Nalgonda District News

నల్లగొండ టౌన్‌ : బ్యాంకులు ఆదివారం పనిచేయనున్నాయి. డిమాండ్ల సాధన కోసం బ్యాంకు ఉద్యోగులు ఈ నెల 28 నుంచి 30వ తేదీ వరకు మూడు రోజుల పాటు సమ్మె చేపట్టారు. యునైటెడ్‌ ఫోరం ఆఫ్‌ బ్యాంకు యూనియన్ల ఆధ్వర్యంలో దేశ వ్యాప్తంగా తలపెట్టిన సమ్మెలో జిల్లాలోని ప్రభుత్వ, ప్రైవేట్‌ రంగ సంస్థలకు చెందిన బ్యాంకు ఉద్యోగులు సమ్మెలో పాల్గొననున్నారు. దీంతో మూడు రోజుల పాటు లావాదేవీలు స్తంభించనున్నాయి. సోమవారం నుంచి బుధవారం వరకు బ్యాంకు ఉద్యోగుల సమ్మె నేపథ్యంలో ఖాతాదారుల సౌకర్యం కోసం అన్ని ప్రభుత్వ, ప్రైవేట్‌ బ్యాంకులు ఈ నెల 27న (ఆదివారం) పని చేయనున్నాయి. ఖాతాదారులు ఆదివారం బ్యాంకు సేవలను ఉపయోగించుకోవచ్చని ఆయా బ్యాంకుల నుంచి వినియోగదారులకు మెసేజ్‌లు పంపుతున్నారు.విద్యార్థులకు అర్థమయ్యేలా బోధించాలినకిరేకల్‌ : విద్యార్థులకు అర్థమయ్యేలా బోధించాలని డీఈఓ సుశీందర్‌రావు సూచించారు. నకిరేకల్‌ మండలం నోముల గ్రామంలోని ప్రాథమిక, జెడ్పీ ఉన్నత పాఠశాలలను శనివారం ఆయన ఆకస్మీకంగా సందర్శించారు. ఈ సందర్భంగా విద్యార్థుల అభ్యసన సామర్థ్యాలను పరిశీలించారు. అనంతరం జెడ్పీ హైస్కుల్‌లో కాంప్లెక్స్‌ సమావేశంలో మాట్లాడారు. కార్యక్రమంలో ఎంఈఓ మేక నాగయ్య, కాంప్లెక్స్‌ హెచ్‌ఎం మిర్యాల చల్మరాజు, ప్రాథమిక పాఠశాల ప్రధానోపాధ్యాయుడుర పాక ప్రసాద్‌ ఉన్నారు.ఎంజీయూకు నాలుగు ఎలక్ట్రిక్‌ వాహనాలునల్లగొండ టూటౌన్‌ : స్టేట్‌ బ్యాంక్‌ ఆఫ్‌ ఇండియా (ఎస్‌బీఐ) నల్లగొండ రీజియన్‌, కార్పొరేట్‌ సామాజిక బాధ్యత (సీఎస్‌ఆర్‌) కార్యక్రమంలో భాగంగా నల్లగొండలోని మహాత్మాగాంధీ విశ్వవిద్యాలయానికి నాలుగు ఎలక్ట్రిక్‌ వాహనాలను శనివారం అందజేసింది. ఈ సందర్భంగా ఎస్‌బీఐ నల్లగొండ డిప్యూటీ జనరల్‌ మేనేజర్‌ (బీఅండ్‌వో) ప్రియబ్రత మిశ్రా, రీజినల్‌ మేనేజర్‌ పి.పద్మబాబుగౌడ్‌ వాహనాలను విశ్వవిద్యాలయానికి అధికారికంగా అప్పగించారు. విశ్వవిద్యాలయం తరఫున రిజిస్ట్రార్‌ కె.అంజిరెడ్డి వాహనాలను స్వీకరించారు. ఎస్‌బీఐ అందించిన సీఎస్‌ఆర్‌ సహకారానికి ఆయన ధన్యవాదాలు తెలిపారు. అనంతరం ఎస్‌బీఐ అధికారులు, అధ్యాపకులతో కలిసి మొక్కలు నాటారు. కార్యక్రమంలో ఎస్‌బీఐ చీఫ్‌ మేనేజర్‌ (హెచ్‌ఆర్‌) శ్రీమన్నారాయణ, చీఫ్‌ మేనేజర్‌ (డీవీఏఎస్‌) కె.శ్రీరామ్‌, మేనేజర్‌ (హెచ్‌ఆర్‌) అనిల్‌, అన్నెపర్తి శాఖ మేనేజర్‌ చైతన్య, ఆకుల రవి, అరుణప్రియ, హరీష్‌ కుమార్‌, వసంత, శ్రీదేవి, రమణారెడ్డి, ఉపేందర్‌రెడ్డి, రాంచందర్‌ పాల్గొన్నారు.

ఫ రంగం ఏదైనా.. మాదే అందలం అంటున్న అమ్మాయిలు ఫ ఆడపిల్ల భారమనే భావనను తుడిచేస్తున్న యువతులు ఫ మాకు ఆడపిల్లే కావాలని సగర్వంగా చెబుతున్న తల్లిదండ్రులునేడు కూతుళ్ల దినోత్సవం – రొండ్ల రాంరెడ్డి, స్వప్న రాజాపేట : మాది రాజాపేట మండలం కుర్రారం. నేను విద్యుత్‌ శాఖలో ఉద్యోగిగా, నా భార్య స్వప్న అంగన్‌వాడీ టీచర్‌గా పని చేస్తున్నాం. మాకు ఇద్దరు కూతుళ్లు. వారిని మగవారికి తీసిపోకుండా చదివించాం. పెద్ద కుమార్తె ప్రీతిరెడ్డి జాల గ్రామంలోని జకారియాస్‌ పాఠశాలలో 6వ తరగతి వరకు, హైదరాబాద్‌లో ఇంటర్‌తో పాటు బీటెక్‌ చదివించాం. ఆమె ప్రస్తుతం టీసీఎస్‌లో సాఫ్ట్‌వేర్‌ ఉద్యోగం చేస్తోంది. ఇక చిన్నకుమార్తె శ్రావణిని జాల గ్రామంలోని జకారియాస్‌ పాఠశాలలో 10వ తరగతి వరకు, హైదరాబాద్‌లో ఇంటర్‌, ఘట్కేసర్‌లో బీఫార్మసీ చదివించాం. చిన్నకుమార్తె కరోనా సయమంలో ఎన్నికష్టాలు వచ్చినా, కరోనా బారినపడినా భయపడకుండా యూకేకు వెళ్లి ఎంఫామ్‌ పూర్తి చేసి మెడికల్‌ ఫీల్డ్‌లో ఉద్యోగం చేస్తోంది. మా అమ్మాయిలను కొడుకుల్లా భావించి చదివించాం. వారు మాతో స్నేహంగా ఉంటారు. మేము చెప్పినట్టే నడుచుకుంటారు. ఏనాడూ ఎదురు చెప్పలేదు. అబ్బాయిలకంటే కూతుళ్లే నయం మా కూతుళ్లు బంగారం. ఆ దేవుడు మాకు ఆడపిల్లలను ఇచ్చి ఎంతో మేలు చేశాడు.మరికొన్ని కథనాలు 8లో

వెయ్యి కోట్ల రూపాయలతో జీపీలకు పక్కా భవనాలు మంజూరు చేశామని రాష్ట్ర మంత్రి సీతక్క అన్నారు.- 8లోలోపాలు అధికం.. చర్యలు స్వల్పం!సాక్షి ప్రతినిధి, నల్లగొండ : నగరంలోని ఐకాన్‌ సూపర్‌ స్పెషాలిటీ ఆసుపత్రిలో అనేక లోపాలు వెలుగు చూసినప్పటికీ అధికారులు నామమాత్రపు చర్యలతో సరిపెట్టారు. ఏకంగా 14 అంశాల్లో లోపాలు ఉన్నట్లు జిల్లా రిజిస్ట్రేషన్‌ అథారిటీ నిర్వహించిన పరిశీలనలో వెల్లడైనా కఠిన చర్యలు చేపట్టడంలో విఫలమయ్యారు. రాజకీయ ఒత్తిళ్లతో కఠిన చర్యలు పక్కన పెట్టి జరిమానాతోనే సరిపుచ్చినట్లు విమర్శలు వ్యక్తమవుతున్నాయి. ఆస్పత్రిపై అనేక ఫిర్యాదులు వైద్యంలో లోపాలు, వైద్య పరీక్షల పేరుతో అడ్డగోలు వసూళ్లు, మరణించిన వారికి ఐసీయూలో చికిత్స పేరుతో దండుకోవడం.. ఇలా ఐకాన్‌ ఆసుపత్రిపై వైద్యారోగ్య శాఖకు పది రాతపూర్వక ఫిర్యాదులు అందాయి. దీంతో గత నెల 11వ తేదీన జిల్లా వైద్యారోగ్యశాఖ అధికారి రాహుల్‌ ఆధ్వర్యంలోని బృందం తనిఖీ చేసింది. అనంతరం షోకాజ్‌ నోటీసులు జారీచేసి వివరణ కోరింది. ఆసుపత్రి యాజమాన్యం అరకొరగానే ఇచ్చిన వివరణ, తనిఖీ నివేదిక, ఫిర్యాదులు, ఇతర రికార్డులను పరిశీలించిన జిల్లా రిజిస్ట్రేషన్‌ అథారిటీ.. పలు తప్పిదాలను, లోపాలను, నిబంధనల ఉల్లంఘనలను గుర్తించింది. అయితే ఇన్ని లోపాలు గుర్తించినప్పటికీ చివరకు రూ.5 లక్షల జరిమానాతోనే చర్యలను పరిమితం చేయడం చర్చకు దారితీసింది. ఉన్నత స్థాయి నుంచి వచ్చిన రాజకీయ ఒత్తిళ్లకు తలొగ్గే అధికారులు నామమాత్రపు చర్యలు తీసుకున్నారని చర్చ సాగుతోంది. అంతేకాదు రెండు నెలల్లో లోపాలను సరిదిద్దుకోవాలంటూ అవకాశం కల్పించడంపై విమర్శలు వ్యక్తమవుతున్నాయి. ఆసుపత్రుల లైసెన్సింగ్‌ అథారిటీ ఆగ్రహం ఆసుపత్రుల లైసెన్సింగ్‌ అథారిటీ ఐకాన్‌ ఆసుపత్రి వ్యవహారంలో తీవ్రంగా స్పందించినట్లు తెలిసింది. అడ్డగోలు వసూళ్లు, అవకతవకలు, ఊహించని విధంగా 191 మంది రోగుల మరణాలు, చివరి క్షణంలో ప్రభుత్వ ఆసుపత్రికి పంపించడం, రెఫరల్‌ ఆసుపత్రులకు పంపించిన రోగుల వివరాలను ఇవ్వకపోవడం వంటి పలు ఉల్లంఘనలపై కఠినంగా వ్యవహరించాలని, ఆసుపత్రి లైసెన్స్‌ను రద్దు చేయాలని సిఫారసు చేసినట్లు తెలిసింది. దీంతో పెద్ద ఎత్తున పైరవీలు చేసి, రాజకీయంగా ఒత్తిడి తీసుకురావడంతో లైసెన్స్‌ రద్దు అంశాన్ని నిలుపుదల చేసి, జరిమానాకే పరిమితమైనట్లు తెలిసింది. తల్లిదండ్రులతో ఎయిర్‌హోస్టెస్‌ గాయం హర్షితారెడ్డి ఐకాన్‌పై రూ.5 లక్షల జరిమానాతోనే సరిపుచ్చిన యంత్రాంగం రాజకీయ ఒత్తిళ్లతోనే ఆస్పత్రిపై చర్యలు చేపట్టడంలో వైఫల్యం?

భువనగిరి/నార్కట్‌పల్లి: వివేరా హోటల్స్‌ ప్రైవేట్‌ లిమిటెడ్‌ చైర్మన్‌ సద్ది వెంకట్‌రెడ్డికి విశిష్ట అవార్డు లభించింది. ప్రపంచ పర్యాటక దినోత్సవాన్ని పురస్కరించుకుని హైదరాబాద్‌లోని శిల్పారామంలో నిర్వహించిన కార్యక్రమంలో రాష్ట్ర పర్యాటక శాఖ మంత్రి జూపల్లి కృష్ణారావు చేతుల మీదుగా ఆయన ఈ అవార్డును అందుకున్నారు. హైదరాబాద్‌–వరంగల్‌, హైదరాబాద్‌–విజయవాడ జాతీయ రహదారుల వెంట భువనగిరి, నార్కట్‌పల్లి కేంద్రాలుగా 42 ఏళ్లుగా ప్రయాణికులు, అధికారులు, వీఐపీలు, సాధారణ ప్రజలకు నాణ్యమైన ఆహారం, వసతి సౌకర్యాలను అందిస్తున్నందుకు రాష్ట్ర పర్యాటక శాఖ ఈ అవార్డును ప్రకటించింది. అవార్డు అందుకున్న అనంతరం సద్ది వెంకట్‌రెడ్డి మాట్లాడుతూ, తమ హోటల్స్‌ ద్వారా అందిస్తున్న సేవలను గుర్తించి ప్రభుత్వం గౌరవించడం పట్ల ఆనందం వ్యక్తం చేశారు. గతంలోనూ తమ సేవలకు గాను వివిధ సందర్భాల్లో 9 సార్లు పురస్కారాలు అందుకోవడం జరిగిందని తెలిపారు. ఈ కార్యక్రమంలో వివేరా హోటల్స్‌ మేనేజర్‌ శివ పాల్గొన్నారు.

నల్లగొండ : భూమి.. సమానత్వం కోసం పోరాటం చేసిన వీరవనిత చాకలి ఐలమ్మ అని కలెక్టర్‌ చంద్రశేఖర్‌ అన్నారు. శనివారం చాకలి ఐలమ్మ 131వ జయంతి సందర్భంగా నల్లగొండలోని చాకలి ఐలమ్మ విగ్రహానికి పూలమాలలు వేసి నివాళి అర్పించి మాట్లాడారు. అనంతరం కలెక్టరేట్‌లో ఐలమ్మ చిత్రపటానికి పూలమాలలు వేసి నివాళులర్పించారు. కార్యక్రమంలో రెవెన్యూ అదనపు కలెక్టర్‌ శ్రీనివాస్‌, శిక్షణ సహాయ కలెక్టర్‌ శ్రీకాంత్‌రెడ్డి, కలెక్టరేట్‌ ఏఓ మోతీలాల్‌, చోల్లేటి ప్రభాకర్‌, సంజీవ, కొండూరు సత్యనారాయణ, రాములు, చెన్నయ్య, సత్తయ్య, సునీత, మురళి, శంకర్‌రెడ్డి తదితరులు పాల్గొన్నారు.

చిరుధాన్యాల బిస్కెట్స్‌, ఐస్‌క్రీం ఫ ఇప్పటికే అందుబాటులో మిల్లెట్స్‌ ఇడ్లీ, దోశ వంటి టిఫిన్స్‌ ఫ పిండి వంటల్లోనూ మిల్లెట్స్‌కు ప్రాధాన్యంచౌటుప్పల్‌, చిట్యాల :. టిఫిన్లు, ఐస్‌క్రీంలు, పిండి వంటలు అందరికీ ఇష్టమే. చిరుధాన్యాలతో చేసిన టిఫిన్లు ఇప్పటికే అందుబాటులో ఉండగా ప్రస్తుతం ఐస్‌క్రీంలు, స్నాక్స్‌ తయారవుతున్నాయి. చాలా చోట్ల చిరుధాన్యాలతో చేసిన ఇడ్లీ, దోశ వంటి టిఫిన్స్‌ దొరుకుతున్నాయి. ఇప్పుడు మిల్లెట్స్‌తో చేసిన బిస్కెట్లు, పిండి వంటలు కూడా అందుబాటులోకి వచ్చాయి. హైదరాబాద్‌ నుంచి విజయవాడ వెళ్లే మార్గంలో చౌటుప్పల్‌ మండలం తూప్రాన్‌పేట శివారులో గల హల్వా అంగడిలో చిరుధాన్యాలతో చేసిన ఇడ్లీ, దోశ, పెసరట్టుతో పాటు సజ్జ, జొన్నలతో చేసిన రకరకాల మిల్లెట్‌ బిస్కెట్లు, పిండి వంటలు లభిస్తున్నాయి. సాయంత్రం వేళ వేడివేడి మిల్లెట్‌ స్నాక్స్‌ ఇక్కడి ప్రత్యేకత. ఆరోగ్యానికి మంచి చేసే స్నాక్స్‌ను ప్రజలు ఇష్టపడి మరీ ఆరగిస్తున్నారు. సాధారణంగా ఐస్‌క్రీమ్‌ అనగానే పాలు, పండ్లు, చాక్లెట్‌, వెనిల్లా వంటి రుచులే గుర్తుకొస్తాయి. కానీ, చిరుధాన్యాలతో తయారయ్యే ఐస్‌క్రీమ్‌లు ఇప్పుడు ప్రయాణికులకు సరికొత్త అనుభూతిని పంచుతున్నాయి. చిట్యాల మండలం పెద్దకాపర్తి గ్రామ పరిధిలో గల ‘విలేజ్‌ ఆర్గానిక్‌ హోటల్‌’లో ఏర్పాటు చేసిన మిల్లెట్స్‌ ఐస్‌క్రీమ్‌ స్టాల్‌లో పిస్తా, ఆల్మండ్‌, స్ట్రాబెర్రీ, ఓరియో, మ్యాంగో, బనానా, గ్రేప్స్‌, జాక్‌ఫ్రూట్‌, కస్టర్డ్‌ యాపిల్‌, చాక్లెట్‌ వంటి పది రకాల ఫ్లేవర్లలో మిల్లెట్స్‌ ఐస్‌క్రీమ్‌లు లభిస్తున్నాయి. ఆయా ఫ్లేవర్ల ఐస్‌క్రీంలలో రాగి, జొన్న, సజ్జలు వంటి మిల్లెట్స్‌ను కలిపి అందిస్తున్నారు. వీటిని హైదరాబాద్‌లో ప్రత్యేకంగా తయారు చేయించి ఇక్కడ విక్రయిస్తున్నట్లు నిర్వాహకులు తెలిపారు. ఒక్కో ఐస్‌క్రీమ్‌ ధర రూ.130 నుంచి రూ.150 వరకు ఉంది. ఆర్గానిక్‌ పదార్థాలు, చిరుధాన్యాలతో తయారు చేయడం వల్ల ప్రయాణికులు వీటిని రుచి చూసేందుకు ఆసక్తి చూపుతున్నారు.

– గాయం శ్రీధర్‌రెడ్డి, దీప, మఠంపల్లి మఠంపల్లి : మాది సూర్యాపేట జిల్లా మఠంపల్లి. మాకు ఇద్దరు కుమార్తెలు పెద్దకుమార్తె ప్రణీతారెడ్డి, చిన్నకుమార్తె హర్షితారెడ్డి. మేము గతంలో కువైట్‌లో ఉండే సమయంలో విమానాల్లో ప్రయాణిస్తూ మా కుమార్తెను కూడా ఎయిర్‌హోస్టెస్‌గా చూడాలనుకున్నాం. అందుకే చిన్నకుమార్తె హర్షితారెడ్డిని ఎయిర్‌హోస్టెస్‌ను చేయాలని భావించాం. హర్షితారెడ్డి ప్రాథమిక విద్య మఠంపల్లిలో, ఉన్నత విద్య హైదరాబాద్‌లో సాగింది. మా కుమార్తెను ఎయిర్‌హోస్టెస్‌గా చేయాలనే సంకల్పంతో ఫ్రాంక్‌ఫెన్‌ యూనిస్ట్రీట్‌ హైదరాబాద్‌లో ఎయిర్‌హోస్టెస్‌ డిపోమా కోర్సులో చేర్పించాం. కోర్సు పూర్తిచేసిన హర్షితారెడ్డి ఇంటర్వ్యూలో సెలక్ట్‌ అయి ఢిల్లీలో ట్రైనింగ్‌ పొంది ప్రస్తుతం బెంగుళూరు ఎయిర్‌ ఇండియాలో హోస్టెస్‌గా ఉద్యోగం చేస్తోంది. మా పెద్దమ్మాయి ప్రణీతారెడ్డి జర్మనీలో చదువుకుంటోంది. మాకు మగపిల్లలు లేకపోయినా ఆడపిల్లలే అంతకంటే ఎక్కువగా రాణిస్తూ మాకు ఆనందం కలిగిస్తున్నారు. ఈరోజుల్లో ఆడపిల్లలను ఎవరు తక్కువగా చూడకూడదు. మగ పిల్లలకు దీటుగా అమ్మాయిలు రాణిస్తుంటే ఎంతో ఉప్పొంగిపోతున్నాం.

– నర్రా శేఖర్‌రెడ్డి, ఉపాధ్యాయుడు మిర్యాలగూడ టౌన్‌ : మాది నల్లగొండ జిల్లా చిట్యాల మండలం వట్టిమర్తి. నేను ప్రభుత్వ ఉపాధ్యాయుడి, నా భార్య కరుణ గృహిణి. మా కుటుంబంలో ఆడ పిల్లలు లేరు. కానీ మాకు ఆడపిల్లే పుట్టాలని అనుకున్నాం. అనుకున్నట్లుగానే ఆడపిల్ల జన్మించింది. ఒక్కరితోనే సరిపెట్టుకుని మంచిగా చదివించి ఉన్నతస్థానంలో నిలపాలని భావించాం. మా ఆలోచనకు తగినట్టుగానే శ్రీజ చిన్నప్పటి నుంచి చదువుల్లో చురుకుగా ఉండేది. ఆనాటి నల్లగొండ కలెక్టర్‌ రిజ్వీని స్ఫూర్తిగా తీసుకొని సివిల్స్‌ సాధిస్తానని మాతో చెప్పింది. అందుకు మేము శ్రీజకు సహకరించాం. మా కుమార్తె సక్సెస్‌ చూడాలని అనుకున్నాం. అందులో భాగంగానే.. ఎక్కడా రాజీపడకుండా చదించాం. ఇంటర్‌ పూర్తయ్యాక చాలా మంది మీ పాపను డిగ్రీ ఎందుకు చదివిస్తున్నారు.. బీటెక్‌ చదివిస్తే బాగుండేది కదా అని మాతో అన్నారు. కానీ ఎవరెన్ని చెప్పినా మా పాప కోరిన విధంగానే డిగ్రీ చదివించాం. తన లక్ష్యాన్ని సాధించేందుకు శక్తి వంచన లేకుండా కృషి చేసింది. అవకాశాలను అందిపుచ్చుకుంటూ, లక్ష్య సాధనలో ముందుకు సాగుతూ గ్రూప్‌–1 సాధించి మిర్యాలగూడ మున్సిపల్‌ కమిషనర్‌గా విధులు నిర్వహిస్తోంది. సివిల్‌ సాధించడమే తన లక్ష్యమని చెబుతోంది. ఆడపిల్లలకు అవకాశం ఇస్తే ఎంతటి విజయాన్ని అయినా ఇట్టే సాధించగలరని శ్రీజ నిరూపించింది. మా శ్రీజ ఈ స్థాయికి రావడం మాకు ఎంతో గర్వంగా ఉంది.

దేవరకొండ: వ్యవసాయానికి రాష్ట్ర ప్రభుత్వం రోజుకు 16 గంటల నాణ్యమైన విద్యుత్‌ సరఫరా చేయాలని సీపీఐ రాష్ట్ర కార్యవర్గ సభ్యుడు పల్లా నర్సింహారెడ్డి డిమాండ్‌ చేశారు. శుక్రవారం సీపీఐ ఆధ్వర్యంలో దేవరకొండ పట్టణంలో భారీ ర్యాలీ నిర్వహించి, విద్యుత్‌ ఏడీఈ కార్యాలయం ఎదుట ధర్నా చేపట్టారు. ఈ సందర్భంగా ఆయన మాట్లాడుతూ వర్షాభావ పరిస్థితుల కారణంగా ఇప్పటికే రైతులు సాగు చేసిన పంటలు ఎండిపోతున్నాయని, దీనికి తోడు కరెంటు కోతలు విధిస్తుండడంతో అన్నదాతలు అరిగోస పడుతున్నారని ఆవేదన వ్యక్తం చేశారు. పంటలు నష్టపోయిన రైతులకు రాష్ట్ర ప్రభుత్వం ప్రత్యేక పరిహారం చెల్లించాలని కోరారు. ధర్నాలో పల్లా దేవేందర్‌రెడ్డి, తూం బుచ్చిరెడ్డి, వెంకటరమణ, దేప సుదర్శన్‌రెడ్డి, కనకాచారి, వెంకటయ్య, జయరాములు, విజేందర్‌రెడ్డి, శైలేష్‌, రామస్వామి, రంగారెడ్డి తదితరులు పాల్గొన్నారు.

నల్లగొండ టౌన్‌: నల్లగొండలో నిబంధనలకు విరుద్ధంగా వైద్యం చేస్తూ 191 మంది రోగుల మరణానికి కారణమైన ఐకాన్‌ ఆసుపత్రికి జిల్లా వైద్యారోగ్యశాఖ రూ.5 లక్షల జరిమానా విధించింది. రోగి చనిపోయినా ఐసీయూలో పెట్టి చికిత్స పేరుతో పెద్ద ఎత్తున డబ్బులు వసూలు చేశారన్న ఫిర్యాదుల నేపథ్యంలో విచారణ జరిపి ఈ జరిమానా విధించినట్లు జిల్లా వైద్యారోగ్య శాఖ అధికారి డాక్టర్‌ రాహుల్‌ తెలిపారు. అంతేకాక పరీక్షలు/ఇన్వెస్టిగేషన్‌ పేరుతో అధిక బిల్లులు వసూలు చేసినట్లు తనిఖీల్లో తేల్చామని పేర్కొన్నారు. నిబంధనల అమలులో లోటుపాట్లు ఉన్నట్లు గుర్తించిన అధికారులు షోకాజు నోటీసులు జారీ చేసి వివరణ ఇవ్వాలని ఆదేశించామన్నారు. యాజమాన్యం ఇచ్చిన వివరణలతో పాటు వచ్చిన ఫిర్యాదులు, తనిఖీ నివేదిక, అందుబాటులో ఉన్న రికార్డులు, ఇతర సంబంధిత ఆధారాలను జిల్లా రిజిస్ట్రేషన్‌ అథారిటీ పరిశీలించి ఈ నిర్ణయం తీసుకుందని తెలిపారు. ఆ మొత్తాన్ని 30 రోజుల్లోగా చెల్లించాలని ఆదేశించారు. రెండు నెలల్లో లోపాలు సరిదిద్దుకోవాలని, వాటిపై రిజిస్ట్రేషన్‌ అథారిటీ తనిఖీ నిర్వహించి తగిన చర్యలు చేపడుతుందని పేర్కొన్నారు.

కోదాడ, చిట్యాల : హైదరాబాద్‌– విజయవాడ జాతీయరహదారి(ఎన్‌హెచ్‌–65)ని నాలుగు నుంచి ఆరు లేన్లుగా విస్తరణకు ముందడుగు పడింది. బీవోటీ (బిల్డ్‌, ఆపరేట్‌, ట్రాన్స్‌ఫర్‌) విధానంలో రోడ్డు విస్తరించే పనులకు టెండర్లను ఆహ్వానిస్తూ ఎన్‌హెచ్‌ఏఐ ఈ నెల 23న నోటిఫికేషన్‌ జారీ చేసింది. ఎన్‌హెచ్‌ఏఐ రూపొందించిన విస్తరణ డీపీఆర్‌కు పబ్లిక్‌–ప్రైవేట్‌ భాగస్వామ్య అప్రైజర్‌ కమిటీ ప్రాథమికంగా ఆమోదం తెలిపింది. దీనిని కేంద్ర ఆర్థిక వ్యవహారాల క్యాబినేట్‌ కమిటీ (సీసీఈఏ) తుది అనుమతులు ఇవ్వాల్సి ఉంది. ఇది లాంఛనమేనని సమాచారం. నవంబర్‌ 25న టెండర్లు ఖరారు చేయనున్నారు. జాతీయ రహదారి–65ను దండు మల్కాపురం నుంచి ఏపీలోని మచిలీపట్నం వరకు మూడు ప్యాకేజీలుగా విభజించి విస్తరణ పనులు చేయపట్టనుండగా యాదాద్రి భువనగిరి జిల్లా దండు మల్కాపురం నుంచి ఏపీలోని ఎన్టీఆర్‌ కృష్ణాజిల్లా నందిగామ సమీపంలోని మునగచర్ల వరకు మొదటి ప్యాకేజీ కింద రోడ్డును ఆరు వరుసలుగా విస్తరించనున్నారు. మొదటి ప్యాకేజీలోనే.. యాదాద్రి భువనగిరి జిల్లా చౌటుప్పల్‌ మండలం దండు మల్కాపురం నుంచి ఏపీలోని ఎన్టీఆర్‌ కృష్ణా జిల్లా నందిగామ వరకు మొదటి ప్యాకేజీ కింద పనులు చేపట్టనున్నారు. ఇందులో మొత్తం 181.300 కిలోమీటర్ల మేర విస్తరణ చేపట్టాల్సి ఉంది. ఇందుకు గానూ రూ. 6,792.52 కోట్ల అంచనా వ్యయంతో ఎన్‌హెచ్‌ అధికారులు టెండర్లు పిలిచారు. దండుమల్కాపురం నుంచి తెలంగాణ–ఏపీ సరిహద్దుగా ఉన్న కోదాడ మండలం రామాపురం క్రాస్‌రోడ్డు వరకు 155 కిలోమీటర్ల మేర రోడ్డును విస్తరించనున్నారు. పరిమిత సంఖ్యలో ఎంట్రీ, ఎగ్జిట్‌ పాయింట్లు జాతీయ రహదారిపై ప్రమాదాల సంఖ్యను తగ్గించడానికి రోడ్డు విస్తరణతో పాటు సర్వీస్‌రోడ్లను, అండర్‌పాస్‌లను పూర్తిస్థాయిలో ఏర్పాటు చేయనున్నారు. రహదారిపైకి రావడానికి 15 నుంచి 18 కిలోమీటర్లకు ఒక ఎంట్రీ, ఎగ్జిట్‌ పాయింట్‌ మాత్రమే ఉంటుందని, ఇష్టానుసారంగా రోడ్డుమీదకు రావడానికి వీలుండదని జాతీయ రహదారుల అధికారులు చెబుతున్నారు. రోడ్డు వెంట ఉన్నవారు సర్వీస్‌ రోడ్డను, రోడ్డు దాటేందుకు అండర్‌పాస్‌లను ఉపయోగించాల్సి ఉంటుంది. ప్రస్తుతం బ్లాక్‌స్పాట్లుగా గుర్తించిన ప్రాంతాలలో ప్రమాదాల నివారణకు తగిన చర్యలు తీసుకోవడంతో పాటు రోడ్డు నిర్మాణంలో లోపాలను సరిచేస్తామని అధికారులు పేర్కొంటున్నారు. దండు మల్కాపురం నుంచి నందిగామ వరకు 60 వెహికిల్‌ అండర్‌పాస్‌ల నిర్మాణం చేపట్టనుండగా .. ఉమ్మడి జిల్లా పరిధిలో అదనంగా మరో 36 అండర్‌పాస్‌లు రానున్నాయి. గుర్తించిన ప్రదేశాలలో పశువులు రోడ్డు దాటేందుకు ప్రత్యేకంగా 10 అండర్‌పాస్‌ల నిర్మాణం చేయనున్నారు. స్మార్ట్‌ హైవేగా.. ఎన్‌హెచ్‌–65ను ఆరులేన్లుగా విస్తరించే క్రమంలో ఆర్టిఫిషియల్‌ ఇంటలిజెన్స్‌(ఏఐ) ఆధారిత హైసెక్యూరిటీ విధానాన్ని ఏర్పాటు చేయనున్నారు. ఇందులో భాగంగా ఏఐ అనుసంధాన సీసీ కెమెరాలను అమర్చి నిత్యం నిఘాను ఏర్పాటు చేయనున్నారు. ఏఎన్‌పీఆర్‌(ఆటోమెటిక్‌ నంబర్‌ప్లెట్‌ రికగ్నేషన్‌) కెమెరాల ద్వారా వాహనాల రిజిస్ట్రేషన్‌, ఇతర వివరాలను గుర్తించనున్నారు. ఈ కెమెరాలు ఇన్‌ఫ్రారెడ్‌ కాంతి ద్వారా పగలు, రాత్రి అనే తేడా లేకుండా వాహనాల చిత్రాలను వందశాతం క్లారిటీగా తీయగలుగుతాయి. ఫ రూ. 6,792.52 కోట్లతో 181.3 కి.మీ విస్తరణ ఫ దండుమల్కాపురం– నందిగామ వరకు మొదటి ప్యాకేజీ ఫ ఉమ్మడి జిల్లాలో 155 కి.మీ మేర వెడల్పు ఫ పూర్తిస్థాయిలో అండర్‌పాస్‌లు, సర్వీస్‌రోడ్ల నిర్వహణ జాతీయ రహదారి – 65 విస్తరణకు టెండర్లు2012లో విజయవాడ–హైదరాబాద్‌ హైవేను నాలుగు లేన్లుగా విస్తరించిన సమయంలోనే 6 వరుసలకు అవసరమయ్యే భూమిని ఎన్‌హెచ్‌ అధికారులు సేకరించారు. కల్వర్టులు, ప్లైఓవర్‌లు, వంతెనలు సైతం ఆరు వరుసలకు సరిపోయేలా నిర్మించారు. దాంతో ప్రస్తుతం ఆరు వరుసల రోడ్డు విస్తరణకు భూసేకరణ పెద్దగా అవసరం ఉండదని రెవెన్యూ అధికారులు చెబుతున్నారు. ప్రస్తుతం రోడ్డు విస్తరణకు ఉమ్మడి నల్లగొండ జిల్లా పరిధిలో మొత్తం 25.8 హెక్టార్లు (సుమారు 64 ఎకరాల) భూమిని సేకరించనున్నారు. భూ సేకరణ బాధ్యతను ఉమ్మడి జిల్లాలోని నలుగురు ఆర్డీఓలకు అప్పగించారు. చిట్యాల, నార్కట్‌పల్లి, కట్టంగూర్‌, నకిరేకల్‌, కేతేపల్లి మండలాల పరిధిలో 6.32 హెక్టార్ల భూముల సేకరణకు నల్లగొండ ఆర్డీఓ నోటిఫికేషన్‌ జారీ చేశారు. భువనగిరి, సూర్యాపేట, కోదాడ ఆర్డీఓలు త్వరలోనే భూ సేకరణ నోటిఫికేషన్‌ జారీచేయనున్నారు.

నాకున్న ఆరెకరాల్లో వరిసాగు చేశాను. రోజుకు కనీసం 7 గంటలు కూడా కరెంట్‌ రావడం లేదు. పొలానికి నీరు పారడం లేదు. ఇప్పటికే మూడెకరాల పొలం ఎండింది. పెట్టిన పెట్టుబడులు కూడా వచ్చే పరిస్థితి లేదు. 12 గంటల పాటు కరెంట్‌ అందించి పంటలను కాపాడాలి. – ఊరిబండి మల్లయ్య, రైతు, కుక్కడం రోజుకు 10 నుంచి 12 గంటలు విద్యుత్‌ అందించేందుకు చర్యలు తీసుకుంటున్నాం. డివిజన్‌ వ్యాప్తంగా రోజూ 6 మిలియన్‌ యూనిట్లు (400 మెగా వాట్స్‌) సరఫరా చేస్తున్నాం. మరింత విద్యుత్‌ అవసరం ఉన్నప్పుడు ఉన్నతాధికారుల ఆదేశానుసారం అదనంగా సరఫరా చేస్తాం. – శ్రీనివాసచారి, విద్యుత్‌ డీఈ, మిర్యాలగూడ మిర్యాలగూడ : ఆరుగాలం కష్టించి పంటలు పండించే రైతుకు నిత్యం కష్టాలే ఎదురవుతున్నాయి. నాగార్జునసాగర్‌ ఆయకట్టు పరిధిలో బోరుబావుల కింద వరితోపాటు ఇతర పంటలు సాగు చేసిన రైతులకు అప్రకటిత విద్యుత్‌ కోతలతో నీళ్లందడం లేదు. దీంతో వేసిన పంటలు కళ్లముందే ఎండిపోతుండడంతో తీవ్ర ఆందోళన చెందుతున్నారు. భూగర్భ జలం అడుగంటి.. సకాలంలో కురవాల్సిన వర్షాలు ఎల్‌నినో ప్రభావంతో ముఖం చాటేశాయి. వర్షపాతం సాధారణం కంటే 20 శాతం లోటు కావడంతో చెరువులు, కుంటలు, జలాశయాలు నిండలేదు. దీంతో భూగర్భ జలాలు అడుగంటిపోయాయి. జిల్లాలో సుమారు 2.50 లక్షల ఎకరాల్లో రైతులు బోరుబావుల కింద వరితోపాటు ఇతర పంటలు సాగు చేశారు. ఎండిపోతున్న పంటలను కాపాడుకునేందుకు రైతులు కొత్త బోర్లు వేస్తున్నా చుక్కనీరు పడటం లేదు. పెరిగిన విద్యుత్‌ డిమాండ్‌తో తప్పని కోతలు రైతులు బోర్లపై ఆధారపడడంతో విద్యుత్‌ డిమాండ్‌ అమాంతం పెరిగింది. జిల్లాలో సాధారణ విద్యుత్‌ వినియోగం 14 మిలియన్‌ యూనిట్లు ఉండగా.. ప్రస్తుతం అది 19 మిలియన్‌ యూనిట్లకు చేరింది. అనుమతులు లేకుండా వేస్తున్న కొత్త బోర్లు, మోటార్ల వాడకంతో ట్రాన్స్‌ఫార్మర్లపై భారం పడి తరచూ ట్రిప్‌ అవుతున్నాయి. రైతులకు రోజూ 12 గంటల కరెంట్‌ ఇస్తామని చెప్పినప్పటికీ.. కేవలం 4 నుంచి 6 గంటలకే పరిమితం అవుతోంది. రైతుల ఆందోళన బాట నాగార్జున సాగర్‌ ఎడమ కాల్వకు కేవలం 15 రోజులు మాత్రమే నీరు విడుదల చేసిన అధికారులు.. మంగళవారం నిలిపివేశారు. వినాయక నిమజ్జనం కోసమని బుధవార మధ్యాహ్నం నుంచి మళ్లీ విడుదల చేస్తున్నారు. అయితే చివరి ఆయకట్టుకు నీరందక పంటలు ఎండిపోతున్నాయి. విద్యుత్‌ సమస్యపై రైతులు సబ్‌స్టేషన్ల వద్ద ధర్నాలకు దిగుతున్నారు. అధికారులు స్పందించి కోతలు లేకుండా విద్యుత్‌ సరఫరా చేయాలని కోరుతున్నారు.ఫ అప్రకటిత విద్యుత్‌ కోతలతో తడారుతున్న పొలాలు ఫ సబ్‌స్టేషన్ల వద్ద రైతుల ధర్నాలు ఫ జిల్లా వ్యాప్తంగా బోర్ల కింద 2.50 లక్షల ఎకరాల్లో వరి, ఇతర పంటలు సాగు

నల్లగొండ: రైతుల ఆదాయం పెరిగేలా మార్కెట్‌లో డిమాండ్‌ ఉన్న పంటలు సాగుచేయించాలని రాష్ట్ర వ్యవసాయ, మార్కెటింగ్‌, సహకార శాఖల కార్యదర్శి కె.సురేంద్రమోహన్‌ అన్నారు. శుక్రవారం ఆయన నల్లగొండ కలెక్టరేట్‌లో వ్యవసాయ, అనుబంధ శాఖల అధికారులతో నిర్వహించిన సమీక్ష సమావేశంలో మాట్లాడారు. రైతులు సబ్సిడీ పథకాలు పొందేందుకు కేంద్ర ప్రభుత్వం ఫార్మర్స్‌ ఐడీ కచ్చితం చేసినందున యుద్ధ ప్రాతిపదికన నెల రోజుల్లో ఫార్మర్స్‌ రిజిస్ట్రేషన్‌ పూర్తిచేయాలని ఆదేశించారు. జిల్లాలో ఉన్న ప్రాథమిక వ్యవసాయ సహకార సంఘాలు, ఇతర గోదాముల సామర్థ్యాన్ని పెంచాలని, రైతులందరికీ కిసాన్‌ క్రెడిట్‌ కార్డులు ఇప్పించాలని తెలిపారు. రైతు ఉత్పాదక సంస్థలను ప్రోత్సహించాలన్నారు. రాష్ట్రంలో 80 ఎఫ్‌పీఓలు ఉండగా, రూ.3,120 కోట్ల ఎగుమతి వ్యాపారం జరగుతుందని, దాన్ని రూ.5000 కోట్లకు పెంచాలని ప్రభుత్వం నిర్ణయించినట్లు తెలిపారు. వ్యవసాయాన్ని శాస్త్రబద్ధంగా, బాధ్యతాయుతంగా నిర్వహించేలా రైతులను చైతన్యం చేయాలన్నారు. పంట మార్పిడి, సెరికల్చర్‌, హార్టికల్చర్‌ను ప్రోత్సహించాలని కోరారు. వ్యవసాయ ఉత్పత్తులను నిల్వ ఉంచేందుకు ఎఫ్‌పీఓల ద్వారా కోల్డ్‌ స్టేజిలను పెంచాలన్నారు. త్వరలో ప్రారంభం కానున్న వానాకాలం ధాన్యం కొనుగోలుకు అన్ని ఏర్పాట్లు చేయాలని సూచించారు. సమావేశంలో కలెక్టర్‌ చంద్రశేఖర్‌, రెవెన్యూ అదనపు కలెక్టర్‌ శ్రీనివాస్‌, వ్యవసాయ, అనుబంధ శాఖల అధికారులు పాల్గొన్నారు. ఫ రాష్ట్ర వ్యవసాయ, మార్కెటింగ్‌, సహకార శాఖల కార్యదర్శి సురేంద్రమోహన్‌

నల్లగొండ : ప్రస్తుత వానాకాలం సీజన్‌లో రైతుల నుంచి కొనుగోలు చేసే ధాన్యాన్ని ఈసారి నేరుగా మిల్లులకు కేటాయించకుండా గోదాముల్లోనే నిల్వ చేయాలని ప్రభుత్వం యోచిస్తోంది. అక్టోబర్‌ 1నుంచి ధాన్యం కొనుగోళ్లు ప్రారంభించాలనినుంచి ఆదేశాలు రావడంతో జిల్లా యంత్రాంగం అందుకు అనుగుణంగా ఏర్పాట్లు చేస్తోంది. పౌరసరఫరాల శాఖ అధికారులు ఇప్పటికే జిల్లా వ్యాప్తంగా ప్రైవేటు గోదాములను గుర్తించే పనిలో నిమగ్నమయ్యారు. మిల్లింగ్‌పై వివాదాల నేపథ్యంలో.. గత యాసంగిలో దొడ్డు ధాన్యాన్ని మిల్లర్లకు కేటాయించడం, దానికి బదులుగా ప్రభుత్వానికి రావాల్సిన రా రైస్‌ విషయంలో విభేదాలు తలెత్తాయి. ఈ నేపథ్యంలోనే ఈ వానాకాలంలో కొనుగోలు చేసే సన్నధాన్యాన్ని మిల్లర్లకు అప్పగించకుండా నిల్వ చేయాలనే ఆలోచనకు ప్రభుత్వం వచ్చినట్లు తెలుస్తోంది. అయితే రైతుల నుంచి కొనుగోలు చేసే ధాన్యాన్ని గోదాముల్లో నిల్వ చేసి, ప్రభుత్వ అవసరానికి అనుగుణంగా మిల్లింగ్‌ చేయించుకోవాలనే దిశగా కసరత్తు జరుగుతున్నట్లు సమాచారం. అయితే సన్నధాన్యాన్ని మిల్లింగ్‌ చేయించే విషయంలో ప్రభుత్వం తుది నిర్ణయం తీసుకోలేదు.

మునుగోడు : పత్తి సాగు చేసే రైతులు ఎకరం భూమిలో కనీసం 15 వేల మొక్కలను పెంచితే మంచి దిగుబడి పొందవచ్చని కంపాసాగర్‌ వ్యవసాయ పరిశోధనా కేంద్రం శాస్త్రవేత డాక్టర్‌ అనిల్‌కుమార్‌ సూచించారు. పత్తి సాగులో మెళకువలపై మండలంలోని కొరటికల్‌ గ్రామంలో రైతులకు శుక్రవారం అవగాహన కల్పించారు. ఈ సందర్భంగా ఆయన మాట్లాడుతూ ఎకరానికి 15 వేల మొక్కలు నాటి దిగుబడి తీస్తే పంట కాలపరిమితి తగ్గి అదే భూ మిలో రెండో పంట సాగు చేసే అవకాశం ఉంటుందన్నారు. కార్యక్రమంలో మండల వ్యవసాయ అధికారి పద్మజ, కొరటికల్‌ సర్పంచ్‌ అద్దంకి రామలింగం, ఉప సర్పంచ్‌ మందుల అంజయ్య, ఏఈఓ వెంకటేష్‌ పాల్గొన్నారు. వృద్ధులను గౌరవిద్దాంనల్లగొండ: ప్రతిఒక్కరం వయో వృద్ధులను గౌరవిద్దామని జిల్లా స్థానిక సంస్థల ఆదనపు కలెక్టర్‌ నంద్యాల ప్రేమ్‌కరణ్‌రెడ్డి అన్నారు. అక్టోబర్‌ 1న ప్రపంచ వృద్ధుల దినోత్సవం సందర్భంగా నిర్వహించ తలపెట్టిన వయోవృద్ధుల వారోత్సవాల పోస్టర్‌, వయోవృద్ధుల హక్కుల పుస్తకాలను శుక్రవారం ఆయన నల్లగొండ కలెక్టరేట్‌లో ఆవిష్కరించి మాట్లాడారు. ఈ నెల 26న సాంస్కృతిక కార్యక్రమాలు, 27న ఆర్థిక లావాదేవీలపై, సైబర్‌ నేరాల పట్ల అవగాహన, 28న యోగా సాధన, 29న వృద్దుల చట్టాలపై అవగాహన సదస్సులు ఉంటాయన్నారు. 30న చిన్నారుల చేత తల్లిదండ్రులను, వృద్ధులను గౌరవించాలని అన్ని ప్రభుత్వ, ప్రైవేటు పాఠశాలలో ప్రతిజ్ఞ చేయించాలన్నారు. అక్టోబర్‌ 1న వృద్ధుల దినోత్సవం సందర్భంగా కలెక్టరేట్‌లో వయోవృద్ధులకు, వారికి సేవలు చేసిన వ్యక్తులకు సన్మానం కార్యక్రమం నిర్వహించనున్నట్లు తెలిపారు. కార్యక్రమంలో జిల్లా సంక్షేమ అధికారి లావణ్య కుమారి, ఫీల్డ్‌ రెస్పాన్స్‌ ఆఫీసర్‌ మునగాల నాగిరెడ్డి, వయోవృద్ధుల సంరక్షణ కేంద్రం కోఆర్డినేటర్‌ నవీన్‌, సముద్రాల మల్లికార్జున్‌, సుదర్శన్‌రెడ్డి, భిక్షపతి పాల్గొన్నారు. పేద విద్యార్థులకు వరం.. ‘బీఆర్‌ఏఓయూ’ మిర్యాలగూడ టౌన్‌ : డాక్టర్‌ బీఆర్‌ అంబేద్కర్‌ ఓపెన్‌ యూనివర్సిటీ (బీఆర్‌ఏఓయూ) ద్వారా అందిస్తున్న విద్యా కోర్సులు పేద విద్యార్థులకు గొప్ప వరం లాంటివని ఎడ్యుకేషన్‌ ఎక్స్‌టెన్షన్‌ సెంటర్‌ నోడల్‌ అధికారి డాక్టర్‌ బి.ధర్మానాయక్‌ అన్నారు. శుక్రవారం మిర్యాలగూడలోని కేఎన్‌ఎం ప్రభుత్వ డిగ్రీ కళాశాల అధ్యయన కేంద్రంలో బీఆర్‌ఏఓయూ ప్రవేశాల పోస్టర్‌ను ఆయన విడుదల చేశారు. ఈ సందర్భంగా అధ్యయన కేంద్రం కౌన్సిలర్లతో నిర్వహించిన సమావేశంలో ఆయన మాట్లాడారు. దూరవిద్య ద్వారా వివిధ కోర్సులు పూర్తిచేసిన విద్యార్థులకు మెరుగైన ఉద్యోగ, ఉపాధి అవకాశాలు లభిస్తున్నాయని తెలిపారు. 2026–27 విద్యా సంవత్సరానికి సంబంధించి యూజీ, పీజీ, డిప్లొమా, సర్టిఫికెట్‌ తదితర కోర్సుల్లో ప్రవేశాలకు దరఖాస్తులు ఆహ్వానిస్తున్నట్లు చెప్పారు. సమావేశంలో కళాశాల ప్రధానాచార్యులు మలిగిరెడ్డి భీమార్జున్‌రెడ్డి, కో–ఆర్డినేటర్‌ పి.నాగరాజు, జాక్టో ఎం.వెంకన్న, అధ్యయన కేంద్రం కౌన్సిలర్లు పాల్గొన్నారు.

రామగిరి(నల్లగొండ): టెలికం వినియోగదారుల హక్కులు, సేవలపై అవగాహన పెంచడంతోపాటు సైబర్‌ మోసాల నివారణే లక్ష్యంగా తమ సంస్థ పనిచేస్తోందని భారత టెలికం నియంత్రణ ప్రాధికార సంస్థ (ట్రాయ్‌) హైదరాబాద్‌ ప్రాంతీయ కార్యాలయ సంయుక్త సలహాదారు కేవీ.సురేష్‌బాబు అన్నారు. ట్రాయ్‌) ఆధ్వర్యంలో శుక్రవారం నల్లగొండలోని కాకతీయ డిగ్రీ, పీజీ కళాశాలలో టెలికం వినియోగదారులకు నిర్వహించిన అవగాహన కార్యక్రమంలో ఆయన మాట్లాడారు. టెలికం రంగాన్ని క్రమబద్ధీకరించడంలో, వినియోగదారుల ప్రయోజనాలను కాపాడటంలో ట్రాయ్‌ నిర్వహిస్తున్న పాత్రను వివరించారు. సేవల నాణ్యత, వేగాన్ని తెలుసుకునేందుకు, అవాంఛిత కాల్స్‌ను అరికట్టేందుకు ట్రాయ్‌కి చెందిన మై కాల్‌, మై స్పీడ్‌, డీఎన్‌డీ యాప్‌లను ఉపయోగించుకోవాలని కోరారు. అనంతరం వన్‌టౌన్‌ సీఐ రాజశేఖర్‌రెడ్డి, తహసీల్దార్‌ కె.పరశురామ్‌ మాట్లాడుతూ ట్రాయ్‌ సేవలను సద్వినియోగం చేసుకోవాలన్నారు. ఈ కార్యక్రమంలో కళాశాల ప్రిన్సిపాల్‌ పి.నరసింహారెడ్డి, టెలికం శాఖ (ఏపీ లైసెన్స్‌ సర్వీస్‌ ఏరియా) భద్రతా విభాగం అసిస్టెంట్‌ డైరెక్టర్‌ జి.పాపారావు, డి.ప్రదీప్‌కుమార్‌, ఎ.క్రిష్ణయ్య తదితరులు పాల్గొన్నారు.

ప్రతీ తల్లి, తండ్రికి వారి కూతుళ్లతో ప్రత్యేక అనుబంధం ఉంటుంది. కూతురు ఉన్నత స్థానానికి ఎదిగితే ఆ విజయం చూసి ఎంతో మురిసిపోతారు. కూతురితో గడిపిన ప్రతీది ఓ తీపిజ్ఞాపకం. అలాంటి తీపి జ్ఞాపకాలు ‘సాక్షి’తో పంచుకోండి. మీ కూతురు గురించి నాలుగు వాక్యాలు రాసి మీ కూతురుతో దిగిన సెల్ఫీఫొటో పంపండి. మీ పేరు, ప్రాంతం వివరాలను పేర్కొంటూ 26వ తేదీ సాయంత్రం 4గంటల్లోగా కింది వాట్సాప్‌ నంబర్‌కు పంపండి. వచ్చిన వాటిని స్క్రూటినీ చేసి డాటర్స్‌ డే (కూతుళ్ల దినోత్సవం) సందర్భంగా 27వ తేదీ సంచికలో ప్రచురిస్తాం.మీరు పంపాల్సిన వాట్సాప్‌ నంబర్‌ : 94413 62419

దేవరకొండ: విద్యతోనే సమాజాభివృద్ధి సాధ్యమని, విద్యార్థులు తాము ఎంచుకున్న లక్ష్యాల సాధనకు నిరంతరం శ్రమించాలని రాష్ట్ర ఎస్సీ, ఎస్టీ కమిషన్‌ చైర్మన్‌ బక్కి వెంకటయ్య అన్నారు. శుక్రవారం దేవరకొండ మండలం కొమ్మేపల్లి గిరిజన బాలుర గురుకుల పాఠశాలను ఆయన సందర్శించారు. పాఠశాలలో నెలకొన్న సమస్యలు, కల్పిస్తున్న వసతులను విద్యార్థులను అడిగి తెలుసుకున్నారు. అనంతరం ఆయన మాట్లాడుతూ కలెక్టర్‌తో మాడ్లాడి త్వరలోనే విద్యార్థుల సమస్యలు పరిష్కరించేలా చూస్తానని హామీ ఇచ్చారు. తరగతి గదిలోనే విద్యార్థులు తమ భవిష్యత్తుకు పునాది వేసుకోవాలని సూచించారు. అనంతరం పాఠశాల ఆవరణలో మొక్కలు నాటారు. విద్యార్థుల ఉన్నతికే గురుకులాలు కొండమల్లేపల్లి: విద్యార్థుల ఉన్నతికే గురుకులాలు పనిచేయాలని తెలంగాణ రాష్ట్ర ఎస్సీ, ఎస్టీ కమిషన్‌ చైర్మన్‌ బక్కి వెంకటయ్య అన్నారు. శుక్రవారం ఆయన కొండమల్లేపల్లి మండలం దంజిలాల్‌తండా ఎక్స్‌ రోడ్డు వద్ద ఉన్న ఎస్టీ బాలికల గురుకుల పాఠశాల, కళాశాలను సందర్శించారు. పాఠశాలలో అందుతున్న వసతులపై ఆరా తీశారు. అనంతరం పాఠశాలలో ఏర్పాటు చేసిన సమావేశంలో ఆయన మాట్లాడి పలు సూచనలు చేశారు. అనంతరం కొండమల్లేపల్లి మండలం వర్ధమానిగూడెంలోని పీల్యతండాలో ఉన్న శ్రీవేంకటేశ్వరస్వామి ఆలయంలో ప్రత్యేక పూజలు చేశారు. ఆ తర్వాత గుడితండాలో పెండ్లిపాకల రిజర్వాయర్‌ ముంపు బాధితుల సమస్యలను అడిగి తెలుసుకున్నారు. అనంతరం దేవరకొండకు వెళ్లారు. ఈ కార్యక్రమాల్లో కమిషన్‌ సభ్యులు రేణిగుంట ప్రవీణ్‌, లక్ష్మీనారాయణ, రాంబాబు నాయక్‌, జిల్లా శంకర్‌, అదనపు కలెక్టర్‌ ప్రేమ్‌కరణ్‌రెడ్డి, దేవరకొండ సబ్‌ కలెక్టర్‌ కరోలిన్‌ చింగ్తియాన్‌ మావి, డీఎస్పీ శ్రీనివాసరావు, డీటీడీఓ కమలాకర్‌రెడ్డి, ఆర్‌సీఓ శ్రీనివాసరావు, ఏసీఎంఓ వెంకటేష్‌ నాయక్‌, ఏటీడీఏ వెంకటేశ్వర్‌, కొండమల్లేపల్లి ఎంపీడీఓ స్వర్ణలత, తహసీల్దార్‌ నరేందర్‌, ఎంఈఓ ఆర్‌.నాగేశ్వర్‌రావు నాయక్‌, ఎంపీఓ సుధీర్‌కుమార్‌, సర్పంచులు, ప్రిన్సిపాల్‌ శారద, ఉపాధ్యాయులు పాల్గొన్నారు. ఫ రాష్ట్ర ఎస్సీ, ఎస్టీ కమిషన్‌ చైర్మన్‌ బక్కి వెంకటయ్య

కేతేపల్లి : ఎగువ ప్రాంతాల్లో కురుస్తున్న వర్షాలతో మూసీ ప్రాజెక్టుకు భారీగా వరదనీరు వచ్చి చేరుతోంది. మూసీ సమీపంలో ఉన్న శాలిగౌరారం, అర్వపల్లి, జాజిరెడ్డిగూడెం తదితర ప్రాంతాల్లో బుధవారం రాత్రి నుంచి కురుస్తున్న వర్షంతో గురువారం ఉదయం ఎగువ నుంచి మూసీకి 5వేల క్యూసెక్కుల ఇన్‌ఫ్లో వచ్చింది. మూసీ ఎగువ ప్రాంతాల్లో కురుస్తున్న వర్షాలు సాయంత్రం వరకు తగ్గుముఖం పట్టడంతో మూసీకి వస్తున్న ఇన్‌ఫ్లో 2,050 క్యూసెక్కులకు తగ్గిపోయింది. మూసీ గరిష్ట నీటిమట్టం సామర్థ్యం 645 అడుగులు కాగా ప్రస్తుతం ఎగువ నుంచి వస్తున్న ఇన్‌ఫ్లోతో గురువారం సాయంత్రానికి 641.20 అడుగుల వరకు చేరుకుంది. మూసీ ఆయకట్టులో వానాకాలం పంటల సాగు కోసం మూసీ కుడి, ఎడమ కాల్వలకు 295 క్యూసెక్కులు చొప్పున మొత్తం 590 క్యూసెక్కుల నీటిని వదులుతున్నారు. లీకేజీ, సీపేజీ, ఆవిరి రూపంలో 30 క్యూసెక్కుల నీరువృథా అవుతుంది. మూసీ రిజర్వాయర్‌లో పూర్తిస్థాయి నీటినిల్వ సామర్థ్యం 4.46 టీఎంసీలు కాగా ప్రస్తుతం 3.35 టీఎంసీల నీరు నిల్వ ఉందని మూసీ ఇంజనీరింగ్‌ అధికారులు తెలిపారు.

రామన్నపేట : విద్యార్థులు చరిత్రను అధ్యయనం చేయాలని ప్రముఖ సాహితీవేత్త తెలుగుశాఖ అధ్యక్షుడు డాక్టర్‌ తండు కృష్ణకౌండిన్య అన్నారు. రామన్నపేట ప్రభుత్వ డిగ్రీ కళాశాల విద్యార్థులు, అధ్యాపకులు గురువారం విష్ణుకుండినుల రాజధానిగా వెలుగొందిన ఇంద్రపాలనగరంలోని చారిత్రక ప్రదేశాలను, పురాతన శివాలయాన్ని సందర్శించారు. ఇంద్రపాలనగరం చరిత్రను విద్యార్థులకు వివరించారు. ఈ కార్యక్రమంలో క్లబ్‌ కో ఆర్డినేటర్‌ డాక్టర్‌ డి.కిషన్‌ పరిపాలనా అధికారి జి.కరుణాకర్‌ అధ్యాపకులు అమర్‌, నరేష్‌, రాంబాబు, కిరణ్‌ పాల్గొన్నారు.

నల్లగొండ : స్వచ్ఛత సందేశాన్ని ప్రతి ఇంటికి తీసుకెళ్లాలని ఎఫ్‌సీఐ నల్లగొండ డివిజన్‌ మేనేజర్‌ సువీన్‌కుమార్‌ అన్నారు. ఆయన గురువారం నల్లగొండలో స్వచ్ఛతా హి సేవ–2026లో భాగంగా ఎఫ్‌సీఐ ఆధ్వర్యంలో నిర్వహిస్తున్న స్వచ్ఛతా జ్ఞానయాత్రలో పాల్గొని మాట్లాడారు. వ్యక్తిగత పరిశుభ్రత, చేతులు శుభ్రంగా కడుక్కోవడం, చెత్తను ఎక్కడపడితే అక్కడ వేయకుండా తడి–పొడి చెత్తగా వేరు చేసి సిబ్బందికి అందించాలన్నారు. పరిసరాలను పరిశుభ్రంగా ఉంచడం వంటి అలవాట్లను చిన్ననాటి నుంచే అలవరచుకోవాలని సూచించారు. విద్యార్థులు స్వచ్ఛత దూతలుగా మారి పరిశుభ్రత ప్రాముఖ్యతను ఇతరులకు తెలియజేయాలని పిలుపునిచ్చారు. అనంతరం విద్యార్థులతో స్వచ్ఛత ప్రతిజ్ఞ చేయించారు. కార్యక్రమంలో పాఠశాల ప్రధానోపాధ్యాయులు పోలె వెంకటయ్య, ఎఫ్‌సీఐ సీనియర్‌ అధికారులు పవన్‌, ఆదిమల్ల శంకర్‌, కాశిరెడ్డి , ధీరజ్‌, ఉద్యోగులు షాహిద్‌, ప్రవీణ్‌, యమున, మమత, దివ్య, క్రాంతి, అజయ్‌, సతీష్‌రెడ్డి తదితరులు పాల్గొన్నారు.

నల్లగొండ : రాష్ట్ర ఎస్సీ, ఎస్టీ కమిషన్‌ చైర్మన్‌ బక్కి వెంకటయ్య, కమిటీ సభ్యులు ఈనెల 25న జిల్లాలో పర్యటించనున్నట్లు కలెక్టర్‌ బి.చంద్రశేఖర్‌ గురువారం ఒక ప్రకటనలో తెలిపారు. కమిషన్‌ సభ్యులు శుక్రవారం ఉదయం 10 గంటలకు కొండమల్లేపల్లి మండలం, దంజిలాల్‌తండాలో ఉన్న గిరిజన బాలికల ఆశ్రమ పాఠశాలతోపాటు 10.30 గంటలకు పిల్యాతండా, 11 గంటలకు గుడితండా, మధ్యాహ్నం 12.30 గంటలకు దేవరకొండలోని గిరిజన బాలుర ఆశ్రమ పాఠశాలను సందర్శిస్తారని పేర్కొన్నారు. మధ్యాహ్నం ఒంటి గంటకు కనగల్‌ మండలం రేగట్టే గ్రామానికి చేరుకొంటారని, భోజనం అనంతరం మధ్యాహ్నం 3 గంటలకు జిల్లా నుంచి తిరిగి హైదరాబాద్‌ వెళతారని పేర్కొన్నారు. రాష్ట్ర స్థాయి అథ్లెటిక్స్‌కు గురుకుల విద్యార్థులుహాలియా : హన్మకొండలో ఈ నెల 26, 27 తేదీల్లో నిర్వహించనున్న 12వ తెలంగాణ రాష్ట్ర స్థాయి జూనియర్‌ అథ్లెటిక్స్‌ ఛాంపియన్‌షిప్‌ పోటీలకు నాగార్జునసాగర్‌ బీసీ గురుకుల పాఠశాల, కళాశాలకు చెందిన ఆరుగురు విద్యార్థులు ఎంపికయ్యారు. నల్లగొండ జిల్లా అథ్లెటిక్స్‌ జట్టు ఎంపికల్లో భాగంగా స్థానిక మేకల అభినవ్‌ స్టేడియంలో నిర్వహించిన సెలక్షన్స్‌లో గురుకులానికి చెందిన 17మంది విద్యార్థులు వివిధ విభాగాల్లో పాల్గొని ప్రతిభ కనబరిచారు. వీరిలో అండర్‌–18 విభాగం నుంచి ద్వితీయ సంవత్సరం విద్యార్థి దినేష్‌ (లాంగ్‌జంప్‌, జావెలిన్‌ త్రో), ప్రథమ సంవత్సరం విద్యార్థులు నిరంజన్‌ (షాట్‌ఫుట్‌), తేజ (జావెలిన్‌ త్రో) ఎంపికయ్యారు. అలాగే అండర్‌–16 విభాగంలో తొమ్మిదో తరగతి విద్యార్థి సంపత్‌ (హైజంప్‌), తనుష్‌ (జావెలిన్‌ త్రో).. అండర్‌–14 విభాగంలో ఎనిమిదో తరగతి విద్యార్థి నిఖిల్‌సింగ్‌ (ట్రైయాథ్లాన్‌–ఏ) రాష్ట్ర స్థాయి పోటీలకు ఎంపికయ్యారు. రాష్ట్ర స్థాయి పోటీల్లోనూ ప్రతిభ కనబరచి పాఠశాలకు, జిల్లాకు మంచిపేరు తీసుకురావాలని ప్రిన్సిపాల్‌ రవికుమార్‌, కళాశాల సిబ్బంది ఆకాంక్షించారు. గౌడ సంఘం జిల్లా అధ్యక్షుడిగా రమేష్‌ రామగిరి(నల్లగొండ) : గౌడ సంక్షేమ సంఘం జిల్లా అధ్యక్షుడిగా నల్లగొండ మండలం చందనపల్లికి చెందిన సురిగి రమేష్‌గౌడ్‌ నియమితులయ్యారు. హైదరాబాద్‌లోని ఫిల్మ్‌ నగర్‌ గల ఆ సంఘం కార్యాలయంలో గురువారం నిర్వహించిన కార్యక్రమంలో ఆ సంఘం జాతీయ అధ్యక్షుడు గట్టు రామచంద్రయ్యగౌడ్‌ చేతులమీదుగా రమేష్‌గౌడ్‌ నియామక పత్రం అందుకున్నారు. కార్యక్రమంలో రాష్ట్ర అధ్యక్షుడు గుండాల మల్లేష్‌ గౌడ్‌, శంకర్‌, పెద్ది వెంకటయ్య, సైదులు తదితరులు పాల్గొన్నారు.

మిర్యాలగూడ : దామరచర్లలో నిర్మించిన యాదాద్రి థర్మల్‌ పవర్‌ప్లాంట్‌ బీఆర్‌ఎస్‌ నేతల అక్రమాలకు కేరాఫ్‌గా మారిందని మిర్యాలగూడ ఎమ్మెల్యే బత్తుల లక్ష్మారెడ్డి ఆరోపించారు. దామరచర్ల మండలంలో ఉన్న యాదాద్రి థర్మల్‌ పవర్‌ప్లాంట్‌ వద్ద ఆయన ప్రజాప్రతినిధులతో కలిసి విలేకరుల సమావేశంలో మాట్లాడారు. వనరులు లేని దామరచర్ల మండలంలో రాజకీయ లబ్ధికోసమే పవర్‌ప్లాంట్‌ నిర్మించారని, దానికి అవసరమైన బొగ్గును 250 కి.మీ దూరం నుంచి తీసుకొస్తున్నారని విమర్శించారు. దీనికి గాను ప్రభుత్వంపై ఏటా రూ.40వేల కోట్ల భారం పడుతోందన్నారు. ఏ మొఖం పెట్టుకొని బీఆర్‌ఎస్‌ నేతలు పవర్‌ప్లాంట్‌ను సందర్శించారని ప్రశ్నించారు. అనేక ఇబ్బందులున్నా ప్రజాప్రభుత్వం పవర్‌ప్లాంట్‌ నుంచి విద్యుత్‌ ఉత్పత్తి చేయిస్తోందని, సాంకేతిక కారణంగా ఒక యూనిట్‌లో విద్యుత్‌ ఉత్పత్తి నిలిచిపోతే దాన్ని బూచి చూపి ప్రజలను బీఆర్‌ఎస్‌ నేతలు రెచ్చగొట్టడం తగదన్నారు. మాజీ మంత్రి జగదీష్‌రెడ్డి, మాజీ ఎమ్మెల్యే భాస్కర్‌రావు తమ అనుచరులకు, బంధువులకు కాంట్రాక్టుతోపాటు పరి హారం కింద కోట్ల రూపాయలు ఇప్పించి అక్రమాలకు పాల్పడ్డారని వివరించారు. నాడు ఎన్నికల్లో పోటీ చేసినప్పుడు అఫిడవిట్‌లో చూపిన ఆస్తులెన్ని తొమ్మిదినరేళ్ల పాలనలో మీరు సంపాదించిన ఆస్తులెన్నో తేల్చుకుందామని సవాలు విసిరారు. కార్యక్రమంలో డీసీసీ ప్రధాన కార్యదర్శి చిలుకూరి బాలకృష్ణ, నూకల వేణుగోపాల్‌రెడ్డి, గాయం ఉపేందర్‌రెడ్డి, పొదిల శ్రీనివాస్‌, సర్పంచ్‌లు రేణుకశ్రీ, శ్రావణి, పోకల వెంకటేశ్వర్లు, నాయకులు స్కైలాబ్‌నాయక్‌, ఇంద్రకుమార్‌, మోయిజ్‌, బాలునాయక్‌, టి.సైదులు తదితరులు పాల్గొన్నారు. ఫ ఎమ్మెల్యే బత్తుల లక్ష్మారెడ్డి

ప్రతీ తల్లిదండ్రికి తమ కూతుళ్లతో ప్రత్యేక అనుబంధం ఉంటుంది. అల్లారుముద్దుగా పెంచిన కూతురు ఉన్నతస్థానానికి ఎదిగితే ఆ విజయం చూసి మురిసిపోవడంలో ఉన్న ఆనందం మరెక్కడా ఉండదు. కూతురితో గడిపిన ప్రతీ విషయం ఓ తీపిజ్ఞాపకం. మీకూ అలాంటి తీపి జ్ఞాపకాలు, మీ కూతురు గొప్పతనం గురించి డాటర్స్‌ డే (కూతురు దినోత్సవం) సందర్భంగా ‘సాక్షి’తో పంచుకోండి. దీంతోపాటు తల్లిదండ్రి తమ కూతురుతో దిగిన సెల్ఫీఫొటో, మీ పేరు, ప్రాంతం వివరాలను ఈ నెల 26వ తేదీ సాయంత్రం 4గంటల్లోగా కింది వాట్సాప్‌ నంబర్‌కు పంపండి. వచ్చిన వాటిని స్క్రూటినీ చేసి 27వ తేదీ పత్రికలో ప్రచురిస్తాం.మీరు పంపాల్సిన వాట్సాప్‌ నంబర్‌ :

నల్లగొండ అగ్రికల్చర్‌ : బంగాళాఖాతంలో ఏర్పడిన వాయుగుండం కారణంగా జిల్లా అంతటా జోరువాన కురిసింది. బుధవారం ఉదయం నుంచి గురువారం ఉదయం వరకు 21.7 మిల్లీమీటర్ల సగటు వర్షపాతం నమోదైంది. అయితే జిల్లాలో 6.40 లక్షల ఎకరాల్లో రైతులు పత్తి పంటను సాగు చేశారు. ఎల్‌నినో ప్రభావం కారణంగా జిల్లా వ్యాప్తంగా సరైన వర్షాలు లేవు. ఫలితంగా పత్తిచేలు పిందే దశలో సరైన ఎదుగుదల లేని కారణంగా వాడుబట్టాయి. కొన్ని ప్రాంతాల్లో జానెడు ఎత్తులోనే పత్తిచేలు పూత పూసి కాయదశకు చేరుకున్నాయి. మరికొన్ని ప్రాంతాల్లో పత్తి పగిలి ఏరే దశలో ఉంది. అయితే ప్రస్తుతం కురిసిన వర్షాలు కొనఊపిరిలో ఉన్న పత్తి చేలకు జీవం పోసినట్లయింది. ఎండితున్న వరిచేలు, ఇతర మెట్టపంటలకు కూడా మేలు జరిగింది. ఈ సీజన్‌లో తక్కువ వర్షాలు కురుస్తున్నందున పెట్టిన పెట్టుబడులు కూడా చేతికొచ్చే పరిస్థితి కనపడటం లేదని, ఈ నేపథ్యంలో బుధవారం నుంచి గురువారం వరకు కురిసిన వర్షంతో రైతులు ఆనందపడుతున్నారు. కేతేపల్లి, శాలిగౌరారం మండలాల్లో అత్యధికం జిల్లాలోని కేతేపల్లి మండలంలో అత్యధికంగా 69.4 మిల్లీమీటర్ల వర్షం కురవగా ఆ తర్వాత శాలిగౌరారం మండలంలో 67.3 మిల్లీమీటర్ల వర్షపాతం నమోదైంది. అత్యల్పంగా గట్టుప్పల్‌, కొండమల్లేపల్లి మండలాల్లో 2 మి.మీ. నుంచి 2.8 మిల్లీమీటర్ల వర్షపాతం నమోదైంది. వర్షాలు కురుస్తాయన్న వాతావరణ శాఖ సూచిస్తున్న నేపథ్యంలో రైతులు హర్షం వ్యక్తం చేస్తున్నారు. వర్షమొచ్చినా.. కుంటల్లోకి చేరని నీరు బుధవారం రాత్రి కురిసిన వర్షానికి పలు మండలాల్లో లోతట్టు ప్రాంతాలు జలమయమయ్యాయి. ప్రధాన రోడ్లు, అంతర్గత రోడ్లపై వరదనీరు ప్రవహించింది. పలు చోట్ల పత్తిచేలు, వరిపొలాల్లోకి భారీగా నీరు చేరాయి. కానీ ఈ సీజన్‌లో చాలా రోజుల తర్వాత వర్షం కురడంతో ఇప్పటికే నెర్రెలు బారిఉన్న పొలాలు, భూముల్లోకే వర్షపునీరు ఇంకిపోయింది. దీంతో చెరువులు, కుంటలు, వాగుల్లోకి వరద నీరు చేరిన దాఖలాలు పెద్దగా కనిపించలేదు. బుధవారం రాత్రి నుంచి కురుస్తున్న వర్షంతో పత్తిచేలకు ఎంతో మేలు జరగనుంది. వాడు దశలో ఉన్న చేలకు వర్షం జీవం పోసినట్లయింది. రైతులు అదును చూసుకుని ఎరువులు తెచ్చుకుంటే మంచిది. ఇప్పుడు ఎరువులు పెట్టుకుంటే దిగుబడి పెరిగే అవకాశం ఉంటుంది. – వినోద్‌కుమార్‌, జిల్లా వ్యవసాయాధికారి ఫ వాయుగుండం కారణంగా అన్ని మండలాల్లో కురిసిన వర్షం ఫ జిల్లాలో 21.7 మి.మీ. సగటు వర్షపాతం నమోదు ఫ వాడుబడిన పత్తిచేలు, వరిపొలాలకు జీవం ఫ ఆనందంలో రైతాంగం

సాక్షి ప్రతినిధి, నల్లగొండ : మిగులు ధాన్యాన్ని వేలం వేసేందుకు ప్రభుత్వం చర్యలు చేపట్టింది. జిల్లాలో గత యాసంగి సీజన్‌లో ధాన్యం అధిక దిగుబడి రావడంతో ప్రభుత్వం ఎక్కువగా కొనుగోలు చేయాల్సి వచ్చింది. ఈ ధాన్యాన్నే కొన్ని మిల్లులకు సామర్థ్యానికి మించి కస్టమ్‌ మిల్లింగ్‌ రైస్‌ (సీఎంఆర్‌) కోసం అప్పగించింది. ప్రస్తుతం అందులో మిగిలిన ధాన్యాన్ని బహిరంగ వేలం ద్వారా విక్రయించేందుకు పౌర సరఫరాల శాఖ సిద్ధమైంది. విక్రయానికి 1.35 లక్షల మెట్రిక్‌ టన్నులు సాధారణంగా ప్రభుత్వం ఏటా కొనుగోలు కేంద్రాల ద్వారా 6 లక్షల నుంచి 6.5 మెట్రిక్‌ టన్నుల వరకు ధాన్యం కొనుగోలు చేస్తుంది. గత యాసంగిలో అధిక దిగుబడి రావడంతో 7.74 లక్షల మెట్రిక్‌ టన్నులు కొనుగోలు చేయాల్సి వచ్చింది. అందులోని 45 మిల్లులకు కేటాయించిన ధాన్యంలోని 1,35,481 మెట్రిక్‌ టన్నుల ధాన్యాన్ని ప్రస్తుతం విక్రయించాలని నిర్ణయించింది. దీనికి సంబంధించి ఈ నెల 28వ తేదీ వరకు బిడ్లు స్వీకరించనున్నారు. వేలం ప్రక్రియ పూర్తయిన అనంతరం ఎంపికై న బిడ్డర్లకు ధాన్యాన్ని కేటాయించనుంది. వేలం ధర ఇలా.. ప్రభుత్వం మిగులు ధాన్యాన్ని క్వింటాల్‌కు రూ.2,389 చొప్పున వేలం వేయాలని నిర్ణయించింది. సాధారణంగా ప్రభుత్వం రైతులనుంచి కొనుగోలు చేసిన ధరనే వేలానికి ఖరారు చేసింది. దీంతో వేలంలో మిల్లర్లు పాల్గొంటారా లేదా అనేది అనుమానాలు రేకెత్తుతున్నాయి. అధికారుల తనిఖీలతో ఆందోళన ఒక పక్క బాయిల్డ్‌ రైస్‌ అవకాశం ఇవ్వకపోవడం, మరో పక్క మిల్లుల్లో తనిఖీలు చేయడం మిల్లర్లను తీవ్ర ఆందోళనకు గురిచేస్తోంది.జిల్లాలో వేలం వేసిన ధాన్యానికి సంబంధించి ఏడు మిల్లులు మాత్రమే ప్రభుత్వానికి రూ.వందల కోట్ల బకాయి పడ్డాయని, కావాల్సివస్తే వాటిల్లో తనిఖీలు చేసుకోవాలని, అందుకు అసోసియేషన్‌ తరఫున సహకరిస్తామని, అంతేతప్ప తనిఖీల పేరుతో అందరినీ ఇబ్బందులపాలు చేయవద్దని మిల్లర్లు డిమాండ్‌ చేస్తున్నారు. ఈ క్రమంలో ప్రభుత్వం మిగులు ధాన్యాన్ని వేలం వేయడం చర్చనీయాంశంగా మారింది. తాజాగా బుధవారం మళ్లీ జిల్లాలో 5 మిల్లుల్లో ఆకస్మిక తనిఖీలు నిర్వహించగా ధాన్యం నిల్వ లెక్కలను పోల్చి చూస్తే తేడాలున్నట్లు అధికారులు గుర్తించినట్లు సమాచారం. గత బుధవారం కూడా రెండు మిల్లుల్లో లోపాలు ఉన్నట్లు తేలింది. పైగా ర్యాండమైజేషన్‌ పద్ధతిలో ఏ అధికారి ఏ మిల్లుకు ఏ రోజు వెళ్లాలనేది రాష్ట్ర స్థాయిలోనే పౌర సరఫరాల అధికారులు ప్రణాళికాబద్ధంగా తనిఖీలు చేపడుతుండడంతో మిల్లర్లతో ఆందోళన నెలకొంది. ఫ గత యాసంగిలో సామర్థ్యానికి మించి కేటాయింపు ఫ జిల్లాలో అదనంగా 1,35,481 లక్షల మెట్రిక్‌ టన్నులు ఫ ఆ ధాన్యమే వేలం వేస్తున్న యంత్రాంగం ఫ 28 వరకు బిడ్ల్ల దాఖలుకు అవకాశం ఫ మిల్లర్లు పాల్గొనడంపై అనుమానాలు యాసంగి ధాన్యం సేకరణ సమయంలో మిల్లర్లు ప్రభుత్వానికి బాయిల్డు రైస్‌కు అవకాశం ఇవ్వాలని విన్నవించుకున్నారు. యాసంగిలో వచ్చిన ధాన్యాన్ని రారైస్‌గా పడితే నూక శాతం అధికంగా ఉంటుందని, క్వింటాల్‌ ధాన్యానికి 67 కిలోల రారైస్‌ ఇవ్వడం సాధ్యం కాదని, తాము నష్టపోతామని మిల్లర్లు ఆందోళన వ్యక్తం చేశారు. దీంతో అప్పట్లో కొంత మేర బాయిల్డ్‌ రైస్‌ ఇచ్చేలా అవకాశం కల్పించారు. ఆ తరువాత ఫుడ్‌ కార్పొరేషన్‌ ఆఫ్‌ ఇండియా మాట మార్చి పూర్తిగా రారైస్‌ ఇవ్వాలని చెప్పడంతో మిల్లర్లు సమ్మెబాట పట్టారు.

సాక్షి ప్రతినిధి, నల్లగొండ : యాదాద్రి థర్మల్‌ పవర్‌ ప్లాంట్‌లో విద్యుదుత్పత్తి నిలిచిపోవడం రాజకీయ రంగు పులుముకుంది. దామరచర్ల మండలం వీర్లపాలెంలోని 4 వేల మెగావాట్ల యాదాద్రి ఽథర్మల్‌ పవర్‌ స్టేషన్‌లో బొగ్గు కొరత కారణంగా రెండు యూనిట్లలో ఉత్పత్తి నిలిచిపోగా మరో రెండు యూనిట్లలో ఉత్పత్తి కొనసాగుతున్న నేపథ్యంలో అధికార, ప్రతిపక్ష పార్టీల మధ్య మాటల యుద్ధం మొదలైంది. బొగ్గు కొరత, సాంకేతిక కారణాల సాకుతో ఉత్పత్తి నిలిపివేశారని, విద్యుత్‌ సరఫరా చేయకుండా రైతులకు అన్యాయం చేస్తున్నారని బీఆర్‌ఎస్‌ ఆరోపిస్తోంది. విద్యుత్‌ ప్లాంట్‌ నిర్మాణం, బొగ్గు రవాణా అంశాల్లో గత ప్రభుత్వ హయాంలోనే లోపాలు చోటు చేసుకుంటున్నాయని కాంగ్రెస్‌ నాయకులు విమర్శించడం రాజకీయ రచ్చగా మారింది. బీఆర్‌ఎస్‌ శ్రేణుల పరిశీలన బీఆర్‌ఎస్‌ అధినేత కేసీఆర్‌, వర్కింగ్‌ ప్రెసిడెంట్‌ కేటీఆర్‌ పిలుపు మేరకు మాజీ మంత్రి జగదీష్‌రెడ్డి ఆధ్వర్యంలో గురువారం బీఆర్‌ఎస్‌ నాయకులు దామరచర్ల పరిధిలోని యాదాద్రి థర్మల్‌ పవర్‌ ప్లాంట్‌ను సందర్శించారు. ప్లాంట్‌లో విద్యుత్‌ ఉత్పత్తి పరిస్థితి, బొగ్గు నిల్వలు, యూనిట్ల పనితీరుపై వివరాలు తెలుసుకున్న తర్వాత ప్రభుత్వ తీరుపై ఆయన మీడియాలో విమర్శనాస్త్రాలు సంధించారు. రాష్ట్రంలో మళ్లీ విద్యుత్‌ సమస్య తీవ్రం అవుతుందని ఆరోపించారు. ఇళ్లకు విద్యుత్‌ కోతలు, పరిశ్రమలకు జనరేటర్లను వినియోగించాల్సిన పరిస్థితి ఏర్పడిందని, కరెంట్‌ లేక రైతులు డీజిల్‌, జనరేటర్లను ఉపయోగించాల్సి వస్తుందంటూ తీవ్రంగా విమర్శించారు. విద్యుత్‌ ఉత్పత్తి నిలిపివేసి ప్లాంట్‌ను ఉద్దేశపూర్వకంగా దెబ్బతీసేందుకే ప్రభుత్వం కుట్ర పన్నుతోందని ఆరోపించారు. పోటీగా కాంగ్రెస్‌ శ్రేణులు బీఆర్‌ఎస్‌ నాయకులు పవర్‌ ప్లాంట్‌ను సందర్శించిన విషయం రాజకీయంగా చర్చనీయాంశం కావడంతో కాంగ్రెస్‌ నాయకులు కూడా ప్లాంట్‌ వద్దకు చేరుకున్నారు. మిర్యాలగూడ ఎమ్మెల్యే బత్తుల లక్ష్మారెడ్డి ఆధ్వర్యంలో కాంగ్రెస్‌ శ్రేణులు ప్లాంట్‌ను సందర్శించారు. యాదాద్రి పవర్‌ ప్లాంట్‌ను బీఆర్‌ఎస్‌ ప్రభుత్వం రాజకీయ ప్రయోజనాలు, నాయకుల లాభాల కోసమే నిర్మించిందంటూ ఎమ్మెల్యే లక్ష్మారెడ్డి విమర్శించారు. వారికి ఆ ప్లాంట్‌ లాభాలు తెచ్చే వనరుగా మారిందని అందులో అవినీతికి పాల్పడ్డారని ఆరోపించారు. బొగ్గే లేని చోట ఎలా నిర్మించారంటూ విమర్శించడంతోపాటు థర్మల్‌ పవర్‌ ప్లాంట్‌లో సాంకేతిక సమస్యను రాజకీయ అంశంగా మార్చి ప్రజలను రెచ్చగొట్టే ప్రయత్నం చేస్తున్నారంటూ బీఆర్‌ఎస్‌ నేతలను దుయ్యబట్టారు. ప్రతిపక్ష, అధికార పార్టీ ప్రజాప్రతినిధుల విమర్శలు, ప్రతి విమర్శలతో పవర్‌ ప్లాంట్‌ విద్యుతు ఉత్పత్తి అంశం రాజకీయ రచ్చకు దారితీసింది. ఫ బొగ్గు కొరతతో రెండు యూనిట్లలో ఉత్పత్తి నిలిపివేత ఫ మరో రెండింటిలోనే కొనసాగింపు ఫ ప్లాంట్‌ను పరిశీలించిన బీఆర్‌ఎస్‌ శ్రేణులు ఫ పోటీగా పవర్‌ ప్లాంట్‌ వద్దకు చేరుకున్న కాంగ్రెస్‌ నాయకులు ఫ ఒకరిపై మరొకరు విమర్శనాస్త్రాలు సంధించుకున్న ఇరు పార్టీల నేతలుమిర్యాలగూడ కేంద్రంగా ఇటీవల సాగర్‌ ఎడమ కాల్వకు నీటి విడుదల అంశంగా రాజకీయ వివాదంగా మారింది. బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ ఆధ్వర్యంలో మిర్యాలగూడలో రైతు దీక్ష నిర్వహించిన విషయం తెలిసిందే. నీటి విడుదల చేయాలని లేకపోతే పాదయాత్ర చేస్తానని కేటీఆర్‌ ప్రభుత్వానికి అల్టిమేటం ఇచ్చారు. దీనికి పోటీగా అదేరోజు కాంగ్రెస్‌ ఎమ్మెల్యే బత్తుల లక్ష్మారెడ్డి ఆధ్వర్యంలో ధర్నా నిర్వహించడం అప్పట్లో చర్చనీయంశంగా మారింది. తాజాగా యాదాద్రి పవర్‌ ప్లాంట్‌లో విద్యుదుత్పత్తి అంశం కూడా ఇదే తరహాలో అధికార ప్రతిపక్ష పార్టీల మధ్య రాజకీయ పోరుకు వేదికగా మారింది.

నల్లగొండ: న్యాయవాదులకు రిటైర్మెంట్‌, డెత్‌ బెనిఫిట్స్‌ రూ.25 లక్షలకు పెంచడంతోపాటు జూనియర్‌ న్యాయవాదులకు నెలకు రూ.10 వేల స్టైఫండ్‌ అందించి ఆదుకోవాలని ఆలిండియా లాయర్స్‌ యూనియన్‌ (ఐలు) జిల్లా కార్యదర్శి అనంతుల శంకరయ్య ప్రభుత్వాన్ని డిమాండ్‌ చేశారు. ఐలు జాతీయ కౌన్సిల్‌ పిలుపు మేరకు బుధవారం నల్లగొండ కోర్టు కాంప్లెక్స్‌ ఎదుట న్యాయవాదులు ధర్నా నిర్వహించారు. ఈ సందర్భంగా శంకరయ్య మాట్లాడుతూ కేంద్ర న్యాయవాదుల సంక్షేమ నిధి చట్టం–2001ను తక్షణమే సవరించాలన్నారు. న్యాయవాదుల వైద్య సహాయం నిమిత్తం రూ.5 లక్షలు మంజూరు చేయాలన్నారు. ధర్నాలో బార్‌ అసోసియేషన్‌ అధ్యక్ష, కార్యదర్శులు ఎ.సతీష్‌ కుమార్‌, బి.అశోక్‌ కుమార్‌, సీనియర్‌ న్యాయవాదులు జి.వెంకటేశ్వర్లు, పి.శ్రీనివాస్‌రెడ్డి, ఐలు జిల్లా నాయకులు పి.బ్రహ్మచారి, సత్తయ్య, యాదయ్య, వంశీకృష్ణ, నాగిరెడ్డి, దుర్గాప్రసాద్‌, సింగం శ్రీనివాస్‌, ఠాగూర్‌, లాలయ్య, జమీల్‌, మసీదున్‌, బి.గణేష్‌, సంపత్‌ కుమార్‌, జి.కిషోర్‌ కుమార్‌, డి.నర్సాజి, పోలగోని శ్రీకాంత్‌ తదితరులు పాల్గొన్నారు.

వేములపల్లి : నిమజ్జనం చివరి వరకు ఎలాంటి అవాంఛనీయ సంఘటనలు చోటుచేసుకోకుండా అధికారులు, సిబ్బంది అప్రమత్తంగా ఉండాలని ఎస్పీ శరత్‌చంద్ర పవార్‌ అన్నారు. బుధవారం వేములపల్లి మండల కేంద్రంలోని సాగర్‌ ఎడమ కాల్వ వద్ద ఏర్పాటు చేసిన గణేష్‌ నిమజ్జన కేంద్రాన్ని డీఎస్పీ రవితో కలిసి ఆయన పరిశీలించి మాట్లాడారు. సిబ్బందికి పలు సూచనలు చేశారు. అంతకుముందు జిల్లా అదనపు కలెక్టర్‌ జె.శ్రీనివాస్‌ నిమజ్జన ప్రదేశాన్ని ఆర్డీఓ రమణారెడ్డితో కలిసి పరిశీలించారు. వీరివెంట మండల ప్రత్యేకాధికారి వెంకటేశ్వర్‌రావు, తహసీల్దార్‌ హేమలత, ఎంపీడీఓ జ్యోతి, మున్సిపల్‌ కమిషనర్‌ శ్రీజారెడ్డి, సీఐ పీఎన్‌డీ ప్రసాద్‌, విద్యుత్‌ ఏడీ ఇందిరా, వేములపల్లి ఎస్‌ఐ డి.వెంకటేశ్వర్లు, ఏఈ నాగరాజు, వైద్యాధికారి డాక్టర్‌ సుచరిత, ఆర్‌ఐ స్పందన, సర్పంచ్‌ పుట్టల సందీప్‌కుమార్‌ ఉన్నారు.

వేములపల్లి : గణేష్‌ విగ్రహాల నిమజ్జనానికి కనీసం నీరు అందించలేని దుస్థితిలో కాంగ్రెస్‌ ప్రభుత్వం ఉందని ఎమ్మెల్సీ ఎంసీ.కోటిరెడ్డి అన్నారు. బుధవారం వేములపల్లి మండల కేంద్రంలోని సాగర్‌ ఎడమ కాల్వ వద్ద గణేష్‌ నిమజ్జన ప్రదేశాన్ని మాజీ ఎమ్మెల్యేలు కంచర్ల భూపాల్‌రెడ్డి, నల్లమోతు భాస్కర్‌రావుతో కలిసి పరిశీలించారు. అనంతరం కాల్వలోకి దిగి నిరసన వ్యక్తం చేసి మాట్లాడారు. గణేష్‌ నిమజ్జనం కోసం నీటిని అందుబాటులో ఉంచాల్సిన అధికారులు సరైన ఏర్పాట్లు చేయకపోవడంతో భక్తులు తీవ్ర ఇబ్బందులు ఎదుర్కొంటున్నారని అన్నారు. రైతులు, ప్రజల పట్ల, చివరికి దేవుడి పట్ల ప్రభుత్వం నిర్లక్ష్యంగా వ్యవహరిస్తుందన్నారు. కార్యక్రమంలో సర్పంచ్‌ పుట్టల సందీప్‌కుమార్‌, నాయకులు పాలుట్ల బాబయ్య, చిర్ర మల్లయ్యయాదవ్‌, నిమ్మల నవీన్‌రెడ్డి, నాగవెల్లి శంకర్‌, యాదగిరి, శేఖర్‌రెడ్డి, కోటయ్య పాల్గొన్నారు. ఏర్పాట్లలో ప్రభుత్వం విఫలం : కంచర్ల నల్లగొండ : వినాయక నిమజ్జన ఏర్పాట్లలో ప్రభుత్వం, స్థానిక అధికారులు పూర్తిగా విఫలమయ్యాయని మాజీ ఎమ్మెల్యే కంచర్ల భూపాల్‌రెడ్డి విమర్శించారు. బుధవారం ఆయన నల్లగొండలోని పాతబస్తీలోని మొదటి విగ్రహం వద్ద పూజలు నిర్వహించారు. అనంతరం విలేకరులతో మాట్లాడుతూ పోలీసులు, అధికార యంత్రాంగంతీరుపై ఆగ్రహం వ్యక్తం చేశారు. నిమజ్జన ప్రాంతాలకు నీటిని విడుదల చేయాలని డిమాండ్‌ చేశారు. అత్యంత ప్రాధాన్యత ఉన్న పాతబస్తీ మొదటి విగ్రహ విశిష్టతను తగ్గించేందుకు కుట్రలు చేస్తున్నారని ఆయన విమర్శించారు. కార్యక్రమంలో ఏఎంసీ మాజీ చైర్మన్‌ చీర పంకజ్‌యాదవ్‌, బీఆర్‌ఎస్‌ రాష్ట్ర నాయకుడు ఏనుగుల రాకేష్‌రెడ్డి, మున్సిపల్‌ మాజీ చైర్మన్‌ మందడి సైదిరెడ్డి, అభిమన్యు శ్రీనివాస్‌, బీఆర్‌ఎస్‌ నగర అధ్యక్షుడు భువనగిరి దేవేందర్‌, మండల అధ్యక్షులు పల్‌రెడ్డి రవీందర్‌రెడ్డి, పార్టీ నాయకులు తదితరులు పాల్గొన్నారు. ఫ ఎమ్మెల్సీ ఎంసీ.కోటిరెడ్డి

ఈ నెలాఖరు వరకు నిర్వహించనున్న స్పెషల్‌ డ్రైవ్‌లో రైతులు విధిగా ఫార్మర్‌ రిజిస్ట్రేషన్‌ చేయించుకోవాలి. చేయించుకోని రైతులకు ప్రభుత్వ పథకాలు వర్తించవు. అధికారులకు రైతులు సహకరించి వందశాతం రిజిస్ట్రీ పూర్తిచేసేలా చూడాలి. – వినోద్‌కుమార్‌, జిల్లా వ్యవసాయ అధికారి నల్లగొండ అగ్రికల్చర్‌ : రైతులందరి చేత ఫార్మర్‌ రిజిస్ట్రేషన్‌ను పూర్తి చేయించేందుకు రాష్ట్ర వ్యవసాయ శాఖ మంగళవారం నుంచి స్పెషల్‌ డ్రైవ్‌ ప్రారంభించింది. ఈ నెల 30వ తేది వరకు గడువు విధించింది. ఉదయం 8 గంటల వరకు వ్యవసాయ అధికారులు గ్రామాలకు చేరుకుని రిజిష్ట్రేషన్‌ చేయించని రైతులను గుర్తించి రిజిస్ట్రీ చేయించనున్నారు. దీంతో పాటు మీసేవ కేంద్రాల్లో కూడా ఫార్మర్‌ రిజిస్ట్రేషన్‌కు చేయించుకునే అవకాశం కల్పించారు. 5,68,711 మంది రైతులకు.. కేంద్ర ప్రభుత్వం గతేడాది జనవరిలో ఫార్మర్‌ రిజిస్ట్రేషన్‌ను ప్రారంభించింది. ప్రతి రైతు భూమి వివరాలను ఫోన్‌ నంబర్‌తో అనుసంధానం చేయడం ద్వారా ఆన్‌లైన్‌లో ఫార్మర్‌ రిజిస్ట్రేషన్‌ చేస్తారు. జిల్లా వ్యాప్తంగా మొత్తం 33 మండలాల్లో 5,68,711 మంది రైతులు పట్టాదార్‌ పాస్‌పుస్తకాలను కలిగి ఉన్నారు. వీరిలో ఇప్పటి వరకు 71 శాతం మంది మాత్రమే రిజిస్ట్రీ పూర్తి చేసుకున్నారు. పథకాలకు రిజిస్ట్రీ ఐడీ తప్పనిసరి ఇక నుంచి కేంద్ర, రాష్ట్ర ప్రభుత్వాలు అమలు చేస్తున్న సబ్పిడీ పథకాలతో పాటుగా యాప్‌ ద్వారా ఎరువులను పొందాలన్నా ఫార్మర్‌ రిజిస్ట్రేషన్‌ ఐడీ తప్పనిసరిగా ఉండాల్సిందే. అదేవిధంగా వానాకాలం, యాసంగి సీజన్లలో పండించిన పంటల అమ్మకాలు, పంట రుణాలను పొందాలన్నా ఫార్మర్‌ ఐడీ తప్పనిసరి. ఇక రానున్న రోజుల్లో రాష్ట్ర ప్రభుత్వం అమలు చేస్తున్న రైతు భరోసా పథకానికి కూడా ఫార్మర్‌ ఐడీని అనుసంధానం చేసే అవకాశం లేకపోలేదు. ఫ ఏడాదిన్నర గడిచినా 71 శాతమే.. ఫ నెలాఖరు వరకు పూర్తిచేయాలని లక్ష్యం ఫ క్షేత్ర స్థాయిలోనే రిజిస్ట్రేషన్‌ చేస్తున్న వ్యవసాయ శాఖ అధికారులు

ఫ జిల్లాలో ప్రశాంతంగా నిమజ్జనం ఫ తీన్మార్‌ స్టెప్పులతో అలరించిన యువత ఫ అర్ధరాత్రి వరకు కొనసాగిన వేడుకలు నల్లగొండలోని క్లాక్‌టవర్‌ సెంటర్‌ గుండా సాగుతున్న గణేశ్‌ శోభాయాత్రనల్లగొండ: నవరాత్రులు పూజలందుకున్న వినాయకుడి నిమజ్జన వేడుకలు బుధవారం జిల్లా వ్యాప్తంగా కనుల పండువగా జరిగాయి. అంతటా గణేష్‌ శోభాయాత్ర శోభాయమానంగా కొనసాగింది. వేలాది మంది భక్తులు, యువకులు, మహిళలు, చిన్నారుల జయజయధ్వానాలు, గణపతి బప్పా మోరియా నినాదాలు, నృత్యాలు, డప్పు వాయిద్యాలు, తీన్మార్‌ స్టెప్పుల నడుమ బొజ్జ గణపయ్యకు ఘనంగా వీడ్కోలు పలికారు. ముఖ్యంగా నల్లగొండ జిల్లా కేంద్రంలో గణేశుడి శో భాయాత్ర ఆధ్యాత్మికకోలాహలంగా కొనసాగింది. పాతబస్తీలో కలెక్టర్‌, ఎస్పీ తొలిపూజతో శోభాయాత్ర ప్రారంభం శోభాయాత్ర ప్రారంభం సందర్భంగా నల్లగొండలోని పాతబస్తీలోని మూడో నంబర్‌ వినాయకుడి వద్ద, హనుమాన్‌ నగర్‌లోని ఒకటో నంబర్‌ వినాయక విగ్రహాల వద్ద కలెక్టర్‌ బి.చంద్రశేఖర్‌, ఎస్పీ శరత్‌చంద్ర పవార్‌ తొలి పూజలు నిర్వహించి శోభాయాత్రను ప్రారంభించారు. అధికారులు స్వయంగా పాల్గొని పూజలు చేయడం భక్తుల్లో మరింత ఉత్సాహాన్ని నింపింది. ఈ సందర్భంగా కలెక్టర్‌ మాట్లాడుతూ మంత్రి కోమటిరెడ్డి వెంకట్‌రెడ్డితో పాటు మేయర్‌, ప్రజాప్రతినిధుల సూచనల మేరకు ప్రణాళికాబద్ధంగా ఏర్పాట్లు చేశామని వెల్లడించారు. శాంతి, గణేష్‌ ఉత్సవ కమిటీల భాగస్వామ్యంతో శోభాయాత్ర ప్రశాంతంగా జరిగేలా అన్ని చర్యలు తీసుకున్నట్లు పేర్కొన్నారు. నిమజ్జన ప్రదేశాల్లో ప్రత్యేక ఏర్పాట్లు జిల్లావ్యాప్తంగా దాదాపు 8 వేలకుపైగా విగ్రహాలను ప్రతిష్ఠించగా ఇందులో కేవలం నల్లగొండ పట్టణంలో 568 విగ్రహాలు ఉన్నాయి. ఐదు రోజులుగా దాదాపు 6 వేలు విగ్రహాల నిమజ్జనం పూర్తయింది. వచ్చే మూడు రోజుల్లో మరో 2 వేలు విగ్రహాల నిమజ్జనం పూర్తికానుందని అధికారులు తెలిపారు. నల్లగొండలో మున్సిపల్‌ కార్పొరేషన్‌ ఆధ్వర్యంలో నిమజ్జన ప్రదేశాల్లో బారికేడ్లు, రాత్రి వేళల్లో లైటింగ్‌, క్రేన్లు, తాగునీరు, షామియానాలను ఏర్పాటు చేశారు. 10 అడుగుల లోపు విగ్రహాలు అర్జాలబావిలోని వల్లభరావు చెరువు వద్ద నిమజ్జనం చేసేలా క్రేన్లు సిద్ధం చేశారు. 10 అడుగుల కంటే ఎక్కువ ఎత్తు ఉన్న భారీ విగ్రహాలు సాగర్‌ ఎడమకాల్వ 14వ మైలు వద్ద నిమజ్జనం చేసేలా మార్గాలను నిర్దేశించారు. 14వ మైలురాయి వద్ద తగినంత నీరు ఉండడంతో నిమజ్జనానికి ఎలాంటి ఇబ్బంది కలగలేదని అధికారులు తెలిపారు. జిల్లావ్యాప్తంగా కూడా నిమజ్జన ప్రదేశాల్లో వైద్య, రెవెన్యూ, పోలీస్‌, ఇతర శాఖలు ప్రత్యేక ఏర్పాట్లు చేశాయి. పోలీసుల భారీ బందోబస్తు ఎస్పీ శరత్‌ చంద్ర పవార్‌ పర్యవేక్షణలో నల్లగొండ పట్టణంతోపాటు జిల్లా అంతటా భారీ బందోబస్తు నిర్వహించారు. బుధవారం ఒక్కరోజే జిల్లాలోని 8 ప్రధాన నిమజ్జన ప్రదేశాల్లో దాదాపు 2 వేల విగ్రహాలు వచ్చే అవకాశం ఉందని భావించి ట్రాఫిక్‌ మళ్లింపు, రూట్‌ డైవర్షన్లు చేపట్టారు. ఈ కార్యక్రమంలో నల్లగొండ మేయర్‌ బుర్రి చైతన్య శ్రీనివాస్‌రెడ్డి, అదనపు ఎస్పీ రమేష్‌, నల్లగొండ ఆర్డీఓ వై.అశోక్‌ రెడ్డి, గణేష్‌ ఉత్సవ కమిటీ సభ్యులు, ప్రజాప్రతినిధులు, ప్రభుత్వ అధికారులు, భక్తులు, యువత, చిన్నారులు పాల్గొన్నారు. నల్లగొండలోని పాతబస్తీలో ఒకటో నంబర్‌ వినాయక మండపం వద్ద నిర్వహించిన లడ్డూ వేలం పాట భక్తుల తీవ్ర పోటీ నడుమ ఉత్సాహభరితంగా సాగింది. ఈ వేలంలో పర్వతం అశోక్‌ లడ్డూను అత్యధికంగా రూ.5.14 లక్షలకు పాటపాడి దక్కించుకున్నాడు. భక్తులు పోటాపోటీగా పాల్గొనడంతో ఆ ప్రాంతమంతా పండుగ వాతావరణం నెలకొంది.

హాలియా (నాగార్జునసాగర్‌): వినాయక నిమజ్జనం కోసం నాగార్జునసాగర్‌ ప్రాజెక్టు ఎడమ కాల్వకు నీటిని విడుదల చేశారు. బుధవారం సాయంత్రానికి 14 మైలు వరకు నీరు చేరేందుకు గాను మధ్యాహ్నం 2,765 క్యూసెక్కుల నీటిని వదిలారు. మూడు వేల క్యూసెక్కుల మేరకు నీటిని విడుదల చేయనున్నట్లుగా అధికారులు తెలిపారు. సాగర్‌ జలాశయం నీటిమట్టం గరిష్టంగా 590 అడుగులు (312.0450 టీఎంసీలు) కాగా ప్రస్తుతం 535.80 అడుగులు (179.6902టీఎంసీలు)గా ఉంది. కుడి కాల్వకు నీటిని నిలిపివేశారు. ఎస్సెల్బీసీకి 2,000 క్యూసెక్కులు, వరద కాల్వకు 300 క్యూసెక్కులతో కలిపి మొత్తం 5,065 క్యూసెక్కుల నీరు విడుదలవుతుంది. అంతే నీరు ఎగువ నుంచి వచ్చి జలాశయంలో చేరుతుందని అధికారులు తెలిపారు. వ్యవసాయ వ్యర్థాలతో సేంద్రియ ఎరువులునకిరేకల్‌ : వ్యవసాయ వ్యర్థాలతో సేంద్రియ ఎరువులను తయారు చేసుకుని వాటిని పంటలకు వినియోగించుకోవడం ద్వారా అధిక దిగుబడులు సాదించవచ్చని నాబార్డు డీడీఎం వెంకటేశ్వర్లు అన్నారు. నకిరేకల్‌ రైతు ఉత్పత్తిదారుల కంపెనీ లిమిటెడ్‌ ఆధ్వర్యంలో వర్మి కంపోస్ట్‌ సొల్యూషన్‌, అగ్రి హబ్‌ సౌజన్యంతో వ్యవసాయ వ్యర్థాలతో సేంద్రియ ఎరువుల తయారీపై బుధవారం నకిరేకల్‌ మండలం నెల్లిబండలో రైతులకు నిర్వహించిన అవగాహన సదస్సులో మాట్లాడారు ఐఆర్‌డీఎస్‌ అధ్యక్షుడు వాడపల్లి రమేష్‌ అధ్యక్షతన జరిగిన ఈ కార్యక్రమంలో వ్యవసాయ ఏడీఏ విజేయందర్‌రెడ్డి, నాబార్డు జిల్లా అభివృద్ధి మేనేజన్‌ వినయ్‌కుమార్‌, నెల్లిబండ సర్పంచి ఆడెపు రాఘవులు, ఏఈఓ ఇదాయ తుల్లా, ప్రతినిదులు భూపాల్‌, శ్రీనివాసులు, వాడపల్లి శ్రీనివాస్‌, యంపల్ల దశరథరెడ్డి, నంద్యాల అఖిల్‌రెడ్డి, ఓరుగంటి రామ్మూర్తి, శేఖర్‌రెడ్డి పాల్గొన్నారు. సర్పంచుల సంఘం జిల్లా అధ్యక్షుడిగా బెజ్జం సాయినల్లగొండ : సర్పంచుల సంఘం జిల్లా అధ్యక్షుడిగా దామరచర్ల మండలం దిలావర్‌పూర్‌ గ్రామ సర్పంచ్‌ బెజ్జం సాయి నియమితులయ్యారు. బుధవారం హైదరాబాద్‌లోని తెలంగాణ పంచాయతీ రాజ్‌ చాంబర్స్‌ ప్రధాన కార్యాలయంలో జరిగిన కార్యక్రమంలో ఈ మేరకు పంచాయతీ రాజ్‌ చాంబర్స్‌ అధ్యక్షుడు చింపుల సత్యనారాయణరెడ్డి నియామకపత్రం అందజేశారు. అలాగే జిల్లా వర్కింగ్‌ ప్రెసిడెంట్‌గా చింతలపూడి భాస్కర్‌రెడ్డి, జిల్లా ప్రధాన కార్యదర్శిగా చాట్ల చిరంజీవి నియామక పత్రాలను అందుకున్నారు. ఈ సందర్భంగా వారు మాట్లాడుతూ తమ నియామకానికి కృషిచేసిన సత్యనారాయణరెడ్డికి ధన్యవాదాలు తెలిపారు. సేవా పురస్కారాలకు దరఖాస్తుల ఆహ్వానంనల్లగొండ : అక్టోబర్‌ 1న అంతర్జాతీయ వయోవృద్ధుల దినోత్సవం సందర్భంగా వయోవృద్ధులకు సేవలు అందిస్తున్న సంస్థలు, వ్యక్తులకు సేవా పురస్కారాలకు గాను దరఖాస్తులు ఆహ్వానిస్తున్నామని మహిళా, శిశు, దివ్యాంగులు, వయోవృద్ధుల సంక్షేమ శాఖ అధికారి డి.లావణ్యకుమారి ఒక ప్రకటనలో తెలిపారు. దరఖాస్తులు జిల్లా సంక్షేమ అధికారి కార్యాలయంలో లభిస్తాయని పూర్తి చేసిన దరఖాస్తులను అదే కార్యాలయంలో అక్టోబర్‌ 26 వరకు సమర్పించాలని పేర్కొన్నారు. పూర్తి వివరాలకు www.wdrc.teangana.gov.in వెబ్‌సైట్‌ సంప్రదించాలని కోరారు.

నార్కట్‌పల్లి, చిట్యాల : వినాయక విగ్రహాల నిమజ్జనం సమయంలో భక్తులు నీటిలోకి దిగకుండా చూడాలని కలెక్టర్‌ బి.చంద్రశేఖర్‌ అన్నారు. నార్కట్‌పల్లి మండలం ఏపీ లింగోటం చెరువు, చిట్యాల మండలం పెద్దకాపర్తి శివారులోని పెద్ద చెరువు వద్ద వినాయక విగ్రహాల నిమజ్జన ఏర్పాట్లను బుధవారం ఆయన పరిశీలించారు. ఈ సందర్భంగా ఆయన మాట్లాడుతూ నిర్దేశించిన చోటనే విగ్రహాలు నిమజ్జనం చేయాలన్నారు. సిబ్బందికి పలు సూచనలు చేశారు. ఆయన వెంట నార్కట్‌పల్లి తహసీల్దార్‌ వేణుగోపాల్‌రావు, ఎంపీడీఓ ఉమేష్‌, చిట్యాల ఎంపీడీఓ పాండు, నార్కట్‌పల్లి ఏపీఓ సుధాకర్‌, చిట్యాల డీటీ విజయ, ఎంపీఓ కోటేష్‌, ఏపీ లింగోటం సర్పంచ్‌ పనస సరోజవెంకటయ్య, ఉప సర్పంచ్‌ కొరివి శంకర్‌, ఆర్‌ఐలు యాదయ్య, భవాని ఉన్నారు.

నల్లగొండ టౌన్‌ : ఆయుష్‌ సేవలను గ్రామీణస్థాయిలో విస్తరించాలని ఆయుష్‌ శాఖ రాష్ట్ర రీజినల్‌ డిప్యూటీ డైరెక్టర్‌ డాక్టర్‌ రవినాయక్‌ అన్నారు. ధన్వంతరి జయంతి ఉత్సవాల సందర్భంగా మంగళవారం ఆయుష్‌ శాఖ కార్యాలయంలో ధన్వంతరి చిత్రపటానికి పూలమాల వేసి ఆయన నివాళులర్పించారు. అనంతరం కార్యాలయ ఆవరణలోని హెర్బల్‌ గార్డెన్‌లో మొక్కలు నాటి మాట్లాడారు. ఆయుర్వేదంతో పాటు యునాని, హోమియోపతి వైద్య సేవలను ప్రజలు సద్వినియోగం చేసుకునేలా అవగాహన కార్యక్రమాలు నిర్వహించాలని సూచించారు. ఆయుష్‌ వైద్యంలో ఔషధ మొక్కలకు ఎంతో ప్రాధాన్యం ఉందని, ప్రతి ఒక్కరూ ఔషధ మొక్కల పెంపకంపై ఆసక్తి చూపాలని కోరారు. ఆయుష్‌ శాఖ ఆధ్వర్యంలో నిర్వహిస్తున్న కార్యక్రమాలు, వైద్య సేవలను పరిశీలించి సంతృప్తి వ్యక్తం చేశారు. ఉత్తమ సేవలు అందిస్తున్న సీనియర్‌ మెడికల్‌ ఆఫీసర్‌ డాక్టర్‌ సుహాసిని సోలోమోనిని సన్మానించారు. కార్యక్రమంలో డాక్టర్‌ రుచిత, డీపీఎం కళ్యాణ్‌, ఫార్మసిస్టులు భుజంగరావు, విజయలక్ష్మి, మెర్సీ తదితరులు పాల్గొన్నారు.

సాక్షి ప్రతినిధి, నల్లగొండ : ధాన్యం నిల్వల్లో అక్రమాలకు చెక్‌ పెట్టేందుకు రాష్ట్ర ప్రభుత్వం పకడ్బందీ చర్యలకు శ్రీకారం చుట్టింది. రైస్‌ మిల్లుల్లో ప్రతి బుధవారం తనిఖీలు నిర్వహించాలని నిర్ణయించడంతో అక్రమార్కుల్లో గుబులు మొదలైంది. తనిఖీలకు వెళ్లే అధికారులను కూడా ర్యాండమైజేషన్‌ విధానంలో ఎంపిక చేసి, రాష్ట్రస్థాయిలోనే ఖరారు చేయడం ద్వారా ఎక్కడా ముందస్తు సమాచారం లేకుండా తనిఖీలు చేపట్టేలా చర్యలు తీసుకుంటున్నారు. గత వారం నిర్వహించిన తనిఖీల్లో పలు రైస్‌ మిల్లుల్లో నిల్వలు, రికార్డులు, ధాన్యం లెక్కల్లో లోపాలు బయటపడినట్లు అధికారులు గుర్తించారు. దీంతో మిల్లులపై మరింత నిఘా పెంచారు. లోపాలు ఉంటే నోటీసుల జారీ.. ప్రతి బుధవారం తనిఖీలు నిర్వహించాలన్న నిర్ణయంలో భాగంగా పోయిన బుధవారం జిల్లా అధికారులు పలు రైస్‌ మిల్లులను తనిఖీ చేశారు. చిట్యాలలోని రెండు మిల్లుల్లో జిల్లా పౌరసరఫరాల సంస్థ మేనేజర్‌, జిల్లా పౌర సరఫరాల అఽధికారి నేతృత్వంలో తనిఖీలు చేపట్టారు. వాటిల్లో 2024–25 వానాకాలం, యాసంగి, 2025–26 వానాకాలం, యాసంగి సీజన్లకు సంబంధించిన ధాన్యం నిల్వలను పరిశీలించారు. ఉండాల్సిన దానికంటే తక్కువ ధాన్యం ఉన్నట్లు తేల్చారు. వారికి నోటీసులు జారీ చేశారు. తదుపరి చర్యలుచేపట్టనున్నారు. ఈనెల 23వ తేదీన మరిన్ని మిల్లుల్లో తనిఖీలు చేపట్టనున్నారు. మిల్లుల్లో ఉన్న ధాన్యం నిల్వలను పరిశీలించడంతోపాటు రికార్డుల్లో నమోదైన వివరాలు, వాస్తవ నిల్వలను సరిపోల్చి చూడనున్నారు. రంగంలోకి తహసీల్దార్లు, డీటీలు.. ఇప్పటివరకు సంబంధిత శాఖల అధికారులు నిర్వహిస్తున్న తనిఖీలకు అదనంగా ఈసారి నుంచి తహసీల్దార్లు, డిప్యూటీ తహసీల్దార్లను కూడా రంగంలోకి దింపుతున్నారు. వారికి కేటాయించిన మిల్లులకు వెళ్లి ధాన్యం నిల్వలను ప్రత్యక్షంగా పరిశీలించడంతోపాటు రికార్డులను తనిఖీ చేయనున్నారు. తనిఖీల్లో ఏవైనా తేడాలు, అక్రమాలు గుర్తిస్తే ఉన్నతాధికారుల దృష్టికి తీసుకెళ్లనున్నారు. మరోవైపు నోటీసులు జారీ చేసి, పెద్ద మొత్తంలో తేడాలు ఉంటే క్రిమినల్‌ కేసులు నమోదు చేయనున్నారు. తనిఖీలపైనా సూపర్‌ చెక్‌ జిల్లా స్థాయి అధికారులు తనిఖీలు పూర్తి చేశాక వాటికి సంబంధించిన నివేదికలను ఉన్నతాధికారులకు అందజేస్తారు. ఈ తనిఖీలపై రాష్ట్ర పౌర సరఫరాల శాఖ అధికారులు సూపర్‌ చెక్‌ చేస్తారు. ఆ వివరాలు సరిగా లేకుంటే సదరు ఆ అధికారులపై చర్యలు తీసుకునే అవకాశం ఉంది. ఇప్పటికే చాలా చోట్ల జిల్లా స్థాయి అధికారులు నిర్వహించిన తనిఖీల్లో తేడాలు ఉన్నట్లుగా సూపర్‌చెక్‌లో తేలింది. వారిపై చర్యలు తీసుకునేందుకు రంగం సిద్ధమైనట్లు తెలుస్తోంది. ఫ ప్రతి బుధవారం మిల్లుల్లో తనిఖీలకు రాష్ట్ర ప్రభుత్వం నిర్ణయం ఫ తనిఖీలకు వెళ్లే అధికారులకు రాష్ట్రస్థాయిలోనే ర్యాండమైజేషన్‌ ఫ జిల్లా అధికారుల తనిఖీలపై ఉన్నతస్థాయిలో సూపర్‌ చెక్‌

నల్లగొండ : విద్యార్థుల జీవితాలను మార్చేది గురువులేనని రాష్ట్ర రోడ్లు, భవనాలు, సినిమాటోగ్రఫీ శాఖల మంత్రి కోమటిరెడ్డి వెంకట్‌రెడ్డి అన్నారు. విద్యార్థులకు చదువుతోపాటు.. జీవిత లక్ష్యాలను నేర్పాలని ఉపాధ్యాయులకు సూచించారు. మంగళవారం జిల్లా విద్యాశాఖ ఆధ్వర్యంలో నల్లగొండలో నిర్వహించిన ఉత్తమ ఉపాధ్యాయుల సన్మానోత్సవానికి మంత్రి హాజరై మాట్లాడారు. ఈ సంవత్సరం రాష్ట్రవ్యాప్తంగా ప్రభుత్వ పాఠశాలల్లో విద్యార్థుల నమోదు 10 శాతం తగ్గగా.. నల్లగొండ జిల్లాలో మాత్రం 9 శాతం పెరగడం.. ఇక్కడి ఉపాధ్యాయుల పనితీరుకు నిదర్శనమన్నారు. విద్యార్థులు ప్రైవేట్‌ పాఠశాలల వైపు మొగ్గు చూపడానికి గల కారణాలపై అందరూ ఆలోచించాల్సిన అవసరం ఉందన్నారు. ప్రభుత్వం విద్యపై ప్రత్యేక దృష్టి కేంద్రీకరించిందని ఇందులో భాగంగా యంగ్‌ ఇండియా ఇంటిగ్రేటెడ్‌ రెసిడెన్షియల్‌ పాఠశాలలు, తెలంగాణ పబ్లిక్‌ స్కూళ్ల ఏర్పాటుకు చర్యలు తీసుకుంటున్నామని చెప్పారు. నల్లగొండలో రూ.200 కోట్లతో చేపట్టిన యంగ్‌ ఇండియా ఇంటిగ్రేటెడ్‌ రెసిడెన్షియల్‌ పాఠశాల నిర్మాణ పనులు 50 శాతం పూర్తయ్యాయని తెలిపారు. చదువు మధ్యలోనే మానేసేవారి వివరాలను సేకరించి అందుకు గల కారణాలను విశ్లేషించాలని ఆదేశించారు. సృజనాత్మకతను వెలికితీయాలి.. కలెక్టర్‌ బి.చంద్రశేఖర్‌ మాట్లాడుతూ విద్యార్థులకు నాణ్యమైన విద్యను అందించడంతోపాటు వారిలో ఉన్న సృజనాత్మకతను వెలికితీయడంలో ఉపాధ్యాయుల పాత్ర కీలకమమన్నారు. విద్యార్థులను ఉన్నతులుగా తీర్చిదిద్దే బాధ్యత ఉపాధ్యాయులపై ఉందన్నారు. కార్యక్రమంలో ఎమ్మెల్సీలు శ్రీపాల్‌రెడ్డి, శంకర్‌నాయక్‌, నల్లగొండ మేయర్‌ బుర్రి చైతన్య, ఎస్పీ శరత్‌చంద్ర పవార్‌, డిప్యూటీ మేయర్‌ అమీర్‌ అలీ, డీఈఓ సుశీందర్‌రావు, కార్పొరేటర్‌ గుమ్మల జానకి తదితరులు పాల్గొన్నారు. ఫ మంత్రి కోమటిరెడ్డి వెంకట్‌రెడ్డి

పర్యాటక ప్రదేశాలను సందర్శించడం వల్ల విద్యార్థులకు విజ్ఞానం కలుగుతుందని ప్రేమ్‌కరణ్‌ రెడ్డి అన్నారు. ఫార్మర్‌ రిజిస్ట్రీ చేయించుకోవాలి రైతులు ఫార్మర్‌ రిజిస్ట్రేషన్‌ తప్పనిసరిగా చేయించుకోవాలని డీఏఓ, ఏఓలు సూచించారు. - 8లోబుధవారం శ్రీ 23 శ్రీ సెప్టెంబర్‌ శ్రీ 2026నల్లగొండ టూటౌన్‌ : నవరాత్రులు పూర్తికావడంతో గణపయ్య నిమజ్జలనానికి వేళయింది. ఇందుకోసం జిల్లా యంత్రాంగం సర్వం సిద్ధం చేసింది. జిల్లా వ్యాప్తంగా చెరువు, కాల్వల వద్ద ప్రత్యేక ఏర్పాట్లు చేసింది. మంత్రి కోమటిరెడ్డి వెంకట్‌రెడ్డి, కలెక్టర్‌ చంద్రశేఖర్‌ ఆదేశాల మేరకు గణపయ్యల నిమజ్జనం కోసం నాగార్జునసాగర్‌ ఎడమకాల్వకు నీటిని విడుదల చేయాలని అధికారులు నిర్ణయించారు. నల్లగొండ పట్టణంలోని 10 ఫీట్లలోపు విగ్రహాలను ఆర్జాలబావి వల్లభరావు చెరువులో.. అంతకంటే ఎత్తున్న విగ్రహాలను వేములపల్లి వద్ద సాగర్‌ ఎడమకాల్వలో నిమజ్జనం చేయనున్నారు.. 15 ఫీట్లలోపు వరకు ఉన్న విగ్రహాలు 14వ మైలురాయి వద్ద నిమజ్జనం చేసేందుకు అధికారులు ఏర్పాట్లు చేశారు. అందుకు సంబంధించిన రూట్‌ మ్యాప్‌ను పోలీస్‌ యంత్రాంగం ఖరారు చేసింది. ఒకటో నెంబర్‌ విగ్రహం నుంచి శోభాయాత్ర.. నీలగిరి నగరంలోని పాతబస్తీ హనుమాన్‌నగర్‌లో ఏర్పాటు చేసిన ఒకటో నెంబర్‌ విగ్రహం వద్ద బుధవారం శోభాయాత్ర ప్రారంభం కానుంది. ఉదయం 9 గంటలకు మంత్రి కోమటిరెడ్డి వెంకట్‌రెడ్డి, కలెక్టర్‌ చంద్రశేఖర్‌ ప్రత్యేక పూజలు చేసి శోభాయాత్ర ప్రారంభిస్తారు. పాతబస్తీ నుంచి ప్రారంభమయ్యే శోభాయాత్ర వన్‌టౌన్‌ పోలీస్‌ స్టేషన్‌, రాష్ట్రపతి రోడ్‌, పెద్ద గడియారం సెంటర్‌కు చేరుకుంటుంది. నగరంలోని అన్ని కాలనీల పెద్ద విగ్రహాల వాహనాలు అన్ని ఇక్కడికి వస్తాయి. గడియారం సెంటర్‌ నుంచి రామగిరి, సావర్కర్‌నగర్‌, పానగల్‌ ఫ్‌లైఓవర్‌ బ్రిడ్జి వరకు శోభాయాత్ర నిర్వహించి అక్కడి నుంచి పెద్ద విగ్రహాలు వేములపల్లి ఎడమకాల్వ వద్దకు, చిన్న విగ్రహాలు వల్లభరావు చెరువు వద్దకు తీసుకెళ్లి నిమజ్జనం చేయనున్నారు. ఇప్పటికే నిమజ్జనం చేసే ప్రాంతాల్లో భారీ కేడ్లు, లైటింగ్‌ ఏర్పాటు చేసి క్రేన్‌లను అందుబాటులో ఉంచారు. ఫ ఎస్పీ శరత్‌చంద్ర పవార్‌ నల్లగొండ : గణేష్‌ నిమజ్జన శోభాయాత్రను ప్రశాంతంగా నిర్వహించేందుకు జిల్లా పోలీస్‌ శాఖ పటిష్టమైన భద్రతా ఏర్పాట్లు చేసింది. జిల్లావ్యాప్తంగా ఏర్పాటు చేసిన 6,184 గణేష్‌ విగ్రహాల నిమజ్జనానికి సుమారు వెయ్యి మంది పోలీసు సిబ్బందితో బందోబస్తు ఏర్పాటు చేసినట్లు ఎస్పీ శరత్‌చంద్ర పవార్‌ తెలిపారు. డీజేలు.. బాణాసంచాకు నో.. శోభాయాత్రలో డీజేలు, బాణాసంచాకు అనుమతి లేదు. మద్యం సేవించి వాహనాలు నడిపితే తనిఖీలు నిర్వహించి చర్యలు తీసుకుంటారు. మహిళల పట్ల అసభ్యంగా ప్రవర్తిస్తే కఠిన చర్యలు తప్పవు. ‘జీరో యాక్సిడెంట్‌–జీరో ఇన్సిడెంట్‌’ లక్ష్యంతో నిమజ్జన కార్యక్రమాన్ని సురక్షితంగా నిర్వహించేందుకు అన్ని చర్యలు చేపట్టారు. నిమజ్జన ఏర్పాట్ల పరిశీలన పట్టణ సమీపంలోని వల్లభరావు చెరువు వద్ద గణేష్‌ నిమజ్జన ఏర్పాట్లను కలెక్టర్‌ చంద్రశేఖర్‌, ఎస్పీ శరత్‌చంద్ర పవార్‌ మంగళవారం రాత్రి పరిశీలించారు. నిమజ్జనం సందర్భంగా భక్తులకు ఎలాంటి ఇబ్బందులు కలగకుండా ఏర్పాట్లు పకడ్బందీగా ఉండాలని కలెక్టర్‌ ఆదేశించారు. వారి వెంట ఆర్డీఓ అశోక్‌రెడ్డి, డీఎస్పీ శివరామిరెడ్డి, మున్సిపల్‌ కమిషనర్‌ వంశీకృష్ణ ఉన్నారు. 10 అడుగుల వరకు ఉన్న విగ్రహాలు ఈ రూట్లో వెళ్తాయినల్లగొండలోని వల్లభరావు చెరువు వద్ద ఏర్పాటు చేసిన లైటింగ్‌వల్లభరావు చెరువు, భీమసముద్రం, 14వ మైలు, వేములపల్లి సాగర్‌ కెనాల్‌, మిర్యాలగూడ, వాడపల్లి, నాగార్జునసాగర్‌, ఎడమకాలువ కొత్త బ్రిడ్జి, దయ్యాలగండి, అడవిదేవులపల్లి, దేవరకొండ కొండబీమనపల్లి, డిండి, పెద్దమునిగల్‌ సాగర్‌ బ్యాక్‌వాటర్‌ ప్రాంతాల్లో పోలీసు బందోబస్తు, పికెట్లు, ఫ్లడ్‌లైట్లు, క్రేన్లు ఏర్పాటు చేశారు. గజ ఈతగాళ్లను కూడా అందుబాటులో ఉంచారు.ఫ నిమజ్జనం కోసం ఎడమకాల్వకు నీరు విడుదలహలియా : నాగార్జున సాగర్‌ ఎడమ కాల్వకు అధికారులు సోమవారం నీటిని నిలుపుదల చేయడంతో గణేష్‌ నిమజ్జనానికి పెద్ద ఆటకంగా మారింది. ఏటా అనుముల మండలంలోని అలీనగర్‌ (14వ మైలు రాయి) వద్ద సాగర్‌ ఎడమ కాలువలో నిమజ్జనం చేస్తుంటారు. ఈ ఏడాది కూడా గణేష్‌ ఉత్సవ కమిటీ సభ్యులు గణేష్‌ విగ్రహాలను నిమజ్జనం చేసేందుకు సిద్ధమైయ్యారు. అందుకు అనుగుణంగా అధికారులు కూడా సాగర్‌ ఎడమకాల్వ వద్ద ఏర్పాట్లు చేశారు. భారీ విగ్రహాలను ఎడమ కాల్వలో నిమజ్జనం చేసేందుకు క్రేన్లను తీసుకొచ్చారు. కానీ ఎడమ కాల్వకు సోమవారం రాత్రి నీటిని నిలిపి వేయడంతో గణేష్‌ ఉత్సవ కమిటీ సభ్యుల్లో ఆందోళన మొదలైంది. కానీ.. మంత్రి, కలెక్టర్‌ ఆదేశాలతో నీరు విడుదల చేస్తారని తెలుసుకుని ఊపిరి పీల్చుకున్నారు. నల్లగొండలోని పెద్ద విగ్రహాలు వేములపల్లికి.. 10 ఫీట్లలోపువి వల్లభరావు చెరువుకు..

రామగిరి(నల్లగొండ) : అన్నెపర్తిలోని 12వ బెటాలియన్‌ టీజీపీఎస్సీ కమాండెంట్‌ కెబి.రామకృష్ణ ఆధ్వర్యంలో నిర్వహించిన యువ ఆపదమిత్ర మొదటి బ్యాచ్‌ శిక్షణ మంగళవారం ముగిసింది. ముగింపు వేడుకకు కలెక్టర్‌ చంద్రశేఖర్‌ హాజరైన మాట్లాడారు. అత్యవసర పరిస్థితులు, విపత్తుల సమయంలో యువ ఆపద మిత్రలు.. పోలీస్‌, ఎస్‌డీఆర్‌ఎఫ్‌ బృందాలకు తోడుగా నిలిచి ప్రజలకు తగిన సహాయసహకారాలు అందించాలని పిలుపునిచ్చారు. శిక్షణ పూర్తి చేసుకున్న సభ్యులకు కలెక్టర్‌ చేతుల మీదుగా సర్టిఫికెట్లు, అత్యవసర రక్షణ పరికరాలతో కూడిన కిట్లను అందజేశారు. కార్యక్రమంలో జిల్లా యువజన అధికారి ఎం.గౌతమ్‌రెడ్డి, అడిషనల్‌ కమాండెంట్‌ నాగేశ్వరరావు, అసిస్టెంట్‌ కమాండెంట్‌ నర్సింగ్‌ వెంకన్న, ఆర్‌ఐ రవీందర్‌ పాల్గొన్నారు.నేడు విద్యాసంస్థలకు సెలవునల్లగొండ : గణేష్‌ నిమజ్జనం సందర్భంగా బుధవారం జిల్లా వ్యాప్తంగా అన్ని పాఠశాలలు, కళాశాలలు, ప్రైవేట్‌ విద్యాసంస్థలకు స్థానిక సెలవు ప్రకటిస్తూ జిల్లా కలెక్టర్‌ చంద్రశేఖర్‌ మంగళవారం ఉత్తర్వులు జారీ చేశారు. రహదారులపై రద్దీ, ట్రాఫిక్‌ సమస్యలు, భారీగా విగ్రహాల నిమజ్జనం ఉన్నందున విద్యార్థుల సౌకర్యార్థం ఈ నిర్ణయం తీసుకున్నట్లు తెలిపారు. ఈ స్థానిక సెలవుకు బదులుగా రాబోయే సాధారణ సెలవు దినమైన 10.10.2026 (రెండవ శనివారం) జిల్లాలోని అన్ని విద్యాసంస్థలు సాధారణ పనిదినంగా పనిచేస్తాయని తెలిపారు. ఈ ఉత్తర్వులను జిల్లాలోని విద్యాశాఖ అధికారులు, విద్యాసంస్థల యాజమాన్యాలు కచ్చితంగా అమలు చేయాలని ఆయన సూచించారు. 25న జాబ్‌మేళానల్లగొండ : జిల్లాలోని నిరుద్యోగ యువతీ యువకులకు ఈ నెల 25న ఉదయం 10.30 గంటలకు నల్లగొండలోని ఉపాధి కల్పన కార్యాలయం, ఐటీఐ క్యాంపస్‌లో జాబ్‌మేళా నిర్వహించనున్నట్లు జిల్లా ఉపాధి కల్పన అధికారి పి.సాహితి మంగళవారం ఒక ప్రకటనలో తెలిపారు. ఆసక్తిగల నిరుద్యోగులు అదేరోజు నేరుగా ఒరిజినల్‌ సర్టిఫికెట్లతో ఇంటర్వ్యూకు హాజరు కావాలని పేర్కొన్నారు. అర్హత, వేతనం, తదితర పూర్తి వివరాలకు 08682 233362 ఫోన్‌ నంబర్‌ను సంప్రదించాలని సూచించారు. నిబంధనలు ఉల్లంఘించొద్దుదేవరకొండ : నిబంధనలు పాటించని ప్రైవేట్‌ ఆస్పత్రులు, డయాగ్నొస్టిక్‌ సెంటర్లపై కఠిన చర్యలు తప్పవని డీఎంహెచ్‌ఓ కె.రాహుల్‌ హెచ్చరించారు. మంగళవారం దేవరకొండ పట్టణంలోని పలు ప్రైవేట్‌ ఆస్పత్రులు, డయాగ్నొస్టిక్‌ కేంద్రాల్లో వైద్య ఆరోగ్య శాఖ అధికారులు తనిఖీలు నిర్వహించారు. ఈ సందర్భంగా నిబంధనలు ఉల్లంఘించి నిర్వహిస్తున్న బాలాజీ ఎక్స్‌రే సెంటర్‌ను సీజ్‌ చేసినట్లు తెలిపారు. దేవరకొండలోని అన్ని ప్రైవేట్‌ ఆస్పత్రులు, డయాగ్నొస్టిక్‌ సెంటర్ల యాజమాన్యాలు తమ రిజిస్ట్రేషన్‌, అనుమతులు, లైసెన్సును గడువు ముగియక ముందే పునరుద్ధరించుకోవాలని సూచించారు. తనిఖీల్లో ప్రోగ్రాం అధికారి నగేష్‌, అంజయ్యగౌడ్‌, విజయప్రసాద్‌, కలీం, రంజిత్‌ తదితరులు పాల్గొన్నారు. చెర్వుగట్టు హుండీ ఆదాయం 39,53,542 నార్కట్‌పల్లి : మండలంలోని చెర్వుగట్టు శ్రీపార్వతీ జడల రామలింగేశ్వర స్వామి దేవస్థాననికి భక్తులు విచ్చేసి స్వామి వారికి మొక్కుబడిగా 67 రోజుల్లో సమర్పించిన కానుకల హుండీలను మంగళవారం ఆలయ మహా మండపంలో లెక్కించారు. రూ.39,53,542 ఆదాయం వచ్చినట్లు ఆలయ ఈఓ మోహన్‌బాబు తెలిపారు. అన్నదానం హుండీ ద్వారా రూ.37,771 వచ్చినట్లు వెల్లడించారు. కార్యక్రమంలో దేవాలయ చైర్మన్‌ వరాల రమేష్‌, ప్రధాన అర్చకుడు రామలింగేశ్వరశర్మ, ధర్మకర్తలు యాదయ్య, మల్లేష్‌, రేగట్టె శ్రీనివాస్‌రెడ్డి, సత్యనారాయణ, సంపత్‌, రఘునాథ్‌, అనిత, శ్రీను, లక్ష్మయ్య తదితరులు పాల్గొన్నారు.

మర్రిగూడ (చింతపల్లి) : డిండి ప్రాజెక్టులో భాగంగా నిర్మిస్తున్న చింతపల్లి రిజర్వాయర్‌ భూసేకరణ పనులతో పాటు నిర్వాసితులకు నష్టపరిహారం చెల్లింపు ప్రక్రియను వేగవంతం చేయాలని దేవరకొండ ఎమ్మెల్యే నేనావత్‌ బాలునాయక్‌ అధికారులను ఆదేశించారు. దేవరకొండలోని ఎమ్మెల్యే క్యాంప్‌ కార్యాలయంలో మంగళవారం ఆయన ఉన్నత స్థాయి సమీక్షా సమావేశం నిర్వహించారు. ఈ సమావేశంలో కలెక్టర్‌ బి.చంద్రశేఖర్‌, జిల్లా ప్రాజెక్టుల చీఫ్‌ ఇంజనీర్‌ శ్రీనివాస్‌రెడ్డి, భూసేకరణ, రెవెన్యూ అధికారులతో పాటు భూములు కోల్పోతున్న చింతపల్లి, నసర్లపల్లి, మల్లారెడ్డిపల్లి గ్రామాల రైతులు పాల్గొన్నారు. ఈ సందర్భంగా ఎమ్మెల్యే మాట్లాడుతూ.. రాష్ట్ర ప్రభుత్వం సాగునీటి ప్రాజెక్టుల నిర్మాణానికి అత్యంత ప్రాధాన్యత ఇస్తుందని, అందులో భాగంగా డిండి ప్రాజెక్టులో కీలకమైన చింతపల్లి రిజర్వాయర్‌ నిర్మాణాన్ని త్వరగా పూర్తి చేయాల్సిన అవసరం ఉందన్నారు. అనంతరం కలెక్టర్‌ చంద్రశేఖర్‌ మాట్లాడుతూ.. చింతపల్లి రిజర్వాయర్‌ నిర్మాణానికి సంబంధించి భూసేకరణ పురోగతి, రైతులకు పరిహారం చెల్లింపు తదితర వివరాలను సమావేశంలో వివరించారు. ఈ సమావేశంలో రెవెన్యూ అదనపు కలెక్టర్‌ జె.శ్రీనివాస్‌, దేవరకొండ సబ్‌ కలెక్టర్‌ కరోలిన్‌ చింగ్‌థియాన్‌ మావి, స్పెషల్‌ డిప్యూటీ కలెక్టర్లు వనజారాణి, లీల, చింతపల్లి తహసీల్దార్‌ విజయలక్ష్మి, ప్రాజెక్టు ఇంజనీర్లు తదితరులు పాల్గొన్నారు.ఫ ఎమ్మెల్యే నేనావత్‌ బాలునాయక్‌

రామగిరి(నల్లగొండ) : కేంద్ర ప్రభుత్వం చేపట్టిన నషా ముక్త్‌ భారత్‌ అభియాన్‌ కార్యక్రమంలో భాగంగా నల్లగొండ ఎన్జీ కళాశాల ఎన్‌సిసి క్యాడెట్లు మారక ద్రవ్యాల (డ్రగ్స్‌) వినియోగానికి వ్యతిరేకంగా మంగళవారం నల్లగొండ పట్టణంలో బృహత్‌ అవగాహన ర్యాలీ నిర్వహించారు. మారక ద్రవ్యాలకు దూరంగా ఉండాలి – ఆరోగ్యకరమైన సమాజాన్ని నిర్మించాలి అంటూ నినాదాలు చేశారు. ఈ సందర్భంగా ఎన్‌సీసీ అధికారి లెఫ్టినెంట్‌ చిలుముల సుధాకర్‌, సుబేదార్‌ కొమ్ము మల్లయ్య మాట్లాడారు. మాదక ద్రవ్యాల వినియోగం వ్యక్తిగత జీవితంతో పాటు సమాజంపై తీవ్ర దుష్ప్రభావాన్ని చూపుతుందని ఆందోళన వ్యక్తం చేశారు. ఈ సందర్భంగా ఎన్‌సీసీ క్యాడెట్లు మత్తు పదార్థాల రహిత సమాజ నిర్మాణానికి, గంజాయి, ఇతర డ్రగ్స్‌ నియంత్రణకు తమవంతు కృషి చేస్తామని ప్రతిజ్ఞ చేశారు.

మిర్యాలగూడ : నాగార్జునసాగర్‌ ఎడమకాల్వలో గణపయ్య విగ్రహాలు తేలాయి. గణేష్‌ నవరాత్రుల సందర్భంగా ఏర్పాటు చేసిన విగ్రహాలను మూడో రోజు నుంచి వేములపల్లి వద్ద సాగర్‌ ఎడమకాల్వలో భక్తులు నిమజ్జనం చేస్తున్నారు. సోమవారం రాత్రి కాల్వకు నీటిని నిలిపివేయడంతో ప్రవాహం తగ్గిపోయింది. దీంతో మంగళవారం వేములపల్లి వద్ద కాల్వ అడుగు భాగంలో విగ్రహాలు పైకి తేలాయి. అయితే, బుధవారం పెద్ద ఎత్తున నిమజ్జనాలు ఉండడంతో కాల్వకు నీటిని విడుదల చేసేందుకు అధికారులు చర్యలు తీసుకుంటున్నట్లు తెలిసింది.

నల్లగొండ టౌన్‌ : కొండా లక్ష్మణ్‌ బాపూజీ వర్ధంతి సందర్భంగా నల్లగొండలోని హైదరాబాద్‌ రోడ్డులో ఉన్న ఆయన విగ్రహానికి సోమవారం బీసీ సంక్షేమ సంఘం ఆధ్వర్యంలో సంఘం జాతీయ ఉపాధ్యక్షుడు మిర్యాల యాదగిరి, జిల్లా అధ్యక్షుడు దుడుకు లక్ష్మీనారాయణ పూలమాల వేసి నివాళులర్పించారు. ఈ సందర్భంగా వారు మాట్లాడుతూ ఆనాటి నిజాం నవాబుకు వ్యతిరేకంగా పోరాడిన గొప్ప యోధుడు లక్ష్మణ్‌ బాపూజీ అని కొనియాడారు. కార్యక్రమంలో బీసీ సంక్షేమ సంఘం పట్టణ అధ్యక్షుడు పుట్ట వెంకన్న గౌడ్‌, కోట్ల సునీత, వీరమల్లు నాగరాజు గౌడ్‌, కర్నాటి మచ్చ గిరి, నాగరాజు పాల్గొన్నారు.

సాక్షి ప్రతినిధి, నల్లగొండ : వరంగల్‌ – ఖమ్మం – నల్లగొండ గ్రాడ్యుయేట్‌ ఎమ్మెల్సీ స్థానం నుంచి ఎవరిని బరిలో ఉంటారన్నది త్వరలోనే తేలనుంది. మూడు ప్రధాన రాజకీయ పార్టీలు అభ్యర్థుల ఎంపికపై కసరత్తు చేస్తున్నాయి. బీఆర్‌ఎస్‌ పార్టీ.. పోటీలో నిలిపే అభ్యర్థి విషయంలో ఓ స్పష్టతకు రాగా, కాంగ్రెస్‌ పార్టీ ఇంకా సర్వేలు చేస్తోంది. భారతీయ జనతా పార్టీ అభ్యర్థి విషయంలో ఆలోచనలు చేస్తోంది. ఈ నెల 28వ తేదీన ఓటర్ల జాబితా ఖరారుకు నోటిఫికేషన్‌ వెలువడనున్న నేపథ్యంలో అభ్యర్థులను ప్రకటించేందుకు ప్రధాన పార్టీలు సిద్ధం అవుతున్నాయి. అధికార పార్టీలో ఆశావహులపై సర్వే ఎమ్మెల్సీగా పోటీ చేసేందుకు ఆసక్తి చూపుతున్న వారు కాంగ్రెస్‌ పార్టీలో ఎక్కువ మంది ఉన్నారు. దీంతో ఆ పార్టీ ఆశావహుల పేర్లతో సర్వే చేస్తోంది. నల్లగొండ జిల్లా నుంచి గుత్తా అమిత్‌రెడ్డి, పున్నా కైలాష్‌ నేత, సూర్యాపేట జిల్లా నుంచి పటేల్‌ రమేష్‌రెడ్డి, రాంరెడ్డి సర్వోత్తమ్‌రెడ్డి, వరంగల్‌ జిల్లా నుంచి సింగారపు ఇందిర, దొమ్మాటి సాంబయ్య, ఖమ్మం జిల్లా నుంచి లోకేష్‌యాదవ్‌ పేర్లపై చేపట్టిన సర్వే పూర్తి కావచ్చింది. ఎమ్మెల్సీ ఓటర్ల జాబితా రూపకల్పనకు ఎన్నికల సంఘం నోటిఫికేషన్‌ను విడుదల చేయడానికి ముందే కాంగ్రెస్‌ అభ్యర్థిని ప్రకటించే అవకాశం ఉంది. అభ్యర్థిపై స్పష్టతతో బీఆర్‌ఎస్‌ బీఆర్‌ఎస్‌ తరఫున పోటీలో ఉండబోయే అభ్యర్థి విషయలో ఆ పార్టీ ఇప్పటికే ఓ స్పష్టతకు వచ్చినట్లు తెలుస్తోంది. గతంలో పోటీ చేసి రెండో స్థానానికి పరిమితమైన రాకేష్‌రెడ్డినే బరిలో నిలిపే అవకాశం ఉంది. అందుకు అనుగుణంగా ఆయన ఇప్పటికే క్షేత్రస్థాయిలో పర్యటిస్తున్నారు. అయితే బీఆర్‌ఎస్‌ ఇంకా అధికారికంగా మాత్రం ప్రకటన చేయలేదు. అనధికారికంగా రాకేష్‌రెడ్డికి గ్రీన్‌సిగ్నల్‌ ఇచ్చినట్లు తెలిసింది. బీజేపీ మెంబర్‌షిప్‌ డ్రైవ్‌ పోటీలో నిలిపే అభ్యర్థి విషయంలో బీజేపీ ఇంకా ఆలోచనలు చేస్తోంది. బీజేపీ అభ్యర్థినికి ప్రకటించకపోగా, పార్టీ పరంగానే మెంబర్‌షిప్‌ డ్రైవ్‌ చేపట్టాలని భావిస్తున్నట్లు తెలిసింది. అయితే సీనియర్‌ నాయకులు గంగిడి మనోహర్‌రెడ్డి, కాసం వెంకటేశ్వర్లు పేర్లు బీజేపీ నుంచి ప్రముఖంగా వినిపిస్తున్నాయి. వరంగల్‌ నుంచి రాణి రుద్రమ కూడా పోటీకి ఉత్సాహం చూపుతున్నట్లు తెలిసింది. గతంలో ఎమ్మెల్సీ అభ్యర్థిగా వరంగల్‌ వారికే అవకాశం ఇచ్చిన నేపథ్యంలో ఈసారి నల్లగొండ వారికే అవకాశం ఇవ్వాలని కోరుతున్నట్లు తెలిసింది.ఫ వరంగల్‌–ఖమ్మం–నల్లగొండ గ్రాడ్యుయేట్‌ స్థానంలో కాంగ్రెస్‌ పార్టీ సర్వే ఫ ఇప్పటికే ఓ అభిప్రాయానికి వచ్చిన బీఆర్‌ఎస్‌ ఫ బరిలో ఎవరిని నిలుపాలన్న దానిపై బీజేపీ సమాలోచన ఫ ఓటర్ల జాబితా షెడ్యూల్‌ జారీతో పెరిగిన రాజకీయ వేడి బీఆర్‌ఎస్‌ నుంచి ఓసీ అభ్యర్థిని పోటీలో నిలిపే అంశంపై స్పష్టత రాగా, కాంగ్రెస్‌, బీజేపీలో బీసీ అంశంపైనా చర్చ జరుగుతోంది. ఈ స్థానంలో ఏ సామాజికవర్గానికి చెందిన అభ్యర్థిని బరిలో నిలుపాలన్న విషయంలో చర్చ జరుగుతోంది. హైదరాబాద్‌ – రంగారెడ్డి – మహబూబ్‌నగర్‌ స్థానంలో బీసీని పోటీలో నిలిపితే వరంగల్‌ – ఖమ్మం – నల్లగొండ స్థానంలో ఓసీకి ఇవ్వాలని, ఇక్కడ బీసీకి ఇస్తే, అక్కడ ఓసీ అభ్యర్థిని బరిలో దింపాలని రెండు పార్టీలు ఆలోచన చేస్తున్నట్లు తెలిసింది.

చిట్యాల, తిప్పర్తి, మాడుగులపల్లి : వ్యవసాయ విద్యుత్‌ సరఫరాకు ప్రాధాన్యం ఇవ్వాలని టీజీ ఎస్పీడీసీఎల్‌ సీఎండీ జితేష్‌ వి పాటిల్‌ అధికారులను ఆదేశించారు. సోమవారం ఆయన జిల్లాలోని చిట్యాల, తిప్పర్తి, మాడుగులపల్లి మండలాల్లో సబ్‌స్టేషన్లు, రైతుల వ్యవసాయ క్షేత్రాలను సందర్శించారు. తొలుత చిట్యాల మండలం ఆరెగూడెం సబ్‌స్టేషన్‌ను సందర్శించిన వ్యవసాయ విద్యుత్‌ సరఫరా, ఫీడర్ల స్థితిగతులపై ఆరా తీశారు. సబ్‌స్టేషన్‌ సమీపంలోని వరి పొలాలను సందర్శించి రైతులతో నేరుగా మాట్లాడారు. తర్వాత తిప్పర్తి మండలం కేశరాజుపల్లిలో వరి పొలాలను సందర్శించిన బోరుద్వారా సాగునీటి ప్రవాహాన్ని పరిశీలించారు. పొలాల్లోనే రైతులతో ముఖాముఖి సమావేశమై పంటల సాగు పరిస్థితులు, నీటి లభ్యత, విద్యుత్‌ సరఫరాపై వారి అభిప్రాయాలను అడిగి తెలుసుకున్నారు. ఈ సందర్భంగా రైతులను ఉద్దేశించి మాట్లాడుతూ, వ్యవసాయ రంగానికి ప్రభుత్వం అత్యంత ప్రాధాన్యం ఇస్తూ ఉచిత విద్యుత్‌ను అందిస్తోందని తెలిపారు. రైతులకు ఎటువంటి ఇబ్బందులు తలెత్తకుండా విద్యుత్‌ శాఖ నిరంతరం పర్యవేక్షణ కొనసాగిస్తుందన్నారు. తర్వాత మాడుగులపల్లి మండల కేంద్రంలోని సబ్‌స్టేషన్‌ను తనిఖీ చేశారు. కార్యక్రమంలో రూరల్‌ జోన్‌ చీఫ్‌ ఇంజనీర్‌ బాలస్వామి, ఎస్‌ఈ శ్రీనివాసులు, ఆపరేషన్‌ డీఈ విద్యాసాగర్‌రావు, నల్లగొండ రూరల్‌ ఏడీఈ ఎల్‌.శ్రీను, మిర్యాలగూడ రూరల్‌ ఏడీఈ ఇందిరా, ఏఈలు రవీందర్‌రెడ్డి, శివకుమార్‌, మణిదీప్‌ సిబ్బంది పాల్గొన్నారు. ఫ టీజీఎస్పీడీసీఎల్‌ సీఎండీ జితేశ్‌ వి పాటిల్‌

నల్లగొండ : ప్రజావాణి ఫిర్యాదుల పరిష్కారంపై జిల్లా అధికారులు ప్రత్యేక దృష్టి కేంద్రీకరించాలని కలెక్టర్‌ బి.చంద్రశేఖర్‌ కోరారు. ప్రజావాణి కార్యక్రమంలో భాగంగా సోమవారం ఆయన జిల్లా అధికారులతో కలిసి కలెక్టరేట్‌ సమావేశ మందిరంలో ప్రజల వద్ద నుంచి ఫిర్యాదులు స్వీకరించి మాట్లాడారు. ప్రజావాణి ఫిర్యాదులు పెండింగ్‌లో లేకుండా పరిష్కరించాలని, ఎప్పటి ఫిర్యాదులు అప్పుడే పరిష్కరించాలన్నారు. గ్రీవెన్స్‌లో రెవెన్యూ శాఖకు 54, ఇతర శాఖలకు 75.. మొత్తం 125 ఫిర్యాదులు వచ్చాయన్నారు. ప్రజా సమస్యల పరిష్కారానికి రాష్ట్ర ప్రభుత్వం ప్రత్యేక ప్రాధాన్యం ఇస్తోందన్నారు. సమస్యల పరిష్కారానికి డివిజన్‌, మండల కేంద్రాల్లో కూడా ప్రజావాణి నిర్వహిస్తున్నట్లు తెలిపారు. అనంతరం 9వ రాష్ట్రీయ పోషణ మహాపై రూపొందించిన పోసర్ట్‌ను ఆవిష్కరించారు. కార్యక్రమంలో రెవెన్యూ ఆదనపు కలెక్టర్‌ శ్రీనివాస్‌, స్థానిక సంస్థల ఇన్‌చార్జి అదనపు కలెక్టర్‌ ప్రేమ్‌కరణ్‌ రెడ్డి, డిప్యూటీ కలెక్టర్‌ (ట్రెయినీ) శ్రీకాంత్‌రెడ్డి, డీఆర్డీఓ శేఖర్‌రెడ్డి, డీఆర్‌ఓ దశరథ పాల్గొన్నారు. సర్‌ దరఖాస్తులను వారంలో పరిష్కరిస్తాం నల్లగొండ : ఓటరు జాబితా ప్రత్యేక సమగ్ర సవరణలో భాగంగా స్వీకరించిన దరఖాస్తులన్నిటిని వారం రోజుల్లో పరిష్కరిస్తామని కలెక్టర్‌ చంద్రశేఖర్‌ తెలిపారు. సోమవారం కలెక్టరేట్‌లో హైదరాబాద్‌ నుంచి రాష్ట్ర ప్రధాన ఎన్నికల అధికారి సుదర్శన్‌రెడ్డి నిర్వహించిన వీడియో కాన్ఫరెన్స్‌లో జిల్లా నుంచి కలెక్టర్‌ మాట్లాడారు. జిల్లాలో ఎస్‌ఐఆర్‌ ప్రక్రియలో భాగంగా పెండింగ్‌లో ఉన్న దరఖాస్తులు తదితర అంశాలను వివరించారు. ఎస్‌ఐఆర్‌కు సంబంధించిన పనులన్నింటినీ అక్టోబర్‌ 2వ తేదీలోగా పూర్తి చేస్తామని తెలిపారు. కార్యక్రమంలో అదనపు కలెక్టర్‌ శ్రీనివాస్‌, జిల్లా రెవెన్యూ అధికారి దశరథ, భూసేకరణ స్పెషల్‌ డిప్యూటీ కలెక్టర్‌ రమాదేవి పాల్గొన్నారు. ఫ కలెక్టర్‌ చంద్రశేఖర్‌

ఖమ్మం సహకారనగర్‌ : ఖమ్మం జిల్లా పౌరసరఫరాల శాఖలో డిప్యూటీ తహసీల్దార్‌గా విధులు నిర్వర్తిస్తున్న జె.నాగలక్ష్మి డిప్యుటేషన్‌ను రద్దుచేస్తూ ఉన్నతాధికారులు సోమవారం ఉత్తర్వులు జారీచేశారు. సూర్యాపేట జిల్లాలో డీటీగా జె.నాగలక్ష్మి పోస్టింగ్‌ ఉండగా, ఇకపై నల్లగొండ జిల్లా పౌర సరఫరాల అధికారి కార్యాలయానికి డిప్యుటేషన్‌ కేటాయించారు. ఈమేరకు ఆమెను ఖమ్మంలో వెంటనే రిలీవ్‌ చేయాలని ఉత్తర్వుల్లో పేర్కొన్నారు. పోలీస్‌ గ్రీవెన్స్‌లో వినతుల స్వీకరణనల్లగొండ : జిల్లా పోలీస్‌ కార్యాలయంలో సోమవారం పోలీస్‌ గ్రీవెన్స్‌డే సందర్భంగా బాధితుల నుంచి ఎస్పీ శరత్‌చంద్ర పవార్‌ వినతులు స్వీకరించారు. జిల్లాలోని వివిధ ప్రాంతాల నుంచి వచ్చిన 30 మంది బాధితులు తమ సమస్యలను ఎస్పీకి తెలియజేశారు. భూ వివాదాలు, కుటుంబ కలహాలు, ఆస్తి తగా దాలు, మోసాలకు సంబంధించిన ఫిర్యాదులపై స్పందించిన ఎస్పీ సంబంధిత పోలీస్‌ అధికారులు వెంటనే పరిశీలించి తగిన చర్యలు తీసుకోవాలని ఫోన్‌ ద్వారా ఆదేశాలు జారీ చేశారు. ప్రతి ఫిర్యాదును సమగ్రంగా విచారించి బాధితులకు న్యాయం జరిగేలా చూడాలని సూచించారు. పోలీస్‌శాఖను ప్రజలకు చేరువ చేయాలనే పోలీస్‌ గ్రీవెన్స్‌ డే నిర్వహిస్తున్నట్లు తెలిపారు. మోడల్‌స్కూల్‌ ఉపాధ్యాయుడికి అవార్డుశాలిగౌరారం : తెలుగు భాషాభివృద్ధికి అందించిన విశిష్ట సేవలకు గుర్తింపుగా శాలిగౌరారం మండలంలోని వల్లాల ప్రభుత్వ మోడల్‌స్కూల్‌ తెలుగు ఉపాధ్యాయుడు కుక్కడపు శ్రీనివాసులు ఇన్నోవేషన్‌ టీచర్‌ అవార్డును అందుకున్నారు. సోమవారం హైదరాబాద్‌లోని హరిహర కళాభవన్‌లో జఠాధర ఎడ్యుకేషనల్‌ టెక్నాలజీ ఆధ్వర్యంలో నిర్వహించిన కార్యక్రమంలో ఉపాధ్యాయ ఎమ్మెల్సీ శ్రీపాల్‌రెడ్డి, తెలంగాణ మోడల్‌స్కూల్స్‌ ఏఎంఓ మంజరీ చేతులమీదుగా శ్రీనివాసులు అవార్డును అందుకున్నారు. ఈ సందర్భంగా శ్రీనివాసులును ఉపాధ్యాయులు అభినందించారు. పచ్చదనం పెంపునకు సహకరించాలిమిర్యాలగూడ అర్బన్‌ : రైల్వే ప్రయాణికుల రక్షణ కోసం రైల్వే పోలీసులుగా ఎంతగానో కృషి చేస్తున్నామని రైల్వే ఏఎస్‌ఐ సుబ్బారావు అన్నారు. సోమవారం రైల్వే ప్రొటెక్షన్‌ ఫోర్స్‌ (ఆర్‌పీఎఫ్‌) 41వ ఆవిర్భావ దినోత్సవం సందర్భంగా రైల్వే స్టేషన్‌ ఆవరణలో మొక్కలు నాటిన అనంతరం ఆయన మాట్లాడారు. రైల్వే స్టేషన్లలో పరిసరాలను పరిశుభ్రంగా ఉంచేందుకు, పచ్చదనం పెంపొందించేందుకు ప్రతి ఒక్కరూ సహకరించాలని ఆయన కోరారు. ఈ కార్యక్రమంలో రైల్వే కానిస్టేబుళ్లు ఎన్‌.కె.మీనా, ఆర్‌.జ్యోతి, ఇతర రైల్వే సిబ్బంది పాల్గొన్నారు.

యూనిట్‌కు రూ.50 వేల సబ్సిడీ ఫ కూరగాయల సాగుకు పెంచేలా ప్రభుత్వాల నిర్ణయం ఫ యాసంగిలోనూ సబ్సిడీ ఇవ్వనున్న ఉద్యానశాఖ నల్లగొండ అగ్రికల్చర్‌ : కూరగాయల సాగుకు ప్రభుత్వం ప్రోత్సాహం అందిస్తోంది. భవిష్యత్‌లో కూరగాయలను ఎగుమతి చేసే స్థాయికి చేరుకోవాలనే లక్ష్యంతో ప్రభుత్వం ప్రణాళిక రచించింది. మల్చింగ్‌ షేడ్‌ నెట్‌, శాశ్వత పందిళ్లు, బిందుతుంపర సేద్యం వంటి సదుపాయాలకు రాయితీ ఇచ్చేలా కార్యాచరణ సిద్ధం చేసింది. ప్రస్తుతం కూరగాయలు సాగు తగ్గటంతో ఇతర రాష్ట్రాల నుంచి దిగుబడులు చేసుకోవడం ద్వారా ధరలు మండిపోయి ప్రజలపై భారం పడుతోంది. ఈ నేపథ్యంలో ప్రభుత్వం రాయితీ ఇచ్చి పందిరి కూరగాయల సాగును ప్రోత్సహిస్తోంది. 7,700 ఎకరాల్లో కూరగాయల సాగు ప్రస్తుత ఎల్‌నినో ప్రభావంతో ప్రభుత్వం ఆరుతడి పంటలను ప్రోత్సహిస్తోంది. అందులో భాగంగా కూరగాయల సాగు కూడా చేపట్టాలని ప్రభుత్వం సూచించినా.. రైతులు అత్యధికంగా పత్తి, వరి పంటలు వైపే మొగ్గు చూపారు. ఆరుతడి పంటలు అంతంత మాత్రమే ఉండగా అందులో కూరగాయలు సాగు పెద్దగా లేదు. వానాకాలం సీజన్‌లో ఇప్పటికే ఉద్యానవన శాఖ ఆధ్వర్యంలో 7,700 ఎకరాల్లో కూరగాయల సాగు చేయించారు. వారికి అవసరమైన సబ్సిడీని ఆయా రైతులకు ఉద్యానవన శాఖ ఆధ్వర్యంలో అందించారు. అరెకరం ఒక యూనిట్‌.. పందిరి కూరగాయల సాగుకు కేంద్రం 60శాతం, రాష్ట్ర ప్రభుత్వం 40 శాతం రాయితీ అందించనున్నాయి. పందిరి కూరగాయలకు సంబంధించి తీగజాతి కూరగాయలు ప్రధానంగా బీరకాయ, సొరకాయ, పొట్లకాయ, కాకరకాయ, దొండకాయ, చిక్కుడుకాయతో పాటు ఇతర తీగజాతి కూరగాయల సాగుకు యూనిట్‌కు రూ.50,000 చొప్పున సబ్సిడీ అందించనున్నాయి. అరెకరాన్ని ఒక యూనిట్‌గా నిర్ధారించారు. ఒక్కో రైతుకు ఐదు ఎకరాల వరకు సబ్సిడీ ఇస్తారు అంటే ఐదు యూనిట్లకు రూపాయలు రూ.2.50 లక్షల వరకు సబ్సిడీ వస్తుంది. వచ్చే యాసంగిలో ఈ పథకాన్ని అమలు చేసేలా వ్యవసాయ, ఉద్యానవన శాఖల అధికారులు సన్నాహాలు చేస్తున్నారు. యాసంగిలో కూడా.. ఈ యాసంగిలో కూడా సబ్సిడీ అందించడం ద్వారా రైతులను కూరగాయల సాగు వైపు మళ్లించేలా ఉద్యానవన శాఖ సన్నద్ధమవుతోంది. జిల్లావ్యాప్తంగా టమాటా, వంకాయ, బెండకాయ, పచ్చిమిర్చి, ఉల్లి, దోసకాయతో పాటు చామ గడ్డ, ఆలుగడ్డ, మునుగకాయలు, తోటకూర, పాలకూర, గోంగూర, కొత్తిమీర, చుక్కకూర వంటి ఆకుకూరలను కూడా సాగు చేసేలా వ్యవసాయ ఉద్యానవన శాఖ అధికారులు ప్రణాళిక రూపొందిస్తున్నారు. ప్రభుత్వ ఆదేశాల మేరకు వచ్చే యాసంగి సీజన్‌లో కూరగాయల సాగును విస్తరించేలా ప్రణాళికలు రూపొందిస్తున్నాం. జిల్లావ్యాప్తంగా వానాకాలంలో 7700 ఎకరాల్లో కూరగాయల సాగును ప్రోత్సహించాం. యాసంగిలో కూడా రైతులు సబ్సిడీ పథకాన్ని సద్వినియోగం చేసుకుని కూరగాయల సాగును పెంచాలి. – టి.శేఖర్‌, జిల్లా ఉద్యానవన శాఖ అధికారి

నల్లగొండ టూటౌన్‌ : వినాయక నవరాత్రి ఉత్సవాలు మంగళవారంతో ముగియనున్నాయి. ఈ నెల 23వ తేదీన గణేష్‌ నిమజ్జన శోభాయాత్ర కోసం నల్లగొండ మున్సిపల్‌ కార్పొరేషన్‌ ఆధ్వర్యంలో ఏర్పాట్లు చేస్తున్నారు. 10 ఫీట్లలోపు ఉన్న విగ్రహాలను ఆర్జాలబావి వల్లభరావు చెరువులో, 10 ఫీట్లకు పైన ఉన్న వాటిని ఎడమ కాల్వ 14వ మైలు, వేములపల్లి వద్ద నిమజ్జనం చేయనున్నారు. శోభాయాత్ర ముందస్తు ఏర్పాట్లను మున్సిపల్‌ కార్పొరేషన్‌, విద్యుత్‌, పోలీస్‌, రెవెన్యూ శాఖలు సమన్వయంతో చేపడుతున్నాయి. జిల్లా వ్యాప్తంగా 8వేల వరకు విగ్రహాలు ఏర్పాటు చేయగా.. ఒక్క నల్లగొండ నగరంలోనే 563 విగ్రహాలు ఉన్నాయి. నల్లగొండలో ఏర్పాటు చేసిన విగ్రహాలను నిమజ్జనం చేయడానికి మున్సిపల్‌ కార్పొరేషన్‌ ఆధ్వర్యంలో ఆర్జాలబావి వల్లభరావు చెరువ వద్ద బారికేడ్లు, క్రేన్లు, లైటింగ్‌, మైకులు, షామియానా, తాగునీరు ఏర్పాటు చేశారు. ఇందుకోసం నగరపాలక సంస్థ అధికారులు సుమారు రూ.75 లక్షలతో టెండర్ల ప్రక్రియను పూర్తి చేశారు. వల్లభరావు చెరువు వద్ద మూడో రోజు నుంచే విగ్రహాలను నిమజ్జనం చేస్తుండడంతో రెండు క్రేన్లను ఉంచారు. నల్లగొండలోని దేవరకొండ రోడ్డు సెయింట్‌ ఆల్ఫోన్సెస్‌ స్కూల్‌ వద్ద నిర్మిస్తున్న ఫుట్‌ఓవర్‌ బ్రిడ్జి భారీ విగ్రహాలకు అడ్డు తగులనుంది. బ్రిడ్జి వద్ద 20 ఫీట్ల ఎత్తు ఉండడంతో భారీ విగ్రహాలు వెళ్లే అవకాశం లేదని అధికారులు చెబుతున్నారు. దాంతో వన్‌టౌన్‌ పరిధిలోని పాతబస్తీ హనుమాన్‌నగర్‌ ఒకటో నంబర్‌ విగ్రహం నుంచి ప్రారంభం కానున్న శోభాయాత్ర నుంచి వచ్చే భారీ విగ్రహాలు, టూ టౌన్‌ ప్రాంతంలోని భారీ విగ్రహాలు కూడా వేములపల్లి వద్ద ఉన్న సాగర్‌ ఎడమకాల్వలో నిమజ్జనం చేయాలని అధికార యంత్రాంగం నిర్ణయించింది. జిల్లా కేంద్రంలో శోభాయాత్ర నిర్వహించే ప్రధాన రహదారుల్లో మరమ్మతు పనులు చేపట్టారు. గడియారం సెంటర్‌ నుంచి పానగల్‌ ఫ్లై ఓవర్‌ బ్రిడ్జి వరకు గుంతలు పూడ్చి ప్యాచ్‌ వర్క్‌ చేశారు. నగరంలోని ప్రధాన రహదారుల్లో శోభాయాత్రకు అడ్డుగా ఉన్న చెట్ల కొమ్మలను తొలగించారు. వేలాడుతున్న కరెంటు తీగలను సరిచేస్తున్నారు. పాతబస్తీలో కొత్త విద్యుత్‌ స్తంభాలు ఏర్పాటు చేశారు. గణేష్‌ నిమజ్జనం, శోభాయాత్రకు అన్ని ఏర్పాట్లు పూర్తి కావచ్చాయి. శోభాయాత్ర జరిగే మార్గంలో మంచినీటి సౌకర్యం, రోడ్ల మరమ్మతులు, వీధి దీపాలు, ఇతర సౌకర్యాలు కల్పిస్తున్నాం. ప్రశాంత వాతావరణంలో నిమజ్జనం జరిగేలా వసతులు సమకూరుస్తున్నాం. – వంశీకృష్ణ, నీలగిరి కమిషనర్‌ రేపే గణేష్‌ శోభాయాత్ర ఫ వల్లభరావు చెరువు, సాగర్‌ ఎడమకాల్వకు తరలనున్న గణపయ్యలు ఫ నిమజ్జన ప్రదేశాల్లో భారీ క్రేన్లు, లైటింగ్‌

నల్లగొండ : జిల్లాలో ఫౌండేషనల్‌ లిటరసీ అండ్‌ న్యూమరసీ (ఎఫ్‌ఎల్‌ఎన్‌) విధానాన్ని సమర్థవంతంగా అమలు చేసేందుకు ఎఫ్‌ఎల్‌ఎన్‌ సెల్‌ ఆధ్వర్యంలో ఉపాధ్యాయులకు రెండు నెలల ఉచిత శిక్షణ నిర్వహించనున్నట్లు డీఈఓ సుశీందర్‌రావు ఒక ప్రకటనలో తెలిపారు. అర్హులైన అభ్యర్థులు ఈనె 22న సాయంత్రం 5 గంటలలోపు డీఈఓ కార్యాలయంలో దరఖాస్తులు సమర్పించాలని కోరారు. కోమటిరెడ్డి బుచ్చిరెడ్డికి జిల్లా బెస్ట్‌ టీచర్‌ అవార్డుకనగల్‌ : మండలంలోని చిన్నమాదారం జెడ్పీ హెచ్‌ఎస్‌లో పనిచేస్తున్న బాలసాహితీ వేత, ఆంగ్ల ఉపాధ్యాయుడు కోమటిరెడ్డి బుచ్చిరెడ్డిని జిల్లా బెస్ట్‌ టీచర్‌ అవార్డుతో ఆదివారం నల్లగొండలోని లయన్స్‌ క్లబ్‌ కార్యాలయంలో లయన్స్‌ క్లబ్స్‌ ఆఫ్‌ ఇంటర్నేషనల్‌ ప్రతినిధులు సన్మానించారు. అలాగే 40మంది ఉపాధ్యాయులు, 20మంది ఇంజనీర్లను సన్మానించారు. కార్యక్రమంలో లయన్‌ గవర్నర్‌ కేవీ.ప్రసాద్‌, సతీష్‌ కోడె, లయన్‌ వెంకటేశ్వరరావు, లయన్‌ పిచ్చయ్య, సుధారాణి పాల్గొన్నారు. ‘సంతపురి’ మృతి.. కళా రంగానికి తీరనిలోటురామగిరి(నల్లగొండ) : తెలంగాణ మలిదశ ఉద్యమంలో చురుకై న పాత్ర పోషించిన ప్రముఖ కవి, రచయిత, సామాజిక కార్యకర్త సంతపురి నారాయణరావు మరణం సాహిత్య, కళారంగాలకు తీరని లోటని పలువురు ప్రముఖులు అన్నారు. కొంతకాలంగా అనారోగ్యంతో బాధపడుతున్న ఆయన ఆదివారం ఉదయం హైదరాబాద్‌లోని ఒక ప్రైవేట్‌ ఆసుపత్రిలో కన్నుమూశారు. ఆయన మృతి పట్ల నల్లగొండ జిల్లాలోని కవులు, రచయితలు, తెలంగాణ ఉద్యమ నాయకులు క్లాక్‌ టవర్‌ సెంటర్‌లో ఆయన చిత్రపటం వద్ద కొవ్వొత్తులతో నివాళులర్పించి సంతాపం తెలిపారు. ఈ సందర్భంగా వారు మాట్లాడారు. నివాళులర్పించిన వారిలో మాజీ ఎమ్మెల్యే కంచర్ల భూపాల్‌ రెడ్డి, మున్సిపల్‌ మాజీ చైర్మన్‌ మందడి సైదిరెడ్డి, ప్రముఖ సాహితీవేత్తలు వేణు సంకోజు, మేరెడ్డి యాదగిరిరెడ్డి, గుండె వెంకటేశ్వర్లు, భువనగిరి దేవేందర్‌, బక్క పిచ్చయ్య, పెరుమాళ్ల ఆనంద్‌, డాక్టర్‌ సాగర్ల సత్తయ్య, బండారు శంకర్‌, తోట నరసింహాచారి, పన్నాల గోపాల్‌రెడ్డి తదితరులు పాల్గొన్నారు. ఫీజుల నియంత్రణకు కమిషన్‌ ఏర్పాటు చేయాలినల్లగొండ : ప్రైవేటు స్కూళ్లు, కళాశాలల్లో ఫీజులు, సీట్ల నియంత్రణకు ప్రత్యేక కమిషన్లను ఏర్పాటు చేయాలని డెమొక్రటిక్‌ ఆల్‌ టీచర్స్‌ అసోసియేషన్‌ (డేటా) సంఘం నాయకులు అన్నారు. ఆదివారం నల్లగొండలో నిర్వహించిన రౌండ్‌టేబుల్‌ సమావేశంలో వారు మాట్లాడారు. సమావేశంలో సంఘం రాష్ట్ర అధ్యక్షుడు డాక్టర్‌ మహ్మద్‌ మొహినొద్దీన్‌, టీపీఎఫ్‌ జిల్లా అధ్యక్షుడు సీహెచ్‌.సుధాకర్‌, ప్రధాన కార్యదర్శి ఏడుకొండలు, ఉస్మానియా యూనివర్సిటీ ప్రొఫెసర్‌ వెంకటదాసు, హైకో ర్టు న్యాయవాది పద్మారావు, రాములు, నాగలక్ష్మి, పి.రజిత, సీహెచ్‌.సుధాకర్‌ పాల్గొన్నారు రాష్ట్ర స్థాయి మహిళా ఫుట్‌బాల్‌ పోటీలకు అనుమతినల్లగొండ టూటౌన్‌ : నల్లగొండ పట్టణంలోని వచ్చే నెలలో రాష్ట్ర స్థాయి మహిళా ఫుట్‌బాల్‌ పోటీల నిర్వహణకు రాష్ట్ర కమిటీ అనుమతి ఇచ్చిందని ఫుట్‌బాల్‌ అసోసియేషన్‌ జిల్లా అధ్యక్షుడు బండారు ప్రసాద్‌, ప్రధాన కార్యదర్శి బొమ్మపాల గిరిబాబు తెలిపారు. ఆదివారం హైదరాబాద్‌లోని రాష్ట్ర కమిటీ బాధ్యులు డాక్టర్‌ రఫత్‌ అలీ, జీపీ. పాల్గుణ నుంచి అనుమతి పత్రం పొందినట్లు తెలిపారు.

డిజిటల్‌ క్రాఫ్‌ బుకింగ్‌ సర్వేకు రైతులు సహకరించాలి. సర్వేయర్లు గ్రామానికి వచ్చిన వెంటనే వారిని పంట పొలాల వద్దకు తీసుకుపోయి వివరాలను ఆన్‌లైన్‌లో నమోదు చేయించుకోవాలి. లేకపోతే ప్రభుత్వం సన్నాలకు ప్రకటించిన బోనస్‌ వర్తించదు. పంటల నమోదుకు ఈ నెలాఖరు వరకు మాత్రమే అవకాశం ఉంది. – ఉల్లోజు వినోద్‌కుమార్‌, డీఏఓ ఫ జిల్లావ్యాప్తంగా 11.40 లక్షల ఎకరాల్లో పంటల సాగు ఫ ఇప్పటి వరకు 5.50 లక్షల ఎకరాల్లో సర్వే పూర్తి ఫ 540 మంది ప్రైవేట్‌ సర్వేయర్లతో నిర్వహణనల్లగొండ టౌన్‌ : వానాకాలం పంటల నమోదు సర్వే ముమ్మరంగా సాగుతోంది. ఏఏ పంటలు ఎన్ని ఎకరాల్లో సాగు చేశారో.. సర్వే నంబర్ల వారీగా వివరాలను ఆన్‌లైన్‌లో నమోదు చేస్తున్నారు. పంట కొనుగోళ్లతో పాటు రాష్ట్ర ప్రభుత్వం ఎంపిక చేసిన సన్నాలకు క్వింటాకు రూ.500 బోనస్‌ను అందించేందుకు గాను డిజిటల్‌ సర్వేను క్షేత్రస్థాయిలో చేపట్టింది. దీనికి గాను జిల్లాలోని 540 రెవెన్యూ గ్రామాల వారీగా ప్రైవేట్‌ సర్వేయర్లను జిల్లా వ్యవసాయశాఖ నియమించింది. ప్రతి సర్వేయర్‌కు 4,500 సర్వే నంబర్లను కేటాయించింది. గత నెల 25న ప్రారంభించిన ఈ సర్వేను ఈ నెలాఖరు వరకు పూర్తి చేయాలని ప్రభుత్వం ఆదేశించింది. రైతుల ఇబ్బందులు తొలగించేందుకే.. ఈ వానాకాలం సీజన్‌లో జిల్లా వ్యాప్తంగా 11.40 లక్షల ఎకరాలలో వరి, పత్తి, కంది, వేరుశనగ, పెసర తదితర సంటలను రైతులు సాగు చేశారు. రైతులు డిజిటల్‌ క్రాప్‌ సర్వేలో పంటలను నమోదు చేయించుకోకపోతే వారు పండించిన పంటలను అమ్ముకోవడానికి ఇబ్బందులు పడాల్సి వస్తుంది. వారి ఇబ్బందులను తొలగించేందుకే పంటల నమోదు ప్రక్రియను చేపట్టారు. దీంట్లో భాగంగా డిజిటల్‌ సర్వే చేసే సర్వేయర్ల వద్ద ఉన్న ఫోన్లకు వ్యవసాయ శాఖ లాగిన్‌ ఇచ్చింది. ఒక్కో రైతుకు సంబంధించిన డిజిటల్‌ సర్వే నమోదు చేస్తే సర్వేయర్‌కు రూ.7 చొప్పున ప్రభుత్వం చెల్లించనుంది. ఆయా సర్వేయర్లు వారికి కేటాయించిన గ్రామాలకు వెళ్లి ఆ గ్రామ రైతుల పంట చేలలో ఉండి డిజిటల్‌ క్రాప్‌ బుకింగ్‌ యాప్‌లో వివరాలు నమోదు చేయాల్సి ఉంటుంది. 20 మీటర్లలోపు ఉంటేనే బుకింక్‌ చేసే అవకాశం ఉంటుంది. అంతకు దూరంగా ఉండి నమోదు చేస్తే ఆన్‌లైన్‌లో నమోదు కాదు. దీంతో సర్వేయర్లు విధిగా క్షేత్రస్థాయిలోనే రైతుల పంట పొలాల్లోనే వివరాలు నమోదు చేస్తున్నారు. ఇప్పటి వరకు లక్షలాది సర్వే నంబర్లలో సాగు చేసిన మొత్తం 5.50 లక్షల ఎకరాల పంటల సర్వే పూర్తయింది. ఈ నెలాఖరు వరకు సర్వే పూర్తి చేసేందుకు యంత్రాంగం ముందుకు సాగుతోంది.

కొత్త వాటిని రెవెన్యూ గ్రామాలుగా గుర్తించాలని పీఆర్‌ చాంబర్స్‌ అధ్యక్షుడు సత్యనారాయణరెడ్డి కోరారు. - 8లోస్వచ్ఛతాహి సేవా కార్యక్రమాల్లో భాగంగా జిల్లాలోని పంచాయతీల్లో పారిశుద్ధ్య, అవగాహన కార్యక్రమాలు నిర్వహిస్తాం. ప్రభుత్వం ఇచ్చిన షెడ్యూల్డ్‌ ప్రకారం పంచాయతీల్లోని ప్రభుత్వ పాఠశాలలు, దేవాలయాల ప్రాంతాల్లో ఈ కార్యక్రమాలను నిర్వహించనున్నాం. యాత్రికులు వచ్చే ప్రాంతాల్లో కూడా స్వచ్ఛత కార్యక్రమాలు నిర్వహించాలని నిర్ణయించాం. – వనం తరుణ్‌ చక్రవర్తి, డీపీఓ

నల్లగొండ టౌన్‌ : కంప్యూటర్‌ విద్యతోనే ఉపాధి అవకాశాలు లభిస్తాయని టీజీఎంఎస్‌సీ, సీసీసీ డైరెక్టర్‌ తారిఖ్‌ అన్వర్‌ అన్నారు. ఆదివారం నల్లగొండలోని బహదూర్‌ ఖాన్‌ మందిరంలో విద్యార్థులుకు నిర్వహించిన శిక్షణ కార్యక్రమంలో వారు మాట్లాడారు. అనంతరం హైదరాబాద్‌ ఫుల్‌ స్టాక్‌ అకాడమీ డైరెక్టర్‌ ఐజాజ్‌ అహ్మద్‌, విద్యావేత్త లతీఫ్‌ మాట్లాడుతూ కంప్యూటర్‌ పరిజ్ఞానం, కృత్రిమ మేధ, ఉపాధి ఆధారిత కోర్సులు, ఉద్యోగ అవకాశాలపై వివరించారు. తెలంగాణ మైనారిటీ స్టడీ సర్కిల్‌ (హైదరాబాద్‌), ఇదారా–ఏ–ఇకామత్‌ ఖానా బహదూర్‌ ఖాన్‌ (నల్లగొండ) ఆధ్వర్యంలో జరిగిన ఈ కార్యక్రమంలో తెలంగాణ మైనారిటీ స్టడీ సర్కిల్‌ అదనపు కార్యక్రమ సంచాలకురాలు డాక్టర్‌ సారా సుత్తారి, మైనారిటీ సంక్షేమ శాఖ మాజీ సంచాలకుడు ఎంజే.అక్బర్‌, సెట్‌విన్‌ జిల్లా సమన్వయకర్త కొండపల్లి రేణుక, ఇదారా–ఏ–ఇకామత్‌ ఖానా బహదూర్‌ ఖాన్‌ అధ్యక్షుడు షాహిద్‌ అహ్మద్‌, మహమ్మద్‌ షఫీ నవాజ్‌ ఖాన్‌, ఖాజా ఫరీదుద్దీన్‌, మహమ్మద్‌ షఫీయుద్దీన్‌, ఎం.ఏ.బారీ, ముబారిజుద్దీన్‌ సాబేర్‌, జాహెద్‌ హుస్సేన్‌, ముంతాజ్‌ ఖురేషీ, మసీఉద్దీన్‌, జాఫర్‌, మొహితుల్లా, ఇంజినీర్‌ జునైద్‌ హష్మీ, హాఫిజ్‌ వ ఖారీ నిజాముద్దీన్‌ తదితరులు పాల్గొన్నారు.

నల్లగొండ : పోలీస్‌ ఉద్యోగాలు సాధించాలనే లక్ష్యంతో సిద్ధమవుతున్న నిరుద్యోగ యువతకు ఉచిత శిక్షణ అందించేందుకు పోలీస్‌ శాఖ ఆధ్వర్యంలో ఆదివారం నల్లగొండలోని ఎన్జీ కళాశాలలో నిర్వహించిన ప్రిలిమినరీ స్క్రీనింగ్‌ టెస్ట్‌కు జిల్లావ్యాప్తంగా 2,250 మంది అభ్యర్థులు హాజరయ్యారు. పరీక్ష కేంద్రాలను జిల్లా ఎస్పీ శరత్‌చంద్ర పవార్‌ తనిఖీ చేశారు. పరీక్ష నిర్వహణ తీరును, అభ్యర్థులకు కల్పించిన సౌకర్యాలను పరిశీలించి సిబ్బందికి పలు సూచనలు చేశారు. ఈ సందర్భంగా ఎస్పీ మాట్లాడుతూ పరీక్షలో ప్రతిభ చూపిన 500 మంది అభ్యర్థులను ఎంపిక చేసి నల్లగొండ పోలీస్‌ ట్రైనింగ్‌ సెంటర్‌లో ఉచిత శిక్షణ ఇవ్వనున్నామని తెలిపారు. మెయిన్‌ ఎగ్జామ్‌కు అవసరమైన శిక్షణతోపాటు సబ్జెక్ట్‌ నిపుణులతో బోధన, మోడల్‌ టెస్టులు, సందేహాల నివృత్తి, పరీక్ష విధానంపై అవగాహన కల్పించనున్నామని పేర్కొన్నారు. అలాగే అభ్యర్థుల శారీరక దారుఢ్యాన్ని పెంపొందించేందుకు అవుట్‌డోర్‌, ఇండోర్‌ శిక్షణ కూడా అందించనున్నట్లు తెలిపారు. అవసరమైన వసతి, భోజనం, స్టడీ మెటీరియల్‌ వంటి సదుపాయాలు కల్పిస్తామన్నారు. పోలీస్‌ ఉద్యోగం కేవలం ఉపాధి కోసం మాత్రమే కాదని, సమాజానికి సేవ చేసే గొప్ప అవకాశమని ఎస్పీ తెలిపారు. ఫ పోలీస్‌ ఉద్యోగార్థులకు ఉచిత శిక్షణ కోసం నిర్వహణ ఫ పరీక్ష కేంద్రాన్ని తనిఖీ చేసిన ఎస్పీ శరత్‌చంద్ర పవార్‌

కనగల్‌ : తపంటలు ఎండుతున్నా కాంగ్రెస్‌ ప్రభుత్వం పట్టించుకోవట్లేదని మాజీమంత్రి, సూర్యాపేట ఎమ్మెల్యే గుంటకండ్ల జగదీష్‌రెడ్డి ఆరోపించారు. ఆదివారం కనగల్‌ మండలం తేలకంటిగూడెం గ్రామంలో పంటలు ఎండిన రైతులు భైరగోని పెద్ద లింగయ్య, యాదయ్య పరామర్శించి ధైర్యం చెప్పా రు. అనంతరం విద్యుత్‌ సబ్‌స్టేషన్‌లో లాగ్‌బుక్‌లో విద్యుత్‌ సరఫరా వివరాలు అడిగి తెలుసుకున్నారు. ఈ సందర్భంగా ఆయన మాట్లాడుతూ కృష్ణాజ లాలు అందుబాటులో ఉన్నా పంటలు ఎందుకు ఎండిపోతున్నాయో ముఖ్యమంత్రి, మంత్రులు సమాధానం చెప్పాలని డిమాండ్‌ చేశారు. కేసీఆర్‌ హయాంలో 21 వేల మెగావాట్ల విద్యుత్‌ ఉత్పత్తి చేసి 24 గంటల నాణ్యమైన విద్యుత్‌ అందించామని ఈ సందర్భంగా గుర్తు చేశారు. విద్యుత్‌ ఉత్పత్తి ఎందుకు నిలిపివేశారు యాదాద్రి, భద్రాద్రి విద్యుత్‌ ఉత్పత్తి కేంద్రాల్లో ఉత్పత్తి అవుతున్న విద్యుత్‌ను ఎందుకు నిలిపివేశారో ప్రభుత్వం సమాధానం చెప్పాలని జగదీష్‌రెడ్డి డిమాండ్‌ చేశారు. నీళ్లు, బొగ్గు లేదని చెబుతూ విద్యుత్‌, సాగునీటి సమస్యలను పరిష్కరించకుండా ప్రభుత్వం నిర్లక్ష్యంగా వ్యవహరిస్తోందన్నారు. రైతులకు సాగునీరు, 24 గంటల విద్యుత్‌ అందించాలని డిమాండ్‌ చేశారు. ఈ కార్యక్రమంలో జిల్లా గ్రంథాలయ సంస్థ మాజీ అధ్యక్షుడు రేగట్టె మల్లి కార్జున్‌రెడ్డి, నల్లగొండ మున్సిపల్‌ మాజీ చైర్మన్‌ మందడి సైదిరెడ్డి, మాజీ ఎంపీపీ ఎస్కే కరీం పాషా, గోన రవీందర్‌రావు, మాజీ జెడ్పీటీసీ తుమ్మల లింగస్వామి, పార్టీ నాయకులు అయితగోని యాదయ్య, దేప వెంకటరెడ్డి, సింగిల్‌ విండో చైర్మన్‌ దోటి శ్రీనివాస్‌ తదితరులు పాల్గొన్నారు. ఫ మాజీ మంత్రి గుంటకండ్ల జగదీష్‌రెడ్డి

ఫ సిబ్బంది సమయపాలన పాటించేలా మొబైల్‌ యాప్‌ ఫ విధులకు డుమ్మా కొట్టకుండా కార్యాచరణ ఫ ఇక రిజిస్టర్‌లో సంతకాలు పెట్టే పద్ధతికి స్వస్తి ఫ ఆఫీస్‌లోనే రెండు పూటలా యాప్‌లో ఫొటో దిగాల్సిందే.. నల్లగొండ : ప్రభుత్వ ఉద్యోగుల హాజరు విషయంలో ఇక నుంచి నిబంధనలు మరింత కఠినం కానున్నాయి. విధులకు ఆలస్యంగా రావడం.. గైర్హాజరైనా హాజరైనట్లు రిజిస్టర్‌లో సంతకాలు చేయడం.. కొన్ని గంటలకే విధులు ముగించుకుని వెళ్లిపోవడం వంటి వాటికి చెక్‌ పెట్టేందుకు రాష్ట్ర ప్రభుత్వం శ్రీమీ ప్రమాణంశ్రీ యాప్‌ను అందుబాటులోకి తీసుకొచ్చింది. ఇకపై ఉద్యోగులు ఈ యాప్‌ ద్వారానే హాజరు నమోదు చేసుకోవాల్సి ఉంటుంది. జిల్లాలో యాప్‌ అమలును పక్కాగా చేపట్టాలని కలెక్టర్‌ అన్ని శాఖల అధికారులను ఆదేశించారు. కలెక్టరేట్‌లో తొలిదశ జిల్లా కలెక్టరేట్‌లో తొలిదశగా ‘మీ ప్రమాణం’ యాప్‌ ద్వారా హాజరు నమోదు ప్రక్రియను ప్రారంభించారు. ఈ నెల 10 నుంచి రెవెన్యూ విభాగానికి చెందిన సిబ్బంది యాప్‌ ద్వారానే హాజరు నమోదు చేసుకుంటున్నారు. సుమారు వంద మంది వరకు ఉద్యోగులు ప్రస్తుతం ఈ విధానాన్ని అనుసరిస్తున్నారు. త్వరలోనే ఇతర శాఖలకు కూడా దీనిని విస్తరించనున్నారు. 70 ప్రభుత్వ శాఖల్లో.. నల్లగొండ జిల్లాలో మొత్తం 70 ప్రభుత్వ శాఖలు ఉన్నాయి. ఇందులో 48 శాఖలు సమీకృత జిల్లా కార్యాలయాల సముదాయం (కలెక్టరేట్‌)లో కొనసాగుతున్నాయి. మిగిలిన శాఖల కార్యాలయాలు పట్టణంలోని వివిధ ప్రాంతాల్లో ఉన్నాయి. అయితే వివిధ ప్రాంతాల నుంచి ఉద్యోగులు జిల్లా కేంద్రానికి సమయానికి రాకుండా ఆలస్యంగా వస్తున్నారు. ఇప్పటివరకు ఉద్యోగుల హాజరు రిజిస్టర్‌లో సంతకాలు చేసి విధులకు హాజరైనట్లు నమోదు చేసుకునేవారు. ఈ విధానంలో సమయపాలనపై పర్యవేక్షణ అంతంతమాత్రంగానే ఉండడంతో కొత్త యాప్‌ను తీసుకొచ్చారు. ఆధార్‌, జీపీఎస్‌తో అనుసంధానం రెగ్యులర్‌, కాంట్రాక్టు, ఔట్‌సోర్సింగ్‌ ఉద్యోగుల వివరాలను యాప్‌లో నమోదు చేస్తున్నారు. ఉద్యోగి ఎంప్లాయ్‌ ఐడీ, ఈ–మెయిల్‌, ఆధార్‌ నంబర్‌తోపాటు కార్యాలయ జీపీఎస్‌ లొకేషన్‌ వివరాలను అనుసంధానం చేస్తున్నారు. ప్రతి శాఖ అధిపతికి ప్రత్యేక లాగిన్‌ అందించనున్నారు. ఈ ప్రక్రియ పూర్తయిన తర్వాత సంబంధిత శాఖల్లో యాప్‌ ద్వారా హాజరు నమోదు ప్రారంభమవుతుంది కళ్లను బ్లింక్‌ చేస్తేనే.. ఉద్యోగులు తమ మొబైల్‌లో యాప్‌ను డౌన్‌లోడ్‌ చేసుకుని కార్యాలయానికి వచ్చిన తర్వాత లాగిన్‌ కావాలి. అనంతరం యాప్‌లో నిర్దేశించిన విధంగా ముఖ గుర్తింపు ప్రక్రియలో భాగంగా కళ్లను మూసి తెరవడం (బ్లింక్‌) చేయాలి. అప్పుడే హాజరు నమోదవుతుంది. ఉదయం, సాయంత్రం రెండు పూటలా హాజరు నమోదు చేయడం తప్పనిసరి కానుంది. కార్యాలయ లొకేషన్‌ ఆధారంగా హాజరు నమోదయ్యేలా వ్యవస్థను రూపొందించారు. ‘మీ ప్రమాణం’ యాప్‌ ద్వారా హాజరు నమోదు ప్రక్రియను కచ్చితంగా అమలు చేయాలని కలెక్టర్‌ చంద్రశేఖర్‌ శాఖ అధిపతులను ఆదేశించారు. ఉద్యోగులకు యాప్‌ పనితీరుపై అవగాహన కల్పించాలని, హాజరు నమోదును ఎప్పటికప్పుడు పర్యవేక్షించాలని సూచించారు. ఇప్పటికే కలెక్టరేట్‌లో రెవెన్యూ సిబ్బందికి అమలు చేస్తున్నారు. త్వరలోనే మిగిలిన శాఖలన్నింటిలో అమలు అయ్యేలా అధికారులు చర్యలు ప్రారంభించారు.

సోమవారం శ్రీ 21 శ్రీ సెప్టెంబర్‌ శ్రీ 2026నల్లగొండ : జిల్లాలో స్వచ్ఛత కార్యక్రమాలు జోరుగా కొనసాగుతున్నాయి. ‘స్వచ్ఛత స్వభావం–స్వచ్ఛ భారత్‌, వికసిత భారత్‌’ నినాదంతో సెప్టెంబర్‌ 17 నుంచి అక్టోబర్‌ 2 వరకు ‘స్వచ్ఛతా హి సేవ–2026’ కార్యక్రమం నిర్వహిస్తున్నారు. ప్రజలు, ప్రజాప్రతినిధులు, విద్యార్థులు, వివిధ శాఖల అధికారులు, పారిశుద్ధ్య సిబ్బందిని భాగస్వాములను చేస్తూ కార్యక్రమాలు చేపడుతున్నారు. కలెక్టర్‌, జిల్లా స్వచ్ఛ భారత్‌ మిషన్‌ గ్రామీణ్‌ చైర్మన్‌ బి.చంద్రశేఖర్‌ ఆదేశాల మేరకు గ్రామాలు, పట్టణాల్లో ప్రత్యేక పారిశుద్ధ్య డ్రైవ్‌లు కొనసాగుతున్నాయి. చెత్త పేరుకుపోయే ప్రాంతాల ప్రక్షాళన, పాఠశాలల్లో అవగాహన కార్యక్రమాలతోపాటు మార్కెట్లు, బస్టాండ్లు, రైల్వే స్టేషన్లు, చెరువులు, వాగుల వద్ద పరిశుభ్రత కార్యక్రమాలు చేపడుతున్నారు. సింగిల్‌ యూజ్‌ ప్లాస్టిక్‌ నివారణ, గుట్కా, పాన్‌మసాలా ఉమ్మివేయడంపై ప్రజలకు అవగాహన కల్పిస్తున్నారు. విద్యార్థులతో స్వచ్ఛత సందేశం ఈ నెల 17, 18 తేదీల్లో పాఠశాల విద్యార్థులకు ఘన వ్యర్థాల నిర్వహణ కేంద్రాల సందర్శన, వ్యాసరచన, ఉపన్యాసం, గోడచిత్రాల పోటీలు నిర్వహించారు. పాత పుస్తకాలు, బొమ్మలను సేకరించారు. 19, 20 తేదీల్లో చెత్త ఎక్కువగా పేరుకుపోయే ప్రాంతాలను గుర్తించి శ్రమదానం ద్వారా శుభ్రపరచడంతోపాటు సుందరీకరణ చేపట్టనున్నారు. 25, 26 తేదీల్లో పాఠశాలలు, పంచాయతీల్లో క్రీడా పోటీల ద్వారా స్వచ్ఛతపై ప్రచారం చేయనున్నారు. గణేష్‌ నిమజ్జనం అనంతరం ఘాట్లను శుభ్రం చేయడంతోపాటు పూల వ్యర్థాలతో కంపోస్ట్‌ తయారీకి చర్యలు తీసుకోనున్నారు. 27న పర్యాటక, చారిత్రక ప్రాంతాల్లో ప్రత్యేక పారిశుధ్య కార్యక్రమాలు నిర్వహించనున్నారు. సఫాయి మిత్రలకు ప్రత్యేక శిబిరాలు ఈ నెల 30న ‘సఫాయిమిత్ర సురక్ష–సన్మాన’ కార్యక్రమం నిర్వహించనున్నారు. పారిశుద్ధ్య కార్మికులకు ఉచిత ఆరోగ్య పరీక్షలు, రక్షణ పరికరాల పంపిణీతోపాటు సన్మానం చేయనున్నారు. ప్రతి పీహెచ్‌సీ పరిధిలో ప్రత్యేక వైద్య శిబిరాలు ఏర్పాటు చేయాలని వైద్యాధికారులను ఆదేశించారు. అక్టోబర్‌ 1న శ్రమదానం అక్టోబర్‌ 1న ఉదయం 8 గంటలకు ‘ఒక రోజు–ఒక గంట–కలిసికట్టుగా’ కార్యక్రమంలో భాగంగా ప్రజాప్రతినిధులు, ప్రజల భాగస్వామ్యంతో భారీ శ్రమదానం నిర్వహించనున్నారు. 2న స్వచ్ఛ భారత్‌ దివాస్‌ సందర్భంగా గ్రామాల్లో ప్రత్యేక గ్రామసభలు, పట్టణాల్లో కౌన్సిల్‌ సమావేశాలు నిర్వహించనున్నారు. శుభ్రం చేసిన ప్రాంతాల్లో ‘ఏక్‌ పేడ్‌ మా కే నామ్‌’ కింద మొక్కలు నాటనున్నారు. అధికారులకు బాధ్యతలు ప్రతి గ్రామంలో లైన్‌ డిపార్ట్‌మెంట్లతో సమన్వయం చేసుకుని రోజువారీ కార్యక్రమాలు నిర్వహించాలని ఎంపీడీఓలను ఆదేశించారు. ప్రతిరోజూ 10 ఉత్తమ ఫొటోలను గ్రూపులో అప్‌లోడ్‌ చేయాలని సూచించారు. పాఠశాలలు, అంగన్‌వాడీ కేంద్రాల్లో మరుగుదొడ్లు, పరిసరాలను పరిశుభ్రంగా ఉంచాలని విద్యాశాఖ, మహిళా శిశు సంక్షేమ శాఖలకు సూచించారు. మిషన్‌ భగీరథ అధికారులు నీటి లీకేజీలను అరికట్టి, గ్రామాల్లోని ఓహెచ్‌ఎస్‌ఆర్‌, జీఎల్‌ఎస్‌ఆర్‌ ట్యాంకులను శుభ్రం చేయాలని కలెక్టర్‌ ఆదేశించారు. ఫ అక్టోబర్‌ 2వ తేదీ వరకు ‘స్వచ్ఛతా హి సేవ–2026’ ఫ గ్రామాల్లో పారిశుద్ధ్య కార్యక్రమాలు చేపట్టిన సిబ్బంది ఫ విద్యార్థులు, అధికారులు, ప్రజల భాగస్వామ్యం

నల్లగొండ : వానాకాలం సీజన్‌లో ధాన్యం సేకరణను పకడ్బందీగా చేపట్టాలని కలెక్టర్‌ చంద్రశేఖర్‌ అన్నారు. శుక్రవారం కలెక్టరేట్‌ ఉదయాదిత్య భవన్‌లో 2026–27 వానాకాలం ధాన్యం సేకరణపై అధికారులకు ఏర్పాటు చేసిన శిక్షణలో ఆయన మాట్లాడారు. ధాన్యం సేకరణ పూర్తిగా ప్రభుత్వ సంస్థల ద్వారా మాత్రమే నిర్వహిస్తామన్రాఉ. గోదాముల నిర్వహణ, హమాలీల నియామకం, రవాణా సౌకర్యాలను ప్రభుత్వ శాఖలే చూసుకోవాలని పేర్కొన్నారు. ఈ సంవత్సరం సన్నధాన్యంతోపాటు, 2.50 లక్షల మెట్రిక్‌ టన్నుల దొడ్డు ధాన్యం కేంద్రాలకు వచ్చే అవకాశం ఉందన్నారు. అదనపు కలెక్టర్‌ శ్రీనివాస్‌ మాట్లాడుతూ గత సీజన్‌లో తాలు, రవాణా, హమాలీ తదితర సమస్యలు ఎదురయ్యాయని ఈసారి అలాంటి సమస్యలు ఉత్పన్నం కాకుండా చూసుకోవాలన్నారు. కార్యక్రమంలో అభ్యుదయ రైతు రాంరెడ్డి, డీఆర్‌డీఓ శేఖర్‌రెడ్డి, డీసీవో మమత, పౌర సరఫరాల డీఎం రాంపతినాయక్‌, డీఏఓ వినోద్‌కుమార్‌, డీఎస్‌ఓ వెంకటేష్‌ పాల్గొన్నారు. ఫ కలెక్టర్‌ చంద్రశేఖర్‌

సాక్షి ప్రతినిధి, నల్లగొండ : చేయూత పథకం కింద కొత్త పింఛన్ల కోసం జిల్లాలో భారీగా దరఖాస్తులు వచ్చాయి. ప్రభుత్వం రెండోసారి గడువు ఇవ్వడంతో అర్హులు పెద్ద సంఖ్యలో దరఖాస్తు చేసుకున్నారు. జిల్లాలోని 33 మండలాలు, 8 మున్సిపాలిటీల పరిధిలో 32,987 మంది కొత్తగా దరఖాస్తు చేసుకున్నారు. ప్రస్తుతం దరఖాస్తుల డేటా ఎంట్రీ ప్రక్రియ పూర్తవుతుండగా.. తర్వాత అర్హతల పరిశీలన చేయనున్నారు. గడువు పొడిగింపుతో పెరిగిన సంఖ్య చేయూత పథకం కింద కొత్త పింఛన్ల కోసం దరఖాస్తుల స్వీకరణకు ప్రభుత్వం మొదట ఆగస్టు 1వ తేదీ నుంచి 31వ తేదీ వరకు గడువు ఇచ్చింది. తరువాత సెప్టెంబరు 15వ తేదీ వరకు పొడిగించింది. దీంతో జిల్లాలో కొత్తగా దరఖాస్తు చేసుకున్న వారి సంఖ్య గణనీయంగా పెరిగింది. నిబంధనలకు అనుగుణంగా ఉంటేనే.. ఆన్‌లైన్‌లో నమోదైన దరఖాస్తుల ఆధారంగా అధికారులు క్షేత్రస్థాయి పరిశీలన చేపడుతున్నారు. ఈ నెల 25వ తేదీలోగా దరఖాస్తుల పరిశీలన పూర్తి చేయాలని అధికారులు లక్ష్యంగా పెట్టుకున్నారు. దరఖాస్తుదారుల వయస్సు, కుటుంబ పరిస్థితులు, వృత్తి, ఇతర అర్హతలను క్షేత్రస్థాయిలో తనిఖీ చేయనున్నారు. నిబంధనలకు అనుగుణంగా ఉన్నవారిని మాత్రమే అర్హులుగా గుర్తించనున్నారు. పరిశీలన తరువాతే తుది జాబితా దరఖాస్తు చేసుకున్న వారందరికీ పింఛన్‌ మంజూరయ్యే అవకాశం ఉండదు. క్షేత్రస్థాయి పరిశీలనలో అర్హతలను నిర్ధారించిన తరువాతే తుది జాబితా సిద్ధం చేయనున్నారు. దీంతో దరఖాస్తుదారులంతా అర్హుల జాబితా కోసం ఎదురుచూస్తున్నారు. 25వ తేదీలోగా పరిశీలన పూర్తయిన అనంతరం అర్హుల జాబితాను ప్రకటించనున్నారు. పట్టణాల్లో నల్లగొండ టాప్‌ పట్టణ ప్రాంతాల్లో నల్లగొండ మున్సిపాలిటీ నుంచి అత్యధికంగా 2,426 దరఖాస్తులు వచ్చాయి. మిర్యాలగూడ మున్సిపాలిటీ నుంచి 1,560 దరఖాస్తులు నమోదయ్యాయి. మరోవైపు నందికొండ మున్సిపాలిటీ నుంచి అత్యల్పంగా 190 దరఖాస్తులు మాత్రమే వచ్చాయి. మండలాల్లో కట్టంగూర్‌ ముందంజ గ్రామీణ మండలాల వారీగా చూస్తే కట్టంగూర్‌ 1,354 దరఖాస్తులతో ముందంజలో ఉంది. మిర్యాలగూడ మండలం నుంచి 1,351, శాలిగౌరారం నుంచి 1,279, మునుగోడు నుంచి 1,257 దరఖాస్తులు నమోదయ్యాయి. దీంతో ఈ మండలాల్లో క్షేత్రస్థాయి పరిశీలన ప్రక్రియ కీలకంగా మారనుంది.ఫ 25వ తేదీలోగా క్షేత్రస్థాయి పరిశీలన ఫ ఆ తర్వాత అర్హుల జాబితా ప్రకటన పింఛన్ల దరఖాస్తుల వివరాలు ఇలా.. కేటగిరీ దరఖాస్తుల సంఖ్య వితంతు 15,277దివ్యాంగులు 9,085గీత కార్మికులు 4,416ఒంటరి మహిళలు 2,955చేనేత కార్మికులు 1,254మొత్తం 32,987

కోదాడ : కోదాడ పట్టణంలో శనివారం నిర్వహించనున్న మెగా జాబ్‌మేళాకు అన్ని ఏర్పాట్లు పూర్తయ్యాయి. పట్టణంలోని పట్టణంలోని సీసీ రెడ్డి విద్యానిలయంలో ఉదయం 8 నుంచి రాత్రి 8 గంటల వరకు జాబ్‌మేళా కొనసాగనుంది. అభ్యర్థులు పేర్ల నమోదుకు అధికారులు క్యూఆర్‌ కోడ్‌ను రూపొందించారు. శుక్రవారం రాత్రి వరకు 50 వేల మందికి పైగా అభ్యర్థులతో పాటు 354 కంపెనీలు తమ పేర్లను నమోదు చేసుకున్నాయి. శనివారం ఉదయం వరకు నమోదు చేసుకొనే అవకాశం ఉండడంతో ఈ సంఖ్య 60 వేల వరకు చేరుకునే అవకాశం ఉందని నిర్వాహకులు చెబుతున్నారు. హాజరు కానున్న ప్రముఖులు కోదాడలో శనివారం జరిగే మెగా జాబ్‌మేళాకు రాష్ట్ర శాసనసభ స్పీకర్‌ గడ్డం ప్రసాదరావు, శాసనమండలి చైర్మన్‌ గుత్తా సుఖేందర్‌రెడ్డితో పాటు రాష్ట్ర మంత్రులు కోమటిరెడ్డి వెంకట్‌రెడ్డి, శ్రీధర్‌బాబు, అడ్లూరి లక్ష్మణ్‌ హాజరు కానున్నట్లు రాష్ట్ర నీటిపారుదలశాఖ మంత్రి ఉత్తమ్‌కుమార్‌రెడ్డి తెలిపారు. మెగా జాబ్‌మేళాలో పాల్గొనే వారందరికీ మధ్యాహ్న భోజనం అందించనున్నారు. ఈ మేరకు విద్యాలయం పక్కన ఉన్న ఖాళీ ప్రదేశంలో ఏర్పాట్లు చేస్తున్నారు. పట్టణంలోని వేర్వేరు ప్రదేశాల్లో వాహనాల పార్కింగ్‌కు ఏర్పాట్లు చేశారు. ట్రాఫిక్‌ మళ్లింపు కోదాడలో శనివారం ట్రాఫిక్‌ ఆంక్షలు విధించను న్నారు. విజయవాడ నుంచి హైదరాబాద్‌ వెళ్లే వాహనాలను బైపాస్‌ రోడ్డు మీదుగా మళ్లిస్తున్నారు. ఖమ్మం క్రాస్‌రోడ్డులో దుకాణాలను మూసివేయిస్తున్నారు. జాబ్‌మేళా పూర్తయ్యే వరకు ట్రాఫిక్‌ ఆంక్షలు ఉంటాయని, ఇందుకు ప్రజలు సహకరించాలని పోలీసులు కోరుతున్నారు. జాబ్‌మేళా నిర్వహించే సీసీరెడ్డి విద్యానిలయాన్ని శుక్రవారం సూర్యాపేట కలెక్టర్‌ తేజస్‌ నందలాల్‌ పవార్‌, ఎస్పీ నరసింహతో కలిసి ఎమ్మెల్యే పద్మావతి పరిశీలించారు. ఎలాంటి పొరపాట్లు జరగకుండా జాగ్రత్తలు తీసుకోవాలని సూచించారు.ఫ 50 వేలకుపైగా అభ్యర్థులు, 354 కంపెనీలు రిజిస్టర్‌

నల్లగొండ : అంతర్జాతీయ ప్రమాణాలు ఉండేలా నల్లగొండ ఆర్టీసీ బస్టాండ్‌ను ఆధునీకరిస్తున్నట్లు రాష్ట్ర రోడ్లు భవనాలు, సినిమాటోగ్రఫీ శాఖ మంత్రి కోమటిరెడ్డి వెంకట్‌రెడ్డి అన్నారు. శుక్రవారం హైదరాబాద్‌లో బస్టాండ్‌ ఆధునీకరణపై ఆయన సమీక్షించారు. బస్టాండ్‌ నమూనాను కన్సల్టెన్సీ ప్రతినిధులు మంత్రికి వివరించారు. నమూనాలో పలు మార్పులు చేయాలని ప్రతినిధులకు మంత్రి సూచించారు. నల్లగొండ బస్టాప్‌ ప్రయాణికులతో నిత్యం రద్దీగా ఉంటుందని.. అందుకు అనుగుణంగా బస్సుల రాకపోకలు సులభతరం అయ్యేలా ఎంట్రీ, ఎగ్జిట్‌ పాయింట్స్‌, ప్లాట్‌ఫారాలు, వెయిటింగ్‌ హాల్స్‌, పార్కింగ్‌, మరుగుదొడ్లు ఏర్పాట్లు చేయాలన్నారు. ఆర్టీసీకి లాభం కలిగించేలా గ్రౌండ్‌, మొదటి అంతస్తులో షాపింగ్‌ మాల్‌ ఏర్పాటు చేయాలని, ప్రజలకు వినోదాన్ని అందించేందుకు రెండవ అంతస్తులో మల్టిఫ్లెక్స్‌ ఏర్పాటు చేయాలని సూచించారు. ఆర్టీసీపై విద్యుత్‌ భారం పడకుండ బస్టాండ్‌ పైభాగంలో సోలార్‌ విద్యుత్‌ ప్లాంట్‌ ఏర్పాటు చేయాలన్నారు. దసరాకు రెండు రోజుల ముందు ఆధునీకరణ పనులకు శంకుస్థాపన చేసేలా ఏర్పాట్లు చేయాలని మంత్రి ఆదేశించారు. నిర్మాణ సమయంలో ప్రయాణికులకు ఇబ్బందులు తలెత్తకుండా చూడాలన్నారు. బస్టాండ్‌ ఆధునీకరణ తరువాత షాపుల ద్వారా ఆర్టీసీకి రూ.85 లక్షల వరకు ఆదాయం చేకూరే అవకాశం ఉందని తెలిపారు. సమావేశంలో ఆర్టీసీ ఎండీ నాగిరెడ్డి, అధికారులు, కన్సల్టెన్సీ ప్రతినిధులు తదితరులు పాల్గొన్నారు. ఫ మంత్రి కోమటిరెడ్డి వెంకట్‌రెడ్డి

నల్లగొండ టూటౌన్‌ : వినాయక నవరాత్రులు జిల్లాలో ఉత్సాహంగా సాగుతున్నాయి. కానీ ఎల్‌నినో ప్రభావంతో వర్షాలు కురవకపోవడంతో నల్లగొండ నగరం పరిధిలోని చెరువుల్లో నీరులేదు. దీంతో గణేష్‌ నిమజ్జనం ఎక్కడ చేయాలనే దానిపై ఇప్పటివరకు యంత్రాంగం ఒక నిర్ణయానికి రాలేదు. నీలగిరి నగరంలో 563 గణపతి విగ్రహాలు, మండలంలో 265 విగ్రహాలు ఉన్నాయి. మొత్తం 828 విగ్రహాలు ఉన్నాయి. తొలుత చర్లపల్లిలోని భీమ సముద్రంలో గణేష్‌ నిమజ్జనం కోసం ఏర్పాట్లు చేయాలని భావించారు. కానీ అక్కడ సరిపడా నీరు లేదు. వల్లభరావు చెరువులోనూ మునగవు.. పానగల్‌ సమీపంలోని అద్దంకి బైపాస్‌ రోడ్డు వద్ద ఆర్జాలబావి వల్లభరావు చెరువులో నీరు నిండుగా ఉంటేనే ఆరు, ఏడు ఫీట్ల ఎత్తు విగ్రహాలు మాత్రమే నిమజ్జనం చేయడానికి వీలుగా ఉంటుంది. కానీ నగరంలో 15 ఫీట్లకు పైగా ఎత్తు ఉన్న గణపతి విగ్రహాలు కూడా పలు కాలనీల్లో ఏర్పాటు చేశారు. ఈ విగ్రహాలు నిమజ్జనం చేసినప్పుడు మునగాలంటే కనీసంగా 20 ఫీట్ల లోతు చెరువులో నీరుండాలి. 14వ మైలు వద్దకే.. గణేష్‌ నిమజ్జనం కోసం ముందస్తుగానే ఏర్పాట్లు చేయాల్సి ఉన్నా ఇప్పటి వరకు ప్రతిష్టంబన నెలకొంది. ప్రస్తుతం 14వ మైలు వద్ద నాగార్జునసాగర్‌ ఎడమకాల్వలో నీరు ప్రవహిస్తోంది. కానీ నీటిని ఎన్ని రోజుల వరకు విడుదల చేస్తారనే దానిపై స్పష్టత లేకపోవడంతో యంత్రాంగం మల్లగుల్లాలు పడుతోంది. కానీ ప్రస్తుత పరిస్థితుల్లో 14 మైలు ఎడమకాల్వలో తప్ప మరో దారి లేదని భక్తులు చెబుతున్నారు. ఫ భీమ సముద్రంలో నీళ్లులేవు.. ఆర్జాలబావి చెరువులో పెద్ద విగ్రహాలు మునగవు ఫ నల్లగొండ కార్పొరేషన్‌ పరిధిలో 563 విగ్రహాలు ఫ 14వ మైలు వద్దనే నిమజ్జనానికి అవకాశంభక్తులకు ఇబ్బంది కలగొద్దుహాలియా : భక్తులకు ఎలాంటి ఇబ్బందులు కలగకుండా వినాయక నిమజ్జనానికి ఏర్పాట్లు చేయాలని కలెక్టర్‌ బి.చంద్రశేఖర్‌ అధికారులను ఆదేశించారు. గురువారం ఆయన అలీనగర్‌ (14వ మైలురాయి) సమీపంలో వినాయక నిమజ్జనం నిర్వహించే సాగర్‌ ఎడమ కాలువ వద్ద ఏర్పాట్లను పరిశీలించి మాట్లాడారు. కాలువలో ఈనెల 22 నుంచి 25 వరకు నీరు తగ్గకుండా ఒకేస్థాయిలో ఉండేలా చూడాలని ప్రాజెక్టు ఇంజనీరింగ్‌ అధికారులను ఆదేశించారు. నిమజ్జనానికి కావాల్సిన క్రేన్లు, వాహనాలు, ఇతర సామగ్రిని ముందే సిద్ధం చేసుకోవాలని సూచించారు. కార్యక్రమంలో మిర్యాలగూడ ఆర్డీఓ రమణారెడ్డి, డీఎస్పీ రవి, సీఐ రాఘవరావు పాల్గొన్నారు.

నల్లగొండ టూటౌన్‌ : నల్లగొండలోని మహాత్మాగాంధీ విశ్వవిద్యాలయ పరిధిలోని పీజీ 4వ సెమిస్టర్‌ రెగ్యులర్‌, 1, 2, 3 బ్యాక్‌లాగ్‌ పరీక్ష ఫలితాలను రిజిస్ట్రార్‌ కొప్పుల అంజిరెడ్డి గురువారం విడుదల చేశారు. పీజీ 4వ సెమిస్టర్‌లో మొత్తం 1265 మంది విద్యార్థులకు 967 మంది, (76.44శాతం), బ్యాక్‌లాగ్‌లో మొదటి సెమిస్టర్‌లో 427 మంది విద్యార్థులకు 158 మంది (37శాతం), 2వ సెమిస్టర్‌లో 382 మందికి 65 మంది (17.02శాతం), 3వ సెమిస్టర్‌లో 34 మంది విద్యార్థులకు 168 మంది (48.84శాతం) ఉత్తీర్ణత సాధించినట్లు సీఈఓ జి.ఉపేందర్‌రెడ్డి తెలిపారు. ఫలితాల పూర్తి వివరాలను ఎంజీయూ వెబ్‌సైట్‌లో పొందుపరిచినట్లు పేర్కొన్నారు. కార్యక్రమంలో పరీక్షల విభాగం అధికారులు డి.సంధ్యారాణి, కళ్యాణి, ప్రవళిక పాల్గొన్నారు. అమృత్‌ భారత్‌ పనుల్లో వేగం పెంచాలి మిర్యాలగూడ అర్బన్‌ : అమృత్‌ భారత్‌ నిదులతో రైల్వేస్టేషన్లలో చేపడుతున్న అభివృద్ధి పనులను వేగంగా పూర్తి చేయాలని సికింద్రాబాద్‌ డివిజన్‌ రైల్వే మేనేజర్‌ డాక్టర్‌ గోపాలకృష్ణ అన్నారు. గురువారం మిర్యాలగూడ రైల్వేస్టేషన్‌లో జరుగుతున్న అభివృద్ధి పనులను ఆయన ఆకస్మికంగా తనిఖీ చేశారు. రెండవ ఫ్లాట్‌ఫారంపై ఉన్న సిగ్నల్‌ ఫొటోలు పని చేయకపోవడంతో తక్షణమే వాటిని మరమ్మతు చేయించాలని ఆదేశించారు. గూడ్స్‌ షెడ్‌లో సౌకర్యాలు మెరుగుపర్చాలని అవసరమైతే అదనపు నిర్మాణాలు చేపట్టాలని సూచించారు. నడికుడి – బీబీనగర్‌ రెండు లేన్ల నిర్మాణ పనులను సకాలంలో పూర్తి చేయాలని కాంట్రాక్టర్‌ను ఆదేశించారు.

సాక్షి ప్రతినిధి, నల్లగొండ : ప్రజల ఆకాంక్షలకు అనుగుణంగా పాలనను కొనసాగిస్తూ, సంక్షేమం, అభివృద్ధి, సామాజిక న్యాయానికి ప్రాధాన్యం ఇస్తున్నామని రోడ్లు, భవనాల శాఖ శాఖ మంత్రి కోమటిరెడ్డి వెంకట్‌రెడ్డి అన్నారు. ప్రజాపాలన దినోత్సవం సందర్భంగా గురువారం పోలీస్‌ పరేడ్‌ గ్రౌండ్‌లో జాతీయ పతాకాన్ని ఆవిష్కరించిన అనంతరం పోలీసుల గౌరవ వందనం స్వీకరించారు. తెలంగాణ విముక్తి కోసం పోరాడిన అమరులకు నివాళులర్పించి, జిల్లా అభివృద్ధి, సంక్షేమ కార్యక్రమాలను వివరించారు. అమరుల త్యాగాలతో విముక్తి సెప్టెంబర్‌ 17వ తేదీ తెలంగాణ చరిత్రలో కీలకమైన రోజని మంత్రి పేర్కొన్నారు. 1948లో ఇదే రోజున ఆపరేషన్‌ పోలో అనంతరం హైదరాబాద్‌ సంస్థానం భారత యూనియన్‌లో విలీనమైందన్నారు. సోనియాగాంధీ చొరవతో తెలంగాణ రాష్ట్రం ఏర్పడిందన్నారు. 2014 తర్వాత పదేళ్ల పాలనను ప్రజలు చూశారని, 2023 డిసెంబర్‌లో సీఎం రేవంత్‌రెడ్డి నాయకత్వంలో ప్రజా ప్రభుత్వం ఏర్పడిందన్నారు. వెయ్యి రోజుల పాలనలో సంక్షేమాన్ని విస్తరించడంతోపాటు సామాజిక న్యాయానికి ప్రాధాన్యం ఇచ్చామని చెప్పారు. ఎంజీయూలో కొత్త కోర్సులు మహాత్మాగాంధీ విశ్వవిద్యాలయంలో నూతన కోర్సులు ప్రారంభించామని తెలిపారు. ఇందిరమ్మ ఇళ్ల పథకం మొదటి విడతలో 4,862 ఇళ్ల గృహ ప్రవేశాలు జరిగాయని వెల్లడించారు. నీటిపారుదల, ఎత్తిపోతల పథకాల కోసం జిల్లాలో 2,062.34 ఎకరాల భూసేకరణ చేసి రూ.442 కోట్లు చెల్లించినట్లు తెలిపారు. భూభారతి పోర్టల్‌ ద్వారా జిల్లాలో 1,60,517 దరఖాస్తులు స్వీకరించగా 99.21 శాతం పరిష్కరించినట్లు మంత్రి తెలిపారు. 40 గ్రామాల్లో భూముల రీ–సర్వే ప్రారంభమైందని, 11 గ్రామాల్లో పూర్తయిందని, 5,463.27 ఎకరాల విస్తీర్ణాన్ని సర్వే చేసినట్లు పేర్కొన్నారు. కార్యక్రమంలో కలెక్టర్‌ బి.చంద్రశేఖర్‌, ఎస్పీ శరత్‌చంద్రపవార్‌, ప్రజాప్రతినిధులు పాల్గొన్నారు. ఫ ప్రజా ప్రభుత్వంలో అభివృద్ధి, సంక్షేమానికి పెద్దపీట ఫ రుణమాఫీతో రైతులకు లబ్ధి ఫ మహాలక్ష్మి పథకంతో ప్రయోజనం ఫ ప్రజా పాలన దినోత్సవంలో మంత్రి కోమటిరెడ్డి వెంకట్‌రెడ్డిరైతులకు చేయూతనిస్తూ రూ.2 లక్షల పంట రుణమాఫీ చేశామన్నారు. మహాలక్ష్మి పథకం కింద జిల్లాలో 8.70 కోట్ల మందికి ఉచిత ఆర్టీసీ ప్రయాణం కల్పించామన్నారు. రూ.500కే గ్యాస్‌ సిలిండర్‌ పథకం కింద 2,53,602 మంది లబ్ధిదారులకు ప్రయోజనం చేకూరిందన్నారు. గృహజ్యోతి పథకం కింద 2,55,182 మందికి రూ.209.53 కోట్ల సబ్సిడీతో నెలకు 200 యూనిట్ల ఉచిత విద్యుత్‌ అందిస్తున్నట్లు తెలిపారు. జిల్లాలో మహిళా పెట్రోల్‌ బంక్‌ ఏర్పాటు చేశామని, రూ.2.50 కోట్లతో నీలగిరి మహిళా మార్ట్‌ నిర్మాణ పనులు ప్రారంభించామన్నారు. 924 మహిళా స్వయం సహాయక సంఘాలకు రూ.82.88 కోట్ల రుణాలు, 2,409 గ్రూపులకు రూ.3.70 కోట్ల వడ్డీలేని రుణాలు ఇచ్చినట్లు చెప్పారు.

చిట్యాల : తెలంగాణ రైతాంగ సాయుధ పోరాట కాలంలో గుండ్రాంపల్లి గ్రామం రజాకార్ల దాడులకు ప్రధాన కేంద్రం. సయ్యద్‌ మక్బూల్‌ ఆధ్వర్యంలో రజాకార్లు సాగించిన దౌర్జన్యాలను ఈ ఊరంతా ఏకమై ఎదుర్కొంది. కొండవీటి గురునాథరెడ్డి, కొండవీటి జగన్మోహన్‌రెడ్డి, గుత్తా సీతారాంరెడ్డి వంటి నాయకుల నేతృత్వంలో గ్రామస్తులు పోరాట జెండాను ఎగురవేశారు. ఈ క్రమంలో తిరుగుబాటును అణచివేయడానికి రజాకార్లు సాగించిన అమానుషకాండ గుండ్రాంపల్లి చరిత్రలో అత్యంత విషాదకర ఘట్టం. విప్లవకారులుగా భావించిన ఆ గ్రామానికి చెందిన 30 మందికి పైగా యువకులను బంధించి, ఎడ్లబండికి కట్టి ఊరి నడిబొడ్డున ఉన్న (ప్రస్తుతం ఏపూరుకు వెళ్లే దారిలో) బావిలో పడేసి సజీవంగా సమాధి చేశారు. ఆ తర్వాత జరిగిన పలు దాడుల్లో మరో వంద మందికి పైగా పోరాటయోధులు అమరులయ్యారు. నాటి పోరాటానికి సాక్ష్యంగా నిలిచిన ఆ చారిత్రక బావి పైనే నిర్మించిన అమరవీరుల స్థూపం నేటికీ జ్ఞాపకంగా నిలిచిపోయింది. చరిత్రను కాపాడుకోవాలంటున్న కొత్త తరం.. గుండ్రాంపల్లి గ్రామాభివృద్ధితో పాటు చారిత్రక ప్రాధాన్యాన్ని కూడా కాపాడుకోవాలని నేటి యువత భావిస్తోంది. నాటి పోరాట స్ఫూర్తితో ఆ గ్రామ యువతతో పాటు గ్రామస్తులంతా రాజకీయ పార్టీలకు అతీతంగా తెలంగాణ మలిదశ ఉద్యమంలో చురుకుగా పాల్గొన్నారు. గ్రామం అభివృద్ధి చెందాలంటే విజ్ఞానాన్ని పెంపొందించాలనే లక్ష్యంతో, ఇరవై ఏళ్ల క్రితమే యువత స్వచ్ఛందంగా గ్రామంలో గ్రంథాలయాన్ని ఏర్పాటు చేసి నిర్వహిస్తున్నారు. ఈ గ్రంథాలయ స్ఫూర్తితో ప్రస్తుతం చుట్టుపక్కల గ్రామాల్లో మరో 30కి పైగా గ్రంథాలయాలు ఏర్పాటయ్యాయి. అంతేకాకుండా, ఈ గ్రామం జాతీయ రహదారిపై ఉండటంతో అన్ని రంగాల్లో అభివృద్ధి చెందుతోంది. పోరాట చరిత్రయే మా వారసత్వం అన్నట్లుగా.. ప్రజా సమస్యలపై నిలదీసే తత్వంతో ఈ గ్రామ యువత చైతన్యవంతంగా ఉంటుంది. ఫ సాయుధ పోరాట అమరుల త్యాగాలను స్మరించుకుంటున్న నేటి తరం ఫ ప్రజా సమస్యలపై నేటికీ తగ్గని యువకుల పోరాట స్ఫూర్తి ఫ నేడు హైదరాబాద్‌ సంస్థానం విముక్తి పొందిన రోజు నిజాంకు నవాబుకు, రాజ కార్లకు వ్యతిరేకంగా పోరా టం చేసిన గుండ్రాంపల్లి గ్రామ చరిత్రకు తగిన గుర్తింపును ప్రభుత్వాలు ఇవ్వాలి. పోరాట చరిత్రను పాఠ్యాంశాలలో చేర్చటంతో పాటు ఏటా సెప్టెంబర్‌ 17న మా గ్రామంలో అధికారికంగా ఉత్సవాలను నిర్వహించాలి. – అనుముల శ్రీనివాస్‌, స్థానికుడు మా గుండ్రాంపల్లి గ్రామానికి ఎంతో చారిత్రక ప్రాధాన్యం ఉంది. నాటి రైతాంగ సాయుధ పోరాటంతో పాటు తెలంగాణ మలిదశ ఉద్యమంలో సైతం మా గ్రామంలో యువత ముందుంది. మా గ్రామ పంచాయతీకి ప్రత్యేక నిధులను కేటాయించి అభివృద్ధి చేసేందుకు ప్రభుత్వం సహకరించాలి. – బత్తుల లక్ష్మీప్రసన్న, స్థానికురాలు గ్రామాన్ని సందర్శించిన ప్రముఖులు.. కేంద్ర హోంమంత్రి అమిత్‌షా 2017 జూలైలో గుండ్రాంపల్లి గ్రామాన్ని సందర్శించారు. నాటి పోరాటంలో అమరులైన వీరుల కుటుంబాలను ఆయన సత్కరించారు. 2017 ఆగస్టులో ప్రస్తుత కేంద్ర హోం శాఖ సహాయ మంత్రి బండి సంజయ్‌ పాదయాత్ర చేస్తూ ఈ గ్రామాన్ని సందర్శించారు. వీరితో పాటు సీపీఐ మాజీ జాతీయ కార్యదర్శి సురవరం సుధాకర్‌రెడ్డి, సీపీఐ జాతీయ నాయకులు ఎన్‌.గిరిప్రసాద్‌, ధర్మభిక్షం, గద్దర్‌, మాజీ సీఎం కేసీఆర్‌, మావోయిస్ట్‌ పార్టీ రాష్ట్ర మాజీ కార్యదర్శి సాంబశివుడు తదితరులు గతంలో ఈ గ్రామాన్ని పలుమార్లు సందర్శించి అమరవీరుల స్థూపం వద్ద నివాళులర్పించారు.

నల్లగొండ టూటౌన్‌ : ప్రకాశం బజారులోని వస్త్రలత బజారులో నిర్మించిన చేపల మార్కెట్‌ దుకాణాలకు అద్దె వసూలు చేయడం లేదు. ఆ దుకాణాలకు అద్దె నిర్ణయించకపోవడంతో ఉచితంగా వ్యాపారులకు ఇచ్చారా అనే విమర్శలు వ్యక్తమవుతున్నాయి. దానికి పక్కనే మటన్‌ మార్కెట్‌ నూతన భవనం నిర్మాణం చేపట్టి ఒక్కో దుకాణానికి నెలకు రూ.3 వేల అద్దె ఖరారు చేసి వసూలు చేస్తున్నారు. కానీ చేపల మార్కెట్‌లోని దుకాణాలకు అద్దె వసూలు చేయకుండా ఎందుకు నిర్లక్ష్యం చేస్తున్నారనే విమర్శలు వస్తున్నాయి. రూ.అరకోటి ఆదాయం కోల్పోయిన మున్సిపాలిటీ.. చేపల మార్కెట్‌లో నిర్మించిన ఎనిమిది దుకాణా లకు సరిపడా తాగునీటిని సైతం మున్సిపల్‌ కార్పొరేషన్‌ అందిస్తోంది. దాదాపు 16 ఏళ్లకు పైగానే వాటిల్లో చిరు వ్యాపారం చేస్తున్నారు. ఎంతో ఖరీదైన ప్రాంతంలో ఉన్న ఈ ఎనిమిది దుకాణాలకు బయటి మార్కెట్‌ ప్రకారం అయితే అద్దె ఎక్కువగానే ఉంటుంది. మటన్‌ షాపుల ప్రకారం ఒక్కో దుకాణానికి నెలకు రూ.3 వేలు నిర్ణయిస్తే ఏడాదికి మొత్తం దుకాణాలకు రూ.2,88,000 వేల ఆదాయం వచ్చే అవకాశం ఉంటుంది. ఈ లెక్కన గత 16 ఏళ్ల నుంచి మున్సిపాలిటీ రూ.45 లక్షల నుంచి రూ.50 లక్షల వరకు ఆదాయం కోల్పోయింది. అసలే ఆదాయం సరిగా లేదని చెబుతూ ఉన్న ఆదాయ వనరులను కూడా పట్టించుకోకపోవడంతో వెనుక ఉన్న ఆంతర్యమేమిటనే ప్రశ్నలు వస్తున్నాయి. ఇప్పటికై నా సంబంధిత అధికారులు చేపల మార్కెట్‌ దుకాణాలకు అద్దె నిర్ణయించి వసూలు చేయాల్సిన అవసరం ఉందనే అభిప్రాయాలు వ్యక్తం అవుతున్నాయి. ఫ నీలగిరిలో చేపల మార్కెట్‌లో అద్దె వసూలు చేయని యంత్రాంగం ఫ పక్కనే ఉన్న మటన్‌ మార్కెట్‌ దుకాణాలకు రూ.3 వేలు అద్దె ఫ ఆదాయం కోల్పోతున్న మున్సిపల్‌ కార్పొరేషన్‌

● జాతీయ పతాకాన్ని ఆవిష్కరించనున్న మంత్రి కోమటిరెడ్డి వెంకట్‌రెడ్డి నల్లగొండ : తెలంగాణ ప్రజా పాలనా దినోత్సవం సందర్భంగా నల్లగొండలోని పోలీస్‌ పరేడ్‌ అన్ని ఏర్పాటు చేసినట్లు కలెక్టర్‌ బి.చంద్రశేఖర్‌ తెలిపారు. బుధవారం ఆయన ఎస్పీ శరత్‌చంద్ర పవార్‌తో కలిసి పోలీస్‌ పరేడ్‌ మైదానాన్ని పరిశీలించారు. ఈ సందర్భంగా కలెక్టర్‌ మాట్లాడుతూ ప్రజాపాలన దినోత్సవ వేడుకలకు రాష్ట్ర రోడ్లు, భవనాలు, సినిమాటోగ్రఫీ శాఖల మంత్రి కోమటిరెడ్డి వెంకట్‌రెడ్డి హాజరవుతారని తెలిపారు. ఆయన జాతీయ పతాకాన్ని ఎగురవేసి.. జిల్లా ప్రజలను ఉద్దేశించి సందేశం ఇస్తారని పేర్కొన్నారు. కుట్టు మిషన్లకు దరఖాస్తులునల్లగొండ : జిల్లాలోని వెనుకబడిన తరగతుల (బీసీ) కులాలకు చెందిన నిరుద్యోగ మహిళలకు ఉపాధి కల్పించేందుకు ‘ఇంటింటా ఇందిరమ్మ కుట్టు మిషన్ల పంపిణీ పథకం’ ప్రారంభించినట్లు జిల్లా బీసీ అభివృద్ధి అధికారి ఎ.సంజీవయ్య బుధవారం ఒక ప్రకటనలో తెలిపారు. ఈ పథకం కింద అర్హులైన మహిళలకు కుట్టు మిషన్లను 100 శాతం సబ్సిడీపై అందించనున్నట్లు తెలిపారు. అర్హులైన వారు సెప్టెంబర్‌ 30లోగా ఆన్‌లైన్‌లో దరఖాస్తు చేసుకోవాలని సూచించారు. అర్హులైన మహిళలు tgobmms.cgg.gov.in వెబ్‌సైట్‌ ద్వారా దరఖాస్తు చేసి.. ఆ పత్రాన్ని డౌన్‌లోడ్‌ చేసుకుని గ్రామీణ ప్రాంతాల వారు సంబంధిత ఎంపీడీఓలకు, పట్టణ ప్రాంతాల వారు మున్సిపల్‌ కమిషనర్లకు సెప్టెంబర్‌ 30లోగా సమర్పించాలని పేర్కొన్నారు.

నల్లగొండ : ఎల్‌నినో దృష్ట్యా భూగర్భ జలవనరుల సద్వినియోగంపై ప్రతి ఒక్కరూ దృష్టి సారించాలని కలెక్టర్‌ చంద్రశేఖర్‌ అన్నారు. బుధవారం కలెక్టరేట్‌ సమావేశ మందిరంలో నిర్వహించిన భూగర్భ జల వనరుల అంచనా జిల్లాస్థాయి సమన్వయ కమిటీ సమావేశంలో ఆయన మాట్లాడారు. భూగర్భ జలా లు క్లిష్టమైన పరిస్థితులున్న ప్రాంతాలు, ఎక్కువ వినియోగం ఉన్న మండలాల్లో తక్షణమే నీటి సంరక్షణ చర్యలను చేపట్టాలని అధికారులను ఆదేశించారు. ప్రభుత్వ సంస్థల్లో వాన నీటి సంరక్షణ చర్యలు చేపట్టాలన్నారు. అనంతరం భూగర్భ జల వనరుల శాఖ డిప్యూటీ డైరెక్టర్‌ జ్యోతికుమార్‌ పవర్‌ పాయింట్‌ ప్రజెంటేషన్‌ ద్వారా జిల్లాలో భూగర్భ జలాల పరిస్థితిని వివరించారు. సమావేశంలో అదనపు కలెక్టర్‌ శ్రీనివాస్‌, స్థానిక సంస్థల ఇన్‌చార్జి అదనపు కలెక్టర్‌ ప్రేమ్‌కరణ్‌రెడ్డి, డిప్యూటీ కలెక్టర్‌ (ట్రెయినీ) శ్రీకాంత్‌రెడ్డి, డీఆర్‌డీఓ శేఖర్‌రెడ్డి, ఆర్డీవోలు అశోక్‌రెడ్డి, రమణారెడ్డి తదితరులు పాల్గొన్నారు. కలెక్టర్‌ చంద్రశేఖర్‌

నాగార్జునసాగర్‌ : నాగార్జునసాగర్‌లో విదేశీ బౌద్ధ భిక్షువుల బృందం శనివారం భిక్షాటన (పిండపాత) చేసింది. కొన్నిరోజులుగా థాయిలాండ్‌, కంబోడియా దేశాలకు చెందిన బౌద్ధ భిక్షువుల బృందం వర్షావాస కార్యక్రమంలో భాగంగా బుద్ధవనంలో ఆవాసం ఏర్పాటు చేసుకుని ఉంటోంది. వారి దిన చర్యలో భాగంగా నందికొండ మున్సిపాలిటీ పరిధిలోని హిల్‌కాలనీ, పైలాన్‌ కాలనీ వీధుల్లో భిక్షాటన చేస్తున్నారు. ఈ సందర్భంగా బౌద్ధ బిక్షువులను స్థానికులు స్వయంగా తమ ఇళ్లకు ఆహ్వానించి ఆహార పదార్థాలు అందజేస్తున్నారు. వీరి వెంట బుద్ధవనం సిబ్బంది ఉన్నారు.

రామగిరి (నల్లగొండ) : రామగిరి ముత్యాలమ్మ అమ్మవారి రథయాత్ర శనివారం రాత్రి వైభవంగా సాగింది. మేయర్‌ బుర్రి చైతన్య శ్రీనివాసరెడ్డి, కార్పొరేటర్‌ అబ్బగోని కవిత రమేష్‌గౌడ్‌ ప్రత్యేక పూజలు నిర్వహించి రథయాత్రను ప్రారంభించారు. ఈ సందర్భంగా మేయర్‌ బుర్రి చైతన్య మాట్లాడుతూ అమ్మవారి ఆశీస్సులతో ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు. రథయాత్రలో కళాకారులు ప్రదర్శించిన నృత్యాలు భక్తులను విశేషంగా ఆకట్టుకున్నాయి. కార్యక్రమంలో ఆలయ అర్చకులు ఎలిజాల అంజయ్య, మునాస్‌ వెంకన్న తదితరులున్నారు.

రామగిరి(నల్లగొండ) : రాష్ట్ర న్యాయ సేవాధికార సంస్థ ఆదేశాల మేరకు జిల్లావ్యాప్తంగా నిర్వహించిన జాతీయ లోక్‌ అదాలత్‌లో 12,283 కేసులు పరిష్కారమయ్యాయని జిల్లా ప్రధాన న్యాయమూర్తి, జిల్లా న్యాయ సేవాధికార సంస్థ చైర్మన్‌ పి.వసంత్‌ తెలిపారు. శనివారం జిల్లాలోని అన్ని కోర్టు ప్రాంగణాలలో లోక్‌ అదాలత్‌ ముగిసిన అనంతరం ఆయన నల్లగొండలో మాట్లాడారు. కక్షిదారుల సౌకర్యార్థం జిల్లా వ్యాప్తంగా మొత్తం 14 లోక్‌ అదాలత్‌ బెంచీలను ఏర్పాటు చేశామని పేర్కొన్నారు. ఈ బెంచీల ద్వారా పలు విభాగాలకు చెందిన మొత్తం 12,283 పెండింగ్‌, ప్రీ లిటిగేషన్‌ కేసులు రాజీ మార్గం ద్వారా పరిష్కరమయ్యాయని చెప్పారు. లోక్‌ అదాలత్‌ ద్వారా లభించే తీర్పునకు ఎలాంటి అప్పీలు ఉండదని, ఇరువర్గాలు సామరస్యంగా వివాదాలను ముగించుకోవచ్చని చెప్పారు. మొత్తం 12,283 కేసుల్లో క్రిమినల్‌ 2,813, సివిల్‌ 33, మోటార్‌ వాహన ప్రమాద బీమా 68, ట్రాఫిక్‌ చలాన్లు 9,281, బ్యాంకు రికవరీ 77, సైబర్‌ క్రైం 11 కేసులు పరిష్కారమయ్యాయని వివరించారు. కార్యక్రమంలో జిల్లా న్యాయ సేవా అధికార సంస్థ కార్యదర్శి హిమబిందు, బార్‌ అసోసియేషన్‌ అధ్యక్ష, కార్యదర్శులు ఎ.సతీష్‌కుమార్‌, బి.అశోక్‌కుమార్‌, న్యాయవాదులు తదితరులు పాల్గొన్నారు.

నీళ్లులేక నిలువునా ఎండుతున్న వరి, పత్తి కాలం కాటేసింది.. కరెంటు కష్టాలు తోడయ్యాయి.. వెరసి అన్నదాత ఆశలు ఆవిరయ్యాయి. భూగర్భ జలాలు అడుగంటి, బోర్లు వట్టిపోవడంతో గుక్కెడు నీళ్లు లేక పంటలు కళ్లెదుటే ఎండిపోతున్నాయి. ఆరుగాలం కష్టపడి పెట్టిన పెట్టుబడి అంతా మట్టిపాలు కావడంతో రైతులు కన్నీరుమున్నీరవుతున్నారు. దిక్కుతోచని స్థితిలో పంటను పశువులకు వదిలేస్తున్నారు. పత్తి చేనులో దిగాలుగా కూర్చున్న ఈ మహిళా రైతు సపావట్‌ సుకన్య. చందంపేట మండలం బిల్డింగ్‌తండాకు చెందిన ఈమె తనకున్న ఆరెకరాల్లో పత్తి సాగు చేశారు. ఎల్‌నినో కారణంగా వర్షాలు లేకపోవడంతో పత్తి చేను వాడు పట్టింది. గతంలో అదే చేనులో 65 క్వింటాళ్ల దిగుబడి వచ్చింది. ఇప్పుడు పెట్టుబడి మొత్తంగా రూ.2లక్షలు ఖర్చయిందని, ఆ డబ్బులు కూడా వచ్చే పరిస్థితి లేదని ఆవేదన చెందుతోంది. ఫ అడుగంటిన భూగర్భ జలాలు.. వట్టిపోతున్న బోర్లు ఫ లోవోల్టేజీ, కరెంటు కోతలతో మరిన్ని కష్టాలు ఫ చేలను పశువులకు వదిలేస్తున్న రైతులు సాక్షి ప్రతినిధి, నల్లగొండ : రైతులు ఎన్నో ఆశలు పెట్టుకుని సాగు చేసిన పంటలు ఎండిపోతున్నాయి. వర్షాలు కురవక, చెరువులు, కుంటల్లో నీరు లేక, భూగర్భ జలాలు అడుగంటిపోయి బోర్లు వట్టిపోతున్నాయి. అక్కడక్కడా పని చేస్తున్న బోర్లతో మిగిలిన పంటను కాపాడుకుందామనుకుంటే విద్యుత్‌ కోతలు, లోవోల్టేజీ సమస్యలు శాపంగా మారాయి. గంటల తరబడి కరెంటు కోసం ఎదురుచూడాల్సి రావడం, వచ్చినా మళ్లీ మధ్యలోనే విద్యుత్‌ సరఫరా నిలిచిపోతుండటంతో పొలాలకు నీరందడం లేదు. దీంతో చాల పాంత్రాల్లో ప్రాంతాల్లో పంటలు ఎండిపోతున్నాయి. అనధికార విద్యుత్‌ కోతలు జిల్లాలో అనధికార విద్యుత్‌ కోతలు కొనసాగుతున్నాయి. గతంలో 18 గంటలు ఇచ్చిన విద్యుత్‌ సరఫరాను కుదించారు. ఎప్పుడు ఇస్తారో.. ఎప్పుడు కోత పెడతారో తెలియని పరిస్థితి నెలకొంది. మునుగోడు డివిజన్‌లో జూన్‌లో 18 గంటల త్రీఫేజ్‌ విద్యుత్‌ ఇవ్వగా.. ప్రస్తుతం తగ్గించేశారు. చండూరు, జిల్లాలోని ఇతర మండలాల్లో ఏడెనిమిది గంటలు కూడా విద్యుత్‌ సరఫరా కావడం లేదని రైతులు ఆందోళన చెందుతున్నారు. లక్ష ఎకరాల్లో ఎండిన పంటలు జిల్లాలో ఈ వానాకాలంలో 4,39,617 ఎకరాల్లో వరి, 6,01,459 ఎకరాల్లో పత్తి పంట సాగు చేశారు. ఇతర పంటలు కలుపుకొని 10,76,573 ఎకరాల్లో పంటలు సాగైనట్లు వ్యవసాయ శాఖ లెక్కలు తేల్చింది. ప్రస్తుతం నల్లగొండ, కనగల్‌, మునుగోడు మండలాల్లో పెద్ద ఎత్తున పంటలు ఎండిపోయాయి. ఇతర మండలాల్లోనూ ఇదే పరిస్థితి నెలకొంది. ఇలా మొత్తంగా జిల్లాలో లక్ష ఎకరాల్లో పంటలు ఎండిపోయినట్లు అధికారులు భావిస్తున్నారు. కనగల్‌ మండలం బుడుమర్లపల్లిలో బీటలువారిన వరి చేను, చందంపేట మండలం బిల్డింగ్‌తండాలో వర్షాలు లేక వాడుపట్టిన పని చేను

నల్లగొండ : వానాకాలం సీజన్‌లో ప్రభుత్వం కొనుగోలు చేసే ధాన్యాన్ని నిల్వ చేసేందుకు అధికారులు ముందస్తు చర్యలు చేపట్టారు. జిల్లాలోని పలు రైస్‌ మిల్లుల్లో నిల్వ సామర్థ్యం సరిపోకపోవడంతో ప్రత్యామ్నాయంగా అందుబాటులో ఉన్న స్థలాలను గుర్తిస్తున్నారు. ధాన్యం నిల్వకు అనువుగా ఉన్న ప్రైవేట్‌ గోదాంలు, మార్కెట్‌ యార్డులు, మూతపడిన ఫంక్షన్‌ హాళ్లు, వినియోగంలో లేని ఇండస్ట్రియల్‌ భవనాలు, రైతువేదికలు, మార్కెట్‌ యార్డుల్లోని ఖాళీ ప్రదేశాలను అధికారులు పరిశీలిస్తున్నారు. ధాన్యం కొనుగోళ్లు ప్రారంభమైన తర్వాత నిల్వకు ఇబ్బందులు తలెత్తకుండా ముందుగానే ఏర్పాట్లు చేయాలన్న ఉద్దేశంతో ఈ కసరత్తు చేపడుతున్నారు. తహసీల్దార్లకు బాధ్యత.. ధాన్యం నిల్వకు అవసరమైన స్థలాల గుర్తింపు బాధ్యతను పౌరసరఫరాల శాఖ అధికారులతో పాటు తహసీల్దార్లకు కూడా అప్పగించారు. ఇప్పటికే జిల్లా వ్యాప్తంగా అధికారులు క్షేత్రస్థాయిలో పర్యటిస్తూ రైతువేదికలు, ఇతర అందుబాటులో ఉన్న ప్రదేశాలను వారు పరిశీలిస్తున్నారు. స్థల విస్తీర్ణం, ధాన్యం నిల్వకు అనుకూలత తదితర అంశాలను పరిశీలించి నివేదికలు సిద్ధం చేస్తున్నారు. ఈ నెల 30లోగా నివేదిక.. వానాకాలం ధాన్యం కొనుగోళ్ల అనంతరం నిల్వకు అవసరమైన స్థలాల గుర్తింపు ప్రక్రియను ఈ నెలాఖరులోగా పూర్తి చేయాలని అధికారులు లక్ష్యంగా పెట్టుకున్నారు. గుర్తించిన స్థలాల వివరాలతో కూడిన నివేదికలను ఈ నెల 30లోగా పౌరసరఫరాల శాఖ కమిషనర్‌కు పంపించనున్నారు. తుది నిర్ణయం ఎస్‌డబ్ల్యూఎస్‌దే.. అధికారులు గుర్తించిన అన్ని స్థలాలను స్టేట్‌ వేర్‌ హౌసింగ్‌ కార్పొరేషన్‌ (ఎస్‌డబ్ల్యూఎస్‌) అధికారులు పరిశీలించి, ధాన్యం నిల్వకు అనువుగా ఉన్న వాటిని తుది ఎంపిక చేయనున్నారు. ఎస్‌డబ్ల్యూఎస్‌ అధికారులు నిర్ణయించే రేట్ల ప్రకారం ఎంపిక చేసిన స్థలాలకు అద్దె చెల్లించి వినియోగించుకోనున్నారు. ధాన్యం నిల్వకు అవసరమైన స్థలాల తుది నిర్ణయం కూడా సంబంధిత ఎస్‌డబ్ల్యూఎస్‌ అధికారుల పరిశీలన అనంతరం జరుగుతుంది. ఆరుబయట నిల్వకు చెక్‌.. గతంలో ప్రభుత్వ ధాన్యాన్ని మిల్లులకు అప్పగించిన సమయంలో కొన్ని మిల్లుల్లో స్థలం లేకపోవడంతో ధాన్యాన్ని ఆరుబయట లాట్లుగా ఏర్పాటు చేసి టార్పాలిన్లతో కప్పి ఉంచేవారు. వర్షాలు కురిసిన సందర్భాల్లో ధాన్యం కొంత తడిసి దెబ్బతినేది. మరోవైపు మిల్లుల సామర్థ్యానికి మించి ధాన్యం రావడం కూడా నిల్వ సమస్యకు కారణమవుతోంది. ఈ నేపథ్యంలో ముందుగానే ప్రత్యామ్నాయ స్థలాలను గుర్తించి సిద్ధంగా ఉంచనున్నారు.ధాన్యం నిల్వల కోసం స్థలాలను గుర్తించాలని కమిషనర్‌ నుంచి ఆదేశాలు వచ్చాయి. ఈ నెల చివరిలోగా స్థలాలను గుర్తించి నివేదికను పంపిస్తాం. గుర్తించిన స్థలాలను ఎస్‌డబ్ల్యూఎస్‌ అధికారులే పరిశీలించి తుది నిర్ణయం తీసుకుంటారు. – రాంపతి, పౌరసరఫరాల శాఖ డీఎం ఫ ధాన్యం కొనుగోళ్లకు ముందే కసరత్తు ఫ మిల్లుల్లో నిల్వ సామర్థ్యం సరిపోక.. ప్రత్యామ్నాయాల గుర్తింపు ఫ ప్రైవేట్‌ గోదాంలు, మార్కెట్‌ యార్డులు, రైతువేదికల పరిశీలన

దేవరకొండ మున్సిపాలిటీలో పేరుకుపోతున్న నల్లా బిల్లులుదేవరకొండ : దేవరకొండ మున్సిపాలిటీలో నల్లా బకాయిలు భారీగా పేరుకుపోయాయి. సకాలంలో బిల్లులు వసూలు కాకపోవడంతో మున్సిపల్‌ యంత్రాంగం ప్రత్యేక డ్రైవ్‌ చేపట్టింది. బకాయిలు చెల్లించని వారికి నోటీసులు జారీ చేయడంతోపాటు, నల్లా కనెక్షన్లు తొలగించేందుకు చర్యలు వేగవంతం చేసింది. పట్టణ పరిధిలోని 20 వార్డుల్లో మొత్తం 6,165 నల్లా కనెక్షన్లు ఉన్నాయి. 2026–27 సంవత్సరానికి గాను రూ.3.85 కోట్ల డిమాండ్‌ ఉండగా, ఇప్పటివరకు కేవలం రూ.12 లక్షలు మాత్రమే వసూలయ్యాయి. ఇంకా రూ.3.73 కోట్ల బకాయిలు రాబట్టాల్సి ఉంది. పట్టణంలో వాణిజ్య కార్యకలాపాలు, భవన నిర్మాణాలు పెరిగినప్పటికీ.. నల్లా బిల్లుల చెల్లింపులో యజమానులు నిర్లక్ష్యం వహిస్తున్నారని అధికారులు తెలిపారు.

నల్లగొండ టూటౌన్‌ : నల్లగొండలోని మహాత్మా గాంధీ యూనివర్సిటీ (ఎంజీయూ)లో వసూళ్ల దందా కొనసాగుతోంది. విద్యార్థులకు విద్యాబుద్ధులు నేర్పించి వారిని సన్మార్గంలో పెట్టాల్సిన అధ్యాపకులు వక్రబుద్ధితో వ్యవహరిస్తున్న విషయం తాజాగా కలకలం రేపుతోంది. యూనివర్సిటీలోని ఇంజనీరింగ్‌ కళాశాలలోని బీటెక్‌ మూడో సంవత్సరానికి చెందిన ఓ విద్యార్థిని వద్ద అదే డిపార్ట్‌మెంట్‌ అధ్యాపకురాలు తన వ్యక్తిగత అవసరం కోసం రూ.30 వేలు బదులుగా తీసుకున్నట్లు విశ్వనీయవర్గాల ద్వారా తెలిసింది. అవసరానికి తీసుకున్న డబ్బులను తిరిగి ఇవ్వాలని సదరు విద్యార్థిని అధ్యాపకురాలిని కోరింది. డబ్బులు అడిగితే నిన్ను సబ్జెక్టులో ఫెయిల్‌ చేస్తానని అధ్యాపకురాలు విద్యార్థినిపై బెదిరింపులకు పాల్పడడంతో యూనివర్సిటీలో పెద్ద పంచాయితీ జరిగి విషయం కాస్త బయటికి పొక్కింది. అధ్యాపకురాలు, విద్యార్థిని మధ్య వాట్సప్‌ చాటింగ్‌లో కూడా విద్యార్థిని అధ్యాపకురాలిని గట్టిగానే ప్రశ్నించడం ఇరువురి మధ్య వాదోపవాదాలు జరిగినట్టు కళాశాలలో ప్రచారం జరుగుతోంది. ఈ విషయం యూనివర్సిటీ అధ్యాపకుల్లో కూడా చర్చనీయాంశంగా మారింది. కాగా ఈ పంచాయితీ వైస్‌ ఛాన్స్‌లర్‌ దగ్గరికి చేరినట్లు సమాచారం. గతంలో పరీక్ష ఫీజు పేరిట రూ.5 లక్షలు వసూలు చేసిన కాంట్రాక్టు అధ్యాపకుడు మహాత్మాగాంధీ యూనివర్సిటీలో విద్యార్థుల నుంచి కొందరు అధ్యాపకులు డబ్బులు వసూలు చేస్తున్నారు. విద్యార్థుల అమాయకత్వాన్ని ఆసరాగా చేసుకుంటున్న కొందరు అధ్యాపకులు సబ్జెక్టుల్లో ఫెయిల్‌ కాకుండా తాము చూసుకుంటామని వసూళ్ల దందా నడిపిస్తున్నారనే విమర్శలు ఉన్నాయి. వీటిపై యూనివర్సిటీ పెద్దలు పట్టించుకోవడం లేదనే ఆరోపణలు వినిపిస్తున్నాయి. గతంలో ఓ కాంట్రాక్టు అధ్యాపకుడు పరీక్ష ఫీజు కోసం వసూలు చేసిన రూ.5 లక్షలతో రెండు నెలల పాటు ఉడాయించిన ఘటన జరిగిన విషయం తెలిసిందే. సదరు అధ్యాపకుడు చేసిన ఘనకార్యంపై యూనివర్సిటీ పెద్ద ఎలాంటి చర్యలు తీసుకోకపోవడంతో ఎవరి ఇష్టం వచ్చినట్లు వారు వ్యవహరిస్తున్నారనే ఆరోపణలు లేకపోలేదు. కనీసం సస్పెండ్‌ చేయడం గానీ, పోలీస్‌ కేసు పెట్టడం లాంటి చర్యలు లేకపోవడంతో డబ్బులు వసూల్‌ దందాకు తెరలేపినట్లు తెలుస్తోంది. ఇప్పటికై నా యూనివర్సిటీ పెద్దలు స్పందించి యూనివర్సిటీలో జరుగుతున్న డబ్బుల వసూళ్ల దందాపై దృష్టి పెట్టిన అక్రమాలకు పాల్పడుతున్న వారిపై చర్యలు తీసుకోవాల్సిన అవసరం ఉంది. విద్యార్థిని నుంచి అధ్యాపకురాలు డబ్బులు తీసుకున్న విషయం నా దృష్టికి రాలేదు. విద్యార్థిని, అధ్యాపకురాలి మధ్య భిన్నాభిప్రాయాలు వచ్చినట్లు తెలిసింది. దీనిపై పూర్తి వివరాలు తెలుసుకుని విచారిస్తాం. – హరీష్‌కుమార్‌, ఇంజనీరింగ్‌ కళాశాల ప్రిన్సిపాల్‌ ఎంజీ యూనివర్సిటీలో ఓ అధ్యాపకురాలి వక్రబుద్ధి ఫ ఇంజనీరింగ్‌ విద్యార్థిని నుంచి రూ.30 వేలు బదులు పేరిట వసూలు ఫ ఇరువురి మధ్య వాదోపవాదాలు ఫ వీసీ వద్దకు చేరిన డబ్బుల పంచాయితీ ఫ గతంలోనూ పరీక్ష ఫీజులతో ఉడాయించిన కాంట్రాక్టు అధ్యాపకుడు

నల్లగొండ : చేయూత పింఛన్ల పథకం కింద వచ్చిన దరఖాస్తుల పరిశీలన ప్రక్రియ ప్రారంభమైంది. ప్రభుత్వం తొలి విడతగా దివ్యాంగులు, ఒంటరి మహిళలు, వితంతువులు, చేనేత, గీత కార్మికులతో కలిపి ఐదు విభాగాల వారికి చేయూత పింఛన్లు అందించేందుకు దరఖాస్తులను ఆహ్వానించింది. దరఖాస్తుల స్వీకరణకు ఈనెల 15 వరకు గడువు విధించగా జిల్లావ్యాప్తంగా ఇప్పటి వరకు 30,330 దరఖాస్తులు అందాయి. ఈనెల 25లోగా క్షేత్రస్థాయిలో దరఖాస్తులను పరిశీలించి అర్హులను గుర్తించేందుకు అధికారులు చర్యలు చేపట్టారు. ఇంటింటికీ వెళ్లి.. దరఖాస్తుల పరిశీలన ప్రక్రియను పర్యవేక్షించేందుకు అధికారులు ఇప్పటికే డీవీఓలను నియమించి, మండలాల వారీగా బాధ్యతలు అప్పగించారు. ఆయా మండలాల్లోని గ్రామాల్లో డీవీఓలు పంచాయతీ కార్యదర్శులతో కలిసి దరఖాస్తుదారుల ఇళ్లకు వెళ్లి క్షేత్రస్థాయిలో పరిశీలించి నిర్ధారించనున్నారు. ఈ ప్రక్రియ పరిశీలనకు అధికారులు ప్రత్యేకంగా శ్రీచేయూత మొబైల్‌ వెరిఫికేషన్‌ యాప్‌శ్రీను అందుబాటులోకి తెచ్చారు. దరఖాస్తుదారుల వివరాల పరిశీలన పూర్తయిన వెంటనే యాప్‌లో అప్‌లోడ్‌ చేయనున్నారు. అర్హత ఉన్న ప్రతి ఒక్కరికీ పథకం ద్వారా ప్రయోజనం చేకూర్చేలా అధికారులు పకడ్బందీగా దరఖాస్తుల పరిశీలను చేపడుతున్నారు. ముగిసిన ఖేలో ఇండియా ఖోఖో పోటీలుకనగల్‌ : కనగల్‌ ఎక్స్‌ రోడ్‌లోని స్ఫూర్తి స్కూల్‌లో గురువారం నిర్వహించిన జిల్లాస్థాయి అస్మిత ఖేలో ఇండియా ఖోఖో పోటీలు ప్రశాంతంగా ముగిశాయి. 22 జట్లు పాల్గొనగా మొదటి స్థానాన్ని మహాత్మాగాంధీ జ్యోతిరావు ఫూలే జూనియర్‌ కళాశాల దామరచర్ల జట్టు, రెండవ స్థానాన్ని మహాత్మా జ్యోతిరావు ఫూలే హైస్కూల్‌ నల్లగొండ, మూడో స్థానాన్ని ట్రైబల్‌ వెల్ఫేర్‌ జూనియర్‌ కళాశాల దామరచర్ల, నాలుగో స్థానాన్ని కేజీబీవీ చింతపల్లి జట్లు చేజిక్కించుకున్నాయి. తొలుత పోటీలను కనగల్‌ సర్పంచ్‌ నర్సింగ్‌ మురళీధర్‌గౌడ్‌ ప్రారంభించగా పాఠశాల కరస్పాండెంట్‌ నక్కల రమేష్‌, డైరెక్టర్‌ అలివేలు జ్యోతి ప్రజ్వలన చేశారు. గెలుపొందిన జట్లకు మాజీ జెడ్పీటీసీ నర్సింగ్‌ శ్రీనివాస్‌గౌడ్‌ చేతుల మీదుగా బహుమతులు ప్రదానం చేశారు. కార్యక్రమంలో రాష్ట్ర ఖోఖో సంఘం ప్రధాన కార్యదర్శి నాతి కృష్ణమూర్తి, ఎస్‌జీఎఫ్‌ కార్యదర్శులు శ్రీనివాస్‌రెడ్డి, నర్సిరెడ్డి, ఆదర్శ పాఠశాల ప్రిన్సిపాల్‌ థామాషాయ, ఉప సర్పంచ్‌ మండలి చంద్రయ్య, పీడీలు, పీఈటీలు, కోచ్‌లు తదితరులు పాల్గొన్నారు. ఫ 25లోగా అర్హుల గుర్తించేందుకు కసరత్తు ప్రారంభం ఫ ఇప్పటి వరకు అందిన దరఖాస్తులు 30,330 ఫ దరఖాస్తుల స్వీకరణకు 15 వరకు గడువు

– జిల్లా కలెక్టర్‌ బి.చంద్రశేఖర్‌ నోటీసులు అందుకున్న ఓటర్ల సమస్యల పరిష్కారంలోనూ నల్లగొండ జిల్లాను ముందుంచుతాం. పెండింగ్‌ నోటీసులను వేగంగా పరిష్కరించడంతోపాటు, అర్హత ఉన్న ప్రతి ఓటరుకు న్యాయం జరిగేలా ప్రత్యేక కార్యాచరణ అమలు చేస్తున్నాం. ఓటర్లకు సంబంధించిన తప్పిదాలను సరిచేసేందుకు ప్రత్యేక ఏర్పాట్లు చేశాం. రాజకీయ పార్టీల వారిని సమన్వయ పరుచుకుంటూ వారి ద్వారా ప్రతి ఒక్కరు ఓటు హక్కును కోల్పోకుండా విచారణకు హజరయ్యేలా ఏర్పాట్లు చేస్తున్నాం. ఒకటికి రెండుసార్లు సమాచారం ఇచ్చి వచ్చేలా కృషి చేస్తున్నాం.

రామగిరి(నల్లగొండ) : ఈ నెల 12న నల్లగొండ జిల్లా కోర్టుతో పాటు జిల్లా పరిధిలోని అన్ని కోర్టుల్లో జాతీయ లోక్‌ అదాలత్‌ నిర్వహించనున్నట్లు జిల్లా న్యాయసేవాధికార సంస్థ కార్యదర్శి, సీనియర్‌ సివిల్‌ జడ్జి జి.హిమబిందు తెలిపారు. కక్షిదారుల సౌకర్యార్థం నల్లగొండ, మిర్యాలగూడ, నకిరేకల్‌, దేవరకొండ, నిడమనూరు న్యాయస్థానాల్లో ఈ లోక్‌ అదాలత్‌ బెంచ్‌లు అందుబాటులో ఉంటాయన్నారు. కోర్టుల్లో దీర్ఘకాలంగా పెండింగ్‌లో ఉన్న కేసులు, రా జీపడే అవకాశం ఉన్న కేసులను లోక్‌ అదా లత్‌ ద్వారా సామరస్యంగా పరిష్కరించుకోవాలని కక్షిదారులు, ప్రజలకు పిలుపునిచ్చారు. 13న జిల్లా కబడ్డీ జట్ల ఎంపికనాగార్జునసాగర్‌ : నల్లగొండ జిల్లా కబడ్డీ జట్ల ఎంపిక ఈనెల 13వ తేదీ ఉదయం 10గంటలకు నాగార్జునసాగర్‌లోని హిల్‌కాలనీ బీసీ స్కూల్‌ గ్రౌండ్‌లో నిర్వహిస్తున్నట్లు జిల్లా కబడ్డీ అసోసియేషన్‌ అధ్యక్ష, కార్యదర్శులు ఆర్‌.భూలోకరావు, జి.కర్తయ్య ఒక ప్రకటనలో తెలిపారు. అండర్‌–16 సబ్‌ జూనియర్‌ బాలబాలికలు 55 కేజీల విభాగం, అండర్‌–20 జూనియర్‌ బాలురు బరువు 75 కిలోలలోపు కలిగి ఉండాలని పేర్కొన్నారు. క్రీడాకారులు ఆధార్‌, బర్త్‌ సర్టిఫికెట్‌, ఎస్‌ఎస్‌సీ మెమో తమ వెంట తీసుకురావాలని కోరారు. విద్యార్థుల హాజరు శాతం పెంచాలిపెద్దవూర : ప్రభుత్వ గిరిజన సంక్షేమ ఆశ్రమ పాఠశాలలు, వసతి గృహాల్లో విద్యార్థుల హాజరు శాతాన్ని పెంచాలని జిల్లా గిరిజన అభివృద్ధి అధికారి (డీటీడీఓ) పి.కమలాకర్‌రెడ్డి అన్నారు. గురువారం పెద్దవూర మండల కేంద్రంలోని గిరిజన సంక్షేమ ఆశ్రమ పాఠశాలను ఆయన తనిఖీ చేసి మాట్లాడారు. మెనూ ప్రకారం భోజనం అందించాలన్నారు. పదవ తరగతిలో నూరు శాతం ఫలితాల సాధనకు గాను ఇప్పటినుంచే ప్రత్యేక ప్రణాళికలను రూపొందించుకోవాలని సూచించారు. ఆయన వెంట ఏసీఎంఓ డీ.వీ.నాయక్‌, ఇన్‌చార్జ్‌ ఏటీడీఓ వెంకటేశ్వర్లు, పాఠశాల హెచ్‌ఎం డి.బాలోజీ, హెచ్‌డబ్ల్యూఓ కొల్లు బాలకృష్ణ, ఉపాధ్యాయులు, హాస్టల్‌ సిబ్బంది ఉన్నారు. దళితులను కించపర్చిన వారిపై ఎస్పీకి ఫిర్యాదుకనగల్‌ : మాజీ సీఎం కేసీఆర్‌ ఫామ్‌హౌస్‌ను దళితులు ముట్టడించిన అనంతరం అక్కడ పసుపు నీళ్లతో శుద్ధి చేసిన ఘటనపై జిల్లా కాంగ్రెస్‌ ఎస్సీసెల్‌ అధ్యక్షుడు బోడ స్వామి, అధికార ప్రతినిధి పెరిక అంజయ్య గురువారం నల్లగొండలో ఎస్పీ శరత్‌చంద్ర పవార్‌ను కలిసి ఫిర్యాదు చేశారు. ఈ సందర్భంగా వారు మాట్లాడుతూ ఫామ్‌హౌస్‌ను శుద్ధిచేయడం దళితుల ఆత్మగౌరవాన్ని కించపరిచేలా ఉందని, దళితులపై వివక్షకు పాల్పడుతున్న వారిపై, ఘటనకు బాధ్యులైన వారిపై చట్టపరమైన చర్యలు తీసుకోవాలని వారు ఇచ్చిన ఫిర్యాదులో పేర్కొన్నారు. క్రీడాకారులను ప్రోత్సహించాలినకిరేకల్‌ : విద్యార్థులను చదువుతోపాటు క్రీడల్లోనూ ప్రోత్సహించాలని జిల్లా విద్యాశాఖ అధికారి(డీఈఓ) సుశీందర్‌రావు అన్నారు. నకిరేకల్‌లో జెడ్పీ హైస్కూల్‌లో స్కూల్‌ గేమ్స్‌ఫేడరేషన్‌ (ఎస్‌జీఎఫ్‌) ఆధ్వర్యంలో నిర్వహిస్తున్న మండల స్థాయి క్రీడాపోటలను గురువారం ఆయన ప్రారంభించి మాట్లాడారు. అనంతరం హైస్కూల్‌లో మధ్యామ్న భోజనాన్ని పరిశీలించారు. టీచర్లతో సమావేశమై పలు సూచనలు చేశారు. కార్యక్రమంలో ఎంఈఓ నాగయ్య, హైస్కూల్‌ హెచ్‌ఎం రాములు, పీడీలు శైలజ, విద్యాసాగర్‌రెడ్డి, శంకర్‌గౌడ్‌ పాల్గొన్నారు.

కలెక్టరేట్‌ వద్ద ధర్నాకు రైస్‌ మిల్లర్స్‌ అసోసియేషన్‌ పిలుపు నల్లగొండ : కస్టమ్‌ మిల్లింగ్‌ రైస్‌ (సీఎంఆర్‌) కింద రా రైస్‌కు బదులు బాయిల్డ్‌ రైస్‌ తీసుకోవాలని, బాయిల్డ్‌ రైస్‌ సరఫరాకు సరిపడా రేక్‌లను ఏర్పాటు చేయాలనే డిమాండ్ల సాధన కోసం రైస్‌ మిల్లర్లు సమ్మెబాట పట్టారు. ఈ నెల 11వ తేదీ నుంచి రైస్‌ మిల్లులను బంద్‌ చేసి సమ్మెకు పోవాలని నిర్ణయించారు. తనిఖీల పేరుతో మిల్లర్లను ఒత్తిడి గురిచేస్తున్న తీరు, మిల్లుల విషయంలో ప్రభుత్వ అనుసరిస్తున్న విధానాలకు వ్యతిరేకంగా మిల్లులను బంద్‌ చేయాలని రైస్‌ మిల్లరర్స్‌ అసోసియేషన్‌ నిర్ణయించింది. ఇందులో భాగంగా శుక్రవారం నల్లగొండ కలెక్టరేట్‌ వద్ద ధర్నా నిర్వహించనున్నట్లు జిల్లా రైస్‌ మిల్లర్స్‌ అసోసియేషన్‌ ప్రధాన కార్యదర్శి రేపాల భద్రాద్రి రాములు తెలిపారు.

నార్కట్‌పల్లి : నార్కట్‌పల్లి మండలంలోని చెర్వుగట్టు గ్రామంలో గల శ్రీ పార్వతి జడలరామలింగేశ్వర స్వామి దేవస్థానంలో గురువారం నిర్వహించిన దుకాణాల టెండర్ల ప్రక్రియ వివాదాస్పదంగా మారింది. గతంలో కంటే దేవాదాయ శాఖకు భారీగా ఆదాయం పెరిగినప్పటికీ, టెండర్లను ఖరారు చేయకుండా అధికారులు వాయిదా వేయడంపై టెండర్‌దారులు తీవ్ర నిరసన వ్యక్తం చేస్తున్నారు. దేవాలయ చైర్మన్‌, అధికారులకు నచ్చిన వ్యక్తులకు టెండర్లు దక్కకపోవడం వల్లే ఈ నిర్ణయం తీసుకున్నారని ఆరోపిస్తున్నారు. టెండర్‌ లేకుండా ఐదు నెలలు కొనసాగింపు అమ్మవారి ఆలయం వద్ద గతంలో ఉన్న 3 షాపులకు గాను రూ.30 లక్షల ఆదాయం వచ్చింది. ఏప్రిల్‌ నెలతో ఆ టెండర్‌ గడువు ముగిసినప్పటికీ, అధికారులు నిబంధనలకు విరుద్ధంగా మునుపటి టెండర్‌దారుకే మరో ఐదు నెలల పాటు షాపులను కొనసాగించేందుకు అనుమతించారు. ఈ ఐదు నెలల కాలంలో దేవాలయానికి ఎటువంటి ఆదాయం సమకూరలేదని స్థానికులు అంటున్నారు. ఆలయ ఈఓ మోహన్‌బాబును వివరణ కోరగా ఆలయానికి మరింత ఎక్కువ ఆదాయం తీసుకురావాలనే ఉద్దేశంతోనే టెండర్లను వాయిదా వేశామని స్పష్టం చేశారు. ఈ టెండర్ల కార్యక్రమంలో దేవస్థానం చైర్మన్‌ వరాల రమేష్‌, ఈఓ మోహన్‌బాబు, ప్రధాన అర్చకులు పోతులపాటి రామలింగేశ్వర శర్మ, గ్రామ సర్పంచ్‌ నేతగాని కృష్ణ, డైరెక్టర్లు ప్రజ్ఞాపురం సత్యనారాయణ, కమ్మలపల్లి మల్లేశం, రేగట్టే శ్రీనివాస్‌రెడ్డి, ఇరుకుల సంపత్‌, గద్దగోటి యాదగిరి, కొమ్ము శీను, లక్ష్మయ్య పాల్గొన్నారు. ఫ చెర్వుగట్టు దుకాణాల టెండర్లలో అధిక ఆదాయం వచ్చినా కేటాయింపుల వాయిదా ఫ అనుకూలమైన వారికి దక్కలేదని నిలిపివేసినట్టు ఆరోపణలు

ఫ పాలిటెక్నిక్‌ విద్యార్థుల మహా ధర్నా, ర్యాలీ రామగిరి(నల్లగొండ) : పాలిటెక్నిక్‌ విద్యలో శక్తి ప్రోగ్రామ్‌ను కలపవద్దని, తక్షణమే జీవో నంబర్‌ 97ను రద్దుచేయాలని డిమాండ్‌ చేస్తూ పాలిటెక్నిక్‌ విద్యార్థులు మండిపడ్డారు. గురువారం నల్లగొండలో ప్రభుత్వ పాలిటెక్నిక్‌ కళాశాల విద్యార్థుల ఆధ్వర్యంలో వందలాది మంది విద్యార్థులు మహాధర్నా, భారీ నిరసన ర్యాలీ చేపట్టారు. విద్యార్థుల ర్యాలీని పోలీసులు అడ్డుకోవడంతో కాసేపు ఉద్రిక్త వాతావరణం నెలకొంది. అనంతరం విద్యార్థులు రోడ్డుపై బైఠాయించి ప్లకార్డులతో నినాదాలు చేశారు. ఉమ్మడి నల్లగొండ జిల్లాలోని ఐదు ప్రభుత్వ పాలిటెక్నిక్‌ కళాశాలలకు చెందిన విద్యార్థులు ఈ ఆందోళనలో పాల్గొన్నారు. శక్తి విధానం వల్ల పాలిటెక్నిక్‌ పూర్తి చేసిన విద్యార్థులు ఇంజనీరింగ్‌కు దూరమయ్యే ప్రమాదం ఉందని విద్యార్థులు ఆవేదన వ్యక్తం చేశారు. జీవో 97 విద్యార్థుల భవిష్యత్తును దెబ్బతీసేలా ఉందన్నారు. ప్రభుత్వం వెంటనే స్పందించి ఈ జీవోను రద్దు చేయకపోతే ఆందోళనను మరింత ఉధృతం చేస్తామని హెచ్చరించారు.

కనగల్‌ : కనగల్‌ మండలం చిన్నమాదారం గ్రామ సర్పంచ్‌ ఎన్నికకు సంబంధించిన ఓట్లను మరోసారి లెక్కించేందుకు నల్లగొండ ప్రిన్సిపల్‌ జూనియర్‌ సివిల్‌ జడ్జి ఆదేశాలు జారీ చేశారు. ఈ నెల 19న ఉదయం 11 గంటలకు నల్లగొండలోని జిల్లా కోర్టు ప్రాంగణంలో రీకౌంటింగ్‌ నిర్వహించనున్నారు. ఎన్నికకు సంబంధించిన బ్యాలెట్‌ బాక్సులను ప్రస్తుతం కోర్టు ఆధీనంలో భద్రపరిచారు. రీకౌంటింగ్‌ ప్రక్రియను పర్యవేక్షించేందుకు కోర్టు ఎంపిక చేసిన న్యాయ ప్రతినిధిని అడ్వకేట్‌ కమిషనర్‌గా నియమించింది. గత సర్పంచ్‌ ఎన్నికల్లో బీజేపీ అభ్యర్థి పిండి భాగ్యమ్మపై కాంగ్రెస్‌ అభ్యర్థి మల్లికంటి సుజాత 11 ఓట్ల ఆధిక్యంతో విజయం సాధించారు. అయితే ఓట్ల లెక్కింపులో అవకతవకలు జరిగాయంటూ బీజేపీ అభ్యర్థి కోర్టును ఆశ్రయించారు. విచారణ అనంతరం ఓట్లను తిరిగి లెక్కించాల ని న్యాయస్థానం ఆదేశించింది. ఈ నేపథ్యంలో ఈ నెల 19న జరగనున్న రీకౌంటింగ్‌పై కనగల్‌ మండలంలో ఆసక్తి నెలకొంది.

నల్లగొండ : వీబీజీ రాంజీ పథకం కింద గ్రామాల అభివృద్ధికి తోడ్పడే పనులు చేపట్టాలని కలెక్టర్‌ బి.చంద్రశేఖర్‌ అన్నారు. గురువారం కలెక్టరేట్‌లో ఎంపీడీఓలు, ఎంపీఓలు, ఏపీఓలు, పంచాయతీరాజ్‌ ఇంజనీరింగ్‌ అధికారులతో ఏర్పాటు చేసిన సమావేశంలో వీబీజీ రాంజీ పనులపై చర్చించి మాట్లాడారు. పనిచేసే కూలీల సంఖ్య పెంచాలన్నారు. గ్రామసభలో చర్చించి గ్రామానికి అవసరం ఉన్న పనులు చేపట్టాలన్నారు. ఎల్‌నినో ప్రభావంతో వచ్చే జూన్‌ వరకు వర్షాలు వచ్చే అవకాశం లేనందున నీటి సంరక్షణ పనులు చేపట్టాలన్నారు. ఈ సమావేశంలో స్థానిక సంస్థల ఇన్‌చార్జి అదనపు కలెక్టర్‌ ప్రేమ్‌కరణ్‌రెడ్డి, శిక్షణ సహాయ కలెక్టర్‌ శ్రీకాంత్‌రెడ్డి, డీఆర్‌డీఓ శేఖర్‌రెడ్డి, డీపీఓ తరుణ్‌ చక్రవర్తి, డీఎఫ్‌ఓ రాజశేఖర్‌ పాల్గొన్నారు.

సమీకృత మార్కెట్‌ దుకాణాల కేటాయింపు ప్రక్రియపై మార్కెటింగ్‌ శాఖ అధికారులకు ఇప్పటికే లేఖ రాశాం. వారి నుంచి నిర్ణయం రావాల్సి ఉంది. –దిలీప్‌ భార్గవ్‌, ఏఈ, మున్సిపల్‌ కార్పొరేషన్‌ఫ బీట్‌ మార్కెట్‌లో రూ.7.70 కోట్లతో 146 దుకాణాల నిర్మాణం ఫ ప్రారంభోత్సవంపై ఎలాంటి నిర్ణయం తీసుకోని మార్కెటింగ్‌ శాఖ ఫ చిరు వ్యాపారులకు తప్పని నిరీక్షణ నల్లగొండ టూటౌన్‌ : నీలగిరి నగరంలోని రవీంద్రనగర్‌ కాలనీ బీట్‌ మార్కెట్‌లో రూ.7.70 కోట్ల అంచనా వ్యయంతో నిర్మించిన సమీకృత మార్కెట్‌ పనులన్నీ పూర్తయినా ప్రారంభానికి నోచుకోక వృథాగా పడి ఉంది. చిరు వ్యాపారుల జీవనోపాధి కోసం నిర్మించిన ఈ మార్కెట్‌ను అధికారులు పట్టించుకోకపోవడంతో ప్రాంగణమంతా పడావుపడి కనిపిస్తోంది. సకల సౌకర్యాలతో నిర్మించిన ఈ మార్కెట్‌లో మొత్తం 146 దుకాణాలను అందుబాటులోకి తెచ్చారు. దీనిని వెంటనే ప్రారంభిస్తే 146 మంది చిరు వ్యాపారులకు ఎంతో మేలు చేకూరనుంది. అంతేకాకుండా, రహదారుల వెంట విక్రయించే పండ్లు, కూరగాయల దుకాణాల వల్ల కలిగే రద్దీ సమస్య కూడా తీరుతుందని పట్టణవాసులు భావిస్తున్నారు. కలెక్టర్‌ ద్వారా లేఖ.. నగరంలోని వన్‌టౌన్‌ ప్రాంతం ప్రకాశంబజారులో ఇప్పటికే కూరగాయల మార్కెట్‌ ఉంది. ప్రస్తుతం టూటౌన్‌ ప్రాంతంలోనూ ఈ మార్కెట్‌ అందుబాటులోకి వస్తే స్థానిక ప్రజలకు ఎంతో సౌకర్యవంతంగా ఉంటుంది. నిర్మాణం పూర్తయినందున చిరు వ్యాపారులకు దుకాణాలు కేటాయించాలని మున్సిపాలిటీ అధికారులు గతంలోనే జిల్లా కలెక్టర్‌ ద్వారా మార్కెటింగ్‌ శాఖకు లేఖ పంపినప్పటికీ, ఇప్పటివరకు దీనిపై ఎలాంటి నిర్ణయం తీసుకోకపోవడం గమనార్హం. మొత్తం వ్యయం రూ.7.70 కోట్లు రవీంద్రనగర్‌లోని మార్కెటింగ్‌ శాఖకు చెందిన బీట్‌ మార్కెట్‌ స్థలంలో మున్సిపాలిటీ ఆధ్వర్యంలో ఈ సమీకృత మార్కెట్‌ నిర్మాణం చేపట్టారు. మొదట్లో దీనిని వెజ్‌, నాన్‌–వెజ్‌ మార్కెట్‌గా నిర్మించాలనుకున్నారు. అయితే సమీపంలో ఆలయం ఉన్నందున నాన్‌–వెజ్‌ మార్కెట్‌పై స్థానిక భక్తులు అభ్యంతరం తెలిపారు. దీంతో కాంగ్రెస్‌ ప్రభుత్వం అధికారంలోకి రాగానే, దీనిని కేవలం ‘వెజ్‌ మార్కెట్‌’గా మారుస్తూ పాలకవర్గం నిర్ణయం తీసుకుంది. అన్ని ఆధునిక హంగులతో నిర్మించేందుకుగాను భారీగా నిధులు వెచ్చించారు. మొదట రూ.4.50 కోట్లతో నిర్మాణం ప్రారంభించగా, ఆ తర్వాత అదనపు పనుల పేరుతో మరో రూ.3.20 కోట్లు కేటాయించారు. ఇలా మొత్తంగా రూ.7.70 కోట్లు ఖర్చు చేసి సర్వాంగ సుందరంగా తీర్చిదిద్దినప్పటికీ, ప్రజలకు అందుబాటులోకి తేకపోవడంపై తీవ్ర విమర్శలు వ్యక్తమవుతున్నాయి. మార్కెట్‌ను వినియోగంలోకి తేకపోతే అందులోని మార్బుల్స్‌, ఇతర విలువైన సామగ్రి పాడైపోయే ప్రమాదముందని ఆందోళన వ్యక్తం చేస్తున్నారు. మార్కెటింగ్‌ శాఖ వద్దే పెండింగ్‌! అన్ని పనులూ పూర్తయిన ఈ మార్కెట్‌లో కూరగాయలు, పండ్లు, పూలు విక్రయించే అర్హులైన చిరు వ్యాపారులకు దుకాణాలు కేటాయించాల్సి ఉంది. కానీ, మార్కెటింగ్‌ శాఖ నుంచి స్పందన లేకపోవడంతోనే ఈ మార్కెట్‌ ప్రారంభం కాకుండా మూలన పడి ఉందనే ఆరోపణలు వస్తున్నాయి. అధికారులు తక్షణమే స్పందించి మార్కెట్‌ను ప్రారంభించాలని స్థానిక చిరు వ్యాపారులు విజ్ఞప్తి చేస్తున్నారు.

నల్లగొండ : వానాకాలం సీజన్‌లో ధాన్యం సేకరణకు అవసరమైన ఏర్పాట్లు చేయాలని కలెక్టర్‌ చంద్రశేఖర్‌ అధికారులను ఆదేశించారు. 2026 –27 వానాకాలం సీజన్‌ ధాన్యం సేకరణపై ఆయన తన ఛాంబర్‌లో ఆయా శాఖల అధికారులతో కలెక్టర్‌ సమావేశమై మాట్లాడారు. రైతులకు ఎలాంటి ఇబ్బంది లేకుండా ధాన్యాన్ని కొనుగోలు చేయాలన్నారు. జిల్లాలో నిర్దేశించిన 356 ధాన్యం కొనుగోలు కేంద్రాల్లో సెప్టెంబర్‌ 25 నాటికి అవసరమైన సౌకర్యాలు కల్పించాలన్నారు. ప్రభుత్వం గ్రేడ్‌ –ఏ ధాన్యానికి రూ.2461, కామన్‌ రకానికి రూ.2441 మద్దతు ధర ప్రకటించిందని, సన్నధాన్యం క్వింటాకు రూ.500 బోనస్‌ ఇస్తుందని తెలిపారు. సమావేశంలో రెవెన్యూ అదనపు కలెక్టర్‌ జె.శ్రీనివాస్‌, పౌరసరఫరాల జిల్లా మేనేజర్‌ రాంపతినాయక్‌, డీఎస్‌ఓ వెంకటేశ్వర్లు, డీసీఓ మైకేల్‌ బోస్‌, మార్కెటింగ్‌ ఏడీ ఛాయాదేవి, జిల్లా వ్యవసాయ అధికారి వినోద్‌ కుమార్‌, వేర్‌హౌసింగ్‌ కార్పొరేషన్‌ ఆర్‌ఎం కె. శ్రీహరి తదితరులు పాల్గొన్నారు. పర్యాటక ప్రాంతాలను అభివృద్ధి చేస్తాం నల్లగొండ : జిల్లాలో గుర్తించిన పర్యాటక ప్రాంతాల్లో అభివృద్ధి చర్యలు తీసుకుంటున్నామని కలెక్టర్‌ చంద్రశేఖర్‌ తెలిపారు. బుధవారం హైదరాబాద్‌ నుంచి రాష్ట్ర శాఖ ప్రిన్సిపల్‌ సెక్రెటరీ వాణి ప్రసాద్‌ ఏర్పాటు చేసిన వీడియో కాన్ఫరెన్స్‌లో జిల్లా నుంచి ఆయన మాట్లాడారు. నాలుగు పర్యాటక ప్రాంతాల్లో ఫైవ్‌ స్టార్‌ హోటళ్ల నిర్మాణానికి భూమిని గుర్తించామని తెలిపారు. నాగార్జునసాగర్‌ బ్యాక్‌ వాటర్‌లోని వైజాగ్‌కాలనీకి సెలవు రోజుల్లో పెద్ద ఎత్తున పర్యాటకులు వస్తున్నారని, ఇక్కడ వాటర్‌ స్పోర్ట్స్‌, రాక్‌ కై ్లంబింగ్‌కు అవకాశం ఉందన్నారు. దేవరకొండ కోటలో సౌకర్యాలు మెరుగుపరిస్తే పర్యాటకం అభివృద్ధి చెందుతుందని తెలిపారు. ఈనెల 26న ప్రపంచ పర్యాటక దినోత్సవం నిర్వహించేందుకు సిద్ధంగా ఉన్నట్లు తెలిపారు. కార్యక్రమంలో ఇన్‌చార్జి అదనపు కలెక్టర్‌ ప్రేమ్‌కరణ్‌రెడ్డి, జిల్లా రెవెన్యూ అధికారి దశరథ, టూరిజం అధికారి మహ్మద్‌ అక్బర్‌ అలీ పాల్గొన్నారు. మట్టి విగ్రహాలు ఏర్పాటు చేయాలి వినాయక నవరాత్రుల సందర్భంగా మట్టి వినాయక విగ్రహాలు ఏర్పాటు చేయాలని కలెక్టర్‌ చంద్రశేఖర్‌ సూచించారు. బుధవారం నల్లగొండలో తెలంగాణ కాలుష్య నియంత్రణ మండలి పర్యావరణ పరిరక్షణ, మట్టి వినాయక విగ్రహాల ఏర్పాటుకు సంబంధించిన అవగాహన పోస్టర్‌ను కలెక్టర్‌ ఆవిష్కరించి మాట్లాడారు. ఫ కలెక్టర్‌ చంద్రశేఖర్‌

బియ్యం కల్తీచేసి.. మిర్యాలగూడ : పేదలకు పంపిణీ చేయాల్సిన రేషన్‌ బియ్యం పక్కదారి పడుతోంది. గతంలో దొడ్డు బియ్యాన్ని మిల్లులకు తరలించి సన్నగా మార్చి తరలించేవారు. ప్రస్తుతం సన్నబియ్యం రావడంతో నేరుగా నాణ్యమైన సన్నరకం బియ్యంలో కల్తీ చేస్తున్నారు. గ్రామాల్లో లబ్ధిదారుల నుంచి కిలోకు రూ.12 నుంచి రూ.15 చొప్పున చెల్లించి కొనుగోలు చేస్తున్న చిరు వ్యాపారులు వాటిని ఆటోలు, డీసీఎంలు, లారీల్లో పట్టణాలకు తరలించి రేషన్‌ బియ్యం దందా చేసే దళారులకు కిలోకు రూ.18 చొప్పున విక్రయిస్తున్నారు. ఆ బియ్యాన్ని దళారులు కల్తీ చేసి జిల్లా సరిహద్దులు దాటించి రూ.లక్షలు ఆర్జిస్తున్నారు. అధికారులు నామమాత్రపు దాడులు నిర్వహించి రేషన్‌ బియ్యాన్ని పట్టుకున్నట్లు ప్రకటనలు చేస్తున్నారే తప్పా పెద్ద మొత్తంలో తరలివెళ్తున్న రేషన్‌ బియ్యం అక్రమ రవాణాపై దృష్టి సారించడం లేదనే ఆరోపణలు వినిపిస్తున్నాయి. పట్టుబడుతున్నా మారని తీరు.. ● వాడపల్లి చెక్‌పోస్టు వద్ద పోలీసులు వాహనాల తనిఖీలో భాగంగా గత ఏడాదిలో 36.04 టన్నుల రేషన్‌ బియ్యాన్ని పట్టుకోని 36 మందిపై 17 కేసులు నమోదుచేసి 17 వాహనాలను సీజ్‌ చేశారు. ● ఇటీవల ఖమ్మం జిల్లా పాల్వంచ వద్ద భారీ ఎత్తున రేషన్‌ బియ్యాన్ని పట్టుకోగా ఆ లారీ మిర్యాలగూడ మండలం గూడూరు శివారులోని ఓ రైస్‌ మిల్లుకు సరఫరా చేస్తున్నట్లు పోలీసు అధికారులు గుర్తించారు. దీంతో సదరు రైస్‌ మిల్‌ యజమానిపై కేసు నమోదు చేశారు. ● వారం రోజుల క్రితం మిర్యాలగూడ మండలం వెంకటాద్రిపాలెం గ్రామంలోని శ్రీ మారుతి ట్రేడర్స్‌ శ్రీరామ బిన్నీ రైస్‌ మిల్‌ వద్ద అక్రమంగా నిల్వ ఉన్న 18 క్వింటాళ్ల బియ్యాన్ని స్వాదీనం చేసుకోని ముగ్గురిని అరెస్ట్‌ చేశారు. ఎంఎల్‌ఎస్‌ పాయింట్‌కు చేరకుండానే.. రేషన్‌ బియ్యాన్ని ఎంఎల్‌ఎస్‌ పాయింట్‌ వద్దకు సరఫరా చేసే కాంట్రాక్టర్‌ ఆ పాయింట్‌కు సరఫరా కాకుండానే నేరుగా కొన్ని రైస్‌ మిల్లులకు తరలించి అక్కడి నుంచి కాకినాడ పోర్టుకు తరలిస్తున్నారని తెలుస్తోంది. డీలర్లు తమ కార్డుదారులకు అవసరమైన బియ్యం తీసుకోకుండా కేవలం నామమాత్రంగానే డీడీలు కట్టి మిగిలిన బియ్యాన్ని ఎంఎల్‌ఎస్‌ పాయింట్‌ నుంచే నేరుగా విక్రయిస్తున్నారనే ఆరోపణలు ఉన్నాయి. ఆంధ్రా ప్రాంతంలో కోళ్లదాణా, బీర్ల తయారీకి రేషన్‌ బియ్యాన్ని వాడుతున్నారని తెలుస్తోంది. గ్రామాల్లో నిల్వ చేసి రాత్రివేళ తరలింపు.. కేతేపల్లి, నకిరేకల్‌ మండలాల సరిహద్దు గ్రామాల నుంచి బీమారం– సూర్యాపేట, పాములపాడు మీదుగా మిర్యాలగూడకు పీడీఎస్‌ బియ్యాన్ని అక్రమంగా తరలిస్తున్నారు. రూరల్‌ ప్రాంతాల్లో సేకరించిన బియ్యాన్ని కొంతమంది ఏజెంట్ల ద్వారా ఆయా గ్రామాల్లో నిల్వ చేసి రాత్రి సమయాల్లో వాహనాల ద్వారా సరిహద్దు దాటిస్తున్నారు. దందా చేసే వారు రేషన్‌ డీలర్లతో కుమ్మకై ్క వారి వద్ద నుంచి రేషన్‌ బియ్యాన్ని నేరుగా కొనుగోలు చేసి రాత్రి వేళల్లో తరలిస్తున్నారు. ఈ మధ్యకాలంలో మిర్యాలగూడ, హాలియా, నల్లగొండ ప్రాంతాల్లో ఉండే రైస్‌మిల్లులు బియ్యాన్ని రీసైక్లింగ్‌ చేస్తున్నారని తెలుస్తోంది.ఫ పక్కదారి పడుతున్న రేషన్‌ బియ్యం ఫ లబ్ధిదారుల నుంచి సేకరించి.. మిల్లులో కల్తీ చేస్తున్న దళారులు ఫ నాణ్యమైన బియ్యంలో కలిపి విక్రయాలు ఫ వాడపల్లి సరిహద్దు మీదుగా భారీగా తరలింపు ఫ పీడీయాక్ట్‌ నమోదు చేస్తున్నా ఆగని అక్రమ రవాణాసరిహద్దు ప్రాంతమైన వాడపల్లి చెక్‌పోస్టులో తనిఖీలు నామమాత్రంగా ఉండడంతో దామరచర్లకు చెందిన ఓ మాజీ ప్రజాప్రతినిధి ప్రత్యేక స్థావరాన్ని ఏర్పాటు చేసిన రేషన్‌ బియ్యాన్ని కొనుగోలు చేసి అక్రమంగా రవాణా చేస్తున్నట్లు తెలుస్తోంది. ప్రధానంగా మిర్యాలగూడ మండలం వెంకటాద్రిపాలెం గ్రామ శివారులోగల ఓ రైస్‌ మిల్లులో త్రిపురారం మండలం నుంచి సేకరించిన రేషన్‌ బియ్యాన్ని నిల్వ చేసి అక్కడి నుంచి నేరుగా డీసీఎంలలో తరలిస్తున్నారు. మిర్యాలగూడలోని హౌజింగ్‌బోర్డు, పాత బస్టాండ్‌, బంగారుగడ్డ, షాబునగర్‌ తదితర కేంద్రాల్లో బియ్యాన్ని నిల్వ ఉంచి వీలున్నప్పుడల్లా ఇతర ప్రాంతాలకు పంపుతున్నారు. రేషన్‌ బియ్యం అక్రమంగా రవాణా చేసినా, దందాకు సహకరించినా క్రిమినల్‌ చర్యలు తీసుకోవడంతోపాటు పీడీ యాక్ట్‌ నమోదు చేస్తాం. అక్రమ దందాపై సమాచారం ఇచ్చిన వివరాలను గోప్యంగా ఉంచడంతోపాటు పారితో షికాన్ని అందిస్తాం. డివిజన్‌ వ్యాప్తంగా ఆయా ప్రధాన గ్రామాల్లో తనిఖీ కేంద్రాలను ఏర్పాటు చేసి నిరంతరం నిఘా ఏర్పాటు చేస్తాం. – రవి, డీఎస్పీ, మిర్యాలగూడ

సాక్షి ప్రతినిధి, నల్లగొండ : జిల్లా కేంద్రంలో ఐకాన్‌ ఆస్పత్రి దోపిడీపై శాసన మండలి చైర్మన్‌ గుత్తా సుఖేందర్‌రెడ్డి మండలిలో ప్రస్తావించారు. దోపిడీని అరికట్టేందుకు చర్యలు చేపట్టాలని వైద్యారోగ్య శాఖ మంత్రి దామోదర రాజనర్సింహను కోరారు. బుధవారం శాసనమండలిలో స్పెషల్‌ మెన్షన్‌ కింద ఎమ్మెల్సీ విజయశాంతి రాష్ట్రంలోని ప్రైవేట్‌ ఆస్పత్రుల దోపిడీపై ప్రస్తావించారు. మందులు రాసిచ్చేందుకు రూ.1500 వరకు వసూలు చేస్తున్నారని పేర్కొన్నారు. ఈ సందర్భంగా మండలి చైర్మన్‌ సుఖేందర్‌రెడ్డి కూడా తన అభిప్రాయాన్ని వెల్లడించారు. రాష్ట్రంలో పేదల ఆరోగ్యాన్ని ఆసరాగా తీసుకొని ప్రైవేట్‌ ఆస్పత్రులు విపరీతమైన దోపిడీ చేస్తున్నాయని ఆరోపించారు. అవసరం లేకపోయినా టెస్టులు, చికిత్స చేయడం.. చివరకు చనిపోయినా వెంటిలేటర్‌పై పెట్టి డబ్బులు గుంజుతున్నారని ఆవేదన వ్యక్తం చేశారు. అంబులెన్స్‌ డ్రైవర్లతో కుమ్మక్కు ఇటీవల నల్లగొండలో వైద్యారోగ్య శాఖ అధికారులు ఐకాన్‌ ఆసుపత్రిలో తనిఖీలు చేశారని.. ఆ ఆస్పత్రిని ప్రారంభించిన కొద్దికాలంలోనే 191 మంది అక్కడ మరణించడం ఆందోళనకరమన్నారు. ముఖ్యంగా ఆర్‌ఎంపీలు, అంబులెన్స్‌ డ్రైవర్లతో కుమ్ముకై ్క ఆస్పత్రికి వచ్చిన వారిని దోచుకుంటుండడం ప్రధాన సమస్యగా మారిందన్నారు. యాక్సిడెంట్‌ అయినప్పుడు కుటుంబీకులు ఆతృతలో ఉండటం, ప్రభుత్వ ఆసుపత్రికి తీసుకెళ్లమన్నా వారి ఆతృతను ఆసరాగా చేసుకొని, ఆస్పత్రి వారు ఇచ్చే కమీషన్‌ కోసం అంబులెన్స్‌ డ్రైవర్లు ప్రైవేట్‌ ఆసుపత్రికి తీసుకెళ్తున్నారని చెప్పారు. ఇదే అవకాశంగా ఆస్పత్రి యాజమాన్యం దోచుకుంటోందన్నారు. వైద్యానికి డబ్బులు చెల్లించలేక పుస్తెలు అమ్ముకునే పరిస్థితి నెలకొందన్నారు. దీనిపై మొత్తం వైద్యారోగ్య శాఖ అధికారులు కఠిన చర్యలు చేపట్టేలా ఆదేశించాలని ఆ శాఖ మంత్రి దామోదర రాజనర్సింహకు సూచించారు. ఇందులో వారితోపాటు కలెక్టర్లను కూడా భాగస్వాములను చేసి కఠిన చర్యలు చేపట్టాలని కోరారు. ఫ నల్లగొండ ఐకాన్‌ ఆస్పత్రిపై శాసనమండలిలో సుఖేందర్‌రెడ్డి ప్రస్తావన ఫ ప్రైవేట్‌ ఆస్పత్రుల్లో దోపిడీపై స్పెషల్‌ మెన్షన్‌ కింద ప్రస్తావించిన విజయశాంతి ఫ ఈ సందర్భంగా అభిప్రాయాన్ని వెల్లడించిన మండలి చైర్మన్‌ గుత్తా ఫ టాస్క్‌ఫోర్స్‌ను నియమించామన్న వైద్యారోగ్య శాఖ మంత్రి దామోదర రాజనర్సింహ

నల్లగొండ టౌన్‌ : పీఆర్సీ, పెండింగ్‌ సమస్యలపై ఈ నెల 10న వివిధ ప్రభుత్వ ఉద్యోగ, ఉపాధ్యాయ, పెన్షనర్ల, కాంట్రాక్టు, ఔట్‌సోర్సింగ్‌ ఉద్యోగుల ఆందోళనకు సీఐటీయూ మద్దతు ఇస్తున్నట్లు ఆ సంఘం జిల్లా అధ్యక్షుడు తుమ్మల వీరారెడ్డి, కార్యదర్శి ఎండీ.సలీం ఒక ప్రకటనలో తెలిపారు. ఉద్యోగుల సమస్యలు పరిష్కారానికి జేఏసీ తలపెట్టిన చలో హైదరాబాద్‌ కార్యక్రమానికి రైతులు, కార్మికులు, అన్ని వర్గాల ప్రజలు హాజరై జయప్రదం చేయాలని కోరారు. ఉచితంగా పోలీస్‌ ఫిజికల్‌ ట్రైనింగ్‌రామగిరి(నల్లగొండ) : నల్లగొండలోని జై జవాన్‌ ట్రైనింగ్‌ సెంటర్‌లో పోలీస్‌ ఉద్యోగాలకు ఉచితంగా ఫిజకల్‌ ఈవెంట్స్‌ ట్రైనింగ్‌ ఇస్తున్నట్లు సెంటర్‌ నిర్వాహకుడు ఎక్స్‌ ఆర్మీ కొండోజు సత్యనారాయణ తెలిపారు. ఈ సందర్భంగా ఆయన మాట్లాడుతూ ఈ నెల 17 నుంచి శిక్షణ ప్రారంభం అవుతుందని ఆసక్తి గల వారు సెంటర్‌ను లేదా 9010471756 ఫోన్‌ నంబర్‌ను సంప్రదించాలని పేర్కొన్నారు. ఎన్‌ఎస్‌యూఐ జిల్లా అధ్యక్షుడిగా అంజన్‌కుమార్‌కేతేపల్లి : నేషనల్‌ స్టూడెంట్‌ యూనియన్‌ ఆఫ్‌ ఇండియా(ఎన్‌ఎస్‌యూఐ) నల్లగొండ జిల్లా అధ్యక్షుడిగా కేతేపల్లి మండలంలోని కొండకిందిగూడెం గ్రామానికి చెందిన అల్లి అంజన్‌కుమార్‌యాదవ్‌ నియమితులయ్యారు. ఈ మేరకు ఎన్‌ఎస్‌యూఐ తెలంగాణ రాష్ట్ర అధ్యక్షుడు యడవల్లి వెంకటస్వామి బుధవారం రాత్రి నియామక ఉత్తర్వులు జారీ చేశారు. అంజన్‌కుమార్‌ ప్రస్తుతం ఎన్‌ఎస్‌యూఐ జిల్లా ప్రధాన కార్యదర్శిగా కొనసాగుతున్నారు. ఈ సందర్భంగా అంజన్‌కుమార్‌యాదవ్‌ మాట్లాడుతూ తన నియామకానికి సహకరించిన ఎన్‌ఎస్‌యూఐ రాష్ట్ర అధ్యక్షుడు వెంకటస్వామి, జిల్లా మంత్రి కోమటిరెడ్డి వెంకట్‌రెడ్డి, ప్రభుత్వ విప్‌, నకిరేకల్‌ ఎమ్మెల్యే వేముల వీరేశంకు కృతజ్ఞతలు తెలిపారు. వ్యవసాయ రంగం కుదేలుమిర్యాలగూడ : కేంద్ర, రాష్ట్ర ప్రభుత్వాలు అనుసరిస్తున్న దివాలకోరు విధానాల వల్ల వ్యవసాయ రంగం కుదేలవుతోందని రైతు సంఘం జాతీయ నాయకుడు, మాజీ ఎమ్మెల్యే జూలకంటి రంగారెడ్డి అన్నారు. నవంబర్‌ 15 నుంచి 18 వరకు నల్లగొండలో జరిగే రైతు సంఘం జాతీయ మహాసభల ప్రచారంలో భాగంగా మిర్యాలగూడ మండలంలోని చిల్లాపురం గ్రామంలో బుధవారం ఇంటింటి ప్రచారంలో ఆయన మాట్లాడారు. వీర తెలంగాణ తెలంగాణ సాయుధ పోరాట చరిత్ర నేపథ్యం ఉన్న నల్లగొండ జిల్లాలో జరిగే ఈ మహాసభలు భవిష్యత్‌ ఉద్యమాలకు దిక్సూచిగా నిలుస్తాయన్నారు. దేశంలో స్వామినాథన్‌ కమిషన్‌ సిఫార్సులను అమలు చేయకుండా రైతు ఉద్యమాలను చిన్న చూపు చూస్తున్నారని మండిపడ్డారు. ఈ మహాసభలు రైతు సమస్యల పరిష్కారానికి శాసీ్త్రయ మార్గాలను చూపే వేదిక కాబోతున్నాయని చెప్పారు. కార్యక్రమంలో సీపీఎం రాష్ట్ర కమిటీ సభ్యుడు డబ్బికార్‌ మల్లేష్‌, నాయకులు రవినాయక్‌, మల్లు గౌతంరెడ్డి, కోట్ల శ్రీనివాస్‌రెడ్డి, బద్దెపాక ఆశీర్వాదం తదితరులు పాల్గొన్నారు. విమోచన దినోత్సవాన్ని నిర్వహించాలినల్లగొండ టూటౌన్‌ : తెలంగాణ విమోచన దినోత్సవాన్ని ఈ నెల 17న అధికారికంగా నిర్వహించాలని కోరుతూ బీజేపీ నాయకులు మంగళవారం కలెక్టర్‌ చంద్రశేఖర్‌కు వినతి పత్రం అందజేశారు. 1948 సెప్టెంబర్‌ 17న నిజాం నిరంకుశ పాలన నుంచి హైదరాబాద్‌ సంస్థానం విముక్తి పొంది భారతదేశంలో విలీనమైన చారిత్రక సందర్భం అని వివరించారు. వినతి పత్రం అందజేసిన వారిలో బీజేపీ రాష్ట్ర కార్యవర్గ సభ్యులు మాదగాని శ్రీనివాస్‌గౌడ్‌, గోలి మధుసూదన్‌రెడ్డి, వీరెళ్లి చంద్రశేఖర్‌, వెంకట్‌నారాయణరెడ్డి, పిల్లి రామరాజుయాదవ్‌, వెంకన్న, కంచర్ల విద్యాసాగర్‌రెడ్డి, లింగస్వామి, యానాల కరుణాకర్‌రెడ్డి, బలరామ్‌, నర్సింహ తదితరులు ఉన్నారు.

రామగిరి(నల్లగొండ) : ఆధునిక కంప్యూటర్‌ సైన్స్‌కు గణితశాస్త్రమే వెన్నెముక అని ఉమెన్స్‌ కళాశాల ప్రిన్సిపాల్‌ ప్రొఫెసర్‌ శ్రీనివాస్‌రాజు అన్నారు. కళాశాల గణితశాస్త్ర విభాగం ఆధ్వర్యంలో ‘మ్యాథమెటిక్స్‌ ఇన్‌ కంప్యూటర్‌ సైన్స్‌ అప్లికేషన్స్‌ అండ్‌ ఆపర్చునిటీస్‌’ అనే అంశంపై బుధవారం ఒక రోజు వర్క్‌షాప్‌ నిర్వహించారు. ఈ సందర్భంగా ఆయన మాట్లాడుతూ డిస్క్రీట్‌ స్ట్రక్చర్స్‌, లీనియర్‌ ఆల్జీబ్రా, ప్రాబబిలిటీ వంటి భావనలు ప్రతి అల్గారిథమ్‌, సురక్షిత లావాదేవీల వెనుక ఉన్నాయని, విద్యార్థులు గణితాన్ని డిజిటల్‌ ప్రపంచాన్ని నడిపించే శక్తివంతమైన సాధనంగా అర్థం చేసుకోవాలని సూచించారు. ఎన్జీ కళాశాల ప్రిన్సిపాల్‌ ఎస్‌.ఉపేందర్‌ అండర్‌ గ్రాడ్యుయేట్‌ పూర్తయిన తర్వాత గణితశాస్త్రంలో అవకాశాలు అనే అంశంపై మాట్లాడారు. డేటా సైన్స్‌, ఆర్టిఫిషియల్‌ ఇంటెలిజెన్స్‌, సైబర్‌ సెక్యూరిటీ వంటి ఆధునిక రంగాల్లో గణిత విద్యార్థులకు అపారమైన అవకాశాలు ఉన్నాయని, విద్యార్థులు ఇంటర్‌ డిసిప్లినరీ అభ్యాసంపై దష్టి సారించాలని పిలుపునిచ్చారు. హైదరాబాద్‌ విశ్వవిద్యాలయం అసిస్టెంట్‌ ప్రొఫెసర్‌ ఒడేలు వంగ అల్గారిథమ్‌ డిజైన్‌లో డిస్క్రీట్‌ మ్యాథమెటిక్స్‌, గ్రాఫ్‌ థియరీ పాత్ర, క్రిప్టోగ్రఫీ నెట్‌వర్క్‌ సెక్యూరిటీలో గణిత పునాదులు, మెషిన్‌ లెర్నింగ్‌కు తోడ్పడే లీనియర్‌ ఆల్జీబ్రా, క్వాంటం కంప్యూటింగ్‌ అనువర్తనాలపై సుమారు మూడు గంటల పాటు విద్యార్థులకు సవివరంగా వివరించారు. కార్యక్రమంలో కన్వీనర్‌ టి.శ్రీనివాసులు ఎ.మల్లేశ్వరి, వైస్‌ ప్రిన్సిపాల్‌ కె.వెంకటేశ్వర్లు, పి.సంతోషి తదితరులు పాల్గొన్నారు.

నల్లగొండ: ప్రభుత్వం రైతుల నుంచి సేకరించిన ధాన్యంలో కేవలం సీఎంఆర్‌ (కస్టమ్‌ మిల్లింగ్‌ రైస్‌) బాయిల్డ్‌ రైస్‌ మాత్రమే మిల్లింగ్‌ చేయడం సాధ్యపడుతుందని నల్లగొండ జిల్లా రైస్‌ మిల్లర్ల అసోసియేషన్‌ స్పష్టం చేసింది. ఈ మేరకు మంగళవారం నల్లగొండ కలెక్టర్‌ చంద్రశేఖర్‌ను కలిసిన మిల్లర్లు వినతిపత్రం అందజేశారు. వరి కొనుగోలు (ప్యాడీ ప్రొక్యూర్‌మెంట్‌) సమయంలో చేసుకున్న ఒప్పందం ప్రకారమే ప్రభుత్వం నుంచి మిల్లింగ్‌ కోసం ధాన్యం దిగుమతి చేసుకుంటున్నట్లు వారు తెలిపారు. అయితే, ప్రస్తుతం ప్రభుత్వం సీఎంఆర్‌ కింద కేవలం రా రైస్‌ (ముడి బియ్యం) మాత్రమే తీసుకుంటామని చెబుతోందని, ఈ విధానం వల్ల మిల్లింగ్‌ చేయడానికి మిల్లులు నడిపే పరిస్థితి లేదని కలెక్టర్‌ దృష్టికి తీసుకెళ్లారు. తమ సమస్యలను వెంటనే పరిష్కరించాలని కోరారు. ప్రభుత్వం నుంచి సానుకూల నిర్ణయం రాకపోతే ఈ నెల 11వ తేదీన రైస్‌ మిల్లుల బంద్‌ పాటిస్తామని వారు హెచ్చరించారు. వినతిపత్రం అందజేసిన వారిలో రైస్‌ మిల్లర్స్‌ అసోసియేషన్‌ అధ్యక్షుడు కర్నాటి నారాయణ, జనరల్‌ సెక్రటరీ రేపాల భద్రాద్రి రాములు, ఎగ్జిక్యూటివ్‌ మెంబర్‌ జూలకంటి ఇంద్రారెడ్డి, గౌరవాధ్యక్షుడు చిట్టిపోలు యాదగిరి, వీరుమల్ల శ్రీనివాస్‌, కన్మంతరెడ్డి కేశవరెడ్డి, తొనుపునూరి వెంకటేశ్వర్లు, కొత్త విశ్వనాథం, శీల శ్రీనివాస్‌, తేరేటిపల్లి హనుమంత్‌, పందిరి శ్రీనివాస్‌, వెలుపల్లి శంకరయ్య, వెలుపల్లి రమేష్‌, గోవిందు మహేష్‌, చిత్తనూరి పవన్‌కుమార్‌ తదితరులు పాల్గొన్నారు.ఫ కలెక్టర్‌కు రైస్‌ మిల్లర్స్‌ అసోసియేషన్‌ వినతి

నల్లగొండ : ఓటరు జాబితా పారదర్శకంగా రూపొందించడమే ఎన్నికల సంఘం ఉద్దేశమని ఓటరు జాబితా ప్రత్యేక సమగ్ర సవరణ(సర్‌) జిల్లా పరిశీలకురాలు, రాష్ట్ర ఉన్నత విద్యాశాఖ కమిషనర్‌ ఎ.దేవసేన అన్నారు. మంగళవారం ఆమె కలెక్టరేట్‌ సమావేశ మందిరంలో ఓటరు జాబితా ప్రత్యేక సమగ్ర సవరణ (సర్‌), ఓటరు జాబితా రూపకల్పనపై రాజకీయ పార్టీల ప్రతినిధులతో ఏర్పాటు చేసిన సమావేశంలో మాట్లాడారు. అర్హులైన ప్రతి ఓటరూ జాబితాలో ఉండాలని, అర్హత లేని వారు ఉండకూడదని, ఈ విషయంలో అధికారులతో పాటు, రాజకీయ పార్టీల ప్రతినిధులు కలిసి పని చేయాలన్నారు. ఈ సందర్భంగా కలెక్టర్‌ చంద్రశేఖర్‌ జిల్లాలో 1861 పోలింగ్‌ కేంద్రాలు ఉన్నాయని, ప్రతి పోలింగ్‌ కేంద్రానికి బీఎల్‌ఓను నియమించామని.. 5889 మంది బీఎల్‌ఏలు ఉన్నారని, 15,16,253 మంది ఓటర్లకుగాను.. 13,16,860 మంది ఓటర్ల మ్యాపింగ్‌ పూర్తయిందని, 13,57,618 ఎన్యుమరేషన్‌ ఫామ్స్‌ను డిజిటలైజేషన్‌ చేశామని, మ్యాపింగ్‌ కానీ, ఓటరు జాబితాలో చిరునామా, వయస్సు తదితర విషయాల్లో తేడాలున్న 2,28,939 మందికి నోటీసులు జారీ చేశామని వివరించారు. కార్యక్రమంలో రెవెన్యూ అదనపు కలెక్టర్‌ శ్రీనివాస్‌, డిప్యూటీ కలెక్టర్‌ (ట్రెయినీ) శ్రీకాంత్‌రెడ్డి, దేవరకొండ సబ్‌ కలెక్టర్‌ కరోలిన్‌ చింగ్‌ థియాన్‌ మావి, స్థానిక సంస్థల ఇన్‌చార్జి అదనపు కలెక్టర్‌ ప్రేమ్‌కరణ్‌రెడ్డి, పార్టీల నాయకులు పాల్గొన్నారు. ఫ ‘సర్‌’ జిల్లా పరిశీలకురాలు, ఉన్నత విద్యాశాఖ కమిషనర్‌ దేవసేన

నల్లగొండ : కలెక్టరేట్‌లోని ఎలక్ట్రానిక్‌ ఓటింగ్‌ యంత్రాలు (ఈవీఎం) భద్రపరిచిన గోదాంను కలెక్టర్‌ చంద్రశేఖర్‌, అదనపు కలెక్టర్‌ శ్రీనివాస్‌, రాజకీయ పార్టీల ప్రతినిధులతో కలిసి మంగళవారం పరిశీలించారు. గోదాంను తెరిపించి భద్రపరిచిన ఈవీఎంలు, వీవీ ప్యాట్లను పరిశీలించారు. ఎన్నికల సంఘం ఆదేశాల మేరకు రాజకీయ పార్టీల ప్రతినిధులతో కలిసి ఈవీఎం గోదాంలను పరిశీలించినట్లు కలెక్టర్‌ తెలిపారు. కార్యక్రమంలో నాయకులు ఎండీ.ముంతాజ్‌ అలీ, పి.లింగస్వామి, అద్దంకి రవి, ఆర్‌.రవిశంకర్‌, పిచ్చయ్య, సైదులు, ఖాజాగౌస్‌ మోహియుద్దీన్‌ పాల్గొన్నారు. 10.2 మి.మీ వర్షపాతంనల్లగొండ అగ్రికల్చర్‌ : జిల్లాలో సోమవారం ఉదయం నుంచి మంగళవారం ఉదయం వరకు 10.2 మిల్లీమీటర్ల సగటు వర్షం కురిసింది. కట్టంగూర్‌ 31.3, శాలిగౌరారం 20.1, నకిరేకల్‌ 27.6, తిప్పర్తి 25.3, నల్లగొండ 25.3, కనగల్‌ 10.4, దేవరకొండ 10.2, గుడిపల్లి 12.9, మునుగోడు 44.8, చండూరులో 49.3 మిల్లీమీటర్ల వర్షం కురిసింది. పత్తి చేలు వాడుతున్న దశలో వర్షం కురవడంతో పంటలకు ప్రాణం పోసినట్లయింది. ఎస్‌జీఎఫ్‌ క్రీడా పోటీలకు సిద్ధం నల్లగొండ టూటౌన్‌ : స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) ఆధ్వర్యంలో జిల్లా స్థాయిలో క్రీడా పోటీల నిర్వహణకు కార్యచరణ సిద్ధం చేసినట్లు జిల్లా విద్యాశాఖ అధికారి సుశీందర్‌రావు తెలిపారు. మంగళవారం నల్లగొండలోని డైట్‌ కళాశాల ప్రాంగణంలో నిర్వహించిన జిల్లాస్థాయి వ్యాయామ ఉపాధ్యాయుల సర్వసభ్య సమావేశంలో ఆయన మాట్లాడారు. ఎస్‌జీఎఫ్‌ క్రీడల షెడ్యూల్‌ను ఖరారు చేశామని, పోటీల నిర్వహణకు తేదీలు, క్రీడా మైదానాలు, అవసరమైన ఏర్పాట్లపై చర్చించి నిర్ణయం తీసుకున్నట్లు తెలిపారు. విద్యార్థుల్లో దాగి ఉన్న క్రీడలను వెలికితీసే విధంగా వ్యాయామ ఉపాధ్యాయులు కృషి చేయాలన్నారు. సమావేశంలో ఎస్‌జీఎఫ్‌ కార్యదర్శి నామిరెడ్డి శ్రీనివాస్‌రెడ్డి, వ్యాయామ ఉపాధ్యాయులు పాల్గొన్నారు. ముగిసిన చేనేత నామినేషన్లునకిరేకల్‌ : నకిరేకల్‌ చేనేత పారిశ్రామిక సహకార సంఘం ఎన్నికల నామినేషన్ల ప్రక్రియ మంగళవారం ముగిసింది. మొత్తం 22 నామినేషన్లు దాఖలయ్యాయని ఎన్నికల అధికారి ఎండీ.యూసఫ్‌ అలీ తెలిపారు. నామినేషన్లు దాఖలు చేసిన వారిలో చిలుకూరి జనార్దన్‌, చందమల్ల ఆంజనేయులు, అలువాల సాంబయ్య, దేవులపల్లి పాపయ్య, అయిటిపాముల గిరి, మిర్యాల రవి, మూడుదుడ్ల శ్రీనివాస్‌, దొంత పుష్పలత, సంగెపు ఉమ ఉన్నారు.

నల్లగొండ టౌన్‌ : వాతావరణంలో మార్పుల కారణంగా జిల్లా అంతటా విష జ్వరాలు విజృంభిస్తున్నాయి. ఈగలు, దోమలుతోపాటు పారిశుద్ధ్యం లోపించి జనం అనారోగ్యం పాలవుతున్నారు. దగ్గు, జలుబు, జ్వరం, గొంతునొప్పితో ప్రజలు బాధపడుతున్నారు. జలుబు, దగ్గుతో మొదలై వైరల్‌ ఫీవర్‌గా మారుతోంది. తీవ్రమైన జ్వరంతో పాటు నొప్పులు, అలసట, ప్లేట్‌లెట్స్‌ తగ్గిపోతున్నాయి. వారం, పది రోజుల పాటు ఆరోగ్యం కుదుటపడడం లేదు. నల్లగొండ ప్రభుత్వ జనరల్‌ ఆస్పత్రితోపాటు ఏరియా ఆస్పత్రులు ప్రాథమిక ఆరోగ్య కేంద్రాల్లో వైరల్‌ ఫీవర్లతో బాధపడుతూ వైద్యం కోసం వస్తున్న వారి సంఖ్య రోజురోజుకు పెరుగుతోంది. ప్లూ, శ్వాసకోశ వ్యాధులు, మలేరియా, టైపాయిడ్‌, చికున్‌గున్యా, డెంగీ లక్షణాలతో ఆప్పత్రుల్లో చేరుతున్నారు. ఆస్పత్రుల్లో పెరిగిన ఓపీ ప్రస్తుతం జిల్లాలోని అన్ని ఆస్పత్రుల్లో ఓపీ పెరగడంతో పాటు ఇన్‌పేషెంట్‌గా కూడా చికిత్స పొందుతున్నారు. నల్లగొంలోని ప్రభుత్వ జనరల్‌ ఆసుపత్రిలో పది రోజుల క్రితం వరకు ఓపీ కోసం వచ్చే వారి సంఖ్య 400 ఉండగా ప్రస్తుతం 600 వరకు ఓపీ సేవలకు వస్తున్నారు. ఇన్‌పేషెంట్ల సంఖ్య రెండింతలు అయింది. ఏరియా ఆస్పత్రుల్లోనూ రోగుల సంఖ్య పెరిగింది. ప్రైవేట్‌ ఆస్పత్రుల్లో ఫీజుల మోత గ్రామీణ ప్రాంతాల్లో జ్వర పీడితులు ఎక్కువగా స్థానిక ప్రైవేట్‌ వైద్యుల వద్దే చికిత్స పొందుతున్నారు. ఎలాంటి అనుమతులు లేని ల్యాబుల్లో డెంగీ, మలేరియా లాంటి పరీక్షలను చేస్తూ రోగుల నుంచి పెద్ద మొత్తంలో ఫీజులను గుంజుతున్నారు. స్కానింగ్‌, రక్త పరీక్షల పేరుతో ప్రైవేట్‌ ఆస్పత్రుల నిర్వాహకులు అందిన కాడికి దండుకుంటున్నారు. వైరల్‌ ఫీవర్‌ బాధితులను ఆసుపత్రిలో చేర్చుకుంటూ వైద్యం పేరుతో 3, 4 రోజులు ఉంచుకుని రూ.20 నుంచి రూ.30 వేల వరకు గుంజుతున్నట్లు ఆరోపణలు ఉన్నాయి. ఇంటింటా సర్వే చేస్తున్నాం..సీజనల్‌ వ్యాధులపై అప్రమత్తమయ్యాం. ఇంటింటికి ఫీవర్‌ సర్వే చేస్తున్నాం. వ్యాధి లక్షణాలు ఉంటే ప్రభుత్వ ఆస్పత్రిలో వైద్యం చేస్తున్నాం. ప్రజలు కూడా పరిసరాలు, ఇంటి, వ్యక్తిగత పరిశుభ్రత పాటించాలి. జ్వరం వంటి లక్షణాలు కనిపిస్తే సమీప ప్రభుత్వ ఆసుపత్రికి వెళ్లి వైద్య చికిత్స చేయించుకోవాలి. – డాక్టర్‌ కె. రాహుల్‌, డీఎంహెచ్‌ఓ ఫ వాతావరణ మార్పులతో మంచం పడుతున్న ప్రజలు ఫ జలుబు, దగ్గు, గొంతునొప్పి, జ్వరంతో ఇబ్బందులు ఫ ఆస్పత్రుల్లో పెరుగుతున్న ఓపీ, ఇన్‌ పేషంట్లు ఫ టెస్టుల పేరుతో దోచుకుంటున్న ప్రైవేట్‌ ఆస్పత్రులు ఆరేళ్లలో నమోదైన కేసులు ఇలా.. సంవత్సరం డెంగీ మలేరియా చికున్‌గున్యా 2021 57 1 – 2022 136 5 – 2023 241 4 4 2024 357 2 8 2025 45 2 – 2026 18 2 –

స్వచ్ఛమైన గాలికి చిరునామాగా నల్లగొండ నగరం నిలిచింది. ఇక్కడి పచ్చని చెట్లు.. చుట్టూ గుట్టలు, పంట పొలాలు నగర వాసులకు మంచి వాతావరణాన్ని పంచుతున్నాయి. స్వచ్ఛవాయు సర్వేక్షణ్‌–2026లో జాతీయ స్థాయిలో నీలగిరి గుర్తింపు పొందింది. సాయి ద్వారకాపురి కాలనీలో రోడ్డుకు ఇరువైపులా ఉన్న చెట్లు దేశంలోనే 3 లక్షలలోపు జనాభా కలిగిన నగరాల్లో 10వ ర్యాంకు సాధించి నల్లగొండ కార్పొరేషన్‌ ఉత్తమ పనితీరును కనబరిచింది. దీంతోపాటు 10 వేలలోపు జనాభా కలిగిన వార్డుల్లో నల్లగొండ మున్సిపల్‌ కార్పొరేషన్‌లోని 16వ డివిజన్‌ ఉత్తమ అవార్డు సాధించింది. జాతీయ స్థాయిలో 2వ ర్యాంకుతో ప్రత్యేక స్థానం సంపాదించుకుంది. మొత్తంగా 3 లక్షలలోపు జనాభా కలిగిన పట్టణాల (మూడో) కేటగిరీలో నల్లగొండ కార్పొరేషన్‌ 200 గాను 185.8 స్కోర్‌ సాధించింది. మొత్తంగా ఐదు కేటగిరీల్లో ఉత్తమ పనితీరును కనబరచడంతో రూ.20 లక్షల ప్రోత్సాహకాన్ని అందుకుంది. నగరం పరిధిలో పరిశ్రమలు లేకపోవడం, చుట్టూ పచ్చని పొలాలు ఉండడంతో నగరంలో స్వచ్ఛమైన వాతావరణం ఉంటోంది. పొలింగ్‌ కేంద్రాల పరిశీలన కేతేపల్లి : కేతేపల్లి మండలంలోని కొర్లపహాడ్‌ ప్రాథమిక పాఠశాలలో ఏర్పాటు చేసిన పోలింగ్‌ కేంద్రాలను జిల్లా ఓటరు జాబితా పరిశీలకురాలు దేవసేన, కలెక్టర్‌ చంద్రశేఖర్‌ మంగళవారం పరిశీలించారు. ఆయా పోలింగ్‌ కేంద్రాల పరిధిలోని ఓటర్ల సంఖ్య, మ్యాపింగ్‌ కాని ఓటర్లు, జాబితాలో తేడాలున్న ఓటర్లకు జారీ చేసిన నోటీసులు, విచారణ వివరాలను అడిగి తెలుసుకున్నారు. ఎన్నికల కమిషన్‌ ఆదేశాలకు అనుగుణంగా నోటీసుల పంపిణీ, విచారణ ప్రక్రియను నిర్ణీత గడువులోగా పూర్తి చేయాలని ఆదేశించారు. కార్యక్రమంలో ఈఆర్‌ఓ రమాదేవి, తహసీల్దార్‌ యు.రమాదేవి, డీటీ ఎండీ.సత్తార్‌, ఆర్‌ఐ రాంచంద్రయ్య, సర్పంచ్‌ కె.సైదిరెడ్డి, సూపర్‌వైజర్‌ సంధ్యారాణి ఉన్నారు. ఫ 3లక్షలలోపు జనాభా కలిగిన నగరాల కేటగిరిలో 10వ ర్యాంకు ఫ వార్డుల కేటగిరీలో 16వ డివిజన్‌కు జాతీయస్థాయిలో రెండో ర్యాంకు ఫ రూ.20 లక్షల ప్రోత్సాహకం అందజేత ఫ ఇంటింటా మొక్కలతో పరుచుకున్న పచ్చదనం సాక్షి ప్రతినిధి, నల్లగొండ : పర్యావరణ పరిరక్షణ, కాలుష్య నియంత్రణలో నల్లగొండ మున్సిపల్‌ కార్పొరేషన్‌ జాతీయ స్థాయిలో సత్తా చాటింది. కేంద్ర ప్రభుత్వం ప్రతిష్టాత్మకంగా చేపట్టిన నేషనల్‌ క్లీన్‌ ఎయిర్‌ ప్రోగ్రామ్‌ (ఎన్‌సీఏపీ)లో అరుదైన ర్యాంకులతో మెరిసింది. ఒకవైపు పట్టణాల విభాగంలో, మరోవైపు వార్డుల విభాగంలో జాతీయ స్థాయి అవార్డులను కై వసం చేసుకుంది. పారిశుద్ధ్యం, వ్యర్థాల నిర్వహణ, పచ్చదనం పెంపు వంటి అంశాల్లో అధికారుల ప్రణాళిక, ప్రజల భాగస్వామ్యం తోడవడంతో స్వచ్ఛ వాయు సర్వేక్షణ్‌ – 2026లో నల్లగొండకు అరుదైన గౌరవం దక్కింది. చంద్రగిరి విలాస్‌లో రోడ్డుకు ఇరువైపులా ఏర్పాటు చేసిన చెట్లు మాట్లాడుతున్న రవీంద్రకుమార్‌, చిత్రంలో బండా నరేంద్రర్‌రెడ్డి, భూపాల్‌రెడ్డి, భగత్‌ తదితరులు

నల్లగొండ : 1104 సంఘంతోనే కార్మిక సమస్యల పరిష్కారం అవుతాయని టీఈఈ (తెలంగాణ ఎలక్ట్రిసిటీ ఎంప్లాయీస్‌ యూనియన్‌) రాష్ట్ర ప్రధాన కార్యదర్శి జి.సాయిబాబు అన్నారు. మంగళవారం నల్లగొండలోని యూనియన్‌ ప్రాంతీయ కార్యవర్గ అధ్యక్షుడు జైపాల్‌రెడ్డి అధ్యక్షతన జరిగిన ఉద్యోగ విరమణ సన్మాన కార్యక్రమంలో ఆయన మాట్లాడారు. కేంద్ర ప్రభుత్వ విద్యుత్‌ ప్రవేటీకరణ విధానాలకు వ్యతిరేకంగా దేశవ్యాప్తంగా జరుగుతున్న ఉద్యమాల్లో 1104 యూనియన్‌ పాల్గొన్నదని.. భవిష్యత్‌లో బలమైన ఉద్యమాలను కూడా నిర్మించాల్సి ఉంటుందని చెప్పారు. అనంతరం సాయిబాబు, నిమ్మచెట్ల వెంకటయ్యను విద్యుత్‌ ఉద్యోగులు సన్మానించారు. కార్యక్రమంలో ఎస్‌ఈ శ్రీనివాసులు, యూనియన్‌ నాయకులు వి.వెంకటేశ్వర్లు, ఆర్‌.జనార్దన్‌రెడ్డి, గణేష్‌, బాల్య, వేణు, ఎస్‌.వెంకన్న, విద్యుత్‌ ఆర్టిజన్‌ ఉద్యోగులు తదితరులు పాల్గొన్నారు.

నగరంలో మరింత మెరుగ్గా మౌలిక వసతులు, ఆధునిక పౌర సౌకర్యాలు, పరిశుభ్రమైన పరిసరాలు, పచ్చదనం, సమర్థవంతమైన వ్యర్థాల నిర్వహణ వ్యవస్థను అందించేందుకు కృషి చేస్తాం. స్వచ్ఛమైన, ఆరోగ్యకరమైన నల్లగొండ నిర్మాణానికి మరింత సమన్వయంతో పనిచేస్తాం. జాతీయ స్థాయిలో నగరానికి పదో ర్యాంకు, వార్డు కేటగిరీలో 16వ డివిజన్‌కు 2వ ర్యాంకు సాధించడం మా బాధ్యతను మరింతగా పెంచింది. నగదు బహుమతితోపాటు అవార్డు నగర అభివృద్ధి ప్రస్థానంలో మరో కీలక మైలురాయిగా నిలిచింది. – బి.వంశీకృష్ణ, కమిషనర్‌ ప్లై ఓవర్‌కింద ఉన్న మొక్కలు

నల్లగొండ : నల్లగొండలోని జిల్లా పోలీస్‌ కార్యాలయంలో సోమవారం పోలీస్‌ గ్రీవెన్స్‌డే సందర్భంగా బాధితుల నుంచి ఎస్పీ శరత్‌చంద్ర పవార్‌ వినతులు స్వీకరించారు. జిల్లాలోని వివిధ ప్రాంతాల నుంచి వచ్చిన 38 మంది తమ సమస్యలను ఎస్పీకి తెలియజేశారు. భూ వివాదాలు, కుటుంబ కలహాలు, ఆస్తి తగాదాలు, మోసాలకు సంబంధించిన ఫిర్యాదులపై బాధితులు ఆయనకు వినతులు అందజేశారు. వినతులు స్వీకరించిన ఎస్పీ వెంటనే పరిశీలించి తగిన చర్యలు తీసుకోవాలని సంబంధిత పోలీస్‌ అధికారులును ఫోన్‌ ద్వారా ఆదేశించారు. చేనేత ఎన్నికలకు 21 నామినేషన్లునకిరేకల్‌ : నకిరేకల్‌ చేనేత పారిశ్రామిక సహకార సంఘం ఎన్నికల నామినేషన్ల ప్రక్రియలో భాగంగా సోమవారం వరకు 21 నామినేషన్ల దాఖలయ్యాయి. మంగళవారం నామినేషన్ల స్వీకరణ ముగియనుంది. సోమవారం నామినేషన్లు దాఖలు చేసిన వారిలో బాల్నె వెంకటేశ్వర్లు, సామల గౌరవయ్య, పున్న యాదగిరి, జెల్లా లక్ష్మీనారాయణ, అలువాల వెంకటేశ్వర్లు, చిలుకూరి వెంకటేశ్వర్లు, బొప్పని శంభులింగం, చిలుకూరి సుజాత, మిర్యాల ప్రమీల ఉన్నారు. కార్యక్రమంలో కాంగ్రెస్‌ పట్టణ అధ్యక్షుడు లింగాల వెంకన్న, మిర్యాల వెంకటేశం, వెంకన్న, పన్నాల రాఘవరెడ్డి, గాజుల సుకన్య, చౌగోని శ్రీనివాస్‌, రాచకొండ సునీల్‌, గోలి పద్మ, కందాల భిక్షంరెడ్డి, అశోక్‌రెడ్డి, యాసారపు వెంకన్న తదితరులు పాల్గొన్నారు. 8, 9 తేదీల్లో టీచర్లకు టెట్‌నల్లగొండ : ఇన్‌ సర్వీస్‌ ఉపాధ్యాయులు ఈ నెల 8, 9 తేదీల్లో టెట్‌కు హాజరుకానున్నారు. టెట్‌ నిర్వహణకు నల్లగొండ పట్టణంలోని ఎస్‌పీఆర్‌ పాఠశాలలో పరీక్ష కేంద్రం ఏర్పాటు చేశారు. ఈ పాఠశాలలో పరీక్ష కేంద్రం నాలుగో అంతస్తులో ఉండడంతో ఉపాధ్యాయులకు ఇబ్బందులు కలుగుతాయని పీఆర్‌టీయూ–టీఎస్‌ మహిళా ప్రతినిధి, రాష్ట్ర అసోసియేట్‌ అధ్యక్షురాలు కళావతి, జిల్లా అధ్యక్షుడు కాలం నారాయణరెడ్డి, ప్రధాన కార్యదర్శి మేకల జాన్‌రెడ్డి, సయ్యద్‌ యూసుఫ్‌ పాషా తదితరుల సోమవారం డీఈఓను కలిసి పరీక్ష కేంద్రంలో లిఫ్ట్‌ను అందుబాటులో ఉంచాలని కోరారు. టెట్‌కు హాజరయ్యే ఇన్‌సర్వీస్‌ ఉపాధ్యాయులకు ఎలాంటి ఇబ్బందులు కలగకుండా చర్యలు తీసుకుంటానమన్నారు. దీంతో ఉపాధ్యాయులు హర్షం వ్యక్తం చేస్తున్నారు. రాష్ట్ర జాయింట్‌ సెక్రటరీగా మోహినినల్లగొండ టూటౌన్‌ : వీల్‌ చైర్‌ అడాప్టివ్‌ బాక్సింగ్‌ అసోసియేషన్‌ రాష్ట్ర జాయింట్‌ సెక్రటరీగా నూకల మోహిని సోమవారం బాధ్యతలు స్వీకరించారు. ఈ సందర్భంగా ఆమె మాట్లాడుతూ.. బాక్సింగ్‌ను జిల్లా, రాష్ట్ర స్థాయిలో విస్తరించడం, క్రీడాకారులను ప్రోత్సహించడం తమ ధ్యేయమని తెలిపారు. దివ్యాంగ క్రీడాకారులకు బాక్సింగ్‌లో సమాన అవకాశాలు కల్పించేందుకు తమ అసోసియేషన్‌ కృషి చేస్తుందని పేర్కొన్నారు.

చందంపేట : మెట్టభూములను సాగులోకి తీసుకొచ్చేందుకు శ్రీకారం చుట్టిన అంబాభవాని లిఫ్టు పనులు నిలిచిపోయాయి. నేరెడుగొమ్ము మండలంలోని 13వేల ఎకరాలకు సాగునీరు అందించే ఈ లిఫ్టుపై మండల రైతాంగం ఎన్నో ఆశలు పెట్టుకుంది. లిఫ్టు పనులు త్వరితగతిన పూర్తి చేసి సాగు నీరు అందించాలని ఇక్కడి రైతాంగం ప్రభుత్వాన్ని కోరుతోంది. 2022లో బీఆర్‌ఎస్‌ హయాంలో రూ.184.56 కోట్ల వ్యయంతో అంబాభవాని ఎత్తిపోతల పనులను అప్పటి సీఎం కేసీఆర్‌ ప్రారంభించారు. సాగర్‌ వెనుక జలాల నుంచి నీటిని తీసుకుని నేరెడుగొమ్ము మండలంలోని 13వేల ఎకరాలకు అందించాలనేది ఈ లిఫ్టు ఉద్దేశం. రెండేళ్ల కాలవ్యవధిలో నాటికి ఈ లిఫ్టు పనులు పూర్తి చేయాలని లక్ష్యంగా పెట్టుకున్నా.. ఇప్పటి వరకు పూర్తి కాలేదు. కృష్ణా జలాలు పెరిగితే పనులు సాగవు.. నాగార్జునసాగర్‌ నీటిమట్టం పెరిగినప్పుడు అంబాభవాని లిఫ్టు పనులు చేపట్టే ప్రాంతాన్ని కృష్ణా జలాలు ముంచెత్తుతాయి. పంప్‌ హౌస్‌లోకి నీరు చేరుతుంది. పనులు చేపట్టేందుకు వీలుండదు. ప్రసుత్తం సాగర్‌లో నీరు తక్కువగా ఉన్నా.. పనులు చేపట్టడంలో మాత్రం జాప్యం జరుగుతోంది. నష్టపరిహారం చెల్లింపులో జాప్యం.. అంబాభవాని ఎత్తిపోతల పథకంలో భాగంగా 72 కిలోమీటర్ల మేర పైప్‌లైన్‌ వేసేందుకు భూములను సేకరించారు. కానీ రైతులకు పరిహారం చెల్లించడంలో కొంత మేర జాప్యం జరుగుతోంది. నష్టపరిహారం చెల్లించని కారణంగా లిఫ్టు పనులు కొంత కాలం పాటు నిలిచిపోయాయి. ప్రస్తుతం భూములు సాగు చేస్తుండడంతో రైతులు పొలాల నుంచి పైప్‌లైన్‌ వేసేందుకు ఇబ్బందులు కలగుతున్నాయి. పంట కాలం పూర్తి అయ్యాక పైప్‌లైన్‌ వేయాలని రైతులు కోరుతున్నారు. అంబాభవాని లిఫ్ట్‌ పైప్‌లైన్‌ పనులు అసంపూర్తిగా అంబాభవాని లిఫ్టు పంప్‌హౌస్‌ అంబాభవాని లిఫ్టులో భాగంగా పంప్‌హౌస్‌ పనులు 60 శాతం పూర్తయ్యాయి. భూ సమస్యలు పరిష్కారం కావాల్సి ఉంది. ఇరిగేషన్‌, రెవెన్యూ అధికారులు సంయుక్తంగా సర్వే చేపట్టారు. రెవెన్యూ అధికారుల నుంచి నివేదిక రావాల్సి ఉంది. త్వరలోనే అంబాభవాని లిఫ్టు పనులు పూర్తవుతాయి. – ప్రభాకర్‌, ఇరిగేషన్‌ డీఈ, అంబాభవాని లిఫ్ట్‌నాలుగేళ్లవుతున్నా పూర్తికాని ఎత్తిపోతల పథకం ఫ భూ సమస్యతో నిలిచిన పనులు ఫ లిఫ్టు పూర్తయితే 13వేల ఎకరాలకు సాగునీరుప్రస్తుతం మేము వర్షాలు, బోర్లపైనే ఆధారపడి పంటలను సాగు చేస్తున్నాం. అంబాభవాని లిఫ్టు పనులు పూర్తయితే పంటల సాగుకు డోకా ఉండదు. ప్రస్తుతం వర్షాభావ పరిస్థితులు ఉన్నాయి. సాగర్‌లో నీరు తక్కువగా ఉంది. సాగర్‌ నిండితే మళ్లీ పనులకు ఆటంకం కలుగుతుంది. వెంటనే లిఫ్టు పూర్తి చేయాలి. – కేతావత్‌ గుండు, రైతు, బచ్చాపురం

నాగార్జునసాగర్‌ హిల్‌కాలనీలో నిర్మించిన రంగనాథ రంగశాల శిథిలావస్థకు చేరింది.- 8లోఆర్టీసీ డిప్యూటీ ఆర్‌ఎంగా నరసింహరామగిరి(నల్లగొండ) : టీజీఎస్‌ఆర్‌టీసీ నల్లగొండ రీజియన్‌ డిప్యూటీ రీజినల్‌ మేనేజర్‌గా (ఆపరేషన్స్‌ అండ్‌ మెకానికల్‌) నరసింహ, నల్లగొండ డిపో మేనేజర్‌గా మేరీ లావణ్య సోమవారం బాధ్యతలు స్వీకరించారు. ఈ సందర్భంగా డిప్యూటీ ఆర్‌ఎం నరసింహ మాట్లాడుతూ రీజియన్‌ పరిధిలోని ఏడు డిపోల అధికారులు, సిబ్బంది సమన్వయంతో నల్లగొండ రీజియన్‌ను ప్రగతి పథంలో ముందుకు తీసుకెళ్తానని ధీమా వ్యక్తం చేశారు.

నల్లగొండ టూటౌన్‌ : కాంగ్రెస్‌ ప్రభుత్వం ఎన్నికల సమయంలో చెప్పిన ఆరు గ్యారంటీలు, 420 హామీలను అమలు చేయడంతో విఫలమైందని మాజీ ఎమ్మెల్యే కంచర్ల భూపాల్‌రెడ్డి, జెడ్పీ మాజీ చైర్మన్‌ బండ నరేందర్‌రెడ్డి అన్నారు. కాంగ్రెస్‌ వెయ్యి రోజుల విఫల పాలనపై 6వ రోజు సోమవారం నల్లగొండలోని కలెక్టరేట్‌ ఎదుట నిరసన తెలిపారు. ఈ సందర్భంగా వారు మాట్లాడుతూ ప్రభుత్వం వెయ్యి రోజుల పాలన ముగిసినప్పటికి ఇచ్చిన హామీలు అమలు చేయకుండా నిమ్మకు నీరెత్తినట్లు వ్యవహరిస్తోందన్నారు. అసెంబ్లీ ఎదుట ఎమ్మెల్యేలు హరీష్‌రావు, సునీతా లక్ష్మారెడ్డి, జగదీశ్‌రెడ్డిపై దాడిని తీవ్రంగా ఖండిస్తున్నట్లు తెలిపారు. అనంతరం ప్రజావాణిలో కలెక్టర్‌ చంద్రశేఖర్‌కు వినతిపత్రం అందజేశారు. కార్యక్రమంలో మున్సిపల్‌ మాజీ చైర్మన్‌ మందడి సైదిరెడ్డి, అభిమన్యు శ్రీనివాస్‌, చీర పంకజ్‌యాదవ్‌, నిరంజన్‌వలి, రేగట్టె మల్లికార్జున్‌రెడ్డి, మైనం శ్రీనివాస్‌, జమాల్‌ఖాద్రీ, బోనగిరి దేవేందర్‌, మారగోని గణేష్‌, బాణావత్‌ దీప్లా, రాజశేఖర్‌, దొడ్డి రమేష్‌, రావుల శ్రీనివాస్‌రెడ్డి, పెరిక కరణ్‌జయరాజ్‌ తదితరులు పాల్గొన్నారు. ఫ కలెక్టరేట్‌ ఎదుట బీఆర్‌ఎస్‌ నిరసన

రామగిరి (నల్లగొండ) : కలెక్టరేట్‌ సమావేశ మందిరంలో సోమవారం నిర్వహించిన ప్రజావాణి కార్యక్రమానికి బాధితుల నుంచి వినతులు వెల్లువెత్తాయి. కలెక్టర్‌ బి.చంద్రశేఖర్‌.. జిల్లా ఉన్నతాధికారులతో కలిసి ప్రజల నుంచి నేరుగా ఫిర్యాదులు స్వీకరించారు. 88 మంది దరఖాస్తుదారులు సమర్పించారు. వీటిలో ఎక్కువగా వ్యక్తిగత భూసమస్యలు, ఉద్యోగ, ఉపాధి, పెన్షన్లు, నిధుల విడుదలకు సంబంధించినవి ఉన్నాయి. ఈ సందర్భంగా కలెక్టర్‌ మాట్లాడుతూ మండల ప్రత్యేక అధికారులు ప్రతివారం తమ పరిధిలోని అభివృద్ధి కార్యక్రమాలపై సమీక్షించి నివేదిక సమర్పించాలని ఆదేశించారు. ఆ నివేదికల ఆధారంగా ప్రతి శుక్రవారం కలెక్టరేట్‌లో సమావేశం నిర్వహిస్తామని తెలిపారు. కార్యక్రమంలో అదనపు కలెక్టర్‌ (రెవెన్యూ) శ్రీనివాస్‌, డిప్యూటీ కలెక్టర్‌ (ట్రెయినీ) శ్రీకాంత్‌రెడ్డి, డీఆర్డీఓ శేఖర్‌రెడ్డి, డీఆర్‌ఓ దశరథ్‌ పాల్గొన్నారు.

ప్రభుత్వం త్వరలోనే పొదుపు సంఘాలకు సంబంధించిన వడ్డీ డబ్బులు విడుదల చేసే అవకాశం ఉంది. ప్రభుత్వం నుంచి నిధులు విడుదల కాగానే సంబంధిత పొదుపు సంఘాల బ్యాంకు ఖాతాల్లో జమ చేస్తాం. – శ్రీనివాస్‌, మెప్మా పీడీ నల్లగొండ టూటౌన్‌ : పొదుపు సంఘాల మహిళలకు వడ్డీ లేని రుణాలు ఇస్తామని చెప్పిన ప్రభుత్వాలు మాటలకు, చేతలకు పొంతన లేకుండా పోయిందనే విమర్శలు వస్తున్నాయి. గత ప్రభుత్వ హయాం నుంచి ఇప్పటి వరకు పొదుపు సంఘాల మహిళలు తీసుకున్న రుణాలకు వడ్డీ రాలేదు. జిల్లాలోని 8 మున్సిపాలిటీల్లో 6,575 పొదుపు సంఘాలకు దాదాపు రూ. 25.36 కోట్లు రావల్సి ఉన్నట్లు అధికారులు చెబుతున్నారు. గత ప్రభుత్వ బకాయి రూ.14 కోట్లు.. జిల్లాలోని నల్లగొండ, మిర్యాలగూడ, దేవరకొండ, చిట్యాల, నందికొండ, చండూరు, నకిరేకల్‌, హాలియా మున్సిపాలిటీల్లో పొదుపు సంఘాలకు 2019 నుంచి 2023 వరకులోపు వరకు వడ్డీ రూ.14 కోట్లు రావాల్సి ఉంది. అదే విధంగా 2025–26 సంవత్సరానికి సంబంధించి రూ.11.36 కోట్లు రావాల్సి ఉన్నా ప్రభుత్వం విడుదల చేయలేదు. వడ్డీ డబ్బులు సకాలంలో విడుదల చేయని కారణంగా పొదుపు సంఘాలకు మేలు జరుగడంలేదు. వడ్డీ లేని రుణం (వీఎల్‌ఆర్‌) ఇస్తున్నామని ప్రభుత్వాలు చెబుతున్నాయే తప్ప బ్యాంకులు వసూలు చేస్తున్న వడ్డీని తిరిగి ఇవ్వడంలో తీవ్ర జాప్యం చేస్తున్నాయి. గత ప్రభుత్వ హయాం వడ్డీపై అస్పష్టత.. కాంగ్రెస్‌ ప్రభుత్వం అధికారంలోకి వచ్చిన తరువాత 2023–24, 2024–25 సంవత్సరాలకు సంబంధించి రెండు సంవత్సరాల వడ్డీ డబ్బులను పొదుపు సంఘాలకు జమ చేసింది. కానీ గత బీఆర్‌ఎస్‌ ప్రభుత్వ హాయంలో పెరుకుపోయిన వడ్డీ డబ్బులు ఇస్తారా లేదా అనే దానిపై అస్పష్టత నెలకొంది. ప్రభుత్వాలు చెప్పిన ప్రకారం ప్రతి సంవత్సరం వడ్డీ డబ్బులు విడుదల చేయని కారణంగా పొదుపు సంఘాల మహిళలు నష్టపోతున్నారు. వడ్డీ వస్తేనే మహిళలకు ప్రయోజనం.. ఆరేళ్లుగా ప్రభుత్వం పొదుపు సంఘాలకు ప్రభుత్వాలు వడ్డీ విడుదల చేయకపోవడంతో కొత్త సంఘాల ఏర్పాటుపై ఈ ప్రభావం పడుతోంది. కొత్తగా సంఘాలు ఏర్పాటు చేసుకునే వాళ్లు ప్రతి నెల 10వ తేదీలోగా చెల్లించకపోతే తమకు అధిక వడ్డీ పడుతుందని మహిళలు ఆందోళన వ్యక్తం చేస్తున్నారు. వడ్డీ వస్తేనే మహిళా సంఘాలకు ఎంతో కొంత ప్రయోజనం చేకూరుతుంది.ఫ పట్టణాల్లోని మహిళా సంఘాలకు అందని సొమ్ము ఫ ప్రతి నెలా రుణం చెల్లిస్తున్నా.. వడ్డీ ఇవ్వడంలో జాప్యం

నకిరేకల్‌ : నకిరేకల్‌ పట్టణంలో రూ.32 కోట్లతో నూతనంగా నిర్మించిన 100 పడకల ఆసుపత్రి సముదాయంలో సోమవారం నుంచి పూర్తిస్థాయి వైద్య సేవలు అందుబాటులోకి వచ్చాయి. శనివారం ఈ భవనాన్ని ముఖ్యమంత్రి రేవంత్‌రెడ్డి ప్రారంభించగా, సోమవారం ఉదయం నుంచి వైద్యులు అధికారికంగా రోగులకు చికిత్స అందించడం ప్రారంభించారు. ఉదయం 10 గంటల నుంచే ఓపీ విభాగం వద్ద రోగులు, వారి సహాయకుల సందడి నెలకొంది. వివిధ గ్రామాల నుంచి వచ్చిన రోగులకు సకాలంలో పరీక్షలు నిర్వహించి ఉచితంగా మందులు పంపిణీ చేశారు. మొదటిరోజే దాదాపు 280 మంది రోగులు ఓపీ కోసం నమోదు చేసుకున్నారు. ఈసీజీ సేవలు అందిస్తున్న వైద్యులు డాక్టర్‌ వద్ద బారులుదీరిన మహిళలుకొత్త భవనంలో అన్ని విభాగాలకు సంబంధించిన ఆధునిక వైద్య పరికరాలు అందుబాటులోకి వచ్చాయి. ప్రస్తుతం ఈసీజీ సేవలు ప్రారంభమవ్వగా, వారం రోజుల్లో డయాలసిస్‌ యూనిట్‌ కూడా అందుబాటులోకి రానుంది. పాత ఆసుపత్రిలోని సామాగ్రితో పాటు ఇన్‌పేషెంట్లను కూడా నూతన సముదాయంలోకి మార్చే పనులు ముమ్మరంగా సాగుతున్నాయి. గతంలో వైద్య పరీక్షలు, మెరుగైన చికిత్స కోసం నకిరేకల్‌ ప్రాంత ప్రజలు నల్లగొండ లేదా హైదరాబాద్‌ వెళ్లాల్సి వచ్చేది. ఇప్పుడు నూతన భవనంలో అత్యాధునిక సౌకర్యాలతో వైద్యం అందుబాటులోకి రావడంతో దూర ప్రాంతాలకు వెళ్లాల్సిన అవసరం తప్పిందని స్థానికులు హర్షం వ్యక్తం చేస్తున్నారు. ఫ నకిరేకల్‌ 100 పడకల ఆస్పత్రిలో వైద్య సేవలు ప్రారంభం ఫ అన్ని సౌకర్యాలు ఉండడంతో ప్రజల హర్షం నేను వైద్య పరీక్షల నిమిత్తం శాలిగౌరారం నుంచి వచ్చాను. కొత్త ఆస్పత్రిలో అన్ని సౌకర్యాలు బాగున్నాయి. విశాలంగా ఉండటంతో ఓపీ కోసం నిరీక్షంచుకుండా ప్రత్యేక ఏర్పాట్లు చేశారు. వచ్చిన వారి వివరాలు వెంటనే నమోదు చేసుకుని ఆయా విభాగాల డాక్టర్ల వద్దకు పంపిస్తున్నారు. డాక్టర్లు రాసిన మందులను కూడా ఆలస్యం లేకుండా ఇస్తున్నారు. – పెంబళ్ల రేణుక, శాలిగౌరారం

నల్లగొండ టూటౌన్‌ : నేషనల్‌ క్లీన్‌ ఎయిర్‌ ప్రోగ్రామ్‌ (ఎన్‌సీఏపీ)లో భాగంగా నిర్వహించిన వార్డు స్థాయి స్వచ్ఛ వాయు సర్వేక్షణ్‌ –2026లో నీలగిరి మున్సిపల్‌ కార్పొరేషన్‌ జాతీయ స్థాయిలో ఘనత సాధించింది. దేశ వ్యాప్తంగా 130 మున్సిపాలిటీలు పాల్గొనగా నీలగిరి మున్సిపల్‌ కార్పొరేషన్‌లోని 16వ వార్డు (డివిజన్‌) కేటగిరీ 3లో జాతీయ స్థాయిలో 2వ ర్యాంకు సాధించింది. స్వచ్ఛ వాయు సర్వేక్షణ్‌లో గాలి నాణ్యత మెరుగుదల, రహదారి దుమ్ము నియంత్రణ, ఘన వ్యర్థాల నిర్వహణ, పచ్చదనం పెంపుదల, ప్రజల్లో అవగాహన తదితర అంశాలపై పట్టణ స్థాయిలో చేపట్టిన అంశాలను పరిగణనలోకి తీసుకున్నారు. జంక్షన్ల అభివృద్ధి, ఈవీ చార్జింగ్‌ స్టేషన్ల ఏర్పాటు, బ్లాక్‌ ప్లాంటేషన్‌, ట్రాఫిక్‌ కారిడార్లలో పచ్చదనం పెంపు, మెటీరియల్‌ రికవరీ ఫెసిలిటీ ప్లాంట్‌ లాంటి వాటిలో మెరుగైనవిగా గుర్తించారు. దాంతో జాతీయ స్థాయిలో 2వ ర్యాంకు సాధించడంతో పాటు రూ.20 లక్షల నగదు బహుమతి సాధించింది. సోమవారం న్యూ ఢిల్లీలోని ఇందిరా పర్యావరణ భవన్‌లో నిర్వహించిన కార్యక్రమంలో నేషనల్‌ గ్రీన్‌ ట్రిబ్యునల్‌ చైర్‌పర్సన్‌ జస్టిస్‌ ప్రకాశ్‌ శ్రీవాస్తవ, ఎయిర్‌ క్వాలిటీ మేనేజ్‌మెంట్‌ కమిషనర్‌ చైర్‌పర్సన్‌ రాజేష్‌వర్మ చేతుల మీదుగా నీలగిరి కార్పొరేషన్‌ మేయర్‌ బుర్రి చైతన్య, కార్పొరేషన్‌ కమిషనర్‌ బి.వంశీకృష్ణ, 16వ డివిజన్‌ కార్పొరేటర్‌ పెరిక స్వాతి అవార్డు, రూ.20 లక్షల నగదు బహుమతి అందుకున్నారు. ఈ సందర్భంగా నగర మేయర్‌ బుర్రి చైతన్య మాట్లాడుతూ మంత్రి కోమటిరెడ్డి వెంకట్‌రెడ్డి సహకారంతో అన్ని డివిజన్లలో ప్రజలకు మెరుగైన మౌలిక సదుపాయాలు కల్పించి, రాష్ట్రంలోనే నీలగిరి కార్పొరేషన్‌ను ఆదర్శంగా తీర్చిదిద్దుతానని తెలిపారు. ఈ అవార్డుతో నగరం మరో కీలక మైలు రాయిగా నిలిచిందని కమిషనర్‌ వంశీకృష్ణ పేర్కొన్నారు. నీలగిరి మున్సిపల్‌ చైర్మన్‌గా బుర్రి శ్రీనివాస్‌రెడ్డి ఉన్న సమయంలో స్వచ్ఛ సర్వేక్షణ్‌లో రూ.50 లక్షల నగదు బహుమతి, ఆయన సతీమణి బుర్రి చైతన్య మేయర్‌గా ఉన్న సమయంలో వరుసగా రెండవసారి నగదు బహుమతి దక్కించుకోవడం విశేషం. ఫ స్వచ్ఛవాయు సర్వేక్షణ్‌లో 2వ ర్యాంకు ఫ రూ.20 లక్షల నగదు బహుమతి అందుకున్న మేయర్‌ బుర్రి చైతన్య

రామగిరి(నల్లగొండ) : నాగార్జున కళాశాల తెలుగు విభాగం ఆధ్వర్యంలో తెలంగాణ సాహిత్య అకాడమీ సౌజన్యంతో ఈ నెల 26న ఆచార్య అనుమాండ్ల భూమయ్య సాహిత్య స్వర్ణోత్సవం (1976–2026) పేరిట ఒక రోజు జాతీయ సదస్సును నిర్వహించనున్నట్లు కళాశాల ప్రిన్సిపాల్‌ సముద్రాల ఉపేందర్‌ తెలిపారు. సోమవారం కళాశాల ప్రాంగణంలో సదస్సుకు సంబంధించిన బ్రోచర్‌ను అధ్యాపకులతో కలిసి ఆయన ఆవిష్కరించారు. ఈ సందర్భంగా ఆయన మాట్లాడుతూ ఆచార్య అనుమాండ్ల భూమయ్య పద్య కవిగా, గేయ కావ్య కర్తగా, ప్రముఖ విమర్శకునిగా ఇప్పటివరకు 54 గ్రంథాలను రచించి విశేష సేవలు అందించారన్నారు. ఆయన సాహిత్యాన్ని నేటి తరానికి పరిచయం చేయాలనే ప్రధాన లక్ష్యంతోనే ఈ సదస్సును రూపొందించినట్లు తెలిపారు. కార్యక్రమంలో వైస్‌ ప్రిన్సిపాల్‌ పరంగి రవికుమార్‌, తెలుగు శాఖాధ్యక్షుడు వెల్దండి శ్రీధర్‌, అంతటి శ్రీనివాసులు, పరీక్షల నియంత్రణ అధికారి డి.మునిస్వామి, విద్యా విషయక సమన్వయకర్త బి. నాగరాజు, అధ్యాపకులు వాస భూపాల్‌, టంగుటూరి సైదులు, ఎస్‌.ప్రభాకర్‌, దండి అంజయ్య, లింగస్వామి, వనజ, శ్రవణ్‌కుమార్‌ పాల్గొన్నారు.

దేవరకొండ : దేవరకొండ సబ్‌ కలెక్టర్‌గా కరోలిన్‌ చింగ్‌ తియాన్‌మావి సోమవారం పదవీ బాధ్యతలు స్వీకరించారు. మొన్నటి వరకు ఇక్కడ ఆర్డీఓగా పని చేసిన పద్మప్రియ బదిలీ అయ్యారు. కాగా దేవరకొండ ఆర్డీఓ కార్యాలయానికి గతంలోనే సబ్‌ కలెక్టర్‌ హోదా కల్పించారు. ప్రస్తుతం నిజమాబాద్‌ అసిస్టెంట్‌ ట్రైనీ కలెక్టర్‌గా పనిచేస్తున్న ఏఐఎస్‌ అధికారి కరోలిన్‌ చింగ్‌ తియాన్‌మావి దేవరకొండ సబ్‌ కలెక్టర్‌గా నియమించారు. ఈ సందర్భంగా కార్యాలయ అధికారులు, సిబ్బంది ఆమెకు స్వాగతం పలికారు. సోమవారం నిర్వహించిన ప్రజావాణిలో ఆమె ప్రజల నుంచి అర్జీలు స్వీకరించారు.

గుర్రంపోడు : ఏఎమ్మార్పీలో అంతర్భాగమైన వరద కాలువకు నీటిని విడుదల చేసిన నేపథ్యంలో, ఏఎమ్మార్పీ ప్రధాన కాలువకు కూడా పూర్తిస్థాయిలో నీటిని విడుదల చేసి ఆయకట్టులోని చెరువులు నింపాలని రైతులు డిమాండ్‌ చేస్తున్నారు. ప్రస్తుతం కేవలం తాగునీటి అవసరాలకే కాలువలో నీటిని వదులుతున్నారు. కళ్లెదుటే ప్రధాన కాలువ నిండుగా ప్రవహిస్తున్నప్పటికీ.. ఆ నీరు పొలాలకు అందకపోవడంతో రైతులు తీవ్ర ఆవేదన వ్యక్తం చేస్తున్నారు. వర్షాభావంతో ఎండుతున్న పంటలను కాపాడుకునేందుకు కాలువ గేట్ల వద్ద వస్తున్న లీకేజీ నీటిని, మోటార్ల ద్వారా తోడుకుంటూ అష్టకష్టాలు పడుతున్నారు. అధికారులు స్పందించి వారబంధీ పద్ధతిలోనైనా ఆయకట్టు మేజర్లన్నింటికీ నీటిని విడుదల చేసి చెరువులను నింపాలని కోరుతున్నారు. నిండాల్సిన చెరువులు 93 గతంలో సాగర్‌లో సరిపడా నీటి నిల్వలు లేనప్పుడు, ప్రధాన కాలువకు నీటిని విడుదల చేసిన మొదట్లోనే ఆయకట్టులోని 93 చెరువులను నింపేవారు. దీంతో ఆయా చెరువుల కింద ఉన్న పంట పొలాలతో పాటు భూగర్భ జలాలు సైతం పెరిగి, బోర్లలో నీటి లభ్యత ఉండేది. తద్వారా రైతులు పంటలను కాపాడుకునేవారు. ఇప్పుడు విచ్చలవిడిగా బోర్లు వేయడం, గత ఏప్రిల్‌ తర్వాత సరైన నీటి విడుదల లేకపోవడంతో ఆయకట్టులో బోర్లు సైతం అడుగంటిపోయిన పరిస్థితి నెలకొంది. ప్రత్యేక కాల్వలు లేక పాట్లు.. ప్రస్తుతం ఏఎమ్మార్పీ ఆయకట్టులో నేరుగా చెరువులకు నీరు చేరేలా ప్రత్యేక కాలువలు లేవు. కాలువలోని నీరు ఆయకట్టు అంతా పారుకుంటే తప్ప చెరువులకు చేరదు. దీంతో నెలల తరబడి నీరు వదిలితే కానీ మేజర్‌ చెరువులైన చేపూరు, మొసంగి చెరువులు నిండే పరిస్థితి లేదు. అత్యవసర పరిస్థితుల్లో చెరువులను నింపేందుకు గతంలో ప్రత్యేక కాలువలతో పాటు గుడిపల్లి, గుర్రంపోడు, కనగల్‌ వద్ద వాగులపై రిజర్వాయర్లు నిర్మించాలనే ప్రతిపాదనలు చేశారు. బ్రాహ్మణవెల్లంల ప్రాజెక్టు కోసం ప్రతిపాదించిన నిధుల్లోనే రూ.వంద కోట్లు కేటాయించినా పనులు మాత్రం ముందుకు సాగలేదు. మరోవైపు, వరద కాలువ నుంచి నేరుగా చెరువులకు నీరు చేరే అవకాశం ఏఎమ్మార్పీ ఆయకట్టులో లేదని, పైగా చెరువులను నింపే విషయంలో తమకు ప్రభుత్వం నుంచి ఎలాంటి ఆదేశాలు రాలేదని ఏఎమ్మార్పీ అధికారులు స్పష్టం చేస్తుండటం గమనార్హం.ఫ వరదకాల్వ పరిధిలో నీరిచ్చి.. ప్రధాన కాల్వకు ఎందుకివ్వరని రైతుల ప్రశ్నఫ వారబందీ పద్ధతిలోనైనా విడుదల చేయాలని డిమాండ్‌ ఫ లీకేజీల నీరు, మోటార్లతో పంటలను కాపాడుకుంటున్న ధైన్యం ఫ వర్షాభావంతో అడుగంటిన 93 చెరువులు, బోరుబావులు ఫ ఆదేశాలు లేవంటూ చేతులెత్తేసిన అధికారులుప్రస్తుత వర్షాభావ పరిస్థితుల వల్ల ఎండుతున్న పంటలను రక్షించేందుకు తక్షణం ఏఎంఆర్‌పీ ప్రధాన కాలువ వెంబడి ఉన్న మేజర్లన్నింటికీ నీటిని విడుదల చేయాలి. ఆయకట్టులోని చెరువులన్నీ నింపాలి. లేనిపక్షంలో రైతులు తీవ్రంగా నష్టపోతారు. – రేపాక లక్ష్మీపతి, సీపీఐ మండల కార్యదర్శి, గుర్రంపోడు

ఫ ఈ ఏడాది ప్రీమియం చెల్లించని ప్రభుత్వం ఫ జిల్లాలో 2.97 లక్షల రైతు కుటుంబాల్లో ఆందోళన నల్లగొండ అగ్రికల్చర్‌ : ఎనిమిదేళ్లుగా రైతుల కుటుంబాలకు నిలిచిన రైతు బీమా పథకం నిలిచిపోయింది. జిల్లా వ్యాప్తంగా 2.97 వేల కుటుంబాలకు రైతు కుటుంబాలకు బీమా బంద్‌ అయింది. రైతులపై ఒక రూపాయి కూడా భారం వేయకుండా మొత్తం ప్రీమియం ప్రభుత్వమే చెల్లించి అమలు చేసిన ఈ పథకాన్ని ఆగస్టు 14 నుంచి నిలిపివేయడంతో అర్హులైన రైతు కుటుంబాలకు భరోసా లేకుండా పోయింది. 2025–26 రైతు బీమా కాలపరిమితి గత ఆగస్టు 14న ముగియగా, 2026–27 సంవత్సరానికి ప్రభుత్వం రైతులకు సంబంధించిన బీమా పథకం ప్రీమియాన్ని చెల్లించలేదు. జిల్లా వ్యాప్తంగా 2.97 లక్షల మంది రైతు కుటుంబాలు రైతు బీమా పథకం అర్హులుగా వ్యవసాయ శాఖ గణాంకాలు చెబుతున్నాయి. రైతు మరణిస్తే.. రూ.5 లక్షలు 2018 ఆగస్టు 15న రైతు బీమా పథకాన్ని అప్పటి ప్రభుత్వం ప్రారంబించింది. రైతు పేరిట కుంట వ్యవసాయ భూమి ఉన్నా ఈ పథకం వర్తించేలా పథకాన్ని రూపొందించింది. 18 నుంచి 59 వయసు గల పట్టాదారు పాస్‌ బుక్‌ ఉన్న రైతులను ఈ పథకం పరిధిలోకి తెచ్చింది. రైతు మృతిచెందితే నామినికి రూ.5 లక్షల బీమా పరిహారం అందించేలా చర్యలు చేపట్టి జిల్లా వ్యాప్తంగా ఇప్పటి వరకు వేల మంది రైతు కుటుంబాలకు మరణించిన వారం నుంచి 10 రోజుల్లోపే బీమా సొమ్మును నామిని బ్యాంకు ఖాతాలో జమ చేశారు. ఈ పథకానికి సంబందించి ప్రభుత్వం బీమా ప్రీమియం చెల్లించకపోతే అర్హులైన రైతు కుటుంబాల్లో ఆందోళన నెలకొంది. రైతు బీమా పథకానికి సంబందించి ప్రభుత్వం ప్రీమియం చెల్లించలేదు. దీంతో రైతులకు బీమా అమలు కావడం లేదు. ఈ విషయాన్ని రైతు గమనించాలి. – ఉల్లోజు వినోద్‌కుమార్‌, జిల్లా వ్యవసాయాధికారి, నల్లగొండ 2018–19 నుంచి రైతు బీమా పథకం పొందిన రైతులు ఇలా.. సంవత్సరం బీమాపొందిన అందిన సొమ్ము రైతుకుటుంబాలు (రూ.కోట్లలో..) 2018–19 1304 65.45 2019–20 1217 60.85 2020–21 1693 84.65 2021–22 1550 72.50 2022–23 1432 71.60 2023–24 1431 71.55 2024–25 1411 70.55 2025–26 1259 62.95

నార్కట్‌పల్లి : శ్రావణమాసం చివరి ఆదివారం సందర్భంగా మండలంలోని గోపలాయపల్లి గ్రామ సమీపానగల వారిజాల వేణుగోపాల స్వామి దేవాలయాన్ని కలెక్టర్‌ బి.చంద్రశేఖర్‌ దంపతులు దర్శించుకున్నారు. ఆలయంలో ప్రత్యేక పూజలు చేశారు. అర్చకులు వారికి స్వాగతం పలికి వేద ఆశీర్వచనం చేశారు. దేవరకొండ ఆర్డీఓ బదిలీదేవరకొండ : దేవరకొండ ఆర్డీఓ పద్మప్రియ బదిలీ అయ్యారు. దేవరకొండ ఆర్డీఓ హోదాను గతంలోనే సబ్‌ కలెక్టర్‌గా ప్రకటించినప్పటికీ ఐఏఎస్‌ స్థాయి అధికారి రాలేదు. ప్రస్తుతం నిజమాబాద్‌ అసిస్టెంట్‌ ట్రైనీ కలెక్టర్‌గా పనిచేస్తున్న ఐఏఎస్‌ అధికారి కరోలిన్‌ చింగ్‌ తియాన్‌మావి దేవరకొండ సబ్‌ కలెక్టర్‌గా రానున్నారు. ఈమె 2024 ఐఏఎస్‌ అధికారి. దేవరకొండ సబ్‌ కలెక్టర్‌గా సోమవారం ఆమె బాధ్యతలు స్వీకరించనున్నట్లు సమాచారం. 10న కనగల్‌లో ఖోఖో పోటీలుకనగల్‌ : కనగల్‌లో ఈనెల 10న అస్మిత ఖేలో ఇండియా జిల్లాస్థాయి ఖో ఖో పోటీలను నిర్వహిస్తున్నట్లు ఖోఖో సంఘం జిల్లా అధ్యక్ష, కార్యదర్శులు శ్రీనివాస్‌, నాతి కృష్ణమూర్తి తెలిపారు. ఆదివారం వారు ఖోఖో పోటీల ఏర్పాట్లను పరిశీలించి మాట్లాడారు. 18 సంవత్సరాలలోపు బాలికలు ఈ పోటీలో పాల్గొనవచ్చని తలెఇపారు. వివరాలకు 79979 02745, 99493 37099, 95420 15762 ఫోన్‌ నంబర్లను సంప్రదించాలని పేర్కొన్నారు. కార్యక్రమంలో కరస్పాండెంట్‌ నక్కల రమేష్‌, డైరెక్టర్‌ అలివేలు, అయితగోని విజయ్‌, పోలోజు నారి, శేఖర్‌, వెంకట్‌ తదితరులు పాల్గొన్నారు. ఫుట్‌బాల్‌ విజేతగా నల్లగొండ జట్టునల్లగొండ టూటౌన్‌ : నిజామాబాద్‌లో జరిగిన రాష్ట్రస్థాయి జూనియర్‌ బాలికల ఫుట్‌బాల్‌ చాంపియన్‌ షిప్‌ పోటీల్లో నల్లగొండ జిల్లా జట్టు విజేతగా నిలిచిందని ఉమ్మడి జిల్లా ఫుట్‌బాల్‌ అసోసియేషన్‌ అధ్యక్షుడు బండారు ప్రసాద్‌, ప్రధాన కార్యదర్శి బొమ్మపాల గిరిబాబు ఆదివారం తెలిపారు. జట్టు విజయంలో ప్రధాన పాత్ర పోషించిన క్రీడాకారిణులకు అసోసియేషన్‌ తరపున వారు శుభాకాంక్షలు తెలిపారు. యాదగిరి క్షేత్రంలో శ్రీసుదర్శన హోమంయాదగిరిగుట్ట : యాదగిరి శ్రీలక్ష్మీనరసింహస్వామి క్షేత్రంలోని ప్రథమ ప్రాకార మండపంలో ఆదివారం అర్చకులు శ్రీసుదర్శన నారసింహ హోమాన్ని భక్తుల నడుమ పాంచరాత్ర ఆగమశాస్త్రానుసారంగా నిర్వహించారు. వేకువజామునే ఆలయాన్ని తెరిచిన అర్చకులు సుప్రభాతం చేపట్టారు. అనంతరం స్వయంభూ పంచనారసింహులకు బిందెతీర్థం, ఆరాధన, బాలభోగం నిర్వహించి, నిజాభిషేకం జరిపి సహస్రనామార్చన విశేషంగా చేపట్టి, తులసీ దళాలతో అర్చించారు. ప్రథమ ప్రాకార మండపంలో శ్రీసుదర్శన నారసింహ హోమం, గజవాహన సేవ, నిత్య కల్యాణం, జోడు సేవలు విశేషంగా జరిపించారు. ముఖ మండపంలో సువర్ణ పుష్పార్చన, ప్రథమ ప్రాకార మండపంలో వేద ఆశీర్వచనం పూజల్లో భక్తులు పాల్గొని మొక్కులు తీర్చుకున్నారు. రాత్రి శ్రీస్వామి వారికి శయనోత్సవం నిర్వహించి ఆలయాన్ని ద్వార బంధనం చేశారు.

నల్లగొండ : పీఆర్‌టీయూ టీఎస్‌లో అత్యధిక సభ్యత్వం కలిగిన జిల్లాగా నల్లగొండకు ప్రత్యేక స్థానం ఉందని ఉపాధ్యాయ ఎమ్మెల్సీ శ్రీపాల్‌రెడ్డి అన్నారు. ఆదివారం నల్లగొండలో పీఆర్టీయూటీఎస్‌ సర్వసభ్య సమావేశం నిర్వహించారు. ఈ సందర్భంగా ఆయన మాట్లాడుతూ రానున్న పట్టభద్రుల ఎమ్మెల్సీ ఎన్నికల్లో పీఆర్‌టీయూ అభ్యర్థిగా సంఘం రాష్ట్ర ప్రధాన కార్యదర్శి భిక్షంగౌడ్‌ను నిలబెట్టనున్నట్లు ప్రకటించారు. సెప్టెంబర్‌ 1న జరిగిన ధర్నాకు నల్లగొండ నుంచి ఉపాధ్యాయులు తరలివచ్చి విజయవంతం చేశారని అభినందించారు. ఈ ధర్నా వల్ల పీఆర్సీ, హెల్త్‌ కార్డుల సమస్య పరిష్కరించే దిశగా ప్రభుత్వం అడుగులు వేస్తోందని తెలిపారు. రాష్ట్ర సంఘ ప్రధాన కార్యదర్శి భిక్షంగౌడ్‌ మాట్లాడుతూ సమస్యల పరిష్కారానికి సంఘం ఏ పిలుపు ఇచ్చిన ఉపాధ్యాయులు సిద్ధంగా ఉండాలన్నారు. జిల్లా అధ్యక్షుడు కాలం నారాయణరెడ్డి అధ్యక్షతన జరిగిన సమావేశంలో ప్రధాన కార్యదర్శి మేకల జానారెడ్డి, క్రమశిక్షణ సంఘం చైర్మన్‌ కోమటిరెడ్డి నరసింహారెడ్డి, గానూతల వెంకటరెడ్డి, సుదర్శన్‌రెడ్డి, ఫణికుమార్‌, జగదీష్‌ తదితరులు పాల్గొన్నారు. జిల్లా అధ్యక్ష, ప్రధాన కార్యదర్శుల ఎన్నిక పీఆర్టీయూ టీఎస్‌ నల్లగొండ జిల్లా అధ్యక్షుడిగా కాళం నారాయణరెడ్డి, ప్రధాన కార్యదర్శిగా మేకల జానారెడ్డి ఏకగ్రీవంగా ఎన్నికయ్యారు. ఈ పదవులకు ఆశావహులు ఎక్కువగా ఉన్నప్పటికీ.. నాయకత్వం అందరితో చర్చించి ఏకాభిప్రాయం కుదిర్చింది. దీంతో గతంలో బాధ్యతలు నిర్వహించిన నారాయణరెడ్డి, జానారెడ్డికే మరోసారి అవకాశం దక్కింది. జానారెడ్డి నారాయణరెడ్డి

నల్లగొండ టూటౌన్‌ : అబద్దపు మాటలు చెప్పి అధికారంలోకి వచ్చిన కాంగ్రెస్‌ ప్రభుత్వం సబ్బండ వర్గాలను మోసం చేసిందని మాజీ ఎమ్మెల్యే కంచర్ల భూపాల్‌రెడ్డి అన్నారు. కాంగ్రెస్‌ వెయ్యి రోజుల విఫల పాలనపై ఐదవ రోజు ఆదివారం 500 ఆటోలతో నల్లగొండలోని ఎన్జీ కాలేజీ నుంచి శివాజీనగర్‌, రామగిరి, పద్మావతీ కాలనీ మీదుగా, బస్టాండ్‌, మిర్యాలగూడ రోడ్‌, మాన్యంచల్క, సాగర్‌ రోడ్‌లోని వైఎస్సార్‌ విగ్రహం వరకు అక్కడి నుంచి గడియారం సెంటర్‌, బీఆర్‌ఎస్‌ పార్టీ కార్యాలయం వరకు ఆటోల ర్యాలీ నిర్వహించారు. ఈ సందర్భంగా భూపాల్‌రెడ్డి మాట్లాడుతూ ఆటో కార్మికులకు ఇచ్చిన హామీని ప్రభుత్వం తుంగలో తొక్కిందన్నారు. ఆరు గ్యారంటీలు, 420 హామీలను కాంగ్రెస్‌ ప్రభుత్వం ఆటకెక్కించిందని అన్నారు. కార్యక్రమంలో మున్సిపల్‌ మాజీ చైర్మన్‌ మందడి సైదిరెడ్డి, నాయకులు చీర పంకజ్‌యాదవ్‌, నిరంజన్‌వలి, బక్క పిచ్చయ్య, మైనం శ్రీనివాస్‌, జమాల్‌ఖాద్రీ, కంచనపల్లి రవీందర్‌రావు, బోనగిరి దేవేందర్‌, మారగోని గణేష్‌, బాణావత్‌ దీప్లా, గోపగాని రాజశేఖర్‌, దొడ్డి రమేష్‌, పెరిక యాదయ్య, పేర్ల అశోక్‌, శ్రీనివాస్‌, ప్రవీణ్‌రెడ్డి తదితరులు పాల్గొన్నారు.

కేతేపల్లి : హైదరాబాద్‌–విజయవాడ 65వ నంబర్‌ జాతీయ రహదారిపై ఆదివారం వాహనాల రద్దీ నెలకొంది. వారాంతపు సెలవులతో పాటు వివాహాలు, శుభకార్యాలు ఎక్కువగా ఉండటంతో చాలామంది రెండు రోజుల క్రితం హైదరాబాద్‌ నుంచి స్వగ్రామాలకు వెళ్లారు. వారంతా ఆదివారం తిరుగు పయనమయ్యారు. దీంతో ఆదివారం సాయంత్రం జాతీయ రహదారిపై వాహనాల రద్దీ కొనసాగింది. కేతేపల్లి మండలంలోని కొర్లపహాడ్‌ టోల్‌ప్లాజా వద్ద హైదరాబాద్‌ వైపు వాహనాలు బారులుదీరాయి. టోల్‌ప్లాజాను దాటి వెళ్లేంత వరకు వాహనాలు నెమ్మదిగా కదిలాయి. టోల్‌ప్లాజాను దాటేందుకు వాహనదారులకు ఒక్కో సమయంలో ఇరవై నిమిషాలకు పైగా సమయం పట్టింది.

కనగల్‌ : మండలంలోని దర్వేశిపురం(పర్వతగిరి) శ్రీ రేణుకా ఎల్లమ్మ ఆలయంలో అమ్మవారు ఆదివారం గాజులమ్మ తల్లిగా భక్తులకు దర్శనమిచ్చారు. ఉదయం ఆలయ అర్చకులు నాగోజు మల్లాచారి, చిలకమర్రి శ్రవణ్‌కుమారాచార్యులు, గాదె ఉమామహేశ్వర్‌ రావు అమ్మవారికి విశేషాలంకరణలు చేసి నాగహారతి ఇచ్చి పూజలు జరిపారు. వివిధ ప్రాంతాల నుంచి తరలివచ్చిన భక్తులు అమ్మవారిని దర్శించుకున్నారు. కుంకుమ అభిషేక పూజలు జరిపించి బోన నైవేద్యాలను సమర్పించి మొక్కులు చెల్లించుకున్నారు. కార్యక్రమంలో ఈఓ అంబటి నాగిరెడ్డి, జూనియర్‌ అసిస్టెంట్లు కూసం ఉపేందర్‌రెడ్డి, కట్ట రాజయ్య, నాగరాజు, సిబ్బంది సీహెచ్‌.శ్రీకర్‌, రవి, నాగరాజు తదితరులు పాల్గొన్నారు.

నాగార్జునసాగర్‌ : బైక్‌పై వెళ్తున్న వ్యక్తిని కారు ఢీకొనడంతో మృతిచెందాడు. ఈ ఘటన 565వ నంబర్‌ జాతీయ రహదారిపై నాగార్జునసాగర్‌లోని నెల్లికల్లు గ్రామ స్టేజీ సమీపంలో శనివారం జరిగింది. విజయపురిటౌన్‌ పోలీసులు తెలిపిన వివరాల ప్రకారం.. నాగార్జునసాగర్‌లోని పైలాన్‌ కాలనీకి చెందిన బత్తుల సైదులు(45) బైక్‌పై వెళ్తుండగా.. నెల్లికల్లు గ్రామ స్టేజీ సమీపంలోకి రాగానే హైదరాబాద్‌ నుంచి ఆంధ్రా వైపు వెళ్తున్న కారు డ్రైవర్‌ సాగర్‌ ఎదురుగా వస్తున్న సైదులు బైక్‌ను ఢీకొట్టాడు. ఈ ప్రమాదంలో సైదులుకు తీవ్ర గాయాలై అక్కడికక్కడే మృతిచెందాడు. సమాచారం అందుకున్న పోలీసులు ఘటనా స్థలానికి చేరుకుని సైదులు మృతదేహాన్ని పోస్టుమార్టం నిమిత్తం నాగార్జునసాగర్‌లోని కమలానెహ్రూ ఆస్పత్రికి తరలించారు. మృతుడి భార్య, ఇద్దరు పిల్లలు ఉన్నారు. ఈ మేరకు కేసు నమోదు చేసి దర్యాప్తు చేస్తున్నట్లు విజయపురిటౌన్‌ ఎస్‌ఐ సతీష్‌ తెలిపారు. బోనాల పండుగలో ఇరువర్గాల మధ్య ఘర్షణతిప్పర్తి : మండలంలోని గంగన్నపాలెం గ్రామంలో పాత కక్షల నేపథ్యంలో ఇరువర్గాల మధ్య ఘర్షణ చోటుచేసుకుంది. ఈ గొడవలో ముగ్గురు వ్యక్తులు తీవ్రంగా గాయపడ్డారు. ఈ ఘటన గురువారం రాత్రి జరగగా.. ఆలస్యంగా వెలుగులోకి వచ్చింది. తిప్పర్తి ఎస్‌ఐ ఇరుగు రవి తెలిపిన వివరాల ప్రకారం.. గంగన్నపాలెం గ్రామానికి చెందిన మర్రి నరేష్‌పై 2025 సెప్టెంబర్‌లో వినాయక చవితి సందర్భంగా అదే గ్రామానికి చెందిన గంటేకంపు మధు, మేకల శివాజీ దాడి చేశారు. ఆ ఘటనపై అప్పట్లో మర్రి నరేష్‌ తిప్పర్తి పోలీస్‌ స్టేషన్‌లో ఫిర్యాదు చేశాడు. పాత కక్షలను మనసులో పెట్టుకున్న వారు.. గురువారం గ్రామంలో జరిగిన బోనాల పండుగ సందర్భంగా రాత్రి సమయంలో మళ్లీ గొడవకు దిగారు. గంటేకంపు మధు, మేకల శివాజీ, కొండేటి ప్రసాద్‌, కొండేటి ప్రవీణ్‌ కలిసి ప్రత్యర్థి వర్గానికి చెందిన కొండేటి సతీష్‌, కొండేటి శ్రీకాంత్‌, మర్రి నరేష్‌పై దాడి చేసి కత్తులతో కడుపులో పొడిచారు. ఈ ఘటనలో సతీష్‌, శ్రీకాంత్‌, నరేష్‌కు తీవ్ర గాయాలు కాగా.. వారిని చికిత్స నిమిత్తం నల్లగొండలోని ప్రైవేట్‌ ఆస్పత్రికి తరలించారు. ప్రస్తుతం వారు చికిత్స పొందుతున్నారు. బాధితుల్లో ఒకరైన కొండేటి సతీష్‌ తమ్ముడు కొండేటి మహేందర్‌ ఇచ్చిన ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్‌ఐ ఇరుగు రవి తెలిపారు.

నార్కట్‌పల్లి : ఎన్నికల సమయంలో కాంగ్రెస్‌ పార్టీ ఇచ్చిన ఆరు గ్యారంటీలు అమలుకు నోచుకోలేదని, దీంతో ప్రజలు కాంగ్రెస్‌ పాలనపై తీవ్ర వ్యతిరేకతతో ఉన్నారని నకిరేకల్‌ మాజీ ఎమ్మెల్యే చిరుమర్తి లింగయ్య అన్నారు. నకిరేకల్‌ నియోజకవర్గంలో శనివారం సీఎం రేవంత్‌రెడ్డి పర్యటించిన నేపథ్యంలో చిరుమర్తి లింగయ్యను పోలీసులు హౌస్‌ అరెస్ట్‌ చేశారు. తాను శుభకార్యాలకు వెళ్లాలని చెప్పినా వినకుండా ఇంటి నుంచి బయటకు రానివ్వకుండా పోలీసులు అరెస్టు చేశారని ఆయన పోలీసులతో కాసేపు వాగ్వాదానికి దిగారు. అనంతరం విలేకరులతో మాట్లాడారు. పోలీసులు తనకు ఎలాంటి నోటీసులు ఇవ్వకుండా హౌస్‌ అరెస్టు చేశారని మండిపడ్డారు. నకిరేకల్‌ నియోజకవర్గ ప్రజల చిరకాల స్వప్నమైన 100 పడకల ఆస్పత్రి 2022లో కేసీఆర్‌ హయాంలోనే మంజూరైందన్నారు. కరోనా వంటి క్లిష్ట పరిస్థితుల్లోనూ బీఆర్‌ఎస్‌ ప్రభుత్వం నిధులు మంజూరు చేయగా.. ఏడాదిలోపే దాదాపు 80 శాతం పనులను పూర్తి చేశామన్నారు. అనంతరం కాంగ్రెస్‌ ప్రభుత్వం అధికారంలోకి రాగా.. మిగిలిన 20 శాతం పనులు పూర్తిచేయడానికి మూడేళ్లు పట్టిందంటే నకిరేకల్‌ నియోజకవర్గ అబివృద్ధిపై కాంగ్రెస్‌ ప్రభుత్వానికి ఎంత శ్రద్ధ ఉందో ప్రజలే అర్థం చేసుకుంటున్నారని విమర్శించారు. ఈ విలేకరుల సమావేశంలో యానాల అశోక్‌రెడ్డి, దూదిమెట్ల సత్తయ్య, చిరుమర్తి యాదయ్య, దుబ్బాక శ్రీధర్‌, మేక వెంకట్‌రెడ్డి, నరేష్‌, వాజిద్‌, మహేష్‌, వెంకట్‌, బొబ్బల శివశంకర్‌రెడ్డి, శ్రీనివాస్‌రెడ్డి పాల్గొన్నారు. ఫ నకిరేకల్‌ మాజీ ఎమ్మెల్యే చిరుమర్తి లింగయ్య ఫ నోటీసులివ్వకుండా హౌస్‌ అరెస్ట్‌ చేశారని మండిపాటు

తిరుమలగిరి(సాగర్‌) : ఎల్‌నినో ప్రభావంతో సరైన వర్షాలు లేక తిరుమలగిరి(సాగర్‌) మండలంలో పత్తి సాగు చేసిన రైతులు తీవ్రంగా నష్టపోతున్నారు. పత్తి పంట ప్రస్తుతం పూత, కాయ దశలో ఉంది. కానీ పదహేను రోజులుగా వర్షాలు లేకపోవడంతో చెట్టుకు ఉన్న కొద్దిపాటి పూత, కాయలు కూడా రాలిపోతున్నాయని రైతులు ఆవేదన వ్యక్తం చేస్తున్నారు. వర్షాలు కురవకుంటే పెట్టిన పెట్టుబడుల్లో సగం కూడా చేతికి వచ్చే పరిస్థితి లేదని ఆందోళన వ్యక్తం చేస్తున్నారు. వాడిపోతున్న పత్తి మొక్క (ఇన్‌సెట్‌)లో రాలిపోతున్న పత్తి పూత

నకిరేకల్‌ : ‘వెయ్యి రోజుల పాలనలో తాము ప్రవేశపెట్టిన పథకాలు ఎంత గొప్పవో.. ఈ మైదానంలో జనాన్ని చూస్తే తెలుస్తోంది. కృష్ణా, గోదావరి నదులు ఉప్పొంగితే ఎలా ఉంటుందో.. నకిరేకల్‌ ఇప్పుడు అలా ఉంది. నల్లగొండ జిల్లా కాంగ్రెస్‌ ఖిల్లా.. నకిరేకల్‌ గడ్డ కాంగ్రెస్‌ అడ్డాగా నేడు ఈ సభతో ప్రతిపక్షాలకు చెంపపెట్టులా తేటతెల్లమైంది’ అని ముఖ్యమంత్రి రేవంత్‌రెడ్డి అన్నారు. నకిరేకల్‌లో శనివారం వంద పడకల ఆస్పత్రి భవనం ప్రారంభోత్సవంతో పాటు వివిధ అభివృద్ధి పనులకు శంకుస్థాపన చేశారు. అనంతరం మినీ స్టేడియంలో బహిరంగ సభలో ఆయన మాట్లాడారు. కాంగ్రెస్‌ వెయ్యి రోజుల పాలనను పోల్చి చూడండి. మా ప్రభుత్వాన్ని విమర్శించే వారికి ఈ సభకు వచ్చిన జనవాహినే సమాధానమన్నారు. ప్రజల దీవెనతో మా ప్రభుత్వం రెండుసార్లు అధికారంలో ఉండబోతుందని ధీమా వ్యకం చేశారు. పండుగ రోజు గంగిరెద్దు మాదిరిగా బీఆర్‌ఎస్‌ నాయకులు తీరు ఉందన్నారు. కాంగ్రెస్‌ శ్రేణుల్లో జోష్‌ నకిరేకల్‌లో శనివారం నిర్వహించిన ప్రజా వికాస సభ కాంగ్రెస్‌ శ్రేణుల్లో ఉత్సహం నింపింది. నకిరేకల్‌ నియోజకవర్గ వ్యాప్తంగా కాంగ్రెస్‌ శ్రేణులు, ప్రజలు పెద్ద ఎత్తున తరలివచ్చారు. మధ్యాహ్నం 3గంటల లోపే మినీస్టేడియం జనంతో నిండిపోయింది. సీఎం వచ్చే సమయానికి జనాలతో కిక్కిరిసిపోయింది. వంద పడకల ఆస్పత్రిని ప్రారంభించిన అనంతరం సీఎం రేవంత్‌రెడ్డి ఓపెన్‌ టాప్‌ జీప్‌లో సభావేదిక వరకు వచ్చారు. సీఎం రేవంత్‌రెడ్డి వీవీఎం పాఠశాలలోని హెలిపాడ్‌ వద్ద దిగి అక్కడ నుంచి ప్రత్యేక కాన్వాయ్‌ ద్వారా 100 పడకల ఆస్పత్రి సముదాయానికి చేరుకున్నారు. నూతన భవనాన్ని టీపీసీసీ అధ్యక్షుడు మహేష్‌కుమార్‌గౌడ్‌, మంత్రులు కోమటిరెడ్డి వెంకట్‌రెడ్డి, ఉత్తమ్‌కుమార్‌రెడ్డి, పొంగులేటి శ్రీనివాస్‌రెడ్డి, అడ్లూరు లక్ష్మణ్‌, ఎంపీలు, ఎమ్మెల్యేలు, ఎమ్మెల్సీలతో కలిసి ప్రారంభించారు. ఆ తర్వాత ఆసుపత్రిలో వివిధ విభాగాలను సందర్శించి డాక్టర్లతో మాట్లాడారు. ఆస్పత్రి నుంచి నుంచి ఓపెన్‌ టాప్‌ జీప్‌పై కళాకారుల ప్రదర్శనలతో పక్కనే మినీ స్టేడియంలోని సభా ప్రాంగణానికి చేరుకున్నారు. సభా వేదిక పక్కన ఏర్పాటుచేసిన అభివృద్ధి పనుల శిలాఫలకాలను ముఖ్యమంత్రి ఆవిష్కరించారు. సభలో సీఎం ప్రసంగానికి ముందు పీసీసీ అధ్యక్షుడు మహేష్‌కుమార్‌, మంత్రులు ఉత్తమ్‌, లక్ష్మణ్‌కుమార్‌ మాట్లాడారు. ప్రభుత్వ విప్‌, ఎమ్మెల్యే వేముల వీరేశం అధ్యక్షతన జరిగిన ఈ సభలో రెవెన్యూ శాఖ మంత్రి పొంగులేటి శ్రీనివాస్‌రెడ్డి, ఎంపీలు చామల కిరణ్‌కుమార్‌రెడ్డి, కుందూరు రఘువీర్‌రెడ్డి, కలెక్టర్‌ చంద్రశేఖర్‌, ఎమ్మెల్యేలు కోమటిరెడ్డి రాజగోపాల్‌రెడ్డి, మందుల సామేల్‌, బత్తుల లక్ష్మారెడ్డి, బాలునాయక్‌, బీర్ల అయిలయ్య, కుంభం అనిల్‌కుమార్‌రెడ్డి, జైవీర్‌రెడ్డి, ఎమ్మెల్సీలు శంకర్‌నాయక్‌, నెల్లికంటి సత్యం, డెయిరీ డెలప్‌మెంట్‌ కార్పొరేషన్‌ చైర్మన్‌ గుత్తా అమిత్‌రెడ్డి, డీసీసీ అధ్యక్షుడు పున్న కై లాష్‌, రాష్ట్ర నాయకులు పటేల్‌ రమేష్‌రెడ్డి, సర్వోత్తంరెడ్డి, దుబ్బాక నర్సింహారెడ్డి, పూజర్ల శంభయ్య, కొండేటి మల్లయ్య, చనగాని దయాకర్‌, చామల శ్రీనివాస్‌, నకిరేకంటి ఏసుపాదం, నకిరేకల్‌, చిట్యాల మార్కెట్‌ చైర్‌పర్సన్లు గుత్తా మంజుల, నర్రా వినోద, చిట్యాల మున్సిపల్‌ చైర్‌పర్సన్‌ పందిరి గీత, చౌగోని రజితాశ్రీనివాస్‌గౌడ్‌, నాగులంచ వేంకటేశ్వరరావు, గాజుల సుకన్య, గాదగోని కొండయ్య, లింగాల వెంకన్న, వలిశెట్టి స్వప్న, సుంకరబోయిన వెంకన్న, ఎడ్ల ప్రవీణ్‌, గాయం శ్యాసుందర్‌రెడ్డి, జడల చినమల్లయ్య, ఎద్దులపూరి కృష్ణ పాల్గొన్నారు.ఫ రూ.32 కోట్లతో నిర్మించిన వంద పడకల ఆస్పత్రి భవనానికి ప్రారంభోత్సవం చేశారు. ఫ నకిరేకల్‌లో రూ.9.85 కోట్లతో తెలంగాణ పబ్లిక్‌ స్కూల్‌ భవనానికి, నకిరేకల్‌ మండలం కడపర్తిలో రూ.200 కోట్లతో యంగ్‌ ఇండియా ఇంటిగ్రేటెడ్‌ రెసిడిన్షియల్‌ స్కూల్‌ భవనాలకు. ఫ రామన్నపేట మండలం మునిపంపుల గ్రామంలో రూ.3.62 కోట్లతో, కేతేపల్లి మండలం గుడివాడలో రూ.2.74 కోట్లతో నిర్మించనున్న సబ్‌స్టేషన్లకు. ఫ నకిరేకల్‌లో రూ.20 కోట్లతో ఎంపీడీఓ, తహసీల్దార్‌ కార్యాలయాలకు శంకుస్థాపన ఫ నకిరేకల్‌, తుంగతుర్తి నియోజకవర్గాల్లో రూ.45.60 కోట్లతో రహదారుల విస్తరణ ఫ నకిరేకల్‌లో రూ.1.10 కోట్లతో ఎకై ్సజ్‌ శాఖ భవనానికి శంకుస్థాపన ఫ రూ.6.25 కోట్లతో నకిరేకల్‌, రూ.6.25 కోట్లతో చిట్యాల మున్సిపాలిటీ భవన నిర్మాణాలకు. ఫ రూ.17.5 కోట్లతో నకిరేకల్‌లో ప్రధాన రహదారి విస్తరణ పనులకు. ఫ మేము పెట్టిన పథకాలు ఎంత గొప్పవో సభకు వచ్చిన జనాన్ని చూస్తేనే తెలుస్తుంది ఫ మా ప్రభుత్వాన్ని విమర్శించే వారికి ఈ జనవాహినే సమాధానం ఫ నకిరేకల్‌ సభలో ముఖ్యమంత్రి రేవంత్‌రెడ్డి ఫ అట్టహాసంగా అభివృద్ధి పనుల ప్రారంభోత్సవం, శంకుస్థానలు నకిరేకల్‌లో శనివారం సీఎం రేవంత్‌రెడ్డి పర్యటన గంట ఆలస్యమైంది. సాయంత్రం 5.40 గంటలకు ఆసుపత్రి నుంచి ఓపెన్‌ టాప్‌ జీప్‌పై కళాకరుల ప్రదర్శన నడుమ సీఎం సభావేదిక వద్దకు వచ్చారు. సీఎం మైదానంలోకి చేరుకోగానే.. ప్రజలు పెద్ద పెట్టున హర్షదానాలతో స్వాగతం పలికారు. ఎమ్మెల్యే వేముల వీరేశంతో కలిసి సభావేదిక ముందు ప్రజల మధ్యకు వెళ్లి సీఎం అభివాదం చేశారు. సభలో సీఎం, మంత్రుల ప్రసంగాల్లో మునుగోడు ఎమ్మెల్యే కోమటిరెడ్డి రాజగోపాల్‌రెడ్డి పేరు పలకగా ప్రజలు పెద్ద ఎత్తును కేరింతలు కొట్టారు. సాయంత్రం 5.47 గంటలకు సభా స్థలానికి చేరిన సీఎం 6.34 గంటలకు తన ప్రసంగాన్ని ప్రారంభించి 7.12 గంటలకు ముగించారు. సభలో.. ప్రజాగాయకుడు నల్లగొండ గద్దర్‌ నర్సిరెడ్డి.. సీఎం రేవంత్‌రెడ్డిపై పాడినపాటలు సభికులను ఉర్రుతలూగించాయి. ఫ వేముల వీరేశం, ప్రభుత్వ విప్‌ సీఎం రేవంత్‌రెడ్డి రాకతో నకిరేకల్‌ నియోజకవర్గానికి రూ.344.92 కోట్ల నిధుల వచ్చాయని ప్రభుత్వ విప్‌, ఎమ్మెల్యే వేముల వీరేశం అన్నారు. నియోజకవర్గంలో చేపట్టాల్సిన పనులను సీఎంకు నివేదించానన్నారు. వాటికి కూడా నిధులు మంజురైతే నకిరేకల్‌ నియోజకవర్గ రూపురేఖలే మారుతాయన్నారు. సభకు ఇంత పెద్ద సంఖ్యలో తరలివచ్చి విజయవంతం చేసిన ప్రతి ఒక్కరికి కృతజ్ఞతలు తెలిపారు. ఫ భువనగిరి ఎంపీ చామల కిరణ్‌కుమార్‌రెడ్డి వెయ్యి రోజుల ప్రజా ప్రభుత్వ పాలనలో సీఎం రేవంత్‌రెడ్డి ప్రజల కోసం అనేక సంక్షేమ పథకాలను తీసుకొచ్చి అమలు చేస్తున్నారని భువనగిరి ఎంపీ చామల కిరణ్‌కుమార్‌రెడ్డి అన్నారు. ఈ సభను చూసి ప్రతిపక్ష సన్నాసులకు దిమ్మ తిరగనుందన్నారు. గత బీఆర్‌ఎస్‌ తొమ్మిదేళ్ల పాలనలో దోచుకొనుడు, దాచుకునుడు తప్ప ప్రజలకు చేసింది ఏమీ లేదన్నారు. సీఎం రేవంత్‌రెడ్డి ప్రజా ప్రభుత్వాన్ని ఆశీర్వదించి.. మళ్లీ కాంగ్రెస్‌ను అధికారంలోకి తేవాలని కోరారు.

తిరుమలగిరి(సాగర్‌) : నాగార్జునసాగర్‌ ఎడమకాలువ మొదటి మేజర్‌ రాజవరం కాలువకు అల్వాల, పంగవాడికుంట మధ్యలో పడిన గండిని అధికారులు శనివారం పూడ్చివేశారు. గండి పడిన ప్రదేశానికి వెళ్లిన అధికారులు.. గండి ప్రమాదవశాత్తు పడలేదని.. కావాలనే గండి కొట్టినట్లు నిర్ధారించారు. తాగునీటి అవసరాల కోసం వారం రోజుల నుంచి సాగర్‌ ఎడమకాల్వకు నీటిని విడుదల చేసి చెరువులను నింపుతున్నారు. అనుముల మండలంలోని పేరూరు చెరువును నింపడం కోసం ఆ గ్రామానికి చెందిన కొందరు వ్యక్తులు కాల్వలకు గండి కొట్టినట్లు అధికారులు అనుమానం వ్యక్తం చేస్తున్నారు. పేరూరు చెరువు విస్తీర్ణం పెద్దది కావడం, పూర్తిగా నిండాలంటే చాలా కాలం పడుతుందని, వీలైనంత త్వరగా నింపాలనే ఆలోచనలో గండికొట్టినట్లు తెలుస్తోంది. గండిపడిన ప్రాంతం నుంచి పొలాల మీదుగా నీరు కొత్తపల్లి వాగులో చేరుతోంది. కొత్తపల్లి వాగులోకి చేరిన నీరు పేరూరు చెరువులోకి ప్రవేశిస్తుంది. మేజర్‌ కాలువకు గండిపడిన ప్రాంతం కొత్తపల్లి వాగుకు సమీపంలోనే ఉండటంతో అధికారుల వ్యక్తం చేస్తున్న అనుమానాలకు బలం చేకూరుతోంది. గండి పడటంతో రెండు రోజుల పాటు మేజర్‌కు నీరు నిలిపివేయడంతో చెరువులు పూర్తిస్థాయిలో నిండటం అసాధ్యమని రైతులు అంటున్నారు. ఫ రైతులే గండి పెట్టినట్లు అధికారుల అనుమానం

నకిరేకల్‌ : నకిరేకల్‌లో నూతనంగా ప్రారంభించిన 100 పడకల వైద్యశాలకు మాజీ ఎమ్మెల్యే, దివంగత నేత నర్రా రాఘవరెడ్డి పేరు పెట్టాలని సీపీఎం ఆధ్వర్యంలో శనివారం సీఎం రేవంత్‌రెడ్డిని కలిసి వినతి పత్రం అందజేశారు. వినతి పత్రం అందజేసిన వారిలో నాయకులు కందాల ప్రమీల, రాచకొండ వెంకన్నగౌడ్‌, వంటెపాక వెంకటేశ్వర్లు, బొజ్జ చిన వెంకులు తదితరులు ఉన్నారు. ఇంటి నిర్మాణం కూలి కార్మికుడు మృతిహస్తినాపురం : ఇంటి నిర్మాణ పనుల్లో భాగంగా అకస్మాత్తుగా ఒక భాగం కూలిపోవడంతో కార్మికుడు మృతిచెందాడు. వనస్థలిపురం పోలీసులు తెలిపిన వివరాల ప్రకారం.. ఎల్‌బీనగర్‌లోని ప్రథన్‌ ఆర్పెడ్‌కు చెందిన పసునూరు అనంత్‌ ఆత్రేయ ఇంటి పునరుద్ధరణ పనులు మల్లికార్జున్‌కాలనీలో జరుగుతున్నాయి. నలుగురు కార్మికులు పనులు చేస్తుండగా శనివారం మధ్యాహ్నం నిర్మాణంలోని ఓ భాగం అకస్మాత్తుగా కార్మికులపై పడింది. ఈ ప్రమాదంలో ఎన్‌టీఆర్‌ నగర్‌లో నివాసముంటున్న కేశబోయిన సైదులు (48) తీవ్రంగా గాయపడ్డాడు. వెంటనే అతడిని వనస్థలిపురంలోని ప్రభుత్వ ఏరియా ఆస్పత్రికి తరలించగా అప్పటికే మృతి చెందినట్లు వైద్యులు నిర్ధారించారు. ఒడిస్సాకు చెందిన మరో కార్మికుడు ప్రతాప్‌ గోర్లే గాయపడడంతో చికిత్స నిమిత్తం శ్రీకర ఆస్పత్రికి తరలించారు. పోలీసులు సైదులు మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించి దర్యాప్తు చేస్తున్నట్లు పోలీసులు తెలిపారు. మృతుడు నల్లగొండ జిల్లా రాజపేటకు చెందినవాడని పోలీసులు పేర్కొన్నారు. బైక్‌తో యువకుడి స్టంట్‌.. కేసు నమోదు మఠంపల్లి: మండల కేంద్రంలోని జాన్‌పహాడ్‌–మట్టపల్లి ప్రధాన రహదారి కూడలిలో శనివారం స్థానిక యువకుడు బైక్‌పై స్టంట్‌లు నిర్వహించాడు. తన మేన మామకు చెందిన బైక్‌పై అత్యంత ప్రమాదకరంగా స్టంట్‌లు చేస్తూ స్థానికులను భయభ్రాంతులకు గురి చేశాడు. జనం, వాహనాలతో రద్దీగా ఉండే మెయిన్‌ సెంటర్‌లో బైక్‌పై విన్యాసాలు చేయడంతో స్థానిక ప్రజలు ఉలిక్కిపడ్డారు. బైక్‌ అదుపుతప్పితే అతడితో పాటు రోడ్డుపై వెళ్తున్న ఇతర ప్రయాణికుల ప్రాణాలకు ప్రమాదం ఏర్పడేది. విషయం తెలుసుకున్న ఎస్‌ఐ ప్రవీణ్‌కుమార్‌ అక్కడికి చేరుకొని యువకుడిని అదుపులోకి తీసుకున్నారు. బైక్‌తో సహా అతడిని పోలీస్‌స్టేషన్‌కు తరలించారు. యువకుడిని చాకచక్యంగా పట్టుకున్న ఎస్‌ఐను సీఐ చరమందరాజు అభినందించారు.

ఫ ప్రతిష్టాత్మక కేఈఎం వైద్యశాలలో సీటు సాధించిన రామిశెట్టి సందీప్‌ కోదాడ : కోదాడకు చెందిన వైద్యుడు రామిశెట్టి సందీప్‌ ఆలిండియా స్థాయిలో అరుదైన ఘనత సాధించారు. ఫెలోషిప్‌ ఆఫ్‌ నేషనల్‌ బోర్డు వారు నిర్వహించిన న్యూరో వ్యాస్కులార్‌ ఇంటర్‌వెన్షన్‌ పరీక్షలో ఆలిండియా స్థాయిలో 8వ ర్యాంక్‌తో పూణెలోని ప్రతిష్టాత్మక కేఈఎం వైద్యశాలలో సీటు సాధించారు. ఎంబీబీఎస్‌, ఎండీ జనరల్‌ మెడిసిన్‌, ముంబైలోని తాపివాలా నేషనల్‌ మెడికల్‌ కళాశాలలో డీఎం న్యూరాలజీ పూర్తిచేసిన సందీప్‌ ప్రస్తుతం కోదాడలో వైద్యశాల నిర్వహిస్తున్నారు. ఆయనను పలువురు వైద్యులు అభినందించారు.

మిర్యాలగూడ అర్బన్‌ : 19 నెలలుగా విధులు నిర్వర్తిస్తున్నా వేతనాలు అందకపోవడంతో ఆరోగ్యశ్రీ డేటా ఎంట్రీ ఆపరేటర్ల కుటుంబాలు దిక్కుతోచని స్థితిలో పడ్డాయి. మిర్యాలగూడలోని ఏరియా ఆస్పత్రిలో ఆరోగ్యశ్రీ కింద ఆపరేషన్లు, ఇతర వైద్య సేవలు అందించే క్రమంలో రోగుల వివరాలను నమోదు చేసేందుకు డేటా ఎంట్రీ ఆపరేటర్లను నియమించారు. ఆస్పత్రికి ఆరోగ్యశ్రీ నిధులు విడుదలైన సమయంలో, ఆ నిధుల నుంచే వీరికి వేతనాలు చెల్లించేలా ఒప్పందం చేసుకున్నారు. అయితే, 2025 జనవరి నుంచి నేటి వరకు జిల్లావ్యాప్తంగా పనిచేస్తున్న ఈ సిబ్బందికి వేతనాలు అందక తీవ్ర ఇబ్బందులు ఎదుర్కొంటున్నారు. కీలక విధులు.. కరువైన ఉపాధి! ప్రభుత్వ ఆస్పత్రులకు వచ్చే రోగుల వివరాల నమోదు, ఆరోగ్యశ్రీ కార్డుల ధ్రువీకరణ, చికిత్స ప్రక్రియ, వైద్య సేవల సమన్వయం, ఆపరేషన్ల తర్వాత రోగుల పర్యవేక్షణ, బస్సు చార్జీల పంపిణీ వంటి కీలక విధులను ఈ ఆపరేటర్లే నిర్వర్తిస్తుంటారు. ప్రస్తుతం నల్లగొండ ఏరియా ఆస్పత్రిలో ఐదుగురు, మిర్యాలగూడలో ఏడుగురు, దేవరకొండ, నాగార్జునసాగర్‌, నకిరేకల్‌ ఆస్పత్రుల్లో ఒక్కొక్కరు చొప్పున సేవలు అందిస్తున్నారు. వీరందరికీ గత 19 నెలలుగా వేతనాలు అందకపోవడంతో కుటుంబ పోషణ భారంగా మారింది. ఇదిలా ఉంటే, వేతనాలు ఇవ్వలేమనే సాకుతో అధికారులు ఇప్పటికే ఇద్దరు ఉద్యోగులను తొలగించారు. మరో నెల రోజుల్లో నిధులు విడుదల కాకుంటే మిగిలిన వారిని కూడా తొలగించేందుకు ప్రయత్నాలు సాగిస్తున్నట్లు సమాచారం. దీంతో ఏళ్లుగా పనిచేస్తున్న తమ ఉపాధి ప్రమాదంలో పడిందని వారు ఆవేదన వ్యక్తం చేస్తున్నారు. ప్రభుత్వం స్పందించి తక్షణమే ఏరియా ఆస్పత్రులకు ఆరోగ్యశ్రీ నిధులు విడుదల చేసి ఆదుకోవాలని కోరుతున్నారు. గతేడాది జనవరి నుంచి ఇప్పటి వరకు మాకు వేతనాలు ఇవ్వడం లేదు. దీంతో కుటుంబ పోషణ భారంగా మారింది. ఉపాధి కోసం పనిచేస్తున్న మాకు సకాలంలో జీతాలు అందక తీవ్ర ఇబ్బందులు పడుతున్నాం. ఉన్నతాధికారులు స్పందించి వెంటనే నిధులు విడుదల చేసి మమ్మల్ని ఆదుకోవాలి. – రాపోలు నిరంజన్‌, ఆరోగ్యశ్రీ డేటా ఎంట్రీ ఆపరేటర్‌ ఆస్పత్రిలో పనిచేసే మాకు ఇళ్లలో నిత్యావసర వస్తువులు కొనేందుకు సైతం ఇబ్బందిగా ఉంది. సకాలంలో వేతనాలు విడుదల చేయకపోవడంతో ఇల్లు గడవడం కష్టంగా మారింది. ఇప్పటికై నా ప్రభుత్వం మా బాధలు అర్థం చేసుకుని, నిధులు విడుదల చేసి వేతనాలు అందించాలి. – ధనావత్‌ బాలు, ఈసీజీ టెక్నీషియన్‌ ఫ 19 నెలలుగా ఆరోగ్యశ్రీ డేటా ఎంట్రీ ఆపరేటర్లకు అందని వేతనాలు ఫ కుటుంబ పోషణ భారమై అవస్థలు పడుతున్న సిబ్బంది ఫ వేతనాలు ఇవ్వలేమంటూ ఇప్పటికే ఇద్దరి తొలగింపు ఫ తమనూ తీసేస్తారేమోనని మిగిలిన వారిలో ఆందోళన

నల్లగొండ టూటౌన్‌ : మహాత్మాగాంధీ యూనివర్సిటీలో నూతనంగా ఏర్పాటు చేసిన లా కళాశాలలో పార్ట్‌టైం ప్రాతిపధికన అధ్యాపకులను నియమించనున్నట్లు కళాశాల ప్రిన్సిపాల్‌ ఆకుల రవి శనివారం ఒక ప్రకటనలో తెలిపారు. ఎల్‌ఎల్‌బీ, ఎల్‌ఎల్‌ఎం విద్యార్థులకు భోదించేందుకు అర్హత, అనుభవం కలిగిన అభ్యర్థులు పూర్తి బయోడేటాతో కళాశాల ప్రిన్సిపాల్‌ను సంప్రదించాలని కోరారు. వివరాల కోసం 9948361250 నెంబర్‌లో సంప్రదించవచ్చని పేర్కొన్నారు. వైద్య సేవలు మెరుగుపర్చాలికట్టంగూర్‌ : ప్రభుత్వ ఆసుపత్రికి వచ్చే రోగులకు అందించే సేవలను మెరుగు పరచాలని రాష్ట్ర ఆర్థిక, ప్రణాళిక శాఖ కార్యదర్శి, టీజీఎంఎస్‌ఐడీసీ (తెలంగాణ వైద్య సేవలు, మౌళివ వసతుల అభివృద్ధి సంస్థ) ఎండీ గౌరవ్‌ ఉప్పల్‌ అన్నారు. శనివారం కట్టంగూర్‌ ప్రాథమిక ఆరోగ్య కేంద్రాన్ని ఆయన ఆకస్మికంగా తనిఖీ చేశారు. ఈ సందర్భంగా ఆసుపత్రిలోని విభాగాలను, రోగులకు అందుతున్న వైద్య సేవలను పరిశీలించి వివరాలను అడిగి తెలుసుకున్నారు. ప్రజలకు ప్రభుత్వ వైద్య సేవలు మరింత చేరువయ్యేలా చర్యలు తీసుకోవాలని సూచించారు. కార్యక్రమంలో పీహెచ్‌సీ వైద్యాధికారి రాపోలు జమున, సిబ్బంది చంద్రశేఖర్‌ తదితరులు ఉన్నారు. ఐటీఐల్లో మిగిలిన సీట్లకు అడ్మిషన్లునల్లగొండ : ఈ విద్యా సంవత్సరంలో ఐటీఐ/ఏటీసీల్లో మిగిలి ఉన్న సీట్లకు అభ్యర్థుల నుంచి దరఖాస్తులు ఆహ్వానిస్తున్నట్లు జిల్లా ఐటీఐల కన్వీనర్‌, ప్రిన్సిపాల్‌ నర్సింహాచారి శనివారం ఒక ప్రకటనలో తెలిపారు. అభ్యర్థులు ఈ నెల 7వ తేదీలోగా మొబైల్‌ నెంబర్‌తో http://iti.telangana.gov.inలో వెబ్‌సైట్‌లో రిజిస్టర్‌ చేసుకోవాలని, ఈ నెల 7న ఉదయం 9 నుంచి మధ్యాహ్నం 1 గంట వరకు వారు కోరుకున్న ఏటీసీ, ఐటీఐలకు ఆన్‌లైన్‌ దరఖాస్తు, ఒరిజినల్‌ సర్టిఫికెట్లతో హాజరు కావాలని పేర్కొన్నారు. పూర్తి వివరాలకు నల్లగొండలోని ఐటీఐ కార్యాలయంలో సంప్రదించాలరని సూచించారు. యాదగిరి క్షేత్రంలో సంప్రదాయ పూజలుయాదగిరిగుట్ట: యాదగిరి శ్రీలక్ష్మీనరసింహస్వామి వారి ఆలయంలో శనివారం ఉదయం నుంచి రాత్రి వరకు నిత్యారాధనలు సంప్రదాయంగా కొనసాగాయి. వేకువజామునే ఆలయాన్ని తెరచిన అర్చకులు శ్రీస్వామి వారికి సుప్రభాతం, ఆరాధన, స్వయంభువులకు నిజాభిషేకం, సహస్ర నామార్చన, కుంకుమార్చన నిర్వహించారు. ఇక ఆలయ ముఖ మండపంలోని ఉత్సవ మూర్తుల వద్ద సువర్ణ పుష్పార్చన వంటి పూజలు జరిపించారు. ప్రథమ ప్రాకార మండపంలో గజవాహన సేవ, నిత్య కల్యాణం, బ్రహ్మోత్సవం, సాయంత్రం జోడు సేవోత్సవం వంటి పూజలను జరిపించారు. ఆయా పూజల్లో భక్తులు పాల్గొని మొక్కులు తీర్చుకున్నారు. రాత్రి శయనోత్సవం నిర్వహించి ఆలయాన్ని ద్వార బంధనం చేశారు. కాగా శనివారం ఆలయంలో భక్తుల కోలాహలం నెలకొంది. శ్రావణ మాసంలో శ్రీస్వామిని దర్శించుకుంటే మంచి జరుగుతుందనే నమ్మకంతో భక్తులు అధికంగా తరలివచ్చారు.

మిర్యాలగూడ టౌన్‌ : మిర్యాలగూడ పట్టణంలోని హౌసింగ్‌ బోర్డుకు చెందిన చిన్నారులు చిత్రలేఖనంలో అద్భుతాలు సృష్టిస్తున్నారు. రాష్ట్ర, జాతీయ స్థాయి పోటీల్లో పాల్గొంటూ పతకాలు, ప్రశంసా పత్రాలు సాధిస్తూ తమదైన గుర్తింపు తెచ్చుకుంటున్నారు. స్థానికంగా నివాసం ఉంటున్న ప్రభుత్వ ఉపాధ్యాయుడు రమావత్‌ సైదానాయక్‌, వైద్యురాలు ఝాన్సీలక్ష్మీబాయి దంపతుల కుమార్తెలు రమావత్‌ రిత్విక (6వ తరగతి), రమావత్‌ హితాంశి (2వ తరగతి) చిన్నతనం నుంచే బొమ్మలు వేయడంలో ఎంతో ఆసక్తి కనబరిచారు. పిల్లల ఆసక్తిని గమనించిన తల్లిదండ్రులు.. చదువుతో పాటు ఖాళీ సమయాల్లో విజయ్‌ డ్రాయింగ్‌ క్లాసెస్‌ నిర్వాహకులు ఇనుగుర్తి విజయ్‌కుమార్‌ వద్ద రెండేళ్లుగా వారికి శిక్షణ ఇప్పిస్తున్నారు. ప్రకృతి, కాలుష్యం, సాంప్రదాయ వనితలు, బాల కార్మికులు, మొక్కల పెంపకం తదితర సామాజిక అంశాలపై ఈ అక్కాచెల్లెళ్లు ఇప్పటికే 50కి పైగా అద్భుతమైన చిత్రాలు గీసి పలువురి ప్రశంసలు అందుకున్నారు. ఫ ఆరో తరగతి చదువుతున్న రమావత్‌ రిత్విక కలర్‌ పెన్సిల్‌ వర్క్‌, వాటర్‌ కలర్స్‌తో చిత్రాలు వేయడంలో దిట్ట. 2024లో డ్రీమ్‌ ఆర్ట్స్‌ అకాడమీ (విజయవాడ) నిర్వహించిన జాతీయ స్థాయి పోటీల్లో సిల్వర్‌ మెడల్‌, 2024లో ఆమీర్‌ ఆర్ట్స్‌ అకాడమీ (నెల్లూరు) పోటీల్లో మెరిట్‌ సర్టిఫికెట్‌, 2024–25 సంవత్సరంలో క్రియేటివ్‌ ఆర్ట్స్‌ అకాడమీ (గుంటూరు) నిర్వహించిన పోటీల్లో ప్రథమ బహుమతి సాధించింది. అదేవిధంగా 2025లో మారుతీ ఆర్ట్స్‌ అకాడమీ (గుజరాత్‌) నిర్వహించిన జాతీయ స్థాయి పోటీల్లో బంగారు పతకం సాధించింది. ఫ రెండో తరగతి చదువుతున్న హితాంశి కూడా చిత్రలేఖనంలో అక్కకు తగ్గ చెల్లిగా రాణిస్తోంది. ముఖ్యంగా కలర్‌ పెన్సిల్‌ షేడింగ్‌ చేయడంలో ప్రత్యేకతను చాటుకుంటోంది. 2025లో ముంబైకి చెందిన ‘రంగోత్సవ్‌ సెలబ్రేషన్స్‌’ వారు నిర్వహించిన జాతీయ స్థాయి కలర్‌ కాంపిటేషన్‌లో మెరిట్‌ సాధించింది. 2025లో క్రియేటివ్‌ ఆర్ట్స్‌ అకాడమీ (గుంటూరు) వారు నిర్వహించిన పోటీల్లోనూ మెరిట్‌ సాధించి సత్తా చాటింది. ఫ రాష్ట్ర, జాతీయ స్థాయి పోటీల్లో పతకాల పంట ఫ సామాజిక అంశాలపై 50కి పైగా అద్భుత పెయింటింగ్స్‌

నల్లగొండ : రేషన్‌ దుకాణాలు, ఎంఎల్‌ఎస్‌ పాయింట్లలో నిల్వ ఉన్న దొడ్డు బియ్యాన్ని విక్రయించేందుకు పౌరసరఫరాల శాఖ చేపట్టిన టెండర్‌ ప్రక్రియకు వ్యాపారుల నుంచి స్పందన కరువైంది. జిల్లాలో భారీగా దొడ్డు బియ్యం నిల్వలు ఉండి కిలో బియ్యానికి రూ.21.60 బేస్‌ ధరగా నిర్ణయించి టెండర్లు ఆహ్వానించినా.. నల్లగొండ జిల్లాలో ఒక్క వ్యాపారి కూడా బిడ్‌ దాఖలు చేయలేదు. సెప్టెంబర్‌ 1న టెండర్‌ బాక్సులు తెరిచినప్పుడు ఖాళీగా దర్శనమివ్వడం పలు ప్రశ్నలకు తావిస్తోంది. 2,091 మెట్రిక్‌ టన్నుల దొడ్డు బియ్యం గతేడాది ఏప్రిల్‌ నుంచి రేషన్‌ కార్డుదారులకు ప్రభుత్వం సన్నబియ్యం పంపిణీ చేస్తోంది. దీంతో అప్పటివరకు రేషన్‌ దుకాణాల్లో ఉన్న దొడ్డు బియ్యం నిల్వలను ఎంఎల్‌ఎస్‌ పాయింట్లకు తరలించారు. అయినప్పటికీ జిల్లాలోని పలు రేషన్‌ దుకాణాల్లో నిల్వలు అలాగే ఉన్నట్లు తెలుస్తోంది. జిల్లాలో మొత్తం 2,091 మెట్రిక్‌ టన్నుల దొడ్డు బియ్యం నిల్వ ఉన్నట్లు అధికారులు వాటికి టెండర్లను ఆహ్వానించారు. ఒక్కో రేషన్‌ దుకాణంలో సుమారు 20 నుంచి 50 క్వింటాళ్ల వరకు బియ్యం నిల్వ ఉన్నట్లు సమాచారం. వీటికి అదనంగా స్టేజ్‌–1, స్టేజ్‌–2 గోదాముల్లోనూ భారీగా బియ్యం నిల్వలు ఉన్నాయి. వ్యాపారుల నుంచి స్పందనే లేదు మార్చిలో దొడ్డు బియ్యాన్ని కిలో రూ.21.60 చొప్పున విక్రయించేందుకు ప్రభుత్వం రాష్ట్ర వ్యాప్తంగా నిర్ణయించి. పౌరసరఫరాల శాఖ టెండర్లు ఆహ్వానించింది. నల్లగొండ జిల్లాలోనూ టెండర్లు పిలిచారు. సెప్టెంబర్‌ 1న టెండర్లను తెరవగా.. ఒక్క టెండర్‌ కూడా దాఖలు కాలేదు. పాత బియ్యం నాణ్యతపై వ్యాపారులకు సందేహాలున్నాయా? రవాణా, నిల్వ, ఇతర ఖర్చులు కలిపి ధర ఎక్కువగా అనిపించిందా? లేక వ్యాపారుల మధ్య ఏదైనా ముందస్తు అవగాహన ఉందా? అన్న ప్రశ్నలు ఇప్పుడు తెరపైకి వస్తున్నాయి. అయితే వీటిపై అధికారికంగా స్పష్టత రావాల్సి ఉంది. నిల్వతో నాణ్యతకు దెబ్బ ఏడాదిన్నర కాలంగా నిల్వ ఉండడంతో కొన్ని ప్రాంతాల్లో బియ్యం నాణ్యత దెబ్బతిన్నట్లు సమాచారం. స్థల కొరత, సరైన నిల్వ సౌకర్యాలు లేకపోవడం, వ ర్షాలు, తేమ తదితర కారణాలతో బియ్యం పురుగు పట్టడం, ముక్కిపోవడం వంటి సమస్యలు తలెత్తినట్లు తెలుస్తోంది. మరోవైపు కొందరు డీలర్లు బియ్యం వర్షపు నీటిలో కొట్టుకుపోయిందని, ఎలుకలు, పందికొక్కుల పాలైందని చెబుతున్నట్లు సమాచారం. గతంలో ఇతర జిల్లాలకు తరలించినా ఇప్పుడు బిడ్డర్లే లేరా? ఇటీవల నల్లగొండ జిల్లా నుంచి రేషన్‌ బియ్యాన్ని లారీల్లో ఇతర జిల్లాలకు తరలించిన ఘటనలు వెలుగులోకి వచ్చాయి. బియ్యం కొనుగోలు చేసి బయటకు తరలించే వ్యాపారులు ఉన్నప్పటికీ ప్రభుత్వం అధికారికంగా టెండర్‌ పిలిచినప్పుడు మాత్రం ఒక్కరూ ముందుకు రాకపోవడం చర్చకు దారితీస్తోంది. మళ్లీ టెండర్‌ పిలుస్తారా..! మొదటి దఫా టెండర్‌కు ఒక్క బిడ్‌ కూడా రాకపోవడంతో అధికారులు తదుపరి ఏం చేస్తారన్నది ఆసక్తికరంగా మారింది. బేస్‌ ధరను పునః పరిశీలిస్తారా? మరోసారి టెండర్లు పిలుస్తారా? లేక ఇతర మార్గాల్లో నిల్వ బియ్యాన్ని విక్రయిస్తారా? అన్నది వేచిచూడాలి. ఒకవైపు జిల్లాలో వేలాది టన్నుల దొడ్డు బియ్యం నిల్వలు.. మరోవైపు వాటిని కొనుగోలు చేసేందుకు ఒక్క బిడ్డర్‌ కూడా ముందుకు రాకపోవడం.. ఇప్పుడు పౌరసరఫరాల శాఖకు సవాల్‌గా మారింది.దొడ్డు బియ్యం కొనేందుకు ముందుకురాని వ్యాపారులు ఫ రూ.21.60 బేస్‌ ధరకు దాఖలుకాని టెండర్లు ఫ నల్లగొండలో 2,091 మెట్రిక్‌ టన్నుల బియ్యం నిల్వలు ఫ ధర గిట్టుబాటు కాదా..? లేక వ్యాపారుల మధ్య ‘రింగ్‌’ జరిగిందా..? దొడ్డు బియ్యం విక్రయానికి సంబంధించి పైఅధికారుల ఉత్తర్వుల మేరకే నడుచుకుంటాం. మళ్లీ టెండర్‌ పిలవాలి అంటారా.. లేక ఏం చేస్తారనేది ఇంకా ఉత్తర్వులు రావాల్సి ఉంది. టెండర్‌ దాఖలులో ఎవరు పాల్గొనలేదని అధికారులకు సమాచారం ఇచ్చాం. – రామ్‌పతి, జిల్లా సరఫరాల శాఖ మేనేజర్‌

హుజూర్‌నగర్‌ : హుజూర్‌నగర్‌ మండలం కరక్కాయలగూడెం శివారులో సాగర్‌ ఎడమ కాలువకు గండి పడలేదని నీటిపారుదల శాఖ డీఈలు రామకృష్ణ, వెంకటేశ్వర్లు తెలిపారు. కాలువకు గండి పడినట్లు, కాలువ కట్ట తెగినట్లు పత్రికల్లో వచ్చిన వార్తలపై వారు స్పందించి శనివారం సదరు కాలువ స్థలాన్ని పరిశీలించారు. ఈ సందర్భంగా వారు మాట్లాడుతూ అది గండి కాదని, కరక్కాయలగూడెం శివారులో యూటీ వద్ద చిన్న రంధ్రం ఉందని తెలిపారు. దాని ద్వారా వచ్చే లీకేజీ నీటితో రైతులు చెరువులు నింపుకుంటున్నారని వారు తెలిపారు. కాలువలో నీరు తగ్గిన తర్వాత ఆ రంధ్రాన్ని పూడ్చివేస్తామని వారు పేర్కొన్నారు. కార్యక్రమంలో నీటిపారుదల ఏఈ మానస, సిబ్బంది పాల్గొన్నారు.

యాదగిరిగుట్ట : దేశంలోని కార్మికుల హక్కులను కాపాడుకోవడానికి, కార్మిక వ్యతిరేక విధానాలను తిప్పికొట్టడానికి డిసెంబర్‌ 1, 2, 3 తేదీల్లో నిర్వహించే చలో పార్లమెంట్‌ను విజయవంతం చేయాలని సీఐటీయూ రాష్ట్ర అధ్యక్షుడు చుక్క రాములు, కార్యదర్శి పాలడుగు భాస్కర్‌ పిలుపునిచ్చారు. యాదగిరిగుట్టలో శనివారం నిర్వహించిన సీఐటీయూ రాష్ట్ర కమిటీ సమావేశాల్లో వారు పాల్గొని మాట్లాడారు. దేశంలోని కార్మిక చట్టాలు, హక్కులు, సంక్షేమ పథకాలను బలహీనపర్చే విధానాలను కేంద్ర ప్రభుత్వం అవలంబిస్తుందన్నారు. కార్మికుల హక్కుల పరిరక్షణ కంటే కార్పొరేట్‌ సంస్థలకు మరింత స్వేచ్ఛ కల్పించడమే కేంద్ర ప్రభుత్వ లక్ష్యమని దుయ్యబట్టారు. కేంద్రం తీసుకొచ్చిన నాలుగు లేబర్‌ కోడ్‌లు దేశంలో కోట్లాది మంది కార్మికులపై తీవ్ర ప్రభావం చూపుతుందన్నారు. ప్లాట్‌పాంలపై పనిచేసే కార్మికులకు స్థిరమైన వేతనం, ఉద్యోగ భద్రత, పింఛన్‌, ఆరోగ్య బీమా, ప్రమాద బీమా లేవన్నారు. గిగ్‌, ప్లాట్‌ఫాం కార్మికులను కార్మికులుగా గుర్తించి, వాటికి చట్టబద్ధమైన హక్కులు, సామాజిక భద్రత కల్పించాలని డిమాండ్‌ చేశారు. రాష్ట్రంలో సీఐటీయూ అనుబంధ యూనియన్లు, జిల్లా కమిటీలు, పారిశ్రామిక ప్రాంతాలు, రవాణా రంగం, ప్రభుత్వ, ప్రైవేట్‌ రంగాలు, అసంఘటిత రంగాలు, గిగ్‌, ప్లాట్‌ఫాం కార్మికులు సంఘటితంగా పోరాటాలకు సిద్ధం కావాలన్నారు. ఈ సమావేశంలో రాష్ట్ర ఉపాధ్యక్షులు ఎస్‌. వీరయ్య, జె. మల్లికార్జున్‌, భూపాల్‌, రాష్ట్ర ఆఫీస్‌ బేరర్స్‌ వీరారెడ్డి, రమ, శ్రీకాంత్‌, జె. వెంకటేష్‌, వీఎస్‌ రావు, వంగూరి రాములు, ఈశ్వర్‌రావు, కూరపాటి రమేష్‌, కళ్యాణం వెంకటేశ్వర్లు, యాదాద్రి భువనగిరి జిల్లా అధ్యక్ష, కార్యదర్శులు కోమటిరెడ్డి చంద్రారెడ్డి, కల్లూరి మల్లేశం, నాయకులు దాసరి పాండు, ఎండీ పాషా, గొరిగె సోములు, సుబ్బూరు సత్యనారాయణ, ఎస్‌కే షరీఫ్‌, సీహెచ్‌. రమేష్‌ తదితరులు పాల్గొన్నారు. ఫ సీఐటీయూ రాష్ట్ర అధ్యక్షుడు చుక్క రాములు

మఠంపల్లి: మద్యం సేవించేందుకు డబ్బులు ఇవ్వలేదని కన్నతల్లిని రోకలిబండతో మోది హత్య చేసిన వ్యక్తిని పోలీసులు శనివారం అరెస్ట్‌ చేసి రిమాండ్‌కు తరలించారు. సీఐ చరమందరాజు వివరాలు వెల్లడించారు. మండలంలోని రఘునాథపాలెం గ్రామానికి చెందిన షేక్‌ సైదాబీ చిన్న కుమారుడు షేక్‌ సుభాని పెయింటర్‌గా పనిచేస్తూ వచ్చిన డబ్బులతో మద్యం తాగుతూ భార్యా పిల్లలను పట్టించుకోవడం లేదు. దాంతో అతడి భార్య ఇద్దరు పిల్లలను తీసుకొని తన తల్లిగారింటికి వెళ్లింది. దాంతో సైదాబీనే కుమారుడు సుభానికి అన్నం వండి పెడుతోంది. ఈ నెల 4న మధ్యాహ్నం మద్యం తాగి ఇంటికి వచ్చిన సుభాని ఇంకా మద్యం సేవించేందుకు డబ్బులు ఇవ్వాలని తల్లిని అడిగాడు. తన వద్ద డబ్బలు లేవని ఆమె చెప్పడంతో గొడవపడిన సుభాని పక్కనే ఉన్న రోకలిబండతో ఆమె తలపై బలంగా మోదాడు. తీవ్రంగా గాయపడిన ఆమె అక్కడికక్కడే మృతి చెందింది. వెంటనే అక్కడి నుంచి పరారైన సుభానిని ఎస్‌ఐ ప్రవీణ్‌కుమార్‌ వెంబడించి పట్టుకున్నారు. నిందితుడిపై కేసు నమోదు చేసి రిమాండ్‌కు తరలించినట్లు సీఐ తెలిపారు.

మర్రిగూడ : ఇంటిని శుభ్రం చేస్తుండగా ప్రమాదవశాత్తు విద్యుదాఘాతానికి గురై మహిళ మృతిచెందింది. ఈ ఘటన మర్రిగూడ మండల కేంద్రంలో శనివారం జరిగింది. పోలీసులు, మృతురాలి కుటుంబ సభ్యులు తెలిపిన వివరాల ప్రకారం.. మర్రిగూడ మండల కేంద్రానికి పగడాల చెన్నమ్మ(56), ఆమె భర్త అంజయ్య గత కొన్నేళ్లుగా ఉపాధి నిమిత్తం హైదరాబాద్‌లో ఉంటున్నారు. ఆదివారం గ్రామంలో బోనాలు ఉన్నందున శుక్రవారం స్వగ్రామానికి చేరుకున్నారు. శనివారం బోనాల పండుగ సందర్భంగా చెన్నమ్మ ఇంటిని శుభ్రం చేస్తుండగా ప్రమాదవశాత్తు విద్యుత్‌ వైర్లను తాకడంతో విద్యుదాఘాతానికి గురైంది. గమనించిన కుటుంబ సభ్యులు వెంటనే స్థానిక ప్రభుత్వాస్పత్రికి తరలించగా అప్పటికే ఆమె మృతిచెందినట్లు వైద్యులు నిర్ధారించారు. మృతురాలి భర్త అంజయ్య ఫిర్యాదు మేరకు కేసు నమోదు చేసినట్లు ఎస్‌ఐ బి. రాంబాబు తెలిపారు.

నల్లగొండ : కాంగ్రెస్‌ పాలనలో పేదలకు లబ్ధి చేకూరుతోందని డీసీసీ అధ్యక్షుడు పున్న కై లాష్‌ అన్నారు. కాంగ్రెస్‌ ప్రభుత్వం సాధించిన విజయాలపై శుక్రవారం నల్లగొండలోని శివాజీనగర్‌ నుంచి క్లాక్‌ టవర్‌ వరకు వికాస యాత్ర నిర్వహించారు. కేక్‌ కట్‌ చేసి విజయోత్సవాలు నిర్వహించారు. ఈ సందర్భంగా ఆయన మాట్లాడుతూ ముఖ్యమంత్రి రేవంత్‌రెడ్డి పేదల అభ్యున్నతికి కృషి చేస్తున్నారన్నారు. సాగు, తాగునీరు అందించేందుకు పెండింగ్‌ ప్రాజెక్ట్‌లను పూర్తి చేయడానికి కృషి చేస్తున్న రైతు బాంధవుడు సీఎం రేవంత్‌ అన్నారు. కార్యక్రమంలో నాయకులు జిల్లపల్లి పరమేష్‌, బోడ స్వామి, గోపగని మాధవి, ముంతాజ్‌ అలీ, పోసిరెడ్డి సంతోష్‌రెడ్డి, మేకల రాజేందర్‌ రెడ్డి, గోపిశెట్టి రాంబాబు తదితరులు పాల్గొన్నారు.

నల్లగొండ : ఉత్తమ సేవలందించిన ఉపాధ్యాయులను ఉపాధ్యాయ దినోత్సవాన్ని పురస్కరించుకుని సత్కరించి అవార్డులు అందించే కార్యక్రమం వాయిదా పడింది. ఏటా సెప్టెంబర్‌ 5న గురుపూజోత్సవం సందర్భంగా ఉత్తమ ఉపాధ్యాయులను ఎంపిక చేసి అవార్డులు అందించడం ఆనవాయితీగా వస్తోంది. అయితే ఈ నెల 5న సీఎం రేవంత్‌రెడ్డి నకిరేకల్‌లో పర్యటించనున్న నేపథ్యంలో జిల్లా విద్యాశాఖ అవార్డుల పంపిణీ కార్యక్రమాన్ని వాయిదా వేసింది. అవార్డులకు ఇప్పటికే ఉత్తమ ఉపాధ్యాయులను ఎంపిక చేసినట్లు అధికారులు తెలిపారు. గురువుల సన్మాన కార్యక్రమానికి త్వరలో మరో తేదీని ప్రకటిస్తామని డీఈవో సుశీందర్‌రావు తెలిపారు. సీఎం పర్యటనను విజయవంతం చేయాలినకిరేకల్‌ : అధికారులు సమన్వయంతో పనిచేసి ముఖ్యమంత్రి పర్యటనను విజయవంతం చేయాలని కలెక్టర్‌ బి.చంద్రశేఖర్‌, ఎస్పీ శరత్‌చంద్ర పవార్‌ అన్నారు. సీఎం నకిరేకల్‌లో పర్యటించనున్న నేపథ్యంలో వైద్యశాలను మినీ స్టేడియంలో సభా ప్రాంగాణాన్ని, హెలిపాడ్‌ ప్రాంతాలను వారు పరిశీలించారు. సీఎం పర్యటన ఏర్పాట్లలో ఎలాంటి లోటుపాట్లు లేకుండా చూసుకోవాలన్నారు. వారి వెంట డిప్యూటీ కలెక్టర్‌ (ట్రెయినీ) శ్రీకాంత్‌రెడ్డి, అదనపు కలెక్టర్‌ శ్రీనివాస్‌, ఇన్‌చార్జి అదనపు కలెక్టర్‌ ప్రేమ్‌కరణ్‌రెడ్డి, ఆర్డీఓ అశోక్‌రెడ్డి, డీఎస్పీలు శివరాంరెడ్డి, శ్రీనివాస్‌రావు, డీసీహెచ్‌ఎస్‌ మాతృనాయక్‌ తదితరులు ఉన్నారు. అభివృద్ధిపై చర్చకు సిద్ధమా.. ● ఎమ్మెల్సీ శంకర్‌నాయక్‌ మిర్యాలగూడ : ప్రజల కోసమే ప్రజా ప్రభుత్వం పనిచేస్తుందని.. చేసిన అభివృద్ధిపై బహిరంగ చర్చకు కేటీఆర్‌ సిద్ధమా అని ఎమ్మెల్సీ కేతావత్‌ శంకర్‌నాయక్‌ అన్నారు. శుక్రవారం మిర్యాలగూడ పట్టణంలో ఏర్పాటు చేసిన సమావేశంలో ఆయన మాట్లాడుతూ సాగర్‌ ఎడమకాల్వ ద్వారా 6వేల క్యూసెక్కుల నీటిని విడుదల చేసిన సమయంలో రైతు ధర్నా చేపట్టి అబద్దాలు ప్రచారం చేయడం తగదన్నారు. అబద్దాలు మాట్లాడడంలో కేటీఆర్‌ దిట్ట అని, కేటీఆర్‌ మాటలను నమ్మే పరిస్థితిలో ప్రజలు లేరన్నారు. ఎల్‌నినో వల్ల వర్షాలు పడవని, పంటలను కాపాడేందుకే నీరు విడుదల చేశామన్నారు. కాంగ్రెస్‌ ప్రజా ప్రభుత్వం పారదర్శకంగా చిత్తశుద్ధితో పనిచేస్తుందన్నారు. బీఆర్‌ఎస్‌ హయాంలో డబుల్‌బెడ్‌రూమ్‌ ఇండ్లు, పది సంవత్సరాల కాలంలో ఒక్క రేషన్‌కార్డు ఇవ్వలేదన్నారు. సమావేశంలో ముదిరెడ్డి నర్సిరెడ్డి, మనోజ్‌, ఇమ్రాన్‌, ఆవుల బక్కారెడ్డి, కిరణ్‌, వెంకన్న, లక్ష్మణ్‌గౌడ్‌, బాలునాయక్‌, జనార్దన్‌, దాస్‌ తదితరులు పాల్గొన్నారు.

జలాశయంలో కలుషితమైన నీరు పచ్చగా మారిన నీరు నాగార్జునసాగర్‌ : నాగార్జునసాగర్‌ జలాశయంలోని నీరు కులషితమైంది. సాగర్‌ ప్రాజెక్టు ఎడమ కాలువ పైభాగంలోని దయ్యాలగండి సమీపంలో జలాశయం నీరు పచ్చగా మారడంతో పాటు నీటి పైభాగంలో ఆయిల్‌ తెట్టు ఏర్పడినట్లు ఉంది. అంతే కాకుండా నీటి ఒడ్డునగల పచ్చని గడ్డి మాడిపోయినట్లు కనిపించడంతో నీటిలో ఏదో రసాయనం కలిసినట్లు అనుమానాలు వ్యక్తమవుతున్నాయి. ఎగువ ప్రాంతాల నుంచి కలుషిత నీరు వచ్చి జలాశయంలో కలిసిందా? లేక జలాశయంలో తిరిగే మరపడవల నుంచి డీజిల్‌, పెట్రోల్‌, గ్రీజు తదితర వ్యర్థాలు నీటిలో కలిశాయా? లేక చేపల వేట కోసం నీటిలో ఏవైనా రసాయనాలు కలిపారా? అనే అనే అనుమానలు వ్యక్తమవుతున్నాయి. ఈ నేపథ్యంలో సంబంధిత అధికారులు వెంటనే దయ్యాలగండి ప్రాంతాన్ని సందర్శించి నీటి నమూనాలను సేకరించి ల్యాబ్‌లో పరీక్షలు నిర్వహించాలని రైతులు, స్థానికులు కోరుతున్నారు. నీటిలో ఏ పదార్థాలు కలిశాయో గుర్తించి ప్రజలకు పశువులు, జలచరాలకు ఏమైనా నష్టజరిగే ప్రమాదం ఉందా అనే విషయాన్ని స్పష్టం చేయాలని కోరుతున్నారు.

సాక్షి ప్రతినిధి, నల్లగొండ : రాష్ట్ర మంత్రివర్గ విస్తరణపై మరోసారి చర్చ జోరందుకుంది. కొండా సురేఖను కేబినెట్‌ నుంచి బర్తరఫ్‌ చేసిన నేపథ్యంలో ఖాళీ ఏర్పడటంతో కొత్తవారికి మంత్రి పదవుల అంశం తెరపైకి వచ్చింది. మునుగోడు ఎమ్మెల్యే కోమటిరెడ్డి రాజగోపాల్‌రెడ్డికి మంత్రి పదవి దక్కే అవకాశాలున్నాయన్న చర్చ జోరుగా సాగుతోంది. మరోవైపు దేవరకొండ ఎమ్మెల్యే బాలునాయక్‌ కూడా లంబాడా కోటాలో తనకు మంత్రి ఇవ్వాలని ఎప్పటినుంచో అడుగుతున్నారు. కేబినెట్‌ విస్తరణ జరిగితే ఒక ఎస్సీ, ఒక బీసీ, ఒక రెడ్డి సామాజికవర్గానికి మంత్రి పదవులు దక్కే అవకాశాలున్నాయన్న ప్రచారం రాజకీయ వర్గాల్లో వినిపిస్తోంది. ఇందులో రెడ్డి సామాజికవర్గం నుంచి రాజగోపాల్‌రెడ్డికి అవకాశం దక్కవచ్చని ఆయన అనుచరులు, కాంగ్రెస్‌ వర్గాలు అంచనా వేస్తున్నాయి. స్పీకర్‌ గడ్డం ప్రసాద్‌కు, టీపీసీసీ అధ్యక్షుడు మహేష్‌కుమార్‌గౌడ్‌కు కూడా మంత్రి పదవులు ఇస్తారన్న చర్చ నేపథ్యంలో వారిద్దరికి ఇస్తే రెడ్డి సామాజికి వర్గం నుంచి రాజగోపాల్‌రెడ్డికి తప్పకుండా మంత్రి పదవి వస్తుందని భావిస్తున్నారు. బాలునాయక్‌ కూడా తనకు మంత్రి పదవి ఇవ్వాలని అధిష్టానానికి పలుమార్లు విజ్ఞప్తులు చేశారు. ఇప్పుడు కేబినెట్‌ విస్తరణ చర్చ జరుగుతుండటంతో ఆయన కూడా తనకు మంత్రి అవకాశం కల్పించాలని సీఎం రేవంత్‌రెడ్డిని కోరినట్లు తెలిసింది. సాఫ్ట్‌ మూడ్‌లోకి... తాజా రాజకీయ పరిణామాల నేపథ్యంలో రాజగోపాల్‌రెడ్డి వ్యవహారశైలిలోనూ మార్పు కనిపిస్తోందన్న చర్చ జరుగుతోంది. గతంలో ప్రభుత్వ విధానాలపై, పార్టీ వ్యవహారాలపై ఆయన చేసిన వ్యాఖ్యలతో పోలిస్తే ప్రస్తుతం కొంత సాఫ్ట్‌ మూడ్‌లో ఉన్నారని అనుచరులు చెబుతున్నారు. దీంతో మంత్రి పదవి ఖాయమన్న ప్రచారం జరుగుతోంది. అధిష్టానం ఇచ్చిన హామీని ఈసారి నిలబెట్టుకోవాలని రాజగోపాల్‌రెడ్డి అధిష్టానం పెద్దలను కోరినట్లు తెలిసింది. వారి నుంచి కూడా కొంత సానుకూలత వ్యక్తం అయినట్లు చర్చ జరుగుతోంది. కేబినెట్‌ విస్తరణపై అధికారిక షెడ్యూల్‌ ఇంకా వెల్లడి కాలేదు. కానీ, రెండు, మూడు రోజుల్లో లేదా అసెంబ్లీ సమావేశాల తరువాత జరగవచ్చని పార్టీ వర్గాలు భావిస్తున్నాయి. ఎవరెవరికి అవకాశం ఇవ్వాలన్న అంశంపై అధిష్టానం స్థాయిలో కసరత్తు జరుగుతున్నట్లు తెలుస్తోంది. ఈ పరిణామాల నేపథ్యంలో ఇటు రాజగోపాల్‌రెడ్డికి అటు బాలు నాయక్‌లలో ఎవరికి మంత్రి పదవి దక్కుతుంది? అసలు మూడో మంత్రి పదవిని జిల్లాకు ఇస్తారా? లేదా? అన్నది ఉమ్మడి నల్లగొండ జిల్లా రాజకీయ వర్గాల్లో ఆసక్తికరంగా మారింది.ఫ రాజగోపాల్‌రెడ్డికి బెర్త్‌ దక్కుతుందని రాజకీయవర్గాల్లో చర్చ ఫ కొండా సురేఖ బర్తరఫ్‌ నేపథ్యంలో కేబినెట్‌ విస్తరణకు అవకాశాలు ఫ తాజా పరిణామాలతో సాఫ్ట్‌ మూడ్‌లోకి వచ్చేసిన రాజగోపాల్‌రెడ్డి ఫ లంబాడా కోటాలో మంత్రి పదవి అడుగుతున్న బాలునాయక్‌

నకిరేకల్‌ : ప్రజా ప్రభుత్వానికి 1000 రోజులు పూర్తి చేసుకున్న సందర్భంగా నకిరేకల్‌లో నిర్వహించే ప్రజావికాస సభకు అంతా సిద్ధమైంది. ప్రభుత్వ విప్‌, స్థానిక ఎమ్మెల్యే వేముల వీరేశం ఆధ్వర్యంలో జరుగుతున్న ఈ సీఎం సభకు లక్ష మంది వరకు జనం హజరయ్యే అవకాశం ఉండటంతో ఆ స్థాయిలో ఏర్పాట్లు చేశారు. వర్ష సూచన నేపథ్యంలో సభ నిర్వహించే మినీస్టేడియం మైదానంలో జర్మనీ రెయిన్‌ ప్రూఫ్‌ టెంట్లును ఏర్పాటు చేశారు. సీఎం రాక సందర్భంగా సీఎం, మంత్రులతో కూడిన ఫ్లెక్సీలు, స్వాగత బ్యానర్లతో పట్టణ ప్రధాన రోడ్లను అలంకరించారు. రూ.32 కోట్లతో ఆస్పత్రి నిర్మాణం నకిరేకల్‌లోని వీవీఎం ఉద్దీపన స్కూల్‌(వాసవి కళాశాల)ఆవరణలో హెలిపాడ్‌ ఏర్పాటు చేశారు. ఇక్కడ నుంచి ప్రత్యేక కాన్వాయ్‌లో సీఎం నేరుగా 100 పడకల వైద్యశాల వద్దకు చేరుకుని ప్రారంభించనున్నారు. సభావేదిక స్థలంలోనే రూ.100 కోట్లతో తెలంగాణ పబ్లిక్‌ స్కూల్‌, రూ.200 కోట్లతో నిర్మిస్తున్న ఇంటిగ్రేటేడ్‌ స్కూల్‌ భవన సముదాయాలు, వివిద ప్రభుత్వ కార్యాలయల భవనాలు, ఇతర అభివృద్ధి పనుల శిలాఫలకాలను ఆవిష్కరిస్తారు. సీఎం పర్యటన షెడ్యూల్‌ ఇలా.. ● సాయంత్రం 4 గంటలకు నకిరేకల్‌ వీవీఎం స్కూల్‌లోని హెలిపాడ్‌కు చేరుకుంటారు. ● 4.05 గంటలకు ప్రత్యేక కాన్వాయ్‌ ద్వారా నకిరేకల్‌ 100 పడకల వైద్యశాలకు చేరుకొని ప్రారంభింస్తారు. ● 4.25 గంటలకు మినీ స్టేడియంలోని సభావేదిక వద్దకు చేరుకుంటారు. ● 4.30 గంటలకు సభావేదిక వద్ద వివిధ అభివృద్ధి పనుల శిలాఫలకాలు ఆవిష్కరిస్తారు. అనంతరం సభలో ప్రసంగిస్తారు. ● 5.40 గంటలకు హెలికాప్టర్‌ ద్వారా హైదరాబాద్‌కు బయల్దేరుతారు.

సీఎం సారూ.. నకిరేకల్‌ : ముఖ్యమంత్రి రేవంత్‌రెడ్డి శనివారం నకిరేకల్‌లో పర్యటించనున్న నేపథ్యంలో నియోజకవర్గంలో సమస్యలకు మోక్షం లభిస్తుందని ప్రజలు భావి స్తున్నారు. ఏళ్లుగా పరిష్కారానికి నోచుకోని సమస్యలకు సీఎం పర్యటనలో పరిష్కార మార్గాలు చూపాలని ప్రజలు కోరుతున్నారు. ఇప్పటికే పలు అభివృద్ధి పనులకు శ్రీకారం చుట్టనున్న నేపథ్యంలో మరిన్ని వరాలు ప్రకటిస్తారా.. అన్నదానిపై ఆసక్తి నెలకొంది. మూసీ వద్ద మరో వంతెన నిర్మించాలి.. మూసీ ప్రాజెక్టు నిర్మించి ఆరు దశబ్దాలు దాటినా నేటికి సరైన రావాణా సౌకర్యం లేదు. జలాశయాన్ని దాటి అవలి వైపు ఉన్న సూర్యాపేట జిల్లాలోని గ్రామాలకు చేరుకునేందుకు ప్రత్యేక వంతెన లేదు. ప్రస్తుతం డ్యాం మీదనుంచి కేవలం ద్విచక్ర వాహనాలను మాత్రమే అనుమతిస్తున్నారు. డ్యాం దిగువన ప్రత్యేక వంతెన నిర్మాణం జరిగితే మూసీ దశ మారనుంది. పర్యాటక కేంద్రంగా మారుతుంది. సమస్యలివిగో.. సీఎం సారు...! 65వ నంబర్‌ జాతీయ రహదారిపై పద్మానగర్‌ జంక్షన్‌ వద్ద అండర్‌ పాసింగ్‌ నిర్మించాలి. బైపాస్‌ వెంట సర్వీస్‌ రోడ్లనిర్మాణం చేపట్టాల్సి ఉంది. నకిరేకల్‌లో రూ.26 కోట్లతో చేపట్టిన రోడ్ల విస్తరణ, అమృత్‌ పథకం కింద ఇంటింటికి తాగునీటి సరఫరా పనులు నత్తనడకన సాగుతున్నాయి. మూసీ రోడ్డులో రూ.6.30 కోట్లతో 2021లో చేపట్టిన సమీకృత మార్కెట్‌ పనులు పిల్లర్ల దశలోనే ఉన్నాయి. నకిరేకల్‌ మున్సిపలిటీ పరిధిలో అండర్‌ గ్రౌండ్‌ డ్రెయినేజీ నిర్మించాల్సి ఉంది. మెయిన్‌ సెంటర్‌లో బస్‌షెల్టర్‌ ఏర్పాటు చేయాలి. నకిరేకల్‌ పెద్ద చెరువు, కాలంవారీ కుంటలను మినీ ట్యాంక్‌ బండ్‌లు మార్చినా.. అభివృద్ధి పనులు పూర్తిస్థాయిలో చేపట్టలేదు. నకిరేకల్‌లో తహసీల్దార్‌, ఎంపీడీఓ, ఎమ్మార్సీ, పశు వైద్యశాల, పంచాయతీరాజ్‌ శాఖలకు సొంత భవనాలు నిర్మించాల్సి ఉంది. రూ.100 కోట్లతో చేపట్టిన కట్టంగూర్‌ మండలం అయిటిపాముల లిఫ్ట్‌ పనులు నత్తనడకన సాగుతున్నాయి. కేతేపల్లి మండలం మూసీ ప్రాజెక్టు వద్ద పదేళ్ల క్రితం రూ.19 కోట్లతో చేపట్టిన గురుకుల పాఠశాల, వసతి గృహల భవన నిర్మాణం పనులు నిధుల కొరతతో అసంపూర్తిగానే ఉన్నాయి. కేతేపల్లి నుంచి మూసీ వద్దకు వెళ్లే దారి అధ్వానంగా మారింది. కేతేపల్లి మండలంలో మరో రెండు విద్యుత్‌ సబ్‌స్టేషన్లు ఏర్పాటు చేయాల్సి ఉంది. నార్కట్‌పల్లి మండల కేంద్రంలో రోడ్డు విస్తరణ పనులు అసంపూర్తిగానే ఉన్నాయి. నార్కట్‌పల్లిమండలంలోని బ్రాహ్మణ వెల్లంల ప్రాజెక్టులో భాగంగా కుడి, ఎడమ కాల్వల పనులు నేటికి పూర్తి చేయలేదు. చిట్యాల మండలంలో ధర్మారెడ్డి, పిల్లాయిపల్లి కాల్వల నిర్మాణం పనులు అంసపూర్తిగా ఉన్నాయి. చిట్యాలలోని ప్రభుత్వాసుపత్రి శిథిలావస్థకు చేరింది. ఈ వైద్యశాలను 50 పడకల స్థాయికి పెంచాల్సి ఉంది.ఫ నకిరేకల్‌ నియోజకవర్గంలో ఏళ్లగా తిష్టవేసిన సమస్యలు ఫ ముఖ్యమంత్రి నిధులిస్తారని ప్రజల ఆశలు

తిరుమలగిరి (సాగర్‌) : నాగార్జునసాగర్‌ ఎడమ కాలువ మొదటి మేజర్‌ రాజవరం కాలువకు అల్వాల గ్రామ సమీపంలో శుక్రవారం భారీ గండి పడింది. దీంతో కాలువ నీరంతా వృథాగా పొలాల్లో పారుతోంది. సాగర్‌ ఆయకట్టు పరిధిలో తాగునీటి అవసరాలు తీర్చడంతో పాటు, భూగర్భ జలాలు పెంచేందుకు ప్రభుత్వం ఇటీవల సాగర్‌ ఎడమ కాలువకు నీటిని విడుదల చేసింది. సాగర్‌ జలాలు విడుదలైన నాటినుంచి రాజవరం మేజర్‌ పరిధిలోని చెరువుల్లోకి ఇప్పటివరకు సగం నీరు కూడా చేరలేదని, ఇప్పుడు గండి పడటంతో నీరంతా వృథా అవుతోందని రైతులు ఆవేదన వ్యక్తం చేస్తున్నారు. సంబంధిత అధికారులు తక్షణమే స్పందించి మేజర్‌కు నీటిని బంద్‌ చేశారు. వెంటరనే గండిని పూడ్చి, చెరువులు నింపాలని రైతులు కోరుతున్నారు.

నల్లగొండ టూటౌన్‌ : కాంగ్రెస్‌ ప్రభుత్వం తన హామీలను అమలు చేసిన తర్వాతే ముఖ్యమంత్రి నకిరేకల్‌కు రావాలని.. లేకుంటే ప్రజల నుంచి నిరసనలు ఎదుర్కోవాల్సి వస్తుందని నల్లగొండ మాజీ ఎమ్మెల్యే కంచర్ల భూపాల్‌రెడ్డి అన్నారు. కాంగ్రెస్‌ ప్రభుత్వ 1000 రోజుల విఫల పాలనపై బీఆర్‌ఎస్‌ నిరసనలో భాగంగా శుక్రవారం నల్లగొండ ప్రభుత్వ జూనియర్‌ కళాశాల వద్ద వంటా–వార్పు నిర్వహించారు. ఈ సందర్భంగా భూపాల్‌రెడ్డి మాట్లాడుతూ.. ఆసరా పింఛన్ల పెంపు, గ్యాస్‌ సబ్సిడీ వంటి హామీలు ఇంకా అమలు కాలేదని విమర్శించారు. కార్యక్రమంలో కంచర్ల కృష్ణారెడ్డి, కటికం సత్తయ్య గౌడ్‌, మాలే శరణ్యారెడ్డి, రేగట్టె మల్లికార్జున రెడ్డి, మందడి సైదిరెడ్డి, బక్క పిచ్చయ్య, సింగం రామ్మోహన్‌, కంచనపల్లి రవీంద్రరావు, అభిమన్యు శ్రీనివాస్‌, వంగాల సహదేవ రెడ్డి, దోటి శ్రీనివాస్‌, కరీం పాషా, బొజ్జ వెంకటయ్య, తుమ్మల లింగస్వామి, జమాల్‌ ఖాద్రీ, బోనగిరి దేవేందర్‌, ఐతగోని యాదయ్య, పల్‌రెడ్డి రవీందర్‌రెడ్డి, దేప వెంకట్‌రెడ్డి, రావుల శ్రీనివాస్‌రెడ్డి, సత్తయ్య, సింగం లక్ష్మి, మామిడి పద్మ, మందడి లిఖిత, మారగోని భవాని గణేశ్‌, దొడ్డి రమేష్‌, పెరిక యాదయ్య, పేర్ల మల్లీశ్వరి అశోక్‌, రత్నగిరి తారకమ్మ శ్రీనివాస్‌, కొందూరు దీపికా ప్రవీణ్‌ రెడ్డి, బాణావత్‌ దీప్లా, గోపగాని స్వాతి రాజశేఖర్‌ తదితరులు పాల్గొన్నారు.

దేవరకొండ : అర్హులందరికీ ప్రభుత్వం సంక్షేమ పథకాలు అందిస్తుందని కలెక్టర్‌ బి.చంద్రశేఖర్‌ అన్నారు. మంగళవారం దేవరకొండలో ఎమ్మెల్యే నేనావత్‌ బాలునాయక్‌తో కలిసి ఆయన స్మార్ట్‌ రేషన్‌ కార్డులను పంపిణీ చేసి మాట్లాడారు. లబ్ధిదారులు స్మార్ట్‌ రేషన్‌ కార్డుల ద్వారానే సన్నబియ్యం పొందే అవకాశం ఉందన్నారు. ఎమ్మెల్యే నేనావత్‌ బాలునాయక్‌ మాట్లాడుతూ వెయ్యి రోజుల తమ ప్రభుత్వ పాలనలో ప్రభుత్వం పేదలకు అనేక అభివృద్ధి, సంక్షేమ పథకాలను దరిచేర్చిందన్నారు. దేవరకొండ నియోజకవర్గంలో 15,000 నూతన రేషన్‌ కార్డులు ఇచ్చినట్లు తెలిపారు. కార్యక్రమంలో అదనపు కలెక్టర్‌ శ్రీనివాస్‌, డీఎస్‌ఓ వెంకటేశ్వర్లు, మున్సిపల్‌ చైర్మన్‌ పున్న శైలజవెంకటేశ్వర్లు, ఆర్డీవో పద్మప్రియ, నాయిని మాధవరెడ్డి, ముక్కమల్ల వెంకటయ్య, మారుపాకుల సురేష్‌గౌడ్‌, వేణుధర్‌రెడ్డి తదితరులు పాల్గొన్నారు. ఎల్‌ఐసీ బీమా వారోత్సవాలురామగిరి(నలగొండ) : లైఫ్‌ ఇన్సూరెన్స్‌ కార్పొరేషన్‌ ఆఫ్‌ ఇండియా 70వ ఆవిర్భావ దినోత్సవాన్ని పురస్కరించుకుని నల్లగొండలో బీమా వారోత్సవాలు మంగళవారం ప్రారంభమయ్యాయి. నల్లగొండ పట్టణంలోని ఎల్‌ఐసీ బ్రాంచ్‌–2 లో ఏర్పాటు చేసిన ఈ కార్యక్రమానికి నల్లగొండ కార్పోరేషన్‌ మేయర్‌ బుర్రి చైతన్య ముఖ్య అతిథిగా హాజరై జ్యోతి ప్రజ్వలన చేసి వారోత్సవాలను ప్రారంభించారు. ఈ సందర్భంగా మేయర్‌ బుర్రి చైతన్య మాట్లాడుతూ.. ఆర్థిక భద్రత సాధించడంలో ఎల్‌ఐసీ పాత్ర ప్రశంసనీయమని కొనియాడారు. ప్రతి ఒక్కరి జీవితంలోనూ బీమా అనేది అత్యంత అవసరమన్నారు. కార్యక్రమంలో ఎల్‌ఐసీ బ్రాంచ్‌ 2 మేనేజర్‌ ఆర్‌.లక్ష్మ, అసిస్టెంట్‌ అ డ్మినిస్ట్రేటివ్‌ ఆఫీసర్లు శ్యామ్‌బాబు, గోపాలకృష్ణ సంస్థ సిబ్బంది, బీమా ఏజెంట్లు పాల్గొన్నారు. జర్మనీలో ఫిజియోథెరపిస్టు ఉద్యోగాలకు దరఖాస్తులునల్లగొండ : తెలంగాణ ఓవర్‌సిస్‌ మ్యాన్‌పవర్‌ కంపెనీ లిమిటెడ్‌, తెలంగాణ ప్రభుత్వంలోని కార్మిక, ఉపాధి శిక్షణ, కర్మాగారాల శాఖ కింద ఒక రిజిస్టర్డ్‌ రిక్రూట్‌మెంట్‌ ఏజెన్సీ ఆధ్వర్యంలో జర్మనీలో ఫిజయోథెరపిస్టు ఉద్యోగాలకు అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు జిల్లా ఉపాధి కల్పన అధికారి పి.సాహితి మంగళవారం ఒక ప్రకటనలో తెలిపారు. అర్హతలు, దరఖాస్తు చేసే విధానం తదితర పూర్తి వివరాలకు ఉపాధి కల్పన కార్యాలయంలో సంప్రదించాలని ఆమె సూచించారు. రైతు ఉత్పత్తిదారుల సంస్థ పరిశీలనకట్టంగూర్‌ : మండలంలోని అయిటిపాముల పంచాయతీ పరిధి గంగదేవిగూడెంలో ఉన్న రైతు ఉత్పత్తిదారుల సంస్థను (ఎఫ్‌పీఓ) మంగళవారం ఆగ్రోస్‌ సంస్థ ఎండీ రాములు సందర్శించారు. ఈ సందర్భంగా ఎఫ్‌పీఓ ద్వారా చేపడుతున్న ప్రాజెక్టులు, రైతులకు అందిస్తున్న సేవలు, వ్యవసాయ ఉత్పత్తుల మార్కెటింగ్‌ తదితర అంశాలను ఆయన పరిశీలించారు. అనంతరం ఆయన మాట్లాడుతూ.. రైతులకు మరింత ప్రయోజనం చేకూరేలా ఎఫ్‌పీఓను బలోపేతం చేయాలని సూచించారు. రైతులు ఆధునిక వ్యవసాయ పద్ధతులపై దృష్టి సారించాలన్నారు. కార్యక్రమంలో మాజీ ఎమ్మెల్యే నంద్యాల నర్సింహారెడ్డి, జేడీఏ వినోద్‌, ఏఓ గిరిప్రసాద్‌, పీఏసీఎస్‌ మాజీ చైర్మన్‌ నూక సైదులు తదితరులు పాల్గొన్నారు. ఎన్జీ కళాశాలలో నేడు జాబ్‌ మేళారామగిరి(నల్లగొండ) : నల్లగొండలోని నాగార్జున ప్రభుత్వ డిగ్రీ కళాశాలలో బుధవారం జాబ్‌మేళా నిర్వహించనున్నట్లు కళాశాల ప్రిన్సిపాల్‌ ప్రొఫెసర్‌ ఎస్‌.ఉపేందర్‌, టీఎస్‌కేసీ కోఆర్డినేటర్‌ డాక్టర్‌ ఎం.అనిల్‌ కుమార్‌ తెలిపారు. కళాశాల తెలంగాణ స్కిల్స్‌ అండ్‌ నాలెడ్జ్‌ సెంటర్‌ ఆధ్వర్యంలో ‘కీర్తన ఫిన్‌ సర్వ్‌ గోల్డ్‌ లోన్స్‌’ సంస్థ భాగస్వామ్యంతో క్యాంపస్‌ ఎంపికలు జరగనున్నాయని పేర్కొన్నారు. ఆపరేషన్‌ ఎగ్జిక్యూటివ్‌, ట్రైనీ లోన్‌ ఆఫీసర్‌ పోస్టులకు అభ్యర్థులను ఎంపిక చేయనున్నట్లు పేర్కొన్నారు. ఏదైనా డిగ్రీ పూర్తి చేసిన ఫ్రెషర్స్‌ లేదా ఇటీవల ఉత్తీర్ణులై, 26 సంవత్సరాలలోపు వయస్సు వారు అర్హులని తెలిపారు. ఆసక్తి, అర్హత కలిగిన అభ్యర్థులు బుధవారం ఉదయం కళాశాలలోని సెమినార్‌ హాల్‌కు తమ రెజ్యూమ్‌, సర్టిఫికెట్లతో నేరుగా హాజరుకావాలని సూచించారు.

నల్లగొండ టౌన్‌ : పెన్షన్‌ విద్రోహ దినం సందర్భంగా సీపీఎస్‌ను రద్దు చేసి పాత పెన్షన్‌ విధానం అమలు చేయాలని డిమాండ్‌ చేస్తూ టీజీఈజేఏసీ ఆధ్వర్యంలో మంగళవారం కలెక్టరేట్‌ వద్ద నిరసన తెలిపారు. ఈ సందర్భంగా టీజీఈజేఏసీ జిల్లా చైర్మన్‌ నాగిళ్ల మురళి మాట్లాడుతూ సీపీఎస్‌ విధానం, ఉద్యోగుల భవిష్యత్‌కు ఇబ్బందికరంగా ఉందన్నారు. ఉద్యోగులకు సామాజిక భద్రత కల్పించే పాత పెన్షన్‌ విధానాన్ని ప్రభుత్వం వెంటనే అమలు చేయాలని కోరారు. ఉద్యోగుల న్యాయమైన డిమాండ్‌ సాధించే వరకు ఐక్యంగా పోరాటం కొనసాగిస్తామని తెలిపారు. కార్యక్రమంలో జిల్లా కన్వీనర్‌ బి.యాదగిరి, కృష్ణమూర్తి, జే.శేఖర్‌రెడ్డి, సైదులు, కె.రాంబాబు, యాకుబ్‌నాయక్‌, వెంకట్‌రామ్‌రెడ్డి, వాసుదేవరావు, చేపూరి నర్సింహాచారి, రాజు, ఆకనూరి లక్ష్మయ్య, సైదులు, కె.మనోజ్‌ ప్రదీప్‌, భాస్కర్‌, అజీముద్దీన్‌, ధరావత్‌ సైదులు, గోవర్ధన్‌రెడ్డి, బైరబోయిన భిక్షం, అనుగుల భిక్షమయ్య, ఉదయ్‌, సత్యనారాయణ, మహమూద్‌, రవినాయక్‌ విజయశాంతి, శంకర్‌రెడ్డి, సుమన్‌ పాల్గొన్నారు.

పెద్దవూర : ఏఎమ్మార్పీ లోలెవల్‌ వరద కాలువకు మంగళవారం ఉదయం అధికారులు నీటిని విడుదల చేశారు. ఉన్నతాధికారుల ఆదేశాల మేరకు పంప్‌హౌస్‌ మోటార్లను ఆన్‌చేసి మంగళవారం ఉదయం వరద కాలువకు 300 క్యూసెక్కులు విడుదల చేశారు. ఏఎమ్మార్పీ లోలెవల్‌ వరద కాలువకు నీటిని విడుదల చేసింది కేవలం తాగునీటి కోసమే అని సాగునీటి కోసం కాదని రైతులు ఈ విషయాన్ని గ్రహించాలని ఏఎమ్మార్పీ డీఈ వడ్డేపల్లి వేణు అన్నారు. ఎల్‌నినో ప్రభావంతో భూగర్భజలాలు అడుగంటి పోవడంతో ఉన్నతాధికారుల ఆదేశానుసారం వరద కాలువకు పంప్‌హౌస్‌ ద్వారా నీటిని విడుదల చేసినట్లు తెలిపారు. సాగర్‌ జలాశయంలో నీటిమట్టం 520 అడుగులకు పైగా ఉంటే నీటిని పంపు హౌస్‌ ద్వారా ఎత్తిపోసుకోవచ్చునని తెలిపారు. ఈ నీటితో వరద కాలువ పరిధిలోని 28 మేజర్‌ చెరువులను, 15 చిన్నపాటి కుంటలను నింపనున్నట్లు తెలిపారు. రైతులు సహకరించి సాగునీటికి వినియోగించుకోవద్దని సూచించారు. కార్యక్రమంలో ఏఈ ఎండీ.ఖదీర్‌ ఉన్నారు.

నల్లగొండ : లోక్‌సభలో ప్రతిపక్ష నేత రాహుల్‌గాంధీపై ఉత్తరాఖండ్‌లోని హల్ద్వానీ కోట్వాలీ పోలీస్‌స్టేషన్‌లో బీజేపీ నాయకులు పెట్టిన అక్రమ కేసులను ఎత్తివేయాలని కాంగ్రెస్‌ పార్టీ జిల్లా అధ్యక్షుడు పున్న కై లాష్‌ నేత డిమాండ్‌ చేశారు. మంగళవారం నల్లగొండలోని క్లాక్‌టవర్‌ సెంటర్‌లో కాంగ్రెస్‌ నాయకులు, కార్యకర్తలు నల్ల రిబ్బన్లు ధరించి నిరసన ర్యాలీ చేపట్టారు. ఈ సందర్భంగా ఆయన మాట్లాడుతూ ఏఐసీసీ అధ్యక్షుడు మల్లికార్జున ఖర్గే ప్రసంగించిన స్థలాన్ని శుద్ధి చేయడం దేశ సమానత్వానికి వ్యతిరేకమన్నారు. అలజడి సృష్టించేందుకు ప్రయత్నిస్తున్న బీజేపీ, ఆర్‌ఎస్‌ఎస్‌ నేతలపై కేసులు నమోదు చేయకుండా రాహుల్‌గాంధీపై కుట్రపూరితంగా కేసులు పెట్టడం బీజేపీ అరాచకానికి నిదర్శనమని విమర్శించారు. మూడు సంవత్సరాలుగా శాసనసభకు, ప్రజల మధ్యకు రాకుండా ఫామ్‌హౌస్‌ రాజకీయాలు చేస్తున్న కేసీఆర్‌ ప్రతిపక్ష నేత పదవికి రాజీనామా చేయాలని డిమాండ్‌ చేశారు. కార్యక్రమంలో ఓబీసీ సెల్‌ జిల్లా అధ్యక్షుడు జిల్లాపల్లి పరమేష్‌, జిల్లా మహిళా కాంగ్రెస్‌ అధ్యక్షురాలు గోపగని మాధవి, అంబటి సోమయ్య, చింత ధనుంజయ్‌, ఎండీ.ముంతాజ్‌ అలీ, పోసిరెడ్డి సంతోష్‌రెడ్డి, మేకల రాజేందర్‌రెడ్డి, ఏళ్ల రవీందర్‌రెడ్డి, పగిళ్ల రాజు, స్వరూపరెడ్డి, సుజాత, చింతమల్ల వెంకయ్య, మధు ప్రసాద్‌, కాటం వెంకన్న, మిట్టపల్లి నాగరాజ్‌, వేముల గోపీనాథ్‌ పాల్గొన్నారు.

నల్లగొండ : ‘నల్లగొండలో మంత్రి కోమటిరెడ్డి ఇంటికి వచ్చి దాడి చేస్తే ఊరుకుంటామా.. తగిన బుద్ధి చెబుతాం’ అని ఎమ్మెల్సీ శంకర్‌నాయక్‌ హెచ్చరించారు. మంత్రి కోమటిరెడ్డి వెంకటరెడ్డి క్యాంపు కార్యాలయంపై బీజేపీ శ్రేణుల దాడిని కాంగ్రెస్‌ పార్టీ నాయకులు తీవ్రంగా ఖండించారు. మంగళవారం మంత్రి క్యాంపు కార్యాలయంలో శంకర్‌నాయక్‌ విలేకరులతో మాట్లాడారు. ప్రజాస్వామ్య బద్ధంగా నిరసన తెలిపే హక్కు ప్రతిఒక్కరికీ ఉంటుందని.. కానీ బీజేపీ జిల్లా అధ్యక్షుడు వర్షిత్‌రెడ్డి ఇక్కడ చిల్లరగా ప్రవర్తించాడని మండిపడ్డారు. బీజేపీలో విలువలు కలిగిన నాయకులు ఎంతో మంది ఉన్నారని.. వర్షిత్‌రెడ్డి లాంటివారి వల్ల ఆ పార్టీకి ఎలాంటి ప్రయోజనం ఉండదన్నారు. మరోసారి ఇలాంటి సంఘటనలు జరిగితే పరిణామాలు తీవ్రంగా ఉంటాయి అని హెచ్చరించారు. మున్సిపల్‌ మాజీ చైర్మన్‌ బుర్రి శ్రీనివాస్‌రెడ్డి మాట్లాడుతూ దాడికి ప్రతిదాడి ఎప్పుడైనా ఉంటుందన్నారు. మేము విలువలకు కట్టుబడి నిరసనలు తెలిపామని.. కానీ ఈ విధంగా కాదన్నారు. బీజేపీ జిల్లా అధ్యక్షుడు వర్షిత్‌రెడ్డికి బుద్ధి చెప్పే వరకు వదిలిపెట్టమని హెచ్చరించారు. అతడి తల్లిపై దాడి చేసినట్లు అబద్ధపు ప్రచారం చేస్తున్నారని మండిపడ్డారు. మాజీ జెడ్పీటీసీ గుమ్ముల మోహన్‌రెడ్డి మాట్లాడుతూ బీజేపీ రాష్ట్ర అధ్యక్షుడు రామచంద్రరెడ్డి పరామర్శల పేరుతో నల్లగొండకు వస్తే నల్లగొండ పొలిమేర నుంచే అడ్డుకొని తరి మి కొడతామన్నారు. రాజకీయ లబ్ధికోసం ప్రశాంతంగా ఉన్న నల్లగొండను రెచ్చగొట్టే చర్యలను సహించమన్నారు. సమావేశంలో డిప్యూటీ మేయర్‌ మహమ్మద్‌ అష్రఫ్‌ అలీ అమేర్‌, మాజీ జెడ్పీటీసీ వంగూరి లక్ష్మయ్య, మార్కెట్‌ చైర్మన్‌ జూకూరి రమేష్‌, డీసీసీబీ డైరెక్టర్‌ పాశం సంపత్‌రెడ్డి, కార్పొరేటర్లు శంకర్‌, సుభాష్‌, సమద్‌, ఇబ్రహీం, ఏదుళ్ల శ్రీధర్‌రెడ్డి, మామిడి కార్తీక్‌, ఇటికాల శ్రీనివాస్‌, ఎడ్ల శ్రీనివాస్‌యాదవ్‌, గాలి నాగరాజు తదితరులు పాల్గొన్నారు. ఫ ఎమ్మెల్సీ శంకర్‌నాయక్‌

మిర్యాలగూడ : ఉమ్మడి నల్లగొండ జిల్లాలో రైల్వే ప్రయాణికులకు మెరుగైన సౌకర్యాలు అందుబాటులోకి రానున్నాయి. రైల్వే స్టేషన్లను ఆధునిక హంగులతో తీర్చిదిద్దుతూ ప్రయాణికుల అవసరాలకు అనుగుణంగా మౌలిక వసతులను విస్తరించేందుకు కేంద్ర రైల్వే శాఖ ‘అమృత్‌ భారత్‌ స్టేషన్ల’ పథకాన్ని అమలు చేస్తోంది. ఈ పథకంలో భాగంగా ఉమ్మడి జిల్లాలోని మిర్యాలగూడ, నల్లగొండ, యాదాద్రి భువనగిరి రైల్వే స్టేషన్లకు చోటు దక్కింది. ఈ స్టేషన్ల పరిధిలో ట్రాఫిక్‌ సమస్యలు తగ్గించడం, పార్కింగ్‌ వసతులు పెంచడం, ప్రయాణికుల రాకపోకలకు అనువైన కనెక్టివిటీ మార్గాలను అభివృద్ధి చేయడంపై రైల్వే శాఖ ప్రత్యేక దృష్టి సారించింది. ఒక్కస్టేషన్‌కు రూ.9.50కోట్లుకేటాయించి రాబోయే 50 ఏళ్ల భవిష్యత్‌ అవసరాలను దృష్టిలో ఉంచుకుని అభివృద్ధి చేయనుండటంతో ప్రయాణికులకు సౌకర్యవంతమైన వాతావరణం కల్పించనున్నారు. ఆకట్టుకునేలా ముఖ ద్వారాలు.. పనుల్లో భాగంగా రైల్వే స్టేషన్‌ ప్రధాన ప్రవేశ ద్వారాన్ని ఆకర్షణీయంగా తీర్చిదిద్దనున్నారు. పరిసరాల్లో పచ్చదనం పెంపొందించి ఆహ్లాదకరమైన వాతావరణం కల్పించేలా స్టేషన్‌ ముందు భాగాన్ని అభివృద్ధి చేస్తారు. ప్రయాణికులు వేచి ఉండేందుకు అనువైన ప్రాంతాలను ఏర్పాటు చేస్తారు. స్టేషన్లలో వాణిజ్య సముదాయాలను కూడా అందుబాటులోకి తీసుకొస్తారు. పరిశుభ్రమైన తాగునీరు, ఆధునిక మరుగుదొడ్లు, ఏసీ విశ్రాంతి గదులు, రెస్టారెంట్లు, ఫ్రీ వైఫై, ఏటీఎం సౌకర్యాలు ఉంటాయి. టికెట్‌ బుకింగ్‌ సేవలను సులభతరం చేస్తారు. భద్రతకు పెద్దపీట.. అమృత్‌ భారత్‌ స్టేషన్‌ ప్రణాళికలో ప్రయాణికుల భద్రతకు పెద్దపీట వేయనున్నారు. 24 గంటలు పనిచేసే సీసీ కెమెరాల నిఘా వ్యవస్థను ఏర్పాటు చేస్తారు. ప్రయాణికులకు అవసరమైన సమాచారాన్ని సులభంగా అందించేలా సమాచార కేంద్రాలు, అత్యవసర పరిస్థితుల్లో తక్షణ వైద్య సహాయం అందించేలా మెడికల్‌ క్యాంపులు ఏర్పాటు చేయనున్నారు. యాదాద్రి భక్తలకు మెరుగైన సేవలు నల్లగొండ, యాదాద్రి భువనగిరి స్టేషన్లు కూడా అభివృద్ధి చెందనుండటంతో ప్రయాణికులకు మరిన్ని సౌకర్యాలు అందనున్నాయి. ముఖ్యంగా యాదాద్రికి వచ్చే భక్తుల రద్దీని దృష్టిలో పెట్టుకుని మెరుగైన రవాణా వసతులు కల్పించేందుకు అవకాశం ఏర్పడింది. ఈ మూడు స్టేషన్ల ఆధునికీకరణ పూర్తయితే ఉమ్మడి జిల్లాలో రైల్వే ప్రయాణ వ్యవస్థ మరింత మెరుగుపడనుంది.ఫ రూపురేఖలు మార్చేలా రైల్వే శాఖ సమగ్ర ప్రణాళికలు ఫ రాబోయే 50 ఏళ్ల అవసరాలను దృష్టిలో ఉంచుకుని అభివృద్ధి ఫ సకల వసతులతో ప్రయాణికులకు సరికొత్త అనుభూతి వ్యాపార, వ్యవసాయ, విద్య, వైద్య రంగాలకు మిర్యాలగూడ కీలక కేంద్రంగా ఉండటంతో నిత్యం వేలాది మంది రైళ్లపై ఆధారపడుతున్నారు. ఇక్కడ ఆధునికీకరణ పనులు పూర్తయితే పట్టణ అభివృద్ధికి మరింత దోహదపడనుంది. ఇటీవల గుంటూరు డివిజనల్‌ రైల్వే మేనేజర్‌ ఎం.వెంకటేశ్వర్లు ఆధ్వర్యంలోని బృందం మిర్యాలగూడ స్టేషన్‌ను పరిశీలించింది. ప్రస్తుత ప్రయాణికుల వసతులు, స్టేషన్‌లోని వివిధ విభాగాలు, రాకపోకల మార్గాలు, పార్కింగ్‌ ప్రాంతాలపై అధ్యయనం చేసి నివేదిక రూపొందించింది.

సాక్షి ప్రతినిధి, నల్లగొండ : నల్లగొండలోని ఐకాన్‌ ఆసుపత్రిపై వస్తున్న ఫిర్యాదుల సంఖ్య రోజురోజుకు పెరుగుతోంది. అధిక బిల్లులు, ఆసుపత్రి నిర్వహణలో నిబంధనల ఉల్లంఘన, రోగులకు అందుతున్న సేవలకు సంబంధించిన అంశాలపై వరుసగా ఫిర్యాదులు అందుతుండటంతో జిల్లా కలెక్టర్‌, వైద్యారోగ్యశాఖ అధికారులు చర్యలకు సిద్ధమవుతున్నారు. ఇప్పటికే ఆసుపత్రి యాజమాన్యానికి వైద్యారోగ్య శాఖ రెండుసార్లు నోటీసులు ఇచ్చింది. అయినా ఆసుపత్రి యాజమాన్యం నుంచి సమాధానం రాకపోవడంతో ఇప్పుడు మంగళవారం నుంచి 24 గంటల డెడ్‌లైన్‌ విధించింది. దానికి సమాధానం ఇవ్వపోతే ఆసుపత్రిపై లైసెన్స్‌ రద్దు చేయాలని నిర్ణయించింది. ప్రజావాణిలోనూ ఫిర్యాదులు ఐకాన్‌ ఆసుపత్రిలో లోపాలు, అధిక బిల్లుల వసూళ్లు, వివిధ రకాల సేవల్లో నిబంధనల ఉల్లంఘన తదితర అంశాలపై ఇప్పటికే అధికారులకు 12కు పైగా ఫిర్యాదులు అందాయి. అంతేకాదు పదుల సంఖ్యలో బాధితులు మౌఖికంగా తమ ఫిర్యాదులను అధికారుల దృష్టికి తీసుకొచ్చారు. తాజాగా సోమవారం నిర్వహించిన ప్రజావాణిలోనూ ఐకాన్‌ ఆసుపత్రిపై మూడు ఫిర్యాదులు కలెక్టర్‌కు అందడంతో ఆయన ఈ వ్యవహారాన్ని సీరియస్‌గా తీసుకున్నారు. మరోవైపు గత నెల 11వ తేదీన వైద్యారోగ్య శాఖ అధికారులు తనిఖీ చేసిన సందర్భంగా అనేక లొసుగులు ఉన్నట్లు గుర్తించారు. యాజమాన్యానికి షోకాజ్‌ నోటీసులు జారీ చేసి మూడు రోజుల్లో వివరణ ఇవ్వాలని కోరారు. ఆసుపత్రి ప్రారంభం నుంచి మూడేళ్లలోనే 191 మంది మరణించడం, ఆసుపత్రి నిర్వహణలో 41 అంశాలకు సంబంధించిన అంశాలపై వివరణ కోరారు. అయినా యాజమాన్యం వాటికి వివరణ ఇవ్వలేదు. తమకు మరింత గడువు కావాలని కోరడంతో 15 రోజుల గడువు ఇచ్చారు. అది కూడా ఆగస్టు 30వ తేదీతో ముగిసింది. అయినా యాజమాన్యం నుంచి వివరణ రాలేదని వైద్యారోగ్యశాఖ వర్గాలు వెల్లడించాయి. ఫ 24 గంటల్లో వివరణ ఇవ్వాలని ఆదేశాలు ఫ స్పందించకపోతే ఆసుపత్రి లైసెన్స్‌ రద్దు ఫ క్లినికల్‌ ఎస్టాబ్లిష్‌మెంట్‌ యాక్ట్‌ ప్రకారం తదుపరి చర్యలు తాజాగా ఆసుపత్రి యాజమాన్యానికి మరోసారి స్పష్టమైన గడువు విధించారు. 24 గంటల్లోగా వివరణ ఇవ్వాలని అధికారులు మరోసారి నోటీసులు జారీ చేశారు. ఈ గడువులోగా సరైన సమాధానం ఇవ్వకపోతే ఆసుపత్రి లైసెన్స్‌ రద్దు చేసే అవకాశం ఉంది. క్లినికల్‌ ఎష్టాబ్లిస్‌మెంట్‌ యాక్ట్‌ ప్రకారం ఆసుపత్రి లైసెన్సింగ్‌ అథారిటీ జిల్లా వైద్యారోగ్యశాఖనే కాబట్టి రద్దు చేసే అధికారం కూడా జిల్లా వైద్యారోగ్యశాఖకు ఉంటుందని డీఎంహెచ్‌వో డాక్టర్‌ రాహుల్‌ ‘సాక్షి’కి వెల్లడించారు. ఆసుపత్రిపై వచ్చిన ఫిర్యాదులు, తమ పరిశీలనలో గుర్తించిన లోపాలు, తాము అడిగిన అంశాలపై యాజమాన్యం ఇచ్చే వివరణ ఆధారంగా తదుపరి చర్యలు ఉంటాయని పేర్కొన్నారు. ఒకవేళ వివరణ ఇవ్వకపోతే లైసెన్స్‌ రద్దు చేస్తామని, దాంతో సర్వీసెస్‌ అగిపోతాయని, కొత్త పేషెంట్లను తీసుకోవడానికి వీల్లేదని, ఉన్న పేషెంట్ల విషయంలో వారి కండిషన్‌ ఆధారంగా తదుపరి చర్యలు చేపట్టాల్సి ఉంటుందన్నారు. ఈ గడువు బుధవారంతో ముగియనుంది. ఈ నేపథ్యంలో ఐకాన్‌ ఆసుపత్రి యాజమాన్యం ఇచ్చే వివరణ కీలకంగా మారింది. వివరణ ఇవ్వకపోతే మాత్రం లైసెన్స్‌ రద్దు తప్పదని వైద్యారోగ్యశాఖ వర్గాలు చెబుతున్నాయి.

నల్లగొండ టూటౌన్‌ : బీజేపీ నాయకులు మంత్రి కోమటిరెడ్డి క్యాంపు కార్యాలయం దగ్గర నిరసన తెలిపితే మంత్రి అనుచరులు వర్షిత్‌రెడ్డి ఇంటికి వెళ్లి దాడులు చేస్తారా..? అని బీజేపీ రాష్ట్ర ఉపాధ్యక్షుడు గంగిడి మనోహర్‌రెడ్డి ప్రశ్నించారు. మంగళవారం స్థానిక బీజేపీ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడుతూ వర్షిత్‌రెడ్డి ఇంటిపై, ఆయన తల్లి శ్రీదేవిపై దాడి చేయడాన్ని తీవ్రంగా ఖండిస్తున్నట్లు తెలిపారు. శాంతిభద్రతలు కాపాడాల్సిన మంత్రి కోమటిరెడ్డి దాడులను ప్రోత్సహించడం దుర్మార్గమన్నారు. దాడులు చేసినవారిపై హత్యాయత్నం కేసులు నమోదు చేయాలన్నారు. బీజేపీ జిల్లా నాయకులకు రాష్ట్ర నాయకత్వం అండగా ఉంటుందని తెలిపారు. బీజేపీ రాష్ట్ర ప్రధాన కార్యదర్శి కాసం వెంకటేశ్వర్లు మాట్లాడుతూ కాంగ్రెస్‌ ఉన్మాదం పరాకాష్టకు చేరిందని, తెలంగాణలో ఆటవిక రాజ్యం నడుస్తోందని తెలిపారు. సమావేశంలో బీజేపీ జిల్లా అధ్యక్షుడు నాగం వర్షిత్‌రెడ్డి నాయకులు మాదగోని శ్రీనివాస్‌గౌడ్‌, గోలి మధుసూదన్‌రెడ్డి, వీరెళ్లి చంద్రశేఖర్‌, రావెళ్ల కాశమ్మ, భూపాల్‌రెడ్డి, చింతా ముత్యాల్‌రావు, నూకల వెంకట్‌నారాయణరెడ్డి తదితరులు పాల్గొన్నారు. వర్షిత్‌రెడ్డి తల్లికి పరామర్శ బీజేపీ జిల్లా అధ్యక్షుడు నాగం వర్షిత్‌రెడ్డి తల్లి శ్రీదేవిని బీజేపీ రాష్ట్ర ఉపాధ్యక్షుడు జి.మనోహర్‌రెడ్డి, రాష్ట్ర ఉపాధ్యక్షుడు కాసం వెంకటేశ్వర్లు ఆస్పత్రిలో పరామర్శించారు. ఆమె ఆరోగ్య పరిస్థితిని వైద్యులను అడిగి తెలుసుకున్నారు. ఘటన వివరాలపై ఆరా తీశారు. డీవీకే రోడ్డు, చైతన్యపురిలో ఉన్న శ్రీదేవి నివాసాన్ని సందర్శించారు. దాడి జరిగిన తీరును పరిశీలించారు.ఫ బీజేపీ రాష్ట్ర ఉపాధ్యక్షుడు మనోహర్‌రెడ్డి

నకిరేకల్‌ : నకిరేకల్‌లో ఈనెల 5న సీఎం రేవంత్‌రెడ్డి పర్యటన నేపథ్యంలో చేపట్టిన ఏర్పాట్లను ప్రభుత్వ విప్‌, ఎమ్మెల్యే వేముల వీరేశం, కలెక్టర్‌ చంద్రశేఖర్‌, ఎస్పీ శరత్‌చంద్ర పవార్‌ మంగళవారం పరిశీలించారు. సభా ప్రాంగణమైన పట్టణంలోని మినీ స్టేడియాన్ని సందర్శించి సభా వేదిక, ప్రజలకు అవసరమైన సౌకర్యాలు, భద్రతా ఏర్పాట్లపై చర్చించారు. ఎలాంటి ఇబ్బందులు కలగకుండా స్టేడియం అంతా శుభ్రపరుస్తున్నారు. సీఎం పర్యటనలో భాగంగా నకిరేకల్‌లో రూ.32 కోట్లతో నిర్మించిన 100 పడకల వైద్యశాల భవన సముదాయాన్ని సీఎం ప్రారంభిస్తారని ఎమ్మెల్యే వీరేశం తెలిపారు. నకిరేకల్‌లో రూ.100 కోట్లతో తెలంగాణ పబ్లిక్‌ స్కూల్‌, కడపర్తిలో రూ.200 కోట్లతో ఇంటిగ్రేటెడ్‌ స్కూల్‌ భవనాలకు శంకుస్థాపన చేస్తారని వివరించారు. నకిరేకల్‌లో సెంట్రల్‌ లైటింగ్‌ కోసం మరో రూ.18 కోట్లు కావాలని సీఎంను కోరామని తెలిపారు. నియోజకవర్గ కేంద్రంలో వివిధ ప్రభుత్వ కార్యాలయాలకు సొంత భవనాల నిర్మాణానికి కూడా శంకుస్థాపన చేస్తారని తెలిపారు. సీఎం సభకు లక్ష మంది తరలివస్తారని.. అందుకు తగ్గట్టు ఏర్పాట్లు చేస్తున్నామని వివరించారు. వారి వెంట అదనపు కలెక్టర్‌ శ్రీనివాస్‌, ఆర్డీఓ అశోక్‌రెడ్డి, జెడ్పీ సీఈఓ ప్రేమ్‌కరణ్‌రెడ్డి, మున్సిపల్‌ కమిషనర్‌ చిట్యాల సతీష్‌కుమార్‌, సీఐ హరిబాబు, మహిళా కాంగ్రెస్‌ రాష్ట్ర ఉపాధ్యక్షురాలు గాజుల సుకన్య, గాదగోని కొండయ్య, లింగాల వెంకన్న, బొజ్జ సుందర్‌, నకిరేకంటి నరేందర్‌, దాసరి వీరార్జున్‌రెడ్డి, పన్నాల శ్రీనివాస్‌రెడ్డి తదితరులు ఉన్నారు. 01ఎన్‌కేఎల్‌08,09: ఫ ఏర్పాట్లను పరిశీలించి ప్రభుత్వ విప్‌ వీరేశం, కలెక్టర్‌, ఎస్పీ

నల్లగొండ టూటౌన్‌ : పాత పెన్షన్‌ విధానాన్ని పునరుద్ధరించాలని తెలంగాణ సీపీఎస్‌ ఉద్యోగుల సంఘం రాష్ట్ర ప్రధాన కార్యదర్శి నాగవవల్లి ఉపేందర్‌ డిమాండ్‌ చేశారు. నా సంతకం.. పాత పెన్షన్‌ విధానం సాధనకే అనే పేరుతో గురువారం నల్లగొండలోని డైట్‌ కళాశాలలో సీపీఎస్‌ ఉద్యోగుల నుంచి సంతకాల సేకరణ ప్రారంభించి మాట్లాడారు. ఈ కార్యక్రమంలో డైట్‌ కళాశాల ప్రిన్సిపాల్‌ కానుగల నర్సింహ, టీజీయూఎస్‌ జిల్లా అధ్యక్షుడు కొర్ర కృష్ణకాంత్‌నాయక్‌, పీఆర్‌టీయూ నాయకులు తిరుపతి, నరేందర్‌రెడ్డి, శివ, వెంకన్న పాల్గొన్నారు. మహిళలు ఆర్థికంగా ఎదగాలితిప్పర్తి : సీ్త్ర నిధి, బ్యాంకు లింకేజి రుణాలు సద్వినియోగం చేసుకుని మహిళా సంఘాల సభ్యులు ఆర్థికంగా ఎదగాలని డీఆర్‌డీఓ శేఖర్‌రెడ్డి అన్నారు. గురువారం తిప్పర్తిలోని సంఘబంధం కార్యాలయంలో ఏర్పాటు చేసిన మహిళా సంఘాల జనరల్‌ బాడీ సమావేశంలో ఆయన మాట్లాడారు. ఇందిరా మహిళా శక్తి ద్వారా మండలానికి ఒక ఆర్టీసీ బస్సును మహిళా సంఘాలకు కేటాయించామన్నారు. అనంతరం స్కూల్‌ యూనిఫాం పంపిణీలో ఉత్తమ సేవలందించిన వీఏఓలను సన్మానించారు. ఈ కార్యక్రమంలో ఎంపీడీఓ సమద్‌, సంఘబంధం అధ్యక్షురాలు సునిత, ఏపీఎం హరి, అజిమా, సీసీలు ఎమేలియా, జ్యోతి, శ్రీనివాస్‌, జానకమ్మ, వీఏఓలు పాల్గొన్నారు.

నకిరేకల్‌ : నలభై రెండేళ్లుగా ఉపాధ్యాయ వృత్తిలో అంకితభావంతో పనిచేస్తూ పాఠశాల అభివృద్ధి, విద్యార్థుల ఎన్‌రోల్‌మెంట్‌ పెంపునకు ఎంతగానో శ్రమించిన నకిరేకల్‌ మండలం నోముల జెడ్పీ హైస్కుల్‌లో బయో సైన్స్‌ స్కూల్‌ అసిస్టెంట్‌ ముస్కు కవిత రాష్ట్ర స్థాయి ఉత్తమ ఉపాధ్యాయురాలుగా ఎంపికయ్యారు. కవిత 1985లో ఎస్జీటీగా ఉద్యోగం సాధించి శాలిగౌరారం మండలం రామగిరి ప్రాథమిక పాఠశాలలో మొదటి పోస్టింగ్‌ తీసుకున్నారు. ఆ తరువాత నకిరేకల్‌ మండలం నడిగూడెం, చందుపట్ల పాఠశాలల్లో పనిచేశారు. 2005 స్కూల్‌ అసిస్టెంట్‌గా పదోన్నతి రావడంతో సూర్యాపేట జిల్లా తుంగతుర్తి మండలం వెలుగుపల్లి జెడ్పీ హైస్కూల్‌కు బదిలీ అయ్యారు. 2009లో అక్కడ నుంచి నకిరేకల్‌ జెడ్పీ హైస్కూల్‌కు బదిలీపై వచ్చారు. 2018లో స్వగ్రామైన నకిరేకల్‌ మండలం నోముల జెడ్పీ హైస్కూల్‌లో చేరారు. మరో రెండు నెలల్లో పదవి విరమణ పొందనున్న సమయంలో తనకు రాష్ట్ర స్థాయి ఉత్తమ అవార్డు రావడం ఎంతో సంతోషంగా ఉందన్నారు.

కోదాడ : మూడేళ్లుగా వందల సంఖ్య విద్యార్థుల ఎన్‌రోల్‌మెంట్‌ పెంచుతూ వినూత్న కార్యక్రమాల ద్వారా కోదాడ ప్రభుత్వ బాలుర పాఠశాలను అగ్రస్థానంలో నిలిపిన ప్రధానోపాధ్యాయుడు, కోదాడ మండల ఇన్‌చార్జి ఎంఈఓ సలీంషరీఫ్‌ రాష్ట్రస్థాయి ఉత్తమ ప్రధానోపాధ్యాయుడి అవార్డు వరించింది. 1996 డీఎస్పీ ద్వారా ఉపాధ్యాయ వృత్తిలోకి వచ్చిన సలీంషరీఫ్‌ 1998లో మేళ్లచెరువు మండల ఉత్తమ ఉపాధ్యాయుడిగా, 2005లో జిల్లా ఉత్తమ ఉపాధ్యాయుడిగా నిలిచారు. 2014–2024 వరకు కోదాడ నియోజకవర్గ పరిధిలోని 5 మండలాలకు ఇన్‌చార్జి ఎంఈఓగా పనిచేశారు. 2023 నుంచి కోదాడ బాలుర పాఠశాల హెచ్‌ఎంగా బాధ్యతలు నిర్వహిస్తున్నారు. ఈ పాఠశాలలో విద్యార్థుల సంఖ్యను గడిచిన మూడేళ్లుగా 500 దాటించి స్కూల్‌ను టెన్త్‌ ఉత్తీర్ణతలోనూ అగ్రస్థానంలో నిలిపారు. –8లో

ఆలేరురూరల్‌ : వృత్తి పట్ల అంకితభావం, సేవాదృక్పథంతో పనిచేస్తూ విద్యార్థులు ఆంగ్లభాషలో మంచి నైపుణ్య సాధించేలా కృషిచేసిన ఆలేరు మండలం గొలనుకొండ ప్రాథమిక పాఠశాలలో ఇంగ్లిష్‌ టీచర్‌ జ్యోతిర్మయి రాష్ట్ర స్థాయి ఉత్తమ ఉద్యాధ్యాయురాలుగా ఎంపికయ్యారు. విద్యార్థులకు ఫోనెటిక్స్‌, అక్షరాలు సౌండ్స్‌తో బోధన, టీఎల్‌ఎం, ఎచ్‌టీఎంఎల్‌ పద్ధతి, ప్లైబేసిడ్‌, పేంటింగ్‌ ద్వారా బోధన, సొంతంగా రాయడం, చదవడం ఆటాపాటలతో విద్యాబోధన అందించారు. 2001 సంవత్సరంలో రాజాపేట మండలం రేణుకుంట ప్రాథమిక పాఠశాలలో ఎస్‌జీటీ ఉపాధ్యాయులిగా చేరిన ఆమె అక్కడే 10 సంవత్సరాలు పనిచేశారు. అనంతరం చిన్నకందుకూరు, పటేల్‌గూడెం నుంచి గొలనుకొండ ప్రాథమిక పాఠశాలలో 2014 సంవత్సరం నుంచి పనిచేస్తున్నారు. తనకు వచ్చే జీతంలో ప్రతినెలా విద్యార్థుల అవసరాలకు, విద్యాబోధనలకు ఖర్చు చేస్తూ వస్తున్నారు. పని చేసిన ప్రతి పాఠశాలలో ఇంగ్లిష్‌ భాషపై విద్యార్థులు పట్టు సాధించేలా బోధన అందించారు. క్రమశిక్షణ సమయపాలన పాటిస్తూ విద్యార్థులను ప్రోత్సహిస్తూ ముందుకు సాగుతుండడం వల్లే తనకు రాష్ట్ర స్థాయి ఉత్తమ ఉపాధ్యాయురాలిగా అవార్డు వరించిందని జ్యోతిర్మయి పేర్కొన్నారు. పెద్దవూర: మండలంలోని ఏనేమీదిగూడెం ప్రభుత్వ పాఠశాలలో ఎస్‌జీటీ ఉపాధ్యాయుడిగా పనిచేస్తున్న తూడి వెంకట్‌రెడ్డికి రాష్ట్ర ఉత్తమ ఉపాధ్యాయ అవార్డుకు ఎంపికయ్యారు. విద్యారంగంలో తనకంటూ ఓ ప్రత్యేక గుర్తింపును పొందుతూ ఉపాధ్యాయ లోకానికి ఆదర్శంగా నిలుస్తున్నారు వెంకట్‌రెడ్డి. మండల స్థాయి నుంచి రాష్ట్ర స్థాయి వరకు రీసోర్స్‌ పర్సన్‌గా, పాఠ్య పుస్తకాలు, కరదీపికల రూపకల్పన, వినూత్న బోధన నైపుణ్యాలు, రాష్ట్ర, జాతీయ స్థాయిల్లో పొందిన అవార్డుల ఆధారంగా తూడి వెంకట్‌రెడ్డిని ఏప్రిల్‌ నెల 18 నుంచి 26వ తేదీ వరకు ఫిన్లాండ్‌ దేశ పర్యటనకు ఎంపిక చేశారు.

నకిరేకల్‌ : నియోజకవర్గ కేంద్రంలో రూ.32 కోట్లతో నిర్మించిన 100 పడకల ప్రభుత్వ ప్రాంతీయ ఆస్పత్రి నూతన భవన సముదాయం శనివారం ముఖ్యమంత్రి రేవంత్‌రెడ్డి చేతుల మీదుగా ప్రారంభం కానుంది. ఇందుకోసం అధికారులు ఏర్పాట్లు పూర్తి చేశారు. నూతన భవనానికి అవసరమైన యంత్ర పరికరాలు, ఫర్నిచర్‌ తరలింపు దాదాపు పూర్తయింది. ఈ అత్యాధునిక ఆస్పత్రి అందుబాటులోకి వస్తే ఈ ప్రాంత ప్రజలకు మెరుగైన వైద్యసేవలు అందనుండడంతో ఏళ్లనాటి కల సాకారం కాబోతోంది. పీహెచ్‌సీ నుంచి వంద పడకలకు.. ఆర్టీసీ బస్టాండ్‌ సమీపంలో జాతీయ రహదారి వెంట ఐదెకరాల విస్తీర్ణంలో మూడు అంతస్తులతో ఈ భవనాన్ని నిర్మించారు. గతంలో పీహెచ్‌సీగా ఉన్న ఈ ఆస్పత్రిని 1998లో 30 పడకల కమ్యూనిటీ ఆస్పత్రిగా మార్చారు. రోడ్డు ప్రమాద బాధితులకు అత్యవసర చికిత్స అందక ప్రాణాలు కోల్పోతుండటంతో 2022 జనవరిలో వంద పడకల ఆస్పత్రిగా అప్‌గ్రేడ్‌ చేశారు. నకిరేకల్‌, కట్టంగూర్‌, శాలిగౌరారం, కేతేపల్లి, తిప్పర్తి మండలాల ప్రజలకు ఇది ఎంతో ఉపయోగకరంగా మారనుంది. ప్రాణదాతగా ట్రామా కేంద్రం హైదరాబాద్‌–విజయవాడ (65), రేణిగుంట (565), తానంచర్ల (365) జాతీయ రహదారులు నకిరేకల్‌ మీదుగా వెళుతున్నాయి. హైదరాబాద్‌ నుంచి నకిరేకల్‌ వరకు 110 కిలోమీటర్ల పరిధిలో ఎక్కడా ట్రామా కేర్‌ సెంటర్‌ లేక క్షతగాత్రులు మృత్యువాత పడుతున్నారు. ఈ నేపథ్యంలో నకిరేకల్‌లోని నూతన ఆస్పత్రిలో ట్రామా కేర్‌, డయాలిసిస్‌ కేంద్రాలను ఏర్పాటు చేస్తున్నారు. ఆస్పత్రి నిర్వహణ కోసం ప్రభుత్వం ఏటా రూ.6.35 కోట్ల బడ్జెట్‌ కేటాయిస్తూ.. 105 పోస్టులను (వైద్యులు, నర్సులు, పారామెడికల్‌ సిబ్బంది) మంజూరు చేసింది. ఫ రూ.32 కోట్లతో నకిరేకల్‌లో నూతన ఏరియా ఆస్పత్రి భవనం ఫ రేపు సీఎం రేవంత్‌రెడ్డి చేతుల మీదుగా ప్రారంభం ఫ ట్రామాకేర్‌, డయాలిసిస్‌ కేంద్రాలు, 105 మంది సిబ్బంది