Nirmal District Latest News

నిర్మల్‌చైన్‌గేట్‌: వాల్మీకి మహర్షి జయంతి వేడుకలు కలెక్టరేట్‌ సమావేశ మందిరంలో సోమవారం ఘనంగా నిర్వహించారు. కార్యక్రమానికి అదనపు కలెక్టర్లు రాథోడ్‌ రమేశ్‌, వెంకట మాధవరావు హాజరై వాల్మీకి చిత్రపటానికి పూ లమాలలు వేసి నివాళులర్పించారు. బోయవా డు గొప్ప కవిగా మారిన తీరు వాల్మీకి జీవితా నికి నిదర్శనమన్నారు. వేడుకల్లో డిప్యూటీ కలెక్టర్‌ రాకేశ్‌, బీసీ అభివృద్ధి అధికారి శ్రీనివా స్‌, ఎస్సీ సంక్షేమ అధికారి దయానంద్‌, వాల్మీకి సంఘం ప్రతినిధులు పాల్గొన్నారు. జిల్లా పోలీస్‌ కార్యాలయంలో.. నిర్మల్‌టౌన్‌: జిల్లా పోలీస్‌ ప్రధాన కార్యాలయంలో మహర్షి వాల్మీకి జయంతి వేడుకలు నిర్వహించారు. ఏఎస్పీ ఉపేంద్రారెడ్డి వాల్మీకి చిత్రపటానికి పూలమాల వేసి నివాళులర్పించా రు. అనంతరం మాట్లాడుతూ రామాయణంలోని ఆదర్శాలు నేటి సమాజానికి కూడా మార్గదర్శకంగా నిలుస్తాయని అన్నారు. వాల్మీకి రచించిన రామాయణం ధర్మం, సత్యం, న్యాయం, మానవత్వం వంటి విలువలను సమాజానికి అందించిందని పేర్కొన్నారు. కార్యక్రమంలో సూపరింటెండెంట్‌ అధికారి నర్సమ్మ, ఆర్‌ఐలు రామనిరంజన్‌, శేఖర్‌, రామకృష్ణ, ఆర్‌ఎస్‌ఐలు, ఐటీ కోర్‌, డీసీఆర్‌బీ, ఫింగర్‌ప్రింట్‌, కమ్యూనికేషన్‌ విభాగాల, జిల్లా పోలీస్‌ కార్యాలయ సిబ్బంది పాల్గొన్నారు.

కెరమెరి/ఆసిఫాబాద్‌అర్బన్‌: పోరుగడ్డ జోడేఘాట్‌ పులకించింది. ఆదివాసీ ముద్దుబిడ్డ, గోండు బెబ్బు లి కుమురంభీంకు నివాళులర్పించేందుకు మంత్రులు, ప్రజాప్రతినిధులు, అధికారులతోపాటు ఉమ్మ డి జిల్లా నుంచి ప్రజానీకం తరలివచ్చింది. అమరుడికి గిరిజన సంప్రదాయం ప్రకారం నివాళులర్పించి ప్రత్యేక పూజలు చేశారు. కుమురంభీం ఆసిఫాబాద్‌ జిల్లా కెరమెరి మండలం జోడేఘాట్‌లో సోమవారం కుమురంభీం 86 వర్ధంతి ఘనంగా నిర్వహించారు. గిరిజన సంక్షేమశాఖ మంత్రి అడ్లూ రి లక్ష్మణ్‌కుమార్‌, మహిళా శిశు సంక్షేమశాఖ సీతక్క హాజరయ్యారు. వారిని గుస్సాడీ నృత్యంతో స్వాగ తం పలికారు. అనంతరం వారు ఆదివాసీలు, భీం వారసులతో కలిసి సంప్రదాయ పూజలు చేశారు. కుమురం భీంతోపాటు కొలాం వీరుడు కుమురం సూరుకు నివాళులర్పించారు. అంతకుముందు నాలుగు గోత్రాల జెండాలు ఆవిష్కరించారు. ఆకట్టుకున్న కార్యక్రమాలు జోడేఘాట్‌లో వివిధ సాంస్కృతిక కార్యక్రమాలు ఆకట్టుకున్నాయి. గోండ్‌గూడ అంగన్‌వాడీ కేంద్రం చిన్నారులు, గుస్సాడీలు చేసిన నృత్యాలు అలరించాయి. వివిధశాఖల స్టాల్స్‌ ప్రత్యేక ఆకర్షణగా నిలి చాయి. ఐటీడీఏ పీవో మంద మకరందు ధోవతి, రుమాలు కట్టుకుని గోండి భాషలో మాట్లాడారు. ఆరుగురు గిరిజనులకు ఆర్‌వోఎఫ్‌ఆర్‌ పట్టాలు అందించారు. ఉన్నత విద్యనభ్యసిస్తున్న మడావి దత్తు, కోట్నాక్‌ సంజీవనిలకు ల్యాప్‌టాప్‌లు అందించా రు. భీం మనుమడు సోనేరావు, ఇతర వారసులకు దుస్తులు అందించి సత్కరించారు. ఆసిఫాబాద్‌ ఎమ్మెల్యే కోవ లక్ష్మి, సిర్పూర్‌ ఎమ్మెల్యే పాల్వాయి హరీశ్‌బాబు, ఖానాపూర్‌ ఎమ్మెల్యే వెడ్మ బొజ్జు పటేల్‌, మహిళా శిశు సంక్షేమ శాఖ కమిషనర్‌ దివ్య దేవరాజన్‌, డీఎస్పీ అశోక్‌, అదనపు ఎస్పీ, డీటీడబ్ల్యూవో అంబాజీ, డీఎంహెచ్‌వో నాగేంద్ర, ఎస్‌ఈ ఉత్తమ్‌ జాడె, డీసీసీ అధ్యక్షురాలు ఆత్రం సుగుణ, మాజీ ఎమ్మెల్యే సక్కు, బీజేపీ రాష్ట్ర కార్యవర్గ సభ్యుడు అరిగెల నాగేశ్వర్‌రావు, తుడుందెబ్బ రాష్ట్ర అధ్యక్షుడు కోట్నాక విజయ్‌, జిల్లా అధ్యక్షుడు కోవ విజయ్‌, ఉత్సవ కమిటీ చైర్మన్‌ పెందూర్‌ రాజేశ్వర్‌, సీపీఎం మాజీ కేంద్ర కమిటీ సభ్యుడు పుల్లూరి ప్రసాదరావు, చంద్రన్న, శంకరన్న పాల్గొన్నారు. వచ్చే వర్ధంతిలోగా సమస్యల పరిష్కారం వచ్చే భీం వర్ధంతిలోగా సమస్యలు పరిష్కరించి పోడు భూములకు పట్టాలు, సాగు, తాగునీరు అందిస్తాం. 40ఏళ్ల క్రితం ఎలాంటి సౌకర్యాలు లేనప్పుడు వర్ధంతికి వచ్చిన జనం, ఇప్పుడు అన్ని సౌకర్యాలు వచ్చాక రాకపోవడం సరికాదు. సమ్మక్క, సారక్క, భీం, రాంజీగోండు వంటి వీరులను స్ఫూర్తిగా తీసుకోవాలి. కుమురం భీం, ఆదిలాబాద్‌ జిల్లాల్లో గిరిజనులు అధికంగా ఉంటారు. నిబంధనల పేరుతో అధికారులు కఠినంగా వ్యవహరిస్తే వారి జీవనం మరింత కష్టమవుతుంది. ఇప్పటికే కుమురం భీం జిల్లాలో రూ.180 కోట్లతో అభివృద్ధి పనులు చేపట్టాం. సిర్పూర్‌కు తన నిధుల నుంచి రూ.60 కోట్లు వెచ్చించాను. – మంత్రి సీతక్క సీఎంతో చర్చిస్తాం ఆదివాసీల అభివృద్ధి కోసం సీఎం రేవంత్‌రెడ్డితో చర్చిస్తాం. గిరిజన గ్రామాల్లో అటవీ నిబంధనలతో సమస్యలు పేరుకుపోయాయి. గిరిజనులకు శాశ్వత హక్కు ఉండేలా పోడు భూములకు పట్టాలు, ఇతర సమస్యలను పరిష్కరిస్తాం. ఐటీడీఏలకు పూర్వవైభవం తీసుకువచ్చి అన్ని కార్యక్రమాలు నిర్వహిస్తాం. – మంత్రి అడ్లూరి లక్ష్మణ్‌కుమార్‌సమస్యల ఏకరువు దర్బార్‌ కార్యక్రమంలో ఆదివాసీ సంఘాల నాయకులు తమ సమస్యలను ఏకరువు పెట్టారు. కుమురం భీం నినదించిన జల్‌, జంగల్‌, జమీన్‌ ఆశయం నేటికీ నెరవేరలేదన్నారు. చాలా గ్రామాల్లో తాగునీరు, రోడ్డు సౌకర్యాలు లేవని ఆవేదన వ్యక్తం చేశారు. ఇళ్ల నిర్మాణానికి ఇసుక, పందిరి వేసేందుకు వెదురు తెచ్చుకోవడానికి కూడా అడ్డుపడుతున్నారని బాధలు వినిపించారు. కాంగ్రెస్‌ ప్రభుత్వం వచ్చాక గిరిజనులకు వందశాతం ఇందిరమ్మ గృహాలు ఇస్తామని ఇచ్చిన మాటను సీఎం రేవంత్‌రెడ్డి నిలబెట్టుకోలేదని పేర్కొన్నారు. కలెక్టర్‌ హరిత మాట్లాడుతూ ప్రతీ గిరిజన గ్రామానికి నిరంతరం తాగునీరు అందించేందుకు సావర్‌ఖెడా సమీపంలో రూ.60 కోట్లతో ఇంటెక్‌వెల్‌ నిర్మిస్తున్నామని తెలిపారు. యువత మత్తు పదార్థాలకు దూరంగా ఉండాలని ఎస్పీ నితిక పంత్‌ సూచించారు. పిల్లల ను బాగా చదివించాలని, గ్రామాభివృద్ధిలో ప్రజలు భాగస్వాములు కావాలని పిలుపునిచ్చారు.

నిర్మల్‌‘ఎకో’ పరిధి.. పరేషాన్‌ ఎకో సెన్సిటివ్‌ జోన్‌ పరిధిపై కవ్వాల్‌ టైగర్‌జోన్‌ పరిధిలోని ప్రజల్లో ఆందోళన వ్యక్తమవుతోంది. అభివృద్ధి పనులకు నిబంధనలు ఆటంకంగా మారుతుండడంతో వ్యతిరేకత పెరుగుతోంది.హక్కులపై అవగాహన నర్సాపూర్‌ (జి): హక్కులపై అందరికీ అవగాహన ఉండాలని జిల్లా అదనపు జూనియర్‌ సివిల్‌ జడ్జి బి.నిఖిత అన్నారు. జిల్లా న్యాయ సేవాధికారి సంస్థ ఆధ్వర్యంలో నర్సాపూర్‌(జి) జిల్లా పరిషత్‌ ఉన్నత పాఠశాలలో సురక్షిత్‌ బచ్‌పన్‌ అభియాన్‌ కార్యక్రమం సోమవారం నిర్వహించారు. బాలల హక్కుల పరిరక్షణ, బాలలపై లైంగిక నేరాల నిరోధం, బాలల భద్రతపై ప్రజల్లో అవగాహన కల్పించేందుకు సురక్షిత్‌ బచ్‌పన్‌ అభియాన్‌ కార్యక్రమాన్ని నిర్వహిస్తున్నట్లు వక్తలు తెలిపారు. లైంగిక నేరాల నిరో ధానికి పోక్సో చట్టం–2012 కీలకమైంద ని పేర్కొన్నారు. పిల్లలకు వారి హక్కులు, చట్టాల పై అవగాహన కల్పించాలని, చెడు వ్యసనాలతో కలిగే దుష్ప్రభావాలను వివరించాలని తెలి పారు. కార్యక్రమంలో న్యాయవాది షేర్‌ నరేందర్‌, ఎస్సై గణేశ్‌, పాఠశాల హెచ్‌ఎం రవీంద్రకుమార్‌, ఉపాధ్యాయులు పాల్గొన్నారు. ఈ రైతు పేరు యాంబరి చిన్నగంగాధర్‌. పంచగుడి గ్రామానికి చెందిన ఈయన తనకు ఉన్న 9 ఎకరాల్లో వానాకాలం సన్నరకం వరి సాగు చేశాడు. పంట కొత దశకు రాగానే 6 ఎకరాల వరి కోశారు. విషయం తెలుసుకున్న ప్రైవేటు వ్యాపారులు నేరుగా పొలం వద్దకే వచ్చారు. క్వింటాల్‌కు రూ.2800 చొప్పున చెల్లించి పచ్చి వడ్లు కొనుగోలు చేస్తామని తెలిపారు. దీంతో చిన్నగంగాధర్‌ ఆలోచనలో పడ్డాడు. వడ్లు ఆరబెట్టి.. మాయిశ్చర్‌ రాకకోసం రోజుల తరబడి నిరీక్షించి, తూకం పెట్టేందు రోజుల తరబడి కల్లంలో వేచి ఉండాల్సి వస్తుందని, ప్రభుత్వం డబ్బులు చెల్లించడానికి కూడా నెల సమయం పడుతుందని భావించాడు. దీంతో వ్యాపారికి విక్రయించడమే మేలని భావించాడు. మొత్తం పచ్చివడ్లు విక్రయించాడు. లోకేశ్వరం: రైతులు ఎల్‌నినోకు ఎదురొడ్డి.. సుమారు ఆరు నెలలు రెక్కలు ముక్కలు చేసుకుని పండించిన వరి పంటపై దళారీలు వాలిపోతున్నారు. ఎల్‌నినో కారణంగా వర్షాలు తగ్గాయి. తెగుళ్లు పెరిగాయి. ఫలితంగా దిగుబడి కూడా తగ్గింది. ఇక యాసంగిలో వరి వేయొద్దని ప్రభుత్వమే సూచిస్తోంది. దీంతో వడ్లకు డిమాండ్‌ పెరిగింది. ఈ నేపథ్యంలో దళారులు పల్లెల్లోకి దిగారు. నేరుగా పొలాల వద్దనే వాలుతున్నారు. తాలు, తప్పతో సంబంధం లేకుండా పచ్చి వడ్లనే కొనుగోలు చేస్తున్నారు. ప్రభుత్వ కొనుగోలు కేంద్రాల్లో ఏటా తేమ శాతం, తాలు పేరిట తూకంలో కోత, హమాలీలు, లారీల కొరత, డబ్బులు త్వరగా ఖాతాల్లో జమ కాకపోవడం వంటి సమస్యలతో రైతులు సతమతమవుతున్నారు. ఈ పరిస్థితిని ఆసరాగా తీసుకున్న దళారులు పొలం వద్దకే వచ్చి సన్నరకం పచ్చి వడ్లను కొనుగోలు చేస్తున్నారు. రెండు మండలాల్లో విక్రయాలు జిల్లాలోని ముధోల్‌, లోకేశ్వరం మండలాల్లో పచ్చివడ్ల విక్రయాలు జోరుగా సాగుతున్నాయి. నిత్యం సుమారు పది లారీల్లో పచ్చి ధాన్యం వ్యాపారులు ఆంధ్రప్రదేశ్‌, మహారాష్ట్ర, కర్ణాటక రాష్ట్రాలకు తరలిస్తున్నారు. సన్నరకం ధాన్యానికి క్వింటాల్‌కు రూ.2,800 చొప్పున చెల్లిస్తున్నారు. 70 కిలోల బస్తాకు మూడు కిలోలు కోత వేస్తున్నారు. కొనుగోలు చేసిన తర్వాత రైతులకు నగదు లేదా చెక్కుల రూపంలో చెల్లించడానికి 15 నుంచి 20 రోజుల గడువు పెడుతున్నారు. ప్రభుత్వం ప్రకటించిన మద్దతు ధర కంటే ఎక్కువగా చెల్లించి ధాన్యం తీసుకెళ్తున్నారు. ప్రభుత్వం సన్నరకం ధాన్యానికి మద్దతు ధర రూ.2,441గా నిర్ణయించి, అదనంగా రూ.500 బోనస్‌ ఇస్తామని ప్రకటించింది. అమ్మడానికి అష్టకష్టాలు.. విత్తనం విత్తినప్పటి నుంచి మొదలైన కష్టాలు ధాన్యం అమ్ముకునే సమయంలోనూ వీడడం లేదు. గతేడాది కొనుగోలు కేంద్రాల నిర్వాహకులు అడ్డగోలు నిబంధనలంటూ వడ్లు కొనేందుకు కొర్రీలు పెట్టారు. ఇక ప్రభుత్వం బోనస్‌ చెల్లింపులో జాప్యం చేస్తోంది. ఈ సమస్యలను భరించలేక ప్రైవేటు వ్యాపారులకు క్వింటాల్‌కు ధర రూ.2,800 చొప్పున పచ్చి వడ్లు అమ్మేశాను. – మంద లింగన్న, రైతు, ధర్మోరజిల్లాలో వరి కొనుగోలు కేంద్రా వివరాలు.. జిల్లాలో వానాకాలం సాగుచేసిన వరి 1.37 లక్షల ఎకరాలు ధాన్యం దిగుబడి అంచనా 1,43,065 మెట్రిక్‌ టన్నులు గతేడాది కొనుగోలు చేసిన ధాన్యం1.14 లక్షల మెట్రిక్‌ టన్నులు ప్రభుత్వంపై నమ్మకం లేక రైతు భరోసా డబ్బులు సకాలంలో జమ కాకపోవడం, రుణమాఫీ పూర్తిగా అమలు కాకపోవడం, బోనస్‌ డబ్బులు కూడా సకాలంలో చెల్లించకపోవడంతో రైతుల్లో ప్రభుత్వంపై నమ్మకం సన్నగిల్లింది. మరోవైపు కొనుగోలు కేంద్రాల్లో కొనుగోలుకు అనేక కొర్రీలు పెడుతుండడం, టార్పాలిన్ల భారం, గన్నీ బ్యాగుల భారం రైతులపైనే పడుతుండడంతో వీటిని లెక్కించి మరీ రైతులు పచ్చి వడ్లనే ప్రైవేటు వ్యాపారులకు విక్రయిస్తున్నారు. ధాన్యం అమ్మకంలో రైతులు ఎదుర్కొంటున్న ఇబ్బందులను గమనించిన వ్యాపారులు పచ్చి వడ్ల దందాకు తెరలేపినట్లు సమాచారం.

నిర్మల్‌చైన్‌గేట్‌: ప్రజావాణికి అర్జీల రూపంలో వచ్చే వివిధ సమస్యలను ఎప్పటికప్పుడు పరిష్కరించాలని అదనపు కలెక్టర్లు రాథోడ్‌ రమేశ్‌, వెంకట మాధవరావు ఆదేశించారు. కలెక్టరేట్‌ సమావేశ మందిరంలో సోమవారం నిర్వహించిన ప్రజావాణి కార్యక్రమంలో ప్రజల నుంచి వచ్చిన ఫిర్యాదులను స్వయంగా స్వీకరించారు. ప్రతీ దరఖాస్తును క్షుణ్ణంగా పరిశీలించి, తక్షణమే స్పందించాలని ఆయా శాఖల అధికారులకు సూచించారు. మండలాల వారీగా పెండింగ్‌లో ఉన్న ప్రజావాణి దరఖాస్తులకు సంబంధించి సమస్యలు వెంటనే పరిష్కరించాలన్నారు. ప్రజల సమస్యలను సంబంధిత శాఖలు సమన్వయంతో పరిష్కరించేలా పనిచేయాలని సూచించారు. ప్రజలు విద్య, వైద్యం, ఇందిరమ్మ ఇళ్లు, పింఛన్లు, భూసమస్యలకు సంబంధించి దరఖాస్తులు సమర్పించారు. నాకు నిర్మల్‌ రూరల్‌ పరిధిలోని కౌట్ల(కే) గ్రామంలో సర్వే నంబర్‌ 523/ఆ/2 లో 1.20 ఎకరాల భూమి ఉంది. అయితే ఈ భూమిని రెవెన్యూ రికార్డుల నుంచి తొలగించారు. ధరణి సర్వే సమయంలో తన భూమిని కొలిచినప్పటికీ రికార్డుకు ఎక్కించలేదు. రెవెన్యూ అధికారులకు అనేకసార్లు దరఖాస్తు చేసుకున్నప్పటికీ ఎలాంటి ప్రయోజనం లేదు. – సురకంటి హన్మంత్‌ రెడ్డి

ఖానాపూర్‌/కడెం: రైతుల పంటలకు అవసరమైన సాగునీరు అందించేందుకు చర్యలు తీసుకుంటామని కలెక్టర్‌ భవేశ్‌ మిశ్రా తెలి పారు. ఖానాపూర్‌ మండలం మేడంపల్లిలో ని పాత సదర్మాట్‌ అనకట్టను సోమవారం పరిశీలించారు. నీటి లభ్యత, సాగునీటి సరఫరాపై నీటిపారుదల శాఖ అధికారులను వివరాలు అడిగి తెలుసుకున్నారు. సదర్మాట్‌ బ్యారేజీలో ప్రస్తుతం ఒక టీఎంసీ నీరు ఉందని, పంటలు కోత దశకు చేరుకున్న నేపథ్యంలో అవసరమైన మేరకు అందిస్తామని తెలిపారు. కడెం మండలం మద్దిపడగ గ్రామ సమీపంలో సాగు నీరందక ఎండిన పొలాలను సందర్శించారు. నది పరీవాహక ప్రాంతంలో నీటి మళ్లింపులను తొలగిస్తే పంటలకు నీరు అందించడంలో ఇబ్బందులు తగ్గుతాయని పేర్కొన్నారు. రైతులు అందుబాటులో ఉన్న నీటిని పొదుపుగా వినియోగించుకోవాలని సూచించారు. మంగళవారం నుంచి విడుదల చేసే సాగు నీరు చివరి ఆయకట్టు వరకు అందేలా ఇరిగేషన్‌, పంచాయతీరాజ్‌, రెవెన్యూ సిబ్బందితోపాటు రైతులతో కలిసి చర్యలు తీసుకోవాలన్నారు. ఇందులో తహసీల్దార్‌ మొయినుద్దీన్‌, ఈఈ ప్రవీణ్‌, ఎంపీడీవో అరుణ, సర్పంచులు జడ లావణ్యకృష్ణ, శకుంతలరామగౌడ్‌, మాజీ ఎంపీపీ అమ్మిబాపురావు, రైతులు ఉన్నారు.

నిర్మల్‌ రూరల్‌: జిల్లా కేంద్రంలోని ఎన్టీఆర్‌ మినీ స్టేడియంలో జిల్లా విద్యాశాఖ, సమగ్ర శిక్ష ఆధ్వర్యంలో ప్రత్యేక అవసరాలు కలిగిన విద్యార్థులకు సోమవారం జిల్లాస్థాయి క్రీడా పోటీలు నిర్వహించారు. సమగ్ర శిక్ష ఎఫ్‌ఏవో సిద్ధ పద్మ, జిల్లా విలీన విద్య సమన్వయకర్త ప్రవీణ్‌ కుమార్‌ మాట్లాడు తూ.. ప్రత్యేక అవసరాల విద్యార్థులు క్రీడల్లో పాల్గొనేలా ప్రోత్సహించేందుకు ఈ పోటీలు నిర్వహిస్తున్నామన్నారు. ఈ పోటీల ద్వారా విద్యార్థులు తమ నైపుణ్యాలను, పట్టుదలను, జట్టుగా పనిచేసే సామర్థ్యాన్ని, క్రీడా స్ఫూర్తిని ప్రదర్శించేందుకు అవకాశం లభిస్తుందని వివరించారు. అనంత రం విద్యార్థులకు క్యారం, చెస్‌ తదితర పోటీలు నిర్వహించారు. విజేతలకు బహుమతులు అందజేశారు.

నిర్మల్‌చైన్‌గేట్‌: ఆదివాసీ వీరుడు కొమురంభీం 86వ వర్ధంతిని సోమవారం నిర్మల్‌లో ఘనంగా నిర్వహించారు. ఆదివాసీ నాయక పోడు సంఘం జిల్లా అధ్యక్షుడు సాకి లక్ష్మణ్‌ ఆధ్వర్యంలో కార్యక్రమం ఏర్పాటు చేశారు. ఈ సందర్భంగా రాష్ట్ర ఉపాధ్యక్షుడు వెంకగారి భూమ య్య మాట్లాడుతూ నిజాంపై పోరాడిన భీం త్యాగం యావత్‌ ఆదివాసీ సమాజానికి స్ఫూర్తి దాయకమని పేర్కొన్నారు. భీం ఆశయాలను కేవలం మాటల్లో కాకుండా ఆచరణలో చూపాలని, ఆయన చరిత్రను భావితరాలకు అందించేలా ప్రభుత్వం చర్యలు తీసుకోవాలన్నారు. భీం వర్ధంతి ఒకే జిల్లాకు లేదా ఉమ్మడి ఆదిలా బాద్‌కే పరిమితం చేయడంపై అసంతృప్తి వ్యక్తం చేశారు. రాష్ట్రంలోని అన్ని జిల్లాల్లో అధి కారికంగా నిర్వహించాలని డిమాండ్‌ చేశారు. కార్యక్రమంలో సంఘం రాష్ట్ర సంయుక్త కార్యదర్శి ముసలి చిన్నయ్య, ఉపాధ్యక్షులు సుంచు సవీన్‌, రమేశ్‌, తుడుం దెబ్బ జిల్లా కార్యదర్శి తోడుసం గోవర్ధన్‌ తదితరులు పాల్గొన్నారు.

నిర్మల్‌చైన్‌గేట్‌: ఎల్‌నినో ప్రభావంతో నిత్యావసరాల ధరలు ఇప్పటికే మండుతున్నాయి. పేద, మధ్య తరగతిపై భారం పడుతోంది. ఈ నేపథ్యంలో రాష్ట్ర ప్రభుత్వం ముందస్తు చర్యలకు సిద్ధమవుతోంది. రేషన్‌ వ్యవస్థ ద్వారా గోధుమపిండి, కందిపప్పు, పామాయిల్‌, చక్కెర, చింతపండు, కారం పొడి వంటి నిత్యావసరాలు సబ్సిడీ ధరలకు పంపిణీ చేసే ప్రతిపాదనను పరిశీలిస్తోంది. అధికారులు ఈ అంశంపై కసరత్తు చేస్తున్నారు. మంత్రి సమీక్ష, ఆదేశాలుగత సోమవారం సెక్రటేరియట్‌లో పౌరసరఫరాల శాఖ ఉన్నతాధికారులతో నిర్వహించిన సమీక్షలో మంత్రి ఉత్తమ్‌ కుమార్‌రెడ్డి సరుకుల సేకరణ, పంపిణీ వ్యయం, లబ్ధిదారులకు ఇవ్వాల్సిన పరిమాణాలపై సమగ్ర అంచనాలు రూపొందించాలని ఆదేశించారు. పూర్తి వివరాలతో నివేదిక వచ్చాక పంపిణీపై నిర్ణయం తీసుకుంటామని తెలిపారు. పెరుగుతున్న ధరలు..ఎల్‌నినో కారణంగా వర్షాలు తక్కువగా కురిశాయి. దీంతో పంటల దిగుబడి తగ్గింది. వ్యాపారులు కృత్రిమ కొరత సృష్టిస్తూ ధరలు పెంచుతున్నారు. కిలో బియ్యం వంద రూపాయలకు చేరువలో ఉండగా, కూరగాయలు, చక్కెర, పప్పులు, ఇతర వంట సామగ్రి ధరలు కూడా పెరుగుతున్నాయి. రానున్న రోజుల్లో మరింత పెరిగే అవకాశం ఉంది. కూరగా యల దిగుబడి తగ్గి ధరలు పెరుగుతున్నాయి. 14 నెలల నిల్వలు..సుమారు 14 నెలలకు సరిపడా నిత్యావసర సరుకులు సేకరించాలని ప్రభుత్వం భావిస్తోంది. ఇది మార్కెట్‌లో పెరుగుతున్న ధరల నుంచి పేద, మధ్యతరగతి కుటుంబాలకు ఉపశమనం కలిగించడంతోపాటు ఆహార కొరతను అధిగమించేందుకు ఉపయోగపడుతుందని భావిస్తోంది. సేకరణ, లబ్ధిదారుల సంఖ్య, ఆర్థిక భారం తదితర అంశాలపై అధికారులు సమగ్ర నివేదిక రూపొందిస్తున్నారు. దాని ఆధారంగా పరిమాణం, సబ్సిడీ స్థాయిని నిర్ణయించి బహిరంగ మార్కెట్‌ ధర కంటే తక్కువకే అందించనున్నారు.బియ్యంతోపాటు ఆరు సరుకులు..రేషన్‌ కార్డుదారులకు చౌక ధరల దుకాణాల ద్వారా ప్రస్తుతం అందిస్తున్న బియ్యానికి తోడు ఆరు రకాల నిత్యావసర వస్తువులు అందించేలా ప్రణాళికలు రూపొందుతున్నాయి. వర్షాభావ పరిస్థితుల్లో పెరిగిన ధరలతో ప్రజలు పడుతున్న ఇబ్బందులను దృష్టిలో ఉంచుకుని ఈ చర్యలు తీసుకోవాలని భావిస్తున్నారు. జిల్లాలో 2.49 లక్షల రేషన్‌ కార్డుదారులకు లబ్ధి చేకూరే అవకాశం ఉంది.

లక్ష్మణచాంద: సరస్వతి కాలువకు ఒక తడికి నీళ్లు వదలాలని కాంగ్రెస్‌ సోన్‌ మండల నాయకులు నిర్మల్‌ నియోజకవర్గ ఇంన్‌చార్జి శ్రీహరిరావును కోరారు. ఆదివారం నిర్మల్‌లో ఆయన నివాసంలో కలిసి విన్నవించారు. రైతులు పంట నష్టపోకుండా చూడాలని కోరారు. ఈ సందర్భంగా శ్రీహరిరావు మాట్లాడుతూ ఉన్నతాధికారులతో మాట్లాడి ఈ నెల 29 లేదా 30న నీటిని విడుదలకు కృషి చేస్తానని హామీ ఇచ్చారు. వినతిపత్రం ఇచ్చినవారిలో కాంగ్రెస్‌ పార్టీ సోన్‌ మండల అధ్యక్షుడు మొయినుద్దీన్‌, నాయకులు అజహర్‌, లింగన్న, జగన్‌, అనిల్‌, అర్జం లింగన్న, వన్నెల రాజేశ్వర్‌ ఉన్నారు.

సారంగపూర్‌: జిల్లాలో ప్రసిద్ధ పుణ్యక్షేత్రమైన అడెల్లి మహాపోచమ్మ దేవాలయం ఆదివారం భక్తులతో కిటకిటలాడింది. ఉమ్మడి ఆదిలా బాద్‌ జిల్లాతోపాటు నిజమాబాద్‌, హైదరా బాద్‌, కరీంనగర్‌, వరంగల్‌ జిల్లాల నుంచి, పొరుగు రాష్ట్రమైన మహారాష్ట్ర నుంచి పెద్ద సంఖ్యలో భక్తులు తరలివచ్చి అమ్మవారిని దర్శించుకున్నారు. మొక్కులు చెల్లించుకున్నా రు. ఉదయం 5 గంటల నుంచే ఆలయ ప్రధాన అర్చకుడు శ్రీనివాసశర్మ ఆధ్వర్యంలో హారతీ, అభిషేకం తదితర పూజలు నిర్వహించారు. అనంతరం భక్తులను దర్శనానికి అనుమతించారు. ఈవో భూమయ్య ఆధ్వర్యంలో ప్రత్యేక ఏర్పాట్లు చేశారు. ముధోల్‌లో మినీ స్టేడియం ఏర్పాటుకు కృషి ముథోల్‌: నియోజకవర్గ కేంద్రమైన ముధోల్‌లో మినీ క్రికెట్‌ స్టేడియం నిర్మాణానికి కృషి చేస్తానని ఎమ్మెల్యే రామారావుపటేల్‌ అన్నారు. ముధోల్‌ జెడ్పీహెచ్‌ఎస్‌ మైదానంలో ఆదివారం నిర్వహించిన ఫ్రెండ్షిప్‌ క్రికెట్‌ టోర్నమెంట్‌కు ముఖ్య అతిథిగా హాజరై మాట్లాడారు. క్రీడల్లో గెలుపు ఓటములు సహజమని క్రీడాకారులు క్రీడా స్ఫూర్తి కలిగి ఉండాలని అన్నారు. ముధోల్‌లో మినీ స్టేడియానికి అనుకూలమైన స్థలం ఉందని, త్వరలో స్టేడియం మంజూరు చేయిస్తానన్నారు. భైంసా మున్సిపల్‌ చైర్మన్‌ తుమోల్ల దత్తాత్రి మాట్లాడుతూ ముధోల్‌ మైదానంలో తాను క్రికెట్‌ ఆడిన అనుభూతులను గుర్తుకు చేసుకున్నారు. ముధోల్‌, భైంసాలో కులమతాలకు అతీతంగా క్రీడ స్ఫూర్తిని కలిగి ఉండి క్రీడలను ప్రోత్సహించేందుకు ప్రతి ఒక్కరూ ముందుకు వస్తారని పేర్కొన్నారు. ఫ్రెండ్‌షిప్‌ క్రికెట్‌ టోర్నమెంట్‌లో మొదటి బహుమతిగా టెక్నో ముధోల్‌ రూ.30 వేలు, ద్వితీయ బహుమతిగా సర్పంచ్‌ 11 ధర్మాబాద్‌ జట్టుకు రూ.15 వేలతోపాటు బహుమతులు ఎమ్మెల్యే చేతుల మీదుగా అందజేశారు. కార్యక్రమంలో ముధోల్‌, అష్ట సర్పంచులు ఏజాజుద్దీన్‌, రావుల శ్రీనివాస్‌, కాంగ్రెస్‌, బీజేపీ మండల అధ్యక్షులు సాపేవార్‌ కిష్టయ్య, కోరి పోతన్న, ఎస్సై బిట్ల పెర్సిస్‌, ఈవో అన్వర్‌ అలీ, నాయకులు తాటివార్‌ రమేశ్‌, పట్టెపురం సతీశ్‌రెడ్డి, ఇమ్రాన్‌ఖాన్‌, జీవన్‌, శ్రీనివాస్‌, మగ్దమ్‌, నిర్వాహకులు విష్ణు, అఫ్రోజ్‌, మేరాజ్‌ఖాన్‌, దాదా, సికిందర్‌ తదితరులు పాల్గొన్నారు.

కెరమెరి: ఆదివాసీ ముద్దు బిడ్డ కుమురంభీం 86వ వర్ధంతికి కెరమెరి మండలంలోని జోడేఘా ట్‌ ముస్తాబైంది. భీం విగ్రహంతోపాటు మ్యూజి యం, జెండాలను అందంగా తీర్చిదిద్దారు. ప్రజల కోసం టెంట్లు ఏర్పాటు చేస్తున్నారు. ప్రముఖుల కోసం హెలిప్యాడ్‌ సిద్ధం చేశారు. గిరిజన సంప్రదాయం ప్రకారం సోమవారం ఉదయం 8 గంటలకు జెండాలు ఆవిష్కరించనున్నారు. 9 గంటలకు సమాధి వద్ద పూజలు చేసి 10 గంటలకు శ్రద్ధాంజలి ఘటిస్తారు. మధ్యాహ్నం గిరిజనులతో ప్రత్యేక దర్బార్‌ ఏర్పాటు చేయనున్నారు. ఈ కార్యక్రమానికి రాష్ట్ర శిశుసంక్షేమశాఖ మంత్రి సీతక్క, గిరిజన సంక్షేమ శాఖ మంత్రి అడ్లూరి లక్ష్మణ్‌తోపాటు ఉమ్మడి జిల్లాకు చెందిన ప్రజాప్రతినిధులు, అధికారులు, ఆదివా సీలు హాజరు కానున్నారు. కాగా, ఉమ్మడి జిల్లా ఇన్‌చార్జి మంత్రి జూపల్లి కృష్ణారావు వ్యక్తిగత కా రణాలతో హాజరుకావడం లేదని తెలుస్తోంది. హాజరుకానున్న ప్రముఖులు..రాష్ట్ర శిశు సంక్షేమశాఖ మంత్రి సీతక్క, గిరిజన సంక్షేమశాఖ మంత్రి అడ్లూరి లక్ష్మణ్‌తోపాటు ఆదిలాబాద్‌ ఎంపీ గోడం నగేశ్‌, ఆసిఫాబాద్‌, ఖానాపూర్‌ ఎమ్మెల్యేలు కోవ లక్ష్మి, వెడ్మ బొజ్జు, ఇతర ప్రజాప్రతినిధులు, అధికారులు హాజరు కానున్నారు. ఎలాంటి ఆటంకాలు లేకుండా ఏ ర్పాట్లు చేయాలని కలెక్టర్‌ కె.హరిత, ఐటీడీఏ పీవో మంద మకరందు ఆదేశాలు జారీ చేశారు. మంత్రి సీతక్క బేగంపేట నుంచి ఉదయం బ యలుదేరి మధ్యాహ్నం 12 గంటలకు జోడేఘా ట్‌ చేరుకోనున్నారు. అలాగే మరో మంత్రి అడ్లూ రి లక్ష్మణ్‌ ఉదయం 8 గంటలకు జగిత్యాల జిల్లా ధర్మపురి నుంచి నుంచి 11 గంటలకు జోడేఘాట్‌కు వస్తారు. వీరు దర్బార్‌తోపాటు ఇతర కార్యక్రమాల్లో మంత్రులు పాల్గొననున్నారు. 12 వేల మంది అంచనా.. వర్ధంతికి 12 వేల మందికి పైగా హాజరవుతారని అధికారులు అంచనా వేస్తున్నారు. ఆసిఫాబాద్‌ డిపో నుంచి పది ప్రత్యేక బస్సులు నడపనున్నారు. హట్టి నుంచి ఉచిత ప్రయాణ సౌకర్యం కల్పించారు. ప్రత్యేకంగా వచ్చే ప్రైవేట్‌ వాహనాలకు పార్కింగ్‌ స్థలాలు ఏర్పాటు చేశారు. 20 వేల మంది వరకు భోజన ఏర్పాట్లు చేస్తున్నారు.జల్‌, జంగల్‌, జమీన్‌ అర్చీలు

అరికట్టకుంటే తప్పదు వ్యథ!నిర్మల్‌టౌన్‌: ఎల్‌నినో ప్రభావంతో ఈ ఏడాది వర్షాలు తక్కువగా కురిశాయి. ఈ నేపథ్యంలో ప్రభుత్వం తాగునీటిని పొదుపుగా వినియోగించాలని సూచిస్తోంది. సీఎం రేవంత్‌రెడ్డి స్వయంగా నీటిని వృథా చేయొద్దని సూచించారు. కానీ జిల్లాలోని నిర్మల్‌, భైంసా మున్సిపాలిటీల్లో మాత్రం పైపులైన్‌ లీకేజీలతో తాగునీరు వృథా అవుతోంది. నియంత్రించాల్సిన అధికారులు చోద్యం చూస్తుండడంపై విమర్శలు వ్యక్తమవుతున్నాయి. నిర్మల్‌లో ఇలా.. నిర్మల్‌ పట్టణంలో ప్రతిరోజూ సుమారు 19.40 ఎంఎల్‌డీ (194 లక్షల లీటర్లు) తాగునీరు సరఫరా అ వుతోంది. దాదాపు 21,800 నల్లా కనెక్షన్లు ఉన్నా యి. ఇంత పరిమాణంలో సరఫరా జరుగుతున్నా, పలు ప్రాంతాల్లో భూగర్భ పైప్‌లైన్ల నుంచి నీరు లీకై రోడ్లపైకి వస్తోంది. పబ్లిక్‌ కుళాయిలకు ఆన్‌–ఆఫ్‌ వాల్వ్‌లు లేకపోవడంతో సరఫరా సమయంలో నీ రు డ్రెయినేజీలపాలవుతోంది. లీకేజీలను సకా లంలో గుర్తించి మరమ్మతు చేయకపోవడంతో న ష్టం పెరుగుతోందని పట్టణవాసులు ఆవేదన వ్యక్తం చేస్తున్నారు. పర్యవేక్షణ లోపం..వివిధ వార్డుల్లో ఇలాంటి సమస్యలు కొనసాగుతున్నాయి. లీకేజీలను వెంటనే గుర్తించి మరమ్మతులు చేపట్టడంతోపాటు పబ్లిక్‌ కుళాయిలకు వాల్వ్‌లు ఏర్పాటు చేస్తే వృథాను గణనీయంగా తగ్గించవచ్చని ప్రజలు అభిప్రాయపడుతున్నారు. అయినా సమర్థవంతమైన చర్యలు లేకపోవడంపై విమర్శలు వస్తున్నాయి.భైంసాలో లక్ష లీటర్లు వృథా..భైంసాటౌన్‌: భైంసా పట్టణంలో ఇంకా చాలామంది ఎల్‌నినో పరిస్థితులను అర్థం చేసుకోవడం లేదు. ప్రతీరోజు విలువైన నీటిని వృథా చేస్తున్నా రు. ముఖ్యంగా లీకేజీలు, నల్లా కనెక్షన్లకు వద్ద ఆన్‌ ఆఫ్‌ లేక చాలావరకు నీరు వృథాగా పోతోంది. పట్టణంలో 13,300 నల్లా కనెక్షన్లు ఉండగా, మిషన్‌ భగీరథ ద్వారా పట్టణ ప్రజలకు తాగునీటి ని సరఫరా చేస్తున్నారు. ప్రతీరోజు 12 ఎంఎల్‌డీ నీటిని సరఫరా చేస్తుండగా, చాలావరకు నల్లా కనెక్షన్లకు ఆన్‌/ఆఫ్‌ లేకపోవడంతో రోజుకు లక్ష లీటర్ల వరకు నీరు వృథాగా పోతోంది. ముఖ్యంగా స్లమ్‌ కాలనీల్లో నల్లాలకు ఆన్‌/ఆఫ్‌లు లేవు. దీంతో దాదాపు గంటపాటు నీటిని వదులుతుండగా, అవసరం మేరకు నీటిని వాడుకుని మిగిలి న నీటిని వృథాగా పోనిస్తున్నారు. ఇంట్లో నల్లాల కు ఆన్‌/ఆఫ్‌ లేకపోతే వెంటనే బిగించుకుంటాం. అలాంటిది పబ్లిక్‌ నల్లాయే కదా అని నిర్లక్ష్యంగా వదిలేస్తుండడంతో విలువైన నీరు వృథాగా పో తోంది. ఎల్‌నినో పరిస్థితుల్లో ప్రతి ఒక్కరూ తమవంతు బాధ్యతగా నీటిని సంరక్షించాల్సిన అవసరముందని అధికారులు చెబుతున్నారు. నల్లాల కు ఆన్‌/ఆఫ్‌ లేకపోతే అలాంటి కనెక్షన్లను తొలగి స్తామని మున్సిపల్‌ అధికారులు చెబుతున్నారు. వేసవికి ముందు జాగ్రత్తలువర్షాలు ఆశించిన స్థాయిలో లేకపోవడంతో రాను న్న వేసవిలో తాగునీటి సంక్షోభం తీవ్రమయ్యే ప్రమాదం ఉంది. మున్సిపల్‌ అధికారులు ఇప్పటి నుంచే అప్రమత్తం కావాలి. సరఫరా వ్యవస్థపై నిరంతర పర్యవేక్షణ, లీకేజీలకు తక్షణ మరమ్మతులు, పబ్లిక్‌ కుళాయిలకు వాల్వ్‌ల ఏర్పాటు, ప్రజలకు పొదుపు అవగాహన కల్పించడం అవసరమని పట్టణవాసులు కోరుతున్నారు.

తానూరు: 2024లో మానసిక వేదనతో ఆత్మహత్య చేసుకున్న రైతు కుటుంబాలకు ప్రభుత్వం పరిహారం ఇచ్చి అదుకోవాలని రైతు స్వరాజ్య వేదిక జిల్లా అధ్యక్షుడు సంగెపు బొర్రన్న డిమాండ్‌ చేశారు. తానూరు, దౌలతాబాద్‌ గ్రామాల్లో శనివారం పర్యటించారు. 2024 సంవత్సరంలో ఆత్మహత్య చేసుకున్న తానూరు గ్రామానికి చెందిన జాదవ్‌ బాలాజీ, దొంతుల వార్‌ పోశెట్టి , దౌలత్‌ బాద్‌ గ్రామానికి చెందిన రాజుల వెంకన్న వివరాలు నమోదు చేసుకున్నారు. మాజీ సర్పంచ్‌ వెంకట మాధవరావుతో కలిసిబాధిత కుటుంబాల వాస్తవ పరిస్థితులు తెలుసుకున్నారు. పంటల దిగుబడి రాక బలవన్మరణానికి పాల్పడ్డారని వెల్లడించారు. బాధిత కుటుంబాలను ప్రభుత్వం మానవతా హృదయంలో రూ.6 లక్షల పరిహారం, కుటుంబ యజమానురాలికి నెలకు రూ.5 వేలు పెన్షన్‌ మంజూరు చేయాలని కోరారు. పిల్లలకు ఉచిత విద్య, వైద్య సదుపాయాలు అందించేలా ప్రభుత్వం చర్యలు చేపట్టాలని డిమాండ్‌ చేశారు.

నిర్మల్‌భూముల రీసర్వే వేగవంతం చేయాలి నిర్మల్‌చైన్‌గేట్‌: భూముల రీసర్వే వేగవంతం చేసి, త్వరగా పూర్తిచేయాలని సీసీఎల్‌ఏ కమిషనర్‌ లోకేశ్‌కుమార్‌ కలెక్టర్లను ఆదేశించారు. రీసర్వే పురోగతిపై అన్ని జిల్లాల కలెక్టర్లతో శనివారం వీడియో కాన్ఫరెన్స్‌ నిర్వహించారు. ప్రతీ జిల్లాలో మొదటి దశ కింద ఎంపిక చేసిన 70 రెవెన్యూ గ్రామాల్లో ప్రాధాన్యత క్రమంలో సర్వే పనులను పూర్తి చేయాలన్నారు. సిబ్బందిని సమర్థవంతంగా వినియోగించుకుంటూ, పనుల వేగవంతానికి అదనపు బృందాలను ఏర్పాటు చేయాలని సూచించారు. సర్వే సిబ్బందికి తగిన శిక్షణ, సాంకేతిక మార్గదర్శకత్వం అందించాలన్నారు. రోజువారీ లక్ష్యాలను నిర్దేశించుకుని, వెనుకబడిన గ్రామాలపై ప్రత్యేక దృష్టి సారించాలన్నారు. సరిహద్దు వివాదాలు, భూ రికార్డుల్లో వ్యత్యాసాలను ఎప్పటికప్పుడు పరిష్కరించాలన్నారు. భూయజమానులకు అవగాహన కల్పిస్తూ ప్రక్రియను పారదర్శకంగా చేపట్టాలన్నారు. పరికరాల కొరతతో పనుల్లో జాప్యం జరగకుండా అవసరమైన సాంకేతిక పరికరాలు, యంత్రాలను సమకూర్చుకోవాలని తెలిపారు. జిల్లాలో వేగంగా రీసర్వే పనులు.. వీడియో కాన్ఫరెన్స్‌ అనంతరం కలెక్టర్‌ భవేశ్‌మిశ్రా మాట్లాడుతూ జిల్లాలో మొదటి దశ రీసర్వేను నిర్దేశిత గడువులోగా పూర్తి చేస్తామన్నారు. పనుల వేగాన్ని పెంచేందుకు ఇటీవల అదనపు సర్వే యంత్రాలను కూడా సమకూర్చుకున్నామని వివరించారు. క్షేత్రస్థాయిలో అధికారులు అందుబాటులో ఉంటూ సర్వేను పారదర్శకంగా నిర్వహిస్తున్నారని తెలిపారు. వీడియో కాన్ఫరెన్స్‌లో అదనపు కలెక్టర్లు రాథోడ్‌ రమేశ్‌, వెంకట మాధవరావు, సర్వే అండ్‌ ల్యాండ్‌ రికార్డ్స్‌ ఏడీ విఠల్‌, ఇతర రెవెన్యూ అధికారులు పాల్గొన్నారు. సూర్యాపూర్‌ గ్రామానికి చెందిన పల్లె విఠల్‌ జాతర ఉత్సవాలు, పండుగ వేడుకల్లో భక్తులకు శాఖాహార వంటకాలు తయారు చేస్తాడు. భక్తులు విఠల్‌ వంటకాన్ని ఎంతో ఇష్టంగా ఆరగిస్తారు. మాజీ ఎమ్మెల్యే విఠల్‌రెడ్డి చేతుల మీదుగా సన్మానం పొందారు. కంది పప్పుతో చేసే వంటకాలు ఎంతో రుచిగా చేయడం విఠల్‌ ప్రత్యేకత. అందుకే ఇతడిని పప్పు విఠల్‌గా పిలుస్తున్నారు. కుంటాల: వారంతా ఐదు పదుల వయసు దాటినవారే.. వ్యవసాయం చేస్తూ కుటుంబాలను పోషించుకుంటున్నారు. వృత్తి వ్యవసాయమే అయినా ప్రవృత్తిగా గ్రామాల్లో జరిగే శుభకార్యాలు, జాతరల్లో ఘుమఘుమలాడే వంటలను ఉచితంగా తయా రు చేస్తున్నారు. ఎవరు పిలిచినా వెళ్లి.. వంటలు చేస్తూ ఆదర్శంగా నిలుస్తున్నారు. గ్రామాల్లో జరిగే ఆధ్యాత్మిక కార్యక్రమాల్లో భక్తులకు శాకాహారం, వివాహాలు, ఇతర శుభకార్యాల్లో అతిథులకు నోరూరించే వంటకాలు తయారు చేస్తున్నారు. స్ఫూర్తిదాయకంగా నిలుస్తున్న వ్యక్తులు మండలంలోని సూర్యపూర్‌ గ్రామానికి చెందిన పల్లె విఠల్‌, కుంటాలకు చెందిన మానాజిగారి పోశెట్టి, అంబకంటికి చెందిన గోవు రాజేశ్వర్‌, ఓల గ్రామానికి చెందిన సాంగ్వి రాజేశ్వర్‌ ఉచితంగా వంట చేస్తూ గ్రామస్తులకు స్ఫూర్తిగా నిలుస్తున్నారు. శుభకార్యాలు నిర్వహించాలంటే వంటల ఖర్చు గురించి నిర్వాహకులు ఆందోళన చెందుతుంటారు. వీరికి మాత్రం హాజరయ్యే అతిథుల సంఖ్య చెబితే చాలు, ఆహార మెనూ సిద్ధం చేసి అందిస్తారు. భీమా.. మన్నించు కుమురంభీం ఉద్యమానికి ఊపిరి పోసిన గ్రామాలు అవి.. భీం మరణించి 8 దశాబ్దాలైనా ఆ 12 గ్రామాలు ఇప్పటికీ అభివృద్ధికి నోచుకోలేదు. IIలోu

నిర్మల్‌చైన్‌గేట్‌: రోడ్డు ప్రమాద బాధితులకు సమయానికి మెరుగైన అత్యవసర వైద్యం అందించి వారి ప్రాణాలను కాపాడడంలో ‘పీఎం రాహత్‌’ (ప్రైమ్‌ మినిస్టర్‌ రోడ్‌ ఆక్సిడెంట్‌ విక్టిమ్స్‌ హాస్పిటలైజేషన్‌ అండ్‌ అస్యూర్డ్‌ ట్రీట్‌మెంట్‌) పథకం కీలక పాత్ర పోషిస్తుందని రాష్ట్ర ప్రభుత్వ ప్రధాన కార్యదర్శి(సీఎస్‌) సంజయ్‌ జాజు తెలిపారు. హైదరాబాద్‌ నుంచి సంబంధిత శాఖల ఉన్నతాధికారులతో కలి సి కలెక్టర్లతో శనివారం వీడియో కాన్ఫరెన్స్‌ నిర్వహించారు. ప్రమాదం జరిగిన వెంటనే ఉండే ‘గోల్డె న్‌ అవర్‌’ బాధితుల ప్రాణాలు కాపాడేందుకు ఎంతో కీలకమన్నారు. ఆ సమయంలో అధికారులు, వైద్యసిబ్బంది అత్యంత వేగంగా స్పందించాలని సూచించారు. పోలీస్‌ ఆమోదిత కేసులకు ప్రభుత్వ, ప్రైవేట్‌ ఆస్పత్రుల్లో గరిష్టంగా రూ.1.50 లక్షల వర కు ఉచితంగా పూర్తి చికిత్స అందించే అవకాశం ఈ పథకం ద్వారా లభిస్తుందన్నారు. చికిత్స ఖర్చులను జనరల్‌ ఇన్సూరెన్స్‌ ద్వారా నేరుగా ఆస్పత్రులకు చెల్లించే విధానాన్ని పకడ్బందీగా అమలు చేయాలన్నారు. ప్రమాదాల నివారణకు, వివరాల పారదర్శ క నమోదుకు ‘టీఎంఎస్‌ 2.0’ పోర్టల్‌ను, అత్యవసర సేవల కోసం 112, సీసీటీఎన్‌ఎస్‌ వ్యవస్థలను అనుసంధానించాలని ఆదేశించారు. ఈ పథకంపై ప్రజల్లో విస్తృత అవగాహన కల్పించాలని, కలెక్టర్లు రహదారి భద్రత కమిటీలు, జిల్లా ఇన్ఫర్మాటిక్స్‌ అధికారులను భాగస్వామ్యం చేస్తూ పథకం అమలును నిరంతరం పర్యవేక్షించాలని స్పష్టం చేశారు.వైద్యం నిరాకరించొద్దు.. వీడియో కాన్ఫరెన్స్‌ ముగిసిన అనంతరం కలెక్టర్‌ భవేష్‌ మిశ్రా అధికారులతో మాట్లాడారు. జిల్లాలో ‘పీఎం రాహత్‌’ పథకాన్ని అత్యంత సమర్థవంతంగా అమలు చేయాలని ఆదేశించారు. బాధితుల వద్ద నగదు లేదా పూర్తి సమాచారం అందుబాటులో లేదనే కారణంతో ఏ ఆస్పత్రిలోనూ వైద్య సేవలు నిరాకరించకూడదని స్పష్టం చేశారు. ప్రమాద సమాచారం అందగానే అన్ని శాఖలు అప్రమత్తమై, సమన్వయంతో పనిచేసి ప్రాణనష్టాన్ని తగ్గించాలని పిలుపునిచ్చారు. సమావేశంలో అదనపు కలెక్టర్లు రాథోడ్‌ రమేశ్‌, వెంకటమాధవ రావు, రవాణాశాఖ అధికారి దుర్గా ప్రసాద్‌, డీఎంహెచ్‌వో రాజేందర్‌, జిల్లా ప్రభుత్వ ప్రధాన ఆసుపత్రి పర్యవేక్షకులు గోపాల్‌సింగ్‌, ఆర్‌అండ్‌బీ ఈఈ సుభాష్‌తోపాటు వివిధ శాఖల అధికారులు పాల్గొన్నారు. వీడియో కాన్ఫరెన్స్‌లో కలెక్టర్‌, అధికారులు

నిర్మల్‌టౌన్‌/భైంసాటౌన్‌/ఖానాపూర్‌: పోలీస్‌ సిబ్బందికి శారీరక దఢత్వం, క్రమశిక్షణ ముఖ్య మని నిర్మల్‌ డీఎస్పీ పి.శ్రీనివాస్‌, భైంసా ఏఎస్పీ సాయికిరణ్‌, ఖానాపూర్‌ సీఐ సత్యనారాయణ అన్నారు. నిర్మల్‌ ఎస్‌డీపీవో కార్యాలయంలో, భైంసా, ఖానాపూర్‌ జూనియర్‌ కాలేజీల మైదానంలో వేర్వేరుగా శనివారం పోలీస్‌ సిబ్బందికి వీక్లీ పరేడ్‌ నిర్వహించారు. ఈ సందర్భంగా వారు మాట్లాడుతూ విధి నిర్వహణలో నిరంతరం అప్రమత్తంగా ఉండాలంటే శారీరక ఆరోగ్యంతో పాటు మానసిక ప్రశాంతత కూడా ముఖ్యమన్నారు. పోలీస్‌ సిబ్బంది ప్రతిరోజూ వ్యాయామం చేయడంతోపాటు ఆరోగ్యకరమైన అలవాట్లను పాటించాలని సూచించారు. విధుల్లో ఎదురయ్యే సవాళ్లను సమర్థవంతంగా ఎదుర్కొనేందుకు ఫిట్‌నెస్‌, క్రమశిక్షణ అవసరమన్నారు. పరేడ్‌లతో క్రమశిక్షణ, సమన్వయం, సమయపాలన పెంపొందుతాయని తెలిపారు. నిరంతర సాధనతో విధి నిర్వహణలో మరింత సమర్థవంతంగా పని చేయవచ్చన్నారు. పోలీసులు తమ ఆరోగ్యాన్ని కాపాడుకుంటూ, విధి నిర్వహణలో అప్రమత్తంగా ఉండాలని పేర్కొన్నారు. కార్యక్రమాల్లో సీఐలు, ఎస్సైలు పాల్గొన్నారు.

ఖానాపూర్‌: కేంద్ర ప్రభుత్వం చేపట్టనున్న 2027 జనగణనలో బీసీ కులగణనకు ప్రత్యేక కాలమ్‌ ఏర్పాటు చేయాలని, రాష్ట్ర ప్రభుత్వం ఎన్నికల సందర్భంగా ప్రకటించిన బీసీ, ఎస్సీ, ఎస్టీ, రైతు డిక్లరేషన్‌ హామీలను అమలు చేయాలని బహుజన లెఫ్ట్‌ ఫ్రంట్‌(బీఎల్‌ఎఫ్‌) రాష్ట్ర కన్వీనర్‌ దండి వెంకట్‌ డిమాండ్‌ చేశారు. ఖానాపూర్‌ మండలం మస్కాపూర్‌లోని సీఎంఆర్‌ ఫంక్షన్‌ హాల్‌లో శనివారం నిర్వహించిన రౌండ్‌టేబుల్‌ సమావేశంలో మాట్లాడారు. సామాజిక న్యాయం సాధించేందుకు కులాలవారీ జనాభా వివరాలతోపాటు ప్రజల సామాజిక, ఆర్థిక, విద్య, ఉపాధి స్థితిగతులపై సమగ్ర సమాచారం సేకరించాలన్నారు. అక్టోబర్‌ 23 నుంచి నవంబర్‌ 2 వరకు రాష్ట్రవ్యాప్తంగా నిర్వహించే రౌండ్‌టేబుల్‌ సమావేశాల్లో వివిధ ప్రజాసంఘాల ప్రతినిధులు పాల్గొనాలని కోరారు. బీఎల్‌ఎఫ్‌ రాష్ట్ర నాయకురాలు సబ్బని లత మాట్లాడుతూ కులగణన ద్వారా వెల్లడయ్యే సామాజిక, ఆర్థిక అసమానతలను తొలగించేందుకు ప్రభుత్వాలు స్పష్టమైన విధానాలు రూపొందించాలని కోరారు. సమావేశంలో ఎంసీపీఐయూ జిల్లా కార్యదర్శి పీటర్‌, సహాయ కార్యదర్శి భూక్య సురేందర్‌, సీపీఐ(ఎంఎల్‌) లిబరేషన్‌ జిల్లా కార్యదర్శి మంచికంటి లక్ష్మణ్‌, నవ తెలంగాణ బీడీ యూనియన్‌ జాయింట్‌ సెక్రటరీ కే.సంజీవ్‌, సీపీఐ(ఎంఎల్‌) నాయకులు మహమూద్‌, భోజన్న, బీఎల్‌ఎఫ్‌ జిల్లా కార్యదర్శి బోదాస్‌ గణేశ్‌, నాయకులు పాల్గొన్నారు.

భైంసా: వర్షాలు ఆలస్యం కావడంతో పత్తి పంట చేతికి రావడం కొంత ఆలస్యమవుతోందని, ప్రస్తుతం పత్తి పంట చేలల్లోనే ఉందని, మరో 15 రోజుల్లో రైతుల ఇళ్లకు చేరే అవకాశం ఉందని భైంసా ఏఎంసీ సెక్రెటరీ పూర్యనాయక్‌ తెలిపారు. పత్తి కొనుగోళ్లకు అనుగుణంగా మార్కెట్‌ కమిటీ తరఫున అవసరమైన ఏర్పాట్లకు సిద్ధంగా ఉన్నామని ‘సాక్షి’కి తెలిపారు. సాక్షి: మద్దతు ధర లభించేలా ఎలాంటి చర్యలు తీసుకుంటారు? సెక్రెటరీ: ప్రభుత్వ కనీస మద్దతు ధర(ఎంఎస్‌ పీ) ప్రకారం అర్హత కలిగిన పత్తిని కొనుగోలు చే సేలా సంబంధిత కొనుగోలు సంస్థలతో సమన్వయం చేస్తాం. పత్తి నాణ్యత, తేమ శాతం, ప్ర భుత్వం నిర్దేశించిన ప్రమాణాలకు అనుగుణంగా కొనుగోళ్లు జరగాలి. రైతులు అధికారిక కొనుగోలు కేంద్రాల వివరాలు తెలుసుకుని, అక్కడి నిబంధనల ప్రకారం పత్తిని విక్రయించాలి. సాక్షి: కొనుగోళ్లలో మోసాలు జరగకుండా ఎలాంటి చర్యలు తీసుకుంటారు? సెక్రెటరీ: రైతులకు న్యాయం జరిగేలా కొనుగోలు ప్రక్రియ పారదర్శకంగా ఉండటం ముఖ్యం. తూకంలో తేడాలు, ధర చెల్లింపుల్లో జాప్యం, ఇతర అవకతవకలు జరగకుండా సంబంధిత అధికారులు పర్యవేక్షించాలి. రైతులు తూకం వివరాలను పరిశీలించి, కొనుగోలు రశీదులు తప్పనిసరిగా తీసుకోవాలి. ఏవైనా సమస్యలు ఎదురైతే వెంటనే మార్కెట్‌ కమిటీ అధికారులకు తెలియజేయాలి. సాక్షి: పత్తి విక్రయానికి వచ్చే రైతులు ఎలాంటి పత్రాలు తీసుకురావాలి? సెక్రెటరీ: రైతులు ఆధార్‌ కార్డు, బ్యాంకు ఖాతా వివరాలు, సాగుకు సంబంధించిన పత్రాలు, సంబంధిత కొనుగోలు సంస్థ కోరిన ఇతర ధ్రువీకరణ పత్రాలను సిద్ధంగా ఉంచుకోవాలి. బ్యాంకు ఖాతా వివరాలు సరిగ్గా ఉన్నాయో లేదో పరిశీలించుకోవాలి.

కడెం: ఎల్‌నినో ప్రభావంతో వ్యవసాయ రంగంలో ఉపాధి అవకాశాలు తగ్గే పరిస్థితులు ఉన్న నేపథ్యంలో వీబీజీ రామ్‌జీ పథకం గ్రామీణ పేదలకు ఆర్థికంగా అండగా నిలుస్తుందని కలెక్టర్‌ భవేశ్‌ మిశ్రా అన్నారు. మండలంలోని కొండుకూర్‌ గ్రామంలో శనివారం నిర్వహించిన జోన్‌–1 స్థాయి కడెం, ఖానాపూర్‌, దస్తురాబాద్‌, పెంబి మండలాల వీబీజీ రామ్‌జీ జీపీ మైక్రో ప్లాన్‌ అవగాహన కార్యక్రమంలో మాట్లాడారు. ఎల్‌నినోతో వ్యవసాయ రంగంపై ప్రతికూల ప్రభావం పడే అవకాశం ఉందన్నారు. జాబ్‌కార్డు ఉన్న ప్రతి ఒక్కరూ 125 రోజుల పని దినాలను సద్వినియోగం చేసుకోవాలని సూచించారు. వీబీజీ రామ్‌జీ పథకం కింద చేపట్టే పనులకు కూలీ డబ్బులు సకాలంలో చెల్లించేలా చర్యలు తీసుకుంటామని చెప్పారు. గ్రామాల్లో నీటి సంరక్షణ, జలవనరుల అభివృద్ధి వంటి పనులను చేపట్టడం ద్వారా ఉపాధితోపాటు గ్రామీణ ప్రాంతాల్లో శాశ్వత ప్రయోజనాలు కలుగుతాయని పేర్కొన్నారు. ప్రజాప్రతినిధులు, అధికారులు గ్రామాల్లో విస్తృతంగా అవగాహన కల్పించి, అర్హులైన ప్రతి ఒక్కరూ ఉపాధి పనుల్లో పాల్గొనేలా చర్యలు తీసుకోవాలని ఆదేశించారు. అవసరమైతే ప్రజల వద్దకే వెళ్లి ఉపాధి పనులపై అవగాహన కల్పించాలని సూచించారు. కార్యక్రమంలో డీఆర్డీవో విజయలక్ష్మి, డీపీవో శ్రీనివాస్‌, ఇంజినీరింగ్‌ అధికారులు సందీప్‌, తుకారాం, తహసీల్దార్‌ ఖాజా మొయినుద్దీన్‌, ఎంపీడీవో అరుణ, ఏపీవో జయదేవ్‌, ఇతర శాఖల అధికారులు, కడెం, ఖానాపూర్‌, దస్తురాబాద్‌, పెంబి మండలాల సర్పంచులు పాల్గొన్నారు.

బాసర: రోడ్డు ప్రమాదాల నివారణ, ప్రజల ప్రాణాల రక్షణే లక్ష్యంగా పోలీస్‌ శాఖ ప్రత్యేక చర్యలు చేపడుతోంది. ఇందులో భాగంగా భైంసా ఏఎస్పీ సాయికిరణ్‌ ఐపీఎస్‌ శనివారం బాసర పోలీస్‌ స్టేషన్‌ పరిధిలోని ప్రమాదకర ప్రాంతాలను (బ్లాక్‌ స్పాట్లను) క్షేత్రస్థాయిలో సందర్శించారు. తరచుగా రోడ్డు ప్రమాదాలు జరుగుతున్న ప్రాంతాలలో ప్రమాదాలకు కారణాలను ఆయన విశ్లేషించారు. ప్రమాదాలకు దారితీస్తున్న రహదారి లోపాలు, ఇతర పరిస్థితులను గుర్తించి, భవిష్యత్తులో ఇలాంటి ఘటనలు పునరావృతం కాకుండా తీసుకోవాల్సిన నివారణ చర్యలపై అధికారులతో సమీక్షించారు. ఎన్‌హెచ్‌ అధికారులతో సమీక్ష.. పరిశీలన అనంతరం ఏఎస్పీ సాయి కిరణ్‌ నేషనల్‌ హైవే అథారిటీ అధికారులతో సమీక్ష చేశారు. గుర్తించిన ప్రమాదకర ప్రాంతాల్లో అవసరమైన రోడ్డు భద్రతా చర్యలను త్వరితగతిన చేపట్టాలని సూచించారు. వాహనదారులను అప్రమత్తం చేసేందుకు ప్రమాద హెచ్చరిక బోర్డులు, రహదారి సూచికలను ఏర్పాటు చేయాలని, ఇతర అవసరమైన భద్రతా ఏర్పాట్లను మెరుగుపరచాలని అధికారులను కోరారు. ముందుచూపుతో రక్షణ.. ఈ సందర్భంగా ఏఎస్పీ మాట్లాడుతూ, రోడ్డు ప్రమాదాలు జరిగిన తర్వాత స్పందించడం కంటే, ప్రమాదాలకు కారణాలను ముందుగానే గుర్తించి నివారణ చర్యలు చేపట్టడం ద్వారా ప్రాణాలు కాపాడవచ్చని పేర్కొన్నారు. రహదారి భద్రతపై ప్రజల్లో విస్తృతంగా అవగాహన పెంపొందిస్తామని చెప్పారు. సంబంధిత ప్రభుత్వ శాఖల సమన్వయంతో ప్రమాదాల నివారణకు నిర్మల్‌ జిల్లా పోలీస్‌ శాఖ నిరంతరం కృషి చేస్తుందని స్పష్టం చేశారు. ఏఎస్పీ వెంట బాసర ఇన్‌స్పెక్టర్‌ దీపక్‌, ఇతర పోలీస్‌ సిబ్బంది ఉన్నారు.

కడెం: సదర్మాట్‌ చివరి ఆయకట్టు వరకు సాగునీరివ్వాలని మండలంలోని ధర్మాజీపేట్‌ సమీపంలో కలెక్టర్‌ భవేశ్‌మిశ్రాను సదర్మాట్‌ ఆయకట్టు రైతులు అడ్డుకున్నారు. మండలంలోని కొండుకూర్‌ గ్రామంలోని నిర్వహించే సమావేశానికి వెళ్తున్న ఆయన రైతుల వద్ద అగి వారి సమస్యను విన్నారు. పంటలను పరిశీలించి రిపోర్ట్‌ ఇవ్వాలని వ్యవసాయ, ఇరిగేషన్‌, రెవెన్యూ అధికారులను ఆదేశించారు. ఎస్సారెస్పీలో నీటి లభ్యత, కాలువలకు నీటి విడుదల సాధ్యాసాధ్యాలను పరిశీలించి నీటిని విడుదల చేసేలా చర్యలు తీసుకుంటామని హామీ ఇచ్చారు. ధర్నాకు సిద్ధమైన రైతులతో ట్రాఫిక్‌ జాం కాకుండా ఏఎస్పీ ఉపేంద్రారెడ్డి, డీఎస్పీ శ్రీనివాస్‌, సీఐ సత్యనారాయణ, ఎస్సైలు సాయికిరణ్‌, హన్మండ్లు ముందస్తు బందోబస్తు నిర్వహించారు. రైతులకు నచ్చజెప్పారు. ఇందులో బీఆర్‌ఎస్‌ మండల అధ్యక్షుడు నల్ల జీవన్‌రెడ్డి, మాజీ ఎంపీపీ భుక్యా అమ్మిబాపురావు, సర్పంచ్‌ పంజాల శకుంతలరామాగౌడ్‌, స్టీఫేన్‌, రాజేశ్వర్‌గౌడ్‌, ఆయకట్టు రైతులు ఉన్నారు. కదిలిన యంత్రాంగంకడెం: మండలంలోని పాతమద్దిపడగ, కొత్తమద్దిపడగ, లక్ష్మీసాగర్‌, పెద్దూర్‌తండా తదితర గ్రామాల్లోని సదర్మాట్‌ చివరి ఆయకట్టు పంటలకు సక్రమంగా నీరందక ఎండిపోతున్నాయి. ఈ విషయమై కలెక్టర్‌ భవేశ్‌మిశ్రా ఆదేశాల మేరకు తహసీల్దార్‌ ఖాజా మొయినుద్దీన్‌, ఇరిగేషన్‌, వ్యవసాయ అధికారులు శనివారం ఆయా గ్రామాల్లో ఎండిన పంటలను పరిశీలించారు. ఇందులో సర్పంచులు జడ లావణ్యక్రిష, శకుంతలరామగౌడ్‌, మాజీ ఎంపీపీ అమ్మిబాపురావు, రైతులు ఉన్నారు.

భైంసాటౌన్‌: పట్టణంలో ‘డిక్కీ’ దొంగలు తమ చేతివాటం ప్రదర్శిస్తున్నారు. సాధారణ దొంగతనాలకు భిన్నంగా బ్యాంకులు, లేదా ఇతర ప్రాంతాల నుంచి పెద్ద మొత్తంలో నగదు డ్రా చేసుకుని వెళ్తున్న వ్యక్తులే లక్ష్యంగా చోరీలకు తెగబడుతున్నారు. నగదు డ్రా చేసుకుని వెళ్తున్నవారు మార్గమధ్యంలో ఏదైనా పని కోసం ఆగిన క్షణాల్లోనే చోరులు వారి పని కానిచ్చేస్తున్నారు. బ్యాంకులు, రద్దీ మార్కెట్లు, జనసంచారం ఎక్కువగా ఉండే ప్రాంతాల్లో కాపు కాస్తూ.. అమాయకుల కష్టార్జితాన్ని దోచుకెళ్తున్నారు. క్షణాల్లో మాయం చేసి.. పట్టణంలో గతంలో జరిగిన కొన్ని ఘటనలు పరిశీలిస్తే దుండగులు పక్కా ప్లాన్‌తో వ్యవహరిస్తున్నట్లు స్పష్టమవుతోంది. బ్యాంకుల నుంచి నగదు తీసుకెళ్తూ కాస్త ఆదమరిస్తే చాలు.. చాకచక్యంగా సొమ్ము మాయం చేస్తున్నారు. రెండు నెలల కిందట పట్టణంలోని వివేకానంద చౌరస్తాలోని ఓ బార్‌ వద్ద ఓ వ్యక్తి బైక్‌ డిక్కీలో రూ.5లక్షల నగదు పెట్టి వెళ్లాడు. కొద్దిసేపటికి వచ్చేసరికి డిక్కీలోని నగదును గుర్తుతెలియని దుండగులు ఎత్తుకెళ్లారు. నెలన్నర క్రితం బస్టాండ్‌ సమీపంలో ఓ మెడికల్‌ వద్ద మరోవ్యక్తి రూ.2 లక్షలను బైక్‌ ముందు కవర్‌లో పెట్టి మందుల కోసం వెళ్లాడు. తిరిగి వచ్చేసరికి నగదు కనిపించలేదు. తాజాగా, కుభీర్‌ చౌరస్తా వద్ద ఓ బ్యాంకు నుంచి రూ.2 లక్షలు విత్‌డ్రా చేసుకుని వస్తున్న ఓ వ్యక్తిని అనుసరించిన దుండగులు అతను తన వాహనం నిలిపి తిరిగివచ్చిన క్షణాల్లోనే డిక్కీ నుంచి రూ.లక్ష అపహరించుకుపోయారు. రెండేళ్ల కిందట లోకేశ్వరం మండలం గడ్‌చాందకు చెందిన ఓ వ్యక్తి బ్యాంకు నుంచి రూ.90 వేలు, తన వద్ద అప్పటికే ఉన్న మరో రూ.50వేలను తన కారులో పెట్టి బస్టాండ్‌ వద్ద ఎస్‌బీఐ వద్ద ఆగాడు. కారు డోర్‌ లాక్‌ వేసి వెళ్లగా, అతన్ని అనుసరించిన దుండగులు ఇది గమనించి కారు అద్దాలు పగులగొట్టి నగదును ఎత్తుకెళ్లారు.

నిర్మల్‌ఐక్యతతోనే హక్కులు సాధ్యం ఇంద్రవెల్లి మండల కేంద్రంలో ఏర్పాటు చేసిన కుమురం భీం కాంస్య విగ్రహాన్ని శుక్రవారం ఆవి ష్కరించారు. ఉమ్మడి జిల్లా నలుమూలల నుంచి ఆదివాసీలు భారీగా తరలివచ్చారు. అండర్‌–17 క్రికెట్‌ ఎంపిక పోటీలు నిర్మల్‌టౌన్‌: ఎస్‌జీఎఫ్‌ ఆధ్వర్యంలో జిల్లా కేంద్రంలోని లక్కీ క్రికెట్‌ అకాడమీలో శుక్రవారం అండర్‌–17 బాలుర జిల్లాస్థాయి క్రికెట్‌ జట్టు ఎంపిక పోటీలు నిర్వహించారు. సుమారు 150 మంది క్రీడాకారులు హాజరయ్యారు. ప్రతిభ ఆధారంగా ఎంపికై న క్రీడాకారులు శనివారం నిర్వహించే ఉమ్మడి ఆదిలాబాద్‌ జిల్లా జోనల్‌స్థాయి పోటీలకు అర్హత సాధించనున్నారు. కార్యక్రమంలో ఎస్‌జీఎఫ్‌ కార్యదర్శి రాథోడ్‌ లక్ష్మణ్‌, టీజీపీఈటీ కార్యదర్శి భూమన్న, టీఎస్‌పీఈటీ అధ్యక్షుడు అంబాజీ, సీనియర్‌ వ్యాయామ ఉపాధ్యాయుడు రమణ, లక్కీ క్రికెట్‌ అకాడమీ కోచ్‌ సుదర్శన్‌పాల్గొన్నారు.

నిర్మల్‌చైన్‌గేట్‌: ఎన్‌హెచ్‌ఎం ఉద్యోగుల న్యాయమైన డిమాండ్లను ప్రభుత్వం దృష్టికి తీసుకెళ్లి, నెరవేర్చేలా కృషి చేస్తానని కేంద్ర మాజీ మంత్రి డాక్టర్‌ సముద్రాల వేణుగోపాలచారి హామీ ఇచ్చారు. 11 రోజులుగా నిర్మల్‌లో నేషనల్‌ హెల్త్‌ మిషన్‌(ఎన్‌హెచ్‌ఎం) ఉద్యోగులు చేపట్టిన నిరవధిక సమ్మె శిబిరాన్ని శుక్రవారం సందర్శించారు. ఈ సందర్భంగా ఆయన మాట్లాడుతూ ఎన్నో ఏళ్లుగా చాలీచాలని వేతనాలతో పనిచేస్తున్న ఎన్‌హెచ్‌ఎం ఉద్యోగుల సమస్యలను ప్రభుత్వం దృష్టికి తీసుకెళ్తానన్నారు. రెగ్యులర్‌ ఉద్యోగులతో సమానంగా విధులను నిర్వహిస్తున్న వారికి, అదేస్థాయిలో వేతనాలు చెల్లించేలా కృషి చేస్తానన్నారు. ఉద్యోగుల హక్కుల సాధనకు ప్రభుత్వంపై ఒత్తిడి తెస్తామని చెప్పారు.

ప్రజల వ్యాయామం కోసం మున్సిపాలిటీల్లో గత ప్రభుత్వం ఓపెన్‌ జిమ్‌లు ఏర్పాటు చేసింది. లక్షల రూపాయలు వెచ్చించి పరికరాలు కొనుగోలు చేసింది. దీంతో పట్టణవాసులు ఓపెన్‌ జిమ్‌లతో వ్యాయామంపై దృష్టి పెట్టారు. అయితే ఓపెన్‌ జిమ్‌ల నిర్వహణను గాలికి వదిలేయడంతో కొన్ని రోజులకే అక్కడి పరికరాలు చోరీ అయ్యాయి. కొన్ని చోట్ల విరిగిపోయాయి. ఆకతాయిలు కొన్నిచోట్ల విరగ్గొట్టారు. ఓపెన్‌ జిమ్‌ల పరిస్థితిపై ‘సాక్షి’ విజిట్‌ చేయగా చాలా చోట్ల విరిగిపోయి, పనిచేయని స్థితిలో పరికరాలు కనిపించాయి – నిర్మల్‌టౌన్‌ నిర్మల్‌లో ఇలా.. జిల్లా కేంద్రంలోని ఎన్టీఆర్‌ మినీ స్టేడియంలో ఏర్పాటు చేసిన ఓపెన్‌ జిమ్‌ పరికరాలు పూర్తిగా పాడైపోయాయి. పరికరాలు ప్రస్తుతం విరిగి, వంగి నిరుపయోగంగా మారాయి. ప్రతిరోజూ ఉదయం సుమారు 200 మంది వరకు ఈ గ్రౌండ్‌కు వచ్చి వాకింగ్‌ చేస్తుంటారు. చిన్నారులు కూడా పెద్ద సంఖ్యలో ఇక్కడికి వచ్చి ఆటలాడుతుంటారు. ఇంతమంది ఉపయోగించే స్టేడియంలో ఓపెన్‌ జిమ్‌ పరికరాలు అధ్వాన్నంగా మారడం పట్ల వాకర్లు, స్థానికులు అసంతృప్తి వ్యక్తం చేస్తున్నారు. వ్యాయామం ద్వారా ఆరోగ్యాన్ని కాపాడుకోవాలనే ఉద్దేశంతో వచ్చే ప్రజలకు ఈ సదుపాయం అందుబాటులో లేకుండా పోయింది. నిర్వహణ లోపం కొన్ని పరికరాలు విరిగిపోగా, మరికొన్ని వంగిపోయి వినియోగించడానికి వీలులేని స్థితిలో ఉన్నాయి. ఏళ్లుగా సరైన మరమ్మతులు చేపట్టకపోవడంతో ప్రజాధనంతో ఏర్పాటు చేసినవి నిరుపయోగంగా మారుతున్నాయి. స్టేడియానికి వచ్చే చిన్నారులు, వాకర్లకు ఉపయోగపడాల్సిన సదుపాయాలు ఇలా పాడైపోయినా అధికారులు పట్టించుకోవడం లేదు. భైంసాలో ఇలా.. భైంసాటౌన్‌: పట్టణ ప్రజలకు శారీరక వ్యాయామం ద్వారా ఆరోగ్యం చేరువ చేయాలన్న ఉద్దేశంతో గత ప్రభుత్వం సీడీఎంఏ ఆధ్వర్యంలో మున్సిపాలిటీల్లో ఓపెన్‌ జిమ్‌లను ఏర్పాటు చేసింది. ఇందులో భాగంగానే అప్పట్లో భైంసా పట్టణంలోని కుంట ప్రాంతంలోనూ ఓపెన్‌ జిమ్‌ ఏర్పాటు చేశారు. అయితే, జిమ్‌ నిర్వహణపై అధికారులు పట్టించుకోకపోవడంతో, క్రమేపి నిరాదరణకు గురవుతూ వచ్చింది. జిమ్‌ చుట్టూ ప్రహరీ, పరికరాలకు రక్షణ లేకపోవడంతో దుండగులు జిమ్‌లోని పరికరాలను ఎత్తుకెళ్లారు. దీంతో కొదిరోజుల తరువాత ఓపెన్‌జిమ్‌ను పూర్తిగా తొలగించి, అదే ప్రదేశంలో షాదీఖానాను నిర్మించారు.

బాసర: వచ్చే ఏడాది జూన్‌ 26 నుంచి జరగనున్న గోదావరి పుష్కరాల నాటికి పనులు నాణ్యతతో పూర్తి చేయాలని రాష్ట్ర దేవాదాయ శాఖ కమిషనర్‌ హనుమంతరావు అధికారులను ఆదేశించారు. కలెక్టర్‌ భవేశ్‌ మిశ్రాతో కలిసి బాసరలోని గోదావరి నది పుష్కర ఘాట్లు, వివిధ నిర్మాణ పనులను శుక్రవారం పరిశీలించారు. రూ.1,000 కోట్లతో పుష్కర పనులు.. ముఖ్యమంత్రి, ప్రిన్సిపల్‌ సెక్రెటరీల ఆదేశాల మేరకు కందకుర్తి నుంచి భద్రాచలం వరకు పుష్కర పనులను పర్యవేక్షిస్తున్నట్లు కమిషనర్‌ తెలిపారు. గోదావరి పుష్కరాల కోసం ప్రభుత్వం మొత్తం రూ.1,000 కోట్లు కేటాయించిందని పేర్కొన్నారు. అదనంగా బాసర శ్రీజ్ఞాన సరస్వతి అమ్మవారి ఆలయ అభివృద్ధికి ప్రత్యేకంగా రూ.354 కోట్లు మంజూరు చేసిందని చెప్పారు. ప్రస్తుతం ఈ పనులు సంతృప్తికరంగా సాగుతున్నాయని, అయితే భక్తుల రద్దీని దృష్టిలో ఉంచుకుని కాంట్రాక్ట్‌ సంస్థలు మరింత వేగంగా పనులు చేపట్టాలని ఆదేశించారు. జగద్గురువుల చేతుల మీదుగా కుంభాభిషేకం నిర్వహించే నాటికి అన్ని పనులు పూర్తి కావాలన్నారు. వారానికోసారి సమీక్ష. బాసరలో పుష్కరాల పనులను జిల్లా యంత్రాంగం నిరంతరం క్షేత్రస్థాయిలో పర్యవేక్షిస్తోందని కలెక్టర్‌ భవేశ్‌ మిశ్రా తెలిపారు. పనుల్లో వేగం పెంచేందుకు వారానికి ఒకరోజు అన్ని శాఖల అధికారులతో సమీక్షలు నిర్వహించి దిశానిర్దేశం చేస్తున్నామన్నా రు. ఎలాంటి ఆటంకాలు లేకుండా ముడిసరుకులు, అనుమతులు మంజూరు చేస్తున్నామని, గడువులో గా అన్ని పనులు పూర్తి చేసి భక్తులకు ఎలాంటి ఇ బ్బందులు కలగకుండా చూస్తామని స్పష్టం చేశారు. మారనున్న బాసర క్షేత్రం బాసరలో అద్భుతమైన పుష్కర ఘాట్లు నిర్మిస్తున్నట్లు కమిషనర్‌ వెల్లడించారు. సామాన్య భక్తులకు మొదటి ప్రాధాన్యత ఇస్తూ అంగరంగ వైభవంగా పుష్కరాలు నిర్వహిస్తామన్నారు. ఘాట్ల వద్ద ప్రత్యేక కాంక్రీట్‌ బెడ్‌లు ఏర్పాటు చేస్తున్నామని, వృద్ధులు, దివ్యాంగుల కోసం బ్యాటరీ వాహనాలు, వీల్‌చైర్లు సులభంగా వెళ్లేలా ప్రత్యేక ఏర్పాట్లు చేస్తున్నట్లు చెప్పారు. భక్తుల రద్దీకి అనుగుణంగా వాహనాల నిలుపుదల సౌకర్యం, తాత్కాలిక ఏర్పాట్లు త్వరలోనే ప్రారంభమవుతాయని తెలిపారు. పర్యాటక శాఖ ఆధ్వర్యంలో లైట్‌ అండ్‌ సౌండ్‌ సిస్టమ్‌, విద్యుత్‌ దీపాల అలంకరణకు సంబంధించిన టెండర్లు పూర్తయి పనులు ప్రారంభ దశకు చేరుకున్నాయని ఆశాభావం వ్యక్తం చేశారు. అమ్మవారికి ప్రత్యేక పూజలు.. ఈ పర్యటనలో భాగంగా కమిషనర్‌, కలెక్టర్‌, ఇతర అధికారులు బాసర శ్రీ జ్ఞాన సరస్వతి అమ్మవారిని దర్శించుకుని ప్రత్యేక పూజలు నిర్వహించారు. ఆలయ స్థానాచార్యులు ప్రవీణ్‌ పాఠక్‌, ప్రధాన అర్చకులు సంజీవ్‌ పూజారి అధికారులను శాలువాలతో ఘనంగా సన్మానించి అమ్మవారి తీర్థప్రసాదాలు అందజేశారు. కార్యక్రమంలో ఇన్‌చార్జి అదనపు కలెక్టర్‌ రాథోడ్‌ రమేశ్‌, భైంసా సబ్‌కలెక్టర్‌ అజ్మీరా సంకేత్‌కుమార్‌, ఆర్‌అండ్‌బీ ఈఈ సుభాష్‌, ఆలయ ఈవో అంజనాదేవి, తహసీల్దార్‌ పవన్‌చంద్ర, ఇతర శాఖల అధికారులు పాల్గొన్నారు. మొబైల్‌ యాప్‌తో పర్యవేక్షణ పుష్కర పనుల పురోగతిని పర్యవేక్షించేందుకు త్వరలోనే ప్రత్యేక డ్యాష్‌బోర్డ్‌తోపాటు మొబైల్‌ యాప్‌ను అందుబాటులోకి తీసుకురానున్నట్లు కమిషనర్‌ తెలిపారు. హైదరాబాద్‌ నుంచే పనుల పురోగతిని పర్యవేక్షించి, ఎక్కడైనా ఆలస్యం జరిగితే వాట్సాప్‌ సందేశాల ద్వారా కాంట్రాక్టర్లకు సమాచారం అందేలా సాంకేతికతను వినియోగిస్తున్నామన్నారు. ఇప్పటికే భద్రాచలంలో సీసీ కెమెరాల ద్వారా నిఘా ఉంచామని, బాసరలోనూ త్వరలో వీటిని ఏర్పాటు చేస్తామన్నారు. దక్షిణ భారతదేశంలోనే అతిపెద్ద విద్యా దేవాలయమైన బాసర క్షేత్రం రూ.354 కోట్లతో అత్యంత వైభవంగా అభివృద్ధి చెందడం ఖాయమని ఆయన పేర్కొన్నారు.

(ఫొటో23ఎన్‌ఆర్‌ఎల్‌02: ముగ్గురు పిల్లలతో దుర్గం సత్తవ్వ) ‘పదివేలు పంపించిన. దసరా పండుగకు మీరందరూ మంచి బట్టలు తీసుకోండ్రి.. అని పోయిన ఏడాది దసరాకు పదివేలు పంపించాడు. ఇంటిల్లిపాది కొత్తబట్టలు కొనుక్కుని పండుగ చేసుకున్నం. ఆయన కూడా సంతోషపడ్డడు. మల్ల దసరా రాకముందే మాకు దూరమైండు. ఈసారి పిల్లలు మేము కన్నీళ్లతోనే పండుగ చేసుకున్నం. తనకెప్పుడూ పిల్లల గురించే ధ్యాస ఉండేది. వాళ్లను బాగా చదివించి ప్రయోజకులను చేయాలి, మనలాగా వాళ్ల జీవితాలు ఉండొద్దని చెప్పేవాడు. ఇప్పుడు పిల్లల చదువులకూ పైసలిచ్చేందుకు ఆయన లేడు. నా రెక్కల కష్టం మీదనే పిల్లలను చదివిస్తున్న. ఎక్కడి నుంచీ ఒక్క రూపాయి సాయం అందలేదు..’ అంటూ దుర్గం సత్తవ్వ కన్నీళ్లు పెట్టుకుంటోంది. కడెం మండలం పెత్తరుపు గ్రామానికి చెందిన దుర్గం లక్ష్మణ్‌ జూలై 4న దుబాయ్‌లో మృతిచెందాడు. ఉపాధి కోసం వెళ్లిన ఆయన అక్కడ ఎలా చనిపోయాడో కూడా సరైన కారణం కుటుంబసభ్యులకు తెలియని దుస్థితి.

ఖానాపూర్‌: పట్టణ పార్కులోని ఓపెన్‌ జిమ్‌లో పూర్తిస్థాయి సౌకర్యాలు లేక వాకర్లు, వ్యాయామం చేసేవారు ఇబ్బంది పడుతున్నారు. జిమ్‌లోని డబుల్‌ క్రాస్‌ వాకర్‌, హార్స్‌ రైడర్‌, ఎయిర్‌ స్విమ్మింగ్‌ తదితర పరికరాల బేరింగులు, యాక్సిళ్లు సరిగా పనిచేయడం లేదు. పాడైన పరికరాలతో వ్యాయామం చేస్తే సమస్యలు తలెత్తే ప్రమాదం ఉందని ఆందోళన వ్యక్తం చేస్తున్నారు. జిమ్‌లో డంబుల్స్‌ వంటి పరికరాలు, జిమ్‌ సెట్‌ కూడా అందుబాటులో లేవని, మహిళల కోసం ప్రత్యేక జిమ్‌ ఏర్పాటు చేయాలని కోరుతున్నారు. పాడైన పరికరాలకు మరమ్మతులు చేయడంతోపాటు అవసరమైన సౌకర్యాలు కల్పించాలని విజ్ఞప్తి చేస్తున్నారు.

నిర్మల్‌చైన్‌గేట్‌: జిల్లా కేంద్రంలో ఎక్కడ చూసినా భారీ ఫ్లెక్సీలు కనిపిస్తున్నాయి. నూతన వస్త్ర దుకా ణాల ఏర్పాటు, పండుగలు, గణతంత్ర, స్వాతంత్య్ర దినోత్సవాలు, రాష్ట్ర ఆవిర్భావ వేడుకలు, రాష్ట్ర, స్థానిక నాయకుల పుట్టిన రోజులు, ముఖ్య నాయకులు, మంత్రుల రాక.. ఇలా సందర్భమేదానా అధి కార, ప్రతిపక్ష నేతలు, వ్యాపారులు ఇష్టానుసారంగా ఫ్లెక్సీలు ఏర్పాటు చేస్తున్నారు. వీటి ఏర్పాటుకు మున్సిపాలిటీ అనుమతి తీసుకోవడంలేదు. జిల్లాకేంద్రంలో పదేళ్లకుపైగా తంతు యథేచ్ఛగా కొనసాగుతుండగా, బల్దియా ఆదాయం కోల్పోతోంది. అడ్డూ అదుపు లేకుండా..వాస్తవానికి ప్లెక్సీల ఏర్పాటుకు మున్సిపాలిటీ అనుమతి తీసుకోవాలి. నిర్దేశించిన రోజులకు రుసుము కూడా ఒకేసారి చెల్లించి అధికారులు సూచించిన ప్రాంతంలోనే ఫ్లెక్సీలు ఏర్పాటు చేసుకోవాలి. వచ్చి న ఆదాయాన్ని మున్సిపాలిటీ అభివృద్ధికి వెచ్చించాలని స్పష్టమైన నిబంధనలున్నాయి. కానీ, బల్ది యా అధికారులు.. రాజకీయ నాయకులను ప్రశ్నించే సాహసం చేయలేకపోతున్నందున ఫ్లెక్సీల ఏర్పా టు వ్యవహారం అడ్డూఅదుపు లేకుండా పోయింది. ఎక్కడ పడితే అక్కడ ఫ్లెక్సీలు ఏర్పాటు చేస్తున్నారు. ప్రచార ఆదాయంపై అశ్రద్ధఏటా ఆస్తి, ట్రేడ్‌ లైసెన్స్‌, కుళాయి పన్ను వసూళ్లపై దృష్టి సారిస్తున్న అధికారులు ప్రచార ఆదాయంపై శ్రద్ధ చూపడం లేదు. దీంతో బల్దియా రూ.లక్షల్లో ఆదాయం కోల్పోతోంది. అలాగే, రాజకీయ నాయకుల ఫ్లెక్సీలు నెలల తరబడి అలాగే ఉండటంతో రహదారుల ఎదురుగా ఉండే దుకాణాదారులు, వాహనాల పార్కింగ్‌కు అసౌకర్యం కలుగుతోంది. పుర అభివృద్ధికి దోహదపడాల్సిన ప్రజాధనం దుర్వినియోగం పాలవుతోంది. ఏ పార్టీ పాలకవర్గం కొలువుదీరినా ఫ్లెక్సీల ఏర్పాటుకు పాటించాల్సిన నిబంధనలపై ఆలోచించినట్లు కనిపించలేదు. అధికారులూ ఆ దిశగా కార్యాచరణ చేపట్టిన దాఖలాలూ లేవు. జిల్లాకేంద్రంలో ప్రధాన చౌరస్తాలైన శివాజీ చౌక్‌, అంబేడ్కర్‌ చౌక్‌, గాంధీచౌక్‌, కొత్తబస్టాండ్‌, పాతబజార్‌, బస్‌ డిపో రోడ్డు, ప్రొఫెసర్‌ జయశంకర్‌ చౌరస్తా తదితర ప్రదేశాల్లో ఫ్లెక్సీలు అధికంగా ఏర్పాటు చేస్తున్నారు. రోడ్డు మధ్యలోని మొక్కలపై.. ఫ్లెక్సీల మధ్యలో నలిగిపోతున్న మొక్క అనుమతి తప్పనిసరి మున్సిపాలిటీ పరిధిలో ఫ్లెక్సీల ఏర్పాటుకు తప్పనిసరిగా అనుమతి తీసుకోవాలి. ఇందుకుగాను పన్ను కూడా చెల్లించాల్సి ఉంటుంది. నిబంధనలకు విరుద్ధంగా ఏర్పాటు చేసిన ఫ్లెక్సీలను తొలగిస్తాం. – రవిబాబు, మున్సిపల్‌ కమిషనర్‌, నిర్మల్‌

బాసర: బాసర రైల్వేస్టేషన్‌ సమీపంలోని ఫ్లైఓవర్‌ ముగింపు ప్రాంతం ప్రమాదాలకు నిలయంగా మా రింది. ఫ్లైఓవర్‌ చివరలో ఏర్పాటు చేసిన స్పీడ్‌ బ్రేక ర్లు అశాసీ్త్రయంగా, మరీ ఎత్తుగా ఉండటంతో వాహనాలు అదుపుతప్పుతుండగా వాహనదారులు కిందపడి గాయపడుతున్నారు. రాత్రి వేళ ప్రమాదాలు ఎక్కువగా జరుగుతున్నాయి. తాజాగా నిజామాబా ద్‌ జిల్లా గుండారం మండల కేంద్రానికి చెందిన ఇద్ద రు వ్యక్తులు ద్విచక్ర వాహనంపై బాసరకు వస్తుండగా ఫ్లైఓవర్‌ స్పీడ్‌బ్రేకర్‌ వద్ద ప్రమాదవశాత్తు కిందపడి తీవ్ర గాయాలపాలయ్యారు. ఘటనా స్థలాన్ని గమనించిన పోలీసులు వెంటనే స్పందించి 108 అంబులెన్స్‌లో క్షతగాత్రులను బాసర ప్రభుత్వ ఆస్పత్రికి తరలించి ప్రాథమిక చికిత్స అందించారు. కాగా, స్పీడ్‌బ్రేకర్ల ఎత్తు తగ్గించాలని, ఫ్లైఓవర్‌పై ప్రమాద హెచ్చరిక బోర్డులు, రిఫ్లెక్టర్లు ఏర్పాటు చేయాలని స్థానికులు కోరుతున్నారు.

భైంసాటౌన్‌: పట్టణంలోని కాటన్‌ మార్కెట్‌యార్డులో సీసీఐ ఆధ్వర్యంలో గురువారం పత్తి కొనుగోళ్లు ప్రారంభమయ్యాయి. ఏఎంసీ చైర్మన్‌ సిందే ఆనంద్‌రావు కొనుగోళ్లు ప్రా రంభించారు. ఈ సందర్భంగా ఆయన మా ట్లాడుతూ.. రైతులు సీసీఐ కేంద్రాల్లో పత్తి విక్రయించి క్వింటాల్‌కు రూ.8,667 మద్దతు ధర పొందాలని సూచించారు. పత్తిలో 8–12 శాతం తేమ ఉండాలని, ఎక్కువ ఉంటే మద్ధ తు ధర లభించదని పేర్కొన్నారు. రైతులు దళారులను ఆశ్రయించి మోసపోకుండా సీసీఐ కేంద్రాల్లోనే పత్తి విక్రయించి మద్దతు ధర పొందాలని తెలిపారు. ఆధార్‌ కార్డు, బ్యాంక్‌ పాస్‌బుక్‌ జిరాక్స్‌ కాపీలు, పట్టా పాస్‌పుస్తకం జిరాక్స్‌ కాపీలు వెంట తీసుకురావాలని సూచించారు. ఏఎంసీ ఉన్నతశ్రేణి కార్యదర్శి పూర్యానాయక్‌, వ్యాపారులు, ఏఎంసీ సిబ్బంది పాల్గొన్నారు.

నిర్మల్‌చైన్‌గేట్‌: ప్రధాన మంత్రి ఉపాధి కల్పన కార్యక్రమం (పీఎం ఈజీపీ) నిరుద్యోగ యువతకు అందకుండా పోతోంది. ఏటా మార్చిలో ఈ పథకం ప్రారంభం కావాల్సి ఉండగా, ఈ ఆర్థిక సంవత్సరం ప్రారంభమై ఏడు నెలలైనా నేటికీ వెబ్‌సైట్‌ ఓపెన్‌ కావడం లేదు. పథకం గురించి ప్రభుత్వం గొప్పగా ప్రచారమే చేయడమే గాని ఆచరణలో లబ్ధిదారులకు సరైన ఫలాలు అందించిన దాఖలాలు లేవు. అవగాహన మాత్రం అదుర్స్‌..పీఎంఈజీపీ పథకాన్ని నిరుద్యోగులు తప్పనిసరిగా సద్వినియోగం చేసుకోవాలని అధికారులు అవగాహన కల్పిస్తున్నారు. సర్వీస్‌ సెక్టార్‌కు రూ.20 లక్షల వరకు రుణం లభిస్తుందని, దీనిని గ్రామీణ ప్రాంతంలో నెలకొల్పితే సదరు లబ్ధిదారు తీసుకున్న రుణం మొత్తంలో 35శాతం, పట్టణ ప్రాంతాల్లో ఏర్పాటు చేస్తే 25శాతం సబ్సిడీ లభిస్తుందని చెబుతున్నారు. అంతే కాకుండా మ్యానుఫ్యాక్చరింగ్‌ కోసం ఒక్కో వ్యక్తికి రూ.50 లక్షల వరకు రుణం పొందే అవకాశం ఉందని, దీనిని కూడా రూరల్‌ ఏరియాలో ఏర్పాటు చేసుకుంటే 35శాతం, పట్టణ ప్రాంతాల్లో ఏర్పాటు చేసుకుంటే 25శాతం సబ్సిడీ పొందవచ్చని చెబుతున్నారు. జనరల్‌ కేటగిరీకి చెందిన (మెన్‌) కు మాత్రమే సబ్సిడీ తక్కువగా ఉంటుందని క్షేత్ర స్థాయిలో అవగాహన కల్పిస్తున్నారు. దీంతో నిరుద్యోగులు ఎంతో ఆశగా దరఖాస్తు చేసుకుందామనుకుంటే వెబ్‌సైట్‌ ఓపెన్‌ కాకపోవటంతో నిరాశ, నిస్పృహలో ఉన్నారు. పథకానికి అర్హతలు ఇవే.. ఈ పథకానికి దరఖాస్తు చేసుకునేవారు 18ఏళ్లు నిండి ఉండాలి. ఎనిమిదో తరగతి చదువుకున్నవారు అర్హులు. వ్యక్తిగతంగానే కాకుండా స్వయం సహాయ క సంఘాల (ఎస్‌హెచ్‌ఎస్‌) సభ్యులూ దరఖాస్తు చేసుకోవచ్చు. రుణాలు పొంది పరిశ్రమ ఏర్పాటు చేసుకున్న తర్వాత పోస్టల్‌ శాఖ అధికారులు పరిశీలించి ఉన్నతాధికారులకు నివేదిక పంపిస్తారు. అప్పుడు సబ్సిడీ లభిస్తుంది. పరిశ్రమ ఏర్పాటు చేసిన తర్వాత కనీసం మూడేళ్లపాటు యూనిట్‌ను తప్పనిసరిగా నిర్వహించాలనే నిబంధన ఉంది. బ్యాంకర్లు కరుణ చూపితేనే..కేంద్ర, రాష్ట్ర ప్రభుత్వాలు నిరుద్యోగ యువతను ఆదుకునేందుకు ప్రవేశపెట్టిన పథకాల ద్వారా లబ్ధి పొందాలంటే బ్యాంక్‌ అధికారుల అనుగ్రహం తప్పనిసరి. లేకుంటే సబ్సిడీ పథకాలు లబ్ధిదారులకు చేరవు. రుణం తీసుకోవాలనుకునే సర్వీస్‌ బ్యాంకులో కొన్నాళ్ల పాటు అకౌంట్‌ కలిగి ఉండి, ఇతర రుణాలు తీసుకుని వాటిని సకాలంలో చెల్లించి ఉండాలనే నిబంధన ఉంది. సకాలంలో చెల్లించకుంటే సిబిల్‌ స్కోర్‌ సరిగా లేదని బ్యాంకర్లు రుణం ఇచ్చేందుకు నిరాకరించే అవకాశముంది. ఆందోళనలో నిరుద్యోగ యువతజిల్లాలో చెప్పుకోదగ్గ పరిశ్రమలు లేవు. దీంతో నిరుద్యోగులు కేంద్ర ప్రభుత్వం ప్రవేశపెట్టిన ప్రధాన మంత్రి ఉపాధి కల్ప న (పీఎంఈజీపీ) పథకం ద్వారా సబ్సిడీ రుణాలు పొంది చిన్నపాటి పరిశ్రమలు ఏర్పాటు చేసుకునేందుకు బ్యాంకులు, పరిశ్రమల శాఖ కార్యాలయం చుట్టూ తిరుగుతున్నారు. ఏటా ఆర్థిక సంవత్సరం ప్రారంభం అనగా, మార్చి లోనే రుణాలు పొంది వివిధ పరిశ్రమలు ఏర్పాటు చేసుకుంటారు. ముందుగా పీఎంఈజీపీ కోసం ఆన్‌లైన్‌లో దరఖాస్తు చేసుకో వాల్సి ఉంటుంది. అయితే, నేటికీ లాగిన్‌ ఓపె న్‌ కావడం లేదని పలువురు నిరుద్యోగులు వాపోతున్నారు. ఇప్పటికే పుణ్యకాలం గడిచిపోయిందని ఆవేదన వ్యక్తం చేస్తున్నారు.

పెంబి: మండలంలోని లోతర్యతండా, తాటిగూడ గ్రామాలకు చెందిన మేకల కాపరులు శేషరావు, శ్రీనుపై పెంబి డీఆర్వో ప్రతాప్‌ నాయక్‌పై దాడి చేశారని టీఏజీఎస్‌ నాయకులు, రాజ్‌గోండ్‌ సేవా సమితి సభ్యులు ఆరోపించారు. ఘటనపై విచారణ చేపట్టాలని కోరుతూ.. గురువారం జిల్లా కేంద్రంలోని డీఎఫ్‌వో సుశాంత్‌ సుఖదేవ్‌ బోబడేకు వినతిపత్రం అందజేశారు. బాధితులకు న్యాయం జరిగేదాకా పోరాటం కొనసాగిస్తామని చెప్పారు. టీఏజీఎస్‌ జిల్లా కార్యదర్శి శంభు, రాజ్‌గోండ్‌ సేవా సమితి జిల్లా అధ్యక్షుడు రాజేశ్వర్‌, నాయకులు విలాస్‌, రూప్‌సింగ్‌, భగవంత్‌రావు, భీంరావు, రాంచందర్‌, సేసేరావు తదితరులున్నారు.

నిర్మల్‌: దసరా సెలవులకు ఒక్కరోజు ముందు.. అ క్టోబర్‌ 7న తానూరు మండలం బెంబర ప్రాథమిక పాఠశాలలో జరిగిన విద్యార్థిని తరగతి గదిలోనే మ రిచి బడికి తాళమేసిన ఘటన విద్యావ్యవస్థలో నిర్లక్ష్యానికి పరాకాష్టగా నిలిచింది. పిల్లలకు విద్యాబు ద్ధులు నేర్పడంతోపాటు బడి పరిధిలో ఉన్నప్పుడు వారి భద్రత, బాధ్యత కూడా పాఠశాలదే. కానీ, ఆ నమ్మకాన్ని వమ్ము చేసే ఇలాంటి ఘటనలు చోటుచేసుకుంటే పరిస్థితి ఏమిటి? జ్వరంతో బాధపడుతున్న విద్యార్థి తరగతి గదిలో నిద్రపోతున్న విషయాన్ని గుర్తించకుండా పాఠశాల ముగిసిన తర్వాత తాళం వేసి వెళ్లడంపై సర్వత్రా ఆందోళన వ్యక్తమైంది. దీనిపై కలెక్టర్‌ భవేశ్‌ మిశ్రా సీరియస్‌గా స్పందించారు. మరుసటిరోజే కలెక్టరేట్‌లో నిర్వహించిన మీ టింగ్‌కు లేటుగా వచ్చిన ఎంఈవోలు, కాంప్లెక్స్‌ హెచ్‌ఎంలకు షోకాజ్‌ నోటీసులు ఇచ్చారు. గతంలోనూ పలువురు ఉపాధ్యాయులు విధులను మరిచి ‘యూబిట్‌’ కాయిన్‌ దందాలను చేయడం, జైలుకూ వెళ్లడం అప్పట్లో సంచలనంగా మారింది. పిల్లల భద్రత, బాధ్యత..పాఠశాలలో విద్యార్థులకు పాఠాలు చెప్పడం ఎంత ముఖ్యమో.. వారు సురక్షితంగా ఉన్నారో.. లేదో.. చూసుకోవడం అంతే ముఖ్యం. ప్రాథమిక పాఠశాలల్లో చదివే చిన్నారులు తమ అవసరాలను సరిగ్గా చెప్పలేని వయసులో ఉంటారు. బడి వేళలు పూర్తయిన తర్వాత తరగతి గదిలో ఎవరైనా మిగిలిపోయారా? ఇంటికి వెళ్లారా? అని నిర్ధారించుకోవాల్సి న బాధ్యత పాఠశాల ఉపాధ్యాయులు, సిబ్బందిపై ఉంటుంది. బడి ముగిసిందంటే బాధ్యత ముగిసినట్లు కాదు. చివరి విద్యార్థి కూడా సురక్షితంగా బయటకు వెళ్లే వరకూ అప్రమత్తంగా ఉండాల్సిందే. క్లాస్‌లోనూ ఫోన్‌లోనే..ఎన్ని మెమోలు వచ్చినా, పైఅధికారులు ఎన్ని షోకా జ్‌లు ఇచ్చినా కొందరు ఉపాధ్యాయుల తీరు మార డం లేదు. తరగతి గదిలో పిల్లలకు పాఠాలు చెప్పాల్సిన సమయంలో సెల్‌ఫోన్‌లో ముచ్చట్లు పెడుతు న్న తీరుపైనా ఆరోపణలున్నాయి. యూబిట్‌ కేసులో జైలు వరకూ వెళ్లివచ్చిన ఘటనలు చోటు చేసుకున్నా.. కొంతమంది టీచర్లు మారడం లేదు. ఇప్పటికీ ఆన్‌లైన్‌ దందాలు, రియల్‌ ఎస్టేట్‌, ఇతర బిజినె స్‌లు చేస్తూ.. పాఠాలను పక్కదారి పట్టిస్తున్నారు. పిల్లల హాజరు తీసుకునే సార్లకే బయోమెట్రిక్‌, లైవ్‌లొకేషన్‌, ముఖగుర్తింపులు పెట్టాల్సి వస్తోందంటే సిగ్గుచేటు. ఇన్ని పెడుతున్నా కొంతమంది ప్రబుద్ధులు తప్పించుకుంటున్న తీరు మరీ దారుణం. విధులు నిర్వహించరా?బడిని గుడిగా మార్చి, నాలుగుగోడల మధ్య పిల్లల జీవితాలను తీర్చిదిద్దుతున్న గురుదేవుళ్లెందరో ఉన్నారు. ప్రభుత్వ పాఠశాలల్లోనూ ప్రత్యేకశ్రద్ధ పెట్టి పాఠాలు చెబుతున్న వాళ్లూ ఉన్నారు. ఇప్పటికీ సమయానికి బడికి వెళ్తూ.. తమ విధులకు న్యాయం చేస్తూ.. తమ విద్యార్థులు సాధించే చిన్నచిన్న విజయాలకే పొంగిపోతున్నారు. ఎన్ని సమస్యలున్నా తమను నమ్ముకుని సర్కారు బడులకు వస్తున్న విద్యార్థుల ఆశలను నిలబెడుతున్నారు. కానీ.. కొంతమంది గురువులు మాత్రం తర చూ దారితప్పుతున్నారు. పవిత్రమైన తమ వృత్తికే కళంకం తెస్తున్నారు. పాఠాలు చెప్ప డం అటుంచి, కనీసం బడికి వెళ్లకుండా ఎలా ఉండాలా..! వె ళ్లినా బయటకు ఎలా వెళ్లాలా..! అనే ఆలోచనలు చేస్తున్నారు. మనసులో డబ్బు ఆశతో ఉన్న సదరు టీచర్లు కళ్లెదుట తమకోసం వేచి ఉన్న విద్యార్థులను విస్మరిస్తున్నారు. వారి భవిష్యత్‌నూ అంధకారం చేస్తున్నారు. బెంబర ఘటనపై కలెక్టర్‌ సీరియస్‌బెంబర బడిలో విద్యార్థిని తరగతి గదిలోనే ఉంచడంపై కలెక్టర్‌ భవేశ్‌మిశ్రా సీరియస్‌ అ య్యారు. సదరు పాఠశాల హెచ్‌ఎంను స స్పెండ్‌ చేశారు. స్కావెంజర్‌ను విధుల నుంచి తొలగించారు. ఇది జరిగిన మరుసటి రోజే.. కలెక్టరేట్‌లో పెట్టిన మీటింగ్‌కు పలువురు ఎంఈవోలు, కాంప్లెక్స్‌ హెచ్‌ఎంలు ఆలస్యంగా వచ్చారు. దీనిపైనా కలెక్టర్‌ సీరియస్‌గా స్పందించారు. వారందరికీ షోకాజ్‌ నోటీసులు ఇ చ్చారు. డీఈవోతో కలిసి కనీసం వారంలో ఒ క్క పాఠశాలనైనా కలెక్టర్‌ పరిశీలిస్తున్నారు. ఉ న్నతాధికారులు ఇంత చేస్తున్నా.. కొంతమంది ఉపాధ్యాయులు తమ వృత్తికి కనీస న్యా యం చేయడం లేదన్న ఆరోపణలున్నాయి.నిర్లక్ష్యంగా ఉండొద్దని చెప్పాం ఉపాధ్యాయులు విధుల్లో నిర్లక్ష్యంగా ఉండొద్దని చెప్పాం. బెంబర పాఠశాల ఘటన నేపథ్యంలో ప్రతీ పాఠశాలలో హెచ్‌ఎంలు, సిబ్బంది పక్కాగా పర్యవేక్షించాలని ఆదేశించాం. దసరా సెలవుల తర్వాత బడి ప్రారంభం కాగానే తీసుకోవాల్సిన చర్యలనూ ప్రతీ హెచ్‌ఎంకు పంపించాం. – భోజన్న, జిల్లా విద్యాధికారి

నిర్మల్‌చైన్‌గేట్‌: జాతీయ ఆరోగ్య మిషన్‌ ఉద్యోగుల నిరవధిక సమ్మె పదోరోజుకు చేరింది. జిల్లా కేంద్రంలో గురువారం ఉద్యోగులు ఒంటి కాలిపై నిల్చుని వినూత్న నిరసన తెలిపారు. వారు మాట్లాడుతూ.. తమను క్రమబద్ధీకరించాలని, రెగ్యులర్‌ ఉద్యోగులతో సమానంగా వేతనం ఇవ్వాలని డిమాండ్‌ చేశారు. మహిళా ఉద్యోగులకు 180రోజుల వేతనంతో కూడిన ప్రసూతి సెలవులు ఇవ్వాలని, కాంట్రాక్ట్‌ వ్యవస్థను రద్దు చేసి కుటుంబ భద్రత కల్పించాలని కోరారు. 10 రోజులుగా సమ్మె చేస్తున్నా ప్రభుత్వం స్పందించకపోవడంతో ఆవేదన వ్యక్తం చేశారు. జేఏసీ నాయకులు గంగాధర్‌, రమణ, రమేశ్‌, అలీ, నాగరాజు, జైపాల్‌, వంశీ, వెంకటరమణ, సుజాత, పద్మ, సరస్వతి, రాధ పాల్గొన్నారు.

నిర్మల్‌చైన్‌గేట్‌: బహుజన పోరాట వీరుడు పండుగ సాయన్న జయంతిని గురువారం క లెక్టరేట్‌ సమావేశ మందిరంలో ఘనంగా ని ర్వహించారు. స్థానిక సంస్థల అదనపు కలెక్టర్‌ రాథోడ్‌ రమేశ్‌ అధికారులతో కలిసి సాయ న్న చిత్రపటానికి పూలమాల వేసి నివాళులర్పించారు. నిజాం నిరంకుశత్వానికి వ్యతిరేకంగా సాయన్న సాగించిన పోరాటాలు స్పూర్తి దా యకమని కొనియాడారు. పేదల పక్షాన నిలబడి తెలంగాణ ‘రాబిన్‌ హుడ్‌’గా పేరుగాంచిన సాయన్న సేవలను ముదిరాజ్‌ కుల సంఘాల నాయకులు స్మరించుకున్నారు. బీసీ సంక్షేమాధికారి శ్రీనివాస్‌, ఎస్సీ సంక్షేమాధికారి దయానంద్‌, అధికారులు, ముది రాజ్‌ కుల సంఘాల నాయకులు పాల్గొన్నారు.

కడెం: ఎల్‌నినో ప్రభావంతో సాగు నీరందక పంట నష్టపోయిన రైతులకు పరిహారంఅందించి ఆదుకోవాలని బీజేపీ జిల్లా అధ్యక్షుడు రితేశ్‌ రాథోడ్‌ డిమాండ్‌ చేశారు. గురువారం మండలంలోని చిట్యాల్‌, బెల్లాల్‌, మద్దిపడగ, వకీల్‌నగర్‌ గ్రామాల్లో ఎండిన పంటలను పరి శీలించారు. ఈ సందర్భంగా మాట్లాడుతూ.. రాష్ట్ర ప్రభుత్వం ముందస్తు చర్యలు తీసుకోనందునే రైతులు తీవ్రంగా నష్టపోవాల్సి వచ్చిందని ఆరోపించారు. తక్షణమే పంటల సర్వే చేపట్టి బాధిత రైతులకు పరిహారం అందించి ఆదుకోవాలని డిమాండ్‌ చేశారు. పార్టీ మండలాధ్యక్షుడు కాశవేని శ్రీనివాస్‌యాదవ్‌, కిసాన్‌ సెల్‌ జిల్లా అధ్యక్షుడు సత్తయ్య, ఎస్టీ మోర్చా జిల్లా ప్రధాన కార్యదర్శి మోహన్‌నా యక్‌, మండల ప్రధాన కార్యదర్శి శ్రీరామ్‌, ఉప సర్పంచ్‌ రాపర్తి శ్రీనివాస్‌, నాయకులు కిష్టయ్య, రమేశ్‌, దేవరాజ్‌, తిరుమల్‌, రాజేందర్‌, శ్రీనివాస్‌, గంగన్న తదితరులున్నారు.

సీతాఫలాలపై ఎల్‌నినో పంజా ఎల్‌నినో ప్రభావం సీతాఫలాలపై పడింది. సరైన నీటి వసతి లేకపోవడంతో ఎక్కువ కాయలు కాయలేదు. అలాగే కాయల పరిమాణం తగ్గింది. IIలోuసమస్యలు ప్రభుత్వం దృష్టికి తీసుకెళ్తాం నిర్మల్‌చైన్‌గేట్‌: తమ న్యాయమైన డిమాండ్లు నెరవేర్చాలని తొమ్మిది రోజులుగా నిరవధిక సమ్మె చేస్తున్న జాతీయ ఆరోగ్య మిషన్‌ ఉద్యోగుల సమస్యలను ముఖ్యమంత్రి రేవంత్‌ రెడ్డి, వైద్య ఆరోగ్య శాఖ మంత్రి దామోదర రాజనరసింహా దృష్టికి తీసుకెళ్తామని ప్రజా ఆరోగ్య వైద్య ఉద్యోగుల సంఘం జిల్లా అధ్యక్షుడు కృష్ణమోహన్‌గౌడ్‌ అన్నారు. బుధవారం ఉద్యోగులకు సమ్మెకు సంఘీభావం తెలిపారు. ఈ సందర్భంగా ఆయన మాట్లాడుతూ రాష్ట్రంలో రెండు దశాబ్దాలుగా 17,000 మంది ఎన్‌హెచ్‌ఎం ఉద్యోగులు చాలీచాలని వేతనాలతో పనిచేస్తున్నారని, వారిని ప్రభుత్వ ఉద్యోగులుగా గుర్తించకపోవడం వల్ల తీవ్రంగా నష్టపోతున్నారని ఆవేదన వ్యక్తం చేశారు. రెగ్యులర్‌ ఉద్యోగులతో సమానంగా పనిచేస్తున్న వీరికి కనీసం ’మినిమమ్‌ టైమ్‌ స్కేల్‌’ అమలు చేయాలని డిమాండ్‌ చేశారు. కార్యక్రమంలో ఐఎన్‌టీయూసీ నాయకులు వేణుగోపాలరావు, సాయిబాబా, రమణారెడ్డి, భోజరెడ్డి, శ్రీనివాస్‌రెడ్డి, సదానంద్‌ గౌడ్‌, సలీం, సరస్వతి, ఉషారాణి, ఎన్‌హెచ్‌ఎం సంఘ నాయకులు ముత్యం, గంగాధర్‌, రమణ, డాక్టర్‌ రమేశ్‌, అలీ, తదితరులు పాల్గొన్నారు. నిర్మల్‌/ఖానాపూర్‌: తుపాకుల మోతలు నిలిచిపోయాయి. అడవుల్లో అలజడి ఆగిపోయింది. నెత్తుటి చరిత్రకు కాలం తెరదించింది. కానీ.. నాటి చేదు జ్ఞాపకాలు మాత్రం చెదరడం లేదు. విధి నిర్వహణలో ప్రాణాలు కోల్పోయిన పోలీసుల త్యాగాలు ఇప్పటికీ సజీవంగానే ఉన్నాయి. అమరుల కుటుంబాలను ఓదారుస్తూ, సహచరులను తలుస్తూ ఏటా ఖాకీచొక్కాలు కన్నీటితో తడుస్తున్నాయి. ఒకప్పుడు నక్సలైట్ల కార్యకలాపాలతో అట్టుడికిన జిల్లా ఎన్నో విషాద ఘటనలకు సాక్షిగా నిలిచింది. తుపాకీ తూటాలకు, మందుపాతరల పేలుళ్లకు తమవాళ్లను కోల్పోయిన పోలీసుల కుటుంబాల్లో చెరగని ముద్ర వేశాయి. వారి జీవితాలు వృథాపోలేదని, ప్రాణత్యాగాలనూ మరువలేదని పోలీసుశాఖ ఏటా అక్టోబర్‌ 21న ‘పోలీసు అమరవీరుల సంస్మరణ దినం’ నిర్వహిస్తోంది. వారం పాటు వివిధ కార్యక్రమాలు చేపడుతూ అమరుల స్ఫూర్తిని సజీవంగా ఉంచే ప్రయత్నం చేస్తోంది. ఈ ప్రాంతమే కీలకం.. ఉమ్మడి ఆంధ్రప్రదేశ్‌లో ఉమ్మడి ఆదిలాబాద్‌ జిల్లాకు నక్సలైట్ల ప్రభావంతో కూడిన ప్రత్యేక చరిత్ర ఉంది. నక్సలైట్లు–పోలీసుల హోరాహోరీ పోరులో ఈ ప్రాంతం కీలకంగా నిలిచింది. ప్రధానంగా 1980వ దశకం నుంచి ప్రస్తుత నిర్మల్‌ జిల్లాలోని అటవీ గ్రామాల్లో నక్సలైట్ల కార్యకలాపాలు క్రమంగా విస్తరించాయి. దట్టమైన అడవులు, గుట్టలు, మారుమూల గ్రామాలు వారికి అనుకూలంగా మారాయి. ఈ ప్రాంతాలను స్థావరాలుగా చేసుకుని ఇతర ప్రాంతాలకు రాకపోకలు సాగిస్తూ కార్యకలాపాలు కొనసాగించేవారు. మరోవైపు వారి కదలికలను అడ్డుకోవడం, శాంతిభద్రతలను పరిరక్షించడం పోలీసులకు సవాలుగా మారింది. పచ్చని అడవుల్లో నెత్తుటి మరకలు.. అడవుల ఖిల్లాగా పేరున్న ఉమ్మడి ఆదిలాబాద్‌ జిల్లాలో మైదాన ప్రాంతంతో పోలిస్తే అటవీ ప్రాంతాలు, సమీప ఏరియాల్లోనే నక్సలైట్ల ప్రభావం ఎక్కువగా ఉండేది. జిల్లాలో ప్రధానంగా ఖానాపూర్‌ ప్రాంతంలో ఎప్పుడు ఎక్కడ దాడి జరుగుతుందో తెలియని పరిస్థితులు ఉండేవి. మాటువేసి కాల్పులు జరపడం, మందుపాతరలతో వాహనాలను పేల్చివేయడం వంటి ఘటనలు పోలీసు యంత్రాంగాన్ని కలవరపరిచాయి. పచ్చటి అడవుల్లో నెత్తుటి మరకలు ఇప్పటికీ ఆనాటి ఘటనలను గుర్తుకు చేస్తాయి. ఒక్క ఖానాపూర్‌ సర్కిల్‌ పరిధిలోనే పలు దాడుల్లో 19 మంది పోలీసులు ప్రాణాలు కోల్పోవడం గమనార్హం. సింగాపూర్‌లో జీపు పేల్చివేత.. 1989 ఫిబ్రవరి 1న.. మరో విషాద ఘటన. అంతకు ఒక్కరోజు ముందు ఖానాపూర్‌ మండలంలోని రాజూరాలో నక్సలైట్లు దోపిడీకి పాల్పడ్డారు. ఈ ఘటనపై ఆరా తీసేందుకు పోలీసులు వెళ్తుండగా, కడెం మండలం సింగాపూర్‌ సమీపంలో వారి జీపును నక్సలైట్లు పేల్చివేశారు. ఈ దాడిలో ఎస్సై ఖాదర్‌ ఉల్‌హక్‌తో పాటు కానిస్టేబుళ్లు జి.బాపురావు, ఎండీ జలీల్‌, షేక్‌ హైదర్‌, వేణుగోపాల్‌, భోజారావు, ఎస్‌.మోహన్‌దాస్‌ ప్రాణాలు కోల్పోయారు. ఒక కానిస్టేబుల్‌ మాత్రమే ప్రాణాలతో బయటపడ్డారు. వారి త్యాగాలు మరువలేం.. ప్రాణాలనూ లెక్కచేయకుండా విధినిర్వహణే పరమావధిగా భావించి, తమ నిండుప్రాణాలను త్యాగం చేసిన పోలీసు అమరవీరులను ఎప్పటికీ మర్చిపోలేం. వారి త్యాగాలు ఎప్పుడూ స్ఫూర్తి నిస్తూనే ఉంటాయి. జిల్లాలోనూ అమరుల జ్ఞాపకార్థం సంస్మరణ వారోత్సవాలు నిర్వహిస్తున్నాం. – జానకీ షర్మిల, ఎస్పీ అల్లంపల్లిలో ఘటన వివరాలు తెలుసుకుంటున్న అప్పటి ఎస్పీ (ఫైల్‌) ప్రాణత్యాగాలను స్మరిస్తూ.. కాలక్రమంలో నక్సలైట్లు (మావోయిస్టులు) కనుమరుగైనా.. ఆ రోజుల్లో జరిగిన దాడులు, కోల్పోయిన పోలీసుల ప్రాణాలు చరిత్రలో చెరిగిపోని గుర్తులుగా మిగిలాయి. కుటుంబాలకు దూరమై విధి నిర్వహణలో ప్రాణాలర్పించిన పోలీసుల త్యాగాలను ఆ శాఖ గుర్తుపెట్టుకుంటోంది. ఏటా అక్టోబర్‌ 21న సంస్మరణ దినోత్సవం, వారంపాటు విద్యార్థులకు వ్యాసరచన, ఉపన్యాస పోటీలు, ఓపెన్‌హౌస్‌ తదితర కార్యక్రమాలు నిర్వహిస్తోంది. జిల్లాకేంద్రంలోని పోలీసు కార్యాలయంలో ఏర్పాటు చేసిన స్థూపం వద్ద, 2008లో ఖానాపూర్‌లో నిర్మించిన అమరుల స్థూపం వద్ద ఏటా అమరుల కుటుంబసభ్యులతో కలిసి పోలీసు అధికారులు, సిబ్బంది ఘనంగా నివాళులర్పిస్తున్నారు.

ఖానాపూర్‌: బీసీల హక్కుల సాధనకు ఐక్యంగా పోరాడాలని వామపక్ష, ప్రజాసంఘాల నాయకులు పిలుపునిచ్చారు. బుధవారం ఖానాపూర్‌ విశ్రాంతి భవనంలో ఏర్పాటు చేసిన సమావేశంలో నాయకులు మాట్లాడుతూ ఈ నెల 24న మస్కాపూర్‌లో నిర్వహించనున్న అఖిలపక్ష ప్రజాసంఘాల రౌండ్‌టేబుల్‌ సమావేశాన్ని విజయవంతం చేయాలని కోరారు. బీసీ, ఎస్సీ, ఎస్టీ కులగణనపై స్పష్టమైన ప్రకటన చేయాలని డిమాండ్‌ చేశారు. బీసీల హక్కుల సాధన కోసం దేశవ్యాప్తంగా ఉద్యమాలు చేపడతామని స్పష్టం చేశారు. సమావేశంలో ఎంసీపీఐ(యూ) జిల్లా కార్యదర్శి అల్లెపు పీటర్‌, సహాయ కార్యదర్శి బుక్య సురేందర్‌, నవతెలంగాణ బీడీ యూనియన్‌ జిల్లా కార్యదర్శి కే.సంజీవ్‌, సీపీఐ (ఎంఎల్‌) నాయకుడు దేవ భోజన్న, బీఎల్‌ఎఫ్‌ నాయకులు సూర రాజన్న, బి.నరసయ్య, బీడీ వర్కర్స్‌ యూనియన్‌ నాయకురాలు చుక్కల కళ, అఖిల భారత మహిళా సమాఖ్య జిల్లా కార్యదర్శి పి.స్వరూప, తదితరులు పాల్గొన్నారు.

నిర్మల్‌చైన్‌గేట్‌: జిల్లాలో దసరా వేడుకలు అంబరాన్నంటాయి. విజయదశమి పర్వదినాన్ని పురస్కరించుకుని స్థానిక మహాలక్ష్మీ ఆలయంలో అమ్మవారి దర్శనం కోసం ఉదయం నుంచే భక్తులు భారీ సంఖ్యలో తరలివచ్చారు. ఆలయ ప్రాంగణం భక్తుల జయజయధ్వనులతో మారుమోగింది. సాయంత్రం ఆలయ ప్రాంగణంలో నిర్వహించిన ప్రత్యేక కార్యక్రమంలో బీజేఎల్పీ నేత ఏలేటి మహేశ్వర్‌ రెడ్డి, విశ్వహిందూ పరిషత్‌ ప్రతినిధులు, హైందవ బంధువులు పెద్ద ఎత్తున పాల్గొన్నారు. మొదటగా అమ్మవారికి విశేష పూజలు నిర్వహించిన అనంతరం, సంప్రదాయ బద్ధంగా షమీ (జమ్మి) చెట్టుకు, ఆయుధాలకు ప్రత్యేక పూజలు చేశారు. వేడుకలకు ప్రధాన వక్తగా హాజరైన హిందూవాహిని ప్రధాన సంఘటన మంత్రి ముడుపు యాదిరెడ్డి మాట్లాడుతూ ప్రపంచంలోనే అత్యంత ప్రాచీనమైనది హిందూ సంస్కృతి అని, హిందూ ధర్మాన్ని రక్షించుకోవాల్సిన బాధ్యత మనందరిపై ఉందన్నారు. బీజేఎల్పీ నేత మహేశ్వర్‌ రెడ్డి మాట్లాడుతూ సమాజంలో ప్రతి ఒక్కరూ హిందూ ధర్మ పరిరక్షణ కోసం కృషి చేయాలని కోరారు. కార్యక్రమంలో భాగంగా ఆలయ ఆవరణలో ఏర్పాటు చేసిన భారీ రావణాసురుడి ప్రతిమను దహనం చేశారు. ఈ మనోహర ఘట్టాన్ని తిలకించేందుకు ప్రజలు, భక్తులు వేలాదిగా తరలివచ్చారు. వేడుకలు ప్రశాంతమైన వాతావరణంలో, భక్తిశ్రద్ధల నడుమ అత్యంత వైభవంగా ముగిశాయి. ‘జ్ఞాన సరస్వతి’గా దర్శనమిచ్చిన అమ్మవారు బాసర: బాసరలోని బాలాలయంలో తొమ్మిది రోజుల పాటు భక్తులకు నవదుర్గల రూపాల్లో దర్శనమిచ్చిన చదువుల తల్లి మంగళవారం ‘జ్ఞాన సరస్వతి’ అలంకారంలో భక్తులకు దర్శనమిచ్చారు. ఆలయ స్థానాచార్యులు ప్రవీణ్‌ పాఠక్‌, వేద పండితులు విశేష మహా నివేదన సమర్పించారు. దేశం నలుమూలల నుంచి వచ్చిన భక్తులతో ఆలయ పరిసరాలు కిక్కిరిసిపోయాయి. సాయంత్రం 6 గంటలకు అమ్మవారి రథోత్సవం ప్రారంభమైంది. అనంతరం షమీపూజ (జమ్మి పూజ), ప్రత్యేక నైవేద్యం, మహా హారతి, మంత్రపుష్పము కార్యక్రమాలు నిర్వహించారు. ఏటా 8 గంటలకు ఆలయానికి చేరుకునే అమ్మవారి రథం, ఈసారి భక్తుల రద్దీ కారణంగా రాత్రి 10 గంటల తర్వాత చేరుకుంది. దీంతో రాత్రి 11:30 గంటలకు మహాహారతి ఇచ్చారు. జిల్లా కేంద్రంలో రావణ దహనం పూజలు చేస్తున్న ఎమ్మెల్యే ఏలేటి మహేశ్వర్‌ రెడ్డి

జిల్లా కేంద్రంలో దుర్గామాత నిమజ్జనోత్సవం మంగళవారం అత్యంత వైభవంగా నిర్వహించారు. భక్తులు తమ ఆరాధ్య దైవానికి భావోద్వేగాలతో వీడ్కోలు పలికారు. ఉదయం ప్రారంభమైన అమ్మవారి శోభాయాత్ర సాయంత్రం వరకు నిర్మల్‌ పట్టణ వీధుల్లో కోలాహలంగా కొనసాగింది. భక్తుల డప్పు చప్పుళ్లు, మంగళవాయిద్యాల నడుమ కోలాటాలు ఆడుతూ, భక్తి గీతాలకు ఉత్సాహంగా ఆడిపాడారు. అమ్మవారి నామస్మరణతో పట్టణం మార్మోగింది. శోభాయాత్ర అనంతరం అమ్మవారి విగ్రహాలను వినాయక సాగర్‌లో నిమజ్జనం చేశారు. ‘జై దుర్గామాత‘ నినాదాల మధ్య అమ్మవారికి కన్నీటి వీడ్కోలు పలుకుతూ వచ్చే ఏడాదికి మళ్లీ రావాలని వేడుకున్నారు. – నిర్మల్‌చైన్‌గేట్‌

నిర్మల్‌రూరల్‌: తమకు కేటాయించిన డబుల్‌ బెడ్రూం ఇళ్లు అప్పగించాలని డిమాండ్‌ చేస్తూ జిల్లా కేంద్రంలోని సిద్ధాపూర్‌–కౌట్ల(కే) శివారులో లబ్ధిదారులు ఆందోళన నిర్వహించారు. ఈ సందర్భంగా వారు మాట్లాడుతూ గత ప్రభుత్వ హయాంలో జిల్లా కేంద్రంలోని సిద్ధాపూర్‌ శివారులో డబుల్‌ బెడ్‌ రూమ్‌ ఇళ్లను నిర్మించిందన్నారు. సార్వత్రిక ఎన్నికలకు ముందు లక్కీ డ్రా ద్వారా ఆర్డీవో సమక్షంలో లబ్ధిదారులను ఎంపిక చేసినా ఇప్పటికీ ఇళ్లను కేటాయించలేదన్నారు. సోమవారం లోపు తమకు న్యాయం జరగకుంటే కలెక్టరేట్‌ ఎదుట ధర్నా చేస్తామని స్పష్టం చేశారు.

1987 ఆగస్టు 18.. కడెం మండలం అల్లంపల్లి క్యాంపునకు పోలీసులు నడుచుకుంటూ వెళ్తుండగా అద్దాల తిమ్మాపూర్‌ సమీపంలో సుమారు 30 మంది నక్సలైట్లు మాటువేసి పక్కా వ్యూహంతో ఒక్కసారిగా వారిపై కాల్పులకు తెగబడ్డారు. ఈ దాడిలో ఇద్దరు ఎస్సైలు, ఒక హెడ్‌ కానిస్టేబుల్‌, ఏడుగురు కానిస్టేబుళ్లు ప్రాణాలు కోల్పోయారు. మరో ఐదుగురు కానిస్టేబుళ్లు తప్పించుకొని ప్రాణాలతో బయటపడ్డారు. గందం రామస్వామి అలియాస్‌ సాగర్‌ అనే దళ కమాండర్‌ నేతృత్వంలో ఈ దాడి జరిగినట్లు అప్పటి వివరాలు పేర్కొన్నాయి. ఈ ఘటన అప్పట్లో తీవ్ర సంచలనం సృష్టించింది. అప్పటి ముఖ్యమంత్రి ఎన్టీ రామారావు ఘటనా స్థలాన్ని పరిశీలించారు. అనంతరం గిరిజన ప్రాంతాల్లో ఉపాధి అవకాశాలను పెంచేందుకు చర్యలు చేపట్టారు. గిరి గ్రామాల్లో స్థానికులకే ఉపాధి అవకాశాలు కల్పించడం, గిరిజన ఉపాధ్యాయులు, ఉద్యోగుల నియామకానికి ప్రాధాన్యత ఇవ్వడం వంటి చర్యలకు ఈ ఘటనే కారణమైంది.

ఆకాశం పాక్షికంగా మేఘావృతమై ఉంటుంది. వేడి, ఉక్కపోత కొనసాగుతుంది. రాత్రి మంచు కురుస్తుంది. ఆపద ఏదైనా గుర్తుకొచ్చేది పోలీసులేనిర్మల్‌టౌన్‌: ఆపద ఏదైనా ముందుగా గుర్తుకొచ్చేది పోలీసులేనని, ప్రజల భద్రత కోసం పోలీసులు నిరంతరం విధులు నిర్వహిస్తూ ఎన్నో త్యాగాలు చేస్తున్నారని ఎస్పీ జానకీ షర్మిల అన్నారు. బుధవారం జిల్లా పోలీసు ప్రధాన కార్యాలయంలో పోలీసు అమరవీరుల సంస్మరణ దినోత్సవం నిర్వహించారు. ఈ సందర్భంగా అమరవీరుల స్మారక స్థూపం వద్ద ఎస్పీ జ్యోతి ప్రజ్వలన చేసి పుష్పాంజలి ఘటించారు. అనంతరం రెండు నిమిషాలు మౌనం పాటించి నివాళులర్పించారు. ఈ సందర్భంగా ఎస్పీ మాట్లాడుతూ 1959 అక్టోబర్‌ 21న లడఖ్‌ సరిహద్దులో చైనా సైనికులతో పోరాడుతూ ప్రాణత్యాగం చేసిన సీఆర్‌పీఎఫ్‌ జవాన్ల స్మారకంగా పోలీసు అమరవీరుల సంస్మరణ దినాన్ని నిర్వహిస్తున్నట్లు తెలిపారు. దేశ సరిహద్దుల్లో సైనికులు దేశాన్ని రక్షిస్తే, అంతర్గత భద్రతను కాపాడుతూ ప్రజలకు భరోసా కల్పించేది పోలీసులేనన్నారు. విధి నిర్వహణలో ప్రాణాలు అర్పించిన అమరుల త్యాగాలు భావితరాలకు స్ఫూర్తిగా నిలుస్తాయన్నారు. అనంతరం అమరుల కుటుంబ సభ్యులతో మాట్లాడి సమస్యలు తెలుసుకున్నారు. సమస్యల పరిష్కారానికి చర్యలు తీసుకుంటామని భరోసా ఇచ్చి జ్ఞాపికలు అందజేశారు. అనంతరం అదనపు ఎస్పీ ఉపేందర్‌ రెడ్డి ఈ ఏడాది విధి నిర్వహణలో ప్రాణాలు కోల్పోయిన పోలీసుల పేర్లతో కూడిన రోల్‌ ఆఫ్‌ హానర్‌ను చదివి వినిపించారు. ఈ భైంసా ఏఎస్పీ సాయి కిరణ్‌, డీఎస్పీ పి.శ్రీనివాస్‌, సీఐలు, ఆర్‌ఐలు, ఎస్‌ఐలు, పోలీసు అధికారులు, సిబ్బంది, అమరవీరుల కుటుంబ సభ్యులు పాల్గొన్నారు.

మరాఠీ పురాణ గాథల ప్రకారం, ప్రాచీన కాలంలో భైంసా ప్రాంతాన్ని మాహిష్మతి నగరంగా పిలిచేవారు. మహిషాసురుడి ఆగడాలతో ఇబ్బందులు ఎదుర్కొన్న ప్రజలు మాహీషమ్మను ప్రార్థించారు. అమ్మ ప్రత్యక్షమై మహిషాసురుడిని సంహరించిందన్నది ఈ ప్రాంతంలోని ప్రధాన గాథ. ఈ సంఘటన అనంతరం అమ్మవారు ఇక్కడే కొలువైందని భక్తులు విశ్వసిస్తారు. మాహీషా, మైసా వంటి పేర్ల నుంచి క్రమేణా భైంసాగా పేరు స్థిరపడిందని స్థానిక కథనాలు వివరిస్తున్నాయి. భైంసా: నిర్మల్‌ జిల్లా భైంసా.. తరతరాలుగా కొనసాగుతున్న భక్తి సంప్రదాయాలకు నిలువెత్తు నిదర్శనం. ఒకవైపు పట్టణ చరిత్రను గుర్తుచేసే పురాణ గాథలు, మరోవైపు దుర్గాదేవి మైసమ్మకు నిర్వహించే ప్రత్యేక పూజలు, నవరాత్రుల్లో భక్తులు చేపట్టే దీక్షలు, తుల్జాపూర్‌ వరకు సాగే మహాపాదయాత్ర.. భైంసా ఆధ్యాత్మిక ప్రత్యేకతను చాటుతున్నాయి. నవరాత్రుల్లో ప్రత్యేక దీక్షలు.. చదువుల తల్లి సరస్వతీదేవి కొలువైన బాసరకు సమీపంలో ఉన్న భైంసాలో దుర్గాదేవిని మైసమ్మగా కొలుస్తూ ప్రత్యేక పూజలు నిర్వహిస్తారు. పట్టణానికి చెందిన రామ్‌లాల్‌ కుటుంబీకులు దశాబ్దాలుగా అమ్మవారి సేవలో కొనసాగుతున్నట్లు స్థానికులు చెబుతున్నారు. దసరా నవరాత్రులు ప్రారంభం కాగానే పట్టణంలో ఆధ్యాత్మిక సందడి నెలకొంటుంది. వీధుల్లో దుర్గాదేవి విగ్రహాలను ప్రతిష్ఠించి ప్రత్యేక పూజలు నిర్వహిస్తారు. యువకులు అమ్మవారి దీక్షలు స్వీకరించి తొమ్మిది రోజులపాటు నియమ నిష్ఠలతో గడుపుతారు. గట్టు మైసమ్మ, దుర్గాదేవి ఆలయాల్లో సాయంత్రం, సంధ్యా వేళల్లో పూజలు నిర్వహిస్తూ అమ్మవారిని ఆరాధిస్తారు. తుల్జాపూర్‌కు మహాపాదయాత్ర.. నవరాత్రి ఉత్సవాలు ముగిసిన తర్వాత అమ్మవారి దీక్షలు పూర్తి చేసుకున్న మాలాధారులు మహాపాదయాత్ర చేపట్టడం మరో విశేషం. భైంసా నుంచి మహారాష్ట్రలోని తుల్జాపూర్‌ వరకు సుమారు 372 కిలోమీటర్ల దూరాన్ని కాలినడకన చేరుకుంటారు. ‘జై మాతా ది’ నినాదాలతో ముందుకు సాగే భక్తులకు మార్గమధ్యంలోని గ్రామాల ప్రజలు స్వాగతం పలుకుతారు. భోజన ఏర్పాట్లు చేస్తూ తమ వంతు సేవ అందిస్తారు. తుల్జాపూర్‌లోని భవానీమాతను దర్శించుకుని మొక్కులు చెల్లించుకున్న తర్వాత తిరుగు ప్రయాణమవుతారు. ఛత్రపతి శివాజీ మహారాజుకు భవానీమాత ఖడ్గాన్ని ప్రసాదించిందనే విశ్వాసం ఈ యాత్రకు మరింత ఆధ్యాత్మిక ప్రాధాన్యాన్ని చేకూరుస్తోంది. భావితరాలకు అందించాల్సిన వారసత్వం.. భైంసా చరిత్ర కేవలం గతానికి సంబంధించినది మాత్రమే కాదు. స్థానికుల ఆచారాలు, విశ్వాసాలు, పండుగలు, సామూహిక జీవన సంప్రదాయాలకు అద్దం పట్టే వారసత్వం. గట్టు మైసమ్మ ఆల యం, నవరాత్రి దీక్షలు, మహాపాదయాత్ర వంటి సంప్రదాయాలను సమగ్రంగా నమోదు చేయడంతోపా టు మరాఠీ పురాణాల్లోని గాథలను పరిశోధించి తెలుగు ప్రజలకు అందుబాటులోకి తీసుకురావాలి.

బతుకమ్మ ఆడుతున్న ఎస్పీ జానకీషర్మిల, జిల్లా జడ్జి శ్రీవాణి, మహిళా పోలీసులుపోలీస్‌ అంటే మనకు చేతిలో లాఠీ.. భుజానికి తుపాకీ.. గాంభీర్యమైన ఆహార్యం గుర్తొస్తాయి. పోలీసులు కూడా పండుగలు, సంస్కృతి, సంప్రదాయాల్లో భాగస్వాములవుతున్నారు. మొన్న వినాయక నిమజ్జన వేడుకలు, నిన్న గంగనీళ్ల జాతరలో జిల్లా పోలీసులు విధులు నిర్వహిస్తూనే వేడుకల్లో జనంతో కలిసి ఉత్సాహంగా పాల్గొన్నారు. తాజాగా పోలీసు సంక్షేమ సంఘం ఆధ్వర్యంలో నిర్మల్‌ డిగ్రీ కళాశాలలో నిర్వహించిన బతుకమ్మ వేడుకల్లో జిల్లా మహిళా పోలీసులు ఉత్సాహంగా పాల్గొన్నారు. బతుకమ్మలు పేర్చి పాటలు పాడుతూ ఆడారు. డీజే పాటలకు స్టెప్పులేశారు. జిల్లా జడ్జి శ్రీవాణి, ఎస్పీ జానకీషర్మిల ముఖ్య అతిథులుగా హాజరై మహిళా పోలీసులతో కలిసి బతుకమ్మ ఆడారు. అదనపు ఎస్పీ ఉపేంద్రారెడ్డి, భైంసా ఏఎస్పీ సాయికిరణ్‌, నిర్మల్‌ డీఎస్పీ శ్రీనివాస్‌, పోలీస్‌ అధికారుల కుటుంబ సభ్యులు పాల్గొన్నారు. – నిర్మల్‌టౌన్‌

బంగల్‌పేట్‌ మహాలక్ష్మి అమ్మవారి ఆలయం వద్ద ఏటా జరగనున్న దసరా వేడుకలకు అన్ని సిద్ధం చేశాం. విశ్వహిందూ పరిషత్‌ ఆధ్వర్యంలో సాంస్కృతిక కార్యక్రమాలు, రావణ దహన కార్యక్రమం నిర్వహిస్తాం. ఇక్కడికి వచ్చే భక్తులకు అన్ని సౌకర్యాలు కల్పించాం. అధిక సంఖ్యలో భక్తులు వేడుకలకు హాజరు కావాలి. – మూర్తి ప్రభాకర్‌, వీహెచ్‌పీ జిల్లా కార్యదర్శి ఏర్పాట్లు పూర్తి చేశాం దసరా వేడుకలకు మహాలక్ష్మి ఆలయనికి వచ్చే భక్తులకు మున్సిపల్‌ ఆధ్వర్యంలో వసతులు కల్పించాం. భక్తులకు ఎలాంటి ఇబ్బంది రాకుండా ఆలయం పక్కన గల గ్రౌండ్‌ చదును చేశాం. వాటర్‌, కరెంట్‌ సౌకర్యం కల్పించాం. టెంట్లు, బారికేడ్లు, వేదిక సిద్ధం చేశాం. వినాయక సాగర్‌ వద్ద దుర్గామాత నిమజ్జనాలకు అన్ని ఏర్పాట్లు చేశాం. – రవిబాబు, మున్సిపల్‌ కమిషనర్‌, నిర్మల్‌

బెల్లంపల్లి: బెల్లంపల్లి మండలం తాళ్ల గురిజాల గ్రా మంలో సోమవారం బెల్లంపల్లి పోలీసు శాఖ సౌజ న్యంతో ఖేలో ఇండియా ఉమ్మడి ఆదిలాబాద్‌ జిల్లా స్థాయి అండర్‌ –17 విభాగంలో వాలీబాల్‌ బాలబా లికల ఎంపిక పోటీలు నిర్వహించారు. ముఖ్య అతి థిగా అంతర్జాతీయ వాలీబాల్‌ మాజీ క్రీడాకారుడు రవి హాజరై మాట్లాడారు. క్రీడల్లో రాణించడం వల్ల పేరు ప్రఖ్యాతలు రావడంతోపాటు ఉద్యోగావకాశాల్లో కోటా ఉంటుందన్నారు. తాళ్లగురిజాల సర్పంచ్‌ వంగ రాము, ఎస్సై ప్రశాంత్‌కుమార్‌, చంద్రవెల్లి సర్పంచ్‌ శ్రీనివాస్‌, ఉప సర్పంచ్‌ సురేష్‌, వార్డు సభ్యులు, సీనియర్‌ క్రీడాకారులు పాల్గొన్నారు. బాలుర జట్టు.. వికాస్‌(నేరడిగొండ), సాయి దీక్షిత్‌(మంచిర్యాల), శంకర్‌(దండేపల్లి), అభిరామ్‌(లింగాపూర్‌), సుశాంత్‌(మంచిర్యాల), అనాజ్‌ (ఆదిలాబాద్‌), జశ్వంత్‌ నాయక్‌(ఆదిలాబాద్‌), శ్రీనివాస్‌ (బాబాసాగర్‌), కార్తీక్‌ (కోటపల్లి), సదానందం (నిర్మల్‌), రాహుల్‌ (తాళ్ల గురజాల), శ్రవణ్‌కుమార్‌, మహేశ్‌ (బట్వాన్‌పల్లి), గోవిందు (తిర్యాణి), పరశురాం (నేరడిగొండ), సాయిప్రదీప్‌ (మంచిర్యాల). బాలికల జట్టు.. హరిప్రియ (లక్సెట్టిపేట), రుతిజ(నిర్మల్‌), సాయి వైష్ణవి (కోటపల్లి), హర్షిణి (తిర్యాణి), పూజిత (నిర్మల్‌), శ్రావణి (ఆసిఫాబాద్‌), మహాలక్ష్మి (ఇ చ్చోడ), మధురక్షి (ఆసిఫాబాద్‌), వైష్ణవి (నిర్మల్‌), అనుష్క (ఆదిలాబాద్‌), జ్యోతి (ఆదిలా బాద్‌), అంజలీదేవి (ఆదిలాబాద్‌), అమూల్య (అచ్చులాపూ ర్‌), శ్రావణి (తాళ్లపేట), సరిత(కౌటాల), రుచిత (రెబన్‌పల్లి).

సాత్నాల: రైతుల ఆత్మహత్యలు వారిపై ప్రభుత్వ నిర్లక్ష్యానికి నిదర్శనమని మాజీ మంత్రి జోగు రామన్న విమర్శించారు. భోరజ్‌ మండలంగూడ గ్రామానికి చెందిన రైతు పాతాని రవి పురుగుల మందు తాగి ఆత్మహత్య చేసుకోగా సోమవారం రిమ్స్‌ ఆస్పత్రిలో ఆయన మృతదేహాన్ని సందర్శించి, కుటుంబ సభ్యులను పరామర్శించారు. అనంతరం జోగు రామన్న మాట్లాడుతూ జిల్లాలో వర్షాలు లేక పంటలు ఎండిపోవడంతో రైతులు తీవ్రంగా నష్టపోతున్నారని ఆవేదన వ్యక్తం చేశారు. పంట నష్టాలు, అప్పుల భారాన్ని తట్టుకోలేక ఇబ్బందులు ఎదుర్కొంటున్నారని, రైతులను ఆదుకోవాలని కేంద్ర, రాష్ట్ర ప్రభుత్వాలను కోరినా పట్టించుకోవడం లేదని ఆరోపించారు. పాతాని రవి కుటుంబానికి ప్రభుత్వం ఆర్థిక సాయం అందించి ఆదుకోవాలని డిమాండ్‌ చేశారు.

భైంసా : ఆదిశక్తి ఆరాధనతో, అమ్మవారి నామస్మరణతో, భక్తుల ఆధ్యాత్మిక చింతనతో బాసర పుణ్యక్షేత్రం భక్తిభావంలో మునిగిపోయింది. తొమ్మిది రోజులు అత్యంత భక్తిశ్రద్ధలతో సాగిన శ్రీజ్ఞాన సరస్వతి అమ్మవారి శరన్నవరాత్రి ఉత్సవాలు ముగింపు దశకు చేరుకున్నాయి. నవరాత్రుల్లో నిర్వహించిన ప్రత్యేక పూజలు, అమ్మవారి అలంకరణలు, భక్తుల పాదయాత్రలు, దీక్షలు పుణ్యక్షేత్రానికి ఆధ్యాత్మిక శోభను తీసుకొచ్చాయి. మంగళవారం నిర్వహించనున్న రథోత్సవంతో నవరాత్రి వేడుకలు ముగియనున్నాయి. తొమ్మిది రోజులు పాదయాత్ర అమ్మవారిపై అచంచలమైన భక్తితో పలువురు భక్తులు తొమ్మిది రోజులు పాదయాత్ర నిర్వహించారు. అమ్మవారి నామస్మరణ చేస్తూ సాగిన వారి యాత్ర భక్తి, విశ్వాసం, ఆధ్యాత్మిక నిబద్ధతకు ప్రతీకగా నిలి చింది. కష్టాలను అధిగమించి అమ్మవారి ఆశీస్సులు పొందాలనే సంకల్పంతో భక్తులు పాదయాత్రలో పాల్గొన్నారు. మరోవైపు అమ్మవారి దీక్ష స్వీకరించిన వారు నియమనిష్టలతో పూజలు నిర్వహిస్తూ నవరాత్రి ఆరాధనలో భాగస్వాములయ్యారు. తొలిసారి బాలాలయంలో.. ఈ ఏడాది నవరాత్రి వేడుకలు బాలాలయంలో ఉత్సవాలు నిర్వహించడం ప్రత్యేకతగా నిలిచింది. తొలిసారిగా బాలాలయంలో జరిగిన నవరాత్రి పూజలు భక్తుల్లో ఆసక్తిని కలిగించాయి. అమ్మవారి ఆరాధనకు ప్రాధాన్యమిస్తూ నిర్వహించిన పూజా కార్యక్రమాలతో ఆలయ ప్రాంగణంలో ఆధ్యాత్మిక వాతావరణం నెలకొంది. భక్తులు భక్తిశ్రద్ధలతో పూజల్లో పాల్గొని అమ్మవారి కృపాకటాక్షాల కోసం ప్రార్థించారు. నేడు రథోత్సవం.. నవరాత్రి ఉత్సవాల ముగింపు పురస్కరించుకుని బాసరలో రథోత్సవం నిర్వహించనున్నారు. తొమ్మి ది రోజులపాటు అమ్మవారి ఆరాధనలో మునిగిపోయిన భక్తులకు రథోత్సవం మరో ఆధ్యాత్మిక వేడుకగా నిలవనుంది. అమ్మవారి దర్శనం, ప్రత్యేక పూజలతో పాటు రథోత్సవంలో పాల్గొని ఆశీస్సులు పొందేందుకు భక్తులు ఆసక్తి చూపుతున్నారు. మహర్నవమికి పోటెత్తిన భక్తులు బాసర: బాసర శ్రీజ్ఞాన సరస్వతీదేవి ఆలయానికి సోమవారం మహర్నవమి సందర్భంగా భక్తులు పోటెత్తారు. రద్దీ పెరగడంతో ఆలయ పరిసరాలు భక్తజనసందోహంగా మారాయి. సాధారణ దర్శనానికి గంటకుపైగా సమయం పట్టిందని ఆలయ అధికారులు వెల్లడించారు. భక్తులకు ఇబ్బందులు కలగకుండా క్యూలైన్లలో తాగునీరు, ఇతర కనీస వసతులు ఏర్పాటు చేశారు. నేటి పూజలు.. విజయ దశమి సందర్భంగా మంగళవారం ఉదయం ఆలయంలో నవచండీ మహా పూర్ణాహుతి, అమ్మవార్లకు విశేష అభిషేకం, మహాపూజ నిర్వహించనున్నారు. సాయంత్రం 4 గంటలకు రథోత్సవం ప్రారంభమవుతుంది. అనంతరం శమీ పూజ(జమ్మి పూజ), ప్రత్యేక నైవేద్యము, మహా హారతి, మంత్రపుష్పం కార్యక్రమాలతో శరన్నవరాత్రి మహోత్సవాలు ముగుస్తాయి.

నిర్మల్‌ టౌన్‌: పోలీస్‌ విధి నిర్వహణలో ఆయుధాలు, వాహనాలు కీలకమని ఎస్పీ జానకీషర్మిల అన్నారు. దసరా నవరాత్రుల్లో భాగంగా ఏఆర్‌ హెడ్‌క్వార్టర్స్‌లో సోమవారం ఆయుధపూజ నిర్వహించారు. పోలీస్‌ ఆయుధాలకు, వాహనాలకు ప్రత్యేక పూజలు చేశారు. హెడ్‌క్వార్టర్స్‌ ప్రాంగణంలో జమ్మి మొక్కను నాటా రు. దసరా పండుగ అందరి జీవితాల్లో సుఖ సంతోషాలు, శాంతి తీసుకురావాలని ఆకాంక్షించారు. పోలీస్‌ అధికారులు, సిబ్బందికి, వారి కుటుంబ సభ్యులకు దసరా శుభాకాంక్షలు తెలిపారు. అదనపు ఎస్పీ ఉపేంద్రారెడ్డి, భైంసా ఏఎస్పీ సాయికిరణ్‌, నిర్మల్‌ డీఎస్పీ శ్రీనివాస్‌ తదితరులు పాల్గొన్నారు. వెట్టిచాకిరీ నిర్మూలనకు కృషి చేయాలి నిర్మల్‌చైన్‌గేట్‌: వెట్టిచాకిరీ నిర్మూలనకు అధికా రులు సమన్వయంతో కృషి చేయాలని, కార్మికుల హక్కులు, చట్టాలపై ప్రజలకు విస్తృత అవగాహన కల్పించాలని కలెక్టర్‌ భవేశ్‌ మిశ్రా సూచించారు.వెట్టిచాకిరీ నిర్మూలన, కార్మికుల హక్కులపై అవగాహన కల్పించేందుకు ప్రభుత్వం చేపట్టిన ‘స్వేచ్ఛా రథం’ ప్ర చార వాహనాన్ని కలెక్టరేట్‌ ప్రాంగణంలో సోమవారం జెండా ఊపి ప్రారంభించారు. వెట్టిచాకిరీతో కలిగే అనర్థాలు, దాని నిర్మూలనకు ఉన్న చట్టాలు, కార్మికులకు కల్పించిన హక్కులపై నాటికలు, పాటల ద్వారా అవగాహన కల్పించాలన్నారు. వెట్టిచాకిరీకి గురైనవారు, అలాంటి ఘటనలను గుర్తించిన వారు టోల్‌ఫ్రీ హెల్ప్‌లైన్‌ నంబర్‌ 080–69434343 లో సంప్రదించాలని సూచించారు. అనంతరం గోడప్రతులు ఆవిష్కరించారు. కార్యక్రమంలో అదనపు కలెక్టర్లు రాథోడ్‌ రమేశ్‌, వెంకట మాధవరావు, కార్మిక శాఖ అధికారి రాజలింగం, ప్రచార రథం సిబ్బంది పాల్గొన్నారు.

బోథ్‌: ఉమ్మడి జిల్లాలో విద్యుత్‌ వినియోగం భారీగా పెరిగింది. సాధారణంగా వేసవిలో కనిపించే అధిక విద్యుత్‌ డిమాండ్‌ ఈ ఏడాది అక్టోబర్‌లోనే నమోదవుతోంది. గతేడాది అక్టోబర్‌లో 393 మెగావాట్లుగా ఉన్న విద్యుత్‌ డిమాండ్‌ ఈ ఏడాది అదే నెలలో 689 మెగావాట్లకు చేరింది. ఏడాది వ్యవధిలోనే 296 మెగావాట్ల పెరుగుదల నమోదైంది. గతేడాదితో పోలిస్తే సుమారు 75.3 శాతం అధికంగా విద్యుత్‌ వినియోగం పెరిగింది. సాగునీటి కోసం మోటార్ల వినియోగంఎల్‌నినోతో వర్షాభావ పరిస్థితులు, నేలలో తేమ తగ్గడంతో పంటలను కాపాడుకునేందుకు రైతులు బోర్లు, బావులు, కాలువల ద్వారా సాగునీటిని అందిస్తున్నారు. దీంతో వ్యవసాయ మోటార్ల వినియో గం పెరిగి విద్యుత్‌ డిమాండ్‌పై ప్రభావం పడుతోంది. రబీ పంటల సాగు పనులు ప్రారంభమవుతున్న నేపథ్యంలో సాగునీటి అవసరాలు కూడా పెరుగుతున్నాయి. వ్యవసాయ రంగంలో విద్యుత్‌ విని యోగం పెరగడం మొత్తం డిమాండ్‌పై ప్రభావం చూపుతోంది. ఇళ్లలోనూ పెరిగిన వినియోగం..మరోవైపు పగటి ఉష్ణోగ్రతల ప్రభావంతో ఇళ్లలో ఫ్యాన్లు, కూలర్లు తదితర విద్యుత్‌ పరికరాల విని యోగం పెరుగుతోంది. వ్యవసాయ అవసరాలతో పాటు గృహవిద్యుత్‌ వినియోగం కూడా అధికమవడంతో డిమాండ్‌ పెరుగుతోంది. రోజురోజుకూ పెరుగుదలవిద్యుత్‌ డిమాండ్‌ రోజురోజుకు పెరుగుతోంది. ఉమ్మడి జిల్లాలో ఆదివారం 663 మెగావాట్లుగా ఉన్న విద్యుత్‌ డిమాండ్‌ సోమవారం 689 మెగా వాట్లకు చేరింది. ఒక్కరోజులోనే 26 మెగావాట్ల పెరుగుదల నమోదైంది. ఇది సుమారు 3.9శాతం అధికం. ప్రస్తుతం విద్యుత్‌ సరఫరా అధికారులను ఉక్కిరిబిక్కిరి చేస్తోంది. ఎన్నడూ లేనంత డిమాండ్‌ ఉమ్మడి జిల్లాలో గత ఐదేళ్లలో ఎన్నడూ లేనంతగా విద్యుత్‌ డిమాండ్‌ పెరిగింది. వ్యవసాయ అవసరాలతో పాటు ఇతర రంగాల్లో విద్యుత్‌ వినియోగం పెరిగింది. ఇంత భారీగా డిమాండ్‌ పెరిగినప్పటికీ వినియోగదారులకు విద్యుత్‌ సరఫరాలో అంతరాయం కలగకుండా చర్యలు తీసుకుంటున్నాం. అవసరాలకు అనుగుణంగా నిరంతర విద్యుత్‌ సరఫరా అందించేందుకు కృషి చేస్తున్నాం. – జాదవ్‌ సుభాష్‌, ఎస్‌ఈ, ఆదిలాబాద్‌

బాసర: గోదావరి వంతెనపై సోమవారం ఒక వ్యక్తి ఆత్మహత్యకు యత్నించగా గ్రామస్తులు సమయస్ఫూర్తితో వ్యవహరించి కాపాడారు. వివరాల్లోకి వెళ్తే.. బాసరకు చెందిన గెంటిల లింబాద్రి, పద్మారావు అనే గ్రామస్తులు నవీపేట్‌ నుంచి బాసరకు వస్తున్నారు. ఈ క్రమంలో గోదావరి బ్రిడ్జిపై ఒక వ్యక్తి నదిలోకి దూకేందు కు ప్రయత్నించడాన్ని వారు గమనించారు. వెంటనే అప్రమత్తమైన వారు ఆ వ్యక్తిని పట్టుకుని వెనక్కి లాగారు. నదిలో దూకకుండా నిలువరించి ప్రాణాలు కాపాడారు. అనంతరం ఈ ఘ టనపై బాసర పోలీసులకు సమాచారం అందించి, వారికి అప్పగించారు. ఆపదలో ఉన్న వ్యక్తి ప్రాణాలను కాపాడేందుకు చాకచక్యంగా వ్యవహరించిన లింబాద్రి, పద్మారావులను బాసర గ్రామస్తులతో పాటు స్థానికులు అభినందించారు.

నిర్మల్‌టౌన్‌: పట్టణంలోని బాగులవాడ శ్రీసరస్వతీ శిశుమందిర్‌ పాఠశాలను ఆంధ్రప్రదేశ్‌ రాజ్యసభ సభ్యుడు నిరంజన్‌రెడ్డి సోమవారం సాయంత్రం సందర్శించారు. పాఠశాలలోని మౌలిక వసతులు, అభివృద్ధి పనుల గురించి నిర్వాహకులను అడిగి తెలుసుకున్నారు. విద్యాసంస్థల అభివృద్ధిలో సమాజ భాగస్వామ్యం కీలకమన్నారు. సిర్గాపూర్‌లో శ్రీ సరస్వతీ శిశు మందిర్‌ సీబీఎస్‌ఈ పాఠశాల ఏర్పాటుకు నాలుగు ఎకరాల స్థలం కేటాయించారు. కార్యక్రమంలో దక్షిణ మధ్య క్షేత్ర ప్రశిక్షణ ప్రముఖ్‌ రావుల సూర్యనారాయణ, పాఠశాల అధ్యక్షుడు డాక్టర్‌ రామకృష్ణ, కార్యదర్శి ఆయన్నగారి శ్రీకాంత్‌, సహ కార్యదర్శి అయిట్ల ప్రవీణ్‌, ఉపాధ్యక్షుడు అదుముల్ల నరేంద్ర, పాఠశాల అభివృద్ధి కమిటీ సభ్యులు పాల్గొన్నారు.

నార్నూర్‌: ఆదివాసీ సంప్రదాయాలు, ఆచార వ్యవహారాలకు ప్రతీక ఝరి నాగ్‌ భీడ్‌ మెస్రం పెర్సపెన్‌ దసరా పూజలను గాదిగూడ మండలం ఝరి గ్రా మంలో ఘనంగా నిర్వహించారు. సంప్రదాయబ ద్ధంగా నిర్వహించిన పూజల్లో మెస్రం వంశీయులు పెద్ద సంఖ్యలో పాల్గొని పూజలు చేశారు. ఉమ్మడి ఆదిలాబాద్‌ జిల్లాతో పాటు మహారాష్ట్ర నుంచి మెస్రం వంశీయులు తరలివచ్చారు. పెన్‌ కటోడ మెస్రం నాగోరావ్‌, పెన్‌ పటేల్‌ మెస్రం అబాజీ, పెన్‌ పటడి (ప్రధాన్‌) మెస్రం నాందేవ్‌, ఉపాధ్యాయులు మెస్రం దన్ను, మెస్రం లింగు, మాజీ జెడ్పీటీసీ మెస్రం సోము, మెస్రం భీంరావ్‌, మెస్రం లక్ష్మణ్‌, మెస్రం మారుతి తదితరులు పాల్గొన్నారు.

ఉట్నూర్‌రూరల్‌: ప్రభుత్వ ఉద్యోగాల కోసం పోటీ పడే గిరిజన అభ్యర్థులకు సరైన సమాచారం, సమగ్ర ప్రణాళికను అందించేందుకు ప్రత్యేకంగా రూపొందించిన గిరిజన ఉద్యోగ సేతు డిజిటల్‌ వేదికను యువత సద్వినియోగం చేసుకోవాలని ఐటీడీఏ పీవో మంద మకరందు అన్నారు. సోమవారం ఐటీడీఏ కార్యాలయంలో ఏర్పాటు చేసిన సమావేశంలో మాట్లాడారు. గిరిజన యువతలో ఉన్న ప్రతిభను వెలికితీసి, ఉన్నత స్థానాల్లో నిలబెట్టడమే డిజిటల్‌ వేదిక ముఖ్య ఉద్దేశమని స్పష్టం చేశారు. యూపీఎస్సీ, ఎస్‌ఎస్‌సీ, రైల్వేస్‌, బ్యాంకింగ్‌, వివిధ రాష్ట్ర ప్రభుత్వ ఉద్యోగాల నోటిఫికేషన్ల సమాచారం ఒకే వేదికపై అందుబాటులో ఉంటుందన్నారు. ఎస్టీ అభ్యర్థులకు వర్తించే రిజర్వేషన్లు, వయోపరిమితి సడలింపులు, ప్రభుత్వం అందించే ఉచిత శిక్షణ అవకాశాలు, స్కాలర్‌షిప్‌ల వివరాల ను నిబంధనల ప్రకారం వెబ్‌సైట్‌లో పొందుపర్చామని తెలిపారు. ఏజెన్సీ పరిధిలోని గ్రామీణ నిరుద్యోగ యువత, డిగ్రీ విద్యార్థులు సద్వినియోగం చేసుకోవాలని సూచించారు.

భైంసారూరల్‌: మండలంలోని పేండ్‌పల్లి గ్రామంలో ప్రాచీన చరిత్రకు సంబంధించిన అనేక విగ్రహా లు గుర్తించినట్లు ప్రముఖ కవి, చరిత్ర పరిశోధకుడు డాక్టర్‌ తుమ్మల దేవరావు సోమవారం తెలిపారు. సుద్దవాగు ఒడ్డున గల ఈ గ్రామం వేల సంవత్సరాల చరిత్రకు సాక్ష్యంగా నిలుస్తుందన్నారు. ఈ గ్రామంలో చాళుక్యుల కాలం నాటి వినాయకుడు విగ్రహం, కాకతీ యుల కాలం నాటి శివలింగం, మూడు విభిన్నమై న వీరగల్లులను గుర్తించినట్లు తెలిపారు. గ్రామానికి ఆనుకుని ఉన్న చెరువు వద్ద గోరక్షక వీరగల్లు విగ్రహం, చెరువు కట్ట కింద పొలం ఒడ్డు వద్ద గుర్రంపై యుద్ధానికి బయలుదేరిన వీరుని విగ్రహం, గ్రామానికి తూర్పు దిక్కున ఉన్న గంగమ్మ ఆలయం వద్ద మరొక వీరగల్లు విగ్రహాలను గుర్తించినట్లు పేర్కొన్నారు. ఒకే గ్రామంలో వివిధ ప్రాంతాల్లో మూడు వీరగల్లుల విగ్రహాలు ఉండడం విశేషం. ఈ ప్రాచీన గ్రామం 9వ శతాబ్దం నుంచి 18వ శతాబ్దం మధ్యకాలంలో వైభవంగా వెలిగినట్లు చారిత్రక ఆధారం వల్ల తెలుస్తోంది. క్షేత్ర పర్యటనలో రాజేశ్వర్‌ రెడ్డి, సర్పంచ్‌ దేశెట్టి శ్రీనివాస్‌, ప్రముఖ గా యని అనిల, వీడీసీ సభ్యులు చందురెడ్డి, నర్సయ్య, మైపాల్‌ రెడ్డి, సాయన్న, అన్వేష్‌, మోహన్‌ రెడ్డి, మాణిక్యం పాల్గొన్నారు.

ఖానాపూర్‌: దసరా పండుగ సందర్భంగా పాలపిట్టను బంధిస్తే కఠిన చర్యలు తీసుకుంటామని ఖానాపూర్‌ ఎఫ్‌డీవో కడారి అనిత హెచ్చరించారు. అటవీశాఖ ఏర్పాటు చేసిన ప్రదేశాల్లోనే పాలపిట్ట ప్రతిమను వీక్షించాలని తెలిపారు. పట్టణంలోని మస్కాపూర్‌ అర్బన్‌ పార్క్‌లో సోమవారం పాలపిట్ట ప్రతిమ, పాలపిట్ట సంరక్షణకు తీసుకుంటున్న చర్యలు వివరించే పోస్టర్లు ఆవిష్కరించారు. పాలపిట్టను బంధించినా, బంధించేందుకు ప్రయత్నించినా వన్యప్రాణి సంరక్షణ చట్టం కింద కేసులు నమోదు చేస్తామని హెచ్చరించారు. మస్కాపూర్‌ అర్బన్‌ పార్కులో పాలపిట్ట ప్రతిమను వీక్షించేందుకు, జమ్మి ఆకులను సేకరించేందుకు ప్రత్యేక ఏర్పాట్లు చేసినట్లు తెలిపారు. ఖానాపూర్‌ డివిజన్‌లోని వివిధ మార్కెట్‌ ప్రాంతాలు, పలు పంచాయతీల వద్ద పాలపిట్ట నమూనాలను అందుబాటులో ఉంచనున్నట్లు పేర్కొన్నారు. దసరా నుంచి మార్నింగ్‌ వాక్‌.. దసరా నుంచి మస్కాపూర్‌ అర్బన్‌ పార్కులో మార్నింగ్‌ వాక్‌ చేసేందుకు ప్రజలకు అవకాశం కల్పించనున్నట్లు ఎఫ్‌డీవో తెలిపారు. పార్కు అభివృద్ధికి దాతలు ముందుకు రావాలని కోరారు. పర్యావరణ పర్యాటకం, జీవవైవిధ్య పరిరక్షణ అభివృద్ధికి సహకారం అందించాలన్నారు. ఖానాపూర్‌ డివిజన్‌ ప్రజలకు దసరా శుభాకాంక్షలు తెలిపారు. కార్యక్రమంలో ఎఫ్‌ఆర్‌వో కిరణ్‌కుమార్‌, ఎఫ్‌బీవోలు నరేందర్‌, ముత్యం తదితరులు పాల్గొన్నారు.

నిర్మల్‌టౌన్‌: తెలంగాణలో అతిపెద్ద పండుగ దసరా. హిందూ సంస్కృతిలో దీనికి ఎంతో ప్రాముఖ్యత ఉంది. చెడుపై మంచి సాధించిన విజయానికి గుర్తుగా, మహిషాసురుడిపై దుర్గామాత విజయం, రావణుడిపై శ్రీరాముడు సాధించిన విజయానికి సంకేతంగా దసరాను జరుపుకుంటారు. ఆయుధ పూజ, పొలిమేర దాటడం, జమ్మి చెట్టు పూజ, పాలపిట్ట దర్శనం వంటి ఆనవాయితీలు ఆనాటి నుంచి కొనసాగుతున్నాయి. మహాలక్ష్మి ఆలయం వద్ద ఏర్పాట్లు.. జిల్లా కేంద్రంలోని బంగాల్‌పేట్‌ మహాలక్ష్మి ఆలయ ప్రాంగణంలో దసరా వేడుకలు నిర్వహిస్తారు. సుమారు రెండెకరాల్లో రావణ దహన కార్యక్రమం జరుగుతుంది. ఈమేరకు స్థలం చదును చేయించి, వేదిక, లైటింగ్‌, టెంట్లు, బారికేడ్లు, నీటి సదుపాయం మున్సిపల్‌ ఆధ్వర్యంలో ఏర్పాటు చేశారు. విశ్వహిందూ పరిషత్‌, బంగల్‌పేట్‌ శ్రీఆంజనేయ యూత్‌ ఆధ్వర్యంలో ఆలయ ప్రాంగణమంతా మామిడి తోరణాలతో అలంకరించారు. రావణ దహనం, సాంస్కృతిక కార్యక్రమాలు నిర్వహించనున్నారు. ఈ వేడుకలను తిలకించేందుకు ప్రజలు పెద్ద సంఖ్యలో హాజరవుతారు. మహాలక్ష్మి ఆలయం సమీపంలోని ఏర్పాట్లను స్థానిక ఎమ్మెల్యే ఏలేటి మహేశ్వర్‌రెడ్డి, మున్సిపల్‌ చైర్‌పర్సన్‌ అప్పాల కావ్య పరిశీలించారు. ఖానాపూలో... ఖానాపూర్‌: పట్టణంలోని రాంలీలా మైదా నం(ప్రభుత్వ జూనియర్‌ కళాశాల ప్రాంగణం)లో హిందూ ఉత్సవ సమితి ఆధ్వర్యంలో మంగళవారం విజయదశమి వేడుకలు నిర్వహించనున్నట్లు సమితి అధ్యక్షుడు మంత్ర రాజ్యం సురేశ్‌, కార్యదర్శి శెట్టి శ్యామ్‌, సభ్యులు తెలిపారు. ఈ మేరకు ఏర్పాట్లను సోమవారం పరిశీలించారు. ఉదయం 9 గంటలకు పద్మావతినగర్‌లోని శ్రీ లక్ష్మీవేంకటేశ్వరస్వామి దేవస్థానం నుంచి శివాజీనగర్‌లోని శ్రీ మహాలక్ష్మి అమ్మవారి ఆలయం వరకు ఆభరణాలను తీసుకెళ్లి పూజలు నిర్వహించనున్నారు. అనంతరం అమ్మవారి ఉత్సవ విగ్రహాన్ని ఊరేగింపుగా రాంలీలా మైదానా నికి తీసుకురానున్నారు. సాయంత్రం 5 గంటలకు విద్యార్థినీ విద్యార్థుల సాంస్కతిక కార్యక్రమాలు ప్రారంభమవుతాయి. 6 గంటలకు శమీ పూజ నిర్వహించిన అనంతరం అతిథుల ప్రసంగాలు ఉంటాయి. శాశ్వత విగ్రహం ఏర్పాటు.. పట్టణంలోని రాంలీలా మైదానంలో ఏటా ఉత్సవాల నిర్వహణ కోసం ఈ ఏడాది 25 ఫీట్ల ఎత్తు, 7 ఫీట్ల వెడల్పుతో శాశ్వత విగ్రహాన్ని సిద్ధం చేశారు. రాత్రి 7 గంటలకు రావణ దహనం కార్యక్రమం నిర్వహించనున్నారు. వేడుకలకు ఖానాపూర్‌ ఎమ్మెల్యే వెడ్మ బొజ్జు పటేల్‌ ముఖ్య అతిథిగా, మున్సిపల్‌ చైర్‌పర్సన్‌ అంకం మౌనిక మహేందర్‌ అతిథిగా హాజరుకానున్నారు. ఆర్‌ఎస్‌ఎస్‌ ప్రాంత సహ సేవాప్రముఖ్‌ బలవత్రి గణేష్‌ విశిష్ట అతిథిగా, వక్తగా పాల్గొననున్నారు. 22న బతుకమ్మ వేడుకలు.. ఖానాపూర్‌ పట్టణంలో ఈ నెల 22న బతుకమ్మ పండుగ నిర్వహించాలని నిర్ణయించినట్లు సమితి ప్రతినిధులు తెలిపారు.

కై లాస్‌నగర్‌: గిరిజన పోరాట యోధుడు కొమురంభీం మనుమడు కొమురం సోనేరావు సోమవారం ఆదిలాబాద్‌ జిల్లా కలెక్టర్‌ రాజర్షి షాను మర్యాదపూర్వకంగా కలిశారు. కలెక్టరేట్‌ సమావేశ మందిరంలో కలిసి శాలువాతో సత్కరించారు. ఆసిఫాబాద్‌ జిల్లా జోడేఘాట్‌లో ఈ నెల 26న నిర్వహించనున్న కొమురం భీం వర్ధంతి కార్యక్రమానికి రావాలని కోరుతూ ఆహ్వానపత్రికను అందజేశారు. అనంతరం కార్యక్రమ వాల్‌ పోస్టర్లను కలెక్టర్‌ ఆవిష్కరించారు. కార్యక్రమంలో అడిషనల్‌ కలెక్టర్లు చిత్రు, రాజేశ్వర్‌, ఆదివాసీ నాయకులు తదితరులు పాల్గొన్నారు. జిల్లా జైలులో బతుకమ్మ వేడుకలు పోచమ్మ ఆలయంలో చోరీ తానూరు: మండలంలోని ఏల్వీ పోచమ్మ ఆలయంలో ఆదివారం అర్ధరాత్రి చోరీ జరిగింది. గ్రామస్తులు, పోలీసులు తెలిపిన వివరాలు.. ఆదివారం అర్ధరాత్రి గుర్తు తెలియని వ్యక్తులు రాయితో ఆలయం తాళాన్ని పగులగొట్టి లోపలికి చొరబడ్డారు. 11 తులాల వెండి కిరీటం, రెండు తులాల వెండి తీగలు అపహరించినట్లు ఎస్సై షేక్‌ జుబేర్‌ తెలిపారు. సోమవారం ఉదయం క్లూస్‌టీం వేలి ముద్రలతోపాటు ఆధారాలు సేకరించారు. అయ్యప్ప ఆలయంలో హుండీ ఎత్తుకెళ్లిన దొంగలు తలమడుగు: సుంకిడి గ్రామంలోని అయ్యప్ప ఆలయంలో ఆదివారం రాత్రి గుర్తుతెలియని వ్యక్తులు చొరబడి చోరీకి పాల్పడ్డారు. ఆలయ కమిటీ సభ్యుడు మల్లేష్‌ తెలిపిన వివరాల ప్ర కారం.. ఆలయంలో గుర్తుతెలియని వ్యక్తులు చొరబడి సీసీ కెమెరాలను ధ్వంసం చేసి హుండీ ఎత్తుకెళ్లారు. ఉదయం గమనించిన భక్తులు పోలీసులకు సమాచారం అందించారు. అక్కడకు చేరుకున్న ఎస్సై రాధిక సీసీ కెమెరాలను పరిశీలించారు. హుండీలో దాదాపు రూ.15వేల వరకు ఉండొచ్చని ఆలయ కమిటీ సభ్యులు తెలిపారు. వారు ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్సై తెలిపారు.

ఉట్నూర్‌రూరల్‌: ఉట్నూర్‌ పోలీస్‌స్టేషన్‌ పరిధిలో జరిగిన వేర్వేరు చోరీ కేసుల్లో నిందితులను అరెస్ట్‌ చేసి న్యాయస్థానంలో హాజరుపరిచి జ్యుడీషియల్‌ రిమాండ్‌కు తరలించినట్లు ఎస్సై జి.విజయ్‌ సోమవారం తెలిపారు. ఆయన తెలిపిన వివరాల ప్రకారం.. మండలంలోని హర్కాపూర్‌ గ్రామ శివారులోని వ్యవసాయ భూమిలో ఏర్పాటు చేసిన సింగిల్‌ ఫేజ్‌ ట్రాన్స్‌ఫార్మర్‌లోని రాగి కాయిల్‌ వైర్‌, సుమారు 30 లీటర్ల ట్రాన్స్‌ఫార్మర్‌ ఆయిల్‌ చోరీకి గురైనట్లు బాధితుడు గత నెల 10న పోలీసు స్టేషన్‌లో ఫిర్యాదు చేశాడన్నారు. ఈ ఘటనలో సుమారు రూ.40,000 విలువైన సామగ్రి చోరీకి గురైనట్లు గుర్తించి కేసు నమోదు చేసి దర్యాప్తు చేపట్టామన్నారు. చోరీకి గురైన సామగ్రిని కొనుగోలు చేసిన షేక్‌ అఫ్రోజ్‌ ను అరెస్ట్‌ చేసి రిమాండ్‌కు తరలించినట్లు తెలిపారు. చోరీ చేసిన నిందితులను గతంలోనే అరెస్టు చేశామన్నారు. ఇంటి దొంగతనం కేసులో.. హర్కాపూర్‌ గ్రామంలో నివాసం ఉంటున్న చిరివెల్ల హరి ఇంటికి తాళం వేసి కుటుంబంతో కలిసి బయటకు వెళ్లిన సమయంలో గుర్తుతెలియని వ్యక్తులు ఇంటి తాళం పగులగొట్టి బంగారంతో పాటు రూ.20 వేలు నగదు చోరీ జరిగినట్లు బాధితుడి తండ్రి ఈ నెల 16న ఫిర్యాదు చేశాడన్నారు. చోరీకి పాల్పడిన అంధారే సిద్ధేశ్వర్‌ అలియాస్‌ సిద్దు, హనుమంత నారాయణ్‌ జాదవ్‌లను అరెస్ట్‌ చేసి, వారి వద్ద నుంచి దొంగతనం చేసిన సామగ్రిని రికవరీ చేసి, న్యాయస్థానంలో హాజరుపరచగా నిందితులను జ్యుడీషియల్‌ రిమాండ్‌కు తరలించినట్లు తెలిపారు. ఘటనలో సుమారు రూ.లక్ష 20 వేల విలువైన ఆస్తి చోరీకి గురికాగా స్వాధీనం చేసుకున్నట్లు ఎస్సై పేర్కొన్నారు. రోడ్డు ప్రమాదంలో ఒకరికి తీవ్ర గాయాలు భైంసాటౌన్‌: ఎదురుగా వస్తున్న ఓ వాహనాన్ని తప్పించబోయి ఆగి ఉన్న లారీని ఢీకొని ఒకరు తీవ్ర గాయాలపాలైన ఘటన పట్టణంలోని భోకర్‌ రోడ్డులో జరిగింది. స్థానికుల కథనం ప్రకారం.. తానూర్‌ మండలం భోసి గ్రామానికి చెందిన నరేశ్‌ పని నిమిత్తం సోమవారం భైంసాకు వచ్చి తిరిగి సాయంత్రం బైక్‌పై వెళ్తున్నాడు. ఈ క్రమంలో ఓవైసీనగర్‌కు చెందిన అజిజ్‌ ఐచర్‌ వాహనం నడుపుతూ అకస్మాత్తుగా రైట్‌ టర్న్‌ తీసుకోవడంతో ఆ వాహనాన్ని తప్పించే క్రమంలో నరేశ్‌ రోడ్డు పక్కన ఆగి ఉన్న లారీని ఢీకొన్నాడు. ఘటనలో నరేశ్‌ కాలు విరగగా, ముఖానికి తీవ్ర గాయాలయ్యాయి. వెంటనే స్థానికులు క్షతగాత్రుడిని పట్టణంలోని ఓ ప్రైవేట్‌ ఆస్పత్రికి తరలించగా, పరిస్థితి విషమంగా ఉండడంతో నిజామాబాద్‌కు తరలించారు.

నిర్మల్‌టౌన్‌: దసరా, బతుకమ్మ ఉత్సవాలు పురస్కరించుకుని పట్టణంలో మున్సిపల్‌ శాఖ ఆధ్వర్యంలో ఏర్పాట్లు చేసినట్లు మున్సిపల్‌ వైస్‌ చైర్మన్‌ అప్పాల గణేశ్‌ చక్రవర్తి తెలిపారు. పండుగలకు వచ్చే భక్తులు, ప్రజలకు ఎలాంటి ఇబ్బందులు కలగకుండా చర్యలు చేపట్టినట్లు పేర్కొన్నారు. జిల్లా కేంద్రంలోని బంగల్‌పేట్‌ వినాయక్‌సాగర్‌, మహాలక్ష్మి ఆలయ పరిసరాలను ఆదివారం సందర్శించారు. ఈ సందర్భంగా ఆయన మాట్లాడుతూ.. వినాయక్‌సాగర్‌ వద్ద దుర్గామాత విగ్రహాల నిమజ్జనం కోసం క్రేన్‌తోపాటు గజ ఈతగాళ్లను అందుబాటులో ఉంచినట్లు తెలిపారు. మహాలక్ష్మి ఆలయం వద్ద నిర్వహించే శమీ పూజ, రావణ దహన కార్యక్రమాలను ప్రజలు సౌకర్యవంతంగా వీక్షించేందుకు బారికేడ్లు ఏర్పాటు చేశామని, పరిసర ప్రాంతాల్లో విద్యుత్‌ దీపాలను అమర్చినట్లు వివరించారు. దసరా రోజు మహాలక్ష్మి ఆలయానికి వచ్చే భక్తులు ట్రాఫిక్‌ రద్దీని దృష్టిలో ఉంచుకుని మున్సిపల్‌ అధికారులకు సహకరించాలని కోరారు. కాలినడకన, ద్విచక్ర వాహనాలపై వచ్చేవారు గాంధీ చౌక్‌, విశ్వనాథ్‌పేట్‌ మార్గంలో రావాలని, నాలుగు చక్రాల వాహనాలు, ఆటోల్లో వచ్చేవారు కలెక్టరేట్‌ మార్గాన్ని వినియోగించుకోవాలని సూచించారు. పట్టణ ప్రజలందరూ దసరా, బతుకమ్మ పండుగలను భక్తిశ్రద్ధలతో, ఆనందోత్సాహాల మధ్య ఘనంగా జరుపుకోవాలని ఆకాంక్షించారు. కార్యక్రమంలో కౌన్సిలర్లు పెండం శ్రీనివాస్‌, శ్రీరామోజీ నరేశ్‌, లక్కాకుల హరీశ్‌, ఆలయ కమిటీ చైర్మన్‌ తాళ్ల రాజు, మాజీ చైర్మన్‌ కుడుకల గంగాధర్‌, విశ్వహిందూ పరిషత్‌ నాయకులు పాల్గొన్నారు.

నిర్మల్‌చైన్‌గేట్‌: జాతీయ ఆరోగ్య మిషన్‌ పరిధిలో వివిధ క్యాడర్లలో పనిచేస్తున్న కాంట్రాక్ట్‌, ఔట్‌సోర్సింగ్‌ ఉద్యోగులు న్యాయమైన డిమాండ్ల సాధనకు చేపట్టిన నిరవధిక సమ్మె ఆదివారం ఆరో రోజుకు చేరుకుంది. ఎన్‌హెచ్‌ఎం జేఏసీ ఆధ్వర్యంలో ఉద్యోగులు మోకాళ్లపై కూర్చొని వినూత్న రీతిలో నిరసన తెలిపారు. న్యాయం జరిగే వరకు పోరాటం చేస్తామని ఉద్యోగులు పెద్దఎత్తున నినాదాలు చేశారు. ప్రజలకు నాణ్యమైన వైద్య సేవలు అందిస్తున్న కాంట్రాక్ట్‌, ఔట్‌సోర్సింగ్‌ ఉద్యోగుల శ్రమను ప్రభుత్వం గుర్తించాలని విజ్ఞప్తి చేశారు. కాంట్రాక్ట్‌, ఔట్‌సోర్సింగ్‌ ఉద్యోగులను వెంటనే క్రమబద్ధీకరించాలని, సమాన పనికి సమాన వేతనం అమలు చేయాలన్నారు. ఉద్యోగులు ఎదుర్కొంటున్న సమస్యలకు శాశ్వత పరిష్కారం చూపాలన్నారు. నిరసనలో ఎన్‌హెచ్‌ఎం జేఏసీ జిల్లా అధ్యక్షుడు గంగాధర్‌, జిల్లా కోఆర్డినేటర్‌ రమణ, జేఏసీ నాయకులు డాక్టర్‌ రాజశేఖర్‌, డాక్టర్‌ నాగరాజ్‌, డాక్టర్‌ సన్నిత్‌, డాక్టర్‌ రమేశ్‌, వినీత తదితర ఉద్యోగులు పాల్గొన్నారు.

ప్రతీసారి అవసరాల కోసం వడ్డీ వ్యాపారుల వద్దకు వేళ్లి అవసరాలను తీర్చుకునే వాళ్లం. కానీ బ్యాంకు అధికారులు అవసరాల కోసం రుణాలు సంఘం ద్వారా అందజేస్తున్నారు. బ్యాంకు నుంచి డబ్బులను ఆర్థిక అభివృద్ధి పనుల కోసం ఖర్చు చేస్తున్నాం. – గంగమణి, జిల్లా మండల సమాఖ్యా అధ్యక్షురాలు మహిళ ఆదాయాభివృద్ధే ధ్యేయం మహిళలను ఒత్తిడికి గురిచేయకుండా వారి పరిస్థితులను అర్ధం చేసుకుని ఆదాయం పెంచేందుకు చర్యలు తీసుకుంటాం. మహిళలు ఆర్థికంగా నిలదొక్కుకోవడంతో వారిలో ఆత్మ విశ్వాసం పెరిగింది. సంఘాలు మంజూరు చేసిన మొత్తాన్ని సభ్యులు వారీగా వారి ఖాతాల్లో బ్యాంకు అధికారులు నేరుగా జమచేస్తారు. బ్యాంకులు సైతం ఇప్పడు కొత్త రుణాలు ఇచ్చేందుకు పోటీ పడుతున్నాయి. – విజయలక్ష్మీ, డీఆర్డీవో నిర్మల్‌

మహా కలప.. లోకల్‌ బ్రాండ్‌ ఉమ్మడి జిల్లాలో కలప వ్యాపారం మాటున అక్రమాలు జరుగుతున్నాయి. మహారాష్ట్ర, మధ్యప్రదేశ్‌ నుంచి అక్రమంగా దిగుమతి చేసుకున్న కలపను లోకల్‌ బ్రాండ్‌ పేరుతో విక్రయిస్తున్నారు. ఆకాశం పాక్షికంగా మేఘావృతమవుతుంది. వాతావరణం పొడిగా ఉంటుంది. పగటి ఉష్ణోగ్రతలు పెరుగుతాయి. వేడి ఎక్కువగా ఉంటుంది. రాత్రి చలి తగ్గుతుంది.బాసరలో శరన్నవరాత్రోత్సవాలు బాసర శ్రీజ్ఞాన సరస్వతీ అమ్మవారి ఆలయంలో శరన్నవరాత్రి ఉత్సవాలు భక్తిశ్రద్ధలతో కొనసాగుతున్నాయి. ఆదివారం అమ్మవారు ‘మహా గౌరీ దేవి’గా భక్తులకు దర్శనమిచ్చారు. మహిషాసుర దహనం నిర్మల్‌టౌన్‌: జిల్లా కేంద్రంలోని శ్రీగిరి నందిగుండం దుర్గామాత ఆలయంలో శరన్నవరాత్రి ఉత్సవాల్లో భాగంగా దుర్గాష్టమి పురస్కరించుకుని మహిషాసుర దహనం కార్యక్రమాన్ని ఆదివారం నిర్వహించారు. నిర్మల్‌ ఎమ్మెల్యే ఏలేటి మహేశ్వర్‌రెడ్డి చేతుల మీదుగా ఈ కార్యక్రమం జరిగింది. అంతకుముందు ఎమ్మెల్యే దుర్గామాతకు ప్రత్యేక పూజలు నిర్వహించారు. ఈ సందర్భంగా దసరా పండుగ విశిష్టతను చాటిచెబుతూ.. చెడుపై మంచి సాధించిన విజయానికి ప్రతీకగా విజయదశమి నిలుస్తుందని వివరించారు. దుర్గామాత మహిషాసురుడిని సంహరించిన ఘట్టం ధర్మానికి, సత్యానికి ప్రతీకగా నిలుస్తుందని పేర్కొన్నారు. కార్యక్రమంలో ఆలయ వ్యవస్థాపకులు కొండాజీ వెంకటాచారి, ఆలయ అధ్యక్షుడు లక్కడి జగన్మోహన్‌ రెడ్డి, బిజెపి సీనియర్‌ నాయకులు రావుల రాంనాథ్‌, భవాని మాలధారణ భక్తులు, తదితరులు పాల్గొన్నారు. శాస్త్రీనగర్‌ అభయాంజనేయ స్వామి ఆలయంలో బతుకమ్మ సంబరాల్లో మహిళలువాయినం ఇచ్చిపుచ్చుకుంటున్న మహిళలుజిల్లా కేంద్రంలోని కొన్ని కాలనీల్లో ఆదివారం సద్దుల బతుకమ్మ పండుగను ఘనంగా నిర్వహించారు. తీరొక్క పూలతో బతుకమ్మలు పేర్చారు. అనంతరం తమ కాలనీల్లో బతుకమ్మపాటలతో కోలాటం వేస్తూ సాగనంపారు. శాసీ్త్రనగర్‌, ప్రియదర్శిని నగర్‌, దివ్యనగర్‌ కాలనీల్లో మహిళలు ఉత్సాహంగా పాల్గొన్నారు. బంగాల్‌పేట వినాయకసాగర్‌ చెరువు వద్దకు బతుకమ్మలతో చేరుకుని ఒకరికొకరు వాయినాలు ఇచ్చిపుచ్చుకుంటూ నిమజ్జనం చేశారు. – సాక్షి ఫొటోగ్రాఫర్‌, నిర్మల్‌ సద్దుల సంబురం

సారంగపూర్‌: అడెల్లి మహాపోచమ్మ జాతర భ ద్రతా ఏర్పాట్లను ఎస్పీ జానకీ షర్మిల ఆది వారం పర్యవేక్షించారు. అడెల్లి మహాపోచమ్మ ఆభరణాలు తరలివెళ్లిన గ్రామాలతోపాటు తిరిగి వచ్చే మార్గంలో ఎలాంటి ఇబ్బందులు తలెత్తకుండా పర్యవేక్షణ చేశారు. అనంతరం అడెల్లి ఆలయానికి ఆభరణాలను తరలించే మార్గంలో సారంగాపూర్‌కు చేరుకుని ఆభరణాలను ఆనవాయితీ ప్రకారం తలపై ఎత్తుకుని సారంగాపూర్‌ అడెల్లి మహాపోచమ్మ స్వా గత తోరణం వరకు మోసుకొచ్చారు. అలాగే ఆలయానికి ఆభరణాలను తరలించే మార్గంలో ఎలాంటి ఇబ్బందులు ఏర్పడకుండా ప్రత్యే క పోలీసు బలగాల సహకారంతో ఆభరణాల ను సరైన సమయానికి ఆలయానికి చేర్చారు. ఆభరణాలకు భధ్రతగా నిలిచిన నిర్మల్‌ రూరల్‌ సీఐ కృష్ణ, ఎస్సై శ్రీకాంత్‌ బృందానికి, ప్రత్యేక పోలీసు బలగాలను అభినందించారు.

నిర్మల్‌టౌన్‌: ఎంబీబీఎస్‌లో సీట్లు సాధించిన విద్యార్థులు సేవాభావం అలవర్చుకుని వైద్యరంగంలో ఉన్నత శిఖరాలను అధిరోహించాలని జిల్లా గ్రంథాలయ చైర్మన్‌ అర్జుమంద్‌ అలీ సూచించారు. తెలంగాణ ముస్లిం ఎంప్లాయీస్‌ అసోసియేషన్‌ ఆధ్వర్యంలో జిల్లా పరిధిలో ఎంబీబీఎస్‌ సీట్లు సాధించిన 30 మంది ముస్లిం విద్యార్థులను ఆదివారం జిల్లా కేంద్రంలోని అసోసియేషన్‌ కార్యాలయంలో ఘనంగా సన్మానించారు. ఈ సందర్భంగా గ్రంథాలయ సంస్థ చైర్మన్‌ మాట్లాడుతూ.. విద్యార్థులు తల్లిదండ్రుల ఆశయాలకు అనుగుణంగా రాణించి, వారికి మంచి పేరు తీసుకురావాలని సూచించారు. దేవుడి తర్వాత ప్రజలు వైద్యులను అంతగా గౌరవిస్తారని, అటువంటి పవిత్రమైన వైద్య వత్తిని ఎంచుకున్న విద్యార్థులు సేవే పరమావధిగా ముందుకు సాగాలన్నారు. ఎంబీబీఎస్‌ పూర్తి చేసిన అనంతరం పీజీలోనూ సీట్లు సాధించి, పూర్తిస్థాయి నైపుణ్యం కలిగిన వైద్యులుగా ఎదగాలని ఆకాంక్షించారు. తమ తల్లిదండ్రులతోపాటు సొంత ఊరికి మంచి పేరు తీసుకురావాలని విద్యార్థులకు సూచించారు. కార్యక్రమంలో సంఘం అధ్యక్షుడు ఎంఏ.మతీన్‌, కార్యదర్శి వహీద్‌ఖాన్‌, ముఫ్తీ ఇలియాస్‌ ఖాస్మి,మొహమ్మద్‌ ఇంతియాజ్‌, అబ్దుల్‌ సాజిద్‌, ముజాహిద్‌ మొహియుద్దీన్‌ పాల్గొన్నారు.

కుటుంబానికి అండగా.. నా భర్త సాయినాథ్‌ కుల వృత్తితో మట్టి కుండలు ఇరత వస్తువులు తయారు చేసేవాడు. పిల్లలు పెరిగి పెద్దయ్యాక ఖర్చులు ఎక్కువయైయ్యాయి. వచ్చిన డబ్బులు సరిపోక బ్యాంకు లింకేజీ నుంచి రూ.1.50 లక్షలు, సీ్త్రనిధి నుంచి రూ.50 వేలు రుణం తీసుకున్నా. ఏడాది కిందట మట్టి దీపాలు తయారు చేసే మిషన్‌ను కొనుగోలు చేశాను. దీపాలు అమ్మిన డబ్బుతో దినదినాభివృద్ధి చెందుతున్న వ్యాపారంలో ఇప్పుడు భర్త సాయినాథ్‌, కుమారుడు నాగరాజ్‌కుతోడుగా ఉండి కుటుంబాన్ని పోషించుకుంటు సంతోషంగా జీవిస్తున్నాం. – కోరండ్ల చంద్రబాయి, కోలూర్‌, తానూర్‌ వ్యాపార విస్తరణ.. నేను గ్రామంలోని స్వయంసహాయ సంఘంలో రూ.2 లక్షలు రుణం తీసుకుని చీరలు, డ్రెస్‌ మెటీరియల్‌, మహిళలకు సందించిన వస్తువులకు దుకాణం ప్రారంభించా. ఒకవైపు దుకాణం నడిస్తూనే మరోవైపు దుస్తువులు కుడుతూ భర్త సంపాదనలో పోటీపడ్డాను. ఇప్పుడు దుకాణంలో దాదాపు అన్ని రకాల వస్తువులు లభించేలా (జనరల్‌ స్టోర్‌ దుస్తువులు ఇలా) పెద్ద దుకాణం ఏర్పాటు చేసుకున్నాం. – శమా బేగాం, రాజూర లోకేశ్వరం: నేటి మహిళలు ఇంట్లో ఖాళీగా ఉండకుండా కుటుంబ పోషణకు తోడ్పడుతున్నారు. తమకు ఆసక్తి ఉన్న రంగాల్లోకి ప్రవేశించి రుణాలు పొంది ముందుకు సాగుతున్నారు. అంతటితో ఆగకుండా వ్యాపారాలు ప్రారంభించి నిర్వహిస్తున్నారు. స్వయం సహాయక సంఘాల సభ్యురాళ్లుగా తమ ఆశయాల వైపు నడుస్తూ ప్రభుత్వం అందించే రుణాలను సద్వినియోగం చేసుకుంటూ పేదరికం నుంచి బయటపడి ఆర్థికాభివృద్ధి సాధిస్తున్నారు. బ్యాంకు రుణాల సద్వినియోగంపై అధికారులు చైతన్యం కల్పించడంతో నెలవారీ వాయిదాలు సక్రమంగా చెల్లిస్తూ ఆదర్శంగా నిలుస్తున్నారు. దీంతో బ్యాంకులు ఎలాంటి పూచీకత్తులు లేకుండానే రుణాలు మంజూరు చేయడానికి ముందుకు వస్తున్నాయి. ప్రస్తుత ఆర్థిక సంవత్సరంలో మహిళా సంఘాలకు రుణాలు వేగంగా అందుతున్నాయి. మహిళా స్వయం సహాయక సంఘాల సభ్యులు ఆర్థికంగా అభివృద్ధి చెందేందుకు ప్రభుత్వం బ్యాంకుల ద్వారా వివిధ రుణాలను అందజేస్తోంది. జిల్లాలో విస్తృత నెట్‌వర్క్‌ జిల్లాలో 18 మండలాల్లో 504 గ్రామైక్య సంఘాలు ఉన్నాయి. వీటి పరిధిలో 12,236 మహిళా స్వయం సహాయక సంఘాలు పనిచేస్తున్నాయి. అర్హతగల వారందరినీ సంఘాల్లో చేర్చడంతో కొత్త సంఘాలు ఏర్పడ్డాయి. ప్రతీ సంవత్సరం ప్రభుత్వం బ్యాంకు లింకేజీ ద్వారా రుణాలు అందిస్తోంది. ఆర్థిక సంవత్సరం ప్రారంభంలోనే లక్ష్యాలు నిర్దేశించి వాటిని సాధించేలా అధికారులు చర్యలు తీసుకుంటున్నారు. సంఘాల మహిళలు వ్యాపార నిర్వహణ, విస్తరణ, ఉపాధి కోసం రుణాలు పొంది ఆర్థిక స్వావలంబన వైపు ముందుకు సాగుతున్నారు. రూ.236.12 కోట్ల రుణాల పంపిణీ 2026–27 ఆర్థిక సంవత్సరంలో జిల్లాలో వివిధ బ్యాంకుల లింకేజీ ద్వారా 10,824 సంఘాలకు రూ.236.12 కోట్లు అందించారు. గత ఆర్థిక సంవత్సరంలో రూ.503 కోట్ల లక్ష్యంతో 24,530 మహిళా సంఘాలకు రూ.234.12 కోట్లు మంజూరు చేశారు. మహిళలు ఈ రుణాలను వ్యాపార నిర్వహణకు వినియోగించి నెలనెలా వాయిదాలు సక్రమంగా చెల్లిస్తుండటంతో బ్యాంకులు పోటీపడి రుణాలు ఇస్తున్నాయి. ఇటీవల జరిగిన బ్యాంకర్ల సమావేశంలో బ్యాంకు లింకేజీని సకాలంలో అందించాలని సూచించారు. లోకేశ్వరం మండలంలో 273 స్వయం సహాయక సంఘాలకు చెందిన 2,200 సభ్యులు రూ.19.40 కోట్లు పొంది వివిధ ఆర్థికాభివృద్ధి కార్యక్రమాలు చేపట్టారు. సెర్ఫ్‌ సిబ్బంది రుణాలు సకాలంలో అందేలా బ్యాంకు సిబ్బందితో సమన్వయం చేస్తున్నారు. నెలాఖరులోగా లక్ష్యం పూర్తయ్యే అవకాశం ఉంది. వ్యాపారాలతో ఆర్థిక పురోగతి బ్యాంకు లింకేజీ ద్వారా రుణాలు పొందిన సంఘా ల మహిళలు వివిధ వ్యాపారాలు నిర్వహిస్తున్నారు. కుట్టు పని, అల్లిక, పచ్చళ్లు, పిండి మర, ఇస్తారాకులు, పేపర్‌ గ్లాసులు, ప్లేట్ల తయారీ వంటి పనులు చేపట్టారు. వ్యవసాయ పెట్టుబడులు, పాడి పశువులు, ఆటో కొనుగోలు, కిరాణా, గాజులు, స్టేషనరీ దుకాణాలు నడుపుతూ ఆర్థికంగా ఎదుగుతున్నారు. ఆదాయ వృద్ధిపై ప్రత్యేక దృష్టి బకాయిలు ఉన్న మహిళలపై ఒత్తిడి చేయకుండా అధికారులు వారి పరిస్థితిని అర్థం చేసుకుని ఆదాయ మార్గాలను మెరుగుపరిచారు. ఉపాధిహామీ పథకం ద్వారా పనులు కల్పించి ఆదాయం అందేలా చూశారు. దీనితో వారు బ్యాంకు రుణాలు తిరిగి చెల్లించడం ప్రారంభించారు. 2026–27 బ్యాంకు లింకేజీ రుణాల వివరాలు.. సీ్త్రనిధి రుణాలు..

భైంసాటౌన్‌: నీరే మనిషికి జీవనాధారం. నీరు లేనిదే మానవ మనుగడ లేదు. పంటలు పండకపోతే తినడానికి తిండి దొరకదు. అందుకే ప్రభుత్వాలు నీటి వనరులకు అత్యంత ప్రాధాన్యతనిస్తాయి. ప్రస్తుత ఎల్‌నినో పరిస్థితుల నేపథ్యంలో మళ్లీ నీటి ప్రాధాన్యత తెరపైకి వచ్చింది. ఎల్‌నినో కారణంగా వర్షాలు పడక నీటికి తీవ్ర ఇబ్బందులు ఏర్పడవచ్చని, ప్రతి ఒక్కరూ నీటిని వృథా చేయకుండా సంరక్షణ చర్యలు తీసుకోవాలని సామాజిక మాధ్యమాల వేదికగా ప్రచారం చేస్తున్నారు. కానీ, అందరూ తమవంతు బాధ్యతగా పాటిస్తేనే ఎల్‌నినోను ఎదుర్కోగలమని, ప్రతి ఒక్కరూ నీటిని సంరక్షించాల్సిన అవసరముందని ప్రభుత్వం, వాతావరణ శాఖ నిపుణులు సూచిస్తున్నారు. 8 నెలలు గడ్డు పరిస్థితులు.. సాధారణంగా చలికాలంలో ఉదయం 9 గంటల వరకు చలిగానే ఉంటుంది. కానీ, ప్రస్తుత ఎల్‌నినో పరిస్థితుల్లో ఉదయం 7 గంటల నుంచే ఎండలు మండుతున్నాయి. వేసవిని తలపించేలా ఉష్ణోగ్రతలు నమోదవుతున్నాయి. వాతావరణంలో మార్పులు, పెరిగిపోతున్న ఉష్ణోగ్రతల నేపథ్యంలో రాబో యే రోజుల్లో నీటి ఎద్దడి తీవ్రరూపందాల్చే ప్రమా దం ఉందని వాతావరణ శాఖ నిపుణులు హెచ్చరి స్తున్నారు. రాబోయే ఎనిమిది నెలలు మనందరికీ సవాలు అని చెబుతున్నారు. అక్టోబర్‌ నుంచి వచ్చే జూన్‌ వరకు తీవ్రమైన పరిస్థితులు ఉంటాయని చెబుతున్నారు. తీవ్రమైన ఎండలు, వర్షాభావ పరి స్థితులు, జలాశయాలు, చెరువులు, కుంటల్లో నీటి నిల్వల తడగ్గుదల, భూగర్భ జలాలు అడుగంటిపోతాయని హెచ్చరిస్తున్నారు.

● కలెక్టర్‌ భవేశ్‌మిశ్రా, ఎస్పీ జానకీషర్మిలనిర్మల్‌చైన్‌గేట్‌: పట్టణ ప్రాంతాల్లో పెరుగుతున్న ట్రాఫిక్‌, పార్కింగ్‌ సమస్యలకు శాశ్వత పరిష్కారం చూపేలా అధికారులు సమన్వయంతో చర్యలు చేపట్టాలని కలెక్టర్‌ భవేశ్‌మిశ్రా ఆదేశించారు. వ్యాపార సముదాయాలకు తప్పనిసరిగా పార్కింగ్‌ సదుపాయం ఉండేలా చూడాలని స్పష్టం చేశారు. కలెక్టరేట్‌లో ఎస్పీ జానకీషర్మిలతో కలిసి వివిధ శాఖల అధికారులతో శనివారం సమీక్ష నిర్వహించారు. ట్రాఫిక్‌ నియంత్రణ, రోడ్లపై ఆక్రమణలు, పశువుల సంచారం, ఇసుక అక్రమ రవాణా తదితర అంశాలపై చర్చించారు. పార్కింగ్‌ సదుపాయం లేకుండా, నిబంధనలకు విరుద్ధంగా వ్యాపార కార్యకలాపాలు నిర్వహిస్తూ ట్రాఫిక్‌కు అంతరాయం కలిగించే వ్యాపార సముదాయాలను గుర్తించి నోటీసులు జారీ చేయాలన్నారు. నిబంధనలు పాటించనివారిపై చట్టప్రకారం చర్య తీసుకోవాలని ఆదేశించారు. ప్రధాన రహదారులపై పశువులను వదిలే యజమానులకు జరిమానా విధించాలన్నారు. అవసరమైతే పశువులను స్వాధీనం చేసుకోవాలని సూచించారు. జాతీయ రహదారులు, మున్సిపల్‌ పరిధిలోని ప్రధాన రహదారులపై బ్లాక్‌ స్పాట్లు గుర్తించి క్షేత్రస్థాయిలో పరిశీలించాలన్నారు. ప్రమాదాల నివారణకు హెచ్చరిక బోర్డులు, ఇతర భద్రతా చర్యలు చేపట్టాలని తెలిపారు. ప్రమాదకరంగా భారీ వాహనాలను నిలిపే వారిపై చర్యలు తీసుకోవాలన్నారు. జిల్లాలో ఇసుక అక్రమ రవాణాను పూర్తిస్థాయిలో అరికట్టేందుకు పటిష్ట నిఘా ఏర్పాటు చేయాలన్నారు. ప్రభుత్వ శాఖల నిర్మాణ పనులకు కూడా నిబంధనలకు అనుగుణంగానే ఇసుకను వినియోగించాలన్నారు. గ్రామాల్లో వీడీసీలు ఇసుక వేలం నిర్వహిస్తే సహించేది లేదని హెచ్చరించారు. పెండింగ్‌ దరఖాస్తులు పరిశీలించాలి.. అనంతరం రెవెన్యూ అధికారులతో కలెక్టర్‌ ప్రత్యేకంగా సమావేశమయ్యారు. ‘భూభారతి’, ‘సీఎం ప్రజావాణి’లో పెండింగ్‌లో ఉన్న దరఖాస్తులను ఎప్పటికప్పుడు పరిశీలించి నిర్ణీత సమయంలో పరిష్కరించాలని ఆదేశించారు. భూ సమస్యలకు శాశ్వత పరిష్కారం చూపేలా భూముల రీసర్వే ప్రక్రియ వేగవంతం చేయాలని సూచించారు. సమావేశంలో అదనపు కలెక్టర్లు రాథోడ్‌ రమేశ్‌, వెంకట మాధవరావు, ఏఎస్పీలు సాయికిరణ్‌, ఉపేంద్రారెడ్డి, భైంసా సబ్‌ కలెక్టర్‌ అజ్మీరా సంకేత్‌కుమార్‌, తహశీల్దార్లు పాల్గొన్నారు. డ్రగ్స్‌ రహిత జిల్లాగా.. జిల్లాను మాదకద్రవ్యాల రహితంగా తీర్చిదిద్దేందు కు పటిష్ట చర్యలు చేపడుతున్నామని ఎస్పీ జానకీషర్మిల తెలిపారు. పట్టణాల్లో ట్రాఫిక్‌ సమస్యల పరి ష్కారానికి పోలీసు శాఖ తరఫున అవసరమైన చర్యలు తీసుకుంటున్నామన్నారు. ఎస్సీ, ఎస్టీ వేధింపుల నిరోధక చట్టం కింద నమోదైన కేసుల దర్యాప్తును వేగవంతం చేస్తున్నామని తెలిపారు. వ్యవసాయ, ఎకై ్సజ్‌ శాఖల సమన్వయంతో గంజాయి సాగు, విక్రయాలను అరికడుతున్నామని, మాదకద్రవ్యాల వినియోగంతో కలిగే దుష్పరిణామాలపై ప్రజల్లో అవగాహన కల్పిస్తున్నామని వివరించారు. అనంతరం సైబర్‌ నేరాలపై ప్రజలకు అవగాహన కల్పించే ప్రత్యేక పోస్టర్‌ను అధికారులు ఆవిష్కరించారు.

వీక్షకుల ఆదరణతోనే.. మేము ఇప్పటికే పాటను చిత్రీకరించి సామాజిక మాధ్యమాల్లో విడుదల చేశాం. అనుకున్నదానికంటే ఎక్కువగా స్పందన రావడం, పలువురు వీక్షకులు ప్రశంసలు అందించడం మాకు ఎంతో సంతోషాన్నిస్తోంది. స్థానిక కళాకారులు, నటీనటులతోపాటు స్థానికంగానే చిత్రీకరించిన మా పాటకు ఇంతటి ఆదరణ లభించడం మరింత ఉత్సాహాన్నిస్తోంది. ప్రేక్షకుల ప్రశంసలు, ఆదరణే మాకు కొండంత బలం. – గొనుగొప్పుల రాజశేఖర్‌, నృత్య దర్శకులు, నిర్మల్‌ నిర్మల్‌ఖిల్లా/ఖానాపూర్‌: నిర్మల్‌ జిల్లా కళలకు, కళాకారులకు పుట్టినిల్లు. బతుకమ్మ పండుగ స్థానిక సృజనాత్మకతకు, జానపద కళలకు కొత్త ఉత్సాహం నింపుతోంది. స్థానిక కళాకారులు, దర్శకులు రూపొందించిన పాటలు యూట్యూబ్‌ను షేక్‌ చేస్తున్నాయి. సామాజిక మాధ్యమాల్లో విశేష ఆదరణ పొందుతున్నాయి. మన పాటలు తెలంగాణ అంతటా మార్మోగుతున్నాయి. నటీనటులు, దర్శకులు, కెమెరామెన్‌లంతా స్థానికులే. తెలంగాణ సంస్కృతి, సంప్రదాయాలను ప్రతిబింబించే జానపద గీతాలతో వారు ప్రేక్షకులను ఆకట్టుకుంటున్నారు. రంగురంగుల పూలతో బతుకమ్మలు పేర్చి, ఆటపాటలతో సంబరాలు చేసుకునే వేళ.. స్థానిక కళాకారుల గళం నుంచి జాలువారుతున్న జానపద గీతాలు పండుగ సందడిని మరింత పెంచుతున్నాయి. ఆదివారం సద్దుల బతుకమ్మ సందర్భంగా ప్రత్యేక కథనం. బతుకమ్మ కేవలం పూల పూజ కాదు. తెలంగాణ ఆడపడుచుల ఆత్మీయతకు, ప్రకృతితో మమేకమైన జీవనశైలికి, తరతరాల సంప్రదాయాలకు ప్రతీక. నిర్మల్‌ కళాకారులు స్థానిక వాతావరణం, పల్లె అందాలు, సంప్రదాయ వస్త్రధారణ, ఆటపాటలను మేళవించి పాటలు తయారుచేస్తున్నారు. ఇవి వినోదంతోపాటు భావి తరాలకు సంస్కృతిని పరిచయం చేస్తున్నాయి. యూట్యూబ్‌లో రాజశేఖర్‌ బృందం పాట గొనుగుప్పుల రాజశేఖర్‌ దర్శకత్వంలో, కాండ్రే రామరాజు కెమెరాతో స్థాని కులు రూపొందించిన పాట యూట్యూబ్‌లో వేలాది వీక్షణలు సాధించింది. పెద్ద నిర్మాణ సంస్థల అండ లేకున్నా ప్రతిభ, ఆసక్తి, సాంకేతిక పరిజ్ఞానంతో నాణ్యమైన పాటలు తయారుచేయవచ్చని ఇది నిరూపిస్తోంది. మనోహర్‌ బృందం మరోపాట మనుమనోహర్‌, కమలాకర్‌ తదితరుల నిర్మాణంలో మరో పాట వచ్చింది. ‘తుమ్మెదతుమ్మెద’ ప్రోమో ‘తెలుగు సినిమా ప్రపంచం’ చానెల్‌లో 30 వేలకు పైగా వ్యూలు సాధించింది. దసరాకు ముందు పూర్తి పాట విడుదల కానుంది. సామాజిక మాధ్యమాలే వేదిక యూట్యూబ్‌, ఫేస్‌బుక్‌, ఇన్‌స్టాగ్రా మ్‌ వంటి వేదికలు స్థానిక కళాకారులకు ప్రపంచవ్యాప్త ప్రేక్షకులను చేరు వ చేస్తున్నాయి. నిర్మల్‌ కళాకారులు ఈ అవకాశాలను సద్వినియోగం చేసుకుంటున్నారు. తెలుగు–మరాఠీ సమ్మేళనం.. ఖానాపూర్‌ మండలం రాజురా గ్రామంలో తెలుగు, మరాఠీ సమ్మేళనంతో జానపదపాట చిత్రీకరణ పూర్తయింది. ‘‘అల్లిన ఆడే మేదరన్న.. మూడు రంగుల ముత్యాల బుట్టే.. బుట్టబట్టి పూలకు పోతే కొమ్మ తగిలి కొంగు అడ్డమాయేం’’, ‘‘ముద్ద బంతి పూలు తెచ్చిండే’’ వంటి పంక్తులు గ్రామీణ సంప్రదాయాలను ప్రతిబింబిస్తాయి. నిర్మాత కృష్ణ, రచయిత్రి–గాయని చిన్నమ్మ, కెమెరామెన్‌ వరుణ్‌ భట్టు, కొరియోగ్రాఫర్‌ జీవన్‌ మాస్టర్‌. జనగామకు చెందిన సౌందర్య కొత్త నటిగా పరిచయమవుతోంది. మిగతా వారంతా స్థానికులే. ప్రజల ఆదరణ, సాంస్కృతిక సంస్థలు, ప్రజాప్రతినిధుల సహకారం ఉంటే మరిన్ని నాణ్యమైన జానపద గీతాలు వెలుగులోకి వస్తాయి. బతుకమ్మ పాటల ద్వారా నిర్మల్‌ కళాకారులు స్థానిక ప్రతిభను చాటుతున్నారు. కళల ఖిల్లా నిర్మల్‌లో ఈ సందడి కొత్త వెలుగులు అద్దుతోంది.

సాక్షి: ఐపీఎస్‌ శిక్షణ పూర్తి చేసుకున్న మీకు ముందుగా కంగ్రాట్యులేషన్‌. రాజ్‌కుమార్‌: థాంక్యూ అండి. సాక్షి: మీ కుటుంబ నేపథ్యం.. రాజ్‌కుమార్‌: నాన్న చౌహాన్‌ ముకుంద్‌రావు ప్రభుత్వ ఉపాధ్యాయుడు. అమ్మ గీత గృహిణి. చెల్లి నిఖిత సెంట్రల్‌ బ్యాంక్‌ ఆఫ్‌ ఇండియాలో పని చేస్తున్నారు. తమ్ముడు నవీన్‌కుమార్‌ కాకతీయ మెడికల్‌ కళాశాలలో ఎంబీబీఎస్‌ ఫైనలియర్‌ చదువుతున్నాడు. సాక్షి: మీ విద్యాభ్యాసం ఎలా సాగింది.. రాజ్‌కుమార్‌: ఒకటి నుంచి ఐదో తరగతి వరకు ఇచ్చోడలోని ప్రైవేట్‌ స్కూల్‌లో, ఆరు నుంచి పది వరకు కాగజ్‌నగర్‌లోని జవహర్‌ నవోదయలో చదివాను. ఇంటర్‌ హైదరాబాద్‌లోని నారాయణ కళాశాలలో, బీటెక్‌ ఎన్‌ఐటీ వరంగల్‌లో పూర్తి చేశా. తర్వాత యూపీఎస్సీకి ప్రిపేర్‌ అయ్యాను. సాక్షి: మీ ప్రిపరేషన్‌.. విజయ ప్రస్థానం ఎలా సాగింది.. రాజ్‌కుమార్‌: యూపీఎస్సీ ప్రిపరేషన్‌ మొదలు పెట్టాక మూడుసార్లు వరుస ఓటములు. అయినా కుంగిపోలేదు. నాన్న వెన్నుతట్టి ప్రోత్సహించారు. మెంటర్స్‌ సూచనలతో ఎప్పటికప్పుడు తప్పులను సరిదిద్దుకుంటూ ముందుకు సాగాను. పట్టు వదలకుండా ప్రయత్నించాను. నాలుగో ప్రయత్నంలో 703వ ర్యాంకుతో ఐపీఎస్‌కు ఎంపికయ్యా. ప్రస్తుతం తొలివిడత శిక్షణ పూర్తయింది. డీపీటీకి రాజస్తాన్‌కు వెళ్తున్నా. ఆరు నెలల తర్వాత ఫేజ్‌ 2కు మళ్లీ పోలీస్‌ అకాడమీకి వస్తాను. తర్వాత పూర్తిగా రాజస్తాన్‌ కేడర్‌లోనే ఉంటా. సాక్షి: మీకు స్ఫూర్తి ఎవరు..? రాజ్‌కుమార్‌: నాన్నే నాకు స్ఫూర్తి. ప్రభుత్వ ఉపాధ్యాయుడిగా ఉన్నందున చిన్నప్పటి నుంచే క్రమశిక్షణతోపాటు అందరికంటే ప్రత్యేకత కలిగి ఉండాలని సూచించేవారు. అలాగే బీఆర్‌ అంబేడ్కర్‌ జీవిత చరిత్ర ద్వారా స్ఫూర్తి పొందాను. ఇంకా ఆదిలాబా ద్‌ కలెక్టర్‌ రాజర్షి షా, ఎస్పీ అఖిల్‌ మహాజన్‌ స్ఫూర్తితో ముందుకు సాగాను. నవోదయలో ప్రిన్సిపాల్‌, సిబ్బంది ఇచ్చిన ప్రేరణ నన్ను ఐపీఎస్‌ వైపు అడుగులు వేయించింది. అక్కడ చదువుకున్న రోజుల్లో పాఠశాలకు వచ్చే ఉన్నతస్థాయి అధికారులు ఇచ్చిన స్ఫూర్తి నాలో ప్రేరణగా నిలిచింది. సాక్షి: యువతకు మీరిచ్చే సలహా, సూచన రాజ్‌కుమార్‌: ఓటమిని చూసి కుంగిపోవద్దు. ప్రిపరేషన్‌లో పీర్‌ గ్రూప్‌ ఎంపిక, మెంటర్స్‌ సూచనలు కీలకం. నిబద్దత తప్పనిసరి. ఎప్పటికప్పుడు సానుకూల దృక్పథంతో ముందుకు సాగితే విజయం తథ్యం. యువతకు చాలా అవకాఽశాలు ఉన్నాయి. వాటిని దక్కించుకోవడానికి కృషి చేయాలి.

నిర్మల్‌చైన్‌గేట్‌: నేషనల్‌ హెల్త్‌ మిషన్‌(ఎన్‌హెచ్‌ఎం) ఉద్యోగులు చేపట్టిన నిరవధిక సమ్మె శని వారం ఐదో రోజుకు చేరుకుంది. జిల్లా ఎన్‌హెచ్‌ఎం జేఏసీ ఆధ్వర్యంలో ఉద్యోగులు తమ న్యాయమైన డిమాండ్ల సాధనకు ‘భిక్షాటన’ చే స్తూ వినూత్న రీతిలో నిరసన తెలిపారు. 20 ఏ ళ్లుగా చాలీచాలని వేతనాలతో ప్రాణాలను సై తం ఫణంగా పెట్టి వైద్యసేవలు అందిస్తున్నామన్నారు. ప్రభుత్వాలు మారుతున్నా తమ బ తుకుల్లో మార్పు రావడం లేదని ఆవేదన వ్య క్తం చేశారు. ఇప్పటికై నా ప్రభుత్వం స్పందించి క్రమబద్ధీకరించాలని డిమాండ్‌ చేశారు. ఉద్యోగులు చేపడుతున్న ఈ పోరాటానికి పలు రాజ కీయ పక్షాల నాయకులు సమ్మె శిబిరాన్ని సందర్శించి పూర్తి సంఘీభావం ప్రకటించారు. కార్యక్రమంలో ఎన్‌హెచ్‌ఎం జిల్లా జేఏసీ నాయకులు, ఉద్యోగులు, సిబ్బంది పాల్గొన్నారు.

జిల్లా గ్రామీణాభివృద్ధి సంస్థ(డీఆర్డీఏ)ఆధ్వర్యంలో పట్టణంలోని ఎన్టీఆర్‌ మినీ స్టేడియంలో శనివారం రాత్రి బతుకమ్మ వేడుకలు అత్యంత వైభవంగా జరిగాయి. ఎమ్మెల్యే ఏలేటి మహేశ్వర్‌రెడ్డి ముఖ్య అతిథిగా హాజరై ప్రత్యేక పూజలు నిర్వహించి అధికారికంగా ప్రారంభించారు. ప్రకృతిని, పూలను పూజించే అత్యున్నత సంస్కృతి మన తెలంగాణదని అన్నారు. జిల్లా ప్రజలకు బతుకమ్మ, దసరా శుభాకాంక్షలు తెలిపారు. మున్సిపల్‌ చైర్‌పర్సన్‌ అప్పాల కావ్య మాట్లాడుతూ సంప్రదాయాలను భావితరాలకు అందించాలన్నారు. – నిర్మల్‌ చైన్‌గేట్‌

● ఎస్సీ జానకీ శర్మిల దిలావర్‌పూర్‌: అడెల్లి శ్రీమహాపోచమ్మ(గంగనీళ్ల)జాతర నేపథ్యంలో పోలీసు సిబ్బంది బందోబస్తుపై ప్రత్యేక శ్రద్ధ పెట్టాలని ఎస్పీ జానకీషర్మిల సూచించారు. సాంగ్వి గ్రామంలోని పోచమ్మ ఆలయాన్ని, అన్నపూర్ణ దేవి ఆలయాన్ని శనివారం సందర్శించి పూజలు నిర్వహించారు. వీడీసీ చైర్మన్‌ రమేశ్‌రెడ్డి, ఉపాధ్యక్షుడు లింగారెడ్డి, స్థానిక నాయకులు ఎస్పీ జానకీషర్మిలను సన్మానించారు. తర్వాత అమ్మవారి ఆభరణాలకు జలాభిషేకంచేసే గోదావరి తీరాన్ని ఎస్పీ పరిశీలించారు. తర్వాత బందోబస్తు విధులు నిర్వహించే పోలీసులతో సమావేశమై సూచనలు అందజేశారు. ఆదివారం ఉదయం అమ్మవారి ఆభరణాలు అడెల్లి ఆలయానికి వెళ్లే మార్గంలో కంజర్‌, బన్సపల్లి, దిలావర్‌పూర్‌, మాడేగాం గ్రామాలతో పాటు, సారంగాపూర్‌ మండలంలోని ఆయా గ్రా మాల్లో పటిష్ట బందోబస్తు నిర్వహించాలన్నారు. భ క్తులకు ఇబ్బందులు కలగకుండా విధులు నిర్వహించాలని సూచించారు. అమ్మవారి ఆభరణాలు తా కేందుకు, ఎత్తుకునేందుకు పోలీసులు ప్రయత్నించొ ద్దని తెలిపారు. సంప్రదాయాలను పాటిస్తూ భక్తుల కు అసౌకర్యం తలెత్తకుండా జాగ్రత్తలు పాటించాలన్నారు. ఇందులో ఏఎస్పీ ఉపేంద్రారెడ్డి, నిర్మల్‌రూరల్‌ సీఐ కృష్ణ, దిలావర్‌పూర్‌ ఎస్సై రవీందర్‌, వివి ధ పోలీస్టేషన్ల ఎస్సైలు, పోలీసులు పాల్గొన్నారు.

నిర్మల్‌చైన్‌గేట్‌: ప్రసిద్ధ పుణ్యక్షేత్రం అడెల్లి మహా పోచమ్మ ఆలయ ‘గంగనీళ్ల జాతర’కు హాజరుకావాలని బీజేఎల్పీ నేత, నిర్మల్‌ ఎమ్మెల్యే ఏలేటి మహేశ్వర్‌రెడ్డిని ఆలయ అధి కారులు ఆహ్వానించారు. నిర్మల్‌లోని ఎమ్మె ల్యే నివాసంలో ఆలయ ఈవో భూమయ్య శుక్రవారం మర్యాదపూర్వకంగా కలిసి ఆహ్వా న పత్రిక అందజేశారు. జాతరకు సంబంధించిన ఏర్పాట్లను, వివరాలను ఎమ్మెల్యేకు వివరించారు. అక్టోబర్‌ 17న జాతర వైభవంగా ప్రారంభమై, అక్టోబర్‌ 18న ముగుస్తుందని తెలిపారు. భక్తులకు ఎలాంటి అసౌకర్యం కలగకుండా ఏర్పాట్లు చేయాలని అధికారులకు ఎమ్మెల్యే సూచించారు.

భైంసాటౌన్‌: పట్టణంలోని ఏఎంసీ యార్డులో పంట ఉత్పత్తుల కొనుగోలులో వ్యాపారులు రైతుల నుంచి క్యాష్‌ కటింగ్‌ పేరిట అదనంగా రూ.1.50 కమీషన్‌ వసూలు చేయడంపై ‘సాక్షి’లో ‘భైంసా మార్కెట్‌లో క్యాష్‌ కటింగ్‌’ శీర్షికన ప్రచురితమైన కథనానికి కలెక్టర్‌ భవేశ్‌ మిశ్రా స్పందించారు. ఈ మేరకు పట్టణంలోని మార్కెట్‌ యార్డును శుక్రవారం తనిఖీ చేశారు. ముందుగా సోయా కుప్పల వద్దకు వెళ్లి రైతులతో మాట్లాడారు. పంటల కొనుగోలు ప్రక్రియ, తూకం విధానం, రైతులకు కల్పిస్తున్న సదుపాయాల గురించి అడిగి తెలుసుకున్నారు. తర్వాత కమీషన్‌ ఫీజు అదనంగా వసూలు చేస్తున్నారా అని రైతులను అడగగా, వారు అవునని సమాధానం ఇచ్చారు. దీంతో ఏఎంసీ సిబ్బందిపై కలెక్టర్‌ ఆగ్రహం వ్యక్తం చేశారు. అదనంగా కమీషన్‌ ఫీజు వసూలు కథనాలపై వాస్తవాలు తేల్చాలని తహసీల్దార్‌ శశిభూషణ్‌ను ఆదేశించారు. రైతులకు నష్టం కలిగించే చర్యలను ఉపేక్షించేది లేదని హెచ్చరించారు. ఎఫెక్ట్‌..

నిర్మల్‌: ఒకవైపు శరన్నవరాత్రి పూజలతో నిండుగా భక్తి.. మరోవైపు పూల పండుగ, ఆడపడుచుల బతుకమ్మ ఆటపాటలతో మహిళల సందడితో వారం రోజులుగా జిల్లా రోజూ పండుగ చేసుకుంటోంది. ఎటు చూసినా ఆధ్యాత్మికత ఉట్టిపడుతోంది. ఏ గల్లీకి వెళ్లినా దుర్గమ్మ దర్శనమిస్తోంది. పూజలు, అన్నదానాలతో నిత్యం పండుగ వాతావరణం తలపిస్తోంది. సాయంత్రం దుర్గమ్మకు బతుకమ్మ తోడవుతోంది. ఆడపడుచులంతా కలిసి పూజలు పూర్తిచేసుకుని బతుకమ్మ ఆడుతూ పండుగను రెట్టింపు చేస్తున్నారు. వీటికి తోడుగా శనివారం నుంచి అడెల్లి పోచమ్మ గంగనీళ్ల జాతర మొదలవుతోంది. రెండు రోజులపాటు పల్లెల్లో మరింత కోలాహలం పెంచనుంది. ఈ పండుగలు ప్రజల్లో ఐక్యతను పెంచు తూ సమష్టితత్వానికి ప్రతీకలుగా నిలుస్తున్నాయి. దరిచేరుస్తున్న దుర్గమ్మశరన్నవరాత్రుల సందర్భంగా పట్టణాలు, గ్రామాల్లో అమ్మవారి మండపాలు ప్రత్యేక ఆకర్షణగా నిలు స్తున్నాయి. భక్తులు అమ్మవాకి వివిధ రూపాల్లో పూజలు నిర్వహిస్తున్నారు. ఉదయం, సాయంత్రం వేళల్లో ప్రత్యేక పూజలు, హారతులు, భజనలతో ఆధ్యాత్మిక వాతావరణం నెలకొంటోంది. బతుకమ్మ తోడుగాపొద్దంతా దుర్గమ్మ పూజల్లో నిమగ్నమైన ఆడపడుచులకు సాయంత్రం బతుకమ్మ తోడవుతోంది. తీరొక్క పూలతో బతుకమ్మలను పేర్చి, సంప్రదా య వస్త్రధారణలో ఆడపడుచులు ఒకచోట చేరుతున్నారు. పాటలు పాడుతూ ఆడుతున్నారు. రంగుల పూల పరిమళాలు, మహిళల కోలాటాలతో పండుగ కళ రెట్టింపవుతోంది. దుర్గమ్మ వద్ద భక్తి పారవశ్యం కనిపిస్తుండగా, బతుకమ్మ వద్ద తెలంగాణ సంస్కృతి, సంప్రదాయాలు ప్రతిబింబిస్తున్నాయి. సమష్టితత్వం పెంచేలాశరన్నవరాత్రులు, బతుకమ్మ ఆటలు, గంగనీళ్ల జా తరలు వేర్వేరుగా కనిపించినా, వీటి వెనుక ఉన్నది భక్తి, ప్రకృతిపై ప్రేమ, సమాజంతో మమేకమయ్యే తత్వమే. ఒకవైపు అమ్మవారి ఆరాధన, మరోవైపు పూల పండుగ, ఇంకోవైపు స్థానిక దేవతల జాతరలు.. ఇలా జిల్లాలో ఆధ్యాత్మిక, సాంస్కృతిక వైభ వం వెల్లివిరుస్తోంది. పూజలు, పాటలు, పూలు, ప్ర సాదాలతో జిల్లాలో రోజంతా పండుగ వాతావరణం కనిపిస్తోంది. గంగనీళ్ల జాతరకు ముస్తాబైన సాంగ్వి ఆలయం సారంగాపూర్‌లో దుర్గామాతకు బోనాలు.. పల్లెలు కదలంగ.. గంగనీళ్ల జాతర‘పోదాం పా.. గడముంతలతో గంగనీళ్ల జాతరకు.. మొక్కి వద్దం పా.. అడెల్లి పోచమ్మ తల్లిపాదాలకు..’ అంటూ జిల్లాలోని పల్లెలు గంగనీళ్ల జాతరకు సిద్ధమయ్యాయి. శని, ఆదివారాలు అడెల్లి పోచమ్మ నగలతో సాగే ఈ జాతరలో ఊళ్లన్నీ భాగం కానున్నాయి. అడెల్లి నుంచి సంగెం దాకా, మళ్లీ సంగెం నుంచి అడెల్లి పోచమ్మ దాకా దారి పొడవునా అమ్మవారి నగలను దర్శించుకునేందుకు, మొక్కులు తీర్చుకునేందుకు సన్నద్ధమయ్యారు. ఇప్పటికే సారంగపూర్‌, దిలావర్‌పూర్‌ మండలాల్లోని గ్రామాలు జాతర ఏర్పాట్లు పూర్తిచేసుకున్నాయి.

నిర్మల్‌ జిల్లా బాసరలో దేవీ నవరాత్రి ఉత్సవాలు వైభవంగా సాగుతున్నాయి. ఆరో రోజు శుక్రవారం శ్రీజ్ఞాన సరస్వతి అమ్మవారి జన్మ నక్షత్రమైన మూల నక్షత్రం సందర్భంగా బాసర క్షేత్రం భక్తజన సంద్రమైంది. వేకువ జాము నుంచే భక్తులు పెద్ద సంఖ్యలో తరలివచ్చారు. గోదావరిలో పుణ్యస్నానాలు ఆచరించి అమ్మవారి దర్శనానికి బారులు తీరారు. అమ్మవారిని దర్శించుకుని తమ చిన్నారులకు అక్షరాభ్యాస పూజలు నిర్వహించారు. రోజంతా ప్రత్యేక పూజలు, దర్శనాలతో క్షేత్రంలో ఆధ్యాత్మిక వాతావరణం వెల్లివిరిసింది. ఆలయ పునర్నిర్మాణం, బాలాలయంలో దర్శనాల నేపథ్యంలో ఈ ఏడాది భక్తుల రాక కాస్త తగ్గిందని అధికారులు తెలిపారు. – భైంసా/బాసరభక్తితో అమ్మకు మొక్కుతూ... కుంటాల: దేవీ నవరాత్రి ఉత్సవాల్లో భాగంగా మండలంలోని ఓలా గ్రామంలో ప్రతిష్టించిన అమ్మవారిని రూ.2 లక్షల నోట్లతో అలంకరించారు. కరెన్సీ నోట్లతో భక్తులకు అమ్మవారు దివ్య దర్శనం ఇచ్చారు. అక్షరాభ్యాస పూజలో తల్లీకూతరు.. యాసంగి.. అయోమయంలక్ష్మణచాంద: ఎల్‌నినో ప్రభావం మొదలైంది. కరు వు తరుముకొస్తోంది. జలాశయాల్లో నీటి మట్టాలు పడిపోతున్నాయి. భూగర్భ జలాలు అడుగంటుతున్నాయి. కరెంటు కోతలు పెరుగుతున్నాయి. వానా కాలం పంటలను కాపాడుకునేందుకు రైతులు తంటాలు పడుతున్నారు. ఇలాంటి పరిస్థితుల్లో తాజా గా సీఎం రేవంత్‌రెడ్డి యాసంగిలో వరి వేయొద్దని ప్రకటించారు. దీంతో రైతుల్లో యాసంగిపై అయోమయం నెలకొంది. తక్కువ నీటితో సాగయ్యే ఆరుతడి పంటలు వేసుకోవాలని వ్యవసాయాధికారులు సూచిస్తున్నారు. ప్రాజెక్టుల్లో నీళ్లు సరిపోవుఎల్‌నినో కారణంగా ఈసారి వర్షాలు కురవలేదు. 22 శాతం లోటు వర్షపాతం నమోదైంది. దీంతో ప్రాజెక్టులు, చెరువులు, కుంటలు నిండలేదు. స్వర్ణ, శ్రీరాంసాగర్‌, గడ్డెన్నవాగు, కడెం, సదర్‌మాట్‌ వంటి ప్రాజెక్టుల్లో సాగుకు సరిపడా నీరు లేదు. ఉన్న నీటిని పొదుపుగా వినియోగించి వేసవిలో తాగునీటి అవసరాలకు కేటాయించాలని ప్రభుత్వం నిర్ణయించింది. ఈ నేపథ్యంలో యాసంగిలో వరికి నీ రు ఇవ్వడం కుదరదని ప్రభుత్వం స్పష్టం చేసింది. విద్యుత్‌ కోతలు షురూ..వానాకాలం పంటలు చేతికి వచ్చే సమయంలోనే తరచూ విద్యుత్‌ కోతలు ఎదురవుతున్నాయి. దీంతో కొన్నిచోట్ల పంటలు ఎండిపోయే పరిస్థితి ఏర్పడింది. యాసంగిలో విద్యుత్‌ సమస్యలు మరింత పెరుగుతాయని రైతులు ఆందోళన చెందుతున్నారు. ఈ నేపథ్యంలో వరి సాగు చేయాలా వద్దా అనే ఆలోచనలో ఉన్నారు. అవగాహన కల్పించాలి..కరువు పరిస్థితుల్లో వరికి బదులు ఆరుతడి పంటలపై గ్రామాల్లోకి వ్యవసాయాధికారులు వెళ్లి విస్తృత అవగాహన కల్పిస్తే మేలు జరుగుతుందని రైతులు అభిప్రాయపడుతున్నారు. అలాగే ఆరుతడి పంటలకు సంబంధించిన విత్తనాలు సకాలంలో అందుబాటులో ఉంచాలని కోరుతున్నారు.సరస్వతీదేవిగా అడెల్లి పోచమ్మకరెన్సీ నోట్లతో అమ్మవారి అలంకరణజాబ్‌కార్డు ఉన్నవారికి పని కల్పించాలిభైంసాటౌన్‌: ప్ర స్తుత ఎల్‌నినో పరిస్థితులతో వ్య వసాయరంగం తీవ్ర ప్రభావానికి లోనవుతున్న నేపథ్యంలో జాబ్‌కార్డు కలిగిన ప్ర తి ఒక్కరూ వీబీజీ రామ్‌జీ పథకం ద్వారా ఉపాధి పొందాలని కలెక్టర్‌ భవేశ్‌మిశ్రా అన్నారు. పట్టణంలో జోన్‌ 4, 5లకు సంబంధించి వీబీజీ రామ్‌జీ పథకం అమలుపై గ్రామీణస్థాయి సూ క్ష్మ ప్రణాళికపై శుక్రవారం నిర్వహించిన కార్యక్రమంలో ఎమ్మెల్యే రామారావు పటేల్‌తో కలిసి పాల్గొన్నారు. ఎల్‌నినోతో వ్యవసాయరంగంలో ఉపాధి అవకాశాలు తగ్గే అవకాశముందన్నారు. ఈ నేపథ్యంలో గ్రామీణ ప్రాంత ప్రజలు ఉపాధి పొందేందుకు వీబీజీ రామ్‌జీ పథకం మంచి అవకాశమని సూచించారు. జాబ్‌ కార్డు ఉన్న ప్ర తి ఒక్కరూ 125 రోజుల పనిదినాలు పొంది, ఆర్థిక స్వాంతన పొందాలన్నారు. ప్రస్తుత అధి క ఉష్ణోగ్రతలు, లోటు వర్షపాతం కారణంగా భూగర్భ జలాలు తగ్గిపోయాయని, జలాశయాల్లో నీటి లభ్యత తక్కువగా ఉన్న కారణంగా ఈ పథకంలో భాగంగా పెద్ద ఎత్తున నీటి సంరక్షణ చర్యలకు ప్రాధాన్యమివ్వాలని సూచించారు. అధికారులు ప్రోత్సహించాలి..వీబీజీ రామ్‌జీ పథకం ద్వారా అర్హులైన ప్రతి ఒక్కరూ ఉపాధి పొందేలా అధికారులు ప్రోత్సహించాలని ఎమ్మెల్యే రామారావు పటేల్‌ సూ చించారు. ఎల్‌నినో నేపథ్యంలో ప్రజలకు ఉపాధి కల్పిస్తే వారికి ఊరట లభిస్తుందన్నారు. గ్రా మీణ ప్రాంతాల్లో సర్పంచ్‌లు, పంచాయతీ కార్యదర్శులు పథకం గురించి విస్తృత ప్రచారం కల్పించి, రైతులు తమ వ్యవసాయ సంబంధ పనులు చేసుకునేందుకు వీలు కల్పించాలన్నా రు. పంచాయతీరాజ్‌ శాఖ రాష్ట్ర డిప్యూటీ కమిషనర్‌ సుధాకర్‌, డీఆర్డీవో విజయలక్ష్మి, డీపీవో శ్రీనివాస్‌, జిల్లా పంచాయతీరాజ్‌ ఇంజినీర్‌ తుకారాం, తహసీల్దార్‌ శశిభూషణ్‌, ఎంపీడీవో పుష్పలత, సర్పంచులు పాల్గొన్నారు. ఏం వేయాలి.. జిల్లాలో వానాకాలంలో సుమారు 1.20 లక్షల ఎకరాల్లో వరి సాగైంది. అయితే వర్షాభావ పరిస్థితులు, ప్రాజెక్టుల్లో నీటి కొరత కారణంగా రెండో పంటకు నీరు విడుదల చేయలేమని ప్రభుత్వం చెప్పడంతో యాసంగిలో ఏం వేయాలని రైతులు పునరాలోయనలో పడ్డారు. ఆరుతడే ప్రత్యామ్నాయంప్రస్తుత కరువు పరిస్థితుల్లో తక్కువ నీటితో సాగయ్యే ఆరుతడి పంటలను ఎంచుకోవాల ని సూచిస్తున్నారు. చిరు ధాన్యాలైన జొన్నలు, సజ్జలు, పప్పుధాన్యాలైన పెసర, మినుము, కంది, శనగ, నూనెగింజ పంటలైన వేరుశన గ, కుసుమ, ఆముదం, నువ్వులు వంటివి సాగు చేయాలని ప్రభుత్వం, వ్యవసాయాధికారులు సూచిస్తున్నారు. తక్కువ తడులతో సాగయ్యే పంటలు వేయాలినిర్మల్‌చైన్‌గేట్‌: ఎల్‌నినో ప్రభావం నేపథ్యంలో నేపథ్యంలో తక్కువ తడులతో సులభంగా సాగ య్యే పంటలను మాత్రమే వేసేలా రైతులను అధికారులు ప్రోత్సహించాలని కలెక్టర్‌ భవేశ్‌మిశ్రా ఆదేశించారు. కలెక్టరేట్‌ సమావేశ మంది రంలో వ్యవసాయ సంబంధిత అంశాలపై శుక్రవారం సమీక్ష నిర్వహించారు. వరి పంటకు ప్ర త్యామ్నాయంగా ఇతర పంటలను సాగుచేసేలా చర్యలు తీసుకోవాలన్నారు. వ్యవసాయ అధికా రులు అంతా తప్పనిసరిగా క్షేత్రస్థాయిలో ఉంటూ రైతులకు సహకారం అందించాలన్నారు. ఎ క్కడైనా పంటలు నష్టపోతే వివరాలు పారదర్శకంగా సేకరించాలన్నారు. డిజిటల్‌ క్రాప్‌ సర్వే, ఫార్మర్‌ రిజిస్ట్రీ త్వరగా పూర్తి చేయాలన్నారు. సమావేశంలో ఇన్‌చార్జి డీఏవో సుజాత, ఉద్యానవన అధికారి రమణ, అధికారులు పాల్గొన్నారు. కుంటాల : యాసంగి పంట వేసేందుకు చేను దున్నుతున్న రైతు

Iడిజిటల్‌ విద్యకు ‘అభ్యాస వేదిక’ విద్యార్థులకు నాణ్యమైన విద్య చేరువ చేయడం, సులభంగా పాఠాలు అర్థమయ్యేలా బోధించడంలో ‘అభ్యాస వేదిక’ పోర్టల్‌ వినూత్న ప్రయత్నంగా నిలుస్తోంది. IIలోuఆకాశం పాక్షికంగా మేఘావృతమవుతుంది. వాతావరణం పొడిగా ఉంటుంది. వేడి, ఉక్కపోత ఎక్కువగా ఉంటుంది. రాత్రి చలి ప్రభావం కూడా తగ్గుతుంది. అట్టహాసంగా నెట్‌బాల్‌ పోటీలు నిర్మల్‌లోని ఎన్టీఆర్‌ మినీస్టేడియంలో సౌత్‌జోన్‌ సీనియర్స్‌ నెట్‌బాల్‌ పోటీలు శుక్రవారం అట్టహాసంగా ప్రారంభమయ్యాయి. ఆరు రా ష్ట్రాల క్రీడాకారులు హాజరయ్యారు. IIలోu

ఎన్‌హెచ్‌ఎంలునిర్మల్‌చైన్‌గేట్‌: జాతీయ ఆరోగ్య మిషన్‌ (ఎన్‌హెచ్‌ఎం) కింద వైద్య శాఖలో పనిచేస్తున్న కాంట్రాక్ట్‌, ఔట్‌సోర్సింగ్‌ సిబ్బంది నిరవధిక సమ్మెకు దిగారు. వైద్యుల నుంచి అటెండర్ల వరకు సుమారు 78 కేటగిరీల ఉద్యోగులు ఈ ఉద్యమంలో పాల్గొన్నారు. ఉద్యోగాల క్రమబద్ధీకరణ, సమాన పనికి సమాన వేతనం తదితర తొమ్మిది ప్రధాన డిమాండ్లతో జేఏసీ ఆధ్వర్యంలో ఆర్డీవో కార్యాలయం వద్ద చేపట్టిన ఆందోళన గురువారం నాటికి మూడో రోజుకు చేరుకుంది. ఉద్యోగులు వంటావార్పు కార్యక్రమం నిర్వహించి తమ నిరసనను వ్యక్తం చేశారు. వైద్య సేవలపై తీవ్ర ప్రభావంజిల్లా వ్యాప్తంగా 18 ప్రాథమిక ఆరోగ్య కేంద్రాలు (పీహెచ్‌సీలు), సబ్‌సెంటర్లు, ప్రభుత్వ జనరల్‌ ఆసుపత్రి, కమ్యూనిటీ, ఏరియా ఆస్పత్రుల్లో మొత్తం 289 మంది ఎన్‌హెచ్‌ఎం సిబ్బంది విధులు నిర్వర్తిస్తున్నారు. రెగ్యులర్‌ సిబ్బందితో సమానంగా పనిచేస్తున్నా వేతనాలు తక్కువగా ఉన్నాయని వా రు ఆవేదన వ్యక్తం చేస్తున్నారు. చాలా పీహెచ్‌సీలు, ఆయుష్మాన్‌ ఆరోగ్య మందిరాలు వీరిపైనే ఆధారపడి నడుస్తున్నాయి. పాఠశాలల్లో పిల్లలకు వైద్య పరీక్షలు నిర్వహించే ఆర్బీఎస్‌కే సిబ్బంది కూడా సమ్మెలో పాల్గొనడంతో ఆ సేవలు పూర్తిగా నిలిచిపోయాయి. గ్రామస్థాయి నుంచి కీలక పాత్రగ్రామస్థాయి నుంచి పట్టణాల వరకు ప్రభుత్వ ఆరోగ్య సేవలు ప్రజలకు అందించడంలో ఎన్‌హెచ్‌ఎం ఉద్యోగులు కీలకంగా వ్యవహరిస్తున్నారు. వీరి లో వైద్యులు, సూపర్‌వైజర్లు, ఏఎన్‌ఎంలు, స్టా ఫ్‌ న ర్సులు, ల్యాబ్‌ టెక్నీషియన్లు, ఫార్మసిస్టులు, ప్రో గ్రాం మేనేజ్‌మెంట్‌ సిబ్బంది, వివిధ క్యాడర్ల ఉద్యోగులు ఉన్నారు. తమ సమస్యలపై ప్రభుత్వం స్పందించకుండా జాప్యం చేస్తుందని జేఏసీ నాయకులు నిరవధిక సమ్మెకు పిలుపునిచ్చినట్లు తెలిపారు. ప్రధాన డిమాండ్లు

నిర్మల్‌చైన్‌గేట్‌: ప్రభుత్వ పాఠశాలల్లో చదువుతున్న ప్రతీ విద్యార్థి విద్యాపరంగా ఉన్నత స్థాయికి చేరుకునేలా ఉపాధ్యాయులు బాధ్యతాయుతంగా పనిచేయాలని కలెక్టర్‌ భవేశ్‌ మిశ్రా ఆదేశించారు. కలెక్టరేట్‌ సమావేశ మందిరంలో విద్యాశాఖ అధికారులతో గురువారం సమీక్ష నిర్వహించారు. విద్యావ్యవస్థ బలోపే తం, విద్యార్థుల భవిష్యత్తుకు సంబంధించి కీలక ఆదేశాలు జారీ చేశారు. ఉపాధ్యాయులు, విద్యార్థులు క్రమం తప్పకుండా పాఠశాలలకు హాజరైతేనే ప్రభుత్వ విద్యావ్యవస్థ మరింత బలోపేతమవుతుందన్నారు. విధి నిర్వహణలో నిర్లక్ష్యం వహించే ఉపాధ్యాయులపై కఠిన చర్యలు తప్పవని హెచ్చరించారు. పాఠశాలకు రాని విద్యార్థులను గుర్తించి, వారి తల్లిదండ్రులతో మాట్లాడి కారణాలు తెలుసుకోవాలని సూచించారు. విద్యార్థులు పాఠశాలకు క్రమం తప్పకుండా వచ్చేలా చర్యలు తీసుకోవాలన్నారు. బోర్డు పరీక్షలకు హాజరయ్యే విద్యార్థులను ఇప్పటి నుంచే స్పష్టమైన ప్రణాళికతో సిద్ధం చేయాలని ఆదేశించారు. గడువులోగా సిలబస్‌ పూర్తి చేసి, సందేహాలను ఎప్పటికప్పుడు నివృత్తి చేస్తూ మెరుగైన ఫలితాలు సాధించేలా చూడాలని తెలిపారు. ‘అభ్యాస దీపిక’ వెబ్‌సైట్‌ రూపకర్తకు అభినందనలు ప్రభుత్వ పాఠశాలల విద్యార్థుల కోసం ‘అభ్యాస దీపిక’ అనే వెబ్‌సైట్‌ను రూపొందించిన ప్రధానోపాధ్యాయుడు మునీందర్‌ రాజును కలెక్టర్‌ భవేశ్‌ మిశ్రా ప్రత్యేకంగా అభినందించారు. గణితం, ఇతర సబ్జెక్టులను సులభంగా అర్థం చేసుకునేలా పాఠాలు, మెలకువలు, అభ్యాస విధానాలను సాంకేతికత ద్వారా విద్యార్థులకు అందుబాటులోకి తీసుకురావడం అభినందనీయమని కొనియాడారు. విద్యార్థుల విద్యాభివద్ధికి దోహదపడే ఇలాంటి వినూత్న, సాంకేతిక ఆలోచనలను మరికొందరు ఉపాధ్యాయులు కూడా అలవర్చుకోవాలని పిలుపునిచ్చారు. సమీక్షలో డీఈవో భోజన్న, ఎంఈవోలు, విద్యాశాఖ అధికారులు, సిబ్బంది పాల్గొన్నారు.

నిర్మల్‌చైన్‌గేట్‌: నిర్మల్‌ వ్యవసాయ మార్కెట్‌ యార్డు భూమి ఆక్రమణకు గురవుతోందనే సమాచారంతో బీజేపీ నాయకులు, కిసాన్‌ మోర్చా ప్రతి నిధులు, రైతులు మార్కెట్‌ యార్డును గురువారం సందర్శించారు. అధికార కాంగ్రెస్‌ పార్టీకి చెందిన మున్సిపల్‌ వైస్‌ చైర్మన్‌ అప్పాల గణేశ్‌ చక్రవర్తి అండతో మార్కెట్‌ యార్డుకు సంబంధించిన విలువైన భూమిని కబ్జా చేసే ప్రయత్నాలు చేస్తున్నారని ఆరోపించారు. ప్రస్తుతం ఆ స్థలంలో ఒక ప్రైవేటు వ్యక్తి నిర్మాణ పనులు చేపడుతూ, మార్కెట్‌ యార్డుకు చెందిన ప్రహరీ, స్లాబ్‌ను కూల్చివేశాడని మండిపడ్డారు. ఈ ఆక్రమణ వ్యవహారంపై మార్కెట్‌ కమిటీ కార్యదర్శి ఇప్పటికే పోలీసులకు ఫిర్యాదు చేసినా రెవెన్యూ అధికారులు చర్యలు తీసుకోకపోవడంపై ఆగ్రహం వ్యక్తం చేశారు. పోలీసులు కేసు నమోదు చేశామని చెబుతున్నా, కబ్జాదారులపై ప్రత్యక్ష చర్యలు తీసుకోకపోవడం అనుమానాలకు తావిస్తోందన్నారు. ప్రభుత్వ భూమిని ఆక్రమించిన వారిని తక్షణమే అరెస్ట్‌ చేసి రిమాండ్‌కు తరలించాలని డిమాండ్‌ చేశారు. ఇందులో బీజేపీ సీనియర్‌ నాయకులు రావుల రామనాథ్‌, తక్కల రమణారెడ్డి, దొడ్డికింది ముత్యంరెడ్డి, మేడిసేమ్మ రాజు, సాదం అరవింద్‌, సామ రాజేశ్వర్‌ రెడ్డి, బీజేపీ జిల్లా ఉపాధ్యక్షుడు సత్యం చంద్రకాంత్‌, జిల్లా ప్రధాన కార్యదర్శి కరిపె విలాస్‌, బీజేవైఎం జిల్లా అధ్యక్షుడు దొడ్డికింది నిరంజన్‌రెడ్డి, నిర్మల్‌ పట్టణ అధ్యక్షుడు సుంకరి సాయిల, కౌన్సిలర్లు, సర్పంచులు పాల్గొన్నారు.

ఖానాపూర్‌: అటవీశాఖ అధికారులు ఆదివాసీ లపై దాడులు చేస్తున్నారని, వారి హక్కులకు భంగం కలిగిస్తున్నారని సీపీఐ ఎంఎల్‌ మాస్‌లైన్‌ రాష్ట్ర కార్యదర్శివర్గ సభ్యుడు నంది రామయ్య ఆరోపించారు. పెంబి మండలం తాటిగూడ గ్రామానికి చెందిన ఆదివాసీ మేకల కాపరి ఆత్రం శేషురావును డిప్యూటీ రేంజర్‌ చితకబాదాడు. ప్రస్తుతం బాధితుడు ఖానా పూర్‌ ప్రభుత్వ ఆస్పత్రిలో చికిత్స పొందుతున్నాడు. శేషురావును నంది రామయ్య గురువారం పరామర్శించి ఆరోగ్య పరిస్థితిని అడిగి తెలుసుకున్నారు. ఈ సందర్భంగా నంది రామయ్య మాట్లాడుతూ.. కవ్వాల్‌ టైగర్‌ జోన్‌ పేరుతో అటవీశాఖ అధికారులు ఆదివాసీలపై దాడులకు పాల్పడుతున్నారని ఆరోపించారు. పెంబి డిప్యూటీ రేంజర్‌ రాథోడ్‌ ప్రతాప్‌ నాయక్‌ను సస్పెండ్‌ చేయాలని, బాధితుడికి పరిహారం చెల్లించాలని డిమాండ్‌ చేశారు. అటవీశాఖ అధికారుల వ్యవహారశైలికి వ్యతిరేకంగా వామపక్షాలు, ప్రజాసంఘాలతో కలిసి ఆందోళనలు చేపడతామని హెచ్చరించారు. డీఆర్వోపై చర్య తీసుకోవాలికడెం: పెంబి మండలం లోతర్యతాటిగూడ గ్రామానికి చెందిన ఆత్రం శేషరావుపై దాడి చేసిన డీఆర్వో(డిప్యూటీ రేంజర్‌)ప్రతాప్‌నాయక్‌పై చర్యలు తీసుకోవాలని రాజ్‌గోండ్‌ సేవాసమితి జిల్లా అధ్యక్షుడు ఆత్రం రాజేశ్వర్‌ డిమాండ్‌ చేశారు. ఖానాపూర్‌ ప్రభుత్వాస్పత్రిలో చికిత్స పొందుతున్న శేషరావును గురువారం పరామర్శించి మాట్లాడారు. డీఆర్వో విధుల నుంచి తొలగించకుంటే ఆదివాసీ సంఘలతో ఉద్యమం చేస్తామని హెచ్చరించారు. రాజ్‌గోండ్‌ సేవాసమితి గౌరవ అధ్యక్షుడు ఆత్రం భగవంత్‌రావు, జిల్లా ప్రధాన కార్యదర్శి ఆత్రం భీంరావు, ఉపాధ్యాక్షుడు మర్సుకోల భీంరావు, తిరుపతి తదితరులు పాల్గొన్నారు.

నిర్మల్‌ఖిల్లా: వేల మైళ్ల దూరంలో ఉన్నా.. తెలంగాణ సంస్కృతి సంప్రదాయాలను మ రువకుండా ప్రవాస తెలంగాణీయులు బతుక మ్మ సంబరాలను వైభవంగా నిర్వహించారు. అమెరికాలోని జార్జియా రాష్ట్రం అట్లాంటా నగరంలో గ్రేటర్‌ అట్లాంటా తెలంగాణ సొసైటీ(గేట్స్‌) ఆధ్వర్యంలో బుధవారం రాత్రి అట్ల బతుకమ్మ వేడుకలు నిర్వహించారు. ఉయ్యాల ఆటపాటలు మార్మోగాయి. నిర్మల్‌ కు చెందిన ప్రముఖ పిల్లల వైద్య నిపుణుడు, కవి, రచయి త, ఐఎంఏ రాష్ట్ర కార్యవర్గ సభ్యులు, కావేరి ఫౌండేషన్‌ చైర్మన్‌ డాక్టర్‌ అప్పాల చక్రధారి వేడుకల్లో పా ల్గొన్నారు. కార్యక్రమంలో గేట్స్‌ అధ్యక్షుడు రమణ గండ్ర, చైర్‌పర్సన్‌ జ్యోత్స్న, జిల్లాకు చెందిన ఎన్నారై, జానపద కళాకారుడు పన్నెల జనార్దన్‌, చందు, జాప కృష్ణమోహన్‌, విజయ్‌ కుమార్‌ తదితరులు పాల్గొన్నారు.

దిలావర్‌పూర్‌: గ్రామీణ ప్రాంతంలో మహిళలు వ్య వసాయంలో పూర్తి సమయాన్ని కేటాయించి పంటల సాగుపై ప్రత్యేక శ్రద్ధ వహిస్తూ వ్యవసాయరంగంలో వారి పాత్రను చాటిచెబుతున్నారని ప్రకృతి వ్యవసాయ నిపుణుడు మన్మోహన్‌రెడ్డి అన్నారు. మండలంలోని కాల్వ గ్రామంలో గురువారం వ్యవసాయ రంగంలో మహిళల పాత్రను గుర్తిస్తూ, వారి కృషిని ప్రోత్సహించేలా మహిళా కిసాన్‌ దివస్‌ నిర్వహించారు. ఈసందర్భంగా మన్మోహన్‌రెడ్డి మాట్లాడుతూ భారత ప్రభుత్వం నిర్దేశించిన రోల్‌ ఆఫ్‌ విమెన్‌ ఫార్మర్‌ ఇన్‌ బిల్డింగ్‌ డెవలప్డ్‌ అగ్రికల్చర్‌(అభివృద్ధి చెందిన వ్యవసాయ నిర్మాణంలో మహిళా రైతుల పాత్ర) అనే అంశంలో ఈ కార్యక్రమం చేపట్టడం జరిగిందన్నారు. వ్యవసాయ క్షేత్రంలో విశేషంగా కృషి చేస్తున్న మహిళా రైతులు, ప్రగతిశీల మహిళలు ఆధునిక వ్యవసాయంపై ప్రత్యేక దృష్టి సారించాలని వివరించారు. మహిళా రైతులు వ్యవసాయ రంగంలో సాధిస్తున్న విజయాలు ఇలాంటి కార్యక్రమాల ద్వారా ఇతర రైతులకు స్ఫూర్తిగా ని లుస్తాయని తెలిపారు. రైతుల్లో ఆత్మవిశ్వాసం పెంపొందిస్తూ వ్యవసాయ అభివృద్ధిలో మహిళల పా త్రను మరింత విస్తృతం చేయడానికి మహిళా రైతులు కృషి చేయాలన్నారు. ఈ సందర్భంగా మహిళా రైతులకు జీవామృతాల తయారీపై అవగాహన కల్పించారు. కార్యక్రమంలో సర్పంచ్‌ బ్యాగరి రోజా, ఏవో రాజశేఖర్‌రెడ్డి, ఏఈవో జైపాల్‌, కృష్ణ, మహిళా రైతులు సౌజన్య, గోదావరి, రైతులు నర్సారెడ్డి, సాయన్న, నిమ్మల చిన్నయ్య, నాగరాజు, నరేశ్‌ తదితరులు పాల్గొన్నారు.

దిలావర్‌పూర్‌: అడెల్లి మహా పోచమ్మ గంగనీళ్ల జాతర శని, ఆదివారాల్లో అత్యంత వైభవోపేతంగా జరగనుంది. ఈ నేపథ్యంలో సాంగ్వి గ్రామంలో గురువారం పోలీసులు ప్రత్యేక సమావేశాన్ని ఏర్పాటు చేశారు. అమ్మవారి ఆభరణాలు దిలావర్‌పూర్‌ మండలానికి చేరిన తర్వాత సాంగ్వి గ్రామానికి చేరుకునే మార్గంలోని ప్రతీ గ్రామాన్ని డీఎస్పీ పి.శ్రీనివాస్‌ క్షుణ్ణంగా పరిశీలించారు. అనంతరం సాంగ్వి గ్రామంలో గ్రామ పెద్దలు, జాతర నిర్వహణ కమిటీతో ప్రత్యేక సమావేశం నిర్వహించారు. అనాదిగా భక్తిపూర్వకంగా జరుగుతున్న అమ్మవారి జాతరకు ప్రతి ఒక్కరూ సహకరించాలని కోరారు. గ్రామస్తుల నుంచి వచ్చిన పలు అభ్యర్థనలను కూడా స్వీకరించారు. సాయంత్రం సాంగ్వికి చేరుకున్న అమ్మవారి ఆభరణాలను ఆలయంలో పూజల అనంతరం గోదావరి నదీ తీరానికి తీసుకువెళ్తారు. తెల్లవారుజామున పోలీసు బలగాలు ప్రత్యేక బృందాలతో వెంటనే తీసుకువెళ్లడం వల్ల గ్రామస్తులకు దర్శనం కాకుండా పోతోందని, తమ కోసం కొంత సమయం కేటాయించాలని గ్రామ పెద్దలు కోరారు. సుదూర ప్రాంతాల నుంచి బంధువులు, చుట్టాలు సాంగ్వికి చేరుకుంటారని, వారిని తెల్లవారుజామున అమ్మవారి దర్శనానికి సిద్ధం చేయాలని డీఎస్పీ సూచించారు. సాంగ్వి నుంచి అడెల్లి మహా పోచమ్మ ఆలయం వరకు అనేక గ్రామాల్లో స్వాగతాలు, మొక్కులు ఉంటాయని వివరించారు. ఈసారి సాంగ్వి గ్రామస్తుల కోసం ప్రత్యేకంగా కొంత సమయం కేటాయిస్తామని, గ్రామస్తులు కూడా సహకరించి ఎలాంటి ఇబ్బందులు లేకుండా చూడాలని సూచించారు. అనంతరం అడెల్లి దేవస్థానం వారు గ్రామానికి చేరుకుని జాతర ఉత్సవాలకు సంబంధించిన పోస్టర్లను అందించగా, వాటిని ఆవిష్కరించారు. గతేడాది కంటే దాదాపు అర కిలోమీటరు దూరంలో నదీ నీరు వెనక్కి వెళ్లిపోవడంతో, అక్కడి పచ్చిక బయళ్లలో విద్యుదీపాలు ఏర్పాటు చేయడంతోపాటు, గుంతల చుట్టూ ప్రమాదాలు జరగకుండా ప్రత్యేక చర్యలు చేపడతామని తెలిపారు. ఇందులో సర్పంచ్‌ కుచ్చర్ల ధర్మవ్వ భూమేశ్‌, ఉప సర్పంచ్‌ సందీప్‌గౌడ్‌, పంచాయతీ కార్యదర్శి సుధాకర్‌, వీడీసీ అధ్యక్షుడు రమేశ్‌రెడ్డి, ఉపాధ్యక్షుడు కోండ్రు లింగారెడ్డి, ప్రధాన కార్యదర్శి లింగా సత్యపాల్‌, గ్రామ పెద్దలు పాల్గొన్నారు.

నిర్మల్‌టౌన్‌: పెండింగ్‌ కేసుల పరిష్కారంపై ప్రత్యేక దృష్టి సారించాలని ఎస్పీ జానకీ షర్మిల పోలీస్‌ అధికారులను ఆదేశించారు. బుధవారం జిల్లా పోలీస్‌ కార్యాలయం నుంచి పోలీస్‌ అధికారులతో వీడియో కాన్ఫరెన్స్‌ నిర్వహించారు. ఈ సందర్భంగా పెండింగ్‌ కేసుల పరిష్కారం, ఈ–పెట్టీ కేసుల డిస్పోజల్‌, దసరా బందోబస్తు, దుర్గామాత విగ్రహాల నిమజ్జన ఏర్పాట్లపై సమీక్షించారు. 60, 90 రోజుల గడువుతో దర్యాప్తులో ఉన్న కేసులను నిర్దేశిత సమయంలోగా పూర్తి చేయాలని సూచించారు. దసరాకు పటిష్ట బందోబస్తు దసరా పండుగ, దుర్గామాత విగ్రహాల నిమజ్జనం సందర్భంగా పటిష్టమైన బందోబస్తు ఏర్పాటు చేయాలని ఎస్పీ ఆదేశించారు. నిమజ్జన మార్గాలు, చెరువులు, వాగుల వద్ద ముందస్తు భద్రతా చర్యలు చేపట్టాలని, ట్రాఫిక్‌ నియంత్రణపై ప్రత్యేక దృష్టి సారించాలని సూచించారు. అన్ని శాఖలతో సమన్వయం చేసుకుంటూ పండుగలు ప్రశాంత వాతావరణంలో జరిగేలా అప్రమత్తంగా విధులు నిర్వహించాలన్నారు. అదనపు ఎస్పీ ఉపేందర్‌ రెడ్డి, ఎస్‌బీ ఇన్‌స్పెక్టర్‌ మల్లేశ్‌, డీసీఆర్‌బీ, ఐటీ కోర్‌ సిబ్బంది పాల్గొన్నారు.

నిర్మల్‌చైన్‌గేట్‌: యువతకు స్వయం ఉపాధి కల్పించాలనే ఉద్దేశంతో ప్రభుత్వం రాజీవ్‌ యువ వికాసం పేరుతో కొత్త పథకాన్ని ప్రారంభించింది. గతేడాది ఏప్రిల్‌లో దరఖాస్తులు స్వీకరించి వెరిఫికేషన్‌ పూర్తి చేశారు. జూన్‌ 1 నాటికి ప్రొసీడింగ్స్‌ సిద్ధం చేశారు. అయినా ఆ తర్వాత పురోగతి లేకుండా పోయింది. ఇటీవల ప్రభుత్వం పథకాన్ని నెల రోజుల్లో ప్రారంభిస్తామని ప్రకటించింది. దీంతో అధికారులు అమలు దిశగా చర్యలు చేపట్టారు. 17 నెలల క్రితం అర్హులైన యువకుల నుంచి దరఖాస్తులు స్వీకరించారు. మొదటి విడతలో నవంబర్‌ 19 నుంచి లబ్ధిదారుల ఖాతాల్లో నిధులు జమ చేస్తామని ఉప ముఖ్యమంత్రి భట్టి విక్రమార్క ప్రకటించారు. దీంతో యువతలో ఆశలు చిగురించాయి. గతేడాది జూన్‌ 2న రాష్ట్ర ఆవిర్భావ దినోత్సవం రోజున లబ్ధిదారులకు చెక్కులు అందజేయాల్సి ఉన్నా కొన్ని కారణాల వల్ల వాయిదా పడింది.

భైంసాటౌన్‌: పట్టణంలోని వ్యవసాయ మార్కెట్‌ యార్డుకు బుధవారం భారీగా సోయాలు విక్రయానికి వచ్చాయి. సోమవారం ఈ–నామ్‌ సర్వర్‌ సమస్య, రైతుల ఆందోళన నేపథ్యంలో మంగళవారం బీట్‌ నిలిపివేశారు. బుధవారం మార్కెట్‌కు 649 లాట్లు విక్రయానికి రాగా యార్డులో స్థలం లేకపోవడంతో ఏఎంసీ అధికారులు వాహనాలను ఎదురుగా ఉన్న కాటన్‌యార్డుకు తరలించారు. అక్కడి నుంచి ఒక్కొక్కటిగా గాంధీగంజ్‌లోని యార్డుకు అనుమతించారు. ఈనామ్‌ సర్వర్‌ పునరుద్ధరించడంతో వ్యాపారులు ఆన్‌లైన్‌లో ధరలు నమోదు చేశారు. సాయంత్రం 4 గంటల వరకు బిడ్డింగ్‌ కొనసాగింది. సోయాకు అత్యధికంగా క్వింటాలుకు రూ.7,099 ధర పలకగా, నువ్వులకు రూ.13వేలు, శనగలకు రూ.6,666, మినుములకు రూ.8,604 ధర పలికింది.

నిర్మల్‌చైన్‌గేట్‌: వీబీజీ రామ్‌జీ పథకం కింద అర్హులందరికీ ఉపాధి కల్పించాలని కలెక్టర్‌ భవేశ్‌ మిశ్రా అన్నారు. ఉపాధి కల్పన, నీటి సంరక్షణ పనులు చేపట్టే అంశాలపై బుధవారం కలెక్టరేట్‌ సమావేశ మందిరంలో అధికారులతో సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ జాబ్‌కార్డు ఉన్న ప్రతీ ఒక్కరికి ఉపాధి కల్పించేలా అధికారులు చర్యలు తీసుకోవాలన్నారు. ఇందుకు ఎంపీడీవోలు, పంచాయతీ కార్యదర్శులు, సర్పంచులు, క్షేత్ర సహాయకులు సమన్వయంతో పనిచేయాలన్నారు. ప్రతి ఒక్కరూ పనికి వెళ్లేలా ప్రజల్ని ప్రోత్సహించాలన్నారు. నీటి సంరక్షణ పనులకు ప్రాధాన్యం ఇవ్వాలన్నారు. సమావేశంలో ఇన్‌చార్జి అదనపు కలెక్టర్‌ (రెవెన్యూ) రాథోడ్‌ రమేశ్‌, డీఆర్డీవో విజయలక్ష్మి, డీపీవో శ్రీనివాస్‌, తదితరులు పాల్గొన్నారు. ఆహ్లాదకర వాతావరణం కల్పించాలి నిర్మల్‌చైన్‌గేట్‌: ప్రభుత్వ నర్సింగ్‌ కళాశాలలలో విద్యార్థులకు ఆహ్లాదకరమైన వాతావరణంలో విద్యా బోధన సాగాలని కలెక్టర్‌ భవేశ్‌ మిశ్రా అన్నారు. జిల్లా కేంద్రంలోని ప్రభుత్వ నర్సింగ్‌ కళాశాలను సందర్శించి విద్యార్థులు, అధ్యాపకులు, ఇతర సిబ్బంది వివరాలను అడిగి తెలు సుకున్నారు. ముందస్తు ప్రణాళిక ప్రకారం నిర్దేశిత సమయంలో సిలబస్‌ పూర్తి చేయాలన్నా రు. నర్సింగ్‌ వృత్తి అంటే ప్రజలకు నిస్వార్థ సే వలందించడమేనని, విద్యార్థుల్లో సేవాభావం పెంపొందించేలా తీర్చిదిద్దాలన్నారు. కార్యక్రమంలో ప్రిన్సిపాల్‌ మంజుల, వివిధ శాఖల అధికారులు, కళాశాల సిబ్బం పాల్గొన్నారు

మహిళా చట్టాలపై అవగాహన ఉండాలి సారంగపూర్‌: మహిళా చట్టాలపై పూర్తి అవగాహన ఉండాలని సీనియర్‌ సివిల్‌ జడ్జి పొరిక రవీందర్‌ అన్నారు. బుధవారం మహిళా చట్టాలు, సైబర్‌ నేరాలు, బాల్యవివాహాల వల్ల కలిగే అనర్థాలపై చించోలి(బి)లో అవగాహన కల్పించారు. ఈ సందర్భంగా ఆయన మాట్లాడుతూ ప్రస్తుతం సమాజంలో ఎక్కడ చూసినా మహిళలపై ఆకృత్యాలు, అఘాయిత్యాలు పెరిగిపోయాయన్నారు. ప్రతీ మహిళ తమకోసం రూపొందించిన చట్టాలపై అవగాహన కలిగి ఉండాలన్నారు. ఆడపిల్లలకు చిన్నతనంలో వివాహం చేస్తే అనారోగ్యాలకు గురవుతారన్నారు. కార్యక్రమంలో ఎల్‌ఏడీసీఎస్‌ ఛీఫ్‌ రాజలింగం, డీడబ్ల్యూ వినూత్న, డీఈవో భోజన్న, సర్పంచ్‌ వన్నెల సాయన్న, తహసీల్దార్‌ విజయ్‌కాంత్‌రావు, ఎస్సై శ్రావణి, సైబర్‌క్రైమ్‌ ఎస్సై ముత్యం, సీడబ్ల్యూసీ చైర్‌పర్సన్‌ ఎండీ వాహెద్‌, సఖి కేంద్రం నిర్వాహకురాలు శ్వేతరాణి, తదితరులు పాల్గొన్నారు. నిర్మల్‌: దసరా.. అంటేనే పెద్ద పండుగ. పది రోజుల పాటు అమ్మవారి పూజలు, బతుకమ్మ ఆటలు, కొత్త బట్టల కొనుగోళ్లు, పిండివంటల తయారీ, బంధుమిత్రుల కలయికలు.. ఇలా ప్రతి ఇంటా పండుగ సందడి ఉంటుంది. ఈ ఆనందాల వేళ పెరుగుతున్న నిత్యావసరాల ధరలు సామాన్యులకు భారంగా మారుతున్నాయి. పండుగకు కావాల్సిన సరుకులు కొనాలంటే ఒకట్రెండు సార్లు ఆలోచించాల్సి వస్తోంది. పెరిగిన ధరలతో పండుగ బడ్జెట్‌ తలకిందులవుతోందని మధ్యతరగతి కుటుంబాలు ఆవేదన వ్యక్తం చేస్తున్నాయి. బియ్యం పప్పులు.. రోజూ తినే బియ్యం, పప్పుల ధరలు కొండెక్కుతున్నాయి. పండుగ వేళ మరింతగా పెరుగుతున్నాయి. సన్నరకం (జైశ్రీరామ్‌) బియ్యం 26 కిలోల సంచి రూ.1,700 నుంచి రూ.1,800 వరకు ఉండేది. ఇప్పుడు రూ.2,000 దాటుతోంది. సంచికి రూ.300 నుంచి రూ.400 వరకు పెరిగింది. సామాన్యుడి రోజువారీ వంటకమైన తొగరి (కంది)పప్పు ఈమధ్య ఉడకటం లేదు. ఎందుకంటే దాని ధర మండిపోతోంది. కిలో రూ.118 ఉన్న కందిపప్పు ఇప్పుడు ఏకంగా రూ.150కి చేరింది. శనగపప్పు రూ.90 నుంచి రూ.110 అయ్యింది. ఇవి కూడా హోల్‌సేల్‌ ధరలు. వంటనూనెలపై కేంద్రం దిగుమతి సుంకాల్లో మార్పులు చేయడంతో కొంత ధరలు తగ్గాయి. పది రోజులు పూజలు.. అదనపు ఖర్చులు దసరా సందర్భంగా ఇళ్లలో అమ్మవారి పూజలు నిర్వహిస్తారు. పూలు, పండ్లు, కొబ్బరికాయలు, పూజా సామగ్రి కొనుగోలు చేస్తారు. వీటితో పాటు బియ్యం, పప్పులు, వంటనూనె, నెయ్యి, పంచదార, ఇతర సరుకులు అవసరమవుతాయి. పండుగ రోజున ప్రత్యేక వంటకాలు, స్వీట్లు చేసుకోవడం ఆనవాయితీ. కానీ ఈసారి తియ్యటి వేడుకకు ధరల మంట తగులుతోంది. కిలో చక్కెర రూ.47 నుంచి రూ.55కు చేరుకుంది. రోజురోజుకూ పెరుగుతూనే ఉంది. పూజాసామగ్రి ధరలు స్వల్పంగా పెరిగాయి. సామాన్యులకు ఉపశమనం ఎప్పుడు? పండుగల సమయంలో ధరల నియంత్రణపై సంబంధిత అధికారులు దృష్టి సారించాలని వినియోగదారులు కోరుతున్నారు. మార్కెట్లలో ధరల పర్యవేక్షణ చేపట్టి, కృత్రిమ కొరత సృష్టించే వ్యాపారులపై చర్యలు తీసుకోవాలని సూచిస్తున్నారు. పండుగ వేళ కుటుంబాలపై అదనపు భారం పడకుండా నిత్యావసర సరుకులు అందుబాటులో ఉండేలా చూడాలని కోరుతున్నారు. పండుగ అంటేనే ఆనందం.. ఆ ఆనందం ఖర్చుల ఆందోళనగా మారకుండా చూడాలని కోరుతున్నారు. పండ్లు, కూరగాయలు.. పండుగకు ప్రత్యేకంగా కొనుగోలు చేసే పండ్లు, పూలతో పాటు కూరగాయల ధరలు పెరుగుతున్నాయి. కిలో రూ.30 నుంచి రూ.40 ఉండే కూరగాయలు ఇప్పుడు రూ.50 నుంచి రూ.70 వరకు ఉన్నాయి. మార్కెట్‌కు పెద్దమొత్తంలో వస్తే తప్పా ధర దిగడం లేదు. పండ్లు కూడా రూ.30కి డజన్‌ ఉన్న అరటి పండ్లు ఇప్పుడు రూ.50కి తగ్గడం లేదు. ఒకేసారి అన్ని రకాల సరుకులు కొనుగోలు చేయాల్సి రావడం, వాటి ధరలు పెరగడంతో మధ్యతరగతి, దిగువ మధ్యతరగతి కుటుంబాలకు ఇబ్బందులు తప్పడం లేదు. పండుగపూట తప్పదు.. పండుగ పూట ఇంట్లో ఏ వస్తువు లేకున్నా లోటుగా కనిపిస్తుంది. కానీ బియ్యం మొదలుకుని ప్రతీ వస్తువు ధర పెరుగుతూనే ఉంది. ధర పెరిగినా పండుగవేళ కొనక తప్పదు. – సాయిఉష, గృహిణి, నిర్మల్‌ బడ్జెట్‌ పెరుగుతోంది.. ఈ మధ్యకాలంలో పెరుగుతున్న ధరలతో నెలవారీ బడ్జెట్‌ కూడా పెరుగుతోంది. నిత్యం తినే బియ్యం, పప్పులూ పెరిగిపోతున్నాయి. కూరగాయలు కూడా రోజుకో ధరలో ఉంటున్నాయి. మున్ముందు ఇంకా పెరిగే అవకాశం ఉంది.– రామకృష్ణ, నిర్మల్‌

సాక్షి ప్రతినిధి, మంచిర్యాల: ప్రజా సమస్యల సత్వర పరిష్కారం కోసం ఏర్పాటు చేసిన ప్రత్యేక వాట్సాప్‌ నంబర్లకు అర్జీలు వెల్లువెత్తుతున్నాయి. సమస్యలు ఉన్నవారు నేరుగా అధికారులను కలువకుండానే ఎప్పుడైనా.. ఎక్కడి నుంచైనా తమ గోడు విన్నవించుకునే అవకాశం కలిగింది. దీంతో అనేకమంది సులువుగా ఫిర్యాదులు పంపిస్తున్నారు. ఈ నెల 8నుంచి ఉమ్మడి ఆదిలాబాద్‌ జిల్లా పరిధిలో నాలుగు జిల్లాల కలెక్టర్లతోపాటు ఇన్‌చార్జి మంత్రి జూపల్లి కృష్ణారావు పేషీలోనూ ప్రత్యేకంగా వాట్సాప్‌ నంబరు అందుబాటులోకి తెచ్చారు. దీంతో ఉమ్మడి జిల్లా వాసులు ఈ సదుపాయాన్ని వినియోగించుకుంటున్నారు. వారం రోజుల వ్యవధిలోనే వందలాది అర్జీలు ఈ వాట్సాప్‌ నంబర్లకు అందాయి. ఆయా సమస్యలపై వస్తున్న ఫిర్యాదులను సంబంధిత శాఖ అధికారులకు పంపితే సమస్య పరిష్కారానికి చర్యలు తీసుకుంటున్నారు. నాలుగు జిల్లాల కలెక్టరేట్‌లలో ప్రత్యేకంగా ఈ అర్జీలను పరిశీలిస్తున్నారు. ఇందిరమ్మ ఇళ్లు, భూ సమస్యలు ఉమ్మడి జిల్లా వ్యాప్తంగా ప్రజా ఫిర్యాదుల కోసం ఏర్పాటు చేసిన వాట్సాప్‌ నంబర్లకు ఎక్కువగా ఇందిరమ్మ ఇళ్లు, నిర్మాణంలో ఉన్న ఇళ్ల బిల్లుల మంజూరు సమస్యలపై అధికంగా వచ్చాయి. వీటితోపాటు ప్రతీ సోమవారం నిర్వహిస్తున్న ప్రజాఫిర్యాదుల విభాగానికి భూ సమస్యలు ఎక్కువగా వస్తున్నాయి. ఇంకా పింఛన్లు, ప్రభుత్వ పథకాలకు సంబంధించిన అర్జీలు వస్తున్నాయి. అయితే ఇప్పటికే మండల, జిల్లా స్థాయిలో ప్రజాఫిర్యాదుల కోసం ప్రత్యేకంగా ప్రతీ సోమవారం నేరుగా అధికారులకు వినతులు ఇస్తున్నారు. అనేక సమస్యలు అలాగే పెండింగ్‌లో ఉంటున్నాయి. కొన్నిచోట్ల అర్జీల పరిష్కారం కోసం ఫిర్యాదుదారులు నెలల తరబడి తిరుగుతున్నారు. తాజాగా వాట్సాప్‌ నంబర్లు అందుబాటులోకి వచ్చిన నేపథ్యంలో సమస్యలు పరిష్కారం అయితేనే ప్రజలకు ఊరట కలిగే అవకాశం ఉంది. మంత్రి పేషీకి వచ్చిన అర్జీలను సంబంధిత అధికారులకు పంపిస్తూ పరిష్కారానికి కృషి చేస్తున్నట్లు అధికార వర్గాలు పేర్కొంటున్నాయి.మంత్రి పేషీకి వచ్చినవిజిల్లా అర్జీలు ఆదిలాబాద్‌ 93 నిర్మల్‌ 33 కుమురంభీం 30 మంచిర్యాల 50 ఇతర ప్రాంతాలు 20 మొత్తం 226ఫిర్యాదులకు వాట్సాప్‌ నంబర్లుఉమ్మడి జిల్లా ఇన్‌చార్జీ మంత్రి పేషీ 85006 89596 ఆదిలాబాద్‌ 94923 41947 నిర్మల్‌ 83175 57897 కుమురంభీం 75699 86036 మంచిర్యాల 94921 23642

నిర్మల్‌ఖానాపూర్‌కు టీపీఎస్‌ ఖానాపూర్‌ పట్టణంలో తెలంగాణ పబ్లిక్‌ స్కూల్‌(టీపీఎస్‌) ఏర్పాటుకు రాష్ట్ర ప్రభుత్వం గ్రీన్‌సిగ్నల్‌ ఇచ్చింది. బాలికల పాఠశాలను టీపీఎస్‌గా మార్చేందుకు ఉత్తర్వులు జారీ చేసింది.డ్రగ్స్‌కు దూరంగా ఉండాలి నిర్మల్‌టౌన్‌: డ్రగ్స్‌కు దూరంగా ఉండాలని, సైబర్‌ నేరాలపై అప్రమత్తంగా ఉండాలని జిల్లా న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి పోరిక రవీందర్‌ అన్నారు. జిల్లా కేంద్రంలోని గొల్లపేట్‌ డాక్టర్‌ బీఆర్‌ అంబేడ్కర్‌ భవన్‌లో మంగళవారం జిల్లా న్యాయ సేవాధికార సంస్థ ఆధ్వర్యంలో డ్రగ్‌ అవేర్‌నెస్‌ అండ్‌ వెల్‌నెస్‌ నావిగేషన్‌ పథకంపై న్యాయ అవగాహన కార్యక్రమం నిర్వహించారు. ఈ సందర్భంగా ఆయన మాట్లాడాతూ.. మాదకద్రవ్యాల వినియోగంతో కలిగే అనర్థాలను ప్రతి ఒక్కరూ తెలుసుకోవాలన్నారు. యువత డ్రగ్స్‌కు ఆకర్షితులు కాకుండా జాగ్రత్తలు తీసుకోవాలని సూచించారు. న్యాయ సేవల చట్టాలు, సైబర్‌ నేరాలకు సంబంధించిన చట్టాలపై అవగాహన కలిగి ఉండాలని పేర్కొన్నారు. సైబర్‌ నేరాల బారిన పడకుండా అప్రమత్తంగా వ్యవహరించాలని తెలిపారు. కార్యక్రమంలో చీఫ్‌ ఎల్‌ఏడీసీఎస్‌ కే.రాజలింగం, ఎకై ్సజ్‌ సీఐ భిక్షపతి, సైబర్‌ క్రైం ఎస్సై జి.ముత్యం, న్యాయవాది డాక్టర్‌ ఎస్‌.లింగయ్య, న్యాయవాదులు దేవీదాస్‌, రత్నం తదితరులు పాల్గొన్నారు. భైంసా: రెండేళ్లుగా పత్తి దిగుబడి బాగా వచ్చింది. అయితే ధర మాత్రం పెద్దగా లేకపోవడంతో రైతులు ఇబ్బంది పడ్డారు. ఇక ఈసారి దూదికి డిమాండ్‌ పెరిగింది. కుభీర్‌ మార్కెట్‌లో సోమవారం క్వింటాల్‌ పత్తికి రూ.9,101 పలికింది. ఇది రైతుల్లో ఉత్సాహం నిండింది. అయితే వర్షాలు లేకపోవడంతో దిగుబడి తగ్గుతోంది. ఇప్పటికే వర్షాభావంతో చేలు ఎర్రబడుతున్నాయి. పూత, కాత తగ్గింది. కాసిన కాయలు కూడా చిన్నగా ఉన్నాయి. దీంతో దిగుబడి సగానికి పడిపోతుందని రైతులు ఆందోళన చెందుతున్నారు. సాధారణంగా ఎకరానికి 10 నుంచి 12 క్వింటాళ్లు వచ్చే పత్తి ఈసారి 4 నుంచి 5 క్వింటాళ్లకే పరిమితం కావచ్చని అంచనా వేస్తున్నారు. ఇక ధర ఎంతకాలం స్థిరంగా ఉంటుందన్నది కూడా రైతులను భయపెడుతోంది. 1.63 లక్షల ఎకరాల్లో సాగు.. ఈ వానాకాలం సీజన్‌లో జిల్లాలో సుమారు 1.63 లక్షల ఎకరాల్లో పత్తి సాగయింది. పూత దశలో వర్షాలు కురవకపోవడం, ఎండ తీవ్రత పెరగడంతో పూత రాలుతోంది. వర్షాధార భూముల్లో తేమ లేక పంట ఎరుపు రంగులోకి మారుతోంది. ప్రస్తుతం కాయలు చిన్నవిగా ఉన్నందున వాటి పరిమాణం పెరిగితేనే దిగుబడి మెరుగుపడుతుందని రైతులు పేర్కొంటున్నారు. కొత్త పూత రావడం కూడా తక్కువగా ఉండటంతో ఉన్న కాయలపైనే ఆధారపడాల్సిన పరిస్థితి నెలకొంది. పెట్టుబడి కూడా కష్టమే.. సాధారణ దిగుబడి 10–12 క్వింటాళ్లు ఉంటే, ఈసారి వర్షాభావ ప్రభావంతో 4–5 క్వింటాళ్లకే పరిమితం కావచ్చు. దిగుబడి సగానికి పడిపోతే విత్తనాలు, ఎరువులు, పురుగుమందులు, కూలీల ఖర్చులు తిరిగి రావడం కష్టమవుతుందని రైతులు ఆవేదన వ్యక్తం చేస్తున్నారు. ఇదే సమయంలో ధర తగ్గితే నష్టాలు మరింత పెరుగుతాయి. ప్రస్తుత ధర కొనసాగితేనే కొంతమేర పెట్టుబడిని వెనక్కి తెచ్చుకునే అవకాశం ఉంటుందని ఆశిస్తున్నారు. ముధోల్‌లో నీళ్లు లేక ఎర్రబడుతున్న పత్తిని చూపుతున్న రైతులు ధర నిలిస్తేనే ఊరట ఒకవైపు దిగుబడి తగ్గే సూచనలు, మరోవైపు ధరపై ఆశలు.. ఈ రెండింటి మధ్య పత్తి రైతులు సీజన్‌ ఆరంభం కోసం ఎదురుచూస్తున్నారు. దసరా నుంచి జిన్నింగ్‌ మిల్లుల్లో కొనుగోళ్లు ప్రారంభమై, దీపావళి వరకు పత్తి రాక పెరిగే కొద్దీ మార్కెట్‌ ధర ఎలా ఉంటుందన్నది స్పష్టమవుతుంది. దిగుబడి తగ్గినా ధర తగ్గకుండా కొనసాగితే రైతులకు కొంత ఊరట లభిస్తుంది.

బాసర: బాసర శ్రీజ్ఞాన సరస్వతి అమ్మవారి నూతన ఆలయ నిర్మాణ పనులు వేగవంతం చేయాలని, పుష్కరాల పనులు నాణ్యతతో చేపట్టాలని కలెక్టర్‌ భవేశ్‌ మిశ్రా అధికారులను ఆదేశించారు. గోదావరి పుష్కరాల ఏర్పాట్లలో భాగంగా చేపడుతున్న అభివృద్ధి పనులను మంగళవారం పరిశీలించారు. ముందుగా శ్రీజ్ఞాన సరస్వతీ అమ్మవారి నూతన ఆలయ నిర్మాణ పనులు పరిశీలించిన ఆయన, పనుల పురోగతిపై సంబంధిత అధికారులను వివరాలు అడిగి తెలుసుకున్నారు. గతంలో చేపట్టిన నిర్మాణాలకు సంబంధించిన వ్యర్థాలను జాగ్రత్తగా తొలగించాలని ఇంజినీరింగ్‌ అధికారులకు సూచించారు. ఆలయ నిర్మాణం గడువులోపు పూర్తయ్యేలా సమగ్ర ప్రణాళికతో ముందుకు సాగాలన్నారు. పుష్కర ఘాట్ల పరిశీలన.. అనంతరం గోదావరి పుష్కరాల ఏర్పాట్లపై వివిధ శాఖల అధికారులతో కలెక్టర్‌ సమీక్షా నిర్వహించారు. గోదావరి తీరంలోని పుష్కర ఘాట్లను స్వయంగా పరిశీలించిన ఆయన, దేశం నలుమూలల నుంచి వచ్చే భక్తులు పుణ్యస్నానాలు ఆచరించేందుకు అవసరమైన అన్ని సౌకర్యాలను కల్పించాలని సూచించారు. భక్తులకు ఎలాంటి అసౌకర్యం కలగకుండా ఏర్పాట్లు చేయాలన్నారు. పుష్కరాల పనుల్లో నాణ్యతా ప్రమాణాలను తప్పనిసరిగా పాటిస్తూ, పనుల పురోగతిని నిరంతరం పర్యవేక్షించాలని అధికారులను ఆదేశించారు. ఆయన వెంట ఆర్‌అండ్‌బీ ఈఈ సుభాష్‌, నీటిపారుదల శాఖ ఈఈ అనిల్‌, ఉద్యానవన శాఖ అధికారి రమణ, ఆలయ ఈవో అంజనాదేవి, తహసీల్దార్‌ పవన్‌ చంద్ర తదితరులు ఉన్నారు.

నిర్మల్‌చైన్‌గేట్‌: తెలంగాణ సంస్కతీ సంప్రదాయాలకు ప్రతీక అయిన బతుకమ్మ వేడుకలను గెజిటెడ్‌ ఉద్యోగులందరూ ఐకమత్యంతో, వైభవంగా జరుపుకోవాలని తెలంగాణ గెజిటె డ్‌ ఆఫీసర్స్‌ సంఘం జిల్లా అధ్యక్ష, కార్యదర్శులు డాక్టర్‌ పీజీ.రెడ్డి, ధాత్రిక రమేశ్‌ సూచించారు. జిల్లా కేంద్రంలో టీజీవోస్‌ సంఘం ఆధ్వర్యంలో నిర్వహించనున్న బతుకమ్మ సంబరాల పోస్టర్‌ను జిల్లా ట్రెజరీ ఆఫీసర్‌ సరోజ, డీఆర్డీవో విజయలక్ష్మితో కలిసి మంగళవారం ఆవిష్కరించారు. కార్యక్రమంలో టీజీవోస్‌ జిల్లా మహిళా అధ్యక్షురాలు అర్చన, జిల్లా కార్యవర్గ సభ్యురాలు లత, పలువురు గెజిటెడ్‌ ఉద్యోగులు, ప్రతినిధులు పాల్గొన్నారు.

భైంసాటౌన్‌: కష్టనష్టాలకోర్చి సాగుచేస్తున్న రైతన్నకు అండగా నిలవాల్సిన ఏఎంసీ అధికారులు చోద్యం చూస్తున్నారు. పట్టణంలోని ఏఎంసీ మార్కెట్‌లో వ్యాపారులు రైతులను నిలువు దోపిడీ చేస్తున్నా పట్టించుకోవడం లేదు. ఉమ్మడి ఆదిలాబాద్‌ జిల్లాలోనే భైంసా వ్యవసాయ మార్కెట్‌ రెండో అతిపెద్దది. డివిజన్‌లోని ఆయా గ్రామాల నుంచే కాకుండా ఇతర ప్రాంతాల నుంచి సైతం రైతులు తమ పంట ఉత్పత్తులను విక్రయించేందుకు భైంసా మార్కెట్‌కు వస్తుంటారు. అయితే, ఇక్కడ మార్కెట్‌ కమిటీ నిబంధనల మేరకు వెయింగ్‌ చార్జీలు, హమాలీ, చాటావాల చార్జీలతోపాటు కమీషన్‌ ఫీజు మార్కెట్‌ కమిటీ వసూలు చేస్తుంది. కానీ, వ్యాపారులు మాత్రం నిబంధనలకు విరుద్ధంగా క్యాష్‌ కటింగ్‌ పేరిట రూ.వందకు అదనంగా రూ.1.50 కమీషన్‌ ఫీజు అధికంగా వసూలు చేస్తున్నారు. దీంతో రైతులు నష్టపోతున్నారు. రూ.కోట్లలో లావాదేవీలు.. భైంసా మార్కెట్‌కు ప్రతీ ఖరీఫ్‌, రబీ సీజన్లలో సాగుచేసిన పంట ఉత్పత్తులు విక్రయానికి వస్తుంటాయి. ముఖ్యంగా సోయా, శనగలు, జొన్నలు, మక్కలు, నువ్వులు, ఇతర పంట ఉత్పత్తులను రైతులు ఇక్కడ విక్రయిస్తారు. ఒక్క సీజన్‌లోనే ఏఎంసీకి 1శాతం సెస్‌ రూపంలో రూ.40–రూ.50 లక్షల ఆదాయం సమకూరుతుంది. అంటే ఈ లెక్కన ఒక్కో సీజన్‌లో రూ.400–రూ.500 కోట్ల వరకు లావాదేవీలు జరుగుతాయని స్పష్టమవుతోంది. ఇదిలా ఉంటే, ఇక్కడి వ్యాపారులు రైతుల నుంచి క్యాష్‌ కటింగ్‌ పేరిట కమీషన్‌ ఫీజు అధికంగా వసూలు చేస్తున్నారు. దీంతో ప్రతి సీజన్‌లో రూ.50–రూ.75 లక్షల వరకు రైతుల నుంచి అక్రమంగా ఆర్జిస్తున్నట్లు తెలుస్తోంది. ఈ నెలలో ఇప్పటివరకు మార్కెట్‌లో రూ.18.43 కోట్ల సరుకు కొనుగోలు చేయగా, రూ.1.50 అదనపు కమీషన్‌ రూపంలో రైతులు రూ.27.65 లక్షల వరకు నష్టపోయినట్లు తేటతెల్లమవుతోంది. పట్టించుకోని అధికారులు.. కొద్దిరోజులుగా ఈనామ్‌ సర్వర్‌ పనిచేయకపోవడంతో వ్యాపారులు బహిరంగ వేలం పద్ధతిలో సరుకులు కొనుగోలు చేస్తున్నారు. ఈ పద్ధతిలో వ్యాపారులకు ధర తెలిసిపోతుండడంతో, పోటీ తగ్గి ధర తక్కువగా వస్తోందని రైతులు ఆందోళన చెందుతున్నారు. మరోవైపు కమీషన్‌ ఫీజు అదనంగా బహిరంగంగా వసూలు చేస్తున్నా సంబంధిత ఏఎంసీ అధికారులు పట్టించుకోవడం లేదన్న ఆరోపణలు వినిపిస్తున్నాయి. ఈ విషయమై ఏఎంసీ ఉన్నతశ్రేణి కార్యదర్శి పూర్యానాయక్‌ను వివరణ కోరగా, రైతులు ఫిర్యాదు చేస్తేనే చర్యలు తీసుకుంటామని చెప్పడం గమనార్హం. రైతులు వారి ఆర్థిక అవసరాలు, వ్యాపారులతో సత్సంబంధాలు, ఇతర బలహీనతల కారణంగా అధికారులకు ఫిర్యాదు చేసేందుకు జంకుతున్నారు. కానీ, ఈ విషయం అధికారులకు తెలిసినా ఫిర్యాదు చేస్తేనే స్పందిస్తామనడం విమర్శలకు తావిస్తోంది. భైంసా మండలంలోని ఓ గ్రామానికి చెందిన రైతు ఇటీవల భైంసా వ్యవసాయ మార్కెట్‌ యార్డులో సోయా విక్రయించాడు. 8.39 క్వింటాళ్లు అమ్మగా, క్వింటాలుకు రూ.5,864 ధర పలికింది. ఈ లెక్కన ఆయనకు రూ.49,198 చెల్లించాలి. ఇందులో వెయింగ్‌ చార్జీలు రూ.51, కమీషన్‌ ఫీజు రూ.వందకు రూ.1.50 చొప్పున రూ.738, చాటావాల చార్జీ రూ.42.50, హమాలీ చార్జీ రూ.266.90 మొత్తం రూ.1098 కటింగ్‌ పోను 48,100 వ్యాపారి రైతుకు చెల్లించాలి. కానీ, నిబంధనలకు విరుద్ధంగా క్యాప్‌ కటింగ్‌(నగదు చెల్లిస్తున్నందుకు) కమీషన్‌ ఏజెంట్‌ రూ.వందకు మరో రూ.1.50 అదనంగా వసూలు చేస్తున్నారు. దీంతో రైతుకు అసలు మొత్తం నుంచి మరో రూ.738 పోను చేతికి 47,363 మాత్రమే వచ్చింది. వాస్తవానికి రైతు సరుకు అమ్మిన వెంటనే, లేదా మరుసటి రోజు వ్యాపారి రైతుకు డబ్బులు చెల్లించాలి. కానీ, రైతుల అమాయకత్వం, నిరక్షరాస్యత, పేదరికం ఆసరాగా చేసుకుంటున్న వ్యాపారులు నెలల తరబడి డబ్బులు చెల్లించకుండా, వెంటనే డబ్బులు కావాలంటే రూ.వందకు రూ.1.50 చొప్పున కోత పెడుతున్నారు. దీంతో ఆరుగాలం శ్రమించి సాగు చేసిన రైతన్నలు నిలువుదోపిడీకి గురవుతున్నారు.

నిర్మల్‌టౌన్‌: మొబైల్‌ ఫోన్‌ పొతే ఆందోళన వద్దని, పోలీస్‌ స్టేషన్‌లో లేదా మీసేవ ద్వారా ఫిర్యాదు చేయాలని ఎస్పీ జానకీషర్మిల సూచించారు. https://www.ceir.gov.in/ వెబ్‌ పోర్టల్‌ ద్వారా ఫోన్‌ ఆచూకీ తెలుసుకోవడం చాలా సులభమన్నారు. వివిధ పోలీస్‌ స్టేషన్ల పరిధిలో పోగొట్టుకున్న రూ.13.80 లక్షల విలువైన 115 మొబైల్‌ ఫోన్లను సీఈఐఆర్‌ వైబ్సెట్‌ ద్వారా గుర్తించారు. జిల్లా కేంద్రంలోని ప్రధాన పోలీస్‌ కార్యాలయంలో మంగళవారం బాధితులకు అందజేశారు. మార్కెట్‌లో చౌకగా వస్తుందని, సెకండ్‌ హ్యాండ్‌ ఫోన్‌లు కొనే ముందు సీఈఐఆర్‌ వెబ్‌సైట్‌లో ఆ ఫోన్‌ఐఎంఈఐ నంబర్‌ నమోదు చేసుకోవాలన్నారు. దొంగతననికి లేదా ఫోన్లను వెతికి పెట్టడానికి జిల్లా పోలీస్‌ యంత్రాంగం ఇప్పటికే పలు రకాల సాంకేతిక అంశాలను ఉపయోగిస్తుందని తెలిపారు. ఇప్పటివరకు పోయిన 2,492 ఫోన్లను రికవరీ చేసి బాధితులకు అప్పగించామని తెలిపారు.

నిర్మల్‌టౌన్‌: నిర్మల్‌ ఆర్టీసీ డిపో నుంచి భద్ర మారు తి, ఘృష్ణేశ్వర్‌ జ్యోతిర్లింగాల దర్శనానికి ప్రత్యేక బస్సు మంగళవారం బయలుదేరింది. డిపో మేనేజర్‌ కే. పండరి బస్సును కొబ్బరికాయ కొట్టి ప్రారంభించారు. 13న బయలుదేరిన ఈ బస్సు తొలుత ఔండా నాగనాథ్‌ జ్యోతిర్లింగాన్ని దర్శించుకుంటుందని పేర్కొన్నారు. 14న భద్ర మారుతి, ఘృష్ణేశ్వర్‌ జ్యోతిర్లింగాలను దర్శించుకున్న అనంతరం ఎల్లోరా గుహలను సందర్శిస్తారని తెలిపారు. అక్కడి శివాలయాన్ని దర్శించుకుని, ఔరంగాబాద్‌లోని మినీ తాజ్‌మహల్‌గా పేరొందిన బీబీ కా మక్బరాను సందర్శిస్తారని వివరించారు. యాత్ర ముగించుకుని 15 ఉదయం 4 గంటలకు నిర్మల్‌ చేరుకుంటుందని చెప్పారు. 27న ఆరు జ్యోతిర్లింగాల యాత్ర ఈనెల 27న గుజరాత్‌ యాత్రకు మరో ప్రత్యేక బస్సును ఏర్పాటు చేసినట్లు డిపో మేనేజర్‌ పండరి తెలిపారు. ఆరు జ్యోతిర్లింగాల దర్శనానికి గతంలో ఏర్పాటు చేసిన యాత్రకు ప్రయాణికుల నుంచి మంచి స్పందన లభించిందన్నారు. ఈ నెల 27న మధ్యాహ్నం 1.30 గంటలకు మరో బస్సు బయలుదేరుతుందని పేర్కొన్నారు. ప్రస్తుతం ఈ యా త్రకు ఇంకా 10 సీట్లు అందుబాటులో ఉన్నాయని, ఆసక్తి ఉన్నవారు రిజర్వేషన్‌ చేసుకోవాలని సూచించారు. రిజర్వేషన్లకు 9959226003, 9440018549 నంబర్లను సంప్రదించాలని తెలిపారు.

నిర్మల్‌చైన్‌గేట్‌: ఎన్‌హెచ్‌ఎం (నేషనల్‌ హెల్త్‌ మిషన్‌) ఉద్యోగులు మంగళవారం నిరవధిక సమ్మె చేపట్టారు. సమస్యలు పరిష్కరించాలని డిమాండ్‌ చేస్తూ నేషనల్‌ హెల్త్‌ మిషన్‌ జాయింట్‌ యాక్షన్‌ కమిటీ ఆధ్వర్యంలో ఆర్డీవో కార్యాలయం ఎదుట ఉద్యోగులు సమ్మె చేపట్టారు. ఎన్‌హెచ్‌ఎం ఉద్యోగులందరినీ క్రమబద్ధీకరిస్తే రాష్ట్ర ప్రభుత్వంపై అదనపు ఆర్థిక భారం ఉండదని స్పష్టం చేశారు. దీర్ఘకాలంగా పెండింగ్‌లో ఉన్న తమ సమస్యలను ప్రభుత్వం తక్షణమే పరిష్కరించాలని కోరారు. అవుట్‌సోర్సింగ్‌ ఏజెన్సీలను రద్దు చేసి, ఎన్‌హెచ్‌ఎం ఉద్యోగులందరినీ స్టేట్‌ హెల్త్‌ సొసైటీ లోనే కొనసాగిస్తూ స్పర్శ్‌ ద్వారా నేరుగా వేతనాలు చెల్లించాలన్నారు. 2022 నుంచి ప్రతీ సంవత్సరం 5 శాతం ఇంక్రిమెంట్‌, 8 శాతం రాయల్టీ బోనస్‌ మంజూరు చేయాలన్నారు. కమిషనర్‌ ఉత్తర్వుల మేరకు ప్రతీ నెల 5వ లోపు జీతాలు చెల్లించాలని, పెండింగ్‌లో ఉన్న 9 నెలల పీఆర్సీ, ఏరియర్స్‌ బకాయిలను విడుదల చేయాలని డిమాండ్‌ చేశారు. 180 రోజులు వేతనంతో కూడిన ప్రసూతి సెలవులు ఇవ్వాలన్నారు. విధి నిర్వహణలో ఉద్యోగి మరణిస్తే వారి కుటుంబానికి రూ.20 లక్షల ఎక్స్‌గ్రేషియా/ఇన్సూరెన్స్‌ అందించి, కుటుంబంలో ఒకరికి అర్హతను బట్టి ఉద్యోగం ఇవ్వాలన్నారు.జీవో 60, 1195 ప్రకారం పెంచిన వేతనాలు చెల్లించాలన్నారు.

బాసర: బాసరలోని రాజీవ్‌ గాంధీ యూనివర్సిటీ ఆఫ్‌ నాలెడ్జ్‌ టెక్నాలజీస్‌(ట్రిపుల్‌ఐటీ)లో దసరా నవరాత్రుల సందర్భంగా మంగళవారం ఆయుధ పూజ నిర్వహించారు. వర్సిటీలోని అన్ని విభాగాల్లో నిర్వహించిన పూజల్లో ల్యాబ్‌ సిబ్బంది, అధ్యాపకులు, విభాగాధిపతులు, అధికారులు పాల్గొన్నారు. సంప్రదాయంలో భాగంగా అన్ని భవనాల ప్రధాన ద్వారాలను పూలతో అందంగా అలంకరించి, కొబ్బరికాయలు, గుమ్మడికాయలు కొట్టి విశ్వవిద్యాలయ అభివృద్ధి, సిబ్బంది సుఖసంతోషాలు, ఆయురారోగ్యాలు, విజయాలు కాంక్షించారు. మెకానికల్‌ ఇంజినీరింగ్‌ విభాగంలో ఆయుధ పూజ వేడుకలను అత్యంత వైభవంగా నిర్వహించారు.

నిర్మల్‌టౌన్‌/ఖానాపూర్‌: ఆల్‌ ఇండియా ఎస్సీ, ఎస్టీ రైట్స్‌ ప్రొటక్షన్‌ సొసైటీ నిర్మల్‌ జిల్లా సర్వసభ్య సమావేశం నిర్మల్‌ టీఎన్జీవో భవన్‌లో మంగళవారం నిర్వహించారు. రాష్ట్ర ఇన్‌చార్జి అధ్యక్షుడు నిర్మల శివరాజ్‌, ప్రధాన కార్యదర్శి రాచూరి చంద్రశేఖర్‌ ముఖ్య అతిథులుగా హాజరై సంఘ నియమాలను ప్రకటించారు. ఎన్నికల అధికారి, రాష్ట్ర కమిటీ ఉపాధ్యక్షుడు సామెర్ల రాజన్న ఆధ్వర్యంలో జరిగిన ఎన్ని కల్లో నూతన జిల్లా కార్యవర్గాన్ని ఎన్నుకున్నారు. జిల్లా గౌరవ అధ్యక్షుడిగా డి.రాములు, అధ్యక్షుడిగా బేర పరమేశ్‌, ప్రధాన కార్యదర్శిగా దామెర లక్ష్మీనర్సయ్య, కోశాధికారిగా రాచర్ల రాజేశ్వర్‌ ఎన్నికయ్యారు. గౌరవ సలహాదారులుగా కె.రాజలింగం(అడ్వకేట్‌), వెలమల ప్రభాకర్‌, మూడుసు మారన్న, మైపాల్‌ ప్రభుదాస్‌, బి.అంబేద్కర్‌ కుమార్‌, పడిగెల రాజేశ్వర్‌ ఎంపికయ్యారు. ప్రచార కార్యదర్శిగా దుర్గే అనంతరావు, కార్యదర్శిగా మాడవి నాగరావు, ఉపాధ్యక్షులుగా పులి రమేశ్‌, గుండెల్లో దత్తురాం, జడ ఇందూరు ఎన్నికై నట్లు ఎన్నికల అధి కారి సామెర్ల రాజన్న ప్రకటించారు. కార్యక్రమంలో ఆల్‌ ఇండియా ఎస్సీ, ఎస్టీ రైట్స్‌ ప్రొటెక్షన్‌ సొసైటీ సభ్యులు, అంబేడ్కర్‌ వాదులు పాల్గొన్నారు.

ఖానాపూర్‌: తెలంగాణ ముఖ్యమంత్రి రేవంత్‌రెడ్డి, టీపీసీసీ అధ్యక్షుడు మహేశ్‌కుమార్‌గౌడ్‌ను ఖానాపూర్‌ ఎమ్మెల్యే, డీసీసీ అధ్యక్షుడు వెడ్మ బొజ్జు పటేల్‌ మంగళవారం ఢిల్లీలో కలిశారు. ఎమ్మెల్సీ దండే విఠల్‌, కుమురంభీం ఆసిఫాబాద్‌ జిల్లా కాంగ్రెస్‌ అధ్యక్షురాలు ఆత్రం సుగుణ, మంచిర్యాల డీసీసీ అధ్యక్షుడు రఘునాథ్‌రెడ్డి, ఆసిఫాబాద్‌ నియోజకవర్గ ఇన్‌చార్జి అజ్మీరా శ్యామ్‌నాయక్‌ తదితరులతో కలిసి ఈ భేటీలో పాల్గొన్నారు. ఉమ్మడి ఆదిలాబాద్‌ జిల్లాలో ఓటరు జాబితా ప్రత్యేక సమగ్ర సవరణ ప్రక్రియకు వ్యతిరేకంగా కాంగ్రెస్‌ పార్టీ ఆధ్వర్యంలో నిర్వహించిన నిరసన కార్యక్రమాలు, పార్టీ శ్రేణుల భాగస్వామ్యం, ప్రజల స్పందన తదితర అంశాలను ముఖ్యమంత్రి దృష్టికి తీసుకెళ్లారు.

తెలంగాణ: ఆదివాసీ పశువుల కాపరిపై అటవీ అధికారి దాడి చేశారనే ఆరోపణలతో నిర్మల్‌ జిల్లాలో ఆందోళన నెలకొంది. పెంబి మండలం లోతోర్రే గ్రామ సమీపంలోని అటవీ ప్రాంతానికి మేకలను మేపేందుకు వెళ్లిన ఆదివాసీ పశువుల కాపరి శేషారావును డీఆర్‌ఓ ప్రతాప్‌ నాయక్‌ చితకబాదినట్లు ఆరోపణలు వ్యక్తమయ్యాయి.ఈ ఘటనలో గాయపడిన శేషారావును చికిత్స నిమిత్తం ఖానాపూర్‌ ప్రభుత్వ ఆసుపత్రికి తరలించారు. అయితే, అటవీ అధికారుల తీరును నిరసిస్తూ ఆదివాసీలు పెంబి ప్రధాన రహదారిపై రాస్తారోకో చేపట్టారు. సంబంధిత అటవీ అధికారిపై వెంటనే చర్యలు తీసుకోవాలని ఆందోళనకారులు డిమాండ్‌ చేశారు.ఇదీ చదవండి: గంగానదిలో పడవ బోల్తా.. 10 మంది మృతి

నిర్మల్‌టౌన్‌: ప్రజావాణికి వచ్చే ఫిర్యాదులపై తక్షణం స్పందించి చట్టపరంగా పరిష్కారం చూపాలని ఎస్పీ జానకీషర్మిల అధికారులను ఆదేశించారు. జిల్లా పోలీసు కార్యాలయంలో సోమవారం నిర్వహించిన ప్రజావాణిలో జిల్లాలోని వివిధ ప్రాంతాల నుంచి వచ్చిన ప్రజల నుంచి ఫిర్యాదులు, వినతులు స్వీకరించారు. వారి సమస్యలు స్వయంగా అడిగి తెలుసుకున్నారు. అనంతరం సంబంధిత పోలీస్‌స్టేషన్‌ అధికారులతో మాట్లాడి ఫిర్యాదులపై వెంటనే స్పందించాలని సూచించారు. ప్రతీ ఫిర్యాదును బాధ్యతగా పరిశీలించి, బాధితులకు సకాలంలో న్యాయం అందేలా చర్యలు తీసుకోవాలన్నారు. పరిష్కారంలో జాప్యం లేకుండా, బాధితులతో మర్యాదపూర్వకంగా వ్యవహరించాలని ఆదేశించారు.

నిర్మల్‌చైన్‌గేట్‌: ప్రజావాణి దరఖాస్తులను పెండింగ్‌లో పెట్టకుండా వెంటవెంటనే పరిష్కరించాలని కలెక్టర్‌ భవేశ్‌మిశ్రా అధికారులను ఆదేశించారు. కలెక్టరేట్‌ సమావేశ మందిరంలో సోమవారం నిర్వహించిన ప్రజావాణిలో అర్జీలు స్వీకరించారు. ప్రతీ దరఖాస్తును క్షుణ్ణంగా పరిశీలించి, తక్షణమే స్పందించాలని అధికారులకు సూచించారు. మండలాల వారీగా పెండింగ్‌లో ఉన్న ప్రజావాణి దరఖాస్తులకు సంబంధించి సమస్యలు త్వరగా పరిష్కరించాలన్నారు. ప్రజల సమస్యలను సంబంధిత శాఖలు సమన్వయంతో పరిష్కరించేలా పనిచేయాలన్నారు. ప్రజావాణికి విద్య, వైద్యం, ఇందిరమ్మ ఇండ్లు, పింఛన్లు, భూ సమస్యలపై 85 దరఖాస్తులు వచ్చాయి. కార్యక్రమంలో ఇన్‌చార్జి అడిషనల్‌ కలెక్టర్‌ రాథోడ్‌ రమేశ్‌, వివిధ శాఖల అధికారులు, సిబ్బంది పాల్గొన్నారు.

నిర్మల్‌ రూరల్‌: ఆరుతడి పంటల సాగుతో ఎల్‌నినో ప్రభావం నుంచి ఉపశమనం లభిస్తుందని రాష్ట్ర వ్యవసాయ, మార్కెటింగ్‌ శాఖ మంత్రి తుమ్మల నాగేశ్వరరావు అన్నారు. రాష్ట్ర ప్రభుత్వ ప్రధాన కార్యదర్శి సంజయ్‌ జాజు, రాష్ట్ర వ్యవసాయ శాఖ కార్యదర్శి సురేంద్ర మోహన్‌తో కలిసి రైతు వేదికల ద్వారా కలెక్టర్లు, అధికారులు, రైతులతో రైతు నేస్తం కార్యక్రమం సోమవారం నిర్వహించారు. నిర్మల్‌ మండలం న్యూపోచంపాడ్‌ రైతు వేదిక నుంచి కలెక్టర్‌ భవేశ్‌మిశ్రా పా ల్గొన్నారు. ప్రస్తుతం ఎల్‌నినో ప్రభావం దేశవ్యాప్తంగా తీవ్రంగా ఉందని, రైతులంతా తక్కువ నీటితో, స్వల్ప కాలంలో పండే పంటలు వేసుకోవాలని సూచించారు. నూనె గింజలు, పప్పు దినుసులు సాగు చేయాలని సూచించారు. రైతులకు అవసరమైన విత్తనాలు కూడా అందించేందుకు ప్రభుత్వం సిద్ధంగా ఉందని స్పష్టం చేశా రు. జాబ్‌కార్డు ఉన్న ప్రతి ఒక్కరూ వీబీజీ రామ్‌జీ పథకం కింద పని పొందాలని సూచించారు. విద్యుత్‌ వినియోగం గతేడాదితో పోలిస్తే భారీగా పెరిగిందన్నారు. భూగర్భ జలాలు అడుగంటిపోతున్నాయని, తదనుగుణంగా రైతులు, అధికారు ల సూచనల మేరకు తమ సాగు ప్రణాళికలు చేసుకోవాలన్నారు. కార్యక్రమంలో ఉద్యానవన పంటల అధికారి రమణ, డీఆర్డీవో విజయలక్ష్మి, విద్యుత్‌ శాఖ ఎస్‌ఈ రమేశ్‌, తహసీల్దార్‌ ప్రభాకర్‌, ఎంపీడీవో సుధాకర్‌, వ్యవసాయ మార్కెట్‌ కమిటీ చైర్మన్‌లు భీమ్‌రెడ్డి, షిండే ఆనంద్‌రావు పటేల్‌, ఆత్మ చైర్మన్‌ రామ్‌రెడ్డి పాల్గొన్నారు.

● ఆవిరవుతున్న రైతుల ఆశలుభైంసా: వానాకాలం పంటల సాగు చేపట్టిన రైతులు ఈ ఏడాది ఎల్‌నినోకు ఎదురొడ్డుతున్నారు. ఇప్పటికే వర్షాలు తక్కువగా కురిశాయి. చెరువులు, కుంటలు నీరు లేక వెలవెల బోతున్నాయి. మరోవైపు ఎండలు మండుతున్నాయి. దీంతో చివరి దశలో ఉన్న పంటలు నీరందక ఎండిపోతున్నాయి. 4.26 లక్షల ఎకరాల్లో సాగు ఈ సీజన్‌లో వరి 1.36 లక్షలు, పత్తి 1.63 లక్షలు, సోయాబీన్‌ 1.08 లక్షలు, మొక్కజొన్న 14 వేలు, పసుపు 5 వేల ఎకరాల్లో సాగయ్యాయి. మొత్తం 4.26 లక్షల ఎకరాల్లో పంటలు వేశారు. అయితే సీజన్‌ చివర్లో వర్షాభావం తీవ్ర ప్రభావం చూపుతోంది. భూగర్భ జలాలు తగ్గి బోర్లలో నీరు అడుగంటగా, అప్రకటిత విద్యుత్‌ కోతలు మరింత ఇబ్బంది కలిగిస్తున్నాయి. 23 శాతం లోటు జూన్‌ 1 నుంచి అక్టోబరు 11 వరకు సాధారణం 945.4 మి.మీల వర్షం కురవాలి. కానీ 730.1 మి.మీలు మాత్రమే కురిసింది. 23 శాతం లోటు నమోదైంది. కుభీర్‌ మండలంలో 48 శాతం, తానూరులో 41 శాతం, కుంటాల, నర్సాపూర్‌ (జి)లో 34 శాతం, బాసరలో 35 శాతం, సారంగాపూర్‌లో 31 శాతం, భైంసా, ముధోల్‌, నిర్మల్‌ గ్రామీణంలో 28 శాతం లోటు వర్షపాతం నమోదైంది. కొన్ని మండలాల్లో సాధారణ పరిధిలో ఉన్నా జిల్లా సగటు లోటులోనే ఉంది. అప్పుల భారం.. పంటల సాగు కోసం రైతులు విత్తనాలు, ఎరువులు, పురుగుమందులు, కూలీల కోసం భారీగా పెట్టుబడి పెట్టారు. వర్షాభావంతో పెట్టిన పెట్టుబడులు తిరిగి వచ్చే పరిస్థితి కూడా లేదని రైతులు ఆవేదన వ్యక్తం చేస్తున్నారు. అప్పులు ఎలా తీర్చాలన్న ఆందోళన రైతులను వెంటాడుతోంది. క్షేత్రస్థాయిలో నష్టం అంచనా వేసి సహాయం అందించాలని కోరుతున్నారు. జిల్లాలో 23 శాతం లోటు వర్షపాతంచివరి దశలో నీరు లేక వరి పైర్లు ఎండిపోతున్నాయి. పత్తి మొక్కల ఆకులు ఎర్రబారి ఎదుగుదల కోల్పోతున్నాయి. మొక్కజొన్న, పసుపుపైనా ప్రభావం పడే అవకాశం ఉంది. 1.08 లక్షల ఎకరాల్లో సాగైన సోయాబీన్‌ కోతలు పూర్తయ్యాయి. సాధారణం 10–12 క్వింటాళ్లకు బదులు ఎకరానికి 5–6 క్వింటాళ్లే వచ్చింది. కీలక దశలో వర్షాలు లేక దిగుబడి తగ్గింది. పెట్టుబడి ఖర్చులు పెరిగిన నేపథ్యంలో ఆదాయం రాకుండా పోయింది.

భైంసాటౌన్‌: ఎల్‌నినో ప్రభావంతో ఇప్పటికే జిల్లాలో సోయా దిగుబడి సగం తగ్గింది. అయితే మార్కెట్‌లో ధర ఆశాజనకంగా ఉండడంతో రైతులు సోయా విక్రయానికి ఆసక్తి చూపుతున్నారు. దీంతో ప్రతీరోజు భైంసాలోని వ్యవసాయ మార్కెట్‌కు 300 నుంచి 400 వరకు లాట్లు వస్తున్నాయి. ధర సైతం క్వింటాలుకు రూ.6వేలకుపైనే పలుకుతుండడంతో రైతులు భారీగా సోయా మార్కెట్‌కు తరలిస్తున్నారు. అయితే కొద్దిరోజులుగా ఈనామ్‌ సర్వర్‌ పనిచేయడం లేదని అధికారులు చెబుతున్నారు. దీంతో ఓపెన్‌ ఆక్షన్‌ పద్ధతిలో బీట్‌ నిర్వహిస్తున్నారు. గత గురువారం సర్వర్‌ సమస్య తలెత్తగా, ఓపెన్‌ ఆక్షన్‌లోనే కొనుగోళ్లు చేపట్టారు. శుక్రవారం బీట్‌ నిలిపేయగా, శనివారం అమావాస్య, ఆదివారం సెలవు కావడంతో వరుసగా మూడు రోజులు బీట్‌ నిర్వహించలేదు. సోమవారం తిరిగి మార్కెట్‌ తెరుచుకోగా, 390 లాట్లు విక్రయానికి వచ్చాయి. అయితే, ఈరోజు కూడా ఈనామ్‌ సర్వర్‌ సమస్య అంటూ అధికారులు మళ్లీ ఓపెన్‌ ఆక్షన్‌ పద్ధతిలో బీట్‌ నిర్వహిస్తుండడంతో రైతులు ఆగ్రహం వ్యక్తం చేశారు. గురువారం వరకు సోయా క్వింటాలుకు రూ.6,900 వరకు పలికిందని, ఇప్పుడు ఓపెన్‌ ఆక్షన్‌లో వ్యాపారులు రూ.6,500 వరకే చెల్లిస్తున్నారని బీట్‌ను అడ్డుకున్నారు. గాంధీగంజ్‌ ఎదుట రోడ్డుపై బైఠాయించి ఆందోళన చేపట్టారు. సర్వర్‌ సమస్య సాకుతో వ్యాపారులు ధర తగ్గించి కొనుగోలు చేస్తున్నారని, ఈనామ్‌ పద్ధతిలోనే పంటలు కొనుగోలు చేయాలని డిమాండ్‌ చేశారు. రైతుల రాస్తారోకోతో దాదాపు గంటపాటు వాహనాలు రోడ్డుపై నిలిచిపోయాయి. ఏఎంసీ కార్యదర్శి పూర్యా, పట్టణ సీఐ సాయికుమార్‌ రైతులను సముదాయించినా వారు ఆందోళన విరమించలేదు. ఏఎంసీ చైర్మన్‌ ఆనంద్‌రావు పటేల్‌ రావాలని పట్టుబడ్డారు. కొద్దిసేపటికి ఆయన వచ్చి రైతులతో మాట్లాడారు. సర్వర్‌ సమస్య కారణంగానే ఓపెన్‌ ఆక్షన్‌లో బీట్‌ నిర్వహిస్తున్నామని, ఇతర మార్కెట్లతో పోలిస్తే భైంసా మార్కెట్‌లోనే ధర ఎక్కువగా ఉందని నచ్చజెప్పారు. దీంతోపాటు ఆయన స్వయంగా దగ్గరుంచి బీట్‌ నిర్వహింపజేస్తానని చెప్పడంతో రైతులు ఆందోళన విరమించారు. సోమవారం క్వింటాల్‌కు అధికంగా రూ.6,766 పలికినట్లు ఏఎంసీ అధికారులు తెలిపారు. రైతులు ఆందోళన చెందవద్దని మార్కెట్‌ ధర ఆధారంగానే కొనుగోళ్లు జరుగుతాయని ఏఎంసీ చైర్మన్‌ ఆనంద్‌రావు పటేల్‌ తెలిపారు.

జగజ్జననీ నమోస్తుతే నిర్మల్‌ పట్టణ శివారు గండిరామన్న ప్రాంతంలోని నందిగుండం దుర్గామాత ఆలయంలో శరన్నవరాత్రోత్సవాలు ఘనంగా జరుగుతున్నాయి. 25 ఏళ్ల క్రితం ఇక్కడ అమ్మవారు వెలిశారు. – 09లో ఎండిపోతున్న పొలంలో నిలబడిన ఈ రైతు పేరు కంకల్ల చిన్న గంగారాం. లక్ష్మణచాంద మండలం పార్‌పెల్లిలో సరస్వతి కాలువ కింద రెండెకరాల్లో వరి వేశాడు. ఎకరాకు రూ.15 వేల చొప్పున రూ.30 వేలు పెట్టుబడి పెట్టాడు. పంట పొట్ట దశకు వచ్చిన తర్వాత నీరందక పంట ఎండుతోంది. వారబందీ పద్ధతిలో నీరు విడుదల చేస్తున్నా చి‘వరి’కి అందడం లేదు. దీంతో రెండెరాల పొలం ఎండిపోతోందని ఆవేదన వ్యక్తం చేస్తున్నాడు. ఈ యువ రైతు పేరు దినేష్‌. లక్ష్మణ చాంద మండలం పార్‌పల్లికి చెందిన ఈయన రూ.22,500 పెట్టుబడి పెట్టి ఎకరంనరలో వరి సాగు చేశాడు. సరస్వతీ కాలువ ద్వారా విడుదల చేస్తున్న నీళ్లు అందడం లేదు. బోర్లు, బావుల్లో నీరు లేదు. దీంతో పంట పూర్తిగా ఎండిపోతుండడంతో ఏం చేయాలో దిక్కుతోచడం లేదని, ప్రభుత్వం ఆదుకోవాలని కోరుతున్నాడు.

బాసర: ముధోల్‌ నియోజకవర్గ గ్రామీణ అభివృద్ధి పనుల నిధులు, సుదీర్ఘకాలంగా నిలిచిపోయి న బిల్లులు విడుదల చేయాలని ఎమ్మెల్యే పవార్‌ రామారావు పటేల్‌ కోరారు. ఈమేరకు పంచాయతీరాజ్‌ కమిషనర్‌ కార్యాలయంలో గ్రామీణాభివృద్ధి శాఖ కమిషనర్‌ దివ్య దేవరాజన్‌ను సోమవారం కలిసి నియోజకవర్గ సమస్యలు, రోడ్ల దుస్థితిపై చర్చించారు. సమగ్ర వినతిపత్రం అందజేశారు. వీబీజీ రామ్‌జీ పథకం కింద మెటీరి యల్‌ చెల్లింపుల ద్వారా రైతులకు సౌకర్యంగా పొలంబాట పనులు చేపట్టాలని ఆయన కోరా రు. ఇప్పటికే పూర్తయిన సీసీ రోడ్లు, మురికి కాలు వలు, ఐకేపీ భవనాలు, నూతన గ్రామపంచాయ తీ భవనాల బిల్లులు రాక కాంట్రాక్టర్లు, సర్పంచులు ఇబ్బంది పడుతున్నారని, వాటిని క్లియర్‌ చేయాలని కోరారు. గ్రామీణ ప్రజలు, రైతులకు మెరుగైన రవాణా సౌకర్యాలు అవసరమని, చాలా చోట్ల రోడ్లు దెబ్బతిన్నాయని తెలిపారు. నూతన రోడ్ల నిర్మాణానికి అవసరమైన ప్రత్యేక నిధులు మంజూరు చేయాలని పేర్కొన్నారు. కమిషనర్‌ సానుకూలంగా స్పందిస్తూ, నిధుల విడుదల, పనుల సాధ్యాసాధ్యాలపై త్వరలో నిర్ణయం తీసుకుంటామని హామీ ఇచ్చారని ఎమ్మెల్యే తెలిపారు.

సారంగపూర్‌: జిల్లాలో ప్రసిద్ధ పుణ్యక్షేత్రమైన శ్రీఅడెల్లి మహాపోచమ్మ ఆలయంలో శరన్నవరాత్రి వేడుకలు ఘనంగా జరుగుతున్నాయి. సోమవారం అమ్మవారు గాయత్రీదేవి అలంకరణలో భక్తులకు దర్శనమిచ్చారు. అమ్మవారికి హారతి, అభిషేకం, ప్రత్యేక పూజలు నిర్వహించారు. జిల్లాలోని వివిధ ప్రాంతాలకు చెందిన భక్తులు మహా కుంకుమార్చనలో పాల్గొన్నారు. తూకంలో మోసం చేస్తే కఠిన చర్యలు లోకేశ్వరం: ప్రతీ విక్రయదారుడు తూనికలు కొలతల నిబంధనలు పాటించాలని జిల్లా తూనికల కొలతశాఖ అధికారి శంకర్‌ అన్నారు. మండల కేంద్రంలోని ఓ పెట్రోల్‌ బంక్‌, కిరాణ షాపును సోమవారం తనిఖీ చేశారు. వ్యాపారులు త్రాసులకు ఏడాదికోసారి సీల్‌ వేయించుకొవాలన్నారు. తూకంలో మోసం చేస్తే వెంటనే శాఖ అధికారులకు సమచారం అందించాలన్నారు. తూకంలో మోసం చేస్తే వారిపై కఠిన చర్యలు తీసుకుంటామని హెచ్చరించారు. ఆయన వెంట జిల్లా తూనికల కొలతల శాఖ టీఏ రాజశేఖర్‌రెడ్డి ఉన్నారు.

నిర్మల్‌చైన్‌గేట్‌: వివిధ కారణాలతో అనాథలైన పిల్లలు, తల్లి లేదా తండ్రిని కోల్పోయినవారు, తీవ్రమైన వ్యాధులతో బాధపడుతున్న తల్లిదండ్రుల పిల్లలు, రక్షణ లేని పిల్లలకు మిషన్‌ వాత్సల్య పథకానికి దరఖాస్తు చేసుకోవాలని జిల్లా మహిళా, శిశు, దివ్యాంగుల, వయోవద్ధుల సంక్షేమ శాఖ అధికారి వినూత్న తెలిపారు. ఈ పథకంలో పిల్లలకు నెలకు రూ.4 వేల చొప్పున ఆర్థికసాయం అందుతుందని పేర్కొన్నారు. దరఖాస్తు చేసుకునే గ్రామీణ ప్రాంతాల వారి వార్షిక ఆదాయం రూ72 వేలు, పట్టణ ప్రాంతాలకు చెందిన వారి వార్షిక ఆదాయం రూ.96 వేలకు మించకూడదని వివరించారు. దరఖాస్తు ఫారం, వివరాలు nirmal. telangana. gov. in వెబ్‌సైట్‌లో అందుబాటులో ఉంచినట్లు తెలిపారు. పూర్తి చేసిన దరఖాస్తులను గొల్లపేటలోని బాల రక్ష భవన్‌ ఆఫీసులో సమర్పించాలని తెలిపారు. మరిన్ని వివరాలకు 9966696464 నంబర్‌లో సంప్రదించాలని సూచించారు.

● శరన్నవరాత్రుల వేళ బంగల్‌పేట్‌ మహాలక్ష్మికి భక్తుడి చిరుకానుక నిర్మల్‌ఖిల్లా: శరన్నవరాత్రి పర్వదినాలు ప్రారంభమయ్యాయి. ఈ నేపథ్యంలో బంగారుపేట మహాలక్ష్మి అమ్మవారికి ఓ భక్తుడు ప్రత్యేకంగా వెండి విగ్రహంతో కూడిన ముత్యాల హారం తయారు చేయించాడు. ఈ హారాన్ని ఎరుపు, ఆకుపచ్చ గుండ్లతోపాటు వెండి ప్రతిమను జోడించి ఆకర్షణీయంగా రూపొందించారు. బేస్తవార్‌పేట్‌కు చెందిన దొండి శ్రీనివాస్‌ అమ్మవారిపై తనకున్న భక్తి, విశ్వాసంతో ఈ ప్రత్యేక హారాన్ని తయారు చేయించారు. మహాలక్ష్మి అమ్మవారికి ఈ హారాన్ని త్వరలో సమర్పించనున్నట్లు శ్రీనివాస్‌ తెలిపాడు.

భైంసా పట్టణంలో ఆదివారం సద్దుల బతుకమ్మ వేడుకలు ఘనంగా జరుపుకున్నారు. ఏటా ఎంగిలిపూల మరుసటి రోజే సద్దుల బతుకమ్మ నిర్వహించడం ఇక్కడ ఆనవాయితీ. ఈ క్రమంలో మహిళలు, యువతులు ఉదయం నుంచే తీరొక్క పూలతో బతుకమ్మలను అందంగా పేర్చి అలంకరించారు. సాయంత్రం ఆయా కాలనీల నుంచి మహిళలు, యువతులు బతుకమ్మ పాటలకు కోలాటాలు, నృత్యాలతో బతుకమ్మలను ఊరేగింపుగా తీసుకెళ్లారు. గడ్డెన్నవాగు ప్రాజెక్టు వద్దకు చేరుకోగా, మున్నూరుకాపు మిత్రమండలి ఆధ్వర్యంలో ఏర్పాటు చేసిన స్వాగత కార్యక్రమంలో ఎమ్మెల్యే రామారావుపటేల్‌, మున్సిపల్‌ చైర్మన్‌ తూముల దత్తాత్రి మహిళలు, యువతులతో కలిసి బతుకమ్మ పాటలకు నృత్యం చేశారు. రాత్రి పొద్దు పోయేవరకు మహిళలు బతుకమ్మ ఆడారు. అనంతరం ప్రాజెక్టు నీటిలో నిమజ్జనం చేశారు. సత్తుపిండి వాయినం ఇచ్చి పుచ్చుకున్నారు. పోలీసులు బందోబస్తు నిర్వహించారు. – భైంసాటౌన్‌

భెంసా: చదువుకున్నా ఉద్యోగం దొరకక ఇంట్లోనే ఉంటున్న గ్రామీణ యువత భవిష్యత్‌కు భరోసా కల్పించేందుకు ప్రభుత్వం కార్యాచరణ ప్రారంభించింది. 18 నుంచి 35 ఏళ్ల మధ్య వయసున్న నిరుద్యోగులను గుర్తించి వారి విద్యార్హతలు, నైపుణ్యాలు, ఆసక్తులు, ఉపాధి అవసరాలను నమోదు చేస్తోంది. రాష్ట్రవ్యాప్తంగా గ్రామపంచాయతీల్లో పంచాయతీ కార్యదర్శుల ద్వారా ఈ వివరాలు సేకరిస్తున్నారు. అనేక గ్రామాల్లో దరఖాస్తుల స్వీకరణతో పాటు ఆన్‌లైన్‌ నమోదు కూడా జరుగుతోంది. పంచాయతీ కార్యదర్శులకు కీలక బాధ్యత గ్రామ పరిధిలోని చదువుకున్న నిరుద్యోగ యువతను గుర్తించే బాధ్యతను పంచాయతీ కార్యదర్శులకు అప్పగించారు. వారి పేరు, తల్లిదండ్రులు లేదా భర్త పేరు, లింగం, కులం, చిరునామా, జిల్లా, మండలం, గ్రామపంచాయతీ, గ్రామం, ఇంటి నంబర్‌ వంటి ప్రాథమిక వివరాలతో పాటు విద్యార్హతలు, నైపుణ్యాలు, ఉపాధి అవసరాలను సేకరించి ఆన్‌లైన్‌లో నమోదు చేస్తున్నారు. దీనివల్ల గ్రామాల వారీగా నిరుద్యోగ యువతపై సమగ్ర సమాచారం ప్రభుత్వానికి అందుబాటులోకి వస్తుంది. సేకరించిన డేటా ఆధారంగా యువతకు ఏ రంగంలో శిక్షణ అవసరమో, ఎలాంటి ఉద్యోగ అవకాశాలు కల్పించాలో, ఎవరికి స్వయం ఉపాధి పథకాలు ఉపయోగపడతాయో అనే అంశాలపై ప్రభుత్వం దృష్టి సారిస్తుంది. ఉద్యోగం, స్వయం ఉపాధికి అవకాశాలు యువతను కేవలం ఉద్యోగాలకే పరిమితం చేయకుండా ఉపాధి కల్పన, మార్కెటింగ్‌, వివిధ ప్రభుత్వ పథకాలు, నైపుణ్య శిక్షణ ద్వారా స్వయం ఉపాధి అవకాశాలు కల్పించాలని ప్రభుత్వం భావిస్తోంది. స్థానికంగా అందుబాటులో ఉన్న అవకాశాలను గుర్తించి వాటికి అనుగుణంగా శిక్షణ అందించి, గ్రామీణ ప్రాంతాల్లోని యువతకు తమ సొంత గ్రామంలోనే ఉపాధి లభించేలా కార్యాచరణ రూపొందించనున్నారు. సద్వినియోగం చేసుకోవాలి ఉద్యోగాల కోసం ఎదురుచూస్తున్న యువత వివరాలను సేకరిస్తున్నాం. విద్యార్హతలు, నైపుణ్యాలకు అనుగుణంగా ఉద్యోగ, స్వయం ఉపాధి అవకాశాలు కల్పించేందుకు ప్రభుత్వం చర్యలు తీసుకుంటోంది. గ్రామాల వారీగా పంచాయతీ కార్యదర్శుల ద్వారా వివరాలు సేకరిస్తున్న నేపథ్యంలో అర్హులైన యువత తమ వివరాలను నమోదు చేసుకోవాలి. జాబ్‌ మేళాలు, నైపుణ్య శిక్షణ కార్యక్రమాలను సద్వినియోగం చేసుకుని ఉపాధి అవకాశాలు పొందాలి. – విజయలక్ష్మి, జిల్లా ఎంప్లాయ్‌మెంట్‌ ఆఫీసర్‌ జాబ్‌ మేళాలతో ఉపాధి నిరుద్యోగ యువతకు ఉద్యోగాలు కల్పించేందుకు జిల్లా ఉపాధి కార్యాలయం ఆధ్వర్యంలో జాబ్‌ మేళాలు నిర్వహిస్తున్నారు. ప్రైవేటు సంస్థలు పాల్గొని ఖాళీలకు అనుగుణంగా అభ్యర్థులను ఎంపిక చేస్తున్నాయి. 2025 జనవరి నుంచి 2026 సెప్టెంబర్‌ వరకు నిర్వహించిన జాబ్‌ మేళాల ద్వారా అనేకమందికి ఉద్యోగాలు లభించాయి.జిల్లాలో 3,746 మంది నమోదు జిల్లా ఎంప్లాయ్‌మెంట్‌ ఆఫీసు లైవ్‌ రిజిస్టర్‌ ప్రకారం అక్టోబర్‌ 7 నాటికి 3,746 మంది ఉద్యోగార్థులుగా నమోదయ్యారు. వీరిలో 19 ఏళ్లలోపు వారు 133 మంది, 20–29 ఏళ్ల వారు 1,797 మంది, 30–39 ఏళ్ల వారు 1,816 మంది ఉన్నారు. విద్యార్హతల వారీగా పదో తరగతి ఉత్తీర్ణులు 1,052 మంది, ఇంటర్‌ 1,173 మంది, గ్రాడ్యుయేట్లు 931 మంది ఉన్నారు. పోస్టు గ్రాడ్యుయేట్లు, ప్రొఫెషనల్‌ కోర్సులు చదివిన వారు కూడా రిజిస్టర్‌లో ఉన్నారు.

కడెం: ప్రస్తుత కాలంలో యోగా విద్య ఎంతో అవసరమని, యోగా విద్యను విద్యాసంస్థల్లో కేజీ టూ పీజీ వరకు పాఠ్యాంశంగా అమలు చేయాలని హిమాలయ సిద్దయోగి జ్ఞాననందగిరి మహారాజ్‌ అన్నారు. మండలంలోని నవబ్‌పేట్‌ సత్యం ట్రెడిషనల్‌ యోగాశ్రమంలో యోగి సత్యం అధ్వర్యంలో ఆదివారం నిర్వహించిన బ్రహ్మజ్ఞాన యోగా విద్యా సంకల్ప సమాలోచన వేదిక జాతీయ స్దాయి రౌండ్‌ టెబుల్‌ కార్యక్రమంలో పాల్గొని మాట్లాడారు. ప్రతీ పాఠశాల, కళాశాలలో తప్పనిసరి యోగా, ధాన్యం గురించి బోధించాలని తెలిపారు. నేటి ఉరుకులు పరుగుల జీవితంలో యోగా, ధాన్యంతో ఎంతో ప్రశాంతత లభిస్తుందన్నారు. విద్యార్ది చెడు వ్యసనాలను ఆకర్షితులు కాకుండా, క్రమశిక్షణతో దేశ పౌరులుగా ఎదుగుతారని పేర్కొన్నారు. విద్యా సంస్థల్లో యోగా విద్య అమలుపై పలువురు యోగా గురువులు, న్యాయవాదులు, మేధావులు సలహాలు, సూచనలు చేశారు. తల్లిదండ్రులను ప్రత్యక్ష దైవలుగా భావిస్తానని, నేటి నుంచి త్రికరణ శుద్ధితో ధాన్యం చేస్తానని, పర్యావరణాన్ని పరిరక్షిస్తు, అన్ని మతాలు, కులాలను గౌరవిస్తానని బ్రహ్మజ్ఞాన భారత్‌ ప్రతిజ్ఞ చేశారు. ఇందులో డీసీసీ ప్రధాన కార్యదర్శి పొద్దుటూరి సతీశ్‌రెడ్డి, సీహెచ్‌.రాజేశ్‌, సత్యం ట్రెడిషనల్‌ ట్రస్ట్‌ సిబ్బంది పాల్గొన్నారు.

లోకేశ్వరం : జిల్లా రైతులు సన్నాల సాగుకు సై అంటున్నారు. ఇంతకాలం దొడ్డు, సన్న రకాలకు ఒకే ధర ఉండటంతో గిట్టుబాటు కాదని భావించిన రైతులు బోనస్‌ పథకం అమలుతో సన్నాలపై ఆసక్తి చూపుతున్నారు. ప్రభుత్వం సన్న బియ్యం పంపిణీ పథకం తీసుకురావడంతో మరింత ధీమా కలిగింది. ప్రస్తుత వానాకాలంలో జిల్లాలో వరి సాగులో 80 శాతం మంది సన్నాలే సాగు చేశారు. జిల్లాలో విస్తీర్ణం పెరుగుదల 2025–26 వానాకాలంలో 85 వేల ఎకరాల్లో సన్నాలు సాగు చేశారు. ప్రస్తుత వానాకాలంలో 1,13,350 ఎకరాలకు పెరిగింది. గతంలో అనేక నియోజకవర్గాల్లో సన్నాల సాగు కనిపించని పరిస్థితి ఉండేది. ఇప్పుడు రైతులు మారుతున్న కాలానికి అనుగుణంగా సన్నాల వైపు మొగ్గు చూపుతున్నారు. బోనస్‌తో లాభం ప్రభుత్వం కనీస మద్దతు ధరపై క్వింటాల్‌కు రూ.500 బోనస్‌ ఇస్తామని ప్రకటించింది. కేంద్రం నిర్ణయించిన రూ.2,389కు కలపడంతో రూ.2,889కు చేరింది. బహిరంగ మార్కెట్‌ ధరలు కూడా పెరిగాయి. వానాకాలంలో ఏడు రకాలు.. తెలంగాణ సోనా (ఆర్‌ఎన్‌ఆర్‌ 15048), సాంబ మసూరి (బీపీటీ 5204), కేఎన్‌ఎం 1638, హెచ్‌ఎంటీ సోనా, జైశ్రీరాం, వరంగల్‌ సిద్ది 44, కేఎన్‌ఎం 7715 సాగు చేయాలని సూచించింది. 17 శాతం తేమ శాతం తప్పనిసరి కావడంతో రైతులకు కొంత నష్టం ఉంటుందని, మాయిశ్చర్‌పై మినహాయింపులు కావాలని కోరుతున్నారు. విస్తీర్ణం పెరుగుతోంది సన్నాల సాగువిస్తీర్ణం గణనీయంగా పెరుగుతోంది. ప్రభుత్వం రూ.500 బోనస్‌ ఇవ్వడం, పౌర సరఫరాల ద్వారా సన్న బియ్యం పంపిణీ చేస్తుండడం ప్రభుత్వ ప్రోత్సాహం, వ్యవసాయ అధికారుల ప్రచారంతో సన్నాల సాగు పెరిగింది. చీడ పీడల సమస్య ఉంటే వ్యవసాయ అధికారుల సలహాలు, సూచనలు తీసుకోవాలి. మంచి దిగుబడులు సాధించాలి. – సుజాత, ఏడీఏ

సారంగపూర్‌: ఎల్‌నినో ప్రభావంతో ఈ ఏడాది ఆశించిన స్థాయిలో వర్షాలు కురవలేదు. దీంతో చెరువులు, కుంటలు, జలాశయాలు పూర్తిస్థాయిలో నిండలేదు. కొద్దిపాటి వర్షాలతో చేరిన నీటిని రైతులు వ్యవసాయానికి వినియోగిస్తున్నారు. మత్స్యశా ఖ ఆధ్వర్యంలో చేపపిల్లల విడుదలకు టెండర్‌ ప్ర క్రియ పూర్తయింది. త్వరలో విడుదలకు ఏర్పాట్లు జరుగుతున్నాయి. అయితే నీటి లభ్యత తక్కువగా ఉన్న సమయంలో విడుదల చేస్తే అవి ఎదగవని, మత్స్యకారులు ఆందోళన వ్యక్తం చేస్తున్నారు. జిల్లాలో విడుదల ప్రణాళికజిల్లాలో రిజర్వాయర్లు, చెరువులు కలిపి 562 ఉన్నాయి. ఈ ఏడాది 4,27,37,000 వేల చేపపిల్ల లు, రొయ్యలు విడుదల చేయాలని నిర్ణయించారు. శాశ్వతంగా నీరుండే రిజర్వాయర్లు, చిన్న ప్రాజెక్టుల్లో 80–100 మి.మీ. పరిమాణం, కాలానుగుణ చెరువులు, కుంటల్లో 35–40 మి.మీ. పరిమాణం చేపపిల్లల విడుదలకు కాంట్రాక్టు సంస్థలతో ఒప్పందం కుదిరింది. ఆలస్యం, నీటి కొరత..ఏటా ఆగస్టు–సెప్టెంబర్‌లో విడుదల పూర్తి కావాలి. ఈ ఏడాది ఆలస్యంతోపాటు ఎండల తీవ్రత, వ్యవసాయ వినియోగంతో నీరు అడుగంటుతోంది. తక్కువ నీటిలో విడుదల చేస్తే చేపపిల్లలు బతకవని మత్స్యకారులు పేర్కొంటున్నారు. నవంబర్‌–డిసెంబర్‌లో వదిలితే చలి, ఎండల కారణంగా అరకిలో వరకే ఎదుగుతాయని అంటున్నారు. సీజనల్‌ చెరువులు, కుంటలు అధికంగా ఉండటంతో 35–40 మి.మీ. సైజు చేపపిల్లలు ఎండలకు చనిపోయే ప్రమాదం ఉంది సొంతంగా కొనుగోలు..ప్రభుత్వం జాప్యం చేయడంతో మత్స్యకార, గంగపుత్ర, బెస్త కుటుంబాలు అప్పులు చేసి ఆంధ్ర ప్రాంతం నుంచి చేపపిల్లలు కొనుగోలు చేసి చెరువుల్లో వేశారు. దిలావర్‌పూర్‌ మండలం లోలం గ్రామ గంగపుత్ర సంఘం సభ్యులు సుమారు రూ.50 వేలు ఖర్చు చేశారు. జిల్లాలో అనేక చెరువుల్లో ఇలా సొంత డబ్బులతోనే విడుదల చేశారు. అధికారులు త్వరగా పెద్ద సైజు చేపపిల్లలు వదలాలని, సొంతంగా ఖర్చు చేసిన సంఘాలకు డబ్బులు తిరిగి ఇవ్వాలని కోరుతున్నారు. త్వరలో వదులుతాం.. త్వరలోనే చేపపిల్లలు చెరువులు, కుంటల్లో విడుదల చేసేలా చర్యలు చేపట్టాం. ఇప్పటికే ఉన్నతాధికారుల ఆదేశాల మేరకు ప్రక్రియ ప్రారంభానికి కాంట్రాక్టర్లతో మాట్లాడాం. ఉన్నతాధికారుల నుంచి స్పష్టమైన ఆదేశాలు రాగానే ప్రక్రియ ప్రారంభించి అతి త్వరగా పంపిణీ పూర్తిచేస్తాం. మత్స్యకార సంఘాలు తొందరపడి చేపపిల్లలు కొనుగోలు చేయొద్దు. – అవినాష్‌, ఇన్‌చార్జి డీఎఫ్‌వో, మత్స్యశాఖ

సారంగపూర్‌: గత వేసవిలో స్వర్ణ ప్రాజెక్టు మధ్య కాలువ షట్టరు విరిగిపోయింది. సాగునీరు వృథాగా గోదావరి పాలైంది. ఎట్టకేలకు అధికారులు మరమ్మతులు చేపట్టాలని నిర్ణయించారు. ఇటీవల ఆలూరు, బోరిగాం గ్రామాల రైతులు తమ పంటలకు నీరందడం లేదని కలెక్టరేట్‌ ఎదుట ఆందోళన చేయగా స్పందించిన నీటిపారుదల శాఖ డీఈ అనిల్‌ షట్టరు మరమ్మతులు చేయించేందుకు ఆదివారం ప్రాజెక్టు వద్దకు చేరుకున్నారు. ఈ విషయం తెలుసుకున్న గ్రామస్తులు, పరిసర గ్రామాల రైతులు షట్టరుకు మరమ్మతులు చేయించాల్సిన సమయంలో చేయించకుండా ఇప్పుడెలా చేస్తారని నిలదీశారు. ఒకవేళ షట్టరు కిందకు దిగని పక్షంలో ప్రస్తుతం ఉన్న కొద్ది నీరు కూడా వృథాగా పోతుందని ఆందోళన వ్యక్తం చేశారు. మరమ్మతు పనులు నిలిపివేయాలని అధికారులతో వాగ్వాదానికి దిగారు. ఎల్‌నినో ప్రభావంతో ఈయేడాది ప్రాజెక్టు పూర్తిస్థాయిలో నిండలేదని తెలిపారు. మరమ్మతుల పేరుతో ఉన్న కొద్దిపాటి నీటిని వృథా చేయొద్దని కోరారు. నీరు వృథాగా పోతే బావులు, బోర్లు కూడా ఎండిపోతాయని అన్నారు. దీంతో అధికారులు వెనుదిరిగారు.

భైంసాటౌన్‌: జిల్లాలో మళ్లీ దొంగతనాలు కలవరపె డుతున్నాయి. భైంసా డివిజన్‌ పరిధిలో ఇటీవల ఒకేరోజులో 8 ఇళ్లలో చోరీలు జరగడంపై ప్రజలు ఆందోళన చెందుతున్నారు. భైంసా మండలంతో పాటు పట్టణంలోని పలు ఇళ్లలో నుంచి బంగారం, వెండి, నగదుతోపాటు ఇతర వస్తువులు ఎత్తుకెళ్లిన విష యం తెలిసిందే. గతనెలలో జిల్లా కేంద్రంలో నూ చోరీలు జరిగిన సంగతి విదితమే. మళ్లీ భైంసా డివి జన్‌లో తాళాలు వేసిన ఇళ్లే లక్ష్యంగా పెద్ద ఎత్తున చోరులు దొంగతనానికి పాల్పడడంతో ప్రజలు ఆందోళన వ్యక్తం చేస్తున్నారు. పోలీసులు ఇప్పటికే పలు కేసులను ఛేదించి నిందితులను అరెస్ట్‌ చేశారు. తాజాగా భైంసా డివిజన్‌లో జరిగిన చోరీల ఘటనలో కేసు నమోదు చేసి దర్యాప్తు చేస్తున్నారు. సోషల్‌ మీడియాతో జాగ్రత్త.. ఇటీవలి కాలంలో చాలామందికి సోషల్‌మీడియా పిచ్చి పెరిగిపోయింది. ఎక్కడికెళ్లినా, ఏ సందర్భమైనా వెంటనే సోషల్‌మీడియా వేదికగా పంచుకుంటున్నారు. ప్రయాణంలో ఉన్నప్పుడు లేదా ఊరికి వెళ్లి నప్పుడు ఆ సమాచారాన్ని, ఫొటోలను వెంటనే సో షల్‌ మీడియాలో షేర్‌ చేస్తున్నారు. దీంతో కొందరికి మీరు ఇంట్లో లేరన్న విషయం మీరే తెలియజేసినట్లు అవుతుంది. అంతేగాక, ప్రయాణానికి సిద్ధమయ్యే తొందరలో తాళాలు వేయడం మరిచిపోకుండా, అన్ని భద్రతా ఏర్పాట్లు పక్కాగా చూసుకుని ప్రశాంతంగా మీ పండుగను, ట్రిప్‌ను జరుపుకోవాలని పోలీసులు సూచిస్తున్నారు. అప్రమత్తంగా ఉండాలి.. భైంసా సబ్‌ డివిజన్‌ పరిధిలో జరిగిన చోరీలకు సంబంధించి దాదాపు అన్ని కేసుల్లో నిందితులను గుర్తించాం. రెండు నెలలుగా ఎలాంటి చోరీలు జరగలేదు. తాజాగా 8 ఇళ్లలో జరిగిన దొంగతనానికి సంబంధించి కూడా ఆధారాలు సేకరించాం. నిందితులను గుర్తించే పనిలో ఉన్నాం. ప్రస్తుతం పండుగ సందర్భంగా ఊళ్లకు వెళ్లేవారు అప్రమత్తంగా ఉండాలి. ఇళ్లకు తలుపులు, కిటికిలు మూసివేసి తాళాలు వేసుకోవాలి. ఇళ్లలో విలువైన బంగారం, వెండి వస్తువులు, పెద్దమొత్తంలో నగదును ఉంచకుండా సురక్షిత ప్రదేశంలో భద్రపర్చుకోవాలి. అనుమానాస్పద వ్యక్తులు కనిపిస్తే పోలీసులకు సమాచారం ఇవ్వాలి. – సాయికుమార్‌, ఏఎస్పీ, భైంసా

తెలంగాణ: నిర్మల్‌ జిల్లాలో విషాదకర ఘటన చోటుచేసుకుంది. పత్తి పంటకు నీరు పెడుతున్న ఓ యువ రైతు ప్రమాదవశాత్తు విద్యుత్‌ షాక్‌కు గురై ప్రాణాలు కోల్పోయాడు. చేతికొచ్చిన వయసులో యువకుడు మృతి చెందడంతో కుటుంబంలో విషాదం నెలకొంది.వివరాల్లోకి వెళ్తే.. నిర్మల్‌ జిల్లా మామడ మండలం పరిమండల్‌ గ్రామానికి చెందిన నూక నరేష్‌ (27) పత్తి చేనులో పంటకు నీరు పెడుతున్నాడు. ఈ క్రమంలో ప్రమాదవశాత్తు విద్యుత్‌ షాక్‌కు గురయ్యాడు.విద్యుదాఘాతానికి గురైన నరేష్‌ అక్కడికక్కడే మృతి చెందాడు. ఈ ఘటనతో గ్రామంలో విషాద ఛాయలు అలుముకున్నాయి. కుటుంబ సభ్యులు కన్నీరుమున్నీరుగా విలపిస్తున్నారు. ఘటనకు సంబంధించిన పూర్తి వివరాలు తెలియాల్సి ఉంది.ఇదీ చదవండి: నల్లొండలో దారుణం.. ఇద్దరు బాలికల కిడ్నాప్‌ యత్నం!

కర్రలో కొలువైన దుర్గమ్మ భైంసా: నిర్మల్‌లో కొయ్యబొమ్మల నకాషీ కళా కారుల చేతుల్లో కర్ర ప్రాణం పోసుకుని దుర్గమ్మగా కొలువుదీరనుంది. కళా నైపుణ్యంతో చెక్కిన దుర్గమ్మ విగ్రహాన్ని కుభీర్‌ మండలంలోని సరిహద్దు గ్రామమైన పార్డి(కె)లో ఈ నవరాత్రుల్లో ప్రతిష్టించి ప్రత్యేక పూజలు నిర్వహించనున్నారు. కొయ్యతో అమ్మవారి విగ్రహాన్ని తయారు చేయించి పూజించాలని గ్రామస్తులు మూడేళ్లుగా చర్చిస్తున్నారు. ఈసారి ఆ ఆలో చన కార్యరూపం దాల్చింది. కళాకారులకు ఈ బాధ్యత అప్పగించగా, వారు అద్భుత శిల్పంగా మలిచి తీర్చిదిద్దారు. అమ్మవారి రూపురేఖ లు, ఆభరణాలు, అలంకరణలను చెక్కిన తీరు వారి నైపుణ్యానికి అద్దంపడుతోంది. కొయ్యలో రూపుదిద్దుకున్న శిల్ప సౌందర్యం, నవరాత్రుల భక్తి ఈసారి దుర్గమ్మ ఉత్సవాలు ఆధ్యాత్మిక శోభను సంతరించుకోనున్నాయి. పాలజ్‌ కర్ర గణేశుడి స్ఫూర్తితో.. పార్డి(కె)కి సుమారు 10 కి.మీ దూరంలోని పాలజ్‌ గ్రామంలో కొలువైన కర్ర గణేశుడు ఈ ప్రయత్నానికి స్ఫూర్తిగా నిలిచాడు. అక్కడ ఎన్నో ఏళ్లుగా వినాయక చవితి సందర్భంగా కర్రతో తయారైన గణేశుడిని ప్రతిష్టించి పూజి స్తున్నారు. ఆ ప్రత్యేక విగ్రహాన్ని దర్శించుకోవడానికి ఏటా అధిక సంఖ్యలో భక్తులు తరలివస్తుంటారు. అక్కడి కర్ర గణేశుడిని తీర్చిదిద్దిన నకాషీ కళాకారులే ఇప్పుడు దుర్గమ్మ విగ్రహాన్ని కూడా రూపొందించడం విశేషం. తొమ్మిది రోజుల ప్రత్యేక పూజలు నవరాత్రుల సందర్భంగా దుర్గమ్మను ప్రతిష్టించి తొమ్మిది రోజులపాటు ప్రత్యే క పూజలు నిర్వహించనున్నారు. నవదుర్గ రూపాల్లో అమ్మవారిని కొలుస్తూ భక్తి కార్యక్రమాలు చేపట్టేందుకు గ్రామస్తులు ఏర్పాట్లు చేస్తున్నారు. పార్డి(కె)తోపాటు చుట్టూపక్కల గ్రామాల నుంచి భక్తులు తరలివచ్చే అవకాశం ఉంది.

భైంసా: శరన్నవరాత్రి ఉత్సవాలకు బాసర శ్రీజ్ఞాన సరస్వతీ అమ్మవారి ఆలయంలో ఏర్పాట్లు చేశామని, పెద్ద ఎత్తున భక్తులు వచ్చే అవకాశం ఉన్నందున ఎలాంటి ఇబ్బందులు కలగకుండా అన్ని ఏర్పాట్లు చేస్తున్నామని ఆలయ ఈవో అంజనాదేవి తెలిపారు. ఈ నెల 16న మూల నక్షత్రం సందర్భంగా పెద్ద సంఖ్యలో భక్తులు వస్తారని, ఇందుకు ముందస్తు చర్యలు చేపట్టామన్నారు. భక్తుల సౌకర్యార్థం రవాణా, భద్రత, తాగునీరు, వెలుతురు తదితర వసతులు కల్పిస్తున్నట్లు వివరించారు. శరన్నవరాత్రి ఉత్సవాల ఏర్పాట్లపై ఆమె ‘సాక్షి’కి ఇచ్చి న ఇంటర్వ్యూలో పలు వివరాలు వెల్లడించారు. సాక్షి : ఉత్సవాలకు ఎలాంటి ఏర్పాట్లు చేస్తున్నారు? ఈవో : శరన్నవరాత్రి ఉత్సవాలకు బాసరకు పెద్ద సంఖ్యలో భక్తులు వచ్చే అవకాశం ఉంది. వారికి ఇబ్బందులు కలగకుండా ఏర్పాట్లు చేస్తున్నాం. భక్తుల రద్దీని దృష్టిలో ఉంచుకుని ముందస్తు ప్రణాళికతో ఏర్పాట్లు చేపట్టాం. ఉత్సవాల సమయంలో భక్తులు అసౌకర్యానికి గురికాకుండా చూస్తాం. సాక్షి : మూల నక్షత్రం వేడుకకు ఎలాంటి ఏర్పాట్లు చేస్తున్నారు? ఈవో :మూలా నక్షత్రం రోజున అమ్మవారి దర్శనం కోసం పెద్ద సంఖ్యలో భక్తులు వచ్చే అవకాశం ఉంది. ఈ నేపథ్యంలో పూర్తిస్థాయిలో ఏర్పాట్లు చేస్తున్నాం. భక్తులకు దర్శనంలో ఇబ్బందులు తలెత్తకుండా అవసరమైన చర్యలు తీసుకుంటున్నాం. రద్దీని నియంత్రించేందుకు అన్ని శాఖలను సమన్వయం చేసుకుంటున్నాం. సాక్షి : ఈసారి పూజా కార్యక్రమాల్లో మార్పులు ఉంటాయా? ఈవో : ఆలయంలో ప్రతిరోజూ నిర్వహించే పూజా కార్యక్రమాలు యథావిధిగా కొనసాగుతాయి. శరన్నవరాత్రి ఉత్సవాల్లో భాగంగా అమ్మవారి పూజల్లో పెద్ద సంఖ్యలో భక్తులు పాల్గొనేలా ఏర్పాట్లు చేస్తున్నాం. అమ్మవారి ఉపాసకుల కోసం తొమ్మిది రోజులపాటు డార్మెటరీ హాల్‌ను కేటాయించాం. సాక్షి : దూర ప్రాంతాల భక్తుల రవాణా సౌకర్యం కల్పిస్తున్నారా? ఈవో : భక్తుల సౌకర్యార్థం రైల్వే స్టేషన్‌ నుంచి ఆలయం వరకు రాత్రింబవళ్లు ఉచిత బస్సు సౌకర్యం ఏర్పాటు చేశాం. రైలులో వచ్చే భక్తులు ఆలయానికి చేరుకోవడానికి, తిరిగి వెళ్లడానికి ఈ సౌకర్యం ఉపయోగపడుతుంది. భక్తులు రవాణా విషయంలో ఇబ్బందులు పడకుండా చర్యలు తీసుకున్నాం. సాక్షి : భక్తుల భద్రతకు ఎలాంటి చర్యలు తీసుకుంటున్నారు? ఈవో : ఉత్సవాల సందర్భంగా అన్ని ప్రాంతాల్లో పోలీసు భద్రత ఏర్పాటు చేశాం. భక్తుల రద్దీని దృష్టిలో ఉంచుకుని భద్రతా చర్యలు చేపట్టాం. ఉత్సవాలు ప్రశాంతంగా నిర్వహించేందుకు చర్యలు తీసుకుంటున్నాం. సాక్షి : ఉత్సవాలకు ఎవరిని ఆహ్వానించారు? ఈవో: అమ్మవారి పూజా కార్యక్రమాల్లో పాల్గొనాల ని ప్రభుత్వ పెద్దలు, ప్రముఖులను ఆహ్వానించాం. స్థానిక ప్రజాప్రతినిధులను ఆహ్వానించాం. ఉత్సవాలు విజయవంతంగా నిర్వహించేందుకు అవసరమైన ఏర్పాట్లు చేస్తున్నాం. సాక్షి : భక్తులకు చేసే సూచనలు ఏమిటి? ఈవో : శరన్నవరాత్రి ఉత్సవాలకు బాసరకు పెద్ద సంఖ్యలో భక్తులు తరలివచ్చినా ఎలాంటి ఇ బ్బందులు కలగకుండా చూస్తాం. భక్తులకు అ వసరమైన సౌకర్యాలు కల్పిస్తాం. అమ్మవారి ద ర్శనానికి వచ్చే భక్తులు సహకరించి ఉత్సవాలు ప్రశాంతంగా నిర్వహించేందుకు తోడ్పడాలి. సాక్షి : గోదావరి తీరంలో ఎలాంటి ఏర్పాట్లు చేశారు? ఈవో : గోదావరి నది తీరానికి వచ్చే భక్తుల సౌకర్యార్థం షవర్లు ఏర్పాటు చేశాం. రాత్రి వేళల్లో భక్తులకు ఇబ్బంది పడకుండా హైమాస్ట్‌ లైట్లు ఏర్పాటు చేశాం. ఆలయ పరిసరాలతోపాటు భక్తుల రాకపోకలు ఎక్కువగా ఉండే ప్రాంతాల్లో తగిన వెలుతురు ఉండేలా చర్యలు చేపట్టాం.

నిర్మల్‌చైన్‌గేట్‌: రాష్ట్రంలో అమలువుతున్న వివిధ ఆరోగ్య కార్యక్రమాలు వంద శాతం అమలు చేయాలని రాష్ట్ర ఆరోగ్య, కుటుంబ సంక్షేమ శాఖ కమిషనర్‌ సంగీత సత్యనారాయణ అధికారులను ఆదేశించారు. అన్ని జిల్లాల వైద్య ఆరోగ్య శాఖ అధికారులతోపాటు వివిధ ఆరోగ్య కార్యక్రమాల నిర్వహణ అధికారులతో శుక్రవారం వీడియో కాన్ఫరెన్స్‌ నిర్వహించారు. జాతీయ ఆరోగ్య కార్యక్రమాలు, ఇప్పటివరకు సాధించిన ప్రగతి, లక్ష్యాల సాధనకు చేపడుతున్న చర్యలపై కమిషనర్‌ సుదీర్ఘంగా సమీక్షించారు. ఆరోగ్య పథకాలు, సేవల అమలులో జిల్లా మరింత పురోగతి సాధించాలని స్పష్టం చేశారు. డీఎంహెచ్‌వో డాక్టర్‌ రాజేందర్‌, వివిధ ఆరోగ్య కార్యక్రమాల అధికారులు పాల్గొన్నారు.

నిర్మల్‌చైన్‌గేట్‌: ప్రభుత్వ వైద్య కళాశాలలో విద్యార్థులకు నాణ్యమైన వైద్య విద్య అందించాలని కలెక్టర్‌ భవేశ్‌ మిశ్రా అధికారులను ఆదేశించారు. పట్టణంలోని ప్రభుత్వ వైద్య కళాశాలలో విద్య, మౌలిక సదుపాయాల కల్పన, ప్రభుత్వ ఆస్పత్రిలో అవసరమైన సదుపాయాల కల్పన, తదితర అంశాలపై శుక్రవారం సమావేశం నిర్వహించారు. వైద్య కళాశాలలోని విద్యార్థుల సంఖ్య, వారి విద్యా సంబంధిత విషయాలను అధ్యాపకులను అడిగి తెలుసుకున్నారు. వైద్య విద్యను అభ్యసించే విద్యార్థులకు అవసరమైన ప్రాక్టికల్‌ శిక్షణ ఇచ్చినప్పుడే వారి సామర్థ్యాలు పెరుగుతాయన్నారు. ప్రభుత్వ ఆస్పత్రిలోని ఆయా విభాగాల్లో అవసరమైన వైద్య సేవలను అందించేందుకు కావాల్సిన పరికరాలన్నీ ప్రాధాన్యత క్రమంలో సమకూర్చుకోవాలన్నారు. సమావేశంలో డీఎంహెచ్‌వో రాజేందర్‌, వైద్య కళాశాల ప్రిన్సిపల్‌ శారద, ప్రభుత్వ సాధారణ ఆస్పత్రి పర్యవేక్షకులు గోపాల్‌సింగ్‌, డీసీహెచ్‌వో కాశీనాథ్‌, అధికారులు, అధ్యాపకులు పాల్గొన్నారు. పారిశ్రామికవేత్తలను ప్రోత్సహించాలి నిర్మల్‌చైన్‌గేట్‌: జిల్లా సమగ్ర అభివృద్ధిలో భాగంగా ఔత్సాహిక పారిశ్రామికవేత్తలు, స్వయం సహాయక సంఘాల సభ్యులను ప్రోత్సహించాలని కలెక్టర్‌ భవేశ్‌ మిశ్రా అధికారులను ఆదేశించారు. నిర్మల్‌ రైజింగ్‌–2047 లక్ష్యంగా స్థానిక వనరులను వినియోగించుకుంటూ కొత్త పరిశ్రమలు, వ్యాపారాల ఏర్పాటుకు ప్రణాళికలు రూపొందించాలని సూచించారు. కలెక్టరేట్‌లో సంబంధిత శాఖల అధికారులతో శుక్రవారం నిర్వహించిన సమావేశంలో మాట్లాడారు. అమూల్‌ సంస్థను ఆదర్శంగా తీసుకుని జిల్లాలో పాల ఉత్పత్తి పెంచేందుకు చర్యలు చేపట్టాలన్నారు. గ్రామీణ ప్రాంతాల్లో లభించే వనరులతో వినూత్న వ్యాపారాలు ప్రారంభించేలా ఔత్సాహికులను ప్రోత్సహించాలని తద్వారా స్థానికంగా ఉపాధి అవకాశాలు పెరిగి ప్రజల జీవన ప్రమాణాలు మెరుగుపడతాయన్నారు. గోదావరి పుష్కరాల సందర్భంగా స్వయం సహాయక సంఘాల సభ్యులు తమ ఉత్పత్తులను విక్రయించుకునేందుకు ప్రత్యేక స్టాళ్లు ఏర్పాటు చేయాలని సూచించారు. జిల్లాలో పారిశ్రామిక యూనిట్ల స్థాపనకు అవసరమైన సాంకేతిక, ఆర్థిక సహకారం అందించేందుకు జిల్లా యంత్రాంగం సిద్ధంగా ఉందని తెలిపారు. అందుబాటులో ఉన్న అవకాశాలను సద్వినియోగం చేసుకుని జిల్లాను అభివృద్ధి పథంలో ముందుకు తీసుకెళ్లేందుకు పారిశ్రామికవేత్తలు, స్వయం సహాయక సంఘాల సభ్యులు ముందుకు రావాలని పిలుపునిచ్చారు. సమావేశంలో డీఆర్డీవో విజయలక్ష్మి, ఎస్సీ కార్పొరేషన్‌ ఈడీ శంకర్‌, ఎల్‌డీఎం రామ్‌గోపాల్‌, పారిశ్రామికవేత్తలు, వివిధ శాఖల అధికారులు పాల్గొన్నారు. రెవెన్యూ, అటవీ భూములకు హద్దులునిర్మల్‌చైన్‌గేట్‌: జిల్లాలో రెవెన్యూ, అటవీ భూసమస్యల పరిష్కారానికి భూముల రీసర్వే దోహదపడుతుందని కలెక్టర్‌ భవేశ్‌ మిశ్రా అన్నారు. కలెక్టరేట్‌ సమావేశ మందిరంలో భూముల రీసర్వే, అటవీ–రెవెన్యూ భూసమస్యలు, ఇసుక అక్రమ రవాణా నియంత్రణ తదితర అంశాలపై సంబంధిత శాఖల అధికారులతో శుక్రవారం సమీక్ష నిర్వహించారు. రీ సర్వే ప్రక్రియను సంబంధిత శాఖల అధికారులు నిరంతరం పర్యవేక్షిస్తూ, రోజువారీ లక్ష్యాలను నిర్దేశించుకుని గడువులోపు పూర్తిచేయాలన్నారు. రీసర్వేతో అటవీ, రెవెన్యూ, నీటిపారుదల తదితర ప్రభుత్వ శాఖలకు చెందిన భూముల హద్దులను స్పష్టంగా గుర్తించి, భూ సమస్యలు పరిష్కరించే అవకాశం ఉంటుందన్నారు. జిల్లాలో ఇసుక అక్రమ రవాణాను పూర్తిస్థాయిలో అరికట్టాలని ఆదేశించా రు. ఇన్‌చార్జి అదనపు కలెక్టర్‌ రాథోడ్‌ రమేశ్‌, డీఎఫ్‌ వో సుశాంత్‌ సుఖదేవ్‌ బోబడే, ఆర్డీవో దేవిదాస్‌, ల్యాండ్‌ సర్వే అండ్‌ రికార్డ్స్‌ ఏడీ విఠల్‌ పాల్గొన్నారు.

నిర్మల్‌టౌన్‌/భైంసాటౌన్‌: ఆర్టీసీ గుర్తింపు సంఘం ఎన్నికలు శుక్రవారం జిల్లాలో ప్రశాతంగా జరిగా యి. ఈ ఎన్నికల్లో ఎంప్లాయీస్‌ యూనియ న్‌, తెలంగాణ మజ్దూర్‌ యూనియన్‌ కలిసి పోటీ చేయగా, తెలంగాణ వర్కర్స్‌ యూనియన్‌, వర్కర్స్‌ ఫెడరేషన్‌ మరో కూటమి గా బరిలో నిలిచాయి. భారతీయ మజ్దూర్‌ సంఘ్‌(బీఎంఎస్‌) కూడా పోటీలో ఉంది. నిర్మల్‌ డిపోలో జరిగిన ఎన్నికల్లో డ్రైవర్లు, కండక్టర్లు, మెకానిక్‌లు, సూపర్‌వైజర్లు, ఇతర సిబ్బంది ఓటు హక్కును వినియోగించుకున్నారు. రెండు స్థాయిల్లో ఓటింగ్‌ రాష్ట్రవ్యాప్తంగా ఆర్టీసీ సంస్థకు ప్రాతినిధ్యం వహించే రాష్ట్రస్థాయి గుర్తింపు సంఘం కోసం క్లాస్‌–3కు, రీజియన్‌ పరిధిలోని సమస్యలను యాజమాన్యం దృష్టికి తీసుకెళ్లేందుకు రీజియన్‌ స్థాయి గుర్తింపు సంఘం కోసం క్లాస్‌–6కు ఓటింగ్‌ నిర్వహించారు. 90 శాతం పోలింగ్‌.. నిర్మల్‌ డిపో పరిధిలో 385 ఓట్లు ఉండగా, 370 పో లయ్యాయి. ఎంప్లాయీస్‌ యూనియన్‌–తెలంగా ణ మజ్దూర్‌ యూనియన్‌కు రాష్ట్రస్థాయి క్లాస్‌–3లో 319 ఓట్లు, డిపోస్థాయి క్లాస్‌–06 లో 300 ఓట్లు వచ్చాయి. బీఎంఎస్‌కు రాష్ట్రస్థాయిలో 29, డిపో స్థాయిలో 13 ఓట్లు లభించాయి. తెలంగాణ వర్క ర్స్‌ యూనియన్‌, స్టాఫ్‌ అండ్‌ వర్కర్స్‌ ఫెడరేషన్‌ కూటమికి రాష్ట్రస్థాయిలో 37, డిపోస్థాయిలో 37 ఓట్లు వచ్చాయి. దీంతో ఎంప్లాయీస్‌–తెలంగాణ మజ్దూర్‌ నాయకులు టపాసులు కాల్చి సంబరాలు చేసుకున్నారు. భైంసా డిపో పరిధిలో మొత్తం 193 మంది ఓటర్లు ఉండగా, 189 మంది తమ ఓటుహక్కు వినియోగించుకున్నారు. భైంసా డిపోలో క్లాస్‌–3కి 177, క్లాస్‌–6కు 178 ఓట్లు పోలయ్యాయి.

నిర్మల్‌ రూరల్‌: జిల్లాలోని అన్ని ప్రభుత్వ, ప్రైవేట్‌ పాఠశాలలు, కళాశాలలకు శనివారం నుంచి దసరా సెలవులు ప్రారంభం కానున్నా యి. కాలేజీలకు 21 వరకు, పాఠశాలకు ఈనెల 22 వరకు సెలవులు కొనసాగుతాయి. షెడ్యూ ల్‌ ప్రకారం ఈనెల 12 నుంచి సెలవులు ప్రారంభం కావాల్సిఉండగా.. రెండో శనివారం, ఆది వారంతో ముందుగానే సెలవులు వచ్చాయి. మానసిక ఆరోగ్యంపై అవగాహన ఉండాలి నిర్మల్‌టౌన్‌: మానసిక ఆరోగ్యంపై ప్రతి ఒక్కరూ అవగాహన కలిగి ఉండాలని జిల్లా న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి రవీందర్‌ అన్నారు. ప్రపంచ మానసిక ఆరోగ్య దినం పురస్కరించుకుని జిల్లా కేంద్రంలోని సబ్‌జైలులో జిల్లా న్యాయ సేవాధికార సంస్థ ఆధ్వర్యంలో శుక్రవారం న్యాయ విజ్ఞాన సదస్సు నిర్వహించారు. ప్రత్యేక సబ్‌జైలులో న్యాయ సేవల క్లినిక్‌ ప్రారంభించారు. లీగల్‌ ఎయిడ్‌ డిఫెన్స్‌ కౌన్సిల్‌ చీఫ్‌ రాజలింగం, మానసిక వైద్యనిపుణుడు సురేశ్‌ అల్లాడి, ప్రత్యేక సబ్‌జైలు సూపరింటెండెంట్‌ సూర్యప్రకాశ్‌రెడ్డి, న్యాయవాదులు పాల్గొన్నారు.

కడెం: మండలకేంద్రంలోని టూరిజం సంస్థకు చెందిన బృందావన్‌ రిసార్ట్స్‌ బకాయిలపై అడిషనల్‌ కలెక్టర్‌ రాథోడ్‌ రమేశ్‌, టూరిజం శాఖ ఏజీఎం రమేశ్‌, అధికారుల బృందం శుక్రవా రం విచారణ చేపట్టారు. రిసార్ట్స్‌ నిర్వహణ, బకాయిలపై ఎమ్మెల్యే బొజ్జు ఇటీవల కలెక్టర్‌ దృష్టికి తీసుకెళ్లారు. ఈ క్రమంలో అధికారులు విచారణకు వచ్చారు. బృందావన్‌ రిసార్ట్స్‌ కడెం–పెద్దూర్‌ పంచాయతీకి రూ.40,9251 ట్యాక్స్‌, విద్యుత్‌ బకాయి సుమారు రూ.2 లక్షల వరకు, టూరిజం శాఖకు చెల్లించాల్సిన లీజు బకాయి ఉన్నాయి. ఈ విషయమై అడిషనల్‌ కలెక్టర్‌ వివరణ కోరగా.. కలెక్టర్‌కు నివేదించనున్నట్లు తెలిపారు.

7మహిళల ఐక్యతకు వేదిక తొమ్మిది రోజుల బతుకమ్మ వేడుకల్లో ప్రతీ వీధి, ప్రతీ వాడలో మహిళలు పెద్ద సంఖ్యలో పాల్గొంటారు. కులమతాలకు అతీతంగా ఒకచోట చేరి బతుకమ్మలను ఆడుతూ పాడుతూ జరుపుకోవడం ఈ పండుగ ప్రత్యేకత. పరస్పర స్నేహభావం, ఐక్యత, సామాజిక సమైక్యతను పెంపొందించడంలో బతుకమ్మ కీలక పాత్ర పోషిస్తుంది. కాలానుగుణంగా కొత్త పాటలు, నృత్యాలు వేడుకల్లో భాగమవుతున్నాయి. సంప్రదాయ గేయాలతోపాటు నూతన గీతాలకు అనుగుణంగా నృత్యాలు చేస్తూ పండుగను మరింత ఉత్సాహంగా జరుపుకోవచ్చు. అయితే ఆధునికతను స్వీకరిస్తూనే సంప్రదాయ గేయాలకు, పండుగ ఆచారాలకు తగిన ప్రాధాన్యం ఇవ్వాలి. బతుకమ్మ కేవలం పూలతో చేసే వేడుక మాత్రమే కాదు. ప్రకృతి ఆరాధన, మహిళల ఐక్యత, తెలంగాణ అస్తిత్వం కలగలిసిన గొప్ప సాంస్కృతిక పండుగ. ఈ పండుగ వెనుక ఉన్న తాత్వికతను, సంప్రదాయాలను కాపాడుకుంటూ భావి తరాలకు అందించినప్పుడే బతుకమ్మ వైభవం తరతరాల పాటు కొనసాగుతుంది. ఖానాపూర్‌: తెలంగాణ ప్రజల ఆత్మగౌరవానికి, సంస్కృతికి ప్రతీకగా నిలిచే పండుగ బతుకమ్మ. ఈ పండుగ వెనుక ఒక గొప్ప చారిత్రక వాస్తవం దాగి ఉంది. మహాలయ అమావాస్య నుంచి దుర్గాష్టమి వరకు తొమ్మిది రోజులపాటు అత్యంత వైభవంగా జరుపుకునే ఈ పండుగ తెలంగాణలోనే పుట్టిందని, దీనికి సుమారు 1100 సంవత్సరాల చరిత్ర ఉందని వాస్తవ తెలంగాణ చరిత్ర పుస్తకాలు చెబుతున్నాయి. ఈ పండుగ కేవలం జానపద కథల ఆధారంగా కాకుండా, ఒక నిర్దిష్ట చారిత్రక సంఘటనతో ముడిపడి ఉంది. రంగురంగుల పూలతో బతుకమ్మలను పేర్చి, వాటి చుట్టూ చేరి ఆటపాటలతో జరుపుకునే ఈ పండుగ తెలంగాణ ప్రత్యేకతను ప్రపంచానికి చాటి చెబుతోంది. రాష్ట్రం ఏర్పడిన తర్వాత రాష్ట్ర పండుగగా గుర్తింపు లభించింది. అప్పటి నుంచి ప్రభుత్వం ప్రత్యేక శ్రద్ధతో వేడుకలను నిర్వహిస్తుండటంతో పండుగ వైభవం మరింత పెరిగింది. మన పండుగ గొప్పతనాన్ని, ఆచార వ్యవహారాల్లోని ప్రత్యేకతను ప్రపంచానికి పరిచయం చేస్తున్నాయి. శనివారం నుంచి బతుకమ్మ పండుగ ప్రారంభం కానున్న నేపథ్యంలో ప్రత్యేక కథనం. భక్తి, ప్రకృతి ఆరాధనకు ప్రతీక బతుకమ్మను గౌరమ్మగా, పార్వతీదేవి స్వరూపంగా భావించి మహిళలు భక్తిశ్రద్ధలతో పూజిస్తారు. ప్రకృతిలో లభించే వివిధ రకాల పూలతో బతుకమ్మలను పేర్చి పూజించడం ఈ పండుగలోని ప్రధాన విశిష్టత. ఎంగిలి పూల బతుకమ్మతో ప్రారంభమై సద్దుల బతుకమ్మతో ముగిసే తొమ్మిది రోజుల వేడుకలు అనేక ఆచారాలు, సంప్రదాయాలతో ముడిపడి ఉంటాయి. ప్రకృతితో మనిషికి ఉన్న అనుబంధాన్ని చాటిచెప్పే ఈ పూల పండుగ తెలంగాణ ప్రజల జీవన విధానంతో ముడిపడి ఉంది. ఆటపాటల్లో తెలంగాణ సంస్కృతి బతుకమ్మ పండుగలో ఆటపాటలకు ప్రత్యేక ప్రాధాన్యం ఉంది. తెలంగాణ సంస్కృతి, సంప్రదాయాలు, సామాజిక జీవనాన్ని ప్రతిబింబించే బతుకమ్మ పాటలు తరతరాలుగా కొనసాగుతున్నాయి. మహిళలు సామూహికంగా ఒకచోట చేరి, లయబద్ధంగా చప్పట్లు కొట్టుతూ పాడే సంప్రదాయ గేయాలు వేడుకలకు ప్రత్యేక ఆకర్షణగా నిలుస్తాయి. పాటల్లోని భావాలు, పల్లవులు, జానపద పదాలు తెలంగాణ సాంస్కృతిక వైభవాన్ని ప్రతిబింబిస్తాయి. భక్తితోపాటు సామాజిక అంశాలు, కుటుంబ అనుబంధాలు, మహిళల జీవిత అనుభవాలు కూడా ఈ పాటల్లో కనిపిస్తాయి. ఇవి మహిళల మధ్య ఆత్మీయతను పెంపొందించడమే కాకుండా, సంప్రదాయాలను భావి తరాలకు అందించే వారధిగా నిలుస్తాయి. ఖానాపూర్‌ మండలం బావాపూర్‌(కె) గ్రామంలో బతుకమ్మ ఆడుతున్న ఆడపడుచులు విదేశాల్లోనే ఉత్సవాలు నేను, నా భర్త ఇద్దరం సాఫ్ట్‌వేర్‌ ఇంజినీర్లం. పదేళ్లుగా విదేశాల్లో ఉంటున్నాం. పండుగలు కూడా అక్కడే జరుపుకుంటున్నాం. తెలంగాణ రాష్ట్ర పండుగ బతుకమ్మను ఇక్కడ కూడా ప్రత్యేకంగా జరుపుకుంటాం. నా భర్త జనార్దన్‌ జానపద కళాకారుడు కూడా. తెలంగాణ పండుగలపై ఎన్నారైలను చైతన్యపరుస్తున్నాడు. – పన్నెల రూప జనార్దన్‌, ఎన్నారైగల్ఫ్‌లో జరుపుకుంటాం ఉపాధి నిమిత్తం గల్ఫ్‌ దేశమైన ఒమన్‌(మస్కట్‌)లో ఉంటున్నాం. సద్దుల బతుకమ్మ ఉత్సవాలు ఏటా సంబరంగా జరుపుకుంటాం. ఇండియన్‌ సోషల్‌ క్లబ్‌ ఒమన్‌ అధ్యక్షుడు నా భర్త గుండేటి గణేశ్‌ ప్రత్యేక చొరవ తో కొన్నేళ్లుగా ఇక్కడ ప్రత్యేక ఉత్సవాలను జరుపుకుంటున్నాం. తెలంగాణ మహిళలంతా ఉత్సవాలను జయప్రదం చేస్తున్నారు. – గుండేటి సంధ్య గణేశ్‌, తర్లపాడ్‌అమ్మవాళ్ల ఇంటికి వెళ్తా.. బతుకమ్మ, దసరా సందర్భంగా పిల్లలకు సెలవులు రాగానే అమ్మవాళ్ల ఇంటికి వెళ్తాం. పూల పండుగ, దుర్గా నవరాత్రులు, దసరా అక్కడే చేసుకుంటాం. మిగతా పండుగలన్ని అత్తవారింటి వద్దే చేసుకుంటాం. బతుకమ్మ పండుగ మాత్రం పుట్టింట్లో జరుపుకుంటాం. – ఆడెపు సరిత, ఖానాపూర్‌

లక్ష్మణచాంద: తెలంగాణ రాష్ట్ర పండుగ బతుకమ్మ. ఆడపడుచులు ఎక్కడ ఉన్నా బతుకమ్మ సమయంలో పుట్టింటికి చేరుకుని తీరొక్క పూలతో బతుకమ్మను చేసి ఆరాధిస్తారు. రాష్ట్రం ఏర్పడిన తర్వాత బతుకమ్మ ప్రాధాన్యత, ప్రాముఖ్యతను విద్యార్థులకు తెలియజేసేందుకు సెలవులకు ముందు రోజు పాఠశాలల్లో కూడా బతుకమ్మ వేడుకలు నిర్వహిస్తున్నారు. ఈ ఏడాది పీఎంశ్రీ పాఠశాలలకు ప్రభుత్వం బతుకమ్మ నిధులు మంజూరు చేసింది. జిల్లాలో నిధులు జిల్లా వ్యాప్తంగా 20 పీఎంశ్రీ పాఠశాలలు ఉన్నాయి. ఒక్కో పాఠశాలకు బతుకమ్మ సంబరాల నిర్వహణ కోసం రూ.10 వేల చొప్పున రాష్ట్ర ప్రభుత్వం మంజూరు చేసింది. మొత్తం రూ.2 లక్షలు జిల్లాకు వచ్చాయి. శనివారం నుంచి దసరా సెలవులు ఉండడంతో శుక్రవారం జిల్లాలోని అన్ని పీఎంశ్రీ పాఠశాలల్లో బతుకమ్మ సంబరాలను నిర్వహించారు. రంగురంగుల పూలు, బతుకమ్మల కొనుగోలు, ముగ్గులు, ప్లెక్సీ, సౌండ్‌ సిస్టమ్‌, కోలలు, బాలికలకు స్వీట్లు వంటి కొనుగోలు చేశారు. ముందస్తు ఖర్చులు పీఎంశ్రీ పాఠశాలల్లో నిర్వహించే బతుకమ్మ సంబరాల కోసం ప్రభుత్వం నిధులు మంజూరు చేసింది. అయితే ఆయా పాఠశాలల ప్రధానోపాధ్యాయులు, ఎస్‌వోలు, ప్రిన్సిపాల్స్‌ ముందుగా సంబరాలకు అయిన ఖర్చులు పెట్టి, అనంతరం బిల్లులు సమర్పించి ఎస్టీవో నుంచి తీసుకుంటామని తెలిపారు. నిధులతో ఘనంగా సంబరాలు జిల్లాలోని పీఎంశ్రీ ప్రభుత్వ పాఠశాలల్లో నిర్వహించే బతుకమ్మ సబంరాలు మరింత ఘనంగా నిర్వహించేందుకు రాష్ట్ర ప్రభుత్వం ఈ ఏడాది నిధులు మంజూరు చేసింది. ఒక్కో పాఠశాలకు రూ.10 వేలు కేటాయించింది. ఈ నిధులను సద్వినియోగం చేసుకుని పాఠశాలలో ఘనంగా సంబరాలు నిర్వహించాం. – భోజన్న, డీఈవో

భైంసాటౌన్‌: పట్టణంలోని ఏఎంసీ మార్కెట్‌యార్డులో పంట ఉత్పత్తుల విక్రయానికి రైతులకు అవస్థలు పడుతున్నారు. అధికారుల నిర్లక్ష్యం, సర్వర్‌ మొరాయింపుతో గంటల తరబడి పడిగాపులు కాస్తున్నారు. గురువారం పెద్దమొత్తంలో రైతులు పంట ఉత్పత్తులు విక్రయానికి తేగా, ఈనామ్‌ సర్వర్‌ సమస్యతో బీట్‌ నిర్వహణలో జాప్యం జరిగింది. ఏఎంసీ అధికారులు ఓపెన్‌ ఆక్షన్‌ ద్వారా బీట్‌ నిర్వహించారు. శుక్రవారం రైతులెవరూ పంట ఉత్పత్తులను విక్రయానికి తేవద్దని ప్రకటించారు. శనివారం అమావాస్య, ఆదివారం సెలవు కావడంతో రెండు రోజులు మార్కెట్‌లో బీట్‌ బంద్‌ ఉంటుంది. మళ్లీ సోమవారం వరకు వేచి చూడాల్సిన పరిస్థితి.

నిర్మల్‌చైన్‌గేట్‌: టీబీ రహిత భారత్‌ లక్ష్య సాధనలో భాగంగా టీబీ రహిత జిల్లాకు ప్రతి ఒక్కరూ కృషి చేయాలని అడిషనల్‌ కలెక్టర్‌ రాథోడ్‌ రమేశ్‌ సూచించారు. జిల్లా కేంద్రంలో జోష్‌ టీమ్స్‌ ఆధ్వర్యంలో గురువారం అవగా హన కార్యక్రమం నిర్వహించారు. వ్యాధి లక్షణాలు, ప్రారంభంలోనే గుర్తించడం, పరీక్షలు నిర్వహించడం, పూర్తిస్థాయి చికిత్స అందించడం వంటి అంశాలపై అవగాహన కల్పించా రు. ప్రజలు భాగస్వాములైతేనే టీబీ నిర్మూలన సాధ్యమవుతుందన్నారు. డీఎంహెచ్‌వో డాక్టర్‌ రాజేందర్‌ మాట్లాడుతూ రెండు వారాలకు మించి దగ్గు, జ్వరం, ఆకలి మందగించడం, బరువు తగ్గడం వంటి లక్షణాలు ఉంటే ఆరో గ్య కేంద్రంలో ఉచితంగా పరీక్షలు చేయించుకోవాలన్నారు. క్రమం తప్పకుండా మందులు వాడితే టీబీ పూర్తిగా నయమవుతుందని స్పష్టం చేశారు. ప్రశంసా పత్రాలు.. 2025లో ఒక్క టీబీ కేసు కూడా నమోదు కాని తల్వేద, రాసిమెట్ల, కొండకూరు, ఇటిక్యాల, సంఘంపేట్‌–చందారం గ్రామ పంచాయతీల సర్పంచులకు అడిషనల్‌ కలెక్టర్‌ చేతుల మీదుగా ప్రశంసాపత్రాలను అందజేశారు. టీబీ అవగాహన కార్యక్రమాల్లో చురుగ్గా పాల్గొంటున్న ఎన్‌సీసీ విద్యార్థుల కు ప్రశంసాపత్రాలు అందించారు. ప్రోగ్రాం ఆఫీ సర్లు డాక్టర్‌ పవన్‌, డాక్టర్‌ సౌమ్య, డిప్యూటీ డీఈ ఎంవో బారె రవీందర్‌, హెల్త్‌ ఎడ్యుకేటర్‌ గణేశ్‌, డీపీవో రాంచందర్‌, ఎంపీడీఓలు, హెల్త్‌ స్టాఫ్‌, ఎన్‌సీసీ క్యాడెట్లు పాల్గొన్నారు.

నిర్మల్‌చైన్‌గేట్‌: ఓటర్ల సవరణ ప్రక్రియలో చోటుచేసుకుంటున్న అక్రమాలు, అవకతవకలను నిరసిస్తూ, ప్రజల ఓటు హక్కును పరిరక్షించాలనే డిమాండ్‌తో ఇండియా కూటమి, ఏఐసీసీ, టీపీసీసీ పిలుపు మేరకు నిర్మల్‌లో కాంగ్రెస్‌ ఆధ్వర్యంలో ‘బ్లాక్‌ డే’ నిరసన, నిరాహార దీక్ష నిర్వహించారు. డీసీసీ అధ్యక్షుడు, ఖానాపూర్‌ ఎమ్మెల్యే వెడ్మ బొజ్జు పటేల్‌ పిలుపు మేరకు, నిర్మల్‌ నియోజకవర్గ ఇన్‌చార్జి కూచడి శ్రీహరిరావు నాయకత్వంలో స్థానిక ఆర్డీవో కార్యాలయం ఎదుట దీక్ష చేపట్టారు. ఎన్నికల వ్యవస్థపై ప్రజల్లో విశ్వాసం కల్పించాల్సిన బాధ్యత కేంద్ర ఎన్నికల సంఘంపై ఉందన్నారు. జ్ఞానేశ్‌ కుమార్‌ రాజీనా మా చేయాలని డిమాండ్‌ చేశారు. శాంతియుతంగా నిరసన తెలుపుతున్న రాహుల్‌ గాంధీ, కాంగ్రెస్‌ అగ్రనేత ప్రియాంక గాంధీ, ఇండి యా కూటమి ఎంపీలను అరెస్ట్‌ చేయడాన్ని ఖండించారు. ఈ పరిణామాలకు బాధ్యత వహిస్తూ ప్రధాని నరేంద్రమోదీ, కేంద్ర హోంమంత్రి అమిత్‌ షా రాజీనామా చేయాలని డిమాండ్‌ చేశారు. కార్యక్రమంలో మాజీ మంత్రి ఇంద్రకరణ్‌రెడ్డి, మున్సిపల్‌ వైస్‌ చైర్మన్‌ అ ప్పాల గణేశ్‌చక్రవర్తి, మార్కెట్‌ కమిటీ చైర్మన్‌ సోమ భీమ్‌రెడ్డి, నిర్మల్‌ పట్టణ కాంగ్రెస్‌ అధ్యక్షుడు ఆకుల హరీశ్‌కుమార్‌, కౌన్సిలర్లు, స ర్పంచులు, మండల అధ్యక్షులు, నాయకులు పాల్గొన్నారు.

ఆదిలాబాద్‌/నిర్మల్‌టౌన్‌/ఆసిఫాబాద్‌/మంచిర్యాలఅర్బన్‌: తెలంగాణ ఆర్టీసీలో దాదాపు పదేళ్ల విరామం తర్వాత గుర్తింపు సంఘం ఎన్నికలకు రంగం సిద్ధమైంది. శుక్రవారం ఉదయం 5గంటలకు పోలింగ్‌ ప్రారంభమై సాయంత్రం 6గంటల వరకు కొనసాగనుంది. ఎన్నికల నిర్వహణకు రిటర్నింగ్‌ అధికారులు ఇప్పటికే ఏర్పాట్లు పూర్తి చేశారు. ఉమ్మడి ఆదిలాబాద్‌ జిల్లా పరిధిలోని ఆరు ఆర్టీసీ డిపోల్లో డ్రైవర్లు, కండక్టర్లు, మెకానిక్‌లు, సూపర్‌వైజర్లు, ఇతర సిబ్బంది తమ ఓటు హక్కు వినియోగించుకునేలా కార్మిక శాఖ అధికారులు పోలింగ్‌ ఏర్పాట్లు చేశారు. ఎన్నికలు ప్రశాంతంగా, పారదర్శకంగా జరిగేలా అధికారులు చర్యలు చేపట్టారు. గుర్తింపు సంఘం ఎన్నికల బరిలో మొత్తం 12 కార్మిక సంఘాలు నిలిచాయి. మంచిర్యాలలో అత్యధికం..ఆయా డిపోల పరిధిలో 1,773 మంది ఆర్టీసీ ఉద్యోగులు తమ ఓటు హక్కును వినియోగించుకోనున్నారు. మంచిర్యాల డిపోలో అత్యధికంగా 403మంది ఓటర్లు ఉన్నారు. ఆయా డిపోల్లో ఏర్పాటు చేసిన పోలింగ్‌ కేంద్రాల్లో ప్రతీ ఉద్యోగి బ్యాలెట్‌ పద్ధతిన రెండు ఓట్లు వేయాల్సి ఉంటుంది. ఒక ఓటును రాష్ట్రస్థాయి గుర్తింపు సంఘానికి, మరో ఓటును స్థానిక గుర్తింపు సంఘం కోసం వినియోగించాలి. రాష్ట్రస్థాయి బ్యాలెట్‌ పేపర్‌, రీజియన్‌ బ్యాలెట్‌ పేపర్లు వేర్వేరు రంగుల్లో ముద్రించారు. ప్రిసైడింగ్‌ ఆఫీసర్‌, అసిస్టెంట్‌ ప్రిసైడింగ్‌ ఆఫీసర్‌, ఇద్దరు పోలింగ్‌ సిబ్బందిని నియమించారు. యూనియన్‌ తరఫున ఒక్కొక్కరు పోలింగ్‌ ఏజెంట్‌గా పాల్గొంటారు. పోలింగ్‌ కేంద్రాల్లోకి సెల్‌ఫోన్లపై ఆంక్షలు విధించారు. మంచిర్యాల డిపోలో పోలింగ్‌ కేంద్రాలకు అసిస్టెంట్‌ కమిషనర్‌ ఆఫ్‌ లేబర్‌ దుర్గం క్రాంతి పర్యవేక్షణలో గురువారం బ్యాలెట్‌ బాక్సులను తరలించారు. ఒక బ్యాలెట్‌ బాక్సు అవసరమైనప్పటికీ మరొకటి అదనంగా అందుబాటులో ఉంచారు. పోలింగ్‌ పూర్తయిన అనంతరం బ్యాలెట్‌ బాక్సులను పటిష్ఠ భద్రత మధ్య భద్రపర్చనున్నారు. ఈ నెల 14, 15వ తేదీల్లో పోస్టల్‌ బ్యాలెట్‌ ప్రక్రియ కొనసాగుతుంది. అనంతరం ఈ నెల 17న ఓట్ల లెక్కింపు చేపట్టి, అదే రోజు సాయంత్రం ఫలితాలు వెల్లడిస్తారు. హోరాహోరీ ప్రచారం..ఓటర్లను ఆకట్టుకోవడానికి ఆయా సంఘాలు హోరాహోరీగా ప్రచారం చేశాయి. ఆర్టీసీని ప్రభుత్వం విలీనం, పీఆర్సీ, డీఏ బకాయిలు, ఉద్యోగ భద్రత చుట్లూ ప్రచారం సాగింది. రెండు కూటమిల మధ్య తీవ్ర పోరు నెలకొంది. టీఎంయూ, ఎన్‌ఎంయూ, ఎంప్లాయిస్‌ యూనియన్లు కూటమిగా బరిలో దిగగా ఎస్‌డబ్ల్యూఎఫ్‌, ఎస్‌డబ్ల్యూయూలు టీడబ్ల్యూయూ గుర్తుపై పోటీలో నిలిచాయి. డిపో ఓటర్లు మంచిర్యాల 403 ఆదిలాబాద్‌ 398 నిర్మల్‌ 385 ఆసిఫాబాద్‌ 251 భైంసా 193 ఉట్నూర్‌ 111 ఆర్‌ఎం ఆఫీస్‌ 32 మొత్తం 1773 2016లో చివరిసారిగా..ఆర్టీసీలో కార్మిక సంఘాల గుర్తింపు ఎన్నికలు 2016లో చివరిసారిగా జరిగాయి. ఆ తర్వాత గత ప్రభుత్వ హయాంలో యూనియన్లను రద్దు చేయడంతో కార్మిక సంఘాల ఉనికి ప్రశ్నార్థకంగా మారింది. సమస్యల పరిష్కా రం, హక్కుల కోసం పోరాడే సంఘాలు లేకపోవడంతో కార్మికులు ఇబ్బందులు ఎదుర్కొన్నారు. ఎట్టకేలకు కాంగ్రెస్‌ ప్రభుత్వం ఆర్టీసీ గుర్తింపు సంఘం ఎన్నికల నిర్వహణకు షె డ్యూల్‌ ప్రకటించడంతో కార్మిక సంఘాల్లో ఉ త్సాహం నెలకొంది. పోటాపోటీగా ప్రచారం నిర్వహించారు. సుదీర్ఘ విరామం తర్వాత జరుగుతున్న ఈ ఎన్నికల్లో కార్మికులు ఎవరికి పట్టం కడతారన్నది ఆసక్తికరంగా మారింది.

సాక్షి, ఆదిలాబాద్‌: కేంద్ర ఎన్నికల సంఘం నిర్వహిస్తున్న ప్రత్యేక సమగ్ర సవరణ (సర్‌) ప్రక్రియలో అభ్యంతరాలు, ఫిర్యాదుల స్వీకరణ గడువు బుధవారం ముగిసింది. ఫారం–6, 6ఏ, 7, 8 అందజేత కూడా పూర్తి కాగా, ఇక పరిశీలన కొనసాగనుంది. సర్‌ ప్రక్రియలో భాగంగా ఆగస్టు 17న ముసాయిదా ఓటర్ల జాబితాను కేంద్ర ఎన్నికల సంఘం రాష్ట్రంలో జారీ చేసిన విషయం తెలిసిందే. గత జూన్‌ నాటికి ఆయా జిల్లాల్లోని ఓటర్ల నుంచి ఎన్యూమరేషన్‌ ఫారాల స్వీకరణ, డిజిటలైజేషన్‌ కొనసాగింది. డెత్‌, షిఫ్టింగ్‌, డూప్లికేట్‌, ఆబ్సెంట్‌ అంశాల ఆధారంగా ఓటర్లను తొలగించి డిజిటలైజేషన్‌ ప్రకా రం ముసాయిదా ఓటరు జాబితాను అప్పట్లో విడుదల చేశారు. అప్పటి నుంచి వివిధ ఫారాల ఆధారంగా అభ్యంతరాలు, దరఖాస్తులు స్వీకరించారు. పరిశీలన ప్రక్రియ మొదలుఫారం–6 ద్వారా వచ్చిన కొత్త ఓటర్ల దరఖాస్తుల పరిశీలన, వివిధ నోటీసుల పరిష్కార ప్రక్రియ చేపట్టనున్నారు. కొత్త ఓటర్ల కచ్చిత సంఖ్య, మొత్తం ఓటర్ల వివరాలతో కూడిన తుది జాబితాను నవంబ ర్‌ 9న విడుదల చేయనున్నారు. ఉమ్మడి జిల్లాలో ఫారం–6 ద్వారా కొత్తగా ఓటు నమోదుకు 16,223 మంది దరఖాస్తు చేసుకున్నారు. విదేశాల్లో నివసిస్తున్న భారతీయులు ఓటరుగా నమోదుకు 6ఏ ఫారంతో దరఖాస్తు చేసుకున్నారు. దీంట్లో ఆదిలా బాద్‌ జిల్లా నుంచి 13మంది, నిర్మల్‌ నుంచి 25, మంచిర్యాల నుంచి 17, కుమురంభీం ఆసిఫాబాద్‌ నుంచి ఆరుగురు నమోదు చేసుకున్న ట్లు అధికారులు తెలిపారు. ఫారం–7పై వివాదం కొనసాగుతుండగా, దీనికి సంబంధించి ఉమ్మడి జిల్లాలో 1,224 దరఖాస్తులు వచ్చాయి. మంచిర్యా ల నియోజకవర్గం నుంచి అత్యధికంగా 474 ఉండటం గమనార్హం. ఫారం–8కు సంబంధించి 24,346 దరఖాస్తులు రాగా, వాటి విచారణ కొనసాగుతోంది. ఏ ఫారం ఎందుకు..ఫారం–6ను కొత్తగా ఓటరుగా నమోదు చేసుకునేందుకు వినియోగించాలి. ఫారం–6ఏను ఎన్‌ఆర్‌ఐలు ఓటరుగా నమోదు చేసుకోవడానికి, ఫారం–7ను ఓటరు జాబితా నుంచి పేరు తొలగింపు, అభ్యంత రం తెలపడానికి వాడాలి. ఫారం–8ను డేటాబేస్‌లో దిద్దుబాటు, ఓటరు కార్డు మార్పు, స్థానచలనం కోసం వినియోగించాలి. నోటీసులోని అంశాలుసర్‌ ప్రక్రియలో నో మ్యాపింగ్‌, అనామలిస్‌ అనే అంశాల ఆధారంగా ముసాయిదా జాబితా లోని ఓటర్లకు అప్పట్లో నోటీసులు జారీ చేశారు. పాత ఓటరు రికార్డులతో ఇప్పటి ఓటరు వివరాలు సరిపోల్చినపుడు ఎలాంటి లింక్‌, మ్యాచ్‌ దొరకక పోవడాన్ని నోమ్యాపింగ్‌ అంటారు. ఓటరు వివరాలు డేటాబేస్‌ లో ఉన్నప్పటికీ పేర్లు, వయస్సు తేడాలు, స్పష్టత లేని ఫొటోలు, ఇంటి పేరు మారడం, తండ్రి పేరుకు బదులు భర్త పేరు నమోదు ఆధారంగా అనామలిస్‌లో నమోదు చేశారు.నోటీసుల జారీ, విచారణ వివరాలుజిల్లా జారీ అయిన విచారణ పెండింగ్‌ నోటీసులు పూర్తి ఆదిలాబాద్‌ 1,50,244 1,25,805 24,601 నిర్మల్‌ 2,22,003 2,04,419 17,441 మంచిర్యాల 1,70,633 1,45,419 24,821 కు.ఆసిఫాబాద్‌ 1,05,342 96,055 9,712

లక్ష్మణచాంద: పాఠశాలల ప్రారంభంలోనే విద్యార్థులకు మొదటి భాగం పాఠ్య పుస్తకాలను ప్రభుత్వం అందించింది. ఎప్పటినుంచో ఎదురుచూస్తున్న రెండో భాగం(పార్ట్‌–2) పాఠ్యపుస్తకాలు జిల్లా కేంద్రానికి చేరాయి. వాటిని త్వరలోనే విద్యార్థులకు అందించేందుకు జిల్లా విద్యాశాఖ అధికారులు తగిన చర్యలు చేపడుతున్నారు. జిల్లాలో ఇలా.. జిల్లాలో ప్రభుత్వ ప్రాథమిక పాఠశాలలు 498, ప్రాథమికోన్నత పాఠశాలలు 89, ప్రభుత్వ ఉన్నత పాఠశాలలు 118, కేజీబీవీలు 18, మోడల్‌ స్కూల్‌ ఒకటి ఉన్నాయి. వీటిలో మొత్తం 47,330 మంది విద్యార్థులు చదువుతున్నారు. పాఠ్యపుస్తకాలు ఆంగ్లం, తెలుగు రెండు మాధ్యమాల్లో ముద్రించడంతో వాటిని రెండు భాగాలుగా అందిస్తున్నారు. మొదటి భాగం ఇప్పటికే అందించగా, రెండో భాగాన్ని త్వరలో అందించనున్నారు. జిల్లాకు చేరిన పుస్తకాలు.. జిల్లాలో విద్యార్థులకు అందించడానికి మొత్తం 1,13,950 పార్ట్‌–2 పాఠ్యపుస్తకాలు అవసరం. ఇప్పటి వరకు జిల్లా కేంద్రానికి 1,06,000 చేరాయి. మిగిలిన 7,950 పుస్తకాలు దసరా సెలవుల్లో వస్తాయని అధికారులు తెలిపారు. జిల్లా కేంద్రానికి వచ్చిన పార్ట్‌–2 పుస్తకాలను దసరా సెలవుల్లోనే ఆయా ఎంఆర్‌సీలకు సరఫరా చేసి, అక్కడి నుంచి పాఠశాలలకు పంపిస్తామని పేర్కొన్నారు. దసరా సెలవులు ముగిసిన తర్వాత విద్యార్థులకు పంపిణీ చేస్తామని వెల్లడించారు. త్వరలోనే పంపిణీ జిల్లాలోని ప్రభుత్వ పాఠశాలలు, కేజీబీవీలు, ఆద ర్శ పాఠశాల విద్యార్థులకు అవసరమైన పార్ట్‌ 2 పాఠ్య పుస్తకాల్లో ఇప్పటికే 90 శాతం జిల్లాకు వ చ్చాయి. వీటిని ఎంఆర్సీలకు పంపి అక్కడ నుంచి పాఠశాలలకు అందిస్తాం. దసరా సెలవుల తర్వాత విద్యార్థులకు అందిస్తాం. – భోజన్న, డీఈవో

బాసర: గోదావరి పుష్కరాల సందర్భంగా బాసరలో వివిధ శాఖల ఆధ్వర్యంలో చేపట్టిన పనులు పకడ్బందీగా, గడువులోపు పూర్తి చేయాలని కలెక్టర్‌ భవేశ్‌ మిశ్రా అధికారులను ఆదేశించారు. బాసర శ్రీ జ్ఞాన సరస్వతి ఆలయ ఈవో కార్యాలయంలో పుష్కరాల పనుల నిర్వహణ, పురోగతిపై సంబంధిత అధికారులతో గురువారం సమీక్ష నిర్వహించారు. పనుల వివరాలు శాఖల వారీగా అడిగి తెలుసుకున్నారు. ప్రతీ అధికారి తమ పరిధిలోని పనులను నిరంతరం పర్యవేక్షించాలని తెలిపారు. భక్తులకు ఇబ్బందులు కలగకుండా తాగునీరు, మరుగుదొడ్లు, దుస్తులు మార్చుకునే గదులు, విశాలమైన పార్కింగ్‌ సౌకర్యాలు కల్పించాలని ఆదేశించారు. భైంసా సబ్‌ కలెక్టర్‌ అజ్మీరా సంకేత్‌కుమార్‌, ఆర్‌డబ్ల్యూఎస్‌ ఈఈ సందీప్‌, హార్టికల్చర్‌ అధికారి రమణ, ఈవో అంజనాదేవి పాల్గొన్నారు. వెనుకబడిన విద్యార్థులపై ప్రత్యేక దృష్టి..నిర్మల్‌చైన్‌గేట్‌: ప్రభుత్వ పాఠశాలల్లో విద్యార్థుల అభ్యసన సామర్థ్యాన్ని మెరుగుపరిచి, విద్యా ప్రమాణాలను మరింత పెంచేలా ఉపాధ్యాయులు పనిచేయాలని కలెక్టర్‌ భవేశ్‌మిశ్రా ఆదేశించారు. కలెక్టరేట్‌ సమావేశ మందిరంలో విద్యాశాఖపై గురువారం సమీక్ష నిర్వహించారు. పాఠశాలల్లో విద్యాబోధన, విద్యార్థుల హాజరు, అభ్యసన సామర్థ్యం, వెనుకబడిన విద్యార్థుల కోసం చేపడుతున్న ప్రత్యేక బోధన, బోర్డు పరీక్షల సన్నద్ధత తదితర అంశాలపై సమీక్షించారు. ప్రతీ విద్యార్థి అన్ని సబ్జెక్టుల్లో ప్రగతి సాధించేలా బోధన కొనసాగించాలన్నారు. తరచూ పాఠశాలకు గైర్హాజరవుతున్న విద్యార్థులను గుర్తించి, వారి తల్లిదండ్రులు, పోషకులతో మాట్లాడి కారణాలను తెలుసుకోవాలని సూచించారు. బోర్డు పరీక్షలకు విద్యార్థులను ఇప్పటి నుంచే సిద్ధం చేయాలని తెలిపారు. పాఠశాలల్లో పరిశుభ్రమైన, ఆహ్లాదకరమైన, సురక్షితమైన వాతావరణం ఉండేలా చూడాలన్నారు. సమావేశంలో డీఈవో భోజన్న, మండల విద్యాధికారులు, ప్రధానోపాధ్యాయులు, విద్యాశాఖ అధికారులు పాల్గొన్నారు.

ఖానాపూర్‌: నిర్మల్‌ జిల్లా ఖానాపూర్‌ అటవీశాఖ కార్యాలయంలో ఎఫ్‌ఎస్‌వో(ఫారెస్ట్‌ సెక్షన్‌ ఆఫీసర్‌) రవీందర్‌ గురువారం రూ.12 వేలు లంచం తీసుకుంటుండగా ఏసీబీ అధికారులు రెడ్‌హ్యాండెడ్‌గా పట్టుకున్నారు. ఏసీబీ ఆదిలాబాద్‌ డీఎస్పీ జి.మధు తెలిపిన వివరాల ప్రకారం.. ఖానాపూర్‌కు చెందిన టింబర్‌ డిపో నిర్వాహకుడు రవితేజ డిపో లైసెన్స్‌ రెన్యువల్‌ కోసం ఆగస్టులో దరఖాస్తు చేసుకున్నాడు. పలుమార్లు కార్యాలయం చుట్టూ తిరిగినా పని కాకపోవడంతో ఎఫ్‌ఎస్‌వో రవీందర్‌ను కలిశాడు. ఆయన రూ.20 వేలు లంచం డిమాండ్‌ చేశాడు. ముందుగా రూ.15 వేలకు, చివరకు రూ.12 వేలకు ఒప్పందం కుదిరింది. ఈ విషయాన్ని రవితేజ ఏసీబీ అధికారులకు ఫిర్యాదు చేయడంతో పక్కా ప్రణాళికతో గురువారం కార్యాలయ ఆవరణలోని తన కారులో రవీందర్‌ రూ.12 వేలు తీసుకుంటుండగా ఏసీబీ అధికారులు పట్టుకున్నారు. నగదును స్వాధీనం చేసుకుని కేసు నమోదు చేసినట్లు డీఎస్పీ తెలిపారు. నిందితుడిని కరీంనగర్‌లోని ఏసీబీ ప్రత్యేక కోర్టులో హాజరుపర్చనున్నట్లు పేర్కొన్నారు.

నిర్మల్‌టౌన్‌: రోడ్డు ప్రమాదాల నివారణ, రహదారి భద్రత మెరుగుదల, జీరో ఫాటాలిటీ జిల్లా లక్ష్యంగా డీజీపీ ఆధ్వర్యంలో బుధవారం వీడియో కాన్ఫరెన్స్‌ నిర్వహించారు. ట్రాన్స్‌పోర్ట్‌ కమిషనర్‌ ఇళంబర్తి ప్రమాదాల నియంత్రణకు తీసుకోవాల్సిన చర్యలపై సమీక్షించారు. జిల్లా పోలీస్‌ కార్యాలయం నుంచి ఎస్పీ జానకీ షర్మిల పాల్గొన్నారు. జిల్లాలో ప్రమాదాలు ఎక్కువగా జరిగే ప్రాంతాలు, బ్లాక్‌స్పాట్లు, అతివేగం, నిర్లక్ష్యపు డ్రైవింగ్‌, ట్రాఫిక్‌ నిబంధనల ఉల్లంఘనలపై చర్చించారు. ప్రమాదాలకు కారణాలను గుర్తించి నివారణ చర్యలు చేపట్టాలని, పోలీస్‌, రవాణా, ఆర్‌అండ్‌బీ శాఖలు సమన్వయంతో పనిచేయాలని సూచించారు. ప్రమాదాలు, బ్లాక్‌స్పాట్లు, భద్రతా చర్యల వివరాలను ‘సేఫ్‌ లైఫ్‌ ఫౌండేషన్‌–మార్గదర్శక్‌’ వెబ్‌సైట్‌లో ఎప్పటికప్పుడు నమోదు చేయాలని ఆదేశించారు. ఇందులో డీఎస్పీ శ్రీనివాస్‌ పాల్గొన్నారు.

పెంబి మండలం యాపల్‌గూడ వద్ద తెప్పపై చిన్నారితో బాలింతఖానాపూర్‌: నెల రోజుల్లోనే రెండు విషాద ఘటనలు చోటు చేసుకున్నాయి. ఒకరు వాగు దాటుతూ వ రదలో కొట్టుకుపోయారు. మరొకరు అనారోగ్యంతో ఆస్పత్రికి వెళ్తూ మార్గమధ్యంలోనే ప్రాణాలు కో ల్పోయారు. కారణాలు వేర్వేరైనా, సమస్య ఒకటే. వాగులపై వంతెనలు లేవు. గ్రామాలకు సరైన రహదారులు లేవు. దీంతో ఖానాపూర్‌ నియోజకవర్గంలోని గిరిజన ప్రాంతాల్లో వర్షాకాలం వచ్చిందంటే రాకపోకలే కాదు, ప్రాణ రక్షణ కూడా సవాల్‌గా మారుతోంది. ఏళ్లుగా పరిష్కారం కాని ఈ వెతలను ఈ ఘటనలు మరోసారి గుర్తు చేశాయి. వానాకాలం.. కష్టకాలం పెంబి మండలం పస్పుల, తులసీపేట్‌, దయ్యాలమద్ది, అర్చన్‌తండా, యాపల్‌గూడ, గుమ్మెన, ఎంగ్లాపూర్‌ తదితర గ్రామాలతోపాటు ఖానాపూర్‌ మండలంలోని కుసుంపూర్‌, చామన్‌పల్లి గూడెం, పంగిడిగూడెం, కడెం మండలంలోని గంగాపూర్‌, రాణిగూడ, కొర్రతండా, దత్తోజిపేట్‌, మొర్రిపేట్‌, తౌడుతండా, దుబ్బతండా, దేవునిగూడెం, లక్ష్మీపూర్‌, అల్లంపల్లి, బాబానాయక్‌తండా, పాలరేగడి, గంగన్నపేట్‌, చంతగూడ, అద్దాల తిమ్మాపూర్‌, మీసాలభూమన్నగూడెం, మంగల్‌సింగ్‌ తండా, మిద్దెచింత, గండిగోపాల్‌పూర్‌, ఇస్లాంపూర్‌ వంటి పలు గ్రామాల ప్రజలు వాగుల సమస్యతో ఇబ్బందులు పడుతున్నారు. కడెం, దొత్తి, బల్లి, గంగాపూర్‌ వాగులు ఉధృతంగా ప్రవహిస్తే రాకపోకలు పూర్తిగా నిలిచిపోతున్నాయి. అత్యవసర పరిస్థితుల్లో బయటకు వెళ్లలేక ప్రజలు తీవ్ర ఇబ్బందులు పడుతున్నారు. కొట్టుకుపోయిన వంతెనలు.. పునర్నిర్మాణంలో అంతులేని నిర్లక్ష్యం పెంబి మండలం పస్పులకు వెళ్లే మార్గంలో కడెం వాగుపై ఉన్న వంతెన ఐదేళ్ల క్రితం వరదలకు కొట్టుకుపోయింది. ఇప్పటివరకు పునర్నిర్మాణం జరగలేదు. తాత్కాలిక రహదారి సౌకర్యం కూడా లేకపోవడంతో వర్షాకాలంలో పరిస్థితి మరింత దయనీయంగా మారుతోంది. కడెం మండలం గంగాపూర్‌లో నిర్మాణంలో ఉన్న వంతెన కూడా గత ఐదేళ్ల క్రితం వరదలకు కొట్టుకుపోయింది. ప్రస్తుతం రీడిజైన్‌ చేసి రూ.22 కోట్లతో చేపట్టిన పనులు నత్తనడకన సాగుతున్నాయి. గంగాపూర్‌లో పనులు కొనసాగుతున్నప్పటికీ పస్పుల వంతెన పునర్నిర్మాణం మాత్రం జరగకపోవడంపై గ్రామస్తులు ఆవేదన వ్యక్తం చేస్తున్నారు. ఆ వంతెన ఉండి ఉంటే పెద్దిరాజును సకాలంలో ఆసుపత్రికి తరలించే అవకాశం ఉండేదని వారు అంటున్నారు. ఇకనైనా శాశ్వత పరిష్కారం అవసరం వర్షాకాలంలో వాగులు ఉప్పొంగడం సహజమే అయినా, వాటిపై శాశ్వత వంతెనలు నిర్మించి అన్ని కాలాల్లో రాకపోకలు సాగేలా రహదారులు ఏర్పాటు చేయాలని గిరిజనులు కోరుతున్నారు. అత్యవసర సమయాల్లో వైద్యం అందక మరో ప్రాణం పోకుండా ప్రభుత్వం తక్షణ చర్యలు చేపట్టాలని విజ్ఞప్తి చేస్తున్నారు. కడెం వాగు, బల్లి వాగు, దొత్తి వాగు, గంగాపూర్‌లోని కడెం వాగు తదితరాలపై శాశ్వత వంతెనలు నిర్మించడంతో పాటు గిరిజన గ్రామాలకు మెరుగైన రహదారి సౌకర్యం కల్పించాలని డిమాండ్‌ చేస్తున్నారు. ఇటీవలి వర్షాలతో వరద ప్రవాహం తగ్గకపోవడంతో నేటికీ పెంబి మండలం యాపల్‌గూడ, కడెం మండలం గంగాపూర్‌ వద్ద ప్రజలు తెప్పలపైనే ప్రయాణిస్తున్నారు. గతంలోనూ ఎన్నో విషాదాలు వాగులు, రహదారుల సమస్యల కారణంగా ఈ ప్రాంతంలో గతంలోనూ పలుమార్లు విషాదాలు చోటు చేసుకున్నాయి. 2005 నుంచి 2012 మధ్య కాలంలో పెంబి మండలం పస్పుల, యాపల్‌గూడ గ్రామాల సమీపంలోని వాగులు దాటుతూ పలువురు ప్రాణాలు కోల్పోయారు. 2018లో ఎర్వచింతల్‌ వద్ద వాగు దాటుతుండగా ఓ గిరిజన యువకుడు మరణించాడు. అనేక గ్రామాలకు అంబులెన్స్‌లు వెళ్లలేని దుస్థితిలో ఎంతో మంది గర్భిణులు సకాలంలో ఆసుపత్రులకు చేరలేక రోడ్డుపైనే ప్రసవించిన సంఘటనలు ఉన్నాయి. 2014లో గుమ్మెన–ఎంగ్లాపూర్‌ ప్రాంతంలో వాగులు పొంగిపొర్లడంతో సర్పంచ్‌ ఎన్నికలను పది రోజులపాటు వాయిదా వేయాల్సి వచ్చింది.

ఖానాపూర్‌: పట్టణంలోని మహాత్మా జ్యోతిబాపూలే బాలుర కళాశాల విద్యార్థులు పీఈటీపై ఆగ్రహం వ్యక్తం చేశారు. చిన్నచిన్న విషయాలకే తమను కొడుతున్నాడని ఆరోపిస్తూ ఎన్టీఆర్‌ చౌరస్తాలో బుధవారం రాస్తారోకో చేపట్టారు. పీఈటీకి వ్యతిరేకంగా నినాదాలు చేశారు. సమాచారం అందుకున్న కళాశాల ప్రిన్సిపాల్‌, అధ్యాపకులు అక్కడికి చేరుకుని విద్యార్థులతో మాట్లాడారు. పీఈటీ తమపై దాడి చేశారన్న ఆరోపణలపై వివరాలు సేకరించారు. అనంతరం విద్యార్థులు ఆందోళన విరమించి కళాశాలకు వెళ్లారు. ఈ సందర్భంగా ప్రిన్సిపాల్‌ మాట్లాడుతూ.. విద్యార్థులను పీఈటీ కొట్టారన్న ఆరోపణలపై విచారణ చేస్తున్నామని తెలిపారు. విచారణ అనంతరం ఉన్నతాధికారుల దృష్టికి తీసుకెళ్లి తగిన చర్యలు తీసుకుంటామని చెప్పారు. పాఠశాల, కళాశాలకు కలిపి ప్రస్తుతం ఒక్కరే పీఈటీ ఉన్నారని, అదనంగా పీడీని నియమించాలని ఇప్పటికే ఉన్నతాధికారులను కోరినట్లు వెల్లడించారు.

అడవి పందికి ఆపద జిల్లాలో వన్యప్రాణుల వేట కలవరపెడుతోంది. అడవి పందులు, జింకలు, నెమళ్లు ఇతర అటవీ జంతువుల అక్రమ రవాణ రాకెట్‌ నడుస్తున్నట్లు తెలుస్తోంది. బాసర తాత్కాలిక ఠాణా భవనం పరిశీలన బాసర: బాసర మాస్టర్‌ ప్లాన్‌ అభివృద్ధి పనులకు మార్గం సుగమం చేసేందుకు స్థానిక పోలీస్‌ స్టేషన్‌ను తాత్కాలిక భవనానికి తరలించే ఏర్పాట్లు జరుగుతున్నాయి. ఈమేరకు తాత్కాలిక ఠాణా భవనాన్ని భైంసా ఏఎస్పీ సాయి కిరణ్‌ బుధవారం పరిశీలించారు. ఆర్‌అండ్‌బీ అధికారులు, ఎన్‌సీసీ ప్రతినిధులు, బాసర ఎస్‌హెచ్‌వో దీపక్‌తో కలిసి భవనాన్ని సందర్శించారు. ఈ సందర్భంగా అక్కడ పెండింగ్‌లో ఉన్న పనులు, మౌలిక వసతులు, సాంకేతిక ఏర్పాట్ల పురోగతిని క్షేత్రస్థాయిలో పరిశీలించారు. విద్యుత్‌, నీటి సౌకర్యం, భద్రతా ఏర్పాట్లు, సీసీటీవీ, ఇంటర్నెట్‌, కమ్యూనికేషన్‌ వ్యవస్థతోపాటు కార్యాలయ నిర్వహణకు అవసరమైన అన్ని సదుపాయాలు పూర్తిస్థాయిలో అందుబాటులో ఉండేలా చర్యలు తీసుకోవాలని అధికారులకు సూచించారు. పెండింగ్‌లో ఉన్న పనులను త్వరితగతిన పూర్తి చేసి, అన్ని వసతులు సక్రమంగా ఉన్నాయని నిర్ధారించుకున్న తర్వాతే తరలింపు ప్రక్రియను పూర్తిచేయాలని ఆదేశించారు. కుంటాల: ఎల్‌నినో ప్రభావంతో జిల్లాలో పగటి ఉష్ణోగ్రతలు పెరిగాయి. ఇప్పటికే ఈవానాకాల వర్షాలు ఆశించిన స్థాయిలో కురవలేదు. జిల్లా వ్యాప్తంగా 22 శాతం లోటు వర్షపాతం నమోదైంది. మరోవైపు చెరువులు, కుంటలు నిండలేదు. ప్రస్తుతం పంటలు చివరి దశలో ఉండడంతో వానాకాలం పంటలను కాపాడుకునేందుకు రైతులు విద్యుత్‌ మోటార్లపై ఆధారపడుతున్నారు. ఇక వేడి, ఉక్కపోత కారణంగా గృహ విద్యుత్‌ వినియోగం కూడా భారీగా పెరిగింది. దీంతో విద్యుత్‌ వినియోగం రోజురోజుకు అంచనాలకు మించి పెరుగుతోంది. జిల్లాలో విద్యుత్‌ కనెక్షన్లు ఇలా.. జిల్లాలో మొత్తం 3,67,539 విద్యుత్‌ కనెక్షన్లు ఉన్నాయి. వీటిలో గృహాలు 2,48,392, వాణిజ్య కనెక్షన్లు 32,196, పరిశ్రమల కనెక్షన్లు 1,316, కుటీర పరిశ్రమలు 21, వ్యవసాయం 78,963 కనెక్షన్లు ఉన్నాయి. సెప్టెంబర్‌ నెలలో 50.949 మిలియన్‌ యూనిట్లు వినియోగించాల్సి ఉండగా, 86.48 మిలియన్‌ యూనిట్ల వినియోగించారు. అంచనాలకు మించి 35,531 మిలియన్‌ యూనిట్లు అధికంగా వినియోగించారు. గత జూన్‌ నుంచి ప్రతీ నెల వినియోగం పెరుగుతూనే ఉంది. ఈ నేపథ్యంలో విద్యుత్తును పొదుపు చేస్తే మేలని అధికారులు సూచిస్తున్నారు. గృహజ్యోతికి దూరం.. భానుడి భగభగలకు వేడి, ఉక్కపోత పెరుగుతోంది. దీంతో ఇళ్లలో ఫ్యాన్లు, కూలర్లు, ఏసీలు పగలు, రాత్రి తిరుగుతున్నాయి. దీంతో విద్యుత్‌ మీటర్లు గిరగిరా తిరుగుతున్నాయి. ఫలితంగా ప్రభుత్వం గృహజ్యోతి పథకంలో పేదలకు అందిస్తున్న 200 యూనిట్ల ఉచిత విద్యుత్‌ దాటుతోంది. దీంతో చాలా మంది గృహ వినియోగదారులకు అక్టోబర్‌లో విద్యుత్‌ బిల్లులు వచ్చాయి. పొదుపు పాటిస్తే మేలు.. ఎల్‌నినో ప్రభావంతో వర్షాలు కురవక విద్యుత్‌ రంగంపై భారం పడింది. ప్రస్తుత పరిస్థితుల్లో వినియోగదారులు ఒక యూనిట్‌ విద్యుత్‌ నుపొదుపు చేస్తే, రెండు యూనిట్ల విద్యుత్‌ను తయారు చేసినట్లే. విద్యుత్‌ పొదుపు చేసి సహకరించాలి. – అల్జాపూర్‌ రమేశ్‌, ఎస్‌ఈ, నిర్మల్‌ విద్యుత్‌ సమాచారం.. గతేడాది ఈ ఏడాది విద్యుత్‌ వినియోగం (మిలియన్‌ యూనిట్లలో).. నెల 2025–26 2026–27 డిఫరెన్స్‌ ఏప్రిల్‌ 104.534 106.28 1.746 మే 50.358 58.58 8.222 జూన్‌ 42.136 51.14 9.004 జూలై 62.147 65.45 3.303 ఆగస్టు 65.003 74.96 9.957 సెప్టెంబర్‌ 50.949 86.48 35.531 మొత్తం 233.551 253.353 19.502 వ్యవసాయ విద్యుత్‌ పొదుపు మార్గాలు.. గృహ విద్యుత్‌ పొదుపు మార్గాలు..

మంచిర్యాలఅర్బన్‌: దసరా పండుగను పురస్కరించుకుని సొంతూళ్లకు వెళ్లే ప్రయాణికుల రద్దీని దృష్టిలో ఉంచుకుని ఆర్టీసీ ప్రత్యేక సర్వీసులను అందుబాటులోకి తెచ్చింది. రోజువారీగా నడిచే సాధారణ బస్సులతో పాటు పెరిగిన ప్రయాణికుల రద్దీకి అనుగుణంగా ప్రత్యేక బస్సులు నడిపించనున్నారు. ఈనెల 10నుంచి 22వరకు విద్యాసంస్థలకు సెలవులు ప్రకటించటంతో స్వగ్రామాలకు వెళ్లేవారి సంఖ్య పెరగనుంది. హైదరాబాద్‌లో ఉద్యోగాలు, వ్యాపారాలు, చదువుల నిమిత్తం ఉంటున్నవారంతా ఉమ్మడి ఆదిలాబాద్‌ జిల్లాలోని సొంతూళ్ల బాటపట్టనున్నారు. ప్రయాణికుల ఇబ్బందులను నివారించేందుకు రీజియన్‌ వారీగా అధికారులు 533 బస్సులు నడిపించనున్నారు. ప్రత్యేక బస్సులు ఇలా.. ఆదిలాబాద్‌, నిర్మల్‌, మంచిర్యాల, భైంసా, ఆసిఫాబాద్‌, ఉట్నూర్‌ డిపోల నుంచి ఆర్టీసీ అధికారులు ప్రత్యేక బస్సులు నడపనున్నారు. మంచిర్యాల నుంచి 154, నిర్మల్‌ నుంచి 144, ఆదిలాబాద్‌ నుంచి 130, ఆసిఫాబాద్‌ నుంచి 62, భైంసా నుంచి 31, ఉట్నూర్‌ నుంచి 31 సర్వీసులను నడిపించనున్నారు. అత్యధికంగా అక్టోబర్‌ 17న 101 బస్సులు, 18న 73, అక్టోబర్‌ 16న 54 బస్సులు రాకపోకలు సాగించనున్నాయి. ప్రయాణికులకు బస్సుల సమాచారం ఎప్పటికప్పుడు అందించేందుకు మేనేజర్‌, అసిస్టెంట్‌ మేనేజర్‌, సిబ్బందిని ఏర్పాటు చేయనున్నారు. ప్రత్యేక బస్సుల్లోనే అదనపు చార్జీలు రోజువారీగా నడిచే బస్సుల్లో సాధారణ చార్జీలు అమలులో ఉండగా, పండుగ రద్దీ కోసం కేటాయించిన ప్రత్యేక బస్సుల్లో మాత్రం సాధారణ ధర కంటే చార్జీలు అదనంగా వసూలు చేయనున్నారు. ప్రత్యేక బస్సులు మంచిర్యాల నుంచి హైదరాబాద్‌కు ఖాళీగా (ఒకే వైపు ప్రయాణికులతో) వెళ్లి మంచిర్యాలకు తిరిగి వస్తుండటంతో వచ్చే అదనపు నిర్వహణ ఖర్చులను భర్తీ చేసేందుకు 50శాతం అదనపు చార్జీలు విధిస్తున్నట్లు ఆర్టీసీ అధికారులు ప్రకటించారు. డిపోలు, తేదీల వారీగా ప్రత్యేక బస్సుల వివరాలు తేదీ ఆదిలాబాద్‌ భైంసా నిర్మల్‌ ఉట్నూర్‌ ఆసిఫాబాద్‌ మంచిర్యాల 09 15 01 18 02 06 18 10 08 02 09 01 05 10 11 06 02 06 0 02 05 12 06 02 06 0 04 08 13 07 03 05 01 02 07 14 07 03 05 01 02 07 15 06 03 05 01 02 06 16 12 03 16 01 08 15 17 27 03 29 01 08 33 18 18 04 19 02 10 20 19 08 02 12 01 05 10 20 10 03 15 01 08 15

నిర్మల్‌టౌన్‌: జిల్లాలో పత్తి కొనుగోళ్లు సజావుగా చేపట్టాలని కలెక్టర్‌ భవేశ్‌ మిశ్రా అధికారులను ఆదేశించారు. కలెక్టరేట్‌ సమావేశ మందిరంలో పత్తి కొనుగోళ్లపై సంబంధిత అధికారులతో బుధవారం సమీక్ష నిర్వహించారు. జిల్లాలో పత్తి సాగు, దిగుబడి అంచనా వివరాలు అధికారులను అడిగి తెలుసుకున్నారు. కపాస్‌ కిసాన్‌ యాప్‌ ద్వారా స్లాట్‌ నమోదు చేసుకుని రైతులు తమ పంటను అమ్ముకోవాలని సూచించారు. రైతులు నష్టపోకుండా అధికారులు చర్యలు తీసుకోవాలని తెలిపారు. సమావేశంలో ఇన్‌చార్జి అదనపు కలెక్టర్‌ రాథోడ్‌ రమేశ్‌, ఆర్డీవో దేవీదాస్‌, సీసీఐ అధికారులు శరత్‌, వ్యవసాయ అధికారి సుజాత, జిల్లా మార్కెటింగ్‌ అధికారి గంగు, వివిధ వ్యవసాయ మార్కెట్‌ కమిటీల చైర్మన్లు భీమ్‌రెడ్డి, షిండే ఆనంద్‌రావుపటేల్‌, కళ్యాణ్‌, భైంసా ఏఎంసీ వైస్‌ చైర్మన్‌ ఫారూఖ్‌ సిద్ధిఖి తదితరులు పాల్గొన్నారు. పుష్కరాల పనులపై నిరంతర పర్యవేక్షణ.. గోదావరి పుష్కరాల పనులపై నిరంతర పర్యవేక్షణ కోసం జిల్లా అధికారులతో ఏర్పాటు చేసిన ప్రత్యేక బృందం పకడ్బందీగా పని చేయాలని కలెక్టర్‌ తెలిపారు. అన్ని పుష్కరఘాట్ల వద్ద ఆయా నిర్మాణ పనులు నిరంతరం పర్యవేక్షించాలని పేర్కొన్నారు. సీపీవో గంగారెడ్డి, ఉద్యానవన శాఖ అధికారి రమణ, హౌసింగ్‌ పీడీ శ్రీనివాస్‌, నీటిపారుదల, ఆర్‌అండ్‌బీ ఈఈ అనిల్‌, సుభాష్‌ తదితరులు ఉన్నారు. పారదర్శకంగా అంగన్‌వాడీ టీచర్ల భర్తీ జిల్లాలో 89 అంగన్‌వాడీ టీచర్‌ పోస్టుల భర్తీ అవకతవకలకు తావులేకుండా, పారదర్శకంగా నిర్వహించాలనికలెక్టర్‌ భవేశ్‌మిశ్రా అధికారుల ను ఆదేశించారు. కలెక్టరేట్‌లో మహిళా శిశుసంక్షేమశాఖ అధికారులతో అంగన్‌వాడీ టీచర్ల పోస్టుల భర్తీ ప్రక్రియపై సమీక్ష నిర్వహించారు. మండలాల వారీగా అందిన దరఖాస్తులు, అర్హతల పరిశీలన, సర్టిఫికెట్‌ వెరిఫికేషన్‌ తదితర అంశాలపై ఆరాతీశారు. నిబంధనలు పాటిస్తూ, ప్రతీ దశను పారదర్శకంగా నిర్వహించాలని సూ చించారు. భర్తీ ప్రక్రియకు సంబంధించిన సమాచారం, తదుపరి దశల వివరాలను దరఖాస్తుదా రులకు ఎప్పటికప్పుడు తెలియజేయాలన్నారు. దరఖాస్తుదారులు దళారుల మాటలు నమ్మి మోసపోవద్దని తెలిపారు. సమావేశంలో జిల్లా మహిళా శిశు సంక్షేమ అధికారి వినూత్న, సీడీపీవోలు, సంబంధిత అధికారులు పాల్గొన్నారు.

సాక్షి, మంచిర్యాలడెస్క్‌: కౌమార దశలోనే బాలికల పై మూడు ముళ్ల భారం పడుతోంది. ఆడుతూ పా డుతూ చదువుకోవాల్సిన వయస్సులో పిల్లల ఆలనపాలన చూడాల్సి వస్తోంది. 15నుంచి 19ఏళ్లలోపే బాలికలకు పెళ్లి, గర్భిణులు, తల్లులు అయిన వారి సంఖ్య కుమురంభీం ఆసిఫాబాద్‌ జిల్లాలో 10.2 శాతం ఉన్నట్లు సర్వేలో వెల్లడైంది. కేంద్ర ఆరోగ్య, కుటుంబ సంక్షేమ మంత్రిత్వ శాఖ జాతీయ కుటుంబ ఆరోగ్య సర్వే–6 నిర్వహణకు ముంబయిలోని ఇంటర్నేషనల్‌ ఇన్‌స్టిట్యూట్‌ ఫర్‌ పాపులేషన్‌ సైన్సెస్‌ను నోడల్‌ ఏజెన్సీగా నియమించింది. ఆ సర్వే వివరాలను తాజాగా వెల్లడించింది. పిల్లలు, విద్య, పెళ్లి, కుటుంబ నియంత్రణ పద్ధతుల అనుసరణ, పిల్లల ఆరోగ్యం, ప్రసవాలు, మహిళల్లో ఊబకా యం, మద్యపానం, మహిళ సాధికారత తదితర 93అంశాలపై సర్వే చేసింది. ఉమ్మడి ఆదిలాబాద్‌ జిల్లాలో పలు అంశాలు వెల్లడయ్యాయి. మంచిర్యాల మహిళల్లో ఊబకాయం మంచిర్యాల జిల్లాలో ఊబకాయం బాధితుల సంఖ్య ఎక్కువగా ఉంది. 36.1శాతంగా తేలింది. జీవనశైలిలో మార్పులు, జంక్‌ఫుడ్‌ వల్ల ఊబకాయం బారి న పడుతున్నట్లు తెలుస్తోంది. కుటుంబ నియంత్రణ ఆపరేషన్‌ భారం మహిళలపైనే పడుతోంది. ఆపరేషన్‌ చేయించకున్న మహిళల సంఖ్య 59.9శాతం ఉండగా.. పురుషుల్లో 6శాతం మాత్రమే ఉంది. ప్రై వేటు ఆస్పత్రుల్లోనే ఎక్కువగా ప్రసవాలు జరుగుతుండగా.. 92.4శాతం ఆపరేషన్లు చేస్తున్నారు. ప్ర భుత్వ ఆస్పత్రుల్లో ప్రసవాలు, శస్త్రచికిత్సలు 51.6 శాతంగా సర్వేలో వెల్లడైంది. మధుమేహం బారిన పడుతున్న మహిళల సంఖ్య పెరుగుతోంది. 2019– 21 నాటి సర్వేలో 14.2శాతంగా ఉండగా.. ఈ సర్వేలో బాధితుల సంఖ్య 19.7శాతానికి పెరిగింది. అంశం ఆదిలాబాద్‌ ఆసిఫాబాద్‌ మంచిర్యాల నిర్మల్‌ కౌమార గర్భధారణ 3.8 10.2 2.4 2.5 సిజేరియన్‌ ప్రసవాలు 51.0 38.5 70.3 75.3 మహిళల్లో ఊబకాయం 21.8 22.3 36.1 27.7 పురుషుల్లో మధుమేహం 20.0 17.4 25.3 19.4 మద్యం తాగే పురుషులు 27.4 30.1 43.9 41.6 మహిళల్లో పొగాకు వినియోగం 14.9 12.5 6.2 8.0ఉమ్మడి జిల్లాలో అంశాల వారీగా సర్వే వివరాలు(శాతంలో)నిర్మల్‌లో గర్భిణులకు ఆ‘పరేషాన్‌’

ఆదిలాబాద్‌ జిల్లాలో షుగర్‌ వ్యాధిగ్రస్తుల సంఖ్య పెరుగుతోంది. మహిళల్లో 2019–21 నాటి సర్వేలో మధుమేహ వ్యాధిగ్రస్తుల సంఖ్య 10.8శాతం ఉండగా తాజాగా 15.2శాతానికి, పురుషుల్లో గతంలో 12.0శాతం ఉండగా.. ప్రస్తుతం 20.0శాతానికి పెరిగింది. మహిళల్లో సాధికారత పెరిగింది. 84.5శాతం మంది బ్యాంకు ఖాతాలు కలిగి ఉన్నారు. 45.7శాతం మంది మహిళలు మొబైల్‌ఫోన్‌ వినియోగిస్తున్నారు. కుటుంబ నియంత్రణ ఆపరేషన్‌ చేయించుకుంటున్న వారిలో మహిళల సంఖ్య 59.0శాతం ఉండగా.. పురుషుల్లో కేవలం 1.1శాతం మాత్రమే ఉంది. రుతుస్రావ సమయంలో ఆరోగ్యకర పద్ధతులు అవలంబిస్తున్న వారి సంఖ్య 85.6శాతంగా సర్వేలో నమోదైంది.

భైంసాటౌన్‌: జిల్లాలో వన్యప్రాణుల వేట కలవరపెడుతోంది. అడవి పందులే కాకుండా జింకలు, నెమళ్లు, ఉడుములు, బుర్క పిట్టలు, ఇతర అటవీ జంతువుల అక్రమ రవాణ రాకెట్‌ నడుస్తున్నట్లు తెలుస్తోంది. జిల్లాలోని మారుమూల అటవీ ప్రాంతాల్లో కొందరు ఏజెంట్లను నియమించుకుని ఈ దందా సాగిస్తున్నట్లు తెలుస్తోంది. కొన్ని ప్రాంతాల్లో అటవీ జంతువుల మాంసానికి ప్రత్యేక డిమాండ్‌ ఉండడంతో ఈ తంతు జోరుగా సాగుతోంది. స్థానికంగా వేటాడిన అటవీ జంతువులను తెలంగాణతోపాటు ఆంధ్రప్రదేశ్‌ రాష్ట్రానికి ఎక్కువగా తరలిస్తున్నట్లు అటవీ అధికారులు చెబుతున్నారు. తాజాగా మహారాష్ట్రకు చెందిన వాహనంలో 14 అడవిపందులను తరలిస్తుండగా భైంసా అటవీ శాఖ డిప్యూటీ రేంజ్‌ అధికారి శంకర్‌, బీట్‌ ఆఫీసర్‌ శివకుమార్‌ బాసర చెక్‌పోస్ట్‌ వద్ద వాహనాన్ని వెంబడించి మరీ పట్టుకున్నారు. మహారాష్ట్రలోని నాందేడ్‌ ప్రాంతం నుంచి సిద్దిపేట్‌ ప్రాంతానికి వీటిని తరలిస్తున్నట్లు అనుమానిస్తున్నట్లు పేర్కొన్నారు. వ్యాపారమే లక్ష్యంగా... జిల్లాలో కడెం, పెంబి, ఖానాపూర్‌, తాండ్ర, మామ డ, దిమ్మదుర్తి, కుంటాల, కుభీర్‌, తానూరు, లోకేశ్వరం మండలంలోని ఎస్సారెస్పీ బ్యాక్‌వాటర్‌ ప్రాంతంలో ఎక్కువగా వన్యప్రాణుల సంచారం ఉంటుంది. జింకలు, ఉడుములు, నెమళ్లు, బుర్కపిట్టలు, అడవిపందులను వేటాడుతున్నారు. ము ఖ్యంగా అడవిపందుల అక్రమ రవాణా ఎక్కువగా జరుగుతోంది. అడవి పందుల మాంసానికి కొన్ని ప్రాంతాల్లో విపరీతమైన డిమాండ్‌ ఉంది. కిలోకు రూ.వెయ్యి నుంచి రూ.2 వేల వరకు చెల్లిస్తుండడంతో కొందరు ఈ మార్గాన్ని ఎంచుకుంటున్నట్లు తెలుస్తోంది. మనప్రాంతం నుంచి కిలోకు రూ.50 నుంచి రూ.100కు కొనుగోలు చేసి సిద్దిపేట్‌కు తరలిస్తున్నట్లు తెలుస్తోంది. అక్కడి నుంచి ఆంధ్రప్రదేశ్‌తోపాటు బెంగళూరు, పూనే, ముంబయి వంటి ప్రాంతాలకు తరలించి సొమ్ము చేసుకుంటున్నట్లు సమాచారం. సిటీ ప్రాంతాల్లో అడవిపంది మాంసానికి ఎక్కువగా డిమాండ్‌ ఉండడంతో, కేటుగాళ్లు వీటిని టార్గెట్‌ చేస్తున్నారు. రాత్రి సమయాల్లో వాహనాల్లో గుట్టుచప్పుడు కాకుండా అక్రమంగా తరలించుకుపోతున్నారు. అడ్డుకట్ట పడేనా... జిల్లా నుంచి అటవీ జంతువులు అక్రమ రవాణ చేస్తూ తరచూ పట్టుబడుతున్న నేపథ్యంలో జిల్లా అటవీశాఖ అధికారులు మరింత నిఘా పెంచాల్సిన అవసరముంది. జిల్లా నుంచి అటవీ జంతువులను అక్రమంగా తరలిస్తున్న దుండగుల ఆటకట్టించాలి. ఈ రాకెట్‌ వెనుక ఎవరెవరు ఉన్నారు? ఎక్కడికి తరలిస్తున్నారు? అనే కోణంలో విచారణ జరపాలి. ఇలాంటి ఘటనలు పునరావృతం కాకుండా అటవీ ప్రాంతాలు, సరిహద్దు చెక్‌పోస్టుల వద్ద రాత్రి సమయాల్లో గస్తీని ముమ్మరం చేయాలి. గ్రామాల్లో అవగాహన సదస్సులు నిర్వహించి, వన్యప్రాణుల రక్షణ ప్రాముఖ్యతను ప్రజలకు వివరించాలి. వేటగాళ్ల సమాచారం అందించే వారికి తగిన రక్షణ, రివార్డులు ప్రకటించాలి. పట్టుబడిన నిందితులపై పీడీ యాక్ట్‌ వంటి కఠినమైన సెక్షన్ల కింద కేసులు నమోదు చేసి, భవిష్యత్తులో ఇలాంటి దురాగతాలకు పాల్పడకుండా చేయాలి.విచారణ ముమ్మరం చేస్తాం.. ఇటీవల బాసర చెక్‌పోస్ట్‌ వద్ద అడవి పందులను అక్రమంగా తరలిస్తున్న వాహనాన్ని భైంసా రేంజ్‌ సిబ్బంది పట్టుకున్నారు. దుండగులు వాహనాన్ని వదిలేసి పారిపోయారు. దీంతో వాహనాన్ని స్వాధీనం చేసుకుని కేసు నమోదు చేసి దర్యాప్తు చేస్తున్నాం. ఈ దందా వెనుక ఎవరున్నారు.. ఎక్కడికి తరలిస్తున్నారు.. అనే విషయాలపై లోతుగా విచారణ జరిపిస్తాం. వన్యప్రాణుల అక్రమ రవాణా చేసేవారిపై చట్టరీత్యా కఠిన చర్యలు తీసుకుంటాం. – రమేశ్‌ రాథోడ్‌, ఎఫ్‌ఆర్‌వో, భైంసాఈ ఏడాది ఆగస్టులో తానూరు మండలం మొగిలి బీట్‌ పరిధి నుంచి 23 అడవి పందులను అక్రమంగా రవాణా చేస్తుండగా భైంసా అటవీ శాఖ అధికారులు పట్టుకున్నారు. మహారాష్ట్రకు చెందిన ఇద్దరు వీటిని ఆంధ్రప్రదేశ్‌ ప్రాంతానికి తరలిస్తుండగా పట్టుబడ్డారు. తాజాగా బాసర చెక్‌పోస్ట్‌ వద్ద అక్రమంగా తరలిస్తున్న 14 అడవి పందులను పట్టుకున్నారు. 2023 నుంచి ఇప్పటివరకు భైంసా రేంజ్‌ పరిధిలో 85 అడవిపందులను అక్రమంగా తరలిస్తుండగా అధికారులు పట్టుకున్నారు. ఇక, అధికారుల కళ్లు గప్పి ఇంకా ఎన్ని అక్రమ రవాణకు గురయ్యాయో..? అడవిపందులే కాకుండా ఇతర వన్యప్రాణుల అక్రమరవాణా సైతం జోరుగా సాగుతున్నట్లు తెలుస్తోంది.

ఆదిలాబాద్‌టౌన్‌: హైదరాబాద్‌లో నిర్వహించిన రాష్ట్రస్థాయి పోలీస్‌ క్రీడా పోటీల్లో ఆదిలాబాద్‌ జిల్లా పోలీస్‌ అధికారులు, సిబ్బంది ప్రతిభ కనబర్చి మూడు కాంస్య పతకాలు సాధించారు. గెజిటెడ్‌ అధికారుల విభాగంలో నిర్వహించిన బ్యాడ్మింటన్‌ సింగిల్స్‌ పోటీల్లో ఏఆర్‌ డీఎస్పీ కమతం ఇంద్రవర్ధన్‌, నాన్‌గెజిటెడ్‌ అధికారుల డబుల్స్‌ విభాగంలో కానిస్టేబుళ్లు జాదవ్‌ కిషోర్‌, కె.దేవ్‌రావు తృతీయస్థానంలో నిలిచి కాంస్య పతకాలు కై వసం చేసుకున్నారు. విజేతలను ఎస్పీ అఖిల్‌ మహాజన్‌ బుధవారం జిల్లా పోలీస్‌ కార్యాలయంలో అభినందించి ప్రశంసా పత్రాలు, మెడల్స్‌ అందజేశారు. ఈ కార్యక్రమంలో సీసీ కొండరాజు, పోలీస్‌ అధికారులు, సిబ్బంది పాల్గొన్నారు.

ఆదిలాబాద్‌: జిల్లా కేంద్రంలో బుధవారం శ్రీ వెంకటేశ్వర షాపింగ్‌ మాల్‌ ప్రారంభోత్సవం అట్టహాసంగా జరిగింది. సినీనటి వైష్ణవి చైతన్య ముఖ్య అ తిథిగా హాజరై షాపింగ్‌ మాల్‌ను ప్రారంభించారు. వైష్ణవి చైతన్యను చూసేందుకు అభిమానులు, యువత భారీగా తరలిరావడంతో పరిసర ప్రాంతం సందడిగా మారింది. పలువురు యువత ఆమెతో సెల్ఫీలు దిగేందుకు ఆసక్తి చూపారు. ఈ సందర్భంగా వైష్ణవి చైతన్య షాపింగ్‌ మాల్‌లోని వస్త్రాలను పరిశీలించారు. వివిధ డిజైన్లు, మోడళ్లను ఆసక్తిగా తిలకించారు. ఆదిలాబాద్‌లో షాపింగ్‌ మాల్‌ ప్రారంభించడం సంతోషంగా ఉందన్నారు. నాణ్య మైన వస్త్రాలను అందుబాటు ధరల్లో అందిస్తూ వినియోగదారులను ఆకట్టుకోవాలని నిర్వాహకులకు సూచించారు. ఈ కార్యక్రమంలో ఎంపీ గోడం నగేష్‌, ఎమ్మెల్యే పాయల్‌ శంకర్‌, మున్సిపల్‌ చైర్‌పర్సన్‌ బండారి అనూష, ఏఎంసీ చైర్మన్‌ బోరంచు శ్రీకాంత్‌రెడ్డి, మున్సిపల్‌ మాజీ చైర్‌పర్సన్‌ మనీషా, జెడ్పీ మాజీ చైర్‌పర్సన్‌ చిట్యాల సుహాసిని రెడ్డి, పలువురు ప్రజాప్రతినిధులు, నా యకులు, వ్యాపారులు, అభిమానులు పాల్గొన్నారు.