దూకుడైన బ్యాటింగ్‌కు పెట్టింది పేరు వీరేందర్‌ సెహ్వాగ్‌ (Virender Sehwag). ఈ విధ్వంసకర ఓపెనర్‌ క్రీజులో ఉన్నాడంటే బౌలర్లకు చుక్కలే. సునిల్‌ గావస్కర్‌ (Sunil Gavaskar) తర్వాత టీమిండియాకు దొరికిన అత్యుత్తమ టెస్టు ఓపెనర్లలో సెహ్వాగ్‌ ఒకడు. పాకిస్తాన్‌ గడ్డపై 2004లో ట్రిపుల్‌ సెంచరీ బాదిన ఈ కుడిచేతి వాటం బ్యాటర్‌.. ఈ ఫీట్‌ సాధించిన భారత తొలి క్రికెటర్‌గా చరిత్రకెక్కాడు.టీమిండియా స్టార్లకు చేదు అనుభవాలుఅయితే, ప్రతీ ఆటగాడి కెరీర్‌లాగే సెహ్వాగ్‌ కెరీర్‌లోనూ ఎత్తుపళ్లాలు ఉన్నాయి. 2005- 06 మధ్యకాలంలో పరుగులు రాబట్టడంలో వీరూ కాస్త తడబడ్డాడు. ఆ సమయంలోనే టీమిండియా హెడ్‌కోచ్‌గా ఆస్ట్రేలియా మాజీ క్రికెటర్‌ గ్రెగ్‌ చాపెల్‌ (Greg Chappell) వచ్చాడు. అపుడే సౌరవ్‌ గంగూలీని కెప్టెన్సీ నుంచి, జట్టు నుంచి తప్పించడం జరిగాయి.హర్భజన్‌ సింగ్‌, వీవీఎస్‌ లక్ష్మణ్‌ తదితరులు కూడా చాపెల్‌ వ్యవహారశైలితో నొచ్చుకున్నట్లు వార్తలు వచ్చాయి. తనకు కూడా ఇలాంటి అనుభవమే ఎదురైందని సెహ్వాగ్‌ తాజాగా వెల్లడించాడు. అయితే, తాను ఆటతోనే అతడి నోరు మూయించానంటూ ఘాటు వ్యాఖ్యలు చేశాడు.గతం నాకు అనవసరం‘‘అప్పట్లో నేను పరుగులు రాబట్టేందుకు చాలా ఇబ్బందిపడ్డాను. అపుడు గ్రెగ్‌ చాపెల్‌ అన్న మాటలు నన్ను బాధించాయి. ‘నువ్వు కాలు కదపనంత వరకు పరుగులు రాబట్టలేవు’ అని నాతో అన్నాడు. అందుకు బదులుగా.. ‘గ్రెగ్‌.. నేను టెస్టుల్లో 50కి పైగా సగటుతో ఇప్పటికే 6000 పరుగులు సాధించాను’ అని చెప్పాను.ఇందుకు స్పందిస్తూ.. ‘నువ్వు గతంలో ఏం చేశావో నాకవసరం లేదు. నీకు మళ్లీ అదే మాట చెబుతున్నా. నువ్వు కాలు కదిపితేనే పరుగులు వస్తాయి’ అన్నాడు. దీంతో మా ఇద్దరి మధ్య మాటామాటా పెరిగింది.జట్టు నుంచి నిన్ను తప్పిస్తా.. నువ్వేం చేసుకుంటావో చేసుకోఅప్పుడు కెప్టెన్‌గా ఉన్న రాహుల్‌ ద్రవిడ్‌ వచ్చి మమ్మల్ని విడదీయాల్సి వచ్చింది. ఆ మరుసటి రోజు నేను బ్యాటింగ్‌కు వెళ్తున్న సమయంలో.. ‘నువ్వు ఈరోజు కచ్చితంగా పరుగులు చేయాలి. లేదంటే.. జట్టు నుంచి నిన్ను తప్పిస్తా’ అని గ్రెగ్‌ నాతో అన్నాడు.‘నువ్వేం చేసుకుంటావో చేసుకో’ అని నేను బదులిచ్చాను. ఓ ఆటగాడు బ్యాటింగ్‌కు వెళ్తున్న సమయంలో కోచ్‌ నుంచి వచ్చే ఇలాంటి మాటలు ఎలాంటి ప్రభావం చూపుతాయన్న అంశం మీద అతడికి కాస్తైనా అవగాహన లేదు.ఆరోజు నాకు స్ట్రైక్‌ రాగానే బంతిని బాదడం మొదలుపెట్టాను. భోజన విరామ సమయానికి ముందు నేను 99 పరుగుల వద్ద ఉన్నాను. అపుడు డ్రెసింగ్‌రూమ్‌లోకి వెళ్తుంటే ద్రవిడ్‌ అక్కడే నిల్చుని ఉన్నాడు.నా దరిదాపుల్లోకి కూడా రావొద్దని మీ కోచ్‌కు చెప్పునేను తనను పిలిచి.. ‘నా దరిదాపుల్లోకి కూడా రావొద్దని మీ కోచ్‌కు చెప్పు’ అని అన్నాను. లంచ్‌ తర్వాత తిరిగి వచ్చి 180 పరుగులు పూర్తి చేసుకున్నాడు. అప్పుడు ఓ మూలన నిల్చుని ఉన్న గ్రెగ్‌ వైపు ఓ లుక్కేశాను.‘నా కాలు కదిపినా.. కదపకపోయినా.. పరుగులు ఎలా చేయాలో మాత్రం నాకు తెలుసు’ అని మరోసారి అతడితో అన్నాను’’ అని సెహ్వాగ్‌ గత జ్ఞాపకాలను లైఫ్‌ సేవర్‌ పాడ్‌కాస్ట్‌లో పంచుకున్నాడు. అయితే, ఇందులో సెహ్వాగ్‌ సదరు మ్యాచ్‌ ఏదో చెప్పలేదు. అయితే, భారత్‌- వెస్టిండీస్‌ మధ్య 2006 నాటి టెస్టు సందర్భంగా ఈ ఘటన జరిగినట్లు తెలుస్తోంది.ఆనాటి మ్యాచ్‌లో సెహ్వాగ్‌ 180 పరుగులు చేయగా.. ద్రవిడ్‌ 140, మహ్మద్‌ కైఫ్‌ 148 పరుగులు (నాటౌట్‌) సాధించారు. ఈ క్రమంలో 588/8 వద్ద భారత్‌ తమ ఇన్నింగ్స్‌ డిక్లేర్‌ చేసింది. అయితే, ఈ మ్యాచ్‌ డ్రాగా ముగిసిపోయింది. కాగా తన కెరీర్‌లో 104 టెస్టులు ఆడిన సెహ్వాగ్‌ 8586 పరుగులు సాధించాడు.చదవండి: పాపం హార్దిక్‌ పాండ్యా!.. బీసీసీఐ ఉపాధ్యక్షుడి కామెంట్స్‌ వైరల్‌

భారత క్రికెట్‌ నియంత్రణ మండలి (BCCI), టీమిండియా దిగ్గజం సచిన్‌ టెండుల్కర్‌ తీరును మాజీ క్రికెటర్‌ కర్సన్‌ ఘవ్రీ (Karsan Ghavri) విమర్శించాడు. పటౌడీ ట్రోఫీని ఇంగ్లండ్‌ బోర్డు ఆండర్సన్‌- టెండుల్కర్‌ ట్రోఫీగా మారిస్తే.. ఎందుకు అభ్యంతరం చెప్పలేదని ప్రశ్నించాడు. ఒకవేళ బోర్డర్‌- గావస్కర్‌ ట్రోఫీ పేరును మార్చి ఉంటే మాత్రం.. సునిల్‌ గావస్కర్‌ ఇండియా మొత్తాన్ని షేక్‌ చేసేవాడని.. ఇప్పుడు మాత్రం సైలెంట్‌గా ఉన్నాడని విమర్శలు చేశాడు.కాగా ఇంగ్లండ్‌- టీమిండియా మధ్య టెస్టు సిరీస్‌కు భారత దిగ్గజం మన్సూర్‌ అలీ ఖాన్‌ పటౌడీ గౌరవార్థం పటౌడీ ట్రోఫీగా పిలిచేవారు. అయితే, తాజాగా టీమిండియా ఇంగ్లండ్‌లో పర్యటించగా.. దీనికి ఆండర్సన్‌- టెండుల్కర్‌ ట్రోఫీ (Anderson- Tendulkar Trophy)గా నామకరణం చేశారు. ఇంగ్లండ్‌ పేస్‌ దిగ్గజం జేమ్స్‌ ఆండర్సన్‌, భారత బ్యాటింగ్‌ లెజెండ్‌ సచిన్‌ టెండుల్కర్‌ల పేరు మీదుగా ఇకపై ఈ సిరీస్‌ను నిర్వహిస్తామని ఇంగ్లండ్‌ బోర్డు తెలిపింది.అదే జరిగితే గావస్కర్‌ ఇండియా మొత్తాన్ని షేక్‌ చేసేవాడుఈ నేపథ్యంలో కర్సన్‌ ఘవ్రీ మాట్లాడుతూ.. ‘‘ఇది చాలా తప్పు. ఆస్ట్రేలియా- వెస్టిండీస్‌ మధ్య సిరీస్‌ను ఎల్లప్పుడూ ఫ్రాంక్‌ వోరెల్‌ ట్రోఫీగానే వ్యవహరిస్తారు. టీమిండియా- ఆస్ట్రేలియా ట్రోఫీని బోర్డుర్‌- గావస్కర్‌ ట్రోఫీ అనే పిలుస్తారు.ఒకవేళ ఆసీస్‌తో టీమిండియా సిరీస్‌కు ఈ పేరును గనుక మార్చి ఉంటే గావస్కర్‌ ఇండియా మొత్తాన్ని షేక్‌ చేసేవాడు. అయినా.. ఈసీబీ, ఎంసీసీ నిర్ణయాన్ని వెనక్కి తీసుకోవాల్సిందిగా బీసీసీఐ కోరాల్సింది. పటౌడీ పేరు తీసివేయొద్దని గట్టిగా చెప్పాల్సింది.సచిన్‌ నో చెప్పాల్సిందిసచిన్‌ టెండుల్కర్‌ కూడా పేరు మార్పునకు అంగీకరించకుండా ఉండాల్సింది. తను నో చెప్పి ఉంటే బాగుండేది. ఏదేమైనా కనీసం అభ్యంతరం లేవనెత్తకపోవడం సరికాదు’’ అని విమర్శించాడు.‘‘ఏదేమైనా పటౌడీ భారత క్రికెట్‌లో ఓ దిగ్గజం. ఆయన పేరును తొలగిస్తుంటే మీరెలా ఊరుకున్నారు?’’ అని ఘవ్రీ ప్రశ్నించాడు. ఇక విమర్శల అనంతరం ఈసీబీ విజేత జట్టుకు పటౌడీ మెడల్‌ ఇస్తామని ప్రకటించడాన్ని ప్రస్తావిస్తూ.. ‘‘ఒకవేళ మీరు మెడల్స్‌ ఇవ్వాలని అనుకుంటే.. అందుకోసం ట్రోఫీ పేరునే మార్చాల్సిన అవసరం లేదు కదా!’’ అంటూ ఘవ్రీ ఈసీబీ తీరుపై ఆగ్రహం వ్యక్తం చేశాడు.కాగా గుజరాత్‌కు చెందిన 74 ఏళ్ల కర్సన్‌ ఘవ్రీ 1974- 1981 మధ్య టీమిండియా తరఫున అంతర్జాతీయ క్రికెట్‌ ఆడాడు. ఎడమచేతి వాటం బ్యాటర్‌ అయిన ఘవ్రీ.. 39 టెస్టుల్లో 913 పరుగులు, 19 వన్డేల్లో 114 పరుగులు సాధించాడు. అదే విధంగా.. లెఫ్టార్మ్‌ మీడియం పేసర్‌ అయిన ఘవ్రీ టెస్టుల్లో 109, వన్డేల్లో 15 వికెట్లు పడగొట్టాడు.2-2తో సమం చేసిన టీమిండియాఇదిలా ఉంటే.. ఆండర్సన్‌- టెండుల్కర్‌ ట్రోఫీలో భాగంగా ఇంగ్లండ్‌తో ఐదు టెస్టులు ఆడిన టీమిండియా 2-2తో సిరీస్‌ సమం చేసింది. ఈ పర్యటనతో టీమిండియా టెస్టు కెప్టెన్‌గా ప్రయాణం ఆరంభించిన శుబ్‌మన్‌ గిల్‌ .. 754 పరుగులతో సిరీస్‌ టాప్‌ రన్‌ స్కోరర్‌గా నిలిచాడు. ఇక ఈ టూర్‌లో టీమిండియా ఎడ్జ్‌బాస్టన్‌లో తొలిసారి టెస్టు మ్యాచ్‌ గెలవడం హైలైట్‌గా నిలిచింది.చదవండి: సంజూ శాంసన్‌ మెరుపు ఇన్నింగ్స్‌.. టీమిండియా సెలక్టర్లకు వార్నింగ్‌!

భారత టెస్టు కెప్టెన్‌ శుబ్‌మన్‌ గిల్‌ (Shubman Gill)పై టీమిండియా మాజీ హెడ్‌కోచ్‌ రవిశాస్త్రి (Ravi Shastri) ప్రశంసలు కురిపించాడు. సారథిగా తన ఆగమనాన్ని ఘనంగా చాటాడని.. సుదీర్ఘ కాలం పాటు భారత క్రికెట్‌ను ఏలే సత్తా అతడికి ఉందని పేర్కొన్నాడు. కాగా రోహిత్‌ శర్మ, విరాట్‌ కోహ్లి వంటి దిగ్గజాల రిటైర్మెంట్‌ తర్వాత గిల్‌ టీమిండియా టెస్టు కెప్టెన్‌గా నియమితుడయ్యాడు.ఇంగ్లండ్‌ పర్యటన రూపంలో తొలి ప్రయత్నంలోనే గట్టి సవాలును ఎదుర్కొన్నాడు. అయితే, సారథిగా అనుభవం లేకపోయినా ఇంగ్లండ్‌ గడ్డపై గిల్‌ మెరుగైన ఫలితాన్నే అందుకున్నాడు. ఇంగ్లండ్‌తో ఐదు మ్యాచ్‌ల ఆండర్సన్‌- టెండుల్కర్‌ ట్రోఫీని 2-2తో సమం చేసుకున్నాడు.డబుల్‌ సెంచరీతో.. అంతేకాదు.. బ్యాటర్‌గానూ మునుపెన్నడూ లేని విధంగా అద్భుత రీతిలో రాణించిన గిల్‌.. ఇంగ్లండ్‌ గడ్డ మీద రికార్డుల మోత మోగించాడు. ముఖ్యంగా ఎడ్జ్‌బాస్టన్‌ మైదానంలో డబుల్‌ సెంచరీ (269), సెంచరీ (161) సాధించి.. ఈ మైదానంలో టీమిండియాకు తొలి గెలుపు అందించాడు. మొత్తంగా.. 754 పరుగులు సాధించి సిరీస్‌ టాప్‌ రన్‌ స్కోరర్‌గా నిలిచాడు.సుదీర్ఘకాలం భారత క్రికెట్‌ను ఏలుతాడుతద్వారా తనపై విమర్శలు చేసిన వాళ్ల నోళ్లు మూతపడేలా చేశాడు. ఈ నేపథ్యంలో రవిశాస్త్రి మాట్లాడుతూ.. ‘‘ఇక్కడ.. ఇంగ్లండ్‌లో ఇలాంటి సిరీస్‌ ఆడిన తర్వాత.. అతడి స్థానం తప్పక సుస్థిరమవుతుంది. సుదీర్ఘకాలం పాటు భారత క్రికెట్‌లో భాగంగా ఉంటాడు.అతడికి ఇప్పుడు 25 ఏళ్లే. ఇంకా మెరుగుపడతాడు. ఇంగ్లండ్‌తో సిరీస్‌లో అతడి టెంపర్‌మెంట్‌ బాగుంది. నిజమైన నాయకుడిలా.. యుద్ధానికి సైన్యాన్ని సిద్ధం చేసే రాజులా పరిణతి చూపిస్తూనే.. దూకుడు ప్రదర్శించాడు. పట్టుదలగా నిలబడి సుదీర్ఘ ఇన్నింగ్స్‌ ఆడాడు’’ అంటూ రవిశాస్త్రి స్కై స్పోర్ట్స్‌తో వ్యాఖ్యానించాడు.గొప్పగా నడిపించాడు: యువీమరోవైపు.. ఇంగ్లండ్‌తో జరిగిన టెస్టు సిరీస్‌లో శుబ్‌మన్‌ గిల్‌ కెప్టెన్‌గా భారత జట్టును నడిపించిన తీరుపై మాజీ క్రికెటర్‌ యువరాజ్‌ సింగ్‌ ప్రశంసలు కురిపించాడు. ఈ సిరీస్‌కు ముందు తనపై వచ్చిన విమర్శలన్నింటికీ ఒకేసారి జవాబిస్తున్నట్లుగా అతని సారథ్యం కనిపించిందని యువీ అన్నాడు. గిల్‌ కెప్టెన్సీ నమ్మశక్యంగా అనిపించలేదని కితాబిచ్చాడు. కెరీర్‌ ఆరంభంలో స్వయంగా యువీనే మెంటార్‌గా గిల్‌కు మార్గనిర్దేశనం చేశాడు.‘విదేశాల్లో గిల్‌ రికార్డును చాలా మంది ప్రశ్నించారు కానీ అతను కెప్టెన్‌ కావడంతోనే నాలుగు సెంచరీలు బాదాడు. బాధ్యతను అప్పగిస్తే దానిని మరింత సమర్థంగా నిర్వర్తించిన తీరు నమ్మశక్యం కాని రీతిలో ఉంది. భారత జట్టును చూస్తే గర్వంగా అనిపించింది. పేరుకు సిరీస్‌ ‘డ్రా’ అయినా నా దృష్టిలో ఇది మనం గెలిచినట్లే. పెద్దగా అనుభవం లేని జట్టు ఇంగ్లండ్‌కు వెళ్లి ఇంగ్లండ్‌ గడ్డపై సత్తా చాటడం అంత సులువు కాదు’ అని యువరాజ్‌ అభిప్రాయ పడ్డాడు. కోహ్లి, రోహిత్‌లు లేకపోవడాన్ని ఒక సవాల్‌గా తీసుకొని మన కుర్రాళ్లు సత్తా చాటారని యువీ అన్నాడు.‘సాధారణంగా యువ ఆటగాళ్లు ఇంగ్లండ్‌కు వెళ్లినప్పుడు వారిపై తీవ్ర ఒత్తిడి ఉంటుంది. కోహ్లి, రోహిత్‌లాంటి ఆటగాళ్ల స్థానాలను భర్తీ చేయడం అంత సులువు కాదు. కానీ కుర్రాళ్లు తమ బాధ్యతను సమర్థంగా నిర్వర్తించారు. నా దృష్టిలో జడేజా, సుందర్‌ సెంచరీలతో మాంచెస్టర్‌ టెస్టును ‘డ్రా’ చేసుకోవడం కీలక మలుపు. ఇలాంటిది చాలా కాలంగా నేను చూడలేదు. ఇది మన జట్టు స్థాయి ఏంటో చూపించింది. జడేజాకు అంటే చాలా అనుభవం ఉంది. కానీ యువ ఆటగాడు సుందర్‌ ప్రదర్శనను మాత్రం ఎంత ప్రశంసించినా తక్కువే అవుతుంది’ అని యువరాజ్‌ విశ్లేషించాడు. చదవండి: ‘యాడ్స్‌ చేయడానికే పనికివస్తారు.. కోచ్‌ల మాట అస్సలు వినరు’

పాకిస్తాన్‌ మాజీ కెప్టెన్‌ బాబర్‌ ఆజం (Babar Azam) పేరిట ఉన్న ప్రపంచ రికార్డును టీమిండియా టెస్టు కెప్టెన్‌ శుబ్‌మన్‌ గిల్‌ (Shubman Gill) బద్దలు కొట్టాడు. అత్యధికసార్లు ఐసీసీ ‘ప్లేయర్‌ ఆఫ్‌ ద మంత్‌ (ICC Player Of The Month)’ అవార్డును గెలిచిన ఆటగాడిగా కొనసాగుతున్న బాబర్‌ను వెనక్కినెట్టి.. సరికొత్త చరిత్ర సృష్టించాడు. కాగా అంతర్జాతీయ క్రికెట్‌ మండలి (ICC) ప్రతీ నెలా ప్రకటించే ‘ప్లేయర్‌ ఆఫ్‌ ద మంత్‌’ జూలై నెలకు గానూ గిల్‌ గెలుచుకున్న విషయం తెలిసిందే. ఇంగ్లండ్‌తో టెస్టు సిరీస్‌లో అద్భుత ప్రదర్శన అతడిని జూలై నెల అవార్డుకు అర్హుడిగా మార్చింది. 754 పరుగులుఐదు టెస్టుల ఈ సిరీస్‌లో మొత్తం 754 పరుగులు చేసిన గిల్‌... అవార్డుకు పరిగణనలోకి తీసుకున్న జూలై నెలలో 3 టెస్టుల్లో కలిపి 567 పరుగులు సాధించాడు. ఇందులో బర్మింగ్‌హామ్‌లో జరిగిన రెండో టెస్టులో రెండు ఇన్నింగ్స్‌లలో చేసిన 269, 161 (మొత్తం 430) పరుగుల ప్రదర్శన గిల్‌ కెరీర్‌లో హైలైట్‌గా నిలిచింది.ఐసీసీ అవార్డుకు ఎంపికైనందుకు సంతోషం వ్యక్తం చేసిన గిల్‌... ఎడ్జ్‌బాస్టన్‌ మైదానంలో తాను ఆడిన 269 పరుగుల ఇన్నింగ్స్‌ ఎప్పటికీ తనకు మధుర జ్ఞాపకంగా మిగిలిపోతుందని వ్యాఖ్యానించాడు. ఎప్పటికీ మర్చిపోలేనిది‘ఐసీసీ ప్లేయర్‌ ఆఫ్‌ ద మంత్‌గా ఎంపిక కావడం సంతోషంగా ఉంది. కెప్టెన్‌గా తొలి టెస్టు సిరీస్‌లో ప్రదర్శనకుగాను నాకు గుర్తింపు దక్కడం దీనిని మరింత ప్రత్యేకంగా మార్చింది. బర్మింగ్‌హామ్‌లో చేసిన డబుల్‌ సెంచరీ ఎంతో ప్రత్యేకమైంది. ఎప్పటికీ మర్చిపోలేనిది.ఇంగ్లండ్‌తో సిరీస్‌ కెప్టెన్‌గా నేను ఎంతో నేర్చుకునే అవకాశం కల్పించింది. ఇరు జట్లు చాలా బాగా ఆడాయి. ఆటగాళ్లందరికీ కూడా ఇది చిరస్మరణీయం. మున్ముందు ఇదే తరహా ప్రదర్శనను కొనసాగిస్తాను’ అని గిల్‌ స్పందించాడు. ఇదిలా ఉంటే.. ఐసీసీ ‘ప్లేయర్‌ ఆఫ్‌ ద మంత్‌’ అవార్డు పొందడం గిల్‌కిది నాలుగోసారి. 2023 జనవరిలో, సెప్టెంబర్‌లో... 2025 జనవరిలో, జూలైలో గిల్‌కు ఈ అవార్డు దక్కింది. ఈ క్రమంలోనే అత్యధికసార్లు ఈ అవార్డు నెగ్గిన మేల్‌ క్రికెటర్‌గా.. అదే విధంగా.. ఒకే ఏడాదిలో రెండుసార్లు అవార్డు గెలిచిన తొలి ప్లేయర్‌గా​ గిల్‌ నిలిచాడు.అత్యధికసార్లు ఐసీసీ ‘ప్లేయర్‌ ఆఫ్‌ ది మంత్‌’ అవార్డు గెలిచిన పురుష క్రికెటర్లు వీరే1. శుబ్‌మన్‌ గిల్‌- ఇండియా- నాలుగుసార్లు విజేత2. బాబర్‌ ఆజం- పాకిస్తాన్‌- మూడుసార్లు విజేత3. శ్రేయస్‌ అయ్యర్‌- ఇండియా- రెండుసార్లు విజేత4. షకీబ్‌ అల్‌ హసన్‌- బంగ్లాదేశ్‌- రెండుసార్లు విజేత5. హ్యారీ బ్రూక్‌- ఇంగ్లండ్‌- రెండుసార్లు విజేత6. కమిందు మెండిస్‌- శ్రీలంక- రెండుసార్లు విజేత7. జస్‌ప్రీత్‌ బుమ్రా- ఇండియా- రెండుసార్లు విజేత8. ముహమ్మద్‌ వసీం- యూఏఈ- రెండుసార్లు విజేత.చదవండి: IPL 2026: ‘ఈసారి వేలంలో ఖరీదైన ప్లేయర్‌గా అతడే’

టీమిండియా టెస్టు కెప్టెన్‌ శుబ్‌మన్‌ గిల్‌ (Shubman Gill)కు అంతర్జాతీయ క్రికెట్‌ మండలి (ICC) అవార్డు లభించింది. జూలై నెలకు గానూ అతడు ‘ఐసీసీ మెన్స్‌ ప్లేయర్‌ ఆఫ్‌ ది మంత్‌ (ICC Player Of The Month)’ అవార్డు గెలుచుకున్నాడు. ఇటీవల ఇంగ్లండ్‌తో జరిగిన ఆండర్సన్‌- టెండుల్కర్‌ ట్రోఫీ సిరీస్‌లో అదరగొట్టడం ద్వారా గిల్‌కు ఈ గౌరవం దక్కింది.భారీ డబుల్‌ సెంచరీఇంగ్లండ్‌ పర్యటనలో భాగంగా భారత టెస్టు జట్టు కెప్టెన్‌గా యువ క్రికెటర్‌ శుబ్‌మన్‌ గిల్‌ పగ్గాలు చేపట్టిన విషయం తెలిసిందే. ఈ క్రమంలో లీడ్స్‌ వేదికగా జరిగిన తొలి టెస్టులో శతక్కొట్టి (147)న ఈ కుడిచేతి వాటం బ్యాటర్‌.. బర్మింగ్‌హామ్‌లో ఏకంగా భారీ డబుల్‌ సెంచరీ (269), సెంచరీ (161) సాధించి ఈ వేదికపై భారత్‌కు తొలి గెలుపు అందించాడు.అంతేకాకుండా.. మాంచెస్టర్‌లో జరిగిన నాలుగో టెస్టులో మరోసారి శతకం (103) బాది ఈ మ్యాచ్‌ను టీమిండియా డ్రా చేసుకోవడంలో గిల్‌ తన వంతు పాత్ర పోషించాడు. ఇక ఆఖరిదైన ఐదో టెస్టులో బ్యాటర్‌గా విఫలమైనా.. కెప్టెన్‌గా విజయం సాధించి.. సిరీస్‌ను 2-2తో సమం చేయగలిగాడు.754 పరుగులుఇక ఇంగ్లండ్‌తో ఓవరాల్‌గా ఐదు టెస్టుల సిరీస్‌లో శుబ్‌మన్‌ గిల్‌.. పది ఇన్నింగ్స్‌లో కలిపి 754 పరుగులు సాధించాడు. ఈ క్రమంలో జూలై నెలకు గానూ ‘ఐసీసీ ప్లేయర్‌ ఆఫ్‌ ది మంత్‌’ అవార్డుకు అతడు నామినేట్‌ అయ్యాడు. ఇంగ్లండ్‌ కెప్టెన్‌ బెన్‌ స్టోక్స్‌, సౌతాఫ్రికా ఆల్‌రౌండర్‌ వియాన్‌ ముల్దర్‌ నుంచి గట్టి పోటీ ఎదుర్కొన్న గిల్‌.. ఎట్టకేలకు వీరిద్దరిని అధిగమించి అవార్డును సొంతం చేసుకున్నాడు.నాలుగోసారి.. అత్యంత మధురమైన క్షణం అదేకాగా 25 ఏళ్ల గిల్‌ ఈ పురస్కారం అందుకోవడం ఇది నాలుగోసారి. ఈ నేపథ్యంలో గిల్‌ స్పందిస్తూ.. ‘‘జూలై నెలకు గానూ ఐసీసీ ప్లేయర్‌ ఆఫ్‌ ది మంత్‌ అవార్డు అందుకోవడం గొప్పగా అనిపిస్తోంది. ఈసారి టీమిండియా టెస్టు కెప్టెన్‌ హోదాలో.. నా ప్రదర్శనకు గానూ ఈ పురస్కారం అందుకోవడం ఇంకా సంతోషంగా ఉంది.బర్మింగ్‌హామ్‌లో డబుల్‌ సెంచరీ సాధించడం ఇంగ్లండ్‌ పర్యటన మొత్తంలో నాకు అత్యంత మధురమైన క్షణం. ఇంగ్లండ్‌ గడ్డ మీద కెప్టెన్‌గా జట్టును ముందుకు నడిపించడం గొప్ప అనుభవం. ఇరుజట్లు అద్భుత పోరాట పటిమ కనబరిచాయి.నాకు ఈ అవార్డు దక్కేలా చేసిన జ్యూరీ మెంబర్లకు ధన్యవాదాలు. అదే విధంగా.. సిరీస్‌ ఆసాంతం అద్భుత ప్రదర్శన కనబరిచిన నా సహచర ఆటగాళ్లకు శుభాకాంక్షలు. దేశం కోసం మరింత గొప్పగా ఆడేందుకు నేను ఎదురుచూస్తున్నాను’’ అని గిల్‌ ఉద్వేగపూరిత వ్యాఖ్యలు చేశాడు. కాగా ఐసీసీ ఓటింగ్‌ అకాడమీతో పాటు ఆన్‌లైన్‌ ద్వారా వచ్చే అభిమానుల ఓట్ల ఆధారంగా ‘ఐసీసీ ప్లేయర్‌ ఆఫ్‌ ది మంత్‌’ అవార్డు విజేతను నిర్ణయిస్తారు.చదవండి: AUS vs SA: బేబీ ఏబీడీ విధ్వంసకర శతకం.. తొలి ‘ఫాస్టెస్ట్‌ సెంచరీ’తో..

జింబాబ్వే పర్యటనలో ఉన్న న్యూజిలాండ్‌ క్రికెట్‌ జట్టు పసికూనకు చుక్కలు చూపిస్తోంది. తొలి టెస్టులో ఆతిథ్య జింబాబ్వే (ZIM vs NZ)ను 9 వికెట్ల తేడాతో చిత్తు చేసిన కివీస్‌ టీమ్‌.. రెండో టెస్టులోనూ అదరగొడుతోంది. శుక్రవారం నాటి రెండో రోజు ఆట ముగిసే సరికి ఏకంగా 476 పరుగుల ఆధిక్యంలో నిలిచింది.125 పరుగులకే ఆలౌట్‌కాగా బులవాయో వేదికగా గురువారం మొదలైన ఈ మ్యాచ్‌లో టాస్‌ గెలిచిన జింబాబ్వే తొలుత బ్యాటింగ్‌ చేసింది. కివీస్‌ బౌలర్లు ఆకాశమే హద్దుగా విజృంభించడంతో 125 పరుగులకే కుప్పకూలింది. జింబాబ్వే బ్యాటర్లలో ఓపెనర్‌ బ్రెండన్‌ టేలర్‌ (44), వికెట్‌ కీపర్‌ బ్యాటర్‌ టఫాజ్వ త్సింగా (33 నాటౌట్‌) మాత్రమే చెప్పుకోదగ్గ స్కోరు చేశారు. మిగిలిన వారిలో నిక్‌ వెల్చ్‌ (11), సీన్‌ విలియమ్స్‌ (11) మాత్రమే పది పరుగుల స్కోరు దాటాడు.కివీస్‌ బౌలర్లలో మ్యాట్‌ హెన్రీ ఐదు వికెట్లతో చెలరేగగా.. జకారీ ఫౌల్క్స్‌ నాలుగు వికెట్లు తన ఖాతాలో వేసుకున్నాడు. మాథ్యూ ఫిషర్‌ ఒక వికెట్‌ దక్కించుకున్నాడు. అనంతరం తమ తొలి ఇన్నింగ్స్‌ మొదలుపెట్టిన న్యూజిలాండ్‌ భారీ స్కోరు దిశగా పయనిస్తోంది.కాన్వే, రచిన్‌, నికోల్స్‌ భారీ శతకాలుఓపెనర్లలో డెవాన్‌ కాన్వే (245 బంతుల్లో 153) శతక్కొట్టగా.. విల్‌ యంగ్‌ (Will Young) హాఫ్‌ సెంచరీ (74)తో రాణించాడు. నైట్‌ వాచ్‌మన్‌గా వచ్చిన బౌలర్‌ జేకబ్‌ డఫీ మాత్రం 36 పరుగులే చేయగలిగాడు. అయితే, హెన్రీ నికోల్స్‌, రచిన్‌ రవీంద్ర కలిసి స్కోరు బోర్డును పరుగులు పెట్టించారు.రచిన్‌ కేవలం 139 బంతుల్లోనే 165 పరుగులతో అజేయంగా ఉండగా.. నికోల్స్‌ 245 బంతుల్లో 150 పరుగులతో నాటౌట్‌గా నిలిచాడు. ఫలితంగా రెండో రోజు ఆట పూర్తయ్యేసరికి 130 ఓవర్లలో న్యూజిలాండ్‌ కేవలం​ మూడు వికెట్ల నష్టానికి 601 పరుగుల భారీ స్కోరు సాధించింది. జింబాబ్వే కంటే తొలి ఇన్నింగ్స్‌లో 476 పరుగుల ఆధిక్యంలో నిలిచింది.ప్రపంచంలోనే తొలి జట్టుగాకాన్వే, నికోల్స్‌, రచిన్‌ల భారీ సెంచరీల కారణంగానే ఇది సాధ్యమైంది. ఈ క్రమంలోనే న్యూజిలాండ్‌ క్రికెట్‌ జట్టు సరికొత్త చరిత్ర లిఖించింది. విదేశీ గడ్డ మీద ఓ టెస్టు మ్యాచ్‌లో ఒకే ఇన్నింగ్స్‌లో ముగ్గురు ఆటగాళ్లు 150కి పైగా వ్యక్తిగత స్కోర్లు సాధించడం ఇదే తొలిసారి. తద్వారా ప్రపంచంలో ఈ ఘనత సాధించిన మొదటి జట్టుగా కివీస్‌ అవతరించింది.ఇక ఓవరాల్‌గా ఈ జాబితాలో ఇంగ్లండ్‌ (1938లో ఓవల్‌ వేదికగా ఆస్ట్రేలియా మీద మూడు 150+ స్కోర్లు), టీమిండియా (శ్రీలంక మీద కాన్పూర్‌లో మూడు 150+ స్కోర్లు) న్యూజిలాండ్‌ కంటే ముందు వరుసలో ఉన్నాయి. చదవండి: ప్రపంచ రికార్డు బద్దలు కొట్టిన షాహిన్‌ ఆఫ్రిది

ఐపీఎల్‌ ఫ్రాంఛైజీ లక్నో సూపర్‌ జెయింట్స్‌ (LSG) మరోసారి విమర్శల పాలైంది. ‘‘ఇంత సంకుచిత బుద్ధి ఎందుకు?. అసలు మిమ్మల్ని ఎవరు ఆ పోస్టు పెట్టమన్నారు’’ అంటూ నెటిజన్లు ఫైర్‌ అవుతున్నారు. విషయం ఏమిటంటే.. టీమిండియా ఇటీవల ఇంగ్లండ్‌ (IND vs ENG)తో ఆండర్సన్‌- టెండుల్కర్‌ ట్రోఫీ ఆడిన విషయం తెలిసిందే.ఇంగ్లండ్‌ గడ్డ మీద జరిగిన ఈ ఐదు టెస్టుల సిరీస్‌ను భారత జట్టు 2-2తో సమం చేసింది. టీమిండియా టెస్టు కెప్టెన్‌గా తొలి ప్రయత్నంలోనే బ్యాటర్‌గా చిరస్మరణీయ రికార్డులు సాధించిన శుబ్‌మన్‌ గిల్‌ (Shubman Gill).. సారథిగానూ మంచి మార్కులే కొట్టేశాడు. మరోవైపు.. వైస్‌ కెప్టెన్‌ రిషభ్‌ పంత్‌, యశస్వి జైస్వాల్‌లతో పాటు పేసర్లు మహ్మద్‌ సిరాజ్‌, ఆకాశ్‌ దీప్‌ కూడా అదరగొట్టారు.నిలకడగా రాణించిన ఏకైక ఆటగాడుఅయితే, ఈ సిరీస్‌ ఆసాంతం నిలకడగా రాణించిన ఆటగాడు ఎవరైనా ఉన్నారా అంటే.. అది ఓపెనింగ్‌ బ్యాటర్‌ కేఎల్‌ రాహుల్‌. ఐదు టెస్టుల్లో కలిపి 53.20 సగటుతో ఈ కర్ణాటక ఆటగాడు 532 పరుగులు సాధించాడు. ఇందులో రెండు శతకాలు, రెండు అర్ధ శతకాలు ఉన్నాయి.హెడింగ్లీలో తొలి టెస్టులో 137 పరుగులు సాధించిన కేఎల్‌ రాహుల్‌.. లార్డ్స్‌లో 100 పరుగులు చేశాడు. ఇక ఎడ్జ్‌బాస్టన్‌లో 55, ఓల్డ్‌ ట్రఫోర్డ్‌ మైదానంలో 90 పరుగులు సాధించాడు. ఓవరాల్‌గా ఈ సిరీస్‌లో శుబ్‌మన్‌ గిల్‌ (754), జో రూట్‌ (537) తర్వాత మూడో టాప్‌ రన్‌ స్కోరర్‌గా నిలిచాడు.రాహుల్‌ ఫొటో లేకుండానే..అసలు విషయానికి వస్తే.. లక్నో సూపర్‌ జెయింట్స్‌ తమ సోషల్‌ మీడియా ఖాతాలో శుక్రవారం ఓ పోస్టు పెట్టింది. ‘‘యుగాల పాటు నిలిచిపోయే ఫొటో ఆల్బమ్‌’’ అంటూ టీమిండియా ఆటగాళ్లతో కూడిన ఫొటోలను షేర్‌ చేసింది. అయితే, ఇందులో ఎక్కడా కేఎల్‌ రాహుల్‌ లేడు.ఒక్కటీ దొరకలేదా?ఈ నేపథ్యంలో టీమిండియా మాజీ క్రికెటర్‌, కర్ణాటకకు చెందిన దొడ్డ గణేశ్‌ లక్నో యాజమాన్యం తీరుపై ఆగ్రహం వ్యక్తం చేశాడు. ‘‘ఇలా చేయడం అస్సలు బాలేదు. చాలా ఇబ్బందికరంగా అనిపిస్తోంది.ఓపెనర్‌గా వచ్చి కొత్త బంతిని ఎదుర్కొని 500కు పైగా పరుగులు చేసిన ఆటగాడి ఫొటో మాత్రం మీకు దొరకలేదా?’’ అంటూ దొడ్డ గణేశ్‌ ప్రశ్నించాడు. నెటిజన్లు ఇందుకు స్పందిస్తూ.. ‘‘అంతే సార్‌.. వాళ్లకు గొప్పగా ఆడినవాళ్లు కనబడరు. అయినా లక్నోకు ఇలా చేయడం అలవాటే. వాళ్ల ఓనర్‌ సంజయ్‌ గోయెంకానే వారికి ఆదర్శం’’ అంటూ కామెంట్లు చేస్తున్నారు.గతేడాది లక్నోను వీడిన రాహుల్‌కాగా ఐపీఎల్‌-2022 సందర్భంగా క్యాష్‌ రిచ్‌ లీగ్‌లోకి ఎంట్రీ ఇచ్చిన ఎల్‌ఎస్‌జీకి కేఎల్‌ రాహుల్‌ కెప్టెన్‌గా ఎంపికయ్యాడు. మూడేళ్లపాటు అదే జట్టుతో కొనసాగిన అతడు రెండుసార్లు జట్టును ప్లే ఆఫ్స్‌నకు చేర్చాడు. అయితే, గతేడాది లక్నో పేలవ ప్రదర్శన నేపథ్యంలో సంజీవ్‌ గోయెంకా అందరిముందే కేఎల్‌ రాహుల్‌ను తిట్టడం విమర్శలకు దారితీసింది. అనంతరం రాహుల్‌ జట్టును వీడి.. ఢిల్లీ క్యాపిటల్స్‌లో చేరాడు.అయితే, టీమిండియా తరఫున అతడు గొప్పగా చాటినా లక్నో తమ సోషల్‌ మీడియా అకౌంట్లలో షేర్‌ చేసే ఫొటోల్లో అతడిపై వివక్ష చూపించడం.. వారి సంకుచిత బుద్ధికి నిదర్శనం అని కేఎల్‌ రాహుల్‌ అభిమానులు మండిపడుతున్నారు.చదవండి: చెవికి అతికించి.. ఛీ!.. ఇలా చేశావేంటి?.. హ్యారీ బ్రూక్‌ చర్య వైరల్‌This is getting embarrassing. Couldn’t get a picture of an opener who played the new ball and scored 500+ runs 🤷‍♂️ https://t.co/fGhFFuOWi3— Dodda Ganesh | ದೊಡ್ಡ ಗಣೇಶ್ (@doddaganesha) August 8, 2025

టెస్టు క్రికెట్‌ దిగ్గజాల్లో వెస్టిండీస్‌ స్టార్‌ బ్రియాన్‌ లారా (Biran Lara)కు ప్రత్యేక స్థానం ఉంది. షాట్‌ సెలక్షన్‌ విషయంలో దూకుడుగా ఉండే ఈ ఎడమచేతి వాటం బ్యాటర్‌.. చక్కటి ఫుట్‌వర్క్‌తో ఆడుతూ బౌలర్లకు చుక్కలు చూపించేవాడు. కవర్‌ డ్రైవ్‌లు, పుల్‌షాట్లు ఆడటంలో అతడు దిట్ట.స్లెడ్జ్‌ చేయాలంటే వణుకుఅన్నింటికీ మించి బ్యాటింగ్‌ చేస్తున్నపుడు.. ఎలాంటి పరిస్థితులు ఎదురైననా లారా ఆత్మవిశ్వాసంతో ఉండటం.. ప్రత్యర్థి జట్టు బౌలర్లను మరింత భయపట్టేది. అందుకే అతడిని స్లెడ్జ్‌ చేయాలంటే వాళ్లు వణికిపోయేవారు. అనవసరంగా లారా జోలికి వెళ్తే మూల్యం చెల్లించాల్సి వస్తుందని.. తమ పనిని పూర్తి చేసుకుని వెళ్లేవారు.టీమిండియాకూ అదే భయం.. ముందే చెప్పారుటీమిండియా కూడా లారాను స్లెడ్జ్‌ చేసే విషయంలో భయపడేదట. భారత మాజీ క్రికెటర్‌, కామెంటేటర్‌ ఆకాశ్‌ చోప్రా తాజాగా ఈ విషయాన్ని వెల్లడించాడు. జియోహాట్‌స్టార్‌తో మాట్లాడుతూ.. ‘‘స్లెడ్జింగ్‌ గురించి ముందుగానే ఎలాంటి ప్రణాళికలను మేము సిద్ధం చేసుకునేవాళ్లం కాదు.అయితే, లారాను మాత్రం అస్సలు స్లెడ్జ్‌ చేయొద్దని మాత్రం నిర్ణయించుకున్న సంఘటన నాకు గుర్తుంది. అతడితో పెట్టుకోవద్దని ముందే డిసైడ్‌ అయ్యేవాళ్లం. టీమిండియా వెస్టిండీస్‌ పర్యటనలకు వెళ్లినపుడు లారాకు అంతటి ప్రాముఖ్యం ఉండేది.అతడు బ్యాటింగ్‌ చేస్తున్నపుడు ఒక్క మాట కూడా అనవద్దని టీమిండియా సమావేశంలో నిర్ణయించారు. తనకు తానుగా అవుటయ్యేంత వరకు వేచిచూడాలని చెప్పేవారు. ఒకవేళ అతడిని మాటలతో రెచ్చగొడితే.. మనమే తిరిగి మూల్యం చెల్లించాల్సి వస్తుందని హెచ్చరించారు’’ అంటూ ఆకాశ్‌ చోప్రా చెప్పుకొచ్చాడు.చెక్కు చెదరని ప్రపంచ రికార్డుకాగా అద్భుతమైన టెక్నిక్‌తో, అగ్రెసివ్‌ షాట్లతో అలరించే లారా.. టెస్టుల్లో అత్యధిక వ్యక్తిగత స్కోరు (400 నాటౌట్‌) సాధించిన ఆటగాడిగా ప్రపంచ రికార్డు నెలకొల్పాడు. ఇక1990- 2006 వరకు వెస్టిండీస్‌ తరఫున అంతర్జాతీయ క్రికెట్‌ ఆడిన 56 ఏళ్ల లారా.. 131 టెస్టుల్లో 11953 పరుగులు సాధించాడు. ఇందులో 34 శతకాలు, తొమ్మిది డబుల్‌ సెంచరీలు ఉన్నాయి. అదే విధంగా.. 299 వన్డేలు ఆడిన లారా.. 19 సెంచరీలు, 63 హాఫ్‌ సెంచరీల సాయంతో 10405 పరుగులు సాధించాడు.చదవండి: నిన్ను ఇలా చూడలేకపోతున్నాం భయ్యా!.. విరాట్‌ కోహ్లి ఫొటో వైరల్‌

ఇంగ్లండ్‌- ఆస్ట్రేలియా మధ్య ప్రతిష్టాత్మక యాషెస్‌ సిరీస్‌ (The Ashes 2025-26) ఆరంభానికి ఇంకా రెండు నెలలకు పైగానే సమ​యం ఉంది. ఈసారి ఈ టెస్టు సిరీస్‌కు ఆస్ట్రేలియా ఆతిథ్యం ఇవ్వనుండగా.. నవంబరు 21- 25 మధ్య తొలి టెస్టుకు షెడ్యూల్‌ ఖరారైంది. అయితే, ఇప్పటి నుంచే ఇరుజట్ల ఆటగాళ్లు మైండ్‌గేమ్‌ మొదలుపెట్టేశారు.ఇంగ్లండ్‌ టెస్టు దిగ్గజం జో రూట్‌ (Joe Root)ను ఉద్దేశించి ఆస్ట్రేలియా మాజీ ఓపెనర్‌ డేవిడ్‌ వార్నర్‌ (David Warner) విమర్శలు చేశాడు. ఇంగ్లిష్‌ లెజెండరీ పేసర్‌ స్టువర్ట్‌ బ్రాడ్‌తో మాట్లాడుతూ.. ‘‘ఆస్ట్రేలియా పిచ్‌ల మీద అతడు పెద్దగా బ్యాట్‌ ఝులిపించలేడు. గతంలో కూడా ఇలాగే జరిగింది.అతడికి ఇక నిద్రలేని రాత్రులే!నాకు బ్రాడీ బౌలింగ్‌లో ఎలాగైతే కాళరాత్రులు మిగిలాయో.. రూట్‌కు కూడా జోష్‌ హాజిల్‌వుడ్‌ బౌలింగ్‌లో నిద్రలేని రాత్రులే మిగులుతాయి. జో అద్భుతమైన క్రికెటర్‌. ప్రపంచంలోనే టెస్టుల్లో అత్యధిక పరుగులు రాబట్టిన రెండో ఆటగాడు.కానీ ఆస్ట్రేలియాలో సెంచరీ చేయడం అతడికి కాస్త కష్టమే. దానిని అతడు ఈసారి అధిగమిస్తాడనే అనుకుంటున్నా. ఏం జరుగుతుందో వేచి చూద్దాం’’ అని వార్నర్‌ పేర్కొన్నాడు.వార్నర్‌ ఓ జోకర్‌!వార్నర్‌ వ్యాఖ్యలపై ఇంగ్లండ్‌ మాజీ ఆటగాడు మొయిన్‌ అలీ ఘాటుగా స్పందించాడు. ‘‘అతడు వార్నర్‌. వార్నర్‌ అంటే ఓ జోకర్‌ లాంటివాడు. రూటీ మైండ్‌లో చోటు సంపాదించాలని తహతహలాడుతున్నాడు. కానీ ఎన్నటికీ అది జరుగదు.అసలు రూట్‌తో సరదా ఫైట్‌కు కూడా వార్నర్‌ సరిపోడు. అతడు వార్నర్‌.. జస్ట్‌ వార్నర్‌ అంతే!.. అంతేనా? కాదా?’’ అంటూ మొయిన్‌ అలీ వార్నర్‌ పరువు తీశాడు. ఈ నేపథ్యంలో.. ఇప్పుడే పరిస్థితి ఇలా ఉంటే.. యాషెస్‌ మొదలైన తర్వాత ఇంకెలా ఉంటుందో అంటూ ఇరుజట్ల అభిమానులు కామెంట్లు చేస్తున్నారు.సూపర్‌ ఫామ్‌లో రూట్‌కాగా జో రూట్‌ ప్రస్తుతం సూపర్‌ ఫామ్‌లో ఉన్నాడు. ఇటీవల టీమిండియాతో జరిగిన ఆండర్సన్‌- టెండుల్కర్‌ ట్రోఫీలో మూడు శతకాలతో దుమ్ములేపాడు. ఐదు టెస్టుల్లో కలిపి 537 పరుగులు సాధించిన రూట్‌.. టీమిండియా కెప్టెన్‌ శుబ్‌మన్‌ గిల్‌ (754) తర్వాత రెండో టాప్‌ రన్‌ స్కోరర్‌గా నిలిచాడు.భారత్‌తో సిరీస్‌ సందర్భంగానే జో రూట్‌.. టెస్టుల్లో అత్యధిక పరుగుల వీరుల జాబితాలో రిక్కీ పాంటింగ్‌ను అధిగమించి.. సచిన్‌ టెండుల్కర్‌ తర్వాతి స్థానాన్ని ఆక్రమించాడు. అంతేకాదు ఐసీసీ టెస్టు రాంకింగ్స్‌లో తన అగ్రస్థానాన్ని పదిలం చేసుకున్నాడు.ఇలాంటి వాళ్లు సరిపోరుఈ విషయం గురించి మొయిన్‌ అలీ ప్రస్తావిస్తూ.. ‘‘రూటీ ప్రస్తుతం మంచి ఫామ్‌లో ఉన్నాడు. వార్నర్‌ లాంటి వాళ్ల మాటలు అతడిపై ఎంతమాత్రం ప్రభావం చూపలేవు. అయినా.. రూట్‌ లాంటి వాళ్లను ప్రభావితం చేయాలంటే ఇలాంటి వాళ్లు సరిపోరు’’ అంటూ వార్నర్‌పై వ్యంగ్యాస్త్రాలు సంధించాడు. కాగా నవంబరు 21- జనవరి 8 వరకు ఆసీస్‌- ఇంగ్లండ్‌ జట్ల మధ్య యాషెస్‌ సిరీస్‌ జరుగనుంది. పెర్త్‌, బ్రిస్బేన్‌, అడిలైడ్‌, మెల్‌బోర్న్‌, సిడ్నీ ఇందుకు వేదికలు. చదవండి: నిన్ను ఇలా చూడలేకపోతున్నాం భయ్యా!.. విరాట్‌ కోహ్లి ఫొటో వైరల్‌

టీమిండియాను ఉద్దేశించి భారత మాజీ క్రికెటర్‌ సందీప్‌ పాటిల్‌ (Sandeep Patil) ఆసక్తికర వ్యాఖ్యలు చేశాడు. నవతరం ఆటగాళ్లంతా పనిభారం అంటూ సాకులు చూపడం సరికాదని విమర్శించాడు. ఆధునిక క్రికెట్‌లో కెప్టెన్‌, హెడ్‌కోచ్‌ కంటే ఫిజియోలకే ఎక్కువ ప్రాముఖ్యం దక్కుతోందంటూ వ్యంగ్యాస్త్రాలు సంధించాడు.కాగా ఆండర్సన్‌- టెండుల్కర్‌ ట్రోఫీ (Anderson- Tendulkar Trophy) ఆడేందుకు టీమిండియా ఇటీవల ఇంగ్లండ్‌ పర్యటనకు వెళ్లిన విషయం తెలిసిందే. ఆతిథ్య జట్టుతో ఆద్యంతం రసవత్తరంగా సాగిన ఐదు మ్యాచ్‌ల టెస్టు సిరీస్‌ను గిల్‌ సేన 2-2తో సమంగా ముగించింది. బుమ్రా మూడే ఆడాడుఅయితే, ఈ సిరీస్‌లో ప్రధాన పేసర్‌ జస్‌ప్రీత్‌ బుమ్రా (Jasprit Bumrah) వర్క్‌లోడ్‌ మేనేజ్‌మెంట్‌లో భాగంగా.. అతడిని కేవలం మూడు టెస్టుల్లోనే ఆడించారు. పనిభారం తగ్గించుకునే క్రమంలో బుమ్రా కీలక సమయంలో.. కీలక మ్యాచ్‌లకు దూరం కావాల్సి వచ్చింది. సిరీస్‌ డ్రా అయింది కాబట్టి సరిపోయింది గానీ.. లేదంటే బుమ్రాతో పాటు మేనేజ్‌మెంట్‌పై విమర్శల దాడి మరింత ఎక్కువయ్యేది. ఈ నేపథ్యంలో వర్క్‌లోడ్‌ మేనేజ్‌మెంట్‌ గురించి క్రికెట్‌ వర్గాల్లో చర్చ నడుస్తుండగా.. టీమిండియా మాజీ చీఫ్‌ సెలక్టర్‌ సందీప్‌ పాటిల్‌ చేసిన వ్యాఖ్యలు వైరల్‌ అవుతున్నాయి.అతడే డిసైడ్‌ చేస్తాడా?‘‘అసలు బీసీసీఐ ఇలాంటి వాటికి ఎలా అంగీకరిస్తుందో నాకైతే అర్థం కావడం లేదు. కెప్టెన్‌, హెడ్‌కోచ్‌ కంటే వీరికి ఫిజియోనే అత్యంత ముఖ్యమైన వ్యక్తి అయ్యేలా ఉన్నాడు. అసలు సెలక్టర్లు ఏం చేస్తున్నారు?సెలక్షన్‌ కమిటీ సమావేశాల్లో వీరితో కలిసి ఫిజియో కూడా కూర్చుంటాడా ఏమిటి?. ఎవరి వర్క్‌లోడ్‌ ఎంత? ఎవరు ఆడాలని అతడే డిసైడ్‌ చేస్తాడా?’’ అని 1983 వన్డే వరల్డ్‌కప్‌ విన్నర్‌ సందీప్‌ పాటిల్‌ అసహనం వ్యక్తం చేశాడు.పనికిమాలిన వ్యవహారంఅదే విధంగా.. ‘‘వర్క్‌లోడ్‌ మేనేజ్‌మెంట్‌ అనేదే ఓ పనికిమాలిన వ్యవహారం. ఆటగాళ్లు ఫిట్‌గా ఉన్నారా? లేదంటే అన్‌ఫిట్‌?.. ఈ రెండిటి ఆధారంగానే జట్ల ఎంపిక ఉండాలి. అంతేగానీ.. ఈ వర్క్‌లోడ్‌ బిజినెస్‌ను పట్టించుకోకూడదు.మా రోజుల్లో అయితే ఫ్యాన్సీ స్ట్రోక్స్‌ ఆడేందుకు ప్రయత్నించినా సునిల్‌ గావస్కర్‌ తిట్టేవాడు. అయితే, రోజులు మారాయి. కానీ ఈ నవతరం క్రికెటర్లు తరచూ మ్యాచ్‌లు మిస్‌ కావడాన్ని నేను జీర్ణించుకోలేకపోతున్నా’’ అని సందీప్‌ పాటిల్‌ మిడ్‌-డేతో పేర్కొన్నాడు.చదవండి: నిన్ను ఇలా చూడలేకపోతున్నాం భయ్యా!.. విరాట్‌ కోహ్లి ఫొటో వైరల్‌

ఇంగ్లండ్‌తో ఆఖరి టెస్టులో సత్తా చాటి.. ఆండర్సన్‌- టెండుల్కర్‌ ట్రోఫీ (Anderson- tendulkar Trophy) సిరీస్‌ను సమం చేసింది టీమిండియా. రవిచంద్రన్‌ అశ్విన్‌, విరాట్‌ కోహ్లి (Virat Kohli), రోహిత్‌ శర్మ వంటి దిగ్గజాలు లేకుండానే విదేశీ గడ్డ మీద సత్తా చాటింది. యువ నాయకుడు శుబ్‌మన్‌ గిల్‌ సారథ్యంలో ఐదు మ్యాచ్‌ల టెస్టు సిరీస్‌ను 2-2తో డ్రా చేసుకున్న భారత్‌ తదుపరి ఆసియా కప్‌-2025 ఆడనుంది.శుభవార్త.. ఓ చేదు వార్త కూడా..ఈసారి టీ20 ఫార్మాట్లో నిర్వహించే ఈ టోర్నమెంట్‌కు ఆగష్టు చివరి వారంలో బీసీసీఐ (BCCI) జట్టును ప్రకటించే అవకాశం ఉంది. ఇక ఈ ఈవెంట్‌ తర్వాత సొంతగడ్డపై వెస్టిండీస్‌తో టెస్టులు ఆడనుంది. ఈ నేపథ్యంలో టీమిండియాకు ఒకే సమయంలో శుభవార్త.. ఓ చేదు వార్త అందాయి.ఇంగ్లండ్‌ పర్యటన సందర్భంగా గాయపడిన వికెట్‌ కీపర్‌ బ్యాటర్‌ రిషభ్‌ పంత్‌కు సర్జరీ అవసరం లేదని వైద్యులు చెప్పినట్లు సమాచారం. అయితే, పూర్తిగా కోలుకోవడానికి ఆరు వారాల పాటు విశ్రాంతి మాత్రం అవసరం అని చెప్పినట్లు తెలుస్తోంది.విండీస్‌తో రెండు టెస్టులుఈ నేపథ్యంలో రిషభ్‌ పంత్‌ ఆసియా కప్‌-2025తో పాటు వెస్టిండీస్‌తో టెస్టు సిరీస్‌కు కూడా దూరం కానున్నాడు. కాగా యూఏఈ వేదికగా ఆసియా కప్‌ టోర్నీ సెప్టెంబరు 8- 28 వరకు జరుగనుండగా.. స్వదేశంలో విండీస్‌తో అక్టోబరు 2- 14 వరకు టీమిండియా రెండు టెస్టులు ఆడనుంది. అహ్మదాబాద్‌, ఢిల్లీ ఇందుకు వేదికలుకాగా ఇటీవల ఇంగ్లండ్‌తో ముగిసిన ఐదు టెస్టుల సిరీస్‌లో రిషభ్‌ పంత్‌ అదరగొట్టాడు. లీడ్స్‌లో జరిగిన తొలి మ్యాచ్‌లో రెండు ఇన్నింగ్స్‌లోనూ శతకాలు బాదిన ఈ లెఫ్టాండర్‌.. ఓవరాల్‌గా 479 పరుగులు సాధించాడు.గాయంతోనే..అయితే, మాంచెస్టర్‌ వేదికగా నాలుగో టెస్టు తొలి ఇన్నింగ్స్‌ సందర్భంగా క్రిస్‌ వోక్స్‌ బౌలింగ్‌లో రివర్స్‌ స్కూప్‌షాట్‌కు యత్నించిన పంత్‌.. విఫలమయ్యాడు. ఈ క్రమంలో బంతి కుడికాలికి తగలగా పాదం ఉబ్బింది. అనంతరం బొటనవేలు ఫ్రాక్చర్‌ అయినట్లు తేలింది. అయినా సరే.. పంత్‌ మళ్లీ బ్యాటింగ్‌కు వచ్చి హాఫ్‌ సెంచరీ పూర్తి చేసుకుని అవుటయ్యాడు. ఈ మ్యాచ్‌ను టీమిండియా డ్రా చేసుకోవడంలో తన వంతు పాత్ర పోషించాడు.చదవండి: ప్రతోడు సచిన్‌, కోహ్లి అవుతారా?.. వాళ్ల ఫోన్లు కూడా ఎత్తను: టీమిండియా పేసర్‌

భారత్‌- ఇంగ్లండ్‌ మధ్య టెస్టు సిరీస్‌ (IND vs ENG) సందర్భంగా ఇద్దరు ఆటగాళ్లు దేశం కోసం ఆడటం పట్ల తమ నిబద్ధతను మరోసారి నిరూపించుకున్నారు. గాయం తాలుకు బాధ వెంటాడుతున్నా జట్టు ప్రయోజనాల కోసం మైదానంలో దిగి.. అభిమానుల హృదయాలు గెలుచుకున్నారు.వారిద్దరు ఎవరో ఇ‍ప్పటికే మీకు అర్థమైపోయి ఉంటుంది. అవును.. టీమిండియా వికెట్‌ కీపర్‌ బ్యాటర్‌ రిషభ్‌ పంత్‌ (Rishabh Pant).. ఇంగ్లండ్‌ పేస్‌ బౌలర్‌ క్రిస్‌ వోక్స్‌ (Chris Woakes). మాంచెస్టర్‌లో జరిగిన నాలుగో టెస్టు సందర్భంగా వోక్స్‌ బౌలింగ్‌లోనే పంత్‌ గాయపడ్డాడు. వోక్స్‌ వేసిన బంతి పంత్‌ కుడికాలి పాదానికి బలంగా తాకడంతో ఉబ్బిపోయింది.బొటనవేలు ఫ్రాక్చర్‌ దీంతో నొప్పితో విలవిల్లాడుతూ మైదానం వీడిన పంత్‌ స్కానింగ్‌కు వెళ్లగా.. బొటనవేలు ఫ్రాక్చర్‌ అయినట్లు తేలింది. అయితే, సిరీస్‌ ఆశలు సజీవంగా ఉంచుకోవాలంటే రిటైర్డ్‌ హర్ట్‌గా వెనుదిరిగిన ఈ లెఫ్టాండ్‌ బ్యాటర్‌ మళ్లీ బరిలో దిగాల్సిన పరిస్థితి. జట్టు ప్రయోజనాలు, దేశం కోసం ఆడటమే పరమావధిగా భావించే పంత్‌.. కట్టుతోనే బ్యాట్‌తో బరిలోకి దిగి అర్ధ శతకం పూర్తి చేసుకున్నాడు.అనంతరం రెండో ఇ‍న్నింగ్స్‌లో పంత్‌ ఆడాల్సిన అవసరం రాకపోగా.. ఈ టెస్టు డ్రా అయింది. ఇక ఐదో టెస్టుకు పంత్‌ దూరమయ్యాడు. ఇదిలా ఉంటే.. ఆఖరిదైన ఐదో టెస్టులో విజయం ఇరుజట్ల మధ్య ఆఖరి రోజు వరకు దోబూచులాడింది. ఐదో రోజు ఇంగ్లండ్‌ విజయానికి 35 పరుగులు.. టీమిండియా నాలుగు వికెట్ల దూరంలో ఉన్న వేళ భారత పేసర్లు విజృంభించారు.అతడూ జట్టే ముఖ్యం అనుకున్నాడుఈ క్రమంలో తొమ్మిదో వికెట్‌ పడగానే క్రిస్‌ వోక్స్‌ బ్యాట్‌ పట్టుకుని మైదానంలోకి రావాల్సి వచ్చింది. అంతకుముందే ఫీల్డింగ్‌ చేస్తున్న సమయంలో కిందపడ్డగా.. అతడి భుజం విరిగింది. అయినప్పటికీ పంత్‌ మాదిరే అతడూ జట్టే తనకు ముఖ్యం అనుకున్నాడు.అయితే, వోక్స్‌కు ఇబ్బంది కలుగకుండా మరో ఎండ్‌లో ఉన్న గస్‌ అట్కిన్సన్‌ స్ట్రైక్‌రొటేట్‌ చేస్తూ తానే క్రీజులో ఉండేలా చూసుకున్నాడు. అయితే, మహ్మద్‌ సిరాజ్‌ అద్భుత బంతితో అట్కిన్సన్‌ను బౌల్డ్‌ చేయడంతో ఇంగ్లండ్‌ కథ ముగిసిపోయింది. విజయానికి ఆరు పరుగుల దూరంలో ఆతిథ్య జట్టు నిలిచిపోగా.. టీమిండియా జయభేరి మోగించి సిరీస్‌ను 2-2తో సమం చేసింది.సెల్యూట్‌ చేసిన రిషభ్‌ పంత్‌.. సారీ చెప్పిన ఇం‍గ్లండ్‌ ప్లేయర్‌ఈ నేపథ్యంలో రిషభ్‌ పంత్‌తో జరిగిన సంభాషణ గురించి క్రిస్‌ వోక్స్‌ తాజాగా వెల్లడించాడు. ‘‘నా ఫొటోను ఇన్‌స్టాగ్రామ్‌లో షేర్‌ చేస్తూ రిషభ్‌ సెల్యూట్‌ ఎమోజీతో అభినందించాడు. అందుకు నేను అతడికి కృతజ్ఞతలు చెప్పాను.నాపై ప్రేమ చూపినందుకు థాంక్యూ.. నీ పాదం నొప్పి ఎలా ఉంది అని అడిగాను. అప్పుడు నాకు రిషభ్‌ వాయిస్‌ నోట్‌ పంపించాడు. ‘మరేం పర్లేదు. త్వరగానే కోలుకుంటానని అనుకుంటున్నాను. తొందర్లోనే మనం మళ్లీ తిరిగి కలవాలని కోరుకుంటున్నా’ అన్నాడు.అయితే, తన పాదం విరగడానికి పరోక్ష కారణం నేనే కాబట్టి.. రిషభ్‌కు సారీ చెప్పకుండా ఉండలేకపోయాను’’ అని క్రిస్‌ వోక్స్‌ మైదానంలో ప్రత్యర్థులుగా ఉన్నా.. ఆటగాళ్లుగా తమ మధ్య ఉండే అనుబంధం గురించి తెలిపాడు.ఇక మ్యాచ్‌ ముగియగానే టీమిండియా కెప్టెన్‌ శుబ్‌మన్‌ గిల్‌ కూడా క్రిస్‌ వోక్స్‌ను ప్రత్యేకంగా అభినందించాడు. ఈ విషయం గురించి వోక్స్‌ ది గార్డియన్‌తో మాట్లాడుతూ.. ‘‘నువ్వు నిజంగా సాహసమే చేశావు’ అని గిల్‌ నాతో అన్నాడు.అందుకు బదులిస్తూ.. ‘మీరు అసాధారణ రీతిలో సిరీస్‌ పూర్తి చేసుకున్నారు. అద్భుతంగా ఆడారు. ఇందుకు మీ జట్టుకు క్రెడిట్‌ ఇవ్వాల్సిందే’ అని నేను అన్నాను’’ అని తెలిపాడు. చదవండి: ప్రతోడు సచిన్‌, కోహ్లి అవుతారా?.. వాళ్ల ఫోన్లు కూడా ఎత్తను: టీమిండియా పేసర్‌

ముంబై: ఇంగ్లండ్‌తో టెస్టు సిరీస్‌లో భారత స్టార్‌ పేసర్‌ జస్‌ప్రీత్‌ బుమ్రా ముందుగా అనుకున్నట్లుగా మూడు మ్యాచ్‌లే ఆడాడు. అయితే అతను బరిలోకి దిగని బర్మింగ్‌హామ్, ఓవల్‌ టెస్టులలోనే టీమిండియా గెలిచింది. దాంతో బుమ్రా లేకపోయినా పెద్దగా తేడా రాదని, అతను లేకపోయినా మ్యాచ్‌లు గెలవగలమని కొన్ని విశ్లేషణలు ప్రచారంలోకి వచ్చాయి. దీనిపై భారత క్రికెట్‌ దిగ్గజం సచిన్‌ టెండూల్కర్‌ స్పందించాడు. అసాధారణ బౌలర్‌ అయిన బుమ్రా గురించి తప్పుగా మాట్లాడవద్దంటూ అండగా నిలిచాడు. ‘బుమ్రా సిరీస్‌ను చాలా బాగా మొదలు పెట్టాడు. ఆడింది మూడు మ్యాచ్‌లే అయినా... తొలి టెస్టులో ఒకసారి, మూడో టెస్టులో ఒకసారి ఐదు వికెట్ల ప్రదర్శన నమోదు చేశాడు. అయితే ప్రజలు వేరే అంశాలు ముందుకు తెచ్చి అతను లేని టెస్టుల్లో భారత్‌ గెలిచిందంటూ ప్రచారం చేస్తున్నారు. కానీ నా అభిప్రాయ ప్రకారం అది యాదృచ్ఛికం మాత్రమే. బుమ్రా ఒక అసాధారణ బౌలర్‌. ఇప్పటికే ఎన్నో అద్భుతాలు చేశాడు. చాలా కాలంగా నిలకడగా రాణించాడు. నా దృష్టిలో నిస్సందేహంగా అందరికంటే అతను అగ్ర స్థానంలో ఉంటాడు’ అని సచిన్‌ కితాబిచ్చాడు. మాంచెస్టర్‌ టెస్టులో స్టోక్స్‌ ‘షేక్‌ హ్యాండ్‌’కు నిరాకరించి జడేజా, సుందర్‌ ఆటను కొనసాగించడంలో ఎలాంటి తప్పూ లేదని టెండూల్కర్‌ అభిప్రాయపడ్డాడు. ‘డ్రా’కు అంగీకరించాలని ఇంగ్లండ్‌ కోరడంలో అర్థం లేదన్న సచిన్‌... భారత బ్యాటర్లు స్పందించిన తీరుతో తాను వంద శాతం ఏకీభవిస్తున్నానని అన్నాడు.

ఇంగ్లండ్‌తో టెస్టు సిరీస్‌లో టీమిండియా ఆల్‌రౌండర్‌ రవీంద్ర జడేజా (Ravnidra Jadeja) బ్యాట్‌తో అదరగొట్టాడు. ఆండర్సన్‌- టెండుల్కర్‌ ట్రోఫీ (Anderson- Tendulkar Trophy) ఆసాంతం నిలకడగా బ్యాటింగ్‌ చేశాడు. కీలక సమయాల్లో తానున్నానంటూ జట్టును ఆదుకున్నాడు.మొత్తంగా ఐదు టెస్టుల్లో కలిపి జడ్డూ 516 పరుగులు సాధించాడు. ఇందులో ఓ శతకం.. ఐదు అర్ధ శతకాలు ఉండటం విశేషం. అంతేకాదు జడ్డూ ఈ సిరీస్‌లో ఏడు వికెట్లు కూడా పడగొట్టడం గమనార్హం. ఇలా ఇంగ్లండ్‌తో సిరీస్‌ను టీమిండియా 2-2తో సమం చేయడంలో తన వంతు పాత్రను జడేజా సమర్థవంతంగా పూర్తి చేశాడు.అతడు ఓ అండర్‌రేటెడ్‌ ప్లేయర్‌ఈ నేపథ్యంలో భారత క్రికెట్‌ దిగ్గజం సచిన్‌ టెండుల్కర్‌ (Sachin Tendulkar) రవీంద్ర జడేజా గురించి ఆసక్తికర వ్యాఖ్యలు చేశాడు. ఈ వెటరన్‌ ఆల్‌రౌండర్‌ అద్భుతంగా ఆడినా రావాల్సినంత గుర్తింపు దక్కడం లేదని పేర్కొన్నాడు. ‘‘అతడు ఓ అండర్‌రేటెడ్‌ ప్లేయర్‌ అనే చెప్తాను.క్రెడిట్‌ దక్కడం లేదుజట్టు కోసం అతడు ఎంతో కష్టపడతాడు. తన వంతుగా పరుగులు రాబడతాడు. వికెట్లు తీస్తాడు. కానీ అతడికి ఎక్కువగా క్రెడిట్‌ దక్కడం లేదు. ఇంగ్లండ్‌తో సిరీస్‌లో బ్యాటర్‌గా చిరస్మరణీయ ప్రదర్శన కనబరిచాడు.ఈ ఒక్క సిరీస్‌ అనే కాదు.. గతంలోనూ చాలా సార్లు జట్టుకు అవసరమైన వేళ నేనున్నానంటూ వచ్చి.. ప్రత్యర్థి జట్టును కుప్పకూల్చడంలో కీలక పాత్ర పోషించాడు’’ అని సచిన్‌ టెండుల్కర్‌ జడ్డూపై ప్రశంసల వర్షం కురిపించాడు.కేఎల్‌ రాహుల్‌ అత్యుత్తమ ప్రదర్శనఅదే విధంగా.. కేఎల్‌ రాహుల్‌ గురించి ప్రస్తావన రాగా.. ‘‘కేఎల్‌ రాహుల్‌ అత్యుత్తమ ప్రదర్శనను మరోసారి ఈ సిరీస్‌లో చూశాను. అతడు చక్కగా డిఫెండ్‌ చేసుకోవడంతో పాటు.. వీలు చిక్కినప్పుడల్లా తనవైన షాట్లతో అలరించాడు. ఏ బంతిని ఆడాలో.. దేనిని వదిలేయాలో అతడికి తెలుసు. కొన్నిసార్లు తన ప్లానింగ్‌తో బౌలర్లనే బోల్తా కొట్టించాడు కూడా’’ అని సచిన్‌ టెండుల్కర్‌ రాహుల్‌ను కొనియాడాడు.కాగా ఆండర్సన్‌- టెండుల్కర్‌ ట్రోఫీలో భాగంగా టీమిండియా ఇంగ్లండ్‌తో ఐదు టెస్టులు ఆడింది. తొలుత లీడ్స్‌లో ఓటమిపాలైన గిల్‌ సేన.. ఎడ్జ్‌బాస్టన్‌లో మాత్రం చారిత్రాత్మక​ విజయం సాధించింది. అనంతరం లార్డ్స్‌ టెస్టులో ఓడిన భారత జట్టు.. మాంచెస్టర్‌ టెస్టును డ్రా చేసింది. అయితే, చావోరేవో తేల్చుకోవాల్సిన ఆఖరిదైన ఓవల్‌ టెస్టులో మాత్రం అదరగొట్టింది. ఓటమి ఖాయమనుకున్న వేళ ఆరు పరుగుల స్వల్ప తేడాతో గెలిచి సిరీస్‌ను 2-2తో సమం చేసింది. ఇక ప్రపంచ టెస్టు చాంపియన్‌షిప్‌ 2025-27 సీజన్‌లోనూ భారత్‌కు ఇదే తొలి సిరీస్‌ అన్న విషయం తెలిసిందే. చదవండి: Dhruv Jurel: అతడికి నువ్వెందుకు చెప్పలేదు? గిల్‌తో సిరాజ్‌.. కొంప మునిగేదే!

ఐదో టెస్టు ఆఖరి రోజు వరకు ఉత్కంఠ రేపిన పోరులో భారత్‌ ఇంగ్లండ్‌పై గెలిచి సిరీస్‌ను సమం చేసింది. ఓటమి అంచుల వరకు వెళ్లినా.. అనూహ్య రీతిలో పుంజుకుని సంచలన విజయం సాధించింది. ఓవల్‌లో చివరిదైన ఐదో రోజు ఆటలో ఇంగ్లండ్‌ గెలుపునకు 35 పరుగుల దూరంలో ఉండగా.. భారత్‌కు నాలుగు వికెట్లు అవసరమయ్యాయి.అద్భుతం చేసిన సిరాజ్‌ ఇలాంటి క్లిష్ట సమీకరణాల వేళ టీమిండియా పేసర్‌ మహ్మద్‌ సిరాజ్‌ (Mohammed Siraj) అద్భుతమైన బౌలింగ్‌తో.. ఆఖరి రోజు నాలుగింటిలో మూడు వికెట్లు తానే పడగొట్టాడు. ముఖ్యంగా ఆఖరి వికెట్‌గా గస్‌ అట్కిన్సన్‌ను వెనక్కి పంపి భారత్‌ను గెలుపు తీరాలకు చేర్చడం సిరీస్‌ మొత్తానికే హైలైట్‌గా నిలిచింది.జురెల్‌ ఏమరపాటు కారణంగానిజానికి ఇంగ్లండ్‌ ఇంకాస్త ముందే ఈ వికెట్‌ కోల్పోయి ఉండేది. అయితే, వికెట్‌ కీపర్‌ ధ్రువ్‌ జురెల్‌ (Dhruv Jurel) కాస్త ఏమరపాటుగా ఉండటంతో ప్రత్యర్థి జట్టుకు పరుగు లభించింది. దీంతో మరోసారి నరాలు తెగే ఉత్కంఠ నెలకొంది. ఒకవేళ సిరాజ్‌ సరైన సమయంలో అట్కిన్సన్‌ను అవుట్‌ చేయకపోయి ఉంటే.. జురెల్‌ చేసిన పొరపాటు కారణంగా టీమిండియా భారీ మూల్యమే చెల్లించాల్సి వచ్చేది.అసలేం జరిగిందంటే.. ఓవల్‌ టెస్టు ఆఖరి రోజు ఆటలో ఇంగ్లండ్‌ తొమ్మిదో వికెట్‌ కోల్పోగానే.. ఆ జట్టు ఆటగాడు క్రిస్‌ వోక్స్‌ భుజం విరిగినప్పటికీ బ్యాటర్‌గా వచ్చాడు. అయితే, స్ట్రైకర్‌ ఎండ్‌లో ఉన్న అట్కిన్సన్‌.. వోక్స్‌ బ్యాటింగ్‌ చేసే పరిస్థితి లేదు కాబట్టి.. ఓవర్లో ఆఖరి బంతికి సింగిల్‌ తీసి.. మళ్లీ తానే క్రీజులోకి వచ్చేలా చూసుకున్నాడు.సిరాజ్‌ ప్లాన్‌ ఇదేఈ నేపథ్యంలో భారత కెప్టెన్‌ శుబ్‌మన్‌ గిల్‌ (Shubman Gill)- సిరాజ్‌ కలిసి ఈ జోడీని రనౌట్‌ చేయాలి లేదంటే.. అద్భుతమైన డెలివరీతో అట్కిన్సన్‌ను వెనక్కి పంపాలని ప్రణాళిక రచించారు. ఇందులో భాగంగానే 84వ ఓవర్లో వైడ్‌ లేదా యార్కర్‌ వేయాలని సిరాజ్‌- గిల్‌ ప్లాన్‌ చేశారు.అనుకున్నట్లుగానే అట్కిన్సన్‌ సిరాజ్‌ వేసిన బంతిని మిస్సయ్యాడు. అయినా సింగిల్‌కు వెళ్లాడు. అయితే, వికెట్‌ కీపర్‌ ధ్రువ్‌ జురెల్‌ సరైన సమయంలో బంతిని అందుకుని స్టంప్స్‌ వైపు గిరాటెయ్యలేకపోయాడు. ఫలితంగా ఆ ఓవర్లో ఆఖరి బంతికి సింగిల్‌ తీసి అట్కిన్సన్‌ మరోసారి క్రీజులోకి వచ్చాడు. దీంతో సిరాజ్‌ వెళ్లి గిల్‌తో కాస్త గట్టిగానే ఏదో వాదించినట్లుగా కనిపించింది.అయితే, ఆ మరుసటి ఓవర్లోనూ సింగిల్‌ తీయగలిగిన అట్కిన్సన్‌ (29 బంతుల్లో 17)ను.. 86వ ఓవర్‌ మొదటి బంతికే సిరాజ్‌ బౌల్డ్‌ చేయడంతో ఇంగ్లండ్‌ కథ ముగిసింది. భారత్‌ ఆరు పరుగుల స్వల్ప తేడాతో గెలిచి.. సిరీస్‌ను 2-2తో సమం చేయగలిగింది.అతడికి ఎందుకు చెప్పవు?ఈ పరిణామాలపై స్పందించిన కెప్టెన్‌ గిల్‌ మాట్లాడుతూ.. ‘‘సిరాజ్‌ నా దగ్గరికి వచ్చి.. రనౌట్‌ చేసేందుకు ధ్రువ్‌ జురెల్‌ను సిద్ధంగా ఉండమని చెప్పాడు. అయితే, నేను ధ్రువ్‌తో ఈ మాట చెప్పే కంటే ముందే సిరాజ్‌ బౌలింగ్‌ చేసేందుకు రన్‌ మొదలుపెట్టాడు.దీంతో ధ్రువ్ వేగంగా స్పందించలేకపోయాడు. అతడు స్టంప్స్‌ను మిస్‌ చేయగానే సిరాజ్‌ నా దగ్గరికి వచ్చి.. ‘నువ్వు అతడికి ఎందుకు చెప్పవు?’’ అని నన్ను ప్రశ్నించాడు’’ అని గిల్‌ తెలిపాడు. కాగా ఇంగ్లండ్‌ పర్యటనలో ఐదు టెస్టులు ఆడిన టీమిండియా.. రెండు గెలిచి.. ఒకటి డ్రా చేసుకుంది. తద్వారా ఆండర్సన్‌- టెండుల్కర్‌ ట్రోఫీని 2-2తో సమం చేసింది. టీమిండియా టెస్టు కెప్టెన్‌గా గిల్‌కు ఇదే తొలి సిరీస్‌ అన్న విషయం తెలిసిందే. ఇక ఈ సిరీస్‌లో సిరాజ్‌ వెయ్యికి పైగా బంతులు వేసి 23 వికెట్లు కూల్చడం విశేషం.చదవండి: ఆటగాళ్లు వస్తుంటారు.. పోతుంటారు: గంభీర్‌ స్పీచ్‌ వైరల్‌ज़िन्दगी देती है मौक़ा एक , अपनी पहचान बनाने काकुछ कर दिखाने का ✨@UltraTechCement | #SonySportsNetwork #ENGvIND #NayaIndia #DhaakadIndia #TeamIndia pic.twitter.com/atceen4I2W— Sony Sports Network (@SonySportsNetwk) August 5, 2025

ఇంగ్లండ్‌ గడ్డ మీద ఆద్యంతం ఆసక్తిగా సాగిన టెస్టు సిరీస్‌లో టీమిండియా మెరుగైన ప్రదర్శన కనబరిచింది. ముఖ్యంగా ఆఖరిదైన ఐదో టెస్టులో అసాధారణ రీతిలో పుంజుకుని ఆతిథ్య జట్టుపై విజయభేరి మోగించింది. తద్వారా ఓడిపోవడం ఖాయమనుకున్న ఆండర్సన్‌- టెండుల్కర్‌ ట్రోఫీ (Anderson- Tendulkar Trophy)ని 2-2తో సమం చేసింది.దీంతో వరుస పరాజయాల తర్వాత హెడ్‌కోచ్‌ గౌతం గంభీర్‌ (Gautam Gambhir)కు కాస్త ఊరట లభించింది. టెస్టు జట్టు కెప్టెన్‌గా శుబ్‌మన్‌ గిల్‌ (Shubman Gill)కు కూడా శుభారంభమే దక్కింది. అయితే, తుదిజట్టు విషయంలో కొన్ని అనూహ్య ఎంపికలు, చైనామన్‌ స్పిన్నర్‌ కుల్దీప్‌ యాదవ్‌ను సిరీస్‌ మొత్తానికి దూరంగా ఉంచడం వీరిద్దరిపై విమర్శలకు కారణమయ్యాయి.దిగ్గజాల రిటైర్మెంట్‌ తర్వాత..ఏదేమైనా స్పిన్‌ లెజెండ్‌ రవిచంద్రన్‌ అశ్విన్‌, కెప్టెన్‌ రోహిత్‌ శర్మ, దిగ్గజ బ్యాటర్‌ విరాట్‌ కోహ్లి టెస్టులకు రిటైర్మెంట్‌ ప్రకటించిన తర్వాత... అది కూడా విదేశీ గడ్డ మీద జరిగిన సిరీస్‌లో భారత్‌ ఈ మేర సఫలం కావడం హర్షించదగ్గ విషయమే. ఈ పరిణామాల నేపథ్యంలో హెడ్‌కోచ్‌ గౌతం గంభీర్‌ డ్రెసింగ్‌రూమ్‌లో చేసిన ప్రసంగం వైరల్‌గా మారింది.ఆటగాళ్లు వస్తుంటారు.. పోతుంటారు‘ఇక్కడ ఈ సిరీస్‌ను 2–2తో ముగియడం చాలా గొప్ప ఫలితం. అందరికీ నా అభినందనలు. అయితే మనం మెరుగుపడేందుకు ఇంకా అవకాశం ఉంటుంది. దాని కోసం మరింత కష్టపడుతూనే ఉండాలి. అలా చేస్తే సుదీర్ఘ కాలం టీమిండియా ప్రపంచ క్రికెట్‌ను శాసించగలదు.ఆటగాళ్లు వస్తుంటారు, పోతుంటారు. డ్రెస్సింగ్‌రూమ్‌లో సంస్కృతి ఎలా ఉండాలంటే అందరూ ఇందులో భాగం కావాలని కోరుకోవాలి. ఇదే మనం చేయాల్సిన పని’ అని గంభీర్‌ మార్గనిర్దేశనం చేశాడు. ఓవల్‌లో విజయం తర్వాత డ్రెస్సింగ్‌ రూమ్‌లో గంభీర్‌ ఈ మేరకు ఆటగాళ్లతో ప్రత్యేకంగా మాట్లాడాడు.గొప్పగా అనిపించిందిఈ సందర్భంగా ‘ఇంపాక్ట్‌ ప్లేయర్‌ ఆఫ్‌ ద సిరీస్‌’ అనే ప్రత్యేక అవార్డును రవీంద్ర జడేజా చేతుల మీదుగా వాషింగ్టన్‌ సుందర్‌ అందుకున్నాడు. ‘ఇంగ్లండ్‌లో వరుసగా నాలుగు టెస్టులు ఆడే అవకాశం రావడం నా అదృష్టం. ఇక్కడ బాగా ఆడాలని ఎంతో కోరుకున్నాను. ప్రతీ రోజు మన జట్టు ఆడిన తీరు చాలా గొప్పగా అనిపించింది’ అని సుందర్‌ వ్యాఖ్యానించాడు.భారత్‌ వర్సెస్‌ ఇంగ్లండ్‌ ఐదు టెస్టుల సిరీస్‌-2025 ఫలితాలు👉తొలి టెస్టు- హెడింగ్లీ, లీడ్స్‌- ఐదు వికెట్ల తేడాతో ఇంగ్లండ్‌ గెలుపు✊రెండో టెస్టు- ఎడ్జ్‌బాస్టన్‌, బర్మింగ్‌హామ్‌- 336 పరుగుల తేడాతో టీమిండియా ఘన విజయం- ఈ వేదికపై భారత్‌కు ఇదే తొలి గెలుపు👉మూడో టెస్టు- లార్డ్స్‌, లండన్‌- 22 పరుగుల తేడాతో గెలిచిన ఇంగ్లండ్‌🤝నాలుగో టెస్టు- ఓల్డ్‌ ట్రఫోర్డ్‌, మాంచెస్టర్‌- డ్రా✊ఐదో టెస్టు- కెన్నింగ్‌టన్‌ ఓవల్‌, లండన్‌- ఆరు పరుగుల తేడాతో టీమిండియా గెలుపు🤝సిరీస్‌ ఫలితం- 2-2తో సమంచదవండి: Asia Cup 2025: ఆసియా కప్‌లో గిల్, జైస్వాల్‌! View this post on Instagram A post shared by Team India (@indiancricketteam)

ఐదు టెస్టులు.. ఇరవై ఐదు రోజులు.. ఆద్యంతం ఆసక్తికరం.. ఆఖరి టెస్టు.. ఆఖరి రోజు వరకు ఉత్కంఠ రేపిన పోరు.. టెస్టు క్రికెట్‌ ప్రేమికుల మది దోచుకున్న సిరీస్‌.. అదే ఆండర్సన్‌- టెండుల్కర్‌ ట్రోఫీ.. భారత్‌- ఇంగ్లండ్‌ (IND vs ENG) మధ్య హోరాహోరీగా సాగిన ఈ పోరు 2-2తో సమంగా ముగిసింది.లీడ్స్‌లో ఇంగ్లండ్‌, ఎడ్జ్‌బాస్టన్‌లో టీమిండియా గెలవగా.. లార్డ్స్‌లో ఆతిథ్య జట్టు జయభేరి మోగించింది. అనంతరం మాంచెస్టర్‌లో జరిగిన నాలుగో టెస్టు డ్రా కాగా.. ఆఖరిదైన ఓవల్‌ టెస్టులో టీమిండియా ఆరు పరుగుల తేడాతో గెలిచి సిరీస్‌ను డ్రా చేసింది. సిరాజ్‌ మేజిక్‌అయితే, ఇరుజట్లు కూడా ఆఖరి నిమిషం వరకు పోరాడిన తీరు అద్భుతం. చివరకు చావోరేవో తేల్చుకోవాల్సిన మ్యాచ్‌లో పేసర్‌ మహ్మద్‌ సిరాజ్‌ తొమ్మిది వికెట్లతో సత్తా చాటి టీమిండియా విజయాన్ని ఖరారు చేయడం అభిమానులను ఖుషీ చేసింది.ఇదిలా ఉంటే.. ఈ మెగా సిరీస్‌కు సంబంధించి ఇంగ్లండ్‌- ఇండియా నుంచి అత్యుత్తమ తుదిజట్టును ఇంగ్లండ్‌ దిగ్గజ పేసర్‌ స్టువర్ట్‌ బ్రాడ్‌ తాజాగా ఎంపిక చేశాడు. తన జట్టులో ఓపెనర్లుగా టీమిండియా జోడీకి స్థానం ఇచ్చిన ఈ లెజెండరీ బౌలర్‌.. మిడిలార్డర్‌లో మాత్రం ఇంగ్లండ్‌కే పెద్దపీట వేశాడు.అదనపు భారాన్నీ తానే మోశాడుఇక ఆల్‌రౌండర్‌ జాబితాలో వాషింగ్టన్‌ సుందర్‌కూ చోటిచ్చిన బ్రాడ్‌.. పేస్‌ దళంలో జోఫ్రా ఆర్చర్‌తో పాటు టీమిండియా ద్వయాన్ని కూడా ఎంపిక చేశాడు. ఓవరాల్‌గా తన జట్టులో ఆరుగురు భారత ఆటగాళ్లు, ఐదుగురు ఇంగ్లండ్‌ ప్లేయర్లకు చోటిచ్చాడు. అయితే, ప్లేయర్‌ ఆఫ్‌ ది సిరీస్‌, 754 పరుగులు సాధించిన భారత సారథి శుబ్‌మన్‌ గిల్‌కు మాత్రం అతడు స్థానం కల్పించలేదు.ఈ సందర్భంగా సిరాజ్‌ను ప్రత్యేకంగా అభినందించాడు స్టువర్ట్‌ బ్రాడ్‌. ‘‘ప్రతిసారి బంతిని అందుకునేందుకు సిద్ధంగా ఉన్నాడు. బాధ్యతంతా తన మీదే వేసుకున్నాడు. బుమ్రా గైర్హాజరీలో అదనపు భారాన్నీ తానే మోశాడు. పేస్‌ దళాన్ని ముందుండి నడిపించాడు. సిరాజ్‌ ఉండటం భారత జట్టును మరింత పటిష్టం చేస్తుంది’’ అంటూ స్టువర్ట్‌ బ్రాడ్‌ సిరాజ్‌పై ప్రశంసలు కురిపించాడు. కాగా ఇంగ్లండ్‌తో ఐదు టెస్టుల సిరీస్‌లో పదకొండు వందలకు పైగా బంతులు వేసిన సిరాజ్‌ 23 వికెట్లు కూల్చాడు. తద్వారా ఆండర్సన్‌- టెండుల్కర్‌ ట్రోఫీ-2025లో టాప్‌ వికెట్‌ టేకర్‌గా నిలిచాడు.భారత్‌ వర్సెస్‌ ఇంగ్లండ్‌ 2025 టెస్టు సిరీస్‌- స్టువర్ట్‌ బ్రాడ్‌ కంబైన్డ్‌ ప్లేయింగ్‌ ఎలెవన్‌ ఇదేయశస్వి జైస్వాల్‌, కేఎల్‌ రాహుల్‌, ఓలీ పోప్‌, జో రూట్‌, హ్యారీ బ్రూక్‌, బెన్‌ స్టోక్స్‌, రిషభ్‌ పంత్‌, వాషింగ్టన్‌ సుందర్‌, జోఫ్రా ఆర్చర్‌, మహ్మద్‌ సిరాజ్‌, జస్‌ప్రీత్‌ బుమ్రా.చదవండి: మా బ్యాటర్లు భయపడ్డారు.. కానీ అతడు ఉండుంటే గెలిచేవాళ్లం: ఇంగ్లండ్‌ మాజీ కెప్టెన్‌

భారత్‌- ఇంగ్లండ్‌ (Ind vs Eng) మధ్య ఐదో టెస్టు నేపథ్యంలో టీమిండియా దిగ్గజ స్పిన్నర్‌ రవిచంద్రన్‌ అశ్విన్‌ (Ravichandran Ashwin) ఆసక్తికర వ్యాఖ్యలు చేశాడు. ఈ మ్యాచ్‌ సందర్భంగా క్రికెట్‌ ప్రపంచం ఓ కొత్త సూపర్‌స్టార్‌ను చూడబోతుందని పేర్కొన్నాడు. ఇంగ్లండ్‌ యువ ఆటగాడు జేకబ్‌ బేతెల్‌ ఓవల్‌ టెస్టులో సత్తా చాటి.. నయా సూపర్‌స్టార్‌గా అవతరించబోతున్నాడని జోస్యం చెప్పాడు.ఆండర్సన్‌- టెండుల్కర్‌ ట్రోఫీ (Anderson- Tendulkar Trophy) సిరీస్‌ తుది అంకానికి చేరుకుంది. ఇప్పటి వరకు నాలుగు టెస్టులు పూర్తి కాగా ఇంగ్లండ్‌ ప్రస్తుతం 2-1తో ఆధిక్యంలో ఉంది. ఈ నేపథ్యంలో లండన్‌లోని ఓవల్‌ మైదానంలో జరిగే ఆఖరిదైన ఐదో టెస్టుతో ఫలితం తేలనుంది.ఈ నేపథ్యంలో ఇంగ్లండ్‌ తుదిజట్టులో నాలుగు మార్పులతో బరిలోకి దిగింది. కెప్టెన్‌ బెన్‌ స్టోక్స్‌ భుజం నొప్పి కారణంగా ఐదో టెస్టుకు దూరం కాగా.. అతడి స్థానంలో ఓలీ పోప్‌ కెప్టెన్‌గా వ్యవహరించనున్నాడు. అదే విధంగా.. జేమీ ఓవర్టన్‌ జట్టులోకి వచ్చాడు.అసాధారణ ప్రతిభమరోవైపు.. జోఫ్రా ఆర్చర్‌, బ్రైడన్‌ కార్స్‌, లియామ్‌ డాసన్‌ స్థానాల్లో జేకబ్‌ బెతెల్‌, గస్‌ అట్కిన్సన్‌, జోష్‌ టంగ్‌లకు తుదిజట్టులో స్థానం దక్కింది. ఈ నేపథ్యంలో అశ్విన్‌ మాట్లాడుతూ.. ‘‘ఐదో టెస్టు సందర్భంగా క్రికెట్‌ ప్రపంచం కొత్త సూపర్‌స్టార్‌ను చూడబోతోంది.అతడు కచ్చితంగా ఉన్నత స్థాయికి చేరుకుంటాడు. అవును.. జేకబ్‌ బెతెల్‌ గురించే నేను మాట్లాడుతున్నాను. అతడిలో అసాధారణ ప్రతిభ దాగి ఉంది. బ్యాట్‌తో అద్భుతాలు చేయగలడు. లెఫ్టార్మ్‌ బౌలింగ్‌తో అదనపు బౌలర్‌గానూ పనికివస్తాడు’’ అని ప్రశంసలు కురిపించాడు. ఇందుకు సంబంధించిన వీడియో నెట్టింట వైరల్‌ అవుతోంది.టీమిండియాలోనూ నాలుగు మార్పులుఇదిలా ఉంటే.. ఐదో టెస్టులో టాస్‌ గెలిచిన ఇంగ్లండ్‌ తొలుత బౌలింగ్‌ ఎంచుకుంది. ఇక ఈ మ్యాచ్‌లో టీమిండియా కూడా నాలుగు మార్పులు చేసింది. జస్‌ప్రీత్‌ బుమ్రా, శార్దూల్‌ ఠాకూర్‌, రిషభ్‌ పంత్‌, అన్షుల్‌ కంబోజ్‌ స్థానాల్లో ఆకాశ​ దీప్‌, ప్రసిద్‌ కృష్ణ, కరుణ్‌ నాయర్‌, ధ్రువ్‌ జురెల్‌ తుదిజట్టులోకి వచ్చారు.కాగా 21 ఏళ్ల జేకబ్‌ బెతెల్‌ బ్యాటింగ్‌ ఆల్‌రౌండర్‌. ఎడమచేతి వాటం బ్యాటర్‌ అయిన అతడు.. లెఫ్టార్మ్‌ స్పిన్నర్‌గానూ సేవలు అందించగలడు. గతేడాది అంతర్జాతీయ క్రికెట్‌లో అడుగుపెట్టిన జేకబ్‌.. ఇప్పటి వరకు ఇంగ్లండ్‌ తరఫున 12 వన్డేలు, 13 టీ20లు, మూడు టెస్టు మ్యాచ్‌లు ఆడాడు. ఆయా ఫార్మాట్లలో వరుసగా 317, 281, 260 పరుగులు చేశాడు. అదే విధంగా.. వన్డేల్లో ఏడు, టీ20లలో నాలుగు, టెస్టుల్లో మూడు వికెట్లు పడగొట్టాడు.చదవండి: ‘మీకు మరో దారి లేదు’.. షాహిద్‌ ఆఫ్రిది ఓవరాక్షన్‌.. దిమ్మతిరిగిపోయింది!

బ్యాటింగ్‌ ఆర్డర్‌లో టీమిండియా యాజమాన్యం తరచూ మార్పులు చేయడం సరికాదని ఇంగ్లండ్‌ మాజీ క్రికెటర్‌ నిక్‌ కాంప్టన్‌ (Nick Compton) అన్నాడు. మేనేజ్‌మెంట్‌ నిలకడలేమితనం కారణంగా ఆటగాళ్లు ఇబ్బంది పడతారని.. ఇది వారి ప్రదర్శనపై తీవ్ర ప్రభావం చూపుతుందని పేర్కొన్నాడు. ఇందుకు కేఎల్‌ రాహుల్‌ నిదర్శనం అని కాంప్టన్‌ తెలిపాడు.కాగా టెస్టుల్లో కేఎల్‌ రాహుల్‌ (KL Rahul) గత కొన్నాళ్లుగా వేర్వేరు స్థానాల్లో బ్యాటింగ్‌ చేస్తున్న విషయం తెలిసిందే కొన్నిసార్లు ఓపెనర్‌గా.. మరికొన్నిసార్లు మిడిలార్డర్‌ బ్యాటర్‌గా బరిలోకి దిగాడు. ముఖ్యంగా రోహిత్‌ శర్మ గైర్హాజరీలో ఆస్ట్రేలియాతో బోర్డర్‌- గావస్కర్‌ ట్రోఫీ (Border- Gavaskar Trophy)లో ఓపెనర్‌గా వచ్చిన అతడు.. రోహిత్‌ రాకతో మళ్లీ ఐదో స్థానంలో బ్యాటింగ్‌ చేశాడు.రోహిత్‌ టెస్టులకు రిటైర్మెంట్‌ ప్రకటించడంతోఇక ఇంగ్లండ్‌ పర్యటనకు ముందే రోహిత్‌ టెస్టులకు రిటైర్మెంట్‌ ప్రకటించడంతో.. ఓపెనర్‌గా కేఎల్‌ రాహుల్‌ స్థానం సుస్థిరమైంది. యశస్వి జైస్వాల్‌తో కలిసి ఇంగ్లండ్‌ గడ్డ మీద అద్భుత ఆట తీరుతో ఈ కర్ణాటక బ్యాటర్‌ ఆకట్టుకుంటున్నాడు.ఈ నేపథ్యంలో ఇంగ్లండ్‌ మాజీ బ్యాటర్‌ నిక్‌ కాంప్టన్‌ మాట్లాడుతూ.. రాహుల్‌ పట్ల టీమిండియా మేనేజ్‌మెంట్‌ వ్యవహరిస్తున్న తీరును తప్పుబట్టాడు. ‘‘ఇంగ్లండ్‌ జట్టును చూడండి. జో రూట్‌ ఎల్లప్పుడూ నాలుగో స్థానంలోనే బ్యాటింగ్‌ చేస్తాడు.ఓపెనర్లు కూడా మారరు. కానీ టీమిండియాలో శుబ్‌మన్‌ గిల్‌ ఓసారి మూడో స్థానంలో ఆడతాడు. ఇంకోసారి మరెవరో.. మళ్లీ గిల్‌ తిరిగి వస్తాడు. ఇలాంటి నిర్ణయాల వల్ల ఆటగాళ్ల ఆత్మవిశ్వాసం దెబ్బతింటుంది.అందుకే రాహుల్‌ వరుసగా విఫలమయ్యాడుఇక కేఎల్‌ రాహుల్‌ గురించి ప్రత్యేకంగా చెప్పాల్సిందేమీ లేదు. బోర్డర్‌- గావస్కర్‌ ట్రోఫీలో అతడిని అటూ.. ఇటూ మారుస్తూనే ఉన్నారు. ఫలితంగా అతడి ప్రదర్శన ప్రభావితం అయింది. రాహుల్‌ వరుసగా విఫలమయ్యాడు.నిజానికి అతడు ప్రతిభావంతుడైన ఆటగాడు. ఇప్పుడు సత్తా చాటుతున్నాడు. అయినా కరుణ్‌ నాయర్‌ వంటి ఆటగాళ్ల విషయంలో టీమిండియా త్వరత్వరగా నిర్ణయాలు మార్చేసుకోవడం సరికాదు. ఇంగ్లండ్‌ జట్టులో ఎవరిపై అంత తేలికగా వేటు వేయరు.సాయి సుదర్శన్‌ టాలెంట్‌ ప్లేయర్‌. కానీ అతడిని తప్పించి కరుణ్‌ నాయర్‌ను తీసుకురావడం.. మళ్లీ కోసం కరుణ్‌ నాయర్‌పై వేటు వేసి అతడిని తప్పించడం సరికాదు. సెలక్షన్‌లో నిలకడ లేకపోవడం వల్ల జట్టు నిర్మాణం దెబ్బతింటుంది’’ అని అభిప్రాయపడ్డాడు. కాంప్టన్‌ రెవ్‌స్పోర్ట్స్‌తో ఈ మేరకు వ్యాఖ్యలు చేశాడు.రెండు శతకాలుకాగా ఇంగ్లండ్‌తో టెస్టుల్లో తిరిగి ఓపెనర్‌గా వస్తున్న కేఎల్‌ రాహుల్‌ ఈ సిరీస్‌లో ఇప్పటి వరకు చేసిన పరుగులు వరుసగా.. 42, 137, 2, 55, 100, 39, 46, 90.ఇక ఐదు టెస్టుల సిరీస్‌లో టీమిండియాపై ఆతిథ్య ఇంగ్లండ్‌ జట్టు 2-1తో ఆధిక్యంలో ఉంది. ఆఖరిదైన ఐదో టెస్టులో గెలిస్తేనే గిల్‌ సేన సిరీస్‌ను 2-2తో సమం చేయగలుగుతుంది. ఇదిలా ఉంటే.. తొలి టెస్టులో సాయి సుదర్శన్‌ను మూడో స్థానంలో ఆడించిన యాజమాన్యం.. రెండు, మూడో టెస్టుల్లో ఆ స్థానంలో కరుణ్‌ నాయర్‌ను పంపింది. ఇక నాలుగో టెస్టులో తిరిగి సాయిని పిలిపించిన సెలక్టర్లు.. కరుణ్‌పై వేటు వేశారు. మరోవైపు.. విరాట్‌ కోహ్లి రిటైర్మెంట్‌ నేపథ్యంలో కొత్త కెప్టెన్‌ శుబ్‌మన్‌ గిల్‌ టెస్టుల్లో నాలుగో స్థానంలో బ్యాటింగ్‌కు వస్తున్నాడు. అంతకుముందు అతడు వన్‌డౌన్‌లో వచ్చేవాడు.చదవండి: WCL 2025: స్టువర్ట్‌ బిన్నీ విధ్వంసం, యువీ, పఠాన్‌ మెరుపులు.. సెమీస్‌లో ఇండియా

ఇంగ్లండ్‌తో ఐదో టెస్టులో టీమిండియా ప్రధాన పేస్‌ బౌలర్‌ జస్‌ప్రీత్‌ బుమ్రా (Jasprit Bumrah) ఆడే విషయంపై స్పష్టత వచ్చింది. ఈ రైటార్మ్‌ పేసర్‌ ఓవల్‌ టెస్టు నుంచి తప్పుకోవడం ఖాయమైంది. బుమ్రా పనిభారం తగ్గించేందుకు టీమిండియా యాజమాన్యం ఈ నిర్ణయం తీసుకున్నట్లు భారత క్రికెట్‌ నియంత్రణ మండలి (BCCI) సన్నిహిత వర్గాలు వెల్లడించాయి.టెండుల్కర్‌- ఆండర్సన్‌ ట్రోఫీ (Tendulkar- Anderson Trophy)లో భాగంగా ఐదు టెస్టులు ఆడేందుకు భారత జట్టు ఇంగ్లండ్‌లో పర్యటిస్తోంది. ఈ క్రమంలో తొలి టెస్టులో ఆతిథ్య జట్టు గెలవగా.. ఎడ్జ్‌బాస్టన్‌లో టీమిండియా చారిత్రాత్మక విజయం సాధించింది. అయితే, లార్డ్స్‌లో జరిగిన మూడో టెస్టులో మాత్రం పోరాడి ఓడింది.2-1తో ఆధిక్యంలో ఇంగ్లండ్‌ఈ నేపథ్యంలో ఇంగ్లండ్‌ 2-1తో ఆధిక్యంలోకి వెళ్లగా.. తమకు అచ్చిరాని మాంచెస్టర్‌లో టీమిండియా మ్యాచ్‌ను డ్రా చేసుకోగలిగింది. అనూహ్య రీతిలో పుంజుకుని ఓటమి నుంచి తప్పించుకుంది. ఇక ఇరుజట్ల మధ్య నిర్ణయాత్మక ఐదో టెస్టు లండన్‌లోని ఓవల్‌ మైదానంలో జరుగనుంది.ఈ సిరీస్‌ను కాపాడుకోవాలంటే ఆఖరి టెస్టులో టీమిండియా తప్పక విజయం సాధించాల్సిందే. ఇంతటి కీలకమైన టెస్టులో ప్రధాన పేసర్‌ బుమ్రాను ఆడించాలని యాజమాన్యం తొలుత భావించింది. అయితే, అతడి ఫిట్‌నెస్‌ను దృష్టిలో పెట్టుకొని.. మున్ముందు ఇబ్బంది రాకుండా ఉండాలంటే విశ్రాంతి ఇవ్వడమే ఉత్తమమని బీసీసీఐ వైద్య బృందం సిఫారసు చేసింది.తుదిజట్టులోకి ఆకాశ్‌ దీప్‌ఈ నేపథ్యంలో ఐదో టెస్టుకు బుమ్రా దూరం కానున్నాడు. అతడి స్థానంలో మరో పేసర్‌ ఆకాశ్‌ దీప్‌ భారత తుదిజట్టులోకి రానున్నాడు. స్వల్ప గాయం కారణంగా ఆకాశ్‌ మాంచెస్టర్‌ టెస్టులో ఆడలేదు. అయితే, ప్రస్తుతం అతడు పూర్తి ఫిట్‌గా ఉన్న నేపథ్యంలో ఓవల్‌ టెస్టు బరిలో దిగనున్నాడు. కాగా ఆకాశ్‌ దీప్‌ ఎడ్జ్‌బాస్టన్‌లో అద్భుత ప్రదర్శనతో ఆకట్టుకున్న విషయం తెలిసిందే. ఏకంగా పది వికెట్లు కూల్చి ఇంగ్లండ్‌ జట్టు బ్యాటింగ్‌ ఆర్డర్‌ పతనాన్ని శాసించి.. భారత్‌ గెలుపులో కీలక పాత్ర పోషించాడు.ఇదిలా ఉంటే.. ఇంగ్లండ్‌తో ఐదు టెస్టుల సిరీస్‌లో బుమ్రా కేవలం మూడు టెస్టులే ఆడతాడని బీసీసీఐ ముందుగానే ప్రకటించిన విషయం తెలిసిందే. లీడ్స్‌లో ఆడిన బుమ్రా.. ఎడ్జ్‌బాస్టన్‌ టెస్టుకు దూరంగా ఉన్నాడు. అనంతరం లార్డ్స్‌ టెస్టుతో తిరిగి వచ్చిన అతడు.. మాంచెస్టర్‌లోనూ ఆడాడు. అయితే, ఓవల్‌లోనూ ఆడాలని అనుకున్నా ఫిట్‌నెస్‌ సమస్యల వల్ల సాధ్యపడటం లేదు. కాగా ఈ సిరీస్‌లో ఆడిన మూడు టెస్టుల్లో కలిపి బుమ్రా 14 వికెట్లు తీశాడు.చదవండి: ‘స్టోక్స్‌ చేసింది కరెక్టే.. జడ్డూ, వాషీ అలా చేయడం సరికాదు’

టీమిండియా హెడ్‌కోచ్‌ గౌతం గంభీర్‌ (Gautam Gambhir)- ఓవల్‌ పిచ్‌ క్యూరేటర్‌ మధ్య చోటు చేసుకున్న వాగ్వాదంపై భారత జట్టు బ్యాటింగ్‌ కోచ్‌ సితాన్షు కొటక్‌ (Sitanshu Kotak) వివరణ ఇచ్చాడు. ఓవల్‌ గ్రౌండ్‌ క్యురేటర్‌ కాస్త దూకుడైన వ్యక్తి అని తమకు ముందే తెలుసని తెలిపాడు. మేమేమీ స్పైక్స్‌తో రాలేదుఈ సిరీస్‌లో ఆడిన నాలుగు టెస్టుల్లోనూ పిచ్‌ క్యురేటర్లు తమకు బాగా సహకరించారని, ఇక్కడే ఇలాంటి అనుభవం ఎదురైందని చెప్పాడు. ‘ఒక జట్టు కోచ్‌ను 2.5 మీటర్ల దూరం నిలబడమని చెప్పడం చాలా ఇబ్బందిగా అనిపించింది.మేమేమీ స్పైక్స్‌తో రాలేదు. రబ్బరు చెప్పులతో అక్కడ నిలబడ్డాం కాబట్టి పిచ్‌ పాడవుతుందనే సమస్యే లేదు. అలా ఎవరైనా ఎందుకు చేస్తారు. పిచ్‌ను జాగ్రత్తగా చూసుకోవడాన్ని అర్థం చేసుకోవచ్చు గానీ ఇది కాస్త అతిగా అనిపించింది. అది క్రికెట్‌ పిచ్‌ మాత్రమేమా జట్టు సభ్యులు అక్కడ ఆడబోతున్నారు. ఎన్ని మాటలు చెప్పినా అది క్రికెట్‌ పిచ్‌ మాత్రమే. కాలు పెట్టగానే విరిగిపోయేందుకు అదేమీ 200 ఏళ్లనాటి పురాతన వస్తువు కాదు’ అని కొటక్‌ వివరించాడు. కాగా ఇంగ్లండ్‌తో నిర్ణయాత్మక ఐదో టెస్టుకు టీమిండియా సన్నద్ధమవుతున్న విషయం తెలిసిందే. లండన్‌లోని ఓవల్‌ మైదానంలో జరిగే ఆఖరి పోరుకు సిద్ధమయ్యే క్రమంలో భారత ఆటగాళ్లు నెట్స్‌లో చెమటోడుస్తున్నారు. ఇందులో భాగంగా మంగళవారం ఆప్షనల్‌ ప్రాక్టీస్‌ నేపథ్యంలో ప్లేయర్లతో పాటు కోచింగ్‌ బృందం మైదానానికి వెళ్లింది.హద్దుల్లో ఉండుఈ క్రమంలో హెడ్‌కోచ్‌ గౌతం గంభీర్‌ తన సహచర సిబ్బందితో కలిసి పిచ్‌ను పరిశీలించేందుకు వెళ్లాడు. అయితే, ఓవల్‌ మైదానం క్యూరేటర్‌ లీ ఫోర్టస్‌ బృందంలోని ఓ సభ్యుడు గంభీర్‌, అతడి సహచరులను పిచ్‌కు దూరంగా ఉండమని హెచ్చరించాడు. పిచ్‌ పాడకుండా జాగ్రత్తలు చెప్పే క్రమంలో అతడు కాస్త ‘అతి’గా ప్రవర్తించడంతో చిర్రెత్తిపోయిన గంభీర్‌.. ‘నువ్వు గ్రౌండ్స్‌మెన్‌వి మాత్రమే. హద్దుల్లో ఉండు’ అంటూ ఆగ్రహం వ్యక్తం చేశాడు. ఇంతలో సితాన్షు కొటక్‌ వచ్చి క్యూరేటర్‌ను దూరంగా తీసుకువెళ్లడంతో వివాదం సద్దుమణిగింది. ఇదిలా ఉంటే.. క్యూరేటర్‌- గంభీర్‌ మధ్య వాగ్వాదానికి సంబంధించిన దృశ్యాలు సోషల్‌ మీడియాలో వైరల్‌గా మారాయి.చదవండి: ‘స్టోక్స్‌ చేసింది కరెక్టే.. జడ్డూ, వాషీ అలా చేయడం సరికాదు’

గత కొన్నాళ్లుగా టీమిండియా టెస్టుల్లో నిరాశపరుస్తోంది. ముఖ్యంగా గౌతం గంభీర్‌ హెడ్‌కోచ్‌గా వచ్చిన తర్వాత స్థాయికి తగ్గట్లు రాణించలేక చతికిలపడుతోంది. స్వదేశంలో రోహిత్‌ శర్మ కెప్టెన్సీలో కనీవినీ ఎరుగని రీతిలో న్యూజిలాండ్‌ చేతిలో 3-0తో వైట్‌వాష్‌కు గురైన భారత జట్టు.. ఆస్ట్రేలియా పర్యటనలోనూ చేదు అనుభవం చవిచూసింది.కంగారూ జట్టు చేతిలో 3-1తో ఓడి దాదాపు పదేళ్ల తర్వాత బోర్డర్‌- గావస్కర్‌ ట్రోఫీని చేజార్చుకుంది. ఈ క్రమంలో ప్రపంచ టెస్టు చాంపియన్‌షిప్‌-2025 ఫైనల్‌ చేరే అవకాశాన్ని కూడా టీమిండియా కోల్పోయింది. డబ్ల్యూటీసీ మొదలుపెట్టిన తర్వాత వరుసగా రెండుసార్లు టైటిల్‌ పోరుకు అర్హత సాధించిన భారత్‌.. ఈసారి మాత్రం ఇలా డీలాపడింది.అయితే, గత వైఫల్యాలు మరిచి డబ్ల్యూటీసీ 2025-27 సీజన్‌ను ఆరంభించిన టీమిండియా.. ఇంగ్లండ్‌ పర్యటనలోనూ నిరాశపరుస్తోంది. కొత్త కెప్టెన్‌ శుబ్‌మన్‌ గిల్‌ నేతృత్వంలో... టెండుల్కర్‌- ఆండర్సన్‌ ట్రోఫీలో భాగంగా లీడ్స్‌లో ఓడిపోయిన టీమిండియా.. ఎడ్జ్‌బాస్టన్‌లో మాత్రం తొలిసారి గెలుపు జెండా ఎగురవేసింది.అనంతరం లార్డ్స్‌లో ఓడిపోయిన గిల్‌ సేన... తాజాగా మాంచెస్టర్‌లో ముగిసిన నాలుగో టెస్టులో ‘డ్రా’ తో గట్టెక్కింది. ఇక ఓవల్‌ మైదానంలో.. ఆఖరిదైన ఐదో టెస్టులో గెలిస్తేనే టీమిండియా సిరీస్‌ను 2-2తో సమం చేయగలుగుతుంది. లేదంటే.. విదేశీ గడ్డపై వరుసగా రెండోసారి భంగపాటు తప్పదు.నిజానికి లీడ్స్‌, లార్డ్స్‌లో వ్యూహాత్మ​క తప్పిదాల వల్లే గెలవాల్సిన మ్యాచ్‌లలో టీమిండియా ఓడిపోయింది. ముఖ్యంగా చైనామన్‌ స్పిన్నర్‌ కుల్దీప్‌ యాదవ్‌ సేవలు వాడుకోకపోవడం.. కరుణ్‌ నాయర్‌ విఫలమవుతున్నా వరుస అవకాశాలు ఇవ్వడం తీవ్ర విమర్శలకు దారితీశాయి. ఈ క్రమంలో హెడ్‌కోచ్‌ గౌతం గంభీర్‌పై వేటు వేయాలనే డిమాండ్లు వస్తున్నాయి.అయితే, గంభీర్‌పై నమ్మకం ఉంచిన యాజమాన్యం బౌలింగ్‌ కోచ్‌ మోర్నీ మోర్కెల్‌, అసిస్టెంట్‌ కోచ్‌ ర్యాన్‌ టెన్‌ డష్కాటేలపై మాత్రం వేటు వేయనున్నట్లు సమాచారం. ‘ది టెలిగ్రాఫ్‌’ కథనం ప్రకారం.. ఆసియా కప్‌-2025 ముగిసిన తర్వాత వీళ్లిద్దరికి ఉద్వాసన పలికేందుకు భారత క్రికెట్‌ నియంత్రణ మండలి (BCCI) రంగం సిద్ధం చేసింది. వెస్టిండీస్‌తో అక్టోబరులో జరిగే సిరీస్‌కు ముందే వీరిపై వేటు వేయనుంది. మోర్కెల్‌ బౌలింగ్‌ కోచ్‌గా వచ్చిన తర్వాత టీమిండియా బౌలింగ్‌ విభాగంలో పెద్దగా మార్పులేమీ రాలేదని మేనేజ్‌మెంట్‌ భావిస్తోంది. మరోవైపు.. అసిస్టెంట్‌ కోచ్‌గా డష్కాటే సేవలు కూడా అంత గొప్పగా లేవనే భావనలో ఉంది. ఈ నేపథ్యంలోనే మోర్కెల్‌, డష్కాటేలను సాగననంపేందుకు బోర్డు సిద్ధమైంది.కాగా గంభీర్‌ కోరిక మేరకే మోర్నీ మోర్కెల్‌, డష్కాటేలతో పాటు అభిషేక్‌ నాయర్‌ను మేనేజ్‌మెంట్‌ అతడి సహాయక సిబ్బందిలో చేర్చింది. అయితే, ఆస్ట్రేలియా పర్యటన తర్వాత అభిషేక్‌ నాయర్‌పై వేటు వేసిన బీసీసీఐ... తాజాగా మోర్నీ, డష్కాటేల భవితవ్యంపై కూడా త్వరలోనే నిర్ణయం తీసుకోనున్నట్లు తెలుస్తోంది.

టీమిండియా స్టార్‌ క్రికెటర్‌ రవీంద్ర జడేజా (Ravindra Jadeja) ఇంగ్లండ్‌ గడ్డ మీద అద్భుత ప్రదర్శనతో ఆకట్టుకుంటున్నాడు. లార్డ్స్‌లో జరిగిన మూడో టెస్టులో ఆఖరి వరకు పోరాడిన జడ్డూ.. తాజాగా నాలుగో టెస్టులోనూ పట్టుదలగా నిలబడ్డాడు. సహచర ఆల్‌రౌండర్‌ వాషింగ్టన్‌ సుందర్‌ (Washington Sundar)తో కలిసి శతక్కొట్టి మ్యాచ్‌ డ్రా కావడంలో కీలక పాత్ర పోషించాడు.ఈ క్రమంలోనే రవీంద్ర జడేజా సరికొత్త చరిత్ర సృష్టించాడు. ఇంగ్లండ్‌ గడ్డ మీద 30కి పైగా వికెట్లు తీయడంతో పాటు.. వెయ్యి పరుగులు పూర్తి చేసుకున్న ఆల్‌రౌండర్‌గా రెండో ఆల్‌రౌండర్‌గా అరుదైన ఘనత సాధించాడు. కాగా టెండుల్కర్‌- ఆండర్సన్‌ ట్రోఫీ (Tendulkar- Anderson Trophy) ఆడేందుకు టీమిండియా ఇంగ్లండ్‌లో పర్యటిస్తున్న విషయం తెలిసిందే.జడేజా వీరోచిత పోరాటంఇందులో భాగంగా లీడ్స్‌ టెస్టులో 36 పరుగులు చేసిన జడేజా.. ఒక వికెట్‌ తీశాడు. ఎడ్జ్‌బాస్టన్‌ టెస్టులో తొలి ఇన్నింగ్స్‌లో 89 విలువైన పరుగులు చేసిన జడ్డూ.. రెండో ఇన్నింగ్స్‌లో 69 పరుగులతో నాటౌట్‌గా నిలిచాడు. అదే విధంగా.. ఈ మ్యాచ్‌లో ఒక వికెట్‌ కూడా పడగొట్టాడు.ఇక ప్రఖ్యాత లార్డ్స్‌ మైదానంలో జడేజా రెండు అద్భుత అర్ధ శతకాలు (72, 61 నాటౌట్‌) చేశాడు. అంతేకాదు.. ఒక వికెట్‌ కూడా తన ఖాతాలో వేసుకున్నాడు. అయితే, మాంచెస్టర్‌ టెస్టులో క్లిష్ట పరిస్థితుల్లో ఈ ఎడమచేతి వాటం బ్యాటర్‌.. తన హాఫ్‌ సెంచరీని శతకంగా మలిచాడు. తొలి ఇన్నింగ్స్‌లో 20 పరుగులే చేసినప్పటికీ.. రెండో ఇన్నింగ్స్‌లో అజేయ శతకం (107)తో మెరిశాడు. అదే విధంగా.. ఈ లెఫ్టార్మ్‌ స్పిన్నర్‌ నాలుగు వికెట్లతో సత్తా చాటాడు.రెండో ఆల్‌రౌండర్‌గా అరుదైన ఘనతఈ నేపథ్యంలో ఇంగ్లండ్‌ గడ్డ మీద ఇప్పటి వరకు 34 వికెట్లు తీయడంతో పాటు వెయ్యి పరుగులు పూర్తి చేసుకున్నాడు జడ్డూ. తద్వారా వెస్టిండీస్‌ దిగ్గజం గ్యారీఫీల్డ్‌ సోబర్స్‌ తర్వాత ఇంగ్లండ్‌లో 30కి పైగా వికెట్లు తీయడంతో పాటు వెయ్యి పరుగులు సాధించిన రెండో ఆల్‌రౌండర్‌గా చరిత్రకెక్కాడు. ఇక ఓవరాల్‌గా విదేశీ గడ్డ మీద ఈ ఘనత సాధించిన మూడో ఆల్‌రౌండర్‌ జడ్డూ. అతడి కంటే ముందు సోబర్స్‌తో పాటు ఇంగ్లండ్‌కు చెందిన విల్‌ఫ్రెడ్‌ రోడ్స్‌ ఈ ఫీట్‌ నమోదు చేశారు.‘డ్రా’ గా ముగిసిన నాలుగో టెస్టుకాగా మాంచెస్టర్‌ వేదికగా బుధవారం - ఆదివారం జరిగిన నాలుగో టెస్టు డ్రా అయింది. తొలి ఇన్నింగ్స్‌లో భారత్‌ 358 పరుగులకు ఆలౌట్‌ కాగా.. ఇంగ్లండ్‌ తమ మొదటి ఇన్నింగ్స్‌లో ఏకంగా 669 పరుగులు చేసింది. తద్వారా 311 పరుగుల ఆధిక్యం సంపాదించింది.ఈ క్రమంలో రెండో ఇన్నింగ్స్‌ మొదలుపెట్టిన భారత్‌ సున్నా పరుగులకే రెండు వికెట్లు కోల్పోయి కష్టాలో పడిన వేళ.. కెప్టెన్‌ శుబ్‌మన్‌ గిల్‌ అద్భుత శతకం (103) సాధించగా.. ఓపెనర్‌ కేఎల్‌ రాహుల్‌ భారీ హాఫ్‌ సెంచరీ (90)తో ఆకట్టుకున్నాడు.ఇక స్పిన్‌ బౌలింగ్‌ ఆల్‌రౌండర్లు వాషింగ్టన్‌ సుందర్‌ (101 నాటౌట్‌), రవీంద్ర జడేజా కలిసి ఐదో వికెట్‌కు ఏకంగా 203 పరుగుల భాగస్వామ్యం నమోదు చేసి.. ఓడిపోతుందనుకున్న మ్యాచ్‌ను డ్రాతో గట్టెక్కించారు. ఇక ఇప్పటికి ఐదు మ్యాచ్‌ల సిరీస్‌లో 2-1తో ముందున్న ఇంగ్లండ్‌కు.. ఓవల్‌లో జరిగే ఐదో టెస్టులో చెక్‌ పెట్టి సిరీస్‌ను డ్రా చేసుకోవాలని టీమిండియా భావిస్తోంది.చదవండి: మీ వాళ్లైతే ఇలాగే చేస్తావా?.. స్టోక్స్‌పై మండిపడ్డ గంభీర్‌

టీమిండియాతో నాలుగో టెస్టుకు ఇంగ్లండ్‌ తమ తుదిజట్టును ప్రకటించింది. ఒకే ఒక్క మార్పుతో మాంచెస్టర్‌ బరిలో దిగనున్నట్లు వెల్లడించింది. స్పిన్నర్‌ షోయబ్‌ బషీర్‌ గాయం వల్ల దూరం కాగా.. అతడి స్థానంలో లియామ్‌ డాసన్‌ (Liam Dawson) ప్లేయింగ్‌ ఎలెవన్‌లో చోటు దక్కించుకున్నాడు.వేలు ఫ్యాక్చర్‌ఇదొక్క మార్పు మినహా లార్డ్స్‌లో ఆడిన జట్టుతోనే ఇంగ్లండ్‌ నాలుగో టెస్టు ఆడనుంది. కాగా భారత్‌తో మూడో టెస్టు సందర్భంగా షోయబ్‌ బషీర్‌ ఎడమచేతి వేలికి ఫ్యాక్చర్‌ అయింది. తన బౌలింగ్‌లో రవీంద్ర జడేజా (Ravindra Jadeja) కొట్టిన బంతిని ఆపేందుకు ప్రయత్నించే క్రమంలో బషీర్‌ గాయపడ్డాడు. దీంతో సిరీస్‌లో మిగిలిన రెండు మ్యాచ్‌లకూ అతడు దూరం కాగా.. బషీర్‌ స్థానంలో డాసన్‌ జట్టులోకి వచ్చాడు.ఎనిమిదేళ్ల తర్వాత రీ ఎంట్రీమరోవైపు.. ఇంగ్లండ్‌ సెలక్టర్లు.. గాయం నుంచి కోలుకున్న పేసర్‌ గస్‌ అట్కిన్సన్‌ను కాదని డాసన్‌ వైపు మొగ్గు చూపడం విశేషం. కాగా లెఫ్టార్మ్‌ స్పిన్నర్‌ అయిన 35 ఏళ్ల లియామ్‌ డాసన్‌ దేశీ క్రికెట్లో అద్భుత ప్రదర్శన కనబరిచాడు. గత మూడేళ్లలో ఫస్ట్‌క్లాస్‌ క్రికెట్‌లో అతడు 140కి పైగా వికెట్లు పడగొట్టాడు.ఈ క్రమంలోనే ఎనిమిదేళ్ల తర్వాత అతడు మరోసారి ఇంగ్లండ్‌ తరఫున టెస్టు మ్యాచ్‌ ఆడే అవకాశం దక్కించుకున్నాడు. తన కెరీర్‌లో ఇప్పటికి మూడు టెస్టులు మాత్రమే ఆడిన డాసన్‌ ఏడు వికెట్లు పడగొట్టాడు.ఆధిక్యంలో ఇంగ్లండ్‌కాగా టెండుల్కర్‌- ఆండర్సన్‌ ట్రోఫీలో భాగంగా ఇంగ్లండ్‌ స్వదేశంలో టీమిండియాతో ఐదు టెస్టులు ఆడుతోంది. లీడ్స్‌లో జరిగిన తొలి టెస్టులో ఐదు వికెట్ల తేడాతో గెలిచిన స్టోక్స్‌ బృందం.. ఎడ్జ్‌బాస్టన్‌లో గిల్‌ సేన చేతిలో 336 పరుగుల తేడాతో చిత్తుగా ఓడింది. అయితే, లార్డ్స్‌లో ఆఖరి రోజు వరకు ఉత్కంఠగా సాగిన మూడో టెస్టులో 22 పరుగుల తేడాతో నెగ్గింది. ఫలితంగా 2-1తో ఆధిక్యం సంపాదించింది. ఇరుజట్ల మధ్య నాలుగో టెస్టు (జూలై 23-27)కు మాంచెస్టర్‌లోని ఓల్డ్‌ ట్రఫోర్డ్‌ మైదానం వేదిక. ఇక భారత్‌- ఇంగ్లండ్‌ మధ్య తొమ్మిది టెస్టులు జరుగగా.. టీమిండియా ఒక్క మ్యాచ్‌ కూడా గెలవలేదు.భారత్‌తో నాలుగో టెస్టుకు ఇంగ్లండ్‌ తుదిజట్టుజాక్ క్రాలే, బెన్ డకెట్, ఓలీ పోప్, జో రూట్, హ్యారీ బ్రూక్, బెన్ స్టోక్స్ (కెప్టెన్), జామీ స్మిత్ (వికెట్‌ కీపర్‌), లియామ్ డాసన్, క్రిస్ వోక్స్, బ్రైడన్ కార్, జోఫ్రా ఆర్చర్.చదవండి: రెండు నెలల్లోనే 17 కిలోలు తగ్గాడు.. సర్ఫరాజ్‌ ఖాన్‌కు ఇదెలా సాధ్యమైందంటే?

ఇంగ్లండ్‌తో నాలుగో టెస్టు నేపథ్యంలో ఆల్‌రౌండర్‌ అన్షుల్‌ కాంబోజ్‌ (Anshul Kamboj) కొత్తగా టీమిండియాలోకి చేరాడు. స్టార్‌ క్రికెటర్లు గాయాల పాలు కావడంతో ఈ హర్యానా ఆటగాడికి ఈ మేర బంపరాఫర్‌ దక్కింది. పేస్‌ బౌలింగ్‌ ఆల్‌రౌండర్‌ నితీశ్‌ కుమార్‌ రెడ్డి (Nitish Kumar Reddy) సిరీస్‌లో మిగిలిన రెండు మ్యాచ్‌లకు దూరం కాగా.. పేసర్‌ అర్ష్‌దీప్‌ సింగ్‌ (Arshdeep Singh) నాలుగో టెస్టుకు అందుబాటులో లేకుండా పోయాడు.మరోవైపు.. మరో పేసర్‌ ఆకాశ్‌ దీప్‌ ఫిట్‌నెస్‌పై కూడా స్పష్టత లేదు. ఈ నేపథ్యంలో అజిత్‌ అగార్కర్‌ నేతృత్వంలోని సెలక్షన్‌ కమిటీ రైటార్మ్‌ పేసర్‌ అన్షుల్‌ కాంబోజ్‌ను జట్టులోకి తీసుకుంది. ఈ విషయాన్ని భారత క్రికెట్‌ నియంత్రణ మండలి (BCCI) సోమవారం అధికారికంగా వెల్లడించింది.అతడిని కాదని అన్షుల్‌ను ఎలా ఎంపిక చేస్తారు?అయితే, సెలక్టర్లు తీసుకున్న ఈ నిర్ణయం సరికాదంటూ భారత మాజీ క్రికెటర్‌, కామెంటేటర్‌ ఆకాశ్‌ చోప్రా విమర్శించాడు. హర్షిత్‌ రాణాను కాదని అన్షుల్‌ కాంబోజ్‌ను ఎలా పిలిపించారని ప్రశ్నించాడు. అసలు టీమిండియాలో ఏం జరుగుతుందో ఎవరికీ అర్థం కాదని ఆగ్రహం వ్యక్తం చేశాడు. ఏం జరుగుతుందో ఎవరికీ తెలియదుకాగా ఇంగ్లండ్‌-‘ఎ’ జట్టుతో జరిగిన రెండు మ్యాచ్‌ల అనధికారిక టెస్టు సిరీస్‌లో హర్షిత్‌ రాణా, అన్షుల్‌ కాంబోజ్‌ మెరుగైన ప్రదర్శన కనబరిచారు. అయితే, ఇంగ్లండ్‌తో టెండుల్కర్‌- ఆండర్సన్‌ ట్రోఫీ జట్టులోకి అదనపు ఆటగాడిగా హర్షిత్‌ రాణాను తీసుకుని.. అక్కడే ఉంచింది యాజమాన్యం.అయితే, హర్షిత్‌ ఎంపికపై విమర్శలు వచ్చిన నేపథ్యంలో.. అతడు కొన్ని రోజులకే స్వదేశానికి తిరిగి రావడం చర్చనీయాంశమైంది. ఇప్పుడు ఇలా గాయాల బెడద నేపథ్యంలో అన్షుల్‌ను పిలిపించింది మేనేజ్‌మెంట్‌.అపుడు హర్షిత్‌.. ఇపుడు అన్షుల్‌ ఎందుకు?ఈ నేపథ్యంలో ఆకాశ్‌ చోప్రా మాట్లాడుతూ.. ‘‘హర్షిత్‌ రాణా లేడు. ఇపుడేమో ఇతడు. అసలు టీమిండియాలో ఏం జరుగుతోందని మనమంతా ఆశ్చర్యపోవాలా? ఎవరు జట్టులోకి వస్తారు? ఎవరిని ఎప్పుడు తీసేస్తారు? అన్న విషయాలను ఏ ప్రాతిపదికన నిర్ణయిస్తున్నారు?భారత్‌-ఎ తరఫున ప్రదర్శన గురించి మాట్లాడితే అన్షుల్‌ కాంబోజ్‌ మెరుగ్గా ఆడాడు. కానీ మీరు ముందుగా హర్షిత్‌ రాణాను టీమిండియాతో కొనసాగించేందుకు నిర్ణయించుకున్నారు.అలాంటపుడు అదే నిర్ణయానికి కట్టుబడి ఉండాల్సింది. కానీ ఇప్పుడు అతడు స్వదేశానికి వచ్చేశాడు. అన్షుల్‌ కాంబోజ్‌ని అక్కడే ఉంచారు. అంతా గందరగోళంగా ఉంది. మేనేజ్‌మెంట్‌కు ఈ విషయంలో స్పష్టత ఉండవచ్చేమో గానీ.. మనకు ఎవరూ ఏమీ చెప్పరు.అయినా, టీమిండియాలో ఇలా జరుగుతూనే ఉంటుంది. ఇందులో పెద్దగా ఆశ్చర్యపోవాల్సిందేమీ లేదు. ఏదేమైనా అన్షుల్‌ కాంబోజ్‌ జట్టులోకి వచ్చేందుకు అర్హుడు. ఎట్టకేలకు అతడు టీమిండియాతో చేరాడు’’ అని పేర్కొన్నాడు.వీరి ప్రదర్శన ఇలాకాగా ఆస్ట్రేలియాతో బోర్డర్‌-గావస్కర్‌ ట్రోఫీ 2024-25 సందర్భంగా 23 ఏళ్ల హర్షిత్‌ రాణా టెస్టుల్లో అరంగేట్రం చేశాడు. ఆ సిరీస్‌లో రెండు మ్యాచ్‌లు ఆడి నాలుగు వికెట్లు పడగొట్టాడు. ఇక ఇంగ్లండ్‌-ఎ జట్టుతో అనధికారిక టెస్టు సిరీస్‌లో మాత్రం అతడు రెండు మ్యాచ్‌లలో కలిపి కేవలం ఒక్క వికెట్‌ మాత్రమే తీయగలిగాడు.మరోవైపు.. 24 ఏళ్ల అన్షుల్‌ కాంబోజ్‌ నార్తాంప్టన్‌లో జరిగిన రెండో టెస్టులో నాలుగు వికెట్లతో సత్తా చాటాడు. అంతేకాదు.. రెండో ఇన్నింగ్స్‌లో తొమ్మిదో స్థానంలో బ్యాటింగ్‌ చేసి అజేయ అర్ధ శతకం (51)తో మెరిశాడు. కాగా ఇంగ్లండ్‌తో ఐదు టెస్టుల సిరీస్‌లో గిల్‌ సేన ప్రస్తుతం 1-2తో వెనుకబడి ఉంది. ఇరుజట్ల మధ్య మాంచెస్టర్‌ (జూలై 23-27)లో నాలుగో టెస్టు నిర్వహణకు షెడ్యూల్‌ ఖరారైంది.ఇంగ్లండ్‌తో నాలుగో టెస్టుకు టీమిండియా (అప్‌డేటెడ్‌)శుబ్‌మన్ గిల్ (కెప్టెన్‌), రిషబ్ పంత్ (వికెట్‌ కీపర్‌ & వైస్‌ కెప్టెన్‌), యశస్వి జైస్వాల్, కెఎల్ రాహుల్, సాయి సుదర్శన్, అభిమన్యు ఈశ్వరన్, కరుణ్ నాయర్, రవీంద్ర జడేజా, ధృవ్ జురెల్ (వికెట్‌ కీపర్‌), వాషింగ్టన్ సుందర్, శార్దూల్ ఠాకూర్, జస్‌ప్రీత్‌ బుమ్రా, మహ్మద్‌ సిరాజ్, ప్రసిద్ధ్ కృష్ణ, ఆకాశ్‌ దీప్, కుల్దీప్ యాదవ్, అన్షుల్ కాంబోజ్.చదవండి: శతక్కొట్టిన భారత సంతతి బ్యాటర్‌.. వైభవ్‌ సూర్యవంశీ మళ్లీ ఫెయిల్‌!

ఇంగ్లండ్‌తో రెండో యూత్‌ టెస్టులో భారత యువ సంచలనం వైభవ్‌ సూర్యవంశీ (Vaibhav Suryavanshi) నిరాశపరిచాడు. సంప్రదాయ ఫార్మాట్లోనూ విధ్వంసకర రీతిలో ఆడేందుకు ప్రయత్నించి విఫలమయ్యాడు. భారత్‌ తొలి ఇన్నింగ్స్‌లో ఈ ఓపెనింగ్‌ బ్యాటర్‌ పద్నాలుగు బంతులు ఎదుర్కొని ఇరవై పరుగులు మాత్రమే చేశాడు. ఇందులో ఓ ఫోర్‌తో పాటు.. రెండు సిక్సర్లు ఉన్నాయి.ఇంగ్లండ్‌ పేసర్‌ అలెక్స్‌ గ్రీన్‌ (Alex Greeen) బౌలింగ్‌లో సిక్సర్‌ బాదిన సూర్యవంశీ.. తదుపరి బంతికి మరోసారి బంతిని గాల్లోకి లేపగా ఫ్రెంచ్‌ క్యాచ్‌ పట్టడంతో పెవిలియన్‌ చేరాడు. దీంతో భారత్‌ తొలి వికెట్‌ కోల్పోయింది. కాగా ఐదు యూత్‌ వన్డేలు, రెండు యూత్‌ టెస్టులు ఆడేందుకు భారత అండర్‌-19 (India u19) క్రికెట్‌ జట్టు ఇంగ్లండ్‌ పర్యటనకు వెళ్లింది.వన్డేలలో ఇరగదీసిన వైభవ్‌ఇందులో భాగంగా యూత్‌ వన్డేల్లో ఇంగ్లండ్‌ అండర్‌-19 జట్టుపై ఆద్యంతం పైచేయి సాధించిన భారత్‌.. 3-2తో సిరీస్‌ను గెలిచింది. ఈ విజయాల్లో పద్నాలుగేళ్ల వైభవ్‌ సూర్యవంశీది కీలక పాత్ర. ఈ లెఫ్టాండర్‌ బ్యాటర్‌ ఐదు వన్డేల్లో కలిపి ఓ విధ్వంసకర శతకం (143) సాయంతో మొత్తంగా 355 పరుగులు సాధించాడు.ఆరంభంలో నిరాశపరిచినా.. అయితే, ఇంగ్లండ్‌ తొలి యూత్‌ టెస్టు ఆరంభంలో మాత్రం వైభవ్‌ సూర్యవంశీ నిరాశపరిచాడు. తొలి ఇన్నింగ్స్‌లో కేవలం 14 పరుగులే చేసి నిష్క్రమించాడు. అయితే, ఇంగ్లండ్‌ తొలి ఇన్నింగ్స్‌లో ఈ పార్ట్‌టైమ్‌ స్పిన్నర్‌ రెండు వికెట్లు తీసి సత్తా చాటాడు. ఇక భారత్‌ రెండో ఇన్నింగ్స్‌లో వైభవ్‌ 44 బంతుల్లోనే 56 పరుగులతో అదరగొట్టాడు. తద్వారా అత్యంత పిన్న వయసులో (14 ఏళ్ల 107 రోజులు) ఓ యూత్‌ టెస్టులో ఓ వికెట్‌ తీయడంతో పాటు అర్ధ శతకం కూడా బాదిన తొలి క్రికెటర్‌గా చరిత్ర సృష్టించాడు.మళ్లీ ఫెయిల్‌తాజాగా రెండో యూత్‌ టెస్టులో మాత్రం మరోసారి వైభవ్‌ అనుకున్న స్థాయిలో రాణించలేక నిరాశపరిచాడు. ఇదిలా ఉంటే.. ఇంగ్లండ్‌ యువ జట్టుతో చెమ్స్‌ఫోర్డ్‌ వేదికగా ఆదివారం మొదలైన రెండో టెస్టులో.. టాస్‌ గెలిచిన భారత్‌ తొలుత బౌలింగ్‌ ఎంచుకుంది.శతక్కొట్టిన ఏకాన్ష్‌ సింగ్‌ఈ క్రమంలో బ్యాటింగ్‌కు దిగిన ఆతిథ్య జట్టు తొలి ఇన్నింగ్స్‌లో 81.3 ఓవర్లలో 309 పరుగులు చేసింది. కెప్టెన్‌ థామస్‌ ర్యూ అర్ధ శతకం (59)తో మెరవగా.. భారత సంతతికి చెందిన ఏకాన్ష్‌ సింగ్‌ (117) శతకంతో ఆకట్టుకున్నాడు. మిగతా వారిలో జేమ్స్‌ మింటో (46) ఒక్కడే చెప్పుకోదగ్గ స్కోరు చేశాడు.ఇక సోమవారం నాటి రెండో రోజు ఆట ముగిసే సరికి భారత్‌ తొమ్మిది ఓవర్లలో ఒక వికెట్‌ నష్టానికి 51 పరుగులు చేసింది. ఇంగ్లండ్‌ కంటే 258 పరుగులు వెనుకబడి ఉంది. కెప్టెన్‌ ఆయుశ్‌ మాత్రే 24, వన్‌డౌన్‌ బ్యాటర్‌ విహాన్‌ మల్హోత్రా 6 పరుగులతో క్రీజులో ఉన్నారు. ఇదిలా ఉంటే.. భారత్‌- ఇంగ్లండ్‌ మధ్య తొలి యూత్‌ టెస్టు ‘డ్రా’గా ముగిసిన విషయం తెలిసిందే.చదవండి: IND vs ENG: కరుణ్‌పై వేటు.. అతడి అరంగేట్రం?.. తుదిజట్టు ఇదే!

స్టార్‌ ఆటగాళ్లు గాయాల బారిన పడిన నేపథ్యంలో భారత తుదిజట్టు కూర్పు క్లిష్టతరంగా మారింది. పేసర్లలో ఆకాశ్‌ దీప్‌ (Akash Deep) ఫిట్‌నెస్‌లేమితో సతమతమవుతుండగా.. అర్ష్‌దీప్‌ సింగ్‌ (Arshdeep Singh)నాలుగో టెస్టుకు దూరమయ్యాడు. మరోవైపు.. లోయర్‌ ఆర్డర్‌లో మెరుగ్గా బ్యాటింగ్‌ చేయడంతో పాటు బౌలింగ్‌లోనూ రాణించగల ఆంధ్ర కుర్రాడు నితీశ్‌ కుమార్‌ రెడ్డి (Nitish Kumar Reddy) సిరీస్‌ మొత్తానికి దూరమయ్యాడు.శార్దూల్‌ ఠాకూర్‌ మళ్లీ జట్టులోకి?ఎడమ మోకాలికి గాయమైన కారణంగా నితీశ్‌ రెడ్డి ఇంగ్లండ్‌తో మిగిలిన ఉన్న రెండు టెస్టులకు అందుబాటులో ఉండటం లేదు. ఈ నేపథ్యంలో మాంచెస్టర్‌ టెస్టు కోసం జట్టు కూర్పు ఎలా ఉండబోతుందా? అనే ఆసక్తి నెలకొంది. పేస్‌ బౌలింగ్‌ ఆల్‌రౌండర్‌ నితీశ్‌ రెడ్డి స్థానంలో సీనియర్‌ ఆల్‌రౌండర్‌ శార్దూల్‌ ఠాకూర్‌ మళ్లీ జట్టులోకి తిరిగి వస్తాడా? అనే చర్చ జరుగుతోంది.లేదంటే.. బీసీసీఐ తాజాగా జట్టులోకి తీసుకున్న మరో ఆల్‌రౌండర్‌ అన్షుల్‌ కాంబోజ్‌పై మేనేజ్‌మెంట్‌ నమ్మకం ఉంచుతుందేమో అనే అభిప్రాయాలు వ్యక్తమవుతున్నాయి. ఇక శార్దూల్‌, అన్షుల్‌ ఇద్దరూ పేస్‌ బౌలింగ్‌ ఆల్‌రౌండర్లే కాబట్టి.. వీరిలో ఒకరికే అవకాశం ఇచ్చి.. ఆకాశ్‌ దీప్‌ స్థానాన్ని ప్రసిద్‌ కృష్ణతో భర్తీ చేస్తారా? అనే చర్చ కూడా నడుస్తోంది.తద్వారా అన్షుల్‌ రూపంలో ఆల్‌రౌండర్‌తో పాటు ప్రసిద్‌ను తీసుకోవడం ద్వారా పేస్‌ బౌలింగ్‌ దళం బలం కూడా పెరుగుతుంది. జస్‌ప్రీత్‌ బుమ్రా, మహ్మద్‌ సిరాజ్‌లకు తోడుగా ప్రసిద్‌ కూడా తుదిజట్టులో చోటు దక్కించుకునే అవకాశం ఉంటుంది.ధ్రువ్‌ జురెల్‌కు ఛాన్స్‌అయితే, బ్యాటింగ్‌ విభాగాన్ని మరింత పటిష్టం చేయాలనుకుంటే మాత్రం వికెట్‌ కీపర్‌ బ్యాటర్‌ ధ్రువ్‌ జురెల్‌కు ఛాన్స్‌ దక్కుతుంది. నిజానికి నాలుగో టెస్టులో రిషభ్‌ పంత్‌ వేలి గాయం కారణంగా.. కేవలం బ్యాటర్‌గానే అందుబాటులో ఉంటాడనే వార్తలు వినిపిస్తున్నాయి. దీంతో వికెట్‌ కీపర్‌గా జురెల్‌కు లైన్‌ క్లియర్‌ అయ్యే సూచనలు కనిపిస్తున్నాయి.కరుణ్‌ నాయర్‌పై ఈసారి వేటుమరోవైపు.. వరుసగా మూడు మ్యాచ్‌లలో విఫలమైన సీనియర్‌ బ్యాటర్‌ కరుణ్‌ నాయర్‌పై ఈసారి వేటు పడే అవకాశం లేకపోలేదు. అదే జరిగితే యువ ఆటగాడు సాయి సుదర్శన్‌ తన కెరీర్‌లో రెండో టెస్టు ఆడేందుకు మార్గం సుగమమవుతుంది. ఇదిలా ఉంటే.. మాంచెస్టర్‌ టెస్టు వికెట్‌ దృష్ట్యా చైనామన్‌ స్పిన్నర్‌ కుల్దీప్‌ యాదవ్‌ను ఈసారైనా బరిలోకి దింపాలనే సూచనలు వస్తున్నాయి.కుల్దీప్‌ను ఈసారైనా ఆడించండిబంతిని రెండు వైపులా టర్న్‌ చేయగల సత్తా కుల్దీప్‌నకు ఉందని.. అతడిని నాలుగో టెస్టులో ఆడిస్తే ఉపయోగకరంగా ఉంటుందని భారత మాజీ స్పిన్నర్‌ హర్భజన్‌ సింగ్‌ అన్నాడు. దూకుడుగా ఆడే ఇంగ్లండ్‌ బ్యాటర్లు అంత సులువుగా కుల్దీప్‌ను అటాక్‌ చేయలేరని.. కాబట్టి అతడిని తప్పక తీసుకోవాలని సూచించాడు. ఇక ఆల్‌రౌండర్ల జాబితాలో ఉన్న రవీంద్ర జడేజా, వాషింగ్టన్‌ సుందర్‌లకు కుల్దీప్‌ కూడా తోడైతే జట్టు మరింత పటిష్టమవుతుందనే అభిప్రాయాలు వ్యక్తమవుతున్నాయి.2-1తో ఆధిక్యంలో ఇంగ్లండ్‌కాగా టెండుల్కర్‌- ఆండర్సన్‌ ట్రోఫీ ఆడేందుకు టీమిండియా ఇంగ్లండ్‌కు వెళ్లింది. లీడ్స్‌లో జరిగిన తొలి టెస్టులో ఇంగ్లండ్‌ గెలవగా.. ఎడ్జ్‌బాస్టన్‌లో గిల్‌ సేన జయభేరి మోగించింది. ఇరుజట్ల మధ్య లార్డ్స్‌లో ఆఖరి వరకు ఉత్కంఠగా సాగిన పోరులో 22 పరుగుల తేడాతో గెలిచిన స్టోక్స్‌ బృందం.. ఐదు మ్యాచ్‌ల సిరీస్‌లో 2-1తో ఆధిక్యం సంపాదించింది. ఇక భారత్‌-ఇంగ్లండ్‌ మధ్య జరిగే నాలుగో టెస్టు (జూలై 23-27)కు మాంచెస్టర్‌ వేదిక. ఇందులో భారత్‌ తప్పకుండా గెలిస్తేనే సిరీస్‌ ఆశలు సజీవంగా ఉంటాయి.ఇంగ్లండ్‌తో నాలుగో టెస్టుకు భారత తుదిజట్టు (అంచనా)యశస్వి జైస్వాల్‌, కేఎల్‌ రాహుల్‌, సాయి సుదర్శన్‌, శుబ్‌మన్‌ గిల్‌ (కెప్టెన్‌), రిషభ్‌ పంత్‌, ధ్రువ్‌ జురెల్‌ (వికెట్‌ కీపర్‌), రవీంద్ర జడేజా, వాషింగ్టన్‌ సుందర్‌, జస్‌ప్రీత్‌ బుమ్రా, మహ్మద్‌ సిరాజ్‌, కుల్దీప్‌ యాదవ్‌/అన్షుల్‌ కాంబోజ్‌.చదవండి: ‘వైభవ్‌ సూర్యవంశీని చూడగానే ఫిక్సయిపోయాం.. అతడొక అద్భుతం’

ఇంగ్లండ్‌తో నాలుగో టెస్టు (IND vs ENG)కు ముందు టీమిండియాకు వరుస షాకులు తగులుతున్నాయి. ఇప్పటికే రిషభ్‌ పంత్‌ (Rishbah Pant) వేలి గాయంతో కేవలం బ్యాటర్‌గా బరిలోకి దిగుతాడని తెలుస్తుండగా.. యువ ఆల్‌రౌండర్‌ నితీశ్‌ కుమార్‌ రెడ్డి సిరీస్‌లో మిగిలిన రెండు మ్యాచ్‌లకు దూరమయ్యాడు.ఎడమ మెకాలికి గాయమైన కారణంగా ఈ ఆంధ్రా కుర్రాడు.. ఇంగ్లండ్‌ నుంచి తిరిగి స్వదేశానికి రానున్నాడు. మరోవైపు.. యువ పేసర్‌ అర్ష్‌దీప్‌ సింగ్‌ కూడా మాంచెస్టర్‌ టెస్టుకు దూరమయ్యాడు. బెకెన్‌హామ్‌లో నెట్స్‌లో ప్రాక్టీస్‌ చేస్తున్న సందర్భంగా అతడి ఎడమ చేతి వేలికి గాయమైంది.నాలుగో టెస్టుకు దూరంఈ క్రమంలో భారత క్రికెట్‌ నియంత్రణ మండలి (BCCI) వైద్య బృందం పర్యవేక్షణలో అర్ష్‌దీప్‌ చికిత్స తీసుకుంటున్నాడు. అయితే, ఈ పంజాబీ బౌలర్‌ ఇప్పట్లో కోలుకునేలా లేడు. అందుకే నాలుగో టెస్టుకు అతడు దూరమయ్యాడు.ఈ నేపథ్యంలో మెన్స్‌ సెలక్షన్‌ కమిటీ కీలక నిర్ణయం తీసుకుంది. పేస్‌ బౌలింగ్‌ ఆల్‌రౌండర్‌ అన్షుల్‌ కంబోజ్‌ను జట్టుకు ఎంపిక చేసింది. మాంచెస్టర్‌ టెస్టు సందర్భంగా అతడు జట్టుతో చేరనున్నాడు. ఇందుకు సంబంధించి బీసీసీఐ సోమవారం అధికారిక ప్రకటన విడుదల చేసింది.గాయాల బెడదకాగా శుబ్‌మన్‌ గిల్‌ సారథ్యంలో ఇంగ్లండ్‌తో ఐదు టెస్టులు ఆడేందుకు టీమిండియా ఇంగ్లండ్‌ పర్యటనకు వెళ్లింది. టెండుల్కర్‌- ఆండర్సన్‌ ట్రోఫీలో భాగంగా ఇప్పటికే మూడు పూర్తికాగా ఆతిథ్య ఇంగ్లండ్‌ 2-1తో ఆధిక్యంలో ఉంది. ఎడ్జ్‌బాస్టన్‌లో చారిత్రాత్మ​ విజయం సాధించిన టీమిండియా.. మాంచెస్టర్‌లో జరిగే నాలుగో టెస్టు (జూలై 23- 27)నూ గెలిచి సిరీస్‌ను సమం చేయాలని భావిస్తోంది. అయితే, ఈ వేదికపై ఇంత వరకు ఒక్కసారి కూడా టీమిండియా టెస్టు గెలవకపోవడం.. పైగా ఇలా గాయాల బెడద వేధిస్తుండటం ఆందోళనకరంగా మారింది.ఇదిలా ఉంటే.. లీడ్స్‌లో ఆడిన పేస్‌ బౌలింగ్‌ ఆల్‌రౌండర్‌ శార్దూల్‌ ఠాకూర్‌కు బదులు.. నితీశ్‌ కుమార్‌ రెడ్డి రెండో టెస్టు నుంచి జట్టులోకి వచ్చాడు. అయితే, అనుకున్న స్థాయిలో రాణించలేకపోయాడు. చివరగా లార్డ్స్‌లో మూడు వికెట్లు తీయడంతో పాటు మొత్తంగా కేవలం 43 పరుగులే చేశాడు.మరోవైపు.. టీమిండియా తరఫున టీ20, వన్డేలలో అదరగొడుతున్న అర్ష్‌దీప్‌ ఇంత వరకు టెస్టుల్లో అరంగేట్రం చేయలేదు. ఇక హర్యానాకు చెందిన అన్షుల్‌ కాంబోజ్‌ ఇటీవల ఇంగ్లండ్‌తో భారత్‌-‘ఎ’ జట్టు తరఫున అనధికారిక సిరీస్‌ ఆడాడు. నార్తాంప్టన్‌లో జరిగిన రెండో టెస్టులో నాలుగు వికెట్లు తీసిన అన్షుల్‌ రెండో ఇన్నింగ్స్‌లో తొమ్మిదో స్థానంలో వచ్చి అజేయ అర్ధ శతకం (51) సాధించాడు. ఫస్ట్‌క్లాస్‌ క్రికెట్‌లో 24 మ్యాచ్‌లు ఆడి 79 వికెట్లు తీయడంతో ఆపటు 486 పరుగులు చేశాడు.ఇంగ్లండ్‌తో నాలుగో టెస్టుకు భారత జట్టు (అప్‌డేటెడ్‌ ):శుబ్‌మన్ గిల్ (కెప్టెన్‌), రిషబ్ పంత్ (వికెట్‌ కీపర్‌ & వైస్‌ కెప్టెన్‌), యశస్వి జైస్వాల్, కెఎల్ రాహుల్, సాయి సుదర్శన్, అభిమన్యు ఈశ్వరన్, కరుణ్ నాయర్, రవీంద్ర జడేజా, ధృవ్ జురెల్ (వికెట్‌ కీపర్‌), వాషింగ్టన్ సుందర్, శార్దూల్ ఠాకూర్, జస్‌ప్రీత్‌ బుమ్రా, మహ్మద్‌ సిరాజ్, ప్రసిద్ధ్ కృష్ణ, ఆకాశ్‌ దీప్, కుల్దీప్ యాదవ్, అన్షుల్ కాంబోజ్.చదవండి: BAN vs PAK: పాకిస్తాన్‌ను చిత్తు చేసిన బంగ్లాదేశ్‌

లండన్‌: భారత్, ఇంగ్లండ్‌ మధ్య టెస్టు సిరీస్‌కు ఇరు దేశాల బోర్డులు కలిసి తమ దిగ్గజాలను గౌరవిస్తూ ‘అండర్సన్‌–టెండూల్కర్‌ ట్రోఫీ’గా పేరు పెట్టాయి. అత్యధిక టెస్టులు ఆడిన ఆటగాళ్ల జాబితాలో సచిన్‌ (200), అండర్సన్‌ (188) తొలి రెండు స్థానాల్లో ఉండగా... ఓవరాల్‌గా అత్యధిక పరుగులు చేసిన బ్యాటర్లలో సచిన్‌ అగ్ర స్థానంలో, అత్యధిక వికెట్లు తీసిన బౌలర్లలో అండర్సన్‌ మూడో స్థానంలో ఉన్నారు. అయితే ట్రోఫీ కోసం సచిన్‌తో తన పేరును జత పర్చడం తనను చాలా ఆశ్చర్యపర్చిందని అండర్సన్‌ వ్యాఖ్యానించాడు. ఇది తాను ఊహించలేకపోయానని అతను అన్నాడు. ‘నా పేరిట ఒక ట్రోఫీ ఉండటమే విశేషం అయితే సచిన్‌ టెండూల్కర్‌ లాంటి దిగ్గజంతో నా పేరు జత కట్టడం ఎంతో గొప్పగా అనిపిస్తోంది. అసలు నా పేరును సచిన్‌ పక్కన చూసుకుంటే అది నేనేనా అనిపించింది. సరిగ్గా చెప్పాలంటే నేను తగినవాడిని కాదనే భావన కూడా వచి్చంది. ప్రపంచ క్రికెట్‌ చరిత్రలోనే అత్యుత్తమ ఆటగాడైన సచిన్‌ అంటే ఎంతో గౌరవభావం ఉంది. చిన్నప్పుడు అభిమానిగా అతని ఆటను చూశాను. ఆపై ప్రత్యరి్థగా తలపడ్డాను. కెరీర్‌ ఆసాంతం అతను ఒక దేశం ఆశల భారాన్ని మోశాడు. అలాంటి వ్యక్తితో నా పేరు జత చేయడం నా అదృష్టం’ అని అండర్సన్‌ తన మనసులో మాటను వెల్లడించాడు.

టీమిండియా- ఇంగ్లండ్‌ మధ్య టెస్టు సిరీస్ రసవత్తరంగా సాగుతోంది. ఆండర్సన్‌- టెండుల్కర్‌ ట్రోఫీ (Anderson- Tendulkar)లో భాగంగా లీడ్స్‌లో జరిగిన తొలి టెస్టులో ఆతిథ్య జట్టు గెలిస్తే.. ఎడ్జ్‌బాస్టన్‌లో భారత్‌ తొలిసారి విజయబావుటా ఎగురవేసింది. అయితే, లార్డ్స్‌లో ఆఖరి వరకు పోరాడిన గిల్‌ సేనకు చేదు అనుభవమే మిగిలింది. దీంతో ప్రస్తుతం ఇంగ్లండ్‌ 2-1తో ఆధిక్యంలో ఉండగా.. మాంచెస్టర్‌లోనూ తొలిసారి గెలిచి సిరీస్‌ను సమం చేయాలని టీమిండియా పట్టుదలగా ఉంది.అత్యుత్తమ టెస్టు ప్లేయింగ్‌ ఎలెవన్‌ఇక ఈ ఐదు మ్యాచ్‌ల టెస్టు సిరీస్‌కు కామెంటేటర్‌ వ్యవహరిస్తున్న టీమిండియా వెటరన్‌ బ్యాటర్‌ ఛతేశ్వర్‌ పుజారా ఆసక్తికర ఎంపికతో ముందుకు వచ్చాడు. ఇరుజట్ల నుంచి 21వ శతాబ్దానికి గానూ తన అత్యుత్తమ టెస్టు ప్లేయింగ్‌ ఎలెవన్‌ను ప్రకటించాడు. దిగ్గజాలకు నో ప్లేస్‌అయితే, ఇందులో దిగ్గజ బ్యాటర్‌ సచిన్‌ టెండుల్కర్‌ (Sachin Tendulkar)తో పాటు గౌతం గంభీర్‌, మాజీ కెప్టెన్లు మహేంద్ర సింగ్‌ ధోని, రోహిత్‌ శర్మలకు మాత్రం పుజ్జీ చోటివ్వలేదు.అదే విధంగా.. ఇంగ్లండ్‌ లెజెండరీ ఆటగాళ్లు సర్‌ అలిస్టర్‌ కుక్‌, జేమ్స్‌ ఆండర్సన్‌ (James Anderson)లను కూడా పుజారా పట్టించుకోలేదు. ఇక తన కంబైన్డ్‌ జట్టుకు ఓపెనర్లుగా అలెక్‌ స్టెవార్ట్‌, రాహుల్‌ ద్రవిడ్‌లను ఎంచుకున్న పుజారా.. వన్‌డౌన్‌లో జో రూట్‌ను ఆడిస్తానని తెలిపాడు. భారత్‌ నుంచి ఏడుగురుమరోవైపు.. మిడిలార్డర్‌లో కీలకమైన నాలుగో స్థానంలో టీమిండియా దిగ్గజం విరాట్‌ కోహ్లిని ఎంపిక చేసుకున్న ఈ వెటరన్‌ బ్యాటర్‌.. ఐదో స్థానంలో వీవీఎస్‌ లక్ష్మణ్‌ను ఎంపిక చేసుకున్నాడు.అదే విధంగా.. బౌలింగ్‌ విభాగంలోనూ టీమిండియా ఆటగాళ్లకే పుజారా పెద్ద పీట వేశాడు. పేస్‌ దళంలో జస్‌ప్రీత్‌ బుమ్రా, మహ్మద్‌ షమీలకు చోటిచ్చిన పుజారా.. స్పిన్‌ విభాగంలో ఆల్‌రౌండర్లు రవీంద్ర జడేజా, రవిచంద్రన్‌ అశ్విన్‌లకు స్థానం కల్పించాడు. ఇంగ్లండ్‌ నుంచి ఇద్దరు సీమ్‌ బౌలింగ్‌ ఆల్‌రౌండర్లు ఆండ్రూ ఫ్లింటాఫ్‌, బెన్‌ స్టోక్స్‌లను పుజారా ఎంపిక చేశాడు. మొత్తంగా టీమిండియా- ఇంగ్లండ్‌ 21వ శతాబ్దపు అత్యుత్తమ టెస్టు ప్లేయింగ్‌ ఎలెవన్‌లో నలుగురు ఇంగ్లండ్‌ ఆటగాళ్లకు మాత్రమే పుజారా చోటివ్వడం విశేషం. పన్నెండో ఆటగాడిగా మాథ్యూ హోగర్డ్‌ను పుజ్జీ ఎంచుకున్నాడు.ఎదురుచూపులే మిగిలాయికాగా టీమిండియా తరఫున ఇప్పటి వరకు 103 టెస్టులు ఆడిన పుజారా 7195 పరుగులు సాధించాడు. ఇందులో 19 శతకాలు, 3 డబుల్‌ సెంచరీలు ఉన్నాయి. ఇక ఐదు వన్డేల్లో కలిపి 51 పరుగులు మాత్రమే చేసిన ఈ కుడిచేతి వాటం బ్యాటర్‌.. ఐపీఎల్‌లో 30 మ్యాచ్‌లలో కలిపి 390 రన్స్‌ చేశాడు. చివరగా ఆస్ట్రేలియాతో ప్రపంచ టెస్టు చాంపియన్‌షిప్‌-2023 ఫైనల్‌ ఆడిన పుజారా.. టీమిండియాలో పునరాగమనం కోసం ఎదురుచూస్తున్నాడు. అయితే, యువ ఆటగాళ్లతో పోటీలో అతడు పూర్తిగా వెనుకబడ్డాడు.పుజారా ఎంచుకున్న 21వ శతాబ్దపు భారత్‌- ఇంగ్లండ్‌ కంబైన్డ్‌ టెస్టు ప్లేయింగ్‌ ఎలెవన్‌అలెస్‌ స్టెవార్ట్‌ (వికెట్‌ కీపర్‌), రాహుల్‌ ద్రవిడ్‌, జో రూట్‌, విరాట్‌ కోహ్లి, వీవీఎస్‌ లక్ష్మణ్‌, బెన్‌ స్టోక్స్‌, ఆండ్రూ ఫ్లింటాఫ్‌, రవీంద్ర జడేజా, రవిచంద్రన్‌ అశ్విన్‌, మహ్మద్‌ షమీ, జస్‌ప్రీత్‌ బుమ్రా, మాథ్యూ హొగర్డ్‌ (12th man).చదవండి: ODI WC 2011: యువీని సెలక్ట్‌ చేయడం అవసరమా?.. ధోని నిర్ణయం ఇదే..

భారత స్టార్‌ ఆల్‌రౌండర్‌ రవీంద్ర జడేజా (Ravindra Jadeja) ఆట తీరును టీమిండియా మాజీ హెడ్‌కోచ్‌ గ్రెగ్‌ చాపెల్‌ విమర్శించాడు. లార్డ్స్‌ టెస్టు (Lord's Test)లో జడ్డూ సింగిల్స్‌కే పరిమితం కావడం సరికాదని.. టెయిలెండర్లకు స్ట్రైక్‌ రొటేట్‌ చేయడం వల్ల వచ్చే లాభమేమీ ఉండదంటూ ఘాటు వ్యాఖ్యలు చేశాడు. కీలక సమయంలో సరైన వ్యూహంతో షాట్లు బాదితే ఫలితం వేరేలా ఉండేదని అభిప్రాయపడ్డాడు.టీమిండియా ప్రస్తుతం ఇంగ్లండ్‌ పర్యటనలో ఉన్న విషయం తెలిసిందే. ఆతిథ్య జట్టుతో ఐదు టెస్టుల సిరీస్‌లో భాగంగా ఇప్పటికి మూడు మ్యాచ్‌లు పూర్తి కాగా.. రెండింట ఓడిన గిల్‌ సేన.. ఒకటి గెలిచింది. చివరగా లార్డ్స్‌లో జరిగిన మూడో టెస్టులో ఆఖరి వరకు పోరాడినప్పటికీ భారత జట్టుకు చేదు అనుభవమే మిగిలింది.ఆశాకిరణంలా..ఆఖరి రోజు ఆటలో వరుస విరామాల్లో వికెట్లు కోల్పోయిన భారత్‌కు స్పిన్‌ బౌలింగ్‌ ఆల్‌రౌండర్‌ రవీంద్ర జడేజా ఆశాకిరణంలా కనిపించాడు. కీలక బ్యాటర్లు అవుటైనప్పటికీ టెయిలెండర్లు జస్‌‍ప్రీత్‌ బుమ్రా (54 బంతుల్లో 5), మహ్మద్‌ సిరాజ్‌ (30 బంతుల్లో 4)తో కలిసి జట్టును గట్టెక్కించే ప్రయత్నం చేశాడు.పోరాటం వృథాఇంగ్లండ్‌ విధించిన 193 పరుగుల లక్ష్యాన్ని ఛేదించే క్రమంలో జడ్డూ 181 బంతుల్లో 61 పరుగులతో అజేయంగా నిలిచాడు. అయితే, ఇంగ్లండ్‌ స్పిన్నర్‌ షోయబ్‌ బషీర్‌ బౌలింగ్‌లో సిరాజ్‌ అనూహ్య రీతిలో పదో వికెట్‌గా వెనుదిరగడంతో టీమిండియా ఓటమి ఖరారైంది. ఇంగ్లండ్‌ 22 పరుగుల తేడాతో గెలవడంతో జడ్డూ పోరాటం వృథాగా పోయింది.ఈ నేపథ్యంలో జడ్డూ పోరాటపటిమను ప్రశంసిస్తూ హెడ్‌కోచ్‌ గౌతం గంభీర్‌తో పాటు భారత మాజీ క్రికెటర్లు కామెంట్లు చేయగా.. గ్రెగ్‌ చాపెల్‌ మాత్రం భిన్నంగా స్పందించాడు. ఈఎస్‌పీఎన్‌క్రిక్‌ఇన్ఫోకు రాసిన కాలమ్‌లో.. ‘‘అప్పటికి ప్రధాన బ్యాటర్‌గా జడేజా ఒక్కడే క్రీజులో ఉన్నాడు. టీమిండియా కచ్చితంగా స్వల్ప లక్ష్యాన్ని ఛేదించాలనే పట్టుదలతో ఉంది.బంతుల్ని వదిలేస్తూ.. సింగిల్స్‌ తీస్తూ ఉంటే ఎలా?అలాంటి సమయంలో అతడు కొన్ని వ్యూహాత్మకమైన రిస్కులు తీసుకోవాల్సింది. బంతుల్ని వదిలేస్తూ.. సింగిల్స్‌ తీస్తూ ఉంటే ఎలా?.. గెలవాల్సిన మ్యాచ్‌లో ఇలా ఎవరైనా ఆడతారా?నిజానికి డ్రెసింగ్‌రూమ్‌ నుంచి అతడికి కచ్చితమైన సందేశం ఇచ్చి ఉండాల్సింది. ‘నువ్వే ఈ పని పూర్తి చేయాలి. టెయిలెండర్లు నీకు మద్దతుగా మాత్రమే నిలవగలరు. కానీ నువ్వే గెలిపించాలి’ అనే సందేశాన్ని కెప్టెన్‌ అతడికి అందించాల్సింది.ఆ పరిస్థితిలో జడేజా స్పెషలిస్టు బ్యాటర్‌లా ఆలోచించి ఉండాల్సింది. టెయిలెండర్లకు స్ట్రైక్‌ రొటేట్‌ చేయడం వల్ల ఏం ప్రయోజనం?.. లార్డ్స్‌ పిచ్‌ మీద ఇది క్రమశిక్షణతో కూడిన ఇన్నింగ్సే. కానీ.. సరైందేనా? అంటే మాత్రం సమాధానం ఉండదు’’ అంటూ గ్రెగ్‌ చాపెల్‌ జడ్డూ ఆట తీరును విమర్శించాడు.కాగా భారత్‌- ఇంగ్లండ్‌ మధ్య మాంచెస్టర్‌లోని ఓల్డ్‌ ట్రఫోర్డ్‌ మైదానంలో నాలుగో టెస్టు (జూలై 23- 27) నిర్వహణకు షెడ్యూల్‌ ఖరారైంది. తదుపరి ఇరుజట్ల మధ్య ఆఖరిదైన ఐదో టెస్టు (జూలై 31- ఆగష్టు 4)కు లండన్‌లోని కెన్నింగ్‌ ఓవల్‌ మైదానం వేదిక.చదవండి: రుతురాజ్‌ గై​క్వాడ్‌ కీలక నిర్ణయం

భారత్‌- ఇంగ్లండ్‌ (Ind vs Eng) మధ్య నాలుగో టెస్టు నేపథ్యంలో వెటరన్‌ బ్యాటర్‌ అజింక్య రహానే (Ajinkya Rahane) టీమిండియా యాజమాన్యానికి కీలక సూచన చేశాడు. ఒకవేళ ప్రధాన పేసర్‌ జస్‌ప్రీత్‌ బుమ్రా మాంచెస్టర్‌ టెస్టు ఆడకుంటే.. అతడి స్థానంలో అర్ష్‌దీప్‌ సింగ్‌ను తుదిజట్టులోకి తీసుకోవాలని సూచించాడు. ఆండర్సన్‌- టెండుల్కర్‌ ట్రోఫీ (Anderson- Tendulkar Trophy) ఆడేందుకు టీమిండియా ఇంగ్లండ్‌లో పర్యటిస్తున్న విషయం తెలిసిందే.బుమ్రా ఆడతాడా? లేదా? ఈ ఐదు మ్యాచ్‌ల సిరీస్‌లో ఇప్పటికే మూడు పూర్తికాగా.. ఇంగ్లండ్‌ 2-1తో ఆధిక్యంలో కొనసాగుతోంది. ఈ క్రమంలో మాంచెస్టర్‌లో జరిగే నాలుగో టెస్టులో గెలిస్తేనే భారత్‌కు సిరీస్‌ ఆశలు సజీవంగా ఉంటాయి. ఇక చావోరేవో తేల్చుకోవాల్సిన ఈ మ్యాచ్‌లో వర్క్‌లోడ్‌ మేనేజ్‌మెంట్‌ దృష్ట్యా బుమ్రా ఆడతాడా? లేదా? అన్నది ప్రశ్నార్థకంగా మారింది.అర్ష్‌దీప్‌నే ఎందుకంటే..ఈ నేపథ్యంలో టీమిండియా వెటరన్‌ బ్యాటర్‌ అజింక్య రహానే స్పందిస్తూ.. ‘‘ఒకవేళ బుమ్రా ఆడకపోతే.. అతడి స్థానంలో అర్ష్‌దీప్‌ను తుదిజట్టులోకి తీసుకోవాలి. ఎందుకంటే.. ఇంగ్లండ్‌లో బంతిని రెండువైపులా స్వింగ్‌ చేయగల లెఫ్టార్మ్‌ సీమర్‌ అవసరం ఎంతగానో ఉంటుంది. ఇందుకు అర్ష్‌దీప్‌ సరైనోడు.కుల్దీప్‌నూ ఆడించాలిఅతడి బౌలింగ్‌లో వైవిధ్యం ఉంటుంది. అందుకే బుమ్రా లేకుంటే అర్ష్‌దీప్‌నే కచ్చితంగా ఆడించాలి. అయితే, వికెట్‌ స్వభావాన్ని బట్టి చైనామన్‌ స్పిన్నర్‌ కుల్దీప్‌ యాదవ్‌ను కూడా ఆడిస్తే బాగుంటుంది. గత మూడు టెస్టుల మాదిరే పిచ్‌ ఉన్నట్లయితే.. ఈసారి తప్పకుండా అతడిని ఆడించాలి.ప్రతిసారీ ఫాస్ట్‌బౌలర్లపైనే ఆధారపడటం సరికాదు. వికెట్లు తీయగల కుల్దీప్‌ వంటి వారికి అవకాశం ఇవ్వాలి. ఏదేమైనా మన బ్యాటింగ్‌ విభాగం మెరుగ్గానే రాణిస్తోంది. చేయాల్సిన దాని కంటే 25 -30 పరుగులు తక్కువ స్కోరు చేస్తున్నారేమో గానీ.. మరేం పర్లేదు’’ అంటూ యూట్యూబ్‌ వేదికగా తన అభిప్రాయాలు పంచుకున్నాడు.ఇప్పటికి టీ20, వన్డేలలో మాత్రమేకాగా టీమిండియా తరఫున టీ20, వన్డేల్లో రాణిస్తున్న అర్ష్‌దీప్‌ సింగ్‌ టెస్టుల్లో ఇంత వరకు అరంగేట్రం చేయలేదు. 2022లో అంతర్జాతీయ కెరీర్‌ మొదలుపెట్టిన అర్ష్‌దీప్‌.. ఇప్పటికి 63 టీ20లలో కలిపి 99 వికెట్లు, 9 వన్డేల్లో 14 వికెట్లు కూల్చాడు.ఇదిలా ఉంటే.. భారత్‌- ఇంగ్లండ్‌ మధ్య జరిగే నాలుగో టెస్టు (జూలై 23-27)కు మాంచెస్టర్‌లోని ఎమిరేట్స్‌ ఓల్డ్‌ ట్రఫోర్డ్‌ మైదానం వేదిక. అయితే, ఇక్కడ టీమిండియాకు దారుణమైన రికార్డు ఉంది. ఆడిన తొమ్మిది టెస్టుల్లో ఒక్కటి కూడా గెలవలేదు. ఇంగ్లండ్‌ చేతిలో నాలుగింట ఓడిన టీమిండియా.. ఐదు టెస్టులను డ్రా చేసుకోగలిగింది. చదవండి: WCL 2025: హఫీజ్‌ కెప్టెన్‌ ఇన్నింగ్స్‌.. బోణీ కొట్టిన పాకిస్తాన్‌

ఇంగ్లండ్‌తో టెస్టు సిరీస్‌లో టీమిండియా స్టార్‌ రిషభ్‌ పంత్‌ (Rishabh Pant) అద్భుత ప్రదర్శన కనబరుస్తున్నాడు. ఇప్పటికి మూడు టెస్టులు ఆడిన ఈ వికెట్‌ కీపర్‌ బ్యాటర్‌.. ఆరు ఇన్నింగ్స్‌లో కలిపి 70కి పైగా సగటుతో 425 పరుగులు సాధించాడు. ఇందులో రెండు శతకాలు కూడా ఉండటం విశేషం.అయితే, పంత్‌ కొన్నిసార్లు అనవసరపు షాట్లకు పోయి వికెట్‌ పారేసుకోవడం వల్ల విమర్శలు మూటగట్టుకుంటున్నాడు. చివరగా ఆస్ట్రేలియాతో టెస్టుల్లోనూ నిర్లక్ష్యపు షాట్లతో మూల్యం చెల్లించిన ఈ ఎడమచేతి వాటం బ్యాటర్‌.. ఇంగ్లండ్‌లోనూ అదే పునరావృతం చేస్తున్నాడు. ముఖ్యంగా స్పిన్నర్‌ షోయబ్‌ బషీర్‌ (Shoaib Bashir) బౌలింగ్‌లో రెండుసార్లు భారీ షాట్లకు పోయి వికెట్‌ సమర్పించుకున్నాడు.ఐపీఎల్‌ కోసం దాచి ఉంచు పంత్‌ఈ నేపథ్యంలో పంత్‌ రిస్కీ షాట్ల గురించి భారత మాజీ వికెట్‌ కీపర్‌ బ్యాటర్‌ ఫారూఖ్‌ ఇంజనీర్‌ స్పందిస్తూ.. ‘‘కచ్చితంగా అతడు ఇలాంటి షాట్లు ఆడటం మానుకోవాలి. ఇలాంటివి ఐపీఎల్‌ కోసం దాచిపెట్టుకోవాలి. టెస్టు క్రికెట్‌లో ఎంతో క్రమశిక్షణతో బ్యాటింగ్‌ చేయాల్సి ఉంటుంది.ముఖ్యంగా మూడు, నాలుగు స్థానాల్లో ఆడేవాళ్లు సరైన రీతిలో ఆడాలి. సహచర ఆటగాళ్లతో కలిసి భారీ భాగస్వామ్యాలు నెలకొల్పి.. తమ ఇన్నింగ్స్‌ను భారీ స్కోర్లుగా మలచుకోవాలి’’ అని సూచించాడు.పళ్లు మొత్తం రాలిపోయి ఉండేవేమో!అదే విధంగా.. ‘‘పంత్‌కు ఆత్మవిశ్వాసం ఎక్కువ. అయితే, కీలక సమయాల్లో మరింత బాధ్యతాయుతంగా వ్యవహరించాల్సి ఉంటుంది. అతడు ప్రతిభావంతుడైన ఆటగాడే. కొత్త కొత్త షాట్లు కనిపెడతాడు. ఒక్కోసారి హెల్మెట్‌ ఉండబట్టి సరిపోయిందిలే అనిపిస్తుంది. మా రోజుల్లో అయితే, పళ్లు మొత్తం రాలిపోయి ఉండేవేమో’’ అంటూ ఫారూఖ్‌ ఇంజనీర్‌ సరదాగా వ్యాఖ్యానించాడు.కాగా రిషభ్‌ పంత్‌ వేలికి గాయమై విషయం తెలిసిందే. ఈ నేపథ్యంలో మాంచెస్టర్‌లో జరిగే నాలుగో టెస్టులో అతడు కేవలం బ్యాటర్‌గానే బరిలోకి దిగాలని.. అతడికి బదులు ధ్రువ్‌ జురెల్‌ వికెట్‌ కీపర్‌గా వ్యవహరించాలని ఫారూఖ్‌ ఇంజనీర్‌ సూచించాడు. ఇక ఐదు టెస్టుల సిరీస్‌లో ఇప్పటికి మూడు పూర్తి కాగా.. ఇంగ్లండ్‌ రెండు గెలవగా.. టీమిండియా ఒక మ్యాచ్‌లో విజయం సాధించింది.చదవండి: వైభవ్‌ సూర్యవంశీ ఖాతాలో మరో ప్రపంచ రికార్డు

భారత పేసర్‌ మహ్మద్‌ సిరాజ్‌ (Mohammed Siraj) గురించి టీమిండియా అసిస్టెంట్‌ కోచ్‌ ర్యాన్‌ టెన్‌ డస్కటే (Ryan ten Doeschate) ఆసక్తికర వ్యాఖ్యలు చేశాడు. పనిభారం గురించి అతడు అస్సలు ఆలోచించడని.. తామే ఈ విషయంలో చొరవ తీసుకోవాల్సి ఉంటుందని పేర్కొన్నాడు. సిరాజ్‌ సింహం లాంటివాడని.. జట్టు ప్రయోజనాల కోసం ఎల్లవేళలా బంతితో సిద్ధంగా ఉంటాడంటూ ప్రశంసించాడు.నాలుగో టెస్టు గెలిస్తేనే..ఆండర్సన్‌- టెండుల్కర్‌ ట్రోఫీ-2025 (Anderson- Tendulkar Trophy) ఆడేందుకు భారత జట్టు ఇంగ్లండ్‌లో పర్యటిస్తోంది. ఇందులో భాగంగా ఐదింటిలో ఇప్పటికి మూడు టెస్టులు పూర్తి కాగా.. ఆతిథ్య జట్టు గిల్‌ సేనపై 2-1తో ఆధిక్యంలో కొనసాగుతోంది. ఈ క్రమంలో ఇరుజట్ల మధ్య జరిగే నాలుగో టెస్టు కీలకంగా మారింది. ఈ మ్యాచ్‌లో గెలిస్తేనే సిరీస్‌ గెలవాలన్న టీమిండియా ఆశలు సజీవంగా ఉంటాయి.బుమ్రా ఆడేది మూడేఅయితే, ప్రధాన పేసర్‌ జస్‌ప్రీత్‌ బుమ్రా ఈ సిరీస్‌ మొత్తానికి అందుబాటులో ఉండడని టీమిండియా యాజమాన్యం ముందే చెప్పింది. అతడు కేవలం మూడు టెస్టులే ఆడతాడని స్పష్టం చేసింది. ఈ క్రమంలో లీడ్స్‌లో ఆడిన బుమ్రా.. ఎడ్జ్‌బాస్టన్‌లో విశ్రాంతి తీసుకుని.. లార్డ్స్‌లో మళ్లీ ఆడాడు.ఇక బుమ్రా గైర్హాజరీలో పేస్‌ దళాన్ని ముందుకు నడిపిస్తున్న మరో సీనియర్‌ పేసర్‌ మహ్మద్‌ సిరాజ్‌ మెరుగ్గా రాణిస్తున్నాడు. మూడు టెస్టుల్లోనూ ఆడిన అతడు.. మొత్తంగా 13 (2, 6, 1, 2, 2) వికెట్లు తీశాడు. ముఖ్యంగా ఎడ్జ్‌బాస్టన్‌లో ఆరు వికెట్లతో చెలరేగి భారత్‌ చారిత్రాత్మక విజయం సాధించడంలో కీలక పాత్ర పోషించాడు.సిరాజ్‌ సింహం లాంటోడుఈ నేపథ్యంలో డస్కటే సిరాజ్‌పై ప్రశంసలు కురిపించాడు. ‘‘అలాంటి ఆటగాడు మా జట్టులో ఉండటం మాకు సానుకూలాంశం. ఇక్కడ ఫాస్ట్‌బౌలర్‌గా అతడి నుంచి మనం అందరికంటే కాస్త ఎక్కువగానే వికెట్లు తీస్తాడని ఆశిస్తాం.అయితే, తను పనిభారం గురించి మాత్రం అస్సలు పట్టించుకోడు. అందుకే మేమే అతడిని జాగ్రత్తగా కాపాడుకోవాల్సి ఉంటుంది. సింహం లాంటి పోరాటపటిమ అతడి సొంతం.మేమే అతడిని వారిస్తాంలార్డ్స్‌లో స్టోక్స్‌ మాదిరి అదనపు ఓవర్లు వేసేందుకు సిరాజ్‌ ఎల్లప్పుడూ సిద్ధంగా ఉంటాడు. కానీ అతడు ఫిట్‌గా ఉండేలా చూసుకోవడం మా పని. అందుకే ఒక్కోసారి మేనేజ్‌మెంట్‌ అతడిని వారించాల్సి వస్తుంది కూడా. ఏదేమైనా అతడి చేతిలో బంతి ఉందంటే కచ్చితంగా ఏదో ఒక అద్భుతం చేస్తాడనే నమ్మకం ఉంటుంది’’ అంటూ ఆట పట్ల సిరాజ్‌ అంకితభావం గురించి డస్కటే వివరించాడు.కాగా 2023 నుంచి టీమిండియా ఆడిన 27 టెస్టులలో సిరాజ్‌ 24 మ్యాచ్‌లు ఆడాడు. టీమిండియా ఫాస్ట్‌బౌలర్లలో ఒక్కరు కూడా ఇలా వరుస మ్యాచ్‌లు ఆడలేదు. ఇక 2023 నుంచి ఇప్పటిదాకా అతడు 569.4 ఓవర్లు బౌల్‌ చేశాడు. ఈ మధ్యకాలంలో ఆస్ట్రేలియా కెప్టెన్‌ ప్యాట్‌ కమిన్స్‌ (721.2 ఓవర్లు), పేసర్‌ మిచెల్‌ స్టార్క్‌ (665.1) తర్వాత ఈ స్థాయిలో అలుపెరగకుండా బౌలింగ్‌ చేసిన ఏకైక భారత ఫాస్ట్‌బౌలర్‌ సిరాజ్‌. ఇదిలా ఉంటే.. మాంచెస్టర్‌ వేదికగా జూలై 23-27 మధ్య భారత్‌- ఇంగ్లండ్‌ నాలుగో టెస్టు జరుగనుంది.చదవండి: భారత ఓపెనింగ్‌ జోడీ ప్రపంచ రికార్డు

లార్డ్స్‌ టెస్టులో ఆల్‌రౌండర్‌ రవీంద్ర జడేజా (Ravindra Jadeja) అసాధారణ పోరాటం చేశాడని టీమిండియా హెడ్‌కోచ్‌ గౌతం గంభీర్‌ (Gautam Gambhir) ప్రశంసలు కురిపించాడు. విజయం కోసం చివరి వరకు పట్టుదలగా నిలబడిన జడ్డూ అద్భుత ఇన్నింగ్స్‌ ఆడాడని కొనియాడాడు. కాగా ఆండర్సన్‌- టెండుల్కర్‌ ట్రోఫీలో భాగంగా టీమిండియా ఇంగ్లండ్‌తో ఐదు టెస్టుల సిరీస్‌లో తలపడుతోంది.ఇందులో భాగంగా తొలుత లీడ్స్‌లో ఇంగ్లండ్‌ గెలవగా.. ఎడ్జ్‌బాస్టన్‌లో టీమిండియా చారిత్రాత్మక విజయం సాధించింది. ఈ క్రమంలో సిరీస్‌ 1-1తో సమంగా ఉన్న వేళ లార్డ్స్‌ (Lord's Test)లో జరిగిన మూడో టెస్టు ఆఖరి రోజు వరకు ఉత్కంఠగా సాగింది. 193 పరుగుల లక్ష్యంతో బరిలోకి దిగిన భారత జట్టు.. 22 పరుగుల తేడాతో ఓటమిపాలైంది.జడ్డూ పోరాటం వృథాఅయితే, వరుస విరామాల్లో వికెట్లు కోల్పోయిన తరుణంలో టీమిండియా సులువుగానే ఓటమిని అంగీకరిస్తుందని అంతా భావించారు. కానీ జడేజా (181 బంతుల్లో 61 నాటౌట్‌) అద్భుత పోరాటపటిమతో ఆఖరి వరకు అజేయంగా నిలిచాడు. అయితే, టెయిలెండర్‌ మహ్మద్‌ సిరాజ్‌ (30 బంతుల్లో 4) అనూహ్య రీతిలో బౌల్డ్‌ కావడంతో టీమిండియా ఓటమి ఖరారైంది. జడ్డూ పోరాటం వృథాగా పోయింది.ఈ నేపథ్యంలో అనిల్‌ కుంబ్లే, సునిల్‌ గావస్కర్‌ వంటి భారత క్రికెట్‌ దిగ్గజాలు జడ్డూ ఇంకాస్త దూకుడుగా ఆడి ఉంటే బాగుండేదని విమర్శించారు. అయితే, కోచ్‌ గంభీర్‌ మాత్రం జడేజా సరైన రీతిలోనే ఆడాడంటూ విమర్శకులకు కౌంటర్‌ ఇచ్చాడు. ‘‘అదొక అసాధారణ పోరాటం. జడ్డూ పోరాడిన తీరు నిజంగా ఒక అద్భుతం లాంటిదే’’ అని గంభీర్‌ జడ్డూను కొనియాడాడు. డ్రెసింగ్‌రూమ్‌లో ఈ మేరకు అతడు వ్యాఖ్యలు చేయగా.. ఇందుకు సంబంధించిన వీడియోను బీసీసీఐ తాజాగా సోషల్‌ మీడియాలో షేర్‌ చేసింది. మా జట్టులో ఉండటం అదృష్టంఇక సిరాజ్‌ మాట్లాడుతూ.. ‘‘ఫీల్డింగ్‌, బౌలింగ్‌, బ్యాటింగ్‌... ఇలా మూడు విభాగాల్లోనూ జడ్డూ భాయ్‌ అద్భుతంగా రాణిస్తున్నాడు. జట్టు కోసం ఎంతగానో కష్టపడుతున్నాడు.జట్టుకు అవసరమైన ప్రతిసారీ నేనున్నానంటూ బ్యాట్‌తో ఆదుకుంటాడు. క్షిష్ట సమయాల్లో రాణించే ఇలాంటి ప్లేయర్‌ అన్ని జట్లలోనూ ఉండడు. అతడు మా జట్టులో ఉండటం నిజంగా మా అదృష్టం’’ అంటూ ప్రశంసించాడు. కాగా టీమిండియాతో సిరీస్‌లో 2-1తో ఇంగ్లండ్‌ ప్రస్తుతం ఆధిక్యంలో ఉంది. ఇరుజట్ల మధ్య జరిగే నాలుగో టెస్టు (జూలై 23- 27)కు మాంచెస్టర్‌ వేదిక.భారత్‌ వర్సెస్‌ ఇంగ్లండ్‌ మూడో టెస్టు సంక్షిప్త స్కోర్లు👉ఇంగ్లండ్‌: 387 & 192👉భారత్‌: 387 & 170👉ఫలితం: 22 పరుగుల తేడాతో ఇంగ్లండ్‌ గెలుపు.చదవండి: వైభవ్‌ సూర్యవంశీ ఖాతాలో మరో ప్రపంచ రికార్డు View this post on Instagram A post shared by Team India (@indiancricketteam)

ఇంగ్లండ్‌ గడ్డ మీద ఇరగదీస్తున్న భారత అండర్‌-19 క్రికెటర్‌ వైభవ్‌ సూర్యవంశీ (Vaibhav Suryavanshi) ఖాతాలో మరో ప్రపంచ రికార్డు చేరింది. యూత్‌ టెస్టు మ్యాచ్‌లో వికెట్‌ తీయడంతో పాటు.. అర్ధ శతకం సాధించిన అత్యంత పిన్న వయస్కుడిగా ఈ చిచ్చరపిడుగు చరిత్ర సృష్టించాడు. ఇంగ్లండ్‌ అండర్‌-19 జట్టు (IND U19 Vs ENG U19)తో జరిగిన తొలి యూత్‌ టెస్టు సందర్భంగా సాధించిన ఈ ఘనత గురించి నెట్టింట చర్చ జరుగుతోంది.వన్డేలలో విధ్వంసకర శతకంఇంగ్లండ్‌ యువ జట్టుతో ఐదు యూత్‌ వన్డేలు (Youth ODI's), రెండు యూత్‌ టెస్టులు ఆడేందుకు భారత అండర్‌-19 క్రికెట్‌ జట్టు అక్కడికి వెళ్లిన విషయం తెలిసిందే. ఇక ఈ టూర్‌లో ఆది నుంచి వైభవ్‌ సూర్యవంశీ తన ప్రత్యేకతను చాటుకుంటూనే ఉన్నాడు. యూత్‌ వన్డే సిరీస్‌ను భారత్‌ 3-2తో గెలుచుకోవడంలో పద్నాలుగేళ్ల ఈ పిల్లాడిది కీలక పాత్ర.ఆరంభంలో నిరాశపరిచినా..ఐదు వన్డేల్లో ఐదు సాధించిన స్కోర్లు వరుసగా.. 48 (19), 45 (34), 86 (31), 143 (78), 33 (42). నాలుగో యూత్‌ వన్డేలో 52 బంతుల్లోనే శతకం బాది.. ఈ ఘనత సాధించిన పిన్న వయస్కుడిగా చరిత్రకెక్కాడు. అనంతరం ఇంగ్లండ్‌తో తొలి యూత్‌ టెస్టు (జూలై 12- 15)లో మాత్రం వైభవ్‌ ఆరంభంలో నిరాశపరిచాడు. తొలి ఇన్నింగ్స్‌లో ఈ ఓపెనింగ్‌ బ్యాటర్‌ 13 బంతులు ఎదుర్కొని కేవలం 14 పరుగులు మాత్రమే చేసి నిష్క్రమించాడు.రెండు వికెట్లు, ఓ అర్ధ శతకంఅయితే, బ్యాట్‌తో విఫలమైనా వైభవ్‌ ఇక్కడ బంతితో రాణించాడు. ఇంగ్లండ్‌ తొలి ఇన్నింగ్స్‌లో కెప్టెన్‌ హంజా షేక్‌ (84), వికెట్‌ కీపర్‌ బ్యాటర్‌ థామస్‌ రూ (34) రూపంలో రెండు కీలక వికెట్లు పడగొట్టాడు ఈ పార్ట్‌టైమ్‌ స్పిన్నర్‌.ఇక భారత రెండో ఇన్నింగ్స్‌లో వైభవ్‌ బ్యాట్‌ ఝులిపించాడు. 44 బంతులు ఎదుర్కొని తొమ్మిది ఫోర్లు, ఒక సిక్సర్‌ సాయంతో 56 పరుగులు సాధించాడు. తద్వారా ఇంగ్లండ్‌తో తొలి యూత్‌ టెస్టులో రెండు వికెట్లు తీయడంతో పాటు అర్ధ శతకం నమోదు చేశాడు. ఈ నేపథ్యంలోనే అత్యంత పిన్న వయసులో ఒక యూత్‌ టెస్టులో వికెట్‌ తీయడంతో పాటు హాఫ్‌ సెంచరీ సాధించిన క్రికెటర్‌ వైభవ్‌ సూర్యవంశీ చరిత్రకెక్కాడు. అంతకుముందు ఈ రికార్డు బంగ్లాదేశ్‌కు చెందిన మెహదీ హసన్‌ మిరాజ్‌ పేరిట ఉండేది. కాగా ఇంగ్లండ్‌- భారత్‌ మధ్య తొలి యూత్‌ టెస్టు ‘డ్రా’ గా ముగిసింది.అత్యంత చిన్న వయసులో ఒక యూత్‌ టెస్టులో వికెట్‌ తీయడంతో పాటు 50 స్కోరు చేసిన క్రికెటర్లు వీరే🏏వైభవ్‌ సూర్యవంశీ (ఇండియా): 14 ఏళ్ల, 107 రోజుల వయసులో- బెకెన్‌హామ్‌ వేదికగా ఇంగ్లండ్‌ మీద🏏మెహదీ హసన్‌ మిరాజ్‌ (బంగ్లాదేశ్‌): 15 ఏళ్ల 167 రోజుల వయసులో- మిర్పూర్‌ వేదికగా శ్రీలంక మీద🏏షైకత్‌ అలీ (బంగ్లాదేశ్‌): 15 ఏళ్ల 204 రోజుల వయసులో- సైలెట్‌ వేదికగా ఇంగ్లండ్‌ మీద🏏నాసిర్‌ హుసేన్‌ (బంగ్లాదేశ్‌): 15 ఏళ్ల 219 రోజుల వయసులో డెర్బీ వేదికగా శ్రీలంక మీద🏏సురేశ్‌ రైనా (ఇండియా): 15 ఏళ్ల 242 ఏళ్ల వయసులో- కొలంబో వేదికగా ఇంగ్లండ్‌ మీద.చదవండి: అత్యధికసార్లు ‘ప్లేయర్‌ ఆఫ్‌ ది మ్యాచ్‌ అవార్డు’లు అందుకుంది వీరే

టీమిండియా పేస్‌ దళ నాయకుడు జస్‌ప్రీత్‌ బుమ్రా (Jasprit Bumrah)ను ఉద్దేశించి భారత మాజీ క్రికెటర్‌ దిలీప్‌ వెంగ్‌సర్కార్‌ (Dilip Vengarkar) ఘాటు విమర్శలు చేశాడు. ఫిట్‌గా లేనపుడు ఒక్క మ్యాచ్‌ కూడా ఆడవద్దని.. అయినా.. చీఫ్‌ సెలక్టర్‌ అజిత్‌ అగార్కర్‌, కోచ్‌ గౌతం గంభీర్‌ (Gautam Gambhir) ఇలాంటి వాళ్లకు ఎందుకు అనుమతినిస్తున్నారో అర్థం కావడం లేదని విమర్శించాడు.పనిభారం తగ్గించాలని..కాగా ఇంగ్లండ్‌తో ఆండర్సన్‌- టెండుల్కర్‌ ట్రోఫీ (Anderosn- Tendukar Trophy)లో భాగంగా టీమిండియా ఐదు టెస్టులు ఆడుతోంది. ఇప్పటికి మూడు మ్యాచ్‌లు ముగియగా ఇంగ్లండ్‌ రెండు, భారత్‌ ఒకటి గెలిచింది. ఇదిలా ఉంటే.. భారత ప్రధాన పేసర్‌ బుమ్రా ఈ సిరీస్‌లో కేవలం మూడు టెస్టులే ఆడతాడని యాజమాన్యం ముందుగానే ప్రకటించింది. ఫిట్‌నెస్‌ సమస్యల ప్రమాదం పొంచి ఉన్న దృష్ట్యా అతడిపై పనిభారం తగ్గించేందుకు ఈ నిర్ణయం తీసుకున్నట్లు వెల్లడించింది.దిలీప్‌ వెంగ్‌సర్కార్‌ ఫైర్‌అందుకు తగ్గట్లుగానే తొలి టెస్టు ఆడిన బుమ్రాకు.. రెండో టెస్టు నుంచి విశ్రాంతినిచ్చారు. తిరిగి లార్డ్స్‌లో మూడో టెస్టు ఆడిన ఈ రైటార్మ్‌ పేసర్‌.. తదుపరి మాంచెస్టర్‌ మ్యాచ్‌లో ఆడతాడా? లేదా? అన్న చర్చ జరుగుతోంది. ఈ నేపథ్యంలో దిలీప్‌ వెంగ్‌సర్కార్‌ బుమ్రా, టీమిండియా యాజమాన్యం తీరుపై ఆగ్రహం వ్యక్తం చేశాడు.‘‘ఒకవేళ టీమిండియాకు ఆడాలని అనుకుంటే ప్రతి ఒక్క ఆటగాడు తప్పక ఫిట్‌గా ఉండాలి. ఫిట్‌గా లేకుంటే అసలు ఒక్క మ్యాచ్‌ కూడా ఆడకూడదు. తొలి, రెండో టెస్టుకు మధ్య 7- 8 ఎనిమిది రోజుల విరామం వచ్చింది. అయినా సరే అతడు రెండో టెస్టు ఆడలేదు.గంభీర్‌, అగార్కర్‌లకు నచ్చుతుందేమో గానీఇది ఎంతమాత్రం ఆమోదయోగ్యనీయం కాదు. అగార్కర్‌, గంభీర్‌లు ఇలాంటివి ఆమోదిస్తారేమో కానీ.. ఎక్కడా ఇలా జరగదు’’ అంటూ దిలీప్‌ వెంగ్‌సర్కార్‌ రెవ్‌స్పోర్ట్స్‌తో మాట్లాడుతూ ఈ మేరకు వ్యంగ్యాస్త్రాలు సంధించాడు.టెస్టు మ్యాచ్‌లలో బౌలర్ల ఎంపిక విషయంలో తను ఎలాంటి వ్యాఖ్యలు చేయనన్న వెంగ్‌సర్కార్‌.. ఫిట్‌గా ఉన్న ఆటగాళ్లు ఎవరైనా సరే జట్టు ప్రయోజనాల కోసం సిరీస్‌లో అన్ని మ్యాచ్‌లు ఆడాలని సూచించాడు. అదే సమయంలో బుమ్రా వరల్డ్‌క్లాస్‌ బౌలర్‌.. ఒంటిచేత్తో జట్టును గెలిపించగల సత్తా అతడికి ఉందని ప్రశంసించాడు. అయితే, ఒక్కసారి జట్టుతో చేరిన తర్వాత వ్యక్తిగత ప్రయోజనాల కోసం ఆడతా అంటే కుదరదు అంటూ ఘాటుగా విమర్శించాడు. కాగా టెస్టు సిరీస్‌లో టీమిండియాపై ఇంగ్లండ్‌ 2-1తో ఆధిక్యంలో ఉంది. ఇరుజట్ల మధ్య జరిగే నాలుగో టెస్టు (జూలై 23- 27)కు మాంచెస్టర్‌ వేదిక.చదవండి: భారత ఓపెనింగ్‌ జోడీ ప్రపంచ రికార్డు

ఇంగ్లండ్‌తో మూడో టెస్టులో ఓటమి పాలైన టీమిండియా.. మాంచెస్టర్‌లో సత్తా చాటాలని పట్టుదలగా ఉంది. లార్డ్స్‌లో జరిగిన ఉత్కంఠ పోరులో ఎదురైన పరాభవానికి ప్రతీకారం తీర్చుకుని.. సిరీస్‌ను 2-2తో సమం చేయాలని భావిస్తోంది. అయితే, ఇంగ్లండ్‌తో నాలుగో టెస్టులో భారత ప్రధాన పేసర్‌ జస్‌ప్రీత్‌ బుమ్రా (Jasprit Bumrah) ఆడతాడా? లేదా? అన్నది ఆసక్తికరంగా మారింది.కాగా ఇంగ్లండ్‌ పర్యటనకు ముందే బుమ్రా పనిభారం గురించి చీఫ్‌ సెలక్టర్‌ అజిత్‌ అగార్కర్‌ (Ajit Agarkar), హెడ్‌కోచ్‌ గౌతం గంభీర్‌ (Gautam Gambhir) కీలక వ్యాఖ్యలు చేసిన విషయం తెలిసిందే. తమ పేస్‌దళ నాయకుడిపై భారాన్ని తగ్గించేందుకు ఇంగ్లండ్‌తో ఐదు టెస్టుల సిరీస్‌లో.. అతడు కేవలం మూడింటిలో మాత్రమే ఆడతాడని వీరు స్పష్టం చేశారు.నో క్లారిటీఇందుకు తగ్గట్లుగానే లీడ్స్‌లో జరిగిన తొలి టెస్టులో ఆడిన బుమ్రా.. ఎడ్జ్‌బాస్టన్‌ మ్యాచ్‌ నుంచి విశ్రాంతి తీసుకున్నాడు. మళ్లీ లార్డ్స్ టెస్టుతో తిరిగి వచ్చిన ఈ రైటార్మ్‌ పేసర్‌.. తదుపరి మాంచెస్టర్‌లో ఆడతాడా? లేదా? అన్న అంశంపై మేనేజ్‌మెంట్‌ ఇంతవరకు స్పష్టతనివ్వలేదు.ఈ నేపథ్యంలో ఇంగ్లండ్‌ మాజీ క్రికెటర్‌ డేవిడ్‌ లాయిడ్‌ బుమ్రాను ఉద్దేశించి సంచలన వ్యాఖ్యలు చేశాడు. అతడొక ప్రపంచస్థాయి బౌలర్‌ అంటూనే.. బుమ్రా ఆడిన మ్యాచ్‌లలో టీమిండియాకు ఎక్కువసార్లు ఓటమే ఎదురైందని పేర్కొన్నాడు. అతడు లేనప్పుడే చిరస్మరణీయ విజయాలు అందుకుందని విమర్శించాడు.టీమిండియా గెలిస్తే ఐదో టెస్టు ఆడతాడా?‘‘ఇంగ్లండ్‌తో ఐదు టెస్టుల్లో బుమ్రా కేవలం మూడే ఆడతాడని కోచ్‌ గౌతం గంభీర్‌ స్వయంగా చెప్పాడు. అతడు ఇప్పటికి రెండు మ్యాచ్‌లు ఆడాడు. సిరీస్‌లో ఇంకా రెండు మ్యాచ్‌లు మిగిలి ఉన్నాయి. కాబట్టి ఏదో ఒక్క టెస్టు మాత్రమే అతడు ఆడతాడన్నది తెలిసిందే.ఒకవేళ మేనేజ్‌మెంట్‌ తమ మాటకు కట్టుబడి ఉంటే.. అతడిని నాలుగో టెస్టులో ఆడిస్తుందా? లేదంటే.. సిరీస్‌ ప్రాధాన్యత దృష్ట్యా ఐదో టెస్టులోనూ ఆడించాలని కోరుకుంటుందా?.. ఒకవేళ అతడు తదుపరి ఓల్డ్‌ ట్రఫోర్ట్‌ టెస్టులో ఆడి.. టీమిండియా గెలిస్తే అప్పుడు 2-2తో సిరీస్‌ సమం అవుతుంది.కాబట్టి సిరీస్‌ విజేతను తేల్చే నిర్ణయాత్మకమైన ఐదో టెస్టులో అతడిని ఆడించాల్సిన పరిస్థితి నెలకొంటుంది. అలా కాకుండా నాలుగో టెస్టులో టీమిండియా ఓడి 3-1తో సిరీస్‌ కోల్పోతే.. ఇక ఆఖరి టెస్టుకు అతడి అవసరం ఉండదని అనుకోవచ్చు.బుమ్రా జట్టులోనే ఉంటేనే ఓటమి?!ఇదొక అసాధారణ అంశం. ఏదేమైనా.. అతడు ఆడిన మ్యాచ్‌లలో టీమిండియా గెలిచిన సందర్భాల కంటే.. ఓడిన దాఖలాలే ఎక్కువని అంటూ ఉంటారు. అతడొక వరల్డ్‌క్లాస్‌ బౌలర్‌. అతడి బౌలింగ్‌ శైలి కూడా కాస్త భిన్నంగా ఉంటుంది. ఉత్తమ బౌలరే అయినా.. అతడి విషయంలో ఇలాంటివి జరుగుతూ ఉంటాయి’’ అంటూ లాయిడ్‌ వ్యంగ్యంగా వ్యాఖ్యానించాడు.కాగా 2018లో బుమ్రా టెస్టుల్లో అరంగేట్రం చేసి.. ఇప్పటికి 47 మ్యాచ్‌లు ఆడాడు. ఇందులో టీమిండియా 20 గెలవగా.. 23 మ్యాచ్‌లలో ఓడిపోయింది. ఇదిలా ఉంటే.. ఇంగ్లండ్‌తో తొలి టెస్టులో బుమ్రా మొత్తంగా ఐదు వికెట్లు పడగొట్టాడు. కానీ ఇందులో గిల్‌ సేన ఓటమిపాలైంది. ఇక రెండో టెస్టుకు అతడు దూరంగా ఉండగా ఎడ్జ్‌బాస్టన్‌లో ఇంగ్లండ్‌ను ఏకంగా 336 పరుగుల తేడాతో ఓడించి ఈ వేదికపై తొలిసారి గెలుపు రుచిచూసింది.ఇక మూడో టెస్టుతో తిరిగి వచ్చిన బుమ్రా మరోసారి ఐదు వికెట్ల ప్రదర్శన (మొత్తం ఏడు వికెట్లు)తో సత్తా చాటాడు. కానీ ఈ మ్యాచ్‌లో టీమిండియా 22 పరుగుల తేడాతో పరాజయాన్ని చవిచూసింది. ఇక భారత్‌- ఇంగ్లండ్‌ మధ్య మాంచెస్టర్‌లోని ఓల్డ్‌ ట్రఫోర్డ్‌ మైదానంలో నాలుగో టెస్టు (జూలై 23-27) జరుగనుంది.చదవండి: జట్టు మారనున్న ఆర్సీబీ స్టార్‌ జితేశ్‌ శర్మ

టీమిండియాతో రెండో టెస్టులో ఘోర పరాజయం పాలైన ఇంగ్లండ్‌.. లార్డ్స్‌ (Lord's Test)లో ఇందుకు బదులు తీర్చుకుంది. ఆఖరి వరకు ఉత్కంఠగా సాగిన పోరులో ఎట్టకేలకు గిల్‌ సేనపై 22 పరుగుల తేడాతో గెలుపొందింది. తద్వారా టెండుల్కర్‌- ఆండర్సన్‌ ట్రోఫీలో 2-1తో ముందంజ వేసింది. ఇక మూడో టెస్టులో ఇంగ్లండ్‌ విజయంలో కెప్టెన్‌ బెన్‌ స్టోక్స్‌ (Ben Stokes)ది కీలక పాత్ర.తగ్గేదేలేఓవైపు ఫిట్‌నెస్‌ సమస్యలు వేధిస్తున్నా స్టోక్స్‌ ఎక్కడా తగ్గేదేలే అన్నట్లు ఇటు బ్యాట్‌తోనూ.. అటు బంతితోనూ సత్తా చాటాడు. ఈ సీమ్‌ బౌలింగ్‌ ఆల్‌రౌండర్‌ కీలక భాగస్వామ్యాలు నెలకొల్పడంతో పాటు.. టీమిండియా కీలక వికెట్లు కూల్చి జట్టు విజయానికి పునాది వేశాడు.లార్డ్స్‌ టెస్టులో స్టోక్స్‌ రెండు ఇన్నింగ్స్‌లో వరుసగా 44, 33 పరుగులు చేశాడు. అదే విధంగా.. టీమిండియా రెండు ఇన్నింగ్స్‌లో కలిపి 44 ఓవర్ల పాటు బౌలింగ్‌ చేసి మొత్తంగా ఐదు వికెట్లు పడగొట్టాడు. తొలి ఇన్నింగ్స్‌లో కరుణ్‌ నాయర్‌ (40), నితీశ్‌ రెడ్డి (30) వికెట్లు కూల్చిన స్టోక్స్‌.. రిషభ్‌ పంత్‌ (74)ను రనౌట్‌ చేశాడు.అదే విధంగా.. రెండో ఇన్నింగ్స్‌లో కేఎల్‌ రాహుల్‌ (39), ఆకాశ్‌ దీప్‌ (1) వికెట్లను పడగొట్టిన స్టోక్స్‌.. ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. ఈ నేపథ్యంలో స్టోక్స్‌ పట్టుదల, జట్టు ప్రయోజనాల పట్ల అతడి నిబద్ధత గురించి సహచర ఆటగాడు, మాజీ కెప్టెన్‌ జో రూట్‌ (Joe Root) ఆసక్తికర వ్యాఖ్యలు చేశాడు.నేను కెప్టెన్‌గా ఉన్నపుడు.. నా మాట వినేవాడే కాదుటీమిండియాతో నాలుగో టెస్టుకు ముందు రూట్‌ మాట్లాడుతూ.. ‘‘అతడు ప్రతిసారీ నా మాట వినడు. ముఖ్యంగా నేను కెప్టెన్‌గా ఉన్నప్పుడు ఎంతగా చెప్పినా వినేవాడే కాదు. తన శరీరాన్ని కష్టపెట్టి ఎక్కువగా బౌలింగ్‌ చేసేవాడు.పనిభారాన్ని తగ్గించుకోమని చెబితే.. తను మాత్రం అసాధారణ రీతిలో జట్టు కోసం పట్టుదలగా ఆడేవాడు. కొన్నిసార్లు అతడి గాయాలు మరీ తీవ్రతరమైతే పరిస్థితి ఏమిటని నేను భయపడిపోయేవాడిని. కానీ అతడు మాత్రం రెండుసార్లు తీవ్రంగా గాయపడిన తర్వాత కూడా మళ్లీ కోలుకుని ఇలా అద్భుతంగా రాణిస్తున్నాడు. ఆట పట్ల తన అంకిత భావం అలాంటిది మరి’’ అని స్టోక్స్‌పై ప్రశంసల వర్షం కురిపించాడు.కాగా లార్డ్స్‌ టెస్టులో రూట్‌- స్టోక్స్‌ కలిసి రెండు ఇన్నింగ్స్‌లో వరుసగా 88, 67 పరుగుల భాగస్వామ్యాలు నమోదు చేశారు. ఇక తొలి ఇన్నింగ్స్‌లో సెంచరీ (104) చేసిన రూట్‌.. రెండో ఇన్నింగ్స్‌లో మాత్రం 40 పరుగులకే పెవిలియన్‌ చేరాడు. కాగా భారత్‌- ఇంగ్లండ్‌ మధ్య మాంచెస్టర్‌ (జూలై 23- 27)లో నాలుగో టెస్టు నిర్వహణకు షెడ్యూల్‌ ఖరారైన విషయం తెలిసిందే.చదవండి: వాళ్లిద్దరిలో అత్యుత్తమ స్పిన్నర్‌ ఎవరు?.. కుండబద్దలు కొట్టేసిన లారా

లార్డ్స్‌ టెస్టులో గెలుపు కోసం చివరిదాకా పోరాడిన టీమిండియాకు చేదు అనుభవమే మిగిలింది. మూడో టెస్టులో ఆఖరిదైన ఐదో రోజు ఆటలో అనూహ్య రీతిలో మహ్మద్‌ సిరాజ్‌ (Mohammed Siraj) బౌల్డ్‌ కావడంతో గిల్‌ సేన ఓటమి ఖరారైంది. ఆతిథ్య ఇంగ్లండ్‌ జట్టు 22 పరుగుల తేడాతో జయభేరి మోగించి.. మరోసారి లార్డ్స్‌లో తమకు తిరుగులేదని నిరూపించుకుంది.అంతేకాదు.. ఐదు మ్యాచ్‌ల టెస్టు సిరీస్‌లో 2-1తో ఆధిక్యంలోకి దూసుకువెళ్లింది. నిజానికి.. ఐదో రోజు ఆరంభంలోనే టీమిండియా వికెట్ల పతనం మొదలైంది. జోఫ్రా ఆర్చర్‌ బౌలింగ్‌లో రిషభ్‌ పంత్‌ (9) బౌల్డ్‌ కాగా.. ఆ తర్వాత ఇన్‌ఫామ్‌ బ్యాటర్‌ కేఎల్‌ రాహుల్‌ (39) కూడా ఊహించని రీతిలో లెగ్‌ బిఫోర్‌ వికెట్‌గా వెనుదిరిగాడు.జడేజా ఒంటరి పోరాటంఆ తర్వాత వచ్చిన వాషింగ్టన్‌ సుందర్‌ (0) డకౌట్‌ అయ్యాడు. అనంతరం నితీశ్‌ రెడ్డి (53 బంతుల్లో 13) కాసేపు నిలబడినా.. క్రిస్‌ వోక్స్‌ అద్భుత డెలివరీతో అతడిని వెనక్కిపంపించేశాడు. ఈ క్రమంలో బాధ్యతను నెత్తికెత్తుకున్న ఆల్‌రౌండర్‌ రవీంద్ర జడేజా (61 నాటౌట్‌) ఒంటరి పోరాటం చేశాడు.అతడికి తోడుగా టెయిలెండర్‌ జస్‌ప్రీత్‌ బుమ్రా (54 బంతుల్లో 5) చాలాసేపు పట్టుదలగా నిలబడ్డాడు. కానీ బెన్‌ స్టోక్స్‌ బౌలింగ్‌లో షాట్‌ ఆడేందుకు ప్రయత్నించి సామ్‌ కుక్‌కు క్యాచ్‌ ఇచ్చి తొమ్మిదో వికెట్‌గా వెనుదిరగడంతో టీమిండియా అభిమానుల్లో గెలుపు ఆశలు దాదాపుగా చచ్చిపోయాయి. మహ్మద్‌ సిరాజ్‌ ఇలా వచ్చి అలా వెళ్లిపోతాడంటూ అంతా ఉసూరుమన్నారు.పాపం సిరాజ్‌ మియా..అయితే, అందరి అంచనాలు తలకిందులు చేస్తూ సిరాజ్‌ మియా 29 బంతుల్ని ఎదుర్కొని డిఫెండ్‌ చేసుకున్నాడు. ముప్పైవ బంతిని కూడా బాగానే డిఫెంగ్‌ చేసుకున్నా అనుకున్నాడు. కానీ ఊహించని రీతిలో బంతి పిచ్‌ మీద రోల్‌ అయి లెగ్‌ స్టంప్‌ను తాకగా బెయిల్‌ ఎగిరిపడింది.ఊహించని ఈ పరిణామంతో సిరాజ్‌తో పాటు టీమిండియా హృదయం కూడా ముక్కలైంది. ఇంగ్లండ్‌ బౌలర్‌ షోయబ్‌ బషీర్‌ స్పిన్‌ మాయాజాలంతో అలా సిరాజ్‌ పదో వికెట్‌గా వెనుదిరగ్గా.. లార్డ్స్‌లో టీమిండియా మరోసారి పరాజయాన్ని మూటగట్టుకుంది. ఈ క్రమంలో కోపంతో సిరాజ్‌ బ్యాట్‌ను నేలకేసి కొట్టిన వీడియోతో పాటు.. ఓటమి నేపథ్యంలో అతడు సోషల్‌ మీడియాలో షేర్‌ చేసిన పోస్ట్‌ వైరల్‌గా మారాయి.ఓటమిపై స్పందన ఇదే‘‘కొన్ని మ్యాచ్‌లు మన జ్ఞాపకాలుగా మిగిలిపోతాయి. అయితే, కేవలం ఫలితం ఆధారంగా మాత్రమే కాదు.. అవి నేర్పిన పాఠాల వల్ల అలా గుర్తుండిపోతాయి’’ అంటూ సిరాజ్‌ ఉద్వేగానికి లోనయ్యాడు. కాగా భారత్‌-ఇంగ్లండ్‌ మధ్య ఐదు టెస్టుల సిరీస్‌లో భాగంగా మూడు పూర్తి కాగా.. ఆతిథ్య జట్టు రెండు, పర్యాటక టీమిండియా ఒక మ్యాచ్‌ గెలిచాయి. ఇరుజట్ల మధ్య మాంచెస్టర్‌లో నాలుగో మ్యాచ్‌ జరుగనుంది. చదవండి: వాళ్లిద్దరిలో అత్యుత్తమ స్పిన్నర్‌ ఎవరు?.. కుండబద్దలు కొట్టేసిన లారా pic.twitter.com/Bm2Hp9Cm8K https://t.co/f4wTxyJSyg— Babu Bhaiya (@Shahrcasm) July 15, 2025

టీమిండియా స్టార్‌, రాయల్‌ చాలెంజర్స్‌ బెంగళూరు కీలక బ్యాటర్‌ జితేశ్‌ శర్మ (Jitesh Sharma)కు చేదు అనుభవం ఎదురైంది. భారత్‌- ఇంగ్లండ్‌ (Ind vs Eng) మధ్య మూడో టెస్టు వీక్షించేందుకు వెళ్తుంటే భద్రతా సిబ్బంది అతడిని అడ్డుకున్నారు. తాను ఎవరన్న విషయం స్పష్టంగా చెప్పినా.. లార్డ్స్‌ మైదానం (Lord's Stadium)లోకి ప్రవేశించకుండా ఆపేశారు.డీకేను సాయం కోరిన జితేశ్‌ఇలా జితేశ్‌ శర్మ స్టేడియం వెలుపల భద్రతా సిబ్బందితో పాట్లు పడుతున్న వేళ.. ఆర్సీబీ కోచ్‌, టీమిండియా- ఇంగ్లండ్‌ సిరీస్‌ కామెంటేటర్‌ దినేశ్‌ కార్తిక్‌ బయటకు వచ్చాడు. అయితే, అతడు ఎవరితోనో ఫోన్‌లో మాట్లాడుతూ బిజీగా ఉన్నాడు. ఇంతలో డీకేను చూసిన జితేశ్‌.. తనకు సాయం చేయాల్సిందిగా అతడిని కోరాడు.కానీ.. అప్పటికే ఆటోగ్రాఫ్‌లు, ఫొటోల కోసం తనను చుట్టుముట్టిన అభిమానుల గోల కారణంగా జితేశ్‌.. దినేశ్‌ కార్తిక్‌ను పిలిచినా అతడికి.. జితేశ్‌ గొంతు వినబడే పరిస్థితి లేకపోయింది. దీంతో జితేశ్‌ స్వయంగా డీకేకు ఫోన్‌ చేసి తన ఇబ్బంది గురించి చెప్పగా.. అతడు రంగంలోకి దిగాడు. అనంతరం ఇద్దరూ కలిసి మైదానంలోకి వెళ్లారు.ఇంతలా అవమానిస్తారా?.. అదేం లేదు!ఇందుకు సంబంధించిన దృశ్యాలను ఓ అభిమాని సోషల్‌ మీడియాలో పోస్ట్‌ చేయగా వైరల్‌ అవుతున్నాయి. ఈ క్రమంలో.. ‘‘అంతర్జాతీయ క్రికెటర్‌ అయిన జితేశ్‌ శర్మను ఇంతలా అవమానిస్తారా?’’ అంటూ ఆర్సీబీ ఫ్యాన్స్‌ మండిపడుతుండగా.. సెక్యూరిటీ సిబ్బంది తమ విధి నిర్వహణలో భాగంగానే ఇలా చేసిందని మరికొందరు కామెంట్‌ చేస్తున్నారు. అదే విధంగా.. లార్డ్స్‌ ఎంట్రీ విషయంలో కచ్చితమైన నిబంధనలు ఉంటాయని.. స్టువర్ట్‌ బ్రాడ్‌ సైతం రిటైర్‌ అయిన వెంటనే తనకు స్టేడియంలోకి నేరుగా వచ్చే యాక్సెస్‌ లేకుండా పోయిందని గుర్తుచేస్తున్నారు. ఆటగాళ్ల భద్రత దృష్ట్యా సిబ్బంది అలా ప్రవర్తించడంలో తప్పులేదని సమర్థిస్తున్నారు.ఆర్సీబీ గెలుపులో కీలక పాత్రకాగా 2023లో టీమిండియా తరఫున అంతర్జాతీయ క్రికెట్‌లో అడుగుపెట్టాడు విదర్భ ఆటగాడు జితేశ్‌ శర్మ. ఇప్పటికి ఏడు టీ20 మ్యాచ్‌లు ఆడి. 100 పరుగులు సాధించాడు. ఈ 31 ఏళ్ల వికెట్‌ కీపర్‌ బ్యాటర్‌ ఇప్పటి వరకు వన్డే, టెస్టుల్లో మాత్రం అరంగేట్రం చేయలేదు.ఇదిలా ఉంటే.. ఈ ఏడాది ఆర్సీబీ టైటిల్‌ గెలవడంలో జితేశ్‌ శర్మది కీలక పాత్ర. 15 మ్యాచ్‌లలో కలిపి 261 పరుగులు చేసిన జితేశ్‌.. రెగ్యులర్‌ కెప్టెన్‌ రజత్‌ పాటిదార్‌ గైర్హాజరీలో జట్టును ముందుండి నడిపించాడు కూడా!.. ఇక ఐపీఎల్‌-2025 ఫైనల్లో పంజాబ్‌ కింగ్స్‌ను ఓడించి ఆర్సీబీ తొలిసారి ట్రోఫీని ముద్దాడిన విషయం తెలిసిందే.ఇక ఐదు టెస్టులు ఆడేందుకు ఇంగ్లండ్‌లో పర్యటిస్తోన్న భారత జట్టు.. లార్డ్స్‌లో జరిగిన మూడో టెస్టులో 22 పరుగుల తేడాతో ఓటమిపాలైంది. దీంతో సిరీస్‌లో 1-2తో వెనుకబడింది గిల్‌ సేన. కాగా అంతకుముందు ముందు లీడ్స్‌లో జరిగిన తొలి టెస్టులో ఇంగ్లండ్‌ గెలవగా.. ఎడ్జ్‌బాస్టన్‌లో టీమిండియా ఘన విజయం సాధించింది. ఇరుజట్ల మధ్య మాంచెస్టర్‌లో నాలుగో టెస్టు జరుగుతుంది.చదవండి: వాళ్లిద్దరిలో అత్యుత్తమ స్పిన్నర్‌ ఎవరు?.. కుండబద్దలు కొట్టేసిన లారాpic.twitter.com/7gqAeAJHtx— Out Of Context Cricket (@GemsOfCricket) July 16, 2025

టీమిండియా యాజమాన్యం తీరుపై భారత మాజీ క్రికెటర్‌ డబ్ల్యూవీ రామన్‌ (WV Raman) విమర్శల వర్షం కురిపించాడు. ప్రతిభావంతులైన ఆటగాళ్లకు ఆడే అవకాశం ఎందుకు ఇవ్వడం లేదని ప్రశ్నించాడు. నాయకత్వ బృందం ఆలోచన విధానం, నిర్ణయాలు ఎవరికీ ఓ పట్టాన అర్థం కావంటూ ఘాటు వ్యాఖ్యలు చేశాడు.కాగా టెస్టుల్లో గత కొంతకాలంగా టీమిండియా చేదు ఫలితాలు చవిచూస్తున్న విషయం తెలిసిందే. స్వదేశంలో న్యూజిలాండ్‌ చేతిలో 3-0తో క్లీన్‌స్వీప్‌నకు గురైన భారత్‌.. ఆస్ట్రేలియాతో బోర్డర్‌- గావస్కర్‌ ట్రోఫీని 3-1తో చేజార్చుకుంది. తాజాగా ఇంగ్లండ్‌ (IND vs ENG)లో పర్యటిస్తున్న టీమిండియా ఐదు టెస్టుల సిరీస్‌లో 2-1తో వెనుకబడి ఉంది.బెంచ్‌కే పరిమితంఇక ఆస్ట్రేలియాతో పాటు ఇంగ్లండ్‌ టూర్‌లోనూ టీమిండియాతో ఉన్న ఆటగాడు అభిమన్యు ఈశ్వరన్‌ (Abhimanyu Eswaran). అయితే, ఇంత వరకు అతడికి అరంగేట్రం చేసే అవకాశం మాత్రం రాలేదు. ఈ బెంగాల్‌ వెటరన్‌ ప్లేయర్‌ దేశవాళీ క్రికెట్‌లో అదరగొడుతూ.. జాతీయ జట్టులో చోటు దక్కించుకున్నాడు. కానీ.. తుదిజట్టులో మాత్రం అతడికి స్థానం దక్కడం లేదు.ఈ నేపథ్యంలో భారత మాజీ బ్యాటర్‌ డబ్ల్యూవీ రామన్‌ మాట్లాడుతూ.. ‘‘నిజానికి అభిమన్యు ఈశ్వరన్‌ వంటి ప్రతిభావంతులైన ఆటగాళ్లకు వరుస అవకాశాలు ఇవ్వాలి. కానీ మేనేజ్‌మెంట్‌ అలా చేయడం లేదు. అతడి విషయంలో ఏదో ఒక నిర్ణయమైతే తీసుకోవాలి కదా!టూర్లకు తిప్పుతారంతే.. తుదిజట్టులో చోటు ఉండదుఓ క్రికెటర్‌ను వరుసగా టూర్లకు తిప్పుతారు.. కానీ తుదిజట్టులో మాత్రం చోటు ఇవ్వరు.. ఇలా చేయడంలో అర్థం ఉందా అసలు?.. ప్రత్యర్థి జట్టు, పిచ్‌ స్వభావం.. ఇలా పలు అంశాలను బట్టే తుదిజట్టు కూర్పు ఉంటుందని తెలుసు.. కానీ మరీ ఇలా ప్రతిసారీ అతడిని పక్కనపెట్టడం సరికాదు.కోచ్‌లు, సెలక్టర్లు బాగా ఆలోచించిన తర్వాతే జట్టును ఎంపిక చేస్తారు. మరి.. కొందరిని మాత్రం తుదిజట్టులో కనీసం ఒక్కసారైనా ఎందుకు ఆడించరు?.. తన గురించి యాజమాన్యం ఏమనుకుంటుందో అని సదరు ఆటగాడు కూడా ఆందోళనకు లోనవుతూ ఉంటాడు.అతడి సేవలను ఎలా ఉపయోగించుకోవాలి.. జట్టులో ఎలా ఆడించాలన్న అంశాలపై మేనేజ్‌మెంట్‌కు కూడా అవగాహన ఉండదు. మరి అలాంటపుడు అసలు ఎంపిక చేయడం ఎందుకు? అభిమన్యు మంచి ప్లేయర్‌. అయితే, అతడిని ఆడించాలా వద్దా అన్న అంశంపై మేనేజ్‌మెంట్‌ ఏదో ఒక నిర్ణయానికి రావాలి.సెంచరీల వీరుడుఅంతేగాని.. సెలక్ట్‌ చేసిన ప్రతిసారీ బెంచ్‌కే పరిమితం చేయడం సరికాదు’’ అని యాజమాన్యం తీరును తప్పుబట్టాడు. రెవ్‌స్పోర్ట్స్‌తో మాట్లాడుతూ డబ్ల్యూవీ రామన్‌ ఈ మేరకు విమర్శలు చేశాడు. కాగా 29 ఏళ్ల అభిమన్యు ఈశ్వరన్‌ ఫస్ట్‌క్లాస్‌ క్రికెట్‌లో ఇప్పటికి 103 మ్యాచ్‌లు ఆడి 49కు పైగా సగటుతో 7841 పరుగులు చేశాడు. ఇందులో ఏకంగా 27 శతకాలు, 31 హాఫ్‌ సెంచరీలు ఉండటం విశేషం. ఒక్క మ్యాచ్‌కే వేటు వేస్తారా?అదే విధంగా.. కేవలం ఒక టెస్టులో విఫలమైనంత మాత్రాన సాయి సుదర్శన్‌పై వేటు వేయడం కూడా సరికాదని డబ్ల్యూవీ రామన్‌ అభిప్రాయపడ్డాడు. కాగా ఇంగ్లండ్‌తో తొలి టెస్టు సందర్భంగా టెస్టుల్లో అరంగేట్రం చేసిన సాయి సుదర్శన్‌ తొలి ప్రయత్నంలోనే డకౌట్‌ అయ్యాడు. రెండో ఇన్నింగ్స్‌లో 30 పరుగులతో ఫర్వాలేదనిపించినా.. రెండో టెస్టు నుంచి అతడిని పక్కనపెట్టారు. మరోవైపు.. వరుస వైఫల్యాల వెటరన్‌ బ్యాటర్‌ కరుణ్‌ నాయర్‌కు మాత్రం ఇప్పటికి జరిగిన మూడు టెస్టుల్లోనూ ఆడే అవకాశం ఇచ్చారు.ఇంగ్లండ్‌తో టెస్టు సిరీస్‌కు బీసీసీఐ ఎంపిక చేసిన భారత జట్టుయశస్వి జైస్వాల్‌, కేఎల్‌ రాహుల్‌, సాయి సుదర్శన్‌, శుబ్‌మన్‌ గిల్‌ (కెప్టెన్‌), రిషభ్‌ పంత్‌(వికెట్‌ కీపర్‌), కరుణ్‌ నాయర్‌, రవీంద్ర జడేజా, శార్దూల్‌ ఠాకూర్‌, జస్‌ప్రీత్‌ బుమ్రా, మహ్మద్‌ సిరాజ్‌, ప్రసిద్‌ కృష్ణ, అభిమన్యు ఈశ్వరన్‌, వాషింగ్టన్‌ సుందర్‌, అర్ష్‌దీప్‌ సింగ్‌, ధ్రువ్‌ జురెల్‌, నితీశ్‌ కుమార్‌ రెడ్డి, ఆకాశ్‌ దీప్‌, కుల్దీప్‌ యాదవ్‌.చదవండి: అతడికి ఇంకొక్క అవకాశం ఇవ్వండి.. నాలుగో టెస్టులో ఆడించండి: కుంబ్లే

ఇంగ్లండ్‌తో నాలుగో టెస్టు నేపథ్యంలో భారత దిగ్గజ స్పిన్నర్‌ అనిల్‌ కుంబ్లే (Anil Kumble) టీమిండియా నాయకత్వ బృందానికి కీలక సూచనలు చేశాడు. లార్డ్స్‌ (Lord's Test)లో ఆడించిన తుదిజట్టునే మాంచెస్టర్‌లోనూ కొనసాగించాలని సూచించాడు. మూడో టెస్టులో టీమిండియా బాగానే ఆడిందని... అయితే, ఆఖరి వరకు పోరాడినా దురదృష్టవశాత్తూ ఓటమిపాలైందని పేర్కొన్నాడు.పొరపాట్లను సరిచేసుకుంటే నాలుగో టెస్టులో అనుకున్న ఫలితాన్ని రాబట్టవచ్చని.. కానీ ఇందుకోసం తుదిజట్టులో మాత్రం మార్పులు అవసరం లేదని కుంబ్లే అభిప్రాయపడ్డాడు. కాగా టెండుల్కర్‌- ఆండర్సన్‌ ట్రోఫీ (Tendulkar- Anderson Trophy)లో భాగంగా టీమిండియా ఇంగ్లండ్‌తో ఐదు టెస్టులు ఆడుతోంది.ఆధిక్యంలో ఆతిథ్య జట్టుఈ క్రమంలో తొలుత లీడ్స్‌లో ఇంగ్లండ్‌ గెలుపొందగా.. రెండో టెస్టులో భారత్‌ ఎడ్జ్‌బాస్టన్‌లో జయభేరి మోగించింది. ఇక ఇరుజట్ల మధ్య ఆఖరి రోజు వరకు ఉత్కంఠగా సాగిన లార్డ్స్‌ టెస్టులో మాత్రం గిల్‌ సేన 22 పరుగుల తేడాతో పరాజయాన్ని చవిచూసింది. ఫలితంగా ఇంగ్లండ్‌కు 2-1తో ఆధిక్యం దక్కింది.కరుణ్‌ నాయర్‌ వరుస వైఫల్యాలుకాగా ప్రఖ్యాత లార్డ్స్‌ మైదానంలో కెప్టెన్‌ శుబ్‌మన్‌ గిల్‌ (16, 6)తో పాటు కీలక ఆటగాళ్లు యశస్వి జైస్వాల్‌(13, 0 ), కరుణ్‌ నాయర్‌ (40, 14) విఫలం కావడం తీవ్ర ప్రభావం చూపింది. మరోవైపు.. వైస్‌ కెప్టెన్‌ రిషభ్‌ పంత్‌ సైతం తొలి ఇన్నింగ్స్‌ (74)లో రనౌట్‌ కావడం.. రెండో ఇన్నింగ్స్‌ (9)లో ఫెయిల్‌ అవడం టీమిండియా కొంపముంచింది.అయితే, వీరిలో ప్రధానంగా కరుణ్‌ నాయర్‌ వరుస వైఫల్యాల కారణంగా తీవ్ర స్థాయిలో విమర్శలు ఎదుర్కొంటున్నాడు. ఎనిమిదేళ్ల తర్వాత జట్టులోకి పునరాగమనం చేసిన ఈ విదర్భ స్టార్‌కు ఇంగ్లండ్‌లో వరుస అవకాశాలను సద్వినియోగం చేసుకోలేకపోవడం ఇందుకు కారణం.ఇంగ్లండ్‌తో సిరీస్‌లో కరుణ్‌ ఇప్పటి వరకు చేసిన స్కోర్లు వరుసగా.. 0, 20, 31, 26, 40, 14. ముఖ్యంగా లార్డ్స్‌ టెస్టు రెండో ఇన్నింగ్స్‌లో అతడు అవుటైన తీరు అభిమానులకు సైతం ఆగ్రహం తెప్పించింది. దీంతో అతడిపై వేటు వేయాలనే డిమాండ్లు పెరిగాయి.పంత్‌ విషయంలో నో క్లారిటీఈ నేపథ్యంలో అనిల్‌ కుంబ్లే మాత్రం కరుణ్‌ నాయర్‌కు మద్దతుగా నిలవడం విశేషం. నాలుగో టెస్టులో భారత తుదిజట్టు కూర్పు గురించి మాట్లాడుతూ.. ‘‘మాంచెస్టర్‌లో ఎలాంటి మార్పులు లేకుండా బరిలోకి దిగితేనే బాగుంటుంది. నిజానికి లార్డ్స్‌లో మనవాళ్లు అద్భుతంగా ఆడారు.అవును.. మనం 22 పరుగుల తేడాతో ఓడిపోయిన మాట వాస్తవమే. అయినా మనవాళ్లు ఆఖరి వరకు పోరాడిన తీరు అద్భుతం. గాయాల బెడదలు లేకుంటే ఇదే జట్టుతో కొనసాగవచ్చు. అయితే, రిషభ్‌ పంత్‌ (వేలికి గాయం) విషయంలో మాత్రం నేనేమీ కచ్చితంగా చెప్పలేను.అతడికి ఇంకొక్క అవకాశం ఇవ్వండిమరొక విషయం.. కరుణ్‌ నాయర్‌ తన చోటును పదిలం చేసుకుంటాడనే అనుకుంటున్నాను. ఎందుకంటే.. తొలి ఇన్నింగ్స్‌లో అతడు రాణించాడు. ఇక రెండో ఇన్నింగ్స్‌లో అతడు అవుటైన తీరు నిరాశపరిచినా.. అతడి బ్యాటింగ్‌కు మాత్రం పేరుపెట్టలేము. అతడు నెలకొల్పిన భాగస్వామ్యం కూడా మ్యాచ్‌లో కీలకమైనదే.తొలి ఇన్నింగ్స్‌లో ఒకవేళ నాయర్‌ ముందే అవుటై ఉంటే.. అప్పుడు గిల్‌ మరింత ముందుగానే కొత్త బంతిని ఎదుర్కోవాల్సి వచ్చేది. తొలి 20- 25 ఓవర్లు కీలకం. కాబట్టి ఈ విషయంలో నాయర్‌ను తప్పుబట్టడానికి లేదు. అతడు దురదృష్టవశాత్తూ అవుటయ్యాడు.జో రూట్‌ అద్భుతమైన క్యాచ్‌ పట్టడం వల్ల వెనుదిరిగాడు. కాబట్టి ఇంకొక్క అవకాశం పొందేందుకు కరుణ్‌ నాయర్‌ అర్హుడు’’ అని అనిల్‌ కుంబ్లే పేర్కొన్నాడు. స్టార్‌ స్పోర్ట్స్‌ షోలో ఈ మేరకు వ్యాఖ్యలు చేశాడు. కాగా జూలై 23- 27 మాంచెస్టర్‌ వేదికగా భారత్‌- ఇంగ్లండ్‌ మధ్య నాలుగో టెస్టుకు షెడ్యూల్‌ ఖరారైంది.చదవండి: ప్రపంచకప్‌ వార్మప్‌ మ్యాచ్‌ల షెడ్యూల్‌ విడుదల.. భారత్‌ ఎవరితో ఆడనుందంటే..?Ups & downs, fightbacks & heartbreaks, Day 5 of the Lord's Test had it all! 🙌"In the end, Cricket was the real winner!" ❤#ENGvIND | 4th Test starts WED, 23rd JULY, 2:30 PM | Streaming on JioHotstar! pic.twitter.com/ak9WkvZ2G2— Star Sports (@StarSportsIndia) July 14, 2025

టీమిండియాతో నాలుగో టెస్టుకు 14 మంది స‌భ్యుల‌తో కూడిన త‌మ జ‌ట్టును ఇంగ్లండ్ అండ్ వేల్స్ క్రికెట్ బోర్డు (ECB) మంగ‌ళ‌వారం ప్ర‌క‌టింది. ఎనిమిదేళ్ల త‌ర్వాత ఇంగ్లండ్ టెస్టు జ‌ట్టులోకి ఎడమచేతి వాటం స్పిన్నర్ లియామ్ డాసన్ పున‌రాగ‌మ‌నం చేశాడు. లార్డ్స్ టెస్టులో గాయ‌ప‌డిన స్పిన్నర్ షోయబ్ బషీర్ స్థానంలో లియామ్ డాసన్‌ను ఇంగ్లండ్ సెలక్టర్లు ఎంపిక చేశారు.ఈ విషయాన్ని ఈసీబీ సోషల్ మీడియా వేదికగా ప్రకటించింది. మూడో టెస్టులో బషీర్ చేతి వేలికి గాయం కావడంతో మిగిలిన రెండు టెస్టులకు బషీర్ దూరమయ్యాడు. డాసన్ చివరగా 2017లో దక్షిణాఫ్రికాపై ఇంగ్లండ్ తరపున టెస్టు మ్యాచ్ ఆడాడు. డొమాస్టిక్ క్రికెట్‌లో అద్బుతంగా రాణిస్తుండడంతో డాసన్‌కు సెలక్టర్లు పిలుపునిచ్చారు. అతడికి బ్యాట్‌తో రాణించే సత్తా కూడా ఉంది. దీంతో తుది జట్టులో అతడికి చోటు దక్కడం దాదాపు ఖాయమన్పిస్తోంది. ఇక తొలి మూడు టెస్టులో విఫలమైన ఓపెనర్ జాక్ క్రాలీకి సెలక్టర్లు మరో అవకాశమిచ్చారు. అదేవిధంగా ఇంగ్లండ్ టెస్టు జట్టులో భాగంగా ఉన్న జేమీ ఓవర్టన్, సామ్ కుక్, తిరిగి కౌంటీ క్రికెట్‌లోకి ఆడేందుకు వారిని ఈసీబీ రిలీజ్ చేసింది. భారత్‌-ఇంగ్లండ్ మధ్య నాలుగో టెస్టు మాంచెస్టర్ వేదికగా జూలై 23 నుంచి ప్రారంభం కానుంది.లార్డ్స్‌లో హార్ట్ బ్రేకింగ్‌..ఇక లార్డ్స్ వేదికగా జరిగిన మూడో టెస్టులో భారత్ పోరాడి ఓడిపోయింది. ఉత్కంఠభరితంగా సాగిన ఈ మ్యాచ్‌లో టీమ్ఇండియా 22 పరుగుల తేడాతో పరాజయం పాలైంది. 193 పరుగుల లక్ష్యఛేదనలో 170 రన్స్‌కు గిల్ సేన ఆలౌటైంది. స్టార్ ఆల్‌రౌండర్ రవీంద్ర జడేజా (181 బంతుల్లో 4 ఫోర్లు, 1 సిక్స్‌తో 61 నాటౌట్‌) విరోచిత పోరాటం కనబరిచినప్పటికి జట్టును గెలిపించలేకపోయాడు. ఇంగ్లండ్ బౌలర్లలో జోఫ్రా ఆర్చర్, బెన్ స్టోక్స్ తలా మూడు వికెట్లు పడగొట్టగా.. కార్స్ రెండు, క్రిస్ వోక్స్, షోయబ్ బషీర్ ఒక్కో వికెట్ పడగొట్టారు. ఈ విజయంతో ఐదు టెస్టుల సిరీస్‌లో ఇంగ్లాండ్ 2-1తో ఆధిక్యంలోకి వెళ్లింది.నాలుగో టెస్టుకు ఇంగ్లండ్ జ‌ట్టుబెన్ స్టోక్స్ (డర్హామ్) - కెప్టెన్, జోఫ్రా ఆర్చర్ (సస్సెక్స్), గస్ అట్కిన్సన్ (సర్రే), జాకబ్ బెథెల్ (వార్విక్‌షైర్), హ్యారీ బ్రూక్ (యార్క్‌షైర్), బ్రైడాన్ కార్స్ (డర్హామ్), జాక్ క్రాలే (కెంట్), లియామ్ డాసన్ (హాంప్‌షైర్), బెన్ డకెట్ (నాటింగ్‌హామ్‌షైర్), ఓలీ పోప్ (సర్రే), జో రూట్ (యార్క్‌షైర్), జేమీ స్మిత్ (సర్రే), జోష్ టంగ్ (నాటింగ్‌హామ్‌షైర్), క్రిస్ వోక్స్ (వార్విక్‌షైర్)

లార్డ్స్‌ టెస్టులో టీమిండియా స్టార్‌ కేఎల్‌ రాహుల్‌ (KL Rahul) అవుటైన తీరుపై భారత క్రికెట్‌ దిగ్గజం సునిల్‌ గావస్కర్‌ తీవ్ర అసంతృప్తి వ్యక్తం చేశాడు. రాహుల్‌ విషయంలో థర్డ్‌ అంపైర్‌ నిర్ణయాన్ని విమర్శించాడు. భారత బౌలర్ల విషయంలో ఒకలా.. ఇంగ్లండ్‌ బౌలర్ల విషయంలో మరోలా వ్యవహరించడం సరికాదన్నాడు. పక్షపాతంగా ఉండే టెక్నాలజీ ఎవరి కోసమంటూ ఆగ్రహం వ్యక్తం చేశాడు.కాగా మూడో టెస్టులో ఇంగ్లండ్‌ విధించిన 193 పరుగుల లక్ష్యాన్ని ఛేదించడంలో భారత్‌ తడబడుతోంది. 58/4 ఓవర్‌నైట్‌ స్కోరుతో సోమవారం నాటి ఆఖరిదైన ఐదో రోజు ఆట మొదలుపెట్టిన టీమిండియాకు వరుస షాకులు తగిలాయి. కీలక బ్యాటర్‌ రిషభ్‌ పంత్‌ (9) జోఫ్రా ఆర్చర్‌ సంధించిన సూపర్‌ డెలివరీకి బౌల్డ్‌ కాగా.. ఆ వెంటనే కేఎల్‌ రాహుల్‌ (39) ఎల్బీడబ్ల్యూగా వెనుదిరిగాడు.ఇంగ్లండ్‌ కెప్టెన్‌ బెన్‌ స్టోక్స్‌ (Ben Stokes) బౌలింగ్‌లో బంతి రాహుల్‌ ప్యాడ్‌ను తగిలినట్లు అనిపించగా.. ఇంగ్లండ్‌ గట్టిగా అప్పీలు చేసింది. అయితే, ఫీల్డ్‌ అంపైర్‌ మాత్రం నాటౌట్‌ ఇచ్చాడు. దీంతో స్టోక్స్‌ రివ్యూకు వెళ్లగా.. థర్డ్‌ అంపైర్‌ లెగ్‌ బిఫోర్‌ వికెట్‌గా ప్రకటించడంతో రాహుల్‌ క్రీజును వీడాల్సి వచ్చింది.రీప్లేలో బంతి రాహుల్‌ ప్యాడ్‌ను తగిలినట్లుగా కనిపించినప్పటికీ.. బ్యాట్‌ను కూడా తాకినట్లుగా మరో శబ్దం వినిపించింది. అయితే, ముందుగా బ్యాట్‌ను తాకిందా లేదంటే ప్యాడ్‌ను తాకిందా అనేది స్పష్టంగా తేలలేదు. అయితే, బాల్‌ ట్రాకింగ్‌లో మాత్రం బంతి స్టంప్స్‌ను ఎగురగొట్టినట్లుగా తేల్చిన థర్డ్‌ అంపైర్‌.. రాహుల్‌ను అవుట్‌గా ప్రకటించాడు.అసలు ఇదేం టెక్నాలజీఈ విషయంపై కామెంటేటర్‌ సునిల్‌ గావస్కర్‌ స్పందిస్తూ.. ‘‘ఏంటో.. ఈసారి ఆశ్చర్యకరంగా ఈసారి ఎక్కువగా బౌన్స్‌ అవ్వనేలేదు. భారత బౌలర్లు బౌలింగ్‌ చేస్తున్నపుడు మాత్రం.. రివ్యూల్లో బాల్స్‌ అన్నీ స్టంప్స్‌ మీదుగా వెళ్లిపోయినట్లుగా కనిపించాయి. అసలు ఇదేం టెక్నాలజీ అని నేను ప్రశ్నిస్తున్నా’’ అంటూ ఫైర్‌ అయ్యాడు.భారత్‌ తడ‘బ్యా’టుకాగా భారత్‌- ఇంగ్లండ్‌ మధ్య మూడో టెస్టులో ఆఖరి రోజైన సోమవారం ఫలితం తేలనుంది. భోజన విరామ సమయానికి టీమిండియా 39.3 ఓవర్లలో ఎనిమిది వికెట్ల నష్టానికి 112 పరుగులు చేసింది. టీమిండియా విజయానికి 81 పరుగుల దూరంలో ఉండగా.. ఇంగ్లండ్ గెలుపునకు కేవలం రెండు వికెట్లు తీస్తే చాలు.భారత బ్యాటర్లలో ఓపెనర్‌ యశస్వి జైస్వాల్‌ (0), కరుణ్‌ నాయర్‌ (14), కెప్టెన్‌ శుబ్‌మన్‌ గిల్‌ (6) పూర్తిగా విఫలం కాగా.. నైట్‌ వాచ్‌మన్‌ ఆకాశ్‌ దీప్‌ (1) ఇలా వచ్చి అలా వెళ్లిపోయాడు. రిషభ్‌ పంత్‌ (9), వాషింగ్టన్‌ సుందర్‌ (0), నితీశ్‌ కుమార్‌ రెడ్డి (13) నిరాశపరచగా.. ప్రస్తుతానికి భారత ఇన్నింగ్స్‌లో కేఎల్‌ రాహుల్‌ 39 పరుగులతో టాప్‌ రన్‌ స్కోరర్‌గా నిలిచాడు. రవీంద్ర జడేజా 17 పరుగులతో బ్యాటింగ్‌ చేస్తున్నాడు.చదవండి: IND vs ENG: సిరాజ్‌కు భారీ షాకిచ్చిన ఐసీసీ

లార్డ్స్‌ టెస్టులో గెలుపు తమదేనని టీమిండియా యువ ఆల్‌రౌండర్‌ వాషింగ్టన్‌ సుందర్‌ అన్నాడు. ఐదో రోజు ఆటలో భోజన విరామ సమయం తర్వాత తాము గెలుపు జెండా ఎగురవేయడం ఖాయమని విశ్వాసం వ్యక్తం చేశాడు. కాగా భారత్‌- ఇంగ్లండ్‌ మధ్య మూడో టెస్టు ప్రఖ్యాత లార్డ్స్‌ మైదానంలో జరుగుతున్న విషయం తెలిసిందే.ఇందులో టాస్‌ గెలిచిన ఇంగ్లండ్‌ 387 పరుగులు చేయగా.. బదులుగా టీమిండియా కూడా తొలి ఇన్నింగ్స్‌లో సరిగ్గా అంతే స్కోరు చేసింది. ఈ క్రమంలో రెండో ఇన్నింగ్స్‌లో ఇంగ్లండ్‌ను భారత బౌలర్లు 192 పరుగులకే పడగొట్టేశారు. ఆదివారం నాటి నాలుగో రోజు ఆటలో భాగంగా స్పిన్‌ బౌలింగ్‌ ఆల్‌రౌండర్‌ వాషింగ్టన్‌ సుందర్‌ జో రూట్‌ (40), కెప్టెన్‌ బెన్‌ స్టోక్స్‌ (33), జేమీ స్మిత్‌ (8)ల రూపంలో మూడు కీలక వికెట్లు పడగొట్టడంతో పాటు.. ఆఖర్లో షోయబ్‌ బషీర్‌ (2)ను పెవిలియన్‌కు పంపాడు.మిగతా బౌలర్లలో జస్‌ప్రీత్‌ బుమ్రా, మహ్మద్‌ సిరాజ్‌ రెండేసి వికెట్లు దక్కించుకోగా.. నితీశ్‌ రెడ్డి, ఆకాశ్‌ దీప్‌ తలా ఒక వికెట్‌ తీశారు. ఈ క్రమంలో ఆదివారమే లక్ష్య ఛేదన (193)కు దిగిన గిల్‌ సేన.. ఆట పూర్తయ్యేసరికి నాలుగు వికెట్ల నష్టానికి 58 పరుగులు చేసింది. ఇక ఐదో రోజు ఆటలో టీమిండియా 135 పరుగులు చేస్తే లార్డ్స్‌లో విజయభేరి మోగించగలదు.ఈ నేపథ్యంలో వాషింగ్టన్‌ సుందర్‌ మాట్లాడుతూ.. ‘‘మేము గెలవబోతున్నాము. మొదటి సెషన్‌లోనే ఈ పని పూర్తి కావచ్చు. బహుశా లంచ్‌ తర్వాత మా విజయం లాంఛనమే. ప్రస్తుతం మేము పటిష్ట స్థితిలోనే ఉన్నాము.అయితే, ఆట ముగిసే సరికి కేవలం ఒక్క వికెట్‌ మాత్రమే కోల్పోయి ఉంటే.. ఇంకాస్త ముందుగానే విజయం వరించేది. ఏదేమైనా ఆదివారం మేము అద్భుతంగా బౌలింగ్‌ చేశాము. ఒత్తిడి ఉన్నా ఎక్కడా తడబడలేదు’’ అని పేర్కొన్నాడు.ఇదిలా ఉంటే.. 58/4 ఓవర్‌నైట్‌ స్కోరుతో సోమవారం ఆట మొదలుపెట్టిన టీమిండియాకు ఆదిలోనే షాక్‌ తగిలింది. స్టార్‌ బ్యాటర్‌ రిషభ్‌ పంత్‌ (9).. జోఫ్రా ఆర్చర్‌ బౌలింగ్‌లో క్లీన్‌బౌల్డ్‌ అయ్యాడు. కాసేపటికే కేఎల్‌ రాహుల్‌ (39) కూడా వెనుదిరిగాడు.స్టోక్స్‌ అతడిని వికెట్ల ముందు దొరకబుచ్చుకున్నాడు. దీంతో 23.5 ఓవర్లలో 81 పరుగులకే ఆరు వికెట్లు కోల్పోయి కష్టాల్లో కూరుకుపోయింది. అంతకుముందు.. యశస్వి జైస్వాల్‌ (0), కరుణ్‌ నాయర్‌ (14), కెప్టెన్‌ శుబ్‌మన్‌ గిల్‌ (6), ఆకాశ్‌ దీప్‌ (1) పూర్తిగా నిరాశపరిచారు. కాగా తొలి టెస్టులో ఇంగ్లండ్‌ గెలవగా.. రెండో టెస్టులో భారత్‌ విజయం సాధించి.. సిరీస్‌ను 1-1తో సమం చేసిన విషయం తెలిసిందే.

టీమిండియా- ఇంగ్లండ్‌ (IND vs ENG) మధ్య మూడో టెస్టు ముగింపు దశకు చేరుకుంది. సోమవారం నాటి ఆటలో పైచేయి సాధించిన జట్టునే విజయం వరించనుంది. భారత్‌ గెలుపొందాలంటే ఆఖరి రోజు 135 పరుగులు చేయాల్సి ఉండగా.. ఇంగ్లండ్‌కు ఆరు వికెట్లు తీయాల్సి ఉంది.మొదటి గంట కీలకంఈ నేపథ్యంలో ఇంగ్లండ్‌ అసిస్టెంట్‌ కోచ్‌ మార్కస్‌ ట్రెస్కోతిక్‌ (Marcus Trescothick) టీమిండియాకు హెచ్చరికలు జారీ చేశాడు. ‘‘నాలుగోరోజు ఆట ఆఖర్లో మా వాళ్లు అద్భుతం చేశారు. ప్రేక్షకుల నుంచి కూడా మాకు విశేషమైన స్పందన లభించింది. వారి కేరింతలు మా వాళ్ల ఉత్సాహాన్ని రెట్టింపు చేశాయి.ఆరు వికెట్లు పడగొడతాంరేపు (సోమవారం) మొదటి గంట కీలకం. అప్పుడు టీమిండియా ఏమేరకు ఆధిపత్యం కొనసాగిస్తుందో.. ఏ మేర సానుకూల దృక్పథంతో ఉంటుందో చూడాలి. ఫస్ట్‌ అవర్‌లో మేమైతే మిగిలిన ఆ ఆరు వికెట్లు కూలుస్తామనే నమ్మకం ఉంది’’ అంటూ మార్కస్‌ ధీమా వ్యక్తం చేశాడు. ఆదివారం నాటి ఆట పూర్తయిన తర్వాత మీడియాతో మాట్లాడుతూ ఈ మేరకు వ్యాఖ్యలు చేశాడు.కాగా భారత్‌- ఇంగ్లండ్‌ మధ్య ఐదు టెస్టుల సిరీస్‌లో జరుగుతోంది. ఇందులో భాగంగా లీడ్స్‌లో ఇంగ్లండ్‌ గెలవగా.. ఎడ్జ్‌బాస్టన్‌లో టీమిండియా చారిత్రాత్మక విజయం సాధించింది. దీంతో సిరీస్‌ ప్రస్తుతం 1-1తో సమంగా ఉండగా.. లార్డ్స్‌లో మూడో టెస్టు జరుగుతోంది.387- 387ఈ మ్యాచ్‌లో టాస్‌ గెలిచిన ఇంగ్లండ్‌ తొలుత బ్యాటింగ్‌ చేసి.. 387 పరుగులకు ఆలౌట్‌ అయింది. జో రూట్‌ (104) సెంచరీతో సత్తా చాటగా.. జేమీ స్మిత్‌ (51), బ్రైడన్‌ కార్స్‌ (56) అర్ధ శతకాలతో సత్తా చాటారు. భారత బౌలర్లలో జస్‌ప్రీత్‌ బుమ్రా ఐదు వికెట్లతో చెలరేగగా.. సిరాజ్‌, నితీశ్‌ కుమార్‌ రెడ్డి చెరో మూడు వికెట్లు పడగొట్టారు. రవీంద్ర జడేజాకు ఒక వికెట్‌ దక్కింది.అనంతరం తమ మొదటి ఇన్నింగ్స్‌లో టీమిండియా కూడా సరిగ్గా 387 పరుగులకే ఆలౌట్‌ అయింది. కేఎల్‌ రాహుల్‌ (100) శతక్కొట్టగా.. రవీంద్ర జడేజా (74) హాఫ్‌ సెంచరీతో మెరిశాడు. ఇంగ్లండ్‌ బౌలర్లలో క్రిస్‌ వోక్స్‌ మూడు, జోఫ్రా ఆర్చర్‌, బెన్‌ స్టోక్స్‌ చెరో రెండు, బ్రైడన్‌ కార్స్‌, షోయబ్‌ బషీర్‌ ఒక్కో వికెట్‌ తమ ఖాతాలో వేసుకున్నారు.ఈ క్రమంలో రెండో ఇన్నింగ్స్‌లో ఇంగ్లండ్‌ 192 పరుగులకే కుప్పకూలింది. వాషింగ్టన్‌ సుందర్‌ నాలుగు వికెట్లతో సత్తా చాటగా.. బుమ్రా, సిరాజ్‌ రెండేసి వికెట్లు కూల్చారు. నితీశ్‌ రెడ్డి, ఆకాశ్‌ దీప్‌లు చెరో వికెట్‌ దక్కించుకున్నారు. ఇక ఇంగ్లండ్‌ విధించిన 193 పరుగుల లక్ష్యాన్ని ఛేదించే క్రమంలో భారత జట్టు ఆదివారం నాలుగు వికెట్లు నష్టపోయి.. 58 పరుగులు చేసింది. చదవండి: IND vs ENG: సిరాజ్‌కు భారీ షాకిచ్చిన ఐసీసీ

టీమిండియా పేస్‌ బౌలర్‌ మహ్మద్‌ సిరాజ్‌ (Mohammed Siraj)కు అంతర్జాతీయ క్రికెట్‌ మండలి (ICC) భారీ షాకిచ్చింది. అతడి మ్యాచ్‌ ఫీజులో 15 శాతం కోత విధించింది. ఐసీసీ ప్రవర్తనా నియమావళిని ఉల్లంఘించినందుకు గానూ ఈ మేర జరిమానా వేసింది. అంతేకాదు.. సిరాజ్‌ ఖాతాలో ఓ డీమెరిట్‌ పాయింట్‌ కూడా జతచేసింది.సమంగా..కాగా టెండుల్కర్‌- ఆండర్సన్‌ ట్రోఫీ (Tendulkar- Anderson Trophy)లో భాగంగా భారత్‌ ఇంగ్లండ్‌తో ఐదు టెస్టులు ఆడుతోంది. మొదటి రెండింటిలో తలా ఓ టెస్టు గెలిచి ఇరుజట్లు ప్రస్తుతం 1-1తో సమంగా న్నాయి. ఈ క్రమంలో ఇరుజట్ల మధ్య లార్డ్స్‌లో గురువారం మూడో టెస్టు మొదలుకాగా.. టాస్‌ గెలిచి తొలుత బ్యాటింగ్‌ చేసిన ఇంగ్లండ్‌ తొలి ఇన్నింగ్స్‌లో 387 పరుగులు చేసింది.టీమిండియా కూడా సరిగ్గా 387 పరుగులకే తొలి ఇన్నింగ్స్‌లో ఆలౌట్‌ అయింది. ఈ క్రమంలో రెండో ఇన్నింగ్స్‌ మొదలుపెట్టిన ఇంగ్లండ్‌ ఆదివారం నాటి నాలుగోరోజు ఆటలో భాగంగా 192 పరుగులకు ఆలౌట్‌ అయి.. టీమిండియాకు 193 పరుగుల లక్ష్యాన్ని విధించింది.కీలక వికెట్లు కూల్చిన సిరాజ్‌ఇక ఇంగ్లండ్‌ రెండో ఇన్నింగ్స్‌లో సిరాజ్‌.. ఇంగ్లిష్‌ జట్టు ఓపెనర్‌ బెన్‌ డకెట్‌ (12)తో పాటు.. వన్‌డౌన్‌ బ్యాటర్‌ ఓలీ పోప్‌ (4) రూపంలో రెండు కీలక వికెట్లు కూల్చి.. టీమిండియాకు బ్రేక్‌ ఇచ్చాడు. అయితే, డకెట్‌ను అవుట్‌ చేసిన సమయంలో సిరాజ్‌ ​సంబరాన్ని పట్టలేక అత్యుత్సాహం ప్రదర్శించాడు. డకెట్‌ భుజాన్ని రాసుకుంటూ వెళ్తూ వైల్డ్‌గా సెలబ్రేట్‌ చేసుకున్నాడు.THE AGGRESSION FROM DSP SIRAJ AFTER DISMISSING DUCKETT. 🥶pic.twitter.com/AehUlhE29t— Mufaddal Vohra (@mufaddal_vohra) July 13, 2025 అలా అయితే ఓ మ్యాచ్‌ నిషేధం!ఈ నేపథ్యంలో ఐసీసీ ప్రవర్తనా నియమావళిలోని ఆర్టికల్‌ 2.5 నిబంధనను సిరాజ్‌ ఉల్లంఘించినట్లయింది. అంతర్జాతీయ క్రికెట్‌ మ్యాచ్‌లో ఓ బ్యాటర్‌ అవుటైనపుడు వారిని రెచ్చగొట్టే విధంగా వ్యాఖ్యలు చేయడం, వారితో అనుచిత రీతిలో ప్రవర్తించడం నేరం. ఇందుకు ప్రతిగా అత్యుత్సాహం ప్రదర్శించిన బౌలర్‌కు తగిన శిక్ష పడుతుంది. ఇప్పుడు సిరాజ్‌ విషయంలోనూ ఇదే జరిగింది. అతడి మ్యాచ్‌ ఫీజులో 15 శాతం కోత విధించిన ఐసీసీ.. గడిచిన 24 నెలలకాలంలో సిరాజ్‌ రెండోసారి ఈ తప్పిదానికి పాల్పడినందుకు గానూ ఇప్పటికే తన ఖాతాలో ఉన్న ఓ డీమెరిట్‌ పాయింట్‌కు మరొకటి జతచేసింది.ఒకవేళ 24 నెలల కాలంలో ఓ ప్లేయర్‌ ఖాతాలో నాలుగు లేదా అంతకంటే ఎక్కువ డీమెరిట్‌ పాయింట్లు గనుక చేరినట్లయితే అతడిపై మ్యాచ్‌ నిషేధం పడుతుంది. ఇదిలా ఉంటే.. ఆదివారం నాటి ఆట పూర్తయ్యేసరికి టీమిండియా నాలుగు వికెట్ల నష్టానికి 58 పరుగులు చేసింది. విజయానికి ఇంకా 135 దూరంలో నిలిచింది. చదవండి: Divorce: సైనా అలా.. పారుపల్లి కశ్యప్‌ ఇలా!.. ఇన్‌స్టా పోస్ట్‌ వైరల్‌

ఆస్ట్రేలియా ఫాస్ట్‌ బౌలర్‌ స్కాట్‌ బోలాండ్‌ (Scott Boland) సరికొత్త చరిత్ర సృష్టించాడు. సమకాలీన బౌలర్లలో ఎవరికీ సాధ్యం కాని అరుదైన ఘనత సాధించాడు. 1915 తర్వాత టెస్టు క్రికెట్‌లో అత్యుత్తమ బౌలింగ్‌ గణాంకాలు నమోదు చేసిన ఆటగాడిగా రికార్డులకెక్కాడు.వెస్టిండీస్‌తో మూడో టెస్టు సందర్భంగా బోలాండ్‌ ఈ ఫీట్‌ నమోదు చేశాడు. కాగా వెస్టిండీస్‌ పర్యటనలో భాగంగా ఆస్ట్రేలియా ఆతిథ్య జట్టుతో మూడు టెస్టులు, ఐదు టీ20లు ఆడుతోంది. ఇందులో భాగంగా తొలుత టెస్టు సిరీస్‌ మొదలుకాగా.. మొదటి రెండు మ్యాచ్‌లు గెలిచి సిరీస్‌ను కైవసం చేసుకుంది ఆసీస్‌.225 పరుగులకు ఆసీస్‌ ఆలౌట్‌ఈ క్రమంలో విండీస్‌- ఆసీస్‌ (WI vs AUS) మధ్య నామమాత్రపు మూడో టెస్టు జమైకా వేదికగా శనివారం మొదలైంది. కింగ్‌స్టన్‌లోని సబీనా పార్క్‌ మైదానంలో టాస్‌ గెలిచిన ఆస్ట్రేలియా తొలుత బ్యాటింగ్‌ చేసింది. కామెరాన్‌ గ్రీన్‌ (46), స్టీవ్‌ స్మిత్‌ (48) రాణించడంతో తొలి ఇన్నింగ్స్‌లో 225 పరుగులు చేయగలిగింది. విండీస్‌ బౌలర్లలో షమార్‌ జోసెఫ్‌ నాలుగు వికెట్లు కూల్చగా.. జేడన్‌ సీల్స్‌, జస్టిన్‌ గ్రీవ్స్‌ తలా మూడు వికెట్లు పడగొట్టారు.143 పరుగులకు కుప్పకూలిన విండీస్‌ఇక ఆసీస్‌ ఆలౌట్‌ అయిన తర్వాత తమ తొలి ఇన్నింగ్స్‌ మొదలుపెట్టిన వెస్టిండీస్‌.. 143 పరుగులకే కుప్పకూలింది. జాన్‌ కాంప్‌బెల్‌ చేసిన 36 పరుగులే విండీస్‌ ఇన్నింగ్స్‌లో టాప్‌ స్కోర్‌. దీనిని బట్టి ఆసీస్‌ బౌలర్ల విజృంభణ ఏ స్థాయిలో ఉందో అర్థం చేసుకోవచ్చు. స్కాట్‌ బోలాండ్‌ అత్యుత్తమంగా 13.1 ఓవర్లలో కేవలం 34 పరుగులు ఇచ్చి ఏకంగా మూడు వికెట్లు కూల్చాడు. మిగతా వారిలో కెప్టెన్‌ ప్యాట్‌ కమిన్స్‌, జోష్‌ హాజిల్‌వుడ్‌ రెండేసి వికెట్లు పడగొట్టగా.. మిచెల్‌ స్టార్క్‌, బ్యూ వెబ్‌స్టర్‌ ఒక్కో వికెట్‌ తమ ఖాతాలో వేసుకున్నారు.కాగా వెస్టిండీస్‌తో టెస్టులో ఉత్తమంగా రాణించిన స్కాట్‌ బోలాండ్‌.. ఓ అరుదైన రికార్డును సాధించాడు. 1915 తర్వాత టెస్టు క్రికెట్‌లో కనీసం 2000 డెలివరీలు సంధించిన బౌలర్లలో అత్యుత్తమ సగటు కలిగిన ఆటగాడిగా నిలిచాడు. తన నాలుగేళ్ల కెరీర్‌లో 17.33 సగటుతో బోలాండ్‌ 59 వికెట్లు కూల్చాడు. ఇక 1901- 1914 వరకు ఇంగ్లండ్‌కు ఆడిన సిడ్నీ బార్న్స్‌ 16.43 సగటుతో వికెట్లు కూల్చాడు.1915 నుంచి ఇప్పటికి.. 2000 డెలివరీల తర్వాత అత్యుత్తమ బౌలింగ్‌ యావరేజ్‌ కలిగి ఉన్న బౌలర్లు (యాక్టివ్‌ క్రికెటర్లలో)👉స్కాట్‌ బోలాండ్‌ (ఆస్ట్రేలియా): 2021-2025- 17.33 సగటుతో 59 వికెట్లు👉బెర్ట్‌ ఐరన్‌మోంగర్‌ (ఆస్ట్రేలియా): 1928- 1933- 17.97 సగటుతో 74 వికెట్లు👉ఫ్రాంక్‌ టైసన్‌ (ఇంగ్లండ్‌): 1954- 1959- 18.56 సగటుతో 76 వికెట్లు👉అక్షర్‌ పటేల్‌ (ఇండియా): 2021-2024- 19.34 సగటుతో 55 వికెట్లు👉జస్‌ప్రీత్‌ బుమ్రా (ఇండియా): 2018-2025- 19.48 సగటుతో 217 వికెట్లు. చదవండి: ENG VS IND 3rd Test: 23 ఏళ్ల కిందటి రాహుల్‌ ద్రవిడ్‌ రికార్డును బద్దలు కొట్టిన గిల్‌

లార్డ్స్ వేదికగా ఇం‍గ్లండ్‌తో జరుగుతున్న మూడో టెస్టులో టీమిండియా ఓపెనర్ కేఎల్ రాహుల్ అద్బుతమైన సెంచరీ సాధించాడు. తొలి ఇన్నింగ్స్‌ ఆరంభంలోనే యశస్వి జైశ్వాల్‌, కెప్టెన్ శుబ్‌మన్ గిల్ వికెట్లు కోల్పోయిన భారత జట్టును.. తన సూపర్ పెర్ఫార్మెన్స్‌తో రాహుల్ ఆదుకున్నాడు.రిషబ్ పం‍త్‌తో కలిసి నాలగో వికెట్‌కు 140 పరుగులకు పైగా భాగస్వామ్యాన్ని నెలకొల్పాడు. 177 బంతుల్లో స‌రిగ్గా 100 ప‌రుగులు చేసి రాహుల్ ఔట‌య్యాడు. ఈ క్ర‌మంలో రాహుల్ ఓ అరుదైన రికార్డును త‌న ఖాతాలో వేసుకున్నాడు.మూడో ప్లేయర్‌గా..సేనా( దక్షిణాఫ్రికా, ఇంగ్లండ్, న్యూజిలాండ్, ఆస్ట్రేలియా) దేశాల్లో టెస్టుల్లో అత్య‌ధిక సార్లు ఫిఫ్టీ ప్ల‌స్ స్కోర్లు సాధించిన మూడో ఏసియన్ బ్యాట‌ర్‌గా రాహుల్ నిలిచాడు. రాహుల్‌కు ఇది సేనా దేశాల్లో 11వ ఫిప్టీ స్కోర్ కావ‌డం విశేషం. ఇప్ప‌టివ‌ర‌కు ఈ రికార్డు టీమిండియా లెజెండ‌రీ ఓపెన‌ర్ వీరేంద్ర సెహ్వాగ్, బంగ్లా మాజీ ప్లేయ‌ర్ త‌మీమ్ ఇక్భాల్‌, సయీద్ అన్వర్ పేరిట సంయుక్తంగా ఉండేది.ఈ దిగ్గ‌జ ఆట‌గాళ్లు త‌మ కెరీర్‌లో సేనా దేశాల్లో 10 సార్లు 50+ పరుగులు చేశారు. తాజా ఇన్నింగ్స్‌తో వీరిని కేఎల్ అధిగమించాడు. ఈ అరుదైన ఘనత సాధించిన జాబితాలో సునీల్ గవాస్కర్ అగ్రస్ధానంలో ఉన్నాడు. అతడు 12 సార్లు 19 సార్లు ఏభైకి పైగా పరుగులు సాధించాడు. ఆ తర్వాత స్ధానంలో దిముత్ కరుణరత్నే(12) కొనసాగుతున్నాడు.ఇక లార్డ్స్ టెస్టు ఆస‌క్తిక‌రంగా సాగుతోంది. ఇంగ్లండ్ తమ తొలి ఇన్నింగ్స్‌లో 387 ప‌రుగులు చేయ‌గా.. టీమిండియా సైతం సరిగ్గా 387 ప‌రుగుల‌కు ఆలౌటైంది. మూడో రోజు ఆట ముగిసే సమయానికి ఇంగ్లండ్ తమ రెండో ఇన్నింగ్స్‌లో వికెట్ నష్టపోకుండా రెండు పరుగులు చేసింది.

ఇంగ్లండ్ గ‌డ్డ‌పై టీమిండియా స్టార్ వికెట్ కీప‌ర్ బ్యాట‌ర్ రిష‌బ్ పంత్ దుమ్ములేపుతున్నాడు. లార్డ్స్ వేదిక‌గా ఇంగ్లండ్‌తో జ‌రుగుతున్న మూడో టెస్టులో పంత్ అద్బుత‌మైన నాక్ ఆడాడు. ఓవైపు చేతి వేలి గాయంతో పోరాడుతూనే కీల‌క ఇన్నింగ్స్ ఆడాడు. తొలి ఇన్నింగ్స్‌లో 112 బంతులు ఎదుర్కొని 8 ఫోర్లు, 2 సిక్స్‌ల సాయంతో 74 పరుగులు చేశాడు. ఈ క్ర‌మంలో పంత్ పలు అరుదైన రికార్డుల‌ను త‌న పేరిట లిఖించుకున్నాడు.పంత్‌ సాధించిన రికార్డులు ఇవే..👉టెస్టు క్రికెట్‌లో ఇంగ్లండ్‌పై అత్య‌ధిక సిక్స‌ర్లు బాదిన ఆట‌గాడిగా రిష‌బ్ పంత్ వ‌ర‌ల్డ్ రికార్డు సృష్టించాడు. ఇప్పటివరకు ఇంగ్లండ్‌పై 15 టెస్టులు ఆడిన పంత్‌.. 36 సిక్సర్లు బాదాడు. ఇంతకుముందు ఈ రికార్డు వెస్టిండీస్ దిగ్గజ బ్యాటర్ వివ్ రిచర్డ్స్ పేరిట ఉండేది.రిచర్డ్స్ తన17 ఏళ్ల టెస్ట్ కెరీర్‌లో ఇంగ్లండ్‌పై 36 టెస్టులు ఆడి 34 సిక్సర్లు కొట్టాడు. తాజా మ్యాచ్‌లో రెండు సిక్సర్లు బాదిన పంత్‌.. విండీస్ గ్రేట్‌ను ఆధగమించాడు.👉అదేవిధంగా ఇంగ్లండ్ గడ్డపై టెస్టుల్లో అత్యధిక యాభైకి పైగా స్కోర్లు పర్యాటక వికెట్ కీపర్‌గా ఎంఎస్ ధోని రికార్డును పంత్ సమం చేశాడు. ఇంగ్లండ్‌లో ధోని 8 సార్లు ఏభైకి పైగా ఫిప్టీ ప్లస్ స్కోర్లు చేయగా.. పంత్ కూడా సరిగ్గా ఎనిమిది సార్లు యాభైకి పైగా స్కోర్లు సాధించాడు. మరో ఫిప్టీ ప్లస్ స్కోర్ సాధిస్తే ధోనిని ఆధిగమిస్తాడు.ఇంగ్లండ్‌పై టెస్టుల్లో అత్యధిక సిక్సర్లు బాదిన ప్లేయ‌ర్లు వీరే35 రిషబ్ పంత్34 వివ్ రిచర్డ్స్30 టిమ్ సౌతీ27 యశస్వి జైస్వాల్26 శుభమన్ గిల్భార‌త్ త‌మ తొలి ఇన్నింగ్స్‌లో 81 ఓవ‌ర్లు ముగిసే స‌రికి 5 వికెట్ల న‌ష్టానికి 291 ప‌రుగులు చేసింది. భార‌త్ ఇంకా ఇంగ్లండ్ కంటే 96 ప‌రుగుల వెన‌కంజ‌లో ఉంది. ప్ర‌స్తుతం క్రీజులో ర‌వీంద్ర జ‌డేజా(31), నితీశ్ కుమార్‌(13) ఉన్నారు.

ఇంగ్లండ్‌తో మూడో టెస్టులో టీమిండియా స్టార్‌ కేఎల్‌ రాహుల్‌ (KL Rahul) శతకంతో మెరిశాడు. లార్డ్స్‌లో నిలకడైన ప్రదర్శనతో 176 బంతుల్లో వంద పరుగుల మార్కు అందుకున్నాడు. అతడి ఇన్నింగ్స్‌లో 13 ఫోర్లు ఉన్నాయి.కాగా రాహుల్‌కు ఇది టెస్టుల్లో పదో సెంచరీ కాగా.. ఇంగ్లండ్‌లో ఓవరాల్‌గా నాలుగోది. అదే విధంగా.. లార్డ్స్‌లో ఇది రెండోది కావడం విశేషం. తద్వారా దిలీప్‌ వెంగ్‌సర్కార్‌ తర్వాత లార్డ్స్‌ మైదానంలో రెండు శతకాలు సాధించిన రెండో భారత క్రికెటర్‌గా రాహుల్‌ చరిత్ర సృష్టించాడు.అయితే, దురదృష్టవశాత్తూ సెంచరీ పూర్తైన వెంటనే రాహుల్‌ అవుటయ్యాడు. ఇంగ్లండ్‌ యువ బౌలర్‌ షోయబ్‌ బషీర్‌ స్పిన్‌ మాయాజాలంలో చిక్కుకున్న రాహుల్‌.. హ్యారీ బ్రూక్‌కు క్యాచ్‌ ఇచ్చి పెవిలియన్‌ చేరాడు. దీంతో నిరాశగా రాహుల్‌ క్రీజును వీడాడు.కాగా టెండుల్కర్‌- ఆండర్సన్‌ ట్రోఫీలో భాగంగా భారత్‌ ఇంగ్లండ్‌తో ఐదు టెస్టులు ఆడుతోంది. లీడ్స్‌లో జరిగిన తొలి మ్యాచ్‌లో ఐదు వికెట్ల తేడాతో ఓడిన గిల్‌ సేన.. ఎడ్జ్‌బాస్టన్‌లో చారిత్రాత్మక విజయంతో ఆతిథ్య జట్టుపై ప్రతీకారం తీర్చుకుంది. ఇరుజట్ల మధ్య లండన్‌లోని లార్డ్స్‌లో మూడో టెస్టు జరుగుతుండగా.. టాస్‌ గెలిచిన ఇంగ్లండ్‌ తొలుత బ్యాటింగ్‌ చేసింది. తొలి ఇన్నింగ్స్‌లో 387 పరుగులకు ఆలౌట్‌ అయింది. భారత బౌలర్లలో జస్‌ప్రీత్‌ బుమ్రా ఐదు వికెట్ల ప్రదర్శనతో అదరగొట్టగా.. నితీశ్‌ కుమార్‌ రెడ్డి, మహ్మద్‌ సిరాజ్‌ తలా రెండు, రవీంద్ర జడేజా ఒక వికెట్‌ దక్కించుకున్నారు.ఇక రెండో రోజు బ్యాటింగ్‌ మొదలుపెట్టిన టీమిండియా.. శుక్రవారం నాటి రెండో రోజు ఆట పూర్తయ్యేసరికి మూడు వికెట్ల నష్టానికి 145 పరుగులు చేసింది. 53 పరుగుల వ్యక్తిగత స్కోరుతో శనివారం నాటి ఆట మొదలుపెట్టిన కేఎల్‌ రాహుల్‌ సెంచరీ పూర్తైన వెంటనే పెవిలియన్‌ చేరాడు. ఇక భారత బ్యాటర్లలో మిగతా వారిలో ఓపెనర్‌ యశస్వి జైస్వాల్‌ (13) విఫలం కాగా.. వన్‌డౌన్‌ బ్యాటర్‌ కరుణ్‌ నాయర్‌ 40 పరుగులతో ఫర్వాలేదనిపించాడు. కెప్టెన్‌ గిల్‌ (16) నిరాశపరచగా.. రిషభ్‌ పంత్‌ 74 పరుగులు చేశాడు. 74 ఓవర్ల ఆట ముగిసే సరికి టీమిండియా ఐదు వికెట్ల నష్టానికి 267 పరుగులు చేసింది.లార్డ్స్‌ మైదానంలో టెస్టుల్లో సెంచరీ చేసిన భారత క్రికెటర్లు వీరే🏏దిలీప్‌ వెంగ్‌సర్కార్‌- 3🏏కేఎల్‌ రాహుల్‌-2🏏వినూ మన్కడ​- 1🏏గుండప్ప విశ్వనాథ్‌- 1🏏రవిశాస్త్రి- 1🏏మహ్మద్‌ అజారుద్దీన్‌- 1🏏సౌరవ్‌ గంగూలీ- 1🏏అజిత్‌ అగార్కర్‌-1🏏రాహుల్‌ ద్రవిడ్‌-1🏏అజింక్య రహానే-1.చదవండి: IND vs ENG 1st Test: ఎంత పనిచేశావు వైభ‌వ్‌.. నిన్నే న‌మ్ముకున్నాముగా At Lords, @klrahul delivered yet again, his 2nd century on this historic ground, becoming only the 2nd Indian to do so. #ENGvIND 👉 3rd TEST, DAY 3 | LIVE NOW on JioHotstar 👉 https://t.co/YhqadvE3Be pic.twitter.com/IvPIBFIBKY— Star Sports (@StarSportsIndia) July 12, 2025

ఇంగ్లండ్‌ సిరీస్‌తో సందర్భంగా టెస్టుల్లో పునరాగమనం చేసిన.. టీమిండియా వెటరన్‌ బ్యాటర్‌ కరుణ్‌ నాయర్‌ (Karun Nair) వరుసగా విఫలమవుతున్నాడు. వచ్చిన అవకాశాలను సద్వినియోగం చేసుకోలేక చతికిలపడుతున్నాడు. లీడ్స్‌ వేదికగా తొలి టెస్టు తుదిజట్టులో భాగమైనకరుణ్‌.. రీఎంట్రీలో డకౌట్‌ అయ్యాడు.ఇక రెండో ఇన్నింగ్స్‌లో మాత్రం ఇరవై పరుగులు చేయగలిగాడు. అయితే, ఆ తర్వాత కూడా కరుణ్‌ నాయర్‌ పెద్దగా ఆకట్టుకోలేకపోయాడు. ఎడ్జ్‌బాస్టన్‌లో జరిగిన రెండో టెస్టులో అతడు చేసిన పరుగులు వరుసగా 31, 26. అయితే, ప్రఖ్యాత లార్డ్స్‌ మైదానం (Lord's Test)లో జరుగుతున్న మూడో టెస్టులో మాత్రం ఈ కుడిచేతి వాటం బ్యాటర్‌ కాస్త ఫర్వాలేదనిపించాడు.ఎట్టకేలకు కనీసం 40 పరుగుల మార్కులార్డ్స్‌లో శుక్రవారం నాటి రెండో రోజు ఆటలో భాగంగా కరుణ్‌ నాయర్‌.. 62 బంతులు ఎదుర్కొని 40 పరుగులు చేశాడు. ఇందులో నాలుగు ఫోర్లు ఉన్నాయి. అయితే, ఇంగ్లండ్‌ సారథి బెన్‌ స్టోక్స్‌ బౌలింగ్‌లో జో రూట్‌కు క్యాచ్‌ ఇవ్వడంతో కనీసం అర్ధ శతకమైనా చేయకుండానే కరుణ్‌ వెనుదిరగాల్సి వచ్చింది. ఏదేమైనా ఇంగ్లండ్‌లో ఇప్పటికి ఆడిన ఐదు ఇన్నింగ్స్‌లో కరుణ్‌కు ఇదే అత్యధిక వ్యక్తిగత స్కోరు కావడం విశేషం.తుదిజట్టు నుంచి తప్పించండి!అయితే, యువ ఆటగాడు సాయి సుదర్శన్‌పై వేటు వేసి.. సీనియర్‌ అయిన కరుణ్‌కు వరుస అవకాశాలు ఇస్తున్నా.. అతడి ఆట మెరుగుపడటం లేదనే విమర్శలు వస్తున్నాయి. నాలుగో టెస్టు నుంచి అతడిని తప్పించాలనే డిమాండ్లు పెరుగుతున్నాయి. ఈ నేపథ్యంలో టీమిండియా మాజీ ఓపెనర్‌, కామెంటేటర్‌ ఆకాశ్‌ చోప్రా మాత్రం భిన్నంగా స్పందించాడు.ఫెయిల్యూరే.. కానీ.. నాలుగో టెస్టులోనూ ఆడించండికరుణ్‌ నాయర్‌ విఫలమవుతున్న మాట వాస్తవమేనని.. అయితే, నాలుగో టెస్టులో కూడా అతడిని ఆడిస్తేనే బాగుంటుందని ఆకాశ్‌ చోప్రా అభిప్రాయపడ్డాడు. ‘‘అతడు అంత గొప్పగా ఆడటం లేదు. అలా అని అతడి ప్రదర్శన మరీ తీసికట్టుగానూ లేదు.నిజానికి అతడి అదృష్టం అస్సలు బాలేదు. కరుణ్‌ ఇచ్చిన క్యాచ్‌లు సులువైనవి కాకపోయినా ప్రత్యర్థి జట్టు ఫీల్డర్లు అద్బుత రీతిలో వాటిని ఒడిసిపడుతున్నారు. గత మ్యాచ్‌లో ఓలీ పోప్‌.. ఇప్పుడు రూట్‌.కరుణ్‌ మరీ ఎక్కువగా పరుగులు చేయలేకపోతున్నాడు. వచ్చిన అవకాశాలను సద్వినియోగం చేసుకోలేకపోతున్నాడు. కాబట్టి అతడిని నాలుగో టెస్టు నుంచి తప్పించాలని అంటున్నారు.అయితే, నా అభిప్రాయం ప్రకారం అతడిని తదుపరి మ్యాచ్‌లో తప్పక ఆడించాలి. లార్డ్స్‌లో రెండో ఇన్నింగ్స్‌లో గనుక కనీసం 30- 40 పరుగులు చేసినా అతడు నాలుగో టెస్టు ఆడేందుకు అర్హుడే అవుతాడు’’ అని ఆకాశ్‌ చోప్రా యూట్యూబ్‌ వేదికగా తన అభిప్రాయాలు పంచుకున్నాడు. ఏదేమైనా కరుణ్‌ నాయర్‌ మరిన్ని అవకాశాలు దక్కించుకోవాలంటే తన థర్టీస్‌, ఫార్టీస్‌ను ఎనభై, తొంభై, సెంచరీలుగా మలచాల్సి ఉంటుందన్నాడు ఆకాశ్‌. కాగా భారత్‌- ఇంగ్లండ్‌ మధ్య జూలై 23- 27 మధ్య మాంచెస్టర్‌ వేదికగా నాలుగో టెస్టు నిర్వహణకు షెడ్యూల్‌ ఖరారైంది.ఇదిలా ఉంటే.. లార్డ్స్‌ టెస్టులో టాస్‌ గెలిచి తొలుత బ్యాటింగ్‌ చేసిన ఇంగ్లండ్‌.. తొలి ఇన్నింగ్స్‌లో 387 పరుగులకు ఆలౌట్‌ అయింది. శుక్రవారం నాటి ఆట పూర్తయ్యేసరికి టీమిండియా 43 ఓవర్లలో మూడు వికెట్ల నష్టపోయి 145 పరుగులు చేసింది. రెండో రోజు ఆట ముగిసేసరికి ఇంగ్లండ్‌తో పోలిస్తే తొలి ఇన్నింగ్స్‌లో 242 పరుగులు వెనుకబడి ఉంది. చదవండి: MLC 2025: పొలార్డ్‌ విధ్వంసం... సూపర్‌ కింగ్స్‌ అవుట్‌... ఫైనల్లో ఎంఐ న్యూయార్క్‌

టీమిండియా నయా కెప్టెన్‌ శుబ్‌మన్‌ గిల్‌ (Shubman Gill) సరికొత్త చరిత్ర సృష్టించాడు. ఇంగ్లండ్‌ గడ్డ మీద ఓ సిరీస్‌లో అత్యధిక పరుగులు సాధించిన ఆసియా కెప్టెన్‌గా అరుదైన ఘనత సాధించాడు. ఈ క్రమంలో భారత బ్యాటింగ్‌ దిగ్గజం విరాట్‌ కోహ్లి (Virat Kohli) పేరిట ఉన్న ఆల్‌టైమ్‌ రికార్డును గిల్‌ బద్దలు కొట్టాడు.కాగా టెండుల్కర్‌- ఆండర్సన్‌ ట్రోఫీ (Tendulkar- Anderson Trophy)లో భాగంగా ఐదు టెస్టులు ఆడేందుకు భారత జట్టు ఇంగ్లండ్‌లో పర్యటిస్తున్న విషయం తెలిసిందే. టెస్టు సారథిగా అరంగేట్రంలోనే సెంచరీఇక ఈ సిరీస్‌ ద్వారానే టీమిండియా టెస్టు కెప్టెన్‌గా యువ ఆటగాడు శుబ్‌మన్‌ గిల్‌ తన ప్రయాణం మొదలుపెట్టాడు. లీడ్స్‌లో జరిగిన తొలి టెస్టులో ఈ కుడిచేతి వాటం బ్యాటర్‌ కీలకమైన నాలుగో స్థానంలో బ్యాటింగ్‌కు దిగి భారీ శతకం (147) సాధించాడు.తద్వారా టెస్టు జట్టు సారథిగా తొలి ప్రయత్నంలోనే సెంచరీ చేసి అనేక రికార్డులను గిల్‌ తన ఖాతాలో వేసుకున్నాడు. ఇక అదే మ్యాచ్‌ రెండో ఇన్నింగ్స్‌లో గిల్‌ కేవలం ఎనిమిది పరుగులు మాత్రమే చేసి నిష్క్రమించాడు. అయితే, ఎడ్జ్‌బాస్టన్‌లో జరిగిన రెండో టెస్టులో మాత్రం గిల్‌ తన విశ్వరూపం చూపించాడు.డబుల్‌ సెంచరీ, శతకంతో చెలరేగితొలి ఇన్నింగ్స్‌లో ఏకంగా భారీ డబుల్‌ సెంచరీ (269)తో దుమ్ములేపిన ప్రిన్స్‌.. రెండో ఇన్నింగ్స్‌లో అద్భుత శతకం (161) సాధించాడు. తద్వారా ఎడ్జ్‌బాస్టన్‌లో అత్యధిక వ్యక్తిగత స్కోరు సాధించిన భారత ఆటగాడు, కెప్టెన్‌గా గిల్‌ కోహ్లి పేరిట ఉన్న రికార్డును తిరగరాశాడు.ఇక తాజాగా లార్డ్స్‌లో జరుగుతున్న మూడో టెస్టులో గిల్‌ స్థాయికి తగ్గట్లు రాణించలేకపోయాడు. తొలి ఇన్నింగ్స్‌లో 44 బంతులు ఎదుర్కొన్న కెప్టెన్‌ సాబ్‌.. రెండు ఫోర్ల సాయంతో కేవలం 16 పరుగులే రాబట్టాడు. శుక్రవారం నాటి రెండో రోజు ఆటలో భాగంగా ఇంగ్లండ్‌ పేసర్‌ క్రిస్‌ వోక్స్‌ బౌలింగ్‌లో వికెట్‌ కీపర్‌ జేమీ స్మిత్‌కు క్యాచ్‌ ఇచ్చి గిల్‌ పెవిలియన్‌ చేరాడు.ఆసియా తొలి కెప్టెన్‌గా..అయితే, మూడో టెస్టులో గిల్‌ విఫలమైనప్పటికీ.. అరుదైన రికార్డును తన ఖాతాలో వేసుకున్నాడు. ఈ సిరీస్‌లో ఇప్పటికి ఐదు ఇన్నింగ్స్‌ మాత్రమే ఆడిన గిల్‌ ఏకంగా 601 పరుగులు పూర్తి చేసుకున్నాడు. ఈ క్రమంలో ఇంగ్లండ్‌ గడ్డ మీద ఒక టెస్టు సిరీస్‌లో అత్యధిక పరుగులు సాధించిన ఆసియా తొలి కెప్టెన్‌గా గిల్‌ ప్రపంచ రికార్డు సాధించాడు. అంతకుముందు కోహ్లి పేరిట ఈ రికార్డు ఉండేది.ఇంగ్లండ్‌ గడ్డ మీద ఒక టెస్టు సిరీస్‌లో అత్యధిక పరుగులు సాధించిన ఆసియా కెప్టెన్లు వీరే🏏శుబ్‌మన్‌ గిల్‌ (ఇండియా)- 601* రన్స్‌- 2025లో..🏏విరాట్‌ కోహ్లి (ఇండియా)- 593 రన్స్‌- 2018లో..🏏మహ్మద్‌ అజారుద్దీన్‌ (ఇండియా)- 426 రన్స్‌- 1990లో..🏏జావేద్‌ మియాందాద్‌ (పాకిస్తాన్‌)- 364 రన్స్‌- 1992లో..🏏సౌరవ్‌ గంగూలీ (ఇండియా)- 351 రన్స్‌- 2002లో...👉ఇక ఓవరాల్‌గా ఇంగ్లండ్‌ గడ్డ మీద ఓ టెస్టు సిరీస్‌లో అత్యధిక పరుగులు సాధించిన కెప్టెన్ల జాబితాలో... గిల్‌ మూడో స్థానానికి చేరుకున్నాడు. ఈ క్రమంలో ఆస్ట్రేలియా దిగ్గజం అలెన్‌ బోర్డర్‌ (597)ను గిల్‌ అధిగమించాడు. ఇక ఈ లిస్టులో గ్యారీ సోబర్స్‌ (722), గ్రేమ్‌ స్మిత్‌ (714) గిల్‌ కంటే ముందు వరుసలో ఉన్నారు. చదవండి: చెత్త బంతులే చేతికి రావొచ్చు.. అయినా నేనేమీ మాట్లాడను.. ఎందుకంటే: బుమ్రా

ఇంగ్లండ్‌తో మూడో టెస్టులో టీమిండియా ప్రధాన పేసర్‌ జస్‌ప్రీత్‌ బుమ్రా (Jasprit Bumrah) ఆకాశమే హద్దుగా చెలరేగాడు. స్టోక్స్‌ బృందానికి తన పేస్‌ పదును రుచిచూపించి.. ఏకంగా ఐదు వికెట్లు కూల్చాడు. ప్రఖ్యాత లార్డ్స్ మైదానంలో ఈ ఘనత సాధించి ఆనర్స్‌ బోర్డు (Lord's Hounours Board)పై తన పేరును లిఖించుకున్నాడు.స్పందించిన బుమ్రాఈ నేపథ్యంలో మూడో టెస్టులో శుక్రవారం నాటి రెండో రోజు ఆట అనంతరం బుమ్రా మీడియాతో మాట్లాడాడు. ఈ సందర్భంగా డ్యూక్స్‌ బాల్‌ (Dukes Ball) నాణ్యత, బంతి మార్పుపై చెలరేగుతున్న వివాదంపై ఈ పేస్‌ గుర్రం తనదైన శైలిలో స్పందించాడు. ‘‘మ్యాచ్‌లో బంతిని మార్చడం సహజమే.ఆ విషయంలో నేనేమీ చేయలేను. అంతేకాదు.. ఈ వివాదంపై స్పందించి నా డబ్బును పోగొట్టుకునేందుకు నేను సిద్ధంగా లేను. ఎందుకంటే.. నేను మ్యాచ్‌లో చాలా ఓవర్లపాటు బౌలింగ్‌ చేసేందుకు ఎంతగానో శ్రమిస్తూ ఉంటాను.చెత్త బంతులే చేతికి రావొచ్చు.. అయినా నేనేమీ మాట్లాడనుకాబట్టి వివాదాస్పద వ్యాఖ్యలతో నా మ్యాచ్‌ ఫీజును తగ్గించుకోవాలని అనుకోవడం లేదు. ఏదేమైనా.. మాకు ఇచ్చిన బంతితోనే మేము బౌలింగ్‌ చేస్తాము. బంతి మార్పు అంశంలో ఆటగాళ్లుగా మేము చేయగలిగింది ఏమీ లేదు. అందుకోసం మేము పోరాడలేము కూడా!ఒక్కోసారి మనకు అనుకూలంగా ఫలితం రావచ్చు. మరోసారి చెత్త బంతినే మన చేతికి ఇవ్వవచ్చు’’ అని బుమ్రా విలేకరుల ప్రశ్నకు బదులిచ్చాడు. 2018లో తాను ఇంగ్లండ్‌లో ఆడినపుడు డ్యూక్స్‌ బాల్‌ను ఎక్కువగా మార్చాల్సిన అవసరం రాలేదని స్పష్టం చేశాడు. బంతి అప్పట్లో బాగా స్వింగ్‌ అయ్యేదని.. తాను అప్పుడు అవుట్‌స్వింగర్లనే ఎక్కువగా సంధించేవాడినని బుమ్రా గుర్తు చేసుకున్నాడు.1-1తో సమంగా సిరీస్‌కాగా ఆండర్సన్‌-టెండుల్కర్‌ ట్రోఫీలో భాగంగా టీమిండియా ఇంగ్లండ్‌తో ఐదు టెస్టులు ఆడుతోంది. ఈ క్రమంలో లీడ్స్‌లో తొలి టెస్టులో ఓడిన భారత జట్టు.. ఎడ్జ్‌బాస్టన్‌లో గెలిచి ప్రస్తుతం 1-1తో సిరీస్‌ సమం చేసింది. బుమ్రాకు ఐదు వికెట్లు.. ఇంగ్లండ్‌ 387 ఆలౌట్‌ఇక లార్డ్స్‌లో గురువారం మూడో టెస్టు మొదలుకాగా.. టాస్‌ గెలిచిన ఇంగ్లండ్‌ తొలుత బ్యాటింగ్‌ చేసింది. తమ తొలి ఇన్నింగ్స్‌లో 387 పరుగులకు ఆలౌట్‌ అయింది. భారత బౌలర్లలో బుమ్రా ఐదు వికెట్లు దక్కించుకోగా.. నితీశ్‌ కుమార్‌ రెడ్డి, మహ్మద్‌ సిరాజ్‌ రెండేసి వికెట్లు కూల్చారు. రవీంద్ర జడేజాకు ఒక వికెట్‌ దక్కింది.టీమిండియా @145ఇదిలా ఉంటే... తొలి టెస్టు నుంచి డ్యూక్స్‌ బాల్‌ నాణ్యత విషయంలో టీమిండియా అసహనం వ్యక్తం చేస్తూనే ఉంది. ఎర్ర బంతి త్వరగా రూపు మారడంతో పదే పదే బాల్‌ను మార్చాల్సి వస్తుండగా.. ఇప్పటికే కెప్టెన్‌ శుబ్‌మన్‌ గిల్‌, వైస్‌ కెప్టెన్‌ రిషభ్‌ పంత్‌ అంపైర్లతో వాదనకు దిగారు. ఈ క్రమంలో తమకు అనుకూల ఫలితం రాకపోవడంతో బంతిని నేలకేసి కొట్టిన పంత్‌ను ఐసీసీ మందలించింది. అతడి ఖాతాలో ఓ డీ మెరిట్‌ పాయింట్‌ జమచేసింది.ఇక లార్డ్స్‌ టెస్టు రెండో రోజు ఆట సందర్భంగా గిల్‌, సిరాజ్‌ బంతి మార్పు అంశంపై తీవ్ర అసంతృప్తి వ్యక్తం చేశారు. అయితే, బంతిని మార్చినప్పటికీ పాత బంతితో దానికి ఏమాత్రం పోలిక లేదంటూ ఇద్దరూ అసహనానికి గురయ్యారు. ఇదే విషయమై బుమ్రాను ప్రశ్నించగా పైవిధంగా స్పందించాడు. ఇక శుక్రవారం నాటి రెండో రోజు ఆట ముగిసే సరికి టీమిండియా 43 ఓవర్లలో మూడు వికెట్ల నష్టానికి 145 పరుగులు చేసింది. డ్యూక్స్‌ బాల్‌ అంటే..మొదట్లో డ్యూక్స్‌ కుటుంబం ఎర్ర బంతులను తయారు చేసేది. చేతితో ఆరు వరుసల దారంతో వీటిని కుడతారు. సీమ్‌కు అనుకూలంగా ఉండే ఈ బంతి దీర్ఘకాల మన్నికకు పెట్టిందిపేరు. ఇంగ్లిష్‌ కండిషన్లకు సరిగ్గా సరిపోతుంది. అయితే, తాజా సిరీస్‌లో త్వరత్వరగా బంతి రూపు మారడం వివాదానికి, బంతి నాణ్యతపై చర్చకు దారి తీసింది. ప్రస్తుతం డ్యూక్స్‌ బాల్‌ తయారీ కంపెనీ దిలీప్‌ జగ్‌జోడియా చేతిలో ఉంది.చదవండి: IND vs ENG 3rd Test: అంపైర్‌పై గిల్‌, సిరాజ్‌ అసహనం!.. గావస్కర్‌ వ్యంగ్యాస్త్రాలు!DAY 1 ➡ 1 Wicket𝐃𝐚𝐲 𝟐 ➡ 𝐍𝐚𝐦𝐞 𝐨𝐧 𝐋𝐨𝐫𝐝'𝐬 𝐇𝐨𝐧𝐨𝐮𝐫𝐬 𝐁𝐨𝐚𝐫𝐝 🎖@Jaspritbumrah93, yet again, stole the show with a fiery 5/74 on Day 2 & etched his name into Lord’s rich legacy 💪#ENGvIND 👉 3rd TEST, DAY 3 | SAT, 12th JULY, 2:30 PM | Streaming on… pic.twitter.com/X3jqiobSko— Star Sports (@StarSportsIndia) July 11, 2025

ఇంగ్లండ్‌తో మూడో టెస్టులో భారత ప్రధాన పేసర్‌ జస్‌ప్రీత్‌ బుమ్రా (Jasprit Bumrah) అద్భుత ప్రదర్శనతో ఆకట్టుకున్నాడు. తన పేస్‌ పదునుతో ఆతిథ్య జట్టు బ్యాటర్లకు చుక్కలు చూపించాడు. ఏకంగా ఐదు వికెట్లు కూల్చి ఇంగ్లండ్‌ బ్యాటింగ్‌ ఆర్డర్‌ పతనాన్ని శాసించాడు.ఈ క్రమంలో లండన్‌లోని ప్రఖ్యాత లార్డ్స్‌ (Lord's)మైదానంలో తన తొలి ఫైవ్‌ వికెట్‌ హాల్‌ నమోదు చేశాడు. కాగా లార్డ్స్‌ టెస్టులో వరల్డ్‌ నంబర్‌ వన్‌ బ్యాటర్‌ హ్యారీ బ్రూక్‌ (11)ను అవుట్‌ చేయడం ద్వారా వికెట్ల వేట మొదలుపెట్టిన బుమ్రా.. శుక్రవారం నాటి రెండో రోజు ఆటలో ఆది నుంచే తన ప్రతాపం చూపించాడు.తొలుత ఇంగ్లండ్‌ కెప్టెన్‌ బెన్‌ స్టోక్స్‌ (44)ను పెవిలియన్‌కు పంపిన బుమ్రా.. సెంచరీ వీరుడు జో రూట్‌ (104)ను అద్భుత రీతిలో బౌల్డ్‌ చేశాడు. అనంతరం ఈ రైటార్మ్‌ పేసర్‌.. క్రిస్‌ వోక్స్‌ (0), జోఫ్రా ఆర్చర్‌ (4) వికెట్లను కూడా తన ఖాతాలో వేసుకున్నాడు. పదిహేనోసారికాగా టెస్టుల్లో జో రూట్‌ను బుమ్రా అవుట్‌ చేయడం ఇది పదకొండోసారి కావడం విశేషం. అదే విధంగా.. ఓవరాల్‌గా అంతర్జాతీయ క్రికెట్‌లో రూట్‌ను ఈ పేస్‌ గుర్రం వెనక్కిపంపడం పదిహేనోసారి. వన్డేల్లో మూడు, టీ20లలో రెండుసార్లు బుమ్రా ఈ పని చేశాడు. తద్వారా.. యాక్టివ్‌ ‘ఫ్యాబ్‌ ఫోర్‌(కోహ్లి, స్మిత్‌, రూట్‌, విలియమ్సన్‌)’లో ఒకడైన రూట్‌ను అత్యధికసార్లు పెవిలియన్‌కు పంపిన తొలి బౌలర్‌గా బుమ్రా అరుదైన ఘనత సాధించాడు.ఈ మేరకు ప్రపంచంలో ఇప్పటి వరకు ఏ బౌలర్‌కూ సాధ్యం కాని ఫీట్‌ నమోదు చేశాడు. మరోవైపు.. ఆస్ట్రేలియా కెప్టెన్‌, స్టార్‌ పేసర్‌ ప్యాట్‌ కమిన్స్‌ జో రూట్‌ను ఇప్పటికి 14సార్లు అవుట్‌ చేశాడు. టెస్టుల్లో బుమ్రాతో కలిపి 11సార్లు రూట్‌ను వెనక్కిపంపిన కమిన్స్‌.. వన్డేల్లో మూడుసార్లు అతడిని అవుట్‌ చేశాడు.అంతర్జాతీయ క్రికెట్‌లో జో రూట్‌ను అత్యధికసార్లు అవుట్‌ చేసిన బౌలర్లు వీరే🏏జస్‌ప్రీత్‌ బుమ్రా (ఇండియా)- 15 సార్లు🏏ప్యాట్‌ కమిన్స్‌ (ఆస్ట్రేలియా)​- 14 సార్లు🏏జోష్‌ హాజిల్‌వుడ్‌ (ఆస్ట్రేలియా)​- 13 సార్లు🏏రవీంద్ర జడేజా (ఇండియా)- 13 సార్లు🏏ట్రెంట్‌ బౌల్ట్‌ (న్యూజిలాండ్‌)- 12 సార్లు.ఇదిలా ఉంటే.. లార్డ్స్‌ టెస్టులో ఇంగ్లండ్‌ తొలి ఇన్నింగ్స్‌లో 387 పరుగులు చేసి ఆలౌట్‌ అయింది. బుమ్రా ఐదు వికెట్లు కూల్చగా.. నితీశ్‌ కుమార్‌ రెడ్డి, మహ్మద్‌ సిరాజ్‌ రెండేసి వికెట్లు పడగొట్టారు. రవీంద్ర జడేజాకు ఒక వికెట్‌ దక్కింది. ఇంగ్లండ్‌ బ్యాటర్లలో రూట్‌ (104) సెంచరీ చేయగా.. జేమీ స్మిత్‌ (51), బ్రైడన్‌ కార్స్‌ (56) అర్ధ శతకాలతో రాణించారు.చదవండి: IND vs ENG 3rd Test: అంపైర్‌పై గిల్‌, సిరాజ్‌ అసహనం!.. గావస్కర్‌ వ్యంగ్యాస్త్రాలు!#JaspritBumrah gets the better of England's centurion, #JoeRoot! 🤩The momentum is well and truly in #TeamIndia's favour! 🇮🇳#ENGvIND 👉 3rd TEST, DAY 2 | LIVE NOW on JioHotstar 👉 https://t.co/mg732Jcoq5 pic.twitter.com/rrINEm6bBK— Star Sports (@StarSportsIndia) July 11, 2025

టీమిండియా టెస్టు కెప్టెన్‌ శుబ్‌మన్‌ గిల్‌ (Shubman Gill) మరోసారి అంపైర్ల తీరుపై అసంతృప్తి వ్యక్తం చేశాడు. పదే పదే ఇలా చేయడం సరికాదంటూ ఫీల్డ్‌ అంపైర్‌ వ్యవహారశైలిని విమర్శించాడు. అసలేం జరిగిందంటే.. భారత్‌- ఇంగ్లండ్‌ (IND vs ENG) మధ్య లార్డ్స్‌ వేదికగా గురువారం (జూలై 10) మూడో టెస్టు మొదలైంది.ఆదిలోనే షాకులుటాస్‌ గెలిచిన ఇంగ్లండ్‌ తొలుత బ్యాటింగ్‌కు దిగి.. తొలి రోజు ఆట పూర్తయ్యేసరికి 83 ఓవర్లలో నాలుగు వికెట్లు నష్టపోయి 251 పరుగులు చేసింది. ఈ క్రమంలో 251/4 ఓవర్‌నైట్‌ స్కోరుతో శుక్రవారం నాటి రెండో రోజు ఆట మొదలుపెట్టిన ఇంగ్లండ్‌కు బుమ్రా ఆదిలోనే షాకులు తగిలాయి. బెన్‌ స్టోక్స్‌ (44), క్రిస్‌ వోక్స్‌ (0), జో రూట్‌ (104) వికెట్లు కూల్చి బ్రేక్‌ ఇచ్చాడు.ఇదిలా ఉంటే.. ఇంగ్లండ్‌ ఇన్నింగ్స్‌లో 91వ ఓవర్‌ మధ్యలో కొత్త బంతి కావాలని టీమిండియా అడిగింది. 10.4 ఓవర్ల తర్వాత బంతిని మార్చాలని కోరగా.. అంపైర్‌ నుంచి వెంటనే సానుకూల స్పందన రాలేదు. అయితే, హూప్‌ టెస్టులో బంతి ఫెయిల్‌ కాగా.. అంపైర్‌ కొత్త బంతి ఇచ్చాడు. అయితే, అది చూసిన గిల్‌.. పాత బంతితో దీనికి ఏమాత్రం పోలిక లేదంటూ అంపైర్‌పై అసహనం వ్యక్తం చేశాడు.పాతబడిన బంతిలా ఉందా? నిజమా?ఇంతలో బౌలర్‌ మహ్మద్‌ సిరాజ్‌ (Mohammed Siraj) కూడా వచ్చి.. ‘‘ఇది పది ఓవర్ల తర్వాత పాతబడిన బంతిలా ఉందా? నిజమా?’’ అంటూ సెటైర్‌ వేశాడు. అతడి మాటలు స్టంప్‌ మైకులో రికార్డయ్యాయి. ఏదేమైనా అంపైర్‌ ఇచ్చిన కొత్త బంతితో గిల్‌, సిరాజ్‌ అసంతృప్తి చెందినట్లు కనిపించింది. ఇందుకు సంబంధించిన దృశ్యాలు నెట్టింట వైరల్‌ అవుతున్నాయి.గావస్కర్‌ వ్యంగ్యాస్త్రాలు ఈ నేపథ్యంలో అంపైర్‌ తీరును విమర్శిస్తూ టీమిండియా దిగ్గజం, కామెంటేటర్‌ సునిల్‌ గావస్కర్‌ తనదైన శైలిలో చణుకులు విసిరాడు. ‘‘ఇక్కడ కూర్చుని చూసినా.. అది పది ఓవర్లు పాత బడిన బంతిలా కాదు.. 20 ఓవర్లకు పైనే వాడిన బంతిలా కనిపిస్తోంది. ఒకవేళ ఇదే ఇండియాలో జరిగి ఉంటేనా.. బ్రిటిష్‌ మీడియా ఎంతలా గంతులు వేసేదో’’ అంటూ గావస్కర్‌ వ్యంగ్యాస్త్రాలు సంధించాడు. కాగా లీడ్స్‌లో జరిగిన తొలి టెస్టులోనూ గిల్‌, పంత్‌ బంతిని మార్చే విషయంలో అంపైర్లతో గొడవపడిన విషయం తెలిసిందే. ఇక లార్డ్స్‌ మ్యాచ్‌ విషయానికొస్తే.. శుక్రవారం ఆటలో భాగంగా 112.3 ఓవర్లలో 387 పరుగులు చేసి ఇంగ్లండ్‌ ఆలౌట్‌ అయింది.చదవండి: 5 వికెట్లతో చెలరేగిన బుమ్రా.. 387 పరుగులకు ఇంగ్లండ్ ఆలౌట్‌Shubman Gill got angry on the field looking like Ricky Ponting is back 🥶⁰#INDvsENG #ENGvINDpic.twitter.com/lsmX5AYZU7— Kavya Maran (@Kavya_Maran_SRH) July 11, 2025

ఇంగ్లండ్‌ యువ క్రికెటర్‌ జేమీ స్మిత్‌ (Jamie Smith) సరికొత్త చరిత్ర సృష్టించాడు. టెస్టుల్లో అత్యంత వేగంగా వెయ్యి పరుగుల మైలురాయిని చేరుకున్న తొలి వికెట్‌ కీపర్‌ బ్యాటర్‌గా ప్రపంచ రికార్డు సాధించాడు. టీమిండియాతో మూడో టెస్టు సందర్భంగా లార్డ్స్‌ (Lord's Test)లో జేమీ స్మిత్‌ ఈ ఫీట్‌ నమోదు చేశాడు.సర్రేకు చెందిన జేమీ స్మిత్‌.. గతేడాది వెస్టిండీస్‌తో సిరీస్‌ సందర్భంగా ఇంగ్లండ్‌ తరఫున టెస్టుల్లో అరంగేట్రం చేశాడు. తొలి మ్యాచ్‌లోనే ఈ కుడిచేతి వాటం బ్యాటర్‌ 70 పరుగులతో ఆకట్టుకున్నాడు. తాజాగా టీమిండియాతో సిరీస్‌లో మాత్రం 24 ఏళ్ల జేమీ స్మిత్‌ దుమ్ములేపుతున్నాడు. లీడ్స్‌లో జరిగిన తొలి టెస్టులో 40, 44* పరుగులు చేసిన జేమీ స్మిత్‌.. రెండో టెస్టులో మాత్రం ఆకాశమే హద్దుగా చెలరేగాడు.భారీ అజేయ శతకంతొలి ఇన్నింగ్స్‌లో భారీ అజేయ శతకం (184)తో మెరిసి ఇంగ్లండ్‌ ఓటమి వాయిదా పడేలా చేశాడు. రెండో ఇన్నింగ్స్‌లోనూ అద్భుత అర్ధ శతకం (88) బాదినా.. పరాజయం నుంచి జట్టును తప్పించలేకపోయాడు.ఇక తాజాగా లార్డ్స్‌ వేదికగా మూడో టెస్టులో ఐదు పరుగుల వ్యక్తిగత స్కోరు వద్ద ఉండగా.. టెస్టుల్లో వెయ్యి పరుగుల మార్కుకు చేరుకున్నాడు జేమీ స్మిత్‌. మహ్మద్‌ సిరాజ్‌ బౌలింగ్‌లో ఫోర్‌ బాది ఈ మైలురాయిని అందుకున్నాడు. అనంతరం స్మిత్‌ ఇచ్చిన క్యాచ్‌ను కేఎల్‌ రాహుల్‌ జారవిడిచాడు. ఫలితంగా లైఫ్‌ పొందిన జేమీ స్మిత్‌.. 52 బంతుల్లోనే హాఫ్‌ సెంచరీ పూర్తి చేసుకున్నాడు.వరల్డ్‌ రికార్డుకాగా తక్కువ ఇన్నింగ్స్‌లోనే 1000 పరుగులు పూర్తి చేసుకున్న వి​కెట్‌ కీపర్‌ బ్యాటర్‌ సౌతాఫ్రికా స్టార్‌ క్వింటన్‌ డికాక్‌ పేరిట ఉన్న ప్రపంచ రికార్డును జేమీ స్మిత్‌ ఈ సందర్భంగా సమం చేశాడు. అదే విధంగా.. అతి తక్కువ బంతుల్లోనే టెస్టుల్లో వెయ్యి పరుగుల మార్కు అందుకున్న తొలి వికెట్‌ కీపర్‌ బ్యాటర్‌గా వరల్డ్‌ రికార్డు సాధించాడు.తక్కువ ఇన్నింగ్స్‌లో వెయ్యి పరుగులు సాధించిన వికెట్‌ కీపర్‌ బ్యాటర్లు🏏క్వింటన్‌ డి కాక్‌, జేమీ స్మిత్‌- 21 ఇన్నింగ్స్‌లో🏏దినేశ్‌ చండిమాల్‌, జానీ బెయిర్‌స్టో- 22 ఇన్నింగ్స్‌లో🏏కుమార్‌ సంగక్కర, ఏబీ డివిలియర్స్‌- 23 ఇన్నింగ్స్‌లో🏏జెఫ్‌ డుజోన్‌- 24 ఇన్నింగ్స్‌లోతక్కువ బంతుల్లోనే టెస్టుల్లో 1000 పరుగులు సాధించిన వికెట్‌ కీపర్‌ బ్యాటర్లు🏏జేమీ స్మిత్‌ (ఇంగ్లండ్‌)- 1303 బంతుల్లోనే🏏సర్ఫరాజ్‌ అహ్మద్‌ (పాకిస్తాన్‌)- 1311 బంతుల్లో🏏ఆడం గిల్‌క్రిస్ట్‌ (ఆస్ట్రేలియా)- 1330 బంతుల్లో🏏నిరోషన్‌ డిక్‌విల్లా (శ్రీలంక)- 1367 బంతుల్లో🏏క్వింటన్‌ డి కాక్‌ (సౌతాఫ్రికా)- 1375 బంతుల్లో.👉ఇదిలా ఉంటే.. టీమిండియా మూడో టెస్టులో భాగంగా శుక్రవారం నాటి రెండో ఆటలో భోజన విరామ సమయానికి ఇంగ్లండ్‌ 105 ఓవర్లలో ఏడు వికెట్ల నష్టానికి 353 పరుగులు చేసింది. చదవండి: రోహిత్‌ శర్మకు భారీ షాక్‌!?.. వన్డే కెప్టెన్‌గానూ గిల్‌?

క్రికెట్‌ వర్గాల్లో గత కొన్ని రోజులుగా ఎక్కువగా వినిపిస్తున్న పేరు వియాన్‌ ముల్డర్‌ (Wiaan Mulder). ఈ సౌతాఫ్రికా ఆల్‌రౌండర్‌ ఇటీవల జింబాబ్వేతో రెండో టెస్టు సందర్భంగా అద్భుత ప్రదర్శనతో ఆకట్టుకున్నాడు. కెప్టెన్‌గా తన తొలి ప్రయత్నంలోనే ఏకంగా 367 పరుగులతో దుమ్ములేపాడు.కావాలనే క్వాడ్రపుల్‌ సెంచరీ (400) మిస్‌.. అజేయ ట్రిపుల్‌ సెంచరీతో అదరగొట్టి టెస్టుల్లో అత్యధిక వ్యక్తిగత స్కోరు సాధించిన ప్రొటిస్‌ క్రికెటర్‌గా చరిత్రకెక్కాడు. ఈ క్రమంలోనే అతడు వెస్టిండీస్‌ దిగ్గజం బ్రియన్‌ లారా (Brian Lara) పేరిట క్వాడ్రపుల్‌ సెంచరీ (400) రికార్డుకు చేరవయ్యాడు. అయితే, అనూహ్యంగా తాను 367 పరుగుల వద్ద ఉండగా ఇన్నింగ్స్‌ డిక్లేర్‌ చేసి ముల్డర్‌ ఆశ్చర్యపరిచాడు.లారా వంటి లెజండరీ బ్యాటర్‌ పేరిటే ఈ రికార్డు ఉండాలని.. అందుకే తాను ఈ నిర్ణయం తీసుకున్నట్లు వెల్లడించాడు. ఈ నేపథ్యంలో ముల్డర్‌పై ప్రశంసలతో పాటు విమర్శల వర్షమూ కురిసింది. రికార్డులు ఉన్నవి బద్దలు కొట్టేందుకేనని. అయినా అతడేమీ 399 వద్ద ఇన్నింగ్స్‌ డిక్లేర్‌ చేయదంటూ పలువురు వ్యంగ్యాస్త్రాలు సంధించారు.లారా రియాక్షన్‌ ఇదేతాజాగా ఈ విషయం గురించి వియాన్‌ ముల్డర్‌ స్పందించాడు. తన అభిప్రాయంతో లారా ఏకీభవించలేదంటూ ఆసక్తికర విషయం చెప్పాడు. ‘‘నాకు కాస్త విరామం దొరికినపుడు.. బ్రియన్‌ లారాతో మాట్లాడాను. నీకంటూ సొంత లెగసీ సృష్టించుకోవాలని ఆయన నాతో అన్నాడు.నీకోసమే నువ్వు ఆడాలని చెప్పాడు. రికార్డులు ఉన్నవి బద్దలు కొట్టడానికేనని... మరోసారి గనుక నేను ఇలా 400కు చేరువగా వస్తే మాత్రం.. అప్పుడు ఆ అవకాశాన్ని అస్సలు వదులుకోవద్దని చెప్పాడు.నా నిర్ణయం సరైందేనిజానికి ఇప్పుడు నేను బ్యాటింగ్‌ కొనసాగించి.. తనకంటే ఎక్కువ స్కోరు చేస్తే సంతోషించేవాడినని నాతో అన్నాడు. ఆయనలో ఉన్న గొప్పదనం అదే. అయితే, ఇప్పటికీ నా నిర్ణయం సరైందేనని నేను భావిస్తున్నా. ఆటను, దిగ్గజాలను గౌరవించడం అన్నిటికంటే ముఖ్యం’’ అని వియాన్‌ ముల్డర్‌ సూపర్‌స్పోర్ట్‌తో వ్యాఖ్యానించాడు.మిస్‌ చేసుకున్నావుకాగా వియాన్‌ ముల్డర్‌ గురించి మరో విండీస్‌ దిగ్గజం క్రిస్‌ గేల్‌ ఇటీవల మాట్లాడుతూ.. ‘‘అతడు తప్పు చేశాడు. 400 కొట్టేందుకు అతడు ప్రయత్నించి ఉండాల్సింది. అలా అయితేనే కదా.. క్వాడ్రపుల్‌ సెంచరీ చేసేవాడో లేదో తెలిసేది. కానీ 367 పరుగుల వద్ద ఉన్నపుడు డిక్లేర్‌ చేశాడు.తానేం చెప్పదలచుకున్నాడో అది చెప్పేశాడు. జీవితంలో ఒక్కసారి మాత్రమే ఇలాంటి అరుదైన అవకాశాలు వస్తాయి. టెస్టు ఇన్నింగ్స్‌లో 400 రన్స్‌ మామూలు విషయం కాదు. ఈసారి నువ్వు ఇది మిస్‌ చేసుకున్నావు’’ అంటూ విమర్శించాడు.కాగా ప్రపంచ టెస్టు చాంపియన్‌షిప్‌ నయా చాంపియన్‌ సౌతాఫ్రికా రెండు టెస్టులు ఆడేందుకు జింబాబ్వేకు వెళ్లింది. తొలి టెస్టులో కేశవ్‌ మహరాజ్‌ సారథ్యంలో.. రెండో టెస్టులో ముల్డర్‌ కెప్టెన్సీలో ఆతిథ్య జట్టును చిత్తు చేసి 2-0తో క్లీన్‌స్వీప్‌ చేసింది.చదవండి: ప్యాట్‌ కమిన్స్‌ని సలహా అడిగితే ఏమన్నాడంటే..: నితీశ్‌ రెడ్డి

ఆటగాడిగా కంటే కోచ్‌గా ఉండటం అత్యంత కష్టమైన పని అని టీమిండియా హెడ్‌కోచ్‌ గౌతం గంభీర్‌ (Gautam Gambhir) అన్నాడు. జట్టులోని ప్లేయర్‌గా కేవలం మన ఆటకు మాత్రమే బాధ్యత వహించాల్సి ఉంటుందని.. అదే శిక్షకుడిగా ఉంటే జట్టులోని అందరి ఆటగాళ్ల ప్రదర్శనకు జవాబుదారీగా ఉండాల్సి ఉంటుందని పేర్కొన్నాడు.అందువల్ల కోచ్‌పై తీవ్రమైన ఒత్తిడి పడుతుందని.. అందుకే తాను ఈ మధ్య తరచుగా తన గడ్డానికి రంగు వేయాల్సి వస్తోందంటూ గంభీర్‌ సరదాగా వ్యాఖ్యానించాడు. రాహుల్‌ ద్రవిడ్‌ (Rahul Dravid) మార్గదర్శనంలో టీమిండియా టీ20 ప్రపంచకప్‌-2024 గెలిచిన తర్వాత.. అతడి స్థానంలో గంభీర్‌ కోచ్‌గా బాధ్యతలు చేపట్టాడు.వన్డే, టీ20లలో రైట్‌ రైట్‌శ్రీలంకలో టీ20 సిరీస్‌ను క్లీన్‌స్వీప్‌ చేయడం ద్వారా తన కోచింగ్‌ ప్రస్థానాన్ని ఘనంగా ఆరంభించిన గౌతీ.. పరిమిత ఓవర్ల సిరీస్‌లో వరుస విజయాలు చవిచూశాడు. ముఖ్యంగా అతడి నేతృత్వంలో టీమిండియా ఐసీసీ చాంపియన్స్‌ ట్రోఫీ-2025 నెగ్గడం చెప్పుకోదగినది.టెస్టులలో బ్రేకులుఅయితే, టెస్టు ఫార్మాట్లో మాత్రం గంభీర్‌కు కఠినమైన సవాళ్లు ఎదురవుతున్నాయి. స్వదేశంలో న్యూజిలాండ్‌ చేతిలో టీమిండియా తొలిసారి 3-0తో వైట్‌వాష్‌ కావడం.. ఆ తర్వాత ఆస్ట్రేలియా పర్యటనలో బోర్డర్‌- గావస్కర్‌ ట్రోఫీ (3-1)ని పదేళ్ల తర్వాత చేజార్చుకోవడం.. గంభీర్‌పై విమర్శలకు దారితీశాయి.ఇలాంటి క్లిష్ట పరిస్థితుల నడుమ కొత్త కెప్టెన్‌ శుబ్‌మన్‌ గిల్‌తో కలిసి ఇంగ్లండ్‌ టూర్‌కు వచ్చిన గంభీర్‌కు తొలి మ్యాచ్‌లో చేదు అనుభవమే మిగిలింది. లీడ్స్‌ టెస్టులో టీమిండియా ఓడిపోయింది. అయితే, గత చేదు జ్ఞాపకాలు చెరిపేసేలా తొలిసారి ఎడ్జ్‌బాస్టన్‌లో జయభేరి మోగించింది. దీంతో గంభీర్‌కు కాస్త ఊరట లభించింది.తరచుగా గడ్డానికి రంగు వేయాల్సి వస్తోందిఈ నేపథ్యంలో సహచర మాజీ ఆటగాడు, కామెంటేటర్‌ ఛతేశ్వర్‌ పుజారాకు ఇచ్చిన ఇంటర్వ్యూలో గంభీర్‌ ఆసక్తికర వ్యాఖ్యలు చేశాడు. ‘‘గతంలో కంటే ఇప్పుడు తరచుగా గడ్డానికి రంగు వేయాల్సి వస్తోంది.ఆటగాడిగా ఉన్నపుడు మన ఆట గురించి మాత్రమే ఆలోచిస్తాం. అదే కోచ్‌గా మారితే.. జట్టు మొత్తానికి మనదే బాధ్యత. ప్రతి విషయానికి మనమే జవాబుదారీగా ఉండాలి. ఎలాంటి వ్యక్తిగత, ప్రత్యేక ఎజెండాలు లేకుండా జట్టు ప్రయోజనాల గురించి మాత్రమే ఆలోచించాలి.అయితే, కోచ్‌గా ఉండటం వల్ల అభద్రతా భావం మాత్రం ఎప్పుడూ దరిచేరదు. జట్టుతో కలిసే మనం నేర్చుకుంటాం. వారితో కలిసే ఎదుగుతాము. ఏదేమైనా ప్రతిరోజూ ఓ కొత్త సవాలే.గంభీర్‌ ఎవరికీ ముఖ్యం కాదుదేశానికి ప్రాతినిథ్యం వహించడం గొప్ప విషయం. ఇక్కడ గౌతం గంభీర్‌ అనే వ్యక్తి ముఖ్యం కాదు. భారత క్రికెట్‌ అనేదే అన్నింటికంటే ముఖ్యమైనది. డ్రెసింగ్‌రూమ్‌లో తమ అభిప్రాయాలు పంచుకునేందుకు ప్రతి ఒక్కరికి హక్కు ఉంటుంది. వారి అభిప్రాయాలు కోచ్‌గా నాకూ ముఖ్యమే. ఏదేమైనా ఆటగాడిగా ఉండటం కంటే కోచ్‌గా కష్టతరమైన పనే’’ అని గంభీర్‌ చెప్పుకొచ్చాడు.చదవండి: ప్యాట్‌ కమిన్స్‌ని సలహా అడిగితే ఏమన్నాడంటే..: నితీశ్‌ రెడ్డి

లార్డ్స్‌ టెస్టులో టీమిండియా యువ ఆల్‌రౌండర్‌ నితీశ్‌ కుమార్‌ రెడ్డి తొలిరోజు సత్తా చాటాడు. ఒకే ఓవర్లో ఇంగ్లండ్‌ ఓపెనర్లు జాక్‌ క్రాలే (18), బెన్‌ డకెట్‌ (23) వికెట్లు కూల్చి భారత్‌కు శుభారంభం అందించాడు. తద్వారా లోయర్‌ ఆర్డర్‌లో బ్యాటింగ్‌ కోసమంటూ నితీశ్‌ (Nitish Kumar Reddy)ను ఎంపిక చేయడం సరికాదన్న విమర్శకులకు ఆటతోనే బదులిచ్చాడు.కమిన్స్‌ని సలహా అడిగితే ఏమన్నాడంటేఈ నేపథ్యంలో లార్డ్స్‌ టెస్టు మొదటి రోజు పూర్తయిన అనంతరం నితీశ్‌ రెడ్డి మీడియాతో మాట్లాడుతూ ఆసక్తికర విషయాలు పంచుకున్నాడు. ‘‘ఇక్కడికి వచ్చే ముందే.. ఆస్ట్రేలియా, ఇంగ్లండ్‌ పిచ్‌ పరిస్థితులలో ఎలాంటి వైరుధ్యాలు ఉంటాయని ప్యాట్‌ (ఆసీస్‌ సారథి ప్యాట్‌ కమిన్స్‌ Pat Cummins)ను అడిగాను.నాకిదే తొలి ఇంగ్లండ్‌ పర్యటన కాబట్టి సలహాలు ఇవ్వమన్నాను. అందుకు బదులుగా.. ‘పిచ్‌ స్వభావంలో పెద్దగా తేడా ఉండదు. అయితే, వాతావరణ పరిస్థితులకు అనుగుణంగా నువ్వు బౌలింగ్‌ను మార్చుకోవాల్సి ఉంటుంది’ అని చెప్పాడు’’ అని నితీశ్‌ రెడ్డి తెలిపాడు.కాగా ఐపీఎల్‌లో నితీశ్‌ రెడ్డి సన్‌రైజర్స్‌ హైదరాబాద్‌కు ప్రాతినిథ్యం వహిస్తున్న విషయం తెలిసిందే. ఈ జట్టుకు ప్యాట్‌ కమిన్స్‌ గత రెండేళ్లుగా కెప్టెన్‌గా ఉన్నాడు. అతడి సారథ్యంలోనే వరుస అవకాశాలు దక్కించుకున్న ఈ ఆంధ్ర పేస్‌ బౌలింగ్‌ ఆల్‌రౌండర్‌.. టీమిండియాలోనూ ఎంట్రీ ఇచ్చి తనను తాను నిరూపించుకుంటున్నాడు.మా కోచ్‌ వల్లే ఇదంతా..ఇక... టీమిండియా బౌలింగ్‌ కోచ్‌ మోర్నీ మోర్కెల్‌ గురించి ప్రస్తావిస్తూ.. ‘‘మోర్నీతో కూడా నా ఆట గురించి చాలానే చర్చించాను. ముఖ్యంగా సరైన లైన్‌ అండ్‌ లెంగ్త్‌తో నిలకడగా బౌలింగ్‌ చేయడంపై దృష్టి సారించాము. గతేడాది కాలంగా ఈ విషయమై కఠినంగా శ్రమించాను.అందుకు ప్రతిఫలంగా నా బౌలింగ్‌లో రోజురోజుకీ పరిణతి కనిపిస్తోంది. ఇలాంటి కోచ్‌తో కలిసి పనిచేయడం నాకెంతో సంతోషంగా ఉంది. ఆయనతో కలిసి ప్రయాణం చేయడాన్ని పూర్తిగా ఆస్వాదిస్తున్నా’’ అని నితీశ్‌ రెడ్డి కోచ్‌ పట్ల కృతజ్ఞతాభావం చాటుకున్నాడు.లార్డ్స్‌లో అమీతుమీకాగా ఆండర్సన్‌-టెండుల్కర్‌ ట్రోఫీలో భాగంగా భారత జట్టు ఇంగ్లండ్‌తో ఐదు టెస్టులు ఆడుతోంది. ఈ క్రమంలో లీడ్స్‌లో జరిగిన తొలి టెస్టులో ఇంగ్లండ్‌ ఐదు వికెట్ల తేడాతో గెలవగా.. ఎడ్జ్‌బాస్టన్‌లో గిల్‌ సేన ఈ ఓటమికి దిమ్మతిరిగేలా సమాధానం ఇచ్చింది. స్టోక్స్‌ బృందాన్ని ఏకంగా 336 పరుగుల తేడాతో చిత్తు చేసి ఈ వేదికపై తొలిసారి గెలుపు నమోదు చేసింది.ఇక ఇరుజట్ల మధ్య లండన్‌లోని ప్రఖ్యాత లార్డ్స్‌ మైదానంలో గురువారం (జూలై 10) మూడో టెస్టు ఆరంభమైంది. టాస్‌ గెలిచి తొలుత బ్యాటింగ్‌కు దిగిన ఇంగ్లండ్‌ మొదటి రోజు ఆట ముగిసేసరికి.. 83 ఓవర్లలో నాలుగు వికెట్ల నస్టానికి 251 పరుగులు చేసింది. జో రూట్‌ 99, బెన్‌ స్టోక్స్‌ 39 పరుగులతో క్రీజులో ఉన్నారు. ఇక భారత బౌలర్లలో నితీశ్‌ రెడ్డి రెండు వికెట్లు కూల్చగా.. జస్‌ప్రీత్‌ బుమ్రా, రవీంద్ర జడేజాకు ఒక్కో వికెట్‌ దక్కాయి. చదవండి: IND vs ENG: చ‌రిత్ర సృష్టించిన జో రూట్‌.. ప్రపంచంలోనే తొలి ప్లేయర్‌గావాట్ రా రెడ్డి, బాగుంది రా మామ👌 #SonySportsNetwork #GroundTumharaJeetHamari #ENGvIND #NayaIndia #DhaakadIndia #TeamIndia #ExtraaaInnings pic.twitter.com/cH9KYukrVX— Sony Sports Network (@SonySportsNetwk) July 10, 2025

ఇంగ్లండ్ స్టార్ బ్యాటర్ జో రూట్(Joe Root) అరుదైన ఘనత సాధించాడు. టీమిండియాపై టెస్టుల్లో 3000 పరుగులు మైలురాయిని అందుకున్న తొలి బ్యాటర్‌గా వరల్డ్ రికార్డు సృష్టించాడు. లార్డ్స్ వేదికగా భారత్‌తో జరుగుతున్న మూడో టెస్టు తొలి ఇన్నింగ్స్‌లో 45 పరుగుల వ్యక్తిగత స్కోర్ వద్ద ఈ ఫీట్ నమోదు చేశాడు.ఓవరాల్‌గా టెస్టుల్లో ఒక జట్టుపై బ్యాటర్ 3000 పరుగులు చేయడం ఇది మూడో సారి. రూట్ కంటే ముందు వెస్టిండీస్ దిగ్గ‌జం గ్యారీ సోబర్స్ ఇంగ్లండ్‌పై, సచిన్ టెండూల్కర్ ఇంగ్లండ్‌పై ఈ ఫీట్ సాధించారు. ఇక ఈ మ్యాచ్ తొలి ఇన్నింగ్స్‌లో రూట్ 54 పరుగులతో తన బ్యాటింగ్‌ను కొనసాగిస్తున్నాడు.తన అద్బుత బ్యాటింగ్‌తో భారత బౌలర్ల సహనాన్ని పరీక్షిస్తున్నాడు. 49 ఓవర్లు ముగిసే సరికి ఇంగ్లండ్ తమ తొలి ఇన్నింగ్స్‌లో రెండు వికెట్ల నష్టానికి 153 పరుగులు చేసింది. క్రీజులో రూట్‌తో పాటు ఓలీ పోప్‌(44) ఉన్నారు. అదేవిధంగా భారత్‌-ఇంగ్లండ్ మధ్య అత్యధిక పరుగులు చేసిన ఆటగాడిగా రూట్ కొనసాగుతున్నాడు.ఇంగ్లండ్ వర్సెస్ భారత సిరీస్‌లో అత్యధిక పరుగులు చేసిన ప్లేయర్లు వీరే..జో రూట్ - 3007సచిన్ టెండూల్కర్ - 2535సునీల్ గవాస్కర్ - 2483సర్ అలస్టెయిర్ కుక్ - 2431విరాట్ కోహ్లీ - 1991చదవండి: IND vs ENG: లార్డ్స్‌ టెస్టులో టీమిండియాకు భారీ షాక్‌

England vs India, 3rd Test- Lord's Day 1: టీమిండియా- ఇంగ్లండ్‌ మధ్య ప్రఖ్యాత లార్డ్స్‌ మైదానంలో మూడో టెస్టుకు రంగం సిద్ధమైంది. ఈ మ్యాచ్‌లో టాస్‌ గెలిచిన ఇంగ్లండ్‌ తొలుత బ్యాటింగ్‌ ఎంచుకుంది. ఈ సందర్భంగా ఇంగ్లండ్‌ సారథి బెన్‌ స్టోక్స్‌ మాట్లాడుతూ.. పిచ్‌ స్వభావాన్ని బట్టి తాను ఈ నిర్ణయం తీసుకున్నట్లు తెలిపాడు.మరోవైపు.. టీమిండియా కెప్టెన్‌ శుబ్‌మన్‌ గిల్‌.. తాను టాస్‌ గెలిస్తే తొలుత బౌలింగ్‌ ఎంచుకునేవాడినని తెలిపాడు. తమ బౌలర్లు పూర్తి విశ్వాసంతో బరిలోకి దిగుతున్నారని పేర్కొన్నాడు. మిడిలార్డర్‌లో బ్యాటింగ్‌ చేయడం తనకు సంతోషంగా ఉందన్న గిల్‌.. తాము ఒకే ఒక్క మార్పుతో బరిలోకి దిగుతున్నట్లు తెలిపాడు. యువ పేసర్‌ ప్రసిద్‌ కృష్ణ స్థానంలో పేస్‌ దళ నాయకుడు జస్‌ప్రీత్‌ బుమ్రాను ఆడిస్తున్నట్లు వెల్లడించాడు. కాగా టెండుల్కర్‌- ఆండర్సన్‌ ట్రోఫీలో భాగంగా ఐదు టెస్టులు ఆడేందుకు టీమిండియా ఇంగ్లండ్‌లో పర్యటిస్తోంది. ఈ క్రమంలో ఇరుజట్ల మధ్య లీడ్స్‌లో తొలి టెస్టు జరుగగా.. ఆతిథ్య ఇంగ్లండ్‌ ఐదు వికెట్ల తేడాతో గెలిచింది. అయితే, ఎడ్జ్‌బాస్టన్‌లో భారత్‌ ఇందుకు ప్రతీకారం తీర్చుకుంది. స్టోక్స్‌ బృందాన్ని ఏకంగా 336 పరుగుల తేడాతో చిత్తుగా ఓడించి.. ఈ వేదికపై తొలి గెలుపు నమోదు చేసింది. ఇక ఇరుజట్ల మధ్య లార్డ్స్‌లో ఇప్పటి వరకు 19 టెస్టులు జరుగగా ఇంగ్లండ్‌ 12, భారత్‌ మూడు టెస్టు గెలువగా.. నాలుగు డ్రా అయ్యాయి. కాగా 2021లో చివరగా ఇక్కడ టీమిండియా గెలుపుబావుటా ఎగురవేసింది. తుదిజట్లుభారత్‌శుబ్‌మన్‌ గిల్‌ (కెప్టెన్), యశస్వి జైస్వాల్, కేఎల్‌ రాహుల్, కరుణ్‌ నాయర్, రిషభ్‌ పంత్, రవీంద్ర జడేజా, వాషింగ్టన్‌ సుందర్, ఆకాశ్‌దీప్, మహ్మద్‌ సిరాజ్, జస్‌ప్రీత్‌ బుమ్రా, నితీశ్‌ కుమార్‌ రెడ్డి.ఇంగ్లండ్‌బెన్‌ స్టోక్స్‌ (కెప్టెన్), జాక్‌ క్రాలీ, బెన్‌ డకెట్, ఓలీ పోప్, జో రూట్, హ్యారీ బ్రూక్, జేమీ స్మిత్, క్రిస్‌ వోక్స్, బ్రైడన్‌ కార్స్, జోఫ్రా ఆర్చర్, షోయబ్‌ బషీర్‌.

ఇంగ్లండ్‌తో రెండో టెస్టులో టీమిండియా యాజమాన్యం వ్యవహరించిన తీరు సరికాదని భారత మాజీ క్రికెటర్‌, కామెంటేటర్‌ సంజయ్‌ మంజ్రేకర్‌ విమర్శించాడు. చారిత్రాత్మక గెలుపు కారణంగా తుదిజట్టు ఎంపిక విషయంలో చేసిన కొన్ని పొరపాట్లు కనుమరుగైపోయాయని పేర్కొన్నాడు. ఫలితం అనుకూలంగా రాకపోయి ఉంటే.. పెద్ద ఎత్తున విమర్శలు వచ్చేవని అభిప్రాయపడ్డాడు.కాగా ఇంగ్లండ్‌తో ఐదు టెస్టులు ఆడుతున్న టీమిండియా (IND vs ENG).. లీడ్స్‌లో తొలి మ్యాచ్‌లో ఓడిపోయింది. అయితే, అందుకు ప్రతీకారం తీర్చుకుని ఎడ్జ్‌బాస్టన్‌లో తొలిసారి గెలుపు జెండా ఎగురవేసి చారిత్రాత్మక​ విజయంతో సిరీస్‌ను 1-1తో సమం చేసింది.ఇక ఈ మ్యాచ్‌లో భారత్‌ మూడు మార్పులతో బరిలోకి దిగిన విషయం తెలిసిందే. ప్రధాన పేసర్‌ జస్‌ప్రీత్‌ బుమ్రా (Jasprit Bumrah)కు విశ్రాంతినిచ్చిన యాజమాన్యం.. సాయి సుదర్శన్‌, శార్దూల్‌ ఠాకూర్‌లపై మాత్రం వేటు వేసింది. ఈ ముగ్గురి స్థానాల్లో ఆకాశ్‌ దీప్‌ (Akash Deep), వాషింగ్టన్‌ సుందర్‌, నితీశ్‌ కుమార్‌ రెడ్డి (Nitish Kumar Reddy)లను జట్టులోకి తీసుకుంది.ఈ నేపథ్యంలో సంజయ్‌ మంజ్రేకర్‌ మాట్లాడుతూ.. సాయి సుదర్శన్‌పై వేటు వేయడాన్ని తప్పుబట్టాడు. ఒక్క మ్యాచ్‌లో విఫలమైనంత మాత్రాన అతడిని తప్పించాల్సిన అవసరం లేదని.. మరో అవకాశం ఇచ్చి ఉంటే బాగుండేదని పేర్కొన్నాడు. నిజానికి కరుణ్‌ నాయర్‌ వన్‌డౌన్‌ బ్యాటర్‌ కాదని.. సాయి ఈ స్థానంలో సరిగ్గా సరిపోతాడని అభిప్రాయపడ్డాడు.ఒక్క మ్యాచ్‌కే తప్పిస్తారా?.. ‘‘గత మ్యాచ్‌లో టీమిండియా యాజమాన్యం కొన్ని ఆసక్తికర ఎంపికలు చేసింది. వాటితో నేను ఏమాత్రం ఏకీభవించడం లేదు. రెండో టెస్టులో గెలిచిన కారణంగా ఇవన్నీ కనుమరుగైపోయాయి.నిజానికి సాయి సుదర్శన్‌ విషయంలో వారు చేసింది తప్పు. దీర్ఘకాలిక ప్రయోజనాల దృష్ట్యా ఈ యువ ఆటగాడికి మరో అవకాశం ఇవ్వాల్సింది. తొలి టెస్టు రెండో ఇన్నింగ్స్‌లో అతడు బాగానే ఆడాడు. కాబట్టి రెండో మ్యాచ్‌లోనూ కొనసాగించాల్సింది.కానీ వాళ్లు అతడిని తప్పించారు. మూడో స్థానంలో సాయి సుదర్శన్‌ సరైన బ్యాటర్‌. కరుణ్‌ నాయర్‌ను వన్‌డౌన్‌లో ఆడించడం సరికాదు. విఫలమైనా కరుణ్‌కి అవకాశాలు ఇచ్చినప్పుడు సాయి సుదర్శన్‌కు కూడా ఛాన్స్‌ ఇవ్వాల్సింది కదా!అతడి కోసం నితీశ్‌ రెడ్డి త్యాగం చేయాల్సిందిఅలా అని నేనేమీ కరుణ్‌ నాయర్‌కు వ్యతిరేకం కాదు. చాలా ఏళ్ల తర్వాత కష్టపడి అతడు జట్టులోకి వచ్చాడు. అయితే, అతడు మాత్రం వన్‌డౌన్‌లో ఆడే బ్యాటర్‌ మాత్రం కాదు. నిజానికి లోయర్‌ ఆర్డర్‌లో నితీశ్‌ కుమార్‌ రెడ్డి కరుణ్‌ కోసం త్యాగం చేయాల్సింది’’ అని మంజ్రేకర్‌ ఈఎస్‌పీఎన్‌క్రిక్‌ఇన్ఫోతో పేర్కొన్నాడు. కాగా లీడ్స్‌ టెస్టుతో టీమిండియా తరఫున సంప్రదాయ ఫార్మాట్లో అరంగేట్రం చేసిన సాయి సుదర్శన్‌ డకౌట్‌ అయ్యాడు. రెండో ఇన్నింగ్స్‌లో మాత్రం 30 పరుగులతో ఫర్వాలేదనిపించాడు. మరోవైపు.. కరుణ్‌ నాయర్‌ కూడా తొలి ఇన్నింగ్స్‌లో డకౌట్‌ అయ్యాడు. రెండో ఇన్నింగ్స్‌లోనూ కేవలం 20 పరుగులే చేశాడు. ఇక భారత్‌- ఇంగ్లండ్‌ మధ్య గురువారం నుంచి లార్డ్స్‌లో మూడో టెస్టు మొదలుకానుంది. ఈ మ్యాచ్‌తో బుమ్రా తిరిగి మైదానంలో అడుగుపెట్టనున్నాడు.చదవండి: IND vs ENG: తుది జట్టులోకి బుమ్రా.. అతడిపైనే వేటు

భారత టెస్టు జట్టు కెప్టెన్‌ శుబ్‌మన్‌ గిల్‌ (Shubman Gill)పై టీమిండియా మాజీ క్రికెటర్‌ యువరాజ్‌ సింగ్‌ (Yuvraj Singh) ప్రశంసలు కురిపించాడు. ఇంగ్లండ్‌ గడ్డ మీద బ్యాటర్‌గా, సారథిగా రాణిస్తున్న గిల్‌ను చూస్తే గర్వంగా ఉందన్నాడు. అంతర్జాతీయ క్రికెట్‌లో ఈ పంజాబీ బ్యాటర్‌ మరిన్ని శతకాలు బాది తన పేరును చరిత్ర పుటల్లో లిఖించుకోవాలని ఆకాంక్షించాడు.కాగా ఇంగ్లండ్‌తో ఆండర్సన్‌- టెండుల్కర్‌ ట్రోఫీ (Anderson- Tendulkar Trophy)లో భాగంగా ఐదు టెస్టులు ఆడేందుకు టీమిండియా అక్కడికి వెళ్లింది. స్పిన్‌ దిగ్గజం రవిచంద్రన్‌ అశ్విన్‌, కెప్టెన్‌ రోహిత్‌ శర్మ, దిగ్గజ బ్యాటర్‌ విరాట్‌ కోహ్లి రిటైర్మెంట్‌ తర్వాత.. తొలిసారిగా జరుగుతున్న ఈ సిరీస్‌ సందర్భంగా యువ ఆటగాడు గిల్‌ కెప్టెన్‌గా బా​ధ్యతలు చేపట్టాడు. జస్‌ప్రీత్‌ బుమ్రా, రిషభ్‌ పంత్‌, రవీంద్ర జడేజా వంటి సీనియర్లు ఉన్న జట్టుకు సారథిగా ఎంపికైన అతడు.. తొలి టెస్టులోనే బ్యాట్‌ ఝులిపించాడు.చారిత్రాత్మక విజయంలీడ్స్‌లో ఇంగ్లండ్‌పై శతక్కొట్టిన (147) గిల్‌.. సారథిగా మాత్రం విజయాన్ని అందుకోలేకపోయాడు. అయితే, ఎడ్జ్‌బాస్టన్‌ వేదికగా డబుల్‌ సెంచరీ (269), సెంచరీ (161)లతో చెలరేగి చారిత్రాత్మక గెలుపును రుచిచూశాడు. ఎడ్జ్‌బాస్టన్‌లో తొలిసారి టీమిండియాను గెలిపించిన సారథిగా చరిత్రకెక్కాడు.గర్వంగా ఉందిఈ నేపథ్యంలో గిల్‌ మెంటార్‌ యువరాజ్‌ సింగ్‌ మాట్లాడుతూ.. ‘‘కెప్టెన్‌గా తనకు వచ్చిన అవకాశాన్ని శుబ్‌మన్‌ సవాలుగా తీసుకున్నాడు. అతడిని చూస్తే చాలా గర్వంగా ఉంది. ఒకే టెస్టు మ్యాచ్‌లో 400కు పైగా పరుగులు సాధించడం మామూలు విషయం కాదు.గిల్‌ ఆట నన్నెంతగానో ఆకట్టుకుంది. అతడు మరిన్ని సెంచరీలు కొట్టాలి. గిల్‌ తండ్రి కూడా ఎంతో గర్వించి ఉంటారు’’ అని హర్షం వ్యక్తం చేశాడు. అయితే, ఇంగ్లండ్‌ గడ్డ మీద టీమిండియా చారిత్రాత్మక విజయంలో హెడ్‌కోచ్‌ గౌతం గంభీర్‌తో పాటు చీఫ్‌ సెలక్టర్‌ అజిత్‌ అగార్కర్‌ పాత్ర కూడా ఉందన్నాడు యువీ.ఆ ఇద్దరికీ క్రెడిట్‌ దక్కాల్సింది‘‘టీమిండియా గెలవాలని నాతో పాటు అందరూ కోరుకున్నారు. అయితే, ఈ విజయంలో గౌతం, అజిత్‌ అగార్కర్‌కు దక్కాల్సినంత క్రెడిట్‌ దక్కలేదని అనిపిస్తోంది. ఈ జట్టును ఒక్కచోటికి చేర్చడంలో వారిదే కీలక పాత్ర. తదుపరి మ్యాచ్‌లలోనూ టీమిండియా గెలవాలని మనస్ఫూర్తిగా కోరుకుంటున్నా’’ అని యువీ చెప్పుకొచ్చాడు.కాగా యువరాజ్‌ సింగ్‌కు చెందిన ‘యు వి కెన్‌’ ఫౌండేషన్‌ నిధుల సేకరణ కార్యక్రమం లండన్‌లో జరిగింది. టీమిండియా దిగ్గజం సచిన్‌ టెండుల్కర్‌తో పాటు విరాట్‌ కోహ్లి, బ్రియన్‌ లారా, క్రిస్‌ గేల్‌, కెవిన్‌ పీటర్సన్‌ వంటి దిగ్గజాలు పాల్గొన్నారు. శుబ్‌మన్‌ గిల్‌ సేన కూడా ఇందులో భాగమైంది. ఈ సందర్భంగానే యువీ గిల్‌ గురించి పైవిధంగా స్పందించాడు.చదవండి: IND vs ENG: తుది జట్టులోకి బుమ్రా.. అతడిపైనే వేటు

ఇంగ్లండ్‌తో మూడో టెస్టుకు టీమిండియా (Ind vs Eng) సిద్ధమైంది. ప్రఖ్యాత లార్డ్స్‌ మైదానంలో ఇరుజట్ల మధ్య గురువారం నుంచి టెస్టు మ్యాచ్‌ మొదలుకానుంది. ఈ క్రమంలో ఇంగ్లండ్‌ ఇప్పటికే తమ తుదిజట్టును ప్రకటించగా.. భారత్‌ ప్లేయింగ్‌ ఎలెవన్‌లోకి ప్రధాన పేసర్‌ జస్‌ప్రీత్‌ బుమ్రా (Jasprit Bumrah) రావడం లాంఛనమే.అయితే, బుమ్రా రాక వల్ల ఎవరిపై వేటు పడుతుందనే చర్చ నడుస్తుండగా.. టీమిండియా దిగ్గజం సునిల్‌ గావస్కర్‌ ఈ విషయంపై స్పందించాడు. ప్రసిద్‌ కృష్ణ (Prasidh Krishna)ను జట్టు నుంచి తప్పించడం ఖాయమేనని స్పష్టం చేశాడు. కాగా లీడ్స్‌ వేదికగా తొలి టెస్టులో ఓడిన టీమిండియా.. బర్మింగ్‌హామ్‌లో చారిత్రాత్మక​ విజయం సాధించిన విషయం తెలిసిందే.1-1తో సమంఎడ్జ్‌బాస్టన్‌ వేదికగా ఆతిథ్య జట్టును ఏకంగా 336 పరుగుల తేడాతో చిత్తు చేసి సిరీస్‌ను 1-1తో సమం చేసింది. ఈ మ్యాచ్‌లో బుమ్రా లేకపోయినా.. అతడి స్థానంలో జట్టులోకి వచ్చిన ఆకాశ్‌ దీప్‌ తనకు లభించిన అవకాశాన్ని సద్వినియోగం చేసుకున్నాడు. మొత్తంగా పది వికెట్లు కూల్చి భారత్‌ విజయంలో ప్రధాన పాత్ర పోషించాడు.ఇక సీనియర్‌ పేసర్‌ మహ్మద్‌ సిరాజ్‌ సైతం ఏడు వికెట్లతో సత్తా చాటగా.. ప్రసిద్‌ కృష్ణ మాత్రం కేవలం ఒక వికెట్‌ మాత్రమే పడగొట్టగలిగాడు. పేస్‌ దళంలో అతడొక్కడే ఇలా పూర్తిగా నిరాశపరిచాడు. బర్మింగ్‌హామ్‌లో మొత్తంగా 27 ఓవర్లు బౌలింగ్‌ చేసిన ఈ కర్ణాటక పేసర్‌.. 111 పరుగులు ఇచ్చుకున్నాడు.ప్రసిద్‌ కృష్ణపై వేటుపడక తప్పదుఈ నేపథ్యంలో కామెంటేటర్‌ సునిల్‌ గావస్కర్‌ మాట్లాడుతూ.. ‘‘ఇందులో ఎలాంటి సందేహాలకు తావులేదు. బుమ్రా రాక కారణంగా ప్రసిద్‌ కృష్ణపై వేటుపడకతప్పదు. రెండో టెస్టులో ఇంగ్లండ్‌ తొలి ఇన్నింగ్స్‌లో అతడు ధారాళంగా పరుగులు ఇచ్చుకున్నాడు.లీడ్స్‌లోనూ అంతే. వికెట్లు తీసినప్పటికీ జట్టుకు పెద్దగా ఉపయోగపడే ప్రదర్శన చేయలేదు’’ అని పేర్కొన్నాడు. కాబట్టి మేనేజ్‌మెంట్‌ అతడికి మరో అవకాశం ఇవ్వదని అభిప్రాయపడ్డాడు. ఇదిలా ఉంటే.. పచ్చికతో కూడుకున్న లార్డ్స్ పిచ్‌ ఫాస్ట్‌బౌలర్లకు అనుకూలించనుందన్న విశ్లేషణల నడుమ.. నలుగురు ఫ్రంట్‌లైన్‌ పేసర్లతో భారత్‌ బరిలోకి దిగే అవకాశం ఉంది.బుమ్రా, సిరాజ్‌, ఆకాశ్‌ దీప్‌లతో పాటు ఆల్‌రౌండర్‌ నితీశ్‌ కుమార్‌ రెడ్డి రూపంలో ఈ మేరకు నాలుగు ఆప్షన్లు అందుబాటులో ఉన్నాయి. అయితే, పిచ్‌ స్వభావాన్ని బట్టి తాము 3+1 లేదంటే 3+2 కాంబినేషన్‌తో బరిలోకి దిగుతామని టీమిండియా వైస్‌ కెప్టెన్‌ రిషబ్‌ పంత్‌ వెల్లడించాడు.మూడో టెస్టుకు భారత తుదిజట్టు అంచనాశుబ్‌మన్‌ గిల్‌ (కెప్టెన్), యశస్వి జైస్వాల్, కేఎల్‌ రాహుల్, కరుణ్‌ నాయర్, రిషభ్‌ పంత్, రవీంద్ర జడేజా, వాషింగ్టన్‌ సుందర్, ఆకాశ్‌దీప్, మహ్మద్‌ సిరాజ్, జస్‌ప్రీత్‌ బుమ్రా, నితీశ్‌ కుమార్‌ రెడ్డి.ఇంగ్లండ్‌ తుదిజట్టుబెన్‌ స్టోక్స్‌ (కెప్టెన్), జాక్‌ క్రాలీ, బెన్‌ డకెట్, ఓలీ పోప్, జో రూట్, హ్యారీ బ్రూక్, జేమీ స్మిత్, క్రిస్‌ వోక్స్, బ్రైడన్‌ కార్స్, జోఫ్రా ఆర్చర్, షోయబ్‌ బషీర్‌.చదవండి: చరిత్ర సృష్టించిన టీమిండియా.. ఇంగ్లండ్‌ గడ్డపై తొలి సిరీస్‌ కైవసం

‘‘ట్రిపుల్‌ సెంచరీ సంగతేమో గానీ డబుల్‌ సెంచరీ చేస్తానని కూడా కలలో అనుకోలేదు. లారా ఒక దిగ్గజం. 400 రికార్డుకు ఒక ప్రత్యేకత ఉంది. ఈ విషయంపై కోచ్‌తో చర్చించా. దిగ్గజాల పేరిటే అలాంటి రికార్డు ఉండటం సబబని భావించాం. ఆ ఘనత లారా పేరిట ఉండటమే సరైంది’’.. జింబాబ్వేపై త్రిశతకం బాదిన తర్వాత సౌతాఫ్రికా స్టార్‌ వియాన్‌ ముల్డర్‌ చేసిన వ్యాఖ్యలు ఇవి. తనకు క్వాడ్రపుల్‌ సెంచరీ చేసే అవకాశం వచ్చినా.. లారా మీద గౌరవంతో మాత్రమే.. ఆ ఫీట్‌ జోలికి వెళ్లలేదని చెప్పాడతడు.ఈ నేపథ్యంలో వియాన్‌ ముల్డర్‌పై క్రికెట్‌ ప్రేమికులు ప్రశంసలు కురిపిస్తుండగా.. మరికొందరు మాత్రం అతడిని పెద్ద ఎత్తున ట్రోల్‌ చేస్తున్నారు. జింబాబ్వే లాంటి పసికూన మీద ట్రిపుల్‌ సెంచరీ బాదడం కాస్త సులువేనని.. అయినా.. 399 వద్ద ఇన్నింగ్స్‌ డిక్లేర్‌ చేస్తే దానిని త్యాగం అంటారు గానీ.. 367 వద్ద డిక్లేర్‌ చేయడం ఏమిటంటూ అతడి విశ్వసనీయతను ప్రశ్నిస్తున్నారు. తొలిసారి సౌతాఫ్రికా కెప్టెన్‌గాఇంతకీ విషయం ఏమిటంటే.. వరల్డ్‌ టెస్టు చాంపియన్‌షిన్‌ నయా చాంపియన్‌ సౌతాఫ్రికా ప్రస్తుతం జింబాబ్వేలో పర్యటిస్తోంది. ఆతిథ్య జట్టుపై తొలి టెస్టులో గెలిచిన ప్రొటిస్‌ జట్టు.. రెండో మ్యాచ్‌లోనూ ఇదే ఫలితం పునరావృతం చేయాలని పట్టుదలగా ఉంది. ఇక ఈ టెస్టులో ఆల్‌రౌండర్‌ వియాన్‌ ముల్డర్‌ తొలిసారి సౌతాఫ్రికా కెప్టెన్‌గా వ్యవహరిస్తున్నాడు. బులవాయో వేదికగా టాస్‌ గెలిచిన జింబాబ్వే తొలుత బౌలింగ్‌ చేయగా.. సౌతాఫ్రికా ఐదు వికెట్ల నష్టానికి 626 పరుగులు చేసి తమ ఇన్నింగ్స్‌ డిక్లేర్‌ చేసింది.కాగా సోమవారం నాటి రెండో రోజు ఆటను వియాన్‌ ముల్డర్‌ ఓవర్‌నైట్‌ స్కోరు 264తో మొదలు పెట్టాడు... రెండో రోజు మరో 38 బంతులు ఆడే సరికి అతడి ‘ట్రిపుల్‌ సెంచరీ’ పూర్తయింది... మరో 5 బంతుల తర్వాత దక్షిణాఫ్రికా తరఫున టెస్టుల్లో టాప్‌ స్కోరర్‌ రికార్డు సొంతమైంది... ఆ తర్వాత మరిన్ని రికార్డుల వేట మొదలైంది... జోరు కొనసాగిస్తూ దిగ్గజాలను దాటుకుంటూ పోయాడు... సంగక్కర, వీరేంద్ర సెహ్వాగ్‌, క్రిస్‌ గేల్, గూచ్, డాన్‌ బ్రాడ్‌మన్, మార్క్‌ టేలర్, హనీఫ్, జయసూర్య, గ్యారీ సోబర్స్‌... ఇలా అందరిని అధిగమించి టాప్‌–5లోకి వచ్చేశాడు. 367 పరుగులకు చేరాక లంచ్‌ విరామం వచ్చింది.మరో 34 పరుగులు చేస్తే చాలుఇక తదుపరి లక్ష్యం బ్రియాన్‌ లారా 400 పరుగుల ఘనత... మరో 34 పరుగులు చేస్తే చాలు టెస్టు చరిత్రలో అతను శిఖరాన నిలిచిపోతాడు. కానీ దక్షిణాఫ్రికా శిబిరం నుంచి అనూహ్య ప్రకటన వచ్చింది. ఈ టెస్టులో కెప్టెన్‌గా వ్యవహరిస్తున్న ముల్డర్‌ ఇన్నింగ్స్‌ను డిక్లేర్‌ చేస్తున్నట్లు తానే స్వయంగా ప్రకటించాడు. 367 పరుగులతో నాటౌట్‌గా తన ఇన్నింగ్స్‌ను ముగించాడు. లారాను దాటకపోయినా... తన అద్భుత బ్యాటింగ్‌తో అతను ఎన్నో రికార్డులను తిరగరాశాడు. ఈ క్రమంలోనే లారా రికార్డును టచ్‌ చేయకూడదనే ఉద్దేశంతోనే తాను 400కు దూరంగా ఉన్నట్లు తెలిపాడు.లారా ఒక్కడి మీదే గౌరవమా?.. అతడిది నిజంగా నిస్వార్థమేనా?ఈ నేపథ్యంలో.. ‘‘ప్రతి ఒక్కరు వియాన్‌ ముల్డర్‌లా నిస్వార్థంగా ఉంటే.. ఈ ప్రపంచం ఎంతో బాగుండేది’’ అని కొంత మంది ప్రశంసలు కురిపిస్తున్నారు. మరికొందరు మాత్రం అతడు చేసిన పని తప్పు అని విమర్శిస్తున్నారు. ‘‘ఒకవేళ ముల్డర్‌ లారా పట్ల గౌరవం ప్రదర్శించాలని భావిస్తే.. 399 వరకు ఆడి అప్పుడు డిక్లేర్‌ చేయాల్సింది.లారాను గౌరవిస్తున్నాడు సరే.. మరి హెడెన్‌, జయవర్దనే, సోబర్స్‌ ఇలా అందరినీ గౌరవించాలి కదా! అయినా ఆటల్లో రికార్డులు ఉన్నవే బద్దలు కొట్టడానికి కదా! అసాఫా పావెల్‌ కోసం ఉసేన్‌ బోల్ట్‌ నెమ్మదిగా పరిగెత్తలేడు..ఏదేమైనా ఇక్కడ ప్రత్యర్థిని ఆడించి.. ఆలౌట్‌ చేసి గెలవాలంటే సౌతాఫ్రికాకు సమయం కావాలి. అందుకే ఇన్నింగ్స్‌ డిక్లేర్‌ చేశారు. కానీ ముల్డర్‌ తానేదో త్యాగం చేస్తున్నట్లు చెప్పడం సరికాదు’’ అని ట్రోల్‌ చేస్తున్నారు.

టీమిండియా టెస్టు కెప్టెన్‌ శుబ్‌మన్‌ గిల్‌ (Shubman Gill)పై ఇంగ్లండ్‌ మాజీ బ్యాటర్‌ మార్క్‌ బుచర్‌ ప్రశంసలు కురిపించాడు. మిడిలార్డర్‌లో కీలకమైన నాలుగో స్థానంలో చక్కగా రాణిస్తున్నాడని.. సచిన్‌ టెండుల్కర్‌, విరాట్‌ కోహ్లిల స్థానాన్ని అతడు భర్తీ చేస్తున్నాడని కొనియాడాడు. తీవ్రమైన ఒత్తిడిలోనూ బ్యాటర్‌గా అదరగొడుతున్నాడని.. మంచినీళ్లప్రాయంలా పరుగుల వరద పారిస్తున్నాడని ప్రశంసించాడు.ఇంగ్లండ్‌ పర్యటన సందర్భంగా గిల్‌ భారత టెస్టు జట్టు కెప్టెన్‌గా తన ప్రయాణం మొదలుపెట్టిన విషయం తెలిసిందే. టెండుల్కర్‌- ఆండర్సన్‌ ట్రోఫీలో భాగంగా ఐదు టెస్టుల సిరీస్‌లో తొలుత టీమిండియాను ఓటమి పలకరించింది. లీడ్స్‌లో శుబ్‌మన్‌ గిల్‌ సహా కేఎల్‌ రాహుల్‌, యశస్వి జైస్వాల్‌, రిషభ్‌ పంత్‌ (రెండు సెంచరీలు) శతక్కొట్టినా.. బౌలింగ్‌, ఫీల్డింగ్‌ వైఫల్యం వల్ల ఓటమిపాలైంది.అయితే, రెండో టెస్టులో మాత్రం ఆ తప్పిదాన్ని పునరావృతం చేయలేదు. మరోసారి బ్యాటర్‌గా దుమ్ములేపిన గిల్‌.. కెప్టెన్‌గానూ అదరగొట్టాడు. ఎడ్జ్‌బాస్టన్‌ వేదికగా తొలి ఇన్నింగ్స్‌లో డబుల్‌ సెంచరీ (269) కొట్టిన ఈ కుడిచేతి వాటం బ్యాటర్‌.. రెండో ఇన్నింగ్స్‌లో భారీ శతకం (161)తో అలరించాడు.సారథిగానూ తనదైన వ్యూహాలతో ముందుకు సాగి జట్టుకు చారిత్రాత్మక​ విజయం అందించాడు. ఎడ్జ్‌బాస్టన్‌లో ఇంగ్లండ్‌ను ఏకంగా 336 పరుగులతో ఓడించిన భారత్‌.. ఈ వేదికపై తొలిసారి విజయభేరి మోగించింది. ప్రస్తుతానికి సిరీస్‌ను 1-1తో సమం చేసింది.ఈ నేపథ్యంలో శుబ్‌మన్‌ గిల్‌ను ఉద్దేశించి మార్క్‌ బుచర్‌ ఆసక్తికర వ్యాఖ్యలు చేశాడు. ‘‘క్రీడా ప్రపంచంలో భారత క్రికెట్‌ జట్టు కెప్టెన్‌గా ఉండటం కంటే ఒత్తిడితో కూడిన బాధ్యత మరొకటి ఉండదు. ప్రతీ అడుగును నిశితంగా పరిశీలిస్తూ విమర్శలు చేస్తూ ఉంటారు.బ్యాటింగ్‌ ఆర్డర్‌లో కోహ్లి, టెండుల్కర్‌ స్థానాన్ని గిల్‌ భర్తీ చేస్తున్నాడని ప్రత్యేకంగా చెప్పనక్కర్లేదు. అతడిపై ప్రస్తుతం తీవ్రమైన ఒత్తిడి ఉంది. అయినా సరే.. మంచినీళ్లప్రాయంగా తన పని చేసుకుంటూ పోతున్నాడు. కొత్త బాధ్యతను ఎంతో చక్కగా, సౌకర్యవంతంగా నిర్వర్తిస్తున్నాడు’’ అని గిల్‌పై బుచర్‌ ప్రశంసల జల్లు కురిపించాడు. ఇండియా టుడేతో మాట్లాడుతూ ఈ మేరకు వ్యాఖ్యలు చేశాడు. కాగా భారత్‌- ఇంగ్లండ్‌ మధ్య మూడో టెస్టు (జూలై 10-14)కు లార్డ్స్‌ వేదిక.

టీమిండియా హెడ్‌కోచ్‌ గౌతం గంభీర్‌ Gautam Gambhir)కు చాలా కాలం తర్వాత గొప్ప ఊరట లభించింది. ఇంగ్లండ్‌ (IND vs ENG)తో రెండో టెస్టులో భారత్‌ చారిత్రాత్మక విజయం సాధించడంతో అతడిపై విమర్శలకు అడ్డుకట్ట పడింది. కాగా గౌతీ కోచ్‌గా బాధ్యతలు చేపట్టిన తర్వాత పరిమిత ఓవర్ల సిరీస్‌లో టీమిండియా బాగానే రాణిస్తోంది.వరుస పరాజయాలుముఖ్యంగా ఇటీవల చాంపియన్స్‌ ట్రోఫీ-2025 (ICC Champions Trophy) రూపంలో ఐసీసీ ట్రోఫీ గెలవడం గంభీర్‌ కోచింగ్‌ కెరీర్‌లో ఓ మధుర జ్ఞాపకంగా మిగిలిపోయింది. అయితే, టెస్టుల్లో మాత్రం గౌతీ వచ్చిన తర్వాత బంగ్లాదేశ్‌పై విజయం మినహా.. టీమిండియా వరుసగా దారుణ పరాజయాలు చవిచూసింది. స్వదేశంలో ఎన్నడూ లేని విధంగా న్యూజిలాండ్‌ చేతిలో 3-0తో క్లీన్‌స్వీప్‌ అయింది. అనంతరం ఆస్ట్రేలియా పర్యటనలోనూ ఘోర పరాభవం చవిచూసింది.ఆసీస్‌ చేతిలో 3-1తో ఓడి దాదాపు పదేళ్ల తర్వాత తొలిసారి బోర్డర్‌- గావస్కర్‌ ట్రోఫీని కోల్పోయింది. ఈ క్రమంలో స్పిన్‌ దిగ్గజం రవిచంద్రన్‌ అశ్విన్‌ ఈ ట్రోఫీ మధ్యలోనే రిటైర్మెంట్‌ ప్రకటించగా.. ఇంగ్లండ్‌తో సిరీస్‌కు ముందు కెప్టెన్‌ రోహిత్‌ శర్మ, దిగ్గజ బ్యాటర్‌ విరాట్‌ కోహ్లి కూడా టెస్టులకు స్వస్తి పలికారు.ఈ నేపథ్యంలో యువ ఆటగాడు శుబ్‌మన్‌ గిల్‌ టెస్టు జట్టు పగ్గాలు చేపట్టగా.. ఇంగ్లండ్‌ పర్యటనలోనూ ఆరంభంలో చేదు అనుభవమే మిగిలింది. తొలి టెస్టులో టీమిండియా గెలవాల్సిన మ్యాచ్‌ను చేజార్చుకుంది. ఇక సంప్రదాయ ఫార్మాట్లో భారత్‌ ఇలా వరుసగా మ్యాచ్‌లు ఓడటంతో గంభీర్‌పై విమర్శల వర్షం కురిసింది. అతడిని కోచ్‌గా తొలగించాలనే డిమాండ్లు వచ్చాయి.తొలిసారి ఈ వేదికపై గెలిచిఇలాంటి తీవ్ర ఒత్తిడి నడుమ టీమిండియా తమకు అచ్చిరాని ఎడ్జ్‌బాస్టన్‌ వేదికపై ఇంగ్లండ్‌పై భారీ విజయం సాధించింది. ఆతిథ్య జట్టుకు ఊహించని రీతిలో షాకిచ్చి.. ఏకంగా 336 పరుగుల తేడాతో చిత్తు చేసింది. తద్వారా టెస్టుల్లో కెప్టెన్‌గా గిల్‌కు.. విదేశీ గడ్డపై కోచ్‌గా గంభీర్‌కు తొలి విజయమే మధురానుభూతిని మిగిల్చింది.ఈ క్రమంలో ఇంగ్లండ్‌పై జయభేరి మోగించిన తర్వాత గంభీర్‌ చిరునవ్వులు చిందించాడు. సాధారణంగా అతడు ఎప్పుడూ గంభీరంగానే ఉంటాడన్న విషయం తెలిసిందే. అయితే, ఈసారి మాత్రం ఇరుజట్ల ఆటగాళుల​ పరస్పరం కరచాలనం చేసుకుంటున్న సమయంలో గిల్‌ను ఆత్మీయంగా ఆలింగనం చేసుకున్న గౌతీ.. ఎంతో సంతోషంగా కనిపించాడు.అతడు తరచూగా నవ్వడు.. ఈసారి మాత్రంఇందుకు సంబంధించిన దృశ్యాలను కెమెరామెన్‌ ఒడిసిపట్టగా.. కామెంటేటర్‌ రవిశాస్త్రి గంభీర్‌ను ఉద్దేశించి తనదైన శైలిలో చణుకులు విసిరాడు. ‘‘అతడు తరచూగా నవ్వడు. అయితే, ఈసారి మాత్రం చిరునవ్వులు చిందించేందుకు పూర్తిగా అర్హుడు.ఒక ఓటమి తర్వాత జట్టు తిరిగి పుంజుకోవడం.. అది కూడా ఈ స్థాయిలో బౌన్స్‌ బ్యాక్‌ అవ్వడం.. సిరీస్‌ ఆశలను సజీవం చేసుకోవడం కంటే ఓ కోచ్‌కు గొప్ప సంతోషం మరేదీ ఉండదు’’ అని రవిశాస్త్రి వ్యాఖ్యానించాడు. అమాసకు.. పున్నానికోసారి మాత్రమే!ఇక రవిశాస్త్రి కామెంట్స్‌ వైరల్‌ కాగా.. ‘‘అమాసకు.. పున్నానికి (అమావాస్యకు.. పౌర్ణమికి) ఓసారి నవ్వే గంభీర్‌.. ఈసారి మనస్ఫూర్తిగా చిరునవ్వులు చిందిస్తుంటే సంతోషంగా ఉంది’’ అంటూ నెటిజన్లు కామెంట్లు చేస్తున్నారు.కాగా టెండుల్కర్‌- ఆండర్సన్‌ ట్రోఫీలో భాగంగా టీమిండియా ఇంగ్లండ్‌తో ఐదు టెస్టులు ఆడుతోంది. లీడ్స్‌ వేదికగా తొలి మ్యాచ్‌లో ఇంగ్లండ్‌ ఐదు వికెట్ల తేడాతో గెలవగా.. బర్మింగ్‌హామ్‌లో గెలిచిన భారత్‌ సిరీస్‌ను 1-1తో సమం చేసింది. ఇరుజట్ల మధ్య జూలై 10-14 వరకు లండన్‌లోని ప్రఖ్యాత లార్డ్స్‌ మైదానంలో మూడో టెస్టుకు షెడ్యూల్‌ ఖరారైంది.చదవండి: ప్రాణం పెట్టి ఆడాడు.. అతడొక అద్భుతం అంతే: శుబ్‌మన్‌ గిల్‌🎙️ Ravi Shastri on-air: Don't see him smile too often but Gautam Gambhir deserves every bit of it. #ENGvsIND pic.twitter.com/avyTsSTv5t— KKR Vibe (@KnightsVibe) July 6, 2025

టీమిండియాతో రెండో టెస్టులో ఇంగ్లండ్‌ బ్యాటర్‌ జో రూట్‌ (Joe Root) అవుటైన తీరుపై మెరిల్‌బోన్‌ క్రికెట్‌ క్లబ్‌ (MCC) స్పందించింది. ఇందులో ఎలాంటి వివాదానికి తావులేదని.. భారత పేసర్‌ ఆకాశ్‌ దీప్‌ (Akash Deep) సంధించిన డెలివరీ నిబంధనలకు లోబడే ఉందని స్పష్టం చేసింది. ఈ అంశంపై అనవసరపు రాద్దాంతాలు అక్కర్లేదని కొట్టిపారేసింది.తొలి గెలుపుటెండుల్కర్‌- ఆండర్సన్‌ ట్రోఫీ ఆడేందుకు టీమిండియా ఇంగ్లండ్‌లో పర్యటిస్తున్న విషయం తెలిసిందే. ఐదు మ్యాచ్‌ల సిరీస్‌లో భాగంగా తొలి టెస్టులో ఆతిథ్య జట్టు గెలవగా.. రెండో టెస్టులో భారత్‌ జయభేరి మోగించింది. ఎడ్జ్‌బాస్టన్‌లో జరిగిన ఈ మ్యాచ్‌లో ఇంగ్లండ్‌ను ఏకంగా 336 పరుగుల తేడాతో చిత్తు చేసి.. ఈ వేదికపై తొలిసారి గెలుపు రుచిచూసింది.పది వికెట్లు తీసిన ఆకాశ్‌ఇక భారత్‌ విజయంలో కెప్టెన్‌ శుబ్‌మన్‌ గిల్‌ (269, 161)తో పాటు పేసర్‌ ఆకాశ్‌ దీప్‌ కీలక పాత్ర పోషించాడు. ఆఖరిదైన ఐదో రోజు ఏడు వికెట్లు కూల్చాల్చిన తరుణంలో ఆకాశమే హద్దుగా చెలరేగి ఇంగ్లండ్‌ బ్యాటింగ్‌ ఆర్డర్‌ పతనాన్ని శాసించాడు. మొత్తంగా ఈ మ్యాచ్‌లో పది వికెట్లు తీసి సత్తా చాటాడు.అయితే, ఇంగ్లండ్‌ తొలి ఇన్నింగ్స్‌లో నాలుగు వికెట్లు కూల్చిన ఈ రైటార్మ్‌ పేసర్‌.. రెండో ఇన్నింగ్స్‌లో ఏకంగా ఆరు వికెట్లు పడగొట్టాడు. బెన్‌ డకెట్‌ (25), ఓలీ పోప్‌ (24), జో రూట్‌ (6)లను బౌల్డ్‌ చేసిన ఆకాశ్‌ దీప్‌.. హ్యారీ బ్రూక్‌ (23)ను వికెట్ల ముందు దొరకబుచ్చుకున్నాడు.రూట్‌ బలయ్యాడా?అదే విధంగా జేమీ స్మిత్‌ (88), బ్రైడన్‌ కార్స్‌ (38) వికెట్లను కూడా తన ఖాతాలో వేసుకున్నాడు. అయితే, జో రూట్‌ అవుటైన తీరు పట్ల విమర్శలు వచ్చాయి. ఆకాశ్‌ దీప్‌ రూట్‌ను బౌల్డ్‌ చేసింది నిజమే అయినా.. అది నో బాల్‌ అని.. అతడి కాలు రిటర్న్‌ క్రీజును దాటిందని పలువురు విమర్శించారు. అంపైర్‌ తప్పిదం కారణంగా అనవసరంగా రూట్‌ బలయ్యాడంటూ కామెంట్లు చేశారు.𝐑𝐨𝐨𝐭 𝐟𝐚𝐥𝐥𝐬 𝐭𝐨 𝐃𝐞𝐞𝐩 🥶#AkashDeep uproots #JoeRoot with a searing in-swinger, his second wicket puts England firmly on the back foot 🤩#ENGvIND 👉 2nd TEST, Day 4 | LIVE NOW on JioHotstar ➡ https://t.co/2wT1UwEcdi pic.twitter.com/avu1sqRrcG— Star Sports (@StarSportsIndia) July 5, 2025ఎంసీసీ వివరణఅయితే, అంపైర్‌ మాత్రం తన నిర్ణయాన్ని అమలు చేసి రూట్‌ను అవుట్‌గా ప్రకటించాడు. ఈ విషయంపై ఎంసీసీ తాజాగా స్పందించింది. రూట్‌ విషయలో అంపైర్‌ది సరైన నిర్ణయమని సమర్థించింది. ‘‘గత వారం టీమిండియా- ఇంగ్లండ్‌ మధ్య రెండో టెస్టు నాలుగో రోజు ఆట సందర్భంగా ఆకాశ్‌ దీప్‌ జో రూట్‌ను అవుట్‌ చేసిన విధానంపై కొందరు సందేహాలు లేవనెత్తారు.అభిమానులతో పాటు కామెంటేటర్లు కూడా అది బ్యాక్‌ ఫుట్‌ నో బాల్‌ అని విశ్వసించారు. నిజానికి దీప్‌ అసాధారణ రీతిలో క్రీజుపై ల్యాండ్‌ అయ్యాడు. అతడి బ్యాక్‌ ఫుట్‌ రిటర్న్‌క్రీజు ఆవల నేలను తాకినట్లు కనిపించింది. అయినా సరే.. అంపైర్‌ దానిని నో బాల్‌గా ప్రకటించలేదని అన్నారు.అయితే, ఈ విషయంలో ఎంసీసీ స్పష్టతనివ్వాలని భావిస్తోంది. నిబంధనల ప్రకారం.. బౌలర్‌ బ్యాక్‌ ఫుట్‌ తొలుత ఎక్కడ ల్యాండ్‌ అయిందన్న విషయాన్నే ఎంసీసీ పరిగణనలోకి తీసుకుంటుంది. ఇక్కడ దీప్‌ పాదం వెనుక భాగం తొలుత నేలను తాకింది. అది రిటర్న్‌ క్రీజు లోపలే ఉంది.అయితే, అతడి పాదంలో కొంత భాగం రిటర్న్‌ క్రీజు అవతల నేలను తాకి ఉండవచ్చు. కానీ నిబంధన ప్రకారం.. అతడి పాదం తొలుత రిటర్న్‌ క్రీజులోపలే ల్యాండ్‌ అయింది. కాబట్టి ఇది చట్టబద్దమైన డెలివరీయే’’ అని ఎంసీసీ తన ప్రకటనలో పేర్కొంది. చదవండి: భారత్‌తో మూడో టెస్ట్‌ కోసం ఇంగ్లండ్‌ జట్టు ప్రకటన.. స్టార్‌ ప్లేయర్‌ రీఎంట్రీ

లక్నో: భారత పేసర్‌ ఆకాశ్‌ దీప్‌ (Akash Deep) విజయవంతమైన బౌలింగ్‌ ప్రదర్శన పట్ల సంతోషం వ్యక్తం చేసిన అతని సోదరి అఖండ్‌ జ్యోతి సింగ్‌ భావోద్వేగానికి గురైంది. క్యాన్సర్‌తో పోరాడుతున్న జ్యోతికి.. ఎడ్జ్‌బాస్టన్‌లోని పది వికెట్ల ప్రదర్శన అంకితమిస్తున్నట్లు మ్యాచ్‌ ముగిసిన అనంతరం ఆకాశ్‌దీప్‌ వ్యాఖ్యానించాడు. ఈ నేపథ్యంలో ఓ వార్తా చానెల్‌కు ఇచ్చిన ఇంటర్వ్యూలో స్పందించిన జ్యోతి తన సోదరుడికి తన ఆనారోగ్యంపై చింతించకుండా దేశం కోసం శ్రమించాలని చెప్పినట్లు వెల్లడించింది.మా నాన్న చనిపోయినపుడు..క్యాన్సర్‌ బారిన పడటంతో తన కుటుంబానికి దూరమైన ఆనందాన్ని ఆకాశ్‌దీప్‌ తన ఆటతీరు ద్వారా తిరిగి తీసుకొచ్చాడని ఆమె సంతోషం వ్యక్తం చేసింది. తమ కుటుంబాన్ని 2015 ఏడాది పెను విషాదంలో ముంచిందని... మళ్లీ ఇన్నాళ్లకు ఆనందం వెల్లివిరిసిందని జ్యోతి చెప్పింది. ‘మా నాన్న చనిపోయినపుడు ఆకాశ్‌ ఢిల్లీలో క్లబ్‌ క్రికెట్‌ ఆడుతున్నాడు. అయితే ఆశించిన ఎదుగుదల రాలేదు. దీంతో నేను గట్టిగా చెప్పాను. క్రికెట్‌ను సీరియస్‌గా తీసుకుంటేనే రాణిస్తావని చెప్పా. ఇక్కడ కుదరకపోతే మరో చోటయినా ప్రయత్నించాలని సూచించాను. దీంతో 2017లో కోల్‌కతాకు మారాక బెంగాల్‌ అండర్‌–23 జట్టు తరఫున నిలకడగా రాణించడం మొదలుపెట్టాడు. ఒకే ఏడాది తండ్రి, ఓ తమ్ముడు మరణించడంతో మా కుటుంబాన్ని ఆర్థిక కష్టాలు చుట్టుముట్టాయి. అయినా సరే దేనికి దిగులు చెందక ఆకాశ్‌ లక్ష్యాన్ని చేరుకునేందుకు మా వంతు ప్రయత్నం మేం చేశాం’ అని జ్యోతి వివరించింది.జబ్బు గురించి చెప్పాలనుకోలేదు ఈ మ్యాచ్‌ను మేమంతా చూశాం. వికెట్‌ తీసిన ప్రతీసారి గట్టిగా చప్పట్లతో సంబరం చేసుకున్నాం. దీంతో ఇరుగు పొరుగువారు వచ్చి ఏమైందని అడిగి వెళ్లిపోయారు. దేశానికి విజయాన్నిచ్చిన అతని ప్రదర్శన మాకైతే పండగను తెచ్చింది. ఇక మీడియాలో నా జబ్బు సంగతి చెప్పినట్లు మొదట తెలియదు.ఎందుకంటే నా క్యాన్సర్‌ గురించి బయటికి వెల్లడించేందుకు మా కుటుంబం సిద్ధంగా లేదు. బహుశా నాపై అప్యాయత కొద్దీ ఆ క్షణం భావోద్వేగానికి గురై అక్కకు అంకితం చేస్తున్నానని చెప్పి ఉండొచ్చు. నేనన్నా... కుటుంబమన్నా అతనికి వల్లమాలిన ప్రేమ. నాకిప్పుడు క్యాన్సర్‌ మూడో దశలో ఉంది. ఇంకో ఆర్నేళ్ల చికిత్స అవసరమని వైద్యులు చెప్పారు. ఆ తర్వాతే ఏమవుతుందో చూడాలి. ఐపీఎల్‌ సమయంలో హాస్పిటల్‌కు... ఐపీఎల్‌లో లక్నో సూపర్‌ జెయింట్స్‌కు ప్రాతినిధ్యం వహించే ఆకాశ్‌ లీగ్‌ జరిగే సమయంలో పది వేదికలు మార్చి మార్చి ఆడే అంతటి బిజీ షెడ్యూల్‌లోనూ ఆస్పత్రిలో చికిత్స పొందుతున్న నన్ను పరామార్శించేందుకు మ్యాచ్‌ ముందో, తర్వాతో తప్పకుండా వచ్చేవాడు. ఎడ్జ్‌బాస్టన్‌ వేదికపై విజయం సాధించాక రెండుసార్లు వీడియో కాల్‌లో మాట్లాడుకున్నాం.అప్పుడు అతను.. నాతో .. ‘‘అక్క ఏమాత్రం బాధపడకు. దేశం మొత్తం మనవెంటే ఉందని చెప్పడంతో ఆ క్షణం నన్ను నేను నియంత్రించుకోలేక భావోద్వేగానికి గురై ఏడ్చేశాను. నిజం చెబుతున్నా... ఇలాంటి తమ్ముడు చాలా అరుదుగా ఉంటాడు. మాకెప్పుడు అండగా ఉంటాడు. మాకు చెప్పందే ఏదీ చేయడు. ప్రతి విషయాన్ని కుటుంబంతో పంచుకుంటాడు. ఆర్నెళ్ల వ్యవధిలోనే మా నాన్న, ఒక సోదరుడు మరణించడంతో కుటుంబభారాన్ని ఆకాశే అన్నీ తానై మోస్తున్నాడు.ఆకాశమంత ధైర్యం నేను క్యాన్సర్‌ చికిత్స తీసుకుంటున్నప్పుడు ఆకాశ్‌ మాటలే నా స్థయిర్యాన్ని పెంచేవి. నా ఆరోగ్యం గురించే ఆలోచించేవాడు. అప్పుడు నేను అతని దృష్టి ఆటపైనే కేంద్రీకరించేందుకు ధైర్యం చెప్పేదాన్ని. ‘నేనిప్పుడు బాగానే ఉన్నాను. నా కోసం బాధపడొద్దు. నాకు తోడుగా నా భర్త ఉన్నాడు. నీవేం విచారించకు’ అని చెబితే... వెంటనే కల్పించుకుని తానేం చేసినా, సాధించినా సోదరిల కోసం, కుటుంబం కోసమే అని బదులిచ్చాడు.మా తల్లిదండ్రులకు మేం ఆరుగురు సంతానం. ముగ్గురు అబ్బాయిలు, ముగ్గురు అమ్మాయిలం. ఆకాశ్‌ అందరికంటే చిన్నవాడు. నేను తనకంటే పదేళ్లు పెద్ద. చిన్నప్పటి నుంచి కూడా మా ఇద్దరి మధ్య ఆప్యాయత ఎక్కువే. మ్యాచ్‌కు ముందు, తర్వాత నాకు వీడియో కాల్‌ చేసి మాట్లాడతాడు. నేను తీసిన ఈ వికెట్లు నీ కోసం, దేశం కోసం’ అని గర్వంగా చెబుతాడు.రాగానే దహీ వడ తినిపిస్తా ఇంగ్లండ్‌ నుంచి స్వదేశానికి రాగానే ఆకాశ్‌ దీప్‌కు ఇష్టమైన వంట చేసి పెడతా. తనకిష్టమైనవే కాదు... తను ఏం కావాలన్నా సరే వండిపెడతా. నేను చేసే దహీ వడ అంటే అతనికెంతో ఇష్టం. ఆకుకూరలతో చేసిన వంటకాలను ఇష్టంగా తింటాడు. మా ఇంటికి ఎప్పుడొచ్చినా అవే చేసిపెట్టాలంటాడు. చదవండి: ప్రాణం పెట్టి ఆడాడు.. అతడొక అద్భుతం అంతే: శుబ్‌మన్‌ గిల్‌

ఇంగ్లండ్‌ టెస్టు జట్టు కెప్టెన్‌ బెన్‌ స్టోక్స్‌ (Ben Stokes)పై టీమిండియా అభిమానులు మండిపడుతున్నారు. ఓడిపోయిన తర్వాత ఇలాంటి కుంటిసాకులు చెప్పడం అస్సలు బాగాలేదంటూ ట్రోల్‌ చేస్తున్నారు. ‘‘అందని ద్రాక్ష పుల్లన’’ అనుకునే ‘నక్క’ మాదిరి వేషాలు వేయొద్దంటూ తమదైన శైలిలో చురకలు అంటిస్తున్నారు. రెండో టెస్టులో ఇంగ్లండ్‌పై భారత్‌ భారీ విజయం సాధించిన విషయం తెలిసిందే.ఎడ్జ్‌బాస్టన్‌లో చరిత్ర తిరగరాస్తూ తొలిసారి ఆతిథ్య జట్టు (IND Beat ENG)పై విజయ ఢంకా మోగించింది. రెండు ఇన్నింగ్స్‌లో కలిపి వెయ్యికి పైగా పరుగులు సాధించి.. ఇంగ్లండ్‌ను ఏకంగా 336 పరుగుల తేడాతో చిత్తు చేసింది. తద్వారా తొలి టెస్టు ఓటమికి ప్రతీకారం తీర్చుకుని ఐదు మ్యాచ్‌ల సిరీస్‌ను 1-1తో సమం చేసింది.ఉపఖండ పిచ్‌ మాదిరే ఉందిఈ నేపథ్యంలో ఓటమి అనంతరం ఇంగ్లండ్‌ కెప్టెన్‌ బెన్‌ స్టోక్స్‌ స్పందిస్తూ.. ఎడ్జ్‌బాస్టన్‌ పిచ్‌ గురించి చేసిన వ్యాఖ్యలు వైరల్‌ అవుతున్నాయి. ‘‘నిజం చెప్పాలంటే.. ఈ వికెట్‌ ఉపఖండ పిచ్‌ మాదిరే ఉంది. ఆట సాగుతున్న కొద్దీ పరుగులు రాబట్టడం కష్టతరంగా మారింది.పర్యాటక జట్టుకు అలవాటైన పిచ్‌లా మారిపోయిందనిపించింది. భారత బౌలింగ్‌ దళం తమకు అనుకూలమైన మాదిరి పిచ్‌పై బాగా ఆడింది’’ అని స్టోక్స్‌ పేర్కొన్నాడు. కాగా ఉపఖండ పిచ్‌లు స్పిన్‌కు అనుకూలంగా ఉంటాయన్న విషయం తెలిసిందే.పేసర్లకు 18 వికెట్లుఅయితే, ఎడ్జ్‌బాస్టన్‌ పిచ్‌ పొడిగా ఉంటుంది కాబట్టి బంతి టర్న్‌ అవుతుందనుకున్నా.. ఈ మ్యాచ్‌లో భారత పేసర్లే 18 వికెట్లు పడగొట్టారు. స్పిన్‌ ఆల్‌రౌండర్లైన రవీంద్ర జడేజా, వాషింగ్టన్‌ తలా ఒక్క వికెట్‌ మాత్రమే తీశారు. దీనిని బట్టి టీమిండియా కొత్త బంతితో ఎంత అద్భుతంగా రాణించిందో అర్థమవుతోంది. అయినప్పటికీ స్టోక్స్‌ ఇలా పిచ్‌ను సాకుగా చూపి.. టీమిండియా గెలుపును తక్కువ చేసేలా మాట్లాడటం అభిమానులకు రుచించలేదు. దీంతో.. ‘‘ఇంత ఏడుపు దేనికి?.. హుందాగా ఓటమిని అంగీకరించవచ్చు కదా’’ అంటూ అతడిని పెద్ద ఎత్తున ట్రోల్‌ చేస్తున్నారు.వరల్డ్‌ క్లాస్‌ టీమ్‌ ఇక ఏదేమైనా భారత్‌ వరల్డ్‌ క్లాస్‌ టీమ్‌ అంటూ ప్రశంసించిన స్టోక్స్‌.. శుమ్‌మన్‌ గిల్‌ అసాధారణ బ్యాటింగ్‌తో ఆకట్టుకున్నాడని కొనియాడటం విశేషం. కాగా ఈ మ్యాచ్‌లో భారత జట్టు కెప్టెన్‌ శుబ్‌మన్‌ గిల్‌ ద్విశతకం (269), శతకం (161) బాదగా... పేసర్‌ ఆకాశ్‌ దీప్‌ పది వికెట్లతో చెలరేగాడు. కాగా భారత్‌- ఇంగ్లండ్‌ మధ్య జూలై 10- 14 మధ్య జరుగనున్న మూడో టెస్టుకు లండన్‌లోని ప్రఖ్యాత లార్డ్స్‌ మైదానం వేదిక.భారత్‌ వర్సెస్‌ ఇంగ్లండ్‌ రెండో టెస్టు- సంక్షిప్త స్కోర్లు👉భారత్‌: 587 & 427/6 డిక్లేర్డ్‌👉ఇంగ్లండ్‌: 407 & 271👉ఫలితం: ఇంగ్లండ్‌పై 336 పరుగుల తేడాతో భారత్‌ జయభేరి.చదవండి: ప్రాణం పెట్టి ఆడాడు.. అతడొక అద్భుతం అంతే: శుబ్‌మన్‌ గిల్‌

ఇంగ్లండ్‌ గడ్డ మీద టీమిండియా చారిత్రాత్మక టెస్టు​ విజయం నేపథ్యంలో భారత దిగ్గజ క్రికెటర్లు సచిన్‌ టెండుల్కర్‌ (Sachin Tendulkar), విరాట్‌ కోహ్లి (Virat Kohli) హర్షం వ్యక్తం చేశారు. యువ సారథి శుబ్‌మన్‌ గిల్‌ (Shubman Gill)తో పాటు జట్టును అభినందించారు. కాగా ప్రసిద్ధ ఎడ్జ్‌బాస్టన్‌ మైదానంలో టీమిండియా తొలిసారి గెలుపు జెండా ఎగురవేసిన విషయం తెలిసిందే. దిగ్గజ బ్యాటర్‌ విరాట్‌ కోహ్లి, కెప్టెన్‌ రోహిత్‌ శర్మ, స్పిన్‌ లెజెండ్‌ రవిచంద్రన్‌ అశ్విన్‌ టెస్టు రిటైర్మెంట్‌ తర్వాత.. తొలిసారిగా విదేశీ పర్యటనకు వెళ్లిన యువ జట్టు.. ఈ అద్భుతం చేసింది.కెప్టెన్‌గా తొలి టెస్టులో ఓటమిని చవిచూసినప్పటికీ రెండో టెస్టులో మాత్రం శుబ్‌మన్‌ గిల్‌.. గత తప్పిదాలను పునరావృతం కానీయలేదు. ఇటు బ్యాటర్‌గా.. అటు సారథిగా అదరగొట్టి భారత్‌కు చిరస్మరణీయ విజయం అందించాడు.ఆకాశ్‌పై ప్రశంసలుఈ నేపథ్యంలో టీమిండియాతో పాటు గిల్‌పై ప్రశంసల వర్షం కురుస్తోంది. భారత క్రికెట్‌ దిగ్గజం సచిన్‌ టెండుల్కర్‌ స్పందిస్తూ... ‘‘టీమిండియా అద్భుత టెస్టు విజయం సాధించినందుకు నీకు శుభాకాంక్షలు గిల్‌. రిషభ్‌ పంత్‌, కేఎల్‌ రాహుల్‌, రవీంద్ర జడేజా కూడా అద్భుతంగా బ్యాటింగ్‌ చేశారు. ముఖ్యంగా రెండో ఇన్నింగ్స్‌లో అదరగొట్టారు.టీమిండియా తన వ్యూహాలతో ఇంగ్లండ్‌ తమ ఆట తీరును మార్చుకునేలా చేసింది. ప్రత్యర్థిపై పైచేయి సాధించి గెలుపొందింది. ఈ మ్యాచ్‌లో టీమిండియా బౌలింగ్‌ అద్భుతం. ఇక ఆకాశ్‌ దీప్‌ గురించి ప్రత్యేకంగా చెప్పేదేముంది?!... జో రూట్‌కు అతడు వేసిన బంతిని ‘బాల్‌ ఆఫ్‌ ది సిరీస్‌’గా చెప్పుకోవచ్చు. అంతేకాదు.. జాంటీరోడ్స్‌ మాదిరి మహ్మద్‌ సిరాజ్‌ క్యాచ్‌ అందుకోవడాన్ని నేనైతే పూర్తిగా ఆస్వాదించాను’’ అని సచిన్‌ టెండుల్కర్‌ భారత ఆటగాళ్లను ప్రశంసించాడు.కోహ్లి పోస్ట్‌ వైరల్‌మరోవైపు.. విరాట్‌ కోహ్లి సైతం స్పందిస్తూ.. ‘‘ఎడ్జ్‌బాస్టన్‌లో టీమిండియాకు గొప్ప విజయం. ఏమాత్రం బెదురులేకుండా ఆడి.. ఇంగ్లండ్‌పై ఆద్యంతం పైచేయి సాధించారు. శుబ్‌మన్‌ గిల్‌ బ్యాట్‌తోనూ.. సారథిగా తన వ్యూహాలతోనూ గొప్పగా రాణించాడు.ప్రతి ఒక్కరు గెలుపులో తమ వంతు పాత్ర పోషించారు. ముఖ్యంగా ఇలాంటి పిచ్‌పై సిరాజ్‌, ఆకాశ్‌ బౌలింగ్‌ చేసిన తీరును కొనియాడాల్సిందే’’ అని ట్వీట్‌ చేశాడు. కాగా కోహ్లి పోస్టును ఇప్పటికే ఐదున్నర మిలియన్ల మందిక్షించారు. ఇక టెండుల్కర్‌- ఆండర్సన్‌ ట్రోఫీ ఆడేందుకు ఇంగ్లండ్‌కు వెళ్లిన టీమిండియా.. ఐదు టెస్టుల సిరీస్‌ ఆడుతున్న సంగతి తెలిసిందే.ఇందులో భాగంగా లీడ్స్‌లో జరిగిన తొలి టెస్టులో గిల్‌ సేన ఐదు వికెట్ల తేడాతో ఓటమిపాలైంది. ఈ మ్యాచ్‌లో ఓవరాల్‌గా భారత్‌ ఐదు సెంచరీలు నమోదు చేసినా.. బౌలింగ్‌, ఫీల్డింగ్‌ వైఫల్యం కారణంగా గెలవాల్సిన మ్యాచ్‌లో పరాజయం చవిచూసింది.గిల్‌ సెంచరీలు.. అదరగొట్టిన ఆకాశ్‌అయితే, ఎడ్జ్‌బాస్టన్‌లో బ్యాటర్లతో పాటు బౌలర్లూ అదరగొట్టారు. కెప్టెన్‌ గిల్‌ డబుల్‌ సెంచరీ (269), సెంచరీ (161) బాది ముందుండి నడిపించగా.. రెండో ఇన్నింగ్స్‌లో కేఎల్‌ రాహుల్‌ (55), రిషభ్‌ పంత్‌ (65), రవీంద్ర జడేజా (69 నాటౌట్‌) అర్ధ శతకాలతో సత్తా చాటారు. దీంతో భారత్‌ ఇంగ్లండ్‌కు 608 పరుగుల లక్ష్యం విధించగా.. నాలుగో రోజు ఆటలో మూడు వికెట్లు కోల్పోయిన ఆతిథ్య జట్టుకు వరణుడు సాయం చేసేలా కనిపించాడు.ఆఖరిదైన ఐదో రోజు వర్షం అంతరాయం కలిగించగా.. మ్యాచ్‌ ఫలితం తేలకుండానే ముగుస్తుందేమోనన్న భయాలు నెలకొన్నాయి. అయితే, వాన తెరిపినిచ్చిన తర్వాత పేసర్‌ ఆకాశ్‌ దీప్‌ ఆకాశమే హద్దుగా చెలరేగి వరుస విరామాల్లో వికెట్లు పడగొట్టి జట్టును విజయతీరాలకు చేర్చాడు. మొత్తంగా ఆకాశ్‌ దీప్‌ ఈ మ్యాచ్‌లో పది వికెట్లు పడగొట్టగా.. సిరాజ్‌ ఏడు వికెట్లతో అతడి తర్వాతి స్థానాన్ని ఆక్రమించాడు. చదవండి: ప్రాణం పెట్టి ఆడాడు.. అతడొక అద్భుతం అంతే: శుబ్‌మన్‌ గిల్‌While Siraj & Akash Deep tore through England, the umpire had other plans for DSP Siraj… and got the stare of the century. 😤🎥India made history — first Asian team to conquer Edgbaston! 🏰🇮🇳From serious records to serial reactions —Historic win. Hilarious moments. One… pic.twitter.com/jF3q64fpws— Star Sports (@StarSportsIndia) July 6, 2025

వెస్టిండీస్‌తో రెండో టెస్టులో ఆస్ట్రేలియా (WI vs AUS 2nd Test) ఘన విజయం సాధించింది. ఆతిథ్య జట్టును 133 పరుగుల తేడాతో చిత్తు చేసింది. తద్వారా మరో టెస్టు మిగిలి ఉండగానే సిరీస్‌ను 2-0తో కంగారూ జట్టు కైవసం చేసుకుంది. కాగా మూడు టెస్టులు, ఐదు టీ20 మ్యాచ్‌లు ఆడే నిమిత్తం ఆస్ట్రేలియా వెస్టిండీస్‌కు వెళ్లింది. రెండో టెస్టులోనూఈ క్రమంలో ఇరుజట్ల మధ్య తొలుత టెస్టు సిరీస్‌ ఆరంభం కాగా.. బార్బడోస్‌లో మొదటి టెస్టు జరిగింది. ఇందులో ఆరంభంలో అదరగొట్టిన విండీస్‌.. ఆ తర్వాత చెత్త ప్రదర్శనతో 159 పరుగుల తేడాతో ఓటమిపాలైంది. తాజాగా గ్రెనెడా వేదికగా రెండో టెస్టులోనూ వెస్టిండీస్‌కు భంగపాటే ఎదురైంది.సెయింట్‌ జార్జెస్‌ మైదానంలో మరోసారి బ్యాటర్ల వైఫల్యం కారణంగా విండీస్‌... ఆస్ట్రేలియా చేతిలో చిత్తుగా ఓడింది. మ్యాచ్‌ నాలుగో రోజు ఆదివారం నాటి ఆట సందర్భంగా.. ఆస్ట్రేలియా నిర్దేశించిన 277 పరుగుల లక్ష్యాన్ని ఛేదించడానికి బరిలోకి దిగింది వెస్టిండీస్‌.143 పరుగులకు ఆలౌటైఓపెనర్లు క్రెయిగ్‌ బ్రాత్‌వైట్‌ (7), జాన్‌ కాంప్‌బెల్‌ (0)తో పాటు వన్‌డౌన్‌ బ్యాటర్‌ కేసీ కార్టీ (10) కూడా పూర్తిగా విఫలమయ్యాడు. నాలుగో నంబర్‌ బ్యాటర్‌ బ్రాండన్‌ కింగ్‌ (14)తో పాటు వికెట్‌ కీపర్‌ బ్యాటర్‌ షాయీ హోప్‌ (17), జస్టిన్‌ గ్రీవ్స్‌ (2) చేతులెత్తేశారు.ఇక కెప్టెన్‌ రోస్టన్‌ ఛేజ్‌ (34) విండీస్‌ రెండో ఇన్నింగ్స్‌లో టాప్‌ రన్‌ స్కోరర్‌గా నిలవగా.. టెయిలెండర్లు అల్జారీ జోసెఫ్‌ 13, షమార్‌ జోసెఫ్‌ 24, జేడన్‌ సీల్స్‌ 8 పరుగులు చేశారు. ఆండర్సన్‌ ఫిలిప్‌ 11 పరుగులతో అజేయంగా ఉన్నాడు. ఈ క్రమంలో రెండో ఇన్నింగ్స్‌లో 34.3 ఓవర్లలో 143 పరుగులకు ఆలౌటైన విండీస్‌.. 133 పరుగుల తేడాతో ఓటమిని చవిచూసింది.ఆసీస్‌ బౌలర్లలో మిచెల్‌ స్టార్క్‌, నాథన్‌ లియాన్‌ (Nathon Lyon) మూడేసి వికెట్లు పడగొట్టగా... జోష్‌ హాజిల్‌వుడ్‌ (Josh Hazlewood) రెండు, కెప్టెన్‌ ప్యాట్‌ కమిన్స్‌, బ్యూ వెబ్‌స్టర్‌ చెరో వికెట్‌ కూల్చారు. ఇక అంతకుముందు ఓవర్‌నైట్‌ స్కోరు 221/7తో రెండో ఇన్నింగ్స్‌ కొనసాగించిన ఆస్ట్రేలియా 71.3 ఓవర్లలో 243 పరుగులకు ఆలౌటైంది. స్టీవ్‌ స్మిత్‌ (71; 7 ఫోర్లు, 1 సిక్స్‌), కామెరాన్‌ గ్రీన్‌ (52; 5 ఫోర్లు) అర్ధ సెంచరీలు చేశారు. ఈ సిరీస్‌లో చివరిదైన మూడో టెస్టు ఈనెల 13 నుంచి కింగ్‌స్టన్‌లో జరుగుతుంది. వెస్టిండీస్‌ వర్సెస్‌ ఆస్ట్రేలియా రెండో టెస్టు👉వేదిక: సెయింట్‌ జార్జెస్‌, గ్రెనెడా👉టాస్‌: ఆస్ట్రేలియా- తొలుత బ్యాటింగ్‌👉ఆసీస్‌ తొలి ఇన్నింగ్స్‌: 286👉విండీస్‌ తొలి ఇన్నింగ్స్‌: 253👉ఆసీస్‌ రెండో ఇన్నింగ్స్‌: 243👉విండీస్‌ రెండో ఇన్నింగ్స్‌: 143👉ఫలితం: 133 పరుగుల తేడాతో విండీస్‌పై ఆసీస్‌ గెలుపు.. సిరీస్‌ 2-0తో కైవసం👉ప్లేయర్‌ ఆఫ్‌ ది మ్యాచ్‌: అలెక్స్‌ క్యారీ (63, 30 రన్స్‌).చదవండి: ప్రాణం పెట్టి ఆడాడు.. అతడొక అద్భుతం అంతే: శుబ్‌మన్‌ గిల్‌

టీమిండియా స్టార్‌ ఆకాశ్‌ దీప్‌ (Akash Deep) సరికొత్త చరిత్ర సృష్టించాడు. ఇంగ్లండ్‌ గడ్డ మీద అత్యుత్తమ గణాంకాలు నమోదు చేసిన భారత బౌలర్‌గా నిలిచాడు. స్టోక్స్‌ బృందంతో రెండో టెస్టు సందర్భంగా ఆకాశ్‌ దీప్‌ ఈ ఘనత సాధించాడు.టెండుల్కర్‌- ఆండర్సన్‌ ట్రోఫీ (Tendulkar- Anderson Trophy)లో భాగంగా ఐదు టెస్టులు ఆడేందకు భారత జట్టు ఇంగ్లండ్‌కు వెళ్లింది. ఇందులో భాగంగా తొలి టెస్టులో ఓడిన గిల్‌ సేన.. రెండో టెస్టులో మాత్రం చారిత్రాత్మక విజయం సాధించింది.336 పరుగుల తేడాతో గెలుపుబర్మింగ్‌హామ్‌లోని ఎడ్జ్‌బాస్టన్‌లో ఆతిథ్య జట్టును ఏకంగా 336 పరుగుల తేడాతో చిత్తు చేసిన భారత్‌.. ఈ వేదికపై తొలిసారి టెస్టు గెలుపును రుచిచూసింది. అంతేకాదు పరుగుల తేడా పరంగా విదేశీ గడ్డపై టీమిండియాకు ఇదే అతిపెద్ద విజయం కావడం మరో విశేషం.ఇక చిరస్మరణీయ గెలుపులో టీమిండియా కెప్టెన్‌ శుబ్‌మన్‌ గిల్‌ (Shubman Gill)తో పాటు.. పేసర్‌ ఆకాశ్‌ దీప్‌లది అత్యంత కీలక పాత్ర. గిల్‌ డబుల్‌ సెంచరీ (269), సెంచరీ (161)తో చెలరేగి.. భారత్‌ ఇంగ్లండ్‌ ముందు కొండంత లక్ష్యం (608) ఉంచడానికి దోహం చేశాడు.పది వికెట్లతో మెరిసిఅయితే, వర్షం అంతరాయం కలిగించిన నేపథ్యంలో ఇంగ్లండ్‌ డ్రా కోసం ప్రయత్నిస్తుందేమోనన్న సందేహాలు నెలకొన్నాయి. ఇలాంటి తరుణంలో ఆకాశ్‌ దీప్‌ అద్భుత ప్రదర్శనతో అదరగొట్టి.. జట్టు విజయాన్ని ఖరారు చేశాడు. ఇంగ్లండ్‌ తొలి ఇన్నింగ్స్‌లో మొత్తంగా 20 ఓవర్లలో 88 పరుగులు ఇచ్చిన ఆకాశ్‌ నాలుగు వికెట్లు పడగొట్టాడు.బెన్‌ డకెట్‌ (0), ఓలీ పోప్‌ (0)లను డకౌట్‌ చేయడంతో పాటు.. ప్రమాదకర బ్యాటర్‌ హ్యారీ బ్రూక్‌ (158)తో పాటు క్రిస్‌ వోక్స్‌ (5) వికెట్‌ను తన ఖాతాలో వేసుకున్నాడు.ఇక రెండో ఇన్నింగ్స్‌లోనూ బెన్‌ డకెట్‌ (25), ఓలీ పోప్‌ (24)ల పనిపట్టాడు ఆకాశ్‌. అంతేకాదు జో రూట్‌ (6), హ్యారీ బ్రూక్‌ (23), జేమీ స్మిత్‌ (88), బ్రైడన్‌ కార్స్‌ (38) వికెట్లను కూడా ఈ 28 ఏళ్ల రైటార్మ్‌ పేసర్‌ పడగొట్టాడు. రెండో ఇన్నింగ్స్‌లో మొత్తంగా 21.1 ఓవర్ల బౌలింగ్‌లో 99 పరుగులు ఇచ్చిన ఆకాశ్‌ దీప్‌ ఇలా ఏకంగా ఆరు వికెట్లు కూల్చాడు.ఓవరాల్‌గా రెండో టెస్టులో మొత్తంగా 187 పరుగులు ఇచ్చి.. పది వికెట్లు పడగొట్టిన ఆకాశ్‌ దీప్‌.. టీమిండియా తరఫున ఇంగ్లండ్‌ గడ్డ మీద అత్యుత్తమ గణాంకాలు నమోదు చేసిన బౌలర్‌గా నిలిచాడు. అంతకు ముందు ఈ రికార్డు చేతన్‌ శర్మ పేరిట ఉండేది.ఇంగ్లండ్‌ గడ్డ మీద టెస్టుల్లో భారత్‌ తరఫున అత్యుత్తమ గణాంకాలు నమోదు చేసిన బౌలర్లు వీరే🏏ఆకాశ్‌ దీప్‌- 2025లో బర్మింగ్‌హామ్‌ వేదికగా- 10/187 🏏చేతన్‌ శర్మ- 1986లో బర్మింగ్‌హామ్‌ వేదికగా- 10/188🏏జస్‌ప్రీత్‌ బుమ్రా- 2021లో ట్రెంట్‌ బ్రిడ్జ్‌ వేదికగా- 9/110 🏏జహీర్‌ ఖాన్‌- 2007లో ట్రెంట్‌ బ్రిడ్జ్‌ వేదికగా- 9/134.చదవండి: ప్రాణం పెట్టి ఆడాడు.. అతడొక అద్భుతం అంతే: శుబ్‌మన్‌ గిల్‌#AkashDeep’s 6/99 was nothing short of sensational. A game-changing performance that turned the tide in India’s favour, securing a historic victory.#ENGvIND 👉 3rd TEST, THU, JULY 10, 2:30 PM onwards on JioHotsta pic.twitter.com/JfBGgKQF7T— Star Sports (@StarSportsIndia) July 6, 2025

భారత టెస్టు క్రికెట్‌లో ఇంత వరకు ఏ కెప్టెన్‌కూ సాధ్యం కాని అరుదైన ఘనతను శుబ్‌మన్‌ గిల్‌ (Shubman Gill) సాధించాడు. ఇంగ్లండ్‌లోని ఎడ్జ్‌బాస్టన్‌ మైదానంలో తొలిసారి టీమిండియాకు టెస్టు విజయాన్ని అందించాడు. బ్యాటర్‌గానూ అద్భుత ఇన్నింగ్స్‌తో ఆకట్టుకుని.. సారథిగా రెండో ప్రయత్నంలోనే చిరస్మరణీయ గెలుపుతో సత్తా చాటాడు.చారిత్రాత్మక విజయంతోనే సమాధానంఈ నేపథ్యంలో 25 ఏళ్ల శుబ్‌మన్‌ గిల్‌పై ప్రశంసల వర్షం కురుస్తోంది. కెప్టెన్‌గా ఇతడేంటి? అన్న వాళ్లకు చారిత్రాత్మక విజయంతోనే సమాధానమిచ్చాడంటూ మాజీ క్రికెటర్లు ఈ కుర్రాడిని కొనియాడుతున్నారు. అయితే, అంతా బాగానే ఉన్నా టీమిండియా రెండో ఇన్నింగ్స్‌ డిక్లేర్‌ చేసే సమయంలో గిల్‌ వ్యవహరించిన తీరు అతడిని చిక్కుల్లో పడేసేలా ఉంది.చిక్కుల్లో పడేలా గిల్‌ చర్య?టెండుల్కర్‌- ఆండర్సన్‌ ట్రోఫీలో భాగంగా భారత్‌ ఇంగ్లండ్‌తో ఎడ్జ్‌బాస్టన్‌ వేదికగా రెండో టెస్టు ఆడిన విషయం తెలిసిందే. ఈ మ్యాచ్‌ తొలి ఇన్నింగ్స్‌లో ద్విశతకం (269)తో చెలరేగిన గిల్‌.. రెండో ఇన్నింగ్స్‌ (161)లోనూ శతక్కొట్టాడు. ఇక రెండో ఇన్నింగ్స్‌లో తాను అవుటైన కాసేపటికే గిల్‌ ఇన్నింగ్స్‌ డిక్లేర్‌ ప్రకటన చేశాడు.డ్రెసింగ్‌రూమ్‌ బయటకు వచ్చి అప్పటికి క్రీజులో ఉన్న రవీంద్ర జడేజా (69*), వాషింగ్టన్‌ సుందర్‌ (12*)లను వెనక్కి రావాల్సిందిగా గిల్‌ రెండు చేతులతో సైగ చేశాడు. అయితే, ఈ సందర్భంగా అతడు తన జెర్సీ తీసేసి.. బ్లాక్‌ వెస్ట్‌ (లో దుస్తులు)తో దర్శనమిచ్చాడు. అది నైక్‌ బ్రాండ్‌కు చెందినది.ఇందుకు సంబంధించిన ఫొటోలు సోషల్‌ మీడియాలో వైరల్‌ అవుతున్నాయి. ఈ నేపథ్యంలో పలువురు నెటిజన్లు గిల్‌ తీరును విమర్శిస్తూ అతడితో పాటు బీసీసీఐ కూడా చిక్కుల్లో పడే అవకాశం ఉందంటూ హెచ్చరిస్తున్నారు. అసలు విషయం ఏమిటంటే..బీసీసీఐ అధికారిక కిట్‌ స్పాన్సర్‌ అడిడాస్‌ అన్న విషయం తెలిసిందే. ఇందుకు గానూ భారత పురుషుల జట్టు జెర్సీలు, కిట్లు రూపొందించేందుకు బీసీసీఐతో భారీ మొత్తానికి అడిడాస్‌ 2023లో ఐదేళ్లకు ఒప్పందాన్ని కుదుర్చుకుంది. అయితే, ఆ బ్రాండ్‌కు కాంపిటీటర్‌ అయిన మరో బ్రాండ్‌ వెస్ట్‌ ధరించి గిల్‌ ఇన్నింగ్స్‌ డిక్లేర్‌ చేయడం.. అది విశేషంగా వైరల్‌ కావడంతో చట్టపరంగా బోర్డుకు, అతడికి చిక్కులు వచ్చే అవకాశాలు ఉన్నట్లు నెటిజన్లు భావిస్తున్నారు. మరి కొందరేమో ఓ అడుగు ముందుకేసి.. ‘‘నువ్వు ఇప్పుడు కెప్టెన్‌వి. ఆచితూచి అడుగేయాలి. ఇలా చేయడం ఎంతమాత్రం సరికాదు’’ అంటూ గిల్‌పై విమర్శల వర్షం కురిపిస్తున్నారు. కాగా ఐదు మ్యాచ్‌ల సిరీస్‌లో భాగంగా భారత్‌- ఇంగ్లండ్‌ మధ్య జూలై 10 -14 మధ్య లార్డ్స్‌లో మూడో టెస్టు నిర్వహణకు షెడ్యూల్‌ ఖరారైంది.టీమిండియా వర్సెస్‌ ఇంగ్లండ్‌ రెండో టెస్టు సంక్షిప్త స్కోర్లు🏏టీమిండియా- 587 & 427/6 d🏏ఇంగ్లండ్‌- 407 & 271🏏ఫలితం- ఇంగ్లండ్‌ను 336 పరుగుల తేడాతో చిత్తు చేసిన టీమిండియా.. 🏏తొలి టెస్టులో ఓటమికి బదులు తీర్చుకుని.. సిరీస్‌ 1-1తో సిరీస్‌ సమం🏏ప్లేయర్‌ ఆఫ్‌ ది మ్యాచ్‌- శుబ్‌మన్‌ గిల్‌.చదవండి: ప్రాణం పెట్టి ఆడాడు.. అతడొక అద్భుతం అంతే: శుబ్‌మన్‌ గిల్‌pic.twitter.com/SkeKPaxH5S— Shubman Gill (@ShubmanGill) July 6, 2025While Siraj & Akash Deep tore through England, the umpire had other plans for DSP Siraj… and got the stare of the century. 😤🎥India made history — first Asian team to conquer Edgbaston! 🏰🇮🇳From serious records to serial reactions —Historic win. Hilarious moments. One… pic.twitter.com/jF3q64fpws— Star Sports (@StarSportsIndia) July 6, 2025

జింబాబ్వేతో తొలి టెస్టులో శతక్కొట్టిన దక్షిణాఫ్రికా బ్యాటర్‌ వియాన్‌ ముల్డర్‌ (259 బంతుల్లో 264 బ్యాటింగ్‌; 34 ఫోర్లు, 3 సిక్స్‌లు).. రెండో టెస్టులోనూ ఇరగదీశాడు. జింబాబ్వే (ZIM vs SA 2nd Test)తో ఆదివారం మొదలైన రెండో టెస్టులో తొలిరోజే అజేయ డబుల్‌ సెంచరీతో సత్తా చాటాడు. దీంతో దక్షిణాఫ్రికా తొలి ఇన్నింగ్స్‌లో 88 ఓవర్లలో 4 వికెట్ల నష్టానికి 465 పరుగుల భారీస్కోరు చేసింది.బౌలర్ల భరతం పట్టాడుఈ మ్యాచ్‌ సందర్భంగా సౌతాఫ్రికా జట్టుకు తొలిసారి సారథ్యం వహిస్తున్న ముల్డర్‌ (Wiaan Mulder) వన్డేను తలపించే ఆట ఆడేశాడు. ఎదుర్కొన్న బంతులకంటే బాదిన పరుగులే ఎక్కువున్నాయి. బౌండరీలైతే మంచినీళ్ల ప్రాయంగా దంచేశాడు. జట్టు స్కోరు 11 వద్ద టోని డి జార్జి (10), 24 పరుగులకే సెనొక్వనే (3) ఇలా ఓపెనర్లు నిష్క్రమించిన వేళ... వన్‌డౌన్‌లో బ్యాటింగ్‌కు దిగి జింబాబ్వే బౌలర్ల భరతం పట్టాడు.ఇక బెడింగ్‌హామ్‌ (82; 7 ఫోర్లు)తో మూడో వికెట్‌కు 184 పరుగులు జోడించిన ముల్డర్‌ రెండో సెషన్‌లోనే సెంచరీ పూర్తి చేసుకున్నాడు. మూడో సెషన్‌లో ప్రిటోరియస్‌ (78; 7 ఫోర్లు, 3 సిక్స్‌లు)తో కలిసి నాలుగో వికెట్‌కు 217 పరుగులు జోడించాడు. దీంతో అఖరి సెషన్‌లో అతని డబుల్‌ సెంచరీ, జట్టు 400 పరుగుల మార్క్‌ను వేగంగా అందుకుంది.తొలిరోజు ఆట ముగిసే సమయానికి ముల్డర్, బ్రెవిస్‌ (15 బ్యాటింగ్‌) క్రీజులో ఉన్నారు. తనక చివంగకు 2 వికెట్లు దక్కగా, మతిగిము, మసకద్జా చెరో వికెట్‌ తీశారు. ఇదే వేదికపై జరిగిన తొలి టెస్టులో సఫారీ 328 పరుగుల భారీ తేడాతో జయభేరి మోగించింది. ప్రపంచ రికార్డు బద్దలు కొట్టిన ముల్దర్‌కెప్టెన్‌ హోదాలో ఆడిన తొలి టెస్టులో.. తొలి ఇన్నింగ్స్‌లో అత్యధిక వ్యక్తిగత స్కోరు (264 నాటౌట్‌) చేసిన ప్లేయర్‌గా వియాన్‌ ముల్డర్‌ చరిత్రకెక్కాడు. ఈ సందర్భంగా.. న్యూజిలాండ్‌ కెప్టెన్‌ గ్రాహమ్‌ డౌలింగ్‌ పేరిట ఉన్న ఆల్‌టైమ్‌ ప్రపంచ రికార్డును ఈ సందర్భంగా ముల్డర్ బద్దలు కొట్టాడు.టెస్టు కెప్టెన్‌గా తొలి ఇన్నింగ్స్‌లోనే అత్యధిక స్కోర్లు సాధించిన ఆటగాళ్లు వీరే🏏వియాన్‌ ముల్డర్‌ (సౌతాఫ్రికా)- 2025లో బులవాయో వేదికగా జింబాబ్వేపై 264 రన్స్‌ నాటౌట్‌🏏గ్రాహమ్‌ డౌలింగ్‌ (Graham Dowling- న్యూజిలాండ్‌)- 1968లో క్రైస్ట్‌చర్చ్‌ వేదికగా టీమిండియాపై 239 రన్స్‌🏏శివ్‌నరైన్‌ చందర్‌పాల్‌ (వెస్టిండీస్‌)- 2005లో జార్జ్‌టౌన్‌ వేదికగా సౌతాఫ్రికా మీద 203 రన్స్‌ నాటౌట్‌🏏క్లెమ్‌ హిల్‌ (ఆస్ట్రేలియా)- 1910లో సిడ్నీ వేదికగా సౌతాఫ్రికాపై 191 రన్స్‌🏏జో రూట్‌ (ఇంగ్లండ్‌)- 2017లో లార్డ్స్‌ వేదికగా సౌతాఫ్రికాపై 190 రన్స్‌🏏అలిస్టర్‌ కుక్‌ (ఇంగ్లండ్‌)- 2017లో చట్టోగ్రామ్‌ వేదికగా బంగ్లాదేశ్‌పై 173 రన్స్‌🏏విజయ్‌ హజారే (ఇండియా)- 1954లో ఢిల్లీ వేదికగా ఇంగ్లండ్‌పై 164 నాటౌట్‌🏏క్లైవ్‌ లాయిడ్‌ (వెస్టిండీస్‌)- 1974లో బెంగళూరు వేదికగా టీమిండియాపై 163 రన్స్‌.ముల్డర్‌.. మరిన్ని రికార్డులు👉అదే విధంగా... టెస్టు మ్యాచ్‌ తొలి రోజున అత్యధిక పరుగులు చేసిన దక్షిణాఫ్రికా బ్యాటర్‌గా ముల్డర్‌ రికార్డు నెలకొల్పాడు. హెర్షల్‌ గిబ్స్‌ (228; 2003లో పాకిస్తాన్‌పై కేప్‌టౌన్‌లో) పేరిట ఉన్న రికార్డును ముల్డర్‌ సవరించాడు.👉అంతేకాదు.. టెస్టు మ్యాచ్‌ తొలి రోజున అత్యధిక పరుగులు చేసిన మూడో బ్యాటర్‌గా ముల్డర్‌ (264) ఘనత వహించాడు. ఈ జాబితాలో డాన్‌ బ్రాడ్‌మన్‌ (309; 1930లో లీడ్స్‌లో ఇంగ్లండ్‌పై), వీరేంద్ర సెహ్వాగ్‌ (284; 2009లో ముంబైలో శ్రీలంకపై), డాన్‌ బ్రాడ్‌మన్‌ (271; 1934లో లీడ్స్‌లో ఇంగ్లండ్‌పై) తొలి మూడు స్థానాల్లో ఉన్నారు. 👉ఇక టెస్టు మ్యాచ్‌ తొలి రోజున దక్షిణాఫ్రికా చేసిన అత్యధిక స్కోరు (465) ఇదే కావడం విశేషం. 2003లో పాకిస్తాన్‌తో కేప్‌టౌన్‌లో జరిగిన టెస్టులో తొలి రోజు దక్షిణాఫ్రికా 3 వికెట్లకు 445 పరుగులు చేసింది.క్లీన్‌ స్వీప్‌ లక్ష్యంగా..కాగా ప్రపంచ టెస్టు చాంపియన్‌షిన్‌ నయా చాంపియన్‌ సౌతాఫ్రికా.. రెండు టెస్టులు ఆడేందుకు జింబాబ్వేలో పర్యటిస్తోంది. బులవాయో వేదికగా జరుగుతున్న ఈ సిరీస్‌ తొలి మ్యాచ్‌లో పర్యాటక ప్రొటిస్‌ జట్టు.. జింబాబ్వేను 328 పరుగుల తేడాతో చిత్తుగా ఓడించింది. ఇక రెండో టెస్టులోనూ అదే ఫలితం పునరావృతం చేసి 2-0తో సిరీస్‌ క్లీన్‌ స్వీప్‌ చేయాలని పట్టుదలగా ఉంది. చదవండి: ప్రాణం పెట్టి ఆడాడు.. అతడొక అద్భుతం అంతే: శుబ్‌మన్‌ గిల్‌

‘‘మా అక్కకు క్యాన్సర్‌. గత రెండు నెలలుగా ఆమె వ్యాధితో పోరాడుతోంది. ఇంత వరకు నేను ఈ విషయం ఎవరికీ చెప్పలేదు. అయితే, ప్రస్తుతం మా అక్క పరిస్థితి బాగానే ఉంది. తను కోలుకుంటోంది.ఈ మ్యాచ్‌లో నా ఆటతీరుతో ఆమె ఎంతగానో సంతోషించి ఉంటుంది. మా అక్కకు నా ఈ మ్యాచ్‌ను అంకితమిస్తున్నా. ఆమె ముఖంపై చిరునవ్వు ఎప్పటికీ చెరగకూడదు. ఇది నీ కోసమే అక్కా.. బంతి అందుకున్న ప్రతిసారి నా మనసులో ఎన్నో ఆలోచనలు వస్తుంటాయి.నీ రూపమే నా మదిలో మెదులుతుంది. నిన్ను సంతోషరచాలనే నా ప్రయత్నాలు. మేమంతా నీతోనే ఉన్నాం’’ అంటూ టీమిండియా స్టార్‌ ఆకాశ్‌ దీప్‌ (Akash Deep) తీవ్ర భావోద్వేగానికి లోనయ్యాడు. ఎడ్జ్‌బాస్టన్‌ (Edgbaston)లో భారత జట్టు విజయంలో కీలక పాత్ర పోషించిన ఈ పేస్‌ బౌలర్‌.. తన ప్రదర్శనను క్యాన్సర్‌తో పోరాడుతున్న తన అక్కకు అంకితమిచ్చాడు.కాగా టెండుల్కర్‌- ఆండర్సన్‌ ట్రోఫీ (Tendulkar- Anderson Trophy)లో భాగంగా ఐదు టెస్టులు ఆడేందుకు టీమిండియా ఇంగ్లండ్‌లో పర్యటిస్తున్న విషయం తెలిసిందే. ఈ క్రమంలో లీడ్స్‌లో జరిగిన తొలి టెస్టులో గిల్‌ సేన.. ఐదు వికెట్ల తేడాతో ఓటమిపాలైంది.ఆది నుంచే ఆధిపత్యంఇలాంటి తరుణంలో ఎడ్జ్‌బాస్టన్‌ వేదికగా రెండో టెస్టు బరిలో దిగిన భారత్‌.. ఆది నుంచే ఆధిపత్యం కనబరిచింది. కెప్టెన్‌ శుబ్‌మన్‌ గిల్‌ ఆకాశమే హద్దుగా చెలరేగి డబుల్‌ సెంచరీ (269), సెంచరీ (161) బాది జట్టును పటిష్ట స్థితిలో నిలిపాడు. అతడి అద్భుత ఇన్నింగ్స్‌ కారణంగా టీమిండియా ఇంగ్లండ్‌కు 608 పరుగుల మేర భారీ లక్ష్యం విధించగలిగింది.కీలక వికెట్లు కూల్చి.. విజయం అందించిఈ క్రమంలో శనివారం నాటి నాలుగో రోజు ఆట పూర్తవుతుందనగా బ్యాటింగ్‌కు దిగిన ఇంగ్లండ్‌.. తొలిరోజే మూడు వికెట్లు కోల్పోయింది. అయితే, ఐదో రోజు వర్షం వల్ల మ్యాచ్‌ ఆలస్యం కాగా.. ‘డ్రా’ భయం అభిమానులను వెంటాడింది. కానీ ఆకాశ్‌ దీప్‌ ఇంగ్లండ్‌కు ఆ అవకాశం ఇవ్వలేదు.అద్భుతమైన డెలివరీలతో ఇంగ్లండ్‌ బ్యాటింగ్‌ ఆర్డర్‌ను కుదేలు చేశాడు. బెన్‌ డకెట్‌ (25), ఓలీ పోప్‌ (24), జో రూట్‌ (6), హ్యారీ బ్రూక్‌ (23), జేమీ స్మిత్‌ (88) రూపంలో ఏకంగా ఐదు కీలక వికెట్లు కూల్చిన ఆకాశ్‌.. బ్రైడన్‌ కార్స్‌ (38) వికెట్‌తో సిక్సర్‌ కొట్టాడు. తద్వారా ఎడ్జ్‌బాస్టన్‌లో భారత్‌ తొలిసారి టెస్టు మ్యాచ్‌ గెలవడంలో ప్రధాన పాత్ర పోషించాడు.బుమ్రా లేడు కాబట్టే..నిజానికి రెండో టెస్టులో ప్రధాన పేసర్‌ జస్‌ప్రీత్‌ బుమ్రాకు విశ్రాంతినివ్వడంతో ఆకాశ్‌ దీప్‌నకు తుదిజట్టులో చోటు దక్కింది. ఇక అక్క క్యాన్సర్‌తో పోరాడుతున్న వేళ.. ఓవైపు తోబుట్టువు గురించి మనసులో ఆందోళనలు చెలరేగుతున్నా ఈ రైటార్మ్‌ పేసర్‌ తన ఏకాగ్రత చెదరనీయలేదు. వచ్చిన అవకాశాన్ని పూర్తిగా సద్వినియోగం చేసుకున్నాడు.#AkashDeep’s 6/99 was nothing short of sensational. A game-changing performance that turned the tide in India’s favour, securing a historic victory.#ENGvIND 👉 3rd TEST, THU, JULY 10, 2:30 PM onwards on JioHotsta pic.twitter.com/JfBGgKQF7T— Star Sports (@StarSportsIndia) July 6, 2025 ఇక ఇంగ్లండ్‌ తొలి ఇన్నింగ్స్‌లోనూ ఆకాశ్‌ దీప్‌ నాలుగు వికెట్లతో మెరిశాడు. ఇలా రెండో టెస్టులో మొత్తంగా పది వికెట్లు తీసి టీమిండియా చిరస్మరణీయ విజయంలో కీలకంగా మారాడు. మిగతా వాళ్లలో సిరాజ్‌ మొత్తంగా ఏడు వికెట్లు కూల్చగా.. ప్రసిద్‌ కృష్ణ, రవీంద్ర జడేజా, వాషింగ్టన్‌ సుందర్‌ ఒక్కో వికెట్‌ తమ ఖాతాలో వేసుకున్నారు.భారత్‌ వర్సెస్‌ ఇంగ్లండ్‌ రెండో టెస్టు (జూలై 2-6)వేదిక: ఎడ్జ్‌బాస్టన్‌, బర్మింగ్‌హామ్‌భారత్‌: 587 & 427/6 డిక్లేర్డ్‌ఇంగ్లండ్‌: 407 & 271ఫలితం: ఇంగ్లండ్‌పై 336 పరుగుల తేడాతో భారత్‌ భారీ విజయంప్లేయర్‌ ఆఫ్‌ ది మ్యాచ్‌: శుబ్‌మన్‌ గిల్‌.చదవండి: ప్రాణం పెట్టి ఆడాడు.. అతడొక అద్భుతం అంతే: శుబ్‌మన్‌ గిల్‌

ఇంగ్లండ్‌ గడ్డ మీద టీమిండియా చరిత్రను తిరగరాసింది. ఎక్కడైతే వరుస పరాజయాలు చవిచూసిందో అక్కడే ఘన విజయం సాధించి సగర్వంగా తలెత్తుకుంది. తొమ్మిదో ప్రయత్నంలో ఎడ్జ్‌బాస్టన్‌ వేదికపై తొలిసారి టెస్టు మ్యాచ్‌లో జయభేరి మోగించింది. ఆతిథ్య ఇంగ్లండ్‌ జట్టును ఏకంగా 336 పరుగుల (India Beat England)తో చిత్తు చేసింది.ఇక భారత టెస్టు జట్టు కెప్టెన్‌గా శుబ్‌మన్‌ గిల్‌ (Shubman Gill)కు ఇదే తొలి విజయం. లీడ్స్‌లో స్టోక్స్‌ బృందం చేతిలో ఓటమికి ప్రతీకారం తీర్చుకుంటూనే.. సరికొత్త చరిత్ర సృష్టించాడు గిల్‌. ఎడ్జ్‌బాస్టన్‌లో ఇటు బ్యాటర్‌గా.. అటు సారథిగా సత్తా చాటి విమర్శకులకు సమాధానం ఇచ్చాడు.ఇంగ్లండ్‌తో రెండో టెస్టులో గిల్‌ డబుల్‌ సెంచరీ (269), సెంచరీ (161)తో చెలరేగి.. ఆతిథ్య జట్టుకు 608 పరుగుల భారీ లక్ష్యాన్ని విధించడంలో కీలక పాత్ర పోషించాడు. అయితే, ఆఖరి రోజు వర్షం అడ్డంకిగా మారినా.. పేసర్‌ ఆకాశ్‌ దీప్‌ (Akash Deep) తన అద్భుత బౌలింగ్‌తో ఇంగ్లండ్‌ను కట్టడి చేసి భారత్‌కు చిరస్మరణీయ విజయం అందించాడు. ఈ మ్యాచ్‌లో అతడు మొత్తంగా పది వికెట్లు కూల్చాడు.ప్రాణం పెట్టి ఆడాడు.. అతడొక అద్భుతం అంతేఈ నేపథ్యంలో విజయానంతరం కెప్టెన్‌ శుబ్‌మన్‌ గిల్‌ మాట్లాడుతూ.. ఆకాశ్‌ దీప్‌పై ప్రశంసలు కురిపించాడు. ‘‘అతడు తన ప్రాణం పెట్టి పూర్తి నిబద్ధతతో ఆడాడు. సరైన లైన్‌ అండ్‌ లెంగ్త్‌తో అద్భుతం చేశాడు. ఇలాంటి వికెట్‌ మీద ఇలా బౌలింగ్‌ చేయడం అందరికీ సాధ్యం కాదు. అతడొక అద్భుతం అంతే’’ అంటూ ఆకాశ్‌ను ఆకాశానికెత్తాడు.కెప్టెన్‌కు ఇంకేం ఇబ్బందిఅదే విధంగా మిగతా బౌలర్ల గురించి ప్రస్తావిస్తూ.. ‘‘మా బౌలర్లు చక్కటి ప్రదర్శన కనబర్చారు. పేసర్లే 17 వికెట్లు తీసి ఇస్తే.. కెప్టెన్‌కు ఇంకేం ఇబ్బంది ఉంటుంది. ఎలాంటి పరిస్థితుల్లో అయినా 20 వికెట్లు తీయగల బౌలింగ్‌ దళం మాకు ఉంది. గతంలో ఎన్నోసార్లు సిరీస్‌ తొలి మ్యాచ్‌లో ఓడిన తర్వాత తిరిగి పుంజుకున్నాం. మా గెలుపునకు కారణం అదేగత మ్యాచ్‌ అనంతరం లోపాలపై దృష్టి పెట్టాం. ఈసారి బౌలింగ్, ఫీల్డింగ్‌లో మెరుగైన ప్రదర్శన వల్లే విజయం సాధ్యమైంది’’ అని తమ గెలుపునకు గల కారణాన్ని వెల్లడించాడు. ఇక తన వ్యక్తిగత ప్రదర్శనతో సంతృప్తిగా ఉన్నానన్న గిల్‌.. క్రీజులో ఉన్నప్పుడు బ్యాటర్‌గానే ఆలోచిస్తానని స్పష్టం చేశాడు.కాగా ఇంగ్లండ్‌తో రెండో టెస్టుకు ప్రధాన పేసర్‌ జస్‌ప్రీత్‌ బుమ్రాకు విశ్రాంతినిచ్చినా.. మహ్మద్‌ సిరాజ్‌, ఆకాశ్‌ దీప్‌ కలిసి అతడు లేని లోటును పూడ్చారు. ఇంగ్లండ్‌ తొలి ఇన్నింగ్స్‌లో సిరాజ్‌ ఆరు వికెట్లతో అదరగొట్టగా.. ఆకాశ్‌ దీప్‌ నాలుగు వికెట్లు కూల్చాడు. ఇక రెండో ఇన్నింగ్స్‌లో ఆకాశ్‌ దీప్‌.. ఆరు వికెట్లు కూల్చి ఇంగ్లండ్‌ బ్యాటింగ్‌ ఆర్డర్‌ పతనాన్ని శాసించాడు. మిగతా వారిలో సిరాజ్‌, ప్రసిద్‌ కృష్ణ ఒక్కో వికెట్‌ తీయగా.. స్పిన్‌ ఆల్‌రౌండర్లు రవీంద్ర జడేజా, వాషింగ్టన్‌ సుందర్‌ తలా ఓ వికెట్‌ దక్కించుకున్నారు.చదవండి: Akash Deep: ‘ఆకాశ’మంత ఆనందం... #AkashDeep’s 6/99 was nothing short of sensational. A game-changing performance that turned the tide in India’s favour, securing a historic victory.#ENGvIND 👉 3rd TEST, THU, JULY 10, 2:30 PM onwards on JioHotsta pic.twitter.com/JfBGgKQF7T— Star Sports (@StarSportsIndia) July 6, 2025

ఇంగ్లండ్‌తో రెండో టెస్టులో భారత్‌ సంపూర్ణ ఆధిపత్యం సాధించింది. ఆది నుంచి పట్టుబిగించిన గిల్‌ సేన.. ఆతిథ్య జట్టుకు కొండంత లక్ష్యాన్ని విధించింది. బ్యాటింగ్‌లో దుమ్ములేపిన టీమిండియా.. శనివారం నాటి నాలుగో రోజు ఆటలో భాగంగా 427/6 పరుగుల వద్ద తమ రెండో ఇన్నింగ్స్‌ డిక్లేర్‌ చేసింది.తద్వారా ఇంగ్లండ్‌ ముందు ఏకంగా 608 పరుగుల టార్గెట్‌ ఉంచింది. 64/1 ఓవర్‌ నైట్‌ స్కోరుతో టీమిండియా శనివారం తమ ఆట మొదలుపెట్టింది. తొలి ఇన్నింగ్స్‌లో డబుల్‌ సెంచరీ (269)తో చెలరేగిన భారత కెప్టెన్‌ శుబ్‌మన్‌ గిల్‌.. రెండో ఇన్నింగ్స్‌లోనూ ధనాధన్‌ దంచికొట్టాడు. 162 బంతుల్లో 161 పరుగులతో భారీ శతకం సాధించాడు.మిగతా వారిలో ఓపెనింగ్‌ బ్యాటర్‌ కేఎల్‌ రాహుల్‌ (55), వికెట్‌ కీపర్‌ బ్యాటర్‌ రిషభ్‌ పంత్‌ (65) అర్ధ శతకాలతో రాణించగా.. ఆల్‌రౌండర్‌ రవీంద్ర జడేజా (69 నాటౌట్‌) ​కూడా హాఫ్‌ సెంచరీ సాధించాడు. ఫలితంగా ఆరు వికెట్ల నష్టానికి 427 పరుగుల వద్ద టీమిండియా తమ రెండో ఇన్నింగ్స్‌ డిక్లేర్‌ చేసింది.ఇంగ్లండ్‌ బౌలర్లలో జోష్‌ టంగ్‌, షోయబ్‌ బషీర్‌ రెండేసి వికెట్లు తీయగా.. బ్రైడన్‌ కార్స్‌, జో రూట్‌ ఒక్కో వికెట్‌ పడగొట్టారు. అనంతరం భారీ లక్ష్యంతో బరిలోకి దిగిన ఇంగ్లండ్‌కు మహ్మద్‌ సిరాజ్‌ ఆదిలోనే షాకిచ్చాడు. ఓపెనర్‌ జాక్‌ క్రాలే (0)ను డకౌట్‌గా వెనక్కి పంపాడు.ఇక మరో భారత పేసర్‌ ఆకాశ్‌ దీప్‌ మరో ఓపెనర్‌ బెన్‌ డకెట్‌ (25), జో రూట్‌ (6) వికెట్లు కూల్చి సత్తా చాటాడు. ఈ క్రమంలో నాలుగో రోజు ఆట ముగిసే సరికి ఇంగ్లండ్‌ 16 ఓవర్లలో మూడు వికెట్ల నష్టానికి 72 పరుగులు చేసింది. హ్యారీ బ్రూక్‌ 15, ఓలీ పోప్‌ 24 పరుగులతో క్రీజులో ఉన్నారు. ఆఖరిదైన ఐదో రోజు భారత్‌ మిగిలిన ఏడు వికెట్లు కూల్చి గెలుపొందాలని పట్టుదలగా ఉండగా.. విజయానికి 536 పరుగుల దూరంలో ఉన్న ఇంగ్లండ్‌ కనీసం డ్రా కోసం ప్రయత్నించే అవకాశం ఉంది.భారత్‌ వర్సెస్‌ ఇంగ్లండ్‌ రెండో టెస్టు-2025 (బుధవారం (జూలై 2)- ఆదివారం (జూలై 6))👉వేదిక: ఎడ్జ్‌బాస్టన్‌ స్టేడియం, బర్మింగ్‌హామ్‌👉టాస్‌: ఇంగ్లండ్‌- మొదట బౌలింగ్‌👉భారత్‌ మొదటి ఇన్నింగ్స్‌ స్కోరు- 587 ఆలౌట్‌👉ఇంగ్లండ్‌ మొదటి ఇన్నింగ్స్‌ స్కోరు- 407 ఆలౌట్‌ 👉భారత్‌కు తొలి ఇన్నింగ్స్‌లో 180 పరుగుల ఆధిక్యం👉భారత్‌ రెండో ఇన్నింగ్స్‌- 427/6 డిక్లేర్డ్‌- తొలి ఇన్నింగ్స్‌ ఆధిక్యంతో కలుపుకొని మొత్తం 607👉ఇంగ్లండ్‌ లక్ష్యం- 608👉శనివారం నాటి నాలుగో రోజు ఆట ముగిసే సరికి ఇంగ్లండ్‌ స్కోరు: 72/3 (16).

రెండో టెస్టులో టీమిండియా ఇంగ్లండ్‌కు భారీ లక్ష్యం విధించింది. ఆతిథ్య జట్టుపై ఆద్యంతం పైచేయి సాధించిన భారత్‌.. ఏకంగా 608 పరుగుల టార్గెట్‌ ఇచ్చింది. టెండుల్కర్‌- ఆండర్సన్‌ ట్రోఫీ (Tendulkar- Anderson Torphy)లో భాగంగా బర్మింగ్‌హామ్‌ వేదికగా భారత్‌- ఇంగ్లండ్‌ మధ్య రెండో టెస్టు బుధవారం మొదలైంది.587 పరుగులుఈ క్రమంలో టాస్‌ ఓడి తొలుత బ్యాటింగ్‌ చేసిన భారత్‌ తొలి ఇన్నింగ్స్‌లో 587 పరుగులు స్కోరు చేసింది. కెప్టెన్‌ శుబ్‌మన్‌ గిల్‌ (Shubman Gill) భారీ ద్విశతకం (269) బాదగా.. రవీంద్ర జడేజా (89), యశస్వి జైస్వాల్‌ (87) అద్భుత ఇన్నింగ్స్‌తో ఆకట్టుకున్నారు. వీరితో పాటు వాషింగ్టన్‌ సుందర్‌ (42) కూడా రాణించాడు.ఇక ఇంగ్లండ్‌ బౌలర్లలో షోయబ్‌ బషీర్‌ అత్యధికంగా మూడు వికెట్లు తీయగా.. క్రిస్‌ వోక్స్‌, జోష్‌ టంగ్‌ రెండు వికెట్లు దక్కించుకున్నారు. మిగిలిన వారిలో కెప్టెన్‌ బెన్‌ స్టోక్స్‌, బ్రైడన్‌ కార్స్‌ తలా ఒక వికెట్‌ తమ ఖాతాలో వేసుకున్నారు. అనంతరం తొలి ఇన్నింగ్స్‌ మొదలుపెట్టిన ఇంగ్లండ్‌.. మూడో రోజు ఆటలో భాగంగా 407 పరుగులకు ఆలౌట్‌ అయింది.హ్యారీ బ్రూక్‌ (158), జేమీ స్మిత్‌ (184 నాటౌట్‌) అద్భుత శతకాలతో 303 పరుగుల భాగస్వామ్యం నమోదు చేయడంతో.. ఇంగ్లండ్‌ మేర స్కోరు చేయగలిగింది. భారత బౌలర్లలో పేసర్లు మహ్మద్‌ సిరాజ్‌ ఆరు వికెట్లతో చెలరేగగా.. ఆకాశ్‌ దీప్‌ నాలుగు వికెట్లు దక్కించుకున్నాడు. ఇక తొలి ఇన్నింగ్స్‌తో కలుపుకొని 180 పరుగుల ఆధిక్యం సంపాదించిన భారత్‌.. ఓవర్‌ నైట్‌ స్కోరు 64/1 (13)తో శనివారం నాటి నాలుగో రోజు ఆట మొదలుపెట్టింది.మరోసారి గిల్‌ దంచేశాడుఆట మొదలైన కాసేపటికే కరుణ్‌ నాయర్‌ (26) పెవిలియన్‌ చేరగా.. ఓపెనర్‌ కేఎల్‌ రాహుల్‌ (55) అర్ధ శతకంతో రాణించాడు. ఇక గిల్‌ మరోసారి భారీ శతకం (161)తో దుమ్ములేపగా.. వికెట​ కీపర్‌ బ్యాటర్‌ రిషభ్‌ పంత్‌ (65), ఆల్‌రౌండర్‌ రవీంద్ర జడేజా (69 నాటౌట్‌) అర్ధ శతకాలతో అదరగొట్టారు. నితీశ్‌ రెడ్డి (1) మరోసారి నిరాశపరచగా.. వాషింగ్టన్‌ సుందర్‌ జడేజాతో కలిసి 12 పరుగులతో అజేయంగా నిలిచాడు.గిల్‌ భారీ శతకం పూర్తైన కాసేపటికి భారత్‌ తమ ఇన్నింగ్స్‌ డిక్లేర్‌ చేసింది. 83 ఓవర్ల ఆటలో ఆరు వికెట్ల నష్టానికి 427 పరుగుల వద్ద డిక్లేర్‌ చేస్తున్నట్లు ప్రకటించింది. ఈ క్రమంలో తొలి ఇన్నింగ్స్‌లో దక్కిన 180 పరుగులకు ఈ మేర (427) స్కోరు జతచేసి... ప్రత్యర్థికి భారీ లక్ష్యం విధించింది. ఈ క్రమంలో శనివారం మూడో సెషన్‌ ఆఖర్లో లక్ష్య ఛేదనకు దిగిన ఇంగ్లండ్‌.. 108 ఓవర్లలో పనిపూర్తి చేయాలి. ఈ నేపథ్యంలో ఆదివారం నాటి ఆఖరి రోజు ఆట ఆసక్తికరంగా మారింది. ఇంగ్లండ్‌ను టీమిండియా ఆలౌట్‌ చేస్తుందా? లేదంటే.. డ్రా చేసుకునేందుకు స్టోక్స్‌ బృందం చేసే ప్రయత్నాలు ఫలిస్తాయా? అన్న విషయం తేలుతుంది.చదవండి: వైభవ్‌ సూర్యవంశీ ప్రపంచ రికార్డు.. మరో ఆటగాడి శతకం.. భారత్‌ భారీ స్కోరు

టీమిండియా కెప్టెన్‌ శుబ్‌మన్‌ గిల్‌ (Shubman Gill) తన కెరీర్‌లోనే అద్భుత ఫామ్‌లో ఉన్నాడు. ఇంగ్లండ్‌ గడ్డ మీద వరుస శతకాలతో దుమ్ములేపుతున్నాడు. ఆతిథ్య జట్టుతో లీడ్స్‌ వేదికగా తొలి టెస్టులో గిల్‌ భారీ శతకం (147) బాదిన విషయం తెలిసిందే.అనంతరం బర్మింగ్‌హామ్‌లో బుధవారం మొదలైన రెండో టెస్టులోనూ శతక్కొట్టిన శుబ్‌మన్‌ గిల్‌.. దానిని డబుల్‌ సెంచరీగా మార్చాడు. రెండో టెస్టు తొలి ఇన్నింగ్స్‌లో 387 బంతులు ఎదుర్కొన్న ఈ కుడిచేతి వాటం బ్యాటర్‌ 30 ఫోర్లు, 3 సిక్సర్ల సాయంతో 269 పరుగులు సాధించాడు. అయితే, కెరీర్‌లో సాధించిన తొలి ద్విశతకాన్ని ట్రిపుల్‌ సెంచరీగా మార్చడంలో గిల్‌ విఫలమయ్యాడు.జోష్‌ టంగ్‌ బౌలింగ్‌లో ఓలీ పోప్‌నకు క్యాచ్‌ ఇచ్చి గిల్‌ పెవిలియన్‌ చేరడంతో.. అతడి భారీ డబుల్‌ సెంచరీ ఇన్నింగ్స్‌కు తెరపడింది. ఇక శనివారం నాటి నాలుగో రోజు ఆటలో భాగంగా గిల్‌ మరోసారి బ్యాట్‌ ఝులిపించాడు. యాభై ఏడు బంతుల్లో అర్ధ శతకం పూర్తి చేసుకున్న కెప్టెన్‌ సాబ్‌.. 129 బంతుల్లో తొమ్మిది ఫోర్లు, మూడు సిక్సర్ల సాయంతో వంద పరుగుల మార్కు అందుకున్నాడు.భారీ ఆధిక్యంలో భారత్‌ఇదిలా ఉంటే.. 64/1 ఓవర్‌నైట్‌ స్కోరుతో శనివారం నాటి నాలుగో రోజు ఆట మొదలుపెట్టిన భారత్‌.. కాసేపటికే వన్‌డౌన్‌ బ్యాటర్‌ కరుణ్‌ నాయర్‌ (26) వికెట్‌ కోల్పోయింది. అయితే, ఓపెనింగ్‌ బ్యాటర్‌ కేఎల్‌ రాహుల్‌ అర్ధ శతకం(55)తో రాణించగా.. వికెట్‌ కీపర్‌ బ్యాటర్‌ రిషభ్‌ పంత్‌ మెరుపు హాఫ్‌ సెంచరీ (58 బంతుల్లో 65) సాధించాడు. ఇక గిల్‌ మరోసారి శతక్కొట్టగా.. 68 ఓవర్లు ముగిసే సరికి నాలుగు వికెట్ల నష్టానికి 304 పరుగులు చేసింది. గిల్‌ సెంచరీ పూర్తి చేసుకునేసరికి, టీ బ్రేక్‌ సమయానికి తొలి ఇన్నింగ్స్‌ ఆధిక్యం (180)తో కలుపుకొని భారత్‌.. 484 పరుగుల భారీ లీడ్‌ సాధించింది.భారత రెండో బ్యాటర్‌గా..కాగా టెస్టు మ్యాచ్‌లో ఓ ఇన్నింగ్స్‌లో డబుల్‌ సెంచరీ.. మరో ఇన్నింగ్స్‌లో సెంచరీ బాదిన భారత రెండో బ్యాటర్‌గా గిల్‌ చరిత్రకెక్కాడు. అతడి కంటే ముందు భారత మాజీ కెప్టెన్‌ సునిల్‌ గావస్కర్‌ 1971లొ పోర్ట్‌ ఆఫ్‌ స్పెయిన్‌వేదికగా వెస్టిండీస్‌పై ఈ ఘనత సాధించాడు. ఇక ఓవరాల్‌గా ఈ జాబితాలో గిల్‌ తొమ్మిదో ఆటగాడు.టీమిండియా వర్సెస్‌ ఇంగ్లండ్‌ రెండో టెస్టుషెడ్యూల్‌: బుధవారం (జూలై 2)- ఆదివారం (జూలై 6)వేదిక: ఎడ్జ్‌బాస్టన్‌, బర్మింగ్‌హామ్‌టాస్‌: ఇంగ్లండ్‌- తొలుత బౌలింగ్‌టీమిండియా తొలి ఇన్నింగ్స్‌ స్కోరు: 587 ఆలౌట్‌ఇంగ్లండ్‌ తొలి ఇన్నింగ్స్‌ స్కోరు: 407 ఆలౌట్‌ టీమిండియాకు తొలి ఇన్నింగ్స్‌లో 180 పరుగుల ఆధిక్యం.చదవండి: వైభవ్‌ సూర్యవంశీ విధ్వంసకర శతకం.. మరోసారి సునామీ ఇన్నింగ్స్‌

టీమిండియా కెప్టెన్‌ శుబ్‌మన్‌ గిల్‌ (Shubman Gill) సూపర్‌ ఫామ్‌లో ఉన్నాడు. ఇంగ్లండ్‌ (Ind vs Eng)తో తొలి టెస్టులో శతకం (147) బాదిన ఈ కుడిచేతి వాటం బ్యాటర్‌.. రెండో టెస్టు తొలి ఇన్నింగ్స్‌లో ఏకంగా డబుల్‌ సెంచరీతో చెలరేగాడు. మిడిలార్డర్‌లో కీలకమైన నాలుగో స్థానంలో విరాట్‌ కోహ్లి (Virat Kohli) లేని లోటు పూడుస్తూ.. ఇంగ్లండ్‌ గడ్డ మీద అతడి రికార్డునే బద్దలు కొట్టాడు.భారీ ద్విశతకం (269)తో ఆకట్టుకుని.. ఎడ్జ్‌బాస్టన్‌లో అత్యధిక వ్యక్తిగత స్కోరు సాధించిన టీమిండియా క్రికెటర్‌, కెప్టెన్‌గా నిలిచాడు. ఇక రెండో ఇన్నింగ్స్‌లోనూ శుబ్‌మన్‌ గిల్‌ ఫామ్‌ను కొనసాగిస్తున్నాడు. యాభై ఏడు బంతుల్లోనే అర్ధ శతకం పూర్తి చేసుకున్నాడు. జోష్‌ టంగ్‌ బౌలింగ్‌లో ఫోర్‌ బాది 51 పరుగులు సాధించాడు.𝐅𝐥𝐮𝐞𝐧𝐭. 𝐅𝐞𝐚𝐫𝐥𝐞𝐬𝐬. 𝐅𝐨𝐜𝐮𝐬𝐞𝐝. 🔥Leading with intent, #ShubmanGill crafts a classy fifty, setting the stage for a commanding team effort 🫡#ENGvIND 👉 2nd TEST, Day 4 | LIVE NOW on JioHotstar ➡ https://t.co/2wT1UwEcdi pic.twitter.com/ftaIUA9YIy— Star Sports (@StarSportsIndia) July 5, 2025మరోవైపు.. గిల్‌కు తోడుగా వైస్‌ కెప్టెన్‌ బ్యాటర్‌ రిషభ్‌ పంత్‌ కూడా అద్భుత ప్రదర్శనతో ఆకట్టుకుంటున్నాడు. ఈ వికెట్‌ కీపర్‌ బ్యాటర్‌ 51 బంతుల్లోనే 50 పరుగుల మార్కు అందుకున్నాడు. ఈ క్రమంలో 44 ఓవర్ల ఆట పూర్తయ్యేసరికి మూడు వికెట్ల నష్టానికి 224 పరుగులు చేసిన టీమిండియా ఆధిక్యం.. 400కు చేరింది.పంత్‌ అవుటైన తర్వాత స్కోరు ఇలాకాగా ఎడ్జ్‌బాస్టన్‌ టెస్టులో టాస్‌ ఓడి తొలుత బ్యాటింగ్‌ చేసిన టీమిండియా 587 పరుగుల భారీ స్కోరు చేసి ఆలౌట్‌ అయింది. కెప్టెన్‌ శుబ్‌మన్‌ గిల్‌ డబుల్‌ సెంచరీ (269)తో అదరగొట్టగా.. రవీంద్ర జడేజా (89), యశస్వి జైస్వాల్‌ (87) రాణించారు. ఇంగ్లండ్‌ బౌలర్లలో షోయబ్‌ బషీర్‌ మూడు వికెట్లు తీయగా.. క్రిస్‌వోక్స్‌, జోష్‌ టంగ్‌ రెండేసి వికెట్లు కూల్చారు. బ్రైడన్‌ కార్స్‌, కెప్టెన్‌ బెన్‌స్టోక్స్‌ ఒక్కో వికెట్‌ దక్కించుకున్నారు.ఇక ఇంగ్లండ్‌ తొలి ఇన్నింగ్స్‌లో 407 పరుగులకు ఆలౌట్‌ అయింది. హ్యారీ బ్రూక్‌ (158), జేమీ స్మిత్‌ (184 నాటౌట్‌) శతకాలతో చెలరేగారు. భారత బౌలర్లలో మహ్మద్‌ సిరాజ్‌ ఆరు, ఆకాశ్‌ దీప్‌ నాలుగు వికెట్లు పడగొట్టారు. ఈ క్రమంలో తొలి ఇన్నింగ్స్‌తో కలుపుకొని భారత్‌కు 180 పరుగుల ఆధిక్యం లభించింది.ఈ క్రమంలో 64/1 ఓవర్‌నైట్‌ స్కోరుతో శనివారం నాటి నాలుగో రోజు ఆట మొదలుపెట్టిన భారత్‌.. కేఎల్‌ రాహుల్‌ (55), రిషభ్‌ పంత్‌ (65) అర్ధ శతకాలు.. గిల్‌ అజేయ హాఫ్‌ సెంచరీ (ప్రస్తుతానికి 58) కారణంగా 46.2 ఓవర్ల ఆట ముగిసే సరికి నాలుగు వికెట్ల నష్టానికి 236 పరుగులు చేసి.. 416 పరుగుల ఆధిక్యంలో ఉంది. పంత్‌ 65 పరుగుల వ్యక్తిగత స్కోరు వద్ద షోయబ్‌ బషీర్‌ బౌలింగ్‌లో డకెట్‌కు క్యాచ్‌ ఇచ్చి అవుటయ్యాడు. చదవండి: వైభవ్‌ సూర్యవంశీ విధ్వంసకర శతకం.. మరోసారి సునామీ ఇన్నింగ్స్‌

భారత స్టార్‌ క్రికెటర్‌ రిషభ్‌ పంత్‌ (Rishabh Pant) సరికొత్త చరిత్ర సృష్టించాడు. ఇంగ్లండ్‌ గడ్డపై ధనాధన్‌ ఆటతో అలరిస్తున్న ఈ వికెట్‌ కీపర్‌ బ్యాటర్‌.. రెండో టెస్టు సందర్భంగా ఓ అరుదైన రికార్డు సాధించాడు. విదేశీ గడ్డపై టెస్టుల్లో అత్యధిక సిక్సర్లు బాదిన తొలి క్రికెటర్‌గా అవతరించాడు.ఈ క్రమంలో బెన్‌ స్టోక్స్‌ (Ben Stokes) పేరిట ఉన్న ఆల్‌టైమ్‌ వరల్డ్‌ రికార్డు (World Record)ను పంత్‌ బద్దలు కొట్టాడు. కాగా టెండుల్కర్‌- ఆండర్సన్‌ ట్రోఫీ ఆడేందుకు టీమిండియా ఇంగ్లండ్‌కు వెళ్లిన విషయం తెలిసిందే. ఈ క్రమంలో లీడ్స్‌ వేదికగా తొలి టెస్టులో రెండు ఇన్నింగ్స్‌లోనూ రిషభ్‌ పంత్‌ శతకాలతో చెలరేగాడు.వరుసగా రెండు శతకాలుతొలి ఇన్నింగ్స్‌లో 178 బంతుల్లో 12 ఫోర్లు, ఆరు సిక్సర్ల సాయంతో 134 పరుగులు చేసిన పంత్‌.. రెండో ఇన్నింగ్స్‌లో 140 బంతుల్లో 15 ఫోర్లు, మూడు సిక్సర్ల సాయంతో 118 పరుగులు సాధించాడు. అయితే, ఎడ్జ్‌బాస్టన్‌ వేదికగా బుధవారం మొదలైన రెండో టెస్టులో ఈ ఎడమచేతి వాటం బ్యాటర్‌ ఆరంభంలో విఫలమయ్యాడు.దూకుడుగా ఆడుతూరెండో టెస్టు తొలి ఇన్నింగ్స్‌లో 42 బంతుల్లో ఒక ఫోర్‌, ఒక సిక్సర్‌ బాది 25 పరుగులు చేసిన పంత్‌.. షోయబ్‌ బషీర్‌ బౌలింగ్‌లో జాక్‌ క్రాలేకు క్యాచ్‌ ఇచ్చి పెవిలియన్‌ చేరాడు. అయితే, రెండో ఇన్నింగ్స్‌లో మాత్రం తనలోని దూకుడైన ఆటను మరోసారి వెలికితీశాడు. శనివారం నాటి నాలుగో రోజు ఆట భోజన విరామ సమయానికి పంత్‌ 35 బంతులు ఎదుర్కొని ఐదు ఫోర్లు, రెండు సిక్సర్ల సాయంతో 41 పరుగులతో అజేయంగా ఉన్నాడు.ఈ క్రమంలోనే పంత్‌ స్టోక్స్‌ ప్రపంచ రికార్డును బద్దలుకొట్టాడు. ఇంగ్లండ్‌లో టెస్టు ఫార్మాట్లో మొత్తంగా 23 సిక్సర్లు పూర్తి చేసుకున్న పంత్‌.. విదేశీ గడ్డ(ఒకే దేశం)పై అత్యధిక సిక్స్‌లు నమోదు చేసిన క్రికెటర్‌గా నిలిచాడు. అంతకుముందు బెన్‌ స్టోక్స్‌ సౌతాఫ్రికాలో 21 సిక్సర్లు బాదాడు. ఇక ఇంగ్లండ్‌పై పంత్‌ తర్వాత అత్యధిక సిక్స్‌లు కొట్టిన రెండో పర్యాటక బ్యాటర్‌గా.. వెస్టిండీస్‌ దిగ్గజం సర్‌ వివియన్‌ రిచర్డ్స్‌ (16 సిక్సర్లు) నిలిచాడు.విదేశీ గడ్డపై టెస్టుల్లో అత్యధిక సిక్సర్లు బాదిన క్రికెటర్లు🏏రిషభ్‌ పంత్‌ (ఇండియా)- ఇంగ్లండ్‌పై 23 సిక్సర్లు🏏బెన్‌ స్టోక్స్‌ (ఇండియా)- సౌతాఫ్రికాపై 21 సిక్సర్లు🏏మాథ్యూ హెడెన్‌ (ఆస్ట్రేలియా)- టీమిండియాపై 19 సిక్సర్లు🏏వివియన్‌ రిచర్డ్స్ (వెస్టిండీస్‌)- ఇంగ్లండ్‌పై 16 సిక్సర్లు🏏హ్యారీ బ్రూక్‌ (ఇంగ్లండ్‌)- న్యూజిలాండ్‌పై 16 సిక్సర్లు.భారత్‌ 177/3 @ లంచ్‌ బ్రేక్‌ఇక ఓవర్‌నైట్‌ స్కోరు 64/1తో శనివారం నాటి ఆట మొదలుపెట్టిన టీమిండియా.. భోజన విరామ సమయానికి 38 ఓవర్ల ఆటలో మూడు వికెట్ల నష్టానికి 177 పరుగులు సాధించింది. ఓపెనర్‌ కేఎల్‌ రాహుల్‌ అర్ధ శతకం (55) చేయగా.. వన్‌డౌన్‌ బ్యాటర్‌ కరుణ్‌ నాయర్‌ (26) మరోసారి స్వల్ప స్కోరుకే వెనుదిరిగాడు. కెప్టెన్‌ శుబ్‌మన్‌ గిల్‌ 24, పంత్‌ 41 పరుగులతో క్రీజులో ఉన్నారు. నాలుగో రోజు లంచ్‌ బ్రేక్‌ సమయానికి తొలి ఇన్నింగ్స్‌ ఆధిక్యం (180) కలుపుకొని భారత జట్టుకు ఇంగ్లండ్‌పై 357 పరుగుల ఆధిక్యం లభించింది. కాగా తొలి టెస్టులో ఐదు వికెట్ల తేడాతో ఓడిన గిల్‌ సేన.. ఎడ్జ్‌బాస్టన్‌ టెస్టులో గెలిచి సిరీస్‌ 1-1తో సమం చేయాలని పట్టుదలగా ఉంది.పంత్‌ 65 పరుగులు చేసి...కాగా 51 బంతుల్లోనే 50 పరుగులు చేసిన పంత్‌.. 65 పరుగుల వ్యక్తిగత స్కోరు వద్ద వెనుదిరిగాడు. షోయబ్‌ బషీర్‌ బౌలింగ్‌లో బెన్‌ డకెట్‌కు క్యాచ్‌ ఇచ్చి పెవిలియన్‌కు చేరాడు.చదవండి: వైభవ్‌ సూర్యవంశీ విధ్వంసకర శతకం.. ఇంగ్లండ్‌ బౌలర్లపై విరుచుకుపడిన చిచ్చరపిడుగుIt’s Rishabh’s world and we’re just living in it! 😌#SonySportsNetwork #GroundTumharaJeetHamari #ENGvIND #NayaIndia #DhaakadIndia #TeamIndia #ExtraaaInnings pic.twitter.com/d1V9UBz17b— Sony Sports Network (@SonySportsNetwk) July 5, 2025

ఇంగ్లండ్‌తో రెండో టెస్టులో టీమిండియా బ్యాటర్‌ కేఎల్‌ రాహుల్‌ (KL Rahul) అర్ధ శతకంతో మెరిశాడు. సంప్రదాయ ఫార్మాట్‌లో తన 18వ ఫిఫ్టీ నమోదు చేశాడు. కాగా భారత్‌- ఇంగ్లండ్‌ (Ind vs Eng) మధ్య ఎడ్జ్‌బాస్టన్‌ వేదికగా బుధవారం రెండో టెస్టు మొదలైన విషయం తెలిసిందే.ఈ క్రమంలో తొలి రెండు రోజుల్లో టీమిండియా ఏకఛత్రాధిపత్యం కొనసాగింది. తమ మొదటి ఇన్నింగ్స్‌లో 587 పరుగులకు ఆలౌట్‌ అయిన టీమిండియా.. రెండో రోజు ఆటలో భాగంగా ఇంగ్లండ్ 77 పరుగుల వద్ద ఉండగా మూడు వికెట్లు కూల్చి సత్తా చాటింది.ఇంగ్లండ్‌ 407 పరుగులకు ఆలౌట్‌అయితే, శుక్రవారం నాటి మూడో రోజు ఆటలో మాత్రం ఇంగ్లండ్‌ కుదురుకుంది. హ్యారీ బ్రూక్‌ (158), జేమీ స్మిత్‌ (184 నాటౌట్‌) అద్భుత శతకాలతో రాణించి 303 పరుగుల భాగస్వామ్యంతో జట్టును ఆదుకున్నారు. అయితే, ఆ తర్వాత మరోసారి భారత బౌలర్లు చెలరేగడంతో ఇంగ్లండ్‌ 407 పరుగులకు ఆలౌట్‌ అయింది.ఈ క్రమంలో 180 పరుగుల ఆధిక్యంతో రెండో ఇన్నింగ్స్‌ మొదలుపెట్టిన టీమిండియా శుక్రవారం ఆట పూర్తయ్యేసరికి వికెట్‌ నష్టానికి 64 పరుగులు చేసింది. యశస్వి జైస్వాల్‌ 28 పరుగుల వద్ద నిష్క్రమించగా.. కేఎల్‌ రాహుల్‌ 28, కరుణ్‌ నాయర్‌ 7 పరుగులతో క్రీజులో నిలిచారు.కేఎల్‌ రాహుల్‌ అర్ధ శతకంఈ నేపథ్యంలో 64/1 ఓవర్‌నైట్‌ స్కోరుతో శనివారం నాటి నాలుగో రోజు ఆట మొదలుపెట్టిన భారత్‌.. కరుణ్‌ నాయర్‌ (26) రూపంలో రెండో వికెట్‌ కోల్పోయింది. బైడన్‌ కార్స్‌ బౌలింగ్‌లో 26 పరుగుల వ్యక్తిగత స్కోరు వద్ద అతడు వికెట్‌ కీపర్‌ జేమీ స్మిత్‌కు క్యాచ్‌ ఇచ్చి అవుటయ్యాడు.ఈ క్రమంలో కెప్టెన్‌ శుబ్‌మన్‌ గిల్‌తో కలిసి నిలకడగా ఆడిన కేఎల్‌ రాహుల్‌ 78 బంతుల్లో అర్ధ శతకం పూర్తి చేసుకున్నాడు. అయితే, కాసేపటికే జోష్‌ టంగ్‌ బౌలింగ్‌లో బౌల్డ్‌ అయ్యాడు. టంగ్‌ అద్భుత డెలివరీతో మిడిల్‌ స్టంప్‌ ఎగరగొట్టగా.. ఆశ్చర్యపోవడం రాహుల్‌ వంతైంది. కాగా మొత్తంగా 84 బంతులట్లో 55 పరుగులు చేసి రాహుల్‌ నిష్క్రమించగా.. రిషభ్‌ పంత్‌ గిల్‌కు జతయ్యాడు. ముప్పై ఓవర్ల ఆట పూర్తయ్యేసరికి టీమిండియా మూడు వికెట్ల నష్టానికి 136 పరుగులు చేసింది. తద్వారా తొలి ఇన్నింగ్స్‌తో కలిపి 315కు పైగా ఆధిక్యంలో కొనసాగుతోంది.UPDATE: ఇక భోజన విరామ సమయానికి టీమిండియా 38 ఓవర్ల ఆటలో మూడు వికెట్ల నష్టానికి 177 పరుగులు చేసింది. రిషభ్‌ పంత్‌ 35 బంతులలో 41, శుబ్‌మన్‌ గిల్‌ 24 పరుగులతో క్రీజులో ఉన్నారు. టీమిండియా ప్రస్తుతం 357 పరుగుల ఆధిక్యంలో కొనసాగుతోంది.చదవండి: IND vs ENG 2nd Test: నన్ను మూడో టెస్టులో ఆడిస్తారో?.. లేదో తెలియదు: టీమిండియా స్టార్‌ Must have taken an absolute peach to get KL out 😳Josh Tongue, you beauty 👌 #SonySportsNetwork #GroundTumharaJeetHamari #ENGvIND #NayaIndia #DhaakadIndia #TeamIndia #ExtraaaInnings pic.twitter.com/gE7laUME3c— Sony Sports Network (@SonySportsNetwk) July 5, 2025

భారత క్రికెట్‌ వర్గాల్లో ఇద్దరు ఆటగాళ్లు ప్రస్తుతం ట్రెండింగ్‌లో ఉన్నారు. ఒకరు టీమిండియా టెస్టు కెప్టెన్‌ శుబ్‌మన్‌ గిల్‌ (Shubman Gill) అయితే.. మరొకరు భారత యువ క్రికెట్‌ సంచలనం వైభవ్‌ సూర్యవంశీ (Vaibhav Suryavanshi). వీరిద్దరూ ప్రస్తుతం ఇంగ్లండ్‌ పర్యటనలో ఉన్నారు.గిల్‌ శతకాల మోతఇంగ్లండ్‌తో టెండుల్కర్‌- ఆండర్సన్‌ ట్రోఫీ (Tenudulkar- Anderson Trophy)లో భాగంగా గిల్‌ కెప్టెన్‌గా తన తొలి టెస్టులోనే శతకం (147) బాదడంతో పాటు.. రెండో టెస్టులో భారీ డబుల్‌ సెంచరీ (269)తో చెలరేగాడు. తద్వారా ఎడ్జ్‌బాస్టన్‌ మైదానంలో ఇప్పటి వరకు ఏ భారత క్రికెటర్‌కూ సాధ్యం కాని ఘనత సాధించాడు.వైభవ్‌ తుఫాన్‌ ఇన్నింగ్స్‌ఈ వేదికపై అత్యధిక వ్యక్తిగత స్కోరు (269) సాధించిన భారత తొలి క్రికెటర్‌, కెప్టెన్‌గా గిల్‌ చరిత్ర సృష్టించాడు. మరోవైపు.. వైభవ్‌ సూర్యవంశీ అండర్‌-19 భారత జట్టు తరఫున అదరగొడుతున్నాడు. ఇంగ్లండ్‌ అండర్‌-19 జట్టుతో జరుగుతున్న యూత్‌ వన్డే సిరీస్‌లో ఈ బిహారీ చిచ్చరపిడుగు దుమ్ములేపుతున్నాడు.ఆయుశ్‌ మాత్రే సారథ్యంలోని జట్టులో భాగమైన పద్నాలుగేళ్ల వైభవ్‌.. తొలి మూడు వన్డేల్లో వరుసగా 19 బంతుల్లో 48, 34 బంతుల్లో 45, 31 బంతుల్లోనే 81 పరుగులతో అదరగొట్టాడు. చివరగా మూడో యూత్‌ వన్డేలో సంచలన ఇన్నింగ్స్‌తో మెరిసిన వైభవ్‌.. ఆ తర్వాత వెంటనే తమ జట్టుతో కలిసి ఎడ్జ్‌బాస్టన్‌కు వెళ్లాడు.ఇంగ్లండ్‌తో తలపడుతున్న సీనియర్‌ జట్టు ఆటను ప్రత్యక్షంగా వీక్షించేందుకు యువ జట్టును బీసీసీఐ అక్కడకు పిలిపించింది. ఈ నేపథ్యంలో గిల్‌ అద్భుత, చిరస్మరణీయ ఇన్నింగ్స్‌ను ప్రత్యక్షంగా వీక్షించే అవకాశం వైభవ్‌తో పాటు యువ ఆటగాళ్లందరికీ కలిగింది.టెస్టుల్లో ఆడతా.. నా రోల్‌ మోడల్‌ అతడేఈ నేపథ్యంలో టీమిండియా బ్యాటింగ్‌ ముగిసిన అనంతరం వైభవ్‌ సూర్యవంశీ మాట్లాడుతూ.. ‘‘ఇంగ్లండ్‌లో నాకిదే తొలి టెస్టు. ఇక్కడ టెస్టు మ్యాచ్‌ చూడటం ఇదే తొలిసారి. మ్యాచ్‌ ఎలా సాగుతుందో ప్రత్యక్షంగా వీక్షించాను. నాకెంతో సంతోషంగా ఉంది. మ్యాచ్‌ చూసేందుకే మమ్మల్ని ప్రత్యేకంగా ఇక్కడకు తీసుకువచ్చారు.టీమిండియా ఆట చూసి మేమెంతగానో స్ఫూర్తి పొందాము. శుబ్‌మన్‌ గిల్‌ మా అందరికీ రోల్‌ మోడల్‌. దేశం తరఫున రెడ్‌ బాల్‌ క్రికెట్‌ ఆడాలని ప్రతి ఒక్క క్రికెటర్‌ కోరుకుంటాడు’’ అని పేర్కొన్నాడు. టెస్టుల్లో టీమిండియాకు ప్రాతినిథ్యం వహించడమే తన చిరకాల కోరిక అని చెప్పుకొచ్చాడు. కాగా అనేక మంది క్రికెటర్ల మాదిరి.. భారత దిగ్గజాలైన విరాట్‌ కోహ్లి, రోహిత్‌ శర్మల పేర్లు కాకుండా టీమిండియా యువ సారథి గిల్‌ను వైభవ్‌ తన రోల్‌మోడల్‌గా చెప్పడం విశేషం.యువ భారత్‌దే పైచేయికాగా ఇంగ్లండ్‌ యువ జట్టుతో ఐదు యూత్‌ వన్డేలు, రెండు యూత్‌ టెస్టులు ఆడేందుకు భారత అండర్‌-19 జట్టు అక్కడికి వెళ్లింది. ఇప్పటికి మూడు యూత్‌ వన్డేలు పూర్తి కాగా భారత్‌ రెండింట గెలిచి 2-1తో ఆధిక్యంలో ఉంది. వోర్సెస్టర్‌ వేదికగా శనివారం నాటి నాలుగో యూత్‌ వన్డేలో గెలిచి సిరీస్‌ కైవసం చేసుకోవాలని పట్టుదలగా ఉంది. మరోవైపు.. ఇంగ్లండ్‌తో ఐదు టెస్టుల సిరీస్‌లో తలపడుతున్న టీమిండియా తొలి టెస్టులో ఓడింది. ఎడ్జ్‌బాస్టన్‌ టెస్టులో గెలిచి సిరీస్‌ సమం చేయాలని పట్టుదలగా ఉంది.చదవండి: WCL: భార‌త జ‌ట్టు ప్ర‌క‌ట‌న‌.. కెప్టెన్‌గా యువ‌రాజ్ సింగ్‌

టీమిండియా- ఇంగ్లండ్‌ (Ind vs Eng) మధ్య రెండో టెస్టు రసవత్తరంగా మారింది. మొదటి రెండు రోజులు భారత్‌ ఏకపక్షంగా పైచేయి సాధించగా.. మూడో రోజు మాత్రం ఇంగ్లండ్‌ అదరగొట్టింది. భారత బౌలర్ల ధాటికి ఒక దశలో 84 పరుగులకే ఐదు వికెట్లు కోల్పోయిన స్టోక్స్‌ బృందాన్ని జేమీ స్మిత్‌ (184 నాటౌట్‌), హ్యారీ బ్రూక్‌(158) అద్భుత ఇన్నింగ్స్‌తో ఆదుకున్నారు.ఇద్దరూ సెంచరీలతో చెలరేగి ఏకంగా 303 పరుగుల భాగస్వామ్యాన్ని నమోదు చేశారు. దీంతో టీమిండియా పట్టుతప్పినట్లే అనిపించింది. అయితే, పేసర్లు మహ్మద్‌ సిరాజ్‌, ఆకాశ్‌ దీప్‌ (Akash Deep) తమ అద్భుత ప్రదర్శనతో ఇంగ్లండ్‌ను దెబ్బకొట్టారు. సిరాజ్‌ ఏకంగా ఆరు వికెట్లతో మెరవగా.. ఆకాశ్‌ దీప్‌ నాలుగు వికెట్లు దక్కించుకున్నాడు.180 పరుగుల మేర ఆధిక్యంభారత పేసర్ల దెబ్బకు ఇంగ్లండ్‌ బజ్‌బాల్‌ ఇన్నింగ్స్‌ 407 పరుగుల వద్ద ముగిసిపోయింది. 89.3 ఓవర్లలో ఈ మేర స్కోరు చేసి ఇంగ్లండ్‌ ఆలౌట్‌ కాగా.. భారత్‌కు తొలి ఇన్నింగ్స్‌లో 180 పరుగుల మేర ఆధిక్యం లభించింది. ఇక మ్యాచ్‌లో బెన్‌ డకెట్‌ (0), ఓలీ పోప్‌ (0), హ్యారీ బ్రూక్‌ (158) రూపంలో మూడు కీలక వికెట్లు కూల్చిన ఆకాశ్‌ దీప్‌.. క్రిస్‌ వోక్స్‌(5) వికెట్‌ కూడా తన ఖాతాలో వేసుకున్నాడు.ఈ నేపథ్యంలో శుక్రవారం నాటి మూడో రోజు ఆట ముగిసిన అనంతరం మీడియాతో మాట్లాడిన ఆకాశ్‌ దీప్‌ ఆసక్తికర వ్యాఖ్యలు చేశాడు. తదుపరి మ్యాచ్‌లో ఆడతానో లేదో తెలియదని.. రెండో టెస్టులో మిగిలిన రెండు రోజుల్లో తానేంటో మరోసారి నిరూపించుకోవాలని భావిస్తున్నట్లు తెలిపాడు.మూడో టెస్టులో ఆడిస్తారో?.. లేదో తెలియదు‘‘ఈ టెస్టు మ్యాచ్‌లో మాకు ఇంకా రెండు రోజులు మాత్రమే మిగిలి ఉన్నాయి. ప్రతి మ్యాచ్‌లోనూ గెలుపే లక్ష్యంగా ముందుకు సాగుతాం. మూడో టెస్టు గురించి నేను ఇప్పుడే ఆలోచించడం లేదు. ఈ రెండు రోజుల్లో నా శాయశక్తులా జట్టు విజయం కోసం పనిచేయడమే ముఖ్యం.ఆ తర్వాతే మరో మ్యాచ్‌లో ఆడిస్తారా? లేదా? అన్న విషయం గురించి ఆలోచిస్తాను. ఈ విషయంలో మేనేజ్‌మెంట్‌దే తుది నిర్ణయం. లార్డ్స్‌ టెస్టు ఆడతారా? అంటే నాకైతే కచ్చితంగా తెలియదు. నేను ఆడొచ్చు.. ఆడకపోవచ్చు. మ్యాచ్‌కు ఒకరోజు ముందే మాకు ఆ విషయం తెలుస్తుంది’’ అని ఆకాశ్‌ దీప్‌ మీడియా ప్రశ్నలకు బదులిచ్చాడు.బుమ్రా స్థానంలోకాగా ఐదు టెస్టులు ఆడేందుకు ఇంగ్లండ్‌ వెళ్లిన టీమిండియా తొలి మ్యాచ్‌లో ఓటమి పాలైన విషయం తెలిసిందే. లీడ్స్‌లో జరిగిన ఈ మ్యాచ్‌లో గిల్‌ సేన ఐదు వికెట్ల తేడాతో పరాజయం పాలు కాగా.. బర్మింగ్‌హామ్‌లోని ఎడ్జ్‌బాస్టన్‌లో బుధవారం రెండో టెస్టు మొదలైంది.ఇక లీడ్స్‌లో తొలి టెస్టు ఆడిన భారత ప్రధాన జస్‌ప్రీత్‌ బుమ్రాకు.. రెండో టెస్టు నుంచి విశ్రాంతినిచ్చారు. ఈ క్రమంలో అతడి స్థానంలో ఆకాశ్‌ దీప్‌ జట్టులోకి వచ్చాడు. అయితే, బుమ్రాను తదుపరి లార్డ్స్‌ టెస్టులో ఆడించేందుకే ఇప్పుడు రెస్ట్‌ ఇచ్చామని కెప్టెన్‌ గిల్‌ చెప్పాడు. దీనిని బట్టి ఆకాశ్‌ దీప్‌నకు మూడో టెస్టులో చోటు దక్కదా? అన్న ప్రశ్నకు ఈ పేసర్‌ ఇలా బదులిచ్చాడు.ఇదిలా ఉంటే.. శుక్రవారం నాటి మూడో రోజు పూర్తయ్యేసరికి టీమిండియా తమ రెండో ఇన్నింగ్స్‌లో వికెట్‌ నష్టానికి 64 పరుగులు చేసింది. యశస్వి జైస్వాల్‌ (28) పెవిలియన్‌ చేరగా.. కేఎల్‌ రాహుల​ 28, కరుణ్‌ నాయర్‌ 7 పరుగులతో క్రీజులో ఉన్నారు. ఇంగ్లండ్‌పై భారత్‌ మూడో రోజు ఆట ముగిసే సరికి 244 పరుగుల ఆధిక్యంలో ఉంది.చదవండి: 'అతడిని ఆడించకపోవడం తెలివితక్కువ నిర్ణయం'.. గంభీర్‌పై ఇంజ‌నీర్ ఫైర్‌

వెస్టిండీస్‌ క్రికెటర్‌ క్రెయిగ్‌ బ్రాత్‌వైట్‌ (Kraigg Brathwaite) అరుదై ఘనత సాధించాడు. విండీస్‌ తరఫున వంద టెస్టులు పూర్తి చేసుకున్న ఈ మాజీ కెప్టెన్‌.. ఇంత వరకు ఒక్క టీ20 మ్యాచ్‌ కూడా ఆడలేదు. ఈ క్రమంలో టీ20 క్రికెట్‌ ప్రవేశపెట్టిన తర్వాత.. పొట్టి ఫార్మాట్‌లో అరంగేట్రం చేయకుండా వంద టెస్టుల క్లబ్‌లో చేరిన తొలి ఆటగాడిగా నిలిచాడు.ఏకైక క్రికెటర్‌గాకాగా బ్రాత్‌వైట్‌ విండీస్‌ తరఫున అంతర్జాతీయ క్రికెట్‌లోనూ.. అదే విధంగా లీగ్‌ క్రికెట్‌లోనూ ఒక్క పొట్టి మ్యాచ్‌ కూడా ఆడకపోవడం విశేషం. ప్రపంచంలో ఇలా టీ20 మ్యాచ్‌ ఆడకుండానే.. టెస్టుల్లో వంద మ్యాచ్‌ల మైలురాయిని అందుకున్న ఏకైక క్రికెటర్‌గా బ్రాత్‌వైట్‌ గుర్తింపు పొందాడు. ఆస్ట్రేలియా (WI vs AUS)తో తాజా సిరీస్‌ రెండో టెస్టు సందర్బంగా ఈ ఘనత సాధించాడు. ఈ టీ20 లీగ్‌ల జమానాలో బ్రాత్‌వైట్‌ మాదిరి ఇలాంటి రికార్డు ఇక ముందు కూడా ఎవరికీ సాధ్యం కాదని చెప్పవచ్చు. కాగా మూడు టెస్టులు, ఐదు టీ20 మ్యాచ్‌లు ఆడేందుకు ఆస్ట్రేలియా వెస్టిండీస్‌లో పర్యటిస్తోంది. ఇందులో భాగంగా బార్బడోస్‌లో జరిగిన తొలి టెస్టులో ఆసీస్‌ 159 పరుగుల తేడాతో ఆతిథ్య జట్టును చిత్తు చేసింది. ఈ క్రమంలో గురువారం ఇరుజట్ల మధ్య గ్రెనెడా వేదికగా రెండో టెస్టు మొదలైంది. టాస్‌ గెలిచి తొలుత బ్యాటింగ్‌ చేసిన ఆస్ట్రేలియా.. తొలిరోజు ఆటలో భాగంగా తొలి ఇన్నింగ్స్‌లో 286 పరుగులకు ఆలౌట్‌ అయింది. బ్యూ వెబ్‌స్టర్‌ (60), వికెట్‌ కీపర్‌ బ్యాటర్‌ అలెక్స్‌ క్యారీ (63) అర్ధ శతకాలతో రాణించారు.వెస్టిండీస్‌ బౌలర్లలో అల్జారీ జోసెఫ్‌ నాలుగు వికెట్లు కూల్చగా.. జేడన్‌ సీల్స్‌ రెండు, షమార్‌ జోసెఫ్‌, ఆండర్సన్‌ ఫిలిప్‌, జస్టిన్‌ గ్రీవ్స్‌ తలా ఒక వికెట్‌ దక్కించుకున్నారు. ఇదిలా ఉంటే.. విండీస్‌ టెస్టు స్పెషలిస్టు అయిన బ్రాత్‌వైట్‌కు సంప్రదాయ ఫార్మాట్లో ఇది వందో మ్యాచ్‌.ఇక 2011లో టెస్టుల్లో అరంగేట్రం చేసిన 32 ఏళ్ల బ్రాత్‌వైట్‌.. 39 టెస్టుల్లో విండీస్‌కు సారథ్యం వహించాడు. విండీస్‌ తరఫున ప్రస్తుతం ఆటగాడిగా కొనసాగుతున్న ఈ కుడిచేతి వాటం బ్యాటర్‌.. 100 టెస్టులు పూర్తి చేసుకున్న పదో వెస్టిండీస్‌ ప్లేయర్‌. ఓవరాల్‌గా 82వ ఆటగాడు.బ్రాత్‌వైట్‌ చెత్త రికార్డువంద టెస్టులు ఆడిన టాప్‌-6 స్పెషలిస్టు బ్యాటర్లలో లోయస్ట్‌ యావరేజ్‌ బ్రాత్‌వైట్‌దే. అతడి బ్యాటింగ్‌ సగటు 32.83 కాగా.. తర్వాతి స్థానంలో ఇంగ్లండ్‌ కెప్టెన్‌ బెన్‌ స్టోక్స్‌ (36.11) ఉన్నాడు. ఇదిలా ఉంటే.. బ్రాత్‌వైట్‌ ఖాతాలో మొత్తం పన్నెండు శతకాలు ఉన్నాయి. కాగా 100 టెస్టు క్లబ్‌లో అతి తక్కువ శతకాలు బాదిన ఆటగాడిగా న్యూజిలాండ్‌ మాజీ కెప్టెన్‌ స్టీఫెన్‌ ఫ్లెమింగ్‌ (7 శతకాలు) ఉండగా.. అతడి తర్వాతి స్థానం బ్రాత్‌వైట్‌దే. చదవండి: ఫాస్టెస్ట్‌ సెంచరీ!.. చరిత్ర సృష్టించిన జేమీ స్మిత్‌.. ఇంగ్లండ్‌ తొలి ప్లేయర్‌గా..

పోర్చుగల్‌ ఫుట్‌బాల్‌ స్టార్‌ డియాగో జోటాకు టీమిండియా క్రికెటర్‌ కుల్దీప్‌ యాదవ్‌ నివాళి అర్పించాడు. జోటా మరణంతో ఫుట్‌బాల్‌ ప్రపంచం మొత్తం మూగబోయిందని.. అతడు లేని లోటు ఎవరూ పూడ్చలేరంటూ ఉద్వేగానికి లోనయ్యాడు. నా హృదయం ముక్కలైందిఈ మేరకు.. ‘‘2020 (లివర్‌పూల్‌)లో ఒప్పందం.. 20వ నంబర్‌ను సాధించావు.. అదే నీ శాశ్వత గుర్తింపుగా మార్చుకున్నావు. ఈరోజు ఫుట్‌బాల్‌ ఒక్కటే నిన్ను కోల్పోలేదు.ప్రపంచం మొత్తం చీకటిగా మారింది. పిచ్‌పై అడుగుపెట్టేటపుడు నీ చిరునవ్వే ఉజ్వలమైన కాంతిలా అనిపించేది. పోర్టో లేదంటే వోల్వ్స్‌.. లేదంటే లివర్‌పూల్‌.. ఎక్కడ ఉన్నా నువ్వు అందరి హృదయాలను గెలుచుకున్నావు.నీ కుటుంబానికి ఆ దేవుడు ధైర్యం అందించాలి. నీ ఆత్మకు శాంతి చేకూరాలి డియాగో’’ అంటూ ఇన్‌స్టా స్టోరీలో కుల్దీప్‌ యాదవ్‌ భావోద్వేగపూరిత నోట్‌ రాశాడు. హార్ట్‌బ్రేక్‌ ఎమోజీతో తన అభిమాన ఆటగాడికి నివాళి అర్పించాడు.కారు ప్రమాదంలో..కాగా పోర్చుగల్‌ ఫుట్‌బాల్‌ జట్టు ఫార్వర్డ్‌ ప్లేయర్‌ డియాగో జోటా రోడ్డు ప్రమాదంలో కన్నుమూసిన విషయం విదితమే. స్పెయిన్‌లో జరిగిన కారు ప్రమాదంలో 28 ఏళ్ల డియాగో జోటాతో పాటు అతడి సోదరుడు ఆండ్రె సిల్వా (25) దుర్మరణం పాలయ్యాడు. జమోరా నగరంలో బుధవారం అర్ధరాత్రి దాటాక ఈ ప్రమాదం జరిగినట్లు పోలీసులు తెలిపారు. ఘటనలో ఇతర వాహనాల ప్రమేయం లేదని... అతి వేగంతోనే ఈ ప్రమాదం జరిగి ఉంటుందని ప్రాథమిక అంచనాకు వచ్చారు.ఈ బంధం శాశ్వతంఅయితే ఘటన జరిగిన సమయంలో కారు ఎవరు నడుపుతున్నారనే అంశంపై స్పష్టత రావాల్సి ఉందని అధికారులు తెలిపారు. కేసు నమోదు చేసుకున్న పోలీసులు విచారణ చేపడుతున్నారు. జోటా ఇటీవలే తన ప్రియురాలు రూట్‌ కార్డోసోను వివాహమాడాడు. ‘ఈ బంధం శాశ్వతం’ అని సామాజిక మాధ్యమాల వేదికగా వెల్లడించిన వారాల్లోనే అనుకోని ప్రమాదంలో జొటా కన్నుమూశాడు. వీరికి ముగ్గురు సంతానం.గత నెలలో పోర్చుగల్‌ జాతీయ జట్టు నేషన్స్‌ లీగ్‌ టైటిల్‌ సాధించడంలో జోటా కీలక పాత్ర పోషించాడు. మరోవైపు ఆండ్రె సిల్వా పోర్చుగల్‌ క్లబ్‌ పినాఫైల్‌ తరఫున పలు డివిజన్‌ లీగ్‌లలో పాల్గొన్నాడు. ‘ఈ విషాదం తీవ్రంగా బాధిస్తోంది’ అని లివర్‌పూల్‌ ఫుట్‌బాల్‌ క్లబ్‌ ప్రకటించింది. ఇలాంటి క్లిష్ట సమయంలో జోటా, ఆండ్రె కుటుంబానికి అండగా ఉంటామని వెల్లడించింది.లివర్‌పూల్‌ ప్రధాన ఆయుధం ప్రముఖ ఫుట్‌బాల్‌ క్లబ్‌ లివర్‌పూల్‌ తరఫున 123 మ్యాచ్‌లాడిన జోటా 47 గోల్స్‌ సాధించాడు. లెఫ్ట్‌ వింగ్‌లో ఫార్వర్డ్‌గా ఆడే డియాగో జోటా... అద్వితీయమైన ఫినిషింగ్, ప్రత్యర్థికి అంతుచిక్కని డ్రిబ్లింగ్‌లో సిద్ధహస్తుడు. చిన్నప్పటి నుంచి ఆటను ప్రేమించిన జోటా... జూనియర్‌ స్థాయిలో సంచలనాలతో వెలుగులోకి వచ్చాడు.లా లీగాలో అట్లెటికో మాడ్రిడ్‌ తరఫున 2016 నుంచి రెండు సీజన్‌లు ఆడిన జోటా... ఆ తర్వాత వివిధ క్లబ్‌లకు ప్రాతినిధ్యం వహించాడు. 2020 నుంచి లివర్‌పూల్‌ తరఫున కొనసాగుతున్న జొటా... మూడు మేజర్‌ ట్రోఫీలు గెలుచుకున్నాడు. గత సీజన్‌లో ప్రీమియర్‌ లీగ్‌ టైటిల్‌ గెలిచిన జట్టులో డియాగో ప్రధాన సభ్యుడు. ఇక 2019లో పోర్చుగల్‌ జాతీయ జట్టు తరఫున అరంగేట్రం చేసిన జోటా... కెరీర్‌లో 49 మ్యాచ్‌లాడి 14 గోల్స్‌ చేశాడు. ఇది తీరని లోటు... పోర్చుగల్‌ సాకర్‌ సమాఖ్య కూడా జోటా మృతికి సంతాపం తెలిపింది. ‘ఇది పూడ్చలేని లోటు. జాతీయ జట్టు తరఫున 50కి పైగా మ్యాచ్‌లు ఆడిన అద్భుత ఆటగాడు ఇలా అర్ధాంతరంగా మృతిచెందడం కలచివేస్తోంది. సహచరులు, ప్రత్యర్థులు అనే తేడా లేకుండా ప్రతి ఒక్కరినీ గౌరవించే అత్యుత్తమ ఆటగాడు అప్పుడే లోకం వీడి వెల్లడం బాధగా ఉంది’ అని ఒక ప్రకటనలో తెలిపింది.జోటా మృతికి సంతాపంగా... గురువారం పోర్చుగల్, స్పెయిన్‌ మహిళల జట్ల మధ్య యూరోపియన్‌ చాంపియన్‌షిప్‌ మ్యాచ్‌కు ముందు ఇరు జట్ల ఆటగాళ్లు ఒక నిమిషం పాటు మౌనం వహించారు. పోర్చుగల్‌ ప్రధానమంత్రి లూయిస్‌ మోంటెనెగ్రో కూడా డియాగో జోటా మృతికి సంతాపం ప్రకటించారు.‘మేము ఇద్దరు చాంపియన్లను కోల్పోయాము. వారి లోటు పోర్చుగల్‌ సాకర్‌కు తీరని లోటు. వారి వారసత్వాన్ని గౌరవించేందుకు మా వంతు కృషి చేస్తాం. దేశ ఖ్యాతిని పెంచిన ఆటగాళ్లో జోటా ఒకడు. వారి కుటుంబానికి ప్రగాఢ సానుభూతి. ఇది సాకర్‌కు విషాదకరమైన రోజు’ అని పేర్కొన్నారు.ఇక సహచర ఆటగాడు పోర్చుగల్‌ స్టార్‌ క్రిస్టియానో రొనాల్డో... ఈ ఘటనపై దిగ్భ్రాంతి వ్యక్తం చేశాడు. ‘ఇప్పటి వరకు జాతీయ జట్టులో డియాగోతో కలిసి ఆడాను. ఇంతలో ఇలా ఎలా జరిగిందో. ఇటీవలే జోటా వివాహం జరిగింది. కుటుంబంతో కలిసి సంతోషంగా గడుపుతాడు అనుకుంటే ఊహించని ఘటన అతడిని దూరం చేసింది. ఈ క్లిష్ట సమయంలో అతడి కుటుంబానికి నా ప్రగాఢ సానుభూతి. మేమందరం మిమ్మల్ని మిస్‌ అవుతాము’ అని రొనాల్డో అన్నాడు.మరోవైపు.. బాస్కెట్‌బాల్‌ దిగ్గజం లెబ్రాన్‌ జేమ్స్‌తో పాటు టెన్నిస్‌ స్టార్‌ రాఫెల్‌ నాదల్‌ వంటి పలు ప్లేయర్లతో పాటు... ఇతర క్లబ్‌లు, పలువురు ప్రముఖులు కూడా సంతాపం ప్రకటించారు. టీమిండియా చైనామన్‌ స్పిన్నర్‌ కుల్దీప్‌ యాదవ్‌ కూడా జోటా మృతికి సంతాపం తెలిపాడు. కాగా కుల్దీప్‌ ప్రస్తుతం ఇంగ్లండ్‌ పర్యటనలో ఉన్నాడు. అయితే, తొలి రెండు టెస్టుల్లోనూ అతడికి తుదిజట్టులో ఆడే అవకాశం లభించలేదు. చదవండి: వింబుల్డన్‌లో సంచలనాల మోత.. టాప్‌ సీడ్‌లకు ఊహించని షాకులు

టీమిండియాతో రెండో టెస్టులో ఇంగ్లండ్‌ స్టార్‌ జేమీ స్మిత్‌ సంచలన ఇన్నింగ్స్‌తో మెరిశాడు. కేవలం 80 బంతుల్లోనే వంద పరుగుల మార్కు అందుకున్నాడు. తద్వారా ఇంగ్లండ్‌ తరఫున ఫాస్టెస్ట్‌ సెంచరీలు సాధించిన ఆటగాళ్ల జాబితాలో చేరిపోయాడు.ఇంగ్లండ్‌ తొలి ప్లేయర్‌గా..అంతేకాదు.. టెస్టు మ్యాచ్‌లో భాగంగా ఓ రోజు ఆటలో భోజన విరామానికి ముందు సెషన్‌లోనే వందకు పైగా పరుగులు స్కోరు చేసిన ఇంగ్లండ్‌ తొలి బ్యాటర్‌గానూ చరిత్రకెక్కాడు జేమీ స్మిత్‌. అతడి శతక ఇన్నింగ్స్‌లో పద్నాలుగు ఫోర్లు, మూడు సిక్సర్లు ఉన్నాయి. ఇక భారత యువ పేసర్‌ ప్రసిద్‌ కృష్ణ బౌలింగ్‌లో ఒకే ఓవర్లో జేమీ స్మిత్‌ ఏకంగా 23 పరుగులు పిండుకోవడం విశేషం.టెస్టుల్లో ఇంగ్లండ్‌ తరఫున ఫాస్టెస్ట్‌ సెంచరీలు చేసిన ఆటగాళ్లు🏏గిల్బర్ట్‌ జెసప్‌- 1902లో ది ఓవల్‌ వేదికగా ఆస్ట్రేలియాపై 76 బంతుల్లో శతకం🏏జానీ బెయిర్‌ స్టో- 2022లో ట్రెంట్‌ బ్రిడ్జ్‌ వేదికగా న్యూజిలాండ్‌పై 77 బంతుల్లో శతకం🏏హ్యారీ బ్రూక్‌- 2022లో రావల్పిండి వేదికగా పాకిస్తాన్‌పై 80 బంతుల్లో శతకం🏏జేమీ స్మిత్‌- 2025లో ఎడ్జ్‌బాస్టన్‌ వేదికగా టీమిండియాపై 80 బంతుల్లో శతకం🏏బెన్‌ స్టోక్స్‌- 2015లో లార్డ్స్‌ వేదికగా న్యూజిలాండ్‌పై 85 బంతుల్లో శతకం.The THIRD-FASTEST England Test century 🤯Counter-attacking in the extreme from Jamie Smith ☄️ pic.twitter.com/8Yz3Ccc0WL— England Cricket (@englandcricket) July 4, 2025 లంచ్‌ బ్రేక్‌ సమయానికి ఇంగ్లండ్‌ స్కోరు: 249/5 (47)ఐదు టెస్టుల సిరీస్‌లో భాగంగా భారత్- ఇంగ్లండ్‌ మధ్య తొలి టెస్టులో ఆతిథ్య జట్టు విజయం సాధించిన విషయం తెలిసిందే. ఈ క్రమంలో బుధవారం బర్మింగ్‌హామ్‌లోని ఎడ్జ్‌బాస్టన్‌ వేదికగా రెండో టెస్టు మొదలైంది.ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌.. రెండో రోజు ఆటలో భాగంగా 587 పరుగులకు ఆలౌట్‌ అయింది. కెప్టెన్‌ శుబ్‌మన్‌ గిల్‌ డబుల్‌ సెంచరీ (269)తో అదరగొట్టగా.. రవీంద్ర జడేజా (89), యశస్వి జైస్వాల్‌ (87) కూడా అద్భుత అర్ధ శతకాలతో ఆకట్టుకున్నారు. ఇంగ్లండ్‌ బౌలర్లలో షోయబ్‌ బషీర్‌ మూడు వికెట్లు తీయగా.. క్రిస్‌ వోక్స్‌, జోష్‌ టంగ్‌ రెండేసి వికెట్లు కూల్చారు. అదే విధంగా... కెప్టెన్‌ స్టోక్స్‌, బ్రైడన్‌ కార్స్‌, జో రూట్‌ ఒక్కో వికెట్‌ దక్కించుకున్నారు. ఈ క్రమంలో తొలి ఇన్నింగ్స్‌ మొదలుపెట్టిన ఇంగ్లండ్‌.. గురువారం నాటి రెండో రోజు ఆట పూర్తయ్యేసరికి మూడు వికెట్లు నష్టపోయి 77 పరుగులు చేసింది. ఇక శుక్రవారం నాటి ఆటలో ఆరంభంలోనే రెండు వికెట్లు కోల్పోయిన ఇంగ్లండ్‌.. హ్యారీ బ్రూక్‌, జేమీ స్మిత్‌ బజ్‌బాల్‌ ఇన్నింగ్స్‌ కారణంగా భోజన విరామ సమయానికి 249 పరుగులు స్కోరు చేసింది. లంచ్‌ బ్రేక్‌ సమయానికి స్మిత్‌ 102, బ్రూక్‌ 91 పరుగులతో క్రీజులో ఉన్నారు. భారత బౌలర్లలో మహ్మద్‌ సిరాజ్‌ మూడు వికెట్లు కూల్చగా.. ఆకాశ్‌ దీప్‌ రెండు వికెట్లు తన ఖాతాలో వేసుకున్నాడు. ప్రస్తుతం ఇంగ్లండ్‌ టీమిండియా కంటే ఇంకా 338 పరుగులు వెనుకబడి ఉంది.చదవండి: IND vs ENG 2nd Test: వైభవ్‌ సూర్యవంశీని పిలిపించిన బీసీసీఐ!

టీమిండియా యువ పేసర్‌ ప్రసిద్‌ కృష్ణ (Prasidh Krishna)పై అభిమానులు ఆగ్రహం వ్యక్తం చేస్తున్నారు. మరీ ఇంత చెత్తగా బౌలింగ్‌ చేస్తావా? అంటూ సోషల్‌ మీడియా వేదికగా మండిపడుతున్నారు. అదే సమయంలో.. ఇంగ్లండ్‌ వికెట్‌ కీపర్‌ బ్యాటర్‌ జేమీ స్మిత్‌ (Jamie Smith)పై క్రికెట్‌ ప్రేమికులు ప్రశంసల వర్షం కురిపిస్తున్నారు. ఇంతకీ విషయం ఏమిటంటే..ఆదిలోనే షాకులుభారత్‌-ఇంగ్లండ్‌ (Ind vs Eng) మధ్య బుధవారం మొదలైన రెండో టెస్టులో గిల్‌ సేన తొలి ఇన్నింగ్స్‌లో 587 పరుగులకు ఆలౌట్‌ అయింది. ఈ క్రమంలో రెండో రోజు భారత ఇన్నింగ్స్‌ ముగిసిన తర్వాత.. బ్యాటింగ్‌కు దిగిన ఇంగ్లండ్‌కు ఆదిలోనే షాకులు తగిలాయి. భారత బౌలర్ల దెబ్బకు... ఇంగ్లిష్‌ జట్టు ఓపెనర్లు జాక్‌ క్రాలే (19), బెన్‌ డకెట్‌ (0) సహా వన్‌డౌన్‌ బ్యాటర్‌ ఓలీ పోప్‌ (0)లు పెవిలియన్‌కు క్యూ కట్టారు. ‘బజ్‌బాల్‌’ దూకుడుఈ క్రమంలో గురువారం నాటి ఆట ముగిసే సరికి ఇంగ్లండ్‌ మూడు వికెట్లన నష్టానికి 77 పరుగులు చేసింది. ఓవర్‌ నైట్‌ స్కోరు 77/3తో శుక్రవారం ఆట మొదలుపెట్టిన ఇంగ్లండ్‌.. వెనువెంటనే జో రూట్‌ (22), బెన్‌ స్టోక్స్‌ (0) వికెట్లు కోల్పోయింది. ఇలా జట్టు పీకల్లోతు కష్టాల్లో కూరుకుపోయిన వేళ హ్యారీ బ్రూక్‌, జేమీ స్మిత్‌ తమదైన శైలి ‘బజ్‌బాల్‌’ ఆటకు తెరలేపారు.43 బంతుల్లోనేఈ క్రమంలో కేవలం 43 బంతుల్లోనే జేమీ స్మిత్‌ అర్ధ శతకం పూర్తి చేసుకోవడం విశేషం. ప్రస్తుతం భారత్‌- ఇంగ్లండ్‌ మధ్య జరుగుతున్న సిరీస్‌లో ఇదే ఫాస్టెస్ట్‌ ఫిఫ్టీ కావడం గమనార్హం. కాగా ఆదిలో కాస్త నెమ్మదిగానే ఆడిన జేమీ స్మిత్‌ వేగంగా యాభై పరుగుల మార్కు చేరుకోవడానికి.. భారత పేసర్‌ ప్రసిద్‌ కృష్ణ చెత్త బౌలింగే కారణం.ఒకే ఓవర్‌లో 23 పరుగులుఇంగ్లండ్‌ తొలి ఇన్నింగ్స్‌లో 32వ ఓవర్‌లో బంతితో బరిలోకి దిగిన ప్రసిద్‌ కృష్ణ... ఏకంగా 23 పరుగులు సమర్పించుకున్నాడు. తొలి బంతిని కట్టుదిట్టంగా వేసిన అతడు.. ఆ తర్వాత పదే పదే షార్ట్‌ బంతుల్ని సంధించి మూల్యం చెల్లించాడు. ప్రసిద్‌ బౌలింగ్‌లో జేమీ స్మిత్‌ వరుసగా 4, 6, 4, 4, 4 బాదగా.. వైడ్‌ రూపంలో మరో పరుగు వచ్చింది.Jamie Smith with back-to-back boundaries to start the 38th over 🔥He's absolutely flying here 😍 pic.twitter.com/rLEry94aGo— England Cricket (@englandcricket) July 4, 2025కాస్తైనా కనికరం లేదా?!.. ఇంత చెత్త బౌలింగ్‌ ఏంటి బ్రోఇక జేమీ స్మిత్‌కు బజ్‌బాల్‌ అటాకింగ్‌కు సంబంధించిన వీడియో సోషల్‌ మీడియాలో వైరల్‌ అవుతుండగా.. ప్రసిద్‌ కృష్ణపై విమర్శల వర్షం కురుస్తోంది. ‘‘ఇంత చెత్త బౌలింగ్‌ ఏంటి బ్రో.. ఏదేమైనా జేమీ స్మిత్‌ సూపర్‌’’ అంటూ నెటిజన్లు కామెంట్లు చేస్తున్నారు. మరోవైపు.. కామెంటేటర్‌ రవిశాస్త్రి.. ‘‘కాస్తైనా కనికరం లేదా?!.. ఇంత నిర్దయగా బాదేస్తావా?!’’అంటూ జేమీ స్మిత్‌ సూపర్‌ బ్యాటింగ్‌ను కొనియాడాడు.కాగా 47 ఓవర్ల ఆట ముగిసే సరికి ఇంగ్లండ్‌ ఐదు వికెట్ల నష్టానికి 249 పరుగులు సాధించింది. హ్యారీ బ్రూక్‌ 91 పరుగులతో ఉండగా.. జేమీ స్మిత్‌ సెంచరీ పూర్తి చేసుకున్నాడు. టెండుల్కర్‌- ఆండర్సన్‌ ట్రోఫీలో భాగంగా ఐదు టెస్టులు ఆడేందుకు టీమిండియా ఇంగ్లండ్‌ పర్యటనకు వెళ్లింది. లీడ్స్‌ వేదికగా తొలి టెస్టు జరుగగా.. స్టోక్స్‌ బృందం చేతిలో గిల్‌ సేన ఐదు వికెట్ల తేడాతో ఓడిపోయింది. ఇరుజట్ల మధ్య బర్మింగ్‌హామ్‌లోని ఎడ్జ్‌బాస్టన్‌లో బుధవారం రెండో టెస్టు మొదలైంది.చదవండి: కోహ్లి, అజారుద్దీన్‌ కాదు!.. భారత అత్యుత్తమ స్లిప్‌ ఫీల్డర్‌ ఎవరో తెలుసా?

క్రికెట్‌ ప్రపంచంలోని అత్యుత్తమ టెస్టు జట్లలో టీమిండియా ఒకటి. భారత జట్టు ఫీల్డింగ్‌ కూడా అదే స్థాయిలో గుర్తింపు పొందింది. ముఖ్యంగా స్లిప్స్‌, గల్లీ పాయింట్‌లో టీమిండియా ఫీల్డింగ్‌కు తిరుగులేదు. 2023 నుంచి ఇప్పటి వరకు భారత జట్టు ఈ పాయింట్లలో ​క్యాచ్‌లు పట్టడంలో 80.6 శాతం మేర విజయవంతమైంది.ఈ గణాంకాల జాబితాలో టీమిండియా తర్వాత న్యూజిలాండ్‌ 78.5 శాతం, శ్రీలంక 78.3 శాతంతో వరుసగా రెండు, మూడు స్థానాల్లో ఉన్నాయి. అయితే, ఇటీవల ఇంగ్లండ్‌తో తొలి టెస్టులో టీమిండియా ఏకంగా ఎనిమిది క్యాచ్‌లు నేలపాలు చేసిన విషయం తెలిసిందే. ఆతిథ్య జట్టు చేతిలో గిల్‌ సేన ఓటమికి ఇదే ప్రధాన కారణమైంది.ఫీల్డింగ్‌ వైఫల్యంపై విమర్శలుఈ నేపథ్యంలో భారత జట్టు ఫీల్డింగ్‌ వైఫల్యంపై పెద్ద ఎత్తున విమర్శలు వచ్చాయి. ముఖ్యంగా సీనియర్‌ రవీంద్ర జడేజా (Ravindra Jadeja)తో పాటు.. యువ ఓపెనర్‌ యశస్వి జైస్వాల్‌ (Yashasvi Jaiswal)పై మాజీ క్రికెటర్లు ఆగ్రహం వ్యక్తం చేశారు. వీరిలో జైసూ ఏకంగా నాలుగు క్యాచ్‌లు మిస్‌ చేయడం తీవ్ర విమర్శలకు దారితీసింది. క్రిక్‌విజ్‌ కథనం ప్రకారం.. 2006 నుంచి ఉన్న డేటాను గమనిస్తే.. భారత్‌ ఇలా ఓ టెస్టు మ్యాచ్‌లో ఏకంగా ఎనిమిది క్యాచ్‌లు మిస్‌ చేయడం ఇది మూడోసారి. ఓవరాల్‌గా ఈ మ్యాచ్‌లో క్యాచ్‌లు పట్టడంలో 52.9 శాతం మాత్రమే విజయవంతమైంది.నిజానికి.. రాహుల్‌ ద్రవిడ్‌, సచిన్‌ టెండుల్కర్‌, వీవీఎస్‌ లక్ష్మణ్‌ ఆడుతున్న సమయంలో స్లిప్స్‌లో క్యాచ్‌లు అందుకోవడంలో భారత్‌ విజయశాతం అధికంగా ఉండేది. ముఖ్యంగా వీరిలో స్లిప్‌ ఫీల్డర్‌గా సక్సెస్‌ రేటు ఎక్కువగా ఉన్నది రాహుల్‌ ద్రవిడ్‌కే!..భారత అత్యుత్తమ స్లిప్‌ ఫీల్డర్‌ ఎవరో తెలుసా?స్లిప్‌లో ఫీల్డింగ్‌ చేయడం, క్యాచ్‌లు అందుకోవడం ఓ కళ. ఇందులో నంబర్‌ వన్‌ భారత ప్లేయర్‌గా ద్రవిడ్‌ పేరు చెప్పవచ్చని మాజీ కెప్టెన్‌ అనిల్‌ కుంబ్లే చెప్పడం ఇందుకు నిదర్శనం. టెస్టు క్రికెట్‌లో ద్రవిడ్‌ స్లిప్స్‌ ఫీల్డర్‌గా ఏకంగా 210 క్యాచ్‌లు అందుకున్నాడు. ముఖ్యంగా స్పిన్నర్లు అటాకింగ్‌లో ఉన్నపుడు అతడు మరింత గొప్పగా రాణించేవాడు. ఓవరాల్‌గా టెస్టుల్లో ఇది రెండో అత్యుత్తమ ప్రదర్శన కాగా.. భారత క్రికెట్‌లో ద్రవిడ్‌దే అగ్రస్థానం.టీమిండియా మాజీ కోచ్‌ జాన్‌ రైట్‌ కూడా ద్రవిడ్‌ ఫీల్డింగ్‌ నైపుణ్యాల నుంచి గతంలో కొనియాడాడు. ‘‘2000 సంవత్సరంలో నేను టీమిండియా కోచ్‌గా బాధ్యతలు చేపట్టినప్పుడు తొలి టెస్టులోనే స్లిప్స్‌లో మూడు- నాలుగు క్యాచ్‌లు డ్రాప్‌ చేశాం.అయితే, ద్రవిడ్‌ ఫస్ట్‌ స్లిప్‌లోకి వచ్చిన తర్వాతే మా క్యాచింగ్‌ ప్రదర్శన మెరుగుపడింది. ముఖ్యంగా విదేశీ గడ్డపై అతడి వల్లే ఎక్కువ సక్సెస్‌ రేటు సాధించగలిగాం’’ అని జాన్‌ రైట్‌ ద్రవిడ్‌ను ప్రశంసించాడు.వీరు కూడా..ఇక ద్రవిడ్‌తో పాటు మాజీ కెప్టెన్లు మహ్మద్‌ అజారుద్దీన్‌, సచిన్‌ టెండుల్కర్‌, విరాట్‌ కోహ్లి, అజింక్య రహానేలతో పాటు.. వీవీఎస్‌ లక్ష్మణ్‌ కూడా ఈ ఫీల్డింగ్‌ పొజిషన్‌లో మెరుగ్గా రాణించాడు. ప్రస్తుతం అత్యాధునిక సాంకేతికత అందుబాటులోకి వచ్చింది. ద్రవిడ్‌, అజారుద్దీన్‌ వంటి దిగ్గజాల ఫీల్డింగ్‌ వీడియోలు చూస్తే.. స్లిప్‌ ఫీల్డింగ్‌ ఎలా చేయాలో.. వారి వారసత్వాన్ని ఎలా ముందుకు తీసుకువెళ్లాలో యువ ఆటగాళ్లకు అవగాహన వస్తుంది. తద్వారా ఇలాంటి తప్పిదాలు పునరావృతం కాకుండా చూసుకోవచ్చు. లేదంటే.. లీడ్స్‌ టెస్టు మాదిరి గెలవాల్సిన మ్యాచ్‌లో.. ఓటమి రూపంలో భారీ మూల్యం చెల్లించాల్సి ఉంటుంది. కాగా ఇంగ్లండ్‌తో ఐదు టెస్టుల్లో భాగంగా తొలి మ్యాచ్‌లో టీమిండియా ఐదు వికెట్ల తేడాతో ఓడిపోయిన విషయం తెలిసిందే.చదవండి: IND vs ENG 2nd Test: వైభవ్‌ సూర్యవంశీని పిలిపించిన బీసీసీఐ!

ఇంగ్లండ్‌ కెప్టెన్‌ బెన్‌ స్టోక్స్‌ (Ben Stokes) తనపై చేసిన ఆరోపణలపై టీమిండియా ఆల్‌రౌండర్‌ రవీంద్ర జడేజా (Ravindra Jadeja) స్పందించాడు. తాను ఉద్దేశపూర్వకంగా పిచ్‌ మధ్యలోకి వెళ్లలేదని.. ఇంగ్లండ్‌ బౌలింగ్‌ విధానమే తనను అందుకు పురిగొల్పిందని పేర్కొన్నాడు. తాను ఎలాంటి తప్పు చేయకపోయినా ఇంగ్లండ్‌ ఆటగాళ్లు పదే పదే అంపైర్‌ దగ్గరకు వెళ్లి ఫిర్యాదు చేశారని.. కానీ తాము మాత్రం ఇలాంటి తప్పులు చేయమని తెలిపాడు.కాగా ఐదు మ్యాచ్‌ల సిరీస్‌లో భాగంగా భారత్‌- ఇంగ్లండ్‌ (Ind vs Eng) మధ్య ఎడ్జ్‌బాస్టన్‌ వేదికగా బుధవారం రెండో టెస్టు మొదలైంది. ఇందులో టాస్‌ ఓడిన భారత్‌ తొలుత బ్యాటింగ్‌ చేసింది. కెప్టెన్‌ శుబ్‌మన్‌ గిల్‌ భారీ డబుల్‌ సెంచరీ (269)తో పాటు రవీంద్ర జడేజా (89), యశస్వి జైస్వాల్‌ (87 అద్భుతంగా రాణించగా.. తొలి ఇన్నింగ్స్‌లో 587 పరుగులు చేసింది.అంపైర్‌కు ఫిర్యాదుఇక గురువారం నాటి రెండో రోజు ఆట సందర్భంగా జడ్డూపై ఇంగ్లండ్‌ పేసర్‌ క్రిస్‌వోక్స్‌, కెప్టెన్‌ స్టోక్స్‌ పిచ్‌ను పాడుచేస్తున్నాడంటూ అంపైర్‌కు ఫిర్యాదు చేశారు. కావాలనే పదే పదే పిచ్‌ మధ్యలోకి పరిగెత్తుకు వచ్చి డ్యామేజ్‌ చేస్తున్నాడంటూ ఆరోపించారు.స్టోక్స్‌కు ఇచ్చిపడేసిన జడ్డూఇదే విషయంపై స్టోక్స్‌ జడ్డూతో.. ‘‘చూడు మేట్‌.. నువ్వేం చేస్తున్నావో కనబడుతోందా?’’ అంటూ మైదానంలోనే వాగ్వాదానికి దిగాడు కూడా!.. ఇందుకు జడ్డూ గట్టిగానే బదులిచ్చాడు. ‘‘నేను ఎక్కడి నుంచి వస్తున్నానో చూస్తూనే ఉన్నావు కదా!..నేనైతే ఇలాంటి ఏరియాల్లో బౌలింగ్‌ చేయను. అయినా నా దృష్టి మొత్తం ఇప్పుడు బ్యాటింగ్‌ మీదే ఉంది’’ అని కౌంటర్‌ ఇచ్చాడు. ఇక ఇదే విషయంపై మ్యాచ్‌ అనంతరం జడేజా స్పందించాడు.మీడియా సమావేశంలో మాట్లాడుతూ.. ‘‘నేనేదో కావాలనే పిచ్‌ను తొక్కుతున్నట్లు వారు భావించారు. నిజానికి ఫాస్ట్‌ బౌలర్ల బౌలింగ్‌ను ఎలా ఎదుర్కోవాలో నేను అదే పని చేశాను. కానీ వాళ్లు ప్రతిసారి అంపైర్‌ దగ్గరకు వెళ్లి ఫిర్యాదు చేశారు.నాకైతే పిచ్‌ మధ్యలోకి వెళ్లాలన్న ఉద్దేశం ఎంతమాత్రమూ లేదు. పరుగులు తీసే క్రమంలో నేను ముందుకు సాగిపోతూ ఉన్నానంతే!.. ఏదేమైనా నాకు అవకాశం వస్తే గనుక... నేను వాళ్లలా బౌల్‌ చేయను. సరైన లైన్‌ అండ్‌ లెంగ్త్‌తో.. సరైన చోటే బంతిని వేస్తాను’’ అని జడ్డూ చెప్పుకొచ్చాడు. కాగా గురువారం నాటి ఆట ముగిసే సరికి ఇంగ్లండ్‌ మూడు వికెట్ల నష్టానికి 77 పరుగులు చేసింది. చదవండి: IND vs ENG 2nd Test: వైభవ్‌ సూర్యవంశీని పిలిపించిన బీసీసీఐ! Sir Jadeja classic on the Stumps Mic. 😂 pic.twitter.com/SqhuVJqq4f— Mufaddal Vohra (@mufaddal_vohra) July 4, 2025

ఇంగ్లండ్‌తో రెండో టెస్టులో టీమిండియా కెప్టెన్‌ శుబ్‌మన్‌ గిల్‌ (Shubman Gill) అద్భుత ఇన్నింగ్స్‌తో దుమ్ములేపాడు. ఎడ్జ్‌బాస్టన్‌లో తొలి రోజు బాదిన శతకాన్ని ప్రిన్స్‌.. రెండో రోజు ఆట సందర్భంగా దానిని డబుల్‌ సెంచరీ (Double Century)గా మలిచాడు. మొత్తంగా 387 బంతులు ఎదుర్కొన్న గిల్‌.. 30 ఫోర్లు, మూడు సిక్సర్ల సాయంతో 269 పరుగులు సాధించాడు. తద్వారా రికార్డుల మోత మోగించాడు.ఎడ్జ్‌బాస్టన్‌లో అ‍త్యధిక వ్యక్తిగత స్కోరు సాధించిన భారత కెప్టెన్‌, ఆటగాడిగా గిల్‌ చరిత్రకెక్కాడు. ఈ నేపథ్యంలో గిల్‌పై ప్రశంసల వర్షం కురుస్తోంది. భారత టెస్టు క్రికెట్‌లో ప్రిన్స్‌ శకం మొదలైందంటూ అభిమానులు, మాజీ క్రికెటర్లు అతడిని ఆకాశానికెత్తుతున్నారు. మరోవైపు.. గిల్‌ తన ద్విశతకాన్ని ట్రిపుల్‌ సెంచరీగా మలిస్తే ఇంకా బాగుండేదంటూ కాస్త నిరాశకు లోనవుతున్నారు..@ShubmanGill rewrites the record books in England! 👑📚✅ First Asian captain to score a double century in SENA✅ First visiting captain to score 200 in England since 2003✅ Only the third Indian to score a double century in England!#ENGvIND 👉 2nd TEST, Day 2 | LIVE NOW… pic.twitter.com/VoVrRQT8VT— Star Sports (@StarSportsIndia) July 3, 2025 ఇదిలా ఉంటే.. డబుల్‌ సెంచరీ వీరుడు గిల్‌ రెండో రోజు బ్యాటింగ్‌ చేస్తున్న సందర్భంగా సహనం కోల్పోయాడు. తొలి రోజు నుంచి.. రెండో రోజు వరకు దాదాపు ఐదు సెషన్లలోనూ ఓపికగా ఉన్న గిల్‌కు కోపం రావడానికి కారణం భారత పేసర్‌ ఆకాశ్‌ దీప్‌ (Akash Deep).రనౌట్‌ రూపంలో బలయ్యేవారే!గురువారం నాటి రెండో రోజు ఆట టీ సమయానికి ముందు.. గిల్‌ చరిత్రాత్మక ట్రిపుల్‌ సెంచరీ దిశగా పయనిస్తున్న వేళ.. షోయబ్‌ బషీర్‌ బౌలింగ్‌ (139.5)లో మిడ్‌ వికెట్‌ మీదుగా గిల్‌ షాట్‌ బాదాడు. ఈ క్రమంలోనే అవతలి ఎండ్‌లో ఉన్న ఆకాశ్‌ దీప్‌ను పరుగుకు ఆహ్వానించాడు. కానీ అప్పుడు పరధ్యానంగా ఉన్న ఆకాశ్‌.. వెంటనే తేరుకుని డైవ్‌ కొట్టి ఎలాగోలా క్రీజులోకి చేరుకున్నాడు. లేదంటే ఎవరో ఒకరు రనౌట్‌ రూపంలో బలయ్యేవారే!pic.twitter.com/cXM1utO4a8— Nihari Korma (@NihariVsKorma) July 3, 2025ఏం చూస్తున్నావు?.. తొందరగా పరిగెత్తలేవా?దీంతో కోపోద్రిక్తుడైన గిల్‌.. ‘‘ఏం చూస్తున్నావు?.. తొందరగా పరిగెత్తలేవా?’’ అంటూ ఆకాశ్‌ దీప్‌పై ఆగ్రహం వ్యక్తం చేశాడు. ఇందుకు సంబంధించిన దృశ్యాలు నెట్టింట వైరల్‌గా మారాయి. ఇక అప్పటికి 260 పరుగుల వద్ద ఉన్న గిల్‌.. మరో తొమ్మిది రన్స్‌ తన స్కోరుకు జతచేసి జోష్‌ టంగ్‌ బౌలింగ్‌లో పోప్‌నకు క్యాచ్‌ ఇచ్చి అవుటయ్యాడు. మరోవైపు.. ఆకాశ్‌ దీప్‌ ఆరు పరుగులు చేసి పెవిలియన్‌ చేరాడు.ఇదిలా ఉంటే.. ఎడ్జ్‌బాస్టన్‌ వేదికగా రెండో టెస్టులో టీమిండియా తొలి ఇన్నింగ్స్‌లో 587 పరుగుల మేర భారీ స్కోరు చేసి ఆలౌట్‌ అయింది. కెప్టెన్‌ శుబ్‌మన్‌ గిల్‌ భారీ ద్విశతకం (269) బాదగా.. యశస్వి జైస్వాల్‌ (87), రవీంద్ర జడేజా (89) కూడా అద్భుత ఇన్నింగ్స్‌ ఆడారు.చదవండి: IND vs ENG 2nd Test: వైభవ్‌ సూర్యవంశీని పిలిపించిన బీసీసీఐ!

ఇంగ్లండ్‌తో రెండో టెస్టులో టీమిండియా అదరగొడుతోంది. టాస్‌ ఓడి తొలుత బ్యాటింగ్‌ చేసిన గిల్‌ సేన.. మొదటి ఇన్నింగ్స్‌లో 587 పరుగుల మేర భారీ స్కోరు సాధించింది. ఎడ్జ్‌బాస్టన్‌ వేదికగా కెప్టెన్‌ శుబ్‌మన్‌ గిల్‌ (Shubman Gill) భారీ ద్విశతకం (269)తో చెలరేగగా.. రవీంద్ర జడేజా (Ravindra Jadeja- 89), యశస్వి జైస్వాల్‌ (Yashasvi Jaiswal- 87) అర్ధ శతకాలతో రాణించారు. 510 పరుగుల ఆధిక్యంవీరికి తోడుగా వాషింగ్టన్‌ సుందర్‌ (42) మెరుగ్గా ఆడగా కరుణ్‌ నాయర్‌ (31) కూడా ఈసారి కాస్త ఫర్వాలేదనిపించాడు. ఇక బ్యాటింగ్‌లో అదరగొట్టిన భారత్‌.. బౌలింగ్‌లోనూ రాణిస్తోంది. గురువారం నాటి రెండో రోజు ఆట ముగిసే సరికి మూడు వికెట్లు తీసిన టీమిండియా.. ఇంగ్లండ్‌ను 77 పరుగులకు పరిమితం చేసింది. తద్వారా ప్రస్తుతం 510 పరుగుల ఆధిక్యంలో కొనసాగుతోంది.అరుదైన రికార్డులుఇక రెండో రోజు ఆటలో హైలైట్‌ గిల్‌ డబుల్‌ సెంచరీ అని చెప్పడంలో ఏమాత్రం సందేహం లేదు. ఎడ్జ్‌బాస్టన్‌లో అత్యధిక వ్యక్తిగత స్కోరు నమోదు చేసిన భారత బ్యాటర్‌గా నిలవడంతో పాటు.. ఈ ఘనత సాధించిన తొలి కెప్టెన్‌గానూ రికార్డు సృష్టించాడు. ఈ క్రమంలో దిగ్గజ బ్యాటర్‌ విరాట్‌ కోహ్లి పేరిట ఉన్న ఆల్‌టైమ్‌ రికార్డును బద్దలు కొట్టాడు.అంతేకాదు.. SENA (సౌతాఫ్రికా, ఇంగ్లండ్‌, న్యూజిలాండ్‌, ఆస్ట్రేలియా) దేశాల్లో టెస్టుల్లో అత్యధిక స్కోరు సాధించిన ఆసియా తొలి కెప్టెన్‌గానూ గిల్‌ చరిత్రకెక్కాడు. వీటితో పాటు మరెన్నో రికార్డులను సొంతం చేసుకున్నాడు.ఎడ్జ్‌బాస్టన్‌ స్టేడియంలో వైభవ్‌ ప్రత్యక్షంఇక గిల్‌ చిరస్మరణీయ ఇన్నింగ్స్‌ను భారత క్రికెట్‌ యువ సంచలనం వైభవ్‌ సూర్యవంశీ కూడా ప్రత్యక్షంగా వీక్షించాడు. ఓవైపు గిల్‌కు సంబంధించిన మరుపురాని మధుర క్షణాలను ఒడిసిపడుతూనే.. స్టాండ్స్‌లో వైభవ్‌పై కూడా కెమెరామెన్‌ ఫోకస్‌ చేశాడు. ఈ నేపథ్యంలో ఎడ్జ్‌బాస్టన్‌ స్టేడియంలో వైభవ్‌ సూర్యవంశీ మ్యాచ్‌ను వీక్షిస్తున్న ఫొటోలు వైరల్‌గా మారాయి.కాగా ఐపీఎల్‌-2025లో రాజస్తాన్‌ రాయల్స్‌ తరఫున సంచలన శతకం సాధించిన వైభవ్‌ సూర్యవంశీ.. ప్రస్తుతం ఇంగ్లండ్‌లో భారత అండర్‌-19 జట్టు తరఫునా మెరుపులు మెరిపిస్తున్నాడు. ఇంగ్లండ్‌తో యూత్‌ వన్డేల్లో ఆకాశమే హద్దుగా చెలరేగుతూ జట్టు విజయాల్లో కీలక పాత్ర పోషిస్తున్నాడు.తొలి యూత్‌ వన్డేలో 19 బంతుల్లోనే 48 పరుగులతో రాణించిన వైభవ్‌.. రెండో వన్డేలో 34 బంతుల్లో 45 రన్స్‌ చేశాడు. తాజాగా మూడో వన్డేలో 31 బంతుల్లోనే 81 పరుగులతో దుమ్ములేపాడు. ఇక నాలుగో యూత్‌ వన్డే జూలై 5న జరుగనుండగా.. ఆఖరిదైన ఐదో మ్యాచ్‌ జూలై 7న జరుగనుంది.యువ జట్టును పిలిపించిన బీసీసీఐఇక నార్తాంప్టన్‌లో మూడో యూత్‌వన్డే ముగిసిన తర్వాత భారత క్రికెట్‌ నియంత్రణ మండలి (BCCI).. ఆయుశ్‌ మాత్రే సారథ్యంలోని యువ జట్టును ఎడ్జ్‌బాస్టన్‌కు పిలిపించింది. సీనియర్ల ఆటను ప్రత్యక్షంగా వీక్షించే అవకాశం కల్పించింది. ఈ క్రమంలో గిల్‌ ఐకానిక్‌ ఇన్నింగ్స్‌ను వీక్షించిన వైభవ్‌ సూర్యవంశీ.. ‘‘మనదే ఆధిపత్యం’’ అంటూ గిల్‌ ఫొటోను సోషల్‌ మీడియాలో షేర్‌ చేశాడు. ఇక వైభవ్‌ను ఎడ్జ్‌బాస్టన్‌ స్టేడియంలో చూసిన అభిమానులు త్వరలోనే అతడు టీమిండియాలో అరంగేట్రం చేయాలంటూ ఆకాంక్షిస్తున్నారు.చదవండి: WCL: భార‌త జ‌ట్టు ప్ర‌క‌ట‌న‌.. కెప్టెన్‌గా యువ‌రాజ్ సింగ్Vaibhav Suryavanshi in the stands at the Edgbaston. pic.twitter.com/p7xMZoZdQf— Mufaddal Vohra (@mufaddal_vohra) July 3, 2025

ఇంగ్లండ్‌తో రెండో టెస్టు నేపథ్యంలో టీమిండియా తీసుకున్న నిర్ణయాన్ని శ్రీలంక క్రికెట్‌ దిగ్గజం కుమార​ సంగర్కర విమర్శించాడు. సిరీస్‌ గెలవడం కంటే కూడా.. లార్డ్స్‌ టెస్టే ముఖ్యమా అంటూ భారత జట్టు నాయకత్వ తీరును ప్రశ్నించాడు. కాగా ఐదు టెస్టులు ఆడేందుకు టీమిండియా ఇంగ్లండ్‌కు వెళ్లిన విషయం తెలిసిందే.ఈ క్రమంలో ఇరుజట్ల మధ్య లీడ్స్‌ (Leeds Test)లోని హెడింగ్లీ మైదానంలో తొలి టెస్టు జరిగింది. ఇందులో గిల్‌ సేన.. స్టోక్స్‌ బృందం చేతిలో ఐదు వికెట్ల తేడాతో ఓటమిపాలైంది. ఫలితంగా సిరీస్‌లో 0-1తో వెనుకబడింది. ఇక టెస్టు జట్టు కెప్టెన్‌గా తొలి మ్యాచ్‌లోనే శతక్కొట్టిన శుబ్‌మన్‌ గిల్‌కూ పరాజయం రూపంలో చేదు అనుభవమే మిగిలింది.విశ్రాంతి పేరిటకాగా భారత్‌ -ఇంగ్లండ్‌ (Ind vs Eng) మధ్య బర్మింగ్‌హామ్‌లోని ఎడ్జ్‌బాస్టన్‌ వేదికగా బుధవారం (జూలై 2) రెండో టెస్టు మొదలైంది. ఈ మ్యాచ్‌కు.. విశ్రాంతి పేరిట భారత ప్రధాన పేసర్‌ జస్‌ప్రీత్‌ బుమ్రా దూరమయ్యాడు. పనిభారాన్ని తగ్గించే నిమిత్తం అతడిని ఇంగ్లండ్‌లో కేవలం మూడు టెస్టులే ఆడిస్తామన్న మేనేజ్‌మెంట్‌ ఈ మేరకు నిర్ణయం తీసుకుంది.ఇక టాస్‌ సందర్భంగా ఇదే విషయాన్ని మరోసారి పునరుద్ఘాటించిన కెప్టెన్‌ శుబ్‌మన్‌ గిల్‌.. లార్డ్స్‌లో జరిగే మూడో టెస్టులో బుమ్రాను ఆడిస్తామని చెప్పాడు. అక్కడి పిచ్‌ అనుకూలంగా ఉంటుంది కాబట్టి బుమ్రా తప్పక ఆడతాడని చెప్పాడు.విమర్శల వర్షంనిజానికి.. తొలి టెస్టుకు.. రెండో టెస్టుకు మధ్య వారం రోజుల విరామ సమయం దొరికింది. అయినప్పటికీ కీలక మ్యాచ్‌లో బుమ్రాకు విశ్రాంతినివ్వడాన్ని భారత మాజీ క్రికెటర్లు రవిశాస్త్రి, సునిల్‌ గావస్కర్‌ తదితరులు తప్పుబట్టారు. ఇక సౌతాఫ్రికా దిగ్గజ పేసర్‌ డేల్‌ స్టెయిన్‌ అయితే.. టీమిండియా మేనేజ్‌మెంట్‌ తీరును తనదైన శైలిలో విమర్శించాడు.రొనాల్డో లేని పోర్చుగల్‌ మాదిరి‘‘ప్రపంచంలోని అత్యుత్తమ స్ట్రైకర్‌ అయిన రొనాల్డో లేకుండా పోర్చుగల్‌ బరిలోకి దిగితే ఎలా ఉంటుందో.. బుమ్రా లేని టీమిండియాకు కూడా అదే పరిస్థితి. నాకైతే ఏమీ అర్థం కావడం లేదు’’ అంటూ స్టెయిన్‌ చురకలు అంటించాడు. ఇక ఈ జాబితాలో తాజాగా.. శ్రీలంక క్రికెట్‌ దిగ్గజం కుమార్‌ సంగక్కర కూడా చేరిపోయాడు.ఈ నిర్ణయం ఎవరిది?.. కోచ్‌ ఏం చేస్తున్నాడు?‘‘అసలు ఈ నిర్ణయం ఎందుకు తీసుకున్నారు? ఎవరు తీసుకున్నారు? ఆటగాళ్లను, ఫిజియోలను సంప్రదించిన తర్వాతే ఇలాంటి నిర్ణయం తీసుకున్నారా? సిరీస్‌ గెలవడం కంటే లార్డ్స్‌ టెస్టే ముఖ్యమని మీరు భావిస్తున్నారా?బుమ్రాను మూడు టెస్టులే ఆడించాలని భావిస్తే.. 1-3-5 మాత్రమే ఎందుకు కావాలి? కావాల్సినంత విరామం దొరికింది.. విజయం కోసం జట్టు పరితపిస్తోంది. మరి అలాంటపుడు కోచ్‌ బుమ్రా దగ్గరకు వెళ్లి ఇదే విషయాన్ని అర్థమయ్యేట్లు చెప్పవచ్చు కదా!’’ అని కుమార్‌ సంగక్కర స్కై స్పోర్ట్స్‌తో వ్యాఖ్యానించాడు.కాగా ఇంగ్లండ్‌తో రెండో టెస్టులో టీమిండియా మూడు మార్పులతో బరిలోకి దిగింది. బుమ్రాకు రెస్ట్‌ ఇవ్వడంతో పాటు.. సాయి సుదర్శన్‌, శార్దూల్‌ ఠాకూర్‌లపై వేటు వేసింది. ఈ ముగ్గురి స్థానాలను ఆకాశ్‌ దీప్‌, నితీశ్‌ కుమార్‌ రెడ్డి, వాషింగ్టన్‌ సుందర్‌లతో భర్తీ చేసింది.చదవండి: Ind vs Eng: ఇదేం తీరు?.. గిల్‌పై మండిపడ్డ గావస్కర్‌!.. గంగూలీ విమర్శలు

ఇంగ్లండ్‌తో రెండో టెస్టులో టీమిండియా కెప్టెన్‌ శుబ్‌మన్‌ గిల్‌ (Shubman Gill) డబుల్‌ సెంచరీతో చెలరేగాడు. ఎడ్జ్‌బాస్టన్‌ వేదికగా అద్భుత ఇన్నింగ్స్‌తో ఆకట్టుకుంటున్న ఈ నాలుగో నంబర్‌ బ్యాటర్‌.. 311 బంతుల్లో 200 పరుగుల మార్కును అందుకున్నాడు. తద్వారా తన టెస్టు కెరీర్‌లో తొలి ద్విశతకం (Maiden Test Double Century)నమోదు చేయడంతో పాటు.. జట్టును పటిష్ట స్థితిలో నిలిపాడు. కాగా గిల్‌ ఇన్నింగ్స్‌లో ప్రస్తుతానికి 21 ఫోర్లు, రెండు సిక్సర్లు ఉన్నాయి. అంతేకాదు.. ఎన్నో అరుదైన రికార్డులను కూడా గిల్‌ సొంతం చేసుకున్నాడు. టీమిండియా కెప్టెన్‌ హోదాలో టెస్టుల్లో ద్విశతకం బాదిన దిగ్గజాల సరసన గిల్‌ చేరాడు. గిల్‌ కంటే ముందు.. విరాట్‌ కోహ్లి ఏడుసార్లు ఈ ఫీట్‌ నమోదు చేయగా.. మన్సూర్‌ అలీ ఖాన్‌ పటౌడీ, సునిల్‌ గావస్కర్‌, సచిన్‌ టెండుల్కర్‌, మహేంద్ర సింగ్‌ ధోని ఒక్కో డబుల్‌ సెంచరీ బాదారు.విదేశీ గడ్డ మీద కోహ్లి తర్వాత..అదే విధంగా.. విదేశీ గడ్డ మీద విరాట్‌ కోహ్లి (Virat Kohli) తర్వాత టెస్టుల్లో డబుల్‌ సెంచరీ చేసిన రెండో కెప్టెన్‌గానూ గిల్‌ చరిత్రకెక్కాడు. కోహ్లి 2016లో నార్త్‌ సౌండ్‌లో 200 పరుగులు సాధించాడు.👉అత్యంత పిన్న వయసులో టెస్టు డబుల్‌ సెంచరీ చేసిన భారత రెండో కెప్టెన్‌గానూ ఘనత.. ఈ జాబితాలో గిల్‌ కంటే ముందు మన్సూర్‌ అలీ ఖాన్‌ పటౌడీ ఉన్నాడు.🏏మన్సూర్‌ అలీ ఖాన్‌ పటౌడీ- 1964లో ఢిల్లీ వేదికగా 23 ఏళ్ల 39 రోజుల వయసులో..🏏శుబ్‌మన్‌ గిల్‌- 2025లో ఎడ్జ్‌బాస్టన్‌ వేదికగా 25 ఏళ్ల 298 రోజుల వయసులో..🏏సచిన్‌ టెండుల్కర్‌- 1999లో అహ్మదాబాద్‌ వేదికగా 26 ఏళ్ల 189 రోజుల వయసులో..🏏విరాట్‌ కోహ్లి- 2016లో నార్త్‌ సౌండ్‌ వేదికగా 27 ఏళ్ల 260 రోజుల వయసులో...500 పరుగుల మార్కు దాటిన టీమిండియాఎడ్జ్‌బాస్టన్‌ వేదికగా ఓవైపు శుబ్‌మన్‌ గిల్‌ డబుల్‌ సెంచరీతో అదరగొట్టగా.. మరో ఎండ్‌ నుంచి వాషింగ్టన్‌ సుందర్‌ అతడికి సహకారం అందిస్తున్నాడు. 129 ఓవర్ల ఆట ముగిసేసరికి సుందర్‌ 24, గిల్‌ 231 పరుగులతో ఉండగా.. టీమిండియా స్కోరు: 510/6. అంతకు ముందు రవీంద్ర జడేజా అర్ధ శతకం (89) బాది అవుట్‌ కాగా.. తొలిరోజు ఓపెనర్‌ యశస్వి జైస్వాల్‌ (87) కూడా హాఫ్‌ సెంచరీ నమోదు చేశాడు.చదవండి: Ind vs Eng: ఇదేం తీరు?.. గిల్‌పై మండిపడ్డ గావస్కర్‌!.. గంగూలీ విమర్శలు

ఇంగ్లండ్‌తో రెండో టెస్టులో టీమిండియా కెప్టెన్‌ శుబ్‌మన్‌ గిల్‌ (Shubman Gill) అద్భుత ప్రదర్శనతో దుమ్ములేపుతున్నాడు. తొలిరోజే శతకం పూర్తి చేసుకున్న ఈ కుడిచేతి వాటం బ్యాటర్‌.. గురువారం నాటి రెండో రోజు ఆటలో 150 పరుగుల మార్కు అందుకున్నాడు. 263 బంతుల్లో 17 ఫోర్ల సాయంతో గిల్‌ ఈ మేర స్కోరు చేశాడు.తద్వారా టీమిండియా దిగ్గజ బ్యాటర్‌, కెప్టెన్‌ విరాట్‌ కోహ్లి (Virat Kohli) పేరిట ఉన్న రికార్డును గిల్‌ బద్దలు కొట్టాడు. ఇంగ్లండ్‌లోని ఎడ్జ్‌బాస్టన్‌ మైదానంలో అత్యధిక వ్యక్తిగత స్కోరు సాధించిన భారత క్రికెటర్‌గా అవతరించాడు. ఇంతకు ముందు 2018 నాటి టెస్టు మ్యాచ్‌లో కోహ్లి ఇదే వేదికపై 149 పరుగులు స్కోరు చేశాడు. తాజాగా గిల్‌ కోహ్లిని అధిగమించి ఎడ్జ్‌బాస్టన్‌లో చరిత్ర తిరగరాశాడు. ఇక టెస్టుల్లో గిల్‌ 150 పరుగుల మార్కుకు చేరుకోవడం ఇదే తొలిసారి.భారత రెండో కెప్టెన్‌గా..ఇంగ్లండ్‌ గడ్డ మీద ఓ టెస్టు మ్యాచ్‌ ఇన్నింగ్స్‌లో నూట యాభైకి పైగా వ్యక్తిగత స్కోరు సాధించిన టీమిండియా రెండో కెప్టెన్‌గానూ గిల్‌ నిలిచాడు. 1990లో ఓల్డ్‌ ట్రఫోర్డ్‌ మైదానంలో మహ్మద్‌ అజారుద్దీన్‌ కెప్టెన్‌ హోదాలో 179 పరుగులు సాధించాడు.మూడో సారథిగా..అదే విధంగా.. 26వ పడిలో అడుగుపెట్టక ముందే టెస్టు ఇన్నింగ్స్‌లో 150 పరుగుల మార్కు దాటిన భారత మూడో కెప్టెన్‌గానూ గిల్‌ చరిత్రకెక్కాడు. అతడి కంటే ముందు మన్సూర్‌ అలీఖాన్‌ పటౌడీ రెండుసార్లు ఈ ఘనత సాధించగా.. సచిన్‌ టెండుల్కర్‌ కూడా ఈ ఫీట్‌ నమోదు చేశాడు.కాగా టెండుల్కర్‌- ఆండర్సన్‌ ట్రోఫీలో భాగంగా ఐదు టెస్టులు ఆడే నిమిత్తం భారత జట్టు ఇంగ్లండ్‌లో పర్యటిస్తోంది. ఈ సిరీస్‌తో గిల్‌ భారత టెస్టు జట్టు కెప్టెన్‌గా తన ప్రయాణం మొదలుపెట్టాడు. ఇక లీడ్స్‌ వేదికగా జరిగిన తొలి టెస్టులో టీమిండియా ఐదు వికెట్లు తేడాతో ఓటమిపాలైంది.జడేజాతో కలిసి 200 పరుగుల భాగస్వామ్యంఈ క్రమంలో బుధవారం (జూలై 2) నుంచి ఎడ్జ్‌బాస్టన్‌ వేదికగా రెండో టెస్టు మొదలు కాగా.. టాస్‌ ఓడిన భారత్‌ తొలుత బ్యాటింగ్‌కు దిగింది. తొలి రోజు ఆట ముగిసే సరికి ఐదు వికెట్లు నష్టపోయి 310 పరుగులు చేసిన భారత్‌.. గురువారం నాటి రెండో రోజు 400 పరుగుల మార్కు దాటింది. 107 ఓవర్లుముగిసే సరికి గిల్‌ 164, జడేజా 88 పరుగులతో ఉన్నారు. ఇద్దరూ కలిసి 200 పరుగుల భాగస్వామ్యం నమోదు చేసి జట్టును ఆదుకున్నారు. అయితే, తన స్కోరుకు మరో పరుగు జతచేసిన తర్వాత జడ్డూ జోష్‌ టంగ్‌ బౌలింగ్‌లో వికెట్‌ కీపర్‌ జేమీ స్మిత్‌కు క్యాచ్‌ ఇచ్చి 89 పరుగుల వ్యక్తిగత స్కోరు వద్ద నిష్క్రమించాడు.లంచ్‌ బ్రేక్‌ సమయానికి స్కోరు ఎంతంటే?గురువారం భోజన విరామ సమయానికి టీమిండియా స్కోరు: 419/6 (110). గిల్‌ 168, వాషింగ్టన్‌ సుందర్‌ ఒక పరుగుతో ఉన్నారు.చదవండి: ఇదేం సెలక్షన్‌?.. ఇచ్చిపడేసిన యశస్వి జైస్వాల్‌

ఇంగ్లండ్‌తో తొలి టెస్టులో ఎదురైన పరాభవానికి ప్రతీకారం తీర్చుకోవాలని టీమిండియా పట్టుదలగా ఉంది. ఎడ్జ్‌బాస్టన్‌ టెస్టులో గెలిచి ఐదు మ్యాచ్‌ల సిరీస్‌ను ప్రస్తుతానికి 1-1తో సమం చేయాలని భావిస్తోంది. అయితే, భారత్‌ రెండో టెస్టుకు ఎంపిక చేసిన తుదిజట్టుపై విమర్శలు వస్తున్నాయి.మూడు మార్పులుబర్మింగ్‌హామ్‌లో బుధవారం మొదలైన ఈ మ్యాచ్‌లో టీమిండియా మూడు మార్పులతో బరిలోకి దిగిన విషయం తెలిసిందే. పనిభారాన్ని తగ్గించే నిమిత్తం ప్రధాన పేస్‌ బౌలర్‌ జస్‌ప్రీత్‌ బుమ్రా (Jasprit Bumrah)కు విశ్రాంతినిచ్చిన యాజమాన్యం.. తొలి టెస్టులో విఫలమైన సాయి సుదర్శన్‌, శార్దూల్‌ ఠాకూలను జట్టు నుంచి తప్పించింది.వీరి స్థానాల్లో పేస్‌ బౌలింగ్‌ ఆల్‌రౌండర్లు నితీశ్‌ కుమార్‌ రెడ్డి (Nitish Kumar Reddy), స్పిన్‌ బౌలింగ్‌ ఆల్‌రౌండర్‌ వాషింగ్టన్‌ సుందర్‌, పేసర్‌ ఆకాశ్‌ దీప్‌ (Akash Deep) తుదిజట్టులోకి వచ్చారు. అయితే, ఎడ్జ్‌బాస్టన్‌ పిచ్‌ స్పిన్‌కు కాస్త ఎక్కువగానే సహకరిస్తుందనే విశ్లేషణల నడుమ చైనామన్‌ స్పిన్నర్‌ కుల్దీప్‌ యాదవ్‌ను టీమిండియా పక్కనపెట్టడం తీవ్ర విమర్శలకు దారి తీసింది.విమర్శల వర్షంఅంతేకాదు.. బ్యాటింగ్‌ ఆర్డర్‌ను మరింత పటిష్టం చేసేందుకు ఆల్‌రౌండర్లు నితీశ్‌, వాషీలను తీసుకున్నామని.. ఆఖర్లో కుల్దీప్‌ను కూడా పక్కనపెట్టాల్సి వచ్చిందని కెప్టెన్‌ శుబ్‌మన్‌ గిల్‌ చెప్పడం చర్చనీయాంశమైంది. ఈ నేపథ్యంలో మాజీ కెప్టెన్లు సునిల్‌ గావస్కర్‌, రవిశాస్త్రి, సౌరవ్‌ గంగూలీ టీమిండియా నాయకత్వ బృందంపై విమర్శలు గుప్పించారు.ఎనిమిది రోజుల విరామం తర్వాత కూడా బుమ్రాకు విశ్రాంతినివ్వడాన్ని రవిశాస్త్రి తప్పుబడితే.. కుల్దీప్‌ను ఎలా పక్కనపెడతారంటూ గావస్కర్‌, గంగూలీ ఫైర్‌ అయ్యారు. కీలక మ్యాచ్‌లో తుదిజట్టు కూర్పు సరిగ్గా లేదంటూ విమర్శించారు.ఇచ్చిపడేసిన యశస్వి జైస్వాల్‌అయితే, బుధవారం నాటి తొలిరోజు ఆట ముగిసిన తర్వాత టీమిండియా ఓపెనర్‌ యశస్వి జైస్వాల్‌ ఒక్క మాటతో ఈ విమర్శలను తిప్పికొట్టాడు. ఆట పూర్తైన తర్వాత మీడియాతో మాట్లాడుతూ.. ‘‘లేదు.. తుదిజట్టు ఎంపికలో మాకు ఎలాంటి కన్ఫ్యూజన్‌ లేదు’’ అంటూ విమర్శకులకు ఇచ్చిపడేశాడు. తమ ప్రణాళికలకు అనుగుణంగానే మార్పులు చేసినట్లు చెప్పుకొచ్చాడు.అదే విధంగా.. కెప్టెన్‌ శుబ్‌మన్‌ గిల్‌ గురించి మాట్లాడుతూ.. ‘‘బ్యాటర్‌గా, కెప్టెన్‌గా అతడు అద్బుతం. జట్టును ఎలా ముందుకు తీసుకువెళ్లాలో అతడికి స్పష్టమైన అవగాహన ఉంది. మేము అనుకున్న పని పూర్తి చేస్తాం’’ అని జైస్వాల్‌ పేర్కొన్నాడు.ఇదిలా ఉంటే.. బర్మింగ్‌హామ్‌ వేదికగా రెండో టెస్టులో మొదటి రోజు ఆట ముగిసే సరికి టీమిండియా ఐదు వికెట్లు నష్టపోయి 310 పరుగులు చేసింది. ఓపెనర్లలో కేఎల్‌ రాహుల్‌ (2) విఫలం కాగా.. యశస్వి జైస్వాల్‌ అద్భుత అర్ధ శతకం(87) సాధించాడు. ఇక కరుణ్‌ నాయర్‌ (31) మరోసారి నిరాశపరచగా.. రిషభ్‌ పంత్‌ 25 పరుగులకే వెనుదిరిగాడు. ఇలాంటి క్లిష్ట పరిస్థితుల్లో కెప్టెన్‌ గిల్‌ శతక ఇన్నింగ్స్‌తో ఆకట్టుకోగా.. రవీంద్ర జడేజా అతడికి అండగా నిలిచాడు. బుధవారం ఆట పూర్తయ్యేసరికి గిల్‌ 114, జడ్డూ 41 పరుగులతో అజేయంగా ఉన్నారు.చదవండి: గిల్‌పై మండిపడ్డ గావస్కర్‌!.. గంగూలీ విమర్శలు

ఇంగ్లండ్‌తో రెండో టెస్టుకు భారత్‌ ఎంచుకున్న తుదిజట్టుపై విమర్శల వర్షం కురుస్తోంది. కీలక మ్యాచ్‌లో ప్రధాన పేసర్‌ జస్‌ప్రీత్‌ బుమ్రా (Jasprit Bumrah)కు విశ్రాంతినివ్వడంతో పాటు.. చైనామన్‌ స్పిన్నర్‌ కుల్దీప్‌ యాదవ్‌ (Kuldeep Yadav)ను జట్టులోకి తీసుకోకపోవడాన్ని మాజీ క్రికెటర్లు తప్పుబడుతున్నారు. కాగా టెండుల్కర్‌-ఆండర్సన్‌ ట్రోఫీలో భాగంగా ఇంగ్లండ్‌తో తొలి టెస్టులో టీమిండియా ఓటమిపాలైన విషయం తెలిసిందే.తప్పని ఓటమిలీడ్స్‌ వేదికగా జరిగిన ఈ మ్యాచ్‌లో భారత్‌ ఐదు శతకాలు సాధించినా.. లోయర్‌ ఆర్డర్‌, బౌలర్లు, ఫీల్డింగ్‌ వైఫల్యం కారణంగా పరాభవం తప్పలేదు. ఫలితంగా ఐదు మ్యాచ్‌ల సిరీస్‌లో గిల్‌ సేన 0-1తో వెనుకబడింది. అయితే, రెండో టెస్టులోనైనా పొరపాట్లు సరిచేసుకుంటుందని భావిస్తే.. తుదిజట్టు కూర్పే సరిగ్గా లేదనే విమర్శలు వస్తున్నాయి.తొలి టెస్టులో ఆడిన బుమ్రాకు విశ్రాంతినిచ్చిన యాజమాన్యం.. సాయి సుదర్శన్‌, శార్దూల్‌ ఠాకూర్‌లపై వేటు వేసింది. ఈ ముగ్గురి స్థానంలో నితీశ్‌ కుమార్‌ రెడ్డి, వాషింగ్టన్‌ సుందర్‌, ఆకాశ్‌ దీప్‌లను ఎడ్జ్‌బాస్టన్‌ టెస్టుకు తీసుకుంది.ఇద్దరు బెస్ట్‌ స్పిన్నర్లు ఉన్నారా?ఈ నేపథ్యంలో టీమిండియా మాజీ కెప్టెన్‌ సౌరవ్‌ గంగూలీ స్పందిస్తూ.. ‘‘ఈ మ్యాచ్‌లో టీమిండియా తమ ఇద్దరు అత్యుత్తమ స్పిన్నర్లతో ఆడుతుందని నాకు అనిపించడం లేదు. ఇంగ్లండ్‌ తొలుత ఫీల్డింగ్‌ ఎంచుకోవడం కూడా నాకు ఆశ్చర్యం కలిగించింది.టీమిండియాకు ఇదే మంచి అవకాశం. వీలైనన్ని ఎక్కువ పరుగులు సాధిస్తేనే సానుకూల ఫలితం రాబట్టగలము’’ అని పేర్కొన్నాడు ఇక భారత క్రికెట్‌ దిగ్గజం సునిల్‌ గావస్కర్‌ మాత్రం మేనేజ్‌మెంట్‌ తీరుపై ఘాటు విమర్శలు చేశాడు. ‘‘కుల్దీప్‌ యాదవ్‌ను తుదిజట్టుకు ఎంపిక చేయకపోవడం నన్ను ఆశ్చర్యపరిచింది. ఎడ్జ్‌బాస్టన్‌ లాంటి పిచ్‌పై బంతి కాస్త టర్న్‌ అవుతుందనీ తెలిసి ఇలాంటి నిర్ణయం తీసుకుంటారా?’’ అని ప్రశ్నించాడు.గిల్‌పై గావస్కర్‌ ఆగ్రహం!అంతేకాదు.. బ్యాటింగ్‌లో డెప్త్‌ కోసం ఆల్‌రౌండర్లు నితీశ్‌ రెడ్డి, వాషింగ్టన్‌ సుందర్‌లను తీసుకున్నామన్న కెప్టెన్‌ శుబ్‌మన్‌ గిల్‌ సమర్థనను కూడా గావస్కర్‌ తప్పుబట్టాడు. ‘‘మీ జట్టులోని టాపార్డర్‌ విఫలమవుతుంటే.. వాషింగ్టన్‌ ఏడో స్థానంలో వచ్చి.. నితీశ్‌ రెడ్డి ఎనిమిదో స్థానంలో వచ్చి ఏం చేయగలరు?వాళ్లేమీ తొలి టెస్టులో విఫలమైన బ్యాటర్ల మాదిరి కాదు కదా!.. మీరు మొత్తంగా 830కి పైగా పరుగులు చేశారు. కానీ రెండో ఇన్నింగ్స్‌లో కనీసం 380 స్కోరు చేయలేక ప్రత్యర్థికి అవకాశం ఇచ్చారు. బ్యాటింగ్‌ ఆర్డర్‌ను పటిష్టం చేస్తున్నామని చెప్పడం కాదు.. వికెట్లు తీసే బౌలింగ్‌ విభాగాన్ని ఎంచుకోండి’’ అని గావస్క కెప్టెన్‌ గిల్‌, హెడ్‌కోచ్‌ గౌతమ్‌ గంభీర్‌ తీరుపై ఆగ్రహం వ్యక్తం చేశాడు.కాగా ఇంగ్లండ్‌తో బుధవారం మొదలైన ఎడ్జ్‌బాస్టన్‌ టెస్టులో స్పిన్‌ విభాగంలో ఆల్‌రౌండర్లు రవీంద్ర జడేజా, వాషింగ్టన్‌ సుందర్‌లు ఆడుతున్నారు. వీరిలో ఒకరికి బదులు స్పెషలిస్టు చైనామన్‌ స్పిన్నర్‌ కుల్దీప్‌ యాదవ్‌ను ఎంపిక చేయాల్సిందని గావస్కర్‌ వంటి మాజీ క్రికెటర్లు అభిప్రాయపడుతున్నారు. ఇక రెండో టెస్టు తొలి రోజు ఆట పూర్తయ్యేసరికి భారత్‌ ఐదు వికెట్ల నష్టానికి 310 పరుగులు చేసింది. ఓపెనర్‌ యశస్వి జైస్వాల్‌ (87), కెప్టెన్‌ శుబ్‌మన్‌ గిల్‌ (114 నాటౌట్‌)లతో పాటు రవీంద్ర జడేజా (41 నాటౌట్‌) రాణించాడు.ఇంగ్లండ్‌తో రెండో టెస్టుకు భారత తుదిజట్టుయశస్వి జైస్వాల్, కేఎల్ రాహుల్, కరుణ్ నాయర్, శుభ్‌మన్ గిల్(కెప్టెన్‌), రిషబ్ పంత్(వికెట్‌ కీపర్‌), నితీశ్‌ కుమార్ రెడ్డి, రవీంద్ర జడేజా, వాషింగ్టన్ సుందర్, ఆకాశ్‌ దీప్, మహ్మద్ సిరాజ్, ప్రసిద్‌ కృష్ణ.చదవండి: గిల్‌.. నిన్ను చూసి గ్రేమ్ స్మిత్ గ‌ర్వ‌ప‌డుతుంటాడు: యువరాజ్‌

భారత టెస్టు కెప్టెన్ శుబ్‌మన్ గిల్(Shubman Gill) ఇంగ్లండ్ గడ్డపై అదరగొడుతున్నాడు. ఎడ్జ్‌బాస్టన్ వేదికగా ఇంగ్లండ్‌తో జరుగుతున్న రెండో టెస్టులో గిల్ అద్బుతమైన సెంచరీతో చెలరేగాడు. ఆరంభంలో వరుసగా వికెట్లు కోల్పోయి కష్టాల్లోపడిన టీమిండియాను జైశ్వాల్‌తో కలిసి గిల్ ఆదుకున్నాడు.ఆ తర్వాత క్రీజులో కుదురుకున్నాక తనదైన స్టైల్లో బ్యాటింగ్ చేశాడు. సూపర్ ఇన్నింగ్స్‌తో భారత్‌ను భారీ స్కోర్ దిశగా శుబ్‌మన్ నడిపిస్తున్నాడు. గిల్ 216 బంతుల్లో 12 ఫోర్లతో 114 పరుగులు చేసి తన బ్యాటింగ్‌ను కొనసాగిస్తున్నాడు. గిల్‌కు ఇది ఏడో టెస్టు సెంచరీ.కాగా తొలి రోజు ఆట ముగిసే సమయానికి భారత్‌ 85 ఓవర్లలో 5 వికెట్ల నష్టానికి 310 పరుగులు చేసింది. క్రీజులో గిల్‌తో పాటు రవీంద్ర జడేజా(41) ఉన్నాడు. ఇ​క ఈ మ్యాచ్‌లో సెంచరీతో మెరిసిన శుబ్‌మన్ గిల్ పలు రికార్డులను తన పేరిట లిఖించుకున్నాడు.గిల్‌ సాధించిన రికార్డులు ఇవే..👉కెప్టెన్‌గా వరుసగా రెండు టెస్టుల్లో సెంచరీలు చేసిన నాలుగో భారత కెప్టెన్‌గా గిల్ రికార్డులెక్కాడు. ఇంతకుముందు విజయ్ హాజారే, సునీల్ గవాస్కర్ టెస్టు కెప్టెన్లుగా మొదటి రెండు టెస్టుల్లో రెండు సెంచరీలు చేయగా.. విరాట్ కోహ్లి వరుసగా మూడు మ్యాచ్‌లలో శతక్కొట్టాడు.👉ఇంగ్లండ్ గ‌డ్డ‌పై రెండు టెస్టు సెంచ‌రీలు చేసిన అతి పిన్న వయస్కుడైన ఆసియా కెప్టెన్‌గా శుబ్‌మ‌న్ నిలిచాడు. గిల్ కేవ‌లం 25 సంవత్సరాల 297 రోజుల వ‌య‌స్సులో ఈ ఫీట్ సాధించాడు. అయితే ఇంగ్లండ్‌లో అతి త‌క్కువ వ‌య‌స్సులో రెండు టెస్టు సెంచ‌రీలు ప‌ర్యాట‌క బ్యాట‌ర్‌గా ద‌క్షిణాఫ్రికా క్రికెట్ దిగ్గ‌జం గ్రేమ్ స్మిత్ కొన‌సాగుతున్నాడు. దక్షిణాఫ్రికా స్టార్ ఈ ఘనతను 22 సంవత్సరాల 180 రోజుల వయస్సులో సాధించాడు. స్మిత్ త‌ర్వాత ఈ ఫీట్ సాధించింది శుబ్‌మ‌నే కావడం గ‌మ‌నార్హం.👉అదేవిధంగా ఇంగ్లండ్‌లో రెండుసార్లు టెస్టు మ్యాచ్‌ మొదటి రోజే సెంచరీ చేసిన తొలి భారత ఆటగాడిగా గిల్‌ చరిత్ర సృష్టించాడు. ఇప్పటివర​కు ఏ భారత ఆటగాడిగా ఈ ఫీట్‌ సాధించలేకపోయారు. ఓవరాల్‌గా 13వ ప్లేయర్‌గా గిల్‌ రికార్డులకెక్కాడు.చదవండి: వైభ‌వ్ సూర్య‌వంశీ వీర‌విహారం.. ఇంగ్లండ్‌ను చిత్తు చేసిన భార‌త్‌

టీమిండియా- ఇంగ్లండ్‌ (India vs England) మధ్య రెండో టెస్టు నేపథ్యంలో ప్రధానంగా చర్చకు వచ్చిన పేరు కుల్దీప్‌ యాదవ్‌ (Kuldeep Yadav). ఎడ్జ్‌బాస్టన్‌ పిచ్‌పై ఈ చైనామన్‌ స్పిన్నర్‌ను ఆడిస్తే భారత్‌కు ప్రయోజనకరంగా ఉంటుందని మాజీ కోచ్‌ గ్రెగ్‌ చాపెల్‌తో పాటు.. సునిల్‌ గావస్కర్‌ వంటి భారత దిగ్గజ క్రికెటర్లు కూడా టీమిండియా మేనేజ్‌మెంట్‌కు సూచించారు.అతడికి విశ్రాంతి.. వారిపై వేటుఅయితే, రెండో టెస్టు ఆడే జట్టులో మాత్రం కుల్దీప్‌ యాదవ్‌కు చోటు దక్కలేదు. ఈ మణికట్టు స్పిన్నర్‌కు బదులు స్పిన్‌ బౌలింగ్‌ ఆల్‌రౌండర్‌ వాషింగ్టన్‌ సుందర్‌ (Washington Sundar)కు సెలక్టర్లు తుదిజట్టులో స్థానం ఇచ్చారు. తొలి టెస్టులో ఆడిన ప్రధాన పేసర్‌ జస్‌ప్రీత్‌ బుమ్రాకు విశ్రాంతినివ్వడంతో పాటు.. సాయి సుదర్శన్‌, శార్దూల్‌ ఠాకూర్‌లపై వేటు వేశారు.ఈ ముగ్గురి స్థానంలో పేసర్‌ ఆకాశ్‌ దీప్‌తో పాటు ఆల్‌రౌండర్లు నితీశ్‌ కుమార్‌ రెడ్డి, వాషింగ్టన్‌ సుందర్‌ జట్టులోకి వచ్చారు. ఈ నేపథ్యంలో జట్టులో చేసిన మార్పుల గురించి స్పందించిన టీమిండియా కెప్టెన్‌ శుబ్‌మన్‌ గిల్‌.. కుల్దీప్‌ యాదవ్‌ను ఆడించకపోవడానికి గల కారణాన్ని కూడా వెల్లడించాడు.అందుకే కుల్దీప్‌ యాదవ్‌ను పక్కనపెట్టాం‘‘ఇంగ్లండ్‌తో రెండో టెస్టులో మేము మూడు మార్పులతో బరిలోకి దిగుతున్నాం. రెడ్డి, వాషీలతో పాటు ఆకాశ్‌ దీప్‌ జట్టులోకి వచ్చారు. బుమ్రాను ఈ మ్యాచ్‌లో ఆడించడం లేదు. అతడి వర్క్‌లోడ్‌ను దృష్టిలో పెట్టుకుని ఈ నిర్ణయం తీసుకున్నాం.మూడో టెస్టు లార్డ్స్‌లో జరుగనుంది. అక్కడ బుమ్రా అవసరం మాకు ఎక్కువగా ఉంటుంది. అక్కడి పిచ్‌ను బుమ్రా సద్వినియోగం చేసుకోగలడు. అందుకే ఈ మ్యాచ్‌ నుంచి విశ్రాంతినిచ్చాం.ఇక కుల్దీప్‌ యాదవ్‌ను తీసుకోవాలని ఆఖరి వరకు అనుకున్నాం. అయితే, బ్యాటింగ్‌లో డెప్త్‌ గురించి ఆలోచించి అతడిని పక్కనపెట్టాం. ’’ అని శుబ్‌మన్‌ గిల్‌ వెల్లడించాడు. గత మ్యాచ్‌లో తమ లోయర్‌ ఆర్డర్‌ దారుణంగా విఫలమైందని... అందుకే ఈ నిర్ణయం తీసుకున్నట్లు తెలిపాడు. కాగా గతంలో సొంతగడ్డపై ఇంగ్లండ్‌తో సిరీస్‌లోనూ కుల్దీప్‌ యాదవ్‌కు మొదట ప్రాధాన్యం ఇవ్వలేదు మేనేజ్‌మెంట్‌.భారత గడ్డపై ఇలాఈ క్రమంలో హైదరాబాద్‌ వేదికగా తొలి టెస్టు ఓడిన తర్వాత.. రెండో మ్యాచ్‌ నుంచి అతడిని తుదిజట్టులోకి తీసుకున్నారు. తదుపరి నాలుగు మ్యాచ్‌లలో కుల్దీప్‌ ఆకాశమే హద్దుగా చెలరేగి మొత్తంగా 19 వికెట్లు కూల్చాడు. తద్వారా టీమిండియా ఇంగ్లండ్‌పై 4-1తో గెలిచి సిరీస్‌ గెలవడంలో తన వంతు పాత్ర పోషించాడు. అయితే, ప్రస్తుతం సిరీస్‌ ఇంగ్లండ్‌లో జరుగుతున్నందున అతడికి ఎక్కువగా అవకాశం రాకపోవచ్చు. కానీ ఎడ్జ్‌బాస్టన్‌ పిచ్‌ స్వభావాన్ని బట్టి కుల్దీప్‌ను ఆడిస్తారని అంతా భావించారు. కాగా ఆండర్సన్‌-టెండుల్కర్‌ ట్రోఫీలో భాగంగా టీమిండియా ఇంగ్లండ్‌తో ఐదు టెస్టులు ఆడుతోంది. ఐదు శతకాలు బాదినాఈ సిరీస్‌తో భారత టెస్టు జట్టు కెప్టెన్‌గా శుబ్‌మన్‌ గిల్‌ తన ప్రయాణం మొదలుపెట్టాడు. ఇక లీడ్స్‌ వేదికగా జరిగిన తొలి టెస్టులో టీమిండియా ఇంగ్లండ్‌ చేతిలో ఐదు వికెట్ల తేడాతో ఓడిపోయింది.ఇక ఈ మ్యాచ్‌లో భారత్‌ ఐదు శతకాలు బాదినా ఫలితం లేకుండా పోయింది. యశస్వి జైస్వాల్‌తో పాటు శుబ్‌మన్‌ గిల్‌, కేఎల్‌ రాహుల్‌ సెంచరీలు కొట్టగా.. రిషభ్‌ పంత్‌ రెండు శతకాలతో అలరించాడు. అయితే, అప్పుడు కూడా బ్యాటింగ్‌ డెప్త్‌ కోసమని శార్దూల్‌ ఠాకూర్‌ను తీసుకోగా.. అతడు తీవ్రంగా నిరాశపరిచాడు. మొత్తంగా ఐదు పరుగులు చేయడంతో పాటు కేవలం రెండు వికెట్లే పడగొట్టగలిగాడు. కాగా భారత్‌- ఇంగ్లండ్‌ మధ్య బుధవారం (జూలై 2) రెండో టెస్టు ఆరంభం కాగా.. టాస్‌ గెలిచిన ఇంగ్లండ్‌ భారత్‌ను బ్యాటింగ్‌కు ఆహ్వానించింది. 8.4 ఓవర్‌ వద్ద భారత్‌ తొలి వికెట్‌ కోల్పోయింది. క్రిస్‌ వోక్స్‌ బౌలింగ్‌లో కేఎల్‌ రాహుల్‌ (2) బౌల్డ్‌ కాగా.. యశస్వి జైస్వాల్‌ 12 పరుగులతో ఉన్నాడు. భారత్‌ స్కోరు: 15/1 (8.4).చదవండి: IND vs ENG T20Is: చరిత్ర సృష్టించిన భారత బ్యాటర్‌.. తొలి ప్లేయర్‌గా ప్రపంచ రికార్డు

England vs India 2nd Test Birmingham: టీమిండియాతో రెండో టెస్టులో టాస్‌ గెలిచిన ఇంగ్లండ్‌ తొలుత బౌలింగ్‌ ఎంచుకుంది. ఎడ్జ్‌బాస్టన్‌ పిచ్‌ పరిస్థితులకు అనుగుణంగా తాను ఈ నిర్ణయం తీసుకున్నట్లు ఇంగ్లండ్‌ కెప్టెన్‌ బెన్‌ స్టోక్స్‌ (Ben Stokes) తెలిపాడు. మరోవైపు.. టీమిండియా కెప్టెన్‌ శుబ్‌మన్‌ గిల్‌ (Shubman Gill) సైతం ఇదే అభిప్రాయం వ్యక్తం చేశాడు.బుమ్రాకు విశ్రాంతితాను టాస్‌ గెలిస్తే తప్పక తొలుత బౌలింగే ఎంచుకునేవాడినని తెలిపాడు. ఇక రెండో టెస్టులో తాము మూడు మార్పులతో బరిలోకి దిగినట్లు గిల్‌ వెల్లడించాడు. ప్రధాన పేసర్‌ జస్‌ప్రీత్‌ బుమ్రాకు విశ్రాంతినిచ్చామని.. పేస్‌ బౌలింగ్‌ ఆల్‌రౌండర్‌ నితీశ్‌ కుమార్‌ రెడ్డితో పాటు స్పిన్‌ బౌలింగ్‌ ఆల్‌రౌండర్‌ వాషింగ్టన్‌ సుందర్‌ను తుదిజట్టులోకి తీసుకున్నట్లు తెలిపాడు.ఆ ఇద్దరిపై వేటుకాగా ఇంగ్లండ్‌తో తొలి టెస్టు ఆడిన పేస్‌ బౌలింగ్‌ ఆల్‌రౌండర్‌ శార్దూల్‌ ఠాకూర్‌తో పాటు.. ఈ మ్యాచ్‌తో అరంగేట్రం చేసిన సాయి సుదర్శన్‌పై వేటు పడింది. శార్దూల్‌ తొలి టెస్టులో కేవలం ఐదు పరుగులు చేయడంతో పాటు.. రెండు వికెట్లు మాత్రమే తీయగలిగాడు.కరుణ్‌ నాయర్‌కు రెండో అవకాశంమరోవైపు.. వన్‌డౌన్‌ బ్యాటర్‌ సాయి తొలి ఇన్నింగ్స్‌లో డకౌట్‌ కాగా.. రెండో ఇన్నింగ్స్‌లో ముప్పై పరుగులు చేయగలిగాడు. అయితే, సాయి సుదర్శన్‌తో పాటే విఫలమైన సీనియర్‌ కరుణ్‌ నాయర్‌పై మేనేజ్‌మెంట్‌ మరోసారి నమ్మకం ఉంచింది. అతడికి రెండో ఛాన్స్‌ ఇచ్చింది. కాగా కరుణ్‌ తొలి ఇన్నింగ్స్‌లో పరుగుల ఖాతా తెరవకుండానే నిష్క్రమించాడు. అదే విధంగా రెండో ఇన్నింగ్స్‌లోనూ 20 పరుగులు మాత్రమే చేయగలిగాడు. కాగా టెండుల్కర్‌- ఆండర్సన్‌ ట్రోఫీ ఆడేందుకు భారత జట్టు ఇంగ్లండ్‌ పర్యటనకు వెళ్లింది. ఇందులో భాగంగా ఆతిథ్య జట్టుతో ఐదు టెస్టులు ఆడనుంది. ఈ క్రమంలో లీడ్స్‌లోని హెడింగ్లీ మైదానంలో తొలి టెస్టు జరుగగా.. గిల్‌ సేన ఐదు వికెట్ల తేడాతో ఓటమి పాలైంది.ఫలితంగా ఇంగ్లండ్‌ ఈ సిరీస్‌లో 1-0తో ముందంజలో నిలిచింది. ఇరుజట్ల మధ్య బర్మింగ్‌హామ్‌లోని ఎడ్జ్‌బాస్టన్‌ స్టేడియంలో జూలై 2-6 రెండో టెస్టుకు షెడ్యూల్‌ ఖరారైంది. ఈ మ్యాచ్‌లో గెలిచి సిరీస్‌ను 1-1తో సమం చేయాలని పట్టుదలగా ఉంది.భారత్‌ వర్సెస్‌ ఇంగ్లండ్‌ రెండో టెస్టు తుదిజట్లుభారత్‌యశస్వి జైస్వాల్, కేఎల్ రాహుల్, కరుణ్ నాయర్, శుభ్‌మన్ గిల్(కెప్టెన్‌), రిషబ్ పంత్(వికెట్‌ కీపర్‌), నితీశ్‌ కుమార్ రెడ్డి, రవీంద్ర జడేజా, వాషింగ్టన్ సుందర్, ఆకాశ్‌ దీప్, మహ్మద్ సిరాజ్, ప్రసిద్‌ కృష్ణ.ఇంగ్లండ్‌జాక్ క్రాలే, బెన్ డకెట్, ఓలీ పోప్, జో రూట్, హ్యారీ బ్రూక్, బెన్ స్టోక్స్(కెప్టెన్), జామీ స్మిత్(వికెట్‌ కీపర్‌), క్రిస్ వోక్స్, బ్రైడన్ కార్స్, జోష్ టంగ్, షోయబ్ బషీర్.చదవండి: చరిత్ర సృష్టించిన భారత బ్యాటర్‌.. తొలి ప్లేయర్‌గా ప్రపంచ రికార్డు

ఇంగ్లండ్‌తో రెండో టెస్టుకు ముందు భారత మాజీ క్రికెటర్‌ ఇర్ఫాన్‌ పఠాన్‌ టీమిండియా నాయకత్వ బృందానికి కీలక సూచనలు చేశాడు. ప్రధాన పేసర్‌ జస్‌ప్రీత్‌ బుమ్రా (Jasprit Bumrah) స్థానాన్ని ఆకాశ్‌ దీప్‌తో భర్తీ చేస్తే బాగుంటుందన్నాడు. మహ్మద్‌ షమీ (Mohammed Shami) మాదిరి ఈ బెంగాల్‌ పేసర్‌ రాణించగలడని ఇర్ఫాన్‌ పఠాన్‌ అభిప్రాయపడ్డాడు.ఐదు టెస్టులు ఆడేందుకు ఇంగ్లండ్‌కు వెళ్లిన టీమిండియా.. ఓటమితో ఈ సిరీస్‌ను మొదలుపెట్టింది. లీడ్స్‌లో జరిగిన తొలి టెస్టులో ఐదు వికెట్ల తేడాతో ఓటమిని చవిచూసింది. ఇక బుమ్రాపై పనిభారం తగ్గించే నిమిత​ం టీమిండియా మేనేజ్‌మెంట్‌ అతడిని ఇక్కడ కేవలం మూడు టెస్టుల్లో మాత్రమే ఆడించనుంది.షమీ మాదిరి ఆకట్టుకోగలడుఈ నేపథ్యంలో బర్మింగ్‌హామ్‌లో జరిగే రెండో టెస్టుకు బుమ్రాకు విశ్రాంతినిస్తారని తెలుస్తోంది. ఈ విషయంపై స్పందించిన ఇర్ఫాన్‌ పఠాన్‌ తన యూట్యూబ్‌ చానెల్‌ వేదికగా అభిప్రాయాలు పంచుకున్నాడు.‘‘ఒకవేళ బుమ్రా గనుక ఈ టెస్టు ఆడకపోతే.. అతడి స్థానంలో సరైన బౌలర్‌ ఎవరంటే.. ఆకాశ్‌ దీప్‌. నెట్స్‌లో అతడి ప్రాక్టీస్‌ చూస్తుంటే.. షమీ మాదిరి ఆకట్టుకోగలడని అనిపిస్తోంది. సీమ్‌, స్వింగ్‌పై మరింతగా దృష్టి సారిస్తే.. కచ్చితంగా ఇంగ్లండ్‌ బ్యాటర్లను అతడు ఇబ్బందిపెట్టగలడు.అర్ష్‌దీప్‌ వద్దు!.. బుమ్రా స్థానంలో అతడే సరైనోడుఅర్ష్‌దీప్‌ కూడా రేసులో ఉన్నాడు. కానీ బుమ్రా ఒకవేళ రెండో టెస్టు ఆడకపోతే అతడి స్థానంలో ఆకాశ్‌ దీప్‌ను తప్పక ఎంపిక చేయాలి’’ అని ఇర్ఫాన్‌ పఠాన్‌ సూచించాడు. ఇదిలా ఉంటే.. మంగళవారం మీడియాతో మాట్లాడిన టీమిండియా కెప్టెన్‌ శుబ్‌మన్‌ గిల్‌.. బుమ్రా రెండో టెస్టుకు అందుబాటులో ఉంటాడని స్పష్టం చేశాడు. అయితే, అతడిని ఆడించే విషయంపై ఇంకా నిర్ణయం తీసుకోలేదన్నాడు.మరోవైపు.. ఎడ్జ్‌బాస్టన్‌ పిచ్‌ పొడిగా ఉండనున్న నేపథ్యంలో చైనామన్‌ స్పిన్నర్‌ కుల్దీప్‌ యాదవ్‌ తుదిజట్టులోకి రావడం ఖాయమని మాజీ క్రికెటర్లు, విశ్లేషకులు అంటున్నారు. కాగా భారత్‌- ఇంగ్లండ్‌ మధ్య జూలై 2-6 వరకు రెండో టెస్టు నిర్వహించేందుకు షెడ్యూల్‌ ఖరారైంది.ఇదిలా ఉంటే.. ఆకాశ్‌ దీప్‌ టీమిండియా తరఫున ఇప్పటి వరకు ఏడు టెస్టులు ఆడి పదిహేను వికెట్లు తీశాడు. మరోవైపు.. పరిమిత ఓవర్ల క్రికెట్‌లో దూసుకుపోతున్న అర్ష్‌దీప్‌.. సుదీర్ఘ ఫార్మాట్లో ఇంకా అరంగేట్రం చేయలేదు. ఇక టీమిండియాతో రెండో టెస్టుకు ఇంగ్లండ్‌ ఇప్పటికే తమ తుదిజట్టును ప్రకటించింది.భారత్‌తో రెండో టెస్టు కోసం ఇంగ్లండ్‌ తుది జట్టు ఇదేజాక్ క్రాలే, బెన్ డకెట్, ఓలీ పోప్, జో రూట్, హ్యారీ బ్రూక్, బెన్ స్టోక్స్ (కెప్టెన్), జేమీ స్మిత్ (వికెట్ కీపర్), క్రిస్ వోక్స్, బ్రైడన్ కార్స్, జోష్ టంగ్, షోయబ్ బషీర్.చదవండి: చిచ్చర పిడుగులు ఇరగదీశారు.. వరల్డ్‌ చాంపియన్‌ చేతిలో జింబాబ్వే చిత్తు

ఇంగ్లండ్‌తో రెండో టెస్టు (Ind vs Eng 2nd Test)కు భారత ప్రధాన పేసర్‌ జస్‌ప్రీత్‌ బుమ్రా (Jasprit Bumrah) అందుబాటులో ఉంటాడా? లేడా?.. గత కొన్ని రోజులుగా క్రికెట్‌ వర్గాల్లో ఇదే చర్చ. ఈ విషయంపై టీమిండియా కెప్టెన్‌ శుబ్‌మన్‌ గిల్‌ (Shubman Gill) స్పందించాడు. ఎడ్జ్‌బాస్టన్‌ టెస్టుకు బుమ్రా అందుబాటులో ఉంటాడని స్పష్టం చేశాడు. అయితే, అతడిని ఆడించే విషయంపై ఇంకా నిర్ణయం తీసుకోలేదంటూ ట్విస్ట్‌ ఇచ్చాడు.తొలి టెస్టులో ఓటమిటెండుల్కర్‌-ఆండర్సన్‌ ట్రోఫీలో భాగంగా ఇంగ్లండ్‌తో ఐదు టెస్టులు ఆడేందుకు టీమిండియా అక్కడకు వెళ్లింది. ఈ క్రమంలో ఇరుజట్ల మధ్య లీడ్స్‌లోని హెడింగ్లీ మైదానంలో తొలి టెస్టు జరుగగా.. గిల్‌ సేన స్టోక్స్‌ బృందం చేతిలో ఓటమిపాలైంది. ఐదో రోజు వరకు సాగిన ఆటలో ఆఖరికి ఐదు వికెట్ల తేడాతో పరాజయం చవిచూసింది.బుమ్రాపైనే భారంఈ మ్యాచ్‌లో టీమిండియా బౌలర్లలో బుమ్రా ఒక్కడే గొప్పగా రాణించాడు. ఇంగ్లండ్‌ తొలి ఇన్నింగ్స్‌లో అతడు ఐదు వికెట్లు కూల్చాడు. అయితే, మిగతా బౌలర్ల నుంచి అతడికి పెద్దగా సహకారం అందలేదు. అదే విధంగా.. ఫీల్డింగ్‌ తప్పిదాలు కూడా టీమిండియా కొంపముంచాయి.ఇదిలా ఉంటే.. ఫిట్‌నెస్‌, పనిభారం దృష్ట్యా బుమ్రా ఇంగ్లండ్‌తో ఐదింటిలో మూడు టెస్టులు మాత్రమే ఆడతాడని మేనేజ్‌మెంట్‌ ముందే స్పష్టం చేసింది. అయితే, అవి ఏ మూడో మాత్రం చెప్పలేదు. ప్రస్తుత పరిస్థితుల దృష్ట్యా బుమ్రా రెండో టెస్టు బరిలో దిగితేనే బాగుంటుందని విశ్లేషకులు, మాజీ క్రికెటర్లు టీమిండియాకు సూచిస్తున్నారు.బుమ్రా అందుబాటులో ఉంటాడు.. కానీతొలి- రెండో టెస్టుకు మధ్య వారానికి పైగా విరామం దొరికింది కాబట్టి బుమ్రాను ఆడించాలని విజ్ఞప్తి చేస్తున్నారు. ఈ నేపథ్యంలో కెప్టెన్‌ శుబ్‌మన్‌ గిల్‌ మంగళవారం మీడియాతో మాట్లాడుతూ.. ‘‘బుమ్రా అందుబాటులో ఉన్నాడు. అతడి వర్క్‌లోడ్‌ మేనేజ్‌మెంట్‌ గురించి మేము ఆలోచిస్తున్నాం.అయితే, ఈరోజు సాయంత్రానికి మేము సరైన కూర్పుతో జట్టును ఎంపిక చేసుకోగలం. అప్పుడే బుమ్రా విషయంలో నిర్ణయం తీసుకుంటాం. ఈ సిరీస్‌ ఎంత ముఖ్యమో మాకు తెలుసు.కనీసం మూడు మ్యాచ్‌లకైనా బుమ్రా అందుబాటులో ఉంటాడు. తను జట్టు లేకపోతే ఆ లోటు స్పష్టంగా తెలుస్తుంది. కానీ అధిక పనిభారాన్ని మోపడం కూడా సరికాదు.20 వికెట్లు కూల్చడం సహా భారీగా పరుగులు రాబట్టగలిగే జట్టు కూర్పు కోసం ప్రయత్నిస్తున్నాం. పిచ్‌ను చూసిన తర్వాతే స్పిన్నర్లలో ఎవరిని తుదిజట్టులో చేర్చుకుంటామో చెప్పగలము’’ అని పేర్కొన్నాడు. కాగా బర్మింగ్‌హామ్‌లోని ఎడ్జ్‌బాస్టన్‌లో బుధవారం (జూలై 2-6) నుంచి భారత్‌- ఇంగ్లండ్‌ మధ్య రెండో టెస్టు మొదలుకానుంది. చదవండి: జైస్వాల్‌పై గంభీర్‌ ఆగ్రహం!.. ‘వేటు’ తప్పదన్న డష్కాటే!

జింబాబ్వేతో తొలి టెస్టు (ZIM vs SA 1st Test)లో సౌతాఫ్రికా ఘన విజయం సాధించింది. ఆతిథ్య జట్టును ఏకంగా 328 పరుగుల భారీ తేడాతో ఓడించి జయభేరి మోగించింది. కీలక ఆటగాళ్లు జట్టుతో లేకపోయినా ప్రొటిస్‌ జట్టు ఆద్యంత ఆధిపత్యం కనబరిచి రెండు మ్యాచ్‌ల సిరీస్‌లో 1-0తో ముందంజ వేసింది.అరంగేట్రంలోనే సత్తా చాటిన చిచ్చరపిడుగులుప్రపంచ టెస్టు చాంపియన్‌షిప్‌ (WTC)-2025 ఫైనల్‌ గెలిచిన తర్వాత సౌతాఫ్రికా.. తొలుత జింబాబ్వే పర్యటనకు వెళ్లింది. ఆతిథ్య జట్టుతో రెండు టెస్టులు ఆడనుంది. రెగ్యులర్‌ కెప్టెన్‌ టెంబా బవుమా (Temba Bavuma)తో పాటు ఐడెన్‌ మార్క్రమ్‌ వంటి కీలక ఆటగాళ్లు ఈ టూర్‌కు దూరం కాగా.. కేశవ్‌ మహరాజ్‌ సారథ్యంలో లువాన్‌-డ్రి ప్రిటోరియస్‌, డెవాల్డ్‌ బ్రెవిస్‌ టెస్టులలో అరంగేట్రం చేశారు.ఇక బులవాయో వేదికగా జూన్‌ 28న మొదలైన తొలి టెస్టులో టాస్‌ గెలిచిన పర్యాటక సౌతాఫ్రికా తొలుత బ్యాటింగ్‌ చేసింది. టాపార్డర్‌ విఫలమైనప్పటికీ టీనేజర్లు లువాన్‌-డ్రి ప్రిటోరియస్‌, డెవాల్డ్‌ బ్రెవిస్‌ అదరొట్టారు. ప్రిటోరియస్‌ భారీ శతకం (153) బాదగా.. బ్రెవిస్‌ (41 బంతుల్లో 51) మెరుపు హాఫ్‌ సెంచరీ చేశాడు.వీరిద్దరికి తోడు పేస్‌ బౌలింగ్‌ ఆల్‌రౌండర్‌ కార్బిన్‌ బాష్‌ శతకం (100 నాటౌట్‌)తో చెలరేగాడు. ఈ క్రమంలో తొలి ఇన్నింగ్స్‌లో తొమ్మిది వికెట్ల నష్టానికి 418 పరుగుల వద్ద ప్రొటిస్‌ జట్టు తమ మొదటి ఇన్నింగ్స్‌ డిక్లేర్‌ చేసింది. జింబాబ్వే బౌలర్లలో టనకా చివాంగ నాలుగు వికెట్లు తీయగా.. ముజర్‌బానీ రెండు, మసకజ్ద, మసేకెస ఒక్కో వికెట్‌ దక్కించుకున్నారు. 251 పరుగులకే ఆలౌట్‌ ఇక తొలి ఇన్నింగ్స్‌లో జింబాబ్వే 251 పరుగులకే ఆలౌట్‌ అయింది. సీన్‌ విలియమ్స్‌ (137) శతక్కొట్టగా.. మిగతా వారి నుంచి అతడికి సహకారం అందలేదు. ప్రొటిస్‌ బౌలర్లలో వియాన్‌ ముల్డర్‌ నాలుగు వికెట్లతో చెలరేగగా.. కెప్టెన్‌ కేశవ్‌ మహరాజ్‌, కోడి యూసఫ్‌ చెరో మూడు వికెట్లు తీశారు.ఈ క్రమంలో 167 పరుగుల భారీ ఆధిక్యంతో రెండో ఇన్నింగ్స్‌ మొదలుపెట్టిన సౌతాఫ్రికా.. 369 పరుగులు చేసి ఆలౌట్‌ అయింది. ఈసారి వియాన్‌ ముల్డర్‌ (147) శతకంతో ఆకట్టుకోగా.. కేశవ్‌ మహరాజ్‌ హాఫ్‌ సెంచరీ (51) చేశాడు.జింబాబ్వే బౌలర్లలో ఈసారి మసకజ్ద నాలుగు, చివాంగ, మసెకెస రెండేసి వికెట్లు తీయగా.. ముజర్‌బానీ, మెధెవెరె చెరో వికెట్‌ పడగొట్టారు. భారీ లక్ష్య ఛేదనలో తడబడిఈ క్రమంలో తొలి ఇన్నింగ్స్‌ ఆధిక్యం కలుపుకుని సౌతాఫ్రికా జింబాబ్వేకు 537 పరుగుల లక్ష్యం విధించింది. అయితే, మంగళవారం నాటి నాలుగో రోజు ఆటలో భాగంగా 208 పరుగులకే జింబాబ్వే ఆలౌట్‌ కాగా.. సౌతాఫ్రికా భారీ గెలుపు దక్కించుకుంది.మరోవైపు.. టెస్టుల్లో జింబాబ్వేకు ఇదే అతిపెద్ద పరాజయం. ఇదిలా ఉంటే.. జింబాబ్వే రెండో ఇన్నింగ్స్‌లో కార్బిన్‌ బాష్‌ ఐదు వికెట్లతో చెలరేగగా.. యూసఫ్‌ మూడు, కేశవ్‌ మహరాజ్‌, డెవాల్డ్‌ బ్రెవిస్‌ ఒక్కో వికెట్‌ తమ ఖాతాలో వేసుకున్నారు. అరంగేట్రంలోనే శతక్కొట్టిన సౌతాఫ్రికా 19 ఏళ్ల చిచ్చరపిడుగు ప్రిటోరియస్‌కు ప్లేయర్‌ ఆఫ్‌ ది మ్యాచ్‌ అవార్డు దక్కింది.జింబాబ్వే వర్సెస్‌ సౌతాఫ్రికా తొలి టెస్టు సంక్షిప్త స్కోర్లుసౌతాఫ్రికా: 418/9 d & 369జింబాబ్వే: 251 & 208.చదవండి: IPL 2026: సీఎస్‌కేలోకి సంజూ.. బదులుగా రాజస్తాన్‌కు రుతురాజ్‌?!

ఇంగ్లండ్‌తో తొలి టెస్టులో టీమిండియా ఓటమికి ప్రధాన కారణాల్లో ఒకటి ఫీల్డింగ్‌ వైఫల్యం. కీలక సమయాల్లో కీలక క్యాచ్‌లు నేలపాలు చేసి.. ప్రత్యర్థి జట్టు బ్యాటర్లకు దాదాపు ఆరుసార్లు మనోళ్లు ‘లైఫ్‌’ ఇచ్చారు. అందుకు బదులుగా ఓటమి రూపంలో భారీ మూల్యమే చెల్లించారు.ఇక ఫీల్డర్ల తప్పిదాలు గమనిస్తే ప్రధాన దోషిగా యువ ఆటగాడు యశస్వి జైస్వాల్‌ (Yashasvi Jaiswal) పేరు చెప్పవచ్చు. ఆరింటిలో నాలుగు క్యాచ్‌లు అతడే జారవిడిచాడు. ముఖ్యంగా ఇంగ్లండ్‌ రెండో ఇన్నింగ్స్‌లో సెంచరీ వీరుడు, గెలుపునకు పునాది వేసిన బెన్‌ డకెట్‌ ఇచ్చిన క్యాచ్‌ను జైసూ వదిలేయడం తీవ్ర ప్రభావం చూపింది.జైస్వాల్‌ ఫీల్డింగ్‌ తీరుపై గంభీర్‌ ఆగ్రహంఈ నేపథ్యంలో జైస్వాల్‌ ఫీల్డింగ్‌ తీరుపై హెడ్‌కోచ్‌ గౌతం గంభీర్‌ (Gautam Gambhir) గుర్రుగా ఉన్నట్లు తెలుస్తోంది. అతడితో క్యాచింగ్‌ ప్రాక్టీస్‌ చేయించిన గౌతీ.. ఈ సందర్భంగా గట్టిగానే క్లాస్‌ పీకినట్లు తెలుస్తోంది. అంతేకాదు.. ఫీల్డింగ్‌ విషయంలో జైసూని డిమోట్‌ చేయాలని నిర్ణయించినట్లు రెవ్‌స్పోర్ట్స్‌ పేర్కొంది.టీమిండియా అసిస్టెంట్‌ కోచ్‌ ర్యాన్‌ డష్కాటే సోమవారం నాటి మీడియా సమావేశంలో చేసిన వ్యాఖ్యలు ఈ విషయాన్ని దాదాపు ధ్రువీకరించింది. ‘‘క్యాచింగ్‌ విభాగం మరింత దృఢంగా మారాలి. ఇంగ్లండ్‌లో కనీసం నాలుగు ప్రధాన క్యాచర్లు ఒక్కోసారి కీలక పాత్ర పోషించాల్సి ఉంటుంది.విరామం అనివార్యంయశస్వి కూడా మంచి క్యాచర్‌. ఇక ఇద్దరు స్పిన్నర్లను ఆడించినప్పుడు షార్ట్‌ లెగ్‌ ఫీల్డింగ్‌ స్థానం మరింత కీలకమవుతుందని చెప్తారు. అందుకే అక్కడ మేము ఒకరి కంటే ఎక్కువ మందిని సెట్‌ చేయాలని భావిస్తున్నాం.ఏదేమైనా యశస్వికి గల్లీ క్యాచ్‌ పాయింట్‌ నుంచి కాస్త విరామం ఇవ్వడం అవసరమే. ప్రస్తుతం అతడి ఫీల్డింగ్‌ తీరు బాగాలేదు. అయినా సరే అతడు ఆత్మవిశ్వాసం కోల్పోకుండా ఉండాలంటే ఈ బ్రేక్‌ ఇవ్వాలి’’ అంటూ స్లిప్‌ క్యాచింగ్‌ రోల్‌ నుంచి జైసూను తప్పిస్తామని డష్కాటే చెప్పకనే చెప్పాడు. ఇదిలా ఉంటే.. తొలి టెస్టు తొలి ఇన్నింగ్స్‌లో ఓపెనర్‌ యశస్వి జైస్వాల్‌ సెంచరీ (101)తో అదరగొట్టాడు.కాగా ఐదు టెస్టులు ఆడేందుకు ఇంగ్లండ్‌కు వెళ్లిన టీమిండియా.. లీడ్స్‌లో జరిగిన తొలి మ్యాచ్‌లో ఐదు వికెట్ల తేడాతో ఓడిపోయింది. ఇరుజట్ల మధ్య రెండో టెస్టు (జూలై 2-6) బర్మింగ్‌హామ్‌లోని ఎడ్జ్‌బాస్టన్‌ స్టేడియంలో జరుగనుంది.చదవండి: IND vs ENG: ఇంగ్లండ్‌తో రెండో టెస్టు.. భార‌త తుది జ‌ట్టులోకి త‌మిళ‌నాడు కుర్రాడు?

ఇంగ్లండ్‌ చేతిలో టీమిండియా ఓటమి నేపథ్యంలో భారత జట్టు మాజీ కోచ్‌ గ్రెగ్‌ చాపెల్‌ (Greg Chappell) కీలక వ్యాఖ్యలు చేశాడు. కేవలం ఫీల్డింగ్‌ తప్పిదాల వల్లే గిల్‌ సేన ఓడిపోలేదని.. బౌలింగ్‌లో వైవిధ్యం లేకపోవడం ఇందుకు ప్రధాన కారణమని పేర్కొన్నాడు. టెండుల్కర్‌- ఆండర్సన్‌ ట్రోఫీ (Tendulkar- Anderson Trophy) ఆడేందుకు టీమిండియా ఇంగ్లండ్‌లో పర్యటిస్తున్న విషయం తెలిసిందే.ఐదు మ్యాచ్‌ల సిరీస్‌లో భాగంగా ఇరుజట్ల మధ్య లీడ్స్‌ వేదికగా జరిగిన తొలి టెస్టు (IND vs ENG)లో భారత్‌ ఓటమిపాలైంది. గెలవాల్సిన మ్యాచ్‌లో ఐదు వికెట్ల తేడాతో ఆతిథ్య జట్టు చేతిలో పరాజయాన్ని చవిచూసింది. అత్యధికంగా ఆరు క్యాచ్‌లు వదిలేయడం, కీలక సమయాల్లో నో బాల్స్‌ వేయడం తీవ్ర ప్రభావం చూపాయి.టీమిండియా ఓడిపోవడానికి ప్రధాన కారణం ఇదేఈ నేపథ్యంలో టీమిండియా మాజీ కోచ్‌ గ్రెగ్‌ చాపెల్‌ మాట్లాడుతూ.. ‘‘హెడింగ్లీ మైదానంలో భారత జట్టు ఫీల్డింగ్‌ చేసిన తీరు తీవ్రంగా నిరాశపరిచిన మాట వాస్తవం. అయితే, తొలి టెస్టులో టీమిండియా ఓడిపోవడానికి ప్రధాన కారణం మాత్రం.. ఇంగ్లండ్‌ సెకండ్‌ ఇన్నింగ్స్‌లో హ్యారీ బ్రూక్‌ను అవుట్‌ చేసినపుడు అది నో బాల్‌గా తేలడం.భారత బౌలింగ్‌ అటాక్‌లో ఏమాత్రం వైవిధ్యం లేదు. జస్‌ప్రీత్‌ బుమ్రా మినహా అందరు సీమర్లూ ఒకేలా బౌలింగ్‌ చేస్తున్నారు. అందరూ రైటార్మ్‌ మీడియం ఫాస్ట్‌ బౌలర్లే. బౌలర్లను మార్చిన ప్రతిసారీ కచ్చితంగా ఫలితం ఉంటుంది.బౌలింగ్‌లో వైవిధ్యం ఉన్నప్పుడు బ్యాటర్‌ తడబడతాడు. కానీ టీమిండియాలో ఇప్పుడు అది కనిపించడం లేదు. బుమ్రాతో పాటు లెఫ్టార్మ్‌ పేసర్‌ అర్ష్‌దీప్‌ సింగ్‌ను జట్టులోకి తీసుకుంటే బాగుంటుంది.షేన్‌ వార్న్‌ తర్వాత అతడే అత్యుత్తమ బౌలర్‌ఇక కుల్దీప్‌ యాదవ్‌.. షేన్‌ వార్న్‌ తర్వాత ప్రపంచంలోనే అత్యుత్తమ మణికట్టు స్పిన్నర్‌ అతడు. అతడిని కూడా వీరికి జతగా తుదిజట్టుకు ఎంపిక చేస్తే బౌలింగ్‌లో వైవిధ్యం కనబడుతుంది.బుమ్రా తప్ప మిగతా సీమర్లు సరైన లెంగ్త్‌తో బౌలింగ్‌ చేయడం లేదు. వేస్తూ ఫుల్‌ బాల్స్‌.. లేదంటే మరీ షార్ట్‌ బాల్స్‌. ఇలా అయితే కష్టం. బుమ్రాపైనే భారం ఉంటుందని ఇంగ్లండ్‌ బ్యాటర్లుకు తెలుసు. ఒత్తిడిలో ఉన్న అతడిని వారు ఈజీగా టార్గెట్‌ చేస్తారు.జడ్డూ విషయంలో పునరాలోచన చేయాలిఅందుకే కుల్దీప్‌ యాదవ్‌ను కచ్చితంగా ఆడించాలి. రవీంద్ర జడేజా ఇంగ్లండ్‌ గడ్డపై ఫ్రంట్‌లైన్‌ స్పిన్నర్‌గా పనికిరాడు. బ్యాటింగ్‌ కారణంగా అతడికి అవకాశం ఇస్తున్నారు. కానీ.. అతడిని ఆడించే విషయంలో పునరాలోచన చేయాలి’’ అని గ్రెగ్‌ చాపెల్‌ ఈఎస్‌పీఎన్‌క్రిక్‌ఇన్ఫోకు రాసిన కాలమ్‌లో తన అభిప్రాయాలు పంచుకున్నాడు.ఇక ప్రపంచంలో ప్రస్తుతం అత్యుత్తమ స్పిన్నర్లలో ఒకడిగా కొనసాగుతున్న అఫ్గనిస్తాన్‌ స్టార్‌ రషీద్‌ ఖాన్‌ను కాదని.. దిగ్గజ షేన్‌ వార్న్‌ తర్వాత బెస్ట్‌ అంటూ చాపెల్‌ కుల్దీప్‌ యాదవ్‌కు కితాబులివ్వడం విశేషం. కాగా భారత్‌-ఇంగ్లండ్‌ మధ్య బర్మింగ్‌హామ్‌లోని ఎడ్జ్‌బాస్టన్‌ స్టేడియంలో (జూలై 2-6) రెండో టెస్టు జరుగుతుంది. అక్కడి పిచ్‌ పొడిగా ఉండనున్న నేపథ్యంలో కుల్దీప్‌ తప్పనిసరిగా ఆడే అవకాశాలు ఉన్నాయి.చదవండి: నా మనసంతా అక్కడే.. ఎక్కడున్నా పట్టేస్తారు: పెదవి విప్పిన కావ్యా మారన్‌

ఇంగ్లండ్‌- భారత్‌ మధ్య టెస్టు సిరీస్‌కు కొత్త పేరు పెట్టడం పట్ల టీమిండియా మాజీ క్రికెటర్‌ ఫారూఖ్‌ ఇంజనీర్‌ (Farookh Engineer) అసంతృప్తి వ్యక్తం చేశాడు. ఈ చర్య వల్ల ఇంగ్లండ్‌- వేల్స్‌ క్రికెట్‌ బోర్డు తన విశ్వసనీయతను కోల్పోయిందని విమర్శించాడు. భారత క్రికెట్‌ రంగానికి సేవ చేయడంతో పాటు ఇంగ్లండ్‌కూ ఆడిన మన్సూర్‌ అలీ ఖాన్‌ పటౌడీ (Mansur Ali Khan Pataudi) పేరు తొలగించడం ఎంత మాత్రం ఆమోదయోగ్యనీయం కాదన్నాడు.గొప్ప కుటుంబంకాగా ఇంగ్లండ్‌- టీమిండియా మధ్య టెస్టు సిరీస్‌ను గతంలో పటౌడీ ట్రోఫీగా పిలిచేవారు. అయితే, తాజాగా ఈ సిరీస్‌కు టెండుల్కర్‌- ఆండర్సన్‌ ట్రోఫీగా నామకరణం చేసింది ఈసీబీ. ఈ క్రమంలో విమర్శలతో పాటు భారత క్రికెట్‌ నియంత్రణ మండలి (BCCI) నుంచి విజ్ఞప్తి రాగా.. విజేత జట్టు కెప్టెన్‌కు పటౌడీ మెడల్‌ను అందజేస్తామని ప్రకటించింది. తద్వారా పటౌడీ పేరు చిరస్మరణీయం కానుంది.అయితే, ఈసీబీ నిర్ణయం తనకు అంతగా సంతృప్తినివ్వలేదని షారూఖ్‌ ఇంజనీర్‌ అన్నాడు. ‘‘టైగర్‌ పటౌడీ నాకు స్నేహితుడు. ఇద్దరం కలిసి చాన్నాళ్లు క్రికెట్‌ ఆడాము. అతడిది గొప్ప వారసత్వం. వారిది గొప్ప కుటుంబం. 2007లో పటౌడీ ట్రోఫీని ప్రవేశపెట్టినపుడు ఎంతో సంతోషించా.షర్మిలా ఠాగూర్‌, సైఫ్‌ అలీ ఖాన్‌ను పిలవండిఅయితే, ఇప్పుడు ఆ పేరును తీసేయడం తీవ్ర నిరాశకు గురిచేసింది. ఆండర్సర్‌- టెండుల్కర్‌ కూడా దిగ్గజ ఆటగాళ్లే. వారికి ఎవరూ సాటిరారు. ట్రోఫీకి వారి పేరు పెట్టడంలో ఎలాంటి తప్పూ లేదు. అయితే, ఇలాంటి చర్య వల్ల ఈసీబీ తన విశ్వసనీయతను కోల్పోయింది.మెడల్‌ ఇస్తామంటూ దిద్దుబాటు చర్యలకు పూనుకుంది. మెడల్‌ అందిస్తామని చెప్పింది. కేవలం ఇలా చేస్తే సరిపోదు. మన్సూర్‌ భార్య షర్మిలా ఠాగూర్‌, కుమారుడు సైఫ్‌ అలీ ఖాన్‌ల చేతుల మీదుగా ఆ పతకం విజేత జట్టు కెప్టెన్‌కు అందజేయాలి. ఈసారి ఇలా చేయడం వల్ల ఈసీబీ వైపు ఎవరూ వేలెత్తి చూపే అవకాశం ఉండదు’’ అని ఫారూఖ్‌ ఇంజనీర్‌ పీటీఐతో పేర్కొన్నాడు. కాగా బాలీవుడ్‌ నటి షర్మిలాను పెళ్లాడిన మన్సూర్‌కు కుమారుడు సైఫ్‌తో పాటు కుమార్తెలు సబా, సోహా ఉన్నారు. ఇదిలా ఉంటే.. తాజా ఇంగ్లండ్‌ పర్యటనను టీమిండియా పరాజయంతో మొదలుపెట్టింది. లీడ్స్‌ వేదికగా తొలి టెస్టులో గిల్‌ సేన.. స్టోక్స్‌ బృందం చేతిలో ఐదు వికెట్ల తేడాతో ఓటమిపాలైంది. ఇరుజట్ల మధ్య మొత్తంగా ఐదు టెస్టులు జరుగనుండగా.. బర్మింగ్‌హామ్‌లోని ఎడ్జ్‌బాస్టన్‌ స్టేడియం రెండో మ్యాచ్‌ (జూలై 2-6)కు వేదిక. చదవండి: ఇకపై మళ్లీ ఆడగలనా?

ఇంగ్లండ్‌ పర్యటనను ఓటమితో ఆరంభించిన టీమిండియా రెండో టెస్టులోనైనా సత్తా చాటాలని పట్టుదలగా ఉంది. బర్మింగ్‌హామ్‌లో గెలిచి సిరీస్‌ను 1-1తో సమం చేసేందుకు పూర్తిస్థాయిలో సన్నద్ధమవుతోంది. అయితే, ఈ మ్యాచ్‌కు ప్రధాన పేసర్‌ జస్‌ప్రీత్‌ బుమ్రా (Jasprit Bumrah) అందుబాటులో ఉంటాడో, లేదోనన్న విషయంపై ఇంకా స్పష్టత రాలేదు.కాగా ఇంగ్లండ్‌తో ఐదు టెస్టులకు జట్టును ప్రకటించిన సమయంలోనే బుమ్రా కేవలం మూడు మ్యాచ్‌లు మాత్రమే ఆడతాడని యాజమాన్యం పేర్కొంది. బుమ్రాపై పనిభారం తగ్గించే క్రమంలో ఈ నిర్ణయం తీసుకున్నట్లు చీఫ్‌ సెలక్టర్‌ అజిత్‌ అగార్కర్‌ (Ajit Agarkar) స్వయంగా వెల్లడించాడు.బుమ్రాపైనే భారంఇక ఈ టూర్‌కు పేస్‌ దళంలో నాయకుడు బుమ్రాతో పాటు మహ్మద్‌ సిరాజ్‌, యువ ఆటగాళ్లు ప్రసిద్‌ కృష్ణ, ఆకాశ్‌ దీప్‌ (Akash Deep) కూడా ఎంపికయ్యారు. లీడ్స్‌లో జరిగిన తొలి టెస్టులో బుమ్రా తొలి ఇన్నింగ్స్‌లో ఐదు వికెట్లు తీయగా.. సిరాజ్‌ స్థాయికి తగ్గట్లు రాణించలేకపోయాడు. ఇక ప్రసిద్‌ కృష్ణ వికెట్లు తీసినా ధారాళంగా పరుగులు సమర్పించుకున్నాడు.ఇంగ్లండ్‌ తొలి ఇన్నింగ్స్‌లో సిరాజ్‌ 27 ఓవర్ల బౌలింగ్‌లో 122 పరుగులు ఇచ్చి రెండు వికెట్లు తీశాడు. రెండో ఇన్నింగ్స్‌లో 14 ఓవర్ల బౌలింగ్‌లో 51 పరుగులు ఇచ్చి ఒక్క వికెట్‌ కూడా తీయలేదు. మరోవైపు.. ప్రసిద్‌ కృష్ణ తొలి ఇన్నింగ్స్‌లో 20 ఓవర్ల బౌలింగ్‌లో 128 పరుగులు ఇచ్చి మూడు వికెట్లు తీయగా.. రెండో ఇన్నింగ్స్‌లో 15 ఓవర్ల బౌలింగ్‌లో 92 రన్స్‌ ఇచ్చి రెండు వికెట్లు దక్కించుకోగలిగాడు.షమీ ఉంటే బాగుండేదిఅయితే, జట్టు బుమ్రాపైనే ఎక్కువగా ఆధారపడుతుండటంతో అతడిపైనే భారం పడుతోంది. ఇలాంటి తరుణంలో మహ్మద్‌ షమీ ఉండి ఉంటే ఉపయోగకరంగా ఉండేదని విశ్లేషకులు అభిప్రాయపడుతున్నారు. ఈ పేస్‌ బౌలర్‌ 2023లో ప్రపంచ టెస్టు చాంపియన్‌షిప్‌ ఫైనల్‌లో భాగంగా ఆస్ట్రేలియాపై చివరగా ఆడాడు.ఆ తర్వాత గాయం కారణంగా జట్టుకు చాలా కాలం దూరమైన షమీ.. ఐసీసీ చాంపియన్స్‌ ట్రోఫీ-2025లో సత్తా చాటాడు. ఐదు మ్యాచ్‌లలో కలిపి ఒక ఫైఫర్‌ సాయంతో తొమ్మిది వికెట్లు కూల్చాడు. అయితే, ఐపీఎల్‌-2025లో మాత్రం రాణించలేకపోయాడు. సన్‌రైజర్స్‌ హైదరాబాద్‌ జట్టుకు ఆడిన షమీ.. తొమ్మిది మ్యాచ్‌లలో కలిపి కేవలం ఆరు వికెట్లే తీయగలిగాడు.ఈ నేపథ్యంలో ఇంగ్లండ్‌తో పర్యటనకు సెలక్టర్లు షమీ పేరును పరిగణనలోకి తీసుకోలేదని తెలుస్తోంది. ఫిట్‌నెస్‌ సమస్యలు కూడా ఇందుకు ఓ కారణం అని అగార్కర్‌ మాటల ద్వారా వెల్లడైంది. ఈ క్రమంలో బుమ్రాకు పనిభారం తగ్గించినట్లుగా.. షమీకి కూడా ఓ అవకాశం ఇచ్చి ఉంటే బాగుండేదనే అభిప్రాయాలు వ్యక్తమవుతున్నాయి.బుమ్రా మూడు ఆడితే.. షమీ కనీసం రెండు ఆడలేడా?సిరాజ్‌ స్థాయికి తగ్గట్లు రాణించలేకపోవడం.. ప్రసిద్‌ అనుభవలేమి బౌలర్‌ కావడంతో షమీ పేరు ప్రముఖంగా తెరమీదకు వచ్చింది. బుమ్రాను మూడు టెస్టులు ఆడిస్తే.. షమీని కనీసం రెండు టెస్టుల్లో ఆడించాల్సిందనే వాదన వినిపిస్తోంది. కాగా 34 ఏళ్ల షమీ ఇప్పటి వరకు తన టెస్టు కెరీర్‌లో 64 మ్యాచ్‌లలో కలిపి 229 వికెట్లు కూల్చగా.. ఇందులో ఇంగ్లండ్‌ గడ్డ మీద 14 మ్యాచ్‌లు ఆడి 42 వికెట్లు తీశాడు.మరోవైపు సిరాజ్‌.. ఇప్పటికి ఆడిన 37 టెస్టుల్లో 102 వికెట్లు పడగొట్టాడు. ఏదేమైనా ఇంగ్లండ్‌ టూర్‌లో అనుభవజ్ఞుడైన షమీ ఉంటే పేస్‌ బౌలింగ్‌ విభాగం మరింత బలపడేదని విశ్లేషకులు అంటున్నారు. కాగా టెండుల్కర్‌- ఆండర్సన్‌ ట్రోఫీలో భాగంగా టీమిండియా ఇంగ్లండ్‌తో ఐదు టెస్టులు ఆడనుంది. లీడ్స్‌లో జరిగిన తొలి టెస్టులో భారత జట్టు ఐదు వికెట్ల తేడాతో ఓడిపోయింది. ఇరుజట్ల మధ్య బర్మింగ్‌హామ్‌లోని ఎడ్జ్‌బాస్టన్‌ స్టేడియం వేదికగా రెండో టెస్టుకు జూలై 2-6 వరకు షెడ్యూల్‌ ఖరారైంది. చదవండి: సౌతాఫ్రికా క్రికెట్‌లో సరికొత్త అధ్యాయం.. చరిత్ర సృష్టించిన కేశవ్‌ మహారాజ్‌

టీమిండియా టెస్టు కెప్టెన్‌ శుబ్‌మన్‌ గిల్‌ (Shubman Gill)కు భారత క్రికెట్‌ జట్టు మాజీ సారథి మహ్మద్‌ అజారుద్దీన్‌ అండగా నిలిచాడు. కెప్టెన్‌గా తొలి మ్యాచ్‌లో ఓటమి చవిచూసిన ఈ యువ ఆటగాడిని విమర్శించడం తగదని హితవు పలికాడు. అతడికి మరికాస్త సమయం ఇవ్వాలని కోరాడు.దిగ్గజాల నిష్క్రమణ తర్వాతఇంగ్లండ్‌ పర్యటనకు ముందు కెప్టెన్‌ రోహిత్‌శర్మ (Rohit Sharma), దిగ్గజ బ్యాటర్‌ విరాట్‌ కోహ్లి (Virat Kohli) టెస్టులకు వీడ్కోలు పలికిన విషయం తెలిసిందే. అంతకు ముందే ఆస్ట్రేలియా టూర్‌లో స్పిన్‌ దిగ్గజం రవిచంద్రన్‌ అశ్విన్‌ కూడా రిటైర్మెంట్‌ ప్రకటించాడు. ఇలాంటి తరుణంలో యువ ఆటగాడు శుబ్‌మన్‌ గిల్‌కు మేనేజ్‌మెంట్‌ టెస్టు జట్టు పగ్గాలు అప్పగించింది.ఐదు వికెట్ల తేడాతో ఓటమిఈ క్రమంలో తొలుత టెండుల్కర్‌- ఆండర్సన్‌ ట్రోఫీ (Tendulkar- Anderson Trophy) ఆడేందుకు గిల్‌ సారథ్యంలోని జట్టు ఇంగ్లండ్‌కు వెళ్లింది. ఐదు మ్యాచ్‌ల సిరీస్‌లో భాగంగా తొలి టెస్టులో భారత జట్టు ఐదు వికెట్ల తేడాతో ఓటమిపాలైంది. లీడ్స్‌ వేదికగా జరిగిన ఈ మ్యాచ్‌లో టీమిండియా ఐదు శతకాలు బాదినా ఫలితం లేకుండా పోయింది.లోయర్‌ ఆర్డర్‌, బౌలింగ్‌ విభాగం వైఫల్యం, ఫీల్డర్ల తప్పిదాల కారణంగా గెలవాల్సిన మ్యాచ్‌ను చేజార్చుకుంది. ఈ నేపథ్యంలో గిల్‌ కెప్టెన్సీపై విమర్శలు వచ్చాయి. ఈ క్రమంలో మహ్మద్‌ అజారుద్దీన్‌ స్పందిస్తూ అతడికి మద్దతుగా నిలిచాడు.తొందరపాటే అవుతుంది‘‘కెప్టెన్‌గా అతడికి ఇదే తొలి మ్యాచ్‌. ఇప్పుడే కెప్టెన్సీ గురించి ఇంత చర్చ అవసరం లేదు. అతడికి ఇంకాస్త సమయం ఇవ్వాలి. ప్రతి ఒక్కరు అతడికి అండగా నిలవాల్సిన సమయం ఇది. ప్రతిసారీ ఏదో ఒక ఫిర్యాదు చేస్తూ ఆటగాళ్లను విమర్శించడం తగదు. ఏదేమైనా తొలి టెస్టు ఆఖర్లో మన బ్యాటింగ్‌ విభాగం కుప్పకూలింది. ఇప్పటికైనా సరైన కూర్పుతో జట్టును ఎంపిక చేసుకోవాలి. బౌలింగ్‌ కూడా మారాలి’’ అని స్పోర్ట్స్‌కీడాతో అజారుద్దీన్‌ పేర్కొన్నాడు.కుల్దీప్‌ను తప్పక ఆడించండిఅదే విధంగా.. భారత బౌలింగ్‌ విభాగం గురించి మాట్లాడుతూ.. ‘‘ప్రధాన పేసర్‌ జస్‌ప్రీత్‌ బుమ్రాపైనే జట్టు అతిగా ఆధారపడుతోంది. వికెట్లు పడగొట్టడంతో పాటు పరుగులు నియంత్రించేందుకు జట్టు ప్రతిసారి అతడినే ఆశ్రయిస్తోంది.అతడు ఒక్కడే రాణిస్తే సరిపోదు. అనుభవజ్ఞులైన మరికొంత మంది బౌలర్లు కూడా తమ వంతు పాత్ర పోషించాలి. రెండో టెస్టులో స్పిన్నర్‌ కుల్దీప్‌ యాదవ్‌ను తుది జట్టులోకి తీసుకోవాలి. తద్వారా బౌలింగ్‌లో వైవిధ్యం పెరుగుతుంది’’ అని అజారుద్దీన్‌ అభిప్రాయపడ్డాడు.కాగా భారత్‌- ఇంగ్లండ్‌ మధ్య బుధవారం (జూలై 2-6)నుంచి రెండో టెస్టు మొదలుకానుంది. బర్మింగ్‌హామ్‌లోని ఎడ్జ్‌బాస్టన్‌ స్టేడియం ఇందుకు వేదిక. అయితే, ఇక్కడి పిచ్‌ పొడిగా ఉండనుండటంతో... కుల్దీప్‌ ప్రభావం చూపగలడని మాజీ క్రికెటర్లు అభిప్రాయపడుతున్నారు. అజారుద్దీన్‌ కూడా ఇదే అభిప్రాయం వ్యక్తం చేశాడు.చదవండి: SA vs ZIM: చరిత్ర సృష్టించిన బేబీ ఏబీడీ.. అరంగేట్రంలోనే వరల్డ్ రికార్డు

దక్షిణాఫ్రికాతో తొలి టెస్టు (ZIM vs SA 1st Test)లో జింబాబ్వే ఫాలో ఆన్‌ గండం తప్పించుకుంది. మిడిలార్డర్‌ బ్యాటర్‌ సీన్‌ విలియమ్స్‌ (Sean Williams- 164 బంతుల్లో 137; 16 ఫోర్లు) సెంచరీ సాధించి ఈ మేరకు ఊరట కల్పించాడు. బులవాయో వేదికగా ఆతిథ్య జట్టు తొలి ఇన్నింగ్స్‌లో 67.4 ఓవర్లలో 251 పరుగులకు ఆలౌటైంది. కెప్టెన్‌ క్రెయిగ్‌ ఇర్విన్‌ (90 బంతుల్లో 36; 4 ఫోర్లు) ఫర్వాలేదనిపించాడు. మిగిలిన వాళ్లు విఫలమయ్యారు. బ్రియాన్‌ బెనెట్‌ (19), కిటానో (0), నిక్‌ వెల్చ్‌ (4), వెస్లీ మధెవెరె (15), ప్రిన్స్‌ (7), తఫద్జా ట్సిగా (9), మసకద్జా (4) ఒకరి వెంట ఒకరు పెవిలియన్‌కు వరుసకట్టారు.ముల్డర్‌కు నాలుగు వికెట్లుఇక దక్షిణాఫ్రికా బౌలర్లలో వియాన్‌ ముల్డర్‌ 4 వికెట్లు పడగొట్టగా... కేశవ్‌ మహరాజ్, యూసుఫ్‌ చెరో మూడు వికెట్లు తీశారు. అనంతరం రెండో ఇన్నింగ్స్‌ ప్రారంభించిన దక్షిణాఫ్రికా ఆదివారం రెండో రోజు ఆట ముగిసే సమయానికి 13 ఓవర్లలో వికెట్‌ నష్టానికి 49 పరుగులు చేసింది.ఓపెనర్లలో మాథ్యూ బ్రీజ్కె (1) అవుట్‌ కాగా... టోనీ డి జోర్జి (22 బ్యాటింగ్‌; 2 ఫోర్లు).. వన్‌డౌన్‌ బ్యాటర్‌ ముల్డర్‌ (25 బ్యాటింగ్‌; 4 ఫోర్లు)తో కలిసి క్రీజులో ఉన్నాడు. అంతకుముందు ఓవర్‌నైట్‌ స్కోరు 418/9 వద్దే దక్షిణాఫ్రికా తొలి ఇన్నింగ్స్‌ డిక్లేర్‌ చేసింది. దీంతో ఓవరాల్‌గా చేతిలో 9 వికెట్లు ఉన్న సఫారీ జట్టు ప్రస్తుతం 216 పరుగుల ఆధిక్యంలో కొనసాగుతోంది. తద్వారా జింబాబ్వేతో తొలి టెస్టులో పట్టు బిగించింది.కేశవ్‌ మహరాజ్‌@ 200ఈ మ్యాచ్‌లో దక్షిణాఫ్రికా జట్టుకు సారథిగా వ్యవహరిస్తున్న కేశవ్‌ మహరాజ్‌... అరుదైన ఘనత సాధించాడు. సఫారీ జట్టు తరఫున 200 టెస్టు వికెట్లు పడగొట్టిన తొలి స్పిన్నర్‌గా రికార్డుల్లోకెక్కాడు. జింబాబ్వే కెప్టెన్‌ ఇరి్వన్‌ను అవుట్‌ చేయడం ద్వారా కేశవ్‌ మహరాజ్‌ సుదీర్ఘ ఫార్మాట్‌లో 200వ వికెట్‌ ఖాతాలో వేసుకున్నాడు. 9 ఏళ్లుగా జాతీయ జట్టుకు ప్రాతినిధ్యం వహిస్తున్న 35 ఏళ్ల కేశవ్‌... ఇప్పటి వరకు 59 టెస్టుల్లో 202 వికెట్లు పడగొట్టాడు.

భార‌త్‌-ఇంగ్లండ్ మ‌ధ్య రెండో టెస్టు జూలై 2 నుంచి బర్మింగ్‌హామ్ వేదిక‌గా ప్రారంభం కానుంది. ఈ కీల‌క మ్యాచ్‌కు ముందు టీమిండియాకు కాస్త ఊర‌ట ల‌భించింది. శ‌నివారం జ‌రిగిన నెట్ ప్రాక్టీస్ సెష‌న్‌లో టీమిండియా పేస్ గుర్రం జ‌స్ప్రీత్ బుమ్రా పాల్గోన్నాడు.శుక్ర‌వారం జ‌రిగిన‌ మొద‌టి ప్రాక్టీస్ సెష‌న్‌కు దూరంగా ఉన్న బుమ్రా.. రెండో రోజు మాత్రం దాదాపు ఆరగంట పాటు బౌలింగ్ ప్రాక్టీస్ చేశాడు. రెండో టెస్టుకు బుమ్రాకు విశ్రాంతి ఇవ్వ‌నున్న‌ట్లు వార్త‌లు వినిపిస్తున్న నేప‌థ్యంలో బుమ్రా తిరిగి మ‌ళ్లీ నెట్స్‌లో క‌న్పించ‌డం ఆసక్తిక‌రంగా మారింది. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది.అయితే రెండవ టెస్ట్‌లో బుమ్రా పాల్గొనడంపై ఇంకా తుది నిర్ణయం తీసుకోలేదని ఈఎస్పీఎన్ క్రిక్ఇన్‌ఫో త‌మ రిపోర్ట్‌లో పేర్కొంది. కాగా ఈ సిరీస్‌కు ముందే బుమ్రా కేవ‌లం మూడు మ్యాచ్‌ల‌లో మాత్ర‌మే ఆడ‌తాడ‌ని టీమిండియా మెనెజ్‌మెంట్ స్ప‌ష్టం చేసింది.కానీ ఏ మ్యాచ్‌ల‌కు అందుబాటులో ఉంటాడ‌న్న విష‌యాన్ని మాత్రం వెల్ల‌డించ‌లేదు. ఒక‌వేళ రెండో టెస్టుకు బుమ్రాకు విశ్రాంతి ఇవ్వాల‌ని టీమ్ యాజ‌మాన్యం భావిస్తే.. వారి నిర్ణ‌యాన్ని మార్చుకునే అవ‌కాశ‌ముంది. ఎందుకంటే తొలి టెస్టులో ఓట‌మి పాలైన భార‌త్‌కు.. బ‌ర్మింగ్‌హామ్ టెస్టు చాలా కీల‌కం. ఈ మ్యాచ్‌లో గెలిస్తే సిరీస్ 1-1 స‌మమ‌వుతోంది. అదే ఓడిపోతే 0-2తో టీమిండియా వెన‌క‌బ‌డుతోంది. కాబ‌ట్టి రెండో టెస్టులో ఆడించి బుమ్రాకు మూడో టెస్టుకు విశ్రాంతి ఇచ్చే ఆలోచ‌న‌లో ఉన్న‌ట్లు గంభీర్ అండ్ కో ఉన్న‌ట్లు స‌మాచారం. బుమ్రా విష‌యంలో మ‌రి ఏ నిర్ణ‌యం తీసుకుంటారో మ‌రో మూడు రోజులు వేచి చూడాలి.కాగా రెండో రోజు ప్రాక్టీస్‌కు టీమిండియా కెప్టెన్ శుబ్‌మ‌న్ గిల్‌, య‌శ‌స్వి జైశ్వాల్‌, రిష‌బ్ పంత్ దూరంగా ఉన్న‌ట్లు తెలుస్తోంది. అయితే ఈ ప్రాక్టీస్‌లో మాత్రం భార‌త జ‌ట్టు ఫీల్డింగ్, ఫిట్‌నెస్ డ్రిల్స్‌పై ఎక్కువ‌గా దృష్టిసారించింది.చదవండి: IND vs ENG: చ‌రిత్ర సృష్టించిన స్మృతి మంధాన.. తొలి భారత ప్లేయర్‌గాBoom Time! 💣 pic.twitter.com/AhXEZg2ven— Sahil Malhotra (@Sahil_Malhotra1) June 28, 2025

జింబాబ్వే-ద‌క్షిణాఫ్రికా రెండు మ్యాచ్‌ల టెస్టు సిరీస్‌లో త‌ల‌ప‌డ‌తున్నాయి. ఈ సిరీస్‌కు ప్రోటీస్‌ రెగ్యులర్‌ కెప్టెన్‌ టెంబా బావుమా గాయం కారణంగా దూరం కాగా.. కేశవ్‌ మహరాజ్‌ (Keshav Maharaj) సారథిగా బాధ్యతలు నిర్వర్తిస్తున్నాడు. ఇక రెండు మ్యాచ్‌ల సిరీస్‌లో భాగంగా జింబాబ్వే- సౌతాఫ్రికా (ZIM vs SA) మధ్య శనివారం తొలి టెస్టు ఆరంభమైంది. బులవాయోలోని క్వీన్స్‌ స్పోర్ట్స్‌ క్లబ్‌లో టాస్‌ గెలిచిన పర్యాటక సౌతాఫ్రికా జట్టు.. తొలుత బ్యాటింగ్‌ ఎంచుకుంది.కుప్పకూలిన టాపార్డర్‌ఈ క్రమంలో ఆతిథ్య జింబాబ్వే బౌలర్లు ధాటిగా తమ అటాకింగ్‌ ఆరంభించారు. టనకా చివాంగ దెబ్బకు ఓపెనర్లు టోనీ డి జోర్జి (0), మాథ్యూ బ్రీట్జ్కే (13) త్వరత్వరగా పెవిలియన్‌ చేరారు. ఇక వన్‌డౌన్‌ బ్యాటర్‌ వియాన్‌ ముల్దర్‌ (17) రనౌట్‌ కాగా.. నాలుగో నంబర్‌ బ్యాటర్‌ డేవిడ్‌ బెడింగ్‌హామ్‌ ​కూడా పరుగుల ఖాతా తెరవకుండానే వెనుదిరిగాడు.లువాన్‌-డ్రి ప్రిటోరియస్‌, బాష్‌ శతకాలుఇలాంటి క్లిష్ట పరిస్థితుల్లో అరంగేట్ర బ్యాటర్‌ లువాన్‌-డ్రి ప్రిటోరియస్‌ (Lhuan-Dre Pretorius) భారీ శతకంతో సత్తా చాటాడు. మొత్తంగా 160 బంతులు ఎదుర్కొన్న పందొమిదేళ్ల ఈ ఎడమచేతి వాటం బ్యాటర్‌.. 11 ఫోర్లు, 4 సిక్సర్ల సాయంతో 153 పరుగులు సాధించాడు. ఇతడికి తోడుగా చిచ్చరపిడుగు డెవాల్డ్‌ బ్రెవిస్‌ (51) అర్ధ శతకంతో మెరవగా.. వికెట్‌ కీపర్‌ బ్యాటర్‌ కైలీ వెరెన్నె (10) మాత్రం నిరాశపరిచాడు.అయితే, బౌలింగ్‌ ఆల్‌రౌండర్‌ కార్బిన్‌ బాష్‌ కూడా శతకంతో చెలరేగడం విశేషం. మిగతా వాళ్లలో కెప్టెన్‌ కేశవ్‌ మహరాజ్‌ 21, కోడీ యూసఫ్‌ 27 పరుగులు చేశారు. శనివారం నాటి తొలి రోజు ఆట ముగిసేసరికి 90 ఓవర్లలో సౌతాఫ్రికా తొమ్మిది వికెట్ల నష్టానికి 418 పరుగులు సాధించింది. బాష్‌ 100, క్వెనా మఫాకా 9 పరుగులతో క్రీజులో ఉన్నారు.చరిత్ర సృష్టించిన ప్రిటోరియస్‌జింబాబ్వేతో మ్యాచ్‌లో శతక్కొట్టిన లువాన్‌-డ్రి ప్రిటోరియస్‌ సరికొత్త చరిత్ర సృష్టించాడు. సౌతాఫ్రికా తరఫున పురుషుల క్రికెట్‌లో అత్యంత పిన్న వయసులో సెంచరీ చేసిన ఆటగాడిగా నిలిచాడు. అంతేకాదు.. అరంగేట్రంలోనే టెస్టుల్లో శతకం బాదిన అత్యంత పిన్న వయస్కుడిగానూ నిలవడం విశేషం.ఈ క్రమంలో సౌతాఫ్రికా తరఫున 61 ఏళ్లుగా గ్రేమ్‌ పొలాక్‌ పేరిట ఉన్న రికార్డును ప్రిటోరియస్‌ బద్దలు కొట్టాడు. 1964లో ఆస్ట్రేలియా మీద 19 ఏళ్ల 317 రోజుల్లో పొలాక్‌ సెంచరీ చేయగా.. ప్రిటోరియస్‌ 19 ఏళ్ల 93 రోజుల వయసులో జింబాబ్వే మీద ఈ ఘనత సాధించాడు.చదవండి: నితీశ్‌ రెడ్డి కాదు!.. శార్దూల్‌ స్థానంలో అతడే సరైనోడు: భారత మాజీ క్రికెటర్‌

ఇంగ్లండ్‌తో రెండో టెస్టు నేపథ్యంలో భారత తుదిజట్టు ఎంపిక ఆసక్తికరంగా మారింది. ఎవరిపై వేటు వేస్తారు? ఎవరికి కొత్తగా అవకాశం ఇస్తారు?.. ప్రధాన పేసర్‌ జస్‌ప్రీత్‌ బుమ్రా (Jasprit Bumrah) స్థానాన్ని భర్తీ చేసేది ఎవరు?.. అన్న అంశాలు క్రికెట్‌ వర్గాల్లో చర్చనీయాంశమయ్యాయి.కాగా టెండుల్కర్‌- ఆండర్సన్‌ ట్రోఫీ (Tendulkar- Anderson Trophy)ని టీమిండియా పరాజయంతో మొదలుపెట్టిన విషయం తెలిసిందే. ఐదు టెస్టుల సిరీస్‌లో భాగంగా లీడ్స్‌లో జరిగిన తొలి మ్యాచ్‌లో గిల్‌ సేన ఐదు వికెట్ల తేడాతో ఓడిపోయింది. బ్యాటర్లు ఫర్వాలేదనిపించినా.. బౌలర్లు విఫలమయ్యారు. ఇక ఫీల్డింగ్‌లో అయితే టీమిండియా చెత్త ప్రదర్శన కనబరిచింది. ఏకంగా ఆరు క్యాచ్‌లు డ్రాప్‌ చేసి.. మూల్యం చెల్లించింది.శార్దూల్‌ విఫలం.. నితీశ్‌ రెడ్డికి అవకాశం?ఇక ఈ మ్యాచ్‌ సందర్భంగా పేస్‌ బౌలింగ్‌ ఆల్‌రౌండర్‌ శార్దూల్‌ ఠాకూర్‌ రీఎంట్రీ ఇచ్చిన విషయం తెలిసిందే. అయితే, ఇటు లోయర్‌ ఆర్డర్‌లో.. అటు బౌలింగ్‌లో అతడు పెద్దగా ఆకట్టుకోలేకపోయాడు. రెండు ఇన్నింగ్స్‌లో కలిపి ఐదు పరుగులు చేసిన శార్దూల్‌.. మొత్తంగా రెండు వికెట్లు తీశాడు.ఆల్‌రౌండర్‌గా రాణిస్తాడనుకుంటే.. అతడి వల్ల ఉపయోగం లేకుండా పోయిందంటూ మాజీ క్రికెటర్లు సైతం శార్దూల్‌ను విమర్శించారు. ఈ నేపథ్యంలో రెండో టెస్టులో అతడిపై వేటు పడే అవకాశం ఉందని.. అతడి స్థానంలో ఆంధ్ర యువ సంచలనం నితీశ్‌ కుమార్‌ రెడ్డి జట్టులోకి వస్తాడని విశ్లేషకులు భావిస్తున్నారు.నితీశ్‌ కాదు!.. శార్దూల్‌ స్థానంలో అతడే కరెక్ట్‌!అయితే, టీమిండియా మాజీ క్రికెటర్‌ సుబ్రమణ్యం బద్రీనాథ్‌ మాత్రం ఇందుకు భిన్నంగా స్పందించాడు. స్టార్‌ స్పోర్ట్స్‌ షోలో మాట్లాడుతూ.. ‘‘రెండో టెస్టు నుంచి శార్దూల్‌ ఠాకూర్‌ను తప్పిస్తారనే అనిపిస్తోంది. ఒకవేళ అదే జరిగితే అతడి స్థానాన్ని బౌలర్‌తోనే భర్తీ చేయాలి.ప్రసిద్‌ కృష్ణ సంగతి పక్కనపెడితే.. వైవిధ్యం కోసం పేసర్‌ అర్ష్‌దీప్‌ సింగ్‌ను లేదంటే చైనామన్‌ స్పిన్నర్‌ కుల్దీప్‌ యాదవ్‌ను తుదిజట్టులోకి తీసుకుంటే ఉపయోగకరంగా ఉంటుంది. ఏదేమైనా పిచ్‌ స్వభావాన్ని బట్టే వీరిద్దరిలో ఒకరు ఫైనల్‌ అవుతారు’’ అని బద్రీనాథ్‌ అభిప్రాయపడ్డాడు. కుల్దీప్‌ యాదవ్‌ ఆడే అవకాశం ఎక్కువగా ఉందని అభిప్రాయం వ్యక్తం చేశాడు.కాగా తమిళనాడుకు చెందిన బద్రీనాథ్‌ 2008- 2011 మధ్య టీమిండియా తరఫున అంతర్జాతీయ క్రికెట్‌ ఆడాడు. రెండు టెస్టులు, ఏడు వన్డేలు, ఒక టీ20 ఆడిన ఈ కుడిచేతి వాటం బ్యాటర్‌.. ఆయా ఫార్మాట్లలో 63, 79, 43 పరుగులు చేశాడు. ఇదిలా ఉంటే.. భారత్‌- ఇంగ్లండ్‌ మధ్య రెండో టెస్టు (జూలై 2-6)కు బర్మింగ్‌హామ్‌లోని ఎడ్జ్‌బాస్టన్‌ స్టేడియం వేదిక.ఇంగ్లండ్‌తో టెస్టులకు భారత జట్టు:యశస్వి జైస్వాల్‌, కేఎల్‌ రాహుల్‌, సాయి సుదర్శన్‌, శుబ్‌మన్‌ గిల్‌ (కెప్టెన్‌), రిషభ్‌ పంత్‌ (వికెట్‌ కీపర్‌), కరుణ్‌ నాయర్‌, రవీంద్ర జడేజా, శార్దూల్‌ ఠాకూర్‌, జస్‌ప్రీత్‌ బుమ్రా, మహ్మద్‌ సిరాజ్‌, ప్రసిద్‌ కృష్ణ, అభిమన్యు ఈశ్వరన్‌, వాషింగ్టన్‌ సుందర్‌, అర్ష్‌దీప్‌ సింగ్‌, కుల్దీప్‌ యాదవ్‌, ధ్రువ్‌ జురెల్‌, నితీశ్‌ కుమార్‌ రెడ్డి, ఆకాశ్‌ దీప్‌, హర్షిత్‌ రాణా.చదవండి: ఇప్పట్లో టీమిండియాలో అతడికి చోటు దక్కదు!

ఇంగ్లండ్‌తో రెండో టెస్టు నేపథ్యలో టీమిండియా (Ind vs Eng 2nd Test) ప్రాక్టీస్‌లో తలమునకలైంది. తొలి మ్యాచ్‌లో చేసిన తప్పిదాలు పునరావృతం చేయకుండా ఉండేందుకు కఠినంగా సాధన చేస్తోంది. ఇందులో భాగంగా స్టార్‌ పేస్‌ బౌలర్‌ మహ్మద్‌ సిరాజ్‌ (Mohammed Siraj) బ్యాట్‌తో నెట్స్‌లో శ్రమించడం విశేషంగా నిలిచింది.ప్రధాన పేసర్‌ జస్‌ప్రీత్‌ బుమ్రా (Jasprit Bumrah)తో పాటు యువ పేస్‌ బౌలర్‌ ప్రసిద్‌ కృష్ణ ట్రెయినింగ్‌ సెషన్‌కు గైర్హాజరు కాగా.. సిరాజ్‌తో ఇతర టెయిలెండర్లు కూడా బ్యాటింగ్‌ ప్రాక్టీస్‌లో మునిగిపోవడం గమనార్హం. టెండుల్కర్‌-ఆండర్సన్‌ ట్రోఫీలో భాగంగా ఇంగ్లండ్‌తో ఐదు టెస్టులు ఆడేందుకు టీమిండియా అక్కడికి వెళ్లిన విషయం తెలిసిందే.లోయర్‌ ఆర్డర్‌ కూడా దారుణంగా విఫలంఈ క్రమంలో లీడ్స్‌ వేదికగా తొలి టెస్టు జరుగగా.. గిల్‌ సేన ఐదు వికెట్ల తేడాతో పరాజయం పాలైంది. బౌలర్లు, ఫీల్డర్లు తేలిపోవడం ఇందుకు ప్రధాన కారణం. అయితే, లోయర్‌ ఆర్డర్‌ కూడా దారుణంగా విఫలం కావడం ప్రభావం చూపింది. రెండు ఇన్నింగ్స్‌లో కలిపి టెయిలెండర్లంతా కలిపి కేవలం తొమ్మిది పరుగులు మాత్రమే చేయడం గమనార్హం.అదే సమయంలో ఇంగ్లండ్‌ లోయర్‌ ఆర్డర్‌ ఉత్తమంగా రాణించి జట్టు విజయంలో భాగమైంది. ఈ నేపథ్యంలో భారత టెయిలెండర్లపై విమర్శలు వచ్చాయి. ఇలాంటి తరుణంలో సిరాజ్‌ బ్యాటింగ్‌ ప్రాక్టీస్‌ చేస్తూ కనిపించడం ప్రాధాన్యం సంతరించుకుంది. సీరియస్‌ వార్నింగ్‌.. సిరాజ్‌ బ్యాటింగ్‌ ప్రాక్టీస్‌!బ్యాటింగ్‌ కోచ్‌ సితాన్షు కొటక్‌ నిర్దేశకత్వంలో సిరాజ్‌ డిఫెన్సివ్‌ షాట్లు ఎక్కువగా ప్రాక్టీస్‌ చేశాడు. షార్ట్‌ బంతులు ఎదుర్కొన్న అతడు.. అవుట్‌ సైడ్‌ ఆఫ్‌ దిశగా వెళ్తున్న బంతుల్ని వదిలేశాడు. ఫార్వర్డ్‌ డిఫెన్స్‌ కూడా ప్రాక్టీస్‌ చేశాడు.సాధారణంగా బౌలర్లు.. ఇంతగా బ్యాటింగ్‌పై దృష్టి పెట్టరు. అయితే, మేనేజ్‌మెంట్‌ ఆదేశాల మేరకు టెయిలెండర్లు బ్యాటింగ్‌పై కూడా దృష్టి సారించినట్లు తెలుస్తోంది. ఇదిలా ఉంటే.. ఈ ఆప్షనల్‌ ప్రాక్టీస్‌ సెషన్‌కు కెప్టెన్‌ శుబ్‌మన్‌ గిల్‌తో పాటు వైస్‌ కెప్టెన్‌ రిషభ్‌ పంత్‌ డుమ్మా కొట్టినట్లు సమాచారం. కాగా గిల్‌ (147)తొలి టెస్టులో శతకం బాదగా.. వైస్‌ కెప్టెన్‌ పంత్‌ ఏకంగా రెండు సెంచరీలు (134, 118) బాదాడు.ఇక రెండో టెస్టుకు ప్రధాన పేసర్‌ బుమ్రా దూరం కానున్నాడన్న వార్తల నేపథ్యంలో అర్ష్‌దీప్‌ సింగ్‌ అరంగేట్రం చేయనున్నాడని తెలుస్తోంది. బౌలింగ్‌ కోచ్‌ మోర్నీ మోర్కెల్‌ సూచనల మేరకు నెట్స్‌లో అర్ష్‌ బౌలింగ్‌ ప్రాక్టీస్‌ చేయడం ఇందుకు కారణం. కాగా బర్మింగ్‌హామ్‌లోని ఎడ్జ్‌బాస్టన్‌ స్టేడియం భారత్‌- ఇంగ్లండ్‌ మధ్య రెండో టెస్టుకు వేదిక. ఇరుజట్ల మధ్య జూలై 2-6 వరకు మ్యాచ్‌ నిర్వహణకు షెడ్యూల్‌ ఖరారైంది. చదవండి: ఇప్పట్లో టీమిండియాలో అతడికి చోటు దక్కదు!

టీమిండియా టెస్టు కెప్టెన్‌గా తొలి ప్రయత్నంలోనే చేదు అనుభవం ఎదుర్కొన్నాడు యువ ఆటగాడు శుబ్‌మన్‌ గిల్‌ (Shubman Gill). ఇంగ్లండ్‌తో జరిగిన తొలి టెస్టు (Ind vs Eng)లో భారత జట్టు ఐదు వికెట్ల తేడాతో ఓడిపోయింది. ఈ మ్యాచ్‌లో శతకం (147)తో చెలరేగినా.. అతడి ఇన్నింగ్స్‌కు విలువ లేకుండా పోయింది.గెలవాల్సిన మ్యాచ్‌లో ఓటమిబ్యాటింగ్‌ విభాగం రాణించినా.. బౌలర్లు.. ముఖ్యంగా ఫీల్డర్ల తప్పిదాల వల్ల గెలవాల్సిన మ్యాచ్‌లో టీమిండియా ఓడిపోయింది. లీడ్స్‌ వేదికగా జరిగిన తొలి టెస్టులో భారత జట్టు ఏకంగా ఆరు క్యాచ్‌లు వదిలేసింది. యశస్వి జైస్వాల్‌ (Yashavi Jaiswal), రవీంద్ర జడేజా, రిషభ్‌ పంత్‌, సాయి సుదర్శన్‌ కీలక సమయాల్లో ఇంగ్లండ్‌ బ్యాటర్లు ఇచ్చిన క్యాచ్‌లను నేలపాలు చేశారు.ఈ క్రమంలో తొలి ఇన్నింగ్స్‌లో ఓలీ పోప్‌ (106), రెండో ఇన్నింగ్స్‌లో బెన్‌ డకెట్‌ (149) శతకాలతో సత్తా చాటి.. మ్యాచ్‌ను టీమిండియా నుంచి లాగేసుకున్నారు. ఈ నేపథ్యంలో ఆస్ట్రేలియా మాజీ క్రికెటర్‌ బ్రాడ్‌ హాడిన్‌ శుబ్‌మన్‌ గిల్‌ కెప్టెన్సీని ఉద్దేశించి ఘాటు విమర్శలు చేశాడు.ఫీల్డింగ్‌ కూడా అద్భుతమే.. కానీ ఇప్పుడుభారత్‌ జట్టు గొప్పదని.. వారి ఫీల్డింగ్‌ కూడా అద్భుతంగా ఉండేదన్న హాడిన్‌.. గిల్‌ మాత్రం ఆ వారసత్వాన్ని కొనసాగించడంలో ఆదిలోనే విఫలమయ్యాడని పేర్కొన్నాడు. కెప్టెన్‌తో పాటు ఆటగాళ్ల ఉదాసీనత వల్లే భారీ మూల్యం చెల్లించాల్సి వస్తుందని విమర్శించాడు. ఇండియన్‌ ప్రీమియర్‌ లీగ్‌ (IPL)లో భారత ఆటగాళ్లు ఇలా క్యాచ్‌లు జారవిడవడం ఎక్కువగా ఉందని.. ఇదో అలవాటుగా మారిపోయిందని ఘాటు వ్యాఖ్యలు చేశాడు.‘‘ప్రతి గొప్ప జట్టు.. ఎక్కడ ఆడుతున్నా.. ఎప్పుడైనా ఫీల్డింగ్‌ విషయంలోనూ గొప్పగానే ఉంటుంది. కానీ ఈసారి గిల్‌ ఆ లెగసీని కొనసాగించలేకపోయాడు. జట్టుపై అతడు పట్టు కోల్పోయాడు. ఇప్పటికైనా గిల్‌ తన ఆటిట్యూడ్‌ మార్చుకోవాలి.మీ జట్టు బాగా ఫీల్డింగ్‌ చేయాలన్నా.. జట్టుగా సమిష్టిగా పోరాడలన్నా కెప్టెన్‌గా నువ్వు మరింత బలంగా తయారవ్వాలి. టెక్నిక్‌ మార్చాలి. ఎంత మంది కోచ్‌లు ఉంటే ఏం లాభం?.. ఆటగాళ్ల దృక్పథంలో మార్పు రావాలి. ఐపీఎల్‌లో అలవాటైంది.. ఇక్కడా అదేఈ ఏడాది ఐపీఎల్‌లోనూ చాలా మంది భారత ఆటగాళ్లు క్యాచ్‌లు మిస్‌ చేసిన తీరు చూశాం. దాని ఫలితమే ఇక్కడా కనిపిస్తోంది’’ అని బ్రాడ్‌ హాడిన్‌ విల్లో టాక్స్‌ పాడ్‌కాస్ట్‌లో తన అభిప్రాయాలు పంచుకున్నాడు. కాగా టెండుల్కర్‌-ఆండర్సన్‌ ట్రోఫీలో భాగంగా ఇంగ్లండ్‌తో ఐదు టెస్టులు ఆడేందుకు భారత జట్టు అక్కడికి వెళ్లింది. ఇరుజట్ల మధ్య జూలై 2-6 రెండో టెస్టుకు షెడ్యూల్‌ ఖరారైంది.చదవండి: ఇప్పట్లో టీమిండియాలో అతడికి చోటు దక్కదు!

ఆస్ట్రేలియా స్టార్‌ క్రికెటర్‌ ట్రవిస్‌ హెడ్‌ (Travis Head) సరికొత్త చరిత్ర సృష్టించాడు. ప్రపంచ టెస్టు చాంపియన్‌షిప్‌ (WTC)లో అత్యధిక ‘ప్లేయర్‌ ఆఫ్‌ ది మ్యాచ్‌’ అవార్డులు అందుకున్న క్రికెటర్‌గా నిలిచాడు. వెస్టిండీస్‌తో తొలి టెస్టు సందర్భంగా హెడ్‌ ఈ ఘనత సాధించాడు.కాగా ఆస్ట్రేలియా క్రికెట్‌ జట్టు ప్రస్తుతం వెస్టిండీస్‌లో పర్యటిస్తోంది. ఇందులో భాగంగా తొలుత మూడు టెస్టులు.. అనంతరం ఐదు టీ20 మ్యాచ్‌లు ఆడనుంది. ఈ క్రమంలో ఇరుజట్ల మధ్య బుధవారం మొదలైన తొలి టెస్టు (WI vs AUS) మూడు రోజు ఆటలోనే ముగిసింది.హెడ్‌ హాఫ్‌ సెంచరీలుబార్బడోస్‌ వేదికగా టాస్‌ గెలిచిన ఆస్ట్రేలియా తొలుత బ్యాటింగ్‌ చేసింది. అయితే, విండీస్‌ బౌలర్ల విజృంభణకు ఆసీస్‌ టాపార్డర్‌ కుదేలు అయింది. ఓపెనర్‌ ఉస్మాన్‌ ఖవాజా (47) ఫర్యాలేదనిపించగా.. ఐదో స్థానంలో బరిలోకి దిగిన ట్రవిస్‌ హెడ్‌ అర్ధ శతకం (59)తో రాణించాడు. మిగతా వాళ్లలో కెప్టెన్‌ ప్యాట్‌ కమిన్స్‌ (28) కాసేపు పోరాటం చేశాడు.ఈ క్రమంలో 56.5 ఓవర్లలోనే ఆసీస్‌ కథ ముగిసింది. తొలి ఇన్నింగ్స్‌లో 180 పరుగులు చేసి ఆలౌట్‌ అయింది. ఇందుకు బదులుగా విండీస్‌ తమ మొదటి ఇన్నింగ్స్‌లో 190 పరుగులు సాధించింది. అయితే, రెండో ఇన్నింగ్స్‌లో ఆసీస్‌ పొరపాట్లను పునరావృతం చేయలేదు.టాపార్డర్‌ మరోసారి విఫలమైనా.. ఈసారి హెడ్‌ (61)తో పాటు బ్యూ వెబ్‌స్టర్‌ (63), అలెక్స్‌ క్యారీ (65) కలిసి ఇన్నింగ్స్‌ నిలబెట్టారు. ఫలితంగా రెండో ఇన్నింగ్స్‌లో 310 పరుగులు చేసిన కంగారూలు.. ఆతిథ్య జట్టుకు 301 పరుగుల (విండీస్‌కు తొలి ఇన్నింగ్స్‌లో 10 పరుగుల ఆధిక్యం) లక్ష్యం విధించారు.ఆస్ట్రేలియా ఘన విజయంఈ క్రమంలో విండీస్‌ 141 పరుగులకే ఆలౌట్‌ కావడంతో.. 159 రన్స్‌తో ఆస్ట్రేలియా ఘన విజయం సాధించింది. తద్వారా మూడు మ్యాచ్‌ల సిరీస్‌లో 1-0తో ముందంజలో నిలిచింది. తొలి ఇన్నింగ్స్‌లో 59, రెండో ఇన్నింగ్స్‌లో 61 పరుగులతో రాణించి ఇక ఆసీస్‌ గెలుపులో కీలక పాత్ర పోషించిన ట్రవిస్‌ హెడ్‌కు ప్లేయర్‌ ఆఫ్‌ ది మ్యాచ్‌ అవార్డు దక్కింది. హెడ్‌ టెస్టు కెరీర్‌లో ఇది పదో అవార్డు.తద్వారా ప్రపంచ టెస్టు చాంపియన్‌షిప్‌ (2019) మొదలుపెట్టిన తర్వాత అత్యధిక ప్లేయర్‌ ఆఫ్‌ ది మ్యాచ్‌ అవార్డులు గెలుచుకున్న ఆటగాడిగా హెడ్‌ చరిత్రకెక్కాడు. ఇక ఓవరాల్‌గా టెస్టుల్లో సౌతాఫ్రికా దిగ్గజం జాక్వెస్‌ కలిస్‌ అత్యధికంగా 23సార్లు ప్లేయర్‌ ఆఫ్‌ ది మ్యాచ్‌ అవార్డులు గెలుచుకున్నాడు.చదవండి: వ‌రుసగా ఐదు ఓట‌ములు.. కెప్టెన్సీ నుంచి త‌ప్పుకున్న స‌న్‌రైజ‌ర్స్ స్టార్‌

భారత టెస్టు జట్టులో చోటు కోసం ఎదురుచూస్తున్న ఆటగాళ్ల జాబితా పెద్దగానే ఉంది. సర్ఫరాజ్‌ ఖాన్‌, ధ్రువ్‌ జురెల్, శ్రేయస్‌ అయ్యర్‌ (Shreyas Iyer) రీఎంట్రీ ఇవ్వాలని చూస్తుండగా.. అభిమన్యు ఈశ్వరన్‌ (Abhimanyu Easwaran) వంటి దేశీ హీరోలు అరంగేట్రం చేయాలని ఆరాటపడుతున్నారు. వీరిలో జురెల్‌ ప్రస్తుతం ఇంగ్లండ్‌లో పర్యటిస్తున్న జట్టులో ఉన్నప్పటికీ తుదిజట్టులో అతడికి ఆడే అవకాశాలు కనిపించడం లేదు.ఈ నేపథ్యంలో టీమిండియా మాజీ ఓపెనర్‌, కామెంటేటర్‌ ఆకాశ్‌ చోప్రా (Aakash Chopra) ఆసక్తికర వ్యాఖ్యలు చేశాడు. వీరిలో శ్రేయస్‌ అయ్యర్‌కు మాత్రం ఇప్పట్లో టెస్టు జట్టులో చోటు దక్కదని అభిప్రాయపడ్డాడు. అతడి కంటే సర్ఫరాజ్‌ ఖాన్‌, ధ్రువ్‌ జురెల్‌ల వైపే సెలక్టర్లు మొగ్గు చూపే అవకాశం ఉందని పేర్కొన్నాడు.చాలా సమస్యలుఈ మేరకు తన యూట్యూబ్‌ చానెల్‌లో మాట్లాడుతూ.. ‘‘భారత బ్యాటింగ్‌ విభాగం కూర్పు విషయంలో చాలా సమస్యలు ఉన్నాయి. ఇప్పటికే ఉన్న ఆటగాళ్లను ఎక్కడ ఎప్పుడు ఎలా ఆడించాలో తెలియని పరిస్థితి. ఇలాంటి తరుణంలో శ్రేయస్‌ అయ్యర్‌కు అవకాశం దక్కదు. అతడే కాదు.. చాలా మందికి నిరాశ తప్పదు.ఎంతోకాలం నుంచి ఎదురుచూస్తున్న వాళ్లలో కరుణ్‌ నాయర్‌కు ఎనిమిదేళ్ల తర్వాత పునరాగమనం చేసే అవకాశం దక్కింది. సర్ఫరాజ్‌ ఖాన్‌ మరోసారి వేచి చూడక తప్పని పరిస్థితి. ధ్రువ్‌ జురెల్‌ జట్టులో ఉన్నా చాలా కాలంగా పక్కనపెట్టారు. వీరి పరిస్థితే ఇలా ఉంటే.. ఇక శ్రేయస్‌ని సెలక్టర్లు పరిగణనలోకి తీసుకుంటారని నమ్మకం ఏంటి?అతడు ఫస్ట్‌ క్లాస్‌ క్రికెట్‌లో రాణించాడు. దేశీ క్రికెట్‌లో సత్తా చాటాడు. ఐపీఎల్‌లో పంజాబ్‌ కింగ్స్‌కు ఫైనల్‌కు తీసుకువెళ్లాడు. అంతకంటే ముందు చాంపియన్స్‌ ట్రోఫీలో భారత్‌ గెలవడంలో కీలక పాత్ర పోషించాడు.సుదీర్ఘకాలం నిరీక్షణ తప్పకపోవచ్చుఅందుకే వన్డే జట్టులో చోటు దక్కించుకోగలడు. కానీ టెస్టుల విషయానికి వచ్చే సరికి... అతడి కంటే చాలా మంది ముందే ఉన్నారు. కాబట్టి అతడికి సుదీర్ఘకాలం నిరీక్షణ తప్పకపోవచ్చు’’ అని ఆకాశ్‌ చోప్రా తన అభిప్రాయాలు పంచుకున్నాడు.కాగా రంజీ ట్రోఫీ 2024-25 సీజన్‌లో ముంబై తరఫున శ్రేయస్‌ అయ్యర్‌ రాణించాడు. ఇంగ్లండ్‌ పర్యటనకు ముందు ఏడు ఇన్నింగ్స్‌లో కలిపి 480 పరుగులు చేశాడు. కానీ సెలక్టర్లు మాత్రం అతడి వైపు చూడలేదు. తాజాగా ఇంగ్లండ్‌తో టీమిండియా సిరీస్‌ నేపథ్యంలో శ్రేయస్‌ గురించి అభిమానులు ప్రశ్నిస్తుండగా.. ఆకాశ్‌ చోప్రా పైవిధంగా స్పందించాడు.ఇక ఇంగ్లండ్‌తో టెండుల్కర్‌-ఆండర్సన్‌ ట్రోఫీ ఆడేందుకు అక్కడికి వెళ్లిన టీమిండియా.. తొలి టెస్టులో ఓటమిపాలైంది. ఐదు మ్యాచ్‌ల సిరీస్‌లో భాగంగా ఇరుజట్ల మధ్య బుధవారం నుంచి బర్మింగ్‌హామ్‌ వేదికగా రెండో టెస్టు జరుగుతుంది. కాగా ఈ సిరీస్‌తో భారత టెస్టు జట్టు కెప్టెన్‌గా శుబ్‌మన్‌ గిల్‌ తన ప్రయాణాన్ని ఆరంభించాడు.చదవండి: IND vs ENG: ఇంగ్లండ్‌తో రెండో టెస్టు.. చ‌రిత్ర‌కు అడుగు దూరంలో జైశ్వాల్‌

టీమిండియా పేస్‌ దళ నాయకుడు జస్‌ప్రీత్‌ బుమ్రా (Jasprit Bumrah)పై భారత స్పిన్‌ దిగ్గజం రవిచంద్రన్‌ అశ్విన్‌ (Ravichandran Ashwin) ప్రశంసలు కురిపించాడు. అద్భుత నైపుణ్యాలు జెస్సీ సొంతమని.. బ్యాటింగ్‌ లెజెండ్స్‌ సచిన్‌ టెండుల్కర్‌, విరాట్‌ కోహ్లి (Virat Kohli)లతో సరిసమాన గౌరవానికి అతడు అర్హుడని పేర్కొన్నాడు. బుమ్రా తన ఆట తీరుతో కోట్లాది మంది అభిమానులను సంపాదించుకున్నాడన్న అశూ.. అందరికంటే తానే వీరాభిమానినని తెలిపాడు.ఇంగ్లండ్‌ పర్యటనలోకాగా ప్రపంచంలోని అత్యుత్తమ ఫాస్ట్‌ బౌలర్లలో ఒకడిగా గుర్తింపు పొందిన బుమ్రా.. ప్రస్తుతం ఇంగ్లండ్‌ పర్యటనలో బిజీగా ఉన్నాడు. ఐదు టెస్టుల సిరీస్‌లో భాగంగా లీడ్స్‌లో జరిగిన తొలి మ్యాచ్‌లో అతడు సత్తా చాటాడు.ఇంగ్లండ్‌ తొలి ఇన్నింగ్స్‌లో 24.4 ఓవర్ల బౌలింగ్‌లో 83 పరుగులు మాత్రమే ఇచ్చి ఐదు వికెట్లు కూల్చాడు. అయితే, రెండో ఇన్నింగ్స్‌లో మాత్రం ఈ కుడిచేతివాటం పేసర్‌ స్థాయికి తగ్గట్లు ఆకట్టుకోలేకపోయాడు. ఇక ఈ మ్యాచ్‌లో టీమిండియా ఐదు వికెట్ల తేడాతో ఆతిథ్య జట్టు చేతిలో ఓడిపోయింది.సమాన గౌరవం దక్కాలిఇదిలా ఉంటే.. గిల్‌ సేన మ్యాచ్‌ ఓడినా.. ఇంగ్లండ్‌ తొలి ఇన్నింగ్స్‌లో బుమ్రా ప్రదర్శన పట్ల మాజీ స్పిన్నర్‌ రవిచంద్రన్‌ అశ్విన్‌ సంతృప్తి వ్యక్తం చేశాడు. ఈ సందర్భంగా తాను బుమ్రాకు వీరాభిమానినంటూ అశూ ఆసక్తికర వ్యాఖ్యలు చేశాడు.‘‘టెండుల్కర్‌, కోహ్లి మాదిరే బుమ్రాకు సమాన గౌరవం దక్కాలి. రోహిత్‌ శర్మ, విరాట్‌ కోహ్లి, సచిన్‌ టెండుల్కర్‌ల విషయంలో మనమేం చేశామో.. జెస్సీ విషయంలోనూ అదే చేయాలి. నిజానికి బౌలర్‌గా అతడికి అందరికంటే ఎక్కువ గౌరవమే దక్కాలి.అతడి భార్య పోటీకి వస్తుందేమో!.. నేనే నంబర్‌ వన్‌అతడికి ఎంతో మంది అభిమానులు ఉన్నారు. ఎంతో మంది అతడిని ప్రేమిస్తున్నారు. నేనైతే అతడి నంబర్‌ వన్‌ ఫ్యాన్‌ని. నాకు తెలిసి ఈ నంబర్‌ వన్‌ ఫ్యాన్‌ విషయంలో బుమ్రా భార్య నాతో పోటీకి వస్తుందేమో! కానీ నేను మాత్రం నేనే నంబర్‌ వన్‌ అని చెప్తా’’ అంటూ అశ్విన్‌ బుమ్రా పట్ల అభిమానాన్ని చాటుకున్నాడు.కాగా బుమ్రా సతీమణి సంజనా గణేషన్‌ స్పోర్ట్స్‌ ప్రజెంటర్‌ అన్న విషయం తెలిసిందే. ఐసీసీ ఈవెంట్లతో పాటు ఐపీఎల్‌లోనూ వ్యాఖ్యాతగా సత్తా చాటుతోందామె. ఈ జంటకు కుమారుడు అంగద్‌ బుమ్రా ఉన్నాడు.ఇదిలా ఉంటే.. ఇంగ్లండ్‌తో ఐదు మ్యాచ్‌ల సిరీస్‌లో 0-1తో వెనుకబడి ఉన్న టీమిండియా.. జూలై 2-6 వరకు రెండో టెస్టు ఆడేందుకు షెడ్యూల్‌ ఖరారైంది. బర్మింగ్‌హామ్‌లోని ఎడ్జ్‌బాస్టన్‌ స్టేడియం ఇందుకు వేదిక. ఈ మ్యాచ్‌లో బుమ్రా ఆడే అవకాశం లేదని తెలుస్తోంది. పనిభారం తగ్గించే నిమిత్తం యాజమాన్యం అతడికి రెండో టెస్టు నుంచి విశ్రాంతినిచ్చినట్లు సమాచారం.చదవండి: సచిన్‌ సర్‌ కొడుకు.. అర్జున్‌పై ఎలా అరవగలను?.. కెప్టెన్‌గా ఉన్నపుడు జరిగిందిదే!

ఆస్ట్రేలియా కెప్టెన్‌ ప్యాట్‌ కమిన్స్‌ (Pat Cummins) చరిత్ర సృష్టించాడు. అరవై రెండేళ్లుగా రిచీ బెనాడ్‌ పేరిట ఉన్న ఆల్‌టైమ్‌ రికార్డు బద్దలు కొట్టాడు. టెస్టుల్లో ఆస్ట్రేలియా తరఫున అత్యధిక వికెట్లు పడగొట్టిన కెప్టెన్‌గా అవతరించాడు. వెస్టిండీస్‌ (WI vs AUS)తో మ్యాచ్‌ సందర్భంగా కమిన్స్‌ ఈ ఘనత సాధించాడు.విండీస్‌ పర్యటనలో ఆసీస్‌ జట్టువిండీస్‌తో మూడు టెస్టులు, ఐదు టీ20 మ్యాచ్‌లు ఆడేందుకు ఆస్ట్రేలియా క్రికెట్‌ జట్టు అక్కడకు వెళ్లింది. ఈ క్రమంలో ఇరుజట్ల మధ్య బుధవారం (జూన్‌ 25) మొదలైన తొలి టెస్టుకు బార్బడోస్‌లోని కెన్నింగ్‌స్టన్‌ ఓవల్‌ మైదానం వేదిక.ఈ మ్యాచ్‌లో టాస్‌ గెలిచిన పర్యాటక ఆస్ట్రేలియా తొలుత బ్యాటింగ్‌ చేసింది. విండీస్‌ పేసర్ల ధాటికి తాళలేక 180 పరుగులకే కుప్పకూలింది. వెస్టిండీస్‌ పేసర్లలో జేడన్‌ సీల్స్‌ ఐదు వికెట్లతో సత్తా చాటగా.. షమార్‌ జోసెఫ్‌ (Shamar Joseph) నాలుగు వికెట్లు పడగొట్టాడు. జస్టిన్‌ గ్రీవ్స్‌ ఒక వికెట్‌ దక్కించుకున్నాడు.రెండు వికెట్లు తీసిన కెప్టెన్‌ఈ క్రమంలో తమ మొదటి ఇన్నింగ్స్‌ మొదలుపెట్టిన ఆతిథ్య వెస్టిండీస్‌ 190 పరుగులకు ఆలౌట్‌ అయింది. ఆసీస్‌ బౌలర్లలో మిచెల్‌ స్టార్క్‌ అత్యధికంగా మూడు వికెట్లు కూల్చగా.. జోష్‌ హాజిల్‌వుడ్‌, కెప్టెన్‌ కమిన్స్‌, బ్యూ వెబ్‌స్టర్‌ తలా రెండు వికెట్లు తమ ఖాతాలో వేసుకున్నారు. స్పిన్నర్‌ నాథన్‌ లియాన్‌కు ఒక వికెట్‌ దక్కింది.ఇక విండీస్‌ తొలి ఇన్నింగ్స్‌లో కమిన్స్‌ కేసీ కార్టీ (20), కెప్టెన్‌ రోస్టన్‌ ఛేజ్‌ (44) వికెట్లు తీయడం ద్వారా.. అరుదైన రికార్డు సాధించాడు. టెస్టుల్లో అత్యధిక వికెట్లు పడగొట్టిన ఆసీస్‌ కెప్టెన్‌గా నిలిచాడు. అంతకుముందు ఈ రికార్డు రిచీ బెనాడ్‌ పేరిట ఉండేది. ఇక ఈ జాబితాలో ఓవరాల్‌గా పాకిస్తాన్‌ కెప్టెన్‌ ఇమ్రాన్‌ ఖాన్‌ ప్రథమ స్థానంలో ఉండగా.. కమిన్స్‌ రెండో స్థానానికి చేరుకున్నాడు.టెస్టు చరిత్రలో అత్యధిక వికెట్లు తీసిన కెప్టెన్లు🏏ఇమ్రాన్‌ ఖాన్‌(పాకిస్తాన్‌): 1982-1992 మధ్య కాలంలో కెప్టెన్‌గా 187 వికెట్లు🏏ప్యాట్‌ కమిన్స్‌ (ఆస్ట్రేలియా): 2021-2025* మధ్య కాలంలో కెప్టెన్‌గా 139 వికెట్లు🏏రిచీ బెనాడ్‌ (ఆస్ట్రేలియా): 1958- 1963 మధ్య కాలంలో కెప్టెన్‌గా 138 వికెట్లు🏏గ్యారీ సోబర్స్‌ (వెస్టిండీస్‌): 1965- 1972 మధ్య కాలంలో కెప్టెన్‌గా 117 వికెట్లు🏏డానియల్‌ వెటోరి (న్యూజిలాండ్‌): 2007-2011 మధ్య కెప్టెన్‌గా 116 వికెట్లు🏏కపిల్‌ దేవ్‌ (ఇండియా): 1983- 1997 మధ్య కాలంలో కెప్టెన్‌గా 111 వికెట్లు.చదవండి: సచిన్‌ సర్‌ కొడుకు.. అర్జున్‌పై ఎలా అరవగలను?.. కెప్టెన్‌గా ఉన్నపుడు జరిగిందిదే!

వెస్టిండీస్‌- ఆస్ట్రేలియా (West Indies vs Australia, 1st Test) మధ్య బార్బడోస్‌ వేదికగా తొలి టెస్టు రసవత్తరంగా సాగుతోంది. అద్భుత బౌలింగ్‌తో కంగారూల పని పట్టిన విండీస్‌.. తొలి ఇన్నింగ్స్‌లో 180 పరుగులకే ఆలౌట్‌ చేసింది. కరేబియన్‌ పేసర్లలో జేడన్‌ సీల్స్‌ ఏకంగా ఐదు వికెట్లతో చెలరేగగా.. షమార్‌ జోసెఫ్‌ నాలుగు వికెట్లు కూల్చాడు. ఇక జస్టిన్‌ గ్రీవ్స్‌ ఒక వికెట్‌ తన ఖాతాలో వేసుకున్నాడు.అనంతరం బ్యాటింగ్‌కు దిగిన వెస్టిండీస్‌.. 190 పరుగుల వద్ద తమ మొదటి ఇన్నింగ్స్‌ ముగించి పది పరుగుల స్వల్ప ఆధిక్యాన్ని సంపాదించింది. విండీస్‌ ఇన్నింగ్స్‌లో కెప్టెన్‌ రోస్టన్‌ ఛేజ్‌ (44), వికెట్‌ కీపర్‌ బ్యాటర్‌ షాయీ హోప్‌ (48) మాత్రమే మెరుగ్గా రాణించారు.అయితే, వీరిద్దరు అవుటైన తీరు వివాదానికి దారి తీసింది. క్రీజులో పాతుకుపోయిన రోస్టన్‌, హోప్‌లు థర్డ్‌ అంపైర్‌ తప్పిదం కారణంగా మూల్యం చెల్లించాల్సి వచ్చిందనే విమర్శలు వస్తున్నాయి. అసలేం జరిగిందంటే..రోస్టన్‌ 44 పరుగుల వద్ద ఉండగా.. ప్యాట్‌ కమిన్స్‌ బౌలింగ్‌లో ఎల్బీడబ్ల్యూ (లెగ్‌ బిఫోర్‌ వికెట్‌) అయినట్లు ఫీల్డ్‌ అంపైర్‌ సిగ్నల్‌ ఇచ్చాడు. అయితే, రోస్టన్‌ వెంటనే రివ్యూకు వెళ్లాడు. ఇందులో బ్యాట్‌ ముందుగా బ్యాట్‌ను తాకినట్లు తేలింది. అల్ట్రాఎడ్జ్‌ స్పైక్‌ కూడా వచ్చింది. కానీ థర్డ్‌ అంపైర్‌, సౌతాఫ్రికాకు చెందిన ఆడ్రియాన్‌ హోల్డర్‌స్టాక్‌ మాత్రం రోస్టన్‌ను అవుట్‌గా తేల్చాడు.Bat first or pad first? 🤔Roston Chase given OUT… but UltraEdge had a spike.Should that have been given out?#WIvsAUS pic.twitter.com/DaitLZhXPm— FanCode (@FanCode) June 26, 2025 అనంతరం.. షాయీ హోప్‌ విషయంలోనూ థర్డ్‌ అంపైర్‌ తీసుకున్న నిర్ణయం వివాదాస్పదంగా మారింది. హోప్‌ ఇచ్చిన క్యాచ్‌ను వికెట్‌ కీపర్‌ అలెక్స్‌ క్యారీ అందుకున్నట్లు కనిపించగా.. ఫీల్డ్‌ అంపైర్‌ అవుట్‌ ఇచ్చాడు. అయితే, దీనిపై విండీస్‌ రివ్యూకు వెళ్లింది. రీప్లేలో చూడగా.. బంతి క్యారీ చేతుల్లోంచి జారీ నేలను తాకినట్లు కనిపించింది. అయితే, అతడు అంతలోనే దానిని మళ్లీ చేతిలోకి తీసుకున్నట్లు కనిపించింది. అయినప్పటికీ అది ఫెయిర్‌ క్యాచ్‌ అని తేలుస్తూ థర్డ్‌ అంపైర్‌ హోప్‌ను అవుట్‌గా ప్రకటించాడు. దీంతో విండీస్‌ శిబిరంలో ఆగ్రహావేశాలు వ్యక్తమయ్యాయి. కోచ్‌ డారెన్‌ సామీ సైతం తీవ్ర అసంతృప్తి వ్యక్తం చేశాడు. రోస్టన్‌ ఛేజ్‌, షాయీ హోప్‌ అవుటైన వీడియోలు సోషల్‌ మీడియాలో వైరల్‌ అవుతున్నాయి. ఇందుకు నెటిజన్లు ఘాటుగా స్పందిస్తున్నారు. ‘‘చెత్త అంపైరింగ్‌!.. ఇంతకంటే దారుణం మరొకటి ఉండదు’’అంటూ థర్డ్‌ అంపైర్‌పై విమర్శల వర్షం కురిపిస్తున్నారు. Caught or did the ball touch the ground? 🫣Windies are furious with that decision. What's your call? ☝️ or ❌#WIvAUS pic.twitter.com/6evBQGk7vq— FanCode (@FanCode) June 26, 2025ఇక విండీస్‌ ఆలౌట్‌ అయిన తర్వాత ఆస్ట్రేలియా రెండో ఇన్నింగ్స్‌ మొదలుపెట్టింది. గురువారం నాటి రెండో రోజు ఆట ముగిసే సరికి 33 ఓవర్ల ఆట పూర్తి చేసుకుని నాలుగు వికెట్ల నష్టానికి 92 పరుగులు చేసింది. తద్వారా 82 పరుగుల ఆధిక్యంలో కొనసాగుతోంది. ట్రవిస్‌ హెడ్‌ 13, బ్యూ వెబ్‌స్టర్‌ 19 పరుగులతో క్రీజులో ఉన్నారు.

ఇంగ్లండ్‌తో రెండో టెస్టు (Ind vs Eng)కు ముందు భారత మాజీ క్రికెటర్‌ రవిచంద్రన్‌ అశ్విన్‌ టీమిండియాకు కీలక సూచనలు చేశాడు. భారత బ్యాటర్లు వీలైనంత ఎక్కువ సేపు క్రీజులో ఉండాలన్న ఈ స్పిన్‌ దిగ్గజం.. పరుగులు సాధించడం కంటే కూడా ఈ విషయం మీదే ఎక్కువ దృష్టి పెట్టాలని సూచించాడు. ఏదేమైనా.. ఐదో రోజు వరకు ఆటను పొడిగించాలని.. ప్రత్యర్థిని ఫీల్డింగ్‌లో అలసిపోయేలా చేయాలని పేర్కొన్నాడు.అతడిని తీసుకోండిఇక తుదిజట్టులో పెద్దగా మార్పులు అక్కర్లేదన్న అశ్‌.. చైనామన్‌ స్పిన్నర్‌ కుల్దీప్‌ యాదవ్‌ (Kuldeep Yadav)ను ఆడిస్తే ప్రయోజనకరంగా ఉంటుందని అభిప్రాయపడ్డాడు. తన యూట్యూబ్‌ చానెల్‌ వేదికగా మాట్లాడుతూ.. ‘‘ఓటమికి భయపడాల్సిన పనిలేదు. వెనువెంటనే జట్టులో మార్పులూ చేయకూడదు.రెండో టెస్టులో గెలిచి సిరీస్‌ సమం చేయగల సత్తా టీమిండియాకు ఉంది. అయితే, ఇంగ్లండ్‌ వ్యూహాలను మనం సరిగ్గా అర్థం చేసుకుంటేనే ఇది సాధ్యమవుతుంది. లేదంటే సిరీస్‌ మన చేజారిపోవడానికి ఎక్కువ సమయం అక్కర్లేదు.ఒత్తిడి పెంచాలిఐదో రోజు వరకు కూడా బ్యాటింగ్‌ చేయాలి. లేదంటే కథ ముగిసిపోతుంది. ఐదో రోజు ఎంత పెద్ద టార్గెట్‌ అయినా తాము ఛేదిస్తామని ఇంగ్లండ్‌ బహిరంగంగానే చెప్పింది. ఈ విషయాన్ని మన బ్యాటింగ్‌ లైనప్‌ గుర్తు పెట్టుకోవాలి. ప్రత్యర్థికి తక్కువ సమయంలోనే.. ఎక్కువ లక్ష్యాన్ని ఛేదించేలా ఒత్తిడి పెంచాలి.కనీసం 400- 450 పరుగుల మేర లక్ష్యాన్ని నిర్దేశిస్తేనే ప్రస్తుత పరిస్థితుల్లో మనం ఇంగ్లండ్‌లో టెస్టు మ్యాచ్‌ గెలవగలం. వికెట్‌ను బట్టి ఎప్పటికప్పుడు ఆటను మార్చుకుంటూ ఉండాలి’’ అశ్విన్‌ భారత జట్టుకు సూచించాడు.అద్భుతమైన ఆటగాడు అతడుఇక రిషభ్‌ పంత్‌ తొలి టెస్టులో రెండు శతకాలు బాదడాన్ని ప్రస్తావిస్తూ.. ‘‘విరాట్‌ కోహ్లితో పోల్చగల ఆటగాడు. ఒకవేళ నేనే గనుక హెడ్‌కోచ్‌ గౌతం గంభీర్‌ అయి ఉంటే.. అతడిని పక్కకు తీసుకువెళ్లి.. ‘నువ్వు అద్భుతంగా, అసాధారణ రీతిలో బ్యాటింగ్‌ చేశావు. ఈసారి సెంచరీని డబుల్‌ సెంచరీగా మార్చు.130 పరుగులు చేసినపుడు కూడా నువ్వొక విషయాన్ని గుర్తు పెట్టుకోవాలి. మన లోయర్‌ ఆర్డర్‌ అంతగా బ్యాటింగ్‌ చేయలేదు కాబట్టి.. నువ్వు వీలైనంత ఎక్కువ సేపు క్రీజులో ఉండాలి’ అని చెప్పేవాడిని. వాహ్‌.. ఎంతటి అద్భుతమైన ఆటగాడు అతడు’’ అంటూ అశ్విన్‌ ప్రశంసలు కురిపించాడు. అదే విధంగా.. శతకం బాదిన తర్వాత ఫ్లిప్‌ కొట్టి సెలబ్రేట్‌ చేసుకోవద్దని అశూ ఈ సందర్భంగా పంత్‌కు సూచించాడు. ఐపీఎల్‌ ఆడేటపుడు శరీరం ఎక్కువగా అలసిపోదని.. అప్పుడు జంప్‌ కొట్టినా పర్లేదన్న అశూ.. టెస్టు క్రికెట్‌ అందుకు భిన్నమని సున్నితంగా హెచ్చరించాడు. కాగా ఇంగ్లండ్‌తో ఐదు టెస్టుల సిరీస్‌లో భాగంగా లీడ్స్‌లో జరిగిన తొలి మ్యాచ్‌లో టీమిండియా ఐదు వికెట్ల తేడాతో ఓటమిపాలైంది. ఇరుజట్ల మధ్య బర్మింగ్‌హామ్‌లో జూలై 2-6 రెండో టెస్టు జరుగుతుంది. చదవండి: రింకూ సింగ్‌కు ప్రభుత్వ ఉద్యోగం.. పోస్ట్‌ ఏమిటంటే?!

కొలంబో: శ్రీలంక పర్యటనలో భాగంగా తొలి టెస్టులో భారీ స్కోర్లు చేసిన బంగ్లాదేశ్‌... రెండో మ్యాచ్‌లో అదే జోరు కనబర్చలేకపోయింది. బుధవారం కొలంబో వేదికగా ప్రారంభమైన రెండో టెస్టులో టాస్‌ గెలిచి మొదట బ్యాటింగ్‌ ఎంచుకున్న బంగ్లాదేశ్‌... తొలి రోజు ఆట ముగిసే సమయానికి తొలి ఇన్నింగ్స్‌లో 71 ఓవర్లలో 8 వికెట్లకు 220 పరుగులు చేసింది. ఓపెనర్‌ షాద్‌మన్‌ ఇస్లామ్‌ (93 బంతుల్లో 46; 7 ఫోర్లు) టాప్‌ స్కోరర్‌ కాగా... ముషి్ఫకర్‌ రహీమ్‌ (75 బంతుల్లో 35; 5 ఫోర్లు), లిటన్‌ దాస్‌ (56 బంతుల్లో 34; 3 ఫోర్లు), మెహదీ హసన్‌ మిరాజ్‌ (42 బంతుల్లో 31; 3 ఫోర్లు) తలా కొన్ని పరుగులు చేశారు. వీరంతా మంచి ఆరంభాలను భారీ స్కోర్లుగా మలచలేకపోయారు. క్లిష్టతరమైన పిచ్‌పై పరుగులు రాబట్టేందుకు తడబడుతూ లంక బౌలర్లకు వికెట్లు అప్పగించుకున్నారు. గత మ్యాచ్‌ రెండు ఇన్నింగ్స్‌ల్లోనూ సెంచరీలతో ఆకట్టుకున్న బంగ్లా కెపె్టన్‌ నజు్మల్‌ హసన్‌ షంటో (8) విఫలం కాగా... మరో ఓపెనర్‌ అనాముల్‌ హక్‌ (0) డకౌటయ్యాడు. తైజుల్‌ ఇస్లామ్‌ (9 బ్యాటింగ్‌), ఇబాదత్‌ హుసేన్‌ (5 బ్యాటింగ్‌) క్రీజులో ఉన్నారు. శ్రీలంక బౌలర్లలో అరంగేట్ర స్పిన్నర్‌ సోనాల్‌ దినుశా, అషిత ఫెర్నాండో, విశ్వ ఫెర్నాండో రెండేసి వికెట్లు పడగొట్టారు. గత మ్యాచ్‌తో అంతర్జాతీయ క్రికెట్‌కు వీడ్కోలు పలికిన ఏంజెలో మాథ్యూస్‌ స్థానంలో సోనాల్‌ దినుశా జట్టులో చోటు దక్కించుకున్నాడు. ఇరు జట్ల మధ్య గాలె వేదికగా జరిగిన తొలి టెస్టు ‘డ్రా’గా ముగిసిన విషయం తెలిసిందే.

టీమిండియా హెడ్‌కోచ్‌ గౌతం గంభీర్‌ తీరు (Gautam Gambhir)పై స్టార్‌ బ్యాటర్‌ రిషభ్‌ పంత్‌ (Rishabh Pant) అభిమానులు గుర్రుగా ఉన్నారు. ఇంగ్లండ్‌తో తొలి టెస్టులో అద్భుత శతకాలు బాదిన ఆటగాడిని తక్కువ చేసినట్లు మాట్లాడటం సరికాదని హితవు పలుకుతున్నారు. వేరే వాళ్లను ప్రశంసించడంలో తప్పులేదని.. కానీ అందుకోసం పంత్‌ గురించి అడిగిన ప్రశ్నకు ఇంతలా అసహనం వ్యక్తం చేయడం ఏమిటని ప్రశ్నిస్తున్నారు.విషయం ఏమిటంటే.. టెండుల్కర్‌- ఆండర్సన్‌ ట్రోఫీ (Tendulkar-Anderson Trophy)లో భాగంగా ఐదు టెస్టులు ఆడేందుకు టీమిండియా ఇంగ్లండ్‌ పర్యటనకు వెళ్లింది. ఈ టూర్‌తో భారత టెస్టు జట్టు కెప్టెన్‌గా శుబ్‌మన్‌ గిల్‌ తన ప్రయాణం ఆరంభించాడు. ఇక ఈ సిరీస్‌లో భాగంగా ఇరుజట్ల మధ్య లీడ్స్‌లోని హెడింగ్లీ మైదానంలో తొలి టెస్టు జరిగింది.ఐదు శతకాలుఈ మ్యాచ్‌ తొలి ఇన్నింగ్స్‌లో టీమిండియా మూడు సెంచరీలు చేసింది. ఓపెనర్‌ యశస్వి జైస్వాల్‌ (101)తో పాటు కెప్టెన్‌ గిల్‌ (147), వికెట్‌ కీపర్‌ బ్యాటర్‌ రిషభ్‌ పంత్‌ (134) కూడా శతకాలతో అలరించారు.ఇక రెండో ఇన్నింగ్స్‌లో జైస్వాల్‌ (4), గిల్‌ (8) విఫలం కాగా.. మరో ఓపెనింగ్‌ బ్యాటర్‌ కేఎల్‌ రాహుల్‌ (137), పంత్‌ (118) సెంచరీలు బాది.. జట్టును ఆదుకున్నారు. వీరి అద్భుత ఇన్నింగ్స్‌ కారణంగా టీమిండియా ఇంగ్లండ్‌కు 371 పరుగుల లక్ష్యం విధించగలిగింది.అయితే, ఆఖరి రోజు వరకు ఉత్కంఠ సాగిన ఈ మ్యాచ్‌లో ఇంగ్లండ్‌ ఐదు వికెట్ల తేడాతో విజయం సాధించింది. దీంతో ఐదు శతకాలు బాదినా టీమిండియాకు పరాభవమే మిగిలింది. ఫీల్డింగ్‌, బౌలర్ల వైఫల్యం కారణంగా ఓటమిని చవిచూసింది.ఆ రెండే కాదు.. మరో మూడు ఉన్నాయిఈ నేపథ్యంలో మ్యాచ్‌ అనంతరం భారత జట్టు హెడ్‌కోచ్‌ గౌతం గంభీర్‌ మీడియాతో మాట్లాడాడు. ఈ సందర్భంగా.. పంత్‌ ప్రదర్శన గురించి చెప్పాల్సిందిగా ఓ విలేకరి ప్రశ్నించారు. దీంతో అసహనానికి గురైన గౌతీ.. ‘‘ఈ మ్యాచ్‌లో మనకు మరో మూడో సెంచరీలు కూడా ఉన్నాయి.అవి కూడా అతిపెద్ద సానుకూల అంశాలే. మీరు ఈ ప్రశ్న అడిగినందుకు ధన్యవాదాలు. అయితే, యశస్వి బాదిన 100, కెప్టెన్‌గా అరంగేట్రంలోనే గిల్‌ చేసిన శతకం.. కేఎల్‌ రాహుల్‌ 100 గురించి కూడా మీరు ప్రస్తావించి ఉంటే ఇంకా సంతోషించేవాడిని.వీరు ఒక్కో సెంచరీ చేస్తే రిషభ్‌ పంత్‌ రెండు శతకాలు బాదాడు. ఒక్క టెస్టు మ్యాచ్‌లో ఐదు సెంచరీలు. నిజం చెప్పాలంటే.. ఇదొక గొప్ప ప్రదర్శన. ఏదేమైనా మీ ప్రశ్న ఇంకాస్త బెటర్‌గా ఉండాల్సింది’’ అని కౌంటర్‌ ఇచ్చాడు.అంత అసహనం ఎందుకు?ఈ మేరకు గంభీర్‌ చేసిన వ్యాఖ్యలు నెట్టింట వైరల్‌ కాగా... పంత్‌ ఫ్యాన్స్‌ అతడిపై ఫైర్‌ అవుతున్నారు. ఈ మ్యాచ్‌ సందర్భంగా పంత్‌ సాధించిన రికార్డులను ప్రస్తావిస్తూ గౌతీని విమర్శిస్తున్నారు. కాగా ఒకే టెస్టు మ్యాచ్‌లో రెండు శతకాలు బాదిన రెండో వికెట్‌ కీపర్‌ బ్యాటర్‌గా పంత్‌ చరిత్రకెక్కాడు. అతడి కంటే ముందు ఆండీ ఫ్లవర్‌ ఈ ఘనత సాధించాడు.మరోవైపు.. ఇంగ్లండ్‌లో రెండు ఇన్నింగ్స్‌లోనూ శతక్కొట్టిన ఏడో భారత బ్యాటర్‌గా పంత్‌ నిలిచాడు. అయితే, టీమిండియా ఇంగ్లండ్‌ చేతిలో ఓడటంతో అతడి వీరోచిత ప్రదర్శన వృథాగా పోయింది. ఇరుజట్ల మధ్య జూలై 2- 6 వరకు బర్మింగ్‌హామ్‌ వేదికగా రెండో టెస్టుకు షెడ్యూల్‌ ఖరారైంది. చదవండి: ఏ ఒక్కరినో తప్పుబట్టను.. కెప్టెన్‌ నిర్ణయం ప్రకారమే అలా చేశాం: గంభీర్‌𝘈 𝘚𝘰𝘯𝘨 𝘰𝘧 𝘐𝘤𝘦 & 𝘍𝘪𝘳𝘦 𝘢𝘵 𝘏𝘦𝘢𝘥𝘪𝘯𝘨𝘭𝘦𝘺.🔥❄️@klrahul set the foundation with a composed and elegant century while @RishabhPant17’s quickfire hundred electrified the crowd with an explosive display of fearless strokeplay! 🤩WATCH FULL HIGHLIGHTS OF DAY 4… pic.twitter.com/MQ13EvHIae— Star Sports (@StarSportsIndia) June 23, 2025

ప్రపంచ టెస్టు చాంపియన్‌షిప్‌ (WTC) 2025-27 సైకిల్‌ను టీమిండియా ఓటమితో ఆరంభించింది. టెండుల్కర్‌- ఆండర్సన్‌ ట్రోఫీ (Tendulkar - Andersomn Trophy)లో భాగంగా ఇంగ్లండ్‌తో జరిగిన తొలి టెస్టులో ఐదు వికెట్ల తేడాతో పరాజయం పాలైంది. లీడ్స్‌లోని హెడింగ్లీ మైదానం వేదికగా గిల్‌ సేన ఐదు సెంచరీలు బాదినా ఫలితం లేకుండా పోయింది.ఇద్దరూ విఫలమేఫీల్డింగ్‌, బౌలర్ల వైఫల్యం కారణంగా 371 పరుగుల లక్ష్యాన్ని కాపాడుకోలేక ఆతిథ్య జట్టు చేతిలో ఓడింది. ఈ విజయంతో ఐదు మ్యాచ్‌ల టెస్టు సిరీస్‌లో స్టోక్స్‌ బృందం 1-0తో ఆధిక్యంలోకి వెళ్లింది. ఇక తొలి టెస్టులో విఫలమైన ఆటగాళ్లలో ప్రధానంగా ఇద్దరు బ్యాటర్ల పేర్లు చెప్పవచ్చు.లీడ్స్‌ మ్యాచ్‌ ద్వారా టెస్టుల్లో అరంగేట్రం చేసిన చెన్నై యువ ఆటగాడు సాయి సుదర్శన్‌.. తొలి ఇన్నింగ్స్‌లో నాలుగు బంతులు ఎదుర్కొని డకౌట్‌(0)గా వెనుదిరిగాడు. ఇక రెండో ఇన్నింగ్స్‌లో ఈ లెఫ్టాండర్‌ బ్యాటర్‌.. 48 బంతుల్లో 30 పరుగులు చేయగలిగాడు. ఈ రెండు సందర్భాల్లోనూ అతడు ఇంగ్లండ్‌ సారథి బెన్‌ స్టోక్స్‌కే వికెట్‌ సమర్పించుకున్నాడు.మరోవైపు.. ఎనిమిదేళ్ల తర్వాత పునరాగమనం చేసిన కరుణ్‌ నాయర్‌ (Karun Nair) కూడా పూర్తిగా విఫలమయ్యాడు. తొలి ఇన్నింగ్స్‌లో సాయి మాదిరే డకౌట్‌ అయిన కరుణ్‌.. రెండో ఇన్నింగ్స్‌లో 20 పరుగులు చేయగలిగాడు. ఈ నేపథ్యంలో వీరు తదుపరి టెస్టు ఆడే అవకాశాలు సన్నగిల్లవచ్చని టీమిండియా దిగ్గజం, కామెంటేటర్‌ సునిల్‌ గావస్కర్‌ అభిప్రాయపడ్డాడు.అతడిని తీసు​కోండిఅదే విధంగా.. బౌలింగ్‌ విభాగంలో చేయాల్సిన మార్పుల గురించి కూడా ప్రస్తావిస్తూ.. ‘‘జస్‌ప్రీత్‌ బుమ్రా ఫిట్‌గా ఉన్నాడో లేదో తెలియదు. ఇక తదుపరి మ్యాచ్‌లో కుల్దీప్‌ యాదవ్‌ను తీసుకువస్తే మంచిది. శార్దూల్‌ ఠాకూర్‌ స్థానంలో అతడిని తీసుకుంటే బెటర్‌. బర్మింగ్‌హామ్‌లో పిచ్‌ మణికట్టు స్పిన్నర్లకు కాస్త సహకరిస్తుంది.వారిపై వేటు పడవచ్చుఅందుకే కుల్దీప్‌ వస్తే బాగుంటుంది అంటున్నాను. ఒకవేళ కాలం కలిసి రాకపోతే సాయి సుదర్శన్‌, కరుణ్‌ నాయర్‌లపై వేటు పడే అవకాశం ఉంది. నేనైతే ప్రస్తుతానికి వారిని జట్టు నుంచి తప్పించాలని అనుకోవడం లేదు.ఏదేమైనా స్పిన్‌ బౌలింగ్‌ ఆల్‌రౌండర్‌ వాషింగ్టన్‌ సుందర్‌ను జట్టులోకి తీసుకుంటే.. బ్యాటింగ్‌ లైనప్‌ బలపడుతుంది. బౌలింగ్‌ పరంగానూ కాస్త వైవిధ్యం చేకూరుతుంది’’ అని సోనీ స్పోర్ట్స్‌ నెట్‌వర్క్‌ షోలో గావస్కర్‌ తన అభిప్రాయాలు పంచుకున్నాడు. కాగా ఇంగ్లండ్‌- భారత్‌ మధ్య జూలై 2- 6 మధ్య రెండో టెస్టు జరుగనుంది. బర్మింగ్‌హామ్‌లోని ఎడ్జ్‌బాస్టన్‌ ఇందుకు వేదిక. కాగా ఈ సిరీస్‌లో టీమిండియా ఆతిథ్య జట్టుతో ఐదు టెస్టులు ఆడనుంది.ఇంగ్లండ్‌తో టెస్టులకు భారత జట్టు:యశస్వి జైస్వాల్‌, కేఎల్‌ రాహుల్‌, సాయి సుదర్శన్‌, శుబ్‌మన్‌ గిల్‌ (కెప్టెన్‌), రిషభ్‌ పంత్‌ (వికెట్‌ కీపర్‌), కరుణ్‌ నాయర్‌, రవీంద్ర జడేజా, శార్దూల్‌ ఠాకూర్‌, జస్‌ప్రీత్‌ బుమ్రా, మహ్మద్‌ సిరాజ్‌, ప్రసిద్‌ కృష్ణ, అభిమన్యు ఈశ్వరన్‌, వాషింగ్టన్‌ సుందర్‌, అర్ష్‌దీప్‌ సింగ్‌, కుల్దీప్‌ యాదవ్‌, ధ్రువ్‌ జురెల్‌, నితీశ్‌ కుమార్‌ రెడ్డి, ఆకాశ్‌ దీప్‌, హర్షిత్‌ రాణా. చదవండి: విధ్వంసకర శతకం, మూడు ఫిఫ్టీలు.. ఇంగ్లండ్‌ను చిత్తు చేసిన భారత్‌

టీమిండియా యువ ఓపెనర్‌ యశస్వి జైస్వాల్‌ (Yashavi Jaiswal)పై అభిమానులు ఆగ్రహం వ్యక్తం చేస్తున్నారు. చెత్త ఫీల్డింగ్‌తో జట్టు ఓటమికి కారణమైందే గాకుండా.. డాన్సులు వేస్తావా? అంటూ మండిపడుతున్నారు. కాగా ఐదు టెస్టు మ్యాచ్‌లు ఆడేందుకు టీమిండియా ఇంగ్లండ్‌ (India vs England)లో పర్యటిస్తున్న విషయం తెలిసిందే.ఇందులో భాగంగా లీడ్స్‌ వేదికగా జరిగిన తొలి టెస్టులో భారత జట్టు ఇంగ్లండ్‌ చేతిలో ఓటమిపాలైంది. ఫీల్డింగ్‌, బౌలర్ల వైఫల్యం కారణంగా ఐదు వికెట్ల తేడాతో పరాజయాన్ని చవిచూసింది. ఈ మ్యాచ్‌లో భారత ఆటగాళ్లు మరీ చెత్తగా ఫీల్డింగ్‌ చేశారు.నాలుగు క్యాచ్‌లను జారవిడిచిన జైసూమొత్తంగా ఐదు రోజుల ఆటలో దాదాపు ఎనిమిది క్యాచ్‌లు డ్రాప్‌ చేసి.. ప్రత్యర్థి జట్టు బ్యాటర్లకు లైఫ్‌ ఇచ్చి మూల్యం చెల్లించారు. ఇందులో నాలుగు క్యాచ్‌లను యశస్వి జైస్వాల్‌ జారవిడిచాడు. ఇంగ్లండ్‌ తొలి ఇన్నింగ్స్‌లో జస్‌ప్రీత్‌ బుమ్రా బౌలింగ్‌ కీలక సమయాల్లో బ్యాటర్లు ఇచ్చిన క్యాచ్‌లను నేలపాలు చేసిన జైసూ.. ఆఖరి రోజు ఆటలోనూ బెన్‌ డకెట్‌ (149) క్యాచ్‌ విడిచిపెట్టేశాడు.మహ్మద్‌ సిరాజ్‌ బౌలింగ్‌లో డకెట్.. 97 పరుగుల వ్యక్తిగత స్కోరు వద్ద ఉన్నపుడు క్యాచ్‌ ఇవ్వగా.. జైసూ దానిని జారవిడిచాడు. ఆ ర్వాత డకెట్‌ భారీ సెంచరీ చేసి ఇంగ్లండ్‌ విజయంలో కీలక పాత్ర పోషించాడు. దీంతో ఇప్పటికే జైస్వాల్‌పై అభిమానులు, భారత మాజీ క్రికెటర్లు తీవ్ర స్థాయిలో మండిపడుతున్నారు. ఈ నేపథ్యంలో తాజా ఓ వీడియో సోషల్‌ మీడియాలో వైరల్‌ అవుతోంది.డాన్స్‌ చేసిన జైసూ.. అభిమానులు ఫైర్‌ఇంగ్లండ్‌ విజయానికి చేరువవుతున్న వేళ.. యశస్వి జైస్వాల్‌ బౌండరీ వద్ద ఫీల్డింగ్‌ చేస్తున్న సమయంలో చిన్నగా స్టెప్పులేస్తూ కనిపించాడు. ఇంగ్లండ్‌ అభిమానుల ప్రేక్షకులు చిరునవ్వులు చిందిస్తుండగా.. వారి ముందు జైసూ నవ్వుతూ కాలుకదిపాడు. ఇది చూసిన నెటిజన్లు అతడిపై ఆగ్రహం వ్యక్తం చేస్తున్నారు.‘‘నీకసలు బుద్ధి ఉందా?.. ఏకంగా నాలుగు క్యాచ్‌లు మిస్‌ చేశావు. ప్రత్యర్థి జట్టు గెలుపునకు పరోక్షంగా కారణమయ్యావు. అయినా.. ఏమాత్రం బాధ లేకుండా డాన్స్‌ చేస్తున్నావా?.. ఇప్పుడు గనుక కెప్టెన్‌గా రోహిత్‌ శర్మ మైదానంలో ఉంటే.. చెంప మీద ఒక్కటి ఇచ్చేవాడు’’ అని సోషల్‌ మీడియా వేదికగా కామెంట్లతో విరుచుకుపడుతున్నారు.మరికొందరేమో.. ‘‘విరాట్‌ కోహ్లిని కాపీ కొట్టాలని చూస్తున్నావేమో.. నువ్వెప్పటికీ కింగ్‌వి కాలేవు’’ అంటూ ట్రోల్‌ చేస్తున్నారు. అయితే, జైసూ అభిమానులు మాత్రం అతడికి అండగా నిలుస్తున్నారు. బ్యాటర్‌గా తన వంతు పూర్తి చేసిన ఈ యువ ఆటగాడి పట్ల అంత ద్వేషం పనికిరాదని.. ఇంగ్లండ్‌ గడ్డ మీద తన తొలి మ్యాచ్‌ను అతడు ఆస్వాదించడంలో తప్పేంటని ప్రశ్నిస్తున్నారు.గిల్‌కు చేదు అనుభవంకాగా ఇంగ్లండ్‌తో తొలి టెస్టు మొదటి ఇన్నింగ్స్‌లో జైస్వాల్‌ శతక్కొట్టాడు. మొత్తంగా 159 బంతులు ఎదుర్కొని 16 ఫోర్లు, ఒక సిక్సర్‌ సాయంతో 101 పరుగులు సాధించాడు. అయితే, రెండో ఇన్నింగ్స్‌లో మాత్రం ఈ లెఫ్టాండర్‌ బ్యాటర్‌ విఫలమయ్యాడు. పదకొండు బంతులు ఎదుర్కొని కేవలం నాలుగు పరుగులే చేశాడు. ఇక ఈ మ్యాచ్‌తో భారత టెస్టు జట్టు సారథిగా ప్రస్థానం ఆరంభించిన శుబ్‌మన్‌ గిల్‌కు.. ఓటమి రూపంలో తొలి ప్రయత్నంలోనే భంగపాటు ఎదురైంది.చదవండి: ఏ ఒక్కరినో తప్పుబట్టను.. కెప్టెన్‌ నిర్ణయం ప్రకారమే అలా చేశాం: గంభీర్‌Bro Jaiswal dancing happily after dropping 7 catches in a single match.Helped England to win single-handedly.Goal achieved.#INDvsENG pic.twitter.com/EqjsxuJ5vO— Villager Anuj Tomar (@Da___Engineer) June 24, 2025

ఇంగ్లండ్‌తో తొలి టెస్టులో టీమిండియా స్టార్‌ రవీంద్ర జడేజా (Ravindra Jadeja) ఆట తీరును భారత మాజీ క్రికెటర్‌ దినేశ్‌ కార్తిక్‌ (Dinesh Karthik) విమర్శించాడు. జడ్డూ బౌలింగ్‌ చేసిన విధానం తనను ఆశ్చర్యానికి లోనుచేసిందన్నాడు. అనుభవజ్ఞుడైన అతడు విఫలం కావడం వల్ల జట్టు భారీ మూల్యమే చెల్లించాల్సి వచ్చిందని పేర్కొన్నాడు.కాగా టెండుల్కర్‌- ఆండర్సన్‌ ట్రోఫీ (Tendulkar-Anderson Trophy)లో భాగంగా ఐదు టెస్టులు ఆడేందుకు టీమిండియా ఇంగ్లండ్‌తో పర్యటిస్తోంది. ఈ క్రమంలో ఇరుజట్ల మధ్య శుక్రవారం- మంగళవారం తొలి టెస్టు జరిగింది. లీడ్స్‌లోని హెడింగ్లీ మైదానంలో జరిగిన ఈ మ్యాచ్‌తో భారత టెస్టు జట్టు కెప్టెన్‌గా శుబ్‌మన్‌ గిల్‌ తన ప్రయాణం మొదలుపెట్టాడు.అందరికంటే సీనియర్‌ఇక ఇంగ్లండ్‌కు వెళ్లిన జట్టులో రవీంద్ర జడేజానే అందరికంటే సీనియర్‌. అయితే, తొలి టెస్టులో ఈ స్పిన్‌ బౌలింగ్‌ ఆల్‌రౌండర్‌ నిరాశపరిచాడు. రెండు ఇన్నింగ్స్‌లో కలిపి 36 (11, 25 నాటౌట్‌) పరుగులు చేసిన జడ్డూ.. బౌలింగ్‌లో పూర్తిగా తేలిపోయాడు.ఇంగ్లండ్‌ తొలి ఇన్నింగ్స్‌లో 23 ఓవర్లు బౌలింగ్‌ వేసిన జడ్డూ.. 68 పరుగులు ఇచ్చి ఒక్క వికెట్‌ కూడా తీయలేకపోయాడు. ఇక రెండో ఇన్నింగ్స్‌లోనూ అతడు విఫలం చెందాడు. ముఖ్యంగా ఫలితాన్ని తేల్చే మంగళవారం నాటి ఐదో రోజు ఆటలో భాగంగా జడ్డూ స్థాయికి తగ్గట్లు బౌలింగ్‌ చేయలేకపోయాడు.ముఖ్యంగా ఎడమచేతి వాటం బ్యాటర్ల పని పట్టడంలో ఈ లెఫ్టార్మ్‌ స్పిన్నర్‌ విఫలమయ్యాడు. అతడి బౌలింగ్‌లో ఇంగ్లండ్‌ బ్యాటర్లు తొలి రెండు సెషన్లలో రివర్స్‌ స్వీప్‌ షాట్లతో తేలికగా పరుగులు పిండుకున్నారు. బెన్‌ డకెట్‌ శతకం (149)తో చెలరేగగా.. టీ బ్రేక్‌ తర్వాత పాత బడిన పిచ్‌పై జడ్డూ మ్యాజిక్‌ చేయగలిగాడు. బెన్‌ స్టోక్స్‌ (33)ను ఎట్టకేలకు పెవిలియన్‌కు పంపాడు.అనుభవం ఉండి ఏం లాభం?ఈ విషయంపై భారత మాజీ వికెట్‌ కీపర్‌ బ్యాటర్‌ దినేశ్‌ కార్తిక్‌ స్పందిస్తూ.. ‘‘జడేజా రఫ్‌సైడ్‌ వేయకుండా స్ట్రెయిట్‌గా బౌల్‌ చేశాడు. అది నన్ను ఆశ్చర్యపరిచింది. అన్‌ఈవెన్‌ పిచ్‌పై తన పాత్ర పోషించడంలో విఫలమయ్యాడు.అనుభవం ఉన్న ఆటగాడు అతడు. అయినా.. ఇలా ఎందుకు ఎలా చేశాడో తెలియదు. వైడ్‌ ఆఫ్‌ ది వికెట్‌ వేయాల్సింది. సరైన చోట బంతులు వేయడంలో జడ్డూ విఫలమయ్యాడు’’ అని విమర్శించాడు.కాగా తొలి టెస్టులో ఓటమితో గిల్‌ సేన ఐదు మ్యాచ్‌ల టెస్టు సిరీస్‌లో 0-1తో వెనుకబడింది. ఇక ఇంగ్లండ్‌- భారత్‌ మధ్య జూలై 2- జూలై 6 వరకు బర్మింగ్‌హామ్‌లోని ఎడ్జ్‌బాస్టన్‌ మైదానంలో రెండో టెస్టు నిర్వహించేందుకు షెడ్యూల్‌ ఖరారైంది.భారత్‌ వర్సెస్‌ ఇంగ్లండ్‌ తొలి టెస్టు స్కోర్లుభారత్‌ స్కోర్లు: 471 & 364ఇంగ్లండ్‌ స్కోర్లు: 465 & 373/5ఫలితం: ఐదు వికెట్ల తేడాతో ఇంగ్లండ్‌ చేతిలో భారత జట్టు ఓటమి.చదవండి: ఏ ఒక్కరినో తప్పుబట్టను.. కెప్టెన్‌ నిర్ణయం ప్రకారమే అలా చేశాం: గంభీర్‌#BenDuckett’s brilliant 149 set the tone for England’s highest successful chase at Leeds and their second-highest in Test history.👉 Relive the innings that turned the tide in the 1st Test : https://t.co/MhwlN52U7s#ENGvIND 👉🏻 2nd TEST | WED, 2nd JULY, 2.30 PM on JioHotstar pic.twitter.com/1uRcpT5vRE— Star Sports (@StarSportsIndia) June 24, 2025

ఇంగ్లండ్‌తో టెండుల్కర్‌- ఆండర్సన్‌ ట్రోఫీని టీమిండియా పరాజయంతో ప్రారంభించింది. లీడ్స్‌లో జరిగిన తొలి టెస్టు (Ind vs Eng 1st Test)లో ఐదు వికెట్ల తేడాతో ఓటమిని చవిచూసింది. ఈ మ్యాచ్‌లో టీమిండియా ఆటగాళ్లు ఐదు సెంచరీలు సాధించినప్పటికీ భారత్‌కు చేదు అనుభవమే మిగిలింది.బ్యాటింగ్‌లో లోయర్‌ ఆర్డర్‌ పూర్తిగా విఫలం కావడం.. ఫీల్డర్ల బౌలర్ల వైఫల్యం తీవ్ర ప్రభావం చూపాయి. ఈ నేపథ్యంలో గిల్‌ సేన ప్రదర్శనపై విమర్శలు వెల్లువెత్తుతున్నాయి. ఈ నేపథ్యంలో టీమిండియా హెడ్‌కోచ్‌ గౌతం గంభీర్‌ (Gautam Gambhir)మాత్రం జట్టుకు అండగా నిలిచాడు. ఏ ఒక్కరిని నిందించేందుకు తాను సిద్ధంగా లేనని.. గెలిచినా, ఓడినా ఆటగాళ్లంతా ఒక్కటిగా ఉంటారని పేర్కొన్నాడు.అంతా కలిసి కేవలం తొమ్మిది పరుగులేకాగా ఇంగ్లండ్‌తో తొలి టెస్టులో భారత లోయర్‌ ఆర్డర్‌ (8-11 స్థానాల్లో బ్యాటింగ్‌కు వచ్చినవాళ్లు) అంతా కలిసి కేవలం తొమ్మిది పరుగులే చేసింది. ఈ విషయం గురించి ప్రస్తావన రాగా.. ‘‘కొన్నిసార్లు కొందరు విఫలమవుతారు. నిరాశ కలిగించే విషయమే అయినా మరేం పర్లేదు.అయితే, అందరి కంటే ఎక్కువ సదరు ఆటగాళ్లే ఎక్కువ నిరాశకు లోనవుతారు. ఎందుకంటే వచ్చిన అవకాశాన్ని సద్వినియోగం చేసుకోలేకపోయామని వారికి తెలుసు. ఒకవేళ మొదటి ఇన్నింగ్స్‌లో మేము 570- 580 పరుగులు చేసినట్లయితే మా ఆధిపత్యమే కొనసాగేది.ప్రతి ఒక్కరు నెట్స్‌లో తీవ్రంగా శ్రమించారు. అయితే, అన్నిసార్లూ అనుకున్న ఫలితాన్ని రాబట్టలేకపోవచ్చు. స్పెషలిస్టు బ్యాటర్లు కూడా విఫలమయ్యారు. అంతమాత్రాన ఏ ఒక్కరినో వేరు చేసి నిందించాల్సిన పనిలేదు.ఈ మ్యాచ్‌లో మేము గెలిచే సందర్భాలు కూడా ఎన్నో వచ్చాయి. కానీ దురదృష్టవశాత్తూ పని పూర్తి చేయలేకపోయాం. ఏదేమైనా గెలిచినా, ఓడినా ఒక్కటే. కలిస్తే గెలుస్తాం.. కలిసే ఓడిపోతాం’’ అని గంభీర్‌ మీడియా సమావేశంలో పేర్కొన్నాడు.కెప్టెన్‌ నిర్ణయం ప్రకారమే అలా చేశాంఇక శార్దూల్‌ ఠాకూర్‌ (Shardul Thakur) గురించి ప్రశ్నించగా.. ‘‘అతడిని మేము స్పెషలిస్టు బౌలర్‌గా జట్టులోకి తీసుకోలేదు. బౌలింగ్‌ ఆల్‌రౌండర్‌గానే తీసుకున్నాం. కొన్నిసార్లు కెప్టెన్‌ నిర్ణయంతో ముందుకు వెళ్లాల్సి ఉంటుంది’’ అని గంభీర్‌ చెప్పుకొచ్చాడు. ఈ మ్యాచ్‌లో శార్దూల్‌ రెండు వికెట్లు మాత్రమే తీశాడు. అదే విధంగా.. 1, 4 పరుగులు స్కోర్‌ చేశాడు.కాగా ప్రపంచ టెస్టు చాంపియన్‌షిప్‌ 2025-27 సైకిల్‌ను టీమిండియా ఇంగ్లండ్‌తో సిరీస్‌తో మొదలుపెట్టింది. ఐదు టెస్టులు ఆడేందుకు అక్కడికి వెళ్లిన భారత జట్టు.. హెడింగ్లీ మైదానంలో జరిగిన తొలి మ్యాచ్‌లోనే ఓడిపోయింది. టీమిండియా టెస్టు కెప్టెన్‌గా శుబ్‌మన్‌ గిల్‌ ఈ సిరీస్‌తో తన ప్రయాణం మొదలుపెట్టగా.. ఓటమి కారణంగా నిరాశే ఎదురైంది.ఇక ఈ మ్యాచ్‌లో తొలి ఇన్నింగ్స్‌లో ఓపెనర్‌ యశస్వి జైస్వాల్‌ (101), కెప్టెన్‌ శుబ్‌మన్‌ గిల్‌ (147), వైస్‌ కెప్టెన్‌ రిషభ్‌ పంత్‌ (134) సెంచరీలు బాదారు. ఇక రెండో ఇన్నింగ్స్‌లో ఓపెనర్‌ కేఎల్‌ రాహుల్‌ (137)తో పాటు రిషభ్‌ పంత్‌ (118) శతక్కొట్టాడు.టీమిండియా వర్సెస్‌ ఇంగ్లండ్‌ తొలి టెస్టు స్కోర్లుటీమిండియా: 471 & 364ఇంగ్లండ్‌: 465 & 373/5.చదవండి: వారి వల్లే ఓడిపోయాము.. అందుకు ఇంకా సమయం ఉంది: గిల్‌

వ‌ర‌ల్డ్ టెస్టు ఛాంపియ‌న్‌షిప్ ఫైన‌ల్‌-2025లో ఓట‌మి త‌ర్వాత ఆస్ట్రేలియా తొలి స‌వాల్‌ను ఎదుర్కొనేందుకు సిద్ద‌మైంది. డ‌బ్ల్యూటీసీ సైకిల్ 2025-27లో భాగంగా నేటి నుంచి వెస్టిండీస్‌-ఆసీస్ మ‌ధ్య మూడు టెస్టుల సిరీస్ ప్రారంభం కానుంది. ఈ సిరీస్‌లో భాగంగా తొలి టెస్టు బార్బోడోస్ వేదిక‌గా జ‌ర‌గ‌నుంది.ఈ క్ర‌మంలో మొద‌టి టెస్టు కోసం ఆసీస్‌, విండీస్ త‌మ ప్లేయింగ్ ఎలెవ‌న్‌ను ప్ర‌కటించాయి. ఈ మ్యాచ్‌ ఆరంభానికి ముందు కంగారుల‌కు గ‌ట్టి ఎదురు దెబ్బ త‌గిలింది. స్టీవ్ స్మిత్ చేతి వేలి గాయం కార‌ణంగా తొలి టెస్టుకు దూర‌మ‌య్యాడు.అత‌డి స్దానంలో తుది జ‌ట్టులోకి వికెట్ కీప‌ర్ బ్యాట‌ర్ జోష్ ఇంగ్లిష్ వ‌చ్చాడు. అదేవిధంగా డ‌బ్ల్యూటీసీ ఫైన‌ల్లో ఆసీస్ ఇన్నింగ్స్‌ను ఆరంభించిన మార్న‌స్ ల‌బుషేన్‌ను సెల‌క్ట‌ర్లు ప‌క్క‌న పెట్టారు. ల‌బుషేన్ స్దానంలో సామ్ కాన్‌స్టాస్ ప్లేయింగ్ ఎలెవన్‌లో చోటు ద‌క్కించుకున్నాడు. గతేడాది ఆఖరిలో భారత్‌పై టెస్టు అరంగేట్రం చేసిన కాన్‌స్టాస్‌ తన ప్రదర్శనతో అందరిని ఆకట్టుకున్నాడు. దీంతో అతడికి మళ్లీ టీమ్‌ మెన్‌జ్‌మెంట్‌ మరో అవకాశం కల్పించింది.ఇక ఈ రెండు మార్పులు మిన‌హా డ‌బ్ల్యూటీసీ ఫైన‌ల్లో ఆడినే జ‌ట్టును ఆసీస్ కొన‌సాగించింది. మ‌రోవైపు ఈ సిరీస్ నుంచే స్టార్ ఆల్‌రౌండ‌ర్‌ రోస్ట‌న్ చేజ్ వెస్టిండీస్ టెస్టు కెప్టెన్‌గా త‌న ప్ర‌స్ధానాన్ని ప్రారంభించ‌నున్నాడు. గ‌త నెల‌లో క్రెయిగ్ బ్రాత్‌వైట్ విండీస్ టెస్టు కెప్టెన్సీకి రాజీనామా చేయ‌డంతో చేజ్ ఎంపిక అనివార్య‌మైంది. ఈ మ్యాచ్‌లో విండీస్ న‌లుగురు పేస‌ర్లు, ఒక స్పెష‌లిస్టు స్పిన్న‌ర్‌తో బ‌రిలోకి దిగ‌నుంది.తుది జ‌ట్లువెస్టిండీస్ ప్లేయింగ్‌ ఎలెవన్‌: 1. క్రెయిగ్ బ్రాత్‌వైట్, 2. జాన్ కాంప్‌బెల్, 3. కీసీ కార్టీ, 4. బ్రాండన్ కింగ్, 5. రోస్టన్ చేజ్ (సి), 6. షాయ్ హోప్ (వికెట్ కీపర్), 7. జస్టిన్ గ్రీవ్స్, 8. జోమెల్ వారికన్, 9. అల్జారి జోసెఫ్, 10. షమర్ జోసెఫ్, 11. జేడెన్ సీల్స్ఆస్ట్రేలియా ప్లేయింగ్‌ ఎలెవన్‌: 1. ఉస్మాన్ ఖవాజా, 2. సామ్ కాన్‌స్టాస్, 3. కామెరాన్ గ్రీన్, 4. జోష్ ఇంగ్లిస్, 5. ట్రావిస్ హెడ్, 6. బ్యూ వెబ్‌స్టర్, 7. అలెక్స్ కారీ (వికెట్ కీపర్), 8. పాట్ కమ్మిన్స్ (సి), 9. మిచెల్ స్టార్క్, 10. నాథన్ లియాన్, 11. జోష్ హాజిల్‌వుడ్

Ind vs Eng 1st Test: ఇంగ్లండ్‌ పర్యటనలో టీమిండియాకు ఆరంభంలోనే ఎదురుదెబ్బ తగిలింది. లీడ్స్‌ వేదికగా తొలి టెస్టులో ఆతిథ్య జట్టు చేతిలో గిల్‌ సేన ఐదు వికెట్ల తేడాతో ఓటమిపాలైంది. టెండుల్కర్‌-ఆండర్సన్‌ ట్రోఫీలో భాగంగా ఐదు టెస్టులు ఆడేందుకు భారత జట్టు ఇంగ్లండ్‌కు వెళ్లింది. ఈ క్రమంలో హెడింగ్లీ మైదానంలో శుక్రవారం తొలి టెస్టు మొదలుకాగా.. టాస్‌ గెలిచిన ఇంగ్లండ్‌ తొలుత బౌలింగ్‌ ఎంచుకుంది.తొలి ఇన్నింగ్స్‌లో మూడు శతకాలుబ్యాటింగ్‌కు దిగిన భారత్‌కు ఓపెనర్లు కేఎల్‌ రాహుల్‌ (42), యశస్వి జైస్వాల్‌ (101) శుభారంభం అందించారు. జైసూతో పాటు కెప్టెన్‌ శుబ్‌మన్‌ గిల్‌ (147), వికెట్‌ కీపర్‌ బ్యాటర్‌ రిషభ్‌ పంత్‌ (134) సెంచరీతో చెలరేగారు. ఫలితంగా టీమిండియా తొలి ఇన్నింగ్స్‌లో 471 పరుగులకు ఆలౌట్‌ అయింది.ఇంగ్లండ్‌ బౌలర్లలో జోష్‌ టంగ్‌, కెప్టెన్‌ బెన్‌ స్టోక్స్‌ చెరో నాలుగు వికెట్లు తీయగా.. షోయబ్‌ బషీర్‌, బ్రైడన్‌ కార్స్‌ తలా ఓ వికెట్ తమ ఖాతాలో వేసుకున్నారు. ఈ క్రమంలో తొలి ఇన్నింగ్స్‌ మొదలుపెట్టిన ఆతిథ్య జట్టు.. 465 పరుగులు చేసింది.ఆరు పరుగుల ఆధిక్యంఓపెనర్‌ బెన్‌ డకెట్‌ (62) హాఫ్‌ సెంచరీతో మెరవగా.. వన్‌డౌన్‌ బ్యాటర్‌ ఓలీ పోప్‌ సెంచరీ (106)తో ఆకట్టుకున్నాడు. ఇక మరో కీలక బ్యాటర్‌ హ్యారీ బ్రూక్‌ 99 పరుగులతో అదరగొట్టగా... మిగతా వాళ్లలో వికెట్‌ కీపర్‌ బ్యాటర్‌ జేమీ స్మిత్‌ 40, టెయిలెండర్‌ క్రిస్ వోక్స్‌ 38 పరుగులతో రాణించారు.భారత బౌలర్లలో ప్రధాన పేసర్‌ జస్‌ప్రీత్‌ బుమ్రా ఐదు వికెట్లు కూల్చగా.. మిగిలిన పేసర్లలో ప్రసిద్‌ కృష్ణ మూడు, సిరాజ్‌ రెండు వికెట్లు పడగొట్టారు. ఇక ఇంగ్లండ్‌ తొలి ఇన్నింగ్స్‌లో465 పరుగులకే ఆలౌట్‌ కావడంతో టీమిండియాకు ఆరు పరుగుల స్వల్ప ఆధిక్యం లభించింది.ఆదుకున్న రాహుల్‌, పంత్‌.. కానీఈ క్రమంలో రెండో ఇన్నింగ్స్‌ మొదలుపెట్టిన గిల్‌ సేన శుభారంభం అందుకోలేకపోయింది. ఈసారి ఓపెనర్‌ యశస్వి జైస్వాల్‌ (4) పూర్తిగా విఫలమయ్యాడు. నాలుగో నంబర్‌ బ్యాటర్‌, కెప్టెన్‌ గిల్‌ (8) కూడా నిరాశపరిచాడు. ఇక వన్‌డౌన్‌ బ్యాటర్‌ సాయి సుదర్శన్‌ 30 పరుగులు చేశాడు.ఈ దశలో మరో ఓపెనర్‌ కేఎల్‌ రాహుల్‌ (137), రిషభ్‌ పంత్‌ (118) శతకాలు సాధించి ఇన్నింగ్స్‌ చక్కదిద్దారు. అయితే, ఆ తర్వాత వచ్చిన కరుణ్‌ నాయర్‌ (20) ఎక్కువ సేపు నిలవలేకపోయాడు. శార్దూల్‌ ఠాకూర్‌ (4), సిరాజ్‌ (0), బుమ్రా (0), ప్రసిద్‌ కృష్ణ (0) చేతులెత్తేశారు. రవీంద్ర జడేజా (25 నాటౌట్‌) కాసేపు ఒంటరి పోరాటం చేశాడు. ఈ క్రమంలో 96 ఓవర్లలో 364 పరుగులకు టీమిండియా ఆలౌట్‌ అయింది.శతక్కొట్టిన డకెట్‌ఈ స్కోరుకు తొలి ఇన్నింగ్స్‌ ఆధిక్యం ఆరు పరుగులు కలుపుకొని.. ఇంగ్లండ్‌ లక్ష్యాన్ని 371 పరుగులుగా నిర్దేశించింది గిల్‌ సేన. సోమవారం నాటి నాలుగో రోజు ఆట పూర్తయ్యేసరికి ఇంగ్లండ్‌ వికెట్‌ నష్టపోకుండా 21 పరుగులు చేసింది. ఈ క్రమంలో మంగళవారం ఓవర్‌ నైట్‌ స్కోరు 21/0తో ఆట మొదలుపెట్టిన ఇంగ్లండ్‌ ఆది నుంచే ఆధిపత్యం కనబరిచింది. తొలి సెషన్‌లో వికెట్‌ నష్టపోకుండా ఆడిన స్టోక్స్‌ బృందం.. ఆ తర్వాత వికెట్లు కోల్పోయినా టార్గెట్‌ను పూర్తి చేసింది.ఓపెనర్లలో జాక్‌ క్రాలే అర్ద శతకం (65) చేయగా.. ప్లేయర్‌ ఆఫ్‌ ది మ్యాచ్‌ బెన్‌ డకెట్‌ అద్భుత శతకం (149)తో మెరిశాడు. ఓలీ పోప్‌ (8), హ్యారీ బ్రూక్‌ (0) విఫలమైనా.. జో రూట్‌ (53 నాటౌట్‌), జేమీ స్మిత్‌ (44 నాటౌట్‌) పని పూర్తి చేశారు. ఇక కెప్టెన్‌ స్టోక్స్‌ 33 పరుగులు చేశాడు. భారత బౌలర్లలో జడేజా ఒక వికెట్‌ తీయగా.. ప్రసిద్‌, శార్దూల్‌ ఠాకూర్‌ చెరో రెండు వికెట్లు తీశారు. కాగా, ఈ ఓటమితో కెప్టెన్‌గా గిల్‌కు తొలి ప్రయత్నంలోనే చేదు అనుభవం ఎదురైంది.టీమిండియా వర్సెస్‌ ఇంగ్లండ్‌- తొలి టెస్టు🏏షెడ్యూల్‌: జూన్‌ 20- 24🏏వేదిక: హెడింగ్లీ, లీడ్స్‌🏏టీమిండియా తొలి ఇన్నింగ్స్‌: 471 ఆలౌట్‌🏏ఇంగ్లండ్‌ తొలి ఇన్నింగ్స్‌: 465 ఆలౌట్‌🏏తొలి ఇన్నింగ్స్‌లో టీమిండియాకు ఆరు పరుగుల ఆధిక్యం🏏టీమిండియా రెండో ఇన్నింగ్స్‌: 364 ఆలౌట్‌🏏ఇంగ్లండ్‌ లక్ష్యం: 371🏏ఆఖరిదైన ఐదో రోజు ఆటలో భాగంగా 373 పరుగులు సాధించి లక్ష్యాన్ని ఛేదించిన స్టోక్స్‌ బృందం🏏ఫలితం: ఐదు వికెట్ల తేడాతో టీమిండియాపై ఇంగ్లండ్‌ విజయం

టీమిండియాతో తొలి టెస్టులో ఇంగ్లండ్‌ ఓపెనర్‌ బెన్‌ డకెట్‌ (Ben Duckett) శతక్కొట్టాడు. ఆఖరిదైన ఐదో రోజు ఆటలో భాగంగా రెండో ఇన్నింగ్స్‌లో.. 122 బంతుల్లో వంద పరుగుల మార్కు అందుకున్నాడు. తద్వారా 2010 తర్వాత ఓ టెస్టు మ్యాచ్‌లో ఇంగ్లండ్‌ తరఫున నాలుగో ఇన్నింగ్స్‌లో సెంచరీ చేసిన తొలి ఓపెనింగ్‌ బ్యాటర్‌గా నిలిచాడు.చివరగా 2010లో బంగ్లాదేశ్‌తో మీర్పూర్‌ టెస్టులో అలిస్టర్‌ కుక్‌ ఈ ఘనత సాధించాడు. ఇదిలా ఉంటే.. బెన్‌ డకెట్‌కు టెస్టుల్లో ఇది ఆరో శతకం. నిజానికి.. టీమిండియా ఓపెనర్‌ యశస్వి జైస్వాల్‌ (Yashasvi Jaiswal) ఫీల్డింగ్‌ వైఫల్యం కారణంగానే డకెట్‌ సెంచరీ మార్కు అందుకున్నాడని చెప్పవచ్చు.జైసూ తప్పిదం..ఇంగ్లండ్‌ రెండో ఇన్నింగ్స్‌ 39వ ఓవర్లో భారత పేసర్‌ మహ్మద్‌ సిరాజ్‌ (Mohammed Siraj) బంతితో రంగంలోకి దిగాడు. ఈ క్రమంలో ఐదో ప్రయత్నంలో షార్ట్‌ బంతిని సంధించంగా.. దానిని ఆడే క్రమంలో నియంత్రణ కోల్పోయిన డకెట్‌.. బంతిని గాల్లోకి లేపాడు. టాప్‌ ఎడ్జ్‌ తీసుకున్న బంతి గాల్లో ఉన్న వేళ డీప్‌ బ్యాక్‌వర్డ్‌ స్క్వేర్‌ లెగ్‌ నుంచి పరిగెత్తుకు వచ్చిన జైస్వాల్‌ క్యాచ్‌ అందుకోవడంలో విఫలమయ్యాడు.సిరాజ్‌ ఆగ్రహంఅప్పటికి డకెట్‌ 97 పరుగుల వ్యక్తిగత స్కోరు వద్ద ఉన్నాడు. కొరకరాని కొయ్యగా మారిన అతడిని అవుట్‌ చేసే అవకాశాన్ని జైసూ జారవిడవడంతో సిరాజ్‌ తీవ్ర అసంతృప్తికి లోనయ్యాడు. గాల్లోకి పంచ్‌లు విసురుతూ ఆగ్రహం వెళ్లగక్కాడు. మరోవైపు.. భారత జట్టు హెడ్‌కోచ్‌ గౌతం గంభీర్‌ కూడా అసహనానికి లోనయ్యాడు.కాగా ఇంగ్లండ్‌తో తొలి టెస్టులో జైస్వాల్‌ క్యాచ్‌లు డ్రాప్‌ చేయడం ఇది నాలుగోసారి. తొలి ఇన్నింగ్స్‌లో మూడుసార్లు ఇదే తరహాలో జైసూ కారణంగా ప్రత్యర్థి బ్యాటర్లు అవుటయ్యే ప్రమాదం తప్పించుకున్నారు. క్యాచ్‌ విన్‌ మ్యాచెస్‌ అంటారు కదా! కానీ జైసూ ఇలా కీలక సమయాల్లో పదే పదే క్యాచ్‌లు మిస్‌ చేయడం ఎక్కడికి దారితీస్తుందో చూడాలి! ఒకవేళ వీటి కారణంగా మ్యాచ్‌ ఫలితం గనుక తారుమారైతే జైస్వాల్‌పై విమర్శల జడి కురవడం ఖాయం.వర్షం వల్ల ఆగిన మ్యాచ్‌ఇక బ్యాటర్‌గా మాత్రం ఈ యువ ఓపెనర్‌ లీడ్స్‌ టెస్టులో సత్తా చాటాడు. తొలి ఇన్నింగ్స్‌లో శతకం (101) బాదిన జైసూ.. రెండో ఇన్నింగ్స్‌లో మాత్రం నాలుగు పరుగులకే పెవిలియన్‌ చేరాడు. కాగా భారత్‌ విధించిన 371 పరుగుల లక్ష్యాన్ని ఛేదించే క్రమంలో ఇంగ్లండ్‌ నిలకడైన ఆటతో ముందుకు సాగుతోంది. మంగళవారం నాటి ఆఖరి రోజు ఆటలో 40.5 ఓవర్ల వద్ద వర్షం కారణంగా ఇంగ్లండ్‌ బ్యాటింగ్‌ నిలిచిపోయింది. అప్పటికి ఓపెనర్లు డకెట్‌ 105, జాక్‌ క్రాలే 59 పరుగులతో ఉండగా.. ఇంగ్లండ్‌ వికెట్‌ నష్టపోకుండా 181 పరుగులు చేసింది. విజయానికి భారత్‌ ఇంకా పది వికెట్ల దూరంలో ఉండగా.. ఇంగ్లండ్‌ గెలుపునకు 190 పరుగులు అవసరం.UPDATE: Ind vs Eng 1st Test: ఇంగ్లండ్‌తో తొలి టెస్టులో టీమిండియాకు తప్పని ఓటమిచదవండి: గిల్‌ అసంతృప్తి.. జడ్డూ చర్య వైరల్‌!.. ఆఖరికి మేమే గెలిచాం!

ఇంగ్లండ్‌తో తొలి టెస్టు (Ind vs Eng 1st Test)లో ఐదో రోజు తొలి సెషన్‌లో టీమిండియాకు కలిసిరాలేదు. లీడ్స్‌ (Leeds)లో భారత్‌ విధించిన 371 పరుగుల లక్ష్యాన్ని ఛేదించే క్రమంలో ఆతిథ్య జట్టు నిలకడగా ముందుకు సాగుతోంది. ఓపెనర్లు జాక్‌ క్రాలే, బెన్‌ డకెట్‌ క్రీజులో పాతుకుపోగా.. ఈ జోడీని విడదీసేందుకు భారత బౌలర్లు ఎంతగా ప్రయత్నించినా అనుకున్న ఫలితం రాబట్టలేకపోయారు.లంచ్‌ బ్రేక్‌కు వెళ్లేసరికి ఇలా..దీంతో.. ఓవర్‌ నైట్‌ స్కోరు 21/0తో మంగళవారం నాటి ఐదో రోజు ఆట మొదలుపెట్టిన ఇంగ్లండ్‌.. భోజన విరామ సమయానికి ముప్పై ఓవర్ల ఆట పూర్తి చేసుకుని వికెట్‌ నష్టపోకుండా 117 పరుగులు సాధించింది. లంచ్‌ బ్రేక్‌కు వెళ్లేసరికి జాక్‌ క్రాలే 42, బెన్‌ డకెట్‌ 64 పరుగులతో క్రీజులో ఉన్నారు.శుబ్‌మన్‌ గిల్‌ అసంతృప్తిఇక ఎంతగా ప్రయత్నించినప్పటికీ క్రాలే, డకెట్‌ను అవుట్‌ చేయడం సాధ్యం కాకపోవడంతో భారత శిబిరంలో అసంతృప్తి నెలకొంది. బౌలర్లతో పాటు కెప్టెన్‌ శుబ్‌మన్‌ గిల్‌ కూడా అసంతృప్తికి లోనయ్యాడు. బంతి ఆకారం మారిందని, దానిని మార్చి కొత్త బంతి ఇవ్వాలని ఫీల్డ్‌ అంపైర్లు క్రిస్‌ గఫానీ, పాల్‌ రీఫిల్‌లకు భారత ఆటగాళ్లు కేఎల్‌ రాహుల్‌, సిరాజ్‌ తదితరులు విజ్ఞప్తి చేశారు.కెప్టెన్‌ గిల్‌ కూడా వారి వద్దకు వెళ్లి మర్యాదపూర్వకంగా, నవ్వులు చిందిస్తూ బంతిని మార్చమని అడిగాడు. కానీ అంపైర్లు మాత్రం ఇందుకు అంగీకరించలేదు. అయితే, టీమిండియా పట్టుబట్టడంతో గేజ్‌ టెస్టులో బంతి ఆకారం మారినట్లు తేలింది. దీంతో అంపైర్లు కొత్త బంతి ఇవ్వక తప్పని పరిస్థితి.జడ్డూ చర్య వైరల్‌ఈ నేపథ్యంలో భారత స్పిన్‌ బౌలింగ్‌ ఆల్‌రౌండర్‌ రవీంద్ర జడేజా అంపైర్‌ వద్దకు వెళ్లి.. ‘‘చూశారా.. మేము చెప్పింది నిజం.. ఆఖరికి మాదే విజయం’’ అన్నట్లుగా పిడికిలి మడిచి సెలబ్రేట్‌ చేసుకున్నాడు. ఇందుకు బదులుగా అంపైర్‌ కూడా నవ్వులు చిందించాడు. ఇందుకు సంబంధించిన వీడియో వైరల్‌గా మారింది. ఏదేమైనా ఎట్టకేలకు కొత్త బంతిని తెచ్చుకోవడంలో టీమిండియా సఫలమైంది. ఇక భారమంతా బౌలర్లదే. ఇంగ్లండ్‌ను కట్టడి చేసి జట్టుకు విజయం అందించాల్సిన బాధ్యత వారిదే.ఇదిలా ఉంటే.. ఇంగ్లండ్‌ తొలి ఇన్నింగ్స్‌లో వైస్‌ కెప్టెన్‌ రిషభ్‌ పంత్‌ సైతం బంతిని మార్చమని అంపైర్లను కోరగా.. నిరాశే ఎదురైంది. దీంతో అతడు తన చేతిలో ఉన్న బంతిని నేలకేసి కొట్టగా.. అంతర్జాతీయ క్రికెట్‌ మండలి మందలించింది. ప్రవర్తనా నియమావళిని ఉల్లంఘించినందుకు అతడి ఖాతాలో ఓ డిమెరిట్‌ పాయింట్‌ జతచేసింది.ఇంగ్లండ్‌ వర్సెస్‌ భారత్‌ తొలి టెస్టు🏏షెడ్యూల్‌: జూన్‌ 20- 24🏏వేదిక: హెడింగ్లీ, లీడ్స్‌🏏టాస్‌: ఇంగ్లండ్‌.. తొలుత బౌలింగ్‌🏏భారత్‌ తొలి ఇన్నింగ్స్‌: 471 ఆలౌట్‌🏏ఇంగ్లండ్‌ తొలి ఇన్నింగ్స్‌: 465 ఆలౌట్‌🏏భారత్‌కు ఆరు పరుగుల ఆధిక్యం🏏భారత్‌ రెండో ఇన్నింగ్స్‌: 364 ఆలౌట్‌🏏ఇంగ్లండ్‌ లక్ష్యం: 371🏏నాలుగో రోజు ఆట ముగిసే సరికి ఇంగ్లండ్‌ స్కోరు: 21/0 (6) 🏏ఐదో రోజు భోజన విరామ సమయానికి ఇంగ్లండ్‌ స్కోరు: 117/0.చదవండి: వసీం అక్రం, షేన్‌ వార్న్‌ కాదు!.. నన్ను భయపెట్టింది ఆ బౌలరే: గంగూలీ.@imjadeja is all fired up as the umpire allows #TeamIndia a ball change! 🔄💥Is a breakthrough around the corner? Will the next two sessions bring the wickets India needs? 👀#ENGvIND 1st Test Day 5 LIVE NOW Streaming on JioHotstar 👉 https://t.co/0K41uhrKJ5 pic.twitter.com/qKMYKc6gDl— Star Sports (@StarSportsIndia) June 24, 2025

టీమిండియా- ఇంగ్లండ్‌ మధ్య తొలి టెస్టు (Indv s Eng 1st Test) ఐదో రోజు ఆట సందర్భంగా ఇరుజట్ల ఆటగాళ్లు బ్లాక్‌ ఆర్మ్‌ బ్యాండ్స్‌తో బరిలోకి దిగారు. భారత మాజీ క్రికెటర్‌ దిలీప్‌ దోషి (Dilip Doshi) మరణానికి సంతాపం వ్యక్తం చేస్తూ మౌనం పాటించారు. కాగా భారత్‌కు చెందిన లెఫ్టార్మ్‌ స్పిన్నర్‌ దిలీప్‌ దోషి 77 ఏళ్ల వయసులో లండన్‌ (London)లో కన్నుమూశారు.చారిత్రాత్మక విజయంలో కీలక పాత్రగుండెపోటు కారణంగా ఆయన సోమవారం తుదిశ్వాస విడిచారు. కాగా 1979- 1983 మధ్య కాలంలో దిలీప్‌ దోషి భారత్‌ తరఫున అంతర్జాతీయ క్రికెట్‌ ఆడారు. మెల్‌బోర్న్‌లో ఆస్ట్రేలియాతో జరిగిన టెస్టులో ఐదు వికెట్లు తీసి.. జట్టు చారిత్రాత్మక విజయానికి దోహదం చేశారు.ఇక తన కెరీర్‌లో మొత్తంగా 33 టెస్టు మ్యాచ్‌లు ఆడిన దిలీప్‌ దోషి 114 వికెట్లతో సత్తా చాటారు. అదే విధంగా.. పదిహేను వన్డేలు ఆడి 22 వికెట్లు పడగొట్టారు. దేశవాళీ క్రికెట్‌లో సౌరాష్ట్ర, బెంగాల్‌ క్రికెట్‌ జట్లకు ఆడిన ఆయన.. ఇంగ్లండ్‌ కౌంటీల్లోనూ భాగమయ్యారు. వార్విక్‌షైర్‌, నాటింగ్‌హామ్‌షైర్‌ జట్లకు ప్రాతినిథ్యం వహించారు.అంతర్జాతీయ క్రికెట్‌కు వీడ్కోలు పలికిన తర్వాత లండన్‌లోనే శాశ్వత నివాసం ఏర్పరచుకున్న దిలీప్‌ దోషి.. సోమవారం మరణించారు. ఈ నేపథ్యంలో ఆయన మృతికి సంతాపంగా భారత్‌- ఇంగ్లండ్‌ ఆటగాళ్లు మౌనం పాటించడంతో పాటు.. బ్లాక్‌ ఆర్మ్‌ బ్యాండ్స్‌ ధరించారు.తొలి రోజు.. మూడో రోజు ఆలాకాగా.. టెండుల్కర్‌- ఆండర్సన్‌ ట్రోఫీలో భాగంగా ఇంగ్లండ్‌తో భారత​ జట్టు ఐదు టెస్టులు ఆడనుంది. ఇందులో భాగంగా లీడ్స్‌ వేదికగా శుక్రవారం తొలి టెస్టు మొదలుకాగా.. అహ్మదాబాద్‌ విమాన ప్రమాద మృతులకు సంతాప సూచకంగా తొలి రోజు ఇరుజట్ల ఆటగాళ్లు నల్లటి బ్యాండ్స్‌ భుజానికి కట్టుకుని బరిలోకి దిగారు.అదే విధంగా.. మూడో రోజు ఆటలో భాగంగా ఇంగ్లండ్‌ మాజీ ఫాస్ట్‌ బౌలర్‌ డేవిడ్‌ వాలంటైన్‌ లారెన్స్‌ (61) మృతి పట్ల సంతాపం వ్యక్తం చేశారు. మౌనం పాటించడంతో పాటు నల్ల బ్యాండ్లు ధరించారు. తాజాగా మంగళవారం నాటి ఆఖరిదైన ఐదో రోజు ఆటలోనూ ఇదే తరహాలో నివాళి అర్పించారు.భారత్‌కు 10 వికెట్లు.. ఇంగ్లండ్‌కు 350 రన్స్‌మ్యాచ్‌ విషయానికొస్తే.. హెడింగ్లీ మైదానంలో టాస్ ఓడి తొలుత బ్యాటింగ్‌ చేసిన భారత్‌.. తొలి ఇన్నింగ్స్‌లో 471 పరుగులు చేసింది. ఇందుకు దీటుగా బదులిచ్చిన ఇంగ్లండ్‌ 465 పరుగులకు ఆలౌట్‌ అయింది. ఈ క్రమంలో రెండో ఇన్నింగ్స్‌ మొదలుపెట్టిన టీమిండియా 364 పరుగులు చేయగా.. తొలి ఇన్నింగ్స్‌లో ఆరు పరుగుల ఆధిక్యం కలుపుకొని ఇంగ్లండ్‌కు 371 పరుగుల లక్ష్యాన్ని విధించింది.ఈ క్రమంలో ఆఖరిదైన ఐదో రోజు ఆటలో ఫలితం తేలనుంది. టీమిండియా పది వికెట్లు తీస్తే విజేతగా నిలుస్తుంది. అదే ఇంగ్లండ్‌ తమ ఓవర్‌ నైట్‌ స్కోరు (21/0)తో ఆట మొదలుపెట్టిన ఇంగ్లండ్‌ విజయానికి 350 పరుగుల దూరంలో ఉంది.చదవండి: IND vs ENG: రిషబ్‌ పంత్‌కు భారీ షాకిచ్చిన ఐసీసీ..

టీమిండియా- ఇంగ్లండ్‌ మధ్య తొలి టెస్టు (Ind vs Eng 1st Test) నాలుగో రోజు ఆట సందర్భంగా ఆసక్తికర ఘటన చోటు చేసుకుంది. ఇంగ్లండ్‌ బ్యాటర్‌ హ్యారీ బ్రూక్‌ (Harry Brook).. భారత పేస్‌ బౌలర్‌ ప్రసిద్‌ కృష్ణ (Prasidh Krishna)ను టీజ్‌ చేశాడు. సిక్సర్లు బాదగలవా అంటూ రెచ్చగొట్టాడు.ఇందుకు ప్రసిద్‌ ఏమాత్రం ఆవేశానికి లోనుకాకుండా కూల్‌గా సమాధానమిచ్చాడు. అయితే, ఆ మరుసటి బంతికే ప్రసిద్‌ అవుట్‌ కావడంతో భారత ఇన్నింగ్స్‌కు తెరపడింది.విషయం ఏమిటంటే.. టెండుల్కర్‌- ఆండర్సన్‌ ట్రోఫీలో భాగంగా భారత్‌- ఇంగ్లండ్‌ మధ్య ఐదు టెస్టుల సిరీస్‌ జరుగుతున్న విషయం తెలిసిందే. ఈ క్రమంలో లీడ్స్‌ వేదికగా శుక్రవారం (జూన్‌ 20) తొలి మ్యాచ్‌ ఆరంభం కాగా.. టాస్‌ గెలిచిన ఇంగ్లండ్‌ మొదట బౌలింగ్‌ చేసింది.ఆది నుంచి గిల్‌ సేనదే పైచేయిఈ క్రమంలో బ్యాటింగ్‌కు దిగిన టీమిండియా తొలి ఇన్నింగ్స్‌లో 471 పరుగులకు ఆలౌట్‌ అయింది. యశస్వి జైస్వాల్‌ (101), కెప్టెన్‌ శుబ్‌మన్‌ గిల్‌ (147), రిషభ్‌ పంత్‌ (134) శతకాల కారణంగా ఈ మేర స్కోరు సాధ్యమైంది.ఇక ఇందుకు బదులిచ్చే క్రమంలో ఆతిథ్య ఇంగ్లండ్‌ జట్టు 465 పరుగులకు తమ తొలి ఇన్నింగ్స్‌ ముగించింది. ఫలితంగా ఆరు పరుగుల స్వల్ప ఆధిక్యంతో రెండో ఇన్నింగ్స్‌ మొదలుపెట్టింది టీమిండియా.ఈ క్రమంలో సోమవారం నాటి నాలుగో రోజు ఆటలో భాగంగా.. 96వ ఓవర్‌ వద్ద 364 పరుగులకు భారత్‌ ఆలౌట్‌ అయింది. కేఎల్‌ రాహుల్‌ (137), రిషభ్‌ పంత్‌ (118) శతకాలతో రాణించారు. ఫలితంగా తొలి ఇన్నింగ్స్‌లో ఆరు పరుగుల ఆధిక్యంతో కలిపి.. ఇంగ్లండ్‌కు టీమిండియా 371 పరుగుల లక్ష్యం విధించింది.అయితే, నాలుగో రోజు ఆటలో భారత ఇన్నింగ్స్‌లో 96వ ఓవర్‌ను ఇంగ్లండ్‌ స్పిన్నర్‌ షోయబ్‌ బషీర్‌ వేశాడు. అప్పటికి రవీంద్ర జడేజా, ప్రసిద్‌ కృష్ణ క్రీజులో ఉన్నారు. ఐతే ఐదో బంతిని ఎదుర్కొన్న ప్రసిద్‌.. ఆరో బంతిని ఎదుర్కొనేందుకు సిద్ధంకాగా.. ఫస్ట్‌స్లిప్‌లో ఫీల్డింగ్‌ చేస్తున్న హ్యారీ బ్రూక్‌ అతడిని టీజ్‌ చేశాడు.నువ్వు భారీ సిక్సర్లు బాదగలవా?‘‘నువ్వు భారీ సిక్సర్లు బాదగలవా?’’ అంటూ ప్రసిద్‌ను రెచ్చగొట్టాడు. ఇందుకు.. ‘‘ఒకవేళ నేను అలా చేశానంటే.. అప్పుడు నన్ను బ్రూక్‌ అంటారు’’ అని ప్రసిద్‌ సమాధానమిచ్చాడు. అయితే, ఆరో బంతిని బషీర్‌ ఫుల్‌ అవుట్‌సైడ్‌ ఆఫ్‌ దిశగా సంధించగా.. దానిని ఆడేందుకు ముందుకు వచ్చిన ప్రసిద్‌ బంతిని గాల్లోకి లేపగా.. డీప్‌ మిడ్‌ వికెట్‌ వద్ద జోష్‌ టంగ్‌ క్యాచ్‌ పట్టాడు. దీంతో ప్రసిద్‌ ఇన్నింగ్స్‌తో పాటు టీమిండియా ఇన్నింగ్స్‌ కూడా ముగిసింది.విజేత ఎవరో?కాగా బ్రూక్‌- ప్రసిద్‌ కృష్ణ మాటలు స్టంప్‌ మైకులో రికార్డు కాగా.. సోషల్‌ మీడియాలో ఇందుకు సంబంధించిన వీడియో చక్కర్లు కొడుతోంది. కాగా భారత్‌- ఇంగ్లండ్‌ మధ్య తొలి టెస్టులో ఆఖరిదైన మంగళవారం నాటి ఐదో రోజు ఆటలో భాగంగా విజేత ఎవరో తేలుతుంది. భారత్‌ విజయానికి పది వికెట్లు అవసరం కాగా.. ఇంగ్లండ్‌ గెలుపునకు 350 పరుగుల దూరంలో ఉంది.చదవండి: పంత్ సెంచరీలపై అలా.. కేఎల్‌ రాహుల్‌ శతకంపై ఇలా! గోయెంకా పోస్ట్‌ వైరల్‌ "Can you hit big sixes?" — Harry Brook on the stump mic... and Prasidh goes for it on the very next ball and gets out.Classic Test cricket theatre — brought to you by the mic (and a bit of mischief). 🎭#ENGvIND | 1st Test, Day 5 | TUE, 24th JUNE, 2:30 PM on JioHotstar! pic.twitter.com/Bgwq5D3PiB— Star Sports (@StarSportsIndia) June 24, 2025

టీమిండియా వికెట్‌ కీపర్‌ బ్యాటర్‌ రిషభ్‌ పంత్‌ (Rishabh Pant)పై ప్రముఖ వ్యాపారవేత్త, లక్నో సూపర్‌ జెయింట్స్‌ యజమాని సంజీవ్‌ గోయెంకా (Sanjiv Goenka) ప్రశంసలు కురిపించారు. దూకుడైన ఆటకు మారుపేరంటూ పంత్‌ బ్యాటింగ్‌ తీరును కొనియాడారు. అదే సమయంలో.. భారత ఓపెనింగ్‌ బ్యాటర్‌, లక్నో మాజీ ఆటగాడు కేఎల్‌ రాహుల్‌ను కూడా సంజీవ్‌ గోయెంకా ప్రశంసించడం విశేషం.రెండు ఇన్నింగ్స్‌లోనూ శతకాలుకాగా భారత్‌- ఇంగ్లండ్‌ (Ind vs Eng) మధ్య తొలి టెస్టులో రిషభ్‌ పంత్‌ శతకాలతో అదరగొట్టిన విషయం తెలిసిందే. లీడ్స్‌ వేదికగా తొలి ఇన్నింగ్స్‌లో 178 బంతులు ఎదుర్కొన్న ఈ ఐదో నంబర్‌ బ్యాటర్‌.. 12 ఫోర్లు, ఆరు సిక్సర్‌ సాయంతో.. 75కు పైగా స్ట్రైక్‌రేటుతో 134 పరుగులు సాధించాడు.ఇక రెండో ఇన్నింగ్స్‌లోనూ పంత్‌ దంచికొట్టాడు. 140 బంతుల్లోనే 118 పరుగులు రాబట్టాడు. అతడి ఇన్నింగ్స్‌లో 15 ఫోర్లు, 3 సిక్సర్లు ఉండటం విశేషం. స్ట్రైక్‌రేటు 84.29. తన అద్భుత శతక ఇన్నింగ్స్‌ల ద్వారా టీమిండియా పటిష్ట స్థితిలో నిలవడంలో పంత్‌ కీలక పాత్ర పోషించాడు.అమోఘం.. రాహుల్‌కు కంగ్రాట్స్‌ ఈ నేపథ్యంలో ఐపీఎల్‌ ఫ్రాంఛైజీ లక్నో సూపర్‌ జెయింట్స్‌ యజమాని తమ కెప్టెన్‌ రిషభ్‌ పంత్‌ను ఉద్దేశించి ఆసక్తికర ట్వీట్‌ చేశారు. ‘‘అమోఘం! రెండు వరుస సెంచరీలు.. దూకుడుకు మారుపేరుగా, బెదురులేని.. అద్భుత ఇన్నింగ్స్‌.టెస్టు మ్యాచ్‌లో రెండు ఇన్నింగ్స్‌లో సెంచరీ చేసిన రెండో వికెట్‌ కీపర్‌గా చరిత్ర.. సూపర్‌’’ అంటూ క్లాప్‌ ఎమోజీలు జత చేశారు. అదే సమయంలో మరో శతక వీరుడు కేఎల్‌ రాహుల్‌ పేరును కూడా గోయెంకా ప్రస్తావించడం వైరల్‌గా మారింది. ‘‘సెంచరీ చేసిన కేఎల్‌ రాహుల్‌కు కూడా శుభాకాంక్షలు’’ అని గోయెంకా ట్వీట్‌ చేశారు.కాగా 2022లో ఐపీఎల్‌లో అడుగుపెట్టిన లక్నో జట్టుకు మూడేళ్ల పాటు కేఎల్‌ రాహుల్‌ కెప్టెన్‌గా వ్యవహరించాడు. 2022, 2023లో వరుసగా రెండుసార్లు జట్టును ప్లే ఆఫ్స్‌నకు చేర్చాడు. కానీ 2024లో మాత్రం రాహుల్‌ ఇదే ఫలితాన్ని పునరావృతం చేయలేకపోయాడు.రాహుల్‌పై ఫైర్‌.. ఫ్రాంఛైజీని వీడిన స్టార్‌ఈ నేపథ్యంలో సంజీవ్‌ గోయెంకా మైదానంలో బహిరంగంగా రాహుల్‌పై ఆగ్రహం వ్యక్తం చేశారు. ఇందుకు సంబంధించిన ఫొటోలు విస్తృతంగా వైరల్‌ అయ్యాయి. ఇక ఈ పరిణామం తర్వాత అంటే.. 2025 మెగా వేలానికి ముందు రాహుల్‌ లక్నో ఫ్రాంఛైజీని వీడాడు.అనంతరం ఆక్షన్‌లో భాగంగా లక్నో రికార్డు స్థాయిలో రూ. 27 కోట్లకు రిషభ్‌ పంత్‌ను కొనుగోలు చేసి కెప్టెన్‌గా నియమించింది. అయితే, బ్యాటర్‌, కెప్టెన్‌గా ఈ సీజన్‌లో పంత్‌ పూర్తిగా విఫలమయ్యాడు. పద్నాలుగు మ్యాచ్‌లలో కలిపి పంత్‌ కేవలం 269 పరుగులు చేశాడు. ఇందులో ఓ సెంచరీ ఉండటం చెప్పుకోదగ్గ అంశం.గెలుపునకు పది వికెట్ల దూరంలోఇక పంత్‌ సేన తాజా ఎడిషన్‌లో పద్నాలుగింట ఆరు మాత్రమే గెలిచి పాయింట్ల పట్టికలో ఏడో స్థానానికే పరిమితమైంది. మరోవైపు.. 2025లో ఢిల్లీ క్యాపిటల్స్‌కు ప్రాతినిథ్యం వహించిన కేఎల్‌ రాహుల్‌ పదమూడు మ్యాచ్‌లు ఆడి.. ఓ శతకం సాయంతో 539 పరుగులు సాధించడం విశేషం.ఇక టీమిండియా- ఇంగ్లండ్‌ మధ్య తొలి టెస్టు రసవత్తరంగా మారింది. ఆఖరిదైన ఐదో రోజు ఆటలో విజేత ఎవరన్నది తేలనుంది. భారత బౌలర్లు రాణించి పది వికెట్లు కూలిస్తే.. గిల్‌ సేనకు శుభారంభం లభిస్తుంది. మరోవైపు.. భారత్‌ విధించిన 371 పరుగుల లక్ష్యాన్ని ఛేదించాలంటే ఇంగ్లండ్‌ మంగళవారం 350 పరుగులు చేయాలి. చదవండి: ‘లక్ష్మణ్‌ను కాదని అతడిని తీసుకున్నాం.. నాతో మూడు నెలలు మాట్లాడలేదు’𝘈 𝘚𝘰𝘯𝘨 𝘰𝘧 𝘐𝘤𝘦 & 𝘍𝘪𝘳𝘦 𝘢𝘵 𝘏𝘦𝘢𝘥𝘪𝘯𝘨𝘭𝘦𝘺.🔥❄️@klrahul set the foundation with a composed and elegant century while @RishabhPant17’s quickfire hundred electrified the crowd with an explosive display of fearless strokeplay! 🤩WATCH FULL HIGHLIGHTS OF DAY 4… pic.twitter.com/MQ13EvHIae— Star Sports (@StarSportsIndia) June 23, 2025

ఇంగ్లండ్‌ (Ind vs Eng)తో తొలి టెస్టు రెండో ఇన్నింగ్స్‌లో భారత్‌ ఆచితూచి ఆడుతోంది. ఇప్పటికే ఓపెనర్‌ యశస్వి జైస్వాల్‌ (4), వన్‌డౌన్‌ బ్యాటర్‌ సాయి సుదర్శన్‌ (30), కెప్టెన్‌ శుబ్‌మన్‌ గిల్‌ (8)ల వికెట్లను టీమిండియా కోల్పోయింది. ఇలాంటి క్లిష్ట దశలో ఓపెనర్‌ కేఎల్‌ రాహుల్‌, వికెట్‌ కీపర్‌ బ్యాటర్‌ రిషభ్‌ పంత్‌లపై భారం పడింది.నాలుగో రోజు ఆటలో భాగంగా ఆదిలోనే గిల్‌ అవుట్‌ కావడంతో.. పంత్‌ రాహుల్‌ (KL Rahul)కు జతయ్యాడు. ఇద్దరూ కలిసి భోజన విరామ సమయానికి 61 పరుగుల భాగస్వామ్యం నెలకొల్పారు. ఫలితంగా లంచ్‌ బ్రేక్‌ సమయానికి టీమిండియా మూడు వికెట్ల నష్టానికి 153 పరుగులు చేసింది.ఓవైపు కేఎల్‌ రాహుల్‌ కూల్‌గా తన పని తాను చేసుకుపోతుంటే.. రిషభ్‌ పంత్‌ (Rishabh Pant) మాత్రం తగ్గేదేలే అంటూ దూకుడు ప్రదర్శిస్తున్నాడు. ఈ క్రమంలో ముప్పై మూడవ ఓవర్లో మూడో బంతికి బ్రైడన్‌ కార్స్‌ బౌలింగ్‌లో ఫోర్‌ బాదిన పంత్‌.. అదృష్టవశాత్తూ క్యాచ్‌ అవుట్‌ అవుటయ్యే ప్రమాదం నుంచి తప్పించుకున్నాడు. బ్యాట్‌ ఎడ్జ్‌ను తాకిని బంతి ఫైన్‌-లెగ్‌ రీజన్‌లో గాల్లోకి లేవగా.. వికెట్‌ కీపర్‌, ఫస్ట్‌ స్లిప్‌ క్యాచ్‌ పట్టేందుకు ప్రయత్నం చేసి విఫలమయ్యారు. దీంతో పంత్‌ బతికిపోయాడు.చూసి ఆడు.. నేనేమీ నిర్లక్ష్యఫు షాట్లు ఆడటం లేదుఈ నేపథ్యంలో రాహుల్‌ పంత్‌కు సలహా ఇచ్చాడు. ‘కాస్త చూసి ఆడు.. జాగ్రత్త’ అని హెచ్చరించాడు. అయితే, పంత్‌ ఇందుకు కాస్త దురుసుగానే సమాధానం ఇచ్చినట్లు అనిపించింది. ‘‘నేనేమీ నిర్లక్ష్యఫు షాట్లు ఆడటం లేదు. జాగ్రత్తగానే హిట్టింగ్‌ చేస్తున్నా’’ అని పంత్‌ పేర్కొన్నాడు. స్టంప్‌ మైకులో ఈ మాటలు రికార్డయ్యాయి.స్కోర్‌ చేయలేకపోతున్నాంఆ తర్వాత మరోసారి.. ‘‘బంతి పాతబడిపోయింది. మరీ ఆచితూచి ఆడటం వల్ల స్కోర్‌ చేసే అవకాశాన్ని మిస్‌ అయిపోతున్నాం’’ అని పంత్‌ పేర్కొనడం గమనార్హం. వీరికి సంభాషణను హైలైట్‌ చేస్తూ కామెంటేటర్లు హర్షా భోగ్లే, ఛతేశ్వర్‌ పుజారా నవ్వుకున్నారు. మరోవైపు.. టీమిండియా అభిమానులు రాహుల్‌ కూల్‌గానే పని పూర్తి చేస్తాడని ప్రశంసిస్తూనే.. పంత్‌ కాన్ఫిడెన్స్‌ వేరే లెవల్‌ అంటూ కామెంట్లు చేస్తున్నారు.కాగా సోమవారం నాటి నాలుగో రోజు ఆటలో భాగంగా 54 ఓవర్ల ఆట పూర్తయ్యే సరికి టీమిండియా మూడు వికెట్ల నష్టాననికి 175 పరుగుల వద్ద నిలిచింది. రాహుల్‌ 83, పంత్‌ 41 రన్స్‌తో ఆడుతున్నారు. ఇక 57వ ఓవర్‌ ముగిసే సరికి భారత్‌ 57 ఓవర్లలో 192 పరుగులు చేసింది. పంత్‌ అర్ధ శతకం పూర్తి చేసుకోగా.. రాహుల్‌ సెంచరీకి 15 పరుగుల దూరంలో ఉన్నాడు. ఇద్దరూ కలిసి ఇప్పటికే 100 పరుగుల భాగస్వామ్యం పూర్తి చేసుకున్నారు. ఇక ఐదు మ్యాచ్‌ల టెస్టు సిరీస్‌లో భాగంగా టీమిండియా ఇంగ్లండ్‌తో లీడ్స్‌ వేదికగా శుక్రవారం తొలి టెస్టు ఆరంభించింది. టాస్‌ ఓడి తొలుత బ్యాటింగ్‌ చేసిన గిల్‌ సేన.. మొదటి ఇన్నింగ్స్‌లో 471 పరుగులు చేసింది. ఇందుకు దీటుగా బదులిచ్చిన ఇంగ్లండ్‌ 465 పరుగులు సాధించింది. ఈ క్రమంలో ఆరు పరుగుల స్వల్ప ఆధిక్యంతో రెండో ఇన్నింగ్స్‌ మొదలుపెట్టిన టీమిండియా మెరుగ్గా ఆడి.. మంచి స్కోరు నమోదు చేస్తేనే ఆతిథ్య జట్టుకు సవాల్‌ విసరగలదు.UPDATE: Ind vs Eng 1st Test: శతక్కొట్టిన కేఎల్‌ రాహుల్‌చదవండి: ‘లక్ష్మణ్‌ను కాదని అతడిని తీసుకున్నాం.. నాతో మూడు నెలలు మాట్లాడలేదు’Give us a day full of stump mic Pant, we won't complain! 🎙️ 🤭 #SonySportsNetwork #GroundTumharaJeetHamari #ENGvIND #NayaIndia #DhaakadIndia #TeamIndia | @RishabhPant17 pic.twitter.com/51XLsNwqu9— Sony Sports Network (@SonySportsNetwk) June 23, 2025

ఇంగ్లండ్‌తో తొలి టెస్టులో టీమిండియా ప్రధాన పేసర్‌ జస్‌ప్రీత్‌ బుమ్రా (Jasprit Bumrah) అదరగొడుతున్నాడు. లీడ్స్‌ వేదికగా ఆతిథ్య జట్టు మొదటి ఇన్నింగ్స్‌లో ఈ పేస్‌ గుర్రం ఐదు వికెట్లతో చెలరేగాడు. తద్వారా స్టోక్స్‌ బృందాన్ని 465 పరుగులకు కట్టడి చేయడంలో కీలక పాత్ర పోషించాడు. మరోసారి బౌలింగ్‌ విభాగం భారమంతా తన భుజాలపైనే వేసుకుని ముందుకు నడిపించాడు.అయితే, మిగతా బౌలర్ల నుంచి బుమ్రాకు అంతగా సహకారం లభించలేదు. మరోవైపు.. ఫీల్డర్ల తప్పిదాల కారణంగా బుమ్రా బౌలింగ్‌లో ఇంగ్లండ్‌ బ్యాటర్లు ఇచ్చిన దాదాపు ఐదు క్యాచ్‌లు నేలపాలయ్యాయి. శనివారం నాటి రెండో రోజు ఆటలో మూడు.. ఆదివారం నాటి మూడో రోజు ఆటలో రెండు క్యాచ్‌లను భారత ఫీల్డర్లు జారవిడిచారు.క్యాచ్‌లు నేలపాలు చేసిన జైసూ, జడ్డూముఖ్యంగా యువ ఆటగాడు యశస్వి జైస్వాల్‌ (Yashasvi Jaiswal) బుమ్రా బౌలింగ్‌లో ఇంగ్లండ్‌ ఓపెనర్‌ బెన్‌ డకెట్‌ (62), వన్‌డౌన్‌ బ్యాటర్‌, శతక వీరుడు ఓలీ పోప్‌ (106), మరో కీలక బ్యాటర్‌ హ్యారీ బ్రూక్‌ (99) ఇచ్చిన క్యాచ్‌లను నేలపాలు చేశాడు. మరోవైపు.. రవీంద్ర జడేజా (Ravindra Jadeja) కూడా బుమ్రా బౌలింగ్‌లో డకెట్‌ క్యాచ్‌ను జారవిడిచాడు. ఇదిలా ఉంటే.. బ్రూక్‌ను బుమ్రా డకౌట్‌ చేశాడని భావించగా.. అది నో బాల్‌గా తేలడం.. ఆ తర్వాత బ్రూక్‌ శతకానికి సమీపించడం జరిగాయి. ఈ నేపథ్యంలో టీమిండియా బ్యాటింగ్‌ దిగ్గజం సచిన్‌ టెండుల్కర్‌ జస్‌‍ప్రీత్‌ బుమ్రాను ప్రశంసిస్తూనే.. భారత ఫీల్డర్ల వైఫల్యాన్ని విమర్శిస్తూ ట్వీట్‌ చేశాడు. జైస్వాల్‌, జడ్డూలపై సచిన్‌ ఫైర్‌!‘‘బుమ్రాకు శుభాకాంక్షలు!.. ఒక నో బాల్‌.. మూడు జారవిడిచిన క్యాచ్‌లు నీకూ.. తొమ్మిది వికెట్లకు మధ్య అడ్డుగోడలా నిలిచాయి’’ అని పేర్కొన్నాడు.జైసూ, జడ్డూ ఫీల్డింగ్‌ తప్పిదాలతో, బ్రుక్‌కు వేసిన బంతి నో బాల్‌గా తేలనట్లయితే బుమ్రా ఖాతాలో మరో నాలుగు వికెట్లు చేరేవని.. తద్వారా అతడు తొమ్మిది వికెట్లు తీసేవాడని సచిన్‌ టెండుల్కర్‌ పరోక్షంగా వ్యాఖ్యానించాడు. ఎవరి వికెట్లు తీశాడంటే?కాగా ఇంగ్లండ్‌ ఇన్నింగ్స్‌లో బుమ్రా 24.4 ఓవర్ల బౌలింగ్‌లో 83 పరుగులు (3.40 ఎకానమీ) ఇచ్చి ఐదు వికెట్లు కూల్చాడు. ఇందులో నాలుగు నో బాల్స్‌ ఉన్నాయి. ఇక ఇంగ్లండ్‌ బ్యాటర్లలో బుమ్రా.. జాక్‌ క్రాలే (4), బెన్‌ డకెట్‌ (62), జో రూట్‌ (28), క్రిస్‌ వోక్స్‌(38), జోష్‌ టంగ్‌ (11) వికెట్లు పడగొట్టాడు. ఇందులో డకెట్‌తో పాటు.. వోక్స్‌, టంగ్‌లను బుమ్రా బౌల్డ్‌ చేశాడు.ఇక భారత్‌- ఇంగ్లండ్‌ మధ్య టెస్టు సిరీస్‌ను గతంలో పటౌడీ ట్రోఫీ అని పిలిచేవారన్న విషయం తెలిసిందే. అయితే, తాజా సిరీస్‌ నుంచి దీనికి టెండుల్కర్‌-ఆండర్సన్‌ ట్రోఫీగా నామకరణం చేసింది ఇంగ్లండ్‌ క్రికెట్‌ బోర్డు. ఇందులో భాగంగా ఇరుజట్ల మధ్య ఐదు టెస్టులు జరుగనున్నాయి. ప్రపంచ టెస్టు చాంపియన్‌షిప్‌ 2025-27 సైకిల్‌లో టీమిండియా- ఇంగ్లండ్‌కు ఇదే తొలి సిరీస్‌ కావడం గమనార్హం. ఇక ఈ సిరీస్‌తోనే భారత టెస్టు జట్టు కొత్త కెప్టెన్‌గా శుబ్‌మన్‌ గిల్‌ తన ప్రయాణం ఆరంభించాడు.భారత్‌ వర్సెస్‌ ఇంగ్లండ్‌ తొలి టెస్టు (జూన్‌ 20-24)🏏వేదిక: హెడింగ్లీ, లీడ్స్‌🏏టాస్‌: ఇంగ్లండ్‌.. తొలుత బౌలింగ్‌🏏టీమిండియా తొలి ఇన్నింగ్స్‌: 471 ఆలౌట్‌ (జైస్వాల్‌ (101), గిల్‌ (147), రిషభ్‌ పంత్‌ (134) శతకాలు)🏏ఇంగ్లండ్‌ తొలి ఇన్నింగ్స్‌: 465 ఆలౌట్‌ (ఓలీ పోప్‌ (106) శతకం)🏏ఆదివారం నాటి మూడో రోజు ఆట ముగిసేసరికి: టీమిండియా స్కోరు: 90/2 (23.5).. 96 పరుగుల ఆధిక్యం.చదవండి: అతడిపై నమ్మకం లేనపుడు.. ఎందుకు ఎంపిక చేశారు?: భారత మాజీ క్రికెటర్‌ Congratulations Bumrah!A no-ball and 3 missed chances stood between you and 𝙣𝙖𝙪 wickets. 🤪 pic.twitter.com/09rJNI9KP0— Sachin Tendulkar (@sachin_rt) June 22, 2025

టీమిండియా నాయకత్వ బృందం తీరుపై భారత మాజీ క్రికెటర్‌, కామెంటేటర్‌ ఆకాశ్‌ చోప్రా (Aakash Chopra)విమర్శలు గుప్పించాడు. ఇంగ్లండ్‌తో తొలి టెస్టులో శార్దూల్‌ ఠాకూర్‌ (Sahrdul Thakur) పట్ల యాజమాన్యం వ్యవహరించిన తీరు సరికాదన్నాడు. అతడి సేవలను పూర్తి స్థాయిలో ఉపయోగించుకోనపుడు తుది జట్టులోకి ఎందుకు తీసుకున్నారని ప్రశ్నించాడు.మొదటి ఇన్నింగ్స్‌లో 471 పరుగులుకాగా టెండుల్కర్‌-ఆండర్సన్‌ ట్రోఫీ (Tedulkar-Anderson Trophy)లో భాగంగా ఐదు టెస్టులు ఆడేందుకు భారత జట్టు ఇంగ్లండ్‌లో పర్యటిస్తోంది. ఈ క్రమంలో ఇరుజట్ల మధ్య లీడ్స్‌ వేదికగా శుక్రవారం తొలి టెస్టు మొదలైంది. హెడింగ్లీ మైదానంలో టాస్‌ ఓడి తొలుత బ్యాటింగ్‌ చేసిన టీమిండియా.. మొదటి ఇన్నింగ్స్‌లో 471 పరుగులు చేసి ఆలౌట్‌ అయింది.భారత బ్యాటర్లలో ఓపెనర్‌ యశస్వి జైస్వాల్‌ (101), కెప్టెన్‌ శుబ్‌మన్‌ గిల్‌ (147), వికెట్‌ కీపర్‌ బ్యాటర్‌ రిషభ్‌ పంత్‌ (134) శతకాలతో రాణించారు. ఈ క్రమంలో ఆతిథ్య ఇంగ్లండ్‌ సైతం భారత్‌కు దీటుగా బదులిచ్చింది. తొలి ఇన్నింగ్స్‌లో 465 పరుగులు సాధించింది.బుమ్రాకు ఐదు వికెట్లుఓపెనర్‌ బెన్‌ డకెట్‌ హాఫ్‌ సెంచరీ(62) చేయగా.. వన్‌డౌన్‌ బ్యాటర్‌ ఓలీ పోప్‌ (106) శతక్కొట్టాడు. మిగతా వాళ్లలో హ్యారీ బ్రూక్‌ (99) రాణించాడు. ఇక ఇంగ్లండ్‌ మొదటి ఇన్నింగ్స్‌లో ప్రధాన పేసర్‌ జస్‌ప్రీత్‌ బుమ్రా 24.4 ఓవర్లు బౌల్‌ చేసి ఐదు వికెట్లతో చెలరేగగా.. ప్రసిద్‌ కృష్ణ 20 ఓవర్లు వేసి మూడు, మహ్మద్‌ సిరాజ్‌ 27 ఓవర్లు బౌల్‌ చేసి రెండు వికెట్లు దక్కించుకున్నారు.ఇక స్పిన్‌ బౌలింగ్‌ ఆల్‌రౌండర్‌ రవీంద్ర జడేజా 23 ఓవర్లు బౌలింగ్‌ చేసినా వికెట్‌ తీయలేకపోయాడు. అయితే, ఈ ఇన్నింగ్స్‌లో సీమ్‌ బౌలింగ్‌ ఆల్‌రౌండర్‌ శార్దూల్‌ ఠాకూర్‌కు మాత్రం కేవలం ఆరు ఓవర్లు మాత్రమే బౌలింగ్‌ చేసే అవకాశం లభించింది. కేవలం ఆరు ఓవర్లలోనే అతడు 38 పరుగులు సమర్పించుకున్నాడు. ఆ తర్వాత కెప్టెన్‌ శుబ్‌మన్‌ గిల్‌ మళీ శార్దూల్‌ చేతికి బంతిని ఇవ్వలేదు.నమ్మకం లేనపుడు జట్టులో ఎందుకు?ఈ విషయం గురించి మాజీ ఓపెనర్‌ ఆకాశ్‌ చోప్రా స్పందిస్తూ.. గిల్‌ తీరును ప్రశ్నించాడు. ‘‘శార్దూల్‌ ఠాకూర్‌ సేవలను పూర్తి స్థాయిలో ఎందుకు వినియోగించుకోలేదు. అతడిని తుదిజట్టుకు ఎంపిక చేశారు. కొన్ని ఓవర్లు బౌలింగ్‌ చేసే అవకాశం ఇచ్చారు.అయితే, అతడు ధారాళంగానే పరుగులు సమర్పించుకున్నాడు. అయినప్పటికీ అతడికి లాంగ్‌ స్పెల్స్‌ వేసే అవకాశం ఇచ్చి ఉంటే బాగుండేది. జట్టులోని ప్రతి బౌలర్‌ దాదాపు 20 ఓవర్లకు పైగానే బౌల్‌ చేశారు. కానీ శార్దూల్‌ మాత్రం సింగిల్‌ డిజిట్‌ వద్దే ఆగిపోయాడు.మొదటిసారి, రెండోసారి కొత్త బంతి పాతబడిన తర్వాత కూడా అతడికి ఛాన్స్‌ రాలేదు. నాయకత్వ బృందం అతడిపై నమ్మకం ఉంచలేదు. మరి అలాంటపుడు అతడిని ఎందుకు ఎంపిక చేసినట్లు?’’ అని ఆకాశ్‌ చోప్రా టీమిండియా యాజమాన్యం తీరును విమర్శించాడు.కాగా ఓవరల్‌గా 100.4 ఓవర్లు బౌలింగ్‌ చేసి.. మూడోరోజు ఆటలో భాగంగా 465 పరుగులకు ఇంగ్లండ్‌ను ఆలౌట్‌ చేసింది. అనంతరం.. ఆరు పరుగుల స్వల్ప ఆధిక్యంతో రెండో ఇన్నింగ్స్‌ మొదలుపెట్టిన గిల్‌ సేన.. ఆదివారం నాటి ఆట పూర్తయ్యేసరికి 23.5 ఓవర్లలో రెండు వికెట్ల నష్టానికి 90 పరుగులు చేసింది.ఇంగ్లండ్‌తో తొలి టెస్టుకు భారత తుదిజట్టుయశస్వి జైస్వాల్‌, కేఎల్‌ రాహుల్‌, సాయి సుదర్శన్‌, శుబ్‌మన్‌ గిల్‌ (కెప్టెన్‌), రిషభ్‌ పంత్‌ (వికెట్‌ కీపర్‌), కరుణ్‌ నాయర్‌, రవీంద్ర జడేజా, శార్దూల్‌ ఠాకూర్‌, జస్‌ప్రీత్‌ బుమ్రా, మహ్మద్‌ సిరాజ్‌, ప్రసిద్‌ కృష్ణ.చదవండి: IND vs ENG: దిగ్గ‌జ క్రికెట‌ర్ క‌న్నుమూత‌.. నివాళులర్పించిన ఇంగ్లండ్‌-భార‌త్ ఆట‌గాళ్లు

India vs England 1st Test Day 3 Report: టీమిండియా- ఇంగ్లండ్‌ మధ్య తొలి టెస్టు మూడో రోజు ఆటకు వర్షం ఆటంకం కలిగించింది. దీంతో నిర్ణీత సమయం కంటే కాస్త ముందుగానే అంపైర్లు ఆటను నిలిపివేశారు. ఆదివారం నాటి మూడో రోజు ఆట పూర్తయ్యేసరికి భారత్‌ 23.5 ఓవర్లు ఆడి రెండు వికెట్ల నష్టానికి 90 పరుగులు చేసింది. అంతకు ముందు ఇంగ్లండ్‌ 465 పరుగులకు ఆలౌట్‌ అయింది. ఫలితంగా.. తొలి ఇన్నింగ్స్‌ ఆధిక్యం కలుపుకొని‌ ప్రస్తుతం టీమిండియా ఇంగ్లండ్‌ కంటే 96 పరుగుల ఆధిక్యంలో ఉంది.కాగా భారత్‌- ఇంగ్లండ్‌ మధ్య ఐదు మ్యాచ్‌ల టెస్టు సిరీస్‌లో భాగంగా శుక్రవారం మొదటి టెస్టు ఆరంభమైన విషయం తెలిసిందే. లీడ్స్‌లోని హెడింగ్లీ మైదానంలో జరుగుతున్న ఈ మ్యాచ్‌లో టాస్‌ గెలిచిన ఆతిథ్య ఇంగ్లండ్‌ తొలుత బౌలింగ్‌ ఎంచుకోగా.. గిల్‌ సేన తొలి ఇన్నింగ్స్‌లో 471 పరుగులకు ఆలౌట్‌ అయింది.భారత తొలి ఇన్నింగ్స్‌లో ఓపెనర్‌ యశస్వి జైస్వాల్‌ (101), కెప్టెన్‌ శుబ్‌మన్‌ గిల్‌ (147)లతో పాటు.. వికెట్‌ కీపర్‌ బ్యాటర్‌ రిషభ్‌ పంత్‌ (134) సెంచరీతో చెలరేగాడు. మిగతా వారిలో ఓపెనర్‌ కేఎల్‌ రాహుల్‌ (42) ఒక్కడే చెప్పుకోదగ్గ స్కోరు చేశాడు. ఇంగ్లండ్‌ బౌలర్లలో జోష్‌ టంగ్‌, కెప్టెన్‌ బెన్‌ స్టోక్స్‌ నాలుగేసి వికెట్లు కూల్చగా.. షోయబ్‌ బషీర్‌, బ్రైడన్‌ కార్స్‌ ఒక్కో వికెట్‌ తీశారు.ఈ క్రమంలో బ్యాటింగ్‌కు దిగిన ఇంగ్లండ్‌ టీమిండియాకు దీటుగా బదులిచ్చింది. ఓపెనర్‌ బెన్‌ డకెట్‌ (62) అర్ధ శతకంతో రాణించగా.. ఓలీ పోప్‌ (106) శతక్కొట్టాడు. మరోవైపు.. హ్యారీ బ్రూక్‌ 99 పరుగులతో రాణించాడు. మిగతా వాళ్లలో జేమీ స్మిత్‌ 40, క్రిస్ వోక్స్‌ 38 పరుగులతో ఆకట్టుకున్నారు. ఫలితంగా ఇంగ్లండ్‌ మొదటి ఇన్నింగ్స్‌లో 465 పరుగులు చేసింది.భారత బౌలర్లలో జస్‌ప్రీత్‌ బుమ్రా ఐదు వికెట్లతో చెలరేగగా.. ప్రసిద్‌ కృష్ణ మూడు, సిరాజ్‌ రెండు వికెట్లు దక్కించుకున్నారు. ఈ క్రమంలో ఆరు పరుగుల స్వల్ప ఆధిక్యంతో రెండో ఇన్నింగ్స్‌ మొదలుపెట్టిన టీమిండియా మూడో రోజు ఆట ముగిసే సరికి మొత్తంగా 96 పరుగుల లీడ్‌లో ఉంది. ఓపెనర్‌ యశస్వి జైస్వాల్‌ (4) ఈసారి నిరాశపరచగా.. వన్‌డౌన్‌ బ్యాటర్‌ సాయి సుదర్శన్‌ 30 పరుగులు చేశాడు. ఓపెనర్‌ కేఎల్‌ రాహుల్‌ 47, కెప్టెన్‌ గిల్‌ 6 పరుగులతో క్రీజులో ఉన్నారు.‌

గాలే వేదిక‌గా శ్రీలంక‌-బంగ్లాదేశ్ మ‌ధ్య జ‌రిగిన తొలి టెస్టు సంద‌ర్భంగా ఓ విచిత్ర‌క‌ర సంఘ‌ట‌న చోటు చేసుకుంది. ఐదో రోజు ఆట‌లో పాములు పట్టే వ్య‌క్తి ప్ర‌త్యేక ఆక‌ర్ష‌ణ‌గా నిలిచాడు. స్నేక్ క్యాచ‌ర్ రెండు పాముల‌ను తీసుకొచ్చి ప్ర‌శాంతంగా నేలపై కూర్చుని మ్యాచ్‌ను వీక్షించాడు. అత‌డి వ‌ద్ద పాముల‌తో పాటు ఓ కోతి కూడా ఉంది. ఇది చూసిన మిగితా ప్రేక్ష‌కులు ఆశ్చర్య‌పోయారు. ఇందుకు సంబంధించిన ఫోటో సోష‌ల్ మీడియాలో వైర‌ల‌వుతోంది.తొలి టెస్టు డ్రా.. ఇక మ్యాచ్ విష‌యానికి వ‌స్తే.. బంగ్లా, శ్రీలంక మ‌ధ్య జ‌రిగిన తొలి టెస్టు డ్రాగా ముగిసింది. మొద‌టి ఇన్నింగ్స్‌లో ప‌ర్యాట‌క బంగ్లాదేశ్ జ‌ట్టు 495 ప‌రుగుల‌ భారీ స్కోర్ సాధించింది. కెప్టెన్ న‌జ్ముల్ హుస్సేన్ షాంటో(148), ముష్ఫికర్ ర‌హీం(163) అద్బుత‌మైన సెంచ‌రీల‌తో చెల‌రేగ‌గా.. లిట్టన్ దాస్ 90 పరుగులతో రాణించాడు.అనంత‌రం శ్రీలంక కూడా బంగ్లాకు ధీటుగా బ‌దులిచ్చింది. శ్రీలంక త‌మ తొలి ఇన్నింగ్స్‌లో 485 ప‌రుగుల భారీ చేసింది. లంక బ్యాట‌ర్ల‌లో ఓపెన‌ర్ పాథుమ్ నిస్సాంక‌(187) భారీ శ‌తకం సాధించ‌గా.. చండీమ‌ల్‌(54), కుమిందు మెండిస్‌(87) రాణించారు. అనంత‌రం బంగ్లా జ‌ట్టు త‌మ రెండో ఇన్నింగ్స్‌ను 285-6 వ‌ద్ద డిక్లేర్ చేసింది.దీంతో తొలి ఇన్నింగ్స్‌లో ల‌భించిన ఆధిక్యాన్ని జోడించి ప్ర‌త్య‌ర్ధి ముందు 296 ప‌రుగుల ల‌క్ష్యాన్ని బంగ్లా జ‌ట్టు ఉంచింది. ఆఖ‌రి రోజు ఆట ముగిసే స‌మ‌యానికి శ్రీలంక 4 వికెట్లు కోల్పోయి 72 ప‌రుగులు చేసింది. దాంతో మ్యాచ్ డ్రాగా ముగిసింది. View this post on Instagram A post shared by Mufaddal Vohra (@mufastweet)

లీడ్స్ వేదికగా ఇంగ్లండ్‌తో జరుగుతున్న తొలి టెస్టులో భారత బ్యాటర్లు జూలు విదిల్చారు. మొదటి ఇన్నింగ్స్‌లో టీమిండియా 471 పరుగుల భారీ స్కోర్ సాధించింది. 359/3 ఓవర్‌నైట్‌ స్కోర్‌తో రెండో రోజు ఆటను ప్రారంభించిన గిల్‌ సేన. అదనంగా 112 పరుగులు జోడించి తమ ఇన్నింగ్స్‌ను ముగించింది.రెండో రోజు ఆటలో టీమిండియా బ్యాటర్లు మెరుగ్గా రాణించలేకపోయారు. భారత బ్యాటర్లలో కెప్టెన్‌ శుబ్‌మ‌న్ గిల్ (147, 227 బంతుల్లో 19 ఫోర్లు, 1 సిక్స్‌), రిష‌బ్ పంత్ (134, 178 బంతుల్లో 12 ఫోర్లు, 6 సిక్స‌ర్లు), య‌శ‌స్వి జైస్వాల్ (101 159 బంతుల్లో 16 ఫోర్లు, 1 సిక్స్‌) సెంచ‌రీల‌తో చెల‌రేగారు.సుద‌ర్శ‌న్‌, క‌రుణ్ నాయ‌ర్ అట్ట‌ర్ ప్లాప్‌.. ఇక ఈ మ్యాచ్‌లో భార‌త త‌ర‌పున అరంగేట్రం చేసిన సాయిసుద‌ర్శ‌న్ తీవ్ర నిరాశ‌ప‌రిచాడు. మొద‌టి ఇన్నింగ్స్‌లో డ‌కౌట్‌గా వెనుదిరిగాడు. అత‌డితో పాటు తొమ్మిదేళ్ల త‌ర్వాత భార‌త టెస్టు జ‌ట్టులోకి వ‌చ్చిన క‌రుణ్ నాయ‌ర్ సైతం ఖాతా తెర‌వ‌కుండా పెవిలియ‌న్‌కు చేరాడు. ఇంగ్లండ్ బౌల‌ర్ల‌లో కెప్టెన్ బెన్‌స్టోక్స్, జోష్ టంగ్ చెరో నాలుగు వికెట్లు ప‌డ‌గొట్టారు. బ్రైడాన్ కార్స్, షోయ‌క్ బ‌షీర్ చెరో వికెట్ సాధించారు.చదవండి: నాకు అది అలవాటు..! నువ్వే గుర్తు చేస్తూ ఉండాలి!.. నో చెప్పడం వల్లే ఇలా..

టీమిండియా టెస్టు కెప్టెన్‌గా తన ప్రయాణంలో తొలి ప్రయత్నంలోనే శుబ్‌మన్‌ గిల్‌ (Shubman Gill) అద్బుత ఆట తీరుతో ఆకట్టుకున్నాడు. ఇంగ్లండ్‌తో తొలి టెస్టు సందర్భంగా శతకంతో సత్తా చాటి తన విలువను చాటుకున్నాడు. తద్వారా టెస్టు సారథిగా అరంగేట్ర ఇన్నింగ్స్‌లోనే సెంచరీ చేసిన నాలుగో భారత క్రికెటర్‌గా నిలిచాడు.అజేయ శతకంలీడ్స్‌ వేదికగా శుక్రవారం మొదలైన ఈ మ్యాచ్‌లో.. విరాట్‌ కోహ్లి (Virat Kohli) రిటైర్మెంట్‌తో ఖాళీ అయిన నాలుగో స్థానంలో గిల్‌ బ్యాటింగ్‌కు దిగాడు. తొలి రోజు ఆట ముగిసే సరికి 175 బంతులు ఎదుర్కొన్న ఈ కుడిచేతి వాటం బ్యాటర్‌.. 127 పరుగులతో అజేయంగా నిలిచాడు. అతడి ఇన్నింగ్స్‌లో ఇప్పటికి పదహారు ఫోర్లు, ఒక సిక్సర్‌ ఉన్నాయి.ఇక మరో సెంచరీ వీరుడు ఓపెనర్‌ యశస్వి జైస్వాల్‌ (101)తో కలిసి 129 పరుగులు జోడించిన గిల్‌.. వైస్‌ కెప్టెన్‌, వికెట్‌ కీపర్‌ రిషభ్‌ పంత్‌తో కలిసి 138 పరుగుల పార్ట్‌నర్‌షిప్‌ నమోదు చేశాడు. ఈ క్రమంలో తొలి రోజు ఆటలో టీమిండియా 85 ఓవర్లు ఆడి మూడు వికెట్ల నష్టానికి 359 పరుగులు సాధించింది. గిల్‌ 127, పంత్‌ 65 పరుగులతో క్రీజులో ఉన్నారు. చిక్కుల్లో పడే అవకాశంకాగా ఇంగ్లండ్‌తో మొదటి టెస్టు మొదటి రోజు ఆటలో భారత జట్టు ప్రదర్శన పట్ల సచిన్‌ టెండుల్కర్‌ వంటి దిగ్గజాలు హర్షం వ్యక్తం చేశారు. గిల్‌ కెప్టెన్సీతో పాటు బ్యాటింగ్‌ను కొనియాడుతున్నారు. అంతాబాగానే ఉన్నా గిల్‌ చేసిన ఓ పని వల్ల అతడు చిక్కుల్లో పడే అవకాశం కనిపిస్తోంది.ఇంగ్లండ్‌తో మ్యాచ్‌ సందర్భంగా అతడు నలుపు రంగు సాక్సులు వేసుకున్నాడు. అయితే, అంతర్జాతీయ క్రికెట్‌ మండలి (ICC) ప్లేయర్‌ క్లాతింగ్‌- ఎక్విప్‌మెంట్‌ నిబంధన (క్లాజ్‌ 19.45)ల ప్రకారం.. టెస్టు మ్యాచ్‌లో ఆటగాడు ధరించే సాక్సులు తెలుపు, గోధుమ లేదా లేత బూడిద రంగులో మాత్రమే ఉండాలి.జరిమానా?ఈ నేపథ్యంలో డ్రెస్‌ కోడ్‌ నిబంధనలు ఉల్లంఘించిన కారణంగా గిల్‌కు జరిమానా పడే అవకాశం ఉంది. అయితే, మ్యాచ్‌ రిఫరీ రిచీ రిచర్డ్‌సన్‌ నిర్ణయంపైనే ఇది ఆధారపడి ఉంది. కాగా ఐసీసీలోని ఈ నిబంధనల ప్రకారం.. లెవల్‌ 1 తప్పిదానికి పాల్పడ్డట్లు తేలితే ఫైన్‌ తప్పదు. అయితే, గిల్‌ ఉద్దేశపూర్వకంగా ఈ పని చేయలేదని రిఫరీ భావిస్తే అతడు జరిమానా నుంచి తప్పించుకోవచ్చు.కాగా టెండుల్కర్‌-ఆండర్సన్‌ ట్రోఫీలో భాగంగా శుక్రవారం ఇరుజట్ల మధ్య ఐదు మ్యాచ్‌ల టెస్టు సిరీస్‌ ఆరంభమైంది. లీడ్స్‌లోని హెడింగ్లీ మైదానంలో టాస్‌ ఓడిన టీమిండియా తొలుత బ్యాటింగ్‌ చేస్తోంది. కేఎల్‌ రాహుల్‌ (42) ఓ మోస్తరుగా రాణించగా.. అరంగేట్ర బ్యాటర్‌ సాయి సుదర్శన్‌ మాత్రం పరుగుల ఖాతా తెరవకుండానే వెనుదిరిగాడు. ఇక జైసూ, గిల్‌ శతకాలతో చెలరేగగా.. పంత్‌ హాఫ్‌ సెంచరీతో మెరిశాడు.చదవండి: బుర్ర వాడేవాళ్లు ఇలాంటి పనిచేయరు: స్టోక్స్‌పై మాజీ కెప్టెన్‌ ఫైర్‌

ఇంగ్లండ్‌తో తొలి టెస్టు ఘనంగా ఆరంభించిన టీమిండియా జోరుకు రెండో రోజు కాస్త బ్రేక్‌ పడే అవ‌కాశం ఉంది. వర్షం కారణంగా ఆటకు అంతరాయం కలిగే సూచనలు కనిపిస్తున్నాయి. ఆక్యూవెదర్‌ వివరాల ప్రకారం.. లీడ్స్‌లో శనివారం ఉదయం ఎండ కాస్తుంది. 28-29 డిగ్రీల సెల్సియస్‌ ఉష్ణోగ్రతలు నమోదవుతాయి.అయితే, 25 శాతం మేర వర్షం కురిసేందుకు కూడా ఆస్కారం ఉంది. ముఖ్యంగా మధ్యాహ్నం తర్వాత వాన పడే అవకాశాలు 86 శాతం ఉన్నాయి. 31 శాతం ఉరుములు, మెరుపులతో వర్షం కురిసేందుకు ఛాన్స్‌ ఉంది. టీమిండియా- ఇంగ్లండ్‌ (Ind vs Eng) మధ్య తొలి టెస్టు రెండో రోజు ఆటలో రెండో, మూడో సెషన్‌లో వర్షం పడే ఛాన్సులు 77 శాతం ఉన్నాయి.కాగా ప్రపంచ టెస్టు చాంపియన్‌షిప్‌ (WTC) 2025-27లో భాగంగా భారత్‌- ఇంగ్లండ్‌ తమ తొలి సిరీస్‌లో పరస్పరం తలపడుతున్నాయి. టెండుల్కర్‌-ఆండర్సన్‌ (Tendulkar-Anderson Trophy) ట్రోఫీలో భాగంగా ఇరుజట్లు ఐదు టెస్టులు ఆడతాయి. ఈ క్రమంలో శుక్రవారం లీడ్స్‌లోని హెడింగ్లీ మైదానంలో తొలి టెస్టు మొదలైంది.ఇరగదీసిన భారత బ్యాటర్లుటాస్‌ గెలిచిన ఇంగ్లండ్‌ సారథి బెన్‌ స్టోక్స్‌.. గిల్‌ సేనను తొలుత బ్యాటింగ్‌కు ఆహ్వానించాడు. పిచ్‌ పరిస్థితులను అంచనా వేయడంలో విఫలమై ఈ మేరకు అతడు తీసుకున్న నిర్ణయం భారత్‌కు కలిసి వచ్చింది. తొలి రోజు పొడిగా ఉన్న పిచ్‌పై టీమిండియా స్టార్లు బ్యాట్‌తో ఇరగదీశారు.ఓపెనర్లలో కేఎల్‌ రాహుల్‌ (42) ఫర్వాలేదనిపించగా.. యశస్వి జైస్వాల్‌ (101) సెంచరీతో చెలరేగాడు. ఇక కెప్టెన్‌ శుబ్‌మన్‌ గిల్‌ 175 బంతుల్లో 16 ఫోర్లు, ఒక సిక్సర్‌ బాది 127 పరుగులతో అజేయంగా ఉండగా.. వైస్‌ కెప్టెన్‌ రిషభ్‌ పంత్‌ అర్ధ శతకం (65*) పూర్తి చేసుకున్నాడు. ఈ క్రమంలో తొలిరోజు ఆట ముగిసే సరికి టీమిండియా 85 ఓవర్లలో మూడు వికెట్ల నష్టానికి 359 పరుగులు చేయగా.. గిల్‌, పంత్‌ క్రీజులో ఉన్నారు.వరుణుడు అడ్డుపడతాడా?అయితే, రెండో రోజు ఆటలో వీరు మరింత చెలరేగితే చూడాలని ఆశపడుతున్న అభిమానులకు వరుణుడు షాకిచ్చే అవకాశం ఉన్నట్లు తెలుస్తోంది. కాగా తొలిరోజు కూడా ఇదే తరహా హెచ్చరికలు కాగా.. ఆట సజావుగానే సాగింది. ఇక మొదటి రోజు టీమిండియా అభిమానులను నిరాశపరిచిన అంశం ఏదైనా ఉందంటే.. అది సాయి సుదర్శన్‌ డకౌట్‌ మాత్రమే.అదొక్కటే నిరాశఇంగ్లండ్‌ గడ్డ మీద ఈ తమిళనాడు బ్యాటర్‌ టెస్టు క్రికెట్‌లోకి అడుగు పెట్టాడు. 24 ఏళ్ల సాయి భారత్‌ తరఫున టెస్టు ఆడిన 317వ ఆటగాడిగా గుర్తింపు పొందాడు. భారత సీనియర్‌ క్రికెటర్‌ చతేశ్వర్‌ పుజారా అతనికి టెస్టు క్యాప్‌ను అందించాడు. అయితే, దురదృష్టవశాత్తూ కెరీర్‌ తొలి ఇన్నింగ్స్‌ అతనికి కలిసి రాలేదు. నాలుగు బంతులే ఎదుర్కొన్న అతను ‘సున్నా’కే వెనుదిరిగాడు. ఇదిలా ఉంటే.. టెస్టు అరంగేట్రానికి ముందు సాయి భారత్‌ తరఫున 3 వన్డేలు, 1 టీ20 మ్యాచ్‌ ఆడాడు. చదవండి: బుర్ర వాడేవాళ్లు ఇలాంటి పనిచేయరు: స్టోక్స్‌పై మాజీ కెప్టెన్‌ ఫైర్‌

ఇంగ్లండ్‌తో తొలి టెస్టులో మొదటి రోజు టీమిండియా అదరగొట్టింది. సీనియర్లు లేకపోయినా మేమున్నాము కదా అంటూ యువ ఆటగాళ్లు బ్యాట్‌తో చెలరేగారు. ఓపెనర్‌ యశస్వి జైస్వాల్‌ (Yashasvi Jaiswal)తో పాటు కెప్టెన్‌ శుబ్‌మన్‌ గిల్‌ (Shubman Gill) శతకంతో చెలరేగితే.. వైస్‌ కెప్టెన్‌ రిషభ్‌ పంత్‌ (Rishabh Pant) కూడా హాఫ్‌ సెంచరీతో సత్తా చాటాడు.భారీ భాగస్వామ్యాలుజైసూ 101 పరుగులు సాధించి.. బెన్‌ స్టోక్స్‌ బౌలింగ్‌లో బౌల్డ్‌ కాగా.. శుక్రవారం నాటి తొలి రోజు ఆట ముగిసే సరికి గిల్‌ 127, పంత్‌ 65 పరుగులతో క్రీజులో ఉన్నారు. కాగా జైస్వాల్‌ మరో ఓపెనర్‌ కేఎల్‌ రాహుల్‌ (42)తో కలిసి తొలి వికెట్‌కు 91 పరుగులు జోడించడంతో పాటు.. గిల్‌తో కలిసి మూడో వికెట్‌కు 129 పరుగులు జతచేశాడు.అనంతరం గిల్‌కు తోడైన పంత్‌ అభేద్యంగా 138 పరుగుల భాగస్వామ్యం జోడించి.. అతడితో కలిసి నాటౌట్‌గా ఉన్నాడు. ఈ నేపథ్యంలో మొదటి రోజు ఆట ముగిసే సరికి భారత్‌ 85 ఓవర్లు ఆడి మూడు వికెట్ల నష్టానికి 359 పరుగులు సాధించింది.ఇక మొదటి రోజు ముగింపునకు చేరే క్రమంలో షాట్‌ ఎంపిక విషయంలో గిల్‌కు పంత్‌ స్నేహపూర్వక హెచ్చరిక జారీ చేశాడు.ఇంగ్లండ్‌ స్పిన్నర్‌ షోయబ్‌ బషీర్‌ సంధించిన ఫుల్లర్‌ బాల్‌ను ఆడేందుకు క్రీజు వెలుపలికి వచ్చిన గిల్‌.. షార్ట్‌ కవర్‌ దిశగా బాదాడు.అలా అయితే అవుట్‌ అయిపోతావు!ఆ సమయంలో నాన్‌- స్ట్రైకర్‌ ఎండ్‌లో ఉన్న పంత్‌.. ‘‘క్రీజు బయటకు వచ్చేటపుడు కాస్త చూసుకో.. ఏమాత్రం తేడా జరిగినా క్యాచ్‌ అవుట్‌ అయ్యే ప్రమాదం ఉంది’’ అని హెచ్చరించాడు. మైక్‌ స్టంప్‌లో ఈ మాటలు రికార్డు అయ్యాయి. ఇందుకు సంబంధించిన వీడియో వైరల్‌గా మారింది.కాగా ఇంగ్లండ్‌తో టెండుల్కర్‌-ఆండర్సన్‌ ట్రోఫీ ఆడేందుకు భారత జట్టు అక్కడికి వెళ్లింది. ఈ సిరీస్‌తో ఇరుజట్లు తమ ప్రపంచ టెస్టు చాంపియన్‌షిప్‌ 2025-27 సైకిల్‌ను మొదలుపెట్టాయి. ఇక ఇదే సిరీస్‌తో టీమిండియా టెస్టు కెప్టెన్‌ శుబ్‌మన్‌ గిల్‌.. అతడికి డిప్యూటీగా రిషభ్‌ పంత్‌ తమ ప్రస్థానం మొదలుపెట్టారు.ఐదు మ్యాచ్‌ల టెస్టు సిరీస్‌లో భాగంగా లీడ్స్‌లోని హెడింగ్లీలో తొలి మ్యాచ్‌ జరుగుతుండగా.. ఎడ్జ్‌బాస్టన్‌ (బర్మింగ్‌హామ్‌), లార్డ్స్‌ (లండన్‌), ఎమిరేట్స్‌ ఓల్డ్‌ ట్రఫోర్డ్‌ (మాంచెస్టర్‌), కెన్నింగ్‌టన్‌ ఓవల్‌ (లండన్‌) మిగిలిన టెస్టులకు ఆతిథ్యం ఇవ్వనున్నాయి.భారత్‌ వర్సెస్‌ ఇంగ్లండ్‌ తొలి టెస్టు👉షెడ్యూల్‌: జూన్‌ 20- 24👉వేదిక: హెడింగ్లీ, లీడ్స్‌👉టాస్‌: ఇంగ్లండ్‌.. తొలుత బౌలింగ్‌👉తొలిరోజు ఆట ముగిసేసరికి టీమిండియా స్కోరు: 359/3 (85).చదవండి: బుర్ర వాడేవాళ్లు ఇలాంటి పనిచేయరు: స్టోక్స్‌పై మాజీ కెప్టెన్‌ ఫైర్‌Warning: When @RishabhPant17's on strike, expect some advice and plenty of chatter between the wickets! 😜🎙️Watch now 👉 https://t.co/PXeXAKeYoj #ENGvIND | 1st Test | LIVE NOW on JioHotstar pic.twitter.com/v53iqPg8cm— Star Sports (@StarSportsIndia) June 20, 2025

ఇంగ్లండ్‌ (Ind vs Eng Tests)తో టెస్టు సిరీస్‌ ప్రయాణంలో టీమిండియా శుభారంభం అందుకుంది. లీడ్స్‌లోని హెడింగ్లీ మైదానంలో.. శుక్రవారం మొదలైన తొలి టెస్టు మొదటి రోజు ఆటలోనే పటిష్ట స్థితిలో నిలిచింది. టాస్‌ ఓడి తొలుత బ్యాటింగ్‌కు దిగిన గిల్‌ సేన.. 85 ఓవర్ల ఆటలో మూడు వికెట్ల నష్టానికి మూడు వికెట్లు మాత్రమే కోల్పోయి 359 పరుగులు సాధించి పట్టు బిగించింది.ఓపెనర్లలో కేఎల్‌ రాహుల్‌ (42) రాణించగా.. యశస్వి జైస్వాల్‌ (101) శతకంతో చెలరేగాడు. ఇక టీమిండియా టెస్టు సారథిగా తొలి మ్యాచ్‌లో శుబ్‌మన్‌ గిల్‌ కూడా అద్భుత సెంచరీతో మెరిశాడు. శుక్రవారం నాటి ఆట ముగిసే సరికి గిల్‌ 127 పరుగులతో క్రీజులో ఉండగా.. వైస్‌ కెప్టెన్‌, వికెట్‌ కీపర్‌ బ్యాటర్‌ రిషభ్‌ పంత్‌ (Rishabh Pant) 65 పరుగులతో అతడికి తోడుగా ఉన్నాడు.ఈ నేపథ్యంలో ఇంగ్లండ్‌లో మొదటి టెస్టులో తొలి రోజు టీమిండియా ప్రదర్శనపై బ్యాటింగ్‌ దిగ్గజం సచిన్‌ టెండుల్కర్‌ (Sachin Tendulkar) సంతృప్తి వ్యక్తం చేశాడు. కేఎల్‌ రాహుల్‌, జైస్వాల్‌, గిల్‌, పంత్‌లను ప్రశంసిస్తూ ట్వీట్‌ చేశాడు.‘‘కేఎల్‌ రాహుల్‌, యశస్వి జైస్వాల్‌ భారత ఇన్నింగ్స్‌కు బలమైన పునాది వేశారు. ఇక అద్భుతమైన శతకాలు బాదిన జైస్వాల్‌, శుబ్‌మన్‌ గిల్‌లకు శుభాకాంక్షలు. రిషభ్‌ పంత్‌ కూడా వీరితో సమానంగా తన వంతు పని పూర్తి చేశాడు.ఈరోజు టీమిండియా బ్యాటింగ్‌ను చూస్తుంటే.. నాకు 2002లో హెడింగ్లీలో.. రాహుల్‌ ద్రవిడ్‌, సౌరవ్‌ గంగూలీ, నేను తొలి ఇన్నింగ్స్‌లో శతకాలు బాదడం గుర్తుకువచ్చింది. ఆ టెస్టులో మేము గెలిచాము.ఈరోజు.. యశస్వి, శుబ్‌మన్‌ తమ పని పూర్తి చేశారు. ఇక మూడో సెంచూరియన్‌ ఎవరు అవుతారో చూడాలి’’ అని సచిన్‌ టెండుల్కర్‌ పేర్కొన్నాడు. ఇందుకు టీమిండియా మాజీ కెప్టెన్‌ సౌరవ్‌ గంగూలీ స్పందిస్తూ.. ‘‘హాయ్‌ చాంప్‌.. ఈసారి నలుగురు సెంచరీలు చేస్తారేమో.. పిచ్‌ బాగుంది.. పంత్‌.. కరుణ్‌ కూడా శతకాలు బాదుతారేమో!అయితే, 2002 నాడు తొలి రోజు పిచ్‌ స్వభావానికి ఇప్పటి వికెట్‌కు కాస్త తేడా ఉంది’’ అని బదులిచ్చాడు. కాగా 2002లో ఇదే వేదికపై సచిన్‌ టెండుల్కర్‌ గంగూలీతో కలిసి 249 పరుగుల భాగస్వామ్యం నెలకొల్పాడు. ఇక టెండుల్కర్‌ 303 బంతుల్లో 193 పరుగులు సాధించగా.. గంగూలీ 128 రన్స్‌ స్కోరు చేశాడు. అదే విధంగా.. ‘వాల్‌’ రాహుల్‌ ద్రవిడ్‌ 148 పరుగులు చేయగా.. అప్పటి ఓపెనర్‌ సంజయ్‌ బంగర్‌ 68 రన్స్‌ రాబట్టాడు.కాగా ఇప్పటి వరకు ఇంగ్లండ్‌- టీమిండియా మధ్య టెస్టు సిరీస్‌ను పటౌడీ ట్రోఫీగా పిలిచేవారు. తాజాగా దీనికి టెండుల్కర్‌-ఆండర్సన్‌ ట్రోఫీగా నామకరణం చేశారు. ఇక దఫా పర్యటనలో భారత్‌ ఇంగ్లండ్‌తో ఐదు టెస్టుల్లో తలపడనుంది. దిగ్గజ బ్యాటర్‌ విరాట్‌ కోహ్లి, స్పిన్‌ లెజెండ్‌ రవిచంద్రన్‌ అశ్విన్‌, రోహిత్‌ శర్మ టెస్టులకు గుడ్‌బై చెప్పిన తర్వాత.. టీమిండియా ఆడుతున్న తొలి సిరీస్‌ ఇదే. రోహిత్‌ స్థానంలో టెస్టు జట్టు కెప్టెన్‌గా పగ్గాలు చేపట్టిన యువ ఆటగాడు శుబ్‌మన్‌ గిల్‌కు ఈ సిరీస్‌ ప్రతిష్టాత్మక​ంగా మారింది.Tendulkar at Leeds, 2002pic.twitter.com/o7MlA5Zn3L— Cricketopia (@CricketopiaCom) June 20, 2025 చదవండి: నాకు అది అలవాటు..! నువ్వే గుర్తు చేస్తూ ఉండాలి!.. నో చెప్పడం వల్లే ఇలా..

టీమిండియాతో తొలి టెస్టులో తొలి రోజు ఇంగ్లండ్‌కు భంగపాటే ఎదురైంది. లీడ్స్‌ వేదికగా టాస్‌ గెలిచి తొలుత బౌలింగ్‌ ఎంచుకున్న ఇంగ్లండ్‌ బౌలింగ్‌ను భారత బ్యాటర్లు చితక్కొట్టారు. ఓపెనర్లలో కేఎల్‌ రాహుల్‌ (Kl Rahul- 42) రాణించగా.. యశస్వి జైస్వాల్‌ శతకం (101)తో చెలరేగాడు. ఇక ఈ సిరీస్‌తో భారత టెస్టు జట్టు కెప్టెన్‌గా ప్రయాణం మొదలుపెట్టిన శుబ్‌మన్‌ గిల్‌ (Shubman Gill) కూడా సెంచరీతో కదం తొక్కాడు.అదే విధంగా.. వైస్‌ కెప్టెన్‌, వికెట్‌ కీపర్‌ బ్యాటర్‌ రిషభ్‌ పంత్‌ (Rishabh Pant) కూడా అర్ధ శతకంతో మెరిశాడు. వెరసి శుక్రవారం నాటి తొలిరోజు ఆట పూర్తయ్యేసరికి 85 ఓవర్లు ఆడిన టీమిండియా మూడు వికెట్లు నష్టపోయి 359 పరుగులు సాధించింది. తద్వారా ఆతిథ్య జట్టుపై పర్యాటక టీమ్‌ మొదటి రోజు పూర్తి ఆధిపత్యం కనబరిచింది.కామన్‌ సెన్స్‌ ఉన్నవాళ్లు ఇలా చేయరుఈ నేపథ్యంలో టాస్‌ గెలిచి తొలుత బౌలింగ్‌ ఎంచుకున్న ఇంగ్లండ్‌ కెప్టెన్‌ బెన్‌ స్టోక్స్‌ నిర్ణయంపై విమర్శలు వస్తున్నాయి. ఇంగ్లండ్‌ మాజీ సారథి మైకేల్‌ ఆథర్టన్ కూడా ఈ విషయంలో స్టోక్స్‌ను ఉద్దేశించి ఘాటు వ్యాఖ్యలు చేశాడు.‘‘టాస్ గెలిచిన కెప్టెన్‌ తీసుకున్న నిర్ణయం ఆసక్తికరంగా అనిపించింది. గత ఆరు మ్యాచ్‌లలో తొలుత బౌలింగ్‌ చేసిన జట్టే విజయం సాధించిందని గణాంకాలు చెబుతున్నాయి. అయితే, కాస్త కామన్‌ సెన్స్‌ ఉన్నవాళ్లు.. క్రికెట్‌ బుర్ర వాడేవారు ఎవరైనా ఇక్కడ టాస్‌ గెలిస్తే బ్యాటింగ్‌ తీసుకుంటారు.ఎందుకంటే.. ఇక్కడ ఇప్పుడు తీవ్రమైన ఎండ ఉంది. రానున్న రెండు రోజుల్లో 30 డిగ్రీలకు పైగానే ఉంటుంది. స్టోక్స్‌ కేవలం గత రికార్డు ఆధారంగానే తొలుత బౌలింగ్‌ ఎంచుకుని ఉంటాడు’’ అని ఆథర్టన్‌ స్టోక్స్‌ నిర్ణయాన్ని తప్పుబట్టాడు. అయితే, భారీ లక్ష్యాన్ని కూడా ఛేదించగల సత్తా ఇంగ్లండ్‌కు ఉందని ఈ సందర్భంగా ధీమా వ్యక్తం చేశాడు.ఇంగ్లండ్‌ పశ్చాత్తాపం!కాగా ఇంగ్లండ్‌ మరో మాజీ కెప్టెన్‌ అలిస్టర్‌ కుక్‌ కూడా టాస్‌ విషయంలో ఇదే తరహా అభిప్రాయం వ్యక్తం చేశాడు. ఇక తీవ్రమైన ఎండ, పొడిగా ఉన్న పిచ్, స్వింగ్‌కు ఏమాత్రం అవకాశం లేని వాతావరణం, పెద్దగా అనుభవం లేని బౌలర్లు... ఇలాంటి స్థితిలో టాస్‌ గెలిచి స్టోక్స్‌ బౌలింగ్‌ ఎంచుకునే సాహసం చేయడంతో ఇంగ్లండ్‌ పశ్చాత్తాపపడాల్సిన పరిస్థితి తలెత్తింది.నిజమే... హెడింగ్లీ మైదానంలో గత ఆరు టెస్టుల్లో ముందుగా బౌలింగ్‌ చేసిన జట్టే గెలిచింది. కానీ శుక్రవారం పరిస్థితి వాటికి భిన్నం. బ్యాటింగ్‌కు అనుకూలంగా ఉన్న పిచ్‌పై భారత బ్యాటర్లు స్వేచ్ఛగా ఆడటం చూస్తే తాము చేసిన తప్పేమిటో ఇంగ్లండ్‌కు అర్థమై ఉంటుంది. కాగా టెండుల్కర్‌-ఆండర్సన్‌ ట్రోఫీలో భాగంగా టీమిండియా ఐదు టెస్టులు ఆడేందుకు ఇంగ్లండ్‌కు వెళ్లింది.ఇంగ్లండ్‌ చేజారిన అవకాశాలు.. పెనాల్టీ పరుగులు👉45 పరుగుల వద్ద జైస్వాల్‌కు అదృష్టం కలిసొచ్చింది. కార్స్‌ వేసిన యార్కర్‌ను అతను చివరి నిమిషంలో నిలువరించగలిగాడు. ఇంగ్లండ్‌ అప్పీల్‌కు సిద్ధమైన తరుణంలో అంపైర్‌ దానిని ‘నోబాల్‌’గా ప్రకటించాడు. ఆ తర్వాత రీప్లే చూస్తే బంతి ముందుగా అతని ప్యాడ్‌కు తాకినట్లు తేలింది. ‘నోబాల్‌’ కాకపోతే అది కచ్చితంగా అవుట్‌గా తేలేది. 👉గిల్‌ 1 పరుగు వద్ద ఉన్నప్పుడు కార్స్‌ బౌలింగ్‌లో కష్టసాధ్యమైన సింగిల్‌ కోసం ప్రయత్నించాడు. అయితే గిల్‌ చాలా దూరంలోనే ఉన్నా... పోప్‌ వేసిన త్రో నేరుగా వికెట్లకు తాకకపోవడంతో రనౌట్‌ కాకుండా తప్పించుకున్నాడు. ఓవర్‌త్రో బౌండరీని చేరడంతో మరో నాలుగు పరుగులు జట్టు ఖాతాలో చేరాయి. 👉టీ విరామానికి ముందు స్టోక్స్‌ వేసిన చివరి ఓవర్లో స్లిప్‌ ఫీల్డర్‌ రూట్‌ బంతిని ఆపే క్రమంలో దానిని పక్కకు తోశాడు. అది అక్కడే పెట్టిన వికెట్‌ కీపర్‌ హెల్మెట్‌ను తాకడంతో భారత్‌కు ఐదు పెనాల్టీ పరుగులు అదనంగా లభించాయి. ఈ గందరగోళంలో అంపైర్‌ లెక్క తప్పడంతో ఈ ఓవర్లో స్టోక్స్‌ 7 బంతులు వేశాడు. చదవండి: నాకు అది అలవాటు..! నువ్వే గుర్తు చేస్తూ ఉండాలి!.. నో చెప్పడం వల్లే ఇలా..

వయసు జస్ట్‌ 23 ఏళ్లు.. అయితేనేం.. టీమిండియా ఓపెనర్‌గా అతడు కనబరిచే పరిణితి మాత్రం అమోఘం.. టెస్టుల్లో ఇప్పటికే నాలుగు సెంచరీలు.. రెండు ద్విశతకాలు.. తాజాగా ఇంగ్లండ్‌ గడ్డ మీద ఆడిన తొలి టెస్టులోనే శతకం బాదాడు అతడు.. అంతేకాదు ఈ ఘనత సాధించిన ఏకైక భారత ఓపెనర్‌గా నిలిచాడు.. అవును.. యశస్వి జైస్వాల్‌ (Yashasvi Jaiswak) గురించే ఈ ఉపోద్ఘాతం.ఐదు మ్యాచ్‌ల టెస్టు సిరీస్‌లో భాగంగా ఇంగ్లండ్‌ (India vs England)తో శుక్రవారం మొదలైన తొలి టెస్టులో జైసూ శతక్కొట్టాడు. ఆది నుంచే పలుమార్లు అవుటయ్యే ప్రమాదం నుంచి తప్పించుకుని ఎట్టకేలకు వంద పరుగుల మార్కు అందుకున్నాడు. మరో ఓపెనర్‌ కేఎల్‌ రాహుల్‌ (KL Rahul)తో కలిసి తొలి వికెట్‌కు 91 పరుగుల భాగస్వామ్యం నెలకొల్పిన ఈ ఎడమచేతి వాటం బ్యాటర్‌.. మూడో వికెట్‌కు కెప్టెన్‌ శుబ్‌మన్‌ గిల్‌తో కలిసి 129 పరుగుల పార్ట్‌నర్‌షిప్‌ అందించాడు.తొందరపడితే నన్ను వారించు..అయితే, గిల్‌తో కలిసి బ్యాటింగ్‌ చేస్తున్న సందర్భంగా జైసూ చేసిన వ్యాఖ్యలు వైరల్‌గా మారాయి. తొందరపడితే తనను వారించాలంటూ జైసూ కెప్టెన్‌కు చెప్పడం గమనార్హం. అసలేం జరిగిందంటే.. భారత్‌ ఇన్నింగ్స్‌లో 38 వ ఓవర్‌లో క్రిస్‌ వోక్స్‌ బంతితో రంగంలోకి దిగాడు.అతడి బౌలింగ్‌లో తొలి బంతికి బౌండరీ బాదిన జైస్వాల్‌.. తదుపరి బాల్‌కు సింగిల్‌ తీసే ప్రయత్నం చేశాడు. షాట్‌ బాదగానే వెంటనే పరుగు కోసం వెళ్లాడు. అయితే, మరో ఎండ్‌లో ఉన్న గిల్‌ మాత్రం రన్‌కు నిరాకరించాడు. దీంతో కాస్త అసహనానికి గురైనప్పటికి... ఆ వెంటనే తన తప్పు తెలుసుకున్న జైస్వాల్‌ వెంటనే క్రీజులోకి పరిగెత్తాడు. తద్వారా ఇంగ్లండ్‌కు రనౌట్‌ చేసే అవకాశం చేజారింది.నాకు అది అలవాటు..! నువ్వే గుర్తు చేస్తూ ఉండాలి!ఈ ఘటన తర్వాత జైస్వాల్‌ గిల్‌తో.. ‘‘రిస్కీ సింగిల్స్‌ వద్దని నాకు చెబుతూనే ఉండండి ప్లీజ్‌.. బంతిని బాదగానే వెంటనే పరిగెత్తడం నాకు అలవాటై పోయింది’’ అని పేర్కొన్నాడు. కాగా జైసూ బాదిన బంతి ఎక్కువ దూరం వెళ్లలేదు. ఈ విషయాన్ని గమనించని జైసూ పరుగుకు రాగా.. ‘‘లేదు లేదు బంతి ఇక్కడే ఉంది’’ అంటూ గిల్‌ చెప్పాడు. గిల్‌ నో చెప్పిన కారణంగా ఇద్దరూ రనౌట్‌ ప్రమాదం నుంచి తప్పించుకున్నారు.కాగా అప్పటికి జైస్వాల్‌ 57 పరుగుల వ్యక్తిగత స్కోరు వద్ద ఉన్నాడు. ఆ తర్వాత గిల్‌తో కలిసి చక్కటి సమన్వయంతో శతకం పూర్తి చేసుకున్నాడు. మొత్తంగా 159 బంతుల్లో 16 ఫోర్లు, ఒక సిక్సర్‌ బాది 101 పరుగులు సాధించిన ఈ ఓపెనింగ్‌ బ్యాటర్‌.. ఇంగ్లండ్‌ సారథి బెన్‌ స్టోక్స్‌ బౌలింగ్‌లో బౌల్డ్‌ అయ్యాడు.ఇదిలా ఉంటే.. శుక్రవారం నాటి తొలి రోజు ఆట ముగిసేసరికి టీమిండియా 85 ఓవర్లలో మూడు వికెట్లు నష్టపోయి 359 పరుగులతో పటిష్ట స్థితిలో నిలిచింది. శుబ్‌మన్‌ గిల్‌ 175 బంతుల్లో 16 ఫోర్లు, ఒక సిక్సర్‌ సాయంతో 127 పరుగులతో.. రిషభ్‌ పంత్‌ 102 బంతుల్లో ఆరు ఫోర్లు, రెండు సిక్స్‌ల సాయంతో 65 పరుగులతో క్రీజులో ఉన్నారు.చదవండి: ద‌క్షిణాఫ్రికాకు కొత్త కెప్టెన్‌.. ఎవరంటే?When #YashasviJaiswal says “Run!” and #ShubmanGill is still deciding if it’s a good idea! 😂Watch now 👉 https://t.co/PXeXAKeYoj #ENGvIND | 1st Test | LIVE NOW on JioHotstar pic.twitter.com/UJDlpPlpkH— Star Sports (@StarSportsIndia) June 20, 2025

టీమిండియా యువ ఓపెనర్‌ యశస్వి జైస్వాల్‌ (Yashasvi Jaiwal) అరుదైన రికార్డు సాధించాడు. ఇంగ్లండ్‌ జట్టుపై టెస్టు ఫార్మాట్లో అత్యధిక సగటు నమోదు చేసిన క్రికెటర్‌గా చరిత్రకెక్కాడు. ఈ క్రమంలో ఆస్ట్రేలియా దిగ్గజం డాన్‌ బ్రాడ్‌మన్‌ (Don Bradman)ని జైసూ అధిగమించాడు.ప్రపంచ టెస్టు చాంపియన్‌షిప్‌ (WTC) 2025-27 సీజన్‌లో భాగంగా టీమిండియా ఇంగ్లండ్‌ పర్యటనకు వెళ్లిన విషయం తెలిసిందే. ఈ క్రమంలో ఐదు మ్యాచ్‌ల టెస్టు సిరీస్‌లో భాగంగా ఇరుజట్ల మధ్య శుక్రవారం (జూన్‌ 20) తొలి టెస్టు మొదలైంది. లీడ్స్‌ వేదికగా టాస్‌ గెలిచిన ఇంగ్లండ్‌ కెప్టెన్‌ బెన్‌ స్టోక్స్‌ బౌలింగ్‌ ఎంచుకుని.. టీమిండియాను బ్యాటింగ్‌కు ఆహ్వానించాడు.భారత్‌ బ్యాటింగ్‌ అదుర్స్‌.. జైసూ, గిల్‌ సెంచరీలుఇక ఆది నుంచే జోరు కనబరిచిన భారత్‌ మొదటి రోజు ఆట పూర్తయ్యేసరికి 85 ఓవర్లలో మూడు వికెట్ల నష్టానికి 359 పరుగులు సాధించింది. ఆద్యంతం ఆకట్టుకుని తొలి రోజు పటిష్ట స్థితిలో నిలిచింది. ఓపెనర్‌ కేఎల్‌ రాహుల్‌ (42) స్వల్ప స్కోరుకు వెనుదిరిగినా.. మరో ఓపెనర్‌ యశస్వి జైస్వాల్‌ శతకంతో కదం తొక్కాడు.మరో సెంచరీ వీరుడు, కెప్టెన్‌ శుబ్‌మన్‌ గిల్‌తో కలిసి జట్టును పటిష్ట స్థితిలో నిలిపాడు. మొత్తంగా 159 బంతులు ఎదుర్కొన్న జైసూ.. 16 ఫోర్లు, ఒక సిక్సర్‌ సాయంతో 101 పరుగులు చేసి.. స్టోక్స్‌ బౌలింగ్‌లో బౌల్డ్‌ అయ్యాడు.బ్రాడ్‌మన్‌ రికార్డు బద్దలుఇదిలా ఉంటే.. ఇంగ్లండ్‌ గడ్డ మీద జైసూకు ఇదే తొలి సెంచరీ కాగా.. ఓవరాల్‌గా పది ఇన్నింగ్స్‌లో కలిపి 813 పరుగులు పూర్తి చేసుకున్నాడు. ఏకంగా 90.33 సగటుతో ఈ మేర రన్స్‌ రాబట్టాడు. ఈ క్రమంలోనే బ్రాడ్‌మన్‌ రికార్డును జైస్వాల్‌ బద్దలు కొట్టాడు. ఇంగ్లండ్‌ మీద టెస్టుల్లో అత్యధిక సగటుతో పరుగులు రాబట్టిన ఆటగాడిగా నిలిచాడు.ఇక శుక్రవారం నాటి తొలి రోజు ఆట పూర్తయ్యే సరికి గిల్‌ 127 పరుగులతో.. వికెట్‌ కీపర్‌ బ్యాటర్‌ రిషభ్‌ పంత్‌ 65 పరుగులతో క్రీజులో ఉన్నారు. మరోవైపు.. అరంగేట్ర బ్యాటర్‌ సాయి సుదర్శన్‌ మాత్రం నిరాశపరిచాడు. వన్‌డౌన్‌లో బ్యాటింగ్‌కు వచ్చి డకౌట్‌గా వెనుదిరిగాడు.ఇంగ్లండ్‌ జట్టుపై అత్యధిక టెస్టు యావరేజ్‌ కలిగిన బ్యాటర్లు🏏యశస్వి జైస్వాల్‌- 90.33🏏డాన్‌ బ్రాడ్‌మన్‌- 89.78🏏స్టీవీ డెంప్‌స్టర్‌- 88.42🏏లారెన్స్‌ రోవ్‌- 74.20🏏జార్స్‌ హెడ్లీ- 71.23 చదవండి: వాళ్లని మెచ్చుకోవడంలో తప్పులేదు.. అతడిని ఇప్పటికైనా వదిలేయ్‌!𝐓𝐎𝐍 🆙𝐓𝐀𝐈𝐋𝐒 🆙Yashasvi Jaiswal leads Team India from the front. #SonySportsNetwork #GroundTumharaJeetHamari #ENGvIND #DhaakadIndia #TeamIndia | @ybj_19 pic.twitter.com/QX4kdlTBu4— Sony Sports Network (@SonySportsNetwk) June 20, 2025

టీమిండియా టెస్టు కెప్టెన్‌గా శుబ్‌మ‌న్ గిల్ త‌న కెరీర్‌ను ఘ‌నంగా ఆరంభించాడు. లీడ్స్ వేదిక‌గా ఇంగ్లండ్‌తో ప్రారంభ‌మైన తొలి టెస్టులో గిల్ సెంచ‌రీతో మెరిశాడు. మొదటి ఇన్నింగ్స్‌లో నాలుగో స్ధానంలో బ్యాటింగ్‌కు వచ్చిన గిల్‌.. విరాట్ కోహ్లిని తలపించాడు. తొలుత దూకుడుగా ఆడిన శుబ్‌మన్‌, జైశ్వాల్ ఔటయ్యాక ఆచిచూచి తన బ్యాటింగ్‌ను కొనసాగిస్తున్నాడు. ఈ క్రమంలో 140 బంతుల్లో గిల్ తన ఆరో టెస్టు సెంచరీ మార్క్‌ను అందుకున్నాడు. అతడి ఇన్నింగ్స్‌లో ఇప్పటివరకు 14 ఫోర్లు ఒక సిక్సర్‌ ఉన్నాయి. అతడి ​కంటే ముందు యువ ఓపెనర్ యశస్వి జైశ్వాల్ అద్బుత సెంచరీతో చెలరేగాడు. 159 బంతులు ఎదుర్కొన్న జైశ్వాల్‌ 16 ఫోర్లు, 1 సిక్సర్‌తో 101 పరుగులు చేశాడు. ఇక కెప్టెన్సీ డెబ్యూలో సెంచరీతో చెలరేగిన గిల్‌ ఓ అరుదైన రికార్డును తన పేరిట లఖించుకున్నాడు.భారత టెస్టు కెప్టెన్‌గా అరంగేట్ర ఇన్నింగ్స్‌లో సెంచరీ చేసిన నాలుగో ప్లేయర్‌గా గిల్ నిలిచాడు. ఈ ఫీట్ సాధించిన జాబితాలో భారత క్రికెట్ దిగ్గజం విజయ్ హజారే అగ్రస్ధానంలో ఉన్నారు. 1951లో కెప్టెన్‌గా తన అరంగేట్ర ఇన్నింగ్స్‌లో ఇంగ్లండ్‌పైనే సెంచరీ చేశారు.భారత టెస్ట్ కెప్టెన్‌గా తొలి ఇన్నింగ్స్‌లో సెంచరీ చేసిన ప్లేయర్లు వీరే..164* విజయ్ హజారే వర్సెస్‌ ఇంగ్లండ్‌, ఢిల్లీ 1951116 సునీల్ గవాస్కర్ vs న్యూజిలాండ్‌ ఆక్లాండ్ 1976115 విరాట్ కోహ్లీ vs ఆస్ట్రేలియన్ అడిలైడ్ 2014102*శుబ్‌మన్ గిల్ vs ఇంగ్లాండ్ హెడింగ్లీ 2025భారీ స్కోర్‌ దిశగా భారత్‌..తొలి ఇన్నింగ్స్‌లో టీమిండియా భారీ స్కోర్‌ దిశగా దూసుకుపోతుంది. 78 ఓవర్లు ముగిసే సరికి టీమిండియా 3 మూడు వికెట్ల నష్టానికి 323 పరుగులు చేసింది. క్రీజులో రిషబ్‌ పంత్‌(46), గిల్‌(112) ఉన్నారు.