Siddipet District News

వాళ్లు నాటుడు.. వీళ్లు నరుకుడుపెద్దకోడూరులో రోడ్డుకు ఇరువైపులా పెద్ద పెద్ద వృక్షాలు (నాడు)చెట్లు నరకడంతో బోసిపోయిన రోడ్డు (నేడు) చిన్నకోడూరు(సిద్దిపేట): పచ్చదనాన్ని పెంపొందించేందుకు ప్రభుత్వం ప్రతిష్టాత్మకంగా చేపట్టిన హరితహారం అభాసుపాలవుతోంది. మొక్కలు నాటి వాటిని సంరక్షించిన అధికారులు. మరోవైపు విద్యుత్‌ అధికారులు ఏపుగా పెరిగిన చెట్లను నరికివేస్తున్నారు. లక్షలాది రూపాయలు ఖర్చు చేసి మొక్కలను సంరక్షించినా విద్యుత్‌ తీగలకు అడ్డంగా ఉన్నాయని అధికారులు నరికేస్తున్నారు. పెద్దకోడూరు శివారులో ఏళ్ల నాటి పచ్చని చెట్లు నరికి వేయడంతో బోసి పోయి కనిపిస్తోంది .

విజిలెన్స్‌ పిలుపుతో అధికారుల్లో గుబులు రంగనాయకసాగర్‌ నిర్మాణంలో అవకతవకలపై ఫిర్యాదులుసాక్షి, సిద్దిపేట: ఇరిగేషన్‌ అధికారుల్లో గుబులు మొదలైంది. కాళేశ్వరం ఎత్తిపోతల పథకంలో భాగంగా రంగనాయకసాగర్‌ నిర్మించిన సమయంలో పనిచేసిన అధికారులపై ఆరోపణలు వెల్లువెత్తాయి. చిన్నకోడూరు మండలం చంద్లపూర్‌లో 3టీఎంసీల సామర్థ్యంతో 2019– 20లో రంగనాయకసాగర్‌ను నిర్మించారు. రిజర్వాయర్‌ నిర్మాణంతోపాటు భూసేకరణలో అవకతవకలు జరిగాయని వచ్చిన ఫిర్యాదులపై లోతుగా దర్యాప్తు చేస్తున్నారు. దీనికి సంబంధించి వచ్చిన ఆరోపణల పై దర్యాప్తును ఈ ఏడాది ఏప్రిల్‌లో ప్రారంభించిన విషయం తెలిసిందే. ఇందులో భాగంగా ఇంజనీర్‌ ఇన్‌ చీఫ్‌(ఈఎన్సీ), సూపరింటెండెంట్‌ ఇంజనీర్‌గా పని చేసి పదవీవిరమణ చేసిన హరిరాం, ఆనంద్‌లను గురువారం విచారణకు పిలిచారు. ఇప్పటికే వివరాల సేకరణ రిజర్వాయర్‌ ఇన్వెస్టిగేషన్‌, సర్వే, ప్రాజెక్టు సమగ్ర నివేదిక (డీపీఆర్‌), ఫిజిబిలిటీ రిపోర్టు, అంచనాలు, ఒప్పందాలకు సంబంధించి పరిపాలన, సాంకేతిక అనుమతులు, మట్టి కట్ట నిర్మాణానికి అమోదించిన డిజైన్స్‌, డ్రాయింగ్స్‌, జియాలాజికల్‌ ఇన్వెస్టిగేషన్‌ వివరాలను తెప్పించుకున్నారు. నీటి లభ్యత వివరాలు, ఒరిజినల్‌ ఎలైన్‌మెంట్‌, మార్పు చేసి ఉంటే ఇందుకు సంబంధించిన వివరాలను సేకరించింది. భూ సేకరణ, అటవీ భూమి మళ్లింపు, భూసేకరణ చేసిన వారికి చేసిన చెల్లింపుల వివరాలను ఇప్పటికే సేకరించినట్లు విశ్వసనీయ సమాచారం. విచారణకు పిలవడంతో.. రంగనాయకసాగర్‌ నిర్మాణంలో పై విజిలెన్స్‌ అండ్‌ ఎన్‌ఫోర్స్‌మెంట్‌ అధికారులు దర్యాప్తు చేపట్టారు. ఆరు నెలలుగా విజిలెన్స్‌ విచారణ చేస్తున్నారు. ఇద్దరు అధికారులను విచారణకు పిలవడంతో గతంలో పని చేసిన ఇరిగేషన్‌ అధికారులు ఆందోళన చెందుతున్నారు. రంగనాయకసాగర్‌ రిజర్వాయర్‌ నిర్మాణం సమయంలో పనిచేసిన ఏఈ, డీఈఈ, ఈఈలు తమ మేడకు ఎక్కడ చుట్టూకుంటుందో అని తలలు పట్టుకుంటున్నారు. భూసేకరణ సమయంలో ఏఈ, డీఈఈలు సైతం తమ చేతి వాటం ప్రదర్శించినట్లు చర్చసాగుతోంది.

వర్గల్‌(గజ్వేల్‌): ఆధ్యాత్మికత నెలవు వర్గల్‌ విద్యా సరస్వతి క్షేత్రం దసరాశరన్నవరాత్రోత్సవ శోభతో అలరారుతోంది. ఉత్సవాల్లో నాలుగోరోజు బుధవారం అమ్మవారు సృష్టి, స్థితి లయకారిణి లలితాపరమేశ్వరిదేవిగా భక్తులకు దివ్యదర్శనమిచ్చారు. ఆదిశక్తిని స్మరిస్తూ చతుషష్ట్యుపచార, రాజోపచార పూజలు, సప్తశతి పారాయణం, చండీ హవనం నిర్వహించారు. వివిధ ప్రాంతాల భక్తులు అమ్మవారిని దర్శించుకుని తరించారు.కొండపాక(గజ్వేల్‌): మర్పడ్గలో గల విజయదుర్గ సమేత సంతాన మల్లికార్జున స్వామి క్షేత్రంలో దేవీ శరన్నవరాత్రోత్సవాలు వైభవంగా జరుగుతున్నాయి. నాల్గవ రోజు బుధవారం అమ్మవారు శాకాంబరీ స్వరూపిణీ మాతగా దర్శనమిచ్చారు. క్షేత్రం నిర్వాహకుడు చెప్పెల హరినాథ శర్మ ఆధ్వర్యంలో పూజా కార్యక్రమాలను నిర్వహించారు.

ప్రశాంత్‌నగర్‌(సిద్దిపేట): జిల్లాలోని 28 ప్రభుత్వ పాఠశాలల్లో గ్రంథాలయాల ఏర్పాటుకు రూ.7.56 లక్షల నిధులు విడుదలైనట్లు జిల్లా గ్రంథాలయ సంస్థ చైర్మన్‌ దరిపల్లి చంద్రం తెలిపారు. బుధవారం జిల్లా గ్రంథాలయంలో నిర్వహించిన సమావేశంలో ఆయన మాట్లాడారు. విద్యార్థులు, యువతకు గ్రంథాలయాలను చేరువ చేయడానికి ముఖ్యమంత్రి రేవంత్‌రెడ్డి కృషి చేస్తున్నారని తెలిపారు. పైలెట్‌ ప్రాజెక్ట్‌లో భాగంగా జిల్లాలోని 28 ప్రభుత్వ పాఠశాలల్లో గ్రంథాలయాల ఏర్పాటుకు నిధులు కేటాయించారన్నారు. నిధులు ఆయా పాఠశాలల బ్యాంక్‌ ఖాతాల్లో జమ అయ్యాయన్నారు. విద్యార్థుల్లో పఠనాసక్తి పెరగడంతో పాటు, విజ్ఞానం, పోటీ పరీక్షల సన్నద్ధతకు గ్రంథాలయాలు దోహదపడతాయన్నారు. కార్యక్రమంలో ఉద్యోగులు పాల్గొన్నారు.

హుస్నాబాద్‌: అడవిలో ఉండాల్సిన కోతులు.. జనావాసాల్లో బీభత్సం సృష్టిస్తున్నాయి. నడిచి వెళ్తున్న బాటసారులు, చిన్నారులపై, వృద్ధులు, మహిళలపై వానరాలు దాడులు చేస్తూ తీవ్ర భయాందోళనను కలిగిస్తున్నాయి. హుస్నాబాద్‌ పట్టణంలో ఏ వీధి చూసినా కోతుల గుంపులు స్వైర విహారం చేస్తున్నాయి. ఇంట్లో ఉన్న సామానులను చిందరవందర చేస్తూ తినే ఆహారాన్ని సైతం ఎత్తుకెళ్తున్న దుస్థితి. ద్విచక్ర వాహనాలపై వెళ్తున్న వారిని వెంటాడుతున్నాయి. కోతుల దాడులతో గాయాలపాలై ఆస్పత్రులకు వెళ్లి చికిత్స పొందుతున్న వారి సంఖ్య రోజురోజుకు పెరుగుతోంది. గుడి, బడిని సైతం.. ఎక్కడ చూసినా మేమే అన్నట్లుగా ప్రతి చోట వానర సైన్యం కాపు కాస్తోంది. దైవ కార్యం కోసం గుడులకు వెళ్లిన భక్తులపై కోతులు దాడులు చేస్తున్నాయి. పూజా సామగ్రి, నైవేద్యాన్ని చూసి దాడులకు తెగబడతున్నాయి. కోతుల భయంలో ఆచితూచి జాగ్రత్తలు తీసుకొని దర్శనం చేస్తుకుంటున్నారు. నివారణకు చర్యలేవి... హుస్నాబాద్‌ పట్టణంలో కోతులు, పందులు, కుక్కల నివారణకు ఎలాంటి చర్యలు తీసుకోవడం లేదని స్థానికుల నుంచి విమర్శలు వెల్లువెత్తుతున్నాయి. ఐదు నెలల క్రితం మున్సిపల్‌ ఆధ్వర్యంలో కోతుల పట్టేవారిని పిలిచి రెండు, మూడు రోజులు పట్టే ప్రయత్నం చేశారు. వారు వెళ్లిపోవడంతో మళ్లీ కోతుల గురించి పట్టించుకోవడం మానేశారు. మున్సిపల్‌ పాలకవర్గ సమావేశంలో కోతులను నివారించాలని, అందుకు తగు చర్యలు తీసుకోవాలని తీర్మానం చేస్తున్నారు. తీర్మానాలకే పరిమితం తప్ప ఆచరణలో శూన్యం. పేట్రేగుతున్న కోతులు

బీఆర్‌ఎస్‌ శ్రేణులకు కేటీఆర్‌ భరోసాగజ్వేల్‌: గజ్వేల్‌కు మరోసారి వచ్చి రోజంతా మీతోనే ఉంటానని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ శ్రేణులకు భరోసా ఇచ్చారు.బుధవారం గోదావరిఖనిలోని సింగరేణి కార్మిక గర్జన బహిరంగ సభకు వెళ్తున్న కేటీఆర్‌ గజ్వేల్‌ మండలం రిమ్మనగూడ వద్ద ఆగారు. ఈ సందర్భంగా ఎఫ్‌డీసీ మాజీ చైర్మన్‌ వంటేరు ప్రతాప్‌రెడ్డి ఆధ్వర్యంలో బీఆర్‌ఎస్‌ నాయకులు, ప్రజా ప్రతినిధులు పెద్ద సంఖ్యలో అక్కడికి చేరుకొని కేటీఆర్‌కు ఘనస్వాగతం పలికారు. అనంతరం స్థానిక నాయకులు, కార్యకర్తలతో కేటీఆర్‌ ఆప్యాయంగా మాట్లాడుతూ మరోసారి గజ్వేల్‌కు వస్తానని, ఆ రోజంతా మీతోనే ఉంటానని బీఆర్‌ఎస్‌ శ్రేణులకు హామీ ఇచ్చి గోదావరిఖనిలో జరుగనున్న బహిరంగ సభకు వెళ్ళారు. కేటీఆర్‌ వ్యాఖ్యలతో పార్టీ శ్రేణుల్లో ఉత్సాహం నెలకొంది. కార్యక్రమంలో మున్సిపల్‌ చైర్‌పర్సన్‌ గంగిశెట్టి చందనతో పాటు బీఆర్‌ఎస్‌ నాయకులు, కార్యకర్తలు పాల్గొన్నారు.

కోతుల బారి నుంచి మమ్ములను రక్షించాలని మున్సిపల్‌ కార్యాలయానికి వెళ్లి మొరపెట్టుకున్న పిల్లల పరిస్థితిని చూస్తే కోతుల తీవ్రత ఎంతగా ఉందో అర్థం చేసుకోవచ్చు. విద్యార్థుల స్కూల్‌ బ్యాగు కనబడితే చాలు కోతులు వెంటబడి దాడులు చేస్తున్న పరిస్ధితి నిత్యకృత్యంగా మారింది. అసలే దసరా సెలవులు. ప్రతి ఇంటిలో పండుగ వాతావరణంతో పాటు పిల్లల సందడి నెలకొంటుంది. ఇంటి ఆవరణలో ఆడుకుంటూ పండుగ సెలవులను ఎంజాయి చేస్తారు. ఈ సమయంలో కోతుల బెడద పిల్లలను ఆందోళనకు గురి చేస్తోంది. ఓ వైపు ఎంజాయ్‌ చేయాలనే ఆతృత, మరోవైపు కోతులు దాడి చేస్తాయనే భయంతో ఇంటి నుంచి బయటకు రావాలంటేనే పిల్లలు జంకుతున్నారు. ఈ క్రమంలో కోతుల బారి నుంచి తమ పిల్లలను కాపాడుకునేందుకు ఇంటి ఎదుట, రోడ్డు పైన మహిళలు కర్రలు పట్టుకొని కాపలా కాస్తుండటం గమనార్హం.

కొమురవెల్లి(సిద్దిపేట): మల్లికార్జున స్వామిని శాసన మండలి సభ్యుడు ప్రొఫెసర్‌ కోదండరాం కుటుంబ సమేతంగా బుధవారం దర్శించుకున్నారు. ఈ సందర్భంగా ఆలయంలో ప్రత్యేక పూజలు నిర్వహించారు. అనంతరం అర్చకులు స్వామి వారి శేష వస్త్రాలు, తీర్థప్రసాదం, చిత్రపటం అందించారు. కార్యక్రంమలో ఆలయ ఏఈఓ బుద్ధి శ్రీనివాస్‌, ప్రధానార్చకులు మహదేవుని శ్రీనివాస్‌, పర్యవేక్షకులు నీల శేఖర్‌ తదితరులు పాల్గొన్నారు. మల్లన్న సేవలోనే ఒగ్గు పూజారులు మల్లికార్జున స్వామి సేవలోనే ఒగ్గుపూజారులు ఉన్నారని, నిత్యం స్వామి వారికి పూజలు చేస్తున్నామని ఒగ్గు పూజారుల యాదవ సంఘం అధ్యక్షుడు బొద్దుల కనకయ్య వెల్లడించారు. బుధవారం ‘సాక్షి’లో ప్రచురితమైన ‘మల్లన్న పట్నం.. మళ్లీ బేరం’ కథనంపై ఆయన వివరణ ఇచ్చారు. మల్లన్న ఆలయంలో నూతన ఒగ్గుపూజారుల నియామకంలో డబ్బు వసూళ్ల పై సంఘానికి ఎలాంటి సంబంధం లేదన్నా రు. కొంత మంది బయటి వ్యక్తులు వసూలు చేస్తున్నట్లు ఆరోపణలున్నాయని అన్నారు. టెన్త్‌ విద్యార్థినికి జాతీయ అవార్డు దుబ్బాక: పట్టణంలోని పీఎంశ్రీ బాలికల ఉన్నత పాఠశాల టెన్త్‌ విద్యార్థిని కాల్వ రేణుశ్రీ ఉత్తమ బ్యూరో ఆఫ్‌ ఇండియన్‌ స్టాండర్డ్స్‌ జాతీయ అవార్డును మంత్రి వివేక్‌ చేతుల మీదుగా అందుకున్నారు. బుధవారం హైదరాబాద్‌లోని బేగంపేటలో మానక్‌ మహోత్సవ ప్రపంచ ప్రమాణాల దినోత్సవం వేడుకలు నిర్వహించారు. ఈ సందర్భంగా జాతీయస్థాయిలో ప్రతినెలా నిర్వహించే క్విజ్‌ పోటీలలో రేణుశ్రీ బహుమతులు గెలుచుకున్నారు. ఇందుకు గాను రేణుశ్రీకి ఉత్తమ అవార్డును మంత్రి వివేక్‌ అందజేశారు. రేణుశ్రీ అవార్డు అందుకోవడంపై హెచ్‌ఎం పట్నం భూపాల్‌, ఉపాధ్యాయురాలు సంతోషం వ్యక్తం చేశారు. ఉన్నత లక్ష్యాలు సాధించాలిన్యాయమూర్తి తరణి సిద్దిపేటజోన్‌: విద్య ద్వారా ఆత్మ విశ్వాసం పెంపొందించుకొని ఉన్నత లక్ష్యాలు సాధించాలని అదనపు జూనియర్‌ సివిల్‌ జడ్జి తరణి సూచించారు. బుధవారం జిల్లా కేంద్రంలోని బాల సదనాన్ని సందర్శించారు. అంతర్జాతీయ బాలిక దినోత్సవం సందర్భంగా న్యాయ అవగాహన కార్యక్రమాన్ని నిర్వహించారు. బాల సదనంలోని పిల్లలతో ముచ్చటించారు. వారి యోగక్షేమాలు అడిగి తెలుసుకున్నారు. హక్కులు, విద్య ప్రాముఖ్యత, బాలికల భద్రత, చట్టపరమైన రక్షణల గురించి వివరించారు. కార్యక్రమంలో అసిస్టెంట్‌ లీగల్‌ ఎయిడ్‌ డిఫెన్స్‌ కౌన్సిల్‌ రవికుమార్‌, న్యాయవాది నాగపూజ, సూపరింటెండెంట్‌ ప్రతిభ, సిబ్బంది తదితరులు పాల్గొన్నారు.

సిద్దిపేటజోన్‌: బతుకమ్మ వేడుకలను అంగరంగ వైభవంగా నిర్వహించాలని, బతుకమ్మ నిమజ్జన ఏర్పాట్లలో రాజీ పడొద్దని కలెక్టర్‌ హైమావతి ఆదేశించారు. బుధవారం జిల్లా కేంద్రంలోని కోమటిచెరువు, ఎర్ర చెరువు, నర్సాపురం, రంగధాంపల్లి చెరువు, మచ్చవాని కుంట తదితర ప్రాంతాల్లో కలెక్టర్‌ ఆకస్మికంగా తనిఖీ చేశారు. ఆయా చెరువుల వద్ద జరుగుతున్న ఏర్పాట్లు పరిశీలించారు. బతుక మ్మ పండుగను ప్రశాంత వాతావరణంలో జరిగేలా అవసరమైన ఏర్పాట్లు పూర్తి చేయాలని సూచించారు. కోమటి చెరువు వద్ద పారిశుద్ధ్య నిర్వహణ లోపాలు ఉండడంతో కలెక్టర్‌ ఆగ్రహం వ్యక్తంచేశారు. నిర్వహణ ఇన్‌చార్జి, పర్యాటక శాఖ అధికారుల తీరుపై మండిపడ్డారు. సద్దుల బతుకమ్మ వరకు పూర్తి స్థాయిలో ఏర్పాట్లు పూర్తి చేయాలన్నారు. చెరువుల వద్ద ప్రమాదాల నియంత్రణకు హెచ్చరిక బోర్డులు ఏర్పాటు చేయాలన్నారు. చెరువుల్లో రోజువారీ బతుకమ్మ పూలను తొలగించి పారిశుద్ధ్య నిర్వహణ సక్రమంగా అమలు చేయాలని సూచించారు. నిమజ్జన ప్రాంతాల్లో అవసరమైన చోట బారికేడ్లు, లైటింగ్‌, వైద్యసదుపాయాలు, అత్యవసర సేవలు అందుబాటులో ఉండాలన్నారు. ఓటరు నమోదుకు మరో అవకాశం సిద్దిపేటరూరల్‌: వలసవెళ్లిన వారు, 18 ఏళ్లు పైబడిన వారికి ఓటరు నమోదు చేసుకునేందుకు మరో అవకాశం కల్పించింది. ఈనెల 15, 16వ తేదీల్లో ప్రత్యేక ఓటరు నమోదు కార్యక్రమాన్ని నిర్వహించనున్నారు. ఈ అవకాశాన్ని ప్రజలు సద్వి నియోగం చేసుకోవాలని కలెక్టర్‌ హైమావతి ఒక ప్రకటనలో పేర్కొన్నారు. నమోదు చేసుకున్న వారి వివరాలను నవంబర్‌ 9న ప్రచురించే ఓటరు ముసాయిదాలో చేర్చనున్నట్లు తెలిపారు. బీఎల్‌ఓలు అందుబాటులో ఉంటారన్నారు.

హుస్నాబాద్‌: కోతుల బారి నుంచి రక్షించాలంటూ పిల్లలు మొరపెట్టుకున్నారు. ఈ మేరకు మంగళవారం పట్టణంలోని టీచర్స్‌ కాలనీకి చెందిన చిన్న పిల్లలు మున్సిపల్‌ కార్యాలయానికి వెళ్లి వినతిపత్రం అందించారు. తాము ఇంట్లో నుంచి బయటికి వెళ్దామంటే కోతులు దాడి చేస్తున్నాయని ఆవేదన వ్యక్తం చేశారు. దసరా సెలవుల్లో కూడా ఇంటి బయటకు వచ్చి ఆడుకోలేక పోతున్నామని వాపోయారు. చాలా సార్లు కోతుల దాడులకు గురయ్యామని తెలిపారు. కార్యక్రమంలో టీచర్స్‌ కాలనీ పిల్లలు తదితరులు ఉన్నారు. గజ్వేల్‌ వైద్యవిద్యార్థినికి బంగారు పతకం గజ్వేల్‌: కాళోజీ నారాయణరావు వైద్య విశ్వవిద్యాలయం ప్రకటించిన పీజీ వైద్యుల ఉత్తీర్ణత ఫలితాల్లో గజ్వేల్‌కు చెందిన డాక్టర్‌ గుడ్డోజు సునంద ఎంఎస్‌–ఈఎన్‌టీ విభాగంలో తెలంగాణలోనే అత్యధిక మార్కులతో డిస్టింక్షన్‌లో మొదటి ర్యాంకు సాధించి బంగారు పతకాన్ని కై వసం చేసుకున్నది. పట్టణానికి చెందిన గుడ్డోజు కృష్ణమూర్తి–సునీత దంపతుల కుమార్తె సునంద ఎంబీబీఎస్‌ ఎల్బీనగర్‌లోని కామినేని మెడికల్‌ పూర్తి చేశారు. అ తర్వాత పీజీ(ఎంఎస్‌–ఈఎన్‌టీ)ని కాళోజి నారాయణరావు వైద్య విశ్వవిద్యాలయం పరిధిలోని మెయినాబాద్‌ భాస్కర మెడికల్‌ కళాశాలలో పూర్తి చేశారు. ఆ విద్యార్థిని ప్రతిభపై పట్టణంలో అభినందనలు వెల్లువెత్తాయి. సమస్యలు పరిష్కరించండి ఎన్‌హెచ్‌ఎం ఉద్యోగుల డిమాండ్‌ సిద్దిపేటరూరల్‌: నేషనల్‌ హెల్త్‌ మిషన్‌(ఎన్‌హెచ్‌ఎం) ఉద్యోగుల రెగ్యులరైజేషన్‌, ఉద్యోగ భద్రత, వేతన సంబంధిత సమస్యలు ప్రభుత్వం వెంటనే పరిష్కరించాలని డిమాండ్‌ చేశారు. ఈ మేరకు మంగళవారం కలెక్టరేట్‌ ఎదుట ఎన్‌హెచ్‌ఎం ఉద్యోగులు నిరసన చేపట్టారు. ఈ సందర్భంగా వారు మాట్లాడుతూ ఎన్‌హెచ్‌ఎం ఉద్యోగుల సమస్యల పరిష్కారం కోరుతూ ఎన్నోసార్లు ప్రజాప్రతినిధులకు వినతి పత్రాలను అందజేసినప్పటికీ ఎలాంటి ఫలితం లేదన్నారు. ప్రభుత్వంపై ఒత్తిడి చేసేందుకే శాంతియుతంగా తమ నిరసనను వ్యక్తం చేయనున్నట్లు తెలిపారు. కార్యక్రమంలో ఎన్‌హెచ్‌ఎం జేఏసీ జిల్లా అధ్యక్షుడు కాల్వ చక్రధ ర్‌, ప్రధాన కార్యదర్శి శ్రీనివాస్‌రెడ్డి, అసోసియే ట్‌ ప్రెసిడెంట్‌ భాస్కర్‌, రాష్ట్ర ఆర్గనైజింగ్‌ కార్యదర్శి రాజు గౌడ్‌, ఎన్‌ హెచ్‌ఎం జిల్లా కోఆర్డినే టర్‌ రాజు, మహిళా వింగ్‌ అధ్యక్షురాలు శోభ, ఉపాధ్యక్షులు నాగేందర్‌ రెడ్డి పాల్గొన్నారు. ప్రిన్సిపాల్‌పై చర్యలు తీసుకోండి దుబ్బాక: నిబంధనలకు విరుద్ధంగా పాత సామగ్రి విక్రయించిన దుబ్బాక ప్రభుత్వ జూనియర్‌ కళాశాల ప్రిన్సిపాల్‌పై చర్యలు తీసుకో వాలని మంగళవారం తహసీల్దార్‌ కు సీపీఎం నాయకులు వినతిపత్రం అందించారు. దీనిపై విచారణ జరిపించి చర్యలు తీసుకోవాలని కోరారు. కార్యక్రమంలో సీపీఎం నాయకులు గొడ్డుబర్ల భాస్కర్‌, సాజిద్‌, కొంపల్లి భాస్కర్‌, ఎల్లయ్య, మహేష్‌ తదితరులు ఉన్నారు. స్వచ్ఛతను మరిచిన పాలకులు హుస్నాబాద్‌రూరల్‌: పల్లెల్లో చెత్త కుప్పలే దర్శనమిస్తున్నాయి. గ్రామాలను స్వచ్ఛతగా ఉంచాలని ప్రభుత్వం డంపింగ్‌ యార్డులను నిర్మించినా అధికారుల పర్యవేక్షణ లోపంతో పారిశుద్ధ్యం లోపిస్తోంది. పందిల్ల ఎస్సీ కాలనీలో పేదల నివాసల సమీపంలోనే చెత్త కుప్పలే దర్శనమిస్తున్నాయి. పాలకులకు ఇది కన్పించడం లేదా అని గ్రామస్తులు ప్రశ్నిస్తున్నారు. చెత్తను తొలగించి పేదల వాడలను స్వచ్ఛతగా మార్చాలని డిమాండ్‌ చేస్తున్నారు.

ప్రశాంత్‌నగర్‌(సిద్దిపేట): దేశంలోని అనేక రాష్ట్రాలలో జరిగిన ఎన్నికల్లో ఎన్‌డీఏ అధికార పక్షం ఓట్ల చోరీతో అధికారంలోకి వస్తోందని, ఇకనుంచి ఓట్ల చోరీ చెల్లదని బీఎన్‌ఆర్‌కేఎస్‌ రాష్ట్ర అధ్యక్షుడు దరిపల్లి చంద్రం అన్నారు. మంగళవారం జిల్లా కేంద్రంలో ఏర్పాటు చేసిన రాష్ట్ర భవన నిర్మాణ రంగాల కార్మిక సంఘం సమావేశానికి ముఖ్య అతిథిగా దరిపల్లి చంద్రం హాజరయ్యారు. ఈ సందర్భంగా ఆయన మాట్లాడుతూ కేంద్రంలో అధికారంలో ఉన్న బీజేపీ ప్రభుత్వం ఎన్నికల కమిషన్‌ను తమ జేబు సంస్థగా మార్చుకుందన్నారు. సీఈసీ జ్ఞానేశ్‌కుమార్‌ అవకతవకలకు బాధ్యత వహిస్తూ తక్షణం రాజీనామా చేయాలన్నారు. అక్షరాస్యత లేని వారు తమ వివరాలను పూర్తి స్థాయిలో తెలపకపోతే ఓట్లను తొలగించడం సరికాదన్నారు. రాష్ట్రవ్యాప్తంగా అనేక మంది కార్మికులు తమ ఓటు హక్కును కోల్పోయారన్నారు. వెంటనే సర్‌ ప్రక్రియను నిలిపివేయాలన్నారు. రాష్ట్రంలో బీజేపీ ఎమ్మెల్యేలు, ఎంపీల ఇళ్లను ముట్టడిస్తామన్నారు. కార్యక్రమంలో మల్లేశం, వేణు, మల్లేశం, పర్శరాములు, మహేందర్‌, ఎల్లం, ప్రసాద్‌, పాల్గొన్నారు.

● అదనపు కలెక్టర్‌ లక్ష్మీకిరణ్‌ ● అధికారులకు దిశానిర్దేశం సిద్దిపేటరూరల్‌: దసరా పండుగ తర్వాత జిల్లాలో పత్తి పంట కొనుగోళ్లు చేపట్టాలని అదనపు కలెక్టర్‌ లక్ష్మీ కిరణ్‌ అధికారులను ఆదేశించారు. మంగళవారం కలెక్టరేట్‌లోని మీటింగ్‌ హాల్‌లో పత్తి కొనుగోలు సంబంధిత శాఖల అధికారులతో సమావేశం నిర్వహించి కొనుగోలు కేంద్రాల ఏర్పాటుపై అదనపు సమీక్షించారు. ఈ సందర్భంగా ఆమె మాట్లాడుతూ జిల్లాలోని 9 వ్యవసాయ మార్కెట్‌ కమిటీల పరిధిలో 23 సీసీఐ కొనుగోలు కేంద్రాల ద్వారా పత్తి కొనుగోలు చేయాలన్నారు. కొనుగోలు కేంద్రాలలో తూకం యంత్రాలు, తేమ శాతం తెలిపే యంత్రాలు సిద్ధం చేయాలన్నారు. రైతులకు ఎలాంటి ఇబ్బందులు కలగకుండా కొనుగోలు కేంద్రాల వద్ద తాగునీరు, తదితర సౌకర్యాలు కల్పించాలన్నారు. కార్యక్రమంలో జిల్లా మార్కెటింగ్‌ అధికారి దుర్గం ప్రకాష్‌, జిల్లా వ్యవసాయ అధికారి, జిల్లా తూనికలు, కొలతల అధికారి శివరంజని, సీసీఐ అధికారులు, పత్తి మిల్లర్లు, మార్కెటింగ్‌ శాఖ సిబ్బంది తదితరులు పాల్గొన్నారు.

● ‘గౌరవెల్లి’కి నిధులు మంజూరు చేయాలి ● మాజీ ఎమ్మెల్యే చాడ వెంకట్‌ రెడ్డి హుస్నాబాద్‌: కాంగ్రెస్‌ ప్రభుత్వం ఎన్నికల్లో ఇచ్చిన హామీ మేరకు హుస్నాబాద్‌ను కరీంనగర్‌ జిల్లాలో కలపాలని మాజీ ఎమ్మెల్యే చాడ వెంకట్‌రెడ్డి డిమాండ్‌ చేశారు. మంగళవారం పట్టణంలోని అనబేరి సింగిరెడ్డి అమరుల భవన్‌లో ఆయన విలేకరులతో మాట్లాడారు. సిద్దిపేట జిల్లాలో హుస్నాబాద్‌ నియోజకవర్గాన్ని విలీనం చేయవద్దని ఆనాడే వ్యతిరేకించామన్నారు. కాంగ్రెస్‌ ప్రభుత్వం అధికారంలోకి వచ్చి మూడేళ్లు గడుస్తున్నా నేటికి విలీన ప్రక్రియను ప్రారంభించలేదన్నారు. కేసీఆర్‌ ప్రభుత్వ హయాంలో గౌరవెల్లి ప్రాజెక్టును పూర్తి చేయకుండా వివక్ష చూపారన్నారు. కాంగ్రెస్‌ ప్రభుత్వం గౌరవెల్లి ప్రాజెక్టు పూర్తి చేసేందుకు కావల్సిన నిధులను విడుదల చేయాలన్నారు. సాగు నీరు లేక, కరెంట్‌ సరిగా రాక వేసిన పంటలు ఎండిపోతున్నాయని తెలిపారు. ప్రభుత్వం వెంటనే కరువు మండలాలను ప్రకటించి కరువు సహాయక చర్యలు చేపట్టాలని డిమాండ్‌ చేశారు. ఆర్టీసీ ఎన్నికల్లో విజయం సాధించిన టీఎంయూ, ఈయూ కూటమి ఆర్టీసీని ప్రభుత్వంలో విలీనం, పలు డిమాండ్ల సాధనకై పోరాటాలు చేయాలన్నారు. సర్‌ పేరుతో ఓట్లను తొలగించి ఓట్‌ చోరీకి పాల్పడ్డారని ఆరోపించారు. సమావేశంలో సీపీఐ జిల్లా సహాయ కార్యదర్శి గడిపె మల్లేశ్‌, నియోజకవర్గ కన్వీనర్‌ జాగీర్‌ సత్యనారాయణ, నాయకులు కొయ్యడ కొమురయ్య, లక్ష్మీనారాయణ తదితరులు ఉన్నారు.

దుబ్బాకటౌన్‌: గ్రామీణ పాలనలో పారదర్శకత పెంచేందుకు ప్రభుత్వం కీలక నిర్ణయం తీసుకుంది. రాష్ట్ర వ్యాప్తంగా అన్ని గ్రామపంచాయతీలకు చెందిన పారిశుద్ధ్య ట్రాక్టర్లకు జీపీఎస్‌ సిస్టమ్‌ అమర్చే ప్రక్రియ మొదలైంది. ఇందులో భాగంగా జిల్లాలోని 493 గ్రామపంచాయతీలలో ఈ పనులు వేగంగా జరుగుతున్నాయి. కొన్నేళ్లుగా గ్రామపంచాయతీలకు చెందిన ట్రాక్టర్లు, వాటర్‌ ట్యాంకర్లు నిర్వహణలో అక్రమాలు జరుగుతున్నాయనే ఫిర్యాదులు వెల్లువెత్తాయి. కొందరు పంచాయతీ ట్రాక్టర్లను తమ సొంత వ్యవసాయ పనులకు, ఇటుక బట్టీలకు, ఇతర వాణిజ్య అవసరాలకు వాడుకుంటున్నారని, వచ్చిన ఆదాయాన్ని సొంత జేబులో వేసుకుంటూ, డీజిల్‌ ఖర్చు మాత్రం పంచాయతీ నిధుల నుంచి చూపిస్తున్నారనే ఆరోపణలు వచ్చాయి. చెత్త సేకరణకు వెళ్లాల్సిన ట్రాక్టర్‌ వెళ్లకపోవడం వల్ల పల్లెల్లో పారిశుద్ధ్యం లోపిస్తోందని ఆరోపణ. ఈ అక్రమాలకు అడ్డుకట్ట వేసేందుకే ప్రభుత్వం జీపీఎస్‌ విధానాన్ని అమలులోకి తెచ్చింది. పైలెట్‌ ప్రాజెక్టు విజయవంతం కావడంతో.. జగదేవపూర్‌ మండలంలో పైలెట్‌ ప్రాజెక్టుగా జీపీఎస్‌ బిగించి విజయవంతం కావడంతో ఇప్పుడు జిల్లా మొత్తం పనులు మొదలయ్యాయి. ప్రతి ట్రాక్టర్‌ కు ఒక చిన్న జీపీఎస్‌ చిప్‌ అమర్చుతారు. దీని ద్వారా లైవ్‌ లొకేషన్‌, ట్రాక్టర్‌ ప్రస్తుతం ఎక్కడ ఉంది, రూట్‌ హిస్టరీ, ఉదయం నుంచి సాయంత్రం వరకు ఎక్కడెక్కడ తిరిగింది, ఎన్ని కిలోమీటర్లు నడిచింది అనే సమాచారం నిక్షిప్తమై ఉంటుంది. జియో ఫెన్సింగ్‌ ఒక వేళ పంచాయతీ పరిధి దాటి ట్రాక్టర్‌ బయటకు వెళ్తే వెంటనే ఉన్నతాధికారులకు అలర్ట్‌ వెళ్తుంది. ఎన్ని గంటలు పనిచేసింది? ఎక్కడ ఎక్కువసేపు ఆగింది? అనేది రికార్డ్‌ అవుతుంది. ఈ డేటా మొత్తం మండల పంచాయతీ అధికారి, జిల్లా పంచాయతీ అధికారి మొబైల్‌ యాప్‌లో ప్రత్యక్షంగా కనిపిస్తుంది. 493 గ్రామ పంచాయతీల్లో.. జిల్లాలో 508 పంచాయతీలు ఉన్నాయి. దాదాపు ప్రతి పంచాయతీకి ఒక ట్రాక్టర్‌, ఒక ట్రాలీ, ఒక వాటర్‌ ట్యాంకర్‌ ఉంది. ప్రస్తుతం ఉన్న 493 వాహనాలకు ఈ జీపీఎస్‌లు అమర్చాల్సి ఉంది. దీని వల్ల రోజూ చెత్త సేకరణ 100 శాతం జరుగుతుంది. నెలకు ఒక్కో పంచాయతీలో రూ.5 వేల నుంచి 8 వేల వరకు డీజిల్‌ ఖర్చు ఆదా అవుతుందని అంచనా. దీంతో ప్రభుత్వ నిధులు దుర్వినియోగం కాకుండా ఉంటాయి.

● ఎండుతున్న పంటలు.. ● ట్యాంకర్‌తో నీళ్లు పారిస్తున్న రైతులు దుబ్బాకటౌన్‌: ఫొటోలో కనిపిస్తున్న కౌలు రైతు పేరు బాలమల్లు. దుబ్బాక మున్సిపల్‌ పరిధి లోని ధర్మాజీపేట వార్డుకు చెందిన ఆయన.. గ్రామంలో 4 ఎకరాల భూమిని కౌలుకు తీసుకొని వరి వేశారు. వరి పొలం ఎండిపోతోందని ఆవేదనతో, చేసేదేమీ లేక డబ్బులు పెట్టి వాటర్‌ ట్యాంకర్‌ తెప్పించి పొలానికి నీళ్లు పెడుతున్నారు. ఇలా చాలా మంది రైతులు జిల్లా వ్యాప్తంగా వ్యవసాయానికి సకాలంలో కరెంట్‌ రాక తీవ్ర ఇబ్బందులు పడుతున్నారు. పంట చేతికి వచ్చే దశలో కరెంట్‌ సరిగా రాక, నీరు పారక పొలాలు ఎండుతున్నాయి. బోరుబావులు, మోటార్లు ఉన్నా.. కరెంట్‌ లేకపోవడంతో నీళ్లు పారడం లేదని రైతులు వాపోతున్నారు. చేతికొచ్చే దశలో పొలం వాడిపోతోంది. పంటను కాపాడుకోవడానికి రైతులు తప్పనిసరి పరిస్థితిలో ట్యాంకర్‌ ద్వారా నీళ్లు పోస్తున్నారు. ఒక ట్యాంకర్‌ నీటికి రూ.వెయ్యి నుంచి రూ.1200 వరకు ఖర్చు అవుతుందని, ఇలా రోజూ ట్యాంకర్లతో నీళ్లు పోస్తే పెట్టుబడి కూడా రాదని రైతులు ఆవేదన వ్యక్తం చేస్తున్నారు. కష్టాన్ని నమ్ముకుని కౌలుకు తీసుకొని వరి వేస్తే నోటికాడి బువ్వను తన్నుకుపోయినట్లు కరెంట్‌ కోతలు పొట్ట మీద కొడుతున్నాయని వాపోయారు. వ్యవసాయానికి అవసరమయ్యే విద్యుత్‌ ఇచ్చి ఎండుతున్న పంటలను కాపాడాలని పలువురు రైతులు కోరుతున్నారు.

విచారణ జరుపుతాంఆలయంలో ఒగ్గు పూజారుల సంఖ్య పెంపు వ్యవహారంపై సమగ్ర విచారణ జరపడానికి దేవాదాయ శాఖ అధికారులు కమిటీ ఏర్పాటు చేశారు. ఒగ్గు పూజారుల నియామకానికి కొంత మంది దళారులు వసూలు చేస్తున్న డబ్బులతో నాకు ఎలాంటి సంబంధం లేదు. కమిటీ సభ్యులు సమగ్ర విచారణ జరిపి అధికారులకు నివేదిక అందిస్తారు. – సుధాకర్‌ రెడ్డి, ఆలయ ఈఓకొమురవెల్లి(సిద్దిపేట): కొమురవెల్లి మల్లికార్జున స్వామి ఆలయంలో ఒగ్గు పూజారుల సంఖ్య పెంచేందుకు దళారులు డబ్బుల వసూలు దందాను మళ్లీ మొదలుపెట్టారు. ఈ దందాను గత జనవరిలో దేవాదాయ శాఖ కార్యాలయంలో పని చేసే అధికారి తిరస్కరించారు. అతను బదిలీ కావడంతో దందాను మళ్లీ ప్రారంభించారు. ఆలయంలో రెండు రకాల పూజలు నిర్వహిస్తారు. స్వామి గర్భగుడిలో వీరశైవ అర్చకులు పూజలు నిర్వహిస్తే, ఆలయం బయట జానపద రీతిలో స్వామి వారికి ఒగ్గు పూజారులు పట్నం వేసి పూజలు నిర్వహిస్తారు. వీరశైవ అర్చకులకు దేవాదాయ శాఖ వేతనాలు చెల్లిస్తుంది. ఒగ్గు పూజారులకు పట్నాల టికెట్ల నుంచి వచ్చే ఆదాయంలో 50 శాతం చెల్లిస్తారు. ఇప్పటి వరకు ఆలయంలో 163 మంది ఒగ్గు పూజారులున్నారు. అదనంగా మరో 56 మందిని నియమించాలని కొంత మంది గుట్టు చప్పుడు కాకుండా దేవాదాయ శాఖకు నివేదించారు. అంతేకాకుండా నియామకమవుతున్న వారి నుంచి రూ.3లక్షల చొప్పున బేరం కుదుర్చుకున్నారు. ప్రస్తుతం ఒక్కొక్కరి నుంచి రూ.2 లక్షలు వసూలు చేసినట్లు సమాచారం. మిగతా రూ.లక్ష పని పూర్తయిన తర్వాత ఇచ్చేలా ఒప్పందం చేసుకు న్నారు. ఈ అక్రమాలపై సమగ్ర విచారణ జరిపి వీలైనంత త్వరలో నివేదిక అందించాలని ముఖ్య కార్యదర్శి శైలజ రామయ్యర్‌, దేవాదాయ శాఖ కమిషనర్‌ హన్మంతరావును ఆదేశించారు. వెంటనే ఆయన అదనపు కమిషనర్‌, జాయింట్‌ కమిషనర్‌, డిప్యూటీ కమిషనర్‌, అసిస్టెంట్‌ కమిషనర్‌, ఆలయ ఈఓ, ఒగ్గుపూజారుల ప్రతినిధితో కమిటీ ఏర్పాటు చేశారు. దీంతో కొంత కాలం పాటు గుట్టు చప్పుడు కాకుండా వ్యవహరించిన దళారులు ప్రస్తుతం ఓ మంత్రి ద్వారా రూ.70 లక్షల ఒప్పందం కుదుర్చుకుని ఫైల్‌ను కదుపుతున్నట్లు సమాచారం.

సాక్షి, సిద్దిపేట: గ్రామీణ ప్రాంతాల్లో వ్యవసాయ కూలీలకు ఉపాధి పనులు భరోసా ఇస్తున్నాయి. ఎల్‌నినో ఎఫెక్ట్‌తో పంటల సాగు ఆశించిన స్థాయిలో లేకపోవడంతో వ్యవసాయ కూలీలు, ఇతరులు ఇబ్బందులు పడవద్దన్న ఉద్దేశంతో వీబీ జీ రామ్‌జీలో భాగాంగా ప్రత్యేక ప్రణాళికలను రూపొందించారు. జిల్లా వ్యాప్తంగా రోజుకు సగటున 9వేల మంది కార్మికులు ఒక్కో గ్రామంలో సగటున 19 మంది కార్మికులు పనులకు హాజరవుతున్నారు. కనీసం ఒక్కో గ్రామంలో 50మంది కూలీలకు ఉపాధి కల్పించడమే లక్ష్యంగా నిర్ణయించారు. కూలీల సమీకరణలో .. కూలీల సమీకరణలో సర్పంచ్‌లు, వార్డు సభ్యులు, పంచాయతీ కార్యదర్శులను భాగస్వాములను చేయాలని ప్రభుత్వం ఆదేశించింది. కార్యదర్శులు క్షేత్రస్థాయిలో సిబ్బందితో సమన్వయం చేసుకుంటూ పనులకు డిమాండ్‌ పెంచాలి. ప్రతి గ్రామ పంచాయతీలో అవసరమైన పనులను గుర్తించి, నిరంతరాయంగా ఉపాధి కల్పించేలా కార్యాచరణ ప్రణాళికలు రూపొందించాలి. పనుల నిర్వహణ, కొలతలు పని విభజన సక్రమంగా ఉండేలా పర్యవేక్షణ పటిష్టం చేశారు. వచ్చే వారం నుంచి కార్మికుల హాజరు పురోగతి ఉండేలా ప్రణాళికలను రూపొందించారు. కూలీలకు అవగాహన.. ఎంపీడీఓ, ఎంపీఓ, టీఏలు బృందాలు ఏర్పాటు చేసి ప్రతీ గ్రామంలో సభలను నిర్వహిస్తున్నారు. గ్రామసభల్లో వీబీజీ రామ్‌జీ ద్వారా కల్పించే పనులపై కూలీలకు అవగాహన కల్పించడంతో పాటు వివిధ శాఖల అధికారులు అందరూ విధిగా హాజరై తమ శాఖకు అవసరమైన పనులను గుర్తించి ప్రణాళికలో చేర్చాలి. ఆయా పనులను జీపీఎస్‌ లోకేషన్‌ ఆధారంగా పరిశీలించాలి. గుర్తించిన పనులను ప్రాధాన్య క్రమంలో సూచిస్తూ వికసిత్‌ గ్రామ పంచాయతీ ప్రణాళికలు ఆమోదం చేపట్టాలి. కూలీల వివరాలు (లక్షల్లో) మొత్తం జాబ్‌ కార్డులు: 1.97 కూలీల సంఖ్య: 3.88 యాక్టివ్‌ ఉన్న జాబ్‌ కార్డులు: 1.19 యాక్టిక్‌ ఉన్న కూలీల సంఖ్య: 1.97ఎల్‌నినో ఎఫెక్ట్‌ వేళ..

నాచగిరి ప్రదక్షిణలో భక్తజన సందోహం వర్గల్‌(గజ్వేల్‌): నాచగిరి లక్ష్మీనృసింహుని సన్నిధానం స్వాతి నక్షత్ర మహోత్సవంతో అలరారింది. గిరి ప్రదక్షిణ సంరంభంతో హరిద్రాతీరం పరవశించింది. శ్రీవారి జన్మనక్షత్రం సందర్భంగా సోమవారం పీఠాధిపతి మాధవానంద సరస్వతిస్వామి స్వీయ పర్యవేక్షణలో ఉదయం ఉత్తరద్వారం వద్ద గిరిప్రదక్షిణ ప్రారంభమైంది. మాజీ ఎమ్మెల్యే నర్సారెడ్డి, వేలాది భక్తులు ‘శ్రీనారసింహ జై’ అంటూ పీఠాధిపతిని అనుసరిస్తూ గిరిప్రదక్షిణ చేశారు. నాచగిరి కొండలు చుడుతూ, హరిద్రా తీరం మీదుగా గిరి ప్రదక్షిణ ఆద్యంతం ఆధ్యాత్మికత వెల్లివిరిసింది. మరోవైపు క్షేత్రంలో సుదర్శన మహాయాగం నిర్వహించి పూర్ణాహుతి చేశారు. రాత్రి సింహవాహనసేవ నిర్వహించారు. భక్తజనులు వేడుకలో పాల్గొని గర్భగుడిలో స్వామివారిని దర్శించుకుని తరించారు.

● కలెక్టర్‌ హైమావతి ● వచ్చిన దరఖాస్తులు 91 సిద్దిపేటరూరల్‌: ప్రజావాణి కార్యక్రమంలో అందించిన అర్జీలను నిర్లక్ష్యం చేయవద్దని కలెక్టర్‌ హైమావతి అధికారులను హెచ్చరించారు. సోమవారం కలెక్టరేట్‌లోని మీటింగ్‌ హాల్లో నిర్వహించిన ప్రజావాణి కార్యక్రమంలో ప్రజల నుంచి అర్జీలను స్వీకరించారు. దరఖాస్తులను సంబంధిత శాఖల అధికారులకు అందజేసి సత్వర పరిష్కారానికి చర్యలు తీసుకోవాలన్నారు. ప్రజావాణి ఫిర్యాదుల పరిష్కారంపై నిర్లక్ష్యం వహించే అధికారులపై చర్యలు తీసుకుంటామన్నారు. మండల స్థాయిలో జరిగే ప్రజావాణి కార్యక్రమంలో స్వీకరించిన దరఖాస్తులను శాఖల వారీగా పర్యవేక్షించి పరిష్కారానికి చర్యలు తీసుకొని నివేదికలు అందజేయాలని ఆదేశించారు. కార్యక్రమంలో అదనపు కలెక్టర్‌ లక్ష్మీకిరణ్‌, డీఆర్‌ఓ నాగరాజమ్మ, స్పెషల్‌ డిప్యూటీ కలెక్టర్‌, వివిధ శాఖల జిల్లా అధికారులు తదితరులు పాల్గొన్నారు. నిమజ్జనానికి పకడ్బందీ ఏర్పాట్లు హుస్నాబాద్‌: బతుకమ్మ నిమజ్జనానికి అవసరమైన అన్ని సదుపాయాలు కల్పించాలని కలెక్టర్‌ హైమావతి అధికారులను ఆదేశించారు. సోమవారం బతుకమ్మ పండుగను పురస్కరించుకొని హుస్నాబాద్‌ ఎల్లమ్మ చెరువు కట్టపై చేపడుతున్న ఏర్పాట్లను పరిశీలించారు. ఈ సందర్భంగా కలెక్టర్‌ మాట్లాడుతూ బతుకమ్మ పండుగకు వచ్చే మహిళలు, ప్రజలకు ఎలాంటి అసౌకర్యం కలగకుండా అన్ని శాఖల అధికారులు సమన్వయంతో పని చేయాలని సూచించారు. చెరువు కట్ట పరిసరాల్లో పారిశుద్ధ్య నిర్వాహణ, తాగునీటి సరఫరా, విద్యుత్‌ దీపాల ఏర్పాటు చేయాలన్నారు. ప్రజల రద్దీని దృష్టిలో ఉంచుకొని ట్రాఫిక్‌ నియంత్రణ, మహిళల భద్రతకు ప్రత్యేక చర్యలు చేపట్టాలని సూచించారు. అత్యవసర వైద్య సేవలు అందుబాటులో ఉంచాలన్నారు. కార్యక్రమంలో మున్సిపల్‌ చైర్‌పర్సన్‌ దండి లక్ష్మి, వైస్‌ చైర్‌ పర్సన్‌ చిత్తారి పద్మ, కౌన్సిలర్లు, తహసీల్దార్‌, ఆయా శాఖల అధికారులు పాల్గొన్నారు. ఈవీఎంల గోదాం పరిశీలన సిద్దిపేటరూరల్‌: ఈవీఎంల గోదాం వద్ద నిరంతర పర్యవేక్షణ ఉండేలా చర్యలు తీసుకోవాలని కలెక్టర్‌ హైమావతి అధికారులను ఆదేశించారు. సోమవారం కలెక్టరేట్‌ పక్కన గల ఎలక్ట్రానిక్‌ ఓటింగ్‌ యంత్రాల గోదాంను కలెక్టర్‌ క్షేత్రస్థాయిలో పరిశీలించారు. ఈ సందర్భంగా గోదాంలో ఈవీఎంల భద్రత, సీసీ కెమెరాల పనితీరు, భద్రతా సిబ్బంది విధులు, రికార్డుల నిర్వహణ తదితర అంశాలపై ఆరాతీశారు. ఎన్నికల నిర్వహణకు సంబంధించిన అన్ని ఏర్పాట్లలో అప్రమత్తంగా ఉండాలని సూచించారు.

అమృత్‌ 2.0లో భాగంగా రూ.3.14కోట్ల వ్యయంతో చేపడుతున్న బరిచెరువు సుందరీకరణ పనుల తీరుపై విమర్శలు వెల్లువెత్తుతున్నాయి. ఒక చెరువును మురుగురహితంగా మార్చడానికి మరో కుంటను కలుషితం చేయబోతున్నారు. అంతేకాకుండా ఆ కుంట నుంచి మురుగు బయటకు వెళ్లే కాల్వలు లేక, పట్టణంలోని కాలనీల్లోకి ముంచెత్తనున్నది. ఈ పరిణామం ప్రజారోగ్యానికి ముప్పుగా మారబోతున్నది. – గజ్వేల్‌ రాష్ట్రంలోని 70మున్సిపాలిటీల్లో కేంద్రం అమృత్‌ 2.0 కింద రిజువనేషన్‌ ఆఫ్‌ వాటర్‌ బాడీస్‌ పేరిట పనులను చేపడుతున్నది. ఇందులోభాగంగానే గజ్వేల్‌–ప్రజ్ఞాపూర్‌ మున్సిపాలిటీ పరిధిలోని ముట్రాజ్‌పల్లిలోగల బరిచెరువును సుందరీకరించడానికి ఎంపిక చేశారు. ఇందుకోసం రూ.3.14కోట్ల నిధులు వచ్చాయి. ఈ పనులను ప్రజారోగ్యశాఖ(పబ్లిక్‌ హెల్త్‌) ఇంజినీరింగ్‌ విభాగం చేపడుతున్నది. కానీ పనుల తీరుపై విమర్శలు వెల్లువెత్తుతున్నాయి. బరి చెరువులోకి మున్సిపాలిటీ పరిధిలోని ఆర్‌అండ్‌ఆర్‌ కాలనీ నుంచి నిత్యం మురుగునీరు భారీగా వచ్చి చేరుతోంది. ప్రస్తుతం చేపడుతున్న పనుల్లో భాగంగా ఈ మురుగు బరి చెరువులోకి రాకుండా డైవర్ట్‌ చేయడంతోపాటు, చెరువు వెడల్పు, కట్టను పటిష్టం చేయడం, అందమైన మొక్కలను పెంచి సుందరంగా తీర్చిదిద్దనున్నారు. పనుల లక్ష్యం మహత్తరమైనదే అయినప్పటికీ, ఇక్కడి అధికారులు పనులు చేపడుతున్న తీరు లోపభూయిష్టంగా మారింది. ఆర్‌అండ్‌ఆర్‌ కాలనీకి చెందిన మురుగు బరి చెరువులోకి రాకుండా...మురుగు కాల్వను డైవర్ట్‌ చేసి పైప్‌లైన్‌ ద్వారా ముట్రాజ్‌పల్లిలోని మొండికుంటలోకి తీసుకురాబోతున్నారు. ఇందుకోసం కిలోమీటర్‌ మేర పైప్‌లైన్‌ నిర్మాణం జరుగుతోంది. మీటర్‌ వైశాల్యం కలిగిన సిమెంట్‌ పైప్‌లను ఇందుకోసం వాడుతున్నారు. మొండి కుంట కలుషితం మురుగును డైవర్ట్‌ చేయడానికి సాగుతున్న పైప్‌లైన్‌ నిర్మాణం వల్ల ఇక మొండికుంట కలుషితం కాబోతోంది. అధికారులు చెబుతున్న మాటమేటంటే మొండి కుంట మురుగుతో నిండితే కాల్వల ద్వారా లక్ష్మీప్రసన్న కాలనీ, సిరిఎన్‌క్లేవ్‌, బాలాజీ ఎన్‌క్లేవ్‌ల మీదుగా రాజిరెడ్డిపల్లి, క్యాసారం చెరువుల్లోకి వెళ్తోంది.. ఇలా నిరంతరం పారడం వల్ల మురుగు వాసన ఉండదని. కానీ అధికారులు చెబుతున్నట్లుగా.. మొండికుంట నుంచి మురుగు సాఫీగా వెళ్లడానికి కాల్వల వ్యవస్థ లేదు. వర్షాకాలం వస్తే వరద నీరే ఏటా కాలనీలను ముంచెత్తుతోంది. ప్రస్తుతం మురుగు నీరు అదే తరహాలో ప్రవాహిస్తే కాలనీల్లో జనం దుర్వాసన మధ్య కాలమెళ్లదీయాల్సిన పరిస్థితి రాబోతుంది. ఈ పరిస్థితి ప్రజారోగ్యానికి ముప్పుగా మారబోతుందనడంలో సందేహం లేదు. ఎస్‌టీపీ నిర్మాణంతోనే సమస్యకు పరిష్కారం ఎస్‌టీపీ(సీవరేజ్‌ ట్రీట్‌మెంట్‌ ప్లాంట్‌) నిర్మాణంతో ఈ సమస్యకు చెక్‌ పడనున్నది. మురుగును మొండికుంటలోకి అక్కడి నుంచి కాలనీలమీదుగా తరలించే ఆలోచనను అధికారులు వెంటనే విరమించుకోవాల్సి ఉంది. మురుగు తరలింపు కోసం నిర్మిస్తున్న పైప్‌లైన్‌ను డైరెక్ట్‌గా ఎస్‌టీపీలో కలిపేందుకు.. చర్యలు తీసుకోవాలి. లేదంటే పట్టణంలో రాబోవు రోజుల్లో ముంచెత్తే మురుగుతో జనం అవస్థలు పడటం ఖాయంగా కనిపిస్తున్నది. రూ.3.14కోట్ల వ్యయం బరి చెరువు సుందరీకరణ కోసం... మురుగు మొండి కుంటలోకి తరలింపు ప్రజారోగ్యానికి పొంచివున్న ముప్పు గజ్వేల్‌–ప్రజ్ఞాపూర్‌ మున్సిపాలిటీ దుస్థితి పరిశీలన చేస్తాంమొండికుంటలోకి మురుగు తరలింపు ఆలోచన నిజమే. కానీ అక్కడి నుంచి కాల్వల ద్వారా మురుగు సాఫీగా వెళ్లిపోతుందని అనుకొని పనులు చేపడుతున్నాం. దీనిపై మరోసారి క్షేత్రస్థాయి పరిశీలన జరుపుతాం. ప్రజలకు ఇబ్బంది కలుగుతుందనుకుంటే ప్రత్యామ్నాయ మార్గాలపై దృష్టి పెడతాం. –మహేశ్‌, ఏఈ, ప్రజారోగ్య శాఖ

ప్రజావాణిలో ఫిర్యాదు చేసిన రైతులు హుస్నాబాద్‌: శ్రీకర్‌ సీడ్స్‌ కంపెనీ ప్రతినిధులు చెప్పిన మాటలు విని వరి సాగు చేసి తీవ్రంగా నష్టపోయామని సోమవారం ప్రజావాణిలో రైతులు ఫిర్యాదు చేశారు. కంపెనీ ప్రతినిధులు తమ బావుల వద్దకు వచ్చి శ్రీకర్‌ సీడ్స్‌ వరి విత్తనాలు సాగు చేస్తే ఎకరానికి రూ.70వేలు ఇస్తామని హామీ ఇచ్చినట్లు తెలిపారు. గత యాసంగి సీజన్‌లో 50 ఎకరాల్లో 15 మంది రైతులు వరి సాగు చేయగా, ఎకరానికి రెండు నుంచి మూడు క్వింటాళ్ల దిగుబడి మాత్రమే వచ్చిందని వారు ఆవేదన వ్యక్తం చేశారు. పండిన ధాన్యాన్ని తీసుకువెళ్లినప్పటికి తమకు చెల్లించాల్సిన డబ్బులు ఇవ్వలేదన్నారు. సంబంధిత కంపెనీ ప్రతినిధులపై చట్టపరమైన చర్యలు తీసుకోవాలని ఆర్డీఓకు విజ్ఞప్తి చేశారు. గజ్వేల్‌: ఓటు చోరీ జరిగిందంటూ ఆరోపణలు చేస్తున్న కాంగ్రెస్‌ నేతలు ఆధారాలుంటే బయటపెట్టాలని బీజేపీ రాష్ట్ర అధికార ప్రతినిధి కప్పర ప్రసాదరావు సవాల్‌ చేశారు. సోమవారం గజ్వేల్‌లో ఆయన విలేకరులతో మాట్లాడుతూ ఏ పోలింగ్‌ బూత్‌లో ఎంతమంది ఓట్లు తొలగించారు? ఎవరికి సంబంధించిన ఓట్లను తొలగించారో స్పష్టంగా వెల్లడించాలని ఆయన డిమాండ్‌ చేశారు. హుస్నాబాద్‌లో అర్హులైన ఓట్లను తొలగించారన్న అంశంపై మంత్రి పొన్నం ప్రభాకర్‌ బహిరంగ చర్చకు సిద్దమా? అంటూ ప్రశ్నించారు. ప్రజాస్వామ్యంలో ఓటు అత్యంత కీలకమైన హక్కు అని అన్నారు. అర్హులకు ఓటు దూరమైతే సమగ్ర విచారణ జరగాల్సిందేనని అభిప్రాయపడ్డారు. విలేకరుల సమావేశంలో మున్సిపల్‌ మాజీ చైర్మన్‌ గాడిపల్లి భాస్కర్‌, పార్టీ పట్టణ శాఖ అధ్యక్షుడు మనోహర్‌యాదవ్‌, నాయకులు లక్ష్మణ్‌గౌడ్‌, వెంకట్‌రెడ్డి, రాజేశ్వర్‌చారి తదితరులు పాల్గొన్నారు. గజ్వేల్‌రూరల్‌: భూనిర్వాసితులకు పెండింగ్‌లో ఉన్న సమస్యలను వెంటనే పరిష్కరించాలని సీపీఐ గజ్వేల్‌ నియోజకవర్గ కార్యదర్శి శివలింగ కృష్ణ డిమాండ్‌ చేశారు. ఈ సందర్భంగా మల్లన్నసాగర్‌ ముంపు గ్రామాల ప్రజలతో కలిసి సోమవారం పట్టణంలోని అంబేడ్కర్‌ చౌరస్తా వద్ద నిరసన తెలిపిన అనంతరం ఐవోసీలోని ప్రజావాణిలో ఆర్డీవోకు వినతిపత్రం అందజేశారు. ఆయన మాట్లాడుతూ సర్వం త్యాగం చేసిన ముంపు గ్రామాల ప్రజలకు ప్రభుత్వం ఇస్తామన్న పరిహారం ఇంకా పెండింగ్‌లోనే ఉందన్నారు. ప్రాజెక్టులను నిర్మించి ఏళ్లు గడుస్తున్నా పరిహారం చెల్లించడంలో పాలకులు, అధికారుల నిర్లక్ష్యం తగదన్నారు. కార్యక్రమంలో సీపీఐ నాయకులు వెంకటచారి, వెంకటేశం, భూనిర్వాసితులు పాల్గొన్నారు. సీపీ రష్మీ పెరుమాళ్‌ సిద్దిపేటకమాన్‌: సైబర్‌ నేరాలపై ప్రజలు అప్రమత్తంగా ఉండాలని సీపీ రష్మీ పెరుమాళ్‌ తెలిపారు. సిద్దిపేట ప్రభుత్వ మెడికల్‌ కళాశాలలో వైద్య విద్యార్థులకు సైబర్‌ నేరాలపై అవగహన సదస్సు నిర్వహించారు. కార్యక్రమానికి ముఖ్య అతిథిగా హాజరైన సీపీ రష్మీ పెరుమాళ్‌ మాట్లాడుతూ.. ఆన్‌లైన్‌ ఆర్డర్‌ వస్తువుల డెలివరీ సమయంలో అప్రమత్తంగా ఉండాలన్నారు. గుర్తు తెలియని వ్యక్తుల నుంచి వచ్చే లింకులు ఓపెన్‌ చేయకూడదని తెలిపారు. గుర్తు తెలియని వ్యక్తులకు ఏటీఎం పిన్‌, క్రెడిట్‌ కార్డు వివరాలు, ఫోన్‌లకు వచ్చే ఓటీపీ వివరాలు తెలపకూడదన్నారు. సైబర్‌ నేరాల భారిన పడితే వెంటనే 1930 హెల్ప్‌లైన్‌కు ఫోన్‌ చేయాలని సూచించారు.

సిద్దిపేటజోన్‌: జిల్లా దశాబ్ది సందర్భంగా నిర్వహించిన పదేళ్ల పండుగ పది తరాలకు గుర్తు ఉండేలా జరిగిందని, ఈ వేడుకల్లో పాల్గొన్న ప్రతి ఒక్కరికీ కృతజ్ఞతలు అంటూ మాజీ మంత్రి హరీశ్‌రావు తెలిపారు. ముగింపు సభకు తరలివచ్చిన ప్రజానీకానికి, కృషి చేసిన పార్టీ నాయకులు, శ్రేణులకు ఆయన ప్రత్యేక కృతజ్ఞతలు తెలియజేశారు. పదేళ్ల పండుగలో అన్ని వర్గాలు స్వచ్ఛందంగా ఎవరికి వారు అనేక కార్యక్రమాలు నిర్వహించారన్నారు. కవులు, కళాకారులు, జర్నలిస్టులు, వైద్యులు, న్యాయవాదులు, ప్రజా సంఘాలు, వ్యాపార వర్గాలు, విద్యావేత్తలు, రిటైర్డ్‌ ఉద్యోగులు, ఉద్యోగ, ఉపాధ్యాయ సంఘాలు, ప్రొఫెసర్లు తదితర సంఘాల ప్రతినిధులకు ఆయన ధన్యవాదాలు తెలిపారు.

● పూల కొనుగోళ్లతో మార్కెట్లలో సందడి ● పాఠశాలల్లో ముందస్తు సంబురాలు బతుకమ్మ, మహాలయ అమావాస్య, దేవి శరన్నవరాత్రి ఉత్సవాల వేళ జిల్లా అంతటా కోలాహలంగా మారింది. చిన్న బతుకమ్మను శనివారం నిర్వహించుకునేందుకు జిల్లా ప్రజలు సిద్ధమయ్యారు. పితృదేవతలకు పూజలు నిర్వహించి, బతుకమ్మను పేర్చేందుకు జిల్లా ప్రజలు అన్ని ఏర్పాట్లు చేసుకున్నారు. జిల్లా కేంద్రంలోని ప్రధాన మార్కెట్లన్నీ గునుగు, తంగెడు, పట్టు, చామంతి, బంతి, గడ్డి, తదితర పూల విక్రయాలతో కళకళలాడాయి. ఇదిలా ఉంటే.. జిల్లా కేంద్రంలో పాఠశాలల్లో ముందస్తు బతుకమ్మ వేడుకలను నిర్వహించారు. మరోవైపు దేవి శరన్నవరాత్రోత్సవాలు నిర్వహించుకునేందుకు ఏర్పాట్లు చేస్తున్నారు. అందుకు గాను వాడవాడల అమ్మవారి మండపాలను అందంగా అలంకరిస్తున్నారు. ఉత్సవాలు అంగరంగ వైభవంగా నిర్వహించేందుకు సర్వంసిద్ధం చేస్తున్నారు. – ప్రశాంత్‌నగర్‌(సిద్దిపేట)

సిద్దిపేటకమాన్‌/దుబ్బాక/హుస్నాబాద్‌/గజ్వేల్‌రూరల్‌: జిల్లాలోని ఆర్టీసీ డిపోల్లో ఆర్టీసీ గుర్తింపు సంఘం ఎన్నికలు శుక్రవారం ప్రశాంతంగా జరిగాయి. సిద్దిపేట, దుబ్బాక, గజ్వేల్‌ ప్రజ్ఞాపూర్‌, హుస్నాబాద్‌ ఆర్టీసీ డిపోల్లో శుక్రవారం ఉదయం 5 నుంచి సాయంత్రం 6గంటల వరకు ఓటింగ్‌ ప్రక్రియ ప్రశాంతంగా జరిగింది. కాగా.. దుబ్బాక, గజ్వేల్‌– ప్రజ్ఞాపూర్‌, హుస్నాబాద్‌ డిపోల్లో కాంగ్రెస్‌ మద్దతుతో పోటీచేసిన తెలంగాణ వర్కర్స్‌ యూనియన్‌ విజయం సాధించింది. ఎన్నికలు నిర్వహించిన ఆర్టీసీ డిపోల్లో లేబర్‌ డిపార్ట్‌మెంట్‌ అధికారులు ఎన్నికల నిర్వహణ అధికారులుగా వ్యవహరించారు. డిపో మేనేజర్లు ఏర్పాట్లను పర్యవేక్షించారు. ● దుబ్బాక డిపోలో మొత్తం 126 ఓట్లు ఉండగ వందశాతం పోల్‌ అయ్యాయి. టీడబ్ల్యూయూకు 66 ఓట్లు, ఈయూకు 60 ఓట్లు రాగా 6 ఓట్ల మెజార్టీతో టీడబ్ల్యూయూ గెలుపొందింది. తెలంగాణ వర్కర్స్‌ యూనియన్‌ దుబ్బాక డిపో ప్రెసిడెంట్‌గా దొడ్ల శ్రీనివాస్‌,సెక్రటరిగా మహేందర్‌రెడ్డి విజయం సాధించారు. ● హుస్నాబాద్‌ డిపోలో మొత్తం 207 ఓట్లకు 205 ఓట్లు పోలయ్యాయి. ఇందులో టీడబ్ల్యూయూ కూటమికి 113 ఓట్లు, టీఎంయూ కూటమికి 92 ఓట్లు వచ్చాయి. 21 ఓట్ల తేడాతో టీడబ్ల్యూయూ కూటమి విజయం సాధించింది. గెలుపుతో కూటమి నాయకులు టపాసులు కాల్చి సంబరాలు జరుపుకొన్నారు. ● సిద్దిపేట ఆర్టీసీ డిపోలో జరిగిన కార్మిక సంఘం ఎన్నికల్లో ఎంప్లాయీస్‌ యూనియన్‌, నేషనల్‌ మజ్దూర్‌ యూనియన్‌, తెలంగాణ మజ్దూర్‌ యూనియన్‌ జేఏసీ కూటమి 203ఓట్లతో విజ యం సాధించింది. ఈయూ, ఎన్‌ఎంయూ, టీఎంయూ కూటమి నాయకులు, మద్దతుదారులు సంబరాలు నిర్వహించారు. ● జీపీపీ(గజ్వేల్‌–ప్రజ్ఞాఫూర్‌) ఆర్టీసీ డిపోలో మొత్తం 224 ఓట్లు ఉండగా, 223 ఓట్లు పోలయ్యాయి. టీడబ్ల్యూయూ స్టేట్‌కు 118 ఓట్లు, లోకల్‌కు 125, ఎంప్లాయీస్‌ యూనియన్‌ స్టేట్‌కు 88, లోకల్‌కు 72, బీఎంఎస్‌ స్టేట్‌కు 14, లోకల్‌కు 24 ఓట్లు వచ్చాయి. ఈ సందర్భంగా తెలంగాణ వర్కర్స్‌ యూనియన్‌ డిపో అధ్యక్ష, కార్యదర్శులు రామచంద్రారెడ్డి, నర్సింహులు మాట్లాడుతూ టీడబ్ల్యూయూ గెలుపు కార్మికుల విజయమని అన్నారు. ప్రశాంతంగా ఆర్టీసీ గుర్తింపు సంఘం ఎన్నికలు దుబ్బాక, గజ్వేల్‌– ప్రజ్ఞాపూర్‌, హుస్నాబాద్‌ డిపోల్లో నేతల సంబరాలు ఈనెల 17న అధికారికంగా ఫలితాల ప్రకటన

● రేపటి బంగారు సిద్దిపేటే లక్ష్యం కావాలి ● మాజీ మంత్రి హరీశ్‌రావు సిద్దిపేటజోన్‌: ‘సిద్దిపేట జిల్లా అనే ఆకాంక్ష ఇప్పటిది కాదు. కొన్ని దశాబ్దాల కల ఒకప్పుడు ఎన్నికలు వస్తే జిల్లా నినాదం గోడల మీద రాతలుగా ఉండేది. దాన్ని నిజం చేసిన ఘనత మాజీ సీఎం కేసీఆర్‌ కు దక్కింది’ అని మాజీ మంత్రి హరీశ్‌ రావు అన్నారు. జిల్లా దశాబ్ది ఉత్సవాల్లో భాగంగా శుక్రవారం జిల్లా కేంద్రంలోని డిగ్రీ కళాశాల వద్ద 10కే రన్‌ నిర్వహించారు. హరీశ్‌రావు జెండా ఊపి ప్రారంభించారు. ఆయన మాట్లాడుతూ 10కే రన్‌ స్ఫూర్తితో అంతే వేగంగా జిల్లా మరింత అభివృద్ధి చేసుకుందమన్నారు. ఇదే స్ఫూర్తితో భవిష్యత్తు లో బంగారు సిద్దిపేట సాధన దిశగా సమష్టిగా కృషి చేయాలని పిలుపునిచ్చారు. సిద్దిపేట సమగ్రాభివద్ధి జరిగిందన్నారు. రేపటి సిద్దిపేట జిల్లాలో యూనివర్సిటీ రావాలని, ఇదొక్కటే మిగిలిపోయిందన్నారు. ఆ దిశగా అడుగులు వేద్దామని పిలుపునిచ్చారు. ఈ సందర్భంగా నిర్వహించిన10కే రన్‌ లో హరీశ్‌రావు సైతం పాల్గొన్నారు. కార్యక్రమంలో వేలాదిమంది యువకులు, మహిళలు పాల్గొన్నారు.

● విద్యుత్‌ సబ్‌స్టేషన్‌ ముట్టడి ● అధికారుల నిలదీత అక్కన్నపేట(హుస్నాబాద్‌): అప్రకటిత విద్యుత్‌ కోతలను నిరసిస్తూ అక్కన్నపేట మండల కేంద్రంలోని విద్యుత్‌ సబ్‌స్టేషన్‌ను బీఆర్‌ఎస్‌, బీజేపీ నాయకులు ముట్టడించారు. పెద్ద ఎత్తున్న ర్యాలీగా వెళ్లి రోడ్డుపై బైఠాయించారు. ప్రభుత్వానికి వ్యతిరేకంగా నినాదాలు చేశారు. ఈ క్రమంలో విద్యుత్‌ శాఖ ఏడీ ఉపేందర్‌, ఏఈ బద్దం హరీశ్‌రెడ్డి అక్కడికి రాగా.. విద్యుత్‌ కోతలపై నిలదీశారు. ఈ సందర్భంగా పలువురు నాయకులు మాట్లాడుతూ వ్యవసాయ రంగానికి నిరంతర త్రీఫేజ్‌ విద్యుత్‌ సరఫరా చేస్తున్నామని ప్రభుత్వం చెబుతున్నా.. కనీసం ఐదు గంటలు కూడా ఇవ్వడంలేదని ఆరోపించారు. ఈ ఒక్క నెల కరెంట్‌ సక్కగా ఇస్తే పంటలు చేతికొస్తాయని అన్నారు. కార్యక్రమంలో బీఆర్‌ఎస్‌, బీజెపీ పార్టీ నాయకులు, సర్పంచులు భూక్య కృష్ణనాయక్‌, కొడముంజ బాలరాజు, నాయకులు పాల్గొన్నారు. విద్యుత్‌ కోతలపై నిరసన గజ్వేల్‌: విద్యుత్‌ కోతలను నిరసిస్తూ గజ్వేల్‌ మండలం కొడకండ్ల 33/11కేవీ సబ్‌స్టేషన్‌ ఎదుట శుక్రవారం రైతులు ధర్నా చేపట్టారు. మాజీ ఎంపీటీసీ అశోక్‌ ఆధ్వర్యంలో నిరసన చేపట్టారు. కాంగ్రెస్‌ ప్రభుత్వం వ్యవసాయానికి ఆరేడు గంటలకు మించి కరెంట్‌ సరఫరా ఇవ్వడం లేదని, అదీ కూడా ఓ–ఓల్టేజీతో వస్తుండటంతో తరుచూ ట్రాన్స్‌ఫార్మర్లు కాలిపోతున్నాయని బీఆర్‌ఎస్‌ నాయకులు, రైతులు ఆందోళన వ్యక్తం చేశారు. కరెంట్‌ సరఫరా తీరు మారకపోతే రాజీవ్‌ రహదారిని దిగ్బంధిస్తామని హెచ్చరించారు. కార్యక్రమంలో బీఆర్‌ఎస్‌ నాయకులు భాస్కర్‌, నర్సింహులు, కర్ణాకర్‌ తదితరులు పాల్గొన్నారు.రైతులతో కలిసి రోడ్డుపై బైఠాయించిన ఎమ్మెల్యే ప్రభాకర్‌రెడ్డి మిరుదొడ్డి(దుబ్బాక): రైతాంగాన్ని కాంగ్రెస్‌ ప్రభుత్వం పూర్తిగా విస్మరిస్తోందని ఎమ్మెల్యే కొత్త ప్రభాకర్‌రెడ్డి ఆగ్రహం వ్యక్తం చేశారు. కరెంట్‌ కోతలను నిరసిస్తూ అక్బర్‌పేట–భూంపల్లి మండల కేంద్రంలో శుక్రవారం రైతులతో కలిసి జాతీయ రహదారిపై రాస్తారోకో నిర్వహించారు. వ్యవసాయానికి నిరంతరంగా విద్యుత్‌ను సరాఫరా చేయాలని కోరుతూ ప్రభుత్వానికి వ్యతిరేకంగా నినాదాలు చేశారు. ఆయన మాట్లాడుతూ పంటలు చేతికి వచ్చే కీలక సమయంలో కరెంటు కోతలు విధిస్తుండటంతో రైతులు నష్టాల బాట పడుతున్నారని ఆవేదన వ్యక్తం చేశారు. విషయం తెలుసుకున్న విద్యుత్‌ శాఖ డీఈ రామచంద్రయ్య ఆందోళనకారుల వద్దకు చేరుకుని ఎమ్మెల్యేతో పాటు, రైతులతో మాట్లాడారు. రైతాంగానికి 18 గంటలు నిరంతరం కరెంటు సరఫరా చేయాలని, లేదంటే ఆందోళన కార్యక్రమాలను ఉధృతం చేస్తామని హెచ్చరిస్తూ ఆందోళనను విరమించారు. కార్యక్రమంలో ఎస్సీ, ఎస్టీ, కమిషన్‌ మాజీ చైర్మన్‌ బక్కి వెంకటయ్య, బీఆర్‌ఎస్‌ నాయకులు పాల్గొన్నారు. సుమారు గంట పాటు సాగిన ఆందోళనతో సిద్దిపేట–మెదక్‌ రహదారికిరువైపులా భారీగా వాహనాలు ఎక్కడిక్కడ నిలిచి పోయాయి. దీంతో ప్రయాణికులు తీవ్ర ఇబ్బందులకు గురయ్యారు. ఎమ్మెల్యే కొత్త ప్రభాకర్‌రెడ్డి

● మంత్రి తుమ్మల నాగేశ్వరరావు ● మంత్రిని కలిసిన ఏఎంసీ చైర్మన్లు దుబ్బాక: రైతులకు మెరుగైన సౌకర్యాలు అందించడమే లక్ష్యంగా వ్యవసాయ మార్కెట్‌ కమిటీల అభివృద్ధిపై ప్రభుత్వం ప్రత్యేక దృష్టి సారించిందని మంత్రి తుమ్మల నాగేశ్వరరావు తెలిపారు. శుక్రవారం దుబ్బాక నియోజకవర్గ కాంగ్రెస్‌ ఇన్‌చార్జి చెరుకు శ్రీనివాస్‌రెడ్డి ఆధ్వర్యంలో మార్కెట్‌ కమిటీల చైర్మన్లు మంత్రిని కలిసి మార్కెట్లలో నెలకొన్న సమస్యలను విన్నవించారు. ఈ సందర్భంగా వారి సమస్యలను విన్న మంత్రి తప్పకుండా పరిశీలించి అవసరమైన చర్యలు తీసుకుంటామని హామీ ఇచ్చారని ఏఎంసీ చైర్మన్లు తెలిపారు. కార్యక్రమంలో దుబ్బాక, తొగుట, మిరుదొడ్డి, దౌల్తాబాద్‌, చేగుంట ఏఎంసీ చైర్మన్లు కొంగరి రవి, అమర్‌రెడ్డి, శ్రీధర్‌, కనకయ్య, తాడెం వెంగళ్‌రావు, కాంగ్రెస్‌ నాయకులు ఉన్నారు. గజ్వేల్‌: నియోజకవర్గ సమస్యలను కేసీఆర్‌ పట్టించుకోవాలని తెలంగాణ రక్షణ సేన(టీఆర్‌ఎస్‌) రాష్ట్ర ఉపాధ్యక్షుడు కొట్టాల యాదగిరి డిమాండ్‌ చేశారు. శుక్రవారం గజ్వేల్‌లో ఆయన విలేకరులతో మాట్లాడుతూ ఓట్లేసి గెలిపించిన నియోజకవర్గ ప్రజలను కేసీఆర్‌ ఏ ఒక్కరోజూ కలవకపోవడం దారుణమన్నారు. నియోజకవర్గంలో కల్యాణలక్ష్మి, షాదీముబారక్‌ లాంటి పథకాలు అందక ప్రజలు ఇబ్బందిపడుతున్నారని వాపోయారు. మరోవైపు రింగు రోడ్డు పనుల పెండింగ్‌, మల్లన్నసాగర్‌, కొండపోచమ్మసాగర్‌ నిర్వాసితుల ఇబ్బందులను పట్టించుకునే నాథుడే కరువయ్యారని చెప్పారు. కేసీఆర్‌ ఇప్పటికై నా సమస్యలపై స్పందించాలన్నారు. కార్యక్రమంలో నాయకులు ఎడ్ల నర్సింహులు, లింగని రాజు తదితరులు పాల్గొన్నారు. దుబ్బాకటౌన్‌: బీసీల రాజ్యాధికారమే లక్ష్యంగా ముందుకు సాగాలని రాష్ట్ర బీసీ ఇంటలెక్చువల్స్‌ ఫోరమ్‌ చైర్మన్‌, విశ్రాంత ఐఏఎస్‌ చిరంజీవులు అన్నారు. శుక్రవారం దుబ్బాక పట్టణంలోని పద్మశాలిభవన్‌లో నిర్వహించిన బీసీ హక్కుల పోరాట సభకు ఆయన ముఖ్య అతిథిగా హాజరై, మాట్లాడారు. బీసీలకు 42 శాతం రిజర్వేషన్లు వెంటనే అమలు చేయాలని డిమాండ్‌ చేశారు. బీసీ హక్కుల పరిరక్షణ కోసం ప్రత్యేక చట్టాన్ని తీసుకురావాలన్నారు. కామారెడ్డి డిక్లరేషన్‌లో కాంగ్రెస్‌ పార్టీ బీసీలకు ఇచ్చిన హామీలను అమలు చేయాలని కోరారు. కార్యక్రమంలో బీసీ సంఘాల రాష్ట్ర నాయకులు కూరపాటి బంగారయ్య, శ్రీరాం నరేందర్‌, మచ్చ శ్రీనివాస్‌, ఆకుల దేవేందర్‌, రణం శ్రీనివాస్‌, సిద్ధిరాములుగౌడ్‌ తదితరులు పాల్గొన్నారు.

జిల్లా ఆవిర్భావంతో పాలన చేరువైంది.. అధికారుల పర్యవేక్షణ పెరిగింది. జిల్లా ఏర్పాటై రేపటికి పదేళ్లు పూర్తవుతోంది. ప్రత్యేక రాష్ట్రం తర్వాత నాటి నినాదాలు.. నేడు నిజమయ్యాయి. జిల్లా అవతరణ.. గోదావరి నీళ్లు.. చుక్‌ చుక్‌ రైలు వచ్చింది. మెదక్‌, వరంగల్‌, కరీంనగర్‌ జిల్లాల నుంచి విడిపోయి 23 మండలాలతో సిద్దిపేట జిల్లా అవతరించింది. పాలన, ప్రగతితో పాటు వివిధ రంగాల్లో గణనీయమైన మార్పు వచ్చింది. తిప్పలు లేని రవాణా సౌకర్యం, చేరువలోనే పాలన, పథకాల అమల్లో పారదర్శకత సిద్ధించాయి. పర్యాటక రంగం సైతం ఎంతో అభివృద్ధి చెందింది. జిల్లా పదేళ్ల పండుగను ఈ నెల 9నుంచి 11వ తేదీవరకు నిర్వహిస్తున్నారు. – సాక్షి, సిద్దిపేట సిద్దిపేట, గజ్వేల్‌, దుబ్బాక ప్రాంతాలు, కరీంనగర్‌ జిల్లాలోని హుస్నాబాద్‌, బెజ్జంకి, కోహెడ మండలాలతోపాటు ఉమ్మడి వరంగల్‌ జిల్లాలో భాగమైన చేర్యాల, మద్దూరు మండలాలను కలిపి కొత్త జిల్లాగా రూపాంతరం చెందింది. అక్టోబర్‌ 11, 2016లో దసరా పండుగ నాడు 23 మండలాలతో జిల్లా ఆవిర్భవించింది. తరువాత దుల్మిట్టను మండలంగా ప్రకటించారు. జిల్లాలో 298 గ్రామ పంచాయతీలు ఉండగా 508 గ్రామ పంచాయతీలుగా పెంచారు. గతంలో ఒక మున్సిపాలిటీ, రెండు నగర పంచాయతీలుండేవి. ప్రస్తుతం సిద్దిపేట, గజ్వేల్‌, హుస్నాబాద్‌, దుబ్బాక, చేర్యాల మున్సిపాలిటీలుగా ఏర్పాటయ్యాయి. తర్వాత ప్రజలకు మరింత చేరువ చేసేందుకు అక్కన్నపేట, కుకునూరుపల్లి, అక్బర్‌పేట–భూంపల్లి మండలాలను ఏర్పాటు చేసుకుంటూవచ్చారు. దీంతో ప్రస్తుతం జిల్లాలో 26 మండలాలున్నాయి. రైలు కూత సిద్దిపేటకు రైలు తీసుకురావాలని గతంలో నినాదాలు ఉండేవి.. ఇప్పుడు ఆ కల నేరవేరింది. రూ.1,200 కోట్ల వ్యయంతో మనోహరాబాద్‌ నుంచి సిద్దిపేటకు రైల్వే ట్రాక్‌ను నిర్మించారు. సిద్దిపేట నుంచి సికింద్రాబాద్‌కు 3 అక్టోబర్‌ 2023న రైలు ప్రారంభమైంది. జిల్లా ప్రజలు రాకపోకలు సాగిస్తున్నారు. రైలు రాకతో జిల్లా మరింత పారిశ్రామికంగా అభివృద్ధి దిశలో ముందుకు సాగుతోంది. రైలు సౌకర్యంలో మరిన్ని పరిశ్రమలు వచ్చే అవకాశాలున్నాయి. సిద్దిపేటలో ఐటీ టవర్‌ నిర్మాణంతో సాఫ్ట్‌వేర్‌ రంగం సిద్దిపేట వైపు మళ్లింది. విద్యాకేంద్రంగా జిల్లా మారింది. జిల్లా ఏర్పాటయ్యాక మెడికల్‌, నర్సింగ్‌ కళాశాలు, కొండా లక్ష్మణ్‌ బాపూజీ ఉద్యాన యూనివర్సిటీ, అటవీ కళాశాల, పాలిటెక్నిక్‌లు, అగ్రికల్చర్‌ కళాశాల, ప్రభుత్వ డిగ్రీ కళాశాలలో పలు నూతన కోర్సులు, కేంద్రీయ విద్యాలయాలు ప్రారంభమయ్యాయి. దీంతో ఇతర ప్రాంతాలకు ఉన్నత చదువుల కోసం వెళ్లకుండా జిల్లాలోనే విద్యను అభ్యసిస్తున్నారు. రిజర్వాయర్ల ఖిల్లాగా జిల్లా మారింది. రంగనాయకసాగర్‌, కొమురవెల్లి మల్లన్నసాగర్‌, కొండ పోచమ్మ, అనంతగిరి రిజర్వాయర్లను నిర్మించారు. దీంతో గోదావరి నీళ్లు సిద్దిపేటకు చేరాయి. ఈ రిజర్వాయర్లు జిల్లాలో లక్షలాది ఎకరాలను సస్యశ్యామలం చేస్తున్నాయి. జిల్లా ఏర్పాటు కావడంతో అభివృద్ధి పథంలో జిల్లా ముందుకు సాగుతోంది. సిద్దిపేట శివారులోని దుద్దెడలో సమీకృత కలెక్టరేట్‌, పోలీస్‌ కమిషనరేట్‌ కార్యాలయాలను నిర్మించారు. జూన్‌ 20, 2021న సీఎం కేసీఆర్‌ చేతుల మీదుగా ఈ రెండు కార్యాలయాలు ప్రారంభమయ్యాయి. రాష్ట్రంలోనే మొదటి సమీకృత కలెక్టరేట్‌ ప్రారంభించారు.. గతంలో ఒక్కో దగ్గర ఒక్కో ప్రభుత్వ కార్యాలయం ఉండేది. ప్రస్తుతం జిల్లాకు చెందిన 40 శాఖలకు చెందిన ప్రభుత్వం కార్యాలయాలు అన్ని సమీకృత కలెక్టరేట్‌లోనే ఉన్నాయి.

జిల్లాలో 12 గ్రామాలకు ప్రశంసా పత్రాలు సిద్దిపేటకమాన్‌: జిల్లాలో 12 గ్రామ పంచాయతీలు టీబీ కేసులు లేని గ్రామాలుగా గుర్తించినట్లు డీఎంహెచ్‌ఓ డాక్టర్‌ ధనరాజ్‌ తెలిపారు. ఈ మేరకు ఆయా సర్పంచ్‌లకు భారత ప్రభుత్వ ఆరోగ్య కుటుంబ సంక్షేమ శాఖ ద్వారా జారీ చేసిన ప్రశంసా పత్రాలను గురువారం జిల్లా వైద్యారోగ్యశాఖ కార్యాలయంలో జిల్లా ప్రోగ్రాం ఆఫీసర్‌ డాక్టర్‌ వినోద్‌బాబ్జితో కలిసి డీఎంహెచ్‌ఓ అందజేసి, అభినందించారు. ఈ సందర్భంగా ఆయన మాట్లాడుతూ.. ప్రతి గ్రామంలో అంటువ్యాధుల నియంత్రణకు గ్రామ పంచాయతీ సర్పంచ్‌లు వైద్యారోగ్యశాఖతో సమన్వయంతో పనిచేయాలన్నారు. టీబీ రహిత గ్రామ పంచాయతీలుగా గుర్తింపు పొందేందుకు కృషి చేసిన వారిని ప్రత్యేకంగా అభినందించారు. కార్యక్రమంలో టీబీ సూపర్‌వైజర్లు రాజు, మల్లయ్య, సిబ్బంది తదితరులు పాల్గొన్నారు. మార్కెట్‌ కమిటీ కార్యదర్శిగా పరమేశ్వర్‌ దుబ్బాకటౌన్‌: దుబ్బాక వ్యవసాయ మార్కెట్‌ కమిటీ కార్యదర్శిగా గ్యాదరి పరమేశ్వర్‌ గురువారం పదవీ బాధ్యత స్వీకరించారు. ఇటీవల కార్యదర్శిగా పనిచేసిన సురేశ్‌ కుమార్‌ గుండెపోటుతో ఆకస్మికంగా మృతి చెందండం తెలిసిందే. దీంతో పరమేశ్వర్‌కి అదనపు బాధ్యత లు అప్పగించారు. ఈ సందర్భంగా మార్కెట్‌ కమిటీ కార్యాలయంలో టీఎన్‌జీఓ జిల్లా కార్యదర్శి విక్రమ్‌ రెడ్డి, దుబ్బాక యూనిట్‌ అధ్యక్షుడు మురళి, పలువురు ఉద్యోగులు ఆయనను శాలువాతో సత్కరించారు. భూములు గుంజుకుంటే ఊరుకోం సర్వే అధికారులను అడ్డుకున్న రైతులు హుస్నాబాద్‌: కాలువల కోసం బలవంతంగా మా భూములను గుంజుకుంటే ఊరుకునేది లేదని రైతులు హెచ్చరించారు. గురువారం హుస్నాబాద్‌ పట్టణంలోని సబ్‌స్టేషన్‌ సమీపంలో గౌరవెల్లి ఉప కాలువ భూసేకరణ సర్వేకు వచ్చిన ఇరిగేషన్‌, రెవెన్యూ అధికారులను అడ్డుకున్నారు. రైతులు హుస్నాబాద్‌– కరీంనగర్‌ రహదారిపై ఆందోళన చేసే ప్రయత్నంలో పోలీస్‌లు వచ్చి అడ్డుకుని అదుపులోకి తీసుకున్నారు. ఈ సందర్భంగా రైతులు మాట్లాడుతూ హుస్నాబాద్‌ నుంచి కొత్తపల్లి వరకు ఫోర్‌ వే లైన్‌ నిర్మాణం కోసం ఎకరాల కొద్ది భూమిని కోల్పోయామని రైతులు ఆవేదన వ్యక్తం చేశారు. ఎన్ని సార్లు మా భూములను ఇవ్వాలని, ఉన్నదంతా తీసుకుంటే మేమెట్ల బతికేదని వాపోయారు. బలవంతంగా లాక్కుంటే పోరా డేందుకు సిద్ధంగా ఉన్నామని తేల్చి చెప్పారు. రైతుల ధర్నా దుబ్బాకరూరల్‌: పంటల సాగుకు నిరంతర కరెంట్‌ ఇవ్వాలంటూ పెద్దగుండవెల్లి సబ్‌ స్టేషన్‌ ఎదుట గురువారం రైతులు ధర్నా చేశారు. ఒక వైపు వర్షాలు లేక.. మరో వైపు కరెంట్‌ కోతలతో పంటలు ఎండిపోయె దశకు చేరాయని రైతులు ఆవేదన వ్యక్తం చేశారు. పంటల సాగుకు నిరంతర కరెంట్‌ ఇవ్వాలని డిమాండ్‌ చేశారు. తొగుట సీఐగా శ్రీను తొగుట(దుబ్బాక): సర్కిల్‌ ఇన్‌స్పెక్టర్‌గా ఎం.శ్రీను గురువారం బాధ్యతలు చేపట్టారు. ఇప్పటి వరకు ఇక్కడ సీఐగా పనిచేసిన ఎస్‌కే లతీఫ్‌ బదిలీపై వెళ్లారు. దీంతో కరీంనగర్‌ జిల్లా నుంచి శ్రీను ఇక్కడికి బదిలీపై వచ్చారు. ఈ సందర్భంగా ఆయన మాట్లాడుతూ శాంతి భద్రతలే లక్ష్యంగా పనిచేస్తామన్నారు. కాగా ఏఎంసీ చైర్మన్‌ చెరుకు విజయ్‌రెడ్డి సీఐని మర్యాదపూర్వకంగా కలిసి సన్మానించారు.

● పకడ్బందీగా సంక్షేమ పథకాల అమలు ● ఎల్‌నినోను సమర్థంగా ఎదుర్కొందాం ● మంత్రి వివేక్‌ ప్రశాంత్‌నగర్‌(సిద్దిపేట): మహిళా సంక్షేమానికి అధిక ప్రాధాన్యం ఇస్తున్నట్లు రాష్ట్ర కార్మిక, ఉపాధి కల్పన, గనులశాఖ మంత్రి వివేక్‌ అన్నారు. గురువారం జిల్లా కేంద్రంలోని వైశ్య సంక్షేమ సంఘ భవనంలో సిద్దిపేట నియోజకవర్గ పరిధిలో గల 140 మంది లబ్ధిదారులకు కల్యాణ లక్ష్మి, షాదీ ముబారక్‌ చెక్కులను, సిద్దిపేట మున్సిపాలిటీ పరిధిలో ఇందిరమ్మ చీరలను మంత్రి పంపిణీ చేశారు. ఈ సందర్భంగా వివేక్‌ మాట్లాడుతూ అభివృద్ధి పథకాల రూపకల్పనలో మహిళలకు పెద్దపీట వేసి అమలు చేస్తున్నామన్నారు. మహిళా సంఘాలకు వడ్డీలేని ఋణాలు, కుట్టుమిషన్ల పంపిణీ కార్యక్రమాలతోపాటు, మహిళల వ్యాపారవేత్తలుగా ఎదిగేందుకు పెట్రోల్‌ బంక్‌ లను కేటాయించి ప్రభుత్వం ప్రోత్సహిస్తుందన్నారు. రాష్ట్రంలోని మిగతా జిల్లాల కన్నా సిద్దిపేట జిల్లాలో ఇందిరమ్మ ఇళ్ల పథకం ముందు వరుసలో ఉందన్నారు. ఒక్క సిద్దిపేట నియోజకవర్గంలోనే 3500 ఇళ్లకు 2,500 ఇళ్ల నిర్మాణాలు పూర్తయ్యాయన్నారు. పేదలు కడుపునిండా భోజనం చేయాలనే ఉద్దేశంతో ఉచిత సన్న బియ్యం పథకం, కొత్త రేషన్‌ కార్డులు పంపిణీ కార్యక్రమాలు చేపట్టామన్నారు. రాష్ట్రంలో నెలకొన్న ఎల్‌నినో పరిస్థితులను సమర్థంగా ఎదుర్కొందామని మంత్రి అన్నారు. కార్యక్రమంలో కలెక్టర్‌ హైమావతి, పద్మశాలి రాష్ట్ర కార్పొరేషన్‌ చైర్మన్‌ శ్రీనివాస్‌, జిల్లా గ్రంథాలయ సంస్థ చైర్మన్‌ దరిపల్లి చంద్రం, సిద్దిపేట ఆర్డీవో సదానందం, సిద్దిపేట నియోజకవర్గ ఆత్మ చైర్మన్‌ పూజల గోపికృష్ణ, మార్కెట్‌ కమిటీ చైర్మన్‌లు, ప్రజాప్రతినిధులు, అధికారులు, తదితరులు పాల్గొన్నారు.ప్రజాస్వామ్యాన్ని అపహాస్యం చేస్తున్న బీజేపీ

ఈ నెల 10న (శనివారం) సాయంత్రం 4 గంటల లోపు పై నంబర్లుకు వాట్సాప్‌ చేయండి శుక్రవారం శ్రీ 9 శ్రీ అక్టోబర్‌ శ్రీ 2026జిల్లా ఏర్పాటుతో దశాబ్దాల కల సాకారం ● పదేళ్లలో విద్య, వైద్యం, మౌలిక వసతుల్లో గణనీయ మార్పులు ● నేటి నుంచి మూడు రోజుల పాటు దశాబ్ది వేడుకలు ● ‘సాక్షి’తో ఎమ్మెల్యే తన్నీరు హరీశ్‌రావు సాక్షి, సిద్దిపేట: ‘ఒకప్పుడు సిద్దిపేటలో ఎన్నికల నినాదాలుగా వినిపించిన మాటలు.. నేడు ప్రజల కళ్లెదుట సాకారమైన వాస్తవాలు. ‘సిద్దిపేట జిల్లా కావాలి.. గోదావరి జలాలు రావాలి.. రైలు పరుగులు పెట్టాలి’ అంటూ ఏళ్ల తరబడి సాగిన ఆకాంక్షలు ప్రత్యేక రాష్ట్రం ఏర్పడిన తర్వాత కేసీఆర్‌ ఒక్కొక్కటిగా నిజం చేశారు’ అని బీఆర్‌ఎస్‌ శాసనసభాపక్ష డిప్యూటీ ఫ్లోర్‌లీడర్‌, సిద్దిపేట ఎమ్మెల్యే హరీశ్‌రావు తెలిపారు. 2016 అక్టోబర్‌ 11న సిద్దిపేట జిల్లాగా అవతరించింది. జిల్లా ఏర్పాటై పదేళ్లవుతున్న సందర్భంగా హరీశ్‌ రావును గురువారం ‘సాక్షి’ పలకరించగా వెల్లడించిన అంశాలు ఆయన మాటల్లోనే.. నాటి కల.. నేటి జిల్లా 1983లోనే సిద్దిపేటను జిల్లాగా ఏర్పాటు చేయాలని అప్పటి ముఖ్యమంత్రి ఎన్టీఆర్‌కు కేసీఆర్‌ వినతిపత్రం ఇచ్చారు. అదే చేతులతో జిల్లాను కేసీఆర్‌ ఏర్పాటు చేశారు. కేసీఆర్‌ ముఖ్యమంత్రిగా నిర్ణయం తీసుకుని 2016లో సాకారం చేశారు. జిల్లా ఏర్పాటు కేవలం భౌగోళిక మార్పు కాదు.. సిద్దిపేట అభివృద్ధికి కొత్త అధ్యాయం. జిల్లా ఏర్పాటుతో అనేక ఇబ్బందులకు తెరపడింది. గతంలో ఎన్నికలు వచ్చిన ప్రతిసారీ సిద్దిపేట జిల్లా ఏర్పాటు ప్రధాన నినాదంగా ఉండేది. సిద్దిపేటకు గోదావరి జలాలు, రైలు తీసుకురావాలన్నది ప్రజల చిరకాల కోరిక. రాష్ట్రం ఏర్పడిన తర్వాత కేసీఆర్‌ ముఖ్యమంత్రి కావడంతో ఇక్కడి ప్రజల ఈ మూడు ప్రధాన ఆకాంక్షలు సాకారమయ్యాయి. జిల్లా ఏర్పడింది.. గోదావరి జలాలు సిద్దిపేటను ముద్దాడాయి.. రైలు సైతం సిద్దిపేట గడ్డపై పరుగులు పెట్టింది. విద్యకు.. వైద్యానికి కొత్త బలం జిల్లా ఏర్పాటుతో విద్య, వైద్య రంగాల్లో సిద్దిపేటలో విప్లవాత్మక మార్పులు వచ్చాయి. వైద్య కళాశాలతో వైద్య విద్య అందుబాటులోకి వచ్చింది. పేదలకు మెరుగైన వైద్యం అందించే వసతులు పెరిగాయి. అభివృద్ధి పనులకు ప్రస్తుత సర్కారు బ్రేకులు బీఆర్‌ఎస్‌ ప్రభుత్వ హయాంలో జిల్లాలో రహదారుల నిర్మాణానికి ఆర్‌అండ్‌బీ ద్వారా రూ.552 కోట్లు మంజూరు కాగా.. గతంలోనే రూ.200 కోట్ల పనులు పూర్తయ్యాయి. కాంగ్రెస్‌ ప్రభుత్వం అధికారంలోకి వచ్చిన తర్వాత మిగిలిన రూ.352 కోట్ల పనులు నిలిచిపోయాయి. మూడు రోజులు.. దశాబ్ది సంబరం జిల్లా ఆవిర్భావానికి పదేళ్లు పూర్తవుతున్న సందర్భంగా ఈ నెల 9, 10, 11 తేదీల్లో దశాబ్ది వేడుకలను ఘనంగా నిర్వహిస్తున్నాం. 9న 10కే రన్‌, విద్యార్థి–యువజన సదస్సు, ఉపాధ్యాయులు–ఉద్యోగులు–రిటైర్డ్‌ ఉద్యోగుల సదస్సులు జరగనున్నాయి. 10న కవిసమ్మేళనం, కోమటిచెరువు–రూబీ నెక్లెస్‌ రోడ్డులో ఫుడ్‌ ఫెస్టివల్‌, లేజర్‌ షో జరగనుంది.మాట్లాడుతున్న హరీశ్‌రావు

తొలిసారిగా 9వ తరగతి జవాబు పత్రాలకు ‘క్రాస్‌ వాల్యుయేషన్‌’ ● మండలానికి ఒక మూల్యాంకన కేంద్రం ● 208 మంది ఉపాధ్యాయుల నియామకం ● ‘మా పిల్లల పేపర్లు కాస్త చూడండి’.. అంటూ ఫోన్లు ప్రభుత్వ పాఠశాలల్లో విద్యార్థుల విద్యా ప్రమాణాలను వెలికితీసేందుకు విద్యాశాఖ చేపట్టిన కొత్త ప్రయోగం ఇప్పుడు ఉపాధ్యాయుల్లో తీవ్ర ఆందోళన రేపుతోంది. ఇప్పటివరకు తమ పాఠశాల విద్యార్థుల జవాబు పత్రాలను ఉపాధ్యాయులే దిద్దుకునే సౌలభ్యం ఉండగా.. ఇకపై ఆ విధానానికి విద్యాశాఖ స్వస్తి పలికింది. నిష్పక్షపాతంగా మార్కుల అంచనా, ఉపాధ్యాయుల్లో జవాబుదారీతనం పెంచడమే లక్ష్యంగా ‘క్రాస్‌ వాల్యుయేషన్‌’ (ఇతర పాఠశాలల ఉపాధ్యాయులతో మూల్యాంకనం) విధానాన్ని విద్యాశాఖ తెరపైకి తెచ్చింది. ఈ విద్యా సంవత్సరం నుంచి పైలట్‌ ప్రాజెక్టులో భాగంగా ప్రస్తుతం జరుగుతున్న సమ్మేటివ్‌ అసెస్మెంట్‌–1 ( ఎస్‌ఏ–1) పరీక్షల్లో 9వ తరగతి జవాబు పత్రాలను మండల కేంద్రాల్లో ఏర్పాటు చేసిన ప్రత్యేక కేంద్రాల్లోనే మూల్యాంకనం చేస్తున్నారు. – సాక్షి, సిద్దిపేట జిల్లాలో 261 ప్రభుత్వ పాఠశాలలో 9వ తరగతిలో 8,916 మంది విద్యార్థులు అభ్యసిస్తున్నారు. ఎస్‌ఏ–1 పరీక్షలు ఈ నెల 1 నుంచి ప్రారంభం కాగా 9వ తేదీ వరకు జరగనున్నాయి. జిల్లాలోని 26 మండలాల్లో 26 మూల్యాంకన కేంద్రాలు ఏర్పాటు చేయగా పరీక్ష పేపర్ల మూల్యాంకనం ఈ నెల 5వ తేదీన ప్రారంభమయ్యాయి. ఇందు కోసం 208 మంది ఉపాధ్యాయులను, 43 మంది డీటీపీ ఆపరేటర్లను నియమించారు. మార్కులపై ఆందోళన.. పరీక్షలు రాసిన విద్యార్థులు తమకు ఎన్ని మార్కు లు వస్తాయోనని ఆందోళన చెందడం సహజం. కానీ ఈసారి పరిస్థితి భిన్నంగా ఉంది. తమ బోధనకు విద్యార్థులు సాధించిన మార్కులు ఎలా ఉంటాయోనని సంబంధిత సబ్జెక్టు ఉపాధ్యాయుల్లోనూ ఉత్కంఠ నెలకొంది. ఇతర పాఠశాలల ఉపాధ్యాయులు జవాబు పత్రాలను దిద్దుతుండటంతో విద్యార్థుల ప్రతిభతోపాటు తమ బోధనా ఫలితాలపైనా స్పష్టత వస్తుందనే చర్చ జరుగుతోంది. పాఠశాలలో పరీక్ష రాసే సమయంలో బాగా రాయాలని విద్యార్థులను ఆయా సబ్జెక్ట్‌ ఉపాధ్యాయులు ప్రోత్సహిస్తున్నట్లు విశ్వసనీయ సమాచారం. విద్యార్థులకు ఎక్కువ మార్కులు రావాలని ఉద్దేశంతో కొన్ని చోట్ల కాపియింగ్‌ను సైతం ప్రోత్సహిస్తున్నట్లు ఉపాధ్యాయ వర్గాలో చర్చ సాగుతోంది. కాస్త చూడండి.. అంటూ.. మూల్యాంకనం ప్రారంభమైన నేపథ్యంలో కొందరు ఉపాధ్యాయులు తమ విద్యార్థుల జవాబు పత్రాలను దిద్దుతున్న ఇతర పాఠశాలల ఉపాధ్యాయులకు ఫోన్లు చేస్తున్నట్లు విశ్వసనీయ సమాచారం. తమ విద్యార్థులకు మార్కులు ఎలా వస్తున్నాయో ఆరా తీయడంతోపాటు.. కాస్త చూసి మార్కులు వేయాలని కోరుతున్నట్లు తెలుస్తోంది. దీంతో క్రాస్‌ వాల్యుయేషన్‌ ఉద్దేశం నెరవేరాలంటే ఎలాంటి ఒత్తిళ్లకు తావులేకుండా నిబంధనల ప్రకారం మూల్యాంకనం జరగాల్సిన అవసరం ఉందనే అభిప్రాయాలు వ్యక్తమవుతున్నాయి.

సంగారెడ్డి జోన్‌/సంగారెడ్డి టౌన్‌: ఆర్టీసీ గుర్తింపు సంఘం ఎన్నికలకు సర్వం సిద్ధం అయింది. శుక్రవారం ఉదయం 5 గంటల నుంచి సాయంత్రం 6 గంటల వరకు పోలింగ్‌ జరగనుంది. డిపోల వారీగా పోలింగ్‌ నిర్వహణకు కార్మిక శాఖ అధికారులు పూర్తి ఏర్పాట్లు చేశారు. గత నెల 26 నుంచి మెదక్‌ రీజియన్‌ పరిధిలో బరిలో ఉన్న కార్మిక సంఘాల నేతలు పోటాపోటీగా ప్రచారం నిర్వహించారు. దశాబ్ద కాలం తర్వాత ఎన్నికలు జరుగుతుండటంతో గెలుపు, ఓటములపై తీవ్ర ఉత్కంఠ నెలకొంది. సజావుగా ఎన్నికలు నిర్వహించేందుకు డిపోల వారీగా 5 నుంచి 8 మంది సిబ్బందిని నియమించారు. పోలింగ్‌ స్టేషన్‌ల పర్యవేక్షకులుగా కార్మిక శాఖ అసిస్టెంట్‌ లేబర్‌ ఆఫీసర్లను నియమించారు. ప్రతి ఓటరు రెండు ఓట్లు ఆర్టీసీ గుర్తింపు సంఘం ఎన్నికల్లో ప్రతి ఓటరు రెండు ఓట్లు వేయనున్నారు. రాష్ట్రస్థాయిలో ఒక ఓటు, రీజియన్‌ స్థాయిలో మరో ఓటు వేయాల్సి ఉంటుంది. పోలింగ్‌ ముగిసిన వెంటనే ఓట్ల లెక్కింపు నిర్వహిస్తారు. ఫలితాల ప్రకటన మాత్రం ఉండదు. పోలింగ్‌ రోజు విధి నిర్వహణలో ఉండి ఓటు వేయని వారు 14, 15 తేదీల్లో ఓటు వేసేందుకు అవకాశం కల్పించారు. ఈనెల 17న కౌంటింగ్‌ ప్రక్రియ నిర్వహించి ఫలితాలు ప్రకటిస్తారు. 8 డిపోలు.. 1,805 మంది కార్మికులు మెదక్‌ రీజియన్‌ పరిధిలో 8 డిపోలు ఉండగా.. ఒకటి రీజనల్‌ కార్యాలయం ఉంది. అందులో 1,805 మంది కార్మికులు విధులు నిర్వర్తిస్తున్నారు. మెదక్‌ 244, నారాయణఖేడ్‌ 200, సంగారెడ్డి 331, సిద్దిపేట 263, జహీరాబాద్‌ 272, గజ్వేల్‌– ప్రజ్ఞాపూర్‌ 224, దుబ్బాక 126, నర్సాపూర్‌ డిపోలో 109 మంది కార్మికులు ఉండగా, రీజనల్‌ కార్యాలయంలో 36 మంది విధులు నిర్వర్తిస్తున్నారు. వీరందరికీ ఓటు వేసేందుకు ఆయా డిపోలలో పోలింగ్‌ కేంద్రాలు ఏర్పాటు చేశారు. గెలుపుపై ఎవరి ధీమా వారిదే గుర్తింపు సంఘం ఎన్నికల్లో గెలుపుపై ఎవరికివా రు ధీమా వ్యక్తం చేస్తున్నారు. ఆర్టీసీలో నెలకొన్న సమస్యలు పరిష్కరించే దిశగా చర్యలు తీసుకుంటామని హామీ ఇస్తూ ఓట్లను అభ్యర్థించారు. కాగా, ఆర్టీసీ గుర్తింపు సంఘం ఎన్నికల్లో 12 యూనియన్లు బరిలో ఉన్నాయి. ఇందులో టీజేఎంయూ, టీడబ్ల్యూయూ, ఎంప్లాయూస్‌ యూనియన్‌ మధ్య తీవ్ర పోటీ నెలకొంది. ఆర్టీసీని ప్రభుత్వంలో విలీనం చేసే ప్రక్రియ, బకాయి ఉన్న పే రివిజన్‌, అలవెన్స్‌ల చెల్లింపు, ఉద్యోగుల కొరతను అధిగమించడం, పని ఒత్తిడి తగ్గించడం తదితర డిమాండ్లు ఉన్నాయి. ఉదయం 5 నుంచి సాయంత్రం 6 గంటల వరకు పోలింగ్‌ హోరాహోరీగా సాగిన ప్రచారం సుమారు పదేళ్ల తర్వాత ఆర్టీసీలో గుర్తింపు సంఘం ఎన్నికలు జరుగుతున్నాయి. బరిలో ఉన్న వారందరూ ప్రతిష్టాత్మకంగా తీసుకోవడంతో రాజకీయం వేడెక్కింది. ప్రభుత్వ మద్దతుతో కార్మిక సంఘాలు పోటీ చేస్తున్నాయి. 2018 ఆగస్టుతో పదవీకాలం ముగిసినా, అప్పటి ప్రభుత్వం ఎన్నికలు నిర్వహించలేదు.

● అదనంగా 50 శాతం చార్జీలు! ● ఏర్పాట్లు పూర్తి చేసిన అధికారులు సంగారెడ్డి టౌన్‌: బతుకమ్మ, దసరా పండుగ నేపథ్యంలో సొంతూళ్లకు వెళ్లే వారిని క్షేమంగా గమ్యస్థానాలకు చేరవేసేందుకు ఆర్టీసీ సిద్ధమైంది. అందులో భాగంగా ఉమ్మడి మెదక్‌ జిల్లావ్యాప్తంగా 415 ప్రత్యేక బస్సులు ఏర్పాటు చేసింది. ఈనెల 10 నుంచి 22వ తేదీ వరకు సర్వీసులు అందుబాటులో ఉండనున్నాయి. శనివారం నుంచి పాఠశాలలకు సెలవులు ఉండడంతో ప్రజలు సొంతూరు బాట పట్టనున్నారు. బస్సుల సంఖ్య పెంచడంతో కొంత మేర ప్రయాణికులకు ఇబ్బందులు తప్పనున్నాయి. ప్రతి రోజు 606 బస్సులు తిరుగుతుండగా.. దసరా నేపథ్యంలో అదనంగా 13 రోజుల పాటు ప్రత్యేక బస్సులు ఏర్పాటు చేశారు. అదనపు బస్సులకు 50 శాతం చార్జీలు పెంచే అవకాశాలు ఉన్నాయి.ఉమ్మడి మెదక్‌ జిల్లావ్యాప్తంగా బతుకమ్మ, దసరా సందర్భంగా 415 ప్రత్యేక బస్సులు ఏర్పాటు చేశాం. ప్రతి బస్టాండులో అదనపు సిబ్బందితో పర్యవేక్షిస్తాం. అవసరాన్ని బట్టి బస్సులు పెంచుతాం. ప్రత్యేక బస్సులలో అదనపు చార్జీలు ఉంటాయి. గ్రామాలకు వెళ్లడానికి ప్రత్యేకంగా బస్సులు అవసరం ఉన్నా కూడా ఏర్పాటు చేస్తాం. ఈ అవకాశాన్ని ప్రయాణికులు సద్వినియోగం చేసుకోవాలి. – విజయ్‌భాస్కర్‌, ఆర్‌ఎం

రైతన్నకు వరిగోస ● పొట్టదశలోనే ఎండుతున్న పంటలు ● తీవ్రరూపం దాల్చిన కరెంట్‌ కోతలు ● ఎల్‌నినోతో తీవ్ర వర్షాభావం ● జిల్లాలో 3.50 లక్షల ఎకరాల్లో వరిసాగు ● పంటలు కాపాడాలంటూ రోడ్డెక్కుతున్న రైతులు దుబ్బాక: రైతుల పరిస్థితి ముందు నుయ్యి వెనుక గొయ్యిలా తయారైంది. ఎల్‌నినో ప్రభావంతో ఈ వానాకాలంలో అంతంత మాత్రంగానే వానలు పడటంతో చెరువులు, కుంటల్లో పెద్దగా నీరు చేరలేదు. వరిపంటలన్నా పండుతాయనుకుంటే పుండుమీద కారం చల్లినట్లుగా కరెంట్‌ కోతలు తీవ్రంగా మారాయి. కనీసం 8 గంటలు కూడా కరెంట్‌ సరఫరా లేకపోవడంతో నీళ్లు అందక పంటలు ఎండిపోతుండడంతో తీవ్ర ఇబ్బందులు పడుతున్నారు. సరిగ్గా పొట్ట దశలో 80 శాతం వరిచేలు ఉండగా ఇంకా 20 శాతం వరకు ఈని వరిగొలుసులు పాలు పోసుకుంటున్నాయి.ఈ క్రమంలో వరి పంటలకు నీళ్లు ఎక్కువగా అవసరం. దంచికొడుతున్న ఎండలు.. ఎల్‌నినో ప్రభావంతో వానల జాడలేక పోగా ఎండలు దంచి కొడుతున్నాయి. ఇటు కరెంట్‌ సరిగ్గా రాక నీళ్లు పారక ఎండలతో వరిచేలు చాలా వరకు నెర్రలు బారాయి. ఈ సీజన్‌లో జిల్లాలో 3.50 లక్షలకు పైగా ఎకరాల్లో వరిపంట సాగైంది. సరిగ్గా ఇంకో నెలరోజులైతే పంట చేతికొస్తుందని ఆశపడిన రైతులకు కరెంట్‌ కోతలు కంటిమీద కునుకులేకుండా చేస్తున్నాయి. రైతుల నిరసనలు కరెంట్‌ సక్రమంగా ఇచ్చి ఎండుతున్న తమ పంటలను కాపాడాలంటూ రైతులు రోడ్డెక్కి ఆందోళనలు చేస్తున్నారు. ఇప్పటికై నా సంబంధిత విద్యుత్‌ అధికారులు స్పందించి నెలరోజులైనా కరెంట్‌ కనీసం 12 గంటలు ఇచ్చి పంటలు కాపాడాలంటూ రైతులు డిమాండ్‌ చేస్తున్నారు. ప్రజాపాలన అంటే ఇదేనా? కాంగ్రెస్‌ ప్రభుత్వం రైతులకు కరెంట్‌ కూడా సక్రమంగా ఇవ్వడంలేదు. ప్రజాపాలన అంటే పంటలను ఎండగొట్టడమేనా? రైతులు ఆందోళనలు చేస్తున్నా ప్రభుత్వంలో చలనం లేదు. కరెంట్‌ సక్రమంగా సరఫరా చేసి పంటలను కాపాడాలి. – కొత్త ప్రభాకర్‌రెడ్డి, ఎమ్మెల్యే దుబ్బాక

ఎంపీ రఘునందన్‌రావు దుబ్బాక: ప్రభుత్వం విద్యారంగంపై పూర్తిగా నిర్లక్ష్య వైఖరిని అవలంబిస్తోందని ఎంపీ రఘునందన్‌రావు ఆవేదన వ్యక్తం చేశారు. బుధవారం సాయంత్రం భూంపల్లి–అక్బర్‌పేట మండలం చిన్ననిజాంపేట గ్రామంలో ప్రీ ప్రైమరీ స్కూల్‌ను ప్రారంభించారు. అలాగే విద్యార్థులకు స్పోర్ట్స్‌ యూనిఫామ్స్‌ అందించారు. ఈ సందర్భంగా ఆయన మాట్లాడుతూ రాష్ట్రంలో ప్రభుత్వ పాఠశాలలు, కళాశాలల్లో మౌలిక సదుపాయాలు, ఉపాధ్యాయులు సరిగ్గా లేక విద్యవ్యవస్థ కుంటుపడుతుందన్నారు. విద్యారంగాన్ని పటిష్టపరుస్తామంటూ గొప్పలు చెప్పడం తప్పా ఆచరణలో చేసిందేంలేదన్నారు. ప్రజలకిచ్చిన హామీలను నెరవేర్చాలని డిమాండ్‌ చేశారు. ఇదిలా ఉంటే.. గ్రామంలో పర్యటించిన ఎంపీ ప్రజల సమస్యలు ఓపిగ్గా విన్నారు. ఈ సందర్భంగా నూతనంగా వేసిన బోర్‌ మోటార్‌ను ప్రారంభించారు. కార్యక్రమంలో సర్పంచ్‌ పీరాల మహేష్‌, ఎంఈఓ అంజాగౌడ్‌, ఉపాధ్యాయులు, ప్రజలు తదితరులు ఉన్నారు.ట్రాక్టర్‌కు ట్రాకింగ్‌ సిస్టమ్‌ నంగునూరు(సిద్దిపేట): గ్రామ పంచాయతీ ట్రాక్టర్లను ఇతర పనులకు వినియోగించకుండా ట్రాకింగ్‌ సిస్టమ్‌ బిగించామని ఎంపీడీఓ శ్రీనివాస్‌ అన్నారు. బుధవారం మండలంలోని అన్ని గ్రామ పంచాయతీల ట్రాక్టర్లు, వాటర్‌ ట్యాంకర్లకు జీపీఆర్‌ఎస్‌ ట్రాకింగ్‌ కిట్టును బిగించారు. అనంతరం ఎంపీడీఓ మాట్లాడు తూ పంచాయతీ వాహనాల వినియోగాన్ని ఆన్‌లైన్‌ ద్వారా తెలుసుకునేందుకు జిల్లా కలెక్టర్‌ ఆదేశాల మేరుకు జీపీఆర్‌ఎస్‌ ఏర్పాటు చేశామన్నారు. జిల్లా అధికారులు ట్రాకింగ్‌ సిస్టమ్‌ ద్వారా వాహనాలు ఎక్కడ తిరుగుతున్నాయో పర్యవేక్షిస్తారన్నారు. కార్యక్రమంలో సూపరింటెండెంట్‌ ప్రభాకర్‌రావు, ఉపసర్పంచ్‌ల ఫోరం రాష్ట్ర ప్రధాన కార్యదర్శి శ్రీధర్‌గౌడ్‌, కనకరాజు, పంచాయతీ కార్యదర్శులు, ఉప సర్పంచ్‌లు పాల్గొన్నారు. కాంగ్రెస్‌ ఎస్సీ జనరల్‌ సెక్రటరీగా మల్లేశందుబ్బాకరూరల్‌: కాంగ్రెస్‌ పార్టీ జిల్లా ఎస్సీ డిపార్ట్‌మెంట్‌ జనరల్‌ సెక్రటరీగా దుబ్బాకకు చెందిన ఇస్తారిగల్ల మల్లేశం నియమితులయ్యారు. బుధవారం జిల్లా ఎస్సీ డిపార్ట్‌మెంట్‌ చైర్మన్‌ తప్పెట శంకర్‌ చేతుల మీదుగా నియామక పత్రం అందుకున్నారు. కార్యక్రమంలో కాంగ్రెస్‌ పార్టీ నాయకులు రఘువర్ధన్‌రెడ్డి, వైస్‌ చైర్మన్‌ తిరుపతి తదితరులు పాల్గొన్నారు. సేవా జ్యోతి కలశ యాత్ర హుస్నాబాద్‌ నుంచి సిద్దిపేట వరకు బైక్‌ ర్యాలీ హుస్నాబాద్‌: ప్రధాన మంత్రి నరేంద్ర మోదీ 25 ఏళ్ల ప్రజాసేవకు కృతజ్ఞతగా బుధవారం హుస్నాబాద్‌లో బీజేపీ ఆధ్వర్యంలో సేవా జ్యోతి కలశ యాత్రను ఘనంగా నిర్వహించారు. కార్యక్రమ బాధ్యులు కోమటిరెడ్డి రాంగోపాల్‌ రెడ్డి అంబేడ్కర్‌ విగ్రహానికి పూల మాలలు వేసి సేవా జ్యోతి కలశ యాత్ర, బైక్‌ ర్యాలీని ప్రారంభించారు. హుస్నాబాద్‌ నుంచి సిద్దిపేట వరకు కార్యకర్తలు బైక్‌ ర్యాలీగా వెళ్లారు. ఈ సందర్బంగా రాంగోపాల్‌ రెడ్డి మాట్లాడుతూ సేవా జ్యోతి కేవలం ఒక కార్యక్రమం కాదని, సేవ, త్యాగం, అంకితభావం, నిబద్దతకు ప్రతీకగా నిలిచే జాతీయ సంకల్పం అని అన్నారు. కార్యక్రమంలో బీజేపీ జిల్లా ప్రధాన కార్యదర్శి ఖమ్మం వెంకటేశం, అసెంబ్లీ కన్వీనర్‌ గుర్రాల లక్ష్మారెడ్డి, కుమారస్వామి, పృథ్వీరాజ్‌, లక్కిరెడ్డి తిరుమల, స్వరూప, వివిధ మండలాల అధ్యక్షులు పాల్గొన్నారు.

● బీజేపీ అనుబంధ సంస్థగా ఎన్నికల సంఘం ● మంత్రి పొన్నం ప్రభాకర్‌ హుస్నాబాద్‌: ఎన్నికల సంఘం బీజేపీ అనుబంధ సంస్థగా వ్యవహరిస్తూ లక్షల ఓట్లను తొలగిస్తోందని మంత్రి పొన్నం ప్రభాకర్‌ అన్నారు. కాంగ్రెస్‌ అధినేత రాహుల్‌ గాంధీ, ప్రియాంక గాంధీ, ఇండియా కూటమి ఎంపీల అరెస్ట్‌కు నిరసనగా బుధవారం కాంగ్రెస్‌ పార్టీ ఆధ్వర్యంలో ఆందోళన చేపట్టారు. హుస్నాబాద్‌ పట్టణంలోని గాంధీ విగ్రహం ఎదుట ఽమంత్రి బైఠాయించి నిరసన తెలిపారు. ఈ సందర్భంగా మంత్రి పొన్నం ప్రభాకర్‌ మాట్లాడుతూ ఎంపీలను, ప్రతిపక్ష నాయకులను అరెస్ట్‌ చేసి వారి గొంతును అణచివేయడం నియంతృత్వ వైఖరికి నిదర్శనమన్నారు. ఓటరు సవరణ ప్రక్రియ పేరుతో ఎన్నికలను అపహాస్యం చేస్తున్న సీఈసీ జ్ఞానేశ్వర్‌ కుమార్‌ రాజీనామా చేయాలని డిమాండ్‌ చేశారు. దేశంలో ఓట్ల దొంగతనం జరుగుతుందన్నారు. ఓట్లనే ఎన్నికల కమిషన్‌ దొంగిలిస్తే ఎవరికి చెప్పుకోవాలో అర్థం కాని పరిస్థితి నెలకొందన్నారు. ఓటు హక్కును తొలగించే హక్కు జ్ఞానేశ్వర్‌ కుమార్‌కు లేదన్నారు. మరోసారి రాజ్యాంగం, ప్రజాస్వామ్యం ప్రమాదంలో పడుతున్న పరిస్ధితుల్లో వాటిని కాపాడుకోవాల్సిన బాధ్యత అందరి పై ఉందన్నారు. ముఖ్యంగా ఎస్సీ, ఎస్టీ, బీసీ, మైనార్టీ వర్గాల ఓట్లను లక్ష్యంగా చేసుకొని ఓట్లను తొలగిస్తున్నారని ఆరోపించారు. కాంగ్రెస్‌ పార్టీ జాతీయ నాయకులు ఓటు బచావో, దేశ్‌ బచావో అనే నినాదంతో ప్రజల్లో చైతన్యం తీసుకువస్తున్నారని తెలిపారు. ఓటు హక్కు ప్రతి భారతీయుడి ప్రజాస్వామ్య గుర్తింపు అని అన్నారు. కార్యక్రమంలో మాజీ ఎమ్మెల్యే నర్సారెడ్డి, మున్సిపల్‌ చైర్‌ పర్సన్‌ దండి లక్ష్మి, వైస్‌ చైర్‌ పర్సన్‌ చిత్తారి పద్మ, మార్కెట్‌ కమిటీ చైర్మన్‌ తిరుపతి రెడ్డి, సింగిల్‌ విండో చైర్మన్‌ బొలిశెట్టి శివయ్య, మాజీ గ్రంథాలయ చైర్మన్‌ కేడం లింగమూర్తి, మాజీ ఎంపీపీ ఆకుల వెంకట్‌, కాంగ్రెస్‌ పట్టణ అద్యక్షుడు వెంకట రమణ, కౌన్సిలర్లు, నాయకులు పాల్గొన్నారు.

గజ్వేల్‌: తెలంగాణ కోసం త్యాగాలు చేసిన అమరవీరుల కుటుంబాలకు, ఉద్యమకారులకు ఎర్రవల్లిలోని కేసీఆర్‌ ఫామ్‌హౌస్‌ పరిసరాల్లో కాదు.. హైదరాబాద్‌లోని గచ్చిబౌలిలో సకల సౌకర్యాలతో ఇళ్లు నిర్మించి ఇస్తే బాగుంటుందని ఎఫ్‌డీసీ మాజీ చైర్మన్‌ వంటేరు ప్రతాప్‌రెడ్డి డిమాండ్‌ చేశారు. బుధవారం గజ్వేల్‌లోని ఎమ్మెల్యే క్యాంపు కార్యాలయంలో ఏర్పాటుచేసిన విలేకరుల సమావేశంలో ఆయన మాట్లాడుతూ ముఖ్యమంత్రి రేవంత్‌రెడ్డి ప్రకటనపై నిప్పులు చెరిగారు. ఎర్రవల్లిలోని 325 సర్వేనెంబర్‌లో ఓవర్‌ల్యాప్‌ పేరిట డ్రామాలాడుతున్నారని మండిపడ్డారు. ఈ భూమికి 1970నుంచి మ్యాపు ఉందని, 388 ఎకరాలు ఉన్నట్లు స్పష్టంగా ఉందని చెప్పారు. ఇక్కడ మిగిలిపోయిన భూమిలో అమరవీరుల కుటుంబాలకు కాలనీ నిర్మించాలని నిర్ణయించినట్లు సీఎం చెప్పడం విడ్డూరంగా ఉందన్నారు. నిజంగానే వారిపై చిత్తశుద్ధి ఉంటే...హైద్రాబాద్‌లోని గచ్చిబౌలిలో ఇళ్లు నిర్మించి ఇవ్వాలన్నారు. సమావేశంలో గజ్వేల్‌ మార్కెట్‌ కమీటీ మాజీ చైర్మన్‌ మాదాసు శ్రీనివాస్‌, బీఆర్‌ఎస్‌ గజ్వేల్‌ పట్టణ శాఖ అధ్యక్షుడు నవాజ్‌మీరా, నాయకులు కళ్యాన్‌కర్‌ నర్సింగరావు, ఊడెం క్రిష్ణారెడ్డి తదితరులు పాల్గొన్నారు.

● ప్రతిష్టాత్మకంగా పండుగల నిర్వహణ ● మున్సిపల్‌ డీఈ ప్రేరణ పాండసిద్దిపేటజోన్‌: బల్దియా పరిధిలో బతుకమ్మ, దసరా పండుగ సందర్భంగా ఏర్పాట్లలో రాజీ పడొద్దని, సమన్వయంతో ప్రజలకు ఇబ్బందులు లేకుండా చూడాలని మున్సిపల్‌ డీఈ ప్రేరణ పాండ సూచించారు. బుధవారం మున్సిపల్‌ కార్యాలయంలో ఆయా శాఖల అధికారులు, సిబ్బందితో సమీక్ష నిర్వహించారు. ఈ సందర్భంగా ఆమె మాట్లాడుతూ.. బతుకమ్మ, దసరా పండుగలను అంగరంగ వైభవంగా నిర్వహించాలన్నారు. పారిశుద్ధ్య నిర్వహణ పనులు వేగవంతం చేయాలని సూచించారు. వార్డుల్లో ప్రతి రోజు పర్యవేక్షణ చేయాల్సిన అవసరం ఉందన్నారు. పట్టణంలోని చెరువులు, కుంటల వద్ద ఆయా వార్డు ఆఫీసర్‌ ఆధ్వర్యంలో బృందాలు పండుగ పూర్తి అయ్యే వరకు క్షేత్ర స్థాయిలో పర్యవేక్షణ చేయాలని సూచించారు. రాష్ట్రంలోనే బతుకమ్మ పండుగ అత్యంత అద్భుతంగా జిల్లా కేంద్రంలో జరుగుతుందన్నారు. దానికి తగిన విధంగా ఏర్పాట్లు చేయాలని, మహిళలకు, ప్రజలకు ఇబ్బందులు లేకుండా కనీస సౌకర్యాలు కల్పించాలని సూచించారు. చెరువుల వద్ద లైటింగ్‌, సౌండ్‌, బారికేడ్లు ఏర్పాటు చేయాలని, బతుకమ్మ ఘాట్‌ లకు రంగులు వేయాలని ఆదేశించారు. పట్టణంలో అన్ని వార్డుల్లో వీధి దీపాలు వెలిగేలా చూడాలని, నిరంతరం పర్యవేక్షణ చేయాలన్నారు. ప్రధాన కూడళ్లలో, బతుకమ్మ ఆడే ప్రాంతాల్లో చదును చేసి పరిశుభ్రంగా ఉండేలా చర్యలు తీసుకోవాలని సూచించారు. కోమటి చెరువు వద్ద సద్దుల బతుకమ్మ వైభవంగా నిర్వహించేందుకు ఏర్పాట్లు చేయాలని సూచించారు. ఈ సమావేశంలో మున్సిపల్‌ అధికారులు, సిబ్బంది తదితరులు పాల్గొన్నారు.

సిద్దిపేటరూరల్‌: జిల్లాలో భూముల రీ సర్వేను వేగిరం చేయాలని, నవంబర్‌ 30 లోపు పూర్తి చేయాలని అదనపు కలెక్టర్‌ లక్ష్మికిరణ్‌ అధికారులను ఆదేశించారు. బుధవారం కలెక్టరేట్‌ కాన్ఫరెన్స్‌ హాల్లో రెవెన్యూ, సర్వే ల్యాండ్‌ అధి కారులతో సమావేశమయ్యారు. ఈ సందర్భంగా ఆమె మాట్లాడుతూ జిల్లాలో ఎంపికై న ప్రతి మండలంలోని రెండు గ్రామాల్లో రెవెన్యూ, ల్యాండ్‌ సర్వే అధికారులు క్షేత్రస్థాయిలో పర్యటించాలన్నారు. రికార్డులను పరిశీలించి భూ మి సర్వే చేసి నివేదికలను అందించాలని ఆదేశించారు. కార్యక్రమంలో జిల్లా రెవెన్యూ అధి కారి నాగరాజమ్మ, సిద్దిపేట, గజ్వేల్‌, హుస్నాబాద్‌ ఆర్డీవోలు సదానందం, చంద్రకళ, రామ్మూర్తి, ట్రైనీ డిప్యూటీ కలెక్టర్‌ భవ్య, ఏడి ల్యాండ్‌ సర్వే సుదర్శన్‌, తహసీల్దారులు, డిప్యూటీ తహశీల్దార్లు, సర్వేయర్లు పాల్గొన్నారు.

ఎంపీ రఘునందన్‌ రావు మిరుదొడ్డి(దుబ్బాక): జీవకోటికి ప్రాణ వాయువులను అందించే మొక్కలను రహదారుల కిరువైపులా నాటి సుందర రహదారులుగా తీర్చ దిద్దాలని మెదక్‌ ఎంపీ రఘునందన్‌ రావు అన్నారు. జాతీయ రహదారిపై సేవా సంకల్ప్‌ అభియాన్‌ కార్యక్రమంలో భాగంగా మంగళవారం ఎల్కతుర్తి, సిద్దిపేట, మెదక్‌ జాతీయ రహదారిలోని అక్బర్‌పేట, ధర్మారంలోని రహదారికిరువైపులా బీజేపీ శ్రేణులతో కలిసి మొక్కలను నాటారు. ఈ సందర్భంగా ఆయన మాట్లాడుతూ జాతీయ రహదారి పొడవునా జీడి మామిడితో పాటు, రకరకాల పండ్ల మొక్కలను నాటడం జరుగుతుందన్నారు. పచ్చని రహదారులుగా తీర్చి ద్దిడానికి పాలకులు, అధికారులు, విద్యార్థులు, వివిధ స్వచ్ఛంద సంస్థల ప్రతినిధులు సమష్టిగా కృషి చేయాలని సూచించారు. కార్యక్రమంలో వివిధ శాఖల అధికారులు, సర్పంచులు, బీజేపీ నాయకులు పాల్గొన్నారు.

● అర్హులందరికీ సంక్షేమ ఫలాలు ● మంత్రి పొన్నం ప్రభాకర్‌కోహెడరూరల్‌(హుస్నాబాద్‌): ఏడాదిలోగా గౌరవెల్లి ప్రాజెక్టు పూర్తి చేస్తామని మంత్రి పొన్నం ప్రభాకర్‌ అన్నారు. మంగళవారం ‘పల్లె పల్లెకు– పొన్నమన్న’ కార్యక్రమంలో భాగంగా మండలంలోని పరివేద, నకిరేకోముల, శ్రీరాములపల్లి, కాచాపూర్‌, మైసంపల్లి గ్రామాల్లో మంత్రి పర్యటించారు. ఈ సందర్భంగా ఆయా గ్రామాల ప్రధాన కుడళ్లలో ఏర్పాటు చేసిన సమావేశంలో మంత్రి మాట్లాడారు. 20 ఏళ్లుగా ఎదురుచూస్తున్న గౌరవెల్లి ప్రాజెక్టు త్వరలోనే అందుబాటులోకి రానుందని అన్నారు. నియోజకవర్గంలోని గ్రామాల అభివృద్ధికే ‘పల్లె పల్లెకు– పొన్నమన్న’ కార్యక్రమం చేపడుతున్నామన్నారు. నియోజకవర్గంలోని 173 గ్రామాల్లో ప్రభుత్వం అమలు చేస్తున్న సంక్షేమ పథకాలు అర్హులకు సక్రమంగా అందుతున్నాయా? లేదా అని పరిశీలించడంతో పాటు స్థానికంగా ఉన్న సమస్యలను తెలుసుకొని పరిష్కారించడమే ఈకార్యక్రమం ప్రధాన ఉద్దేశ్యమని అన్నారు. ఎల్‌నినో ప్రభావాన్ని దృష్టిలో పెట్టుకొని రైతులు ఆరుతడి పంటలను సాగు చేసుకోవాలని సూచించారు. తాము అధికారంలోకి వచ్చిన నాటి నుంచి రెండు విడతలుగా ఇందిరమ్మ ఇళ్లను ఇచ్చామన్నారు. పైరవీలకు తావులేకుండా అర్హత కలిగిన లబ్ధిదారులకు విడతలవారీగా ఇళ్లును మంజూరు చేస్తున్నామన్నారు. కార్యక్రమంలో అదనపు కలెక్టర్‌ లక్ష్మికిరణ్‌, కాంగ్రెస్‌ పార్టీ నాయకులు తదితరులు పాల్గొన్నారు.

పోలీసు కమిషనర్‌ రష్మీ పెరుమాళ్‌సిద్దిపేటకమాన్‌: రాబోయే దీపావళి పండుగ సందర్భంగా జిల్లాలో తాత్కాలిక బాణాసంచా దుకాణాలు ఏర్పాటు చేసే వ్యాపారులు తప్పనిసరిగా ముందస్తు అనుమతులు పొందాలని సీపీ రష్మీ పెరుమాళ్‌ తెలిపారు. ఆమె మాట్లాడుతూ.. శాంతి భద్రతల పరిరక్షణ, ప్రజల భద్రతే ధ్యేయంగా ఆదేశాలు జారీ చేశామన్నారు. బాణాసంచ దుకాణాల ఏర్పాటుకు సంబంధించి దరఖాస్తు ఫారాలను ఈనెల 20లోపు సీపీ కార్యాలయంలో సమర్పించాలన్నారు. నిబంధనలకు విరుద్ధంగా, అనుమతి లేకుండా ఏర్పాటు చేసే అనధికార దుకాణాలపై చట్టప్రకారం చర్యలు తీసుకుంటామన్నారు. దాండియా, సాంస్కృతిక వేడుకలకూ.. దసరా నవరాత్రి ఉత్సవాల సందర్భంగా జిల్లా వ్యాప్తంగా నిర్వహించే దాండియా, ఇతర సాంస్కృతిక వేడుకలకు సంబంధించి నిర్వాహకులు పోలీసు శాఖ నుంచి ముందస్తు అనుమతులు తీసుకోవాలని సీపీ రష్మీ పెరుమాళ్‌ తెలిపారు. వేడుకలు జరిగే ప్రదేశాల్లో మహిళలు, పిల్లల భద్రతకు ప్రథమ ప్రాధాన్యాత ఇవ్వాలన్నారు.

మిరుదొడ్డి(దుబ్బాక): దివ్యాంగుల హక్కులను కాంగ్రెస్‌ ప్రభుత్వం కాలరాస్తోందని బీఆర్‌ఎస్‌ రాష్ట్ర నాయకుడు తోట కమలాకర్‌రెడ్డి ఆగ్రహం వ్యక్తం చేశారు. దివ్యాంగులకు రాష్ట్ర ప్రభుత్వం రూ.6 వేలు చెల్లించాలని డిమాండ్‌ చేస్తూ మంగళవారం మిరుదొడ్డిలో దివ్యాంగులు కదం దొక్కారు. స్థానిక హనుమాన్‌ దేవాలయం నుంచి ఎంపీడీఓ కార్యాలయం వరకు ర్యాలీ నిర్వహించారు. ఎంపీడీఓ కార్యాలయం ఎదుట బైటాయించి మహా ధర్నా కార్యక్రమం చేపట్టారు. ప్లకార్డులతో ప్రభుత్వానికి వ్యతిరేకంగా నినాదాలు చేశారు. దివ్యాంగుల ధర్నా కార్యక్రమానికి డీబీఎఫ్‌ (దళిత బహుజన ఫ్రంట్‌ ) జాతీయ కార్యదర్శి పి.శంకర్‌, తెలంగాణ ఉద్యమకారుడు గణేష్‌ సంఘీభావం తెలిపారు. ఈ సందర్భంగా ఆయన మట్లాడుతూ దివ్యాంగులకు ఇచ్చిన హామీలను ఒక్కొక్కటిగా నెరవేర్చాలని డిమాండ్‌ చేశారు. అనంతరం వివిధ డిమాండ్లతో కూడిన వినతి పత్రాన్ని ఎంపీడీఓ వినోద్‌ కుమార్‌కు దివ్యాంగులతో కలిసి అందజేశారు.

పట్టించుకోని అధికారులు చిన్నకోడూరు(సిద్దిపేట): పెద్దకోడూరు శివారులో సర్వే నంబర్‌ 358లో వ్యవసాయ భూమిలో ఎలాంటి ప్రభుత్వ అనుమతులు లేకుండా రియల్‌ వ్యాపారులు ప్లాట్లుగా మార్చారు. ప్లాట్లు విక్రయిస్తూ సొమ్ము చేసుకుంటున్నారు. ఇదంతా బహిరంగంగా జరుగుతున్నా సబంధిత అధికారులు చూసి చూడనట్లు వ్యవహరిస్తున్నారనే విమర్శలు వినిపిస్తున్నాయి. వ్యవసాయ భూములను నాలా కన్వెన్షన్‌ చేయకుండానే ప్లాట్లుగా చేసి వ్యాపారులు లక్షల రూపాయలు దోచుకుంటున్నారు. సాగు యోగ్యమైన భూములు ప్లాట్లుగా మారుతున్నాయని రైతులు సంబంధిత శాఖ అధికారులకు, ప్రజాప్రతినిధులకు విన్నవించినా ఫలితం లేదని వాపోతున్నారు. ఇప్పటికైనా ఉన్నతాధికారులు స్పందించి చర్యలు తీసుకోవాలని కోరుతున్నారు. ఈ విషయమై ఎంపీడీఓ జనార్దన్‌ను అడగగా, తమ దృష్టికి రాలేదని, పరిశీలించి అక్రమంగా వెలిసిన ప్లాట్లను తొలగిస్తామన్నారు. మా భూములు ఇవ్వం భూ సర్వేను అడ్డుకున్న రైతులు హుస్నాబాద్‌: పట్టణ శివారులో 13 ఎల్‌ కాలువ భూ సర్వే కోసం వచ్చిన ఇరిగేషన్‌, రెవెన్యూ అధికారులను మంగళవారం రైతులు అడ్డుకొని నిరసన తెలిపారు. ఈ సందర్భంగా రైతులు మాట్లాడుతూ మా భూములను కాలువలకు ఇవ్వబోమని గతంలో అనేక మార్లు స్పష్టం చేసినా అధికారులు పట్టించుకోవడం లేదన్నారు. ఇక్కడి భూముల్లో గుంట, రెండు గుంటలు ఉన్న నిరుపేదలే ఎక్కువగా ఉన్నారన్నారు. గతంలో కాలువలు తవ్వినా చుక్క నీరు రాలేదన్నారు. నీళ్లు రాక కాలువలు మొత్తం కూడుకుపోయాయని తెలిపారు. రీ డిజైన్‌ చేసే అవకాశం ఉన్నప్పటికీ అధికారులు బలవంతంగా మా భూముల్లో భూ సర్వే చేపడితే ఊరుకోమన్నారు. అనంతరం అధికారులకు వినతి పత్రం ఇచ్చారు. ఈ కార్యక్రమంలో బాధిత రైతులు మర్యాల రాజిరెడ్డి, పితాంబరం, జాల జ్యోతి కుమార్‌, జాల లక్ష్మయ్య, కిష్టస్వామి, కోటేశ్వర్‌ రావు, హరీష్‌, బొల్లి శ్రీనివాస్‌, గుర్రాల అరుణ, విజయభాస్కర్‌, మల్లికార్జున్‌ రెడ్డి తదితరులు ఉన్నారు. నాణ్యమైన విద్యుత్‌ అందించాల్సిందే సబ్‌స్టేషన్‌ ఎదుట రైతుల బైఠాయింపు మద్దూరు(హుస్నాబాద్‌): మండలంలోని గాగ్గిళ్లాపూర్‌లో వ్యవసాయానికి 24 గంటల నాణ్యమైన విద్యుత్‌ అందించాలని రైతులు డిమాండ్‌ చేశారు. ఈ మేరకు మంగళవారం విద్యుత్‌ సబ్‌స్టేషన్‌ ఎదుట బైఠాయించి ఆందోళన చేశారు. ఈ సందర్భంగా రైతులు మాట్లాడుతూ వచ్చిపోయే కరెంట్‌తో తమ పంట పొలాలు ఎండిపోతున్నాయాని ఆవేదన వ్యక్తం చేశారు. రోజులో 9 గంటల కరెంట్‌ మాత్రమే సరఫరా అవుతోందన్నారు. పగటి వేళలలో మాత్రమే కరెంట్‌ వస్తుండటంతో పొలాల్లో నీరు పారడం లేదన్నారు. ఓవైపు వర్షాలు లేక బోరుబావులు ఎండిపోతుండగా మరోవైపు కరెంట్‌ సమస్యతో రైతులు తీవ్ర ఇబ్బందులకు గురవుతున్నారన్నారు. వ్యవసాయానికి సరిపడా నాణ్యమై విద్యుత్‌ను అందించాలని డిమాండ్‌ చేశారు. లేని పక్షంలో పెద్ద ఎత్తున ఆందోళన చేపడుతామని హెచ్చరించా రు. కార్యక్రమంలో ఉపసర్పంచ్‌ బాలరాజు,వార్డు సభ్యులు, రైతులు పాల్గొన్నారు. కోనోకార్పస్‌ చెట్లు తొలగించాలి సిద్దిపేటకమాన్‌: మున్సిపాలిటీ పరిధిలో కోనోకార్పస్‌ చెట్లను తొలగించాలని హైకోర్టు ఆదేశించినట్లు సామాజిక కార్యకర్త చక్రధర్‌గౌడ్‌ మంగళవారం ఒక ప్రకటనలో పేర్కొన్నారు. కోనోకార్పస్‌ చెట్ల వల్ల ప్రజారోగ్యం, పర్యావరణంపై కలుగుతున్న ప్రతికూల ప్రభావాలను పరిశీలించి వాటిని తొలగించాలని పలుమార్లు సంబంధిత అధికారులకు ఫిర్యాదు చేసినట్లు తెలిపారు. వారు స్పందించకపోవడంతో హైకోర్టును ఆశ్రయించానన్నారు. ఇరుపక్షాల వాదోపవాదనల అనంతరం హైకోర్టు సిద్దిపేట మున్సిపాలిటీ పరిధిలో కోనోకార్పస్‌ చెట్లపై వినతిని పరిశీలించి నాలుగు వారాల్లో చట్టప్రకారం చర్యలు పూర్తి చేయాలని హైకోర్టు ఆదేశించినట్లు చక్రధర్‌ తెలిపారు.

● తొలి వెయ్యి రోజులు చిన్నారికి కీలకం ● డీఆర్‌ఓ నాగరాజమ్మ ● కలెక్టరేట్‌లో జాతీయ పోషణ మాసోత్సవంసిద్దిపేటరూరల్‌: చిన్నారుల శారీరక ఎదుగుదల, మానసిక ఆరోగ్యానికి జీవితంలోని తొలి వెయ్యి రోజులు చిన్నారులకు కీలకమని జిల్లా రెవెన్యూ అధికారి నాగరాజమ్మ అన్నారు. మంగళవారం కలెక్టరేట్‌లోని మీటింగ్‌ హాల్‌లో 9వ జాతీయ పోషణ మాసం జిల్లా స్థాయి కన్వర్జెన్సీ సమావేశం, జిల్లా స్థాయి ప్రత్యేక కార్యక్రమాలను డీడబ్ల్యూఓ శారద ఆధ్వర్యంలో నిర్వహించారు. ఈ సందర్భంగా కార్యక్రమానికి ముఖ్య అతిథిగా హాజరైన డీఆర్‌ఓ మాట్లాడుతూ గర్భాధారణ దశ నుంచి శిశువు తొలి రెండు సంవత్సరాల వరకు సరైన పోషకాహారం, ఆరోగ్య సంరక్షణ, తల్లిపాలు, అవసరమైన వైద్య సేవలు అందించడంపై ప్రత్యేక దృష్టి సారించాలన్నారు. అనంతరం ట్రైనీ డిప్యూటీ కలెక్టర్‌ భవ్య మాట్లాడుతూ పిల్లల సంపూర్ణ అభివృద్ధికి సమాన ప్రాధాన్యత కల్పించాలన్నారు. అంగన్‌వాడీ కేంద్రాల ద్వారా పిల్లలకు అందుతున్న సేవలను వినియోగించుకోవాలని సూచించారు. జిల్లాలోని అన్ని శాఖలు సమన్వయంతో పనిచేస్తూ కార్యక్రమాలను విజయవంతంగా నిర్వహించారన్నారు. అనంతరం చిన్నారులకు అందించే పోషకాహార పదార్థాలను బతుకమ్మ, వివిధ రకాలుగా ప్రదర్శించారు. ఉత్తమ ప్రతిభ కనబరిచిన కోఆర్డినేటర్‌ను సన్మానించారు. అనంతరం పోషణ పోస్టర్‌, పోషణ మాస ప్రతిజ్ఞ చేయించారు. కార్యక్రమంలో డీఎంహెచ్‌ఓ ధనరాజ్‌, డీఆర్‌డీఏ డీపీఎం ప్రకాశ్‌, ఐసీడీఎస్‌ ప్రాజెక్టుల సీడీపీఓలు, పోషన్‌ అభియాన్‌ సిబ్బంది తదితరులు పాల్గొన్నారు.

బుధవారం శ్రీ 7 శ్రీ అక్టోబర్‌ శ్రీ 2026అడ్రెస్‌ లేని ఏకరూపం! లచ్చపేట మోడల్‌ స్కూల్‌కు సరిపడా యూనిఫాంలు రాకపోవడంతో ఎవరికీ ఇవ్వకుండా పక్కన పడేశారు. దుబ్బాక మండలం లచ్చపేట మోడల్‌ స్కూల్‌లో 6 నుంచి 10వ తరగతి వరకు 501 మంది విద్యార్థులున్నారు. యూనిఫామ్‌లు ఇప్పటివరకు బాలురలకు ప్యాంట్లు 194, షర్టులు 87, బాలికలకు ప్యాంట్లు 360 వచ్చాయి. పూర్తిస్థాయిలో యూనిఫాంలు రాలేదని విద్యార్థులకు అందజేయలేదు. ఈ సంవత్సరం యూనిఫాంలు ఇవ్వకపోవడంతో విద్యార్థులు పాత యూనిఫాంలతోనే హాజరవుతున్నారు. కొందరు సాధారణ దుస్తులతో పాఠశాలకు వస్తున్నారు.ఇబ్రహీంనగర్‌ మోడల్‌ స్కూల్‌లో కొత్త యూనిఫాంలు ఇవ్వకపోవడంతో పాత యూనిఫాంలతోనే విద్యార్థులు హాజరవుతున్నారు. చిన్నకోడూరు మండలం ఇబ్రహీంనగర్‌ మోడల్‌ స్కూల్‌లో 460 మంది విద్యార్థులు చదువుతున్నారు. అందులో బాలురు 180, బాలికలు 280 మంది ఉన్నారు. ఈ ఏడాది ఒక్కరికి సైతం యూనిఫాం ఇవ్వలేదు. దీంతో పాత యూనిఫాంలతోనే విద్యార్థులు పాఠశాలకు హాజరువుతుండటం గమనార్హం. సాక్షి, సిద్దిపేట నేటి విద్యార్థులలే రేపటి భవిష్యత్తు.. భావిభారత పౌరుల సర్వతోముఖాభివృద్ధి తరగతి గదుల్లోనే రూపుదిద్దుకుంటుంది. ప్రభుత్వ పాఠశాలలో చదివే విద్యార్థులందరూ ఏక రూప దుస్తులు ధరించడం వలన మరింత క్రమశిక్షణ పెరుగుతుందన్న ఉద్దేశంతో ప్రతీ సంవత్సరం విద్యార్థులకు ఉచితంగా రెండు స్కూల్‌ యూనిఫాంలను ప్రభుత్వం అందజేస్తోంది. 2026–27 విద్యా సంవత్సరం కొత్త యూనిఫాంను ఎంపిక చేశారు. ఈ ఏడాది పాఠశాలలు ప్రారంభమై దాదాపు నాలుగు నెలలు కావస్తున్నా విద్యార్థులకు పూర్తి స్థాయిలో యూనిఫాంలు అందలేదు. కొన్ని పాఠశాలల్లో ఒక్క జత సైతం రాలేదు. మరికొన్ని పాఠశాలలో బాలికలకు టాప్‌లు వస్తే ప్యాంట్లు రాలేదు. ప్యాంట్లు వస్తే టాప్‌లు రాలేదు. దీంతో పలువురు సాధారణ దుస్తులతోనే పాఠశాలకు వస్తున్నారు. జిల్లా వ్యాప్తంగా 938 ప్రభుత్వ విద్యాసంస్థలుండగా అందులో 84,072 మంది విద్యార్థులు విద్యను అభ్యసిస్తున్నారు. ఇప్పటి వరకు 71,551 మంది విద్యార్థులకే స్కూల్‌ యూనిఫాంలు రాగా ఇంకా 12,521 మంది విద్యార్థులకు యూనిఫాంలు రాలే దు. పాఠశాల ప్రారంభం రోజునే ఒక యూనిఫాం అందజేయాలి. ఇప్పటి వరకు ఒక జతనే పూర్తి స్థాయిలో విద్యార్థులకు యూనిఫాంలను అందించలేదు. పాఠశాలల్లో విచిత్ర పరిస్థితి నెలకొంది. బాలికలకు యూనిఫాం కుట్టించి ఇచ్చినప్పటికీ.. కొన్ని చోట్ల టాప్‌లు వస్తే ప్యాంట్లు రాలేదు. మరికొన్ని చోట్ల ప్యాంట్లు ఇస్తే టాప్‌ల ఆచూకీ లేకుండా పోయింది. అరకొర దుస్తులతో పాఠశాలలకు రాలేక, అలాగని వేరే దుస్తులు వేసుకోలేక విద్యార్థులు తీవ్ర ఇబ్బంది ఎదుర్కొంటున్నారు. విద్యాశాఖ మార్గదర్శకాల ప్రకారం.. బడులు తెరిచిన రోజే ప్రతీ విద్యార్థికి ఒక యూనిఫాం అందించాలి. రెండో జత స్వాతంత్య్ర దినోత్సవం రోజున పంపిణీ చేయాల్సి ఉంది. కానీ నాలుగు నెలలు కావస్తున్నా ఒక్క జత సైతం అందని పరిస్థితి ఏర్పడింది. విద్యాశాఖ అధికారులు పట్టించుకోవడంలేదని పలువురు విమర్శిస్తున్నారు. ఇప్పటికై నా ఉన్నత అధికారులు దృషిసారించి అందరికీ యూనిఫాంలు అందే విధంగా చూడాలని విద్యార్థుల తల్లిదండ్రులు కోరుతున్నారు. క్లాత్‌ల వివరాలు... మొత్తం వస్త్రం: 6,47,107 మీటర్లు ఇప్పటి వరకు వచ్చింది: 4,53,165 మీటర్లు ఇంకా రావాల్సింది: 1,93,942 మీటర్లు వివరాలు తెప్పించుకుంటాం ఇప్పటి వరకు ఒక్కో జత చొప్పున విద్యార్థులకు యూనిఫాంలు అంద జేశాం. ఎంఈఓల ద్వారా పూర్తి వివరాలు తెప్పించుకుంటాం. రాకపోతే వెంటనే అందించేందుకు ఏర్పాట్లు చేస్తాం. – రమేశ్‌, ఇన్‌చార్జి డీఈఓసిద్దిపేట పట్టణం పారిపల్లి ప్రభుత్వ పాఠశాలలో బాలికలకు ప్యాంట్లు రాకపోవడంతో వివిధ రకాల లెగ్గిన్లను బాలికలు ధరిస్తున్నారు. సిద్దిపేట పట్టణంలో పారిపల్లి ప్రభుత్వ పాఠశాలలో 214 మంది విద్యార్థులుండగా అందులో బాలురులు 140, బాలికలు 74 మంది ఉన్నారు. బాలికలకు కేవలం టాప్‌లు మాత్రమే అందించారు. ప్యాంట్లు అందించకపోవడంతో సాధారణ వివిధ రంగుల లెగ్గిన్‌లను ధరిస్తున్నారు. దీంతో యూనిఫాం ధరించి రావాలనే నిబంధన వర్తించడం లేదు.

సిద్దిపేటరూరల్‌: ఎన్నికల ప్రక్రియపై ప్రజలకు నమ్మకం కల్పించాల్సిన సీఈసీ.. కేంద్ర ప్రభుత్వానికి అనుకూలంగా వ్యవహరిస్తున్నారని, తక్షణం జ్ఞానేష్‌ రాజీనామా చేయాలని ఇండియాకూటమి నాయకులు డిమాండ్‌ చేశారు. మంగళవారం ఇండియా కూటమి ఆధ్వర్యంలో కలెక్టరేట్‌ ఎదుట భారీ ధర్నా నిర్వహించారు. ఈ సందర్భంగా వారు మాట్లాడుతూ ఎస్‌ఐఆర్‌ పేరుతో కోట్లాది మంది ఓటర్ల పేర్లను జాబితాల నుంచి తొలగించే ప్రయత్నం జరుగుతోందన్నారు. ఇది ఓటు హక్కుపై నేరుగా దాడి చేయడమేనన్నారు. ఎన్నికల కమిషన్‌ రాజ్యాంగబద్ధమైన స్వతంత్ర సంస్థగా పనిచేయాల్సి ఉండగా, కేంద్ర ప్రభుత్వ ఒత్తిడికి లోబడి పనిచేస్తున్నట్లుగా పరిస్థితులు కనిపిస్తున్నాయని నాయకులు విమర్శించారు. ఎన్నికల ప్రధాన అధికారి జ్ఞానేశ్‌ కుమార్‌ తక్షణమే తన పదవికి రాజీనామా చేయాలని డిమాండ్‌ చేశారు. కార్యక్రమంలో సీపీఐ కార్యదర్శి మంద పవన్‌, డీసీసీ అధ్యక్షురాలు తుంకుంటా ఆంక్షారెడ్డి, సీపీఎం జిల్లా కార్యదర్శి ఆముదాల మల్లారెడ్డి, ఇండియా కూటమికి చెందిన నాయకులు, కార్యకర్తలు పెద్ద సంఖ్యలో పాల్గొన్నారు.

ముందే చెప్పిన ‘సాక్షి’ సాక్షి, సిద్దిపేట: నకిలీ సర్టిఫికెట్లతో ఉద్యోగం పొందిన ముగ్గురు జూనియర్‌ కళాశాలల అధ్యాపకులను సర్వీస్‌ నుంచి తొలగించారు. జిల్లాలో నకిలీ సర్టిఫికెట్లతో విధులు నిర్వర్తించిన లెక్చరర్ల గుట్టును ‘సాక్షి’ రట్టు చేసింది. ప్రభుత్వ జూనియర్‌ కళాశాలలో జూన్‌ 2, 2014 వరకు కాంట్రాక్ట్‌ పద్ధతిలో పని చేసిన లెక్చరర్లను గత ప్రభుత్వం మే, 2023లో రెగ్యులరైజ్‌ చేసింది. ఈ నేపథ్యంలో విద్యార్హతలకు సంబంధించిన సర్టిఫికెట్లు అందజేశారు. కొందరు ఆయా యూనివర్సిటీలలో ఆ కోర్సులు లేకున్నా చేసినట్లు, ఆ యూనివర్సిటీలో చదవకుండానే చదివినట్లుగా సర్టిఫికెట్లను అందజేసినట్లు ఇంటర్‌ బోర్డు అధికారుల తనిఖీల్లో బయట పడింది. పలువురు నకిలీ సర్టిఫికెట్లను అందించినట్లు ముందే చెప్పిన సాక్షి.. గతేడాది అక్టోబర్‌ 15న ‘సాక్షి’లో అమ్మో నకిలీ లెక్చరర్లు అనే శీర్షికతో కథనం ప్రచురితమైంది. ఆగస్టు 8వ తేదీన ముగ్గురు లెక్చలర్లకు ఇంటర్‌ విద్యాశాఖ నోటీసులు జారీ చేసింది. అధ్యాపకుల బర్తరఫ్‌ చిన్నకోడూరు ప్రభుత్వ జూనియర్‌ కళాశాలలో పని చేస్తున్న కెమిస్ట్రీ అధ్యాపకుడు ప్రసాద్‌, చేర్యాలలోని జూనియర్‌ కళాశాలలో మ్యాథ్స్‌ లెక్చరర్‌ పరశురాములు , గజ్వేల్‌లోని జూనియర్‌ కళాశాలలో ఓకేషనల్‌ ఆధ్యాపకుడిగా పనిచేస్తున్న అష్రాఫ్‌లను ప్రభుత్వ జూనియర్‌ కళాశాల అధ్యాపక ఉద్యోగం నుంచి తొలగించినట్లు వరంగల్‌ ఆర్‌జేడీ ఉత్తర్వులను జారీ చేశారు. ఈ మేరకు డీఐఈఓ రవీందర్‌ రెడ్డి తెలిపారు.

పట్టణ, మండల కేంద్రాల్లోని పలు దుకాణాల్లో, వాహనాల్లో గ్యాస్‌ రీ ఫిల్లింగ్‌ చేసే వారు అంతా బహిరంగంగానే ఈ వ్యాపారాన్ని కొనసాగిస్తున్నారు. మధ్య తరగతి ప్రజలు, చిరు వ్యాపారులు, ఉన్నత చదువుల కోసం వివిధ గ్రామాల నుంచి జిల్లా కేంద్రానికి, పట్టణ ప్రాంతాలకు వస్తున్న యువకులు, విద్యార్థులు, ఒంటరి మహిళలు, వృద్ధులు మినీ సిలిండర్లను ఎక్కువగా వినియోగిస్తున్నారు. వీరి అవసరాలను ఆసరా చేసుకొని అక్రమార్కులు సొమ్ము చేసుకుంటున్నారు. ఇప్పటికై నా సంబందిత శాఖ అధికారులు, పోలీసులు దృష్టి సారించాలని స్థానికులు కోరుతున్నారు.

సిద్దిపేట పట్టణం కంచీట్‌ చౌరస్తా సమీపంలోని గ్యాస్‌ రిపేర్‌ షాప్‌లో డొమెస్టిక్‌ గ్యాస్‌ సిలిండర్‌ నుంచి కమర్షియల్‌ సిలిండర్‌లోకి రీ ఫిల్లింగ్‌ చేస్తుండగా ఆదివారం ఒక్కసారిగా పేలింది. దీంతో భారీ శబ్ధం రావడంతో స్థానికులు భయాందోళనకు గురయ్యారు. షాప్‌ యజమాని స్వల్పగాయంతో బయట పడ్డారు. దీనిపై ఇంకా పౌరసరఫరాల శాఖ, పోలీసులు ఎలాంటి చర్యలు తీసుకోకపోవడం గమనార్హం. ఇదొక్కటే కాదు జిల్లాలో ఇలాంటి రీఫిల్లింగ్‌ దందాలు యథేచ్ఛగా జరుగుతున్నాయి. – సాక్షి, సిద్దిపేటజిల్లాలోని పలు ప్రాంతాల్లో సబ్సిడీ గ్యాస్‌ రీ ఫిల్లింగ్‌ దందా జోరుగా సాగుతోంది. జనావాసాల మధ్య అక్రమ దందా నడుస్తుండటంతో ఎప్పుడు ఏ ప్రమాదం జరుగుతుందోనని స్థానికులు ఆందోళన చెందుతున్నారు. డొమెస్టిక్‌ నుంచి కమర్షియల్‌, మినీ సిలిండర్లలో రీ ఫిల్లింగ్‌ చేస్తున్నారు. పౌరసరఫరాల శాఖ అధికారులు, పోలీసులు పట్టించుకోకపోవడంతో దందా జోరుగా సాగుతోంది. ప్రధానంగా జిల్లా కేంద్రమైన సిద్దిపేట, గజ్వేల్‌, హుస్నాబాద్‌, రాయపోల్‌, దుబ్బాక, చేర్యాలతో, పలు మండలాల్లో ఈ దందా యథేచ్ఛగా సాగుతోంది. పలువురు గ్యాస్‌ డెలివరీ బాయ్స్‌ అక్రమార్జనకు తెరలేపి సబ్సిడీ గ్యాస్‌ పక్కదారి పట్టిస్తున్నారనే ఆరోపణలు వినిపిస్తున్నాయి. జిల్లాలో డొమెస్టిక్‌ 14.5 కిలోల గ్యాస్‌ సిలిండర్‌కు రూ.1,012, కమర్షియల్‌ 19కిలోల గ్యాస్‌ సిలిండర్‌కు రూ.3,096 గ్యాస్‌ కంపెనీలు ధరలు నిర్ణయించాయి. కమర్షియల్‌ గ్యాస్‌ సిలిండర్‌ దాదాపు రెండింతలు ధర ఎక్కువగా ఉండటంతో రీ ఫిల్లింగ్‌ దందాకు తెరలేపుతున్నారు. డొమెస్టిక్‌ గ్యాస్‌ సిలిండర్‌ల నుంచి కమర్షియల్‌ గ్యాస్‌ సిలిండర్‌లో రీ ఫిల్లింగ్‌ చేస్తున్నారు. అలాగే మినీ సిలిండర్లను సైతం డొమెస్టిక్‌ సిలిండర్ల నుంచే ఫిల్లింగ్‌ చేసి విక్రయిస్తున్నారు. డొమెస్టిక్‌ నుంచి చిన్న గ్యాస్‌ సిలిండర్లలో కేజీకి రూ.200 చొప్పున, అలాగే కమర్షియల్‌ గ్యాస్‌ సిలిండర్లలో నింపి రూ.2,500లకు విక్రయిస్తున్నారు. గ్యాస్‌ను తక్కువగా వినియోగించుకునే వారిని గ్యాస్‌ డెలివరీ బాయ్స్‌, ఏజెన్సీ నిర్వాహకులు గుర్తించి వారిచే గ్యాస్‌ బుక్‌ చేయిస్తున్నారు. కేంద్ర, రాష్ట్ర ప్రభుత్వాల నుంచి వచ్చే సబ్సిడీని మీరే తీసుకోండి అని వినియోగదారులకు ఆఫర్‌ ఇచ్చి గాలం వేస్తున్నారు. దీంతో వినియోగదారులు వారి వైపు మొగ్గు చూపి గ్యాస్‌ బుక్‌ చేస్తున్నారు. ఇలా వచ్చిన గ్యాస్‌ సిలిండర్‌ను రీ ఫిల్లింగ్‌, వాణిజ్య అవసరాలకు వినియోగించుకునే వారికి డిమాండ్‌ను బట్టి రూ.2వేల వరకు విక్రయిస్తున్నారు. వీరి అక్రమాలపై నిఘా పెట్టి నియంత్రించాల్సిన పౌరసరఫరాల శాఖ అధికారులు పట్టించుకోవడం లేదనే ఆరోపణలున్నాయి. ఎవరైనా ఫిర్యాదు చేస్తే నామమాత్రంగా కేసులు నమోదు చేస్తున్నారనే ఆరోపణలు వినిపిస్తున్నాయి. ప్రమాదమని తెలిసినా... జిల్లా వ్యాప్తంగా సుమారు 50కిపైగా అక్రమ సిలిండర్‌ రీ ఫిల్లింగ్‌ కేంద్రాలున్నట్లు తెలుస్తోంది. ఇక్కడ చాలా వరకు వ్యాపార కేంద్రాల్లో అన్ని వస్తువుల మాదిరిగానే చిన్న సిలిండర్ల అమ్మకాలు సాగిస్తున్నారు. సబ్సిడీ సిలిండర్‌ నుంచి చిన్న సిలిండర్‌లోకి గ్యాస్‌ను రీ ఫిల్లింగ్‌ చేయడం ప్రమాదకరమైనప్పటికీ నిర్లక్ష్యంగా వ్యవహరిస్తున్నారు. రీఫిల్లింగ్‌ కేంద్రాలు జనావాసాల మధ్య సాగుతుండడం ప్రజలకు ఆందోళన కలిగిస్తోంది. డొమెస్టిక్‌ నుంచి కమర్షియల్‌

● చేర్యాల వ్యవసాయ మార్కెట్‌ కమిటీ చైర్మన్‌, డైరెక్టర్ల ప్రమాణ స్వీకారం ● రైతుల సంక్షేమానికి కృషి: చైర్మన్‌ ప్రశాంత్‌రెడ్డి చేర్యాల(సిద్దిపేట): చేర్యాల వ్యవసాయ మార్కెట్‌ కమిటీ నూతన చైర్మన్‌, డైరెక్టర్లు సోమవారం ప్రమాణ స్వీకారంచేసి, బాధ్యతలు చేపట్టారు. చైర్మన్‌ కొమ్మూరి ప్రశాంత్‌రెడ్డి, వైస్‌ చైర్మన్‌ బోయిని శ్రీనివాస్‌, డైరెక్టర్లతో మార్కెట్‌ కార్యదర్శి రవికుమార్‌ ప్రమాణ స్వీకారం చేయించారు. ఈ సందర్భంగా నూతన పాలకవర్గానికి పలువురు ప్రజాప్రతినిధులు, నాయకులు, కార్యకర్తలు శుభాకాంక్షలు తెలిపారు. అనంతరం ఏర్పాటు చేసిన కార్యక్రమంలో నూతన చైర్మన్‌ ప్రశాంత్‌రెడ్డి మాట్లాడుతూ తనపై నమ్మకంతో ఈ భాద్యతలు అప్పగించిన సీఎం రేవంత్‌రెడ్డి, వ్యవసాయశాఖ మంత్రి తుమ్మల నాగేశ్వర్‌రావు, జనగామ ఇన్‌చార్జి మంత్రి పొంగులేటి శ్రీనివాస్‌రెడ్డి, భువనగిరి ఎంపీ చామల కిరణ్‌కుమార్‌రెడ్డిలకు ప్రత్యేక కృతజ్ఞతలు తెలిపారు. రైతులకు మెరుగైన సేవలు అందించడమే లక్ష్యంగా పనిచేస్తామన్నారు. మార్కెట్‌కు వచ్చే రైతులకు ఎలాంటి ఇబ్బందులు కలగకుండా మౌలిక సదుపాయాల కల్పనకు కృషి చేస్తామన్నారు. చేర్యాల మార్కెట్‌ కమిటీ పరిధిలోని చేర్యాల, మద్దూరు, కొమురవెల్లి, దూల్మిట్ట, బచ్చన్నపేట, నర్మేట, తరిగొప్పుల ప్రాంతాల రైతులకు మార్కెట్‌ సేవలు మరింత చేరువయ్యేలా చర్యలు తీసుకుంటామన్నారు. జనగామ నియోజకవర్గ కాంగ్రెస్‌ ఇన్‌చార్జీ, మాజీ ఎమ్మెల్యే కొమ్మూరి ప్రతాప్‌రెడ్డి మాట్లాడుతూ నూతన పాలకవర్గం నిత్యం అందుబాటులో ఉంటూ రైతుల సమస్యల పరిష్కరిస్తూ, వారి ప్రయోజనాలే ధ్యేయంగా పనిచేయాలని ఆకాంక్షించారు. కార్యక్రమంలో జనగామ మున్సిపల్‌ చైర్‌ పర్సన్‌ బాలమణి శ్రీనివాస్‌, వివిధ మండలాల అధ్యక్షులు శ్రీనివాస్‌, భాస్కర్‌రెడ్డి, మల్లేశం, చేర్యాల పట్టణ అధ్యక్షుడు శ్రీకాంత్‌, కౌన్సిలర్లు ప్రసాద్‌, దుర్గయ్య, వివిద గ్రామాల సర్పంచులు రవి, రమేశ్‌, కొమురయ్య పాల్గొన్నారు.

● ప్రభుత్వ భూములకు హద్దులు ఏర్పాటు చేయాలి ● కలెక్టర్‌ హైమావతి అక్కన్నపేట(హుస్నాబాద్‌): భూ రీ–సర్వే ప్రక్రియను పారదర్శకంగా, కచ్చితత్వంతో ఎలాంటి పొరపాట్లకు తావులేకుండా నిర్వహించాలని కలెక్టర్‌ హైమావతి అధికారులను ఆదేశించారు. అక్కన్నపే ట మండలం కేశవాపూర్‌లో సోమవారం భూ భారతి రీ–సర్వే ప్రక్రియను కలెక్టర్‌ క్షేత్రస్థాయిలో పరిశీలించారు. ఆమె మాట్లాడుతూ రాష్ట్ర ప్రభుత్వం భూ సమస్యలను శాశ్వతంగా పరిష్కరించేందుకే భూ భారతి రీ సర్వే చేపట్టిందని తెలిపారు. ముందుగా రెవెన్యూ సర్వే గ్రామ సరిహద్దులు సర్వే చేశాక, ప్రభుత్వ స్థలాలకు గుర్తించి వాటి చుట్టూ హద్దులు పాతాలని అధికారులను ఆదేశించారు. రీ–సర్వే సమయంలో భూమి విస్తీర్ణం, సర్వే నంబర్లు, హద్దులు, పట్టా వివరాలు తదితర అంశా లను సంబంధిత రికార్డులతో సరిపోల్చి నమోదు చేయాలన్నారు. రీ సర్వే వేగంగా అత్యంత పారదర్శకంగా నిర్వహించడానికి రోవర్స్‌ అధునాతన యంత్రాలు కొనుగోలు చేస్తున్ననట్లు తెలిపారు. రీ–సర్వే ప్రక్రియ గూర్చి రైతులతో మాట్లాడారు. కార్యక్రమంలో హుస్నాబాద్‌ ఆర్డీఓ రామ్మూర్తి, తహసీల్దార్‌ సింహచలం మధుసూదన్‌, సర్పంచ్‌, రైతులు తదితరులు పాల్గొన్నారు.

కలెక్టర్‌ హైమావతి సిద్దిపేటరూరల్‌: ప్రజావాణిలో ప్రజలు అందించిన అర్జీలను అధికారులు క్షుణ్ణంగా పరిశీలించి మళ్లీ పునరావృతం కాకుండా పరిష్కరించాలని కలెక్టర్‌ హైమావతి అధికారులను ఆదేశించారు. సోమవారం కలెక్టరేట్‌లోని మీటింగ్‌ హాల్‌లో నిర్వహించిన ప్రజావాణి కార్యక్రమంలో కలెక్టర్‌ ప్రజల నుంచి అర్జీలను స్వీకరించారు. ఈ సందర్భంగా కలెక్టర్‌ మాట్లాడుతూ అర్జీలను పరిష్కరించడంలో అధికారులు ప్రత్యేక దృష్టి సారించాలన్నారు. ఎంతో నమ్మకంతో ప్రజావాణికి వచ్చే ప్రజలకు న్యాయం చేయాలన్నారు. వివిధ రకాల సమస్యల పరిష్కారం కోరుతూ మొత్తంగా 85 దరఖాస్తులు వచ్చాయి. ఈ కార్యక్రమంలో డీఆర్‌ఓ నాగరాజమ్మ, శిక్షణ డిప్యూటి కలెక్టర్‌ భవ్య, జిల్లా అధికారులు తదితరులు పాల్గొన్నారు. పింఛన్‌ ఇప్పించండి సారూ.. నా పేరు మాచాపురం బాలవ్వ. మాది జాలిగామ గ్రామం. గజ్వేల్‌ మండలం. 70 సంవత్సరాలు నిండినా ప్రభుత్వం నుంచి పెన్షన్‌ రావడం లేదు. ఎన్నోసార్లు అధికారుల చుట్టూ తిరిగినా ఎలాంటి ఫలితం లేకుండా పోయింది. కార్యాలయాల చుట్టూ తిరిగి అలసిపోయాను. అధికారులు ఎలాగైనా పెన్షన్‌ అందించేలా చూడాలి.

తొలి విడతలో 43 కిలో మీటర్లు.. 30 వేల మొక్కలు ● రూ. 3 కోట్ల వ్యయంతో పనులు ● నేడు రామాయంపేటలో మొక్కలను నాటనున్న రాష్ట్ర గవర్నర్‌ శివప్రతాప్‌ శుక్లాసాక్షి, సిద్దిపేట: రహదారికి ఇరువైపులా సాధారణంగా అన్ని రకాల మొక్కలు నాటుతుంటారు.. కానీ 765 డీజీ జాతీయ రహదారిలో ఒకే రకమైన జీడి మామిడి మొక్కలను నాటనున్నారు. దేశంలోనే తొలిసారిగా జాతీయ రహదారి వెంట జీడి మామిడి మొక్కలను పెంచనున్నారు. ఈ బృహత్తర కార్యక్రమం మంగళవారం రాష్ట్ర గవర్నర్‌ శివప్రతాప్‌ శుక్లా చేతుల మీదుగా రామాయంపేటలో శ్రీకారం చూట్టనున్నారు. కాలుష్యాన్ని నియంత్రించడంతో పాటు కోతులు, వన్యప్రాణులకు ఆహారంగా అందనుంది. 43 కిలోమీటర్లు.. పెరుగుతున్న జనాభా, నూతనంగా రోడ్ల నిర్మాణంతో అడవులు తరిగిపోతున్నాయి. దీని వల్ల వాతావరణంలో ఉష్ణోగ్రతలు, వాహన కాలుష్యం పెరిగిపోతుంది. దీంతో నేషనల్‌ హైవేస్‌ అథారిటీ ఆఫ్‌ ఇండియా (ఎన్‌హెచ్‌ఏఐ) పర్యావరణ పరిరక్షణ, జీవవైవిధ్యాన్ని మెరుగుపర్చేందుకు ప్రత్యేక దృష్టిపెట్టింది. జాతీయ రహదారులకు ఇరవైపులా పండ్ల, పూలు, ఔషధ మొక్కలను నాటే కార్యక్రమానికి శ్రీకారం చూట్టింది. మెదక్‌–సిద్దిపేట–ఎల్కతుర్తి జాతీయ రహదారి (765డీజీ) 134 కిలోమీటర్లు ఉంది. ఇందులో తొలి విడతలో దాదాపు రూ.3కోట్ల వ్యయంతో 43కిలో మీటర్లలో 30వేల జీడి మామిడి మొక్కలను నాటనున్నారు. మొక్కల సంరక్షణ బాధ్యతను ఐదేళ్ల పాటు ఓ సంస్థకు అప్పగించారు. మొక్కలకు నీటిని అందించేందుకు 18 బోర్లను తవ్వించారు. అలాగే మొక్కలకు డ్రిప్‌ను సైతం ఏర్పాటు చేయనున్నారు. నీడతో పాటు కోతులకు ఆహారం వచ్చే మూడేళ్లలో నాటే మొక్కలతో జీడీ మామిడి వనంగా రహదారి మారనుంది. అలాగే కోతులకు ఆహారం లభించనుంది. అడవుల్లో తిండి లభించక నివాసాల్లోకి వస్తున్నాయి. ఈ పండ్ల మొక్కలు పెరిగితే నీడతో పాటు కోతులకు ఆహారంగా లభించే అవకాశాలున్నాయి.

విధులు బహిష్కరించి నిరసన చేర్యాల(సిద్దిపేట): న్యాయవాదులపై దాడులను అరికట్టాలని బార్‌ అసోసియేషన్‌ అధ్యక్షుడు ఆరెళ్ల వీరమల్లయ్య డిమాండ్‌ చేశారు. మండల పరిధిలోని నాగపురిలో న్యాయవాది గూడెపు శ్రీధర్‌ ఇంటిపై జరిగిన దాడిని నిరసిస్తూ చేర్యాల బార్‌ అసోసియేషన్‌ ఆధ్వర్యంలో న్యాయవాదులు విధులు బహిష్కరించి నిరసన తెలిపారు. బార్‌ అసోసియేషన్‌ అధ్యక్షుడు ఆరెళ్ల వీరమల్లయ్య మాట్లాడుతూ న్యాయవాది ఇంటిపై దాడిచేసిన వ్యక్తిని కఠినంగా శిక్షించాలని డిమాండ్‌ చేశారు. ఆయన వెంట బార్‌ ప్రధాన కార్యదర్శి మెరుగు రమేష్‌, న్యాయవాదులు భూమిగారి మనోహర్‌, పొన్నం సురేష్‌, నల్గొండ సంతోష్‌, తాటికొండ ప్రణీత్‌, వెంకటేష్‌, పర్వతం రాములు, మోకు రాజిరెడ్డి, నీరటి రాజలింగం, దర్శనం ప్రశాంత్‌, అంకణి సురేందర్‌, బైరగోని ప్రసాద్‌, రామకృష్ణారెడ్డి తదితరులున్నారు. కేసు నమోదు దాడికి పాల్పడిన వ్యక్తిపై కొమురవెల్లి పోలీసులు కేసు నమోదు చేశారు. బాధిత న్యాయవాది ఇచ్చిన ఫిర్యాదు మేరకు కేసు దర్యాప్తు చేస్తున్నట్లు ఎస్‌ఐ మహేష్‌ తెలిపారు.డ్రైనేజీల సమస్య పరిష్కారానికి చర్యలు డీఈ వెంకటేశం దుబ్బాకటౌన్‌: డ్రైనేజీల సమస్య పరిష్కారానికి చర్యలు చేపడుతున్నామని ఆర్‌అండ్‌బీ డీఈ వెంకటేశం తెలిపారు. దౌల్తాబాద్‌ మండల కేంద్రంలో ఏఈ చందుతో కలిసి డ్రైన్లు, డివైడర్ల నిర్మాణానికి అవసరమైన ప్రాంతాలను పరిశీలించారు. ఈ సందర్భంగా ఆయన మాట్లాడుతూ గ్రామంలో డ్రైనేజీ సమస్యలు తలెత్తకుండా అవసరమైన ప్రాంతాల్లో డ్రైన్ల నిర్మాణానికి చర్యలు తీసుకుంటున్నామన్నారు. రహదారుల అభివృద్ధిలో భాగంగా అవసరమైన చోట్ల డివైడర్లు ఏర్పాటు చేసేందుకు స్థలాలను పరిశీలించి కొలతలు తీసుకున్నామని సూచించారు. ప్రజలకు ఇబ్బందులు లేకుండా మౌలిక వసతులను మెరుగుపరిచేందుకు చర్యలు చేపడతామన్నారు. కార్యక్రమంలో సర్పంచ్‌ అనురాధ, ఉప సర్పంచ్‌ బాలకష్ణ, పాలకవర్గ సభ్యులు పాల్గొన్నారు. హెల్త్‌కార్డు సేవలు అందేలా చూడాలి రిటైర్డ్‌ ఉద్యోగుల సంఘం రాష్ట్ర అధ్యక్షుడు వెంకట్‌రెడ్డి గజ్వేల్‌: పెన్షనర్లకు హెల్త్‌కార్డు సేవలు సక్రమంగా అందేలా చూడాలని ప్రభుత్వ రిటైర్డ్‌ ఉద్యోగుల సంఘం రాష్ట్ర అధ్యక్షుడు వెంకట్‌రెడ్డి డిమాండ్‌ చేశారు. సోమవారం గజ్వేల్‌లో నిర్వహించిన రిటైర్డ్‌ ఉద్యోగుల సంఘం సమావేశానికి హాజరయ్యారు. ఈ సందర్భంగా ఆయన ప్రసంగిస్తూ కార్పొరేట్‌ ఆస్పత్రుల్లో ప్రభుత్వం అందించిన హెల్త్‌ కార్డులపై చికిత్సలు నిర్వహించకుండా ఇబ్బందులకు గురిచేస్తున్నారని ఆందోళన వ్యక్తం చేశారు. ఈ సమస్యపై ప్రభుత్వం వెంటనే స్పందించాలన్నారు. సమావేశంలో రిటైర్డ్‌ ఉద్యోగుల సంఘం జిల్లా అధ్యక్షుడు ఆర్‌.రాజిరెడ్డి, ప్రధాన కార్యదర్శి సత్యం, ఫైనాన్స్‌ సెక్రటరీ రామకిష్టయ్య, గజ్వేల్‌ శాఖ అధ్యక్షులు నాగేశ్వర్‌రావు, ప్రధాన కార్యదర్శి రామక్రిష్ణారెడ్డి తదితరులు పాల్గొన్నారు. సుద్దముక్కలతో సూక్ష్మ బొడ్డెమ్మలు చేర్యాల(సిద్దిపేట): సుద్దముక్కలతో 5రకాల బొడ్డెమ్మల సూక్ష్మ రూపాలను తయారుచేసి సూక్ష్మ కళాకారుడు జక్కనపల్లి రాము తన అరుదైన ప్రతిభను చాటుకున్నారు. పీట బొడ్డెమ్మ, గుంట బొడ్డెమ్మ, పందిరి బొడ్డెమ్మ, బాయి బొడ్డెమ్మ, అంతరాళ బొడ్డెమ్మలను రూపొందించారు. తెలంగాణ సంప్రదాయ పండుగలపై పిల్లలు, యువతలో ఆసక్తి పెంచాలనే ఉద్దేశంతో వీటిని తయారుచేసినట్లు రాము తెలిపారు. సూక్ష్మరూపాల్లో బొడ్డెమ్మలు ముద్దుగా ఆకట్టుకుంటున్నాయి.

● ప్రజలు భాగస్వాములు కావాలి ● జిల్లా చరిత్ర తెలిసేందుకే సంబురాలు ● 11న బహిరంగ సభ జయప్రదం చేద్దాం ● మాజీ మంత్రి హరీశ్‌రావుసిద్దిపేటజోన్‌: ‘దశాబ్దాల కల అయిన ప్రత్యేక జిల్లా.. ఏర్పడి పదేళ్లు అయ్యింది. ఈ పండుగను ఉత్సాహంగా నిర్వహిద్దాం. ఇందులో జిల్లా ప్రజలను భాగస్వామ్యం చేయాలి. అందుకు ప్రతి ఒక్కరూ బాధ్యతగా పనిచేయాలి’ అని మాజీ మంత్రి హరీశ్‌రావు పిలుపునిచ్చారు. సోమవారం ఎమ్మెల్యే క్యాంపు కార్యాలయంలో బీఆర్‌ఎస్‌ పట్టణ కార్యకర్తల సమావేశంలో ఆయన మాట్లాడుతూ.. జిల్లా ఏర్పాటుతో పట్టణ స్వరూపం మారిపోయిందన్నారు. పదేళ్ల పండుగను ఘనంగా నిర్వహించాలన్నారు. సిద్దిపేట గురించి భావితరాలకు తెలిసేలా పండుగ సంబురాలు చేస్తున్నట్లు పేర్కొన్నారు. సీఎం రేవంత్‌రెడ్డి దొంగ లెక్క దొడ్డిదారిన వెటర్నరీ కళాశాల కొడంగల్‌ తరలించారని, అదేవిధంగా మళ్లీ వెటర్నరీ కళాశాల వెనక్కి తేస్తానన్నారు. వచ్చేది మళ్ళీ బీఆర్‌ఎస్‌ ప్రభుత్వమని ధీమా వ్యక్తంచేశారు. జిల్లా ఆవిర్భావంతో కలెక్టరేట్‌, పోలీస్‌ కమిషనరేట్‌, అన్ని ప్రభుత్వ శాఖల కార్యాలయాలు, మెడికల్‌ కళాశాల, సుడా వచ్చాయని వాటి గూర్చి వివరించారు. సుదూరంలో ఉన్న సంగారెడ్డి వెళ్లే బాధ పోయిందన్నారు. అన్ని వర్గాలకు సిద్దిపేట జిల్లా ఏర్పాటు వల్ల మేలు జరిగిందన్నారు. ఈనెల 11న సిద్దిపేట పట్టణంలో నిర్వహించే సభను జయప్రదం చేయాలని సూచించారు. సమావేశంలో మాజీ ఎమ్మెల్సీ ఫారూఖ్‌, సీనియర్‌ నాయకులు శర్మ, రాజనర్స్‌, వేణుగోపాల్‌ రెడ్డి, సంపత్‌ రెడ్డి, భూపేష్‌, వెంకటేశ్వరరావు, మాజీ కౌన్సిలర్లు తదితరులు పాల్గొన్నారు. సంబురాల షెడ్యూల్‌..

సిద్దిపేటకమాన్‌: ఆరోగ్య భద్రత, గర్బిణులు, చిన్నపిల్లలకు వ్యాధి నిరోధక టీకాల పంపిణీలో జిల్లా ప్రగతి సాధించింది. కానీ మారుతున్న జీవనశైలి, ఆహారపు అలవాట్లు, ఒత్తిడి వల్ల బీపీ, షుగర్‌, ఊబకాయం (అధిక బరువు) వంటి సమస్యలతో ప్రజలు బాధపడుతున్నారు. ఈ అలవాట్లు ఆరోగ్యంపై తీవ్ర ప్రభావం చూపుతున్నాయని జాతీయ కుటుంబ ఆరోగ్య సర్వే (ఎన్‌ఎఫ్‌హెచ్‌ఎస్‌–6) తాజా నివేదికలో వెల్లడించింది. నేషనల్‌ ఫ్యామిలీ హెల్త్‌ సర్వే 6 (2023–24) ప్రకారం జిల్లాలో జనాభా, ఆరోగ్యం, పోషకాహారం, కుటుంబ సామాజిక, ఆర్థిక లక్షణాలు, మహిళ సాధికారిత, పిల్లల ఆరోగ్యం, ఇతర పలు రకాల విషయాలను ఈ నివేదికల్లో పేర్కొన్నారు. మాతా శిశు సంరక్షణలోనూ.. టీకాల పంపిణీలోనూ.. సిద్దిపేట జిల్లాలో ఆస్పత్రి ప్రసవాలు 98.9% నమోదవ్వగా ఇందులో ప్రభుత్వ ఆస్పత్రుల్లో ప్రసవాలు 62.5%గా ఉంది. ప్రసవం తర్వాత రెండు రోజుల్లో తల్లికి సంరక్షణ 74.1% నుంచి 95.2శాతానికి..పిల్లలకు 85.9% నుంచి 94.6శాతానికి పెరిగింది. జిల్లాలో గర్భిణులు మొదటి మూడు నెలల్లో వైద్య పరీక్షలు చేయించుకునే వారు 86.1% నుంచి 95శాతానికి పెరిగింది. 180 రోజులు ఐరన్‌ మాత్రల వినియోగం 41.5% నుంచి 55.5శాతానికి పెరిగింది. జిల్లాలో సిజేరియన్‌ రెటు 69% నుంచి 63.4శాతానికి తగ్గినా ఇప్పటికీ అది చాలా ఎక్కువే. జిల్లాలో 12 నుంచి 23 నెలల పిల్లల్లో టీకాల పంపిణీ 81.5% నుంచి 94.9శాతానికి పెరిగింది. పోలియో చుక్కలు, మూడు డోసుల పెంటావాలెంట్‌, బీసీజీ, మీజిల్స్‌, రోటావైరస్‌, విటమిన్‌ ఏ పంపిణీలో జిల్లా ప్రగతి సాధించింది. ప్రభుత్వాస్పత్రుల్లో టీకాలు వేయించుకున్న వారు 97.9%గా ఉన్నారు. మహిళా సాధికారతలో రికార్డు జిల్లాలో సొంత బ్యాంకు ఖాతా ఉన్న మహిళలు 93.3%గా ఉన్నారు. సొంత మొబైల్‌ వినియోగించే మహిళలు 71.7%గా ఉన్నారు. నెలసరి సమయంలో శుభ్రమైన శానిటరీ ప్యాడ్లు వినియోగించే యువతులు 92.2% నుంచి 97.5శాతానికి పెరిగింది. బాల్య వివాహాలు తగ్గుముఖం పట్టినట్లు నివేదికలు పేర్కొంటున్నాయి. 18 ఏళ్లలోపు పెళ్‌లైన మహిళలు 19% నుంచి 16శాతానికి తగ్గారు. ఆరోగ్య బీమా కవరేజీ 70.3% నుంచి 88.1శాతానికి పెరిగింది. ఇంటి స్థలం ఉన్న మహిళలు 24.4% నుంచి 34.8శాతానికి పెరిగారు. జిల్లాలో వైద్యారోగ్యశాఖ పనితీరు వల్ల గర్భిణులకు వైద్య సేవలు, చిన్న పిల్లలకు టీకాల పంపిణీలో పురోగతి సాధించినట్లు నివేదికలు పేర్కొంటున్నాయి. షుగర్‌ వ్యాధి పెరుగుదల జిల్లాలో ప్రతీ నలుగురిలో ఒకరు షుగర్‌ బారిన పడుతున్నారు. మహిళల్లో 141 నుంచి 160ఉన్న వారు 8.1% ఉండగా 160కంటే ఎక్కువ ఉన్నవారు 8.8% ఉండగా మొత్తం 18.6శాతం మంది షుగర్‌ ఉండి మందులు వాడుతున్నారు. పురుషుల్లో గతంలో 20% ఉండగా ప్రస్తుత నివేదికలు 24.4శాతం మందికి షుగర్‌ ఉన్నట్లు నివేదికల్లో పేర్కొన్నారు. బీపీ విషయంలో కొంత మెరుగుదల కనిపించింది. గతంలో బీపీ ఉన్న మహిళలు 6.6% నుంచి 3.9శాతానికి, పురుషుల్లో 9.2% నుంచి 8.1శాతానికి తగ్గింది. శిశు సంరక్షణ.. మహిళాసాధికారతలోనూ జిల్లా ముందంజే జాతీయ కుటుంబ ఆరోగ్య సర్వే (ఎన్‌ఎఫ్‌హెచ్‌ఎస్‌–6)లో వెల్లడి

ఎల్‌నినో ప్రభావం వల్ల వానాకాలం సాగులో తీవ్రంగా నష్టపోయి... కనీసం యాసంగి సాగుతో ఊరట పొందాలనుకున్న రైతులకు నిరాశే మిగిలింది. సబ్సిడీపై అందజేస్తున్న శనగ విత్తనాల పంపిణీ అరకొరగా సాగుతోంది. జిల్లా రైతుల అవసరాలకు ఏమాత్రం పొంతనలేకుండా కేవలం మూడు మండలాల్లో కేవలం 44.9క్వింటాళ్ల విత్తనాలను మాత్రమే 70% సబ్సీడీ అందజేసే ప్రక్రియను వ్యవసాయశాఖ ప్రారంభించింది. ఈ మూడు మండలాల్లోనూ రైతులకు సరిపడా విత్తనాలు అందే పరిస్థితి లేదు. పొద్దు తిరుగుడు విత్తనాల పంపిణీలోనూ ఇదేరకమైన పరిస్థితి నెలకొంది. –గజ్వేల్‌ జిల్లాలో ప్రస్తుత యాసంగి సీజన్‌లో సుమారుగా 2.5 లక్షల ఎకరాలకుపైగా వివిధ రకాల పంటలు సాగులోకి వచ్చే అవకాశముంది. ఇందులో 2,500ఎకరాలకుపైగా శనగ పంట సాగులోకి వచ్చే అవకాశముంది. ఇందుకోసం కనీసం 1,500 క్వింటాళ్లకుపైగా సబ్సిడీ విత్తనాలు అవసరముంటాయి. కానీ పంపిణీ తీరు చూస్తే ముక్కున వేలేసుకునేలా చేస్తున్నది. 44.9క్వింటాళ్లు మాత్రమే పంపిణీ శనగ విత్తనాలను 70% సబ్సిడీపై అందజేయడానికి సిద్దిపేట జిల్లాను మిషన్‌ ఫర్‌ ఆత్మనిర్భరత ఇన్‌ పల్సెస్‌(ఎంఏఎన్‌పీ) కింద ఎంపిక చేశారు. ఈ క్రమంలోనే జిల్లాలో శనగ సాగు అధికంగా ఉండే గజ్వేల్‌, జగదేవ్‌పూర్‌, బెజ్జంకి మండలాలను ఎంపిక చేశారు. ఈ మూడు మండలాల్లో తక్కవలో తక్కువగా 1000 వేల ఎకరాల్లో శనగ సాగులోకి వచ్చే అవకాశముంది. ఇందుకోసం సుమారుగా 600 క్వింటాళ్లకుపైగా విత్తనాలు అవసరముంటాయి. కానీ ప్రభుత్వం అందజేస్తున్నది. 44.9క్వింటాళ్లు మాత్రమే. పంపిణీ కార్యక్రమాన్ని ఆ మండలాల్లో శనివారం ప్రారంభించారు. ఈ మండలాల్లోనూ అవసరాలకు, పంపిణీ తీరుకు పొంతన లేకపోవడంతో రైతులు నిరాశకు గురవుతున్నారు. పొద్దు తిరుగుడు విత్తనాల తీరు అదే.. జాతీయ నూనె గింజల మిషన్‌ కింద సైతం సబ్సిడీ పొద్దు తిరుగుడు విత్తనాలను అందజేయడానికి సైతం జిల్లాను ఎంపిక చేశారు. వందశాతం సబ్సిడీపై విత్తనాల పంపిణీ ప్రక్రియ ప్రారంభమైంది. కానీ జిల్లాలోని అన్ని మండలాల్లో పొద్దుతిరుగుడు సాగుకు రైతులు సిద్ధంగా ఉంటారు. కానీ సబ్సిడీ విత్తన పంపిణీ కొన్ని మండలాలకే పరిమితం కావడం రైతులను ఆందోళనకు గురిచేస్తున్నది. వేరుశనగ విత్తనాల పంపిణీ పరిస్థితి కూడా ఇదే విధంగా ఉంది. పదేళ్లుగా సబ్సిడీకి మంగళం... శనగ విత్తనాల సబ్సిడీకి గత పదేళ్లుగా మంగళం పాడారు. ఈసారి ఇస్తారనురనుకుంటే అదీ కూడా అరకొర పంపిణీ చేయడంపై విమర్శలొస్తున్నాయి. నల్లరేగడిలో కొద్దిపాటి తేమ ఉంటే చాలు మొలకెత్తే అవకాశముంటుంది. ఆ తర్వాత చలికాలంలో వచ్చే పొగ మంచుతో పంటకు మంచి దిగుబడి వచ్చే అవకాశముంటుంది. అందువల్లే ఈ పంటకు మొగ్గు చూపుతారు. కానీ సబ్సిడీ విత్తనాలు సరిపడనంతగా అందక రైతులు ఆందోళన చెందుతున్నారు. శనగ విత్తనాలు 44.9 క్వింటాళ్లు మాత్రమే మూడు మండలాల్లోనే పంపిణీ అక్కడ కూడా అత్యల్పంగానే పొద్దుతిరుగుడు విత్తనాల పంపిణీ తీరు అంతే యాసంగి సాగు సిద్ధమవుతున్న రైతుకు నిరాశే సిద్దిపేట జిల్లాలో పరిస్థితి

కొమురవెల్లి(సిద్దిపేట): కొమురవెల్లి మల్లన్న ఆలయం ఆదివారం భక్తుల రాకతో కిటకిటలాడింది. దీంతో ఆలయ పరిసరాలు సందడిగా మారాయి. రాష్ట్రంలోని వివిధ ప్రాంతాలనుంచి భక్తులు తరలి వచ్చి మొక్కులు తీర్చుకున్నారు. శనివారం సాయత్రం నుంచే కొమురవెల్లికి చేరుకున్న భక్తులు ఆదివారం స్వామి వారిని దర్శించుకోవడంతో పాటు అభిషేకాలు, పట్నాలు, అర్చన, ప్రత్యేక పూజలు, ఒడిబియ్యం, కేశఖండన, గంగిరేణి చెట్టు వద్ద ముడుపులు కట్టి మొక్కులు చెల్లించారు. భక్తులకు కావల్సిన ఏర్పాట్లను ఆలయ ఈఓ సుధాకర్‌రెడ్డి, ఏఈఓ శ్రీనివాస్‌, ఆలయ ప్రధానార్చకులు మహాదేవుని మల్లికార్జున్‌లు పర్యవేక్షించారు.

గజ్వేల్‌రూరల్‌: జాతీయ ఎన్నికల ప్రధాన అధికారి జ్ఞానేశ్‌ కుమార్‌ రాజీనామా చేయాలని డీసీసీ అధ్యక్షురాలు ఆంక్షారెడ్డి, ఇండియా కూటమి నేతలు ఆముదాల మల్లారెడ్డిలు డిమాండ్‌ చేశారు. గజ్వేల్‌ పట్టణంలో ఆదివారం ఏర్పాటు చేసిన విలేకరుల సమావేశంలో వారు మాట్లాడుతూ...రాజ్యాంగబద్ద సంస్థలైనటువంటి ఎన్నికల కమిషన్‌ బీజేపీకి అనుబంధంగా వ్యవహరిస్తుందన్నారు. జ్ఞానేశ్‌ కుమార్‌ ఏకపక్షంగా వ్యవహరించి ఓట్ల నమోదును తన గుప్పిట్లో పెట్టుకుని రాష్ట్రాల నుంచి వచ్చే అభ్యంతరాలపై స్పందించడం లేదని మండిపడ్డారు. పేదలను, మైనార్టీ, యువత, మహిళలను ఎన్నికలకు దూరం చేసే విధంగా కుట్ర దాగిఉందని, దీన్ని వెంటనే రద్దు చేయాలని డిమాండ్‌ చేశారు. ఇప్పటికే జెన్‌జీ యువత ఉద్యమాలు చేస్తున్నారని, అక్టోబర్‌ 6న ఇండియా కూటమిలోని పార్టీల ఆధ్వర్యంలో కలెక్టరేట్‌ కార్యాలయం, 8న లోక్‌భవన్‌ ముట్టడి కార్యక్రమాలను చేపడుతున్నట్లు చెప్పారు. ఈ కార్యక్రమాల్లో పెద్ద సంఖ్యలో పాల్గొని విజయవంతం చేయాలని పిలుపునిచ్చారు. కార్యక్రమంలో సీపీఐ జిల్లా కార్యదర్శి మంద పవన్‌, నాయకులు గోపాలస్వామి, శశిధర్‌, ఎల్లయ్య, రవికుమార్‌ పాల్గొన్నారు.

● హామీలు మరిచిన కాంగ్రెస్‌కు బుద్ధి చెప్పాలి ● మాజీమంత్రి, శాసనసభ డిప్యూటీ ఫ్లోర్‌ లీడర్‌ హరీశ్‌రావు గజ్వేల్‌: బీఆర్‌ఎస్‌ హయాంలోనే ముస్లింల సంక్షేమానికి పెద్దపీట వేసినట్లు మాజీ మంత్రి, శాసనసభ డిప్యూటీ ఫ్లోర్‌ లీడర్‌ హరీశ్‌రావు తెలిపారు. ఆదివారం గజ్వేల్‌లో బీఆర్‌ఎస్‌ నాయకుడు అలీ మస్కతి ఆధ్వర్యంలో గజ్వేల్‌ ప్రాంతంలోని తుర్కకాశ కుటుంబాలకు రాళ్లను కట్‌చేసే పనిముట్లను పంపిణీ చేశారు. ఈ కార్యక్రమానికి ముఖ్య అతిథిగా హాజరైన హరీశ్‌రావు ప్రసంగిస్తూ కేసీఆర్‌ ముస్లింల వెనుకబాటుతనాన్ని గమనించి అప్పట్లో బడ్జెట్‌లో భారీగా నిధులు కేటాయించారని గుర్తు చేశారు. ఏటా రూ. 3000 నుంచి రూ.3,500 కోట్ల వరకు నిధులను కేటాయించిన ఘనత బీఆర్‌ఎస్‌కే దక్కిందన్నారు. అదేవిధంగా ముస్లింల అభ్యున్నతికి విరివిగా సంక్షేమ పథకాలను అమలు చేసినట్లు గుర్తు చేశారు. 204 మైనార్టీ గురుకుల పాఠశాలలను ఏర్పాటు చేసి విద్యారంగంలో ముస్లింల పిల్లలను తీర్చిదిద్దినట్లు చెప్పారు. విదేశాల్లో విద్యకు రుణసదుపాయం.. విదేశాల్లో చదువుకునే వారికోసం రుణసదుయాపాన్ని కల్పించినట్లు ఎమ్మెల్యే హరీశ్‌రావు తెలిపారు. పదేళ్లలో ముస్లింల అభ్యున్నతికి చేపట్టిన కార్యక్రమాలు గొప్ప పరివర్తనకు నాంది పలికాయన్నారు. ఎన్నో హామీలనిచ్చి గద్దెనెక్కిన ముఖ్యమంత్రి రేవంత్‌రెడ్డి ముస్లింల సంక్షేమాన్ని పూర్తిగా తుంగలో తొక్కారని విమర్శించారు. ఏటా రూ.4వేల కోట్ల బడ్జెట్‌ కేటాయింపులు జరుపుతామని చెప్పి ఆచరణలో విఫలమయ్యారని మండిపడ్డారు. ఎల్‌నినో తీవ్రరూపం దాల్చిన తరుణంలో రిజర్వాయర్ల నుంచి సాగునీటిని అందించలేక ప్రభుత్వం అసమర్ధతతను చాటుకుంటుందని మండిపడ్డారు. మల్లన్నసాగర్‌ నిర్వాసితుల సమస్యల పరిష్కారానికి కృషి చేస్తానని, ప్రతిపక్షంలో ఉండగా మాట ఇచ్చిన రేవంత్‌రెడ్డి నేడు సీఎం హోదాలో ఆ మాటే మరచిపోయారని ఆరోపించారు. జిల్లా ఖ్యాతి ఉట్టిపడేలా పదేండ్ల పండుగ సిద్దిపేటజోన్‌: సిద్దిపేట జిల్లా ఖ్యాతి ఎల్లలు దాటేలా, సంస్కృతి సంప్రదాయాలు ఉట్టిపడేలా పదేండ్ల పండుగ సంబరం ఘనంగా నిర్వహిద్దామని మాజీ మంత్రి హరీశ్‌రావు దిశానిర్దేశం చేశారు. ఆదివారం ఎమ్మెల్యే క్యాంపు కార్యాలయంలో జిల్లా ఏర్పడి అక్టోబర్‌ 11 నాటికి పదేండ్లు పూర్తి నేపథ్యంలో సంబురాల నిర్వహ ణపై మేధావులు, కవులు, కళాకారులు, జర్నలిస్టులు, న్యాయవాదులు, వైద్యులు, ప్రజా సంఘాలు, రిటైర్డ్‌ ఉద్యోగులు, ఉపాధ్యా య సంఘాల ప్రతినిధులతో సన్నాహక సమావేశం నిర్వహించారు. ఈ సందర్భంగా ఆయన మాట్లాడుతూ...అప్పట్లో జిల్లా ఏర్పాటు కోసం అర్జీ పెట్టిన నాయకుడు కేసీఆర్‌ అని అన్నారు. సిద్దిపేట జిల్లా, గోదావరి జలాలు, సిద్దిపేట రైల్వే లైన్‌, నినాదాలను తెలంగాణ రాష్ట్రంలో సఫలీకృతం చేసుకోవడం ఓ సువర్ణాధ్యాయంగా అభివర్ణించారు. సిద్దిపేట జిల్లా సాధించిన ప్రగతి గూర్చి భవిష్యత్తు తరాలకు తెలిపే బాధ్యత మన అందరిపై ఉందన్నారు. సమావేశంలో ఎమ్మెల్సీ దేశపతి శ్రీనివాస్‌, మాజీ ఎమ్మెల్సీ ఫారూఖ్‌, పార్టీ రాష్ట్ర కార్యదర్శి శర్మ, మాజీ మున్సిపల్‌ చైర్మన్‌ రాజనర్స్‌ తదితరులు పాల్గొన్నారు.

వర్గల్‌(గజ్వేల్‌): మాజీ మంత్రి, ఎమ్మెల్యే హరీశ్‌రావుకు వర్గల్‌ శ్రీవిద్యాసరస్వతి శరన్నవరాత్రోత్సవాల ఆహ్వాన పత్రికను ఆలయ కమిటీ ప్రతినిధులు ఆదివారం అందజేశారు. ఈ నెల 11 నుంచి ఉత్సవాలు ప్రారంభం కానున్నాయని, తప్పనిసరిగా హాజరుకావాలని కోరారు. సౌర విద్యుత్‌తో డబ్బులు ఆదాప్రశాంత్‌నగర్‌(సిద్దిపేట): నిత్యం మనకు అందుబాటులో ఉన్న సూర్యరశ్మితో మన ఇంటికి సరిపోయే విద్యుత్‌శక్తిని ఉత్పత్తి చేసుకునే అవకాశం సోలార్‌ విద్యుత్‌ వ్యవస్థతో అందుబాటులోకి వస్తుందని విద్యుత్‌శాఖ డివిజనల్‌ ఇంజనీర్‌ రామచంద్రయ్య పేర్కొన్నారు. సేవా సేతు అభియాన్‌ ప్రధాన మంత్రి సూర్యఘర్‌ ముఫ్త్‌ బిజిలీ యోజన పథకంపై ఆదివారం జిల్లా కేంద్రంలో వినియోగదారులకు అవగాహన కార్యక్రమం నిర్వహించారు. ఈ సందర్భంగా డీఈ రామచంద్రయ్య మాట్లాడుతూ..పీఏం సూర్యఘర్‌ ముఫ్త్‌ బిజిలీ యోజన పథకం ద్వారా అనేకమంది తమ గృహాల్లో రూప్‌టాప్‌పై సోలార్‌ ప్లాంట్‌ను ఏర్పాటు చేసుకోవడం అభినందనీయమన్నారు. తమ గృహాల రూఫ్‌ టాప్‌పై సోలార్‌ ప్లాంట్‌ను ఏర్పాటు చేసుకుని ప్రతీ నెల 360 యూనిట్ల వరకు విద్యుత్‌ను పొందవచ్చన్నారు. కార్యక్రమంలో విద్యుత్‌శాఖ ఏడీఈ గంగాదర్‌, ఏఈ హుసేన్‌, వివిధ బ్యాంక్‌ల ప్రతినిధులు, వివిధ సోలార్‌ ప్లాంట్‌ల నిర్వహకులు, వినియోగదారులు పాల్గొన్నారు. నియోజకవర్గ కాంగ్రెస్‌ పార్టీ ఇన్‌చార్జి హరికృష్ణ సిద్దిపేటరూరల్‌: కాంగ్రెస్‌ ప్రభుత్వం ముఖ్యమంత్రి రేవంత్‌రెడ్డి పాలనలో గ్రామాల సమగ్రాభివృద్ధి జరుగుతోందని సిద్దిపేట నియోజకవర్గ కాంగ్రెస్‌ పార్టీ ఇన్చార్జి పూజల హరికృష్ణ పేర్కొన్నారు. సిద్దిపేట రూరల్‌ మండల పరిధిలోని రాఘవపూర్‌ గ్రామంలో రూ.10 లక్షలతో నిర్మించనున్న నూతన సీసీ రోడ్డు నిర్మాణ పనులకు స్థానిక నాయకులతో కలిసి భూమిపూజ చేశారు. ఈ సందర్భంగా మాట్లాడుతూ..రాష్ట్రంలో కాంగ్రెస్‌ ప్రభుత్వం అధికారంలోకి వచ్చిన తర్వాత సంక్షేమ పథకాలు ఎలాంటి మధ్యవర్తులు లేకుండా నేరుగా లబ్ధిదారులకు అందుతున్నాయన్నారు. ప్రభుత్వం అందిస్తున్న సంక్షేమ పథకాలు ప్రజలకు అందించేలా చూడాలన్నారు. కార్యక్రమంలో సర్పంచ్‌ పద్మ శ్రీనివాస్‌, ఉప సర్పంచ్‌ వెంకటేశ్‌, వార్డు సభ్యులు తిరుపతి, సురేశ్‌, మల్లేశం, కాంగ్రెస్‌ పార్టీ మండల శాఖ నాయకులు గరిపల్లి రాములు ప్రజలు పాల్గొన్నారు. ఈయూ రాష్ట్ర ప్రధాన కార్యదర్శి ఈదురు వెంకన్న హుస్నాబాద్‌: ఆర్టీసీ కార్మిక ఎన్నికలను రాజకీయాలకతీతంగా నిర్వహించాలని ఎంప్లాయిస్‌ యూనియన్‌ రాష్ట్ర ప్రధాన కార్యదర్శి ఈదురు వెంకన్న తెలిపారు. ఆదివారం డిపో యూనియన్‌ కార్మికుల సమావేశం నిర్వహించారు. ఈ సందర్భంగా వెంకన్న మాట్లాడుతూ ఈ నెల 9న జరిగే ఎన్నికల్లో ఈయూ, టీఎంయూ, ఎన్‌ఎంయూ కూటమికి కార్మికులు మద్దతు ఇవ్వా లని కోరారు. కార్మికుల సమస్యల పరిష్కారం కోసం, హక్కుల పరిరక్షణ, ఆర్టీసీని ప్రభుత్వంలో విలీనం చేయాలనే డిమాండ్ల సాధనకు కూటమి పోరాడుతుందన్నారు. కరీంనగర్‌ రీజియన్‌లోని 11 డిపోల్లో ఎన్నికలు జరుగనున్న నేపథ్యంలో కార్మికులు స్వేచ్ఛగా ఓటు హక్కును వినియోగించుకోవాలని కోరారు.

బీఆర్‌ఎస్‌ రాష్ట్ర నాయకుడు తోట కమలాకర్‌రెడ్డి మిరుదొడ్డి(దుబ్బాక): సమాజంలో గౌరవ ప్రదమైన వృత్తి ఏదైనా ఉందంటే కేవలం అది ఉపాధ్యాయులదేనని బీఆర్‌ఎస్‌ రాష్ట్ర నాయకుడు తోట కమలాకర్‌రెడ్డి తెలిపారు. నైపుణ్య ఆర్గనైజేషన్‌ ఆధ్వర్యంలో శనివారం మిరుదొడ్డి మండల ఉత్తమ ఉపాధ్యాయుల అభినందన సభ కార్యక్రమం నిర్వహించా రు. ఉత్తమ ఉపాధ్యాయులను ఘనంగా సన్మానించి సత్కరించారు. ఈ సందర్భంగా ఆయన మాట్లాడుతూ...విద్యార్థులను ఉన్నతులుగా తీర్చిదిద్దడంలో ఉపాధ్యాయులు కీలకపాత్ర పోషిస్తారన్నారు. సమాజంలో మంచి మార్పు రావాలంటే తరగతి గదిలోనే విద్యార్థుల భవిష్యత్తు ఆధారపడి ఉందని పేర్కొన్నారు. ఉపాధ్యాయులు అంకిత భావంతో పని చేస్తేనే సమాజంలో మంచి గుర్తింపు లభిస్తుందన్నారు. కార్యక్రమంలో ఎంఈఓ ప్రవీణ్‌బాబు, నైపుణ్య ఆర్గనైజేషన్‌ చైర్మన్‌ డాక్టర్‌ మొగుళ్ళ ఐలయ్య, స్కూల్‌ కాంప్లెక్స్‌ హెడ్‌మాస్టర్‌ వెంకట రాజలింగం, మాజీ ఎంపీటీసీ గొట్టం భైరయ్య, బీఆర్‌ఎస్‌ నాయకులు రామచంద్రం, బాల్‌ నర్సింహులు తదితరులు పాల్గొన్నారు.

● డైవర్షన్‌ రాజకీయాలతో కాలయాపన ● ఎఫ్‌డీసీ మాజీ చైర్మన్‌ వంటేరు ప్రతాప్‌రెడ్డిగజ్వేల్‌: డైవర్షన్‌ రాజకీయాలతో ముఖ్యమంత్రి రేవంత్‌రెడ్డి కాలయాపన చేస్తున్నారే తప్పా...ప్రజలకు ఒరగబెట్టిందేమీలేదని ఎఫ్‌డీసీ మాజీ చైర్మన్‌ వంటేరు ప్రతాప్‌రెడ్డి విమర్శించారు. కేసీఆర్‌ మళ్లీ సీఎం కావాలని కోరుకుంటూ మంథని నియోజకవర్గం నుంచి పాదయాత్ర చేపట్టిన బెన్నీపాల్‌, వెంకటేశ్‌, కె.వెంకటేశ్‌లు శనివారం గజ్వేల్‌కు చేరుకున్నారు. ఈ సందర్భంగా పట్టణంలోని ఎమ్మెల్యే క్యాంపు కార్యాలయంలో ప్రతాప్‌రెడ్డి వారిని సన్మానించారు. ఈ సందర్భంగా ఆయన మాట్లాడుతూ అబద్ధాలతో గద్దెనెక్కిన రేవంత్‌రెడ్డి పాలనలో విఫలమై ప్రజలకు నరకం చూపుతున్నారన్నారు. గోదావరి జలాలు వృథాగా పోతున్నా ప్రభుత్వానికి కనీసం పట్టింపులేదని మండిపడ్డారు. కరెంట్‌ కోతల వల్ల వ్యవసాయానికి గడ్డు రోజులు సంక్రమించాయని ఆవేదన వ్యక్తం చేశారు. హామీలను అమలు చేయకుండా ఇష్టారాజ్యంగా వ్యవహరిస్తున్న సీఎం వ్యవహారశైలిని ప్రజలు గమనిస్తున్నారని చెప్పారు. ప్రజలు తిరిగి కేసీఆర్‌ పాలన కావాలని కోరుకుంటున్నారని చెప్పారు. ప్రజల ఆకాంక్షలకు అద్దం పడుతూ మంథని నియోజకవర్గానికి చెందిన నేతలు పాదయాత్ర చేపట్టడం అభినందనీయమన్నారు.

గజ్వేల్‌: పట్టణంలో ఏళ్ల తరబడి పెండింగ్‌లో ఉన్న కోటమైసమ్మ రోడ్డు విస్తరణ పనులపై శనివారం కాంగ్రెస్‌, బీఆర్‌ఎస్‌ నేతలు ఏక కాలంలో సమీక్షలు, పరిశీలనలు జరపడం చర్చనీయంశంగా మారింది. ఈ పనులు పెండింగ్‌లో ఉండటం వల్ల పట్టణంలోని పాతబస్తీకి చెందిన వాసులు తీవ్రంగా ఇబ్బంది పడుతున్నారు. రోడ్డు విస్తరణ పనులు సాగకపోవడమేగాకుండా డ్రైనేజీ పనులు సైతం ఆగిపోయాయి. ఈ సమస్య తీవ్రంగా పరిణమించింది. ఇదే క్రమంలో గజ్వేల్‌ మాజీ ఎమ్మెల్యే నర్సారెడ్డి స్థానిక మున్సిపల్‌ కమిషనర్‌ గణేశ్‌రెడ్డి, ఆర్‌అండ్‌బీ ఈఈ షహనాజ్‌ బేగం, ఇతర అధికారులతో క్షేత్రస్థాయి పరిశీలనలు జరిపారు. పనుల పెండింగ్‌కు కారణాలను తెలుసుకుని పునఃప్రారంభానికి చర్యలు చేపట్టాలని అధికారులకు సూచించారు. అదేవిధంగా డ్రైనేజీ పనులను సైతం ప్రారంభించాలన్నారు. ఇదే అంశంపై ఎమ్మెల్సీ డాక్టర్‌ యాదవరెడ్డి ఇంటిగ్రేటెడ్‌ ఆఫీస్‌ కాంప్లెక్స్‌ కార్యాలయంలో ఆర్డీవో చంద్రకళ, ఆర్‌అండ్‌బీ ఈఈ షహనాజ్‌బేగంలతో మున్సిపల్‌ చైర్‌పర్సన్‌ గంగిశెట్టి చందన, బీఆర్‌ఎస్‌ నాయకులతో కలిసి పనుల తీరుపై సమీక్ష జరిపారు. పనులు పెండింగ్‌లో ఉండటానికి కారణాలను విశ్లేషించారు. కొత్తగా టెండర్లు పిలిచి పనులను పట్టాలెక్కించాలని సూచించారు. క్యాసారం రోడ్డు, రింగురోడ్డు పనులపై కూడా చర్చించారు. ఒకేరోజు ఇరు పార్టీల నేతలు పోటాపోటీగా ఇలా సమీక్షలు జరపడం పట్టణంలో చర్చకు దారితీసింది.

ఈ ఫొటోలో కనిపిస్తున్న వ్యక్తి దుబ్బాకకు చెందిన జనగామ శ్రీకాంత్‌. ఇటీవల ఇతడి తల్లిదండ్రులు చనిపోవడంతో కుటుంబ భారం శ్రీకాంత్‌ పడింది. 2.10 ఎకరాల భూమి ఉన్నా...బోరు బావి లేకపోవడంతో అది బీడు భూమి గానే ఉంది. అసలే కడు పేదరికంలో ఉన్న శ్రీకాంత్‌ తనకు రెండున్నరేళ్ల క్రితం బోర్‌ను ప్రభుత్వం డ్రిల్‌ చేసి వదిలేసిందని వాపోతున్నాడు. ప్రభుత్వం మోటార్‌ దించి కనెక్షన్‌ ఇస్తే వ్యవసాయం చేసుకుని కుటుంబాన్ని పోషించుకుంటానని ఆవేదన వ్యక్తం చేస్తున్నాడు. తనకు వ్యవసాయం తప్ప ఇతర ఏ పని రాదని ప్రభుత్వం సహకారం అందిస్తే బీడు భూమిని సాగు భూమిగా చేసి పంట పండించుకుంటానంటున్నాడు. బోరు వేసినప్పుడు నీళ్లు బాగా పడ్డాయని బోరు మోటార్‌కు వీలైనంత త్వరగా కనెక్షన్‌ ఇప్పించి ప్రభుత్వం తనకు సహాయం అందించాలని కోరుతున్నాడు. సాక్షి, సిద్దిపేట: ఎస్సీ చిన్న, సన్నకారు రైతుల పంట పొలాలకు సాగునీటి సాయం అందించేందుకు ప్రభుత్వం ప్రవేశపెట్టిన పీఎం అజయ్‌ పథకం క్షేత్రస్థాయిలో అసంపూర్తిగా మిగిలింది. ఉచితంగా బోర్‌ బావులు తవ్వించి...వాటికి మోటార్లు బిగించకపోవడంతో రూ.లక్షల్లో ప్రజాధనం వెచ్చించినా రైతులకు ప్రయోజనం అందని పరిస్థితి నెలకొంది. జిల్లావ్యాప్తంగా రెండు విడతల్లో 82 బోర్లు తవ్వి రెండున్నరేళ్లు కావస్తున్నా ఇప్పటివరకు ఒక్క మోటారూ బిగించలేదు. బీడు భూములను సాగులోకి తీసుకురావాలని రైతులు ఆశగా ఎదురుచూస్తున్నారు. దళితుల భూములు బీడుగా మారకుండా ఉండేందుకు సాగునీటి సాయం అందించాలని లక్ష్యంతో పీఎం అజయ్‌ పథకంలో భాగంగా ఎస్సీ కార్పొరేషన్‌ ఆధ్వర్యంలో 100% సబ్సిడీతో బోర్‌ బావులు తవ్వించే కార్యక్రమాన్ని చేపట్టారు. మండలాల వారీగా ఎంపీడీఓ కార్యాలయాల్లో దరఖాస్తులను స్వీకరించగా 500మందికి పైగా దళిత రైతులు దరఖాస్తు చేశారు. భూగర్భ జలవనరుల శాఖ అధికారులు సర్వే చేసి అర్హత ఉన్న వారికి బోర్లను మంజూరు చేశారు.

కొండపాక(గజ్వేల్‌): కొండపాక గ్రామ శివారులోని సర్వేనంబర్లు 731, 733లలో గల 2.18 ఎకరాల ప్రభుత్వ భూమిలో వరి ధాన్యం కొనుగోలు కేంద్రం ఏర్పాటు చేసుకునేందుకు అనుమతివ్వాలని కోరుతూ గ్రామస్తులు శనివారం తహసీల్దార్‌ కార్యాలయంలో వినతి పత్రాన్ని అందజేశారు. ఏళ్ల కాలంగా భూమి ఖాళీగా ఉంటుండటంతో ముళ్ల పొదలు, పిచ్చిమొక్కలు మొలకెత్తడంతో కోతులకు, అడవి పందులకు ఆవాసంగా మారిందని పేర్కొన్నారు. దీంతోపాటుగా ప్రభుత్వ భూమి ప్రక్క నుంచి వ్యవసాయ బావుల వద్దకు వెళ్లే రైతులు, వ్యవసాయ కూలీలు కోతుల, అడవి పందులుంటున్నాయన్న భయంతో వెళ్లడానికి జంకుతున్న విషయమై గ్రామస్తులు గ్రామ పంచాయతీ దృష్టికి తీసుకువచ్చారన్నారు. దీంతో ప్రభుత్వ భూమిలో మొలకెత్తిన పిచ్చిమొక్కలు, ముళ్ల పొదలను తొలగించి ధాన్యం కొనుగోలు కేంద్రం నిర్వహణ కోసం ఉపయోగించుకోవాలని గ్రామ పంచాయతీ పాలకవర్గం తీర్మానం చేసుకున్న విషయాన్ని సైతం పేర్కొన్నారు. చెరువుకు సమీపంలో ఉన్న ప్రభుత్వ భూమిని గ్రామ పంచాయతీకి అప్పగిస్తే బతుకమ్మ పండుగ నిర్వహణతో పాటు ధాన్యం కొనుగోలు కేంద్రం నిర్వహణ కోసం ఉపయోగించుకోవచ్చన్నారు.

ప్రశాంత్‌నగర్‌(సిద్దిపేట): జిల్లా కేంద్రంలోని ఇందిరానగర్‌ జిల్లా పరిషత్‌ ఉన్నత పాఠశాలకు చెందిన 9 మంది విద్యార్థులు రాష్ట్ర స్థాయికి ఎంపికయినట్లు, పాఠశాల ప్రధానోపాధ్యాయు లు ప్రభాకర్‌రెడ్డి పేర్కొన్నారు. ఉమ్మడి మెదక్‌ జిల్లా స్థాయి క్రీడల్లో రాణించిన విద్యార్థులను శనివారం స్థానిక పాఠశాలలో అభినందించా రు. ఈ సందర్భంగా ప్రభాకర్‌రెడ్డి మాట్లాడుతూ.. 70వ ఎస్‌జీఎఫ్‌ ఉమ్మడి మెదక్‌ జిల్లా స్థాయి క్రీడల్లో పాఠశాలకు చెందిన 9 మంది విద్యార్థులు రాణించారన్నారు. ఫుట్‌బాల్‌ అండర్‌ 17 విభాగంలో వర్షిత్‌, అండర్‌ 14 విభా గంలో ఆధ్యాన్‌, హ్యాండ్‌ బాల్‌లో అండర్‌ 17 బాలికల విభాగంలో అర్చన, అండర్‌ 14 బాలి కల విభాగంలో హర్ష ప్రియా, నక్షత్ర, బాలుర విభాగంలో శరత్‌, తైక్వాండోలో అభిలాష్‌, ఖ.రిషిక్‌ వర్మ, నవ్య రాణించి రాష్ట్రస్థాయికి ఎంపికయ్యారన్నారు. కార్యక్రమంలో పాఠశాల పీడీ సంతోషి, ఉపాధ్యాయులు ఉన్నారు. రాయితీలను సద్వినియోగం చేసుకోవాలిజిల్లా వ్యవసాయాధికారి స్వరూపరాణి గజ్వేల్‌: ప్రభుత్వం అందిస్తున్న రాయితీలను రైతులు సద్వినియోగం చేసుకోవాలని జిల్లా వ్యవసాయాధికారి స్వరూపరాణి పేర్కొన్నా రు. గజ్వేల్‌లోని రైతు వేదికలో మిషన్‌ ఫర్‌ ఆత్మ నిర్భరత ఇన్‌ పల్సెస్‌(ఎంఏఎన్‌పీ) కార్య క్రమంలో భాగంగా రాయితీపై శనగ విత్తనాల ను పంపిణీ చేశారు. గజ్వేల్‌ మంలానికి 100% సబ్సిడీ కింద 16కిలోల 50 చిరు సంచులను, మరో 9.92క్వింటాళ్ల విత్తనాలను 70% రాయి తీపై పంపిణీ చేశారు. ఈ సందర్భంగా ఆమె మాట్లాడుతూ.. రైతులను ప్రోత్సహించడమే లక్ష్యంగా ప్రభుత్వం ఈ కార్యక్రమాన్ని చేపట్టిందన్నారు. శనగ సాగు అధికంగా ఉండే గజ్వేల్‌, జగదేవ్‌పూర్‌, బెజ్జంకి, చేర్యాల మండలాల్లో ఈ సబ్సిడీ విత్తనాలను అందిస్తున్నట్లు చెప్పారు. జాతీయ నూనె గింజల మిషన్‌లో భాగంగా జిల్లాలోని పది మండలాలకు 3,000 ఎకరాలకు 100% సబ్సిడీపై పొద్దుతిరుగుడు విత్తనాలు అందిస్తున్నట్లు చెప్పారు. కార్యక్రమంలో గజ్వేల్‌ ఏడీఏ బాబునాయక్‌, వ్యవసాయాధికారి నాగరాజు, కాంగ్రెస్‌ నాయకులు సర్ధార్‌ఖాన్‌, సుఖేందర్‌రెడ్డి, కొండల్‌రెడ్డి, ఏఈఓలు పాల్గొన్నారు. 7 వరకు అభ్యంతరాల స్వీకరణ జిల్లా సహకార శాఖ అధికారి నాగేశ్వర్‌రావు సిద్దిపేటరూరల్‌: ఇండియన్‌ రెడ్‌క్రాస్‌ సొసైటీ సిద్దిపేట బ్రాంచ్‌ ఓటర్ల జాబితాకు సంబంధించిన అభ్యంతరాలను ఈ నెల 07వ తేదీ వరకు స్వీకరించనున్నట్లు జిల్లా సహకారశాఖ అధికా రి నాగేశ్వర్‌రావు శనివారం ఓ ప్రకటనలో వెల్లడించారు. ఈ మేరకు ఓటర్ల పరిశీలనార్థం సిద్దిపేటరూరల్‌, సిద్దిపేటఅర్బన్‌, సిద్దిపేట మున్సిపాలిటీ, ఆర్డీఓ కార్యాలయం, జిల్లా పరిషత్‌కార్యాలయం, కలెక్టరేట్‌లోని నోటీస్‌బోర్డులో ఓటర్ల ముసాయిదా ప్రదర్శించినట్లు పేర్కొన్నారు. వీటికి సంబంధించిన అభ్యంతరాలను ఈ నెల 5 నుంచి 7వ తేదీ వరకు జిల్లా సహకార శాఖ అధికారికి తెలపాలన్నారు. పేద విద్యార్థికి ల్యాప్‌టాప్‌ అందజేతసిద్దిపేటజోన్‌: ఇంజినీరింగ్‌ చదువుతున్న పేద విద్యార్థికి మాజీ మంత్రి హరీశ్‌రావు ల్యాప్‌టాప్‌ అందించారు. హైదరా బాద్‌లోని ఒక ప్రైవేట్‌ కళాశాలలో ఇంజినీరింగ్‌ కోర్సు చేస్తున్న వైష్ణవి ఆర్థిక పరిస్థితి గమనించిన బీఆర్‌ఎస్‌ యువజన విభాగం పట్టణ అధ్యక్షుడు రెడ్డి ప్రభాకర్‌రెడ్డి ల్యాప్‌ ట్యాప్‌ను మాజీ మంత్రి హరీశ్‌రావు చేతుల మీద అందించారు.

ఈ ఫొటోలో కనిపిస్తున్న వ్యక్తి పేరు కాజీపురం దర్శయ్య. దుబ్బాక మున్సిపల్‌ పరిధిలోని ధర్మాజీపేటకు చెందినవాడు. రెండున్నరేళ్ల క్రితం ఎస్సీ కార్పొరేషన్‌ కింద ఇతనికి బోర్‌ మంజూరైంది. బోర్‌ మంజూరై ..డ్రిల్‌ చేసి రెండున్నరేళ్లు గడుస్తున్నా...మోటార్‌ ఇవ్వక, కరెంట్‌ కనెక్షన్‌ లేకపోవడంతో..సాగు చేయక బీడు భూమిగా ఉంది. అసలే రెక్కాడితే గాని డొక్కాడని కుటుంబాలు. ప్రభుత్వం మోటార్‌ మంజూరు చేస్తే భూమి సాగు చేసుకుంటే... జీవనోపాధి దొరుకుతుందని బాధితుడు వాపోతున్నాడు.

సమస్యల పరిష్కారం కోసం మంత్రికి వినతికొండపాక(గజ్వేల్‌): గ్రామ పంచాయతీ పరిధిలో నెలకొన్న వివిధ సమస్యల పరిష్కారంలో ప్రత్యేక చొరవచూపి పరిష్కారమయ్యేలా చూడాలని కోరుతూ కొండపాక మండలంలోని అన్ని గ్రామాల కాంగ్రెస్‌ కమిటీ సభ్యులు శనివారం పంచాయితీ రాజ్‌ శాఖ మంత్రి గడ్డం వివేక్‌ను సచివాలయంలో కలిసి వినతి పత్రం అందజేశారు. గత బీఆర్‌ఎస్‌ ప్రభుత్వం గ్రామ పంచాయతీల్లో నెలకొన్న సమస్యలను పట్టించుకోకపోవడంతో వివిధ సమస్యలు పేరుకుపోయి ప్రజలు ఇబ్బందులు ఎదుర్కొంటున్నారన్నాన్నారు. స్పందించిన మంత్రి వెంటనే ఆయా శాఖల సంబంధిత అధికారులకు సమాచారం అందిస్తూ సమస్యల పరిష్కారం విషయంలో అవసరపడే నిధుల కోసం ప్రతిపాదనలు తయారు చేసి పంపించాలని ఆదేశాలిచ్చారు. ఈ సందర్భంగా మంత్రి మాట్లాడుతూ..నియోజక వర్గంలో పార్టీ బలోపేతం అయ్యేలా కృషి చేయాలన్నారు. కార్యక్రమంలో మండల పార్టీ అధ్యక్షులు మంచాల కనకరాములు, వ్యవసాయ మార్కెట్‌ కమిటీ వైస్‌ చైర్మన్‌ బట్ట పర్శరాములు, జిల్లా జనరల్‌ సెక్రటరీ భైరీ ప్రణిత్‌రెడ్డి, సర్పంచ్‌ వెంకటేశంగౌడ్‌ తదితరులు పాల్గొన్నారు.

యూఎస్‌ఎఫ్‌ఐ జిల్లా సహాయ కార్యదర్శి హేమంత్‌ ప్రశాంత్‌నగర్‌(సిద్దిపేట): బీజేపీకి అనుకూలంగా వ్యవహరిస్తున్న చీఫ్‌ ఎలక్షన్‌ కమిషనర్‌ జ్ఞానేశ్‌కుమార్‌ వెంటనే తన పదవికి రాజీనామా చేయాలని యూఎస్‌ఎఫ్‌ఐ జిల్లా సహాయ కార్యదర్శి పుట్ల హేమంత్‌ డిమాండ్‌ చేశారు. జిల్లా కేంద్రంలో శనివారం యూఎస్‌ఎఫ్‌ఐ ఆధ్వర్యంలో కళ్లుమూసుకుని నిరసన కార్యక్రమం చేపట్టారు. ఈ సందర్భంగా హేమంత్‌ మాట్లాడుతూ...స్వతంత్రంగా విధులు నిర్వహించాల్సిన ఎన్నికల కమిషనర్‌ అధికార పార్టీకి అనుకూలంగా వ్యవహరిస్తున్నారన్నారు. కార్యక్రమంలో ప్రసాద్‌, రోహిత్‌, వినయ్‌, కుమార్‌, సాయి, శ్రీను, బాలు పాల్గొన్నారు.

హుస్నాబాద్‌: ఎల్లమ్మ చెరువు సుందరీకరణ పనులను శనివారం రాత్రి ఒకటవ అదనపు జిల్లా జడ్జి జయప్రసాద్‌ వీక్షించారు. హుస్నాబాద్‌ చెరువులో కొత్తగా నిర్మించిన గ్లాస్‌ బ్రిడ్జి అందాలు ఇన్‌స్ట్రాగామ్‌, ఫేస్‌బుక్‌లో వైరల్‌ అవుతున్న విషయం తెలిసిందే. ఈ క్రమంలో చెరువు కట్ట సుందరీకరణ పనులు, గ్లాస్‌ బ్రిడ్జిని జడ్జి తన కుటుంబ సభ్యులతో కలిసి ప్రత్యక్షంగా వీక్షించి సంతోషం వ్యక్తం చేశారు. ఆయన వెంట హుస్నాబాద్‌ జడ్జి ప్రమీద, మాజీ ఏజీపీ చిత్తారి రవీందర్‌, ఎస్సై లక్ష్మారెడ్డి తదితరులున్నారు.

ప్రభుత్వం అర్హులైన వారికి కొత్తగా దసరా నుంచి చేయూత పథకం కింద పింఛన్లు అందిచేందుకు కసరత్తులు చేస్తుండటంతో ఈ సారైనా తమకు పింఛన్లు వస్తాయన్న గంపెడాశతో దరఖాస్తులు చేసుకున్నారు. అవి ఎప్పుడెప్పుడు వస్తాయా అని ఎదురు చూస్తున్నారు. చాలామంది పింఛన్ల కోసం ప్రభుత్వ కార్యాలయాల చుట్టూ దరఖాస్తులు పట్టుకుని కాళ్లు అరిగేలా తిరుగుతున్నారు. జిల్లాలో 14,777 మంది దరఖాస్తులు చేయూత పింఛన్ల కోసం ఆగష్టు 9 నుంచి సెప్టెంబర్‌ 15 వరకు ప్రభుత్వం అవకాశం కల్పించడంతో జిల్లాలో 14,777 మంది దరఖాస్తులు చేసుకున్నారు. వీరిలో అధికంగా 8,107 మంది వితంతువులు,దివ్యాంగులు 2,659, గీత కార్మికులు 1,717, ఒంటరి మహిళలు 1,041,చేనేత కార్మికులు 953, బోదకాలు బాధితులు 300 మంది దరఖాస్తు చేసుకున్నారు. ఇప్పటికే జిల్లాలో వివిధ రకాల పింఛన్లు లబ్ధిదారులు 1,81,915 ఉండగా వీరికి నెలనెలా రూ.39,34,,54,640 ప్రభుత్వం అందజేస్తుంది. జిల్లాలో 6,149 పింఛన్ల తొలగింపు ● గత జూన్‌, జూలైలో పెట్టిన ఎఫ్‌ఆర్‌ఎస్‌ ద్వారా జిల్లాలో మృతులు, అనర్హుల జాబితాలో ఉన్న 6,149 మంది పింఛన్లను అధికారులు తొలగించారు. పూర్తయిన పరిశీలన చేయూత పెన్షన్ల కోసం లబ్ధిదారులు చేసుకున్న దరఖాస్తుల పరిశీలన సెప్టెంబర్‌ 30తో ముగిసింది. జిల్లా వ్యాప్తంగా ప్రభుత్వం నియమించిన 226 మంది అధికారుల బృందాలు దరఖాస్తు దారుల వద్దకు నేరుగా వెళ్లి పరిశీలించాయి. 14 ప్రశ్నలతో కూడిన వివరాలను సరిచూసి ఆన్‌లైన్‌లో నమోదు చేశారు. చేయూత యాప్‌లో అర్హుడా కాదా అన్న విషయాన్ని టిక్‌ చేసి లోకేషన్‌ ఫొటోతో సహా అప్‌లోడ్‌ చేశారు. కాగా, జిల్లాలో కొత్తగా పెద్ద ఎత్తున దరఖాస్తులు రావడంతో పరిశీలన తర్వాత ఎంతమందికి వస్తాయోనన్న విషయం ఇంకా అధికారులు వెల్లడించేందుకు మరింత సమయం పట్టవచ్చని చెబుతున్నారు. మొదటి దశ మాత్రమే పూర్తయిందని ఇంకా రెండు విడతల్లో వడపోసిన తర్వాతనే స్పష్టత వస్తుందని అధికారులు చెబుతుండటంపై చాలామంది లబ్ధిదారుల్లో ఆందోళన నెలకొంది.పింఛన్ల కోసం అభాగ్యుల ఎదురుచూపులుఈ ఫొటోలో ఉన్నది దుబ్బాకకు చెందిన చేనేత కార్మికురాలు శ్రీరాం పద్మ. కులవృత్తిపైనే ఆధారపడి బతుకు వెళ్లదీస్తున్న పేద కుటుంబం ఈమెది. ప్రతిరోజు చేనేత సహకార సంఘంలో దారం కండెలు చుడుతూ వచ్చిన కూలిడబ్బులతో అనారోగ్యంతో ఉన్న భర్తను చూసుకుంటోంది. చేనేత కార్మికుల కోటాలో తన పింఛన్‌ కోసం దరఖాస్తు చేసుకుంది. ఇలాంటి పరిస్థితి పద్మ ఒక్కరికే కాదు చాలామంది అభాగ్యులు తమకు పింఛన్‌ ఇచ్చి ఆదుకోవాలని ఆశగా ఎదురుచూస్తున్నారు. – దుబ్బాక పూర్తైన దరఖాస్తుల పరిశీలన జిల్లాలో పింఛన్ల కోసం అప్లై చేసుకున్న 14,777 మంది చేయూత దరఖాస్తుల పరిశీలన ప్రస్తుతం ఒక దశ పూర్తయింది. మరో రెండు దశల పరిశీలన తర్వాతనే అర్హుల జాబితా ప్రకటిస్తాం. దీనిపై అన్ని కోణాల్లో క్షుణ్ణంగా పరిశీలన జరుగుతుంది. – జయదేవ్‌ ఆర్య,డీఆర్‌డీఓ పీడీచేనేత కార్మికులందరికీ పింఛన్లు ఇచ్చి ఆదుకోవాలి. చేనేత కార్మికులు కడు దర్భుర పరిస్థితుల్లో కాలం గడుపుతుండ్రు. ప్రభుత్వం నేతన్నలకు ఈసారి తప్పకుండా అవకాశం కల్పించాలి. – సూరం ప్రభాకర్‌, దుబ్బాక

సిద్దిపేట మున్సిపాలిటీకి పాలకవర్గం లేదు..కమిషనరూ లేరు● నాలుగు నెలలుగా ఇన్‌చార్జిల పాలనలోనే.. ● అధికారులు లేకపోవడంతో సమస్యలతో సతమతం సాక్షి, సిద్దిపేట: సిద్దిపేట మున్సిపాలిటీకి ఒకవైపు పాలకవర్గం లేదు. మరోవైపు మున్సిపల్‌ కమిషనర్‌ను ప్రభుత్వం నియమించలేదు. జిల్లాలో సిద్దిపేట, గజ్వేల్‌, హుస్నాబాద్‌, దుబ్బాక, చేర్యాల మున్సిపాలిటీలున్నాయి. పురపాలికల్లో సిబ్బంది కొరత తీవ్రంగా వేధిస్తోంది. దాదాపు చాలా మున్సిపాలిటీల్లో కీలక పోస్టులు ఖాళీగా ఉన్నాయి. పట్టణాల్లో అధికారుల పర్యవేక్షణ లేక వివిధ చోట్ల ఇష్టారాజ్యంగా అక్రమ నిర్మాణాలు జరుగుతున్నాయి. మరోవైపు సమస్యలతో ప్రజలు ఇబ్బంది పడుతున్నారు. కీలక విభాగాలకు పూర్తిస్థాయి అధికారులను నియమిస్తేనే పాలన గాడిలో పడే అవకాశముంది. 60% పోస్టులు ఖాళీలు జిల్లాలో ఐదు మున్సిపాలిటీల్లో 115 మున్సిపల్‌ వార్డులున్నాయి. సిద్దిపేటలో 43, గజ్వేల్‌ 20, దుబ్బాక 20, చేర్యాల 12, హుస్నాబాద్‌లో 20 వార్డులున్నాయి. ఈ ఐదు మున్సిపాలిటీల్లో 421 పోస్టులు మంజూరు ఉండగా 168 మందే విధులు నిర్వర్తిస్తుండగా 253(60.10%) పోస్టులు ఖాళీగా ఉన్నాయి. నాలుగు నెలలుగా ఇన్‌చార్జి పాలన తెలంగాణ అవతరణ దినోత్సవ వేడుకల నిర్వహణలో నిర్లక్ష్యం వహించినందుకు సిద్దిపేట మున్సిపల్‌ అప్పటి కమిషనర్‌ అశ్రిత్‌ కుమార్‌ను సీడీఎంఏ సస్పెండ్‌ చేసింది. దీంతో జూన్‌ 4న హుస్నాబాద్‌ మున్సిపల్‌ కమిషనర్‌ మల్లికార్జున్‌కు అదనపు బాధ్యతలను అప్పగించారు. మే 6వ తేదీతో మున్సిపాలిటీ పాలకవర్గం పదవీకాలం ముగిసింది. అప్పటి నుంచి ప్రత్యేక అధికారి పాలనలో కొనసాగుతోంది. 43 వార్డులుండగా 23వాటికి మాత్రమే వార్డు అధికారులుండగా మిగతా 20 వార్డులకు ఇన్‌చార్జిలను వివిధ అధికారులను నియమించారు. సెకండ్‌ గ్రేడ్‌ మున్సిపాలిటీగా కొనసాగుతున్న సిద్దిపేట మున్సిపాలిటీకి ఈఈ పోస్టు మంజూరు కాలేదు. ఇన్‌చార్జిల పాలనలో కొనసాగుతుండటంతో పర్యవేక్షణ కరువవుతోంది. గజ్వేల్‌లో 20 వార్డుల్లో ఐదు వార్డుల్లోనే పూర్తిస్థాయిలో వార్డు అధికారులుండగా 15 వార్డుల్లో ఇన్‌చార్జి బాధ్యతలను నిర్వర్తిస్తున్నారు. మహేశ్‌ ఏఈగా చేర్యాల, గజ్వేల్‌, రామాయంపేటల్లో విధులు నిర్వర్తిస్తున్నాడు. దీంతో ఒక్కో మున్సిపాలిటీలో రెండు రోజుల చొప్పున విధులు నిర్వర్తిస్తున్నారు. సంధ్య టీపీఓగా హుస్నాబాద్‌, చేర్యాలలో చేస్తుండగా ఒక్కో మున్సిపాలిటీలో వారంలో మూడు రోజుల పాటు విధులు నిర్వర్తిస్తున్నారు. సమస్యలతో సతమతం పురపాలికలలో పూర్తిస్థాయిలో సిబ్బంది, అధికారులు లేకపోవడంతో సమస్యల పరిష్కారం కావడం లేదు. దీంతో సమస్యలతో ప్రజలు సతమతమవుతున్నారు. ఆరోగ్య కార్యక్రమాల పర్యవేక్షణ, అంటువ్యాధులు, దోమల నివారణ చర్యలు కుంటుపడుతున్నాయి. ఆస్తి పన్ను సహా పలు రకాల పన్ను వసూళ్లు మందగిస్తున్నాయి. వివిధ రకాల సిబ్బంది లేకపోవడంతో సేవల్లో జాప్యం జరుగుతోంది. ఇప్పటికై నా ఉన్నతాధికారులు ప్రత్యేక దృష్టి పెట్టి పూర్తిస్థాయిలో అధికారులు, సిబ్బందిని నియమించాలని ప్రజలు కోరుతున్నారు.

దుబ్బాకటౌన్‌: రైతుల సాగుకు 24 గంటల విద్యుత్‌ సరఫరా మాట దేవుడెరుగు..కనీసం 12 గంటల కరెంటు కూడా ఇవ్వలేని అసమర్థ ప్రభుత్వం కాంగ్రెస్‌దని ఎంపీ రఘునందన్‌రావు విమర్శించారు. ప్రజా సమస్యలపై దృష్టి పెట్టకుండా సీఎం రేవంత్‌రెడ్డి, ప్రతిపక్ష నేతలు కేసీఆర్‌, కేటీఆర్‌, హరీశ్‌రావుల ఆస్తులపై పరస్పర ఆరోపణలు చేసుకుంటూ ప్రజలను పక్కదోవ పట్టిస్తున్నారని ఆరోపించారు. దౌల్తాబాద్‌ మండలంలోని గాజులపల్లి, గోవిందాపూర్‌, మల్లేశంపల్లి, దౌల్తాబాద్‌ గ్రామాల్లో శుక్రవారం ఆయన పర్యటించారు. గాజులపల్లిలో సీసీ రోడ్లు, మురుగు కాలువల పనులకు శంకుస్థాపన చేశారు. గాజులపల్లి, దౌల్తాబాద్‌, గోవిందాపూర్‌, మల్లేశంపల్లి గ్రామాల్లో అంగన్‌వాడీ భవనాల నిర్మాణానికి కృషి చేస్తానని హామీనిచ్చారు. పర్మినెంట్‌ ఏఈని కేటాయించండి దౌల్తాబాద్‌లోని విద్యుత్‌ ఇంజనీరింగ్‌ కార్యాలయాన్ని ఎంపీ సందర్శించారు. రికార్డులను పరిశీలించి సబ్‌ ఇంజనీర్‌తో వ్యవసాయానికి అందుతున్న విద్యుత్‌ సరఫరా వేళల వివరాలపై ఆరా తీశారు. సరఫరా తీరుపై అసంతృప్తి వ్యక్తం చేశారు. దౌల్తాబాద్‌ మండలానికి పర్మినెంట్‌ విద్యుత్‌ ఏఈని నియమించి, విద్యుత్‌ సిబ్బందిని పెంచాలని జిల్లా అధికారులను కోరారు. రైతులు పండించిన పంటలను నిల్వ చేసుకునేందుకు మండలంలోని ప్రతీ గ్రామంలో రూ.30 లక్షలతో మినీ గోదాములు నిర్మించేందుకు తన వంతు కృషి చేస్తానని అన్ని గ్రామాల సర్పంచ్‌లకు భరోసా కల్పించారు. మల్లేశంపల్లిలో మాజీ జెడ్పీటీసీ ధార సత్యనారాయణ, వివిధ పార్టీలకు చెందిన వార్డు మెంబర్లు ఆయన సమక్షంలో బీజేపీలో చేరారు. పార్టీలకు అతీతంగా సర్పంచులు పనిచేయాలి ఎంపీ రఘునందన్‌రావు

విద్యుత్‌ శాఖ డీఈ కృష్ణయ్య హుస్నాబాద్‌: గృహ వినియోగదారులు ఇళ్లపై సోలార్‌ విద్యుత్‌ ప్లాంట్లను ఏర్పాటు చేసుకుంటే విద్యుత్‌ బిల్లుకు ఉపశమనం లభిస్తుందని విద్యుత్‌ శాఖ డీఈ ఆర్‌ కృష్ణయ్య పేర్కొన్నారు. హుస్నాబాద్‌ విద్యుత్‌ డివిజన్‌ కార్యాలయ ఆవరణలో సేవా సేతు అభియాన్‌ కార్యక్రమంలో భాగంగా శుక్రవారం సోలార్‌ విద్యుత్‌పై అవగాహన సదస్సు నిర్వహించారు. ఈ సందర్భంగా డీఈ కృష్ణయ్య మాట్లాడుతూ..ఇళ్లపై సోలార్‌ విద్యుత్‌ ప్లాంట్లను ఏర్పాటు చేసుకునే కుటుంబాలను కేంద్ర ప్రభుత్వం ప్రోత్సహిస్తుందన్నారు. జిల్లా గ్రంథాలయ సంస్థ చైర్మన్‌ దరిపల్లి చంద్రం ప్రశాంత్‌నగర్‌(సిద్దిపేట): జాతిపిత గాంఽధీ అడుగు జాడల్లో నేటి యువత నడవాలని జిల్లా గ్రంథాలయ సంస్థ చైర్మన్‌ దరిపల్లి చంద్రం ఉద్యోగ ఆశావహులకు సూచించారు. గాంధీ 157వ జయంతి సందర్భంగా సిద్దిపేట జిల్లా గ్రంథాలయంలో గాంధీజీ చిత్రపటానికి పూలమాల వేసి ఘనంగా నివాళులర్పించారు. ఈ సందర్భంగా దరిపల్లి చంద్రం మాట్లాడుతూ...గాంధీ అనుసరించిన శాంతి, అహింస, సత్యం, నిజాయితీ మార్గాలు నేటి సమాజానికి ఆదర్శప్రాయమన్నారు. గాంధీజీ ఆశయాలను ఆచరణలో పెట్టడం ద్వారా సమాజంలో ఐక్యత, సోదరభావం, నైతిక విలువలను పెంపొందించవచ్చని చెప్పారు. గజ్వేల్‌రూరల్‌: రాష్ట్రస్థాయి కబడ్డీ పోటీల్లో రాణించి జిల్లాకు మంచి పేరు తీసుకురావాలని కబడ్డీ అసోసియేషన్‌ జిల్లా అధ్యక్షుడు ఎన్‌సీ సంతోశ్‌ పేర్కొన్నారు. ఈ నెల 2 నుంచి 5వరకు వేములవాడలో జరుగనున్న 36వ సబ్‌జూనియర్‌ బాలికల రాష్ట్రస్థాయి కబడ్డీ పోటీలకు శుక్రవారం బయల్దేరి వెళ్లారు. ఈ సందర్భంగా ఏర్పాటు చేసిన కార్యక్రమంలో ఆయన మాట్లాడుతూ...క్రీడాకారులు తమలోని ప్రతిభను చాటి కబడ్డీ పోటీల్లో సత్తా చాటాలన్నారు.

సిద్దిపేటకమాన్‌: జాతిపిత గాంధీ చూపిన శాంతి మార్గమే నేటి సమాజానికి సన్మార్గమని ఇప్పుడది ఎంతో అవసరమని ఒకటవ జిల్లా అదనపు న్యాయమూర్తి జయప్రసాద్‌ పేర్కొన్నారు. గాంధీ జయంతి సందర్భంగా సిద్దిపేట జిల్లా జైలులో ఖైదీల సంక్షేమ దినోత్సవాన్ని శుక్రవారం ఘనంగా నిర్వహించారు. ఈ కార్యక్రమానికి ముఖ్య అతిథిగా హాజరైన న్యాయమూర్తి జయప్రసాద్‌ మాట్లాడుతూ..గాంధీజీ సత్యం, అహింస సిద్ధాంతాలను ప్రతి ఒక్కరూ జీవితంలో ఆచరించడంతోపాటు చట్టాన్ని గౌరవించాలన్నారు. మనిషిలోని ఆశ, ఆవేశాలను అదుపులో పెట్టుకుంటే నేరాల శాతం తగ్గిపోతుందని తెలిపారు. జిల్లా జైలు సూపరింటెండెంట్‌ జి.రత్నం మాట్లాడుతూ..జైలు అనేది శిక్ష అనుభవించే కారాగారంగా కాకుండా నేరస్థుడిలో నేర ప్రవృత్తిని తొలగించే కర్మాగారాలుగా మారాయన్నారు. మత్తు పదార్థాలకు బానిసైన వారిలో మార్పు కోసం డీ అడిక్షన్‌ సెంటర్లు, ఆర్థిక అవసరాల కోసం ఫ్యాక్టరీలు, పునరావాసం కోసం పెట్రోల్‌ బంకులు, ఉచిత న్యాయ సహాయానికి జిల్లా లీగల్‌ సర్వీసెస్‌ అథారిటీ కౌన్సిల్‌లు ఉన్నాయని తెలిపారు. అదనపు డీసీపీ అడ్మిన్‌ కుశాల్కర్‌ మాట్లాడుతూ..గాంధీ జీవితం యావత్‌ ప్రపంచానికి ఆదర్శమని, ఆయన చూపిన సత్యం, అహింస, శాంతి మార్గాలను ప్రతి ఒక్కరూ పాటించాలన్నారు. కార్యక్రమంలో ఖైదీలకు వ్యాసరచన, వక్తృత్వ పోటీలు నిర్వహించి గెలుపొందిన వారికి బహుమతులు ప్రదానం చేశారు. అంతకుముందు జిల్లా న్యాయసేవాధికార సంస్థ ఆధ్వర్యంలో నిర్వహించిన కార్యక్రమంలో న్యాయమూర్తి కుమారస్వామి పాల్గొని ఖైదీలకు పలు సూచనలు చేశారు. ప్రముఖ ఆర్థోపెడిక్‌ వైద్యులు డాక్టర్‌ మురళీకృష్ణ, డిప్యూటీ జైలర్‌ వికాస్‌, ఇజాజ్‌, ఖైదీలు తదితరులు పాల్గొన్నారు. ఒకటవ జిల్లా అదనపు న్యాయమూర్తి జయప్రసాద్‌ జిల్లా జైలులో ఘనంగా ఖైదీల సంక్షేమ దినోత్సవం

ప్రశాంత్‌నగర్‌(సిద్దిపేట): సూర్యరశ్మి ఆధారిత విద్యుత్‌శక్తితో వినియోగదారులకు లబ్ధి చేకూరుతుందని విద్యుత్‌శాఖ ఎస్‌ఈ చంద్రశేఖర్‌ వినియోగదారులకు సూచించారు. సేవా సేతు అభియాన్‌ ప్రధాన మంత్రి సూర్యఘర్‌ ముఫ్త్‌ బిజిలీ యోజన పథకంపై శుక్రవారం జిల్లా కేంద్రంలో వినియోగదారులకు అవగాహన కార్యక్రమం నిర్వహించారు. ఈ సందర్భంగా ఎస్‌ఈ చంద్రశేఖర్‌ మాట్లాడుతూ..దేశంలోని కోటి కుటుంబాలకు విద్యుత్‌ బిల్లులు తగ్గించి వినియోగదారులకు లబ్ధి చేకూర్చడమే ఈ పథకం లక్ష్యమన్నారు. రూఫ్‌టాప్‌పై సోలార్‌ ప్లాంట్‌ను ఏర్పాటు చేసుకుని ప్రతీ నెల 360 యూనిట్ల వరకు విద్యుత్‌ను పొందవచ్చని చెప్పారు. సోలార్‌ విద్యుత్‌తో బొగ్గు ఆధారిత విద్యుత్‌ వినియోగం తగ్గించడం ద్వారా సహజ వనరులను భావితరాలకు పొదుపు చేయడానికి అవకాశం ఉందన్నారు. సేవా సేతు అభియాన్‌ను సద్వినియోగం చేసుకోవాలి విద్యుత్‌శాఖ ఎస్‌ఈ చంద్రశేఖర్‌

సిద్దిపేటరూరల్‌: మహాత్మా గాంధీ బోధించిన సత్యం, అహింస, శాంతి, సహనం ప్రతి ఒక్కరికీ ఆదర్శమని, ఆయన ఆశయాలను ఆచరణలో పెట్టడమే జాతిపితకు అందించే నిజమైన నివాళి అని జిల్లా రెవెన్యూ అధికారి నాగరాజమ్మ అన్నారు. గాంధీ జయంతిని పురస్కరించుకుని కలెక్టరేట్‌లోని మీటింగ్‌ హాల్లో గాంధీ చిత్రపటానికి డీఆర్వో నాగరాజమ్మ పూలమాల వేసి నివాళులర్పించారు. ఈ సందర్భంగా ఆమె మాట్లాడుతూ..దేశ స్వాతంత్య్ర సంగ్రామంలో గాంధీజీ అనుసరించిన అహింసామార్గం ప్రపంచ దేశాలకు స్ఫూర్తిగా నిలిచిందన్నారు. అధికారులు, సిబ్బంది గాంధీజీ సిద్ధాంతాలను స్ఫూర్తిగా తీసుకుని అంకితభావంతో పనిచేస్తూ ప్రజలకు మెరుగైన సేవలు అందించాలన్నారు. కార్యక్రమంలో బీసీ సంక్షేమాధికారి రఫిక్‌, వివిధ శాఖల అధికారులు పాల్గొన్నారు.డీఆర్వో నాగరాజమ్మ కలెక్టరేట్‌లో గాంధీ జయంతి వేడుకలు

దుబ్బాక: ఎన్నికల సమయంలో కల్యాణలక్ష్మీ పథకం కింద కాంగ్రెస్‌ పార్టీ ఇచ్చిన తులం బంగారం హామీ అమలు ఎంతవరకు వచ్చిందని ఎమ్మెల్యే కొత్త ప్రభాకర్‌రెడ్డి ప్రభుత్వాన్ని ప్రశ్నించారు. కల్యాణలక్ష్మీ పథకం పుష్కరకాలం పూర్తి చేసుకున్న సందర్భంగా బీఆర్‌ఎస్‌ శ్రేణులు దుబ్బాకలో కేసీఆర్‌ ఫ్లెక్సీకి శుక్రవారం క్షీరాభిషేకం చేశారు. ఈ సందర్భంగా ఎమ్మెల్యే మాట్లాడుతూ 2014 అక్టోబర్‌ 2 న ప్రారంభమైన కల్యాణలక్ష్మీ పథకం తెలంగాణలోని 12.71 లక్షల ఆడబిడ్డల కుటుంబాలకు రూ.11,130 కోట్ల ఆర్థిక సాయం అందించామన్నారు. ఆడబిడ్డ పెళ్లి తల్లిదండ్రులకు భారం కాకుడదనే గొప్ప ఆలోచనతో కేసీఆర్‌ ఈ పథకాన్ని ప్రవేశపెట్టారని గుర్తు చేశారు. కార్యక్రమంలో రాష్ట్ర ఎస్సీ,ఎస్టీ కమిషన్‌ చైర్మన్‌ బక్కి వెంకటయ్య, మున్సిపల్‌ చైర్‌పర్సన్‌, వైస్‌ చైర్‌పర్సన్లు శ్రీరాం సంగీత, సులోచన బీఆర్‌ఎస్‌ నాయకులు,కౌన్సిలర్లు పాల్గొన్నారు. మారెమ్మ ఆలయంలో పూజలు మండలంలోని తిమ్మాపూర్‌ మారెమ్మ ఆలయం ప్రథమ వార్షికోత్సవంలో ఎమ్మెల్యే ప్రభాకర్‌రెడ్డి పాల్గొని ప్రత్యేక పూజలు నిర్వహించారు. అలాగే మర్రికుంటలో నూతనంగా నిర్మించనున్న బస్‌షెల్టర్‌ నిర్మాణానికి భూమి పూజ చేశారు.ఎమ్మెల్యే కొత్త ప్రభాకర్‌రెడ్డి

మాజీ మంత్రి హరీశ్‌రావు పిలుపు సిద్దిపేటజోన్‌: కొన్ని దశాబ్దాల సిద్దిపేట ప్రజల ఆకాంక్ష జిల్లా ఏర్పాటై ఈ నెల 11నాటికి పదేళ్లు పూర్తి కానుందని ఈ వేడుకలను జిల్లా అంతటా ఘనంగా నిర్వహించుకుందామని మాజీ మంత్రి, ఎమ్మెల్యే హరీశ్‌రావు పిలుపునిచ్చారు. ఈ సందర్భంగా శుక్రవారం ఆయన మాట్లాడుతూ...సిద్దిపేట జిల్లా అనే నినాదాన్ని నిజం చేసిన సందర్భం చిరస్మరణీయమన్నారు. సిద్దిపేట ప్రజల ఆకాంక్షను అప్పటి ముఖ్యమంత్రి కేసీఆర్‌ చేతుల మీద 11అక్టోబర్‌ 2016లో జిల్లా ఏర్పాటు చేసుకున్నామని గుర్తు చేశారు. అందుకు సంబంధించిన ఈ నెల4న జిల్లా కేంద్రంలో సన్నాహక సమావేశం ఏర్పాటు చేసి వారం రోజుల పండుగ వాతావరణం గూర్చి ప్రణాళికలు తయారు చేద్దామన్నారు. అక్టోబర్‌11న భారీ సభ నిర్వహించాలని, పండుగలో అన్ని వర్గాలను భాగస్వామ్యం చేయాలని సూచించారు. జెడ్పీ సీఈఓ రమేశ్‌ హుస్నాబాద్‌రూరల్‌: గ్రామాల అభివృద్ధి వికసించే పనులు చేపట్టాలని, కూలీలకు 125 పనులు కల్పన, గ్రామ అభివృద్ధి లక్ష్యంగా పనులు చేయాలని జెడ్పీ సీసీఓ రమేశ్‌ పేర్కొన్నారు. పందిళ్ల గ్రామ సభకు శుక్రవారం హాజరై మాట్లాడూత...వీబీజీ రాంజీ పథకంలో జాబ్‌కార్డు కలిగిన కూలీలకు 125 పని దినాలను కల్పించాలన్నారు. 375 రకాల పనులను గ్రామంలో మౌలిక వసతులు, లింక్‌ రోడ్ల నిర్మాణం చేసి అభివృద్ధిలో పల్లెలను ఆదర్శంగా నిలుపాలని చెప్పారు. కరువులను నివారించడానికి భూగర్భ జలాల అభివృద్ధి పనులు చేయాలని సూచించారు.

● కలెక్టర్‌ హైమావతి ● అధికారులకు దిశానిర్దేశం కోహెడరూరల్‌(హుస్నాబాద్‌): రాష్ట్ర ప్రభుత్వం ప్రతిష్టాత్మకంగా చేపట్టిన భూ భారతి రీ–సర్వే ప్రక్రియ ఎలాంటి పొరపాట్లుకు తావులేకుండా పారదర్శకంగా, పకడ్బందీగా నిర్వహించాలని కలెక్టర్‌ హైమావతి అధికారులను ఆదేశించారు. గురువారం మండల పరిధిలోని జుమ్లాతండాలో కొనసాగుతున్న రీ–సర్వేను ఆమె క్షేత్రస్థాయిలో పరిశీలించారు. ఈ సందర్భంగా ఆమె మాట్లాడుతూ భూసమస్యలకు శాశ్వత పరిష్కారం కల్పించేందుకే ఈ ప్రక్రియ చేపడుతున్నామన్నారు. సుమారు 90 ఏళ్ల క్రితం నాటి భూ సర్వే రికార్డుల వల్ల పెరిగిన జనాభాకు అనుగుణంగా ప్రస్తుతం అనేక భూవివాదాలు తలెత్తుతున్నాయన్నారు. భూమి విస్తీర్ణం, సర్వే నంబర్లు హద్దులు, పట్టా వివరాలను సంబంధిత రికార్డులతో పక్కాగా సరిపోల్చి నవీకరించాలని ఆదేశించారు. ముందుగా గ్రామ సరిహద్దులను నిర్దేశించి, మొదటి విడతగా ప్రభుత్వ స్థలాలలో ఆ తర్వాతే పట్టా, ఆసైన్డ్‌ భూములలో సర్వే పూర్తి చేయాలని అధికారులకు సూచించారు. నిర్దేశిత గడువులోగా పూర్తి చేయాలన్నారు. కార్యక్రమంలో తహసీల్దార్‌ ఎస్‌ నవీన్‌కుమార్‌, ఆర్‌ఐ, సర్వే అధికారులు తదితరులు పాల్గొన్నారు.

చేర్యాల(సిద్దిపేట): వ్యవసాయ మార్కెట్‌ కమిటీ చైర్మన్‌గా కొమ్మూరి ప్రశాంత్‌రెడ్డి నియమితులయ్యారు. ఈ మేరకు గురువారం ప్రభుత్వం ఉత్తర్వులు జారీ చేసింది. వైస్‌ చైర్మన్‌గా బోయిని శ్రీనివాస్‌, డైరెక్టర్లుగా జంబుల వెంకట్‌రెడ్డి, పచ్చిమడ్ల వెంకటయ్య, గొల్లపల్లి శ్రీనివాస్‌, ఆరె వెంకటనారాయణ, సందిటి లక్ష్మి, లకావత్‌ యాదగిరి, ఇరుగు ప్రకాశ్‌, గార్లపాటి మహిపాల్‌రెడ్డి, కన్నెబోయిన రామకృష్ణ, పింగిలి ఇంద్రారెడ్డి, దుద్దిళ్ల కృష్ణ నియామకమయ్యారు. నలుగురు ఎక్స్‌ అఫిషియో మెంబర్లుగా పీఏసీఎస్‌ చైర్మన్‌, జిల్లా మార్కెటింగ్‌ అధికారి, ఏడీఏ, మున్సిపల్‌ చైర్‌ పర్సన్‌లను నియమిస్తూ జీఓ జారీ చేశారు. కార్మికుల ఐక్యతతోనే సమస్యల పరిష్కారం డీసీసీ అధ్యక్షురాలు ఆంక్షారెడ్డి గజ్వేల్‌: ఆర్‌టీసీ కార్మికుల సమస్యల పరిష్కారానికి కృషి చేస్తామని డీసీసీ అధ్యక్షురాలు తూంకుంట ఆంక్షారెడ్డి అన్నారు. గురువారం గజ్వేల్‌–ప్రజ్ఞాపూర్‌ ఆర్‌టీసీ డిపోలో టీఎంయూ (తెలంగాణ వర్కర్స్‌ యూనియన్‌) కార్యాలయాన్ని మాజీ ఎమ్మెల్యే తూంకుంట నర్సారెడ్డితో కలిసి ప్రారంభించారు. ఆర్‌టీసీ కార్మికుల సంక్షేమానికి కాంగ్రెస్‌ ప్రభుత్వం చిత్తశుద్ధితో పనిచేస్తున్నదని చెప్పారు. టీఎంయూ గౌరవాధ్యక్షులిగా తన బాధ్యతను చిత్తశుద్ధితో నెరవేరుస్తానన్నారు. కార్యక్రమంలో వర్కర్స్‌ యూనియన్‌ నాయకులు నర్సింహు లు, పీరయ్య, జిల్లా చైర్మన్‌ నారాయణ, గజ్వేల్‌–ప్రజ్ఞాపూర్‌ ఆర్‌టీసీ డిపో సెక్రటరీ నర్సింహులు, అధ్యక్షుడు ఆర్‌సీరెడ్డి పాల్గొన్నారు. మెరుగైన సేవలే లక్ష్యం నూతన మున్సిపల్‌ కమిషనర్‌ అభిలాష్‌ చేర్యాల(సిద్దిపేట): మున్సిపాలిటీ నూతన కమిషనర్‌గా అభిలాష్‌ పదవీ బాధ్యతలు స్వీకరించారు. గురువారం స్థానిక మున్సిపల్‌ కార్యాలయంలోని కమిషనర్‌ చాంబర్‌లో బాధ్యతలు చేపట్టి మాట్లాడారు. పట్టణ ప్రజ లకు మెరుగైన సేవలు అందించడమే లక్ష్యమన్నారు. ప్రజా సమస్యల పరిష్కారానికి ప్రాధాన్యతనిస్తూ పారిశుద్ధ్యం, తాగునీరు, వీధి దీపా లు, రహదారులు తదితర అంశాలపై ప్రత్యేక దృష్టి సారిస్తామన్నారు. ప్రజలకు అందుబాటులో ఉంటూ సమస్యలను ఎప్పటికప్పుడు పరిష్కరించేలా చర్యలు తీసుకుంటామన్నారు. వ్యక్తిగత ఆరోగ్యానికి ప్రాధాన్యత ఇవ్వాలి మున్సిపల్‌ కమిషనర్‌ మల్లికార్జున్‌ సిద్దిపేటజోన్‌: ప్రతి ఒక్కరూ వ్యక్తిగత ఆరోగ్యానికి ప్రాధాన్యత ఇవ్వాలని మున్సిపల్‌ కమిషనర్‌ మల్లికార్జున్‌ సూచించారు. గురువారం మున్సిపల్‌ కార్యాలయంలో పారిశుద్ధ్య కార్మికులకు తెలంగాణ గ్రామీణ బ్యాంకు, డెంటల్‌ ఆసుపత్రి ఆధ్వర్యంలో ఉచిత వైద్య శిబిరాన్ని నిర్వహించారు. ఈ సందర్భంగా ఆయన మాట్లాడుతూ పారిశుద్ధ్య నిర్వహణ పనుల్లో పాల్గొంటున్న కార్మికులు తమ ఆరోగ్యంపై ప్రత్యేక శ్రద్ధ చూపాలన్నారు. ఈ సందర్భంగా కార్మికులకు ఉచిత వైద్య పరీక్షలు నిర్వహించా రు. అనంతరం పలువురు కార్మికులను సన్మానించారు. కార్యక్రమంలో వైద్యులు నవీన్‌, వైష్ణవి, అధికారులు, సిబ్బంది పాల్గొన్నారు. అసమానతలు లేని సమాజానికి కృషివర్గల్‌(గజ్వేల్‌): అసమానతలు లేని సమాజ నిర్మాణానికి అందరూ కృషి చేయాలని జిల్లా ఎమ్మార్పీఎస్‌ ఇన్‌చార్జి మంద కుమార్‌ మాదిగ అన్నారు. గురువారం తున్కిఖాల్సాలో ఎమ్మార్పీఎస్‌, ఎంఎస్‌ఎఫ్‌ మండల కమిటీల ఎన్నిక సమావేశానికి ఆయన ముఖ్యఅతిథిగా హాజరయ్యారు. ఆయన మాట్లాడుతూ మాదిగ జాతి హక్కులు, ఆత్మగౌరవం కోసం శ్రమిస్తున్న ఎమ్మార్పీఎస్‌ వ్యవస్థాపక అధ్యక్షుడు మంద కృష్ణమాదిగ ఉద్యమానికి మద్దతుగా నిలుస్తూ బలోపేతానికి అందరం శ్రమించాలని పిలుపునిచ్చారు.

ప్రభుత్వం అందించిన బ్రేక్‌ఫాస్ట్‌ రుచికరంగా ఉంది. ఉదయాన్నే ఆకలితో వచ్చే విద్యార్థులకు టిఫిన్‌ అందించడంతో చదువు పై ఏకాగ్రత పెరగడమే కాకుండా ఆరోగ్యంగా ఉంటాం. అధ్యాపకులు బోధించే పాఠాలు కూడా శ్రద్ధగా వినే అవకాశం ఉంటుంది. మెనూ ప్రకారం రోజుకొక వైరెటీ బలవర్ధకమైన టిఫిన్‌ ఇవ్వడం సంతోషంగా ఉంది. – వర్షిత, ఎంపీసీ, ఇంటర్‌ ఫస్టియర్‌, హుస్నాబాద్‌ పేద విద్యార్థులకు ప్రయోజనం దూర ప్రాంతాల నుంచి వచ్చే విద్యార్థులకు బ్రేక్‌ఫాస్ట్‌, మధ్యాహ్న భోజనం అందించడం మంచి పరిణామం. పేద విద్యార్థులకు ఎంతో ప్రయోజనం. మధ్యాహ్న భోజనం ద్వారా పోషకాహారం లభించడంతో పాటు తరగతులకు క్రమం తప్పకుండా హాజరు కావడానికి అవకాశం ఉంది. – సంగీత, బైపీసీ, ఇంటర్‌ సెకండియర్‌, హుస్నాబాద్‌

● మున్సిపల్‌ చైర్‌ పర్సన్‌ దండి లక్ష్మి ● సర్కారు బడుల్లో సీఎం బ్రేక్‌ఫాస్ట్‌ ప్రారంభం ● జూనియర్‌ కళాశాలల విద్యార్థులకు బ్రేక్‌ఫాస్ట్‌తోపాటు మధ్యాహ్నభోజనం హుస్నాబాద్‌: విద్యార్థుల ఆరోగ్యమే దేశభవిష్యత్‌ అని మున్సిపల్‌ చైర్‌ పర్సన్‌ దండి లక్ష్మి అన్నారు. సర్కార్‌ బడులు, జూనియర్‌ కళాశాలల విద్యార్థులకు ఉదయం ఆకలి తీర్చేందుకు ప్రవేశపెట్టిన సీఎం బ్రేక్‌ఫాస్ట్‌ పథకాన్ని మున్సిపల్‌ చైర్‌ పర్సన్‌ గురువారం లాంఛనంగా ప్రారంభించారు. జిల్లాలో నే మొదటి సారిగా హుస్నాబాద్‌, కోహెడ మండలాల్లోని ప్రభుత్వ జూనియర్‌ కళాశాలలు, ప్రభుత్వ ఉన్నత, ప్రాథమిక పాఠశాలల్లో అల్పాహారం పథకం అమలులోకి వచ్చింది. అక్కన్నపేట మండలంలో మరో రెండు రోజుల్లో ఈ పథకాన్ని అమలు చేయనున్నారు. ఇప్పటికే ప్రభుత్వ పాఠశాలల్లో మధ్యాహ్న భోజన పథకం అమలు జరుగుతుండ గా, కొత్తగా బ్రేక్‌ఫాస్ట్‌ పథకానికి శ్రీకారం చుట్టారు. నాణ్యమైన టిఫిన్‌... హరేరామ్‌ హరే కృష్ణ మూవ్‌మెంట్‌ చారిటబుల్‌ ట్రస్ట్‌ సహకారంతో కరీంనగర్‌లోని కిచెన్‌ నుంచి ప్రత్యేక వాహనాల్లో స్కూల్‌, కళాశాలల విద్యార్థుల కు బ్రేక్‌ఫాస్ట్‌, మధ్యాహ్న భోజనం సరఫరా చేశా రు. ఉదయం 8.45 గంటలకు సోమవారం ఇడ్లీ (రెండు), చట్నీ లేదా సాంబర్‌, మంగళవారం పూరి, ఆలు కుర్మా, బుధవారం దోశ, చట్నీ, గురువారం ఉప్మా, చట్నీ, శుక్రవారం రాగి ఇడ్లీ, సాంబ ర్‌, శనివారం బొండా, చట్నీ అందజేస్తారు. రోజు తప్పించి రోజు పాలు కూడా అందించనున్నారు. కళాశాల మెనూ... బ్రేక్‌ఫాస్ట్‌తో పాటు ప్రభుత్వ బాలికల జూనియర్‌ కళాశాలలో మధ్యాహ్న భోజన పథకాన్ని జిల్లా ఇంటర్మీడియట్‌ విద్యాధికారి(డీఐఈఓ) రవీందర్‌ రెడ్డి ప్రారంభించారు. హుస్నాబాద్‌లోని బాలికల జూనియర్‌ కళాశాలలో 235 మంది, బాలుర జూనియర్‌ కళాశాలలో 370 మంది, కోహెడ జూనియర్‌ కళాశాలలో 320 మంది విద్యార్థులకు మొదటి సారి మధ్యాహ్న భోజనం వడ్డించారు. కళాశాలలో రోజు వారీ మెనూ ప్రకారం ప్రతి సోమవారం కిచిడి, మిక్స్‌డ్‌ వెజిటెబుల్‌ కర్రీ, మంగళవారం రైస్‌, సాంబర్‌, మిక్స్‌డ్‌ వెజిటెబుల్‌ కర్రీ, బుధవారం రైస్‌, గ్రీన్‌ లీఫ్‌ వెజిటెబుల్‌ పప్పు, మిక్స్‌డ్‌ వెజిటెబుల్‌ కర్రీ, గురువారం వెజిటెబుల్‌ బిర్యానీ, మిక్స్‌డ్‌ వెజిటెబుల్‌ కర్రీ, శుక్రవారం రైస్‌, సాంబర్‌, మిక్స్‌డ్‌ వెజిటెబుల్‌ కర్రీ, శనివారం రైస్‌, గ్రీన్‌ లీఫ్‌ వెజిటెబుల్‌ పప్పు, మిక్స్‌డ్‌ వెజిటెబుల్‌ కర్రీ అందజేస్తారు. ఈ కాార్యక్రమాల్లో మున్సిపల్‌ వైస్‌ చైర్‌ పర్సన్‌ చిత్తారి పద్మ, కేడం లింగమూర్తి, మాజీ ఎంపీపీ వెంకట్‌, కాంగ్రెస్‌ పట్టణ అధ్యక్షుడు వెంకటరమణ, కళాశాలల ప్రిన్సిపాల్స్‌, కౌన్సిలర్లు పాల్గొన్నారు.

సిద్దిపేటకమాన్‌: ప్రత్యేక సమగ్ర ఓటర్ల జాబితా సవరణ (ఎస్‌ఐఆర్‌) ప్రక్రియను తక్షణమే దేశవ్యాప్తంగా నిలిపివేయాలని సీపీఐ, సీపీఎం, కాంగ్రెస్‌ నాయకులు అన్నారు. సర్‌ ప్రక్రియ నిలిపివేయా లని డిమాండ్‌ చేస్తూ సీపీఐ, సీపీఎం, కాంగ్రెస్‌, సీపీఐ (ఎం ఎల్‌) న్యూడెమెక్రసీ పార్టీల ఆధ్వర్యంలో సిద్దిపేట పట్టణంలో నిరసన తెలిపారు. ఈ సందర్భంగా సిద్దిపేట బస్టాండ్‌ చౌరస్తాలో వారు మాట్లాడుతూ.. ఎన్నికల కమిషనర్‌ జ్ఞానేశ్‌కుమార్‌ ను తక్షణమే పదవి నుంచి తొలగించాలన్నారు. సర్‌ ప్రక్రియలో భాగంగా పెద్ద సంఖ్యలో ఓటర్ల పేర్లు తొలగించేందుకు చర్యలు జరుగుతున్నాయని ఆరోపించారు. రాష్ట్రంలో లక్షలాది మంది ఓటర్లకు నోటీసులు జారీ చేస్తున్నారన్నారు. ఓటర్ల జాబితా సవరణ విషయంలో రాజకీయ పార్టీల అభిప్రాయాలను తీసుకోవాలని, ఎన్నికల ప్రక్రియలో పూర్తి పారదర్శకత పాటించాలని డిమాండ్‌ చేశారు. ఎన్నికల కమిషన్‌పై వచ్చిన ఆరోపణలపై సమగ్ర విచారణ జరిపించాలని కోరారు.

సిద్దిపేటజోన్‌: హామీల అమలులో కాంగ్రెస్‌ ప్రభుత్వ వైఫల్యాలను, కల్లబొల్లి మాటల మోసాలపై ప్రజలను చైతన్యం చేయాలని మాజీ మంత్రి హరీశ్‌రావు పార్టీ నాయకులకు దిశానిర్దేశం చేశారు. గురువారం ఆయన ఎమ్మెల్యే క్యాంపు కార్యాలయంలో బీఆర్‌ఎస్‌ అనుబంధ సంఘాలైన విద్యార్థి, కార్మిక విభాగాలతో సమీక్ష నిర్వహించారు. హరీశ్‌రావు మాట్లాడుతూ.. గతంలో వైఎస్సార్‌ హయాంలో కాంగ్రెస్‌ ప్రభుత్వం తెచ్చిన ఫీజు రీయింబర్స్‌మెంట్‌ పథకాన్ని ప్రస్తుతం రేవంత్‌రెడ్డి ప్రభుత్వం తీసేసే కుట్ర చేస్తోందని ఆరోపించారు. కేసీఆర్‌ హయాంలో ఈ పథకాన్ని అమలు చేసి రూ.19,500 కోట్ల ఫీజు రీయింబర్స్‌ నిధులను విడుదల చేస్తే.. కాంగ్రెస్‌ ప్రభుత్వం మూడేళ్లలో సుమారు రూ.500కోట్లే విడుదల చేసిందని విమర్శించారు. యువ వికాసం పేరిట ప్రతి విద్యార్థికి రూ.5లక్షల చొప్పున విద్య భరోసా కార్డు ఇస్తామని ప్రకటించి పథకాన్ని మరుగున పడేలా చేశారని విమర్శించారు. పెండింగ్‌ బకాయిలు వెంటనే చెల్లిస్తామని అసెంబ్లీ సాక్షిగా సీఎం చెప్పిన మాటలు గాలిమాటలు అయ్యాయన్నారు. కాంగ్రెస్‌ పాలనలో సంక్షేమ హాస్టళ్లు, డిగ్రీ కళాశాలలకు తాళాలు పడ్డాయన్నారు. జాబ్‌ క్యాలెండర్‌ ను ప్రభుత్వం అటకెక్కించిందని, మెగా డీఎస్పీ దగా అయిందని ఆరోపించారు. ఆశ వర్కర్లకు ఇచ్చిన హామీ అమలులో విఫలమైందన్నారు. కార్మిక సమస్యలపై సంఘటితంగా పోరాటం చేయాలని సూచించారు. అనుబంధ విద్యార్థి, కార్మిక సంఘాల బలోపేతానికి కృషి చేయాలన్నారు. క్షేత్ర స్థాయిలో ప్రజల్ని చైతన్యం చేయాల్సిన అవసరం ఉందన్నారు. సమావేశంలో మాజీ మున్సిపల్‌ చైర్మన్‌ రాజనర్స్‌. సీనియర్‌ నాయకులు తదితరులు పాల్గొన్నారు.

టీపీటీఎఫ్‌ రాష్ట్ర అసోసియేట్‌ అధ్యక్షుడు తిరుపతిరెడ్డిప్రశాంత్‌నగర్‌(సిద్దపేట): ఉపాధ్యాయులు మరో ఉద్యమానికి సిద్ధం కావాలని టీపీటీఎఫ్‌ రాష్ట్ర అసోసియేట్‌ అధ్యక్షుడు తిరుపతిరెడ్డి పిలుపునిచ్చారు. గురువారం జిల్లా కేంద్రంలోని టీపీటీఎఫ్‌ భవన్‌లో నిర్వహించిన సమావేశంలో ముఖ్య అతిథిగా పాల్గొని మాట్లాడారు. మూడేళ్లుగా రావాల్సిన పీఆర్సీ నివేదికను ప్రభుత్వం పట్టించుకోకపోవడం శోచనీయమన్నారు. ఇంతవరకు డీఏలు విడుదల చేయకపోవడం, సీపీఎస్‌ను రద్దు చేయకపోవడం సరికాదన్నారు. ఉపాధ్యాయులు ఉద్యమాలకు సిద్ధమై మన హక్కుల్ని మన పోరాటాల ద్వారా సాధించుకుందామన్నారు. ప్రభుత్వ పాఠశాలల్లో విద్యార్థులకు యూనిఫాం అందించకపోవడం ద్వారా విద్యార్థులు ఇబ్బందులు పడుతున్నారన్నారు. విద్యార్థుల హాజరు శాతం తక్కువ ఉందని ప్రధానోపాధ్యాయులను బాధ్యులుగా చేయడం సరైనది కాదన్నారు. అనంతరం సిద్దిపేట అర్బన్‌ మండల శాఖ నూతన కార్యవర్గాన్ని ఎన్నుకున్నారు. కార్యక్రమంలో జిల్లా ఉపాధ్యక్షుడు సత్యనారాయణ, రాములు, అజీజ్‌, తిరుపతి పాల్గొన్నారు . సీపీఎస్‌ విధానాన్ని రద్దు చేయాలి చిన్నకోడూరు(సిద్దిపేట): ఉపాధ్యాయులకు తీవ్రంగా నష్టం చేసే సీపీఎస్‌ విధానాన్ని రద్దు చేసి ఓపీఎస్‌ విధానాన్ని పునరుద్ధరించాలని టీపీటీఎఫ్‌ రాష్ట్ర అసోసియేట్‌ అధ్యక్షుడు తిరుపతిరెడ్డి ప్రభుత్వాన్ని డిమాండ్‌ చేశారు. గురువారం చంద్లాపూర్‌, రామంచ, పెద్దకోడూరు, చిన్నకోడూరు ఉన్నత పాఠశాలల్లో సమస్యల సేకరణ, టీపీటీఎఫ్‌ సభ్యత్వ నమోదు కార్యక్రమం చేపట్టారు.

మున్సిపాలిటీల్లో విద్యుత్‌ అక్రమ కనెక్షన్ల ‘దందా’ యథేచ్ఛగా సాగుతోంది. ఉచిత విద్యుత్‌ నేపథ్యంలో ఈ వ్యవహారం ఊపందుకుంది. ఒకే ఇంటికి రెండు లేదా అంతుకు మించి కనెక్షన్లు తీసుకోవడం ద్వారా.. ఒకదానికి బిల్లు చెల్లిస్తూ మరొక కనెక్షన్‌కు ఉచిత రాయితీ పొందుతున్నారు. విద్యుత్‌ శాఖ సిబ్బంది కనుసన్నల్లోనే ఈ అక్రమ దందా సాగుతుందనే ఆరోపణలు వెల్లువెత్తుతున్నాయి. సాక్షి పరిశీలనలో అనేక విషయాలు వెలుగుచూశాయి. – గజ్వేల్‌ జిల్లాలో సిద్దిపేట, గజ్వేల్‌–ప్రజ్ఞాపూర్‌, దుబ్బాక, హుస్నాబాద్‌, చేర్యాల మున్సిపాలిటీలు ఉన్నాయి. ఆయా పట్టణాల్లో ఇళ్లకు రెండు, మూడు అంతకంటే ఎక్కువగా విద్యుత్‌ కనెక్షన్లు ఉండటం చర్చనీయాంశంగా మారుతోంది. గృహావసరాలకు 200యూనిట్ల లోపు విద్యుత్‌ వినియోగం ఉచితంగా ఉండటంతో ఈ అక్రమ కనెక్షన్ల ‘దందా’ జోరందుకుంది. గ్రామాలతో పోలిస్తే పట్టణాల్లో విద్యుత్‌ వినియోగం ఎక్కువ. 200 యూనిట్ల లోపు వినియోగించి ఉచిత విద్యుత్‌ రాయితీ పొందడం ఎట్టిపరిస్థితుల్లో సాధ్యం కాదు. ఈ నేపథ్యంలోనే ఒకే ఇంటికి రెండు నుంచి ఆపైన కనెక్షన్లు తీసుకొని ఒక కనెక్షన్‌ను తక్కువగా వినియోగించుకొని రాయితీని పొందుతున్నారు. ఈ పరిస్థితి వల్ల ప్రతి నెలా విద్యుత్‌ సంస్థ ఆదాయానికి రూ.లక్షల్లో గండిపడుతోంది. గుర్తించినా చర్యలు శూన్యం మున్సిపాలిటీల్లో అక్రమ కనెక్షన్ల బాగోతాన్ని విద్యుత్‌ శాఖ కొంతకాలం క్రితమే గుర్తించింది. కానీ దీనిని సరిచేయడానికి పూనుకోవడం లేదు. తమ సంస్థ ఆదాయానికి గండి పడుతోందని తెలిసినా.. సంబంధిత అధికారులు పట్టనట్లుగా వ్యవహరించడంపై విమర్శలు వెల్లువెత్తుతున్నాయి. ఈ అక్రమ కనెక్షన్ల ఏరివేతకు స్పెషల్‌డ్రైవ్‌ నిర్వహించాలని భావించిన అధికారులు షెడ్యూల్‌ కూడా ఖరారు చేశారు. కానీ ఈ విషయంలో ముందడుగు వేయలేకపోయారు. అమ్యామ్యాలవల్లే ఈ పరిస్థితి నెలకొన్నదనే విమర్శలొస్తున్నారు. ఈ వ్యవహారంపై లోతైన విచారణ జరిగితేనే వాస్తవాలు బయటపడే అవకాశమున్నది. మున్సిపాలిటీల్లో ‘విద్యుత్‌’ దందా

సిద్దిపేటరూరల్‌: ప్రభుత్వం చేపట్టిన భూముల రీ–సర్వేను మార్గదర్శకాలకు అనుగుణంగా పకడ్బందీగా నిర్వహించాలని కలెక్టర్‌ హైమావతి సర్వే అధికారులను ఆదేశించారు. రూరల్‌ మండలం పుల్లూరు గ్రామంలో నిర్వహిస్తున్న భూ భారతి – భూ సర్వే, రీ–సర్వే ప్రక్రియను కలెక్టర్‌ బుధవారం క్షేత్రస్థాయిలో పరిశీలించారు. ఈ సందర్భంగా కలెక్టర్‌ మాట్లాడుతూ.. భూముల సర్వే చాలా కాలం నుంచి పెద్ద సమస్యగా మారిందని గ్రహించిన ప్రభుత్వం భూ సర్వే చేస్తుందన్నారు. ప్రభుత్వం ఈ రీ సర్వే కోసం రూ.7 లక్షలతో అధునాతన పద్ధతుల్లో సర్వే చేయడానికి రోవర్స్‌లను కొనుగోలు చేసిందని, దీనివల్ల అత్యంత కచ్చితత్వంతో భూములను కొలిచి పకడ్బందీగా హద్దులను ఇవ్వడం జరుగుతుందన్నారు. రీ సర్వే పూర్తయిన అనంతరం ప్రతీ రైతుకు వారి భూమికి సంబంధించిన మ్యాప్‌ను కచ్చితమైన కో ఆర్డినేట్లతో అందించేలా చర్యలు తీసుకోవాలన్నారు. వచ్చే యాసంగిలో రైతులు వరి సాగు చేయకూడదని, ఆరుతడి పంటల సాగు చేపట్టాలన్నారు. యాసంగిలో నీటి కొరత తీవ్రంగా ఉంటుందని జిల్లా రైతాంగానికి విజ్ఞప్తి చేశారు. కార్యక్రమంలో రూరల్‌ తహసీల్దార్‌ రెహమాన్‌, ఆయా మండల సర్వే అధికారులు, ప్రజా ప్రతినిధులు, తదితరులు పాల్గొన్నారు.

నేటి నుంచి హుస్నాబాద్‌ నియోజకవర్గంలోని మూడు మండలాల్లోనే అల్పాహార పథకం జిల్లా వ్యాప్తంగా 901 ప్రభుత్వ పాఠశాలల్లో 62,978 మంది విద్యార్థులు చదువుతున్నారు. వీరితోపాటు జిల్లాలోని 20 ప్రభుత్వ జూనియర్‌ కళాశా లల్లో 6,259 మంది విద్యార్థులు అభ్యసిస్తున్నారు. అయితే ప్రస్తుతం సీఎం బ్రేక్‌ఫాస్ట్‌ పథకం హుస్నా బాద్‌ నియోజకవర్గంలోని మూడు మండలాల్లో అమలు కానుండటంతో అక్కడి 16,544 మంది విద్యార్థులకు అల్పాహారం అందనుంది. కరీంనగర్‌లో ఏర్పాటు చేసిన కిచెన్‌ నుంచి మూడు మండలాలల్లోని పాఠశాలకు సరఫరా చేయనున్నారు. మిగతా మండలాల్లో చదువుతున్న వేలాది మంది విద్యార్థులకు మాత్రం ఈ ప్రయోజనం అందడం లేదు. ఒకవైపు మూడు మండలాల్లో విద్యార్థులకు పాఠశాలలోనే ఉదయాన్నే అల్పాహారం అందనుండగా.. మరోవైపు మిగతా 23 మండలాల్లోని 52,693 మంది విద్యార్థులు ఇంటి నుంచే అల్పాహారం చేసుకుని రావాల్సిన పరిస్థితి ఉంది. ఉదయం పూట కుటుంబ పరిస్థితులు, పాఠశాల దూరం తదితర కారణాలతో అల్పాహారం చేయకుండానే బడికి వచ్చే విద్యార్థులున్నారు. అలాంటి పిల్లలకు పాఠశాలలోనే అల్పాహారం అందితే ఆకలి తీరడంతోపాటు పాఠాలపై ఏకాగ్రత పెరిగే అవకాశం ఉంటుందని తల్లిదండ్రులు చెబుతున్నారు. హుస్నాబాద్‌ నియోజకవర్గంలో కోహెడ మండలంలోని బస్వాపూర్‌ చివరి గ్రామం, సిద్దిపేట నియోజకవర్గంలో నంగునూరు మండలంలో బద్దిపడగ చివరి గ్రామం. ఈ రెండు గ్రామాలు దాదాపు మూడు కిలో మీటర్ల దూరంలోనే ఉంటాయి. బస్వాపూర్‌లో పాఠశాలలో 240 మంది విద్యార్థులకు బ్రేక్‌ ఫాస్ట్‌ నేటి నుంచి అందనుంది. అదే బద్దిపడగ గ్రామంలో ప్రభుత్వ పాఠశాలలో 188 మంది విద్యార్థులకు అందని పరిస్థితి ఉంది. ఇలా మూడు కిలో మీటర్ల దూరంలోనే బ్రేక్‌ ఫాస్ట్‌ అమలు ఒక్కో తీరుగా ఉంది.‘మంత్రిగారూ.. మాకూ అందించండి’ హుస్నాబాద్‌ నియోజకవర్గంలోని మూడు మండలాల్లో పథకం ప్రారంభం కావడంపై అక్కడి విద్యార్థుల్లో ఆనందం వ్యక్తమవుతుండగా..మిగతా మండలాల విద్యార్థుల్లో మాత్రం అసంతృప్తి వ్యక్తమవుతోంది. ‘‘మంత్రి పొన్నం ప్రభాకర్‌ గారూ..సీఎం బ్రేక్‌ఫాస్ట్‌ పథకాన్ని జిల్లా అంతటా అమలు చేయించండి’’అంటూ విద్యార్థులు వేడుకుంటున్నారు.ఉదయం పూట ఆకలితో బడికి వెళ్లే విద్యార్థులకు అల్పాహారం అందించాలన్న లక్ష్యంతో ప్రభుత్వం తీసుకొచ్చిన సీఎం బ్రేక్‌ఫాస్ట్‌ పథకం జిల్లాలో అందరికీ అందని పరిస్థితి నెలకొంది. నేటి నుంచి హుస్నాబాద్‌ నియోజకవర్గంలోని మూడు మండలాల్లో ఈ పథకం అమలులోకి రానుండగా..మిగతా 23 మండలాల్లోని విద్యార్థులు మాత్రం పథకం కోసం ఎదురుచూడాల్సిన పరిస్థితి ఏర్పడింది. ఒకే జిల్లా.. ఒకే ప్రభుత్వం..ఒకే పథకం..మరి విద్యార్థుల మధ్య ఈ వ్యత్యాసం ఎందుకన్న ప్రశ్నలు తలెత్తుతున్నాయి. – సాక్షి, సిద్దిపేట జిల్లా వ్యాప్తంగా అమలు చేయాలి జిల్లాలోని అన్ని ప్రభుత్వ పాఠశాలలు, జూనియర్‌ కళాశాలల్లో చదువుతున్న విద్యార్థులందరికీ ఉచిత అల్పాహారం అందించాలి. హుస్నాబాద్‌ నియోజకవర్గం ఒకే ప్రాంతానికి పరిమితం కావడం సరికాదు. పేద, మధ్యతరగతి కుటుంబాల విద్యార్థుల ఆరోగ్యం, ఏకాగ్రత, హాజరును దృష్టిలో పెట్టుకుని పథకాన్ని జిల్లా మొత్తం అమలు చేయాలి. –గుడికందుల రవి, యూఎస్‌ఎఫ్‌ఐ సిద్దిపేట జిల్లా కార్యదర్శి

● ముగ్గురు కొడుకులున్నా.. అనాథలుగానే జీవనం ● నారాయణఖేడ్‌ మండలంలో విషాదాంతం నారాయణఖేడ్‌: నవమాసాలు పెంచి.. పోషించి.. ఉన్నతంగా తీర్చిదిద్ది.. కడుపు కట్టుకొని సంపాదించిన ఆస్తిని సైతం పంచి ఇచ్చినా.. వృద్ధాప్యంలో పట్టెడు మెతుకులు పెట్టకపోవడంతో ఆ దంపతులు విలవిల్లాడారు. కన్నపేగులు కనికరం చూపకపోవడంతో తీవ్ర మనస్తాపానికి గురయ్యారు. చేసేదిలేక ఆ వృద్ధదంపతులు చావే శరణ్యంగా భావించి.. బావిలో దూకి బలవన్మరణానికి పాల్పడ్డారు. ఈ హృదయ విదారక ఘటన చూపరులను కలిచి వేసింది. ఈ ఘటనతో సంగారెడ్డి జిల్లా నారాయణఖేడ్‌ మండలం చాప్టా(కె) గ్రామం గొల్లు మంది. కోట్ల విలువగల ఆస్తులు సంపాదించినా చివరకు బుక్కెడు బువ్వకు నోచుకోని ఆ ముసలి ప్రాణాలు ఎంత విలవిల్లాడాయో అంటూ కంట తడిపెట్టారు. కడుపు కట్టుకొని ఆస్తులు కూడబెట్టి.. చాప్టా (కె) గ్రామంలో ముంగే నర్సారెడ్డి (88), ముంగే అంజమ్మ (85)లు వ్యవసాయం చేస్తూ జీవిస్తున్నారు. ఈ దంపతులకు సిద్దారెడ్డి, కిష్టారెడ్డి, సంగారెడ్డి సంతానం. సిద్దారెడ్డి, సంగారెడ్డి గ్రామంలో వ్యవసాయం చేస్తూ జీవిస్తుండగా రెండో కుమారుడు కిష్టారెడ్డి హైదరాబాద్‌కు వలసవెళ్లాడు. వృద్ధ దంపతులకు పెద్దల ద్వారా 12 ఎకరాల ఆస్తి రాగా వీరిద్దరూ కష్టించి వ్యవసాయం చేసి మరో 18 ఎకరాల వరకు కొనుగోలు చేసి మొత్తం 30 ఎకరాల భూమిని పోగు చేశారు. ప్రస్తుతం ఈ మొత్తం భూమి విలువ రూ.12 కోట్ల పైమాటే. రెండో కుమారుడు కిష్టారెడ్డి గ్రామంలో ప్రేమ వివాహం చేసుకోవడంతో అది నచ్చని తండ్రి ఆస్తిలో ఇతనికి వాటా ఇవ్వకుండా ఇద్దరు కుమారులకే చెరిసగం ఆస్తి ఇచ్చాడని గ్రామస్తులు తెలిపారు. కొన్నాళ్ల తర్వాత బాధపడ్డ తల్లిదండ్రులు రెండో వాడికి కూడా ఇస్తి ఇవ్వాలని కోరినా ఇద్దరు కొడుకులు ససేమిరా అంటూ మొండికేశారు. కానీ ఇంత ఆస్తి సంపాదించినా చివరకు వృద్ధులు బుక్కెడు బువ్వకు కరువయ్యారు. అధికారులకు చెప్పినా.. తమను కొడుకులు పోషించడంలేదని, ఆస్తి తిరిగి తనకు ఇప్పించాలని, లేదా పోషించేలా చూడాలని జిల్లా ఉన్నతాధికారుల నుంచి మొదలు కొని స్థానిక ఆర్డీఓ, పోలీసులకు రెండేళ్ల నుంచి పలుమార్లు నర్సారెడ్డి, అంజమ్మలు ఫిర్యాదు చేశారు. అధికారులు, పోలీసులు కొడుకులను నచ్చచెప్పి కౌన్సిలింగ్‌ చేసి పంపించారు. అయినా తిరిగి వారు తీరు మారకపోవడంతో వృద్ధులకు జీవనం కష్టంగా మారింది. వచ్చే వృద్ధాప్య పింఛన్‌తోపాటు బంధువులు, పాఠశాల వద్ద మధ్యాహ్న భోజనం, తెలిసిన వారి వద్ద తింటూ కాలం వెళ్లదీశారు. నర్సారెడ్డి, అంజమ్మలు సోమవారం నుంచి కనిపించకుండా పోయారు. ఎవరైనా బంధువుల వద్దకు వెళ్లారేమోనని గ్రామస్తులు భావించారు. బుధవారం చిన్నకుమారుడు సంగారెడ్డి తన వ్యవసాయ భూమికి వెళ్లడంతో బావిలో తల్లి శవం తేలుతూ కన్పించడంతో గ్రామస్తులకు విషయం తెలిపారు. అంజమ్మకు కొన్నాళ్ళ క్రితం పక్షవాతానికి గురవడంతో పనులు చేసుకోవడానికి ఇబ్బంది పడేది. నర్సారెడ్డికి వయస్సు పైబడటంతో ఏమీ పనులు చేసుకోలేకపోయేవారు. ఇద్దరు కొడుకులు సాకక పోవడంతో దాయాదులు ఇచ్చిన ఓ ఇంట్లో ఉంటూ జీవిస్తున్నారు.

మొక్కలు నాటే కార్యక్రమానికి రావాలని కోరిన ఎంపీ రఘునందన్‌రావు ప్రశాంత్‌నగర్‌(సిద్దిపేట): సేవా సంపర్క్‌ అభియాన్‌లో భాగంగా అక్టోబర్‌ 6న రామాయంపేట నుంచి సిద్దిపేట వరకు నిర్వహించనున్న మొక్కలు నాటే కార్యక్రమానికి ముఖ్య అతిథిగా హాజరు కావాలని తెలంగాణ రాష్ట్ర గవర్నర్‌ శివ ప్రతాప్‌ శుక్లాను ఎంపీ రఘనందన్‌రావు ఆహ్వానించారు. లోక్‌భవన్‌లో ఈ మేరకు బుధవారం ఆహ్వాన పత్రాన్ని అందించినట్లు తెలిపారు. తనతో పాటుగా బీజేపీ సిద్దిపేట జిల్లా అధ్యక్షుడు బైరి శంకర్‌ ముదిరాజ్‌, మెదక్‌ జిల్లా అధ్యక్షుడు వాళ్దాస్‌ రాధా మల్లేశ్‌గౌడ్‌ ఉన్నారన్నారు. ఆరు గ్యారంటీలను అమలు చేయాలిఎంసీపీఐయూ రాష్ట్ర కార్యదర్శివర్గ సభ్యుడు రవి గజ్వేల్‌రూరల్‌: ఎన్నికల ముందు కాంగ్రెస్‌ పార్టీ ఇచ్చిన ఆరు గ్యారంటీలను అమలు చేయాలని ఎంసీపీఐయూ రాష్ట్ర కార్యదర్శివర్గ సభ్యుడు తాటికొండ రవి డిమాండ్‌ చేశారు. ఈ సందర్భంగా బుధవారం గజ్వేల్‌ తహసీల్దార్‌కు వినతిపత్రం అందజేశారు. అనంతరం రవి మాట్లాడుతూ...ఎన్నికల సమయంలో కాంగ్రెస్‌ పార్టీ పేదలు, మహిళలు, వృద్ధులు, వికలాంగులు, వ్యవసాయ కార్మికులు, కౌలు రైతులకు ఆరు గ్యారంటీల పేరుతో ఇచ్చిన హామీలను వెంటనే అమలు చేయాలన్నారు. ఈ మేరకు ఎంసీపీఐయూ పార్టీ ఆధ్వర్యంలో ముఖ్యమంత్రి రేవంత్‌రెడ్డికి తహసీల్దార్‌ ద్వారా వినతిపత్రాన్ని సమర్పించినట్లు చెప్పారు. ప్రస్తుతం నిత్యావసర వస్తువుల ధరలు, విద్య, వైద్యం, వ్యవసాయ ఖర్చులు పెరుగుతున్న క్రమంలో పేద, మధ్యతరగతి కుటుంబాలపై ఆర్థికభారం పడు తుందని తెలిపారు. కార్యక్రమంలో నాయకు లు శేఖర్‌, రవి, వినయ్‌, ప్రవీణ్‌ పాల్గొన్నారు. చేర్యాల మున్సిపల్‌ కమిషనర్‌గా అభిలాష్‌చేర్యాల(సిద్దిపేట): మున్సిపల్‌ నూతన కమిషనర్‌గా అభిలాష్‌ నియమితులయ్యారు. ఈ మేరకు రాష్ట్ర మున్సిపల్‌ కమిషనర్‌ కార్యాలయం ఉత్తర్వులు జారీ చేసింది. ఇంతకు ముందు ఇక్కడ మున్సిపల్‌ కమిషనర్‌గా పనిచేసిన సుంచు నాగేందర్‌ బుధవారం పదవీ విరమణ పొందారు. గ్రూప్‌–2 ద్వారా నియమితులైన వి.అభిలాష్‌ను నియమించారు. బీజేవైఎం జిల్లా అధ్యక్షుడిగా ముచ్చర్ల నాగరాజుప్రశాంత్‌నగర్‌(సిద్దిపేట): భారతీయ జనతా యువ మోర్చా సిద్దిపేట జిల్లా అధ్యక్షుడిగా చిన్నకోడూరు మండలం ఓబులాపురానికి చెందిన ముచ్చర్ల నాగరాజు నియామకమయ్యారు. ఈ మేరకు బీజేవైఎం రాష్ట్ర అధ్యక్షుడు గణేశ్‌ బుధవారం నియామకం ఉత్తర్వులు జారీ చేశారు. ఈ సందర్భంగా నూతన అధ్యక్షుడిగా నియమితులైన నాగరాజు మాట్లాడుతూ.. తన పై నమ్మకంతో బాధ్యతలు అప్పగించిన బీజేపీ రాష్ట్ర అధ్యక్షుడు రాంచందర్‌రావు, ఎంపీ రఘునందన్‌రావు, జిల్లా అధ్యక్షుడు బైరి శంకర్‌తో పాటు రాష్ట్ర నాయకత్వానికి నియామకానికి సహకరించిన పెద్దలకు కృతజ్ఞతలు తెలిపారు. భారీ పోలీసు బందోబస్తుసీఎం రేవంత్‌ రోడ్డు మార్గంలో హైదరాబాద్‌ ప్రయాణం సిద్దిపేటకమాన్‌: ముఖ్యమంత్రి రేవంత్‌రెడ్డి సిరిసిల్ల పర్యటన అనంతరం హైదరాబాద్‌కు రోడ్డు మార్గం ద్వారా వెళ్లడంతో భారీ పోలీసు బందోబస్తు ఏర్పాట్లు చేశారు. హైదరాబాద్‌ నుంచి చాపర్‌లో వెళ్లిన సీఎం రేవంత్‌రెడ్డి కరీంనగర్‌, సిరిసిల్ల పర్యటన అనంతరం తిరిగి హైదరాబాద్‌కు రోడ్డు మార్గం ద్వారా కాన్వాయ్‌లో ప్రయాణమయ్యారు. సీఎం రోడ్డు మార్గం ద్వారా వెళ్లనుండడంతో ఏలాంటి అవాంచనీయ సంఘటనలు చోటు చేసుకోకుండా సిద్దిపేట పోలీసు కమిషనరేట్‌ పరిధిలో రాజీవ్‌ రహదారిపై భారీగా పోలీసులు బందోబస్తు నిర్వహించారు. సీపీ రష్మీ పెరుమాళ్‌ ఎప్పటికప్పుడు పోలీసు అధికారులకు దిశానిర్దేశం చేశారు.

రూ. 30,407 జరిమానా విధించిన అదనపు డీఆర్‌డీఓ వర్గల్‌(గజ్వేల్‌): ఉపాధి పనుల్లో చిన్నపాటి లోపాలకు సైతం తావీయకుండా మరింత పకడ్బందీగా నిర్వహించాలని అదనపు డీఆర్‌డీఓ శ్రీనివాస్‌గౌడ్‌ పేర్కొన్నారు. రూ.5.2 కోట్లతో మండలంలో ఉపాధిపనులు జరగగా, రిజిష్టర్‌ నిర్వహణ, కొట్టివేతలు, వేతన చెల్లింపుజాప్యం తదితరలోపాలపై ఉపాధి సిబ్బందికి రూ.30,407 జరిమానా విధించడంతోపాటు నగదు రికవరీకి ఆయన ఆదేశించారు. వర్గల్‌ మండలంలో ఏప్రిల్‌ 2025 నుంచి మార్చి 2026 వరకు చేపట్టిన ఉపాధి పనులపై స్థానిక మండల పరిషత్‌ సమావేశమందిరంలో బుధవారం ఆయన సామాజిక తనిఖీ ప్రజావేదిక కార్యక్రమం నిర్వహించారు. ఈ సందర్భంగా మండలంలో గ్రామపంచాయతీల వారీగా చేపట్టిన పనులు, రికార్డులు, సోషల్‌ ఆడిట్‌ అంశాలను వేదికలో రిసోర్స్‌పర్సన్లు నివేదించారు. గ్రామాల వారీ నివేదికల విచారణ అనంతరం అదనపు డీఆర్‌డీఓ శ్రీనివాస్‌గౌడ్‌ మాట్లాడుతూ...రిజిష్టర్‌ నిర్వహణ, కొట్టివేతలు, వేతన చెల్లింపు తదితర అంశాల్లో లోపాలు వెల్లడైనట్లు పేర్కొన్నారు. 2025 ఏప్రిల్‌ 1 నుంచి, 2026 మార్చి 31వరకు ఉపాధిహామీ పథకం ద్వారా వర్గల్‌ మండలంలో రూ.5,20,70,128 నిధులతో 409 పనులు జరిగాయన్నారు. ఇందులో రూ. 4,19,49,937 కూలీలకు వేతనం, రూ. 1,01,20,191 సామగ్రి కోసం మెటీరియల్‌ కాంపోనెంట్‌ కింద చెల్లించినట్లు పేర్కొన్నారు. కార్యక్రమంలో ఏపీడీ ఆనంద్‌మేరీ, ఎంపీడీఓ సురేశ్‌, ఎంపీఓ సాయిలు, క్వాలిటీ కంట్రోలర్‌ సంతోశ్‌, అసిస్టెంట్‌ విజిలెన్స్‌ అధికారి గణేశ్‌, ఈసీ రాజు, సర్పంచులు తదితరులు పాల్గొన్నారు.

● మున్సిపల్‌ సమావేశంలోనూ చర్చ గజ్వేల్‌: వెలిగే బట్టర్‌ఫ్లై లైట్లకు మరమ్మతుల పేరిట రూ.10లక్షలను ఎజెండాలో చేర్చడంపై మున్సిపల్‌ కౌన్సిలర్లు అభ్యంతరం వ్యక్తం చేసినట్లు తెలుస్తోంది. బుధవారం జరిగిన మున్సిపల్‌ సాధారణ పాలకవర్గ సమావేశంలోనూ అంశం చర్చకు వచ్చింది. పట్టణంలోని జాలిగామ బైపాస్‌ రోడ్డు వైపున ఉన్న వెలిగే బటర్‌ఫ్లై లైట్లకు మరమ్మతుల పేరిట రూ.10లక్షలు ఖర్చు పేరిట నిధులు దుర్వినియోగం చేయాలని చూస్తున్నారని, ఈ నిర్ణయాన్ని విరమించుకోవాలని, ఈ రోడ్డులో లైట్లు వెలుగుతున్న తీరును వీడియోలు తీసి వాట్సాప్‌ గ్రూపులో పెట్టినట్లు తెలిసింది. బతుకమ్మ పండుగ సమీపిస్తున్న తరుణంలో మరింత మెరుగైన లైటింగ్‌ కోసం మరమ్మతులు చేయాలనుకుంటున్నామని, కొన్ని చోట్ల వైరింగ్‌ దెబ్బతిన్నందువల్ల దానిని రిపేర్‌ చేయాల్సి ఉందని సమాధానం వచ్చినట్లు తెలిసింది. అంతేకాకుండా అభివృద్ధి, ప్రజా సౌకర్యాలు, ఇతర అంశాలను సైతం చర్చించినట్లు సమాచారం.

బ్యూరోఆఫ్‌ ఇండియన్‌ స్టాండర్డ్స్‌ తెలంగాణ హెడ్‌ పీవీ శ్రీకాంత్‌ దుబ్బాక: వస్తువుల ఎంపికలో నాణ్యత, భద్రతా ప్రమాణాలే అత్యంత కీలకమని బ్యూరోఆఫ్‌ ఇండియన్‌ స్టాండర్డ్స్‌ తెలంగాణ హెడ్‌ అండ్‌ డైరెక్టర్‌ పీవీ శ్రీకాంత్‌ స్పష్టం చేశారు. అక్టోబర్‌ 14న ప్రపంచ ప్రమాణాల దినోత్సవాన్ని పురస్కరించుకుని బుధవారం దుబ్బాక పీఎంశ్రీ బాలికల ఉన్నత పాఠశాలలో బీఐఎస్‌ ఆధ్వర్యంలో మనక్‌ మహోత్సవ్‌– 2026 నిర్వహించారు. ఈ సందర్భంగా వస్తువుల నాణ్యతా ప్రమాణాల గుర్తింపుపై విద్యార్థు లకు వారి తల్లిదండ్రులకు అవగాహన కల్పించారు. ఈ సందర్భంగా శ్రీకాంత్‌ మాట్లాడుతూ... ప్రస్తుత మార్కెట్‌లో నాసిరకం ఉత్పత్తులకు బ్రాండ్‌ ముసుగువేసి విచ్చలవిడిగా విక్రయిస్తున్నారన్నారు. కార్యక్రమంలో బీఐ ఎస్‌ జాయింట్‌ డైరెక్టర్‌ వివేక్‌ ప్రకాశ్‌, ఎంఈఓ ప్రభుదాసు తదితరులు ఉన్నారు.

టీపీటీఎఫ్‌ రాష్ట్ర అసోసియేట్‌ అధ్యక్షుడు తిరుపతిరెడ్డి ప్రశాంత్‌నగర్‌(సిద్దిపేట): ప్రభుత్వ పాఠశాలల్లో సమ్మేటివ్‌ అసెస్మెంట్‌ (ఎస్‌ఏ) పరీక్షల పేపర్లను బాహ్య మూల్యాంకనం చేయాలని రాష్ట్ర విద్యాశాఖ ఇచ్చిన ఉత్తర్వులను వెంటనే ఉపసంహరించుకోవాలని టీపీటీఎఫ్‌ రాష్ట్ర అసోసియేట్‌ అధ్యక్షుడు తిరుపతిరెడ్డి ప్రభుత్వాన్ని డిమాండ్‌ చేశారు. సిద్దిపేట అర్బన్‌ మండల శాఖ ఆధ్వర్యంలో బుధవారం సభ్యత్వ నమోదు, సమస్యల సేకరణ కార్యక్రమంలో భాగంగా ప్రభుత్వ నూతన ఉన్నత పాఠశాల, గాడి చర్లపల్లి, ఇమామ్‌బాద్‌, లింగారెడ్డిపల్లి, కేసీఆర్‌ నగర్‌, రంగథాంపల్లి, తదితర పాఠశాలల్లో టీపీటీఎఫ్‌ నాయకులు పర్యటించారు. ఈ సందర్భంగా తిరుపతిరెడ్డి మాట్లాడుతూ... రాష్ట్ర ప్రభుత్వం తీసుకున్న అనాలోచిత, అశాసీ్త్రయ విధానం వల్ల పాఠశాలల్లో విద్యా ప్రతికూల వాతావరణం నెలకొంటుందన్నారు. 33,000 ఉపాధ్యాయులు ఈ కార్యక్రమంలో పాల్గొనడం మూలంగా పాఠశాలల్లో బోధనా వ్యవస్థకు తీవ్ర విఘాతం కలుగుతుందన్నారు. మండల వనరుల కేంద్రంలో పేపర్‌ మూల్యాంకనం చేసేందుకు సౌకర్యాలు లేవన్నారు. కార్యక్రమంలో ఉపాధ్యాయ నాయకులు శ్రీనివాస్‌గౌడ్‌, అనిల్‌కుమార్‌, తిరుపతి, మల్లేశం, వెంకటరమణ, శ్రీదేవి, శ్రీనివాస్‌, రాజ మోహన్‌ గౌడ్‌, రాజు, రాజకుమార్‌, సుజాత, జ్యోత్స్న తదితరులు పాల్గొన్నారు.

కార్పొరేషన్‌ చైర్మన్లు రమణ, శ్రీనివాస్‌ సిద్దిపేటజోన్‌: రాష్ట్ర ప్రభుత్వం చేనేత పరిశ్రమలో ఉపాధి పొందుతున్న కార్మికుల సంక్షేమానికి కృషి చేస్తోందని రాష్ట్ర హ్యాండ్లూమ్‌ కార్పొరేషన్‌ చైర్మన్‌ వెంకటరమణ, రాష్ట్ర పద్మశాలీ కార్పొరేషన్‌ చైర్మన్‌ శ్రీనివాస్‌ తెలిపారు. మంగళవారం జిల్లా కేంద్రంలోని ఆదర్శ చేనేత సొసైటీ సందర్శించారు. సంఘం వార్షిక సమావేశంలో వారు మాట్లాడుతూ.. సిద్దిపేట గొల్లభామకు పెట్టింది పేరుగా అభివర్ణించారు. సిద్దిపేట ప్రాంత చేనేత కార్మికుల వృత్తి నైపుణ్యం ప్రపంచ వ్యాప్తంగా విస్తరించిందన్నారు. చేనేత కార్మికుల జీవన ప్రమాణాలను పెంపొందించేందుకు ముఖ్యమంత్రి కృషి చేస్తున్నారన్నారు. క్రిప్ట్‌ పథకం కింద నిధులు మంజూరు, క్యాష్‌ క్రెడిట్‌ ద్వారా చేనేత సహకార సంఘాలకు రూ. 20లక్షల చొప్పున విడుదల చేయడానికి కృషి చేస్తామన్నారు. కార్యక్రమంలో సంఘం ప్రతినిధులు, చేనేత కార్మికులు పాల్గొన్నారు.

ప్రశాంత్‌నగర్‌(సిద్దిపేట): అణగారినవర్గాల గొంతు కగా నిలిచిన జాషువా రచనలు సామాజిక చైతన్యానికి ఎంతగానో తోడ్పడ్డాయని రచయితల వేదిక రాష్ట్ర అధ్యక్షులు కొండి మల్లారెడ్డి అన్నారు. వెన్నెలసాహితీ సంగమం ఆధ్వర్యంలో సిద్దిపేటలో నిర్వహించిన జాషువా జయంతి, కవి సమ్మేళనం నిర్వహించారు. ఈ కార్యక్రమంలో మల్లారెడ్డి మాట్లాడు తూ జాషువా, తెలుగు సాహిత్య చరిత్రలో సాహిత్య చైతన్యానికి, మానవతావాదానికి ప్రతీకగా నిలిచారన్నారు. ఆయన రచనలు సామాజిక మార్పునకు ఎంతగానో దోహదంచేశాయన్నారు. జాషువా చిరస్మరణీయులని, తనరచనలు భావితరాలకు, దిక్సూచిలా దారి చూపుతాయన్నారు. అనంతరం కవి సమ్మేళనం నిర్వహించారు. కార్యక్రమంలో ఆశోకరాజు, స్రవంతి, దారం మల్లారెడ్డి, మహమూద్‌ పాషా, గాలిరెడ్డి, సర్దార్‌ హుస్సేన్‌, మధుసూదన్‌ రెడ్డి, ప్రవీణ్‌, మహేంద్రం, ఉమారాణి, సుధాకర్‌, లక్ష్మణ్‌ రావు, పర్శరాములు, రవిందర్‌ రెడ్డి, శ్రీనివాస్‌, జగదీశ్‌, రమేశ్‌లాల్‌, దామోదర్‌ పాల్గొన్నారు.

పన్ను వసూలుసాక్షి, సిద్దిపేట: పట్టణాల్లో ప్రజలకు నీరు సరఫరా చేస్తున్న మున్సిపాలిటీలకు నీటి పన్ను మాత్రం ఆదాయంగా మారడం లేదు. బకాయిలు పేరుకుపోతున్నా.. వసూళ్లలో మాత్రం పురోగతి కనిపించడం లేదు. జిల్లా పరిధిలో ఐదు మున్సిపాలిటీల్లో మొత్తం 55,663 నల్లా కనెక్షన్లు ఉండగా రూ.35.50 కోట్లకు పైగా నీటి పన్ను టార్గెట్‌ ఉంది.. ఇప్పటివరకు కేవలం రూ.96.06 లక్షలు మాత్రమే వసూలైంది. అంటే మొత్తం టార్గెట్‌లో 2.70 శాతం మాత్రమే ఖజానాకు చేరింది. మిగిలిన మొత్తం బకాయిగా పేరుకుపోయింది. రూ. 34 కోట్ల బకాయిలు జిల్లాలోని మున్సిపాలిటీలలో నల్లా పన్ను రూ.34.58 కోట్ల బకాయిలు పేరుకుపోతున్నాయి. ఇంటి పన్నులు వసూళ్ల పై పెట్టిన శ్రద్ధ నల్లా పన్ను వసూళ్ల పై అధికారులు పెట్టడంలేదు. ఇంటి పన్నులు ఇప్పటి వరకు 36.37శాతం వసూలు చేశారు. ఇంటి పన్ను చెల్లించకపోతే మున్సిపాలిటీ వడ్డీని వసూలు చేస్తుంది.... అదే నల్లా పన్నుకు లేకపోవడంతో గృహయజమానులను చెల్లించేందుకు ముందుకు రావడం లేదు. బకాయిలు పెరుగుతున్నా.. నీటి సరఫరా పొందుతున్న వినియోగదారుల నుంచి పన్ను వసూలు చేయడంలో మున్సిపల్‌ సిబ్బంది నిర్లక్ష్యంగా వ్యవహరిస్తున్నారు. పన్నులే మునిసిపాలిటీలకు ప్రధాన ఆదాయ వనరు. మున్సిపాలిటీలలో పైపులైన్ల నిర్వహణ, మరమ్మతులు, మోటార్లు, విద్యుత్తు ఖర్చులు నిరంతరం ఉంటాయి. కానీ నీటి పన్ను వసూళ్లు అతి తక్కువగా ఉండటంతో మునిసిపాలిటీలకు రావాల్సిన ఆదాయం బకాయిల రూపంలోనే మిగులుతోంది. ఇంటి పన్ను వసూళ్ల పై ఎలా దృష్టి పెడతారో అదేఽ విధంగా నల్లా పన్ను వసూళ్లపై దృష్టి పెడితేఆదాయం పెరిగే అవకాశం ఉంటుంది.రూ. 35.50 కోట్ల టార్గెట్‌ మున్సిపాలిటీ పేరు లక్ష్యం వసూలైంది బకాయి సిద్దిపేట 2,100.75 76.22 2,024.53 గజ్వేల్‌ 539.48 8.63 530.85 హుస్నాబాద్‌ 641.20 2.68 638.52 దుబ్బాక 64.76 1.48 63.28 చేర్యాల 204.0 3.0 201.0 వసూలు చేస్తాం ‘సర్‌’ ముగిసిన తర్వాత ప్రత్యేక టీంలు వేసి నల్లా పన్నులను వసూలు చేస్తాం. ఇంటి పన్నులు ఎలా వసూలు చేస్తామో అదే విధంగా నల్లా పన్నును వసూలు చేసి మున్సిపల్‌ ఆదాయాన్ని పెంచుతాం. – గణేశ్‌ రెడ్డి, కమిషనర్‌, గజ్వేల్‌–ప్రజ్ఞాపూర్‌ మున్సిపాలిటీ

● డీఎంహెచ్‌ఓ డాక్టర్‌ ధనరాజ్‌ ● పీహెచ్‌సీల సూపర్‌వైజర్లతో సమావేశం సిద్దిపేటకమాన్‌: సీజనల్‌ వ్యాధులు, చికున్‌గున్యా, మలేరియా, డెంగీ వ్యాధులు ప్రబలకుండా నివారణ చర్యలు చేపట్టాలని డీఎంహెచ్‌ఓ డాక్టర్‌ ధనరాజ్‌ తెలిపారు. జిల్లాలోని ప్రాథమిక ఆరోగ్య కేంద్రాల సూపర్‌వైజర్లతో డీఎంహెచ్‌ఓ మంగళవారం సమావేశం నిర్వహించారు. ఈ సందర్భంగా ఆయన మాట్లాడుతూ.. జ్వర లక్షణాలు ఉన్న వారికి ప్రాథమిక ఆరోగ్య కేంద్రానికి తరలించి అవసరమైన వైద్య పరీక్షలు, చికిత్స అందించాలని సూచించారు. మాతాశిశు సంక్షేమ కార్యక్రమం, వ్యాధి నిరోధక టీకాల పంపిణీ, క్షయ వ్యాధి వంటి కార్యక్రమాలపై దృష్టి సారించాలన్నారు. గర్భిణుల నమోదు, ప్రభుత్వ ఆసుపత్రుల్లో వైద్య సేవలు, సాధారణ ప్రసవాలు జరిగేలా చూడాలన్నారు. కార్యక్రమంలో ఎన్‌సీడీ ప్రోగ్రాం ఆఫీసర్‌ వినోద్‌బాబ్జి, డాక్టర్‌ శ్రీనివాస్‌, డాక్టర్‌ శ్రీకాంత్‌, సోఫాన్‌ రాథోడ్‌, అనిల్‌కుమార్‌, పాషా పాల్గొన్నారు.

● రాష్ట్ర కమిషన్‌ చైర్మన్‌ బక్కి వెంకటయ్య ● కలెక్టరేట్‌లో ల్యాండ్‌, అట్రాసిటీస్‌ రోస్టర్‌పై సమీక్ష సిద్దిపేటరూరల్‌: ఎస్సీ, ఎస్టీ ప్రజల సమస్యల పరిష్కారం, వారి సంక్షేమం కోసం కమిషన్‌ కృషి చేస్తోందని రాష్ట్ర కమిషన్‌ చైర్మన్‌ బక్కివెంకటయ్య తెలిపారు. మంగళవారం కలెక్టరేట్‌లోని మీటింగ్‌ హాల్‌లో ల్యాండ్‌, అట్రాసిటీస్‌, రోస్టర్‌పాయింట్‌ అమలు బ్యాక్‌లాగ్‌ ఖాళీలపై సమీక్ష సమావేశం నిర్వహించారు. కలెక్టరేట్‌కు చేరుకున్న బక్కి వెంకటయ్యకు కలెక్టర్‌ మొక్కను అందించి స్వాగతించారు. అనంతరం పోలీసుల గౌరవవందనం స్వీకరించి, సమీక్ష సమావేశానికి హాజరయ్యారు. అట్రాసిటీ కేసుల వివరాలు, బాధితులకు రావాల్సిన పరిహారం డబ్బులను వివరాలు అడిగి తెలుసుకున్నారు. ఈ సందర్భంగా దళిత సంఘాల సభ్యులు మాట్లాడుతూ సిద్దిపేట అర్బన్‌ మండలం ఇమాంబాద్‌లో అన్నదానం విషయంలో ఇటీవల జరిగిన వివక్షతపై పూర్తి స్థాయిలో విచారణ చేయాలన్నారు. పలు రకాల సమస్యలను కమిషన్‌ చైర్మన్‌ దృష్టికి తీసుకువచ్చారు. ఈ సందర్భంగా కమిషన్‌ చైర్మన్‌ మాట్లాడుతూ ఎస్సీ, ఎస్టీలకు సంబంధించిన సమస్యలను వెంటనే పరిష్కరించేలా అధికార యంత్రాంగం పనిచేయాలన్నారు. భూపంల్లి పీహెచ్‌సీలో ఓ దళిత బిడ్డకు గడువుదాటిన ఇంజక్షన్‌ వేయడంతో ఇబ్బంది తలెత్తిందని గాంధీ ఆస్పత్రిలో చికిత్స పొందారన్నారు. పీహెచ్‌సీఓలో సిబ్బంది సైతం సరిగ్గా పనిచేయడం లేదన్నారు. సిద్దిపేటలోని జిల్లా ప్రభుత్వ ఆసుపత్రిలో నర్సింగ్‌ సూపరింటెండెంట్‌గా విధులు నిర్వహిస్తున్న విజయలక్ష్మి ఎస్సీ, ఎస్టీ సిబ్బందిని చిన్నచూపు చూస్తోందని, తక్కువ చేసి మాట్లాడుతున్నారనే ఫిర్యాదు వచ్చిందన్నారు. వెంటనే స్పందించిన కలెక్టర్‌ ఆమెను కలెక్టరేట్‌ పిలిపించి మందలించారు. ప్రతీ నెలా గ్రామాల్లోని ప్రధాన చౌరస్తా, కూడలి వద్ద పౌరహక్కుల దినం నిర్వహించాలని, దీనికి తహసీల్దార్‌, ఎస్‌ఐ వివిధ శాఖల అధికారులు హాజరు కావాలన్నారు. ఆర్‌అండ్‌బి శాఖకు ప్రభుత్వం రాష్ట్ర వ్యాప్తంగా రూ.వెయ్యి కోట్ల నిధులు మంజూరు చేసిందని, వాటిని అవసరమైన ప్రాంతాల్లో నిర్మించేందుకు ప్రణాళిక సిద్దం చేసిందన్నారు. వివిధ సమస్యల పరిష్కారం కోసం అధికారుల వద్దకు, పోలిస్‌స్టేషన్‌కు వచ్చే ఫిర్యాదుదారులను గౌరవించాలన్నారు. ప్రభుత్వం అందిస్తున్న సంక్షేమ పథకాలను సద్వినియోగం చేసుకోవాలన్నారు. త్వరలోనే పరిహారం.. అనంతరం కలెక్టర్‌ మాట్లాడుతూ పెండింగ్‌ సమస్యలను ఎప్పటికప్పుడు పరిష్కరిస్తూ, ప్రభుత్వం నుంచి బడ్జెట్‌ విడుదల కాగానే బాధితులకు నష్టపరిహారం అందజేస్తామన్నారు. అనంతరం పోలీస్‌ పోలీస్‌ కమిషనర్‌ సాధనరష్మి పెరుమాళ్‌ మాట్లాడుతూ ఎస్సీ, ఎస్టీ అట్రాసిటీ కేసులను సీరియస్‌గా తీసుకుని 60 రోజుల్లో దర్యాప్తు చేసి బాధితులకు న్యాయం చేస్తున్నామన్నారు. ఆక్టోబర్‌ 4న కమిషన్‌ చైర్మన్‌ పదవీకాలం పూర్తవుతున్నందున కలెక్టర్‌ ఆధ్వర్యంలో జిల్లా అధికారులు, కమిషన్‌ చైర్మన్‌, సభ్యులను శాలువాతో సన్మానించారు. కార్యక్రమంలో జిల్లా ఎస్సీ అభివృద్ధి అధికారి రాజాగంగారాం, ఎస్సీ కార్పొరేషన్‌ ఈడీ విజయ్‌ భార్గవ్‌, విజిలెన్స్‌ అండ్‌ మానిటరింగ్‌ కమిటీ సభ్యులు, ఆర్డీఓలు, ఏసీపీలు, అధికారులు పాల్గొన్నారు.

ప్రశాంత్‌నగర్‌(సిద్దిపేట): స్కూల్‌ గేమ్స్‌ ఫెడరేషన్‌ జిల్లా స్థాయి గట్కా పోటీలు, జిల్లా కేంద్రంలోని సరస్వతి శిశుమందిర్‌లో మంగళవారం కొనసాగాయి. అండర్‌–14, 17 విభాగాల్లో 29 మంది క్రీడాకారులు పాల్గొన్నారు. అండర్‌ –14 విభాగంలో 8 మంది, అండర్‌–17 విభాగంలో 8 మంది క్రీడాకారులును ఉమ్మడి మెదక్‌ జట్టుకు ఎంపిక చేయనున్నట్లు గట్కా స్పోర్ట్స్‌ అసోసియేషన్‌ సెక్రటరీ మోతుకు నరే ష్‌కుమార్‌ తెలిపారు. ఈ పోటీల నిర్వహణలో పీఈటీలు నవీన్‌, ప్రభాకర్‌లు పాల్గొన్నారు. కార్మికుల సమస్యలు పరిష్కరించండి భవన నిర్మాణ కార్మిక సంఘం రాష్ట్ర అధ్యక్షుడు చంద్రం ప్రశాంత్‌నగర్‌(సిద్దిపేట): కార్మిక సమస్యలు పరిష్కరించాలని కోరుతూ రాష్ట్ర లేబర్‌ కమిషనర్‌కు వినతి పత్రం అందించిన్నట్లు రాష్ట్ర భవన నిర్మాణ కార్మిక సంఘం రాష్ట్ర అధ్యక్షుడు దరిపల్లి చంద్రం తెలిపారు. రాష్ట్రంలోని అన్ని జిల్లాలకు చెందిన భవన నిర్మాణ కార్మిక సంఘం జిల్లా కార్యవర్గ సభ్యులు మంగళవారం హైదరాబాద్‌లో అంజయ్య కార్మిక భవన్‌లో లేబర్‌ కమిషనర్‌ రంగనాథ్‌ను కలిసి వినతి పత్రం అందించామన్నారు. భవన నిర్మాణ కార్మికుల సంక్షేమం కోసం అమలులోకి వచ్చిన కార్మిక చట్టాలు, సంక్షేమ పథకాలను పూర్తిస్థాయిలో అమలు చేయాలని కోరామన్నారు. 1996లో అమలులోకి వచ్చిన భవన నిర్మాణ కార్మికుల సంక్షేమ చట్టం ద్వారా కార్మికులకు సంక్షేమ ప్రయోజనాలు అందించే అవకాశం ఏర్పడిందని, అయితే రాష్ట్రంలో అర్హులైన కార్మికులందరికీ పూర్తి స్థాయిలో సంక్షేమ పథకాలు అందడం లేదన్నారు. పన్ను వసూలుకు జప్తు నోటీసులు సిద్దిపేటఅర్బన్‌: ఆస్తి పన్ను చెల్లించకుండా తాత్సారం చేస్తున్న పలు వాణిజ్య సంస్థలకు, వాణిజ్య బిల్డింగ్‌ల యజమానులకు అధికారులు నోటీసులు జారీ చేశారు. తెలంగాణ పంచాయతీ రాజ్‌ చట్టం ప్రకారం ఆర్థిక సంవత్సరం ప్రారంభమైన మూడు నెలల్లోగా ఆస్తి పన్నును చెల్లించాల్సి ఉంటుంది. కానీ మరో మూడు నెలలు గడిచినా చెల్లించలేదు. దీంతో మొదటగా డిమాండ్‌ నోటీసులు రెండు సార్లు ఇచ్చినప్పటికి టాక్స్‌ చెల్లించకపోవడంతో పంచాయతీరాజ్‌ చట్టం ప్రకారం జప్తు నోటీసులు జారీ చేసినట్లు ఎంపీవో జోగం రాజు తెలిపారు. మండలంలోని మిటపల్లి పరిధిలో సురభి మెడికల్‌ కళాశాలకు సంబంధించిన రూ. 49 లక్షలు, ఆర్చ్‌ ఫార్మా ల్యాబ్స్‌కు సంబంధించి రూ. 16 లక్షలు, మిట్టపల్లి గ్రామంలో కొనసాగుతున్న ఎస్‌బీఐ భవనానికి సంబంధించిన రూ. లక్ష పన్ను బకాయి ఉన్నట్లు తెలిపారు. వీరికి మూడు రోజుల గడువుతో జప్తు నోటీసులు జారీ చేశామన ఎంపీఓ తెలిపారు. నేడు జూడో, యోగా క్రీడాకారుల ఎంపికలు ప్రశాంత్‌నగర్‌(సిద్దిపేట): జిల్లా కేంద్రంలోని టీటీఆర్‌సీ భవనంలో బుధవారం ఉమ్మడి మెదక్‌ జిల్లా జూడో, యోగా క్రీడాకారులు ఎంపికలు జరుగనున్నట్లు జిల్లా విద్యాశాఖ అధికారి రమేశ్‌ మంగళవారం తెలిపారు. అండర్‌–14, 17 విభాగంలో జూడో, యోగా క్రీడా పోటీలు నిర్వహించి, ఇందులో ఉమ్మడి మెదక్‌ జిల్లా జట్టుకు క్రీడాకారులను ఎంపిక చేయనున్నట్లు తెలిపారు. క్రీడాకారులు ఉదయం 9గంటల లోపు హాజరుకావాలన్నారు.

బుధవారం శ్రీ 30 శ్రీ సెప్టెంబర్‌ శ్రీ 2026చదువు చెప్పాలా? చదువుకోవాలా?చేతిలో చాక్‌.. ముందున్నది బ్లాక్‌బోర్డు.. ఏళ్ల అనుభవం.. అయినా ఇప్పుడు ఆ ఉపాధ్యాయులకు టెట్‌ టెన్షన్‌ పట్టుకుంది. 2010కి ముందు డీఎస్సీ ద్వారా నియమితులైన ఉపాధ్యాయులు సైతం టెట్‌ (టీచర్‌ ఎలిజిబిలిటీ టెస్ట్‌) అర్హత సాధించాలని సుప్రీం కోర్టు తీర్పునిచ్చిన విషయం విదితమే. ఆగస్టు 31, 2028 వరకు టెట్‌ ఉత్తీర్ణత సాధించాలి. టీజీటెట్‌ ఇన్‌సర్వీస్‌ టీచర్స్‌–2026 ఫలితాలు ఇటీవల విడుదలయ్యాయి. ఉమ్మడి మెదక్‌ జిల్లాలో 2,777 మంది ప్రభుత్వ ఉపాధ్యాయులు దరఖాస్తు చేశారు. ఇందులో 2,557 మంది పరీక్ష రాయగా 1,711 మంది ఉత్తీర్ణులయ్యారు. 846 మంది ఫెయిల్‌ అయ్యారు. – సాక్షి, సిద్దిపేట

సిద్దిపేటజోన్‌: సాక్షి ప్రచురించిన అవి‘నీటి’ కనెక్షన్ల కథనానికి బల్దియా అధికారులు స్పందించారు. జిల్లాలోని ఆయా మున్సిపాలిటీల్లో అక్రమ నల్లా కనెక్షన్లతో మున్సిపాలిటీల ఆదాయానికి గండి కొడుతున్న వైనం, రికార్డులకు పొంతన లేకుండా నీటి వినియోగం తదితర అంశాలపై ప్రచురించిన కథనంపై మున్సిపల్‌ కమిషనర్‌ మల్లికార్జున్‌ స్పందించారు. ఈ మేరకు మంగళవారం సిద్దిపేట బల్దియా పరిధిలో ఉన్న పలు అపార్టుమెంట్లలో వార్డు ఆఫీసర్‌ ఆధ్వర్యంలో క్షేత్ర స్థాయిలో పరిశీలించారు. నల్లా కనెక్షన్‌ తీరు, నీటి వినియోగం. సాధారణ, కమర్షియల్‌ తదితర అంశాలపై అరా తీస్తూ వివరాలు సేకరిస్తున్నారు.

దుబ్బాక: బీసీల హక్కుల సాధన కోసం రాజకీయాలకు అతీతంగా మరో ఉద్యమాన్ని చేపట్టాల్సిన అవసరం ఉందని బీసీ సంఘాల అఖిల పక్షం నాయకులు స్పష్టం చేశారు. మంగళవారం దుబ్బాకలో అన్ని రాజకీయపార్టీల బీసీ నాయకులతో ప్రత్యేక సమావేశం నిర్వహించారు. ఈ సందర్భంగా అక్టోబర్‌9న దుబ్బాక నియోజకవర్గంలో బీసీ ల హక్కుల సాధన కోసం ఉద్యమాన్ని చేపట్టాలని నిర్ణయించుకున్నారు. ఉద్యమంలో బీసీ సర్పంచ్‌లు, ఉప సర్పంచులు, ప్రజా ప్రతినిధులు పాల్గొనాలన్నారు సమావేశంలో నాయకులు బంగారయ్య, మచ్చ శ్రీనివాస్‌ తదితరులు ఉన్నారు.

ఇష్టారీతిన అక్రమ అనుమతులు పట్టణాల్లో అపార్ట్‌మెంట్లు.. ఆకాశాన్ని తాకే బహుళ అంతస్తుల భవనాలు.. పెరుగుతున్న నీటి వినియోగం.. కానీ మున్సిపల్‌ రికార్డుల్లో మాత్రం కమర్షియల్‌ నల్లా కనెక్షన్ల సంఖ్య అత్యల్పం. పట్టణాల్లో అపార్ట్‌మెంట్లు, వాణిజ్య అవసరాల కోసం మున్సిపల్‌ నీటిని వినియోగిస్తున్నా వాటిలో చాలా వరకు సాధారణ గృహ వినియోగ కనెక్షన్లుగానే కొనసాగుతున్నాయి. మరికొన్ని చోట్ల నల్లా కనెక్షన్లు ఉన్నప్పటికీ మున్సిపాలిటీ రికార్డుల్లో వాటి వివరాలు నమోదు కావడంతో లేదు.. దీంతో మున్సిపల్‌ ఆదాయం కోల్పోతోంది. – సాక్షి, సిద్దిపేట జిల్లాలోని ఐదు మున్సిపాలిటీల్లో మొత్తం 55,663 నల్లా కనెక్షన్లు ఉండగా.. అందులో కమర్షియల్‌ కనెక్షన్లు కేవలం 89 మాత్రమే. మిగిలిన 55,574 సాధారణ కనెక్షన్లు ఉన్నాయి. అపార్ట్‌మెంట్లకు నల్లా కనెక్షన్‌ కోసం 20 ఫ్లాట్లు ఉంటే రూ.50వేలు అంతకంటే ఎన్ని ఎక్కువ ఉంటే ఒక్కో దానికి రూ.2,500 చొప్పున మున్సిపాలిటీకి చెల్లించి నల్లా కనెక్షన్‌ పొందాలి. వీరు ప్రతి నెలా రూ.1,500 నల్లా పన్నును మున్సిపాలిటీకి చెల్లించాలి. అదే సాధారణ గృహాలకు అయితే ఉచితంగా కనెక్షన్‌, నెలకు రూ.150 నల్లా పన్నును వసూలు చేస్తున్నారు. దుబ్బాక, హుస్నాబాద్‌, చేర్యాల మున్సిపాలిటీల్లో కమర్షియల్‌ నల్లా కనెక్షన్లు ఒక్కటీ నమోదు కాలేదు. ఈ మూడు పట్టణాల్లో వాణిజ్య భవనాలు ఉన్నప్పటికీ కమర్షియల్‌ నల్లాలే లేవని అధికారుల లెక్కలు తెలుపుతున్నాయి. నల్లా కనెక్షన్‌ అంటే కేవలం నీటి సరఫరా కాదు. దాని వెనుక కనెక్షన్‌ నమోదు.. కేటగిరీ.. బిల్లింగ్‌.. వసూళ్లు ఉంటాయి. క్షేత్రస్థాయిలో ఉన్న నల్లా మున్సిపల్‌ రికార్డుల్లో లేకపోతే.. దానికి బిల్లింగ్‌ జరుగుతోందా? అన్న ప్రశ్న సహజంగానే తలెత్తుతుంది. సాధారణ కనెక్షన్‌ కంటే 10 రేట్లు ఎక్కువగా కమర్షియల్‌ నల్లా పన్ను ఉంటుంది. కమర్షియల్‌ నల్లాలకు బదులు సాధారణ కనెక్షన్లుగా నమోదు కావడంతో బల్దియాలు ఆదాయాలు కోల్పోతున్నాయి. వాణిజ్య భవనాలు, అపార్ట్‌మెంట్లకు ఉన్న మున్సిపాలిటీ నల్లా కనెక్షన్లు సాధారణ, కమర్షియల్‌ కనెక్షన్ల క్షేత్ర స్థాయిలో పరిశీలించాల్సిన అవసరం ఎంతైనా ఉంది. ఈ పరిశీలను ఆయా మున్సిపల్‌ కమిషనర్లు ప్రత్యేక చొరవ తీసుకుంటే మున్సిపల్‌ ఆదాయం పెరగడంతో పాటు అక్రమ నల్లా కనెక్షన్ల తేలనున్నాయి. ఇప్పటికై నా ఉన్న అధికారులు స్పందించి అక్రమ నల్లా కనెక్షన్లకు నియంత్రించాలని ప్రజలు కోరుతున్నారు.మున్సిపాలిటీ సాధారణ నల్లాలు కమర్షియల్‌ మొత్తం సిద్దిపేట 27,412 27 27,439 గజ్వేల్‌ 10,026 62 10,088 దుబ్బాక 7,203 0 7,203 హుస్నాబాద్‌ 7,218 0 7,218 చేర్యాల 3,715 0 3,715 ‘సాక్షి’ పరిశోధనాత్మక కథనం సిబ్బంది చేతివాటం కమర్షియల్‌ నల్లా కనెక్షన్‌ బదులు సాధారణ కనెక్షన్‌ ఇస్తూ క్షేత్రస్థాయిలో పలువురు సిబ్బంది, వర్క్‌ ఇన్‌స్పెక్టర్లు చేతి వాటం ప్రదర్శిస్తున్నారు. పలు చోట్ల సాధారణ నల్లా కనెక్షన్లు నమోదు కాకుండానే నీటిని సరఫరా అవుతున్నాయి. పలు మున్సిపాలిటీలలో కౌన్సిలర్లు తమ పెత్తనంతో నల్లా కనెక్షన్లు ఇప్పిస్తున్నారు. అపార్టుమెంట్‌లు, వాణిజ్య భవనాలు, గృహాల వారి వద్ద డబ్బులను కౌన్సిలర్లు వసూలు చేస్తున్నారని తెలుస్తోంది.క్షేత్ర స్థాయిలో పరిశీలిస్తాం మున్సిపాలిటీ పరిధిలో ఉన్న సాధారణ, కమర్షియల్‌ నల్లా కనెక్షన్లు ఎక్కడెక్కడ ఉన్నాయో క్షేత్రస్థాయిలో పరిశీలిస్తాం. వాణిజ్య భవనాలకు సాధారణ నల్లా కనెక్షన్‌ వినియోగించవద్దు. త్వరలో పూర్తి స్థాయిలో సర్వే నిర్వహిస్తాం. – మల్లికార్జున్‌, ఇన్‌చార్జి కమిషనర్‌, పురపాలక సంఘం, సిద్దిపేట

ప్రశాంత్‌నగర్‌(సిద్దిపేట): ఎస్సీ ఎస్టీ కమిషన్‌ సమీక్ష సమావేశం మంగళవారం జిల్లా కలెక్టరేట్‌ సమావేశ మందిరంలో నిర్వహించనున్నట్లు జిల్లా షెడ్యూల్‌ కులాల అభివృద్ధి శాఖ అధికారి రాజగంగారామ్‌ తెలిపారు. మంగళవారం ఉదయం 11గంటలకు సమీక్షా సమావేశం ఉంటుందన్నారు. సమావేశంలో ల్యాండ్‌, అట్రాసీటీ, ఆర్‌ఓఆర్‌, బ్యాక్‌లాగ్‌ ఖాళీలల పై చర్చించనున్నట్లు తెలిపారు. ఎస్సీ ఎస్టీ కమిషన్‌ చైర్మన్‌, సభ్యులు, జిల్లా అధికారులు హాజరుకానున్నట్లు తెలిపారు. కుల వృత్తులను ఆదుకోవాలిహుస్నాబాద్‌: ప్రభుత్వం కుల వృత్తులను ఆదుకోవాలని అఖిల భారతీయ విశ్వకర్మ పరిషత్‌ రాష్ట్ర ఉపాధ్యక్షుడు కొత్తపల్లి సత్యనారాయణ కోరారు. సోమవారం ఆయన విలేకరులతో మాట్లాడుతూ కమ్మరి, కుమ్మరి, వడ్రంగి, స్వర్ణకార, మేదరి తదితర స్వయం ఉత్పత్తిదారులైన కుల వృత్తుల కార్మికులకు ఉపాధి కల్పించే బాధ్యత ప్రభుత్వం పై ఉందన్నారు. నేటి సమాజంలో టెక్నాలజీ పెరిగిపోయి కుల వృత్తులు అంతరించిపోతున్నాయని ఆవేదన వ్యక్తం చేశారు. ప్రకృతిపరమైన గ్రామీణ చేతి వృత్తులు టెక్నాలజీ తాకిడికి తట్టుకోలేక బతుకులు ఛిద్రమవుతున్నాయని తెలిపారు. సమావేశంలో సంఘ నాయకులు ఎగ్గోజు దామోదర చారి, పోలోజు జనార్దనాచారి, శ్రీమంతుల చంద్రయ్య చారి తదితరులు ఉన్నారు. ఐలయ్యకు స్వర్ణ కంకణంచేర్యాల(సిద్దిపేట): మండల పరిధిలోని నాగపురి ఉన్నత పాఠశాల హెచ్‌ఎం ఎలికట్టె ఐలయ్యకు స్వర్ణకంకణం ప్రదానం చేశారు. ఆదివారం హన్మకొండలోని జయకృష్ణ కాన్ఫరెన్స్‌ హాల్‌లో నిర్వహించిన విశ్వ కర్మ, తెలుగు వెలుగు జాతీయ పురస్కారాల కార్యక్రమంలో నిర్వాహకులు ఆయనను శాలువాతో సత్కరించి ప్రశంసా పత్రం, స్వర్ణ కంకణం అందజేశారు. తెలుగు, హిందీ, ఇంగ్లిష్‌, కన్నడ భాషల్లో దేశభక్తి, భక్తి, సామాజిక అంశాలు, విద్య, పర్యాటకం, ఏఐ తదితర అంశాలపై ఆయన చేసిన రచనలకు గుర్తింపుగా ఈ సత్కారం లభించింది. తీరనున్న నిర్వాసితుల ఇబ్బందులుగజ్వేల్‌: వైకుంఠ ధామం, కబ్రస్థాన్‌లు లేక ఆఖరి మజీలీకి ఇబ్బందిపడుతున్న మల్లన్నసాగర్‌ నిర్వాసిత కాలనీవాసులకు ఇబ్బందులు తీరనున్నాయి. గజ్వేల్‌–ప్రజ్ఞాపూర్‌ మున్సిపాలిటీలోని ముట్రాజ్‌పల్లి ఏడో వార్డులోగల 297 సర్వేనెంబర్‌లో వెకుంఠధామం నిర్మాణానికి ఎకరా, కబ్రస్థాన్‌ నిర్మాణానికి మరో ఎకరా భూమిని కేటాయిస్తూ సోమవారం కలెక్టర్‌ హైమావతి ఆదేశాలు జారీ చేశారు. త్వరలో నిర్మాణాలకు మార్గం సుగమం కానుంది. ఎరువుల దుకాణంలో తనిఖీలుచేర్యాల(సిద్దిపేట): మండల పరిధిలోని గుర్జకుంట ఎక్స్‌రోడ్స్‌లోని నాగేంద్ర ఎరువుల దుకాణంలో సోమవారం జిల్లా వ్యవసాయ అధికారి స్వరూపరాణి తనిఖీలు చేపట్టారు. దుకాణంలోని స్టాకు బోర్డు, రికార్డులు, బిల్లు బుక్స్‌ తదితర వాటిని పరిశీలించారు. గోదాంలో ఉన్న ఎరువు బస్తాల స్టాకుపై ఆరాతీశారు. అనంతరం ఆమె మాట్లాడుతూ ప్రభుత్వ నిబంధనలకు లోబడి ఎరువులు, పురుగు మందుల విక్రయాలు జరపాలని, అలా చేయని వారిపై కఠిన చర్యలు ఉంటాయన్నారు. ఎంక్వయిరీ సేవలు ప్రారంభం గజ్వేల్‌రూరల్‌: జీపీపీ(గజ్వేల్‌–ప్రజ్ఞాపూర్‌) ఆర్టీసీ డిపో పరిధితో పాటు తూప్రాన్‌లో ప్రయాణికుల సౌకర్యం కోసం ఎంక్వయిరీ సేవలను ప్రారంభిస్తున్నట్లు మేనేజర్‌ బద్రి నారాయణ తెలిపారు. సోమవారం ఆయన మాట్లాడుతూ గజ్వేల్‌తో పాటు తూప్రాన్‌ బస్‌ స్టేషన్‌లలో ఎంక్వయిరీ సేవలు ప్రారంభమైనట్లు తెలిపారు. ప్రతి రోజు ఉదయం 5గంటల నుంచి రాత్రి 9గంటల వరకు ఆర్టీసీ బస్సుల రాకపోకలు, సర్వీస్‌ల వివరాలు, ప్రయాణానికి సంబంధించి గజ్వేల్‌ బస్‌స్టేషన్‌ 9030853571, తూప్రాన్‌ బస్‌స్టేషన్‌ 7013102493 నంబర్లకు ఫోన్‌ చేసి తమ సందేహాలను నివృత్తి చేసుకోవచ్చన్నారు.

● కలెక్టర్‌ హైమావతి ● వచ్చిన అర్జీలు 120 సిద్దిపేటరూరల్‌: జిల్లా వ్యాప్తంగా ప్రజలు అందించిన అర్జీలను అధికారులు పరిశీలించి సత్వరమే పరిష్కరించాలని కలెక్టర్‌ హైమావతి అధికారులను ఆదేశించారు. సోమవారం కలెక్టరేట్‌లోని మీటింగ్‌ హాల్‌లో నిర్వహించిన ప్రజావాణిలో ప్రజలు అందించిన అర్జీలను అదనపు కలెక్టర్‌ లక్ష్మికిరణ్‌తో కలిసి కలెక్టర్‌ స్వీకరించారు. ఈ సందర్భంగా ఆమె మాట్లాడుతూ ప్రజల సమస్యలకు సంబంధించి అందించిన అర్జీలను క్షుణ్ణంగా పరిశీలించాలన్నారు. అర్జీలు పునరావృతం కాకుండా వెంటవెంటనే పరిష్కరించాలన్నారు. వివిధ రకాల సమస్యల పరిష్కారం కోరుతూ మొత్తంగా 120అర్జీలు వచ్చాయి. కార్యక్రమంలో డీఆర్‌ఓ నాగరాజమ్మ, ట్రైనీ డిప్యూటి కలెక్టర్‌ భవ్య, ప్రత్యేక అదనపు కలెక్టర్‌ సుదర్శన్‌, జిల్లా అధికారులు పాల్గొన్నారు. గ్రానైట్‌ క్యారీకి అనుమతి ఇవ్వొద్దు అక్కన్నపేట(హుస్నాబాద్‌): రేగొండ, గోవర్థనగిరి గ్రామాల రెవెన్యూ పరిధిలోని పరికిబండ వద్ద గ్రానైట్‌ క్వారీకు అనుమతులు ఇవ్వొద్దని పాలకవర్గం సభ్యులు కోరారు. ఈ మేరకు గ్రామ సర్పంచ్‌ పెండ్యాల రమ ఆధ్వర్యంలో జిల్లా ప్రజావాణిలో ఫిర్యాదు చేశారు. ఈ సందర్భంగా ఆమె మాట్లాడుతూ గ్రానైట్‌ క్వారీ ఏర్పాటైతే శబ్ధాలు, పర్యావరణ కాలుష్యం, పంట పొలాలకు తీవ్ర నష్టం జరుగుతుందన్నారు. ఈ పరికిబండ గుట్టలో నెమళ్లు, కుందేళ్లు, కోతులు, ఎలుగుబంట్లు ఆవాసం ఏర్పాటు చేసుకున్నాయన్నారు. కార్యక్రమంలో గ్రామ పాలకవర్గం సభ్యులు తదితరులు పాల్గొన్నారు.

గజ్వేల్‌: మాదిగల సమగ్ర అభివృద్ధి కోసం ఎమ్మార్పీఎస్‌ వ్యవస్థాపక అధ్యక్షుడు మంద కృష్ణ మాదిగ ఆధ్వర్యంలో జరిగే భవిష్యత్తు పోరాటాల్లో కీలకంగా వ్యవహరించాలని ఎమ్మార్పీఎస్‌ జిల్లా ఇన్‌చార్జి మంద కుమార్‌ మాదిగ పిలుపునిచ్చారు. సోమవారం గజ్వేల్‌–ప్రజ్ఞాపూర్‌ మున్సిపాలిటీ ఎమ్మార్పీఎస్‌ కమిటీ ఎన్నిక కార్యక్రమానికి ముఖ్యఅతిథిగా హాజరయ్యారు. ఈ సందర్భంగా ఆయన మాట్లాడుతూ ఎమ్మార్పీఎస్‌ను సంస్థాగతంగా బలోపేతం చేయడమే లక్ష్యంగా కమిటీలను ఎన్నుకుంటున్నట్లు ప్రకటించారు. ఎంఎస్‌పీ రాష్ట్ర నాయకుడు మైస రాములు అధ్యక్షతన జరిగిన కార్యక్రమంలో ఎంఎస్‌ఎఫ్‌ సిద్దిపేట జిల్లా ఇన్‌చార్జి సామ్రాట్‌ ప్రకాశ్‌మాదిగ, ఎమ్మార్పీఎస్‌ మాజీ జిల్లా అధ్యక్షుడు ముండ్రాతి క్రిష్ణ, నాయకులు ఉబ్బని ఆంజనేయులు తదితరులు పాల్గొన్నారు. కాగా ఎమ్మార్పీఎస్‌ కమీటీ అధ్యక్ష, ప్రధాన కార్యదర్శులుగా చింతకింది యాదగిరి, మర్రికింది యాదగిరి, ఎంఎస్‌పీ కమీటీ అధ్యక్ష, ప్రధాన కార్యదర్శులుగా ఈదుగాని యాదగిరి, పుంటికూర యాదగిరిలను ఎన్నుకున్నారు.

చేర్యాల(సిద్దిపేట): స్థానిక కోర్టు పరిధిలో అధిక సంఖ్యలో కేసులు పెండింగ్‌లో ఉన్నందున చేర్యాలకు అదనపు జూనియర్‌ సివిల్‌ జడ్జి కోర్టు ఏర్పాటు చేయాలని బార్‌ అసోసియేషన్‌ ప్రతినిధులు జిల్లా ప్రధాన న్యాయమూర్తి సుదర్శన్‌ను కోరారు. సోమవారం జిల్లా కేంద్రంలోని కోర్డులో ఆయనను చేర్యాల బార్‌ అసోసియేషన్‌ అధ్యక్షుడు అరెళ్ల వీరమల్లయ్య ఆధ్వర్యంలో కలిసి వినతి పత్రం అందించారు. అనంతరం వారు మాట్లాడుతూ ప్రస్తుతం చేర్యాల కోర్టు పరిధిలో 2,549 సివిల్‌, క్రిమినల్‌ కేసులు పెండింగ్‌లో ఉన్నాయన్నారు. అదనపు కోర్టు ఏర్పాటు చేస్తే కేసుల పరిష్కారానికి మరింత వెసులుబాటు కలుగుతుందని అభిప్రాయపడ్డారు. జిల్లా ప్రధాన న్యాయమూర్తి సానుకూలంగా స్పందించి న్యాయవాదులకు తగు సూచనలు చేసినట్లు తెలిపారు.

హుస్నాబాద్‌: మాదక ద్రవ్యాలకు యువత దూరంగా ఉండి ఆరోగ్యకరమైన జీవన విధానాన్ని అలవర్చుకోవాలని ప్రభుత్వ కళాశాల ప్రిన్సిపాల్‌ గంగాధర్‌ అన్నారు. సోమవారం కళాశాలలో ఎన్‌ఎస్‌ఎస్‌ ఆధ్వర్యంలో నశా ముక్త్‌ భారత్‌ అభియాన్‌ కార్యక్రమంపై అవగాహన సదస్సు నిర్వహించారు. ఈ సందర్బంగా ప్రిన్సిపాల్‌ మాట్లాడుతూ మాదక ద్రవ్యాల బారిన పడిన వారిని నేరస్తులుగా చూడకుండా, సరైన వైద్యం, కౌన్సిలింగ్‌ నిర్వహించి వారిని సాధారణ జీవితంలోకి తీసుకురావాలని పిలుపునిచ్చారు. కార్యక్రమంలో కళాశాల ఇన్‌చార్జి ప్రిన్సిపాల్‌ ఎస్‌ఎస్‌ రాజు, ఎన్‌ఎస్‌ఎస్‌ ప్రొగ్రాం అధికారి రణధీర్‌, అద్యాపకులు పాల్గొన్నారు. బెజ్జంకిలో.. బెజ్జంకి(సిద్దిపేట): పీఎంశ్రీ మాడల్‌ స్కూల్‌లో సోమవారం నషా ముక్త్‌ యువ యాత్ర నిర్వహించారు. ప్లకార్డులు, పోస్టర్‌లను ప్రదర్శించారు. అనంతరం ప్రిన్సిపాల్‌ ఖలీదా శిరీన్‌ మాట్లాడుతూ విద్యార్థులు మాదకద్రవ్యాలు వినియోగం, అక్రమ రవాణల వచ్చే దుష్పరిణామాలను వివరించారు. ఈకార్యక్రమంలో ఉపాధ్యాయులు, విద్యార్థులు పాల్గొన్నారు.

● విజృంభిస్తున్న దోమలు, ఈగలు ● భయాందోళనలో ప్రజలు ● నిధులు వెచ్చించినా కానరాని ఫలితందుబ్బాకటౌన్‌: అసలే వర్షాకాలం.. ఆపై నివాస ప్రాంతాల్లో అపరిశుభ్రత. దీంతో ఈగలు వృద్ధి చెంది జ్వరాలు, డయేరియా, మలేరియా, డెంగీ ప్రబలుతున్నాయి. పట్టణాల్లోని ఖాళీ స్థలాల్లో పొదలు, గడ్డి, వర్షపు నీరు నిల్వలేకుండా అధికారులు చర్యలు తీసుకోవాలని స్థానికులు కోరుతున్నారు. దుబ్బాక మున్సిపల్‌ 20 వార్డుల్లో పలుచోట్ల ఖాళీ స్థలాలు, గడ్డి పొదల్లో మురుగు నీరు నిలిచి దోమల ఉత్పత్తి కేంద్రాలుగా మారుతున్నాయి. పలు కాలనీల్లో శుభ్రత లేక, ఫాగింగ్‌ చేపట్టక, దోమలు, ఈగలు విజృంభిస్తుండటంతోపాటు దుర్గంధం వ్యాపిస్తోంది. ఇళ్ల స్థలాల యజమానులు కనీస చర్యలు చేపట్టకుండా, ఖాళీ ప్లాట్లను నిర్లక్ష్యంగా వదిలేయడంతో కురుస్తున్న వర్షాలతో అంటువ్యాధులకు నిలయాలుగా మారుతున్నాయి. జంతువులకు ఆవాసాలుగా జిల్లాలోని ఐదు మున్సిపాలిటీలో వేల సంఖ్యలో ఖాళీ స్థలాలు, ప్లాట్లు ఉన్నాయి. దుబ్బాకలో దాదాపు 400, చేర్యాలలో 350, హుస్నాబాద్లో 400, సిద్దిపేటలో 2,000, గజ్వేల్లో 1,000 వరకు ఉన్నాయని అధికారులు తెలిపారు. మున్సిపాలిటీలో పలు వార్డుల్లో ఇళ్ల మధ్య ఉన్న ఖాళీ స్థలాల్లో, పట్టణ శివారుల్లో ఉన్న ప్లాట్ల వెంచర్లలో ఏపుగా పెరిగిన గడ్డి, పొదల్లో నిలిచిన నీరు దోమలు, కుక్కలు, పందులకు ఆవాసాలుగా మారుతున్నాయి. దీంతో దోమలు విజృంభించి, జ్వరాలు, ఇతర అంటువ్యాధుల బారిన పడుతున్నారు. జిల్లాలోని 5 మున్సిపాలిటీల్లో దోమలమందు పిచికారీ, ఆయిల్‌ బాల్స్‌ పంపిణీకి నెలకు వేలాది రూపాయలు ఖర్చవుతున్నా ఆశించిన లక్ష్యం నెరవేరడం లేదనే విమర్శలున్నాయి. అవగాహన కల్పిస్తున్నాం డెంగీ, అంటు వాధ్యులు, సీజనల్‌ వ్యాధుల పట్ల ప్రజలకు అవగాహన కల్పిస్తున్నాం. మున్సిపాలిటీలో పిచ్చి మొక్కలు, గడ్డితో నిండిన ఖాళీ ప్లాట్లను గుర్తించి యజమానులకు నోటీసులిస్తున్నాం. ఖాళీ స్థలాలను శుభ్రపరిచేలా చర్యలు తీసుకుంటాం. ప్రతీ వార్డులో దోమల నివారణకు ఫాగింగ్‌ చేపడతాం. – మహేశ్‌ కుమార్‌, మున్సిపల్‌ కమిషనర్‌, దుబ్బాక

సిద్దిపేటరూరల్‌: సర్‌ పేరుతో ఓట్‌ చోరీ జరుగుతోందని, దేశంలో ఇప్పటికీ 13కోట్ల మంది ఓటర్ల పేర్లు తీసేశారని జిల్లా కాంగ్రెస్‌ అధ్యక్షురాలు తూంకుంట ఆంక్షారెడ్డి మండిపడ్డారు. ఈ మేరకు కేంద్ర ఎన్నికల సంఘం కమిషనర్‌ జ్ఞానేశ్‌కుమార్‌ రాజీనామా చేయాలని కోరుతూ సోమవారం కలెక్టరేట్‌ ఎదుట కాంగ్రెస్‌ నాయకులు నిరసన చేపట్టి జ్ఞానేశ్‌కుమార్‌ దిష్టిబొమ్మను దహనం చేశారు. ఈ సందర్భంగా ఆంక్షారెడ్డి మాట్లాడుతూ సర్‌ ప్రక్రియలో బీజేపీకి అనుసంధానంగా కేంద్ర ఎన్నికల కమిషనర్‌ వ్యవహరిస్తున్నారన్నారు. అంతకుముందు నిరసనలో భాగంగా కార్యకర్తలు భారీగా చేరుకుని కలెక్టరేట్‌లోకి పరుగెత్తారు. ప్రజావాణి కార్యక్రమం వద్దకు చేరుకుని కలెక్టర్‌కు వినతిపత్రాన్ని అందించారు. కార్యక్రమంలో గ్రంథాలయ చైర్మన్‌ దరిపల్లి చంద్రం, టీపీసీసీ సభ్యులు తాడూరి శ్రీనివాస్‌గౌడ్‌, తిరుపతిరెడ్డి, నాగరాజు, పార్టీ కార్యకర్తలు, తదితరులు పాల్గొన్నారు. జ్ఞానేశ్‌కుమార్‌ దిష్టిబొమ్మ దహనం సిద్దిపేటకమాన్‌: చీఫ్‌ ఎలక్షన్‌ కమిషనర్‌ జ్ఞానేశ్‌కుమార్‌ తీరుకు నిరసనగా సిద్దిపేట పట్టణంలోని అంబేడ్కర్‌ చౌరస్తా వద్ద సీఈసీ దిష్టిబొమ్మను కాగ్రెస్‌ శ్రేణులతో కలిసి దహనం చేశారు. ఈ సందర్భంగా ఆమె మాట్లాడుతూ..చీఫ్‌ ఎలక్షన్‌ కమిషన్‌ ఆధ్వర్యంలో ఓట్‌ చోరీ జరుగుతోందని గతంలో కాంగ్రెస్‌ పార్టీ అగ్రనాయకుడు రాహుల్‌ గాంధీ చెప్పిన విషయం నిజమైందన్నారు. రాజ్యాంగాన్ని అపహాస్యం చేస్తూ దేశద్రోహానికి పాల్పడిన జ్ఞానేశ్‌కుమార్‌ రాజీనామా చేయాలని, అయనపై చట్టప్రకారం చర్యలు తీసుకోవాలని డిమాండ్‌ చేశారు.

అక్కన్నపేట(హుస్నాబాద్‌): గొర్రెల మేతకోసం కేటాయించిన భూమిలో ఎఫ్‌పీఓ సంస్థ గోదాం నిర్మిస్తామంటే ఊరుకోబోమని యాదవ సంఘం సభ్యులు సృష్టం చేశారు. అక్కన్నపేట మండలం గండిపల్లి రెవెన్యూ పరిధిలోని సర్వే నెంబర్‌ 97లో సుమారుగా 112ఎకరాల వరకు ప్రభుత్వ భూమి ఉంది. అందులో దాదాపుగా 50ఏళ్ల కిందట యాదవ కులస్తులకు 5ఎకరాల భూమిని గొర్రెల మంద, మేత మేసుకునేందుకు కేటాయించారు. ఈ నేపథ్యంలో గండిపల్లి, కుందనవానిపల్లి పరిధిలోని ప్రసిద్ధ రైతు ఉత్పత్తిదారుల సంఘానికి చెందిన గోదాం నిర్మించేందుకు ఇటీవల ఆ స్థలాన్ని పరిశీలించినట్లు సమాచారం. ఈ మేరకు సోమవారం గండిపల్లి యాదవ సంఘం అధ్యక్షుడు చౌదరి శ్రీనివాస్‌ అధ్వర్యంలో సుమారుగా 150మంది సభ్యులతో సమావేశం ఏర్పాటు చేశారు. ఈ సందర్భంగా చౌదరి శ్రీనివాస్‌ మాట్లాడుతూ మా తాత ముత్తాతల కాలం నుంచి గొర్రెల మందలతో పాటు మేతమేసుకుంటూ వస్తున్నామన్నారు. పలుమార్లు ఆర్డీఓ, మంత్రి పొన్నం ప్రభాకర్‌ దృష్టికి కూడా తీసుకెళ్లామని, గోదాంను నిర్మించకుండా అడ్డుకుంటామని హెచ్చరించారు. కార్యక్రమంలో యాదవ సంఘం సభ్యులు నూకల సారయ్య, బాబురావులతో పాటు తదితరులు పాల్గొన్నారు.

● మాజీమంత్రి హరీశ్‌రావు ● కొండా లక్ష్మణ్‌ బాపూజీ విగ్రహానికి ఘన నివాళి సిద్దిపేటకమాన్‌/చిన్నకోడూరు(సిద్దిపేట)/ప్రశాంత్‌నగర్‌(సిద్దిపేట): తెలంగాణ కోసం తన పదవిని సైతం త్యాగం చేసిన మహానీయుడు అందరికీ ఆదర్శప్రాయుడు ఆచార్య కొండా లక్ష్మణ్‌ బాపూజీ అని మాజీమంత్రి హరీశ్‌రావు కొనియాడారు. కొండా లక్ష్మణ్‌ బాపూజీ జయంతి సందర్భంగా సిద్దిపేటలోని ఆయన విగ్రహానికి హరీశ్‌రావు ఆదివారం పూలమాలలు వేసి ఘన నివాళులర్పించారు. ఈ సందర్భంగా హరీశ్‌రావు మాట్లాడుతూ..అధికారం కంటే ఆశయమే ముఖ్యమని, తన వ్యక్తిగత ప్రయోజనాల కంటే తెలంగాణ ప్రజల ఆకాంక్షలే ముఖ్యమని లక్ష్మణ్‌ బాపూజీ స్వాతంత్య్ర ఉద్యమంలో పాల్గొని దేశం కోసం పోరాడన్నారు. రెండవ దశ ఉద్యమం ప్రారంభమైనపుడు తన ఇంటిని టీఆర్‌ఎస్‌ పార్టీకి ఇచ్చి ఆశీర్వదించి, చేయూతనందించారని గుర్తు చేశారు. రాష్ట్రం ఏర్పడిన తర్వాత దొడ్డి కొమురయ్య, కొండా లక్ష్మణ్‌ బాపూజీ, చిట్యాల ఐలమ్మ, సర్వాయి సర్థార్‌ పాపన్న జయంతి, వర్థంతులను అధికారికంగా నిర్వహించిన ఘనత కేసీఆర్‌దే అని తెలిపారు. రంగనాయక సాగర్‌ను పూర్తిస్థాయిలో నింపాలి రంగనాయక సాగర్‌ను పూర్తిస్థాయిలో నింపి రైతుల పంట పొలాలకు సాగు నీరు అందించాలని హరీశ్‌రావు అన్నారు. రంగనాయక సాగర్‌ రిజర్వాయర్‌లోకి గోదావరి జలాల పంపింగ్‌ను సందర్శించారు. 24 గంటల పాటు మోటార్లు నడిపి రిజర్వాయర్‌లను నింపాలని ఇరిగేషన్‌ అధికారులను ఆదేశించారు. నంగునూరు మండలంలోని నర్మెట గ్రామ శివారులోని ఆయిల్‌పామ్‌ ఫ్యాక్టరీకి గోదావరి జలాలు అంది నీటి కొరత తీరిందన్నారు. క్రీడలతో ఆరోగ్యవంతమైన సమాజం క్రీడలతో ఆరోగ్యవంతమైన సమాజ నిర్మాణం సాధ్యమవుతుందని మాజీమంత్రి ఎమ్మెల్యే హరీశ్‌రావు అన్నారు. జిల్లా కేంద్రంలోని వ్యాసమహర్షి యోగా అసోసియేషన్‌ కార్యాలయంలో వ్యాయామ విద్య ఉపాధ్యాయ సంఘం (పేట) జిల్లా శాఖ ఆధ్వర్యంలో వ్యాయామ విద్య ఉపాధ్యాయ పురస్కారాల కార్యక్రమంలో హరీశ్‌రావు పాల్గొన్నారు. జిల్లాలో క్రీడలు, వ్యాయామ విద్యాభివృద్ధికి కృషి చేస్తున్న 16 మంది వ్యాయామ విద్య ఉపాధ్యాయులను సన్మానించి పురస్కారాలు అందించారు. అనంతరం హరీశ్‌రావు మాట్లాడుతూ..సిద్దిపేటలో క్రికెట్‌ స్టేడియం, స్విమ్మింగ్‌ పూల్‌, అథ్లెటిక్స్‌ ట్రాక్‌, షటిల్‌ బ్యాడ్మింటన్‌ తదితర క్రీడా మౌలిక వసతుల అభివృద్ధికి చర్యలు తీసుకున్నామన్నారు. కార్యక్రమంలో మండల విద్యాధికారి ప్రభాకర్‌రెడ్డి, జిల్లా అధ్యక్షుడు తోట సతీశ్‌ తదితరులు పాల్గొన్నారు.

సోమవారం శ్రీ 28 శ్రీ సెప్టెంబర్‌ శ్రీ 2026● దుబ్బాకలో మిన్నంటిన వినాయక నిమజ్జనం ● కళ్లు చెదిరే లైటింగ్‌.. ఆకట్టుకున్న నృత్యాలుదుబ్బాకటౌన్‌: దుబ్బాక పట్టణంలో వినాయక నిమజ్జన శోభయాత్ర అంగరంగ వైభవంగా సాగింది. శనివారం రాత్రి ప్రారంభమైన శోభయాత్ర ఆదివారం సాయంత్రంతో ప్రశాంతంగా ముగిసింది. వినాయక నిమజ్జనంలో జిల్లాలో దుబ్బాక ప్రతీ ఏటా ప్రత్యేకతను సంతరించుకుంటోంది. ఆకట్టుకున్న వేషధారణ బీఆర్‌ఎస్‌ రాష్ట్ర నాయకురాలు కత్తి కార్తీక ఆధ్వర్యంలో నిర్వహించిన నిమజ్జన శోభయాత్రలో వేషధారణలు ఆకట్టుకున్నాయి. అలాగే పలు వినాయక మండపాల వద్ద వేసిన లైటింగ్‌, డీజే సెటప్‌ యువతీ యువకులను ఆకర్షించింది. అవాంఛనీయ ఘటనలు జరగకుండా ఏసీపీ రవీందర్‌రెడ్డి ఆధ్వర్యంలో సుమారు 200 మంది పోలీసులతో పటిష్ట బందోబస్తు నిర్వహించారు.

హుస్నాబాద్‌రూరల్‌/వర్గల్‌(గజ్వేల్‌): గ్రామీణ మహిళలను అక్షరాస్యులను చేయడానికి సెర్ప్‌ ఆధ్వర్యంలో అమ్మకు అక్షరమాల కార్యక్రమంలో ఆదివారం నిర్వహించిన పరీక్షకు 526 మంది మహిళలు హాజరయ్యారు. ఈ మేరకు ఏపీఎం తిరుపతి విలేకరులకు వెల్లడించారు. ఈ సందర్భంగా ఆయన మాట్లాడుతూ.. అక్షరం నేర్చుకొంటే ఆర్థిక ప్రగతి సాధ్యమవుతుందన్నారు. ఇంట్లో చదువుకున్న పిల్లలు అమ్మకు అక్షరాలు నేర్పించే బాధ్యతను తీసుకోవాలని చెప్పారు. మార్చిలో నిర్వహించిన పరీక్షల్లో 600 మంది మహిళలు పాల్గొని పరీక్షలు రాశారు. రెండవ విడత 526 మంది పరీక్షలు హాజరయ్యారు. వ్యవసాయ పనులు ఉన్నప్పటికీ మహిళలు ఉత్సాహంతో పరీక్షలకు హాజరై అందరినీ ఆశ్చర్యపరిచారు. ఉల్లాస్‌ పరీక్ష కేంద్రాల పరిశీలన వర్గల్‌, గౌరారం గ్రామాలను ఆదివారం ఎన్‌సీఈఆర్‌టీ అధికారి(సీనియర్‌ కన్సల్టెంట్‌) యాచనా గుప్తా సందర్శించారు. ఆయా గ్రామాల్లో స్వయం సహాయక సంఘ మహిళలకు నిర్వహిస్తున్న ‘ఉల్లాస్‌’పరీక్ష కేంద్రాలను పరిశీలించారు. పరీక్షకు హాజరైన మహిళలతో మాట్లాడారు. అంతకు ముందు వర్గల్‌ క్షేత్రం సందర్శించి అమ్మవారికి పూజలు నిర్వహించారు. తీర్థప్రసాదాలు స్వీకరించారు.

పట్నం వేసి మొక్కులు తీర్చుకున్న భక్తులుకొమురవెల్లి(సిద్దిపేట): కొమురవెల్లి మల్లన్న ఆలయంలో ఆదివారం భక్తులు సందడి చేశారు. భక్తుల రాకతో ఆలయ పరిసరాలు స్వామి వారి నామస్మరణతో మార్మోగాయి. ఉదయమే క్షేత్రానికి చేరుకున్న భక్తులు అభిషేకాలు, నిత్యకల్యాణం,ప్రత్యేకపూజలు, గంగిరేణు చెట్టుకు ముడుపులు కట్టి మొక్కులు చెల్లించుకున్నారు. కొంతమంది భక్తులు గంగిరేణు చెట్టు ప్రాంగణంలో పట్నాలు వేసి మొక్కులు చెల్లించారు. భక్తులకు కావల్సిన ఏర్పాట్లను ఆలయ ఈఓ సుధాకర్‌రెడ్డి, ఏఈవో బుద్ది శ్రీనివాస్‌,పర్యవేక్షకులు చంద్రశేఖర్‌, ఆలయ ప్రధానార్చకులు మహదేవుని మల్లికార్జున్‌లు పర్యవేక్షించారు.

మున్సిపాలిటీలో ఫాగింగ్‌ చేయక నెలలు గడుస్తున్నాయి. దీనివల్ల దోమలు పెరిగిపోయాయి. దీనివల్ల జ్వరాలు వస్తున్నాయి. ఇప్పటికై నా ఫాగింగ్‌పై అధికారులు దృష్టి పెట్టాలి. –సల్ల శ్రీనివాస్‌, ప్రజ్ఞాపూర్‌ ప్రజారోగ్యంపై ప్రత్యేక శ్రద్ధ మున్సిపాలిటీలో ప్రజారోగ్యంపై ప్రత్యేక శ్రద్ధ పెడతాం. త్వరలోనే కొత్త ఫాగింగ్‌ యంత్రం కొనుగోలు చేసి నిరంతరం ఫాగింగ్‌ జరిగేలా చూస్తాం. –గణేశ్‌రెడ్డి, గజ్వేల్‌–ప్రజ్ఞాపూర్‌, మున్సిపల్‌ కమిషనర్‌

మాజీ ఎమ్మెల్యే తూంకుంట నర్సారెడ్డి కొండపాక(గజ్వేల్‌): సంక్షేమ పథకాలు ప్రజల్లోకి తీసుకెళ్తూ కాంగ్రెస్‌ పార్టీని బలోపేతం చేయాలని గజ్వేల్‌ మాజీ ఎమ్మెల్యే తూంకుంట నర్సారెడ్డి పిలుపునిచ్చారు. కుకునూరుపల్లిలోని ఓ ప్రైవేటు ఫంక్షన్‌ హాల్లో ఆదివారం కాంగ్రెస్‌ పార్టీ కార్యకర్తల సమావేశాన్ని నిర్వహించారు. ఈ సందర్భంగా నర్సారెడ్డి మాట్లాడుతూ...పేదల కోసం అనేక సంక్షేమ పథకాలను ప్రభుత్వం అమలు చేస్తుందన్నారు. సంక్షేమ పథకాలను ప్రజల్లోకి తీసుకెళ్లాల్సిన అవసరం ఎంతైనా ఉందన్నారు. గత బీఆర్‌ఎస్‌ హయాంలో పార్టీ నాయకుల కనుసన్నల్లో డబుల్‌ బెడ్రూంలు ఇళ్లు మంజూరయ్యాయని ఆరోపించారు. కాంగ్రెస్‌ ప్రభుత్వం మాత్రం అర్హులైన వారందరికీ పార్టీలకతీతంగా ఇందిరమ్మ పథకంలో ఇళ్ల నిర్మాణాలు మంజూరు చేస్తుందన్నారు. అధికారం కోల్పోవడంతో బీఆర్‌ఎస్‌ నాయకులు మతిభ్రమించి ప్రభుత్వాన్ని బద్నాం చేసేలా వ్యవహరిస్తున్న తీరును ప్రజలు గమనిస్తున్నారన్నారు.

గజ్వేల్‌: జిల్లాలో సిద్దిపేట తర్వాత రెండో ప్రధాన మున్సిపాలిటీ గజ్వేల్‌–ప్రజ్ఞాపూర్‌లో ప్రజారోగ్యంపై శ్రద్ధ కరువైంది. ఫాగింగ్‌, బ్లీచింగ్‌ చేయకపోవడంతో ప్రజలు తీవ్ర ఇబ్బందులు పడుతున్నారు. గతంలో ఉన్న ఫాగింగ్‌ యంత్రం పనిచేయడం లేదు. దీని స్థానంలో కొత్తది వెంటనే కొనుగోలు చేసి దోమల నియంత్రణ చర్యలు చేపట్టాలనే ఆలోచన యంత్రాంగానికి లేకపోవడం ఆందోళన కలిగిస్తోంది. మరోవైపు మురుగు కాల్వల్లో బ్లీచింగ్‌ చర్యలు కరువయ్యాయి. అభివృద్ధికి నమునాగా ఊదరగొట్టిన గజ్వేల్‌–ప్రజ్ఞాపూర్‌ మున్సిపాలిటీ నేడు కనీస వసతుల్లేక అల్లాడుతోంది. పెరుగుతున్న ప్రజల అవసరాలకనుగుణంగా మున్సిపాలిటీ సేవలు అందటం లేదు. ప్రత్యేకించి పారిశుద్ధ్య నిర్వహణ తీరుపై విమర్శలు వెల్లువెత్తుతున్నాయి. ఇళ్ల మధ్య పొదలతో దోమల వ్యాప్తి పట్టణంలోని పలు కాలనీల్లో ఇళ్ల మధ్యన ఉన్న ఖాళీ స్థలాల్లో పొదలు అల్లుకుపోయి దోమల వ్యాప్తి పెరిగిపోతోంది. ఏళ్ల తరబడి సదరు ప్లాట్ల యజమానులు పొదలు తొలగించకపోవడం, మున్సిపాలిటీ వైపు నుంచి తగు ఆదేశాలివ్వకపోడం పరిస్థితి అధ్వానంగా మారింది. పట్టణంలోని లక్ష్మీప్రసన్ననగర్‌ కాలనీ, పలు కొత్త కాలనీల్లో ఈ పరిస్థితి ఎక్కువగా కనిపిస్తోంది. ఫలితంగా జనం వ్యాధుల బారిన పడటం సర్వసాధారణంగా మారుతోంది. మూలకుపడ్డ ఫాగింగ్‌ యంత్రం దోమల నియంత్రణకు ఉపయోగించే ఫాగింగ్‌ యంత్రం గత కొన్ని నెలల కిత్రం మూలన పడింది. రిపేర్‌ చేసినా బాగుపడే పరిస్థితి లేదని మున్సిపాలిటీ అధికారులు చెబుతున్నారు. ఈ యంత్రం లేక నెలల తరబడి ఫాగింగ్‌ జరగటం లేదు. దీంతో దోమల నియంత్రణ సక్రమంగా సాగటం లేదు. కొత్త యంత్రం కొనుగోలు చేసి ప్రజల ఇబ్బందులను తీర్చాలనే ఆలోచన మున్సిపల్‌ పాలకవర్గానికి, అధికారులకు లేకుండాపోయింది. పట్టణంలో అండర్‌గ్రౌండ్‌ డ్రైనేజీ వ్యవస్థ లేని చోట ఓపెన్‌ డ్రైనేజీలు ధ్వంసమై...మురుగునీరు రోడ్ల పక్కన, వీధు ల్లో పారుతోంది. ఈ ప్రాంతాల్లో బ్లీచింగ్‌ చర్యలు కరువయ్యాయి. ఫలితంగా ప్రజలు ముక్కుపుటలదిరే దుర్గంధం మధ్యనే కాలం గడుపుతున్నారు. చెత్త సేకరణలో శాసీ్త్రయత ఏదీ? పట్టణంలో నిత్యం ఉత్పత్తి అవుతున్న చెత్త 18 మెట్రిక్‌ టన్నుల పైనే. ఇక్కడ 162మంది పారిశుద్ధ్య సిబ్బంది ఉన్నారు. నిజానికి మరో 50మందికిపైగా సిబ్బంది అవసరముంటారు. ఇక్కడ 30 వరకు చెత్త సేకరణ వాహనాలు ఉండగా, మరో పది వాహనాలు అవసరమున్నాయి. తడి, పొడి చెత్త వేరు చేసే కార్యక్రమం మొక్కుబడి సాగుతోంది. డంపింగ్‌ యార్డు నిర్వహణ అధ్వానంగా మారింది.

దుబ్బాక చేనేత సహకారసంఘం చైర్మన్‌ మధు దుబ్బాక: తరాలుగా నమ్ముకున్న కులవృత్తిపై ఆధారపడ్డ చేనేత కార్మికులందరికీ ప్రభుత్వం ఫించన్లు ఇవ్వాలని దుబ్బాక చేనేత సహకార సంఘం చైర్మన్‌ అంకం మధు డిమాండ్‌ చేశారు. ప్రభుత్వం ఆధ్వర్యంలో ఆదివారం హైదరాబాద్‌ రవీంద్రభారతిలో నిర్వహించిన కొండా లక్ష్మణ్‌ బాపూజీ జయంతి కార్యక్రమానికి దుబ్బాక నుంచి భారీగా చేనేత కార్మికులు తరలివెళ్లారు. ఈ సందర్భంగా ఆయన మాట్లాడుతూ..చేనేత కార్మికులకు ఫించన్లు ఇవ్వాలని మంత్రులు వివేక్‌, పొన్నం ప్రభాకర్‌ను కోరామన్నారు. మంత్రులు సైతం ఫించన్లు ఇచ్చేందుకు సానుకూలంగా స్పందించారని తెలిపారు. కార్యక్రమంలో చేనేత సొసైటీ పాలకమండలి సభ్యులు గురుచరణ్‌,చందు తదితరులున్నారు. చేనేత కార్మికుల అభ్యున్నతికి కృషిసిద్దిపేటజోన్‌: చేనేత కార్మికుల సంక్షేమం, అభ్యున్నతికి కొండా లక్ష్మణ్‌ బాపూజీ కృషి చేసినట్లు తెలంగాణ రాష్ట్ర పద్మశాలీ చేనేత కార్మిక సంఘం అధ్యక్షుడు సత్యనారాయణ అన్నారు. జిల్లా కేంద్రంలో కొండా లక్ష్మణ్‌ బాపూజీ జయంతి వేడుకలను ఆదివారం ఘనంగా నిర్వహించారు. ఈ సందర్భంగా ఆయన మాట్లాడుతూ..కొండా లక్ష్మణ్‌ జీవితం స్ఫూర్తిదాయకమన్నారు. చేనేత కార్మికులకు సంక్షేమ పథకాలను అమలు చేయాలని కోరారు. అర్హులైన వారందరికీ పింఛన్లు మంజూరు చేయాలని, ఇందిరమ్మ ఇళ్లు ఇవ్వాలన్నారు. కార్యక్రమంలో విఠల్‌, విష్ణు పాల్గొన్నారు. జీఓ 25 రద్దు చేయాలిటీపీటీఎఫ్‌ రాష్ట్ర కౌన్సిలర్‌ జానకి రాములు చిన్నకోడూరు(సిద్దిపేట): ప్రాథమిక పాఠశాలల్లో సెకండరీ గ్రేడ్‌ ఉపాధ్యాయులపై పనిఒత్తిడి పెంచే జీఓ 25ను రద్దు చేయాలని టీపీటీఎఫ్‌ రాష్ట్ర కౌన్సిలర్‌ జానకి రాములు డిమాండ్‌ చేశారు. ఆదివారం నిర్వహించిన టీపీటీఎఫ్‌ మండల సమావేశంలో ఆయన పాల్గొని మాట్లాడారు. ప్రాథమిక పాఠశాలల్లో ప్రతీ తరగతికి ఒక టీచర్‌ను కేటాయించాలన్నారు. ఉపాధ్యాయులకు బోధనేతర పనుల నుంచి విముక్తి కల్పించి తరగతి గదికే అంకితం చేయాలని తెలిపారు. రూ.1.28 లక్షలు పలికిన గణపతి లడ్డూచేర్యాల(సిద్దిపేట): వినాయక నవరాత్రి ఉత్సవాల్లో భాగంగా నిర్వహించిన గణపతి లడ్డూ వేలంలో లడ్డూను రూ.1,28,101కు కాటం వెంకటేశ్‌ దక్కించుకున్నారు. స్థానిక ఏపీజీవీబీ బ్యాంక్‌ సమీపంలో సచిన్‌ స్పోర్ట్స్‌ క్లబ్‌ ఆధ్వర్యంలో ఏర్పాటు చేసిన వినాయక మండపం వద్ద ఆదివారం లడ్డూకు నిర్వహించిన వేలంపాటలో భక్తులు, స్థానికులు ఉత్సాహంగా పాల్గొనగా తీవ్ర పోటీ నెలకొంది. చివరకు పట్టణ కేంద్రానికి చెందిన కాటం వెంకటేశ్‌ తన కుమారుడు కాటం దేవాన్ష్‌ పేరిట వేలం పాడి లడ్డూ దక్కించుకున్నారు.

కథనాలు.. 8లో.. మట్టిలో మాణిక్యాలుగర్వంగా ఉంది ఇద్దరూ కూతుళ్లు పుట్టారని ఎన్నడూ బాధపడలేదు. మేము చదువుకోకున్నా పిల్లలను చక్కగా చదివించేందుకు వ్యవసాయం చేస్తూ ఎంతో కష్టపడ్డాం. మేము కన్న కలలను నిజం చేసిన కూతుళ్లను చూసి గర్వ పడుతున్నాం. –విజయేందర్‌రెడ్డి, తండ్రి, పాలమాకులనంగునూరు(సిద్దిపేట): వ్యవసాయ కుటుంబంలో పుట్టిన అక్కా చెల్లెళ్లు మట్టిలో మాణిక్యాలుగా నిలిచారు. తాము పెద్దగా చదువుకోకున్నా తమ పిల్లల భవిష్యత్తును చక్కగా తీర్చిదిద్దాలని వారి తల్లిదండ్రుల కలల్ని నిజం చేశారు. రిటైర్డు హెచ్‌ఎంగా పని చేసిన తాతయ్యను స్ఫూర్తిగా తీసుకుని అక్క అమెరికాలో ఉద్యోగం చేస్తుండగా..చెల్లి ఎంబీబీఎస్‌ పూర్తి చేసి నీట్‌లో మంచి ర్యాంక్‌ సాధించి ఆదర్శంగా నిలిచింది. సిద్దిపేట జిల్లా నంగునూరు మండలం పాలమాకులకు చెందిన ఎల్లంకి విజయేందర్‌రెడ్డి, రజినీకి ఇద్దరు కూతుళ్లు. తనకున్న 4.30 ఎకరాల భూమితో పాటు తన తల్లిదండ్రుల భూమి కలిపి వ్యవసాయం చేస్తూ ఇద్దరు కూతుళ్లను చదివించారు. పెద్ద కూతురు శ్రీలక్ష్మి బీఫార్మసీ చేసి అమెరికా వెళ్లి ఎమ్‌ఎస్‌ పూర్తి చేసి అలబామాలో ఉద్యోగం చేస్తోంది. చిన్న కూతురు శ్రీప్రియ కాకతీయ మెడికల్‌ కాలేజీలో ఎంబీబీఎస్‌ పూర్తి చేసింది. నీట్‌పీజీ పరీక్షలో 10,109 ర్యాంక్‌ సాధించింది. రాష్ట్ర ర్యాంక్‌ ప్రకటిస్తే తెలంగాణలో సీటు వచ్చే అవకాశముందని, కార్డియాలజిస్ట్‌ కావాలని ఉందని శ్రీప్రియ చెప్పారు.

గణితంలో ముందంజ..బేస్‌లైన్‌–2026లో రాష్ట్రంలో జిల్లాకు 11వ స్థానం తెలుగు చదవడం కంటే రాయడంలో ముందు జిల్లావ్యాప్తంగా ప్రాథమిక పాఠశాలు 674 ఉండగా ఇందులో 29,372 విద్యార్థులు చదువుతున్నారు. ఈ బేస్‌లైన్‌ టెస్ట్‌కు 19,209(65.4%) మంది హాజరయ్యారు. ప్రతీ ఏటా విద్యాశాఖ ఎఫ్‌ఎల్‌ఎన్‌(ఫండమెంటల్‌ లిటరసీ న్యూమరసీ) కార్యక్రమం కింద విద్యార్థుల సామర్థ్యాలను అంచనా వేసి వారి నైపుణ్యాల మెరుగుకు చర్యలు తీసుకుంటోంది. తొలుత ఆగస్టులో బేస్‌లైన్‌, నవంబర్‌లో మిడ్‌లైన్‌, మార్చిలో ఎండ్‌లైన్‌ పరీక్షలు నిర్వహిస్తున్నారు. బోధించే ఉపాధ్యాయులే పరీక్షలు నిర్వహించి వారే ట్యాబ్‌లో ఫలితాలు నమోదు చేస్తున్నారు. విద్యార్థులకు తెలుగు, ఇంగ్లిషు రాయడం, చదవడం, గణితంలో కూడికలు, తీసివేతలు చేయడంపై పరీక్షలు నిర్వహించారు. ఫలితాల్లో విద్యార్థులు కనీసం ప్రమాణాలు అందుకోలేకపోతున్నారని తెలుస్తోంది. ఇంగ్లిషుతో పోలిస్తే తెలుగు చదవడం, రాయడంలో వెనుకబడి ఉన్నారు. గణితంలో ఎక్కువగా కూడికలు చేస్తుండగా తీసివేతల్లో తక్కువ ప్రతిభ కనబర్చారు. తెలుగులో చదవడం కంటే రాయడంలో ముందు వరుసలో ఉన్నారు. జిల్లావ్యాప్తంగా ప్రభుత్వ ప్రాథమిక పాఠశాలల్లో దాదాపు 632 మంది ఉపాధ్యాయులు కొరత ఉన్నారు. ఏకోపాధ్యాయ పాఠశాలల దృష్ట్యా విద్యార్థుల సామర్థ్యాలు మెరుగుపడటం లేదని పలువురు అభిప్రాయపడుతున్నారు. ఒకే చోట ఐదు తరగతులకు బోధన చేయడం ఇబ్బందికరంగా మారిందనే మాట ఉపాధ్యాయుల నోట వినిపిస్తోంది. ఇది ఫలితాలపై ప్రభావం చూపుతుందని అంటున్నారు. ఈ మూడు రకాల అంచనాల ద్వారా పురోగతిని పరిశీలించనున్నారు. వార్షిక పరీక్షల నాటికి విద్యార్థులను తరగతి స్థాయికి తీసుకురావడం, కనీస సామర్థ్యాల పెంపు లక్ష్యంగా కార్యాచరణ రూపొందించారు. మీ ప్రాంతాల్లోని పాఠశాలలో విద్యార్థులు ఎలా చదువుతున్నారని ఉపాధ్యాయులను అడిగితే మంచిగానే చదువుతున్నారు అంటారు. కానీ అదంతా నిజం కాదని బేస్‌లైన్‌ టెస్ట్‌ల్లో వెల్లడైంది. విద్యార్థుల అభ్యాసన సామర్థ్యాలు అంచనావేసేలా ఆగస్టులో నిర్వహించిన బేస్‌లైన్‌ పరీక్ష ఫలితాలను విద్యాశాఖ తాజాగా విడుదల చేసింది. ఈ ఫలితాల్లో జిల్లాకు రాష్ట్రస్థాయిలో 11వ స్థానానికి పరిమితమైంది. విచిత్రమేటంటే మాతృభాష తెలుగులో విద్యార్థులు వెనుకబడగా కఠినంగా భావించే గణితంలో మాత్రం ముందంజలో ఉన్నారు. – సాక్షి, సిద్దిపేట మరింత మెరుగు పడేందుకు కృషి చేస్తాం విద్యార్థుల సామర్థ్యాలు మరింత మెరుగుపడే విధంగా కృషి చేస్తాం. త్వరలో జరిగే మిడ్‌లైన్‌ టెస్ట్‌లో రాష్ట్రంలోనే మొదటిస్థానం నిలిచేందుకు ప్రణాళికతో ముందుకు సాగుతాం. – రమేశ్‌, ఇన్‌చార్జి, డీఈఓ

జిల్లా న్యాయసేవాధికార సంస్థ చైర్మన్‌, జిల్లా ప్రధాన న్యాయమూర్తి సుదర్శన్‌ సిద్దిపేటకమాన్‌: అర్హులైన ప్రతీ వ్యక్తికి ఉచిత న్యాయ సహాయం అందేలా ప్యానల్‌ లాయర్లు బాధ్యతాయుతంగా పనిచేయాలని జిల్లా న్యాయసేవాధికార సంస్థ చైర్మన్‌, జిల్లా ప్రధాన న్యాయమూర్తి సుదర్శన్‌ పేర్కొన్నారు. సిద్దిపేట కోర్టు కాంప్లెక్స్‌లో జిల్లా లీగల్‌ సర్వీసెస్‌ అథారిటీ ఆధ్వర్యంలో ప్యానల్‌ లాయర్లు, జైలు విజిటింగ్‌ లాయర్లకు శనివారం ఓరియంటేషన్‌ కార్యక్రమం నిర్వహించారు. ఈ సందర్భంగా జిల్లా ప్రధాన న్యాయమూర్తి మాట్లాడుతూ..న్యాయ సహాయం అవసరమైన పేదలు, బలహీన వర్గాలు, మహిళలు, పిల్లలు, ఖైదీలకు న్యాయసేవలు సమర్థవంతంగా అందించడంతో న్యాయవాదులపాత్ర ఎంతో ముఖ్యమన్నారు. జైలు విజిటింగ్‌ లాయర్లు జైళ్లను సందర్శించి, ఖైదీల న్యాయపరమైన సమస్యలు తెలుసుకుని వారికి బెయిల్‌, అప్పీల్‌, తదితర న్యాయపరమైన అవకాశాలపై అవగాహన కల్పించాలన్నారు. కార్యక్రమంలో న్యాయమూర్తులు జయప్రసాద్‌, సౌజన్య, ప్యానల్‌ లాయర్లు, జైలు విజిటింగ్‌ లాయర్లు పాల్గొన్నారు. స్పెషల్‌ లోక్‌ అదాలత్‌లో 8 బ్యాంకు కేసుల పరిష్కారం జిల్లా లీగల్‌ సర్వీసెస్‌ అథారిటీ ఆధ్వర్యంలో సిద్దిపేట జిల్లా కోర్టులో శనివారం స్పెషల్‌ లోక్‌ అదాలత్‌ నిర్వహించారు. స్పెషల్‌ లోక్‌ అదాలత్‌లో జిల్లాలోని వివిధ బ్యాంకుల నుంచి మొత్తం 8 కేసుల్లో రూ.11,94,000 పరిష్కరించినట్లు అధికారులు పేర్కొన్నారు.

● రాష్ట్ర మంత్రులు పొన్నం ప్రభాకర్‌, వాకిటి శ్రీహరి ● సిద్దిపేటలో చిట్యాల ఐలమ్మ విగ్రహానికి ఘన నివాళులు సిద్దిపేటకమాన్‌: తెలంగాణ చరిత్రలో ఐలమ్మ ఒక గొప్ప పోరాట యోధురాలిగా నిలిచారని రాష్ట్ర రవాణ, బీసీ సంక్షేమ శాఖ మంత్రి పొన్నం ప్రభాకర్‌ అన్నారు. వీరనారి ఐలమ్మ 131వ జయంతిని పురస్కరించుకుని సిద్దిపేట పట్టణంలో చాకలి ఐలమ్మ విగ్రహానికి రవాణ, బీసీ సంక్షేమ శాఖ మంత్రి పొన్నం ప్రభాకర్‌, మత్య్య పశు సంవర్థక, క్రీడల శాఖ మంత్రి వాకిటి శ్రీహరి శనివారం పూలమాలలు వేసి నివాళులర్పించారు. ఈ సందర్భంగా ఏర్పాటు చేసిన సమావేశంలో మంత్రి పొన్నం ప్రభాకర్‌ మాట్లాడుతూ..ఐలమ్మ జయంతి సందర్భంగా అందరం ఘన నివాళులర్పిస్తూ వారి పోరాటస్ఫూర్తిని మరోసారి జ్ఞాపకం చేసుకుని ముందుకు నడవాల్సిన రోజున్నారు. మహనీయుల విగ్రహాలను ఏర్పాటు చేసుకోవడం ద్వారా వారి పోరాటస్ఫూర్తిని భవిష్యత్‌ తరాలకు తెలియజేస్తుందన్నారు. దొడ్డి కొమురయ్య, సర్వాయి పాపన్న, కొమురంభీమ్‌, రావి నారాయణరెడ్డి వంటి అనేకమంది యోధులు ప్రజల హక్కుల కోసం, ఆనాటి సామాజిక అన్యాయాలకు వ్యతిరేకంగా పోరాడారన్నారు. వారి పోరాటాల ఫలితంగానే నేడు మనం ప్రజాస్వామ్య హక్కులను అనుభవిస్తున్నామన్నారు. ఐలమ్మ పోరాట స్ఫూర్తితో నేటి యువత కూడా సమాజంలో వెనుకబడిన వర్గాలకు న్యాయం జరిగేలా ముందుకు రావాలన్నారు. రాష్ట్రంలో గొర్రెలు, మేకలు, పశువుల విషయాలపై ప్రభుత్వ శాఖల వద్ద లెక్కలు ఉన్నాయని, కానీ మన సమాజంలో ఎంతమంది ఏ వర్గానికి చెందినవారు ఉన్నారు అనే కుల జనాభా లెక్కలు మాత్రం మనకు స్పష్టంగా తెలియని పరిస్థితి ఉందన్నారు. దేశవ్యాప్తంగా కుల జనాభా లెక్కలు నిర్వహించాలనే డిమాండ్‌తో ఉద్యమం కొనసాగుతుందన్నారు. కేంద్రం ప్రభుత్వం చేపడుతున్న జనగణనలో కులాల వారీగా జనాభాను తెలుసుకునే అవకాశం కల్పించాలన్నారు. ఐలమ్మ పోరాట స్ఫూర్తితో సిద్దిపేట జిల్లా గల్లీ నుంచి ఢిల్లీ వరకు మన హక్కుల కోసం ప్రజాస్వామ్య పద్ధతిలో పోరాటం కొనసాగించాలన్నారు. తెలంగాణ ప్రభుత్వం బీసీలకు 42%రిజర్వేషన్లు కల్పించే దిశగా కులగణన చేసిందన్నారు. 50% రిజర్వేషన్‌ పరిమితి, న్యాయపరమైన అంశాల నేపథ్యంలో సమస్యలు ఎదురవుతున్నాయన్నారు. ఈ సమస్యలను అధిగమించాలంటే కచ్చితమైన, ప్రామాణికమైన, కులాల వారీగా జనాభా లెక్కలు అవసరమన్నారు. దేశవ్యాప్తంగా జరుగుతున్న జనగణనలో కులాల వారీగా జనాభా వివరాలను సేకరించేందుకు ప్రత్యేక అవకాశం కల్పించాలని కేంద్ర ప్రభుత్వాన్ని డిమాండ్‌ చేస్తున్నామన్నారు. మంత్రి వాకిటి శ్రీహరి మాట్లాడుతూ..భూమి కోసం, భుక్తి కోసం, వెట్టి చాకిరి విముక్తి కోసం పోరాడిన గొప్ప నాయకురాలు చాకలి ఐలమ్మ అన్నారు. ఆమె స్ఫూర్తిని తెలంగాణ ఉద్యమంలో గొప్పగా వాడుకున్నామన్నారు. కార్యక్రమంలో ఎమ్మెల్యే కవ్వంపల్లి సత్యనారాయణ, కలెక్టర్‌ హైమావతి, సీపీ రష్మీ పెరుమాళ్‌, అడిషనల్‌ డీసీపీ కుశాల్కర్‌, ఆర్డీఓ, తహాశీల్దార్‌, ఏసీపీ రవిందర్‌రెడ్డి, కార్పొరేషన్‌ చైర్లన్లు సరితా తిరుపతయ్య, జ్ఞానేశ్వర్‌, చరణ్‌కౌశిక్‌ తదితరులు పాల్గొన్నారు.

చిన్నకోడూరు(సిద్దిపేట): చిన్నకోడూరు మండలం రంగనాయక సాగర్‌ రిజర్వాయర్‌లోకి శనివారం నీటి పంపింగ్‌ను ఇరిగేషన్‌ అధికారులు ప్రారంభించారు. ఇరిగేషన్‌ ఎస్‌ఈ సుధాకిరణ్‌, ఈఈ శంకర్‌, డీఈ మంగారెడ్డి మూడు మోటార్లను ఆన్‌చేసి రంగనాయకసాగర్‌లోకి పంపింగ్‌ను ప్రారంభించారు. దీంతో సాగు నీటి ఇబ్బంది తీరునుందని అన్నదాతలు సంబురపడుతున్నారు. రంగనాయక సాగర్‌ జలాశయం అన్నదాతల వెతలు తీర్చేందుకు ఎంతగానో దోహదపడుతుంది. రిజర్వాయర్‌ నుంచి కుడి, ఎడమ కాలువల ద్వారా సిద్దిపేట నియోజకవర్గంతోపాటు సిరిసిల్ల జిల్లాలోని చెరువులు, కుంటలకు తద్వారా పంట పొలాలకు నీరందిస్తారు. ప్రస్తుతం రిజర్వాయర్‌లో 0.95 టీఎంసీల నీరు మాత్రమే ఉంది. మరో 1 టీఎంసీ నీటిని రిజర్వాయర్‌లో నింపడానికి అధికారులు సిద్ధం చేశారు.

జిల్లా గ్రంథాలయ సంస్థ చైర్మన్‌ చంద్రం దుబ్బాకటౌన్‌: జిల్లాలోని గ్రంథాలయాలభివృద్ధికి కృషి చేస్తానని జిల్లా గ్రంథాలయ ఛైర్మన్‌ దరిపల్లి చంద్రం తెలిపారు. సిద్దిపేట జిల్లా దౌల్తాబాద్‌ మండల కేంద్రంలోని గ్రంథాలయాన్ని శనివారం ఆయన సందర్శించారు. ఈ సందర్భంగా గ్రంథాలయంలోని పుస్తకాలు, పాఠకులకు అందుతున్న సౌకర్యాలను పరిశీలించారు. జిల్లావ్యాప్తంగా గ్రంథాలయాల అభివృద్ధికి ప్రభుత్వం కట్టుబడి ఉందన్నారు. మండల ప్రజలకు మరింత మెరుగైన గ్రంథాలయ సేవలు అందించేందుకు ప్రత్యేక గ్రంథాలయ భవనం నిర్మాణానికి కృషి చేస్తానని తెలిపారు. గ్రంథాలయానికి అవసరమైన మౌలిక వసతులు, పుస్తకాలు మరియు ఇతర సౌకర్యాలపై చర్చించారు. కార్యక్రమంలో దౌల్తాబాద్‌ సర్పంచ్‌ అనురాధ ఉప సర్పంచ్‌, బాలకృష్ణ, ఏఈ షఫీ, గ్రంథాలయ సిబ్బంది పాల్గొన్నారు. పల్లెలు ప్రగతిలో వికసించాలిహుస్నాబాద్‌రూరల్‌: పల్లెలను ప్రగతిలో వికసింప చేయడానికి సర్పంచ్‌లు, అధికారులు ప్రణాళికా బద్ధంగా కృషి చేయాలని అదనపు డీఆర్‌డీఓ శ్రీనివాస్‌ పేర్కొన్నారు. శనివారం హుస్నాబాద్‌ డీఐఓసీ సముదాయ సమావేశం మందిరంలో ఆరు మండలాల సర్పంచ్‌లు, కార్యదర్శులు, అధికారులకు వికసిత్‌ గ్రామ పంచాయతీ ప్రణాళికలపై అవగాహన కల్పించారు. ఈ సందర్భంగా అదనపు డీఆర్‌డీఓ శ్రీనివాస్‌ మాట్లాడుతూ...వీబీజీ రాంజీ పథకంలో 318 పనులను ప్రభుత్వం కల్పిస్తుందన్నారు. మూడేళ్ల పనుల ప్రణాళికలను తయారు చేసుకుని పల్లెల ప్రగతిని వికసింపచేయాలని సూచించారు. పనుల గురించి గ్రామీణ రైతులకు తెలియ చేసి ఎక్కువ వ్యవసాయ రంగ అభివృద్ధి పనులు చేపట్టాలన్నారు. సమావేశంలో హుస్నాబాద్‌, కోహెడ, అక్కన్నపేట, మద్దూరు, ధూళ్మిట్ట, బెజ్జంకి మండలాల ఎంపీడీఓలు సురేశ్‌, మహిపాల్‌ రెడ్డి, జయరాం, ప్రవీణ, ఎంపీఓలు, పీఆర్‌ ఏఈలు, సర్పంచ్‌లు, కార్యదర్శులు పాల్గొన్నారు. మోదీ నాయకత్వంలో దేశం అభివృద్ధిహుస్నాబాద్‌: ప్రధాని నరేంద్ర మోదీ నాయకత్వంలో భారత్‌ మౌలిక వసతులు, సాంకేతికత, డిజిటల్‌, విద్య వంటి స్వావలంబన రంగాల్లో వేగంగా ముందుకు పోతుందని బీజేవైఎం రాష్ట్ర ప్రధాన కార్యదర్శి మల్క యశస్వి తెలిపారు. మోదీ 25 ఏళ్ల ప్రజా సేవా ప్రస్థానాన్ని పురస్కరించుకుని శనివారం ఆర్యవైశ్య భవన్‌లో పాఠశాలల విద్యార్థులకు ‘నా కలల భారత్‌ వికసిత్‌ భారత్‌ 2047’అనే అంశం పై చిత్ర లేఖనం, ఉపన్యాస పోటీలు నిర్వహించారు. ఈ సందర్భంగా యశస్వి మాట్లాడుతూ...వికసిత్‌ భారత్‌ 2047 లక్ష్య సాధనలో నేటి విద్యార్థుల ఆలోచనలు, సృజనాత్మకత, భాగస్వామ్యం ఎంతో కీలకమన్నారు. పోటీల అనంతరం విజేతలకు స్మారక చిహ్నాలు అందించి అభినందించారు. కార్యక్రమంలో జిల్లా బీజేపీ ప్రధాన కార్యదర్శి ఖమ్మం వెంకటేశం, కార్యదర్శి పృథ్వీ, నాయకులు తిరుమల, దొడ్డి శ్రీనివాస్‌, వేణుగోపాల్‌రావు పాల్గొన్నారు. మరమ్మతులు చేపడతాం దుబ్బాక: ‘నాణ్యత తేలిపోయింది..’ అనే శీర్షికన శుక్రవారం సాక్షిలో ప్రచురితమైన వార్తకు అధికారులు స్పందించారు. మూడు రోజుల్లో దుబ్బాక–ముస్తాబాద్‌ రోడ్డులోని బ్రిడ్జిపై మరమ్మతులు చేపడతామని శనివారం ఆర్‌అండ్‌బీ డీఈ శ్రీకాంత్‌ ‘సాక్షి’కి తెలిపారు. కాళేశ్వరం ప్రాజెక్టు ప్యాకేజీ–12 లో భాగంగా కొమురవెల్లి మల్లన్నసాగర్‌ రిజర్వాయర్‌ నుంచి నిర్మించిన ప్రధాన కాలువపై నిర్మించిన బ్రిడ్జిపై తేలిన ఇనుపచువ్వల విషయంపై సంబంధిత ఏజెన్సీకి వెంటనే మరమ్మతు పనులు చేపట్టాలని ఆదేశించామన్నారు. వారు మూడు రోజుల్లో పనులు ప్రారంభించి త్వరితగతిన పూర్తి చేస్తామని తెలిపారు.

సిద్దిపేటకమాన్‌: కేంద్ర ప్రభుత్వం తీసుకొచ్చిన యూపీఐ చార్జీల విధానాన్ని వెంటనే ఉపసంహరించుకోవాలని సీపీఐ జిల్లా కార్యవర్గ సభ్యుడు, ఏఐవైఎఫ్‌ నాయకుడు డిమాండ్‌ చేశారు. అఖిల భారత యువజన సమాఖ్య జిల్లా సమితి ఆధ్వర్యంలో యూపీఐ చార్జీలు ఉపసంహరించాలని డిమాండ్‌ చేస్తూ సిద్దిపేట మోడ్రన్‌ బస్టాండ్‌లో శనివారం సంతకాల సేకరణ కార్యక్రమాన్ని చేపట్టారు. ఈ సందర్భంగా వారు మాట్లాడుతూ..కేంద్ర ప్రభుత్వం ప్రకటించిన కొత్త రుసుం విధానం వల్ల భవిష్యత్‌లో చిన్న వ్యాపారులు, స్వయం ఉపాధి పొందుతున్న యువతపై పడే ఆర్థిక ప్రభావంపై స్పష్టమైన హామీ, పారదర్శకత అవసరమన్నారు. యూపీఐ చార్జీల బిల్లును తీసుకొస్తే చిరు వ్యాపారులు, సామాన్య ప్రజలపై భారంపడే ప్రమాదం పొంచి ఉందని ఆందోళన వ్యక్తం చేశారు.

మాజీ మంత్రి హరీశ్‌రావుసిద్దిపేటజోన్‌: సిద్దిపేట నియోజకవర్గ బాలిక జాతీయ స్థాయిలో గుర్తింపు పొందడం సంతోషంగా ఉందని, ఇదే స్ఫూర్తితో ముందుకు సాగి సిద్దిపేటకు మంచి పేరు తేవాలని మాజీ మంత్రి హరీశ్‌రావు ఆకాంక్షించారు. చైనాలో జరిగే సాఫ్ట్‌బాల్‌ పోటీలకు ఎంపికై న గట్ల మల్యాల పాఠశాల విద్యార్థిని బానోత్‌ ఈశ్వరి శనివారం ఎమ్మెల్యే క్యాంపు కార్యాలయంలో మర్యాదపూర్వకంగా మాజీ మంత్రి హరీశ్‌రావును కలిసింది. ఈ సందర్భంగా ఆయన ఈశ్వరిని ఘనంగా సన్మానించారు. మన దేశం తరఫున ఎంపిక కావడం ఆనందంగా ఉందన్నారు. చైనాకు వెళ్లేందుకు రవాణ ఖర్చుల కోసం గ్రామ ప్రజలు ఒక్కటై డబ్బులు పోగు చేయడం అభినందనీయమని, తనవంతు సాయంగా రూ.50వేలు ఆర్థిక సహాయం అందిస్తున్నట్లు పేర్కొన్నారు. సాఫ్ట్‌బాల్‌ పోటీలకు తెలంగాణ రాష్ట్రం నుంచి ఈశ్వరి మూడుసార్లు ఎంపిక కావడం గొప్ప విషయమన్నారు.

ఎంపీ రఘునందన్‌రావుచిన్నకోడూరు(సిద్దిపేట): కేంద్రంలోని బీజేపీ ప్రభుత్వం గ్రామీణ ప్రాంతాల అభివృద్ధికి అధిక ప్రాధాన్యతనిస్తోందని ఎంపీ రఘునందన్‌రావు తెలిపారు. మండల పరిధిలోని చంద్లాపూర్‌లో సర్పంచ్‌ శేఖర్‌ గౌడ్‌ ఆధ్వర్యంలో వివిధ పార్టీల నాయకులు శ్రీనివాస్‌గౌడ్‌, హరిబాబు, సాయిగౌడ్‌లతోపాటు వంద మంది ఎంపీ సమక్షంలో బీజేపీలో చేరారు. ఆయన మాట్లాడుతూ...15వ, 16వ ఆర్థిక సంఘం ద్వారా నేరుగా గ్రామ పంచాయితీలకు నిధులు కేటాయిస్తుందన్నారు. కేంద్ర ప్రభుత్వం అమలు చేస్తున్న పథకాలు ప్రజలకు వివరించి పార్టీని బలోపేతం చేయాలన్నారు. ప్రకృతితో మమేకం కావాలి పర్యాటక ప్రాంతాల సందర్శన అంటే మన సంస్కృతి సాంప్రదాయాలను తెలుసుకుంటూ ప్రకృతితో మమేకం కావడమని రఘునందన్‌రావు తెలిపారు. పర్యాటక శాఖ ఆధ్వర్యంలో మండల పరిధిలోని రంగనాయక సాగర్‌ వద్ద విద్యార్థులు, అధికారులు, కలెక్టర్‌ హైమావతితో కలిసి హెరిటేజ్‌ వాక్‌ నిర్వహించారు. పర్యాటక ప్రాంతాల సందర్శనతో ఆ ప్రాంతానికి సంబంధించిన చరిత్ర, సంస్కృతి సాంప్రదాయాలను తెలుసుకోవాలన్నారు. 175 దేశాల నుంచి టూరిస్టులు మన దేశానికి వస్తున్నారని తెలిపారు. కార్యక్రమంలో జిల్లా అదనపు కలెక్టర్‌ లక్ష్మీ కిరణ్‌, ఆర్డీఓ సదానందం, ట్రైనీ డిప్యూటీ కలెక్టర్‌ భవ్య, ఏఎంసీ చైర్మన్లు మీసం మహేందర్‌, దేవులపల్లి యాదగిరి, అధికారులు పాల్గొన్నారు.

హుస్నాబాద్‌: పచ్చని చెట్లు ప్రగతికి మెట్లు అనే నానుడితో గ్రామాలు, పట్టణాలు పచ్చదనం వెల్లివిరియాలనేది ప్రభుత్వ సంకల్పం. ఆ సంకల్పం రోజులు కూడా ఉండటం లేదు. మొక్కల లెక్క కాగితాలకే పరిమితమవుతున్నాయి. క్షేత్రస్థాయికి వెళితే మచ్చుకై నా మొక్కలు కనపడని పరిస్థితి. పట్టణాల్లో, గ్రామాల్లో ప్రత్యేకంగా నర్సరీలు ఏర్పాటు చేస్తున్నారు. వర్షాకాలంలో వచ్చిందంటే ఊరూరా మొక్కలు, ఇంటింటికీ మొక్కలు పంచుతూ పర్యావరణ పరిరక్షణకు నడుంబిగిస్తున్నారు. ఖాళీ ప్రదేశాల్లో, రహదారుల వెంబడి, ప్రభుత్వ పాఠశాలలు, కళాశాలల్లో మొక్కలు నాటుతున్నారు. లక్షల రూపాయలు వెచ్చించి మొక్కలు నాటుతున్నా, వాటిని సంరక్షించకపోవడంతో అనుకున్న లక్ష్యం నీరుగారుతున్న పరిస్థితి. 40 వేల మొక్కలు లక్ష్యం పట్టణంలో 40 వేల మొక్కలు నాటాలని అధికారులు నిర్దేశించారు. ఈ మొక్కలు బయటి ప్రాంతాల నుంచి తెచ్చేందుకు రూ.30 లక్షల టెండర్‌ను ఓ కాంట్రాక్టర్‌ దక్కించుకున్నాడు. ఈ నిధులతో మొక్కలు బయట నుంచి తేవడం, మొక్కలు నాటడం, రవాణా ఖర్చు, ట్రీగార్డ్స్‌ ఏర్పాటు చేయాల్సి ఉంటుంది. బయట నుంచి తెచ్చిన మొక్కలే కాకుండా నర్సరీ పెంచిన మొక్కలను కూడా పంపిణీ చేస్తున్నారు. అధికారుల లెక్కల ప్రకారం వార్డుల వారీగా 25వేలకు పైగా పూలు, పండ్ల మొక్కలు ఇంటింటికీ పంపిణీ చేసినట్లు చెబుతున్నారు. ఖాళీ ప్రదేశాల్లో, ప్రభుత్వ పాఠశాలల్లో మాత్రమే మొక్కల చుట్టూ ట్రీగార్డ్స్‌ ఏర్పాటు చేస్తున్నారు. పర్యవేక్షణ కరువు. నాటిన మొక్కలను కాపాడటంలో అందరూ నిర్లక్ష్యం వహిస్తున్నారు. మొక్కలు నాటిన తర్వాత పట్టణంలో చాలా వరకు రోడ్లకిరువైపులా విద్యుత్‌ వైర్ల కింద మొక్కలు నాటడం, మరోవైపు చెట్ల కొమ్మలు వైర్లను తాకుతున్నాయని విద్యుత్‌ అధికారులు పూర్తి తొలగించడం పరిపాటిగా మారుతోంది. వర్షాకాలం మినహా మిగతా సీజన్‌లో మొక్కల సంరక్షణపై శ్రద్ధ చూపకపోవడంతో అవి ఎండి పోతున్నాయి. మొక్కల చుట్టూ ట్రీగార్డ్స్‌ ఏర్పాటు చేయకపోవడంతో వాటిని పశువులు మేస్తున్నాయి. ఇలా ప్రజాధనాన్ని దుర్వినియోగం చేస్తున్నారు. మొక్కలపై కొరవడిన పర్యవేక్షణ ట్రీగార్డ్స్‌ను దొంగిలిస్తున్నారు మొక్కల రక్షణ కోసం ఏర్పాటు చేసిన ట్రీగార్డ్స్‌లను కొంతమంది దొంగిలిస్తున్నారు. ఇంటింటికీ ఎక్కువ మొక్కలు ఇవ్వాలని నిర్ణయించాం. ప్రతీ ఇంటికి పూలు, పండ్ల మొక్కలు ఎక్కువ మొత్తంలో పంపిణీ చేశాం. పరిమితి సంఖ్యలో పెద్ద మొక్కలను ఖాళీ ప్రదేశాలు, స్కూల్‌, కళాశాలల్లో నాటాం. ప్రతీ ఒక్కరు మొక్కను నాటడమే కాకుండా వాటిని కాపాడే బాధ్యతను తీసుకోవాలి. పర్యావరణ పరిరక్షణ అందరి బాధ్యత. – పృథ్వీ, మున్సిపల్‌ ఏఈ, హుస్నాబాద్‌ హుస్నాబాద్‌: హుస్నాబాద్‌ పట్టణంలోని మినీ స్టేడియంలో 07.07.2025న వన మహోత్సవం సందర్భంగా తమ తల్లుల పేరిట మంత్రులు వాకిటి శ్రీహరి, పొన్నం ప్రభాకర్‌, కలెక్టర్‌ హైమావతి కలిసి మొక్కలు నాటారు. ప్రస్తుతం వారు నాటిన మొక్కలు ఎండిపోయి, ట్రీగార్డులు పడిపోయిన పరిస్థితి నెలకొంది.

అక్కన్నపేట(హుస్నాబాద్‌): ఆరోగ్యకరమైన ఆహారంలో చిరుధాన్యాలు ప్రత్యేకమైనవని వ్యవసాయ పరిశోధన అధిపతి డా.జి.సంతోశ్‌కుమార్‌ పేర్కొన్నారు. అక్కన్నపేట మండలం శ్రీరాంతండా గ్రామంలో శుక్రవారం వ్యవసాయ శాఖ ఆధ్వర్యంలో చిరుధాన్యాలు(పచ్చ జొన్న) పంపిణీ కార్యక్రమం నిర్వహించారు. ఈ సందర్భంగా ఆయన మాట్లాడుతూ...మన దేశంలో వ్యవసాయ సాగు విస్తీర్ణంలో దాదాపు 60% ప్రాంతంలో వర్షాధారంగా సేద్యం చేస్తున్నారన్నారు. వీటిలో తృణధాన్యాల సాగు 75% కాగా, దీనిలో ముతక తృణధాన్యాలైన జొన్న అధికంగా సాగవుతున్నాయన్నారు. చిరుధాన్యాల సాగు చాలా తక్కువ నీటి వసతి, తక్కువ పెట్టుబడి, తక్కువ వనరుల, తక్కువ రసాయన మందులతో కూడుకున్నదని చెప్పారు. ఆర్థిక, ఆహార, ఆరోగ్య భద్రతనిచ్చే చిరుధాన్యాల సాగుకు ప్రభుత్వం కూడా ప్రోత్సహిస్తుందని తెలిపారు. ప్రస్తుతం ఎల్‌నినో ప్రభావంతో వివిధ పంటలతో పోల్చుకున్నప్పుడు ఈ జొన్నపంట తక్కువ నీటి వసతితో అధిక ఆదాయం పొందవచ్చన్నారు. పీవైపీఎస్‌–2 (పాలెం పచ్చజొన్న–01)రకం వానాకాలం, యాసంగి కాలాల సాగుకు అనుకూలంగా ఉంటుందన్నారు. అలాగే వివిధ పంటలలో విత్తనోత్పత్తి గురించి రైతులకు అవగాహన కల్పించినట్లు తెలిపారు. కార్యక్రమంలో వ్యవసాయ శాస్త్రవేత్తలు డా.పల్లవి, డి.శ్వేత, ఎ.సరిత, సర్పంచుల ఫోరం మండలాధ్యక్షుడు బానోతు వెంకటేశ్‌ నాయక్‌, ఏఓ తస్లీమా సుల్తానా, ఏఈఓ కరంటోతు శ్రీలత, ఉప సర్పంచ్‌ భూక్య రాజునాయక్‌, రైతులు తదితరులు పాల్గొన్నారు.వ్యవసాయశాఖ ఆధ్వర్యంలో చిరుధాన్యాలు పంపిణీ

గజ్వేల్‌: నాణ్యమైన ప్రభుత్వ విద్య కోసం పోరాటం చేయాల్సిన తరుణం ఆసన్నమైందని విద్యా కమిషన్‌ మాజీ చైర్మన్‌ ఆకునూరి మురళి పేర్కొన్నారు. ‘ప్రైవేటు బడుల ఫీజుల నియంత్రణ–ప్రభుత్వ బడుల బలోపేతం’, ‘బడ్జెట్‌లో విద్యకు 18%’బడ్జెట్‌ కేటాయించాలనే డిమాండ్‌తో తెలంగాణ పీఫుల్స్‌ ఫ్రంట్‌(టీపీఎఫ్‌) ఆధ్వర్యంలో చేపట్టిన బస్సుయాత్ర శుక్రవారం గజ్వేల్‌కు చేరుకుంది. ఈ సందర్భంగా పట్టణంలోని టీపీటీఎఫ్‌(తెలంగాణ ప్రొగ్రెసివ్‌ టీచర్స్‌ ఫెడరేషన్‌) కార్యాలయంలో నిర్వహించిన రౌండ్‌టేబుల్‌ సమావేశంలో బస్సుయాత్రకు నేతృత్వం వహిస్తున్న ఆకునూరి మురళి మాట్లాడుతూ... తెలంగాణలో విద్యా వ్యవస్థ నేడు ఆందోళనకరమైన స్థితిలో ఉందన్నారు. ప్రైవేటు విద్యా సంస్థల ఫీజులపై నియంత్రణలేక ప్రజలు ఎంతో నష్టపోతున్నారని, రాజ్యాంగం విద్యను హక్కుగా చెబితే...నేడు మార్కెట్‌లో కొనుగోలు వస్తువుగా మారిందని ఆవేదన వ్యక్తం చేశారు. ప్రజా ఉద్యమాల ద్వారా ప్రభుత్వ విద్యను కాపాడుకోవాల్సిన పరిస్థితి దాపురించిందని వాపోయారు. రిటైర్డ్‌ ఐఏఎస్‌ అధికారి ఎంవీ రెడ్డి మాట్లాడుతూ... తెలంగాణలో 74శాతంమంది విద్యార్థులు ప్రైవేటు పాఠశాలల్లో చదువుకుంటున్నారని ఇది ప్రభుత్వ పాఠశాలలపై తగ్గుతున్న విశ్వాసాన్ని సూచిస్తోందని అభిప్రాయపడ్డారు. కార్యక్రమంలో డీబీఎఫ్‌ జాతీయ కార్యదర్శి పి.శంకర్‌, తెలంగాణ పీపుల్స్‌ ఫ్రంట్‌ కోర్‌ కమిటీ సభ్యులు కుమార్‌, టీపీటీఎఫ్‌ మాజీ రాష్ట్ర అధ్యక్షుడు రాంచంద్రం, యూటీఎఫ్‌ జిల్లా అధ్యక్షుడు వలీ అహ్మద్‌, టీపీటీఎఫ్‌ నాయకులు బీ.రాజులు, నరేందర్‌, జె.శ్రీనివాస్‌, నాగరాజు, విద్యాసాగర్‌, పి.ఎల్లయ్య, సీపీఐ నాయకులు దయానందరెడ్డి, రాజేశం, డీబీఎఫ్‌ రాష్ట్ర కార్యదర్శి ఏ.గొండస్వామి తదితరులు పాల్గొన్నారు. కాగా బస్సుయాత్ర గురువారం రాత్రి జగదేవ్‌పూర్‌ మండలం తిమ్మాపూర్‌ హైస్కూల్‌ ప్రాంగణానికి చేరుకుని...అక్కడే నిద్రించాల్సి ఉంది. కానీ విద్యాశాఖ అధికారులు అనుమతి నిరాకరించడంతో అదే గ్రామంలోని ప్రాథమిక పాఠశాల వరండాలో పడుకుని శుక్రవారం గజ్వేల్‌కు చేరుకున్నారు. విద్యా కమిషన్‌ మాజీ చైర్మన్‌ ఆకునూరి మురళి గజ్వేల్‌కు చేరుకున్న తెలంగాణ టీపీఎఫ్‌ బస్సు యాత్ర

శోభాయాత్రలో ఉత్సాహంగా భక్తులు..జిల్లా వ్యాప్తంగా గణేశ్‌ నిమజ్జనోత్సవం అత్యంత వైభవంగా ముగిసింది. 11 రోజుల పాటు విశేష పూజలందుకున్న ఏకదంతుడికి బై బై అంటూ గంగమ్మ ఒడికి చేర్చారు. మేళతాళాలు, డప్పు చప్పుళ్లు, యువత కేరింతలు, గణపతి బప్పా మోరియా అంటూ నినాదాల హోరు నడుమ ప్రత్యేక వాహనాలపై గణనాథులను ఊరేగింపుగా తీసుకెళ్లి నిమజ్జనం చేశారు. నిమజ్జనం వైపు తరలివెళ్లే వినాయక విగ్రహాలకు ఘన వీడ్కోలు పలుకుతూ అడుగడుగునా స్వాగత వేదికలను ఏర్పాటుచేశారు. శోభాయాత్రలు, స్వాగత వేదికల వద్దకు పలువురు రాజకీయ ప్రముఖులు విచ్చేసి గణనాథులను దర్శించుకున్నారు. – ప్రశాంత్‌నగర్‌(సిద్దిపేట)పల్లకీలో గణపయ్య..

గవర్నర్‌ చేతుల మీదుగా రూ.2 లక్షలు అందజేత నంగునూరు(సిద్దిపేట): పదో తరగతి పరీక్షలో సిద్దిపేట జిల్లా టాపర్‌గా నిలిచిన నర్మేట విద్యార్థి అమూల్యారెడ్డికి రాష్ట్ర గవర్నర్‌ శివప్రతాప్‌శుక్లా చేతుల మీదుగా నగదు బహుమతి అందజేశారు. నంగునూరు మండలం వెంకటాపూర్‌కు చెందిన రైతు మాధవరెడ్డి, లలిత కూతురు పదో తరగతిలో 587 మార్కులు సాధించింది. రాష్ట్రవ్యాప్తంగా పదవ తరగతి టాపర్లను సన్మానించిన విద్యార్థులకు గురువారం హైదరాబాద్‌లో శ్రీరా మ్‌ లైఫ్‌ ఇన్సూరెన్స్‌ ఆధ్వర్యంలో నగదు ప్రోత్సాహకాన్ని అందజేశారు. ఇందులోభాగంగా జిల్లా విద్యార్థి అమూల్యరెడ్డికి గవర్నర్‌ రూ.2 లక్షలు అందజేశారు. విద్యార్థి నగదు ప్రోత్సాహకాన్ని అందుకోవడం పట్ల తల్లిదండ్రులు, గ్రామస్తులు, పాఠశాల ఉపాధ్యాయులు హర్షం వ్యక్తం చేశారు. ఎంపీ రఘునందన్‌రావు గజ్వేల్‌: పండిట్‌ దీన్‌దయాళ్‌ ఉపాధ్యాయ్‌ సేవలు మరువలేనివని ఎంపీ రఘునందన్‌రావు కొనియాడారు. దీన్‌దయాళ్‌ జయంతి సందర్భంగా శుక్రవారం గజ్వేల్‌లోని అంబేడ్కర్‌ చౌరస్తా వద్ద ఆయన చిత్రపటానికి పూలమాలలు వేసి నివాళులర్పించారు. ఈ సందర్భంగా ఎంపీ మాట్లాడుతూ..సంఘ సంస్కర్త, ఆర్థికవేత్త దీన్‌దయాళ్‌ దేశాభివృద్ధికి తనదైన శైలిలో సేవలందించారన్నారు. కార్యక్రమంలో బీజేపీ జిల్లా అధ్యక్షుడు శంకర్‌, గజ్వేల్‌–ప్రజ్ఞాపూర్‌ మున్సిపల్‌ మాజీ చైర్మన్‌ గాడిపల్లి భాస్కర్‌, బీజేపీ పట్టణశాఖ అధ్యక్షుడు మనోహర్‌యాదవ్‌ తదితరులు పాల్గొన్నారు. హుస్నాబాద్‌: బాల వికాస సంస్థ ఆధ్వర్యంలో నడుస్తున్న వాటర్‌ ప్లాంట్లపై ప్రత్యేక దృష్టి సారించనున్నట్లు బాల వికాస వాటర్‌ ప్లాంట్‌ ఫెడరేషన్‌ (బీవీడబ్ల్యూపీఎఫ్‌) రాష్ట్ర అధ్యక్షుడు కేడం లింగమూర్తి తెలిపారు. హుస్నాబాద్‌ నియోజకవర్గంలో సంస్థ ఆధ్వర్యంలో నడుస్తున్న ప్లాంట్లను ఆయన శుక్రవారం సందర్శించారు. లింగమూర్తి మాట్లాడుతూ...యంత్ర పరికరాల లోపాలతో పని చేయని ప్లాంట్లను గుర్తించి, వాటికి త్వరిగతిన మరమ్మతులు చేపట్టి వినియోగంలోకి తీసుకురావాలన్నారు. అవసరమైన గ్రామాల్లో కొత్త ప్లాంట్ల ఏర్పాటుకు పరిశీలన చేస్తున్నట్లు చెప్పారు. హుస్నాబాద్‌: భావి తరాల కోసం వారసత్వ సంపదను పరిరక్షించుకోవాలని ప్రభుత్వ బాలుర జూనియర్‌ కళాశాల ప్రిన్సిపాల్‌ గంగాధర్‌ పేర్కొన్నారు. జిల్లా కేంద్రంలో టూరిజం శాఖ ఆధ్వర్యంలో ఈ నెల 22, 23వ తేదీల్లో నిర్వహించిన జిల్లా టూరిజం క్లబ్‌ పోటీల్లో తృతీయ బహుమతి పొందిన కళాశాల విద్యార్థులను అభినందించారు. హుస్నాబాద్‌ పరిసర ప్రాంతాల చారిత్రక, వారసత్వ కట్టడాలు, పర్యాటక ప్రదేశాలపై విద్యార్థులు వీడియో చిత్రీకరించినందుకు ఈ పోటీల్లో బహుమతి అందుకున్నారు.

ఖరీఫ్‌ నిల్వలపై మిల్లర్ల నిరాసక్తతమిల్లులో ధాన్యం బస్తాలుజిల్లాలో రా రైస్‌..పారాబాయిల్డ్‌ రైస్‌ మిల్లులు 150 ఉన్నాయి. కొంతకాలంగా ఖరీఫ్‌, రబీ సీజన్‌కు సంబంధించి ప్రభుత్వం రైతుల నుంచి సేకరించిన ధాన్యం మిల్లర్లకు అప్పగించారు. ఈ నేపథ్యంలో పెద్ద ఎత్తున ధాన్యం పక్కదారి పడుతోందని, అక్రమాలు చోటు చేసుకున్నాయని, సీఎంఆర్‌ బకాయిలు పేరుకుపోయిన ఆరోపణల నేపథ్యంలో ప్రభుత్వ తనిఖీలు జరిగాయి. ఈ నేపథ్యంలో మిల్లర్లు సమ్మె బాట పట్టారు. కేటాయింపులు వద్దని లేఖ! జిల్లాలో ఖరీఫ్‌ సీజన్‌లో సేకరించిన ధాన్యం కేటాయింపులు వద్దని జిల్లా రైస్‌మిల్‌ అసోసియేషన్‌ ఆధ్వర్యంలో జిల్లా ఉన్నతాధికారులకు వినతిపత్రాన్ని అందించే ఆలోచనలో ఉన్నట్లు తెలుస్తోంది. కొన్ని సీజన్లకు సంబంధించి ధాన్యం నిల్వలు అలాగే ఉన్నాయని, మిల్లింగ్‌ చేయడానికి స్థలం లేకపోవడం, నిల్వ సామర్థ్యం పూర్తిగా నిండిపోయిన దృష్ట్యా ధాన్యం నిలువ సమస్యగా ఉంటుందని ఖరీఫ్‌, 2026–27 సీజన్‌ కొత్త ధాన్యాన్ని జిల్లాలోని మిల్లులకు కేటాయించవద్దని కోరుతూ లేఖ రాయాలనే ఆలోచనలో ఉన్నట్లు సమాచారం. ప్రత్యామ్నాయ బాటలో యంత్రాంగం.. మరోవైపు ప్రభుత్వం ఖరీఫ్‌ సీజన్‌లో రైతుల నుంచి సేకరించే ధాన్యాన్ని నిల్వ చేసేందుకు జిల్లా యంత్రాంగం అనువైన గోదాముల అన్వేషణ దిశగా అడుగులు వేస్తోంది. ప్రభుత్వ, ప్రైవేటు గోదాములను గుర్తించే పనిలో నిమగ్నమైనట్టు సమాచారం. వ్యవసాయ మార్కెట్‌ యార్డులో గోదాములు, స్టేట్‌ వేర్‌ హౌసింగ్‌ కార్పొరేషన్‌, సహకార సంఘాలకు చెందిన గోదా ములతోపాటు అవసరమైన ప్రాంతాల్లో క్యాప్‌ గోదాముల ఏర్పాటు ఆలోచనలో యంత్రాంగం ఉంది.ఓ వైపు జిల్లాలో రైస్‌మిల్లులు మూత పడ్డాయి. మరోవైపు ఖరీఫ్‌ సీజన్‌ పంట మరికొద్ది రోజుల్లోనే చేతికి రానుంది. జిల్లాలో యంత్రాంగం ఖరీఫ్‌ ధాన్యం కొనుగోళ్లకు కసరత్తు చేస్తోంది. రైతుల నుంచి సేకరించిన ధాన్యం నిల్వ అంశంపై ఇటు మిల్లర్లు..అటు ప్రభుత్వాధికారులు అంతర్గతంగా సమాలోచనలు చేస్తున్నారు. సమ్మె నేపథ్యంలో జిల్లాలో మిల్లర్ల అసోసియేషన్‌ ఆధ్వర్యంలో ఖరీఫ్‌ 2026–27 ధాన్యం కేటాయింపులు చేయొద్దని విజ్ఞప్తి చేసే పనిలో ఉన్నట్లు తెలుస్తోంది. మరోవైపు రాష్ట్రంలో సమ్మె ప్రభావం దృష్టిలో పెట్టుకుని జిల్లాలో ప్రస్తుత ఖరీఫ్‌ ధాన్యం నిల్వల కోసం గోదాముల అన్వేషణలో యంత్రాంగం సమాలోచన చేస్తున్నట్లు సమాచారం. – సిద్దిపేటజోన్‌జిల్లాలో ప్రస్తుతం 5లక్షల మెట్రిక్‌ టన్నుల ధాన్యం నిల్వ ఉంది. ప్రస్తుతం గోదాముల్లో నిల్వ సామర్థ్యం పూర్తిగా నిండిపోయింది. దీంతో మిల్లు నిర్వహణ చాలా ఇబ్బందిగా ఉంటుంది. ఖరీఫ్‌ 2026–27 సీజన్‌ కొత్త ధాన్యం కేటాయింపులు వద్దని రెండు మూడు రోజుల్లో జిల్లా కలెక్టర్‌కు అసోసియేషన్‌ ఆధ్వర్యంలో వినతిపత్రాన్ని అందించనున్నాం. – కొమరవెల్లి చంద్రశేఖర్‌. జిల్లా రైస్‌ మిల్లర్ల అసోసియేషన్‌ అధ్యక్షుడుఅవసరమైతే క్యాప్‌ గోదాముల ఏర్పాటు ఆలోచనలో ఉన్నాం. జిల్లాలో ఖరీఫ్‌ సీజన్‌ ధాన్యం నిలువ విషయంలో ఎలాంటి ఇబ్బందులు లేకుండా జిల్లా కలెక్టర్‌ ఆధ్వర్యంలో ప్రత్యేక చర్యలు తీసుకోవడం జరుగుతుంది. మార్కెట్‌ కమిటీ గోదాములు, ఎస్‌డబ్ల్యూసీ గోదాములతోపాటు ప్రైవేటు గోదాముల గుర్తింపు ప్రక్రియ త్వరలోనే చేపడతాం. – తనూజ, జిల్లా పౌర సరఫరాల శాఖ అధికారి ప్రభుత్వానికి లేఖలు రాసే యోచనలో మిల్లర్లు ధాన్యం నిల్వల గోదాం అన్వేషణలో సర్కార్‌ ప్రత్యామ్నాయ బాటలో యంత్రాంగం

దుబ్బాకరూరల్‌: మండలంలోని కమ్మర్‌పల్లి గ్రామంలో బెల్ట్‌ షాపులు నిర్వహించకూడదని, మద్యపానం నిషేధించాలని గ్రామ పంచాయతీ ఆధ్వర్యంలో తీర్మానం చేశారు. సర్పంచ్‌ సుజాత మాట్లాడుతూ గ్రామంలో విచ్చలవిడిగా బెల్ట్‌ షాపులు నిర్వహించడం వల్ల కొంతమంది మద్యానికి బానిసై తమ జీవితాలను నాశనం చేసుకుంటున్నారన్నారు. వచ్చిన కూలీ డబ్బును మద్యానికి ఖర్చు చేయడంతో కుటుంబాలను పోషించలేక ఇబ్బందులు పడుతున్నారని ఆవేదన వ్యక్తం చేశారు. బెల్ట్‌ షాపులు నిర్వహించి మద్యం అమ్మితే రూ.లక్ష జరిమాన విధిస్తామని హెచ్చరించారు. మ్యదం విక్రయించినట్లు సమాచారం ఇచ్చిన వారికి రూ.10వేలు పారితోషికం అందజేస్తామని తెలిపారు.

ములుగు(గజ్వేల్‌)/గజ్వేల్‌: కొండపోచమ్మ సాగర్‌, మల్లన్నసాగర్‌ నిర్వాసితుల సమస్యలను పరిష్కరించేందుకు చర్యలు తీసుకుంటామని కలెక్టర్‌ కె.హైమావతి స్పష్టం చేశారు. అర్హులైన ప్రతీ ఒక్కరి కి ప్రభుత్వ నిబంధనల ప్రకారం న్యాయం జరిగేలా కృషి చేస్తానని స్పష్టం చేశారు. ములుగు మండలంలోని కొండపోచమ్మ సాగర్‌ మామిడ్యాల, బహిలంపూర్‌, తానెదారుపల్లి ఆర్‌అండ్‌ఆర్‌ కాలనీలు, గజ్వేల్‌–ప్రజ్ఞాపూర్‌ మున్సిపాలిటీ పరిధిలోని మల్లన్నసాగర్‌ నిర్వాసిత కాలనీలను కలెక్టర్‌ క్షేత్రస్థాయిలో పరిశీలించారు. ఈ సందర్భంగా నిర్వాసితులతో మాట్లాడి వారి సమస్యలను అడిగి తెలుసుకున్నారు. ఈ సందర్భంగా కలెక్టర్‌ మాట్లాడుతూ...ఆర్‌ అండ్‌ ఆర్‌ కాలనీల్లో పరిహారం, పునరావాసం, ప్యాకేజీలు, ఇళ్ల స్థలాలు చాలాకాలంగా పెండింగ్‌లో ఉన్నాయన్నారు. సంబంధిత శాఖల అధికారులతో సమీక్ష నిర్వహించి పెండింగ్‌ సమస్యలను గుర్తించి పరిష్కారానికి అవసరమైన ప్రతిపాదనలను ప్రభుత్వానికి పంపిస్తామని తెలిపారు. నిధులు మంజూరైన వెంటనే అర్హులకు అందేలా చర్యలు తీసుకుంటామని పేర్కొన్నారు. కొండపోచమ్మ సాగర్‌ ఆర్‌అండ్‌ఆర్‌ కాలనీలో చెరువు పక్కన చేపడుతున్న నిర్మాణాలను పరిశీలించిన కలెక్టర్‌ చెరువు ఎఫ్‌టీఎల్‌ హద్దులను నిర్ధారించాలని కలెక్టర్‌ ములుగు తహసీల్దార్‌ను ఆదేశించారు. కలెక్టర్‌ హైమావతి కొండపోచమ్మ సాగర్‌, మల్లన్నసాగర్‌ నిర్వాసితుల కాలనీలు పరిశీలన

● రైతులకు ‘యాప్‌’సోపాలు.. ● సాంకేతిక సమస్యలతో సతమతం డివిజన్‌లో పంటల సాగు ఇలా.. పంట ఎకరాలు వరి 62,100 మక్క 3850 పత్తి 25,750 కంది 1728 ఇతర 850 మొత్తం 94,278 హుస్నాబాద్‌రూరల్‌: పల్లె రైతుకు యూరియా కష్టాలు వీడటంలేదు. ఎరువులు పక్కదారి పట్టవద్దని యాప్‌ తీసుకువస్తే గ్రామీణ రైతులకు సమస్యలు వచ్చి పడ్డాయి. నెట్‌ వర్క్‌ సమస్యతో యాప్‌లో ఎరువులను బుక్‌ చేయాలంటే కనీసం 10 నిమిషాల సమయం పడుతోంది. ఓటీపీని యాప్‌లో ఎంటర్‌ చేసే సమయానికే సాంకేతిక సమస్యలతో బుక్‌ కావడం లేదు. మరోవైపు 3 నిమిషాల్లోపే యూరియా నిల్వలు ఖాళీ అవుతున్నాయి. హుస్నాబాద్‌ డివిజన్‌లో కోహెడ, హుస్నాబాద్‌, బెజ్జంకి, అక్కన్నపేట మండలాల్లో 94,278 ఎకరాల్లో పంటలు సాగు చేశారు. డివిజన్‌లో ఇప్పటి వరకు 8,283 మెట్రిక్‌ టన్నుల యూరియాను రైతులకు అందించినట్లు వ్యవసాయ అధికారుల లెక్కలు చెబుతున్నాయి. ఒక్కో రైతు వరి పంట వేసింది మొదలు ఇప్పటి వరకు ఒక్క యూరియా బస్తా కూడా బుక్‌ చేసుకోలేని పరిస్థితి. కొందరు వ్యాపారులు బీనామి రైతుల పేర్లపై యాప్‌ బుక్‌ చేసి బస్తాలను ఇస్తున్నారు. పంటలు సాగు చేయని భూముల సర్వే నంబర్ల పై యాప్‌లో బస్తాలను బుక్‌ చేయడం వలన పంటలు సాగు చేసిన వారికి యూరియా దొరకడం లేదని రైతులు ఆవేదన వ్యక్తం చేస్తున్నారు. నెల దాటినా ఎరువు కరువే.. వరి పంటలకు నెల దాటినా ఎరువు వేద్దామంటే రైతులకు బస్తాలు అందక ఇబ్బందులు పడుతున్నారు. గ్రామాల వాట్సప్‌ గ్రూప్‌ల్లో రాత్రి వేళ యూరియా వస్తుందని పోస్టులు పెట్టగానే ఉదయమే రైతులు స్మార్టు ఫోన్లు పట్టుకొని ఎరువుల దుకాణం పరుగు తీయడం.. యూరియా లభించకపోవడంతో నిరాశతో ఇంటికి చేరడం నిత్యకృత్యంగా మారింది. పంటలకు సమయానికి ఎరువు వేయకపోతే పైరులో పెరుగుదల లోపించి దిగుబడులు తగ్గే అవకాశం ఉందని అవేదన వ్యక్తం చేస్తున్నారు. అధికారులు స్పందించి పల్లె రైతులకు యూరియా అందేలా చర్యలు తీసుకోవాలని కోరుతున్నారు.యూరియా పక్కదారి పట్టవద్దని, దుకాణాల వద్ద రైతులు క్యూలైన్లు కనిపించవద్దనే ఉద్దేశంతో ప్రభుత్వం యాప్‌ ద్వారా పంపిణీ చేస్తోంది. చాలా మంది యాప్‌ ద్వారానే యూరియా తీసుకెళ్తున్నారు. కొందరి రైతులకు ఇబ్బందులు ఉండవచ్చు. సాంకేతిక లోపం అనేది నెట్‌ వర్క్‌ సమస్య. –వీణారెడ్డి, ఏడీఏ, హుస్నాబాద్‌

వర్గల్‌(గజ్వేల్‌): సుప్రసిద్ధ నాచగిరి లక్ష్మీనృసింహ క్షేత్రంలో బుధవారం హుండీ కానుకలను లెక్కించారు. 84 రోజులలో వివిధ హుండీల ద్వారా ఆలయానికి రూ.16,71,537 ఆదాయం సమకూరింది. హుండీ లెక్కింపును దేవాదాయశాఖ ఇన్‌స్పెక్టర్‌ గురుభద్రమ్మ, ఆలయ ఈఓ బెల్లంకొండ రంగాచారి పర్యవేక్షించారు. భ్రమరాంబిక సేవాసమితి, శివకేశవ సేవాసమితి సభ్యులు, ఆలయ సిబ్బంది హుండీ కానుకల లెక్కింపులో పాల్గొన్నారు. బంగారువర్ణంలో నాచగిరి మిలమిల వర్గల్‌(గజ్వేల్‌): నాచగిరి శ్రీవారి గర్భాలయ ప్రాంగణం బంగారు తాపడం చేసిన నగధగలతో మెరిసిపోతోంది. హైదరాబాద్‌కు చెందిన యాసారం సంజీవచారి–రుక్మిణి దంపతులు గర్భగుడి ద్వారపాలకులైన జయవిజయులకు బంగారు తాపడం(కోటింగ్‌)తో తయారుచేయించిన కవచాలు, ఆభరణాలను బుధవారం ఆలయానికి బహూకరించారు. అదేరోజు వాటిని జయవిజయులకు అలంకరించారు. దీంతో బంగారు మిలమిలతో మెరిసిపోతున్న జయవిజయులు, గర్భద్వార ప్రాంగణం భక్తులను మంత్రముగ్ధులను చేస్తున్నది. సిద్దిపేటకమాన్‌: గణేశ్‌ నిమజ్జన ఉత్సవాల్లో భాగంగా జిల్లాలోని మద్యం దుకాణాలు మూసివేసి ఉంటాయని జిల్లా ఎకై ్సజ్‌ సూపరింటెండెంట్‌ సంతోష్‌, సీఐ రవి తెలిపారు. జిల్లాలోని మద్యం దుకాణాలు, బార్‌ అండ్‌ రెస్టారెంట్లు ఈ నెల 24న సాయంత్రం 6 గంటల నుంచి 26వ తేదీ ఉదయం 6గంటల వరకు మూసి ఉంటాయని తెలిపారు. నిబంధనలకు విరుద్దంగా మద్యం విక్రయాలు జరిపితే చట్టపరమైన చర్యలు తీసుకుంటామన్నారు. గజ్వేల్‌: అరుణోదయ విమలక్క 50ఏళ్ల పాటల ప్రస్థానాన్ని పురస్కరించుకొని ఈనెల 26 నుంచి 28వరకు హైదరాబాద్‌లో నిర్వహించనున్న ‘ప్రజా కళా జాతర’ కార్యక్రమాన్ని జయప్రదం చేయాలని ప్రజా సంఘాల నాయకులు రాంచంద్రం, సత్యనారాయణ, రాజులు, మల్లికార్జున్‌, కృష్ణ, సత్తయ్య, ఎల్లయ్య, చిన్ని కృష్ణ, నర్సింహ కోరారు. బుధవారం గజ్వేల్‌లో కరపత్రాలను ఆవిష్కరించారు. ఈ సందర్భంగా వారు మాట్లాడుతూ 52ఏళ్ల అరుణోదయ సాంస్కృతిక సమాఖ్యలో విమలక్క ప్రస్థానం గొప్పదని గుర్తు చేశారు. ఈ సందర్భంగా నిర్వహించనున్న ‘ప్రజాకళా జాతర’లో ఈనెల 26నుంచి 28వరకు 50పాటలు, 50 ప్రదర్శనలు ఉంటాయన్నారు.

● కలెక్టర్‌ హైమావతి ● ఇందిరమ్మ ఇళ్ల ప్రగతిపై కలెక్టర్‌ సమీక్ష సిద్దిపేటరూరల్‌: ఇందిరమ్మ ఇళ్ల నిర్మాణ పనులు వేగవంతం చేసి, లక్ష్యాలను సకాలంలో పూర్తి చేయాలని కలెక్టర్‌ హైమావతి అధికారులను ఆదేశించారు. బుధవారం కలెక్టరేట్‌లోని కాన్ఫరెన్స్‌ హాలులో ఇందిరమ్మ ఇళ్ల నిర్మాణాల పురోగతిపై ఎంపీడీఓ, మున్సిపల్‌ కమిషనర్లు, గృహనిర్మాణ శాఖ ఇంజనీరింగ్‌ అధికారులతో కలెక్టర్‌ జూమ్‌ సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ ఇందిరమ్మ ఇళ్ల రెండో విడతలో మంజూరైన లబ్ధిదారుల వివరాలను పూర్తి చేసి ఆ పత్రాలను కలెక్టరేట్‌కు పంపించాలన్నారు. ఆయా మండలాల వారీగా ప్రణాళిక ప్రకారం గెజిటెడ్‌ ఆఫీస్‌ వెరిఫికేషన్‌ పూర్తి చేయాలని, అలసత్వం ప్రదర్శిస్తే సహించేది లేదని హెచ్చరించారు. నిర్మాణ పనుల్లో ఎదురవుతున్న సమస్యలను లబ్ధిదారులతో మాట్లాడి వెంటనే పరిష్కరించాలని, నిర్మాణం ప్రారంభించని లబ్ధిదారులను ప్రోత్సహించి పనులు ప్రారంభించేలా చూడాలన్నారు. ప్రతిష్టాత్మకంగా చేపట్టిన ఇళ్ల పథకం ప్రతి లబ్ధిదారునికి సహాయం అఽందేలా అధికారులు సమన్వయంతో పనిచేయాలని ఆదేశించారు. కార్యక్రమంలో జిల్లా గృహనిర్మాణ శాఖ అధికారి భగవంత్‌ రావు, డీఈ తదితరులు పాల్గొన్నారు.

● జిల్లా వైద్యాధికారి ధనరాజ్‌ ● ఘనంగా ఆయుర్వేద దినోత్సవం సిద్దిపేటజోన్‌: వైద్య విధానాలు, ఆరోగ్య పరిరక్షణలో ఆయుష్‌ది ముఖ్యమైన పాత్ర ఉందని జిల్లా వైద్యాధికారి డాక్టర్‌ ధనరాజ్‌ అన్నారు. జాతీయ ఆయుర్వేద దినోత్సవం సందర్భంగా బుధవారం స్థానిక స్వచ్ఛ బడిలో ఉచిత వైద్య శిబిరాన్ని ఆయన ప్రారంభించారు. ఆయన మాట్లాడుతూ..ఆయుష్‌ వైద్య విధానాలు, చికిత్స పద్ధతులను ప్రజలు సద్వినియోగం చేసుకోవాలని సూచించారు. మెరుగైన ఫలితాల కోసం అవసరమైన సందర్భంలో ఆయుష్‌ వైద్య సేవలు పొందాలని సూచించారు.. ప్రతి ఒక్కరూ తమ నిత్యజీవితంలో ఆధ్యాత్మికతను పెంపొందించేందుకు కృషి చేయాలని కోరారు. అంతకుముందు ప్రభుత్వ నర్సింగ్‌ కళాశాల ప్రిన్సిపాల్‌ ఇందిరా ఝాన్సీ మాట్లాడుతూ.... ఆయుష్‌ పట్ల ప్రజల్లో మరింత అవగాహన కల్పించాలన్నారు. ఈ సందర్భంగా నిర్వహించిన ఉచిత వైద్య శిబిరంలో ఆయుర్వేద, హోమియో, యునాని వైద్యులు వివిధ రకాల వ్యాధులకు పరీక్షలు నిర్వహించి ఉచితంగా మందులు అందచేశారు. కార్యక్రమంలో నోడల్‌ ఆఫీసర్‌ డాక్టర్‌ అనిల్‌ కుమార్‌, ఆయుష్‌ ఆసుపత్రి ఇంచార్జ్‌ సూపరింటెండెంట్‌ ఉమాదేవి, వైద్యులు గౌతమి ప్రియ, కేదారి,సంపత్‌ కుమార్‌, అజీజ్‌, మాజీ కౌన్సిలర్‌ దీప్తి, మెడికల్‌ సిబ్బంది తదితరులు పాల్గొన్నారు.

హుస్నాబాద్‌: విద్యార్థులకు ఏ సమస్య ఉన్నా చెప్పే హక్కు ఉందని, నేను మీకు గార్డియన్‌గా ఉండి పరిష్కరిస్తానని మంత్రి పొన్నం ప్రభాకర్‌ అన్నారు. బుధవారం హుస్నాబాద్‌ ఇంజనీరింగ్‌ కళాశాలను మంత్రి ఆకస్మిక తనిఖీ చేశారు. విద్యార్ధులతో ముఖాముఖి మాట్లాడి సమస్యలు తెలుసుకున్నారు. బాలుర హాస్టల్‌లో బాత్రూమ్స్‌, బస్సు రవాణా, లైబ్రరీ సమస్యలను పరిష్కరిస్తామని హామీ ఇచ్చారు. ఈ సందర్భంగా మంత్రి మాట్లాడుతూ హాస్టల్‌లో విద్యార్థులకు నాణ్యమైన, పరిశుభ్రమైన ఆహారం అందించాలన్నారు. విద్యార్థులతో కలిసి కమిటీ ఏర్పాటు చేసి భోజనం, వసతులపై వారి అభిప్రాయాలు తీసుకోవాలని ఆదేశించారు. విద్యతో పాటు క్రీడలు, సాంస్కృతిక కార్యక్రమాలు, వివిధ రకాల పోటీలు, ఇతర సహపాఠ్య కార్యక్రమాలు నిర్వహించాలన్నారు. విద్యార్థులు గంజాయి, డ్రగ్స్‌ వంటి దురలవాట్లకు దూరంగా ఉండాలన్నారు. కళాశాలలో ప్రతిభ కనబరిచే టాపర్లకు ల్యాప్‌టాప్‌లు అందిస్తామన్నారు. క్యాంపస్‌ సెలెక్షన్‌, ప్లేస్‌మెంట్స్‌ తీసుకువచ్చేందుకు చర్యలు చేపడతామన్నారు. ఉస్మానియా, కాకతీయ విశ్వవిద్యాలయాలకు చెందిన రిటైర్డ్‌ ప్రొఫెసర్లతో మోటివేషన్‌ క్లాస్‌లు నిర్వహించేలా చర్యలు తీసుకుంటామన్నారు. కార్యక్రమంలో శాతవాహన యూనివర్సిటీ వైస్‌ చాన్సలర్‌ ఉమేశ్‌ కుమార్‌, రిజిస్ట్రార్‌ సతీష్‌, ప్రిన్సిపాల్‌ తిరుపతి రెడ్డి, మాజీ గ్రంథాలయ సంస్థ చైర్మన్‌ కేడం లింగమూర్తి, అధ్యాపకులు ఉన్నారు. టాపర్లకు ల్యాప్‌టాప్‌లు అందిస్తా మంత్రి పొన్నం ప్రభాకర్‌ ఇంజనీరింగ్‌ కళాశాల విద్యార్థులతో ముఖాముఖి

● హుస్నాబాద్‌ ప్రగతిపై ప్రత్యేక దృష్టి ● మంత్రి పొన్నం ప్రభాకర్‌ హుస్నాబాద్‌: పట్టణాన్ని అన్ని రంగాల్లో అభివృద్ధి చేసేందుకు సమగ్ర ప్రణాళికతో ముందుకు వెళ్తున్నామని మంత్రి పొన్నం ప్రభాకర్‌ అన్నారు. మంగళవారం ఎల్లమ్మ చెరువు వద్ద వినాయక నిమజ్జన ఏర్పాట్లను పరిశీలించారు. చెరువు సుందరీకరణ పనులు, గ్లాస్‌ బ్రిడ్జిని పరిశీలించారు. ఈ సందర్భంగా మంత్రి పొన్నం ప్రభాకర్‌ మాట్లాడుతూ నిమజ్జన ప్రాంతంలో భద్రత, లైటింగ్‌, ట్రాఫిక్‌ నియంత్రణ, పారిశుద్ధ్యం, తాగునీరు వంటి అంశాలపై ప్రత్యేక దృష్టి సారించాలని అధికారులను ఆదేశించారు. ప్రజలకు ఉపాధి అవకాశాలు పెంచేందుకు కూరగాయల మార్కెట్‌, షాపింగ్‌ కాంప్లెక్స్‌, చిల్డ్రన్స్‌ పార్క్‌, ఇండస్ట్రీయల్‌ పార్క్‌, అర్బన్‌ ఫారెస్ట్‌ పార్క్‌ వంటి అభివృద్ధి పనులు చేపడుతున్నామని తెలిపారు. పల్లె చెరువు నుంచి ఎల్లమ్మ చెరువు వరకు నాలుగు లైన్ల రహదారి అనుమతి కోసం కృషి చేస్తున్నామని తెలిపారు.పట్టణంలో అనేక అభివృద్ది పనులు ముగింపు దశకు చేరుకున్నాయని, త్వరలోనే రాష్ట్ర పెద్దలను తీసుకువచ్చి ప్రజలకు అందుబాటులోకి తెస్తామన్నారు. హుస్నాబాద్‌లో రాష్ట్ర స్థాయి కబడ్డి పోటీలకు శిక్షణ పొందుతున్న జిల్లా జట్టు క్రీడాకారులకు జెర్సీలు అందజేశారు. అనంతరం పట్టణంలో వివిధ వినాయక మండపాలను సందర్శించారు. కార్యక్రమంలో మున్సిపల్‌ చైర్‌ పర్సన్‌ దండి లక్ష్మి, వైస్‌ చైర్‌ పర్సన్‌ చిత్తారి పద్మ, ఆర్డీఓ రామ్మూర్తి, మున్సిపల్‌ కమిషనర్‌ మల్లికార్జున్‌, ప్రజాప్రతినిధులు పాల్గొన్నారు.

సిద్దిపేటజోన్‌: ప్రతి ఒక్కరి జీవితంలో క్రీడలు ఒక భాగం కావాలని జిల్లా ట్రైనీ డిప్యూటీ కలెక్టర్‌ భవ్య పిలుపునిచ్చారు. మంగళవారం జిల్లా కేంద్రంలోని ప్రభుత్వ డిగ్రీ కళాశాల మైదానంలో జిల్లా పాఠశాల క్రీడా సమాఖ్య(ఎస్‌జీఎఫ్‌)ఆధ్వర్యంలో 70వ జిల్లా స్థాయి కబడ్డీ, ఖోఖో, వాలీబాల్‌ టోర్నీని ఆమె ప్రారంభించారు. ఈ సందర్భంగా భవ్య మాట్లాడుతూ.. క్రీడల వల్ల క్రమశిక్షణతో పాటు శారీరక మానసిక పునరుత్తేజం, నమ్మకం కలుగుతుందన్నా రు. ఆటలు భవిష్యత్తులో కూడా ఆడి అంతర్జాతీయ స్థాయికి ఎదగాలని ఆకాంక్షించారు. ఆరోగ్యమే మహాభాగ్యం అనే సూక్తికి అనుగుణంగా ఆటలు ఎంతో ముఖ్యమన్నారు. అదేవిధంగా కలిసి ఆటలు ఆడటంతో స్నేహభావం, నమ్మకం ఏర్పడుతుందన్నారు. జిల్లాకు మంచి పేరు తేవాలని, ఆటలో క్రీడా స్ఫూర్తితో ఉండాలని, గెలుపు ఓటములు సహజంగా తీసుకోవాలని సూచించారు. ఈ పోటీల్లో జిల్లాలోని వివిధ పాఠశాలలు విద్యార్థులు పాల్గొన్నారు. కార్యక్రమంలో జిల్లా విద్యాశాఖ అధికారి రమేష్‌, పంచాయతీ రాజ్‌ శాఖ అధికారి రవీందర్‌, జిల్లా క్రీడల యువజన శాఖ అధికారి వీరారెడ్డి, వివిధ క్రీడా సంఘాల ప్రతినిధులు, వ్యాయామ ఉపాధ్యాయులు తదితరులు పాల్గొన్నారు. ఎస్‌జీఎఫ్‌లో చోరీ పోలీస్‌ స్టేషన్‌లో ఫిర్యాదు సిద్దిపేటజోన్‌: జిల్లా పాఠశాల క్రీడా సమాఖ్య ఆఫీసులో చోరీ జరిగింది. ఆదివారం గుర్తు తెలి యని వ్యక్తులు స్టేడియం పరిసరాల్లో ఉన్న ఎస్‌జీఎఫ్‌ కార్యాలయం తాళం పగులకొట్టి బీరువాలో ఉన్న కాగితాలు దొంగిలించారు. ఇదే విషయాన్ని ఎస్‌జీఎఫ్‌ మాజీ సెక్రటరీ ఒకరు మంగళవారం వన్‌ టౌన్‌ పోలీసు స్టేషన్‌లో ఫిర్యాదు చేశారు. మరోవైపు జిల్లా కేంద్రంలో ప్రస్తుతం జరుగుతు న్న జిల్లా స్థాయి టోర్నీలో డిప్యుటేషన్‌ విధుల అంశంపై సోషల్‌ మీడియాలో జోరుగా ప్రచారం జరిగింది. ఎస్జీఎఫ్‌లో రెండు వర్గాల మధ్య ఉన్న ఆధిపత్య పోరులో భాగంగానే సంఘటనలు చోటుచేసుకునట్లు ప్రచారం జరుగుతోంది.

వర్షాకాలం సీజన్‌లో చాలా మంది జ్వరాల బారీన పడుతున్నారు. సిద్దిపేటలోని ప్రభుత్వ జనరల్‌ ఆస్పత్రిలో రోజు రోజుకు ఓపీ పెరుగుతోంది. జ్వరం, దగ్గు, జలుబుతో బాదపడుతున్న వారి సంఖ్య ఎక్కువగా ఉంది. జ్వరం, తలనొప్పితో రెండు నుంచి మూడు రోజులుగా బాధపడుతున్న వారికి రక్త పరీక్షలు నిర్వహిస్తున్నారు.తేదీ ఓపీ సంఖ్య ఈ నెల 22న 1,566 21న 1,588 19న 1,543 17న 1,586 16న 1,528 15న 1,635

ప్రశాంత్‌నగర్‌(సిద్దిపేట): జిల్లా కేంద్రానికి చెందిన బాల సాహితీవేత్త గరిపెల్లి అశోక్‌కు చాంద్‌ సితారే పురస్కారం స్వీకరించినట్లు అక్షర సేద్యం ఫౌండేషన్‌ అధ్యక్షుడు భైతి దుర్గయ్య, బాలసాహితీవేత్త ఉండ్రా ళ్ల రాజేశం తెలిపారు. బాల సాహిత్య రంగంలో చేస్తున్న విశేష సేవకు గాను ఖమ్మం జిల్లా కేంద్రంలో చాంద్‌ సితారే సంస్థ బాలసాహిత్య పురస్కారం ప్రదానం చేసిందన్నారు. అశోక్‌కు చాంద్‌ సితారే బాలసాహిత్య పురస్కారం రావడంపై పలువురు కవులు అభినందించారు. చారిత్రక విశేషాలు తెలుసుకోవాలి నంగునూరు(సిద్దిపేట): చారిత్రక విశేషాలను తెలుసుకొని వాటిపై అవగాహన పెంచుకోవాలని చరిత్ర పరిశోధకుడు కొలిపాక శ్రీనివాస్‌ విద్యార్థులకు సూచించారు. పాఠశాల యూత్‌ టూరిజం క్లబ్‌ ఆధ్వర్యంలో మంగళవారం నంగునూరులోని జోకీరమ్మ బండపై ఉన్న వర్ధమాన మహావీరుని విగ్రహం, నాటి చరిత్రపై శ్రీనివాస్‌ అవగాహన కల్పించారు. తోకల కొండపై వెలసిన సీతారాముల ఆలయాన్ని సందర్శించి సహజ సిద్ధంగా ఏర్పడ్డ బావి, ఆలయ విశిష్టతను వివరించారు. కార్యక్రమంలో టూరిజం కోఆర్డినేటర్‌ రాంగోపాల్‌రెడ్డి, ఉపాధ్యాయులు పాల్గొన్నారు. డిప్యుటేషన్లు ఆపండి మద్దూరు(హుస్నాబాద్‌): దూల్మిట్టలోని ఉన్నత పాఠశాలలో గణితం, సాంఘిక శాస్త్ర ఉపాధ్యాయుల డిప్యుటేషన్లను ఆపాలని విద్యార్థులు, తల్లిదండ్రులు కోరారు. ఈ మేరకు జిల్లా విద్యా శాఖ కార్యాలయంలో వినతి పత్రం అందజేశారు. ఈ సందర్భంగా వారు మాట్లాడుతూ పాఠశాలలో పూర్తి స్థాయిలో ఉపాధ్యాయులు ఉండటంతో టెన్త్‌ పరీక్షల్లో నియోజకవర్గంలోనే మొదటి స్థానంలో నిలిచిందన్నారు. ఈ విద్యాసంవత్సరం మధ్యలో ఉపాధ్యాయులను డిప్యుటేషన్‌పై పంపిస్తే పిల్లల చదువుపై ప్రతికూల ప్రభావం పడే అవకాశం ఉందన్నారు. విద్యార్థుల భవిష్యత్‌ను దృష్టిలో ఉంచుకుని ఉపాధ్యాయుల డిప్యుటేషన్లను ఆపాలని వారు వినతి పత్రంలో పేర్కొన్నారు.