.

ఆదోని రూరల్‌: మండలంలోని పెద్దతుంబలం గ్రామ సమీపంలో ని సమ్మర్‌ స్టోరేజ్‌ ట్యాంకు వద్ద మంగళవారం ట్రాక్టర్‌ అదుపుతప్పిన ప్రమాదంలో డ్రైవర్‌ శంకరయ్య (24) మృతిచెందాడు. ఘటనకు సంబంధించి పెద్దతుంబలం పోలీసులు, బంధువులు తెలిపిన వివరాలు ఇలా ఉన్నాయి. కోసిగికి చెందిన ట్రాక్టర్‌ (ఏపీ 21 ఏ1 1340) యజమాని నరసయ్య తన ఇంటి నిర్మాణం కోసం పెద్దతుంబలంలో ఉన్న ఇటుకల బట్టి వద్ద ఇటుకలను లోడ్‌ చేసుకుని వెళ్లడానికి డ్రైవర్‌ గిడ్డయ్యతో పాటు వచ్చారు. ట్రాక్టర్‌ లోడు చేసుకుని తిరిగి వెళ్తుండగా అదుపుతప్పి రోడ్డు పక్కనున్న గుంతలోకి దూసుకెళ్లింది. డ్రైవర్‌ శంకరయ్య కింద పడగా ఆయనపై ట్రాక్టర్‌ ఇంజన్‌ టైర్లు ఎక్కడంతో అక్కడికక్కడే మృతిచెందాడు. పెద్దతుంబలం పోలీసులు ఘటనా స్థలానికి చేరుకుని వివరాలు సేకరించారు. మృతుడి తల్లిదండ్రులు అంజినమ్మ, తిమ్మప్ప ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు. దంపతులకు ఐదుగురు సంతానంలో శంకరయ్య రెండో కుమారుడు. అతనికి ఇంకా వివాహం కాలేదు. వర్మీ ఉత్పత్తి జరగకుంటే చర్యలు కర్నూలు(అర్బన్‌): జిల్లాలోని వర్మీ కంపోస్టు షెడ్ల నుంచి వర్మీ ఎరువు ఉత్ప త్తి జరగకుంటే చర్యలు తీసుకుంటామని జిల్లా పంచాయతీ అధికారి జీ.భాస్కర్‌ హెచ్చరించారు. ఆయన మంగళవారం విలేకరులతో మాట్లాడుతూ.. జిల్లాలోని మొత్తం 484 గ్రామ పంచాయతీల్లో ఇప్పటివరకు 420 గ్రామ పంచాయతీల్లో వర్మీ కంపోస్టు షెడ్లు ఏర్పాటయ్యాయని, వీటిలో 332 షెడ్ల నుంచి మాత్రమే ఇప్పటివరకు వర్మీ ఎరువుల ఉత్పత్తి జరుగుతోందన్నారు. మి గతా 88 షెడ్ల నుంచి వర్మీ ఎరువుల ఉత్పత్తి జరగడం లేదని, ఈ షెడ్ల నుంచి రెండు నెలల్లోపు వర్మీ ఎరువు ఉత్పత్తి కాకుంటే సంబంధిత పంచాయతీ కార్యదర్శులపై చర్యలు తీసుకుంటామన్నారు. 120 షెడ్ల నుంచి వంద శాతం వర్మీ ఎరువు ఉత్పత్తి జరుగుతోందని, మిగతా షెడ్ల నుంచి ఉత్పత్తి పెంచేందుకు చర్యలు తీసుకోవాలన్నారు. వర్మీ ఎరువు ఉత్పత్తిలో ప్రతిభ కనబరిచిన పంచాయతీ కార్యదర్శులకు విజయదశమి పర్వదినం సందర్భంగా బహుమతులు అందించనున్నట్లు వెల్లడించారు. స్థానికంగా వర్మీ ఉత్పత్తులను కొనుగోలు చేయని పక్షంలో మార్క్‌ఫెడ్‌ సంస్థ వర్మీ ఉత్పత్తులను కొనుగోలు చేసేందుకు ముందుకు వచ్చిందన్నారు. ఈ నేపథ్యంలోనే అన్ని షెడ్ల నుంచి వర్మీ ఉత్పత్తులను పెంచేందుకు ప్రతి ఒక్కరు కృషి చేయాలన్నారు.

కర్నూలు (సెంట్రల్‌): విద్యుత్‌ హైటెన్షన్‌ వైర్లు తగిలి షాక్‌తో వ్యక్తి మృతి చెందిన సంఘటన కర్నూలు నగరంలో చోటు చేసుకుంది. నగరానికి చెందిన రషీద్‌ అహ్మద్‌ (30) వన్‌టౌన్‌లోని కుమ్మరి వీధిలో నివాసముంటాడు. ఇతను ఏసీ మెకానిక్‌గా పనిచేస్తూ జీవనోపాధి పొందుతున్నాడు. వృత్తి రీత్యా సోమవారం షేక్‌ నవాజ్‌ అనే యువకుడితో కలిసి కల్లూరులోని ఈశ్వరప్ప నగర్‌లో ఓ ఇంట్లో ఏసీ ఔట్‌డోర్‌ యూనిట్‌ అమర్చే పనుల్లో నిమగ్నమయ్యారు. ఆ సమయంలో ఇంటిపై ఉన్న హైటెన్షన్‌ విద్యుత్‌ వైర్లు తగిలి విద్యుదాఘాతానికి గురయ్యాడు. అతని సహచరుడు షేక్‌ నవాజ్‌ రషీద్‌ కుటుంబ సభ్యులకు సమాచారమివ్వగా వారు వచ్చి ఆటోలో కర్నూలు ప్రభుత్వాసుపత్రికి తీసుకెళ్లారు. అయితే అప్పటికే చనిపోయినట్లు వైద్యులు ధ్రువీకరించారు. ఘటనపై పోలీసులు కేసు నమోదు చేసుకుని విచారణ జరుపుతున్నారు.

నా భర్త చనిపోయి ఐదేళ్లు కావస్తోంది. మాకు ఎలాంటి భూమి లేదు. పింఛన్‌ దరఖాస్తు చేసుకునేందుకు వెళ్లగా నా పేరిట 39 ఎకరాల భూమి ఉన్నట్లు చూపిస్తోంది. దీంతో దరఖాస్తు తిరస్కరించారు. అధికారుల నిర్లక్ష్యంతో నాకు పింఛన్‌ రాకుండా పోయింది. – జయమ్మ, జంపాపురం ఈ విషయంపై తహసీల్దార్‌ గీతా ప్రియదర్శినిని వివరణ కోరగా ఇటీవల కొరివి మంగమ్మ మా కార్యాలయానికి వచ్చారు. వీఆర్వోలు విచారణ చేసి ఆమె పేరిట ఆన్‌లైన్‌లో తప్పుగా నమోదైన భూమిని తొలగిస్తాం అని చెప్పారు.

● కర్నూలు, ఎమ్మిగనూరు, ఆదోని డివిజన్లకు కూడా ఎకగ్రీవంకర్నూలు(అగ్రికల్చర్‌): ఏపీ పవర్‌ డిప్లొమా ఇంజినీర్స్‌ అసోసియేషన్‌ (పీడీఈఏ) నూతన కార్యవర్గ ఎన్నికలు ఏకగ్రీవంగా జరిగాయి. కర్నూలు సంపత్‌ నగర్‌లోని ఏపీ పవర్‌ డిప్లొమా ఇంజినీర్‌ గెస్ట్‌హౌస్‌లో నిర్వహించిన కార్యక్రమంలో సర్కిల్‌, డివిజన్‌లకు నూతన కార్యవర్గాలను ఏకగ్రీవంగా ఎన్నుకున్నారు. కర్నూలు సర్కిల్‌ అధ్యక్షుడిగా కే.చంద్రశేఖర్‌, కార్యదర్శిగా సి.వెంకటేశ్వర్లు, ఆర్గనైజింగ్‌ సెక్రటరీలుగా వినోద్‌బాబు, గంగభవాని, కోశాధికారిగా ఎన్‌జీ శంకర్‌, ఎమ్మిగనూరు డివిజన్‌ కార్యదర్శిగా జి.గోవిందు, ఆర్గనైజింగ్‌ సెక్రటరీ ప్రసన్న అంజనేయులు, కోశాధికారిగా గురుమూర్తి, ఆదోని డివిజన్‌ కార్యదర్శిగా ఎంజీ లోకేష్‌, ఆర్గనైజింగ్‌ సెక్రటరీగా ఆంజనేయశాసీ్త్ర, కోశాధికారిగా మల్లికార్జున, కర్నూలు డివిజన్‌ కార్యదర్శిగా సంజీవరెడ్డి, ఆర్గనైజింగ్‌ సెక్రటరీగా రఘునాథ్‌, కోశాధికారిగా శ్రీనివాసులు ఎన్నికయ్యారు. ఎన్నికల ప్రక్రియను రాష్ట్ర మాజీ సెక్రటరీ జనరల్‌ టీఎన్‌ ప్రసాద్‌, ప్రస్తుత సెక్రటరీ జనరల్‌ నాగరాజరావు, ఆర్గనైజింగ్‌ సెక్రటరీ మదన్‌మోహన్‌ ఎన్నికల అధికారులుగా పర్యవేక్షించారు. నూతన కార్యవర్గ సభ్యులతో వీరు ప్రమాణస్వీకారం చేయించారు. నూతన కర్నూలు సర్కిల్‌, డివిజన్‌ల కార్యవర్గ సభ్యులు విద్యుత్‌ శాఖ ఎస్‌ఈ ప్రదీప్‌కుమార్‌ను మర్యాదపూర్వకంగా కలిశారు. తమను ఏకగ్రీవంగా ఎన్నుకున్నందుకు కర్నూలు సర్కిల్‌ అధ్యక్షుడు చంద్రశేఖర్‌ కృతజ్ఞతలు తెలిపారు.

● నీళ్ల కోసం తగాదా ● అన్నదమ్ములే.. పార్టీలు వేరు ● ఫిర్యాదుపై కేసు నమోదు చేయని పోలీసులు ఆదోని: పొలాలకు నీరు మళ్లించుకునే విషయంలో తలెత్తిన వివాదం అన్నదమ్ముల మధ్య ఘర్షణకు దారితీసింది. ఈ ఘర్షణ రాజకీయ రంగు పులుముకుంది. ఈ ఘటనలో వైఎస్సార్‌సీపీ కార్యకర్త, బాధితుడైన ఎర్రిస్వామి, దాడి చేసిన బీజేపీ కార్యకర్త మధు వీరిరువురూ స్వయాన అన్నదమ్ములు. మధుతో పాటు అతని ఇద్దరు అనుచరులు సోము, కేశవ అనే వ్యక్తులు కూడా దాడి చేశారు. ఆదోని మండలం సంతెకుడ్లూరు గ్రామంలో ఆదివారం రాత్రి ఈ ఘటన చోటు చేసుకుంది. దాడిలో గాయపడిన ఎర్రిస్వామి ప్రస్తుతం ఆస్పత్రిలో చికిత్స పొందుతున్నారు. తనపై దాడి చేసిన వారిపై పోలీసులకు ఫిర్యాదు చేసినప్పటికీ కేసు నమోదు చేయలేదని బాధితుడు ఎర్రిస్వామి ఆరోపిస్తున్నారు. దీంతో బాధిత కుటుంబం ఆందోళన వ్యక్తం చేస్తోంది. ఆస్పత్రిలో పరామర్శ విషయం తెలుసుకున్న మాజీ ఎమ్మెల్యే సాయిప్రసాద్‌ రెడ్డి కుమారుడు జయమనోజ్‌ రెడ్డి హుటాహుటిన ఆస్పత్రికి వెళ్లి చికిత్స పొందుతున్న ఎర్రిస్వామిని పరామర్శించారు. ఘటనకు సంబంధించి వివరాలు అడిగి తెలుసుకున్నారు. ఈ సందర్భంగా జయమనోజ్‌ రెడ్డి మాట్లాడుతూ.. ఇది అన్నదమ్ముల మధ్య జరిగిన గొడవ అని తెలిపారు. అయినప్పటికీ దాడికి పాల్పడిన వ్యక్తిపై పోలీసులు కేసు నమోదు చేయకపోవడం శోచనీయమన్నారు. కూటమి నాయకుల ఒత్తిడి కారణంగానే పోలీసులు స్పందించడం లేదని ఆరోపించారు. ఇప్పటికై నా పోలీసులు బాధితుడి ఫిర్యాదుపై కేసు నమోదు చేసి న్యాయం చేయాలని డిమాండ్‌ చేశారు.

కర్నూలు: హైకోర్టు శాశ్వత బెంచ్‌ కర్నూలులో ఏర్పాటు చేయాలన్న అంశంపై హైకోర్టు ప్రధాన న్యాయమూర్తి లీసా గిల్‌తో సోమవారం జిల్లా న్యాయవాదులు సమావేశమయ్యారు. జిల్లా న్యాయవాదుల సంఘం అధ్యక్షుడు చంద్రుడు, ప్రధాన కార్యదర్శి మహేశ్వర్‌ రెడ్డి ఆధ్వర్యంలో హైకోర్టు సీజేను కలిసి చర్చించారు. భౌగోళికంగా అన్ని అర్హతలున్నప్పటికీ కర్నూలు జిల్లాపై ప్రభుత్వం వివక్ష చూపుతోందని సీజేకు వినతిపత్రం సమర్పించారు. ఈ విషయంపై సీజే సానుకూలంగా స్పందించినట్లు సంఘం అధ్యక్షుడు చంద్రుడు తెలిపారు. సీనియర్‌ న్యాయవాదులు రామసుబ్బారెడ్డి, జయరాజ్‌, నాగేంద్ర, ఓంకార్‌, చాంద్‌ బాషా, కేసీ రాముడు, భావన కుమార్‌, బార్‌ అసోసియేషన్‌ ట్రెజరర్‌ సుమన రాణి, తదితరులు పాల్గొన్నారు. పట్టపగలే చోరీ ఆదోని అర్బన్‌: పట్టణంలోని టూటౌన్‌ పోలీస్‌స్టేషన్‌ పరిధిలోని మారుతి ఎస్టేట్‌లో సోమవారం పట్టపగలే చోరీ జరిగింది. ఇంటి యజమాని కురువ తిమ్మప్ప తెలిపిన మేరకు వివరాలు.. తిమ్మప్ప ఓ ప్రైవేట్‌ సంస్థలో ల్యాబ్‌ టెక్నీషియన్‌గా పనిచేస్తున్నాడు. భార్య ఓ ప్రైవేట్‌ పాఠశాలలో పనిచేస్తోంది. ఇద్దరు కలిసి బయటకు వెళ్లగా.. గమనించిన గుర్తు తెలియని దుండగుడు ఇంటి తాళాలు పగలగొట్టి, ఇంట్లోకి చొరబడి బీరువాను పగలగొట్టి అదులోని ఐదు తులాల బంగారం, 15 తులాల వెండి, రూ.30 వేలు నగదును అపహరించుకుని వెళ్లారు. పని ముగించుకుని ఇంటికి వచ్చి చూడగా.. తలుపులు పగలగొట్టిన దృశ్యాన్ని చూసి వెంటనే చోరీ జరిగినట్లు నిర్ధారించుకున్న తిమ్మప్ప టూటౌన్‌ పోలీసులను సమాచారమిచ్చాడు. అనారోగ్యంతో 15 ఏళ్ల విద్యార్థి మృతి హాలహర్వి: మండల కేంద్రంలోని ఎస్సీ కాలనీకి చెందిన రుక్మిణి, నాగేష్‌ దంపతుల కుమారుడు జగదీష్‌ (15) అనారోగ్యంతో మృతిచెందిన ఘటన సోమవారం చోటు చేసుకుంది. విద్యార్థి స్థానిక జెడ్పీ హైస్కూల్‌లో పదో తరగతి చదువుతున్నాడు. జగదీష్‌కు మూడు రోజుల క్రితం వాంతులు రావడంతో కుటుంబ సభ్యులు హాలహర్విలోని ప్రభుత్వ ఆసుపత్రికి తరలించారు. అక్కడ చికిత్స అనంతరం మెరుగైన చికిత్స కోసం ఆదోనికి, అక్కడి నుంచి కర్నూలు ప్రభుత్వ జనరల్‌ ఆసుపత్రికి తీసుకెళ్లారు. అక్కడ కోలుకోలేక మృతి చెందాడు. కడుపు, పేగులు, అపెండిక్స్‌కు సంబంధించిన సమస్యతో బాధ పడుతున్నాడని డాక్టర్లు చెప్పారని కుటుంబ సభ్యులు తెలిపారు. ఒక్కగానొక్క కుమారుడిని కోల్పోవడంతో తల్లిదండ్రులు బోరుమని విలపించారు.

కర్ణాటకకు బయలుదేరిన పెద్దభూంపల్లి వాసులువందగల్లు నుంచి పిల్లలతో తరలి వెళుతున్న కూలీలుతెలంగాణకు వలసబాట పట్టిన చిర్తనగల్‌ గ్రామస్తులుకరువు విలయతాండవం చేస్తుండటంతో వ్యవసాయ కూలీలు విలవిల్లాడుతున్నారు. గ్రామాల్లో చేసేందుకు పనులు లేక తట్టా బుట్ట సర్దుకొని ఇతర రాష్ట్రాలకు వలస బాట పడుతున్నారు. కోసిగి మండలం దుద్ది, వందగల్లు, చిర్తనగల్‌, పెద్దభూంపల్లి గ్రామాల నుంచి సోమవారం నాలుగు బొలెరో వాహనాల్లో కూలీలు తెలంగాణ, కర్ణాటక రాష్ట్రాలకు వలస బండి ఎక్కి వెళ్లారు. కడుపు మాడ్చుకొని ఉండలేక ఇళ్లకు తాళాలు వేసి బతకడానికి మూట సర్దుకొని బయలుదేరినట్లు వారు వాపోయారు. చిర్తనగల్‌ నుంచి 50 మంది కూలీలు, విద్యార్థులు 12 మంది, పెద్దభూంపల్లి నుంచి 20 మంది పెద్దలు, 10 మంది విద్యార్థులు వలసబాట పట్టారు. విద్యార్థుల చదువులు మాన్పించి, చంటి బడ్డలతో పత్తి తీసే పనికి వెళుతున్నట్లు వారు తెలిపారు. కరువు పరిస్థితుల్లో ప్రభుత్వం ఉపాధి పనులు కల్పించలేక చేతులెత్తేసిందని, మరో పక్క సాగుచేసిన పంటలు ఎండిపోయి అప్పుల పాలయ్యామన్నారు. విధిలేని పరిస్థితుల్లో పొట్టకూటికి గ్రామాన్ని వదిలి వలస వెళుతున్నట్లు వాపోయారు. ఇప్పటికై నా అధికారులు స్పందించి వలసల నివారణకు చర్యలు తీసుకోవాలని, గ్రామాల్లో ఉపాధి పనులు కల్పించాలని, విద్యార్థుల కోసం సీజనల్‌ హాస్టళ్లు ఏర్పాటు చేయాలని కోరారు. – మంత్రాలయం రూరల్‌/కోసిగి

కోసిగి: రాష్ట్రంలో టీడీపీ ప్రభుత్వం రెండేళ్ల తర్వాత కొత్త పింఛన్లు దరఖాస్తు చేసుకోమని చెప్పి 9 రోజుల్లోనే గడువు ముగించేసింది. దీంతో చాలా మంది అధికారుల నిర్లక్ష్యంతో భూ సమస్యలు, కులధ్రువీకరణ, ఆదాయ ధ్రువీకరణ పత్రం అందక, చేనేత కార్మికులకు జౌళిశాఖ అధికారుల ఆమోద పత్రం, మత్స్య కారులు, డప్పు కళాకారులకు సర్టిఫికెట్లు రాకపోవడంతో పింఛన్‌ దరఖాస్తుకు అనర్హులుగానే మిగిలిపోయారు. జంపాపురం గ్రామానికి చెందిన ఇద్దరు బాధితురాలకు భూమి లేకపోయినా పదుల ఎకరాల్లో ఉన్నట్లు చూపి పింఛన్‌ రాకుండా చేశారు. నా భర్త ఈశ్వరప్ప ఎనిమిదేళ్ల క్రితం అనారోగ్యంతో మృతి చెందాడు. నాకు ఇద్దరు కుమార్తెలు, కుమారుడు ఉన్నారు. కుమార్తెలకు అప్పులు చేసి వివాహం జరిపించాం. నా భర్త పేరిట 90 సెంట్లు భూమి గ్రామంలోనే ఉంది. భర్త మరణ ధ్రువీకరణ పత్రంతో వితంతు పింఛన్‌ కోసం దరఖాస్తు చేసుకునేందుకు వెళ్లగా ఆన్‌లైన్‌లో నా పేరిట ఆర్లబండ గ్రామంలో 70 ఎకరాల మెట్ట, 4 ఎకరాల మాగాణి ఉన్నట్లు చూపుతోంది. ఆ భూములను నా ఆధార్‌ కార్డుకు లింక్‌ చేశారు. ఇప్పుడు పింఛన్‌కు దరఖాస్తు చేసుకుంటే రిజెక్ట్‌ అయ్యింది. రెవెన్యూ కార్యాలయం చుట్టూ తిరిగినా ఎవరూ సరైనా సమాధానం చెప్పడం లేదు. పింఛన్‌ దరఖాస్తు సమయం ముగిసిపోయింది. రోజూ కూలి పనికి వెళ్లి బతికే నాకు పింఛన్‌ వస్తే కాస్త ఆసరాగా ఉంటుందని ఆశపడ్డాను. అధికారుల నిర్లక్ష్యంతో ఇప్పుడు పింఛన్‌ రాకుండా పోయింది. – కొరివి మంగమ్మ, జంపాపురం

చిప్పగిరి: మండలంలోని బంటణహాలు గ్రామ సమీపంలో సోమవారం గుర్తు తెలియని వ్యక్తి మృతదేహం లభ్యమైంది. ఎస్‌ఐ సీవీ నరసింహులు తెలిపిన వివరాల మేరకు.. బంటణహాలు గ్రామ రైల్వే స్టేషన్‌ సమీపంలో ఓ చెట్టుకు ఉరి వేసుకున్న స్థితిలో మృతదేహం వేలాడుతూ కనిపించడంతో స్థానికులు పోలీసులకు సమాచారం ఇచ్చారన్నారు. ఘటనా స్థలానికి చేరుకుని మృతదేహాన్ని పరిశీలించి పోస్టమార్టం నిమిత్తం గుంతకల్లు ప్రభుత్వ ఆసుపత్రికి తరలించారు. మృతుడు నీలం రంగు గీతల తెల్ల చొక్కా ధరించి ఉన్నాడని, శరీరం పూర్తిగా కుళ్లిపోయి ఉందన్నారు. మృతుడి గురించి వివరాలు తెలిసిన వారు చిప్పగిరి పోలీస్‌ స్టేషన్‌ను సంప్రదించాలని కోరారు. కేసు నమోదు చేసి విచారణ చేస్తున్నట్లు తెలిపారు. ఫోన్‌ చూడొద్దన్నందుకు తండ్రిపై గొడ్డలితో దాడి ఆదోని అర్బన్‌: ఎప్పుడూ ఫోన్‌ చూస్తూ గడుపుతున్న కుమారుడిని తండ్రి మందలించడంతో కోపోద్రిక్తుడై గొడ్డలి విసరడంతో తండ్రి కాలికి తీవ్ర గాయమైన ఘటన కౌతాళం మండలం చూడి గ్రామంలో సోమవారం చోటు చేసుకుంది. ఘటనపై బాధితుడు మారెప్ప భార్య నరసమ్మ తెలిపిన వివరాలు ఇలా ఉన్నాయి. మారెప్ప కుమారుడు వీరేష్‌ (20) సోమవారం పనికి వెళ్లకుండా సెల్‌ఫోన్‌లో రీల్స్‌ చూస్తుండటంతో తండ్రి మందలించాడు. ఈ విషయంలో తండ్రి, కుమారుడి మధ్య వాగ్వాదం చోటు చేసుకుంది. కోపోద్రిక్తుడైన తండ్రి సెల్‌ఫోన్‌ లాక్కొని పగలగొట్టాడు. కోపోద్రిక్తుడైన వీరేష్‌ పక్కనున్న గొడ్డలిని తండ్రిపైకి విసిరాడు. దీంతో మారెప్ప కాలికి తీవ్ర గాయాలయ్యాయి. రక్తపు మడుగులో ఉన్న మారెప్పను బంధువులు ఆదోని ప్రభుత్వ ఆసుపత్రికి తరలించారని భార్య నరసమ్మ తెలిపారు. వృద్ధుడి ఆత్మహత్య మద్దికెర: స్థానిక మద్దమ్మ బావి సమీపంలో నివాసముంటున్న ఉప్పర నారాయణ (70) ఇంట్లో ఎవరూలేని సమయంలో ఉరి వేసుకొని ఆత్మహత్య చేసుకున్న సంఘటన సోమవారం చోటుచేసుకుంది. మృతుడికి భార్య లక్ష్మీదేవి, ముగ్గురు కొడుకులు, ఒక కూతురు ఉన్నారు. అందరికీ పెళ్లిళ్లు అయ్యాయి. వృద్ధుడి మృతికి కారణాలు తెలియాల్సి ఉంది. గడ్డివాములో కొండ చిలువ మహానంది: మహానందిలో సుమారు 12 అడుగుల పొడవున్న కొండచిలువ కలకలం రేపిన సంఘటన సోమవారం చోటు చేసుకుంది. మహానందికి చెందిన హనుమన్న ఇంటి పక్కన ఉన్న గడ్డివాములో పెద్ద కొండచిలువ కనిపించడంతో స్థానికులు భయాందోళనకు గురై వెంటనే స్నేక్‌ క్యాచర్‌ మోహన్‌కు సమాచారం అందించారు. మోహన్‌ అక్కడికి చేరుకుని చాకచక్యంగా కొండచిలువను పట్టుకుని సమీపంలోని నల్లమల అటవీ ప్రాంతంలో వదిలేశాడు. దాడి కేసులో ఏడాది జైలు శిక్ష కర్నూలు: కర్నూలు నగరం స్వామిరెడ్డి నగర్‌కు చెందిన తిమ్మప్పపై జరిగిన దాడి కేసులో నిందితులకు ఏడాది సాధారణ జైలు శిక్ష, జరిమానా విధిస్తూ జేఎంఎఫ్‌సీ జడ్జి సంధ్యారాణి తీర్పు చెప్పారు. 2021 డిసెంబర్‌ 13వ తేదీ రాత్రి స్వామిరెడ్డి నగర్‌కు చెందిన తిమ్మప్పపై అదే కాలనీకి చెందిన సందెపోగు శేఖర్‌, షేక్‌ చాంద్‌ బాషా, షేక్‌ మౌలాలి దాడి చేసినట్లు బాధితుడు ఫిర్యాదు చేశాడు. రాళ్లు, కత్తులతో దాడి చేసి గాయపరచినట్లు ఫిర్యాదు చేయగా మూడో పట్టణ పోలీసులు కేసు నమోదు చేసి దర్యాప్తు పూర్తి చేసి కోర్టులో చార్జిషీటు దాఖలు చేశారు. నిందితులను న్యాయమూర్తి ఎదుట హాజరుపర్చగా నేరం రుజువు కావడంతో నిందితులకు సంవత్సరం పాటు సాధారణ జైలు శిక్ష, ఒక్కొక్కరికి రూ.5 వేలు చొప్పున జరిమానా విధిస్తూ న్యాయమూర్తి తీర్పు చెప్పారు.

● గుర్రపుడెక్కలో చిక్కుకొని నాలుగు గేదెలు మృతి ● క్రిష్టిపాడు వద్ద కుందూనదిలో ఘటన దొర్నిపాడు: ఇంటి వద్ద నుంచి ఏడు పాడిగేదెలు దాహం తీర్చుకునేందుకు సమీపంలోని కుందూ నదికి బయలు దేరాయి. యజమాని వచ్చేలోపే కుందూలోకి దిగి నీళ్లు తాగి ఎండల తీవ్రతకు కాస్త సేద తీరేందుకు నదిలోకి వెళ్లాయి. నీటి ప్రవాహం అధికం కావడంతో గుర్రపు డెక్కలో చిక్కుకొని ఊపిరి ఆడక నాలుగు గేదెలు మరణించగా మిగతా మూడింటిని ప్రాణాలతో కాపాడుకున్న ఘటన మండలంలోని క్రిష్టిపాడు గ్రామంలో సోమవారం చోటుచేసుకుంది. వివరాలు.. గ్రామానికి చెందిన మడ్డి సుబ్బారావు పాడి గేదెలను పోషించుకుంటూ జీవనం సాగిస్తున్నారు. తనకున్న ఏడు గేదెలను సోమవారం కుందూనదిలో నీళ్లు తాపుకొని ఓళ్లు శుభ్రం చేసుకోవచ్చని తోలారు. నదిని చూడగానే గేదెలు పరుగులు తీయగా యజమాని వచ్చేలోపే జరగరాని నష్టం జరిగింది. నీళ్లు తాగిన అనంతరం ప్రవాహ ఉధృతికి కొట్టుకుపోయిన గేదెలు బ్రిడ్జికి అడ్డుగా ఉన్న గుర్రపు డెక్కలో కూరుకుపోయాయి. ఈత కొట్టలేక నాలుగు గేదెలు మృత్యువాత పడ్డాయి. మరో మూడింటిని కాపాడుకోగలిగారు. ఇందులో రెండు పడ్డదూడలు, ఒకటి పాలిచ్చే గేదె, మరో గేదె రెండు రోజుల్లో ఈనేందుకు వచ్చిందని రైతు కన్నీరుమున్నీరు అవుతున్నాడు. గేదెలు సుమారు రూ.2 లక్షల విలువ చేస్తాయని బాధితుడు విలపిస్తున్నాడు. గేదెల కళేబరాలకు పోస్టుమార్టం మృతి చెందిన రెండు పడ్డదూడలు ప్రవాహంలో గల్లంతు కాగా గుర్రపు డెక్కలో కూరుకుపోయిన రెండు గేదెలను అతికష్టం మీద వెలికి తీసి పశువైద్యాధికారి నాగశైలజ, జేవీఓ జమాల్‌బాషా పోస్టుమార్టం నిర్వహించారు. రెండు బర్రెలకు బీమా వచ్చే అవకాశం ఉందని వైద్యులు తెలిపారు. ప్రమాదకరంగా మారిన గుర్రపు డెక్క నదికి ఏటా వరదలు వచ్చినప్పుడు ఎగువ ప్రాంతం నుంచి భారీగా గుర్రపుడెక్క కొట్టుకొచ్చి క్రిష్టిపాడు వద్ద బ్రిడ్జికి అడ్డుపడి ప్రమాదకరంగా మారుతోంది. ఏటా గ్రామస్తులు దాన్ని తొలగించేందుకు కష్టపడుతుంటారు. ప్రస్తుతం నాలుగు పాడి గేదెల ప్రాణాలను బలితీసుకుందని గ్రామస్తులు ఆవేదన చెందుతున్నారు.

రుద్రవరం: మండలంలో సోమవారం ఉదయం కురిసిన వర్షానికి వాగులు వంకల్లో నీరు పారింది. మొలక దశలో ఉన్న మినుము, మొక్కజొన్న పైర్లు నీట మునిగాయి. నీరు నిల్వ ఉండటంతో పైర్లు దెబ్బతినకుండా రైతులు వాటిని బయటకు పంపే చర్యలు చేపట్టారు. అలాగే రహదారులు, బయలు ప్రదేశాల్లో ఆరబోసిన మొక్కజొన్నలు తడిసిపోవడంతో రైతులు వాటిని ఆరబెట్టుకోవడంలో నిమగ్నమయ్యారు. నిన్న, మొన్నటి వరకు వర్షాభావ పరిస్థితులు ఎండలతో పంటలు దెబ్బతినగా ఇప్పుడు వర్షం కురిసి మొలక దశ పంటలను దెబ్బతీసిందని, అలాగే అరకొరగా వచ్చిన మొక్కజొన్న దిగుబడులను తడిపి నష్ట పరిచిందని రైతులు ఆవేదన వ్యక్తం చేశారు. మండల కేంద్రమైన రుద్రవరంతో పాటు రెడ్డిపల్లె, ఆర్‌.నాగులవరం, నర్సాపురం, ముత్తలూరు, హరినగరం, సుగాలి తాండ, టీ.లింగందిన్నె తదితర గ్రామాల పరిధిలో వర్షం కురిసింది.

● ఏఐవైఎఫ్‌ రాష్ట్ర అధ్యక్షుడు జీ.సంతోష్‌ కుమార్‌కర్నూలు(సెంట్రల్‌): వెంటనే పోలీస్‌ కానిస్టేబుల్‌, ఎస్‌ఐ నోటిఫికేషన్‌ను రద్దు చేయాలని ఏఐవైఎఫ్‌ రాష్ట్ర అధ్యక్షుడు జీ. సంతోష్‌ కుమార్‌ డిమాండ్‌ చేశారు. మొత్తం 11 వేల పోస్టులతో భర్తీకి కొత్త నోటిఫికేషన్‌ ఇవ్వాలన్నారు. కలెక్టరేట్‌ ఎదుట ఏఐవైఎఫ్‌ ఆధ్వర్యంలో సోమవారం ధర్నా నిర్వహించారు. ఈ కార్యక్రమానికి జిల్లా అధ్యక్షుడు శ్రీరాములు అధ్యక్షత వహించగా ముఖ్యఅతిథిగా రాష్ట్ర అధ్యక్షుడు జి. సంతోష్‌ కుమార్‌ మాట్లాడారు. పోలీస్‌ శాఖలో 20వేల పోస్టులు ఖాళీగా ఉన్నాయని అసెంబ్లీలో హోమంత్రి అనిత ప్రకటించారన్కానరు. మొత్తం 11, 639 పోలీస్‌ కానిస్టేబుల్‌, ఎస్సై పోస్టుల భర్తీకి ఆర్థిక శాఖ నుంచి అనుమతుల వచ్చాయని డీజీపీ చెప్పారన్నారు. వెంటనే 11 వేల పోస్టులకు నోటిఫికేషన్‌ ఇవ్వకపోతే రాష్ట్రవ్యాప్తంగా ఆందోళనలకు సిద్ధమవుతామన్నారు. నిరుద్యోగులకు ఇచ్చిన హామీలను అమలు చేయకుండా సీఎం చంద్రబాబునాయుడు ప్రకటనలకు మాత్రమే పరిమితమయ్యారన్నారు. టీచర్‌ ఉద్యోగాలను అమ్ముకొని దగా చేశారని ఆరోపించారు. ఏఐవైఎఫ్‌ జిల్లా కార్యదర్శి కె శ్రీనివాసులు మాట్లాడుతూ.. ఎస్‌ఐ, కానిస్టేబుల్‌ అభ్యర్థులకు వయోపరిమితిని 35 సంవత్సరాలకు పెంచాలన్నారు. కూటమి ప్రభుత్వం అధికారం చేపట్టి రెండేళ్లు అవుతున్నా ప్రభుత్వ శాఖల్లో ఖాళీ పోస్టుల పైన సరైన సమాచారం లేకపోవడం సిగ్గుచేటు అన్నారు. ధర్నాలో నిరుద్యోగ జేఏసీ నాయకుడు నాగార్జున, వలంటీర్‌ అసోసియేషన్‌ నాయకుడు మహబూబ్‌ బాషా తదితరులు పాల్గొన్నారు.

కర్నూలు: కర్నూలు ఏపీఎస్పీ రెండో బెటాలియన్‌, జగన్నాథగట్టుపై ఉన్న పోలీసు శిక్షణ కళాశాలలో 9 నెలల పాటు శిక్షణ పూర్తి చేసుకున్న 629 మంది ట్రైనీ కానిస్టేబుళ్లకు ఈనెల 26న పాసింగ్‌ ఔట్‌ పరేడ్‌ నిర్వహించేందుకు కర్నూలు రెండో బెటాలియన్‌లో ఏర్పాట్లు చేస్తున్నారు. శిక్షణ ముగిసిన కానిస్టేబుళ్లకు ఈనెల 7న పాసింగ్‌ ఔట్‌ పెరేడ్‌ నిర్వహించనున్నట్లు డీజీపీ తొలుత మెమో జారీ చేశారు. అయితే ఆకస్మికంగా వాయిదా వేయడంతో శిక్షణ పొందిన కానిస్టేబుళ్లు ఆందోళనకు లోనయ్యారు. వైసీపీ ప్రభుత్వంలోనే నోటిఫికేషన్‌, ఫిజికల్‌ టెస్టులు రాష్ట్ర వ్యాప్తంగా 6,100 మంది కానిస్టేబుళ్ల రిక్రూట్‌మెంట్‌కు 2022 నవంబర్‌ 28న మాజీ సీఎం వైఎస్‌ జగన్‌మోహన్‌ రెడ్డి ప్రభుత్వం నోటిఫికేషన్‌ జారీ చేసింది. అప్పట్లోనే అభ్యర్థులందరికీ ఫిజికల్‌ టెస్టులు, పరుగుపందెం పకడ్బందీగా నిర్వహించారు. ఈ క్రమంలో నిరుద్యోగ జేఏసీ పేరుతో కోర్టులో కేసు వేయడంతో రాత పరీక్ష నిలిచిపోయింది. అనంతరం టీడీపీ కూటమి సర్కారు అధికారంలోకి రాగానే 2025 జూన్‌ 1న రాత పరీక్ష నిర్వహించారు. అర్హత సాధించిన 629 మందికి కర్నూలు ఏపీఎస్పీ రెండో బెటాలియన్‌, పోలీసు శిక్షణ కళాశాలలో 9 నెలల పాటు శిక్షణ పూర్తయింది. వారికి ఈనెల 26న పాసింగ్‌ ఔట్‌ పరేడ్‌ నిర్వహించేందుకు కమాండెంట్‌ దీపిక పాటిల్‌ ఆధ్వర్యంలో ఏర్పాట్లు చేస్తున్నారు. సమన్వయంతో విజయవంతం చేయండి ట్రైనీ పోలీసులకు నిర్వహించనున్న పాసింగ్‌ ఔట్‌ పరేడ్‌పై సోమవారం కమాండెంట్‌ దీపిక పాటిల్‌ అధికారులతో పటాలంలో సమీక్ష నిర్వహించారు. కార్యక్రమాన్ని విజయవంతం చేసేందుకు అధికారులు సమన్వయంతో పనిచేయాలని దీపిక పాటిల్‌ ఆదేశించారు. ముఖ్య అతిథిగా జిల్లా మంత్రి టీజీ భరత్‌, కర్నూలు రేంజ్‌ డీఐజీ డాక్టర్‌ కోయప్రవీణ్‌, కలెక్టర్‌ ఎ.సిరి, ఎస్పీ విక్రాంత్‌ పాటిల్‌ హాజరవుతారన్నారు. సమావేశంలో అడ్మిన్‌ అడిషనల్‌ ఎస్పీ హుసేన్‌ పీరా, అడిషనల్‌ కమాండెంట్‌ నాగేంద్రరావు, అసిస్టెంట్‌ కమాండెంట్లు వెంకటరమణ, బాషా, వెంకట శివుడు, డీటీసీ వైస్‌ ప్రిన్సిపాల్‌ దుర్గాప్రసాద్‌, డీఎస్పీలు ఓబులేసు, సుధాకర్‌ రెడ్డి, సీఐలు విక్రమసింహ, వెంకటకృష్ణా రెడ్డి, ఆర్‌ఐలు జావేద్‌, నారాయణ, ఇతర అధికారులు పాల్గొన్నారు. ప్రతిభ కనపరచిన వారికి అవార్డులుశిక్షణ కాలంలో ప్రతిభ కనపరచిన వారికి బెస్ట్‌ ఔట్‌డోర్‌, బెస్ట్‌ ఇన్‌డోర్‌, బెస్ట్‌ ఓవరాల్‌, బెస్ట్‌ ఫైరింగ్‌, బెస్ట్‌ పరేడ్‌ కమాండర్‌, బెస్ట్‌ ఇన్‌స్ట్రక్టర్‌ తదితర విభాగాల్లో అవార్డులను అందజేయనున్నారు. శిక్షణ పూర్తి చేసుకున్న ప్రతి ట్రైనీ కుటుంబం నుంచి ఇద్దరికి మాత్రమే గ్యాలరీలోకి అనుమతించనున్నారు. ఇందుకోసం ప్రతి ట్రైనీకి రెండేసి పాసులు పంపిణీ చేయనున్నారు.

కర్నూలు: కర్నూలులో గణేష్‌ నిమజ్జన వేడుకలు పూర్తయ్యే వరకు ప్రతి ఒక్కరూ బాధ్యతతో విధులు నిర్వహించాలని ఎస్పీ విక్రాంత్‌ పాటిల్‌ సూచించారు. జిల్లా పోలీసు కార్యాలయ మైదానంలో బందోబస్తు నిమిత్తం వచ్చిన పోలీసు అధికారులు, సిబ్బందితో సోమవారం సాయంత్రం ఎస్పీ సమావేశమై దిశానిర్దేశం చేశారు. శోభాయాత్ర సాగే రహదారులు, కూడళ్లు, నిమజ్జనం వేళ ఎలాంటి ఘటనలు జరగకుండా నిఘా ఉంచాలన్నారు. విధుల్లోని పోలీసు అధికారులు, సిబ్బంది అత్యుత్సాహం ప్రదర్శించకుండా భక్తులు, ప్రజల పట్ల మర్యాదగా వ్యవహరించాలన్నారు. అనంతరం శోభాయాత్ర సాగే మార్గాలను కాలినడకన పరిశీలించారు. రాంబొట్ల దేవాలయం వద్ద కొలువైన గణపతిని సందర్శించి పూజలు నిర్వహించారు. కర్నూలు డీఎస్పీ రాఘవేంద్ర, సీఐలు మధుసూదన్‌ రావు, కేశవరెడ్డి, మారుతి శంకర్‌, విక్రమసింహ, శ్రీధర్‌, శేషయ్య తదితరులు ఎస్పీ వెంట ఉన్నారు.

కర్నూలు(అర్బన్‌): జిల్లాలోని 484 గ్రామ పంచాయతీల్లో బీసీ ఓటర్లు సింహభాగంగా 9,05,611 మంది ఉన్నారు. గ్రామ పంచాయతీ ఎన్నికల నిర్వహణకు సంబంధించి ఇటీవల క్షేత్ర స్థాయిలోని అధికారులు, సిబ్బంది అన్ని గ్రామ పంచాయతీల్లో బీసీ, ఎస్సీ, ఎస్టీ ఓటర్లను గుర్తించి జాబితాలను కూడా ప్రచురించారు. మొత్తం 12,50,166 మంది గ్రామీణ ఓటర్లు ఉండగా, వీరిలో బీసీ ఓటర్లు 9 లక్షలకు పైగా ఉండడం గమనార్హం. వీరిలో మహిళలు 4,56,520, పురుషులు 4,48,982, ఇతరులు 109 మంది ఉన్నారు. ఈ నేపథ్యంలోనే బీసీ ఓటర్లలో పురుషుల కంటే మహిళా ఓటర్లు 7538 మంది అధికంగా ఉన్నారు. అలాగే మొత్తం ఎస్‌టీ ఓటర్లు 17,119 మంది, ఎస్సీ ఓటర్లు 2,33,881 మంది, ఇతర కులాలకు సంబంధించిన ఓటర్లు 93,555 మందిగా అధికారులు గుర్తించారు. కాగా, అత్యధికంగా కర్నూలు రూరల్‌ మండలంలోని 23 గ్రామ పంచాయతీల్లో 77,575 మంది ఓటర్లు ఉన్నారు. ద్వితీయ స్థానంలో కోడుమూరు మండలలోని 13 గ్రామ పంచాయతీల్లో 60,365 మంది, తృతీయ స్థానంలో గోనెగండ్ల మండలంలోని 20 గ్రామ పంచాయతీల్లో 59,816 మంది ఓటర్లు ఉన్నారు. రమణీయం.. నవరత్న రథోత్సవం మంత్రాలయం: శ్రీమఠం ప్రాంగణంలో సోమవారం నవరత్న రథంపై ప్రహ్లాదరాయులు అంగరంగ వైభవంగా విహరించారు. శ్రీమఠం పీఠాధిపతి సుబుధేంద్రతీర్థులు ముందుగా గ్రామదేవత మంచాలమ్మ కుంకుమార్చన చేసి మహామంగళహారతులు ఇచ్చారు. అనంతరం శ్రీరాఘవేంద్రస్వామి మూల బృందవనానికి ప్రత్యేక అలంకరణ చేసి పూజలు నిర్వహించారు. భక్తులకు మంత్రాక్షితలు ఇచ్చి పీఠాధిపతి ఆశీర్వదించారు. జిల్లాలో వర్షాలు తేలికపాటికే పరిమితం కర్నూలు(అగ్రికల్చర్‌): జిల్లాలో వర్షాలు తేలికపాటి నుంచి ఒక మోస్తరుకే పరిమితమయ్యాయి. ఆదివారం ఉదయం నుంచి సోమవారం ఉదయం వరకు 18 మండలాల్లో వర్షాలు కురిశాయి. జిల్లా సగటున 4 మి.మీ వర్షపాతం మాత్రమే నమోదైంది. ఓర్వకల్‌లో 18.4, వెల్దుర్తిలో 11.8, హొళగొందలో 8.6, మద్దికెరలో 7.8, ఆలూరులో 7.4, ఆదోని–1లో 7.2, గూడూరులో 6.2 మి.మీ వర్షం కురిసింది. మిగిలిన మండలాల్లో తేలికపాటి జల్లులు మాత్రమే పడ్డాయి. సెప్టెంబర్‌ నెల సాధారణ వర్షపాతం 116.2 మి.మీ ఉండగా.. 21 రోజుల్లో 27.1 మి.మీ వర్షపాతం మాత్రమే నమోదైంది. రెండు రోజులుగా కరుస్తున్న వర్షాల వల్ల ఖరీఫ్‌లో సాగు చేసిన పత్తి, వేరుశనగ, మొక్కజొన్న, ఆముదం తదితర పంటలకు ఎలాంటి ఉపయోగం లేదని తెలుస్తోంది. ప్రస్తుత వర్షాలతో ప్రత్యామ్నాయ పంటలు కూడా సాగు చేసే అవకాశం లేకుండాపోయింది. నాలుగైదు మండలాల్లో మాత్రమే కొంత భారీ వర్షం కురిసింది. ముగిసిన మద్యం దుకాణాల రెన్యూవల్‌ ప్రక్రియ ● 16 దుకాణాలకు ముందుకు రాని లైసెన్స్‌దారులు ● ఈనెల 23 వరకు గడువు పొడిగింపు కర్నూలు: జిల్లాలో మద్యం దుకాణాల అనుమతుల పునరుద్ధరణకు సంబంధించి దరఖాస్తుల స్వీకరణ ప్రక్రియ సోమవారం రాత్రితో ముగిసింది. 106 మద్యం దుకాణాలకు 90 మద్యం దుకాణాల లైసెన్స్‌దారులు ఆన్‌లైన్‌లో దరఖాస్తు ప్రక్రియలో భాగంగా రుసుములు చెల్లించి ప్రక్రియను పూర్తి చేసుకుని పునరుద్ధరించుకున్నారు. మరో 16 మంది తమ దుకాణాల రెన్యూవల్‌కు ముందుకు రాలేదు. ఇందులో భాగంగా కర్నూలులో 2, కోడుమూరులో 2, ఎమ్మిగనూరులో 4, ఆదోని, ఆలూరులో ఒక్కొక్కటి, పత్తికొండ, కోసిగిలో మూడేసి చొప్పున దుకాణదారులు రెన్యూవల్‌ చేసుకోవడానికి ముందుకు రాలేదు. రాష్ట్ర వ్యాప్తంగా ఇదే పరిస్థితి నెలకొనడంతో ఈనెల 23వ తేదీ రాత్రి వరకు గడువును పొడిగిస్తూ రాష్ట్ర ప్రభుత్వం ఉత్తర్వులు జారీ చేసినట్లు ప్రొహిబిషన్‌ అండ్‌ ఎకై ్సజ్‌ జిల్లా అధికారి సుధీర్‌ బాబు తెలిపారు. రూ.2.50 లక్షల విరాళం శ్రీశైలం టెంపుల్‌: శ్రీశైల దేవస్ధానం నిర్వహిస్తున్న నిత్య అన్నదాన పథకానికి సోమవారం ఏలూరుకు చెందిన స్వయంప్రకాశం కార్తిక్‌ రూ.2,50,000 విరాళాన్ని దేవస్థాన ఏఈఓ ఫణిధర్‌ ప్రసాద్‌కి అందజేశారు. దాతకు దేవస్థానం తరపున స్వామి వారి శేష వస్త్రాన్ని, లడ్డూ ప్రసాదాలను, జ్ఞాపికను అందజేసి సత్కరించారు.

● అక్టోబర్‌ 15న కంకణాధారణ ● 21న మాళ మల్లేశ్వరస్వామి కల్యాణోత్సవం, ‘బన్ని’ ఉత్సవం హొళగుంద: రాష్ట్రంలోనే ప్రత్యేకతను సంతరించుకున్న దేవరగట్టు శ్రీమాళ మల్లేశ్వరస్వామి దసరా బన్ని ఉత్సవాలకు సంబంధించి సోమవారం నెరణికి గ్రామంలో పురోహితులు ముహూర్తం ఖరారు చేశారు. ఇందుకు సంబంధించి ఉత్సవాల ఆహ్వాన ప్రతిని దేవరగట్టు ఆలయ కమిటీ ఆధ్వర్యంలో నెరణికి, నెరణికి తండా, కొత్తపేట గ్రామపెద్దల సమక్షంలో పురోహితులు రవిశాస్త్రి విడుదల చేశారు. త్వరలోనే కరపత్రాలను ముద్రించి అన్ని ప్రాంతాలకు పంపిణీ చేయనున్నట్లు దేవరగట్టు ఆలయ భక్త మండలి సభ్యులు తెలిపారు. బన్ని ఉత్సవ వివరాలివీ.. ● అక్టోబర్‌ 15వ తేదీ గురువారం దేవరగట్టులో మాత మాళమ్మ మల్లేశ్వరునికి కంకణధారణ, నిశ్చితార్థం. ● అక్టోబర్‌ 21వ తేదీ బుధవారం విజయదశమి రోజున కల్యాణోత్సవం, బన్ని, జైత్రయాత్ర ● 22వ తేది గురువారం భవిష్యవాణి(దైవవాణి) ● 23న శుక్రవారం సాయంత్రం స్వామివారి రథోత్సవం. ● 24న శనివారం గొరవయ్యల ఆటలు, గొలుసు తెంపుట, సాయంత్రం దేవదాసీల క్రీడోత్సవం. ● 25వ తేది ఆదివారం మాళమల్లేశ్వర స్వామి విగ్రహాలు నెరణికి గ్రామానికి చేరడంతో ఉత్సవాలు ముగుస్తాయి.

● రాంబొట్ల దేవాలయం వద్ద ఉదయం 9 గంటలకు నిమజ్జనోత్సవ మొదటి ఊరేగింపు ప్రారంభమవుతుంది. ● మధ్యాహ్నం 12 గంటకు హనుమాన్‌ జంక్షన్‌ వద్ద రెండో ఊరేగింపు, 2 గంటలకు కల్లూరు చౌరస్తా వద్ద మూడో ఊరేగింపు, అదే సమయానికి నంద్యాల చెక్‌ పోస్టు వద్ద నాలుగో ఊరేగింపు ప్రారంభమవుతుంది. ● వినాయక్‌ ఘాట్‌లో మధ్యాహ్నం 12.30 గంటల నుంచి సాంస్కృతిక కార్యక్రమాలు ప్రారంభం అవుతాయి. ● మధ్యాహ్నం ఒంటి గంటకు వినాయక ఘాట్‌లో నిమజ్జనం ప్రారంభమవుతుంది. ● వినాయక ఉత్సవాల సందేశాన్ని ఆంధ్రప్రదేశ్‌ గణేష్‌ ఉత్సవ సమితి రాష్ట్ర ప్రధాన కార్యదర్శి పాకాల త్రినాథ్‌ ఇస్తారు. ● గణేశ్‌ మహోత్సవ కేంద్ర సమితి నగర అధ్యక్షులు ఎస్‌.రంగస్వామి, ప్రధాన కార్యదర్శి ిసీవీ గిరిరాజ వర్మ, జిల్లా సంఘట కార్యదర్శి రాజేశ్‌ శర్మ కార్యక్రమాన్ని పర్యవేక్షించనున్నారు.

● జిల్లా జాయింట్‌ కలెక్టర్‌ నూరుల్‌ ఖమర్‌కర్నూలు(సెంట్రల్‌): తన రచనలతో గురజాడ అప్పారావు సమాజానికి వెలుగుజాడ చూపారని జిల్లా జాయింట్‌ కలెక్టర్‌ నూరుల్‌ ఖమర్‌ పేర్కొన్నారు. సోమవారం కలెక్టరేట్‌లోని సునయన ఆడిటోరియంలో మహాకవి జయంతిని నిర్వహించారు. ఈ సందర్భంగా జిల్లా జేసీ మాట్లాడుతూ.. గురజాడ అప్పారావు 1862 సెప్టెంబర్‌ 21న జన్మించారన్నారు. తెలుగు సాహిత్యంలో వాడుక భాషను ప్రవేశపెట్టి, సాహిత్యాన్ని సామాన్య ప్రజలకు మరింత చేరువ చేశారన్నారు. తెలుగు నాటక సాహిత్యంలో కన్యాశుల్కం విశిష్ట స్థానాన్ని సంపాదించుకుందన్నారు. దేశమును ప్రేమించుమన్నా వంటి రచనలు ప్రజల్లో దేశభక్తి, సమాజంపై బాధ్యతాభావాన్ని పెంపొందించాయన్నారు. తెలుగు భాషా సాహిత్యానికి ఆయన అందించిన సేవలను స్మరించుకోవాలన్నారు. ఆయన రచనల్లోని సామాజిక సందేశాలను ఆచరించాల్సిన అవసరం ఉందని జాయింట్‌ కలెక్టర్‌ పేర్కొన్నారు. కార్యక్రమంలో స్పెషల్‌ డిప్యూటీ కలెక్టర్లు అనురాధ, శివప్రసాద్‌ రెడ్డి, సీపీవో భారతి, డీఈవో జి. సుధాకర్‌ , సమగ్ర శిక్ష అభియాన్‌ ప్రాజెక్ట్‌ డైరెక్టర్‌ డాక్టర్‌ లోకరాజు, సాంఘిక సంక్షేమ శాఖ అధికారి రాధికా, నైపుణ్యాభివృద్ధి, అధికారి దీప్తి, డి.ఎస్‌.డి.వో భూపతి రావు పాల్గొన్నారు.

ఉపాధి పనులు చేస్తున్న కూలీలు (ఫైల్‌)కర్నూలు(అగ్రికల్చర్‌): మహాత్మాగాంధీ జాతీయ గ్రామీణ ఉపాధి హామీ పథకం స్థానంలో వచ్చిన వీబీ జీ రామ్‌జీ కింద చేపట్టే ఉపాధి పనుల్లో అక్రమాలు ఉండవనే అభిప్రాయం మొదట్లో ఉండింది. అయితే అందరి అంచనాలను తలకిందులు చేస్తూ ఎన్‌ఆర్‌ఈజీఎస్‌తో పోలిస్తే వీబీ జీ రామ్‌జీలో అక్రమాలు వెల్లువెత్తుతున్నాయి. బెంగళూరు, హైదరాబాద్‌, ముంబై నగరాల్లో సాఫ్ట్‌వేర్‌ ఇంజినీర్లుగా, ఇతర ప్రయివేటు ఉద్యోగాలు చేస్తున్న అనేక మంది నిత్యం సొంత గ్రామాల్లో ఉపాధి పనులకు హాజరవుతున్నట్లు మస్టర్‌లు వేస్తున్నారు. ఏనాడు ఉపాధి పనుల వైపు కన్నెత్తి చూడని చిన్నారులు సైతం నిత్యం ఉపాధి పనులకు వస్తున్నట్లు మస్టర్లు వేస్తున్నారు. ముఖ గుర్తింపునకు ఫొటోలు అప్‌లోడ్‌ చేస్తున్నారు. ఇలాంటి అక్రమాలు ఒక్క మండలమో.. రెండు మండలాల్లో కాదు.. ఉమ్మడి కర్నూలు జిల్లా వ్యాప్తంగా ఇలాంటి బాగోతాలే. అక్రమాల్లో టీడీపీ నేతలతో పాటు ఫీల్డ్‌ అసిస్టెంట్లు, టీఏలు, ఈసీలు, ఏపీవో, ఏపీడీల వరకు వాటాలు ఉంటున్నాయనే చర్చ జరుగుతోంది. ఉపాధిలో జరిగే అక్రమాలపై తుగ్గలికి చెందిన ఓ యువకుడు ఆధారాలతో సహా ముఖ్యమంత్రి కార్యాలయానికి ఫిర్యాదు చేశాడు. దీంతో అతనిపై దాడి చేయడంతో పాటు ఎస్సీ, ఎస్టీ కేసు బనాయించడానికి అక్రమార్కులు రంగం సిద్ధం చేసినట్లు తెలుస్తోంది. దీంతో బాధిత యువకుడు తనకు ప్రాణహాని ఉందని, తగిన రక్షణ కల్పించాలని జిల్లా ఎస్పీని సైతం కోరటం గమనార్హం. విద్యార్థులు సైతం ఉపాధి కూలీలే.. పాఠశాల్లో చదివే విద్యార్థులు, వివిధ నగరాల్లో పనులు చేసుకుంటున్న వారు సైతం ఉపాధి పనులకు వస్తున్నట్లు మస్టరు వేస్తున్నారు. ముందే మేట్లు, ఫీల్డ్‌ అసిస్టెంట్లు తమ మొబైల్‌ ఫోన్లలో పెట్టుకున్న వందలాది వీడియోల నుంచి ఫొటోలు తీసి ఎన్‌ఎంఎంఎస్‌ యాప్‌లో అప్‌లోడ్‌ చేస్తున్నారు. పది మంది ఉపాధి పనులకు వస్తే 50 మందికి మస్టర్లు వేస్తుండటం ఉమ్మడి జిల్లాలోని అన్ని మండలాల్లో జరుగుతోంది. పశువుల షెడ్లు మంజూరుకు, బిల్లులు చేయడానికి ముడుపులే... వీబీజీ రామ్‌ జీ నిధులతో పశువుల షెడ్లు నిర్మిస్తున్నారు. 2026–27లో కర్నూలు జిల్లాలో 1,078, నంద్యాల జిల్లాలో 1,094 పశువుల షెడ్లు మంజూరయ్యాయి. టీడీపీ నేతల నుంచి వచ్చిన సిఫార్సులకు ఉపాధి సిబ్బంది ఎస్టిమేట్‌ జనరేట్‌ చేసి జిల్లా డ్వామా కార్యాలయానికి పంపుతారు. ఎస్టిమేట్‌లు వేయడానికే ఉపాధి సిబ్బంది రూ.10 వేల నుంచి రూ.15 వేల వరకు ముడుపులు వసూలు చేస్తుండటం గమనార్హం. 2025–26లో మంజూరైన పశువుల షెడ్లకు బిల్లులు అప్‌లోడ్‌ చేయడానికి ఉపాధి సిబ్బంది రూ.25 వేల వరకు డిమాండ్‌ చేస్తుండటం పట్ల సర్వత్రా ఆందోళన వ్యక్తమవుతోంది. ఇక తమకేమి మిగులుతుందని రైతులు గగ్గోలు పెడుతున్నారు. ఈసీ, ఏపీఓ ఒక్కరే.. మంత్రాలయం నియోజకవర్గంలోని ఓ మండలంలో ఈసీ, ఏపీవో ఒక్కరే. ఈసీనే ఏపీవోగా ఇన్‌చార్జ్‌ బాధ్యతలు నిర్వహిస్తున్నారు. ఆయన ఎక్కడ పనిచేసినా రెండు పోస్టుల్లో కొనసాగుతుండటం ఆశ్చర్యం కలిగిస్తోంది. వాస్తవానికి ఈయన ఈసీ. అయితే తెలుగుదేశం పార్టీలో తనకున్న పలుకుబడిని ఉపయోగించుకొని ఏపీవోగా ఎవ్వరూ రాకుండా చేసుకొని రెండు పోస్టుల్లోనూ కొనసాగుతున్నారు. ఈయన అవినీతి, అక్రమాల బాగోతం జిల్లా నీటియాజమాన్య సంస్థలో చర్చనీయాంశమవుతోంది. విద్యార్థులు, ఉద్యోగులకు సొంత గ్రామాల్లో మస్టర్లు 60 శాతం పంచాయతీల్లో ఊసేలేని ఉపాధి పనులు తుగ్గలిలో విద్యార్థులకు సైతం బోగస్‌ మస్టర్లు ప్రతీ వారం ముడుపులిస్తేనే పనులు టీడీపీ నేతల అండతో ఉపాధి సిబ్బంది దందాతుగ్గలి గ్రామానికి చెందిన ఈడిగ పుష్పశ్రీ 7వ తరగతి, ఈ బాలిక అక్క 10వ తరగతి పత్తికొండలోని సెయింట్‌ జోసఫ్‌ స్కూల్‌లో చదువుతున్నారు. అయితే పుష్పశ్రీకి 21 ఏళ్లు, జయశ్రీకి 22 ఏళ్ల వయస్సుతో 2025 సెప్టెంబర్‌ 30న జాబ్‌ కార్డులో పేర్లు రిజిస్టర్‌ చేశారు. వీరిద్దరూ గత నెల 3 నుంచి 9వ తేదీ వరకు, 20 నుంచి 26వ తేదీ వరకు, 31 నుంచి ఈ నెల 6వ తేదీ వరకు 21 రోజులు పాధి పనులకు హాజరైనట్లు మస్టర్‌ వేశారు. ఇంటి దగ్గర ఈ బాలికల వీడియోలు తీసుకొని ఫొటో తీసి ఎన్‌ఎంఎంఎస్‌ యాప్‌లో అప్‌లోడ్‌ చేస్తున్నారు. ఈ పని దినాలకు వచ్చిన డబ్బును ఉపాధి సిబ్బంది సొమ్ము చేసుకుంటున్నారు. టీడీపీ నేతలకు భాగం ఉండటంతో ఈ బాగోతం సాగిపోతోంది. తుగ్గలి గ్రామానికి చెందిన పఠాన్‌ హర్షద్‌ ఖాన్‌ బెంగళూరులో ప్రయివేటు ఉద్యోగం చేస్తున్నాడు. మహబూబ్‌ సుభాన్‌ అనే వ్యక్తి బెంగళూరులోనే సాఫ్ట్‌వేర్‌ ఇంజినీర్‌. వీరిద్దరూ అక్కడే ఉంటున్నారు. అయితే వీరిద్దరూ ఆగస్టు 8 నుంచి ఈ నెల 13వ తేదీ వరకు ఉపాధి పనులకు హాజరైనట్లు లెక్కలు చూపడం ఆశ్చర్యకరం. ఆ సమయంలో వీరు స్థానికంగా లేకపోవడం గమనార్హం.గత జూన్‌ 15 నుంచి వర్షాలే లేవు. ఇటు కర్నూలు, అటు నంద్యాల జిల్లాల్లో వర్షాధారం కింద సాగు చేసిన పంటలన్నీ పూర్తిగా ఎండిపోయాయి. వ్యవసాయ పనులు జీరో కావడంతో ఉపాధి కోసం వ్యవసాయ కూలీలు, సన్న, చిన్న, మధ్య కారు రైతులు దిక్కులు చూస్తున్నారు. ఈ సమయంలో ఉపాధి పనులు అత్యవసరం. అయితే ఈ పరిస్థితిని టీడీపీ నేతలు, ఉపాధి అధికారులు సొమ్ము చేసుకుంటున్నారనే విమర్శలు వెల్లువెత్తుతున్నాయి. వారానికి ఇంత చొప్పున డబ్బులు ఇస్తేనే ఉపాధి పనులు పెట్టుకో, లేదంటే మేం సహకరించేది లేదని తెల్చి చెబుతున్నారు. మేట్‌, సీనియర్‌ మేట్‌ ప్రతి లాగిన్‌కు ముడుపులు ఇచ్చుకోవాల్సిందే. ఫలితంగా మేట్‌లు, ఫీల్డ్‌ అసిస్టెంట్లు అడ్డగోలుగా బోగస్‌ మస్టర్లు వేసేందుకు తెగబడుతున్నట్లు తెలుస్తోంది. కర్నూలు జిల్లాలో 26,965, నంద్యాల జిల్లాలో 23,455 మంది ఊపాధి పనులకు హాజరైనట్లు తెలుస్తోంది. అయితే 75 శాతం పంచాయతీల్లో పనుల ఊసే లేదు. కౌతాళం మండలంలోని ఒక్క పంచాయతీలో కూడా పనులు లేకపోవడం ఆందోళన కలిగించే విషయం. ఈ కారణంగా పశ్చిమప్రాంతం నుంచి వలసలు ఊపందుకున్నాయి. నంద్యాల జిల్లా డోన్‌ నియోజకవర్గం నుంచి కూడా వలసలు పెద్ద ఎత్తున ఉండటం ఆందోళన కలిగిస్తోంది.

కర్నూలు(అగ్రికల్చర్‌): జిల్లాలో శనివారం ఆర్ధరాత్రి నుంచి ఆదివారం ఉదయం వరకు ఒక మోస్తరు వర్షం కురిసింది. ఇప్పటికే ఖరీఫ్‌ పంటలు పూర్తిగా దెబ్బతిన్నందున కోలుకునే అవకాశం లేదు. అత్యధికంగా కృష్ణగిరిలో 54.2 మి.మీ., అత్యల్పంగా ఓర్వకల్లు 4.2 మి.మీ. వర్షపాతం నమోదైంది. జిల్లా మొత్తం మీద సగటున 18.1 మి.మీ. వర్షం కురిసింది. ఆస్పరిలో 50, వెల్దుర్తిలో 45.6, మద్దికెరలో 36.4, కోడుమూరులో 32.4, ఎమ్మిగనూరులో 25.4, పత్తికొండలో 25.4, ఆదోని–1లో 24.2, నందవరంలో 23.8, మంత్రాలయంలో 18.4 మి.మీ. ప్రకారం వర్షపాతం నమోదైంది. మిగిలిన మండలాల్లో తేలికపాటి నుంచి ఒక మోస్తరు వర్షాలు కురిశాయి. రానున్న మూడు రోజుల్లో అక్కడక్కడ తేలికపాటి నుంచి ఒక మోస్తరు వర్షాలు కురిసే అవకాశం ఉన్నట్లు వాతావరణ శాఖ అధికారులు తెలిపారు. క్వింటా వేరుశనగ రూ.9,240 ఎమ్మిగనూరుటౌన్‌: స్థానిక వ్యవసాయ మార్కెట్‌లో ఆదివారం క్వింటా వేరుశనగకు గరిష్టంగా రూ.9,240 ధర పలికింది. మార్కెట్‌కు 428 క్వింటాళ్ల దిగుబడులను రైతులు విక్రయానికి తెచ్చారు. క్వింటాకు కనిష్ట ధర రూ.5,009, మధ్యస్థ ధర రూ.8,459 ప్రకారం లభించిందని మార్కెట్‌ యార్డ్‌ ప్రత్యేక శ్రేణి కార్యదర్శి పి.కల్పన తెలిపారు. ఆముదాలు 50 క్వింటాళ్లు విక్రయానికి రాగా క్వింటాకు గరిష్ట ధర రూ.7,140 లభించిందని పేర్కొన్నారు. భిక్షాటనతో నిరసన కర్నూలు(హాస్పిటల్‌): ఆరోగ్యశాఖలో పనిచేసే కాంట్రాక్టు పారామెడికల్‌ ఉద్యోగులు ఆదివారం చేతుల్లో ఖాళీ పాత్రలు పట్టుకుని భిక్షాటన చేస్తూ తమ నిరసన తెలిపారు. కర్నూలులోని స్టేట్‌ క్యాన్సర్‌ ఇన్‌స్టిట్యూట్‌ వద్ద ఈ కార్యక్రమాన్ని నిర్వహించారు. ఈ సందర్భంగా జేఏసీ నాయకులు మాట్లాడుతూ.. శాంతియుత నిరసన కార్యక్రమంలో భాగంగా రాష్ట్ర జేఏసీ నిర్ణయం మేరకు మధ్యాహ్న భోజన విరామ సమయంలో భిక్షాటన కార్యక్రమాన్ని చేపట్టినట్లు తెలిపారు. కాంట్రాక్ట్‌ స్టాఫ్‌ నర్సులను, పారామెడికల్‌ ఉద్యోగులను రెగ్యులర్‌ చేయాలన్నారు. ఉద్యోగ భద్రత కల్పించాలని కోరారు. సాధారణ బదిలీ సౌకర్యం కల్పించాలని, ఉద్యోగి మరణిస్తే కుటుంబంలో ఒకరికి ఉద్యోగం ఇవ్వాలని డిమాండ్‌ చేశారు. జేఏసీ అధ్యక్షులు శ్రీదేవి, నళిని, పుష్ప, నీలిమ తదితరులు పాల్గొన్నారు. మల్లన్నకు నృత్య నివేదన శ్రీశైలంటెంపుల్‌: శ్రీశైల దేవస్థానం నిర్వహిస్తున్న ధర్మపథం కార్యక్రమంలో భాగంగా ఆదివారం ఆలయ దక్షిణ మాఢవీధిలోని నిత్యకళావేదికపై హైదరాబాద్‌కు చెందిన ఎం.లావణ్య, బృందం వారి సంప్రదాయ నృత్యప్రదర్శన భక్తులను ఆకట్టుకుంది. గణపతికౌత్వం, నమశ్శివాయ, హర హర శంభో, మూషికవాహన, తాండవనృత్యం, అఖిలాండేశ్వరి, శంభో శివశంభో తదితర గీతాలకు అక్షర, అక్షిత, నిత్యశ్రీ, వేదాంశిక, సహస్ర, నక్షత్ర, పవిత్ర తదితరులు నృత్యం ప్రదర్శించారు.

కోడుమూరు రూరల్‌: కోడుమూరులో శనివారం అర్ధరాత్రి దాటిన తర్వాత దొంగ హల్‌ చల్‌ చేశాడు. పట్టణంలోని ఓ మద్యం షాపు, మెడికల్‌ షాపునకు సంబంధించిన షట్టర్లను గడ్డపారతో ఎత్తి చోరీకి పాల్పడ్డాడు. వివరాల్లోకి వెళితే.. పట్టణంలోని ఎమ్మిగనూరు రోడ్డులో గల మల్లికార్జున వైన్‌ షాపు షట్టర్‌ను గడ్డపారతో మెండి గుర్తు తెలియని దుండగుడు లోపలికి చొరబడ్డాడు. అక్కడ రూ.16వేల నగదుతో పాటు, మూడు మద్యం బాటిళ్లను ఎత్తుకెళ్లాడు. అలాగే పట్టణంలోని ఓ మెడికల్‌ దుకాణంలో చొరబడేందుకు ప్రయత్నించగా షటర్‌ తెరుచుకోలేదు. అనంతరం ప్రభుత్వాసుపత్రి వద్ద ఉన్న మెడికల్‌ షాపులోకి చొరబడి రూ.10వేలకు పైగా నగదును ఎత్తుకెళ్లాడు. బాధితుల ద్వారా ఆదివారం ఉదయం విషయం తెలుసుకున్న పోలీసులు ఆయా దుకాణాలను పరిశీలించారు. మద్యం దుకాణంలో సీసీటీవీ పుటేజీని పరిశీలించి దొంగను పట్టుకునేందుకు గాలింపు చర్యలు చేపట్టారు.కాగా పట్టణంలో ఒకే రోజు రెండు దుకాణాల్లో చోరీకి పాల్పడడంతో పాటు మరో దుకాణంలో దుండగుడు చోరీకి యత్నించడంతో కోడుమూరులో వివిధ రకాల వ్యాపారాలు చేసుకునే వారు తీవ్ర ఆందోళన చెందుతున్నారు.

టీవీ, మొబైల్‌, కంప్యూటర్‌ చూడటం వంటి స్క్రీనింగ్‌ సమయాన్ని తగ్గించుకుని, మెదడుకు నిరంతరం మేత వేసే ఫజిల్స్‌, పుస్తక పఠనం, కొత్త నైపుణ్యాలు నేర్చుకోవడం ద్వారా యువత భవిష్యత్‌లో ఈ ముప్పు బారిన పడకుండా జాగ్రత్త పడవచ్చు. చికిత్స కంటే నివారణే ఎల్లప్పుడూ ఉత్తమం. మతిమరుపు సంకేతాలు కనిపించిన వెంటనే వైద్యులను సంప్రదించాలి. – ఎం.యతిరాజు, అసిస్టెంట్‌ ప్రొఫెసర్‌, మానసిక వ్యాధుల విభాగం, జీజీహెచ్‌, కర్నూలు మతిమరుపు పెరుగుతున్నప్పుడు సాధారణమైన విషయంగా భావించి ఆలస్యం చేయకుండా నిపుణుల సలహా తీసుకోవాలి. రోగి అర్థం చేసుకునే విధంగా కుటుంబసభ్యులు సహకరించడం, ఓర్పుతో వ్యవహరించడం, వైద్యుల సూచనలను పాటించడం చాలా ముఖ్యం. జ్ఞాపకశక్తి మార్పులతో పాటు ఆలోచనా విధానం, ప్రవర్తన, రోజువారీ కార్యకలాపాల్లో మార్పులు కనిపిస్తే వెంటనే వైద్యులను సంప్రదించి చికిత్స చేయించుకోవాలి. –డాక్టర్‌ ఎం.నాగసురేష్‌, న్యూరోఫిజిషియన్‌, కర్నూలుఅల్జీమర్స్‌ వ్యాధిని ప్రారంభదశలోనే గుర్తించడం వల్ల రోగికి అవసరమైన చికిత్స, భవిష్యత్‌ సంరక్షణను ముందుగానే ప్రణాళిక చేసుకునే అవకాశం ఉంటుంది. ఇటీవల కాలంలో ఎంపిక చేసిన ప్రారంభ దశ అల్జీమర్స్‌ రోగుల్లో అమీలాయిడ్‌ను లక్ష్యంగా చేసుకునే చికిత్సలు కూడా అందుబాటులోకి వచ్చాయి. – డాక్టర్‌ చల్లేపల్లి బాబూరావు, న్యూరాలజిస్టు, కర్నూలు

రుద్రవరం: ఆర్‌.కొత్తూరు గ్రామానికి చెందిన బండారు దస్తగిరి కుమారుడు గౌతమ్‌(12) ఆదివారం విద్యుదాఘాతంతో మృతి చెందాడు. గ్రామస్తులు తెలిపిన వివరాల మేరకు.. ఆదివారం ఉదయం గ్రామంలో మోస్తరు వర్షం కురిసింది. వర్షానికి నేల కాస్త బురదగా మారింది. దస్తగిరి తన ఇంటి బయట ప్రాంగణం చుట్టూ ఇనుప తీగతో ఫెన్సింగ్‌లా ఏర్పాటు చేసుకున్నారు. విద్యుత్‌ సరఫరాకు సంబంధించిన ఓ తీగ ఫెన్సింగ్‌ తాకడంతో విద్యుత్‌ సరఫరా అయ్యింది. గౌతమ్‌ తీగను గమనించకుండా ఫెన్సింగ్‌ తీగను పట్టుకోవడంతో విద్యుదాఘాతానికి గురై మృతి చెందాడు. బాలుడి మృతితో కుటుంబీకులు కన్నీరుమున్నీరుగా విలపించారు. విషయం తెలుసుకున్న వైఎస్సార్‌సీపీ రాష్ట్ర సంయుక్త కార్యదర్శి గంధం వీర రాఘవరెడ్డి బాలుడి మృతదేహాన్ని సందర్శించి నివాళులర్పించి, కుటుంబీకులను పరామర్శించారు. పొలంలోనే కుప్పకూలిన రైతు కొలిమిగుండ్ల: పంట పొలంలోనే ఓ రైతు గుండె పోటుతో కుప్పకూలిపోయాడు. ఈవిషాదకర సంఘటన ఆదివారం బి.ఉప్పులూరు గ్రామంలో చోటు చేసుకుంది. గ్రామానికి చెందిన రైతు కుమ్మరి నాగన్న(68) నాలుగు ఎకరాల పొలంలో మిరప సాగు చేశాడు. తెల్లవారు జామున వర్షం కురవడంతో పంటలో నీళ్లు నిల్వ ఉన్నాయని వాటిని బయటకు పంపించేందుకు భార్య ఎల్లమ్మ, కోడలు భూలక్ష్మితో కలిసి వెళ్లాడు. పని చేస్తుండగానే ఒక్క సారిగా అస్వస్థతకు గురై గుండెపోటు రావడంతో అక్కడికక్కడే మృత్యువాత పడ్డాడు. కళ్ల ముందే భర్త మృతితో భార్య శోకసంద్రంలో మునిగిపోయింది. కరోనాలో కుమారుడు సుబ్రమణ్యం మృతి చెందగా ఇద్దరు మనవళ్లను వ్యవసాయం చేస్తూ చదివిస్తున్నాడు. ఇప్పుడు అతను కూడా మృతి చెందడంతో కుటుంబం విషాదంలో మునిగిపోయింది.

ఆదోని: తిరులమల తిరుపతి దేవస్థానం లడ్డూ తయారీలో కల్తీ జరిగిందంటూ చంద్రబాబు, పవన్‌కళ్యాణ్‌, కూటమి నేతలు చేసిన ప్రచారం కల్పితమని తేలిపోయిందని మాజీ ఎమ్మెల్యే, వైఎస్సార్‌సీపీ నియోజకవర్గ సమన్వయకర్త సాయిప్రసాద్‌ రెడ్డి అన్నారు. ఆదివారం ఆయన మాట్లాడుతూ భక్తుల మనోభావాలను దెబ్బతీసేలా ప్రచారం చేసిన ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్‌కల్యాణ్‌లకు సీబీఐ ఆధ్వర్యంలో సిట్‌ విచారణ చేసి ఇచ్చిన నివేదిక చెంపపెట్టు లాంటిదన్నారు. పవిత్ర తిరుమల ప్రసాదాన్ని నిజంగా అపవిత్రం చేసింది కూటమి పాలకులేనని దుయ్యబట్టారు. జంతుకొవ్వు, చేప నూనె కలిసిందని పవన్‌కళ్యాణ్‌ వ్యాఖ్యానిస్తే, బాధ్యతయుతమైన స్థానంలో ఉన్న చంద్రబాబు బాత్‌రూమ్‌కు వినియోగించే యాసిడ్‌ను లడ్డూ తయారీకి వినియోగించారని మరింత దిగజారి మాట్లాడి భక్తుల మనోభావాలను దెబ్బతీశారన్నారు. తిరస్కరించిన నెయ్యిని కొనుగోలు చేసిన కూటమి వైఎస్సార్‌సీపీ ప్రభుత్వంలో తిరస్కరించిన నెయ్యిని 2024లో కూటమి ప్రభుత్వం అధికారంలోకి రాగానే కొనుగోలు చేసిన విషయాన్ని ప్రజలు గ్రహించాలని మాజీ ఎమ్మెల్యే సాయి అన్నారు. ఇదే విషయం సీబీఐ ఆధ్వర్యంలోని సిట్‌ నిగ్గు తేల్చిందన్నారు. ప్రజలకు అసలు దోషులెవరో అర్థమైందని చెప్పారు. వేంకటేశ్వర స్వామి దయ వల్ల కల్తీ జరగలేదని తేటతెల్లమైందన్నారు. అసత్య ప్రచారాలను కూటమి నేతలు ఎలా సమర్థించుకుంటారని ప్రశ్నించారు. లేనిపోని అపోహలు సృష్టించి రాద్దాంతం చేసిన ఈ వ్యవహారంపై చంద్రబాబు, పవన్‌ భక్తులకు క్షమాపణ చెప్పాలని డిమాండ్‌ చేశారు.

కర్నూలు(హాస్పిటల్‌): అల్జీమర్స్‌ సాధారణంగా 65 సంవత్సరాలు పైబడిన వారిలో ఎక్కువగా కనిపిస్తుంది. అయితే ఇటీవల 65 ఏళ్లలోపు వారు కూడా ఈ వ్యాధి బారిన పడుతున్నారు. ఇది మనిషి ఆలోచనా విధానం, ప్రవర్తనపై ప్రభావం చూపుతుంది. ఈ వ్యాధితో బాధపడే వారిలో మొదట చైనా, తర్వాత అమెరికా, మూడవ స్థానంలో మన దేశం ఉంది. పురుషుల్లో కంటే సీ్త్రలలోనే ఎక్కువగా ఇది కనిపిస్తుంది. కర్నూలు ప్రభుత్వ సర్వజన వైద్యశాలలోని మానసిక విభాగంతో పాటు ప్రైవేటు వైద్యుల వద్దకు మానసిక వ్యాధులతో చికిత్సకు వచ్చే వారిలో 10 శాతానికి పైగా అల్జీమర్స్‌తో బాధపడే వారు ఉంటున్నట్లు వైద్యులు చెబుతున్నా రు. సాధారణంగా ఈ వ్యాధితో బాధపడే వారు ఆసుపత్రిలో చేరాల్సిన అవసరం ఉండదు. ఓపీలో మందులు ఇచ్చి, అవసరమైన కౌన్సిలింగ్‌ ఇచ్చి పంపిస్తారు. చాలా కొద్దిమందికి మాత్ర మే అడ్మిషన్‌ అవసరమవుతుంది. అల్జీమర్స్‌కు కారణాలు మెదడులోని నాడీ కణాలలో అమిలాయిడ్‌ బీటా పైప్టెడ్స్‌ పేరుకుపోవడం, ఇతర నాడీ సంబంధి త మార్పుల వల్ల క్రమంగా నాడీ కణాల పని తీరు దెబ్బతిని వ్యాధి లక్షణాలు ప్రారంభమవుతాయి. అధిక రక్తపోటు, డయాబెటీస్‌, అధిక కొలెస్ట్రాల్‌, పొగాకు అలవాటు, ఊబకాయం, గుండె సంబంధిత సమస్యలు, బ్రెయిన్‌ స్ట్రోక్‌ వంటి అంశాలు డిమెన్షియా ప్రమాదాన్ని పెంచే అంశాలుగా ఉండవచ్చు. జన్యుపర కారణాలు కూడా కొందరిలో పాత్ర పోషిస్తాయి. కొన్ని రకాల మందులు, నిద్రమాత్రలు, యాంటి కోలినర్జిక్‌ ప్రభావం ఉన్న కొన్ని మందులు, జ్ఞాపకశక్తిపై ప్రభావం చూపుతాయి. వైద్యుల సలహా లేకుండా దీర్ఘకాలం మందులు వాడకూడదు. వ్యాధి లక్షణాలు వ్యాధి ప్రారంభ దశలో బాగా తెలిసిన ప్రాంతాలు లేదా తెలిసిన పదాలను మరిచిపోవడం, వస్తువులను పోగొట్టుకోవడం లేదా తప్పుగా పెట్టడం, ఇటీవల కలుసుకున్న వారిని కూడా మరిచిపోవడం వంటి లక్షణాలు కనిపిస్తాయి. జబ్బు తీవ్రత పెరిగే కొద్దీ అప్పుడే జరిగిన సంఘటనలు లేదా వ్యక్తిగత వివరాలు మరిచిపోవడం, గందరగోళానికి గురికావడం, కుటుంబసభ్యులు, బంధువుల ముఖాలను గుర్తించడంలో ఇబ్బంది కలగవచ్చు. మరింత తీవ్రమైన దశలో మూత్ర నియంత్రణ కోల్పోవడం, సాధారణ సంభాషణలకు ప్రతి స్పందించడం తగ్గిపోవడం, రోజువారీ జీవితం కోసం ఇతరులపై పూర్తిగా ఆధారపడాల్సిన పరిస్థితి వస్తుంది. డిజిటల్‌ పరికరాలతో మెదడుకు చేటు ఆధునిక జీవనశైలిలో సాంకేతికతపై మితిమీరి ఆధారపడటం మెదడు సహజ పనితీరును మందగింజేస్తోంది. చిన్న లెక్కలకూ కాలిక్యులేటర్లు, గుర్తుంచుకోవాల్సిన విషయాలకు డిజిటల్‌ రిమైండర్లు వాడటం వల్ల నాడీ వ్యవస్థకు సరైన వ్యాయామం అందడం లేదు. ఫలితంగా జ్ఞాపకశక్తి, ఆలోచనా సామర్థ్యం క్రమంగా క్షీణించిపోతుంది. ఒకప్పుడు వృద్ధాప్యంలో మాత్రమే కనిపించే డిమెన్షియా(మతిమరుపు) నేడు మధ్యవయస్సు వారిలోనూ వేగంగా విస్తరిస్తోంది. కచ్చితంగా మెదడును వాడకపోవడమే గాకుండా డిమెన్షియా, జ్ఞాపకశక్తి క్షీణతకు వయస్సు, జన్యుపరమైన, శారీరక, జీవనశైలి కారకాలు కూడా ప్రధాన కారణాలుగా ఉంటున్నాయి. అల్జీమర్స్‌ ఒక ముఖ్యమైన మతిమరుపు వ్యాధి. అయితే చాలా మంది ఇది సహజమేనని నిర్లక్ష్యం చేస్తుంటారు. అయితే ఇది రోజువారీ జీవితాన్ని ప్రభావితం చేస్తుంది. ఇంట్లో ఈ వ్యాధితో బాధపడే వారు ఒకరుంటే చాలు ఆ కుటుంబం మొత్తం పడే ఇబ్బందులు అన్నీ ఇన్నీ కావు. ఒంట్లో సత్తువ క్షీణించి, జ్ఞాపకశక్తి నశించిన ఇలాంటి వారిని అనుక్షణం కంటికి రెప్పలా కాపాడుకోవాల్సి ఉంటుంది. ఈ నెల 21వ తేదీన ప్రపంచ అల్జీమర్స్‌ డే సందర్భంగా ప్రత్యేక కథనం. పెరుగుతున్న అల్జీమర్స్‌ బాధితుల సంఖ్య వయసు పెరిగే కొద్దీ బాధితుల సంఖ్య రెట్టింపు జిల్లాలో ఐదు నుంచి 15 శాతం మంది వృద్ధుల్లో సమస్య మందులకు లొంగని మహమ్మారి నేడు ప్రపంచ అల్జీమర్స్‌ దినోత్సవం

కర్నూలు(అగ్రికల్చర్‌): డయల్‌ యువర్‌ ఏపీఎస్‌పీడీసీఎల్‌ సీఎండీ కార్యక్రమాన్ని సోమవారం ఉదయం 10 నుంచి మధ్యాహ్నం 12.30 గంటల వరకు నిర్వహిస్తున్నట్లు కర్నూలు సర్కిల్‌ ఎస్‌ఈ ఆర్‌.ప్రదీప్‌కుమార్‌ ఆదివారం ఒక ప్రకటనలో తెలిపారు. వినియోగదారులు 8977716661 నంబరుకు ఫోన్‌ చేయవచ్చని పేర్కొన్నారు. కర్నూలు కొత్తబస్టాండు సమీపంలో ఉన్న విద్యుత్‌ భవన్‌లో డయల్‌ యువర్‌ ఎస్‌ఈ కార్యక్రమాన్ని సోమవారం నిర్వహిస్తున్నట్లు ఆయన తెలిపారు. వినియోగదారులు ఉదయం 8.30 గంటల నుంచి 9.30 గంటల వరకు 7382614308 నంబరుకు ఫోన్‌చేసి సమస్యలు పరిష్కరించుకోవచ్చని పేర్కొన్నారు. ఎరువుల లారీ బోల్తా ఉయ్యాలవాడ: మండల కేంద్రమైన ఉయ్యాలవాడ చిన్న వంక సమీపంలో ఎరువుల లారీ ఆదివారం బోల్తా పడింది. నంద్యాల నుంచి ఉయ్యాలవాడలోని ఒక ఎరువుల దుకాణానికి ఎరువులను తీసుకువస్తున్న తరుణంలో ప్రమాదవశాత్తు అదుపుతప్పి కిందపడింది. లారీలో డ్రైవర్‌, ముగ్గురు హమాలీలు వుండగా, ఒక హమాలీకి చేతికి తీవ్ర గాయాలయ్యాయి. మిగిలిన వారికి ఎలాంటి ప్రమాదం చోటు చేసుకోలేదు. లారీలోని ఎరువులను హమాలీల సహయంతో బయటకు తీశారు. అన్నప్రసాద వితరణకు రూ.లక్ష విరాళం శ్రీశైలంటెంపుల్‌: శ్రీశైల దేవస్థానం భక్తుల సౌకర్యార్థం నిర్వహిస్తున్న అన్నప్రసాద వితరణ పథకానికి ఆదివారం తెనాలికి చెందిన జోన్నలగడ్డ నారాయణమూర్తి రూ.లక్ష విరాళాన్ని దేవస్థాన ఈఓ శ్రీనివాసరావుకు అందజేశారు. విరాళాన్ని అందించిన దాతకు దేవస్థానం తరుపున స్వామివారి శేషవస్త్రాన్ని, లడ్డూప్రసాదాన్ని అందించి సత్కరించారు. పాముకాటుతో కౌలు రైతు మృతి కర్నూలు (టౌన్‌): పొలంలో పనులు చేసుకుంటున్న ఓ కౌలు రైతుకు పాముకాటుకు గురై మృతి చెందాడు. కల్లూరు మండలంలోని కోడుమూరు రోడ్డులో ఉన్న డ్రైవర్స్‌ కాలనీకి చెందిన గడకారి చాముండేశ్వరయ్య (42) కల్లూరు ఎస్టేట్‌లోని గోడల ఆంజనేయ స్వామి గుడి సమీపంలో ఉన్న డాక్టర్‌ నాగజ్యోతికి చెందిన 8 ఎకరాల వ్యవసాయ భూమిని కౌలుకు తీసుకుని పత్తి పంట సాగు చేస్తున్నాడు. శనివారం మధ్యాహ్నం ఆయన వ్యవసాయ కూలీ బీచుపల్లిని తీసుకొని పొలంలో నీరు పెట్టేందుకు వెళ్లాడు. సాయంత్రం చేనులో నీరు కడుతుండగా ప్రమాదవశాత్తు విషసర్పం ఆయన ఎడమ కాలి మడమపై కాటు వేసింది. సమాచారం తెలుసుకున్న ఆయన భార్య గడకారి ఎల్లా దేవి, కుటుంబ సభ్యులతో కలిసి ఘటన స్థలానికి చేరుకొని వెంటనే చికిత్స నిమిత్తం కర్నూలు ప్రభుత్వ ఆసుపత్రికి తరలించారు. క్యాజువాలిటీ వైద్యులు పరీక్షించి మార్గమధ్యంలోనే మృతి చెందినట్లు ధ్రువీకరించారు.

కర్నూలు: నగరంలో ఈ నెల 22వ తేదీ నిర్వహించే గణేష్‌ నిమజ్జన వేడుకలకు పోలీసు శాఖ భారీ బందోబస్తు ఏర్పాట్లు చేసింది. నిమజ్జన వేడుకలను ప్రశాంత వాతావరణంలో జరుపుకునేందుకు దాదా పు 2000 మంది పోలీసు సిబ్బందిని వినియోగిస్తోంది. నిమజ్జనం వేడుకల్లో డ్రోన్‌, సీసీ కెమెరాలు, వీడియో కెమెరాలతో పోలీసు అధికారులు పర్యవేక్షించనున్నారు. కర్నూలు నగరంలో సుమారు 1500లకు పైగా గణేష్‌ విగ్రహాలు ఏర్పాటు చేశారు. నిమజ్జనానికి కర్నూలు వినాయక ఘాట్‌తో పాటు నంద్యాల రహదారిలో టోల్‌ప్లాజా సమీపంలో హెచ్‌ఎన్‌ఎస్‌ఎస్‌, డోన్‌ రహదారిలో ఉల్లిందకొండ సమీపంలో హెచ్‌ఎన్‌ఎస్‌ఎస్‌ కాల్వ వద్ద అవసరమైన ఏర్పాట్లు చేశారు. అన్ని చోట్ల కూడా సాంకేతిక పరిజ్ఞానంతో కట్టుదిట్టమైన భద్రతా ఏర్పాట్లు చేశా రు. బందోబస్తు విధుల్లో ఇద్దరు అడిషినల్‌ ఎస్పీలు, 16 మంది డీఎస్పీలు, 85 మంది సీఐలు, ఆర్‌ఐలు, 150 మంది ఎస్‌ఐలు కలిపి మొత్తం 2000 మంది పోలీసులను మొహరించనున్నారు. ఎవ్వరికి అసౌకర్యం కలుగకుండా ట్రాఫిక్‌ సమస్యలు తలెత్తకుండా నిమజ్జన ప్రక్రియ సజావుగా సాగేందుకు విగ్రహానికి ఇద్దరు చొప్పున పోలీసు సిబ్బందిని నియమించారు. నగరంలో ట్రాఫిక్‌ మళ్లింపు ● గణేష్‌ నిమజ్జనం సందర్భంగా ఈ నెల 22వ తేదీ ఉదయం 10 గంటల నుంచి వేడుకలు పూర్తయ్యే వరకు నగరంలో ట్రాఫిక్‌ మళ్లించనున్నారు. ● అత్యవసర వాహనాలు 108, ఫైర్‌, అంబులెన్స్‌లు, పోలీసు వాహనాలు, సేవల కోసం పోలీసులతో అనుమతి పొందిన వాహనాలను మాత్రమే నిమజ్జన మార్గంలో అనుమతిస్తారు. ● అర్టీసీ బస్టాండు నుంచి రాజ్‌విహార్‌ సెంటర్‌, ప్రభుత్వ ఆసుపత్రి, వినాయక ఘాట్‌, గాయత్రీ ఎస్టేటు వరకు ఎలాంటి వాహనాలకు అనుమతి ఉండదు. ● కొత్త బస్టాండు నుంచి ఆర్‌టీసీ బస్సులు, ఇతర వాహనాలు బళ్లారి చౌరస్తా మీదుగా చెన్నమ్మ సర్కిల్‌ గుత్తి పెట్రోల్‌ బంక్‌, బిర్లా జంక్షన్‌, మద్దూరు నగర్‌, సీ.క్యాంపు సెంటరు, నంద్యాల చెక్‌పోస్టు మీదుగా వాహనాల రాకపోకలు ఉంటాయి. ● ఆత్మకూరు, నంద్యాల, నందికొట్కూరు వైపు నుంచి నగరంలోకి వచ్చే వాహనాలు సీ.క్యాంపు, బిర్లాగేట్‌, గుత్తి పెట్రోలు బంకు, బళ్లారి చౌరస్తా మీదుగా బస్టాండుకు చేరుకోవాల్సి ఉంటుంది. ● వినాయక ఘాట్‌ దగ్గర నిమజ్జనం పూర్తయిన తర్వాత వాహనాలు దేవనగర్‌, కృష్ణానగర్‌, కల్లూరు బ్రిడ్జి మీదుగా తిరిగివెళ్లాలి. అక్కడి వరకే డీజేలకు అనుమతిరాజ్‌విహార్‌వైపు నుంచే డీజే వాహనాలను కలెక్టరేట్‌ వరకు, నంద్యాల చెక్‌పోస్టు నుంచి వచ్చే వాటిని మద్దూరు నగర్‌ మసీదు వరకు, చెన్నమ్మసర్కిల్‌, శరీన్‌నగర్‌, గుత్తి పెట్రోల్‌ బంక్‌ వైపు నుంచి వచ్చే డీజే వాహనాలను బిర్లా గేట్‌ వరకు మాత్రమే అనుమతి ఇస్తారు. నిమజ్జనం రూట్లలో అధిక సంఖ్య ఆసుపత్రులు ఉన్నందున రోగులు, ప్రజల భద్రతలను దృష్టిలో ఉంచుకొని డీజే వాహనాల నియంత్రణ, మళ్లింపు ఉంటుందని, దీనిని గణేష్‌ ఉత్సవ నిర్వాహకులు దృష్టిలో ఉంచుకొని పోలీసు శాఖకు సహకరించాలని ఎస్పీ విక్రాంత్‌ పాటిల్‌ విజ్ఞప్తి చేశారు. అలాగే మతపెద్దలు, రాజకీయ పార్టీలు, యువకులు, నగర ప్రతినిధులు, మీడి యా ప్రతినిధులు, గణేష్‌ ఉత్సవ కమిటీ సభ్యు లు కార్యక్రమం ప్రశాంతంగా జరిగేందుకు పోలీసు శాఖ తీసుకునే చర్యలకు సహాయ సహకారాలు అందించాలని ఎస్పీ కోరారు. విగ్రహాల నిమజ్జనానికి మూడు చోట్ల ఏర్పాట్లు డ్రోన్‌, సీసీ కెమెరాలు, వీడియో కెమెరాలతో చిత్రీకరణ నిమజ్జనం పూర్తయ్యే వరకు నగరంలో ట్రాఫిక్‌ మళ్లింపు

కల్లూరు: కర్నూలు ప్రభుత్వ ఆస్పత్రిలో చికిత్స పొందుతున్న కార్యకర్తలను వైఎస్సార్‌సీపీ నంద్యాల జిల్లా అధ్యక్షుడు, మాజీ ఎమ్మెల్యే కాటసాని రాంభూపాల్‌రెడ్డి పరామర్శించారు. ఓర్వక ల్లు మండలం హుసేనాపురం గ్రామానికి చెందిన వడ్డే చంద్రమోహన్‌ గడ్డి మందు తాగి కర్నూలు ప్రభుత్వ ఆస్పత్రిలో చికిత్స పొందుతున్నాడు. విష యం తెలుసుకున్న కాటసాని ఆస్పత్రికి వెళ్లి చంద్రమోహన్‌ను పరామర్శించారు. కుటుంబ సభ్యులతో మాట్లాడి పరిస్థితిని తెలుసుకున్నారు. గుడుంబాయి తండాకు చెందిన వైఎస్సార్‌సీపీ కార్యకర్త ఎన్‌. రాజు నాయక్‌ పాముకాటుకు గురై ప్రభుత్వ ఆస్పత్రిలో చికిత్స పొందుతున్నాడు. విషయం తెలుసుకున్న కాటసాని రాంభూపాల్‌రెడ్డి వెళ్లి పరామర్శించారు. మెరుగైన వైద్యం అందించాలని వైద్యులు కాటసాని సూచించారు. ఆయా గ్రామాలకు చెందిన వైఎస్సార్‌సీపీ నాయకులు పాల్గొన్నారు.

● భర్త చనిపోయిన వారానికే భార్య మృతి ● అందరూ ఉన్నా అనాథగా అంత్యక్రియలుఆళ్లగడ్డ: కష్టాలు చుట్టు ముట్టినా... పేదరికం రోడ్డుపాలు చేసినా.. కొడుకులు పెడదోవ పట్టినా.. ఆ దంపతులు ఒకరికొకరుగా జీవించారు. మరణంలోనూ నీ వెంటే నేను అన్నట్లుగా వారం రోజుల వ్యవధిలో వృద్ధ దంపతులు కన్నుమూశారు. వారం రోజుల క్రితం భర్త మృతి చెందగా, భార్య శనివారం రాత్రి మృతి చెందింది. రక్త సంబంధీకులు ముఖం చాటేసిన వేళ.. సమాజ సేవకులు మానవత్వాన్ని చాటుకుని ఆమెకు అంత్యక్రియలు నిర్వహించారు. ఆళ్లగడ్డ పట్టణంలోని సద్ధాం కాలనీలో నివాసమున్న వడ్డె వెంకటమ్మ (88), ఆమె భర్త సుబ్బరాయుడు దంపతులకు ఇద్దరు కుమారులు ఉన్నారు. ఇద్దరు కొడుకులు మద్యం, మత్తు పదార్థాలకు బానిసలయ్యారు. కొంత కాలంగా దంపతులు ఇళ్లు కూడా లేక చెట్టుకింద పట్టలు కట్టుకుని అందులో ఓ మంచం వేసుకుని కడు దుర్భరమైన జీవితం గడిపారు. కన్న కొడుకులు, బంధువులు ఉన్నప్పటికీ వారిని ఆదరించే దిక్కులేక అత్యంత దయనీయ స్థితిలో జీవితాన్ని వెళ్లదీశారు. ఈ క్రమంలోనే సుబ్బరాయుడు వారం రోజుల కిత్రం మృతి చెందారు. భర్త మృతి చెందడంతో తీవ్ర ఆవేదనతో వెంకటమ్మ కూడా శనివారం రాత్రి మృతి చెందింది. అయితే మత్తుపదార్థాలకు బానిసలైన ఇద్దరు కొడుకులు ఉన్నప్పటికీ చేతిలో చిల్లిగవ్వ కూడా లేక పోవడంతో దహన సంస్కారాలు నిర్వహించేందుకు ఎవరూ ముందుకు రాలేదు. తామున్నామంటూ సమాజ సేవకుడు ఈపనగండ్ల శ్రీనివాసులు ముందుకు వచ్చి హిందూ సంప్రదాయ ప్రకారం దహన సంస్కారాలు నిర్వహించి మానవత్వాన్ని చాటుకున్నారు.

కర్నూలు: ప్రేమించి పెళ్లి చేసుకుంటానని ఒక యువకుడు నమ్మక ద్రోహం చేశాడు. ప్రభుత్వ ఉద్యోగం రాగానే ముఖం చాటేశాడు. కులం పేరుతో పెళ్లిని నిరాకరించాడు. దీంతో తీవ్ర మనస్తాపానికి గురైన బీఈడీ చేసిన యువతి ఆత్మహత్యకు పాల్పడ్డారు. కర్నూలు నగరం బుధవారపేటకు చెందిన శ్రీదేవి, చిన్న మద్దిలేటి దంపతుల కుమార్తె మంజుల గోనెగండ్లలో తన అమ్మమ్మ ఇంట్లో ఉండి పదో తరగతి, ఇంటర్‌ చదువుకున్నారు. ఆ సమయంలో ఈ యువతిని ఇంటికి ఎదురుగా ఉన్న కృష్ణమూర్తి ప్రేమించాడు. పెళ్లి చేసుకుంటానని నమ్మించాడు. ఐదేళ్లపాటు ఇద్దరూ కలిసి పలు ప్రాంతాల్లో తిరిగారు. మంజుల బీఈడీ పూర్తి చేసి డీఎస్సీ పరీక్ష రాసి విఫలమయ్యారు. కృష్ణమూర్తికి ఇటీవల టీచర్‌ ఉద్యోగం వచ్చింది. పెళ్లి చేసుకుంటానని చెప్పి నమ్మించిన కృష్ణమూర్తి ప్రభుత్వ ఉద్యోగం సాధించాక మంజులను దూరం పెట్టడం ప్రారంభించాడు. కులం పేరుతో తిరస్కరణ ఉద్యోగం వచ్చాక మంజుల పెళ్లి ప్రస్తావన తెచ్చిన ప్రతిసారీ కృష్ణమూర్తి చిరాకు పడేవాడు. ఇద్దరం వేర్వేరు కులానికి చెందిన వారమని, కులాలు వేరు కావడంతో పెళ్లి చేసుకోవడం కుదరదని తేల్చి చెప్పాడు. మంజుల తండ్రి చనిపోవడంతో తల్లి శ్రీదేవితో కలిసి కర్నూలు కొత్తపేటలో హోటల్‌ నడుపుతూ జీవనం సాగించేవారు. ప్రియుడు పెళ్లికి నిరాకరించడంతో ఈ నెల 16వ తేదీన ఆల్‌ అవుట్‌ మందు తాగి అపస్మారక స్థితిలో పడి ఉండగా కుటుంబసభ్యులు గుర్తించి ప్రభుత్వ ఆసుపత్రిలో చేర్పించారు. చికిత్స పొందుతూ కోలుకోలేక ఆదివారం తెల్లవారుజామున మంజుల(27) మృతిచెందారు. తల్లి శ్రీదేవి ఇచ్చిన ఫిర్యాదు మేరకు కర్నూలు రెండో పట్టణ పోలీసులు కేసు నమోదు చేశారు. మంజుల మృతదేహానికి పోస్టుమార్టం నిర్వహించి, కుటుంబసభ్యులకు అప్పగించారు. బుధవారపేటలోని శ్మశానవాటికలో ఆదివారం మధ్యాహ్నం అంత్యక్రియలు నిర్వహించారు. సంఘటనపై పూర్తిస్థాయిలో విచారణ జరుపుతున్నట్లు పోలీసులు తెలిపారు. కృష్ణమూర్తి స్వగ్రామం గోనెగండ్ల అయితే అతను ప్రస్తుతం పరారీలో ఉన్నట్లు పోలీసులు చెప్పారు. కొత్తపేటలో చోటుచేసుకున్న ఈ విషాద సంఘటన స్థానికంగా తీవ్ర కలకలం రేపింది.మంజుల(ఫైల్‌) పెళ్లి పేరుతో మోసం చేసిన యువకుడు కులం పేరుతో నిరాకరణ యువతి ఆత్మహత్య

● ఎమ్మెల్సీ ఇసాక్‌బాషానంద్యాల(అర్బన్‌): జర్నలిస్టులు ఏ చిన్న వార్త రాయాలన్నా ఎవరు ఏ కేసు పెడతారో తెలియని పరిస్థితి ప్రస్తుతం నెలకొందని, వార్తలపై వివరణ ఇచ్చుకోకుండానే కూటమి నేతలు కేసులు పెట్టడం దారుణమని ఎమ్మెల్సీ ఇసాక్‌బాషా విమర్శించారు. చంద్రబాబు ప్రభుత్వం ఏర్పాటై రెండున్నరేళ్లు అవుతున్నా జర్నలిస్టుల రక్షణ చట్టాలపై మీన మేషాలు లెక్కిస్తోందన్నారు. స్థానిక వివేకానంద ఆడిటోరియంలో ఆదివారం ఏపీడబ్ల్యూజేఎఫ్‌ నంద్యాల జిల్లా ప్రథమ మహాసభ నిర్వహించారు. ఈ సందర్భంగా ఎమ్మెల్సీ ఇసాక్‌బాషా మాట్లాడుతూ.. రాష్ట్ర ప్రభుత్వం వెంటనే జర్నలిస్టులకు ఇంటి స్థలాలు మంజూరు చేసి ఇళ్లు నిర్మించాలన్నారు. ఏపీడబ్ల్యూజేఎఫ్‌ రాష్ట్ర ప్రధాన కార్యదర్శి ఆంజనేయులు మాట్లాడుతూ.. వార్తల సేకరణ, ప్రచురణల్లో జర్నలిస్టులకు పూర్తి స్వేచ్ఛ ఇవ్వాలన్నారు. జర్నలిస్టుకు ఏది జరిగినా అసోసియేషన్‌ ఎప్పుడు అండగా ఉంటుందన్నారు. రాయలసీమ జిల్లాల ఇన్‌చార్జ్‌ జయరాజు మాట్లాడుతూ జర్నలిస్టుల సమస్యల పరిష్కారంలో ప్రభుత్వం మొద్దు నిద్ర పోతుందన్నారు. అనంతరం జరిగిన కార్యక్రమంలో జిల్లా నూతన కమిటీని ఏకగ్రీవంగా ఎన్నుకున్నారు. అధ్యక్ష, ప్రధాన కార్యదర్శులుగా మద్దయ్య యాదవ్‌, గిరిబాబు సాగర్‌ ఎన్నికయ్యారు. జిల్లా గౌరవాధ్యక్షులుగా జగన్‌మోహన్‌, కోశాధికారిగా మస్తాన్‌, ఉపాధ్యక్షులుగా నిజాముద్దీన్‌, నరసింహారెడ్డి, సుబ్బరాయుడు, నాగన్న, సహాయ కార్యదర్శులుగా వేణుగోపాల్‌, రంగస్వామి, చంద్రబాబు, రామారావును ఏకగ్రీవంగా ఎన్నుకున్నారు. కార్యక్రమంలో ఎన్‌ఏజే నాయకులు అమరయ్య, రాష్ట్ర కార్యవర్గ సభ్యులు గోరంట్లప్ప, చిన్న పత్రికల సంఘం అధ్యక్షుడు ఉసేన్‌ఖాన్‌, సీపీఐ జిల్లా కార్యదర్శి రంగనాయుడు, రామకృష్ణారెడ్డి, మౌలాలి, శేఖర్‌, శ్రీనివాసులు, నాగరాజు, తదితరులు పాల్గొన్నారు.

పాల్గొన్న భజన భక్తులుమంత్రాలయం: శ్రీరాఘవేంద్ర స్వామి మఠంలోని ఊంజల మండపంలో ఆదివారం భాగవత ప్రవచనం ప్రారంభమైంది. శ్రీమఠం పీఠాధిపతి సుబుధేంద్ర తీర్థులు జ్యోతి ప్రజ్వలన చేసి ఈ కార్యక్రమాన్ని ప్రారంభించారు. ఈ సందర్బంగా పీఠాధిపతి మట్లాడుతూ భక్తులందరూ భాగవత ప్రవచానాలను పిల్లలకు బోధించాలన్నారు. వీలు ఉన్నప్పుడు కుటుంబ సభ్యులతో చదివించాలన్నారు. ప్రోష్టపది భాగవత ప్రవచనంను భక్తులకు డాక్టర్‌ ఎన్‌.వాదిరాజాచార్‌ విద్‌ వినిపించారు. కాటుకుక్కె భజన చారిటబుల్‌ సభ్యులు పాల్గొనగా.. మొత్తం 600 మంది భజన పాటలతో భక్తిపారవశ్యంతో మునిగితేలారు.

● ఎన్‌టీఆర్‌ హెల్త్‌ వర్సిటీ వీసీ డాక్టర్‌ పి.చంద్రశేఖర్‌కర్నూలు(హాస్పిటల్‌): వైద్యరంగంలో ప్రతి పరిశోధన, ప్రతి సదస్సు, ప్రతి శాసీ్త్రయ చర్చకు అంతిమ లక్ష్యం రోగికి కచ్చితమైన, అత్యుత్తమైన, అధునాతనమైన వైద్యం అందించడమేనని ఎన్‌టీఆర్‌ హెల్త్‌ యూనివర్సిటీ వైస్‌ చాన్స్‌లర్‌ డాక్టర్‌ పి.చంద్రశేఖర్‌ అన్నారు. శనివారం కర్నూలు మెడికల్‌ కాలేజీలోని న్యూ లెక్చరర్‌ గ్యాలరీలో స్టేట్‌ క్యాన్సర్‌ ఇన్‌స్టిట్యూట్‌, అసోసియేషన్‌ ఆఫ్‌ రేడియేషన్‌ ఆంకాలజిస్ట్స్‌ ఆఫ్‌ ఇండియా(ఏఆర్‌ఓఐ), ఏపీ చాప్టర్‌ ఆధ్వర్యంలో 7వ వార్షిక రాష్ట్రస్థాయి సదస్సు నిర్వహించారు. సదస్సుకు ఏఆర్‌ఓఐ రాష్ట్ర అధ్యక్షురాలు డాక్టర్‌ ఎన్‌.సుజాత అధ్యక్షత వహించగా, ముఖ్యఅతిథిగా వీసీ డాక్టర్‌ పి.చంద్రశేఖర్‌ హాజరయ్యారు. ఈ సందర్భంగా ఆయన మాట్లాడుతూ క్యాన్సర్‌ నివారణ, ముందస్తు గుర్తింపు, ఆధునిక చికిత్సతో పాటు వైద్యపరిశోధనలకు ప్రాధాన్యత ఇవ్వాల్సిన అవసరం ఉందన్నారు. వైద్యపరిశోధనలకు రూ.13కోట్లు కేటాయించినట్లు తెలిపారు. రాబోయే కాలంలో క్యాన్సర్‌ ప్రభావం మరింత పెరిగే అవకాశం ఉన్న నేపథ్యంలో ప్రజలు ఆరోగ్యకరమైన జీవన విధానాన్ని అలవర్చుకోవాలన్నారు. వైద్యులు డబ్బు కోసం పరుగెత్తవద్దు ప్రత్యేక అతిథిగా హాజరైన పద్మశ్రీ అవార్డు గ్రహీత, అపోలో క్యాన్సర్‌ సెంటర్‌(హైదరాబాద్‌) డైరెక్టర్‌ డాక్టర్‌ పి.విజయానందరెడ్డి మాట్లాడుతూ డబ్బు కోసం పరుగెత్తకూడదని..నిజాయితీగా సేవ చేస్తే డబ్బు మీ వెంట వస్తుందన్నారు. తాను 31 సంవత్సరాల వయస్సు వరకు విద్య, ప్రత్యేక వైద్య విద్యను కొనసాగించి, 32 సంవత్సరాల వయస్సులో వైద్య వృత్తిని ప్రారంభించానని తెలిపారు. లక్ష్యం స్పష్టంగా ఉన్నప్పుడు ఆలస్యం గురించి ఆలోచించకుండా, ఎంచుకున్న రంగంలో అంకిత భావంతో ముందుకు సాగాలని సూచించారు. రోగులు చూపించే ప్రేమ, విశ్వాసం, గౌరవం వైద్యునికి లభించే గొప్ప సంపద అని వివరించారు. మనిషికి లభించిన జీవితాన్ని కేవలం వినోదానికి, సమయాన్ని వృఽథా చేయడానికి గాకుండా సమాజానికి ఉపయోగపడే పనులు చేయడానికి వినియోగించుకోవాలన్నారు. కార్యక్రమంలో హెల్త్‌ వర్సిటీ రిజిస్ట్రార్‌ డాక్టర్‌ టి.సాయిసుధీర్‌, కర్నూలు మెడికల్‌ కాలేజీ ప్రిన్సిపాల్‌ డాక్టర్‌ కె.చిట్టినరసమ్మ, ప్రభుత్వాసుపత్రి సూపరింటెండెంట్‌ డాక్టర్‌ కె.వెంకటేశ్వర్లు, ప్రాంతీయ ప్రభుత్వ కంటి ఆసుపత్రి సూపరింటెండెంట్‌ డాక్టర్‌ సత్యనారాయణరెడ్డి, స్టేట్‌ క్యాన్సర్‌ ఇన్‌స్టిట్యూట్‌ డైరెక్టర్‌ డాక్టర్‌ సీఎస్‌కే ప్రకాష్‌, తదితరులు పాల్గొన్నారు.

● ‘స్థానిక’ ఎన్నికల్లో సత్తా చాటుదాం ● మంత్రాలయం ఎమ్మెల్యే బాలనాగిరెడ్డికౌతాళం: సమరానికి సిద్ధం కావాలని, ఐక్యంగా ఉంటూ స్థానిక సంస్థల ఎన్నికల్లో సత్తా చాటుదాం అని ఎమ్మెల్యే బాలనాగిరెడ్డి అన్నారు. శనివారం రాత్రి స్థానిక వైఎస్సార్‌పీ కార్యాలయంలో ఏర్పాటు చేసిన కార్యకర్తల విస్తృతస్థాయి సమావేశంలో మాట్లాడారు. అంతకు ముందు సుమారు వెయ్యి ద్విచక్ర వాహనాలతో ఎమ్మెల్యే బాలనాగిరెడ్డికి వైఎస్సార్‌సీపీ కార్యకర్తలు స్వాగతం చెప్పారు. కస్తూర్బా పాఠశాల నుంచి బైకు ర్యాలీ నిర్వహించారు. స్థానిక వైఎస్సార్‌ సర్కిల్‌లో మహానేత విగ్రహానికి పూలమాల వేసి నివాళులర్పించారు. వెంకటేశ్వరస్వామి ఆలయం వద్ద 15 లక్షల రూపాయలతో నిర్మించిన సిమెంటు రోడ్డు, డ్రైనేజీలను ఎమ్మెల్యే ప్రారంభించారు. పార్టీ మండల కన్వీనర్‌ ప్రహ్లాదచారి, మాజీ జడ్పీటీసీ సభ్యుడు దాట్ల కృష్ణంరాజు, మాజీ సింగల్‌ విండో అధ్యక్షుడు వీరసేనరెడ్డి, రౌడూరు సుధాకర్‌రెడ్డి, ఏకాంబర్‌రెడ్డిలతో కలిసి ఆలయంలో పూజలు చేపట్టారు. అనంతరం ఏర్పాటు చేసిన సమావేశంలో కార్యకర్తలకు ఐడీ కార్డులను పంపిణీ చేశారు. వైఎస్సార్‌సీపీ హయాంలో రైతులకు న్యాయం రైతులకు, అన్ని వర్గాల ప్రజలకు న్యాయం చేసింది ఒక్క వైఎస్సార్‌సీపీ మాత్రమేనని ఎమ్మెల్యే బాలనాగిరెడ్డి అన్నారు. తుంగభద్ర డ్యాంలో 84 టీఎంసీల నీరు ఉన్న రైతులకు ఇచ్చామని, ప్రజలందరికీ తాగునీరు అందించామన్నారు. ఇప్పుడు ఒక్క పంటకు కూడా నీరు ఇవ్వలేని పరిస్థితిలో చంద్రబాబు ప్రభుత్వం ఉందని విమర్శించారు. రెండున్నర సంవత్సరాల కాలంలో ఎలాంటి అభివృద్ధి చేయలేదని మండిపడ్డారు. ఇప్పుడు పింఛన్లు అంటూ హడావుడి చేస్తున్నారని, మండలానికి ఎన్‌ఆర్‌జీఎస్‌ నిధులతో రెండున్నర కోట్ల పనులు అంటూ కల్లబొల్లి చెబుతున్నారన్నారు. ఇలాంటి వెన్నుపోటు ప్రభుత్వాన్ని తాను ఎప్పుడూ చూడలేదన్నారు. ఐక్యంగా ఉంటూ సత్తా చాటుదాం వైఎస్సార్‌సీపీలో ప్రతి కార్యకర్తకు న్యాయం జరుగుతుందని ఎమ్మెల్యే అన్నారు. ఇప్పుడు జగన్‌–2ను చూస్తారని తెలిపారు. టీడీపీ అధికారంలోకి వచ్చి రెండున్నర సంవత్సరాలు పూర్తయినా ఆ పార్టీలో కార్యకర్తలు సుఖంగా లేరని, కేవలం నాయకులు మాత్రమే ఉన్నారన్నారు. ఈ సారి ఎన్నికల్లో టీడీపీ కార్యకర్తలు కూడా వైఎస్సార్‌సీపీ బలపరిచిన అభ్యర్థులకు ఓటు వేస్తారని తెలిపారు. వైఎస్సార్‌సీపీ పాలనలో ఐదు సంవత్సరాల పాటు చేసిన అభివృద్ధిని వివరించి ఓటు అడగాలన్నారు. స్థానిక సంస్థల ఎన్నికల్లో ఐక్యంగా ఉంటూ సత్తా చాటాలన్నారు. ఏడు కాదు 140 గ్రామాలు బాలనాగిరెడ్డివే!ఇటీవల ముఖ్యమంత్రి చంద్రబాబు మాధవరం వచ్చి ఎమ్మెల్యే బాలనాగిరెడ్డికి పట్టుగా ఉన్న ఏడు గ్రామాల్లో ఈసారి గెలుస్తామని కల్లిబొల్లి మాటాలు చెప్పారని వైఎస్సార్‌సీపీ రాష్ట్ర కార్యదర్శి మహేందర్‌రెడ్డి అన్నారు. ఎమ్మెల్యే బాలనాగిరెడ్డికి ఏడు గ్రామాలు కాదు నియోజకవర్గంలో 140 గ్రామాలు ఉన్నాయన్నారు. సమావేశంలో కో–ఆప్షన్‌ మెంబర్‌ మాబుసాబ్‌, వైస్‌ ఎంపీపీ బుజ్జీస్వామి, నాయకులు రాఘవేంద్రరెడ్డి, నదిచాగి రామన్నగౌడ్‌, హాల్వి బసవప్రభు, అనిల్‌, శివరాం, అబ్దుల్‌ సమద్‌, కౌతాళం మాజీ సర్పంచ్‌లు అవతారం, పాల్‌దినకర్‌, వడ్డెరాము, ప్రహ్లాదరెడ్డి, ఆయా గ్రామాల ఎంపీటీసీ సభ్యులు, మాజీ సర్పంచ్‌లు, కార్యకర్తలు పాల్గొన్నారు.

కర్నూలు (సెంట్రల్‌): పరిశ్రమల అవసరాలకు అనుగుణంగా యువతకు నైపుణ్య శిక్షణ ఇవ్వాలని ఉపాధి కల్పన, స్కిల్‌ డెవలప్మెంట్‌ అధికారులను జిల్లా కలెక్టర్‌ డాక్టర్‌ ఏ సిరి ఆదేశించారు. తన కార్యాలయంలో విద్య, నైపుణ్యాభివృద్ధి అంశాలపై శనివారం సమీక్ష నిర్వహించారు. ఈ సందర్భంగా ఆమె మాట్లాడుతూ.. యువతకు పది రోజుల్లో శిక్షణ కార్యక్రమాలను ప్రారంభించేలా చర్యలు తీసుకోవాలన్నారు. జిల్లాలో స్కిల్‌ డెవలప్‌మెంట్‌ కార్యక్రమాలను మరింత వేగవంతం చేయాలన్నారు. పీఎంకేవీవై (ప్రధాన మంత్రి కౌశల్‌ వికాస్‌ యోజన) కింద ఇచ్చిన లక్ష్యాలను నిర్ణీత సమయంలో పూర్తి చేయాలన్నారు. జాబ్‌ మేళాల్లో ఎంపికయ్యే అభ్యర్థుల సంఖ్యను పెంచాలన్నారు. విద్యా ప్రమాణాలను మరింత మెరుగుపరిచేందుకు అధికారులు సమన్వయంతో ప్రత్యేక కార్యాచరణ చేపట్టాలని ఆదేశించారు. ప్రతి పాఠశాలలో 90 శాతం ఉత్తీర్ణత సాధించేలా లక్ష్యాన్ని నిర్దేశించుకోవాలన్నారు. సమావేశంలో సీపీఓ భారతి, డీఈఓ సుధాకర్‌, సర్వ శిక్ష అభియాన్‌ పీఓ లోకరాజ్‌, ఉపాధి కల్పనాధికారి దీప్తి, ఆర్‌ఐఓ లాలప్ప, స్కిల్‌ డెవలప్మెంట్‌ అధికారి రాజ్‌ కుమార్‌ తదితరులు పాల్గొన్నారు.

డీజే సౌండ్‌ సిస్టమ్‌ల ద్వారా వచ్చే అధిక తీవ్రత గల శబ్దాలు గుండెకు చేటు చేస్తాయి. ఇప్పటికే గుండెజబ్బులున్న వారికి, హైబీపీ ఉన్న వారికి ఇబ్బంది కలిగిస్తాయి. వారి బీపీ, గుండెవేగంలో మార్పులు వచ్చి తీవ్ర అనారోగ్యానికి గురిచేస్తాయి. ఇవి కొన్నిసార్లు ప్రాణాంతకం అవుతాయి. డీజే సౌండ్‌ సిస్టమ్‌ల వద్ద ఎక్కువ సేపు నృత్యం చేసే యువకుల్లోనూ అడ్రినలిన్‌, కార్టిసాల్‌ ఎక్కువ విడుదలై బీపీ, హార్ట్‌రేట్‌ పెరిగి సడన్‌గా హార్ట్‌ ఎటాక్‌ వచ్చి మనిషి మరణించే అవకాశం ఉంటుంది. –డాక్టర్‌ బి. కిరణ్‌కుమార్‌రెడ్డి, కార్డియాలజిస్టు, జీజీహెచ్‌, కర్నూలు డీజే సౌండ్‌ సిస్టమ్‌లు విపరీతమైన శబ్దాలు చేస్తాయి. కొన్నిసార్లు ఇవి 100కు పైగా డెసిబుల్స్‌ శబ్దాన్ని విడుదల చేస్తాయి. ఇవి మనిషి చెవి తట్టుకునే దానికి రెండు, మూడింతలు ఎక్కువగా ఉంటుంది. ఇంతటి విపరీతమైన ధ్వనితో శరీరంలో కొన్నిసార్లు ఊహించని మార్పులు వస్తాయి. వినికిడి సమస్య వచ్చే ప్రమాదం కూడా ఉంటుంది. డీజే సౌండ్‌ సిస్టమ్‌ ఉంటే సాధ్యమైనంత వరకు దానికి దూరంగా ఉంటే మేలు. –డాక్టర్‌ ఎస్‌.శశికిరణ్‌, ఈఎన్‌టి వైద్యులు, కర్నూలు కర్నూలు(హాస్పిటల్‌): ఉత్సవం ఏదైనా, శుభకార్యం ఎలాంటిదైనా, పండుగైనా, పెళ్లి ఊరేగింపు అయినా ఇప్పుడు డీజే సౌండ్‌ ఉండాల్సిందే. డీజే స్పీకర్లు అమర్చిన వాహనం ముందు వెళ్తుండగా దాని వెనుక నృత్యాలు చేయడం ఇప్పుడు ఆనవాయితీగా మారింది. డీజే లేనిదే శుభకార్యానికి ఊపు రాదనే అభిప్రాయం వచ్చేసింది. అందుకే చిన్న వారైనా, పెద్ద వారైనా సరే డీజే సౌండ్‌ సిస్టమ్‌ వెంట బెట్టుకుని మరీ నృత్యాలు చేస్తున్నారు. ఒకటి కాదు రెండు కాదు గంటల తరబడి ఆ శబ్దాల ముందు ఉంటూ నృత్యాలు చేసి అలసి సొలసి సొమ్మసిల్లుతుండగా, మరికొందరి గుండెపోటుతో మృత్యువాతపడుతున్నారు. ఇటీవల జిల్లా వ్యాప్తంగా నిర్వహించిన వినాయక నిమజ్జనం ఉత్సవాల్లో డీజేలను ఏర్పాటు చేశారు. ప్రతి డీజే నుంచి వందకు పైగా డిజిబుల్స్‌ శబ్దం విడుదలై జనాన్ని విసుగెత్తిస్తోంది. ఒకటి కాదు రెండు కాదు పదుల సంఖ్యలో డీజే సౌండ్‌ సిస్టమ్‌లు వరుస క్రమంలో మోత మోగిస్తుంటే ఆ శబ్దకాలుష్యాన్ని భరించలేక, ఎవరికి చెప్పుకోవాలో అర్థం గాక జనం నరకయాతన అనుభవిస్తున్నారు. వివాహం సందర్భంగా రాత్రిళ్లు నిర్వహించే మెరవణిలో ఏర్పాటు చేసిన డీజేలు రాత్రంతా ఆ ప్రాంత వాసులకు నిద్రలేకుండా చేస్తుందంటే అతిశయోక్తి కాదు. డీజేల మోతను ప్రశ్నించేవారు కరువు సాధారణంగా మనిషి చెవి 60 నుంచి 70 డెసిబుల్స్‌ మాత్రమే వింటుంది. దానికి మించితే ఆరోగ్య సమస్యలు వస్తాయని వైద్యులు చెబుతున్నారు. డెసిబుల్స్‌ వంద దాటితే ప్రాణాలు పోయే అవకాశాలు ఎక్కువ. ఇటీవల జిల్లాలో నిర్వహించిన పలు ఉత్సవాల్లో ఒక్కో డీజే సౌండ్‌ సిస్టమ్‌ విడుదల చేసిన శబ్ద తీవ్రత 110 నుంచి 140 దాకా డెసిబుల్స్‌ శబ్దాలను విడుదల చేశాయి. అంతటి తీవ్రత ఉన్న శబ్దాల వద్ద గంటల తరబడి ఆడుతూ ఉంటే కొన్ని సున్నిత హృదయాలు మా చేతకాదంటూ ఆగిపోతున్నాయి. ఫలితంగా చిన్న వయస్సులోనే యువకులు కన్నుమూస్తున్నారు. డీజేల వద్ద నృత్యాలు చేసే విషయంలోనూ ఘర్షణలు జరుగుతున్నాయి. నిబంధనల ప్రకారం డీజేలు ఏర్పాటు చేయాలంటే సంబంధిత ప్రాంత పోలీస్‌ స్టేషన్‌లో పోలీసులు అనుమతులు ఇవ్వాలి. కానీ ఏ ఒక్కరూ అనుమతులు తీసుకోవడం లేదు. అయినా డీజేలు పెట్టినా ఏ ఒక్కరూ ప్రశ్నించడం లేదు. తీవ్ర అనారోగ్య సమస్యలు అధిక శబ్దాలతో వచ్చే డీజే సౌండ్‌ సిస్టమ్‌లు తీవ్ర అనారోగ్యానికి గురిచేస్తున్నాయని వైద్యులు హెచ్చరిస్తున్నారు. డీజేల ముందు గంటల తరబడి నృత్యాలు చేయడం వల్ల వినికిడి సమస్యలతో పాటు గుండె సమస్యలు, మానసిక సమస్యలు, చిన్నారులు, వృద్ధుల నిద్రాభంగం ఏర్పడి అనారోగ్యానికి, హృద్రోగానికి దారి తీస్తోంది. అధిక శబ్దాలు చేస్తూ వెళ్లే వాహనాలను నియంత్రించే అధికారులు డీజేలను ఎందుకు వదిలేస్తున్నారని ప్రజలు ప్రశ్నిస్తున్నారు. డీజేలతో తమ ప్రాణాల మీదకు వస్తోందని వారు ఆవేదన వ్యక్తం చేస్తున్నారు. నిబంధనలు పాటించే వారేరి? అనుమతులు లేకుండా బహిరంగ ప్రదేశాల్లో సభలు, సమావేశాలు ఏర్పాటు చేయకూడదు. చేసినా వాటిలో డీజే సౌండ్‌ సిస్టమ్‌ ఏర్పాటు చేయకూడదు. ప్రైవేటు ప్రదేశాలు(ఇల్లు, హాళ్లు)లో డీజే శబ్దాలు చేయరాదు. లిఖిత పూర్వక అనుమతి లేకుండా లౌడ్‌ స్పీకర్లు, సౌండ్‌ బాక్స్‌లు వాడకూడదు. నిషిద్ధ ప్రాంతాలుగా గుర్తించిన ప్రదేశాల్లో సంగీత ధ్వనులు, డ్రమ్స్‌ కొట్టడం, ఇతర శబ్దాలు చేయకూడదు. సినిమా థియేటర్‌లలో సైతం 65 డెసిబుల్స్‌కు మించి శబ్దం రాకూడదు. వైద్యశాలలు, విద్యాసంస్థలు, దేవాలయాలు, న్యాయస్థానాలకు వంద మీటర్ల పరిధిలోని ప్రాంతాలను నిషిద్ధ ప్రాంతాలుగా పరిగణిస్తారు. ఇక్కడ శబ్దాలు చేయడంపై నిషేధం విధించారు. భారీ శబ్దాలతో తనువు చాలిస్తున్న ప్రజలు డీజేలు ఉండాలన్న మంత్రి లోకేష్‌ జిల్లాలో వీటి వాడకం నిత్యకృత్యం పట్టించుకోని పోలీసులు, అధికారులు

● రిటైర్డ్‌ అధికారి వద్దనే దేవస్థాన బంగారం, వెండి ఆభరణాల లాకర్‌ ● మూడు నెలలు గడుస్తున్నా తీసుకోని నూతన డీఈవో శ్రీశైలంటెంపుల్‌: దేవస్థానానికి చెందిన బంగారం, వెండి ఆభరణాలతో పాటు ఇతర విలువైన వస్తువులు ఉండే ఎస్‌బీఐ బ్యాంక్‌ లాకర్‌ రిటైర్డ్‌ అయిన డిప్యూటీ కార్యనిర్వహణాధికారి వద్దనే ఉంది. వాటిని ఇంకా తిరిగి తీసుకోలేదు. శ్రీభ్రమరాంబా మల్లికార్జున స్వామిఅమ్మవార్లకు కానుకల రూపంలో భక్తులు బంగారం, వెండి ఆభరణాలను, ఇతర విలువైన వస్తువులను సమర్పిస్తారు. వాటిని స్టేట్‌ బ్యాంక్‌ ఆఫ్‌ ఇండియాలో లాకర్‌లో భద్రపరుస్తారు. గతంలో ఈ బాధ్యత దేవస్థాన కార్యనిర్వహణాధికారి చూసుకునేవారు. అయితే దేవస్థానానికి డిప్యూటీ కార్యనిర్వహణాధికారి పోస్టు మంజూరు చేయడంతో ఈ బాధ్యతలు అప్పగించారు. గతంలో శ్రీశైల దేవస్థానంలో విధులు నిర్వహించిన డీఈవో ఆర్‌.రమణమ్మ మే 31న పదవీ విరమణ పొందారు. అనంతరం బాధ్యతలు చేపట్టిన చంద్రశేఖర్‌ బంగారం, వెండి అభరణాలు, విలువైన వస్తువుల లాకర్‌ను స్వాధీనం చేసుకోవాలి. అయితే వంద రోజులు పైనే గడుస్తున్నా ఇంతవరకు తీసుకోలేదు. పర్యవేక్షించాల్సిన దేవస్థాన ఉన్నతాధికారి సైతం నిర్లక్ష్యం ప్రదర్శించడంపై విమర్శలు వస్తున్నాయి. ఈ విషయమై డీఈఓ చంద్రశేఖర్‌ మాట్లాడుతూ.. గత పది రోజుల క్రితమే రిటైర్డ్‌ అయిన డీఈవో దేవస్థాన బంగారం, వెండి ఆభరణాలు, విలువైన వస్తువుపై తిరిగి ఇచ్చేందుకు లేఖ రాశారని తెలిపారు. కర్నూలుకు చెందిన జ్యూవెలరీ వెరిఫికేషన్‌ అధికారికి లేఖ రాశామని, ఈ నెల అఖరులోపు లాకర్‌ను తీసుకుంటామని తెలిపారు.

● ఎండిన పంటలను పరిశీలించిన మాజీ ఎంపీ బుట్టా రేణుక, మాజీ ఎమ్మెల్యే కంగాటి శ్రీదేవితుగ్గలి: రైతులను ఆదుకోవడంలో చంద్రబాబు ప్రభుత్వం విఫలమైందని మాజీ ఎంపీ, వైఎస్సార్‌సీపీ కర్నూలు పార్లమెంటరీ సమన్వయకర్త బుట్టా రేణుక, పత్తికొండ మాజీ ఎమ్మెల్యే కంగాటి శ్రీదేవి అన్నారు. జొన్నగిరి వద్ద ఎండిన సజ్జ, కంది పంటలను శుక్రవారం వారు పరిశీలించారు. రైతుల కష్టాలు అడిగి తెలుసుకున్నారు. ఈ సందర్భంగా వారు మాట్లాడుతూ.. పంటలు ఎండిపోవడంతో రైతులు అప్పుల పాలయ్యారని, వాటిని తీర్చే మార్గం లేక కొందరు ఆత్మహత్యలకు పాల్పడుతుండటం చాలా బాధాకరమన్నారు. భూగర్భ జలాలు అడుగంటి పోయి గ్రామాల్లో తాగునీరు కూడా దొరకని పరిస్థితి నెలకొందన్నారు. పశుగ్రాసం, తాగునీరు కరువై పశుసంపద కబేళాలకు తరలిపోతోందని ఆవేదన వ్యక్తం చేశారు. ఇప్పటి వరకు కరువు మండలాలు ప్రకటించకపోవడం దారుణమన్నారు. టీడీపీ ప్రజాప్రతినిధులకు రైతుకష్టాలు వినే తీరిక కూడా లేకుండా పోయిందన్నారు. ఇప్పటికై నా చంద్రబాబు ప్రభుత్వం మౌనం వీడి కర్నూలు జిల్లాలోని అన్ని మండలాలను కరువు ప్రాంతాలను ప్రకటించాలన్నారు. పంటలు నష్టపోయిన రైతులను ఆదుకోవాలని లేనిపక్షంలో పెద్ద ఎత్తున ఆందోళన చేస్తామని హెచ్చరించారు. వైఎస్సార్‌సీపీ జిల్లా ఉపాధ్యక్షుడు జిట్టా నాగేష్‌, మండల అధ్యక్షుడు గోపాల్‌రెడ్డి, జెడ్పీటీసీ మాజీ సభ్యులు జగన్నాథరెడ్డి, నారాయణ నాయక్‌, వైస్‌ ఎంపీపీలు మల్లికార్జునరెడ్డి, నాగప్ప, లోకనాథరెడ్డి, అమరనాథరెడ్డి, తేరప్ప, గంగాధర, రామాంజి పాల్గొన్నారు.

కర్నూలు (టౌన్‌): రైతుల సమస్యలను మంత్రి టీజీ భరత్‌ పట్టించుకోవడం లేదని వైఎస్సార్‌సీపీ జిల్లా అధ్యక్షుడు ఎస్వీ మోహన్‌ రెడ్డి అన్నారు. శుక్రవారం సాయంత్రం స్థానిక ఎస్వీ కాంప్లెక్స్‌లో విలేకరుల సమావేశం నిర్వహించారు. ఈ సందర్భంగా ఆయన మాట్లాడుతూ.. టీజీ భరత్‌ కర్నూలు నియోజకవర్గానికి మాత్రమే కాదని, జిల్లాకు, రాష్ట్రానికి మంత్రి అన్నారు. కర్నూలు జిల్లా రైతుల సమస్యలపై ఏనాడైనా సమీక్షించడం, పంటల పరిస్థితిని పరిశీలించడం చేయలేదన్నారు. రెండున్నరేళ్లలో కర్నూలు, ఆదోని, కోడుమూరు తప్ప ఎక్కడా పర్యటించలేదన్నారు. కోడుమూరులో మంత్రి టీజీ పర్యటన వివాదాస్పదమైందన్నారు. లక్షలాది ఎకరాల్లో పంటలు ఎండిపోతే మంత్రిగా ఏం చేశారని ప్రశ్నించారు. జిల్లాకు ఎన్ని పరిశ్రమలు తీసుకువచ్చారో.. ఎన్ని ఉద్యోగాలు ఇచ్చారో చెప్పాలన్నారు. జిల్లా ఇన్‌చార్జ్‌ మంత్రి నిమ్మల రామనాయుడు ఉన్నా.. ప్రయోజనం లేదన్నారు. ఇప్పటి వరకు ఎల్లెల్సీ, హెచ్చెల్సీలకు నీటి వాటా తీసుకురాలేకపోయారన్నారు. శ్రీశైలం నుంచి హంద్రీ–నీవా, గోరుకల్లు, ఎస్‌ఆర్‌బీసీ, పోతిరెడ్డిపాడుకు నీళ్లు తీసుకువచ్చారా... జీడీపీ నుంచి ఎమ్మిగనూరు, కోడుమూరు, కర్నూలు, పత్తికొండ, డోన్‌ ప్రాంతాలకు తాగునీరు ఇచ్చారా.. ఎటువంటి చర్యలు తీసుకున్నారని ప్రశ్నించారు. వెలిగొండకు తరలించి సీమ గోంతు కోస్తారా? ఆయకట్టు లేని వెలిగొండ రిజర్వాయర్‌కు నీటిని తరలించి రాయలసీమ రైతాంగం గొంతు కోస్తారా అని ఎస్వీ ప్రశ్నించారు. సీమ ప్రాంతంలో తీవ్ర దుర్భిక్ష పరిస్థితులు ఉంటే శ్రీశైలంలో తెలంగాణ ప్రభుత్వం విద్యుత్‌ ఉత్పత్తి చేస్తోందన్నారు. పోలవరంలో 75 టీఎంసీల సామర్థ్యాన్ని కోల్పోవడం వల్ల రూ. 30 వేల కోట్లు నష్టపోతున్నా.. కేంద్రాన్ని అడిగే పరిస్థితి లేదన్నారు. రాష్ట్రంలో కరువు తాండవిస్తున్నా సీఎం చంద్రబాబునాయుడుకు, వెన్నుపోటు పార్టీకి చీమకుట్టినట్లు కూడా లేదని ఆరోపించారు. గత జూన్‌ , జూలై నెలలో పంటలు వేసుకోవాలని చెప్పి ఇప్పుడు నీళ్లు లేవని రైతులను నిలువునా ముంచారన్నారు. ఇలాంటి దుర్భిక్ష పరిస్థితుల్లో వ్యవసాయాధికారులతో సీఎం, వ్యవసాయ శాఖ మంత్రి కనీసం సమీక్షలు నిర్వహించారా అని ప్రశ్నించారు. అమరావతి, పోలవరం తప్ప ప్రజల సమస్యలను పట్టించుకోవడం లేదన్నారు. కర్నూలు జిల్లాలోని అన్ని మండలాలను కరువు ప్రాంతాలుగా ప్రకటించాలని డిమాండ్‌ చేశారు. ఉచిత పంటల బీమా, సున్నా వడ్డీ పథకాన్ని అమలు చేసి రైతాంగాన్ని అదుకోవాలన్నారు. రైతాంగం కోసం రూ. 3 వేల కోట్లు రిజర్వ్‌ చేయాలని సూచించారు. వైఎస్సార్‌సీపీ పోరుబాట మాజీ ముఖ్యమంత్రి వైఎస్‌ జగన్‌మోహన్‌రెడ్డి రాష్ట్రంలోని అన్ని జిల్లాల పార్టీ అధ్యక్షులతో రైతాంగ పరిస్థితుల గురించి మాట్లాడారన్నారు. రైతుల సమస్యలను ప్రభుత్వం దృష్టికి తీసుకుపోవాలని, వారికి అండగా నిలవాలని తమకు ఆదేశాలు జారీ చేశారన్నారు. ప్రభుత్వ నిర్లక్ష్య వైఖరికి నిరసనగా రైతులకు అండగా వైఎస్సార్‌సీపీ పోరాటం చేస్తుందన్నారు. సాగునీరు, తాగునీరు అందించాలని, నష్టపోయిన రైతులు పరిహారం చెల్లించాలని ప్రభుత్వంపై ఒత్తిడి తీసుకు వస్తామన్నారు. జిల్లాలో రైతుల పరిస్థితులను తెలుసుకునేందుకు మాజీ ముఖ్యమంత్రి జగన్‌ మోహన్‌ రెడ్డి పర్యటిస్తారన్నారు. జిల్లాలో అన్ని మండలాలను కరువు ప్రాంతాలుగా ప్రకటించాలి ఉచిత పంటల బీమా పథకాన్ని అమలు చేయాలి వైఎస్సార్‌సీపీ జిల్లా అధ్యక్షుడు ఎస్వీ మోహన్‌ రెడ్డి

కొత్తపల్లి: శ్రీశైలం జలాశయంలో రోజురోజుకు నీటీ నిల్వలు తగ్గుముఖం పడుతున్నాయి. దీంతో శుక్రవారం సాయంత్రానికి శ్రీశైలం జలాశయం నీటిమట్టం 885 అడుగుల నుంచి 861 అడుగులకు చేరుకుంది. దీంతో జాలాధివాసంలో ఉన్న ప్రాచీన సంగమేశ్వరాలయం కృష్ణా జలాల నుంచి బయల్పడుతుంది. ఆలయ గోపుర భాగం 5 అడుగుల మేర బయటపడింది. దీంతో సందర్శకుల తాకిడి పెరిగింది. ఎగువ పుష్కర ఘాట్‌ వద్ద ఉన్న ఉమామహేశ్వరాలయంలో 5వ రోజు గాయత్రీ దేవి వరుణ జపములు వంటి ప్రత్యేక పూజలు ఆలయ పురోహితులు తెలకపల్లి రఘురామ శర్మ నిర్వహించారు.

పచ్చని పొలాన్ని తలపిస్తున్నా.. ఇది కర్నూలు నగర నడిబొడ్డున ప్రవహిస్తున్న కేసీ కెనాల్‌. ప్రస్తుతం నీటి ప్రవాహం లేక గుర్రపు డెక్కతో నిండిపోయింది. అడుగడుగునా మురుగు నీరు కేసీ కెనాల్‌లోకి చేరుతుండటంతో ప్రస్తుతం మురికి కాలువను తలపిస్తోంది. తొమ్మిది రోజుల పాటు భక్తితో కొలిచిన వినాయక నిమజ్జనానికి ఈ మురుగునీటి కాలువ వేదికవుతోంది. భక్తుల మనోభావాలు దెబ్బతినకూడదనే ఉద్దేశంతో కేసీ కెనాల్‌లోనే నిమజ్జనోత్సవం నిర్వహిస్తున్నట్లు మంత్రి టీజీ భరత్‌ ప్రకటించినా.. మూడు రోజుల నిమజ్జనోత్సవం చూసి వినాయకుడు కన్నీరు కారుస్తున్నాడు. కాలువలో పడేయడంతో తమ పని అయిపోయిందన్నట్లుగా భక్తులు.. మురుగునీరు నిలిపి నిమజ్జనోత్సవం కానిచ్చామని నాయకులు, అధికారులు.. వెరసి భక్తిభావం మురుగునీరులో మునిగిపోతోంది. కిలోమీటర్ల దూరం పెరిగిపోయిన గుర్రపు డెక్కను తొలగించేందుకు అధికార యంత్రాంగం ఎలాంటి చర్యలు చేపట్టలేకపోయింది. ఇక పైపులు ఏర్పాటు చేసి మురుగునీటిని కేసీ కెనాల్‌లోకి పారిస్తున్నా అడిగే నాథుడే కరువయ్యాడు. కాలువలో కొద్ది దూరం గోడలు కట్టేసి మురుగునీటిని నిలిపేయడం చూస్తే భక్తుల మనోభావాలను ఏస్థాయిలో గౌరవిస్తున్నారో ఇట్టే అర్థమవుతోంది. చివరి రోజు కొద్దిపాటి నీరు విడుదల చేసినా.. గుర్రపుడెక్కను దాటుకొని నీళ్లు రావడం అసాధ్యమనే అభిప్రాయం వ్యక్తమవుతోంది. – సాక్షి ఫొటోగ్రాఫర్‌, కర్నూలుగుర్రపు డెక్కతో నిండిన కేసీ కెనాల్‌కేసీ కెనాల్‌లో పేరుకుపోయిన మురుగు నీరుఅశోక్‌నగర్‌ వద్ద కేసీలో కలుస్తున్న మురుగు నీరుకేసీలో అడుగడుగునా ఇలాంటి మురుగు ధారలే

సంజామల: కూటమి ప్రభుత్వం అధికారంలోకి వచ్చిన తర్వాత గ్రావెల్‌ మాఫియా చెలరేగిపోతోంది. రేయింబవళ్లు గ్రావెల్‌ అక్రమంగా తరలిస్తూ సొమ్ముచేసుకుంటోంది. కొందరు వ్యక్తులు రామిరెడ్డిపల్లె గ్రామంలో ఎర్రకొండను తవ్వి మట్టిని అమ్ముకుంటూ సొమ్ము చేసుకుంటున్నారు. దాదాపు నెల రోజులుగా ఎర్రమట్టి అక్రమంగా రవాణా జరుగుతున్నా అధికారులు మాత్రం చూసీ చూడనట్లు వ్యవహరిస్తున్నారు. ఎర్రమట్టి అక్రమ తరలింపుపై ప్రజా సంఘాల నాయకులు ఫిర్యాదు చేసినా తహసీల్దార్‌ పట్టించుకోవడం లేదనే విమర్శలు ఉన్నాయి. అధికార పార్టీ నాయకులకు కమీషన్లు ఇస్తే చాలు అన్నట్లుగా వ్యవహారం నడుస్తోంది. ఎర్రమట్టిని తరలించడానికి అధికారపార్టీ నాయకులకు టిప్పర్‌కు రూ.300 కమీషన్‌ ఇస్తున్నారనే ఆరోపణలు ఉన్నాయి. దాదాపు రోజుకు 50 ట్రిప్పులుపై గానే ఎర్రమట్టి తరలిస్తున్నారు. ఎలాంటి అనుమతులు లేకున్నా స్థానిక నాయకులు, అధికారులను సంప్రదిస్తే చాలు అక్రమంగా మట్టిని తీసుకెళ్లవచ్చుని బాహాటంగా చర్చ జరుగుతోంది.

శోభాయాత్రలో పాల్గొన్న ప్రజలుఆదోనిలో శుక్రవారం గణేశ్‌ నిమజ్జనోత్సవం అంగరంగ వైభవంగా సాగింది. తప్పెట్లు, చెక్కభజనలు, బ్యాండు మేళాలు, డీజే సౌండ్ల మధ్య ప్రజల్లో ఉత్సాహం ఉరకలేసింది. మధ్యాహ్నం మూడు గంటల నుంచి అర్ధరాత్రి దాటినా విగ్రహాల నిమజ్జనం కొనసాగింది. ఆదోని పట్టణ వీధులన్నీ గణేశ్‌ శోభాయాత్రలతో సందడిగా మారాయి. చిన్నారులు, యువత, మహిళలు, వృద్ధులు అనే తేడా లేకుండా అందరూ రోడ్లపైకి తరలివచ్చి గణనాథుడికి ఘనంగా వీడ్కోలు పలికారు. – ఆదోని

● బ్లాక్‌లో విక్రయాలు ● ప్రజలకు తప్పనితిప్పలు నంద్యాల(అర్బన్‌): జిల్లాలోని 13 సబ్‌ రిజిస్ట్రార్‌ కార్యాలయాల్లో స్టాంపు పేపర్ల కొరత వేధిస్తోంది. ఇదే అదనుగా మూడు రెట్లు అదనపు ధరలతో కొందరు బ్లాక్‌లో విక్రయిస్తున్నారు. మరి కొందరు పెద్ద సంఖ్యలో నిల్వచేసినట్లు తెలుస్తోంది. జిల్లాలో రెండు నెలలుగా స్టాంపుల కొరత ఉన్నా రిజిస్ట్రేషన్‌ శాఖ అధికారులు నిమ్మకు నీరెత్తినట్లుగా ఉండిపోయారు. ఈ నెల 1వ తేదీ నుంచి పరిస్థితి మరింత తీవ్రంగా మారింది. అరొకరగా వస్తున్న వాటిని తమకు అనుకూలంగా ఉన్నవారికి పెద్ద మొత్తంగా రిజిస్ట్రేషన్‌ కార్యాలయంలో పనిచేస్తున్న ఉద్యోగులు అప్పగిస్తున్నట్లు తెలుస్తోంది. దీంతో మిగిలిన వారు బ్లాక్‌లో కొనుగోలు చేయాల్సివస్తోంది. స్టాంపుల బ్లాక్‌ మార్కెట్‌ను అధికారులు అదుపు చేయడంలో పూర్తిగా విఫలమయ్యారనే విమర్శలు వినిపిస్తున్నాయి. ఇష్టానుసారంగా ధరలు జిల్లాలోని బండిఆత్మకూరు, శిరివెళ్ల, ఆళ్లగడ్డ, పాణ్యం, డోన్‌, ప్యాపిలి, బగానపల్లె, బేతంచెర్ల, అవుకు, కోవెలకుంట్ల, నంద్యాల, ఆత్మకూరు, నందికొట్కూరు సబ్‌ రిజిస్ట్రేషన్‌ కార్యాలయాల్లో స్టాంపులు దొరకకపోవడంతో క్రయవిక్రయ దారులు ఇబ్బందులు పడుతున్నారు. రిజిస్ట్రేషన్‌ ఫీజులు పెంచడంతో వారు వాటిని కట్టుకోలేక ఇబ్బంది పడుతున్నారు. బ్లాక్‌లో స్టాంపులు కొనుగోలు చేయాల్సిరావడం భారంగా మారింది. నాన్‌ జ్యుడీషియల్‌ స్టాంపుల కొరతతో ధరలు ఇష్టానుసారంగా పెంచారు. ఇదే పరిస్థితి కొనసాగితే అఫిడవిట్లు, ఒప్పందాలు, లీజుపత్రాలకు స్టాంపులు దొరక్క నానా ఇబ్బందులు పడాల్సి వస్తుందని క్రయవిక్రయ దారులు ఆవేదన వ్యక్తం చేస్తున్నారు. ఇప్పటికై నా అధికారులు చర్యలు తీసుకొని స్టాంప్‌ల కొరత లేకుండా చూడాలని కోరుతున్నారు. జిల్లాలోని అన్ని సబ్‌రిజిస్టార్‌ కార్యాలయాలకు త్వరలో సంపూర్ణంగా స్టాంప్‌లు అందుబాటులోకి రానున్నాయి. కొన్ని చోట్ల మాత్రమే కొరత ఉంది. వీలైనంత త్వరలో సమస్యను పరిష్కరిస్తాం. బ్లాక్‌లో అదనపు ధరలకు స్టాంప్‌లు విక్రయిస్తే చర్యలు తప్పవు. –అశోక్‌, జిల్లా రిజిస్ట్రార్‌, నంద్యాల

● వైఎస్సార్‌సీపీ మేధావుల ఫోరం రాష్ట్ర కార్యదర్శి పాటిల్‌ తిరుమలేశ్వర రెడ్డికర్నూలు (టౌన్‌): కొన్నేళ్లుగా స్థానిక సంస్థల ఎన్నికలను బ్యాలెట్‌ పద్ధతిన నిర్వహించడం ఆనవాయితీ అని, అయితే కూటమి ప్రభుత్వం ఈ ఏడాది ఈవీఎంలతో గెలవాలనే కుట్రలు చేస్తోందని వైఎస్సార్‌ కాంగ్రెస్‌ పార్టీ మేధావుల ఫోరం రాష్ట్ర కార్యదర్శి పాటిల్‌ తిరుమలేశ్వర రెడ్డి విమర్శించారు. ఇప్పటికే ఈవీఎంలపై ఎన్నో అనుమానాలు ఉన్నాయని, దేశవ్యాప్తంగా చర్చ జరుగుతుందని గుర్తు చేశారు. చంద్రబాబు ప్రభుత్వం ఈ ఆలోచనను విరమించుకోవాలని డిమాండ్‌ చేశారు. గురువారం ఆయన మాట్లాడుతూ.. చంద్రబాబు నాయుడు సర్‌ (స్పెషల్‌ ఇంటెన్సివ్‌ రివిజన్‌) కొత్త ఓటర్లను పక్కన పెట్టి స్థానిక సంస్థలకు వెళ్లేందుకు కుయుక్తులు పన్నుతున్నారన్నారు. ఈవీఎంలతో గెలుస్తామన్న ధీమాను ప్రభుత్వం వ్యక్తం చేస్తోందని, దీని వెనుక ఉన్న మతలబు ఏంటని ప్రశ్నించారు.? ఈ రెండున్నర ఏళ్ల చంద్రబాబు పాలనపై ప్రజల్లో తీవ్ర వ్యతిరేకత ఉందన్నారు. అన్ని వర్గాల ప్రజలు అసంతృప్తిలో ఉన్నారన్నారు. మహిళలు, నిరుద్యోగులు, రైతులను ఆదుకుంటామని చెప్పిన ప్రభుత్వం వారిని దగా చేసిందన్నారు. డీఎస్సీలో నిరుద్యోగులను మోసం చేయడంపై మండిపడుతున్నారన్నారు. రాష్ట్రంలో నాలుగు కోట్ల మందిని మోసం చేసిన కూటమి ప్రభుత్వానికి వైఎస్సార్‌సీపీ నాయకులను, కార్యకర్తలను బెదిరించడం, కేసులు పెట్టి ఇబ్బందులు పెట్టి స్థానిక సంస్థల ఎన్నికల్లో గెలవాలనే కుట్రలు చేస్తోందన్నారు. ప్రజలు ఇప్పటికే నిర్ణయించుకున్నారని, స్థానిక సంస్థల ఎన్నికల్లో వైఎస్సార్‌సీపీ విజయం తథ్యమన్నారు.

చదువు కావాలంటే బరువు మోయాల్సిందే అన్నట్టు ఉంది.. హొళగుంద జెడ్పీ హైస్కూల్‌ విద్యార్థుల పరిస్థితి. గురువారం పాఠశాలకు చెందిన కొంత మంది విద్యార్థులు మంచినీటి క్యాన్‌ను అష్టకష్టాలు పడ్తూ మోసుకెళ్తున్న దృశ్యాన్ని చూసిన చాలా మంది అయ్యో.. పాపమన్నారు. పాఠశాలలో ఎవరు పంపించారో తెలియదు గాని.. పాఠశాలకు దాదాపు అర కిలోమీటర్‌కు పైగా దూరంలో ఉన్న వాటర్‌ ప్లాంట్‌ నుంచి నీళ్లు తీసుకెళ్లేందుకు విద్యార్థులు వచ్చారు. అయితే నీటితో నింపిన క్యాన్‌ను విద్యార్థులు పాఠశాలకు చేర్చేందుకు నానా అవస్థలు పడ్డారు. కొద్దిసేపు మోస్తూ.. దించుతూ అతి కష్టం మీద పాఠశాలకు తీసుకెళ్లారు. ఇది విద్యార్థుల నీళ్లు మోయిస్తారా.. అంటూ తిట్టుకుంటూ విద్యా హక్కు చట్టం అంటే ఇదేనా.. అని ప్రశ్నిస్తున్నారు. – హొళగుంద

● భర్తీకాని వైద్యుల పోస్టులు ● అరకొరగా ఎంఎల్‌హెచ్‌పీలు ● అందని స్టాఫ్‌నర్సుల సేవలు కర్నూలు(హాస్పిటల్‌): జిల్లాలోని జాతీయ ఆరోగ్య మిషన్‌(ఎన్‌హెచ్‌ఎం)లో చాలా వరకు పోస్టులు ఖాళీగా మారాయి. ఫలితంగా ఆయా విభాగాల్లో వైద్యసేవలు అందకపోవడంతో ప్రజలు, రోగులు ఇబ్బందులు పడుతున్నారు. జాతీయ గ్రామీణ ఆరోగ్య మిషన్‌ను కొన్నేళ్లుగా జాతీయ ఆరోగ్య మిషన్‌గా మార్చి ఆరోగ్య కార్యక్రమాలు కొనసాగిస్తున్నారు. ఇందులో నియమితులైన వైద్యులు, ఉద్యోగులకు కేంద్ర ప్రభుత్వం 60 శాతం, రాష్ట్ర ప్రభుత్వం 40 శాతం నిధులతో జీతాలు చెల్లించాల్సి ఉంటుంది. కొంత కాలంగా ఈ విభాగంలో పలు పోస్టులు ఖాళీగా ఉన్నా భర్తీ చేయడంలో ప్రభుత్వం మీనమేషాలు లెక్కిస్తోంది. ఉన్న వారికి సైతం అరకొరగా జీతాలు వస్తుండటంతో వారు ఇతర అవకాశాలు రాగానే ఈ ఉద్యోగాన్ని వదిలేసి వెళ్లిపోతున్నారు. ఈ కారణంగా ప్రజలు, రోగులు వైద్యసేవలు అందక ఇబ్బందులు పడుతున్నారు. స్టాఫ్‌నర్సు పోస్టులు ఖాళీ జాతీయ ఆరోగ్య మిషన్‌లో 428 విలేజ్‌ హెల్త్‌ క్లినిక్‌లు ఉన్నాయి. ప్రతి క్లినిక్‌లో ఒక ఎంఎల్‌హెచ్‌పీ విధులు నిర్వహిస్తున్నారు. వారు గ్రామీణ ప్రాంత ప్రజలకు ప్రాథమిక వైద్యాన్ని అందిస్తూ సేవలందిస్తున్నారు. ఈ మేరకు వారికి నెలకు రూ.25వేలు జీతం ఇస్తున్నారు. అయితే గత కొంత కాలంగా జిల్లా వ్యాప్తంగా 33 చోట్ల ఖాళీలు ఉన్నాయి. దీంతో ఆయా గ్రామాల ప్రజలకు వైద్యసేవలు అందడం లేదు. ఈ కారణంగా వారు వ్యయ ప్రయాసలకు ఓర్చి పక్క గ్రామాలకు వెళ్లి వైద్యసేవలు అందుకోవాల్సి వస్తోంది. అలాగే కమ్యూనిటీ హెల్త్‌ సెంటర్లు(సీహెచ్‌సీ), ఎస్‌ఎన్‌సీయూ, ఎన్‌ఆర్‌సీ, ఎన్‌ఐసీయూ, ఎన్‌సీడీలలో ఏకంగా 48 స్టాఫ్‌నర్సు పోస్టులు ఖాళీగా ఉన్నాయి. ఈ కారణంగా ఆయా ఆరోగ్య కేంద్రాల్లో వైద్యసేవలు కొండెక్కాయి. సాధారణంగా చాలా ఆరోగ్య కేంద్రాల్లో వైద్యులతో సమానంగా స్టాఫ్‌నర్సులు వైద్యసేవలు అందిస్తూ ఉంటారు. పోస్టులు భారీగా ఖాళీగా ఉండటంతో గర్భిణులు, మహిళలు, చిన్నారులు తీవ్ర ఇబ్బందులు ఎదుర్కొంటున్నారు. చాలా తక్కువగా నాల్గవ తరగతి ఉద్యోగులు జిల్లాలో ఐదు సీహెచ్‌సీలు ఉండగా వాటిలో ఎనిమిది డాక్టర్ల పోస్టులు ఖాళీగా మారడంతో వైద్యసేవలు అంతంత మాత్రంగా రోగులకు అందే పరిస్థితి నెలకొంది. వీరితో పాటు పలు ఆరోగ్య కేంద్రాల్లో ఏఎన్‌ఎంలు, జూనియర్‌ అసిస్టెంట్లు, డేటా ఎంట్రీ ఆపరేటర్లు, ఫీల్డ్‌ ఇన్విస్టిగేటర్‌, డెంటల్‌ టెక్నీషియన్‌, నాల్గవ తరగతి ఉద్యోగులు చాలా తక్కువగా ఉన్నారు. రోగులు, ఉద్యోగులు, ప్రజలు ఇబ్బందులు పడుతున్నారు. జిల్లా వైద్య ఆరోగ్యశాఖ కార్యాలయంలోని మాస్‌ మీడియా విభాగంలో లీగల్‌ కన్సల్టెంట్‌ పోస్టు సైతం ఖాళీ ఉంది. ఫలితంగా న్యాయ సలహాలు, పరిష్కారాలు ఆలస్యం అవుతున్నాయి. ఉద్యోగులపై పనిభారం జాతీయ ఆరోగ్య మిషన్‌లో భారీగా ఖాళీలు ఏర్పడటంతో ఉన్న ఉద్యోగులపై పనిభారం పెరుగుతోంది. దీంతో వారు అదనపు పనిగంటలు పనిచేయాల్సి వస్తోంది. ఈ కారణంగా వారు నిత్యం పనిలోనే నిమగ్నమై ఉండటంతో త్వరగా దీర్ఘకాలిక వ్యాధులు కొని తెచ్చుకుంటున్నారు. చిన్న వయస్సులోనే చాలా మంది బీపీ, షుగర్‌, థైరాయిడ్‌ వ్యాధుల బారిన పడుతున్నారు. తమ జీతాలు పెంచాలని జాతీయ ఆరోగ్య మిషన్‌లో పనిచేసే ఉద్యోగులు పలు మార్లు ఆందోళనలు చేసినా ఫలితం ఉండటం లేదు. ఇది కేంద్ర ప్రభుత్వ కార్యక్రమమైనా జీతాలు పెంచమని రాష్ట్రం కోరితే ఆ భారం రాష్ట్ర ఖజానాపై కూడా భారం పడుతుంది. ఎందుకంటే వీరి జీతాలు 60ః40 రేషియోలో ఇస్తారు కాబట్టి కేంద్రం జీతం పెంచితే రాష్ట్రం కూడా పెంచాల్సి ఉంటుంది. అందుకే కేంద్ర ప్రభుత్వానికి జీతాలు పెంచాలని రాష్ట్ర ప్రభుత్వం ప్రతిపాదనలు పెట్టడం లేదన్న విమర్శలు వ్యక్తం అవుతున్నాయి.మంచి అవకాశం వస్తే రాజీనామా జాతీయ ఆరోగ్య మిషన్‌లో వెట్టి చాకిరి చేసే దానికన్నా మంచి అవకాశం వస్తే రాజీనామా చేసేందుకు సైతం కొందరు ఉద్యోగులు వెనుకాడటం లేదు. ఇందులో భాగంగా ప్రస్తుతం ఖాళీ అయిన ఉద్యోగాలన్నీ ఇలా మంచి అవకాశాలు రావడంతో రాజీనామా చేసి వెళ్లిపోయినవేనని సహ ఉద్యోగులు పేర్కొంటున్నారు. ప్రస్తుతం మెడికల్‌ ఆఫీసర్‌కు రూ.61,960, స్టాఫ్‌నర్సుకు రూ.27,835, ఎంఎల్‌హెచ్‌పీలకు రూ.25వేలు మాత్రమే జీతం ఇస్తున్నారు. ఈ మొత్తాన్ని పెంచాలని కోరినా వినేవారు కరువవడంతో ఇతర రంగాల్లో మంచి అవకాశాలు వస్తే రాజీనామా చేయడానికి చాలా మంది వెనుకాడటం లేదన్న విమర్శలు ఉన్నాయి.

ఎమ్మిగనూరు రూరల్‌: అదనపు కోర్టుల ఏర్పాటుతో పెండింగ్‌ కేసులకు సత్వర పరిష్కారం లభిస్తుందని జిల్లా జడ్జి పి.వాసు అన్నారు. గురువారం పట్టణంలోని పాత తహసీల్దార్‌ కార్యాలయ భవనం, కోర్టు ఆవరణలోని బార్‌ అసోసియేషన్‌ కార్యాలయాలను జిల్లా జడ్జి పి.వాసు, స్థానిక మేజిస్ట్రేట్‌ పి.హేమ బార్‌ అసోసియేషన్‌ సభ్యులతో కలసి పరిశీలించారు. ఈ సందర్భంగా జిల్లా జడ్జి పి. వాసు మాట్లాడుతూ కర్నూలు జిల్లాకు రూ.21 కోట్లు మంజూరు కాగా.. ఎమ్మిగనూరు కోర్టుతో పాటు అదనపు కోర్టు, మేజిస్ట్రేట్‌ కోర్టు ఏర్పాటుకు రూ.2 కోట్లు కేటాయించినట్లు తెలిపారు. ప్రస్తుతానికి పాత తహసీల్దార్‌ కార్యాలయంలో ఒక కోర్టు భవనం, కోర్టు ఆవరణలోని బార్‌ అసోసియేషన్‌ కార్యాలయంలో మరో కోర్టును సిద్ధం చేశామన్నారు. రెండవ విడత కింద 11 కోర్టులను ప్రారంభిస్తామన్నారు. పది రోజుల్లో ఎమ్మిగనూరులో రెండు కోర్టులను ప్రారంభించేందుకు చర్యలు చేపడతామన్నారు. వీరితో పాటు జిల్లా లీగల్‌ సర్వీస్‌ అథారిటీ సెక్రటరీ బి.లీలా వెంకటశేషాద్రి, బార్‌ అసోసియేషన్‌ అధ్యక్షులు పి.రషీదుల్లా, జనరల్‌ సెక్రటరీ కె.మల్లికార్జున తదితరులు పాల్గొన్నారు.

● ఏటా వందల టీఎంసీల వరద నీరు సముద్రం పాలవుతోందని ఆందోళన ● రిజర్వాయర్ల నిర్మాణంతోనే నీటి సమస్యకు పరిష్కారమని సూచన ● హుందాగా సాగిన జెడ్పీ చివరి సర్వసభ్య సమావేశం కర్నూలు(అర్బన్‌): ఉమ్మడి కర్నూలు జిల్లాలోని కేసీ కెనాల్‌కు 31.99 టీఎంసీలు, ఎస్‌ఆర్‌బీసీకి 19 టీఎంసీల నీటి కేటాయింపులు ఉన్నాయి. వీటిని పక్కనపెట్టి ఎలాంటి కేటాయింపులు లేని వెలిగొండకు ఇప్పటి వరకు 4.60 టీఎంసీల నీటిని ఎలా విడుదల చేస్తున్నారని చైర్మన్‌ పాపిరెడ్డి ప్రశ్నించారు. గురువారం స్థానిక జిల్లా పరిషత్‌ సమావేశం భవనంలో జెడ్పీ చైర్మన్‌ యర్రబోతుల పాపిరెడ్డి అధ్యక్షతన చివరి సర్వసభ్య సమావేశం నిర్వహించారు. ఈ సందర్భంగా చైర్మన్‌ మాట్లాడుతూ రాయలసీమ రైతులను ఎండబెట్టి వెలిగొండకు నీటిని ఎలా తరలిస్తారని ఆయన అధికారులను నిలదీశారు. ఉమ్మడి జిల్లాలోని 77 చెరువులను హంద్రీనీవా నీటితో నింపితే భూగర్భ జలాలు రీచార్జ్‌ అవుతాయన్నారు. ఈ దిశగా అధికారులు ఎందుకు చర్యలు చేపట్టడం లేదని ఆయన ప్రశ్నించారు. శ్రీశైలం నీటి మట్టం దిగువకు వస్తే చెరువులను ఎలా నింపుకోగలమన్నారు. ఈ సందర్భంగా ఆదోని ఎమ్మెల్యే పార్థసారథి, చైర్మన్‌ పాపిరెడ్డి మధ్య కొద్ది సేపు చర్చ కొనసాగింది. కర్ణాటక, తెలంగాణ రాష్ట్ర ప్రభుత్వాల సమన్వయంతో గుండ్రేవుల ప్రాజెక్టు నిర్మాణానికి రాష్ట్ర ప్రభుత్వం చర్యలు చేపట్టాల్సిన అవసరాన్ని చైర్మన్‌ గుర్తు చేశారు. రిజర్వాయర్ల నిర్మాణంతోనే నీటి సమస్యకు పరిష్కారం ప్రతి ఏడాది సముద్రం పాలవుతున్న వందల టీఎంసీల నీటిని వినియోగించుకునేందుకు కర్నూలు, నంద్యాల జిల్లాల్లో రిజర్వాయర్లను నిర్మించాల్సిన ఆవశ్యకత ఎంతైనా ఉందని.. ఈ అంశాన్ని కర్నూలు, నంద్యాల జిల్లాల కలెక్టర్లు ప్రభుత్వం దృష్టికి తీసుకెళ్లాలని జిల్లా పరిషత్‌ చైర్మన్‌ యర్రబోతుల పాపిరెడ్డి అన్నారు. ఉమ్మడి కర్నూలు జిల్లాలో ఒక్కో రిజర్వాయర్‌ 50 టీఎంసీల సామర్థ్యంతో నిర్మించుకుంటే సూపర్‌ ఎల్‌నినో వంటి విపత్కర పరిస్థితుల్లో సాగు, తాగు నీటికి ఏర్పడే ఇబ్బందులను అధిగమించవచ్చన్నారు. 2020–21 నుంచి 2025–26 సంవత్సరం వరకు 8,100 టీఎంసీల వరద నీరు సముద్రం పాలైందని అధికారిక లెక్కలు చెబుతున్నాయన్నారు. సమావేశంలో కర్నూలు ఎంపీ బస్తిపాటి నాగరాజు, ఆదోని ఎమ్మెల్యే డాక్టర్‌ పార్థసారథి, కర్నూలు, నంద్యాల జిల్లాల కలెక్టర్లు డాక్టర్‌ ఎ.సిరి, రాజకుమారి గణియా, కురువ కార్పొరేషన్‌ చైర్మన్‌ మాన్వి దేవేంద్రప్ప, జిల్లా గ్రంథాలయ సంస్థ చైర్మన్‌ తుగ్గలి నాగేంద్ర, డీసీఎంఎస్‌ చైర్మన్‌ నాగేశ్వరరావుయాదవ్‌, జెడ్పీ సీఈఓ ఆర్‌.సుధాకర్‌రెడ్డి, డిప్యూటీ సీఈఓ ఈవీ సుబ్బారెడ్డితో ఉమ్మడి జిల్లాకు చెందిన వివిధ ప్రభుత్వ శాఖల అధికారులు, జెడ్పీటీసీ, ఎంపీపీలు హాజరయ్యారు. ‘సుజల’ను ఉపయోగంలోకి తీసుకురండి కర్నూలు జిల్లాలో ఆరు, నంద్యాల జిల్లాలోని రెండు ఎన్‌టీఆర్‌ సుజల తాగునీటి పథకాలను వినియోగంలోకి తీసుకురావాలని జెడ్పీ చైర్మన్‌ పాపిరెడ్డి ఆర్‌డబ్ల్యూఎస్‌ ఎస్‌ఈ సీహెచ్‌ మనోహర్‌ను కోరారు. కోడుమూరు మండలంలో తాగునీటి సమస్య తీవ్రంగా ఉందని, నియోజకవర్గ కేంద్రమైన కోడుమూరులోనే పది పదహైదు రోజులకోసారి నీటిని విడుదల చేస్తున్నారని ఆందోళన వ్యక్తం చేశారు. నిరుపయోగంగా ఉన్న ఎన్‌టీఆర్‌ సుజలను ఉపయోగంలోకి తీసుకురావాలని జెడ్పీటీసీ బి.రఘునాథరెడ్డి కోరారు. ఎల్‌నినో నేపథ్యంలో రైతులకు పంటల బీమా పరిహారం అందించేందుకు నిర్దేశించిన ప్రమాణాలు, నిబంధనల ప్రకారం నివేదికలను ప్రభుత్వానికి పంపుతున్నాం. పశుగ్రాసం సాగుతో పాటు పంటల బీమా, పీఎండీఎస్‌ కార్యక్రమాలను అమలు చేస్తున్నాం. ప్రస్తుత వాతావరణ పరిస్థితుల్లో వచ్చే ఏడాది జూలై వరకు వర్షాలు ఆలస్యమయ్యే అవకాశం ముంది. అందుబాటులోని నీటి వనరుల్లో తాగునీటి అవసరాలకు అధిక ప్రాధాన్యత ఇస్తున్నాం. – జిల్లా కలెక్టర్‌ డాక్టర్‌ ఎ.సిరి గత ఏడాది నష్టపోయిన పంటలకే నేటికీ ఇన్సూరెన్స్‌ అందలేదు. – జెడ్పీటీసీలు యుగంధర్‌రెడ్డి, రంగనాథ్‌గౌడ్‌ ఉమ్మడి జిల్లాలోని అన్ని ప్రాంతాలను కరువు మండలాలుగా ప్రకటించాలి. రైతులు, కూలీలు వలస పోకుండా ఉపాధి పనులు పెంచాలి. – కర్నూలు ఎంపీ బస్తిపాటి నాగరాజు నేను బతికే ఉన్నా. రికార్డుల్లో నేను చనిపోయినట్లు వ్యవసాయ శాఖ అధికారులు నమోదు చేశారు. ఈ కారణంగా నాలుగు విడతలుగా పీఎం కిసాన్‌ ఆర్థిక సాయం అందుకోలేకపోయాను. నాకు గూడూరు మండలం ఆర్‌.ఖానాపురం గ్రామంలో 6 ఎకరాల వ్యవసాయ భూమి ఉంది. పత్తి, ఉల్లి, శనగ పంటలు సాగు చేస్తున్నా. ఎలాగూ నన్ను రికార్డుల్లో చంపేశారు. కనీసం నా భార్యకై నా వితంతు పింఛను ఇప్పించండి. – సమావేశంలో కలెక్టర్‌ను వేడుకున్న గూడూరు జెడ్పీటీసీ పి.మౌలాలితీర్మానాలు కర్నూలు, నంద్యాల జిల్లాలను తీవ్ర వర్షాభావ పరిస్థితుల వల్ల కరువు జిల్లాలుగా ప్రకటించాలి. తీవ్ర ఎల్‌నినో పరిస్థితులు ఉన్నందున గ్రామీణ ప్రాంతాల్లో రైతులు, వ్యవసాయ కూలీలు ఇతర ప్రాంతాలకు వలసలు వెళ్లకుండా వీబీజీ రాంజీ పథకంలో పని దినాలు పెంచాలి. కౌలు రైతులందరికీ అన్నధాత సుఖీభవ పథకాన్ని, పంటల బీమా పథకాన్ని వర్తింపజేసి బ్యాంకులు రుణాలు అందించాలి. తాగునీటి అవసరాలకు ప్రభుత్వం ప్రత్యేక నిధులు కేటాయించాలి. శ్రీశైలం ప్రాజెక్టు, గోరుకల్లు తదితర ప్రాజెక్టుల్లో భూములు కోల్పోయిన నిర్వాసితులకు ప్రభుత్వ ఉద్యోగాలు కల్పించాలి. ఉమ్మడి జిల్లాలో సాగు, తాగు నీరు అందించే గుండ్రేవుల ప్రాజెక్టును త్వరితగతిన పూర్తి చేయాలి.

కోవెలకుంట్ల: స్థానిక పోలీస్‌ సర్కిల్‌ కార్యాలయ పరిధిలో జరిగిన సైబర్‌ నేరాలకు సంబంధించిన మోసగాళ్లను పోలీసులు అరెస్ట్‌ చేశారు. విజయనగరం పట్టణానికి చెందిన కొలుసు శ్రీకాంత్‌, విజయవాడకు చెందిన సనపాల సాయి ప్రకాష్‌నాయుడును సైబర్‌ నేరస్తులుగా గుర్తించి అరెస్ట్‌ చేశారు. నిందితుల వద్ద నుంచి రూ. 25 లక్షల నగదు, నాలుగు మొబైల్‌ఫోన్లు, ల్యాప్‌టాప్‌ను స్వాధీనం చేసుకున్నారు. గురువారం నంద్యాల పట్టణంలోని జిల్లా పోలీస్‌ కార్యాలయంలో ఎస్పీ సునీల్‌ షోరాణ్‌ నిందితులను మీడియా ఎదుట హాజరు పరిచి వివరాలను వెల్లడించారు. బాధితులు ఇలా మోసపోయారు.. ● సంజామల మండలం కానాలకు చెందిన దన్నాడ మల్లికార్జున సాఫ్ట్‌వేర్‌ ఉద్యోగిగా పనిచేస్తున్నాడు. 2024 డిసెంబర్‌ 2వ తేదీన ఇన్‌స్ట్రాగామ్‌లో స్టాక్‌ మార్కెట్‌కు సంబంధించిన ఒక ప్రకటన చూసి దానిని ఓపెన్‌ చేయగా ఆర్యప్రాజెక్ట్‌ పల్స్‌ ఎక్స్‌బీ అనే వాట్సాప్‌ గ్రూపులో చేరితే స్టాక్‌మార్కెట్‌లో పెట్టుబడులు పెట్టి అధిక లాభాలు పొందవచ్చని సైబర్‌ మోసగాళ్లు సాఫ్ట్‌వేర్‌ ఉద్యోగిని నమ్మించారు. ఒక పెట్టుబడి ఖాతాను సృష్టించి వేర్వేరు బ్యాంకు ఖాతాలకు డబ్బులు బదిలీ చేయించారు. బాధితుడు రూ. 22.80 లక్షలు పెట్టుబడుల నిమిత్తం ఆయా ఖాతాలకు జమ చేశాడు. తర్వాత అతని పెట్టుబడి ఖాతాలోరూ. 1.44 కోట్లు ఉన్నట్లు తప్పుడు వివరాలు చూపించారు. ఆ మొత్తాన్ని విత్‌డ్రా చేసుకోవాలంటే మరో రూ. 25 లక్షలు ట్యాక్స్‌ రూపంలో చెల్లించాలని డిమాండ్‌ చేశారు. మోసపోయినట్లు గుర్తించిన బాధితుడు వెంటనే జాతీయ సైబర్‌క్రైమ్‌ హెల్ప్‌లైన్‌ 1930కి కాల్‌ చేసి సమాచారమందించాడు. అనంతరం సంజామల పోలీస్‌స్టేషన్‌లో ఫిర్యాదు చేయగా 2025 జనవరి నెలలో పోలీసులు కేసు నమోదు చేశారు. ● కోవెలకుంట్ల మండలం రేవనూరుకు చెందిన చరణ్‌రాజ్‌ అనే యువకుడు ఆటో నడుపుకుంటూ జీవనం సాగిస్తున్నాడు. ఆయన తండ్రి సుబ్బరాయుడు ఆర్టీసీ డ్రైవర్‌గా పనిచేస్తూ అనారోగ్య పరిస్థితుల కారణంగా ఇంటి వద్ద ఉంటున్నాడు. ఆ ఉద్యోగాన్ని కుమారుడికి ఇవ్వాలంటే ఆర్టీసీ సంస్థ పేరుతో తీసుకున్న రుణాన్ని పూర్తిగా చెల్లించాలని ఆర్టీసీ అధికారులు కోరగా గత ఏడాది డిసెంబర్‌ 23వ తేదీన కోవెలకుంట్ల ఎస్‌బీఐ మెయిన్‌ బ్రాంచ్‌లో బంగారు ఆభరణాలు తాకట్టు పెట్టి రూ. 5.24 లక్షలు రుణం తీసుకున్నాడు. ఆ మొత్తం తన బ్యాంకు ఖాతాలో జమ అయిన వెంటనే సైబర్‌ నేరగాళ్లు చరణ్‌రాజ్‌ వాట్సాప్‌కు ఏపీకే ఫైల్‌ పంపించారు. అది ఓపెన్‌ చేయగానే సెల్‌ఫోన్‌ హ్యాక్‌ కావడంతో నేరగాళ్లు ఆ మొత్తాన్ని వేర్వేరు ఖాతాలకు బదిలీ చేసుకున్నారు. బాధితుడు ఇచ్చిన ఫిర్యాదు మేరకు రేవనూరు స్టేషన్‌లో కేసు నమోదైంది. రెండు సైబర్‌ నేరాలను చేధించిన పోలీసులు రూ. 25 లక్షల నగదు, ల్యాప్‌టాప్‌, సెల్‌ఫోన్లు స్వాధీనం వివరాలు వెల్లడించిన జిల్లా ఎస్పీ

● మాజీ ఎంపీ బుట్టా రేణుకకర్నూలు(హాస్పిటల్‌): కర్నూలు ప్రభుత్వ సర్వజన వైద్యశాలలో అర్ధంతరంగా నిలిచిపోయిన ఇన్‌పేషెంట్‌ డిపార్ట్‌మెంట్‌ (ఐపీడీ) భవన నిర్మాణ పనులను వెంటనే ప్రారంభించి పూర్తి చేయాలని వైఎస్‌ఆర్‌ కాంగ్రెస్‌ పార్టీ కర్నూలు పార్లమెంటు సమన్వయకర్త, మాజీ ఎంపీ బుట్టా రేణుక డిమాండ్‌ చేశారు. గురువారం ఆమె కర్నూలు ప్రభుత్వ సర్వజన వైద్యశాలలో నిలిచిపోయిన ఐపీడీ భవనాన్ని పరిశీలించారు. ఈ సందర్భంగా ఆమె మాట్లాడుతూ నాడు–నేడు కింద గత వైఎస్సార్‌సీపీ భుత్వం చేపట్టిన పనుల్లో దాదాపు 70 శాతం సివిల్‌ పనులు పూర్తయ్యాయని, మిగిలిన పనులకు అవసరమైన నిధులు కేటాయించి త్వరితగతిన పూర్తి చేయాల్సిన బాధ్యత ప్రభుత్వంపై ఉందన్నారు. ఈ భవనం పూర్తయితే 600కు పైగా పడకలు, 14 ఆధునిక ఆపరేషన్‌ థియేటర్లు అందుబాటులోకి వస్తాయన్నారు. నిర్మాణ పనులు పూర్తిగాకపోవడంతో ఆపరేషన్‌ థియేటర్ల కొరత ఏర్పడి రోగులు ఇబ్బందులు పడుతున్నారని తెలిపారు. కర్నూలుతో పాటు రాయలసీమ, కర్ణాటక, తెలంగాణ ప్రాంతాల ప్రజలకు సేవలందించే కీలక ఆసుపత్రి అభివృద్ధిపై ప్రభుత్వం ప్రత్యేక దృష్టి సారించాలని కోరారు. పెండింగ్‌ పనులకు నిధులు కేటాయించి త్వరితగతిన పూర్తి చేసి ప్రజలకు పూర్తిస్థాయి వైద్యసేవలు అందుబాటులో తీసుకురావాలని ఆమె డిమాండ్‌ చేశారు. ప్రభుత్వం స్పందించకపోతే వైఎస్‌ఆర్‌ కాంగ్రెస్‌ పార్టీ ప్రజల పక్షాన నిలబడి పోరాటం చేస్తుందని స్పష్టం చేశారు.

● రెండు బైక్‌లను ఢీకొన్న కారు ● ఒకరు మృతి, మరొకరి పరిస్థితి విషమంహాలహర్వి: కర్ణాటక సరిహద్దు కర్ణాటక సరిహద్దు ప్రాంతంలో 167వ జాతీయ రహదారిపై చింతకుంట గ్రామ సమీపంలో గురువారం జరిగిన ఘోర రోడ్డు ప్రమాదంలో ఓ యువకుడు మృతి చెందారు. కర్ణాటక నుంచి ఆంధ్రప్రదేశ్‌ వైపు వస్తున్న కారు ఎదురుగా వస్తున్న రెండు బైక్‌లను ఢీకొనడంతో ఈ ప్రమాదం జరిగింది. మాచనూరు గ్రామానికి చెందిన దళవాయి శివకుమార్‌(25) అక్కడికక్కడే మృతిచెందాడు. మరో బైక్‌పై వస్తున్న కర్ణాటకలోని బళ్లారి జిల్లా వీరాపురం గ్రామానికి చెందిన దంపతులు తీవ్రంగా గాయపడ్డారు. మాచనూరు గ్రామానికి చెందిన మారెన్న, అంబమ్మ దంపతుల పెద్ద కుమారుడు దళవాయి శివకుమార్‌కు ఐదు నెలల క్రితం రాజేశ్వరితో వివాహమైంది. శివకుమార్‌ బళ్లారి జిల్లా కారేకల్లు గ్రామంలోని ఫ్యాక్టరీ ఏ–1 కంపెనీలో మెకానిక్‌గా పనిచేస్తూ కుటుంబానికి ఆసరాగా ఉండేవాడు. గురువారం మధ్యాహ్నం విధులకు హాజరయ్యేందుకు బైక్‌పై వెళ్తుండగా బళ్లారి నుంచి ఆదోని వైపు వస్తున్న కారు వేగంగా వచ్చి ఢీకొంది. శివకుమార్‌ తీవ్రంగా గాయపడి అక్కడికక్కడే మృతిచెందాడు. అతని వెనుక మరో బైక్‌పై వస్తున్న బళ్లారి జిల్లా వీరాపురం గ్రామానికి చెందిన దంపతులకు తీవ్ర గాయాలయ్యాయి. సమాచారం అందుకున్న పోలీసులు సంఘటనా స్థలానికి చేరుకని క్షతగాత్రులను చికిత్స నిమిత్తం బళ్లారి ఆసుపత్రికి తరలించారు. శివకుమార్‌ మృతదేహాన్ని పోస్టుమార్టం నిమిత్తం బళ్లారి ఆసుపత్రికి తరలించారు. కర్ణాటకలోని పీడీహళ్లి (హగరి) పోలీసులు ఘటనా స్థలానికి చేరుకుని ప్రమాదానికి గల కారణాలపై విచారణ చేపట్టారు. ఉన్న ఒక్కగానొక్క కుమారుడు శివకుమార్‌ మృతిచెందడంతో బాధితా కుటుంబ సభ్యులు బోరున లపిస్తున్నారు.

● నీరు లేక ఎండిన ఏడు చెరువులు ● చెరువుల కింద బీడైన ఆయకట్టు ● పొలాల్లో అడుగంటిన వేలాది బోర్లుగోనెగండ్ల: వర్షాలు లేక చెరువులు ఎండిపోయాయి. వాటి చుట్టూ ఉన్న పంట పొలాలు బీళ్లుగా మారాయి. వ్యవసాయ బోర్లలో చుక్కనీరు రావడం లేదు. గోనెగండ్ల మండలంలో ప్రతి ఇంటా కన్నీటి చెమ్మ కనిపిస్తోంది. మండలంలో ఏడు చెరువులు ఉండగా గంజిహళ్లి ప్రధానమైంది. ఎర్రబాడులో రెండు, ఒంటెడుదిన్నెలో రెండు, చిన్న నేలటూర్‌లో ఒకటి, కున్నూరులో ఒకటి చొప్పున చెరువులు పూర్తిగా ఎండిపోయాయి. ముళ్ల పొదలు, పిచ్చి మొక్కలతో నిండిపోయాయి. చివరికి మూగజీవాలు తాగేందుకు కూడా నీరు లేకపోయింది. మండలంలో ఉన్న ఏడు చెరువుల కింద రెండు వేల ఎకరాలు బీళ్లుగా మారాయి. గంజిహళ్లి చెరువు కింద 160 ఎకరాల్లో గతంలో వరి సాగు చేసేవారు. నీళ్లు లేక పత్తివేసినా పూర్తిగా ఎండిపోయింది. ఎర్రబాడులో పాత చెరువు, కొత్త చెరువు కింద 200 ఎకరాలు బీడు భూములుగా మారాయి. ఒంటెడుదిన్నె గ్రామంలో కానాల చెరువు, ఎర్ర చెరువు కింద పంటల సాగే లేదు. కన్నూరు(మాచాపురం) చెరువు కింద 800 ఎకరాలు ఎడారిని తలపిస్తున్నాయి. చెరువుల చుట్టూ ఉన్న దాదాపు 2వేల బోర్లు, బావులు ఎండిపోయాయి. దీంతో 10 వేల ఎకరాల్లో పంట నష్టం జరిగింది. ఇంత వరకు అధికారులు పంట నష్టాన్ని అంచనా వేయలేదు. ఎండిపోయిన పంటలకు, దెబ్బతిన్న పంటలకు తగిన పరిహారం అందించి ఆదుకోవాలని రైతులు కోరుతున్నారు. గ్రామాల్లో తాగునీటి ఎద్దడి తలెత్తకుండా యుద్ధప్రాతిపదికన చర్యలు చేపట్టాలని ప్రజలు డిమాండ్‌ చేస్తున్నారు. మా ఊరి చెరువుకు వర్షం నీటితో పాటు హంద్రీ–నీవా నీరు కూడా వస్తుంది. వర్షాలు లేకపోవడంతో వర్షం నీరు రాలేదు. హంద్రీ–నీవా నుంచి నీరు రాక చెరువు ఎండిపోయింది. చెరువు కింద సాగు భూములన్నీ బీళ్లుగా మారాయి. – రాముడు, రైతు, ఎర్రబాడు గ్రామం వర్షాలు రాక, చెరువుల్లో నీరు లేక బోర్లు ఎండిపోతున్నాయి. మా ఊరి చెరువు చుట్టు పక్కల ఉన్న బోర్లు, బావులు అన్నీ అడుగంటిపోయాయి. కొంతమంది అడపదడపా కురిసిన వర్షానికి పత్తి పంటను సాగుచేసుకున్నారు. అవికూడా ఎండిపోయాయి. రైతులకు పరిహారం ఇచ్చి ప్రభుత్వం ఆదుకోవాలి. – తోలు రాముడు, రైతు, గంజిహళ్లి గ్రామం

కొత్తపల్లి: కొలనుభారతి దేవి క్షేత్ర అమ్మవారి హుండీ ఆదాయం రూ.3,76,373 వచ్చిందని శ్రీశైలం దేవస్థానం సహాయ కార్యనిర్వహణాధికారి జి.స్వాములు తెలిపారు. గురువారం శివపురం సమీపంలోని కొలనుభారతి క్షేత్ర ప్రాంగణంలో దేవదాయశాఖ అధికారి కార్తీక్‌ ఆధ్వర్యంలో అమ్మవారి హుండీ లెక్కింపు ప్రక్రియ చేపట్టారు. ఈ సందర్భంగా స్వాములు మాట్లాడుతూ.. గత 7 నెలల 15 రోజులకు సంబంధించి హుండీని లెక్కింపు చేశామన్నారు. ఇందులో రూ.3,76,373 ఆదాయం వచ్చిందన్నారు. దీంతో పాటు 300 మిల్ల్లీ గ్రాముల బంగారు, 25 గ్రాముల వెండి అమ్మవారికి భక్తులు సమర్పించుకున్నారన్నారు. అయితే ఫిబ్రవరిలో హుండీ లెక్కించగా రూ. 2,17,635 ఆదాయం రాగా, ఇప్పుడు రూ.1,58,738 అదనపు ఆదాయం వచ్చిందన్నారు. ఈ మొత్తాన్ని అమ్మవారి ఖాతా లో భద్రపరుస్తామన్నారు. కార్యక్రమంలో పర్యవేక్షకులు దేవిక, సిబ్బంది పాల్గొన్నారు. నిమజ్జన వేళ విషాదం ● కేసీలో శవమై కనిపించిన వ్యక్తి పగిడ్యాల: ముచ్చుమర్రి పోలీస్‌ స్టేషన్‌ పరిధిలోని నెహ్రూనగర్‌లో బుధవారం రాత్రి జరిగిన గణేష్‌ నిమజ్జన వేడుకల్లో ప్రమాదవశాత్తు కేసీలో పడి ఓ వ్యక్తి మృతి చెందాడు. గ్రామానికి చెందిన బోయ టోపి చంద్రశేఖర్‌(55) గణేష్‌ నిమజ్జన విగ్రహాల ఊరేగింపు వెంబడి కేసీ కాలువకు చేరుకున్నాడు. కేసీ కాలువ వద్ద సరైన లైటింగ్‌ లేకపోవడం వలన ఉత్సవ కమిటీ సభ్యులు విగ్రహాలను చీకట్లోనే కేసీ కాలువలోకి నిమజ్జనం చేశారు. రాత్రి సుమారు 9 గంటల ప్రాంతంలో కేసీలోకి పడేసిన వినాయక విగ్రహాలపై తేలియాడుతూ కనిపించిన శవాన్ని భక్తులు కేకలు వేశారు. గణేష్‌ విగ్రహంపై ఉన్న శవాన్ని బయటకు తీసి చూడగా మృతుడు బోయ టోపి చంద్రశేఖర్‌గా గుర్తించి కుటుంబీకులకు సమాచారం అందించారు. విగ్రహాలతో పాటు ప్రమాదవశాత్తు కేసీలో పడి మృతి చెంది ఉంటాడని గ్రామస్తులు, బంధువులు అనుమానానం వ్యక్తం చేశారు. విగ్రహాలను నిమజ్జనం చేసే ప్రాంతంలో ఎలాంటి లైటింగ్‌ లేదని చీకట్లోనే నిమజ్జన వేడుకలు జరిగినట్లు స్థానికులు పేర్కొన్నారు. మృతుని భార్య హైమావతి ఫిర్యాదు మేరకు ముచ్చుమర్రి ఎస్‌ఐ నరేంద్ర కేసు నమోదు చేసి మృతదేహానికి పోస్టుమార్టం చేయించారు. అయితే చంద్రశేఖర్‌ మృతికి లైటింగ్‌ కారణం కాదని, ఆయన ఆత్మహత్యకు పాల్పడ్డాడని, ప్రమాదవశాత్తు జారి పడ్డాడని ఎస్‌ఐ రెండు విధాలుగా చెబుతుండటం విశేషం. రంగాపురంలో యువకుడి హత్య బేతంచెర్ల: మండల పరిధిలోని రంగాపురం గ్రామానికి చెందిన గంప ఎల్ల రమేష్‌ (24)ను కుటుంబీకులే దారుణంగా హత్య చేసినట్లు సీఐ వెంకటేశ్వరరావు తెలిపారు. వివరాల మేరకు.. గ్రామానికి చెందిన ఎల్ల రమేష్‌ మద్యానికి బానిసై ఇంట్లో తల్లిదండ్రులను, కుటుంబ సభ్యులను వేధింపులకు గురిచేసేవాడు. బుధవారం మద్యం తాగి వచ్చిన రమేష్‌ తండ్రి లింగన్నను, అన్న శివ నారాయణతో ఘర్షణ పడి దాడి చేశాడు. అతని వేధింపులు తాళలేక తండ్రి, అన్న ఇద్దరూ కలిసి గురువారం మధ్యాహ్నం 11 గంటల సమయంలో తాడుతో రమేష్‌ గొంతుకు బిగించి హత్య చేశారని సీఐ తెలిపారు. మృతదేహాన్ని పోస్టుమార్టం నిమిత్తం బేతంచెర్ల ప్రభుత్వ ఆస్నత్రికి తరలించి, కేసు నమోదు చేసుకొని దర్యాప్తు చేస్తున్నట్లు తెలిపారు. నీటి కుంటలో పడి వ్యక్తి మృతి డోన్‌ టౌన్‌: మండలంలోని ఓబులాపురం బుధవారం జరిగిన వినాయక నిమజ్జనం కార్యక్రమంలో అపశ్రుతి చోటు చేసుకుంది. గ్రామానికి చెందిన బోయ రామాంజనేయులు(40) నిమజ్జనం కార్యక్రమంలో పాల్గొని ప్రమాదవశాత్తూ నీటి కుంటలో పడి మృతి చెందినట్లు రూరల్‌ సీఐ రాకేష్‌ తెలిపారు. గురువారం ఉదయం కుంట వైపు వెళ్లిన వారు నీటిలో తేలాడుతున్న శవాన్ని గమనించిన పోలీసులకు సమాచారం ఇచ్చారు. హైదరాబాద్‌లో ముగ్గు వ్యాపారం చేస్తున్న మృతుడు గత మూడు నెలలుగా ఓబులాపురంలోనే ఉంటున్నట్లు పోలీసులు తెలిపారు. మృతునికి భార్య ఈశ్వరమ్మతో పాటు ముగ్గురు కుమార్తెలు ఉన్నారు. భార్య ఫిర్యాదు మేరకు రూరల్‌ పోలీసులు కేసు నమోదు చేసుకోని దర్యాప్తు చేస్తున్నారు. కాగా రామాంజనేయుల మృతి పట్ల బంధువులు అనుమానాలు వ్యక్తం చేస్తున్నారు. నిమజ్జన కార్యక్రమంలో పాల్గొన్న మృతుడు తిరిగి కుంట వద్దకు ఎందుకు వెళ్లాడని, ఇతర కారణాలు ఉన్నాయా.. ప్రశ్నిస్తున్నారు.

కౌతాళం: టీటీడీ దాస సాహిత్య ప్రాజెక్టు మాజీ స్పెషల్‌ ఆఫీసర్‌ అప్పన్న ఆచార్యులు (83) గుండెపోటుతో బుధవారం మృతి చెందారు. కౌతాళంకు చెందిన ఈయన 40 సంవత్సరాల పాటు తిరుమలలో మంత్రాలయం దాస సాహిత్య ప్రాజెక్టులో సేవలందించారు. హరే శ్రీనివాస అనే మంత్రాన్ని ప్రతి ఒక్కరి నోట పలికేలా చేశారు. హరిదాస సాహిత్యాన్ని ప్రతి ఊరు, జిల్లా దేశ నలుమూలలకు చేర్చిన ఘనత ఈయనది. ఈయన మృతి పట్ల పార్టీలకు అతీతంగా నాయకులు సంతాపం తెలిపారు. వైఎస్సార్‌సీపీ మండల కన్వీనర్‌ ప్రహ్లాదచారి, కౌతాళం సింగల్‌ విండో అధ్యక్షుడు వెంకటపతిరాజు, ఉరుకుంద మాజీ ట్రస్టు బోర్డు చైర్మన్‌ చెన్నబసప్ప పలువురు సంతాపం తెలిపారు. ఎమ్మిగనూరు బీజేపీ నాయకులు గురురాజరావు, ప్రహ్లాదచారి తదితరులు సాయంత్రం జరిగిన అంత్యక్రియల్లో పాల్గొన్నారు.

అంతర్‌రాష్ట్ర మహిళా దొంగ అరెస్టు ● సీసీ ఫుటేజీ ద్వారా కేసులను ఛేదించిన పోలీసులు కర్నూలు: పిల్లల చదువుల దృష్ట్యా తల్లి దొంగగా మారి పోలీసులకు చిక్కి కటకటాలపాలైంది. రద్దీగా ఉండే ప్రాంతాలను లక్ష్యంగా చేసుకుని మహిళల హ్యాండ్‌ బ్యాగుల నుంచి బంగారు ఆభరణాలను చోరీ చేసిన నంద్యాల జిల్లా సిద్ధాపురం గ్రామానికి చెందిన అంతర్‌ రాష్ట్ర మహిళా దొంగ వాణిశ్రీ అలియాస్‌ వాణిని పోలీసులు పక్కా ఆధారాలతో అరెస్టు చేసి 30 తులాల బంగారు ఆభరణాలను రికవరీ చేసి ఎస్పీ విక్రాంత్‌ పాటిల్‌ ఎదుట హాజరుపరిచారు. బుధవారం మధ్యాహ్నం జిల్లా పోలీసు కార్యాలయంలోని వ్యాస్‌ ఆడిటోరియంలో డీఎస్పీ కేవీ రాఘవేంద్ర, సీఐలు శేషయ్య, విక్రమసింహ తదితరులతో కలసి విలేకరుల సమావేశం నిర్వహించి ఎస్పీ వివరాలు వెల్లడించారు. మంత్రాలయం ఆరాధనోత్సవాల సందర్భంగా.. పది రోజుల క్రితం తిరుపతికి చెందిన ఓ మహిళ అనంతపురంలో వివాహ కార్యక్రమానికి హాజరై అనంతరం మంత్రాలయంలోని శ్రీరాఘవేంద్రస్వామి మఠానికి దర్శనం కోసం వెళ్లారు. ఆరాధనోత్సవాల సందర్భంగా భక్తుల రద్దీని ఆసరాగా చేసుకుని గుర్తు తెలియని మహిళ బ్యాగు జిప్‌ను తెరి చి అందులోని సుమారు 24 తులాల బంగారు ఆభరణాలను అపహరించింది. బాధితురాలు ఇచ్చిన ఫిర్యాదు మేరకు కేసు నమోదు చేసుకున్న పోలీసు లు సీసీ ఫుటేజీలను క్షుణ్ణంగా పరిశీలించారు. వాటి ఆధారంగా వాణిశ్రీని అదుపులోకి తీసుకుని విచారించగా చోరీకి పాల్పడినట్లు అంగీకరించింది. బస్సుల రద్దీగా ఉన్న ప్రాంతాల్లో ప్రయాణికులకు తెలియకుండా ఆభరణాలు అపహరించిన మరో మూడు చోరీ కేసులు త్రీటౌన్‌, ఫోర్త్‌టౌన్‌, పాణ్యం పోలీస్‌ స్టేషన్ల పరిధిలో నమోదైన మొత్తం చోరీ కేసుల్లో ఆమె ప్రమేయం ఉన్నట్లు విచారణలో బయ టపడింది. నిందితురాలి వద్ద నుంచి మొత్తం 30 తులాల బంగారు ఆభరణాలు స్వాధీనం చేసుకున్నారు. వెంకాయపల్లెలో నివాసం 10వ తరగతి వరకు చదువుకున్న వాణిశ్రీ పిల్లల చదువు కోసం కర్నూలు శివారులోని వెంకాయపల్లె వద్ద అద్దె ఇంట్లో నివాసముంటోంది. తరచూ సొంతూరు సిద్ధాపురానికి వెళ్లి వస్తూ బంధువుల సహకారంతో దొంగగా మారింది. ఈమె భర్త గోపి గౌడ్‌ ప్రస్తుతం వాటర్‌ ప్లాంట్‌లో పనిచేస్తున్నాడు. ఈమె తల్లి కూడా నందికొట్కూరు రోడ్డులోని ఓ కాలనీలో సొంతిల్లు నిర్మించుకుని అక్కడే నివాసముంటోంది. ఈమె తమ్ముడు హైదరాబాద్‌లో సాఫ్ట్‌వేర్‌ ఇంజనీర్‌గా పనిచేస్తున్నాడు. ఈమెకు ఇద్దరు పిల్లలు సంతానం. ఒకరు ఏడో తరగతి, మరొకరు ఐదో తరగతి చదువుతున్నారు. భర్త జీతంపై వచ్చే ఆదాయం చాలక దొంగగా మారింది. ఈమైపె ఉత్తరప్రదేశ్‌, హైదరాబాద్‌, తెలంగాణ రాష్ట్రం యాచారం ప్రాంతంలో చోరీ కేసులు ఉన్నట్లు పోలీసుల దర్యాప్తులో తేలింది. ఓర్వకల్లు మండలం హుసేనాపురం గ్రామానికి చెందిన ఈడిగ రాజేష్‌, నంద్యాల జిల్లా దొర్నిపాడు గ్రామానికి చెందిన జక్కుల శారదా దేవికి సంబంధించిన నగలు కూడా తస్కరించినట్లు నిందితురాలు అంగీకరించింది. అతి తక్కువ సమయంలో సీసీ ఫుటేజీ ఆధారంగా నిందితురాలిని గుర్తించి ఆమె వద్ద నుంచి 30 తులాల బంగారు ఆభరణాలను రికవరీ చేసినందుకు క్రైం పార్టీ పోలీసులు ఎస్పీ అభినందించారు.

● తుంగభద్ర నుంచి నీటిని తెప్పించలేరా? ● వైఎస్సార్‌సీపీ జిల్లా అధ్యక్షుడు ఎస్వీ మోహన్‌ రెడ్డి కర్నూలు (టౌన్‌): కేసీ కెనాల్‌లో గోడలు నిర్మించి నీటిని నిల్వ చేసి నిమజ్జనం చేయడం ఏమిటని వైఎస్సార్‌సీపీ జిల్లా అధ్యక్షుడు ఎస్వీ మోహన్‌ రెడ్డి ప్రశ్నించారు. కర్నూలులోని వినాయకఘాట్‌ వద్ద కెసీ కెనాల్‌లో గోడ కట్టిన ప్రాంతాన్ని బుధవారం ఆయన పరిశీలించారు. అపరిశుభ్రంగా ఉన్న నీరు, భారీగా డంప్‌ అయిన గుర్రపు డెక్కను పరిశీలించి ఆగ్రహం వ్యక్తం చేశారు. నిమజ్జనం కోసం చేస్తున్న ఏర్పాట్లపై మండి పడ్డారు. ప్రజల మనోభావాలను గౌరవించాల్సిన బాధ్యత కర్నూలు ఎమ్మెల్యే టీజీ భరత్‌కు ఉందన్నారు. తుంగభద్ర నుంచి నీటిని తెప్పించకుండా హడావుడి పనులు చేయడం ఏమిటని ప్రశ్నించారు. ప్రజలు క్షమించరు వినాయక నిమజ్జనోత్సవం సందర్భంగా కర్నూలులోని కేసీ కెనాల్‌ వద్ద లక్షలాది మంది భక్తులు కనిపిస్తారని, తూతూ మంత్రంగా పనులు చేస్తే వారు క్షమించబోరని ఎస్వీ మోహన్‌రెడ్డి అన్నారు. సంస్కృతిని గౌరవిస్తూ వినాయక నిమజ్జనం జురుపుకునేందుకు ముందస్తు చర్యలు తీసుకోవాలన్నారు. తుంగభద్ర నుంచి కర్నూలుకు రావాల్సిన 4.4 టీఎంసీల నీటి వాటాను తెప్పించాలన్నారు. రాష్ట్ర మంత్రి టీజీ భరత్‌ ప్రత్యే చొరవ తీసుకోవాలన్నారు. కర్నూలు కేసీలో కాకుండా ఉల్లిందకొండ, తడకనపల్లె, నన్నూరు టోల్‌ ప్లాజా అంటూ చెప్పడం మంత్రి బాధ్యతారాహిత్యమన్నారు. ఇప్పటికయిన మంత్రి, అధికార యంత్రాంగం తక్షణం చర్యలు తీసుకోవాలని డిమాండ్‌ చేశారు.

● వైఎస్సార్‌సీపీ నంద్యాల జిల్లా అధ్యక్షుడు కాటసాని రాంభూపాల్‌రెడ్డి ఓర్వకల్లు: చేతికందే సమయంలో చెరకు పంట దగ్ధం కావడం.. నీరందక మరోవైపు పంటలు ఎండిపోవడం.. రైతుల కన్నీళ్లు ప్రభుత్వానికి కనిపించవా? అని వైఎస్సార్‌సీపీ నంద్యాల జిల్లా అధ్యక్షుడు కాటసాని రాంభూపాల్‌రెడ్డి ప్రశ్నించారు. రైతుల కష్టాలను తెలుసుకోవడానికి క్షేత్రస్థాయికి వెళ్లాలని సూచించారు. గుర్తుతెలియని దుండగులు నిప్పుపెట్టడంతో కాలిపోయిన కేతవరం మాజీ సర్పంచ్‌ బోయ గోవర్ధన్‌ చెరకు తోటను బుధవారం కాటసాని పరిశీలించారు. బాధిత రైతును పరామర్శించారు. మొత్తం ఐదు ఎకరాల్లో రూ.2 లక్షల ఆస్తినష్టం వాటిల్లిందని, క్షేత్రస్థాయిలో పరిశీలించి ప్రభుత్వం ఆదుకోవాలని విజ్ఞప్తి చేశారు. బాధిత రైతు ఇచ్చిన ఫిర్యాదు మేరకు పోలీసులు కేసు నమోదు చేసి, నిష్పక్షపాతంగా విచారించి రైతుకు న్యాయం చేయాలన్నారు. కేతవరం గ్రామానికి చెందిన మరో రైతు సాగు చేసిన మొక్కజొన్న పంటను కాటసాని పరిశీలించారు. ఎండిపోయిన బోర్ల పరిస్థితిపై రైతులతో మాట్లాడారు. నీరందక ఉల్లి పంటలో తీవ్రంగా నష్టపోతున్నారని రైతులు ఆవేదన వ్యక్తం చేశారు. నష్టపోయిన ప్రతి రైతుకూ పరిహారం ఇవ్వాలి రైతుల కష్టాలు ప్రభుత్వానికి కనిపించడం లేదని కాటసాని ఆగ్రహం వ్యక్తం చేశారు. రైతుల సమస్యలను పట్టించుకోకుండా నిమ్మకు నీరెత్తినట్లు వ్యవహరించడం సరికాదన్నారు. రైతులకు అండగా నిలవాల్సిన బాధ్యత ప్రభుత్వంపై ఉందన్నారు. ఇప్పటికై నా ప్రభుత్వం తక్షణమే స్పందించి, సమగ్ర సర్వే చేసి నష్టపోయిన ప్రతి రైతును గుర్తించాలన్నారు. బాధిత రైతులకు వెంటనే తగిన నష్టపరిహారం అందించాలని డిమాండ్‌ చేశారు. మాజీ సర్పంచ్‌ గోవర్ధన్‌, రైతులు కృష్ణారెడ్డి, ఘనాపురం మద్దిలేటి, బోయ కృష్ణ, గూడూరు శ్రీనివాసులు, అహ్మద్‌ ఉశేన్‌, కలాం, మహేష్‌ తదితరులు పాల్గొన్నారు.

శ్రీశైలంటెంపుల్‌: సనాతన ధర్మం, హిందూ సమాజం, దేవదాయశాఖ నిబంధనలపై అవగాహన లేని శ్రీశైల దేవస్థాన ఉన్నతాధికారి అనాలోచిత నిర్ణయాలు సాధువులు, సన్యాసులకు శాపంగా మారాయని శ్రీశైలం సాధు భవన్‌ ట్రస్ట్‌ విమర్శించింది. ఈ మేరకు బుధవారం దేవస్థాన పరిపాలన భవనంలో ఈఓ శ్రీనివాసరావును ఏపీ సాధు పరిషత్‌ గౌరవాధ్యక్షుడు అట్లూరి నారాయణరావు, అధ్యక్షుడు శ్రీనివాసనంద సరస్వతి స్వామిజీ, ప్రధాన కార్యదర్శి అరవింద స్వామిజీ, స్థానిక అశ్రమాల పీఠాధిపతులు, నిర్వాహకులు, సాధువులు కలిసి వినతిపత్రం అందించారు. అనంతరం వారు మీడియాతో మాట్లాడుతూ.. దేశం నలుమూలల నుంచి సాధుసంతులు, జ్ఞానులు, పుణ్యపురుషులు, భిక్షువులు, అవధూతలు, సిద్దులు, గురువులు, అశ్రమ పీఠాధిపతులు శ్రీశైల మహాక్షేత్రానికి అనునిత్యం తరలివస్తుంటారని, వారి వలన క్షేత్రానికి ఎలాంటి నష్టం జరదన్నారు. శ్రీశైలంలో ఉంటున్న సాధువులు, సన్యాసులను క్షేత్రానికి 250 కి.మీ దూరంలో వదిలిపెట్టాలని గత నెల 19న ప్రకటించిన నిర్ణయాన్ని తక్షణమే రద్దు చేయాలని వారు డిమాండ్‌ చేశారు. ఈ అనాలోచిత నిర్ణయం తీసుకున్న అధికారులను తక్షణమే విధుల నుంచి తొలగించి కఠిన చర్యలు తీసుకోవాలని డిమాండ్‌ చేశారు. సనాతన ధర్మం, శ్రీశైలక్షేత్ర మహిమ గురించి తెలియకుండా ఎలా విధులు నిర్వహిస్తారని ప్రశ్నించారు. దీనిపై ఈ నెల 23వ తేదీలోపు ఈఓ శ్రీనివాసరావు తగు నిర్ణయాన్ని మీడియా పూర్వకంగా వెల్లడించాలని లేని పక్షంలో ఈ నెల 23న ట్రస్ట్‌బోర్డు మీటింగ్‌ పురస్కరించుకుని ఆంధ్ర–తెలంగాణ సాధు సంతులు, ఆశ్రమాల స్వామిజీలతో కలిసి శ్రీశైల దేవస్థాన ట్రస్ట్‌బోర్డు చైర్మన్‌ను కలిసి వినతిపత్రం సమర్పిస్తామని, అప్పటికి పరిష్కరించకపోతే రాష్ట్రవ్యాప్త అందోళనలు చేపడతామని స్పష్టం చేశారు. అంతకుముందు వీరంతా శ్రీభ్రమరాంబా మల్లికార్జున స్వామిఅమ్మవార్లను దర్శించుకుని ప్రత్యేక పూజలు నిర్వహించారు.

కర్నూలు(అగ్రికల్చర్‌): కర్నూలు జిల్లాలోని గ్రామీణ ప్రాంతాలకు చెందిన మహిళలకు కెనరా బ్యాంక్‌ గ్రామీణ స్వయం ఉపాధి శిక్షణా సంస్థ ఉచిత శిక్షణ ఇస్తున్నట్లు ఈ సంస్థ డైరెక్టర్‌ కే.పుష్పక్‌ తెలిపారు. కొవ్వొత్తుల తయారీలో 12 రోజులు, జూట్‌ బ్యాగుల తయారీలో 14 రోజులు ఉచితంగా శిక్షణ ఇస్తున్నట్లు ఆయన బుధవారం ఒక ప్రకటనలో తెలిపారు. ఈ నెల 17వ తేదీ నుంచి శిక్షణ మొదలవుతుందని పేర్కొన్నారు.19 నుంచి 50 ఏళ్లలోపు వయస్సు మహిళలు అర్హులని, తెలుగులో చదవడం, రాయడం వచ్చి ఉండాలని, శిక్షణా కాలంలో ఉచిత భోజనం, హాస్టల్‌ వసతి కల్పిస్తున్నట్లు పేర్కొన్నారు. ఆసక్తి కలిగిన వారు నాలుగు ఫొటోలు, రేషన్‌కార్డు, ఆధార్‌, బ్యాంకు ఖాతా, విద్యార్హత ధ్రువపత్రాల జిరాక్స్‌ కాపీలతో సంస్థ కార్యాలయంలో దరఖాస్తు చేసుకోవాలని సూచించారు. పూర్తి వివరాలకు కర్నూలు శివారు బి.తాండ్రపాడు సమీపంలోని కెనరా బ్యాంకు– గ్రామీణ స్వయం ఉపాధి శిక్షణా సంస్థ (డీఆర్‌డీఏ–టీటీడీసీ పక్కన)లో సంప్రదించవచ్చన్నారు. అలాగే 08518–273710, 85002 72720, 90007 10508, 94409 05477 నంబర్లకు ఫోన్‌ చేయవచ్చని తెలిపారు. వైద్య విద్యార్థినుల గదుల వద్దకు ఆగంతకులు కర్నూలు(హాస్పిటల్‌): కర్నూలు ప్రభుత్వ సర్వజన వైద్యశాలలో మహిళా హౌస్‌ సర్జన్ల వసతి గదుల వద్దకు మంగళవారం రాత్రి ఆగంతకు లు రావడంతో కలకలం రేగింది. ఆసుపత్రి లో ని పేయింగ్‌ బ్లాక్‌ పై అంతస్తులో ఉన్న హౌస్‌ సర్జన్ల గది వద్దకు అర్ధరాత్రి దాటాక ఇద్దరు గుర్తుతెలియని వ్యక్తులు వచ్చి తలుపులు కొట్టారు. తలుపులు తెరిచి చూడగా గుర్తుతెలియని వ్యక్తులు కనిపించే సరికి వైద్య విద్యార్థినులు భయాందోళనకు గురయ్యారు. ఎవరు మీరని ప్రశ్నించగా గతంలో ఇక్కడ క్యాన్సర్‌ వార్డు ఉంది కదా అందుకే వచ్చామని మద్యం మత్తులోపొంతనలేని సమాధానాలు చెప్పారు. దీనిపై వైద్య విద్యార్థినులు ఆసుపత్రి అధికారులకు సమాచారం ఇవ్వగా, వారు పోలీసులకు ఫిర్యాదు చేశారు. వెంటనే వసతి గృహం వద్దకు చేరుకున్న పోలీసులు ఇద్దరు ఆగంతకులను అదుపులోకి తీసుకుని మూడవ పట్టణ పోలీస్‌ స్టేషన్‌కు తరలించారు. వారిలో ఒకరు న్యాయవాది, మరికరు విలేకరి అని చెప్పినట్లు సమాచారం. వైద్య విద్యార్థినుల ఫిర్యాదు మేరకు కేసు నమోదు చేసుకుని విచారణ చేస్తున్నారు. కర్నూలు(సెంట్రల్‌): నూతన పింఛన్‌ కోసంవచ్చిన దరఖాస్తులను సెప్టెంబర్‌ 21వ తేదీలోపు పరిశీలన చేసి ఎంపీడీఓ లాగిన్లకు పంపాలని అధికారులను జిల్లా కలెక్టర్‌ డాక్టర్‌ ఏ సిరి ఆదేశించారు. అర్హత కలిగిన వాటినే మాత్రమే ఆమోదించాలని, అర్హత లేని వాటని తిరస్కరించాలన్నారు. బుధవారం టెలీకాన్ఫరెన్స్‌ ద్వారా అధికారులతో ఆమె సమీక్షించారు. పింఛన్ల కోసం జిల్లాలో ఇప్పటివరకు 41,000కు పైగా దరఖాస్తులు వచ్చినట్ల తెలిపారు. పింఛన్ల దరఖాస్తులను 21 నుంచి 24వ తేదీ వరకు ఎంపీడీఓలు పరిశీలించి నేరుగా సెర్ప్‌ సీఈఓకు పంపించాలన్నారు. టెలీకాన్ఫరెన్స్‌లో డీఆర్‌డీఏ పీడీశ్రీధర్‌ రావు, స్వర్ణ గ్రామ స్వర్ణ అవార్డు జిల్లా అధికారి భాస్కర్‌ నాయుడు, సోషల్‌ వెల్ఫేర్‌ డీడీ రాధిక, హ్యాండ్లూమ్స్‌ ఏడీ నాగరాజు నాయుడు, మత్స్యశాఖ డీడీ రంగనాథ్‌ బాబు, ఎకై ్సజ్‌ సూపరింటెండెంట్‌ సుధీర్‌ బాబు పాల్గొన్నారు. ఇసుక అక్రమ తవ్వకాలపై కఠిన చర్యలు ఇసుక అక్రమ తవ్వకాలు, రవాణాపై కఠిన చర్యలు తీసుకోవాలని అధికారులను జిల్లా కలెక్టర్‌ డాక్టర్‌ ఏ సిరి ఆదేశించారు. బుధవారం కలెక్టరేట్‌ మినీ కాన్ఫరెన్స్‌ హాల్‌లో జిల్లా స్థాయి ఇసుక కమిటీ సమావేశం నిర్వహించారు. ఇసుక రీచ్‌లు, స్టాక్‌ పాయింట్లను ఆర్డీఓలు, ఇతర అధికారులు తరచూ తనిఖీ చేయాలన్నారు. ఏప్రిల్‌ 2026 నుంచి ఇప్పటివరకు 80 వాహనాలను సీజ్‌ చేసి రూ.18,45,360 జరిమానా విధించినట్లు గనుల శాఖ డీడీనాగిని చెప్పారు. సమావేశంలో జేసీ నూరుల్‌ ఖమర్‌, కర్నూలు, ఆదోని, పత్తికొండ ఆర్డీవోలు కె. సందీప్‌ కుమార్‌, అరుణ దేవి, ఓబులేసు, డీటీసీ శాంతకుమారి, పొల్యూషన్‌ కంట్రోల్‌ బోర్డ్‌ ఈఈ కిషోర్‌ రెడ్డి తదితరులు పాల్గొన్నారు. కర్నూలు కల్చరల్‌: బీఈడీ నాల్గో సెమిస్టర్‌ రీ వాల్యుయేషన్‌ ఫలితాలను విడుదల చేశారు. రాయలసీమ యూనివర్సిటీ వైస్‌చాన్సలర్‌ ప్రొఫెసర్‌ వి.వెంకట బసవరావు ఆదేశాల మేరకు ఫలితాలను విడుదల చేసినట్లు వర్సిటీ కంట్రోలర్‌ ఆఫ్‌ ఎగ్జామినేషన్స్‌ డాక్టర్‌ ఎస్‌.వెంకటేశ్వర్లు తెలిపారు. ఫలితాలను https:// rayalseemauniversity.ac.in అనే వెబ్‌సైట్‌లో అందుబాటులో ఉన్నాయని పేర్కొన్నారు. మొత్తం 430 మంది విద్యార్థులు 526 పేపర్స్‌కు రీ వాల్యుయేషన్‌కు దరఖాస్తు చేసుకోగా 312 మంది 367 పేపర్లలో ఉత్తీర్ణులైనట్లు పేర్కొన్నారు.

కర్నూలు: వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఆదేశాల మేరకు ఆంధ్రప్రదేశ్‌ అదనపు మాజీ అడ్వకేట్‌ జనరల్‌ పొన్నవోలు సుధాకర్‌ రెడ్డి కర్నూలులోని ఎస్సీ, ఎస్టీ ప్రత్యేక కోర్టుకు హాజరయ్యారు. ఆలూరు వైఎస్సార్‌సీపీ ఎమ్మెల్యే విరుపాక్షిపై నమోదైన కేసులో న్యాయపరమైన విచారణ ప్రక్రియకు సంబంధించి బుధవారం ఆయన కోర్టులో వాదనలు సమర్పించారు. విచారణ అనంతరం న్యాయ స్థానం ప్రాంగణంలో పొన్నవోలు సుధాకర్‌ రెడ్డితో పాటు వైఎస్సార్‌సీపీ లీగల్‌ సెల్‌ కర్నూలు జిల్లా అధ్యక్షుడు జి.స్వాములు, ఇతర న్యాయవాదులతో కలసి విలేకరుల సమావేశంలో మాట్లాడారు. రాజకీయ కక్ష సాధింపు చర్యలు రాష్ట్రంలోని కూటమి ప్రభుత్వం వైఎస్సార్‌సీపీ నాయకులు, ప్రజాప్రతినిధులను లక్ష్యంగా చేసుకుని అక్రమ కేసులను బనాయిస్తోందని విమర్శించారు. ఆలూరు ఎమ్మెల్యే విరుపాక్షిపై పెట్టిన కేసు కేవలం రాజకీయ కక్ష సాధింపులో భాగమేనన్నారు. పోలీసు యంత్రాంగాన్ని దుర్వినియోగం చేస్తూ అక్రమ కేసులు బనాయించినప్పటికీ తమకు న్యాయస్థానాలపైన, రాజ్యాంగంపైన పూర్తి విశ్వాసముందన్నారు. తమ పార్టీ ఎమ్మెల్యే విరుపాక్షికి వైఎస్‌ జగన్‌మోహన్‌ రెడ్డి పూర్తి మద్దతు ఉందని, న్యాయపరంగా పూర్తి అండగా నిలుస్తామని వెల్లడించారు. ప్రభుత్వం ఎన్ని కుట్రలు చేసినా చట్టం ముందే తేల్చుకుంటామని, న్యాయ పోరాటం ద్వారా నిజాలను బయట పెట్టి ఎమ్మెల్యే విరుపాక్షికి న్యాయం జరిగేలా చూస్తామని ధీమా వ్యక్తం చేశారు. వైఎస్సార్‌సీపీ లీగల్‌ సెల్‌ రాష్ట్ర కార్యదర్శి పి.సువర్ణ రెడ్డి, న్యాయవాదులు హనుమంతు రెడ్డి, జలందర్‌, వెంకటేశ్వర రెడ్డి, నరేంద్ర రెడ్డి, జీవన్‌ సింగ్‌, స్థానిక న్యాయవాదులు విలేకరుల సమావేశంలో పాల్గొన్నారు.

పెద్దకడబూరు: స్కూలు వాహనం చక్రాల కింద నలిగి యస్విత (4) అనే చిన్నారి దుర్మరణం చెందిన సంఘటన నందవరం మండలం బాపురంలో మంగళవారం సాయంత్రం చోటుచేసుకుంది. ఘటనకు సంబంధించి వివరాలు.. బాపురం గ్రామానికి చెందిన చిన్నరంగన్న, ఉర్మిళ దంపతుల ఒక్కగానొక్క కూతురు యస్విత పెద్దకడబూరు మండలం హెచ్‌.మురవణి నాలుగవ మైలురాయి వద్ద ఉన్న అక్షరభారతి ఇంగ్లిష్‌ మీడియం స్కూల్‌లో నర్సరీలో చేరింది. స్కూలు యాజమాన్యం వారు ఆయా గ్రామాల నుంచి పిల్లలను ప్రైవేటు వాహనాలైన టాటా ఏసీ (టెంపో)లలో బడికి తీసుకొచ్చి సాయంత్రం ఇంటికి చేరుస్తున్నారు. ఈ క్రమంలో మంగళవారం టెంపోలో పిల్లలను ఎక్కించుకొని బాపురం గ్రామానికి వెళ్లారు. అక్కడ చిన్నారి టెంపో నుంచి దిగి ఇంటికి వెళ్లిపోతుంది. ఆటో డ్రైవర్‌ అజాగ్రత్తగా టెంపోను వెనుకకు పోనివ్వడంతో చిన్నారికి తగిలి కింద పడిపోయింది. పాప తలపై టెంపో టైరు ఎక్కడంతో అక్కడికక్కడే చనిపోయింది. ఆటో డ్రైవర్‌ పాపను ఎమ్మిగనూరు ప్రభుత్వాసుపత్రికి తరలించి అక్కడి నుంచి పారిపోయాడు. విషయం తెలుసుకున్న కుటుంబ సభ్యులు బోరున విలపించారు. ఒక్కగానొక్క కూతురు చనిపోవడంతో వారి బాధ వర్ణనాతీతం. యస్విత మృతికి కారణమైన స్కూల్‌ను సీజ్‌ చేయాలి చిన్నారి యస్విత మృతికి కారణమైన అక్షర భారతి స్కూల్‌ను సీజ్‌చేసి యాజమాన్యంపై కేసు నమోదు చేయాలని బీసీ ఎస్సీ ఎస్టీ మైనార్టీ విద్యార్థి యువజన సమాఖ్య రాష్ట్ర అధ్యక్షుడు శేఖర్‌నాయుడు, పీడీఎస్‌యూజిల్లా నాయకులు నరసింహారెడ్డి పీడీఎస్‌ఓ జిల్లా నాయకుడు సురేంద్రబాబు, యూఎస్‌ఎఫ్‌ఐ జిల్లా నాయకుడు సందీప్‌ బుధవారం పాఠశాల ముందు ధర్నా చేపట్టారు. విద్యార్థుల రవాణాకు స్కూలు బస్సులను ఏర్పాటు చేయకుండా ప్రైవేటు ఆటోలను ఏర్పాటు చేసి చిన్నారిని పొట్టన పెట్టుకున్నారని మండిపడ్డారు. జిల్లా అధికారులు చర్యలు చేపట్టి పాఠశాలను సీజ్‌ చేయాలని, బాధిత కుటుంబానికి రూ.25 లక్షలు ఎక్స్‌గ్రేషియా చెల్లించాలని డిమాండ్‌ చేశారు.

భక్తుల వాహనాన్ని ఢీకొట్టిన ఎకై ్సజ్‌ సీఐ కారు గోనెగండ్ల: స్థానిక విద్యుత్‌ సబ్‌స్టేషన్‌ సమీపంలో మంగళవారం రాత్రి ఎమ్మిగనూరు ఎకై ్సజ్‌ సీఐ రమేష్‌ రెడ్డి నడుపుతున్న కారు కర్ణాటక భక్తులు ప్రయాణిస్తున్న తుపాన్‌ వాహనంను ఢీకొట్టింది. ఈ ప్రమాదంలో రెండు వాహనాలు దెబ్బతిన్నాయి. వివరాలు.. కర్ణాటకలోని సిరుగుప్ప ప్రాంతానికి చెందిన భక్తులు తుపాన్‌ (ఏకే 36 ఎన్‌ 5715) వాహనంలో రెండు రోజుల క్రితం శ్రీశైలం వెళ్లి స్వామిఅమ్మవార్లను దర్శించుకున్నారు. మంగళవారం కర్ణాటకకు తిరుగుప్రయాణమయ్యారు. అలాగే ఎమ్మిగనూరు ఎకై ్సజ్‌ సీఐ రమేష్‌ రెడ్డి రాత్రి ఎమ్మిగనూరు నుంచి ఏపీ 39 కేఈ 2647 నంబరుగల కారులో కర్నూలుకు బయలుదేరారు. గోనెగండ్ల విద్యుత్‌ సబ్‌ స్టేషన్‌ సమీపంలోకి రాగానే సీఐ ప్రయాణిస్తున్న కారు అతి వేగంగా తుపాన్‌ వాహనాన్ని ఢీకొట్టింది. ప్రమాద సమయంలో ఎయిర్‌ బ్యాగ్‌ తెరుచుకోవడంతో సీఐ స్వల్ప గాయాలతో బయటపడ్డాడు. తుపాన్‌ వాహనంలోని వారికి స్వల్ప గాయాలయ్యాయి. విషయం తెలుసుకున్న గోనెగండ్ల పోలీసులు ఘటనా స్థలానికి చేరుకొని విచారణ చేపట్టారు. ఎకై ్సజ్‌ సీఐ అతివేగంగా కారు డ్రైవ్‌ చేస్తూ వచ్చి ఢీకొట్టినట్లు తుపాన్‌లో ఉన్న వారు ఆరోపిస్తున్నారు. సీఐ మద్యం సేవించి వాహనం నడిపినట్లు ఆరోపణలు ఉన్నాయి. ప్రమాదంలో స్వల్పంగా గాయపడిన సీఐను గోనెగండ్ల పోలీసులు విచారణ చేసి పంపినట్లు తెలిసింది. సీఐ కారులో కవర్‌లో ఉన్న మద్యం సీసాలను పోలీసులు వేరే వాహనంలోకి మార్చినట్లు స్థానికులు చర్చించుకుంటున్నారు. ఈ విషయంపై గోనెగండ్ల సీఐ చంద్రబాబు మాట్లాడుతూ.. రెండు వాహనాలు ఢీకొన్న ప్రమాదంలో ఎవరికీ గాయాలు కాలేదు. ప్రమాద ఘటనపై విచారించి తగు చర్యలు తీసుకుంటామన్నారు.

● ఈత సరదాతో ప్రాణాలమీదకు.. ● కన్నీరు మున్నీరుగా విలపించిన తల్లిదండ్రులు, బంధువులు జూపాడుబంగ్లా: సరదాగా ఈత కొట్టేందుకు వెళ్లిన నలుగురిలో ఒకరు నీటి ప్రవాహంలో కొట్టుకుపోయి మృతి చెందగా మిగతా ముగ్గురు ప్రాణాపాయం నుంచి బయటపడిన సంఘటన మంగళవారం కనకయ్యకొట్టాల గ్రామంలో చోటుచేసుకొంది. కుటుంబ సభ్యులు, గ్రామస్తులు తెలిపిన వివరాల మేరకు.. గ్రామానికి చెందిన మేకల శివలింగేశ్వరుడు, పార్వతి దంపతుల చిన్న కుమారుడు మేకల లింగస్వామి గ్రామంలోని జెడ్పీ ఉన్నత పాఠశాలలో పదో తరగతి చదువుతున్నాడు. మంగళవారం పాఠశాలకు వెళ్లకుండా ఇంట్లోనే ఉన్నాడు. తండ్రి గ్రామంలోని వినాయక మండపం వద్ద అన్నదాన కార్యక్రమంలో ఉన్నాడు. ఇంట్లో నిద్రిస్తున్న లింగస్వామిని స్నేహితులు అదే గ్రామానికి చెందిన శివకృష్ణ, సాయి, జశ్వంత్‌ లేపి కేసీ కాల్వలో ఈతకు తీసుకెళ్లారు. వీరెవరికీ సక్రమంగా ఈత రాకపోయినప్పటికీ సరదాగా కాల్వలో దిగారు. సాయి కాలుజారి ప్రవాహంలో చిక్కుకోగా అతన్ని రక్షించేందుకు లింగస్వామి (15) కాస్త ముందుకెళ్లటంతో కొట్టుకుపోయాడు.. సాయి ఎలాగోలా ఒడ్డుకు చేరుకోగలిగాడు. లింగస్వామిని కాపాడేందుకు సాయి, శివకృష్ణ, జశ్వంత్‌ యత్నించినా ప్రయోజనం లేకపోవటంతో గ్రామస్తులకు విషయం తెలియజేయగా వారు కాల్వ వెంట గాలింపు చేపట్టారు. కాల్వ 114 తూము వద్ద లింగస్వామి మృతదేహం లభ్యమైంది. అతని మృతదేహాన్ని ఇంటికి చేర్చగా తల్లిదండ్రులు శోకసంద్రంలో మునిగారు. విషయం తెలుసుకుని హెచ్‌ఎం, ఉపాధ్యాయులు విద్యార్థి లింగమయ్య పార్థివ దేహాన్ని చూసి ప్రగాఢ సానుభూతి వ్యక్తం చేశారు.

తుగ్గలి:విద్యుదాఘాతంతో హమా లీ మృతి చెందిన ఘటన మండలంలోని ఉప్పర్లపల్లిలో మంగళవా రం చోటు చేసుకుంది. జొన్నగిరి పోలీసులు తెలిపిన వివరాల మేరకు.. గ్రామానికి చెందిన ఎరుకల మురార్జీ కుమారుడు విక్రమ్‌ (18) రోజూ మాదిరిగానే ట్రాక్టర్‌ పనికి వెళ్లారు. ట్రాక్టర్‌లో రాళ్లు లోడ్‌ చేసుకుని గ్రామంలో ఓ ఇంటి వద్ద అన్‌లోడ్‌ చేస్తున్నారు. కొన్ని రాళ్లు కింద పడకపోవడంతో ట్రాక్టర్‌ ఎక్కి తొలగించే ప్రయత్నం చేశాడు. ఆ సమయంలో పైన ఉన్న విద్యుత్‌ తీగలు తగలడంతో షాక్‌కు గురై అపస్మారక స్థితిలో పడిపోయాడు. గమనించిన స్థానికులు చికిత్స నిమిత్తం గుత్తికి తరలిస్తుండగా మార్గం మధ్యలో మృతి చెందాడు. మృతుడికి తండ్రి, ముగ్గురు సోదరీమణులు ఉన్నారు. ఒక్కగానొక్క కుమారుడు మృతి చెందండంతో కుటుంబ సభ్యులు బోరున విలపించారు. మృతుడి తండ్రి పిర్యాదు మేరకు కేసు నమోదు చేసుకుని విచారణ చేస్తున్నట్లు జొన్నగిరి ఎస్‌ఐ మల్లికార్జున తెలిపారు.

సి.బెళగల్‌: ఎమ్మిగనూరు మండలం ఏనుగబాల గ్రామ రెవెన్యూ అధికారి గోపాల్‌పై హత్యాయత్నం జరిగింది. ఇందుకు సంబంధించిన వివరాలు.. మండలంలోని మారందొడ్డి గ్రామానికి చెందిన బోయ గోపాల్‌ ఎమ్మిగనూరు మండలం ఏనుగబాల గ్రామ వీఆర్వోగా విధులు నిర్వర్తిస్తున్నారు. కుటుంబంతో కలిసి మారందొడ్డి గ్రామంలో నివాసముంటూ రోజూ విధులకు వెళ్లి వస్తుంటారు. అయితే సోమవారం రాత్రి కుటుంబ సభ్యులతో కలిసి మిద్దైపె నిద్రించగా గుర్తు తెలియని దుండగుడు పదునైన మరణాయుధంతో వీఆర్వో గోపాల్‌పై దాడి చేశాడు. ఉలికిపాటుతో వీఆర్వో అరవగా, కుటుంబ సభ్యులు మేలుకుని కేకలు వేయడంతో దుండగుడు అక్కడి నుంచి పరారయ్యాడు. తీవ్రంగా గాయపడిన వీఆర్‌ఓను కుటుంబసభ్యులు కర్నూలు ప్రభుత్వ ఆసుపత్రికి తరలించి వైద్యం చేయించారు. ఆగంతకుడి దాడిలో వీఆర్వో మెడపై రెండు తీవ్ర రక్తగాయాలు కాగా, కుడి దవడ పూర్తిగా ఛిద్రమైంది. అదేవిధంగా ఎడమ చెయ్యి, ఛాతిపై ఇలా మరో ఐదు చోట్ల రక్తపు గాయాలైనట్లు కుటుంబ సభ్యులు తెలిపారు. తీవ్ర రక్తస్రావం కావడంతో బాధితుడి పరిస్థితి విషమంగా ఉన్నట్లు తెలిపారు. విషయం తెలుసుకున్న ఎస్‌ఐ వేణుగోపాల్‌రాజు సోమవారం అర్ధరాత్రి కర్నూలు ఆసుపత్రిలో క్షతగాత్రుడిని పరిశీలించి, బాధితుడితో మాట్లాడి వివరాలు తెలుసుకున్నారు. ఎస్‌ఐ మాట్లాడుతూ.. వీఆర్వోపై దాడికి గల కారణాలు తెలియరాలేదని, బాధితుడి ఫిర్యాదు మేరకు కేసు నమోదు చేసి, అన్ని కోణాల్లో విచారణ చేపడతామన్నారు. కాగా మంగళవారం కర్నూలు క్లూస్‌ టీం సభ్యులు స్థానిక పోలీస్‌ సిబ్బందితో గ్రామానికి చేరుకుని ఘటనా స్థలాన్ని, బాధితుడి ఇంటి పరిసరాలను పరిశీలించి, ఆధారాలు సేకరించారు. మరణాయుధంతో దాడి

శ్రీశైలం: మితిమీరిన వేగం ఓ యు వకుడి పాణాన్ని బలిగొంది. వివరా ల్లోకి వెళితే.. శ్రీశైలానికి చెందిన దేశ రమేష్‌ శంకర్‌ (19) సోమవారం అర్ధరాత్రి దాటాక 1.42 నిమిషాలకు స్థానిక ఆర్టీసీ బస్టాండ్‌ నుంచి కమ్మ సత్రం ఎదురుగా తన బైక్‌ (ఏపీ 40 బీఎల్‌ 0169)పై అతివేగంగా దూసుకొచ్చి గౌడ సత్రం ఎదురుగా ఉన్న స్టాప్‌ గేట్‌ను గుద్దుకొని కింద పడిపోయాడు. అతని గొంతు వద్ద తీవ్ర రక్త గాయం కావడంతో స్థానికులు దేవస్థానం హాస్పిటల్‌కు తరలించగా డాక్టర్లు పరీక్షించి అతడు అప్పటికే మృతిచెందినట్లు ధ్రువీకరించారు. ఘటనపై వన్‌టౌన్‌ పోలీసులు కేసు నమోదు చేసుకొని మృతదేహాన్ని పోస్టుమార్టం నిమిత్తం ప్రాజెక్ట్‌ కాలనీ ప్రభుత్వ వైద్యశాలకు తరలించారు.

కోడుమూరు రూరల్‌: వినాయక చవితి పర్వదినం పురస్కరించుకుని కోడుమూరు సర్కిల్‌ కార్యాలయంలో సీఐ తబ్రేజ్‌ ఆధ్వర్యంలో నిర్వహించిన వేడుకల్లో మతసామరస్యం వెల్లివిరిసింది. సర్కిల్‌ కార్యాలయంలో సీఐ తబ్రేజ్‌ గణనాథుడిని కొలువుదీర్చగా వినాయక మండపాల సభ్యులతో పాటు కోడుమూరులోని మసీ దు కమిటీ సభ్యులు, ముస్లిం మత పెద్దలు పాల్గొని గణనాథుడికి సంప్రదాయ పద్ధతిలో ప్రత్యేక పూజలు నిర్వహించారు. సీఐ మాట్లాడుతూ.. వినాయక చవితి భారతీయులందరి పండుగ అని, నాడు బ్రిటిష్‌ పాలనలో భారతీయలంతా కలిసికట్టుగా ఉండాలన్న సంకల్పంతో స్వాతంత్య్ర సరమయోధుడు బాలగంగాధర్‌ తిలక్‌ గణేషుడి ఉత్సవాలను ప్రవేశపెట్టారని గుర్తు చేశా రు. ప్రజలంతా కలిసికట్టుగా కులమతాలకతీతంగా ఉత్సవాలు జరుపుకోవాలని సీఐ సూచించారు.

ఎమ్మిగనూరురూరల్‌: మండల పరిధిలోని బనవాసి జవహర్‌ నవోదయ విద్యాలయంను మంగళవారం ముగ్గురు ట్రైనీ ఐఏఎస్‌లు ప్రియాంక వధా, భరత్‌, హుసేన్‌ సందర్శించారు. విద్యాలయంలో తరగతి గదులు, కిచెన్‌ గార్డెన్‌, హాస్టల్‌ గదులు పరిశీలించి విద్యార్థుల తో మాట్లాడారు. విద్యాబోధన, వసతుల గురి ంచి అడిగి తెలుసుకున్నారు. వారితో పాటు ప్రి న్సిపాల్‌ ఇ.పద్మావతి, అధ్యాపకులు ఉన్నారు. మిర్యాలగూడలో ప్రత్యక్షమైన జేఈ కొలిమిగుండ్ల: విద్యుత్‌ శాఖలో జేఈగా పనిచేస్తున్న చింత లక్ష్మణస్వామి తెలంగాణ రాష్ట్రం మిర్యాలగూడలో ప్రత్యక్షమయ్యాడు. ఆయన ఈ నెల 8వ తేదీ రాత్రి కారు తీసుకొని ఇంటి నుంచి వెళ్లి పోయాడు. తర్వాత సెల్‌ఫోన్‌ స్విచాఫ్‌ చేసుకున్నారు. దీంతో కుటుంబ సభ్యులు, విద్యుత్‌ శాఖ సిబ్బంది ఆందోళన చెందారు. భార్య లీలావతి పోలీస్‌ స్టేషన్‌లో ఫిర్యాదు చేయడంతో మిస్సింగ్‌ కేసు నమోదు చేసుకొని విచారణ చేపట్టారు. ఈ క్రమంలో మంగళవారం లక్ష్మణస్వామి ఫోన్‌ ద్వారా సీఐ రమేష్‌బాబుకు అందుబాటులోకి వచ్చారు. తన వ్యక్తిగత కారణాలతోనే మిర్యాలగూడకు వెళ్లినట్లు వెల్లడించారు. ఎట్టకేలకు ఆయన క్షేమంగా ఉన్నట్లు తెలియడంతో అందరూ ఊపిరి పీల్చుకున్నారు. సిబ్బంది సాయంతో మిర్యాలగూడ నుంచి కొలిమిగుండ్లకు సాయంత్రానికి చేరుకున్నాడు. బావిలో మృతదేహం లభ్యం బండిఆత్మకూరు: ప్రమాదవశాత్తు బావిలో పడి వ్యక్తి మృతి చెందిన ఘటన మండలంలోని పెద్ద దేవళాపురం గ్రామంలో సోమవారం చోటు చేసుకుంది. ఎస్‌ఐ జగన్‌మోహన్‌ తెలిపిన వివరాల మేరకు.. సోమవారం ఉదయం ఆలయం సమీపంలోని బావిలో మృతదేహం తేలియాడుతున్నట్లు స్థానికులు ఇచ్చిన సమాచారంతో, సిబ్బందితో కలిసి అక్కడికి వెళ్లి మృతదేహాన్ని వెలికితీసి పరిశీలించగా శిరివెళ్ల మండలం గోవిందపల్లి గ్రామానికి చెందిన పుల్లయ్య (56)గా తేలిందన్నారు. పుల్లయ్య రెండు రోజుల క్రితం మద్యం సేవించి మండలంలోని సంతజూటూరు గ్రామంలో ఉన్న బంధువుల ఇంటికి వచ్చాడు. వారితో పెద్ద దేవళాపురం ఆంజనేయ స్వామి ఆలయానికి వెళ్తున్నానని చెప్పి వెళ్లాడు. ఆలయానికి వెళ్లే క్రమంలో బావికి ప్రహరీ లేకపోవడంతో మద్యం మత్తులో ప్రమాదవశాత్తు బావిలో పడినట్లు భావిస్తున్నారు. మృతుడికి భార్య, ముగ్గురు కుమారులు ఉన్నారు. భార్య నాగేశ్వరమ్మ ఫిర్యాదు మేరకు కేసు నమోదు చేసి విచారణ చేస్తున్నట్లు పోలీసులు తెలిపారు. నల్లమల ఘాట్‌లో రోడ్డు ప్రమాదంమహానంది: వినాయకచవితి పర్వదినం కావడంతో అహోబిలం ఆలయానికి బైక్‌పై వెళుతుండగా కారు ఢీకొనడంతో ఇద్దరు భక్తులకు గాయాలైన సంఘటన సోమవారం నల్లమల ఘాట్‌ రోడ్డులో చోటు చేసుకుంది. మార్కాపురం జిల్లా పొదిలికి చెందిన శ్రీనివాసరావు, మల్లికార్జున బైక్‌పై నంద్యాల వైపు వస్తున్నారు. సర్వ నరసింహస్వామి సమీపం వద్దకు రాగానే గిద్దలూరు వైపు వెళ్తున్న కారు వారి బైక్‌ను ఢీకొట్టింది. ప్రమాదంలో బైక్‌పై వెళుతున్న ఇద్దరికీ గాయాలు కావడంతో 108 అంబులెన్స్‌ ద్వారా నంద్యాల ప్రభుత్వాస్పత్రికి తరలించారు. ప్రమాద ఘటన శిరివెళ్ల పరిధిలోకి రావడంతో శిరివెళ్ల పోలీసులు కేసు నమోదు చేసినట్లు తెలిసింది. కుక్కను తప్పించబోయి వ్యక్తి మృతి కోడుమూరు రూరల్‌: కోడుమూరు నుంచి కర్నూలుకు వెళ్లే రోడ్డులో ప్యాలకుర్తి – కొత్తూరు గ్రామాల మధ్య రోడ్డుపై అడ్డంగా వచ్చిన కుక్కను తప్పించబోయి బైక్‌ అదుపుతప్పడంతో వ్యక్తి మృతి చెందిన సంఘటన ఆదివారం రాత్రి చోటు చేసుకుంది. వివరాలిలా ఉన్నాయి. కర్నూలులోని రోజా వీధికి చెందిన షేక్‌ దౌలత్‌బాషా (56) మంత్రాలయంలో సెంట్రింగ్‌ కాంట్రాక్టర్‌గా పనిచేస్తూ కర్నూలుకు వచ్చి వెళుతుండేవాడు. ఆదివారం రాత్రి కుటుంబాన్ని చూసుకునేందుకు మంత్రాలయం నుంచి కర్నూలుకు బైక్‌పై బయలుదేరాడు. ప్యాలకుర్తి –కొత్తూరు గ్రామాల మధ్య రోడ్డుపై కుక్క అకస్మాత్తుగా అడ్డం రావడంతో తప్పించే క్రమంలో బైక్‌ అదుపుతప్పి కింద పడడంతో దౌలత్‌ బాషా తలకు తీవ్రగాయలయ్యాయి. తీవ్రంగా గాయపడ్డ దౌలత్‌బాషాను స్థానికులు పెంచికలపాడు విశ్వభారతి హాస్పిటల్‌కు తరలించగా కోలుకోలేక మృతిచెందాడు. ఈ మేరకు కోడుమూరు పోలీసులు కేసు నమోదు చేసుకుని దర్యాప్తు చేస్తున్నారు. మృతుడు దౌలత్‌బాషాకు భార్య షాహిన్‌తో కుమారుడు, ఇద్దరు కుమార్తెలు ఉన్నారు.

● ఒకరి మృతి, ఇద్దరికి గాయాలు ● బైక్‌ కారును ఢీకొట్టడంతో ప్రమాదం ఎమ్మిగనూరు రూరల్‌: బైక్‌పై అతి వేగంతో వెళుతూ ప్రమాదానికి గురై ఒకరు మృతి చెందగా, మరో ఇద్దరు తీవ్రంగా గాయాలపాలైన సంఘటన సోమవారం ఎమ్మిగనూరు పట్టణంలో చోటు చేసుకుంది. వివరాలు.. మండల పరిధిలోని గుడేకల్‌కు చెందిన ఎం.ఆరోగ్య (35), అదే గ్రామానికి చెందిన హరిజన మణికుమార్‌, బంధువైన కోటేకల్‌ గ్రామానికి చెందిన హరిజన మాణిక్యరాజు స్నేహితులు. సోమవారం ఎమ్మిగనూరులో కలుసుకున్నారు. స్థానిక హోటల్లో భోజనం చేసుకొని హరిజన మాణిక్యరాజును అతని ఊర్లో వదలడానికి బైక్‌పై బయలుదేదారు. ఆదోని రోడ్డు వెంకటాపురం కాలనీ మలుపు వద్ద వేగంగా వెళ్తున్న బైక్‌ ఆదోని నుంచి మంత్రాలయం వెళ్తున్న కారును ఢీకొట్టింది. ఢీకొన్న వేగానికి బైక్‌, కారు నుజ్జునుజ్జయ్యాయి. ఈ ప్రమాదంలో బైక్‌పై వెళుతున్న ఎం.ఆరోగ్య, మణికుమార్‌, మాణిక్యరాజుకు తీవ్ర గాయాలయ్యాయి. స్థానికుల సమాచారంతో ఘటనా స్థలానికి చేరుకున్న ట్రాఫిక్‌ పోలీసులు క్షతగాత్రులను చికిత్స నిమిత్తం ప్రభుత్వాసుపత్రికి తరలించారు. అనంతరం మెరుగైన వైద్యం కోసం కర్నూలుకు తరలించారు. ఈ ప్రమాదంలో కారులో ఎయిర్‌ బ్యాగ్స్‌ ఓపెన్‌ కావడంతో అందులో ఉన్న ఇద్దరు వ్యక్తులకు ఎలాంటి ప్రమాదం జరగలేదని పోలీసులు తెలిపారు. ముంబైకి వెళ్లాల్సిన వ్యక్తి మృత్యుఒడికి.. గుడేకల్‌కు చెందిన ఎం.ఆరోగ్య (35), భార్య మరియమ్మకు ఇద్దరు కుమార్తెలు, కుమారుడు ఉన్నారు. ముంబైకి వలస వెళ్లి అక్కడే జీవనం సాగిస్తున్నారు. పది రోజుల క్రితం గ్రామానికి వచ్చారు. సోమవారం రాత్రి ముంబైకి తిరిగి వెళ్లేందుకు ట్రైన్‌ టికెట్‌ బుక్‌ చేసుకున్నట్లు బంధువులు తెలిపారు. స్నేహితులు కలవడంతో వారితో సరదాగా గడుపుదామని వచ్చి ప్రమాదానికి గురయ్యాడు. తీవ్రంగా గాయపడిన ఎం.ఆరోగ్యను కర్నూలుకు తరలించగా అంబులెన్స్‌ ఆసుపత్రి ఆవరణలోకి చేరుకోగానే ఊపిరి ఆగినట్లు చెబుతూ కుటుంబ సభ్యులు బోరున విలపించారు. భర్త చనిపోయిన విషయాన్ని ముంబైలో ఉన్నా భార్యకు తెలియజేయడంతో కర్నూలు ప్రభుత్వాసుపత్రికి చేరుకొని బోరున విలపించారు. మృతదేహానికి పోస్టుమార్టం నిర్వహించి కుటుంబ సభ్యులకు అప్పగించారు. కేసు నమోదు చేసుకొని విచారణ చేస్తున్నట్లు ట్రాఫిక్‌ ఎస్‌ఐ ఆనంద్‌ మంగళవారం సాయంత్రం తెలిపారు. మృతి చెందిన ఆరోగ్య (ఫైల్‌) తీవ్రంగా గాయపడిన మణికుమార్‌, మాణిక్యరాజు

వక్రతుండ మహాకాయ కోటిసూర్య సమప్రభ.. నిర్విఘ్నం కురు మే దేవ సర్వకార్యేషు సర్వదా’.. అంటూ విఘ్న నాయకుడిని జిల్లా ప్రజలు పూజించారు. వినాయక చవితి సదర్భంగా సోమవారం వాడవాడలా ఏకదంతుడి విగ్రహాలను ప్రతిష్టించి నైవేద్యాలు సమర్పించి మొక్కులు చెల్లించుకున్నారు. ఆకట్టుకునే బొజ్జ గణపయ్య విగ్రహాలు, విద్యుత్‌ దీప కాంతుల మండపాలు.. హోరెత్తిన భక్తిగీతాలు.. భక్తుల భజనలతో ఊరూరా సందడి నెలకొంది. ఎమ్మిగనూరు కోర్టు రోడ్డులో శక్తి వినాయక మండలి వారు ఈ ఏడాది దాదాపు 90 తులాల బంగా రు ఆభరణాలు వేసి పంచలోహ నాణెలతో తయారు చేసిన విగ్రహన్ని ప్రతిష్టింపజేసి పూజలు చేశారు. ఈ విగ్రహనికి సీసీ కెమెరాల నిఘాతో పాటు 15 మందికి పైగా కాపలా వుండటం విశేషం. – ఎమ్మిగనూరు టౌన్‌

కౌతాళం: జిల్లాలో ప్రసిద్ధి చెందిన పుణ్యక్షేత్రాలలో ఒకటైన ఉరుకుంద ఈరన్న స్వామి దేవాలయంలో 14రోజులకు సంబంధించి హుండీని మంగళవారం లెక్కించారు. ఆలయ డప్యూటీ కమిషనర్‌ వాణి ఆధ్వర్యంలో లెక్కింపు చేపట్టారు. భక్తులు స్వామి వారికి నగదు రూపంలో రూ.1,31,49,565 సమర్పించగా.. వెండి 14.500 కేజీలు, బంగారం 31.770 గ్రాములు వచ్చినట్లు ఈఓ తెలిపారు. లెక్కింపు కార్యక్రమంలో హుండీ పర్యవేక్షణాధికారి సుధాకర్‌రెడ్డి, ప్రధాన అర్చకుడు ఈరప్పస్వామి, ఉపప్రధాన అర్చకుడు మహదేవస్వామి తదితరులు పాల్గొన్నారు. కేసీ కెనాల్‌లోనే వినాయక నిమజ్జనం కర్నూలు(సెంట్రల్‌): భక్తుల మనోభావాలు, కమిటీ సభ్యుల విజ్ఞప్తులకు అనుగుణంగా కేసీ కెనాల్‌లోనే వినాయక నిమజ్జనం నిర్వహించాలని తుది నిర్ణయం తీసుకున్నట్లు మంత్రి టీజీ భరత్‌ తెలిపారు. సోమవారం కలెక్టరేట్‌ కాన్ఫరెన్స్‌ హాల్‌లో వినాయక చవితి నిమజ్జన ఏర్పాట్లపై గణేష్‌ ఉత్సవ కమిటీ సభ్యులు, సంబంధిత శాఖల అధికారులతో మంత్రి సమావేశాన్ని నిర్వహించారు. ఈ సందర్భంగా 40 ఏళ్లకు పైగా కొనసాగుతున్న సంప్రదాయాన్ని దృష్టిలో ఉంచుకొని కేసీ కెనాల్‌లోనే నిమజ్జనోత్సవాన్ని నిర్వహించేందుకు నిర్ణయించామన్నారు. అదే విధంగా 600 మీటర్ల పరిధికి అనుగుణంగా అవసరమైన క్రేన్లు, భద్రతా చర్యలు, ఇతర మౌలిక సదుపాయాలను ముమ్మరం చేస్తున్నామన్నారు. సమావేశంలో పాణ్యం ఎమ్మెల్యే గౌరు చరిత, జిల్లా ఎస్పీ విక్రాంత్‌ పాటిల్‌, కర్నూలు మున్సిపల్‌ కమిషనర్‌ ఓబులేసు, ఆర్‌అండ్‌బీ ఎస్‌ఈ మహేశ్వర రెడ్డి, ఆర్టీసీ ఆర్‌ఎం శ్రీనివాసులు, జిల్లా ఫైర్‌ ఆఫీసర్‌ అవినాష్‌ జయసింహ, వినాయక ఉత్సవ కమిటీ సభ్యులు పాల్గొన్నారు. క్వింటా వేరుశనగ రూ.8,910 ఎమ్మిగనూరు టౌన్‌: స్థానిక వ్యవసాయ మార్కెట్‌లో మంగళవారం క్వింటా వేరుశనగ గరిష్ట ధర రూ.8,910 పలికింది. మార్కెట్‌కు 440 క్వింటాళ్ల వేరుశనగ దిగుబడులను రైతులు విక్రయానికి తెచ్చారు. క్వింటా కనిష్ట ధర రూ.4,730, మధ్యస్థ ధర రూ.7,300 ప్రకారం మార్కెట్‌లో వ్యాపారులు కొనుగోలు చేశారని మార్కెట్‌ యార్డ్‌ ప్రత్యేక శ్రేణి కార్యదర్శి పి.కల్పన తెలిపారు. వేసవిని తలపిస్తున్న ఉష్ణోగ్రతలు కర్నూలు(అగ్రికల్చర్‌): అధిక ఉష్ణోగ్రతలు ఉక్కిరిబిక్కిరి చేస్తున్నాయి. మామూలుగా ఈ సమయంలో ఉష్ణోగ్రతలు 33–34 డిగ్రీల వరకే నమోదవుతాయి. కానీ నేడు ఉష్ణోగ్రతలు ఎండాకాలాన్ని తలపిస్తున్నాయి. పగిడ్యాలలో 39.4 డిగ్రీలు, ఉయ్యాలవాడలో 39.1, సంజామలలో 39.1, అవుకు 39, బనగానపల్లి 38.9, రుద్రవరం 38.8, ఆళ్లగడ్డ 38.8, కల్లూరు 38.6, కర్నూలు 38.5, ప్యాపిలి 38.4, మంత్రాలయం 38.3, శ్రీశైలం 38.3, నంద్యాల 38, వెల్దుర్తి 37.8, డోన్‌లో 37.8 డిగ్రీల ప్రకారం ఉష్ణోగ్రతలు నమోదయ్యాయి. రోజురోజుకు ఉష్ణోగ్రతలు పెరుగుతుండటం ఆందోళన కలిగిస్తోంది. విద్యుత్‌ వినియోగం గత ఏడాది ఇదే సమయంతో పోలిస్తే 20 శాతం వరకు పెరగడం గమనార్హం. పింఛన్ల దరఖాస్తుకు నేడు ఆఖరు కర్నూలు(అగ్రికల్చర్‌): చంద్రబాబు ప్రభుత్వం దాదాపు రెండున్నరేళ్ల తర్వాత కొత్త పింఛన్లకు అవకాశం కల్పించింది. ఈ నెల 7 నుంచి 16వ తేదీ వరకు మాత్రమే దరఖాస్తులు ఆన్‌లైన్‌లో అప్‌లోడ్‌ చేసేందుకు గడువు విధించింది. ఇందులో ఏడు పని దినాలు మాత్రమే ఉండగా.. ఇప్పటికే ఆరు పని దినాలు పూర్తయ్యాయి. పింఛన్లకు సచివాయాల్లో దరఖాస్తు చేసుకోవడానికి ఇక ఒక్క రోజు మాత్రమే మిగిలి ఉంది. మంగళవారం సాయంత్రం 5 గంటల సమయానికి ఉమ్మడి జిల్లాలో పింఛన్లకు 70,226 దరఖాస్తులు అప్‌లోడ్‌ అయ్యాయి. కర్నూలు జిల్లాలో 672 గ్రామ, వార్డు సచివాలయాలు ఉండగా 37,461 దరఖాస్తులు.. నంద్యాల జిల్లాలో 516 గ్రామ, వార్డు సచివాలయాలు ఉండగా 32,765 దరఖాస్తులు వచ్చాయి. ఇప్పటి వరకు కర్నూలు జిల్లాలో 786 దరఖాస్తులను.. నంద్యాల జిల్లాలో 620 దరఖాస్తులను ఆమోదించారు.

మంత్రాలయం: స్థానిక ఎన్నికలకు సిద్ధమవుదామని వైఎస్సార్‌సీపీ నేతలు, కార్యకర్తలకు మంత్రాలయం ఎమ్మెల్యే వై.బాలనాగిరెడ్డి పిలుపునిచ్చారు. రాంపురం గ్రామంలో మంగళవారం వైఎస్సార్‌సీపీ నియోజకవర్గ విస్తృత స్థాయి సమావేశాన్ని నిర్వహించారు. ఈ సందర్భంగా ఎమ్మెల్యే మట్లాడుతూ.. రానున్న స్థానిక సంస్థల ఎన్నికల్లో వైఎస్సార్‌సీపీ గెలుపే లక్ష్యంగా పార్టీ శ్రేణులు కృషి చేయాలన్నారు. కూటమి ప్రభుత్వం పోలీసులను అడ్డం పెట్టుకుని స్థానిక ఎన్నికల్లో గెలవాలని కుట్రలు చేస్తుందని, ఎవరూ భయపడాల్సిన పనిలేదన్నారు. కార్యకర్తలు, నాయకులకు తమ కుటుంబం అండ గా నిలుస్తుందని భరోసా ఇచ్చారు. పోలీసులు, అధికారులు స్థానిక ఎన్నికల్లో అత్యుత్సాహం ప్రదర్శిస్తే తమ పార్టీ అధికారంలోకి వచ్చిన తరువాత ఎవరిని వదిలే ప్రసక్తేలేదని హెచ్చరించారు. కూటమి ప్రభుత్వం సూపర్‌–6ను గాలికి వదిలేసిందన్నారు. ఏదీ కూడా పూర్తి స్థాయిలో అమలు నూచుకోలేదన్నారు. వ్యవసాయ రంగం నిర్వీర్యమవుతుందన్నారు. రాష్ట్రంలో కరువు తాండవిస్తున్నా సీఎం చంద్రబాబుకు కనిపించదన్నారు. గత వైఎస్సార్‌సీపీ ప్రభుత్వంలో ఉచిత పంటల బీమా చేయించి రైతులను వైఎస్‌ జగన్‌మోహన్‌రెడ్డి ఆదుకున్నారన్నారు. ఊరూరా కనిపించే సచివాలయం, ఆర్‌బీకె, హెల్త్‌ సెంటర్లు నిర్మించింది జగనన్ననే అన్నారు. తుంగ భద్ర నది అడుగంటి తీర ప్రాంత గ్రామాల ప్రజలు సాగు, తాగునీటి కష్టాలు ఎదుర్కొంటున్నారన్నారు. కార్యకర్తలకు అండగా ఉంటాం .. స్థానిక ఎన్నికల్లో ఊరూరా అందరి ఆమోదంతో వైఎస్సార్‌సీపీ అభ్యర్థిని నిలబెట్టి అత్యధిక మెజార్జీటతో గెలిపించి పార్టీ అధినేత వైఎస్‌ జగన్‌మోహన్‌రెడ్డికి కానుకగా అందిద్దామని వైఎస్సార్‌సీపీ జిల్లా ఉపాధ్యక్షుడు వై.ప్రదీప్‌కుమార్‌రెడ్డి అన్నారు. కార్యకర్తలకు ఏ సమస్య వచ్చినా తమ కుటుంబం అండగా ఉంటుందని భరోసా ఇచ్చారు. అధికార పార్టీ బెదిరింపులతో ఏకగ్రీవాలకు ప్రయత్నిస్తే ప్రతి నాయకుడు అడ్డుకోవాలన్నారు. కార్యక్రమంలో వైఎస్సార్‌సీపీ రాష్ట్ర కార్యనిర్వాహక సభ్యులు పురుషోత్తంరెడ్డి, జిల్లా కార్యదర్శులు మురళీమోహన్‌రెడ్డి, విశ్వనాథరెడ్డి, మండల కన్వీనర్లు ప్రహ్లాదచారి, బెట్టనగౌడు, రాంమోహన్‌రెడ్డి, ఎల్‌ఎల్‌సీ డిస్టిబ్యూటర్‌ మాజీ అధ్యక్షులు ఐరన్‌గల్‌ శ్రీనివాసరెడ్డి, లీగల్‌ సెల్‌ కార్యదర్శి గురురాజరావు, ఎంపీపీ ఈరన్న, నాయకులు మాబుసాబ్‌, ఏకాంబర్‌రెడ్డి, మాజీ సర్పంచులు తెల్లబండ్ల భీమ, రామాంజినేయులు, రోగెప్ప, నాగరాజు, ముకరన్న, రమేష్‌ కార్యకర్తలు పాల్గొన్నారు. కార్యక్రమంలో పాల్గొన్న నాయకులు, కార్యకర్తలు ఐడీ కార్డులను పంపిణీ చేస్తున్న మంత్రాలయం ఎమ్మెల్యే బాలనాగిరెడ్డిడీఎస్సీపై సీబీఐతో దర్యాప్తు చేయించాలి... డీఎస్సీ నిర్వహణలో అక్రమాలు చోటు చేసుకున్నాయని, వెంటనే సీబీఐతో దర్యాప్తు చేపట్టి అక్రమార్కులపై చర్యలు తీసుకోవాలని ఎమ్మెల్యే బాలనాగిరెడ్డి డిమాండ్‌ చేశారు. మంత్రాలయం నియోజకవర్గ పరిధిలోనే దాదాపు 6 నుంచి 10 మంది అనర్హులు డీఎస్సీలో పోస్టులు పొందారని ఆరోపణలు వస్తున్నాయన్నారు. పోస్టులు పొందిన వారి ధ్రువీకరణ పత్రాలు చూపించవద్దని అధికారులకు ప్రభుత్వం ఆదేశాలు జారీ చేయడం దారుణమన్నారు. డీఎస్సీలో తప్పులను కప్పి పుచ్చడానికి మంత్రి నారా లోకేష్‌ ప్రయత్నం చేస్తున్నారన్నారు. డీఎస్సీపై పూర్తి స్థాయిలో సీబీఐతో దర్యాప్తు చేయించాలని డిమాండ్‌ చేశారు. ఆలూరు ఎమ్మెల్యే బుసినే విరూపాక్షిపై అక్రమ కేసులు పెట్టి జైల్లో పెట్టడం దారుణమన్నారు. 2027లో జగన్‌మోహన్‌రెడ్డి పాదయాత్ర ఎలా చేస్తారో చూస్తానంటూ ఎమ్మెల్యే చింతమనేని ప్రభాకర్‌ అనడం హాస్యాస్పదమన్నారు. జగనన్న అగుడు బయటపెడితే జనసునామి వెంట నడుస్తుందన్నారు. అనంతరం ఎమ్మెల్యే చేతులు మీదుగా పార్టీ కార్యకర్తలు, నాయకులకు ఐడీ కార్డులను అందజేశారు.