Nalgonda District News

నల్లగొండ : గ్రామ పంచాయతీల ఆర్థిక లావాదేవీల నిర్వహణలో కీలక మార్పులు చోటుచేసుకోనున్నాయి. 16వ ఆర్థిక సంఘం ద్వారా వచ్చే నిధుల జమ, ఖర్చుల నిర్వహణ కోసం ప్రతి గ్రామ పంచాయతీకి కొత్త బ్యాంక్‌ ఖాతా ఏర్పాటు చేయాలని ప్రభుత్వం ఆదేశించింది. దీంతో జిల్లాలోని గ్రామ పంచాయతీలు కొత్త అకౌంట్లు తెరిచే పనిలో నిమగ్నమయ్యాయి. ఇప్పటికే దాదాపు 90 శాతం గ్రామాల్లో కొత్త బ్యాంక్‌ ఖాతాల ఏర్పాటు పూర్తయ్యాయి. జిల్లాలో 869 పంచాయతీలు నల్లగొండ జిల్లాలో మొత్తం 869 గ్రామ పంచాయతీలు ఉన్నాయి. కేంద్ర, రాష్ట్ర ప్రభుత్వాల నుంచి 16వ ఆర్థిక సంఘం కింద గ్రామ పంచాయతీలకు నిధులు రానున్నాయి. ఈ నిధుల నిర్వహణ కోసం ప్రత్యేక బ్యాంక్‌ ఖాతాలు తెరవాల్సి ఉంది. గతంలో నిర్వహించిన సాధారణ ఖాతాలకు భిన్నంగా, ఆర్థిక సంఘం నిధుల కోసం ప్రత్యేకంగా ఈ ఖాతాలను ఏర్పాటు చేస్తున్నారు. తద్వారా నిధుల జమ, ఖర్చుల వివరాలను విడిగా నిర్వహించేందుకు అవకాశం ఉంటుంది. నిబంధనల ప్రకారమే ఖర్చులు.. ఆర్థిక సంఘం నుంచి వచ్చే నిధులను ప్రభుత్వం నిర్దేశించిన మార్గదర్శకాలు, నిబంధనల ప్రకారమే ఖర్చు చేయాల్సి ఉంటుంది. గ్రామాల్లో పారిశుద్ధ్యం, తాగునీరు ఇతర అనుమతించిన మౌలిక సదుపాయాల కల్పన వంటి పనులకు ఖర్చు చేయాల్సి ఉంటుంది. ఆయా పనులకు సంబంధించిన నిబంధనలు, అనుమతుల మేరకే బిల్లుల చెల్లింపులు, నగదు ఉపసంహరణ చేపట్టాల్సి ఉంటుంది. ప్రతి పంచాయతీకి ప్రత్యేక ఖాతా ఏర్పాటు చేయడం ద్వారా ఆర్థిక సంఘం నిధుల వినియోగాన్ని పర్యవేక్షించడం సులభతరం కానుంది. ఏ పంచాయతీకి ఎన్ని నిధులు వచ్చాయి? వాటిని ఏ పనులకు ఖర్చు చేశారు ఎంత మొత్తం మిగిలి ఉంది. అనే వివరాలను విడిగా తెలుసుకునే అవకాశం ఉంటుంది. నిధుల దుర్వినియోగానికి అడ్డుకట్ట వేయడంతో పాటు ఆర్థిక లావాదేవీల్లో పారదర్శకత పెంచేందుకు ఈ విధానం దోహదపడనుంది. ఫ 16వ ఆర్థిక సంఘం నిధుల నిర్వహణకు ప్రత్యేకంగా.. ఫ పారదర్శకతకు ప్రాధాన్యం ఇచ్చేలా నిర్ణయం

రామగిరి (నల్లగొండ) : వరికోత మిషన్‌ దగ్ధమైన ఘటనలో బాధితుడి నుంచి డబ్బులు తీసుకున్న ఫైర్‌ మెన్‌పై బదిలీ వేటు పడింది. ఈ ఘటనపై ‘సాక్షి’లో ప్రచురితమైన కథనానికి జిల్లా యంత్రాంగం స్పందించింది. వరికోత మిషన్‌ దగ్ధమై నష్టపోయిన రైతు నుంచి డబ్బులు వసూలు చేసిన లీడింగ్‌ ఫైర్‌ ఫైటర్‌ సిహెచ్‌. జితేందర్‌కుమార్‌ను హాలియాకు బదిలీ చేసినట్లు జిల్లా అగ్నిమాపక అధికారి కృష్ణారెడ్డి వెల్లడించారు. సైబర్‌ నేరాలపై అప్రమత్తంగా ఉండాలినల్లగొండ : సైబర్‌ నేరాలు, ఆన్‌లైన్‌ మోసాలపై ప్రజలు అప్రమత్తంగా ఉండాలని ఎస్పీ శరత్‌చంద్ర పవార్‌ సూచించారు. సైబర్‌ నేరాలపై ప్రజల్లో అవగాహన కల్పించేందుకు జిల్లా పోలీస్‌ శాఖ ఆధ్వర్యంలో రూపొందించిన పోస్టర్లను మంగళవారం ఆయన ఆవిష్కరించారు. ఈ సందర్భంగా మాట్లాడుతూ వ్యక్తిగత, ఆర్థిక సమాచారాన్ని భద్రంగా ఉంచుకోవాలని, గుర్తుతెలియని వ్యక్తులకు ఎట్టి పరిస్థితుల్లోనూ బ్యాంకు ఖాతాలకు సంబంధించిన రహస్య వివరాలు వెల్లడించవద్దని కోరారు ‘ప్రొటెక్ట్‌ యువర్‌ ఐడెంటిటీ’ (మీ వ్యక్తిగత సమాచారాన్ని కాపాడుకోండి) అనే నినాదంతో రూపొందించిన పోస్టర్ల ద్వారా సైబర్‌ మోసాలపై తీసుకోవాల్సిన జాగ్రత్తలను వివరించారు. ‘ఆగండి.. ఆలోచించండి.. ధ్రువీకరించుకోండి’ అనే సూత్రాన్ని పాటించాలని పేర్కొన్నారు. కార్యక్రమంలో అదనపు ఎస్పీ జి.రమేష్‌, సైబర్‌ క్రైం డీఎస్పీ లక్ష్మీనారాయణ పాల్గొన్నారు. రైస్‌ మిల్లర్స్‌ జిల్లా అధ్యక్షుడి రాజీనామానల్లగొండ : నల్లగొండ జిల్లా రైస్‌ మిల్లర్స్‌ అసోసియేషన్‌ అధ్యక్షుడు కర్నాటి నారాయణ తన పదవికి రాజీనామా చేస్తున్నట్లు మంగళవారం ప్రకటించారు. ఆరోగ్య సమస్యలు, వ్యక్తిగత అవసరాలతో పాటు ప్రస్తుతం మిల్లర్లపై జరుగుతున్న దాడులు, ఒత్తిళ్ల కారణంగా తాను ఇబ్బందులు పడుతున్నానని పేర్కొన్నారు. తన పదవీకాలంలో ఎవరికై నా తన వల్ల ఇబ్బందులు కలిగితే అన్యధా భావించవద్దని కోరారు. అధ్యక్ష బాధ్యతల నుంచి తనకు విముక్తి కల్పించి, నూతన అధ్యక్షుడిని ఎన్నుకోవాలని అసోసియేషన్‌ సభ్యులకు విజ్ఞప్తి చేశారు. నీటి కుంటలు ఏర్పాటు చేసుకోవాలిహాలియా : నీటి సంరక్షణ కోసం రైతులు కుంటలను ఏర్పాటు చేసుకోవాలని జిల్లా ఉద్యాన పట్టు పరిశ్రమ అధికారి శేఖర్‌ సూచించారు. మంగళవారం ఆయన అనుముల, తిరుమలగిరి సాగర్‌ మండలాల్లో బత్తాయి, డ్రాగన్‌ ఫ్రూట్‌, కొబ్బరి, కాశ్మీర్‌ ఆపిల్‌ బేర్‌, ఆయిల్‌పామ్‌, మిర్చి తోటలు, నీటి కుంటలను సందర్శించారు. ఈ సందర్భంగా రైతులకు పలు సూచనలు చేశారు. నీటి కుంటలకు ప్రభుత్వం 50శాతం రాయితీ కల్పిస్తుందన్నారు. మిర్చి పంట తెగుళ్ల బారిన పడకుండా సమగ్ర సస్యరక్షణ చర్యలు పాటించాలని జిగురు అట్టల ద్వారా పురుగు ఉధృతి తెలుసుకొని మందులు స్ప్రే చేయాలని సూచించారు. కార్యక్రమంలో అనుముల క్లస్టర్‌ ఉద్యాన అధికారి మురళి, విస్తరణ అధికారి జనార్దన్‌రెడ్డి పాల్గొన్నారు. 12 నుంచి చేయూత పింఛన్ల పంపిణీనల్లగొండ : చేయూత పంఛన్ల పంపిణీ కార్యక్రమాన్ని ఈనెల 12 నుంచి 18 వరకు నిర్వహించాలని కలెక్టర్‌ చంద్రశేఖర్‌ ఆదేశించారు. మంగళవారం ఆయన వివిధ అంశాలపై అధికారులతో వీడియో కాన్ఫరెన్స్‌ ద్వారా మాట్లాడారు. పింఛన్ల పంపిణీలో పార్లమెంట్‌ సభ్యులు, ఎమ్మెల్యేలు, ఎమ్మెల్సీలు, ఇతర ప్రజాప్రతినిధులను భాగస్వామ్యం చేయాలని సూచించారు. ముందుగా ప్రజాప్రతినిధుల సమ్మతితో తేదీలను ఖరారు చేయాలని, పండుగ వాతావరణంలో కార్యక్రమం నిర్వహించాలని పేర్కొన్నారు. జిల్లాలో 20 పాఠశాలల్లో టాయిలెట్స్‌ లేవని గుర్తించామని.. ఆ పాఠశాలలో వెంటనే టాయిలెట్‌ పనులు ప్రారంభించి వచ్చే వారంలోగా పూర్తి చేయాలన్నారు. కార్యక్రమంలో స్థానిక సంస్థల ఇన్‌చార్జి అదనపు కలెక్టర్‌ ప్రేమ్‌కరణ్‌ రెడ్డి, డీఆర్డీఓ శేఖర్‌రెడ్డి, జిల్లా పశు సంవర్ధక శాఖ అధికారి డాక్టర్‌ రమేష్‌, డీఈఓ సుశీందర్‌రావు పాల్గొన్నారు.

చేప పిల్లలు 350 గ్రాముల నుంచి 500 గ్రాముల (అరకిలో) బరువు పెరగాలంటే కనీసంగా ఆరు నెలల పాటు చెరువుల్లో నీరుండాలి. ఇలా అరకోరగా బరువు పెరిగినా మత్స్యకారులకు ఎలాంటి ఉపయోగం ఉండే అవకాశం లేదు. రాబోయే రెండు మూడు నెలలు మాత్రమే చెరువుల్లో నీరు ఉంటే చేప పిల్లలు పంపిణీ చేసినా డబ్బులు వృథా అవుతాయనే ఆలోచనలో ప్రభుత్వం ఉన్నట్లు తెలిసింది. అయితే ప్రభుత్వ అధికారిక నిర్ణయం కోసం మత్స్యకారులు ఎదురుచూస్తున్నారు. నల్లగొండ టూటౌన్‌ : రాష్ట్ర ప్రభుత్వం ప్రతి సంవత్సరం మత్స్యకారులకు అందించే చేప పిల్లల పంపిణీపై ఎల్‌నినో ప్రభావం పడింది. జిల్లాలోని చెరువులు, జలాశయాలు, కుంటల్లో నీరు లేక పూర్తిగా ఎండిపోయాయి. దీంతో ఈ ఏడాది చేప పిల్లల పంపిణీ లేనట్లే అని తెలుస్తోంది. రాష్ట్రంలో ఇప్పటి వరకు ఏ జిల్లాలో కూడా చేప పిల్లల పంపిణీ చేపట్టలేదని అధికార యంత్రాంగం చెబుతోంది. వర్షాబావ పరిస్థితులు నెలకొన్న దృష్ట్యా చేప పిల్లలు చెరువుల్లో పోయడం ద్వారా డబ్బులు వృథా అవుతాయి తప్ప మత్స్యకారులకు ఎలాంటి జీవనోపాధికి ఉపయోగపడే అవకాశాలు లేవనే చెప్పాలి. 90 శాతం చెరువులు ఖాళీ... జిల్లా వ్యాప్తంగా ఉన్న 1169 చెరువులు, జలాశయాల్లో కేవలం 165 చెరువుల్లోనే సగం వరకు నీరు ఉన్నట్లు సాగునీటి శాఖ అధికారులు మత్స్యశాఖకు వివరాలు సమర్పించారు. దాదాపు 90 శాతం చెరువుల్లో నీరులేకుండా ఖాళీగా ఉన్నాయి. ఉన్న నీటిని అంచనా వేసి చేప పిల్లలు పోయడం ద్వారా ఎలాంటి ప్రయోజనం చేకూరదనే అభిప్రాయానికి వచ్చారు. ప్రస్తుతం ఉన్న ఉష్ణోగ్రతలను బేరీజు వేసుకుంటే చెరువులు, కుంటల్లో నీరు ఎక్కువ రోజులు నిల్వ ఉండే అవకాశాలు లేవనే అభిప్రాయాలు వ్యక్తం అవుతున్నాయి. ఫ ఎల్‌నినో ప్రభావంతో ప్రభుత్వం పునరాలోచన ఫ నీళ్లున్న చెరువుల్లోనూ త్వరగా తగ్గిపోయే అవకాశం

హాలియా : రైతులు భూముల స్వభావం, నీటి లభ్యత ఆధారంగా, మార్కెట్‌లో డిమాండ్‌ ఉన్న పంటలు సాగు చేయాలని కలెక్టర్‌ చంద్రశేఖర్‌ సూచించారు. మంగళవారం ఆయన అనుముల మండలం పులిమామిడి గ్రామంలోని ఐకేపీ ధాన్యం కొనుగోలు కేంద్రాన్ని సందర్శించారు. శ్రీనాథపురంలో పంట పొలాలను పరిశీలించారు. ఈ సందర్భంగా ఆయన మాట్లాడుతూ రైతులకు ఎలాంటి ఇబ్బందులు కలగకుండా సీరియల్‌ ప్రకారం ధాన్యం కొనుగోలు చేయాలని ఆదేశించారు. కొనుగోలు కేంద్రంలో జియో ట్యాగింగ్‌ ప్రక్రియను పరిశీలించారు. రైతులు నీటి లభ్యతను దృష్టిలో పెట్టుకొని తక్కువ నీరు అవసరమయ్యే పంటలు సాగు చేయాలని సూచించారు. కుసుమ పంట సాగుపై రైతులు ఆసక్తి చూపాలన్నారు. సోలార్‌ విద్యుత్‌ వ్యవస్థను ఏర్పాటు చేసుకునే అవకాశాలను పరిశీలించాలని సూచించారు. రైతులు పంట ఉత్పత్తులను కోల్డ్‌ స్టోరేజ్‌లలో భద్రపరిచి మంచి ధర వచ్చినప్పుడు అమ్ముకోవడం ద్వారా లాభాలు పొందవచ్చని కలెక్టర్‌ సూచించారు. రైతులు ముందుకొస్తే మహిళా సంఘాల ఆధ్వర్యంలో విబీజీ రామ్‌ జీ కింద కోల్డ్‌ స్టోరేజ్‌లు, గోదాముల నిర్మాణానికి ప్రభుత్వం ద్వారా చర్యలు తీసుకుంటామని చెప్పారు. రైతుల్లో డిగ్రీలు చదువుకున్న వారు చాలా మంది ఉన్నారని, వారు వ్యవసాయంలో నూతన ఆలోచనలతో ముందుకు రావాలని పిలుపునిచ్చారు. కార్యక్రమంలో జిల్లా వ్యవసాయ అధికారి వినోద్‌కుమార్‌, మండల ఉద్యాన అధికారి రమేష్‌, డిప్యూటీ తహసీల్దార్‌ ప్రవీణ్‌కుమార్‌, సర్పంచ్‌లు అరుణ, సీతమ్మ, సత్యనారాయణరెడ్డి, ఏఈఓ మహేష్‌, జీపీఓ స్వామి, నరేష్‌ పాల్గొన్నారు. ఫ కలెక్టర్‌ చంద్రశేఖర్‌

మిర్యాలగూడ : నాణ్యమైన వరి విత్తనోత్పత్తిపై రైతులు ప్రత్యేక దృష్టి సారించాలని కంపసాగర్‌ కృషి విజ్ఞాన కేంద్రం (కేవీకే) శాస్త్రవేత్తలు సూచించారు. మంగళవారం దామరచర్ల మండలంలోని బొల్లిగుట్టతండాలో కేఎన్‌ఎం 1638 వరి రకం విత్తనోత్పత్తిపై రైతులకు అవగాహన కల్పించారు. ఈ సందర్భంగా వారు మాట్లాడుతూ.. మేలైన విత్తనోత్పత్తి ద్వారా అధిక దిగుబడులు సాధించడంతో పాటు గ్రామస్థాయిలో విత్తనాల లభ్యతను పెంచవచ్చన్నారు. సాగులో పాటించాల్సిన యాజమాన్య పద్ధతులు, విత్తన శుద్ధి, ఎరువులు, నీటి యాజమాన్యం, చీడపీడల నివారణ, కోత, నిల్వ తదితర అంశాలపై రైతులకు అవగాహన కల్పించారు. ఏఓ ఎన్‌.బాలకృష్ణ మాట్లాడుతూ.. ఎల్‌నినో పరిస్థితులు, రానున్న నీటి ఎద్దడి దృష్ట్యా యాసంగిలో వరికి బదులు కంది, పెసర, మినుము, శనగ, నువ్వులు తదితర ఆరుతడి పంటలు సాగు చేసి వనరులను సంరక్షించుకోవాలన్నారు. నేలసారం తగ్గుతున్నందున వరి కొయ్యలను కాల్చకూడదని హెచ్చరించారు. కార్యక్రమంలో ఏఈఓ నరేష్‌, పీఏసీఎస్‌ సీఈఓ వెంకట్‌రెడ్డి, రైతులు పాల్గొన్నారు.

మిర్యాలగూడ : సన్న ధాన్యం క్వింటాకు రూ.3500 తగ్గకుండా చెల్లించి కొనుగోలు చేస్తామని రైస్‌ మిల్లర్స్‌ అసోసియేషన్‌ రాష్ట్ర ఉపాధ్యక్షుడు కర్నాటి రమేష్‌ అన్నారు. ధాన్యం ధరలు తగ్గించి కొనుగోలు చేస్తున్నారంటూ రైతులు ఆందోళన వ్యక్తం చేస్తున్న నేపథ్యంలో మిర్యాలగూడ ఎమ్మెల్యే బత్తుల లక్ష్మారెడ్డి మంగళవారం పట్టణంలోని తన క్యాంప్‌ కార్యాలయంలో రైస్‌ మిల్లర్స్‌తో సమావేశమయ్యారు. రైతులకు నష్టం కలుగకుండా క్వింటా ధాన్యానికి రూ.3500 తగ్గకుండా చెల్లించాలని ఆయన మిల్లర్లకు సూచించారు. అనంతరం ఏర్పాటు చేసిన సమావేశంలో రమేష్‌ మాట్లాడుతూ మిర్యాలగూడ నియోజకవర్గ పరిధిలోని ప్రతి రైస్‌ మిల్లులో ధాన్యాన్ని క్వింటాకు రూ.3500 తగ్గకుండా కొనుగోలు చేస్తామని, ధాన్యం నాణ్యత బాగుంటే రూ.3500 కంటే ఎక్కువ ధర చెల్లిస్తామన్నారు. నిర్ణయించిన ధర కంటే తక్కువకు ఎట్టి పరిస్థితుల్లో ధాన్యం కొనుగోలు చేయమని రైతులకు హామీ ఇచ్చారు. నియోజకవర్గంలోని అన్ని రైస్‌ మిల్లులో ఒకే విధమైన ధర అమలు చేస్తామని, రైతులకు ఎలాంటి ఇబ్బందులు కలుగకుండా కొనుగోళ్లు చేపడ్తామని అన్నారు. సమావేశంలో రైస్‌ మిల్లర్స్‌ వెంకటమరణచౌదరి, గందె రాము, గోళ్ల రామశేఖర్‌, గంట సంతోష్‌రెడ్డి, గుడిపాటి శ్రీనివాస్‌, బండారు కుశలయ్య, రేపాల అంతయ్య, జెయిని మురళి పాల్గొన్నారు.

మిర్యాలగూడ : ప్రమాదాలకు చెక్‌ పెట్టేందుకు మూడు ఫ్లైఓవర్లు నిర్మిస్తామని ఇచ్చిన హామీలు రెండేళ్లుగా కాగితాలకే పరిమితమయ్యాయి. తీరా ఇప్పుడు కేవలం ఒక్క అండర్‌పాస్‌ నిర్మాణానికే ప్రభుత్వం నిధులు మంజూరు చేయడం మిర్యాలగూడ ప్రజలను తీవ్ర నిరాశకు గురిచేస్తోంది. అద్దంకి–నార్కట్‌పల్లి బైపాస్‌ రహదారిపై వరుస ప్రమాదాలు జరుగుతున్న ఐదు బ్లాక్‌స్పాట్‌ల సమస్యకు ప్రజలు ఫ్లైఓవర్లు కోరుతుంటే, ప్రభుత్వం నందిపాడు జంక్షన్‌ వద్ద అండర్‌పాస్‌ నిర్మాణానికి రూ.37.95 కోట్లు మంజూరు చేస్తూ ఉత్తర్వులు జారీ చేసింది. ఒక్క అండర్‌పాస్‌తో బైపాస్‌ రహదారిపై ఉన్న అన్ని ప్రమాదకర జంక్షన్ల సమస్యకు పరిష్కారం దొరుకుతుందా? అన్న ప్రశ్న ఇప్పుడు స్థానికుల నుంచి వ్యక్తమవుతోంది. రూ.180 కోట్ల నుంచి.. రూ.38 కోట్లకు! పట్టణ విస్తరణతో బైపాస్‌ రహదారి క్రమంగా జనావాసాల మధ్యకు చేరింది. ఇరువైపులా కాలనీలు, వాణిజ్య సంస్థలు విస్తరించడంతో వాహనాల రద్దీ పెరిగి రోడ్డు దాటడం ప్రాణసంకటంగా మారింది. ప్రమాదాల తీవ్రతను పరిగణనలోకి తీసుకుని ఏడుకోట్లతండా (వై–జంక్షన్‌), నందిపాడు జంక్షన్‌, రవీంద్రనగర్‌, చింతపల్లి జంక్షన్‌, ఈదులగూడ జంక్షన్‌లను ఐదు బ్లాక్‌స్పాట్‌లుగా గుర్తించారు. ఈ క్రాస్‌రోడ్ల వద్ద ఫ్లైఓవర్లు, సర్వీస్‌ రోడ్ల నిర్మాణానికి రూ.180 కోట్లు (భూసేకరణకు రూ.30 కోట్లతో సహా) మంజూరైనట్లు గతంలో ప్రజాప్రతినిధులు చెప్పారు. కానీ, ఇటీవల రవాణా, రోడ్లు భవనాల శాఖ ప్రత్యేకాధికారి వికాస్‌ రాజ్‌.. కేవలం నందిపాడు జంక్షన్‌ వద్ద అండర్‌పాస్‌ నిర్మాణానికి రూ.37.95 కోట్లతో పరిపాలన అనుమతులు జారీ చేసి కొత్త టెండర్లకు ఆదేశించారు. దీంతో మిగిలిన నాలుగు బ్లాక్‌స్పాట్ల పరిస్థితి ఏంటనే ఆందోళన వ్యక్తమవుతోంది. శంకుస్థాపనల గుంతలు కూడా పూడిపోయాయి.. మిర్యాలగూడ బైపాస్‌లో మూడు ఫ్లైఓవర్‌ బ్రిడ్జిలు నిర్మిస్తామని రెండేళ్ల కిందట రాష్ట్ర మంత్రి కోమటిరెడ్డి వెంకట్‌రెడ్డి, ఎంపీ కుందూరు రఘువీర్‌రెడ్డి, ఎమ్మెల్యే బత్తుల లక్ష్మారెడ్డి హామీ ఇచ్చారు. శంకుస్థాపనలు కూడా చేశారు. అయితే రెండేళ్లు దాటినా పనులు ప్రారంభం కాకపోవడంతో శంకుస్థాపనల కోసం తీసిన గుంతలు సైతం పూడిపోయాయి. శంకుస్థాపన చేసిన నాటి నుంచి సుమారు 25కి పైగా రోడ్డు ప్రమాదాలు జరిగి ఎంతోమంది ప్రాణాలు కోల్పోయారు. ప్రమాదాలు జరగకముందే పాలకులు స్పందించి, హామీ ఇచ్చిన మూడు ఫ్లైఓవర్లు, సర్వీస్‌ రోడ్ల నిర్మాణాన్ని వెంటనే ప్రారంభించాలని ప్రజలు డిమాండ్‌ చేస్తున్నారు.నందిపాడు జంక్షన్‌ వద్ద ఏర్పాటు చేయనున్న అండర్‌పాస్‌ పనులను త్వరలోనే ప్రారంభిస్తాం. ప్రస్తుతం ఒక అండర్‌పాస్‌కే నిధులు మంజూరయ్యాయి. టెండర్లను ఆహ్వానించి, స్క్రూట్నీ అనంతరం పనులను మొదలుపెడతాం. ప్రభుత్వం నుంచి అదనంగా నిధులు మంజూరైతే వై–జంక్షన్‌, చింతపల్లి వద్ద కూడా పనులు చేపడతాం. – పవన్‌నాయక్‌, ఆర్‌అండ్‌బీ ఈఈ ఫ మిర్యాలగూడ బైపాస్‌పై మూడు ఫ్లైఓవర్ల హామీల బుట్టదాఖలు ఫ ఐదు బ్లాక్‌ స్పాట్లలో నిత్యం నెత్తురోడుతున్న రహదారి ఫ నందిపాడు వద్ద ఒక్క అండర్‌పాస్‌కే మోక్షం! ఫ మిగిలిన జంక్షన్ల వద్ద భద్రతపై ప్రజల్లో ఆందోళన

నల్లగొండ(నల్లగొండ టౌన్‌) : నల్లగొండ పట్టణంలో నిర్వహించనున్న అఖిల భారత రైతు సంఘం 36వ జాతీయ మహాసభలను జయప్రదం చేయాలని మాజీ ఎమ్మెల్సీ చెరుపల్లి సీతారాములు, మాజీ ఎమ్మెల్యే నంద్యాల నర్సింహారెడ్డి కోరారు. ఈ నెల 14న నల్లగొండలోని క్లాక్‌టవర్‌ సెంటర్‌లో కల్చరల్‌ ఫెస్ట్‌ నిర్వహణకు చేస్తున్న వేదిక ఏర్పాట్లను సోమవారం వారు పరిశీలించి మాట్లాడారు. కార్యక్రమంలో సీపీఎం జిల్లా కార్యదర్శివర్గ సభ్యులు పాలడుగు నాగార్జున, బండా శ్రీశైలం, పట్టణ కార్యదర్శి దండంపల్లి సత్తయ్య, పుచ్చకాయల నర్సిరెడ్డి, ప్రజానాట్యమండలి జిల్లా కార్యదర్శి కుమ్మరి శంకర్‌, నలపరాజు సైదులు, అవుట రవీందర్‌, గణేశ్‌ తదితరులు పాల్గొన్నారు.

నల్లగొండ : తెలంగాణ మైనార్టీ స్టడీ సర్కిల్‌– కెరీర్‌ కౌన్సెలింగ్‌ సెంటర్‌ హైదరాబాద్‌ ఆధ్వర్యంలో మైనార్టీ విద్యార్థులు, నిరుద్యోగ యువతకు వివిధ పోటీ పరీక్షల కోసం ఉచితంగా స్టడీ మెటీరియల్‌ అందించనున్నట్లు జిల్లా మైనార్టీ సంక్షేమ అధికారి టి.విజేందర్‌రెడ్డి ఒక ప్రకటనలో తెలిపారు. అర్హులైన అభ్యర్థులు ఈ నెల 12లోగా దరఖాస్తులను మైనారిటీ సంక్షేమ శాఖ కార్యాలయంలో సమర్పించి స్టడీ మెటీరియల్‌ తీసుకోవాలని కోరారు. యాదగిరి క్షేత్రంలో ధనలక్ష్మి పూజలుయాదగిరిగుట్ట: దీపావళి పండుగ సందర్భంగా యాదగిరి శ్రీలక్ష్మీనరసింహస్వామి వారి ఆలయంలో ధనలక్ష్మి పూజను విశేషంగా నిర్వహించారు. ఉదయం ఆలయాన్ని తెరచి సుప్రభాతం నిర్వహించిన అనంతరం శ్రీస్వామి అమ్మవార్లకు ఆస్థాన మంగళ హారతులు ఇచ్చే వేడుకను వైభవంగా జరిపించారు. ఇక రాత్రి ఆలయ ముఖ మండపంలోని సువర్ణ ఉత్సవమూర్తుల వద్ద ధనలక్ష్మి పూజ చేపట్టారు. శ్రీలక్ష్మీ దేవికి, శ్రీసామి అమ్మవార్ల ఉత్సవమూర్తులకు పాంచరాత్ర ఆగమశాస్త్రానుసారంగా పూజలు జరిపి, భక్తులకు దీపావళి విశిష్టతను వివరించారు. వైభవంగా శతఘటాభిషేకం యాదగిరి శ్రీలక్ష్మీన రసింహస్వామి వారి ఆలయంలో సోమవారం స్వాతి నక్షత్రం సందర్భంగా ఉదయం నుంచి రాత్రి వరకు విశేషంగా పూజలు జరిగాయి. వేకువజామునే శ్రీస్వామి అమ్మవార్లకు సుప్రభాత సేవ జరిపించారు. అనంతరం ముఖ మండపంలో స్వాతి హోమాన్ని నిర్వహించి, బంగారు, వెండి కలశాలకు ప్రత్యేక పూజలు నిర్వహించారు. తరువాత గర్భాలయంలోని స్వయంభూ, ప్రతిష్ఠా అలంకారమూర్తులను విశేషంగా పూజించిన శుద్ధజలం, సుగంధ ద్రవ్యాలు, పంచామృతాలతో శతఘటాభిషేకం వైభవంగా చేపట్టారు. ఇక స్వాతి నక్షత్రాన్ని పురస్కరించుకొని యాదగిరి కొండ చుట్టా భక్తులు గిరి ప్రదక్షిణ నిర్వహించారు. ఈ వేడుకల్లో ప్రభుత్వ విప్‌ బీర్ల ఐలయ్య, ఈఓ భవానీ శంకర్‌, భక్తులు, ఆలయాధికారులు అధిక సంఖ్యలో పాల్గొన్నారు. ఆలయంలో ఉదయం నుంచి రాత్రి వరకు నిత్య కై ంక్యాలు విశేషంగా నిర్వహించారు.

మిల్లర్లు సిండికేట్‌ అయి ధర తగ్గించి ధాన్యం కొంటుండడంతో తాము తీవ్రంగా నష్టపోతున్నాం. కష్టపడి పండించిన సన్న ధాన్యానికి మిల్లర్లు గిట్టుబాటు ధర ఇవ్వడం లేదు. కొనుగోళ్లపై అధికారులు పర్యవేక్షణ పెంచి రైతులకు న్యాయం జరిగేలా చూడాలి. – ఉపేందర్‌, రైతు, తుంగతుర్తి, కేతేపల్లి మండలం 25 రోజుల క్రితం సన్న ధాన్యాన్ని క్వింటా రూ.4వేల నుంచి రూ.4,500 వరకు కొనుగోలు చేసిన మిల్లర్లు ఇప్పుడు రూ.2,900 నుంచి రూ.3,200కు ధర తగ్గించడం అన్యాయం. క్వింటా ధాన్యానికి కనీసం రూ.4,500 అయినా చెల్లించి ఆదుకోవాలి. – పాండు, రైతు, రంగ్యాతండా, దామరచర్ల మండలం

మిర్యాలగూడ : ఆరుగాలం కష్టించి పండించిన పంటకు గిట్టుబాటు ధర రాక రైతులు ప్రతి సీజన్‌లోనూ నష్టపోతున్నారు. మిల్లర్లు ధర తగ్గించడంతో ధాన్యం కొనుగోలు చేస్తుండడంతో అన్నదాతలు ఆగ్రహంతో రోడ్డెక్కుతున్నారు. ఆదివారం దీపావళి పండుగ రోజుకు కూడా మిర్యాలగూడలో కొందరు మిల్లర్లు తమ మిల్లులను తెరిచి ఉంచడంతో రైతులు అమ్ముకునేందుకు ధాన్యం తీసుకొచ్చారు. ఇదే అదునుగా భావించిన మిల్లర్లు క్వింటాకు కేవలం రూ.2,900 నుంచి రూ.3,200కు మాత్రమే కొనుగోలు చేశారు. ఇదేంటని రైతులు ప్రశ్నిస్తే మేము ఇంతే ధర ఇస్తాం.. లేకుంటే వేరే మిల్లుల్లో అమ్ముకోండి అంటూ బెదిరిస్తున్నారని పలువురు రైతులు ఆవేదన వ్యక్తం చేశారు. దీంతో తమకు గరిష్ట ధర చెల్లించాలని డిమాండ్‌ చేస్తూ రైతులు యాద్గార్‌పల్లి వద్ద మిర్యాలగూడ–కోదాడ రోడ్డుపై ధర్నా చేపట్టారు. ఈసందర్భంగా పలువురు రైతులు మాట్లాడుతూ 25 రోజులుగా క్వింటా సన్న ధాన్యాన్ని రూ.4వేల నుంచి రూ.4,200 వరకు కొనుగోలు చేసిన మిల్లర్లు ఇప్పుడు సిండికేట్‌గా మారి ఒక్కసారిగా రూ.వెయ్యి ధర తగ్గించి రూ.2,900 నుంచి రూ.3,200 వరకు మాత్రమే చెల్లిస్తామంటున్నారని ఆగ్రహం వ్యక్తం చేశారు. తమ ధాన్యానికి గిట్టుబాటు ధర చెల్లించాలని డిమాండ్‌ చేశారు. దీంతో ట్రాఫిక్‌ జామ్‌ కావడంతో పోలీసులు వచ్చి మిల్లర్లతో మాట్లాడారు. ఎట్టకేలకు మిల్లర్లు గ్రేడ్‌–1 ధాన్యానికి క్వింటాకు రూ.3,700, గ్రేడ్‌–2కు రూ.3,600 చెల్లిస్తామని ఒప్పుకోవడంతో రైతులు ధర్నా విరమించారు. అధికారుల పర్యవేక్షణ లేక.. మిర్యాలగూడలోని రైస్‌ మిల్లులకు జిల్లా నుంచే కాకుండా సూర్యాపేట, వరంగల్‌తోపాటు ఆంధ్రా ప్రాంతం నుంచి కూడా రైతులు సన్న రకాల ధాన్యం తెచ్చి విక్రయిస్తుంటారు. ఈ క్రమంలో ఉదయం నుంచి సాయంత్రం వరకు మిల్లుల వద్ద పడిగాపులు కాయించి తీరా పచ్చగింజ, తాలు పేరుతో మిల్లర్లు ధర తగ్గించడంతోపాటు భారీగా కోతలు పెడుతున్నారు. మిల్లర్లు సిండికేట్‌ అయ్యి ధాన్యం ధర తగ్గించి కొనుగోలు చేస్తూ రైతులను దోచుకుంటున్నా కొనుగోళ్లపై సంబంధిత అధికారుల పర్యవేక్షణే లేదు. ఇప్పటికై నా మిల్లర్ల దోపిడీని అరికట్టి తమకు న్యాయం చేయాలని అధికారులను, ప్రజాప్రతినిధులను రైతులు వేడుకుంటున్నారు. ధాన్యం కొనుగోళ్లలో మిల్లర్ల మాయాజాలం ఫ క్వింటాపై రూ.వెయ్యి తగ్గింపు ఫ 25 రోజుల క్రితం రూ.4వేల నుంచి రూ.4,200 ఫ ప్రస్తుతం రూ.3వేలకు కొనుగోలు ఫ తరచూ రోడ్డెక్కుతున్న రైతులు

నల్లగొండ : పెండింగ్‌లో ఉన్న ప్రజావాణి అర్జీల్లో 75 శాతం వచ్చే వారం నాటికి పరిష్కరించాలని కలెక్టర్‌ బి.చంద్రశేఖర్‌ అధికారులను ఆదేశించారు. సోమవారం కలెక్టరేట్‌లో నిర్వహించిన ప్రజావాణిలో ప్రజల నుంచి 85 అర్జీలను స్వీకరించి మాట్లాడారు. జిల్లా అధికారులు సంబంధిత సెక్షన్ల సూపరింటెండెంట్లతో అర్జీలపై ప్రత్యేకంగా సమీక్షించి త్వరితగతిన పరిష్కరించేలా ఏర్పాట్లు చేయాలన్నారు. పాఠశాల విద్యార్థులందరికీ ఈనెలాఖరులోగా ఆధార్‌ కార్డులు జారీ పూర్తి చేయాలన్నారు. బడి మానేసిన పిల్లలందరినీ తిరిగి చేర్పించాలన్నారు. ఎల్‌నినో దృష్టిలో ఉంచుకొని తాగునీటికి ఇబ్బందులు లేకుండా పైపులైన్లు, మరమ్మతుల నిర్వహణ చేపట్టాలని, తాగునీటి ప్రాధాన్యత, వాననీటి సంరక్షణపై ప్రజలకు అవగాహన కల్పించాలని చెప్పారు. ఎట్టి పరిస్థితిలోనూ అనర్హులకు చేయూత పించన్లు ఇవ్వరాదన్నారు. ప్రజావాణికి రాని అధికారులకు షోకాజ్‌ నోటీసు జారీ చేయాలని కలెక్టరేట్‌ ఏఓ మోతీలాల్‌ను ఆదేశించారు. శిక్షణ సహాయ కలెక్టర్‌ ఎన్‌.శ్రీకాంత్‌రెడ్డి, డీఆర్‌ఓ దశరథ్‌, డీఆర్‌డీఓ శేఖర్‌రెడ్డి కూడా ప్రజల నుంచి అర్జీలు స్వీకరించారు. ఫ కలెక్టర్‌ చంద్రశేఖర్‌

ఫ నరకాసురుని వేషధారణలో రాచకొండ ప్రభాకర్‌ ప్రచారం నల్లగొండ : గంజాయి, డ్రగ్స్‌, ఇతర మత్తు పదార్థాలకు దూరంగా ఉండాలని సూర్యాపేట జిల్లా మద్దిరాల మండలం గోరంట్ల జెడ్పీహెచ్‌ఎస్‌కు చెందిన ఉపాధ్యాయుడు, సామాజిక కార్యకర్త రాచకొండ ప్రభాకర్‌ దీపావళి పండుగ సందర్భంగా ఆదివారం నరకాసురుని వేషధారణలో నల్లగొండలోని వివిధ ప్రాంతాల్లో వినూత్న ప్రచారరం నిర్వహించారు. గంజాయ్‌, డ్రగ్స్‌ అనే కొత్త రాక్షసులు మీ శరీరాన్ని, జీవితాలను పిప్పి చేస్తున్నారని, మత్తు పదార్థాలకు దూరంగా ఉండాలని సే నో డ్రగ్స్‌ విజ్ఞప్తి చేశారు. అలాగే రోడ్డు భద్రత నియమాలు విధిగా పాటించాలని, వాహనదారులు హెల్మెట్‌ ధరించాలని సూచించారు. నేను పురాణాల్లో పేర్కొన్న విధంగా నరకాసురున్ని కాదని.. డ్రగ్స్‌ అనే మహమ్మారిని తరిమికొట్టడానికి వచ్చిన సామాజిక నరకాసురున్ని అని ఉపాధ్యాయుడు ప్రభాకర్‌ పేర్కొన్నారు.

నల్లగొండ టూటౌన్‌ : నీలగిరి నగరంలో ఒకే ఇంటికి రెండు నల్లాల కనెక్షన్‌ పెట్టుకున్న కొందరు దర్జాగా కృష్ణాజలాలను వినియోగించుకుంటూ మున్సి పల్‌ కార్పొరేషన్‌ ఆదాయానికి గండి కొడుతున్నారు. అయినప్పటికీ సంబంధిత అధికారులు చూసీచూడనట్లుగా వ్యవహరిస్తున్నారనే విమర్శలు వినిపిస్తున్నాయి. ఎల్‌నినో ప్రభావంతో జలాశయాల్లో గణనీయంగా నీటి నిల్వలు పడిపోయిన తర్వాత కూడా తాగునీటి వృథాను అరికట్టడంలో జాప్యం జరుగుతోంది. అమృత్‌ పథకంలో భాగంగా నగరంలోని పలు కాలనీల్లో 1,300పైగా తాగునీటి పైప్‌లైన్‌ కనెక్షన్లు ఇచ్చారు. వీటిలో దాదాపు 500 వరకు నల్లా కనెక్షన్‌ ఉన్న నివాసాలకు సైతం డబుల్‌ కనెక్షన్‌ ఇచ్చారు. అప్పటి నిబంధనల ప్రకారం పాత పైప్‌లైన్‌ సరఫరా కట్‌ చేసి కొత్త పైప్‌లైన్‌ ద్వారా తాగునీటిని అందించాలనే ఉద్దేశంతో నల్లా కనెక్షన్‌ ఇచ్చారు. కానీ చాలా కాలనీల్లో నేటికి కూడా పాత పైప్‌లైన్‌ కనెక్షన్‌ కట్‌ చేయకుండా కొత్త దానితోపాటు పాత పైప్‌లైన్‌ ద్వారా సైతం కృష్ణాజలాలు సరఫరా చేస్తున్నారు. దాంతో ఒకే ఇంటికి రెండు నల్లాల కనెక్షన్‌ల ద్వారా తాగునీరు సరఫరా జరుగుతున్న దాని నివారణ చర్యలు చేపట్టడంతో సంబంధిత అధికారులు తీవ్ర నిర్లక్ష్యం వైఖరి ప్రదర్శిస్తున్నారనే ఆరోపణలు ఉన్నాయి. పుష్కలంగా నీరున్నప్పుడు ఎలా సరఫరా జరిగినా.. నేడు వర్షాభావ పరిస్థితులను పరిగణనలోకి తీసుకుంటే నగరంలో కొంత తాగునీటిని పొదుపుగా వాడుకోవాల్సిన అవసరం ఎంతైనా ఉంద అభిప్రాయాలు వ్యక్తమవుతున్నాయి. బిల్లు లేకుండానే వినియోగం నీలగిరి నగరంలోని డీవీకే రోడ్‌లో పలు కాలనీలు, ముషంపల్లి రోడ్‌లో కొన్ని కాలనీలు, చర్లపల్లి, పానగల్‌, జైల్‌ ఖానా సమీపంలో తదితర ప్రాంతాల్లో కొందరు బిల్లులు చెల్లించకుండానే నల్లా కనెక్షన్‌లు ఇచ్చుకొని తాగునీరు పట్టుకుంటున్నారు. ఇలాంటివి దాదాపు 500 వరకు రెండు నల్లా కనెక్షన్‌లు ఉన్నట్లు తెలిసింది. నెలకు నల్లా బిల్లు రూ.100 కాగా 500 కనెక్షన్లకు నెలకు రూ.50,000 చొప్పున ఏడాదికి 6 లక్షల వరకు బిల్లుల రూపంలో మున్సిపల్‌ కార్పొరేషన్‌ ఖజానాకు గండి పడుతోంది. ఇలా గత ఆరేడుళ్లుగా నడుస్తున్నా ఇంజనీరింగ్‌ విభాగం ఉద్యోగులు నిర్లక్ష్యంగా వదిలేయడంతో మున్సిపల్‌ కార్పొరేషన్‌కు నష్టం జరుగుతుందనే అభిప్రాయాలు ఉన్నాయి. ఇప్పటికై నా సంబంధిత అధికారులు అక్రమ నల్లా కనెక్షన్లపై దృష్టి సారిస్తే తాగునీటి వృథాను అరికట్టవచ్చనే అభిప్రాయాలు వినిపిస్తున్నాయి. అనుమతి ఒక దానికి.. వినియోగం రెండు ఫ నల్లగొండలో భారీగా డబుల్‌ కనెక్షన్లు ఫ వృథా అవుతున్న తాగునీరు కాలనీల్లో వేసిన పాత పైప్‌లైన్‌ కట్‌చేసి కొత్త పైప్‌లైన్‌ ద్వారానే తాగునీటిని అందిస్తున్నాం. ఎక్కడైనా ఒకే ఇంటికి రెండు నల్లాల కనెక్షన్‌ ఉన్నట్లు తేలితే వెంటనే తొలగించి నీరు వృథా కాకుండా చర్యలు తీసుకుంటాం. – దిలీప్‌ భార్గవ్‌, కార్పొరేషన్‌ ఏఈ

బుద్ధవనంలో సోమవారం దమ్మ దీపోత్సవం నిర్వహించారు. అశోక ధర్మచక్రం వద్ద జ్యోతులను వెలిగించారు. - 8లోకబడ్డీ జట్టుకు అభినందనలునల్లగొండ : హైదరాబాద్‌ పోలీస్‌ అకాడమీలో నిర్వహించిన పీఎం శ్రీ స్కూల్స్‌ తెలంగాణ రాష్ట్ర స్థాయి అండర్‌–17 బాలికల కబడ్డీ క్రీడాపోటీల్లో నల్లగొండ జి ల్లా జట్టు సత్తాచాటి ప్రథమ స్థానంలో నిలిచింది. సోమవారం నల్లగొండకు చేరుకున్న జట్టు క్రీడాకారులకు డీఈఓ సుశీందర్‌రావు, రెవెన్యూ అధికారి దశరథ అభినందనలు తెలిపి సన్మానించారు. ఈ కార్యక్రమంలో విద్యా శాఖ అధికారులు, సిబ్బంది, క్రీడా కోచ్‌లు, క్రీడాకారులు పాల్గొన్నారు.

నల్లగొండ అగ్రికల్చర్‌ : ఎల్‌నినో ప్రభావంతో నెలకొన్న వర్షాభావ పరిస్థితులు రైతాంగాన్ని కోలుకోలేని దెబ్బతీశాయి. తీవ్ర కరువు పరిస్థితుల నేపథ్యంలో జిల్లాలోని 28 మండలాలను ప్రభుత్వం కరువు మండలాలుగా ప్రకటించింది. ఇందులో 20 మండలాలు అత్యంత తీవ్ర కరువు, 8 మండలాలు సాధారణ కరువు బారిన పడినట్లు గుర్తించింది. అయితే, నష్టపోయిన రైతులందరినీ ఆదుకునేందుకు.. కరువు మండలాల జాబితాతో సంబంధం లేకుండా జిల్లాలోని మొత్తం 33 మండలాల్లో ఎండిపోయిన పంటలపై సర్వే నిర్వహించాలని వ్యవసాయ శాఖను ప్రభుత్వం ఆదేశించింది. ఈ నెల 11వ తేదీలోగా నివేదికలు సమర్పించాలని గడువు విధించడంతో జిల్లా వ్యవసాయ శాఖ సర్వేను ముమ్మరం చేసింది. యాప్‌లో వివరాల నమోదు క్షేత్రస్థాయిలో వ్యవసాయ విస్తరణ అధికారులు (ఏఈఓలు) ఉదయం 8 గంటలకే గ్రామాలకు చేరుకుని సర్వే చేస్తున్నారు. రైతుల పొలాల్లోకి వెళ్లి ఎండిపోయిన పంటలను ప్రత్యక్షంగా పరిశీలిస్తున్నారు. 33 శాతానికి పైగా నష్టం వాటిల్లిన పంటల వివరాలను సేకరిస్తున్నారు. రైతు పేరు, ఊరు, సర్వే నంబర్‌, పండించిన పంట, దెబ్బతిన్న విస్తీర్ణం తదితర వివరాలను ప్రత్యేక యాప్‌లో నమోదు చేస్తున్నారు.గ్రామాల్లో పంట నష్టం సర్వే నిర్వహిస్తున్న వ్యవసాయ విస్తరణ అధికారులకు రైతులు విధిగా సహకరించి, వాస్తవ నష్టం వివరాలను అందజేయాలి. వర్షాభావ పరిస్థితులు, నీటి ఎద్దడి దృష్ట్యా రాబోయే యాసంగి సీజన్‌లో వరికి బదులుగా ఆరుతడి, ప్రత్యామ్నాయ పంటల సాగుపైనే రైతులు దృష్టి పెట్టాలి. – వినోద్‌ కుమార్‌, జిల్లా వ్యవసాయ అధికారి ఎన్‌నినో ప్రభావంతో తీవ్రంగా పంట నష్టపోయిన రైతులు ఫ సర్వేకు ఆదేశించిన ప్రభుత్వం ఫ నష్టం వివరాలు సేకరిస్తున్న యంత్రాంగం ఫ రేపటిలోగా ప్రభుత్వానికి నివేదికలు ఈ వానాకాలం సీజన్‌లో జిల్లా వ్యాప్తంగా సుమారు 11 లక్షల ఎకరాల్లో పంటలు సాగయ్యాయి. ఇందులో 5 లక్షల ఎకరాల్లో వరి, 5.95 లక్షల ఎకరాల్లో పత్తి వేశారు. వర్షాభావ పరిస్థితుల కారణంగా సగానికి పైగా పంటలు ఎండిపోయి తీవ్ర నష్టం వాటిల్లింది. రైతులు కోట్ల రూపాయల మేర పెట్టుబడులు కోల్పోయి అప్పులపాలయ్యారు. ప్రస్తుతం జరుగుతున్న పంట నష్టం సర్వే నివేదికల ఆధారంగా ప్రభుత్వం నుంచి ఇన్‌పుట్‌ సబ్సిడీ అందుతుందని రైతులు ఆశగా ఎదురుచూస్తున్నారు.

నల్లగొండ : రాష్ట్రంలోని మోడల్‌ స్కూళ్లలో పనిచేస్తున్న ఉపాధ్యాయుల సమస్యలు పరిష్కరించాలని కోరుతూ సోమవారం ప్రోగ్రెసివ్‌ మోడల్‌ స్కూల్‌ టీచర్స్‌ అసోసియేషన్‌ ఆఫ్‌ తెలంగాణ రాష్ట్ర అధ్యక్షుడు తరాల జగదీష్‌ ఆధ్వర్యంలో కలెక్టర్‌కు వినతిపత్రం అందజేశారు. ఈ సందర్భంగా మోడల్‌ స్కూళ్లలో విధులు నిర్వహించే ఉపాధ్యాయులు పడుతున్న ఇబ్బందులు, వారి డిమాండ్లను ప్రభుత్వ దృష్టికి తీసుకెళ్లాలని కోరారు. కార్యక్రమంలో ఉపాధ్యాయులు సయ్యద్‌ సలీం, శ్రీనివాస్‌, అనిల్‌ కుమార్‌, సత్తయ్య, ప్రిన్సిపాల్‌ వెంకటేశ్వర్లు, ఫస్సీ అహమ్మద్‌, పురుషోత్తం, ఖలీల్‌ అహమ్మద్‌, ప్రదీప్‌, నరేంద్ర బాబు, రమేష్‌ పాల్గొన్నారు.

నార్కట్‌పల్లి : మండలంలోని చెర్వుగట్టు గ్రామంలో గల శ్రీపార్వతి జడల రామలింగేశ్వర స్వామి ఆలయంలో అమావాస్యను పురస్కరించుకుని సోమవారం రాత్రి అర్చకులు లక్ష పుష్పార్చన, ప్రత్యేక పూజలను వైభవంగా నిర్వహించారు. జిల్లాలోని వివిధ ప్రాంతల నుంచి భక్తులు సాయంత్రం నుంచే తరలి రావడంతో ఆలయ పరిసరాలు సందడిగా కనిపించాయి. భక్తులు గట్టుపైన రాత్రి నిద్ర చేశారు. భక్తులకు ఎలాంటి అవాంఛనీయ సంఘటనలు జరుగకుండా ఆలయ సిబ్బంది ప్రత్యేక ఏర్పాట్లు చేశారు. ట్రాఫిక్‌ జామ్‌ కాకుండా వాహనాలను గట్టుపైకి పోకుండా పోలీసులు ముందస్తు చర్యలు తీసుకున్నారు. ఈ కార్యక్రమంలో ఆలయ కమిటీ చైర్మన్‌ వరాల రమేష్‌, ప్రధాన అర్చకులు పోతులపాటి రామలింగేశ్వర శర్మ, డైరెక్టర్లు ప్రజ్ఞాపురం సత్యనారాయణ, కమ్మంపల్లి మల్లేశం, రేగట్టె శ్రీనివాస్‌రెడ్డి, లింగస్వామి, ఇరుకుల సంపత్‌, గద్దగోటి యాదగిరి, లక్ష్మయ్య, అర్చకులు పాల్గొన్నారు.

నల్లగొండ : తెలంగాణ ప్రదేశ్‌ మహిళా కాంగ్రెస్‌ నూతన కమిటీలో నల్లగొండ జిల్లాకు మూడు కీలక పదవులు దక్కాయి. మహిళా కాంగ్రెస్‌ జిల్లా అధ్యక్షురాలిగా గోపగాని మాధవిని మరోసారి నియమిస్తూ రాష్ట్ర అధ్యక్షురాలు ఎర్రబెల్లి స్వర్ణ సోమవారం ఉత్తర్వులు జారీ చేశారు. దీంతో ఆమెకు మూడోసారి జిల్లా అధ్యక్ష బాధ్యతలు దక్కాయి. 2019లో తొలిసారిగా ఈ పదవిని చేపట్టిన మాధవి, తాజాగా మరోసారి నియామకమయ్యారు. మహిళా కాంగ్రెస్‌ రాష్ట్ర కమిటీలోనూ జిల్లాకు చెందిన ఇద్దరికి అవకాశం కల్పించారు. రాష్ట్ర ఉపాధ్యక్షురాలిగా గాజుల సుకన్య, రాష్ట్ర ప్రధాన కార్యదర్శిగా కె.నాగమణిరెడ్డి నియమితులయ్యారు. జిల్లా అధ్యక్షురాలిగా మాధవి పునర్నియామకంతో కలిపి జిల్లాకు మొత్తం మూడు పదవులు దక్కినట్లయింది. జిల్లా అధ్యక్షురాలు గోపగాని మాధవి మాట్లాడుతూ నియామకానికి సహకరించిన రాష్ట్ర మహిళా కాంగ్రెస్‌ అధ్యక్షురాలు ఎర్రబెల్లి స్వర్ణ, మంత్రులు ఉత్తమ్‌కుమార్‌రెడ్డి, కోమటిరెడ్డి వెంకట్‌రెడ్డి, ఎంపీలు, ఎమ్మెల్యేలకు కృతజ్ఞతలు తెలిపారు. ఫ మూడోసారి జిల్లా అధ్యక్షురాలిగా గోపగాని మాధవి నియామకం ఫ రాష్ట్ర ఉపాధ్యక్షురాలిగా గాజుల సుకన్య, ప్రధాన కార్యదర్శిగా నాగమణిరెడ్డి

ఫ కారుణ్య నియామకం కేసులో పది మంది అరెస్ట్‌ ఫ ఎస్పీ పర్యవేక్షణలో ముమ్మర దర్యాప్తు నల్లగొండ టూటౌన్‌ : అక్రమంగా జరిగిన ఒక్క కారుణ్య నియామకం నాలుగు ప్రభుత్వ శాఖల ఉద్యోగులకు ఉచ్చు బిగుస్తోంది. తీగ కదిలితే డొంక కదిలిన మాధిరిగా ఈ అక్రమాల బాగోతం బయట పడుతోంది. వైద్య ఆరోగ్యశాఖలో పనిచేసి రిటైర్డ్‌ అయిన చామకూరి వెంకటేశ్వర్లుకు తప్పుడు తేదీతో జారీ చేసిన మరణ ధ్రువీకరణ పత్రం, అతని కుమారుడి కారుణ్య నియామకం, నకిరేకల్‌ తహసీల్దార్‌ కార్యాలయంలో జారీచేసిన ఫ్యామిలీ మెంబర్‌ సర్టిఫికెట్లకు సంబంధించిన కేసులో ఇప్పటి వరకు పది మందిని పోలీసులు అదుపులోకి తీసుకున్నట్లు తెలిసింది. మృతుడి భార్య, అతని కుమారుడు, శాలిగౌరారం సీనియర్‌ అసిస్టెంట్‌, ఓ ఏఓ, డీఎంహెచ్‌ఓ కార్యాలయం సూపరింటెండెంట్‌, డీఎంహెచ్‌ఓ సీసీ, మరో సీనియర్‌ అసిస్టెంట్‌, జూనియర్‌ అసిస్టెంట్‌, ఓ రెవెన్యూ అధికారి, ఒక వార్డు ఆపీసర్‌ ఇలా మొత్తంగా పది మందిని పోలీసులు అదుపులోకి తీసుకొని వారిని ప్రశ్నిస్తున్నట్లు తెలుస్తోంది. దామరచర్ల పీహెచ్‌సీలోని జూనియర్‌ అసిస్టెంట్‌ నుంచి పోలీసులు స్టేట్‌మెంట్‌ తీసుకున్నారు. అన్ని కోణాల్లోనూ విచారణ.. అక్రమంగా జరిగిన కారుణ్య నియామకంలో వైద్య ఆరోగ్యశాఖ, రెవెన్యూ, మున్సిపల్‌, పోలీస్‌ శాఖకు సంబంధించిన ఉద్యోగుల ప్రమేయం ఉన్నట్లు ప్రాథమిక విచారణలో వెల్లడైంది. ఎస్పీ శరత్‌చంద్ర పవార్‌ పర్యవేక్షణలో దర్యాప్తు ముమ్మరంగా జరుగుతోంది. కేసును చాలెంజ్‌గా తీసుకున్న పోలీస్‌ శాఖ అన్ని కోణాల్లో విచారించి నిజాలను నిగ్గుతేల్చే పనిలో ఉంది. ఒక్కో ఉద్యోగిని అదుపులోకి తీసుకుని ప్రశ్నించిన పోలీసులు వారు చెప్పిన వివరాలను క్రోడీకరించుకొని ఈ కేసులో లింకులు ఉన్న అందరిని అదుపులోకి తీసుకొని విచారణ జరుపుతున్నారు. ఈ కేసులో ప్రత్యక్షంగా సంబంధం ఉన్న మరికొందరిని సైతం కూడా అదుపులోకి తీసుకునే అవకాశం ఉన్నట్లు తెలిసింది. నీలగిరి మున్సిపల్‌ కార్పొరేషన్‌ కార్యాలయంలో శనివారం పోలీసులు విచారణ జరిపారు. కమిషనర్‌ వంశీకృష్ణ చాంబర్‌కు వెళ్లి వివరాలు అడిగి తెలుసుకున్నారు. మరణ ధ్రువీకరణలో పత్రం జారీలో ఆరోపణలు ఎదుర్కొంటున్న ఉద్యోగులను పిలిపించి విచారించారు. మరణ ధ్రువీకరణ పత్రం జారీ చేసిందెవరు.. డిజిటల్‌ కీ ఎవరి దగ్గర ఉంటుంది.. చిరునామా మార్చిందెవరు.. ఎందుకు మార్చారు అనే కోణంలో విచారణ జరిపి దస్త్రాలను పరిశీలించినట్లు తెలిసింది.

నేరేడుచర్ల : ఇటీవల అమెరికాలో జరిగిన మధ్యంతర ఎన్నికల్లో ప్రతిపక్ష డెమోక్రటిక్‌ పార్టీ విజయం సాధించింది. అధ్యక్షుడు డోనాల్డ్‌ ట్రంప్‌ తీసుకున్న కొన్ని కఠిన నిర్ణయాల వలనే అధికార రిపబ్లిక్‌ పార్టీకి ఓటమి తప్పలేదని ఈ ఎన్నికల్లో ఓటు హక్కు వినియోగించుకున్న పలువురు ఎన్‌ఆర్‌ఐలు చెబుతున్నారు. ఈ మధ్యంతర ఎన్నికల ఫలితాలపై వారు తమ అభిప్రాయాన్ని సాక్షితో పంచుకున్నారు. ఇటీవల అమెరికాలో జరిగిన మధ్యంతర ఎన్నికల ఫలితాల వలన అధ్యక్షుడు ట్రంప్‌కు పరిపాలనా పరమైన నిర్ణయాలలో అడ్డంకులు తప్పకపోవచ్చు. ఈ ఎన్నికల్లో డెమోక్రాట్లు ఎక్కువ సంఖ్యలో గెలవడం వలన అధికార పార్టీ తీసుకొచ్చే బిల్లులను అడ్డగించే అవకాశం ఉంది. అధ్యక్షుడు ట్రంప్‌ తన నిర్ణయాలను స్వేచ్ఛగా తీసుకునే అవకాశం లేదు. – దొంతిరెడ్డి విజయభాస్కర్‌రెడ్డి, కాలిఫోర్నియా అమెరికా అధ్యక్షుడు ట్రంప్‌ పలు వివాదస్పద నిర్ణయాల వలన మధ్యంతర ఎన్నికల్లో డెమోక్రాట్లు అత్యధికంగా గెలిచారు. ఈ ఎన్నికల ఫలి తాలు భారతీయులపై వెంటనే ప్రభావం చూపకపోయినా కొద్దిరోజుల తర్వాత ట్రంప్‌ విధించిన ఆంక్షలు తొలిగిపోయే అవకాశం ఉంది. – వంకాయల సరిత, కాలిఫోర్నియాఅమెరికా మధ్యంతర ఎన్నికల్లో డెమెక్రటిక్‌ పార్టీ విజయంతో అమెరికా అధ్యక్షుడు ట్రంప్‌ ఆధిపత్యానికి కళ్లెం వేసినట్లే. ట్రంప్‌ తీసుకునే ఏ నిర్ణయాన్ని అయినా కాంగ్రెస్‌లో డెమోక్రాట్లు అడ్డు తగిలే అవకాశం ఉంది. డెమెక్రాట్లు ప్రవేశ పెట్టే బిల్లులను అమెరికా అధ్యక్షుడు ట్రంప్‌ విటో పవర్‌తో అడ్డుకునే అవకాశం ఉంది. – పోతుగంటి నీలిమా, ఫ్లోరిడా వలసవాదుల్లో ఉద్యోగాలు పోతున్నాయనే అపోహాతోనే డెమోక్రాట్ల వైపు మొగ్గు చూపారు. ట్రంప్‌ వలసవాదులపై ఉక్కుపాదం మోపే క్రమంలో వీసాలపై ఆంక్షలు విధించడం, జన్మతః పౌరసత్వం ఉన్న వలసవాదులకు గ్రీన్‌కార్డులు రద్దు చేస్తామనడం, ప్రపంచంలో ఎక్కడ యుద్ధాలు జరిగినా జోక్యం చేసుకోవడంతో ప్రజలు ఓటు ద్వారా తమ వ్యతిరేకతను వ్యక్తపరిచారు. – వంకాయల సాయికృష్ణ, కాలిపోర్నియాడెమోక్రాట్లు అత్యధిక స్థానాలు గెలవడం వలన వలసవాదులకు కొంత ఊరట లభిస్తుంది. వలసవాదులపై ట్రంప్‌ కఠిన నిర్ణయాలు తీసుకునే అవకాశం లేకుండా పోయింది. అనవసరపు ఆర్థిక నిర్ణయాలపై డెమోక్రాట్ల సభ్యులు అభ్యంతరం వ్యక్తం చేసే అవకాశం ఉంది. – షర్మిల చల్లా, టెక్సాస్‌

చౌటుప్పల్‌ : హైదరాబాద్‌–విజయవాడ జాతీయ రహదారిపై శనివారం వాహనాల రద్దీ నెలకొంది. దీపావళి పండుగ నేపథ్యంలో హైదరాబాద్‌తో పాటు పరిసర ప్రాంతాలలో నివాసముంట్ను వారు సొంతూళ్లకు పయణమయ్యారు. దీంతో ఈ రద్దీ ఏర్పడింది. అదేవిధంగా వీకెండ్‌ సైతం తోడవ్వడంతో హైవేపై వాహనాలు బారులుదీరాయి. చౌటుప్పల్‌ పట్టణంతో పాటు ధర్మోజిగూడెం ప్రాంతాలలో వాహనాలు నెమ్మదిగా ముందుకు సాగాయి. ఈ రద్దీ అర్ధరాత్రి వరకు కొనసాగింది. చౌటుప్పల్‌ ఆర్టీసీ బస్‌స్టేషన్‌ సైతం ప్రయాణికులతో కిటకిటలాడింది.

యాదగిరిగుట్ట: సనాతన ధర్మంలో సత్యనారాయణస్వామి, కేదారీశ్వర వ్రతాలకు చాలా ప్రాముఖ్యం ఉంది. పార్వతీ పరమేశ్వరుల అర్థనారీశ్వర అవతారతత్వమే కేదారీశ్వర వ్రత ప్రాముఖ్యత. ఈ వ్రతం ఆచరిస్తే అందరికి బాగుటుంది. ఆశ్వయుజ అమవాస్య నుంచి కార్తీక బహుళ ద్వాదశి వరకు వ్రతాలు చేపడతారు. ఈ వ్రతాన్ని ఆచరిస్తే అష్ట ఐశ్వర్యం, భోగ భాగ్యాలు కలుగుతాయని చరిత్ర చెబుతోంది. కేదారీశ్వర వ్రతం చేసేవారు ఉపవాసం ఉంటూ, శివుడిని తలచుకుంటూ, ఇంటికి మామిడి తోరణాలు కట్టుకొని ఓం నమశివాయ, కేదారీశ్వర నా మం జపించాలి. ప్రదో శకాలంలో ఈ వ్రతాన్ని భక్తిశ్రద్ధలతో నిర్వహిస్తారు. ఈ వ్రతం మహా భాగ్యం అనుకుంటూ 21 ముడులు వేయాలి. అప్పుడే వ్రత ఫలితం దక్కుతుంది. ప్రధానంగా మహా శివుడికి తీపి పదార్థాలు నైవేధ్యంగా సమర్పించి మంగళహారతులు ఇవ్వాలి. – గౌరిభట్ల నర్సింహమూర్తి, పురోహితుడు, యాదగిరిగుట్ట

యాదగిరిగుట్ట : శ్రీరాముడు రావణాసుడిని సంహరించి అయోధ్యకు వచ్చిన సమయంలో అక్కడి ప్రజలంతా దీపాలను వెలిగించి దీపావళి పండుగ జరుపుకున్నారని చరిత్ర చెబుతుంది. అదేవిధంగా శ్రీకృష్ణుడు సత్యభామతో కలిసి నరకాసురుడనే రాక్షసుడిని సంహరించిన ఆశ్వయుజ బహుళ చతుర్ధశిని నరకచతుర్ధశిగా పిలుస్తారు. మరుసటిరోజైన ఆశ్వయుజ బహుళ అమావాస్య నాడు ప్రజలు రాక్షసపీడ విరగడయ్యిందనే ఆనందంతో ద్వారకలో దీపావళి ఉత్సవాలు జరుపుకున్నారు. మానవుడిలోని అహంకారం, మదం, కామం, క్రోదం, అసూయ, ఈర్ష వంటివి పారద్రోలితేనే హృదయంలో ఉన్న పరమాత్ముడు వెలుతురులా ప్రకాశిస్తాడు. స్వచ్ఛమైన మనస్సు ఎక్కడ ఉంటుందో, ఆనందం ఎక్కడ ఉంటుందో అక్కడ దీపావళి ఉంటుంది. దీపం అంటే లక్ష్మీ అని అర్థం. లక్ష్మీ అమ్మవారు లోకమంతా దీపం. మానవుడికి డబ్బు ఉంటే సంతోషంగా ఉంటాడు. లక్ష్మీ కటాక్షం మనిషి దగ్గర ఉండాలంటే ఎదుటి వారిని ప్రేమించాలి, సహాయం చేసే గుణం ఉండాలి. అప్పుడే మనిషి దీపంలా ఎప్పుడూ వెలుగుతూ ఉంటాడు. – కాండూరి వెంకటాచార్యులు, యాదగిరిగుట్ట దేవస్థానం ప్రధానార్చకుడు

● లెక్చరర్‌, మహిళపై ఫొటో సృష్టించిన హోటల్‌ మేనేజ్‌మెంట్‌ విద్యార్థి ● విషయం తెలిసి ఫోన్‌ లాక్కున్న ప్రిన్సిపాల్‌ ● ఫోన్‌ ఇవ్వకుండా వేధించడంతో విద్యార్థి ఆత్మహత్య ● ప్రిన్సిపాల్‌, లెక్చరర్‌ అరెస్టుఅమీర్‌పేట: ఏఐలో ఫొటో సృష్టి ఆ విద్యార్థి ప్రాణం మీదకు తెచ్చింది. అవమానం చాలదన్నట్లు వేధింపులు తోడవడంతో బలవన్మరణం పాలయ్యేలా చేసింది. ఎస్‌ఆర్‌ నగర్‌ పోలీస్‌ స్టేషన్‌ పరిధిలో శుక్రవారం రాత్రి జరిగిన ఘటన వివరాలు ఇన్‌స్పెక్టర్‌ శ్రీనివాస్‌రెడ్డి వెల్లడించిన మేరకు.. నల్లగొండ జిల్లా నార్కట్‌పల్లి మండలం చౌటబాయికి చెందిన కట్టా భానుప్రసాద్‌రెడ్డి (20) ఎస్‌ఆర్‌నగర్‌ వెంకటేశ్వర ఆలయం సమీపంలో స్నేహితులతో కలిసి అద్దె ఇంట్లో ఉంటూ, బల్కంపేట బీకేగూడ మున్సిపల్‌ కార్యాలయం ఎదురుగా ఉన్న చైన్నెస్‌ అమిత్ర గ్రూప్‌ ఆఫ్‌ ఇన్‌స్టిట్యూషన్స్‌లో హోటల్‌ మేనేజ్‌మెంట్‌ సెకండియర్‌ చదువుతున్నాడు. 9 రోజుల క్రితం భానుప్రసాద్‌ ఏఐ ద్వారా తమ లెక్చరర్‌ భాస్కర్‌ మరో మహిళతో కలిసి ఉన్నట్లు ఫొటో సృష్టించి క్లాస్‌మేట్‌ శేఖర్‌కు చూపాడు. శేఖర్‌ వాటిని భాస్కర్‌కు చూపించాడు. భానుపై ప్రిన్సిపల్‌ చంద్రమోహన్‌కు ఫిర్యాదు చేయగా ఆయన తీవ్రంగా మందలించి, సైబర్‌ క్రైం పోలీసులకు ఫిర్యాదు చేస్తామని బెదిరించి ఫోన్‌ లాక్కున్నారు. భానుప్రసాద్‌ పొరపాటైందని వారి కాళ్లు పట్టుకున్నా కనికరించలేదు. తల్లిదండ్రులను తీసుకురమ్మన్నారు. కానీ, భాను అమ్మానాన్నకు చెప్పుకోలేక గచ్చిబౌలిలో ఉంటున్న అన్న ప్రవీణ్‌రెడ్డిని పిలుచుకొచ్చాడు. తమవాడిని క్షమించి ఫోన్‌ ఇవ్వాలని ప్రవీణ్‌రెడ్డి సైతం ప్రిన్సిపల్‌, లెక్చరర్‌ను బతిమాలాడు. ప్రిన్సిపల్‌ ఇస్తామని చెప్పడంతో ప్రవీణ్‌ వెళ్లిపోయాడు. అయితే, భానుకు సిమ్‌ మాత్రమే ఇచ్చారు. ఫోన్‌ కోసం వెళ్లిన ప్రతిసారి గంటల తరబడి నిలబెట్టారు. కుటుంబ ఆర్థిక పరిస్థితి కారణంగా.. భాను జెప్టోలో డెలివరీ చేస్తుంటాడు. ఫోన్‌ లేకపోవడంతో రూం అద్దె చెల్లించలేదు. శుక్రవారం ఉదయం కళాశాలకు వచ్చి ప్రిన్సిపల్‌ వద్దకు వెళ్లగా సాయంత్రం వరకు నిల్చోబెట్టారు. ఇక ఫోన్‌ ఇవ్వరని తీవ్ర మనస్తాపానికి గురైన అతడు సాయంత్రం రూంకు వెళ్లాడు. గదిలోని ఐదుగురు జెప్టోకు వెళ్లిపోయారు. రాత్రి 7.30కు స్నేహితుడు ప్రవీణ్‌.. భానును బయటకు తీసుకెళ్లి బీకేగూడ వద్ద పానీపూరి తినిపించి రూం వద్ద దింపి వెళ్లిపోయాడు. రాత్రి 9కి రూమ్మేట్‌ నూతన్‌ వచ్చి తలుపు కొట్టగా స్పందన లేదు. కిటికీలోంచి చూడగా భాను ఫ్యాన్‌కు ఉరివేసుకున్నాడు. స్థానికుల సాయంతో తలుపులు పగులగొట్టి అతడిని అమీర్‌పేట ప్రభుత్వ ఆసుపత్రికి తరలించారు. అప్పటికే మృతి చెందాడు. భాను ఉదంతం తెలిసి ఎన్‌ఎస్‌యూఐ నాయకులు, విద్యార్థులు శనివారం కళాశాల ఎదుట ఆందోళకు దిగారు. ఆవరణలోకి ప్రవేశించి యాజమాన్యానికి వ్యతిరేకంగా నినాదాలు చేశారు. ఆగ్రహంతో ఫర్నిచర్‌ ధ్వంసం చేశారు. ఎస్‌ఆర్‌ నగర్‌ పోలీసులు వచ్చి చెదరగొట్టి, పికెట్‌ ఏర్పాటు చేశారు. ప్రవీణ్‌రెడ్డి ఫిర్యాదు మేరకు చంద్రమోహన్‌, భాస్కర్‌ను అరెస్టు చేశారు.

చండూరు: తాను అప్పుగా ఇచ్చిన డబ్బులు తిరిగి ఇవ్వాలని కోరుతూ.. తీసుకున్న వ్యక్తి ఇంట్లోనే బాధితుడు పురుగుల మందు తాగి ఆత్మహత్యాయత్నానికి పాల్పడ్డాడు. ఈ ఘటన చండూరు మండలం ఇడికూడలో శనివారం చోటుచేసుకుంది. గ్రామస్తులు తెలిపిన వివరాల ప్రకారం.. ఇడికూడ గ్రామానికి చెందిన బోయపల్లి స్వామి, అదే గ్రామానికి చెందిన మాజీ మంత్రి పాల్వాయి గోవర్ధన్‌రెడ్డి కుమారుడు పాల్వాయి శ్రవణ్‌కుమార్‌రెడ్డికి దాదాపు రూ. 2 కోట్లు అప్పుగా ఇచ్చాడు. గత ఐదేళ్లుగా వీరి మధ్య ఈ డబ్బుల వ్యవహారం నడుస్తోంది. అప్పుగా ఇచ్చిన డబ్బులు తిరిగివ్వాలని గడిచిన ఏడాదిన్నరగా స్వామి అడుగుతున్నా శ్రవణ్‌రెడ్డి పట్టించుకోలేదు. దీంతో తీవ్ర మనస్తాపానికి గురైన స్వామి రెండు నెలల క్రితం డిండి ప్రాంతంలో ఆత్మహత్యకు యత్నించాడు. మళ్లీ శనివారం డబ్బులు అడిగేందుకు శ్రవణ్‌కుమార్‌రెడ్డి ఇంటికి వెళ్లగా ఆయన స్పందించలేదు. అక్కడే పనిచేస్తున్న శ్రీనివాసరావు అనే వ్యక్తి చస్తే చావు అని అనడంతో స్వామి తీవ్ర మనస్తాపం చెందాడు. వెంటనే శ్రవణ్‌కుమార్‌రెడ్డి ఇంట్లోనే పురుగుల మందు తాగాడు. తన చావుకు పాల్వాయి శ్రవణ్‌కుమార్‌రెడ్డి, శ్రీనివాసరావే కారణమని చెబుతూ.. ఆ డబ్బును తనకివ్వకపోయినా కనీసం గ్రామంలో ఇవ్వాల్సిన వారికై నా ఇవ్వాలని కోరుతూ సెల్ఫీ వీడియో రికార్డు చేశాడు. దాన్ని గ్రామానికి చెందిన వాట్సాప్‌ గ్రూపుల్లో పోస్ట్‌ చేశాడు. వీడియోను గమనించిన యువకులు వెంటనే కారులో స్వామిని చండూరుకు తీసుకొచ్చారు. అక్కడి నుంచి మెరుగైన వైద్యం కోసం అంబులెన్స్‌ ద్వారా నల్లగొండలోని ప్రైవేట్‌ ఆస్పత్రికి తరలించారు. ఫ సెల్ఫీ వీడియో తీసుకుంటూ పురుగుల మందు తాగిన బాధితుడు ఫ తన చావుకు మాజీ మంత్రి కుమారుడే కారణమంటూ ఆరోపణ

చిట్యాల : చిట్యాల మున్సిపాలిటీ పరిధిలోని శివనేనిగూడెంకు చెందిన కాలేరు రాము(43) శని వారం సాయంత్రం చిట్యా ల రైల్వే స్టేషన్‌ సమీపంలోంచి వస్తున్న రైలుకు ఎదురెళ్లి ఆత్మహత్య చేసుకున్నాడు. నల్లగొండ రైల్వే ఎస్‌ఐ రాజు తెలిపిన వివరాల ప్రకారం.. రాము శనివారం సాయంత్రం చిట్యాల రైల్వే స్టేషన్‌ సమీపంలో సికింద్రాబాద్‌ నుంచి గుంటూరు వైపు వెళ్తున్న హౌరా ఎక్స్‌ప్రెస్‌ రైలుకు ఎదురుగా వెళ్లాడు. దీంతో అతని తలకు తీవ్ర గాయాలై అక్కడికక్కడే మృతిచెందాడు. రాము ఆర్థిక ఇబ్బందులు, కుటుంబ సమస్యలతో మనస్తాపానికి గురై ఆత్మహత్య చేసుకున్నట్లు రైల్వే ఎస్‌ఐ తెలిపారు. మృతదేహానికి శనివారం నల్లగొండ ప్రభుత్వాస్పత్రిలో పోస్టుమార్టం నిర్వహించి కుటుంబ సభ్యులకు అప్పగించారు. మృతుడికి భార్య, ఇద్దరు కుమారులున్నారు.

నల్లగొండ : పట్టభద్రుల ఎమ్మెల్సీ ఎన్నికల ఓటరు నమోదుకు ఈసారి భారీ స్పందన లభిస్తోంది. గతంతో పోలిస్తే దరఖాస్తులు గణనీయంగా పెరిగాయి. నవంబర్‌ 6వ తేదీతో దరఖాస్తుల షెడ్యూల్‌ గడువు ముగిసినప్పటికీ, ఎమ్మెల్సీ ఎన్నికల నామినేషన్ల దాఖ లుకు చివరి తేదీ వరకు ఓటరు నమోదుకు అవకాశం ఉండటంతో దరఖాస్తుల సంఖ్య మరింత పెరిగే అవకాశం ఉంది. నవంబర్‌ 7వ తేదీ మధ్యాహ్నం 2.33 గంటల నాటికి అందిన లెక్కల ప్రకారం నల్లగొండ–ఖమ్మం–వరంగల్‌ పట్టభద్రుల నియోజకవర్గంలో 6,70,367 దరఖాస్తులు అందాయి. ఉమ్మడి నల్లగొండ జిల్లాలో 2,38,304 దరఖాస్తులు వచ్చాయి. నల్లగొండ జిల్లాలో అత్యధికం.. ● జిల్లాల వారీగా పరిశీలిస్తే నల్లగొండ జిల్లా దరఖాస్తుల నమోదులో ముందంజలో ఉంది. జిల్లాలోని 33 మండలాల పరిధిలో 1,14,525 దరఖాస్తులు అందాయి. వీటిలో 1,14,478 ఆన్‌లైన్‌ ద్వారా, 47 ఆఫ్‌లైన్‌ ద్వారా వచ్చాయి. ఇప్పటివరకు 59,163 ఆన్‌లైన్‌ దరఖాస్తులు ఆమోదం పొందాయి. మరో 52,810 దరఖాస్తులు పెండింగ్‌లో ఉన్నాయి. నియోజకవర్గంలోని ఇతర జిల్లాలతో పోలిస్తే నల్లగొండలోనే అత్యధిక దరఖాస్తులు నమోదవడం విశేషం. ● సూర్యాపేట జిల్లాలో 73,990 దరఖాస్తులు రాగా, వీటిలో 73,935 ఆన్‌లైన్‌, 55 ఆఫ్‌లైన్‌లో వచ్చాయి. ఇప్పటివరకు 24,194 దరఖాస్తులు ఆమోదించగా, 1,324 తిరస్కరించారు. మరో 48,471 దరఖాస్తులు పెండింగ్‌లో ఉన్నాయి... ● యాదాద్రి భువనగిరి జిల్లాలో 49,789 దరఖాస్తులు రాగా, 49,770 ఆన్‌లైన్‌, 19 ఆఫ్‌లైన్‌లో వచ్చాయి. ఇప్పటివరకు 13,440 దరఖాస్తులు ఆమోదించగా, 711 తిరస్కరించారు. మరో 35,638 దరఖాస్తులు పెండింగ్‌లో ఉన్నాయి. ఫ ఉమ్మడి జిల్లా వ్యాప్తంగా 2,38,304 దరఖాస్తులు ఫ నామినేషన్ల చివరి వరకు ఓటరు నమోదుకు అవకాశం

ఫ మట్టి ప్రమిదలే మన సంప్రదాయం ఫ బాణసంచా కాల్చి కాలుష్యాన్ని పెంచొద్దు దీపావళి పర్వదినమంటే కేవలం బాణసంచా కాల్చడమనే అపోహ నుంచి ముందు బయటకురావాలని పర్యావరణ హితులు అంటున్నారు. దీపావళి పర్వదినానికి అసలైన అర్థం దీపాలను వెలిగించి చీకటి ప్రారదోలడమని అవగాహన కల్పించాలి. మట్టి ప్రమిదలతోపాటు సహజమైన నూనెలను వాడడం వల్ల కాలుష్యాన్ని 90 శాతం తగ్గించవచ్చు. మార్కెట్‌లో దొరుకుతున్న బాణసంచాలో పర్యావరణంతోపాటు మానవుల ఆరోగ్యానికి హాని కలిగించే 10 రకాలలైన విషపూరిత రసాయనాలు వాడుతున్నారు. వీటికి ప్రత్యామ్నయంగా సీఎస్‌ఐఆర్‌ గుర్తింపు పొందిన ‘గ్రీన్‌ కాకర్స్‌’ (హరిత బాణసంచా) వాడడాన్ని ప్రోత్సహించాల్సిన అవసరం ఉందని ప్రకృతి ప్రేమికులు అంటున్నారు. దీపావళి పర్వదినం సందర్భంగా చిన్నారులు ఒకరికొకరు గ్రీన్‌గిఫ్టస్‌ (మొక్కలు) ఇచ్చుకొనే విధంగా చూడాలి. దీనివల్ల పండుగరోజు మొక్కలు నాటిన సంతోషంతోపాటు పర్యావరణ పరిరక్షణపైనా అవగాహన కలుగుతుందని పర్యావరణ వేత్తలు అంటున్నారు. బాణసంచా వల్ల పెంపుడు జంతువులకు కలిగే హాని చిన్నారులకు వివరిస్తే చాలా వరకు వాటిపై వారికి ఉండే ప్రేమ వల్ల బాణసంచా కాల్చకుండా ఉంటారని వారంటున్నారు. పెద్దలకు, ప్రముఖులకు దీపావళి కానుకగా ఇండోర్‌ప్లాంట్స్‌ బహుమతులుగా ఇచ్చే సంప్రదాయాన్ని ప్రోత్సహించాల్సిన అవసరం ఉంది. బాణసంచా కాల్చడం వల్ల ప్రకృతిపై రసాయన దాడి జరుగుతుంది. టపాసులు కాల్చినప్పుడు సల్పర్‌ డయాకై ్సడ్‌, కార్బన్‌మెనాకై ్సడ్‌ భారీగా విడుదల అవుతాయి. దీనికితోడు ఆకుపచ్చ రంగు రావడానికి బేరియం, ఎరుపురంగు కోసం స్ట్రాంటియం, తెల్లని మెరుపుల కోస అల్యూమినియం, సీసం వంటి భారీ లోహాలను వాడుతున్నారు. వీటిని పేల్చినప్పుడు 140 డెసిబుల్స్‌కు పైగా శబ్దం వస్తుంది. వీటివల పక్షులు తమ గూళ్లను వదిలిపారిపోతాయి. టపాసుల వ్యర్ధాలు నీటి వనరుల్లో కలవడం వల్ల జల, భూ కాలుష్యం ఏర్పడుతుంది. వాతావరణంలోకి చేరి తీవ్ర శ్వాసకోస వ్యాధుల బారినపడే ప్రమాదం పొంచి ఉంది. బాణసంచా కాల్చడం వల్ల పర్యావరణానికి తీవ్ర హాని జరుగుతుంది. ప్రకృతిని కాపాడుకుంటూనే దీపావళి పర్వదినాన్ని సంతోషంగా జరుపుకొనేలా అవగాహన కల్పించాలి. మట్టి ప్రమిదలతో దీపాలను వెలిగించుకోవాలి. చిన్నారులకు మొక్కలను పండుగ బహుమతిగా ఇచ్చి వాటిని నాటేలా చూడాలి. – కొల్లు లక్ష్మీనారాయణ, పర్యావరణ ప్రేమికుడు, కోదాడ ఎల్‌నినో ప్రభావంతో నిత్యావసర వస్తువులతోపాటు అన్నిరకాల ధరలు ఆకాశాన్నంటే అవకాశం ఉంది. దీనికితోడు ఉపాధి అవకాశాలు కూడా తగ్గిపోతాయి. వీటిని దృష్టితో పెట్టుకొని ఈ పండుగ నుంచే దుబారా ఖర్చులను తగ్గించుకోవాలి. ఈ సమస్యను ధైర్యంగా ఎదుర్కొవడానికి పొదుపే తారక మంత్రంగా వాడుకోవాలి. ఆర్భాటపు వేడుకలకు దూరంగా ఉండాలి. కొత్త నిర్ణయాలతో తారాజువ్వలా దూసుకుపోదాం కోదాడ : శ్రీకృష్ణుడు నరకాసురుడనే రాక్షసుడితో పోరాడుతూ పడిపోతాడు.. ఆ సమయంలో సత్యభామ బాణం ఎక్కుపెట్టి నరకాసురుడిని సంహరించడంతోనే చీకట్లు పోయి వెలుగుల పండుగ దీపావళి వచ్చిందని చరిత్రకారులంటున్నారు. సత్యభామ పోరాటస్పూర్తితో ప్రస్తుతం మానవ మనగడకు ముప్పుగా మారుతున్న ఎల్‌నినోపై పోరాటం సాగించాలి. ముంచుకొస్తున్న ముప్పును సమర్థవంతంగా ఎదుర్కొని విజయం సాధించాలంటే ఆత్మ విశ్వాసంతో ముందుకెళ్లి జీవితాల్లో వెలుగులు నింపుకోవాలి. ఎల్‌నినో ప్రభావంతో తాగునీటికి కటకట ఏర్పడే అవకాశం ఉందని శాస్త్రవేత్తలు హెచ్చరిస్తున్నందున ఉన్న కొద్దిపాటి తాగునీటి వనరులను జాగ్రత్తగా సంరక్షించుకోవాలి. చుక్క నీటిని కూడా వృథా చేయవద్దు. ఇంట్లో నల్లాల లీకేజీలు లేకుండా చూసుకోవాలి. వాహనాలను కడగడం, సిమెంట్‌ రోడ్లపై రోజు నీరు చల్లడం మానుకోవాలి. జల సంరక్షణపై పిల్లలకు అవగాహన కల్పించాలి. ఎల్‌నినో ప్రభావంతో రానున్న రోజుల్లో విద్యుత్‌కు తీవ్ర కొరత ఏర్పడుతుంది. అందుకోసం ఇప్పటి నుంచే విద్యుత్‌ పొదుపు పాటించాల్సిన అవసరం ఎంతైనా ఉంది. చీకట్లు కమ్ముకోక ముందే వెలుగుల కోసం జాగ్రత్త పడాలి. అవసరం లేని చోట విద్యుత్‌ దుబారాను తగ్గించాలి.

నాగార్జునసాగర్‌ : నాగార్జునసాగర్‌ను శనివారం 14 దేశాలకు చెందిన వ్యాపార ప్రతనిధుల బృందం సందర్శించింది. హైదరాబాద్‌లోని మర్రి చెన్నారెడ్డి మానవ వనరుల అభివృద్ధి సంస్థలో స్టార్టప్‌ కంపెనీలకు సంబంధించి శిక్షణ పొందుతున్న వీరు అధ్యయన పర్యటనలో భాగంగా సాగర్‌కు చేరుకున్నారు. వీరిలో బంగ్లాదేశ్‌, ఈజిప్ట్‌, జింబాబ్వే, మాల్దీవులు, నైజీరియా, మారిషన్‌, ఇరాన్‌, సిరియా, టాంజనీయా తదితర 14 దేశాలకు చెందిన ప్రతినిధులు ఉన్నారు. సాగర్‌కు చేరుకున్న విదేశీ ప్రతనిధులకు రెవెన్యూ ప్రోటోకాల్‌ అధికారి దండ శ్రీనివాస్‌రెడ్డి స్వాగతం పలికారు. ప్రతినిధుల బృందం ప్రముఖ బుద్ధవనాన్ని సందర్శించింది. మమాస్థూపంలోని ధ్యాన మందిరంలో ధ్యానం చేశారు. నాగార్జునకొండ మ్యూజియాన్ని సందర్శించి బౌద్ధచారిత్రక విశేషాలను తెలుసుకున్నారు. అక్కడి నుంచి సాగర్‌ ఆనకట్టను సందర్శించి ప్రాజెక్టు నిర్మాణం తదితర అంశాలను తెలుసుకున్నారు. స్థానిక టూరిజం గైడ్‌ సత్యనారాయణ వారికి పర్యాటక విశేషాలను వివరించారు. పర్యటనలో స్టడీ టూర్‌ విజిట్‌ ఇన్‌చార్జి మహ్మద్‌ సయ్యద్‌ ఫయాజ్‌ తదితరులు పాల్గొన్నారు. బోరు డ్రిల్లింగ్‌ చేస్తూ డ్రైవర్‌ మృతినాంపల్లి : బోరు డ్రిల్లింగ్‌ చేస్తుండగా అకస్మాత్తుగా రింగ్‌ తలకు తగలడంతో డ్రైవర్‌ మృతిచెందాడు. ఈ ఘటన నాగార్జునసాగర్‌ పోలీస్‌ స్టేషన్‌ పరిధిలో శుక్రవారం రాత్రి జరిగింది. శనివారం పోలీసులు తెలిపిన వివరాల ప్రకారం.. నాంపల్లి మండలం ముష్టిపల్లి గ్రామానికి చెందిన చిలుకమర్రి ముత్తయ్య(32) గత ఐదేళ్లుగా ఏపీలోని పల్నాడు జిల్లా మాచర్లకు చెందిన ఓబుల్‌రెడ్డి వద్ద బోరు బండి డ్రైవర్‌గా, డ్రిల్లర్‌గా పనిచేస్తున్నాడు. శుక్రవారం సాయంత్రం నాగార్జునసాగర్‌ పోలీస్‌ స్టేసన్‌ పరిధిలోని రేకులారం గ్రామంలో నరసింహానాయక్‌ అనే రైతు పొలంలో బోరు డ్రిల్లింగ్‌ చేస్తుండగా.. డ్రిల్లింగ్‌ రింగ్‌ అకస్మాత్తుగా ఊడి వచ్చి ముత్తయ్య తలకు బలంగా తగలడంతో అక్కడికక్కడే మృతిచెందాడు. తోటి కార్మికుల ద్వారా సమాచారం అందుకున్న కుటుంబ సభ్యులు మృతదేహాన్ని మాచర్ల ప్రభుత్వాస్పత్రికి తరలించారు. బోరు బండి యజమాని ఓబుల్‌రెడ్డి నిర్లక్ష్యం వల్లనే ఈ ప్రమాదం జరిగిందని మృతుడి భార్య యాదమ్మ ఫిర్యాదు మేరకు పోలీసులు కేసు నమోదు చేసుకోని దర్యాప్తు చేస్తున్నారు.

నల్లగొండ టూటౌన్‌ : ప్రభుత్వ జనరల్‌ ఆస్పత్రి (జీజీహెచ్‌) నిర్వహణ అధ్వానంగా మారిందని మాజీ ఎమ్మెల్యే కంచర్ల భూపాల్‌రెడ్డి విమర్శించారు. శనివారం జిల్లా కేంద్రంలోని జీజీహెచ్‌లోని వివిధ విభాగాలు, వార్డులను పార్టీ ముఖ్య నాయకులు, కార్పొరేటర్లతో కలిసి ఆయన పరిశీలించారు. వైద్య సేవలపై రోగులతో మాట్లాడి ఆరా తీశారు. అనంతరం ఆయన మీడియాతో మాట్లాడుతూ.. ఎక్స్‌రే విభాగానికి తాళం వేశారని, పారిశుద్ధ్య నిర్వహణ అస్తవ్యస్తంగా మారిందని, చిన్నారులకు కనీస వసతులు లేకపోవడం దారుణమన్నారు. తాను ఎమ్మెల్యేగా ఉన్న సమయంలో రూ.35 కోట్లతో క్రిటికల్‌ కేర్‌ విభాగం నిర్మించి, 50 ఐసీయూ పడకలు, 25 డయాలసిస్‌ పడకలు ఏర్పాటు చేసి వైద్య సేవలు అందించగా.. ప్రస్తుతం అవి నిరుపయోగంగా మారడం బాధాకరమన్నారు. కార్యక్రమంలో ఏఎంసీ మాజీ చైర్మన్‌ చీర పంకజ్‌ యాదవ్‌, పార్టీ పట్టణ అధ్యక్షుడు బొనగిరి దేవేందర్‌, సింగం రాంమోహన్‌, అభిమన్యు శ్రీనివాస్‌, దోటి శ్రీనివాస్‌, మారగోని గణేష్‌, పెరిక యాదయ్య, పేర్ల అశోక్‌, రత్నగిరి శ్రీనివాస్‌, ప్రవీణ్‌రెడ్డి, దీప్లా, దొడ్డి రమేష్‌, గోపగాని రాజశేఖర్‌, రావుల శ్రీనివాస్‌రెడ్డి, యాదగిరి తదితరులు పాల్గొన్నారు.

రామగిరి (నల్లగొండ) : నల్లగొండ మండలం మేళ్ల దుప్పలపల్లి గ్రామ పరిధిలోని రావి కుంటలో తవ్వకాలపై రెవెన్యూ, ఇరిగేషన్‌ అధికారులు శనివారం క్షేత్రస్థాయి పరిశీలన జరిపారు. ఇరిగేషన్‌ ఏఈ ఆధ్వర్యంలో సర్వేయర్‌ రావి కుంట సరిహద్దులను క్షుణ్ణంగా సర్వే చేశారు. రావి కుంట పరిధిని, ఎఫ్‌టీఎల్‌ ప్రాంతాలను తనిఖీ చేశారు. సర్వేయర్‌తో కలిసి భూముల హద్దులను, మట్టి తవ్వకాలు జరిపిన ప్రదేశాలను పరిశీలించి సమగ్ర వివరాలు సేకరించారు. ఇరిగేషన్‌ శాఖ నుంచి ముందస్తు అనుమతులు లేకుండా జేసీబీలతో మట్టి తవ్వి అక్రమాలకు పాల్పడిన వారికి ఇప్పటికే నోటీసులు జారీ చేశామని అధికారులు స్పష్టం చేశారు. రైతులకు సరిపడా విత్తనాలు అందించాలిఫ టీఆర్‌ఎస్‌ రాష్ట్ర అధ్యక్షురాలు కల్వకుంట్ల కవిత చందంపేట : ఎల్‌నినో ప్రభావంతో వర్షాభావ పరిస్థితులు నెలకొన్న తరుణంలో రైతాంగాన్ని ప్రభుత్వం ఆదుకోవాలని తెలంగాణ రక్షణ సమితి (టీఆర్‌ఎస్‌) రాష్ట్ర అధ్యక్షురాలు కల్వకుంట్ల కవిత రాష్ట్ర ప్రభుత్వాన్ని కోరారు. శనివారం డిండి నుంచి దేవరకొండకు వెళ్తుండగా మార్గమధ్యలో చందంపేట మండలం పోలేపల్లి రైతు వేదిక వద్ద ఫార్మర్‌ ప్రొడ్యూసర్‌ ఆర్గనైజేషన్‌ ఆధ్వర్యంలో రైతులకు సబ్సిడీపై అందజేస్తున్న వేరుశనగ విత్తనాల పంపిణీ చేస్తుండగా ఆమె పరిశీలించారు. విత్తనాలు ఏ విధంగా అందజేస్తున్నారు, తదితర వివరాలను రైతులకు అడిగి తెలుసుకున్నారు. రైతుల నుంచి సమస్యలను అడిగి తెలుసుకున్న ఆమె వెంటనే కలెక్టర్‌కు ఫోన్‌ చేసి రైతులకు సరిపడా విత్తనాలను అందుబాటులో ఉంచాలని కోరారు.

దీపావళి సందడి వైద్యారోగ్య శాఖలో అతని కనుసన్నల్లోనే ప్రతి సెక్షన్‌లో లావాదేవీలు దీపావళి సందర్భంగా శనివారం సాయంత్రం నల్లగొండలో పూలు, ప్రమిదలు కొనుగోలు చేస్తున్న ప్రజలు సాక్షి ప్రతినిధి, నల్లగొండ : జిల్లా వైద్యారోగ్య శాఖ కార్యాలయంలో ఓ ఉద్యోగి వ్యవహారశైలి చర్చనీయాంశంగా మారింది. కార్యాలయంలో ఏ పని కావాలన్నా ఆ ఉద్యోగిని సంప్రదించాల్సిందేనన్న ప్రచారం సాగుతోంది. ఫైళ్ల కదలిక నుంచి వివిధ సెక్షన్లలో జరిగే వ్యవహారాలు అతడి కనుసన్నల్లోనే సాగుతున్నాయన్న గుసగుసలు వినిపిస్తున్నాయి. అతని పోస్టింగ్‌ ఒక సెక్షన్‌లో ఉన్నా.. విధులు మాత్రం మరోచోట నిర్వర్తిస్తున్నాడు. అక్కడి నుంచి తొలగించినప్పటికీ తిరిగి కొనసాగించాలంటూ ఓ ముఖ్య నేత నుంచి ఒత్తిడి రావడంతో జిల్లా అధికారి సైతం మిన్నకుండి పోయారనే చర్చ సాగుతోంది. ఇప్పుడు కారుణ్య నియామకం అక్రమాల నేపథ్యంలో అతను సస్పెండ్‌ కాకుండా చూడాలంటూ తీవ్ర ఒత్తిడి చేస్తున్నట్లు తెలుస్తోంది. లావాదేవీలన్నీ ఆయన కనుసన్నల్లోనే.. జిల్లా వైద్యారోగ్య శాఖ కార్యాలయంలో వివిధ సెక్షన్లకు సంబంధించిన పనుల కోసం వచ్చే వారంతా అతన్ని కలిస్తేనే పనులు అవుతాయని తెలుస్తోంది. ముఖ్యంగా ప్రైవేట్‌ ఆసుపత్రుల నుంచి వసూళ్ల పర్వంలో అతనే క్రియాశీలంగా వ్యహరిస్తారన్న ఆరోపణలు ఉన్నాయి. అంతేకాదు గతంలో శాలిగౌ రారం, కట్టంగూర్‌, నార్కట్‌పల్లి పీహెచ్‌సీల పరిధిలో రెండో ఏఎన్‌ఎంలను రెగ్యులరైజ్‌ చేయిస్తామంటూ పెద్ద ఎత్తున వసూళ్లు చేసిన వ్యవహారంలో సదరు ఉద్యోగే కీలక పాత్ర పోషించినట్లు తెలుస్తోంది. మరొకరిని నియమించినా పెత్తనం అతనిదే.. డీఎంహెచ్‌వోగా పుట్ల శ్రీనివాస్‌ పని చేసిన సమయంలో సదరు ఉద్యోగి ఎప్పుడూ డీఎంహెచ్‌వోకు అందుబాటులో ఉండే కీలక విభాగంలో పని చేశాడు. డీఎంహెచ్‌వో మారిన తరువాత అతన్ని అక్కడి నుంచి తొలగించి మరో సెక్షన్‌కు మార్చారు. మరో ఉద్యోగిని డీఎంహెచ్‌వోకు అందుబాటులో ఉండే సెక్షన్‌లో వేశారు. దీంతో జిల్లాలో కీలకంగా వ్యవహరించే ఓ ముఖ్యనేతతో ఫోన్‌ చేయించి డీఎంహెచ్‌వోపై ఒత్తిడి తెచ్చారు. దీంతో ఒక సెక్షన్‌లో జూనియర్‌ అసిస్టెంట్‌గా పని చేయాల్సిన అతను ఎప్పుడూ డీఎంహెచ్‌వోకు అందుబాటులో ఉండే కీలక పనుల్లో అనధికారికంగా కొనసాగుతూ వచ్చారు. ఫ పోస్టింగ్‌ ఒకచోట.. విధులు మరోచోట ఫ ముఖ్యనేత ఒత్తిడితో డీఎంహెచ్‌వో పేషీలోనే కొనసాగింపు ఫ కారుణ్య నియామకంలోనూ తెరవెనుక ఉన్నది అతనేనని ప్రచారం ఫ సస్పెండ్‌ చేయొద్దంటూ అధికార పార్టీ నేతల ఒత్తిళ్లు? ఇటీవల వెలుగులోకి వచ్చిన తప్పుడు మరణ ధ్రువీకరణ పత్రం, దాని ఆధారంగా జరిగిన కారుణ్య నియామకం వ్యవహారంలోనూ సదరు ఉద్యోగి తెరవెనుక కీలకంగా వ్యవహరించినట్లు ఆరోపణలు వినిపిస్తున్నాయి. ఇప్పటికే కొందరు ఉద్యోగులకు షోకాజ్‌ నోటీసులు, ఛార్జ్‌ మెమోలు జారీ కాగా, మెడికల్‌ ఆఫీసర్‌ సూర్యశిల్పను సస్పెండ్‌ చేశారు. మరికొందరిని బదిలీ చేశారు. రూ.25 లక్షల మేర డీల్‌ కుదిరిందన్న ఆరోపణల నేపథ్యంలో ఈ వ్యవహారంలో తెరవెనుక ఎవరెవరు ఉన్నారన్నది తేలాల్సి ఉంది. అయితే ఈ వ్యవహారంలో కీలకంగా ఉన్నట్లు ఆరోపణలు ఎదుర్కొంటున్న సదరు ఉద్యోగిపై మాత్రం చర్యలు తీసుకోకుండా కాపాడుతున్నారన్న విమర్శలు వినిపిస్తున్నాయి. అతన్ని సస్పెండ్‌ చేయవద్దంటూ అధికార పార్టీకి చెందిన కొందరు నేతలు జిల్లా అధికారులపై ఒత్తిడి తెస్తున్నట్లు ప్రచారం జరుగుతోంది.

నాగార్జునసాగర్‌: నాగార్జునసాగర్‌లోని బుద్ధవనంలో సోమవారం ధమ్మ దీపోత్సవం నిర్వహించనున్నట్లు బుద్ధవనం ప్రత్యేకాధికారి మల్లెపల్లి లక్ష్మయ్య శని వారం తెలిపారు. బౌద్ధ సంప్రదాయంలో వాస్సావాసం ముగింపు సందర్భంగా నిర్వహించే ఈ వేడుకలకు హైదరాబాద్‌లోని ద ఇంగ్లిష్‌ అండ్‌ ఫారిన్‌ లాంగ్వేజెస్‌ యూనివర్సిటీ(ఇప్లూ) ప్రొఫెసర్‌ సంతోష్‌ రావత్‌ ముఖ్యఅతిథిగా హాజరుకానున్నట్లు పేర్కొన్నారు. సోమవారం రాత్రి 7గంటలకు బుద్ధవనం ప్రధాన ద్వారం వద్దనున్న అశోక ధర్మచక్రం నుంచి దీపాలతో ర్యాలీ నిర్వహించి, బుద్ధచరిత వనంలోని బుద్ధుడి పాదాల వద్ద పుష్పాంజలి ఘటించనున్నట్లు వివరించారు. అనంతరం మహాస్థూపం ధ్యాన మందిరంలో దీపాలతో పరిక్రమ నిర్వహించి బుద్ధజ్యోతులను వెలిగించి, ప్రత్యేక ప్రార్థనలు చేయనున్నట్లు తెలిపారు. బౌద్ధాభిమానులు, ప్రజలు అధిక సంఖ్యలో పాల్గొని ఈ కార్యక్రమాన్ని విజయవంతం చేయాలని మల్లెపల్లి లక్ష్మయ్య కోరారు. ఎంజీయూలో ఎన్‌ఎస్‌ఎస్‌ కార్యాలయం ప్రారంభంనల్లగొండ టూటౌన్‌: నల్లగొండలోని ఎంజీ యూనివర్సిటీలో శనివారం ఎన్‌ఎస్‌ఎస్‌ కార్యాలయాన్ని వైస్‌ చాన్స్‌లర్‌ ఖాజా అల్తాఫ్‌ హుస్సేన్‌ ప్రారంభించారు. ఈ సందర్భంగా ఆయన మాట్లాడుతూ.. ఎన్‌ఎస్‌ఎస్‌ కార్యక్రమాలు విద్యార్థుల వ్యక్తిత్వ వికాసానికి, నాయకత్వ లక్షణాల పెంపునకు, సమాజం పట్ల బాధ్యతాయుతమైన దృక్పథాన్ని అలవర్చడానికి ఎంతో ఉపయోగపడతాయన్నారు. ఎన్‌ఎస్‌ఎస్‌ ద్వారా విద్యార్థులను కేవలం విద్యావంతులుగానే కాకుండా, మంచి నడవడిక, క్రమశిక్షణ, సేవాభావం, మానవతా విలువలు కలిగిన భావి భారత పౌరులుగా తీర్చిదిద్దాలని కోరారు. ఈ కార్యక్రమంలో ఎన్‌ఎస్‌ఎస్‌ కోఆర్డినేటర్‌ మారం వెంకటరమణారెడ్డి, రిజిస్ట్రార్‌ అంజిరెడ్డి, విజయ్‌కుమార్‌, అంజనేయులు, షరీఫ్‌, ఆనంద్‌ తదితరులు పాల్గొన్నారు.

నల్లగొండ : వరంగల్‌– ఖమ్మం –నల్లగొండ పట్టభద్రుల నియోజకవర్గానికి ఓటరు నమోదు కోసం ఫారం –18 సమర్పించడానికి ఎమ్మెల్సీ ఎన్నికల నామినేషన్ల చివరి తేదీ వరకు గడువు ఉందని కలెక్టర్‌ చంద్రశేఖర్‌ శుక్రవారం ఒక ప్రకటనలో తెలిపారు. పట్టభద్రుల నియోజకవర్గ పరిధిలో ఓటరుగా నమోదు చేసుకునేవారు అభ్యంతరాలు పరిష్కారం సమయంలో, అలాగే తుది ఓటరు జాబితా సమర్పించిన అనంతరం నామినేషన్ల చివరి తేదీ వరకు కూడా ఓటు నమోదు చేసుకోవచ్చని పేర్కొన్నారు. సర్వే పరికరాలకు మిల్లర్ల విరాళంనల్లగొండ : జిల్లా సర్వే అండ్‌ ల్యాండ్‌ రికార్డ్స్‌ కార్యాలయానికి అవసరమైన పెంటాక్స్‌ జీఎన్‌ఎస్‌ఎస్‌ రోవర్‌ సర్వే పరికరాల కొనుగోలుకు నల్లగొండ జిల్లా రైస్‌ మిల్లర్స్‌ అసోసియేషన్‌ రూ.5.71 లక్షల ఆర్థిక సహాయం అందించింది. ఈ మేరకు అసోసియేషన్‌ అధ్యక్షుడు కర్నాటి నారాయణ, జనరల్‌ సెక్రటరీ రేపాల భద్రాద్రి రాములు, నల్లగొండ సెంటర్‌ రైస్‌ మిల్లర్స్‌ అసోసియేషన్‌ అధ్యక్షుడు వీరుమల్ల శ్రీనివాస్‌ కలెక్టర్‌ చంద్రశేఖర్‌, అదనపు కలెక్టర్‌ జె.శ్రీనివాస్‌కు చెక్కు అందజేశారు. కార్యక్రమంలో డీఎస్‌ఓ వెంకటేశ్‌, మేనేజర్‌ రాంపతి, రైస్‌ మిల్లర్స్‌ అసోసియేషన్‌ మేనేజర్‌ చిత్తనూరి పవన్‌ కుమార్‌ తదితరులు పాల్గొన్నారు. 11న జిల్లాస్థాయి యువజనోత్సవాలునల్లగొండ టూటౌన్‌ : నల్లగొండలోని కోమటిరెడ్డి ప్రతీక్‌ ప్రభుత్వ కళాశాలలో ఈనెల 11న జిల్లాస్థాయి యువజనోత్సవాలు నిర్వహించనున్నట్లు జిల్లా యువజన, క్రీడల శాఖ అధికారి ఎండీ.అక్బర్‌అలీ శుక్రవారం ఒక ప్రకటనలో తెలిపారు. 30వ జాతీయ యువజనోత్సవం 2027కు ప్రతిభ గల వారిని ఎంపిక చేసేందుకు ఈ పోటీలు నిర్వహిస్తున్నట్లు తెలిపారు. జానపద నృత్యం, జానపద పాటలు, చిత్ర లేఖనం, కవితా రచన, నుక్కడ్‌ నాటకం పోటీలు ఉంటాయని పేర్కొన్నారు. ఆసక్తి గల 15 నుంచి 29 ఏళ్లలోపు వారు తమ పేర్లను mybhatat.gov.in/vbyld–2027 పోర్టల్‌లో నమోదు చేసుకోవాలని సూచించారు. ఇతర వివరాలకు 8074487020, 9701224412 నంబర్లను సంప్రదించాలని పేర్కొన్నారు. అధ్యాపకులు ఏఐని వినియోగించాలినల్లగొండ టూటౌన్‌ : ప్రాజెక్టు రూపకల్పనలో ఏఐని వినియోగించాలని ఎంజీయూ వైస్‌ చాన్స్‌లర్‌ ప్రొఫెసర్‌ ఖాజా అల్తాఫ్‌ హుస్సేన్‌ అధ్యాపకులకు సూచించారు. ఆయన శుక్రవారం నల్లగొండలోని ఎంజీ యూనివర్సిటీలో ఇంజినీరింగ్‌, కంప్యూటర్‌ సైన్స్‌ అధ్యాపకుల కోసం నిర్వహించిన ఫ్యాకల్టీ డెవలప్‌మెంట్‌ ప్రోగ్రామ్‌ (ఎఫ్‌డీపీ) ముగింపు సభలో మాట్లాడారు. మెషీన్‌ లెర్నింగ్‌ మోడళ్లు, ఏజెంటిక్‌ ఏఐ వంటి అంశాలను విద్యార్థులకు ప్రత్యేక అధ్యయన రంగాలుగా పరిచయం చేసి, ఆయా విభాగాల్లో శిక్షణ ఇవ్వాలన్నారు. అధ్యాపకులు తమ రంగాల్లో నైపుణ్యం పెంపొందించుకునేలా తదుపరి ఎఫ్‌డీపీలను సీఎస్‌ఈ, ఈసీఈ, ఈఈఈ విభాగాలకు విడివిడిగా నిర్వహించాలని సూచించారు. కార్యక్రమంలో విభాగ అధిపతి జయంతి, ప్రిన్సిపాల్‌ హరీష్‌కుమార్‌, రేఖ, ఇన్‌ఫ్రాస్ట్రక్చర్‌ డెవలప్మెంట్‌ డైరెక్టర్‌ ఆకుల రవి, అధ్యాపకులు పాల్గొన్నారు.

చండూరు : మండలంలోని బంగారిగడ్డలో నీటిని వృథా చేసినందుకు గానూ గ్రామానికి చెందిన వేముల నర్సింహకు ఇన్‌చార్జి ఎంపీఓ, పంచాయతీ కార్యదర్శి కోటయ్య రూ.5 వేలు జరిమానా విధించారు. శుక్రవారం బంగారిగడ్డ బీసీ కాలనీలో ఇంటింటికీ తిరుగుతూ నీటిని వృథా చేయవద్దని ఎల్‌నినో ప్రభావం భూగర్భజలాలు తగ్గిపోయాయని, పరిస్థితులు అర్థం చేసుకోవాలని సిబ్బందితో కలిసి ప్రచారం చేశారు. నీరు వృథాగా పోయే నల్లాలకు డమ్మీలు బిగించారు. ఆ సమయంలో నర్సింహ ఇంట్లో నల్లా నీరు వృథాగా మొక్కలకు వదిలేయడాన్ని గమనించిన కార్యదర్శి.. అతనికి రూ.5 వేలు జరిమానా వేసి ఇంటికి నోటీసు అంటించారు.

విద్యుత్‌ వినియోగదారులకు బిల్లుల మోత ఫ రెండేళ్ల బకాయిలు 29 నెలల బిల్లుల్లో రాబట్టనున్న డిస్కంలు ఫ ప్రతి యూనిట్‌పై 30 పైసల నుంచి 50 పైసల చొప్పున అదనంగా వసూలు ఫ అదనపు భారంతో వినియోగదారుల ఆందోళన సాక్షి ప్రతినిధి, నల్లగొండ : పెరుగుతున్న నిత్యావసర వస్తువుల ధరలతో సతమతమవుతున్న సామాన్య ప్రజలకు విద్యుత్‌ బిల్లుల రూపంలో అదనపు భారం పడుతోంది. తాజాగా ట్రూ అప్‌ చార్జీల వసూలుకు విద్యుత్‌ పంపిణీ సంస్థలు శ్రీకారం చుట్టాయి. 2022–23, 2023–24 ఆర్థిక సంవత్సరాల్లో విద్యుత్‌ కొనుగోలు, సరఫరా వ్యయాలకు సంబంధించి ఏర్పడిన వ్యత్యాసాన్ని వినియోగదారుల నుంచి రాబట్టుకునేందుకు నిర్ణయించాయి. ఇందుకోసం రెండు ఆర్థిక సంవత్సరాలకు సంబంధించిన రూ.53.55 కోట్లను.. 29 నెలల పాటు విద్యుత్‌ బిల్లులతో కలిపి వసూలు చేయనున్నాయి. ఇప్పటికే నవంబర్‌ నెల బిల్లుల్లో యూనిట్‌కు 30 పైసల చొప్పున అదనపు చార్జీలను జతచేసి బిల్లులు జారీ చేశారు. 29 నెలలపాటు అదనపు భారం 2022–23 ఆర్థిక సంవత్సరానికి సంబంధించి ట్రూ అప్‌ చార్జీలను 18 నెలల పాటు వసూలు చేయాలని నిర్ణయించారు. మొదటి నెల యూనిట్‌కు 30 పైసలు, రెండో నెల నుంచి ప్రతి యూనిట్‌కు 50 పైసల చొప్పున వసూలు చేయనున్నారు. అలాగే 2023–24 ఆర్థిక సంవత్సరానికి సంబంధించి మరో 11 నెలల పాటు ఇదే తరహాలో చార్జీలు విధించనున్నారు. ఈ రెండు సంవత్సరాలకు సంబంధించిన మొత్తాన్ని కలిపి 2026 నవంబర్‌ నుంచి 2029 మే వరకు వినియోగదారుల నుంచి రాబట్టనున్నారు. అంటే దాదాపు రెండున్నరేళ్లపాటు ప్రతి నెలా వచ్చే విద్యుత్‌ బిల్లులో ప్రస్తుత వినియోగానికి సంబంధించిన చార్జీలతో పాటు పాత బకాయిల భారం కూడా కలవనుంది. వినియోగించిన యూనిట్ల ఆధారంగా.. 2022–23 ఆర్థిక సంవత్సరంలో వివిధ కేటగిరీలకు చెందిన 7,18,609 కనెక్షన్లు ఉండగా, 2023–24లో 6,95,333 కనెక్షన్లు ఉన్నట్లు గణాంకాలు సూచిస్తున్నాయి. గృహ, వాణిజ్య, పారిశ్రామిక తదితర అన్ని కేటగిరీల వినియోగదారులకూ వారు ఆయా సంవత్సరాల్లో వినియోగించిన యూనిట్ల ఆధారంగా అదనపు చార్జీలు విధించనున్నారు. బిల్లులు తడిసి మోపెడు ఒకవైపు కరువు పరిస్థితులు, మరోవైపు పెరుగుతున్న నిత్యావసర ధరలతో ఆర్థిక ఇబ్బందులు ఎదుర్కొంటున్న ప్రజలకు ట్రూ అప్‌ చార్జీలు మరింత భారంగా మారనున్నాయి. ఇప్పటివరకు వినియోగించిన విద్యుత్‌కు సంబంధించిన బిల్లులు చెల్లించడమే భారంగా భావిస్తున్న సామాన్యులకు ఇప్పుడు గత రెండేళ్ల లెక్కల పేరుతో అదనపు మొత్తాన్ని చెల్లించాల్సిన పరిస్థితి ఏర్పడింది. ప్రస్తుత నెలలో ఎంత విద్యుత్‌ వినియోగిస్తే అంతకు సంబంధించిన బిల్లుతో పాటు గతంలో వినియోగించిన విద్యుత్‌కు సంబంధించిన సర్దుబాటు చార్జీలు కూడా చెల్లించాల్సి వస్తోంది. ఇలా 29 నెలల పాటు అదనపు వసూళ్లు కొనసాగనుండటంతో ప్రతి నెలా విద్యుత్‌ బిల్లులు వినియోగదారులపై ఆర్థిక భారం పడనుంది. ప్రస్తుతం జిల్లాలో ఈ సంవత్సరంలో 5,07,666 గృహ విద్యుత్‌ కనెక్షన్లు ఉన్నాయి. కమర్షియల్‌ 75,898, ఇండస్ట్రియల్‌ 4,668 కనెక్షన్లు ఉన్నాయి. గృహజ్యోతి పథకం కింద 200 యూనిట్లలోపు విద్యుత్‌ వాడుకునే కనెక్షన్లు 2,52,870 ఉన్నాయి. వీరికి జీరో బిల్లు వస్తోంది. ఎలాంటి మొత్తం చెల్లించాల్సిన అవసరం లేదు. ప్రస్తుతం వారు ట్రూఆఫ్‌ చార్జీలు చెల్లించాల్సిన అవసరం కూడా ఉండదు. అయితే 2022–23, 2023–24 సంవత్సరాల్లో ప్రస్తుత గృహజ్యోతి వినియోగదారులు అప్పట్లో 200 యూనిట్లకు మించి విద్యుత్‌ వినియోగించి ఉంటే ట్రూ ఆఫ్‌ చార్జీలు వారు కూడా చెల్లించాల్సి వస్తుందని అధికారులు చెబుతున్నారు.

మిర్యాలగూడ : వరి ధాన్యానికి మిల్లర్లు ఒక్కసారిగా ధర తగ్గించడంతో అన్నదాతలు ఆగ్రహంతో రోడ్కెక్కారు. మిర్యాలగూడలో గత 20 రోజులుగా క్వింటా సన్న ధాన్యాన్ని రూ.4వేల నుంచి రూ.4200 వరకు కొనుగోలు చేసిన మిల్లర్లు.. సిండికేట్‌గా మారి రూ.3,700 మాత్రమే చెల్లిస్తామనడంతో రైతులు శుక్రవారం మిర్యాలగూడ మండలం శ్రీనివాస్‌నగర్‌లోని సాగర్‌ రోడ్డుపై ధాన్యం ట్రాక్టర్లను అడ్డంగా నిలిపి ధర్నా నిర్వహించారు. తమ కష్టానికి తగిన ధర ఇవ్వకుండా మిల్లర్లు ఇష్టానుసారంగా ధరలు తగ్గించడమేంటని నిలదీశారు. ఎల్‌నినో ప్రభావంతో వర్షాలు పడక బోరుబావుల కింద కొద్దోగొప్పో నీటితో, విద్యుత్‌ ఇబ్బందులను తట్టుకుని శ్రమించి పంటను పండించి, కోతలు కోసి ధాన్యాన్ని మిల్లులకు తరలించే సరికి ధర తగ్గించడం ఎంతవరకు సమంజసమని రైతులు ప్రశ్నించారు. రైతు కష్టాన్ని గుర్తించకుండా ధరను ఇష్టానుసారంగా నిర్ణయించడం అన్యాయమని మండిపడ్డారు. రైతుల ఆందోళనలతో శ్రీనివాస్‌నగర్‌ వద్ద గల రహదారిపై ఇరువైపులా అధిక సంఖ్యలో ధాన్యం ట్రాక్టర్లు, ఇతర వాహనాలు నిలిచిపోయాయి. పోలీసులు రాస్తారోకో వద్దకు చేరుకొని ఆందోళన చేస్తున్న రైతులతో మాట్లాడారు. మిల్లర్లతో చర్చలు జరిపి ధాన్యం నాణ్యతను బట్టి తగిన ధర చెల్లిస్తామని హామీ ఇవ్వడంతో రైతులు ఆందోళన విరమించారు. పంట పండించిన రైతుకు న్యాయమైన ధర దక్కేలా అధికారులు నిరంతరం పర్యవేక్షించాలని, మిల్లర్లు కుమ్మకై ్క కొనుగోలు ధరను తగ్గించకుండా చర్యలు తీసుకోవాలని అన్నదాతలు కోరుతున్నారు. ఫ ధాన్యం ట్రాక్టర్లను రోడ్డుకు అడ్డంగా పెట్టి రైతుల నిరసన

సాక్షి ప్రతినిధి, నల్లగొండ : పట్టణ అభివృద్ధితోపాటు పేదల సంక్షేమానికి ప్రాధాన్యమిస్తూ ప్రభుత్వం మరో కీలక నిర్ణయం తీసుకుంది. నల్లగొండ నగరంలో సొంత ఇళ్లు లేని పేదలకు వసతి కల్పించే దిశగా ఐదంతస్తుల (జీ+5) ఇందిరమ్మ ఇళ్ల టవర్ల నిర్మాణానికి అనుమతులు మంజూరు చేసింది. నగరంలోని కతాల్‌గూడ – మామిళ్లగూడెం మధ్యలో ఉన్న హౌసింగ్‌ బోర్డు స్థలంలో అపార్ట్‌మెంట్‌ టవర్లు నిర్మించి 480 మంది పేదలకు ఫ్లాట్లు అందించాలని నిర్ణయించారు. నల్లగొండతోపాటు నిజమాబాద్‌, గ్రేటర్‌ వరంగల్‌ (వరంగల్‌, హనుమకొండ), మహబూబ్‌నగర్‌ కార్పొరేషన్‌ పరిధిలో మొత్తంగా 2400 ఫ్లాట్లను రూ. 204 కోట్ల వ్యయంతో గృహ నిర్మాణ సంస్థ ఆధ్వర్యంలో వీటిని నిర్మించనున్నారు. 480 కుటుంబాలకు వసతి నల్లగొండ కార్పొరేషన్‌ పరిధిలో డబుల్‌ బెడ్‌రూం ఇళ్ల పంపిణీ జరిగినప్పటికీ ఇంకా అనేకమంది పేదలు సొంత ఇళ్లు లేక అద్దె గృహాల్లో జీవనం సాగిస్తున్నారు. ఈ సమస్యను దృష్టిలో ఉంచుకుని నగరంలో ఇందిరమ్మ ఇళ్ల టవర్లు నిర్మించి 480 కుటుంబాలకు నివాస వసతి కల్పించేలా ప్రభుత్వానికి ప్రతిపాదనలు పంపారు. తాజాగా ప్రభుత్వం అనుమతి ఇవ్వడంతో ఈ ప్రాజెక్టు ముందుకు సాగనుంది. ఐదంతస్తుల నిర్మాణానికి అనుమతి తెలంగాణ హౌసింగ్‌ బోర్డు ప్రతిపాదనల మేరకు జీ+5 విధానంలో అపార్ట్‌మెంట్‌ బ్లాకుల నిర్మాణానికి ప్రభుత్వం సాంకేతికంగా అనుమతించింది. ఒక్కో ఫ్లాట్‌ నిర్మాణ వ్యయాన్ని రూ.8.50 లక్షలుగా ప్రతిపాదించారు. ఈ మేరకు రవాణా, రోడ్లు భవనాల శాఖ ఈ నెల 6న జీవోఆర్‌టీ నంబర్‌ 579 జారీ చేసింది. ఆర్థికంగా వెనుకబడిన, సొంత ఇల్లు లేని పట్టణ పేదలకు అందుబాటు ధరలో నివాస సౌకర్యం కల్పించడం ఈ పథకం ప్రధాన ఉద్దేశం. పేదలకు ఎంతో మేలు నల్లగొండ నగరం రోజురోజుకూ విస్తరిస్తోంది. రహదారులు, మౌలిక సదుపాయాలు, వాణిజ్య కార్యకలాపాలు పెరుగుతున్న నేపథ్యంలో పట్టణంలో నివాసాల అవసరం కూడా అధికమవుతోంది. ఈ క్రమంలో అభివృద్ధి ఫలాలు పేద కుటుంబాలకు కూడా అందాలనే ఉద్దేశంతో ఇందిరమ్మ ఇళ్ల టవర్ల నిర్మాణానికి ప్రభుత్వం ముందడుగు వేసింది. నాలుగు టవర్ల నిర్మాణం పూర్తయితే 480 కుటుంబాలకు సొంత నివాసం అందుబాటులోకి రానుంది. అద్దె ఇళ్లలో జీవనం సాగిస్తున్న పేదలకు ఆర్థిక భారం తగ్గడంతోపాటు స్థిరమైన నివాసం లభించే అవకాశం ఉంటుంది.ఫ్లాట్ల కేటాయింపునకు ముందు అర్హుల గుర్తింపు ప్రక్రియ చేపట్టనున్నారు. ఇందుకోసం తెలంగాణ హౌసింగ్‌ బోర్డు ఆధ్వర్యంలో డిమాండ్‌ సర్వే నిర్వహించనున్నారు. ప్రజల నుంచి దరఖాస్తులు స్వీకరించి సొంత ఇల్లు లేని కుటుంబాల వివరాలు సేకరించనున్నారు. అర్హతలు, ధ్రువీకరణ, లబ్ధిదారుల ఎంపిక, లాటరీ విధానం తదితర నిబంధనలను రూపొందించనున్నారు. ఒక్కో యూనిట్‌కు రూ.5 లక్షల వరకు ప్రభుత్వ సహాయం అందించే అంశానికి సూత్రప్రాయ ఆమోదం లభించగా, మిగిలిన మొత్తాన్ని లబ్ధిదారుల వాటాగా సమీకరించే విధానానికి కూడా అనుమతి ఇచ్చింది. ఫ జీ+5 అపార్ట్‌మెంట్ల నిర్మాణానికి ప్రభుత్వం అనుమతి ఫ 480 ఫ్లాట్ల నిర్మాణం ఫ సాకారం కానున్న పేదల సొంతింటి కల

ఫ కలెక్టర్‌ చంద్రశేఖర్‌ మిర్యాలగూడ : ఎల్‌నినో నేపథ్యంలో నిత్యావసర సరుకుల ధరలను నియంత్రించడంతోపాటు బియ్యాన్ని ప్రభుత్వం నిర్దేశించిన రేటుకు విక్రయించేందుకు మిర్యాలగూడలో ప్రత్యేక ఔట్‌లెట్‌ను ఏర్పాటు చేసినట్లు కలెక్టర్‌ చంద్రశేఖర్‌ తెలిపారు. శుక్రవారం మిర్యాలగూడ రైస్‌ మిల్లర్స్‌ అసోసియేషన్‌ భవనంలో ఆయన బియ్యం విక్రయ కేంద్రాన్ని ప్రారంభించి మాట్లాడారు. ప్రభుత్వం సూచించిన ధరలకే ప్రజలకు బియ్యం అందించేందుకు మిర్యాలగూడ రైస్‌ మిల్లర్స్‌ అసోసియేషన్‌ ముందుకు రావడం అభినందనీయమన్నారు. బియ్యం ఔట్‌లెట్‌లను ఎల్‌నినో ప్రభావం ముగిసే వరకు కొనసాగించాలన్నారు. ఎమ్మెల్యే బత్తుల లక్ష్మారెడ్డి మాట్లాడుతూ పేదలు ఇబ్బందులు పడకుండా ప్రతి ఒక్కరికి బియ్యం అందుబాటులో ఉండాలన్న సీఎం రేవంత్‌రెడ్డి ఆదేశాల మేరకు ప్రభుత్వం బియ్యం ధరలను నిర్ధేశించిందన్నారు. పేదల ఆకలి తీర్చేందుకు కిలో బియ్యం రూ.66కే విక్రయించేలా ఔట్‌లెట్‌లు ఏర్పాటు చేసినట్లు తెలిపారు. కార్యక్రమంలో రెవెన్యూ అదనపు కలెక్టర్‌ జె.శ్రీనివాస్‌, పౌరసరఫరాల జిల్లా మేనేజర్‌ రాంపతినాయక్‌, డీఎస్‌ఓ వెంకటేశం, ఆర్డీవో రమణారెడ్డి, మిర్యాలగూడ రైస్‌మిల్లర్స్‌ అసోసియేషన్‌ అధ్యక్షుడు గౌరు శ్రీనివాస్‌ మున్సిపల్‌ చైర్‌పర్సన్‌ చిలుకూరి సుధాబాలకృష్ణ, వైస్‌ చైర్‌పర్సన్‌ గుడిపాటి శిరీషనవీన్‌, రైస్‌ మిల్లర్స్‌ కార్యదర్శి బాబి తదితరులు ఉన్నారు. అన్ని గ్రామాల్లో పనులు ప్రారంబించాం నల్లగొండ : వీబీ జీ రాంజీ పథకం కింద జిల్లాలోని అన్ని గ్రామ పంచాయతీల్లో పనులు ప్రారంభించామని కలెక్టర్‌ చంద్రశేఖర్‌ తెలిపారు. శుక్రవారం హైదరాబాద్‌ నుంచి రాష్ట్ర ప్రభుత్వ ప్రధాన కార్యదర్శి సంజయ్‌ జాజు నిర్వహించిన చేసిన వీడియో కాన్ఫరెన్స్‌లో ఆయన కలెక్టరేట్‌ నుంచి మాట్లాడారు. జిల్లాలో రోజూ 62,637 మంది కూలీలు పనిచేస్తున్నట్లు తెలిపారు. ఈ ఏడాది 7200 కొత్త జాబ్‌ కార్డులు ఇచ్చామని తెలిపారు. కార్యక్రమంలో అదనపు కలెక్టర్‌ శ్రీనివాస్‌, డీఆర్డీఓ శేఖర్‌రెడ్డి, డీఈఓ సుశీందర్‌రావు, అధికారులు పాల్గొన్నారు.

● రెండు నెలలుగా మట్టి తవ్వకాలు ● నోటీసులు జారీ చేసిన ఇరిగేషన్‌ శాఖ రామగిరి (నల్లగొండ) : నల్లగొండ మండలం మేళ్లదుప్పలపల్లి గ్రామ పరిధిలోని ఏళ్ల నాటి రాగి కుంట అన్యాక్రాంతమవుతోంది. రెండు నెలలుగా కొందరు ప్రైవేట్‌ వ్యక్తులు ఇరిగేషన్‌ శాఖ నుంచి ఎలాంటి ముందస్తు అనుమతులు లేకుండానే జేసీబీలతో అడ్డగోలుగా మట్టి తవ్వకాలు జరుపుతున్నారు. కుంట మట్టిని సొంతానికి, వ్యాపార అవసరాలకు వాడుకుంటూ రూ.కోట్లు విలువ చేసే ప్రభుత్వ సంపదను పక్కదారి పట్టిస్తున్నారు. ఎఫ్‌టీఎల్‌ ఆక్రమణ.. ప్రజలకు దారి బంద్‌.. సర్వే నంబర్‌ 46, 47లో 5 ఎకరాల 38 గుంటల విస్తీర్ణంలో ఉన్న రాగి కుంట పూర్తిస్థాయి నీటి మట్టం (ఎఫ్‌టీఎల్‌), బఫర్‌ జోన్‌ ప్రాంతాలు ఆక్రమణల్లో చిక్కుకున్నాయి. చెరువు చుట్టూ భూములను కబ్జా చేయడమే కాకుండా, కుంటలోకి గ్రామస్తులు వెళ్లకుండా ఇరువైపులా పెద్ద గేట్లు ఏర్పాటు చేసి తాళాలు వేసి దారి లేకుండా మూసివేశారు. ఆక్రమణలపై గ్రామస్తులు ఆగ్రహం వ్యక్తం చేస్తున్నారు. ఇరిగేషన్‌ అధికారుల నోటీసులు.. కుంటలో అక్రమంగా మట్టి తవ్వకాలు, కబ్జాలపై ఇరిగేషన్‌ శాఖ అధికారులు చర్యలకు ఉపక్రమించారు. మట్టి తవ్వకాలు జరిపిన వారికి నోటీసులు జారీ చేశారు. కఠిన చర్యలు తీసుకోవాలని కోరుతూ స్థానిక పోలీస్‌ స్టేషన్‌లో అధికారికంగా ఫిర్యాదు చేశారు. రాగి కుంట ఎఫ్‌టీఎల్‌, బఫర్‌ జోన్‌ హద్దులను త్వరలోనే సర్వే చేసి, ఆక్రమణలను తొలగిస్తామని అధికారులు స్పష్టం చేశారు. నీటి మార్గం మూసివేత.. ఎగువన ఉన్న నరసప్పగూడెం చెరువు నుంచి, వర్షం ద్వారా రాగికుంటలోకి సహజంగా నీరు వచ్చి చేరుతుంది. కుంటలో నీరు ఉంటే చుట్టుపక్కల భూగర్భ జలాలు పెరిగి, దాదాపు 100 ఎకరాల వరకు పంట పొలాలకు సాగునీరు అందుతుంది. కానీ నీరు వచ్చే మార్గాన్ని పూర్తిగా మూసివేయడంతో కుంట ఆయకట్టు ఎండిపోయే ప్రమాదం ఏర్పడింది.

● ప్రధాన సూత్రధారి కోసం గాలింపునల్లగొండ టూటౌన్‌ : రిటైర్డ్‌ ఉద్యోగికి జారీ చేసిన మరణ ధ్రువీకరణ పత్రం విషయంలో నల్లగొండ టూటౌన్‌ పోలీసులు శుక్రవారం నీలగిరి మున్సిపల్‌ కార్పొరేషన్‌ కార్యాలయానికి వెళ్లి విచారణ చేపట్టారు. టూటౌన్‌ సైదాబాబ, మరో కానిస్టేబుల్‌ వెళ్లి కార్యాలయంలోని అప్పటి సెక్షన్‌ ఉద్యోగి, ప్రస్తుతం పని చేస్తున్న మరో ఇద్దరు ఉద్యోగుల నుంచి వివరాలు అడిగి తెలుసుకున్నారు. ఇప్పటికే ఐదుగురు ఉద్యోగులకు ఇప్పటికే షోకాజు నోటీసులు కూడా జారీ చేయడంతో వారి నుంచి అన్ని వివరాలు రాబడుతున్నారు. ఆయా వివరాల ఆధారంగానే అక్రమాల్లో ఎవరి పాత్ర ఎంత ఉంది.. ఎంత మంది పాత్ర ఉంది అనే విషయాన్ని తేల్చనున్నారు. ఎవరి పాత్ర ఎంత అని విచారణ.. మరణ ధ్రువీకరణ పత్రం జారీలో చోటుచేసుకున్న అక్రమాల విచారణలో భాగంగా శుక్రవారం నీలగిరి మున్సిపల్‌ కార్పొరేషన్‌కు చెందిన మరో ఉద్యోగిని పోలీసులు అదుపులోకి తీసుకున్నట్లు తెలిసింది. నీలగిరి మున్సిపల్‌ కార్యాయం నుంచే మరణ ధ్రువీకరణ పత్రం జారీ చేసినట్లు తేలడంతో ఎవరి పాత్ర ఎంత మేర ఉంది అనే సమగ్ర వివరాలను పోలీసులు రాబట్టుతున్నట్లు తెలిసింది. ఇప్పటికే వైద్య ఆరోగ్య శాఖ ఉద్యోగులు, మరణ ధ్రువీకరణ పత్రం తీసుకున్న వారిని, ఒక వార్డు ఆఫీసర్‌ను పోలీసులు వివిధ కోణాల్లో విచారిస్తున్న విషయం తెలిసిందే. మరణ ధ్రువీకరణ పత్రాల జారీ మొదలుకొని, వాటి ఆధారంగా కారుణ్య నియామకం పొందే వరకు జరిగిన పరిణామాలపై పోలీసులు ఆరా తీస్తున్నారు. ఈ వ్యవహారంలో మరికొందరి పాత్ర కూడా వెలుగులోకి వచ్చే అవకాశం ఉందని తెలుస్తోంది. కాగా, ఈ వ్యవహారంలో ప్రధాన సూత్రధారిగా అనుమానిస్తున్న వ్యక్తి ఇంకా పోలీసులకు చిక్కలేదని, అతడి కోసం గాలింపు కొనసాగుతున్నట్లు సమాచారం.

మిర్యాలగూడ : ఉమ్మడి నల్లగొండ జిల్లాలోని పెండింగ్‌ ప్రాజెక్టులన్నింటిని పూర్తి చేసి రైతులకు సాగునీరు అందిస్తామని రాష్ట్ర నీటిపారుదల, పౌరసరఫరాల శాఖ మంత్రి నలమాద ఉత్తమ్‌కుమార్‌రెడ్డి అన్నారు. తమ ప్రభుత్వ పాలన సాగునీటి రంగాలో స్వర్ణయుగంగా నిలిచి పోతుందని తెలిపారు. శుక్రవారం మిర్యాలగూడ పట్టణ సమీపంలోని తుంగపాడు వద్ద రూ.33కోట్ల వ్యయంతో నిర్మించిన 560 డబుల్‌ బెడ్రూమ్‌ ఇళ్లను శాసనమండలి చైర్మన్‌ గుత్తా సుఖేందర్‌రెడ్డితో కలిసి మంత్రి ఉత్తమ్‌ ప్రారంభించారు. ఆర్డీఓ, తహసీల్దార్‌ కార్యాలయాల నిర్మాణానికి శంకుస్థాపస చేశారు. ఈ సందర్భంగా ఎమ్మెల్యే బత్తుల లక్ష్మారెడ్డి అధ్యక్షతన నిర్వహించిన బహిరంగ సభలో మంత్రి మాట్లాడుతూ జిల్లాలో ఏళ్ల తరబడి పెండింగ్‌లో ఉన్న ప్రాజెక్టులను ప్రాధాన్యత క్రమంలో పూర్తి చేసేందుకు ప్రభుత్వం కృషి చేస్తోందన్నారు. మునుగోడు, దేవరకొండ నియోజకవర్గాలకు సాగునీరు అందించే డిండి ఎత్తిపోతల పథకాన్ని వేగవంతం చేస్తామన్నారు. దామరచర్ల మండలంలోని శాంతినగర్‌, రావులపెంట వాగులపై ఒక్కొక్కటి రూ.9కోట్ల వ్యయంతో చెక్‌డ్యామ్‌లు నిర్మించేందుకు నిధులు మంజూరు చేస్తున్నట్లు తెలిపారు. శాసనమండలి చైర్మన్‌ గుత్తా సుఖేందర్‌రెడ్డి మాట్లాడుతూ పేదల సొంతింటి కలను నెరవేర్చే లక్ష్యంతో రాష్ట్రంలో 4 లక్షలకుపైగా ఇందిరమ్మ ఇళ్లను అందించినట్లు తెలిపారు. నల్లగొండ జిల్లాలో గత ప్రభుత్వ హయాంలో నిర్మాణం చేపట్టి అసంపూర్తిగా మిగిలిపోయిన 3,600 డబుల్‌బెడ్‌రూమ్‌ ఇళ్లలో కనీసం వెయ్యి ఇళ్లను పూర్తిచేసి పేదలకు అందించాలని కలెక్టర్‌కు సూచించారు. ఎస్‌ఎల్‌బీసీ సొరంగం పూర్తయితే గురుత్వాకర్షణ శక్తి ఆధారంగా నీటిని అందించే అవకాశం ఉంటుందని తెలిపారు. నల్లగొండ ఎంపీ కుందూరు రఘువీర్‌రెడ్డి మాట్లాడుతూ మిర్యాలగూడ నియోజకవర్గంలో డబుల్‌బెడ్‌రూమ్‌ ఇళ్లు రాని వారు నిరాశ చెందాల్సిన అవసరం లేదన్నారు. విడతలవారీగా అర్హులైన ప్రతి ఒక్కరికి ఇళ్లు అందిస్తామని తెలిపారు. అనంతరం లబ్ధిదారులకు డబుల్‌బెడ్‌రూమ్‌ ఇళ్ల కేటాయింపు ఉత్తర్వులు అందించారు. కార్యక్రమంలో కలెక్టర్‌ బి.చంద్రశేఖర్‌ ప్రభుత్వ విప్‌, నకిరేకల్‌ ఎమ్మెల్యే వేముల వీరేశం, ఎమ్మెల్సీ కేతావత్‌ శంకర్‌నాయక్‌, ఎస్పీ శరత్‌చంద్రపవార్‌, అదనపు కలెక్టర్‌ జె.శ్రీనివాస్‌, గృహ నిర్మాణ శాఖ పీడీ లోకిలాల్‌, జిల్లా ప్రాజెక్టుల చీఫ్‌ ఇంజనీర్‌ శ్రీనివాస్‌రెడ్డి, ఆర్డీఓ రమణారెడ్డి, మున్సిపల్‌ చైర్‌పర్సన్‌ చిలుకూరి సుధా, వైస్‌ చైర్‌పర్సన్‌ గుడిపాటి శిరీష, సర్పంచ్‌ గోవింద్‌ తదితరులు పాల్గొన్నారు. ఉమ్మడి జిల్లాకు స్వర్ణయుగం తీసుకొస్తాం మంత్రి ఉత్తమ్‌కుమార్‌రెడ్డి తుంగపాడులో డబుల్‌బెడ్రూమ్‌ల పంపిణీ

ఫ మొన్నటి వరకు క్వింటారూ.9,300.. ఇప్పుడు రూ.8,600 ఫ ఒక్కసారిగా ధర తగ్గించేసిన వ్యాపారులు ఫ సీసీఐ కేంద్రాలు ప్రారంభించి పది రోజులైనా ఒక్క క్వింటా కొనలే.. ఫ దిగుబడి తగ్గడంతో ధర పెరుగుతుందని రైతుల ఆశాభావం సాక్షి ప్రతినిధి, నల్లగొండ : పత్తి రైతులకు ఈసారి ఆశించిన ధర దక్కడం లేదు. మొదట్లో ప్రైవేట్‌ వ్యాపారులు క్వింటాకు రూ.9 వేల నుంచి రూ.9,300 వరకు ధర చెల్లించడంతో రైతులు సంతోషించారు. మూడు రోజుల వ్యవధిలోనే వ్యాపారులు ధరను ఒక్కసారిగా తగ్గించడంతో రైతుల్లో ఆందోళన మొదలైంది. ప్రస్తుతం నాణ్యమైన పత్తికి సైతం రూ.8,600 నుంచి రూ.8,700 మాత్రమే చెల్లిస్తున్నారు. మరోవైపు కాటన్‌ కార్పొరేషన్‌ ఆఫ్‌ ఇండియా (సీసీఐ) ప్రకటించిన మద్దతు ధర కూడా ఆశించిన స్థాయిలో లేదు. దీంతో సీసీఐ కేంద్రాలు ప్రారంభమై 10 రోజులు దాటినా కొనుగోళ్లు లేక వె లవెలబోతున్నాయి. ధర మరింత పెరుగుతుందన్న ఆశతో కొందరు రైతులు పత్తిని నిల్వ చేసుకుంటున్నారు. తగ్గిన ధర.. పెరిగిన ఆందోళన ఈ ఏడాది వర్షాభావ పరిస్థితులతో పత్తి దిగుబడి గణనీయంగా తగ్గింది. 5,93,795 ఎకరాల్లో పత్తి వేశారు. 3,56,257 మెట్రిక్‌ టన్నుల దిగుబడి వస్తుందని అంచనా వేశారు. కానీ క్షేత్రస్థాయిలో పరిస్థితులను బట్టి 2 లక్షల క్వింటాళ్ల దిగుబడి కూడా రాలేదని రైతులు వాపోతున్నారు. పెట్టుబడులు పెరిగాయి. దిగుబడి తగ్గడంతో రైతులు తీవ్రంగా నష్టపోతున్నారు. ఈ నేపథ్యంలో పత్తికి క్వింటాకు కనీసం రూ.10 వేలు లభిస్తేనే కొంతమేర నష్టాలను అధిగమించవచ్చని రైతులు భావిస్తున్నారు. తొలుత రూ.9,300 వరకు ధర పెట్టిన వ్యాపారులు.. నాణ్యత లేదన్న సాకుతో ధర తగ్గించి.. క్వింటాకు రూ.8300 ఇస్తున్నారని ఆందోళన చెందుతున్నారు. వర్షాభావంతో దిగుబడి తగ్గిన నేపథ్యంలో మద్దతు ధర పెంచాలని, సీసీఐ కొనుగోళ్ల నిబంధనలను సులభతరం చేయాలని రైతులు కోరుతున్నారు. సీసీఐ కేంద్రాలకు వెళ్లని రైతులు సీసీఐ మద్దతు ధర క్వింటాకు రూ.8,667 ఉండగా, ప్రైవేట్‌ వ్యాపారులు తొలుత అంతకంటే ఎక్కువ ధర చెల్లించారు. దీంతో రైతులు సీసీఐ కేంద్రాల వైపు చూడలేదు. సీసీఐలో పత్తి విక్రయించాలంటే స్లాట్‌బుక్‌ చేసుకోవడం, ప్రత్యేక వాహనం ఏర్పాటు చేసుకోవడం, లోడింగ్‌కు కూలీల ఖర్చు భరించడం వంటి ఇబ్బందులు ఎదురవుతున్నాయి. క్వింటాకు రూ.200కు పైగా అదనపు ఖర్చు అవుతోంది. ప్రైవేటు వ్యాపారులకై తే గ్రామాల్లోనే విక్రయించే అవకాశం ఉండటంతో ఊళ్లోనే అమ్మేందుకు మొగ్గు చూపుతున్నారు. చిట్యాల మండలం పెద్దకాపర్తిలోని కావేరి కాటన్‌ మిల్లులో గత నెల 22న సీసీఐ కేంద్రాన్ని ప్రారంభించారు. ఇప్పటివరకు ఐదుగురు రైతులు స్లాట్‌ బుక్‌ చేసుకున్నప్పటికీ ఒక్కరూ పత్తిని కేంద్రానికి తీసుకురాలేదు. చండూరు మండలం బంగారిగడ్డలోని మంజీత్‌ మిల్లులోనూ గత నెల 25 సీసీఐ కేంద్రాన్ని ప్రారంభించారు. ఇప్పటివరకు ఒక్క క్వింటా పత్తి కూడా కొనుగోలు చేయలేదని మునుగోడు సీసీఐ అధికారి బాలచందర్‌ నింజా తెలిపారు. మరోవైపు తాస్కానిగూడెంలోని వరలక్ష్మీ కాటన్‌ మిల్లులో ప్రైవేట్‌గా ఇప్పటివరకు 3 వేల క్వింటాళ్ల పత్తి కొనుగోలు చేశారు.

నకిరేకల్‌ : ఎల్‌నినో నేపథ్యంలో ప్రజలకు ఇబ్బందులు కలగకుండా చూడాల్సిన బాధ్యత ప్రజా ప్రతినిధులు, అధికారులపై ఉందని శాసనమండలి చైర్మన్‌ గుత్తా సుఖేందర్‌రెడ్డి అన్నారు. ఎల్‌నినో ప్రభావాన్ని ఎదుర్కొనేందుకు చేపట్టాల్సిన ముందస్తు చర్యలపై బుధవారం నకిరేకల్‌లో కలెక్టర్‌ బి.చంద్రశేఖర్‌ అధ్యక్షతన నిర్వహించిన నియోజకవర్గ స్దాయి సమావేశంలో గుత్తా మాట్లాడారు. నీటి లభ్యతను అంచనా వేసుకుని ఏ పంట సాగుచేస్తే ప్రయోజనకరంగా ఉంటుందో ఆలోచించి ఎంపిక చేసుకోవాలని సూచించారు. ఉమ్మడి ఆంధ్రప్రదేశ్‌లో 27 లక్షల బోర్లు ఉండగా, ప్రస్తుతం తెలంగాణ వ్యాప్తంగా వాటి సంఖ్య 37 లక్షలకు చేరిందని.. దీంతో విద్యుత్‌ వినియోగం గణనీయంగా పెరిగిందన్నారు. ఎంపీ చామల కిరణ్‌కుమార్‌రెడ్డి మాట్లాడుతూ రైతులు యాసంగిలో ప్రత్యామ్నాయ పంటలు వేసుకోవాలని సూచించారు. ప్రభుత్వ విప్‌, కలెక్టర్‌ చంద్రశేఖర్‌ మాట్లాడుతూ ఎల్‌నినో నేపథ్యంలో కలెక్టరేట్‌లో ప్రత్యేక కంట్రోల్‌ రూమ్‌ ఏర్పాటు చేశామని ప్రజలు తమ సమస్యలు, సందేహలను టోల్‌ ఫ్రీ నంబర్‌ (18004251442) ద్వారా పరిష్కరించుకోవచ్చని తెలిపారు. ఈ సందర్భంగా జలసిరపై రూపొందించిన సీడీని ఆవిష్కరించారు. సమావేశంలో ఎమ్మెల్యే వేముల వీరేశం అదనపు కలెక్టర్లు శ్రీనివాస్‌, ప్రేమ్‌కరణ్‌రెడ్డి, ఆర్‌డీఓ శైఖర్‌రెడ్డి, ఆర్డీఓ యానాల అశోక్‌రెడ్డి, డీఎస్పీ శివరాంరెడ్డి, మార్కెట్‌ చైర్‌పర్సన్‌ గుత్తా మంజులమాధవరెడ్డి, ఏడీఏ విజయేందర్‌రెడ్డి తదితరులు పాల్గొన్నారు. ఫ శాసనమండలి చైర్మన్‌ గుత్తా సుఖేందర్‌రెడ్డి

నల్లగొండ : ప్రభుత్వ పాఠశాలల నిర్వహణ కోసం విడుదలైన గ్రాంట్ల వినియోగం ప్రధానోపాధ్యాయులకు తలనొప్పిగా మారింది. పాఠశాలల అవసరాల కోసం కేటాయించిన నిధులను ఈ నెల 15వ తేదీలోగా ఖర్చు చేసి, సంబంధిత బిల్లులు సమర్పించాలని విద్యాశాఖ ఆదేశించడంతో హెచ్‌ఎంలు ఇబ్బందులు పడుతున్నారు. ఇప్పటికే చేసిన ఖర్చులకు బిల్లులు సమర్పించడంతోపాటు, ఇంకా ఖర్చు చేయాల్సిన నిధులకు కూడా ముందస్తుగా బిల్లులు సిద్ధం చేయాల్సిన పరిస్థితి నెలకొంది. గడువులోగా బిల్లులు సమర్పించకపోతే రెండో విడత గ్రాంట్లు నిలిచిపోయే అవకాశం ఉండటంతో ప్రధానోపాధ్యాయులు ఆందోళన చెందుతున్నారు. 15లోగా బిల్లులు ఇవ్వాల్సిందే.. కేంద్ర, రాష్ట్ర ప్రభుత్వాల నుంచి వచ్చే ఈ గ్రాంట్లను నిర్ణీత గడువులోగా వినియోగించి, ఖర్చులకు సంబంధించిన బిల్లులను ప్రభుత్వానికి సమర్పించాల్సి ఉంది. ఈ నెల 15వ తేదీని గడువుగా నిర్ణయించడంతో హెచ్‌ఎంలు హడావుడి పడుతున్నారు. బిల్లులు సమర్పిస్తేనే తదుపరి విడత గ్రాంట్లు విడుదలయ్యే అవకాశం ఉంది. లేనిపక్షంలో రెండో విడత నిధులు నిలిచిపోయే పరిస్థితి ఉంటుందని అధికారులు సూచిస్తున్నారు. ఖర్చు చేయకుండానే బిల్లులెలా? వాస్తవానికి పాఠశాలలకు అవసరమైన వస్తువులను కొనుగోలు చేసిన తర్వాత బిల్లులు సమర్పించడం సాధారణ విధానం. అయితే ప్రస్తుతం అమలవుతున్న కొత్త చెల్లింపుల విధానంలో వెండర్‌ వివరాలు సేకరించి, వారి ఖాతాల్లోనే నగదు జమ చేసేలా మార్పులు చేశారు. దీంతో పాఠశాల అవసరాలకు అనుగుణంగా కొనుగోళ్లు చేయడం, బిల్లులు సమర్పించడం విషయంలో ప్రధానోపాధ్యాయులకు ఇబ్బందులు ఎదురవుతున్నాయి. ఇంకా కొనుగోలు చేయని వస్తువులకు ముందుగానే బిల్లులు ఎలా సమర్పించాలని వారు ప్రశ్నిస్తున్నారు. ఒకవైపు గడువు, మరోవైపు రెండో విడత గ్రాంట్లు నిలిచిపోతాయనే ఆందోళనతో హెచ్‌ఎంలు తలలు పట్టుకుంటున్నారు. ఫ రూ.3.79 కోట్ల స్కూల్‌ గ్రాంట్లు విడుదల ఫ 15వ తేదీలోగా ఖర్చుల వివరాలు ఇవ్వాలని ఆదేశం ఫ బిల్లులు సమర్పిస్తేనే రెండో విడత నిధులు ఫ కొనుగోలు చేయకముందే బిల్లు ఎలా పెట్టాలంటున్న హెచ్‌ఎంలు నల్లగొండ జిల్లాలో ప్రభుత్వ పాఠశాలలకు వివిధ కేటగిరీల కింద సుమారు రూ.3.79 కోట్ల నిధులు విడుదలయ్యాయి. ఇందులో కాంపోజిట్‌ స్కూల్‌ గ్రాంట్‌ కింద రూ.2.63 కోట్లు, స్పోర్ట్స్‌ గ్రాంట్‌ కింద రూ.1.08 కోట్లు, గర్‌ల్స్‌ అండ్‌ చైల్డ్‌ ఎంపవర్‌మెంట్‌ గ్రాంట్‌ కింద రూ.7.12 లక్షలు కేటాయించారు. ఈ నిధులు సుమారు రెండు నెలల క్రితమే పాఠశాలలకు చేరాయి. పాఠశాలల నిర్వహణ, క్రీడా సామగ్రి కొనుగోలు, బాలికలు, చిన్నారుల సాధికారత కార్యక్రమాలకు వీటిని వినియోగించాల్సి ఉంది.

నల్లగొండ : మధ్యలోనే చదువు మానేసిన విద్యార్థులను గుర్తించి తిరిగి పాఠశాలల్లో చేర్పించేందుకు అధికారులు సమన్వయంతో పనిచేయాలని కలెక్టర్‌ చంద్రశేఖర్‌ ఆదేశించారు. బుధవారం కలెక్టరేట్‌లో బాలల సంరక్షణ, సాధికారతపై నిర్వహించిన సమావేశంలో ఆయన మాట్లాడారు. బాల కార్మికులు, బాల్య వివాహాలు, ఆర్థిక ఇబ్బందులు, కుటుంబ పరిస్థితుల కారణంగా విద్యకు దూరమైన పిల్లలను గుర్తించి వారికి విద్యను అందుబాటులోకి తీసుకురావాలని సూచించారు. ప్రమాదకర వృత్తుల్లో పనిచేస్తున్న పిల్లలు, ఇటుక బట్టీల్లో కార్మికులుగా ఉన్న బాలలను గుర్తించి వారికి రక్షణ, పునరావాసం, విద్యతోపాటు అవసరమైన సహాయాన్ని అందించాలని పేర్కొన్నారు. చదువుతోపాటు క్రీడలు, సాంస్కతిక కార్యక్రమాలపై ఆసక్తి ఉన్న పిల్లలను ఆయా రంగాల్లో ప్రోత్సహించాలని సూచించారు. ఎస్పీ శరత్‌చంద్ర పవార్‌ మాట్లాడుతూ బాలల భద్రత, భవిష్యత్‌ విషయంలో ప్రతి శాఖ బాధ్యతగా వ్యవహరించాలని సూచించారు. కార్యక్రమంలో యూనిసెఫ్‌ ప్రతినిధి ఫిలిప్‌, స్థానిక సంస్థల ఇన్‌చార్జి అదనపు కలెక్టర్‌ ప్రేమ్‌కరణ్‌ రెడ్డి, అదనపు ఎస్పీ రమేష్‌, డిప్యూటీ కలెక్టర్‌ (ట్రెయినీ) శ్రీకాంత్‌రెడ్డి, జిల్లా సంక్షేమ అధికారి లావణ్య, డీఈఓ సుశీందర్‌రావు, డీఐఈఓ దస్రూనాయక్‌, డీపీఓ తరుణ్‌చక్రవర్తి తదితరులు పాల్గొన్నారు.ఫ కలెక్టర్‌ చంద్రశేఖర్‌

నల్లగొండ టూటౌన్‌ : పట్టభద్రుల ఎమ్మెల్సీ స్థానం గెలుపొంది వచ్చే అసెంబ్లీ ఎన్నికల్లో కేసీఆర్‌ ప్రభుత్వం ఏర్పాటుకు నాంది పలకాలని ఎమ్మెల్సీ మంకెన కోటిరెడ్డి అన్నారు. గ్రాడ్యుయేట్‌ ఓటర్‌ నమోదు నమోదు కార్యక్రమంలో భాగంగా బుధవారం నల్లగొండలోని మాజీ ఎమ్మెల్యే కంచర్ల భూపాల్‌రెడ్డి క్యాంపు కార్యాలయంలో నిర్వహించిన సమావేశంలో ఆయన మాట్లాడారు. ప్రతి ఒక్కరూ బాధ్యత తీసుకుని పట్టభద్రుల చేత ఓటరు నమోదు చేయించాలన్నారు. కార్యక్రమంలో జెడ్పీ మాజీ చైర్మన్‌ బండా నరేందర్‌రెడ్డి, మాజీ ఎమ్మెల్యే కంచర్ల భూపాల్‌రెడ్డి, నాయకులు కటికం సత్తయ్యగౌడ్‌, చీర పంకజ్‌యాదవ్‌, నిరంజన్‌ వలి, మందడి సైదిరెడ్డి, బక్క పిచ్చయ్య, సింగం రామ్మోహన్‌, అభిమన్యు శ్రీనివాస్‌, బోనగిరి దేవేందర్‌, కార్పొరేటర్లు భవాని గణేష్‌, యాదయ్య, మల్లీశ్వరి అశోక్‌, రత్నగిరి తారకమ్మ శ్రీనివాస్‌, దీపికా ప్రవీణ్‌రెడ్డి, బాణావత్‌ దీప్లా, దొడ్డి రమేష్‌, స్వాతి రాజశేఖర్‌, శ్రీనివాస్‌రెడ్డి, జమాల్‌ ఖాద్రి, బొజ్జ వెంకటయ్య, లక్ష్మి, జయప్రదరెడ్డి పాల్గొన్నారు.

ఫ మార్కెట్లో లభించని స్వల్పకాలిక వరి విత్తనాలు ఫ ఆరుతడి విత్తనాలు సైతం అందుబాటులో ఉంచని ప్రభుత్వం నల్లగొండ అగ్రికల్చర్‌ : యాసంగి సీజన్‌ సాగుకు విత్తన కొరత రైతులను వేధిస్తోంది. రాష్ట్ర ప్రభుత్వం వరి సాగు చేయొద్దని హెచ్చరిస్తున్నప్పటికీ రైతులు చాలావరకు యాసంగిలో వరి సాగుకే మొగ్గు చూపుతున్నారు. అయితే తక్కువ కాలంలో చేతికొచ్చే (110 రోజులకు) వరి రకాలను సాగు చేసుకోవాలని చూస్తున్నారు. కానీ మార్కెట్లో స్వల్పకాలిక వ్యవధిలో చేతికొచ్చే వరి విత్తనాలు అందుబాటులో లేకుండా పోయాయి. వీటితోపాటు ఆరుతడి పంటల విత్తనాలు కూడా లభ్యం కావడం లేదు. ఉత్పత్తి తగ్గించిన విత్తన కంపెనీలు.. ఎల్‌నినో ప్రభావం కారణంగా రాష్ట్ర ప్రభుత్వం ముందస్తుగానే వరి సాగు చేయవద్దు అని సూచించిన నేపథ్యంలో ప్రైవేట్‌ విత్తన కంపెనీలు వరి విత్తనాల ఉత్పత్తిని తగ్గించాయి. దీంతో రైతులకు స్వల్పకాలిక వ్యవధి విత్తనాలు దొరకని పరిస్థితి నెలకొంది. కేవలం దొడ్డు రకం విత్తనాలు, 140, 150 రోజుల వ్యవధిలో కోతకొచ్చే వరి విత్తనాలు మాత్రమే మార్కెట్లో అందుబాటులో ఉన్నాయి. రైతులు మాత్రం స్వల్ప కాలిక వ్యవధిలో చేతికొచ్చే వారి విత్తనాలే కావాలని డిమాండ్‌ చేస్తున్నారు. సబ్సిడీపై అందని ఆరుతడి విత్తనాలు.. రాష్ట్ర ప్రభుత్వం సూచించిన విధంగా రైతులు ఆరుతడి పంటల వైపు పోవాలనుకున్న ఆరుతడి పంటలు విత్తనాలను సైతం రాష్ట్ర ప్రభుత్వం రైతులకు అందుబాటులో ఉంచలేదు. కంది, పెసర, మినుము, మొక్కజొన్న, పొద్దు తిరుగుడు విత్తనాలను సబ్సిడీపై అందించాలని ప్రభుత్వాన్ని రైతుల డిమాండ్‌ చేస్తున్నారు. జిల్లా వ్యాప్తంగా యాసంగి సీజన్‌లో బోరుబావుల కింద సుమారు మూడు లక్షల ఎకరాల వరకు వరిసాగు అయ్యే అవకాశం ఉందని అనధికారిక గణాంకాలు చెబుతున్నాయి. ప్రభుత్వం సబ్సిడీపై ఆరుతడి పంటల విత్తనాలను రైతులకు అందిస్తే మరో లక్ష ఎకరాల్లో ప్రత్యామ్నాయ పంటలు సాగయ్యే అవకాశం ఉంటుంది. కూరగాయల సాగు కూడా మరో పదివేల ఎకరాల్లో సాగు చేసుకునే అవకాశం ఉంటుందని అనధికారంగా తెలుస్తోంది. వరిసాగు చేస్తే విద్యుత్‌ కొరతతో పాటు సాగునీటి ఇబ్బందులు తలెత్తే ప్రమాదం ఉందని ప్రభుత్వం చెబుతోంది. సాగు చేసిన రైతులు సెల్ఫ్‌ డిక్లరేషన్‌ ఇస్తేనే విత్తనాలు అమ్మాలని ప్రభుత్వం వ్యాపారులకు సూచించింది. వరి ఎండిపోతే ప్రభుత్వానికి ఎలాంటి సంబంధం లేదని పూర్తిగా తమదే బాధ్యత అంటూ వ్యవసాయ విస్తరణ అధికారులకు కూడా సెల్ఫ్‌ డిక్లరేషన్‌ ఇవ్వాల్సి ఉంటుంది.

నల్లగొండ : ఇటీవల గుజరాత్‌లో జరిగిన సర్దార్‌ వల్లబాయ్‌ పటేల్‌ జయంతి సందర్భంగా నిర్వహించిన రాష్ట్రీయ ఏక్తా దివస్‌కు నల్లగొండ జిల్లా నుంచి వెళ్లిన 15 మంది సభ్యులు బుధవారం తిరిగి వచ్చారు. ఈ సందర్భంగా వారిని కలెక్టర్‌ చంద్రశేఖర్‌, ఎస్పీ శరత్‌చంద్ర పవార్‌ శాలువా కప్పి సన్మానించి ప్రశంసా పత్రాలు అందజేసి అబినందించారు. కార్యక్రమంలో నోడల్‌ ఆఫీసర్‌ మహమ్మద్‌ అక్బర్‌అలీ, తదితరులు పాల్గొన్నారు. విదేశీయుల వసతి వివరాలు నమోదు చేయాలి : ఎస్పీ నల్లగొండ : జిల్లాలో విదేశీ పౌరులకు వసతి కల్పించే హోటళ్లు, లాడ్జీలు, గెస్ట్‌హౌస్‌లు, పీజీలు, హాస్టళ్లు, ఆసుపత్రులు, విద్యాసంస్థలు, హోమ్‌స్టేలు, ప్రైవేట్‌ ఇళ్ల యజమానులు తప్పనిసరిగా ఇమ్మిగ్రేషన్‌ నిబంధనలు పాటించాలని ఎస్పీ శరత్‌చంద్ర పవార్‌ సూచించారు. విదేశీ పౌరుల రాకపోకల వివరాలను ఫార్మ్‌–3 ద్వారా ఆన్‌లైన్‌లో నమోదు చేయడం వసతి కల్పించేవారి చట్టబద్ధమైన బాధ్యత అని స్పష్టం చేశారు. విదేశీ అతిథి వచ్చిన 24 గంటల్లోగా వివరాలను ఆన్‌లైన్‌లో సమర్పించాలని, నమోదు చేసిన రికార్డులను ఏడాది పాటు భద్రపరచాలని సూచించారు. ఈ నిబంధనలు వర్తించే విదేశీ పౌరులతోపాటు ఓసీఐ కార్డుదారులు, నేపాల్‌, భూటాన్‌ పౌరుల విషయంలోనూ పాటించాల్సి ఉంటుందని తెలిపారు. నేటి నుంచి మాక్‌ టెస్టులు నల్లగొండ : ఉపాధ్యాయులకు కంప్యూటర్‌ బేస్డ్‌ టెస్ట్‌ (సీబీటీ) విధానంపై అవగాహన కల్పించేందుకు ఈ నెల 5 నుంచి 10వ తేదీ వరకు మాక్‌ టెస్ట్‌లు నిర్వహించనున్నట్లు డీఈఓ సుశీందర్‌రావు బుధవారం ఒక ప్రకటనలో తెలిపారు. ఇందుకోసం జిల్లాలోని నల్లగొండ డైట్‌, దేవరకొండ బాయ్స్‌ హైస్కూల్‌, టీఎస్‌ఎంఎస్‌ తుంగపాడ్‌, కనగల్‌ టీఎస్‌ఎంఎస్‌, తిప్పర్తి టీఎస్‌ఎంఎస్‌, తిప్పర్తి జెడ్పీహెచ్‌ఎస్‌ పాఠశాలలను కేంద్రాలుగా గుర్తించినట్లు పేర్కొన్నారు. ఈ కేంద్రాల్లో మొత్తం 57 కంప్యూటర్లు అందుబాటులో ఉన్నాయని తెలిపారు. పరీక్షల నిర్వహణలో ఎలాంటి ఇబ్బందులు తలెత్తకుండా కేంద్రాల ప్రధానోపాధ్యాయులు, ఐసీటీ ఇన్‌స్ట్రక్టర్లు సమన్వయంతో పనిచేయాలని ఆదేశించారు. చేనేత సమస్యలను పరిష్కరించాలిరామగిరి (నల్లగొండ) : జిల్లాలోని చేనేత సహకార రంగానికి సంబంధించిన సమస్యలను పరిష్కరించాలని కోరుతూ సహకార సంఘాల ప్రతినిధులు డీసీసీబీ జనరల్‌ బాడీ సమావేశంలో అధికారులకు వినతిపత్రం సమర్పించారు. ఈ సందర్భంగా చేనేత రంగానికి చెందిన పలు ఆర్థిక, పరిపాలనా సమస్యలను కలెక్టర్‌ దృష్టికి తీసుకెళ్లి పరిష్కరించాలని కోరారు. కార్యక్రమంలో చేనేత సహకార సంఘాల అధ్యక్షులు అవ్వారి భాస్కర్‌, వనం సుదర్శన్‌, చెరుపెల్లి బాలరాజు, తడక నరసింహ, వనం శ్రీనివాస్‌, సుజాత, జెల్ల కోటేశ్వర్‌, గజం సత్యనారాయణ, చిలుకూరు శ్రీనివాస్‌, భారత లవకుమార్‌, పున్న ధర్మేందర్‌, సంగిశెట్టి సుదర్శన్‌, పూల వెంకటేశం, వల్లకాటి కుమారస్వామి, వనం కష్ణయ్య, వనం వాసుదేవులు, గంజి రమేష్‌ జంగయ్య, తదితరులు పాల్గొన్నారు.

నల్లగొండ టూటౌన్‌ : వైద్య ఆరోగ్య శాఖ ఉద్యోగి పదవీ విరమణ పొందాక మృతిచెందాక తప్పుడు తేదీతో జారీ చేసిన మరణ ధ్రువీకరణ పత్రం వ్యవహారంలో రూ.లక్షలు చేతులు మారినట్లు ఆరోపణలు వస్తున్నాయి. అతనికి రెండు రోజుల వ్యవధిలోనే రెండు చిరునామాలతో రెండు మరణ ధ్రువీకరణ పత్రాలు జారీ చేసిన నీలగిరి మున్సిపల్‌ కార్పొరేషన్‌ పేరు ఇప్పుడు రాష్ట్ర వ్యాప్తంగా సంచలనంగా మారింది. మొదట ఒక వార్డు ఆఫీసర్‌ తిరస్కరించిన ఫైల్‌ను మరో వార్డు ఆఫీసర్‌ చేత సంతకం చేయించింది ఎవరు అనే ప్రశ్నలు తలెత్తుతున్నాయి. తిరస్కరించిన ఫైల్‌ మున్సిపల్‌ కార్పొరేషన్‌లో కనిపించకుండా పోవడం వెనుక ఉన్న అదృశ్య శక్తి ఏదీ అనే కోణంలో విచారణ జరపాల్సి ఉంది. కానీ, ఓ చిన్న ఉద్యోగిపై నెపం నెట్టి మమ అనిపించేందుకు ఓ ఉన్నతాధికారి సిద్ధమైనట్లు విశ్వనీయ వర్గాల తెలిసింది. నల్లగొండ చిరునామాతో దరఖాస్తు.. నకిరేకల్‌కు చెందిన రిటైర్డ్‌ ఉద్యోగి, సీహెచ్‌.వెంకటేశ్వర్లు సూర్యాపేటలో 2025 నవంబర్‌ 17న మృతిచెందాడు. మరణ ధ్రువీకరణ పత్రం కోసం ఆన్‌లైన్‌ ద్వారా నీలగిరి మున్సిపల్‌ కార్పొరేషన్‌లో కార్యాలయంలో ఆయన సతీమణి వసంత దరఖాస్తు చేసుకున్నారు. నీలగిరి నగరంలోని 10వ డివిజన్‌, ఇంటి నంబర్‌ 4–11–500/1, న్యూ చైతన్యపురి కాలనీ, డీవీకే రోడ్‌, పిన్‌ కోడ్‌ 508001 అనే చిరునామాతో దరఖాస్తు చేశారు. దీనిని 9–03–2026 రోజున ఆన్‌లైన్‌ చేసి 10వ తేదీ రాత్రి 8 గంటలకు వెంకటేశ్వర్లు 2025మే 28న మృతిచెందినట్లు సర్టిఫికెట్‌ జారీ చేశారు. రెండు రోజుల తేడాతో మరో సర్టిఫికెట్‌.. రెండు రోజుల తేడాతో చిరునామా మార్చి రెండో మరణ ధ్రువీకరణ పత్రం జారీ చేశారు. మార్చి 11వ తేదీన ఇంటి నంబర్‌ 11–150/ఏ, శివాజీనగర్‌, నకిరేకల్‌ అని చిరునామా మార్చాలని ఆన్‌లైన్‌లో దరఖాస్తు చేశారు. పైచిరునామాతో 13వ తేదీన మళ్లీ మరణ ధ్రువీకరణ పత్రం జారీ చేశారు. ఇక్కడ మాత్రం పిన్‌కోడ్‌ నమోదు చేయలేదు. వార్డు ఆఫీసర్‌ ప్రమేయం లేకుండానే ఇక్కడ చిరునామా మార్చి రెండో మరణ ధ్రువీకరణ పత్రం జారీ చేశారు. ఇలా రెండు సర్టిఫికెట్లు ఎందుకు జారీ చేయాల్సి వచ్చింది.. చిరునామా ఎవరు మా ర్చారు.. ఎందుకు మార్చాల్సి వచ్చింది.. మార్చిన అక్రమార్కులు ఎవరు.. ఎందుకు ఈ తతంగం చేశారనే ప్రశ్నలు వస్తున్నాయి. ఫ నీలగిరి కార్పొరేషన్‌లో రెండు రోజుల తేడాతో రెండు డెత్‌ సర్టిఫికెట్లు జారీ ఫ వార్డు ఆఫీసర్‌ ప్రమేయం లేకుండానే మారిన చిరునామా ఫ రూ.లక్షలు తిని.. లక్షణంగా మార్చేశారని ఆరోపణలు ఈ రిటైర్డ్‌ ఉద్యోగికి మరణ ధ్రువీకరణ పత్రం కోసం 2025 డిసెంబర్‌లో తొలుత దరఖాస్తు చేసుకున్నారు. 10వ డివిజన్‌ వార్డు ఆఫీసర్‌ దానికి ఏదో కారణం చూపుతూ 2026 జనవరిలో దాన్ని తిరస్కరించి మున్సిపల్‌ కార్యాలయంలోని ఇన్‌వార్డులో కూడా రాసినట్లు తెలిసింది. దరఖాస్తు చేసినప్పటి కమిషనర్‌ సయ్యద్‌ ముసాబ్‌ అహ్మద్‌ బదిలీఅయి కొత్తగా.. శరత్‌చంద్ర కమిషనర్‌గా వచ్చాక ఈ ఏడాది మార్చిలో మరో దరఖాస్తు పెట్టించారు. అయితే 10 డివిజన్‌ ఆఫీసర్‌ తన సోదరుడి వివాహం ఉండడంతో సెలవుపై వెళ్లిన రోజు చూసి మరణ ధ్రువీకరణ పత్రం అత్యవసరం అని మున్సిపల్‌ కార్పొరేషన్‌లోని ఓ కీలక ఉద్యోగి 25వ డివిజన్‌ వార్డు ఆఫీసర్‌ చేత విచారణ రిపోర్ట్‌పై సంతకం చేయించినట్లు తెలిసింది. ఈ తతంగంలో కీలక సూత్రధారి తప్పించుకునేందుకు ఎత్తుకు పైఎత్తులు వేసి చిరు ఉద్యోగి మీదకి నెట్టుతున్నట్లు కార్యాలయ వర్గాలు చర్చించుకుంటున్నాయి.

వైద్యారోగ్య శాఖలో అక్రమాల బాగోతం రిటైర్డ్‌ అయ్యాక..జిల్లా వైద్య ఆరోగ్య శాఖలో అక్రమాల పరంపర కొనసాగుతోంది. కార్యాలయంలో పనిచేసే కొందరు ఉద్యోగులు చేస్తున్న అక్రమాల బాగోతం ఒక్కోటి వెలుగులోకి వస్తోంది. గతంలో ఉద్యోగాలను రెగ్యులరైజ్‌ చేయిస్తామంటూ కొందరు ఉద్యోగులు డబ్బులు వసూలు చేయగా.. ప్రస్తుతం ఎలాంటి సర్టిఫికెట్‌ వెరిఫికేషన్‌ లేకుండానే కారుణ్య నియామకం కింద ఉద్యోగం కట్టబెట్టారు. ఈ వ్యవహారంలో డీఎంహెచ్‌ఓ కార్యాలయంలో పనిచేసే ఉద్యోగులు భారీగా డబ్బులు దండుకుంటున్నట్లు ఆరోపణలు వెల్లువెత్తుతున్నాయి. సదరు ఉద్యోగులపై గతంలోనే ఆరోపణలు వచ్చినా వారికి.. అక్కడే కొనసాగిస్తుండడంపై తీవ్ర విమర్శలు వస్తున్నాయి. డీఎంహెచ్‌ఓను బురిడి కొట్టిస్తున్న వైనం డీఎంహెచ్‌వో కార్యాలయంలో పనిచేసే సదరు ఉద్యోగులు ఉద్యోగాల పేరుతో లక్షల రూపాయలు దండుకున్నట్లు ఆరోపణలున్నాయి. వారు జిల్లా వైద్య ఆరోగ్య శాఖ అధికారిని తప్పుదోవ పట్టిస్తూ పలు అక్రమాలకు పాల్పడుతున్నట్లు తెలుస్తోంది. ప్రైవేట్‌ ఆసుపత్రులకు అనుకూలంగా వ్యవహరిస్తూ పెద్ద ఎత్తున ముడుపులు దండుకున్నారన్న ఆరోపణలు సైతం ఉన్నాయి. మే నెలలో సెకండ్‌ ఏఎన్‌ఎంలను రెగ్యులరైజ్‌ చేయిస్తామంటూ 20 మంది నుంచి డబ్బులు వసూలు చేశారు. ఈ కేసు మరచిపోకముందే రిటైర్‌ అయిన ఉద్యోగి కుమారుడికి నిబంధనలకు విరుద్ధంగా కారుణ్య నియామకం కింద ఉద్యోగం కట్టబెట్టిన విషయం వెలుగులోకి వచ్చింది. ఈ వ్యవహారంలో సదరు ఇద్దరు ఉద్యోగులు వైద్యారోగ్యశాఖ అధికారిని కూడా బురిడీ కొట్టించినట్లు విమర్శలు వ్యక్తమవుతున్నాయి. ఫైల్‌ జనరేట్‌ అయిందెక్కడ? వెంకటేశ్వర్లు ఉద్యోగంలో ఉండగానే మరణించినట్లుగా ధ్రువీకరణ పత్రాన్ని సృష్టించి, దానిని ఆధారం చేసుకొని వైద్యారోగ్యశాఖకు ఇద్దరు ఉద్యోగులు చక్రం తిప్పారు. మృతుడి కుమారుడితో ఒప్పందం చేసుకొని వ్యవహారం నడిపారు. కారుణ్య నియామకానికి సంబంధించిన ఫైల్‌ ప్రాథమిక ఆరోగ్య కేంద్రం నుంచి ప్రాసెస్‌ చేసి డీఎంహెచ్‌వో కార్యాలయానికి పంపించాలి. కానీ అక్కడి వైద్యాధికారి సూర్యశిల్ప తాను ఆ ఫైల్‌ను ప్రాసెస్‌ చేయలేదని పేర్కొన్నారు. అసలు ఆ ఫైల్‌ ఎక్కడ జనరేట్‌ అయింది? పీహెచ్‌సీలోనా? డీఎంహెచ్‌ఓ కార్యాలయంలోనా? ఎవరు ప్రాసెస్‌ చేశారు? ఎవరు ఆమోదించారు? సర్వీసు రిజస్టర్‌ చూడకుండానే, సర్టిఫికెట్‌ వెరిఫికేషన్‌ లేకుండా ఎలా ఉద్యోగం ఇచ్చారన్నది తేలాల్సి ఉంది. ఫ రిటైర్డ్‌ ఉద్యోగి మరణించినా.. సర్వీస్‌లో ఉన్న తేదీతో మరణ ధ్రువీకరణ ఫ ఎలాంటి వెరిఫికేషన్‌ లేకుండానే ఉద్యోగం కట్టబెట్టిన వైనం ఫ భారీగా ముడుపులు చేతులు మారినట్లు ఆరోపణలు ఫ చక్రం తిప్పిన డీఎంహెచ్‌ఓ కార్యాలయం ఉద్యోగి ఫ గతంలోనూ రెగ్యులరైజ్‌ చేయిస్తామంటూ అతని వసూళ్ల దందా వైద్య ఆరోగ్య శాఖలో పని చేసిన నకిరేకల్‌కు చెందిన చామకూరి వెంకటేశ్వర్లు 2025 మే 31న ఉద్యోగ విరమణ పొందారు. ఈ మేరకు సర్వీసు బుక్‌లోనూ ఈ అంశాన్ని రికార్డు చేశారు. ఆ తరువాత ఆరు నెలలకు ఆయన అనారోగ్యం కారణంగా వెంకటేశ్వర్లు 2025 నవంబరు 17న సూర్యాపేట ఆసుపత్రిలో మరణించారు. అయితే ఆయన 2025 మే 28వ తేదీన అంటే రిటైర్‌మెంట్‌కు మూడు రోజుల ముందుగా మరణించినట్లుగా మరణ ధ్రువీకరణ పత్రం నల్లగొండ మున్సిపాలిటీ నుంచి జారీ చేయడం గమనార్హం. సాధారణంగా మనిషి ఎక్కడ మరణిస్తే అక్కడినుంచే ధ్రువీకరణ పత్రం తీసుకోవాలి. కానీ సూర్యాపేటలో మరణిస్తే నల్లగొండ మున్సిపాలిటీ నుంచి మరణ ధ్రువీకరణ పత్రం ఇచ్చారు. దానిని ఆధారంగా చేసుకొని వెంకటేశ్వర్లు కొడుకు రాజుకు జిల్లా వైద్యారోగ్యశాఖ కారుణ్య నియామకం కింద ఉద్యోగం ఇచ్చేసింది. ఈ వ్యవహారంలో డీఎంహెచ్‌వో కార్యాలయంలో పని చేసే ఇద్దరు ముఖ్య ఉద్యోగులే కీలకంగా వ్యవహరించినట్లు తెలిసింది. సాక్షి ప్రతినిధి, నల్లగొండ : రూ.25 లక్షలకు డీల్‌? ఈ వ్యవహారంలో రూ.25 లక్షలకు బేరం కుదుర్చుకున్నట్లు తెలిసింది. అందులో డీఎంహెచ్‌ఓ కార్యాలయంలో ఉద్యోగులకు రూ.16 లక్షలు, నల్లగొండ మున్సిపాలిటీలో జనన, మరణ ధ్రువీకరణ పత్రాల జారీ విభాగంలో రూ.9 లక్షలు చెల్లించేలా ఒప్పందం చేసుకున్నట్లు సమాచారం. అంతేకాదు గతంలోనూ సెకండ్‌ ఏఎన్‌ఎంల రెగ్యులరైజేషన్‌ విషయంలోనూ డీఎంహెచ్‌ఓ కార్యాలయంలోని ఉద్యోగి ఒక్కొక్కరి రెగ్యులరైజేషన్‌కు రూ.5 లక్షలకు బేరం కుదుర్చుకొని శాలిగౌరారంలో పనిచేసే అప్పటి సెకండ్‌ ఏఎన్‌ఎం ద్వారా అడ్వాన్స్‌ కింద రూ.1 లక్ష చొప్పున వసూలు చేశారు. శాలిగౌరారం, కట్టంగూర్‌, నార్కట్‌పల్లి మండలాల్లోని సెకండ్‌ ఏఎన్‌ఎంలు డబ్బులు ఇచ్చారు. దీనిపై బాధితులు కలెక్టర్‌కు ఫిర్యాదు చేయడంతో కట్టంగూరు పోలీసులు కేసు నమోదు చేశారు. సదరు ఏఎన్‌ఎంతోపాటు మరో స్టాఫ్‌ నర్సుపైనా వైద్యారోగ్యశాఖ చర్యలు చేపట్టింది.

నల్లగొండ : జిల్లాలో రక్షిత మంచినీరు, పారిశుద్ధ్యం, పరిశుభ్రతనిర్వహణ తీరు బాగుందని జాతీయ మానవ హక్కుల కమిషన్‌ స్పెషల్‌ మానిటర్‌ డాక్టర్‌ అనిమేష్‌ భట్టాచార్య అన్నారు. మంగళవారం కలెక్టరేట్‌ సమావేశ మందిరంలో జిల్లా అధికారులతో ఆయన తాగునీరు, పారిశుద్ధ్యంపై సమీక్షించారు. పాఠశాల విద్యార్థులకు అందిస్తున్న వైద్యం, ఆరోగ్యం పారిశుద్ధ్య కార్యక్రమాలను చక్కగా నిర్వహిస్తుండడంనూ జిల్లా యంత్రాంగాన్ని అభినందించారు. గిరిజన ప్రాంతాలతో పాటు, అన్ని గ్రామాలు, మున్సిపల్‌ పట్టణ ప్రాంతాల్లో ప్రజలకు రక్షిత మంచినీటి సరఫరా కొనసాగించాలన్నారు. ఎల్‌నినో పరిస్థితి దృష్ట్యా నీటిని వృథా చేయకుండా చూడాలన్నారు. పాఠశాలల్లో తాగునీటి ట్యాంకులను శుభ్రం చేయాలని సూచించారు. పాఠశాలలు, అంగన్‌వాడీ కేంద్రాలు, గిరిజన ప్రాంతాల్లో తాగునీటి సరఫరా, పారిశుద్ధ్యం, పరిశుభ్రత, విద్య, వైద్య సదుపాయాల వివరాలు అడిగి తెలుసుకున్నారు. స్థానిక సంస్థల ఇన్‌చార్జి అదనపు కలెక్టర్‌ ప్రేమ్‌కరణ్‌రెడ్డి, మిషన్‌ భగీరథ ఎస్‌ఈ నాగేశ్వరరావు రక్షిత మంచినీరు, పారిశుద్ధ్యం, వైద్య, ఆరోగ్యం, విద్యకు సంబంధించిన విషయాలపై పవర్‌ పాయింట్‌ ప్రజెంటేషన్‌ ద్వారా ఆయనకు వివరించారు. ముందుగా ఆయనకు ఆర్‌అండ్‌బీ అతిథి గృహంలో కలెక్టర్‌ చంద్రశేఖర్‌ స్వాగతం పలికి పూల మొక్కను అందజేశారు. కార్యక్రమంలో సమావేశంలో ఆర్డీఓ వై.అశోక్‌రెడ్డి, డీఎంహెచ్‌ఓ డాక్టర్‌ రాహుల్‌, డీఈఓ సుశీందర్‌రావు, జిల్లా సంక్షేమ అధికారి లావణ్య, అధికారులు పాల్గొన్నారు. ఫ జాతీయ మానవ హక్కుల కమిషన్‌ స్పెషల్‌ మానిటర్‌ డాక్టర్‌ అనిమేష్‌ భట్టాచార్య ఫ జిల్లా యంత్రాంగానికి అభినందన

మర్రిగూడ : మండలంలోని 15 మంది పంచాయతీ కార్యదర్శులు మూకుమ్మడిగా సెలవు కోరుతూ ఎంపీడీఓ జి.చినమునయ్య, ఎంపీవో బి.రవికుమార్‌కు మంగళశారం వినతిపత్రం అందించారు. పనిభారం పెంచడంతోపాటు పనుల విషయంలో వేధింపులకు గురిచేయడం వల్ల విధులు నిర్వహించలేకపోతున్నామని తెలిపారు. మండలంలోని ఖుదాబాక్షపల్లి కార్యదర్శి ప్రసన్నబాబు మాట్లాడుతూ ఓ పార్టీ నాయకుడి ప్రోద్భలంతోనే ఎంపీవో కలెక్టర్‌కు, డీపీవోకు తప్పుడు నివేదికలు అందించి తనను సస్పెన్షన్‌ చేయించారని ఆవేదన వ్యక్తం చేశారు. ఎంజీయూ హాస్టల్స్‌ డైరెక్టర్‌గా లక్ష్మీప్రభనల్లగొండ టూటౌన్‌ : నల్లగొండలోని ఎంజీ యూనివర్సిటీ హాస్టల్స్‌ డైరెక్టర్‌గా మేనేజ్‌మెంట్‌ విభాగం అధ్యాపకురాలు జి.లక్ష్మీప్రభను నియమిస్తూ వీసీ ఖాజా అల్తాఫ్‌ హుస్సేన్‌ మంగళవారం ఉత్తర్వులు జారీ చేశారు. ఈ సందర్భంగా ఆయనతో పాటు రిజిస్ట్రార్‌ కొప్పుల అంజిరెడ్డి లక్ష్మిప్రభకు నియామక ఉత్తర్వులు అందజేశారు. తమ్మడపల్లిలో భూముల రీ సర్వే పరిశీలనమర్రిగూడ : మండలంలోని తమ్మడపల్లి గ్రామంలో భూముల రీసర్వేను డిప్యూటీ కలెక్టర్‌ (ట్రెయినీ) శ్రీకాంత్‌రెడ్డి మంగళవారం పరిశీలించారు. గ్రామంలో భూ రీసర్వే పురోగతిపై అధికారులతో మాట్లాడి వివరాలు తెలుసుకున్నారు. సర్వే ప్రక్రియ వేగవంతంగా, పారదర్శకంగా జరగాలని సూచించారు. భూముల సరిహద్దుల నిర్ధారణలో ఎలాంటి లోపాలు తలెత్తకుండా, రైతులకు సంపూర్ణ అవగాహన కల్పిస్తూ సర్వే పూర్తి చేయాలని తెలిపారు. క్షేత్రస్థాయిలో రీ సర్వే రికార్డుల నమోదుపై అధికారులు ప్రత్యేక దృష్టి పెట్టాలన్నారు. కార్యక్రమంలో తహసీల్దార్‌ జక్కర్తి శ్రీనివాసులు, ఆర్‌ఐ పాండురంగారెడ్డి, జీపీఓ గిరి, సర్వేయర్‌ రవి తదితరులు పాల్గొన్నారు. వినియోగదారుల సమస్యలు పరిష్కరించాలినల్లగొండ : విద్యుత్‌ వినియోగదారుల సమస్యలను పరిష్కరించాలని సూపరింటెండింగ్‌ ఇంజనీర్‌ (ఎస్‌ఈ) శ్రీనివాసులు అధికారులను ఆదేశించారు. విద్యుత్‌ వినియోగదారుల దినో త్సవం సందర్భంగా మంగళవారం నల్లగొండ విద్యుత్‌ సర్కిల్‌ కార్యాలయ ఆవరణలో ప్రత్యేక సమావేశం నిర్వహించారు. ఈ సందర్భంగా వివిధ కేటగిరీలకు చెందిన విద్యుత్‌ వినియోగదారులు తమ సమస్యలను అధికారుల దృష్టికి తీసుకొచ్చారు. మొత్తం 10 ఫిర్యాదులు నమోదు కాగా, వీటిలో 9 విద్యుత్‌ బిల్లుల సవరణకు (బిల్‌ రివిజన్‌) సంబంధించినవి, కొటి విద్యుత్‌ తీగలు వేలాడుతుండటానికి (లూజ్‌ లైన్స్‌) సంబంధించినవి ఉన్నాయి. వినియోగదారుల నుంచి వచ్చిన ఫిర్యాదులను సంబంధిత అధికారులకు పంపించి, నిర్దిష్ట గడువులోగా పరిష్కరించాలని ఎస్‌ఈ ఆదేశించారు. విద్యుత్‌ వినియోగదారుల సమస్యలను ప్రాధాన్యతతో పరిష్కరించాలని సూచించారు. కార్యక్రమంలో డీఈలు ఎం.వినోద్‌రెడ్డి, సీహెచ్‌.విద్యాసాగర్‌, ఏడీఈలు ఎం.వేణుగోపాలాచార్యులు, శ్రీను, ఏఈలు అలిబాబా, సురేష్‌, ఎండీ షరీఫ్‌, చంద్రశేఖర్‌, విద్యుత్‌ శాఖ అధికారులు, సిబ్బంది తదితరులు పాల్గొన్నారు.

మిర్యాలగూడ : బహిరంగ మార్కెట్‌లో బియ్యం ధరలకు కళ్లెం వేసేందుకు పౌరసరఫరాల శాఖ అధికారులు రంగంలోకి దిగారు. ప్రభుత్వం ఇటీవల బియ్యం విక్రయ ధరలను నిర్ణయించినప్పటికీ కొందరు వ్యాపారులు అధిక ధరలకు విక్రయిస్తున్నట్లు గుర్తించారు. హైదరాబాద్‌లోని టోలిచౌక్‌, రాణిగంజ్‌ తదితర ప్రాంతాల్లో కొందరు వ్యాపారులు నిర్ణీత ధరలకు మించి బియ్యం విక్రయిస్తున్నట్లు అధికారులకు సమాచారం అందింది. దీంతో ఆయా ప్రాంతాల్లోని బియ్యం దుకాణాల్లో అధికారులు తనిఖీలు నిర్వహించారు. ఈ సందర్భంగా తమకు బియ్యం సరఫరా చేసే హోల్‌సేల్‌ వ్యాపారులు, మిల్లర్లు ధరలు పెంచారని, అందుకే తాము కూడా ధరలు పెంచి విక్రయిస్తున్నామని కొందరు దుకాణాదారులు అధికారులకు విన్నవించినట్లు తెలిసింది. ఈ నేపథ్యంలో హైదరాబాద్‌కు బియ్యం సరఫరా చేస్తున్న మిర్యాలగూడలోని మిల్లులపై అధికారులు దృష్టి సారించారు. ఇందులో భాగంగా మంగళవారం హైదరాబాద్‌కు చెందిన లీగల్‌ మెట్రాలజీ టాస్క్‌ఫోర్స్‌ బృందం, జిల్లా పౌరసరఫరాల శాఖ అధికారులు సంయుక్తంగా మిర్యాలగూడ పట్టణంలోని మూడు రైస్‌ మిల్లుల్లో తనిఖీలు నిర్వహించారు. బండారు ఆగ్రోటెక్‌ ప్రైవేట్‌ లిమిటెడ్‌, మహాతేజ రైస్‌ మిల్‌, మహేంద్రరైస్‌ మిల్లులను పరిశీలించారు. ఈ సందర్భంగా బహిరంగ మార్కెట్‌కు బియ్యం సరఫరాలో ఎలాంటి అంతరాయం కలిగించవద్దని, ప్రభుత్వం నిర్ణయించిన ధరలకే నిరంతరాయంగా సరఫరా చేయాలని మిల్లర్లకు అధికారులు సూచించారు. కృత్రిమ కొరత సృష్టించడం, ధరల పెంపునకు కారణమయ్యే విధంగా వ్యవహరించడం సరికాదన్నారు. ఈ తనిఖీల్లో డీఎస్‌ఓ వెంకటేశ్వర్లు, హైదరాబాద్‌ లీగల్‌ మెట్రాలజీ టాస్క్‌ఫోర్స్‌, పౌరసఫరాల శాఖ అధికారులు పాల్గొన్నారు. ఫ మిర్యాలగూడ రైస్‌ మిల్లుల్లో తనిఖీలు

మహిళలు, బాలికల భద్రతకు జిల్లా పోలీస్‌ శాఖ ప్రత్యేక ప్రాధాన్యం ఇస్తోందని ఎస్పీ శరత్‌ చంద్ర పవార్‌ తెలిపారు. వేధింపులను మౌనంగా భరించకుండా వెంటనే పోలీసులకు సమాచారం అందించాలని కోరారు. ప్రారంభంలోనే ఫిర్యాదు చేస్తే సమస్యను సమర్థవంతంగా పరిష్కరించవచ్చన్నారు. మహిళల భద్రతకు భంగం కలిగించే వారిపై కఠిన చర్యలు తీసుకుంటామని స్పష్టం చేశారు. ఫిర్యాదు చేయాలనుకునే వారు నల్లగొండ : మహిళలు, బాలికలను వేధిస్తే ఇక తప్పించుకోవడం కష్టమే. ఈవ్‌టీజింగ్‌, అసభ్య ప్రవర్తన, లైంగిక వేధింపులకు అడ్డుకట్ట వేసేందుకు నల్లగొండ జిల్లా పోలీస్‌ శాఖ ఆధ్వర్యంలోని షీ టీమ్స్‌ నిరంతరం నిఘా కొనసాగిస్తున్నాయి. మహిళల భద్రతే లక్ష్యంగా బస్టాండ్లు, రైల్వే స్టేషన్లు, కళాశాలలు, మార్కెట్లు, షాపింగ్‌ మాల్స్‌ వంటి రద్దీ ప్రాంతాల్లో తనిఖీలు చేపడుతున్నాయి. అక్టోబర్‌ నెలలో షీ టీమ్స్‌ పనితీరు ఇందుకు నిదర్శనంగా నిలుస్తోంది. నెల రోజుల్లోనే వేధింపులకు పాల్పడుతున్న 38 మందిని షీటీమ్‌ బృందాలు పట్టుకున్నాయి. మహిళల నుంచి 14 ఫిర్యాదులు స్వీకరించి మూడు పెట్టీ కేసులు నమోదు చేశాయి. జిల్లాలో నల్లగొండ, మిర్యాలగూడ కేంద్రాలుగా రెండు షీ టీమ్స్‌ పనిచేస్తున్నాయి. వేధింపులు జరిగే అవకాశం ఉన్న ప్రాంతాలను గుర్తించి ప్రత్యేక నిఘా ఏర్పాటు చేస్తున్నాయి. అక్టోబర్‌లో హాట్‌స్పాట్‌ ప్రాంతాలను 492 సార్లు సందర్శించి పరిస్థితులను పర్యవేక్షించాయి. అనుమానాస్పదంగా వ్యవహరించే వ్యక్తులపై నిఘా పెట్టి వేధింపులకు పాల్పడుతున్న వారిని గుర్తించాయి. మహిళలు, విద్యార్థినులకు భద్రతపై అవగాహన కల్పించేందుకు గత నెలలో 57 కార్యక్రమాలు నిర్వహించాయి. 49 మందికి కౌన్సెలింగ్‌ ఇచ్చాయి. వేధింపులకు పాల్పడితే ఎదురయ్యే చట్టపరమైన పరిణామాలను వివరించడంతోపాటు మహిళలు ధైర్యంగా ఫిర్యాదు చేయాలని సూచిస్తున్నాయి. ఫిర్యాదుకు ఎన్నో మార్గాలు.. బాధిత మహిళలు ఫిర్యాదు చేసేందుకు పోలీస్‌స్టేషన్‌కు వెళ్లాల్సిన అవసరం లేకుండా డయల్‌ 112, వాట్సాప్‌, పోలీస్‌ శాఖ అందించిన క్యూ ఆర్‌ కోడ్‌ ద్వారా ఫిర్యాదు చేసే అవకాశం కల్పించారు. ఫిర్యాదుదారుల వివరాలను గోప్యంగా ఉంచుతామని పోలీసులు భరోసా ఇస్తున్నారు. మహిళలు, యువతులు ప్రయాణ సమయాల్లో తెలంగాణ పోలీస్‌ శాఖ అందుబాటులోకి తెచ్చిన టీ–సేఫ్‌ యాప్‌ను వినియోగించుకోవాలని సూచిస్తున్నారు. సోషల్‌ మీడియాలో అప్రమత్తంగా ఉండాలి.. సోషల్‌ మీడియా ద్వారా పరిచయాలు పెంచుకొని ఫొటోలు సేకరించడం, మార్ఫింగ్‌ చేసి బ్లాక్‌మెయిల్‌ చేయడం వంటి ఘటనలపై అప్రమత్తంగా ఉండాలని పోలీసులు హెచ్చరిస్తున్నారు. తెలియని వ్యక్తుల ఫ్రెండ్‌ రిక్వెస్ట్‌లను అంగీకరించవద్దని, వ్యక్తిగత ఫొటోలు, వివరాలను షేర్‌ చేసేటప్పుడు జాగ్రత్తగా ఉండాలని సూచిస్తున్నారు. మహిళలు, విద్యార్థినులకు అండగా షీ టీమ్స్‌ ఫ అక్టోబర్‌లో 38 మంది పోకిరీల పట్టివేత ఫ 14 ఫిర్యాదులు.. 3 కేసుల నమోదు ఫ వేధింపులపై మౌనం వీడి ఫిర్యాదు చేయాలని పోలీస్‌శాఖ సూచన జిల్లా షీ టీమ్‌: 8712670235,ఇన్‌చార్జి కె.మంజుల, ఇన్‌స్పెక్టర్‌ : 8712670143, నల్లగొండ షీ టీమ్‌: 8712576870, మిర్యాలగూడ షీ టీమ్‌: 8712582094 నంబర్లను సంప్రదించాలని పేర్కొంటున్నారు.

నల్లగొండ : విద్యార్థులకు నైపుణ్యాభివృద్ధి శిక్షణను విస్తరించాలని కలెక్టర్‌ చంద్రశేఖర్‌ అన్నారు. మంగళవారం ఆయన నల్లగొండలోని ఐటీ టవర్‌ను ఆకస్మికంగా సందర్శించి అక్కడ నిర్వహిస్తున్న శిక్షణ కార్యక్రమాలను, కంపెనీల పనితీరును పరిశీలించి మాట్లాడారు. మహాత్మాగాంధీ విశ్వవిద్యాలయం, నాగార్జున కళాశాల, ఇతర డిగ్రీ కళాశాలలకు చెందిన విద్యార్థులకు ప్రస్తుత పరిశ్రమల అవసరాలకు అనుగుణంగా నైపుణ్యాభివృద్ధి శిక్షణ ఇచ్చి, ఉద్యోగ, స్వయం ఉపాధి అవకాశాలు పొందేలా ప్రోత్సహించాలన్నారు. తొలుత భవనంలోని పీఎం విశ్వకర్మ శిక్షణ కేంద్రాన్ని సందర్శించి, ఇప్పటివరకు ఎంతమందికి శిక్షణ అందించారు? ప్రస్తుతం ఎంతమంది విద్యార్థులు శిక్షణ పొందుతున్నారు? అని నిర్వాహకులను అడిగి తెలుసుకున్నారు. ఇప్పటివరకు సుమారు 500 మందికి శిక్షణ అందించినట్లు నిర్వాహకులు కలెక్టర్‌కు వివరించారు. అనంతరం ఐటీ టవర్‌ మేనేజర్‌ ఎన్‌.ప్రకాశ్‌తో మాట్లాడుతూ ఐటీ టవర్‌లో ఎన్ని కంపెనీలు పనిచేస్తున్నాయి? వాటి నిర్వహణకు సంబంధించిన వివరాలను అడిగి తెలుసుకున్నారు. సుమారు వెయ్యి కంపెనీలు ఉన్నట్లు మేనేజర్‌ వివరించారు. ఐటీ టవర్‌లోని సంస్థలు నిబంధనల ప్రకారం నిర్వహణ ఖర్చులు తప్పనిసరిగా చెల్లించాలన్నారు. కార్యక్రమంలో ఐటీ టవర్‌ డిప్యూటీ జోనల్‌ మేనేజర్‌ ఎన్‌.ప్రకాశం, కంపెనీల ప్రతినిధులు పాల్గొన్నారు. ఫ కలెక్టర్‌ చంద్రశేఖర్‌

రామగిరి (నల్లగొండ) : నల్లగొండలోన ఎన్జీ కళాశాలలోని డాక్టర్‌ బిఆర్‌ అంబేద్కర్‌ ఓపెన్‌ యూనివర్సిటీ రీజినల్‌ సెంటర్‌ సెమినార్‌ హాల్‌లో ఎస్‌కేఎస్‌ఎస్‌ స్వచ్ఛంద సంస్థ ఆధ్వర్యంలో మంగళవారం నిర్వహించిన మెగాజాబ్‌ మేళాకు విశేష స్పందన వచ్చింది. ఉమ్మడి జిల్లా వ్యాప్తంగా వందలాది మంది నిరుద్యోగులు తరలివచ్చారు. నల్లగొండ డీఎస్పీ శివరాంరెడ్డి జాబ్‌మేళాను ప్రారంభించి మాట్లాడారు. కార్యక్రమంలో ఎన్జీ కళాశాల ప్రిన్సిపాల్‌ ప్రొఫెసర్‌ ఉపేందర్‌, పొట్టిపాక నాగరాజు, టూ టౌన్‌ ఎస్‌ఐ సైదాబాబు, అంబేద్కర్‌ ఓపెన్‌ యూనివర్సిటీ రీజినల్‌ కోఆర్డినేటర్‌ బొజ్జ అనిల్‌కుమార్‌, ఫాక్స్‌కాన్‌ హెచ్‌ఆర్‌ మేనేజర్‌ శ్రీనివాస్‌, ఎస్‌కెఎస్‌ఎస్‌ మేనేజర్‌ మూర్తి, ప్రతినిధులు తరాల నరేష్‌, తోగిటి అనుదీప్‌, నల్ల మధు, కట్ట హరిబాబు, నాంపల్లి మధు, తోనుకునూరి సన్నీ, కొవూరు అఖిలేష్‌ తదితరులు పాల్గొన్నారు.

నల్లగొండ : జాతీయ మానవ హక్కుల కమిషన్‌ స్పెషల్‌ మానిటర్‌ డాక్టర్‌ అనిమేష్‌ భట్టాచార్య మంగళవారం పానగల్లులో మిషన్‌ భగీరథ నీటి శుద్ధి కేంద్రాన్ని, నీటి నాణ్యత ప్రయోగశాల (ఎన్‌ఏబీఎల్‌ ల్యాబ్‌)ను సందర్శించారు. ప్రయోగశాలలో నిర్వహిస్తున్న రసాయనిక, మైక్రోబయోలాజికల్‌ పరీక్షల వివరాలను సిబ్బందిని అడిగి తెలుసుకున్నారు. పరీక్షలకు సంబంధించిన రికార్డులను పరిశీలించారు. పాఠశాలలు, అంగన్‌వాడీ కేంద్రాల నుంచి సేకరించిన నీటి నమూనాల పరీక్షల నివేదికను తనిఖీ చేశారు. పరీక్షల తీరు, నాణ్యతా ప్రమాణాల అమలుపై ఆయన సంతృప్తి వ్యక్తం చేశారు. ఇదే తరహా నీటి శుద్ధి, నాణ్యత పర్యవేక్షణ విధానాలను ఇతర రాష్ట్రాల్లో కూడా అమలు చేసేలా చర్యలు తీసుకుంటే మంచిదన్నారు. కార్యక్రమంలో మిషన్‌ భగీరథ ఎస్‌ఈ నాగేశ్వరరావు, ఈఈ శాంతకుమారి, ఏఈఈ సంతోష్‌, ప్రయోగశాల ఇన్‌చార్జి పి.వీరారెడ్డి, బి.సుజాత, ఎస్‌.రేణుక, ప్రశాంతి, సత్యనారాయణ తదితరులు పాల్గొన్నారు.

నకిరేకల్‌ : పోలీస్‌స్టేషన్‌లో సీజ్‌ చేసిన ద్విచక్రవాహనాలను అమ్ముకున్న వ్యవహరంలో పోలీస్‌ కానిస్టేబుల్‌ సైదులుపై సస్పెన్షన్‌ వేటు పడింది. కరోనా సమయంలో నకిరేకల్‌ పోలీస్‌స్టేషన్‌లో కానిస్టేబుల్‌ సైదులు విధులు నిర్వహించారు. ఆ సమయంలో ఆయన కొన్ని బైక్‌లను విక్రయించాడు. మూడు రోజుల క్రితం స్థానిక పోలీసులు వాహనాల తనిఖీలో మూడు బైక్‌లను స్వాధీనం చేసుకున్నారు. వాటిపై విచారణ చేపట్టగా గతంలో పోలీస్‌స్టేషన్‌లో పనిచేస్తున్న కానిస్టేబుల్‌ సైదులు తమకు విక్రయించినట్లు సంబంధిత వ్యక్తులు వెల్లడించారు. ఒక్కో బైక్‌ను రూ.20 వేల చొప్పున విక్రయించినట్లు చెప్పారు. ఈ విషయంపై పోలీసులు విచారణ చేపట్టారు. ప్రస్తుతం కానిస్టేబుల్‌ సైదులు కేతేపల్లి పోలీస్‌స్టేషన్‌లో విధులు నిర్వహిస్తున్నాడు. గతంలో సైదులు పనిచేసిన పోలీస్‌స్టేషన్లలోనూ బైకులను విక్రయించారా.. అనే కోణంలో టాస్క్‌ఫోర్స్‌ అధికారులు దర్యాప్తు చేస్తున్నారు. ఈ వ్యవహారంపై సీరియస్‌ అయిన ఎస్పీ శరత్‌చంద్ర పవార్‌ సదరు కానిస్టేబుల్‌ సైదులును మంగళవారం సస్పెండ్‌ చేశారు. సైదులుపై శాఖపరమైన విచారణ కొనసాగుతుందని పేర్కొన్నారు.

సర్టిఫికెట్‌ రద్దు చేయండి అంటూ కార్యాలయానికి వచ్చిన మృతుడి సతీమణి నల్లగొండ టూటౌన్‌ : నిబంధనలను తుంగలో తొక్కి మరణ ధ్రువీకరణ పత్రం జారీ చేసిన వ్యవహారం నీలగిరి కార్పొరేషన్‌కు చెందిన నలుగురు ఉద్యోగులకు సోమవారం షోకాజ్‌ నోటీసులు జారీ చేశారు. ఈ నెల 2వ తేదీన ‘సాక్షి’లో ప్రచురితమైన ‘మరణం అక్కడ.. ధ్రువీకరణ ఇక్కడ’ అనే కథనం నగరంలో సంచలనం సృష్టించింది. ఈ వ్యవహారంపై పూర్తి నివేదిక అందజేయాలని జిల్లా కలెక్టర్‌, అదనపు కలెక్టర్‌ (స్థానిక సంస్థలు) మున్సిపల్‌ కార్పొరేషన్‌ అధికారులను ఆదేశించారు. ‘సాక్షి’లో ప్రచురితమైన విధంగానే 2025 మే 28న జారీ చేసిన మరణ ధ్రువీకరణ పత్రం జారీ అయిందని నిర్ధారించారు. ఈ వ్యవహారంలో నలుగురు ఉద్యోగులకు షోకాజ్‌ నోటీసుల జారీ చేశారు. వీరితోపాటు మృతుడి భార్య వసంతపై నల్లగొండ టూటౌన్‌ పోలీసులకు ఫిర్యాదు చేసినట్లు కమిషనర్‌ వంశీకృష్ణ తెలిపారు. కాగా మరణ ధ్రువీకరణ పత్రం తీసుకున్న వెంకటేశ్వర్లు సతీమణి వసంత సోమవారం మున్సిపల్‌ కార్పొరేషన్‌ కార్యాలయం వచ్చి సర్టిఫికెట్‌ రద్దు చేయండి అని అధికారులకు విన్నవించుకోవడం విశేషం.

నల్లగొండ : జనగణనలో బీసీ కులగణన ఉండాలని కోరుతూ జరగనున్న చలో ఢిల్లీ కార్యక్రమానికి బహుజన సమాజం సిద్ధం కావాలని ప్రజాపోరాట సమితి రాష్ట్ర అధ్యక్షుడు నూనె వెంకట్‌స్వామి పిలుపునిచ్చారు. సోమవారం నల్లగొండలోని బహుజన లెఫ్ట్‌ ఫ్రంట్‌ (బీఎల్‌ఎఫ్‌) భాగస్వామ్య రాజకీయ పక్షాలు ఏర్పాటు చేసిన రౌండ్‌ టేబుల్‌ సమావేశంలో ఆయన మాట్లాడారు. చాయ్‌ వాలా నని, బీసీనని చెప్పుకునే ప్రధాని నరేంద్ర మోదీ అగ్రకులాలకు 10 శాతం రిజర్వేషన్లను చట్టబద్ధం చేశారని విమర్శించారు. జనగణనలో బీసీ కులగణన లేకపోవడమే మోదీ ప్రభుత్వ పక్షపాత వైఖరికి నిదర్శనమన్నారు. సమావేశంలో నాయకులు పర్వతాలు, వస్కుల మట్టయ్య, బకరం శ్రీనివాస్‌, వైద్యుల సత్యనారాయణ, నేలపట్ల రమేష్‌, ధీరావత్‌ రవినాయక్‌, మేడి శంకర్‌, కొండూరు సత్యనారాయణ, గోవర్ధన్‌, పుట్టబత్తుల సత్యనారాయణ, మునాస రమణ, లోకనబోయిన రమణముదిరాజ్‌, వస్కుల సైదమ్మ, వరికల్‌ గోపాల్‌, కాశి, బర్రె సంజీవ, మారగొని వెంకన్నగౌడ్‌, దొండ నరసింహయాదవ్‌, జానిపోయిన కుమార్‌, రాచరికపు పెంటయ్య, పురం రాంబాబు పాల్గొన్నారు.

నల్లగొండ : ఎల్‌నినో పరిస్థితులను దృష్టిలో ఉంచుకొని ప్రతి ఒక్కరు విద్యుత్‌ ఆదా చేయాలని కలెక్టర్‌ చంద్రశేఖర్‌ అన్నారు. సోమవారం కలెక్టరేట్‌లో నిర్వహించిన ప్రజావాణిలో ఆయన ప్రజల ఫిర్యాదులు స్వీకరించిన అనంతరం ఏర్పాటు చేసిన సమావేశంలో మాట్లాడారు. 30 రోజులకు మించి పెండింగ్‌ లో ఉన్న ప్రజావాణి దరఖాస్తులన్నీ ఈ వారంలోగా పరిష్కరించాలని ఆదేశించారు. జిల్లా స్థాయిలో 391, మండల స్థాయిలో 359 ప్రజావాణి ఫిర్యాదులు పెండింగ్‌లో ఉన్నాయని తెలిపారు. ప్రజావాణిపై ఈ నెలలో ప్రత్యేకంగా సమీక్షిస్తానన్నారు. ఈనెల 7వ తేదీ వరకు నిర్వహించనున్న సేవ్‌ ఎనర్జీ కార్యక్రమంలో పాఠశాల విద్యార్థులు, ప్రజలు అన్ని వర్గాల ప్రజలను భాగస్వామ్యం చేయాలన్నారు. జిల్లా, మండల, గ్రామస్థాయి వరకు అధికారులు, సిబ్బంది ప్రతిరోజు ఉదయం10.30 గంటల నుంచి 11:30 వరకు అన్ని కార్యాలయాలలో సూర్యరశ్మి ఎక్కువగా ఉన్నచోట లైట్లు, ఫ్యాన్లు వేసుకోవద్దని తెలిపారు. విద్యుత్‌ను ఎలా ఆదా చేయాలనే దానిపై విద్యార్థులకు చిట్కాలను తెలియజేయాలని సూచించారు. అనంతరం అధికారుల చేత ఆయన విద్యుత్‌ను పొదుపు చేస్తామని ప్రతిజ్ఞ చేయించారు.అనంతరం జనజాతీయ గౌరవ దివస్‌ సెలబ్రేషన్స్‌పై రూపొందించిన వాల్‌పోస్టర్‌ను ఆవిష్కరించారు. కార్యక్రమంలో రెవెన్యూ అదనపు కలెక్టర్‌ జె.శ్రీనివాస్‌, స్థానిక సంస్థల ఇన్‌చార్జి అదనపు కలెక్టర్‌ ప్రేమ్‌కరణ్‌రెడ్డి, డిప్యూటీ కలెక్టర్‌ (ట్రెయినీ) శ్రీకాంత్‌రెడ్డి, డీఆర్‌డీఓ శేఖర్‌రెడ్డి, డీటీడీఓ కమలాకర్‌రెడ్డి, రెడ్కో ప్రతినిధి అశోక్‌ తదితరులు పాల్గొన్నారు.

నల్లగొండ టూటౌన్‌ : నీలగిరి మున్సిపల్‌ కార్పొరేషన్‌ కార్యాలయంలో అడ్డగోలుగా సర్టిఫికెట్లు జారీ చేసి అందిన కాడికి దండుకున్నారనే చర్చ జరుగుతోంది. ప్రత్యేకాధికారుల పాలనలో ఈ దందాకు అడ్డూఅదుపు లేకుండా సాగిందనే విమర్శలు వ్యక్తవుతున్నాయి. ఆ సమయంలో అక్రమ వ్యవహారాలను గుట్టుచప్పుడు కాకుండా పని కానిచ్చేసి రూ.లక్షలు దండుకున్నది బహిరంగ రహస్యమే అనే చర్చ జరుగుతోంది. గతంలో ఇక్కడ పని చేసిన కమిషనర్లు అక్రమార్కులకు అండగా నిలిచారనే చర్చ లేకపోలేదు. సూర్యాపేట జిల్లా కేంద్రంలో మృతి చెందిన వెంకటేశ్వర్లుకు ప్రత్యేకాధికారుల పాలనలోనే నీలగిరి మున్సిపల్‌ కార్పొరేషన్‌ నుంచి మరణ ధ్రువీకరణ పత్రం ఇచ్చారు. ఇలాంటి అక్రమ వ్యవహారాలు ఇంకా ఎన్ని ఉన్నాయో అనే అనుమానాలను వ్యక్తమవుతున్నాయి. బీడీఆర్‌ నిత్య కల్యాణం.. పచ్చతోరణం మున్సిపాలిటీలు, కార్పొరేషన్‌లో బర్త్‌ అండ్‌ డెత్‌ రిజిస్టార్‌ (బీడీఆర్‌) విభాగాలు నిత్య కల్యాణం.. పచ్చ తోరణంగా మారింది. ఈ విభాగంలో పనిచేసే వారికి డబ్బులకు ఏ మాత్రం కొదవ ఉండదనే నానుడి ఎప్పటి నుంచో ఉంది. ఈ విభాగం నుంచి గతంలో ఇక్కడ పనిచేసిన ఇద్దరు కమిషనర్లకు నెలకు రూ.60 వేల నుంచి రూ.లక్ష వరకు ముడుపులు అందాయనే ఆరోపణలు వినిపిస్తున్నాయి. ప్రత్యేకాధికారుల పాలనలో జరిగిన ఈ అక్రమాలపై పూర్తి స్థాయి విచారణ జరిపితే నిజాలు బయటపడే అవకాశం ఉందనే అభిప్రాయాలు వ్యక్తమవుతున్నాయి. సీబీఐ కేసు అయినా మారని బుద్ధి.. నీలగిరి మున్సిపాలిటీలో గతంలో కూడా ఓసారి మరణ ధ్రువీకరణ పత్రం జారీలో అక్రమాలకు పాల్పడిన ఘటనలో సీబీఐ అధికారులు కేసు నమోదు చేసి ఓ ఉద్యోగిని అరెస్ట్‌ చేశారు. ఒకసారి ఇలాంటి ఘటన జరిగిన తరువాత కూడా సంబంధిత విభాగం ఉద్యోగుల వక్ర బుద్ధి మారలేదు. కాసుల కోసం అడ్డదారిలో సర్టిఫికెట్లు జారీ చేస్తూ అడ్డంగా దొరికిపోతున్నారు. అక్రమంగా మరణ ధ్రువీకరణ పత్రం జారీ చేసిన ఉద్యోగుల్లో వణుకు పడుతున్నట్లు తెలిసింది. తమ మీదకు రాకుండా ముందు జాగ్రత్తగా ఇతరులపై నెపం నెట్టివేసే ప్రయత్నం జరుగుతున్నట్లు విశ్వనీయవర్గాల సమాచారం. ఈ వ్యవహారంలో ఓ చిరుద్యోగిని ఇరికించి బయట పడేందుకు శతవిధాలా ప్రయత్నిస్తున్నారనే చర్చ జరుగుతోంది. తమకు సంబంధం లేదంటూ బుకాయింపు మొదలు పెట్టి తప్పించుకునేందుకు ఎదురుదాడి చేస్తున్నట్లు సమాచారం. ఫ నీలగిరి కార్పొరేషన్‌లో అవినీతిమయం ఫ గతంలో పనిచేసిన కమిషనర్లకు వాటాలు పంచారనే ఆరోపణలు ఫ ప్రత్యేకాధికారుల పాలనలోనే ఎక్కువగా అక్రమాలు

గుర్రంపోడు : ఎండిపోతున్న పంటలను కాపాడేందుకు వెంటనే చెరువులను నింపాలని డిమాండ్‌ చేస్తూ రైతులు సోమవారం గుర్రంపోడు మండల కేంద్రంలో రాస్తారోకో నిర్వహించారు. మండలంలోని ఆమలూరు, నడికూడ, మొసంగి గ్రామాలకు చెందిన రైతులు నల్లగొండ–దేవరకొండ ప్రధాన రహదారిపై బైఠాయించారు. ఈ సందర్భంగా రైతులు మాట్లాడుతూ.. లక్షల రూపాయల పెట్టుబడితో సాగు చేసిన పంటలు ఎల్‌నినో ప్రభావంతో ఎండిపోతున్నాయని, బోరుబావుల్లో చుక్క నీరు రావడం లేదని ఆవేదన వ్యక్తం చేశారు. ఏఎమ్మార్పీ నీటితో చెరువులను నింపి భూగర్భ జలాలను పెంపొందించాలని కోరారు. విషయం తెలుసుకున్న ఇరిగేషన్‌, పోలీసు ఉన్నతాధికారులు సంఘటనా స్థలానికి చేరుకుని రైతులతో మాట్లాడారు. త్వరలోనే చెరువులకు నీటిని విడుదల చేస్తామని హామీ ఇవ్వడంతో రైతులు ఆందోళన విరమించారు. కార్యక్రమంలో సర్పంచ్‌లు మేకల సత్యనారాయణ, వెల్గపురి రాంబాబు, పిల్లి ఉమారాణి అభినయ్‌, కామళ్ల రాములు, కొండ నరేష్‌, సురేష్‌, గంగాధర్‌ గౌడ్‌, శ్రీనివాస్‌ పాల్గొన్నారు.

నల్లగొండ : పుట్టుకతోనే దివ్యాంగులైన ఇద్దరు కుమార్తెలను ఆ తల్లిదండ్రులు కంటికి రెప్పలా కాపాడుకుంటున్నారు. వారు కోలుకుంటారన్న ఆశతో ఉన్నదంతా ఊడ్చి లక్షల రూపాయలు వైద్యానికి ఖర్చు చేశారు. అయినా ఫలితం లేకపోవడంతో దిక్కుతోచని స్థితిలో పడ్డారు. ఇప్పుడు వారి వయసు పెరుగుతుండటంతో.. ‘మా తర్వాత మా పిల్లల పరిస్థితి ఏంటి?’ అన్న ఆందోళనతో ఆ కన్నవారు రోజురోజుకూ కుమిలిపోతున్నారు. తమ పెద్ద కుమార్తెకు ఏదైనా ఉద్యోగం ఆసరాగా ఉంటుందని ప్రభుత్వాన్ని వేడుకుంటున్నారు. శరీరం సహకరించకపోయినా.. చదువుపై ఆసక్తి.. చింతపల్లి మండలం గొడకొండ్ల గ్రామానికి చెందిన శ్రీనివాస్‌–అనిత దంపతులకు నిఖిత, నితిషా అనే ఇద్దరు కుమార్తెలు ఉన్నారు. ఇద్దరూ పుట్టుకతోనే శారీరక వైకల్యంతో బాధపడుతున్నారు. శరీరం సహకరించకపోయినా చదువుకోవాలన్న వారి తపనకు తల్లిదండ్రులు ప్రోత్సాహం అందించారు. దీంతో పెద్ద కుమార్తె నిఖిత ఇంటర్‌ వరకు చదువుకుంది. చిన్న కుమార్తె నితిషా మాత్రం ఆర్థిక పరిస్థితుల కారణంగా ఆరో తరగతితోనే చదువు ఆపేసింది. తమ పనులు తాము చేసుకోలేని స్థితిలో ఉన్న ఈ ఇద్దరి ఆలనాపాలనా చూసుకోవడానికే తల్లి అనిత సమయం సరిపోతోంది. చెప్పుల దుకాణమే జీవనాధారం.. శ్రీనివాస్‌ చింతపల్లిలో రోడ్డు పక్కన చిన్న చెప్పుల దుకాణం నడుపుతూ కుటుంబాన్ని పోషిస్తున్నారు. దాని ద్వారా వచ్చే కొద్దిపాటి ఆదాయం అద్దె ఇల్లు, ఇతర కుటుంబ అవసరాలకే సరిపోవడం లేదు. పిల్ల ల వైద్యం కోసం ఇప్పటివరకు లక్షల రూపాయలు వెచ్చించినా లాభం లేకపోయింది. ఒకవైపు పిల్లల సంరక్షణ, మరోవైపు కుటుంబ పోషణతో ఆ దంపతులు తీవ్ర ఆర్థిక ఇబ్బందులు ఎదుర్కొంటున్నారు. మా తర్వాత వారి పరిస్థితి ఏంటి? ‘మేము బతికి ఉన్నంత కాలం పిల్లలను కంటికి రెప్పలా చూసుకుంటాం. కానీ, మా తర్వాత వారి పరిస్థితి ఏంటన్నదే మమ్మల్ని వేధిస్తోంది’ అని శ్రీనివాస్‌ దంపతులు కన్నీరుమున్నీరవుతున్నారు. పెద్ద కుమార్తె నిఖిత ఇంటర్‌ వరకు చదువుకున్నందున, ఆమెకు తగిన ఏదైనా ఆఫీసు ఉద్యోగం (రాత పని) కల్పించాలని కోరుతున్నారు. ఉద్యోగం వస్తే కనీసం తన జీవనాన్ని తాను కొనసాగించగలదని, చెల్లెలికి కూడా భరోసా ఉంటుందని ఆశిస్తున్నారు. సోమవారం కలెక్టరేట్‌లో నిర్వహించిన ప్రజావాణి కార్యక్రమంలో శ్రీనివాస్‌ దంపతులు తమ ఇద్దరు కుమార్తెలతో కలిసి వచ్చి కలెక్టర్‌ను కలిశారు. పిల్లల వైకల్యం, కుటుంబ ఆర్థిక ఇబ్బందులు, భవిష్యత్‌పై తమకున్న ఆందోళనను వివరించి కన్నీటిపర్యంతమయ్యారు. పెద్ద కుమార్తెకు ఉద్యోగ అవకాశం కల్పించి, ప్రభుత్వపరంగా ఆదుకోవాలని వేడుకున్నారు. వారి పరిస్థితిని విన్న కలెక్టర్‌ చలించిపోయి, తగిన సాయం అందేలా చర్యలు తీసుకుంటామని హామీ ఇచ్చారు.ఫ 20 ఏళ్లుగా దివ్యాంగ కూతుళ్ల ఆలనాపాలనా ఫ వైద్యం కోసం రూ.లక్షల ఖర్చు.. అయినా ఫలితం శూన్యం ఫ పెద్ద కూతురుకు ఉద్యోగమిచ్చి ఆదుకోవాలని ప్రజావాణిలో కలెక్టర్‌కు వినతి

నల్లగొండ : నల్లగొండలోని జిల్లా పోలీస్‌ కార్యాలయంలో సోమవారం పోలీస్‌ గ్రీవెన్స్‌డే సందర్భంగా బాధితుల నుంచి ఎస్పీ శరత్‌చంద్ర పవార్‌ వినతులు స్వీకరించారు. జిల్లాలోని వివిధ ప్రాంతాల నుంచి వచ్చిన 34 మంది బాధితులు తమ సమస్యలను ఎస్పీకి తెలియజేశారు. భూ వివాదాలు, కుటుంబ కలహాలు, ఆస్తి తగాదాలు, మోసాలకు సంబంధించిన ఫిర్యాదులపై బాధితులు వినతులు అందజేశారు. వినతులు స్వీకరించిన ఎస్పీ సంబంధిత పోలీస్‌ అధికారులు వాటిని వెంటనే పరిశీలించి తగిన చర్యలు తీసుకోవాలని ఫోన్‌ద్వారా ఆదేశాలు జారీ చేశారు. పోలీస్‌ శాఖ ప్రజలకు చేరువ కావాలనే ఉద్దేశంతో పోలీస్‌ గ్రీవెన్స్‌ డే నిర్వహిస్తున్నట్లు ఎస్పీ తెలిపారు. పదవీ విరమణ సభలో రాజకీయాలు సరికాదు నల్లగొండ : ఉద్యోగి పదవీ విరమణ కార్యక్రమాన్ని రాజకీయ వేదికగా మార్చి కాంగ్రెస్‌ ప్రభుత్వంపై విమర్శలు చేయడం సరికాదని టీఎన్జీవో జిల్లా మాజీ అధ్యక్షుడు, కాంగ్రెస్‌ నాయకుడు ఏడుదొడ్ల వెంకట్రాంరెడ్డి అన్నారు. సోమవారం నల్లగొండలోని మంత్రి కోమటిరెడ్డి క్యాంపు కార్యాలయంలో ఆయన విలేకరులతో మాట్లాడారు. మాజీ ఎమ్మెల్యే కంచర్ల భూపాల్‌రెడ్డి, టీఎన్జీవో మాజీ రాష్ట్ర అధ్యక్షుడు దేవీప్రసాద్‌రావు వ్యాఖ్యలను ఖండించారు. బీఆర్‌ఎస్‌ పదేళ్ల పాలనలో ఉద్యోగులు, ఉపాధ్యాయులు అనేక సమస్యలు ఎదుర్కొన్నారని, మూడు డీఏలు, జీపీఎఫ్‌, టీఎస్‌జీఎల్‌ఐ, సరెండర్‌ లీవ్‌ బకాయిలు పెండింగ్‌లో పెట్టారని విమర్శించారు. పదవీ విరమణ కార్యక్రమాలను రాజకీయ విమర్శలకు వేదికగా మార్చకుండా ఉద్యోగుల గౌరవాన్ని కాపాడాలని కోరారు. కార్యక్రమంలో టీఎన్జీవో మాజీ సహాధ్యక్షుడు మామిడాల రమేష్‌ పాల్గొన్నారు. సాంకేతిక నైపుణ్యాలతో బోధన మెరుగునల్లగొండ టూటౌన్‌ : అధునాతన సాంకేతిక నైపుణ్యాలతో అధ్యాపకుల బోధన మెరుగుపడుతుందని ఎంజీయూ రిజిస్ట్రార్‌ కొప్పుల అంజిరెడ్డి అన్నారు. సోమవారం నల్లగొండలోని ఎంజీ యూనివర్సిటీలో అధ్యాపకులకు బోధన, సాంకేతిక నైపుణ్యాలపై ఏర్పాటు చేసిన శిక్షణ కార్యక్రమంలో ఆయన మాట్లాడారు. అధ్యాపకులకు పైతాన్‌, మెషిన్‌ లెర్నింగ్‌, ప్రాంప్ట్‌ ఇంజనీరింగ్‌, కృత్రిమ మేధా, సాప్‌ టెక్‌ స్కిల్స్‌పై శిక్షణ ఇచ్చారని తెలిపారు. కార్యక్రమంలో జయంతి, రేఖ, సుధారాణి, సాంబశివరావు, సాయికృష్ణ, విజయ్‌ పాల్గొన్నారు.

చండూరు : నష్టపోయిన రైతాంగాన్ని ప్రభుత్వం ఆదుకోవాలని సీపీఐ జాతీయ కార్యదర్శి పల్లా వెంకట్‌రెడ్డి, జిల్లా కార్యదర్శి, ఎమ్మెల్సీ నెల్లికంటి సత్యం డిమాండ్‌ చేశారు. సోమవారం చండూరు మండలంలోని బంగారిగడ్డ గ్రామంలో ఎండిన పంటలను వారు పరిశీలించి మాట్లాడారు. ఎల్‌నినో ప్రభావంతో వర్షాకాలం సరిగ్గా వర్షాలు లేక భూగర్భజలాలు అడుగంటి.. రైతులు పెట్టిన పెట్టుబడి కూడా రాక తీవ్రంగా నష్టపోయారని ఆవేదన వ్యక్తం చేశారు. కరువు వల్ల కౌలు రైతులు అధికంగా నష్టపోయారని పేర్కొన్నారు. ఈ పరిస్థితుల్లో ప్రభుత్వం రైతులను ఆదుకోవాలన్నారు. కార్యక్రమంలో జిల్లా కార్యవర్గ సభ్యులు నలపరాజు రామలింగయ్య, మాజీ జెడ్పీటీసీ మాదగోని విజయలక్ష్మి, భిక్షమయ్య, బొడ్డు వెంకటేశ్వర్లు, పల్లె శంకర్‌, బండమీది వెంకన్న, సంజీవ, బోయపల్లి వెంకటేశం, కాటపల్లి శ్రీను, ఇరిగి ముత్తయ్య, సాయి, పరమేష్‌, నరహరి తదితరులు పాల్గొన్నారు.

జీఓ 25ను సవరించాలి జీఓ 25ను తక్షణమే సవరించాలని యూటీఎఫ్‌ రాష్ట్ర ప్రధాన కార్యదర్శి ఆదిమూలం వెంకట్‌ అన్నారు. ఉత్పత్తి సంస్థలుగా పీఏసీఎస్‌లు ప్రాథమిక వ్యవసాయ సహకార సంఘాలను ప్రభుత్వం రైతు ఉత్పత్తి సంస్థలుగా(ఎఫ్‌పీఓ) మారుస్తోంది.మంగళవారం శ్రీ 3 శ్రీ నవంబర్‌ శ్రీ 2026- 8లో- 10లోఫ 5.70 మీటర్ల నుంచి 8.94 మీటర్లకు లోతుకు.. ఫ దామరచర్లలో అత్యధికంగా 17.74 మీటర్ల లోతులో భూగర్భ జలం ఫ పరిస్థితి ఇలాగే కొనసాగితే భవిష్యత్‌లో నీటి కష్టాలే ఫ అనుమతి లేకుండా బోర్లు వేస్తే సీజ్‌ సాక్షి ప్రతినిధి, నల్లగొండ : భూగర్భ జలాలు ఆందోళనకర స్థాయికి పడిపోతున్నాయి. భూగర్భ జల శాఖ అక్టోబర్‌–2026 నివేదిక ప్రకారం గతేడాది అక్టోబర్‌లో జిల్లా సగటు భూగర్భ జలమట్టం 5.70 మీటర్లపైన ఉండగా, ప్రస్తుతం 8.94 మీటర్ల లోతుకు చేరింది. అంటే ఏడాది వ్యవధిలో ఏకంగా 3.24 మీటర్ల మేర లోతుకు పడిపోయింది. పలు మండలాల్లో గతేడాదితో పోలిస్తే రెట్టింపునకు చేరువగా భూగర్భ జలాలు లోతుకు వెళ్లడం పరిస్థితి తీవ్రతకు అద్దం పడుతోంది. మరోవైపు ఈ ఏడాది సెప్టెంబర్‌తో పోల్చినా అక్టోబర్‌లో జిల్లా సగటు నీటిమట్టం 52 సెంటీమీటర్లు తగ్గింది. జిల్లాలోని 33 మండలాల్లో 25 మండలాల్లో నెల వ్యవధిలోనే నీటిమట్టాలు మరింత లోతుకు వెళ్లాయి. భూగర్భ జలాల పరిస్థితి ఇలాగే కొనసాగితే రానున్న రోజుల్లో సాగు, తాగునీటి అవసరాలకు ఇబ్బందులు తప్పవని అధికారులు హెచ్చరిస్తున్నారు. భూగర్భ జలాల విచ్చలవిడి వినియోగానికి అడ్డుకట్ట వేసేందుకు అనుమతులు లేకుండా బోర్లు వేస్తే సీజ్‌ చేసేలా చర్యలు చేపట్టనున్నారు. దామరచర్లలో 17.74 మీటర్లు జిల్లాలో అత్యంత లోతులో భూగర్భ జలాలు ఉన్న మండలంగా దామరచర్ల నిలిచింది. ఇక్కడ ఏకంగా 17.74 మీటర్ల లోతుకు నీటిమట్టం పడిపోయింది. గతేడాది అక్టోబర్‌లో ఇదే మండలంలో 10.55 మీటర్ల లోతులో నీరు ఉండగా.. ఏడాదిలో మరో 7.19 మీటర్ల మేర లోతుకు వెళ్లింది. కొన్ని మండలాల్లో రెట్టింపునకు చేరువగా గతేడాది అక్టోబర్‌ గణాంకాలతో పోలిస్తే కొన్ని మండలాల్లో భూగర్భ జలాల లోతు భారీగా పెరిగింది. నాంపల్లిలో గతేడాది 1.28 మీటర్ల లోతులో నీరు ఉండగా.. ప్రస్తుతం 4.88 మీటర్లకు చేరింది. గుండ్లపల్లిలో 3.86 మీటర్ల నుంచి 9.62 మీటర్లకు, గుర్రంపోడులో 2.46 మీటర్ల నుంచి 6.02 మీటర్లకు, కేతేపల్లిలో 0.76 మీటర్ల నుంచి 1.68 మీటర్లకు, కనగల్‌లో 5.02 మీటర్ల నుంచి 10.04 మీటర్లకు చేరింది. నిడమనూరులో 4.12 మీటర్ల నుంచి 9.64 మీటర్లకు, వేములపల్లిలో 2.99 మీటర్ల నుంచి 9.58 మీటర్లకు, నకిరేకల్‌లో 6.17 మీటర్ల నుంచి 10.67 మీటర్లకు నీటిమట్టం లోతుకు వెళ్లింది. ఈ మండలాల్లో ఏడాది వ్యవధిలో చోటుచేసుకున్న మార్పులు భూగర్భ జలాల పరిస్థితి ఎంతగా దిగజారిందో తెలియజేస్తున్నాయి. నెల రోజుల్లోనే 25 మండలాల్లో తగ్గుదల సెప్టెంబర్‌ నుంచి అక్టోబర్‌ మధ్య కాలంలోనూ జిల్లాలోని 25 మండలాల్లో భూగర్భ జలాలు మరింత లోతుకు వెళ్లాయి. మునుగోడులో అత్యధికంగా 1.72 మీటర్లు, కనగల్‌లో 1.42 మీటర్లు, వేములపల్లిలో 1.41 మీటర్లు, చింతపల్లిలో 1.37 మీటర్లు, దేవరకొండలో 1.34 మీటర్లు, మర్రిగూడలో 1.24 మీటర్లు, తిరుమలగిరి సాగర్‌లో 1.21 మీటర్లు, చండూరులో 0.98 మీటర్ల మేర నీటిమట్టం తగ్గింది. మరోవైపు మిర్యాలగూడలో 0.98 మీటర్లు, చిట్యాలలో 0.73 మీటర్లు, నేరేడుగొమ్ములో 0.68 మీటర్లు, మాడుగులపల్లిలో 0.51 మీటర్లు, గుడిపల్లిలో 0.15 మీటర్లు, అడవిదేవులపల్లిలో 0.11 మీటర్ల మేర నీటిమట్టం పెరిగింది. కొండమల్లేపల్లిలో ఎలాంటి మార్పు లేదు. నార్కట్‌పల్లిలో 0.01 మీటర్లు, దామరచర్లలో 0.02 మీటర్ల స్వల్ప పెరుగుదల నమోదైంది. అనుమతి లేకుండా బోర్లు వేస్తే సీజ్‌ భూగర్భ జలాలు రోజురోజుకూ లోతుకు వెళ్తుండటంతో ఇష్టారాజ్యంగా బోర్లు వేసి నీటిని తోడేయడం వల్ల భవిష్యత్తులో నీటి సమస్యలు మరింత తీవ్రమయ్యే ప్రమాదం ఉంది. ఈ నేపథ్యంలో బోర్లు వేయాలంటే సంబంధిత శాఖల నుంచి ముందస్తు అనుమతులు తీసుకోవాల్సి ఉంటుంది. అనుమతులు లేకుండా బోర్లు వేస్తే వాటిని సీజ్‌ చేయడంతో పాటు నిబంధనల ప్రకారం చర్యలు తీసుకునే అవకాశం ఉంది. రైతులు, ప్రజలు భూగర్భ జలాలను పొదుపుగా వినియోగించుకోవాలని, వర్షపు నీటిని ఒడిసిపట్టి భూగర్భ జలాల పెంపునకు చర్యలు తీసుకోవాలని అధికారులు సూచిస్తున్నారు.

ఫ అదనపు కలెక్టర్‌ శ్రీనివాస్‌ నల్లగొండ : జిల్లాలో బియ్యం విక్రయించే వ్యాపారులు ప్రభుత్వం నిర్ణయించిన ధరలకే విక్రయించాలని, బియ్యం ధరలు పెంచవద్దని అదనపు కలెక్టర్‌ శ్రీనివాస్‌ ఆదివారం ఒక ప్రకటనలో ఆదేశించారు. వినియోగదారుల నుంచి అధిక ధరలు వసూలు చేయడం, తూకంలో తేడాలు చూపించడం, నాణ్యతా ప్రమాణాలకు విరుద్ధంగా బియ్యం విక్రయించడం వంటి అక్రమాలకు పాల్పడితే కఠిన చర్యలు తప్పవని హెచ్చరించారు. ప్రభుత్వం నిర్ణయించిన ధరల ప్రకారం తెలంగాణ బీపీటీ, కేఎన్‌ఎం రకం బియ్యం కిలో రూ.66, ఆర్‌ఎన్‌ఆర్‌, తెలంగాణ సోనా రకం రూ.74, హెచ్‌ఎంటీ, జేఎస్‌ఆర్‌ రకం బియ్యం కిలో రూ.79గా నిర్ణయించారు. ఈ ధరలకు మించి విక్రయించడానికి వీల్లేదని స్పష్టం చేశారు. వ్యాపారులు ధరల వివరాలతో కూడిన బ్యానర్లు ఏర్పాటు చేసుకోవాలని సూచించారు. నిర్ణయించిన ధరల కంటే అధికంగా వసూలు చేస్తున్నా, తూకంలో మోసాలకు పాల్పడుతున్నా వినియోగదారులు సంబంధిత అధికారులకు ఫిర్యాదు చేయాలని పేర్కొన్నారు. వట్టికోట ఆళ్వార్‌ స్వామి జయంతిరామగిరి (నల్లగొండ): నల్లగొండలోని గ్రంథాలయంలో ఆదివారం గ్రంథాలయ ఉద్యమ స్ఫూర్తిప్రదాత వట్టికోట ఆళ్వార్‌ స్వామి జయంతి నిర్వహించారు. ఈ సందర్భంగా ఆళ్వార్‌ స్వామి విగ్రహానికి సంస్థ కార్యదర్శి బి.బాలమ్మ పూలమాల వేసి నివాళులర్పించారు. కార్యక్రమంలో గ్రంధాలయ సంస్థ మాజీ చైర్మన్‌ గాదె వినోద్‌ రెడ్డి, కవులు మేరెడ్డి యాదగిరి రెడ్డి, పున్న అంజయ్య, కోమటిరెడ్డి బుచ్చిరెడ్డి, గ్రంథాలయ సిబ్బంది, పాఠకులు, సాహిత్యాభిమానులు పాల్గొన్నారు. యాదగిరీశుడికి విశేష పూజలుయాదగిరిగుట్ట: యాదగిరిగుట్ట లక్ష్మీనరసింహస్వామి వారి ఆలయంలో ఆదివారం ఉదయం నుంచి రాత్రి వరకు నిత్య కై ంకర్యాలు పాంచరాత్ర ఆగమశాస్త్రానుసారంగా నిర్వహించారు. వేకువజామున శ్రీస్వామి అమ్మవార్లకు సుప్రభాతం నిర్వహించి, గర్భాలయంలో స్వయంభూ మూర్తులకు అభిషేక పూజ జరిపించారు. అనంతరం తులసీ దళాలతో సహస్ర నామార్చన, కుంకుమార్చన వంటి పూజలు చేపట్టారు. ఆలయ ముఖ మండపంలో అష్టోత్తరం, సువర్ణ పుష్పార్చన నిర్వహించారు. ప్రథమ ప్రకార మండపంలో శ్రీసుదర్శన నారసింహ హోమం, గజ వాహన సేవ, నిత్య కల్యాణం జరిపించారు. సాయంత్రం జోడు సేవలను ఆలయ వీధుల్లో ఊరేగించారు. 29న హనుమాన్‌ విగ్రహ ప్రతిష్ఠ మిర్యాలగూడ టౌన్‌ : పట్టణంలోని అద్దంకి–నార్కట్‌పల్లి బైపాస్‌ రామచంద్రాగూడెం చౌరస్తా వద్ద నూతనంగా నిర్మించిన శ్రీ అభయాంజనేయ స్వామి దేవాలయం ప్రారంభోత్సవంతో పాటు 54 అడుగుల భారీ హనుమాన్‌ విగ్రహ ప్రతిష్ఠా మహోత్సవాన్ని ఈనెల 29న వైభవంగా నిర్వహించనున్నట్లు హనుమాన్‌ భక్తమండలి ఒక ప్రకటనలో తెలిపింది. ఈ పవిత్ర కార్యక్రమాన్ని పురస్కరించుకుని 29వ తేదీన పట్టణ ప్రజలు మాంసాహారం స్వీకరించవద్దని కోరింది. అలాగే, ఆ రోజు పట్టణంలోని మాంసం దుకాణాలను సైతం స్వచ్ఛందంగా మూసివేసి సహకరించాలని దుకాణదారులకు విజ్ఞప్తి చేసింది. పట్టణ ప్రజలు, భక్తులు పెద్ద ఎత్తున హాజరై విగ్రహ ప్రతిష్ఠా మహోత్సవాన్ని విజయవంతం చేయాలని భక్తమండలి కోరింది. ధాన్యం కొనుగోళ్లు ప్రారంభించాలి నల్లగొండ టూటౌన్‌ : నెల రోజులు గడుస్తున్నా ధాన్యం కొనుగోళ్లు ప్రారంభం కాలేదని, కలెక్టర్‌ వెంటనే స్పందించి తగిన చర్యలు తీసుకోవాలని బీజేపీ జిల్లా అధ్యక్షుడు నాగం వర్షిత్‌రెడ్డి ఒక ప్రకటనలో కోరారు. కొనుగోలు కేంద్రాల్లో నెల రోజులుగా ఎదురుచూస్తున్న రైతుల ధాన్యానికి కాంటాలు వేయాలని, కొనుగోలు చేసిన ధాన్యాన్ని ఎలాంటి జాప్యం లేకుండా వెంటనే మిల్లులకు తరలించాలని ఆయన డిమాండ్‌ చేశారు.

సాక్షి ప్రతినిధి, నల్లగొండ : ఎల్‌నినో ప్రభావం నేపథ్యంలో గ్రామీణ ప్రాంతాల్లో కూలీలకు ఉపాధి కల్పించేందుకు కేంద్ర ప్రభుత్వం చర్యలు చేపట్టింది. ఇందులో భాగంగా వీబీజీ రాంజీ పథకం కింద నల్లగొండ జిల్లాకు అదనంగా 75.88 లక్షల పని దినాలను కేటాయించింది. వచ్చే ఏడాది మార్చి వరకు ఈ పనులు కల్పించనున్నారు. ఇప్పటికే ప్రస్తుత ఆర్థిక సంవత్సరానికి 63 లక్షల పని దినాల లక్ష్యంగా ఇచ్చింది. అందులో మిగిలినవి కలుపుకొని మార్చి వరకు మొత్తంగా 87.98 లక్షల పని దినాలు కల్పించనున్నారు. ఈ అదనపు పనిదినాలతో గ్రామీణ ప్రాంతాల్లో కూలీలకు మరింత ఉపాధి లభించే అవకాశం ఏర్పడింది. పనులకు 38 వేల మంది కూలీలు జిల్లాలో ఉపాధి హామీ పథకం కింద సుమారు 3.48 లక్షల జాబ్‌ కార్డులు ఉన్నాయి. ప్రస్తుతం సుమారు 38 వేల మంది కూలీలు పనులకు వస్తున్నారు. పేదలకు ఉపాధి కల్పించడమే లక్ష్యంగా.. జాబ్‌ కార్డు ఉన్న ప్రతి ఒక్కరికీ పని కల్పిస్తామని అధికారులు చెబుతున్నారు. అందులో భాగంగా క్షేత్రస్థాయిలో కూలీలను సమీకరించే కార్యక్రమాన్ని చేపట్టారు. ప్రతి నెలా మండలాల వారీగా నిర్దిష్ట పని దినాలను కేటాయించి, అందుకు అనుగుణంగా కూలీలను పనుల్లోకి తీసుకురానున్నారు. మార్చి వరకు 87.98 లక్షల పని దినాలు లక్ష్యం వచ్చే ఏడాది మార్చి వరకు జిల్లాలోని 33 మండలాల్లో 87,98,625 పని దినాలు కల్పించేలా అధికారులు కార్యాచరణ రూపొందించారు. మొత్తం 869 గ్రామ పంచాయతీలు, 1,326 ఆవాసాలను ఈ ప్రణాళికలో చేర్చారు. నెలవారీగా పని దినాల లక్ష్యాన్ని పెంచుతూ వెళ్లనున్నారు. అక్టోబర్‌లో ఒక్కో గ్రామ పంచాయతీకి రోజుకు 30 పని దినాలు, నవంబర్‌లో 55, డిసెంబర్‌లో 60, జనవరిలో 70, ఫిబ్రవరిలో 75, మార్చిలో 100 పని దినాల చొప్పున లక్ష్యంగా నిర్దేశించారు. నెలల వారీగా నవంబర్‌లో 11,94,875, డిసెంబర్‌లో 14,07,780, జనవరిలో 15,81,580, ఫిబ్రవరిలో 15,64,200, మార్చిలో 23,46,300 పని దినాలు కల్పించాలని ప్రణాళిక రూపొందించారు. మిర్యాలగూడ మండలానికి ఎక్కువగా.. మండలాల వారీగా పని దినాల లక్ష్యాలను పరిశీలిస్తే మిర్యాలగూడ మండలానికి అత్యధికంగా 4,65,750 పని దినాలు కేటాయించారు. దేవరకొండకు 4,15,125, గుండ్లపల్లికి 3,94,875, గుర్రంపోడుకు 3,84,750, చింతపల్లికి 3,64,500 పని దినాల లక్ష్యాలు నిర్దేశించారు. నల్లగొండ మండలానికి 3,13,875, నాంపల్లికి 3,24,000, త్రిపురారానికి 3,24,000, కనగల్‌కు 3,13,875 పని దినాల లక్ష్యాలు కేటాయించారు. అత్యల్పంగా గట్టుప్పల్‌ మండలానికి 70,875 పని దినాల లక్ష్యం ఉంది. ప్రతి 30 జాబ్‌ కార్డులకు ఒక మేట్‌ పనుల నిర్వహణలో కూలీలను సమీకరించడం, వారికి పనులు చూపించడం, నిర్ణీత సమయంలో పనులు పూర్తయ్యేలా చూడడం కోసం ప్రత్యేక వ్యవస్థను ఏర్పాటు చేస్తున్నారు. ప్రతి 30 జాబ్‌ కార్డులకు ఒక మేట్‌ను నియమించనున్నారు. వీరు కూలీలను పనులకు తీసుకురావడం, పని ప్రదేశాల్లో వారికి అవసరమైన సూచనలు ఇవ్వడం, పనులు పూర్తయ్యేలా పర్యవేక్షించడం వంటి బాధ్యతలు నిర్వహిస్తారు. ఇందుకోసం జిల్లాలో 3,600 మందిని ఇప్పటికే గుర్తించారు. వీరికి రోజుకు రూ.308 చొప్పున పారితోషికం చెల్లించనున్నారు. రైతు పొలాల్లో సేద్యపు కుంటలు వ్యవసాయ భూముల్లో వర్షపు నీటిని నిల్వ చేసుకునేందుకు రైతుల పొలాల్లో సేద్యపు కుంటలు, ఫామ్‌ పాండ్స్‌ నిర్మించనున్నారు. గ్రామాల్లో సామూహిక ప్రాంతాల్లో కమ్యూనిటీ సోక్‌పిట్లు, ప్రభుత్వ భవనాలపై పడే వర్షపు నీటిని ఒడిసిపట్టేందుకు రూఫ్‌టాప్‌ వాటర్‌ హార్వెస్టింగ్‌ నిర్మాణాలు చేపట్టనున్నారు. అంతేకాకుండా మురుగు కాలువల చివర డ్రెయిన్‌ ఎండ్‌ సోక్‌పిట్లను ఏర్పాటు చేయనున్నారు. ఈ పనులన్నీ ఉపాధి కూలీల భాగస్వామ్యంతో చేపట్టడం ద్వారా ఒకవైపు గ్రామాల్లో నీటి సంరక్షణకు బాటలు వేయడంతోపాటు మరోవైపు కూలీలకు ఉపాధి కల్పించనున్నారు.ఫ కరువు పరిస్థితుల్లో పేదలకు ఉపాధి కల్పించేలా చర్యలు ఫ వచ్చే ఏడాది మార్చి వరకు పనుల కల్పన ఫ జాబ్‌ కార్డులు ఉన్న ప్రతి ఒక్కరికి పని కల్పించడమే లక్ష్యం జిల్లాలో కూలీలకు పని కల్పించే చర్యలు చేపట్టాం. క్షేత్రస్థాయిలో కూలీలను సమీకరించి పనులు చేపట్టేందుకు చర్యలు తీసుకుంటున్నాం. కూలీలకు పని కల్పించడంతోపాటు నీటి సంరక్షణ నిర్మాణాలను పూర్తిచేసి రానున్న వేసవిలో గ్రామాల్లో నీటి సమస్య తీవ్రం కాకుండా చూడటమే ఈ కార్యక్రమం ప్రధాన ఉద్దేశం. – శేఖర్‌రెడ్డి, డీఆర్‌డీఓ ఉపాధి పనుల ద్వారా కూలీలకు ఆదాయం కల్పించడంతోపాటు నీటి సంరక్షణకు సంబంధించిన పనులకు ప్రాధాన్యం ఇవ్వనున్నారు. ప్రతి ఇంట్లో ఇంకుడు గుంత నిర్మించే కార్యక్రమాన్ని చేపట్టనున్నారు. ఒక్కో ఇంకుడు గుంత నిర్మాణానికి రూ.6,500 చెల్లించనున్నారు. ఇందులో రూ.1,100 కూలీలకు, మిగిలిన మొత్తం నిర్మాణ సామగ్రికి వినియోగించనున్నారు.

నల్లగొండ టూటౌన్‌ : నీలగిరి నగరపాలక సంస్థలో కొందరు ఉద్యోగులు సర్టిఫికెట్ల దందా చేస్తున్నారనే ఆరోపణలు వినిపిస్తున్నాయి. వైద్య ఆరోగ్య శాఖలో పనిచేసి సూర్యాపేట జిల్లా కేంద్రంలో అనారోగ్యంతో మృతిచెందిన ఓ రిటైర్డ్‌ ఉద్యోగికి నీలగిరి కార్పొరేషన్‌ నుంచి మరణ ధ్రువీకరణ పత్రం జారీ చేసినట్లు విశ్వనీయవర్గాల ద్వారా తెలిసింది. ఒక వ్యక్తి ఎక్కడ చనిపోతే అదే ప్రాంతంలోని మున్సిపల్‌ కార్పొరేషన్‌, లేదా గ్రామ పంచాయతీ పరిధిలో మరణ ధ్రువీకరణ పత్రం పొందాల్సి ఉంటుంది. కానీ ఇక్కడ రిటైర్డ్‌ ఉద్యోగి విషయంలో ప్రభుత్వ నిబంధనలను అధికారులు పూర్తిగా తుంగలో తొక్కినట్లు సర్వత్రా విమర్శలు వ్యక్తమవుతున్నాయి. సదరు రిటైర్డ్‌ ఉద్యోగి 2025 నవంబర్‌ 17వ తేదీన అనారోగ్యంతో మృతి చెందాడు. కాగా నీలగిరి నగరంలో 2025 మే 28న ఆయన మృతి చెందినట్లు మరణ ధ్రువీకరణ పత్రం జారీ చేశారు. చనిపోయిన తేదీ కన్నా దాదాపు 4 నెలల 19 రోజులు తక్కువ చేసి ధ్రువపత్రం జారీ చేయడం కలకలం రేపుతోంది. తప్పుడు తేదీల్లో మరణ ధ్రువీకరణ పత్రం జారీ చేసి పెద్ద మొత్తంలో ముడుపులు పొందినట్లు తెలిసింది. కారుణ్య ఉద్యోగ నియామకం కోసం ఈ తతంగం నడిపించినట్లు చర్చ జరుగుతుంది. ఓ కమిషనర్‌.. ఇద్దరు ఉద్యోగుల పాత్ర...! నీలగిరి మున్సిపల్‌ కార్పొరేషన్‌ కార్యాలయంలో గతంలో కూడా ఓసారి ఎల్‌ఐసీ డబ్బుల కోసం ఓ ఉద్యోగికి ఇదే తరహాలో తప్పుడు మరణ ధ్రువీకరణ పత్రం జారీ చేయడంతో సీబీఐ అధికారులు తనిఖీలు చేసి అరెస్ట్‌ చేశారు. తాజాగా మరోసారి తప్పుడు మరణ ధ్రువీకరణ పత్రం జారీ వ్యవహారం తెరమీదికి వచ్చింది. సర్టిఫికెట్ల జారీ వ్యవహారంలో 2025లో పనిచేసిన ఓ కమిషనర్‌, మరో ఇద్దరు ఉద్యోగుల పాత్ర కీలకంగా ఉన్నట్లు తెలిసింది. సదరు కుటుంబంతో రూ.3 లక్షలకు ఒప్పందం కుదుర్చుకొని తప్పుడు మరణ ధ్రువీకరణ పత్రం జారీ చేశారనే చర్చ జరుగుతోంది. అప్పటి కమిషనర్‌, ఆ ఇద్దరు ఉద్యోగుల పాత్ర, అప్పట్లో జారీ చేసిన ధ్రువపత్రాలపై పూర్తి విచారణ జరిపిస్తే విస్తుపోయే విషయాలు వెలుగు చూస్తాయనే అభిప్రాయాలు వ్యక్తమవుతున్నాయి. ఇప్పటికై నా జిల్లా ఉన్నతాధికారులు ఈ మరణ ధ్రువపత్రాల మాయజాలంపై విచారణ జరిపించి అక్రమార్కులపై కఠినచర్యలు తీసుకోవాల్సిన అవసరం ఉందనే అభిప్రాయాలు వ్యక్తం అవుతున్నాయి. వేరే ప్రాంతంలో చనిపోయిన రిటైర్డ్‌ ఉద్యోగికి ఇక్కడి మున్సిపల్‌ కార్పొరేషన్‌ కార్యాలయం నుంచి మరణ ధ్రువీకరణ పత్రం జారీ చేసినట్లు తన దృష్టికి రాలేదు. ఫిర్యాదు వస్తే విచారణ జరిపించి వాస్తవాలను తేలుస్తాం. – వంశీకృష్ణ, మున్సిపల్‌ కార్పొరేషన్‌ కమిషనర్‌ ఫ నీలగిరి కార్పొరేషన్‌లో సర్టిఫికెట్ల దందా ఫ ఓ రిటైర్డ్‌ ఉద్యోగికి అక్రమంగా మరణ ధ్రువీకరణ ఇచ్చిన అధికారులు ఫ ఓ కమిషనర్‌, ఇద్దరు ఉద్యోగుల కీలక పాత్ర ఉన్నట్లు ఆరోపణలు

మర్రిగూడ : డిండి, రాచకొండ ఎత్తిపోతల పథకాలను ప్రభుత్వం తక్షణమే పూర్తిచేసి మునుగోడు ప్రాంతానికి సాగు, తాగునీరు అందించాలని సీపీఎ రాష్ట్ర కార్యదర్శివర్గ సభ్యుడు జూలకంటి రంగారెడ్డి డిమాండ్‌ చేశారు. ఈ మేరకు ఆదివారం మర్రిగూడ మండలంలోని శివన్నగూడెం రిజర్వాయర్‌ నుంచి సీపీఎం ఆధ్వర్యంలో మూడు రోజులపాటు సాగే పాదయాత్రను ఆయన ప్రారంభించి మాట్లాడారు. ఫ్లోరైడ్‌ పీడిత ప్రాంతమైన మునుగోడు నియోజకవర్గానికి సాగు, తాగునీరు అందించాలని గతంలో సీపీఎం చేపట్టిన పోరాటాల ఫలితంగానే డిండి ఎత్తిపోతల పథకాన్ని చేపట్టారని గుర్తు చేశారు. డిండి ఎత్తిపోతల పథకంలో భాగంగా 9 రిజర్వాయర్లకు గాను ప్రస్తుతం ఏడు రిజర్వాయర్లు వివిధ నిర్మాణ దశల్లో ఉన్నాయని, మరో రెండు రిజర్వాయర్ల పనులు ఇప్పటి వరకు ప్రారంభం కాలేదన్నారు. వీటన్నింటిని తక్షణమే యుద్ధ ప్రాతిపదికన పూర్తి చేయాలని డిమాండ్‌ చేశారు. ప్రస్తుతం ఏదుళ్ల నుంచి డిండికి నీళ్లు తీసుకురావద్దంటూ మహబూబ్‌నగర్‌ ప్రాంతానికి చెందిన కొందరు నాయకులు అడ్డుకునే ప్రయత్నం చేయడం ఎంతమాత్రం సరికాదని ఆక్షేపించారు. శివన్నగూడెం నుంచి రాచకొండ ఎత్తిపోతల పథకాన్ని తక్షణమే మంజూరు చేసి నిధులు కేటాయించాలని డిమాండ్‌ చేశారు. డిండి, రాచకొండ ప్రాజెక్టు సాధన కోసమే సీపీఎం పాదయాత్ర చేపట్టిందన్నారు. కార్యక్రమంలో సీపీఎం నల్లగొండ, యాదాద్రి జిల్లా కార్యదర్శులు తుమ్మల వీరారెడ్డి, ఎండీ.జహంగీర్‌, నాయకులు గుంటోజు శ్రీనివాస్‌చారి, మాటూరు బాలరాజు, బండా శ్రీశైలం, కృష్ణారెడ్డి, పాలడుగు నాగార్జున, యాదిరెడ్డి, నర్సిరెడ్డి, సురకంటి శ్రీనివాస్‌రెడ్డి, లలిత, ముత్యాలు, నర్సింహ, రాములు, గాలయ్య, మల్లేష్‌, మారయ్య, రామలింగం, రైతు సంఘం నాయకులు పాల్గొన్నారు. ఫ మాజీ ఎమ్మెల్యేజూలకంటి రంగారెడ్డి

కట్టంగూర్‌ : ప్రభుత్వ విద్యారంగ బలోపేతానికి ఉపాధ్యాయులు సమష్టిగా కృషిచేయాలని మాజీ ఎమ్మెల్సీలు అలుగుబెల్లి నర్సిరెడ్డి, ప్రొఫెసర్‌ నాగేశ్వర్‌ అన్నారు. ఆదివారం కట్టంగూర్‌లోని నిర్వహించిన టీఎస్‌ యూటీఎఫ్‌ జిల్లా 7వ మహాసభల్లో వారు మాట్లాడారు. దేశం ఆర్థికంగా అభివృద్ధి చెందితున్నప్పటికీ అ ఫలాలు సామాన్య, మధ్య తరగతి ప్రజలకు చేరాలన్నారు. దేశ జీడీపీ వృద్ధి రేటు పెరుగుతున్నా యువతలో నిరుద్యోగ, నిరాశ ఎందుకో పెరుగుతున్నాయో పాలకులు ఆలోచించాలని పేర్కొన్నారు. ఉపాధ్యాయులు కేవలం విద్యార్థులకు పాఠ్యాంశాలు బోధించే వారే కాకుండా సమాజానికి దిశా నిర్ధేశకులుగా ఎదగాలని సూచించారు. ప్రభుత్వ పాఠశాలల్లో విద్యార్థుల సంఖ్య పెంచేందుకు కృషి చేయాలన్నారు. ప్రభుత్వ పాఠశాలల్లో మౌలిక వసతులతో పాటు బస్సు సౌకర్యం కల్పిస్తే విద్యార్థుల నమోదు పెరుగుతుందన్నారు. టీఎస్‌యూటీఎప్‌ రాష్ట్ర అధ్యక్షుడు చావ రవి మాట్లాడుతూ రాష్ట్రంలో విద్యారంగం అనేక సమస్యలను ఎదుర్కొంటుదన్నారు. ఇన్‌చార్జి అదపు కలెక్టర్‌ ప్రేమ్‌కరణ్‌రెడ్డి మాట్లాడుతూ పేద విద్యార్థులకు నాణ్యమైన విద్య అందించేందుకు ఉపాధ్యాయులు కృషి చేయాలన్నారు. అనంతరం వారు యూటీఎఫ్‌ మేళాను ప్రారంభించారు. కార్యక్రమంలో టప్రా రాష్ట్ర ప్రధాన కార్యదర్శి పాలకుర్తి కృష్ణమూర్తి, టీఎస్‌ యూటీఎఫ్‌ జిల్లా అధ్యక్షుడు బక్కా శ్రీనివాసచారి, రాష్ట్ర ఉపాధ్యక్షుడు ముదిరెడ్డి రాజశేఖర్‌రెడ్డి, రాష్ట్ర కార్యదర్శులు పెరుమాళ్ల వెంకటేశం, సోమయ్య, తుమ్మల వీరారెడ్డి, మిట్టపల్లి మురళయ్య, సర్పంచ్‌ ముక్కాముల శ్యామలశేఖర్‌, ఎడ్ల సైదులు, బడుగు అరుణ, నర్రా శేఖర్‌రెడ్డి, రాజు, సరళ, కొమ్ము శ్రీనివాస్‌, అరుణ ఉన్నారు. ఫ మాజీ ఎమ్మెల్సీలు నర్సిరెడ్డి, నాగేశ్వర్‌

రామగిరి (నల్లగొండ) : డాక్టర్‌ బీఆర్‌ అంబేద్కర్‌ ఓపెన్‌ యూనివర్సిటీ (బీఆర్‌ఏఓయూ) ఉన్నత విద్య అభ్యసించాలనుకునే విద్యార్థులకు ఎన్నో అవకాశాలు కల్పిస్తోందని యూనివర్సిటీ ఎడ్యుకేషన్‌ ఎక్స్‌టెన్షన్‌ సెంటర్‌ నోడల్‌ అధికారి బి.ధర్మానాయక్‌ అన్నారు. ఆదివారం నల్లగొండ ప్రాంతీయ సమన్వయ కేంద్రంలో ప్రాంతీయ సమన్వయ కేంద్రం కోఆర్డినేటర్‌ బొజ్జ అనిల్‌కుమార్‌ అధ్యక్షతన నిర్వహించిన ఓరిఝెంటేషన్‌ కార్యక్రమంలో ధర్మానాయక్‌ మాట్లాడారు. యూనివర్సిటీ వైస్‌ ఛాన్స్‌లర్‌ ప్రొఫెసర్‌ ఘంటా చక్రపాణి బాధ్యతలు స్వీకరించిన అనంతరం దూరవిద్యా విధానంలో అనేక మార్పులు, సంస్కరణలు తీసుకొచ్చారని చెప్పారు. విద్యార్థులకు నాణ్యమైన విద్యను అందించడంతోపాటు బోధనా విధానాన్ని మరింత మెరుగుపరిచేందుకు ప్రత్యేక చర్యలు చేపట్టినట్లు తెలిపారు. దూరవిద్యను కేవలం డిగ్రీలు పొందే మార్గంగా కాకుండా, వ్యక్తిగత అభివృద్ధికి, ఉద్యోగ, ఉపాధి అవకాశాలను మెరుగుపరుచుకునేందుకు ఒక చక్కని వేదికగా విద్యార్థులు ఉపయోగించుకోవాలన్నారు. కార్యక్రమంలో భూక్యా వీరన్న, కృష్ణారెడ్డి, మహేశ్వరీ, పద్మ హరిత, మహేష్‌, శ్రీకాంత్‌ తదితరులు పాల్గొన్నారు.

కేతేపల్లి: హైదరాబాద్‌–విజయవాడ జాతీయ రహదారిపై ఆదివారం వాహనాల రద్దీ నెలకొంది. వారాంతపు సెలవులు పూర్తి కావటంతో పాటు హైదరాబాద్‌ నుంచి శుభకార్యాలకు వెళ్లిన వారు ఆదివారం మధ్యాహ్నం తిరుగు పయనమయ్యారు. దీంతో సాయంత్రం జాతీయ రహదారిపై వాహనాల రద్దీ కొనసాగింది. ఈ క్రమంలో కేతేపల్లి మండలం కొర్లపహాడ్‌ టోల్‌ప్లాజా వద్ద వాహనాలు బారులుదీరాయి. టోల్‌ప్లాజాను దాటి వెళ్లేంత వరకు వాహనాలు నెమ్మదిగా కదిలాయి. వాహనదారులు టోల్‌ప్లాజా దాటేందుకు అరగంటకు పైగా వేచి చూడాల్సి వచ్చింది. రద్దీ నేపథ్యంలో వాహనదారులకు ఎలాంటి ఇబ్బందులు కలగకుండా టోల్‌ప్లాజా సిబ్బంది ఎప్పటికప్పుడు పర్యవేక్షించారు.

నల్లగొండ : మూడు నెలల విరామం తర్వాత మళ్లీ రేషన్‌ దుకాణాల్లో సన్నబియ్యం పంపిణీకి ప్రభుత్వం శ్రీకారం చుట్టింది. నవంబర్‌ నెల కోటాకు సంబంధించిన బియ్యాన్ని సోమవారం నుంచి కార్డుదారులకు పంపిణీ చేయనున్నారు. ఇందుకోసం రాష్ట్ర పౌరసరఫరాల శాఖ జిల్లాల వారీగా రేషన్‌ కార్డుల సంఖ్య ఆధారంగా బియ్యాన్ని కేటాయించింది. అందులో భాగంగా నల్లగొండ జిల్లాకు సుమారు 7 వేల మెట్రిక్‌ టన్నుల బియ్యాన్ని కేటాయించారు. జిల్లాలోని 7.42 లక్షల కుటుంబాలకు బియ్యం అందించనున్నారు. ఇప్పటికే ఎంఎల్‌ఎస్‌ పాయింట్ల నుంచి చౌకధరల దుకాణాలకు బియ్యం తరలింపు చేపట్టారు. రేషన్‌ దుకాణాల ద్వారా సన్నబియ్యం పంపిణీ తిరిగి ప్రారంభం కావడం పేద, మధ్యతరగతి కుటుంబాలకు కొంత ఊరటనివ్వనుంది. బియ్యం ధరలపై నిఘా.. ఎల్‌నినో ప్రభావంతో వర్షాభావ పరిస్థితుల నేపథ్యంలో బియ్యం ధరలు పెరిగే అవకాశం ఉందన్న ఆందోళనలు వ్యక్తమవుతున్నాయి. దీంతో కొందరు వ్యాపారులు అక్రమ నిల్వలు, బ్లాక్‌ మార్కెట్‌కు పాల్పడే అవకాశం ఉండటంతో ప్రభుత్వం అప్రమత్తమైంది. అక్రమంగా బియ్యం నిల్వ చేసినా, నిబంధనలకు విరుద్ధంగా తరలించినా చర్యలు తీసుకుంటామని హెచ్చరిస్తోంది. పౌరసరఫరాల శాఖ అధికారులు కూడా బియ్యం నిల్వలు, పంపిణీపై నిఘా ఉంచుతున్నారు. ఇప్పటికే మిర్యాలగూడలో తనిఖీ నిర్వహించిన విషయం తెలిసిందే. ఒకవైపు మార్కెట్‌లో ధరల నియంత్రణకు చర్యలు, మరోవైపు ప్రజా పంపిణీ వ్యవస్థ ద్వారా సన్నబియ్యం సరఫరా చేయడం ద్వారా పేదలకు ఇబ్బందులు కలగకుండా ప్రభుత్వం ప్రయత్నిస్తోంది. రేషన్‌ బియ్యం పంపిణీకి అన్ని చర్యలు తీసుకుంటున్నాం. నవంబర్‌ మాసానికి సంబంధించి ప్రభుత్వం బియ్యం అలాట్‌ చేసింది. దానికి అనుగుణంగా ఇప్పటికే గోదాముల నుంచి రేషన్‌ షాపులకు బియ్యాన్ని రవాణా చేస్తున్నాం. ఇప్పటికే కొన్ని షాపుల్లో బియ్యం నిల్వలు ఉన్నాయి. బియ్యం నిల్వ లేని షాపులకు ముందుగా బియ్యాన్ని పంపిస్తున్నాం. సోమవారం నుంచి లబ్ధిదారులకు పంపిణీ చేస్తాం. – రాంపతి, పౌర సరఫరాల శాఖ డీఎం ఫ నేటి నుంచి రేషన్‌ కార్డుదారులకు సన్న బియ్యం పంపిణీ ఫ ఎంఎల్‌ఎస్‌ పాయింట్ల నుంచి దుకాణాలకు చేరుతున్న బియ్యం

19.8 మిమీ వర్షపాతం నమోదు శుక్రవారం ఉదయం నుంచి శనివారం ఉదయం వరకు 19.8 మిల్లీమీటర్ల వర్షపాతం నమోదైంది. అత్యధికంగా చిట్యాల మండలంలో 70.8 మి.మీ, నార్కట్‌పల్లి మండలంలో 70.0, దామరచర్ల 55.2. మిర్యాలగూడ 55.0, త్రిపురారం 49.3, కట్టంగూర్‌ 31.3, శాలిగౌరారం 48.1, నకిరేకల్‌ 21.7, కేతేపల్లి 17.7, నల్లగొండ 13.2, కనగల్‌ 18.1, మునుగోడు 23.6, చండూరు 15.9, గుర్రంపోడు 32.1, నిడమనూరు 12.1, మాడ్గులపల్లి 18.1, వేములపల్లి 28.6, అడవిదేవులపల్లి 15.6, తిరుమలగిరిసాగర్‌ 16.9, పెద్దవూర మండలంలో 18.8 మిల్లీ మీటర్ల వర్షం కురిసింది. నల్లగొండ అగ్రికల్చర్‌ : తుఫాన్‌ కారణంగా జిల్లాలో శుక్రవారం రాత్రి కురిసిన వర్షానికి పంటలకు నష్టం వాటిల్లింది. ఆరుగాలం కష్టించి పండించిన పంట చేతికొచ్చే సమయంలో వర్షాలు రైతులను దెబ్బతీశాయి. ఈదురు గాలులు, పిడుగులతో కూడిన వర్షానికి వేలాది ఎకరాల్లో వరి పంట నేలకొరిగింది. మిర్యాలగూడ, దామరచర్ల, త్రిపురారం, తిరుమలగిరిసాగర్‌ మండలాల్లో వరి చేలు దెబ్బతిన్నాయి. చిట్యాల, నార్కట్‌పల్లి, నకిరేకల్‌ తదితర మండలాల్లో కొనుగోలు కేంద్రాల్లో ధాన్యం తడిసి పోయింది. కొన్ని చోట్ల మిర్చి, ఇతర మెట్ట పంటలకు ఈ వర్షం జీవం పోసింది.

నాగార్జునసాగర్‌: ఆంధ్రప్రదేశ్‌ హైకోర్టు న్యాయమూర్తి జస్టిస్‌ కె.మహేశ్వర్‌రావు శనివారం నాగార్జునసాగర్‌ పర్యటనకు వచ్చారు. ప్రధాన డ్యాం, ఎత్తిపోతల జలపాతాన్ని సందర్శించారు. న్యాయమూర్తికి విజయవిహార్‌ అతిథి గృహం వద్ద రెవిన్యూ ప్రొటోకాల్‌ అధికారి దండ శ్రీనివాసరెడ్డి, నిడమనూరు కోర్టు సూపరిండెంట్‌ తిరుమలేష్‌ స్వాగతం పలికారు. ఆదివారం నాగార్జునకొండ మ్యూజియం, బుద్ధవనాన్ని సందర్శించనున్నారు. మూసీకి 1500 క్యూసెక్కుల ఇన్‌ఫ్లోకేతేపల్లి : ఎగువ ప్రాంతాల్లో కురిసిన వర్షాలకు మూసీ ప్రాజెక్టుకు వరద ప్రారంభమైంది. ప్రాజెక్టుకు శనివారం 1500 క్యూసెక్కుల ఇన్‌ఫ్లో వస్తోంది. 645 అడుగుల గరిష్ట నీటిమట్టం గల మూసీ రిజర్వాయర్‌లో శనివారం సాయంత్రానికి 636.55 అడుగులకు చేరుకుంది. ఆయకట్టులో వానాకాలం పంటలు కోతకు రావటంతో అధికారులకు కాల్వలకు నీటిని నిలిపి వేశారు. రిజర్వాయర్‌లో పూర్తిస్థాయి నీటినిల్వ సామర్థ్యం 4.46 టీఎంసీలు కాగా ప్రస్తుతం 2.48 టీఎంసీల నీరు ఉందని అధికారులు తెలిపారు. వానాకాలం సాగు పూర్తయిన తర్వాత కూడా మూసీ ప్రాజెక్టులోకి ఎగువ నుండి వరద ప్రవాహం కొనసాగుతుండటంతో యాసంగి సాగుపై ఆయకట్టు రైతులకు ఆశలు చిగురిస్తున్నాయి.

యాదగిరిగుట్ట : యాదగిరిగుట్ట పుణ్యక్షేత్రం వేద అధ్యయన కేంద్రంగా ఎదిగేందుకు అపార అవకాశాలు ఉన్నాయని గవర్నర్‌ శివప్రతాప్‌ శుక్లా అన్నారు. యాదగిరి శ్రీలక్ష్మీనరసింహస్వామి వారిని శనివారం గవర్నర్‌ దంపతులు దర్శించుకున్నారు. ఆలయ అర్చకులు వారికి పూర్ణకుంభ స్వాగతం పలికారు. గర్భాలయంలోని ప్రత్యేక పూజలు చేసిన గవర్నర్‌ యాదగిరి దేవస్థానం 2027 నూతన క్యాలెండర్‌ను ఆవిష్కరించారు. అనంతరం యాదగిరి శ్రీలక్ష్మీనరసింహస్వామి వారి దేవస్థానం, తిరుమల తిరుపతి దేవస్థానం సౌజన్యంతో కొండకు దిగువన దీక్షాపరుల మండపంలో జరుగుతున్న 26వ తెలంగాణ వేద విద్వన్మహాసభలో గవర్నర్‌ శివ ప్రతాప్‌ శుక్లా పాల్గొని ప్రసంగించారు. వేద విద్యా సంస్థలు, విద్వత్‌ సభలు గురుకులాలకు మరింత ప్రోత్సాహం అందించాలని కోరారు. ఈ సారి వర్షాలు కాస్త తక్కువగా ఉండటంతో ప్రజలంతా నీటిని పొదుపుగా కాపాడుకోవాలన్నారు. ఐటీ శాఖ మంత్రి దుద్దిళ్ల శ్రీధర్‌బాబు మాట్లాడుతూ వేద విద్వన్మహా సభలు నిర్వహిస్తున్న తరుణంలో వేద సభలకు సంబంధించిన పరీక్షలు రాస్తున్న విద్యార్థుల సంఖ్య మెరుగుపర్చాలన్నారు. ప్రభుత్వ విప్‌ బీర్ల ఐలయ్య మాట్లాడుతూ వేద విద్య జ్ఞానాన్ని, ఏకాగ్రత శక్తిని పెంపొందిస్తుందన్నారు. అనంతరం గవర్నర్‌ దంపతులకు వేద ఆశీర్వచనం చేసి సన్మానించారు. ఆయా కార్యక్రమాల్లో జనార్దనా సరస్వతి స్వామి సంస్కృతి ట్రస్ట్‌ చైర్మన్‌ సాయినాథ్‌ శర్మ, గవర్నర్‌ స్పెషల్‌ సీఎస్‌ దాన కిషోర్‌, ధార్మిక సలహాదారు గోవింద్‌ హరి, దేవాదాయ శాఖ కమిషనర్‌ హనుమంతరావు, కలెక్టర్‌ అనురాగ్‌ జయంతి, ఎస్పీ అక్షాంశ్‌ యాదవ్‌, ఽవైటీడీ ధర్మకర్తల మండలి సభ్యులు లక్ష్మీనారాయణ నాయక్‌, దేవస్థానం కార్యనిర్వహణాధికారి భవానీశంకర్‌ పాల్గొన్నారు. గవర్నర్‌ శివప్రతాప్‌ శుక్లా

నల్లగొండ : దేశ సమైక్యత, సమగ్రతను కాపాడేందుకు ప్రతి ఒక్కరూ కృషి చేయాలని కలెక్టర్‌ చంద్రశేఖర్‌ అన్నారు. భారత తొలి హోంమంత్రి సర్దార్‌ వల్లభాయ్‌ పటేల్‌ 151వ జయంతి సందర్భంగా శనివారం కలెక్టరేట్‌లో ఏర్పాటు చేసిన ఏక్తా దివస్‌ కార్యక్రమంలో మాట్లాడారు. భారతదేశం స్వాతంత్య్రం పొందిన తర్వాత హైదరాబాద్‌ సంస్థానాన్ని వల్లభాయ్‌ పటేల్‌ విలీనం చేసిన తీరును అందరూ గుర్తుకు తెచ్చుకోవాలన్నారు. అనంతరం ఆయన ప్రతిజ్ఞ చేయించారు. కార్యక్రమంలో అదనపు కలెక్టర్‌ జె.శ్రీనివాస్‌, ఏఓ మోతిలాల్‌ పాల్గొన్నారు. అగ్రి స్టాక్‌ను వినియోగించుకునేలా చూడాలిరైతులు సాగులో లబ్ధి పొందేందుకు అగ్రిస్టాక్‌ (డిజిటల్‌ ప్లాట్‌ ఫారం)ను సమర్థంగా వినియోగించుకునేలా అధికారులు చర్యలు తీసుకోవాలని కలెక్టర్‌ చంద్రశేఖర్‌ అన్నారు. అగ్రిస్టాక్‌పై శనివారం తన క్యాంపు కార్యాలయంలో వ్యవసాయ, అనుబంధ శాఖల అధికారులతో ఏర్పాటు చేసిన సమావేశంలో ఆయన మాట్లాడారు. ఫార్మర్స్‌ రిజిస్ట్రీ, భూమి వివరాల డిజిటలైజేషన్‌, డిజిటల్‌ క్రాప్‌ సర్వే తదితర విషయాలపై రైతులకు అవగాహన కల్పించాలన్నా రు. భూముల రీ సర్వేతో పాటు, రైతుల డిజిటల్‌ క్రాప్‌ సర్వేను అనుసంధానం చేయాలని చెప్పారు. అగ్రిస్టాక్‌లో యువ రైతులను భాగస్వాములను చేయాలన్నారు. కార్యక్రమంలో డీఏఓ వినోద్‌కుమార్‌, ఉద్యాన అధికారి శేఖర్‌, నాబార్డ్‌ డీడీఎం వినయ్‌కుమార్‌, సీపీఓ శ్రీనివాస్‌నాయక్‌, డీసీఓ మమత, మార్కెటింగ్‌ ఏడీ ఛాయాదేవి, సర్వే ల్యాండ్‌ రికార్డ్స్‌ ఏడీ దేవరాజ్‌, డీఎస్‌ఓ వెంకటేశం, పశు సంవర్ధక శాఖ ఏడీ నరసింహారెడ్డి పాల్గొన్నారు.

- 8లోపశువులకు జబ్బు చేస్తే వేలాది రూపాయలు వెచ్చించి మందులు కొనలేక రైతులు పడే ఆవేదనను డాక్టర్‌ పెంటయ్య గమనించారు. ఆ ఆలోచనలో నుంచి పుట్టిందే ‘పశు ఔషధ బ్యాంక్‌’. ఇక్కడికి చికిత్స కోసం వచ్చే వారు వైద్యుల సేవలకు మెచ్చి డబ్బులు ఇస్తుండగా.. వాటిని సున్నితంగా తిరస్కరించి, వాటికి బదులు పశువులకు అవసరమైన మందులను విరాళంగా ఇవ్వాలని ఆయన సూచించారు. అలా దాతల సహకారంతో ఔషధ బ్యాంక్‌ను ఏర్పాటు చేశారు. ముందుగా తానే రూ.50 వేల విరాళం అందించారు. ఆయన మిత్రులు, పలువురు దాతలు వివిధ రకాల మందులు, శస్త్రచికిత్స పరికరాలు, రక్త పరీక్ష యంత్రాలను సమకూర్చారు. దాతలను ప్రోత్సహించడానికి వారి పేర్లను వైద్యశాల గోడల మీద రాయించారు. కోదాడ: వృత్తిలో నిబద్ధత.. వైద్యంలో విశిష్టత కలిగిన డాక్టర్‌ పెంటయ్య పశు వైద్యంతోపాటు దాతల సహకారంతో వినూత్నంగా ‘పశు ఔషధ బ్యాంక్‌’ ఏర్పాటు చేసి ఉచితంగా మందులు సైతం పంపిణీ చేస్తున్నారు. ఆదివారం కూడా వైద్యశాలను తెరిచి ఉంచుతూ సేవలు అందిస్తున్నారు. ఇక్కడ జంతువుల చికిత్స కోసం వచ్చేవారు రెండు మూడు గంటలు వేచి ఉండాల్సిందే. పశువులకు 24/7 సేవలందించమే తమ లక్ష్యమని అంటున్నాడు వైద్యుడు పెంటయ్య. ప్రభుత్వ వైద్యుడు చిత్తశుద్ధితో వృత్తికి అంకితమై.. సేవే జీవితంగా పనిచేస్తే సామాన్యులకు ఎంత ప్రయోజనం చేకూరుతుందో చెప్పడానికి ఈ డాక్టర్‌ ఒక మంచి ఉదాహరణ. కోదాడ పట్టణంలోని ప్రాంతీయ పశువైద్యశాలలో అసిస్టెంట్‌ డైరెక్టర్‌(ఏడీ)గా పనిచేస్తున్న పెంటయ్య అందిస్తున్న సేవలకు మంచి గుర్తింపు వచ్చింది. పశువులకు, పెంపుడు జంతువులకు క్లిష్టమైన శస్త్రచికిత్సలు చేస్తున్నారు. కాళ్లు విరిగిన, ప్రమాదంలో గాయపడి వెన్నెముక విరిగిన జంతువులకు ఆయన ప్రత్యేక శస్త్రచికిత్సలు చేస్తాడు. ప్రాణాపాయస్థితిలో ఉన్న జంతువులకు చికిత్స అందించి వాటి ప్రాణాలు కాపాడుతున్నారు. మహబూబ్‌నగర్‌కు చెందిన పలువురు కాపరులు సైతం తమ గొర్రెలను చికిత్స కోసం కోదాడకు తీసుకురావడం విశేషం. నిత్యం 70 నుంచి 80 పశువులకు ఇక్కడ చికిత్స అందిస్తున్నారు. హైదరాబాద్‌, విజయవాడ, ఖమ్మం నుంచి సైతం పశువులు, పిల్లులు, కుక్కలను చికిత్స కోసం ఇక్కడకు తీసుకొస్తుంటారు. పశువైద్యుడిగా మూగ జీవాలకు చికిత్స చేయడం ఎంతో సంతృప్తినిస్తోంది. అన్నదాతలకు చేతనైనంతలో సేవ చేస్తున్నాను. కోదాడ పశువైద్యశాలలో ఏర్పాటు చేసిన పశు ఔషధ బ్యాంక్‌కు దాతల సహకారం మరువలేనిది. దాతలు డబ్బు రూపంలో కాకుండా వైద్యశాలకు అవసరమైన మందులను అందిస్తే, పేద రైతులకు మరింత మేలు జరుగుతుంది. – డాక్టర్‌ పెంటయ్య, ఏడీ, ప్రాంతీయ పశువైద్యశాల, కోదాడ పశువుల పాలిట దైవం.. డాక్టర్‌ పెంటయ్య ఫ క్లిష్టమైన శస్త్రచికిత్సలు కూడా చేస్తున్న పశువైద్యుడు ఫ దాతల సహకారంతో ‘పశు ఔషధ బ్యాంక్‌’ ౖఏర్పాటు ఫ రైతులకు ఉచితంగా మందుల పంపిణీ ఫ పశు చికిత్స కోసం తెలుగు రాష్ట్రాల నుంచి నిత్యం 80 మంది రైతులు రాక

ప్రస్తుతం పశువులను మేత కోసం బయటకు తీసుకెళ్లకపోవడం వల్ల వాటిలో మినరల్స్‌ లోపం ఏర్పడి పాల దిగుబడి తగ్గుతోంది. దీన్ని గమనించిన డాక్టర్‌ పెంటయ్య.. రైతులకు తక్కువ ఖర్చుతో కాల్షియం, మినరల్స్‌తో కూడిన పోషకాహారం అందించాలని సంకల్పించారు. బహిరంగ మార్కెట్‌లో కిలో రూ.1,250 వరకు ఉండే ఈ మిశ్రమాన్ని.. హైదరాబాద్‌లోని ఓ వర్సిటీతో మాట్లాడి కేవలం రూ.250కే కోదాడకు తెప్పించి పంపిణీ చేస్తున్నారు. దాతల విరాళాలు, ప్రభుత్వ రివాల్వింగ్‌ ఫండ్‌తో దీన్ని విజయవంతంగా అమలు చేస్తున్నారు. ఈ పోషకాహారంతో ఈనిన మూడు నెలలకే గేదెలు మళ్లీ చూడికి వస్తుండడంతో రైతులకు మేలు జరుగుతోంది.

ఫ క్లాక్‌ టవర్‌.. నయా లుక్‌ ఫ రూ.197.44 కోట్లతో నీలగిరి గడియారం సెంటర్‌ సుందరీకరణ సాక్షి ప్రతినిధి, నల్లగొండ : నల్లగొండ నగరానికి ప్రత్యేక గుర్తింపుగా నిలిచే క్లాక్‌ టవర్‌ సెంటర్‌ రూపురేఖలు మారనున్నాయి. నగర అభివృద్ధిలో భాగంగా క్లాక్‌ టవర్‌ కూడలిని సుందరీకరించేందుకు రూ.197.44 కోట్లు మంజూరయ్యాయి. ఈ నిధులతో క్లాక్‌ టవర్‌ సెంటర్‌ను సరికొత్త ఆకర్షణగా తీర్చిదిద్దడంతో పాటు పాత ఆర్‌అండ్‌బీ కార్యాలయ స్థలంలో కమర్షియల్‌ కాంప్లెక్స్‌, మల్టీప్లెక్స్‌ నిర్మించనున్నారు. వీటితోపాటు సీ లేదా యూ ఆకారంలో స్కైవాక్‌ ఏర్పాటు చేసేలా ప్రణాళికలు రూపొందించారు. ఈ మేరకు ప్రాజెక్టుకు పరిపాలనాపరమైన అనుమతులు కూడా లభించాయి. వచ్చే వారం వీటికి సంబంధించిన టెండర్ల ప్రక్రియ ప్రారంభం కానుంది. స్మార్ట్‌ సిటీలో భాగంగా నీలగిరి స్మార్ట్‌ సిటీలో భాగంగా చేపట్టనున్న ఈ ప్రాజెక్టుకు ప్రపంచ బ్యాంకు రూ.138.21 కోట్లు, రాష్ట్ర ప్రభుత్వం రూ.59.23 కోట్లు కేటాయించాయి. మొత్తం రూ.197.44 కోట్లతో క్లాక్‌ టవర్‌ సెంటర్‌ను అభివృద్ధి చేయనున్నారు. ఈ నేపథ్యంలో శనివారం నల్లగొండ మున్సిపల్‌ కార్పొరేషన్‌ కార్యాలయంలో మేయర్‌ బుర్రి చైతన్య తన ఛాంబర్‌లో సుందరీకరణ ప్రాజెక్టు నమూనా, లోగోను డిప్యూటీ మేయర్‌ మహమ్మద్‌ అష్రఫ్‌ అలీ అమేర్‌, కార్పొరేటర్లతో కలిసి ఆవిష్కరించారు. నగర అభివృద్ధికి మరింత ఊతం సుందరీకరణ పూర్తయితే క్లాక్‌ టవర్‌ సెంటర్‌ నగరంలో మరో ప్రధాన ఆకర్షణగా మారనుంది. ఇప్పటికే నగరంలో రూ.20 కోట్లతో పానగల్‌ ఛాయా సోమేశ్వరాలయ అభివృద్ధి, రూ.20 కోట్లతో సాగర్‌ రోడ్డులో వైఎస్సార్‌ విగ్రహం నుంచి చర్లగౌరారం రోడ్డు వరకు నాలుగు లేన్ల రహదారి విస్తరణ, రూ.100 కోట్లతో సయ్యద్‌ లతీఫుల్లా ఖాద్రి గుట్ట, బ్రహ్మంగారి గుట్టలకు ఘాట్‌ రోడ్ల నిర్మాణం చేపడుతున్నారు. ఈ పనులన్నీ పూర్తయితే నగరం పర్యాటక, ఆధ్యాత్మిక కేంద్రంగా మరింత అభివృద్ధి చెందనుంది.క్లాక్‌ టవర్‌ సెంటర్‌ అభివృద్ధిలో భాగంగా స్కైవాక్‌ ఏర్పాటు చేయడం ప్రాజెక్టులో ప్రత్యేక ఆకర్షణగా నిలువనుంది. సీ లేదా యూ ఆకారంలో నిర్మించే ఈ స్కైవాక్‌ ద్వారా ప్రజలకు సరికొత్త అనుభూతి కలగనుంది. అలాగే పాత ఆర్‌అండ్‌బీ కార్యాలయ స్థలంలో కమర్షియల్‌ కాంప్లెక్స్‌, మల్టీప్లెక్స్‌ నిర్మాణంతో నగర ప్రజలకు షాపింగ్‌, వినోద సౌకర్యాలు ఒకేచోట అందుబాటులోకి రానున్నాయి. వాణిజ్య కార్యకలాపాలు పెరగడంతో స్థానిక వ్యాపారులకు కూడా ప్రయోజనం చేకూరనుంది. ఫ ఆర్‌అండ్‌బీ కార్యాలయ స్థలంలో కమర్షియల్‌ కాంప్లెక్స్‌ నిర్మాణం ఫ నగర ప్రజలకు ఒకేచోట షాపింగ్‌, వినోదం ఫ ప్రపంచ బ్యాంకు, రాష్ట్ర ప్రభుత్వం నుంచి నిధులు మంజూరు ఫ పాలనా అనుమతులు జారీ.. వారంలో టెండర్ల ప్రక్రియ

ప్రాజెక్టుల విషయంలో నల్లగొండకు తీవ్ర నష్టం కలిగిస్తున్నారని ఎమ్మెల్సీ నెల్లికంటి సత్యం ఆరోపించారు. - 8లోవృత్తిపై అంకితభావం, దాతృత్వం తోడైతే సమాజానికి ఎంత మేలు జరుగుతుందో కోదాడకు చెందిన పశువైద్యుడు పెంటయ్య నిరూపిస్తున్నారు. ప్రాణాపాయస్ధితిలో ఉన్న ఏ జంతువునైనా ఆయన దగ్గరకు చికిత్స కోసం తీసుకువస్తే దానికి పునర్జన్మ లభించినట్లే. కనీస వసతులు లేకున్నా క్లిష్టమైన శస్త్రచికిత్సలను చేస్తూ మూగజీవాలకు ప్రాణం పోస్తూ మందులు సైతం ఉచితంగా అందిస్తున్నాడు. రాష్ట్రం నలుమూలల నుండే కాకుండా ఆంధ్రప్రదేశ్‌ నుంచి కూడా తమ జంతువుల చికిత్స కోసం కోదాడకు వస్తున్నారు. కుక్కలకు శస్త్రచికిత్స చేస్తున్న డాక్టర్‌ పెంటయ్య

నల్లగొండ టూ టౌన్‌ : ఈపీఎస్‌ పెన్షనర్లకు కనీస పెన్షన్‌ను రూ.9వేల చెల్లించాలని డిమాండ్‌ చేస్తూ తెలంగాణ ఆల్‌ పెన్షనర్స్‌ అండ్‌ రిటైర్డ్‌ పర్సన్స్‌ అసోసియేషన్‌ (టాప్రా) నల్లగొండ జిల్లా శాఖ ఆధ్వర్యంలో శుక్రవారం నల్లగొండ భారీ ప్రదర్శన నిర్వహించారు. అనంతరం జిల్లా కేంద్రంలోని ప్రావిడెంట్‌ ఫండ్‌ అధికారి కార్యాలయం ఎదుట ధర్నా నిర్వహించారు. ఈ సందర్భంగా ఆ అసోసియేషన్‌ రాష్ట్ర డిప్యూటీ జనరల్‌ సెక్రటరీ నూకల జగదీశ్‌చంద్ర మాట్లాడుతూ ప్రస్తుతం దేశంలో సుమారు 82లక్షల మందికిపైగా ఈపీఎస్‌ పెన్షర్లు ఉన్నారని, వారిలో 37లక్షల మందికిపైగా వెయ్యి రూపాయలలోపు పెన్షన్లు పొందుతున్నారని, ఈపీఎస్‌ కనీసం రూ.9 వేల రూపాయలు చెల్లించాలని డిమాండ్‌ చేశారు. దీనికి తోడుగా కరువు భత్యంతో పాటు ఉచిత వైద్య సౌకర్యం కల్పించాలని కోరారు. కార్యక్రమంలో అసోసియేషన్‌ జిల్లా ప్రధాన కార్యదర్శి పందిరి శ్యాంసుందర్‌, జిల్లా గౌరవ అధ్యక్షుడు ఎండీ.ఖాదర్‌, కుకుడాల గోవర్ధన్‌, చోల్లేటి యోగేంద్రనాధ్‌, పులి కృష్ణమూర్తి, గుండాల భిక్షమయ్య, రాపోలు వెంకటేశం, రాయపరెడ్డి, ప్రభాకర్‌, రచ్చ సూర్యనారాయణ, దేవచిత్తం, యాదగిరిరెడ్డి, శంకరయ్య, లక్ష్మయ్య, పీవి రెడ్డి, అనంతరెడ్డి, లింగయ్య, దేవేందర్‌, పిబి.చారి, జావీద్‌, చంద్రశేఖర్‌, పీఎస్‌ రావు, ఎం.బాల బ్రహ్మచారి తదితరులు ఉన్నారు.

నల్లగొండ అగ్రికల్చర్‌ : రైతులకు కేంద్ర ప్రభుత్వం శుక్రవారం తీపి కబురు అందించింది. ప్రధాన్‌ మంత్రి కిసాన్‌ సమ్మాన్‌ నిధి పథకంలో భాగంగా 24వ విడత పెట్టుబడి సాయం నిధులను విడుదల చేసింది. నల్లగొండ జిల్లాలోని 1,08,861 మంది రైతుల ఖాతాల్లో పీఎం కిసాన్‌ నిధులు జమ కానున్నాయి. రాబోయే రెండు మూడు రోజుల్లో విడతల వారీగా ఈ నగదు పూర్తిగా రైతుల ఖాతాల్లోకి చేరనుంది. పథకం ప్రారంభమైన 2018లో జిల్లా వ్యాప్తంగా 2,78,667 మంది రైతులు అర్హులుగా ఉండగా, ప్రస్తుతం ఆ సంఖ్య 1,08,861కి పరిమితమైంది. కొన్నేళ్లుగా మరణించిన వారి పేర్లు జాబితా నుంచి తొలగించడం, భూములు అమ్ముకున్న వారిని పక్కన పెట్టడం, ప్రభుత్వ ఉద్యోగులు, ఐటీ చెల్లింపుదారులను అర్హుల జాబితా నుంచి మినహాయిస్తున్నారు. కానీ సరికొత్తగా అర్హత సాధించిన రైతులు దరఖాస్తు చేసుకునేందుకు ప్రభుత్వం అవకాశం కల్పించడం లేదు. దీంతో ప్రతి విడతకూ జిల్లాలో పీఎం కిసాన్‌ లబ్ధిదారుల సంఖ్య క్షీణిస్తూ వస్తోంది.

నల్లగొండ టూటౌన్‌ : నీలగిరి నగరంలో భువన్‌ సర్వే వేగం పుంజుకుంది. నగరంలోని భవనాలు మార్పులు, చేర్పులు జరిగాయా లేదా అనే వివరాలను సేకరించేందుకు రాష్ట్ర ప్రభుత్వం నాలుగేళ్లకోసారి భువన్‌సర్వే చేపడుతుంది. నీలగిరి నగరంలో 26 వేల భవనాలకు భువన్‌ సర్వే చేపట్టాలని కొన్ని నెలల క్రితమే సీడీఎంఏ అధికారులు ఉత్తర్వులు జారీ చేసిన విషయం తెలిసిందే. వార్డు ఆఫీసర్లకు వివిధ పనుల కారణంగా ఇన్నాళ్లు స్తబ్దుగా ఉన్న భువన్‌సర్వే సీడీఎంఏ ఆదేశాలతో మున్సిపల్‌ కార్పొరేషన్‌ ఉద్యోగులు పరుగులు పెడుతున్నారు. వారం పది రోజుల్లో మెజార్టీ భవనాల భువన్‌ సర్వే పూర్తి చేయాలని సీడీఎంఏ దిశా నిర్ధేశం చేయడంతో ప్రతి డివిజన్‌లో ముగ్గురు ఉద్యోగులతో భువన్‌ సర్వే చేపడుతున్నారు. మొత్తంగా నవంబర్‌లో ఈ ప్రక్రియ మొత్తం పూర్తి చేయాలనే ఆదేశాలు జారీ చేసినట్లు తెలిసింది. చిన్న దుకాణాలు భారీ వాణిజ్య భవనాలుగా మార్పు.. నగరంలో నాలుగైదేళ్ల నుంచి భారీ స్థాయిలో మార్పులు చేర్పులు వచ్చిన విషయం తెలిసిందే. చిన్న, చిన్న దుకాణాల స్థానంలో భారీ షాపింగ్‌ మాల్స్‌, కొత్త కాలనీల్లో ఇంటి నిర్మాణాలు ఉన్న స్థానంలో విద్యా సంస్థలు, ఆసుపత్రులు వందల సంఖ్యలో వెలిశాయి. ఇలాంటి వాటిని గుర్తించి కొలతలు వేసి ఆన్‌లైన్‌లో వివరాలు నమోదు చేయాల్సి ఉంటుంది. నగరంలోని హైదరాబాద్‌ రోడ్‌, డీవీకే రోడ్‌, బొట్టుగూడ, డాక్టర్స్‌ కాలనీ, విద్యానగర్‌, సాగర్‌ రోడ్‌ తదితర ప్రాంతాల్లో అనేక మంది వాణిజ్య భవనాలు, షాపింగ్‌ మాల్స్‌ నిర్మాణాలు చేపట్టడంతో పాత ఆస్తి పన్ను మాత్రమే వస్తుందని తెలుస్తోంది. ఇలాంటి వాటిని గుర్తించి నిబంధనల ప్రకారం ఆస్తి పన్ను మదింపు చేపట్టాల్సి ఉంటుంది. కొందరు ఒక అంతస్తు తీసుకొని ఆ తరువాత మూడు, నాలుగు అంతస్తుల నిర్మాణాలు సైతం చేపట్టారు. ఇలాంటి ప్రాంతాల్లో ఆస్తి పన్ను ద్వారా మున్సిపల్‌ కార్పొరేషన్‌కు ఆదాయం పెరిగే అవకాశం ఉంటుంది. భువన్‌ సర్వే పెండింగ్‌లో ఉండడంతో సీడీఎంఏ ఆదేశాల మేరకు మూడు రోజుల నుంచి అన్ని డివిజన్లలో సర్వే చేయిస్తున్నాం. వారం, పది రోజుల్లో ఎన్ని భవనాలు పూర్తవుతాయో ఒక అంచనా వస్తుంది. నెల రోజుల్లోగా సర్వే పూర్తి చేసేలా చర్యలు తీసుకుంటాం. – బి.వంశీకృష్ణ, మున్సిపల్‌ కార్పొరేషన్‌ కమిషనర్‌ నీలగిరి నగరంలో మొత్తం 44 వేలకు పైగానే భవనాలు ఉన్నాయి. వీటిలోని 26 వేల భవనాలను సీడీఎంఏ అధికారులు ఎంపిక చేసిన జాబితాను పంపించారు. ఈ జాబితాల్లోని భవనాలను పరిశీలించి కొలతలు వేయాల్సి ఉంటుంది. భవన నిర్మాణానికి అనుమతి తీసుకొని నిర్మాణం తరువాత మరో అంతస్తు వేయడం, లేదా వాణిజ్య భవనంగా మార్చడం తదితర వాటిని గుర్తించి మార్పులు, చేర్పులకు అనుగుణంగా జీపీఎస్‌ (గ్లోబల్‌ పొజిషనింగ్‌ సిస్టమ్‌) ద్వారా సర్వే చేయనున్నారు. ఈ విధానంతో ఇంటికి సంబంధించిన వివరాలను పక్కాగా ఆన్‌లైన్‌లో నమోదు చేస్తారు. సర్వేలో భాగంగా ఇంటి నంబర్‌, నల్లా నంబర్‌, ఇంటి యజమాని సెల్‌ నెంబర్‌ తదితర వివరాలను సేకరించి నమోదు చేయాల్సి ఉంటుంది. ఫ నగరంలో 26వేల భవనాలను ఎంపిక చేసిన సీడీఎంఏ ఫ నెల రోజుల్లో సర్వే పూర్తి చేసేలా ప్రణాళిక

నల్లగొండ : సీనియర్‌ కాంగ్రెస్‌ నాయకుడు, సీఎల్పీ మాజీ నేత కుందూరు జానారెడ్డిపై తీన్మార్‌ మల్లన్న వ్యక్తిగత విమర్శలు చేయడం తగదరి డీసీసీ అధ్యక్షుడు పున్న కై లాష్‌ అన్నారు. ఈ మేరకు శుక్రవారం నల్లగొండలో తీన్మార్‌ మల్లన్నకు బహిరంగ లేఖ విడుదల చేసి మాట్లాడారు. ఐదు దశాబ్దాల రాజకీయ అనుభవం ఉన్న జానారెడ్డి హింసకు తావులేని రాజకీయాలను నడిపారని చెప్పారు. రాజకీయ ప్రత్యర్థులు సైతం సాయం కోరితే ఆదుకునే స్వభావం జానారెడ్డిదని పేర్కొన్నారు. జిల్లాలో తాగు, సాగునీటి అవసరాలను తీర్చేందుకు పాలకులను ఒప్పించి పలు అభివృద్ధి పథకాలు తీసుకొచ్చారని తెలిపారు. ప్రజా జీవితంలో నిరాడంబరంగా ఉంటూ అవినీతి ఆరోపణలు లేని నాయకుడిపై వ్యక్తిగత విమర్శలు చేయడం ఏంటని ప్రశ్నించారు. రాజకీయాల కోసం అసత్య ఆరోపణలు చేయకుండా బీసీల రాజకీయ ఐక్యతకు కృషి చేయాలని సూచించారు. జానారెడ్డికి 24 గంటల్లో క్షమాపణ చెప్పాలని డిమాండ్‌ చేశారు. సమావేశంలో నాయకులు జిల్లాపల్లి పరమేష్‌, చింత ధనుంజయ్‌, ఎండీ ముంతాజ్‌ అలీ, ఏళ్ల రవీందర్‌రెడ్డి, పగిళ్ల రాజు, చర్లపల్లి గౌతమ్‌, వేముల గోపీనాథ్‌, మట్టపల్లి నాగరాజు, జమ్మూ అశోక్‌, ఆకటి సైదులు, ఎండీ అజీజ్‌ తదితరులు పాల్గొన్నారు. ఫ డీసీసీ అధ్యక్షుడు పున్న కై లాష్‌ నేత

చిట్యాల : చిట్యాల–మునుగోడు రోడ్డులో చిట్యాల పట్టణ శివారులోని రైల్వే గేట్‌ నెంబర్‌–26 వద్ద ఆర్‌ఓబీ (రైల్వే ఓవర్‌ బ్రిడ్జి) నిర్మాణానికి నిధులు మంజూరు చేయాలని శుక్రవారం ఢిల్లీలో కేంద్ర రైల్వే శాఖ మంత్రి అశ్విని వైష్ణవ్‌కు భువనగిరి ఎంపీ చామల కిరణ్‌కుమార్‌రెడ్డి వినతి పత్రాన్ని అందజేశారు. దీనిపై రైల్వే మంత్రి సానుకూలంగా స్పందించారని ఎంపీ వివరించారు.ఫిర్యాదులపై నిర్లక్ష్యం వహించొద్దు : ఎస్పీహాలియా : న్యాయం కోసం పోలీస్‌ స్టేషన్‌కు వచ్చే ప్రజల ఫిర్యాదులను ఎట్టి పరిస్థితిలోనూ నిర్లక్ష్యం చేయొద్దని ఎస్పీ శరత్‌చంద్ర పవార్‌ అన్నారు. వార్షిక తనిఖీలో భాగంగా శుక్రవారం హాలియా పోలీస్‌స్టేషన్‌కు ఆయన సందర్శించారు. పోలీస్‌స్టేషన్‌లోని రికార్డులు, కేసుల దర్యాప్తు, పురోగతి, పోలీస్‌ సిబ్బంది పనితీరు క్షుణ్ణంగా పరిశీలించారు. అనంతరం ఎస్పీ మాట్లాడుతూ కేసులను నిర్ణీత గడువులోగా దర్యాప్తు పూర్తి చేసి, నాణ్యమైన ఆధారాలతో నిందితులకు శిక్ష పడేలా చర్యలు తీసుకోవాలని సూచించారు. గ్రామాల్లో నిరంతరం గస్తీ నిర్వహించాలన్నారు. అలాగే మాదకద్రవ్యాలకు అలవాటుపడిన వారి సమాచారాన్ని సేకరించాలని ఆదేశించారు. కార్యక్రమంలో మిర్యాలగూడ ఇన్‌చార్జి డీఎస్పీ రవి, సీఐ రాఘవరావు, ఎస్‌ఐ సాయి ప్రశాంత్‌ ఉన్నారు. తూనికలు, కొలతల చట్టాన్ని పాటించాలిమిర్యాలగూడ : వినియోగదారులకు నిర్ణీత పరిమాణంలో నాణ్యమైన సరుకులు అందేలా వ్యాపారులు తూనికలు, కొలతల చట్టాన్ని పక్కాగా పాటించాలని తూనికలు, కొలతలు అధికారి శ్రీనివాసులు అన్నారు. శుక్రవారం జిల్లా లీగల్‌ మెట్రాలజి అసిస్టెంట్‌ కంట్రోలర్‌ పర్యవేక్షణలో పట్టణ పరిధిలోని ఐదు రైస్‌ మిల్లుల్లో, మూడు రిటైల్‌ విక్రయ దుకాణాల్లో అధికారులు ఆకస్మిక తనిఖీలు చేపట్టారు. ఈ సందర్భంగా ఆయన మాట్లాడుతూ ప్యాకేజ్డ్‌ కమోడిటిస్‌ నిబంధనలను పాటించకపోవడం, తూకాల్లో వ్యత్యాసాలు ఉండడంతో రైస్‌ మిల్లులపై, రిటైల్‌ దుకాణాలపై కేసులు నమోదు చేసినట్లు తెలిపారు. బియ్యం కొనుగోలు చేసే సమయంలో బస్తాపై ముద్రించిన బరువును సరిచూసుకోవాలన్నారు. తూకంలో ఎలాంటి లోపాలు ఉన్నా, నిబంధనలు ఉల్లంఘించినా వెంటనే అధికారులకు ఫిర్యాదు చేయాలన్నారు. నిత్యావసర వస్తువుల ధరలు తగ్గించాలినల్లగొండటౌన్‌ : నిత్యావసర వస్తువుల ధరలను తక్షణమే తగ్గించాలని, రేషన్‌ షాపుల ద్వారా బియ్యంతో పాటు 14 రకాల సరుకులను సబ్సిడీ ధరలకు పంపిణీ చేయాలని అఖిల భారత ప్రజాతంత్ర మహిళా సంఘం (ఐద్వా) రాష్ట్ర ప్రధాన కార్యదర్శి మల్లు లక్ష్మి కేంద్ర, రాష్ట్ర ప్రభుత్వాలను డిమాండ్‌ చేశారు. శుక్రవారం నల్లగొండలోని సుందరయ్య భవన్‌లో నిర్వహించిన ఐద్వా జిల్లా కమిటీ సమావేశంలో ఆమె మాట్లాడారు. ఒకవైపు వేతనాలు పెరగకపోవడం, మరోవైపు ఉపాధి అవకాశాలు తగ్గిపోవడంతో ప్రజల ఆదాయాలు పడిపోతున్నాయని ఆవేదన వ్యక్తం చేశారు. వచ్చిన ఆదాయంలో అధిక భాగం ఆహార అవసరాలకే ఖర్చు చేయాల్సిన పరిస్థితి ఏర్పడిందన్నారు. సమావేశంలో ప్రభావతి, తుమ్మల పద్మ తదితరులు పాల్గొన్నారు. 3న ఎన్జీ కాలేజీలో జాబ్‌మేళా రామగిరి(నల్లగొండ) : నిరుద్యోగ యువతీ యువకులకు ఉపాధి కల్పించడమే లక్ష్యంగా నవంబర్‌ 3న నల్లగొంలోని ఎన్జీ కళాశాలలో మెగా జాబ్‌ మేళా నిర్వహించనున్నట్లు ఎంజీయూ రిజిస్ట్రార్‌ కె.అంజిరెడ్డి తెలిపారు. ఎస్‌కేఎస్‌ఎస్‌ ఆధ్వర్యంలో ఏర్పాటు చేస్తున్న ఈ ఉద్యోగ మేళాకు సంబంధించిన పోస్టర్‌ను ఎంజీయూ ప్రధాన క్యాంపస్‌లో శుక్రవారం ఆయన ఆవిష్కరించి మాట్లాడారు. బహుళ జాతి కంపెనీలు ఈ మేళాలో పాల్గొంటున్నాయని, నిరుద్యోగులు ఈ అవకాశాన్ని సద్వినియోగం చేసుకోవాలన్నారు. ఈ జాబ్‌మేళాకు 10వ తరగతి లేదా ఆపై చదువు ఉత్తీర్ణులైన వారు తెలిపారు. ఉద్యోగ మేళాకు సంబంధించిన వివరాల కోసం 91820 09732, 96400 73743 ఫోన్‌ నంబర్లలో సంప్రదించవచ్చని తెలిపారు. కార్యక్రమంలో యూనివర్సిటీ అధ్యాపకులు కె.ప్రశాంతి, హైమావతి, నిర్వాహకులు పొట్టిపాక నాగరాజు, ఆవుల సంపత్‌ కుమార్‌, అజయ్‌, రమావత్‌ సతీష్‌, సిద్ధార్థ తదితరులు పాల్గొన్నారు.

చిట్యాల : బ్రహ్మాణవెల్లెంల – ఉదయ సముద్రం ప్రాజెక్టు కాల్వ భూసేకరణ, నిర్మాణ పనులను వేగవంతంగా చేయాలని శాసనమండలి చైర్మన్‌ గుత్తా సుఖేందర్‌రెడ్డి అన్నారు. చిట్యాల మండలం ఉరుమడ్ల గ్రామంలో ఉదయ సముద్ర ప్రాజెక్టు నిర్మాణంలో భాగంగా చేపట్టనున్న కాల్వ అలైన్‌మెంట్‌ను శుక్రవారం ఆయన ఇరిగేషన్‌ శాఖ అధికారులతో కలిసి పరిశీలించారు. అనంతరం గుత్తా తన నివాసంలో ప్రాజెక్టు నిర్మాణ పనులపై సమీక్షించారు. ఈ సందర్భంగా ప్రాజెక్టు పనుల వివరాలు, భూసేకరణ తీరును అధికారులు చైర్మన్‌కు వివరించారు. ఈ సందర్భంగా సుఖేందర్‌రెడ్డి మాట్లాడుతూ కాలువ నిర్మాణ పనులు వేగవంతంగా చేపట్టి సాగునీటిని అందించాలని సూచించారు. కార్యక్రమంలో నీటిపారుదల శాఖ సీఈ భద్రూ, డీఈ విఠల్‌, ఏఈ నవీన్‌కుమార్‌ పాల్గొన్నారు. ఫ శాసనమండలి చైర్మన్‌ గుత్తా సుఖేందర్‌రెడ్డి ఫ ఉదయ సముద్ర ప్రాజెక్టు పనులపై సమీక్ష

నల్లగొండ : జిల్లాలోని పలు ప్రాంతాల్లో శుక్రవారం రాత్రి మోస్తరు వర్షం కురిసింది. చిట్యాల, చండూరు, గుర్రంపోడు, నిడమనూరు, నార్కట్‌పల్లి, మిర్యాలగూడ, నల్లగొండలో ఈదురుగాలులు, ఉరుములు మెరుపులతో వర్షం పడింది. ఎల్‌నినో ప్రభావంతో మొన్నటి వరకు ఉష్ణోగ్రతలు పెరిగి ప్రజలు ఇబ్బందులు పడ్డారు. ప్రస్తుతం వర్షంతో వాతావరణం కాస్త చల్లబడడంతో ఉపశమనం పొందారు. వర్షం కారణంగా చేతికొచ్చిన పంట చేలు దెబ్బతిన్నాయి. కొనుగోలు కేంద్రాల్లో ధాన్యం తడవకుండా కాపాడుకునేందుకు రైతులు తీవ్ర ఇబ్బందులు పడ్డారు.

మిర్యాలగూడ : ప్రజలపై ఆర్థిక భారం పడకుండా రైస్‌ మిల్లర్లు బియ్యం ధరలు పెంచవద్దని కలెక్టర్‌ చంద్రశేఖర్‌ కోరారు. శుక్రవారం మిర్యాలగూడ సమీపంలోని దాక్షాయిని పార్‌బాయిల్డ్‌ రైస్‌ మిల్లును ఆయన సందర్శించి మాట్లాడారు. ఎల్‌నినో ప్రభావంతో రాబోయే రోజుల్లో ప్రజలు అనేక ఇబ్బందులు ఎదుర్కొనే అవకాశం ఉన్నందున నిత్యావసర వస్తువల ధరల విషయంలో వ్యాపారులు బాధ్యతాయుతంగా వ్యవహరించాలన్నారు. మిల్లర్ల నుంచి వ్యాపారుల వరకు సరైన సమన్వయం ఉంటే వినియోగదారులకు తక్కువ ధరకు నాణ్యమైన బియ్యం అందించే అవకాశం ఉంటుందన్నారు. ఆయన వెంట అదనపు కలెక్టర్‌ జె.శ్రీనివాస్‌, ఆర్డీఓ రమణారెడ్డి, డీఎస్‌ఓ వెంకటేష్‌, పౌరసరఫరాల జిల్లా మేనేజర్‌ రాంపతినాయక్‌, రైస్‌ మిల్ల ర్స్‌ అధ్యక్షుడు గౌరు శ్రీనివాస్‌, కార్యదర్శి వెంకటరమణచౌదరి, జేవి.రమణ, తిరుపతిరావు ఉన్నారు.

రామగిరి(నల్లగొండ) : యువతలో సాహిత్యాభిరుచి, సృజనాత్మకత, భావవ్యక్తీకరణ నైపుణ్యాలను పెంపొందించడంలో సాహిత్య వేడుకలు ఎంతో దోహదపడతాయని ప్రముఖ రచయిత డాక్టర్‌ సుంకిరెడ్డి నారాయణరెడ్డి అన్నారు. హైదరాబాద్‌లోని వీరనారి చాకలి ఐలమ్మ మహిళా విశ్వవిద్యాలయంలో ఈ నెల 31న నిర్వహించనున్న సమూహ యూత్‌ లిటరరీ ఫెస్ట్‌ పోస్టర్‌ను గురువారం నల్లగొండ ఎన్జీ కళాశాలలో విద్యార్థుల సమక్షంలో ఆయన ఆవిష్కరించి మాట్లాడారు. యువ రచయితలు తమలోని ప్రతిభను వెలికితీసేందుకు ఇటువంటి వేదికలు ఉపయోగించుకోవాలన్నారు. సమూహ నల్లగొండ జిల్లా కన్వీనర్‌ ప్రభాకర్‌ కస్తూరి మాట్లాడుతూ హైదరాబాద్‌లో జరిగే ఈ వేడుకలో జిల్లాలోని సాహిత్యాభిమానులు, యువ రచయితలు, విద్యార్థులు పెద్ద సంఖ్యలో పాల్గొనాలని పిలుపునిచ్చారు. కార్యక్రమంలో డాక్టర్‌ పగడాల నాగేందర్‌, మోత్కూరు శ్రీనివాస్‌, తెలుగు శాఖ అధ్యాపకులు సందేనబోయిన ప్రభాకర్‌, డాక్టర్‌ టంగుటూరి సైదులు, దండి అంజయ్య, మామిడి లింగస్వామి, కట్ట శ్రవణ్‌ కుమార్‌, వనజ, బి.చిట్టెమ్మ, విద్యార్థులు పాల్గొన్నారు.

నల్లగొండ : వరంగల్‌–ఖమ్మం–నల్లగొండ పట్టభద్రుల ఎమ్మెల్సీ నియోజకవర్గం ఓటరు నమోదు ప్రక్రియను వేగవంతం చేయాలని రాష్ట్ర అదనపు చీఫ్‌ ఎలక్టోరల్‌ ఆఫీసర్‌ డాక్టర్‌ వాసం వెంకటేశ్వర్‌రెడ్డి అధికారులను ఆదేశించారు. గురువారం నల్లగొండ కలెక్టరేట్‌లోని వరంగల్‌–ఖమ్మం–నల్లగొండ నియోజకవర్గ ఎన్నికల ఆర్‌ఓ ఛాంబర్‌లో ఉమ్మడి జిల్లా ఈఆర్‌ఓలు, ఆర్డీఓలతో పట్టభద్రుల నియోజకవర్గ ఓటరు నమోదు ప్రక్రియపై నిర్వహించిన సమీక్ష సమావేశం ఆయన మాట్లాడారు. అర్హులైన పట్టభద్రులకు ఓటు హక్కు కల్పించేలా చర్యలు తీసుకోవాలన్నారు. ఓటరు నమోదుకు దరఖాస్తులు చేసుకున్న పట్టభద్రుల విద్యార్హతలకు సంబంధించిన ఒరిజినల్‌, ప్రొవిజనల్‌ సర్టిఫికెట్లు, మార్కెల మెమోలు, ఉద్యోగుల సర్టిఫికెట్లను నిబంధనల ప్రకారం జాగ్రత్తగా పరిశీలించాలన్నారు. ఎన్నికల నిర్వహణకు అవసరమైన బ్యాలెట్‌ బాక్సులు, జంబో బ్యాలెట్‌ బాక్సులు కొరత ఉంటే వెంటనే తెలియజేయాలని, అందుకు అవసరమైన ఏర్పాట్లు చేస్తామని చెప్పారు. కలెక్టర్‌ బి.చంద్రశేఖర్‌ మాట్లాడుతూ నల్లగొండ జిల్లాలో పట్టభద్రుల ఓటరు నమోదు ప్రక్రియను వేగవంతం చేసేందుకు ప్రత్యేక చర్యలు చేపట్టినట్లు తెలిపారు. ఈ సమావేశంలో అదనపు కలెక్టర్‌ జె.శ్రీనివాస్‌, ట్రైనీ సహాయ కలెక్టర్‌ శ్రీకాంత్‌రెడ్డి, దేవరకొండ సబ్‌ కలెక్టర్‌ కరోలిన్‌ చింగ్‌ థియాన్‌ మావి, ఉమ్మడి జిల్లాల ఈఆర్‌ఓలు (ఆర్డీఓలు), ఏఈఆర్‌ఓలు (తహసీల్దార్లు), ఎన్నికల అధికారులు పాల్గొన్నారు. ఫ రాష్ట్ర అదనపు చీఫ్‌ ఎలక్టోరల్‌ ఆఫీసర్‌ వెంకటేశ్వర్‌రెడ్డి

గుర్రంపోడు : వర్షాభావ పరిస్థితుల్లోనూ ఏఎమ్మార్పీ జలాలతో కళకళాడాల్సిన ఆయకట్టు చెరువులు నేడు నీరు లేక వెలవెలబోతున్నాయి. ఒకవైపు పంటలు ఎండిపోయి అల్లాడుతున్న రైతులు.. మరోవైపు చెరువుల్లో చుక్కనీరు లేక కరువును అధిగమించేదెలా అని ఆందోళనకు గురవుతున్నారు. గతంలో వర్షాభావ పరిస్థితులు ఉన్నప్పుడు కూడా నాగార్జునాసాగర్‌ ప్రాజెక్టులో నీరుండి ఆయకట్టులో సాగుకు ఎలాంటి ఇబ్బంది లేకపోయేది. ఆయకట్టులో చెరువులు, కుంటలు నింపేందుకు కూడా నీటి విడుదల లేకపోవడంతో తలాపున నీరున్నా తమ చెరువులు వట్టిపోయి ఉంటడంపై రైతులు తీవ్ర ఆవేదన చెందుతున్నారు. ఎలాగైనా చెరువులు నింపేలా గేట్లు ఎత్తాలని అధికారులపై ఒత్తిడి తెచ్చేందుకు నాయకులు చేసిన ప్రయత్నాలు ఫలించడం లేదు. గేట్లు తెరవద్దని ఆదేశాలు ఉన్నందున అధికారుల కళ్లుగప్పి రైతులు రాత్రివేళ గేట్లు ఎత్తి చెరువులు నింపే ప్రయత్నం చేస్తున్నా అధికారులు ఉదయం పూట వచ్చి వెంటనే గేట్లను కిందకు దించుతున్నారు. చెరువులకు ప్రత్యేక కాల్వలు లేక పాట్లు గతంలో ఏఎమ్మార్పీ ఆయకట్టుకు సాగునీరు కొరకు కాల్వలు తవ్వారు. ఈ కాల్వలు చెరువులకు అనుసంధానం చేసేలా లేకపోవడంతో పొలాలు పారుకుంటూనే నీరు చేరాల్సి వస్తుంది. మండలంలో ఐదు వందల ఎకరాల చొప్పున ఆయకట్టు కలిగిన చేపూరు, మొసంగి చెరువులతోపాటు ఇతర కుంటల్లోకి నీరు చేరడం లేదు. గతంలో ఈ చెరువులు నింపేలా ప్రత్యేక కాల్వలకు భూసేకరణ జరిపాలనే ప్రయత్నం జరిగినా నిధుల మంజూరుకు నోచుకోలేదు. ఏఎమ్మార్పీకి నీటి విడుదల జరిగిన మొదట్లో ఆయకట్టుకు కాకుండా కేవలం చెరువులు నింపేందుకు నీరు వదిలేవారు. ఇప్పుడు కూడా చెరువులు నింపేందుకు ప్రాధాన్యం ఇచ్చి డిస్ట్రిబ్యూటరీల వారీగా నీటిని విడుదల చేయాలని, ప్రస్తుతం వరికోతలు జరుగుతున్నందున పంట పొలాలకు నీరు మళ్లించుకోవడం జరగదని రైతులు అంటున్నారు. చెరువులు నింపేందుకు ఇదే అనువైన సమయం కావడంతో అధికారులు, ప్రజాప్రతినిధులు చెరువులు నింపేలా చొరవ చూపాలని రైతులు కోరుతున్నారు. ఏఎమ్మార్పీ డివిజన్‌ ఈఈ ఏమంటున్నారంటే.. ఈ విషయమై ఏఎమ్మార్పీ డివిజన్‌ ఈఈ నెహ్రూనాయక్‌ను వివరణ కోరగా చెరువులు నింపేందుకు ప్రభుత్వం నుంచి ఎలాంటి అనుమతులు లేవని తెలిపారు. ఆయకట్టులో ఈ యాసంగిలో వరిసాగు చేయవద్దని సూచించారు. చెరువులు నింపాలని ప్రజావాణిలో అధికారిని కోరుతున్న రైతులు (ఫైల్‌) వట్టిపోయి చుక్కనీరు లేని ఆయకట్టులోని కొప్పోలు తాటి చెరువు గ్రామాల దరిచేరని ఏఎమ్మార్పీ ప్రధాన కాల్వ నీరు ఫ ‘గుర్రంపోడు’లో వట్టిపోతున్న చెరువులు, కుంటలు ఫ అప్పుడే మొదలైన తాగునీటి ఎద్దడి ఫ చెరువులు నింపాలని రైతుల వేడుకోలు

చిట్యాల : మండలంలోని పిట్టంపల్లి గ్రామంలోని పలు రసాయన పరిశ్రమల నుంచి వెలువడుతున్న కాలుష్యంపై అధికారులు దర్యాప్తు వేగవంతం చేశారు. పరిశ్రమలు కాలుష్యాన్ని వెదజల్లుతున్నాయని ఆ గ్రామానికి చెందిన కాలుష్య నివారణ–పర్యావరణ పరిరక్షణ సమితి సభ్యులు ఇటీవల జిల్లా కలెక్టర్‌ చంద్రశేఖర్‌కు ఫిర్యాదు చేశారు. కలెక్టర్‌ ఆదేశాలతో గురువారం జిల్లా కాలుష్య నియంత్రణ మండలి (పీసీబీ) అధికారి వెంకన్న ఆధ్వర్యంలోని పలువురు అధికారులు పిట్టంపల్లి గ్రామ పరిధిలో తనిఖీలు చేపట్టారు. వియాష్‌, శోభన రసాయన పరిశ్రమల సమీపంలోని పొలాల వద్ద గల బోరునీటి నమూనాలను అధికారులు సేకరించారు. ల్యాబ్‌లో పరీక్షల అనంతరం వచ్చే ఫలితాల ఆధారంగా నిబంధనలు ఉల్లంఘించిన పరిశ్రమలపై చర్యలు తీసుకుంటామని అధికారులు వెల్లడించారు. రాష్ట్రస్థాయి క్రికెట్‌ పోటీలకు గురుకుల విద్యార్థి ఎంపికనిడమనూరు : మహబూబ్‌నగర్‌లో ఈ నెల 31 నుంచి జరగనున్న రాష్ట్రస్థాయి అండర్‌–19 క్రికెట్‌ పోటీలకు నిడమనూరు శివారులోని బీసీ గురుకుల పాఠశాల (తిరుమలగిరి) 10వ తరగతి విద్యార్థి పి.పవన్‌ ఎంపికయ్యాడని ప్రిన్సిపాల్‌ కే.రాజశేఖర్‌ తెలిపారు. పాఠశాలలో పీఈటీ ఎల్‌.మురహరి అందిస్తున్న శిక్షణతో విద్యార్థులు వాలీబాల్‌, సాఫ్ట్‌బాల్‌ వంటి క్రీడల్లోనూ రాష్ట్రస్థాయిలో రాణిస్తున్నారని ప్రిన్సిపాల్‌ చెప్పారు. క్రీడల వల్ల విద్య, ఉద్యోగాల్లో ప్రత్యేక రిజర్వేషన్‌ లభిస్తుందని పేర్కొన్నారు. రాష్ట్రస్థాయికి ఎంపికై న పవన్‌కు ప్రిన్సిపాల్‌, ఉపాధ్యాయ బృందం క్రికెట్‌ బ్యాట్‌ను బహూకరించి, పోటీల్లో రాణించి పాఠశాలకు మంచి పేరు తేవా లని ఆకాంక్షించారు. ఉచిత శిక్షణకు దరఖాస్తుల ఆహ్వానంనల్లగొండ : నల్లగొండ, సూర్యాపేట జిల్లాలకు చెందిన గ్రామీణ నిరుద్యోగ యువకులకు ఏసీ, ఫ్రిజ్‌ల రిపేరింగ్‌లో 30రోజుల పాటు ఉచిత శిక్షణకు దరఖాస్తులు ఆహ్వానిస్తున్నామని ఎస్‌బీఐ గ్రామీణ స్వయం ఉపాధి శిక్షణ సంస్థ (ఆర్‌సెటీ) డైరెక్టర్‌ ఒక ప్రకటనలో తెలిపారు. ఎంపికై న వారికి శిక్షణతో పాటు ఉచిత భోజనం, వసతి కల్పిస్తామని పేర్కొన్నారు. ఆసక్తి గల అభ్యర్థులు అర్హత, దరఖాస్తు విధానం తదితర పూర్తి వివరాల కోసం 9701009265 నంబర్‌లో సంప్రదించాలని కోరారు.

నల్లగొండ : నల్లగొండ నగరంలో రహదారి సౌకర్యాలను మెరుగుపరిచే దిశగా మరో అడుగు పడింది. నల్లగొండ మున్సిపల్‌ కార్పొరేషన్‌ పరిధిలోని సాగర్‌ రోడ్డులో వైఎస్సార్‌ విగ్రహం నుంచి చర్లగౌరారం రోడ్డు వరకు నాలుగు లేన్ల రహదారి నిర్మాణానికి రాష్ట్ర రోడ్లు, భవనాలు, సినిమాటోగ్రఫీ శాఖ మంత్రి కోమటిరెడ్డి వెంకట్‌రెడ్డి నిధులు మంజూరు చేశారు. ఈ మేరకు శుక్రవారం పనులకు శంకుస్థాపన చేయనున్నట్లు నగర మేయర్‌ బుర్రి చైతన్య శ్రీనివాస్‌రెడ్డి గురువారం తెలిపారు. నగరాన్ని స్మార్ట్‌ సిటీగా అభివృద్ధి చేసే లక్ష్యంతో మంత్రి ఇప్పటికే పలు అభివృద్ధి పనులకు కోట్లాది రూపాయలు కేటాయించారని మేయర్‌ పేర్కొన్నారు. నాలుగు లేన్ల రహదారిలో డివైడర్‌తోపాటు సెంట్రల్‌ లైటింగ్‌ ఏర్పాటు చేయనున్నట్లు తెలిపారు. మున్సిపల్‌ ఎన్నికల సందర్భంగా మంత్రి ఇచ్చిన హామీ మేరకు రోడ్డు విస్తరణకు నిధులు మంజూరు చేయడంపై ఆమె హర్షం వ్యక్తం చేశారు. శంకుస్థాపన కార్యక్రమానికి కార్పొరేటర్లంతా హాజరుకావాలని ఆమె కోరారు. ఫ వైఎస్సార్‌ విగ్రహం నుంచి చర్లగౌరారం రోడ్డు వరకు విస్తరణ ఫ ఎన్నికల హామీ మేరకు నిధులు మంజూరు చేసిన మంత్రి కోమటిరెడ్డి ఫ డివైడర్‌, సెంట్రల్‌ లైటింగ్‌తో రహదారి అభివృద్ధి

నిడమనూరు : మత్స్య సంపదను పెంచి మత్స్యకారులకు ఉపాధి కల్పించాల్సిన ప్రభుత్వ మత్స్యబీజ క్షేత్రం అధికారుల నిర్లక్ష్యంతో అడవిలా మారింది. చేప పిల్లలను ఉత్పత్తి చేసి వివిధ చెరువులకు సరఫరా చేయాలన్న లక్ష్యంతో 1990లో నిడమనూరు మండలంలోని ఇండ్లకోటయ్యగూడెం వద్ద సుమారు 150 ఎకరాల విస్తీర్ణంలో ఉన్న చెరువును మత్స్యబీజ క్షేత్రంగా అభివృద్ధి చేశారు. ఇందులో కార్యాలయ భవనంతో పాటు, సిబ్బంది కోసం క్వార్టర్లు, చేపలు పెంచేందుకు 50కి పైగా నీటి తొట్లను నిర్మించారు. అయితే, ఏళ్లు గడుస్తున్నా మత్స్యశాఖ అధికారుల పర్యవేక్షణ కరువవడంతో ఇవన్నీ శిథిలావస్థకు చేరాయి. చెరువంతా ముళ్ల పొదలతో దట్టమైన అడవిలా మారిపోయింది. ప్రైవేటుకే ప్రాధాన్యం కోట్లాది రూపాయల విలువైన సొంత మత్స్యబీజ క్షేత్రం అందుబాటులో ఉన్నప్పటికీ.. నిధులు లేవన్న సాకుతో అధికారులు ఇక్కడ చేప పిల్లల పెంపకాన్ని గాలికొదిలేశారు. ప్రతియేటా ప్రైవేట్‌ కంపెనీలు, వ్యక్తుల నుంచి టెండర్ల ద్వారా చేప పిల్లలను కొనుగోలు చేసి పంపిణీ చేస్తుండటం గమనార్హం. చెరువును బాగుచేసి ఇక్కడే చేపల పెంపకం చేపడితే మత్స్యకారులకు ఉపాధి దొరకడంతో పాటు, పంచాయతీకి ఆదాయం సమకూరుతుందని స్థానికులు చెబుతున్నారు. ప్రాణ భయంలో స్థానికులు మత్స్యబీజ క్షేత్రం అడవిలా మారడంతో సాయంత్రం కాగానే చెరువులో నుంచి పాములు, ఇతర విష పురుగులు సమీపంలోని ఇళ్లలోకి వస్తున్నాయి. దీంతో ప్రజలు బిక్కుబిక్కుమంటూ జీవిస్తున్నారు. ఇప్పటికై నా ఉన్నతాధికారులు స్పందించి చెరువును శుభ్రం చేయించి, కట్టను బలోపేతం చేసి మళ్లీ చేప పిల్లల పెంపకానికి చర్యలు తీసుకోవాలని గ్రామస్తులు కోరుతున్నారు.ఫ అడవిని తలపిస్తున్న ఇండ్లకోటయ్యగూడెం చేపల చెరువు ఫ పట్టింపులేక పాడవుతున్న క్వార్టర్లు, నీటి తొట్లు ఫ ప్రైవేటు వ్యక్తుల నుంచే చేప పిల్లల కొనుగోలు చెరువులో చేపల పెంపకం లేకపోవడంతో ఆ ప్రాంతమంతా చిట్టడవిలా మారింది. ఎటు చూసినా పిచ్చిమొక్కలు, ముళ్ల పొదలు పెరిగిపోయాయి. దీంతో పాములు, విష పురుగులు, దోమలు విపరీతంగా పెరిగిపోయాయి. ఇవి ఇళ్లలోకి వస్తుండటంతో భయాందోళనలకు గురవుతున్నాం. పోకల కృష్ణయ్య, సర్పంచ్‌, ఇండ్లకోటయ్యగూడెం నిధులు లేకపోవడం వల్లనే చెరువులో పూర్తిస్థాయిలో నిర్వహణ పనులు చేపట్టలేకపోతున్నాం. ఏడాదిలో కేవలం ఒకటి, రెండు నెలలు మాత్రమే ఇక్కడ చేప పిల్లల పెంపకం చేపడుతున్నాం. చెరువు దుస్థితిని ఉన్నతాధికారుల దృష్టికి తీసుకెళ్లి సమస్య పరిష్కారానికి కృషి చేస్తాం. – నవీన్‌కుమార్‌, చేపపిల్లల పెంపకం పర్యవేక్షణ అధికారి

వేసవికి ముందే గ్రామాల్లో ప్ర‘జల’ గోసఎల్‌నినో ఎఫెక్ట్‌.. సాక్షి ప్రతినిధి నల్లగొండ : ఎల్‌నినో ప్రభావంతో వేసవి రాకముందే జిల్లాలోని చాలా గ్రామాల్లో తాగునీటి కష్టాలు మొదలయ్యాయి. భూగర్భ జలాలు అడుగంటడం, బోర్లు ఎండిపోవడం, మిషన్‌ భగీరథ నీరు సరిపడా రాకపోవడంతో ప్రజలు ఇబ్బందులు పడుతున్నారు. కొన్ని గ్రామాల్లో ట్యాంకర్ల ద్వారా నీటిని సరఫరా చేస్తుండగా.. మరికొన్ని చోట్ల పాత బోర్లకు మరమ్మతులు చేసి, రైతుల నుంచి బోర్లను అద్దెకు తీసుకుంటున్నారు. కొత్తగా బోర్లు వేయించినా నీరుపడని పరిస్థితులూ ఉన్నాయి. మరోవైపు ఎల్‌నినో ప్రభావంతో వర్షపాతం తగ్గే అవకాశం ఉందన్న అంచనాలు ఆందోళన కలిగిస్తున్నాయి. రోజుకు 21.80 ఎంఎల్‌డీల వ్యత్యాసం జిల్లాలోని 33 మండలాల పరిధిలో 869 గ్రామ పంచాయతీలు, 1,774 ఆవాసాలు ఉన్నాయి. 2026 జనాభా అంచనాల ప్రకారం 14,41,256 మంది నివసిస్తున్నారు. ప్రతి వ్యక్తికి రోజుకు 100 లీటర్ల చొప్పున లెక్కిస్తే 144.12 ఎంఎల్‌డీల (మిలియన్‌ లీటర్స్‌ ఫర్‌ డ) నీరు అవసరం. అయితే ప్రస్తుతం 122.32 ఎంఎల్‌డీల సరఫరా మాత్రమే నమోదైంది. ఈ లెక్కల ప్రకారం రోజుకు 21.80 ఎంఎల్‌డీల తక్కువగా నీటి సరఫరా అవుతున్నట్లు వెల్లడైంది. వర్షాభావ పరిస్థితులు ఏర్పడి నీటి వనరుల్లో లభ్యత తగ్గితే ఈ అంతరం మరింత సమస్యగా మారే ప్రమాదం ఉంది. అందుకే మండలాలు, గ్రామాల వారీగా నీటి అవసరాలు, సరఫరా సామర్థ్యం, ప్రత్యామ్నాయ వనరుల వివరాలను అధికారులు సేకరిస్తున్నారు. పాత బోర్లకు మరమ్మతులు నల్లగొండ మండలంలోని గ్రామాల్లో తాగునీటి సమస్య తీవ్రరూపం దాలుస్తోంది. మెజారిటీ గ్రామాల్లో బోర్లు సరిగ్గా పోయడం లేదు. దీంతో కొన్ని చోట్ల గతంలో వాడి వదిలేసిన బోర్లను మళ్లీ మరమ్మతులు చేస్తున్నారు. జి.చెన్నారంతోపాటు అప్పాజీపేట గ్రామంలో తాగునీటి ఎద్దడి నివారణకు పాత బోరుబావిలో కొత్త మోటారును బిగించి వాడుకుంటున్నారు. లోతుకు వేసినా.. నీరు పడలే! మునుగోడు మండలంలోని గూడపూర్‌లో గతంలో ఏర్పాటు చేసిన ఐదు బోర్లలో నాలుగు ఎండిపోయాయి. దీంతో మరింత లోతుకు బోర్లు వేయించినా ఫలితం లేకపోయింది. ప్రస్తుతం ఒక బోరు, మిషన్‌ భగీరథ నీటి సరఫరాపైనే గ్రామస్తులు ఆధారపడుతున్నారు. మిషన్‌ భగీరథ నీరు సరిపడా రాకపోవడంతో ఇబ్బందులు తప్పడం లేదని ప్రజలు వాపోతున్నారు. భూగర్భ జలాలు పడిపోవడంతో గ్రామ పంచాయతీ బోర్లలో నీరు చాలా తక్కువగా వస్తున్నాయి. దీంతో రెండు అద్దె బోర్లు తీసుకొని నీటి సరఫరా చేస్తున్నాం. అయినా గ్రామంలోని ప్రజలకు నీరు సరిపోవడం లేదు. దీంతో వారంలో ఒకటి, రెండు రోజులు అద్దెకు ట్యాంకర్లు తీసుకొచ్చి వాటిలో నీటి నింపి ఇంటింటికీ పంపి పోయిస్తున్నాం. – పోలగొని విజయలక్ష్మి, సర్పంచ్‌, ఊకొండి, మునుగోడు మండలం మా గ్రామంలో తాగునీటికే ఇబ్బందులు ఎదురవుతున్నాయి. బోర్లు సరిగా పనిచేయకపోవడంతో ట్యాంకర్లకు కూడా నీరు సమకూర్చడం కష్టమవుతోందన్నారు. అధికారులు స్పందించి గ్రామంలో తాగునీటి ఇబ్బందులు లేకుండా ప్రత్యామ్నాయ చర్యలు తీసుకోవాలి. లేదంటే మూగజీవాలను కూడా కాపాడుకోవడం కష్టమవుతుంది. – పోలేని యుగంధర్‌, పోచంపల్లి వార్డు సభ్యుడు, గుర్రంపోడు మండలం ఫ అడుగంటుతున్న భూగర్భ జలాలు ఫ ఎండిపోతున్న బోర్లు, బావులు ఫ కొన్ని గ్రామాల్లో ట్యాంకర్లతో సరఫరా ఫ మరికొన్ని చోట్ల అద్దె బోర్లే దిక్కు ఫ పాత బోర్లకు మరమ్మతులు చేయిస్తున్న సిబ్బంది ఇవీ నల్లగొండ మండలం జి.చెన్నారం చెరువులో 20 ఏళ్ల కిందట తాగునీటి వ్యవస్థ కోసం వేసిన ఒక పాత బోరును తిరిగి వినియోగంలోకి తెచ్చేందుకు చేపట్టిన పనుల దృశ్యాలు. ఆ బోరును గడిచిన ఐదేళ్లలో ఎవరూ వినియోగించలేదు. ప్రస్తుతం తాగునీటికి ఇబ్బందులు తలెత్తుతుండటంతో పాత బోరులో కొత్త మోటార్‌తో పాటు పైపులను బిగించారు. అంతేకాదు గ్రామంలోకి పైపులైన్‌ను ఏర్పాటు చేస్తున్నారుఇదీ గుర్రంపోడు మండలం పోచంపల్లి ట్యాంకర్‌ ద్వారా తాగునీటిని అందిస్తున్న దృశ్యం. ఈ గ్రామం మిషన్‌ భగీరథ చివరి పాయింట్‌ కావడంతో సరిపడా నీరు రావడం లేదు. మరోవైపు భూగర్భజలాలు అడుగంటిపోయి బోర్లు సరిగ్గా పోయడం లేదు. దీంతో గ్రామంలో ప్రజలకు గ్రామ పంచాయతీ ఆధ్వర్యంలో ట్యాంకర్‌ ద్వారా నీటిని అందిస్తున్నారు.

నల్లగొండ : ఎస్సీ, ఎస్టీ వర్గాల సంక్షేమం, ఆర్థికాభివృద్ధే ధ్యేయంగా పనిచేయాలని ప్రభుత్వ విప్‌, నకిరేకల్‌ ఎమ్మెల్యే వేముల వీరేశం అధికారులను ఆదేశించారు. గురువారం నల్లగొండ కలెక్టరేట్‌లో షెడ్యూల్డ్‌ కులాల ప్రత్యేక అభివృద్ధి నిధుల (ఎస్సీ ఎస్‌డీఎఫ్‌) వినియోగం, అభివృద్ధి పనుల పురోగతిపై వివిధ శాఖల అధికారులతో నిర్వహించిన సమీక్ష సమావేశంలో ఆయన మాట్లాడారు. జిల్లాలో ఎస్సీ వర్గాల అభివృద్ధికి కేటాయించిన నిధులతో చేపట్టే పనులు, వాటి ద్వారా కలిగే ప్రయోజనాలపై ఆయా వర్గాల ప్రజలకు అవగాహన కల్పించాలన్నారు. ప్రతి ఒక్కరికీ నాణ్యమైన విద్య అందించాలన్న లక్ష్యంతో ముఖ్యమంత్రి రేవంత్‌రెడ్డి యంగ్‌ ఇండియా, తెలంగాణ పబ్లిక్‌ స్కూళ్లు ఏర్పాటు చేస్తున్నారన్నారు. ఆయా వర్గాల సామాజిక అభివృద్ధికి పాటుపడాలన్నారు. ఈ సందర్భంగా కలెక్టర్‌ బి.చంద్రశేఖర్‌ వివిధ అంశాలపై ప్రభుత్వ విప్‌ వేముల వీరేశానికి వివరించారు. ఈ సమావేశంలో ఇన్‌చార్జి అదనపు కలెక్టర్‌ ప్రేమ్‌కరణ్‌రెడ్డి, జిల్లా సంక్షేమ శాఖ డీడీ శశికళ, వివిధ శాఖల అధికారులు పాల్గొన్నారు. ఫ ప్రభుత్వ విప్‌, నకిరేకల్‌ ఎమ్మెల్యే వేముల వీరేశం

వ్యవసాయరంగ పరిరక్షణకు పోరాడుతామని ఏఐకేఎస్‌ జాతీయ ప్రధాన కార్యదర్శి విజ్జు కృష్ణన్‌ అన్నారు. - 8లోవిధి నిర్వహణలో నిర్లక్ష్యం చేయొద్దుపెద్దవూర: నందికొండ మున్సి పాలిటీ పరిధిలోని హిల్‌కాలనీ కమలా నెహ్రూ ఏరియా ఆసుపత్రిని గురువారం డీసీహెచ్‌ఎస్‌ డాక్టర్‌ భానుప్రసాద్‌ నాయక్‌ తనిఖీ చేశారు. ఆసుపత్రిలోని వివిధ విభాగాలను, ఓపీ రికార్డులు, వైద్య సిబ్బంది హాజరు పట్టికలను పరిశీలించి మాట్లాడారు. గతంలో ఇదే ఆసుపత్రిలో సేవలు అందించి డీసీహెచ్‌ఎస్‌గా పదోన్నతి పొందిన భానుప్రసాద్‌ నాయక్‌ను మెడికల్‌ ఎంప్లాయీస్‌ యూనియన్‌, వైద్య సిబ్బంది సత్కరించారు. ఈ కార్యక్రమంలో మెడికల్‌ సూపరింటెండెంట్‌ డాక్టర్‌ హరికృష్ణ, ఆర్‌ఎంఓ డాక్టర్‌ జయంత్‌ అభినందన్‌, వాడపల్లి శ్రీధర్‌, పద్మజ, జ్యోతి పాల్గొన్నారు.

నల్లగొండ: వృత్త్యంతర, సామర్థ్యాభివృద్ధి శిక్షణ కోసం జిల్లాకు చెందిన 43 మంది పీఎంశ్రీ పాఠశాలల హెచ్‌ఎంలు గురువారం నల్లగొండ నుంచి బస్సులో బెంగళూరుకు బయల్దేరి వెళ్లారు. గురువారం నల్లగొండలోని డీఈఓ కార్యాలయం వద్ద కార్యాలయ అసిస్టెంట్‌ డైరెక్టర్‌ రామాచారి ఈ బస్సును జెండా ఊపి ప్రారంభించారు. సైన్స్‌ అండ్‌ టెక్నాలజీ, ఆంగ్ల భాషా పఠనాభివృద్ధిపై పీఎంశ్రీ ప్రధానోపాధ్యాయులకు ప్రభుత్వం బెంగళూరులో నాలుగు రోజుల పాటు శిక్షణ కార్యక్రమాన్ని ఏర్పాటు చేసింది. శిక్షణ ద్వారా విద్యార్థుల అభ్యసన సామర్థ్యాలను మెరుగుపరిచేందుకు కృషి చేస్తారు. కార్యక్రమంలో ఎఫ్‌ఏఓ బాలాజీ నాయక్‌, కోఆర్డినేటర్లు శ్రీనివాస్‌ గౌడ్‌, శ్రీనయ్య పాల్గొన్నారు.

యాదగిరిగుట్ట : యాదగిరి శ్రీలక్ష్మీనరసింహస్వామి వారి ఆలయంలో గురువారం నిత్య పూజలు నిర్వహించారు. ఉదయాన్నే శ్రీస్వామికి సుప్రభాతం చేపట్టి, స్వయంభూ మూర్తులకు నిజాభిషేకం జరిపించారు. అనంతరం శ్రీస్వామి అమ్మవార్లకు సహస్ర నామార్చన, కుంకుమార్చన వంటి పూజలు చేపట్టారు. ఇక ముఖ మండపంలో బంగారు ఉత్సవమూర్తులకు అష్టోత్తరం, సువర్ణ పుష్పార్చన పూజ నిర్వహించారు. ఆలయ ప్రథమ ప్రాకార మండపంలో శ్రీసుదర్శన నారసింహ హోమం, నిత్య కల్యా ణం చేపట్టారు. సాయంత్రం వేళ శ్రీస్వామి అమ్మవార్ల వెండి జోడు సేవను ఊరేగించి, రాత్రి పవళింపు సేవ జరిపి ఆలయాన్ని మూసివేశారు.

నిడమనూరు : మండల కేంద్రం పరిధిలోని కోటమైసమ్మ దేవస్థానంలో తలనీలాల సేకరణ వేలాన్ని అధికారులు ఇష్టానుసారంగా నిర్వహించి అనుకున్న వారికే ఇచ్చారనే ఆరోపణలు వినిపిస్తున్నాయి. ఏడాది పాటు తలనీలాలు సేకరించేందుకు బుధవారం కోటమైసమ్మ ఆలయ ప్రాంగణంలో బహిరంగా వేలం, టెండరు విధానంలో సీల్డు టెండర్లు స్వీకరించారు. సరైన ప్రచారం లేకపోవడంతో వేలానికి ముగ్గురే హాజరయ్యారు. గతంలో 10 నుంచి 20మందికిపైగా వ్యక్తులు, అలంకరణ సంస్థలు పాల్గొనేవి. గతంలో రూ.10 లక్షలు పలికిన వేలానికి బుధవారం ముగ్గురు హాజరుకాగా వి.మల్లికార్జున్‌ రూ.6.5 లక్షలకు పాడారు. గతంలో పలికిన రూ.10 లక్షలకు పదిశాతం ఎక్కువగా ఉంటేనే వేలం అంగీకరమవుతుందని, లేకపోతే టెండరు రద్దవుతుందని చెప్పారు. సీల్డు టెండరు విధానంలో మల్లికార్జున్‌ రూ.4,11,116గా అఽత్యధికంగా టెండరు వేశారు. రెండింటిలోనూ మల్లికార్జున్‌ అత్యధికంగా కోట్‌ చేశారు. బహిరంగా వేలం విధానం ఉన్నతాధికారులకు వివరించి నిర్ణయం తీసుకొంటామని వెల్లడించారు. దేవాదాయ ఫౌండర్‌ చైర్మన్‌ చెవిటి ఆంజనేయులు, ఆలయ ఈఓ బి జ్యోతి మధ్యాహ్నం తర్వాత ఉన్నతాధికారులతో సంప్రదింపులు చేసి, రూ.లక్ష అధికం చేసి రూ.7.5 లక్షలకు మల్లికార్జున్‌కు తలనీలాల హక్కులు ఏడాదిపాటు కలిస్తున్నామని ప్రకటించడం విశేషం. అదేవిధంగా ఇటీవల రెండు నెలలు సేకరించిన తలనీలాలకు వేలం నిర్వహించగా కిలో రూ.7,300లు పలకగా, 9.3 కేజీలకు రూ.69,300 వచ్చినట్లు ప్రకటించారు. ఈ కార్యక్రమంలో ఆలయ ఫౌండర్‌ చైర్మన్‌ సీహెచ్‌ ఆంజనేయులు, విఠల్‌, ఉద్యోగులు శ్రీను, కోటయ్య, వెంకయ్య పాల్గొన్నారు. ఈఓ వివరణ : ఏటా 10 శాతం వేలం పెంచేలా చర్యలు తీసుకొంటున్నామని ఈఓ జ్యోతి తెలిపారు. ప్రస్తుత మార్కెట్‌ డిమాండ్‌, గతేడాది వేలం పాడిన వ్యక్తి రూ.5 లక్షలు చెల్లించి కొంతకాలానికి విరమించుకున్నారని, దీంతో వేలంలో పాల్గొన్న వారితో చర్చించి ఖరారు చేశామని పేర్కొన్నారు. ఫ శ్రీకోటమైసమ్మ ఆలయ టెండర్లపై ప్రచారం లేక ముగ్గురే హాజరు

నల్లగొండ టూటౌన్‌ : మహిళలను కోటీశ్వరులను చేస్తామని ప్రభుత్వం చెబుతుంటే జిల్లాలో మాత్రం పొదుపు సంఘాల మహిళల నుంచి ఐడీ కార్డులతో పేరుతో వసూళ్ల దందా మొదలు పెట్టడడంపై సర్వత్రా విమర్శలు వినిపిస్తున్నాయి. రూపాయి కూడా భారం పడకుండా మహిళల పేరుతో ప్రభుత్వం స్మార్ట్‌ రేషన్‌ కార్డులు పంపిణీ చేస్తుంటే.. ఇక్కడ మాత్రం పొదుపు మహిళలకు ఐడీ కార్డు ఇస్తామని చెబుతూ ఒక్కో మహిళ నుంచి రూ.60 వసూలు చేస్తున్నారు. పొదుపు సంఘాల మహిళలందరినీ నుంచి రూ.60 వసూలు చేయాలని మెప్మా అధికారులు రిసోర్స్‌పర్సన్స్‌ (ఆర్పీ)పై ఒత్తిడి తెస్తున్నారు. తమ మాటవినని ఆర్పీలను బెదిరిస్తూ, ఇష్టానుసారంగా మాట్లాడుతున్నారనే విమర్శలు ఉన్నాయి. జిల్లాలోని ఒక కార్పొరేషన్‌, ఏడు మున్సిపాలిటీల్లో 7,007 సంఘాల్లో మొత్తం 70,070 మంది సభ్యులు ఉన్నారు. వీరందరి నుంచి రూ.60 చొప్పున వసూలు చేస్తే రూ.42,4,200 అవుతుంది. రూ.25 కూడా ఖర్చు కానీ కార్డుకు రూ.60 చొప్పున వసూలు చేసి రూ.42 లక్షలకుపైగా కొట్టేద్దామనే భారీ స్కెచ్‌ వేశారనే ఆరోపణలు వినిపిస్తున్నాయి. ప్రైవేట్‌ ఏజెన్సీ వెనుక మర్మమేంటో.. పొదుపు సంఘాలను ఆర్థికంగా బలోపేతం చేయాల్సిన అధికారులే అడ్డదారిలో వెళ్లి ప్రైవేట్‌ ఏజెన్సీకి ఐడీ కార్డుల తయారీ బాధ్యతలు అప్పజెప్పడం వెనుక ఉన్న మర్మమేమిటి అనే ప్రశ్నలు తలెత్తుతున్నాయి. పొదుపు మహిళలకు ఐడీ కార్డు అవసరం ఏంటనే ప్రశ్నలు ఉద్యోగుల నుంచే వస్తున్నాయి. అసలు రాష్ట్ర ప్రభుత్వం గానీ, జిల్లా కలెక్టర్‌ గానీ జిల్లాలో ఉన్న స్వయం సహాయక సంఘాల మహిళలు ఐడీ కార్డులు తీసుకోవాలని ఇప్పటి వరకు ఎలాంటి అధికారిక సర్క్యులర్‌ జారీ చేసిన దాఖలాలు లేవు. అయినా ఇద్దరు ముగ్గురు అధికారులు ఓ ప్రైవేట్‌ ఏజెన్సీ నిర్వాహకులతో కుమ్మక్కు ఇదంతా చేస్తున్నారనే ఆరోపణలు ఉన్నాయి. నీలగిరిలో ఆఘమేఘాల మీద.. నల్లగొండ నగరంలో ఐడీ కార్డులు తీసుకోవాలంటూ మెప్మా సిబ్బంది ఆర్పీలపై ఒత్తిడి తెచ్చినట్లు తెలిసింది. లోన్‌ ఇప్పించేటప్పుడు లేని శ్రద్ధ.. ఐడీ కార్డుల విషయంలో ఆఘమేఘాల మీద ఆర్పీలకు ఫోన్ల చేస్తూ డబ్బులు వసూలు చేయాలని చెబుతున్నారని ఆర్పీలు అంటున్నారు. కానీ మాకు ఐడీ కార్డు అవసరం ఏముందని మహిళలు ప్రశ్నిస్తున్నారని మెప్మా సిబ్బందికి ఆర్పీలు చెప్పడం విశేషం. పొదుపు మహిళలకు ఐడీ కార్డులు ఇస్తామని ఓ ప్రైవేట్‌ ఏజెన్సీ నిర్వాహకుడు కలెక్టర్‌కు లెటర్‌ పెట్టుకున్నాడు. దాని ప్రకారం ఆసక్తి ఉన్న మహిళలు ఐడీ కార్డులు తీసుకోమని చెప్పాం. బలవంతంగా తీసుకోవాలని ఎక్కడా చెప్పలేదు. ఒకవేళ ఎవరిరైనా బెదిరించినట్లు ఫిర్యాదులు వస్తే వారిపై చర్యలు తీసుకుంటాం. – శ్రీనివాస్‌, మెప్మా పీడీ మెప్మాలో అధికారుల దందాఫ పొదుపు సంఘాల మహిళలంతా తీసుకోవాలంటూ ఆదేశాలు ఫ ఒక్కొక్కరి నుంచి రూ.60 వసూలు ఫ ఎలాంటి సర్క్యులర్‌ జారీచేయని సర్కారు ఫ ఓ ప్రైవేట్‌ ఏజెన్సీతో అధికారుల కుమ్మక్కు! ఫ జిల్లాలో 70,070 మంది సభ్యులు

నల్లగొండ టౌన్‌ : ప్రతిఒక్కరం మత్తుకు దూరంగా ఉందామని అదనపు ఎస్పీ రమేష్‌, రెడ్‌క్రాస్‌ సొసైటీ చైర్‌పర్సన్‌ డాక్టర్‌ పులిపాటి హేమలత అన్నారు. బుధవారం రెడ్‌క్రాస్‌ సొసైటీ ఆధ్వర్యంలో నల్లగొండ పట్టణంలో నిర్వహించిన నషాముక్త్‌ ర్యాలీని వారు ప్రారంభించి మాట్లాడారు. అనంతరం క్లాక్‌ టవర్‌ సెంటర్‌ వద్ద ఏర్పాటు చేసిన ఎల్‌ఈడీ తెర ద్వారా రాష్ట్ర గవర్నర్‌ శివ్‌ ప్రతాప్‌ శుక్లా వర్చువల్‌గా పాల్గొని యువత చేత మాదకద్రవ్యాల వ్యతిరేక ప్రతిజ్ఞ చేయించారు. కార్యక్రమంలో రెడ్‌క్రాస్‌ సొసైటీ వైస్‌ చైర్మన్‌ దేవులపల్లి శ్రీకాంత్‌, కార్యదర్శి గుంటి రామకృష్ణ, కోశాధికారి కుంభం జ్యోతిరెడ్డి, సభ్యులు నన్నూరి లతాకుమారి, రాజలింగం, మిర్యాల యాదగిరి, డాక్టర్‌ పుల్లారావు, ఐబీసీ ఛానల్‌ ఎండి ఏచూరి శైలజ, రిటైర్డ్‌ ప్రిన్సిపాల్‌ లింగయ్య, ఎస్పీఆర్‌ స్కూల్‌ చైర్మన్‌ నన్నూరి రాంరెడ్డి, లైన్స్‌క్లబ్‌ గవర్నర్‌ కోడె సతీష్‌ పాల్గొన్నారు.

నల్లగొండ: వరంగల్‌–ఖమ్మం–నల్లగొండ పట్టభద్రుల నియోజకవర్గ ఓటరు నమోదు పెంచేందుకు అన్ని రాజకీయ పార్టీల నాయకులు సహకరించాలని కలెక్టర్‌ బి.చంద్రశేఖర్‌ కోరారు. బుధవారం నల్లగొండ కలెక్టరేట్‌లోని తన ఛాంబర్‌లో అన్ని రాజకీయ పార్టీల ప్రతినిధులతో పట్టభద్రుల నియోజకవర్గ ఓటరు నమోదు, ఎస్‌ఐఆర్‌ ప్రక్రియపై నిర్వహించిన సమావేశంలో ఆయన మాట్లాడారు. ఎస్‌ఐఆర్‌ ప్రక్రియలో భాగంగా పెండింగ్‌ లో ఉన్న ఫారం 6 ,7,8 దరఖాస్తులను వారంలో పరిష్కరిస్తామని తెలిపారు. పట్టభద్రుల నియోజకవర్గంలో ఓటుహక్కు పొందేందుకు అర్హులైన పట్టభద్రులు ఫారం–18 ద్వారా నవంబర్‌ 6లోగా దరఖాస్తు చేసుకోవాలన్నారు. దరఖాస్తుదారుడు మూడేళ్ల క్రితం డిగ్రీ ఉత్తీర్ణులై ఉండాలని, స్థానికులై ఉండాలని, పట్టభద్రుల సర్టిఫికెట్‌, అవసరమైన ఇతర పత్రాలు సమర్పించాలని తెలిపారు. సమావేశంలో నాయకులు ముంతాజ్‌ అలీ, బక్క పిచ్చయ్య, లింగస్వామి, సైదులు, తేలు అన్నరవి, హాశం, రవిశంకర్‌, ఎన్నికల విభాగం డీటీ సందీప్‌, వంశీ పాల్గొన్నారు. రక్తహీనత సర్వే చేపట్టాలి గిరిజన ప్రాంతాల్లో గుర్తించిన 7 గ్రామాల్లో బాలికలతోపాటు మహిళలకు రక్తహీనత సర్వేను 15 రోజుల్లోగా పూర్తిచేయాలని కలెక్టర్‌ బి.చంద్రశేఖర్‌ అధికారులను ఆదేశించారు. బుధవారం కలెక్టరేట్‌లో జిల్లా శిశు సంక్షేమ శాఖ కార్యకలాపాలపై నిర్వహించిన సమావేశంలో ఆయన మాట్లాడారు. జిల్లాలో మంజూరైన 41 నూతన అంగన్‌వాడీ కేంద్రాల పనుకు సోమవారంలోగా శంకుస్థాపన చేయాలన్నారు. అంగన్‌వాడ్లీ పిల్లలకు నాణ్యమైన పోషకా హారం అందించాలన్నారు. అధికారులకు పలు సూ చనలు చేశారు. ఈ సమావేశంలో ఇన్‌చార్జి అదనపు కలెక్టర్‌ ప్రేమ్‌కరణ్‌రెడ్డి,శిశు సంక్షేమ శాఖ అధికారి లావణ్య, సీడీపీఓలు, సూపర్‌వైజర్లు పాల్గొన్నారు. ఫ కలెక్టర్‌ చంద్రశేఖర్‌

ఫ రాష్ట్ర మానవ హక్కుల కమిషన్‌ చైర్మన్‌ జస్టిస్‌ షమీమ్‌ అక్తర్‌ ఫ నల్లగొండ పట్టణంలో పర్యటించిన కమిషన్‌ చైర్మన్‌ నల్లగొండ, నల్లగొండ టౌన్‌ : ప్రజలకు మెరుగైన సేవలందించేందుకు అధికారులంతా ప్రజాసేవే పరమావధిగా పనిచేయాలని రాష్ట్ర మానవ హక్కుల కమిషన్‌ చైర్మన్‌ జస్టిస్‌ షమీమ్‌ అక్తర్‌ అన్నారు. బుధవారం నల్లగొండ జిల్లా కేంద్రంలోని ఆర్‌అండ్‌బీ అతిథి గృహంలో జిల్లా కలెక్టర్‌ బి.చంద్రశేఖర్‌, ఎస్పీ శరత్‌చంద్ర పవార్‌తో సమావేశమై వివిధ అంశాలపై సమీక్షించారు. అనంతరం ప్రభుత్వ జనరల్‌ ఆసుపత్రిని సందర్శించారు. ఈ సందర్భంగా చైర్మన్‌ మాట్లాడుతూ రాష్ట్ర మానవ హక్కుల కమిషన్‌ విద్య, వైద్యం, భూములు, సీనియర్‌ సిటిజన్స్‌, పోలీస్‌, రెవెన్యూ తదితర కేసులతోపాటు, సుమోటో కింద కొన్ని కేసులను స్వీకరించి పరిష్కరిస్తోందన్నారు. విద్యకు సంబంధించి ఫీజు రీయింబర్స్‌మెంట్‌, ఉపకార వేతనాల మంజూరు, విద్యాసంస్థలు విద్యార్థులకు ఒరిజినల్‌ ధ్రువపత్రాలు ఇవ్వకపోవడం, రెవెన్యూ, పోలీస్‌ శాఖలకు సంబంధించిన కేసులను ఎప్పటికప్పుడు పరిష్కరిస్తున్నామని తెలిపారు. గత విద్యా సంవత్సరంతో పోలిస్తే ఈ విద్యా సంవత్సరంలో రాష్ట్ర వ్యాప్తంగా హెచ్‌ఆర్‌సీకి వచ్చే కేసుల సంఖ్య తగ్గిందన్నారు. కలెక్టర్‌ బి.చంద్రశేఖర్‌ మాట్లాడుతూ మానవ హక్కుల కమిషన్‌లో ఈ ఏడాది 5 కేసులు మాత్రమే నమోదైతే వాటిలో 4 కేసులు పరిష్కరించామన్నారు. ఎస్పీ శరత్‌చంద్ర పవార్‌ మాట్లాడుతూ విచారణకు వచ్చిన కేసులన్నింటిని నిబంధనల ప్రకారం పరిష్కరిస్తున్నామని తెలిపారు. అంతకుముందు ఆర్‌ అండ్‌ బీ అతిథి గృహం చేరుకున్న హెచ్‌ఆర్‌సీ చైర్మన్‌ షమీమ్‌ అక్తర్‌కు కలెక్టర్‌, ఎస్పీ పూల మొక్కలను అందజేసి స్వాగతం పలికారు. కేసుల సంఖ్య తగ్గింది గతేడాదితో పోలిస్తే ఈ సంవత్సరం జిల్లా నుంచి అతి తక్కువ సంఖ్యలో మానవ హక్కుల కమిషన్‌కు ఫిర్యాదులు వచ్చాయని, కేసుల సంఖ్య బాగా తగ్గిందని రాష్ట్ర మానవ హక్కుల కమిషన్‌ చైర్మన్‌ జస్టిస్‌ షమీమ్‌ అక్తర్‌ అన్నారు. నల్లగొండ ప్రభుత్వ ప్రధాన ఆసుపత్రిలో పలు విభాగాలను సందర్శించి రోగులకు అందిస్తున్న వైద్య సేవలను పరిశీలించారు. అనంతరం ఆసుపత్రి వద్ద మీడియా ప్రతినిధులతో ఆయన మాట్లాడారు. గతేడాది 45 నుంచి 50 కేసులు రాగా ఒక్క కేసుకు తప్ప అన్నింటినీ పరిష్కరించామన్నారు. మహిళలకు అత్యవసరమైతే తప్ప సిజేరియన్‌ చేయాలని వైద్యులకు సూచించారు. కార్యక్రమాల్లో ఆర్డీఓ వై.అశోక్‌రెడ్డి, జిల్లా మైనార్టీ సంక్షేమాధికారి విజయేందర్‌రెడ్డి, జిల్లా గిరిజన సంక్షేమ అధికారి కమలాకర్‌రెడ్డి, సాంఘిక సంక్షేమ శాఖ డీడీ శశికళ, ఏఎస్పీ రమేష్‌, బీసీ సంక్షేమ అధికారి సంజీవులు, డీఎంహెచ్‌ఓ డాక్టర్‌ రాహుల్‌, డాక్టర్‌ నాగేష్‌, నల్లగొండ తహసీల్దార్‌ పరశురాం తదితరులు పాల్గొన్నారు.

నకిరేకల్‌ : ఆలిండియా సివిల్‌ సర్వీస్‌ ఆధ్వర్యంలో హైదరాబాద్‌లోని రవీంద్రభారతిలో బుధవారం ప్రారంభమైన రాష్ట్రస్థాయి నృత్య లఘు నాటిక పోటీల్లో జిల్లాకు చెందిన అధికారులు, ఉపాధ్యాయులు అలరించారు. ఈ పోటీల్లో నకిరేకల్‌ మండలానికి చెందిన ఎంపీడీఓ కార్యాలయ సిబ్బంది, ప్రభుత్వ టీచర్లు పాల్గొని కర్తవ్య నిర్వహణ లఘు నాటికను ప్రదర్శించారు. ఈ ప్రదర్శనలో నారథుడిగా ఎంపీడీఓ గన్నోజు బ్రహ్మచారి, దేవేంద్రుడిగా కనుకుంట్ల నవీన్‌రెడ్డి(చందంపల్లి ప్రాథమికోన్నత పాఠశాల హెచ్‌ఎం), వరుణ దేవుడిగా కె.బాలాజీ(ప్రాథఽమిక పాఠశాల మండలాపురం), అగ్నిదేవుడిగా ఐ.గోవర్ధన్‌(ప్రాథమిక పాఠశాల నడిగూడెం), యమధర్మరాజుగా యాదగిరి(పంచాయతీ కార్యదర్శి వల్లాభాపురం), చిత్రగుప్తుడిగా కృష్ణ( ఎంపీడీఓ కార్యాలయ టైపిస్ట్‌), అప్సరగాయనిగా జి.నాగమణి(పంచాయతీ కార్యదర్శి పాలెం), భూదేవిగా సిలివేరు నాగమణి(జెడ్పీహెచ్‌ఎస్‌ పీఏపల్లి) పాత్రల్లో అలరించారు. ఈ లఘు నాటకానికి రచన, దర్శకత్వం నకిరేకల్‌ ఎంపీడీఓ గన్నోజు బ్రహ్మచారి వ్యహరించారు. తాము ప్రదర్శించిన నాటక పదర్శన అందరినీ ఆకట్టుకుందని ఎంపీడీఓ తెలిపారు.

చండూరు : మండలంలోని చొప్పరివారిగూడెంలో జలసిరి కార్యక్రమం కింద గ్రామ సర్పంచ్‌ జాల వెంకన్న చేపట్టిన పనులు ఆదర్శమని పంచాయతీ రాజ్‌ కమిషనర్‌ దివ్య దేవరాజన్‌ అభినంధించారు. బుధవారం హైదరాబాద్‌ నుంచి పంచాయతీ రాజ్‌ మంత్రి సీతక్కతో కలిసి ఏర్పాటు చేసిన వీడియో కాన్పరెన్స్‌ ద్వారా చండూరు ఎంపీడీఓ కార్యాలయ సిబ్బందితో ఎల్‌నినోపై సమీక్షించారు. రాబోయే రోజుల్లో తాగునీటి ఎద్దడి, భూగర్భ జలాల తగ్గుదల, వ్యవసాయ, పారిశుద్ధ్య సవాళ్లను ఎలా ఎదుర్కోవాలో సర్పంచులు, అధికారులకు వివరించారు. ఈ కార్యక్రమంలో ఎంపీడీఓ బండారు యాదగిరి, సర్పంచులు జాల వెంకన్న, సత్యం, రాజేష్‌, రాములు, ఎంపీఓ కోటయ్య, పంచాయతీ కార్యదర్శులు, విబిజిరామ్‌జీ అధికారులు, ఇతర అధికారులు తదితరులు పాల్గొన్నారు.

మునుగోడు : న్యాయం కోసం పోలీస్‌ స్టేషన్‌కు వచ్చే ప్రతి బాధితుడికి న్యాయం జరిగేలా చూసి, పోలీసు వ్యవస్థపై ప్రజల్లో నమ్మకం పెంపొందించేలా సిబ్బంది పనిచేయాలని ఎస్పీ శరత్‌ చంద్ర పవార్‌ సూచించారు. వార్షిక తనిఖీల్లో భాగంగా బుధవారం మునుగోడు పోలీస్‌ స్టేషన్‌కు వచ్చిన ఆయనకు స్టేషన్‌ సిబ్బంది గౌరవ వందనం సమర్పించారు. అనంతరం ఆయన స్టేషన్‌ పరిసరాలతో పాటు రిసెప్షన్‌ కౌంటర్‌, రికార్డులను పరిశీలించారు. ఈ సందర్భంగా ఆయన మాట్లాడుతూ గ్రా మాల్లో నిరంతరం గస్తీ నిర్వహించాల న్నారు. అలాగే మాదకద్రవ్యాలకు అలవాటుపడిన వారి సమాచారాన్ని సేకరించాలని ఆదేశించారు. పాత నేరస్థుల కదలికలపై నిఘా ఉంచాలన్నారు. కార్యక్రమంలో చండూరు సీఐ రాము, డీసీఆర్‌బీ సీఐ శ్రీను నాయక్‌, ఎస్‌ఐ శోభన్‌ బాబు తదితరులు పాల్గొన్నారు. శివన్నగూడెం ప్రాజెక్టు పనులు పూర్తిచేయాలిమర్రిగూడ : మునుగోడు, దేవరకొండ నియోజకవర్గాల రైతులకు సాగునీరు అందించాలంటే శివన్నగూడెం ప్రాజెక్టు పనులను నిర్ణీత గడువులోగా పూర్తిచేయాలని బీజేపీ జిల్లా అధ్యక్షుడు నాగం వర్షిత్‌రెడ్డి అన్నారు. బుధవారం బీజేపీ మండల అధ్యక్షుడు పాత్లావత్‌ రాజేందర్‌నాయక్‌ ఆధ్వర్యంలో పార్టీ నాయకులు, ప్రజాప్రతినిధులు, కార్యకర్తలతో కలిసి ఆయన శివన్నగూడెం ప్రాజెక్టును సందర్శించి పనుల పురోగతిని పరిశీలించి మాట్లాడారు. సంస్థాన్‌ నారాయణ్‌పూర్‌, చౌటుప్పల్‌ మండలాల రైతులకు సాగునీటి సౌకర్యం కల్పించేందుకు రాచకొండ గుట్టల ప్రాంతంలో రిజర్వాయర్‌ నిర్మించాలని డిమాండ్‌ చేశారు. కార్యక్రమంలో దోనూరు వీరారెడ్డి, యాస అమరేందర్‌రెడ్డి, దూడల భిక్షంగౌడ్‌, పిట్టల శ్రీనివాస్‌, రాజుయాదవ్‌, యాస అశోక్‌రెడ్డి, వేనేపల్లి శ్రీనివాస్‌రావు, కేసరి రవీందర్‌రెడ్డి, జిల్లాకుల సైదులుయాదవ్‌, రాకొండ ప్రదీప్‌రెడ్డి, చాపల వెంకటేష్‌, అంబాల రమేష్‌, ఆంగోతు భాస్కర్‌నాయక్‌, పెద్దులుగౌడ్‌, నూకల మల్లేష్‌, కుక్కల వెంకటేష్‌, నవీన్‌ తదితరులు పాల్గొన్నారు. జనాభా లెక్కల్లో కోత విధించడం అన్యాయం నల్లగొండ టౌన్‌ : మున్నూరు కాపుల జనాభా లెక్కల్లో కోత విధించడం అన్యాయమని తెలంగాణ మున్నూరు కాపు సంఘం రాష్ట్ర ప్రధాన కార్యదర్శి దేవయ్య పటేల్‌ ఆవేదన వ్యక్తం చేశారు. బుధవారం నల్లగొండలో ఏర్పాటు చేసిన మున్నూరుకాపు సభ్యత్వ నమోదు కార్యక్రమాన్ని ఆయన ప్రారంభించి మాట్లాడారు. బీఆర్‌ఎస్‌ ప్రభుత్వ హయాంలో 45 లక్షలుగా ఉన్న మున్నూరు కాపుల జనాభాను ప్రస్తుతం 28 లక్షలకు తగ్గించారని ఆరోపించా రు. గ్రామ, మండల, నియోజకవర్గ, జిల్లా స్థాయిల్లో కమిటీల ఏర్పాటు చేస్తున్నామని తెలిపారు. కార్యక్రమంలో ఉపాధ్యక్షుడు సైదయ్య పటేల్‌, రాష్ట్ర ప్రధాన కార్యదర్శి జిల్లపల్లి వెంకటేశ్వర్లు, సంకూరి వెంకటనారాయణ, రాళ్లపల్లి ప్రసన్నకుమార్‌, వాసంశెట్టి సైదులు, గాజుల శ్రీనివాస్‌, కుప్పగిరి వెంకటేశ్వర్లు, అనంతరాములు, తొట్ల నాగేశ్వరరావు, లింగయ్య నాయుడు, సాలాది గిరి, గోపిశెట్టి అమరయ్య, అంబటి సైదయ్య తదితరులు పాల్గొన్నారు.

సాక్షి ప్రతినిధి, నల్లగొండ : తాటి చెట్టు ఎక్కుతూ ప్రమాదవశాత్తు కాలు జారి కిందపడి ప్రాణాలు కోల్పోతున్న గీత కార్మికుల కుటుంబాలకు తీరని శోకం మిగులుతోంది. ఇలాంటి ప్రమాదాలను నివారించి గీత కార్మికుల ప్రాణాలను కాపాడేందుకు ప్రభుత్వం కాటమయ్య రక్షణ కిట్‌ పథకాన్ని తీసుకొచ్చింది. అయితే ఈ పథకం అమలులో మాత్రం ఆశించిన పురోగతి కనిపించడం లేదు. కిట్ల పంపిణీకి నాయకులు సమయం కేటాయించకపోవడం, వాటిని పొందేందుకు అవసరమైన శిక్షణకు లబ్ధిదారులు ముందుకు రాకపోవడంతో లక్ష్యం నీరుగారుతోంది. జిల్లాకు 7,215 కిట్లు రాగా.. ఇప్పటివరకు పంపిణీ చేసింది 3,167 మాత్రమే. మిగిలిన లబ్ధిదారుల్లోనూ అందరికీ శిక్షణ ఇవ్వలేదు. ప్రమాదాల నివారణకు రక్షణ కిట్లు గీత కార్మికులు తాటి చెట్లు ఎక్కే సమయంలో ప్రమాదవశాత్తు కాలు జారి కిందపడకుండా కాటమయ్య రక్షణ కిట్‌ ఉపయోగపడుతుంది. కిట్‌కు అనుసంధానించిన తాడు చెట్టును గట్టిగా పట్టుకునేలా రూపొందించారు. కార్మికుడు ప్రమాదవశాత్తు జారినప్పుడు తాడు ఆధారంగా చెట్టుకు వేలాడుతూ ఉండేందుకు ఇది తోడ్పడుతుంది. దీంతో కిందపడే ప్రమాదాన్ని తగ్గించి ప్రాణాలను కాపాడే అవకాశం ఉంటుంది. ఇంతటి ప్రాధాన్యమున్న కిట్లను అర్హులైన గీత కార్మికులందరికీ అందించడంతోపాటు, వాటి వినియోగంపై అవగాహన కల్పించాల్సి ఉంది. సగం కూడా దాటని పంపిణీ గీత కార్మికుల భద్రత కోసం ప్రభుత్వం జిల్లాకు మొత్తం 7,215 కాటమయ్య రక్షణ కిట్లను కేటాయించింది. వీటిలో ఇప్పటివరకు 3,167 కిట్లను మాత్రమే పంపిణీ చేశారు. మిగిలిన 4,048 కిట్లు లబ్ధిదారులకు అందాల్సి ఉంది. వచ్చిన కిట్లలో సగం కూడా పంపిణీ చేయలేదు. కిట్ల పంపిణీకి నాయకులు, ప్రజాప్రతినిధులు సమయం కేటాయించకపోవడం కూడా జాప్యానికి కారణమవుతోందన్న అభిప్రాయాలు వ్యక్తమవుతున్నాయి. దీంతో ప్రమాదాల నుంచి గీత కార్మికులకు రక్షణ కల్పించాలన్న ప్రభుత్వ ఉద్దేశం పూర్తిస్థాయిలో నెరవేరడం లేదు. లక్ష్యం నెరవేరేనా? కాటమయ్య కిట్ల పంపిణీలో జాప్యం ఆందోళన కలిగిస్తోంది. మిర్యాలగూడ నియోజకవర్గంలో ఇంతవరకు ఒక్క కిట్టు కూడా అందజేయలేదు. అక్కడ శిక్షణ పొందిన 870 మంది కిట్ల కోసం ఎదురుచూస్తున్నారు. సంబంధిత అధికారులు, ప్రజాప్రతినిధులు సమన్వయంతో వ్యవహరించి మిగిలిన కిట్లను పంపిణీ చేయడంతోపాటు, శిక్షణ పొందని లబ్ధిదారులకు త్వరితగతిన శిక్షణ అందించాల్సిన అవసరం ఉంది. అప్పుడే పథకం లక్ష్యం నెరవేరి గీత కార్మికులకు భద్రత చేకూరే అవకాశం ఉంటుంది.ఫ జిల్లాకు వచ్చిన మొత్తం కిట్లు 7,215 ఫ లబ్ధిదారులకు అందించింది 3,167 ఫ శిక్షణకు ముందుకురాని 2,549 మంది గౌడన్నలు ఫ పంపిణీ చేసేందుకు సమయమివ్వని నేతలు ఫ మిర్యాలగూడలో ఒక్కరికి కూడా అందని కిట్టు కాటమయ్య కిట్లను వినియోగించాలంటే వాటిపై అవగాహన, శిక్షణ అవసరం. తాటి చెట్టు ఎక్కే సమయంలో కిట్‌ను ఎలా ధరించాలి? ప్రమాదవశాత్తు కాలు జారితే అది ఎలా రక్షణ కల్పిస్తుంది? వంటి అంశాలపై లబ్ధిదారులకు శిక్షణ ఇవ్వాల్సి ఉంటుంది. అయితే శిక్షణ ప్రక్రియ కూడా నత్తనడకన సాగుతోంది. కిట్లు అందాల్సిన మిగిలిన 4,048 మంది లబ్ధిదారుల్లో ఇప్పటివరకు 1,499 మందికి మాత్రమే శిక్షణ ఇచ్చారు. ఇంకా 2,549 మందికి శిక్షణ నిర్వహించాల్సి ఉంది. అయినప్పటికీ శిక్షణకు లబ్ధిదారులు ముందుకు రాకపోవడం పథకం అమలుకు అడ్డంకిగా మారుతోంది.

నల్లగొండ : సమస్యలను పరిష్కరించాలని కోరుతూ రేషన్‌ డీలర్ల సంక్షేమ సంఘం ఆధ్వర్యంలో మంగళవారం కలెక్టరేట్‌ ఎదుట ధర్నా నిర్వహించారు. ఈ సందర్భంగా డీలర్ల సంఘం నాయకులు మాట్లాడుతూ డీలర్లకు నెలకు రూ.5 వేల గౌరవ వేతనం, క్వింటాకు రూ.300 కమీషన్‌ ఇవ్వాలని డిమాండ్‌ చేశారు. రేషన్‌ షాపుల ద్వారా సరుకులను ఉచితంగా పంపిణీ చేయాలని కోరారు. గోదాముల నుంచి సరఫరా చేసే బియ్యాన్ని కచ్చితంగా కాంటా వేసి ఇవ్వాలని విజ్ఞప్తి చేశారు. దొడ్డు బియ్యం నిల్వపై తరుగు సడలింపు ఇవ్వాలని కోరారు.కార్యక్రమంలో డీలర్ల సంక్షేమ సంఘం జిల్లా అధ్యక్షుడు పారేపల్లి నాగరాజు, కోటగిరి సూర్యనారాయణ, సముద్రాల యాదయ్య, బొల్లా వేణుగోపాలరావు, పగిళ్ల వెంకటేశ్వర్లు, కొర్ర శంకర్‌ నాయక్‌, సత్తిరెడ్డి పాల్గొన్నారు.

మునుగోడు : సర్‌ ప్రక్రియలో భాగంగా దరఖాస్తులు, ధ్రువీకరణ పత్రాలను బీఎల్‌ఓలు క్షుణ్ణంగా పరిశీలించి, అప్రమత్తంగా వ్యవహరించాలని జిల్లా ఓటరు జాబితా ఎన్నికల పరిశీలకురాలు, రాష్ట్ర కళాశాల, సాంకేతిక విద్య కమిషనర్‌ శ్రీదేవసేన సూచించారు. మునుగోడు ప్రాథమిక పాఠశాలలోని 171 పోలింగ్‌ కేంద్రాన్ని మంగళవారం ఆమె పరిశీలించారు. బీఎల్‌ఓ పద్మతో ఆమె మాట్లాడి ఓటరు నమోదు, దరఖాస్తుల పరిశీలన, నోటీసుల జారీ, ధ్రువీకరణ పత్రాల పరిశీలన తదితర అంశాలపై వివరాలను అడిగి తెలుసుకున్నారు. ఓటరు జాబితా తయారీలో నింబధనలను పాటించాలని సూచించారు.

చండూరు : అర్హులైన ప్రతి ఒక్కరూ ఓటరుగా నమోదు కావాల్సిందేనని నల్లగొండ జిల్లా ఓటరు జాబితా పరిశీలకులు, కళాశాల, సాంకేతిక విద్యాశాఖ కమిషనర్‌ శ్రీదేవసేన స్పష్టం చేశారు. చండూరు ఆర్‌డీఓ, మునుగోడు ఈఆర్‌ఓ కార్యాలయంలో కలెక్టర్‌ చంద్రశేఖర్‌, అదనపు కలెక్టర్‌ శ్రీనివాస్‌తో కలిసి ఆమె జిల్లాలోని ఈఆర్‌ఓలు, రాజకీయ పార్టీల నాయకులతో వేర్వేరుగా సమావేశాలు నిర్వహించారు. ఈ సందర్భంగా శ్రీదేవసేన మాట్లాడుతూ.. ఓటరు జాబితా ప్రత్యేక సవరణ (ఎస్‌ఎస్‌ఆర్‌) ప్రక్రియలో ప్రజలకు ఎలాంటి ఇబ్బందులు కలగకుండా చూడటంలో అధికారులతో పాటు రాజకీయ పార్టీల పాత్ర కూడా ఎంతో కీలకమన్నారు. ఇంకా ఎక్కడైనా అర్హులైన వారు ఉంటే.. రాజకీయ నాయకులు వారిని గుర్తించి ఓటరుగా నమోదయ్యేలా చొరవ చూపాలని విజ్ఞప్తి చేశారు. ఈ సందర్భంగా సమావేశానికి హాజరైన రాజకీయ పార్టీల నాయకులను, ఈఆర్‌ఓ వద్ద జరిగే వారపు సమావేశాలకు హాజరవుతున్నారా? లేదా? అని ఆమె అడిగి తెలుసుకున్నారు. ఎస్‌ఎస్‌ఆర్‌కు సంబంధించిన రికార్డులన్నింటినీ జాగ్రత్తగా నిర్వహించాలని, యాప్‌లో అన్ని వివరాలు పక్కాగా నమోదయ్యేలా చూడాలన్నారు. కలెక్టర్‌ బి.చంద్రశేఖర్‌ మాట్లాడుతూ.. మునుగోడు నియోజకవర్గానికి సంబంధించి అన్ని హియరింగ్స్‌ను పూర్తి చేశామన్నారు. ఫారం 6, 7, 8లపై వచ్చిన అభ్యంతరాల పరిష్కారానికి నవంబర్‌ 5వ తేదీని తుది గడువుగా ఎన్నికల సంఘం (ఈసీ) నిర్ణయించిందని తెలి పారు. నవంబర్‌ 9న తుది ఓటరు జాబితా ప్రచురిస్తామని వివరించారు. కార్యక్రమంలో రెవెన్యూ అదనపు కలెక్టర్‌ జె.శ్రీనివాస్‌, దేవరకొండ సబ్‌ కలెక్టర్‌ కరోలిన్‌ చింగ్‌ ధియాన్‌ మావి, ఆర్డీఓలు అశోక్‌రెడ్డి, రమణారెడ్డి, శ్రీదేవి పాల్గొన్నారు. ఫ ఎస్‌ఎస్‌ఆర్‌ ప్రక్రియలో తప్పులకు తావుండొద్దు.. ఫ ఓటరు జాబితా పరిశీలకురాలు శ్రీదేవసేన

ఉమ్మడి జిల్లాలోని 68 మండలాల్లో కరువు పరిస్థితులు ఉమ్మడి నల్లగొండ జిల్లా ఒకప్పుడు వ్యవసాయానికి కీలక ప్రాంతంగా ఉండేది. నాగార్జునసాగర్‌ ఎడమ కాల్వ, మూసీ, ఎస్‌ఎల్‌బీసీ, ఇతర సాగునీటి వనరులు వ్యవసాయానికి అండగా నిలిచాయి. వరి, పత్తి, పప్పు ధాన్యాలు, బత్తాయి వంటి పంటలు రైతులు పెద్ద ఎత్తున సాగు చేసేవారు. మొన్నటి వరకు రికార్డు స్థాయిలో ధాన్యం దిగుబడి వచ్చింది. ఎల్‌నినోతో ప్రాజెక్టులు నిండక కాల్వలకు నీరవ్వలేదు. వర్షాలపై ఆధారపడిన ప్రాంతాల్లో వానలు సకాలంలో కురవకపోవడంతో పంటలకు అవసరమైన నీరు అందకపోవడం రైతులు ఆర్థికంగా దెబ్బతిన్నారు. ఈ నేపథ్యంలో ఉమ్మడి జిల్లాలో కరువు మండలాలను ప్రభుత్వం ప్రకటించడం వ్యవసాయ రంగం ఎదుర్కొంటున్న సవాళ్లను స్పష్టం చేస్తోంది. సాక్షి ప్రతినిధి, నల్లగొండ : ఉమ్మడి జిల్లాను కరువు కమ్మేసింది. 73 మండలాలకు గాను ఐదు మినహా 68 మండలాల్లో కరువు పరిస్థితులు ఉన్నాయి. ఎల్‌నినోతో వర్షాభావ, ప్రతికూల వాతావరణ పరిస్థితులు, భూగర్భ జలాలు పడిపోవడం, సాగునీటి కొరత, భారీగా పంటలు దెబ్బతినడంతో ప్రభుత్వం మంగళవారం కరువు మండలాలను ప్రకటించింది. నల్లగొండ జిల్లాలో 33 మండలాలకుగాను 28 ప్రాంతాలను కరువు మండలాలుగా ప్రకటించింది. సూర్యాపేట జిల్లాలో మొత్తం 23 మండలాలను, యాదాద్రి భువనగిరి జిల్లాలోనూ అన్ని (17) మండలాలు కరువు జాబితాలో చేర్చింది. ఆర్థిక సాయం కోసం కేంద్రానికి విజ్ఞప్తి కరువు పరిస్థితుల నేపథ్యంలో జాతీయ విపత్తు నిర్వహణ కింద సహాయాన్ని మంజూరు చేయాలని కేంద్రాన్ని రాష్ట్ర ప్రభుత్వం కోరింది. పంట నష్టం, ఇన్‌ఫుట్‌ సబ్సిడీ, తాగునీరు, పశుగ్రాసం, భూగర్భజలాలు, జలాశయాల పునరుద్ధరణకు మద్దతు అందించాలని కోరింది. వీబీ జీ రామ్‌జీ కింద 50 అదనపు రోజుల పని (పూర్తి ఖర్చును కేంద్రం భరించాలి), ఎరువులు, 1,500 మెగావాట్ల అదనపు విద్యుత్‌, రూ.20,000 కోట్ల ప్రత్యేక కరువు సహాయ ప్యాకేజీ అందించాలని కోరింది. కేంద్ర ప్రాయోజిత పథకాల కింద అదనపు సహాయం అందించాలని కూడా కోరింది. సహాయక చర్యలపై కలెక్టర్లకు ఆదేశాలు.. కలెక్టర్లు తక్షణమే సహాయక చర్యలను ప్రారంభించాలని రాష్ట్ర ప్రభుత్వం ఆదేశించింది. ఇందులో భాగంగా ప్రత్యక్ష ప్రయోజన బదిలీ ద్వారా ఇన్‌ఫుట్‌ సబ్సిడీని అందించాలని, తాగునీటి సరఫరాను పెంచాలని పేర్కొంది. అవసరమైన చోట పశుగ్రాసం ఏర్పాట్లతోపాటు పశువుల శిబిరాలు నిర్వహించాలని పేర్కొంది. ఆర్‌బీఐ మార్గదర్శకాల మేరకు వ్యవసాయ రుణాల పునర్‌వ్యవస్థీకరణ, బలవంతపు రుణ వసూళ్లను నిలిపివేయడంపై చర్యలు చేపట్టాలని ఆదేశించింది. జాతీయ విపత్తు ప్రతిస్పందన నిధి (ఎన్‌డీఆర్‌ఎఫ్‌) నుంచి కేంద్ర సహాయం అందిన నాటినుంచి నెల రోజుల్లోగా ప్రభావిత రైతులకు వ్యవసాయ ఉత్పాదక రాయితీని ప్రత్యక్ష ప్రయోజన బదిలీ ద్వారా పంపిణీ చేసేలా వ్యవసాయ, సహకార శాఖ ఏర్పాట్లు చేయాలని పేర్కొంది. లబ్ధిదారుల జాబితాలను సంబంధిత కలెక్టర్లు వెబ్‌సైట్‌లో పెట్టాలని పేర్కొంది. కరువు సహాయాన్ని కోరుతూ ప్రణాళిక శాఖ వారంలో నివేదిక పంపించాలని సూచించింది. మున్సిపల్‌/పట్టణ ప్రాంతాలను తాగునీటి ప్రయోజనం కోసం వాటిని కరువు ప్రభావిత మండలాలతో సమానంగా పరిగణించాలని స్పష్టం చేసింది. నల్లగొండలో 20 మండలాల్లో తీవ్ర కరువు నల్లగొండ జిల్లాలో 28 మండలాలను కరువు ప్రభావిత ప్రాంతాలుగా గుర్తించింది. అందులో 20 మండలాల్లో తీవ్ర కరువు పరిస్థితులు ఉన్నాయి. 8 మండలాల్లో సాధాకరణ పరిస్థితులు నెలకొన్నాయి. ● నకిరేకల్‌, చండూరు, మర్రిగూడ, చింతపల్లి, నాంపల్లి, నిడమనూరు, దామరచర్ల, అడవిదేవులపల్లి, తిరుమలగిరిసాగర్‌, పెద్దవూర, పీఏపల్లి, నేరడుగొమ్ము, గట్టుప్పల్‌, దేవరకొండ, చందంపేట, గుండ్లపల్లి, కనగల్‌, మునుగోడు, నార్కట్‌పల్లి, శాలిగౌరారం మండలాల్లో తీవ్ర కరువు ఉన్నట్లు గుర్తించింది. ● చిట్యాల, కేతేపల్లి, నల్లగొండ, త్రిపురారం, మాడ్గులపల్లి, వేములపల్లి, తిప్పర్తి, మిర్యాలగూడలో సాధారణ కరువు ఉన్నట్లు పేర్కొంది. ఫ కరువు మండలాలను ప్రకటించిన ప్రభుత్వం ఫ జాబితాలో నల్లగొండలో 28,సూర్యాపేట 23, యాదాద్రిలో 17 మండలాలు ఫ సహాయక చర్యలు చేపట్టాలని కలెక్టర్లకు ఆదేశాలు

నల్లగొండ అగ్రికల్చర్‌ : రైతులకు ఆధునిక వ్యవసాయ యంత్రాలను అందుబాటులోకి తెస్తూ, వ్యవసాయంలో యాంత్రీకరణను ప్రోత్సహించేందుకు ప్రభుత్వం కీలక నిర్ణయం తీసుకుంది. జిల్లాకు 17 కస్టమ్‌ హైరింగ్‌ సెంటర్లను మంజూరు చేసింది. ఒక్కో సెంటర్‌ ఏర్పాటుకు యూనిట్‌ విలువను బట్టి గరిష్టంగా రూ.20 లక్షల వరకు (40 శాతం) సబ్సిడీ అందించనుంది. మంజూరైన 17 సెంటర్లలో జనరల్‌ కేటగిరీకి 14, ఎస్సీకి 1, ఎస్టీ కేటగిరీకి 2 కేటాయించారు. ఈ సెంటర్ల ఏర్పాటుకు రైతు మిత్ర గ్రూప్‌లు, మహిళా స్వయం సహాయక సంఘాలు, పీఏసీఎస్‌లు, రైతు పరస్పర ఆసక్తి గల సంఘాలు agrimachinery.nic.in వెబ్‌సైట్‌లో ఆన్‌లైన్‌ ద్వారా దరఖాస్తు చేసుకోవాల్సి ఉంటుంది. దరఖాస్తుల స్వీకరణ పూర్తయిన తర్వాత జిల్లా కలెక్టర్‌ చైర్మన్‌గా, వ్యవసాయ, సహకార తదితర శాఖల అధికారులతో కూడిన కమిటీ లబ్ధిదారులను పారదర్శకంగా ఎంపిక చేస్తుంది. రైతులకు మేలు.. సంఘాలకు ఆర్థిక ఊతం: సొంతంగా ఖరీదైన యంత్రాలను కొనుగోలు చేయలేని చిన్న, సన్నకారు రైతులకు ఈ సెంటర్లు ఎంతో ప్రయోజనకరంగా మారనున్నాయి. తక్కువ అద్దెకే ఆధునిక సాగు పరికరాలు లభించడంతో రైతులకు సాగు ఖర్చులు తగ్గి, పనులు వేగవంతమవుతాయి. మరోవైపు యంత్రాలను అద్దెకు ఇవ్వడం ద్వారా ఆయా రైతు, మహిళా సంఘాలు ఆర్థికంగా బ లోపేతం కావడానికి ఈ పథకం దోహదపడనుంది. పవర్‌ టిల్లర్‌, ఎలక్ట్రిక్‌ టిల్లర్‌, డిస్కు ఫ్లౌ, కల్టివేటర్‌, లెవలింగ్‌ బ్లేడ్‌, రోటరేటర్‌, రోటో పుడ్లర్‌, రివర్సుబుల్‌ ఎంబీప్లౌ, సబ్‌ సాయిలర్‌, బండ్‌ పార్మర్‌, విత్తనాలు ఎరువులు వేసే డ్రిల్‌, మల్టీ క్రాప్‌ ప్లాంటర్‌, రైజ్డ్‌ బెడ్‌ ప్లాంటర్‌, పోస్టు హోల్‌ డిగ్గర్‌, ప్లాస్టిక్‌ మల్చు వేయు యంత్రం, ఫర్టిలైజర్‌ బ్రాడ్‌ కాస్టర్‌, రిడ్జ్‌ పరో ప్లాంటర్‌, గడ్డి కలుపుకోసే యంత్రం, పవర్‌ వీడర్‌, చేతితో నడిపే నాప్‌సాక్‌ స్ప్రేయర్‌, పవర్‌ నాప్‌సాక్‌ స్ప్రేయర్‌, ట్రాక్టర్‌కు అమర్చే బూమ్‌ స్ప్రేయర్‌, కిసాన్‌ డ్రోన్‌, కంబైన్‌ హార్వెస్టర్‌, మొక్కజొన్న కంబైన్‌ హార్వెస్టర్‌, మల్టీక్రాప్‌ థ్రెషర్‌, విన్నోయింగ్‌ ఫ్యాన్‌, మొక్కజొన్న పొట్టు తీసే యంత్రం, టెలిస్పోపిక్‌ హార్వెస్టింగ్‌ పోల్స్‌, పసుపు ఉడికించేయంత్రం, పసుపు పాలిషర్‌, వరి మొబైల్‌ డ్రయ్యర్‌, స్ట్రా బేలర్‌, రోటరీ ష్రెడర్‌, మల్చర్‌, రోటరీ స్ట్రా స్లాషర్‌, బ్రష్‌ కట్టర్‌ వంటి పరికరాలను కస్టమ్‌ హైరింగ్‌ సెంటర్లలో నిర్వాహకులు అందుబాటులో ఉంచనున్నారు. ఫ జిల్లాకు 17 కస్టమ్‌ హైరింగ్‌ సెంటర్లు ఫ రైతులకు అందుబాటులోకి ఆధునిక యంత్రాలు ఫ రూ.20 లక్షల వరకు సబ్సిడీ ఇవ్వనున్న ప్రభుత్వం

నల్లగొండ : సాగునీటి ప్రాజెక్టుల భూసేకరణ ప్రక్రియను వేగవంతం చేసి, పెండింగ్‌ పనులను త్వరగా పూర్తి చేయాలని కలెక్టర్‌ చంద్రశేఖర్‌ అధికారులను ఆదేశించారు. మంగళవారం ఆయన కలెక్టరేట్‌ సమావేశ మందిరంలో.. ప్రాజెక్టుల పురోగతి, భూసేకరణ ప్రక్రియపై సమీక్షించి మాట్లాడారు. 2026 ఏప్రిల్‌ నుంచి ఆగస్టు వరకు మంజూరైన భూసేకరణ నిధులను లబ్ధిదారులకు చెల్లించిన అనంతరం సంబంధిత భూముల రికార్డులో నమోదు ప్రక్రియను పూర్తి చేయాలని తెలిపారు. సేకరించిన భూముల్లో ఆర్‌అండ్‌ఆర్‌ కాలనీల నిర్మాణ పనులను వేగవంతం చేయడంతోపాటు, ఆయా కాలనీల్లో మౌలిక సదుపాయాలు కల్పించాలన్నారు. ప్రభుత్వ నిధులు సద్వినియోగం అయ్యేలా అధికారులు సమన్వయంతో పనిచేయాలని సూచించారు. సమావేశంలో అదనపు కలెక్టర్‌ శ్రీనివాస్‌, దేవరకొండ సబ్‌ కలెక్టర్‌ కరోలిన్‌ చింగ్‌ థియాన్‌ మావి తదితరులు పాల్గొన్నారు. ముఖ్యమంత్రికి పోస్ట్‌కార్డులునల్లగొండ టౌన్‌ : న్యాయమైన డిమాండ్ల సాధన కోసం సమ్మె బాట పట్టిన ఎన్‌ఎంహెచ్‌ ఉద్యోగులు ఉద్యోగులు మంగళవారం 15వ రోజు మఖ్యమంత్రికి పోస్ట్‌కార్డులు పంపారు. కాంట్రాక్టు, ఔట్‌సోర్సింగ్‌ పద్ధతుల్లో పనిచేస్తున్న తాము ఉద్యోగ భద్రత లేకపోవడం, వేతనాల్లో అన్యాయం జరుగుతోందని ఆవేదన వ్యక్తం చేశారు. ఉద్యోగులకు కేడర్‌ ఫిక్సేషన్‌ చేసి, కాంట్రాక్టు, ఔట్‌సోర్సింగ్‌ సిబ్బందిని క్రమబద్ధీకరించాలని, హెల్త్‌ కార్డులు, ఆరోగ్య బీమా, ఉద్యోగ భద్రత కల్పించాలని, ఏడాదికి 35 క్యాజువల్‌ సెలవులు మంజూరు చేయాలని కోరారు. కార్యక్రమంలో ఎన్‌హెచ్‌ఎం ఉద్యోగులు ఉపేందర్‌, డాక్టర్లు ప్రియాంక, రాంబాబు, దయానంద్‌, రమేష్‌, అనిల్‌, సంతోష్‌, డాక్టర్‌ వెంకటేశం, సురేష్‌, మౌనిక, శ్రీనివాస్‌, సైదయ్య తదితరులు పాల్గొన్నారు. నేడు మానవ హక్కుల కమిషన్‌ చైర్మన్‌ రాకనల్లగొండ : రాష్ట్ర మానవ హక్కుల కమిషన్‌ చైర్మన్‌ డాక్టర్‌ జస్టిస్‌ షమీమ్‌ అక్తర్‌ బుధవారం నల్లగొండకు రానున్నట్లు కలెక్టర్‌ బి.చంద్రశేఖర్‌ మంగళవారం ఒక ప్రకటనలో తెలిపారు. బుధవారం ఉదయము 10.15 గంటలకు ఆయన నల్లగొండలోని ఆర్‌అండ్‌బీ గెస్ట్‌ హౌస్‌కు చేరుకుని ప్రజల నుంచి ఫిర్యాదులను స్వీకరిస్తారని తెలిపారు. స్థానికంగా ప్రభుత్వ పాఠశాలలు, వసతి గృహాలు, ఆస్పత్రులను సందర్శించి తర్వాత హైదరాబాద్‌ వెళ్తారని తెలిపారు. రైతుకూలీలను ప్రభుత్వం ఆదుకోవాలినల్లగొండ టౌన్‌ : కరుపు పరిస్థితుల నేపథ్యంలో ప్రభుత్వం రైతులు, వ్యవసాయ కూలీలు, గ్రామీణ పేదలను ఆదుకోవాలని అఖిల భారత రైతుకూలీ సంఘం (ఏఐకేఎంఎస్‌) రాష్ట్ర సహాయ కార్యదర్శి డేవిడ్‌ కుమార్‌ ప్రభుత్వాన్ని డిమాండ్‌ చేశారు. మంగళవారం కలెక్టరేట్‌ ఎదుట నిర్వహించిన ధర్నాలో ఆయన మాట్లాడారు. కార్యక్రమంలో సంఘం జిల్లా అధ్యక్షుడు జ్వాల వెంకటేశ్వర్లు, అంబటి చిరంజీవి, గజ్జి రవి, వేముల శంకర్‌, సిలువేరు జానయ్య, బీరెడ్డి సత్తిరెడ్డి, బూరుగు సత్తయ్య, అంబటి నర్సయ్య, కల్లూరి అయోధ్య, ఏనుగు సత్తిరెడ్డి, పజ్జూరు ఉపేంద్ర తదితరులు పాల్గొన్నారు. కబడ్డీ మహిళా జట్టు ఎంపికపెద్దవూర : రాష్ట్రస్థాయి కబడ్డీ పోటీల్లో పాల్గొనే నల్లగొండ జిల్లా సీనియర్‌ మహిళా జట్టును కబడ్డీ అసోసియేషన్‌ జిల్లా అధ్యక్షుడు ఆర్‌.భూలోకరావు, కార్యదర్శి జి.కర్తయ్య మంగళవారం ప్రకటించారు. ఆయేషా, అఫిష (అలీనగర్‌), నందిని (మల్లేపల్లి), హన్సిక (తిరుమలగిరి), అభినయశ్రీ (కట్టంగూర్‌), వర్షిణి (కేతేపల్లి), సంతోష్‌, జోష్న (నల్లగొండ), లక్ష్మి (పెద్దమునిగాల), ఏ.స్వరూప (మిర్యాలగూడ), శ్రీవెన్నెల (అనుముల), శ్రీచందన (భట్టుగూడెం), శ్వేత (నకిరేకల్‌), సహజ (హాలియా) ఎంపికయ్యాని తెలిపారు. ఈ నెల 30వ తేదీ వరకు ఖమ్మం జిల్లా సత్తుపల్లిలో జరగనున్న రాష్ట్రస్థాయి పోటీల్లో ఈ జట్టు పాల్గొననుందని.. ఈ జట్టుకు కోచ్‌గా ఓ.అన్వర్‌ఖాన్‌, మేనేజర్‌గా పీఈటీ రజిత వ్యవహరించనున్నారని పేర్కొన్నారు.

ఒక ఇంటికి రెండు నెంబర్లు ఉన్నట్లు ఫిర్యాదులు వస్తే క్షేత్రస్థాయిలో పరిశీలించి చర్యలు తీసుకుంటాం. పొరపాటున ఇచ్చారా.. మరేదైనా కారణం ఉందా అనే వివరాలు పరిశీలిస్తాం. ఈ సమస్యపై పాలకవర్గం తీర్మానం చేసిన తరువాత ఒక నంబర్‌ తొలగించాల్సి ఉంటుంది. – వంశీకృష్ణ, మున్సిపల్‌ కార్పొరేషన్‌ కమిషనర్‌ నల్లగొండ టూటౌన్‌ : నీలగిరి నగరంలో గతంలో కొందరు ఉద్యోగులు చేసిన తప్పుకు నగర ప్రజలు ట్రబుల్‌ పడాల్సి వస్తోంది. నగరంలోని కొన్ని కాలనీల్లో అప్పటి మున్సిపల్‌, రిజిస్ట్రార్‌ కార్యాలయం సిబ్బంది ఒకే ఇంటికి రెండు నంబర్లు ఇవ్వడంతో యజమానులు నానా తంటాలు పడుతున్నారు. ఇల్లు క్రయ, విక్రయాల సమయంలో రిజిస్ట్రేషన్‌ కార్యాలయం నుంచి ఒక ఇంటి నంబర్‌ అలాటు చేశారు. ఇది తెలియని వారు చాలా మంది మున్సిపల్‌ కార్యాలయం నుంచి మరో ఇంటి నంబరు తీసుకున్నారు. ఇలా ఒకే ఇంటికి రెండు నంబర్లు ఆన్‌లైన్‌లో నమోదయ్యాయి. చాలా మందికి తమ ఇంటికి రెండు ఇంటి నంబర్లు ఉన్నట్లు కూడా తెలియదు. తాజాగా పంచుతున్న ఆస్తి పన్ను బకాయి నోటీసులతో ఇలాంటి విషయాలు వెలుగు చూస్తున్నాయి. ఒకే ఇంటికి రెండు ఆస్తి పన్నులు.. నగరంలోని పలు డివిజన్లలో గతంలో జరిగిన తప్పుకు ఇప్పుడు భవన యాజమానులు శిక్ష అనుభవించాల్సి వస్తోంది. ఒకే ఇంటికి ఇచ్చిన రెండు నంబర్ల మీద రెండు ఆస్తి పన్నులు వస్తున్నట్లు తెలిసింది. గొల్లగూడ, పెద్దబండ, శాంతినగర్‌, బీటీఎస్‌, చైతన్యనగర్‌, చైతన్యపురి, పాతబస్తీ ఏరియా, శ్రీనగర్‌ కాలనీ, సావర్కర్‌నగర్‌, గాంధీనగర్‌, డీవీకే రోడ్‌, హైదరాబాద్‌ రోడ్‌ తదితర ప్రాంతాల్లో ఇలా రెండు నంబర్లు ఉన్న భవనాలు వందల సంఖ్యలో ఉన్నట్లు తెలిసింది. పన్ను తప్పించుకోవడానికి మరికొందరు.. కొందరు మాత్రం ఆస్తి పన్ను చెల్లించకుండా ఎగమానం పెట్టడానికి ఎత్తుకు పైఎత్తులు వేశారు. కానీ అలాంటి ఎత్తుగడలు రివర్స్‌ అయి రెండు ఇంటి నంబర్లకు వస్తున్న ఆస్తి పన్ను చూసి షాక్‌ తింటున్నారు. ఆస్తి పన్ను ఎక్కువ ఉన్న భవనాలకు పన్ను ఎగొట్టేందుకు ఐదారేళ్ల కిందటి వరకు కొందరు భవన యాజమానులు మున్సిపల్‌ సిబ్బందిని మచ్చిక చేసుకుని మరో ఇంటి నంబర్‌ తీసుకున్న సందర్భాలు కూడా ఉన్నాయి. దీనికి మున్సిపల్‌ సిబ్బంది అక్రమంగా మరో ఇంటి నంబర్‌ ఇచ్చి మున్సిపల్‌ ఆదాయానికి గండి కొట్టారు. ప్రకాశం బజారులో పాత కలెక్టరేట్‌ రోడ్‌లో ఓ కార్పొరేట్‌ మాల్‌కు ఒక ఇంటి నంబర్‌ మీద ఆస్తి పన్ను రూ.లక్షల్లో ఉందని, ఏడెనెమిదేళ్ల కిందట ఒక బిల్‌ కలెక్టర్‌ బై నంబర్‌ వేసి మరో కొత్త ఇంటి నంబర్‌ వేశారు. ఇది వెలుగు చూసినా ఆ నంబర్‌ను రద్దు చేయకుండా మమ అనిపించిన విషయం తెలిసిందే. ఇలా కొందరు సిబ్బంది చేతి వాటానికి పాల్పడి ఇష్టానుసారంగా తప్పిదాలు చేసి డబుల్‌ నంబర్లకు కారకులయ్యారనే ఆరోపణలు ఉన్నాయి. ఫ నీలగిరి నగరంలో కొన్ని ఇళ్లకు రెండు నంబర్లు ఫ రెండు నంబర్లకు వస్తున్న ఆస్తి పన్ను ఫ ఏ నంబర్‌పై పన్ను చెల్లించాలని యజమానుల తర్జనభర్జన ఫ ఫిర్యాదు చేస్తున్నా పట్టించుకోని అధికారులు ఈ ఫొటోలోని వ్యక్తి నల్లగొండ నగరానికి చెందిన బొడ్డుపల్లి సైదులు. నగరంలోని ఇతని ఇంటికి రెండు నంబర్లు ఉన్నాయి. ఆ ఇంటికి అప్పటికే మున్సిపాలిటీ నంబర్‌ ఉన్నా.. ఆయన కొనుగోలు చేశాక.. రిజిస్ట్రేషన్‌ సమయంలో మరో నంబర్‌ ఇచ్చారు. ఆ నంబర్‌పైనే పన్ను చెల్లిస్తున్నాడు. మూడేళ్ల క్రితం సైదులు ఇంటికి రెండు నంబర్లు ఉన్నట్లు తెలిసింది. అప్పటి నుంచి మున్సిపల్‌ కార్యాలయం చుట్టూ తిరుగుతున్నాడు. దరఖాస్తులు పెట్టాడు. అయినా ఎవరూ పట్టించుకోలేదు. ఒకే ఇంటికి రెండు పన్నులు వస్తున్నాయి. ఏ నంబర్‌ పైన పన్ను చెల్లించాలో కూడా అధికారులు తెలియజేయడం లేదు. దీంతో సైదులు దిక్కుతోచని స్థితిలో ఉన్నాడు.

మిర్యాలగూడ : నాటి బీఆర్‌ఎస్‌ ప్రభుత్వ హయాంలో నాగార్జునసాగర్‌ ప్రాజెక్టు ఎడమకాల్వకు నీరు వదలకుండా.. కుడి కాల్వకు ఎన్నడూ నీరు వదల్లేదని.. నీటి వాడకంపై నాటి ముఖ్యమంత్రి కేసీఆర్‌ కట్టుదిట్టంగా వ్యవహరించారని మాజీ మంత్రి, సూర్యాపేట ఎమ్మెల్యే గుంటకండ్ల జగదీష్‌రెడ్డి అన్నారు. మంగళవారం మిర్యాలగూడలో మాజీ ఎమ్మెల్యే నల్లమోతు భాస్కర్‌రావు అధ్యక్షతన నిర్వహించిన పట్టభద్రుల ఎమ్మెల్సీ ఎన్నికల సన్నాహక సమావేశంలో ఆయన మాట్లాడారు. ఆనాడు శ్రీశైలం ప్రాజెక్టుకు వరదనీరు ప్రారంభం కాగానే తెలంగాణ పవర్‌హౌస్‌ ద్వారా విద్యుత్‌ను ప్రారంభించేవారమని ఈ ప్రభుత్వాల హయాంలో వరదనీరు ప్రారంభమై 20రోజులు గడిచిపోయినా విద్యుత్‌ ఉత్పత్తి చేయలేదని ఆరోపించారు. ఇప్పుడు సాగర్‌ కుడికాల్వకు ఇష్టానుసారంగా నీటిని వదులుకుంటున్నా.. సీఎం రేవంత్‌రెడ్డి, నీటిపారుదల శాఖ మంత్రి ఉత్తమ్‌కుమార్‌రెడ్డి పట్టించుకోలేదని మండిపడ్డారు. కృష్ణా నది జలాలను 7 కిలోమీటర్ల దూరంలో ఉన్న జూరాలకు తెలంగాణ ఎత్తిపోతల పథకాల ద్వారా నీరు లిఫ్ట్‌ చేయకుండా ఆంధ్రాకు నీరు తరలివెళ్లేలా రేవంత్‌రెడ్డి సహకరించారని ధ్వజమెత్తారు. ఆంధ్రా సీఎం చంద్రబాబు 700కి.మీ దూరంలో ఉన్న కుప్పానికి నీరు తీసుకెళ్లారని ఆరోపించారు. కేసీఆర్‌ ముందు చూపుతోనే దామరచర్లలో వైటీపీఎస్‌ నిర్మిస్తే.. నేడు అదే రాష్ట్రానికి దిక్కుగా మారిందన్నారు. కేసీఆర్‌ హయాంలో రైతుబీమా, రైతుబంధు, సరిపడా యూరియా, విద్యుత్‌, విత్తనాలు అందించి రైతులను అన్ని విధాలా ఆదుకున్నారని చెప్పారు. కాంగ్రెస్‌ పార్టీకి మాత్రం ఓటు వేసే పరిస్థితిలో పట్టభద్రులు లేరన్నారు. కార్యక్రమంలో ఎమ్మెల్సీ కోటిరెడ్డి, నాయకులు రాకేష్‌రెడ్డి, మాజీ రాజ్యసభ సభ్యుడు బడుగుల లింగయ్యయాదవ్‌, మాజీ ఎమ్మెల్యే తిప్పన విజయసింహారెడ్డి, నాయకులు చింతరెడ్డి శ్రీనివాస్‌రెడ్డి, యూసుఫ్‌, నామిరెడ్డి కరుణాకర్‌రెడ్డి, బాబయ్య, మట్టపల్లి సైదులు, బాలాజీ, నాగార్జునచారి, శ్రీనివాస్‌రెడ్డి, చిట్టిబాబునాయక్‌, మోసిన్‌అలీ, మల్లయ్య, ఇలియాస్‌, షహనాజ్‌బేగం, శ్రీధర్‌, షోయబ్‌ పాల్గొన్నారు. ఫ మాజీ మంత్రి జగదీష్‌రెడ్డి

శాలిగౌరారం : మండలంలోని మనిమద్దె, గురుజాల గ్రామాల్లోని వేబ్రిడ్జిల వద్ద పచ్చి ధాన్యం కొనుగోలు చేస్తున్న మూడు ప్రైవేట్‌ కేంద్రాలను జిల్లా తూనికలు కొలతల శాఖ అధికారులు సోమవారం తనఖీ చేశారు. టన్ను(1000 కిలోలు)కు 10 కిలోల తక్కువ నమోదు చేసి ధాన్యం కొనుగోళ్లలో మోసాలకు పాల్పడుతున్నట్లు గుర్తించారు. మోసాలకు పాల్పడుతున్న వేబ్రిడ్జిలను సీజ్‌ చేసి స్వాధీనం చేసుకోవడంతోపాటు సంబంధిత నిర్వాహకులపై కేసులు నమోదు చేశారు. ఈ సందర్భంగా జిల్లా తూనికలు కొలతల శాఖ అధికారి శ్రీనివాసులు మాట్లాడుతూ రైతులు తమ వ్యవసాయ ఉత్పత్తులను తూకం వేయించే సమయంలో అప్రమత్తంగా ఉండాలన్నారు. పట్టించుకోని మండల అధికారులు.. మండలంలో నెల రోజులుగా మూడు కేంద్రాల ద్వారా పచ్చి ధాన్యం కొనుగోలు చేస్తున్నా.. అధికారులు పట్టించుకోలేదు. దీంతో వ్యాపారులు తూకంలో మోసానికి పాల్పడుతున్నట్లు సంబంధిత జిల్లా అధికారుల తనిఖీలో బయట పడడం మండల అధికారుల నిర్లక్ష్యానికి నిదర్శనంగా మారింది. మండల అధికారులు ముందుగానే తనిఖీలు చేపడితే తూకంలో మోసాలు జరిగి ఉండేవి కాదని రైతులు అంటున్నారు. ప్రభుత్వం ఆధ్వర్యంలో ధాన్యం కొనుగోలు కేంద్రాలు ప్రారంభం కాకపోవడం కూడా ప్రైవేట్‌ కేంద్రాల్లో ధాన్యం విక్రయాలు పెరుగడానికి ఒక కారణంగా మారింది. ఫ ధాన్యం తూకంలో మోసాలను గుర్తించిన తూనికలు కొలతలశాఖ అధికారులు

నల్లగొండ : ప్రజావాణి పెండింగ్‌ దరఖాస్తులను వారంలోగా పరిష్కరించాలని కలెక్టర్‌ చంద్రశేఖర్‌ ఆదేశించారు. సోమవారం ప్రజావాణి సందర్భంగా సోమవారం కలెక్టరేట్‌ సమావేశ మందిరంలో ప్రజల నుంచి ఆయన ఫిర్యాదులను స్వీకరించి మాట్లాడారు. ప్రజావాణిలో రెవెన్యూ శాఖకు సంబంధించి 64, ఇతర శాఖలకు 51 మొత్తం 115 దరఖాస్తులు వచ్చాయని తెలిపారు. అనంతరం అధికారులతో ఆయన మాట్లాడుతూ మండల స్థాయి వరకు పెండింగ్‌లో ఉన్న అన్ని దరఖాస్తులను వెంటనే పరిష్కరించాలని చెప్పారు. వచ్చే మూడు రోజులపాటు వర్షాలు వచ్చే అవకాశం ఉందన్న వాతావరణ శాఖ అంచనాల నేపథ్యంలో మండల ప్రత్యేక అధికారులు అన్ని గ్రామాల్లో వాన నీటిని సంరక్షించాలని, సోక్‌ పిట్లు, కాలువలు, చెరువుల్లో, భూమిపై పడిన ప్రతివర్షపు చుక్క సద్వినియోగం అయ్యేలా, భూమిలోకి ఇంకేలా చూడాలన్నారు. ప్రభుత్వ కార్యాలయాల్లో తప్పనిసరిగా నీటి నిలువ కట్టడాలు ఉండాలన్నారు. హాస్టళ్లలో కూడా నీటి నిల్వ కట్టడాలను, ఇంకుడు గుంతలను నిర్మించాలని చెప్పారు. ఈ వారంలో అన్ని ప్రభుత్వ కార్యాలయాల్లో సోక్‌ పిట్ల నిర్మాణం పూర్తికావాలన్నారు. ఎల్‌నినో దృష్ట్యా రైతులు రబీలో వరి సాగు చేయకుండా ప్రత్యామ్నాయ పంటల వైపు వెళ్లేలా చూడాల్సిన బాధ్యత వ్యవసాయ అధికారులపై ఉందన్నారు. కార్యక్రమంలో స్థానిక సంస్థల ఇన్‌చార్జి అదనపు కలెక్టర్‌ ప్రేమ్‌కరణ్‌రెడ్డి, డిప్యూటీ కలెక్టర్‌ (ట్రెయినీ) శ్రీకాంత్‌రెడ్డి, డీఆర్డీఓ శేఖర్‌రెడ్డి తదితరులు పాల్గొన్నారు. ఫ కలెక్టర్‌ చంద్రశేఖర్‌

నాకు 75 ఏళ్లు వచ్చినా వృద్ధాప్య పింఛన్‌ అందడం లేదు. గతంలో దరఖాస్తు చేసుకుంటే ఒక్క నెల మాత్రమే పింఛన్‌ వచ్చింది. ఆ తర్వాత నిలిచిపోయింది. మళ్లీ దరఖాస్తు చేసుకున్నా ఫలితం లేదు. వృద్ధాప్యంలో కనీసం వైద్య ఖర్చులకై నా పింఛన్‌ డబ్బులు ఉపయోగపడతాయని ఎదురుచూస్తున్నా. – బొడ్డుపల్లి నారాయణ, బట్టుగూడెం, పెద్దవూర మండలం ప్రమాదంలో కాలు విరగడంతో అంగవైకల్యంతో బాధపడుతున్నా. పదేళ్లుగా పింఛన్‌ కోసం దరఖాస్తు చేసుకుంటున్నా. 78 ఏళ్ల వయసులో పనికి వెళ్లలేక, సొంత పనులు కూడా చేసుకోలేక ఇబ్బందులు పడుతున్నా. అధికారుల చుట్టూ తిరిగినా ఫలితం లేదు. ఇప్పటికై నా ప్రభుత్వం పింఛన్‌ మంజూరు చేసి ఆదుకోవాలి. – వేముల దుర్గయ్య, బంగారిగడ్డ, చండూరు నాకు 65 ఏళ్లు దాటినా ఆరు సంవత్సరాలుగా వృద్ధాప్య పింఛన్‌ కోసం దరఖాస్తు చేసుకుంటూనే ఉన్నా. ఇప్పటికీ పింఛన్‌ మంజూరు కాలేదు. తాజాగా దరఖాస్తు చేసుకున్నా జాబితాలో పేరు లేదని అధికారులు చెబుతున్నారు. ఇప్పటికై నా అర్హతను గుర్తించి పింఛన్‌ మంజూరు చేయాలి. – తీగల బాలయ్య, సర్వారం గ్రామం, తిప్పర్తి మండలం పట్టభద్రులు ఓటరు నమోదు చేసుకోవాలి నల్లగొండ : వరంగల్‌–ఖమ్మం–నల్లగొండ గ్రాడ్యుయేట్‌ ఎమ్మెల్సీ నియోజకవర్గంలో అర్హులైన పట్టభద్రులందరూ నవంబర్‌ 6వ తేదీలోగా ఓటరుగా నమోదు చేసుకోవాలని కలెక్టర్‌ చంద్రశేఖర్‌ పిలపునిచ్చారు. ఆయన కలెక్టరేట్‌లో సోమవారం హైదరాబాద్‌ నుంచి రాష్ట్ర ప్రధాన ఎన్నికల అధికారి సుదర్శన్‌రెడ్డితో ఎస్‌ఐఆర్‌ ప్రక్రియ, పట్టభద్రుల ఓటరు నమోదు అంశాలపై జరిగిన వీడియో కాన్ఫరెన్స్‌లో పాల్గొన్న అనంతరం ఏర్పాటు చేసిన సమావేశంలో కలెక్టర్‌ మాట్లాడారు. పట్టభద్రుల ఎమ్మెల్సీ ఓటరు నమోదు దరఖాస్తులను క్షుణ్ణంగా పరిశీలించాలని, సంబంధిత ధ్రువపత్రాలను తనిఖీ చేసిన తర్వాతే నమోదు ప్రక్రియను పూర్తి చేయాలని స్పష్టం చేశారు. ఓటరు నమోదు ప్రక్రియపై ప్రతిరోజూ నివేదికలు సమర్పించడంతోపాటు, ప్రచారం నిర్వహించాలని ఆదేశించారు.రామగిరి (నల్లగొండ) : ఎల్‌నినో నేపథ్యంతో రైతులు వరికి బదులుగా ప్రత్యామ్నాయ పంటల వైపు మళ్లాలని కలెక్టర్‌ చంద్రశేఖర్‌ సూచించారు. జిల్లా కేంద్రం సమీపంలోని ఆర్జాలబావిలో పీఏసీఎస్‌ ఆధ్వర్యంలో ఏర్పాటుచేసిన ధాన్యం కొనుగోలు కేంద్రాన్ని సోమవారం ఆయన.. మేయర్‌ బుర్రి చైతన్యతో కలిసి ప్రారంభించారు. ఈ సందర్భంగా కలెక్టర్‌ మాట్లాడుతూ ప్రభుత్వం ఏ గ్రేడ్‌ ధాన్యానికి రూ.2,461, కామన్‌ వైరెటీకి రూ.2,441 మద్దతు ధర ప్రకటించిందని, సన్న ధాన్యం పండించిన రైతులకు క్వింటాకు రూ.500 బోనస్‌ ఇస్తుందని తెలిపారు. మద్దతు ధర పొందేందుకు రైతులు నాణ్యతా ప్రమాణాలతో ఉన్న ధాన్యాన్ని కేంద్రాలకు తీసుకురావాలని సూచించారు. ఎల్‌నినో పరిస్థితులను దృష్టిలో ఉంచుకొని ప్రాథమిక వ్యవసాయ సహకార సంఘాల రైతులు సమిష్టి వ్యవసాయం చేసి వరికి బదులుగా తక్కువ నీరు అవసరమయ్యే కూరగాయలు, ఉద్యాన, ఆరుతడి పంటలు సాగు చేయాలని సూచించారు. రైతులకు అవగాహన కల్పించేందుకు ప్రతి మంగళ, శుక్రవారాల్లో రైతు వేదికలలో రైతు నేస్తం కార్యక్రమం నిర్వహిస్తున్నామని తెలిపారు. కార్యక్రమంలో రెవెన్యూ అదనపు కలెక్టర్‌ జె.శ్రీనివాస్‌, ఆర్డీఓ వై.అశోక్‌రెడ్డి, జిల్లా వ్యవసాయ అధికారి వినోద్‌ కుమార్‌, జిల్లా సహకార అధికారి మమత, పౌరసరఫరాల శాఖ డీఎం రాంపతి, మార్కెటింగ్‌ ఏడీ ఛాయాదేవి, మార్కెట్‌ కమిటీ చైర్మన్‌ హైమావతి, పీఏసీఎస్‌ చైర్మన్‌ నాగరత్నంరాజు, మున్సిపల్‌ మాజీ చైర్మన్‌ బుర్రి శ్రీనివాస్‌రెడ్డి, మాజీ జెడ్పీటీసీ గుమ్మల మోహన్‌రెడ్డి, మధుసూదన్‌ రెడ్డి తదితరులు పాల్గొన్నారు. ఫ కలెక్టర్‌ చంద్రశేఖర్‌ ఫ ఆర్జాలబావి వద్ద ధాన్యం కొనుగోలు కేంద్రం ప్రారంభం

నల్లగొండ : ఓటు చోరీకి నిరసనగా నవంబర్‌ 1న ఢిల్లీలో నిర్వహించే ర్యాలీకి కాంగ్రెస్‌ శ్రేణులు తరలివచ్చి విజయవంతం చేయాలని ఏఐసీసీ పరిశీలకుడు రాంభూపాల్‌రెడ్డి, టీపీసీసీ ఉపాధ్యక్షుడు వినోద్‌రెడ్డి పిలుపునిచ్చారు. సోమవారం నల్లగొండలోని యాదవ సంఘ భవన్‌లో డీసీసీ అధ్యక్షుడు పున్న కై లాష్‌నేత అధ్యక్షతన నిర్వహించిన జిల్లా కాంగ్రెస్‌ కార్యవర్గ సమావేశంలో వారు మాట్లాడారు. ప్రధాని మోదీ, కేంద్ర హోంమంత్రి అమిత్‌షా, ప్రధాన ఎన్నికల కమిషనర్‌ జ్ఞానేశ్‌కుమార్‌ కుట్రపూరితంగా వ్యవహరించి.. ఎస్‌ఐఆర్‌ ప్రక్రియ పేరుతో దేశవ్యాప్తంగా 13 కోట్ల మంది ఓటర్లను తొలగించారని ఆరోపించారు. 12 ఏళ్ల బీజేపీ పాలనలో ఎస్సీ, ఎస్టీ, బీసీ, మైనార్టీ, ఆదివాసీ వర్గాలకు ఆశించిన ప్రయోజనాలు దక్కలేదన్నారు. ప్రజల్లో ప్రభుత్వంపై వ్యతిరేకత పెరగడంతోనే ఓటు చోరీకి పాల్పడుతున్నారని ఆరోపించారు. ఎస్‌ఈసీ జ్ఞానేశ్‌కుమార్‌ను పదవి నుంచి తొలగించి ప్రజాస్వామ్యాన్ని కాపాడాలని డిమాండ్‌ చేశారు. ‘ఓటును కాపాడుకుందాం.. దేశాన్ని రక్షించుకుందాం’ అనే నినాదంతో ఢిల్లీలోని రాంలీలా మైదాన్‌లో ఇండియా కూటమి ఆధ్వర్యంలో నిర్వహించే మహా ర్యాలీకి జిల్లా నుంచి 2 వేల మంది తరలిరావాలని పిలుపునిచ్చారు. సమావేశంలో నాయకులు పరమేశ్‌, బోడ స్వామి, చామల శ్రీనివాస్‌, అంబటి సోమయ్య, చిలుకూరి బాలకృష్ణ తదితరులు పాల్గొన్నారు. ఫ ఏఐసీసీ పరిశీలకుడు రాంభూపాల్‌రెడ్డి, టీపీసీసీ ఉపాధ్యక్షుడు వినోద్‌రెడ్డి

సాక్షి ప్రతినిధి, నల్లగొండ : వృద్ధాప్యంలో ప్రభుత్వ నుంచి పింఛన్‌ అందకపోవడంతో వేలాది మంది ఇబ్బందులు పడుతున్నారు. వయసు మీదపడటంతో పనులు చేసుకునే శక్తి లేక.. కుటుంబంపై ఆధారపడలేక.. కనీస అవసరాలు తీర్చుకునేందుకు నానా తంటాలు పడుతున్నారు. నాలుగున్నరేళ్లుగా కొత్త పింఛన్ల కోసం ఎదురుచూస్తున్నా ఫలితం లేదని ఆవేదన వ్యక్తం చేస్తున్నారు. ప్రభుత్వ కార్యాలయాల చుట్టూ తిరుగుతున్నా తమ గోడు పట్టించుకునే వారు లేరని వాపోతున్నారు. దరఖాస్తులు తీసుకుంటున్నారు తప్ప.. కొత్త పింఛన్లు మాత్రం మంజూరు చేయడం లేదని.. తమకు పింఛన్లు ఎప్పుడిస్తారని ప్రశ్నిస్తున్నారు. 2022 తర్వాత ఎదురుచూపులే.. గత బీఆర్‌ఎస్‌ ప్రభుత్వం రెండోసారి అధికారంలోకి వచ్చిన తర్వాత 58 ఏళ్లు నిండిన వారికి వృద్ధాప్య పింఛన్లు మంజూరు చేస్తామని ప్రకటించింది. ఈ మేరకు 2022 జూన్‌లో దరఖాస్తులు స్వీకరించింది. జిల్లాలో మొత్తం 6,110 మంది దరఖాస్తు చేసుకోగా.. వారిలో 5,759 మందిని అర్హులుగా గుర్తించారు. 189 మందిని అనర్హులుగా తేల్చారు. మరో 162 దరఖాస్తులు పెండింగ్‌లో ఉన్నాయి. అర్హులుగా గుర్తించిన వారిలోనూ కొందరికే పింఛన్లు మంజూరు చేసిన ప్రభుత్వం.. ఆ తర్వాత పట్టించుకోలేదని అర్హులు ఆవేదన చెందుతున్నారు. హామీలకే పరిమితమైన పెంపు.. అధికారంలోకి వస్తే పింఛన్‌ మొత్తాన్ని రూ.2 వేల నుంచి రూ.4 వేలకు పెంచుతామని ఎన్నికల్లో కాంగ్రెస్‌ పార్టీ హామీ ఇచ్చింది. దివ్యాంగుల పింఛన్‌ను రూ.3 వేల నుంచి రూ.6 వేలకు పెంచుతామని ప్రకటించింది. అయితే ఈ హామీలు అమలుకు నోచుకోలేదు. ఎన్నికల అనంతరం అధికారంలోకి వచ్చిన కాంగ్రెస్‌ ప్రభుత్వం ప్రజాపాలన కార్యక్రమం నిర్వహించి వివిధ సంక్షేమ పథకాల కోసం దరఖాస్తులు స్వీకరించింది. కొత్త పింఛన్ల కోసం కూడా పెద్ద సంఖ్యలో దరఖాస్తులు అందాయి. అయినప్పటికీ వృద్ధాప్య పింఛన్ల మంజూరుపై స్పష్టత లేకపోవడంతో దరఖాస్తుదారులు నిరాశకు గురవుతున్నారు. ఇక.. దివ్యాంగులు, వితంతువులు, ఒంటరి మహిళలు, గీత కార్మికులు, చేనేత కార్మికులు కూడా కొత్త పింఛన్ల కోసం ఎదురుచూస్తున్నారు. పండుగల సమయంలోనైనా కొత్త పింఛన్లు మంజూరవుతాయని ఆశించిన వారికి నిరాశే ఎదురవుతోంది.నాలుగున్నరేళ్లుగా వృద్ధాప్య పింఛన్ల కోసం ఎదురుచూపు ఫ 2022 తర్వాత కొత్తగా పింఛన్లు మంజూరు చేయని ప్రభుత్వం ఫ ప్రజాపాలనలో దరఖాస్తులు తీసుకున్నా.. ఫలితం శూన్యం ఫ ఫించన్లు ఇచ్చి ఆత్మగౌరవంతో బతికేలా చూడాలంటున్న వృద్ధులు వృద్ధాప్య పింఛన్‌ కోసం నిరీక్షిస్తున్న వారిలో 65 ఏళ్లు దాటినవారు కూడా ఉన్నారు. వయసు మీదపడడంతో కూలి పనులకు వెళ్లలేక, కొందరు అనారోగ్య సమస్యలతో బాధపడుతున్నారు. మరికొందరు పిల్లలపై ఆధారపడలేక ఇబ్బందులు పడుతున్నారు. వృద్ధాప్యంలో బీపీ, షుగర్‌తోపాటు ఇతర అనారోగ్య సమస్యలు వేధిస్తుంటాయి. క్రమం తప్పకుండా మందులు వాడాల్సి రావడంతో నెలవారీ ఖర్చులు పెరుగుతున్నాయి. ఇలాంటి సమయంలో పింఛన్‌ అందితే మందులు, నిత్యావసరాలకు కొంతైనా వెసులుబాటు ఉంటుందని వృద్ధులు చెబుతున్నారు. పింఛన్‌ లేకపోవడంతో చిన్నచిన్న అవసరాలకు కూడా ఇతరులపై ఆధారపడాల్సి వస్తోందని వాపోతున్నారు. వృద్ధాప్యంలో ఆత్మగౌరవంతో బతకాల్సిన తాము ఆర్థిక ఇబ్బందులతో సతమతమవుతున్నామని ఆవేదన వ్యక్తం చేస్తున్నారు.

ఫ మాజీ మంత్రి మోత్కుపల్లి నర్సింహులు నల్లగొండ టౌన్‌ : అగ్రవర్ణాల వద్ద అడుక్కు తింటుంటే అధికారం రాదని, కడుపు నిండదని మాజీ మంత్రి మోత్కుపల్లి నరసింహులు అన్నారు. సోమవారం నల్లగొండలోని అంబేద్కర్‌ భవన్‌లో జరిగిన మాదిగల ఆత్మీయ సమ్మేళనంలో ఆయన మాట్లాడారు. అధికారం దక్కాలంటే ఐక్య పోరాటమే ఏకై క మార్గమని చెప్పారు. తెలంగాణ రాష్ట్రంలో 70 లక్షల మంది మాదిగలు అన్ని రంగాల్లో వెనుకబడి ఉన్నారని, ఎన్నో అవమానాలు పడుతూ అధికారానికి దూరంగా ఉండి కుల పీడనకు గురి అవుతున్నారని ఆవేదన వ్యక్తం చేశారు. తెలంగాణ ఏర్పడినా మాదిగలకు ఒరిగిందేమీ లేదని, పార్టీలను పక్కనపెట్టి మాదిగలు ఏకం కావాలని పిలపునిచ్చారు. త్వరలో మాదిగల మహాశక్తి ప్రదర్శన నిర్వహిస్తామని తెలిపారు. ఎస్సీ సంక్షేమ సంఘం జిల్లా అధ్యక్షుడు కత్తుల జగన్‌ కుమార్‌ అధ్యక్షతన జరిగిన ఈ కార్యక్రమంలో దున్న యాదగిరి, తుల షణ్ముఖ, పెరిక కరణ్‌ జయరాజు, శ్రవణ్‌, రమేష్‌, నవీన్‌, కొప్పోలు అశోక్‌ , మాచర్ల సైదులు, పెరిక అంజయ్య, కత్తుల సన్నీ, చింత శివరామకృష్ణ, మామిడి బాలయ్య, మామిడి ప్రమీల, కొప్పోలు విమలమ్మ పాల్గొన్నారు. పోలీస్‌ గ్రీవెన్స్‌లో వినతుల స్వీకరణనల్లగొండ : జిల్లా పోలీస్‌ కార్యాలయంలో సోమవారం పోలీస్‌ గ్రీవెన్స్‌డే సందర్భంగా బాధితుల నుంచి ఎస్పీ శరత్‌చంద్ర పవార్‌ వినతులు స్వీకరించారు. జిల్లాలోని వివిధ ప్రాంతాల నుంచి వచ్చిన 45 మంది బాధితులు తమ సమస్యలను ఎస్పీకి తెలియజేశారు. భూ వివాదాలు, కుటుంబ కలహాలు, ఆస్తి తగాదాలు, మోసాలకు సంబంధించిన ఫిర్యాదులపై బాధితులు వినతులు అందజేశారు. ఈ సందర్భంగా ఎస్పీ మాట్లాడుతూ ప్రజలకు న్యాయం జరిగే విధంగా ప్రతి ఫిర్యాదును సమగ్రంగా విచారించి చట్టపరమైన చర్యలు తీసుకోవాలని పోలీస్‌ అధికారులకు ఫోన్‌ ద్వారా సూచించారు. 31న టీపీఎఫ్‌ ఆవిర్భావ సభకట్టంగూర్‌: కొత్తగూడెంలో ఈ నెల 31న నిర్వహించనున్న తెలంగాణ ప్రజా ఫ్రంట్‌ (టీపీఎఫ్‌) 17వ ఆవిర్భావ సభను జయప్రదం చేయాలని టీపీఎఫ్‌ రాష్ట్ర ప్రధాన కార్యదర్శి కావలి యాదయ్య పిలుపునిచ్చారు. సోమవారం కట్టంగూర్‌లో ఆవిర్భావ సభ పోస్టర్లను ఆ సంఘం నాయకులతో కలిసి ఆయన ఆవిష్కరించి మాట్లాడారు. కార్యక్రమంలో టీపీఎఫ్‌ జిల్లా నాయకులు గండెబోయిన బాలకృష్ణ, రసాల బాలస్వామి, ఆటో కార్మిక సంఘం నాయకుడు మేడి శ్రీనివాస్‌ తదితరులు పాల్గొన్నారు.

నల్లగొండ అగ్రికల్చర్‌ : ఎల్‌నినో ప్రభావం కారణంగా జిల్లా అంతటా కరువు పరిస్థితులు నెలకొన్నాయి. రానున్న పది నెలల పాటు గడ్డు పరిస్థితులను ఎదుర్కొవాల్సి వస్తుందని అధికార యంత్రాంగం ప్రజలను అప్రమత్తం చేస్తోంది. ప్రధానంగా తాగునీటితో పాటు జీవాలకు పశుగ్రాసం కొరత ఏర్పడే అవకాశం ఉంది. దీనిని దృష్టిలో పెట్టుకుని జిల్లా యంత్రాంగం పశుగ్రాసం కొరతను నివారించడంతో పాటుగా జిల్లా అంతటా జీవాలకు తాగునీటి అవసరాలను తీర్చేందుకు గాను గ్రామాల్లో నీటి తొట్ల నిర్మాణానికి ప్రతిపాదనలను సిద్ధం చేసింది. రోజుకు ఐదు కిలోల గ్రాసం అక్టోబర్‌ నుంచి డిసెంబర్‌ నెల వరకు రోజు ఒక్కో మూగ జీవానికి సుమారు 5 కిలోల గ్రాసం కావాలని, దీనికి గాను మొత్తం 2700 కిలోల మెట్రిక్‌ టన్నుల గ్రాసం అవసరం ఉంటుందని జిల్లా పశుసంవర్ధక శాఖ అంచనాలు వేసింది. అయితే ప్రస్తుతం వివిధ రూపాల్లో 3421 మెట్రిక్‌ టన్నుల పశుగ్రాసం అందుబాటులో ఉంది. ఇంకా 622 మెట్రిక్‌ టన్నుల గ్రాసం మిగులుబాటు ఉంది. అయితే.. వచ్చే ఏడాది జూలై వరకు పశుగ్రాసం కొరత ఏర్పడే అవకాశం ఉందని జిల్లా యంత్రాంగం అంచనా వేస్తోంది. అందుకు తగిన ప్రణాళికను రూపొందించి రాష్ట్ర ప్రభుత్వానికి పంపించింది. రూ.23.12 కోట్లతో ప్రతిపాదనలు.. వచ్చే ఏడాది జూలై నాటికి ఏర్పడనున్న కొరతను నివారించడంతో పాటు మూగజీవాల తాగునీటి అవసరాలను తీర్చడానికి రూ.23.12 కోట్లతో ప్రతిపాదనలు తయారు చేసి ప్రభుత్వానికి పంపించింది. రైతులకు 75 శాతం సబ్సిడీపై 147 మెట్రిక్‌ టన్నుల గడ్డి విత్తనాలను అందించడానికి రూ.128.18 లక్షలతో, రూ.33.50 లక్షలతో వంద చాప్‌కట్టర్‌లను రైతులకు అందించాలని నిర్ణయించింది. 761 గ్రామాల్లో రూ.380 లక్షలతో ఉపాధి హామీ పథకం ద్వారా నీటి తోట్లను నిర్మించాలని ప్రతిపాదించారు. పాడి గేదెలకు రూ.1750 లక్షలతో 5 వేల మెట్రిక్‌ టన్నుల దాణాను, రూ.20లక్షలతో 200 మెట్రిక్‌ టన్నుల మినరల్‌ మిక్షర్‌ను అందించాలని ప్రతిపాదనలో నివేదించారు. ఫ పశుగ్రాసం కొరత నివారణకు ప్రభుత్వం ప్రణాళికలు ఫ రూ.23.12 కోట్లతో వివిధ పనులకు ప్రతిపాదనలు

నల్లగొండ : దశాబ్దాలుగా ఫ్లోరోసిస్‌ మహమ్మారితో బాధపడుతున్న దేవరకొండ, మునుగోడు ప్రాంతాలకు విముక్తి కల్పించాలనే లక్ష్యంతోనే డిండి ఎత్తిపోతల పథకాన్ని చేపట్టారని శాసనమండలి చైర్మన్‌ గుత్తా సుఖేందర్‌రెడ్డి అన్నారు. నల్లగొండలోని క్యాంపు కార్యాలయంలో ఆదివారం ఆయన విలేకరులతో మాట్లాడారు. డిండి ప్రాజెక్టుకు 0.6 టీఎంసీల నీటిని కేటాయిస్తూ నిర్ణయం తీసుకోవడంపై ముఖ్యమంత్రి రేవంత్‌రెడ్డి, మంత్రి ఉత్తమ్‌కుమార్‌రెడ్డికి కృతజ్ఞతలు తెలిపారు. డిండి ప్రాజెక్టుపై ఎంపీ డీకే.అరుణ వ్యాక్యలు సరికాదన్నారు. సాగునీటి ప్రాజెక్టులను పూర్తి చేయడమే ప్రభుత్వాల కర్తవ్యమన్నారు. సాగునీటి అంశంలో పరస్పర సహకారం అవసరమని.. ఏఎమ్మార్పీ ద్వారా ఏడాది పొడవునా హైదరాబాద్‌కు 30 టీఎంసీల నీటిని అందిస్తున్న విషయాన్ని గుర్తుచేశారు. కృష్ణా బేసిన్‌ ప్రాజెక్టులపై నిర్లక్ష్యం.. కాళేశ్వరం ప్రాజెక్టు కోసం రూ.1.40 లక్షల కోట్లు ఖర్చు చేసిన సమయంలో అందులో రూ.40 వేల కోట్లు కృష్ణా బేసిన్‌కు కేటాయించి ఉంటే అనేక ప్రాజెక్టులు పూర్తయ్యేవని అభిప్రాయపడ్డారు. ఎస్‌ఎల్‌బీసీ సొరంగం నిర్మాణానికి ఎక్కువ సమయం పట్టే అవకాశం ఉండటంతో ఎస్‌ఎల్‌బీసీ లిఫ్టును చేపట్టారని.. సొరంగ మార్గం పూర్తయినంత మాత్రాన కొత్తగా ఆయకట్టు పెరగదన్నారు. ఇప్పటికే ప్రతిపాదించిన ప్రాజెక్టులను పూర్తి చేసి వాటి ప్రయోజనాలను రైతులకు అందించాలని పేర్కొన్నారు. పాలమూరు–రంగారెడ్డి ఎత్తిపోతల పథకానికి జాతీయ హోదా తీసుకురావడానికి బీజేపీ ఎంపీలు కృషి చేయాలని కోరారు. ఫ శాసనమండలి చైర్మన్‌ గుత్తా సుఖేందర్‌రెడ్డి

నల్లగొండ : టీఎస్‌ యూటీఎఫ్‌ జిల్లా విద్యా వైజ్ఞానిక మహాసభలను నవంబర్‌ 1, 2 తేదీల్లో కట్టంగూర్‌లో నిర్వహించనున్నట్లు ఆ సంఘం రాష్ట్ర ఉపాధ్యక్షుడు రాజశేఖర్‌రెడ్డి తెలిపారు. ఆదివారం నల్లగొండలోని టీఎస్‌యూటీఎఫ్‌ జిల్లా కార్యాలయంలో జిల్లా అధ్యక్షుడు బక్కా శ్రీనివాసచారి అధ్యక్షతన నిర్వహించిన సమావేశంలో ఆయన మాట్లాడారు. అనంతరం సభల విజయవంతం చేయాలని కోరుతూ పోస్టర్‌ను ఆవిష్కరించారు. సమావేశంలో జిల్లా ప్రధాన కార్యదర్శి పెరుమాళ్ల వెంకటేశం, ఎడ్ల సైదులు, నర్రా శేఖర్‌రెడ్డి, బడుగు అరుణ, జాల అరుణ, చిక్కుల రామలింగయ్య, గేర నరసింహ, మోర్తాల శ్రీనివాస్‌రెడ్డి, నలపరాజు వెంకన్న, అడావత్‌ చిన వెంకన్న, కోట్ల యాదగిరి, పగిళ్ల సైదులు, గంటెల వెంకటయ్య, కొమర్రాజు సైదులు, గుండా వేదశ్రీ, మిట్టపల్లి మురళయ్య పాల్గొన్నారు. వైభవంగా శ్రీసుదర్శన హోమం యాదగిరిగుట్ట : యాదగిరి శ్రీలక్ష్మీనరసింహస్వామి క్షేత్రంలో ఆదివారం శ్రీసుదర్శన నారసింహ హోమాన్ని పాంచరాత్ర ఆగమశాస్త్రానుసారంగా అర్చకులు వైభవంగా నిర్వహించారు. వేకువజామునే ఆలయాన్ని తెరిచిన అర్చకులు శ్రీస్వామి వారికి సుప్రభాతం జరిపించారు. అనంతరం అంతరాలయంలో స్వయంభూ, ప్రతిష్ఠా బంగారు అలంకారమూర్తులకు పంచామృతాలతో అభిషేకం, సహస్ర నామార్చన, కుంకుమార్చన వంటి పూజ చేపట్టారు. ఇక ముఖ మండపంలోని ఉత్సవమూర్తుల వద్ద అష్టోత్తరం, సువర్ణ పుష్పార్చన పూజను నిర్వహించారు. ఆలయ ప్రథమ ప్రాకార మండపంలో వేద మంత్రాలతో శ్రీసుదర్శన నారసింహ హోమం, గజ వాహనం, నిత్య కల్యాణం, బ్రహ్మోత్సవం వేడుకను విశేషంగా జరిపారు. సాయంత్రం వేళ ఆలయ తిరు, మాడ వీధుల్లో జోడు సేవను ఊరేగించి, రాత్రి శ్రీస్వామి అమ్మవార్లకు శయనోత్సవం నిర్వహించి, ఆలయాన్ని ద్వార బంధనం చేశారు. నేడు యాదగిరిక్షేత్రంలో శరత్‌ పూర్ణిమ వేడుకయాదగిరిగుట్ట: యాదగిరి శ్రీలక్ష్మీనరసింహస్వామి ఆలయంలో సోమవారం శరత్‌ పూర్ణిమ వేడుక నిర్వహించనున్నట్లు ఆలయ ఈఓ భవానీ శంకర్‌ ఆదివారం ఒక ప్రకటనలో తెలిపారు. రాత్రి 7గంటల నుంచి నివేదన సమయం వరకు ఆలయ ప్రథమ ప్రాకార మండపంలో అంతరంగింకంగా శరత్‌ పూర్ణిమ పూజాది కార్యక్రమాలు జరిపిస్తామని పేర్కొన్నారు. ఉమ్మడి జిల్లా వాలీబాల్‌ జట్టు కెప్టెన్‌గా హర్షవర్ధన్‌హుజూర్‌నగర్‌ : హుజూర్‌నగర్‌లోని ప్రభుత్వ జూనియర్‌ కళాశాలలో ఇంటర్‌ చదువుతున్న హర్షవర్ధన్‌ ఉమ్మడి నల్లగొండ జిల్లా వాలీబాల్‌ టీం కెప్టెన్‌గా ఎంపికై నట్లు ఎన్‌ఎస్‌పీ క్యాంప్‌ హైస్కూల్‌ పీడీ దేవిశెట్టి రవి తెలిపారు. ఆదివారం మిర్యాలగూడలో జరిగిన ఖేలో ఇండియా 18 ఏళ్ల లోపు బాలుర ఉమ్మడి నల్లగొండ జిల్లా స్థాయి వాలీబాల్‌ జట్టు ఎంపిక పోటీలో హర్షవర్ధన్‌ను కెప్టెన్‌గా ఎంపిక చేశారు. ప్రస్తుతం అతను సిద్దిపేటలోని వాలీబాల్‌ అకాడమీలో శిక్షణ పొందుతున్నాడు.

చండూరు : తెలంగాణలో కాంగ్రెస్‌ సృష్టించిన కరువు విలయతాండవం చేస్తోందని మాజీ మంత్రి జగదీష్‌రెడ్డి అన్నారు. ఆదివారం చండూరులో నిర్వహించిన పట్టభద్రుల ఎమ్మెల్సీ ఎన్నికల సన్నాహక సమావేశం, ఓటరు నమోదు కార్యక్రమంలో ఆయన మాట్లాడారు. ఎల్‌నినో తెచ్చిన కరువు కంటే కాంగ్రెస్‌ సృష్టించిందే ఎక్కువగా ఉందని.. వర్షాలు లేవు, కరెంటు కూడా వస్తలేదన్నారు. కేసీఆర్‌ 24 గంటల కరెంటు ఇచ్చాడని.. ఇప్పుడెందుకు కాంగ్రెస్‌ ఇవ్వలేక పోతోందని ప్రశ్నించారు. కరెంటు కొనాలన్నా దొరుకతలేదు అనేది అబద్ధమన్నారు. మునుగోడులో 60 ఏళ్ల కాంగ్రెస్‌ పెంచి పోషించిన ఫ్లోరైడ్‌ను కేసీఆర్‌ ఆరేళ్లలో పారదోలాడని.. కాంగ్రెస్‌ తిరిగి మూడేళ్లలోనే మునుగోడు, దేవరకొండను ఫ్లోరైడ్‌ ప్రాంతంగా మారుస్తోందని మండిపడ్డారు. ఇక్కడి ఎమ్మెల్యేకు మంత్రి పదవి పంచాయితీ తప్ప నియోజకవర్గ అభివృద్ధిపై పట్టింపు లేదని విమర్శించారు. జిల్లాలోని ఇద్దరు మంత్రులు హెలికాపర్‌ వేసుకుని వస్తున్నరు తప్ప రూపాయి పని చేయడం లేదని మండిపడ్డారు. త్వరలో శివన్నగూడం రిజర్వాయర్‌ వద్ద పెద్ద ఎత్తున ధర్నా చేపడతామన్నారు. కార్యక్రమంలో మాజీ ఎమ్మెల్యే కూసుకుంట్ల ప్రభాకర్‌రెడ్డి, కల్లు గీత కార్పొరేషన్‌ మాజీ చైర్మన్‌ పల్లె రవికుమార్‌గౌడ్‌, పుల్లెంల వెంకటనారాయణగౌడ్‌, పాల్వాయి స్రవంతి, బోయపల్లి అనంత్‌గౌడ్‌ తదితరులు పాల్గొన్నారు. ఫ మాజీ మంత్రి జగదీష్‌రెడ్డి నల్లగొండ టూటౌన్‌ : నల్లగొండలో ఆదివారం మాజీ మంత్రి జగదీశ్‌రెడ్డి ఆధ్వర్యంలో పలువురు పట్టభద్రులు ఓటరు నమోదు చేసుకున్నారు. ఈ సందర్భంగా జగదీశ్‌రెడ్డి మాట్లాడుతూ మోసపూరిత వాగ్దానాలు చేసి గద్దెనెక్కిన కాంగ్రెస్‌ ప్రభుత్వానికి కళ్లు తెరిపించేలా రాబోయే గ్రాడ్యుయేట్‌ ఎన్నికల్లో తీర్పు ఇవ్వాల్సిన అవసరం ఉందన్నారు. కార్యక్రమంలో మాజీ ఎమ్మెల్యే కంచర్ల భూపాల్‌రెడ్డి, ఎమ్మెల్సీ ఎంసీ.కోటిరెడ్డి, మందడి సైదిరెడ్డి, కార్పొరేటర్‌ మారగోని భవాని గణేష్‌, రావుల శ్రీనివాసరెడ్డి, కన్నారావు, పెండం ధనంజయ, గంజి రాజేందర్‌, బొమ్మరబోయిన నాగార్జున, రాపోలు వెంకటేశ్వర్లు, గాదె వివేక్‌రెడ్డి పాల్గొన్నారు.

నల్లగొండ టూటౌన్‌ : రాష్ట్ర ప్రభుత్వం ప్రతి సంవత్సరం మత్స్యకారులకు అందించే చేప పిల్లల పంపిణీపై నీలినీడలు కమ్ముకున్నాయి. ఎల్‌నినో ప్రభావంతో చెరువులు, జలాశయాలు, కుంటల్లో నీరు లేక ఎండిపోయి దర్శనమిస్తున్న విషయం తెలిసిందే. జిల్లా వ్యాప్తంగా ఉన్న 1169 చెరువులు, జలాశయాల్లో కేవలం 169 చెరువుల్లోనే సగం వరకు నీరు ఉన్నట్లు సాగునీటి శాఖ అధికారులు మత్స్యశాఖకు నివేదిక అందించారు. ఈ నివేదికను మత్స్యశాఖ అధికారులు ఉన్నతాధికారులకు పంపించడంతో మరోసారి చెరువులు, జలాశయాలల్లో ఉన్న నీటి వసతి, ఎన్ని నెలలు నీరు ఉంటుందో సమగ్ర నివేధిక అందజేయాలని ఆదేశాలు జారీ చేసినట్లు తెలిసింది. దాంతో ఈసారి చేప పిల్లల పంపిణీ చేయాలా వద్ద అనే ఆలోచనలో ఉన్నట్లు సమాచారం. అన్నీ పరిశీలించాకే నిర్ణయం రాష్ట్ర ప్రభుత్వం సైతం చేప పిల్లల పంపిణీపై సమగ్ర వివరాలను క్షుణ్ణంగా పరిశీలించిన తరువాతనే ఓ నిర్ణయానికి వచ్చే అవకాశం ఉన్నట్లు అధికారవర్గాల్లో చర్చ జరుగుతోంది. ప్రస్తుతం ఉన్న ఉష్ణోగ్రతలను చూస్తుంటే చెరువులు, కుంటల్లో ఎక్కువ రోజులు నీరు నిల్వ ఉండే అవకాశాలు లేవనే అభిప్రాయాలు వ్యక్తమవుతున్నాయి. చేప పిల్లలు 350 గ్రాముల నుంచి 500 గ్రాముల బరువు పెరగాలంటే కనీసంగా ఆరు నెలల పాటు చెరువుల్లో నీరుండాలి. కానీ రాబోయే రెండు మూడు నెలలు మాత్రమే చెరువుల్లో నీరు ఉంటే చేప పిల్లలు పంపిణీ చేసినా ప్రజాధనం వృథా తప్ప మత్స్యకారులకు ఎలాంటి ప్రయోజనం ఉండే అవకాశం లేదనే చర్చ జరుగుతున్నట్లు తెలుస్తోంది. 5.90 కోట్ల నుంచి 2 కోట్లకు తగ్గింపు.. జిల్లాలో అధికారిక లెక్కల ప్రకారం 1169 వరకు జలాశయాలు, చెరువులు ఉన్నాయి. మత్స్యశాఖ జిల్లా అధికారులు జిల్లాకు 5.90 కోట్ల చేప పిల్లల అవసరం ఉందని గతంలోనే ప్రతిపాదనలు పంపించారు. అవసరమైన చేప పిల్లల పంపిణీ కొరకు టెండర్లు సైతం నిర్వహించి ఖరారు చేశారు. ఇటీవల సాగునీటి శాఖ అధికారులు అందించిన నివేధిక ప్రకారం జిల్లాలో కేవలం 169 చెరువుల్లో మాత్రమే సగం వరకు, కొన్నింట్లో సగానికి పైగా నీరు ఉన్నట్లు చూపించారు. ఈ లెక్కన అయితే కేవలం 2కోట్ల చేప పిల్లలు సరిపోతాయని అధికారులు నిర్ణయించారు. ప్రస్తుతం ఇవి కూడా పంపిణీ చేస్తారా లేక నిలిపి వేస్తారా అనే చర్చ జరుగుతోంది. జిల్లా వ్యాప్తంగా ఉన్న చెరువుల్లో నీటి నిల్వలు గుర్తించాలని ప్రభుత్వం ఆదేశించింది. నీటి నిల్వలు ఉన్న చెరువులను గుర్తించేందుకు ఇరిగేషన్‌ శాఖ అధికారులతో కలిసి చర్యలు తీసుకుంటున్నాం. నీటి నిల్వ ఎక్కువ నెలలు ఉన్న చెరువుల్లోనే చేప పిల్లల పంపిణీ చేస్తాం. – సుకీర్తన, మత్స్యశాఖ జిల్లా అధికారి ఫ ఎల్‌నినో ప్రభావంతో ప్రభుత్వం వెనుకడుగు ఫ 169 చెరువుల్లోనే సగానికి పైగా నీరు ఫ ఆరు నెలలు నీరుంటేనే చేప పిల్లలు ఎదిగే అవకాశం ఫ మరోసారి నీటి లెక్కలు తీయాలని ఆదేశాలుఎన్ని చెరువుల్లో ఎంత శాతం నీరు నిల్వ ఉందనే వివరాల సేకరించాలని తాజాగా సంబంధిత శాఖ అధికారులకు ఆదేశాలు జారీ అయ్యాయి. ఆయా చెరువుల్లో కూడా జనవరి, ఫిబ్రవరి వరకు నీరు ఉంటుందా లేక ముందుగానే చెరువుల్లో నీరు ఇంకిపోయే పరిస్థితులు ఉన్నాయా అని ఇరిగేషన్‌ అధికారులు లెక్కలు వేస్తున్నారు. ఈ ఏడాది ఒక్కసారి కూడా భారీ వర్షం కురకపోవడంతో చెరువుల్లో ఉన్న నీరు సైతం త్వరగా ఆవిరయ్యే అవకాశాలు మెండుగా ఉన్నట్లు సంబంధిత శాఖల అధికారులు చెబుతున్నారు. ఈ నెలాఖరు నాటికి నీరు ఉన్న చెరువుల వివరాలు అందిన తరువాత ప్రభుత్వం ఓ నిర్ణయం తీసుకునే అవకాశం ఉన్నట్లు తెలుస్తోంది.

పెద్దవూర : భావోద్వేగాలున్న ప్రతి వ్యక్తి కవి అవుతాడని, భావోద్వేగంలో పుట్టిన వాక్యమే కవిత్వం అవుతుందని ప్రముఖ కవి విమర్శకులు ఆర్‌.సీతారాం అన్నారు. నందికొండ మున్సిపాలిటీ పరిధిలోని బుద్ధవనంలో నిర్వహిస్తున్న రాష్ట్రస్థాయి యూత్‌ లిటరరీ ఫెస్ట్‌–2026 రెండవ రోజు ఆదివారం ఆయన మాట్లాడారు. ఒకే కవిత్వం పాఠకులను అనుసరించి పలు విధాలుగా గోచరిస్తుందని పేర్కొన్నారు. కవి విమర్శకులు బీవీ.స్వామి మాట్లాడుతూ కథలు రాయడమంటే సమాచారం ఇవ్వడం కాదని సృజనాత్మకంగా చెప్పే నేర్పును రచయితలు సాధించాలని సూచించారు. రెండు రోజుల యూత్‌ లిటరరీ ఫెస్ట్‌లో 150 మంది యువ కవులు, రచయితలు హాజరై చర్చల్లో పాల్గొనడం అభినందనీయమని అన్నారు. కార్యక్రమంలో తెలంగాణ సాహితీ రాష్ట్ర ఉపాధ్యక్షుడు అనంతోజు మోహన్‌కృష్ణ, రాష్ట్ర ప్రధాన కార్యదర్శి కటుకోజ్వల అనందాచారి, డాక్టర్‌ నర్రా ప్రవీణ్‌రెడ్డి, తగుళ్ల గోపాల్‌, కృష్ణ కౌండిన్య, కుకుడాల గోవర్ధన్‌, ఎండీ.హుసేన, దాసరి శ్రీరాములు, బూరుగు గోపికృష్ణ, సలీమ, శరత్‌సుదర్శి, మేరెడ్డి రేఖ, హరిప్రియ, నరిసింహ తదితరులు పాల్గొన్నారు.

తిప్పర్తి : ఆయిల్‌ పామ్‌ సాగులో అధికారులు, ఉద్యాన శాఖ సూచనల ప్రకారం రైతులు ఎరువులు, నీటి యాజమాన్య పద్ధతులు సమర్థవంతంగా నిర్వహించినప్పుడే మెరుగైన దిగుబడులు సాధించవచ్చని మాజీ మంత్రి డాక్టర్‌ జి.చిన్నారెడ్డి అన్నారు. ఆయిల్‌ పామ్‌ రైతు సొసైటీ, పతంజలి ఫుడ్స్‌ లిమిటెడ్‌ సంయుక్త సహకారంతో తిప్పర్తి మండలంలోని దుప్పలపల్లిలో ఆదివారం నిర్వహించిన ఆయిల్‌ పామ్‌ రైతు సదస్సుకు ఆయన ముఖ్యఅతిథిగా హాజరై మాట్లాడారు. రైతులు, రైతు సంఘాల ప్రతినిధులు ఉద్యాన శాఖ అధికారులతో నిరంతరం సమన్వయం పెంపొందించుకోవడం ద్వారా ఆయిల్‌ పామ్‌ రంగాన్ని మరింత అభివృద్ధి చేసుకోవచ్చని చిన్నారెడ్డి పేర్కొన్నారు. ఈ సదస్సులో ఆయిల్‌ పామ్‌ సాగు విస్తరణ, నాణ్యమైన మొక్కల ఎంపిక, శాసీ్త్రయ సాగు విధానం, యాజమాన్య పద్ధతులు, చీడపీడలు–తెగుళ్ల నివారణ, నీటి యాజమాన్యం, అంతర పంటల సాగు మరియు అధిక దిగుబడి సాధించే అంశాలపై రైతులతో సుదీర్ఘంగా చర్చించారు. ఆయిల్‌ పామ్‌ రైతు సొసైటీ అధ్యక్షుడు గురువారెడ్డి అధ్యక్షతన జరిగిన ఈ కార్యక్రమంలో ఉద్యాన శాఖ అధికారి అనంతరెడ్డి, ఆయిల్‌ పామ్‌ ప్రతినిధులు డీజీఎం యాదగిరి, పీఎం మధుసూదన్‌రెడ్డి, రైతు నాయకులు లింగారెడ్డితోపాటు వివిధ జిల్లాల నుంచి వచ్చిన ఆయిల్‌ పామ్‌ రైతులు పాల్గొన్నారు.

మిర్యాలగూడ : ఉమ్మడి నల్లగొండ జిల్లాలో ధాన్యం సేకరణ, కస్టం మిల్లింగ్‌ రైస్‌ సరఫరా వ్యవహారం తీవ్ర సమస్యగా మారుతోంది. సీఎంఆర్‌ ప్రక్రియలో జాప్యం కారణంగా కోట్లాది రూపాయల విలువైన ధాన్యం మిల్లులకే పరిమితమైంది. జిల్లాలో గత వానాకాలం, యాసంగి సీజన్లకు సంబంధించి కస్టమ్‌ మిల్లింగ్‌ రైస్‌ (సీఎంఆర్‌) బకాయిలు పెద్ద మొత్తంలో పేరుకుపోయాయి. సుమారు రూ.1560 కోట్ల విలువైన బియ్యం ఇంకా ప్రభుత్వానికి అందాల్సి ఉండగా, 60కి పైగా రైస్‌మిల్లుల నుంచి సీఎంఆర్‌ బకాయిలు ఉన్నట్లు గుర్తించారు. బాయిల్డ్‌రైస్‌ తీసుకునేందుకు భారత ఆహార సంస్థ అంగీకరించడం లేదని మిల్లర్లు చెబుతుండగా.. మరోవైపు పెండింగ్‌ బియ్యాన్ని వెంటనే అప్పగించాలని పౌరసరఫరాల శాఖ కోరుతోంది. దీంతో ధాన్యం నిల్వలు, బియ్యం సేకరణ అంశం అటు మిల్లర్లకు, ఇటు ప్రభుత్వానికి సవాల్‌గా మారింది. ప్రతిష్టంభనతో పెరుగనున్న నష్టం మొత్తం రారైస్‌ ఇవ్వాలని ఎఫ్‌సీఐ కోరుతుండగా.. బాయిల్డ్‌ రైస్‌ ఇస్తామని మిల్లర్లు అంటున్నారు. ఈ విషయంలో ప్రతిష్టంబన కారణంగా మిల్లింగ్‌ ప్రక్రియకు ఆటంకం ఏర్పడి, ధాన్యం మిల్లుల్లోనే నిల్వ ఉంది. ధాన్యం ఎక్కువ కాలం నిల్వ ఉండడంతో నాణ్యత తగ్గడం, రంగుమారడం, పాడయ్యే ప్రమాదం ఉందని మిల్లర్లు ఆందోళన వ్యక్తం చేస్తున్నారు. ఈ సమస్యకు త్వరగా పరిష్కారం చూపకపోతే నిల్వల నిర్వహణ, మిల్లింగ్‌ సామర్థ్యం, తదుపరి సీజన్‌ కొనుగోళ్లపై కూడా ప్రభావం పడే అవకాశం ఉంటుందని అంటున్నారు. సీఎంఆర్‌ బకాయిలు పెండింగ్‌లో ఉన్న మిల్లులకు ప్రస్తుతం ధాన్యం కేటాయించడం లేదు. ఈ బకాయిల పరిష్కారం, మిల్లుల్లో నిల్వ ఉన్న ధాన్యాన్ని సకాలంలో మిల్లింగ్‌ చేయడం, బియ్యాన్ని స్వీకరించే ప్రక్రియ వేగవంతం కావడం జిల్లాకు కీలకంగా మారింది. సీఎంఆర్‌ పెండింగ్‌ భారీగానే.. ఫ ఉమ్మడి నల్లగొండ జిల్లాలో 2025–26 వానాకాలం సీజన్‌లో ప్రభుత్వం నల్లగొండ, సూర్యాపేట, యాదాద్రి భువనగిరి జిల్లాలను కలిపి 11.57లక్షల మెట్రిక్‌ టన్నుల ధాన్యం సేకరించింది. నల్లగొండ జిల్లాలో సుమారు 163 రైస్‌ మిల్లులు ఉండగా వాటిలో 125 మిల్లులకు సీఎంఆర్‌ అనుమతులు ఉన్నాయి. గత వానాకాలం సీజన్‌లో మిల్లులకు 3.45లక్షల మెట్రిక్‌ టన్నుల ధాన్యం కేటాయించగా అందులో 2.92లక్షల మెట్రిక్‌ టన్నులకు సంబంధించిన బియ్యం అప్పగించారు. మరో 66వేల మెట్రిక్‌ టన్నుల మేర బకాయిలు ఉన్నట్లు సమాచారం. ఫ యాసంగి సీజన్‌లో 5.21లక్షల మెట్రిక్‌ టన్నుల ధాన్యం కేటాయించగా ఇప్పటివరకు 1.76లక్షల మెట్రిక్‌ టన్నులకు ధాన్యానికి సంబంధించిన బియ్యం మాత్రమే ఇచ్చినట్లు సమాచారం. ఇంకా 3.46లక్షల మెట్రిక్‌ టన్నుల మేర ధాన్యానికి సంబంధించిన బియ్యం అందాల్సి ఉంది. రెండు సీజన్లకు సంబంధించి సీఎంఆర్‌ రావాల్సిన ధాన్యం విలువ సుమారు రూ.1560 కోట్లుగా అంచనా వేస్తున్నారు. ఫ రా రైస్‌ ఇవ్వాలంటున్న ఎఫ్‌సీఐ.. బాయిల్డ్‌ రైస్‌ ఇస్తామంటున్న మిల్లర్లు ఫ కేంద్ర, రాష్ట్ర ప్రభుత్వాల మధ్య కొరవడిన సమన్వయం ఫ నిలిచిన మిల్లింగ్‌.. మిల్లుల్లో పేరుకుపోయిన ధాన్యం ఫ ఆలస్యమైతే ధాన్యం పాడవుతుందని మిల్లర్ల ఆందోళన

ఆలేరురూరల్‌ : తెలంగాణ సంస్కృతి, సంప్రదాయాలకు ప్రతీక అలయ్‌ బలయ్‌ కార్యక్రమం అని హర్యానా మాజీ గవర్నర్‌ బండారు దత్తాత్రేయ అన్నారు. యాదాద్రి భువనగిరి జిల్లా ఆలేరులో ఆదివారం బండ్రు ఫౌండేషన్‌ ఆధ్వర్యంలో రాష్ట్ర మహిళా సహకార అభివృద్ధి సంస్థ చైర్‌పర్సన్‌ బండ్రు శోభారాణి నేతృత్వలో నిర్వహించిన అలయ్‌ బలయ్‌ కార్యక్రమానికి ఆయన ముఖ్యఅతిథిగా హాజరై మాట్లాడారు. కుల, మత, రాజకీయాలకు అతీతంగా ప్రజలంతా ఒకచోట చేరి ఆత్మీయతను పంచుకోవడం, పరస్పర స్నేహభావాన్ని పెంపొందించుకోవడమే అలయ్‌ బలయ్‌ అని పేర్కొన్నారు. ఎంపీ చామల కిరణ్‌కుమార్‌రెడ్డి, ప్రభుత్వ విప్‌, ఎమ్మెల్సీ అద్దంకి దయాకర్‌, ఆర్టీఐ కమిషనర్‌ బోరెడ్డి అయోధ్యరెడ్డి, మాజీ మంత్రి మోత్కుపల్లి నర్సింహులు, మాజీ ఎమ్మెల్యే గొంగిడి సునీత మాట్లాడుతూ తెలంగాణ సంస్కృతి సంప్రదాయాలను భావితరాలకు అందిచాల్సిన అవసరం ఉందని పేర్కొన్నారు. అరుణోదయ విమలక్క మాట్లాడుతూ ప్రజల జీవన విధానం, సంస్కృతి, కళలను ప్రతిబింబించే ఇలాంటి వేడుకలను ప్రాధాన్యం ఇవ్వాలన్నారు. బండ్రు శోభారాణి మాటాడుతూ వివిధ పార్టీల నాయకులు, ప్రముఖుల భాగస్వామ్యంతో ఆలేరులో నిర్వహించిన ఈ వేడుకలు సామాజిక ఐక్యత, సోదరభావానికి ప్రతీకగా నిలిచాయన్నారు. ఈ కార్యక్రమంలో రాష్ట్ర మహిళా కాంగ్రెస్‌ అధ్యక్షురాలు స్వర్ణక్క, నల్లగొండ గద్దర్‌ నర్సిరెడ్డి, వివిధ పార్టీ నాయకులు, కాసం వెంకటేశ్వర్లు, కల్లూరి రామచంద్రారెడ్డి, ఎంఏ రహీమ్‌, నీలం పద్మ తదితరులు పాల్గొన్నారు. ఫ హర్యానా మాజీ గవర్నర్‌ బండారు దత్తాత్రేయ ఫ ఆలేరులో బండ్రు ఫౌండేషన్‌ ఆధ్వర్యంలో కార్యక్రమం ఫ హాజరైన వివిధ పార్టీల ప్రముఖులు

సీఎంఆర్‌ ధాన్యం మిల్లింగ్‌ చేయడంలో మిల్లర్లు జాప్యం చేయడం లేదు. బాయిల్డ్‌ రైస్‌ ఇస్తామంటే ఎఫ్‌సీఐ అంగీకరించడం లేదు. దీనివల్ల బియ్యం సేకరణ నిలిచిపోవడంతో మిల్లుల్లో ధాన్యం నిల్వలు పేరుకుపోతున్నాయి. ఎక్కువ కాలం నిల్వ ఉండడం వల్ల పాడయ్యే ప్రమాదం ఉంది. ఈ సమస్యపై కేంద్ర, రాష్ట్ర ప్రభుత్వాలు స్పందించి బాయిల్డ్‌ రైస్‌ను వెంటనే స్వీకరించాలి. – కర్నాటి రమేష్‌, రైస్‌ మిల్లర్స్‌ అసోసియేషన్‌ రాష్ట్ర ఉపాధ్యక్షుడు సీఎంఆర్‌ అప్పగించే విషయలో మిల్లర్లు ప్రభుత్వ నిబంధనల ప్రకారం నడుచుకోవాలి. పెండింగ్‌లో ఉన్న సీఎంఆర్‌ వెంటనే చెల్లించాలి. ఎఫ్‌సీఐ వద్ద స్థల సమస్య ఉండడంతో మిల్లర్లు జాప్యం చేస్తున్నారు. బియ్యం కేటాయింపుల విషయంలో మిల్లర్లపై ఒత్తిడి చేయడంతోపాటు ఎఫ్‌సీఐ మిల్లర్లకు స్థలం కేటాయించేలా చూస్తున్నాం. సమస్యలు ఉంటే ప్రభుత్వ దృష్టికి తీసుకెళ్లి పరిష్కరించుకోవాలి. – రాంపతి, పౌరసరఫరాల శాఖ జిల్లా మేనేజర్‌

దేవరకొండ : రానున్న రోజుల్లో తాగునీటి ఇబ్బందులు తలెత్తకుండా ముందస్తు చర్యలు చేపట్టాలని కలెక్టర్‌ చంద్రశేఖర్‌ అధికారులకు సూచించారు. శుక్రవారం దేవరకొండ పట్టణంలో జిల్లా గ్రామీణ అభివృద్ధి సంస్థ ఆధ్వర్యంలో ఎల్‌నినో ప్రభావం–తీసుకోవాల్సిన చర్యలపై సర్పంచ్‌లు, పంచాయతీ కార్యదర్శులకు నిర్వహించిన అవగాహన సదస్సులో ఆయన మాట్లాడారు. ఎల్‌నినో వల్ల వాతావరణ మార్పుల ప్రభావంతో ఉష్ణోగ్రతలు పెరుగుతున్న నేపథ్యంలో నీటి వనరులను కాపాడుకోవాలన్నారు. గ్రామాల్లో చెరువులు, మిషన్‌ భగీరథ, బోర్లు, కాలువలు, వర్షపు నీటి ద్వారా లభించే నీటి నిల్వలపై ఆడిట్‌ నిర్వహించాలని ఆదేశించారు. నీటి సంరక్షణ చర్యల్లో భాగంగా గ్రామాల్లో పైప్‌లైన్‌ లీకేజీలను అరికట్టాలని, ఇంకుడు గుంతల నిర్మాణం ద్వారా వర్షపు నీటిని భూమిలోకి ఇంకేలా చర్యలు చేపట్టాలన్నారు. తక్కువ నీటితో పండించే ఆరుతడి పంటలపై రైతులు దృష్టి సారించాలని సూచించారు. అనంతరం ఎల్‌నినో ప్రభావం–నివారణ, నీటి పొదుపుపై రూపొందించిన కరత్రాలు ఆవిష్కరించారు. సదస్సులో సబ్‌ కలెక్టర్‌ కరోలిన్‌ చింగ్తియాన్‌ మావి, స్థానిక సంస్థల ఇన్‌చార్జి అదనపు కలెక్టర్‌ ప్రేమ్‌కరణ్‌రెడ్డి, సహాయ కలెక్టర్‌ (ట్రెయినీ) శ్రీకాంత్‌రెడ్డి, డీఆర్‌డీఓ శేఖర్‌రెడ్డి, డీఏఓ వినోద్‌కుమార్‌, పశుసంవర్థక శాఖ అధికారి రమేష్‌, డీపీఓ తరుణ్‌ చక్రవర్తి తదితరులు పాల్గొన్నారు. ఫ కలెక్టర్‌ బి.చంద్రశేఖర్‌

ఫ పొగిళ్ల, కంబాలపల్లిలో కలెక్టర్‌ పర్యటన దేవరకొండ (చందంపేట) : రైతుల భూ సమస్యలకు త్వరలోనే పరిష్కారం లభిస్తుందని కలెక్టర్‌ చంద్రశేఖర్‌ అన్నారు. శుక్రవారం చందంపేట మండలంలోని కంబాలపల్లి, పొగిళ్ల గ్రామాల్లో భూ సర్వే నిర్వహించిన ప్రాంతాలను ఆయన సందర్శించారు. రైతులతో నేరుగా మాట్లాడి భూ సర్వే వివరాలు, భూముల విస్తీర్ణం, రికార్డులు, అభ్యంతరాల గురించి అడిగి తెలుసుకున్నారు. పొగిళ్ల గ్రామంలోని సర్వే నంబర్‌ 2లోని 1,066 ఎకరాల భూమిని సర్వే చేసినట్లు అధికారులు కలెక్టర్‌కు తెలియజేశారు. భూముల రికార్డులు, క్షేత్రస్థాయిలో ఉన్న భూమి విస్తీర్ణానాన్ని సరిపోల్చి పరిశీలించాలని సూచించారు. అభ్యంతరాలు వ్యక్తం చేసే రైతులు తమకు సంబంధించి ధ్రువ పత్రాలను చూపించాలన్నారు. అనంతరం కంబాలపల్లి రైతు వేదికలో రైతులతో ముఖాముఖి మాట్లాడారు. గ్రామంలోని సర్వే నంబర్‌ 37, 50లకు సంబంధించి సర్వే వివరాలను గ్రామసభలో ప్రదర్శించాలని అధికారులకు సూచించారు. మహిళా సంఘాలు గ్రామాల్లో అందుబాటులో ఉన్న బంజారు భూములను ఉపయోగించుకొనిసోలార్‌ ప్లాంట్లు ఏర్పాటు చేసుకునే అవకాశాలను పరిశీలించాలని సూచించారు.

సాక్షి ప్రతినిధి, నల్లగొండ : డిండి ఎత్తిపోతల పథకానికి నీటి కేటాయింపుపై నెలకొన్న గందరగోళానికి తెరపడింది. ఏదుల రిజర్వాయర్‌ నుంచే డిండికి నీటిని తీసుకునేందుకు ప్రభుత్వం గ్రీన్‌ సిగ్నల్‌ ఇచ్చింది. ఇన్నాళ్లూ ఏదుల నుంచి డిండికి నీటిని ఇవ్వడంపై మహబూబ్‌నగర్‌ జిల్లా మంత్రులు, ఎమ్మెల్యేలు అభ్యంతరాలు వ్యక్తం చేసిన విషయం తెలిసిందే. శుక్రవారం ముఖ్యమంత్రి అధ్యక్షతన మంత్రులు, ఉన్నతాధికారులతో జరిగిన సమావేశంలో డిండికి ఏదుల నుంచే నీటిని తీసుకోవాలని నిర్ణయం తీసుకున్నారు. శ్రీశైలం నుంచి ఏదుల రిజర్వాయర్‌కు 2 టీఎంసీలతో పాటు అదనంగా మరో 0.6 టీఎంసీ నీటిని తీసుకునేలా నిర్ణయించారు. అలాగే ఏదుల నుంచి డిండి ఎత్తిపోతల పథకానికి 0.5 టీఎంసీ నీటిని తీసుకునేందుకు అంగీకరించారు. దీంతో డిండి ప్రాజెక్టుకు ఏదుల నుంచే నీటిని తీసుకోవాలన్న నల్లగొండ జిల్లా ప్రజాప్రతినిధులు, ప్రజాసంఘాల డిమాండ్‌కు సానుకూలత లభించినట్లయింది. ఫోరోసిస్‌ పీడకు విముక్తి నల్లగొండ జిల్లాలోని ఫ్లోరైడ్‌ ప్రభావిత ప్రాంతాలకు తాగునీటితో పాటు సాగునీరు అందించాలన్న లక్ష్యంతో డిండి ఎత్తిపోతల పథకాన్ని చేపట్టారు. ఈ ప్రాజెక్టుకు ఏదుల నుంచి నీటిని తీసుకునే అంశంపై మహబూబ్‌నగర్‌ జిల్లా నుంచి అభ్యంతరాలు రావడంతో కొంతకాలంగా ప్రతిష్టంభన నెలకొంది. శ్రీశైలం బ్యాక్‌వాటర్‌ నుంచే నేరుగా డిండికి నీటిని తరలించాలన్న ప్రతిపాదన కూడా తెరపైకి రావడంతో వివాదం మరింత పెరిగింది. ఈ నేపథ్యంలో తాజాగా జరిగిన సమావేశంలో ఏదుల నుంచి నీటి కేటాయింపునకు అంగీకారం కుదరడంతో డిండి ప్రాజెక్టుపై ఆశలు చిగురించాయి. 2007లో ప్రాజెక్టుకు రూపకల్పన డిండి ఎత్తిపోతల పథకానికి 2007లో అప్పటి ప్రభుత్వం రూపకల్పన చేసింది. పాలమూరు – రంగారెడ్డి ప్రాజెక్టులో అంతర్భాగంగా ఈ పథకాన్ని ప్రతిపాదించారు. తెలంగాణ రాష్ట్రం ఏర్పడిన తర్వా త 2015 జూన్‌ 11న అప్పటి ప్రభుత్వం రూ.6,194 కోట్లతో ప్రాజెక్టు నిర్మాణానికి జీఓ నంబర్‌ 107 జారీ చేసింది. ప్రాజెక్టులో భాగంగా ఐదు రిజర్వాయర్ల నిర్మాణ పనులకు అప్పటి సీఎం కేసీఆర్‌ అదే ఏడాది శివన్నగూడెం వద్ద శంకుస్థాపన చేశారు. అనంతరం రిజర్వాయర్ల నిర్మాణ పనులు ప్రారంభమై వివిధ దశల్లో కొనసాగుతున్నాయి. అయితే ప్రాజెక్టు డీపీఆర్‌ పూర్తయినప్పటికీ ఆమోదం పొందడంలో జాప్యం జరిగింది. 2025 జనవరి 5న ఏదుల రిజర్వాయర్‌ నుంచి డిండికి నీటిని తీసుకోవాలని రాష్ట్ర కేబినెట్‌ నిర్ణయించింది. ఇందుకోసం ఏదుల నుంచి 21.575 కిలోమీటర్ల మేర కాలువలు, టన్నెల్‌ తదితర పనులకు రూ.1,800 కోట్లు మంజూరు చేసి టెండర్లు పిలిచింది. ప్రస్తుతం డిండి, సింగరాజుపల్లి, కిష్టరాంపల్లి, శివన్నగూడెం సహా పలు రిజర్వాయర్ల నిర్మాణ పనులు వివిధ దశల్లో ఉన్నాయి. అయితే ఏదుల నుంచి నీటి కేటాయింపుపై వివాదం కారణంగా ప్రాజెక్టు పనులు, భవిష్యత్తుపై నీలి నీడలు కమ్ముకున్నాయి ఈ క్రమంలో ముఖ్యమంత్రి ఆధ్వర్యంలో జరిగిన సమావేశంలో ఆమోదం లభించడం వాటన్నింటికీ తెరపడినట్లు అయ్యింది. ఫ సీఎం అధ్యక్షతన జరిగిన సమావేశంలో నిర్ణయం ఫ శ్రీశైలం నుంచి ఏదులకు 2 టీఎంసీలతో పాటు అదనంగా 0.6 టీఎంసీ ఫ ఏదుల నుంచి డిండికి 0.5 టీఎంసీ తీసుకునేందుకు రెండు జిల్లాల నేతల సమ్మతి ఫ డిండి ఎత్తిపోతల పథకంపై చిగురిస్తున్న ఆశలు డిండి ఎత్తిపోతల పథకానికి ఏదుల నుంచే నీటిని తీసుకునేలా ప్రభుత్వం నిర్ణయం తీసుకోవడాన్ని స్వాగతిస్తున్నాం. ఈ నిర్ణయంతో నల్లగొండ జిల్లా ప్రజల చిరకాల ఆకాంక్ష నెరవేరే అవకాశం ఏర్పడింది. ఫ్లోరైడ్‌ పీడిత ప్రాంతాలకు తాగునీటితో పాటు సాగునీరు అందించడంలో డిండి ప్రాజెక్టు కీలకంగా మారనుంది. ప్రాజెక్టు పూర్తయితే దేవరకొండ, మునుగోడు నియోజకవర్గాల్లోని రైతులకు ఎంతో ప్రయోజనం చేకూరుతుంది. ప్రజల తాగునీటి సమస్యలు కూడా తగ్గుతాయి. ప్రభుత్వం తీసుకున్న నిర్ణయాన్ని కార్యరూపంలోకి తీసుకువచ్చి, పెండింగ్‌ పనులను వేగవంతం చేయాలి. డిండి ప్రాజెక్టును త్వరితగతిన పూర్తి చేసి జిల్లా ప్రజల ఆశలను నెరవేర్చాలి. – నెల్లికంటి సత్యం, ఎమ్మెల్సీ

నల్లగొండ : నల్లగొండ జిల్లా కేంద్రానికి సమీపంలోని చారిత్రక పానగల్లు ఛాయా సోమేశ్వర స్వామి ఆలయ అభివృద్ధికి రాష్ట్ర ప్రభుత్వం రూ.20 కోట్లు మంజూరు చేసింది. రాష్ట్ర రోడ్లు, భవనాలు, సినిమాటోగ్రఫీ శాఖ మంత్రి కోమటిరెడ్డి ప్రతిపాదలన మేరకు ఈ నిధులు మంజూరయ్యాయి. ఆలయంతోపాటు పరిసర ప్రాంతాలు, సమీపంలోని జల వనరులను సమగ్రంగా అభివృద్ధి చేసి సుందరీకరించేందుకు పరిపాలనా అనుమతులు జారీ చేసింది. ఈ మేరకు ఈ నెల 19న జీఓఆర్టీ నంబర్‌ 311ను విడుదల చేసింది. పానగల్లును ప్రముఖ వారసత్వ, ఆధ్యాత్మిక, పర్యావరణ పర్యాటక కేంద్రంగా తీర్చిదిద్దే లక్ష్యంతో ఈ నిధులను కేటాయించింది. తెలంగాణ పర్యాటక అబివృద్ది సంస్థ (టీజీటీడీసీ) ఇంజినీరింగ్‌ విభాగం రూపొందించిన అంచనాల మేరకు ఈ నిధులను ఖర్చు చేయనున్నారు. తదుపరి చర్యలను పర్యాటక అభివృద్ధి సంస్థ మేనేజింగ్‌ డైరెక్టర్‌ చేపట్టనున్నారు. పర్యాటక కేంద్రంగా పానగల్లు.. పానగల్లులోని ఛాయా సోమేశ్వర, పచ్చల సోమేశ్వర ఆలయాలు చారిత్రక ప్రాధాన్యాన్ని కలిగి ఉన్నాయి. ఈ ప్రాంతంలోని వారసత్వ సంపదను పరిరక్షించడంతోపాటు పర్యాటకులను ఆకర్షించేలా మౌలిక సదుపాయాలను అభివృద్ధి చేయాలని ప్రభుత్వం భావిస్తోంది. ఆలయ పరిసరాల సుందరీకరణ, సమీపంలోని జలవనరుల అభివృద్ధి ద్వారా పానగల్లుకు పర్యాటకంగా మరింత గుర్తింపు తీసుకురావాలని లక్ష్యంగా పెట్టుకుంది. ఈ పనులు పూర్తయితే భక్తులు, పర్యాటకులకు మెరుగైన సౌకర్యాలు అందుబాటులోకి వచ్చే అవకాశం ఉంది. ఫ పానగల్లు ఛాయా సోమేశ్వరాలయ అభివృద్ధికి రూ.20 కోట్లు ఫ మంత్రి కోమటిరెడ్డి ప్రతిపాదనలతో నిధులు మంజూరు ఫ ఆలయం, పరిసరాల సమగ్ర సుందరీకరణకు దోహదం ఛాయా సోమేశ్వర స్వామి ఆలయ అభివృద్ధికి రూ.20 కోట్ల నిధులు మంజూరు చేయడం హర్షనీయం. తెలంగాణ ప్రభుత్వానికి, మంత్రి కోమటిరెడ్డి వెంకట్‌రెడ్డికి ప్రత్యేక కృతజ్ఞతలు. ఆలయాల పరిరక్షణతోపాటు పరిసరాల సుందరీకరణ, పర్యాటక మౌలిక సదుపాయాల అభివృద్ధికి ఈ నిధులు ఉపయోగపడతాయి. చారిత్రక, ఆధ్యాత్మిక ప్రాధాన్యం కలిగిన పానగల్లును ప్రముఖ పర్యాటక కేంద్రంగా తీర్చిదిద్దేందుకు అవకాశం కలుగుతుంది. – బుర్రి చైతన్య, నల్లగొండ మేయర్‌

సాక్షి ప్రతినిధి, నల్లగొండ : ఉమ్మడి జిల్లాను కరువు కమ్మేసింది. జిల్లాలోని 73 మండలాలకుగాను 50 మండలాలు కరువు బారిన పడ్డాయి. వీటిలో 18 మండలాలు తీవ్ర కరువు, మరో 32 మండలాలు మోస్తరు కరువు ప్రభావానికి గురైనట్లు ప్రభుత్వ గణాంకాలు చెబుతున్నాయి. మూడు జిల్లాల పరిధిలో అదనంగా మరో 18 మండలాలను కరువు జాబితాలో చేర్చేందుకు అధికారులు ప్రతిపాదనలు చేశారు. ప్రతిపాదిత మండలాల్లో పంట నష్టం 40 నుంచి 60 శాతం వరకు ఉన్నట్లు అంచనా వేశారు. నల్లగొండలో 20 నల్లగొండ జిల్లాలో 20 మండలాలను కరువు ప్రభావిత ప్రాంతాలుగా గుర్తించారు. వీటిలో 13 మండలాలను తీవ్ర కరువు, ఏడు మండలాలను మోస్తరు కరువు ప్రభావిత ప్రాంతాలుగా వర్గీకరించారు. వీటికి అదనంగా మరో 8 మండలాల్లో 40 నుంచి 60 శాతం పంటనష్టం వాటిల్లినట్లు తేల్చారు. వాటిని కూడా కరువు జాబితాలో చేర్చే అవకాశం ఉంది. ప్రతిపాదిత మండలాల్లో దేవరకొండ, చందంపేట, కనగల్‌, మునుగోడు, నార్కట్‌పల్లి, శాలిగౌరారం, తిప్పర్తితో పాటు మరొక మండలం ఉన్నాయి. అయితే, ఇందులో 7 మండలాల్లో పంటలు తీవ్రంగా దెబ్బతినగా, ఒక మండలంలో ఒక మోస్తారుగా దెబ్బతిన్నట్లు అధికారులు తేల్చారు. యాదాద్రిలో 11 మండలాలు.. యాదాద్రి భువనగిరి జిల్లాలోనూ కరువు ప్రభావం కనిపిస్తోంది. అక్కడ ఒక మండలంలో తీవ్ర కరువు పరిస్థితులు నెలకొనగా 10 మండలాల్లో కరువు పరిస్థితులు ఉన్నట్లుగా ప్రభుత్వం అంచనా వేసింది. అదనంగా ఆరు మండలాల్లో 40 నుంచి 48 శాతం పంటలు దెబ్బతిన్నట్లు లెక్కలు వేసింది. వాటిని కరువు ప్రభావిత జాబితాలో చేర్చే అవకాశం ఉంది. అందులో అడ్డగూడూరు, ఆలేరు, ఆత్మకూరు(ఎం), చౌటుప్పల్‌, గుండాల, నారాయణపూర్‌ మండలాలు ఈ జాబితాలో ఉన్నాయి. వర్షాభావ పరిస్థితులు, పంటల ఎదుగుదలలో ఆటంకాలు, సాగు ఖర్చులు పెరగడం రైతులను ఆందోళనకు గురిచేస్తున్నాయి. సూర్యాపేటలో 19 మండలాల్లో కరువు పరిస్థితులు.. 19 మండలాల్లో కరువు నెలకొంది. అందులో 4 మండలాల్లో తీవ్ర కరువు పరిస్థితులు నెలకొనగా, 15 మండలాల్లో సాధారణ కరువు ఉన్నట్లుగా అధికారులు లెక్కలు తేల్చారు. మరో నాలుగు మండలాల్లో 40 నుంచి 50 శాతం పంట నష్టం జరిగినట్లు తేల్చారు. వాటిని కూడా కరువు మండలాల జాబితాలో చేర్చేందుకు ప్రతిపాదనలు చేసినట్లు వివరాలు వెల్లడిస్తున్నాయి. మేళ్లచెరువు, తుంగతుర్తి, మద్దిరాల, మట్టంపల్లి మండలాలు ఈ జాబితాలో ఉన్నాయి. ఎండుతున్న పంటలు.. పెరుగుతున్న నష్టాలు వానాకాలం ప్రారంభంలో ఆశలు పెట్టుకున్న రైతులకు వర్షాభావ పరిస్థితులు నిరాశ మిగిల్చాయి. వర్షాలు సకాలంలో కురవకపోవడం, సాగునీటి లభ్యత తగ్గడం, భూగర్భ జలాలపై ఆధారపడిన పంటలకు తగినంత నీరు అందకపోవడంతో దిగుబడులపై ప్రభావం పడుతోంది. పెట్టుబడుల కోసం అప్పులు చేసిన రైతులు పంటలు దెబ్బతినడంతో ఆర్థిక ఇబ్బందులు ఎదుర్కొంటున్నారు. ఈ నేపథ్యంలో కరువు ప్రభావిత మండలాల గుర్తింపు, అదనపు మండలాల ప్రతిపాదనలపై రైతుల్లో ఆశలు నెలకొన్నాయి. పంట నష్టాన్ని క్షేత్రస్థాయిలో అంచనా వేసి, అర్హులైన రైతులకు పరిహారం అందించాలని వారు కోరుతున్నారు. ఉమ్మడి జిల్లాలో 50 మండలాలు కరువు ప్రాంతాలుగా గుర్తింపు రాష్ట్రవ్యాప్తంగా అదనంగా 43 మండలాలను కరువు జాబితాలో చేర్చేందుకు ప్రతిపాదనలు రావడంతో కరువు ప్రభావిత ప్రాంతాల పరిధి మరింత పెరిగే అవకాశం ఉంది. ఉమ్మడి జిల్లాలో ఇప్పటికే 50 మండలాలను చేర్చగా మిగతా 18 మండలాలను చేర్చితే ఉమ్మడి జిల్లా 93.15 శాతం కరువు మండలాలే కానున్నాయి. అయితే, ప్రతిపాదిత మండలాలన్నింటికీ అధికారిక ఆమోదం లభించకపోవచ్చు. తుది జాబితా, పంట నష్టం అంచనాలు, రైతులకు అందించే సాయంపై ప్రభుత్వం తీసుకునే నిర్ణయాల కోసం అన్నదాతలు ఎదురుచూస్తున్నారు. ఫ 18 మండలాల్లో తీవ్రంగా.. 32 మండలాల్లో మోస్తరుగా.. ఫ మరో 18 మండలాలను కూడా కరువు జాబితాలో చేర్చేందుకు ప్రతిపాదన ఫ మొత్తంగా 68 మండలాల్లో కరువు ఛాయలు.. ఫ ఇప్పటికే ఎండిపోయిన పంటలు.. తగ్గిపోయిన దిగుబడులు

నల్లగొండ : పోలీస్‌ అమరవీరుల సంస్మరణ వారోత్సవాల్లో భాగంగా శుక్రవారం జిల్లా వ్యాప్తంగా పోలీస్‌ స్టేషన్లు, పోలీస్‌ కార్యాలయాల్లో ఓపెన్‌ హౌస్‌ కార్యక్రమాలు నిర్వహించారు. విద్యార్థులకు పోలీస్‌ శాఖ పనితీరు, విధులు, నేరాల నియంత్రణ, నేర పరిశోధనలో ఆధునిక సాంకేతిక పరిజ్ఞానం వినియోగంపై అవగాహన కల్పించారు. పోలీసుల విధులు, శాంతిభద్రతల పరిరక్షణ, బాధితులకు న్యాయం అందించే విధానం, రికార్డుల నిర్వహణపై వివరించారు. పోలీస్‌ శాఖలోని ఐటీ సెల్‌, సైబర్‌ క్రైం, ఫింగర్‌ ప్రింట్స్‌, కమ్యూనికేషన్‌, డీసీఆర్‌బీ, స్పెషల్‌ బ్రాంచ్‌, బాంబ్‌ డిస్పోజల్‌ టీమ్‌, డాగ్‌ స్క్వాడ్‌ విభాగాల పనితీరును విద్యార్థులకు వివరించారు. నల్లగొండలో నిర్వహించిన కార్యక్రమంలో అదనపు ఎస్పీ రమేష్‌ మాట్లాడుతూ ఓపెన్‌ హౌస్‌ వంటి కార్యక్రమాలతో పోలీస్‌ విధులపై విద్యార్థులకు అవగాహన పెరగడంతో పాటు పోలీస్‌–ప్రజల మధ్య సత్సంబంధాలు బలోపేతమవుతాయని తెలిపారు. కార్యక్రమంలో ఎస్‌బీ సీఐ నాగరాజు, వన్‌టౌన్‌ సీఐ రాజశేఖర్‌రెడ్డి, టూటౌన్‌ ఎస్‌ఐ సైదాబాబు, ఆర్‌ఐ సంతోష్‌, సిబ్బంది పాల్గొన్నారు. పోష్‌ చట్టం అమలు తప్పనిసరినల్లగొండ : ప్రైవేట్‌ సంస్థలు, పని ప్రదేశాల్లో.. మహిళల భద్రత, లైంగిక వేధింపుల నివారణ, నిషేధం, పరిష్కార చట్టం–2013 (పోష్‌ చట్ట)ను అమలు చేయాలని జిల్లా మహిళా సాధికారత కేంద్రం ప్రతినిధి శ్రీదేవి సూచించారు. నల్లగొండలోని ఎస్‌పీటీ మార్కెట్‌లో శుక్రవారం దుకాణాల యజమానులు, ఉద్యోగులకు పోస్‌ చట్టంపై అవగాహన కల్పించారు. చట్టం ప్రకారం పది మంది లేదా అంతకంటే ఎక్కువ మంది ఉద్యోగులు పనిచేసే సంస్థల్లో అంతర్గత ఫిర్యాదుల కమిటీని ఏర్పాటు చేయాలన్నారు. ప్రైవేట్‌ సంస్థల యాజమాన్యాలు, ఉద్యోగులు పోష్‌ చట్టంలోని నిబంధనలను పాటించాలని సూచించారు. అంతర్గత ఫిర్యాదుల కమిటీ వివరాలను షీ–బాక్స్‌ పోర్టల్‌లో నమోదు చేయాలని తెలిపారు. సమస్య ఎదురైతే టోల్‌ఫ్రీ నంబర్‌ 181కు ఫోన్‌ చేయడంతో పాటు షీ–బాక్స్‌ పోర్టల్‌ ద్వారా కూడా ఫిర్యాదు చేయవచ్చని తెలిపారు. కార్యక్రమంలో ఐసీడీఎస్‌ సూపర్‌వైజర్‌ లక్ష్మి, అసిస్టెంట్‌ లేబర్‌ ఆఫీసర్‌ సయ్యద్‌ మొయిజుద్దీన్‌, వస్త్ర దుకాణాల యజమానులు, ఉద్యోగులు పాల్గొన్నారు. చిన్నకాపర్తిలో ప్రజాభిప్రాయ సేకరణచిట్యాల : ఉదయ సముద్రం క్వాల నిర్మాణంతో భూములు కోల్పోతున్న మండలంలోని చిన్నకాపర్తి, వెంబాయి గ్రామాలకు చెందిన రైతులతో శుక్రవారం చిన్నకాపర్తి గ్రామ పంచాయతీ కార్యాలయంలో భూసేకరణ ప్రాజెక్ట్‌ స్పెషల్‌ డిప్యూటీ కలెక్టర్‌ రమాదేవి ఆధ్వర్యంలో అధికారులు ప్రజాభిప్రాయ సేకరణ నిర్వహించారు. ఆయా గ్రామాలకు చెందిన 66 మంది రైతులు 34.11 ఎకరాల భూమి కోల్పోతుండగా.. రైతులు పాల్గొని తమ అభ్యంతరాలను తెలియజేశారు. కొందరు బదులుగా మరోచోట భూమి ఇవ్వాలని డిమాండ్‌ చేయగా, మరికొందరు మార్కెట్‌ ధర ప్రకారం పరిహారం చెల్లించాలని కోరారు. కార్యక్రమంలో ఏఈ నవీన్‌కుమార్‌ తదితరులు పాల్గొన్నారు. స్వర్ణగిరి క్షేత్రంలో గజవాహన సేవభువనగిరి : భువనగిరి శివారులోని స్వర్ణగిరి వేంకటేశ్వరస్వామి వారి ఆలయంలో పవిత్రోత్సవాలు కనులపండువగా జరుగుతున్నాయి. ఇందులో భాగంగా శుక్రవారం ఆలయ అర్చకులు స్వామివారికి శోభాయమానంగా గజ వాహన సేవ కార్యక్రమాన్ని నిర్వహించారు. అంతకుముందు ఉదయం స్వామివారికి హనుమంత వాహన సేవ, వేదపారాయణం, అంకురార్పణ సేవ, హంస వాహన సేవా కార్యక్రమాలను శాస్త్రోక్తంగా నిర్వహించారు.

మిర్యాలగూడ : మిర్యాలగూడలోని అద్దంకి– నార్కట్‌పల్లి బైపాస్‌ రోడ్డుపై నిత్యం జరుగుతున్న ప్రమాదాలకు చెక్‌ పడనుంది. పట్టణ పరిధిలోని నందిపాడు జంక్షన్‌, చింతపల్లి ఎక్స్‌రోడ్డు వద్ద అండర్‌పాస్‌ నిర్మాణానికి ప్రభుత్వం రూ.37.95 కోట్లు మంజూరు చేసింది. శుక్రవారం రవాణా, రోడ్ల భవనాల శాఖ ప్రత్యేకాధికారి వికాస్‌రాజ్‌ జీఓ ఆర్టీ నంబర్‌ 545 ద్వారా పరిపాలన అనుమతులు మంజూరు చేస్తూ ఉత్తర్వులు జారీ చేసింది. ఐదేళ్లలో 25పైగా ప్రమాదాలు మిర్యాలగూడలోని అద్దంకి– నార్కట్‌పల్లి బైపాస్‌పై ఫ్‌లైఓవర్ల నిర్మాణానికి గతంలోనే శంకుస్థాపనలు చేసినా.. పనులు ముందుకు సాగకపోవడంతో ప్రజలు తీవ్ర ఆగ్రహంతో ఉన్నారు. నిత్యం రద్దీగా ఉండే ఈ రహదారిపై మిర్యాలగూడ పట్టణ పరిధిలోని ఏడుకోట్లతండా, నందిపాడు, రవీంద్రనగర్‌, చింతపల్లి, ఈదులగూడెం జంక్షన్లు బ్లాక్‌స్పాట్లుగా ఉన్నాయి. ఈ ఐదు ప్రదేశాల్లో గడిచిన రెండేళ్ల కాలంలో సుమారు 25కి పైగా రోడ్డు ప్రమాదాలు జరిగి అనేక మంది ప్రాణాలు కోల్పోగా ఎన్నో కుటుంబాలు వీధినపడ్డాయి. అండర్‌పాస్‌తో ప్రమాదాలకు అడ్డుకట్ట వరుస ప్రమాదాలు, ప్రజల ఇబ్బందులను గుర్తించిన ప్రభుత్వం ఆర్‌అండ్‌బీ చీప్‌ ఇంజనీర్‌ ద్వారా తాజాగా నందిపాడు, చింతపల్లి జంక్షన్‌ వద్ద వాహనాల అండర్‌పాస్‌ నిర్మాణానికి నిధులు మంజూరు చేస్తూ జీవో విడుదల చేసింది. నూతనంగా నిర్మించే ఈ అండర్‌పాస్‌తో పాటు ఇరువైపులా సర్వీస్‌ రోడ్లను నిర్మిస్తే నిత్యం జరిగే ప్రమాదాలకు అడ్డుకట్ట పడుతుందని స్థానికులు భావిస్తున్నారు. ప్రజాసమస్యలకు పరిష్కారంగా ఈ ఉత్తర్వులు వెలువడడంతో నియోజకవర్గ ప్రజలు, ప్రయాణీకులు, వాహనదారులు హర్షం వ్యక్తం చేస్తున్నారు. ఫ రూ.37.95కోట్లు విడుదల చేస్తూ జీఓ

నల్లగొండ టూటౌన్‌ : ఆంగ్ల నైపుణ్యంతో విద్యార్థులకు మెరుగైన అవకాశాలు దక్కుతాయని ఎంజీ యూనివర్సిటీ వీసీ ఖాజా అల్తాఫ్‌ హుస్సేన్‌ అన్నారు. శుక్రవారం నల్లగొండలోని ఎంజీ యూనివర్సిటీలో డిగ్రీ ప్రథమ సంవత్సరం విద్యార్థులకు రూపొందించిన శ్రీఇంగ్లిష్‌ ఫర్‌ ఎఫెక్టివ్‌ ఎక్స్‌ప్రెషన్‌శ్రీ పాఠ్యపుస్తకాన్ని ఆయన ఆవిష్కరించి మాట్లాడారు. ఆంగ్లాన్ని కేవలం పాఠ్యాంశంగానే కాకుండా, విద్యా–ఉద్యోగ అవకాశాలను అందుకునేందుకు ఉపయోగపడే నైపుణ్యంగా అభ్యసించాలని సూచించారు. పాఠ్యపుస్తక రూపకల్పనలో కృషి చేసిన సంపాదకులు, రచయితలు, సహకరించిన బృందాన్ని ఆయన అభినందించారు.కార్యక్రమంలో రిజిస్ట్రార్‌ అంజిరెడ్డి, కె.అరుణప్రియ, బి.విజయ, రాహత్‌ ఖానం, బి.లీలారాణి, సిహెచ్‌.సుధాకర్‌ పాల్గొన్నారు.

పంటలు ఎండిపోతున్నా ప్రభుత్వం పట్టించుకోవడం లేదని మాజీ ఎమ్మెల్యే చిరుమర్తి లింగయ్య అన్నారు. - IIలో21 నుంచి ఫొటోగ్రఫీ, వ్యాసరచన పోటీలునల్లగొండ : పోలీస్‌ అమరవీరుల సంస్మరణ దినోత్సవం, పోలీస్‌ ఫ్లాగ్‌ డే సందర్భంగా పోలీస్‌ శాఖ ఆధ్వర్యంలో ఈ నెల 21 నుంచి 31 వరకు రాష్ట్రస్థాయిలో ఫొటోగ్రాఫర్లకు ఫొటోగ్రఫీ, షార్ట్‌ ఫిల్మ్‌, విద్యార్థులకు వ్యాస రచన పోటీలను నిర్వహిస్తున్నట్లు ఎస్పీ శరత్‌చంద్ర పవార్‌ ఒక ప్రకటనలో తెలిపారు. అత్యవసర సమయాల్లో పోలీసుల స్పందన, ప్రకృతి వైపరీత్యాల్లో పోలీస్‌ సేవలు, ఇతర సందర్భాల్లో పోలీసుల కీర్తి ప్రతిష్టలను పెంపొందించే అంశాలపై గతేడాది అక్టోబర్‌ నుంచి ఇప్పటి వరకు తీసిన 3 ఫొటోలు, తక్కువ నిడివి (3 నిమిషాలు) గల షార్ట్‌ ఫిలిమ్స్‌ ఈ నెల 28వ తేదీలోపు https://forms.gle/gVp PmmWFrWZNN RBF6 లింక్‌ ద్వారా పంపవచ్చని పేర్కొన్నారు. 6 నుంచి పీజీ చదివే విద్యార్థులకు సైబర్‌ నేరాలు, డ్రగ్స్‌ నివారణలో పోలీసులు, పౌరుల పాత్ర, సోషల్‌ మీడియా దుర్వినియోగం అరికట్టడంలో, తెలంగాణ డ్రగ్స్‌ రహిత రాష్ట్రంగా తీర్చిదిద్దడంలో పోలీసుల పాత్ర అంశాలపై వ్యాసరచన పోటీలు ఉంటాయని ఎస్పీ తెలిపారు. ఆసక్తి గల విద్యార్థులు ఈ నెల 26లోగా తమ వ్యాసాలను సమర్పించాలని కోరారు. https://forms.gle/YkeKUscWu5LF YWFH7 లింక్‌పై క్లిక్‌ చేసి విద్యార్థుల పేరు, విద్యార్హత వివరాలు నమోదు చేసుకోవాలని పేర్కొన్నారు. విద్యార్థులు వారి వ్యాసాలను పేపర్‌పై రాసి దాన్ని పీడీఎఫ్‌ పార్మట్‌లో (500 పదాలకు మించకుండా) అప్‌లోడ్‌ చేసి సబ్‌మిట్‌ చేయాలని తెలిపారు. ఉత్తమ ప్రతిభ కనబర్చిన ముగ్గురు విద్యార్థులను రాష్ట్ర స్థాయికి ఎంపిక చేస్తామని పేర్కొన్నారు.

సాక్షి ప్రతినిధి, నల్లగొండ : వరంగల్‌–ఖమ్మం–నల్లగొండ పట్టభద్రుల ఎమ్మెల్సీ నియోజకవర్గ ఎన్నికల ఓటరు నమోదు ప్రక్రియ జోరందుకుంది. ఓటర్ల సంఖ్యను పెంచుకోవడమే లక్ష్యంగా రాజకీయ పార్టీలు, ఉపాధ్యాయ సంఘాలు ప్రత్యేక కార్యాచరణకు శ్రీకారం చుట్టాయి. అర్హులైన పట్టభద్రులను గుర్తించి ఓటర్లుగా నమోదు చేయించేందుకు క్షేత్రస్థాయిలో ప్రయత్నాలు ముమ్మరం చేశాయి. ఎమ్మెల్సీ ఎన్నికల్లో ఓటర్ల సంఖ్యే కీలకం కావడంతో ప్రధాన రాజకీయ పార్టీలు ఈ ప్రక్రియను ప్రతిష్ఠాత్మకంగా తీసుకుంటున్నాయి. ఉమ్మడి నల్లగొండ జిల్లాలోనే 81,554 దరఖాస్తులు రాగా, మొత్తం నియోజకవర్గం పరిధిలో ఇప్పటికే 2,06,976 మంది ఓటరు నమోదుకు దరఖాస్తు చేసుకున్నారు. ఓటర్ల నమోదే కీలకం పట్టభద్రుల ఎమ్మెల్సీ ఎన్నికల్లో విజయం సాధించాలంటే ముందుగా అర్హులైన పట్టభద్రులను ఓటర్లుగా నమోదు చేయించడం కీలకం. దీంతో రాజకీయ పార్టీలు తమకు అనుకూలంగా ఉండే పట్టభద్రులను గుర్తించే పనిలో నిమగ్నమయ్యాయి. అభ్యర్థుల తరఫున నాయకులు, కార్యకర్తలు ప్రత్యేక బృందాలుగా ఏర్పడి దరఖాస్తులు చేయిస్తున్నారు. ఇప్పటికే కాంగ్రెస్‌ పార్టీ అభ్యర్థి రాంరెడ్డి సర్వోత్తమ్‌రెడ్డి ఈ ప్రక్రియను వేగంగా చేస్తుండగా, బీఆర్‌ఎస్‌ తరఫున పోటీ చేయబోయే రాకేష్‌రెడ్డి గతంలోనుంచే ఓటరు నమోదు ప్రక్రియపై ప్రత్యేక దృష్టి సారించారు. ఇక ఇప్పుడు పీఆర్‌టీయూ తరఫున సుంకరి భిక్షంగౌడ్‌ పోటీలో ఉన్నారు. దీంతో పీఆర్‌టీయూ సహా ఇతర ఉపాధ్యాయ సంఘాలు కూడా తమ పరిధిలోని అర్హులైన పట్టభద్రులను గుర్తించి ఓటర్లుగా నమోదు చేసేందుకు కృషి చేస్తున్నాయి. ఎన్నికల నోటిఫికేషన్‌న్‌ వెలువడక ముందే ఓటర్ల నమోదులో పట్టుసాధించేందుకు ప్రయత్నిస్తున్నాయి. మూడు ఉమ్మడి జిల్లాల్లో ఆసక్తికర పోటీ పట్టభద్రుల ఎమ్మెల్సీ నియోజకవర్గం పరిధిలో మూడు ఉమ్మడి జిల్లాలకు చెందిన పట్టభద్రులు ఓటు హక్కు వినియోగించుకుంటారు. దీంతో నల్లగొండ, ఖమ్మం, వరంగల్‌ జిల్లాల్లో ఓటరు నమోదు రాజకీయ పార్టీలకు కీలకంగా మారింది. నియోజకవర్గ వ్యాప్తంగా ఇప్పటికే 2,06,976 మంది ఓటరు నమోదుకు దరఖాస్తు చేసుకోగా, ఈసారి ఆ సంఖ్య 5 లక్షలు దాటవచ్చని భావిస్తున్నారు. 2024 మే 27న జరిగిన ఉప ఎన్నికల సమయంలో 4,63,839 మంది ఓటర్లు నమోదు చేసుకున్నారు. అంతకుముందు 2021లో ఓటర్లు 5,05,565 మంది ఉండగా తరువాత తగ్గిపోయారు. అయితే దరఖాస్తులు చేసిన వారందరి పేర్లు తుది ఓటర్ల జాబితాలో చేరుతాయా? లేదా? అన్నది పరిశీలన, అర్హతల నిర్ధారణ అనంతరం తేలనుంది. దీంతో దరఖాస్తుల సంఖ్యతోపాటు వాటి ఆమోద ప్రక్రియ కూడా ప్రాధాన్యం సంతరించుకుంది. ముమ్మరంగా ఓటు నమోదు ఫ జోరు పెంచిన రాజకీయ పార్టీలు, ఉపాధ్యాయ సంఘాలు ఫ నియోజకవర్గం మొత్తంలో 2 లక్షల మంది నమోదు ఫ ఉమ్మడి నల్లగొండ జిల్లాలోనే 81,554 దరఖాస్తులు ఫ ఈ సారి 5 లక్షలు దాటవచ్చని అంచనా గ్రాడ్యుయేట్‌ ఎమ్మెల్సీ నియోజకవర్గ పరిధిలోని 12 అసెంబ్లీ నియోజకవర్గాల్లో పరిశీలిస్తే ఉమ్మడి నల్లగొండ జిల్లాలో ఇప్పటివరకు 81,554 మంది గ్రాడ్యుయేట్లు ఓటు హక్కు కోసం దరఖాస్తు చేసుకున్నారు. అందులో అత్యధికంగా ఒక్క నల్లగొండ జిల్లాలోని 33 మండలాల పరిధిలో ఇప్పటివరకు మొత్తం 39,495 దరఖాస్తులు వచ్చాయి. సూర్యాపేట జిల్లాలో 26,834 మంది దరఖాస్తు చేసుకోగా, యాదాద్రి భువనగిరి జిల్లాలో 15,225 మంది ఓటు కోసం దరఖాస్తు చేసుకున్నారు.

నల్లగొండ : ఎల్‌నినో ప్రభావంతో రానున్న రోజుల్లో తాగునీరు, వ్యవసాయం, విద్యుత్‌ తదితర రంగాల్లో సమస్యలు తలెత్తకుండా ముందస్తు కార్యాచరణ సిద్ధం చేసి అప్రమత్తంగా ఉండాలని రాష్ట్ర కార్మిక, ఉపాధి కల్పన, శిక్షణ శాఖ కార్యదర్శి, ఉమ్మడి నల్లగొండ జిల్లా ప్రత్యేక అధికారి దాసరి హరిచందన ఆదేశించారు. శుక్రవారం నల్లగొండ కలెక్టరేట్‌లో నల్లగొండ, సూర్యాపేట, యాదాద్రి భువనగిరి జిల్లాల కలెక్టర్లు, వివిధ శాఖల అధికారులతో ఎల్‌నినో ప్రభావంపై నిర్వహించిన సమీక్ష సమావేశంలో ఆమె మాట్లాడారు. జిల్లాల్లోని ఇప్పటికే కరువు పరిస్థితులు నెలకొన్నాయని, డిసెంబర్‌ చివరి నాటికి ఎల్‌నినో ప్రభావం తీవ్రస్థాయికి చేరే ప్రమాదముందన్నారు. దీని ప్రభావం వ్యవసాయం, భూగర్భ జలాలు, తాగునీరు, విద్యుత్‌ రంగాలపై పడే అవకాశం ఉన్నందన్నారు. ప్రతి ఇంటికీ తాగునీరు అందేలా చూడాలి ఎల్‌నినో పరిస్థితుల్లో తాగునీటికి అత్యధిక ప్రాధాన్యం ఇవ్వాలని హరిచందన స్పష్టం చేశారు. నాలుగైదు నెలలపాటు ప్రతి గ్రామంలో ప్రతి ఇంటికీ తాగునీరు అందేలా సూక్ష్మస్థాయి ప్రణాళికలు రూపొందించాలని మూడు జిల్లాల కలెక్టర్లకు సూచించారు. భూగర్భ జలాల లభ్యత, బోర్లలో నీటి పరిస్థితి, గ్రామాల్లో ఉన్న నీటి ట్యాంకులు, వాటి పనితీరును అంచనా వేసి నీటిని పొదుపుగా వినియోగించుకునేలా ప్రజలకు అవగాహన కల్పించాలని ఆదేశించారు. ప్రత్యామ్నాయ పంటలు మేలు రబీ సీజన్‌లో రైతులు వరికి బదులుగా తక్కువ నీటితో పండించే పెసర్లు, ఉలవలు, కందులు, ఉద్యాన పంటలు సాగుచేసేలా వ్యవసాయ శాఖ అధికారులు అవగాహన కల్పించాలని సూచించారు. నీరు, విద్యుత్‌ పొదుపునకు, బిందు, తుంపర సేద్య పద్ధతులను ప్రోత్సహించేలా కార్యాచరణ రూపొందించాలని చెప్పారు. నీటి సంరక్షణ చాలా అవసరం భూగర్భ జలాలను పెంపొందించేందుకు వీబీజీ రాంజీ పథకం కింద పెద్ద ఎత్తున నీటి సంరక్షణ పనులు చేపట్టడం చాలా అవసరమని ఆమె అన్నారు. ప్రతి గ్రామంలో మ్యాజిక్‌ సోక్‌పిట్లు, కమ్యూనిటీ సోక్‌పిట్లు, నీటి నిల్వ నిర్మాణాలు చేపట్టాలని తెలిపారు. విద్యుత్‌ వినియోగం, నష్టాలను తగ్గించేందుకు సోలార్‌ విద్యుత్‌, సోలార్‌ బ్యాటరీలు, సోలార్‌ మోటార్లు, సూర్యఘర్‌ వంటి పథకాలపై రైతులకు, ప్రజలకు అవగాహన కల్పించాలని సూచించారు. కూలీలకు వసతులు కల్పించండి వీబీజీ రాంజీ పథకం కింద ఉపాధి పనులు జరిగే ప్రాంతాల్లో కూలీలకు తాగునీరు, ఓఆర్‌ఎస్‌ ప్యాకె ట్లు, ప్రథమ చికిత్స కిట్లు, నీడ కల్పించాలన్నారు. మండల ప్రత్యేక అధికారులు ప్రతి వారం సమీక్షించి గ్రామం నుంచి జిల్లా స్థాయి కార్యాచరణ ప్రణాళికలు రూపొందించాలని స్పష్టం చేశారు. ఫ తాగునీటి సరఫరాకు తొలి ప్రాధాన్యం ఇవ్వాలి ఫ రబీలో వరికి బదులు ప్రత్యామ్నాయ పంటలు సాగుచేయాలి ఫ గ్రామాల వారీగా కార్యాచరణ సిద్ధం చేయండి ఫ నల్లగొండలో జరిగిన సమీక్షలో ఉమ్మడి జిల్లా ప్రత్యేక అధికారి దాసరి హరిచందనజిల్లాలో సాధారణం కంటే 34 శాతం తక్కువ వర్షపాతం నమోదైందని కలెక్టర్‌ బి.చంద్రశేఖర్‌ తెలిపారు. ఏడు మండలాల్లో మాత్రమే సాధారణ వర్షపాతం నమోదైందని వివరించారు. రైతులు రబీలో వరి సాగుకు బదులుగా ఉద్యాన పంటలు, పెసర్లు, కందులు సాగు చేసేలా అవగాహన కల్పిస్తున్నామని తెలిపారు. వీబీజీ రాంజీ పథకం కింద వాననీటి సంరక్షణకు ప్రత్యేక నిర్మాణాలు చేపడుతున్నామన్నారు. ఈ సమావేశంలో నల్లగొండ ఇన్‌చార్జి అదనపు కలెక్టర్‌ ప్రేమ్‌కరణ్‌రెడ్డి, సూర్యాపేట అదనపు కలెక్టర్‌ హరిసింగ్‌, దేవరకొండ సబ్‌ కలెక్టర్‌ కరోలినా చింగ్తియాన్‌ మావి, ఉమ్మడి జిల్లా అధికారులు పాల్గొన్నారు.

నల్లగొండ టౌన్‌: పెన్షనర్ల బకాయిలు ఒకేసారి చెల్లించాలని తెలంగాణ రాష్ట్ర ప్రభుత్వ ఉద్యోగుల సంఘం అధ్యక్షుడు పేరి వెంకట్‌రెడ్డి అన్నారు. శుక్రవారం నల్లగొండలోని పెన్షనర్ల సామాజిక సేవా భవన్‌లో సంఘం జిల్లా అధ్యక్షుడు జి.వెంకట్‌రెడ్డి అధ్యక్షతన నిర్వహించిన సమావేశంలో ఆయన మాట్లాడారు. ఈహెచ్‌ఎస్‌ ద్వారా కుటుంబ సభ్యులందరికీ ఇబ్బందు లేకుండా కార్పొరేట్‌తోపాటు ఇతర ఆసుపత్రుల్లోనూ వైద్యసేవలు అందించాలన్నారు. 2024 జూలై 1 నుంచి పదవీ విరమణ చేసిన ఉద్యోగులకు రావాల్సిన ప్రయోజనాలను సీనియారిటీ ప్రాతిపదికన చెల్లించాలని ప్రభుత్వాన్ని డిమాండ్‌ చేశారు. సంఘం సభ్యత్వ నమోదులో నల్లగొండ జిల్లా కమిటీ రాష్ట్రంలోనే ముందంజలో ఉందని ప్రశంసించారు. ఇందుకు కృషిచేస్తున్న గుంతకండ్ల దామోదర్‌రెడ్డి, గానూతుల వెంకటరెడ్డి, గాయం నారాయణరెడ్డిలను అభినందించారు. సమావేశంలో జిల్లా ప్రధాన కార్యదర్శి హుస్సేన్‌, ఆర్థిక కార్యదర్శి యాదగిరి, భవన కమిటీ అధ్యక్షుడు నారాయణరెడ్డి, ఉపాధ్యక్షులు ఆంజనేయులు, కృష్ణయ్య, ప్రచార కార్యదర్శి శంకర్‌రెడ్డి, కోర్‌ కమిటీ చైర్మన్‌ రామలింగం, మండల అధ్యక్షుడు సత్యం, కార్యదర్శి వాసుదేవ్‌, ఆర్థిక కార్యదర్శి పుల్లయ్య తదితరులు పాల్గొన్నారు.

నకిరేకల్‌ : జలసిరి పనుల ప్రాధాన్యతపై ప్రజలకు వివరించేలా నకిరేకల్‌ ఎంపీడీఓ గన్నోజు బ్రహ్మచారి రాసిన బతుకమ్మ పాట చిత్రీకరణ షూటింగ్‌ను శుక్రవారం నకిరేకల్‌ మండలం నెల్లిబండలో ఇన్‌చార్జి అదనపు కలెక్టర్‌ ప్రేమ్‌కరణ్‌రెడ్డి ప్రారంభిచారు. పంచాయతీ కార్యాలయం వద్ద మహిళలు బతుకమ్మ పాటతో ఆడిన దృశ్యాలను చిత్రీకరించారు. అనంతరం స్థానిక కుంటలో బతుకమ్మలను నిమజ్జనం చేశారు. నీటి సంరక్షణ, జల వనరుల అభివృద్ధి అవశ్యకతను ప్రజలకు తెలియజేయాలనే ఉద్దేశంతోనే ఈ పాట రాశానని ఎంపీడీఓ బ్రహ్మచారి తెలిపారు. ఈ వేడుకల్లో పంచాయతీ అధికారి రజిత, ఏపీఓ రమణయ్య, నెల్లిబండ, చందంపల్లి, గొల్లగూడెం గ్రామాల సర్పంచులు ఆడెపు రాఘవులు, మాచర్ల చంద్రకళయాదగిరి, చిర్రబోయిన లక్ష్మీసత్యనారాయణ, ఐసీడీఎస్‌ సూపర్‌వైజర్లు, కార్యదర్శులు, అంగన్‌వాడీ టీచర్లు, మహిళలు పాల్గొన్నారు.