Kurnool District Latest News

కోసిగి: మండల కేంద్రమైన కోసిగిలో టీడీపీ నాయకులు ఎన్నికల కోడ్‌ను ఉల్లంఘించారు. కొత్త బోరు ఏర్పాటు చేయడంపై వైఎస్సార్‌సీపీ జెడ్‌పీటీసీ అభ్యర్థి పాలేగర్‌ శ్యాంసుందర్‌ రాజు దొర, మాజీ ఎంపీపీ ఈరన్న, మండల నాయకులు నాడుగేని నాగరాజు, దళవాయి మంగమ్మలు ఆగ్రహం వ్యక్తం చేశారు. ఆదివారం కోసిగిలో ఏర్పాటు చేసిన విలేకర్ల సమావేశంలో వారు మాట్లాడుతూ.. చంద్రబాబు ప్రభుత్వం వచ్చి రెండున్నరేళ్లు గడిచినా తాగునీటి సమస్య టీడీపీ నాయకులకు కనిపించలేదన్నారు. ప్రస్తుతం ఎన్నికల వేళ ఓటర్లను మభ్య పెట్టేందుకు తాగునీటి బోరు వేయిస్తున్నారని ధ్వజమెత్తారు. ఈ విషయం ఎన్నికల రిటర్నింగ్‌ అధికారి లోకరాజుకు ఫోన్‌ ద్వారా ఫిర్యాదు చేశారు. ఎన్నికల కోడ్‌ను ఉల్లంఘించిన టీడీపీ నాయకులపై చర్యలు తీసుకోవాలని డిమాండ్‌ చేశారు. సమావేశంలో వైఎస్సార్‌సీపీ నాయకులు గానిగ వీరస్వా మి, కాంట్రాక్టర్‌ నాగరాజు, బుళ్లి నరసింహులు, కొరివి నాగరాజు, ప్రవీణ్‌ కుమార్‌, కట్టెల నరసింహులు, కాల్వ లక్ష్మయ్య, వెంకటేష్‌ పాల్గొన్నారు.

● బూత్‌లు ఆక్రమించి యథేచ్ఛగా సైక్లింగ్‌ ● డోన్‌లో రిగ్గింగ్‌ చేసుకున్న కోట్ల సుజాతమ్మ ● బేతంచర్లలో వైఎస్సార్‌సీపీ వారిని బయటకు లాగి ఓట్లు వేసుకున్న వైనం ● డోన్‌ పోలీస్‌ స్టేషన్‌ ఎదుట పార్టీ శ్రేణులతో బుగ్గన రాజేంద్రనాథ్‌ రెడ్డి ధర్నా ● కర్నూలులో పలు పోలింగ్‌ బూత్‌ల్లో పచ్చ పార్టీ సైక్లింగ్‌ ● వైఎస్సార్‌సీపీ ఏజెంట్లను అరెస్టు చేయించి యథేచ్ఛగా దొంగ ఓట్లు ● కాటసాని రాంభూపాల్‌ రెడ్డిని అదుపులోకి తీసుకుని వాహనం సీజ్‌ ● ఎమ్మిగనూరులో సమన్వయకర్త రాజీవ్‌ రెడ్డి హౌస్‌ అరెస్ట్‌ ● పోలీసులను అడ్డుపెట్టి పచ్చ పార్టీ అక్రమాలుకర్నూలు ఉస్మానియా కాలేజీలోని పోలింగ్‌ కేంద్రానికి గుంపుగా వస్తున్న మంత్రి టీజీభరత్‌ సాక్షి ప్రతినిధి కర్నూలు: మున్సిపల్‌ పోలింగ్‌లో పచ్చ పార్టీ అక్రమాలకు తెగబడింది. బరితెగించి రిగ్గింగ్‌, సైక్లింగ్‌కు పాల్పడి ప్రజాస్వామ్యానికి పాతరేసింది. ఉమ్మడి కర్నూలు జిల్లాలో పలు చోట్ల పచ్చమూకలు పోలీసులతో కలసి ఓటర్లను ఓట్లు వేసుకోనివ్వలేదు. కొన్ని బూత్‌ల్లో వెబ్‌ కెమెరాల సాక్షిగా మహిళల ఓట్లు పురుషులు వేయడం గమనార్హం. కొన్ని మున్సిపాలిటీల్లో పచ్చమూకలు వైఎస్సార్‌సీపీ ఏజెంట్లను బయటకు లాగి రిగ్గింగ్‌కు పాల్పడ్డారు. పోలీసులే వైఎస్సార్‌సీపీ ఏజెంట్లను దౌర్జన్యంగా బయటకు పంపి పచ్చ పార్టీకి అనుకూలంగా దొంగ ఓట్లు వేయించారు. మొత్తంగా ఆదివారం జరిగిన మున్సిపల్‌ ఎన్నికల్లో అధికార పార్టీ అక్రమాలకు పాల్పడింది. ఆదోని, ఎమ్మిగనూరు, గూడూరు, నంద్యాల, నందికొట్కూరు, ఆత్మకూరు మున్సిపాలిటీ పరిధిలోనూ పలు వార్డుల్లో పచ్చ నేతలు దొంగ ఓట్లు వేశారు. కొన్ని చోట్ల రిగ్గింగ్‌ చేసుకునేందుకు ప్రయత్నించారు. ఇక్కడ వైఎస్సార్‌ కాంగ్రెస్‌ పార్టీ నేతలు ప్రతిఘటించడంతో పచ్చ పార్టీ నేతలు వెనక్కు తగ్గారు. డోన్‌లో కోట్ల సుజాతమ్మ దౌర్జన్యం డోన్‌ మున్సిపాలిటీలో పచ్చమూకలు యథేచ్ఛగా రిగ్గింగ్‌కు పాల్పడ్డారు. ఉదయం 7 నుంచి 8 గంటల వరకు గంట పాటు ఓటింగ్‌ సజావుగా సాగింది. ఈలోపు చైర్మన్‌ అభ్యర్థి కోట్ల సుజాతమ్మ పోలీసులను ప్రయోగించి పోటీలో ఉన్న అభ్యర్థుల భర్తలను, ఇతర కుటుంబ సభ్యులను పోలీస్‌స్టేషన్‌లో డీఎస్పీ శ్రీనివాసులు ఎదుట కూర్చోబెట్టారు. కొన్ని బూత్‌లలో ఏజెంట్లను సకాలంలో పోలింగ్‌ బూత్‌లకు రాకుండా పోలీసులు అదుపులోకి తీసుకుని సమయం ముగిసిన తర్వాత వదిలిపెట్టారు. 9 గంటల ప్రాంతం నుంచి పెద్ద ఎత్తున ఇతర ప్రాంతాల నుంచి తరలివచ్చిన పచ్చమూకలు మున్సిపాలిటీల్లోని అన్ని వార్డులను ఆక్రమించారు. పోలీసుల సహకారంతో వైఎస్సార్‌సీపీ ఏజెంట్లను బయటకు లాక్కొచ్చారు. కొందరిపై చేయి చేసుకున్నారు. ఆ తర్వాత పోలింగ్‌ బూత్‌లలో యథేచ్ఛగా రిగ్గింగ్‌, సైక్లింగ్‌లకు పాల్పడ్డారు. బేతంచెర్ల మున్సిపాలిటీలో సైతం టీడీపీ రిగ్గింగ్‌కు పాల్పడింది. టీడీపీ నాయకుడు ధర్మవరం సుబ్బారెడ్డి ఆధ్వర్యంలో ఇక్కడ పచ్చమూకలు వైఎస్సార్‌సీపీ ఏజెంట్లను బూత్‌ల నుంచి బయటకు లాగి కొన్ని చోట్ల రిగ్గింగ్‌, కొన్ని చోట్ల సైక్లింగ్‌కు పాల్పడ్డారు. వైఎస్సార్‌సీపీ శ్రేణులను పోలింగ్‌ బూత్‌ల వద్దకు రాకుండా పోలీసులు పలుమార్లు లాఠీచార్జీ చేశారు. బుగ్గన ధర్నా.. రీపోలింగ్‌కు డిమాండ్‌ డోన్‌, బేతంచెర్ల మున్సిపాలిటీల్లో అధికార పార్టీ రిగ్గింగ్‌కు పాల్పడటాన్ని నిరసిస్తూ మాజీ మంత్రి బుగ్గన రాజేంద్రనాథ్‌ రెడ్డి డోన్‌ టౌన్‌ పోలీస్‌స్టేషన్‌ ఎదుట వైఎస్సార్‌సీపీ శ్రేణులతో కలసి ఆందోళనకు దిగారు. పోలీస్‌స్టేషన్‌ ఎదుట బైఠాయించారు. పచ్చ పార్టీ అక్రమాలకు మద్దతు పలికిన పోలీసులపై ఆగ్రహం వ్యక్తం చేశారు. పోలీసులు డౌన్‌ డౌన్‌ అంటూ ఈ సందర్భంగా పార్టీ శ్రేణులు పెద్ద ఎత్తున నినాదాలు చేశారు. పోలీసు అధికారులు వచ్చి చెప్పినా బుగ్గన ధర్నా విరమించలేదు. ఉదయం 11 నుంచి 1 గంట వరకు ఆందోళన కొనసాగించారు. డీఎస్పీ శ్రీనివాసులు వచ్చి బుజ్జగించే ప్రయత్నం చేసినా బుగ్గన ససేమిరా అన్నారు. డోన్‌, బేతంచెర్ల మున్సిపాలిటీల్లో రీ పోలింగ్‌ నిర్వహించాలని డిమాండ్‌ చేశారు. పచ్చపార్టీ అక్రమాలపై న్యాయస్థానాన్ని ఆశ్రయిస్తామన్నారు. ఈ ఆందోళన కార్యక్రమంలో వేలాది మంది వైఎస్సార్‌సీపీ శ్రేణులు పాల్గొన్నారు. వెబ్‌ కాస్టింగ్‌ ద్వారా పోలింగ్‌ సరళి పరిశీలనకర్నూలు(సెంట్రల్‌): కలెక్టరేట్‌లో ఏర్పాటు చేసిన కమాండ్‌ కంట్రోల్‌ రూమ్‌ నుంచి వెబ్‌కాస్టింగ్‌ ద్వారా పోలింగ్‌ సరళిని కలెక్టర్‌ డాక్టర్‌ ఏ సిరి పరిశీలించారు. కర్నూలు మునిసిపల్‌ కార్పొరేషన్‌, ఆదోని, ఎమ్మిగనూరు మునిసిపాలిటీలు, గూడూరు నగర పంచాయతీలో ఉదయం 7 గంటల నుంచి సాయంత్రం 5 గంటల వరకు జరిగిన పోలింగ్‌ సరళిని వెబ్‌ కాస్టింగ్‌ ద్వారా తెలుసుకున్నారు. గంట గంటకు పోలింగ్‌ వివరాలు తెలుసుకుని అవసరమైన సలహాలు, సూచనలు ఇచ్చారు. పోలింగ్‌ ప్రశాంతంగా జరిగినట్లు కలెక్టర్‌ చెప్పారు.

ఎమ్మిగనూరులో పచ్చ పార్టీ అక్రమాలకు పాల్పడింది. వైఎస్సార్‌సీపీ నియోజకవర్గ సమన్వయకర్త ఎర్రకోట రాజీవ్‌రెడ్డిని పోలీసులు హౌస్‌ అరెస్ట్‌ చేశారు. మున్సిపాలిటీలోని 26, 10 వార్డులలో పచ్చ పార్టీ నేతలు దొంగ ఓట్లు వేసుకున్నారు. విషయం తెలుసుకున్న రాజీవ్‌ రెడ్డి ఇంటి నుంచి పోలింగ్‌ బూత్‌ల వద్దకు చేరుకున్నారు. ఆయన వస్తున్న విషయం తెలుసుకున్న వైఎస్సార్‌సీపీ శ్రేణులు పెద్ద ఎత్తున అక్కడికి తరలిరావడంతో ఉద్రిక్త పరిస్థితి నెలకొంది. దీంతో పోలీసులు రాజీవ్‌రెడ్డిని అదుపులోకి తీసుకుని పోలీస్‌స్టేషన్‌కు తరలించారు. 26వ వార్డులో రిగ్గింగ్‌కు పాల్పడుతున్న పచ్చ పార్టీ నేత శేఖర్‌ జోలికి పోలీసులు వెళ్లలేదు.

ఎమ్మిగనూరుటౌన్‌: వైఎస్సార్‌సీపీ నియోజక వర్గ సమన్వయకర్త ఎర్రకోట రాజీవ్‌రెడ్డి ఎమ్మిగనూరు పట్టణంలోకి రాకుండా ఆదివారం ఉదయం గోనెగండ్ల బైపాస్‌లో పట్టణ సీఐ కంభగిరి రాముడు, పోలీసులు అడ్డుకున్నారు. దీంతో అక్కడ కొద్దిసేపు ఉద్రిక్త పరిస్థి తి నెలకొంది. మీకు పట్టణంలో ఓటు లేనందుకు రాకూడదని చెప్పగా తన తాత మాజీ ఎమ్మెల్యే చెన్నకేశవరెడ్డి నివాసానికి వెళుతున్నానని, పోలింగ్‌ కేంద్రాలకు వెళ్లనని ఆయన చెప్పారు. అయినా పోలీసులు ఒప్పుకోకపోవడంతో దాదాపు గంట సేపు అక్కడ ఉద్రిక్తత పరిస్థితి నెలకొంది. విషయం తెలుసుకున్న వైఎస్సార్‌సీపీ శ్రేణులు అక్కడికి చేరు కొని కర్నూలు ప్రధాన రహదారిపై రాస్తారోకోకు దిగారు. చివరకు ఇంటిలోనే ఉండాలని నిబంధన పెట్టగా టీటీడీ నాయకులు దొంగ ఓట్లు వేసుకునేందుకు ప్రయత్నిస్తే మాత్రం సహించనని రాజీవ్‌రెడ్డి పోలీసులకు స్పష్టం చేశారు. ఆదివారం సాయంత్రం 26వ వార్డులో టీడీపీ నాయకులు దొంగఓట్లు వేసుకుంటారని తెలిసి రాజీవ్‌రెడ్డి ఆ కేంద్రానికి వెళ్లగా పోలీసులు ఆయనను అదుపులో తీసుకొని పోలీస్‌ స్టేషన్‌కు తరలించారు.

● రెచ్చిపోయిన బీజేపీ నాయకుడు గుమ్మనూరు నారాయణ ● వైఎస్సార్‌సీపీ నాయకుడిపై అనుచరులతో కలిసి దాడి గుంతకల్లు: బీజేపీ నాయకుడు గుమ్మనూరు నారాయణ రెచ్చిపోయాడు. ఎన్నికల్లో పోటీ చేస్తే కాళ్లు, చేతులు విరుగుతాయని బెదిరించడమే కాకుండా వైఎస్సార్‌ సీపీ నాయకుడిపై అనుచరులతో కలిసి దాడికి పాల్పడ్డాడు. వివరాలు.. కర్నూలు జిల్లా చిప్పగిరి మండలంలోని గుమ్మనూరు ఎంపీటీసీ స్థానానికి వైఎస్సార్‌సీపీ నాయకుడు సురేష్‌ సోదరు డు లాలెప్ప పోటీ చేస్తున్నాడు. దీన్ని ఓర్వలేని బీజేపీ నాయకుడు గుమ్మనూరు నారాయణ ‘మీరు పోటీలో ఉండకూడదు’ అంటూ సురేష్‌ కుటుంబీకులను కొంతకాలంగా బెదిరిస్తున్నాడు. సురేష్‌, లాలెప్పలు బెదిరింపులకు లొంగకపోవడంతో శనివారం రాత్రి వారి ఇంటి వద్దకు తన అనుచరులు 30 మందితో కలిసి వెళ్లి బీభత్సం సృష్టించాడు. సురేష్‌పై విచక్షణారహితంగా దాడి చేశాడు. కింద పడేసి గుండైపె తన్నాడు. విడిపించేందుకు ప్రయత్నించిన సురేష్‌ తల్లిదండ్రులపైనా దాడికి పాల్పడ్డాడు. తీవ్ర గాయాలైన సురేష్‌ను కుటుంబీకులు గుంతకల్లు ప్రభుత్వ ఆస్పత్రికి తీసుకొచ్చారు. బాధితుడిని చిప్పగిరికి చెందిన మాజీ ఎంపీపీ, వైఎస్సార్‌ సీపీ రాష్ట్ర సంయుక్త కార్యదర్శి మారయ్య పరామర్శించారు. ఎన్ని బెదిరింపులకు దిగినా, దాడులు చేసినా ప్రాణం ఉన్నంత వరకు జగనన్నతోనే తమ ప్రయాణం సాగుతుందని స్పష్టం చేశారు.

● స్థానిక ఓటర్లు గుర్తించి పోలీసులకు చెప్పినా పట్టించుకోని వైనంబేతంచెర్ల: నగర పంచాయతీ ఎన్నికల్లో ఎప్పుడూ లేని విధంగా మొదటి సారిగా ఇతర ప్రాంతాల వ్యక్తులు దర్జాగా వచ్చి దొంగ ఓట్లు వేయడంతో స్థానిక ఓటర్లు నివ్వెరపోయారు. అడ్డుకోవాల్సిన అధికారులు, పోలీసులు సహకారం అందించారనే విమర్శలు ఉన్నాయి. ఏపీ సీడ్స్‌ చైర్మన్‌ ధర్మవరం సుబ్బారెడ్డి టీడీపీ నాయకులు, అనుచరులతో కలిసి యథేచ్ఛగా దొంగ ఓట్లు వేయించారు. ఆదివారం ఉదయం నుంచి 10 గంటల వరకు ప్రశాతంగా ఓటింగ్‌ జరుగుతున్న తరుణంలో ఓటర్లు వైస్సార్‌సీపీకి ఓటు వేస్తున్నారని సమాచారం అందుకున్న ధర్మవరం సుబ్బారెడ్డి సరస్వతి శిశు మందిర్‌, శేషా రెడ్డి ఉన్నత పాఠశాల, హనుమాన్‌ నగర్‌ తదితర పోలింగ్‌ కేంద్రాల వద్ద మండల టీడీపీ నాయకులతో కలిసి హడావుడి సృష్టించారు. వైఎస్సార్‌సీపీ అభ్యర్థులను బయటికి వెళ్లి పోవాలంటూ హుకుం జారీ చేశారు. ఈ క్రమంలో శేషారెడ్డి ఉన్నత పాఠశాల పోలింగ్‌ కేంద్రం వద్ద బయటి వ్యక్తులు వచ్చి ఓట్లు వేస్తున్నారంటూ వైఎస్సార్‌సీపీ శ్రేణులు ఆందోళనకు దిగాయి. అయినా అధికారులు, పోలీసులు పట్టించుకోలేదు. దీంతో ధర్మవరం సుబ్బారెడ్డి తన అనుచరుల, టీడీపీ నాయకులతో కలిసి సాయంత్రం 4.30 గంటల వరకు పోలింగ్‌ కేంద్రాల్లోకి వెళ్లి తన అనచరులు గ్రామాలకు చెందిన వ్యక్తులతో యథేచ్ఛగా దొంగ ఓట్లు వేయించారు. పోలింగ్‌ కేంద్రాల వద్ద చోటు చేసుకున్న వాగ్వాదాలు, తోపులాటలు పట్టణంలో చర్చనీయాంశమయ్యాయి. బయటి వ్యక్తుల సంచారం, దొంగ ఓట్లపై ఎన్నికల అధికారులు సమగ్ర విచారణ జరపాలని పట్టణ ప్రజలు కోరుతున్నారు.

కర్నూలు (అర్బన్‌): కర్నూలు నగరపాలక సంస్థ ఎన్నికలకు సంబంధించి ఆదివారం జరిగిన పోలింగ్‌లో పలు ఆసక్తికరమైన సంఘటనలు చోటు చేసుకున్నాయి. భార్యాభర్తలు ఇద్దరూ ఒకే ఇంట్లో ఉన్నా వారి ఓట్లు మాత్రం వేర్వేరు పోలింగ్‌ కేంద్రాల్లో నమోదయ్యాయి. జిల్లాపరిషత్‌ రిటైర్డ్‌ సీఈఓ జి.జయపాల్‌రెడ్డి కుటుంబం నంద్యాల రోడ్డులోని మారుతీ మెగా సిటీ సమీపంలో నివాసం ఉంటోంది. జయపాల్‌ రెడ్డి, ఆయన సతీమణి ఓట్లు ఒకే పోలింగ్‌ కేంద్రంలో ఉండాలి. అయితే జయపాల్‌ రెడ్డి సతీమణి ఓటు నంద్యాల చెక్‌పోస్టు సమీపంలోని కేంద్రీయ విశ్వ విద్యాలయం పోలింగ్‌ స్టేషన్‌లో ఉండగా ఆయన ఓటు నందికొట్కూరు రోడ్డులోని సోమిశెట్టి నగర్‌ గుడ్‌షెప్పర్డ్‌ స్కూల్‌లో నమోదైంది. ఇలాంటి సంఘటనలు కర్నూలు నగరంలోని వేర్వేరు ప్రాంతాల్లో చోటు చేసుకోవడం గమనార్హం. పోలింగ్‌ కేంద్రంలో టీడీపీ అభ్యర్థి హల్‌చల్‌ కర్నూలు(సెంట్రల్‌): కేంద్రీయ విద్యాలయంలో ఏర్పాటు చేసిన పోలింగ్‌ కేంద్రంలో టీడీపీ అభ్యర్థి పెరుగు పురుషోత్తంరెడ్డి హల్‌చల్‌ చేశారు. ఇక్కడ పోలీసులు వైఎస్సార్‌సీపీ ఏజెంట్లను కూడా లోపలకు పంపలేదు. జనరల్‌ ఏజెంట్‌ మహేశ్వరరెడ్డిని మూడో పట్టణ పోలీసులు ఉదయం 8.30 గంటలకే అరెస్టు చేసి తీసుకెళ్లారు. మరోవైపు క్యూలైన్లో నిలబడిన ఓటర్లను సైతం పురుషోత్తంరెడ్డి తనకు ఓటు వేయాలని అభ్యర్థించాడు. కర్నూలు(సెంట్రల్‌): టీడీపీ నాయకులు దొంగ ఓట్లు వేస్తుండటంతో కర్నూలు 30వ వార్డులో సీపీఎం నేతలు నిరసన తెలిపారు.ఈ విషయంపై అధికారులకు ఫిర్యాదు చేశారు. అయినా పట్టించుకోకపోవడంతో వారు పోలీసులను తీరును తప్పుబట్టారు. దీంతో పోలీసులు సీపీఎం నాయకులను అక్కడి నుంచి పంపారు. ఇదే సమయంలో ఎస్పీ విక్రాంత్‌పాటిల్‌ అక్కడికి రావడంతో సీపీఎం జిల్లా కార్యదర్శి డి.గౌస్‌దేశాయ్‌ ఆయన తో మాట్లాడారు. ఎస్పీ చొరవ తీసుకుని అక్కడ ఉన్న టీడీపీ నాయకులందరినీ పంపడంతో సీపీఎం నాయకులు శాంతించారు. వైఎస్సార్‌సీపీ కార్యకర్తపై దాడి ఆలూరు: స్థానిక సంస్థల ఎన్నికల్లో టీడీపీ నాయకులు రౌడీయిజం చేస్తున్నారు. వైఎస్సార్‌సీపీ ఎంపీటీసీ అభ్యర్థి తరఫున గుమ్మనూరు గ్రామంలో ప్రచారం చేస్తున్న అదే పార్టీ కార్యకర్త సురేష్‌పై టీడీపీ నాయకులు దాడికి పాల్పడ్డారు. తలకు, వీపుకు, చేతికి గాయాలయ్యాయి. గాయపడిన సురేష్‌ను గుంతకల్లు ప్రభుత్వ ఆసుపత్రికి తరలించి చికిత్స అందించినట్లు కుటుంబ సభ్యులు తెలిపారు. దాడి చేసిన టీడీపీ నాయకులపై చిప్పగిరి పోలీస్‌స్టేషన్‌లో ఫిర్యాదు చేశామన్నారు.కర్నూలు(అగ్రికల్చర్‌): జిల్లాలో మరో ఆరు మండలాలను కరువు ప్రాంతాలుగా గుర్తిస్తూ ప్రభు త్వం ఉత్వర్వులు జారీ చేసింది. జిల్లాలోని 27 మండలాలను కరువు ప్రాంతంగా గుర్తించాలని జిల్లా యంత్రాంగం ప్రభుత్వానికి నివేదించింది. అయితే కేవలం 15 మండలాలను మాత్ర మే గుర్తించారు. జిల్లాలోని 12 మండలాల్లో కనీవినీ ఎరుగని రీతిలో కరువు ఉన్నప్పటికీ పట్టించుకోకపోవడంపై ఆందోళనలు వెల్లువెత్తాయి. ఈ నేపథ్యంలో అక్టోబరు 21న మరో ఆరు మండలాల ను కరువు ప్రాంతాలుగా గుర్తించాలని కోరు తూ జిల్లా కలెక్టర్‌ సిరి ప్రభుత్వానికి నివేదిక పంపా రు. జిల్లా కలెక్టర్‌ పంపిన నివేదికను పురస్కరించుకొని ఆస్పరి, నందవరం, ఆదోని– 2, కోసిగి, మంత్రాలయం, కల్లూరు మండలాలను తీవ్ర కరువు ప్రాంతాలుగా గుర్తిస్తూ జీవో జారీ అ య్యింది. దీంతో జిల్లాలో కరువు మండలాల సంఖ్య 21కి పెరిగింది. కౌతాళం, ఎమ్మిగనూరు, సీ బెళగల్‌, గోనెగండ్ల, దేవనకొండ, పెద్దకడుబూరు మండలాల్లో తీవ్ర కరువు ఉన్నప్పటికీ ప్రభుత్వం పక్కన పెట్టడం పట్ల ఆందోళన వ్యక్తమవుతోంది.

● వాట్సాప్‌ గ్రూపులో టీడీపీ అభ్యర్థికి ఓటు వేయాలని సందేశం కర్నూలు(సెంట్రల్‌)/కల్లూరు:మునిసిపల్‌ ఎన్నికల నేపథ్యంలో ఎన్నికల ప్రచార గడువు ముగిసినా కల్లూ రు మండల విద్యాశాఖాధికారి ముద్దనూరు శ్రీనివాసులు టీడీపీ అభ్యర్థి తరఫున ప్రచారం చేసినట్లు ఆరోపణలు వస్తున్నాయి. ఉన్నత స్థానంలో ఉన్న ఆయన 300 మందికి పైగా ప్రభుత్వ అధికారులు సభ్యులు ఉన్న వాట్సాప్‌ గ్రూపులో తెలుగుదేశం పార్టీకి చెందిన ఒక కార్పొరేటర్‌ అభ్యర్థికి తప్పనిసరిగా ఓటు వేసి గెలిపించాలని కోరుతూ సందేశం ఇచ్చారు. పోలింగ్‌కు ముందు రోజు ఈ ఘటన చోటుచేసుకున్నట్లు తెలుస్తోంది. ఎన్నికల సమయంలో ఎంఈఓ నిష్పక్షపాతంగా వ్యవహరించాల్సి ఉన్నా ఒక రాజకీయ పార్టీ అభ్యర్థికి అనుకూలంగా ప్రచారం చేసినట్లు వస్తున్న ఆరోపణలు చర్చనీయాంశంగా మారాయి. ఈ ఘటనపై ఎన్నికల అధికారులు, సంబంధిత ఉన్నతాధికారులు స్పందించి విచారణ చేపడతారా? ఆరోపణలు నిజమని తేలితే ఎలాంటి చర్యలు తీసుకుంటారు? అన్నది ఇప్పుడు ఆసక్తికరంగా మారింది.ప్రభుత్వ ఉద్యోగులు ఉండే వాట్సాప్‌ గ్రూపులో టీడీపీ అభ్యర్థికి ఓటు వేయాలని పోస్టర్‌ను పోస్టు చేసిన ఎంఈఓ శ్రీనివాసులు

కర్నూలు(సెంట్రల్‌): మునిసిపల్‌ ఎన్నికలను అధికారులు ప్రజస్వామ్యబద్ధంగా నిర్వహించలేకపోయారని వైఎస్సార్‌సీపీ కర్నూలు, నంద్యాల జిల్లా అధ్యక్షులు ఎస్వీ మోహన్‌రెడ్డి, కాటసాని రాంభూపాల్‌ రెడ్డి అన్నారు. టీడీపీ నేతలు యథేచ్ఛగా ఎన్నికల నిబంధలను ఉల్లంఘించినా ఎలాంటి చర్యలు తీసుకోలేదని మండిపడ్డారు. ఉమ్మడి కర్నూలు జిల్లాలో పోలీసులు కక్షపూరితంగా వ్యవహరించారని విమర్శించారు. కల్లూరు పరిధిలోని రాఘవేంద్రనగర్‌లో కాటసాని కారును పోలీసులు నిలిపివేశారు. మరో కారు కోసం నడిరోడ్డుపైనే ఎండలో అరగంటపాటు ఆయన నిలబడాల్సి వచ్చింది. బీక్యాంపు రాజరాజేశ్వరి దేవాలయంలో సమీపంలో ఎస్వీ కారును నిలుపుదల చేశారు. దీంతో ఆయన కూడా మరో కారు కోసం అరగంటపాటు నడి రోడ్డుపైనే నిలవాల్సి వచ్చింది. ఈ సందర్భంగా వారు విలేకరులతో మాట్లాడారు. తాము ప్రయాణిస్తున్న కార్లకు వెహికల్‌ పాసులు తీసుకున్నా.. చిన్న సాంకేతిక కారణం చూపి వాటిని సీజ్‌ చేశారని ఆగ్రహం వ్యక్తం చేశారు. పోలీసులు కక్షపూరితంగా వ్యవహరించారన్నారు. ఏకంగా రెండు కార్లను సీజ్‌ చేయడం దారుణమన్నారు. ఇది ఒకరంగా ఎన్నికల నిబంధలను ఉల్లంఘించడం అవుతుందని చెప్పారు. మంత్రి టీజీ, ఎమ్మెల్యే చరితల కార్లకు అనుమతులు ఉన్నాయా? తాము ప్రయాణిస్తున్న కారును పోలీసులు సీజ్‌ చేయడంపై కాటసాని రాంభూపాల్‌రెడ్డి ఆగ్రహం వ్యక్తం చేశారు. ఎమ్మెల్యే గౌరు చరిత, ఆమె కుమారుడు వెళ్తున్న వాహనాలకు అనుమతులు ఉన్నాయా అని ప్రశ్నించారు. మంత్రి టీజీ భరత్‌ పెద్ద కాన్వాయ్‌లో పోలింగ్‌ కేంద్రాల పరిశీలనకు వెళ్తున్నారని, వాటికి అనుమతులు ఉన్నాయని ఎస్వీమోహన్‌రెడ్డి ప్రశ్నించారు. ఎన్నికల నిబంధలను యథేచ్ఛగా ఉల్లంఘించారు వైఎస్సార్‌సీపీ కర్నూలు, నంద్యాల జిల్లా అధ్యక్షులు ఎస్వీ మోహన్‌రెడ్డి, కాటసాని రాంభూపాల్‌ రెడ్డి

హాలహర్వి: మండలంలోని గూళ్యం గ్రామంలో వృద్ధ దంపతులు ఆదివారం మృతి చెందారు. గ్రామానికి చెందిన హరిజన లింగమ్మ(60), మస్తానప్ప (65) దంపతులు. శనివారం సాయంత్రం లింగమ్మకు ఒక్కసారిగా లోబీపీ కావడంతో తీవ్ర అస్వస్థతకు గురయ్యారు. కుటుంబ సభ్యులు ఆమె ను మెరుగైన వైద్యం కోసం కర్ణాటకలోని బళ్లారి ఆసుపత్రికి తరలిస్తుండగా మార్గమధ్యలో మోకా వద్ద మృతిచెందారు. భార్య మృతి భర్తను తీవ్రంగా కుంగదీసింది. రాత్రి 9 గంటల సమయంలో మస్తానప్ప తీవ్ర మనోవేదనకు గురికావడంతో కుటుంబ సభ్యు లు ఆయనను వెంటనే కర్ణాటకలోని మోకా ప్రభుత్వ ఆసుపత్రికి తరలించగా చికిత్స పొందుతూ కొద్దిసేపటికే మృతిచెందాడు. వృద్ధ దంపతులకు ఒక కుమారుడు, నలుగురు కుమార్తెలు ఉన్నారుఏ. అందరికీ వివాహాలు అయ్యాయి. స్థానికంగానే వైద్యం అందకనే వృద్ధులు ప్రాణాలు కోల్పోయారని గ్రామస్తులు ఆవేదన వ్యక్తం చేస్తున్నా రు. దాదాపు 10 వేలకు పైగా జనాభా కలిగిన గ్రామంలో అత్యవసర వైద్యం వస్తే దూర ప్రాంతానికి వెళ్లాల్సి వస్తోందని ప్రజలు ఆవేదన వ్యక్తం చేశారు. తమ గ్రామానికి సరైన రోడ్డు సౌకర్యం కూడా లేదని, జిల్లా కేంద్రమైన కర్నూలుకు 130 కి.మీ. దూరం వెళ్లాల్సిన పరిస్థితి నెలకొందని వాపోయారు. మస్తానప్ప (ఫైల్‌),హరిజన లింగమ్మ (ఫైల్‌)

నిష్పక్షపాతంగా, పారదర్శకంగా నిర్వహించాల్సిన ఎన్నికలను కూటమి ప్రభుత్వం అపహాస్యం చేసింది. మున్సిపల్‌ ఎన్నికల్లో నామినేషన్లు మొదలు అదే దాడులు.. అదే దౌర్జన్యం. చివరకు ప్రజలు ప్రశాంతంగా ఓటు హక్కు కూడా వినియోగించుకోలేని పరిస్థితిని తెచ్చింది. ఇతర ప్రాంతాల నుంచి పచ్చమూకలను తీసుకొచ్చి యథేచ్ఛగా బోగస్‌ ఓట్లు వేయించినా అధికారులు చూస్తూ ఉండిపోయారు. పోలింగ్‌ కేంద్రాలను చుట్టుముట్టి హల్‌చల్‌ చేస్తున్నా పోలీసులు ప్రేక్షకపాత్ర వహించారు. పోలింగ్‌ కేంద్రాలను అడ్డాగా చేసుకుని దొంగ ఓట్లతో రీ సైక్లింగ్‌కు పాల్పడ్డాయి. ఎన్నికల అధికారులు, పోలీసుల సమక్షంలో టీడీపీ నేతలు రెచ్చిపోయారు. వీరి ఆగడాలు చూసి ఓటర్లు పోలింగ్‌ కేంద్రాల వైపు వచ్చేందుకు భయపడ్డారు. బేతంచెర్ల: టీడీపీ నాయకుల అరాచకానికి బేతంచెర్ల నగర పంచాయతీ ఎన్నికలు రణరంగంగా మారాయి. పోలింగ్‌ ఉదయం 10 గంటల వరకు ప్రశాంతంగా సాగుతుండగా వైఎస్సార్‌సీపీకి అనుకూలంగా ఓట్లు పడుతున్నాయని భావించిన టీడీపీ నేతలు పోలింగ్‌ కేంద్రాలను ఏకంగా తమ ఆధీనంలోకి తీసుకున్నారు. శేషారెడ్డి ఉన్నత పాఠశాల, సరస్వతి శిశు మందిరం ఉన్నత పాఠశాల, ప్రాథమిక మెయిన్‌ పాఠశాల, సంజీవనగర్‌, హనుమాన్‌నగర్‌ కాలనీల్లో పోలింగ్‌ కేంద్రాలకు టీడీపీ నాయకులు గుంపులుగా వెళ్లి తిష్ట వేశారు. ఇతర ప్రాంతాల నుంచి వందలాది మందిని తీసుకొచ్చి భయభ్రాంతులకు గురి చేశారు. మండల టీడీపీ నాయకులు పోలూరు రాఘవరెడ్డి, షేక్షావలి చౌదరి, ఉన్నం ఎల్లనాగయ్య, చంద్రశేఖర్‌ సైతం పలువురు చుట్టు పక్కల గ్రామాల నుంచి ఇతర ఓటర్లను తరలించారు. శేషారెడ్డి ఉన్నత పాఠశాల ప్రాంగణంలో పోలింగ్‌ కేంద్రం వద్ద దొంగ ఓట్లు వేస్తున్నారనే సమాచారం రావడంతో మాజీ ఎంపీపీ బుగ్గన నాగభూషణం రెడ్డి, ఉర్దూ అకాడమీ మాజీ డైరక్టర్‌ మూర్తుజావలీ, నాయకులు నాగేశ్వరరావు, బుగ్గన కుమార్‌రెడ్డి, వైఎస్సార్‌సీపీ శ్రేణులు టీడీపీ నాయకులు పోలింగ్‌ కేంద్రం నుంచి బయటకు పంపించాలని కోరడంతో ఉద్రిక్త పరిస్థితి తలెత్తింది. టీడీపీ నాయకులకు కొమ్ము కాస్తున్న పోలీసులు వైఎస్సార్‌సీపీ శ్రేణులపైన లాఠీ ఝుళిపించారు. పోలింగ్‌ కేంద్రాల వద్ద లేకుండా తరిమివేశారు. బయటి వ్యక్తులు వచ్చి దొంగ ఓట్లు వేస్తే ఒప్పుకునేది లేదని 2 గంటల సమయంలో 3వ వార్డు కౌన్సిలర్‌ చింతల నాగిరెడ్డి పట్టుబట్టారు. ఒక క్రమంలో ఆయనపైకి టీడీపీ నాయకులు దాడికి యత్నించా రు. బయటి ఓటర్లను అనుమతించనని పోలింగ్‌ కేంద్రం ముందు కూర్చున్నాడు. అతడిని 3 గంటల ప్రాంతంలో పోలీసులు బలవంతంగా బయటకు తీసుకెళ్లిన తర్వాత దొంగ ఓట్లు వేసుకున్నారు. 28వ వార్డులో పచ్చమూకలు భారీగా రీసైక్లింగ్‌ పాల్పడినట్లు తెలుస్తోంది. ఇతర ప్రాంతాల నుంచి వందాలాది మందిని తీసుకొచ్చి షెల్టర్‌ కల్పించారు. బూత్‌లను ఆక్రమించుకొని ఓటర్ల స్థానంలో పచ్చమూకలను పంపించి సాయంత్రం 5 గంటల వరకు రీ సైక్లింగ్‌కు పాల్పడ్డారు. పోలింగ్‌ కేంద్రాల వద్ద 144 సెక్షన్‌ అమలులో ఉందని ప్రకటనలకే పరిమితమైనా అన్ని చోట్ల టీడీపీ నాయకులు పదుల సంఖ్యలో మోహరించడంతో సామాన్య ఓటర్లు తమ ఓటు హక్కును వినియోగించుకోలేక పోయారు. కీలక నేతలు అరెస్టు పోలింగ్‌కు ముందే నగర పంచాయతీ మాజీ చైర్మన్‌ చలం రెడ్డి, మాజీ ఎంపీటీసీ మునేశ్వర్‌ రెడ్డి, వైఎస్సార్‌సీపీ నాయకులు మర్రికుంట మురళీధర్‌ రెడ్డిని పోలీస్‌ స్టేషన్‌లో నిర్భందించారు. మిగిలిన ద్వితీయ శ్రేణి నాయకులపై పోలీసుల అండతో పచ్చమూకలు దాడులు, దౌర్జన్యాలకు దిగారు. బేతంచెర్లలో టీడీపీ నాయకుల చేతుల్లోకి వెళ్లిన పోలింగ్‌ కేంద్రాలు వైఎస్సార్‌సీపీకి అనూకూలంగా ఉండటంతో దొంగ ఓట్లతో రీసైక్లింగ్‌ ఇతర ప్రాంతాల నుంచి జనాన్ని తరలించి ఓట్లేయించిన టీడీపీ నేతలు ఎన్నికల అధికారులు, పోలీసుల సమక్షంలోనే భారీగా బోగస్‌ ఓట్లు టీడీపీ నాయకుల దౌర్జన్యానికి భయపడి ఓటింగ్‌కు రాని సామాన్య ఓటర్లు

కర్నూలు(అర్బన్‌): ఈ నెల 5వ తేదీన జరగనున్న ఎంపీటీసీ, జెడ్పీటీసీ పోలింగ్‌కు సంబంధించి బ్యాలెట్‌ పేపర్లను మండలాలకు చేరవేసే ప్రక్రియ వేగంగా జరుగుతోంది. కర్నూలు, నంద్యాల జిల్లా పరిషత్‌ సీఈఓలు ఆర్‌ సుధాకర్‌రెడ్డి, శివశంకర్‌, ఏఆర్‌ఓ అశ్వినీకుమార్‌, జెడ్పీ పరిపాలనాధికారి మురళీమోహన్‌రెడ్డి పర్యవేక్షణలో స్థానిక జిల్లా పరిషత్‌ ప్రాంగణంలోని డీపీఆర్‌సీ భవనంలో ముద్రిస్తున్న బ్యాలెట్‌ పేపర్లను ఆదివారం ఉదయం నుంచి ఆయా మండలాలకు పంపించే కార్యక్రమంలో జిల్లా పరిషత్‌ పరిపాలనాధికారులు, ఉద్యోగులు నిమగ్నం అయ్యారు. ఆయా మండలాలకు చెందిన ఎంపీడీఓ, ఏఓలను ఇక్కడకు పిలిపించి వారి ఆధ్వర్యంలో బ్యాలెట్‌ పేపర్లను పంపుతున్నారు. కాగా, కర్నూలు జిల్లాలో ఎన్నికలు జరిగే అన్ని మండలాలకు రాత్రిలోగా పంపించేందుకు, నంద్యాల జిల్లాకు ఈ నెల 2వ తేది సాయంత్రంలోగా చేరేలా కార్యచరణను రూపొందించారు. కర్నూలు జిల్లాలో మొత్తం 432 ఎంపీటీసీ స్థానాలకు గాను 74 స్థానాలు ఏకగ్రీవం కాగా, 358 స్థానాలకు ఎన్నికలు జరుగనున్నాయి. నంద్యాల జిల్లాలో మొత్తం 377 ఎంపీటీసీ స్థానాలకు గాను 152 స్థానాలు ఏకగ్రీవం కాగా,మిగిలిన 225 స్థానాలకు ఎన్నికలు జరగాల్సి ఉంది. అయితే బనగానపల్లె మండలంలోని క్రిష్ణగిరి ఎంపీటీసీ స్థానానికి దాఖాలైన నామినేషన్లన్ని తిరస్కరణకు గురి కావడంతో అక్కడ ఎన్నిక నిలిచి పోయింది. ఈ నేపథ్యంలోనే నంద్యాల జిల్లాలో 224 ఎంపీటీసీ స్థానాలకు ఎన్నికలు జరగనున్నాయి. అలాగే కర్నూలు జిల్లాలో 26 జెడ్పీటీసీ, నంద్యాల జిల్లాలో 28 జెడ్పీటీసీలకు గాను 8 స్థానాలు ఏకగ్రీవం కాగా, 20 స్థానాలకు ఎన్నికలు జరగనున్నాయి.

● బెదిరించడమే టీడీపీ రాజకీయమా? ● ఆలూరు ఎమ్మెల్యే విరూపాక్షి దేవనకొండ: మనం ప్రజాస్వామ్యంలో ఉన్నామో.. రౌడీ రాజ్యంలో ఉన్నామో అర్థం కావడం లేదని ఆలూరు ఎమ్మెల్యే విరూపాక్షి అన్నారు. ప్రజా సమస్యలు పరిష్కరించకుండా బెదిరించడమే లక్ష్యంగా టీడీపీ నేతలు రాజకీయాలు చేస్తున్నారన్నారు. దేవనకొండ, పి.కోటకొండ గ్రామాల్లో వైఎస్సార్‌సీపీ ఎంపీపీ , జెడ్పీటీసీ, ఎంపీటీసీ అభ్యర్థులతో కలిసి ఆదివారం ఎన్నికల ప్రచారం నిర్వహించారు. ఈ సందర్భంగా ఎమ్మెల్యే మాట్లాడుతూ.. చంద్రబాబు ప్రభుత్వ తీరు ప్రజాస్వామ్యంలో రౌడీరాజ్యంగా మారిందన్నారు. తనపై తప్పుడు కేసులు నమోదు చేయించి జైలుకు పంపారన్నారు. తాను ప్రజల కోసం ఎల్లప్పుడూ అండగా ఉంటానని, వైఎస్సార్‌సీపీ కార్యకర్తల కోసం తాను ఎన్నిసార్లయినా జైలుకు వెళ్లడం సిద్ధంగా ఉన్నానన్నారు. తనను 70 రోజులు జైలులో పెట్టిన ఘనత టీడీపీ ఇన్‌చార్జ్‌ వైకుంఠం జ్యోతికే చెల్లిందన్నారు. కరువుతోనూ రాజకీయమా? ఆలూరు నియోజకవర్గంలోని దేవనకొండ మండలంలో వైఎస్సార్సీపీకి మంచి పట్టు ఉందని ఎమ్మెల్యే అన్నారు. దీని దృష్టిలో ఉంచుకుని దేవనకొండ మండలాన్ని కరువు జాబితా నుంచి తప్పించారన్కానరు. టీడీపీ ఆలూరు ఇన్‌చార్జ్‌గా ఉన్న వారు కరువుతోనూ రాజకీయం చేస్తున్నారని విమర్శించారు. దేవనకొండ మండలంలో లక్షల ఎకరాల్లో పంటలు వేసినా రైతులకు విత్తన ఖర్చులు కూడా రాలేదన్నారు. రైతుల ఆవేదన చంద్రబాబు ప్రభుత్వానికి పట్టదా అని ప్రశ్నించారు. ప్రజలు అన్నీ గమనిస్తున్నారని, స్థానిక సంస్థల ఎన్నికల్లో టీడీపీ అభ్యర్థులకు ఓటుతో బుద్ధి చెబుతారన్నారు. కార్యక్రమంలో జెడ్పీటీసీ అభ్యర్థి వేదావతి, ఎంపీపీ అభ్యర్థి దివాకర్‌నాయుడు, మండల కన్వీనర్‌ రామకృష్ణ, లీగల్‌ సెల్‌ అడ్వైజర్‌ కబీర్‌దాస్‌, మాజీ సహకార సంఘం చైర్మన్‌ లక్ష్మీదేవి, చైర్మన్‌ కొత్త కాపు మధుసూదన్‌రెడ్డి, రాజారెడ్డి, మోహన్‌రెడ్డి, అరుణ్‌కుమార్‌, లుమాంబ, వీరేష్‌, హర్షవర్ధన్‌రెడ్డి, హనుమంతరెడ్డి, మండలంలోని కార్యకర్తలు పాల్గొన్నారు.

జూపాడుబంగ్లా: టీడీపీ ప్రభుత్వ పాలన నచ్చక తర్తూరు గ్రామానికి చెందిన టీడీపీ నాయకులు ఆదివారం తర్తూరు గ్రామంలో వైఎస్సార్‌సీపీ రాష్ట్ర యువజనవిభాగ వర్కింగ్‌ ప్రెసిడెంటు బైరెడ్డి సిద్దార్థరెడ్డి సమక్షంలో వైఎస్సార్‌ కాంగ్రెస్‌ పార్టీలో చేరారు. గ్రామానికి చెందిన మాజీ సర్పంచ్‌ పీఎం నాగిరెడ్డి, మాజీ ఉప సర్పంచ్‌ పోతిరెడ్డి శివకృష్ణారెడ్డి, పోతుల మహేశ్వరరెడ్డి, షేక్‌ ఖలీం, విజయ్‌కుమార్‌, మల్లికార్జునరెడ్డి, ఫారూక్‌, మహబూబ్‌బాషా, చాకలి నాగరాజు, మాబాషా తదితరులకు సిద్దార్థరెడ్డి కండువా కప్పి పార్టీలోకి ఆహ్వానించారు. ఈ సందర్భంగా వారు మాట్లాడుతూ.. సీఎం చంద్రబాబు నాయుడు ఎన్నికల సమయంలో ఇచ్చిన హామీలు నెరవేర్చకుండా కాలయాపన చేస్తున్నారని తెలిపారు. వైఎస్సార్‌సీపీతోనే అభివృద్ధి సాధ్యమని భావించి ఆ పార్టీలో చేరుతున్నట్లు తెలిపారు.

కర్నూలు సిటీ: కోడుమూరు నియోజకవర్గానికి చెంది.. నగరపాలక సంస్థ పరిధిలోని వార్డుల్లో ఆదివారం జరిగిన నగరపాలక ఎన్నికల్లో 51,52,53,54 వార్డులకు సంబంధించిన పోలింగ్‌ కేంద్రాల్లో టీడీపీ నాయకులు స్వేచ్ఛగా తిరుగుతూ ఓటర్లను ప్రలోభాలకు గురి చేశారు. పోలింగ్‌ కేంద్రంలోకి వచ్చి తమ అభ్యర్థికి ఓటేయాలని అభ్యర్థిస్తున్నా.. అక్కడే ఉన్న పోలీసులు పట్టించుకోకపోవడం విశేషం. పోలింగ్‌ కేంద్రాల వద్దర స్థానిక యువతతో పాటు, స్థానికేతరులతో కలిసి గుంపులు గుంపులుగా హల్‌ చల్‌ చేశారు. బాలాజీ నగర్‌లోని 54వ వార్డు పోలింగ్‌ కేంద్రానికి టీడీపీ కార్పొరేటర్‌ అభ్యర్థి జయచంద్రకు మద్దతుగా కొంత మంది యువకులు మద్యాహ్నం 3 గంటల తరువాత స్థానికేతరులతో ఓట్లేయించారు. విషయాన్ని కొందరు ఓటర్లు అక్కడే ఉన్న పోలీసుల దృష్టికి తీసుకెళ్లినా వారు పట్టించుకోలేదు. దీంతో ఓటర్లు అక్కడి ఎన్నికల అధికారి దృష్టికి తీసుకెళ్లడంతో స్థానికేతరులు అక్కడి నుంచి జారుకున్నారు. ఎంపీ బస్తిపాటి నాగరాజు అక్కడికి చేరుకొని ఓట్లేయించాలని సూచించారు.. వాస్తవానికి ఎంపీ నగరపాలక సంస్థ పరిధిలోని ఓటరు కాదు. కాకపోయినా తన వెంట స్థానికేతర యువతతో వార్డుల్లోని పోలింగ్‌ కేంద్రాల్లో తిరగడం గమనార్హం. మామిదలపాడులోని పోలింగ్‌ కేంద్రాల్లో చివరి సమయంలో దొంగ ఓట్లు వేయించారు. వైఎస్సార్‌సీపీ ఏజెంట్లను బెదిరించి స్థానికేతరులతో ఓట్లు వేయించారు. వైఎస్సార్‌సీపీ మేయర్‌ అభ్యర్థి యు.సుశీల, కోడుమూరు మాజీ ఎమ్మెల్యే ఎం.మణిగాంధీ, కుమారులతో కలిసి 52వ వార్డులోని మునగాలపాడులో ఓటు హక్కును వినియోగించుకున్నారు.

వెల్దుర్తి: గ్రామ దేవత ఎల్లమ్మ అమ్మవారు సువర్ణ కిరీటాలంకరణలో ధగధగ మెరిసిపోయారు. దాతలు అమ్మవారికి అపురూప కానుక సమర్పించడంతో స్వర్ణ కాంతిలో జగజ్జనని విరాజిల్లారు. వెల్దుర్తి పట్టణానికి చెందిన ప్రముఖ బ్రాహ్మణ కుటుంబం అన్నదానం వాసుదేవయ్య కుటుంబీకులు దాతలుగా మూడు రోజులుగా శాస్త్రోక్తంగా యాగాలు, హోమాలు నిర్వహించారు. అమ్మవారికి కేజీ బరువైన రూ.కోటిన్నరపై విలువ కలిగిన బంగారు కిరీటాన్ని ఆదివారం భక్తి శ్రద్ధలతో బహూకరించారు. అర్చకుల సమక్షంలో దాతలు తమ స్వహస్తాలతో అమ్మవారికి అలంకరించారు. కార్యక్రమంలో ఆలయ ధర్మకర్త వంశస్తులు బొమ్మన దశరథ రామిరెడ్డి, పట్టణ ప్రముఖ వ్యాపారవేత్త తిరివీధి సాయిప్రసాద్‌ పాల్గొన్నారు.

మహానంది: టిప్పర్‌ డ్రైవర్లు అతివేగంగా వెళ్తే అడ్డుకుంటామని అయ్యన్ననగర్‌ గ్రామస్తులు హెచ్చరించారు. నూతన హైవే నిర్మాణం కోసం గాజులపల్లె, బసవాపురం గ్రామ సమీపాల నుంచి నిత్యం వందలాది టిప్పర్లు మట్టి, గ్రావెల్‌ను తరలిస్తున్నాయి. టిప్పర్‌ డ్రైవర్ల మధ్య పోటీ, బాడుగల కోసం అతివేగంతో వెళ్తూ రోడ్డు ప్రమాదాలకు కారణమవుతున్నారు. నిదానంగా వెళ్లాలని ఎన్ని సార్లు చెప్పినా వినకపోవడంతో మహానంది సమీపంలోని తెలుగుగంగ కాలువ పక్కనే ఉన్న అయ్యన్ననగర్‌ గ్రామస్తులు శనివారం అడ్డుకున్నారు. దీంతో మట్టిటిప్పర్లను అడ్డుకు ని నిలదీశారు. ‘మీకేమైనా తగిలిందా.. ఎలాంటి ప్రమాదం జరగలేదు’ కదా అని టిప్పర్‌ డ్రైవర్లు నిర్లక్ష్యంగా సమాధానమివ్వడంతో కోపోద్రిక్తులైన గ్రామస్తులు నిలదీశారు. నిదానంగా వెళ్లకపోతే రోడ్డుపై బైఠాయించి అడ్డుకుంటామని హెచ్చరించారు. ఇదిలా ఉండగా నిబంధనల ప్రకారం తెలుగుగంగ కట్టపై ఎలాంటి భారీ వాహనాలు వెళ్లకూడదనే నిబంధనలు ఉన్నాయి. కానీ అధికారులు ఎలాంటి చర్యలు తీసుకోవడం లేదని సమీప గ్రామాల రైతులు, ప్రజలు ఆగ్రహం వ్యక్తం చేస్తున్నారు.

శ్రీశైలం టెంపుల్‌: శ్రీశైల దేవస్థానం వైద్యశాలకు శనివారం హైదరాబాద్‌కు చెందిన దాత సరోజినీ అగర్వాల్‌ రూ. 4.31 లక్షల విలువ చేసే అత్యాధునిక వైద్య పరికరాలను విరాళంగా అందజేశారు. సీమెన్స్‌ కంపెనీకి చెందిన ఏబీజీ ఎనలైజర్‌తో పాటు మూడు కాట్రిడ్జ్‌లను దేవస్థానం వైద్యశాల అధికారులకు అందజేశారు. ఈ సందర్భంగా డాక్టర్లు మాట్లాడుతూ.. అత్యవసర పరిస్థితుల్లో రోగులకు మెరుగైన సేవలు అందించేందుకు దాత అందించిన పరికరాలు ఎంతో ఉపయోగపడుతాయన్నారు. ఈ సందర్భంగా దేవస్థానం అధికారులు దాతకు శేషవస్త్రాలు, శ్రీ స్వామిఅమ్మవార్ల ప్రసాదాలను అందజేశారు. కార్యక్రమంలో పర్యవేక్షకులు బి. శ్రీనివాసులు, సీనియర్‌ అసిస్టెంట్‌ కె. శ్రీ నివాసప్రసాదు, డాక్టర్లు, సిబ్బంది తదితరులు పాల్గొన్నారు. అనుమానంతో అంతమొందించాడు! బనగానపల్లె: పట్టణంలోని కొండపేటలో శనివారం ఓ వ్యక్తి అనుమానంతో భార్యను దారుణంగా హత్య చేశాడు. సీఐ ప్రవీణ్‌కుమార్‌ వివరాల మేరకు.. కొండపేటలోని సయ్యద్‌వాడీ కా లనీకి చెందిన అల్లాబకాష్‌, జరీనాబీ(34) దంపతులు గత కాలంగా గోవులను మేపుతూ జీవ నం సాగిస్తున్నారు. వీరికి ఇద్దరు సంతానం. అయితే భార్య జరీనాబీకి ఆమె బంధువుతో వివాహేతర సంబంధం ఉందని భర్త అల్లాబకాష్‌ అనుమానం పెంచుకున్నాడు. ఈ విషయంలో పలుమార్లు వారి మధ్య వాగ్వాదం జరిగింది. ఈ క్రమంలో శనివారం మధ్యాహ్నం వారి మధ్య మళ్లీ గొడవ జరిగింది. దీంతో ఆవేశానికి గురైన అల్లా బకాష్‌ భార్యను గొడ్డలితో మెడపై నరికి చంపి పారిపోయాడు. విషయం తెలుసుకున్న వెంటనే సీఐ ప్రవీణ్‌కుమార్‌ ఘటన స్థలానికి చేరుకుని విచారణ చేపట్టారు. మృతదేహాన్ని పోస్టుమార్టం నిమిత్తం స్థానిక ప్రభుత్వ వైద్యశాలకు తరలించారు. మృతురాలి కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు తెలిపారు. తెలంగాణ మద్యం పట్టివేత కర్నూలు: నగర శివారులోని పంచలింగాల జిల్లా సరిహద్దు చెక్‌పోస్టు వద్ద ఎకై ్సజ్‌ అధికారులు అక్రమ మద్యం పట్టుకున్నారు. స్థానిక సంస్థల ఎన్నికల నేపథ్యంలో అక్రమ మద్యం రవాణా అరికట్టేందుకు ఎక్సైజ్‌ స్టేషన్‌ పరిధి లోని పంచలింగాల చెక్‌పోస్టు వద్ద వాహన తనిఖీలను ముమ్మరం చేశారు. ఇందులో భాగంగా శనివారం వాహనాలు తనిఖీ చేస్తుండగా పంచలింగాలకు చెందిన అజయ్‌కుమార్‌ తెలంగాణ నుంచి 48 మద్యం బాటిళ్లను తీసుకొని వస్తుండగా వాహనం ఆపి తనిఖీ చేయగా బయటపడ్డాయి. మద్యం స్వాధీనం చేసుకుని అజయ్‌కుమార్‌ను స్టేషన్‌కు తరలించి కేసు నమోదు చేశారు. తెలంగాణ రాష్ట్రం నుంచి ఆంధ్రప్రదేశ్‌లోకి అక్రమంగా రవాణా చేస్తే కఠినమైన చర్యలు ఉంటాయని హెచ్చరించారు. తనిఖీల్లో కర్నూలు ఎకై ్సజ్‌ సీఐ చంద్రహాస్‌, ఎస్‌ఐ నవీన్‌, విశ్వేశ్వరరావు, ట్రైనీ ఎస్‌ఐ హరికృష్ణ, ఎస్‌ఎస్‌ టీమ్‌ భక్తవత్సలం తదితరులు ఉన్నారు. మద్యం సీసాలు స్వాధీనం డోన్‌ టౌన్‌: పట్టణంలోని తారకరామనగర్‌లో ఒక మహిళ వద్ద అక్రమంగా ఉన్న 11 మద్యం బాటిళ్లను స్వాధీనం చేసుకోని కేసు నమోదు చేసినట్లు ప్రొహిబిషన్‌, ఎౖక్సైజ్‌ సీఐ జప్రూల్లా శనివారం తెలిపారు. మున్సిపల్‌ ఎన్నికల పోలింగ్‌ సందర్భంగా శుక్రవారం సాయంత్రం నుంచే పట్టణంలో మద్యం సరఫరాను కట్టడి చేసి దుకాణాలు సీజ్‌ చేసినట్లు సీఐ తెలిపారు. ఎవరైనా మద్యం విక్రయించినా, అక్రమంగా సరఫరా చేసినా కేసులు నమోదు చేస్తామని హెచ్చరించారు. దాడుల్లో ఎస్‌ఐ సోమశేఖర్‌రావు, ట్రైనీ ఎస్‌ఐ అన్వేష్‌, సిబ్బంది సుధాకర్‌రెడ్డి, నాగరాజు, చిన్నకృష్ణ, శివపార్వతి, రవికృష్ణ తదితరులు ఉన్నారు. ఉపాధి కూలీ మృతి కొత్తపల్లి: శివపురంలో గ్రామంలో ఓ మహిళ ఉపాధి పనులు చేస్తూ అస్వస్థతకు గురై మృతి చెందింది. గ్రామానికి చెందిన బాసిపోగు పార్వతమ్మ (66) శనివారం ఉదయం గ్రామసమీపంలో జరుగుతున్న వీబీజీ రాంజీ పనులకు వెళ్లిది. అక్కడ పనిచేస్తూ ఛాతిలో నొప్పితో అస్వస్థతకు గురై కుప్పకూలి పడిపోయింది. గమనించిన కూలీలు ఆమెను ఇంటికి తీసుకొచ్చారు. సేద తీరుతుండగా మృత్యువాత పడింది.

కర్నూలు జిల్లాలో వర్షాభావం వల్ల పూర్తిగా ఎండిపోయిన వేరుశనగ, గిడసబారిన పత్తి పంట● నంద్యాల జిల్లాలో 28 మండలాలను తీవ్ర కరువు మండలాలుగా గుర్తించారు. వర్షాభావం వల్ల రైతులు రూ.1,258.18 కోట్లు విలువ దిగుబడలు కోల్పోయినట్లు వ్యవసాయ అధికార యంత్రాంగం ప్రాథమికంగా నిర్ధారించింది. 2,07,340 మంది రైతులు ఎల్‌నినో బాధితులుగా ఉన్నారు. ● కర్నూలు జిల్లాలో 1,68,495.47 హెక్టార్లలో పంటలు ఎల్‌నినో ప్రభావంతో పూర్తిగా దెబ్బతిన్నాయి. నష్టపోయిన పంటలకు కనీస మద్దతు ధరల ప్రకారం రూ.710.26 కోట్ల నష్టం వాటి ల్లింది. 1,85,515 మంది రైతులు ఎల్‌నినో బాధి తులుగా ఉన్నారు. జిల్లాలో 12 మండలాలను కరువు ప్రాంతాలుగా గుర్తించలేదు. కర్నూలు(అగ్రికల్చర్‌): దాదాపు ఆరు దశాబ్దాల్లో ఎపుడూ లేని విధంగా 2026–27 సంవత్సరంలో వ్యవసాయాన్ని ఎల్‌నినో మింగేసింది. కరువు విలయతాండవం చేస్తున్నా.. ప్రభుత్వం నుంచి ఇసుమంత కూడా చేయూత దక్కక పోవడంతో అన్నదాతల పరిస్థితి దయనీయమైంది. ఒకవైపు అడ్డుగోలుగా పెరిగిపోతున్న ధరలు, మరోవైపు ఉక్కిరిబిక్కిరి చేస్తున్న తాగునీటి సమస్య, ఇంకోవైపు పశుగ్రాసం కొరత రైతులు, ఇతర వర్గాల ప్రజలను తీవ్ర ఆందోళనకు గురి చేస్తోంది. ఖరీఫ్‌ ఎత్తిపోయినా... రబీ సీజన్‌ ఆదుకుంటుందనే ఆశ సహజంగా రైతుల్లో ఉంటుంది. గతంలో ఎప్పుడూ లేని విధంగా రబీ సీజన్‌ కూడా లేకుండా పోయింది. రబీ మొదలై నెల రోజులైనా ఇంతవరకు రబీ పంటల సాగు 1000 హెక్టార్లకు మించలేదు. ఎల్‌నినో ప్రభావం వల్ల జూన్‌ నుంచి వర్షాలు లేకపోవడంతో రైతుల పరిస్థితి దారుణంగా ఉంది. ఖరీఫ్‌ సీజన్‌లో సాగు విస్తీర్ణం మెరుగ్గా ఉన్నప్పటికీ దిగుబడులు పూర్తిగా తగ్గిపోవడం ఆందోళన కలిగించే విషయం. ఉమ్మడి జిల్లాలో 3,92,855 మంది రైతులు కరువు పీడిత బాధితులుగా మిగిలారు. రబీలో అస్సలు కాడి పట్టే పరిస్థితే లేకుండా పోయింది. ఈ నేపథ్యంలో ఉమ్మడి జిల్లాలో నెలకొన్న కరువును ప్రత్యక్షంగా పరిశీలించేందుకు కేంద్రం బృందం నవంబరు 2, 3 తేదీల్లో ఉమ్మడి జిల్లాలో పర్యటించనుంది. కేంద్ర బృందానికి పరిస్థితిని చెప్పుకోవడానికి రైతులు, రైతుసంఘాలు, అధికార యంత్రాంగం సిద్ధంగా ఉంది. ఉమ్మడి జిల్లాలో అధికార వర్గాల సమాచారం ప్రకారం 726 పంచాయతీల్లో నీటి సమస్య జఠిలమైంది. పశ్చిమ ప్రాంతంలో రెండు వారాలకు ఒక్కసారి కూడ నీళ్లు ఇవ్వడం లేదంటే పరిస్థితి ఎంత తీవ్రంగా ఉందో ఊహించుకోవచ్చు. భూగర్భ జలాలు గత ఏడాది అక్టోబరుతో పోలిస్తే 3.56 మీటర్ల అడుగుకు పోవడంతో నీటి సమస్య రోజురోజుకు పెరిగిపోతోంది. కర్నూలు జిల్లాలో 286, నంద్యాల జిల్లాలో 316 చెరువులు ఉన్నా.. చుక్కనీరు లేని పరిస్థితి ఏర్పడింది. ఉమ్మడి జిల్లాలో పంట దిగుబడుల నష్టం రూ.1,968.44 కోట్లు ఉన్నట్లు ప్రాథమికంగా వ్యవసాయ యంత్రాంగం అంచనా వేసింది. రెండు రోజులు సెంట్రల్‌ టీమ్‌ పర్యటన..ఎన్‌డీఆర్‌ఎఫ్‌ నామ్స్‌ ప్రకారం కేంద్రం కరువు ప్రాంతాలకు నిధులు విడుదల చేసే ముందు ప్రత్యేక బృందాన్ని ఆయా జిల్లాలకు పంపుతుంది. ఇందులో భాగంగా ముగ్గురు ఉన్నతాధికారుల బృందం నవంబరు నెల 2, 3 తేదీల్లో ఉమ్మడి జిల్లాలో పర్యటించనుంది. ఈ మేరకు షెడ్యూలు ఖరారు అయ్యింది. ఐదుగురు సభ్యులు కలిగిన కేంద్ర బృందం ఉమ్మడి జిల్లాలో పర్యటించనుంది. కేంద ప్రభుత్వ డీవోడీ డైరెక్టర్‌ కే.పోనుసామి బృందానికి నేతృత్వం వహిస్తున్నారు. ఎన్‌ఐటీఐ సీనియర్‌ రీసెర్చ్‌ ఆఫీసర్‌ బి. అనురాధ, ఎన్‌పీఎంయూ – పీహెచ్‌ఈ ఆర్‌ఐసీ ధీరేంద్రకుమార్‌, ఫుడ్‌ అండ్‌ పీడీ సెక్రటరీ ప్రదీప్‌కుమార్‌, కేంద్ర పశుసంవర్ధక శాఖ అధికారి బదూరీయా సెంట్రల్‌ టీమ్‌లో ఉన్నారు. 2వ తేదీ మధ్యాహ్నం 12.30 గంటలకు అనంతపురం జిల్లా నుంచి తుగ్గలి మండలం జి.ఎర్రగుడికి సెంట్రల్‌ టీమ్‌ చేరుకుంటుంది. ఇదే మండలంలోని పగిడిరాయి, మద్దికెర మండలంలోని పెరవలి, పత్తికొండ మండలంలోని చిన్నహుల్తి, జూటూరు గ్రామాల్లో కరువు పరిస్థితులను పరిశీలిస్తుంది. ఈ సందర్భంగా రైతులతో ముఖాముఖిగా మాట్లాడుతారు. తర్వాత కర్నూలు చేరుకొని కలెక్టరేట్‌లో జరిగే కార్యక్రమంలో ఫొటో ఎగ్జిబిషన్‌ తిలకించడంతో లైన్‌ డిపార్టుమెంటు అధికారులతో కరువు పరిస్థితిపై సమీక్ష నిర్వహిస్తారు. 3వ తేదీ నంద్యాల జిల్లాలో పర్యటించనున్నారు. ఖరీఫ్‌, రబీ పంటలను మింగేసిన ఎల్‌నినో ఉమ్మడి జిల్లాలో 3.50 లక్షల హెక్టార్లలో దెబ్బతిన్న పంటలు తీవ్రతరమవుతున్న నీటి సమస్య, పశుగ్రాసం కొరత రేపటి నుంచి సెంట్రల్‌ బృందం పర్యటన

● ప్రాణాలతో బయటపడిన ఓ కుటుంబంమంత్రాలయం రూరల్‌: చిలకలడోణ గ్రామంలో త్రుటిలో ఘోర ప్రమాదం తప్పింది. ఓ కుటుంబం క్షేమంగా బయటపడటంతో గ్రామస్తులు ఊపిరిపీల్చుకున్నారు. కర్ణాటక రాష్ట్రం రాయచూరు నుంచి స్పిరిట్‌ లోడ్‌తో పాండిచ్చేరి వెళ్తున్న ట్యాంకర్‌ మార్గమధ్యలో శుక్రవారం అర్ధరాత్రి సమయంలో చిలకలడోణ వద్ద అదుపు తప్పింది. రహదారి పక్కనే ఉన్న హోటల్‌ షెడ్‌లోకి దూసుకెళ్లింది. షెడ్‌ ముందు డ్రైనేజీ కాల్వ ఉండటంతో ట్యాంకర్‌ ఇరుక్కుపోయి నిలిచిపోయింది. ఆ సమయంలో షెడ్‌ పక్కనే ఉన్న కొట్టంలో దంపతులతో పాటు ముగ్గురు పిల్లలు ఉన్నారు. ట్యాంకర్‌ కొట్టం వద్ద నిలిచిపోవడంతో ఐదుగురు ప్రాణాలతో బయటపడ్డారు. లారీ డ్రైవర్‌ను గ్రామస్తులు బయటకు తీశారు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు. అలాగే మంత్రాలయం–కల్లుదేవకుంట మధ్యలో శనివారం వేకు వ జామున కారు ప్రమాదానికి గురైంది. రాయచూ రు జిల్లా పంచముఖి గ్రామానికి చెందిన భీమయ్య, మునేష్‌ కర్నూలు నుంచి వస్తుండగా ఈ ప్రమాదం జరిగింది. ప్రమాదంలో వారికి స్వల్ప గాయాలయ్యాయి. చికిత్స నిమిత్తం 108లో ఎమ్మిగనూరు ప్రభుత్వాసుపత్రికి తరలించారు. అక్కడి నుంచి మెరుగైన చికిత్సకు రాయచూరుకు వెళ్లారు.

● జిల్లా డిప్యూటీ ట్రెజరీ డైరెక్టర్‌ రామచంద్రరావుఆలూరు: ఉద్యోగులు బాధ్యతాయుతంగా పనిచేస్తే మంచి గుర్తింపు వస్తుందని జిల్లా డిప్యూటీ ట్రెజరీ డైరెక్టర్‌ రామచంద్రరావు అన్నారు. అలూరులోని ఉమాకల్యాణ మండపంలో ఆలూరు ఎస్‌టీఓ డి. శ్రీనివాసులు పదవీ విరమణ వీడ్కోలు కార్యాక్రమాన్ని శనివారం నిర్వహించారు. ముఖ్యఅతిథిగా జిల్లా ట్రెజరీ డిప్యూటీ డైరెక్టర్‌ మాట్లాడుతూ.. ప్రతి ఉద్యోగి మానసిక ఒత్తిడిని తట్టుకుని పనిచేయాల్సి ఉంటుందన్నారు. క్రమశిక్షణ, పట్టుదల, నిబద్ధతతో శ్రీనివాసులు పనిచేశారని కొనియాడారు. కార్యక్రమంలో ఆదోని ఏటీఓ వెంకటరమణ, డిప్యూటీ ఈఓ రాజేంద్రప్రసాద్‌, ఏపీ ఎన్‌జీవో జిల్లా మాజీ అధ్యక్షుడు వెంగళ్‌రెడ్డి, ఆలూరు నియోజకవర్గం ఉద్యోగుల సంఘం అధ్యక్ష, కార్యదర్శులు మోహన్‌, సాయిబాబు, ఆలూరు ఎంఈఓ 2 చిరంజీవిరెడ్డి, మద్దికెర ఎంఈఓ రంగస్వామి, ఎస్‌టీయూ నాయకులు నాగరాజ్‌, నాయకులు గోవిందప్ప, రమణారెడ్డి రామకృష్ణ తదితరులు పాల్గొన్నారు.

స్వామి అమ్మవార్లకు ఆలయ మాడ వీధుల్లో స్వర్ణ రథోత్సవంశ్రీశైలం టెంపుల్‌: శ్రీశైల దేవస్థానంలో ఆరుద్ర నక్షత్రాన్ని పురస్కరించుకుని స్వామిఅమ్మవార్లకు స్వర్ణ రథోత్సవం నిర్వహించారు. శనివారం వేకువజామున స్వామివారికి మహాన్యాసపూర్వక ఏకాదశ రుద్రాభిషేకం, అన్నాభిషేకం, విశేషపూజలు నిర్వహించి స్వర్ణ రథోత్సవం జరిపించారు. భక్తుల శివనామస్మరణ నడుమ ఈ స్వర్ణరథోత్సవం ప్రారంభమైంది. గంగాధర మండపం నుంచి నందిమండపం వరకు తిరిగి అక్కడి నుంచి నంది మండపం వరకు రథోత్సవం కొనసాగింది. పలు కళా బృందాల కోలాటం, తప్పెట చిందులు, మొదలైన జానపద కళారూపాలు ఆకట్టుకున్నాయి. కార్యక్రమంలో పలువిభాగాల అధికారులు, పర్యవేక్షకులు, తదితర సిబ్బంది పాల్గొన్నారు.

కర్నూలు (టౌన్‌): అధికారంలోకి వస్తే వంద రోజుల్లో ధరలను నియంత్రిస్తానని ఎన్నికల్లో చెప్పి ప్రజలను మోసం చేసిన చంద్రబాబు నాయుడుకు ఓటుతో బుద్ధి చెపాల్పని వైఎస్సార్‌ కాంగ్రెస్‌పార్టీ రాష్ట్ర అధికార ప్రతినిధి, మాజీ మేయర్‌ బీవై రామ య్య ఓటర్లకు పిలుపు నిచ్చారు. శనివారం స్థానిక గణేష్‌నగర్‌లోని తన కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడుతూ.. చంద్రబాబు నాయుడు అధికారంలోకి వచ్చిన తర్వాత విద్యుత్‌ చార్జీలు, గ్యాస్‌, పెట్రోలు, డీజిల్‌తో పాటు నిత్యావసరాల సరుకుల ధరలు విపరీతంగా పెంచారన్నారు. జగనన్న హయాంలో కిలో బియ్యం రూ.50 ఉంటే ప్రస్తుతం రూ.100కు చేరుకుందన్నారు. కందిపప్పు రూ.100 నుంచి రూ.180, ఉల్లిగడ్డలు రూ.20 నుంచి రూ.80.. అన్నీ పెరగడంతో పేదల జీవనం భారంగా మారిందన్నారు. సామాన్య ప్రజలపై ధరల భారం పెంచిన చంద్రబాబు నాయుడు ప్రభుత్వం బడాబాబులకు కార్పొరేట్లకు మాత్రం 99 పైసలకే ఎకరాల కొద్ది భూములు కట్టబెట్టారన్నారు. ‘మా ఇష్టం వచ్చినట్లు భూములు కేటాయిస్తాం’ అని మంత్రి లోకేష్‌ చెప్పడం విడ్డూరంగా ఉందని, ప్రభుత్వభూములన్నీ బాబు జాగీరా’ అని ప్రశ్నించారు. 18 ఏళ్లు నిండిన మహిళలందరికీ ఆడబిడ్డ నిధి కింద ప్రతి నెల రూ.1500 ఇస్తామని చెప్పి మోసం చేశారన్నారు. బీసీలను దగా చేసిన చంద్రబాబు.. కేంద్రంలో, రాష్ట్రంలో అధికారంలో తామే ఉన్నా మని చెప్పే చంద్రబాబు నాయుడు బీసీ రిజర్వేషన్ల విషయంలో ఎందుకు చట్టబద్ధత తీసుకురాలేదన్నారు. బీసీలందరూ ఆలోచించాలన్నారు. చెప్పిన వి చేయకపోవడం చంద్రబాబు నైజమన్నారు. బీసీ రిజర్వేషన్లపై డెడికేషన్‌ కమిటీ పేరుతో రెండేళ్లు కాలయాపన చేసి మోసం చేశారన్నారు. ఓటమి భయంతో చంద్రబాబు ఎన్నికల్లో హింస, దౌర్జ న్యాలు, నామినేషన్లు చించేయడం, దాడులు చేయడం, మహిళలను సైతం తీవ్రంగా ఇబ్బందులు పెట్టారన్నారు. కార్ల దహనాలు, గృహ దహనాలు, హత్యాయత్నాలు చేసిన ఘనత చంద్రబాబు ప్రభుత్వానిదేన్నారు. ప్రజాస్వామ్యబద్ధంగా ఎన్నికలు నిర్వహిస్తే టీడీపీకి డిపాజిట్లు కూడా దక్కవన్నారు. ఆదివారం జరిగే మున్సిపల్‌ ఎన్నికలు, నవంబర్‌ 5న జరిగే జెడ్పీటీసీ, ఎంపీటీసీ ఎన్నికల్లో ఓటర్లు చంద్రబాబుకు బుద్ధి చెప్పాలని, ఎన్ని ఇబ్బందులు పెట్టినా ఓటర్లు పోలింగ్‌ కేంద్రాలకు తరలి రావాలన్నారు. 2029లో వచ్చేది జగనన్న ప్రభుత్వమే అన్నారు. మాట్లాడుతున్న వైఎస్సార్‌సీపీరాష్ట్ర అధికార ప్రతినిధి బీవై రామయ్య

కర్నూలు (టౌన్‌) : కర్నూలు నగరపాలక సంస్థ 15వ వార్డు వైఎస్సార్‌సీపీ కార్పొరేటర్‌ అభ్యర్థి మల్లికా సమయాకు రక్షణ కల్పించాలని వైఎస్సార్‌సీపీ లీగల్‌ సెల్‌ జిల్లా అద్యక్షుడు జి. స్వాములు కోరారు. నామినేషన్ల సమయంలో ప్రత్యర్థి టీడీపీ నాయకులు వైఎస్సార్‌సీపీ అభ్యర్థిని చంపుతామని బెదిరించడం, దౌర్జన్యాలకు పాల్పడ్డారని దీంతో అమె హైకోర్టును ఆశ్రయించారన్నారు. విచారణ జరిపిన హైకోర్టు ఈనెల 30వ తేదీ వన్‌ టౌన్‌ పోలీసులు అభ్యర్థికి రక్షణ కల్పించాలని హైకోర్టు ఆదేశించిందని ఆయన వెల్లడించారు. ఈ మేరకు శనివారం స్థానిక వన్‌ టౌన్‌ పోలీసు స్టేషన్‌లో సీఐ మారుతి శంకర్‌కు హైకోర్టు ఉత్తర్వులను అందజేశారు. ఆయన మాట్లాడుతూ మల్లికా సమయాపై టీడీపీకి చెందిన మహిళలతో భౌతిక దాడి చేయించారన్నారు. శివ నిఖిలేశ్వర రెడ్డి, మాజీ కార్పొరేటర్‌ జలీల్‌, ఆరిఫ్‌ ఖాన్‌ పాల్గొన్నారు.

శ్రీశైలంటెంపుల్‌: అష్టాదశ శక్తిపీఠంగా వెలసిన శ్రీశైల భ్రమరాంబాదేవికి శుక్రవారం అమ్మవా రి మూల నక్షత్రాన్ని పురస్కరించుకుని దేవస్థా న అర్చకులు శాస్త్రోక్తంగా ఊయలసేవ నిర్వహించారు. సాయంత్రం 7 గంటలకు సేవా సంకల్పాన్ని పఠించారు. కార్యక్రమం నిర్విఘ్నంగా జరగాలని మహాగణపతిపూజ చేశారు. ఊయలలో స్వామిఅమ్మవార్లను ఉంచి షోడశోపచార పూజల అనంతరం అష్టోత్తరం, త్రిశతి, ఖడ్గమాల, సహస్రనామ పూజలు జరిపించారు. అనంతరం క్షేత్రంలోని అంకాలమ్మ దేవికి ప్రత్యేక పూజలు నిర్వహించారు. పెయ్యదూడలను అభివృద్ధి చేయండి కర్నూలు(అగ్రికల్చర్‌): పాల ఉత్పత్తి పెంచేందుకు లింగనిర్ధారిత వీర్యం ద్వారా పెయ్యదూడల అభివృద్ధికి ప్రతి ఒక్కరూ కృషి చేయాలని రాష్ట్ర పశుగణాభివృద్ధి సంస్థ ముఖ్య కార్యనిర్వహణాధికారి సింహాచలం తెలిపారు. శుక్రవా రం కర్నూలుకు వచ్చిన ఆయన జిల్లా పశుగణా భివృద్ధి సంస్థ కార్యాలయాన్ని తనిఖీ చేశారు. వెటర్నరీ పాలీ క్లీనిక్‌ను సందర్శించి రోజువారీగా ఓపీకి వస్తున్న పశువులు, కుక్కలు, తదితరాల గురించి ఆరా తీశారు. అదే ప్రాంగణంలో ఉన్న పశుసంవర్ధక శాఖ రైతు శిక్షణా కేంద్రాన్ని తనిఖీ చేసి బనవాసికి వెళ్లారు. కార్యక్రమంలో జిల్లా పశుసంవర్ధక శాఖ జాయింట్‌ డైరెక్టర్‌ డాక్టర్‌ రాజశేఖర్‌, కర్నూలు డీడీ భవాని శంకర్‌రెడ్డి, జిల్లా పశుగణాభివృద్ధి సంస్థ డీడీ సుబాన్‌బాషా, ట్రైనింగ్‌ సెంటర్‌ ఏడీ సుధాకర్‌రెడ్డి, కల్లూరు ఏరియా హాస్పిటల్‌ డీడీ పార్థసారథి తదితరులు పాల్గొన్నారు. నంద్యాల(న్యూటౌన్‌): జిల్లాలో మున్సిపల్‌ ఎన్నికల నేపథ్యంలో స్థానికేతర రాజకీయ నాయకులు, ప్రచారకులు ఎన్నికలు జరిగే పట్టణాలను విడిచి వెళ్లాలని జిల్లా కలెక్టర్‌, జిల్లా ఎన్నికల అధికారి జి.రాజకుమారి శుక్రవారం ఒక ప్రకటనలో తెలిపారు. శుక్రవారం సాయంత్రానికి ప్రచార గడువు ముగిసిందని, మున్సిపాలిటీలు, నగర పంచాయతీల పరిధిలో ఓటర్లు కాని బయటి రాజకీయ నాయకులు, పార్టీ కార్యకర్తలు, ప్రచారకులు, మద్దతుదారులు తప్పనిసరిగా ఆ ప్రాంతాలను విడిచి వెళ్లాలన్నారు. ఈ నిబంధనలను కఠినంగా అమలు చేసేందుకు పోలీసు, రెవెన్యూ, మున్సిపల్‌ అధికారులు సమన్వయంతో చర్యలు చేపట్టాలని సూచించారు. బయటి ప్రచారకుల ఉనికిని గుర్తించేందుకు హోటళ్లు, లాడ్జీలు, గెస్ట్‌హౌస్‌లు, కళ్యాణ మండపాలు, ఇతర వసతి కేంద్రాల్లో విస్తృత తనిఖీలు నిర్వహించాలన్నారు. స్వేచ్ఛాయుత, నిష్పక్షపాత, ప్రశాంత ఎన్నికల నిర్వహణకు అన్ని శాఖల అ ధికారులు సమన్వయంతో ఎన్నికల నియమావళిని పకడ్బందీగా అమలు చేయాలన్నారు. కె. తిమ్మాపురంలో కోడ్‌ ఉల్లంఘన ఎమ్మిగనూరురూరల్‌: మండల పరిధిలోని కె.తిమ్మాపురం గ్రామంలో టీడీపీ నాయకులు కోడ్‌ ఉల్లంఘనలకు పాల్పడుతున్నారు. ఎన్నికల కోడ్‌ అమల్లో ఉన్నప్పుడు ఎటువంటి పనులు చేపట్టరాదనే నిబంధనలు ఉన్నాయి. అయితే శుక్రవారం గ్రామంలోని పైగేరి వీధిలో రోడ్డుకు గ్రావెల్‌ వేశారు. కోడ్‌ ఉల్లంఘనకు పాల్పడినా అధికారులు చూసీచూడనట్లు వ్యవహరించారు. ఈ విషయంపై ఎన్నికల రిటర్నింగ్‌ అధికారికి ఫిర్యాదు చేయనున్నట్లు గ్రామ వైఎస్సార్‌సీపీ నాయకులు తెలిపారు.

కర్నూలు సిటీ: కర్నూలు రూరల్‌ మండల పరిధిలోని ఉల్చాల గ్రామంలో గురువారం అర్ధరాత్రి సమయంలో ఇంటి ముందు ఉన్న రెండు బైక్‌లకు నిప్పు పెట్టారు. స్థానిక సంస్థల ఎన్నికలు జరుగుతున్న సమయంలో ప్రశాంతంగా ఉండే గ్రామంలో జరిగిన సంఘటన స్థానికులను ఆందోళనకు గురిచేస్తోంది. ఆ గ్రామానికి చెందిన గొల్ల గోపాల్‌ తన ఇంటి ముందు రెండు బైక్‌లను ఉంచారు. అర్ధరాత్రి సమయంలో గుర్తు తెలియని వ్యక్తులు బైక్‌లపై పెట్రోల్‌ పోసి నిప్పు అంటించినట్లు స్థానికులు చెబుతున్నారు. బైక్‌లు పూర్తిగా కాలిపోయాయి. బాధితులు తాలూకా పోలీసుస్టేషన్‌లో ఫిర్యాదు చేసిన మేరకు పోలీసులు కేసు నమోదు చేసుకొని విచారిస్తున్నారు. కుమార్తెతో తల్లి అదృశ్యం జూపాడుబంగ్లా: మండ్లెం గ్రామానికి నాలుగేళ్ల కుమార్తెతో కలిసి సుశీలమ్మ అనే వివాహిత రెండు రోజుల నుంచి కనిపించడం లేదని ఎస్‌ఐ మల్లికార్జున శుక్రవారం తెలిపారు. నందికొట్కూరు పట్టణంలోని ఓ ప్రైవేటు పాఠశాలలో వార్డెన్‌గా పని చేస్తున్న ఈమె బుధవారం నుంచి ఇంటికి రాకపోవటంతో కుటుంబీకులు అంతటా ఆరా తీశారు. అయినా ఆచూకీ తెలియకపోవడంతో సుశీలమ్మ అన్న మాణిక్యరాజు పోలీసుస్టేషన్‌లో ఫిర్యాదు చేశారు. ఈ మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు.

● కర్నూలు రేంజ్‌ డీఐజీ కోయ ప్రవీణ్‌నంద్యాల(న్యూటౌన్‌): మున్సిపల్‌ ఎన్నికల నేపథ్యంలో ఎలాంటి అవాంఛనీయ సంఘటనలకు తావు లేకుండా ముందస్తు జాగ్రత్తలు తీసుకోవాలని కర్నూలు రేంజ్‌ డీఐజీ కోయ ప్రవీణ్‌ ఆదేశించారు. శుక్రవారం పట్టణంలోని పాలిటెక్నిక్‌ కళాశాలలో ఏర్పాటు చేసిన డిస్ట్రిబ్యూషన్‌ రిసెప్షన్‌ స్ట్రాంగ్‌ రూం కేంద్రాన్ని పరిశీలించారు. ఈ సందర్భంగా ఆయన మాట్లాడుతూ.. నంద్యాల మున్సిపాలిటీ పరిధిలో 73 పోలింగ్‌ లోకేషన్లు ఉండగా వాటికి అనుగుణంగా పోలింగ్‌ బూత్‌లను ఏర్పాటు చేయడం జరిగిందన్నారు. ఈ ఎన్నికల్లో మొత్తం 1.99 లక్షల మంది ఓటర్లు తమ ఓటు హక్కును వినియోగించుకోనున్నారని తెలిపారు. స్ట్రాంగ్‌ రూంల వద్ద ఎలాంటి అవాంఛనీయ సంఘటనలు చోటు చేసుకోకుండా పోలీస్‌ సిబ్బందితో పటిష్టమైన త్రిలేయర్‌ కార్డెన్‌ సెక్యూరిటీ ఏర్పాటు చేయాలన్నారు. లోపాలు తలెత్తకుండా జాగ్రత్తలు పాటించాలన్నారు.

కర్నూలు: కర్నూలు శివారులోని పంచలింగాల చెక్‌పోస్టు వద్ద గుర్తు తెలియని వాహనం ఢీకొని నెరవాడ మహమ్మద్‌ గౌస్‌(57) మృతి చెందారు. ఈయన ప్రస్తుతం కర్నూలు రెండవ పట్టణ పోలీ సు స్టేషన్‌లో విధులు నిర్వహిస్తున్నారు. గణేష్‌నగర్‌ సమీపంలోని క్లాస్‌ఫోర్‌ ఎంప్లాయీస్‌ కాలనీలో నివాసం ఉంటున్నారు. శుక్రవారం ఉదయం వాకింగ్‌కు ఇంటి నుంచి ద్విచక్ర వాహనంపై పంచలింగాల చెక్‌పోస్టు వైపు వెళ్లారు. ఎన్‌హెచ్‌–44 మార్గంలో చెక్‌పోస్టు వద్ద గుర్తు తెలియని వాహనం ఢీకొట్టింది. అక్కడే విధులు నిర్వహిస్తున్న 4వ పట్టణ పోలీసు సిబ్బంది తక్షణమే స్పందించి తీవ్ర గాయాలతో ఉన్న ఆయనను ప్రభుత్వాసుపత్రికి తరలించారు. వైద్యులు పరీక్షించి అప్పటికే మరణించినట్లు ధృవీకరించారు. ఈయన 1998లో పోలీసు శాఖలో కానిస్టేబుల్‌గా చేరారు. ఇంకా ఐదేళ్ల సర్వీస్‌ ఉంది. భార్య బిజాంబీ, కుమారుడు, కూతురు సంతానం. కుమారుడు మహమ్మద్‌ రఫీ ఫిర్యాదు మేర కు కర్నూలు అర్బన్‌ తాలూకా పోలీసులు కేసు నమో దు చేసుకున్నారు. మృతదేహానికి పోస్టుమార్టం నిర్వహించి కుటుంబ సభ్యులకు అప్పగించగా కొత్తపేటలోని మౌళా మిషన్‌ దర్గాలో పోలీసు లాంఛనాలతో అంత్యక్రియలు నిర్వహించారు.

● అన్యాయంగా అరెస్టులు చేస్తే ప్రతిఘటించండి ● వైఎస్సార్‌సీపీ జిల్లా అధ్యక్షుడు ఎస్వీ మోహన్‌ రెడ్డి కర్నూలు (టౌన్‌): మంత్రి టీజీ భరత్‌ ఆదేశాలతోనే కర్నూలులో వేలాది సంఖ్యలో వైఎస్సార్‌సీపీ నాయకులు, కార్యకర్తలపై పోలీసులు బైండోవర్‌ కేసులు నమోదుచేస్తున్నారని వైఎస్సార్‌సీపీ జిల్లా అధ్యక్షుడు ఎస్వీ మోహన్‌ రెడ్డి అన్నారు. స్థానిక ఎస్వీ కాంప్లెక్స్‌లో శుక్రవారం సాయంత్రం ఆయన విలేకరులతో మాట్లాడారు. కర్నూలు కార్పొరేషన్‌ ఎన్నికల్లో అప్రజాస్వామికంగా మంత్రి టీజీ భరత్‌ వ్యవహరిస్తున్నారన్నారు. ఓటమి భయం లేకుండా ఎందుకు పోలీసులతో వైఎస్సార్‌సీపీ కార్యకర్తలను ఎందుకు వేధిస్తున్నారని ప్రశ్నించారు. కర్నూలులో ఇన్‌స్పెక్టర్‌ స్థాయి పోలీసు అధికారులు నేరుగా వైఎస్సార్‌సీపీ కార్పొరేటర్‌ అభ్యర్థులతో మాట్లాడి తప్పుకోవాలని బెదిరిస్తున్నారన్నారు. మంత్రి టీజీ భరత్‌ నుంచి తీవ్ర మైన ఒత్తిడి ఉందని, తప్పుకుంటే రూ. 20 లక్షలు ఇప్పిస్తామని చెప్పడం గతంలో ఎన్నడూ చూడలేదన్నారు. ప్రతిష్టను దిగజార్చుకోవద్దు మరో రెండేళ్ల తరువాత ప్రభుత్వం మారుతుందని, పోలీసు అధికారులు ఉంటారని, అప్పుడు ఇబ్బందులు తప్పవని ఎస్వీ హెచ్చరించారు. పోలీసులు ప్రతిష్ట దిగజార్చుకోవద్దని సూచించారు. వైఎస్సార్‌సీపీ కార్యకర్తలు భయపడాల్సిన అవసరం లేదని, పార్టీ అండగా ఉంటుందన్నారు. ఎలాంటి కేసులు లేకుండా అరెస్టు చేస్తామంటే ప్రతిఘటించాలన్నారు. అరెస్టు చేస్తామని వచ్చే పోలీసులకు సంబంధించిన వీడియోలు తీయాలని, వాటిని ఎన్నికల కమిషన్‌కు పంపిస్తామన్నారు. ఉన్నత న్యాయస్థానాల్లో లీగల్‌గా పోరాటం చేస్తామన్నారు. ప్రజాస్వామ్యబద్ధంగా ఎన్నికలు నిర్వహించేందుకు పోలీసులు పనిచేయాలని, కేవలం మంత్రి టీజీ భరత్‌, ప్రజాప్రతినిధుల కోసం ఇబ్బందులు పెట్టొద్దన్నారు. ఓడిపోతామనే భయంతోనే మంత్రి టీజీ భరత్‌ అప్రజాస్వామ్య విధానాలకు పాల్పడుతున్నారన్నారు.

కర్నూలు(అర్బన్‌): ఎంపీటీసీ, జెడ్పీటీసీ ఎన్నికలకు సంబంధించిన బ్యాలెట్‌ పేపర్లను ఈ నెల 31 నుంచి మండలాలకు పంపనున్నట్లు స్థానిక సంస్థల ఎన్నికల రిటర్నింగ్‌ అధికారి/జెడ్పీ సీఈఓ ఆర్‌.సుధాకర్‌రెడ్డి తెలిపారు. శుక్రవారం ఆయన విలేకరులతో మాట్లాడుతూ ఈ నెల 29వ తేది నుంచి స్థానిక జిల్లా పరిషత్‌ ప్రాంగణంలోని డీపీఆర్‌సీ భవనంలో బ్యాలెట్‌ పేపర్ల ముద్రణ ప్రారంభించామన్నారు. అన్ని మండలాలకు నవంబర్‌ 1వ తేది నాటికి చేర్చే విధంగా కార్యచరణను రూపొందించినట్లు చెప్పారు. జిల్లాలోని 1,432 కేంద్రాల్లో పోలింగ్‌ నిర్వహించేందుకు ఏర్పాట్లు చేశామన్నారు. 26 మండలాల్లో జరుగుతున్న జెడ్పీటీసీ, ఎంపీటీసీ ఎన్నికల నిర్వహణకు 9,030 మంది పీఓ, ఏపీఓ తదితర సిబ్బంది, ఓట్ల లెక్కింపుకు 2,172 మందిని నియమించామన్నారు. అన్ని పోలింగ్‌, కౌంటింగ్‌ కేంద్రాల్లో ఎలాంటి ఇబ్బందులు ఎదురుకాకుండా అవసరమైన చర్యలను చేపట్టామన్నారు. నేడు, రేపు మార్కెట్‌కు సెలవు కర్నూలు(అగ్రికల్చర్‌): అర్బన్‌ లోకల్‌ బాడీస్‌ ఎన్నికల నేపథ్యంలో కర్నూలు వ్యవసాయ మార్కెట్‌ కమిటీకి ఈ నెల 31, నవంబర్‌ 1వ తేదీల్లో సెలవు ప్రకటించినట్లు మార్కెట్‌ కమిటీ సెక్రటరీ జయలక్ష్మి తెలిపారు. కర్నూలు నగరపాలక సంస్థ ఎన్నికలకు సంబంధించి మార్కెట్‌ యార్డులో ఏడు పోలింగ్‌ కేంద్రాలు ఏర్పాటయ్యాయని, ఇందువల్ల మార్కెట్‌కు రెండు రోజులు సెలవులు ప్రకటించామన్నారు. ఆయా రోజుల్లో మార్కెట్‌లో ఎలాంటి క్రయవిక్రయాలు జరుగవని శుక్రవారం ఒక ప్రకటనలో పేర్కొన్నారు. మరోసారి ‘సర్‌’ గడువు పొడిగింపు ● నవంబర్‌ 30న తుది ఓటరు జబితా ప్రచురణ కర్నూలు(సెంట్రల్‌): ప్రత్యేక ఓటరు జాబితా సమగ్ర సవరణ(ఎస్‌ఐఆర్‌) గడువును మరోసారి పొడిగించారు. అభ్యంతరాలు, దరఖాస్తుల పరిష్కారానికి నవంబర్‌ 20వ తేదీ వరకు గడువు పొడిగించగా తుది జాబితాను నవంబర్‌ 30వ తేదీన విడుదల చేయనున్నట్లు కలెక్టర్‌ డాక్టర్‌ ఏ.సిరి శుక్రవారం ఓ ప్రకటనలో తెలిపారు. పొడిగించిన గడువును ప్రతి అర్హత కలిగిన ఓటరు సద్వినియోగం చేసుకోవాలని కోరారు. ఇటీవల ఇంటింట సర్వే సమయంలో ఇంట్లో లేని వారు లేదా తమ వివరాలు నమోదు కాలేదని భావించే వారు సంబంధిత బీఎల్‌ఓ, ఏఈఆర్‌ఓ, ఈఆర్‌ఓ కార్యాలయాలను సంప్రదించాలని ఆమె పేర్కొన్నారు. 2, 3 తేదీల్లో సెంట్రల్‌ టీం పర్యటన కర్నూలు(అగ్రికల్చర్‌): కరువు ప్రాంతాల్లో నవంబర్‌ 2, 3 తేదీల్లో సెంట్రల్‌ టీం పర్యటించనుంది. ఇప్పటికే ఉమ్మడి జిల్లా యంత్రాంగం ఎన్‌డీఆర్‌ఎప్‌, ఎస్‌డీఆర్‌ఎప్‌ కింద పంట నష్టంపై ప్రిలిమినరీ రిపోర్టును ప్రభుత్వానికి పంపింది. ఈ నివేదిక కేంద్రానికి చేరింది. ఈ నేపథ్యంలో కరువు మండలాల్లో కేంద్ర ఉన్నతాధికారుల బృందం పర్యటించనుంది. రాష్ట్రానికి రెండు సెంట్రల్‌ టీంలు రానున్నాయి. ఇందులో టీం–1 ఉమ్మడి జిల్లాలో పర్యటించనుంది. 2వ తేదీ మధ్యాహ్నం 12 నుంచి సాయంత్రం ఆరు గంటల వరకు కర్నూలు జిల్లాలో పర్యటించి కరువు తీవ్రతను పరిశీలిస్తారు. 3వ తేదీ మధ్యాహ్నం 12 గంటల వరకు మాత్రమే నంద్యాల జిల్లాలో పర్యటించనున్న టీమ్‌ ఆ తర్వాత మార్కాపురం జిల్లాకు వెళ్లనున్నారు. 20 గుర్తింపు కార్డుల్లో ఏదైనా చూపి ఓటు వేయవచ్చు ● జిల్లా ఎన్నికల అధికారి డాక్టర్‌ ఏ సిరి కర్నూలు(సెంట్రల్‌): ఎన్నికల సంఘం సూచించిన 20 రకాల ఫొటో గుర్తింపు పత్రాల్లో ఏదైనా ఒకదాన్ని చూపి నవంబర్‌ 1న ఓటు హక్కును వినియోగించుకోవచ్చని జిల్లా కలెక్టర్‌, జిల్లా ఎన్నికల అధికారి డాక్టర్‌ ఏ సిరి శుక్రవారం ఒక ప్రకటనలో పేర్కొన్నారు. ఈ మేరకు రాష్ట్ర ఎన్నికల సంఘం అనుమతి ఇచ్చిందని తెలిపారు. ఆధార్‌, పాన్‌, ఫొటోతో కూడిన ఏటీఎం, రేషన్‌, ఉపాధి హామీ జాబ్‌ కార్డులు చూపవచ్చని పేర్కొన్నారు. అలాగే పాస్‌పోర్ట్‌, డ్రైవింగ్‌ లైసెన్స్‌, కేంద్ర, రాష్ట్ర , ప్రభుత్వ లిమిటెడ్‌ కంపెనీలు తమ ఉద్యోగులకు జారీ చేసిన ఫొటో గుర్తింపు కార్డులు చూపి ఓటు వేయవచ్చన్నారు. ఫొటోతో కూడిన పెన్షన్‌ పేమెంట్‌ ఆర్డర్‌, మాజీ సైనికుల పెన్షన్‌ పుస్తకం, వద్ధాప్య, వితంతు పెన్షన్‌ పత్రాలు, ఫొటోతో కూడిన పట్టాదారు పాస్‌బుక్‌లు, రిజిస్టర్డ్‌ ఆస్తి పత్రాలు కూడా చూపవచ్చని తెలిపారు. ఫొటో గుర్తింపు కార్డుల్లో ఏదైనా ఒకటి చూపించి ప్రజలందరూ తమ ఓటు హక్కును వినియోగించుకోవాలని కలెక్టర్‌ కోరారు.

● కలెక్టరేట్‌ ఎదుట ఏపీడబ్ల్యూజేఎఫ్‌, ఏపీయూడబ్ల్యూజే ఆధ్వర్యంలో ధర్నా ● జర్నలిస్టులకు రక్షణ చట్టం తేవాలని డిమాండ్‌, డీఆర్వోకు వినతిపత్రం కర్నూలు(సెంట్రల్‌): సాక్షి ఆత్మకూరు రూరల్‌ రిపోర్టర్‌ సుబ్బారెడ్డిపై హత్యాయత్నం అన్యాయమని, వెంటనే అతనిపై దాడి చేసిన దుండగులను అరెస్టు చేయాలని ఏపీడబ్ల్యూజేఎఫ్‌ జిల్లా అధ్యక్షుడు ఎం.శివశంకర్‌, ఏపీయూడబ్ల్యూజే జిల్లా కార్యదర్శి శ్రీనివాసగౌడ్‌, ఐజేయూ నాయకుడు సుబ్బయ్య డిమాండ్‌ చేశారు. ఇంట్లో ఉన్న అతనిపై దాడులకు తెగబడి చంపే ప్రయత్నం చేయడం ఘోరమని, కూటమి ప్రభుత్వ హయాంలో జర్నలిస్టులకు రక్షణ కరువైందని ఆవేదన వ్యక్తం చేశారు. శుక్రవారం కలెక్టరేట్‌ ఎదుట పెద్ద సంఖ్యలో జర్నలిస్టులతో కలసి ఆయా సంఘాలు ధర్నా నిర్వహించాయి. ఈ సందర్భంగా వారు మాట్లాడుతూ.. జర్నలిస్టులపై దాడులు పెరిగిపోవడం ఆవేదన కలిగిస్తోందన్నారు. రాష్ట్రంలో ప్రతినిత్యం ఎక్కడో ఒకచోట దాడులు జరుగుతూనే ఉన్నాయన్నారు. వీటి నివారణకు ప్రభుత్వం చర్యలు తీసుకోవకపోవడంలో విఫలమైందన్నారు. ఆత్మకూరులో ఇంట్లో ఉన్న సాక్షి విలేకరి సుబ్బారెడ్డిపై తెల్లవారుజామున చొరబడి చంపే ప్రయత్నం చేయడం దారుణమన్నారు. ఈ చర్యను ప్రజాస్వామ్యవాదులందరూ ఖండించాలని కోరారు. జర్నలిస్టులపై దాడుల నివారణకు వెంటనే రక్షణ చట్టం తేవాలన్నారు. రాష్ట్ర స్థాయిలో హోంమంత్రి, డీజీపీ అధ్వర్యంలో, జిల్లా స్థాయిలో ఎస్పీ ఆధ్వర్యంలో రక్షణ కమిటీలను ఏర్పాటు చేయాలన్నారు. జర్నలిస్టులపై దాడుల కేసులను ఫాస్ట్‌ట్రాక్‌ కోర్టుల్లో విచారణ చేయాలని డిమాండ్‌ చేశారు. అనంతరం డీఆర్వో సి. వెంకటనారాయణమ్మను కలసి వినతిపత్రం సమర్పించారు. డీఎస్పీ రామాంజినాయక్‌ తీరుపై అనుమానం ఆత్మకూరు సాక్షి విలేకరి సుబ్బారెడ్డిపై దాడి జరగడంలో పోలీసులు తీరు అనుమానాస్పదంగా ఉందని ఏపీడబ్ల్యూజేఎఫ్‌ జిల్లా అధ్యక్షుడు ఎం.శివశంకర్‌, సీనియర్‌ రిపోర్టర్‌ హుస్సేన్‌ పేర్కొన్నారు. సుబ్బారెడ్డిపై దాడి జరుగుతుందని గురువారం రాత్రి డీఎస్పీ రామాంజి నాయక్‌ ఫోన్‌ చేసి హెచ్చరించిన గంటల తరువాతే దాడి జరగడం పలు అనుమానాలకు తావిస్తోందన్నారు. పోలీసులకు ముందే తెలిసినా ఎందుకు సుబ్బారెడ్డికి రక్షణ కల్పించలేదని ప్రశ్నించారు. ఇప్పటికై నా పోలీసులు తమ తీరును మార్చుకొని జర్నలిస్టులకు అండగా నిలవాలని కోరారు. లేదంటే జర్నలిస్టులు ఐక్యంగా పోరాటాలకు సిద్ధమవుతారని హెచ్చరించారు. ధర్నాలో సీనియర్‌ జర్నలిస్టులు చంద్రశేఖర్‌, నాగిరెడ్డి, బీవీ రమణారెడ్డి, శ్రీనివాసులు నాయుడు, రామచంద్రారెడ్డి, మధుసుధాకర్‌, డి.హుస్సేన్‌, రవిప్రకాష్‌, శ్రీనాథ్‌ తదితరులు పాల్గొన్నారు.

మంత్రాలయం: వైఎస్సార్‌సీపీ గ్రామాలు.. ఇటీవల ఎంపీటీసీ స్థానాలను కై వసం చేసుకున్న ప్రాంతాలు.. అలాంటి ప్రశాంత పల్లెల్లో టీడీపీ ఇన్‌చార్జ్‌ ఎన్‌.రాఘవేంద్రరెడ్డి జెడ్పీటీసీ ఎన్నిక ప్రచారానికి దిగారు. ఇదే అదనుగా చూసుకున్న టీడీపీ నాయకులు రౌడీయిజం చేశారు. పోలీసుల ఎదుటే కోడ్‌ను కాలదన్ని పచ్చజెండాలతో నానా యాగీ చేశారు. ఊళ్లు అదిరేలా ఈలలు వేశారు.. మీసాలు దువ్వారు.. తాళాలు వేసిన ఇళ్ల పైకి రాళ్లు రువ్వారు.. ఇళ్లకు పచ్చజెండాలు కట్టేందుకు ఎగబడ్డారు. జెండా కట్టొద్దని బతిమలాడినా బలవంతాలకు దిగారు. వెర్రి చేష్టలతో పోలీసులకు సైతం వణుకు పుట్టించేలా విర్రవీగారు. ఓ దశలో దిబ్బనదొడ్డి గ్రామస్తుడిపై చెయ్యి చేసుకునేందుకు విరుచుకుపడ్డారు. వివరాలివి.. స్థానిక ఎన్నికల్లో భాగంగా శుక్రవారం టీడీపీ ఇన్‌చార్జ్‌ రాఘవేంద్రరెడ్డి మండలంలోని ఎమ్మెల్యే వై.బాలనాగిరెడ్డి స్వగ్రామం రాంపురం, ఎమ్మెల్యేను ఆరాధించే దిబ్బనదొడ్డి, 52–బసాపురంలో ప్రచారం చేపట్టారు. ప్రచారంలో భాగంగా టీడీపీ జిల్లా అధ్యక్షురాలు, ఎల్లెల్సీ బోర్డు మెంబర్‌ టిప్పుసుల్తాన్‌తో కలిసి ముందుగా రాంపురం బయలు దేరారు. గత సంఘటన రీత్యా ఏఎస్పీ మోహన్‌కృష్ణ, డీఎస్పీ శ్రీనివాసులు నేతృత్వంలో భారీ బందోబస్తు ఏర్పాటు నడుమ ప్రచారానికి వచ్చారు. అయితే కోడ్‌ అమలులో ఉన్నా 25 వాహనాలు, ఇతర ప్రాంతాల నుంచి వచ్చిన టీడీపీ గుంపుతో అక్కడికి చేరుకున్నారు. సున్నితమైన అంశం కావడంతో పోలీసులు ఆయన ప్రచార రూట్‌ను రాంపురంలోని గ్రామ చావిడి ప్రాంతానికి మార్చారు. అయితే అక్కడి వస్తున్న తరుణంలో టీడీపీ కార్యకర్తలు విచక్షణ రహితంగా ప్రవర్తించారు. ఆంజనేయస్వామి ఆలయంలో పూజలు చేసుకుంటుండగానే బిగ్గరగా ఈలలు వేసి రచ్చ చేశారు. రాఘవేంద్రరెడ్డి వారించినాగానీ కేకలు, ఈలలు మానలేదు. పూజానంతరం ప్రసంగం కానిచ్చి అక్కడి నుంచి దిబ్బనదొడ్డికి చేరుకున్నారు. అయితే టీడీపీ నేతల ప్రచారం ఇష్టం లేని గ్రామస్తులు ఇండ్లకు తాళాలు వేసి కొందరు పనులకు వెళ్లగా మరికొందరు ఇంటి నుంచి బయటకు రాలేదు. ఈ క్రమంలో టీడీపీ కార్యకర్తలు గ్రామ వీధుల్లో ఈలలు వేసుకుంటూ ఇళ్లకు టీడీపీ జెండాలు కట్టేందుకు పూనుకున్నారు. ఇష్టంలేని ఉసేని అనే గ్రామస్తుడు తమ ఇంటికి జెండా కట్టకండి అంటూ అడ్డుజెప్పబోయాడు. దీంతో టీడీపీ గుంపు ఆయనపై చెయ్యి చేసుకునేందుకు యత్నించగా పోలీసులు అడ్డుకున్నారు. ప్రసంగం కానిచ్చుకుని వెనుదిరుగుతుండగా కొందరు యువకులు ఇండ్లపై నుంచి చూస్తుండగా టీడీపీ మూకలు ఈలలు వేస్తూ రెచ్చగొట్టే యత్నం చేశారు. అంతేగాక ఇండ్లపైకి రాళ్లు సైతం రువ్వారు. గ్రామంలో కాసేపు ఉద్రిక్తత వాతావరణం సృష్టించారు. ఇండ్లపై రాళ్లు రువ్వినా.. రెచ్చగొట్టేందుకు యత్నించినా దిబ్బనదొడ్డి వాసులు మాత్రం సహనం పాటించారు. ఎమ్మెల్యే వై.బాలనాగిరెడ్డి ఆజ్ఞ మేరకు జవ దాటకుండా శభాష్‌ అనిపించుకున్నారు. ప్రచారానికి బ్రేక్‌ .. టీడీపీ గుంపు చేష్టలతో రాంపురం, దిబ్బనదొడ్డి గ్రామాల ప్రజలు ఆగ్రహానికి లోనయ్యారు. ఇండ్లపై రాళ్లు రువ్విన విషయాన్ని తెలుసుకున్న ఎమ్మెల్యే వై.బాలనాగిరెడ్డి సైతం నిలదీసేందుకు రాంపురం నుంచి 52–బసాపురానికి బయలు దేరారు. సమాచారం అందుకున్న పోలీసు యంత్రాంగం వెంటనే అప్రమత్తమైంది. పరిస్థితి చేయి దాటి పోకుండా ఉండేందుకు టీడీపీ నాయకుల ప్రచారానికి బ్రేక్‌ వేశారు. బసాపురంలో ప్రచారం చేయకుండా టీడీపీ నేతలను అక్కడి నుంచి సాగనంపారు. రాఘవేంద్రరెడ్డి తన అనుచరగణంతో అక్కడి నుంచి స్వగ్రామం మాధవరం చేరుకున్నారు. ఇలా రెచ్చగొట్టే ప్రచారాలపై ఆయా గ్రామస్తులు అసహనం వ్యక్తం చేశారు. సహనానికి పరీక్ష పెట్టకండంటూ వాపోయారు. ప్రశాంతంగా ప్రచారం చేసుకుని వెళ్లకుండా ఇలా ఇళ్లపై రాళ్లు వేయడంపై నిట్టూర్చారు.

గత వైఎస్సార్‌సీపీ ప్రభుత్వంలో ఇంటి ముంగిటకే వచ్చి పింఛన్‌ ఇచ్చేవారు. ఇప్పుడా పరిస్థితి లేదు. తుగ్గలి మండలం బొందిమడుగులలో శుక్రవారం వీధులోనే పింఛన్లు పంపిణీ చేశారు. వృద్ధులు, దివ్యాంగులు ఇబ్బందులు ఎదుర్కొన్నారు. అధికారుల కోసం నిరీక్షించాల్సి వచ్చింది. దీనికి తోడు వారు చెప్పిన చోటుకు వెళ్లి పింఛన్‌ తీసుకోవాల్సిన దుస్థితి ఏర్పడింది. నెలనెలా పింఛన్‌ పంపిణీ ప్రహసనంలా మారింది. – తుగ్గలి

● ముఖ్యమంత్రి చంద్రబాబు... ఉమ్మడి ఆంధ్రప్రదేశ్‌కు 2004లో అధికారంలో ఉన్నారు. ఐదు డీఏలు పెండింగ్‌లో ఉన్నాయని, విడుదల చేయాలని అప్పట్లో ఉద్యోగులు హైదరాబాద్‌లో నిరసన చేస్తే గుర్రాలతో తొక్కించారు. అయితే అదే సంవత్సరం అధికారంలోకి వచ్చిన డాక్టర్‌ వైఎస్‌ రాజశేఖర్‌రెడ్డి పెండింగ్‌లో ఉన్న డీఏలు ఇచ్చారు. ● ఇదే పరిస్థితి 2019లోనూ నెలకొంది. విభజన ఆంధ్రప్రదేశ్‌కు సీఎంగా చంద్రబాబు ఉన్నారు. నాలుగు డీఏలు పెండింగ్‌లో ఉన్నా.. ఉద్యోగులకు పైసా ఇవ్వలేదు. వారి ఆందోళనను కూడా పట్టించుకోలేదు. అదే సంవత్సరం అధికారంలోకి వచ్చిన వైఎస్‌ జగన్‌మోహన్‌రెడ్డి పెండింగ్‌లో ఉంచిన డీఏలు వెంటనే ఇచ్చారు.

అత్తాకోడళ్లు.. బరిలో ప్రత్యర్థులు పురహోరులో ఎన్నెన్నో విచిత్రాలు చోటు చేసుకుంటున్నాయి. ఎన్నికల బరిలో సొంత కుటుంబ సభ్యులపై పోటీకి సై అన్నారు. డోన్‌ మున్సిపల్‌ పరిధిలోని 16వ వార్డులో అత్తా, కోడళ్ల మధ్య ఎన్నికల సమరం రసవత్తరంగా నడుస్తొంది. ఈ వార్డు నుంచి వైఎస్సార్‌సీపీ అభ్యర్థిగా దానమ్మ, టీడీపీ అభ్యర్థిగా ఆమె కోడలు కృష్ణవేణి మధ్య నువ్వా, నేనా అనే విధంగా పోటీ జరుగుతోంది. ఇద్దరూ.. విశ్రాంత ఉద్యోగులు అలాగే మున్సిపల్‌ ఎన్నికల బరిలో ఇద్దరు విశ్రాంత ఉద్యోగులు ఉండగా ఒకరు 9వ వార్డు నుంచి రిటైర్డ్‌ ఉద్యోగి ఫారెస్ట్‌ మౌలాలి కాగా మరొకరు 20 వార్డు నుంచి ఇండింపెండెంట్‌ అభ్యర్థిగా రిటైర్డ్‌ హెచ్‌ఎం వెంకటలక్ష్మీదేవి పోటీ చేస్తున్నారు. తనయ కోసం తండ్రి.. 6 వార్డులో మాజీ కౌన్సిలర్‌ కటిక వేణు తన కుమారై వైఎస్సార్‌సీపీ అభ్యర్థి సాయి జ్యోతి విజయం కోసం కృషి చేస్తున్నారు. ఈయన 3 సార్లు మేజర్‌ గ్రామ పంచాయతీ వార్డు సభ్యులుగా, 2 పర్యాయాలు మున్సిపల్‌ కౌన్సిలర్‌గా పని చేశారు. ఈ సారి తన కూతురు విజయం కోసం అహర్నిశలు కృషి చేస్తున్నారు. నా అ‘జెండా’ ఇది.. 10వ వార్డు నుంచి స్వతంత్ర అభ్యర్థిగా పోటీ చేస్తున్న ఈశ్వర్‌ నాయుడు జాతీయ జెండాలతో వినూత్న రీతిలో ఎన్నికల ప్రచారాన్ని కొనసాగిస్తున్నారు. – డోన్‌దానమ్మకృష్ణవేణి

● అధికారులతో వాగ్వాదం ● సీరియల్‌ నంబర్‌ ప్రకారమే కొనసాగిస్తామని అధికారుల హామీ ఆదోని సెంట్రల్‌: ఆదోని పట్టణంలోని 19వ వార్డుకు చెందిన బ్యాలెట్‌ నమూనాలోని సీరియల్‌ నంబర్లు మార్పు చేయడంపై వైఎస్సార్‌సీపీ కౌన్సిలర్‌ అభ్యర్థి గడ్డం పూర్ణచంద్ర, సీపీఐ(ఎం) అభ్యర్థి దాసరి లక్ష్మన్న గురువారం పురపాలక కార్యాలయంలో అధికారులతో వాగ్వాదానికి దిగారు. 19వ వార్డులో కౌన్సిలర్‌ స్థానానికి 12 మంది అభ్యర్థులు పోటీ చేస్తున్నారు. అయితే వైఎస్సార్‌సీపీ అభ్యర్థికి కేటాయించిన 4వ నంబరును 2వ నంబరులోకి 2వ నంబరు కేటాయించిన అభ్యర్థికి 4వ నంబరు కేటాయిస్తున్నట్లు అధికారులు సూచించారు. దీంతో ఒక్కసారి ఖంగుతిన్న అభ్యర్థులు ఆదోని మున్సిపల్‌ కార్యాలయానికి వెళ్లారు. అధికారులు ఇచ్చిన సీరియల్‌ నంబర్‌ ప్రకారమే కరపత్రాలు ముద్రించి ప్రచారాలు చేశామని, ఎన్నికలకు ఒక రోజు ముందు సీరియల్‌ నంబర్‌ ఎలా మారుస్తారని ఆగ్రహం వ్యక్తం చేశారు. ఆల్ఫాబిటికల్‌ ప్రకారం తారుమారు చేయాల్సివచ్చిందని ఎన్నికల అధికారులు చెప్పగా.. కేటాయించిన నంబర్లను యాథావిధిగా కొనసాగించాలని పట్టుబట్టారు. లేనిపక్షంలో కలెక్టరు వరకు వెళతామని హెచ్చరించారు. అందుకు స్పందించిన ఎన్నికల రిటర్నింగ్‌ అధికారి వేణుగోపాల్‌, పురపాలక కమిషనర్‌ నయిమ్‌ అహ్మద్‌.. గతంలో ఉన్న సీరియల్‌ నంబర్‌ ప్రకారమే కొనసాగిస్తామని చెప్పడంతో పరిస్థితి సద్దు మణిగింది. సీరియల్‌ నంబర్లతో కూడిన బ్యాలెట్‌ పత్రాన్ని అధికారికంగా అందజేశారు.

కర్నూలు సిటీ: తుంగభద్ర డ్యాం నుంచి కేటాయించిన నీరు ఉమ్మడి కర్నూలు జిల్లాకు రావడంలేదు. చాలా గ్రామాల్లో గుక్కెడు నీరు లభించని పరిస్థితి నెలకొంది. సాగు చేసిన పంటలు కళ్ల ముందే ఎండిపోయాయి. కుటుంబ పోషణకు రైతులు సైతం ఇతర రాష్ట్రాలకు వలస వెళ్తున్నారు. అయినా టీడీపీ మంత్రులు, ఎంపీలు, ఎమ్మెల్యేలు కనీసం స్పందించడం లేదు. నీటి కేటాయింపుల్లో అన్యాయం జరుగుతున్నా నోరువిప్పడం లేదు. ఇదిలా ఉండగా జిల్లాకు కేటా యించిన తుంగభద్ర జలాలను అనంతపురం జిల్లాకు మళ్లించునేందుకు రంగం సిద్ధం అయ్యింది. వచ్చే ఏడాది జూలై చివరి వరకు తాగునీటి అవసరాలకు నీరు అవసరం. అయితే ఆ నీటికి సైతం జిల్లాకు దక్కకుండా అనంతపురం జిల్లాకు చెందిన టీడీపీ కీలక నేతలు మళ్లించుకునేందుకు ప్రయత్నాలు చేస్తున్నారు. ఇప్పటికే హెచ్చెల్సీ ఇంజినీర్ల ద్వారా ఎల్‌ఎల్‌సీ, కేసీ వాటాలో నుంచి 2 నుంచి 3 టీఎంసీల నీ టిని మళ్లించుకునేందుకు అనుమతులు తీసుకున్నారు. స్థానిక సంస్థల ఎన్నికలు ఉండడంతో నీటిని మళ్లించుకునేందుకు వేచి చూస్తున్నారు. వచ్చే నెలలో నగరపాలక, మున్సిపల్‌ ఎన్నికలు ముగిసిన మరుసటి రోజే నీటిని మళ్లించుకోనున్నారు. టీడీపీ నేతల నిర్లక్ష్యం... జిల్లా ప్రజలకు శాపం! ఆంధ్రప్రదేశ్‌, కర్ణాటక, తెలంగాణ రాష్ట్రాల ఉమ్మడి ప్రాజెక్టు తుంగభద్ర డ్యాం. ఎగువ రాష్ట్రంలో కురిసిన వర్షాలతో టీబీ డ్యాంకు 100 టీఎంసీల నీరొచ్చింది. ఇందులో దామాషా ప్రకారం తుంగభద్ర దిగువ కాలువకు 12.226 టీఎంసీల నీటిని కేటాయించారు. వర్షాభావ పరిస్థితులతో ఆయకట్టుకు నీరు ఇవ్వలేమని..తాగుకు ప్రాధాన్యత అని ఇప్పటి వరకు 5.7 టీఎంసీల నీటిని వినియోగించారు. కేసీ కెనాల్‌ వాటాగా 5.09 టీఎంసీల నీటిని కేటాయించారు. ఒక టీఎంసీ నీటిని ఈ నెల 25వ తేదీ నుంచి 31వ తేదీ వరకు డ్యాం నుంచి రోజుకు 2 వేల చొప్పున నీటిని తుంగభద్ర నదికి విడుదల చేస్తున్నారు. ఇంకా టీబీ జలాల్లో 10.616 టీఎంసీల నీరు జిల్లా వాటాగా ఉంది. అయితే ఈ నీటిలో నుంచి 2 నుంచి 3 టీఎంసీల నీటిని మళ్లించుకునేందుకు అనుమతులు ఇవ్వాలని జలవనరుల శాఖ ఉన్నతాధికారులకు హెచ్చెల్సీ ఎస్‌ఈతో అనంతపురం జిల్లాకు చెందిన టీడీపీ నేతలు లేఖ రాయించినట్లు తెలుస్తోంది. ఈ విషయం జిల్లాకు చెందిన జల వనరుల శాఖ ఇంజినీర్లకు సైతం తెలుసు అయినా...తమకు ఏపీ తెలియదు అన్నట్లు ఉన్నారు. అనంతపురం జిల్లాలోని కీలక రిజర్వాయర్లు, చెరువులను హంద్రీ–నీవా నీటితో నింపుకున్నారు. ఈ ఏడాది హంద్రీ–నీవాకు 19 టీఎంసీలకుపైగా పంపింగ్‌ చేయగా కర్నూలు జిల్లాకు 3 టీఎంసీలు కూడా ఇవ్వలేదు. అనంతపురం జిల్లాకు తాగునీటి అవసరాలకు సరిపడా నీరు ఉన్నప్పటికీ కర్నూలు జిల్లాకు కేటాయింపులో కోత పెడుతున్నారు. రానున్న వేసవి కాలంలో తాగునీటికి ముప్పు వచ్చే ప్రమాదం ఉందని ఇంజినీరింగ్‌ వర్గాలే అభిప్రాయ పడుతున్నారు. కనీసం ఇప్పటికై నా జిల్లాకు చెందిన మంత్రులు, ఎంపీలు, ఎమ్మెల్యేలు స్పందించకపోతే గడ్డు పరిస్థితులు వచ్చే అవకాశం ఉంది.తుంగభద్ర దిగువ కాలువ (ఫైల్‌) జిల్లాకు 17.316 టీఎంసీల కేటాయింపు ఇప్పటి వరకు 5.7 టీఎంసీల వినియోగం మిగతా నీటిని ‘అనంత’కు తరలించేందుకు ఎత్తుగడ విషయం తెలిసినా పట్టించుకోని టీడీపీ నేతలు

హంద్రీ నదిలో ఏర్పాటు చేసిన దుకాణాలుకర్నూలు సిటీ: హంద్రీనది కబ్జాకోరల్లో చిక్కుకొని కుచించుకుపోతుంది. అడ్డుకోవాల్సిన అధికారులు పట్టించుకోకపోవడంతో బఫర్‌ జోన్‌లో అక్రమ నిర్మాణలు వెలుస్తున్నాయి. ఆనంద్‌ సినీ కాంప్లెక్స్‌ సమీపంలో నిర్మించిన వంతెన పక్కన టీడీపీ చోట నాయకుడొకరు దుకాణాలు ఏర్పాటు చేశాడు. ఆ చోట నాయకుడి కుటుంబ సభ్యుల్లో ఒకరికి నగరపాలక సంస్థ ఎన్నికల్లో ఓ వార్డు కార్పొరేటర్‌ అభ్యర్థిగా పోటీ చేసేందుకు ఆ పార్టీ అవకాశం ఇచ్చింది. బఫర్‌ జోన్‌లో చిన్నపార్కు ఏర్పాటు చేశారు. ఆ పార్కును సైతం వాల్టా చట్టానికి విరుద్దంగా జలవనరుల శాఖ నుంచి అనుమతులు లేకుండా ప్రజాధనంతో నిర్మించారు. కబ్జాపై ఆయా శాఖల అధికారులతో పాటు జిల్లా కలెక్టర్‌కు సైతం ఫిర్యాదులు చేసినా..ఫలితం లేకపోయింది. కబ్జా చేసిన వ్యక్తి కుటుంబ సభ్యులే కార్పొరేటర్‌గా పోటీ ఫిర్యాదులు చేసినా పట్టించుకోని అధికారులు

● జిల్లా ఎన్నికల అధికారి డాక్టర్‌ ఏ సిరికర్నూలు(అర్బన్‌): జెడ్పీటీసీ, ఎంపీటీసీ ఎన్నికల నిర్వహణకు అవసరమైన బ్యాలెట్‌ పేపర్ల ముద్రణ, పంపిణీ ప్రక్రియను నిర్ణీత గడువులోగా పూర్తి చేయాలని జిల్లా ఎన్నికల అధికారి, జిల్లా కలెక్టర్‌ డాక్టర్‌ ఏ సిరి ఆదేశించారు. స్థానిక జిల్లా పరిషత్‌ ప్రాంగణంలోని డీపీఆర్‌సీ భవనంలో జరుగుతున్న బ్యాలెట్‌ పేపర్ల ముద్రణ ప్రక్రియను గురువారం పరిశీలించారు. ఈ సందర్భంగా జిల్లా కలెక్టర్‌ మాట్లాడుతూ.. బ్యాలెట్‌ పేపర్ల ముద్రణలో ఎలాంటి అక్షర దోషాలు, ముద్రణ లోపాలు లేకుండా జాగ్రత్తలు తీసుకోవాలన్నారు. మండలాల వారీగా ఎంపీటీసీ, జెడ్పీటీసీ స్థానాల బ్యాలెట్‌ పేపర్లను విభజించి సక్రమంగా అమర్చుకోవాలన్నారు. ఎన్నికల నిర్వహణలో బ్యాలెట్‌ పేపర్లు చాలా కీలకమని అధికారులు పూర్తి అప్రమత్తతతో వ్యవహరించాలన్నారు. బ్యాలెట్‌ పేపర్ల ముద్రణ పూర్తి అయిన అనంతరం మండలాలకు సకాలంలో చేరేలా ప్రత్యేక చర్యలు తీసుకోవాలన్నారు. ఈ కార్యక్రమంలో జేసీ నూరుల్‌ఖమర్‌, జెడ్పీ సీఈఓ ఆర్‌ సుధాకర్‌రెడ్డి, జిల్లా పరిశ్రమల అధికారి సంజీవరాజు, నోడల్‌ అధికారులు పాల్గొన్నారు.

● ఒక్కో నాన్‌ జ్యుడీషియల్‌ స్టాంపుపై అదనంగా రూ.15 ఇవ్వాల్సిందే!కర్నూలు(సెంట్రల్‌): స్టాంప్స్‌ అండ్‌ రిజిస్ట్రేషన్‌ శాఖలో కొందరు అక్రమార్జనే ధ్యేయంగా పనిచేస్తున్నారు. డిమాండ్‌ను దృష్టిలో ఉంచుకుని నాన్‌ జ్యుడీషియల్‌ స్టాంపుపై అదనంగా రూ.15 వసూలుకు తెరలేపారు. కర్నూలు జిల్లాలో 12 సబ్‌ రిజిస్ట్రార్‌ కార్యాలయాలు ఉన్నాయి. వీటి పరిధిలో భూములు, ఆస్తులు, ఇళ్లులు, స్థలాల క్రయ, విక్రయాలకు సంబంధించి రిజిస్ట్రేషన్‌లు జరుగుతుంటాయి. రిజిస్ట్రేషన్లకు వినియోగించే నాన్‌ జ్యుడీషియల్‌ స్టాంపులకు మార్కెట్‌లో బాగా డిమాండ్‌ ఉంది. సాధారణంగా వీటిని ప్రభుత్వం సరఫరా చేస్తుంది. జిల్లా రిజిస్ట్రార్‌ కార్యాలయ అధికారులు వెండర్లకు ఐదు శాతం కమిషన్‌ ప్రకారం విక్రయించాలి. అయితే లోడింగ్‌, అన్‌లోడింగ్‌, రవాణా చార్జీల పేరిట ఒక్కో స్టాంపుపై అదనంగా రూ.15 వసూలు చేస్తున్నారు. ఈ లెక్కన జిల్లాకు కేటాయించిన 3.28 లక్షల స్టాంపులకు వసూలు చేసే అక్రమార్జన సుమారు రూ.49.20 లక్షలు అవుతుంది. ప్రజలపై అ‘ధన’పు భారం సాధారణంగా లోడింగ్‌, రవాణా ఖర్చుల కోసం ఒక్కో స్టాంపుపై అదనంగా ఒకటి లేదంటే రెండు రూపాయలు వసూలు చేసేవారు. ప్రస్తుతం ఒకేసారి ఒక్కో స్టాంపుపై ఏకంగా రూ.15 అదనంగా ఇవ్వాలని అధికారులు చెప్పడంతో కొందరి వెండర్లకు దిక్కుతోచడంలేదు. వాటిని ఎంతకు అమ్ముకోవాలని ప్రశ్నిస్తే అధికారులే నాలుగైదు రెట్లకు అధికంగా అమ్ముకోవాలని సూచిస్తున్నట్లు తెలుస్తోంది. మార్కెట్‌లో నాన్‌ జ్యుడీషియల్‌ స్టాంపునకు డిమాండ్‌ బాగా ఉన్న నేపథ్యంలో విక్రయదారులు కూడా తీసుకుంటారని వారు చెబుతున్నట్లు సమాచారం. ప్రస్తుతం కర్నూలు, కల్లూరు సబ్‌రిజిస్ట్రార్‌ కార్యాలయాలకు సంబంధించి అధికారులు సూచించిన రేట్లకు స్టాంపులను విక్రయిస్తున్నట్లు తెలుస్తోంది. రూ.10 స్టాంపును రూ.40 నుంచి రూ.50 వరకు విక్రయిస్తున్నారు. అలాగే రూ.20 స్టాంపును రూ.150 నుంచి రూ.200లకు, రూ.50 స్టాంపును రూ.250కుపైగా, రూ.100 స్టాంపును రూ.500 వరకు విక్రయిస్తున్నారు. రూ.50 విలువ కలిగిన స్టాంపులు 1,12,000 రూ.100 స్టాంపులు 1,04,000 రూ.10 స్టాంపులు 1,04,000 రూ.20 స్టాంపులు 8,000

మాది కౌతాళం మండలం సులేకేరి గ్రామం. మా గేరికి నీళ్లు రాక నెలయ్యింది. పైపులైన్‌ రిపేరీ చేయకుండా అలాగే వదిలేయడంతో మంచి నీరు రావట్లేదు. అధికారులు ఎవ్వరూ పట్టించుకోవడం లేదు. చేదుడు బావి నీటినే తాగుతున్నాం. ఈ నీరు తాగడానికి చాలా ఇబ్బందిగా ఉంటోంది. ఓటు అడగడానికి వచ్చే వాళ్లను నిలదీస్తాం. – పల్లవి, సులేకేరి కోసిగి మండలం దొడ్డి గ్రామం మాది. మా గేరి కొండ ప్రాంతంలో ఉంది. నీళ్లు రాక 6 నెలలు అవుతోంది. 200 ఇండ్లకు తాగునీరు కరువైంది. కింది గేరికి వెళ్తే అక్కడి జనం నీళ్లు వదలడం లేదు. పంట పొలాల బోర్ల వద్దకు వెళ్లి నీరు తెచ్చుకుంటున్నాం. అధికారులు మా కష్టాలు పట్టించుకుంటే బాగుండు. – నాగరాజు, దొడ్డి

కర్నూలు(అర్బన్‌): మున్సిపల్‌ కార్పొరేషన్లు, మున్సిపాలిటీలు, నగర పంచాయతీల్లో నవంబర్‌ 1న పోలింగ్‌ జరుగుతున్న దృష్ట్యా ఆయా ప్రాంతాల్లోని దుకాణాలు, ఇతర సంస్థల్లో పనిచేస్తున్న ఉద్యోగులు, కార్మికులకు వేతనంతో కూడిన సెలవును ప్రకటిస్తున్నట్లు సంయుక్త కార్మిక కమిషనర్‌ సీహెచ్‌ ఆషాలత తెలిపారు. ఆయా ప్రాంతాల్లోని ఉద్యోగ, కార్మికులు తమ ఓటు హక్కును వినియోగించుకునేందుకు వీలుగా ఏపీ కార్మిక శాఖ కమిషనర్‌ ఉత్తర్వులు జారీ చేసినట్లు ఆమె గురువారం ఒక ప్రకటనలో పేర్కొన్నారు. కర్నూలు జోన్‌ పరిధిలోని కర్నూలు, నంద్యాల, అనంతపురం, శ్రీ సత్యసాయి, కడప, అన్నమయ్య, తిరుపతి, చిత్తూరు పరిధిలోని దుకాణాలు, సంస్థల్లో పనిచేస్తున్న ఉద్యోగ, కార్మికులకు ఈ ఉత్తర్వులు వర్తిస్తాయని ఆమె తెలిపారు. నేడు, రేపు పోస్టల్‌ బ్యాలెట్‌ ఓటింగ్‌ కర్నూలు(సెంట్రల్‌): స్థానిక సంస్థల ఎన్నికల్లో భాగంగా ఎంపీటీసీ, జెడ్పీటీసీ ఎన్నికల విధుల్లో పాల్గొంటున్న సిబ్బంది తమ ఓటు హక్కు వినియోగించుకునేందుకు పోస్టల్‌ బ్యాలెట్‌ ఫెసిలిటేషన్‌ కేంద్రాలను ఏర్పాటు చేసినట్లు జిల్లా ఎన్నికల అధికారి/కలెక్టర్‌ డాక్టర్‌ ఏ.సిరి గురువారం ఓ ప్రకటనలో తెలిపారు. అక్టోబర్‌ 30, 31 తేదీల్లో ఉదయం 8 నుంచి సాయంత్రం 5గంటల వరకు ఉద్యోగులు ఓటు వినియోగించుకోవచ్చన్నారు. పోస్టల్‌ ఓటింగ్‌ ఫెసిలిటేషన్‌ కేంద్రాలుగా ప్రతి మండలంలోని ఎంపీడీఓ కార్యాలయాన్ని ఎంపిక చేశామన్నారు. రేపు ఎన్నికల సామగ్రి పంపిణీ కర్నూలు (టౌన్‌): పోలింగ్‌ సిబ్బందికి ఎన్నికల సామగ్రిని ఈనెల 31వ తేదీ శనివారం పంపిణీ చేస్తామని అడిషనల్‌ ఎలక్షన్‌ అథారిటీ కమిషనర్‌ చల్లా ఓబులేసు తెలిపారు. కర్నూలులోని ఎస్టీబీసీ కళాశాలలో పోలింగ్‌కు సంబంధించి ఏర్పాట్లను గురువారం పరిశీలించారు. ఈ సందర్భంగా ఆయన మాట్లాడుతూ.. నవంబర్‌ 1న బ్యాలెట్‌ బాక్సుల స్వీకరణ, భద్రత నవంబర్‌ 3న ఓట్ల లెక్కింపునకు అన్ని ఏర్పాట్లు పూర్తి చేశామన్నారు. ఎన్నికల విధుల్లో పాల్గొనే అధికారులు, సిబ్బందికి విధులపై సంపూర్ణ అవగాహన కల్పించామన్నారు. నేటితో ముగియనున్న ఎన్నికల ప్రచారం ఈనెల 30వ తేదీ శుక్రవారం సాయంత్రం 5 గంటలకు ఎన్నికల ప్రచారం ముగుస్తుందని ఎలక్షన్‌ అథారిటీ కమిషనర్‌ చల్లా ఓబులేసు గురువారం సాయంత్రం ఒక ప్రకటనలో తెలిపారు. ఎన్నికల ప్రవర్తన నియమావళిని అభ్యర్థులు తప్పనిసరిగా పాటించాలన్నారు. ఓటు వేయడానికి ఓటరు స్లిప్పులు తప్పనరి కాదని తెలిపారు. క్వింటా వేరుశనగ రూ.7,990 ఎమ్మిగనూరు టౌన్‌: స్థానిక వ్యవసాయ మార్కెట్‌లో గురువారం క్వింటా వేరుశనగ ధర గరిష్టంగా రూ.7,990 పలికింది. మార్కెట్‌కు 34 క్వింటాళ్ల వేరుశనగ దిగుబడులను రైతులు విక్రయానికి తెచ్చారు. క్వింటా కనిష్ట ధర రూ.3,809, మధ్యస్థ ధర రూ.7,020 ప్రకారం మార్కెట్‌లో వ్యాపారులు కొనుగోలు చేశారని యార్డ్‌ ప్రత్యేక శ్రేణి కార్యదర్శి పి.కల్పన తెలిపారు. అదేవిధంగా 38 క్వింటాళ్ల ఆముదాలు విక్రయానికి రాగా క్వింటా కనిష్ట ధర రూ.7,210, మధ్యస్థ ధర రూ.7,813.. గరిష్ట ధర రూ.7,814 లభించిందన్నారు. సమస్యాత్మక పోలింగ్‌ కేంద్రాల పరిశీలన ఓర్వకల్లు: మండలంలోని ఎంపీటీసీ, జెడ్పీటీసీ ఎన్నికల సందర్భంగా గుర్తించిన సమస్యాత్మక పోలింగ్‌ కేంద్రాలను గురువారం ఎస్పీ విక్రాంత్‌ పాటిల్‌ పరిశీలించారు. మండలంలో సమస్యాత్మక కేంద్రాలుగా గుర్తించిన నన్నూరు, మీదివేముల, హుసేనాపురం పోలింగ్‌ కేంద్రాలను గురువారం సాయంత్రం ఆయన పరిశీలించారు. ఈ సందర్భంగా ఎస్పీ మాట్లాడుతూ ఆయా కేంద్రాల వద్ద పోలీసులు అప్రమత్తంగా ఉండాలని సూచించారు. తప్పనిసరిగా 144 సెక్షన్‌ అమలు చేయాలన్నారు. ఎస్పీ వెంట రూరల్‌ సీఐ చంద్రబాబు నాయుడు, ఎస్‌ఐ సునీల్‌ కుమార్‌ పాల్గొన్నారు.

కర్నూలు(సెంట్రల్‌) : స్థానిక సంస్థల ఎన్నికలకు సంబంధించి పోలింగ్‌, బ్యాలెట్‌ పేపర్ల పంపిణీ, స్వీకరణ, స్ట్రాంగ్‌ రూమ్‌ల భద్రత, ఓట్ల లెక్కింపు ప్రక్రియలను నిబంధనల మేరకు పకడ్బందీగా నిర్వహించాలని జిల్లా ఎన్నికల అధికారి/జిల్లా కలెక్టర్‌ డా.ఏ.సిరి సంబంధిత అధికారులను ఆదేశించారు. గురువారం జెడ్పీటీసీ, ఎంపీటీసీల ఎన్నికలకు సంబంధించి ఆయా అంశాలపై టెలి కాన్ఫరెన్స్‌ నిర్వహించారు. కలెక్టర్‌ మాట్లాడుతూ..ఎన్నికల విధులకు హాజరయ్యే సిబ్బందికి నిర్వహించే శిక్షణ కార్యక్రమాలను అత్యంత ప్రాధాన్యతగా తీసుకోవాలని, ఎవరూ గైర్హాజరు కాకుండా చూడాలన్నారు. శిక్షణకు గైర్హాజరైన వారిపై సస్పెన్షన్‌తో పాటు కఠిన చర్యలు తీసుకోవాల్సి ఉంటుందని హెచ్చరించారు. బ్యాలెట్‌ పేపర్ల ముద్రణ పూర్తయిన నేపథ్యంలో వాటిని సంబంధిత పోలీస్‌ స్టేషన్లలో స్టేషన్‌ హౌస్‌ ఆఫీసర్ల వద్ద భద్రపరచాలని సూచించారు. సామగ్రి పంపిణీ వేగంగా పూర్తయ్యేలా తగినన్ని కౌంటర్లు ఏర్పాటు చేయాలన్నారు. పోలింగ్‌ సిబ్బంది కేంద్రాలకు ముందు రోజే చేరుకోవాలని, ప్రిసైడింగ్‌ అధికారులు తమ విధులపై పూర్తి అవగాహన కలిగి ఉండాలన్నారు. ఓటు రహస్యాన్ని కాపాడేలా ఓటింగ్‌ కంపార్ట్‌మెంట్లను సరైన ప్రదేశంలో ఏర్పాటు చేయాలన్నారు. వెబ్‌కాస్టింగ్‌, వీడియోగ్రఫీ, మైక్రో అబ్జర్వర్ల నియామకం ఉన్న కేంద్రాల్లో సంబంధిత సిబ్బంది హాజరును నిర్ధారించుకోవాలన్నారు. స్ట్రాంగ్‌ రూమ్‌ల పరిసరాల్లో సీసీ కెమెరాలు తప్పనిసరిగా ఏర్పాటు చేయాలని చెప్పారు. కౌంటింగ్‌కు సంబంధించి మీడియా ప్రతినిధులకు సమాచారం సకాలంలో అందించేందుకు డివిజన్‌ స్థాయి, జిల్లా పరిషత్‌ కార్యాలయంలో మీడియా కేంద్రాలు ఏర్పాటు చేయాలన్నారు. జాయింట్‌ కలెక్టర్‌ నూరుల్‌ ఖమర్‌ మాట్లాడుతూ.. ఎన్నికల నిర్వహణలో భాగంగా బ్యాలెట్‌ పేపర్ల నాణ్యత పరిశీలన, భద్రత, పోలింగ్‌ సామగ్రి పంపిణీ, సిబ్బందికి శిక్షణ పకడ్బందీగా చేపట్టాలని అ ధికారులను ఆదేశించారు. జెడ్పీ సీఈఓ సుధాకర్‌ రెడ్డి పాల్గొన్నారు పరిశ్రమల ఏర్పాటులో పురోగతి సాధించాలి జిల్లాలో అమలులో ఉన్న పారిశ్రామిక ప్రాజెక్టులను వేగవంతం చేయడంతో పాటు కొత్తగా ఏర్పాటు చేయనున్న పరిశ్రమలకు అవసరమైన మౌలిక వసతులను త్వరగా కల్పించాలని జిల్లా కలెక్టర్‌ డా. ఏ.సిరి పరిశ్రమ శాఖ అధికారులను ఆదేశించారు. గురువారం కలెక్టరేట్‌ లోని తన కార్యాలయంలో పారిశ్రామిక అభివృద్ధి, పరిశ్రమల స్థాపనకు సంబంధించిన వివిధ అంశాలపై సంబంధిత అధికారులతో సమీక్ష నిర్వహించారు. ముందుగా ఓర్వకల్లు పారిశ్రామిక ప్రాంతంలో ఏర్పాటు చేయనున్న పరిశ్రమల వారీగా పురోగతిని సమీక్షిస్తూ, ఆయా పరిశ్రమల స్థాపనకు సంబంధించిన ప్రస్తుత స్థితిగతులను తెలుసుకుని, పనులను వేగవంతం చేసేలా చర్యలు తీసుకోవాలని చెప్పారు. పరిశ్రమల శాఖ అధికారి సంజీవరాజు, ఏపీఐఐసీ జెడ్‌ఎం మధుసూదన్‌ రెడ్డి, నెడ్‌క్యాప్‌ అధికారి వీరేంద్ర పాల్గొన్నారు.

శ్రీశైలంటెంపుల్‌: ఏదేని ప్రభుత్వ శాఖలో ఇన్‌చార్జ్‌ బాధ్యతలు ఒక నెల, రెండునెలలో, మహా అయితే ఆరు నెలలు మాత్రమే. అయితే దేవదాయ శాఖలో మాత్రం ఇన్‌చార్జ్‌ బాధ్యతలు సంవత్సరాల తరబడి కొనసాగుతూనే ఉన్నాయి. శ్రీశైల దేవస్థాన ఇంజినీరింగ్‌ విభాగంలో ఇన్‌చార్జ్‌ డీఈఈ హోదాలో అర్హత లేకపోయిన ఓ సహాయ ఇంజినీర్‌ గత మూడు సంవత్సరాలకు పైగా కొనసాగుతూనే ఉన్నా అడిగేవారు లేరు. శ్రీశైల దేవస్థానంలో ఎలక్ట్రికల్‌ డీఈఈ హోదాలో ఎవరు లేకపోవడంతో ఆ విభాగంలో సహాయ ఎగ్జిక్యూటీవ్‌ ఇంజినీర్‌గా విధులు నిర్వహిస్తున్న ఇంజనీర్‌కు 2023 జూన్‌ 13వ తేదీనన డిప్యూటీ ఎగ్జిక్యూటీవ్‌ ఇంజినీర్‌గా ఇన్‌చార్జ్‌ బాధ్యతలు అప్పగిస్తూ అప్పటి శ్రీశైల దేవస్థాన కార్యనిర్వహణాధికారి ఉత్తర్వులు జారీ చేశారు. అయితే ఇది పూర్తి తాత్కాలికమేనని, సీనియార్టీ, బెనిఫిట్స్‌ క్లెయిమ్‌ చేసుకోకూడదని ఆ ఉత్తర్వులో పేర్కొన్నారు. నిబంధనలకు విరుద్ధం.. శ్రీశైల దేవస్థాన ఎలక్ట్రికల్‌ విభాగంలో హెల్పర్‌గా చేరిన ఓ వ్యక్తి అంచలంచెలుగా ఎలక్ట్రిషియన్‌, వర్క్‌ఇన్‌స్పెక్టర్‌గా, ఉన్నతాధికారులను ప్రసన్నం చేసుకుని సహాయ ఇంజనీర్‌గా పదోన్నతి పొందినట్లు తెలుస్తుంది. సాధారణంగా సహాయ ఇంజినీర్‌గా పదేళ్ల అనుభవం తరువాత డిప్యూటీ ఎగ్జిక్యూటీవ్‌ ఇంజినీర్‌గా పదోన్నతి కల్పిస్తారు. అయితే సదరు ఏఈకి డిప్లొమా, బీటెక్‌ అర్హత లేకపోవడంతో 26 ఏళ్లుగా విధులు నిర్వహిస్తున్న ఏఈ పోస్టులోనే ఉన్నాడు. అయితే దేవస్థానంలో రెగ్యులర్‌ ఏఈలు ఎవరూ లేకపోవడంతో ఆయనకు డీఈఈ ఇన్‌చార్జ్‌ బాధ్యతలు అప్పగించారు. ప్రభుత్వ ఫండమెంటల్‌ రూల్స్‌ నెంబర్‌–49ప్రకారం అదనపు బాధ్యతలు సైతం ఆరు నెలలు మాత్రమే అప్పగిస్తారు. ఆరు నెలల అనంతరం ఇన్‌చార్జ్‌ బాధ్యతలు అప్పగించకూడదనే నిబంధనలు ఉన్నాయి. ఇన్‌చార్జ్‌ డీఈఈ హోదాలో ఎం–బుక్‌లో సైతం చెక్‌ మెజర్‌మెంట్‌ చేస్తున్నారు. ఇది నిబంధనలకు విరుద్ధమని తెలుస్తుంది. డీఈఈ ఇన్‌చార్జ్‌ బాధ్యతలు తీసుకుని మూడేళ్లుకు పైగా గడుస్తుంది. శ్రీశైల దేవస్థానంలో గత నాలుగు సంవత్సరాలుగా రెగ్యులర్‌ డిప్యూటీ ఎగ్జిక్యూటీవ్‌ ఇంజనీర్లు లేకపోయినప్పటికీ కనీసం దేవస్థాన ఉన్నతాధికారులు దేవదాయశాఖ కమిషనర్‌కు లేఖలు సైతం రాయలేదని సమాచారం. యూనియన్‌ పేరు చెప్పుకుని తిష్ట.. శ్రీశైల దేవస్థానంలో ఎలక్ట్రికల్‌ విభాగ సహాయ ఎగ్జిక్యూటీవ్‌ ఇంజినీర్‌ దేవస్థాన ఉద్యోగుల సంఘంలో కీలకమైన పోస్టులో ఉండి స్థానికంగానే తిష్ట వేసినట్లు తెలుస్తుంది. యూనియన్‌కు ముఖ్య నాయకుడిగా వ్యవహరిస్తూ ఉన్నతాధికారులను ప్రసన్నం చేసుకుని తనకు బదిలీలు లేకుండా శ్రీశైలంలోనే ఏళ్ల తరబడి ఉంటూ పాతుకుపోయినట్లు తెలుస్తుంది. అంతేకాకుండా తన రక్తసంబంధీకులకు సైతం ఇంజినీరింగ్‌ విభాగంలో పోస్టు మంజూరు చేయించుకుని, తన విభాగంలోనే పోస్టు ఇప్పించుకున్నట్లు సమాచారం.పట్టించుకోని దేవదాయశాఖ..రాష్ట్రంలో రెండవ అతి పెద్ద పుణ్యక్షేత్రంగా ఉన్న శ్రీశైల మహాక్షేత్రంలో ఏ అభివృద్ధి కార్యక్రమం జరగాలన్నా ఇంజినీరింగ్‌ విభాగం కీలకం. అటువంటి విభాగానికి గత నాలుగేళ్లుగా డిప్యూటీ ఎగ్జిక్యూటీవ్‌ ఇంజినీర్లు లేకపోవడం గమనార్హం. ఎలక్రిక్టకల్‌, సివిల్‌ విభాగాలకు సంబంధించి డీఈఈలు ఎవరు లేరు. ఎలక్రిక్టకల్‌, సివిల్‌ విభాగాలకు ఏఈలే ఇన్‌చార్జ్‌ డీఈఈలుగా బాధ్యతలు నిర్వర్తిస్తున్నారు. అంతేకాకుండా గత మూడు నెలలుగా ఎగ్జిక్యూటీవ్‌ ఇంజినీర్లు సైతం లేరు. త్వరలో శ్రీశైల మహాక్షేత్రంలో మూడు విడతలుగా సుమారు రూ.800 కోట్లతో మాస్టర్‌ ప్లాన్‌ పనులు ప్రారంభం కానున్నాయి. అయితే మాస్టర్‌ ప్లాన్‌ నిర్మాణ పనులను పర్యవేక్షించాల్సిన విభాగంలో ముఖ్యమైన అధికారులైన ఎగ్జిక్యూటీవ్‌ ఇంజినీర్లు, డిప్యూటీ ఎగ్జిక్యూటీవ్‌ ఇంజనీర్లు లేకపోవడంపై పలు విమర్శలు వినిపిస్తున్నాయి. శ్రీశైల దేవస్థాన ఇంజనీరింగ్‌ విభాగంలో ఇష్టారాజ్యం ఏఈకి డిప్యూటీ ఎగ్జిక్యూటివ్‌ ఇంజనీర్‌గా ఇన్‌చార్జ్‌ బాధ్యతలు మూడేళ్లకు పైగా అదే హోదాలో కొనసాగింపు నిబంధనలకు విరుద్ధంగా ఎం–బుక్‌లో చెక్‌ మెజర్‌మెంట్‌

● జిల్లా సరిహద్దుల్లో చెక్‌పోస్టుల ఏర్పాటు ● ఎన్నికల వేళ విస్తృత తనిఖీలు ● బెల్టు దుకాణాల్లో మద్యం విక్రయాలపై కేసుల నమోదు కర్నూలు: మున్సిపల్‌, పరిషత్‌ ఎన్నికల వేళ మద్యం కీలక పాత్ర పోషించనుంది. పురుష ఓటర్లను ఆకట్టుకునేందుకు, ప్రచారంలో తమ వెంట తిప్పుకునేందుకు బరిలో నిలిచిన అభ్యర్థులు మద్యం ఏరులే పారించడం పరిపాటి. ఎన్నికలు అనగానే నాయకులు డబ్బు, మందు పంపిణీకి తెర లేపుతుంటారు. ప్రస్తుతం స్థానిక సంస్థల ఎన్నికల వేడి నెలకొంది. నవంబర్‌ నెల అంతా ఆ సందడే ఉంటుంది. ఈ నేపథ్యంలో ఓటర్లను ప్రలోభాలకు గురి చేసేందుకు నాయకులు మద్యం పంపిణీ చేసే ఆస్కారం ఉంది. ఇందుకు గాను ఇతర రాష్ట్రాల నుంచి తక్కువ ధరకు కొనుగోలు చేసి అక్రమ మార్గంలో తెస్తుంటారు. వీటిపై పోలీసులు, ఎకై ్సజ్‌ అధికారులు నిఘా పెంచి తనిఖీలు ముమ్మరం చేస్తున్నారు. జిల్లాలోకి వచ్చే మార్గాల్లో నిఘా జిల్లాలోకి వచ్చే మార్గాల్లో నిఘా పెంచారు. సాధారణ సమయాల్లో పోల్చితే ఎన్నికల సమయంలో కర్ణాటక, తెలంగాణ నుంచి అధికంగా మద్యం అక్రమ రవాణా జరుగుతోంది. వాహనాలు మారుస్తూ అధికారుల కన్నుగప్పి మద్యం అక్రమ రవాణా చేస్తారు. ఏ ఎన్నికలైనా మద్యం ఏరులై పారుతుందనేది జగమెరిగిన సత్యం. ఇదే క్రమంలో అక్రమ మద్యంపై అటు పోలీసులు, ఇటు ఎకై ్సజ్‌ శాఖ దృష్టి సారించింది. మద్యం బెల్టు దుకాణాలపై ఎకై ్సజ్‌ శాఖ ఆధ్వర్యంలో నడిచే టాస్క్‌ఫోర్స్‌ బృందాలు దాడులు మొదలుపెట్టారు. అక్రమ నిల్వలను స్వాధీనం చేసుకుని నిందితులను అరెస్టు చేస్తున్నారు. విస్తృత తనిఖీలు పొరుగు రాష్ట్రాల నుంచి మద్యం అక్రమ రవాణాకు అడ్డుకట్ట వేసేందుకు జిల్లా సరిహద్దుల్లో ఇప్పటికే ఉన్న ఏడు చెక్‌పోస్టులను ఏర్పాటు చేశారు. నిఘాను పెంచి తనిఖీలు ముమ్మరం చేశారు. ప్రతి వాహనాన్ని క్షుణ్ణంగా తనిఖీ చేస్తున్నారు. అటు పోలీసు, ఇటు ఎకై ్సజ్‌ శాఖ అధికారులు సంయుక్త కార్యాచరణ చేపట్టారు. ఇప్పటికే ప్రత్యేకంగా మొబైల్‌ స్క్వాడ్‌తో పాటు టాస్క్‌ఫోర్స్‌ బృందాలను ఏర్పాటు చేసి అంతర్రాష్ట మద్యం జిల్లాలోకి రాకుండా అడ్డుకుంటున్నారు. అక్రమ నిల్వలను స్వాధీనం చేసుకుని నిందితులను అరెస్టు చేస్తున్నారు. పొంచి ఉన్న నకిలీ మద్యం ప్రమాదం ఎన్నికల నేపథ్యంలో డిమాండ్‌ మేరకు ఇతర రాష్ట్రాల నుంచి అక్రమంగా దిగుమతి చేసుకోవడంతో పాటు నకిలీ మద్యం ప్రమాదం కూడా పొంచి ఉంది. ఇది ఒక్కొక్కసారి ప్రాణాంతకంగా పరిణమించే ప్రమాదం లేకపోలేదు. ఎన్నికల నేపథ్యంలో ఎకై ్సజ్‌, పోలీసు శాఖలు పొరుగు రాష్ట్రాల మద్యంతో పాటు కల్తీ మద్యంపై కూడా దృష్టి సారించాల్సి ఉంది. లైసెన్స్‌దారులు అధికారిక దుకాణాల్లో మాత్రమే మద్యం విక్రయించాలి. నిర్దేశిత సమయాల్లోనే తెరవాలి. అదే విధంగా మూసివేయాలి. సీసీ కెమెరాల్లో నిత్యం పర్యవేక్షణ ఉంటుంది. దుకాణాల వారీగా నెలవారీ సరఫరా లెక్కలు తీస్తున్నాం. గత ఏడాది అక్టోబర్‌ నెలలో ఎంత సరుకు అమ్మకం జరిగింది, అంత మేరకే ఈనెల కూడా విక్రయాలు సాగించేలా చర్యలు తీసుకుంటున్నాం. – ఎం.సుధీర్‌ బాబు, ప్రొహిబిషన్‌ అండ్‌ ఎకై ్సజ్‌ జిల్లా అధికారి రెండు నెలల్లో 307 కేసుల నమోదు అక్రమ మద్యం నిల్వలపై ఎకై ్సజ్‌ అధికారులు దాడులు ఉధృతం చేసి 207 కేసులను నమోదు చేశారు. 176 మంది ముద్దాయిలను అరెస్టు చేసి 188.67 లీటర్ల పొరుగు రాష్ట్రాల మద్యం, 85 లీటర్ల ఎన్‌డీపీఎల్‌, 205 లీటర్ల నాటుసారాను స్వాధీనం చేసుకుని 8 వాహనాలను సీజ్‌ చేశారు. సెప్టెంబర్‌ నెలలో 171 కేసులు నమోదు చేసి 113 లీటర్ల మద్యం, 89 లీటర్ల నాటుసారా స్వాధీనం చేసుకున్నారు. మొత్తం 92 మంది నిందితులను అరెస్ట్‌ చేసి నాలుగు వాహనాలు సీజ్‌ చేశారు. అక్టోబర్‌ నెలలో ఇప్పటి వరకు 36 కేసులు నమోదు చేశారు. అలాగే 85 లీటర్ల మద్యం, 175 లీటర్ల నాటుసారా స్వాధీనం చేసుకున్నారు. మొత్తం 84 మంది నిందితులను అరెస్ట్‌ చేసి నాలుగు వాహనాలు సీజ్‌ చేశారు.

దేవనకొండ: మండలకేంద్రమైన దేవనకొండకు చెందిన హోటల్‌ నూర్‌ అహమ్మద్‌ మనవడు షాకీర్‌ అహమ్మద్‌ బుధవారం అదృశ్యమైనట్లు కుటుంబ సభ్యులు తెలిపారు. పుటకలమర్రి మోడల్‌ స్కూల్‌లో ఇంటర్మీడియెట్‌ ఫస్టియర్‌ చదువుతున్నాడని, గురువారం ఉదయం 8: 30 గంటలకు బస్సు ఎక్కి వెళ్లి ఇంటికి తిరిగి రాలేదని వాపోయారు. విద్యార్థుల బంధువులను, ఇరుగుపొరుగు గ్రామాల్లో విచారించినా ఆచూకీ లభించలేదన్నారు. దేవనకొండ పోలీస్‌స్టేషన్‌లో ఫిర్యాదు చేస్తున్నట్లు వారు తెలిపారు. ఆచూకీ తెలిసిన వారు 9703596013, 9666599033 నంబర్‌లకు తెలియజేయాలని కోరారు. జాతీయ స్థాయి పోటీలకు ఎంపిక కర్నూలు (టౌన్‌): వచ్చే నెలలో ఉత్తరప్రదేశ్‌లోని విల్లాలో నిర్వహించనున్న జాతీయ స్థాయి అండర్‌–17 బాలుర స్కూల్‌ గేమ్స్‌ ఫుట్‌బాల్‌ పోటీలకు స్థానిక నరసింగరావు పేటలోని శ్రీ లక్ష్మీ స్కూల్‌ విద్యార్థి సాథ్‌ ఎన్నికయ్యాడు. గురువారం స్కూల్‌ డైరెక్టర్‌ పి. దీక్షిత్‌ విద్యార్థిని అభినందించారు. ఆయన మాట్లా డుతూ ఈనెల 11 నుంచి 13వ తేదీ వరకు రాజమహేంద్రవరంలో నిర్వహించిన అండర్‌–17 బాలుర ఫుట్‌బాల్‌ పోటీల్లో ప్రతిభ చాటి జతీయ పోటీలకు ఎంపికయ్యారని చెప్పారు. నేటి నుంచి మద్యం దుకాణాల బంద్‌ కర్నూలు(సెంట్రల్‌): నవంబర్‌ ఒకటో తేదీన కర్నూల్‌ మున్సిపల్‌ కార్పొరేషన్‌తోపాటు ఆదోని, ఎమ్మిగనూరు, గూడూరు మున్సిపాలిటీలకు ఎన్నికలు జరుగనున్న నేపథ్యంలో శుక్రవారం సాయంత్రం 5 గంటల నుంచి అన్ని మద్యం దుకాణాలను మూసివేయాలని జిల్లా ఎన్నికల అధికారి/ కలెక్టర్‌ డాక్టర్‌ ఏ.సిరి ఉత్తర్వులు జారీ చేశారు. ప్రొహిబిషన్‌, ఎకై ్సజ్‌ అధికారులు దుకాణాలకు సీల్‌ వేసి ఎన్నికల రోజు సాయంత్రం ఐదు గంటల వరకు మద్యం అమ్మకాలు జరక్కుండా చూడాలని ఆదేశించారు. రిమాండ్‌ ఖైదీలు కోర్టు వాయిదాలకు హాజరవ్వాలి నంద్యాల(వ్యవసాయం): రిమాండ్‌ ఖైదీలు కోర్టువాయిదాలకుకు తప్పకుండా హాజరువ్వాలని జిల్లా న్యాయ సేవాధికార సంస్థ కార్యదర్శి బి.లీలా వెంకటశేషాద్రి అన్నారు. గురువారం స్థానిక జైలును ఆకస్మిక తనిఖీ చేశారు. ఈ సందర్భంగా జైలులోని పరిసరాలను పరిశీలించి పలు సూచనలిచ్చారు. అదేవిధంగా ఖైదీల వివరాలను అడిగి తెలుసుకు న్నారు. ఖైదీలకు ఎవరికై నా న్యాయవాదులు లేకుంటే ఉచితంగా న్యాయ న్యాయవాదిని నియమిస్తామన్నారు. 70 ఏళ్లు వయస్సు పైబడిన ఖైదీలకు, అనారోగ్యంతో బాధపడే వారికి ఉచిత న్యాయ సహాయం అందిస్తామన్నారు. లీగల్‌ సర్వీసెస్‌ హెల్ప్‌ లైన్‌ నెంబర్‌ 1500పై ఖైదీలకు అవగాహన కల్పించారు. కార్యక్రమంలో జైలు సూపరింటెండెంట్‌ గురుప్రసాద్‌రెడ్డి, న్యాయవాది నాయక్‌, లోక్‌అదాలత్‌ సిబ్బంది రామచంద్రారెడ్డిలు పాల్గొన్నారు. ఆళ్లగడ్డ : ఖైదీలకు అన్ని రకాల హక్కులు కల్పించేందుకు న్యాయస్థానాలు సహకరిస్తాయని జిల్లా న్యాయ సేవాధికార సంస్థ సెక్రటరీ, సీనియర్‌ సివిల్‌ జడ్జి లీలావెంకట శేషాద్రి తెలిపారు. స్థానిక సబ్‌ జైల్‌ను గురువారం ఆయన తనిఖీ చేశారు. ఆయన వెంట జైలు అధికారి బాబు, న్యాయవాదులు బాబాపకృద్దీన్‌, షహీనాబేగం ఉన్నారు.

● పోలీసులపై ఆగ్రహం వ్యక్తం చేసిన ఆలూరు ఎమ్మెల్యే బుసినే విరూపాక్షి చిప్పగిరి: ఎన్నికల నిబంధనలను ఉల్లంఘించే పోలీసులు విధులు మానేసి పచ్చ చొక్కాలు వేసుకొని తిరగాలని ఆలూరు ఎమ్మెల్యే బుసినే విరూపాక్షి ఆగ్రహం వ్యక్తం చేశారు. స్థానిక వైఎస్సార్‌సీపీ కార్యాలయంలో ఏర్పాటు చేసిన విలేకరుల సమావేశంలో గురువారం ఎమ్మెల్యే మాట్లాడారు. నియోజకవర్గంలోని ప్రతి మండలంలో వైఎస్సార్‌సీపీ తరఫున ఎంపీపీ, జెడ్పీటీసీ, ఎంపీటీసీ అభ్యర్థులు పోటీ చేశారన్నారు. అయితే వైఎస్సార్‌సీపీ అభ్యర్థులు నామినేషన్‌ వేయకుండా పోలీసులు అడ్డుకునే ప్రయత్నం చేశారని ఆరోపించారు. ప్రస్తుతం నామినేషన్ల ఘట్టం ముగిసి పోవడంతో అభ్యర్థులు ఆయా గ్రామాల్లో ప్రచారం నిర్వహించకుండా పోలీసులు అనేక రకాలుగా అడ్డుకుంటున్నారన్నారు. చిప్పగిరి మండలం నగరడోణలో వైఎస్సార్‌సీపీ అభ్యర్థుల ఇళ్లలోకి వెళ్లి చిప్పగిరి ఎస్‌ఐ భయభ్రాంతులకు గురిచేస్తూ అక్రమ కేసులు పెడతామని భయపెడుతున్నారన్నారు. చంద్రబాబు పాలనలో అమలవుతున్న రెడ్‌బుక్‌ రాజ్యాంగంలో పోలీసులు పావులుగా మారడం దారుణమన్నారు. వైఎస్సార్‌సీపీ అభ్యర్థులపై అన్యాయంగా కేసులు నమోదుచేసే సయమంలో పోలీసులు ఆత్మ విమర్శ చేసుకోవాలని హితవు పలికారు. ఎవరు ఎన్ని కుట్రలు చేసినా ఎన్నికల్లో గెలిచి తీరుతామన్నారు. వైఎస్సార్‌సీపీ అభ్యర్థులు ఎవరూ భయపడవద్దని, ఏ చిన్న సమస్య ఉన్నా తన దృష్టికి తేవాలని సూచించారు. ఎప్పుడూ కూటమి ప్రభుత్వమే అధికారంలో ఉండదని పోలీసులు గుర్తించుకోవాలన్నారు. పోలీసులు వ్యవహరిస్తున్న తీరుపై న్యాయస్థానాలను ఆశ్రయిస్తామన్నారు.

డోన్‌ రూరల్‌: నక్కవాగులపల్లె గ్రామానికి చెందిన టీడీపీ నాయకులు గురువారం మాజీ మంత్రి బుగ్గన రాజేంద్రనాథ్‌రెడ్డి సమక్షంలో వైఎస్సార్‌సీపీలో చేరారు. గ్రామానికి చెందిన టీడీపీ నాయకులు వలీ సాహెబ్‌, కాశీం సాహెబ్‌ల కుటుంబాలు టీడీపీని వీడి వైఎస్సార్‌సీపీలో చేరాయి. కార్యక్రమంలో మాజీ ఎంపీపీ రేగటి రాజశేఖర్‌రెడ్డి, మార్కెట్‌ యార్డ్‌ మాజీ చైర్మన్‌ మల్లెంపల్లె రామచంద్రుడు, పార్టీ మండల అధ్యక్షులు సోమేష్‌ యాదవ్‌, సింగిల్‌ విండో మాజీ చైర్మన్‌ తిరునాంపల్లె తిరుమల్‌రెడ్డి,కొత్తకోట మాజీ సర్పంచ్‌ చంద్రన్న యాదవ్‌, బుగ్గన జయచంద్రరెడ్డి, పార్టీ గ్రామ నాయకులు భాస్కర్‌రెడ్డి, ఇస్మాల్‌, మనోహర్‌, సోమయ్య, మురళీధర్‌రెడ్డి, కృష్ణయ్య పాల్గొన్నారు.

మా చెంచులది ఘోరమైన జీవితం. దీని నుంచి బయటపడాలి, మా పిల్లలకు ఒక చిరునామా ఉండాలి. చదువుకోవాలి. మా లాగే వారు చదువు సంధ్య లేకుండా సంచార జీవనం గడపకూడదకున్నాం. తెల్లారి పనికిపోతే సాయంత్రం వచ్చినాక ఒక్క పూట మాత్రమే తినేవాళ్లం. ప్రస్తుతం ఆలయం నిర్మిస్తున్న చోట జమ్మిచెట్టు వద్ద వెంకన్న పటాన్ని పెట్టుకొని పూజలు చేసేవాళ్లం. స్వామివారిని కొలవడం మొదలయ్యాకే మూడు పూటలా తినగలుగుతున్నాం. దీంతో అందరూ కలిసి మాట్లాడుకొని ఆలయ నిర్మాణానికి పూనుకున్నాం. అందరి సహకారంతో తుది దశకు చేరుకున్నాం. రూ.20 లక్షల వరకు జమ అయితే ఆలయ నిర్మాణం పూర్తవుతుంది. వచ్చే నవంబర్‌ 8వ తేదీకి ఆలయ నిర్మా ణం ప్రారంభించి మూడేళ్లు అవుతుంది. ఆలోగా.. 7వ తేదీన ఆలయాన్ని ప్రారంభించాలనుకున్నాం. శ్రీ సీతారామ కల్యాణ మహోత్సవ సమితి సభ్యులు ఆవోపా నాగేశ్వరరావు, కల్కి మురళి, నాగోజిరావు లాంటి వారు ఆలయంలో పూజా సామగ్రి తదితర వాటిని సమకూరుస్తామన్నారు. – చెంచు ఈరన్న, ఆలయ రూప శిల్పి

నంద్యాల (వ్యవసాయం): పట్టణంలోని స్పెషల్‌ సబ్‌ జైలును ప్రిన్సిపల్‌ జూనియర్‌ సివిల్‌ జడ్జి శ్రీనివాసులు బుధవారం ఆకస్మిక తనిఖీ చేశారు. ఈ సందర్భంగా జైలులో ఏర్పాటు చేసిన ప్రిజన్‌ లీగల్‌ హెల్ప్‌ డెస్క్‌ క్లినిక్‌ను తనిఖీ చేసి వాటి గురించి ఖైదీలకు అవగాహన కల్పించారు. 70 ఏళ్లు పైబడిన ఖైదీలకు, అనారోగ్యంతో బాధపడే వారికి ఉచిత న్యాయ సహాయం అందిస్తామని తెలిపారు. అదేవిధంగా ఖైదీలకు అందించే ఆహారాన్ని, రేషన్‌, వారి ఆరోగ్యం గురించి తీసుకునే చర్యల గురించి అడిగితెలుసుకున్నారు. ఏమైనా సమస్యలు ఉంటే జిల్లా న్యాయ సేవాధికార సంస్థ నంద్యాల వారిని సంప్రదించాలని సూచించారు. కార్యక్రమంలో సూపరింటెండెంట్‌ గురు ప్రసాద్‌ రెడ్డి, బాలు నాయక్‌, లోక్‌ అదాలత్‌ సిబ్బంది రామచంద్రారెడ్డి పాల్గొన్నారు.

నందికొట్కూరు: చట్టానికి వ్యతిరేకంగా నాటుసారా తయారు చేస్తే కఠిన చర్యలు తప్పవని ఎకై ్సజ్‌ శాఖ సీఐ రామాంజనేయులు నాయక్‌ హెచ్చరించారు. బుధవారం మండల పరిధిలోని కోళ్లబావాపురం అటవీ ప్రాంతంలో నాటు సారాయి తయారు చేసేందుకు సిద్ధంగా ఉంచిన 760 లీటర్ల బెల్లం ఊటను ఎకై ్సజ్‌ శాఖ సీఐ, ఆత్మకూరు సీఐ మోహన్‌రెడ్డి, జఫరుల్లా, ఎస్‌ఐలు బాష్యం శ్రీనివాసులు, జగదీష్‌, దౌలత్‌ఖాన్‌, రమేష్‌బాబు, కర్నూలు ఎన్‌ఫోర్స్‌మెంట్‌ సీఐ సుహాసిని, ఎస్‌ఐ మారుతి, ట్రైనీ ఎస్‌ఐ మణిబాబు, పోలీసులు ధ్వంసం చేశారు. ఈ సందర్భంగా ఆయన మాట్లాడుతూ.. నాటుసారా తయారు చేసినా, విక్రయించినా, ఇతర ప్రాంతాలకు తరలించినా క్రిమినల్‌ కేసులతో పాటు వాహనాలు సీజ్‌ చేసి జైలుకు పంపడం ఖాయమని హెచ్చరించారు. చట్ట వ్యతిరేక కార్యకలాపాలకు పాల్పడితే తీవ్ర పరిణామాలు తప్పవన్నారు. దాడుల్లో ఎకై ్సజ్‌ పోలీసులు శేఖర్‌ నాయుడు, జనార్ధన్‌, రామాంజనేయులు, మధుసూదన్‌రెడ్డి, శివన్న, జయచంద్ర, తదితరులు పాల్గొన్నారు.

చెంచులు నిర్మించుకున్న వెంకన్న ఆలయంకర్నూలు కల్చరల్‌: వారంతా సంచార జీవనం సాగిస్తుంటారు. కాగితాలు ఏరుకొని అమ్ముకుంటే వచ్చే అరకొర సంపాదనే జీవనాధారం. రెక్కల కష్టాన్ని నమ్ముకొని బతికే 60 చెంచు కుటుంబాలది నిరుపేద జీవితం. అయినా ఆ ఏడు కొండల వాడిపై వారి భక్తికి పేదరికం అడ్డుకాలేదు. కలియుగ దైవం శ్రీనివాసుడిని కొలువు దీర్చాలన్న సంకల్పమే వారిలో కొండంత ఆత్మ విశ్వాసం నింపింది. వారే యజమానులై.. వారే ఇంజినీర్‌లై.. వారే మేసీ్త్రలై.. వారే కూలీలై స్వామివారి సేవకు అంకితం చేసుకున్నారు. వాము సంపాదించే అరకొర ఆదాయంలోనూ కొంత భాగాన్ని ఆలయ నిర్మాణానికి విరాళంగా అందిస్తూ కర్నూలు నగరంలో మూడు సెంట్ల స్థలంలో రూ.5 కోట్ల వ్యయంతో శ్రీనివాసుడి అద్భుత ఆలయం నిర్మించుకున్నారు. చెంచుల పెద్ద ఈరన్న ఆధ్వర్యంలో సాగుతున్న ఈ మహత్తర యజ్ఞం.. వారి భక్తి తత్పరతకు, ఐక్యతకు, సంకల్ప బలానికి నిలువెత్తు నిదర్శనంగా నిలుస్తోంది. ఇలవేల్పుగా భావించి.. చెంచులు ఊరూరా తిరుగుతూ జీవనం సాగిస్తుంటా రు. ఎమ్మిగనూరు నుంచి కొన్ని కుటుంబాలు 1994లో కర్నూలు నగరానికి వచ్చాయి. పలు ప్రాంతాల్లో గుడిసెలు వేసుకొని నెల, రెండు నెలలు ఉండటం తర్వాత మరో ప్రాంతానికి పోవడం. ఇలా ఎన్ని ప్రాంతాలు తిరగాలి. పిల్లలకు చదువు లేదు. సరైన తిండి లేదు అనే ఆలోచన కలిగింది చెంచు ఈరన్నకు. బళ్లారి చౌరస్తా సమీపంలోని శ్రీనివాస నగర్‌లో నివశిస్తున్న వారికి జంగాల శ్రీనివాస్‌ అండగా నిలిచారు. సెంటు, రెండు సెంట్లు స్థలాలు తక్కువ రేటుకు అమ్మడంతో పాటు వారు డబ్బులు ఎప్పుడిస్తే అప్పుడు తీసుకోవడ ంతో కొంతఅండగా నిలిచినట్‌లైంది. అక్కడే 2004లో 2.75 సెంట్ల స్థలాన్ని రూ.36 వేలకు కొనుక్కున్నారు. ఆ స్థలంలో జమ్మిచెట్టు వద్ద శ్రీనివాసుడి పటాన్ని పెట్టుకొని పూజలు చేయడం ప్రారంభించారు. రోజుకు ఒక్క పూట కూడా సరైన తిండి లేక ఇబ్బందులు పడుతూ జీవనం సాగిస్తున్న వారికి అప్పటి నుంచి మూడు పూటలా తిండి దొరుకుతుందనే నమ్మకం కలిగింది. దీంతో రెండేళ్లకోసారి శ్రీనివాసుడి కల్యాణం నిర్వహిస్తున్నారు. వేంకటేశ్వరుడిని ఇలవేల్పుగా భావించి ఎలాగైనా ఆలయం నిర్మించాలనుకున్నారు. 2023 నవంబర్‌ 8న భూమి పూజ చేశారు. మీరా గుడి కట్టేది.. చెంచు ఈరన్న పెద్ద దిక్కుగా ఆలయ నిర్మాణానికి పూనుకున్నారు. విరాళాలకు తిరిగారు. మీరా గుడి కట్టేది. మీకు చందాలు ఇవ్వాలా అంటూ ఎగతాలి చేయడంతో మన దేవుడి ఆలయాన్ని మనమే కట్టుకుందామని నిర్ణయించుకున్నారు. సంపాదించుకున్న డబ్బుల్లో కొంత భాగం ఆలయ నిర్మాణానికి ఇవ్వాలని నిర్ణయించుకున్నారు. ఆలయ నిర్మాణానికి ఓనర్లుగా, ఇంజినీర్లుగా, మేసీ్త్రలుగా, కూలీలుగా మారారు. పనిని బట్టి ఎంత మంది ఆలయ నిర్మాణానికి అవసరమనుకుంటే అంత మంది అందులో పాలు పంచుకున్నారు.నిధుల సేకరణ ఇలా.. శ్రీ చెంచులక్ష్మీ వేంకటేశ్వర స్వామి ఆలయం పే రుతో ఆలయ నిర్మాణానికి పూనుకోవడంతో పా టు నిధులు సమకూర్చుకున్నారు. ప్రతి నెలా రూ.10 లక్షల చీటి వేసి ఆ మొత్తాన్ని ఆలయ నిర్మాణానికి వెచ్చించారు. ఇలా 40 నెలలు చీటి నడిపి రూ.4 కోట్ల వరకు నిధులు జమ చేసుకున్నారు. 60 చెంచు కుటుంబాల్లో ఏ ఇంట్లో పెళ్లి జరిగినా ఒక్కరు కూడా మద్యం సేవించరాదనే నిబంధన పెట్టుకున్నారు. దానికి అయ్యే ఖర్చు అంటే సుమారు రూ.20 వేలు పెళ్లి కొడుకు తరఫు వారు ఆలయ నిర్మాణానికి విరాళంగా ఇవ్వాలి. ఇలా రూ.80 లక్షల వరకు నిధులు సమకూర్చుకున్నారు.

కెమెరా ప్రత్యేకతలు● 2 మెగా పిక్సెల్‌ రెజల్యూషన్‌ ● 120 డిగ్రీల కోణంలో వీడియో చిత్రీకరణ ● వీడియోలు, ఫొటోలు చిత్రీకరణతో పాటు వాయిస్‌ రికార్డింగ్‌ సౌకర్యం ● 32 జీబీ అంతర్గత మెమోరీ ● మెమోరీ కార్డు లేకుండా 48 గంటలు ఏకబిగిన రికార్డింగ్‌ చేసే సౌకర్యం ● కమాండ్‌ కంట్రోల్‌ రూమ్‌ నుంచి నియంత్రణ చేసే అవకాశం కర్నూలు: ఈ కెమెరాకు ఒళ్లంతా కళ్లే. ఏ తప్పు చేసినా దొరికిపోతారు. ఒక్క ముక్కలో చెప్పాలంటే దీనికి చిక్కితే కష్టాలే. పోలీసులు వినియోగిస్తున్న బాడీ వార్న్‌ (బీడబ్ల్యూఎస్‌) వీడియో పరికరానికి ఎన్నో ప్రత్యేకతలు ఉన్నాయి. ఈ పరికరాన్ని జిల్లాలో ఇంతకుముందు నుంచే వాడినా మున్సిపల్‌ ఎన్నికల నేపథ్యంలో ఇంకా విస్తృతంగా వినియోగించనున్నారు. అరచేతిలో ఇమిడిపోయే దీనిని పోలీసులు భుజం, ఛాతి, తలభాగంలో అమర్చుకుని విధులు నిర్వహిస్తారు. ఏకకాలంలో వీడియో, ఫొటో చిత్రీకరణతో పాటు శబ్ధాలను నమోదు చేస్తుంది. గతంలో తుంగభద్ర పుష్కరాలు, పంచాయతీ ఎన్నికల్లో వీటి వినియోగం సత్ఫలితాలు ఇవ్వడంతో పుర పోరులోనూ వినియోగించనున్నారు. జిల్లాలో 78 పరికరాలు అందుబాటులో ఉన్నాయి. డీఎస్పీ, సీఐల పర్యవేక్షణలో పనిచేసే బృందాలు వీటిని వినియోగించి రౌడీ, అల్లరిమూకల ఆట కట్టించనున్నారు. సమస్యాత్మక, అత్యంత సమస్యాత్మక కేంద్రాలతో పాటు రద్దీ ప్రాంతాల్లో వీటితో నిఘా వేయనున్నారు. వీటి వాడకంపై పోలీసులకు పలు దఫాలుగా శిక్షణ కూడా ఇచ్చారు. కమాండ్‌ కంట్రోల్‌ రూమ్‌కు అనుసంధానం జిల్లా కేంద్రంలోని కమాండ్‌ కంట్రోల్‌ రూమ్‌కు అనుసంధానం చేయడంతో పాటు ఎక్కడ ఏమి జరుగుతుందో ఉన్నతాధికారుల పర్యవేక్షణకు సులువుగా ఉంటుంది. అక్టోబర్‌ 1వ తేదీన కర్నూలు మున్సిపల్‌ కార్పొరేషన్‌తో పాటు ఆదోని, ఎమ్మిగనూరు మున్సిపాలిటీతో పాటు గూడూరు మండల పంచాయతీకి ఎన్నికలు జరగనున్నాయి. ఈ నేపథ్యంలో ఎన్నికల బందోబస్తు విధులకు నియమించిన పోలీసు అధికారులు, సిబ్బంది బాడీ వార్న్‌ కెమెరాలను వినియోగించనున్నారు. వీటితో అల్లర్లు, తోపులాటలు, గొడవలు వంటివి చోటు చేసుకునే పరిస్థితిని బట్టి అప్పటికప్పుడే నిర్ణయం తీసుకోవడానికి ఉపయోగకరంగా ఉంటుంది. పాత నేరస్తులు తారసపడితే అప్రమత్తం చేస్తుంది ఈ పరికరానికి ఉన్న మరో ప్రత్యేకత ముఖాన్ని గుర్తించడం (ఫేస్‌ రికగ్నైజేషన్‌). జిల్లాలోని పాత నేరస్తులు, రౌడీ షీటర్లు, సమస్యాత్మక వ్యక్తుల ఫొటోలు స్కాన్‌ చేసి ఇందులో పొందుపరిస్తే చాలు ఆ వ్యక్తి ఎక్కడ తారసపడినా ఈ పరికరం పోలీసులను అప్రమత్తం చేస్తుంది. పుర పోరుకు బాడీ వార్న్‌ కెమెరాలతో పోలీసు నిఘా అందుబాటులో 78 పరికరాలు సమస్యాత్మక, రద్దీ ప్రాంతాల్లో వినియోగం

కర్నూలు(సెంట్రల్‌): జిల్లాలో లింగ నిర్ధారణ చేసే ఆసుపత్రులు, ల్యాబ్‌లను సీజ్‌ చేయాలని జిల్లా కలెక్టర్‌ డాక్టర్‌ ఏ.సిరి వైద్య, ఆరోగ్యశాఖాధికారులను ఆదేశించారు. బుధవారం కలెక్టరేట్‌లోని తన కార్యాలయంలో పీసీ అండ్‌ పీఎన్‌డీటీ చట్టం అమలుపై జిల్లా స్థాయి సమావేశాన్ని నిర్వహించారు. ఈ సందర్భంగా కలెక్టర్‌ మాట్లాడుతూ లింగ నిర్ధారణ పరీక్షలు చేయడం చట్టరీత్యా నేరమని, నిబంధనలు ఉల్లంఘించే కేంద్రాలపై కఠిన చర్యలు తీసుకోవాలన్నారు. అనంతరం జిల్లా స్థాయి సలహా కమిటీ 2 కొత్త స్కానింగ్‌ కేంద్రాల రిజిస్ట్రేషన్లకు, 8 స్కానింగ్‌ కేంద్రాలు రెన్యువల్‌కు, ఏడు మోడిఫికేషన్‌ కోసం చేసుకున్న దరఖాస్తులకు ఆమోదం తెలిపారు. సమావేశంలో 7వ అదనపు జిల్లా జడ్జి లక్ష్మిరాజ్యం, డిఎంహెచ్‌ఓ డాక్టర్‌ కామేశ్వర ప్రసాద్‌ తదితరులు పాల్గొన్నారు.

శ్రీశైలంటెంపుల్‌: శ్రీశైల మహాక్షేత్రంలో లోక కల్యాణార్థమై బుధవారం సాయంత్రం సాక్షి గణపతి స్వామికి అభిషేకం, ఆలయ ప్రాంగణంలోని జ్వాలా వీరభద్రస్వామికి విశేష పూజలు నిర్వహించారు. సాక్షి గణపతి స్వామికి పంచామృతాలతోను, ఫలోదకాలతోను, హరిద్రోదకం, గంధోదకం, పుష్పోదకం, కలశోధకం, శుద్ధజలంతో అభిషేకం చేసి విశేష పుష్పార్చన, నివేదన కార్యక్రమాలు చేపట్టారు. అలాగే జ్వాలా వీరభద్రస్వామివారికి అభిషేకం, విశేష పుష్పార్చన జరిపించారు. కుమార స్వామికి పూజలు శ్రీశైల శ్రీభ్రమరాంబా మల్లికార్జునస్వామివార్ల ఆలయ ప్రాంగణంలోని కుమార స్వామి ఉపాలయంలో బుధవారం కృత్తికా నక్షత్రం పురస్కరించుకుని ఆలయ అధికారులు, అర్చకులు విశేష క్రతువులు నిర్వహించారు. కుమారస్వామికి అభిషేకం, సుబ్రహ్మణ్య, అష్టోత్తరం అనంతరం స్తోత్రపారాయణలు చేశారు. స్వామివారికి పంచామృతాలు, వివిధ పండ్ల రసాలతో అభిషేకం నిర్వహించారు. సాక్షి గణపతి జ్వాలా వీరభద్రస్వామి

కర్నూలు కల్చరల్‌: రాయలసీమ యూనివర్సిటీ పరిధిలో జూలై/ఆగస్టు నెలల్లో నిర్వహించిన డిగ్రీ రెండవ సెమిస్టర్‌ రెగ్యులర్‌ పరీక్షల రీ వాల్యుయేషన్‌ ఫలితాలు విడుదలయ్యాయి. వర్సిటీ వైస్‌ఛాన్సలర్‌ ప్రొఫెసర్‌ వి. వెంకట బసవరావు ఆదేశాల మేరకు ఫలితాలను విడుదల చేసినట్లు కంట్రోలర్‌ ఆఫ్‌ ఎగ్జామినేషన్స్‌ డాక్టర్‌ ఎస్‌.వెంకటేశ్వర్లు తెలిపారు. 1,246 మంది విద్యార్థులు 1,782 పేపర్లకు దరఖాస్తు చూసుకోగా 409 మందికి సంబంధించి 436 పేపర్లలో ఉత్తీర్ణత సాధించారన్నారు. ఫలితాలు https://rayalaseemauniversity.ac.in వెబ్‌సైట్‌లో అందుబాటులో ఉన్నాయన్నారు. పీజీ రెండో సెమిస్టర్‌ పరీక్షల ఫలితాలు విడుదల కర్నూలు కల్చరల్‌: రాయలసీమ యూనివర్సిటీ పరిధిలో ఆగస్టు నెలలో నిర్వహించిన పీజీ రెండవ సెమిస్టర్‌ పరీక్షల ఫలితాలను విడుదలయ్యాయి. రెండో సెమిస్టర్‌ రెగ్యులర్‌ పరీక్షలకు 414 మంది విద్యార్థులకు 375 మంది, సప్లిటమెంటరీ పరీక్షలకు సంబంధించి 52 మందిలో 47 మంది విద్యార్థులు ఉత్తీర్ణత సాధించినట్లు కంట్రోలర్‌ ఆఫ్‌ ఎగ్జామినేషన్స్‌ డాక్టర్‌ ఎస్‌.వెంకటేశ్వర్లు తెలిపారు. ఫలితాలు https://rayalaseemauniversity.ac.in వెబ్‌సైట్‌లో అందుబాటులో ఉన్నాయన్నారు. క్వింటా ఉల్లి రూ.4,759 కర్నూలు(అగ్రికల్చర్‌): వినియోగదారులను ఉల్లి ధరలు ఉక్కిరిబిక్కిరి చేస్తున్నాయి. వైఎస్‌ఆర్‌సీపీ ప్రభుత్వ హయాంలో ఉల్లి ధరలు పెరిగినప్పుడు రాయితీపై ఉల్లిగడ్డలు పంపిణీ చేసింది. నేడు ఉల్లి ధరలు పెరిగి వినియోగదారులు అల్లాడుతున్నా చంద్రబాబు ప్రభుత్వానికి చీమకుట్టినట్లుగా కూడా లేకపోవడం గమనార్హం. రీటైల్‌ మార్కెట్‌లో మహారాష్ట్ర ఉల్లి కిలో రూ.60పైగా ధర పలుకుతోంది. లోకల్‌ ఉల్లిగడ్డలు కిలో రూ.50 నుంచి రూ.60 వరకు అమ్ముతున్నారు. ధరలు పెరిగిన నేపథ్యంలో కిలో రూ.32 ప్రకారం చౌకధరల దుకాణాల ద్వారా పంపిణీ చేస్తామని ప్రభుత్వం ప్రకటించినప్పటికీ కార్యరూపం దాల్చని పరిస్థితి. తాజాగా కర్నూలు వ్యవసాయ మార్కెట్‌ యార్డులో ఉల్లి ధర మరింత పెరిగింది. మార్కెట్‌కు 4,829 క్వింటాళ్ల ఉల్లి విక్రయానికి వచ్చింది. కనిష్ట ధర రూ.982, గరిష్ట ధర రూ.4,759 లభించగా.. సగటు ధర రూ.3,889 నమోదైంది. కాగా మార్కెట్‌లో వేరుశనగ, మిర్చి, సజ్జల ధరలు తగ్గిపోవడం రైతులను ఆందోళనకు గురిచేస్తోంది. ఓట్ల లెక్కింపు పకడ్బందీగా చేపట్టాలి కర్నూలు (అర్బన్‌): ఎంపీటీసీ, జెడ్పీటీసీ ఎన్నికల ఓట్ల లెక్కింపు ప్రక్రియను రాష్ట్ర ఎన్నికల కమిషన్‌ నిబంధనల ప్రకారం పకడ్బందీగా నిర్వహించాలని నోడల్‌ అధికారి, డ్వామా పీడీ నరసింహారెడ్డి అన్నారు. బుధవారం స్థానిక జిల్లా ప్రజా పరిషత్‌ సమావేశ మందిరంలో ఎంపీటీసీ, జెడ్పీటీసీ ఎన్నికల ఓట్ల లెక్కింపు నిర్వహణపై రిటర్నింగ్‌ అధికారులకు, అసిస్టెంట్‌ రిటర్నింగ్‌ అధికారులకు శిక్షణ కార్యక్రమం నిర్వహించారు. జెడ్పీ సీఈఓ ఆర్‌.సుధాకర్‌రెడ్డి, ఎంసీసీ నోడల్‌ అధికారి టీవీ భాస్కర్‌నాయుడు, ఏఆర్‌ఓ అశ్వినీకుమార్‌ పాల్గొన్నారు. ఈ సందర్భంగా ఓట్ల లెక్కింపు విధానం, బ్యాలెట్‌ పేపర్ల వర్గీకరణ, బండిలింగ్‌, కౌంటింగ్‌ కేంద్రాల నిర్వహణ, ఫలితాల నమోదు తదితర అంశాలతో పాటు ఎన్నికల నిర్వహణ సంబంధించిన అంశాలపై అవగాహన కల్పించారు. ఈ సందర్భంగా ఆయన మాట్లాడుతూ ఓట్ల లెక్కింపును నిర్దేశిత విధానంలో రౌండ్ల వారీగా నిర్వహించి, ప్రతి రౌండ్‌కు సంబంధించిన వివరాలను కచ్చితంగా నమోదు చేయాలన్నారు. చెల్లని ఓట్ల విషయంలో నిర్దేశిత మార్గదర్శకాలను అనుసరించాలన్నారు. వైభవంగా పవిత్రోత్సవం ఆళ్లగడ్డ: దిగువ అహోబిలంలో వార్షిక పవిత్రోత్సవాలు వైభవంగా జరుగుతున్నాయి. బుధవారం వేకువజామునే మూలమూర్తులు శ్రీ ప్రహ్లాదవరదస్వామి, అమృతవల్లీ అమ్మవార్లకు ప్రత్యేక పూజలు నిర్వహించారు. అనంతరం పండితుల వేదమంత్రోచ్ఛారణల మధ్య పవిత్ర హోమాలు శాస్త్రోక్తంగా జరిగాయి. రాత్రి ఉత్సవమూర్తులైన శ్రీదేవి, భూదేవి సమేత శ్రీ ప్రహ్లాదవరదులకు గ్రామోత్సతం నిర్వహించారు.

మండలంలో పనులు లేక కూలీలు వలసబాట పట్టారు. పెద్దకడబూరు బీసీ కాలనీ వాసులు దాదాపు 25 మందికి పైగా పిల్లాపాపలతో బుధవారం టెంపోలో కర్ణాటక రాష్ట్రం బీదర్‌కు వలస వెళ్లారు. ఈ సందర్భంగా కూలీలు మాట్లాడుతూ.. గ్రామంలో పనులు లేక, తెచ్చిన అప్పులు కట్టలేక, పస్తులు ఉండలేక ఇలా సొంత గ్రామాన్ని వదలి వెళుతున్నట్లు వాపోయారు. ప్రభుత్వం వలసల నివారణకు చర్యలు తీసుకుంటే తమలాంటోళ్ల బతుకులు బాగుపడుతాయని, లేకపోతే ఎప్పటికీ ఇంతేనని ఆవేదన వ్యక్తం చేశారు. – పెద్దకడబూరు

● 10 తులాల కాసులదండ, నాగుకన్నులు, మీసాలు ఎత్తుకెళ్లిన దుండగలు హాలహర్వి: మండలంలోని మల్లికార్జునపల్లె గ్రామంలో సుంకమ్మ, మారెమ్మ దేవాలయాల్లో గుర్తు తెలియని దుండగులు మంగళవారం అర్ధరాత్రి చోరీకి పాల్పడ్డారు. ఆలయంలో అమ్మవార్ల విలువైన వెండి ఆభరణాలను అపహరించడంతో గ్రామస్తులు ఆందోళనకు గురయ్యారు. రోజూ మాదిరిగానే పూజారి మారయ్య ఉదయం పూజల నిమిత్తం ఆలయానికి చేరుకోగా, గర్భగుడి తలుపులు తాళాలు పగలగొట్టి ఉన్నాయి. లోపలికి వెళ్లి పరిశీలించగా, అమ్మవార్లకు సంబంధించిన కిరీటం, నాలుగు తాళిబొట్లు, 10 తులాల వెండి కాసుల దండతో పాటు నాగు కన్నులు, మీసాలు అపహరణకు గురైనట్లు నిర్ధారించుకున్నారు. వెంటనే హాలహర్వి ఎస్‌ఐ ఈశ్వరరావుకు సమాచారం అందించగా, ఆయన క్లూస్‌ టీంను రప్పించి ఆలయ పరిసరాలను పరిశీలించారు. ఆలయ పూజారి ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్‌ఐ తెలిపారు. చోరీకి గురైన సొత్తు విలువ రూ.70 వేలు ఉంటుందని ఎస్‌ఐ తెలిపారు.

● రూ.1.31 లక్షలు అద్దె చెల్లించేలా ఆన్‌లైన్‌లో సంస్థలు, వ్యాపారుల కోట్‌ ● బహిరంగ వేలంలో రూ.40 వేలకు పాడుకున్న వారికి షాపులు కేటాయించేలా అధికారుల చర్యలు ● మల్లన్న ఆదాయానికి భారీగా గండి సాక్షి, టాస్క్‌ఫోర్స్‌: శ్రీశైల దేవస్థానంలో ఓ ఉన్నతాధికారి తీరు తీవ్ర విమర్శలకు తావిస్తోంది. దేవస్థాన ఆదాయం పెంచాల్సిన ఉన్నతాధికారి గండి కొడుతున్నారు. ఇటీవల దేవస్థానంలోని పలు దుకాణాలకు బహిరంగవేలం, ఆన్‌లైన్‌ టెండర్‌ నిర్వహించారు. కొందరు వ్యాపారులు బహిరంగ వేలంలో పాల్గొంటే, మరికొందరు ఆన్‌లైన్‌ ద్వారా టెండర్‌లో పాల్గొన్నారు. ఆన్‌లైన్‌లో ఒక్కో దుకాణానికి నెలకు అద్దె రూ.1.31 లక్షలు చెల్లించేలా కోట్‌ చేశారు. అయితే అఫ్‌సెట్‌ ప్రైస్‌ కంటే కొంచెం అదనంగా రూ.40 వేలకే దుకాణాలు కట్టబెట్టేందుకు అధికారులు ప్రణాళికలు రచించారు. దేవస్థాన ఉన్నతాధికారి ఆన్‌లైన్‌ టెండర్‌దారులను పిలిపించి బెదిరించి, భయభ్రాంతులకు గురి చేసి టెండర్లను రద్దు చేసుకుంటున్నట్లు బలవంతంగా(విత్‌డ్రా) సంతకాలు చేయించినట్లు సమాచారం. నియోజకవర్గ ప్రజాప్రతినిధికి అనుకూలంగా ఉండాలంటూ దగ్గరుండి మరీ మధ్యవర్తిత్వం వహించినట్లు తెలుస్తోంది. ఉన్నతాధికారి తీరుతో దేవస్థానం మూడేళ్లకు రూ.కోటి ఆదాయం కోల్పోనుంది. 31 దుకాణాలకు బహిరంగ వేలాలు శ్రీశైల దేవస్థానం పరిధిలోని మొత్తం 31 దుకాణాలు, మూడు ఖాళీ ప్రదేశాలకు గత జూన్‌ 26, 27 తేదీల్లో దేవస్థాన పరిపాలన భవనంలో బహిరంగ వేలం నిర్వహించారు. మొత్తం 101 మంది డీడీలు తీసుకుని టెండర్‌లో పాల్గొనేందుకు వచ్చారు. అయితే నియోజకవర్గ ప్రజాప్రతినిధి పేరు చెప్పి కొందరు పాటదారులను బెదిరించి టెండర్‌లో పాల్గొనకుండా చేసి, అనుకూలమైన వారిని టెండర్‌లో పాల్గొనేలా చేసిన విషయం అప్పట్లో పెద్ద చర్చనీయాంశం అయింది. మల్లన్న ఆదాయానికి గండి లలితాంబా వాణిజ్య సముదాయంలోని డీ–11 దుకాణానికి శ్రీ ఆర్ట్స్‌ అండ్‌ క్రాఫ్ట్‌స్‌ సొసైటీ ఆన్‌లైన్‌లో రూ.1,31,111 కోట్‌ చేసింది. అలాగే ఈ–3 దుకాణానికి జె.సంతోష్‌ అనే వ్యాపారి రూ.1,31,112కు, డీ–14 దుకాణానికి కె.ప్రవీణ్‌ రూ.1,20,500 కోట్‌ చేశారు. అయితే ఆ మూడు దుకాణాలను రూ.40 వేలకు బహిరంగ వేలంలో దక్కించుకున్నారు. ఇలా పలు దుకాణాల కేటాయింపులో అక్రమాలు జరిగాయి. ఆయా దుకాణాల ద్వారా నెలకు సుమారు రూ.3 లక్షలు, మూడేళ్లకు రూ.కోటిపైగా ఆదాయం దేవస్థానం కోల్పోనుంది. నిబంధనలకు విరుద్ధంగా ఈఎండీలు వెనక్కి.. ఆన్‌లైన్‌లో పాటదారులు కోట్‌ చేసిన ధర మేరకు దేవస్థానానికి ఏడాది బాడుగ చెల్లించాలి. అలా చెల్లించకపోయినా, ఇతర కారణాలతో టెండర్‌ రద్దు చేసుకుంటున్నట్లు లిఖిత పూర్వకంగా రాసి ఇచ్చినా నిబంధనల మేరకు ఈఎండీలు వెనక్కి ఇవ్వకుండా దేవస్థాన ఖజానాకు జమ చేయాలి. వారిని డిఫాల్టర్‌గా చూపి, భవిష్యత్తులో దేవస్థానం నిర్వహించే బహిరంగ వేలాలు, ఆన్‌లైన్‌ టెండర్‌లో పాల్గొనకుండా బ్లాక్‌లిస్ట్‌లో పెట్టాలి. అయితే నిబంధనలకు విరుద్ధంగా దేవస్థాన అధికారులు ఆన్‌లైన్‌ టెండర్‌దారులకు వారు కట్టిన ఈఎండీలు (రూ.లక్ష డీడీ) తిరిగిచ్చినట్లు సమాచారం. దేవదాయ శాఖ ఉన్నతాధికారులు ఈ విషయంపై సమగ్ర విచారణ జరిపిస్తే మరిన్ని అక్రమా లు వెలుగులోకి వచ్చే అవకాశం ఉంది. రాజకీయ నాయకుడికి వత్తాసు పలుకుతూ దేవస్థాన ఆదాయానికి గండి కొడుతున్న ఉన్నతాధికారిపై చర్యలు తీసుకోవాలని వ్యాపారులు, భక్తులు కోరుతున్నారు. ఆన్‌లైన్‌ పాటదారులకు బెదిరింపులు దేవస్థానం ఆయా దుకాణాలకు బహిరంగ వేలం, అన్‌లైన్‌ టెండరింగ్‌ సైతం నిర్వహించింది. నియోజకవర్గ ప్రజాప్రతినిధికి అనుకూలమైన వారితో ఆఫ్‌సెట్‌ ప్రైస్‌ కంటే రూ.5 వేలు అదనంగా పెంచి దుకాణాలు దక్కించుకునేందుకు ప్రణాళికలు రచించారు. అయితే ఆన్‌లైన్‌లో అద్దె ఎక్కువ మొత్తానికి కోట్‌ అయ్యాయి. దీంతో దేవస్థాన ఉన్నతాధికారి నియోజకవర్గ ప్రజాప్రతినిధి అండతో ఆన్‌లైన్‌ పాటదారులతో ప్రధాన ఆలయానికి సమీపంలో నూతన డోనేషన్‌ కౌంటర్‌ వద్ద సంప్రదింపులు జరిపారు. వారిని బెదిరించి భయభ్రాంతులకు గురిచేసి బలవంతంగా ఆన్‌లైన్‌ టెండర్‌ను రద్దు చేసుకుంటున్నట్లు సంతకాలు సైతం తీసుకున్నట్లు తెలుస్తోంది.

చంద్రబాబు అధికారం చేపట్టి దాదాపు రెండున్నరేళ్లు అవుతున్నా...50 ఏళ్లకే బీసీలకు, ముస్లింలకు పింఛన్‌ ఊసే లేకుండా పోయింది. కనీసం 60 ఏళ్లు నిండిన వారికి కొత్త పింఛన్‌లు ఇవ్వాలనే ఆలోచన కూడా లేకుండా పోయింది. దీన్ని బట్టి చూస్తే అవ్వాతాతలు, వితంతు మహిళలు, దివ్యాంగులను చంద్రబాబు దారుణంగా దగా చేశారననే విషయం స్పష్టమవుతోంది. ఉమ్మడి కర్నూలు జిల్లాలో 97,500 మంది కొత్త దరఖాస్తుదారుల నోట్లో మట్టికొట్టారు. అలాగే 50 ఏళ్లు నిండిన 2.50 లక్షల మంది బీసీ, ఎస్టీ, ఎస్సీ, ముస్లింలను మోసం చేశారు.పింఛన్లలో కోత ఇలా..● ఇప్పట్లో కొత్త పింఛన్లు లేవు ● ఉమ్మడి జిల్లాలో 97,500 దరఖాస్తులు ● మొత్తం 83,787 దరఖాస్తులకు ఆమోదం ● ఎన్నికల కోడ్‌ రావడంతో డిసెంబర్‌ మొదటి వారం వరకు ఆగాల్సిందే ● అప్పుడైనా ఇస్తారో..లేదో!● చంద్రబాబు ప్రభుత్వం ఏర్పాటైన తర్వాత నెలనెలా పింఛన్లలో గుట్టుచప్పడు కాకుండా కోత పడుతోంది. ● ఉమ్మడి కర్నూలు జిల్లాలో 2024 జూన్‌ నెలలో 4,67,389 పింఛన్‌లు ఉన్నాయి. ● 2026 అక్టోబరు నెలలో పింఛన్‌లు 4,42,249కు తగ్గిపోయాయి. ● చంద్రబాబు సర్కార్‌ ఏర్పాటు తర్వాత ఉమ్మడి జిల్లాలో 25,140 పింఛన్లను తొలగించారు. ● తొలగించిన వాటి స్థానంలో కొత్త వారికి అవకాశం కల్పించలేదు. ● పింఛన్లు అడ్డుగోలుగా తొలగిస్తుండటంపై సర్వత్రా ఆందోళన వ్యక్తం అవుతోంది. బీసీలకు 50 ఏళ్లకే పింఛన్‌లు ఇస్తామని ప్రకటించిన చంద్రబాబు నేడు ఈ ఊసే ఎత్తడం లేదు. ప్రచారానికి మాత్రం కోట్ల రూపాయలు మంచినీళ్ల ప్రాయంలా ఖర్చు చేస్తున్నారు. అప్పట్లో వలంటీర్లు ప్రజలకు అనేక రకాలుగా సేవలు అందించారు. నేటి సోషల్‌ మీడియా ఇన్‌ప్లుయెన్సర్లతో ప్రజలకు ఎలాంటి ఉపయోగం లేదు. ప్రచారానికి కోట్లు ఖర్చు చేసే బదులు పింఛన్‌లు ఇస్తే మేలు జరుగుతుంది. నాకు ఇప్పుడు 55 ఏళ్లు. బీసీ సామాజిక వర్గానికి చెందిన వాడిని. నాకు 50 ఏళ్లు దాటినందున పింఛన్‌కు అర్హత వచ్చింది. ఇచ్చిన హామీ మేరకు మాలాంటి వాళ్లందరికీ పింఛన్లు ఇవ్వాలి. –ఓబులేసు, రామాపురం, తుగ్గలి మండలం కర్నూలు(అగ్రికల్చర్‌): రాష్ట్రంలో చంద్రబాబు ప్రభుత్వం ఏర్పాటైన 26 నెలల తర్వాత కొత్త పింఛన్ల అంటూ దరఖాస్తులను ఆహ్వానించారు. ఆన్‌లైన్‌లో తొమ్మిది రోజులు మాత్రమే అవకాశం కల్పించారు. సుదీర్ఘ కాలం తర్వాత అవకాశం రావడంతో అవ్వాతాతలు, దివ్యాంగులు, వితంతువులు దరఖాస్తు చేసుకున్నారు. అయితే వీరి నోళ్లలో చంద్రబాబు ప్రభుత్వం మట్టి కొటింది. ఇప్పట్లో కొత్త పింఛన్లు లేనట్లేనని తేలిపోయింది. స్థానిక సంస్థల ఎన్నికల్లో లబ్ధిపొందాలనే దురుద్దేశంతో హడావుడిగా కొత్త పింఛన్‌ల కోసం సెప్టెంబరులో షెడ్యూలు విడుదల చేశారు. గత నెల 7 నుంచి 18వ తేదీ వరకు కేవలం తొమ్మిది రోజులు మాత్రమే ఆన్‌లైన్‌లో దరఖాస్తులను రిజిస్ట్రేషన్‌ చేసుకునేందుకు అవకాశం ఇచ్చారు. ముందుగా నిర్ణయించిన ప్రకారమైతే అక్టోబరు నెలలోనే కొత్త పింఛన్‌లు ఇవ్వాల్సి ఉంది. కాని దరఖాస్తులు వెల్లువెత్తడంతో ఎగనామం పెట్టారు. స్థానిక ఎన్నికల ప్రక్రియ మొదలు కావడంతో డిసెంబరు మొదటి వారం వరకు ‘కోడ్‌’ అమలులో ఉంటుంది. ఆ తర్వాత అయినా కొత్త పింఛన్లు ఇస్తారో లేదో అని అవ్వాతాతలు ఆందోళన చెందుతున్నారు. మోసం ఇలా.. 2024 జనవరిలో అప్పటి ముఖ్యమంత్రి వైఎస్‌ జగన్‌మోహన్‌రెడ్డి అర్హులైన వారందరికీ కొత్త పింఛన్‌లు ఇచ్చారు. చంద్రబాబు సర్కార్‌ 2024 జూన్‌లో ఏర్పాటైంది. ఇంతవరకు కొత్త పింఛన్ల జాడలేకుండా పోయింది. అధికారంలోకి వచ్చిన తర్వాత రెండున్నరేళ్లకు కొత్త పింఛన్‌లు అంటూ హడావుడి చేశారు. 2024 ఎన్నికల సమయంలో బీసీ ఎస్సీ, ఎస్టీ ముస్లిం మైనార్టీలందరికి 50 ఏళ్లకే పింఛన్‌ ఇస్తాం అంటూ ఊరూరా టీడీపీ అధినేత చంద్రబాబు ప్రచారం చేశారు. దీనిని టీడీపీ అనుకూల మీడియా కూడా పెద్ద ఎత్తున ప్రజల్లోకి తీసుకెళ్లింది. ఉమ్మడి కర్నూలు జిల్లాలో 50 ఏళ్లు నిండిన 2.50 లక్షల మంది బీసీ, ఎస్టీ, ఎస్సీ, ముస్లింలు ఎన్నో ఆశలు పెట్టుకున్నారు. ముఖ్యమంత్రి పీఠాన్ని అధిరోహించిన చంద్రబాబు.. 50 ఏళ్లకే పింఛన్‌ ఇవ్వడం కాదు గదా.. కొత్త పింఛన్‌ల ఊసే ఎత్తలేదు. అప్పట్లో చంద్రబాబు ప్రచారాన్ని ప్రజల్లోకి తీసుకెల్లిన పచ్చ మీడియా నేడు మౌనం వహించింది. చంద్రబాబును నమ్మి మోసపోయామని తెలుసుకోవడానికి ప్రజలకు ఎన్నో రోజులు పట్టలేదు. జిల్లా దరఖాస్తులు ఆమోదం కర్నూలు 53,352 44,059 నంద్యాల 44,148 39,728

కౌతాళం: జిల్లాలో ప్రసిద్ధి చెందిన దేవాలయాల్లో ఒకటైన ఉరుకుంద ఈరన్న స్వామి ఆలయానికి భక్తులు బుధవారం విరివిగా విరాళాలు అందజేసినట్లు ఆలయ డిప్యూటీ కమిషన్‌ వాణి తెలిపారు. కర్ణాటకలోని విజయనగరం జిల్లా హోస్పే ట్‌ పట్టణవాసి హెచ్‌జీ రంగన్న గౌడ, వారి కుటుంబ సభ్యులు ఆలయ అభివృద్ధికి రూ.10 లక్షలు విరాళం దేవాలయ కార్యాలయంలో అందజేసినట్లు ఆమె తెలిపారు. దాతలకు లడ్డు ప్రసాదాలు, బాండును అందజేశారు. ఆలయ ప్రధాన అర్చకుడు ఈరప్ప స్వామి, పర్యవేక్షకుడు వెంకటేశ్వర రావు, సిబ్బంది పాల్గొన్నారు. డిప్లొమా కోర్సులకు గడువు పొడిగింపు కర్నూలు(హాస్పిటల్‌): కర్నూలు మెడికల్‌ కాలేజీలో 2026–27 విద్యా సంవత్సరానికి సంబంధించి డిప్లొమా ఇన్‌ అలైడ్‌ అండ్‌ హెల్త్‌కేర్‌ సర్వీసెస్‌ (డిప్లొమా ఇన్‌ పారామెడికల్‌) కోర్సుల్లో మిగిలిన సీట్ల భర్తీకి కొత్తగా దరఖాస్తు చేసుకునేందుకు నవంబర్‌ 5వ తేదీ వరకు గడువు పొడిగించినట్లు కళాశాల ప్రిన్సిపాల్‌ డాక్టర్‌ కె.చిట్టినరసమ్మ బుధవారం ఒక ప్రకటనలో తెలిపారు. దరఖాస్తులు www.apsahpc.co.in వెబ్‌సైట్‌లో లభిస్తాయన్నారు. మొదటి విడతలో మిగిలిన సీట్లతో పాటు అడ్మిషన్‌ పొంది ఇతర కోర్సులకు వెళ్లి ఖాళీ అయ్యే సీట్లను కలిపి సెకండ్‌ రౌండ్‌లో భర్తీ చేస్తామన్నారు. ఈ సెకండ్‌ రౌండ్‌ కౌన్సెలింగ్‌ నవంబర్‌ 10వ తేదీ నిర్వహించనున్నట్లు తెలిపారు. ఇప్పటివరకు దరఖాస్తు చేసుకున్న వారు, కొత్తగా దరఖాస్తు చేసుకున్న అభ్యర్థులందరూ తమ ఒరిజినల్‌ సర్టిఫికెట్లతో హాజరై ఈ అవకాశాన్ని సద్వినియోగం చేసుకోవాలని సూచించారు. మొదటి కౌన్సెలింగ్‌లో సీట్లు పొందిన వారికి ఈ నెల 30వ తేదీన జాయినింగ్‌ లెటర్లు ఇస్తారన్నారు. కాంగ్రెస్‌ నాయకుడిపై కేసు నమోదు కర్నూలు: గోనెగండ్లకు చెందిన భాగ్యలక్ష్మికి జెడ్పీటీసీ సీటు కోసం బీ–ఫారం ఇప్పిస్తానని రూ.5 లక్షలు తీసుకుని మోసం చేశారనే ఆరోపణలపై కాంగ్రెస్‌ పీసీసీ కర్నూలు జిల్లా ఇన్‌చార్జి లక్ష్మీనరసింహ యాదవ్‌పై కేసు నమోదు చేసినట్లు కర్నూలు అర్బన్‌ తాలూకా సీఐ తేజోమూర్తి బుధవారం తెలిపారు. ఈ వ్యవహారంలో తాను కాంగ్రెస్‌ కార్యాలయ ఆవరణలో ఆత్మహత్యాయత్నానికి పాల్పడినట్లు బాధితురాలు ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు సీఐ వెల్లడించారు. షటిల్‌ బ్యాడ్మింటన్‌ ఎంపిక పోటీలు ప్రారంభం నంద్యాల(న్యూటౌన్‌): స్కూల్‌ గేమ్స్‌ ఫేడరేషన్‌ ఆధ్వర్యంలో ఉమ్మడి జిల్లా అండర్‌–17 షటిల్‌ బ్యాడ్మింటన్‌ ఎంపిక పోటీలు అట్టహాసంగా ప్రారంభమైనట్లు సెక్రటరీలు సుధాకర్‌, శశికళ తెలిపారు. బుధవారం బొమ్మ్లలసత్రంలోని ఇండోర్‌ స్టేడియంలో జరిగిన షటిల్‌ బ్యాడ్మింటన్‌ ఎంపిక పోటీల్లో 150 మంది క్రీడాకారులు పాల్గొన్నారన్నారు. మహానంది అగ్రికల్చరల్‌ ప్రొఫెసర్‌ జాన్సన్‌, నంద్యాల మహిళా పోలీసు స్టేషన్‌ సీఐ గౌతమి పోటీలను ప్రారంభించారు. వారు మాట్లాడుతూ.. క్రీడలతో విద్యార్థుల్లో క్రమశిక్షణ, ఆత్మవిశ్వాసం, పట్టుదల, నాయకత్వ లక్షణాలు పెంపొందుతాయన్నారు. చదువుతోపాటు క్రీడల్లో రాణించి రాష్ట్ర, జాతీయ స్థాయిలో గుర్తింపు పొందాలన్నారు. ఎంపిక పోటీలకు హాజరైన క్రీడాకారులకు నందిపైప్స్‌ అధినేత సుజల భోజనాలు ఏర్పాటు చేశారు. వ్యాయామ ఉపాధ్యాయులు రవికుమార్‌, కోచ్‌లు పాల్గొన్నారు.

చెంచు ఈరన్న సంకల్పం, 60 చెంచు కుటుంబాల ఐక్యతతో సుమారు రూ.5 కోట్ల నిధులతో శ్రీనివాస నగర్‌లో శ్రీ చెంచులక్ష్మీ వేంకటేశ్వర స్వామి ఆలయం ఆవిష్కృతమవుతోంది. 2.75 సెంట్లు చాలదనే ఉద్దేశంతో 2024లో ఆలయం వెనకాలే మరో 3 సెంట్ల స్థలాన్ని రూ.21 లక్షలకు కొనుగోలు చేశారు. ఆలయ నిర్మాణంలో ఈరన్ననే ప్లానింగ్‌ వేసిన ఇంజినీర్‌. ఆలయంలో స్వామివారి దశావతారాలు ప్రత్యేకంగా నిలుస్తున్నాయి. జమ్మిచెట్టు ఆలయం లోపలే ఉండటం ప్రత్యేకత. గర్భగుడి పైన 48 అడుగుల గాలిగోపురం నిర్మించారు. రాయలసీమ జిల్లాల్లో వెంకన్న ఆలయాల గాలిగోపురం 33 అడుగులకు మించి ఉండదని, మిగతా ఆలయాలకు భిన్నంగా ఉండాలనే ఉద్దేశంతో 48 అడుగులతో నిర్మించినట్లు ఈరన్న చెబుతున్నారు.

శ్రీశైలంటెంపుల్‌: శ్రీశైల మల్లన్న ఉచిత స్పర్శ దర్శనాన్ని బుధవారం 250 మంది చెంచులకు కల్పించారు. శ్రీశైలం చెంచుగూడెంతో పాటు పల్నాడు, మార్కాపురం జిల్లాల నుంచి సుమారు 250 మంది చెంచు భక్తులు శ్రీశైలం చేరుకుని మల్లన్నను స్పర్శ దర్శనం చేసుకుని తరించారు. చెంచులు సంప్రదాయబద్ధంగా తప్పెట వాయిద్యాలతో, నృత్యాలు చేస్తూ దర్శనానికి వచ్చారు. ఉమారామలింగేశ్వర స్వామి ఆలయం వద్ద దేవస్థాన ఽఅధికారులు చెంచులకు ఆహ్వానం పలికారు. చెంచు భక్తులు ఆలయ ప్రాంగణంలో ప్రదక్షిణలు చేశారు. అనంతరం చెంచులకు మల్లన్న స్పర్శదర్శనం, భ్రమరాంబాదేవి దర్శనం చేయించారు. అలాగే అన్నప్రసాద వితరణ భవనంలో అన్నప్రసాదాలు ఏర్పాటు చేశారు.

కర్నూలు(అగ్రికల్చర్‌): వీబీ జీ రామ్‌ జీ కింద ప్రతి కుటుంబానికి 125 రోజుల పని కల్పించాలని గ్రామీణాభివృద్ధి శాఖ అడిషనల్‌ కమిషనర్‌ శివప్రసాద్‌ ఆదేశించారు. బుధవారం సాయంత్రం వీబీ జీ రామ్‌ జీపై జిల్లా పరిషత్‌ సమావేశ మందిరంలో నిర్వహించిన ప్రత్యేక సమావేశానికి అడిషనల్‌ కమిషనర్‌ ముఖ్య అతిథిగా పాల్గొన్నారు. ఈ సందర్భంగా మాట్లాడుతూ అక్టోబర్‌ 1 నుంచి 15 వరకు ఉపాధి పనులకు హాజరైన శ్రామికుల వివరాలను సిద్ధం చేయాలన్నారు. ప్రతి మండలంలో అతి తక్కువ లేబర్‌ రిపోర్టు ఉన్న మూడు గ్రామ పంచాయతీలను గుర్తించాలన్నారు. పశువుల షెడ్లు, సీసీ రోడ్లు, బీటీ రోడ్లు నిర్మాణంలో పురోగతి కనపర్చాలన్నారు. సమావేశంలో జిల్లా నీటి యాజమాన్య సంస్థ ప్రాజెక్టు డైరెక్టర్‌ నరసింహారెడ్డి, పంచాయతీ రాజ్‌ ఇంజనీరింగ్‌ అధికారులు, ఏపీడీలు పద్మావతి, లక్ష్మన్న తదితరులు పాల్గొన్నారు.

కర్నూలు(అర్బన్‌): జిల్లా పరిషత్‌ ప్రాదేశిక నియోజకవర్గ(జెడ్పీటీసీ) ఎన్నికల్లో అధికార కూటమి అభ్యర్థులకు దీటుగా వైఎస్సార్‌సీపీ అభ్యర్థులు బరిలో నిలిచారు. పలు జెడ్పీటీసీ స్థానాలను ఏకగ్రీవం చేసుకునేందుకు తెలుగుదేశం పార్టీ నేతలు అనేక రూపాల్లో ప్రయత్నాలు చేసినా, వైఎస్సార్‌సీపీ అభ్యర్థులు నామినేషన్లను ఉపసంహరించుకోకుండా పోటీకి సిద్ధమయ్యారు. జిల్లాలో మొత్తం 26 జెడ్పీటీసీ స్థానాలు ఉండగా, పలు కారణాల వల్ల వెల్దుర్తి జెడ్పీటీసీ స్థానం నుంచి వైఎస్సార్‌సీపీ అభ్యర్థి తమ నామినేషన్‌ను ఉపసంహరించుకున్నారు. అయితే ఇక్కడ బీఎస్పీ అభ్యర్థి ఎన్నికల బరిలో ఉన్నందున ఈ స్థానంలో ఎన్నిక జరగనుంది. మిగిలిన 25 జెడ్పీటీసీ స్థానాల్లో వైఎస్సార్‌సీపీకి చెందిన బలమైన అభ్యర్థులు అమీతుమీ తేల్చుకోనున్నారు. గత రెండు, మూడు రోజులుగా పలు జెడ్పీటీసీ స్థానాలు ఏకగ్రీవం అవుతున్నాయంట, అక్కడ రాజీ కుదిరిందంట అనే అబద్ధ్దపు ప్రచారాలను చేయించారు. మంగళవారం జరిగిన నామినేషన్ల ఉపసంహరణ కార్యక్రమంలో ఆయా జెడ్పీటీసీ స్థానాలకు నామినేషన్‌ వేసిన అభ్యర్థులంద రూ వైఎస్సార్‌సీపీ బీఫారాలను అందించి తామెక్కడా, ఎవరితోనూ రాజీ కావడం లేదని నిరూపించారు. జెడ్పీటీసీ ఎన్నికల బరిలో 97 మంది జిల్లాలోని 26 జెడ్పీటీసీ స్థానాలకు వివిధ రాజకీయ పార్టీలు, స్వతంత్ర అభ్యర్థులు మొత్తం 98 మంది పోటీ పడుతున్నారు. ఈ నెల 21 నుంచి 23వ తేదీ వరకు జరిగిన నామినేషన్లు స్వీకరణ కార్యక్రమంలో మొత్తం 198 మంది నామినేషన్లను దాఖలు చేశారు. ఇందులో పరిశీలన సందర్భంగా 33 నామినేషన్లను అనర్హత కలిగినవిగా అధికారులు నిర్ధారించారు. మిగిలిన 165 నామినేషన్లలో వివిధ రాజకీయ పార్టీలకు చెందిన అభ్యర్థులు 68 మంది తమ నామినేషన్లను విత్‌డ్రా చేసుకోగా 97 మంది అభ్యర్థులు బరిలో ఉన్నారు. ఆరు స్థానాల్లో ముఖాముఖి 26 జెడ్పీటీసీ స్థానాలకు ఎన్నికలు జరుగుతుండగా, ఆరు స్థానాల్లో ముఖాముఖి పోరు ఉండనుంది. చిప్పగిరి, గూడురు, హాలహర్వి, కోడుమూరు, కర్నూలు, వెల్దుర్తి స్థానాల్లో ఇద్దరు అభ్యర్థుల మధ్య పోటీ నెలకొంది. కాగా, హాలహర్విలో బీజేపీ, వైఎస్సార్‌సీపీ.. వెల్దుర్తిలో బీఎస్‌పీ, టీడీపీ మధ్య పోటీ జరగనుంది. మిగిలిన నాలుగు స్థానాల్లో వైఎస్సార్‌సీపీ, టీడీపీ అభ్యర్థుల మధ్య పోటీ ఉంది. జెడ్పీటీసీ ఎన్నికల్లో నువ్వానేనా ! జిల్లాలో తీవ్ర ఉత్కంఠ రేపిన క్రిష్ణగిరి జెడ్పీటీసీ స్థానం నుంచి అధికార తెలుగుదేశం పార్టీ పోటీలో లేనట్లు అధికారులు ప్రకటించారు. కాగా ఈ స్థానానికి మాజీ మంత్రి కేఈ ప్రభాకర్‌ తనయుడు కేఈ రుద్రఫణిగౌడ్‌ టీడీపీ అభ్యర్థిగా నామినేషన్‌ దాఖా లు చేశారు. అయితే ఆయన గ్రామీణ ఓటరుగా నమోదు కాకపోవడం వల్ల నామినేషన్‌ తిరస్కరణకు గురైనట్లు అధికారులు తేల్చారు. ఈ స్థానానికి మొత్తం ఏడు నామినేషన్లు దాఖాలు కాగా, పరిశీలనలో ఐదు నామినేషన్లు అర్హత సాధించా యి. వీటిలో ఒకరు విత్‌డ్రా చేసుకోగా, నలుగురు అభ్యర్థులు బరిలో మిగిలారు. ఒకరు వైఎస్సార్‌సీపీ అభ్యర్థి కాగా, మిగిలిన ముగ్గురు స్వతంత్రులుగా పోటీలో ఉన్నారు. అలాగే ఆదోని – 1, ఆస్పరి, ఎమ్మిగనూరు జెడ్పీటీసీ స్థానాల నుంచి జనసేన, హొళగుందలో బీజేపీ, కౌతాళంలో బీజేపీ, టీడీపీ అభ్యర్థులు పోటీలో ఉన్నారు.

కర్నూలు(అర్బన్‌): జిల్లాలో 432 ఎంపీటీసీ స్థానాలు ఉండగా 74 ఎంపీటీసీ స్థానాలు ఏకగ్రీవమయ్యాయి. మిగిలిన 358 ఎంపీటీసీ స్థానాలకు ఎన్నికలు జరగనున్నాయి. ఈ స్థానాలకు సంబంధించి మొత్తం 907 మంది అభ్యర్థులు బరిలో ఉన్నారు. వీరిలో వైఎస్సార్‌సీపీ అభ్యర్థులు 349 మంది, టీడీపీ అభ్యర్థులు 337 మంది. కాగా కోసిగిలో 20 ఎంపీటీసీ స్థానాలు ఏకగ్రీవమయ్యాయి. అలాగే క్రిష్ణగిరిలో 13 ఎంపీటీసీ స్థానాలకు 12, వెల్దుర్తిలో 17 ఎంపీటీసీ స్థానాలకు 15 ఏకగ్రీవమయ్యాయి. ఈ నేపథ్యంలోనే ఆదోని–1, ఆదోని–2, ఆస్పరి, సి.బెళగల్‌, దేవనకొండ, గోనెగండ్ల, గూడూరు, కల్లూరు, కోడుమూరు, మద్దికెర, నందవరం, ఓర్వకల్లు, పెద్దకడుబూరు, తుగ్గలి, ఎమ్మిగనూరు మండలాల్లో ఒక్క ఎంపీటీసీ స్థానం కూడా ఏకగ్రీవం కాకపోవడంతో ఆయా మండలాల్లోని అన్ని ఎంపీటీసీ స్థానాలకు ఎన్నికలు జరగనున్నాయి. పంచాయతీ పోరుకు సన్నాహాలు కర్నూలు(అర్బన్‌): జిల్లాలోని 484 గ్రామ పంచాయతీలు, 5,100 వార్డులకు ఎన్నికలు నిర్వహించేందుకు సన్నాహాలు ప్రారంభమయ్యాయి. ఈ మేరకు స్థానిక జిల్లాపరిషత్‌ ప్రాంగణంలోని డీపీఆర్‌సీ భవనంలో భద్రపరచిన ఎన్నికల సామగ్రిని మంగళవారం జిల్లా పంచాయతీ అధికారి జి.భాస్కర్‌, డీఎల్‌పీఓ టి.లక్ష్మి పరిశీలించారు. ఎన్నికల నిర్వహణకు అవసరమైన సామాగ్రినంతటినీ మండలాల వారీగా విభజించారు. ఈ సందర్భంగా జిల్లా పంచాయతీ అధికారి భాస్కర్‌ మాట్లాడుతూ సిద్ధంచేసిన సామగ్రిని రెండు మూ డు రోజుల్లో సంబంధిత ఎంపీడీఓల ద్వారా మండలాలకు చేర్చే ప్రక్రియను చేపడతామన్నారు. ఖైదీలు తమ హక్కులు తెలుసుకోవాలి ఆదోని రూరల్‌: జైలులోని ఖైదీలు తమ హక్కులపై అవగాహన పెంచుకోవాలని జిల్లా న్యాయ సేవాధికార సంస్థ కార్యదర్శి బి.లీలా వెంకటశేషాద్రి అన్నారు. మంగళవారం ఆయన పట్టణంలోని సబ్‌జైలును ఆకస్మికంగా తనిఖీ చేశారు. ఈ సందర్భంగా మాట్లాడుతూ ఖైదీలకు ఎవరికై నా న్యాయవాదులు లేకుంటే ఉచితంగా న్యాయవాదిని నియమిస్తామన్నారు. 70 ఏళ్ల వయస్సు పైబ డిన ఖైదీలకు, అనారోగ్యంతో బాధపడే వారికి ఉచిత న్యాయ సహాయం అందిస్తామన్నా రు. ఖైదీలను కోర్టులకు కచ్చితంగా హాజరు చేయా లని ఆదేశించారు. లీగల్‌ సర్వీసెస్‌ హెల్ప్‌ లైన్‌ నంబర్‌ 15100పై అవగాహన కల్పించారు. కార్యక్రమంలో ఎల్‌ఏడీసీ శివకుమార్‌, జైలు సూ పరింటెండెంట్‌ నజీర్‌అహమ్మద్‌, జైలు విజిటింగ్‌ అడ్వకేట్‌ బి.నవీన్‌కుమార్‌రెడ్డి పాల్గొన్నారు.ప్రకటనలకు ఎంసీఎంసీ ధ్రువీకరణ తప్పనిసరి కర్నూలు(సెంట్రల్‌): స్థానిక సంస్థల ఎన్నికలకు సంబంధించి సోషల్‌ మీడియాలో రాజకీయ పార్టీలు, అభ్యర్థులు ఇచ్చే ప్రకటనలకు ముందస్తుగా ఎంసీఎంసీ ధ్రువీకరణను తప్పనిసరిగా తీసుకోవాలని జిల్లా కలెక్టర్‌ డాక్టర్‌ ఏ.సిరి మంగళవారం ఒక ప్రకటనలో తెలిపారు. ఇందుకోసం కర్నూలు కలెక్టరేట్‌లోని సీపీఓ కార్యాలయంలో ఏర్పాటు చేసిన ఎంసీఎంసీ సెల్‌ను సంప్రదించాలని ఆమె సూచించారు. అనుమతి తీసుకోకుండా ప్రచారం చేస్తున్న అభ్యర్థులకు సంబంధిత ఆర్వోల ద్వారా నోటీసులు జారీ చేస్తామన్నారు. నేడు వీబీజీ రామ్‌జీపై సమీక్ష కర్నూలు(అగ్రికల్చర్‌): వీబీ జీ రామ్‌ జీ కార్యక్రమాలపై ఈ నెల 28న ఉన్నతస్థాయి సమీక్ష సమావేశం జరుగనుంది. సమావేశానికి గ్రామీణాభివృద్ధి శాఖ అడిషనల్‌ కమిషనర్‌ ఎం.శివప్రసాద్‌ పర్యవేక్షణాధికారిగా హాజరు కానున్నారు. ఉదయం 10 నుంచి 1 గంట వరకు నంద్యాలలో.. మధ్యాహ్నం 3 గంటల నుంచి కర్నూలులోని జిల్లా పరిషత్‌ సమావేశ భవనంలో సమీక్ష నిర్వహిస్తున్నట్లు జిల్లా నీటి యాజమాన్య సంస్థ ప్రాజెక్టు డైరెక్టర్‌ నరసింహారెడ్డి తెలిపారు. సమావేశాలకు టెక్నికల్‌ అసిస్టెంట్లు మొదలు కొని ఏపీవో, ఏపీడీ వరకు పూర్తి స్థాయి వివరాలతో హాజరు కావాలన్నారు.

కర్నూలు(సెంట్రల్‌): స్థానిక సంస్థల ఎన్నికల నిర్వహణకు అవసరమైన అన్ని ఏర్పాట్లను పకడ్బందీగా చేపట్టాలని జిల్లా ఎన్నికల అధికారి, జిల్లా కలెక్టర్‌ డాక్టర్‌ ఏ.సిరి సంబంధిత అధికారులను ఆదేశించారు. మంగళవారం కర్నూలు నగరంలోని ప్రభుత్వ సిల్వర్‌ జూబ్లీ కళాశాల, ప్రభుత్వ పురుషుల డిగ్రీ కళాశాలలో ఎన్నికల నిర్వహణకు సంబంధించి ఏర్పాటు చేస్తున్న స్ట్రాంగ్‌ రూమ్‌లు, కౌంటింగ్‌ హాళ్లు, రిసెప్షన్‌ కేంద్రాలను జిల్లా ఎస్పీ విక్రాంత్‌ పాటిల్‌, జాయింట్‌ కలెక్టర్‌ నూరుల్‌ ఖమర్‌లతో కలిసి కలెక్టర్‌ పరిశీలించారు. ఈ సందర్భంగా ఆమె మాట్లాడుతూ ఎన్నికల విధుల్లో పాల్గొనే అధికారులు, సిబ్బంది, ఎన్నికల ప్రక్రియకు హాజరయ్యే ఇతర వ్యక్తుల రాకపోకలకు ఎలాంటి ఇబ్బందులు కలగకుండా ప్రవేశ, నిష్క్రమణ మార్గాలను స్పష్టంగా గుర్తించాలన్నారు. జిల్లా ఎస్పీ విక్రాంత్‌ పాటిల్‌ మాట్లాడుతూ జిల్లాలోని అన్ని కౌంటింగ్‌ కేంద్రాల వద్ద పటిష్టమైన పోలీసు భద్రతా ఏర్పాట్లు చేస్తున్నామని తెలిపారు. ఓట్ల లెక్కింపు ప్రక్రియ ప్రశాంతంగా, సజావుగా నిర్వహించేందుకు అన్ని శాఖల ఉద్యోగులు సమన్వయంతో పని చేయాలన్నారు. కార్యక్రమంలో జిల్లా పరిషత్‌ సీఈవో సుధాకర్‌ రెడ్డి, కర్నూలు ఆర్డీవో సందీప్‌ కుమార్‌, తహసీల్దార్లు వెంకట రమేష్‌ బాబు, ఆంజనేయులు పాల్గొన్నారు.

ఆలూరు రూరల్‌: స్థానిక సంస్థల ఎన్నికల్లో చంద్రబాబు ప్రభుత్వం పోలీసులను అడ్డుపెట్టుకుని దాడులకు తెగబడుతోందని, రాష్ట్రంలో రాక్షస పాలన సాగుతోందని ఆలూరు ఎమ్మెల్యే విరూపాక్షి అన్నారు. మండలంలోని మొలగవల్లి గ్రామ టీడీపీకి చెందిన 50 కుటుంబాలు మంగళవారం వైఎస్సార్‌ సీపీలో చేరాయి. చిప్పగిరి మండల కేంద్రంలోని ఆలూరు ఎమ్మెల్యే విరూపాక్షి నివాసంలో వీరికి ఎమ్మెల్యే పార్టీ కండువా కప్పి సాదరంగా ఆహ్వానించారు. ఈ సందర్భంగా వారు మాట్లాడుతూ టీడీపీ ఇన్‌చార్జ్‌ వైకుంఠం జ్యోతి వైఖరితో విసిగిపోయి పార్టీని వీడుతున్నట్లు చెప్పారు. సంక్షేమ పాలన వైఎస్సార్‌సీపీ అధినేత వైఎస్‌ జగన్‌మోహన్‌రెడ్డితోనే సాధ్యమన్నారు. ఎమ్మెల్యే విరూపాక్షి మాట్లాడుతూ రెండున్నరేళ్ల పాలనలో అభివృద్ధి కంటే అవినీతి ఎక్కువైందన్నారు. వైఎస్సార్‌సీపీలో చేరిన వారికి సముచిత గౌరవంతో పాటు తగిన ప్రాధాన్యత కల్పిస్తామన్నారు. వైఎస్సార్‌ సీపీలో చేరిన వారిలో దాసరి రమేష్‌, కందనాతి సుధాకర్‌, రాజు, మాణిక్యం, బంగారి నరసప్ప, పోపిని రోషన్న, వీరాంజినేయులు, గోపి, ఈరన్న, గఫూర్‌, గోపి, ఉమేష్‌, సతీష్‌, గోపిని వీరాంజినేయులు తదితరులు ఉన్నారు.

మున్సిపాలిటీల వారీగా వార్డులు, పోలింగ్‌ కేంద్రాలు, ఓటర్ల వివరాలు ఇలా... కర్నూలు: పుర పోరుకు పోలీసు అధికార యంత్రా ంగం సిద్ధమవుతోంది. శాంతిభద్రతలు, బందోబ స్తు, ఎన్నికల ప్రవర్తనా నియమావళి అమలు తది తర అంశాలను దృష్టిలో పెట్టుకుని సుమారు రెండు వేల మంది సిబ్బందితో కార్యాచరణ ప్రణాళికను సిద్ధం చేస్తున్నారు. జిల్లాలోని కర్నూలు నగరపాలక సంస్థతో పాటు ఆదోని, ఎమ్మిగనూరు మున్సిపాలిటీలు, గూడూరు నగర పంచాయతీకి ఎన్నికలు నిర్వహిస్తున్నారు. నవంబర్‌ 1వ తేదీ పోలింగ్‌ జరగనుంది. 780 పోలింగ్‌ కేంద్రాలు ఏర్పాటు చేశారు. ప్రాదేశిక ఎన్నికల హడావుడి కూడా మొదలు కావడంతో సమస్యాత్మక, అత్యంత సమస్యాత్మక ప్రాంతాలపై ప్రత్యేక దృష్టి పెట్టి అదనపు సిబ్బందితో బందోబస్తు విధులకు కేటాయించనున్నారు. సమస్యాత్మక ప్రాంతాలు, కేంద్రాలపై దృష్టి మున్సిపాలిటీల్లో 172 పోలింగ్‌ కేంద్రాలను సమస్యాత్మకంగా గుర్తించారు. వీటిలో అత్యంత సమస్యాత్మక కేంద్రాలను నిర్ధారించాల్సి ఉంది. సమస్యాత్మక కేంద్రాల్లో కర్నూలులో 110 ఉండగా, ఆ తర్వాత ఆదోనిలో 27 ఉన్నాయి. అన్ని సమస్యాత్మక కేంద్రాల్లో అదనపు బలగాలను మొహరించడం ద్వారా శాంతిభద్రతలను పరిరక్షించేందుకు పోలీసులు ప్రణాళిక రూపొందించారు. పోలింగ్‌ కేంద్రాల వద్ద బారీకేడ్ల ఏర్పాటు, వసతి సౌకర్యం, మంచినీటి సౌకర్యం, దివ్యాంగులు పోలింగ్‌ కేంద్రాల్లోకి వెళ్లేందుకు ర్యాంప్‌ సౌకర్యం, అదనపు గదులు తదితర వాటిపై మున్సిపల్‌ అధికారులతో కలసి సంయుక్త తనిఖీలు నిర్వహించారు. అత్యంత సమస్యాత్మక ప్రాంతాల్లో పోలీస్‌ పికెట్లు ఏర్పాటు చేయనున్నారు. సీసీ కెమెరాలు, వెబ్‌కాస్టింగ్‌ ద్వారా నిఘా ఉంచనున్నారు. పోలింగ్‌ రోజు ఆయా ప్రాంతాల్లో డ్రోన్‌ కెమెరాలతో చిత్రీకరించనున్నారు. ట్రబుల్‌ మాంగర్స్‌పై నిఘా ఎన్నికల సందర్భంగా గొడవలకు దిగే అవకాశం ఉన్న వ్యక్తుల (ట్రబుల్‌ మాంగర్స్‌)పై నిఘాకు పోలీసులు ప్రత్యేక బృందాలను ఏర్పాటు చేస్తున్నారు. గత ఎన్నికల్లో గొడవల్లో పాల్గొన్న వారు, కారకులైన వారి కదలికలను నిశితంగా పరిశీలించేందుకు మఫ్టీ బృందాలను రంగంలోకి దించుతున్నారు. ట్రబుల్‌ మాంగర్స్‌, రౌడీషీటర్లు సుమారు 4 వేల మందికి పైగా ఇప్పటికే బైండోవర్లు పూర్తి చేసినట్లు పోలీసు వర్గాలు తెలిపాయి. సమస్యాత్మక ప్రాంతాల్లో డీఎస్పీ, సీఐ స్థాయి అధికారులు పర్యటిస్తూ శాంతిభద్రతలను పర్యవేక్షించనున్నారు. మున్సిపాలిటీ వార్డులు పోలింగ్‌ కేంద్రాలు సమస్యాత్మక కేంద్రాలు ఓటర్ల సంఖ్య కర్నూలు 68 487 110 4.87 లక్షలు ఆదోని 52 179 27 1,76,674 ఎమ్మిగనూరు 44 91 19 84,939 గూడూరు 23 23 16 17,665 పటిష్ట భద్రతా ఏర్పాట్లు

ఆదోని రూరల్‌: స్థానిక సంస్థల ఎన్నికలు పకడ్బందీగా జరిగేలా చర్యలు తీసుకోవాలని అధికారులను జిల్లా కలెక్టర్‌ సిరి, జాయింట్‌ కలెక్టర్‌ నూరుల్‌ఖమర్‌, ఎస్పీ విక్రాంత్‌పాటిల్‌ ఆదేశించారు. సోమవారం ఆదోని మండలం విరుపాపురం గ్రామంలోని ప్రభుత్వ పాలిటెక్నిక్‌ కళాశాలలో ఏర్పాటు చేసిన స్ట్రాంగ్‌ రూమ్‌, కౌంటింగ్‌ రూమ్‌, రిసెప్షన్‌ కేంద్రాలను వారు పరిశీలించారు. అధికారులకు పలు సూచనలు చేశారు. ఎన్నికల వేళ శాంతిభద్రతలకు విఘాతం కలిగించే వారిపై చర్యలు తీసుకోవాలన్నారు. వీరి వెంట ఏఎస్పీ జయశర్మ, ఆర్డీఓ అరుణాదేవి, తహసీల్దార్‌ వేణుగోపాలరావు, ఆయాశాఖల అధికారులు ఉన్నారు. ఎమ్మిగనూరురూరల్‌: అలాగే ఎమ్మిగనూరు పట్టణంలోని జూనియర్‌ కాలేజీ, ప్రభుత్వ బాలికల పాఠశాలలో ఏర్పాటు చేసిన స్ట్రాంగ్‌ రూములు, కౌంటింగ్‌ కేంద్రాలు, రిస్పెషన్‌ కేంద్రాలను సోమవారం జిల్లా కలెక్టర్‌ డా.ఏ.సిరి, జిల్లా ఎస్పీ విక్రాంత్‌పాటిల్‌, జిల్లా జాయింట్‌ కలెక్టర్‌ నూరుల్‌ఖుమర్‌, ఆదోని ఆర్టీవో ఆరుణదేవి పరిశీలించారు. కేంద్రాల దగ్గర పటిష్ట భద్రత ఏర్పాటు చేయాలని అధికారులను ఆదేశించారు.

ఆళ్లగడ్డ: దిగువ అహోబిలంలో మూడురోజుల పాటు జరిగే వార్షిక పవిత్రోత్సవాలు సోమవారం అంగరంగ వైభవంగా ప్రారంభమయ్యాయి. ఇందులో భాగంగా వేకువ జామునే సుప్రభాత సేవతో శ్రీ ప్రహ్లాదవరదస్వామిని మేలుకొలిపి దివ్య దర్శనం అనంతరం మూలమూర్తులు శ్రీ ప్రహ్లాదవరదస్వామి, అమృతవల్లీ అమ్మవార్లకు ప్రత్యేక పూజలు నిర్వహించారు. అనంతరం వేద పండితుల వేదమంత్రోచ్చారణలతో ఆస్థాన విద్వాంసుల మంగళవాయిద్యాల మధ్య పవిత్ర హోమాలు శాస్త్రోక్తంగా నిర్వహించారు. రాత్రి ఉత్సవ మూర్తులైన శ్రీదేవి, భూదేవి సమేత శ్రీ ప్రహ్లాదవరదులకు గ్రామోత్సతం నిర్వహించారు.

కర్నూలు(అర్బన్‌): హాలహర్వి మండల ఎంపీటీసీ, జెడ్పీటీసీ ఎన్నికల రిటర్నింగ్‌ అధికారిగా ఎల్‌ఎల్‌సీ డీఈఈ విద్యాసాగర్‌ను నియమించినట్లు స్థానిక సంస్థల ఎన్నికల రిటర్నింగ్‌ అధికారి/జెడ్పీ సీఈఓ ఆర్‌.సుధాకర్‌రెడ్డి తెలిపారు. సోమవారం ఉదయం ఆయన విలేకరులతో మాట్లాడుతూ ఇప్పటివరకు ఆర్‌ఓగా విధులు నిర్వహించిన ఆదోని పీఆర్‌ఈఈ డీసీ వెంకటేష్‌ అనారోగ్యానికి గురయ్యారన్నారు. ఈ నేపథ్యంలోనే ఆర్వోగా విద్యాసాగర్‌కు బాధ్యతలు అప్పగించినట్లు వెల్లడించారు. 30న డాక్‌ అదాలత్‌ కర్నూలు(అర్బన్‌): కర్నూలు డివిజన్‌ పరిధిలోని తపాల కార్యాలయాల్లో అందించే సేవలకు సంబంధించిన ఫిర్యాదులతో పాటు ఇతర ప్రజా ఫిర్యాదులను ఈ నెల 28న స్వీకరించనున్నట్లు కర్నూలు డివిజన్‌ పోస్టల్‌ సూపరింటెండెంట్‌ జి.జనార్ధన్‌రెడ్డి తెలిపారు. ఫిర్యాదులను ఈ నెల 28వ తేదీ లేదా అంతకు ముందే చేరేలా పోస్టు ద్వారా పంపుకోవాలన్నారు. పోస్టు కవర్‌పై ‘డాక్‌ అదాలత్‌’ అని పెద్ద అక్షరాలతో రాసి పంపాలన్నారు. ఫిర్యాదుదారులు నేరుగా ఫిర్యాదుల పరిష్కారానికి ఈ నెల 30న ఉదయం 11 గంటలకు డాక్‌ అదాలత్‌కు హాజరు కావచ్చన్నారు. డాక్‌ అదాలత్‌లో ఫిర్యాదులను పరిశీలించిన అనంతరం అర్జీకి సంబంధించిన పరిష్కారం లెటర్‌/ఈమెయిల్‌ ద్వారా ఫిర్యాదుదారునికి తెలియజేస్తామన్నారు. ఈవీఎం స్ట్రాంగ్‌రూంల పరిశీలన కర్నూలు: నగరపాలక సంస్థ ఎన్నికల నేపథ్యంలో గుత్తి పెట్రోల్‌ బంకు సమీపంలోని అథెనా స్కూల్‌ డిస్ట్రిబ్యూషన్‌ కేంద్రం, వెంకటరమణ కాలనీ వెనుకనున్న కేశవరెడ్డి స్కూల్‌, శ్రీజ స్కూల్‌ పోలింగ్‌ కేంద్రాలతో పాటు ఈవీఎం స్ట్రాంగ్‌ రూం కౌంటింగ్‌ కేంద్రాలను కర్నూలు రేంజ్‌ డీఐజీ కోయ ప్రవీణ్‌ పరిశీలించారు. అక్కడ భద్రత ఏర్పాట్లను సమీక్షించారు. ఎన్నికలు ప్రశాంతంగా జరిగేలా పోలీసు అధికారులు, సిబ్బంది సమన్వయంతో అప్రమత్తంగా విధులు నిర్వర్తించాలని సూచించారు. కర్నూలు అర్బన్‌ తాలూకా సీఐ తేజోమూర్తి డీఐజీ వెంట ఉన్నారు. 30న పింఛన్ల పంపిణీ కర్నూలు(అగ్రికల్చర్‌): నవంబర్‌ నెల పింఛన్ల పంపిణీ ఈ నెల 30న చేపట్టేందుకు ప్రభుత్వం ఉత్తర్వులు జారీ చేసింది. నవంబర్‌ 1న అర్బన్‌ లోకల్‌ బాడీస్‌ ఎన్నికల పోలింగ్‌ జరుగనుంది. 31న సచివాలయ ఉద్యోగులు పోలింగ్‌ విధుల్లో ఉంటారు. ఈ నేపథ్యంలో పింఛన్లు ఈనెల 30న పంపిణీ చేయనున్నారు. కర్నూలు జిల్లాలో 2,32,203 పింఛన్లకు రూ.102.58 కోట్లు, నంద్యాల జిల్లాలో 2,08,581 పింఛన్లకు రూ.90.64 కోట్లు మంజూరయ్యాయి. నందికొట్కూరు: వైఎస్సార్‌సీపీలోకి టీడీపీ, కాంగ్రెస్‌ పార్టీ నాయకులు సోమవారం చేరారు. పాములపాడు మండల పరిధిలోని వేంపెంట, మిట్టకందాల, భానుముక్కల, మద్దూరు గ్రామాల నుంచి 100 కుటుంబాలకు చెందిన టీడీపీ నాయకులు, కాంగ్రెస్‌ కార్యకర్తలు నందికొట్కూరుకు వచ్చారు. వైఎస్సార్‌సీపీ మండల కన్వీనర్‌ నాగరాజు ఆధ్వర్యంలో వారికి పార్టీ నియోజకవర్గ సమన్వయకర్త డాక్టర్‌ దార సుధీర్‌, యువజన విభాగం రాష్ట్ర వర్కింగ్‌ ప్రెసిడెంట్‌ బైరెడ్డి సిద్ధార్థరెడ్డి పార్టీ కండువాలు కప్పి సాదరంగా ఆహ్వానించారు. వైఎస్సార్‌సీపీలో చేరిన వారిలో మాజీ వైస్‌ ఎంపీపీ భానుముక్కల బండ్లమూరి వెంకటేశ్వర్లు, వేంపెంట వడ్డెర కార్పొరేషన్‌ మాజీ డైరెక్టర్‌ రామసుబ్బయ్య, మిట్టకందాల బీమశంకర్‌, కృష్ణానగర్‌ పీరయ్య, రమణారెడ్డి, లింగాల స్వామి తదితరులు ఉన్నారు. ఈ కార్యక్రమంలో వైఎస్సార్‌సీపీ నాయకులు వెంకటస్వామి, శ్రీకాంత్‌ తదితరులు పాల్గొన్నారు.

● నకిలీ డాక్యుమెంట్లతో ప్రైవేటు ప్లాట్ల ఆక్రమణ ● పోలీస్‌స్టేషన్‌ చేరిన పంచాయితీ కర్నూలు: కర్నూలులో తెలుగు తమ్ముళ్ల గూండాగిరి శృతి మించింది. మంత్రి, పొరుగు నియోజకవర్గం ఎమ్మెల్యే అండతో ప్రైవేటు వెంచర్‌లో కొనుగోలు చేసిన స్థలాలకు నకిలీ డాక్యుమెంట్లు సృష్టించి ఆక్రమించుకున్నారు. ఈ సంఘటన వివాదంగా మారి పంచాయితీ పోలీస్‌స్టేషన్‌కు చేరింది. కర్నూలు శివారులోని కోడుమూరు రోడ్డులో రిలయన్స్‌ సూపర్‌ మార్కెట్‌ లైన్‌లో సర్వే నెంబర్‌ 292లో అబ్దుల్లా నగర్‌ పేరుతో వెంచర్‌ వెలిసింది. దాదాపు 3.95 ఎకరాల్లో వెలసిన ఈ వెంచర్‌లో 32 మంది ప్లాట్లు కొనుగోలు చేశారు. రూ.కోట్లు విలువ చేసే ఈ స్థలంపై మంత్రి, ఎమ్మెల్యే అనుచరుల కన్ను పడింది. 1914లో కొనుగోలు చేసినట్లు నకిలీ డాక్యుమెంట్లు సృష్టించి మొత్తం స్థలాన్ని కబ్జా చేసినట్లు బాధితులు ఆరోపిస్తున్నారు. విశ్వబ్రాహ్మణ రాష్ట్ర కార్పొరేషన్‌ చైర్మన్‌, నంద్యాల జిల్లా టీడీపీ మహిళా విభాగం అధ్యక్షురాలు పార్వతమ్మ కుమారుడు జనార్ధన్‌ ఆచారి, ఎమ్మెల్యే అనుచరుడు వడ్డె నాగేశ్వరరావు, మంత్రి అనుచరుడు తిలక్‌నగర్‌కు చెందిన తెలుగు మహేష్‌ తదితరులు ప్రైవేటు ప్లాట్లకు నకిలీ డాక్యుమెంట్లు సృష్టించి ఆక్రమించుకున్నారు. దీంతో వెంచర్‌లో ప్లాట్లు కొనుగోలు చేసినవారు కోర్టుకు వెళ్లగా ఇంజక్షన్‌ ఆర్డర్‌ మంజూరు చేయడంతో సోమవారం స్థలం దగ్గరికి వెళ్లి తమ స్థలాన్ని ఖాళీ చేయాలని తెలుగు తమ్ముళ్లపై ఒత్తిడి చేశారు. స్థలంలో అక్రమంగా వేసిన కొట్టాన్ని తొలగించి కాంపౌండ్‌ వాల్‌ను పగలగొట్టడంతో ఇరు వర్గాల మధ్య ఘర్షణ తలెత్తింది. తెలుగు తమ్ముళ్లు దాదాపు 50 మంది రౌడీలను తీసుకువచ్చి స్థలం యజమానులపై దాడికి ప్రయత్నించారు. దీంతో బాధితులు పోలీస్‌స్టేషన్‌లో ఫిర్యాదు చేశారు. అయితే ఆక్రమణదారులకు మంత్రి, ఎమ్మెల్యే అండ ఉండటంతో బాధితులపైనే కేసు నమోదు చేస్తామని పోలీసులు బెదిరించినట్లు సమాచారం. ఆక్రమణ స్థలంలో అసాంఘిక కార్యకలాపాలు... తెలుగు తమ్ముళ్లు ఆక్రమించుకున్న స్థలంలో గుడిసె వెలిసింది. అందులో ప్రతిరోజూ పేకాటతో పాటు ఇతర అసాంఘిక కార్యకలాపాలు కొనసాగిస్తున్నట్లు సమాచారం. 1914లోనే ఆ స్థలాన్ని కొనుగోలు చేసినట్లు తెలుగు తమ్ముళ్లు నకిలీ డాక్యుమెంట్లు సృష్టించి ఆక్రమించారని బాధితులు పోలీసులకు ఫిర్యాదు చేశారు.

శ్రీశైలంటెంపుల్‌: శ్రీశైల దేవస్థానంలోని హుండీల్లో భక్తులు సమర్పించిన కానుకలను లెక్కించగా నగదు రూపేణా రూ.4,22,29,240 లభించినట్లు శ్రీశైల దేవస్థాన ధర్మకర్తల మండలి అధ్యక్షుడు పోతుగుంట రమేష్‌నాయుడు, ఈఓ శ్రీనివాసరావు తెలిపారు. సోమవారం ఆలయంలోని అలంకార మండపంలో 32రోజుల్లో భక్తులు సమర్పించిన కానుకలను లెక్కించారు. నగదుతో పాటు బంగారం 75 గ్రాముల 300 మిల్లీగ్రాములు, వెండి 2 కేజీల 900గ్రాములు లభించింది. అలాగే యుఎస్‌ఏ డాలర్లు 417, యుఏఇ దిర్హమ్స్‌ 65, ఇంగ్లాడ్‌ పౌండ్స్‌ 60, కెనడా డాలర్లు 100, ఓమన్‌బైసా 500, ఓమన్‌ రియాల్‌ 1, యూరోస్‌ 25, మలేషియా రింగిట్స్‌ 2, సౌదీరియాల్స్‌ 10, న్యూజిలాండ్‌ డాలర్లు 10, సింగపూర్‌ డాలర్లు 2, ఈజిఫ్ట్‌ పౌండ్స్‌ 10 లభించాయి. పటిష్టమైన భద్రతా ఏర్పాట్ల మధ్య సీసీ కెమెరాల నిఘాలో లెక్కింపును చేపట్టారు. డీఈవో ఎస్‌.చంద్రశేఖర్‌, పలు విభాగాల యూనిట్‌ అధికారులు, పర్యవేక్షకులు, సిబ్బంది పాల్గొన్నారు.

● నంచర్ల గ్రామంలో ఇంటికి తాళం వేసిన దృశ్యం చిప్పగిరి: ఎంపీటీసీ స్థానాలు ఏకగ్రీవం చేసుకోవడానికి టీడీపీ నేతలు బెదిరింపులకు పాల్పడుతున్నారు. నామినేషన్లు ఉపసంహరించుకోవాలని, లేదంటే అంతు చూస్తామని హెచ్చరిస్తున్నారు. మాట వినకపోతే కిడ్నాప్‌ చేస్తున్నారు. చిప్పగిరి మండలం నంచర్ల గ్రామంలో ఇలాగే జరిగింది. వైఎస్సార్‌సీపీ ఎంపీటీసీ అభ్యర్థులుగా గ్రామానికి చెందిన కురువ లక్ష్మి దేవి, వంచేటి దుర్గమ్మ నామినేషన్లు వేశారు. వారి భర్తలు కురువ రామాంజినేయులు, వంచేటి శివను టీడీపీ నేతలు సోమవారం బెదిరించారు. నామినేషన్లు ఉపసంహరణ చేసుకోవాలని హెచ్చరించినా బెదరలేదు. అయితే వైఎస్సార్‌సీపీ ఎంపీటీసీ అభ్యర్థిగా నామినేషన్‌ వేసిన వంచేటి దుర్గమ్మ ఇల్లు సోమవారం సాయంత్రం తాళం వేసి కనిపించింది. టీడీపీ నేతలే తమ కుటుంబ సభ్యులను కిడ్నాప్‌ చేశారని బంధువులు ఆందోళన వ్యక్తం చేశారు.

ఆలూరు: ప్రజా సమస్యలపై మండల స్థాయిలో తమ వాణిని వినిపించేందుకు విద్యావంతులు సిద్ధమయ్యారు. పలు ఉద్యోగాలు వదులుకుని ప్రజల తరఫున పనిచేసేందుకు ముందుకు వచ్చారు. ప్రజాప్రతినిధులుగా తమకు మంచి అవకాశం వస్తుందని ఆత్మస్థైర్యంతో ఎంపీటీసీ స్థానాలకు నామినేషన్లు వేశారు. గ్రామాలకు మేలు చేయడానికే ఇలా చేశామని వారు తెలిపారు. వారి అభిప్రాయాలు.. మా నాన్న దేవిరెడ్డి సర్పంచ్‌గా పనిచేశారు. ప్రజల కోసం సీసీరోడ్లు వేశారు. డ్రెయినేజీల సదుపాయం కల్పించారు. ప్రజాసేవకు అంకితమై పనిచేశారు. నా లక్ష్యం ఇదే. సీఏ చదివిన నేను ఎంపీటీసీ అభ్యర్థిగా బరిలో ఉన్నాను. ప్రజాసేవకు అంకితం అయ్యాను. – రాంప్రసాద్‌రెడ్డి, మనేకుర్తి మా నాన్న పోలీస్‌గా పనిచేశారు. నేను బీకాం చదివి ప్రైవేటు ఉద్యోగంలో కొన్ని రోజులు పనిచేశాను. ప్రజాప్రతినిధిగా ఎంపిక అయితే బాగుండేదని ఆలోచన చేశాను. అందరికీ ఉపయోగంగా ఉంటానని రాజకీయాల్లోకి వచ్చాను. పట్టణ కేంద్రమైన ఆలూరులో 2 వార్డు ఎంపీటీసీ స్థానాన్ని ఆన్‌ రిజర్వ్‌కు కేటాయించారు. ఆ స్థానం నుంచి బరిలో ఉన్నాను. – వరుణ్‌కుమార్‌, ఆలూరు

మంత్రాలయం: శ్రీరామ జన్మభూమిలో అయోధ్యలో మంత్రాలయం శ్రీ రాఘవేంద్రస్వామి మఠం నిర్మాణానికి పీఠాధిపతి సుభుదేంద్రతీర్థులు సోమవారం భూమి పూజ చేశారు. ముందుగా అయోధ్యలో శ్రీరాముడిని ప్రత్యేక పూజలు చేపట్టి, లోక కల్యాణం కోసం ప్రార్థించి, మంగళహారతులు గావించా రు. ఈ సందర్భంగా ఆయన మట్లాడు తూ అయోధ్యలో శ్రీ రాఘవేంద్రస్వా ముల మఠం ప్రస్తానంలో నిర్మించడం ఇది చారిత్రాత్మక ఘట్టం అని ఆయన తెలిపారు. అయోధ్యను సందర్శించే రాయర భక్తులకు వసతులతో ఉపయోగకరమైన సేవలను అందుబాటులోకి తీసు కొస్తామన్నారు. భూమి పూజ కార్యక్రమంలో అప్రమేయాచార్య, కరణం ప్రకాష్‌, సుబ్బ నరసింహ, అయోధ్య ప్రధాన అర్చకులు, శ్రీమఠం శిష్యులు పాల్గొన్నారు.

ఎమ్మిగనూరుటౌన్‌: మహిళలకు ప్రతి నెల రూ.1500లు ఇస్తామని నమ్మించి చంద్రబాబు మమ్మల్ని మోసం చేశాడని పట్టణంలోని 11వ వార్డు మహిళలు వైఎస్సార్‌సీపీ నియోజకవర్గ సమన్వయకర్త ఎర్రకోట రాజీవ్‌రెడ్డికి చెప్పారు. మున్సిపల్‌ చైర్మన్‌ డాక్టర్‌ రఘు, కౌన్సిలర్‌ అభ్యర్థుల గెలుపు కోసం సోమవారం పట్టణంలోని 11వ వార్డులో ప్రచారానికి వెళ్లిన ఆయనకు మహిళలు పెద్ద సంఖ్యలో తరలివచ్చి తాము టీడీపీ నాయకుల మాటలు నమ్మి మోసపోయామని వివరించారు. గత వైఎస్సార్‌సీపీ ప్రభుత్వ హయాంలో ఏటా రూ.18000లు మాజీ సీఎం వైఎస్‌ జగన్‌ నేరుగా తమ బ్యాంక్‌ అకౌంట్లలో జమ చేశారని గుర్తు చేశారు. ఓట్ల కోసం టీడీపీ 18 ఏళ్లు పైబడిన ప్రతి మహిళకు నెలకు రూ.1500లు ఇస్తామని చెప్పి ఓట్లు వేయించుకొని అధికారంలోకి వచ్చి రెండేళ్లు గడిచినా ఇచ్చిన హామీ అమలు చేయక మోసం చేసిందని వాపోయారు.

● ఏసీబీ కోర్టు న్యాయమూర్తి శ్రీవిద్యకర్నూలు: అవినీతి నిర్మూలనలో ప్రజల భాగస్వామ్యం కీలకమని జిల్లా ఏసీబీ కోర్టు న్యాయమూర్తి శ్రీవిద్య అన్నారు. కేంద్ర విజిలెన్స్‌ కమిషన్‌ ఆధ్వర్యంలో ఈనెల 31వ తేదీ వరకు నిర్వహించనున్న విజిలెన్స్‌ అవేర్‌నెస్‌ వీక్‌ – 2026 కార్యక్రమంలో భాగంగా సోమవారం ఏసీబీ కోర్టు ఆవరణలో అవినీతి నిరోధక శాఖ టోల్‌ఫ్రీ నంబర్‌ 1064ను ప్రజలకు తెలియజేసే పోస్టర్లు, స్టిక్కర్లను ఆవిష్కరించారు. కార్యక్రమానికి ఏసీబీ కోర్టు న్యాయమూర్తి శ్రీవిద్య ముఖ్య అతిథిగా హాజరయ్యారు. ఈ సందర్భంగా ఆమె మాట్లాడుతూ.. ప్రభుత్వ ఉద్యోగులు తమ విధులను నిర్వర్తించడానికి ఎవరైనా లంచం డిమాండ్‌ చేసినట్లయితే ప్రజలు సంకోచం లేకుండా ఏసీబీ టోల్‌ఫ్రీ నెంబర్‌కు ఫోన్‌ చేసి ఫిర్యాదు చేయాలని సూచించారు. విజిలెన్స్‌ అవేర్‌నెస్‌ వీక్‌ కార్యక్రమ ముఖ్య ఉద్దేశం ప్రజల్లో అవినీతి నిరోధక చర్యలపై అవగాహన కల్పించడం, లంచం డిమాండ్‌ చేస్తే వారిపై ఫిర్యాదు చేసేందుకు ప్రజలను ప్రోత్సహించడం, ప్రభుత్వ పరిపాలనలో పారదర్శకత, జవాబుదారీతనాన్ని బలోపేతం చేయడం ప్రధాన లక్ష్యమని తెలిపారు. అవినీతికి సంబంధించిన ఫిర్యాదులను ఏసీబీ డీఎస్పీ (9440446178), సీఐ (9491305629), ఏసీబీ కార్యాలయం (08518–273783)కు ఫోన్‌ చేసి కూడా సమాచారం అందించవచ్చునని సూచించారు. కర్నూలు నగరంలోని వివిధ న్యాయాధికారులు, ఏసీబీ డీఎస్పీ సీతారామరావు, సీఐ కృష్ణయ్య, ఏసీబీ పబ్లిక్‌ ప్రాసిక్యూటర్లు శ్రీరామ్‌ భగవాన్‌, శ్రీనివాసులు, ప్రేమ్‌సాగర్‌, ఏసీబీ సిబ్బంది పాల్గొన్నారు.

డోన్‌ టౌన్‌: మద్యం సేవించి వాహనాలు నడిపిన ముగ్గురు మందుబాబులకు జైలు శిక్ష పడినట్లు సీఐ రాకేష్‌, ఎస్‌ఐ మమతలు సోమవారం తెలిపారు. డ్రంకన్‌డ్రైవ్‌లో పట్టుబడిన చిన్నమల్కాపురం గ్రామానికి చెందిన తలారి బాల మద్దిలేటికి ఐదు రోజులు, కోట్ల వారిపల్లెకి చెందిన హసిన్‌, హుస్సేన్‌పీరాలకు ఒక్కక్కరికి రెండు రోజుల చొప్పున జడ్జి నూరుల్లా జైలు శిక్ష విధించినట్లు తెలిపారు. మద్యం సేవించి వాహనాలు నడిపితే వారి ప్రాణాలతో పాటు ఇతర అమాయకుల ప్రాణాలకు కూడా హాని కలిగే ప్రమాదం ఉందన్నారు. మద్యం మత్తులో వాహనాలు నడిపితే కఠిన చర్యలు తీసుకుంటామన్నారు. వన్యప్రాణులపై సర్వే రుద్రవరం: నల్లమల అటవీ ప్రాంతంలో వన్య ప్రాణులు, వాటి ఆవాసాలపై సర్వే కొనసాగుతున్నట్లు రుద్రవరం రేంజ్‌ అధికారి ముర్తుజావలి సోమవారం తెలిపారు. గత కొద్ది రోజుల నుంచి ఉన్నతాధికారుల ఆదేశాల మేరకు రుద్రవరం రేంజిలోని 14 బీట్లు (ఏరియాల్లో) వన్యప్రాణులపై సర్వే చేస్తున్నామన్నారు. ఇందులో భాగంగా కొద్ది రోజులు ప్రతి బీట్‌లో సిబ్బంది 5 కి.మీ మేర కాలినడకన వెళ్తూ మాంసాహర జంతువులు పులి, చిరుత, ఎలుగుబంటి, రేస్‌కుక్క, అడవిపిల్లి తదితర వన్యప్రాణుల ఆనవాళ్లు, పాదముద్రలు, వాటి విసర్జన పెంటికల సేకరణ చేస్తున్నట్లు తెలిపారు. అలాగే మరి కొద్ది రోజులు శాకాహర జంతువులైన చుక్కలదుప్పి, కొండ గొర్రె, అడవిపంది, సాంబార్‌, మనుబోతు వంటి వాటి ఆనవాళ్లు సేకరిస్తున్నట్లు ఆయన తెలిపారు. కార్యక్రమంలో డబ్ల్యూడబ్ల్యూఎఫ్‌ వలంటీర్లు పాల్గొంటున్నట్లు రేంజర్‌ తెలిపారు. గువ్వలచెరువు ఘాట్‌ లోయలో పడ్డ లారీ ● డ్రైవర్‌ దుర్మరణం, క్లీనర్‌కు తీవ్ర గాయాలు రామాపురం: వైఎస్సార్‌ జిల్లాలోని గువ్వలచెరువు ఘాట్‌ రోడ్డులో సోమవారం ఉదయం ఘోర రోడ్డు ప్రమాదం చోటుచేసుకుంది. పశువుల దాణా లోడుతో వెళ్తున్న లారీ అదుపు తప్పి లోయలో పడిపోవడంతో డ్రైవర్‌ దుర్మరణం చెందగా, క్లీనర్‌ తీవ్రంగా గాయపడ్డాడు. వివరాల్లోకి వెళ్తే.. నంద్యాల పట్టణానికి చెందిన డ్రైవర్‌ జి.దాస్‌, ఆళ్లగడ్డ పట్టణానికి చెందిన క్లీనర్‌ మహబూబ్‌ బాషా లారీలో పశువుల దాణా తీసుకుని వెళ్తున్నారు. ఈ క్రమంలో సోమవారం ఉదయం సుమారు 7.30 గంటలకు గువ్వలచెరువు ఘాట్‌ రోడ్డులో లారీ అదుపు తప్పి లోయలో పడి నుజ్జునుజ్జయింది. డ్రైవర్‌ జి.దాస్‌ అక్కడికక్కడే మృతి చెందాడు. క్లీనర్‌ మహబూబ్‌ బాషాకు తీవ్ర గాయాలు కావడంతో చికిత్స నిమిత్తం కడప రిమ్స్‌ ఆసుపత్రికి తరలించారు. బెల్లం ఊట ధ్వంసం ఆదోని రూరల్‌: స్థానిక సంస్థల ఎన్నికల నేపథ్యంలో ప్రొహిబిషన్‌ అండ్‌ ఎకై ్సజ్‌శాఖ అధికారులు సోమవారం ఆదోని పరిసర ప్రాంతాల్లో విస్తృత తనిఖీలు చేపట్టారు. ఎకై ్సజ్‌ సీఐ సైదులు తెలిపిన వివరాల మేరకు.. ఎన్‌ఫోర్స్‌మెంట్‌, ఈఎస్‌టీఎఫ్‌ కర్నూలు బలగాలతో కలిసి ఆదోని శివారులోని ఆఫీసరాళ్ల, రణమండల కొండల ప్రాంతాల్లో దాడులు చేశారు. ఈ తనిఖీల్లో అక్రమంగా నిల్వ ఉంచిన 570 లీటర్ల బెల్లం ఊటను గుర్తించి అక్కడికక్కడే ధ్వంసం చేశారు. శాంతిభద్రతల పరిరక్షణలో భాగంగా పాత ఎకై ్సజ్‌ కేసుల్లో నిందితులుగా ఉన్న గర్జప్ప, సునీత, శివ, సోమక్కలను తహసీల్దార్‌ ముందు హాజరుపరిచి బైండోవర్‌ చేసినట్లు వెల్లడించారు.

ఆశలు ఎండి..కోవెలకుంట్ల: రెండేళ్ల నుంచి రైతులకు కందిసాగు కలిసి రావడం లేదు. అతివృష్టి, అనావృష్టి, చీడపీడలు పంటను వెంటాడుతుండటంతో కంది రైతులకు కష్టకాలం దాపురించింది. జిల్లాలో గత ఏడాది విత్తనానికి ముందు వర్షాభావం, పైరు పూత, పిందె దశలో భారీ నుంచి అతి భారీ వర్షాలు కురిసి దిగుబడులు చేతికందకుండా పోయాయి. పెట్టిన పెట్టుబడులు వర్షార్పణం కాగా ఈ నష్టాన్ని ఈ ఏడాది పూడ్చుకుందామనుకున్న రైతులకు ఈ ఏడాది కూడా నిరాశే మిగిలింది. 29 మండలాల పరిధిలో ఈ ఏడాది ఖరీఫ్‌ సీజన్‌లో 38,194 హెక్టార్లలో కంది పంట సాగు సాధారణ విస్తీర్ణం కాగా ఆయా మండలాల పరిధిలో బోర్లు, బావులు, ఎస్సార్బీసీ, కుందూనది, కేసీ కెనాల్‌, వర్షాధారం, తదితర సాగునీటి వనరుల ఆధారంగా 22,480 హెక్టార్లలో సాగు చేశారు. ఇందులో జిల్లాలోని డోన్‌ మండలంలో అత్యధికంగా 10,473 హెకార్టలో, బేతంచెర్ల మండలంలో అత్యధికంగా 5,699, ప్యాపిలి మండలంలో 3,796 హెకార్టల్లో, బనగానపల్లె మండలంలో 1.091, మిడుతూరు మండలంలో 6,30 హెక్టార్లలో, జూపాడుబంగ్లా మండలంలో 275 హెక్టార్లలో సాగైంది. మహానంది, రుద్రవరం, ఆళ్లగడ్డ, శిరివెళ్ల, బండిఆత్మకూరు, చాగలమర్రి మండలాల్లో ఒక్క ఎకరాలో కూడా కంది సాగు సాగు కాకపోవడం గమనార్హం. మిగిలిన మండలాల్లో వందలోపు హెక్టార్లకు మాత్రమే పరిమితమైంది. ఆరు నెలలు పంటకాలం కాగా జూన్‌ రెండో వారంలో రైతులు కంది విత్తనం వేశారు. విత్తనం వేసినప్పటి నుంచి ఇప్పటి వరకు ఆశించిన స్థాయిలో వర్షాలు కురియకపోవడం, శ్రీశైలం జలాశయంలో సెప్టెంబర్‌ 15 వరకు నీరు పుష్కలంగా ఉన్నప్పటికీ ఎస్సార్‌బీసీ, కేసీకెనాల్‌, తదితర సాగునీటి ప్రాజెక్టులకు నీటిని విడుదల చేయకపోవడంతో పైరులో ఎదుగుదల నిలిచిపోయింది. గతేడాది ముంచిన మోంథా గత ఏడాది ఖరీఫ్‌లో 37,177 హెక్టార్లలో కంది సాగు లక్ష్యం కాగా ఆయా మండలాల పరిధిలో 27,540 హెక్టార్లలో సాగు చేశారు. విత్తనాలు, రసాయన ఎరువులు, కలుపునివారణ, క్రిమి సంహారక మందులు, తదితర పెట్టుబడుల రూపంలో ఎకరాకు రూ. 25 వేల దాకా వెచ్చించారు. పైరు పూత, పిందె దశలో ఉండగా గత అక్టోబర్‌ నెలాఖరులో మోంథా తుపాన్‌ రైతులను కోలుకోలేని దెబ్బతీసింది.. తుపాన్‌ ప్రభావంతో భారీ వర్షాలు కురిసి పూత, పిందె రాలిపోయింది. భారీ వర్షాలతో పూత రాలిపోవడమే కాకుండా పైరును రబ్బరు పురుగు ఆశించి ఉన్న పూత, పిందెను తినేశాయి. ఐదు నెలల పాటు పైరు కాపాడుకోగా భారీ వర్షాలు కురిసి దిగుబడులు చేతికందకుండాపోయాయి. పెట్టుబడులు నేలపాలు ఈ ఏడాది ఖరీఫ్‌లో కంది పంట సాగు చేయగా ఎల్‌నినో ప్రభావంతో ఐదు నెలల నుంచి ఇప్పటి వరకు ఆశించిన స్థాయిలో వర్షాలు కురవలేదు. ఎకరాకు రూ. 12 వేల నుంచి రూ. 15 వేలు వెచ్చించిన పెట్టుబడులు నేలపాలయ్యాయి. విత్తనం వేసిన తర్వాత నాలుగు నెలలు పూర్తయినా వరణుడు కరుణించకపోవడంతో పైరులో ఎదుగుదల నిలిచిపోయి బెండగిల్లిపోయింది. బోర్లు, బావులు ఉన్న రైతులు అతికష్టం మీద సాగునీటిని మళ్లించుకుంటున్నారు. పైపులు, ఆయిల్‌ ఇంజన్లు, కూలీల ఖర్చు రూపంలో ఎకరాకు రూ. 5 వేల వరకు అదనపు భారం పడుతోందని రైతులు వాపోతున్నారు. వర్షాభావర పరిస్థితుల కారణంగా బోర్లలో సాగునీరు అంతంత మాత్రంగానే వస్తుండటంతో రోజుల తరబడి పైరుకు నీటిని మళ్లించుకోవాల్సివస్తోందని రైతులు ఆవేదన వ్యక్తం చేస్తున్నారు. వర్షాధారంగా సాగు చేసిన కంది రైతులకు ఒకవైపు వర్షం పడక, మరోవైపు సాగునీరు అందుబాటులో లేక పైరు ఎండుదశలో చేరుకుంది. రెండేళ్ల నుంచి కందిసాగు అచ్చిరాలేదని రైతులు వాపోతున్నారు. వర్షాభావ పరిస్థితులను దృష్టిలో ఉంచుకుని సంబంధిత అధికారులు పంటనష్టం అంచనా వేసి నష్టపరిహారం చెల్లించి ఆదుకోవాలని రైతులు కోరుతున్నారు. నియోజకవర్గం సాధారణ సాగు డోన్‌ 28,541 19,968 బనగానపల్లె 4,488 1169 నందికొట్కూరు 3,245 1,219 ఆళ్లగడ్డ 939 05 నంద్యాల 128 01 శ్రీశైలం 67 07 పాణ్యం, 786 111 గడివేముల రెండేళ్లుగా కలిసిరాని కంది సాగు గతేడాది మోంథా, ఈ ఏడాది ఎల్‌నినో దెబ్బ శ్రీశైలం నిండినా కాల్వలకు నీరు విడుదల చేయని ప్రభుత్వం వర్షాభావంతో నిలిచిపోయిన పంట ఎదుగుదల

సాక్షి, కల్లూరు: స్థానిక సంస్థలు ఎన్నికల వేళ కల్లూరు అర్బన్‌ 44వ వార్డులో టీడీపీకి భారీ షాక్‌ తగిలింది. గత 34 సంవత్సరాలుగా టీడీపీలో కొనసాగుతూ విసిగిపోయిన రెడ్డిపోగు అంజి, కుటుంబ సభ్యులతో పాటు దాదాపు 70 కుటుంబాలు ఆదివారం టీడీపీని వీడి వైఎస్సార్‌సీపీలో చేరారు.వైఎస్సార్‌సీపీ నంద్యాల జిల్లా అధ్యక్షుడు, మాజీ ఎమ్మెల్యే కాటసాని రాంభూపాల్‌రెడ్డి ఆధ్వర్యంలో వీరంతా వైఎస్సార్‌సీపీలో చేరారు. దశాబ్దాలుగా టీడీపీలో కొనసాగిన కుటుంబాలు వైఎస్సార్‌సీపీలో చేరడం 44వ వార్డులో పార్టీకి మరింత బలాన్ని చేకూర్చింది. కాటసాని రాంభూపాల్‌రెడ్డి నాయకత్వంపై విశ్వాసంతో పెద్ద సంఖ్యలో కుటుంబాలు వైఎస్సార్‌సీపీ వైపు అడుగులు వేయడం పార్టీ శ్రేణుల్లో నూతనోత్సాహాన్ని నింపింది.పార్టీలో చేరిన వారందరకీ కాటసాని రాంభూపాల్‌రెడ్డి పార్టీ కండువా కప్పి సాదరంగా స్వాగతం పలికారు. ఈ సందర్భంగా కాటసాని మాట్లాడుతూ పార్టీ బలోపేతానికి ప్రతి ఒక్కరూ కలిసికట్టుగా కృషి చేయాలన్నారు. కార్యకర్తలను ఎల్లప్పుడు అండగా ఉంటామన్నారు. కార్యక్రమంలో మాజీ ఎంపీ బుట్టా రేణుక, నగర మేయర్‌ అభ్యర్థి సుశీలమ్మ, మాజీ కార్పొరేటర్లు మైతాపు నరసింహులు, సాన శ్రీనివాసులు, తదితరులు పాల్గొన్నారు.పశ్చిమ గోదావరి.. వైఎస్సార్‌సీపీలోకి చేరికలు..జంగారెడ్డిగూడెం మండలం లక్కవరం గ్రామంలో వైఎస్సార్‌సీపీ బలోపేతానికి మరో అడుగు పడింది. కూటమి ప్రభుత్వ పాలనపై వ్యక్తమవుతున్న అసంతృప్తితో లక్కవరం గ్రామానికి చెందిన 30 కుటుంబాలు వైఎస్సార్‌సీపీలో చేరాయి.పార్టీ రాష్ట్ర కార్యదర్శి జెట్టి గురునాథరావు సమక్షంలో, రాష్ట్ర కార్యవర్గ సభ్యుడు గంగా సురేష్‌ బండారు ఆధ్వర్యంలో, గ్రామ పార్టీ అధ్యక్షుడు చిర్ల దుర్గా రెడ్డి నేతృత్వంలో ఈ చేరికల కార్యక్రమం ఘనంగా నిర్వహించారు. ప్రభుత్వ ప్రజా వ్యతిరేక విధానాలను ఎండగడుతూ, సంక్షేమ పథకాల అమలు, బడుగు బలహీన వర్గాల అభ్యున్నతికి కృషి చేస్తున్న వైఎస్సార్‌సీపీ నాయకత్వంపై నమ్మకంతోనే తాము పార్టీలో చేరుతున్నట్లు నూతనంగా పార్టీలోకి వచ్చిన కుటుంబాల సభ్యులు తెలిపారు.ఈ సందర్భంగా పార్టీలోకి వచ్చిన ప్రతి ఒక్కరినీ నాయకులు సాదరంగా ఆహ్వానించి, కండువాలు కప్పారు. లక్కవరంలో వైఎస్సార్‌సీపీకి పెరుగుతున్న ప్రజాదరణకు ఈ భారీ చేరికలే నిదర్శనమని నాయకులు పేర్కొన్నారు. ఈ కార్యక్రమంలో వైఎస్సార్‌సీపీ సీనియర్‌ నాయకులు మహంకాళి రంగప్రసాద్‌, వందనపు వెంకటేశ్వరరావు, పార్టీ శ్రేణులు పాల్గొన్నారు.ఇదీ చదవండి: పొత్తు ఉత్తుత్తి.. దూస్తున్నారు కత్తి!

● నెరణికి గ్రామానికి చేరిన మాళమల్లేశ్వర ఉత్సవ విగ్రహాలుహొళగుంద: రాష్ట్రంలోనే ప్రత్యేకతను సంతరించుకున్న దేవరగట్టు దసరా బన్ని మహోత్సవాలు ఆదివారం ముగిశాయి. మాళ మల్లేశ్వరస్వామి ఉత్సవ విగ్రహాలు నెరణికి గ్రామానికి చేరడంతో గ్రామంలో దరసరా పండుగను ఈ రోజు జరుపుకున్నారు. జైత్రయాత్ర అనంతరం శనివారం దేవరగట్టులో గొరువయ్యల ఆటలు ఇతర కార్యక్రమాలు చేపట్టారు. సాయంత్రం ఆలయంలో ఉన్న ఉత్సవమూర్తులకు కంకణ విసర్జన చేసి అదే రోజు రాత్రి విగ్రహాలను కొండ దిగువన ఉన్న కాడసిద్ధప్ప మఠానికి చేర్చారు. ఆదివారం ఉదయం ఉత్సవమూర్తులకు పూజారులు ప్రత్యేక పూజలు చేసిన తర్వాత విగ్రహాలు, పల్లకీని నెరణికి, నెరణికి తండా, కొత్తపేట గ్రామస్తుల మధ్య గొరువయ్యలు ఊరేగింపుగా నెరణికి గ్రామం ఊరువాకిలి వద్ద ఉన్న ఆంజనేయస్వామి గుడి ముందుకు చేర్చి అక్కడ కొద్దిసేపు కొలువుంచారు. ఘనంగా దసరా వేడుకలు.. ఉత్సవ విగ్రహాలు ఆదివారం నెరణికి గ్రామానికి చేరడంతో అక్కడ పండుగ వాతావరణం నెలకొంది. బన్ని ఉత్సవాలనంతరం ఈ గ్రామంలో దసరా వేడుకలను జరుపుకోవడం ఆనవాయితీగా వస్తుంది. దేవరగట్టు నుంచి గ్రామానికి చేరిన విగ్రహాలను ఆంజనేయస్వామి ఆలయం ముందు కొలువుంచి పూజలు చేశారు. ఈ సందర్భంగా గ్రామస్తులు ఆలయం నుంచి విగ్రహాలను అర్చకుల ఇంటి వరకు పుర వీధుల్లో ఊరేగింపుగా తీసుకెళ్లారు. ఊరేగింపులో చిన్నారులు ‘బన్ని’ (కర్రలు పట్టుకుని ఎగరడం) ఆడుకుంటూ, మహిళలు కలశాలు పట్టి విగ్రహాలను ఉంచే అర్చకుల ఇంటికి చేర్చారు. మాళమల్లేశ్వరుని కంకణ ధారణ నుంచి నిష్టతో ఉన్న ప్రజలు సోమవారం ముగింపు వేడుకలను ఘనంగా జరుపుకుని దీక్షను విరమించారు. హొళగుంద ఎస్‌ఐ దిలీప్‌కుమార్‌, సిబ్బంది బందోబస్తు చేపట్టారు.

ఊళ్లలో పనులు ఏమీ లేవు. కుటుంబం గడవడం కష్టమైంది. వేరే గత్యంతరం లేక తెలంగాణలోని నాగర్‌ కర్నూలుకు పత్తి తీసేందుకు సుగ్గికి వచ్చాం. మా ఊరోళ్లు 20 మందికి పైగా ఇక్కడే పనులు చేసుకుంటున్నాం. ఓటు వేయడానికి రావాలంటే లేనిపోని ఖర్చులు. పని పోగొట్టుకుంటే మళ్లీ దొరకడం కష్టం. అందుకే ఓటు గురించి ఆలోచించే పరిస్థితి లేదు. – జంబన్న, వ్యవసాయ కూలీ వానల్లేక మా ఊర్లో కూలీ పనులు అయిపోయాయి. కూలీనాలీ చేసుకునే మాకు సుగ్గి తప్పదు. మా ఇంటిల్లిపాది తెలంగాణలోని మారేపల్లికి వచ్చాం. మాతోపాటు మా ఊరొళ్లు వచ్చారు. ఎర్రకోట నుంచి ఇక్కడికి వచ్చి పనులు చేసుకుంటున్నాం. పూట గడవని వేళ ఓట్లు యాడ వేస్తాం. పనులు ఉన్నన్నాళ్లూ ఇక్కడే పనిచేసుకోవాలనుకునుకుంటున్నాం. – కడబూరు, వ్యవసాయ కూలీ వాన జాడలేక నేలతల్లి చిన్నబోయె.. నేలతల్లిని నమ్ముకున్న బతుకుల్లో నైరాశ్యం నిండిపాయె.. కూలినాలి కరువై పూట గడవడం కష్టమాయె.. ఇల్లు విడిచి పొరుగూళ్లలో సుగ్గి శరణ్యమాయె! మంత్రాలయం: ఇలాంటి పరిస్థితుల్లో స్థానిక ఎన్నికలు ఆసన్నమైనా వలస జీవులు సుగ్గిలోనే ఉండిపోయారు. పూట గడవని వేళ తమకెందుకు ఓట్లు అంటూ ఆవేదన వ్యక్తం చేస్తున్నారు. స్థానిక సమరంలో సుగ్గి ఎఫెక్టు తప్పదని స్థానికులు చర్చించుకుంటున్నారు. బరిలో నిలబడే ఆర్థిక బలం కలిగిన నేతలు వలస కూలీలను రప్పించుకునేందుకు రాయబారాలు మొదలెట్టే అవకాశం ఉంది. పిలుపు లేకుంటే కరువు జీవులు సుగ్గిలోనే సాగిపోయె పరిస్థితి. సుగ్గిలో 10 వేల కుటుంబాలు వ్యవసాయ పనులు లేకపోవడం, వీబీజీ రాంజీ ఉపాధిపై నమ్మకం సన్నగిల్లడంతో వేలాది మంది చిన్న, సన్నకారు రైతులు, కూలీలు సుగ్గిబాట పట్టాల్సి వచ్చింది. ఎమ్మిగనూరు, మంత్రాలయం, ఆదోని, ఆలూరు నియోజకవర్గాల నుంచి 10 వేల కుటుంబాలు వలస వెళ్లినట్లు అంచనా. మంత్రాలయం నియోజకవర్గంలోని కోసిగి, మంత్రాలయం, కౌతాళం మండలాల నుంచి అత్యధికంగా సుగ్గికి పోయారు. కోసిగి మండలంలో 5 వేల మందికిపైగా వలస వెళ్లారు. వీరు కర్ణాటకలో పత్తి కోత పనులకు వెళ్లారు. ఇక ఎమ్మిగనూరు నియోజకవర్గంలోని ఎర్రకోట, గుడేకల్‌, కడివెళ్ల, సోమలగూడూరు, పొనకలదిన్నె, మాచాపురం గ్రామాల నుంచి తరలివెళ్లారు. వీళ్లు తెలంగాణలోని నాగర్‌ కర్నూలు జిల్లా మారేపల్లి గ్రామం ప్రాంతంలో పత్తి సుగ్గి చేసుకుంటున్నారు. ఆయ‘కట్‌’తోనే ఆపసోపాలు జిల్లా పశ్చిమ ప్రాంతానికి తుంగభద్ర దిగువ కాలువ, గురు రాఘవేంద్ర ప్రాజెక్టు ఎత్తిపోతల పథకాలు, గాజులదిన్నె ప్రాజెక్టు, పులికనుమ ప్రాజెక్టు, తుంగభద్ర నదీ జలాలే ప్రధాన ఆధారం. వానలు లేని తరుణంలో సాగుకు ఈ ప్రాజెక్టులే శరణ్యం. అయితే వర్షాభావ పరిస్థితుల రీత్యా ఈ ఏడాది ప్రాజెక్టులన్నీ ఎండిపోయాయి. గురురాఘవేంద్ర ప్రాజెక్టు పరిధిలో 50 ఎకరాలకు సాగునీరు లేకుండాపోయింది. పులికనుమ ప్రాజెక్టుకు నీటి చెమ్మ కరువైంది. కాస్తోకూస్తో నమ్మ కం పెట్టుకున్న ఎల్లెల్సీ పంట కాలువలకు నీరు లేకపోయింది. ఖరీఫ్‌, రబీ సీజన్‌లో లక్ష ఎకరాలకు నీరు పారాల్సి ఉండగా సెంటు భూమి తడవని వైనం. ఎల్‌నినో సాకుతో ఎల్లెల్సీ నీటి వాటా వినియోగాన్ని కూటమి ప్రభుత్వం విస్మరించింది. ఆదుకోవాల్సిన ఆయకట్టు దూరం కావడంతో వలసల సంఖ్య పెరిగిపోతూనే ఉంది. వలస బాటలో జిల్లా పశ్చిమ పల్లెలు నియోజకవర్గంలో 10 వేల జనాభా కర్ణాటక, తెలంగాణలో సుగ్గి స్థానిక ఎన్నికల్లో ఓటింగ్‌ శాతం పడిపోయే ప్రమాదం గ్రామాల్లో ఉపాధి పనులు కల్పించని ప్రభుత్వం

ఆలూరు మండలం పెద్దహోతూరు గ్రామం నుంచి వైఎస్సార్‌సీపీ ఎంపీటీసీ అభ్యర్థిగా నామినేషన్‌ దాఖలు చేశాను. శనివారం నామినేషన్‌ పరిశీలనకు వెళ్లాను. మీ నామినేషన్‌లో తప్పులు ఉన్నాయి పత్తికొండ ఆర్డీఓ వద్దకు వెళ్లి పరిష్కరించుకోండి అని చెప్పారు. తప్పులు ఉన్నట్లు ఎలాంటి ఫారాలు ఇవ్వలేదు. ఆదివారం ఆర్డీఓ వద్దకు వెళ్తే ‘ఫారాలు లేవు. నేను ఎలా పరిష్కరించాలి’ అని చెప్పారు. –లక్ష్మి,పెద్దహోతూరు నేను హత్తిబెళగల్‌ వైఎస్సార్‌సీపీ ఎంపీటీసీ అభ్యర్థిగా నామినేషన్‌ దాఖలు చేశాను. శనివారం నామినేషన్ల పరిశీలనకు వెళ్లాను. మధ్యాహ్నం 3 గంటలకు పరిశీలన పూర్తి చేసి..నీ నామినేషన్‌లో సంతకాలు లేవని ఆర్వో చెప్పారు. అప్పీళ్లు కోసం నామినేషన్‌లో తప్పులు ఉన్నాయని వెళ్లాలంటే ఫారం–5 ఇవ్వాలని కోరగా గంటన్నర తర్వాత ఇస్తామని చెప్పారు. 4.30 గంటలకు ఎంపీడీఓ కార్యాలయం వద్దకు వెళ్తే పోలీసు రాకుండా అడ్డుకున్నారు. –గుడపద్ప, హత్తిబెళగల్‌

కొలిమిగుండ్ల: దసరా సెలవులు ముగియడంతో ఆర్టీసీ బస్సులు రద్దీగా తిరుగుతున్నాయి. కొలిమిగుండ్లలో ఉదయం నుంచే వివిధ ప్రాంతాల్లో చదువుకునే విద్యార్థులతో పాటు వారి తల్లిదండ్రులు బస్సుల కోసం నిరీక్షించాల్సి వచ్చింది. తాడిపత్రి నుంచి బనగానపల్లె వైపు వెళ్లాల్సిన బస్సులు ఆర్టీసీ బస్టాండ్‌లోకి రాకుండా ప్రధాన రహదారిపైనే నిలుపుతున్న కారణంగా ప్రయాణికులు అక్కడే ఎదురు చూడాల్సి వస్తుంది. తాడిపత్రి నుంచే బస్సులు రద్దీగా రావడంతో కొలిమిగుండ్లలో కొంత మందిని మాత్రమే ఎక్కించుకొని వెళ్లారు. ఇతర డిపోలకు చెందిన ఎక్స్‌ప్రెస్‌ సర్వీసులు నిలపకుండానే వెళ్లారు. దీంతో విద్యార్థులతో పాటు మహిళలు, వృద్ధులు తీవ్ర ఇబ్బందులు ఎదుర్కోవాల్సి వచ్చింది.

● వీఆర్‌పీఎస్‌ రాష్ట్ర వ్యవస్థాపక అధ్యక్షుడు, వైఎస్సార్‌సీపీ రాష్ట్ర కార్యదర్శి సుభాష్‌ కర్నూలు(అర్బన్‌): రాష్ట్రంలో అధికారంలో ఉన్న కూటమి ప్రభుత్వం వాల్మీకులను పూర్తిగా విస్మరించిందని వాల్మీకి రిజర్వేషన్‌ పోరాట సమితి రాష్ట్ర వ్యవస్థాపక అధ్యక్షుడు, వైఎస్సార్‌సీసీ రాష్ట్ర కార్యదర్శి మద్దూరు సుభాష్‌ చంద్రబోస్‌ ఆరోపించారు. ఆదివారం స్థానిక కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడుతూ.. వాల్మీకులకు ఎస్టీ రిజర్వేషన్‌ హోదా కల్పిస్తామని ముఖ్యమంత్రి చంద్రబాబు గతంలో పలుమార్లు హామీలు ఇచ్చారని, గడచిన అసెంబ్లీ ఎన్నికల సమయంలో కూడా హామీ ఇచ్చారని గుర్తు చేశారు. 2017 డిసెంబర్‌ 2వ తేదీన ముఖ్యమంత్రి చంద్ర బాబు ఆధ్వర్యంలో వాల్మీకులను ఎస్టీలుగా గుర్తిస్తూ తూతూ మంత్రంగా అసెంబ్లీలో తీర్మానం చేసి కేంద్రానికి పంపారన్నారు. అయితే నేటికీ వాల్మీకులకు ఎస్టీ హోదా లభించలేదని, ఇప్పటికై నా చంద్రబాబు, కూటమి పార్టీ నేతలకు ఏ మాత్రం చిత్తశుద్ధి ఉన్నా, వాల్మీకుల ఎస్టీ రిజర్వేషన్‌ అంశంపై స్పష్టమైన ప్రకటన చేయాలని డిమాండ్‌ చేశారు. కేంద్ర ప్రభుత్వాన్ని ఒప్పించి పార్లమెంట్‌లో వాల్మీకుల ఎస్టీ రిజర్వేషన్‌ బిల్లు ఆమోదించి చట్టబద్ధం చేసేలా కూటమి ప్రభుత్వం కృషి చేయాల్సి ఉందన్నారు. వాల్మీకుల ఎస్టీ హోదా సాధన కోసం పార్టీలకు అతీతంగా వాల్మీకులు ఉద్యమాలకు సిద్ధం కావాలన్నారు. ఇందుకు త్వరలోనే రౌండ్‌ టేబుల్‌ సమావేశాన్ని నిర్వహించి కేంద్ర, రాష్ట్ర ప్రభుత్వాలపై ఉద్యమ కార్యాచరణను ప్రకటిస్తామన్నారు. వాల్మీకి జయంతిని ఘనంగా జరుపుకుందాం ... ఈ నెల 26వ తేదీ మహర్షి వాల్మీకి జయంతి వేడు కలను జిల్లాలోని అన్ని ప్రాంతాల్లో ఘనంగా జరుపుకుందామని సుభాష్‌ పిలుపునిచ్చారు. వాల్మీకి మహర్షి కుల మతాలకు అతీతంగా ఆరాధ్యనీయుడని, ఆయన జయంతిని దేశ వ్యాప్తంగా జరుపుకుంటున్నారన్నారు.

కర్నూలు సిటీ/హాలహర్వి: తుంగభద్ర నది పరివాహక ప్రాంతాల్లో వర్షాలు లేకపోవడంతో నది తీర గ్రామాల్లో, తుంగభద్ర జలాలపై ఆధారపడిన తాగు నీటి పథకాలకు నీరు అందించేందుకు టీబీ డ్యాం నుంచి ఆదివారం నీటిని విడుదల చేశారు. టీబీ డ్యాంలో ఈ ఏడాది నీటి లభ్యత ప్రకారం 2026–27 నీటి సంవత్సరంలో 5.094 టీఎంసీలు కేటాయించారు. ఇందులో 1 టీఎంసీ నీటిని ఆరు రోజుల పాటు రోజుకు 2 వేల క్యూసెక్కుల చొప్పున విడుదల చేయాలని ఇటీవలే జల వనరుల శాఖ కర్నూలు సర్కిల్‌ ఎస్‌ఈ శైలేశ్వర్‌ రెడ్డి టీబీ బోర్డుకు ఇండెంట్‌ పెట్టారు. ఈ మేరకు డ్యాం నుంచి నీటిని విడుదల చేశారు. నదిలో నీటి ప్రవాహం లేకపోవడంతో నది తడారిపోయింది. బ్రిడ్జి నిర్మాణానికి మోక్షమెప్పుడో? వేదావతి నదిపై శాశ్వత బ్రిడ్జి నిర్మించాలని స్థానిక ప్రజలు ఎన్నో ఏళ్లుగా కోరుతున్నారు. వర్షాకాలంలో నది పొంగిన ప్రతిసారి రాకపోకలు నిలిచిపోతుండటంతో విద్యార్థులు, రైతులు, ఉద్యోగులు, అత్యవ సర వైద్య సేవలు పొందాల్సిన ప్రజలు తీవ్ర ఇబ్బందులు పడుతున్నారు.అయినా, బ్రిడ్జి నిర్మాణంపై సంబంధిత అధికారులు, ప్రజాప్రతినిలు ప్రత్యేక దృష్టి సారించడం లేదు. ఇప్పటికై నా ప్రభుత్వం వేదావతి నదిపై శాశ్వత బ్రిడ్జి నిర్మించి రాకపోకలకు ఇబ్బంది లేకుండా చూడాలని స్థానికులు కోరుతున్నారు.ఉప్పొంగిన వేదావతి నది ఎగువ రాష్ట్రం కర్ణాటక, అనంతపురం జిల్లాలో కురిసిన వర్షాలతో హాలహర్వి మండలం గూళ్యం సమీపంలో వేదావతి నది ఉప్పొంగి ప్రవహిస్తోంది. నది ఉద్ధృతంగా ప్రవహిస్తుండటంతో ఏపీ, కర్ణాటక రాష్ట్రాల మధ్య ఉన్న వంతెనపైకి నీరు చేరడంతో రాకపోకలు నిలిచిపోయాయి. వేదావతి నదిలో ప్రవహిస్తున్న వరద నీరు తుంగభద్ర నదిలో కలువనుండటంతో తీర గ్రామాల్లో తాగు నీటి అవసరాలు తీరనున్నాయి.

బేతంచెర్ల: మండల పరిధిలోని మద్దిలేటి నరసింహస్వామి ఆలయానికి వెళ్లే రహదారిలో ఆటో బోల్తా పడిన ఘటనలో ఓ విద్యార్థి మృతి చెందాడు. వివరాల్లోకి వెళితే.. మండల పరిధిలోని ఆర్‌ఎస్‌ రంగాపురం గ్రామానికి చెందిన బాలజీ, పుష్పావతి దంపతులకు భాను ప్రకాష్‌, కుసుమంత్‌ (13) ఇద్దరు సంతానం. చిన్నవాడైన కుసుమంత్‌ 7వ తరగతి చదు వుతున్నాడు. సెలవులు కావడంతో ఆర్‌ఎస్‌ రంగాపురం నుంచి మద్దిలేటి స్వామి ఆలయానికి ఆటోలో వెళ్తుండగా మార్గ మధ్యలో ఆటో బోల్తాపడింది. ఈ ఘటనలో తీవ్రంగా గాయపడిన కుసుమంత్‌కు తీవ్రగాయాలు కావడంతో చికిత్స నిమిత్తం బేతంచెర్లకు తరలించగా అప్పటికే మృతి చెందినట్లు వైద్యులు నిర్ధారించారు. విద్యార్థి తల్లిదండ్రుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. సమాచారం అందుకున్న మాజీ ఎంపీపీ బుగ్గన నాగభూషణం రెడ్డి, వైఎస్సార్‌సీపీ జిల్లా ప్రధాన కార్యదర్శి రామచంద్రుడు, మండల, పట్టణ కన్వీనర్లు తిరుమలేశ్వర్‌ రెడ్డి, పిట్టల జాకీర్‌ విద్యార్థి మృత దేహాన్ని పరిశీలించి, కుటుంబ సభ్యులను పరామర్శించారు.

నేను మొలగవల్లి–2 ఎంపీటీసీ అభ్యర్థిగా నామినేషన్‌ వేశాను. శనివారం చేపట్టిన పరిశీలనలో నేను దాఖలు చేసిన నామినేషన్‌ పత్రాల్లో తప్పులు ఉన్నాయని పంపించారు. నేను నా భర్త ఎంపీడీఓ కార్యాలయం నుంచి వంద మీటర్ల దూరంలో ఉండాలని పోలీసులు సూచించారు. సాయంత్రం ఇస్తామన్న ఫారం–5, చెక్‌ లిస్టు కోసం వెళ్తే మా తో పాటు మరికొందరిని పోలీసులు ఆఫీసుకు వెళ్లకుండా తరమేశారు. – నరసమ్మ, మొలగవల్లి నేను ఆలూరు ఎంపీటీసీ–3 అభ్యర్థిగా నామినేషన్‌ దాఖలు చేశాను. శనివారం మధ్యాహ్నం నా నామినేషన్‌ పరిశీలించారు. నామినేషన్‌ పత్రంలో తప్పులు ఉన్నాయని రేపు(ఆదివారం) ఉదయం చెక్‌లిస్టు, ఫారం–5 ఇస్తానని చెప్పారు. ఏ కారణంతో అప్లికేషన్‌ తిరస్కరిస్తున్నారో చెప్పలేదు. ఆదివారం సాయంత్రం ఆర్డీఓ కార్యాలయంలో ఆలూరు ఆర్వో ఆనంద్‌ రాజ్‌ కుమార్‌ వచ్చి శనివారం తేదీతో ఉన్న ఫారం–5 ఇచ్చారు. –వినోద్‌ కుమార్‌, ఆలూరు

కర్నూలు(అగ్రికల్చర్‌): విద్యుత్‌ సమస్యల పరిష్కారం కోసం ప్రతి సోమవారం నిర్వహించే డయల్‌ యువర్‌ సీఎండీ, డయల్‌ యువర్‌ ఎస్‌ఈ కార్యక్రమాలు రద్దు చేసినట్లు విద్యుత్‌ శాఖ ఎస్‌ఈ ప్రదీప్‌కుమార్‌ తెలిపారు. స్థానిక సంస్థల ఎన్నికల కోడ్‌ అమలులో ఉన్నందున ఈ కార్యక్రమాలను రద్దు చేసినట్లు ఆయన ఆదివారం ఒక ప్రకటనలో తెలిపారు. ఎన్నికల కోడ్‌ అమలులో ఉన్నంతవరకు ఈ కార్యక్రమాలు జరగవని ఈ విషయాన్ని విద్యుత్‌ వినియోగదారులు గమనించాలని కోరారు.వేరుశనగ గరిష్ట ధర రూ.8,060 ఎమ్మిగనూరుటౌన్‌: స్థానిక వ్యవసాయ మార్కెట్‌లో ఆదివారం క్వింటా వేరుశనగ గరిష్టంగా రూ.8,060 ధర పలికింది. మార్కెట్‌కు 149 క్వింటాళ్ల దిగుబడులను రైతులు విక్రయానికి తెచ్చారు. కనిష్ట ధర రూ.3,636లు, మధ్యస్థ ధర రూ.6,670ల ప్రకారం మార్కెట్‌లో వ్యాపారులు కొనుగోలు చేశారని మార్కెట్‌ యార్డ్‌ ప్రత్యేక శ్రేణి కార్యదర్శి పి.కల్పన తెలిపారు. అదేవిధంగా 432 క్వింటాళ్ల ఆముదాలు విక్రయానికి రావడంతో క్వింటా కనిష్ట ధర రూ.4,741లు, మధ్యస్థ ధర రూ.7,739లు క్వింటం గరిష్ట ధర రూ.8,007లకు వ్యాపారులు కొనుగోలు చేశారన్నారు. మల్లన్నకు నృత్య నివేదన శ్రీశైలంటెంపుల్‌: శ్రీశైల దేవస్థానం నిర్వహిస్తున్న ధర్మపథం కార్యక్రమంలో భాగంగా ఆదివారం ఆలయ నిత్యకళావేదికపై వికారాబాద్‌ జిల్లా తాండూరుకు చెందిన నటరాజ నృత్య అకాడమీ వారు సంప్రదాయ నృత్యాన్ని ప్రదర్శించారు. వినాయకకౌత్వం, శివాష్టకం, నమశ్శివాయతే తదితర గీతాలకు, అష్టకాలకు ప్రణవి, మేఘన, భవ్య, గాయత్రి తదితరులు నృత్యం ప్రదర్శించారు. హత్యాయత్నం కేసులో నిందితుల అరెస్ట్‌ వెల్దుర్తి: అల్లుగుండు వైఎస్సార్‌సీపీ నేత శ్రీరాంరెడ్డిపై జరిగిన హత్యాయత్నం కేసులో ఆరుగురు నిందితులను పోలీసులు అరెస్ట్‌ చేశారు. ఈనెల 23న జరిగిన దాడి ఘటనలో అదే గ్రామానికి చెందిన 8 మందిపై పోలీసులు హత్యాయత్నం కేసు నమోదు చేశారు. ఆదివారం గ్రామ శివారులో ఉన్న నిందితులు దశరథుడు, బాల మద్దయ్య, నాగమద్దయ్య, పుట్లూరు మధు, బుగ్గ రమేశ్‌, బుగ్గ రామాంజనేయులును అరెస్టు చేసి కోర్టులో హాజరుపరిచి రిమాండ్‌కు తరలించినట్లు ఎస్‌ఐ నరేశ్‌ తెలిపారు. నిందితులలో రాజేశ్వరి, సూరమ్మ పరారీలో ఉన్నారని, వారి కోసం గాలింపు చర్యలు చేపట్టినట్లు తెలిపారు. గ్రామంలో ఆధిపత్యం కోసం దాడి జరిగినట్లు నిందితుల విచారణలో తేలిందన్నారు. దేవరగట్టులో గాయపడిన యువకుడి మృతి ఆలూరు రూరల్‌: దేవరగట్టు బన్ని కర్రల సమరంలో పాల్గొని గాయపడ్డ పరమేష్‌ (22) అనే యువకుడు ఆదివారం కర్నూలులోని ఓ ప్రైవేటు ఆసుపత్రిలో చికిత్స పొందుతూ మృతిచెందాడు. బంధువులు, గ్రామస్తులు తెలిపిన వివరాలు.. ఆలూరు మండలం ముద్దనగేరి గ్రామానికి చెందిన రంగమ్మ, మల్లికార్జునల కుమారుడు పరమేష్‌ బుధవారం హొళగుంద మండలం దేవరగట్టు బన్ని ఉత్సవానికి వెళ్లాడు. కర్రల సమరంలో తలకు తీవ్ర గాయాలు కావడంతో ఆలూరు ప్రభుత్వాసుపత్రికి తరలించారు. ప్రథమ చికిత్స చేసిన వైద్యులు ఆదోని ఏరియా ఆసుపత్రికి తరలించారు. అక్కడి నుంచి కర్నూలులో ఓ ప్రైవేటు ఆసుపత్రిలో చేర్పించగా కోలుకోలేక ఆదివారం మృతిచెందాడు. బెల్లం ఊట ధ్వంసం నందికొట్కూరు: పట్టణంలోని నీటిషికారిపేటలో ఆదివారం నాటు సారా తయారు చేసేందుకు సిద్ధంగా ఉంచిన 90 లీటర్ల బెల్లం ఊటను ఎకై ్సజ్‌ శాఖ సీఐ రామాంజనేయులు నాయక్‌, ఎస్‌ఐ బాష్యం శ్రీనివాసులు, హరిత, పోలీసులు ధ్వంసం చేశారు. తయారు చేస్తున్న నాటు సారాయి స్థావరాలపై జిల్లా ఎకై ్సజ్‌ అధికారి ఆదేశాల మేరకు ఎకై ్సజ్‌ శాఖ పోలీసులు విస్తృత దాడులు నిర్వహించారు. ఈ సందర్భంగా ఆయన మాట్లాడుతూ.. చట్టానికి వ్యతిరేకంగా నాటు సారా తయారు చేయడం నేరమన్నారు. అనంతరం అల్లూరు–మల్యాల క్రాస్‌ రోడ్డు వద్ద వాహనాలను తనిఖీ చేశారు. ఈ దాడుల్లో పకై ్సజ్‌ శాఖ పోలీసులు శేఖర్‌ నాయుడు, జనార్దన్‌, శివన్న, తదితరులు పాల్గొన్నారు.

● ప్రారంభానికి నోచుకోని రేవనూరు గ్రామ సచివాలయం ● అరకొర వసతులున్న భవనంలో గ్రామ సచివాలయంకోవెలకుంట్ల: గ్రామస్థాయిలో పరిపాలనను వికేంద్రీకరణ చేస్తూ గత వైఎస్సార్‌సీపీ ప్రభుత్వం గ్రామ సచివాలయ వ్యవస్థను తీసుకొచ్చింది. ప్రజలకు సేవలందించే ప్రభుత్వ కార్యాలయాలకు సొంత భవనాలు ఉండాలన్న సంకల్పంతో గ్రామ సచివాలయాలు, రైతు భరోసా కేంద్రాలు, విలేజ్‌ హెల్త్‌ క్లినిక్‌లకు రాజభవనాల తరహాలో అన్ని హంగులతో భవనాలు నిర్మించింది. కోవెలకుంట్ల మండలం రేవనూరులో రూ. 38.40 లక్షలతో నిర్మించిన గ్రామ సచివాలయ భవనం ప్రారంభానికి నోచుకోక నిరుపయోగంగా మారింది. అనివార్య కారాణాలతో గత ప్రభుత్వం భవనాన్ని ప్రారంభించలేకపోయింది. 2024 సంవత్సర ఎన్నికల్లో చంద్రబాబు సర్కారు అధికారంలోకి వచ్చింది. రెండున్నర సంవత్సరాలు కావస్తున్నా గ్రామ సచివాలయ భవనాన్ని ప్రారంభించేందుకు చర్యలు తీసుకోలేదు. గతంలో ఉన్న గ్రామ పంచాయతీ కార్యాలయంలోనే సచివాలయ ఉద్యోగులు విధులు నిర్వర్తిస్తున్నారు. ఈ భవనంలో అరకొర వసతులు ఉండటంతో ఉద్యోగులు, కార్యాలయానికి వచ్చే ప్రజలు ఇబ్బందులు పడుతున్నారు. అన్ని వసతులతో నిర్మించిన గ్రామ సచివాలయ భవనాన్ని వినియోగంలోకి తీసుకురావాలని ఉద్యోగులు, ప్రజలు కోరుతున్నారు.

సాక్షి ప్రతినిధి, కర్నూలు: టీడీపీ జెడ్పీ చైర్మన్‌ అభ్యర్థి కేఈ రుద్రఫణి గౌడ్‌ నామినేషన్‌ను ఆమోదింపజేసుకునేందుకు అధికార పచ్చ పార్టీ అన్ని రకాల ప్రయత్నాలకు దిగింది. నామినేషన్‌ ఆమోదించాలంటూ జిల్లా కలెక్టర్‌ సిరిపై తీవ్రస్థాయిలో ఒత్తిడి తీసుకువస్తున్నట్లు సమాచారం. ఇప్పటికే జిల్లాకు చెందిన మంత్రులు, పలువురు శాసనసభ్యులతో పాటు ప్రభుత్వంలోని కొందరు ముఖ్య నేతలు సైతం రుద్రఫణి గౌడ్‌ నామినేషన్‌ను ఆమోదించా లంటూ కలెక్టర్‌పై ఒత్తిడి తెస్తున్నట్లు సమాచారం. దీంతో ఈ వ్యవహారం జిల్లాలో హాట్‌టాపిక్‌గా మారింది. శనివారం జరిగిన నామినేషన్ల పరిశీలన కార్యక్రమంలో క్రిష్ణగిరి జెడ్పీటీసీ అభ్యర్థి రుద్రఫణి గౌడ్‌ నామినేషన్‌ చెల్లుబాటు కాదంటూ స్థానిక సంస్థల ఎన్నికల అధికారి తేల్చి చెప్పారు. గ్రామీణ ఓటర్ల జాబితాలో అభ్యర్థి పేరు లేకపోవడంతో ఎన్నికల అధికారి ఈ నిర్ణయం తీసుకున్నారు. రుద్రఫణి గౌడ్‌ తదుపరి జిల్లా కలెక్టర్‌కు అప్పీలు చేసుకోవచ్చని సూచించారు. దీంతో జిల్లా కలెక్టర్‌పై పచ్చ పార్టీ ఒత్తిళ్లు మొదలయ్యాయి. ఒక దశలో తాను నిబంధనల మేరకే వ్యవహరించాల్సి వస్తుందని పచ్చ నేతలకు జిల్లా కలెక్టర్‌ సిరి చెప్పినట్లు తెలుస్తోంది. దీంతో ఆగ్రహించిన పచ్చ పార్టీ నేతలు ఆదివారం జిల్లా కలెక్టర్‌ కార్యాలయం ఎదుట ఆందోళన చేపట్టాలని నిర్ణయించినట్లు ప్రచారం జరిగింది. దీంతో అప్రమత్తమైన పోలీసులు కలెక్టర్‌ కార్యాలయం వద్ద మొహరించారు. ముందుజాగ్రత్త చర్యగా కలెక్టరేట్‌ గేట్లు మూసి కాపలా కాశారు. అయితే కలెక్టర్‌ కార్యాలయం ముందు గొడవకు దిగితే మొదటికే మోసం వస్తుందని భావించిన పచ్చ పార్టీ కొందరు మంత్రుల సలహాతో చివరి నిమిషంలో ఆందోళన విరమించినట్లు తెలుస్తోంది. మరోవైపు జిల్లా కలెక్టర్‌ను కలసి అప్పీలు చేసుకోవాలని నిర్ణయించిన అభ్యర్థి రుద్రఫణి గౌడ్‌ ఆదివారం మధ్యాహ్నం జిల్లా కలెక్టర్‌ను కలసి అప్పీల్‌ చేసుకున్నట్లు సమాచారం. అంతటా ఉత్కంఠ! ఇప్పటికే నామినేషన్‌ ఆమోదింపజేయాలంటూ రుద్రఫణి గౌడ్‌ అటు ఎన్నికల కమిషన్‌తో పాటు హైకోర్టును ఆశ్రయించినట్లు తెలుస్తోంది. సోమవారం సాయంత్రం నాటికి హైకోర్టు నుంచి ఆర్డర్‌ తీసుకురాగలిగితే నామినేషన్‌ ఆమోదించే విషయంపై చర్యలు తీసుకుంటామని అభ్యర్థికి జిల్లా కలెక్టర్‌ హామీ ఇచ్చినట్లు సమాచారం. మొత్తంగా రుద్రఫణి గౌడ్‌ నామినేషన్‌ ఆమోదింపజేసుకునేందుకు పచ్చ పార్టీ అధికారాన్ని అడ్డుపెట్టి అన్ని ప్రయత్నాలు చేస్తున్నట్లు తెలుస్తోంది. ఈ పరిస్థితుల్లో న్యాయస్థానం ఏమి చెబుతుందన్న దానిపై ఉత్కంఠ నెలకొంది. మాజీ మంత్రి కేఈ ప్రభాకర్‌ తనయుడు కేఈ రుద్రఫణి గౌడ్‌ పత్తికొండ నియోజకవర్గం క్రిష్ణగిరి నుంచి జెడ్పీటీసీ అభ్యర్థిగా ఈనెల 21న నామినేషన్‌ వేశారు. తమ కుమారుడికే జెడ్పీ చైర్మన్‌ పదవి ఇవ్వాలంటూ తండ్రి కేఈ ప్రభాకర్‌, పెదనాన్న మాజీ డిప్యూటీ సీఎం కేఈ కృష్ణమూర్తిలు ముఖ్యమంత్రి చంద్రబాబుతో పాటు పచ్చ పార్టీ అధిష్టానంపై ఒత్తిడి తీసుకువచ్చారు. రుద్రఫణి గౌడ్‌ను జెడ్పీ చైర్మన్‌ చేసేందుకు చంద్రబాబు గ్రీన్‌సిగ్నల్‌ ఇచ్చినట్లు పచ్చ పార్టీ వర్గాల సమాచారం. దీంతో ఎలాగైనా నామినేషన్‌ను ఆమోదింపజేసుకోవాలని కేఈ కుటుంబం అన్ని ప్రయత్నాలు చేస్తోంది. జిల్లా కలెక్టర్‌పై పచ్చ పార్టీ ఒత్తిళ్లు! హాట్‌ టాపిక్‌గా కేఈ నామినేషన్‌ తిరస్కరణ పంచాయితీ కోర్టు తీర్పును బట్టి నిర్ణయమన్న కలెక్టర్‌ ఆదివారం జిల్లా కలెక్టర్‌ను కలసిన రుద్రఫణి గౌడ్‌ తొలుత కలెక్టరేట్‌ ఎదుట పచ్చ పార్టీ ఆందోళన చేయనుందన్న ప్రచారం అప్రమత్తమైన పోలీసులు గ్రామీణ ఓటర్ల జాబితాలో ఓటు లేకపోవడంతో రుద్రఫణి గౌడ్‌ నామినేషన్‌ను తిరస్కరించిన ఎన్నికల అధికారి

● ఆదోని మాజీ ఎమ్మెల్యే వై. సాయిప్రసాద్‌ రెడ్డి ఆదోని సెంట్రల్‌: ఆదోని పట్టణ అభివృద్ధికి నిరోధకంగా ఉన్న వారికి ఓటుతోనే బుద్ధి చెప్పాలని ఆదోని మాజీ ఎమ్మెల్యే వై. సాయి ప్రసాద్‌ రెడ్డి పిలుపునిచ్చారు. వైఎస్సార్‌సీపీ చైర్మన్‌ అభ్యర్థి ప్రణీత రెడ్డి, కౌన్సిలర్‌ అభ్యర్థి గోవిందరాజులను గెలిపించాలని ఆదివారం పట్టణంలోని భాస్కర్‌ రెడ్డి కాలనీలో ప్రచారం చేశారు. ఈ సందర్భంగా మాజీ ఎమ్మెల్యే మాట్లాడుతూ.. పేద ప్రజలకు వైద్య సేవలను అందించాలని ఆదోనికి మెడికల్‌ కళాశాలను తీసుకొచ్చామన్నారు. కూటమి ప్రభుత్వం అధికారంలోకి వచ్చిన తర్వాత మెడికల్‌ కాలేజీ భవన నిర్మాణ పనులను నిలిపి వేసిందన్నారు. తాము అధికారంలో ఉన్నప్పుడు భాస్కర్‌ రెడ్డి కాలనీలో రూ. 3.39 కోట్ల, భీమరెడ్డి కాలనీలో రూ. 70 లక్షలు, వైఎస్సార్‌ కాలనీలో రూ. 16 లక్షలతో అభివృద్ధి చేశామన్నారు. ప్రస్తుతం ప్రజా సంక్షేమం విస్మరించి రాష్ట్రంలో అరాచక పాలన కొనసాగుతోందని విమర్శించారు. మహిళలపై టీడీపీ నేతలు అసభ్యంగా ప్రవర్తిస్తున్నారన్నారు. నిరుద్యోగభృతి, ఆడబిడ్డ పథకం, పింఛన్లు ఇవ్వకుండా మోసం చేశారన్నారు. ప్రజలకు మేలు జరగాలంటే రాష్ట్రంలో అరాచక పాలన పోవాలన్నారు. మున్సిపల్‌ ఎన్నికల్లో వైఎస్సార్‌సీపీకి ఓటు వేసి గెలిపించాలని కోరారు. ఈ కార్యక్రమంలో మాజీ ఎమ్మెల్యే తనయుడు మనోజ్‌ రెడ్డి, చైర్మన్‌ అభ్యర్థి భర్త సందీప్‌ రెడ్డి, వైఎస్సార్‌సీపీ పట్టణ అధ్యక్షుడు దేవా తదితరులు పాల్గొన్నారు.

శ్రీశైలంటెంపుల్‌: శ్రీశైల ఆలయంలో పౌర్ణమిని పురస్కరించుకుని ఆదివారం సాయంత్రం శ్రీశైల గిరిప్రదక్షిణ కార్యక్రమాన్ని సంప్రదాయబద్ధంగా నిర్వహించారు. సాయంత్రం స్వామి అమ్మవార్ల మహా మంగళహారతుల అనంతరం ఉత్సవమూర్తులను పల్లకీలో ఉంచి ప్రత్యేక పూజలు జరిపారు. పల్లకీ ఊరేగింపుతో శ్రీశైల గిరి ప్రదక్షిణ ప్రారంభమైంది. ఆలయ మహాద్వారం నుంచి మొదలైన ఈ ప్రదక్షిణ గంగాధర మండపం, అంకాళమ్మగుడి, నందిమండపం, గంగాసదనం, బయలువీరభద్రస్వామి ఆలయం, రింగ్‌రోడ్డు, ఫిల్టర్‌బెడ్‌, సిద్ధరామప్పకొలను, పుష్కరిణి వద్దకు చేరుకుంది. అక్కడి నుంచి తిరిగి నందిమండపం, ఆలయ మహాద్వారం వద్దకు చేరుకుంది. అనంతరం భక్తులకు ప్రసాద వితరణ చేశారు. శ్రీశైల గిరిప్రదక్షిణ కార్యక్రమంలో శ్రీశైల దేవస్థాన అధికారులు, సిబ్బంది, పలువురు భక్తులు పాల్గొన్నారు.

మంత్రాలయం: ప్రముఖ ఆధ్యాత్మిక కేంద్రమైన మంత్రాలయంలో ఆదివారం భక్తుల రద్దీ కనిపించింది. శ్రీ రాఘవేంద్ర స్వామి మూల బృందావన దర్శనానికి రెండు గంటలపాటు సమయం పట్టింది. భక్తుల రద్దీతో గ్రామ దేవత మంచాలమ్మ దర్శన, పరిమళ ప్రసాదం, అన్నపూర్ణభోజనశాల క్యూలైన్లు కిక్కిరిశాయి. అదే విధంగా పూర్ణమి సందర్భంగా యజ్ఞమండపంలో మూల బృందావన ప్రతిమకు, పాదుకలకు దివాన్‌ ప్రత్యేక పూజలు చేసి మంగళహారతులు ఇచ్చారు. శ్రీమఠం ప్రాంగణం చుట్టూ భక్తుల మధ్య ఊరేగించారు. శ్రీమఠంలో శ్రీసత్యానారాయణ వ్రతం చేపట్టి భక్తులకు తీర్థ ప్రసాదాలను అర్చకులు అందజేశారు. ఎన్నికల శిక్షణకు 198 మంది అధికారుల గైర్హాజరు కర్నూలు(అర్బన్‌): ఎంపీటీసీ, జెడ్పీటీసీ ఎన్నికల నిర్వహణపై ఆదివారం జిల్లాలోని అన్ని మండల కేంద్రాల్లో పీఓ, ఏపీఓలకు శిక్షణ ఇచ్చారు. ఈ ఎన్నికలకు సంబంధించి పీఓలుగా 1,760, ఏపీఓలుగా 1,766 మంది అధికారులను నియమించారు. అయితే వీరికి ఆయా మండల కేంద్రాల్లో ఇచ్చిన శిక్షణకు పీఓలు 134, ఏపీఓలు 64 మంది గైర్హాజరయ్యారు. గైర్హాజరు అయిన 198 మందిపై జిల్లా ఎన్నికల అధికార యంత్రాంగం చర్యలు తీసుకోనుంది. ఎన్నికలు ముగిసే వరకు పీజీఆర్‌ఎస్‌ రద్దు కర్నూలు(సెంట్రల్‌): జిల్లాలో స్థానిక సంస్థల కోడ్‌ అమల్లో ఉండడంతో ఎన్నికలు ముగిసేవరకు ప్రతి సోమవారం నిర్వహించే ప్రజా సమస్యల పరిష్కార వేదికను రద్దు చేసినట్లు జిల్లా కలెక్టర్‌ డాక్టర్‌ ఏ. సిరి ఆదివారం ఒక ప్రకటనలో తెలిపారు. ఈ విషయాన్ని ప్రజలు గమనించి వ్యయ ప్రయాసలకోర్చి అర్జీలు ఇచ్చేందుకు కలెక్టరేట్‌కు రావొద్దని సూచించారు. అలాగే మండల, డివిజన్‌ స్థాయిల్లో కూడా జరిగే పీజీఆర్‌ఎస్‌ కార్యక్రమలను రద్దు చేసినట్లు తెలిపారు. జిల్లాలో తేలికపాటి వర్షాలే ● ప్రభావం చూపని అల్పపీడనం కర్నూలు(అగ్రికల్చర్‌): బంగాళాఖాతంలో ఏర్పడిన అల్పపీడన ప్రభావం జిల్లాపై అతి తక్కువగా ఉంది. శనివారం నుంచి ఆదివారం ఉదయం వరకు తేలికపాటి వర్షాలు మాత్రమే కురిశాయి. రబీ సాగుకు అక్టోబరు నెల అత్యంత కీలకం. ఈ నెలల్లో విత్తనం పడితేనే శనగ, జొన్న, మొక్కజొన్న, టమాటలో రాణించే అవకాశం ఉంది. అక్టోబరు నెలలో 22 వరకు చినుకు జాడలేదు. 23వ తేదీ మాత్రం ఒక మోస్తరు వర్షాలు కురిశాయి. తాజాగా 17 మండలాల్లో తేలికపాటి వర్షాలు కురిశాయి. క్రిష్ణగిరిలో 23.8 మి.మీ., చిప్పగిరిలో 22.2, మద్దికెరలో 13.6, ఓర్వకల్‌లో 5, వెల్దుర్తిలో 4.4, హలహర్విలో 4.2, తుగ్గలిలో 3.4, ఆలూరులో 3.2 మి.మీ. ప్రకారం జల్లులు పడ్డాయి. అక్టోబరు నెల సాధారణ వర్షపాతం 109.9 మి.మీ. ఉండగా..25 రోజుల్లో 18.5 మి.మీ. మాత్రమే నమోదైంది. అక్టోబరు నెలలో 83 శాతం లోటు వర్షపాతంతో రబీ గట్టెక్కడం కష్టమేనన్న అభిప్రాయం వ్యక్తం అవుతోంది. ప్రేమ వ్యవహారంలో యువకుడి ఆత్మహత్య వెల్దుర్తి: ప్రేమ వ్యవహారంలో తల్లిదండ్రులు మందలించడంతో ఓ యువకుడు ఆత్మహత్యకు పాల్పడిన సంఘటన మల్లెపల్లె గ్రామంలో చోటుచేసుకుంది. పోలీసులు తెలిపిన వివరాల మేరకు.. గ్రామంలో వెల్డింగ్‌ షాప్‌ పెట్టుకుని జీవిస్తున్న గొల్ల భాష్యం జగదీష్‌(20)కు అదే గ్రామానికి చెందిన ఓ యువతితో ప్రేమలో పడ్డాడు. విషయం తెలుసుకున్న జగదీష్‌ తల్లిదండ్రులు మందలించారు. మనస్తాపం చెందిన జగదీష్‌ ఇంట్లో ఎవరూ లేని సమయంలో ఉరి వేసుకున్నాడు. తండ్రి మద్దిలేటి, కుటుంబ సభ్యులు రాత్రి ఇంటికి చేరుకోగా జగదీష్‌ ఉరికి వేలాడుతూ కనిపించడంతో కుటుంబీకులు వెల్దుర్తి ఆసుపత్రికి తరలించారు. కాగా అప్పటికే మరణించినట్లు వైద్యులు ధ్రువీకరించారు. పోలీసులు కేసు నమోదు చేసి దర్యాప్తు చేపట్టారు.

● ఇది చంద్రబాబు దిగజారుడుతనమే ● దీని వెనుక చంద్రబాబు కుట్ర ఉంది ● వైఎస్సార్‌సీపీ కర్నూలు జిల్లా అధ్యక్షుడు ఎస్వీ మోహన్‌ రెడ్డి కర్నూలు (టౌన్‌): స్థానిక సంస్థల ఎన్నికల్లో ఓటమి భయంతో ప్రజల దృష్టిని మళ్లించేందుకు షర్మిల కుమార్తె వివాహ అంశాన్ని సీఎం చంద్రబాబు తెరపైకి తెచ్చారని వైఎస్సార్‌సీపీ కర్నూలు జిల్లా అధ్యక్షుడు ఎస్వీ మోహన్‌ రెడ్డి మండిపడ్డారు. ఆదివారం కర్నూలులో మాజీ మేయర్‌ బీవై రామయ్యతో కలిసి ఆయన విలేకరుల సమావేశంలో మాట్లాడుతూ.. దేశంలోనే అత్యున్నత న్యాయస్థానం స్థానిక ఎన్నికలు జరుగుతున్న తీరుపై మొట్టికాయలు వేసిన తర్వాత రాష్ట్ర ముఖ్యమంత్రిగా ప్రజలకు సమాధానం చెప్పాల్సిన అంశాలను పక్కనపెట్టి అన్నా చెల్లెళ్లు అయిన వైఎస్‌ జగన్‌, షర్మిల కుటుంబ వ్యవహారాలను రాజకీయాల్లోకి తేవడం తగదన్నారు. ఎన్నికల నిర్వహణలో ప్రతిపక్షం లేవనెత్తుతున్న అభ్యంతరాలు, నామినేషన్ల దాఖలును అధికార పార్టీ నేతలు దౌర్జన్యంగా అడ్డుకోవడం, అభ్యర్థుల ఉపసంహరణలపై ఉన్న సందేహాలకు సమాధానం చెప్పకుండా, కుటుంబ వ్యవహారాలను చర్చలోకి తేవడంపై కుట్ర దాగి ఉందన్నారు. ఇది చంద్రబాబు దిగజారుడుతనానికి నిదర్శనమని చెప్పారు. కుటుంబంలోని వ్యవహారాలను ఆ కుటుంబ సభ్యులే పరిష్కరించుకుంటారని, కానీ ముఖ్యమంత్రి స్థాయిలో ఉన్న వ్యక్తి వాటిని రాజకీయ విమర్శలకు వేదికగా మార్చుకోవడం నీచ రాజకీయమని మండిపడ్డారు. నామినేషన్ల సంఖ్యలో ఇంత తేడానా? ఎంపీటీసీ, జెడ్పీటీసీ ఎన్నికల నామినేషన్ల సంఖ్యలో భారీ తేడాలపై అనుమానాలు కలుగుతున్నాయని ఎస్వీ మోహన్‌ రెడ్డి చెప్పారు. తొలిరోజు రాష్ట్రవ్యాప్తంగా కేవలం 409 నామినేషన్లు దాఖలయ్యాయని, రెండో రోజుకు ఆ సంఖ్య 2,409కు, మూడో రోజుకు 3,300కు చేరడం, మొత్తం 57,626 నామినేషన్లు దాఖలైనట్లు వెల్లడించడం అనుమానాలకు బలం చేకూరుస్తోందని తెలిపారు. ప్రజాస్వామ్యబద్ధంగా గెలవాలి వైఎస్సార్‌సీపీ రాష్ట్ర అధికార ప్రతినిధి బీవై రామయ్య మాట్లాడుతూ.. బ్యాలెట్‌ పత్రాలతో జరిగే స్థానిక సంస్థల ఎన్నికల్లో కూటమి ప్రభుత్వ బండారం బట్టబయలవుతుందనే భయం సీఎం చంద్రబాబులో ఉందన్నారు. గతంలో ఎన్నడూ లేని విధంగా బిహార్‌, పశ్చిమబెంగాల్‌ను మరిపించే విధంగా అరాచకాలు చేస్తున్నారని మండిపడ్డారు. ఎవరైనా ప్రజాస్వామ్యబద్దంగా గెలవాలని, అక్రమాలు, దాడులతో కాదని చెప్పారు. సజావుగా ఎన్నికలు జరిగితే వైఎస్సార్‌సీపీదే విజయమని స్పష్టం చేశారు.

కర్నూలు(టౌన్‌): చంద్రబాబు మోసాలతో మూడేళ్లుగా విసిగిపోయిన ప్రజలు జగనన్న ప్రభుత్వాన్ని గుర్తు చేసుకుంటున్నారని, ఏ ఎన్నికలైనా టీడీపీకి తగిన బుద్ధి చెప్పేందుకు సిద్ధంగా ఉన్నారని వైఎస్సార్‌ కాంగ్రెస్‌ పార్టీ జిల్లా అధ్యక్షులు ఎస్వీ మోహన్‌ రెడ్డి అన్నారు. శనివారం స్థానిక 7వ వార్డు పరిధిలోని చిత్తారి వీధి, కుమ్మరి నాగయ్య వీధి, పాత ఈద్గా తదితర ప్రాంతాల్లో పార్టీ పార్లమెంట్‌ ఇన్‌చార్జి బుట్టా రేణుక, మేయర్‌ అభ్యర్థి సుశీల, వార్డు కార్పొరేటర్‌ అభ్యర్థి ముదిగుండు వరలక్ష్మీలతో కలిసి ఆయన ఎన్నికల ప్రచారం నిర్వహించారు. ఫ్యాన్‌ గుర్తుకు ఓటేసి మేయర్‌, కార్పొరేటర్‌ అభ్యర్థులను గెలిపించాలని కోరారు. ఈ సందర్భంగా మాట్లాడుతూ ఎన్నికలకు ముందు నోటికి ఎది వస్తే అది చెప్పిన చంద్రబాబు అమలులో ఘోరంగా విఫలమయ్యాడన్నారు. ఐదేళ్ల వైఎస్సార్‌సీపీ ప్రభుత్వంలో జగనన్న ఇచ్చిన హామీలనే కాకుండా ఎన్నో సంక్షేమ పథకాలను ప్రజల ఇళ్లకే చేర్చాడన్నారు. కర్నూలు పార్లమెంట్‌ ఇన్‌చార్జి బుట్టా రేణుకా మాట్లాడుతూ కూటమి మోసాలను ప్రజలు తెలుసుకోవాలన్నారు. ఆనాడే చెప్పామని, ఇప్పుడు అదే జరిగిందన్నారు. పేద ప్రజల సంక్షేమాన్ని నీరుగార్చిన చంద్రబాబుకు స్థానిక సంస్థల ఎన్నికల్లో ఓటు ద్వారా బుద్ధి చెప్పాలని ప్రజలకు పిలుపునిచ్చారు. కర్నూలు మేయర్‌ అభ్యర్థి సుశీల మాట్లాడుతూ సంక్షేమ పథకాల అమలు వైఎస్సార్‌ కాంగ్రెస్‌ పార్టీతోనే సాధ్యమన్నారు. మేయర్‌గా తనకు అవకాశం కల్పిస్తే మాటాల్లో కాకుండా అభివృద్ధిని చేతల్లో చూపిస్తామన్నారు.

గొరవయ్యల నృత్యాలు, గొలుసు తెంపుట, దేవదాసీల క్రీడలతో దేవరగట్టు మురిసిపోయింది. గురు గొరవయ్యలు వచనాలు చెబుతూ పూనకంతో ఊగిపోయారు. IIలోu● మాజీ మంత్రి కేఈ ప్రభాకర్‌ తనయుడు కేఈ రుద్రఫణి గౌడ్‌ పత్తికొండ నియోజకవర్గం క్రిష్ణగిరి నుంచి జెడ్పీటీసీ అభ్యర్థిగా ఈనెల 21న నామినేషన్‌ వేశారు. తమ కుమారుడికే జెడ్పీ చైర్మన్‌ పదవి ఇవ్వాలంటూ తండ్రి కేఈ ప్రభాకర్‌, పెదనాన్న మాజీ డిప్యూటీ సీఎం కేఈ కృష్ణమూర్తిలు ముఖ్యమంత్రి చంద్రబాబుతో పాటు పచ్చ పార్టీ ముఖ్య నేతలపై ఒత్తిడి తీసుకొచ్చినట్లు సమాచారం. ఆ మేరకు పార్టీ కూడా అనుకూలంగా నిర్ణయం తీసుకున్నట్లు చర్చ జరుగుతోంది. ఈ పరిస్థితుల్లో నామినేషన్‌ చెల్లుబాటు కాకపోవడం చర్చనీయాంశంగా మారింది. వాస్తవానికి జెడ్పీటీసీ అభ్యర్థికి జిల్లాలోని రూరల్‌ పరిధిలో ఓటు నమోదై ఉండాలి. కానీ రుద్రఫణి గౌడ్‌కు కర్నూలు అర్బన్‌లో ఓటు ఉండటం గమనార్హం. ఇదిలాఉంటే ఈయన వేసిన రెండు నామినేషన్లు కూడా తిరస్కరణకు గురయ్యాయి.

కర్నూలు(సెంట్రల్‌): ఎన్నికల నిర్వహణలో మైక్రో అబ్జర్వర్లు అప్రమత్తంగా వ్యవహరించాలని జిల్లా ఎన్నికల అధికారి, జిల్లా కలెక్టర్‌ డాక్టర్‌ ఏ. సిరి సూచించారు. శనివారం కలెక్టరేట్‌లోని సునయన ఆడిటోరియంలో పట్టణ స్థానిక సంస్థల ఎన్నికల నిర్వహణపై మైక్రో అబ్జర్వర్లకు నిర్వహించిన శిక్షణలో జిల్లా కలెక్టర్‌ పాల్గొని దిశానిర్దేశం చేశారు. ఈ సందర్భంగా మాట్లాడుతూ మైక్రో అబ్జర్వర్లు తమకు అప్పగించిన బాధ్యతలను నిష్పక్షపాతంగా, అప్రమత్తతతో నిర్వర్తించి ఎన్నికల ప్రక్రియ సజావుగా జరిగేలా సహకరించాలన్నారు. ఎన్నికల సంఘం మార్గదర్శకాలను అనుసరించాలని రాష్ట్ర ఎన్నికల సంఘం వెబ్‌సైట్‌లో అందుబాటులో ఉన్న ఎన్నికల నిర్వహణ సమాచారాన్ని పరిశీలించాలన్నారు. పోలింగ్‌ ముగిసే సమయానికి ముందే క్యూలో ఉన్న ఓటర్లందరికీ నిబంధనల ప్రకారం టోకెన్లు జారీ చేసి ఓటు వేసే అవకాశం కల్పించాలన్నారు. పోలింగ్‌ ముగిసిన తర్వాత బ్యాలెట్‌ పేపర్ల లెక్కలు, పేపర్‌ సీల్‌ ఖాతా, ప్రిసైడింగ్‌ అధికారి డైరీ తదితర రికార్డులను నిబంధనల ప్రకారం సక్రమంగా నిర్వహించారా లేదా అన్నది మైక్రో అబ్జర్వర్లు ప్రత్యేకంగా పరిశీలించాలన్నారు. భవిష్యత్తులో ఏవైనా ఫిర్యాదులు, సందేహాలు లేదా న్యాయపరమైన అంశాలు తలెత్తినప్పుడు ఈ రికార్డులే ఆధారాలుగా ఉపయోగపడతాయనే విషయాన్ని గుర్తుంచుకోవాలన్నారు. సమావేశంలో నోడల్‌ అధికారులు డ్వామా ప్రాజెక్ట్‌ డైరెక్టర్‌ నరసింహా రెడ్డి, ిసీపీఓ భారతి, ఎల్‌డిఎం పి.మోహన్‌ పాల్గొన్నారు.

● జిల్లాలో ఏడు ఎకై ్సజ్‌ చెక్‌పోస్టుల్లో తనిఖీలు ● ఎకై ్సజ్‌ జిల్లా అధికారి సుధీర్‌ బాబు కర్నూలు: స్థానిక సంస్థల ఎన్నికల నేపథ్యంలో అనధికార మద్యం విక్రయాలు, అక్రమ నిల్వలు, సరఫరా, రవాణాను అరికట్టేందుకు జిల్లా వ్యాప్తంగా ప్రత్యేక తనిఖీలు నిర్వహిస్తున్నట్లు ప్రొహిబిషన్‌ అండ్‌ ఎకై ్సజ్‌ జిల్లా అధికారి ఎం.సుధీర్‌ బాబు తెలిపారు. జిల్లాలో ఏడు ఎకై ్సజ్‌ స్టేషన్లు, రెండు ఎన్‌ఫోర్స్‌మెంట్‌ బృందాలు, ఒక ఈఎస్‌ స్క్వాడ్‌తో విస్తృత తనిఖీలు నిర్వహిస్తున్నట్లు వెల్లడించారు. జిల్లాలో ఏడు ఎకై ్సజ్‌ చెక్‌పోస్టుల్లో స్టాటిస్టిక్స్‌ సర్వేలెన్స్‌ టీమ్‌లు కూడా పనిచేస్తున్నట్లు తెలిపారు. ప్రధానంగా మాధవరం, చత్రగుడి, పంచలింగాల చెక్‌పోస్టులను బలోపేతం చేసి నిరంతరం తనిఖీలు చేస్తున్నట్లు ఆయన వెల్లడించారు. ఎన్నికల సందర్భంగా తీసుకుంటున్న చర్యలను వివరించారు. మద్యం ద్వారా ఓటర్లను ప్రలోభపెట్టే ప్రయత్నాలను అడ్డుకునేందుకు ప్రత్యేక నిఘా ఏర్పాటు చేసినట్లు వెల్లడించారు. ప్రత్యేక బృందాలతో తనిఖీలతో పాటు ఎన్‌ఫోర్స్‌మెంట్‌, ఈఎస్‌టీఎఫ్‌, స్థానిక ఎకై ్సజ్‌ అధికారులు, సిబ్బందితో కూడిన బృందాలతో నిరంతరం తనిఖీలు నిర్వహిస్తున్నామన్నారు. మద్యం దుకాణాలు, బార్ల పనివేళలు, నిబంధనల అమలుతో పాటు విక్రయాల సరఫరాపై పర్యవేక్షణ కొనసాగుతుందన్నారు. జిల్లాలోని ఎకై ్సజ్‌ చెక్‌పోస్టులన్నింటిలోనూ వాహన తనిఖీలు ముమ్మరంగా జరుగుతున్నాయని తెలిపారు. అక్టోబర్‌ 14వ తేదీన ఎన్నికల కోడ్‌ అమలులోకి వచ్చినప్పటి నుంచి ఇప్పటివరకు 24 అక్రమ మద్యం, నాటుసారా కేసులు నమోదు చేసి 21 మందిని అరెస్టు చేసినట్లు తెలిపారు. ఈ కేసుల్లో 97.85 బల్క్‌ లీటర్ల మద్యం జప్తు చేసి మూడు ద్విచక్ర వాహనాలను సీజ్‌ చేసినట్లు పేర్కొన్నారు. మద్యం షాపుల్లో స్టాక్‌ను, అమ్మకాలను రోజువారీగా నిశితంగా పరిశీలిస్తున్నట్లు వివరించారు. గత ఏడాది అక్టోబర్‌ 14 నుంచి 24వ తేదీ వరకు పదకొండు రోజుల్లో రూ.26.75 కోట్ల విలువ గల మద్యం అమ్మకాలు జరగ్గా ఈ సంవత్సరం ఎన్నికల కోడ్‌ అమలులోకి వచ్చినప్పటి నుంచి రూ.26.2 కోట్ల విలువ గల మద్యం అమ్మకాలు జరిగినట్లు తెలిపారు.

కొలిమిగుండ్ల: ఇటిక్యాల సమీపంలో గుర్తు తెలి యని వ్యక్తులు శనివారం మామిడి మొక్కలను తొలగించారు. ఇటిక్యాలకు చెందిన మహిళా రైతు పెద్దక్క రెండు ఎకరాల్లో ఏడాదిన్నర క్రి తం రెండేళ్ల వయసున్న వంద మామిడి మొక్కలను తీసుకొచ్చి నాటుకుంది. బోరు సౌకర్యం లేక పోవడంతో తరచూ ట్యాంకర్‌ సాయంతో మొక్కలకు నీళ్లు పట్టేది. ఈ క్రమంలో గుర్తుతెలియని వ్యక్తులు ఉద్దేశపూర్వకంగానే 78 మొక్కలను నరికేశారని బాధితురాలు వాపోయింది. సుమారు 3.5 లక్షల మేర నష్టం వాటిల్లిందన్నారు. జరిగిన విషయాన్ని పోలీసుల దృష్టికి తీసుకెళ్లినట్లు ఆమె పేర్కొంది. రోడ్డు ప్రమాదంలో వలస కూలీ మృతి కోసిగి:మండల కేంద్రం కోసిగిలోని పులుసు గేరి నివాసం ఉంటున్న బెళగల్‌ వీరేష్‌(38) అనే వ్యక్తి తిరుపతి జిల్లా రేణిగుంటలో జరిగిన రోడ్డు ప్రమాదంలో మృతి చెందాడు. బంధువులు తెలిపిన వివరాల మేరకు బతుకు దెరువు కోసం నెల రోజుల క్రితం భార్యాపిల్లలతో కలిసి తిరుపతి జిల్లా రేణిగుంటకు వలస వెళ్లారు. అక్కడ తాపీ మేసీ్త్ర పనులు చేసుకుని జీవనం సాగిస్తున్నారు. ఈనెల 22వ తేదీన సాయంత్రం పనులు ముగించుకుని రేణిగుంటలో రోడ్డు దాటుతుండగా వేగంగా వస్తున్న బస్సు ఢీకొట్టింది. దీంతో ఆయన అక్కడికక్కడే మృతి చెందాడు. మృతదేహాన్ని శనివారం ఉదయం స్వగ్రామం తీసుకొచ్చి అంత్యక్రియలు నిర్వహించారు. ఆయనకు భార్య బెళగల్‌ నరసమ్మ, నలుగురు కుమార్తెలు, ఒక కుమారుడు ఉన్నారు. పెద్ద దిక్కు కోల్పోవడంతో ఆ కుటుంబ సభ్యులు కన్నీటిపర్యంతమైయ్యారు. బ్యాంక్‌ కోచింగ్‌ విద్యార్థి అనుమానాస్పద మృతి బొమ్మలసత్రం: నంద్యాల పట్టణంలోని స్థానిక ఎన్జీవోస్‌ కాలనీలోని ఓ బ్యాంక్‌ కోచింగ్‌ సెంటర్‌లో చదువుతున్న సువర్ధన్‌ (27) అనుమానాస్పద స్థితిలో మృతి చెందాడు. టూటౌన్‌ సీఐ సుధాకర్‌రెడ్డి తెలిపిన వివరాల మేరకు.. నెల్లూరు జిల్లా కొవ్వూరుకు చెందిన సువర్ధన్‌ స్థానిక బ్యాంక్‌ కోచింగ్‌ సెంటర్‌లో శిక్షణ తీసుకుంటూ సరస్వతినగర్‌లోని ఓ అద్దెగదిలో ఒంటరిగా ఉంటున్నాడు. గురువారం తన తల్లితో ఫోన్‌లో యథావిధిగా మాట్లాడి తర్వాత నుంచి తిరిగి కుటుంబీకులు ఫోన్‌ చేస్తే స్పందించలేదు. ఇదే క్రమంలో శనివారం మధ్యాహ్నం గది నుంచి దుర్వాసన రావడంతో స్థానికులు పోలీసులకు సమాచారం అందించారు. సంఘటనా స్థలానికి చేరుకున్న పోలీసులు పరిశీలించి మృతదేహాన్ని పోస్టు మార్టం నిమిత్తం జీజీహెచ్‌కు తరలించారు. తండ్రి ప్రభాకర్‌రావు ఫిర్యాదు మేరకు పోలీసులు అనుమానాస్పద మృతిగా కేసు నమోదు చేసి దర్యాప్తు చేపట్టారు.

● గొరవయ్యల ఢమురుకలతో హోరెత్తిన ‘దేవరగట్టు’ ● మూడు జఠికలకు ఇనుప గొలుసును తెంపిన గొరవయ్య గాదిలింగప్ప ● స్వామి సన్నిధానంలో ఆకట్టుకున్న దేవదాసీల క్రీడోత్సవం ● నేడు నెరణికి గ్రామానికి చేరనున్న ఉత్సవ విగ్రహాలు హొళగుంద: మాళ మల్లేశ్వరస్వామి జైత్రయాత్రలో ఆనవాయితీగా వస్తున్న గొరవయ్యల నృత్యాలు, గొలు సు తెంపుట, దేవదాసీల క్రీడలతో దేవరగట్టు మురిసిపోయింది. బన్ని ఉత్సవంలో కర్రల సమరం తర్వాత సంప్రదాయంగా ఇవి ప్రధాన ఘట్టాలు. ఈ సందర్భంగా వందలాదిగా తరలి వచ్చిన గొరవయ్యలు, పిల్ల గొరవయ్యల ఢమురుకల శబ్దాలు, పిల్లనగ్రోవిల నాదంతో దేవర ‘గట్టు’ హోరెత్తింది. జైత్రయాత్ర అనంతరం సింహాసన కట్టమీద కొలువుదీరిన మాళమల్లేశ్వరస్వామి ఉత్సవ విగ్రహాల ముందు ఈ కార్యక్రమాలు కొనసాగాయి. స్థానికులే కాకుండా కర్ణాటక రాష్ట్రం నుంచి భారీ సంఖ్యలో తరలివచ్చిన గొరవయ్యలు స్వామి వారి ఉత్సవమూర్తుల ముందు తమ సంప్రదాయ నృత్యాలను ప్రదర్శించారు.గురు గొరవయ్యలు చాటిలతో కొట్టుకుంటూ ఉద్వేగంగా వచనాలు చెబుతూ పూనకంతో ఊగిపోయారు. ఆకట్టుకున్న దేవదాిసీల క్రీడోత్సవం అనంతరం జరిగిన దేవదాసిల క్రీడోత్సవం స్థానికల తో పాటు ఆదోని, ఆలూరు, గుంతకల్లు తదితర ప్రాంతాలనుంచి వచ్చిన బసివినిలతో సాయంత్రం ఘనంగా జరిగింది. ఈ సందర్భంగా నెరణికి గ్రామానికి చెందిన ఒక సామాజిక వర్గం ప్రజలు బసివినిలను ఎత్తుకు ని నృత్యాలు చేశారు. అనంతరం రంగు నీళ్లను భక్తులపై చల్లి వసంతోత్సవం, కంకణ విసర్జన కార్యక్ర మాలను నిర్వహించారు. మాళమల్లేశ్వర విగ్రహాలతో పాటు పలకీని భక్తులు ఊరేగింపుతో కొండ పైనున్న ఆలయానికి తీసుకెళ్లారు. ఎలాంటి అవాంఛనీయ సంఘటనలు చోటుచేసుకోకుండా ఆలూరు సీఐ రవిశంకర్‌రెడ్డి ఆధ్వర్యంలో హొళగుంద ఎస్‌ఐ దిలీప్‌కుమార్‌, పోలీసు సిబ్బంది బందోబస్తు నిర్వహించారు. నేడు నెరణికి చేరనున్న ఉత్సవ విగ్రహాలు.. దేవరగట్టులోని ఆలయంలో ఉన్న మాళ మల్లేశ్వర స్వామి ఉత్సవ విగ్రహాలను ఆదివారం గొరవయ్యలు నెరణికి గ్రామానికి తరలిస్తారు. విగ్రహాలు గ్రామ ఊరు వాకిలి వద్ద ఉన్న ఆంజనేయస్వామి వద్ద కొలువుంచి అక్కడ ప్రత్యేక పూజలు నిర్వహించి అర్ధరాత్రి వరకు ఊరేగింపు చేస్తారు. ఉత్సవ మూర్తులను ఉంచే ఇంటికి చేరడంతో ఉత్సవాలు ముగుస్తాయి. మూడు జఠికలకు తెగిన గొలుసు ఉత్సవంలో భాగంగా ఇనుప గొలుసును హాలహర్వి మండలం బల్లూరు గ్రామానికి చెందిన గొర వయ్య గాదిలింగప్ప మూడు జఠికలకు తెంపాడు. మల్లప్ప గుడి ముందు ప్రతి ఏటా ఇనుప గొలుసు తెంపడం ఆనవాయితీగా వస్తుంది. అందులో భాగంగా శనివారం దాదాపు 20 కేజీల బరువున్న ఇనుప గొలుసును మూడు జఠికలకు తెంపండంతో భక్తులు గొరవయ్యను భుజాల మీదెత్తుకుని ఈలలు, కేకలు వేస్తూ ఆనందంతో నృత్యాలు చేశారు. గతేడాది నాలుగు జఠికలకు గొలుసు తెగితే ఈ ఏడాది మూడు జఠికలకే తెగడం పట్ల భక్తులు సంతోషంతో ఎగిరి గంతులు వేశారు.

కర్నూలు(సెంట్రల్‌): మునిసిపల్‌ ఎన్నికల విధుల్లో పాల్గొనే అధికారులకు ఆదివారం శిక్షణ కార్యక్రమాన్ని ఏర్పాటు చేశారు. జిల్లాలోని కర్నూలు నగర పాలక సంస్థతోపాటు ఆదోని, ఎమ్మిగనూరు మునిసిపాలిటీలు, గూడూరు నగర పంచాయతీ ఎన్నికల విధుల్లో మొత్తం 5,427 మంది అధికారులు పాల్గొంటారు. వీరికి ఆయా మునిసిపల్‌ కేంద్రాల్లో శిక్షణ ఇచ్చేందుకు అధికారులు చర్యలు తీసుకుంటున్నారు. కర్నూలు నగర పాలక సంస్థకు సంబంధించి కర్నూలులోని టౌన్‌ మోడల్‌ జూనియర్‌ కాలేజీ, ఆదోనికి సంబంధించి ఆదోని నెహ్రూ మెమోరియల్‌ ఉన్నత పాఠశాల, ఎమ్మిగనూరుకు సంబంధించి ఎమ్మిగనూరు జూనియర్‌ కాలేజీ, గూడూరుకు సంబంధించి గూడూరు బాయ్స్‌ జెడ్పీ ఉన్నత పాఠశాలలో శిక్షణ కార్యక్రమాలను ఏర్పాటు చేశారు. ఆయా కార్యక్రమలను సరిగ్గా ఉదయం 10 గంటలకు ప్రారంభించనున్న నేపథ్యంలో సమయానికి హాజరు కావాలని జిల్లా ఎన్నికల అధికారి/కలెక్టర్‌ డాక్టర్‌ ఏ.సిరి కోరారు. ఉపాధి అక్రమాలపై ఇరువురి సస్పెన్షన్‌ కర్నూలు(అగ్రికల్చర్‌): వీబీ జీ రామ్‌ జీ పనుల్లో అక్రమాలపై చర్యలు మొదలయ్యాయి. ప్రధానంగా తుగ్గలి మండలంలో జరిగే అక్రమాలపై ‘సాక్షి’ వరుస కథనాలు ప్రచురించింది. సెప్టెంబర్‌ నెలలో సొమ్మసిల్లే అక్రమాలు, ఇటీవల మట్టి తీయకుండా ‘మస్టర్‌’ ప్లాన్‌ శీర్షికలతో ప్రచురితమైన కథనాలకు జిల్లా యంత్రాంగంతో పాటు గ్రామీణాభివృద్ధి శాఖ ఉన్నతాధికారులు కూడా స్పందించారు. మట్టి తీయకుండానే పెద్ద ఎత్తున మస్టర్లు వేసుకొని వీబీ జీ రామ్‌ జీ నిధులు కొల్లగొట్టిన వ్యవహారంలో సాంకేతిక సహాయకుడు(టీఏ) రాజశేఖర్‌ను సస్పెండ్‌ చేస్తూ ఉత్తర్వులు జారీ చేశారు. పాఠశాలల్లో చదువుకుంటున్న విద్యార్థులకు మస్టర్లు వేయడం ద్వారా నిధులు స్వాహా చేయడంపై అంబుడ్స్‌మెన్‌ విచారణ చేపట్టి కంప్యూటర్‌ ఆపరేటర్‌ వీరేష్‌ను బాధ్యుడిని చేసి సస్పెండ్‌ చేశారు. ఎన్నికల వేళ ఎకై ్సజ్‌ శాఖ అప్రమత్తం కర్నూలు: స్థానిక సంస్థల ఎన్నికల వేళ ఎకై ్సజ్‌ శాఖ అప్రమత్తమైంది. పొరుగు రాష్ట్రాల మద్యం జిల్లాలోకి ప్రవేశించకుండా నిరోధించడమే లక్ష్యంగా జిల్లా సరిహద్దు ఎకై ్సజ్‌ చెక్‌పోస్టులో వాహన తనిఖీలు ముమ్మరం చేశారు. ఇందుకోసం ప్రత్యేకంగా సిబ్బందిని నియమించారు. ఇందులో భాగంగా ప్రొహిబిషన్‌ అండ్‌ ఎకై ్సజ్‌ అసిస్టెంట్‌ కమిషనర్‌ హనుమంతరావు ఆదేశాల మేరకు ఎన్‌ఫోర్స్‌మెంట్‌ ఏఈఎస్‌ రాజశేఖర్‌ గౌడ్‌, ఇన్‌స్పెక్టర్లు జయరాం నాయుడు, సుభాషిణి తమ సిబ్బందితో శనివారం పంచలింగాల ఎకై ్సజ్‌ చెక్‌పోస్టును ఆకస్మికంగా తనిఖీ చేశారు. చెక్‌పోస్టు విధుల్లో ఉన్న ఇన్‌స్పెక్టర్‌ మునుస్వామి, వారి సిబ్బంది సమన్వయంతో వాహనాలను క్షుణ్ణంగా తనిఖీ చేపట్టారు. క్వింటా ఉల్లి రూ.4,859 కర్నూలు(అగ్రికల్చర్‌): కర్నూలు వ్యవసాయ మార్కెట్‌ యార్డులో ఉల్లి ధరలు మరింత పెరిగాయి. మార్కెట్‌కు శనివారం 3,003 క్వింటాళ్ల ఉల్లిగడ్డలు వచ్చాయి. కనిష్ట ధర రూ.952, గరిష్ట ధర రూ.4,859 లభించగా.. సగటు ధర రూ.3,639 నమోదైంది. మార్కెట్‌కు వేరుశనగ కేవలం 43 క్వింటాళ్లు మాత్రమే వచ్చింది. కనిష్ట ధర రూ.6,300, గరిష్ట ధర రూ.8,699 లభించింది. మొక్కజొన్న రెండు లాట్లు మాత్రమే రాగా.. ఒక లాట్‌కు రూ.2,699, మరో లాట్‌కు రూ.2,730 ప్రకారం ధరలు లభించాయి. నేటి నుంచి టీటీడీ క్యాలెండర్ల అమ్మకాలు కర్నూలు కల్చరల్‌: తిరుమల తిరుపతి దేవస్థానం కర్నూలు నగరంలోని టీటీడీ కళ్యాణ మండపంలో క్యాలెండర్లు, డైరీలను విక్రయానికి అందుబాటులో ఉంచినట్లు సి.క్యాంపు టీటీడీ కళ్యాణ మండపం మేనేజర్‌ రామ్మోహన్‌ రెడ్డి ఒక ప్రకటనలో తెలిపారు. డీలక్స్‌ డైరీ పెద్దది రూ.150, చిన్నది రూ.120, 12 పేజీల క్యాలెండర్‌ రూ.130, టేబుల్‌ టాప్‌ క్యాలెండర్‌ రూ.75, ఆరు పేజీల త్రీడీ క్యాలెండర్‌ రూ.450, తెలుగు పంచాంగం క్యాలెండర్‌ రూ.30, శ్రీవారి పెద్ద క్యాలెండర్‌ రూ.20, శ్రీనివాస పద్మావతి అమ్మవారు ఉండే క్యాలెండర్‌ రూ.15 లాగా విక్రయిస్తామన్నారు. సి.క్యాంపులోని తిరుమల తిరుపతి దేవస్థానం కళ్యాణ మండపంలో ఉదయం 10 నుంచి సాయంత్రం 5.30 గంటల వరకు అందుబాటులో ఉంటాయన్నారు. వివరాలకు 91103 32211 నెంబర్‌ను సంప్రదించాలని పేర్కొన్నారు.

కర్నూలు: సమాజంలో ప్రతి ఒక్కరూ రహదారి భద్రత నియమాలు పాటించాలని న్యాయ సేవాధికార సంస్థ ఆదేశాల మేరకు ఆ సంస్థ జిల్లా కార్యదర్శి లీలా వెంకటశేషాద్రి, శాశ్వత లోక్‌ అదాలత్‌ చైర్మన్‌ వెంకటహరినాథ్‌ అన్నారు. కర్నూలులోని ఏపీఎస్‌ఆర్టీసీ జోనల్‌ స్టాఫ్‌ ట్రైనింగ్‌ కాలేజీలో రహదారి భద్రత నియమాలపై డ్రైవర్లకు అవగాహన సదస్సు నిర్వహించారు. న్యాయ సేవాధికార సంస్థ ఆదేశాల మేరకు ఆ సంస్థ జిల్లా కార్యదర్శి లీలా వెంకటశేషాద్రి, శాశ్వత లోక్‌ అదాలత్‌ చైర్మన్‌ వెంకటహరినాథ్‌ కార్యక్రమానికి ముఖ్య అతిథులుగా హాజరయ్యారు. విద్యార్థులతో పా టు డ్రైవర్లకు రహదారుల భద్రతపై అవగాహన కల్పించారు. ట్రాఫిక్‌ సీఐ మన్సూరుద్దిన్‌ మాట్లాడుతూ.. ఎట్టి పరిస్థితుల్లోనూ మైనర్లు వాహనాలు నడపరాదన్నారు. మైనర్లు వాహనాలు నడుపుతూ పట్టుబడితే వాహన యజమానులకు లేదా వారి తల్లిదండ్రులకు రూ.25 వేల జరిమానాతో పాటు మూడేళ్ల వరకు జైలు శిక్ష పడుతుందని హెచ్చరించారు. ఆర్‌టీఓ భరత్‌ చవాన్‌ మాట్లాడుతూ.. కేంద్ర ప్రభుత్వం రహవీర్‌ స్కీమ్‌ ప్రవేశపెట్టిందన్నారు. ఈ స్కీమ్‌లో రోడ్డు ప్రమాదాల్లో గాయపడిన వారిని ప్రమాదం జరిగిన వెంటనే సహా యం చేసి దగ్గర్లో ఉన్న హాస్పిటల్‌కు తీసుకెళ్లి తగిన వైద్య సహాయం అందించి ప్రాణాలు కాపాడిన వారికి ప్రోత్సాహకంగా రూ.25 వేలు అందిస్తారని తెలిపారు. ఆర్టీసీ ఆర్‌ఎం శ్రీనివాసులు, డిప్యూటీ లీగల్‌ ఎయిడ్‌ కౌన్సిల్‌ సులోచన, జోనల్‌ స్టాఫ్‌ ట్రైనింగ్‌ కాలేజీ ప్రిన్సిపాల్‌ సుధాకర్‌, కర్నూలు డిపో మేనేజర్‌ సుధారాణి, స్టాండింగ్‌ కౌన్సిల్‌ రాఘవరెడ్డి కార్యక్రమంలో పాల్గొన్నారు. ఈ సందర్భంగా రహదారి భద్రత నియమాలపై ముద్రించిన పోస్టర్లను ఆవిష్కరించారు.

రూరల్‌ ఓటర్ల జాబితాలో ఓటు లేకపోవడంతో క్రిష్ణగిరి టీడీపీ అభ్యర్థి రుద్రఫణి గౌడ్‌ నామినేషన్‌ చెల్లదంటూ వైఎస్సార్‌సీపీ రాష్ట్ర కార్యదర్శి, జిల్లా గ్రంథాలయ సంస్థ మాజీ చైర్మన్‌ సుభాష్‌ చంద్రబోస్‌, క్రిష్ణగిరి వైఎస్సార్‌సీపీ జెడ్పీటీసీ అభ్యర్థి మాధవరావులు శనివారం పరిశీలన సందర్భంగా స్థానిక సంస్థల ఎన్నికల రిటర్నింగ్‌ అధికారి, జెడ్పీ సీఈఓ ఆర్‌.సుధాకర్‌రెడ్డికి ఫిర్యాదు చేశారు. ఓటర్ల జాబితాను పరిశీలించిన ఎన్నికల అధికారి ఆయన నామినేషన్‌ చెల్లుబాటు కాదని తేల్చి చెప్పారు.

వ్యవసాయ పనులకు వెళ్లిన కూలీలందరూ తెచ్చుకున్న క్యారియర్లను కలుపుకొని తినేవారు. సరదాగా మాట్లాడుతూ.. తమ శ్రమను, అలసటను మరిచిపోయేవారు. ఇదంతా గతం. ఇప్పుడు ఆ పరిస్థితులు కనిపించడం లేదు. పొలం గట్టు భోజనాల్లో మమకారం మాయమైంది. పనికి వచ్చామా.. ఇంటి కెళ్లామా అన్నట్లుగా ఉంటున్నారు. మధ్యాహ్న సమయ ంలో భోజనం చేసేందుకు విడిగా కూర్చుంటున్నారు. కారణం ఏమైనా కావొచ్చు.. సద్దుల ముచ్చట్లు కరువై కూలీల మధ్య ఆత్మీయత దూరమవుతోంది. అందుకు నిదర్శనమే ఈ చిత్రం. బేతంచెర్ల మండలం యంబా యి గ్రామ సమీపంలో ఎవరికీ వారు అన్నట్లుగా భోజ నాలు చేస్తూ కనిపించారు. – బేతంచెర్ల

● 33 జెడ్పీటీసీ నామినేషన్లు అనర్హంకర్నూలు(అర్బన్‌): స్థానిక సంస్థల(జెడ్పీటీసీ, ఎంపీటీసీ) నామినేషన్ల పరిశీలన శనివారం రాత్రికి పూర్తయింది. జెడ్పీటీసీ అభ్యర్థుల నామినేషన్లను స్థానిక జిల్లా పరిషత్‌ కార్యాలయంలో ఎన్నికల రిటర్నింగ్‌ అధికారి/జెడ్పీ సీఈఓ ఆర్‌ సుధాకర్‌రెడ్డి ఆధ్వర్యంలో పరిశీలించారు. ఎంపీటీసీ అభ్యర్థుల నామినేషన్ల పరిశీలనను జిల్లాలోని మండల పరిషత్‌ అభివృద్ధి అధికారి కార్యాలయాల్లో నిర్వహించారు. ఈ ఎన్నికలకు సంబంధించి ఈ నెల 21 నుంచి 23వ తేది వరకు నామినేషన్లను స్వీకరించారు. జిల్లాలో మొత్తం 26 జెడ్పీటీసీ స్థానాలు ఉండగా ఈనెల 21 నుంచి 23వ తేదీ వరకు 198 మంది అభ్యర్థులు నామినేషన్లు దాఖలు చేశారు. వీటి పరిశీలన శనివారం ఉదయం నుంచి జిల్లాపరిషత్‌లో కొనసాగింది. అధికారులు పూర్తి స్థాయిలో పరిశీలించి ఒకే అభ్యర్థి ఒకటికి మించి దాఖాలు చేసిన(డమ్మీ) నామినేషన్లను పక్కనపెట్టారు. స్థానిక సంస్థల ఎన్నికల రిటర్నింగ్‌ అధికారి/జెడ్పీ సీఈఓ ఆర్‌.సుధాకర్‌రెడ్డి ఆధ్వర్యంలో నిర్వహించిన నామినేషన్ల పరిశీలనలో 165 నామినేషన్లు అర్హత సాధించగా 33 నామినేషన్లను అనర్హమైనవిగా గుర్తించారు. అర్హత సాధించిన 165 నామినేషన్లలో 53 మంది వైఎస్సార్‌సీపీ అభ్యర్థులు, 60 మంది టీడీపీ అభ్యర్థులు ఉన్నారు. అలాగే కాంగ్రెస్‌, బీజేపీ, జనసేన, డీఎస్పీ, సీపీఐ, సీపీఎం పార్టీల నుంచి దాఖలైన 52 నామినేషన్లు కూడా అర్హత సాధించాయి. ఉదయం 8 గంటల నుంచే పరిశీలన జెడ్పీటీసీ అభ్యర్థులు దాఖలు చేసిన నామినేషన్ల పరిశీలన ఉదయం 8 నుంచి రాత్రి 7.30 గంటల వరకు సాగింది. ఈ నేపథ్యంలో ఆయా జెడ్పీటీసీ స్థానాలకు నామినేషన్‌ వేసిన అభ్యర్థులు ఉదయం నుంచి సాయంత్రం వరకు జెడ్పీ ప్రాంగణంలోనే ఉండి తమ నామినేషన్ల పరిశీలన అనంతరం వెళ్లిపోయారు. ఎంపీటీసీ నామినేషన్లలో.. జిల్లాలో మొత్తం 432 ఎంపీటీసీ స్థానాలు ఉండగా గత మూడు రోజులుగా సాగిన నామినేషన్ల ప్రక్రియలో మొత్తం 2,107 నామినేషన్లు దాఖలయ్యాయి. ఈ నామినేషన్లకు సంబంధించి జరిగిన పరిశీలనలో 109 నామినేషన్లు అనర్హమైనవిగా అధికారులు నిర్ధారించారు. 1,998 నామినేషన్లు అర్హత సాధించాయి. ఇందులో వైఎస్సార్‌సీపీ 809, టీడీపీ 870 నామినేషన్లు అర్హత సాధించినట్లు అధికారులు ప్రకటించారు. వివిధ రాజకీయ పార్టీలకు సంబంధించిన 319 నామినేషన్లను అర్హతగా నిర్ధారించారు.

● బ్రాహ్మణకొట్కూరులో బోణి కొట్టిన ఎంపీటీసీ మాదిరెడ్డి శాంభవి నందికొట్కూరు: టీడీపీ జిల్లా అధ్యక్షురాలు, పాణ్యం ఎమ్మెల్యే గౌరు చరిత సొంత ఊరు బ్రాహ్మణకొట్కూరులో వైఎస్సార్‌సీపీ ఎంపీటీసీ అభ్యర్థి మాదిరెడ్డి శాంభవి ఏకగ్రీవంగా ఎన్నికయ్యారు. ఈ గ్రామంలో రెండు ఎంపీటీసీ స్థానాలు ఉన్నాయి. శనివారం నామినేషన్ల పరిశీలనలో బ్రాహ్మణకొట్కూరు–02లో వైఎస్సార్‌సీపీ తరఫున మాదిరెడ్డి శాంభవి వేసిన నామినేషన్‌ రిటర్నింగ్‌ అధికారి పరిశీలించారు. టీడీపీ తరఫున ఎస్‌. సలేహబేగం నామినేషన్‌ పత్రంలో తప్పులు దొర్లడంతో పరిశీలించిన రిటర్నింగ్‌ అధికారి డి. వరప్రసాద్‌ ఎలక్షన్‌ నిబంధనల ప్రకారం తిరస్కరించారు. దీంతో వైఎస్సార్‌సీపీ తరఫున వేసిన నామినేషన్‌ మాదిరెడ్డి శాంభవి చెల్లుబాటు అయ్యిందని రిటర్నింగ్‌ అధికారి ధ్రువీకరించారు. వైఎస్సార్‌సీపీ తరఫున ఎంపీటీసీ ఏకగ్రీవం కావడంతో పార్టీ నాయకులు సంబరాలు జరుపుకున్నారు.

కర్నూలు: కోర్టులలో పెండింగ్‌లోని చెక్కు బౌన్స్‌ కేసులు త్వరితగతిన పరిష్కరించేందుకు చర్యలు తీసుకోవాలని జిల్లా ప్రధాన న్యాయమూర్తి పి.వాసు న్యాయమూర్తులకు సూచించారు. నవంబర్‌ 21న అన్ని కోర్టు ప్రాంగణాల్లో స్పెషల్‌ లోక్‌ అదాలత్‌ నిర్వహించనున్న నేపథ్యంలో శనివారం జిల్లా న్యాయమూర్తులు, బార్‌ అసోసియేషన్‌ అధ్యక్షులతో ఆయన న్యాయ సేవాధికార సంస్థ జిల్లా కార్యదర్శి లీలా వెంకటశేషాద్రితో కలసి వీడియో కాన్ఫరెన్స్‌ నిర్వహించారు. కర్నూలు, నంద్యాల జిల్లాల న్యాయమూర్తులతో పాటు బార్‌ అసోసియేషన్‌ ప్రెసిడెంట్లు వీడియో కాన్ఫరెన్స్‌లో పాల్గొన్నారు. స్థానిక జిల్లా కోర్టులోని కాన్ఫరెన్స్‌ హాల్‌ నుంచి ప్రధాన న్యాయమూర్తి వీడియో కాన్ఫరెన్స్‌ ద్వారా మాట్లాడారు. స్పెషల్‌ లోక్‌ అదాలత్‌ సందర్భంగా ప్రతిరోజూ ప్రీ లోక్‌ అదాలత్‌ సిట్టింగ్‌లను ఏర్పాటు చేసి ఎక్కువ కేసులు పరిష్కరించేలా కృషి చేయాలన్నారు. ఇందుకు బార్‌ అసోసియేషన్‌ అధ్యక్షులు కూడా సహకారం అందిస్తే ఎక్కువ కేసుల పరిష్కారానికి అవకాశం ఉంటుందన్నారు. ఈ అవకాశాన్ని కక్షిదారులు వినియోగించుకుని రాజీపూర్వకంగా కేసులను పరిష్కరించుకోవాలని కోరారు.

‘స్థానిక ఎన్నికలంటే బంధువులు, మిత్రులు, ఇరుగుపొరుగు వారు పోటీలో వుంటారు. ఎన్నికలు వస్తుంటాయి పోతుంటాయి.. మనం మాత్రం ఎన్నికలను స్నేహ పూర్వకంగా తీసుకొని బరిలో నిలుద్దామంటూ’ హాయిగా నవ్వుకుంటూ సేదతీరుతున్నారు మండలంలోని బురుజుల ఎంపీటీసీ అభ్య ర్థులు, గ్రామస్తులు. శనివారం స్థానిక ఎంపీడీఓ కార్యాలయానికి నామినేషన్ల పరిశీలన వచ్చిన వైఎస్సార్‌సీపీ, టీడీపీ ఎంపీటీసీ అభ్యర్థులు ఒకేచోట కూర్చొని మాట్లాడుకునేది చూసి అధికారులు, ప్రజలు అందరూ ఆశ్చర్యపోయారు. – మద్దికెర

ఆళ్లగడ్డ: ఎగువ అహోబిలం జ్వాలా నృసింహ స్వామి ఆలయంలో వార్షిక పవిత్రోత్సవాలు అంగరంగ వైభవ ంగా జరుగుతున్నాయి. శుక్రవారం తెల్లవారు జామున నిత్య పూజల అనంతరం మూలవిరాట్‌ జ్వాలా నృసింహస్వామి, చెంచులక్ష్మీ అమ్మవార్లకు పవిత్ర మాలలను ధరింపచేశారు. అనంతరం ఉత్సవమూర్తులైన జ్వాలా నరసింహస్వామి, శ్రీదేవి, భూదేవి అమ్మవార్లను యాగశాలలో కొలువుంచి నవకలశ స్నపనం, ద్వారతోరణ పూజ, మండల ప్రతిష్ట, కుంభ ప్రతిష్ట నిర్వహించారు. వేద పండితుల మంత్రోచ్ఛరణల మధ్య పవిత్ర హోమం జరిపించారు. రాత్రి ఉభయ దేవేరులతో ఉగ్ర నరసింహస్వామి విశేష పుష్పాలకంరణ గావించిన ఉత్సవ పల్లకీని అధిష్టించి మాడ వీధుల్లో ఊరేగుతూ భక్తులకు కనువిందు చేశారు నేత్రపర్వంగా స్నపన తిరుమంజనం పవిత్రోత్సవాల్లో భాగంగా ఉత్సవ మూర్తులను కొలువుంచి వేద మంత్రోచ్ఛరణల మధ్య నిర్వహించిన స్నపన తిరుమంజనం నేత్రపర్వంగా సాగింది. పాలు, పెరుగు, తేనె, కొబ్బరి నీళ్లు, పసుపు, చందనం, గంధంతో పండితుల వేధఘోషనల ఽమధ్య స్వామి, అమ్మవార్లకు స్నపన తిరుమంజనం నిర్వహించారు. అనంతరం రాత్రి 7 నుంచి 9 గంటల వరకు హోమం నిర్వహించి మంగళ హారతి, తీర్థప్రసాద గోష్టి వితరనతో మొదటి రోజు కార్యక్రమాన్ని ముగించారు.

కృష్ణగిరి: స్థానిక సంస్థల ఎన్నికల నామినేషన్ల ప్రక్రియ గురువారం కృష్ణగిరిలో ప్రశాంతంగా ముగిసింది. బుధవారం జరిగిన ఘర్షణతో గురువారం వంద మందితో పోలీసులు బందోబస్తు ఏర్పాటు చేశారు. ఉదయం జిల్లా కలెక్టర్‌ డాక్టర్‌ ఏ సిరి, ఎస్పీ విక్రాంత్‌పాటిల్‌ నామినేషన్‌ కేంద్రాలను పరిశీలించారు. నామినేషన్‌ ప్రక్రియ సజావుగా జరిగేలా చర్యలు తీసుకున్నారు. నామినేషన్‌ వేసే అభ్యర్థులకు పటిష్ట బందోబస్తు ఏర్పాటు చేశారు. మండలంలో 13 ఎంపీటీసీ స్థానాలకు గాను 35 నామినేషన్లు దాఖలైనట్లు ఆర్వో లక్ష్మీనారాయణ, ఏఆర్వోలు మోహన్‌కుమార్‌, రాజేష్‌ తెలిపారు.

కర్నూలు(హాస్పిటల్‌): పీసీ పీఎన్‌డీటీ యాక్ట్‌పై విస్తృత ప్రచారం చేయనున్నట్లు డీఎంహెచ్‌ఓ డాక్టర్‌ వై.కామేశ్వరప్రసాద్‌ చెప్పారు. శుక్రవారం జిల్లా వైద్య ఆరోగ్యశాఖ కార్యాలయంలో పీసీ పీఎన్‌డీటీ అడ్వయిజరీ కమిటీ సమావేశం నిర్వహించారు. కొత్త స్కానింగ్‌ కేంద్రాల రిజిస్ట్రేషన్‌, రెన్యువల్‌ స్కానింగ్‌ కేంద్రాల రిజిస్ట్రేషన్‌, మాడిఫికేషన్‌ కోసం వచ్చిన దరఖాస్తులను సభ్యులు పరిశీలించారు. అన్ని పత్రాలు సరిగ్గా ఉన్నాయని సంతృప్తి వ్యక్తం చేశారు. కొత్తగా రెండు, రెన్యువల్‌ 8, మాడిఫికేషన్‌ దరఖాస్తులు ఏడింటిని ఆమోదించారు. ఈ సందర్భంగా డాక్టర్‌ వై.కామేశ్వరప్రసాద్‌ మాట్లాడుతూ.. దరఖాస్తులను జిల్లా కలెక్టర్‌ ఆధ్వర్యంలో జరిగే జిల్లా స్థాయి మల్టీ మెంబర్‌ అప్రాప్రియేట్‌ అథారిటీ కమిటీ ఆమోదం కోసం పంపాలన్నారు. జిల్లా వ్యాప్తంగా పీసీ పీఎన్‌డీటీ యాక్ట్‌ గురించి అవగాహన కల్పించాలన్నారు. ఏపీఎస్‌ ఆర్‌టీసీ బస్సుల్లో స్టిక్కర్లు, అన్ని ప్రభుత్వ ఆసుపత్రుల్లో పోస్టర్లు అతికించడం, హోర్డింగ్‌ల ఏర్పాటు చేయాలన్నారు. యాక్ట్‌ ప్రకారం గర్భస్థ శిశువు లింగ నిర్ధారణ పరీక్షలు చేస్తే కఠిన చర్యలు తప్పవని హెచ్చరించారు. అడిషనల్‌ డీఎంహెచ్‌ఓ డాక్టర్‌ ఎల్‌.భాస్కర్‌, పీసీ పీఎన్‌డీటీ జిల్లా నోడల్‌ అధికారి డాక్టర్‌ ఉమ, వైద్యాధికారులు స్నిగ్ద, సుహాసిని, పద్మలత, ఎన్‌జీవోలు ఎం.నాగరాజు, కొమ్ముపాలెం శ్రీనివాసులు, డెమో ప్రకాష్‌రాజు పాల్గొన్నారు.

కర్నూలు(సెంట్రల్‌): స్థానిక సంస్థల ఎన్నికల్లో ఓటమి భయంతో కూటమి ప్రభుత్వ గూండాలు సీపీఐ, సీపీఎం, ఇతర ప్రతిపక్ష పార్టీల ఎంపీటీసీ అభ్యర్థులపై దాడులు చేసి నామినేషన్‌ పత్రాలు చింపేయడం దుర్మార్గమని, ఇలాంటి దాడులు ప్రజాస్వామ్యాన్ని ఖునీ చేయడమే అవుతుందని సీపీఐ జిల్లా కార్యదర్శి బి.గిడ్డయ్య తీవ్రంగా ఖండించారు. శుక్రవారం సీఆర్‌ భవన్‌లో జరిగిన విలేకరుల సమావేశంలో ఆయన మాట్లాడుతూ.. ప్రజాస్వామ్యం గురించి నీతులు చెప్పే కూటమి పాలకులు వారు మాత్రం పాటించకపోవడం అన్యాయమన్నారు. ప్రతిపక్ష పార్టీల నాయకులను కనీసం నామినేషన్‌ వేయకుండా అడ్డుకుంటున్నారంటే వారిలో భయం మొదలైందన్నారు. నామినేషన్ల ప్రక్రియకు ఆటంకం కలిగించిన టీడీపీ నాయకులపై క్రిమినల్‌ కేసులు నమోదు చేయాలని డిమాండ్‌ చేశారు. పత్తికొండ, చిప్పగిరి, ఆలూరు, మంత్రాలయం, కృష్ణగిరి మండలాల్లో టీడీపీ గూండాలు అరాచకం సృష్టించి సీపీఐ అభ్యర్థులు నామినేషన్లను వేయకుండా అడ్డుకోవడంపై ఆగ్రహం వ్యక్తం చేశారు. ప్రజాస్వామ్యాన్ని ఖూనీ చేసిన సీఎం చంద్రబాబు వెంటనే పదవికి రాజీనామా చేయాలని డిమాండ్‌ చేశారు. జిల్లా కార్యవర్గ సభ్యులు కె.జగన్నాథం పి. రామకష్ణారెడ్డి బి.విరుపాక్షి కె .శ్రీనివాసులు తదితరులు పాల్గొన్నారు.

కర్నూలు(టౌన్‌): స్థానిక సంస్థల ఎన్నికల్లో పోటీ చేసే వైఎస్సార్‌సీపీ మహిళా అభ్యర్థులు బురఖా ధరించి నామినేషన్లు దాఖలు చేస్తున్నారంటే పరిస్థితులు ఎంత దారుణంగా ఉన్నాయో స్పష్టంగా తెలుస్తోందని, ప్రజలు గమనించాలని వైఎస్సార్‌కాంగ్రెస్‌ పార్టీ జిల్లా అధ్యక్షుడు ఎస్వీ మోహన్‌ రెడ్డి అన్నారు. చంద్రబాబు ప్రభుత్వానికి గెలిచే దమ్ములేకే అభ్యర్థులపై దాడులకు తెగబడుతున్నారన్నారు. శుక్రవారం సాయంత్రం స్థానిక గిప్సన్‌ కాలనీలోని తన స్వగృహంలో ఏర్పాటు చేసిన విలేకరుల సమావేశంలో ఆయన మాట్లాడారు. అబద్ధ్దాలు చెప్పి అధికారంలోకి వచ్చిన చంద్రబాబు నాయుడు స్వేచ్ఛగా ఎన్నికలు జరిగితే డిపాజిట్లు దక్కవన్న సంగతి తెలిసే ఇలాంటి దారుణాలకు పాల్పడుతున్నార న్నారు. ఆలూరులో ఎంపీటీసీగా నామినేషన్‌ వేసిన వ్యక్తి ఇంటికి వెళ్లి ఎస్‌ఐ చొక్కా పట్టుకొని లాక్కెళ్లాడన్నారు. కర్నూలులో వైఎస్సార్‌సీపీ కార్పొరేటర్‌ అభ్యర్థులకు అధికార పార్టీ నేతలు ఫోన్లు చేస్తున్నారని, పోలీసులతో ఒత్తిళ్లు చేయిస్తున్నారన్నారు. రూ.30 లక్షలు ఇస్తామని ఆఫర్‌ చేస్తున్నారని, దీన్నిబట్టి వాళ్లు ఎన్నికలకు ముందే ఓటమిని ఒప్పుకున్నట్లు అవుతోందన్నారు. టీడీపీ మేయర్‌ అభ్యర్థి కుటుంబానికి కాల్‌మనీ కేసులతో సంబంధం? వైఎస్సార్‌సీపీ మేయర్‌ అభ్యర్థి సుశీల బీఏ బీఈడీ చదువుకున్న విద్యావంతురాలని, ఆమె భర్త మణిగాంధీ ఎమ్మెల్యేగా.. ఆయన తండ్రి శిఖామణి నాలుగు సార్లు ఎమ్మెల్యేగా పనిచేసిన రాజకీయ చరిత్ర ఉందని ఎస్వీ మోహన్‌రెడ్డి అన్నారు. అయితే మంత్రి టీజీ భరత్‌ కర్నూలు అసెంబ్లీ పరిధిలో వైఎస్సార్‌సీపీ అభ్యర్థి లేక మునగాలపాడు నుంచి తెచ్చుకున్నారని చెబుతున్నారని, మునగాలపాడు కర్నూలు కార్పొరేషన్‌లో ఉందనే విషయం తెలుసుకోవాలన్నారు. టీడీపీ మేయర్‌ అభ్యర్థి తండ్రి బొల్లెద్దుల రామక్రిష్ణ కాల్‌మనీ కేసులో నిందితుడని అసెంబ్లీలో ముఖ్యమంత్రి చంద్రబాబు నాయుడు ప్రకటించిన విషయం గుర్తుంచుకోవాలన్నారు. విలేకరుల సమావేశంలో మాజీ ఎమ్మెల్యే మణిగాంధీ పాల్గొన్నారు. నామినేషన్లు వేసేందుకు వస్తున్న మహిళలపై టీడీపీ గుండాలు, రౌడీలు దాడులు చేయడం సిగ్గు చేటు. మాజీ మంత్రి విడదల రజనీ తన ఇంట్లో నుంచి బయటకు వస్తే పోలీసులతో నిర్బంధించడం, తోసేయడం దారుణం. – ఎస్వీ విజయమనోహరి, పార్టీ మహిళా విభాగం రాష్ట్ర వర్కింగ్‌ అధ్యక్షురాలు చంద్రబాబు పాలనలో మూడేళ్లుగా సంక్షేమాన్ని పూర్తిగా విస్మరించారు. ఇప్పటికీ ప్రజలు కర్నూలు నగరంలో మంచినీరు, ట్రాఫిక్‌, మురుగునీటి సమస్యతో ఇబ్బందులు ఎదుర్కొంటున్నారు. పాతబస్తీలో రహదారుల విస్తరణ పూర్తిగా విస్మరించారు. మంత్రి హోదాలో కర్నూలు నగరం అన్ని విధాలా అభివృద్ధి చెందుతుందని ఆశిస్తే టీజీ భరత్‌ ప్రజలకు నిరాశ మిగిల్చారు. మేయర్‌గా అవకాశం కల్పిస్తే అభివృద్ధికి మారుపేరుగా కర్నూలును తీర్చిదిద్దుతా. – సుశీల, కర్నూలు మేయర్‌ అభ్యర్థి

గూడూరు: బైక్‌పై వెళుతుండగా మంటలు చెలరేగి ఒక్కసారిగా ఎగసిపడటంతో బైక్‌ పూర్తిగా దగ్ధమైంది. వాహనదారుడు అప్రమత్తమై బైక్‌ దిగి దూరంగా పరుగులు తీయడంతో ప్రమాదం తప్పింది. బాధితుడు తెలిపిన వివరాల మేరకు.. పెద్దమారిడుకు చెందిన రఫీ శుక్రవారం పల్సర్‌ బైక్‌పై గ్రామం నుంచి గూడూరు మీదుగా కర్నూలుకు వెళ్తున్నాడు. గూడూరు హెచ్‌పీ బంక్‌లో పెట్రోల్‌ కొట్టించుకుని కొద్ది దూరం వెళ్లగానే బైక్‌ ఇంజిన్‌లో ఉన్నట్టుండి మంటలు చెలరేగాయి. వాహనదారుడు వెంటనే అప్రమత్తమై బైక్‌ను పక్కన నిలిపి దూరంగా పరుగులు తీశాడు. రెప్పపాటులోనే మంటలు బైక్‌ అంతటా వ్యాపించి, వాహనం పూర్తిగా కాలి బూడిదైంది. ఈ ప్రమాదం కారణంగా అక్కడ కాసేపు ఆందోళన నెలకొంది. బైక్‌లో ఇంధనం లీకేజీ లేదా బ్యాటరీ షార్ట్‌ సర్క్యూట్‌ వల్ల ప్రమాదం జరిగి ఉండొచ్చని భావిస్తున్నారు. పిడుగుపాటుకు వృద్ధురాలి మృతి హాలహర్వి: పిడుగుపాటుకు విరుపాపురం గ్రామానికి చెందిన వృద్ధురాలు రామలింగమ్మ(62) మృతిచెందారు. శుక్రవారం మధ్యాహ్నం పొలం పనులు ముగించుకుని తన కుమారుడితో కలిసి ఇంటికి వస్తుండగా వర్షం ప్రారంభమైంది. వర్షం నుంచి తప్పించుకునేందుకు ఓ చోట ఆగడంతో ఒక్కసారిగా పిడుగు పడడంతో రామలింగమ్మ అక్కడికక్కడే మృతిచెందారు. రామలింగమ్మ భర్త బలరామ్‌ ఏడాది క్రితం మృతిచెందారు. ఈ దంపతులకు ఇద్దరు కుమారులు, ముగ్గురు కుమార్తెలు ఉన్నారు. తల్లి మృతితో కుమారులు కన్నీరుమున్నీరుగా విలపించారు.

కర్నూలు(సెంట్రల్‌): జిల్లాలో నవంబర్‌ 1వ తేదీన నిర్వహించనున్న మున్సిపల్‌ ఎన్నికలకు పకడ్బందీ ఏర్పాట్లు చేస్తున్నామని జిల్లా ఎన్నికల అధికారి/జిల్లా కలెక్టర్‌ డాక్టర్‌ ఏ.సిరి తెలిపారు. శుక్రవారం ఆమె తన కార్యాలయంలో మాట్లాడుతూ అక్టోబర్‌ 25న మున్సిపల్‌ ఎన్నికల్లో పోటీ చేసే అభ్యర్థుల తుది జాబితా విడుదల చేస్తామన్నారు. ఎన్నికల విధుల్లో పాల్గొనే సిబ్బంది తమ ఓటు హక్కును వినియోగించుకునేందుకు వీలుగా అక్టోబర్‌ 27న ఫెసిలిటేషన్‌ సెంటర్లను ఏర్పాటు చేయనున్నట్లు తెలిపారు. ఎన్నికల ప్రక్రియను పారదర్శకంగా, నిబంధనలకు అనుగుణంగా నిర్వహించేందుకు సంబంధిత అధికారులు సమన్వయంతో పని చేయాలన్నారు. ఎన్నికల విధుల నుంచి ఎవరికీ మినహాయింపు ఉండబోదని, సంబంధిత అధికారులు జారీ చేసిన ఆదేశాలను ప్రతి ఒక్కరూ పాటించాలన్నారు. నామినేషన్లు దాఖలు చేయనివ్వకపోతే తక్షణ చర్యలు జెడ్పీటీసీ, ఎంపీటీసీ, పంచాయతీ ఎన్నికల్లో నామినేషన్లు దాఖలు చేయకుండా అడ్డుకుంటున్నట్లు ఫిర్యాదులు చేస్తే తక్షణ చర్యలు తీసుకోవాలని జిల్లా ఎన్నికల అధికారి/జిల్లా కలెక్టర్‌ డాక్టర్‌ ఏ.సిరి ఒక ప్రకటనలో తెలిపారు. అభ్యర్థులు అక్టోబర్‌ 23వ తేదీ సాయంత్రం 5 గంటల్లోపు నామినేషన్లు దాఖలు చేసేందుకు అవసరమైన సహకారం అందించాలని కలెక్టర్‌ అదేశించారు. అవసరమైన చోట సంబంధిత అభ్యర్థులకు వ్యక్తిగత భద్రత కల్పించి నామినేషన్ల స్వీకరణ కేంద్రాలకు సురక్షితంగా చేరుకునేలా పోలీసు శాఖ తగిన చర్యలు తీసుకుంటోందన్నారు.

బేతంచెర్ల: మండలంలోని ఆర్‌ఎస్‌ రంగాపురం శివార్లో వెలసిన వైష్ణవ పుణ్యక్షేత్రమైన శ్రీ మద్దిలేటి నరసింహస్వామి ఆలయంలో తిరుచ్చి మహోత్సవం ఆశ్వయుజ మాసం సందర్భంగా శుక్రవారం స్వామి వారు పల్లకీలో కొలువై శోభాయమానంగా భక్తులకు దర్శనమిచ్చారు. ఆలయ ఉప కమిషనర్‌ రామాంజనేయులు వేద పండితులు జ్వాలా, కళ్యాణ చక్రవర్తి, అర్చకులు మద్దిలేటి నరసింహ స్వామిని ప్రత్యేకంగా అలంకరించిన పల్లకీలో కొలువుంచి ఆలయ మాడ వీధుల్లో మంగళ వాయిద్యాలు, గోవింద నామస్మరణల నడుమ ఊరేగింపు చేశారు. అధిక సంఖ్యలో భక్తులు పాల్గొన్నారు.

దేవనకొండ: స్నేహితుడు అనారోగ్యంతో మృతి చెందడంతో ఆ కుటుంబానికి తోటి మిత్రులు అండగా నిలిచారు. వివరాలు.. దేవనకొండకు చెందిన వడ్డె విజయ్‌ ఇటీవల అనారోగ్యంతో మృతి చెందాడు. ఆ కుటుంబ ఆర్థిక పరిస్థితి తెలుసుకొని మిత్రులు సాయం చేయాలని భా వించారు. విజయ్‌తో కలిసి పదో తరగతి, ఇంటర్మీడియెట్‌ చదువుకున్న మిత్రులు, పూర్వ విద్యార్థులు కలిసి రూ.65,500 సేకరించి బాధి త కుటుంబానికి శుక్రవారం నగదు అందజేశా రు. కష్టకాలంలో విజయ్‌ కుటుంబానికి అండ గా నిలిచి స్నేహబంధాన్ని చాటుకున్నారు. బా ధిత కుటుంబీకులు వారికి కృతజ్ఞతలు తెలిపా రు. స్నేహితుడి కుటుంబానికి అండగా నిలిచిన మిత్రులను పలువురు అభినందించారు. మల్లన్న సేవలో పాట్నా హైకోర్టు న్యాయమూర్తి శ్రీశైలంటెంపుల్‌: శ్రీశైల భ్రమరాంబా మల్లికార్జున స్వామిఅమ్మవార్లను పాట్నా హైకోర్టు న్యాయమూర్తి జస్టిస్‌ అన్షుమన్‌ దంపతులు దర్శించుకుని ప్రత్యేక పూజలు నిర్వహించారు. శుక్రవారం మల్లన్న దర్శనార్థం విచ్చేసిన వీరికి రాజగోపురం వద్ద అధికారులు, అర్చక స్వాము లు ఆలయ మర్యాదలతో స్వాగతం పలికారు. అనంతరం జస్టిస్‌ అన్షుమన్‌ తంపతులు మల్లికార్జున స్వామివారికి రుద్రాభిషేకం, భ్రమరాంబాదేవికి కుంకుమార్చన తదితర ప్రత్యేక పూ జలు నిర్వహించుకున్నారు. అనంతరం అమ్మ వారి ఆలయం వద్దగల ఆశీర్వచన మండపంలో న్యాయమూర్తి దంపతులకు వేద పండితు లు వేదమంత్రాలు పలుకగా, అర్చకులు ఆశీర్వచనాలు అందించారు. దేవస్థాన అధికారులు స్వామివారి శేషవస్త్రాలను, లడ్డూ ప్రసాదాలను, జ్ఞాపికను అందించి సత్కరించారు. బైక్‌లు ఢీకొని నలుగురికి గాయాలు ఆదోని అర్బన్‌: మండల పరిధిలోని ఇస్వీ గ్రా మ సమీపంలో శుక్రవారం ఎదురెదురుగా వస్తున్న రెండు మోటార్‌ సైకిళ్లు ఢీకొన్న ఘట నలో నలుగురికి గాయాలయ్యాయి. ఇస్వీ పోలీసులు తెలిపిన వివరాలు ఇలా ఉన్నాయి. కౌతా ళం మండలం లింగాలదిన్నె గ్రామానికి చెంది న బసవరాజు, హనీ ఒక బైకుపై, కర్ణాటక రాష్ట్రం బళ్లారికి చెందిన రమేష్‌, అనుశ్రీ మరో బైకుపై వస్తూ ఎదురెదురుగా ఢీకొన్నారు. ఈ ప్రమాదంలో నలుగురికి గాయాలయ్యాయి. స్థానికులు వారిని ప్రభుత్వ ఆసుపత్రికి తరలించారు. బెల్టు షాపులపై దాడులు డోన్‌ టౌన్‌: అక్రమ బెల్టు షాపులపై దాడులు చేసి మద్యం, నాటు సారాను స్వాధీనం చేసుకున్నట్లు డోన్‌ ఎకై ్సజ్‌ సీఐ జప్రూల్లా శుక్రవారం తెలిపారు. బేతంచెర్లలో 12 మద్యం సీసాలు, డోన్‌ పట్టణంలో 8 సీసాలు, ప్యాపిలి మండలం నల్లమేకలపల్లి గ్రామంలో ఒక మహిళ వద్ద నుంచి 4 లీటర్ల నాటు సారా స్వాధీనం చేసుకోని కేసులు నమోదు చేసినట్లు చెప్పారు. అలాగే ఐదుగురు వ్యక్తులపై బైండోవర్‌ కేసులు నమోదు చేసి తహసీల్దార్‌ ఎదుట హాజరుపరచినట్లు తెలిపారు. అక్రమ మద్యం, నాటు సారా, బెల్టు షాపుల సమాచారం తెలిస్తే 94400 52892 నంబర్‌కు ఫోన్‌ చేసి సమాచారం ఇవ్వాలని కోరారు. సీఐ లక్ష్మణదాసు, ఎస్‌ఐలు సోమశేఖర్‌రావు, దౌలత్‌ఖాన్‌, రమేష్‌బాబు సిబ్బంది ఉన్నారు.

ఎమ్మిగనూరు రూరల్‌: జిల్లాకు రానున్న 24, 25, 26, 27 తేదీల్లో భారీ వర్షాలు కురిసే అవకాశం ఉందని బనవాసి కృషి విజ్ఞాన కేంద్రం సమన్వయకర్త డాక్టర్‌ రాఘవేంద్రచౌదరి శుక్రవారం ఓ ప్రకటనలో తెలిపారు. బంగాళాఖాతంలో అల్పపీడనం ఏర్పడే అవకాశం ఉందని.. ఇది పశ్చిమ వాయువ్య దిశగా కదులుతు తూర్పు మధ్య బంగాళాఖాతం, పరిసర ప్రాంతాల్లో వాయుగుండంగా మారనుందన్నారు. 25, 26వ తేదీల్లో తీవ్ర వాయుగుండంగా, 27వ తేదీన తుపానుగా మారవచ్చన్నారు. ఈ తుపాను ఉత్తర కోస్తా, ఆంధ్రప్రదేశ్‌ – ఒడిశా తీర ప్రాంతాల వైపు కదిలే అవకాశం ఉందన్నారు. 24, 25, 26వ తేదీల్లో జిల్లాలోని పలుప్రాంతాల్లో తేలికపాటి నుంచి మోస్తరు వర్షాలు కురిసే అవకాశం ఉన్నట్లు వెల్లడించారు. కొన్ని ప్రాంతాల్లో గాలులు 35–40 కిలోమీటర్ల వేగంతో వీచే అవకాశం ఉన్నట్లు చెప్పారు. శ్రీమఠం హుండీ ఆదాయం రూ.3.46 కోట్లు మంత్రాలయం: ప్రముఖ ఆధ్యాత్మిక క్షేత్రం మంత్రాలయం శ్రీ రాఘవేంద్రస్వామి మఠం హుండీ ఆదాయం రూ.3,46,53,864 సమకూరింది. శుక్రవారం స్థానిక రాజాంగణ భవనంలో 22 రోజులకు సంబంధించి కానుకలు లెక్కించారు. నగదు రూపేణా రూ.3,36,41,364 రాగా.. నాణేలా రూపంలో రూ.10,12,500 వచ్చింది. ఇక 42 గ్రాముల బంగారం, 645 గ్రాముల వెండి ఆభరణాలు సమకూరినట్లు మేనేజర్‌ ఎస్‌కే. శ్రీనివాసరావు వివరించారు. నంద్యాలలో కొత్త డీసీసీబీ కర్నూలు(అగ్రికల్చర్‌): రాష్ట్రంలో కొత్తగా ఆరు జిల్లా సహకార కేంద్రబ్యాంకులు ఏర్పాటుకు అద్యయనం పూర్తయిందని, ఇందులో భాగంగా నంద్యాలలో కూడా డీసీసీబీ ఏర్పాటవుతుందని.. అయితే ఆర్‌బీఐ నుంచి లైసెన్స్‌లు రావాల్సి ఉందని ఆంధ్రప్రదేశ్‌ సహకార బ్యాంకు(ఆప్కాబ్‌) మేనేజింగ్‌ డైరెక్టర్‌ రామకృష్ణ తెలిపారు. శుక్రవారం ఆయన కర్నూలులోని జిల్లా సహకార కేంద్రబ్యాంకును తనిఖీ చేశారు. సీఇవో బాలాజీ రావు, ఇతర సీనియర్‌ అధికారులతో బ్యాంకు ప్రగతి, రాబోయే ఆరు నెలల్లో చేపట్టబోయే కార్యక్రమాలపై సమీక్ష నిర్వహించారు. కల్లూరు ప్రాథమిక వ్యవసాయ సభకార సంఘాన్ని కూడా తనిఖీ చేశారు. ఈ సందర్భంగా విలేకర్ల సమావేశంలో మాట్లాడుతూ కరువు ప్రాంతాల్లో గతంలో తీసుకున్న పంట రుణాలను రీ షెడ్యూల్‌ చేస్తామన్నారు. ఎల్‌నినో ప్రభావంతో ఏర్పడిన కరువు నేపథ్యంలో ఉమ్మడి జిల్లాలో 99 సహకార సంఘాలు ఉండగా స్వల్పకాలిక రుణాల పంపిణీకి ప్రతి సంఘానికి కనిష్టంగా రూ.20 లక్షలు, గరిష్టంగా రూ.కోటి బడ్జెట్‌ ఇచ్చినట్లు వెల్లడించారు. స్వయం సహాయక సంఘాలకు పెద్ద ఎత్తున రుణాలు ఇవ్వడంతో పాటు బంగారంపై కూడా రుణాలు పంపిణీ చేయాలని సూచించారు. కార్యక్రమంలో జనరల్‌ మేనేజర్లు పి.రామాంజనేయులు, శివలీల, నాబార్డు డీడీఎం సుబ్బారెడ్డి, డీసీసీబీ డీజీఎంలు ఉమామహేశ్వరరెడ్డి, సునీల్‌కుమార్‌, నాగిరెడ్డి పాల్గొన్నారు. నేడు గొలుసు తెంపుట హొళగుంద: దేవరగట్టు దసరా బన్ని ఉత్సవాల్లో రెండో ప్రధాన ఘట్టమైన గొరువయ్యల ఆటలు, గొలుసు తెంపుట, దేవదాసిల క్రీడోత్సవాలు శనివారం జరగనున్నాయి. ఈ కార్యక్రమాలను తిలకించేందుకు స్థానికులే కాకుండా పొరుగు రాష్ట్రాల నుంచి భక్తులు భారీ సంఖ్యలో తరలివస్తారు. బల్లూరుకు చెందిన గొరువయ్య గొలుసు తెంపడం భక్తులను అమితంగా ఆకట్టుకుంటుంది. మాళమల్లేశ్వరస్వామి విగ్రహాలు, పల్లకీ కంకణ విసర్జనలో భాగంగా గిరిపైనున్న ఆలయానికి చేరుతాయి. అక్కడి నుంచి ఆదివారం నెరణికి గ్రామానికి చేరడంతో ఉత్సవాలు ముగుస్తాయి. క్వింటా ఉల్లి రూ.4,625 కర్నూలు(అగ్రికల్చర్‌): కర్నూలు వ్యవసాయ మార్కెట్‌ యార్డులో ఉల్లి ధర క్రమంగా పెరుగుతోంది. మార్కెట్‌కు శుక్రవారం 1,355 క్వింటా ళ్ల ఉల్లిగడ్డలు వచ్చాయి. కనిష్ట ధర రూ.1,212, గరిష్ట ధర రూ.4,625 లభించగా.. సగటు ధర రూ.3,391 నమోదైంది. రీటైల్‌ మార్కెట్‌లో ఉల్లి ధరలు పెరిగిపోతుండటంతో వినియోగదారులు ఉక్కిరిబిక్కిరవుతున్నారు. కిలో రూ.32 ప్రకారం పంపిణీ చేస్తామని ప్రభుత్వం ప్రకటించినప్పటికీ కార్యరూపం దాల్చలేదు.

కర్నూలు(హాస్పిటల్‌): రోగుల వద్దకు అధిక సంఖ్యలో సందర్శకులు రాకుండా వచ్చే నెల నుంచి విజిటర్‌ పాస్‌ విధానం అమలు చేయనున్నట్లు కర్నూలు ప్రభుత్వ సర్వజన వైద్యశాల సూపరింటెండెంట్‌ డాక్టర్‌ కె.వెంకటేశ్వర్లు తెలిపారు. శుక్రవారం ఆసుపత్రిలోని ధన్వంతరి హాలులో హెచ్‌ఓడీలతో నిర్వహించిన సమీక్ష సమావేశంలో ఆయన మాట్లాడారు. ఆసుపత్రిలో అందుబాటులో ఉన్న మందులను బయట కొనుగోలుకు రాయకూడదని స్పష్టం చేశారు. కొంత మంది పీజీ వైద్యులు, హౌస్‌సర్జన్లు పరీక్షలకు బయటకు రాస్తున్న విషయమై హెచ్‌ఓడీలు తమ విభాగాల్లో వైద్యులకు తగిన సూచనలు చేసి, ఇలాంటి చర్యలు నివారించాలని ఆదేశించారు. సమావేశంలో కేఎంసీ ప్రిన్సిపాల్‌ డాక్టర్‌ కె.చిట్టినరసమ్మ, ఆసుపత్రి డిప్యూటీ సూపరింటెండెంట్‌ డాక్టర్‌ లక్ష్మిబాయి, డాక్టర్‌ నాగేశ్వరరావు, హాస్పిటల్‌ అడ్మినిస్ట్రేటర్‌ సింధు సుబ్రహ్మణ్యం, సీఎస్‌ఆర్‌ఎంఓ డాక్టర్‌ పి.పద్మజ పాల్గొన్నారు.

పెద్దకడబూరు: అక్రమ మద్యం అమ్మతున్నట్లు రాబడిన సమాచారం మేరకు దాడులు నిర్వహించి మద్యం స్వాధీనం చేసుకుని కేసు నమోదు చేసినట్లు ఎకై ్సజ్‌ సీఐ పి.భార్గవరెడ్డి తెలిపారు. వివరాలు.. మండల పరిధిలోని దొడ్డిమేకల గ్రామానికి చెందిన ఈడిగ రమేష్‌ అక్రమ మద్యం అమ్ముతున్నట్లు సమాచారం అందిందన్నారు. శుక్రవారం దాడులు నిర్వహించి అతని ఇంట్లో 16 ఒరిజినల్‌ చాయిస్‌ విస్కీ బాటిళ్లను స్వాధీనం చేసుకొని కేసు నమోదు చేశామన్నారు. స్థానిక ఎన్నికల సందర్భంగా ఎవరైనా అక్రమంగా మద్యం నిల్వ చేసినా, అమ్మినా, సరఫరా చేసినా కఠిన చర్యలు తీసుకుంటామని హెచ్చరించారు. అక్రమ మద్యంపై సమాచారం తెలిస్తే 94409 02580 నంబర్‌కు ఫోన్‌చేసి తెలియజేయాలని, సమాచారం అందించిన వారి వివరాలను గోప్యంగా ఉంచుతామన్నారు. ఎకై ్సజ్‌ ఎస్‌ఐ కార్తీక్‌సాగర్‌, ట్రైనీ ఎస్‌ఐ ధనుంజయ, సిబ్బంది పాల్గొన్నారు.

హొళగుంద: దసరా ఉత్సవాలకు ప్రఖ్యాతిగాంచిన దేవరగట్టులో శుక్రవారం రాత్రి మాళ మల్లేశ్వరస్వామి రథోత్సవం రమణీయంగా జరిగింది. దేవరగట్టు ఆలయ కమిటీ ఆధ్వర్యంలో నెరణికి, నెరణికి తండా, కొత్తపేట గ్రామస్తులు, గ్రామపెద్దలు రథోత్సవం వైభవంగా నిర్వహించారు. ఉదయం ఆలయంలో పూజారులు మాత మాళమ్మ, మల్లేశ్వరస్వామి విరాట్‌మూర్తులకు జలాభిషేకాలు, సుప్రభాత సేవ, బండరార్చన, నైవేద్య సంతర్పణ తదితర ప్రత్యేక పూజలు నిర్వహించారు. కనులపండవగా రథోత్సవం జైత్రయాత్ర అనంతరం మల్లప్ప గుడిలోని సింహాసన కట్టపై కొలువుదీరిన ఉత్సవ మూర్తులకు పుజారులు అభిషేకాలు, మహామంగళహారతి, ఆకుపూజ తదితర కార్యక్రమాలు నిర్వహించారు. ఆచారం ప్రకారం సాయంత్రం బిలేహాళ్‌ గ్రామం నుంచి దేవరగట్టుకు కుంభం, గజమాల చేరిన అనంతరం రథాంగ, ఇతర ప్రత్యేక పూజలనంతరం స్వామివారి రథోత్సవాన్ని అశేష భక్త జనుల జయజయ ధ్వనుల మధ్య అత్యంత వైభవంగా నిర్వహించారు. రథోత్సవం ఎదురు బసవన్నగుడి వరకు సాగింది. రథం ముందు కోలాటాలు ఇతర సాంస్కృతిక కార్యక్రమాలు నిర్వహించారు. భక్తులు భారీ సంఖ్యలో పాల్గొన్నారు. అవాంఛనీయ సంఘటనలు జరగకుండా హొళగుంద ఎస్‌ఐ దిలీప్‌కుమార్‌, సిబ్బంది బందోబస్తు నిర్వహించారు.

అల్లుగుండు వైఎస్సార్‌ సీపీ నేత● ఎంపీటీసీ నామినేషన్‌ వేస్తారేమోనని భార్య, పిల్లలను ఈడ్చి పడేసి టీడీపీ నాయకులు, కార్యకర్తల దాడి ● అడ్డుకోబోయిన మరో వ్యక్తి, ఇళ్ల వద్ద ఉన్న మరో ఇద్దరిపై దాడి వెల్దుర్తి: కర్నూలు జిల్లా వెల్దుర్తి మండలం అల్లుగుండు గ్రామ వైఎస్సార్‌సీపీ నాయకుడు శ్రీరాంరెడ్డిపై శుక్రవారం అదే గ్రామానికి చెందిన టీడీపీ నాయకులు, వారి కుటుంబ సభ్యులు హత్యాయత్నానికి పాల్పడ్డారు. ఘటనలో శ్రీరాంరెడ్డికి తీవ్ర గాయాలతో పాటు చేయి, కాలు విరిగిపోయాయి. భార్య నిరీషా రెడ్డికి స్వల్ప గాయాలయ్యాయి. అడ్డుకోబోయిన మరో వైఎస్సార్‌సీపీ కార్యకర్త మల్లికార్జునపై సైతం దాడి చేసి గాయపర్చారు. ఇళ్ల వద్ద ఉన్న మరో ఇద్దరు కార్యకర్తలు పక్కీర, శీలన్నపై సైతం దాడికి పాల్పడ్డారు. శ్రీరాంరెడ్డి ఎంపీటీసీగా మల్లెపల్లె స్థానానికి వైఎస్సార్‌సీపీ తరపున నామినేషన్‌ వేస్తాడేమోనని భావించి టీడీపీ నాయకులు హత్యాయత్నానికి పాల్పడినట్లు తెలుస్తోంది. బాధితుడు శ్రీరాంరెడ్డి, కుటుంబ సభ్యులు తెలిపిన వివరాలివీ.. శుక్రవారం ఉదయం ప్రతిరోజు లాగే శ్రీరాంరెడ్డి, భార్య నిరీష రెడ్డి, తమ ఇద్దరు పిల్లలను స్కూలుకు తీసుకెళ్లేందుకు ఇంటి ముందు కారులోకి ఎక్కే ప్రయత్నంలో ఉన్నారు. శ్రీరాంరెడ్డి, పిల్లలు కారులో కూర్చున్నారు. భార్య ఎక్కబోయే తరుణంలో అదే గ్రామానికి చెందిన టీడీపీ నాయకుడు బాలమద్ది వేగంగా బైక్‌పై వచ్చి నిరీషా రెడ్డిని ఢీకొట్టాడు. ఈ క్రమంలో ఆమె కిందపడిపోగా డ్రైవింగ్‌ సీటులోని శ్రీరాంరెడ్డి కిందకు దిగాడు. వెంటనే అక్కడ కాపు కాసిన టీడీపీ నాయకులు, వారి కుటుంబ సభ్యులు రమేశ్‌, నాగమద్ది, దశరథుడు, రామాంజనేయులు ఒక్కసారిగా శ్రీరాంరెడ్డిపై కర్రలతో హత్యాయత్నానికి పాల్పడ్డారు. ఇష్టమొచ్చిన రీతిలో కొడుతున్న తరుణంలో అడ్డుకోబోయిన భార్యను అక్కడే ఉన్న నిందితుల కుటుంబ సభ్యులు రాజేశ్వరి, సూరమ్మలు జుట్టు పట్టుకొని ఈడ్చిపడేశారు. భార్య ఎదురుగానే భర్తను దాదాపు 20 నిమిషాల పాటు కర్రలతో బాదగా పిల్లలు సైతం వచ్చి వేడుకున్నా ఆపలేదు. అడ్డుకోబోయిన గ్రామానికి చెందిన మల్లికార్జునను సైతం బాదేశారు. శ్రీరాంరెడ్డి అపస్మారక స్థితికి చేరుకుంటున్న తరుణంలో వదిలేసి వె వెళ్లారు. ఆ తర్వాత కూడా గ్రామంలో వీరంగం సృష్టిస్తూ వైఎస్సార్‌సీపీ కార్యకర్తలు పక్కీర, శీలన్నల ఇంటి వద్దకు వెళ్లి వారిపై సైతం దాడికి పాల్పడ్డారు. తీవ్ర గాయాల పాలైన శ్రీరాంరెడ్డిని కుటుంబ సభ్యులు తమ కారులోనే కర్నూలులోని ప్రైవేట్‌ ఆసుపత్రికి తరలించారు. విషయం తెలుసుకున్న పోలీసులు ఆసుపత్రి చేరుకుని బాధితుల ఫిర్యాదు తీసుకున్నారు. పిరికిపంద చర్య ఎన్నికల్లో విజయం సాధించలేమని తెలిసిన టీడీపీ నాయకులు నామినేషన్‌ వేస్తారేమోనన్న అనుమానాలతో తమ నాయకులపై హత్యాయత్నాలకు, దాడులకు పాల్పడడం పిరికి పంద చర్య అని ౖవైఎస్సార్‌సీపీ రాష్ట్ర అధికార ప్రతినిధి చెరుకులపాడు ప్రదీప్‌ రెడ్డి అన్నారు. తీవ్ర గాయాలతో ఆసుపత్రిలో చికిత్స పొందుతున్న శ్రీరాంరెడ్డిని, మల్లికార్జునను ఆయనతో పాటు మాజీ ఎమ్మెల్యే కంగాటి శ్రీదేవి తనయుడు రామ్మోహన్‌ రెడ్డి పరామర్శించారు. అన్ని కాలాలు తమవిగా ఉండవని టీడీపీ నాయకులు, కార్యకర్తలు గమనించాలని ఈ సందర్భంగా స్పష్టం చేశారు.

గోస్పాడు: జాతీయ అంధత్వ నివారణ ప్రోగ్రాంలో సివిల్‌ సర్జన్‌గా పనిచేసే డాక్టర్‌ నాగరాణి డీఎంహెచ్‌ఓ వేధింపులు తాళలేక శుక్రవారం కార్యాలయం ఎదుట బైఠాయించారు. ఆమె మాట్లాడుతూ.. కార్యాలయంలో ఇద్దరు సివిల్‌ సర్జన్‌ డాక్టర్లు, ఇద్దరు పారామెడికల్‌ ఆప్తాల్మిక్‌ ఆఫీసర్లు, స్టాఫ్‌ నర్స్‌, ల్యాబ్‌ టెక్నీషియన్‌ విధులు నిర్వహించాల్సి ఉండగా తానొక్కదాన్నే పనిచేస్తున్నట్లు చెప్పారు. విధులకు వచ్చి ఎఫ్‌ఆర్‌ఎస్‌ వేస్తున్నా అవేవీ కావంటూ అవసరం ఉన్నా లేకపోయినా డీఎంహెచ్‌ఓ వద్దకు రావాలని ఆదేశిస్తున్నారని వాపోయారు. ఇటీవల ప్రపంచ దృష్టి దినోత్సవం సందర్భంగా కార్యక్రమం నిర్వహించాలంటూ పిలిపించి మధ్యాహ్నం వరకు వేచిఉండేలా చేశారని ఆవేదన వ్యక్తం చేశారు. అంతేగాకుండా సెలవులు మంజూరు చేయకపోగా, జీతాల బిల్లులు కూడా సకాలంలో చేయకుండా నిలుపుదల చేస్తూ అవమానిస్తున్నారని వాపోయారు. ఈనెల 16 నుంచి వచ్చే నెల 9వ తేదీ వరకు మెడికల్‌ లివ్‌ మంజూరు చేయాలని కోరినా సమాధానం ఇవ్వకుండా వేధిస్తున్నారన్నారు. దీంతో విసుగు చెంది డీఎంహెచ్‌ఓ కార్యాలయం ఎదుట బైఠాయించానని చెప్పారు. ఈ విషయం తెలుసుకున్న డీఎంహెచ్‌ఓ రాత్రి సమయంలో డీడీఓ విధులు తొలగించి ఇంకో అధికారిని నియమిస్తూ ఉత్తర్వులు జారీ చేశారని ఆవేదన వ్యక్తం చేశారు. ఈ విషయంపై డీఎంహెచ్‌ఓ డాక్టర్‌ శారదాబాయిని ‘సాక్షి’ వివరణ కోరగా అధికారి మెడికల్‌ లివ్‌లో వెళ్లిందని, ఇప్పుడు తమకు ఎలాంటి సమాచారం లేకుండా విధుల్లో ఉన్నారని, ఇలాంటి చర్యలు తీసుకోవడం మంచిది కాదన్నారు.

పగిడ్యాల: మండలంలోని నెహ్రూనగర్‌ సమీపాన మూర్వకొండ బురుజుల వద్ద శ్రీశైలం బ్యాక్‌వాటర్‌లోకి మత్య్సశాఖ అధికారులు 30 లక్షల చేప పిల్లలను శుక్రవారం విడుదల చేశారు. మత్య్సశాఖ నంద్యాల సంయుక్త సంచాలకులు పామన్న, కర్నూలు మత్య్సశాఖ సంయుక్త సంచాలకులు సంధ్యారాణి ఆధ్వర్యంలో చేపట్టిన ఈ కార్యక్రమానికి తహసీల్దార్‌ శివరాముడు ముఖ్య అతిథిగా పాల్గొని నదిలోకి చేప పిల్లలను వదిలారు. గాజులదిన్నె సీడ్‌ ఫారం నుంచి 16 లక్షలు, సుంకేసుల సీడ్‌ ఫారం నుంచి 9 లక్షలు, పీఎంఎంఎస్‌వై పథకం కింద 5 లక్షల చేప పిల్లలు వచ్చినట్లు ఏడీ సంధ్యారాణి వెల్లడించారు. కట్ల, రోహు, మృగాల రకానికి చెందిన చేప పిల్లలను బ్యాక్‌వాటర్‌లోకి వదిలినందున మత్య్సకారులు నిషేధిత అలివి వలలను లాగరాదని హెచ్చరించారు. నిషేధిత వలలు లాగడం వలన మత్య్ససంపద అంతరించి పోతుందని వివరించారు. డీటీ మధు, ఎఫ్‌డీఓలు భరత్‌లాల్‌ నాయక్‌, మద్దిలేటి, నాగరాజు, వీఎఫ్‌ఏలు హనోకు, లోకేష్‌, ఆనంద్‌, సీబీబీఓ టీం నవీన్‌, ప్రసాద్‌, డీపీఎం పద్మ పాల్గొన్నారు.

వెల్దుర్తి: నామినేషన్లు వేసేందుకు వెళ్లకుండా వైఎస్సార్‌సీపీ నాయకులను గురువారం తెల్లవారుజాము నుంచే పోలీసులు హౌస్‌ అరెస్ట్‌ చేశారు. వైఎస్సార్‌సీపీ మండల అధ్యక్షుడు బొమ్మన రవిరెడ్డిని వెల్దుర్తిలోని ఆయ స్వగృహంలో, వైఎస్సార్సీపీ జిల్లా అధికార ప్రతినిఽధి ఎల్‌ నగరం గ్రామ సమీర్‌ కుమార్‌ రెడ్డి అతని స్వగృహంలో హౌస్‌ అరెస్టు చేశారు. గురువారం మధ్యాహ్నం నుంచి నామినేషన్లు వేసేందుకు అవకాశాలు ఇస్తామని సాయంత్రం వరకు వదల్లేదు. వెల్దుర్తి మండలంలో ఉన్న 17 ఎంపీటీసీ స్థానాలలో కేవలం చెరకులపాడు స్థానంలో నామినేషన్‌ వేశారు. మిగతా 16 ఎంపీటీసీ స్థానాలకు నామినేషన్‌ వేయాలనుకున్న వైఎస్సార్‌సీపీ నాయకుల, కార్యకర్తల ఆశలకు గండికొట్టారు. శుక్రవారం అయినా వైఎస్సార్‌సీపీ అభ్యర్థులను పోలీసులు నామినేషన్లు వేయిస్తారో లేదో చూడాలి.

కర్నూలు(సెంట్రల్‌): జిల్లా పరిషత్‌ కార్యాలయం,ఎంపీడీఓ కార్యాలయాల్లో కొనసాగుతున్న జెడ్పీటీసీ, ఎంపీటీసీ నామినేషన్ల ప్రక్రియను జిల్లా కలెక్టర్‌ డాక్టర్‌ ఏ.సిరి లైవ్‌ స్ట్రీమింగ్‌ ద్వారా పరిశీలించారు. ఈ సందర్భంగా కలెక్టర్‌ మాట్లాడుతూ నామినేషన్ల ప్రక్రియ పరిశీలనకు వీలుగా సీసీ కెమెరాలు ఏర్పాటు చేశామన్నారు. ప్రక్రియను పారదర్శకంగా చేపట్టేందుకు కట్టుదిట్టమైన చర్యలు చేపట్టామన్నారు. అలాగే కమాండ్‌ కంట్రోల్‌ రూమ్‌, కంప్లైంట్‌ సెల్‌ ద్వారా ఎన్నికలకు సంబంధించి అందిన ప్రతి ఫిర్యాదును నమోదు చేస్తున్నామన్నారు. ఎప్పటికప్పుడు వాటిపై స్పందిస్తూ పరిష్కారానికి తగిన చర్యలు తీసుకుంటున్నామని కలెక్టర్‌ తెలిపారు. నేడు కర్నూలుకు ఆప్కాబ్‌ ఎండీ కర్నూలు(అగ్రికల్చర్‌): ఆంధ్రప్రదేశ్‌ సహకార బ్యాంకు(ఆప్కాబ్‌) మేనేజింగ్‌ డైరెక్టర్‌ రామకృష్ణయ్య ఈ నెల 23న కర్నూలుకు రానున్నారు. ఉమ్మడి జిల్లా సహకార కేంద్ర బ్యాంకును ఆయన తనిఖీ చేయనున్నారు. అదే విధంగా బ్యాంకు సాగిస్తున్న పాలన వ్యవహారాలు, రుణాల పంపిణీ, రికవరీలు, ఎన్‌పీఏ తదితరాలపై కర్నూలులోని ప్రధాన కార్యాలయంలో సమీక్ష నిర్వహిస్తారని డీసీసీబీ సీనియర్‌ అధికారులు తెలిపారు. క్వింటా ఉల్లి రూ.4,454 కర్నూలు(అగ్రికల్చర్‌): కర్నూలు వ్యవసాయ మార్కెట్‌ యార్డులో ఉల్లి ధరలు పెరుగుతున్నాయి. మార్కెట్‌కు 938 క్వింటాళ్లు(40 లాట్లు) వచ్చాయి. కనిష్ట ధర రూ.3,419, గరిష్ట ధర రూ.4,454 లభించగా.. సగటు ధర రూ.3,419 నమోదైంది. ఈ సారి మొక్కజొన్న పంట అతి తక్కువగా ఉంది. మార్కెట్‌కు కేవలం 10 క్వింటాళ్లు మాత్రమే మొక్కజొన్నలు వచ్చాయి. క్వింటాకు రూ.2,701 ధర లభించింది. వేరుశనగకు కనిష్ట ధర రూ.5,598, గరిష్ట ధర రూ.8,089 లభించగా.. సగటు ధర రూ.7299 నమోదైంది. మార్కెట్‌లో మిర్చికి అంతంతమాత్రం ధరలే లభిస్తున్నాయి. ఎరుపు రకం కనిష్ట ధర రూ.13,259 లభించగా.. గరిష్ట ధర రూ.17,239.. సగటు ధర రూ.15,599 పలికింది. 30న ప్రభుత్వానికి ఇన్‌పుట్‌ సబ్సిడీ నివేదిక కర్నూలు(అగ్రికల్చర్‌): ఉమ్మడి జిల్లాలోని కరువు మండలాలకు సంబంధించి ఇన్‌పుట్‌ సబ్సిడీ నివేదికను ఈ నెల 30న వ్యవసాయ శాఖ జిల్లా కలెక్టర్‌ల ద్వారా ప్రభుత్వానికి పంపడానికి చర్యలు చేపట్టింది. స్థానిక సంస్థల నామినేషన్‌ల ప్రక్రియ జరుగుతుండటం, వీఏఏ, వీఆర్‌వోలు, ఏవోలకు ఎన్నికల డ్యూటీలు వేయడంతో ఎన్యూమరేషన్‌ ప్రక్రియ మందగించింది. ఇప్పటి వరకు 60 నుంచి 70 శాతం వరకు ఎన్యూమరేషన్‌ పూర్తి చేసినట్లు తెలుస్తోంది. ఒక రైతుకు ఎన్ని హెక్టార్ల భూమి ఉన్నా.. ఎన్ని రకాల పంటలు సాగు చేసినా కేవలం రెండు హెక్టార్లకు మాత్రమే ఇన్‌పుట్‌ సబ్సిడీ లభిస్తుంది. ఈ నెల 25లోపు ఎన్యూమరేషన్‌ పూర్తి చేసే విధంగా వ్యవసాయ శాఖ షెడ్యూలు ఇచ్చింది. ఈ నెల 26 నుంచి 28 వరకు రైతుసేవా కేంద్రాల్లో జాబితాలను సోషల్‌ ఆడిట్‌కు పెడతారు. వచ్చిన అభ్యంతరాలను పరిష్కరించిన తర్వాత 29న జిల్లా వ్యవసాయాధికారి కార్యాలయాలకు పంపుతారు. వాటిని క్రోడీకరించిన తర్వాత జిల్లా కలెక్టర్‌ల ద్వారా ప్రభుత్వానికి నివేదికను పంపనున్నారు. టీడీపీ నేతల ఎన్నికల కోడ్‌ ఉల్లంఘన ఆలూరు రూరల్‌: నామినేషన్‌ కేంద్రం వద్ద ఎన్నికల నిబంధలను టీడీపీ నేతలు ఉల్లంఘించారు. బుధవారం ఆలూరు టీడీపీ ఇన్‌చార్జ్‌ వైకుంఠం జ్యోతి కుమారుడు, ఆలూరు ఎంపీపీ అభ్యర్థి శ్రీరామ్‌ ప్రచార రథంతో పాటు ఐదు వాహనాల్లో ర్యాలీగా నామినేషన్‌ కేంద్రానికి వచ్చారు. అంతటితో ఆగకుండా సుమారు 50 మంది కార్యకర్తలతో కలిసి నామినేషన్‌ కేంద్రంలోకి వెళ్లి నామినేషన్‌ దాఖలు చేశారు. వైఎస్సార్‌సీపీ అభ్యర్థులు మాత్రం ఇద్దరితో నామినేషన్‌ కేంద్రంలోకి అనుమతించారు. ఎన్నికల కోడ్‌ అమలును పర్యవేక్షించాల్సిన అధికారుల సమక్షంలోనే ఈ పరిణామాలు చోటుచేసుకోవడం చర్చకు దారితీశాయి.

కర్నూలు(అర్బన్‌): ఎంపీటీసీ ఎన్నికల నిర్వహణకు సంబంధించి రెండు రోజులుగా సాగుతున్న నామినేషన్ల ప్రక్రియలో జిల్లాలోని మొత్తం 432 స్థానాలకు గురువారం సాయంత్రానికి 1,154 నామినేషన్లు దాఖలయ్యాయి. మొదటిరోజు ఈనెల 21న 168, 22వ తేదీన 986 నామినేషన్లు దాఖలయ్యాయి. ఇందులో టీడీపీకి 516, వైఎస్సార్‌సీపీ అభ్యర్థులుగా 499 మంది అభ్యర్థులుగా నామినేషన్లు దాఖలు చేశారు. రెండు రోజులుగా సాగుతున్న ఈ ప్రక్రియలో అత్యధికంగా కోడుమూరు మండలంలో 79, గోనెగండ్లలో 78, ఆస్పరిలో 77 నామినేషన్లు దాఖలైనట్లు సంబంధిత అధికారులు తెలిపారు.

టాస్క్‌ఫోర్స్‌: స్థానిక సంస్థల ఎన్నికల్లో నామినేషన్‌ వేసేందుకు వెళ్లిన వైఎస్సార్‌సీపీ అభ్యర్థులు, నాయకులు, కార్యకర్తలపై టీడీపీ నాయకులు రాళ్లతో దాడి చేశారు. ఈ ఘటన కృష్ణగిరిలో గురువారం సాయంత్రం చోటు చేసుకుంది. రాళ్లదాడిలో కానిస్టేబుల్‌ రాఘవేంద్రప్రసాద్‌ తలకు గాయమైంది. వైఎస్సార్‌సీపీ చెందిన చిట్యాల ఎంపీటీసీ అభ్యర్థి బాల ఈశ్వరయ్య, ఎరుకలచెరువు ఎంపీటీసీ అభ్యర్థి బోయ సంజమ్మ, చిట్యాలకు చెందిన ముద్దారం రామలింగడు, రమేష్‌, భూతం మల్లికార్జున, లాలప్ప, గోపాల్‌, కోయిలకొండకు చెందిన కొక్కు మద్దిలేటి, కృష్ణ, నడిమింటి మదన్‌, మన్నెకుంటకు చెందిన చిన్న బజారి, బోయ వెంకటేశ్వర్లు గాయపడ్డారు. ఒక్కసారిగా పరిస్థితి అదుపుతప్పడంతో పోలీసులు ఏమీ చేయలేకపోయారు. నామినేషన్‌ వేసే అవకాశం కల్పించాలి గొడవ జరిగిన అనంతరం కర్నూలు నుంచి వచ్చిన సీఐ మారుతి శంకర్‌ తమకు నామినేషన్‌ అవకాశం కల్పిస్తామని హామీ ఇచ్చారని వైఎస్సార్‌సీపీ ఎంపీటీసీ అభ్యర్థులు ముద్దారం బాల ఈశ్వరయ్య, బోయ సంజమ్మ, కరివేములు వెంకటేశ్వర్లు తదితరులు తెలిపారు. అయితే సాయంత్రం ఐదు గంటలు కాగానే పోలీసులు సైతం ఏ విషయం చెప్పకుండా వెళ్లిపోయారన్నారు. ప్రజాస్వామ్యంలో ఉన్నామా లేక ఎక్కడైనా ఉన్నామని అని ప్రశ్నించారు. ఓట్ల కోసం ప్రజల్లోకి వెళ్లే ధైర్యం లేక నామినేషన్‌ అడ్డుకోవడం సరికాదన్నారు. పోలీసులు రక్షణగా ఉండి తమకు నామినేషన్‌ అవకాశం కల్పించాలని కోరారు.చిన్న బజారి, మన్నెకుంటబోయ వెంకటేశ్వర్లు, మన్నెకుంట

ఆదోని రూరల్‌/సెంట్రల్‌: జెడ్పీటీసీ, ఎంపీటీసీ స్థానాలకు వైఎస్సార్‌సీపీ తరపున నామినేషన్‌ దాఖలు చేయడానికి వచ్చిన వారిపై టీడీపీ నాయకులు దాడులు చేశారు. పోలీసుల సమక్షంలోనే నామినేషన్‌ పత్రాలను సైతం చించి పడేశారు. ఆదోని ఎంపీడీఓ కార్యాలయంలో ఆదోని మండలం–1, ఆదోని మండలం–2 నుంచి నామినేషన్లు దాఖలు చేసేందుకు ప్రభుత్వం ఏర్పాట్లు చేసింది. టీడీపీకి చెందిన నాయకులు తమ అనుచరులతో పాటు ఇతర ప్రాంతాల నుంచి గూండాలను పిలిపించుకుని గురువారం ఉదయం నుంచే అక్కడ ఉన్నారు. వైఎస్సార్‌సీపీ తరఫున నామినేషన్‌ దాఖలు చేయడానికి వచ్చే వారిపై దాడులు చేశారు. విరుపాపురం గ్రామం నుంచి వైఎస్సార్‌సీపీ తరఫున ఎంపీటీసీ అభ్యర్థిగా నామినేషన్‌ దాఖలు చేయడానికి ఇద్దరితో కలసి వస్తున్న నరసప్పను టీడీపీ నాయకుడు చిన్నగొనేహాల్‌ గోపాల్‌రెడ్డి అడ్డుకున్నాడు. నామినేషన్‌ పత్రాలను లాక్కొని పక్కనే ఉన్న డ్రైనేజీ కాలులో పడేశాడు. వైఎస్సార్‌సీపీ అభ్యర్థితో పాటు వచ్చిన నాయకులు ప్రతిఘటించగా టీడీపీ గూండాలు దాడి చేశారు. తాలూకా సీఐ నల్లప్ప, ఎస్‌ఐ రామాంజనేయులు, పలువురు సిబ్బంది సమక్షంలోనే వారి పత్రాలను లాక్కొని పడేశారు. పోలీసులు ప్రేక్షకపాత్ర వహించడంపై సర్వత్రా విమర్శలు వ్యక్తమవుతున్నాయి. మహిళ అని చూడకుండా... వైఎస్సార్‌సీపీ నాయకులతో కలసి దిబ్బనకల్‌ గ్రామం నుంచి ఎంపీటీసీ అభ్యర్థిగా ఈరమ్మ అనే మహిళ నామినేషన్‌ వేసేందుకు వెళ్లగా టీడీపీ గూండాలు అడ్డుకున్నారు. నామినేషన్‌ పత్రాలను చించి పడేశారు. దీంతో వైఎస్సార్‌సీపీ నాయకులు అక్కడే నిరసన తెలియజేయడంతో పోలీసులు కలుగజేసుకుని మరలా నామినేషన్‌ వేయాల్సిందిగా సూచించారు. తిరిగి సాయంత్రం దిబ్బనకల్‌ ఎంపీటీసీ అభ్యర్థిగా ఈరమ్మ నామినేషన్‌ దాఖలు చేశారు. మిగతా గ్రామాల నుంచి నామినేషన్లు వేయడానికి వస్తున్న వారిని అడ్డుకుని తిరిగి వాపసు పంపించారు. దీంతో ఈ విషయాన్ని మాజీ ఎమ్మెల్యే సాయిప్రసాద్‌రెడ్డి ఇంటికి వెళ్లి నాయకులు తెలియజేశారు. నామినేషన్‌ వేయడానికి మరొకరోజు గడువు ఉండడంతో వైఎస్సార్‌సీపీ అభ్యర్థులంతా కలిసి నామినేషన్‌ వేయడానికి వస్తున్నట్లు భరోసా ఇచ్చారు. దాష్టీకం.. రౌడీయిజం ● పోలీసుల లాఠీచార్జ్‌ పత్తికొండ/రూరల్‌: స్థానిక సంస్థల ఎన్నికల్లో టీడీపీ నాయకులు బరితెగించారు. పత్తికొండ ఎంపీడీఓ కార్యాలయంలో ఏర్పాటు చేసిన నామినేషన్‌ కేంద్రం దగ్గర గురువారం భయాందోళన సృష్టించారు. వైఎస్సార్‌సీపీ తరఫున జూటూరు, చక్రాళ్ల ఎంపీటీసీ అభ్యర్థులు హరిజన శ్రీనువాసులు, పులికొండ నర్సయ్యలు నామినేషన్‌ వేయడానికి నాయకులతో కలసి వస్తున్న సమయంలో టీడీపీ గుండాలు అడ్డుకున్నారు. నామినేషన్‌ పత్రాలను లాక్కొని చించివేయడానికి ప్రయత్నాలు చేశారు. సీఐ నాగరాజా రావు తన సిబ్బందితో వారిని అడ్డుకున్నారు. అయితే టీడీపీ నాయకులు ఏకంగా పోలీసులపైనే దాడులకు పాల్పడుతూ ఉండటంతో లాఠీచార్జ్‌ చేశారు. గొడవ సద్దుమణిగిన తరువాత వైఎస్సార్‌సీపీ అభ్యర్థులు కేంద్రంలోకి వెళ్లి ప్రశాంతంగా నామినేషన్లు వేశారు. ఆదోనిలో వైఎస్సార్‌సీపీ అభ్యర్థులపై టీడీపీ నాయకుల దాడి పత్తికొండలో నామినేషన్‌ పత్రాలు చించివేయడానికి యత్నం తుగ్గలిలో పట్టుడు కట్టెలతో హల్‌చల్‌

కర్నూలు: పరిషత్‌ ఎన్నికల నామినేషన్ల ప్రక్రియ నేపథ్యంలో జిల్లా పరిషత్‌ ప్రాంతం కర్ఫ్యూ వాతావరణాన్ని తలపించింది. బారీకేడ్లు, ఇనుప కంచెలతో రోడ్లను మూసివేయడంతో ఆ మార్గంలో కనీసం కాలినడకన కూడా వెళ్లేందుకు అవకాశం లేక ప్రజలు తీవ్ర ఇబ్బందులు ఎదుర్కొన్నారు. కిలోమీటర్‌ పొడవునా రోడ్లను మూసివేయడమే కాక జిల్లాపరిషత్‌కు ఎదురుగా ఉన్న వ్యాపార దుకాణాలను పోలీసులు మూసివేయించారు. దీంతో వ్యాపారులు తీవ్ర అసహనానికి లోనయ్యారు. కనీసం కాలినడకన కూడా వెళ్లేందుకు అనుమతించకపోవడంతో మహిళలు, వృద్ధులు తిట్టుకుంటూ మరో మార్గంలో వెళ్తూ పోలీసులను తిట్టుకోవడం కనిపించింది. విష్ణువర్ధన్‌ రెడ్డి అనుచరుల హల్‌చల్‌ కేడీసీసీబీ చైర్మన్‌, టీడీపీ నేత విష్ణువర్ధన్‌ రెడ్డి అనుచరులు ఆ ప్రాంతంలో హల్‌చల్‌ సృష్టించారు. కర్నూలు రూరల్‌ మండలానికి సంబంధించిన ఎంపీటీసీలు జిల్లాపరిషత్‌ ఆవరణలోని కర్నూలు ఎంపీపీ కార్యాలయంలో నామినేషన్లు దాఖలు చేశారు. టీడీపీకి చెందిన వారు తప్ప ఇతరులు ఎవరూ నామినేషన్లు వేయకుండా జిల్లాపరిషత్‌ సమీపంలోని ఐదు ప్రాంతాల్లో కాపు కాసి భయానక వాతావరణాన్ని సృష్టించారు. సమీపంలోనే రాజధాని బార్‌, మధువన్‌ బార్‌ ఉండటంతో ఉదయం నుంచి సాయంత్రం వరకు రౌడీమూకలు బార్లలో మద్యం సేవిస్తూ ఆయా ప్రాంతాల్లో కాపు కాసి హల్‌చల్‌ సృష్టించారు. అయితే పోలీసులు మాత్రం చూసీ చూడనట్లుగా వ్యవహరించారు. విద్యార్థులు, పేషెంట్ల రిపోర్టు చించివేత ఆ మార్గం గూండా ఆసుపత్రికి వెళ్లే రోగులు పట్టుకున్న రిపోర్టులను, విద్యార్థులు తీసుకెళ్తున్న సర్టిఫికెట్లను కూడా తెలుగుదేశం గూండాలు నామినేషన్‌ పత్రాలుగా భావించి చించివేయడం తీవ్ర విమర్శలకు తావిచ్చింది. ఆ మార్గం గూండా కాగితాలు పట్టుకుని ఎవరు వెళ్లినా నామినేషన్లు వేయడానికే వెళ్తున్నారని భావించి నిరక్షరాస్యులైన విష్ణువర్ధన్‌ రెడ్డి అనుచరులు మద్యం మైకంలో దుర్మార్గంగా వ్యవహరించడం గమనార్హం. ఈ దృశ్యాలను చూసి ఓ హెడ్‌ కానిస్టేబుల్‌ పైఅధికారులు సరిగా లేకపోతే పరిస్థితి ఇలాగే ఉంటుందని బాధ పడటం పరిస్థితి తీవ్రతకు అద్దం పట్టింది. నా 30 ఏళ్ల సర్వీసులో ఇలాంటి పరిస్థితి ఎప్పుడూ చూడలేదని.. నామినేషన్‌ కేంద్రానికి నాలుగు వైపులా తెలుగుదేశం గూండాలు తిష్ట వేసి అరాచకం సృష్టిస్తున్నా పైఆఫీసర్లు పట్టించుకోకపోవడం వల్లే తాము మనసు చంపుకొని పనిచేయాల్సి వస్తోందని ఆవేదన వ్యక్తం చేశారు. శాంతిభద్రతల పేరుతో హడావుడి చేయడం తప్పిస్తే ఏమీ చేయలేకపోతున్నామని అక్కడున్న వారితో చెప్పుకొని బాధ పడటం గమనార్హం.

కర్నూలు: స్థానిక సంస్థల ఎన్నికల నేపథ్యంలో పొరుగు రాష్ట్రాల నుంచి అక్రమ మద్యం జిల్లాలోకి రవాణా కాకుండా నివారించేందుకు స్టేట్‌ టాస్క్‌ఫోర్స్‌ అధికారి ఎకై ్సజ్‌ చెక్‌పోస్టులను తనిఖీ చేశారు. కర్నూలు ఎకై ్సజ్‌ స్టేషన్‌ సీఐ చంద్రహాస్‌తో కలసి గురువారం కర్నూలు శివారులోని పంచలింగాల చెక్‌పోస్టు, సుంకేసుల వద్ద ఉన్న ఎకై ్సజ్‌ చెక్‌పోస్టులను ఆయన సందర్శించారు. వాహన తనిఖీలు జరుగుతున్న తీరును పరిశీలించారు. విజయవాడ నుంచి వచ్చిన ఎకై ్సజ్‌ స్టేట్‌ టాస్క్‌ఫోర్స్‌ సూపరింటెండెంట్‌ రఘుమారెడ్డి ఆధ్వర్యంలో కొద్దిసేపు ఆయా చెక్‌పోస్టులలో వాహన తనిఖీలు జరిగాయి. మద్యం అక్రమంగా తరలించే వారిపై కేసు నమోదు చేసి కట్టడికి చర్యలు తీసుకోవాలని అక్కడున్న సిబ్బందికి సూచించారు. పొరుగు రాష్ట్రాల నుంచి అక్రమ మద్యం రవాణా కాకుండా నిరంతరం అప్రమత్తంగా ఉండాలని, వాహన తనిఖీలు పకడ్బందీగా చేపట్టాలని ఆయన సిబ్బందికి సూచనలు చేశారు. విశ్వేశ్వరరావు, మునిస్వామి, నవీన్‌, తదితరులు పంచలింగాల చెక్‌పోస్టులో విధులు నిర్వహించారు.

సాధారణంగా మనిషిలో ఒక చేయికో ఒక కాలికో ఆరు వేళ్లు ఉండటం చూసి ఉంటాం. అయితే ఓ బాలుడికి కాళ్లు, చేతులు రెండింటికి కలిపి ఏకంగా 24 వేళ్లు ఉండటం విశేషం. కోవెలకుంట్ల పట్టణ శివారులోని స్వామినగర్‌ కాలనీకి చెందిన ముద్దుకృష్ణ, వెంకటలక్ష్మి దంపతులకు నాలుగేళ్ల కుమారుడు మంజిత్‌ సంతానం. పుట్టుకతోనే ఈ బాబుకు ఒక్కోచేతికి ఆరు వేళ్ల చొప్పున రెండుచేతులకు 12 వేళ్లు, ఒక్కో కాలికి ఆరువేళ్ల చొప్పున రెండు కాళ్లకు 12 వేళ్లు ఉన్నాయి. బాలుడికి 24 వేళ్లు ఉండటం అరుదైన సంఘటనగా కాలనీ వాసులు పేర్కొంటున్నారు. – కోవెలకుంట్ల

కొలిమిగుండ్ల (అవుకు): విధి నిర్వహణలో ఉన్న కానిస్టేబుల్‌పై దాడి చేసిన వ్యక్తికి బనగానపల్లె కోర్టు గురువారం రూ.5వేలు జరిమానా విధించింది. అవుకు మండలం గుండ్లశింగవరం ఉన్నత పాఠశాలలో 2019 సెప్టెంబర్‌ 1వ తేదీన మహిళా అభ్యర్థులకు సచివాలయ పరీక్షలు నిర్వహించారు. ఆ సమయంలో పరీక్షా కేంద్రం వద్ద పోలీసులు 144 సెక్షన్‌ అమలు చేశారు. అవుకు పోలీస్‌ స్టేషన్‌కు చెందిన కానిస్టేబుల్‌ సూర్యప్రకాష్‌ అక్కడ బందోబస్తు విధుల్లో ఉన్నాడు. నంద్యాల మండలం మునగాల గ్రామానికి చెందిన గోవిందిన్నె వెంకటేశ్వరరెడ్డి పరీక్ష రాస్తున్న భార్య ఉంటున్న గదిలోకి వెళ్లేందుకు ప్రయత్నించగా విధుల్లో ఉన్న గ్రామ వలంటీర్‌ తిరుమలేష్‌, కానిస్టేబుల్‌ సూర్యప్రకాష్‌ అడ్డుకొని లోనికి అనుమతి లేదని బయటకు వెళ్లాలని సూచించారు. అయితే కానిస్టేబుల్‌ మాటలను లెక్క చేయకుండా వెంకటేశ్వరరెడ్డి ఘర్షణకు దిగి యూనిఫాంలో ఉన్న కానిస్టేబుల్‌ కాలర్‌ పట్టుకొని విధులకు ఆటంకం కలిగించాడు. ఈ ఘటనకు సంబంధించి అప్పట్లోనే కానిస్టేబుల్‌ ఫిర్యాదు మేరకు ఎస్‌ఐ శ్రీకాంత్‌రెడ్డి కేసు నమోదు చేశారు. దర్యాప్తు చేసి కోర్టులో చార్జీషీట్‌ దాఖలు చేశారు. ఈ కేసుపై కోర్టులో విచారణ పూర్తి కాగా బనగానపల్లె కోర్టు న్యాయమూర్తి వెంకటేశ్వరరెడ్డిని దోషిగా నిర్దారించి రూ.5వేలు జరిమానా విధిస్తూ తుది తీర్పు ప్రకటించారు. అనారోగ్యంతో మహిళా ఏఎస్‌ఐ మృతి కర్నూలు: కర్నూలు పోలీస్‌ కంట్రోల్‌ రూమ్‌లో(పీసీఆర్‌) ఏఎస్‌ఐగా పనిచేస్తున్న నిమ్మిపాటి లక్ష్మిదేవి(58) అనారోగ్యంతో మృతిచెందారు. ఈమె స్వస్థలం కల్లూరు మండలంలోని పుసులూరు బొల్లవరం. 1991లో లక్ష్మిదేవి కానిస్టేబుల్‌గా పోలీసు శాఖలో చేరారు. ఏడాది కాలంగా షుగర్‌ వ్యాధితో బాధ పడుతుండగా.. ఇటీవల షుగర్‌ అధికమై కాలి పాదం తొలగించారు. ఇదే సమయంలో వైద్యపరీక్షలు నిర్వహించగా క్యాన్సర్‌ ఉన్నట్లు బయటపడింది. దీంతో మెరుగైన వైద్యం కోసం హైదరాబాద్‌లోని ఓ ప్రైవేటు వైద్యశాలకు తరలించి చికిత్స చేయించారు. కోలుకోలేక గురువారం మృతి చెందారు. సాయంత్రానికి మృతదేహం కర్నూలుకు తీసుకొచ్చారు. సుంకేసుల రోడ్డులోని హిందూ స్మశాన వాటికలో శుక్రవారం పోలీసు లాంఛనాలతో అంత్యక్రియలు నిర్వహిస్తున్నట్లు కుటుంబ సభ్యులు తెలిపారు. నాటుసారా స్థావరాలపై దాడులు బనగానపల్లె రూరల్‌: బనగానపల్లె ప్రొహిబిషన్‌ అండ్‌ ఎకై ్సజ్‌ స్టేషన్‌ పరిధిలోని పలు గ్రామాల్లో నాటుసారా స్థావరాలపై నంద్యాల ఎకై ్సజ్‌ సూపరింటెంట్‌ టాస్క్‌ ఫోర్స్‌ (ఈఎస్‌టీఎఫ్‌) సీఐ లక్ష్మణ్‌దాస్‌ ఆధ్వర్యంలో గురువారం దాడులు జరిగాయి. పసుపల తండా, చిన్నరాజుపాళెం, తండా గ్రామాల్లో నాటుసారా తయారీ అనుమానితుల ఇళ్లలో తనిఖీ చేయడంతో పాటు అలేబాద్‌తండా గ్రామంలోని కొండల్లో నాటుసారా తయారీకి మూడు డ్రమ్ముల్లో సిద్ధంగా ఉన్న బెల్లం ఊటను ధ్వంసం చేశారు. ఈ సందర్భంగా సీఐ మాట్లాడుతూ.. స్థానిక సంస్థల ఎన్నికలను దృష్టిలో ఉంచుకొని జిల్లా డీపీఈఎస్‌వో, ఏఈఎస్‌ ఆదేశాల మేరకు ఈ దాడులు నిర్వహించినట్లు తెలిపారు. కార్యక్రమంలో టాస్క్‌ఫోర్స్‌ సిబ్బంది ఓబులేసు, నాగరాజు, డీవీ కృష్ణయ్య, రవికుమార్‌, పాములేటి తదితరులు పాల్గొన్నారు. గుర్తుతెలియని వ్యక్తి దుర్మరణం ఓర్వకల్లు: మండలంలోని సోమయాజులపల్లె గ్రామ సమీపంలో జాతీయ రహదారిపై గురువారం గుర్తుతెలియని వ్యక్తి మృతి చెందాడు. స్థానిక ఇండియన్‌ ఆయల్‌ పెట్రోల్‌ బంక్‌ ఎదురుగా రోడ్డుదాటుతుండగా తెల్లవారుజామున ఐదు గంటల సమయంలో గుర్తు తెలియని వాహనం ఢీక్టొంది. గుర్తుతెలియని వ్యక్తి అక్కడిక్కడే మృతిచెందాడు. మృతుడి వయస్సు సుమారు 30–35 ఏళ్ల మధ్య ఉంటుంది. కుడిచేతికి పచ్చబొట్టు ఉంది. మృతదేహాన్ని కర్నూలు ప్రభుత్వ ఆసుపత్రికి తరలించి, మార్చురీ గదిలో భద్రపరచినట్లు పోలీసులు తెలిపారు. కొమరం భీం జయంతి శ్రీశైలంప్రాజెక్ట్‌: గిరిజన హక్కుల పోరాటధీరుడు కొమరంభీం జయంతి శ్రీశైలం ప్రాజెక్ట్‌లో గురువారం నిర్వహించారు. అంబేడ్కర్‌ సెంటర్‌లో కొమరం భీం చిత్రపటానికి పూలమాలలు వేసి నివాళులర్పించారు. ఈ సందర్భంగా కొమరం భీం ఆదివాసి చెంచు గిరిజన సంక్షేమ సంఘం గౌరవాధ్యక్షుడు వై.ఆశీర్వాదం మాట్లాడుతూ.. బ్రిటీష్‌ పాలకులు పెట్టుబడిదారి తనంతో హక్కులను కాలరాస్తుంటే గిరిజనుల హక్కుల కోసం పోరాడిన ధీరుడు కొమరంభీం అని అన్నారు. గిరిజన సంక్షేమ సంఘం నాయకులు లక్ష్మి, చెవుల మల్లికార్జున, కుడుముల చిన్నోడు, బసవయ్య తదితరులు పాల్గొన్నారు.

కర్నూలు: తల్లిదండ్రుల నుంచి తప్పిపోయిన ఓ బాలికను పోలీసులు చేరదీశారు. వివరాలు అడిగితే తండ్రి పేరు ఇర్ఫాన్‌, తన పేరు అశ్వినా అని, శ్రీచైతన్య పాఠశాలలో చదువుతున్నట్లు చెబుతోంది. గురువారం కర్నూలు ఎ.క్యాంప్‌లో ఉన్న పార్కు దగ్గర ఏడ్చుకుంటూ ఉండగా మూడో పట్టణ పోలీసులు చేరదీసి స్టేషన్‌కు తీసుకెళ్లారు. నివాసం ఎక్కడుందని ప్రశ్నించినా.. చెప్పలేకపోతోంది. ప్రస్తుతం ఈ బాలిక త్రీటౌన్‌ పోలీస్‌స్టేషన్‌లో ఉంది. సమాచారం తెలిసినవారు సీఐ సెల్‌ 9121101061 నంబర్‌, అలాగే పోలీస్‌స్టేషన్‌ 08518–277187 నంబర్‌లో సంప్రదించాలని పోలీసులు తెలిపారు.

● ఒకరు మృతి..100 మందికి పైగా గాయాలు ● మెరుగైన చికిత్స కోసం ఆలూరు, ఆదోనికు తరలింపు హొళగుంద: బన్ని ఉత్సవంలో ఆది నుంచి వస్తున్న ఆచారమే నడిచింది. పోలీస్‌ నిబంధనలు, అధికారుల ఆదేశాలను పట్టించుకోలేదు. విజయదశమిని పురస్కరించుకుని హొళగుంద మండలం దేవరగట్టులో బుధవారం అర్ధరాత్రి నుంచి గురువారం తెల్లవారుజాము వరకు కర్రల సమరం సాగింది. ఆలూరు పట్టణం ఇందిరానగర్‌కు చెందిన పోత రాజు(32) అనే వ్యక్తి మృతి చెందాడు. మొత్తం 100 మందికి పైగా గాయపడగా చికిత్స కోసం ఆదోని, ఆలూరు, కర్నూలుకు తరలించారు. తీవ్రంగా 25 మంది గాయపడగా.. మలకన్న, శరబన్న, పరుశురామ్‌, గణేష్‌, రామాంజనేయులు నాయుడు తదితరల పరిస్థితి విషమంగా ఉంది. వీరిని ఆలూరు, ఆదోనికి 108, 104 అంబులెన్స్‌లో తరలించారు. లక్షన్నరకు పైగా భక్తులు బుధవారం అర్ధరాత్రి ప్రారంభమైన మాళ మల్లేశ్వరస్వామి జైత్రయాత్ర గురువారం ఉదయం వరకు సాగింది. నెరణికి, నెరణికి తండా, కొత్తపేట గ్రామస్తులతో పాటు దేవరగట్టు చుట్టు పక్కల గ్రామాలైన నిట్రవట్టి, బిలేహాల్‌, విరుపాపురం, ఎల్లార్తి, సుళువాయి, అరికెర, అరికెరతాండా, కురుకుంద, సమ్మతగేరి, పెద్దహ్యాట, హెబ్బటం, లింగంపల్లితో పాటు దాదాపు 15 గ్రామాలకు చెందిన భక్తులు ఉత్సవంలో పాల్గొని మొగలాయి ఆడారు. బన్ని ఉత్సవాన్ని తిలకించేందుకు కర్ణాటక, ఆంధ్రా, తెలంగాణ నుంచి లక్షన్నరకు పైగా భక్తులు తరలి వచ్చారు. పటిష్ట బందోబస్తు ఉన్నా.. ఎస్పీ విక్రాంత్‌ పాటిల్‌ ఆధ్వర్యంలో ఆదోని ఏఎస్పీ జయశర్మ పర్యవేక్షణలో ఆదోని, నంద్యాల, కర్నూలు, డోన్‌, తదితర ప్రాంతాలకు చెందిన డీఎస్పీలు, సీఐలు, ఎస్‌ఐలు, కానిస్టేబుళ్లతో పాటు ప్రత్యేక బలగాలు వచ్చాయి. మహిళా పోలీసులు, స్పెషల్‌ పార్టీలతో కలిసి మొత్తం కలిసి వెయ్యి మందితో పటిష్ట బందోబస్తు ఉన్నా కర్రల సమరం ఆగలేదు. వందల సంఖ్యలో సీసీ కెమెరాలు, ఐదు డ్రోన్‌ కెమరాలు, దాదాపు 800 వరకు భారీ వెలుతురు ఇచ్చే లైట్లను ఏర్పాటు చేసి పోలీస్‌ కంట్రోల్‌ రూం ద్వార ఎప్పటికప్పుడు పరిస్థితి ని సమీక్షించినా దేవరగట్టు రక్తమోడింది. నేడు రథోత్సవం దేవరగట్టులో శుక్రవారం సాయంత్రం మాళ మల్లేశ్వరస్వామి రథోత్సవం ఘనంగా జరగనుంది. శనివారం గొరవయ్యల ఆటలు, గొలుసు తెంపుట, దేవదాసీల క్రీడోత్సవం, సాయంత్రం వసంతోత్సవం, కంకణ విసర్జన ఉంటాయి. ఆదివారం మాళమల్లేశ్వర స్వామి విగ్రహాలు నెరణికి గ్రామానికి చేరడంతో ఉత్సవాలు ముగుస్తాయి. బన్ని ఉత్సవం సాగింది ఇలా.. బసవన్నగుడి సమీపంలో తిష్టవేసిన అరికెరకు చెందిన భక్తులు అలజడి సృష్టించారు. విగ్రహాలు, పల్లకీని పాదాల గట్టు వైపు వెళ్లిన సమయంలో అగ్గి కాగడాలు, రాళ్లు విసిరారు. రింగు కర్రలు, దివిటీలతో దాడి చేయడంతో చాలా మందికి గాయాలయ్యాయి. అరికెర, ఇతర గ్రామాల భక్తుల మధ్య గంట పాటు ఉద్రిక్తత పరిస్థితి నెలకొంది. విగ్రహాలు, పల్లకీ రాక్షసపడి గుండ నుంచి శమీవృక్షం వద్దకు తీసుకెళ్లారు. శమీవృక్షం మీదుగా ఎదురు బసవన్న గుడి వైపునకు వెళ్లారు. ఆలయ పూజారి గిరిస్వామి భవిష్యవాణి (కార్ణీకం) వినిపించిన అనంతరం ఉత్సవమూర్తులను మల్లప్ప గుడిలోని సింహాసన కట్టమీద అధిష్టింపజేశారు. భక్తులు చప్పట్లు కొట్టి ఇళ్లకు తిరుగు ప్రయాణమయ్యారు.

● భవిష్యవాణి వినిపించిన ఆలయ పూజారి హొళగుంద: వర్షాలు ఉండవని, ఆకాశం మేఘావృతం అయినా ఆశలు పెంచుకోవద్దని, ధరలు పెరుగుతూనే ఉంటాయని, తగ్గే పరిస్థితి ఉండబోదని పూజారి తన కార్ణీకంలో వివరించారు. దేవరగట్టు దసరా బన్ని ఉత్సవంలో ఆలయ పూజారి గిరిస్వామి బసవన్నగుడి పైకెక్కి డిర్ర్‌ర్ర్‌ర్ర్‌.. బహుపరక్‌ అంటూ భవిష్యవాణి వినిపించాడు. మల్లెగువ్వే ఇందే గంగి, మాళ నింతాళ హెచ్చర.. 7,900 నగెళ్లే..(పత్తి).. 3,400 ఒక్కళచోళ(జొన్న).. 3–6, 6–వర్ణాదితు ..అని అన్నారు. మల్లెపూవులా కనిపించినా అది మల్లె పూవు కాదని, వర్షాలు వచ్చినట్టే కనబడ్తున్నా వర్షాలు కురవవని, మంచితనం ముసుగులో కనబడని చెడు దాగి ఉంటుందని హెచ్చరా అనే అర్థంతో భవిష్యవాణి ఉన్నట్లు పలువురు పెద్దలు తెలిపారు. అలాగే పత్తి రూ.7,900, జొన్న రూ.3,400 ధర పలుకుతుందని, ఆహార పదార్థాలు, నిత్యావసర సరకులు, పంటలకు గిట్టుబాటు ధర తక్కువ నుంచి పెరిగి ఇంకా పెరుగుతూనే ఉంటుందని తెలియజేసేలా 3:6, 6–వర్ణాదితు అని భవిష్యవాణిని వినిపించి ముగించాడు.

● వైఎస్సార్‌సీపీ జిల్లా అధ్యక్షుడు ఎస్వీ మోహన్‌ రెడ్డికర్నూలు (టౌన్‌): అబద్ధాలు చెప్పి అధికారంలోకి వచ్చిన టీడీపీ అధినేత చంద్రబాబు నాయుడును స్థానిక సంస్థల ఎన్నికల్లో ఓడిద్దామని వైఎస్సార్‌సీపీ జిల్లా అధ్యక్షుడు ఎస్వీ మోహన్‌ రెడ్డి పిలుపునిచ్చారు. కర్నూలు 28వ వార్డు పరిధిలోని శ్రీరామనగర్‌, సీ.క్యాంపు క్వార్టర్స్‌, మద్దుర్‌నగర్‌ ప్రాంతాల్లో గురువారం వైఎస్సార్‌సీపీ మేయర్‌ అభ్యర్థి సుశీల, కార్పొరేటర్‌ అభ్యర్థి బత్తుల రీటా స్వర్ణలతతో కలిసి పార్టీ మహిళా విభాగం రాష్ట్ర వర్కింగ్‌ అధ్యక్షులు ఎస్వీ విజయ మనోహరి, కర్నూలు పార్లమెంటరీ ఇన్‌చార్జ్‌ బుట్టా రేణుక ప్రచారం చేశారు. ఇంటింటికీ తిరిగి చంద్రబాబు మోసాలు వివరించారు. ఆడబిడ్డ నిధి ఇచ్చారా.. 50 సంవత్సరాలు దాటితే బీసీలు, ఎస్సీలు, ఎస్టీలు, మైనార్టీలందరికీ రూ. 4 వేలు పెన్షన్‌ ఇచ్చారా.. అని ఓటర్లను అడిగారు. చంద్రబాబు మాటలు నమ్మి మోసపోయామని ప్రజలు చెప్పారు. ఈ సందర్భంగా ఎస్వీ మోహన్‌రెడ్డి మాట్లాడుతూ.. ఇచ్చిన ప్రతి హామీని జగనన్న అమలు చేస్తే, ఎన్నో అబద్ధాలు చెప్పి చంద్రబాబు అధికారంలోకి వచ్చారన్నారు. ఉచిత గ్యాస్‌ సిలిండర్లు ఎగొట్టారన్నారు. పేదలను, సామాన్యులను, మధ్య తరగతి ప్రజలను, మహిళలను మోసం చంద్రబాబును ఓడిద్దామన్నారు. ఎన్నికల్లో వైఎస్సార్‌సీపీ అభ్యర్థులు నామినేషన్లు వేస్తుంటే చంద్రబాబుకు ఎందుకంత భయమని ప్రశ్నించారు. ప్రజలు ఆలోచించాలని, సంక్షేమం, అభివృద్ధికి పెద్దపీట వేసిన వైఎస్సార్‌సీపీ మేయర్‌, కార్పొరేటర్‌ అభ్యర్థులను ఫ్యాన్‌ గుర్తుకు ఓటు వేసి గెలిపించాలన్నారు.

ఆలయంలోని గుండంలో స్వామిఅమ్మవార్లకు అవబృధం కార్యక్రమం నందివాహన సేవలో స్వామిఅమ్మవారు శ్రీశైలంటెంపుల్‌: శ్రీశైల మహాక్షేత్రంలో ఆధ్యాత్మికభరితంగా సాగిన దసరా మహోత్సవాల్లో చివరిరోజైన మంగళవారం భ్రమరాంబాదేవి నిజరూప అలంకారంలో భక్తులకు దర్శనమిచ్చారు. నందివాహనసేవలో ఆదిదంపతులు విహరించారు. విజయదశమి రోజున స్వామిఅమ్మవార్లకు విశేష పూజలు నిర్వహించారు. పూర్ణాహుతితో దసరా మహోత్సవాలు ముగిశాయి. శ్రీ భ్రమరాంబాదేవి అలంకారం దసరా మహోత్సవాల్లో భాగంగా మంగళవారం సా యంత్రం అమ్మవారి ఉత్సవమూర్తిని భ్రమరాంబాదేవి స్వరూపంలో (నిజాలంకరణ) అలంకరింపజేసి ప్రత్యే క పూజలు నిర్వహించారు. అష్టభుజాలు కలిగిన ఈ దే విశూలం, బాకు, గద, ఖడ్గం ,విల్లు, డాలు, పరిఘ మొదలైన ఆయుధాలను ధరించి భక్తులకు దర్శనమిచ్చారు. నందివాహనసేవ విజయదశమి రోజున సాయంత్రం నందివాహన సేవ నిర్వహించారు. స్వామిఅమ్మవార్ల ఉత్సవమూర్తులను నందివాహనంపై ప్రత్యేకంగా అలంకరించి ప్రత్యేక పూజాదికాలను నిర్వహించారు. శమీ పూజ సాయంత్రం ఆలయ ప్రాంగాణంలోని శమీ వృక్షానికి శాస్త్రోక్తంగా పూజాదికాలను జరిపారు. అనంతరం నందివాహనాధీశులైన స్వామిఅమ్మవార్లను శమీ వృక్షం చుట్టు ప్రదక్షిణ చేయించారు. నేత్రానందభరితంగా తెప్పోత్సవం స్వామిఅమ్మవార్లకు మంగళవారం సాయంత్రం ఆలయ పుష్కరిణి వద్ద నేత్రానందభరితంగా తెప్పోత్సవం నిర్వహించారు. ముందుగా ఆలయ ప్రాంగణంలోని స్వామిఅమ్మవార్ల ఉత్సవమూర్తులకు షోడశోపచార పూజలు నిర్వహించి, ఆలయ రాజగోపురం నుంచి ఊరేగింపుగా తోడ్కోనివచ్చి పుష్కరిణిలో ఏర్పాటు చేసిన తెప్పపై వేంచేంబు చేయించి విశేష పూజాదికాలను నిర్వహించారు. మంగళవాయిద్యాల నడుమ వేదమంత్రాలతో శాస్త్రోక్తంగా తెప్పోత్సవం నిర్వహించారు.

కొత్తపల్లి: దసరా ఉత్సవాలు పురస్కరించుకొని కృష్ణా జలాల నుంచి బయల్పడిన సంగమేశ్వరాలయంలో మంగళ, బుధవారాల్లో సంగమేశ్వరుడు భక్తులచే విశేష పూజలు అందుకున్నారు. ఆలయ పురోహితులు తెలకపల్లి రఘురామ శర్మ గర్భాలయంలోని వేపధారు శివలింగానికి ప్రత్యేక అలంకరణ చేసి కృష్ణా జలాలతో అభిషేకం, కుంకుమార్చన, పుష్పార్చన, మహా మంగళహారతి వంటి విశేష పూజలు నిర్వహించారు.ఆలయం,ఆలయప్రాంగణంలోని వివిధ దేవతా మూర్తుల విగ్రహాలకు పురోహితుడు ప్రత్యేక పూజలతో పాటు, మంగళహారతులు ఇచ్చారు. కృష్ణా జలాలలో దిగి గంగాదేవికి జలహారతి ఇచ్చారు. అదేవిధంగా సాయంత్రం సూర్యాస్తమయం సమయంలో సూర్యుడు అరుణ వర్ణంలో సంగమేశ్వరాలయంపై భక్తులు, సందర్శకులకు కనువిందు చేశాడు. ముమ్మరంగా తనిఖీలు కర్నూలు: స్థానిక సంస్థల ఎన్నికల నేపథ్యంలో కర్నూలు శివారులోని పంచలింగాల చెక్‌పోస్టులో ఎకై ్సజ్‌ అధికారులు తనిఖీలు ముమ్మరం చేశారు. పొరుగు రాష్ట్రాల నుంచి అక్రమ మద్యం తరలింపును అరికట్టే ఉద్దేశంతో చెక్‌పోస్టు వద్ద విస్తృతంగా వాహనాలు తనిఖీ చేస్తున్నారు. కర్నూలు నగరం పెద్దపడఖానాకు చెందిన రాము తెలంగాణ నుంచి బస్సులో మద్యం తీసుకొస్తుండగా తనిఖీ చేసి ఆరు మద్యం బాటిళ్లను స్వాధీనం చేసుకున్నారు. రామును అదుపులోకి తీసుకుని కేసు నమోదు చేశారు. ఎన్నికల సమయంలో మద్యం, ఇతర మత్తు పదార్థాలను అక్రమంగా రవాణా చేయడం, నిబంధనలకు విరుద్ధంగా కలిగి ఉండటం చట్టరీత్యా నేరమని తెలియజేశారు. ప్రతిరోజూ వాహన తనిఖీలు నిర్వహించడంతో పాటు పొరుగు రాష్ట్రాల మద్యం రవాణాను పూర్తిగా అరికట్టేందుకే తనిఖీలు విస్తృతం చేసినట్లు సీఐ చంద్రహాస్‌ తెలిపారు. తనిఖీల్లో ఎస్‌ఐ రెహనా, ట్రైనీ ఎస్‌ఐలు, సిబ్బంది రామచంద్రారెడ్డి, శేషారెడ్డి తదితరులు పాల్గొన్నారు. స్వామిని దర్శించుకుని వెళ్తుండగా విషాదం ● బొలెరో బోల్తాపడి మహిళ దుర్మరణం ● ముగ్గురికి తీవ్ర గాయాలు హాలహర్వి: మండలంలోని విరుపాపురం – నిట్రవట్టి రహదారిపై బుధవారం విషాధకర ఘటన చోటు చేసుకుంది. దసరా సందర్భంగా దేవరగట్టు మల్లేశ్వర స్వామిని దర్శించుకుని తిరిగి వెళ్తుండగా కర్ణాటక రాష్ట్రం బళ్లారి జిల్లా బసరకోడు గ్రామానికి చెందిన సుమారు 15 మంది ప్రయాణిస్తున్న బొలెరో వాహనం అదుపుతప్పి బోల్తా పడింది. ఈ ప్రమాదంలో ముగ్గురు తీవ్రంగా గాయపడగా, వారిని చికిత్స నిమిత్తం బళ్లారిలోని ప్రభుత్వ ఆసుపత్రికి తరలించారు. చికిత్స పొందుతూ శిల్పా (23) అనే యువతి మృతి చెందినట్లు సమాచారం. ఈమె పుట్టింటికి వచ్చింది. వాహనంలో సుమారు 5 కుటుంబాలకు చెందిన 15 మంది ప్రయాణిస్తున్నట్లు స్థానికులు తెలిపారు. వాహనంలో సమస్య తలెత్తడంతోనే అదుపుతప్పి బోల్తా పడినట్లు స్థానికులు పేర్కొన్నారు. సమాచారం అందుకున్న పోలీసులు ఘటనా స్థలానికి చేరుకుని విచారణ చేపట్టారువరాలు సేకరించారు. కేసు నమోదు చేసి దర్యాప్తు చేస్తున్నట్లు ఎస్‌ఐ ఈశ్వరరావు తెలిపారు. అన్నప్రసాద పథకానికి రూ.లక్ష విరాళం శ్రీశైలంటెంపుల్‌: శ్రీశైల దేవస్థానం నిర్వహిస్తున్న అన్నప్రసాద వితరణ పథకానికి బుధవారం కెనడాకు చెందిన ప్రవాస భారతీయులు వరికూటి దార్షిక పేరుతో రూ.1,00,116 విరాళాన్ని దేవస్థాన ఏఈఓ బి.మల్లికార్జునరెడ్డికి సంబంధీకులు అందజేశారు. విరాళాన్ని అందించిన దాతకు దేవస్థానం తరఫున స్వామివారి శేషవస్త్రం, లడ్డూప్రసాదాలను అందించి సత్కరించారు.

● కాళరాత్రిలో కర్రల కరాళ నృత్యం ● పలువురికి తీవ్ర గాయాలు ● బన్ని ఉత్సవంలో సంప్రదాయానిదే పైచేయి హొళగుంద: దేవరగట్టు మళ్లీ నెత్తురోడింది. విజయదశమి పురస్కరించుకుని జరిగిన బన్ని ఉత్సవంలో గట్టుపై రక్తం చిందింది. కర్రలు కరాళనృత్యం చేసిన కాళరాత్రి వేళ పదుల సంఖ్యలో భక్తులు తీవ్రంగా గాయపడ్డారు. మాళ మల్లేశ్వరుని జైత్రయాత్రలో కర్రల మొగలాయి యుద్ధాన్ని తలపించింది. అర్ధరాత్రి ప్రారంభమైన మాళ మల్లేశ్వరస్వామి జైత్రయాత్ర గురువారం తెల్లవారుజాము వరకు సాగింది. దేవరగట్టు పరిసరాల్లోని దాదాపు 15 గ్రామాల భక్తులు ఉత్స వంలో పాల్గొని మొగలాయి ఆడారు. రక్తపాతాన్ని అడ్డుకునేందుకు జిల్లా పోలీసు, అధికార యంత్రాంగం చేసిన చర్యలు ఫలించలేదు. ఏఎస్పీలు, డీఎస్పీలు మొ దలుకొని వెయ్యి మందికి పైగా బందోబస్తు విధుల్లో పాల్గొన్నా కాళరాత్రి వేళ రక్తపాతాన్ని అడ్డుకోలేకపోయారు. రాష్ట్రం నుంచే గాక పలు ప్రాంతాల నుంచి లక్షల సంఖ్యలో భక్తులు ఉత్సవాల్లో పాల్గొన్నారు. అర్ధరాత్రి గిరిపై మోగిన కల్యాణ మేళాలు నెరణికి, నెరణికి తండా, కొత్తపేట గ్రామస్తులు ఇనుప తొడుగులు తొడిగిన కర్రలు, అగ్గి కాగడాలు చేతపట్టి డోలు, మేళతాళాలతో కాడసిద్దప్ప మఠంలో ఉంచిన మల్లేశ్వరుని విగ్రహంతో పాటు పల్లకీని మోసుకుని నిమిషాల వ్యవధిలో కొండ(గిరి)పై ఆలయంలో ఉంచిన మాత మాళమ్మ విగ్రహం వద్దకు తీసుకెళ్లారు. అక్కడ నెరణికి పురోహితులు రవిశాసీ్త్ర, వేద పండితుల మంత్రోచ్ఛరణలు, భక్తులు జయజయధ్వానాల మధ్య మాత మాళమ్మ, మల్లేశ్వరునికి అత్యంత వైభవంగా కల్యాణోత్సవం జరిపించారు. అనంతరం అక్కడి నుంచి మాళమ్మ, మల్లేశ్వరుని విగ్రహాలతో పాటు పల్లకిని మోసుకుని కొండ దిగువకు ఊరేగింపుగా తీసుకు వ స్తుండగా అక్కడే తిష్ట వేసిన ఇతర గ్రామాలకు చెందిన కొందరు భక్తులు అటకాయించారు. ఒకరిపై ఒకరు అగ్గి కాగడాలు విసురుకున్నారు. వారిని తప్పిస్తూ కర్రల శబ్దాలతో, డిర్రు... డిర్రు అంటూ విగ్రహాలను మల్లప్ప గుడిలోని సింహాసన కట్ట మీద అధిష్టించారు. నడి అరణ్యంలో రక్తం చిందించిన కంఛాబీర వంశస్తుడు జైత్రయాత్ర దట్టమైన అడవిలోని ముళ్లబండ, పాదాల గట్టు మీదుగా రాక్షసపడి గుండ్ల వద్దకు చేరుకుంది. కంఛాబీర వంశానికి చెందిన బసవరాజు అనే భక్తుడు తన ఎడమ కాలు పిక్కలో డబ్బణం గుచ్చుకుని రక్తాన్ని రాక్షస గుండ్లకు సమర్పించాడు. అక్కడి నుంచి ఉత్సవ విగ్రహాలను శమీ వృక్షం వద్దకు తీసుకెళ్లారు. భక్తులు కర్రలు, ఆయుధాలను ఉంచి పూజలు నిర్వహించారు. రేపు రథోత్సవం ఉత్సవాల్లో భాగంగా శుక్రవారం సాయంత్రం స్వా మివారి రథోత్సవం ఘనంగా జరగనుంది. ఉద యం నెరణికి గ్రామ పురోహితులతో పంచామృతం, బండారార్చన, సాయంత్రం రథోత్సవం నిర్వహి స్తారు. అలాగే 22న గొరవయ్యల ఆటలు, గొలుసు తెంపుట, దేవదాసీల క్రీడోత్సవం, సాయంత్రం వ సంతోత్సవం, కంకణ విసర్జన, 23న మాళమల్లేశ్వర స్వామి విగ్రహాలు నెరణికి గ్రామానికి చేరడంతో ఉత్సవాలు ముగుస్తాయని నిర్వాహకులు తెలిపారు.దేవరగట్టులో కర్రల సమరం జైత్రయాత్రలో చిందిన రక్తం స్వామివారి జైత్రయాత్ర సత్య నారాయణ కట్ట, కాడసిద్దప్ప మఠం పరిసరాల్లో కొద్దిసేపు అలజడి సృష్టించి ముందుకు కదలగా భక్తుల కర్రలు తగిలి ఎన్నో తలలు పగిలాయి. భక్తులు చేతుల్లో ఉన్న రింగు కర్రలు తగిలి చాలా మంది గాయపడ్డారు. పైకి విసిరిన అగ్గి కాగడాలు మీద పడి చాలా మంది భక్తుల ఒళ్లు కాలిపోయాయి. క్షతగాత్రులకు డీఎంఅండ్‌హెచ్‌ఓ ఆధ్వర్యంలో గట్టులో ఏర్పాటు చేసిన హెల్త్‌ క్యాంపులో చికిత్స అందించారు.

కర్నూలు(అర్బన్‌): రాష్ట్రంలో స్థానిక సంస్థల ఎన్నికల ప్రక్రియను పరిశీలిస్తే ముఖ్య వ్యవస్థలైన పోలీసు, రెవెన్యూ శాఖలు గాడి తప్పుతున్నాయని జిల్లా పరిషత్‌ రిటైర్డు సీఈఓ జీ.జయపాల్‌రెడ్డి అన్నారు. ఆయన బుధవారం మాట్లాడుతూ.. ప్రజాస్వామ్యబద్ధంగా జరగాల్సిన ఎన్నికల ప్రక్రియ అపహాస్యం పాలవుతోందని ఆందోళన వ్యక్తం చేశారు. గతంలో ప్రజలు తమ ఓటు హక్కును వినియోగించుకోవాలని కేంద్ర, రాష్ట్ర ఎన్నికల సంఘాలు వివిధ ఫోరంల ద్వారా విజ్ఞప్తి చేసేవన్నారు. కానీ ప్రస్తుతం నామినేషన్ల పక్రియ అనేక అనుమానాలు, విమర్శలకు తావిస్తోందన్నారు. స్వతంత్ర ప్రతిపత్తి కలిగిన పలు వ్యవస్థలు కొందరికి కొమ్ము కాయడం తగదని సూచించారు. గతంలో ఎన్నికల నోటిఫికేషన్‌ వెలువడిన నాటి నుంచి అధికార యంత్రాంగం మొత్తం ఎన్నికల కమిషన్‌ పరిధిలోకి వెళ్లేవని, అతిగా ప్రవర్తించే వారిపై క్రమశిక్షణా చర్యలు తీసుకునే వారని, ప్రస్తుతం అలాంటి పరిస్థితి కనిపించడం లేదన్నారు. అతి ముఖ్యమైన వ్యవస్థలు గాడి తప్పడం ప్రజాస్వామ్యానికి మంచిది కాదన్నారు. బలమున్నవాడిదే రాజ్యమైతే ప్రతి వాడు బలవంతుడు అయ్యేందుకు ప్రయత్నిస్తారని చెప్పారు. పెద్దగా ప్రాధాన్యత లేని ఎన్నికల్లో సుప్రీంకోర్టు జోక్యం చేసుకునే పరిస్థితి దాపురించడం మంచిది కాదన్నారు.

● నానమ్మను హతమార్చిన మనుమడు ● కాల్వ గ్రామంలో కలకలం ఓర్వకల్లు: నానమ్మను మనుమడు హతమార్చిన దారుణ ఘటన మండలంలోని కాల్వ గ్రామంలో మంగళవారం రాత్రి చోటుచేసుకోంది. పోలీసులు తెలిపిన వివరాల మేరకు..గ్రామానికి చెందిన అఫీజ్‌ బీ (90) ఇంట్లో నిద్రిస్తుండగా ఆమె మనుమడు మహబూబ్‌ బాషా తాగిన మత్తులో హత్య చేసినట్లు పోలీసులు తెలిపారు. ఇంట్లో నిద్రిస్తున్న వృద్ధురాలి గొంతుపై నిందితుడు పదునైన కత్తితో దాడి చేయడంతో అక్కడిక్కడే మృతి చెందినట్లు చెప్పారు. మనుమడు సెల్‌ఫోన్‌ పోగొట్టుకోగా కొత్త ఫోన్‌ కొనుగోలు చేసేందుకు డబ్బులు ఇవ్వలేదని ఈ దారుణానికి ఒడిగట్టినట్లు ప్రాథమికంగా తెలుస్తోంది. మనుమడి మానసిక పరిస్థితి సరిగా లేదని గ్రామస్తులు పేర్కొన్నట్లు సమాచారం. సమాచారం అందుకున్న పోలీసులు ఘటనా స్థలానికి చేరుకొని హత్య జరిగిన తీరును పరిశీలించి, వివరాలు సేకరించారు. ఘటనకు సబంధించి పూర్తి సమాచారం పోలీసుల దర్యాప్తులో వెల్లడి కావాల్సి ఉంది.

● బావిలో జారిపడి వ్యక్తి మృతి కృష్ణగిరి: మండల పరిధిలోని కటారుకొండ గ్రామంలో పండుగ పూట విషాదం నెలకొంది. శివాలయం పక్కన ఉన్న బావిలో పూలు వేసేందుకు వెళ్లి కాలు జారి పడటంతో నీట మునిగి వ్యక్తి మరణించాడు. పోలీసులు తెలిపిన వివరాల మేరకు.. గ్రామానికి చెందిన గొల్ల రంగడు (46) మంగళవారం దసరా పండుగ పూజ చేసి సాయంత్రం పూలను శివాలయం సమీపంలోని బావిలో వేసేందుకు వెళ్లాడు. అక్కడ కాలు జారి బావిలో పడిపోయాడు. రాత్రి ఇంటికి రాకపోవడంతో గాలించగా బుధవారం తెల్లవారుజామున బావిలో మృతదేహం కనిపించింది. శవాన్ని బయటకు తీశారు. పండుగ పూట వ్యక్తి మరణించడంతో ఆ కుటుంబంలో విషాదఛాయలు అలుముకున్నాయి. మృతుడికి భార్య మహేశ్వరి, ముగ్గురు కుమార్తెలు ఉన్నారు. మృతుడి తల్లి లక్ష్మిదేవి ఫిర్యాదు మేరకు కేసు నమోదు చేసి దర్యాప్తు చేపట్టినట్లు పోలీసులు తెలిపారు.

ఆదోని సెంట్రల్‌: ఆదోని– ఇస్వీ రైల్వే స్టేషన్ల మధ్య కిలోమీటరు నంబర్‌ 497/18–22 డౌన్‌లైన్‌ ట్రాక్‌ వద్ద మంగళవారం గుర్తు తెలియని వ్యక్తి రైలు నంబర్‌ 22232 వందేభారత్‌ రైలు కింద పడి ఆత్మహత్య చేసుకున్నట్లు ఆదోని–మంత్రాలయం హెడ్‌ కానిస్టేబుల్‌ శివరామయ్య బుధవారం తెలిపారు. మృతుడి కుడి చేతికి త్రిశూలం గుర్తు గల పచ్చబొట్టు ఉంది. దుస్తులు పింక్‌ కలర్‌ ఫుల్‌ షర్ట్‌ నలుపు గీతలు కలిగినది, నీలం రంగు లుంగీలో తెల్లని పూలు కలిగినది ధరించినట్లు తెలిపారు. మృతదేహాన్ని ఆదోని ప్రభుత్వ ఆసుపత్రిలో ఉంచారు. రైలు లోకో పైలెట్‌ ఇచ్చిన సమాచారంతో ఆదోని ఎస్‌ఎంఆర్‌ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు తెలిపారు. బైకు దొంగల అరెస్ట్‌ ● 13 బుల్లెట్‌ బైక్‌లు స్వాధీనం డోన్‌ టౌన్‌: పట్టణంతో పాటు వివిధ పలు జిల్లాల్లో బుల్లెట్‌ బైకుల చోరీలకు పాల్పడుతున్న ముగ్గురు వ్యక్తులను పట్టణ పోలీసులు అదుపులోకి తీసుకొని వారి నుంచి రూ.26 లక్షల విలువ చేసే 13 బుల్లెట్‌ బైకులను పట్టణ పోలీసులు స్వాధీనం చేసుకున్నారు. పట్టణానికి చెందిన సుభాన్‌, మౌలాలీలతో పాటు మరో జిల్లాకు చెందిన ఒకరిని అదుపులోకి తీసుకోని కేసు నమోదు చేసుకున్నట్లు పట్టణ పోలీసులు బుధవారం తెలిపారు. పూర్తి వివరాలు తెలియాల్సి ఉంది. రైలు కింద పడి యువకుడి ఆత్మహత్య వెల్దుర్తి: స్థానిక రైల్వేస్టేషన్‌ సమీపంలో డోన్‌ వైపు రైల్వే పట్టాల పక్కన మంగళవారం ఉదయం ఓ యువకుడి మృతదేహం లభ్యమైంది. విషయం తెలుసుకున్న కర్నూలు జీఆర్‌పీ హెచ్‌సీ కోదండరాముడు, సిబ్బంది ఘటనా స్థలానికి చేరుకుని విచారణ చేపట్టారు. మృతుడు పట్టణానికి చెందిన మూలింటి శివాజీ (21)గా గుర్తించారు. మూడు రోజుల క్రితం ఇంటి నుంచి వెళ్లిన శివాజీ రైలు కింద పడబోగా ఢీకొట్టడంతో తీవ్రగాయాలతో చనిపోయినట్లు ప్రాథమిక విచారణలో తేలినట్లు జీఆర్‌పీ హెచ్‌సీ తెలిపారు. తల్లి సువార్తమ్మ ఇచ్చిన ఫిర్యాదు మేరకు కేసు నమోదు చేసుకున్నట్లు చెప్పారు. మృతదేహానికి వెల్దుర్తి సీహెచ్‌సీలో పోస్టుమార్టం అనంతరం కుటుంబ సభ్యులకు అప్పగించారు. మృతుడికి ఇద్దరు సోదరులు ఉన్నారు. ఆత్యహత్యకు గల కారణాలు తెలియరాలేదు.

కర్నూలు: విధి నిర్వహణలో అశువులు బాసిన పోలీసు అమరవీరుల త్యాగాలు, సేవలు మరువలేనివని ఎస్పీ విక్రాంత్‌ పాటిల్‌ అన్నారు. అమరవీరుల సంస్మరణ వారోత్సవాలను పురస్కరించుకుని బుధవారం జిల్లా పోలీసు కార్యాలయంలోని పెరేడ్‌ మైదానంలో అమరవీరుల స్థూపం వద్ద స్మృతి పెరేడ్‌ నిర్వహించారు. ఎస్పీ పెరేడ్‌కు హాజరై పోలీసుల గౌరవ వందనాన్ని స్వీకరించారు. ఈ సందర్భంగా మాట్లాడుతూ దేశ వ్యాప్తంగానే కాకుండా ఏపీతో పాటు జిల్లా పరిధిలోని నల్లమల అటవీ ప్రాంతాల్లో నక్సలిజం, తీవ్రవాద వ్యతిరేక పోరాటంలో పోలీసులు ప్రాణాలు త్యాగం చేశారని గుర్తు చేశారు. పోలీసు శాఖ ఎల్లవేళలా అమరవీరుల కుటుంబాలకు అండగా నిలుస్తుందన్నారు. అమరుల స్పూర్తితో ప్రతి ఒక్క పోలీసు అధికారి, సిబ్బంది తమ విధులను నిజాయితీగా నిబద్ధతతో నిర్వహించాలని పిలుపునిచ్చారు. వారందరికీ శ్రద్ధాంజలి ఘటిస్తూ నివాళులు అర్పించి రెండు నిమిషాల పాటు మౌనం పాటించారు. జిల్లాలో అమరులైన వెంకటేశ్వర్లు, అబ్దుల్‌ కరీం, కె.రాముడు కుటుంబాల వారిని శాలువ, పూలమాలలతో సన్మానించి జ్ఞాపికలు అందజేశారు. కార్యక్రమంలో అడిషనల్‌ ఎస్పీలు హుసేన్‌ పీరా, కృష్ణమోహన్‌, డీఎస్పీలు దుర్గాప్రసాద్‌, రాఘవేంద్ర, ప్రసాద్‌, డీపీఓ ఏఓ జగన్నాథ రావు, పోలీస్‌ వెల్ఫేర్‌ డాక్టర్‌ స్రవంతి, సీఐలు, ఆర్‌ఐలు, ఎస్‌ఐలు, ఆర్‌ఎస్‌ఐలు, పోలీసు అమరవీరుల కుటుంబాలు కార్యక్రమంలో పాల్గొన్నారు.

మద్దికెర: దేశంలో మైసూరులో తర్వాత ఎక్కడా లేని విధంగా మద్దికెరలో దసరా ఉత్సవాల్లో భాగంగా నిర్వహించిన గుర్రాల పారువేటలో యామనగరి కుటుంబానికి చెందిన గుర్రం ముందుగా మద్దికెరకు చేరుకొని విజయం సాధించింది. విజయదశమి పండుగ పురస్కరించుకొని మంగళవారం సాయంత్రం నిర్వహించిన గుర్రాల పారు వేట కార్యక్రమం అశేష జనవాహిని మధ్య వైభవంగా జరిగింది. ఈ కార్యక్రమంలో గ్రామానికి చెందిన పెద్దనగిరి, చిన్న నగిరి, యామనగిరి కుటుంబాలకు చెందిన వారు ఠీవిగా గుర్రాలపై కూర్చుని తమ వెంట ఆయుధాలు ధరించిన సైనికులతో ఊరేగింపుగా గ్రామ సరిహద్దులో ఉన్న రాగి మాను కట్ట వద్దకు వచ్చారు. అనంతరం గ్రామానికి 3 కి.మీ దూరంలో బొజ్జనాయుని పేట గ్రామంలో ఉన్న భోగేశ్వర స్వామి దేవాలయంలో ప్రత్యేక పూజలు నిర్వహించి అక్కడి నుంచి పందెం ప్రారంభించారు. మూడు కుటుంబాలకు చెందిన గుర్రాలు పారువేటలో పాల్గొనగా యామనగరి వంశీయులకు చెందిన అశ్వం ముందుగా లక్ష్యాన్ని చేరుకుంది. అనంతరం గ్రామంలోని ప్రధాన రహదారిలో అశేష జనవాహిని మధ్య విజయం సాధించిన అశ్వాన్ని ప్రత్యేకంగా ఊరేగించారు. ఉత్సవాన్ని తిలకించడానికి గ్రామప్రజలే గాకుండా చుట్టుపక్కల గ్రామాల ప్రజలు పెద్ద ఎత్తున పాల్గొన్నారు. పారువేట ఉత్సవంలో అవాంఛనీయ సంఘటనలు జరగకుండా ఎస్‌ఐ నరేష్‌ బందోబస్తు నిర్వహించారు.

చిప్పగిరి: స్థానిక ఎన్నికల్లో ఓటమి భయంతోనే చంద్రబాబు ప్రభుత్వం తమ అభ్యర్థులు నామినేషన్లు దాఖలు చేయకుండా అడ్డంకులు సృష్టిస్తుందని ఆలూరు ఎమ్మెల్యే బుసినే విరుపాక్షి అన్నారు. స్థానిక వైఎస్సార్‌ సీపీ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడుతూ నియోజకవర్గంలోని ప్రతి గ్రామం, మండలంలో వైఎస్సార్‌ సీపీ తరపున ఎంపీపీ, జెడ్పీటీసీ, ఎంపీటీసీ అభ్యర్థులు పోటీలో ఉంటారన్నారు. టీడీపీకి దమ్ముంటే తమ అభ్యర్థులు నామినేషన్లు వేసుకునేందుకు అవకాశం కల్పించి పోటీలో గెలవాలని సవాల్‌ విసిరారు. చిప్పగిరి, హొళగుంద, ఆలూరు ఎస్‌ఐలు ఆయా మండలాల్లో తమ అభ్యర్థుల ఇళ్ల వద్దకు రాత్రి వేళల్లో వెళ్లి తమ అభ్యర్థులతో పాటు కుటుంబ సభ్యులను భయభ్రాంతులకు గురిచేస్తున్నారన్నారు. అక్రమ కేసులతో నామినేషన్‌ వేయకుండా అడ్డుకుంటున్నారన్నారు. నియోజకవర్గ టీడీపీ ఇంచార్జి వైకుంఠం జ్యోతి, ఆమె భర్త వైకుంఠం శివ ప్రసాద్‌ పోలీసులను అడ్డుపెట్టుకొని రాజకీయాలు చేస్తుండటం సిగ్గుచేటన్నారు. చంద్రబాబు నిజంగా అభివృద్ధి చేసి ఉంటే ఎన్నికలలో పోటీకి భయమెందుకని ప్రశ్నించారు. ఆయన వెంట వైఎస్సార్‌ సీపీ మండల కన్వీనర్‌ ఉనేబాది మల్లికార్జున, ఎంపీపీ అభ్యర్థి సర్వర్‌ ఖాన్‌, విక్రాంత్‌ రెడ్డి, తదితరులు పాల్గొన్నారు. ఎమ్మెల్యే విరుపాక్షి హౌస్‌ అరెస్ట్‌ కనీస సమాచారం ఇవ్వకుండా ఆలూరు నియోజకవర్గ ఎమ్మెల్యే బుసినే విరుపాక్షిని బుధవారం పోలీసులు హౌస్‌ అరెస్ట్‌ చేశారు. ఈ సందర్భంగా ఎమ్మెల్యే పోలీసులతో వాగ్వాదానికి దిగారు. మీరు ఎన్ని అడ్డంకులు సృష్టించినా తమ పార్టీ అభ్యర్థులు ప్రతిచోటా బరిలో ఉంటారన్నారు. పోలీసులు వ్యవహరిస్తున్న తీరుపై జిల్లా ఎస్పీకి ఫిర్యాదు చేస్తానన్నారు.