Mahabubabad District Latest News

నీటి సంరక్షణ..విద్యుత్‌ పొదుపు, హన్మకొండ : స్వల్ప మార్పులతో పచ్చని భవిష్యత్‌కు బాటలు వేయొచ్చని, ‘మిషన్‌ లైఫ్‌’తో పర్యావరణహిత జీవనశైలిని ప్రోత్సహించొచ్చని టీజీ రెడ్‌ కో ఉమ్మడి వరంగల్‌ జిల్లా మేనేజర్‌ గంథం రాజేందర్‌ తెలిపారు. పర్యావరణ పరిరక్షణ కేవలం ప్రభుత్వాల బాధ్యత మాత్రమే కాదు.. ప్రతీ పౌరుడి దైనందిన జీవనశైలిలో భాగం కావా ల్సిన సామాజిక బాధ్యత అన్నారు. ‘బ్రిక్స్‌ సస్టేయినబుల్‌ లైఫ్‌స్టైల్‌’ (సుస్థిరమైన జీవన శైలి) వీక్‌ సందర్భంగా గురువారం ఆయన ‘సాక్షి’తో ప్రత్యేకంగా మాట్లాడారు. ఆ వివరాలు ఆయన మాటల్లోనే.. 7వ తేదీ వరకు బ్రిక్స్‌ సుస్థిర జీవనశైలి వారోత్సవాలు.. విద్యుత్‌ను పొదుపుగా వినియోగించడం, నీటి వృథా తగ్గించడం, ప్లాస్టిక్‌ వినియోగం తగ్గించడం, చెత్తను వేరు చేయడం, మొక్కలు పెంచడం వంటి చిన్న చర్యలతోనే పర్యావరణ పరిరక్షణలో ప్రతీ ఒక్కరు భాగస్వాములు కావొచ్చు. ఈ సందేశాన్ని ప్రజల్లోకి విస్తృతంగా తీసుకెళ్లే లక్ష్యంతో మన దేశం ముందడుగు వేసింది. ఇందులో భాగంగా ఈ నెల 1 నుంచి 7వ తేదీ వరకు బ్రిక్స్‌ సుస్థిర జీవనశైలి వారోత్సవాలు నిర్వహిస్తోంది. పర్యావరణ పరిరక్షణ ప్రజల జీవనశైలిలో అంతర్భాగం.. ప్రపంచవ్యాప్తంగా వాతావరణ మార్పులు, పెరుగుతున్న కాలుష్యం, నీటి కొరత, ప్లాస్టిక్‌ వ్యర్థాలు, ఇంధన వినియోగం, ఎలక్ట్రానిక్‌ వ్యర్థాల సమస్యలు తీవ్ర ఆందోళన కలిగిస్తున్నాయి. ఈ నేపథ్యంలో వ్యక్తిగత జీవనశైలిలో మార్పులు తీసుకురావడం ద్వారా పర్యావరణానికి ఎంతో మేలు చేయొచ్చు. దీనిపై అవగాహన కల్పించడమే వారోత్సవాల ప్రధాన ఉద్దేశం. పర్యావరణ పరిరక్షణను ప్రజల జీవనశైలిలో అంతర్భాగం చేయడమే మిషన్‌ లైఫ్‌ లక్ష్యం. రోజువారీ జీవితంలో కొన్ని ముఖ్య అంశాలు తప్పనిసరిగా పాటించాలి ప్రజలు తమ రోజువారీ జీవితంలో కొన్ని ముఖ్య అంశాలను తప్పనిసరిగా పాటించాలి. విద్యుత్‌ పొదుపులో భాగంగా అవసరం లేనప్పుడు లైట్లు, ఫ్యాన్లు, ఇతర విద్యుత్‌ పరికరాలను ఆపి విద్యుత్‌ వృథాను అరికట్టాలి. సంప్రదాయ ఇంధన వనరులపై ఆధారపడడం తగ్గించి సౌరశక్తి వంటి పునరుత్పాదక ఇంధన వనరుల వినియోగాన్ని విస్తృతంగా ప్రోత్సహించాలి. నీటిని వృథా చేయకుండా పొదుపుగా వినియోగించాలి. ప్రభుత్వ శాఖలు, విద్యాసంస్థలు, యువజన సంఘాలు, స్వచ్ఛంద సంస్థలు, ప్రభుత్వ ఉద్యోగులు, ప్రజలు ‘మిషన్‌ లైఫ్‌’లో భాగస్వాములై విద్యుత్‌ పొదుపు, నీటి సంరక్షణ, పర్యావరణ పరిరక్షణ అంశాలను ప్రజా ఉద్యమంగా ముందుకు తీసుకెళ్లాలి. ‘మిషన్‌ లైఫ్‌’తో పర్యావరణ పరిరక్షణకు కృషి చేయాలి బ్రిక్స్‌ పర్యావరణ మంత్రుల సమావేశంలో నిర్ణయం ఈ నెల 1 నుంచి కొనసాగుతున్న వారోత్సవాలు ‘సాక్షి’తో రెడ్‌కో ఉమ్మడి వరంగల్‌ జిల్లా మేనేజర్‌ రాజేందర్‌పర్యావరణ పరిరక్షణ ఒక రోజు, ఒక వారం నిర్వహించే కార్యక్రమాలతో పూర్తయ్యే అంశం కాదు. అది ప్రతీ ఒక్కరి జీవన విధానంలో నిరంతరం కొనసాగాల్సిన బాధ్యత. అవసరం లేని విద్యుత్‌ పరికరాలను బంద్‌ చేయడం, నీటిని పొదుపుగా వినియోగించడం, ప్లాస్టిక్‌కు బదులు పునర్వినియోగ వస్తువులను ఉపయోగించడం, ఆహారాన్ని వృథా చేయకపోవడం, చెత్తను వేరు చేయడం, మొక్కలు నాటడం వంటి చిన్న చర్యలే సమాజంలో పెద్ద మార్పునకు పునాది వేస్తాయి. బ్రిక్స్‌ సుస్థిర జీవనశైలి వారోత్సవాలు–2026 ద్వారా ప్రభుత్వ విధానాలను ప్రజల దైనందిన అలవాట్లతో అనుసంధానించి పర్యావరణ పరిరక్షణను సామూహిక బాధ్యతగా మార్చే ప్రయత్నం జరుగుతోంది.సుస్థిర భవిష్యత్‌కు బాటలు వేయడమే లక్ష్యం.. వ్యక్తిగత బాధ్యత, సామాజిక భాగస్వామ్యం, ప్రభుత్వ సమన్వయం, అంతర్జాతీయ సహకారం అనే నాలుగు అంశాల ఆధారంగా సుస్థిర భవిష్యత్‌కు బాటలు వేయడమే ఈ కార్యక్రమ అంతిమ లక్ష్యం. పర్యావరణాన్ని కాపాడడమంటే మన భవిష్యత్‌ను కాపాడుకోవడమేనని, ప్రతీ పౌరుడు తన జీవనశైలిలో పర్యావరణహిత మార్పులు ఆచరించాలి. ప్రజలందరూ భాగస్వాములై స్వచ్ఛ, ఆరోగ్యకర, పచ్చని సమాజం నిర్మిద్దాం.

తొర్రూరు: ఆర్టీసీ బస్సులో ప్రయాణికురాలు మర్చిపోయిన బంగారాన్ని అప్పగించి కండక్టర్‌ నిజాయితీ చాటుకున్నాడు. వివరాలిలా ఉన్నా యి.. యాదాద్రి భువనగిరి జిల్లా అనాజిపురం గ్రామానికి చెందిన భీమగాని శైలజ భువనగిరి వెళ్లేందుకు మోత్కూరులో గురువారం ఉదయం ఆర్టీసీ తొర్రూరు డిపోకు చెందిన బస్సు ఎక్కింది. భువనగిరి చేరుకోగానే ప్రయాణికురాలు తన బ్యాగును మర్చిపోయి బస్సు దిగివెళ్లింది. గమనించిన బస్సు కండక్టర్‌ డీఎన్‌ రావు బ్యాగులో చూడగా.. 4 తులాల బంగారు నెక్లెస్‌, కొంత నగదు కనిపించింది. బ్యాగులో ఉన్న కాగితంపై ఫోన్‌ నంబర్‌ చూసి ప్రయాణికురాలికి సమాచారం అందించాడు. అనంతరం బీబీ నగర్‌ బస్టాండ్‌లో బంగారం, నగదును బాధిత మహిళకు కండక్టర్‌ అందించాడు. దీంతో తొర్రూరు డిపో మేనేజర్‌ ప్రసూనలక్ష్మి కండక్టర్‌ను శాలువాతో సత్కరించారు. 24వ రోజుకు చేరిన ఎన్‌హెచ్‌ఎం ఉద్యోగుల సమ్మె మహబూబాబాద్‌: ఎన్‌హెచ్‌ఎం ఉద్యోగుల జేఏసీ ఆధ్వర్యంలో మానుకోట తహసీల్దార్‌ కార్యాలయం ఎదుట చేపట్టిన నిరవధిక సమ్మె గురువారం 24వ రోజుకు చేరింది. సమ్మెకు ఎల్‌హెచ్‌పీఎస్‌ రాష్ట్ర అధ్యక్షుడు గుగులోత్‌ బీమానాయక్‌ సంఘీభావం తెలిపి మాట్లాడారు. ఉద్యోగుల 16 డిమాండ్లను పరిష్కరించాలని డిమాండ్‌ చేశారు. 24 రోజులుగా సమ్మె చేస్తున్నా ప్రభుత్వం స్పందించకపోవడం దారుణమని ఆవేదన వ్యక్తం చేశారు. కార్యక్రమంలో జేఏసీ నాయకులు ఉమాకర్‌, శ్రీకాంత్‌, త్రివేణి, రూపరాణి, రాజ్‌కుమార్‌, పవన్‌, కిషోర్‌ తదితరులు పాల్గొన్నారు. దళారులకు కొమ్ముకాస్తున్న కేంద్ర ప్రభుత్వం డోర్నకల్‌: కేంద్రంలోని బీజేపీ ప్రభుత్వం దళారులకు కొమ్ము కాస్తోందని సీపీఎం రాష్ట్ర కార్యవర్గ సభ్యుడు జి.నాగయ్య అన్నారు. స్థానిక అశోక్‌భవన్‌లో గురువారం జరిగిన సీపీఎం మండల విస్తృతస్థాయి సమావేశంలో ఆయన మాట్లాడారు. కేంద్రంలోని మోదీ ప్రభుత్వం ప్రభుత్వరంగ సంస్థలను కారుచౌకగా అమ్మి దేశాన్ని ఆర్థికంగా సర్వనాశనం చేస్తోందని ఆరోపించారు. వ్యవసాయ రంగాన్ని అదానీ, అంబానీలాంటి కార్పొరేట్‌ శక్తులకు కట్టబెడుతుందని వాపోయారు. రాష్ట్రంలో కాంగ్రెస్‌ ప్రభుత్వం ఆరు గ్యారంటీలను అమలు చేయకుండా మోసం చేస్తుందని మండిపడ్డారు. రాబోయే రోజుల్లో ప్రజా సమస్యల పరిష్కారం కోసం ప్రజలతో కలిసి ఉద్యమాలు నిర్వహిస్తామని తెలిపారు. ఈ సమావేశంలో సీపీఎం జిల్లా కార్యదర్శి సాదుల శ్రీనివాస్‌, మండల కార్యదర్శి బొమ్మెన అశోక్‌కుమార్‌, జిల్లా కార్యదర్శివర్గ సభ్యులు శెట్టి వెంకన్న, బొబ్బ లక్ష్మి, అన్నెగాని శ్రీనివాస్‌, దాసరి మల్లేశం, మాచర్ల సైదులు, వెంకట్రాములు తదితరులు పాల్గొన్నారు. నిట్‌ వరంగల్‌తో ఎంఓయూ కాజీపేట అర్బన్‌: నిట్‌ వరంగల్‌తో మోసాఫ్ట్‌ (ఎంఓహెచ్‌) టెక్‌ ప్రైవేట్‌ లిమిటెడ్‌ గురువారం పరస్పర ఒప్పందం (ఎంఓయూ) కుదుర్చుకుంది. నిట్‌ డైరెక్టర్‌ బిద్యాధర్‌ సుబుదీ, మోసాఫ్ట్‌ టెక్‌ ప్రైవేట్‌ లిమిటెడ్‌ సీఈఓ, సహ వ్యవస్థాపకురాలు సుభా చాగంటి ఒప్పంద పత్రాలు మార్చుకుని మాట్లాడారు. నిట్‌ వరంగల్‌ ఎంహెచ్‌ సాఫ్ట్‌ టెక్‌తో కమర్షియల్‌ ఎంఓయూను నిట్‌ వరంగల్‌లోని ఫిజిక్స్‌ విభాగం ఆధ్వర్యంలో ఆవిష్కరించిన స్వదేశీ ఓజోన్‌ ఆధారిత క్రిమి సంహారక సాంకేతికతను అందజేసేందుకు ఒప్పందం కుదుర్చుకున్నట్లు నిట్‌ డైరెక్టర్‌ బిద్యాధర్‌ సుబుదీ తెలిపారు. నిట్‌ వరంగల్‌లో ఎంఓయూ కుదుర్చుకోవడం ఆనందంగా ఉందని ఎంఓహెచ్‌ సాఫ్ట్‌టెక్‌ సీఈఓ సుభా చాగంటి తెలిపారు. కాగా, దేశీయ, అంతర్జాతీయ మార్కెట్ల కోసం సాంకేతికత ఆధారిత ఉత్పత్తులను తయారు చేసేందుకు ఎంఓయూ తోడ్పడుతుందని ఎంఓహెచ్‌ సాఫ్ట్‌ టెక్‌ చీఫ్‌ స్ట్రాటజీ ఆఫీసర్‌, సహ వ్యవస్థాపకుడు, నిట్‌ పూర్వ విద్యార్థి శ్యామ్‌ మామిడి తెలిపారు. కార్యక్రమంలో నిట్‌ ఫిజిక్స్‌ డిపార్ట్‌మెంట్‌ ప్రొఫెసర్లు డి.హరనాథ్‌, ఆర్‌.రాకేశ్‌ తదితరులు పాల్గొన్నారు.

ఏటూరునాగారం: గిరిజన విద్యార్థుల సంక్షేమానికి ప్రభుత్వం అధిక ప్రాధాన్యమిస్తోందని రాష్ట్ర పంచాయతీరాజ్‌ శాఖ మంత్రి ధనసరి సీతక్క(అనసూయ) తెలిపారు. గురువారం ఏటూరునాగారం ఐటీడీఏ పరిధిలోని విద్యాసంస్థల్లో మౌలిక సదుపాయాల కల్పన, విద్యా ప్రమాణాల పెంపు, విద్యార్థుల సంక్షేమం తదితర అంశాలపై ఐటీడీఏ కార్యాలయంలో పీఓ లెనిన్‌ వత్సల్‌ టొప్పోతో కలిసి సంబంధిత అధికారులతో సమీక్ష నిర్వహించారు.ఈ సందర్భంగా మంత్రి మాట్లాడుతూ గిరిజన విద్యార్థులు ఉన్నత ఫలితాలు సాధించేలా ఉపాధ్యాయులు అంకితభావంతో పనిచేయాలన్నారు. అనంతరం పీఓ లెనిన్‌ వత్సల్‌ టొప్పోతో కలిసి విద్యార్థుల సమస్యలు తెలియజేసేందుకు ఏర్పాటు చేసిన ప్రత్యేక టోల్‌ ఫ్రీ, వాట్సాప్‌ నంబర్ల సేవలను ప్రారంభించి ఆయా నంబర్లతో కూడిన పోస్టర్లను ఆవిష్కరించారు. గురుకులాలు, గిరిజన సంక్షేమ విద్యాసంస్థలు, వసతి గృహాల్లో చదువుతున్న విద్యార్థులు తమ సమస్యలను 1800–425–3369 టోల్‌ ఫ్రీ నంబర్‌కు ఫోన్‌ చేసి లేదా 9493368361 వాట్సాప్‌ నంబర్‌కు సందేశం పంపి తెలియజేయవచ్చన్నారు. ఐటీడీఏ పీఓ లెనిన్‌ వత్సల్‌ టొప్పో మాట్లాడుతూ మంత్రి సూచనల మేరకు విద్యాసంస్థల పనితీరు, విద్యార్థుల సంక్షేమం, ఉపాధ్యాయుల బాధ్యతలు, మౌలిక సదుపాయాల నిర్వహణపై సంబంధిత అధికారులు నిరంతరం పర్యవేక్షించాలన్నారు. జిల్లా గ్రంథాలయ సంస్థ చైర్మన్‌ బానోత్‌ రవిచందర్‌, వ్యవసాయ మార్కెట్‌ కమిటీ చైర్‌పర్సన్‌ రేగా కల్యాణి, డీడీ జనార్దన్‌, ఏపీఓ ప్రతాప్‌, తదితరులు పాల్గొన్నారు. సమస్యల పరిష్కారానికి ప్రత్యేక టోల్‌ ఫ్రీ, వాట్సాప్‌ నంబర్లు రాష్ట్ర పంచాయతీరాజ్‌ శాఖ మంత్రి సీతక్క

మత్స్యశాఖపై ఉన్నతాధికారుల ఆరా..నెహ్రూసెంటర్‌: ప్రైవేట్‌ ఆస్పత్రుల నిర్వాహకులు వైద్య ఆరోగ్యశాఖ నిబంధనలు పాటించకుంటే చర్యలు తప్పవని యూపీహెచ్‌సీ మెడికల్‌ ఆఫీసర్‌ అనిత అన్నారు. ‘సాక్షి’ దినపత్రికలో గురువారం ‘శంకర్‌దాదా ఎంబీబీఎస్‌’ అనే శీర్షికన ప్రచురితమైన కథనంపై వైద్య ఆరోగ్యశాఖ అధికారులు స్పందించారు. జిల్లా కేంద్రంలో ప్రైవేట్‌ ఆస్పత్రిని సందర్శించి రికార్డులు పరిశీలించారు. ఆస్పత్రి నిర్వహణ, రోగులకు సౌకర్యాలు కల్పించాలని సూచించారు. ఆస్పత్రుల్లో అబార్షన్లు చేయడం చట్టరీత్యా నేరమని, నిబంధనలు పాటించకుంటే చట్టపరమైన చర్యలు తీసుకుంటామని హెచ్చరించారు. కార్యక్రమంలో వైద్య ఆరోగ్యశాఖ అధి కారులు, సిబ్బంది పాల్గొన్నారు.

రఘునాథపల్లి: జనగామ జిల్లా రఘునాథపల్లికి చెందిన బీఆర్‌ఎస్‌ నాయకుడు, మాజీ జెడ్పీటీసీ సభ్యుడు బొల్లం అజయ్‌(40) ఆత్మహత్య చేసుకున్నాడు. స్థానిక పాత ప్రతిభ స్కూల్‌ ఆవరణలో గురువారం చెట్టుకు ఉరి వేసుకొని చనిపోయాడు. ఇంటినుంచి ఉదయం 6 గంటలకు వాకింగ్‌కు వెళ్తున్నానని చెప్పిన ఆయన కొద్ది సేపటి అనంతరం పాఠశాల ఆవరణలో చెట్టుకు వేలాడుతూ విగత జీవిగా కనిపించాడు. పోలీసులు, స్థానికులు తెలిపిన వివరాల ప్రకారం.. అజయ్‌ తెలంగాణ సాధన ఉద్యమంలోనూ చురుగ్గా పాల్గొన్నారు. 2019లో జరిగిన ఎన్నికల్లో రఘునాథపల్లి జెడ్పీటీసీగా ఎన్నికయ్యారు. కొన్నాళ్లుగా ఆర్థికంగా ఇబ్బందులు పడుతున్నాడు. పెద్ద మొత్తంలో అప్పులు చేశాడు. ఈ క్రమంలో జీవితంపై విరక్తి చెందిన అజయ్‌ వారం రోజులుగా బయటకు రాకుండా ఇంటిలోనే గడిపాడు. గురువారం ఉదయం నైలాన్‌ తా డు, సమీపంలో ఉన్న కుర్చీ తీసుకుని ప్రతిభ పాఠశాల ఆవరణలోకి వెళ్లి బాదం చెట్టుకు ఉరి వేసుకుని ఆత్మహత్య చేసుకున్నాడు. స్థానికులు గుర్తించి కుటుంబ సభ్యులు, పోలీసులకు సమాచారం అందించారు. ఘటనాస్థలిని జనగామ రూరల్‌ సీఐ వేణు పరిశీలించారు. పోలీసులు మృతదేహాన్ని పోస్టుమార్టం నిమిత్తం జనగామ ప్రభుత్వ ఆస్పత్రిలో పోస్టుమార్టం నిర్వహించి కుటుంబ సభ్యులకు అప్పగించారు. మృతదేహంపై పడి కుటుంబ సభ్యులు కన్నీరుమున్నీరుగా విలపించారు. మృతుడికి భార్య, ఇద్దరు కుమారులు అభయ్‌రామ్‌, అభిరామ్‌ ఉన్నారు. భార్య అనూష ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు. కాగా, రాజకీయ కార్యక్రమాల నిర్వహణ కోసం ఎక్కువ ఖర్చు చేయడంతో అప్పులయ్యాయని స్థానికులు చెబుతున్నారు. ఆర్థిక ఇబ్బందుల నేపథ్యంలోనే అజయ్‌ ఆత్మహత్య చేసుకున్నాడని పోలీసులు తెలిపారు. పలువురి నివాళి అజయ్‌ మృతి సమాచారం అందుకున్న జనగామ ఎమ్మెల్యే పల్లా రాజేశ్వర్‌రెడ్డి, ఘన్‌పూర్‌ మాజీ ఎమ్మెల్యే తాటికొండ రాజయ్య మృతదేహాన్ని సందర్శించి నివాళులర్పించారు. అదేవిధంగా గ్రంథాలయ చైర్మన్‌ మారుజోడు రాంబాబు, మాజీ ఎంపీపీ వై.కుమార్‌గౌడ్‌, మాజీ సర్పంచ్‌ పోకల శివకుమార్‌, ఇమ్మాన్యుయేల్‌, శివరాజ్‌యాదవ్‌, కీసర దిలీప్‌రెడ్డి, మేకల నరేందర్‌, మంద రమేష్‌, కావటి భాస్కర్‌యాదవ్‌ తదితరులు నివాళులర్పించారు. ఆర్థిక ఇబ్బందులే కారణం.. రఘునాథపల్లిలో ఘటన

ఖమ్మం స్పోర్ట్స్‌: ఖమ్మం జిల్లా కేంద్రంలోని పోలీస్‌ పరేడ్‌ మైదానంలో నిర్వహించిన రాష్ట్రస్థాయి పాఠశాలల అండర్‌–17 బాలబాలికల అథ్లెటిక్స్‌ పోటీలు గురువారం ముగిశాయి. పోటీల్లో బాలబాలికల ఓవరాల్‌ చాంపియన్‌షిప్‌ను వరంగల్‌ జట్లు కై వసం చేసుకున్నాయి. ఇక రెండో స్థానంలో రంగారెడ్డి, మూడో స్థానంలో ఆదిలాబాద్‌ జట్లు నిలిచాయి. బాలుర విభాగంలో రంగారెడ్డి 33 పాయింట్లతో చాంపియన్‌ షిప్‌ దక్కించుకోగా, 32 పాయింట్లతో వరంగల్‌ రెండో స్థానంలో నిలిచింది. బాలికల విభాగంలో 36 పాయింట్లతో కరీంనగర్‌, 29 పాయింట్లతో వరంగల్‌ మొదటి రెండు స్థానాలు దక్కించుకున్నాయి. విజేతలకు డీవైఎస్‌ఓ టి.సునీల్‌రెడ్డి బహుమతులు అందజేశారు. పరుగుపందెం, షాట్‌పుట్‌లో... 5వేల మీటర్ల పరుగులో బాలుర విభాగం నుంచి ఓ.అభినయ్‌, మధుకర్‌ (వరంగల్‌), షాట్‌ఫుట్‌లో పి.రవీంద్ర(మహబూబ్‌నగర్‌), టి.అభిలాష్‌(రంగారెడ్డి), బాలికల విభాగంలో ఏ.వినూత్న తేజ(హైదరాబాద్‌), ఎస్‌.సమ్నావిత(వరంగల్‌) ప్రథమ, ద్వితీయస్థానాలు దక్కించుకున్నారు.

సంగెం: రెవెన్యూ అధికారినని చెప్పి భూమి రిజిస్ట్రేషన్‌ పేరుతో రూ. లక్ష మోసం చేసిన నిందితుడిపై కేసు నమోదు చేసినట్లు ఎస్సై వంశీకృష్ణ తెలి పారు. ఎస్సై కథనం ప్రకారం.. వరంగల్‌ జిల్లా సంగెం మండలం ఎల్గూర్‌స్టేషన్‌ గ్రామానికి చెందిన పాదూరి శారదకు తిమ్మాపూర్‌కు చెందిన వేల్పుల కట్టయ్యతో భూ వివాదాలు ఉన్నాయి. ఈ విషయంపై గత ఆగస్ట్‌, 7వ తేదీన కలెక్టరేట్‌లో నిర్వహించిన ప్రజావాణిలో ఫిర్యాదు చేశారు. అనంతరం అదే నెల 27వ తేదీన వర్ధన్నపేట మండలం నల్లబెల్లికి చెందిన చెందిన జక్కి సందీప్‌.. శారద ఇంటికి వచ్చి తాను ఆర్డీఓ కార్యాలయం నుంచి వచ్చిన రెవెన్యూ అధికారిగా పరిచయం చేసుకున్నాడు. ఆమెకు సంబంధించిన 5 ఎకరాల 20 గంటల భూమిని రిజిస్ట్రేషన్‌ చేయిస్తానని చెప్పి రూ. లక్ష ఖర్చు అవుతుందని తెలుపగా నమ్మిన బాధితురాలు శారద ఫోన్‌పే ద్వారా ఆ డబ్బు చెల్లించింది. అనంతరం భూమి రిజిస్ట్రేషన్‌ విషయం కోసం అతడిని సంప్రదించగా సందీప్‌ అనే వ్యక్తి రెవెన్యూ ఉద్యోగి కాదని తెలుసుకుని మోసపోయానని గ్రహించింది. సందీప్‌ గతంలో కూడా రెవెన్యూ అధికారిగా, పత్రిక విలేకరిగా చెప్పుకుంటూ పలువురి వద్ద డబ్బులు వసూలు చేసి మోసాలకు పాల్పడినట్లు బాధితురాలు పోలీసులకు ఫిర్యాదు చేసింది. దీంతో కేసు నమోదు చేసి దర్యాప్తు చేస్తున్నట్లు ఎస్సై వంశీకృష్ణ వివరించారు. నిందితుడిపై కేసు నమోదు వివరాలు వెల్లడించిన పోలీసులు

● జిల్లా ప్రధాన న్యాయమూర్తి కె.మురళీమోహన్‌ మహబూబాబాద్‌ రూరల్‌ : విద్యార్థ్ధులు పుస్తక జ్ఞానంతో పాటుగా సామాజిక, చట్టపరమైన అంశాలపై అవగాహన పెంచుకోవాలని జిల్లా ప్రధాన న్యాయమూర్తి కె.మురళీమోహన్‌ అన్నారు. జాతీ య న్యాయ సేవల దినోత్సవాన్ని (నవంబర్‌ 9) పురస్కరించుకుని పాఠశాల విద్యార్థులకు నిర్వహించిన వక్తృత్వ పోటీల విజేతలకు గురువారం బహుమతులు ప్రదానం చేశారు. ఈ సందర్భంగా జిల్లా జడ్జి మాట్లాడుతూ.. ఉజ్వల భవిష్యత్‌ కోసం విద్యార్థులు ధైర్యంగా ముందడుగు వేయాలని పిలుపునిచ్చారు. విద్యార్థులు చదువుకే పరిమితం కాకుండా క్రీడలు, వ్యాసరచన, వక్తృత్వ పోటీల్లో పాల్గొనాలన్నారు. జిల్లా న్యాయ సేవాధికార సంస్థ ఆధ్వర్యంలో బాలలకు ఉచిత, నిర్బంధ విద్యాహక్కు చట్టంపై తయారుచేసిన పోస్టర్లను జిల్లా జడ్జి విద్యార్థులతో కలిసి ఆవిష్కరించారు. ఈ కార్యక్రమంలో జిల్ల న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి స్వాతి మురారి, ఉపాధ్యాయులు, విద్యార్థులు పాల్గొన్నారు.

● కలెక్టర్‌ స్నేహశబరీష్‌ మహబూబాబాద్‌: రుణాలు ఇచ్చి వ్యవసాయ అనుబంధ రంగాలను ప్రోత్సహించాలని కలెక్టర్‌ స్నేహశబరీష్‌ అధికారులను ఆదేశించారు. కలెక్టరేట్‌లోని కాన్ఫరెన్స్‌ హాల్‌లో గురువారం బ్యాంకర్లు, సంబంధిత అఽధికారులతో సమావేశం నిర్వహించారు. కలెక్టర్‌ స్నేహశబరీష్‌ మాట్లాడుతూ.. కరువు పరిస్థితుల్లో అర్హులైన రైతులకు అండగా నిలవాలని సూచించారు. జిల్లాలో ఏడు మండలాలను కరువు ప్రాంతాలుగా ప్రకటించారన్నారు. రైతులతో బాధ్యతాయుతంగా వ్యవహరించాలన్నారు. ప్రభుత్వం నిర్దేశించిన మార్గదర్శకాల ప్రకారం బ్యాంకులు పూర్తిగా సహకారం అందించాలన్నారు. మండలాల వారీగా యాక్షన్‌ ప్లాన్‌ తయారు చేసి రైతు వేదికలు, గ్రామ సభల ద్వారా వ్యవసాయ అధికారుల సమన్వయంతో బ్యాంక్‌లు అందిస్తున్న సేవలను రైతులకు వివరించాలన్నారు. గంగారం, కొత్తగూడ మండలాల్లో కమర్షియల్‌ షెడ్యూల్‌ బ్యాంకుల స్థాపనకు తక్షణమే ప్రతిపాదనలు పంపాలన్నారు. గడువులోగా పరిష్కరించాలి పట్టభద్రుల ఎమ్మెల్సీ ఎన్నికల ఓటరు నమోదు దరఖాస్తులను క్షుణ్ణంగా పరిశీలించి నిర్ణీత గడువులోగా పరిష్కరించాలని కలెక్టర్‌ స్నేహశబరీష్‌ అధికారులను ఆదేశించారు. గురువారం హైదరాబాద్‌ నుంచి రాష్ట్ర ప్రధాన ఎన్నికల అధికారి సుదర్శన్‌రెడ్డి ఎస్‌ఐఆర్‌ ప్రక్రియ, పట్టభద్రుల ఓటరు నమోదుపై అన్ని జిల్లాల కలెక్టర్‌లతో వీడియో కాన్ఫరెన్స్‌ నిర్వహించి సమీక్షించారు. వీసీ అనంతరం కలెక్టరేట్‌లో సంబంధిత అధికారులతో కలెక్టర్‌ సమావేశం నిర్వహించారు. జిల్లాలో 48,887 ఓటరు నమోదు దరఖాస్తులు స్వీకరించి, 22,221 దరఖాస్తులను అమోదించినట్లు చెప్పారు. అదనపు కలెక్టర్‌ అనిల్‌కుమార్‌, డీఆర్వో నాగలక్ష్మి పాల్గొన్నారు.

సాక్షి, మహబూబాబాద్‌: ప్రభుత్వానికి కస్టమ్‌ మిల్లింగ్‌ రైస్‌(సీఎంఆర్‌) పెట్టకుండా జాప్యం చేసిన రైస్‌ మిల్లుల యజమానులపై చర్యలు తీసుకునేందుకు సివిల్‌ సప్లయీస్‌శాఖ సిద్ధమైంది. జిల్లాలోని పలువురు డిఫాల్ట్‌ మిల్లర్లపై చర్యలు తీసుకోనున్నట్లు ప్రచారం జరుగుతోంది. బుధవారం రాష్ట్ర సివిల్‌ సప్లయీస్‌శాఖ టాస్క్‌ఫోర్స్‌ అధికారులు జిల్లా సివిల్‌ సప్లయీస్‌శాఖ మేనేజర్‌ కార్యాలయంలోని ఫైళ్లను పరిశీలించడం ఆశాఖలో చర్చగా మారింది. 16 రైస్‌ మిల్లుల యజమానులపై ఆరా.. ప్రభుత్వ నిబంధనల ప్రకారం మిల్లర్లు ధాన్యం తీసుకొని మరాడించి బియ్యం పెట్టాలి. అయితే జిల్లాలో సీఎంఆర్‌ పెట్టకుండా మొండికేసిన వారు 16 మంది ఉన్నట్లు అధికారులు చెబుతున్నారు. 2017 నుంచి గత ఏడాది వరకు ఖరీఫ్‌, యాసంగిలో ధాన్యం తీసుకున్న మిల్లర్లు మిల్లింగ్‌ చేకుండా బహిరంగ మార్కెట్‌లో అమ్మినట్లు ప్రచారం. దీంతో ఆయా మిల్లుల్లో ధాన్యం నిల్వలు కానీ.. మరాడించిన బియ్యం కానీ లేకపోవడంతో అధికారులు విస్మయానికి గురయ్యారు. ఇలా జిల్లాలో మొత్తం రూ.30కోట్లు విలువచేసే సీఎంఆర్‌ పెట్టాల్సి ఉంది. అలాగే మిల్లర్ల వద్ద ధాన్యం నిల్వలు ఉండడంతో రాష్ట్ర వ్యాప్తంగా టెండర్లు పిలిచి విక్రయించారు. అయితే మిల్లర్లు టెండర్‌దారులకు ధాన్యం ఇవ్వకుండా మొండికేయడం, ధాన్యం లేదని చెప్పడంతో వారిపై కూడా చర్యలకు అధికారులు సిద్ధం అవుతున్నారు. ఈ ధాన్యం విలువ సుమారు రూ.80కోట్లకు పైగా ఉంటుందని అధికారులు చెబుతున్నారు. రికవరీకి పకడ్బందీ ప్రణాళిక.. రైతులు కొనుగోలు కేంద్రాల్లో విక్రయించిన ధాన్యాన్ని ప్రభుత్వం మిల్లర్లకు ఎగుమతి చేసింది. ఇలా 2017–22 మధ్యకాలంలో యాసంగి, వానాకాలం సీజన్‌లలో సీఎంఆర్‌ పెట్టని ఐదు మిల్లుల యజమానులు రూ.15కోట్లు బకాయిలు పడ్డారు. దీంతో ఇప్పటికే వారిపై ఆర్‌ఆర్‌ యాక్ట్‌కింద కేసులు నమోదు చేశారు. 2021–22 సీజన్‌లో ధాన్యం తీసుకున్న 10 రైస్‌మిల్లుల యజమానులు సుమారు రూ.15కోట్ల విలువచేసే బియ్యం పెట్టకుండా అమ్ముకున్నట్లు అధికారులు చెబుతున్నారు. అదేవిధంగా 2022–23 సీజన్‌లో ధాన్యం దిగుమతి చేసుకున్న 21 మిల్లర్లు సీఎంఆర్‌ పెట్టలేదు. ఇలా జిల్లాలో మొత్తం రూ.130కోట్ల విలువచేసే బియ్యం మిల్లర్ల వద్దనుంచి రావాల్సి ఉంది. అదేవిధంగా 2023–24 ఖరీఫ్‌ సీజన్‌లో ధాన్యం తీసుకున్న వారిలో ఐదుగురు మిల్లర్లు సీఎంఆర్‌ సకాలంలో పెట్టలేదు. ఈ మొత్తాన్ని మిల్లర్ల వద్ద నుంచి రీకవరీ చేయించే పనిలో రాష్ట్ర సివిల్‌ సప్లయీస్‌శాఖ అధికారులు ఉన్నారు. ఇప్పటికే పలువురిని అరెస్టు చేయగా ఒక్కరిద్దరు కొంత మేరకు డబ్బులు చెల్లించారు. మిగిలిన వారు మొండికేయడంతో కేసులు పెట్టినా ఫలితం లేదని భావించిన అధికారులు పోలీస్‌, రెవెనూ, సివిల్‌ సప్లయీస్‌ శాఖల సమన్వయంతో రికవరీ చేయించేలా ప్రణాళికలు సిద్ధం చేశారు. ఇందులో భాగంగా మొండి బకాయిలు పడిన వారి ఆస్తులు, వారి కుటుంబ సభ్యుల ఆస్తుల వివరాలు సేకరించి కేసు నమోదు చేయడం, డబ్బులు చెల్లించకుంటే ఆస్తులను స్వాధీనం చేసుకునేందుకు సిద్ధంగా ఉండాలని రాష్ట్ర అధికారులు జిల్లా అధికారులకు సర్క్యూలర్‌ జారీ చేసినట్లు తెలిసింది. డిఫాల్ట్‌ మిల్లర్ల నుంచి సీఎంఆర్‌ రికవరీకి ప్రణాళిక వారితో పాటు కుటుంబ సభ్యుల ఆస్తుల వివరాల సేకరణ వ్యాపారులతో అధికారుల సంబంధాలపై ఆరా రికార్డులను పరిశీలించిన రాష్ట్ర టాస్క్‌ఫోర్స్‌ అధికారులు సహకరించిన అధికారులు ఎవరు..? మిల్లులకు ఎగుమతి చేసిన ధాన్యం సీఎంఆర్‌ పెట్టేందుకు అధికారులు పర్యవేక్షణ చేయాలి. అయితే గతంలో జిల్లాలో పనిచేసిన అధికారులు కనీసం మిల్లులను పరిశీలించడం, ధాన్యం నిల్వలు ఉన్నాయా.. సీఎంఆర్‌ పెడుతున్నారా అనే విషయం కూడా తెలుసుకోలేదా.. తెలిసినా మౌనంగా ఉన్నారా అనేది అనుమానాలకు తావిస్తోంది. దీంతో వందశాతం సీఎంఆర్‌ పెట్టకుండా ధాన్యం అమ్ముకునేందుకు పరోక్షంగా అధికారులు కూడా సహకరించినట్లు స్పష్టమవుతోంది. ఇందుకోసం భారీగా ముడుపులు తీసుకున్నట్లు ప్రచారం. అంటే అక్రమార్కులతోపాటు, వారికి సహకరించిన అధికారులపై కూడా వేటు వేసేందుకు అధికారులు సిద్ధం అవుతున్నారు. అయితే ఇప్పటికే పలువురు అధికారులు జిల్లా నుంచి బదిలీ కాగా.. ఒకరిని ఏసీబీ అధికారులు అరెస్టు చేశారు. ఈ పరిస్థితిలో మిల్లర్లపై కేసులు.. అధికారులపై వేటు పడనుంది.

● డీఏఓ ఎస్‌.విజయచంద్ర మహబూబాబాద్‌ రూరల్‌: ఎల్‌నినో ప్రభావంతో ఏమైనా పంటనష్టం జరిగితే తెలియజేయాలని డీఏ ఓ విజయచంద్ర అన్నారు. జిల్లా కేంద్రంలోని రైతు వేదికలో వ్యవసాయ శాఖ నిర్వహిస్తున్న వివిధ పథకాలపై గురువారం అధికారులతో సమీక్ష నిర్వహించారు. డీఏఓ మాట్లాడుతూ.. యాసంగిలో పెసర, మినుము, మొక్కజొన్న, నువ్వులు, బొబ్బెర, కుసు మ వంటి ఆరుతడి పంటలు సాగు చేయాలని రైతులకు సూచించాలన్నారు. వ్యవసాయ శాఖ నిర్వహిస్తున్న ఎన్‌ఎఫ్‌ఎస్‌ఎం, ఎన్‌ఎంఈఓ పథకాల ద్వా రా అందజేస్తున్న పెసర, వేరుశనగ, కుసుమ పంటల ప్రదర్శనలు గ్రామాల్లో చేపట్టాలని అధికారులను ఆదేశించారు. ఏడీఏ అజ్మీరా శ్రీనివాసరావు, టెక్నికల్‌ ఏఓ రాంజీ, మండల వ్యవసాయ అధికారి తిరుపతిరెడ్డి, మండలాల వ్యవసాయ అధికారులు, వ్యవసాయ విస్తరణ అధికారులు, డీఏఓ కార్యాలయ పర్యవేక్షకులు శివకుమార్‌, సీనియర్‌ అసిస్టెంట్‌ రాధిక తదితరులు పాల్గొన్నారు.

● రూ.41, 23,472 ఆదాయం ఎస్‌ఎస్‌ తాడ్వాయి : ములుగు జిల్లా ఎస్‌ఎస్‌ తాడ్వా యి మండలం మేడారం సమ్మక్క, సారలమ్మ హుండీల ఆదాయం రూ.41,23,472 వచ్చినట్లు ఈఓ వీ రస్వామి తెలిపారు. గురువారం మేడారంలోని డా ర్మెటరీ భవనంలో పూజారులు, దేవాదాయ శాఖ అధికారుల సమక్షంలో హుండీలు లెక్కించారు. ఇందులో సమ్మక్క హుండీలో రూ.20,89,152, సారల మ్మ రూ.17,35,285, గోవిందరాజు రూ.1,2 4,99 0, పగిడిద్దరాజు హుండీలో రూ. 1,74,045 ఆదా యం వచ్చినట్లు ఆయన తెలిపారు. మళ్లీ గద్దెలపై 40 హుండీలను పూజారుల సమక్షంలో ఏర్పాటు చే సినట్లు పేర్కొన్నారు. ఇన్‌స్పెక్టర్‌ అనిల్‌, పూజారుల సంఘం అధ్యక్షుడు సిద్ధబోయిన జగ్గారావు, సూపరింటెండెంట్‌ క్రాంతికుమార్‌, పూజారులు కాక సారయ్య, కిరణ్‌, చందగోపాల్‌రావు పాల్గొన్నారు.

గార్ల: గార్ల ప్రభుత్వ డిగ్రీ కళాశాలలో చదువుతున్న అజ్మీరా ద్రాక్షవేణి అనే విద్యార్థిని అజీమ్‌ ప్రేమ్‌జీ స్కాలర్‌షిప్‌నకు ఎంపికై నట్లు ప్రిన్సిపాల్‌ రాజు తెలిపారు. రాష్ట్రంలో ఆర్థికంగా వెనుబడిన కుటుంబాలకు చెందిన విద్యార్థులు ఉన్నత విద్యను కొనసాగించేందుకు అజీమ్‌ ప్రేమ్‌జీ ఫౌండేషన్‌ స్కాలర్‌షిప్‌ అందజేస్తోంది. విద్యార్థిని చదువు పూర్తయ్యేంత వరకు 5 ఏళ్లపాటు ఏటా రూ.30,000 ఆర్థికసహాయం అందుతుందని ఆయన పేర్కొన్నారు. కాగా, విద్యార్థిని ద్రాక్షవేణిని కళాశాల ప్రిన్సిపాల్‌, అధ్యాపక బృందం అభినందించింది. స్కూల్‌ బస్సులు, ఆటోలు సీజ్‌ గార్ల: స్సెషల్‌ డ్రైవ్‌లో భాగంగా మండలంలోని ప్రధాన కూడళ్లలో ఆర్టీఓ శంకర్‌నాయక్‌ గురువారం ఆకస్మిక దాడులు నిర్వహించి సరైన పత్రాలు లేని 2 స్కూల్‌ బస్సులు, స్కూల్‌ పిల్లలను తరలించే 2 ఆటోలను సీజ్‌ చేశారు. ఈ సందర్భంగా ఆయన మాట్లాడుతూ.. వాహనాలను నడిపే ప్రతీఒక్కరు విధిగా ప్రభుత్వ అనుమతి పత్రాలు కలిగి ఉండాలని సూచించారు. దాడుల్లో ఏఎంవీఐలు ఖాసీం, విజయశాంతి, వెంకట్‌రెడ్డి, సిబ్బంది పాల్గొన్నారు.

బచ్చన్నపేట : తెలంగాణ రాష్ట్ర సాధన కోసం సుదీర్ఘకాలం పోరాడిన ఉద్యమకారుడు వేముల లక్ష్మణ్‌ గౌడ్‌ మృతి తెలంగాణ ఉద్యమకారులకు తీరని లోటని, ఆయన కుటుంబాన్ని ఆదుకునేలా ప్రభుత్వానికి సిఫార్సు చేస్తామని తెలంగాణ ఉద్యమకారుల ప్రభుత్వ గుర్తింపు కేకే కమిటీ సభ్యులు ప్రొఫెసర్‌ కోదండరాం, మోతె శోభన్‌ రెడ్డి, రాములు నాయక్‌ పేర్కొన్నారు. జనగామ జిల్లా బచ్చన్నపేట మండలం కొన్నే గ్రామానికి చెందిన తెలంగాణ ఉద్యమకారుడు, పీఏసీఎస్‌ డైరెక్టర్‌ వేముల లక్ష్మణ్‌ గౌడ్‌ ఇటీవల ఆత్మహత్య చేసుకున్న నేపథ్యంలో గురువారం ఆయన కుటుంబ సభ్యులను కమిటీ సభ్యులు పరామర్శించారు.ఈ సందర్భంగా లక్ష్మణ్‌ గౌడ్‌ చిత్రపటానికి నివాళులర్పించి, ఆయన కుటుంబ సభ్యులకు ప్రగాఢ సానుభూతి తెలియజేశారు. మృతుడి భార్య, పిల్లలను ఓదార్చి మనోధైర్యం కల్పించారు. కుటుంబం ఎదుర్కొంటున్న ఆర్థిక ఇబ్బందులు, ఇతర సమస్యలను అడిగి తెలుసుకున్నారు. అనంతరం వారు మాట్లాడుతూ తెలంగాణ రాష్ట్ర సాధన ఉద్యమంలో లక్ష్మణ్‌ గౌడ్‌ చురుగ్గా పాల్గొన్నారని గుర్తుచేశారు. తెలంగాణ సాధనలో ఉద్యమకారుల త్యాగాలను ఎప్పటికీ మరువలేమని పేర్కొన్నారు. లక్ష్మణ్‌ గౌడ్‌ కుటుంబాన్ని అన్ని విధాలుగా ఆదుకునేందుకు ప్రభుత్వానికి ప్రత్యేకంగా సిఫార్సు చేస్తామని తెలిపారు. ముఖ్యంగా మృతుడి భార్య స్వప్న బీఫార్మసీ అర్హత మేరకు ఉద్యోగ అవకాశం కల్పించే విషయాన్ని ప్రభుత్వం దృష్టికి తీసుకెళ్లి వచ్చేలా కృషి చేస్తామని హామీ ఇచ్చారు. అదేవిధంగా ఆయన పిల్లల విద్యాభ్యాసానికి ఆటంకం కలగకుండా అవసరమైన సహాయ సహకారాలు అందేలా చర్యలు తీసుకోవాలని ప్రభుత్వాన్ని కోరుతామన్నారు. లక్ష్మణ్‌ గౌడ్‌ కుటుంబం అధైర్యపడవద్దని, ప్రధానంగా తన భూమి పార్ట్‌ బీనుంచి తొలగించడంలో సంబంధించిన అధికారులపై చర్యలు తీసుకునేలా సీఎం దృష్టికి తీసుకెళ్తామని తెలిపారు. మృతుడి భార్యకు ఉద్యోగ అవకాశం కల్పించేందుకు కృషి ఉద్యమకారుల కుటుంబాలకు అండగా ఉంటాం.. ప్రభుత్వ గుర్తింపు కేకే కమిటీ సభ్యులు ప్రొఫెసర్‌ కోదండరాం, మోతె శోభన్‌ రెడ్డి, రాములు నాయక్‌

విమానాశ్రయ పునర్నిర్మాణానికి అడుగులుజాతీయ ఎస్టీ కమిషన్‌ సభ్యుడు జాటోత్‌ హుస్సేన్‌ నాయక్‌మామునూరు: ప్రధాన మంత్రి మోదీ చొరవతో మామునూరు విమానాశ్రయ పునర్నిర్మాణానికి అడగులు పడడం సంతోషకరమని జాతీయ ఎస్టీ కమిష న్‌ సభ్యుడు జాటోత్‌ హుస్సేన్‌ నాయక్‌ అన్నారు. విమానాశ్రయం నిర్మాణానికి సంబంధించి ఎస్సీ, ఎస్టీ వర్గాలకు చెందిన భూ నిర్వాసితుల సమస్యలను త్వరితగతిన పరిష్కరించాలని కలెక్టర్‌ను ఆదేశించారు. గురువారం మామునూరు విమానాశ్రయాన్ని కలెక్టర్‌ సత్యశారద, ఎయిర్‌పోర్టు అథారిటీ అసిస్టెంట్‌ జనరల్‌ మేనేజర్‌ నటరాజ్‌, ఇతర శాఖల అధికారులతో కలిసి సందర్శించారు. ఈ సందర్భంగా రూ. 203.49కోట్లతో రన్‌వే నిర్మాణ పనులకు టెండర్‌, తాజాగా 213.59 కోట్ల అంచనా వ్యయంతో నూతన డొమెస్టిక్‌ టెర్మినల్‌ బిల్డింగ్‌, ఏటీసీ టవర్‌ కం టెక్నికల్‌ బ్లాక్‌, ఎలక్ట్రికల్‌ సబ్‌ స్టేషన్‌, ఫైర్‌ స్టేషన్‌, ఈఅండ్‌ఎం వర్క్‌షాప్‌ వంటి కీల మౌలిక వసతుల కల్పనకు టెండర్ల పురోగతిని సంబంధిత అధికారులను అడిగి తెలుసుకున్నారు. అనంతరం వివిధ శాఖల అధికారులతో సమీక్ష నిర్వహించారు. ఈసందర్భంగా ఆయన మాట్లాడుతూ మామునూరు విమానాశ్రయం వరంగల్‌ ప్రజల చిరకాల ఆకాంక్ష అన్నారు. తెలంగాణలో విమానాశ్రయాల అభివృద్ధి మరింత విస్తరించాల్సి న అవసరం ఉందన్నారు. ఆంధ్రప్రదేశ్‌లో ఆరు ఉండగా.. తెలంగాణలో ప్రస్తుతం ఒకే విమానాశ్రయం ఉందని పేర్కొన్నారు. మామునూరు విమానాశ్రయం అందుబాటులోకి వస్తే వరంగల్‌తోపాటు పరిసర జిల్లాల ప్రజలకు రవాణా సౌకర్యాలు మెరుగుపడి, ప్రాంతీయ అభివృద్ధికి మరింత దోహదపడుతుందని ఆశాభావం వ్యక్తం చేశారు. అనంతరం కలెక్టర్‌ సత్యశారద మాట్లాడుతూ ఎయిర్‌పోర్టులో భూములు కోల్పోయిన వారిలో ఎస్సీ 55, ఎస్టీ1, బీసీలు 214, ఓసీలు 60 మంది ఉన్నట్లు తెలిపారు. ఎస్సీ, ఎస్టీల హక్కుల పరిరక్షణకు ముందు ప్రాధాన్యం ఇస్తామన్నారు. అటవీశాఖ అధికారి నిఖిత, బల్దియా కమిషనర్‌ వెంకన్న, అదనపు కలెక్టర్‌ ఎల్‌.కిశోర్‌కుమార్‌, డీఆర్‌ఓ విజయలక్ష్మి, ఆర్‌అండ్‌బీ ఎస్‌ఈ సురేశ్‌బాబు, విద్యుత్‌ ఎస్‌ఈ ఆనందం, ఆర్డీఓ సుమ, తహసీల్దార్‌ ఇక్బాల్‌, బీజేపీ జిల్లా అధ్యక్షుడు గంట రవికుమార్‌, కిసాన్‌ మోర్చా రాష్ట్ర నేత మల్లాడి తిరుపతిరెడ్డి,బన్న ప్రభాకర్‌ తదితరులు పాల్గొన్నారు.

● నాలుగు నెలలుగా ప్రభుత్వ భవనాల పరిశీలనకే పరిమితం ● నిరుద్యోగులు, యువతకు తప్పని ఎదురుచూపులు మహబూబాబాద్‌: నిరుద్యోగ యువతలో నైపుణ్యాల అభివృద్ధితో పాటు ఉపాధి కల్పనకు రాష్ట్ర ప్రభుత్వం జిల్లాలో టాస్క్‌(తెలంగాణ అకాడమీ ఫర్‌ స్కిల్‌ అండ్‌ నాలెడ్జ్‌) సెంటర్‌ ఏర్పాటు చేయాలని ప్రణాళిక సిద్ధం చేసింది. దీనిలో భాగంగా ఈ ఏడాది జూన్‌ నుంచి సెంటర్‌ ఏర్పాటు కోసం కసరత్తు చేస్తున్నారు. నాలుగు నెలలుగా ప్రభుత్వ భవనాల పరిశీలన చేస్తున్నారు. ప్రైవేట్‌ భవనాల్లో ఏర్పాటు చేస్తే ప్రభుత్వం నుంచి అద్దె వచ్చే పరిస్థితి లేదు. ప్రస్తుతం ఉమ్మడి వరంగల్‌ జిల్లా పరిధిలోని హనుమకొడ, ములుగు, జయశంకర్‌ భూపాలపల్లి జిల్లాల్లో సెంటర్లు కొనసాగుతున్నాయి. నైపుణ్యాభివృద్ధే లక్ష్యం.. నిరుద్యోగుల్లో నైపుణ్యాభివృద్ధే టాస్క్‌ సెంటర్‌ లక్ష్యం. ఆర్గనైజేషన్‌ ద్వారా శిక్షణ ఇచ్చిన అనంతరం పలు కంపెనీల ద్వారా ఉద్యోగ అవకాశాలను కల్పిస్తారు. ఆకేంద్రంలో మేనేజర్‌, ట్రైనర్‌ ఉంటారు. ఉదయం 10నుంచి సాయంత్రం 5 గంటల వరకు సెంటర్‌ కొనసాగుతుంది. వారం నుంచి ఆరు నెలల కోర్సులు ఉంటాయి. బ్యాంకింగ్‌, ఐసెట్‌, నెట్‌వర్కింగ్‌, సైబర్‌ సెక్యూరిటీ, డేటా అనలిటిక్స్‌ మార్కెటింగ్‌, ఐటీ కోర్సు, కమ్యూనికేషన్స్‌, డిజిటల్‌ మార్కెటింగ్‌, ఎంఎస్‌ ఆఫీస్‌ డెవలప్‌మెంట్‌, తదితర ప్రవేశపరీక్షలకు శిక్షణ ఇస్తారు. కాగా, సెంటర్‌లో ఫర్నిచర్‌, ఇతర మౌలిక వసతుల కోసం కలెక్టర్‌ స్నేహశబరీష్‌ ఇతర గ్రాంట్‌ నుంచి రూ.30 లక్షలు కేటాయించనున్నట్లు అధికారులు తెలిపారు. రెండు శాఖల సమన్వయంతో.. జిల్లా పరిశ్రమలు, ఉపాధిశాఖల సమన్వయంతో టాస్క్‌ సెంటర్‌ నిర్వహణ కొనసాగుతుంది. ఉపాధి కార్యాలయంలో ఎంప్లాయ్‌మెంట్‌ రిజిస్ట్రేషన్‌ చేసుకున్న వారు 6,536 మంది ఉన్నారు. కాగా, ఈ ఏడాది ఆగస్టులో 6వ తేదీ వరకు 271 మంది శిక్షణ కోసం దరఖాస్తు చేసుకున్నట్లు అధికారులు తెలిపారు. దరఖాస్తు కోసం గూగుల్‌ లింక్‌ కూడా ఏర్పాటు చేశారు. జూన్‌లో అద్దె భవనాల పరిశీలన.. ఈఏడాది జూన్‌ 30వ తేదీన జిల్లా కేంద్రంలోని తొర్రూరు రోడ్డులో, ఈదులపూసపల్లి రోడ్డులోని రెండు భవనాలను టాస్క్‌ రీజినల్‌ మేనేజర్‌ సునీల్‌రెడ్డి, జిల్లా పరిశ్రమల కేంద్రం జనరల్‌ మేనేజర్‌ శ్రీమన్నారాయణరెడ్డి పరిశీలించారు. కానీ, ఆసెంటర్‌ కోసం ప్రభుత్వం నుంచి అద్దె వచ్చే అవకాశం లేదు. దీంతో ప్రభుత్వ భవనాల పరిశీలన చేపట్టారు. పరిశీలనతోనే సరి.. ఈఏడాది జూలై నుంచి సెంటర్‌ కోసం ప్రభుత్వ భవనాల పరిశీలన చేపట్టారు. కాగా, జిల్లా కేంద్రంలోని ప్రభుత్వ డిగ్రీ కళాశాలను సందర్శించి రెండు గదులు కావాలని రిక్వెస్ట్‌ చేయగా.. ఆకళాశాల ప్రిన్సిపాల్‌ తమ వరకే సరిపోతుందని పర్మిషన్‌ ఇవ్వలేదు. ఆతర్వాత ప్రభుత్వ ఐటీఐ కళాశాలతో పాటు పలు భవనాలను పరిశీలించినా అనుకూలంగా లేకపోవడంతో అక్కడితోనే ఆగిపోయారు. అయితే నిరుద్యోగులు టాస్క్‌ సెంటర్‌ ఏర్పాటు కోసం కొన్ని నెలలుగా ఎదురుచూస్తున్నారు. ట్రైనింగ్‌ సెంటర్‌ కోసం ప్రయత్నాలు.. పరిశ్రమల శాఖ నుంచి జిల్లాలో మైక్రో స్మాల్‌ మీడియం ఎంటర్‌ప్రైజెస్‌ ౖట్రైనింగ్‌ సెంటర్‌ కోసం ప్రతిపాదనలు పంపారు. ఈమేరకు ఎంపీ పోరిక బలరాంనాయక్‌ పార్లమెంట్‌లో మాట్లాడారని, దీంతోప్రభుత్వం స్పందించిందని త్వరలో ఏర్పాటు జరుగతుందని పరిశ్రమల శాఖ అధికారులు తెలిపా రు. కాగా, ట్రైనింగ్‌ సెంటర్‌ ఏర్పాటు కోసం మానుకోట మండలంలోని రెడ్యాల గ్రామంలో ట్రైబర్‌ వెల్ఫేర్‌ శాఖకు చెందిన భవనం ఖాళీగా ఉందని గుర్తించారు. త్వరలోనే ౖట్రైనింగ్‌ సెంటర్‌ మంజూరు అవుతుందని, రూ.20 కోట్లు విడుదల అవుతాయని దానిలోనే టాస్క్‌ సెంటర్‌ ఏర్పాటు చేయాలని ఆలోచిస్తున్నట్లు అధికారులు తెలిపారు.

ఖిలా వరంగల్‌ : దీపావళి పండుగ సందర్భంగా వరంగల్‌ ఏనుమాముల వ్యవసాయ మా ర్కెట్‌కు మూడు రోజులు సెలవులు ప్రకటించారు. ఈనెల 7 నుంచి 9వ తేదీ వరకు మార్కె ట్‌ బంద్‌ ఉంటుందని మార్కెట్‌ కమిటీ ఉన్నత శ్రేణి కార్యదర్శి శ్రీనివాస్‌ గురువారం ఒక ప్రకటనలో తెలిపారు. ఈనెల 7న నరక చతుర్ధశి, 8న దీపావళి, 9న అమావాస్య సందర్భంగా మార్కెట్‌కు సెలవులు ప్రకటించినట్లు పేర్కొన్నారు. 10వ తేదీన మార్కెట్‌ కార్యకలా పాలు యథావిధిగా ప్రారంభమవుతాయని వెల్లడించారు. సెలవు రోజుల్లో రైతులు తమ వ్యవసాయ ఉత్పత్తులు మార్కెట్‌కు తీసుకొచ్చి ఇబ్బందులకు గురికావొద్దని సూచించారు. మార్కెట్‌ బంద్‌ విషయాన్ని రైతులు, వ్యాపారులు, గుమస్తాలు, దడవాయిలు, కార్మికులు గమనించి సహకరించాలని ఆయన కోరారు. 27.6 కిలోల ఎండు గంజాయి స్వాధీనం ● వివరాలు వెల్లడించిన సీఐ వినయ్‌కుమార్‌ గూడూరు: వాహన తనిఖీలు నిర్వహిస్తుండగా కారులో తరలిస్తున్న 27 కిలోల ఎండుగంజా యి పట్టుకుని నిందితులను అరెస్ట్‌ చేసినట్లు సీ ఐ వినయ్‌కుమార్‌ తెలిపారు. ఆయన వెల్లడించిన వివరాల ప్రకారం.. ఎస్సై రమేశ్‌బాబు సిబ్బందితో కలిసి కోబల్‌తండా క్రాస్‌ రోడ్డు వద్ద వాహనాల తనిఖీ చేపట్టారు. ఆ సమయంలో కారులో ఓ వ్యక్తి మరో మహిళతో కలిసి రాగా.. వాహనాన్ని సోదా చేశారు. అందులో సుమారు 27.6 కిలోల ఎండు గంజాయి లభించింది. వెంటనే వారితోపాటు కారును స్వాధీ నం చేసుకుని స్టేషన్‌కు తరలించి విచారించారు. గూడూరు మండలం భూపతిపేట శివా రు బోడచక్రుతండాకు చెందిన లావుడ్యా దేవి, వరంగల్‌ జిల్లా చెన్నారావుపేట మండలం అమీనాబాద్‌ శివారు కోరంకుంట తండాకు చెందిన భూక్య నవీన్‌ కలిసి కొంతకాలంగా గంజాయి అక్రమ రవాణకు పాల్పడుతున్నట్లు అంగీకరించారు. ఆంధ్రప్రదేశ్‌లోని చింతూరు నుంచి గంజాయి సేకరించి, హైదరాబాద్‌లోని ఓ వ్యక్తికి అందజేసేందుకు కారులో తీసుకెళ్తున్నట్లు విచారణలో తెలిపారు. దీంతో అరెస్ట్‌ చేసి రిమాండ్‌కు తరలిస్తున్నట్లు సీఐ, ఎస్సై తెలి పారు. స్వాధీనం చేసుకున్న గంజాయి విలువ రూ.13,82,700 ఉంటుందని వివరించారు. లారీలకు సీరియల్‌ ఇవ్వడం లేదని..● దంపతుల ఆత్మహత్యాయత్నం భూపాలపల్లి అర్బన్‌ : బొగ్గు రవాణా కోసం లారీలకు లోకల్‌ సీరియల్‌ ఇవ్వడం లేదనే మనస్తాపంతో లారీ యజమాని దంపతులు పెట్రోల్‌ పోసుకుని ఆత్మహత్యాయత్నానికి పాల్పడ్డారు. ఈ ఘటన జయశంకర్‌ భూపాలపల్లి జిల్లా కేంద్రంలో చోటుచేసుకుంది. బాధితులు లారీ యజమాని బి. తిరుపతిరెడ్డి, అనిత దంపతుల కథనం ప్రకారం.. హనుమకొండ జిల్లా ఎల్కతుర్తి మండలం పెంచికల్‌పేటకు చెందిన తిరుపతిరెడ్డి 25 ఏళ్ల క్రితం భూపాలపల్లి మండలం కాసింపల్లి గ్రామానికి చెందిన అనిత వివాహం చేసుకుని ఇల్లరికం వచ్చాడు. రెండు లారీలు కొనుగోలు చేసి బొగ్గు రవాణా చేస్తూ ఉపాధి పొందుతున్నాడు. స్థానిక లారీ అసోసియేషన్‌ నుంచి సభ్యత్వం కూడా తీసుకున్నాడు. ఆ తర్వాత కొద్ది సంవత్సరాలకు ఈ ప్రాంతంలో లారీలకు సరిగా కిరాయి లభించకపోవడంతో వేరే ప్రాంతంలో నడిపించాడు. రెండు నెలల క్రితం తమ లారీలకు భూపాలపల్లి లోకల్‌ సీరియల్‌ ఇవ్వాలని ఆ అసోసియేషన్‌ నాయకులకు దరఖాస్తు చేసుకోగా నిరాకరించారు. ఎందుకు ఇవ్వడం లేదని పలుమార్లు అడిగిన పట్టించుకోవడం లేదు. ఈ క్రమంలో గురువారం లారీ అసోసియేషన్‌ సమావేశం జరుగుతున్న క్రమంలో తి రుపతిరెడ్డి, అనిత దంపతులు వెళ్లారు. మరో సారి లోకల్‌ సీరియల్‌ గురించి అడుగగా ఇవ్వమని యూనియన్‌ నాయకులు తెలిపారు. ఈ ఘటనతో మనస్తాపానికి గురై తమ వెంట తె చ్చుకున్న పెట్రోల్‌ పోసుకుని దంపతులు ఆత్మహత్యయత్నానికి పాల్పడ్డారు. ఈ సమయంలో అక్కడ ఉన్న కొందరు గుమస్తాలు చూసి పెట్రో ల్‌ డబ్బాలు తీసుకున్నారు. దీనిపై సమాచారం అందుకున్న పోలీసులు ఘటనాస్థలికి చేరుకుని దంపతులను పోలీస్‌ స్టేషన్‌కు తీసుకెళ్లారు.

● మున్సిపాలిటీల్లో అమలుకు నోచుకోని కార్యక్రమం ● నిల్వ నీటితో వ్యాధుల ముప్పు ● పట్టింపులేని అధికారులుతొర్రూరు: జిల్లాలోని మున్సిపాలిటీల్లో ప్రతి శుక్రవారం నిర్వహించాల్సిన ఫ్రైడే డ్రై డే కార్యక్రమం అమలుకు నోచుకోవడం లేదు. ఇళ్ల పరిసరాల్లో నీరు నిల్వ ఉండకుండా చూడడం, దోమల ద్వారా వ్యాపించే వ్యాధులపై ప్రజలకు అవగాహన కల్పించడం వంటి చర్యలు చేపట్టాల్సి ఉన్నా క్షేత్రస్థాయిలో కానరావడం లేదు. వర్షాలు, తేమ కారణంగా నీరు నిల్వ ఉంటే దోమలు పెరిగి వ్యాధులు ప్రబలే ప్రమాదం పొంచి ఉంది. ప్రస్తుత ఎల్‌నినో నేపథ్యం, తుపానుల కారణంగా కురుస్తున్న చిరు జల్లులతో పలువురి ఇళ్ల వద్ద నీటి నిల్వలు ఉంటున్నాయి. అధికారుల పర్యవేక్షణ కరువు.. మున్సిపాలిటీల్లో డ్రై డే కార్యక్రమాన్ని మొదట్లో విధిగా నిర్వహించారు. కానీ కొంతకాలంగా జిల్లాలోని మున్సిపాలిటీల్లో విస్మరించారు. మున్సిపల్‌, వైద్య శాఖల సమన్వయంతో ప్రతీ శుక్రవారం ఫ్రైడే డ్రై డే నిర్వహించాలని ప్రభుత్వం ఆదేశించింది. కానీ అధికారుల పర్యవేక్షణ కరువై కార్యక్రమం అమలు కావడం లేదు. ప్రభుత్వ శాఖల మధ్య సమన్వయం కొరవడడం, పాలకవర్గాలు పట్టించుకోకపోవడంతో ఈ పరిస్థితి నెలకొందని విమర్శలు వస్తున్నాయి. నీటి నిల్వతో వ్యాధుల ముప్పు.. ప్రతీ శుక్రవారం నిర్వహించే డ్రైడేలో భాగంగా ఇళ్ల ఆవరణలోని నీటి తొట్లు, పూల కుండీలు, కూలర్లు తదితర వాటిలో నీరు నిల్వ ఉండకుండా అధికారులు, ప్రజాప్రతినిధులు ప్రజలకు అవగాహన కల్పించారు. కౌన్సిలర్లు, వార్డు అధికారులు, మెప్మా సిబ్బంది ఆయా వార్డుల్లో పర్యటించి నీరు నిల్వ ఉండకుండా చర్యలు తీసుకోవాల్సి ఉంది. నిల్వ ఉన్న నీటిలో దోమల లార్వా వృద్ధి చెందకుండా చూడాలి. వంద రోజుల ప్రణాళికలో భాగంగా ప్రజలకు పరిశుభ్రతపై అవగాహన కల్పించడంతో సత్ఫలితాలను ఇచ్చింది. కానీ, దాన్ని కొనసాగించపోవడం, అమలుపై దృష్టి పెట్టకపోవడంతో డ్రై డే లేకుండా పోయింది. కూడళ్లలో, ఖాళీ ప్లాట్లలో కొబ్బరి బొండాలు, టీ కప్పుల్లో, కొన్ని ప్రాంతాల్లో మురుగు కాల్వల్లో సైతం నీరు నిలిచి ఉంటూ వ్యాధులను వ్యాప్తి చెందేలా దర్శనమిస్తున్నాయి. జ్వరాలకు కారణమయ్యే దోమలు వృద్ధి చెందుతున్నాయి. ప్రస్తుత వాతావరణ పరిస్థితుల నేపథ్యంలో ఆసుపత్రుల్లో జ్వర బాధితుల సంఖ్య పెరుగుతోంది. ఇప్పటికై నా పాలకవర్గాలు, అధికారులు స్పందించి డ్రైడే కార్యక్రమాన్ని నిర్వహిస్తే వ్యాధుల ముప్పు తప్పే అవకాశం ఉంటుందని స్థానికులు అభిప్రాయపడుతున్నారు. మున్సిపాలిటీ జనాభా వార్డులుమహబూబాబాద్‌ 68,935 36 తొర్రూరు 25,500 16 డోర్నకల్‌ 14,425 15 మరిపెడ 17,685 15 కేసముద్రం 18,480 16

హసన్‌పర్తి: జాతీయ స్థాయిలో ప్రతిభ కనబరిచే పో లీస్‌ క్రీడాకారులకు ఇంక్రిమెంట్స్‌ అందజేస్తామని మల్టీజోన్‌–1 ఐజీ ఎస్‌.చంద్రశేఖర్‌రెడ్డి ప్రకటించారు. వరంగల్‌ పోలీస్‌ కమిషనరేట్‌ ఆధ్వర్యంలో మూడు రోజుల పాటు నిర్వహించిన తెలంగాణ రాష్ట్ర స్థాయి పోలీస్‌ క్రీడా పోటీలు గురువారం ము గిశాయి. ఈ కార్యక్రమానికి చంద్రశేఖర్‌రెడ్డి ముఖ్య అతిథిగా పాల్గొని మాట్లాడారు. విధి నిర్వహణలో శారీరక దృఢత్వం, మానసిక వికాసం, ఉల్లాసం, క్రమశిక్షణ అవసరమన్నారు. ఇలాంటి పోటీలు సిబ్బందిలో ఐక్యమత్యం, క్రీడాస్ఫూర్తి పెంపొందిస్తాయన్నారు. పోలీస్‌ కమిషనర్‌ శ్వేత మాట్లాడుతూ రాష్ట్రంలోని వివిధ ప్రాంతాల నుంచి వచ్చిన పోలీస్‌ క్రీడాకారులు క్రమశిక్షణతో పోటీల్లో పాల్గొని స్ఫూర్తి చాటారని పేర్కొన్నారు. అనంతరం వాలీబాల్‌, బాస్కెట్‌ బాల్‌, ఖో–ఖో, కబడ్డీ, హాకీ, ఫుట్‌బాల్‌, సెపక్‌ తక్రా తదితర క్రీడల్లో ప్రతిభ చాటిన క్రీడాకారులకు మెమోంటో అందజేశారు. కార్యక్రమంలో డీసీపీలు అంకిత్‌కుమార్‌, దార కవిత, రాజమహేంద్రనాయక్‌, అడిషనల్‌ డీసీపీ రాయల ప్రభాకర్‌రావు, తదితరులు పాల్గొన్నారు. మల్టీజోన్‌–1 ఐజీ చంద్రశేఖర్‌రెడ్డి ముగిసిన రాష్ట్ర స్థాయి పోలీస్‌ క్రీడలు

● ఎమ్మెల్సీ తక్కెళ్లపల్లి రవీందర్‌రావు మహబూబాబాద్‌: గత సర్కార్‌ హయాంలో చేపట్టిన అసంపూర్తి పనులు త్వరగా పూర్తి చేయాలని, ముఖ్యంగా మున్సిపాలిటీ నూతన భవన నిర్మాణాలను పూర్తి చేయాలని ఎమ్మెల్సీ తక్కెళ్లపల్లి రవీందర్‌రావు అన్నారు. జిల్లా కేంద్రం శివారులోని మున్సిపాలిటీ నూతన భవనాన్ని గురువారం ఎమ్మెల్సీ రవీందర్‌రావుతో పాటు బీఆర్‌ఎస్‌ నాయకులు సందర్శించారు. ఈసందర్భంగా రవీందర్‌రావు మాట్లాడుతూ.. భవనం పనులు 90 శాతం పూర్తి కాగా, మిగిలిన 10శాతం పనులు పూర్తి చేయకుండా ప్రభుత్వం మొండి వైఖరి అవలంబిస్తుందన్నారు. కనీస వసతులు లేని భవనంలో పాలక మండలి, ప్రజలు ఇబ్బందులు పడుతున్నారని ఆవేదన వ్యక్తం చేశారు. మున్సిపాలిటీ భవనం విషయంలో వారం రోజుల్లో జిల్లా అధికారులు, ప్రజాప్రతినిధులు స్పందించాలని, లేని యెడల ధర్నా కార్యక్రమం చేపడుతామని హెచ్చరించారు. కబ్జా జరిగిన భూములను స్వాధీనం చేసుకోవాలన్నారు. కార్యక్రమంలో మానుకోట మున్సిపల్‌ మాజీ చైర్మన్‌ డాక్టర్‌ పాల్వాయి రామ్మోహన్‌రెడ్డి, మాజీ వైస్‌ చైర్మన్‌ మార్నేని వెంకన్న, కౌన్సిలర్లు ముత్యం వెంకన్న, చిట్యాల జనార్దన్‌, నాయకులు గద్దె రవి, రఘు, జెరిపోతుల వెంకన్న, అజయ్‌, కిరణ్‌ తదితరులు పాల్గొన్నారు.

● తెలంగాణ ఉద్యమకారుల ఫోరం రాష్ట్ర అధ్యక్షుడు ఆనంద్‌ బచ్చన్నపేట: తెలంగాణ సా ధన కోసం పో రాడిన ఉద్యమకారులను రాష్ట్ర ప్రభుత్వం పూర్తి గా విస్మరిస్తోందని ఉద్యమకారుల ఫోరం రాష్ట్ర అధ్యక్షుడు ఓరుగంటి ఆనంద్‌ అన్నారు. మండలంలోని కొన్నె గ్రామంలో ఇటీవల ఆత్మహత్య చేసుకు న్న తెలంగాణ ఉద్యమకారుడు వేముల లక్ష్మణ్‌గౌడ్‌ చిత్రపటానికి బుధవారం పూలమాలవేసి నివాళులర్పించారు. బాధిత కుటుంబ సభ్యులను పరామర్శించారు. అమరుడు లక్ష్మణ్‌ గౌడ్‌ కుటుంబానికి ప్రభుత్వం తక్షణమే అండగా నిలవాలన్నారు. రాష్ట్ర కార్యదర్శి సుంకరి మల్లేష్‌గౌడ్‌, మాజీ జెడ్పీటీసీ, రాష్ట్ర ప్రచార కార్యదర్శి చిలువేరు రమేశ్‌, జిల్లా అధ్యక్షుడు నర్రా సంపత్‌, ప్రధాన కార్యదర్శి ముక్కెర కుమారస్వామి, బస్కే రాజేందర్‌, వంగ విఘ్నేశ్వరరావు, బజ్కే రంజిత్‌, ఇమ్మడి వీరస్వామి, స్థానిక ఉద్యమకారులు పాల్గొన్నారు.

నెల్లికుదురు: కుల మత బేధాలు లేకుండా ఉండేందుకే ప్రభుత్వం యూనిఫామ్‌ అందిస్తుందని, ప్రభుత్వ నిబంధనల ప్రకారం విద్యార్థులు ప్రతీ రోజు యూనిఫామ్‌లోనే పాఠశాలకు వచ్చేలా చర్యలు తీసుకోవాలని కలెక్టర్‌ స్నేహా శబరీష్‌ అధికారులు, ఉపాధ్యాయులను ఆదేశించారు. మండలంలోని నైనాల, పార్వతమ్మగూడెం ప్రాథమికోన్నత పాఠశాలలను బుధవారం ఆమె తనిఖీ చేశారు. పాఠశాలల పరిసరాలు, తరగతి గదులు, మరుగుదొడ్లు, ఉపాధ్యాయులు, విద్యార్థుల హాజరు పట్టికను పరిశీలించారు. తరగతి గదుల్లో పిల్లలతో ఆప్యాయంగా పలకరిస్తూ వారి విద్యా సామర్థ్యాలు, ఎఫ్‌ఎల్‌ఎన్‌ (ఫౌండేషన్‌ లెట్రసీ న్యూమరైజేషన్‌) స్పాట్‌ అసెస్మెంట్‌ను స్వయంగా పరిశీలించారు. నైనాల పాఠశాలలో విద్యార్థుల విద్యాసామర్థ్యాలను పరిశీలిస్తున్న క్రమంలో ఉపాధ్యాయుడిని అడిగిన ప్రశ్నకు సమాధానం చెప్పకపోవడంతో కలెక్టర్‌ ఆగ్రహం వ్యక్తం చేశారు. విద్యార్థులకు నాణ్యమైన భోజనం, వసతి గృహాల్లో కామన్‌ డైట్‌ మెనూ ప్రవేశపెట్టి పక్కాగా అమలు చేస్తున్నట్లు తెలిపారు. పాఠశాలల్లో పిల్లలకు హెల్త్‌ ఎడ్యుకేషన్‌, న్యూట్రిషన్‌, శానిటేషన్‌పై ప్రత్యేక అవగాహన కార్యక్రమాలు నిర్వహిస్తున్నట్లు తెలిపారు. కార్యక్రమంలో ఏసీజీ మందుల శ్రీరాములు, తహసీల్దార్‌ చంద నరేష్‌, ఎంపీడీఓ సింగారపు కుమార్‌, ఎంఈఓ రాందాస్‌, ఏఎంఓ వెంకటేశ్వర్లు, పానెల్‌ ఇన్‌స్పెక్షన్‌ సభ్యుడు యాదగిరి, నైనాల సర్పంచ్‌ యాసం సంధ్య రమేష్‌, ఉపసర్పంచ్‌ ఉపేందర్‌ గౌడ్‌, హెచ్‌ఎంలు నరేందర్‌, రాజు పాల్గొన్నారు. కలెక్టర్‌ స్నేహా శబరీష్‌

సాక్షి, మహబూబాబాద్‌ : ‘ఇటీవల కాలంలో మహబూబాబాద్‌ పట్టణంలోని తొర్రూరు బస్టాండ్‌ ఏరియాలో ఉన్న ఓ ఆస్పత్రిని అధికారులు తనిఖీ లు చేశారు. ఫిజయోథెరఫీ చేసేందుకే అనుమతి ఉన్న సదురు డాక్టర్‌ ఇతర ఎండీ, ఎంస్‌, వివిధ రకా ల డాక్టర్ల పేరుతో ఆస్పత్రి నడిస్తున్నారు. అక్కడ నిజానికి ఏ డాక్టర్‌ లేరని గుర్తించినట్లు సమాచారం. అయితే సదరు అధికారులు ఆస్పత్రి నిర్వహణ, పనిచేసే డాక్టర్ల వివరాలు సమర్పించాలి.. లేకపోతే ఆస్పత్రి సీజ్‌ చేస్తామని చెప్పినట్లు సమాచారం.’ ఇలా జిల్లాలోని పలు ఆస్పత్రుల్లో అనుమతి లేకు న్నా స్థాయికి మించి వైద్యం చేస్తున్న ఆస్పత్రులు.. డాక్లర్లు ఉన్నట్లు తెలిసింది. అర్హతల లేనివారితో వైద్యం.. పేరుకు కార్పొరేట్‌, నర్సింగ్‌ హోం, మల్టీస్పెషాలిటీ ఆస్పత్రి పేరు పెట్టడం.. లోపల మాత్రం అర్హత లేని వారు వైద్యం చేస్తూ ప్రజల జీవితాలతో చలగాటమాడుతున్నారనే ఫిర్యాదులు ఉన్నాయి. జిల్లాలో ప్రైవేట్‌ క్లీనిక్‌లు, స్కానింగ్‌ సెంటర్లు, ల్యాబ్స్‌ మొత్తం 137 వరకు జిల్లా వైద్యాధికారి ద్వారా అనుమతి తీసుకున్నవి ఉన్నాయి. వీటితోపాటు మరికొన్ని అనుమతి లేకుండా ఏర్పాటు చేసిన ఉన్నాయి. అయితే ఇందులో బోర్డులపై ప్రముఖ డాక్టర్ల పేర్లు పెట్టి లోపల మాత్రం అర్హత లేని వారు వైద్యం చేస్తున్నట్లు తెలిసింది. ప్రధానంగా వారు చదివిన చదువు ప్రకారం.. కండరాలు, నరాల్లోకి రక్త ప్రసారం జరిగేందుకు కావాల్సిన మస్సాజ్‌, ఎక్ససైజ్‌లు చేయించడం, కండరాలను కదిలించడం, పేన్‌ కిల్లర్లు, మల్లీ విటమిన్‌ వంటి మందులు ఇవ్వాల్సిన వారు కూడా ఇతర వైద్యచికిత్సలు అందిస్తున్నట్లు సమాచారం. రూ.వేలకు వేలు ఫీజులు వేసి టెస్టులు చేయించడం, యాంటీబాటిక్స్‌ మొదలుకొని వారికి తెలిసిన మందులన్నీ రాసి ఇవ్వడం పరిపాటిగా మారిందనే విమర్శలు ఉన్నాయి. మరికొందరు అయితే డాక్టర్ల స్థానంలో సీనియర్‌ కాంపౌండర్‌ను కూర్చోబెట్టి వైద్యం చేయిస్తున్నారనే ఆరోపణలు ఉన్నాయి. తనిఖీలకే పరిమితమైన అధికారులు.. దేవుడితో సమానంగా పూజించే వైద్యరంగంలో ఇంత ఘోరం జరుగుతున్నా.. అధికారులు మాత్రం తనిఖీలకే పరిమితమవుతున్నారనే విమర్శలు వస్తున్నాయి. ఇటీవల ఒక మండల కేంద్రంలో అర్హత లే కుండా వైద్యం చేసే వారి ఆస్పత్రిని తనిఖీలు చేసిన అధికారులు.. ఆస్పత్రిని మూసివేశారు. అయితే తర్వాత ఏం జరిగిందో ఏమో కానీ రెండు రోజులకే ఆ ఆస్పత్రి మళ్లీ ఓపెన్‌ చేయడం.. వైద్యం అందించడం పరిపాటిగా మారింది. ఇలా జిల్లాలోని పలు ప్రాంతాల్లో తనిఖీలు చేసిన అధికారులు నిబంధనలకు విరుద్ధంగా ఆస్పత్రులు నిర్వహించిన వారిపై చర్యలు తీసుకోకపోవడం, ఉత్తుత్తి తనిఖీలతో సరిపెట్టడంతో పదే పదే సమస్యలు పునరావృతం అవుతున్నాయనే ఆరోపణలు వస్తున్నాయి. జిల్లాలోని మహబూబాబాద్‌ పట్టణంతోపాటు ఇతర మున్సిపాలిటీల్లో ఇటీవల కాలంలో వెలసిన పలు ఆస్పత్రులకు అసలు డాక్టరు ఎవరో అనే అర్థంకాని పరిస్థితి నెలకొంది. వైద్య వృత్తితో సంబంధం లేని వారు కొందరైతే.. ప్రాథమిక చికిత్స చేసేందుకు అనుమతి ఉన్నవారు ఇంకొందరు. ఫిజియోథెరఫీ చేసేందుకే అర్హత ఉన్నవారు మరికొందరు. కానీ వీరిలో కొందరు ప్రత్యేకంగా ఆస్పత్రులను నిర్వహిస్తూ అక్కడ కార్పొరేట్‌ స్థాయి ఆస్పత్రి సేవలు ఉన్నట్లు ఫ్లెక్సీలు, కరపత్రాలు ముద్రించి ప్రచారం చేసుకుంటున్నారనే ఫిర్యాదులు ఉన్నాయి. జిల్లాలో పనిచేసే ప్రముఖ డాక్టర్లు, ప్రభుత్వ మెడికల్‌ కళాశాల అనుబంధ ఆస్పత్రి ప్రొఫెసర్లు, అసిస్టెంట్‌ ప్రొఫెసర్ల పేర్లు పెట్టుకొని రోగులను ఆకర్షిస్తున్నారు. కానీ ఆయా ఆస్పత్రుల్లో ఇతర వైద్యులు ఎవరూ కాకుండా నిత్యం ఒక్కరే ఉంటున్నారని రోగులు చెబుతున్నారు. ఆస్పత్రుల బోర్డుపై ప్రముఖ వైద్యుల పేర్లు గుడ్డిగా నమ్మి మోసపోతున్న రోగులు అధికారుల తనిఖీల్లో తేలినా.. చర్యలు శూన్యం?ప్రభుత్వ నిబంధనల ప్రకారం వైద్యం చేయడానికి అర్హతలు ఉండాలి. పీఎంపీలు, ఆర్‌ఎంపీలు కేవలం ప్రథమ చికిత్స వరకే చేయాలి. ఫిజియోథెరఫీ, ఇతర సర్టిఫికెట్లు ఉన్నా.. వారి పరిధికిమించి యాంటీబాటిక్స్‌, ఇతర మందులు ఇవ్వడం నేరం. ఇప్పటికే జిల్లాలో పలువురికి నోటీసులు జారీ చేశాం. అవసరమైతే నిబంధనలుపాటించనిపై చర్యలు తీసుకుంటున్నాం.

హసన్‌పర్తి : కేసుల దర్యాప్తు పారదర్శకంగా చేపట్టాలని వరంగల్‌ పోలీస్‌ కమిషనర్‌ శ్వేత సూచించారు. వరంగల్‌ పోలీస్‌ కమిషనరేట్‌ పరిధిలోని ఎ స్సై, స్టేషన్‌ రైటర్లకు కేసుల దర్యాప్తు, కోర్టు విధానాలపై నైపుణ్యం పెంపొందించేందుకు సీపీ కాన్ఫరె న్స్‌ హాల్‌లో 12రోజుల పాటు నిర్వహించిన శిక్షణ తరగతులు బుధవారం ముగియగా సీపీ ముఖ్య అతిథిగా పాల్గొని మాట్లాడారు. కేసుల్లో పకడ్బందీ ఆధారాల సేకరణ, సమర్థంతమైన ప్రాసిక్యూషన్‌తో నిందితులకు శిక్షలు పడేలా అధికారులు బాధ్యతాయుతంగా విధులు నిర్వర్తించాలని చెప్పారు. కార్యక్రమంలో డీసీపీలు అంకిత్‌కుమార్‌, దార కవి త, రాజమహేంద్రనాయక్‌, ఏసీపీలు డేవిడ్‌రాజు, ఏసీపీ సదయ్య, ఐటీ కోర్‌ ఇన్‌స్పెక్టర్‌ కిరణ్‌కుమార్‌, దామోదర్‌రెడ్డి తదితరులు పాల్గొన్నారు. వరంగల్‌ స్పోర్ట్స్‌: క్రీడాకారులు నిరంతర సాధన, క్ర మశిక్షణ, పట్టుదలతో జాతీయ స్థాయి పోటీల్లో స త్తాచాటి రాష్ట్రానికి గుర్తింపు తీసుకురావాలని వరంగల్‌ పోలీస్‌ కమిషనర్‌ శ్వేత పిలుపునిచ్చారు. గురువారం హనుమకొండలోని జేఎన్‌ఎస్‌లో గత నెల 26 నుంచి ఈ నెల 4వ తేదీ వరకు నిర్వహించిన ఖే లో ఇండియా రాష్ట్ర స్థాయి మొదటి దశ కోచింగ్‌ క్యాంపు బుధవారం ముగిసింది. ఈ కార్యక్రమానికి సీపీ ముఖ్య అతిథిగా హాజరై క్రీడాకారులతో మాట్లాడి వారి శిక్షణ, లక్ష్యాల గురించి తెలుసుకున్నారు. డీవైఎస్‌ఓ కొత్త ప్రశాంత్‌, కోచ్‌లు, క్రీడాకారులు, క్రీడా శాఖ సిబ్బంది పాల్గొన్నారు. పోలీస్‌ కమిషనర్‌ శ్వేత ఎస్సై, స్టేషన్‌రైటర్లకు శిక్షణ పూర్తి

మహబూబాబాద్‌: దీపావళి పండుగ సమీపిస్తుండడంతో బాణసంచా వ్యాపారులు ఏర్పాట్లు చేసుకుంటున్నారు. అయితే ప్రభుత్వ నిబంధనల కోసం దరఖాస్తు చేసుకున్నప్పటికీ క్లియరెన్స్‌ రాకముందే తాత్కాలిక బాణసంచా విక్రయ షాపుల నిర్మాణా లు చేపడుతున్నారు. షాపుల ఏర్పాటులో పలువురు వ్యాపారులు నిబంధనలు పాటించడం లేదు. షాపుల ఏర్పాటు సమయంలో సంబంధిత శాఖల అధికారులు నిర్వాహకులకు నిబంధనలపై అవగాహన కల్పించాలి. కానీ అధికారులు సైతం ఆదిశగా ఎలాంటి చర్చలు చేపట్టడంలేదనే విమర్శలు వినిపిస్తున్నాయి. దీంతో వ్యాపారులు ఇష్టారాజ్యంగా వ్యవహరిస్తున్నారు. జిల్లాలో నాలుగు అగ్నిమాపక కేంద్రాలు జిల్లాలోని 18 మండలాలకు గాను 4 అగ్నిమాపక కేంద్రాలు ఉన్నాయి. జిల్లా కేంద్రంలో జిల్లా అగ్నిమాపక కార్యాలయంలోనే అగ్నిమాపక కేంద్రం ఉంది. దాని పరిధిలో మానుకోట, కురవి, గంగారం మండలాలు ఉన్నాయి. డోర్నకల్‌ మండల కేంద్రంలోని అగ్ని మాపక కేంద్రం పరిధిలో డోర్నకల్‌, గార్ల, సీరోల్‌ మండలాలు.. మరిపెడ మండల కేంద్రంలో అవుట్‌ పోస్ట్‌ కేంద్రం ఉండగా దాని పరిధిలో మరిపెడ, నర్సింహులపేట, పెద్దవంగర, తొర్రూరు, చిన్న గూడూరు, దంతాలపల్లి మండలాలు ఉన్నాయి. కేసముద్రం అగ్నిమాపక కేంద్రం పరిధిలో కేసముద్రం, ఇనుగుర్తి, నెల్లికుదురు పరిధిలో నెల్లికుదురు, గూడూరు, కొత్తగూడ మండలాలు ఉన్నాయి. నాలుగు శాఖల ఎన్‌ఓసీలు అవసరం.. బాణసంచాల వ్యాపారం చేయాలనుకునేవారు నాలుగు శాఖల ఎన్‌ఓసీలు తీసుకోవాల్సి ఉంటుంది. అంతా ఆన్‌లైన్‌లోనే కాగా దానిలో అగ్నిమాపక శాఖ ఎన్‌ఓసీ కీలకం. ఆయా కేంద్రం పరిధిలో దరఖాస్తు చేసుకుంటే ఆ కేంద్రాల స్టేషన్‌ ఫైర్‌ ఆఫీసర్‌ నుంచి జిల్లా అగ్నిమాపక అధికారికి దరఖాస్తు చే రితే తాను ఎన్‌ఓసీ ఇవ్వాల్సి ఉంటుంది. ఆ తర్వాత మున్సిపాలిటీ నుంచి, పోలీస్‌ శాఖ నుంచి, తహసీల్దార్‌ నుంచి కూడా ఎన్‌ఓసీ తీసుకుని ఆర్డీఓ కా ర్యాలయంలో దరఖాస్తు చేసుకోవాల్సి ఉంటుంది. డీడీ రూపంలోనే.. పోలీస్‌, తహసీల్దార్‌, అగ్నిమాపక శాఖల ఎన్‌ఓసీలకు రూ.500 డీడీల రూపంలో మున్సిపాలిటీలో రూ.1,000 చెల్లించాల్సి ఉంటుంది. ఆ ఎన్‌ఓసీలతో ఆర్డీఓ కార్యాలయంలో దరఖాస్తు చేస్తున్నప్పుడు లైసెన్స్‌ ఫీజు రూ.600 డీడీ (డీడీ కోడ్‌ 10012301004)కు జిల్లా కలెక్టరేట్‌ పేరున డీడీ రూ.1,200 చెల్లించాల్సి ఉంది. ఆ తర్వాత అన్ని సవ్యంగా ఉంటే ఆర్డీఓ కార్యాలయంలో ప్రొసీడింగ్‌ ఇస్తారు. ఈనెల 6 నుంచి 10వ తేదీ వరకు అనుమతి (ఐదు రోజుల పాటు)ఇస్తారు. నిబంధలు ఇలా.. షాపుల మధ్యదూరం మూడు మీటర్లు ఉండాలి. ప్రతీ షాపునకు 200 లీటర్ల వాటర్‌ డ్రమ్‌, ఇసుకతో బకెట్‌, మంటలు ఆర్పే సిలెండర్‌ (ఫైర్‌ ఎక్స్‌ మిషన్‌) ఇది అగ్నిమాపక శాఖ చూసుకోవాల్సి ఉంటుంది. పోలీస్‌ శాఖ ఆ షాపుల వద్ద పార్కింగ్‌ ఉందా.. లేదా.. చూసి ఎన్‌ఓసీ ఇవ్వాలి. రెవెన్యూ అధి కారులు స్థలం పరిశీలించి కేటాయించాలి. మున్సి పాలిటీ అధికారులు పారిశుద్ధ్య తదితర విషయాలను పరిశీలించి ఎన్‌ఓసీ ఇవ్వాల్సి ఉంటుంది. నిబంధనలకు విరుద్ధంగా బాణసంచా దుకాణాల ఏర్పాటు దరఖాస్తు చేసుకున్న కొందరు యాజమానులు క్లియరెన్స్‌కు ముందే షాపుల నిర్మాణం డీడీల రూపంలోనే ప్రొసీడింగ్‌ ఫీజుల చెల్లింపు మున్సిపాలిటీ నుంచి 22 మంది ఎన్‌ఓసీ మాత్రమే తీసుకుని జిల్లా కేంద్రంలోని ఎన్టీఆర్‌ స్టేడియంలో షాపులను ఏర్పాటు చేశారు. అనుమతి రాకున్నా.. వస్తుందనే నమ్మకంతో ఏర్పాట్లు చేస్తున్నారు. షాపుల మధ్య కనీసం మూడు మీటర్ల దూరం ఉండాలనే నిబంధనలున్నా.. పట్టించుకోకుండా పక్క పక్కనే షాపులను ఏర్పాటు చేస్తున్నారు. కేవలం ఇసుక బకెట్‌ మాత్రమే ప్రతీసారి అందుబాటులో ఉంచుతూ.. ఫైర్‌సిలెండర్‌ వంటి జాగ్రత్తలను ఎవరూ పట్టించుకోకపోవడం గమనార్హం. వాటర్‌ డ్రమ్‌లు కూడా ప్రతీ షాపు ఎదుట ఉండాలి కానీ కొందరే ఏర్పాటు చేస్తున్నారు. ఇప్పటికే స్టేడియం అంతా షాపులతో నిండింది. కొనుగోలుదారుల వాహనాలకు పార్కింగ్‌ స్థలం లేదు. జిల్లా కేంద్రంలోనే ఈ పరిస్థితి ఉంటే జిల్లా అంతా ఏ విధంగా ఉంటుందో అర్ధం చేసుకోవచ్చు. ఏర్పాట్లు చేస్తున్న క్రమంలోనే అన్ని పరిశీలించి స్థలం కేటాయించి ఆ తర్వాత ఎన్‌ఓసీలు ఇస్తే బాగుండేదని.. ఏదైనా ప్రమాదం జరగకముందే ఆయా శాఖల అధికారులు జాగ్రత్తలు పాటించాలని ప్రజలు కోరుతున్నారు.

కాళోజీ సెంటర్‌/రాయపర్తి : అంతర్జాతీయ క్రీడా వే దికపై తెలంగాణ కీర్తి చాటుతున్న వరంగల్‌ జిల్లా క్రీడాకారుడు గాడిపెల్లి ప్రశాంత్‌ మరో అరుదైన ఘనత సాధించారు. శ్రీలంకలో ఈనెల 19 నుంచి 23వ తేదీ వరకు జరగనున్న రెండో సౌత్‌ ఏషియన్‌ పారా త్రోబాల్‌ చాంపియన్‌న్‌షిప్‌–2026లో పాల్గొనే భారత జట్టుకు కెప్టెన్‌గా ఎంపికయ్యారు. రాయపర్తి మండలం మైలారం గ్రామానికి చెందిన ప్రశాంత్‌కు ఈ అవకాశం దక్కడం జిల్లా క్రీడా రంగంలో ఆనందం నింపింది. పారా త్రోబాల్‌ ఫెడరేషన్‌ ఆఫ్‌ ఇండియా వ్యవస్థాపకుడు డాక్టర్‌ అల్బర్ట్‌ ప్రేమ్‌ కుమార్‌ ఈ విషయాన్ని వెల్లడించారు. ప్రశాంత్‌ ఇప్పటికే నాలుగు అంతర్జాతీయ పారా త్రోబాల్‌ పోటీల్లో పాల్గొని తన సత్తా చాటారు. తొలి ఆసియా చాంపియన్‌షిప్‌లో భారత జట్టుకు కెప్టెన్‌గా వ్యవహరించి కాంస్య పతకం సాధించడంలో కీలక పాత్ర పోషించారు. రెండో ఆసియా చాంపియన్‌షిప్‌లోనూ జట్టుకు సారథ్యం వహించి మరో కాంస్య పతకం అందుకున్నారు. తాజాగా మూడోసారి అంతర్జాతీయ స్థాయిలో భారత జట్టుకు కెప్టెన్‌గా ఎంపిక కావడం విశేషం. క్రీడలతోపాటు ఉద్యోగ బాధ్యతలు కూడా సమర్థవంతంగా నిర్వర్తిస్తున్న ప్రశాంత్‌.. స్పోర్ట్స్‌ కోటాలో ముంబాయిలోని ఆదాయపు పన్ను శాఖలో ట్యాక్స్‌ అసిస్టెంట్‌గా పనిచేస్తున్నారు. విధులు నిర్వహిస్తూనే క్రీడా సాధన కొనసాగిస్తూ యువ క్రీడాకారులకు ఆదర్శంగా నిలుస్తున్నారు. కాగా, ప్రశాంత్‌ను తెలంగాణ క్రీడా సంఘాలు, కోచ్‌ సింగారపు బాబు అభినందించారు. శ్రీలంకలో జరగనున్న చాంపియన్‌ షిప్‌లో ఆయన నాయకత్వంలో భారత జట్టు విజయాలు సాధించి దేశం, తెలంగాణ రాష్ట్రానికి పేరు తీసుకురావాలని ఆకాంక్షించారు. భారత పారా త్రోబాల్‌ జట్టుకు వరంగల్‌ జిల్లా వాసి ప్రశాంత్‌ సారథ్యం వరుసగా రెండు ఆసియా చాంపియన్‌షిప్‌లలో కెప్టెన్‌ గా బ్రాంజ్‌ మెడల్స్‌ మూడోసారి భారత జట్టుకు నాయకత్వం

● ఎస్పీ శబరీష్‌ ఆధ్వర్యంలో ఏర్పాట్లు ● సే నో టు డ్రగ్స్‌ నినాదంతో 7న 5కే రన్‌ మహబూబాబాద్‌ రూరల్‌ : మాదకద్రవ్యాల నిర్మూలనపై ప్రజల్లో అవగాహన కోసం జిల్లా పోలీసు శాఖ ఆధ్వర్యంలో ఈ నెల 7వ తేదీన 5కే రన్‌ నిర్వహించేందుకు ఏర్పాట్లు చేస్తున్నారు. సే నో టు డ్రగ్స్‌ అనే నినాదంతో ఆరోగ్యకర సమాజం కోసం అడుగులు వేయండని పోలీసులు పిలుపునిచ్చారు. ఎస్పీ శబరీష్‌ ఆధ్వర్యంలో జిల్లా పోలీసు అధికారులు, సిబ్బంది 5కే రన్‌ విజయవంతంపై విస్తృత ప్రచారం చేస్తున్నారు. మాదకద్రవ్యాల వినియోగం వల్ల కలిగే అనర్థాలపై ప్రజల్లో ముఖ్యంగా యువతలో అవగాహన కల్పించడంతోపాటు డ్రగ్స్‌ రహిత సమాజ నిర్మాణమే లక్ష్యంగా జిల్లా పోలీస్‌ శాఖ ఆధ్వర్యంలో శనివారం ఉదయం 6 గంటలకు జిల్లా కేంద్రంలోని ఎన్టీఆర్‌ స్టేడియం నుంచి 5 కిలోమీటర్ల పరుగు నిర్వహించనున్నారు. 5కే రన్‌ లో యువత, విద్యార్థులు, క్రీడాకారులు, ఉద్యోగులు, ప్రజాప్రతినిధులు, స్వచ్ఛంద సంస్థల ప్రతినిధులు, ప్రజలు పెద్ద సంఖ్యలో పాల్గొని కార్యక్రమాన్ని విజయవంతం చేయాలని జిల్లా పోలీస్‌ శాఖ కోరుతుంది. 5కే రన్‌లో పాల్గొనాలనుకునేవారు https://docs.google.com/forms/d/e/1FAIpQLSerGrYtoegEKDYVJjkddFyvLlk6M1i8QoeXQen7zxSrjvOAA/ viewform?us p=dialog ద్వారా గూగుల్‌ ఫాంలో తమ పేర్లను నమోదు చేసుకోవాలని పోలీస్‌ శాఖ సూచించింది. మత్తుపదార్థాలకు బానిసై యువత జీవితాలను నాశనం చేసుకోవద్దు. మాదకద్రవ్యాల అక్రమ రవాణా, వినియోగం వంటి అంశాలపై అప్రమత్తంగా ఉండాలి. డ్రగ్స్‌ రహిత సమాజ నిర్మాణంలో ప్రతీ ఒక్కరు భాగస్వాములవుతూ, మాదకద్రవ్యాల నిర్మూలనపై ప్రజల్లో అవగాహన కోసం చేపట్టే 5కే రన్‌ విజయవంతం చేయాలి. – శబరీష్‌, ఎస్పీ

మహబూబాబాద్‌ రూరల్‌ : జాతీయ లోక్‌ అదాలత్‌లో మోటార్‌ వాహన ప్రమాద నష్టపరిహార కేసులు అధిక సంఖ్యలో పరిష్కారమయ్యేలా బీమా కంపెనీల బాధ్యులు, సంబంధిత న్యాయవాదులు కృషి చేయాలని జిల్లా ప్రధాన న్యాయమూర్తి మురళీమోహన్‌ పిలుపునిచ్చారు. బీమా కంపెనీ అధికారులు, కంపెనీ న్యాయవాదులతో జిల్లా కోర్టులో బుధవారం వీడియో కాన్ఫరెన్స్‌ నిర్వహించారు. ఈ సందర్భంగా జడ్జి మురళీమోహన్‌ మాట్లాడుతూ.. ఈ ఏడాది చివరి జాతీయ లోక్‌ అదాలత్‌ డిసెంబర్‌ 12న నిర్వహించనున్నట్లు తెలిపారు. గత లోక్‌ అదాలత్‌ సందర్భంగా కేవలం 24 నష్టపరిహార కేసులు మాత్రమే పరిష్కారమయ్యాయని, ఈసారి కనీసం 50 కేసులను పరిష్కరించేలా చర్యలు తీసుకోవాలని కోరారు. న్యూ ఇండియా ఇన్సూరెన్స్‌ కంపెనీ ఇప్పటికే 16 కేసులను గుర్తించిందని కంపెనీ అధికారి శశికాంత్‌ వివరించగా జిల్లా జడ్జి ఆయనను అభినందించారు. మిగతా బీమా కంపెనీలు కూడా త్వరగా లోక్‌ అదాలత్‌లో పరిష్కరించదగిన కేసులను గుర్తించి వివరాలు న్యాయ సేవా సంస్థకు పంపించాలని సూచించారు. కార్యక్రమంలో జిల్లా న్యాయ సేవాధికార సంస్థ కార్యదర్శి స్వాతి మురారి, బీమా కంపెనీల న్యాయవాదులు పాల్గొన్నారు. జిల్లా జడ్జి మురళీమోహన్‌

వరంగల్‌ అర్బన్‌: వరంగల్‌ సిటీపై డ్రోన్‌ సర్వే, త్రీడీ మ్యాపింగ్‌కు సర్వేపై సమీక్ష నిర్వహించారు. బుధవారం సాయంత్రం హనుమకొండ కలెక్టరేట్‌లో వరంగల్‌ నగరాన్ని ఆధునిక సాంకేతిక పరిజ్ఞానంతో సుస్థిర, ప్రణాళికాబద్ధ పట్టణంగా తీర్చిదిద్దే లక్ష్యంతో జీడబ్ల్యూఎంసీ–నిట్‌ వరంగల్‌ మధ్య కుదిరిన ఒప్పందంలో భాగంగా నగరవ్యాప్తంగా డ్రోన్‌ సర్వే, త్రీడీ మ్యాపింగ్‌ చేపట్టే అంశాలపై సమీక్షించారు. ఈసందర్భంగా ఎన్‌ఐటీ వరంగల్‌ ప్రొఫెసర్లు శంకర్‌, శశి పవర్‌పాయింట్‌ ప్రజెంటేషన్‌ ద్వారా గ్రేటర్‌ వరంగల్‌ నగర పరిధిలో డ్రోన్‌ సర్వే నిర్వహణ, త్రీడీ మ్యాపింగ్‌ రూపకల్పన, సాంకేతిక విధానాలు, అమలు సాధ్యాసాధ్యాలను వివరించారు. ప్రజెంటేషన్‌ను సమీక్షించిన హనుమకొండ కలెక్టర్‌, జీడబ్ల్యూఎంసీ ప్రత్యేక అధికారి చాహత్‌ బాజ్‌పాయ్‌ ఐఏఎస్‌, బల్దియా కమిషనర్‌ వెంకన్న డ్రోన్‌ సర్వే, త్రీడీ మ్యాపింగ్‌ అమలుకు సమగ్ర కార్యాచరణ రూపొందించాలన్నారు. సమావేశంలో జీడబ్ల్యూఎంసీ సిటీప్లానర్‌ రవీందర్‌ రాడేకర్‌, ఐటీ మేనేజర్‌ రమేశ్‌, టౌన్‌ప్లానింగ్‌ అధికారులు అవినాష్‌, ప్రశాంత్‌ తదితరులు పాల్గొన్నారు. ఆరుతడి పంటల సాగుపై అవగాహన కల్పించాలి హన్మకొండ అర్బన్‌: రాబోయే యాసంగి సీజన్‌లో రైతులు ఆరుతడి పంటలు సాగు చేసేలా ప్రోత్సహించాలని కలెక్టర్‌ చాహత్‌ బాజ్‌పాయ్‌ వ్యవసాయ శాఖ అధికారులను ఆదేశించారు. బుధవారం కలెక్టరేట్‌లో వ్యవసాయ శాఖ కార్యక్రమాలపై అధికారులతో కలెక్టర్‌ సమీక్ష నిర్వహించారు. సమావేశంలో డీఏఓ విజయ్‌ చంద్ర, సహాయ వ్యవసాయ సంచాలకులు ఆదిరెడ్డి, అవినాష్‌ వర్మ, సాంకేతిక వ్యవసాయ అధికారి కమలాకర్‌, మండల వ్యవసాయ అధికారులు పాల్గొన్నారు. నిర్మాణ పనులు త్వరగా పూర్తి చేయాలి జిల్లాలో వివిధ దశల్లో కొనసాగుతున్న భవన నిర్మాణ పనులు వేగవంతం చేసి, త్వరగా పూర్తి చేయాలని కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. బుధవారం కలెక్టరేట్‌లో పంచాయతీరాజ్‌ శాఖ అధికారులు, ఎంపీడీఓలతో వివిధ అభివృద్ధి పనుల పురోగతిపై కలెక్టర్‌ సమీక్ష నిర్వహించారు. సమావేశంలో స్థానిక సంస్థల ఇన్‌చార్జ్‌ అదనపు కలెక్టర్‌ శేషాద్రి, జిల్లా గ్రామీణాభివృద్ధి అధికారి మేన శ్రీను, పంచాయతీరాజ్‌ ఇంజనీరింగ్‌ ఈఈ రాజగోపాల్‌రావు, డీఈలు, ఎంపీడీఓలు, ఇతర ఇంజనీరింగ్‌ శాఖల అధికారులు పాల్గొన్నారు. వరంగల్‌ మహా నగరాభివృద్ధికి సరికొత్త ముందడుగు హనుమకొండ కలెక్టర్‌, గ్రేటర్‌ ప్రత్యేకాధికారి చాహత్‌

● సీనియర్‌ జర్నలిస్టు సురేశ్‌ కొచ్చెట్టిల్‌ హన్మకొండ : దేశవ్యాప్తంగా నిర్వహించే ఎస్‌ఐఆర్‌ ప్రక్రియపై ప్రజలు ఆందోళన చెందాల్సిన అవసరం లేదని ప్రముఖ రాజకీయ విశ్లేషకుడు, సీనియర్‌ జర్నలిస్టు సురేశ్‌ కొచ్చెటిల్‌ అన్నారు. బుధవారం రాత్రి హనుమకొండలోని అంబేడ్కర్‌ భవన్‌లో ప్రజ్ఞ భారతి వరంగల్‌ శాఖ ఆధ్వర్యంలో ఎస్‌ఐఆర్‌పై అవగాహన సదస్సు నిర్వహించగా ఆయన ప్రధాన వక్తగా పాల్గొని మాట్లాడారు. ప్రతీ పదేళ్లకు ఒకసారి నిబంధనల ప్రకారం ఎస్‌ఐఆర్‌ తప్పనిసరి అని స్పష్టం చేశారు. ఈ ప్రక్రియ కొత్తదేమీ కాదని, గతంలో 8 సార్లు నిర్వహించారని వివరించారు. ఆరు సార్లు కాంగ్రెస్‌ పార్టీ హయాంలోనే జరిగాయన్నారు. వాజ్‌పేయ్‌ హయాంలో కూడా ఒకసారి ఈ ప్రక్రియ పూర్తయ్యిందన్నారు. 2001–2002 నాటి ఎస్‌ఐఆర్‌ తర్వాత దాదాపు 24 సంవత్సరాలుగా పూర్తిస్థాయి సవరణ జరగలేదన్నారు. ఎస్‌ఐఆర్‌.. ఓటు హక్కును కాలరాయడానికి కాదని, ఓటరు జాబితాలోని అక్రమాలు, బోగస్‌ ఓట్లను ఏరివేసి ప్రజాస్వామ్య వ్యవస్థను బలోపేతం చేసే ప్రక్రియ మాత్రమేనన్నారు. ప్రజ్ఞా భారతి వరంగల్‌ శాఖ అధ్యక్షుడు ప్రొఫెసర్‌ రామ్‌ గోపాల్‌ రెడ్డి, రాష్ట్ర సహాయ కార్యదర్శి, ప్రముఖ అడ్వకేట్‌ చామర్తి ప్రభాకర్‌, ప్రజ్ఞాభారతి ప్రతినిధులు పాల్గొన్నారు.

● అధికారులకు అవినీతి మరకలు ● వరుస సంఘటనలతో బెంబేలు సాక్షి, మహబూబాబాద్‌: తెలంగాణలోని పల్లెల్లోనే సంపద సృష్టించాలి.. ఇందుకోసం మత్స్యశాఖను బలోపేతం చేయాలని ప్రభుత్వం చేపట్టిన పథకాలు ఇక్కడ పనిచేసిన పలువురు అధికారులకు సంపద పెంపునకు దోహదపడుతున్నాయనే ఆరోపణలు ఉన్నాయి. ఇక్కడకు వచ్చిన అధికారులు వక్రమార్గంలో డబ్బులు సంపాదించడంలో ఆరితేరడం, ఇదే తంతును మరో ప్రాంతానికి వెళ్లినా.. కొనసాగించడంతో అక్కడి వారు అవినీతి నిరోధకశాఖ అధికారులకు పట్టించడం వంటి సంఘటనలు చోటు చేసుకుంటున్నాయి. దీంతో ఇక్కడ పనిచేసేందుకు రావాలంటే అధికారులు వణుకుతున్నట్లు ఆ శాఖలో ప్రచారం జరుగుతుంది. కాగా జిల్లాలో చెరువులు 1,264, మత్స్య సొసైటీలు 200, సొసైటీ సభ్యులు 10,942 మంది ఉన్నారు. అసలేం జరుగుతోంది.. జిల్లా మత్స్యశాఖకు అధికారులు వచ్చీరాగానే అవినీతి ముద్ర పడటం, గతంలో చేసిన తప్పుల కు ఇక్కడకి వచ్చిన తర్వాత శిక్షలు పడటం, లేదా .. జిల్లా నుంచి వెళ్లిన తర్వాత వేటు పడటం వంటి సంఘటనల నేపథ్యంలో జిల్లాలో ఏం జరుగుతుందనే ప్రచారం జరుగుతుంది. జిల్లాకు అధికా రి రాగానే కొందరు దళారులు మచ్చిక చేసుకుని పరిచయం ఉన్నట్లు ప్రచారం చేసుకుంటున్నారు. దీనిని ఆసరాగా చేసుకొని కొత్త సొసైటీలు, కొత్త సభ్యత్వాలు ఇప్పిస్తామని డబ్బులు వసూలు చేసి నామ మాత్రం డబ్బులు అధికారులకు ఇప్పించి మచ్చిక చేసుకుంటారని ప్రచారం. ఇందుకోసం ఆ శాఖలో పనిచేసే కొందరు ఉద్యోగులు, జిల్లాలోని కొందరు మత్స్యసొసైటీల్లోని సీనియర్‌ సభ్యులు సహకరించడం సహజంగా మారిందనే ప్రచారం ఉంది. ఇది ఒకెత్తయితే.. ఆ శాఖలో పనిచేసే కొందరు ఉద్యోగులు అంతా తామై నడిపిస్తామని.. వచ్చిన అధికారి చెప్పినట్లు వింటే సరి.. లేకపోతే సభ్యుల ద్వారా ఉన్నతాధికారులకు ఫిర్యాదులు చేయించడం, అధికారిని డమ్మీ చేయించడం పనిగా పెట్టుకుంటున్నారని సమాచారం. దీంతో జిల్లాలో జరిగే ప్రతీ విషయం హైదరాబాద్‌ ఉన్నతాధికారులకు చేరవేయడం.. వంటి ప్రక్రియలతో బెదిరింపులకు పాల్పడం, మంచి అధికారి అయినా అవినీతిపరునిగా మా ర్చడం కోసం ప్రయత్నాలు చేస్తున్నారని తెలిసింది. అందువల్లనే ఇక్కడ పనిచేసిన అధికారులు రకరకాల పరిస్థితిలో సస్పెన్షన్‌ వేటుకు గురవుతున్నారనే ప్రచారం ఉంది. దీంతో ఇక్కడకు వచ్చేందుకు అధికారులు జంకుతున్నట్లు తెలిసింది. నూతనంగా ఏర్పడిన మానుకోట జిల్లాలో మత్స్యశాఖ అధికారులుగా పనిచేసిన పలువురు అధికారులు ఆరోపణలు ఎదుర్కొంటూ.. జిల్లా నుంచి వెళ్లిపోయారు. ఇక్కడ పనిచేసిన బుచ్చి బాబుపై పలు ఆరోపణలు రావడంతో ఆయన బదిలీపై వెళ్లారు. అదే విధంగా జిల్లాకు వచ్చిన అధికారి నాగరాణి గిరిజన, గిరిజనేతర మత్స్యకారులకు చెరువుల కేటాయింపు, నూతన సభ్యత్వాల నమోదులో డబ్బులు అడిగారని పలువురు మత్యకారులు ఉన్నతాధికారులకు ఫిర్యాదు చేసినట్లు ప్రచారం జరిగింది. ఇది జరిగిన కొద్దిరోజులకే ఆమె జనరల్‌ బదిలీల్లో వరంగల్‌ జిల్లాకు బదిలీ అయ్యారు. ఆ జిల్లాలో మత్స్యకారుల నుంచి డబ్బులు తీసుకుంటూ.. ఏసీబీ అధికారులకు పట్టుపడ్డారు. ఆ తర్వాత వచ్చిన వీరన్నపై కూడా పలు గ్రామాల మత్స్య సొపైటీ సభ్యులు ఉన్నతాధికారులకు ఫిర్యాదు చేయగా.. ఆయనపై ఖ మ్మం జిల్లా అధికారులు వచ్చి విచారణ చేపట్టా రు. ఆయన తర్వాత వచ్చిన భాస్కర్‌ కొంత కా లం పనిచేశారు. అయితే మత్స్యశాఖ అకౌంట్‌లో ఉన్న రూ.40 లక్షల మేరకు నిధుల దుర్వినియోగానికి పాల్పడ్డారనే ఆరోపణలపై ఆయనను సస్పెండ్‌ చేశారు. ఆయన తర్వాత వచ్చిన ఆంజనేయ స్వామిపై వివిధ జిల్లాల్లో పనిచేసిన కాలంలో నిధుల దుర్వినియోగానికి పాల్పడ్డారనే ఆరోపణలతో సస్పెన్షన్‌ వేటు పడింది.

నర్సంపేట రూరల్‌ : తరగతులు ముగించుకుని కళాశాల నుంచి నడుచుకుంటూ వెళ్తూ ఓ విద్యార్థి మృత్యుఒడికి చేరాడు. బైక్‌ ఢీకొని అక్కడికక్కడే మృతిచెందాడు. ఈ ఘటన బుధవారం వరంగల్‌ జిల్లా నర్సంపేట మండలం లక్నెపల్లి శివారులో చోటుచేసుకుంది. స్థానికులు, పోలీసుల కథనం ప్రకారం.. జయశంకర్‌ భూపాలపల్లి జిల్లా కాటారం మండలానికి చెందిన బసిక శ్రీను, కొమురమ్మ దంపతుల కుమారుడు రాజ్‌కుమార్‌ (20) లక్నెపల్లి శివారులోని ఓ కళాశాలలో బీటెక్‌ తృతీయ సంవత్సరం చదువుతూ ఇదే గ్రామంలో అద్దెకు ఉంటున్నాడు. ఈక్రమంలో తరగతులు ముగించుకుని కళాశాల నుంచి లక్నెపల్లి గ్రామానికి నడుచుకుంటూ వెళ్తున్నాడు. అదే కళాశాలకు చెందిన బీటెక్‌ విద్యార్థులు రిషి, కార్తీక్‌ కూడా తరగతులు ముగించుకుని బైక్‌పై వరంగల్‌ వైపునకు వెళ్తున్నారు. ఈ క్రమంలో లక్నెపల్లిలో రాజ్‌కుమార్‌ను వెనుక నుంచి ఢీకొనడంతో అక్కడికక్కడే మృతిచెందాడు. రిషి, కార్తీక్‌ రోడ్డుపై పడడంతో తీవ్రగాయాలయ్యాయి. క్షతగాత్రులను 108లో నర్సంపేట ప్రభుత్వ ఆస్పత్రికి తరలించారు. రోడ్డు ప్రమాదం విషయం తెలుసుకున్న ఎస్సై రాజన్‌బాబు ఘటనాస్థలికి చేరుకుని వివరాలు నమోదు చేసి మృతదేహానికి పంచనామా నిర్వహించి పోస్టుమార్టం తరలించారు. అనంతరం కుటుంబీకుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై రాజన్‌బాబు తెలిపారు.బైక్‌ ఢీకొని విద్యార్థి మృతి ఇద్దరికి తీవ్రగాయాలు లక్నెపల్లిలో ఘటన

మహబూబాబాద్‌ రూరల్‌ : జిల్లా కేంద్రంలో దొంగలు బీభత్సం సృష్టించారు. తాళం వేసి ఉన్న ఓ ఇంట్లో చొరబడి 5 తులాల బంగారు, 50 తులాల వెండి ఆభరణాలతో పాటు రూ.5 లక్షల నగదు అపరించుకెళ్లారు. పోలీసులు, బాధిత కుటుంబీకులు బుధవారం వెల్లడించిన వివరాల ప్రకారం.. జిల్లా కేంద్రంలోని రాహుల్‌ నగర్‌ కాలనీలో నివాసం ఉండే కొవ్వాకుల రమేశ్‌ కుటుంబం పాత ఇనుప సామగ్రి కొనుగోలు చేస్తూ జీవనం సాగిస్తున్నారు. ఈ క్రమంలో రోజు మాదిరిగానే రమేశ్‌ దంపతులు మంగళవారం ఇంటికి తాళం వేసి దుకాణానికి వెళ్లారు. రాత్రి ఇంటికి రాగా తాళాలు పగులగొట్టిన దృశ్యాన్ని చూసి ఆందోళనకు గురయ్యారు. ఇంట్లోకి వెళ్లి చూడగా చిందరవందరగా పడి ఉన్న వస్తువులు కనిపించడంతో చోరీ జరిగిందని గుర్తించారు. వెంటనే పోలీస్‌ స్టేషన్‌లో ఫిర్యాదు చేశారు. దీంతో పోలీసులు హుటాహుటిన ఘటనాస్థలికి చేరుకుని క్లూస్‌ టీంతో వేలిముద్రలు, ఇతర కీలక ఆధారాలు సేకరించారు. అనంతరం బాధితుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. కాగా, దొంగలను త్వరితగతిన గుర్తించి తమకు న్యాయం చేయాలని బాధిత కుటుంబం వేడుకుంది. చిరు వ్యాపారం చేసుకుంటూ కష్టపడి సంపాదించిన సొమ్మును దొంగలు అపహరించుకెళ్లారని బోరున విలపించారు. జీవితకాల కష్టార్జితం కళ్లముందే దోచుకెళ్లడంతో కన్నీరుమున్నీరవుతున్నారు. 5 తులాల బంగారు, 50 తులాల వెండి, రూ.5 లక్షల నగదు అపహరణ రాహుల్‌ నగర్‌ కాలనీలో ఘటన

మహబూబాబాద్‌ రూరల్‌ : జిల్లా న్యాయ సేవాధికార సంస్థ ఆధ్వర్యంలో నిర్వహిస్తున్న న్యాయ విజ్ఞాన ప్రచారంలో బాలబాలికలు పాల్గొనాలని జిల్లా న్యాయ సేవాధికార సంస్థ కార్యదర్శి స్వాతి మురారి పిలుపునిచ్చారు. న్యాయ సేవా దినోత్సవాల్లో భాగంగా బుధవారం విద్యార్థులకు కోర్టు ఆవరణలో బుధవారం వకృత్వ పోటీలు నిర్వహించారు. మంచి సమాజ నిర్మాణంలో ప్రాథమిక విధుల పాత్ర, ఎల్‌ నినో దుష్పరిణామాలను ఎదుర్కోవడానికి తీసుకోవాల్సిన జాగ్రత్తలు అనే అంశాలపై విడివిడిగా నిర్వహించిన పోటీల్లో వివిధ పాఠశాలల విద్యార్థులు ఉత్సాహంగా పాల్గొన్నారు. సీనియర్‌ సివిల్‌ జడ్జి స్వాతి మురారి, చీఫ్‌ లీగల్‌ ఎయిడ్‌ డిఫెన్స్‌ కౌన్సిల్‌ దాసరి నాగేశ్వరరావు, పానెల్‌ న్యాయవాది యసాడి చెన్నమల్లారెడ్డి పోటీలు నిర్వహించి విజేతలను నిర్ణయించారు. విజేతలకు గురువారం జిల్లా ప్రధాన న్యాయమూర్తి కె.మురళీమోహన్‌ చేతులమీదుగా బహుమతి ప్రదానం ఉంటుందని జిల్లా న్యాయ సేవాధికార సంస్థ న్యాయమూర్తి స్వాతి మురారి తెలిపారు. నవంబర్‌ 9 జాతీయ న్యాయ సేవల దినోత్సవం సందర్భంగా విద్యార్థులకు చట్టపరమైన అంశాలతోపాటు ఇతర సామాజిక అంశాలపై అవగాహన కల్పించే ఉద్దేశంతో ప్రత్యేక కార్యక్రమాలు నిర్వహిస్తున్నట్లు తెలిపారు. జిల్లా న్యాయ సేవాధికార సంస్థ కార్యదర్శి స్వాతి మురారి

పెద్దవంగర: ప్రజలకు మెరుగైన వైద్య సేవలు అందించడమే ప్రభుత్వ లక్ష్యమని ఎమ్మెల్యే మామిడాల యశస్వినిరెడ్డి అన్నారు. 15వ ఆర్థి క సంఘం నిధులు రూ.1.43 కోట్లతో మండల కేంద్రంలో నిర్మించిన నూతన పీహెచ్‌సీ భవనాన్ని, మోత్య తండాలో ఉపాధిహామీ పథ కం నిధులు రూ.20 లక్షలతో నిర్మించిన నూత న గ్రామ పంచాయతీ భవనాన్ని ఆమె బుధవారం ప్రారంభించారు. ఈ సందర్భంగా ఎమ్మెల్యే మాట్లాడుతూ.. గ్రామీణ ప్రజలకు స్థానికంగానే మెరుగైన వైద్య సేవలు అందించేందుకు ప్రభుత్వం ఆరోగ్య రంగంలో మౌలిక సదుపాయాలను బలోపేతం చేస్తుందన్నారు. నూతన పీహెచ్‌సీ భవనంలోని ఆరోగ్య సేవలను ప్రజ లకు సమర్థవంతంగా అందించాలని వైద్యశాఖకు సూచించారు. అలాగే గ్రామ పంచాయతీ భవనా లు గ్రామ పరిపాలనలకు కేంద్రాలుగా నిలుస్తాయని, ప్రభుత్వ సేవలు ప్రజలకు మ రింత చేరువయ్యేల పంచాయతీలు పాలన అందించాలని పేర్కొన్నారు. కార్యక్రమంలో డీఎంహెచ్‌ఓ రవిరాథోడ్‌, సర్పంచ్‌లు ముద్దసాని పారి జాత, గుగులోత్‌ కవిత, కాంగ్రెస్‌ మండల అధ్యక్షుడు రంగు మురళి, జాటోతు నెహ్రూనాయక్‌, బీసు హరికృష్ణ పాల్గొన్నారు. మహబూబాబాద్‌ అర్బన్‌: విద్యార్థుల్లో దాగి ఉన్న సైన్స్‌ సృజనాత్మకతను వెలికితీసి వారిని ప్రోత్సహించాలని జిల్లా సైన్స్‌ అధికారి బి.అప్పారావు అన్నారు. జిల్లా కేంద్రంలోని తెలంగాణ సోషల్‌ వెల్ఫేర్‌ రెసిడెన్షియల్‌ పాఠశాలలో బుధవారం బాలల సైన్స్‌ కాంగ్రెస్‌ పోటీలు నిర్వహించారు. ఈ సందర్భంగా అప్పారావు పలువురు అధికారులు, ఉపాధ్యాయులతో కలిసి విద్యార్థుల సైన్స్‌ ఎగ్జిబిట్‌లను పరిశీలించారు. అనంతరం ఆయన మాట్లాడుతూ.. విద్యార్థులను బాల శాస్త్రవేత్తలుగా తీర్చిదిద్దేందుకు ప్రభుత్వం అనేక కార్యక్రమాలు చేపడుతుందన్నారు. విద్యార్థుల ప్రతిభను వెలికితీసేందుకు పాఠశాల, మండల, జిల్లాస్థాయిలో సుస్థిర భవిష్యత్‌ కోసం బాలల సైన్స్‌ కాంగ్రెస్‌ పోటీలు నిర్వహిస్తుందన్నారు. రాష్ట్రస్థాయికి నాలుగు ఎగ్జిబిట్లు ఎంపికయ్యాయని తెలిపారు. అనంతరం విద్యార్థులకు సర్టిఫికెట్లను అందజేశారు. కార్యక్రమంలో ఎంఈఓ వెంకటేశ్వర్లు, జిల్లా అకడమిక్‌ కోఆర్టినేటర్లు రామ్‌మెహన్‌, ఫిరోజ్‌ఖాన్‌, హేస్సేన్‌, న్యాయ నిర్ణేతలు అప్పారావు, స్రవంతి, గైడ్‌ టీచర్లు, విద్యార్థులు పాల్గొన్నారు. నిధుల జమ మెసేజ్‌లపై ఫిర్యాదు మహబూబాబాద్‌ రూరల్‌ : రైతు భరోసా నిధులు జమ అయినట్లు మెసేజ్‌లు రావడంపై సైబర్‌ క్రైమ్‌ అధికారులకు ఫిర్యాదు చేశామని జిల్లా వ్యవసాయ అధికారి విజయచంద్ర బుధవారం తెలిపారు. జిల్లాలో కొంతమంది రైతులకు రైతు భరోసా నిధులు జమ అయినట్లు మెసేజ్‌లు వచ్చిన విషయంపై వ్యవసాయ శాఖ రాష్ట్ర డైరెక్టర్‌ గోపి స్పష్టత ఇచ్చారని తెలిపారు. ప్రస్తుతం రైతు భరోసా నిధులు ఏమీ విడుదల చేయలేదని, సాంకేతిక సమస్య వల్ల రైతు భరోసా నిధులు జమ అయినట్లు కొంతమంది రైతులకు మెసేజ్‌లు వచ్చాయని తెలిపారు. ఈ విషయంపై సైబర్‌ క్రైమ్‌ అధికారులకు ఫిర్యాదు చేశామని, రైతులు గమనించాలని తెలిపారు. అటవీశాఖలో ఇద్దరు సస్పెన్షన్‌ ?గూడూరు: అక్టోబర్‌ మొదటి వారంలో గూడూరు ఫారెస్ట్‌ రేంజ్‌ దామరవంచ, బ్రాహ్మణపల్లి గ్రామాల పరిధిలోని మామిడి చెట్ల నరికివేత వాల్టా చట్టానికి విరుద్ధంగా జరిగిందని.. అందుకు కారణకులైన ఇద్దరు అధికారులపై జిల్లా అటవీశాఖ అధికారి పంపిన నివేదిక మేరకు సీసీఎఫ్‌ వారిపై చర్యలు చేపట్టి సస్పెన్షన్‌ వేటు వేసినట్లు తెలిసింది. నెల రోజుల క్రితం దామరవంచ, బ్రాహ్మణపల్లి గ్రామాల పరిధి మామిడి చెట్ల నరికివేతలో డీఎఫ్‌ఓ ఇద్దరు బీట్‌ అధికారులను సస్పెన్షన్‌ చేశారు. వారితోపాటు ఆ గ్రామాల పరిధిలోని డీఆర్‌ఓ పిచ్చేశ్వర్‌, మచ్చర్ల ఎఫ్‌ఎస్‌ఓ బి.శ్రీను కారకులంటూ వారిపై చర్యలకు చీఫ్‌ కన్జర్వేటర్‌ ఆఫ్‌ ఫారెస్ట్‌కు నివేదిక పంపినట్లు సమాచారం. డీఎఫ్‌ఓ నివేదిక మేరకు సీసీఎఫ్‌ విచారణ జరిపి ఆ ఇద్దరిపై సస్పెన్షన్‌ వేస్తూ బుధవారం ఉత్తర్వులు జారీచేశారనే సమాచారం సామాజిక మాద్యమాల్లో వైరల్‌గా మారింది. ఈ విషయమై గూడూరు ఎఫ్‌ఆర్వో ప్రసాదరావును వివరణ కోరగా.. తనకు ఎలాంటి ఉత్తర్వులు అందలేదని తెలపడం ప్రశ్నార్థకం.

హసన్‌పర్తి: ప్రజాస్వామ్య పరిరక్షణలో మేధావులు, ప్రజాస్వామ్యవాదులు భాగస్వాములు కావాలని బీజేపీ రాష్ట్ర మాజీ ప్రధాన కార్యదర్శి గుజ్జుల ప్రేమేందర్‌రెడ్డి పిలుపునిచ్చారు. బుధవారం వర్ధన్నపేట నియోజకవర్గస్థాయి మేధావుల సదస్సు హసన్‌పర్తి మండల కేంద్రంలోని ఓ బంక్వెట్‌ హాల్‌లో నిర్వహించగా ప్రేమేందర్‌రెడ్డి ముఖ్యఅతిథిగా పాల్గొని మాట్లాడారు. ‘ఎస్‌ఐఆర్‌’ రాజ్యాంగబద్ధప్రక్రియ అన్నారు. ఓటరు జాబితాలో పారదర్శకత తీసుకురావడమే దీని ప్రధాన ఉద్దేశమన్నారు. మరణించిన వారి పేర్లు, బోగస్‌ ఓట్లు, నివాసం మారిన వారి వివరాలను సరిచేయడమే ఈప్రక్రియ లక్ష్యమన్నారు. అయితే కాంగ్రెస్‌ పార్టీ ప్రజల్లో అపోహలు సృష్టిస్తోందని విమర్శించారు. ఇలాంటి పరిణామాలను మేధావులు అప్రమత్తంగా ఉండి వాస్తవాలను ప్రజలకు వివరించాలన్నారు. మాజీ ఎమ్మెల్యే కొండేటి శ్రీధర్‌, బీజేపీ వరంగల్‌ జిల్లా అధ్యక్షుడు గంట రవికుమార్‌, మాజీ కార్పొరేటర్‌ గురుమూర్తిశివకుమార్‌,బీజేపీ రాష్ట్ర కార్యవర్గ సభ్యుడు మారపల్లి రాంచెంద్రారెడ్డి, మండల అధ్యక్షుడు మారం తిరుపతి, తదితరులు పాల్గొన్నారు. బీజేపీ రాష్ట్ర మాజీ ప్రధాన కార్యదర్శి ప్రేమేందర్‌రెడ్డి

హన్మకొండ కల్చరల్‌/హసన్‌పర్తి/కాశిబు గ్గ: ప్రతీ ఒక్కరు ఆధ్యాత్మిక భావాలు పెంపొందించుకోవాలని ధార్మికవేత్త, ప్రవచనకర్త చాగంటి కోటేశ్వరరావు సూచించారు. ఆధ్యాత్మిక చింతనతో మానసిక ప్రశాంతత లభిస్తుందని, ధర్మమార్గంలో నడవడం ద్వారా జీవితానికి సార్థకత చేకూరుతుందని పేర్కొన్నారు. బుధవారం వరంగల్‌లోని శ్రీభద్రకాళి దేవాలయం దగ్గరలోని కీర్తిగార్డెన్స్‌లో విద్యారణ్య ఆర్ష ధర్మ రక్షణ సంస్థ వరంగల్‌ ఆధ్వర్యంలో ఏర్పాటుచేసిన కార్యక్రమంలో చాగంటి కోటేశ్వరరావు ప్రసంగించారు. మనిషి జీవితంలో ఆధ్యాత్మికతకు ఎంతో ప్రాధాన్యం ఉందన్నారు. ధర్మం, నైతిక విలువలు, సంస్కారం ప్రతీ ఒక్కరు అలవర్చుకోవాలని సూచించారు. ఆర్ష ధర్మ రక్షణ సంస్థ అధ్యక్షుడు నకిరేకంటి రామమూర్తి, కార్యదర్శి పోలా పశుపతి, భద్రకాళి దేవాలయం ట్రస్ట్‌ చైర్మన్‌ డాక్టర్‌ బండారు శివసుబ్రహ్మణ్యం, ప్రధానార్చకులు భద్రకాళి శేషు పాల్గొన్నారు. గోశాల, గురుధామం సందర్శన.. చింతగట్టులో నిర్వహిస్తున్న మహర్షి గోశాలను చాగంటి కోటేశ్వరరావు సందర్శించారు. గోశాలలో చేపడుతున్న వివిధ రకాల కార్యక్రమాలను పరిశీలించారు. ట్రస్ట్‌ వ్యవస్థాపక సభ్యులు డాక్టర్‌ రమేష్‌ పాల్గొన్నారు. అదేవిధంగా వరంగల్‌ ములుగు రోడ్డులోని గురుధామాన్ని చాగంటి కోటేశ్వరరావు సందర్శించి సద్గురు శివానందమూర్తులు ప్రతిష్టించిన శివలింగానికి విశేష పూజలు చేసి, శివానంద మూర్తుల దంపతుల విగ్రహాలకు పుష్పాలు సమర్పించారు. కార్యక్రమంలో ట్రస్టీ సభ్యులు త్రిపురనేని గోపిచంద్‌, సాయి నారాయణ, రామయ్య తదితరులు పాల్గొన్నారు. ధార్మికవేత్త, ప్రవచనకర్త చాగంటి కోటేశ్వరరావు

కాళేశ్వరం: సైబర్‌ నేరగాళ్లు వాట్సాప్‌ గ్రూపులను లక్ష్యంగా చేసుకుని మోసాలకు పాల్పడుతున్నారు. ‘మన మహదేవపూర్‌’ పేరుతో ఉన్న పబ్లిక్‌ వాట్సాప్‌ గ్రూపు హ్యాక్‌ కావడం స్థానికంగా బుధవారం కలకలం రేపింది. గ్రూపు అడ్మిన్‌ మండలంలోని మెట్‌పల్లి పంచాయతీలోని మరో వ్యక్తికి అడ్మిన్‌ హోదా ఇవ్వగా, అతడి ద్వారా గ్రూపులో చేరిన ఓ సైబర్‌ నేరగాడు వర్జినల్‌ అడ్మిన్‌ను తొలగించి తానే అడ్మిన్‌గా మారాడు. అనంతరం హర్షసాయి గ్రూపు పేరిట పేదలకు ఆర్థిక సా యం అందిస్తున్నామని, నగదు పంపిస్తే రెట్టింపు చేస్తామని సందేశాలు పోస్ట్‌ చేశాడు. ముఖ్యంగా రూ.2 వేలు పంపిస్తే వెంటనే అకౌంట్లో రూ.18,500 జమ చేస్తామని నమ్మించే ప్రయత్నం చేశాడు. ఈ వ్యవహా రాన్ని గమనించిన పలువురు గ్రూపు సభ్యులు అప్రమత్తమై అందులో నుంచి వైదొలిగారు. అయితే ఒకరిద్దరు సభ్యులు డ బ్బులు పంపించి మోసపోయిన ట్లు సమాచారం. గుర్తుతెలియని వ్యక్తులకు డబ్బులు పంపొద్దని, ఇలాంటి సందేశాలపై అప్రమత్తంగా ఉండాలని పలువురు సూచిస్తున్నారు. ఈ విషయమై ఎలాంటి ఫిర్యాదు పోలీసులకు అందలేదని తెలిసింది. హ్యాక్‌ అయిన వాట్సాప్‌ గ్రూపులో సైబర్‌ నేరగాళ్లు పంపిన మెస్సెజ్‌లు గ్రూపును హ్యాక్‌ చేసి అడ్మిన్‌ను తొలగించిన సైబర్‌ నేరగాడు రూ.2 వేలు పంపితే రూ.18,500 ఇస్తామంటూ ప్రచారం

ములుగు: యువత లక్ష్య సాధనకు ప్రభుత్వం అండగా ఉంటుందని రాష్ట్ర పంచాయతీరాజ్‌ శాఖ మంత్రి ధనసరి సీతక్క(అనసూయ) తెలిపారు. ప్రభుత్వం కల్పిస్తున్న శిక్షణ అవకాశాన్ని సద్వినియోగం చేసుకుని పట్టుదలతో చదివి పోలీస్‌ ఉద్యోగాలు సాధించాలని అభ్యర్థులకు సూచించారు. బుధవారం ములుగు ఆర్డీఓ కార్యాలయ సమావేశ మందిరంలో పోలీస్‌ కానిస్టేబుల్‌, ఎస్సై ఉద్యోగాలకు సన్నద్ధమవుతున్న నిరుద్యోగ యువతకు నిర్వహిస్తున్న శిక్షణా తరగతులను పరిశీలించారు. ఈ సందర్భంగా మంత్రి మాట్లాడుతూ గ్రామీణ ప్రాంత నిరుద్యోగ యువతకు పోటీ పరీక్షల్లో మెరుగైన అవకాశాలు కల్పించేందుకు ప్రభుత్వం కృషి చేస్తోందని తెలిపారు. అభ్యర్థులు లక్ష్యంపై దృష్టి సారించి శిక్షణ పొందాలని సూచించారు. అనంతరం శిక్షణార్థులతో కలిసి భోజనం చేశారు. జిల్లా గ్రంథాలయ సంస్థ చైర్మన్‌ బానోత్‌ రవిచందర్‌, డీఎస్పీ రవీందర్‌, ఆర్‌ఐ, సీఐ, ఎస్సైలు తదితరులు పాల్గొన్నారు. రాష్ట్ర పంచాయతీరాజ్‌ శాఖ మంత్రి సీతక్క

● మృతురాలి బంధువుల అడ్డగింత.. పీఎస్‌కు తరలింపు చెన్నారావుపేట: వరంగల్‌ జిల్లా నర్సంపేట మండలం చంద్రాయపల్లి బుచ్చితండాకు చెందిన అజ్మీరా వైష్ణవి మధ్యప్రదేశ్‌లోని జబల్‌పూర్‌లోని ఐఐటీ కళాశాలలో ఉరేసుకుని ఆత్మహత్యకు పాల్పడిన విషయం తెలిసిందే. వైష్ణవి మృతికి చెన్నారావుపేట మండలం పాపయ్యపే ట గ్రామ శివారు అమృతండాకు చెందిన బోడ సుమన్‌ అని మృతురాలి బంధువులు ఆరోపిస్తున్నారు. ఈ క్రమంలో బుధవారం వైష్ణవి మృతదేహాన్ని సుమన్‌ ఇంటి ఎదుట వేసి ఆందోళన చేయడానికి యత్నించగా నెక్కొండ సీఐ ఫణిధర్‌ ఆధ్వర్యంలో పోలీసులు అడ్డుకున్నారు. మధ్యప్రదేశ్‌ నుంచి మృతదేహాన్ని తీసుకుని అమృతండాలోని సుమన్‌ ఇంటికి వెళ్లనున్నారనే సమాచారం మేరకు అప్రమత్తమైన సీఐ ఫణిధర్‌.. చెన్నారావుపేట ఎస్సై గోవర్ధన్‌ను అప్రమత్తం చేశారు. నెక్కొండ మీదుగా వస్తున్న మృతురాలి బంధువులను చెన్నారావుపేట మండలంలోకి ప్రవేశించకుండానే అడ్డుకున్నారు. అనంతరం వారిని చెన్నారావుపేట పీఎస్‌కు తరలించగా అక్కడే ఆందోళన చేపట్టారు. వారిని సముదాయించిన ఎస్సై గోవర్ధన్‌.. వైష్ణవి మృతదేహంతోపాటు ఆమె బంధువులను నర్సంపేటకు తరలించి ఉద్రిక్త పరిస్థితిని అదుపు చేశారు. బందోబస్తులో ఎస్సై గోవర్ధన్‌, సిబ్బంది పాల్గొన్నారు. స్వల్పంగా పెరిగిన పత్తి ధర ఖిలా వరంగల్‌ : వరంగల్‌ ఏనుమాముల వ్యవసాయ మార్కెట్‌లో పత్తి ధర స్వల్పంగా పెరిగింది. మంగళవారం క్వింటాల్‌కు రూ. 8,700 ధర పలుకగా, బుధవారం రూ. 8,800 జెండా పాటతో క్రయవిక్రయాలు ప్రారంభమయ్యాయి. దీంతో పత్తి ధరలో రూ. 100 మేర పెరుగుదల ప్రారంభమైంది. రైతులు బుధవారం మార్కెట్‌కు సూమారు 3వేల బస్తాల పత్తి తీసుకొచ్చారు. ధర స్వల్పంగా పెరగడంతో తమ పంటను విక్రయించేందుకు ఆసక్తి చూపారు. విష జ్వరంతో రైతు మృతి ● ఇప్పగూడెంలో ఘటన స్టేషన్‌ఘన్‌పూర్‌: జనగామ జిల్లా స్టేషన్‌ ఘన్‌పూర్‌ మండలం ఇప్పగూడెం గ్రామానికి చెందిన రైతు పసునూరి తిరుపతిరెడ్డి(47) విష జ్వరంతో మృతిచెందాడు. కుటుంబీకుల కథనం ప్రకారం.. తిరుపతిరెడ్డికి వారం రోజుల క్రితం జ్వరం రావడంతో స్థానిక వైద్యుల వద్ద చికిత్స పొందినా తగ్గలేదు. దీంతో మెరుగైన వైద్యం కోసం వరంగల్‌ ఎంజీఎం తరలించారు. అక్కడ చికిత్స పొందుతూ బుధవారం మృతిచెందాడు. మృతుడికి కుమారుడు, కుమార్తె ఉన్నారు. మురసు తుపాన్‌ ఎఫెక్ట్‌.. ● కాజీపేట మీదుగా రైళ్లు మళ్లింపు కాజీపేట రూరల్‌ : మురసు తుపాన్‌ ఎఫెక్ట్‌తో న్యూఢిల్లీ నుంచి వయా వరంగల్‌ మీదుగా విజయవాడ రూట్‌లో ప్రయాణించే రైళ్లను వయా కాజీపేట మీదుగా మంగళవారం దారి మళ్లించి ప్రయాణికులను కాజీపేటలో దింపినట్లు రైల్వే అధికారులు బుధవారం తెలిపారు. వరంగల్‌ మీదుగా వెళ్లే జోగ్‌బని–ఈరోడ్‌ (16602) అమృత్‌భారత్‌ ఎక్స్‌ప్రెస్‌, ఇండోర్‌–కోచ్‌వెలి (22645) అహిల్యానగర్‌ ఎక్స్‌ప్రెస్‌, హజ్రత్‌నిజాముద్దీన్‌–ఎంజీఆర్‌ చైన్నె సెంట్రల్‌ (12612) గరీబ్‌రథ్‌ ఎక్స్‌ప్రెస్‌, భగత్‌కి కోఠి–ఎంజీఆర్‌ చైన్నె సెంట్రల్‌ (20626) చైన్నె సెంట్రల్‌ ఎక్స్‌ప్రెస్‌ రైళ్లు కాజీపేట మీదుగా మళ్లించి ఈ స్టేషన్‌లో 1,226 మంది ప్రయాణికులను దింపినట్లు అధికారులు తెలిపారు. అనంతరం 278 మందిని సికింద్రాబాద్‌–గుంటూరు గోల్కొండ ఎక్స్‌ప్రెస్‌లో తరలించారు. మిగతా 948 మంది ప్రయాణికులను కాజీపేట నుంచి విజయవాడ వరకు ఏర్పాటు చేసిన ప్రత్యేక రైళ్లలో మంగళవారం, బుధవారం తెల్ల వారుజాము వరకు తరలించినట్లు అధికారులు పేర్కొన్నారు.

● క్రీడలు, సంక్షేమం ఐజీ గజారావు భూపాల్‌ ● ఘనంగా ప్రారంభమైన తెలంగాణ పోలీస్‌ క్రీడలుహసన్‌పర్తి: విధి నిర్వహణలో ఒత్తిడిని అధిగమించేందుకు క్రీడలు దోహదపడుతాయని క్రీడలు, సంక్షేమం విభాగం ఐజీ గజారావు భూపాల్‌ అన్నారు. మూడు రోజుల పాటు నిర్వహిస్తున్న 5వ తెలంగాణ పోలీస్‌ గేమ్స్‌ అండ్‌ స్పోర్ట్స్‌ మీట్‌–2026(క్లస్టర్‌–డి) క్రీడా పోటీలు మంగళవారం ప్రారంభమయ్యాయి. వరంగల్‌ పోలీస్‌ కమిషనరేట్‌ ఆధ్వర్యంలో హనుమకొండలో జవహర్‌లాల్‌ నెహ్రూ స్టేడియంలో నిర్వహిస్తున్న ఈ పోటీలను ఐజీ గజారావు భూపాల్‌ ముఖ్యఅతిథిగా పాల్గొని ప్రారంభించి మాట్లాడారు. సిబ్బంది విధి నిర్వహణతో పాటు క్రీడల్లోనూ ప్రతిభ కనబరచడం అభినందనీయమన్నారు. క్రీడలు శారీరక దృఢత్వం, మానసిక వికాసానికి దోహదపడుతాయన్నారు. పోటీల నిర్వహణకు పకడ్బందీ ఏర్పాట్లు చేసిన పోలీస్‌ కమిషనర్‌ శ్వేతతోపాటు క్రీడల ఇన్‌చార్జ్‌ అధికారులను ఐజీ అభినందించారు. ఈస్ట్‌జోన్‌ డీసీపీ అంకిత్‌కుమార్‌, సెంట్రల్‌ జోన్‌ డీసీపీ దార కవిత, అదనపు డీసీపీలు రాయల ప్రభాకర్‌రావు, బాలస్వామి, ఏసీపీలు నర్సింహారావు, సదయ్య, మధుసూదన్‌, జానీ నర్సింహులు, ఏఆర్‌ అదనపు డీసీపీలు సురేశ్‌, శ్రీనివాస్‌, నాగయ్య, ఆర్‌ఐలు, ఆర్‌ఎస్సైలు, క్రీడాకారులు పాల్గొన్నారు.

మానుకోట వ్యవసాయ మార్కెట్‌ యార్డులోని మక్కల రాశులు మహబూబాబాద్‌ రూరల్‌ : మహబూబాబాద్‌ వ్యవసాయ మార్కెట్‌ యార్డులో మక్కలకు రికార్డు స్థాయిలో ధర పలికింది. మంగళవారం రైతులు మార్కెట్‌కు మక్కలు తీసుకురాగా.. క్వింటా ధర రూ.3,177 పలికింది. మక్కల నాణ్యతను బట్టి వ్యాపారులు అధిక ధరలకు కొనుగోళ్లు చేస్తున్నట్లు తెలిసింది. మక్కలకు మంచి ధర పలకడంతో రైతులు హర్షం వ్యక్తం చేశారు. నేటి నుంచి పత్తి కొనుగోళ్లు బంద్‌... మురసు తుపాను నేపథ్యంలో మహబూబాబాద్‌ వ్యవసాయ మార్కెట్‌ పరిధిలో బుధవారం నుంచి ఈ నెల 9వ తేదీ (సోమవారం) వరకు పత్తి కొనుగోళ్లు బంద్‌ ఉంటాయని వ్యవసాయ మార్కెట్‌ కమిటీ కార్యదర్శి వేముల వెంకటేశ్వర్లు తెలిపారు. ఈనెల 4నుంచి 9వ తేదీ వరకు కేవలం పత్తి కొనుగోళ్లు మాత్రమే బంద్‌ ఉంటాయని, మిగిలిన సరుకుల క్రయవిక్రయాలు యథావిధిగా జరుగుతాయని పేర్కొన్నారు.

హన్మకొండ: టీజీ ఎన్పీడీసీఎల్‌ సర్కిల్‌ ఖానాపురం సెక్షన్‌ పరిఽధి మంగళవారిపేట సబ్‌ స్టేషన్‌లో చేసుకున్న మద్యం విందులో ఒక్కరు కాదు.. మొత్తం 8 మంది పాల్గొన్నారు. ఈ మేరకు టీజీ ఎన్పీడీసీఎల్‌ విజిలెన్స్‌ విభాగం యాజమాన్యానికి నివేదిక అందించింది. దీంతో ఆ ఎనిమిదిపై అధికారులు వేటు వేశారు. ఒక్క సారి ఎనిమిది మందిపై వేటు వేయడం టీజీ ఎన్పీడీసీఎల్‌లో సంచలనం సృష్టించింది. అక్టోబర్‌ 29న ఉదయం 10 నుంచి 12.30 గంటల వరకు 33/11 కేవి విద్యుత్‌ సబ్‌ స్టేషన్‌లో మద్యం సేవించారు. ఈ విషయం అదే రోజు సామాజిక మాధ్యమాల్లో వైరల్‌ అయ్యింది. స్పందించిన టీజీ ఎన్పీడీసీఎల్‌ అధికారులు విజిలెన్స్‌ విచారణకు ఆదేశించగా మూడు రోజులు ఎంకై ్వరీ చేపట్టారు. అప్పటి వరకు లైన్‌ ఇన్‌స్పెక్టర్‌ పిట్టల రాజు ఒక్కరే మద్యం సేవించాడని విస్తృత ప్రచారం జరిగింది. విజిలెన్స్‌ విచారణలో ఒక్కడు కాదు మొత్తం ఎనిమిది మంది ఉన్నట్లు గుర్తించారు. ఈ మేరకు నివేదికను ఎన్పీడీసీఎల్‌ యాజమాన్యానికి అందించారు. సీనియర్‌ లైన్‌ ఇన్‌స్పెక్టర్‌ నాగయ్య మద్యం విందు ఏర్పాటు చేసినట్లు విజిలెన్స్‌ విచారణలో తేలింది. ఆయనతో పాటు ఒక లైన్‌ ఇన్‌స్పెక్టర్‌, ఇద్దరు ఏఎల్‌ఎంలు, ఒక సబ్‌స్టేషన్‌ ఆపరేటర్‌, ముగ్గురు అన్‌మ్యాన్డ్‌ వర్కర్లు సబ్‌ స్టేషన్‌లో మద్యం సేవించినట్లు విచారణలో గుర్తించారు. విధుల్లో మద్యం సేవించడాన్ని సీరియస్‌గా తీసుకున్న యాజమాన్యం.. విద్యుత్‌ ప్రమాదకరమైందని తెలిసి కూడా విధుల్లో మద్యం సేవించడాన్ని యాజమాన్యం సీరియస్‌గా తీసుకుంది. రెగ్యులేషన్స్‌ ప్రకారం విధుల్లో ఉంటూ మద్యం సేవించడం క్రమశిక్షణ చర్యలు ఉల్లంఘించడమే అవుతుందని, ఈమేరకు మద్యం సేవించిన వారిపై చర్యలు తీసుకోవాల్సిందిగా సంబంధిత సర్కిల్‌ ఎస్‌ఈకి యాజమాన్యం ఆదేశాలు జారీ చేసింది. విజిలెన్స్‌ నివేదిక మేరకు సీనియర్‌ లైన్‌ ఇన్‌స్పెక్టర్‌ డి.నాగయ్య, లైన్‌ ఇన్‌స్పెక్టర్‌ పిట్టల రాజు, ఎల్‌ఎంలు ఎ.రాంచంద్రయ్య, షేక్‌ బషీర్‌ను సస్పెండ్‌ చేస్తూ ఎన్పీడీసీఎల్‌ వరంగల్‌ సర్కిల్‌ ఎస్‌ఈ ఎ.ఆనందం ఉత్తర్వులు జారీ చేశారు. సబ్‌ స్టేషన్‌ ఆపరేటర్‌గా పని చేస్తున్న రిటైర్డ్‌ లైన్‌మెన్‌ చంద్రమౌళిని, ముగ్గురు ఆర్టిజన్లు ఇ.ప్రశాంత్‌, ఎన్‌.మురళి, ఆర్‌.సాయిమల్లును విధుల నుంచి తప్పించారు. కాగా, ఇప్పటికే సిబ్బంది కొరత వేధిస్తుండగా ఒక సీనియర్‌ లైన్‌ ఇన్‌స్పెక్టర్‌, ఒక లైన్‌ఇన్‌స్పెక్టర్‌, ఇద్దరు ఎఎల్‌ఎంలు, ముగ్గురు అన్‌మ్యాన్డ్‌ వర్కర్లు విధులకు దూరం కావడంతో ఖానాపురం సెక్షన్‌లో ఉద్యోగుల లోటు నెలకొంది. ఫలితంగా ఉన్న వారిపై మరింత భారం పడునుంది. మద్యం విందు చేసుకున్న వారిపై వేటు టీజీ ఎన్పీడీసీఎల్‌లో సంచలనం

గర్భిణులకు వరంగా ‘అమ్మఒడి–102’ వాహన సేవలుగూడూరు: గ్రామీణ ప్రాంతాల్లోని గర్భిణులకు మెరుగైన, సురక్షితమైన వైద్య సేవలు అందించడమే లక్ష్యంగా రాష్ట్ర ప్రభుత్వం ప్రవేశపెట్టిన ‘అమ్మఒడి–102’ ఉచిత వాహన సేవలు గూడూరు, కొత్తగూడ, గంగారం మండలాల్లో విజయవంతంగా కొనసాగుతున్నాయి. ఆయా మండలాల పరిధిలోని గ్రామాలకు చెందిన గర్భిణులను ఆశవర్కర్లు ఈ ప్రత్యేక వాహనాల ద్వారా ప్రాథమిక ఆరోగ్య కేంద్రాల (పీహెచ్‌సీ )కు ఉచితంగా తీసుకెళ్తున్నారు. అక్కడ వైద్యులు ఉచితంగా అన్ని రకాల ఆరోగ్య పరీక్షలు, అవసరమైన మందులు అందజేస్తున్నారు. అనంతరం గర్భిణులను తిరిగి ఆదే వాహనంలో అత్యంత సురక్షితంగా ఇళ్లకు చేర్చుతున్నారు. కొత్తగూడ, గంగారం మండలాలకు ఒకటి, గూడూరు మండలానికి ఒక వాహనం ఉంది. గతంలో గ్రామాల నుంచి మండల కేంద్రాల్లోని ప్రభుత్వ ఆస్పతుల్రకు గర్భిణులు ఆటోలు, బైక్‌ల ద్వారా వచ్చేవారు. దీంతో ఆర్థికపరమైన భారంతో పాటు ప్రయాణాల్లో తీవ్ర ఇబ్బందులు ఎదుర్కొనే వారు. ప్రస్తుతం ‘అమ్మఒడి–102’ వాహన సేవలు అందుబాటులోకి రావడంతో గర్భిణులు ప్రతీ వారం క్రమం తప్పకుండా వైద్య పరీక్షలు చేయించుకోవడం ఎంతో సులువైంది. ఉచిత రవాణా సేవలపై గర్భిణులు హర్షం వ్యక్తం చేస్తున్నారు. ఇదే వాహనంలో ఆస్పత్రుల్లో డెలివరీ కోసం తీసుకెళ్లడం, ప్రసవం తర్వాత తిరిగి ఇంటికి తీసుకువచ్చి దింపడం లాంటి సేవలు అందుతున్నాయి.గతంలో ఇబ్బందులు.. ఉచితంగా ప్రభుత్వ ఆస్పత్రులకు చేరవేత వైద్య పరీక్షల అనంతరం తిరిగి ఇంటికి..

ప్రముఖ ఆధ్యాత్మిక వేత్త, ధర్మప్రవచనకులు చాగంటి కోటేశ్వరరావుహన్మకొండ కల్చరల్‌ : వేయిరేకుల కమలం వేయిస్తంభాల దేవాలయం అపూర్వమైందని, నాడు విద్వాంసులను సంప్రదించి నిర్మించిన శివాలయం పరమాద్భుతమైందని, రుద్రేశ్వరుడిని దర్శించుకోవడం వల్ల యోగస్థితి కలుగుతుందని ప్రముఖ ఆధ్యాత్మికవేత్త, ధర్మప్రవచనకులు చాగంటి కోటేశ్వరరావు పేర్కొన్నారు. ఈ మేరకు తెలంగాణ పర్యటనలో భాగంగా వరంగల్‌కు వచ్చిన చాగంటి కోటేశ్వరరావు మంగళవారం హనుమకొండలోని వేయిస్తంభాల దేవాలయాన్ని సందర్శించారు. ఆలయ ఈఓ అనిల్‌కుమార్‌, ప్రధానార్చకులు గంగు ఉపేంద్రశర్మ, అర్చకులు ఆయనను ఆలయమర్యాదలతో ఘనంగా స్వాగతించారు. ఈ సందర్భంగా చాగంటి కోటేశ్వరరావు శ్రీరుద్రేశ్వరస్వామి వారికి రుద్రాభిషేకం నిర్వహించుకున్న అనంతరం దేవాలయంలో జరుగనున్న కార్తీకమాసోత్సవాల కరపత్రాన్ని ఆవిష్కరించారు. అనంతరం కార్తీకమాసం విశిష్టతను భక్తులకు వివరించారు. సృష్టిలో మెదటి జ్యోతి పరమేశ్వరుడని, రుద్రేశ్వరస్వామి జ్యోతిరూపంలో వచ్చాడన్నారు. కార్తీకమాసంలో ఈ దేవాలయంలో పూజలు జరుపుకోవడం పుణ్యఫలం ఇస్తుందన్నారు. కార్యక్రమంలో వేదపండితులు మణికంఠశర్మ, నాగిళ్ల షణ్ముఖశర్మ, కపర్తిశర్మ, బాబిశర్మ, దుర్గాప్రసాద్‌శర్మ, లంకాశివకుమార్‌శర్మ, ఎస్‌పీఆర్‌ స్కూల్‌ అధినేత జగన్‌, ఈసీజీ సంస్థ ఫౌండర్‌ శివప్రసాద్‌ పాల్గొన్నారు. భారతీయ సంస్కృతిలో గోవుకు విశిష్టస్థానం భారతీయ సంస్కృతిలో గోవుకు విశిష్ట స్థానం ఉందని, గోవులను స్మరించడం, సేవ చేయడం ద్వారా భక్తిభావన, కరుణ, జీవుల పట్ల ప్రేమ వంటి సద్గుణాలు పెంపొందుతాయని ధార్మికవేత్త, ప్రవచనకర్త చాగంటి కోటేశ్వరరావు పేర్కొన్నారు. విద్యారణ్య ఆర్ష ధర్మ రక్షణ సంస్థ వరంగల్‌ ఆధ్వర్యంలో రెండురోజుల పాటు జరగనున్న చాగంటి కోటేశ్వరరావు ప్రవచనాలు మంగళవారం సాయంత్రం వరంగల్‌లోని శ్రీభద్రకాళి దేవాలయం దగ్గరలోని కీర్తిగార్డెన్స్‌లో ప్రారంభమయ్యాయి. కార్యక్రమంలో ఆర్ష ధర్మ రక్షణ సంస్థ అధ్యక్షుడు నకిరేకంటి రామమూర్తి, కార్యదర్శి పోలా పశుపతి, భద్రకాళి దేవాలయం ట్రస్ట్‌ చైర్మన్‌ బండారు శివసుబ్రహ్మణ్యం, ప్రధానార్చకులు భద్రకాళి శేషు పాల్గొన్నారు. అంతకు ముందు చాగంటి కోటేశ్వరరావు శ్రీభద్రకాళి దేవాలయాన్ని సందర్శించారు.

● రాష్ట్ర పంచాయతీరాజ్‌ శాఖ మంత్రి సీతక్క కాజీపేట అర్బన్‌ : ప్రైవేట్‌ పాఠశాలల, కళాశాలల ఉపాధ్యాయులు, అధ్యాపకుల సమస్యల పరిష్కారానికి కృషి చేస్తానని రాష్ట్ర పంచాయతీరాజ్‌ శాఖ మంత్రి సీతక్క తెలిపారు. ప్రైవేట్‌ పాఠశాలల, కళాశాలల ఉపాధ్యాయుల, అధ్యాపకుల ఆధ్వర్యంలో మంగళవారం హంటర్‌రోడ్డులోని ‘డీ’ కన్వెన్షన్‌ హాల్‌లో నిర్వహించిన గ్రాడ్యుయేట్‌ ఎమ్మెల్సీ ఎన్నికల ఆత్మీయ పరిచయ కార్యక్రమానికి మంత్రి ముఖ్య అతిథిగా హాజరై మాట్లాడారు. కాంగ్రెస్‌ బలపరిచిన సర్వోత్తంరెడ్డికి మొదటి ప్రాధాన్యత ఓటు వేసి గెలిపించాలని కోరారు. కార్యక్రమంలో ఎమ్మెల్సీ బస్వరాజు సారయ్య, ఎమ్మెల్యేలు నాయిని రాజేందర్‌రెడ్డి, కె.ఆర్‌.నాగరాజు, రేవూరి ప్రకాశ్‌రెడ్డి, ‘కుడా’ చైర్‌పర్సన్‌ గుండు సుధారాణి, డీసీసీ అధ్యక్షుడు ఇనుగాల వెంకట్రాంరెడ్డి, తదితరులు పాల్గొన్నారు.

ఖిలా వరంగల్‌ : వరంగల్‌ ఏనుమాముల మార్కెట్‌లో పత్తి పంట ధరలు రోజురోజుకూ పడిపోతున్నాయి. గత నెలలో క్వింటాకు రూ. 9,250 పైగా ధర పలకగా.. ప్రస్తుతం రూ.8,790కి తగ్గింది. నెల రోజుల్లోనే క్వింటాకు రూ. 600 మేర ధర పతనం కావడంతో రైతులు ఆందోళన చెందుతున్నారు. గత వారం మార్కెట్‌కు రోజుకు 2వేల బస్తాలకు మించి అమ్మకాలకు రాలేదు. ప్రస్తుతం రైతులు అమ్మకాలు పెంచడంతో మార్కెట్‌కు సుమారు 4వేల బస్తాల పంట చేరుతోంది. అమ్మకాలు పెరుగుతున్న నేపథ్యంలో వ్యాపారులు ధరలు తగ్గిస్తున్నారని రైతులు ఆవేదన వ్యక్తం చేస్తున్నారు. పెట్టుబడులు పెరిగి, దిగుబడులు ఆశించిన స్థాయిలో లేని క్రమంలో ధరల పతనం తమకు మరింత భారంగా మారిందని అన్నదాతలు వాపోతున్నారు. రైల్వే ఉద్యోగి ఆత్మహత్య కాజీపేట: కాజీపేట ఈఎల్‌ఎస్‌ రైల్వే క్వార్టర్స్‌లో మంగళవారం రాత్రి రైల్వే ఉద్యోగి దూలం శ్రీనివాస్‌ (45) ఉరేసుకుని ఆత్మహత్యకు పాల్పడ్డారు. కుటుంబ సభ్యుల కథనం ప్రకారం.. శ్రీనివాస్‌ కొద్దిరోజులుగా విధులకు హాజరుకాకుండా ఇంటి వద్దే ఉంటున్నారు. రామగుండంలో పాయింట్స్‌మెన్‌గా పని చేస్తున్న శ్రీనివాస్‌పై అధికారులు క్రమ శిక్షణ చర్యలు తీసుకోవడంతో మనస్తాపం చెంది ఆత్మహత్య చేసుకున్నట్లు చెప్పారు. పోలీసులు కేసు నమోదు చేసి విచారణ జరుపుతున్నారు.● నెల రోజుల్లో క్వింటాకు రూ. 600 తగ్గిన ధర ● అమ్మకాలు పెరిగినా రైతులకు నిరాశ

మరిపెడ రూరల్‌ : కొబ్బరి బొండాల మాటున పశువుల అక్రమ రవాణాకు పాల్పడుతున్న ముఠా గుట్టు రట్టు అయ్యింది. మరిపెడ పోలీసులు తనిఖీల్లో బయటపడింది. నంబర్‌ ప్లేట్‌ లేని టాటా ట్రాలీలో కొబ్బరి బొండాల కింద ఎనిమిది పశువులను కాళ్లు, మెడలకు తాళ్లతో కట్టేసి కదలలేని స్థితిలో తరలిస్తుండగా పోలీసులు పట్టుకున్నారు. ఈ ఘటనలో ముగ్గురు నిందితులపై కేసు నమోదు చేసి, వాహనాన్ని సీజ్‌ చేశారు. ఈ అమానుష ఘటన సోమవారం మహబూబాబాద్‌ జిల్లా మరిపెడ మండల కేంద్రంలోని చోటు చేసుకుంది. ఎస్సై గండ్రాతి సతీశ్‌ కథనం ప్రకారం.. మరిపెడ పోలీస్‌ స్టేషన్‌ కానిస్టేబుళ్లు నరేశ్‌, జి.శ్రీను రాత్రి పెట్రోలింగ్‌ నిర్వహిస్తుండగా అనుమానాస్పదంగా కనిపించిన టాటా ట్రాలీని ఆపి తనిఖీ చేశారు. కొబ్బరి బొండాల మాటను పరిశీలించగా ఆరు ఆవులు, రెండు కోడెగిత్తలు కలిపి మొత్తం ఎనిమిది పశువులు కనిపించాయి. వాటిని కాళ్లు, మెడలకు తాళ్లతో బంధించి అనుమానుషంగా తరలిస్తున్నట్లు గుర్తించారు. ఆంధ్రప్రదేశ్‌లోని అనకాపల్లి ప్రాంతానికి చెందిన గొర్ల శివ, యలమచిలీ శివ, బంగారి లచ్చన్న అదే ప్రాంతంలోని ఈ పశువులను కొబ్బరి బొండాల మాటున హైదరాబాద్‌లోని కబేళాలకు తరలిస్తున్నారు. అక్రమ రవాణాదారుల చెర నుంచి ఎనిమిది పశువులను విడిపించిన అనంతరం పోలీసులు పశువైద్యాధికారులతో మూగజీవాలకు చికిత్స అందించారు. పశువుల అక్రమ రవాణాకు ఉపయోగించిన టాటా ట్రాలీని సీజ్‌ చేసి ముగ్గురు నిందితులపై పశువుల అక్రమ రవాణా, జంతువుల పట్ల క్రూరత్వానికి సంబంధించిన చట్టాల కింద కేసులు నమోదు చేసి దర్యాప్తు చేస్తున్నట్లు ఎస్సై సతీశ్‌ తెలిపారు. నంబర్‌ ప్లేట్‌ లేని ట్రాలీలో 8 పశువులు తరలింపు పోలీసుల తనిఖీల్లో గుట్టు రట్టు ముగ్గురిపై కేసు నమోదు

హన్మకొండ అర్బన్‌ : దేశవ్యాప్తంగా క్రీడాకారులు పాల్గొనే ఖేలో ఇండియా అథ్లెటిక్స్‌ పోటీల నిర్వహణకు పక్కాగా ఏర్పాట్లు చేయాలని హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. డిసెంబర్‌ 18 నుంచి 21వ తేదీ వరకు హనుమకొండ జేఎన్‌ఎస్‌లో 8వ ఖేలో ఇండియా యూత్‌ గేమ్స్‌–2026 జాతీయస్థాయి అథ్లెటిక్స్‌ పోటీలు నిర్వహించనున్న నేపథ్యంలో మంగళవారం కలెక్టరేట్‌లో వివిధ శాఖల అధికారులతో సమీక్ష నిర్వహించారు. ఈ పోటీలకు క్రీడాకారులు, అధికారులు, సాంకేతిక బృందాలు, కోచ్‌లు కలిపి సుమారు 1,500 మంది హాజరయ్యే అవకాశం ఉందని జిల్లా క్రీడాభివృద్ధి అధికారి కొత్త ప్రశాంత్‌ వివరించారు. ఈ సందర్భంగా కలెక్టర్‌ మాట్లాడుతూ క్రీడాకారులకు ఎలాంటి ఇబ్బందులు కలగకుండా మౌలిక సదుపాయాలు కల్పించాలని ఆదేశించారు. వైద్య ఆరోగ్య శాఖ ఆధ్వర్యంలో రెండు అంబులెన్స్‌లు, వైద్య బృందాన్ని అందుబాటులో ఉంచాలని, పో లీస్‌ శాఖ బందోబస్తు, ట్రాఫిక్‌ నియంత్రణ చర్యలు చేపట్టాలని ఆదేశించారు. తాగునీటి సదుపాయం, తాత్కాలిక మరుగుదొడ్లు ఏర్పాటు చేయాలని నగరపాలక సంస్థ అధికారులకు సూచించారు. స్టేడియంలోని వేదికకు ఇరువైపులా సీసీ ప్లాట్‌ఫామ్‌ల నిర్మాణ పనులు చేపట్టాలన్నారు. సమావేశంలో అదనపు కలెక్టర్‌ ఎన్‌. రవి, డీఎంహెచ్‌ఓ అప్పయ్య, ఏసీపీలు పి. నర్సింహారావు, టి. సత్యనారాయణ, ఆర్‌అండ్‌బీ ఈఈ దేవక చవాన్‌, తెలంగాణ అథ్లెటిక్స్‌ అసోసియేషన్‌ ప్రధాన కార్యదర్శి సారంగపాణి, వివిధ శాఖల అధికారులు పాల్గొన్నారు. హనుమకొండ కలెక్టర్‌ చాహత్‌ బాజ్‌పాయ్‌

కేయూ క్యాంపస్‌ : దేశ ఫార్మసీ విద్య, పరిశోధన రంగంలో తనదైన ముద్రవేసిన ప్రముఖ విద్యావేత్త, ఔషధ శాస్త్రవేత్త, కాకతీయ యూనివర్సిటీ మాజీ వీసీ ఆచార్య చంద్రకాంత్‌ కొకాటే(79) ఇక లేరు. అనారోగ్య కారణాలతో సోమవారం రాత్రి మహారాష్ట్రలోని పూణెలోని తన నివాసంలో తుదిశ్వాస విడిచారు. ఆయనకు భార్య, ఇద్దరు కుమారులు ఉన్నారు. కొకాటే 2001 నుంచి 2004 వరకు కాకతీయ యూనివర్సిటీ వైస్‌ చాన్స్‌లర్‌ (ఉపకులపతి)గా సేవలందించారు. ఉమ్మడి ఆదిలాబాద్‌ జిల్లా బైంసాకు చెందిన కొకాటే కేయూ ఫార్మసీ కళాశాలలో ప్రొఫెసర్‌గా నియమిలై పిన్సిపాల్‌ , విభాగం అధిపతి, బోర్డు ఆఫ్‌ స్టడీస్‌ చైర్మన్‌, కేయూ యూజీసీ కోఆర్డినేటింగ్‌ ఆఫీసర్‌, ఫార్మసీ డీన్‌గా కీలక పదవులు చేపట్టారు. వీసీగా కొనసాగుతూ కూడా ఫార్మాకాగ్నెసి, ఫొరెన్సిక్‌ ఫార్మసీ సబ్జెక్టుల విద్యార్థులకు విద్యాబోధన చేసిన ఘనత ఆయనకే దక్కింది. ఫార్మసీ కౌన్సిల్‌ ఆఫ్‌ ఇండియా అధ్యక్షుడిగా.. న్యూఢిల్లీలోని ఫార్మసీ కౌన్సిల్‌ ఆఫ్‌ ఇండియా (పీసీఐ) అధ్యక్షుడిగా కూడా ప్రొఫెసర్‌ చంద్రకాంత్‌ కొకాటే బాధ్యతలు నిర్వర్తించి మన్ననలు పొందారు. ఇండియన్‌ ఫార్మాస్యూటికల్‌ అసోసియేషన్‌ అధ్యక్షుడిగా, ఇండియన్‌ సొసైటీ ఆఫ్‌ ఫార్మకోగ్నసి అధ్యక్షుడిగా బాధ్యతలు నిర్వర్తించారు. యూజీసీ, న్యాక్‌, నేషనల్‌ బోర్డు ఆఫ్‌ అక్రిడిటేషన్‌ తదితర సంస్థల కమిటీలు, సలహా మండళ్లలో కూడా పనిచేశారు. పరిశోధన గ్రంథ రచనల్లో విశేష కృషి.. ప్రొఫెసర్‌ కొకాటే జాతీయ, అంతర్జాతీయ పరిశోధన పరంగా 115కిపైగా వ్యాసాలు రాశారు. ఫార్మసీ విద్యార్థులకు ఉపయోగపడే ఏడు పుస్తకాలు రచించారు. ఆయన పర్యవేక్షణలో17 మంది పరిశోధకులు పీహెచ్‌డీ పూర్తిచేశారు. కేయూ నుంచి వలంటీర్‌ రిటైర్మెంట్‌ తీసుకుని.. ప్రొఫెసర్‌ కొకాటే కేయూ వీసీగా పదవీకాలం ముగిసిన అనంతరం కొంత సర్వీస్‌ ఉండగానే వలంటీర్‌ రిటైర్మెమెంట్‌ తీసుకున్నారు. ఆ తర్వాత కర్నాటక రాష్ట్రం బెల్గాంలోని కేఎల్‌ యూనివర్సిటీ వీసీగా పదేళ్ల పాటు సేవలు అందించారు. వీసీ, రిజిస్ట్రార్‌ సంతాపం.. ఆచార్య కొకాటే మృతిపై కేయూ వీసీ కె. ప్రతాప్‌రెడ్డి, రిజిస్ట్రార్‌ వి. రామచంద్రం, కాకతీయ యూనివర్సిటీ అధ్యాపకుల సంఘం అధ్యక్షుడు బి. వెంకట్రామ్‌రెడ్డి, ఫార్మసీ కళాశాల ప్రిన్సిపాల్‌ జె. కృష్ణవేణి, మాజీ డీన్‌ సమ్మయ్య సంతాపం తెలిపారు. కొకాటే మృతి ఫార్మసీ విద్య, పరిశోధన రంగానికి తీరని లోటని పేర్కొన్నారు.కొకాటేకు పురస్కారాలు.. ప్రొఫెసర్‌ కొకాటే జాతీయ, అంతర్జాతీయ స్థాయిలో 28కిపైగా పురస్కారాలు అందుకున్నారు. ప్రపంచంలోని సుమారు 35 దేశాలను విద్య, పరిశోధన, వృత్తిపరమైన కార్యక్రమాల నిమిత్తం సందర్శించారు ఫార్మసీ విద్యారంగంలో విశిష్టసేవలు వీసీ, రిజిస్ట్రార్‌, ఫార్మసీ కళాశాల ఆచార్యుల సంతాపం

● కలెక్టర్‌ స్నేహశబరీష్‌ మహబూబాబాద్‌: ఇంటర్మీడియట్‌లో జిల్లా ఉత్తమ ఫలితాలు సాఽధించాలని కలెక్టర్‌ స్నేహశబరీష్‌ ఆదేశించారు. కలెక్టరేట్‌లోని కాన్ఫరెన్స్‌ హాల్‌లో మంగళవారం ఇంటర్మీడియట్‌, వొకేషనల్‌ విద్యార్థుల విద్యా ప్రమాణాలు, సంక్షేమం తదితర అంశాలపై సంబంధిత అధికారులతో సమీక్ష సమావేశం నిర్వహించారు. కలెక్టర్‌ స్నేహశబరీష్‌ మాట్లాడుతూ.. విద్యార్థుల హాజరుశాతం నిరంతరం పర్యవేక్షించాల ని, చదువులో వెనుకబడిన విద్యార్థులపై ప్రత్యేక శ్రద్ధ పెట్టాలన్నారు. గంజాయి, డ్రగ్స్‌ వంటి మాదక ద్రవ్యాల వినియోగాన్ని అరికట్టడానికి అధికారులు, యాజమాన్యాలు కఠిన చర్యలు తీసుకోవాలన్నారు. బాల్య వివాహాలను నిరోధించడానికి సమాజం, విద్యాశాఖ బాధ్యతాయుతంగా పని చేయాలన్నారు. వసతి గృహాల్లో మెనూ కచ్చితంగా అమలు చేయాలన్నారు. ఇంటర్మీడియట్‌, వొకేషనల్‌ కోర్సులు పూర్తి చేసిన వారికి భవిష్యత్‌ ప్రణాళికపై అవగాహన కల్పించాలన్నారు. మైనర్‌ డ్రైవింగ్‌, సామాజిక అంశాలపై అవగాహన కార్యక్రమాలు నిర్వహించాలన్నారు. సమావేశంలో ఇంటర్మీడియట్‌ జిల్లా అధికారి మదార్‌, జిల్లాలోని పది జూనియర్‌ కళాశాలల ప్రిన్సిపాల్స్‌ తదితరులు పాల్గొన్నారు.

● నిలిచిపోయిన స్క్రీనింగ్‌, వైద్య సేవలు నెహ్రూసెంటర్‌: జిల్లా ప్రభుత్వ జనరల్‌ ఆస్పత్రిలోని డిస్ట్రిక్ట్‌ ఎర్లీ ఇంటర్‌వెన్షన్‌ సెంటర్‌ (డీఈఐసీ)కు తాళం వేశారు. సెంటర్‌లో విధులు నిర్వర్తించే ఎన్‌హెచ్‌ఎం ఉద్యోగులు సమ్మె బాట పట్టారు. దీంతో సెంటర్‌కు తాళం వేయాల్సిన పరిస్థితి వచ్చింది. దీంతో పాటు ఆర్‌బీఎస్‌కే ఆధ్వర్యంలో పాఠశాలల్లో స్క్రీనింగ్‌ నిర్వహించి జిల్లా ఆస్పత్రిలోని ఇంటర్‌వెన్షన్‌ సెంటర్‌కు రోజుకో టీంగా పిల్లలను తీసుకురావాలి. ఏదైనా వైద్య సహాయం అవసమైన పిల్లలను జీజీహెచ్‌లోని వైద్యులకు చూపించాల్సి ఉంటుంది. కాగా, ఎన్‌హెచ్‌ఎం ఉద్యోగులంతా సమ్మెలో ఉండడంతో స్క్రీనింగ్‌, వైద్య సేవలు అందడం లేదు.

● బీఆర్‌ఎస్‌ రాష్ట్ర నాయకుడు రాకేశ్‌రెడ్డి కురవి: రాబోయే పట్టభద్రుల ఎన్నికల్లో కార్యకర్తలు, నాయకులు అప్రమత్తంగా వ్యవహరిస్తేనే బీఆర్‌ఎస్‌ను విజయం వరిస్తుందని ఆ పార్టీ రాష్ట్ర నాయకుడు ఏనుగుల రాకేశ్‌రెడ్డి అన్నారు. మంగళవారం కురవి మండల కేంద్రంలోని ఓం ఫంక్షన్‌హాల్‌లో ఉమ్మడి వరంగల్‌, నల్లగొండ, ఖమ్మం పట్టభద్రుల ఎన్నికల ఓటరు నమోదు ప్రక్రియపై కురవి, సీరోలు మండలాల ముఖ్యనాయకులు, ఇన్‌చార్జ్‌లతో సమీక్ష సమావేశం నిర్వహించారు. రాకేశ్‌రెడ్డి మాట్లాడుతూ.. ఎమ్మెల్సీ ఓటరు నమోదు ప్రక్రియలో డోర్నకల్‌ నియోజకవర్గం ముందు వరుసలో ఉందన్నారు. ప్రతీ పట్టభద్రుడిని ఓటరుగా నమోదు చేయించాలన్నారు. నాయకులు, కార్యకర్తలు కలిసికట్టుగా ప్రతీ ఓటరుతో మాట్లాడాలని సూచించారు. మాజీ ఎంపీ మాలోత్‌ కవిత మాట్లాడుతూ.. ప్రతీ కార్యకర్త, నాయకుడు ఓటరు నమోదు ప్రక్రియను వేగవంతంగా పూర్తిచేయాలని కోరారు. బీఆర్‌ఎస్‌ అభ్యర్థి గెలుపుకోసం ప్రతీ కార్యకర్త సైనికుడిలా పనిచేయాలని పిలుపునిచ్చారు. మాజీ మంత్రి డీఎస్‌ రెడ్యానాయక్‌ మాట్లాడుతూ.. హామీల అమలులో కాంగ్రెస్‌ విఫలమైందని, ప్రజల్లో బీఆర్‌ఎస్‌కు ఆదరణ పెరిగిందని, గ్యాడ్యుయేట్‌ ఎమ్మెల్సీ ఎన్నికల్లో గెలుపు ఖాయమన్నారు. అనంతరం రాకేశ్‌రెడ్డి కురవి వీరభద్రస్వామిని దర్శించుకున్నారు. సర్పంచ్‌ బాదావత్‌ లక్ష్మీరాజునాయక్‌, బీఆర్‌ఎస్‌ జిల్లా నాయకులు బజ్జూరి పిచ్చిరెడ్డి, తోట లాలయ్య, గుగులోత్‌ రవి, ముండ్ల రమేశ్‌, బోజు నాయక్‌, విజయ్‌పాల్‌రెడ్డి, మోహన్‌, దొంగలి నర్సయ్య, కొణతం విజయ్‌, సంగెం భరత్‌, నామ సైదులు, గంగాధర్‌రెడ్డి, రాంచంద్రయ్య, గణేశ్‌, మేక నాగిరెడ్డి, దుడ్డెల వినోద్‌, సూర్య, గణేశ్‌, రాము తదితరులు పాల్గొన్నారు.

దుగ్గొండి: మానవతావిలువలు.. కుటుంబ బాంధవ్యాలు.. రక్త సంబంధాలను సైతం పట్టించుకోని నేటి రోజుల్లో పేదవారయినా సరే తమ రక్త సంబంధానికి అండగా నిలిచారు. అయినవారంతా కాలం చేసినా నీకు మేమున్నామంటూ ముందుకు వచ్చి భరోసా ఇస్తున్నారు. వివరాల్లోకి వెళ్తే.. వరంగల్‌ జి ల్లా దుగ్గొండి మండలం నాచినపల్లి గ్రామానికి చెందిన నంగునూరి చేరాలు, స్వరూప దంపతులు 20 ఏళ్ల క్రితం అనారోగ్యంతో మృతి చెందారు. అప్పటికి వారికి ఇద్దరు పిల్లలు కుమారుడు హరీశ్‌, కూతురు ప్రత్యూష ఉన్నారు. అమ్మానాన్నలను కోల్పోయి అనాథలుగా మిగిలిన వీరిని స్వచ్ఛంద సంస్థలు అక్కున చేర్చుకున్నాయి. ఆలన పాలన చూశాయి. 20 ఏళ్లు అన్నాచెల్లెలు ఇద్దరూ ఒకరికి ఒ కరు తోడుగా ఉంటున్నారు. ఉన్నత విద్యనభ్యసించారు. ఇంతలోనే వారిపై విధి పగపట్టింది. హరీశ్‌ 10 రోజుల క్రితం గుండెపోటుతో మృతి చెందాడు. ఇదే తరుణంలో ప్రత్యూష అనాథగా మారిన తీరు వివరిస్తూ గత అక్టోబర్‌ 26వ తేదీన ‘ఈ చెల్లికి ఎంత కష్టమొచ్చె’ శీర్షికన ‘సాక్షి’ మెయిన్‌లో కథనం ప్రచురితమైన విషయం విదితమే. ఈ కథనంతో ఎంతో మంది హృదయాలు కదిలాయి. ఎన్నో చేతులు ఆపన్న హస్తం అందించడానికి సిద్ధమయ్యాయి. ఉమ్మడి ఆస్తిని రాసిచ్చిన పెద్ద, చిన్నాన్నలు.. ప్రత్యూష అనాథగా మారడంతో పేదవారయినా సరే తమకున్న ఉమ్మడి ఆస్తి 20 గుంటల పొలాన్ని పెద్దనాన్న నంగునూరి కొంరయ్య, చిన్నాన్నలు సాంబయ్య, వెంకటయ్య, రవి.. ప్రత్యూషకు రాసిచ్చారు. ఆమె పేరున రిజిస్ట్రేషన్‌ చేయించి మంగళవారం ప్రత్యూషకు ఆస్తిపత్రాలు అందించారు. పెళ్లితో పాటు నిరంతరం అండగా ఉండి తల్లిదండ్రులు, అన్న లేనిలోటు తీరుస్తామని ధైర్యం చెప్పి పలువురికి ఆదర్శంగా నిలిచారు. ఊరంతా అండగా... ప్రత్యూష దీనగాథను కనులారా వీక్షించిన గ్రామస్తులు చలించిన హృదయంతో అండగా ఉండాలని, తోచినంత సాయం చేయాలని నిర్ణయించుకుని నిధి సేకరణ కార్యక్రమాన్ని ప్రారంభించి కొనసాగిస్తున్నారు. సమకూరిన నిధిని ప్రత్యూష ఉన్నత చదు వు, జీవన భృతి, రేపటి అవసరాలకు ఉపయోగపడేలా అందిస్తామని పలువురు గ్రామస్తులు తెలిపారు. ప్రత్యూషకు భరోసా కల్పించిన పెద్ద, చిన్నాన్నలు కదిలించిన ‘సాక్షి’ కథనం..

కొత్తగూడ: మండలంలోని ఎంచగూడెం, సాదిరెడ్డిపల్లి గ్రామాల్లో ఓ కంపెనీకి చెందిన సిద్ది–44 అనే వరి వంగడం వంద ఎకరాల్లో సాగు చేశారు. పంటకాలం 140రోజులు కాగా.. వరినాటు వేసి 120 రోజులైనా ఇప్పటికీ ఈనడం లేదు. చిరు పొట్ట దశలోనే ఉంది. ఎర్రబారిపోతుంది. దీంతో తాము మోసపోయామని బాధిత రైతులు గ్రహించి.. విత్తనాలు విక్రయించిన ఎంచగూడెం గ్రామానికి చెందిన వ్యాపారిని నిలదీశారు. కంపెనీ వారిని పిలిపిస్తామని జాప్యం చేస్తున్నట్లు రైతులు తెలిపారు. ఈక్రమంలో రైతులు వ్యవసాయ అధికారులను సంప్రదించగా.. ఏఈఓ పొలాలను పరిశీలించి వెళ్లారని, తర్వాత ఎలాంటి స్పందన లేదని రైతులు మంగళవారం విలేకరులతో వాపోతున్నారు. అధికారులు సరిగా స్పందించకపోవడంపై ఆగ్రహం వ్యక్తం చేస్తున్నారు. నష్టపోయాం.. పరిహారం అందించాలిఅధిక దిగుబడి వస్తుందని నాలుగు ఎకరాలు వరి సాగు చేశా. ఎదుగుదల లేదు.. ఈనడం లేదు.. ఎర్రబారి పోయింది. సుమారు 160 బస్తాల దిగుబడి వచ్చేది. ఏంచేయాలో దిక్కు తోచడం లేదు. పరిహారం అందించి ఆదుకోవాలి. – పుల్సం నారాయణ, రైతు శాస్త్రవేత్తలకు సమాచారం అందించాంవరి పొలాలు ఈనడం లేదని ఎంచగూడెం, సాదిరెడ్డిపల్లి రైతులు ఫిర్యాదు చేశారు. వెంటనే ఏఈఓతో సర్వే నిర్వహించాం. ఉన్నతాధికారులతో పాటు వ్యవసాయ శాస్త్రవేత్తలకు సమాచారం అందించాం. వారు పరిశీలించి ఇచ్చిన నివేదిక మేరకు చర్యలు తీసుకుంటాం. – జక్కుల ఉదయ్‌, మండల వ్యవసాయాధికారి నిండా ముంచిన సిద్ది–44 రకం వరి వంద ఎకరాల్లో సాగు.. ఆందోళనలో రైతులు

గర్భం దాల్చినప్పటి నుంచి ఎలాంటి ఖర్చు లేకుండా వాహనంలో ఆస్పత్రికి వచ్చి పరీక్షలు చేయించుకుంటున్నా. ప్రభుత్వం ఏర్పాటు చేసిన అమ్మ ఒడి వాహనాలు ఎంతో మేలు చేస్తున్నాయి. – శర్వాణి, గర్భిణి, కొత్తగూడ సుదూరం నుంచి వచ్చి పరీక్షలు చేయించుకుంటున్నాం..102 వాహనాలు లేక ముందు ఆస్పత్రికి రావాలంటే ఎంతో ఇబ్బంది పడ్డామని మా వాళ్లు చెబుతున్నారు. ఇప్పుడు అలాంటి పరిస్థితి లేదు. మా ఊరు దట్టమైన అడవిలో ఉంటుంది. నా లాంటి గర్భిణులు 7వ నెల దాటగానే ఆస్పత్రికి దగ్గరలోని చుట్టాల ఇళ్లకు చేరుతాం. ప్రభుత్వం వాహన సేవలు అందించడం మా అదృష్టమే. – రాజేశ్వరి, గర్భిణి, గంగారం ●

కాజీపేట రూరల్‌ : కాజీపేట రైల్వే ఎంప్లాయీస్‌ సంఘ్‌ కార్యాలయంలో మంగళవారం నిర్వహించిన సంఘ్‌ సమావేశానికి సౌత్‌ సెంట్రల్‌ రైల్వే ఎంప్లాయీస్‌ సంఘ్‌ జాయింట్‌ జనరల్‌ సెక్రటరీ భరణిభానుప్రసాద్‌, సికింద్రాబాద్‌ డివిజన్‌ అధ్యక్ష కార్యదర్శులు కొత్త మురళీకృష్ణ, ప్రభురాజ్‌, తదితరులు హాజరయ్యారు. ఈ సందర్భంగా రైల్వే ఆస్పత్రి స మస్యలతో పాటు ఆస్పత్రి ఏసీఎంఎస్‌ డాక్టర్‌ నిరంజన్‌ దురుసు ప్రవర్తనను కార్మికులు.. నేతల దృష్టికి తీసుకెళ్లారు. దీంతో సంఘ్‌ నేతలు డాక్టర్‌ నిరంజన్‌ను కలిసేందుకు ఆయన గదిలోకి వెళ్లగా మీరు ఎవరు అంటూ ప్రశ్నించగా నాయకులు ఆగ్రహానికి లోనయ్యారు. డాక్టర్‌ తీరుపై అసహనం వ్యక్తం చేస్తూ నినాదాలు చేయడంతో ఉద్రిక్త పరిస్థితి ఏర్పడింది. రైల్వే డాక్టర్‌ మద్యం సేవించి ఉన్నాడని, వెంటనే డ్యూటీలో ఉన్న డాక్టర్లు రక్త నమూనాలు సేకరించి రైల్వే ఉన్నతాధికారులకు పంపాలని డిమాండ్‌ చేశారు. దీనిపై జేజీఎస్‌ భరణిభానుప్రసాద్‌.. సికింద్రాబాద్‌ రైల్వే సీఎండీ నిర్మల రాజారామ్‌కు ఫోన్‌లో ఫిర్యాదు చేశారు. వెంటనే స్పందించిన రైల్వే సీఎండీ ఈ ఘటనపై విచారణ చేపట్టి 24 గంటలలోపు రైల్వే డాక్టర్‌పై శాఖపరంగా చర్యలు తీసుకుంటామని హామీ ఇచ్చారు. దీంతో సికింద్రాబాద్‌, కాజీపేట రైల్వే సంఘ్‌ నాయకులు, కార్మికులు శాంతించారు. ఈ ఘటనపై రైల్వే డాక్టర్‌ నిరంజన్‌ను వివరణ కోరగా తాను విధులు నిర్వర్తిస్తున్న సమయంలో ఓ వ్యక్తి తన గదికి వచ్చాడని, అతను ఎవరో తనకు తెలియదన్నారు. అతనితో వచ్చిన రైల్వే నాయకులు తనకు చెప్పలేదన్నారు. అతను ఎవరో తెలియక ‘హూ ఆర్‌ యూ’ అన్నానని డాక్టర్‌ నిరంజన్‌ తెలిపారు. అధికారులకు ఫిర్యాదు చేసిన నాయకులు చర్యలు తీసుకుంటామని సీఎండీ హామీ

మహబూబాబాద్‌ అర్బన్‌: రోల్‌ ప్లే పోటీలతో విద్యార్థుల్లో ఆత్మవిశ్వాసం పెరుగుతుందని ఏసీజీఈ మందుల శ్రీరాములు అన్నారు. మా నుకోట మున్సిపల్‌ పరిధి అనంతారం మోడల్‌ స్కూల్‌లో మంగళవారం జిల్లాస్థాయి రోల్‌ ప్లే పోటీలు నిర్వహించారు. ఈ సందర్భంగా మందుల శ్రీరాములు మాట్లాడుతూ.. విద్యార్థులు నిరంతర సాధనతో ఉన్నత లక్ష్యాలను చేరుకోవాలన్నారు. ఈ పోటీల్లో ఎల్లంపేట జెడ్పీహెచ్‌ఎస్‌ విద్యార్థులు ప్రథమస్థానం, తొర్రూరు జెడ్పీహెచ్‌ఎస్‌ విద్యార్థులు ద్వితీయస్థానం, అంనతారం మోడల్‌ స్కూల్‌ విద్యార్థులు తృతీయ స్థానంలో నిలిచినట్లు పేర్కొన్నారు. కార్యక్రమంలో జిల్లా సైన్స్‌ అధికారి అప్పారావు, మోడల్‌ స్కూల్‌ ప్రిన్సిపాల్‌ ఉపేందర్‌రావు, ఉపాధ్యాయులు భాస్కర్‌, యాకమ్మ, కవిత తదితరులు పాల్గొన్నారు. శబరిమల యాత్రకు ఆర్టీసీ ప్రత్యేక బస్సులునెహ్రూసెంటర్‌: అయ్యప్ప మాలధారుల శబరిమల యాత్రకు మహబూబాబాద్‌ నుంచి ఆర్టీసీ ప్రత్యేక బస్సులు నడపనున్నట్లు డిపో మేనేజర్‌ వి.కల్యాణి మంగళవారం తెలిపారు. బస్సుల్లో గురుస్వామికి ఉచిత ప్రయాణ సౌకర్యంతో పాటు ఇద్దరు వంట మనుషులు, పదేళ్లలోపు ఇద్దరు మణికంఠ మాలధారులకు సీట్లు లేకుండా ఉచిత ప్రయాణం కల్పిస్తున్నట్లు తెలిపారు. యాత్రలో మాలధారులకు అనుకూలంగా విశ్రాంతి, భోజన విరామం కల్పించడంతో పాటు ఇతర పుణ్యక్షేత్రాలను సందర్శించేలా ఏర్పాటు చేసినట్లు పేర్కొన్నారు. ఈ అవకాశాన్ని మహబూబాబాద్‌ ప్రాంత అయ్యప్ప మాలధారులు సద్వినియోగం చేసుకోవాలని సూచించారు. నిబంధనల మేరకుఅనుమతులు ఇవ్వాలిఅదనపు కలెక్టర్‌ అనిల్‌కుమార్‌ మహబూబాబాద్‌: దీపావళి పండుగను పురస్కరించుకుని నిబంధనల మేరకు బాణసంచా దుకాణాలకు అనుమతులు ఇవ్వాలని అదనపు కలెక్టర్‌ అనిల్‌కుమార్‌ ఆదేశించారు. కలెక్టరేట్‌లో మంగళవారం బాణసంచా దుకాణాల ఏర్పాట్లపై సంబంధిత అధికారులతో సమీక్ష సమావేశం నిర్వహించారు. ఈసందర్భంగా అదనపు కలెక్టర్‌ మాట్లాడుతూ.. బాణసంచా దుకాణాల అనుమతుల కోసం ఆర్డీఓ కార్యాలయాలలో దరఖాస్తు చేసుకోవాలన్నారు. ప్రజలకు ఎలాంటి ఇబ్బందులు లేకుండా చూసుకోవాలన్నారు. నేడు జిల్లాస్థాయి బాలల సైన్స్‌ పోటీలుమహబూబాబాద్‌ అర్బన్‌: జిల్లా కేంద్రంలోని తెలంగాణ సోషల్‌ వెల్ఫేర్‌ రెసిడెన్షియల్‌ పాఠశాలలో బుధవారం ఉదయం 9:30 గంటలకు జిల్లాస్థాయి బాలల సైన్స్‌ పోటీలు నిర్వహిస్తున్న జిల్లా విద్యాశాఖ అధికారి కె.అనిల్‌కుమార్‌ మంగళవారం తెలిపారు. అన్ని ప్రభుత్వ యాజమాన్య పాఠశాలలు, కేజీబీవీ, మోడల్‌ స్కూల్‌, ప్రైవేట్‌ పాఠశాలల విద్యార్థులు పోటీల్లో పాల్గొన్నాలన్నారు. రిజిస్టర్‌ చేసుకున్న ఆయా పాఠశాలల ప్రధానోపాధ్యాయులు, సైన్స్‌ ఉపాధ్యాయులు తమ పాఠశాలల విద్యార్థులు పాల్గొనేలా చూడాలన్నారు. పూర్తి వివరాలకు జిల్లా విద్యాశాఖ సైన్స్‌ అధికారి అప్పారావు 9849598281 నంబర్‌ను సంప్రదించాలని అన్నారు. ఆరుతడి పంటల సాగుమేలుమహబూబాబాద్‌ రూరల్‌ : యాసంగిలో వరి వేయవద్దని, ఉద్యాన (ఆరుతడి) పంటల సాగు మేలుదాయకమని జిల్లా ఉద్యాన, పట్టు పరిశ్రమ శాఖ అధికారి జినుగు మరియన్న అన్నారు. ఎల్‌నినో వర్షాభావ పరిస్థితులు, మామిడిలో మేలైన యాజమాన్య పద్ధతులు, సస్యరక్షణ చర్యలపై మంగళవారం రైతులకు అవగాహన కల్పించారు. జిల్లా కేంద్రంలోని రైతు వేదికలో జరిగిన సమావేశంలో డీహెచ్‌ఎస్‌ఓ మరియన్న మాట్లాడుతూ.. విద్యుత్‌, నీటిని పొదుపుగా వినియోగించుకోవాలని, బిందు సేద్యం, ఎత్తు మడులు, మల్చింగ్‌ పద్ధతులు మేలని సూచించారు. బోర్లు, బావుల కింద కూరగాయలు, ఆయిల్‌ పామ్‌, ఉద్యాన పంటలు, పసుపు, మల్బరీ, మునగ, పండ్లు, పూలు సాగు చేస్తూ జిల్లా రైతులు ఎకరానికి లక్ష రూపాయలు ఆదాయం పొందుతున్నారని తెలిపారు. ఏడీఏ శ్రీనివాసరావు, వ్యవసాయ అధికారులు తిరుపతి రెడ్డి, రాంజీ, ఉద్యాన అధికారులు శాంతిప్రియదర్శిని, స్రవంతి, ఏఈఓలు లయ, పున్నమి, సరిత, బాలాజీ, రైతులు పాల్గొన్నారు.

● మున్సిపల్‌ కమిషనర్‌ వినోద్‌కుమార్‌ మహబూబాబాద్‌: పట్టణంలో పందుల వల్ల పారిశుద్ధ్య సమస్యతో పాటు ప్రజలు అనారోగ్యం బారిన పడుతున్నారని, పెంపకందారులు అర్థం చేసుకుని వాటిని తరలించాలని మున్సిపల్‌ కమిషనర్‌ వినోద్‌కుమార్‌ అన్నారు. పందులతో తలెత్తుతున్న సమస్యలపై ఈనెల 2న సాక్షి దినపత్రికలో ‘పందులతో పరేషాన్‌’ అనే శీర్షికన కథనం ప్రచురితమైన విషయం విదితియే. ఈమేరకు కమిషనర్‌ స్పందించి పెంపకదారులకు నోటీసులు పంపారు. మంగళవారం స్థానిక మున్సిపాలిటీ కార్యాలయంలో పందుల పెంపకందారులతో సమావేశం నిర్వహించారు. కమిషనర్‌ మాట్లాడుతూ.. పట్టణంలో పందులు కనిపించకుండా చూసుకోవాలని, లేకుంటే చర్యలు తప్పవని హెచ్చరించారు. పట్టణ పరిశుభ్రతను కాపాడడంతో పాటు ప్రజారోగ్య పరిరక్షణకు ప్రతీ ఒక్కరు సహకరించాలన్నారు. పెంపకందారులు ప్రజల ఆరోగ్యాన్ని దృష్టిలో పెట్టుకుని సహకరించాలన్నారు. కార్యక్రమంలో శానిటరీ ఇన్‌స్పెక్టర్లు కరుణాకర్‌, శ్రీహరి, పర్యావరణ అఽధికారి గుజ్జు క్రాంతి తదితురులు పాల్గొన్నారు.

● మరిగడి గ్రామంలో ఘటన జనగామ రూరల్‌: ఇంట్లో నిద్రిస్తున్న సమయంలో పా ముకాటుకు గురై ఓ మహిళ మృతి చెందింది. ఈ ఘటన జనగామ మండలం మరిగడి గ్రామంలో చోటు చేసుకుంది. బాధిత కుటుంబ సభ్యుల కథనం ప్రకారం.. గ్రామానికి చెందిన పిన్నింటి పార్వతి (55) అనారోగ్యంతో బాధపడుతోంది. ఈ క్రమంలో సోమవారం రాత్రి భోజనం చేసిన అనంతరం నిద్రించింది. అర్ధరాత్రి సమయంలో పాముకాటుకు గురైంది. ఈ విషయాన్ని కుటుంబీకులకు తెలుపడంతో వారు వెంటనే చికిత్స నిమిత్తం జనగామ ఏరియా ఆస్పత్రికి తరలిస్తుండగా మార్గమధ్యలో మృతి చెందింది. మృతురాలికి భర్త, పిల్లలు ఉన్నారు. నల్లెలగడ్డ తండాలో మరో మహిళ.. కొడకండ్ల: పాముకాటుతో మండలంలోని గుమ్ములబండ తండా శివారు నల్లెలగడ్డ తండాకు చెందిన మాలోత్‌ సాంకు(55) మృతి చెందింది. పోలీసుల కథనం ప్రకారం.. సాంకు ఆదివారం సాయంత్రం తమ చేనులో పత్తి ఏరుతుండగా పాము కాటు వేసింది. గమనించిన కుటుంబీకులు కొడకండ్ల ప్రాథమిక ఆరోగ్య కేంద్రానికి తరలించారు. అనంతరం మెరుగైన వైద్యం కోసం వరంగల్‌ ఎంజీఎం తరలించగా చికిత్స పొందుతూ సోమవారం రాత్రి మృతి చెందింది. ఈ ఘటనపై మృతురాలి కుమారుడు దేవేందర్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు మంగళవారం తెలిపారు.

మలక్‌పేట: హత్యాయత్నం, దోపిడీ కేసులో ముగ్గు రు నిందితులను మలక్‌పేట పోలీసులు మంగళవా రం అరెస్ట్‌ చేశారు. రూ.7 లక్షల విలువైన 22 సెల్‌ఫోన్లు, నాలుగు ద్విచక్రవాహనాలు స్వాధీనం చేసుకున్నారు. ఈ మేరకు మలక్‌పేట పోలీస్‌స్టేషన్‌లో ఏర్పాటు చేసిన విలేకరుల సమావేశంలో ఏసీపీ రాజావెంకట్‌రెడ్డి, ఇన్‌స్పెక్టర్‌ కుందూరు వెంకట్‌రెడ్డి వివరాలు వెల్లడించారు. సూర్యాపేట జిల్లా తాళ్లగడ్డ గ్రామానికి చెందిన కేసరి మణికంఠ అలియాస్‌ నరమ్‌దాస్‌ అలియాస్‌ మున్నా అలియాస్‌ మణి, వరంగల్‌ జిల్లా శివనగర్‌కు చెందిన నారపోగు వంశీకృష్ణ అలియాస్‌ నారపాక వంశీకృష్ణ అలియాస్‌ నల్లి అలి యాస్‌ వంశీ పాత నేరస్తులు. ఆటోనడుపుతూ సికింద్రాబాద్‌ అల్ఫా హోటల్‌ ఫుట్‌పాత్‌పై నివాసం ఉంటున్నారు. జైలులో వీరిద్దరికి పరిచయం ఏర్పడింది. 5 నెలల క్రితం జైలు నుంచి బెయిల్‌పై బయటకు వచ్చిన తర్వాత ఇద్దరు కలిసి పలు చోట్ల చోరీలకు పాల్పడ్డారు. ఉత్తరప్రదేశ్‌లోని బాలాజీనగర్‌కు చెందిన అజయ్‌కుమార్‌ సికింద్రాబాద్‌లోని అజామ్‌ మిలన్‌ గార్మెంట్స్‌లో సేల్స్‌మెన్‌గా చేస్తున్నాడు. మణికంఠ, వంశీకృష్ణ అపహరించిన ద్విచక్రవాహనాలు, సెల్‌ఫోన్లు ఇతని ద్వారా విక్రయించేవారు. ఈక్రమంలో సూర్యాపేటకు చెందిన హేమలత మలక్‌పేట పోలీస్‌స్టేషన్‌ పరిధిలోని గడ్డిఅన్నారం పోచమ్మబస్తీలో స్నేహితులతో అద్దె ఇంట్లో నివాసం ఉంటూ గ్రూప్‌ పరీక్షలకు సన్నద్ధమవుతోంది. అక్టోబర్‌ 27న హేమలత చదువుకుంటున్న సమయంలో మణికంఠ ఇంట్లోకి ప్రవేశించి ఆమైపె కత్తి దాడి చేసి సెల్‌ఫోన్‌ తీసుకుని అక్కడి నుంచి పరారయ్యాడు. ఆమెను చికిత్స నిమిత్తం ఓ ప్రైవేట్‌ ఆస్పత్రిలో చేర్పించారు. ఈ మేరకు పోలీసులు కేసు నమోదు చేసి దర్యాప్తు చేపట్టారు. సీసీ ఫుటేజీని పరిశీలించి నిందితులను గుర్తించారు. సోమవారం గడ్డిఅన్నారం క్రాస్‌రోడ్‌లో టాస్క్‌ఫోర్స్‌, పోలీసులు వాహనాలు తనిఖీలు చేస్తుండగా మణికంఠ పట్టుబడ్డాడు. అతడిని విచారించగా నేరం ఒప్పుకున్నాడు. బాధిత మహిళకు చెందిన వన్‌ప్లస్‌ సెల్‌ఫోన్‌, వివిధ కంపెనీలకు చెందిన 22 సెల్‌ఫోన్లు, ఒక స్టీల్‌ కత్తి, 4 ద్విచక్రవాహనాలు స్వాధీనం చేసుకుని ముగ్గురిని అరెస్ట్‌ చేసి రిమాండ్‌కు తరలించారు. వీరిపై పీడీ యాక్ట్‌ నమోదు చేసినట్లు తెలిపారు. మలక్‌పేట డీఐ ధర్మారెడ్డి గిరి, క్రైం సిబ్బందికి నగదు రివార్డులు అందజేశారు. సమావేశంలో ఎస్సైలు సంజీవరెడ్డి, తేజ్యానాయక్‌, రాజశేఖర్‌రెడ్డి, నర్సింహులు, క్రైం సిబ్బంది పాల్గొన్నారు.ఎన్‌ఓపీఆర్‌యూఎఫ్‌ జాతీయ ప్రధాన కార్యదర్శిగా రఘునందన్‌ పాలకుర్తి టౌన్‌: ఓల్డ్‌ పెన్షన్‌ రెస్టరేషన్‌ యునైటెడ్‌ ఫ్రంట్‌(ఎన్‌ఓపీఆర్‌యుఎఫ్‌)జాతీయ ప్రధాన కార్యదర్శిగా పౌరసరఫరాల శాఖ ఎన్‌ఫోర్స్‌మెంట్‌ డిప్యూటీ తహసీల్దార్‌ మాచన రఘునందన్‌ ఎన్నికయ్యారు. ఈ మేరకు మంగళవారం మండల కేంద్రంలో ఆ యన విలేకరులతో మాట్లాడుతూ ఉద్యోగులకు సీపీఎస్‌ బదులు పాత పింఛన్‌ అమలు చేయడంలో పాలకులకు ఉన్న ఇబ్బంది ఏమిటో అర్థం కావడం లేదన్నారు. ఒకే దేశం ఒకే పెన్షన్‌ అనే విధానం అమలు చేయాలన్నారు. ప్రతీ రాష్ట్రంలో పాత పెన్షన్‌ పు నరుద్ధరణ కోసం ఉద్యమించేలా ఎన్‌ఓపీఆర్‌యూఎఫ్‌ కార్యాచరణ రూపొందిస్తుందని తెలిపారు. తుపాన్‌ ఎఫెక్ట్‌.. ● కేసముద్రం, మానుకోటలో నిలిచిన కృష్ణా ఎక్స్‌ప్రెస్‌ రైలు కేసముద్రం/మహబూబాబాద్‌ రూరల్‌: మురసు తుపాన్‌ ఎఫెక్ట్‌తో ఆంధ్రప్రదేశ్‌ రాష్ట్రంతోపాటు ఇతర ప్రాంతాల్లో భారీ వర్షాలు కురుస్తున్న నేపథ్యంలో రైళ్ల రాకపోకల్లో అంతరాయం తలెత్తింది. ఈ క్రమంలో ఆదిలాబాద్‌ నుంచి తిరుపతి వెళ్తున్న కృష్ణా ఎక్స్‌ప్రెస్‌ రైలు కేసముద్రం, మహబూబాబాద్‌ రైల్వే స్టేషన్లలో మంగళవారం గంటల తరబడి నిలిచిపోయింది. ఉదయం 9:30 గంటలకు కేసముద్రం రైల్వేస్టేషన్‌ మీదుగా వెళ్లాల్సిన కృష్ణా ఎక్స్‌ప్రెస్‌ మధ్యాహ్నం 12:30 గంటల వరకు నిలిచిపోయింది. అలాగే, ఉదయం 9.40 గంటలకు రావాల్సిన రైలు 3 గంటల ఆలస్యంతో 12:43 గంటలకు మహబూబాబాద్‌ రైల్వే స్టేషన్‌ చేరుకుంది. ఖమ్మం, ఆపై రైల్వే స్టేషన్లలో రైళ్లు నిలిచి ఉన్న సందర్భంలో కేసముద్రం, మహబూబాబాద్‌ రైల్వే స్టేషన్లలో అధికారులు రైలును నిలిపివేశారు. కాగా, మహబూబాబాద్‌ నుంచి సాయంత్రం 4.17 గంటలకు అధికారులు రైలును పంపించారు. ఆయా స్టేషన్లలో రైలు నిలిచిపోవడంతో ప్రయాణికులు తీవ్ర ఇబ్బందులు పడ్డారు.

పది సంవత్సరాల పాటు దివ్యాంగ పింఛన్‌ వచ్చింది. మూడు సంవత్సరాల నుంచి రావడం లేదు. కలెక్టరేట్‌లో పలు మార్లు వినతులు ఇచ్చాను. సంబంధిత అధికారులు పని చేయడం లేదు. – భూక్య జగ్నా, దివ్యాంగుడు, పీన్యాతండా, నెల్లికుదురు నాలుగుసార్లు వినతులు ఇచ్చా.. దివ్యాంగ పింఛన్‌ కోసం రెండు సంవత్సరాల నుంచి తిరుగుతున్న. సదరం సర్టిఫికెట్‌ ఉంది. కలెక్టరేట్‌లో నాలుగుసార్లు వినతులు ఇచ్చాను. నా భార్య మంచానికే పరిమితమైంది. భూమిలేదు.. ఇళ్లు లేదు. కిరాయి ఇంట్లో ఉంటున్నాం. పింఛన్‌ ఇప్పించి ఆదుకోవాలి. – బి.అంతయ్య, దివ్యాంగుడు, వడ్డెకొత్తపల్లి, పెద్దవంగర

నెహ్రూసెంటర్‌ : ఏడాది క్రితం మహబూబాబాద్‌ ప్రభుత్వ జనరల్‌ ఆస్పత్రిలో చోటు చేసుకున్న ‘మనిషి బతికుండగానే మార్చురీలో పెట్టిన’ అమానవీయ ఘటన రాష్ట్రంలో సంచలనం సృష్టించింది. ఈ ఘటనకు సంబంధించిన సమగ్ర వివరాలను అందించాలని డీఎంఈ ఆదేశాల మేరకు సోమవారం బృంద సభ్యులు జీజీహెచ్‌కు వచ్చి మరోసారి విచారణ చేపట్టారు. ఆస్పత్రి సూపరింటెండెంట్‌, ఆర్‌ఎంఓ నుంచి వివరాలు తెలుసుకున్నారు. ఈ ఘటనపై ఇప్పటికే బృందం విచారణ జరిపింది. అయితే అసంపూర్తి సమాచారం కాకుండా పూర్తిస్థాయిలో చేపట్టాలని డీఎంఈ ఆదేశించినట్లు తెలిసింది. దీంతో బృందం విచారణ చేపట్టింది. దీనిపై ఆస్పత్రి సూపరింటెండెంట్‌ శ్రీనివాసరావును వివరణ కోరగా మార్చురీ ఘటనపై బృందం మరోసారి విచారణ చేపట్టిందని, మృతుడి బంధువులు, కుటుంబ సభ్యులను నుంచి వివరాలు తెలుసుకున్నారన్నారు. బృందం ఈ నివేదికను డీఎంఈకి అందజేస్తుందని పేర్కొన్నారు. కాగా, మార్చురీ ఘటనపై ఔట్‌ సోర్సింగ్‌ ఉద్యోగులపై వేటువేసి చేతులు దులుపుకున్నారని, ఏడాది గడుస్తున్నా చర్యలు తీసుకోవడం లేదని, ఇప్పటికై నా సమగ్ర విచారణ జరిపి బాధ్యులపై చర్యలు తీసుకోవాలని పలువురు కోరుతున్నారు.

● పెద్దకిష్టాపురంలో ఘటన గార్ల : కోతుల దాడిలో భార్యభర్తలకు తీవ్రగాయాలయ్యాయి. ఈ ఘటన సోమవారం మహబూబాబాద్‌ జిల్లా గార్ల సమీపంలో చోటుచేసుకుంది. బాధితుల కథనం ప్రకారం.. గార్ల మండలం పెద్దకిష్టాపురం గ్రామానికి చెందిన గుండేటి రమేశ్‌, సుగుణ దంపతులు బైక్‌పై గార్ల వస్తున్నారు. ఈ క్రమంలో గార్ల సమీపంలోని శ్మశానవాటిక వద్ద కోతులు ఒక్కసారిగా బైక్‌పై వెళ్తున్న భార్యభర్తలపై దాడిచేశాయి. దీంతో భార్యభర్తలకు తీవ్రగాయాలు కాగా క్షతగాత్రులను స్థానికులు హుటాహుటిన గార్ల సీహెచ్‌సీకి తరలించి వైద్యం చేయించారు. కాగా, ఇప్పటికి పలుమార్లు కోతులు బైక్‌లపై వెళ్తున్న వారిపై దాడికి పాల్పడ్డాయని, సంబంధిత అధికారులు స్పందించి మండలంలో కోతుల బెడద నివారణకు చర్యలు చేపట్టాలని ప్రజలు డిమాండ్‌ చేశారు. కుక్కల దాడిలో గొర్రె పిల్లల మృత్యువాత జఫర్‌గఢ్‌: కుక్కల దాడిలో 15 గొర్రె పి ల్లలు మృత్యువాత పడ్డాయి. ఈ ఘటన సోమవారం జనగామ జిల్లా జఫర్‌గఢ్‌ మండలం ఉప్పుగల్లులో చోటు చేసుకుంది. బాధిత కుటుంబీకుల కథనం ప్రకారం.. గ్రామానికి చెందిన బండి కొమురయ్య తన జీవాలను రోజుమాదిరిగానే మేత కోసం బయటకు తీసుకెళ్లాడు. ఈ జీవాల పిల్లలు కొట్టంలోనే ఉన్నాయి. ఈ క్రమంలో ఎవరూ లేని సమయంలో కుక్కలు కొట్టంలోకి ప్రవేశించి గొర్రె పిల్ల లపై దాడి చేయడంతో చనిపోయాయి. ఈ ఘటనపై బాధితులు బోరున విలపించారు. కాగా, బాధితుడు కొమురయ్యకు ప్రభుత్వం పరిహారం అందించి ఆదుకోవాలని స్థానికులు కోరారు.

కస్టమ్‌ మిల్లింగ్‌ రైస్‌ అక్రమాలపై సీఐడీ కొరడా.. సాక్షిప్రతినిధి, వరంగల్‌: సీఎంఆర్‌ (కస్టమ్‌ మిల్లింగ్‌ రైస్‌) అక్రమాలపై సీఐడీ అధికారులు దర్యాప్తు ముమ్మరం చేశారు. ప్రభుత్వ ధాన్యం పక్కదారి పట్టించి, సన్న బియ్యం సరఫరా చేయాల్సిన చోట దొడ్డు బియ్యం పంపించినట్లు వచ్చిన ఆరోపణలపై వరుసగా తనిఖీలు, అరెస్టులు చేస్తున్నారు. ములుగు జిల్లాలో ఇప్పటికే 9 రైస్‌ మిల్లులకు సంబంధించి 23 మందిపై కేసులు నమోదు కాగా.. పలువురిని సీఐడీ వరంగల్‌ డీఎస్పీ వాసం సంపత్‌ బృందం అరెస్టు చేసింది. పరారీలో ఉన్న మరో 14 మంది కోసం ప్రత్యేక బృందాలు గాలిస్తున్నాయి. మరోవైపు తనిఖీల పరిధిని విస్తరిస్తూ మరో 6 మిల్లులకు అధికారులు నోటీసులు జారీ చేయడం మిల్లర్లలో కలకలం రేపుతోంది. కాగా, త్వరలోనే హనుమకొండ, వరంగల్‌ జిల్లాల్లోనూ ధాన్యం అక్రమాలపై తనిఖీలు, అరెస్టుల పరంపర కొనసాగనుందని సమాచారం. ధాన్యం నిల్వల్లో భారీ వ్యత్యాసాలు.. రెండో విడత తనిఖీల్లోనూ అదే పరిస్థితి.. హనుమకొండ, వరంగల్‌, మహబూబాబాద్‌, జేఎస్‌ భూపాలపల్లి, ములుగు జిల్లాల రైస్‌మిల్లర్లు గత రబీ సీజన్‌కు సంబంధించి 1,25,737 మెట్రిక్‌ టన్నుల సీఎంఆర్‌కు 47,675 (37.92 శాతం) మెట్రిక్‌ టన్నులే చెల్లించారు. అక్టోబర్‌ 31కే గడువు ముగిసినా ఇంకా 78,062 టన్నుల సీఎంఆర్‌ పెండింగ్‌లో ఉంది. ఈ మేరకు ములుగు జిల్లాలోని 6 రైస్‌ మిల్లుల్లో నిర్వహించిన తనిఖీల్లో సుమారు 6 వేల క్వింటాళ్ల ధాన్యం నిల్వలు లేనట్లు గుర్తించారు. రికార్డుల్లో ఉన్న నిల్వ లకు, క్షేత్రస్థాయిలో ఉన్న ధాన్యానికి మధ్య భారీ వ్యత్యాసాలు ఉన్నట్లు ప్రాథమికంగా తేలింది. సీఎంఆర్‌ కింద మరో 6,700 క్వింటాళ్ల సన్న బియ్యం ఎఫ్‌సీఐకి సరఫరా చేయాల్సి ఉండగా.. వాటి స్థానంలో దొడ్డు బియ్యం అందించినట్లు ఆరోపణలు ఉన్నాయి. సీఐడీ అధికారులు రెండో విడత తనిఖీలు చేపట్టగా మరో మూడు మిల్లుల్లో సుమారు నాలుగు వేల క్వింటాళ్ల ధాన్యం నిల్వలు కనిపించలేదని సమాచారం. దీంతో ఇప్పటివరకు తనిఖీలు జరిగిన మిల్లుల్లో ధాన్యం నిల్వల గల్లంతు, బియ్యం రకం మార్పిడి వ్యవహారం మరింత విస్తృతంగా ఉన్నట్లు అనుమానిస్తున్నారు. ధాన్యం ఎక్కడికి తరలించారు? బహిరంగ మార్కెట్‌లో విక్రయించారా? సీఎంఆర్‌ బియ్యం బదులు ఇతర ప్రాంతాల నుంచి దొడ్డు బియ్యం కొనుగోలు చేసి సరఫరా చేశారా? అనే కోణాల్లో దర్యాప్తు సాగుతోంది. ములుగు జిల్లాలో అక్టోబర్‌ 25 నుంచి సీఐడీ అరెస్టుల పర్వం ప్రారంభమైంది. రైస్‌ మిల్లర్ల సంఘం మాజీ అధ్యక్షుడు బాదం ప్రవీణ్‌తో పాటు పలువురు మిల్లర్లను అదుపులోకి తీసుకున్నారు. అనంతరం సంఘం అధ్యక్షుడు కాట్రగడ్డ సతీశ్‌ సహా మరికొందరిపై చర్యలు చేపట్టారు. తాజాగా, మరికొందరు మిల్లర్ల అరెస్టులతో దర్యాప్తు మరింత వేగం పుంజుకుంది. కేసుల్లో నిందితులుగా ఉన్నవారిలో కొందరు ముందస్తు బెయిల్‌ కోసం న్యాయస్థానాలను ఆశ్రయిస్తుండగా.. పరారీలో ఉన్నవారి ఆచూకీ కోసం అధికారులు గాలిస్తున్నారు. ఇప్పటికే 9 మిల్లులపై కేసులు నమోదు చేసిన సీఐడీ.. మరో 6 మిల్లుల్లో తనిఖీలకు సిద్ధమవుతోంది. ఇందుకోసం సంబంధిత మిల్లర్లకు నోటీసులు జారీ చేసినట్లు తెలిసింది. ధాన్యం కేటాయింపులు, సీఎంఆర్‌ బకాయిలు, స్టాక్‌ రిజిస్టర్లు, రవాణా పత్రాలు, ఎఫ్‌సీఐకి పంపిన బియ్యం నమూనాలను పరిశీలించనున్నారు. అవసరమైతే పౌరసరఫరాల శాఖ అధికారుల పాత్రపైనా విచారణ చేపట్టే అవకాశం ఉంది. ఈ క్రమంలోనే ధాన్యం కేటాయింపుల నుంచి మిల్లింగ్‌, బియ్యం సరఫరా వరకు ప్రతి దశలోని రికార్డులను సీఐడీ పరిశీలిస్తోంది. నిల్వల లెక్కలు, ధాన్యం రవాణా, బియ్యం నాణ్యత పరీక్షలు, సీఎంఆర్‌ ఒప్పందాల ఆధారంగా అక్రమాల పరిమాణాన్ని నిర్ధారించనున్నారు. గడువు ముగిసినా రబీ సీఎంఆర్‌ ఇప్పటికీ 37.92 శాతమే ములుగులో 9 మిల్లులు.. 23 మంది నిందితులు సన్నబియ్యం పేరిట దొడ్డు బియ్యం సరఫరా.. పలు మిల్లులకు నోటీసులు హనుమకొండ, వరంగల్‌ జిల్లాల్లోనూ త్వరలో అరెస్టులు

● వడ్డెకొత్తపల్లిలో ఘటన పెద్దవంగర : ఐదు రోజులుగా కనిపించకుండా పోయిన ఓ వృద్ధుడు ఉరేసుకుని ఆత్మహత్యకు పాల్పడ్డాడు. ఈ ఘటన మహబూబాబాద్‌ జిల్లా పెద్దవంగర మండలంలలోని వడ్డెకొత్తపల్లిలో చోటు చేసుకుంది. ఎస్సై ప్రమోద్‌ కుమార్‌ గౌడ్‌ కథనం ప్రకారం.. గ్రామానికి చెందిన పాక కొమురయ్య (70) గత నెల 27వ తేదీన సాయంత్రం ఇంటి నుంచి వెళ్లిపోయి తిరిగి రాలేదు. కుటుంబీకులు గ్రామంతో పాటు చుట్టుపక్కల, బంధువుల ఇళ్లలో వెతికారు. ఎక్కడ ఆచూకీ లభించకపోవడంతో ఈ నెల 1న పోలీసులకు ఫిర్యాదు చేశారు. కేసు నమోదు చేసుకున్న పోలీసులు గాలింపు చర్యలు చేపట్టారు. సోమవారం గ్రామంలోని యాదవ కాలనీ సమీపంలో చెట్ల మధ్య నుంచి దుర్వాసన రావడంతో స్థానికులు వెళ్లి చూడగా కొమురయ్య చెట్టుకు ఉరేసుకుని చనిపోయి కనిపించింది. సమాచారం అందుకున్న పోలీసులు ఘటనా స్థలికి చేరుకుని పంచనామా నిర్వహించి పోస్టుమార్టం అనంతరం మృతదేహాన్ని కుటుంబీకులకు అప్పగించారు. ఈ ఘనటనపై మృతుడి కుటుంబీకుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

ఖిలా వరంగల్‌: ఎల్‌నినో ప్రభావంతో పాడి పరిశ్రమ తీవ్ర సవాళ్లను ఎదుర్కొనే అవకాశం ఉందని, పాడి రైతులు ఇప్పటి నుంచే ముందస్తు జాగ్రత్తలు తీసుకోవాలని పశువైద్యాధికారులు సూచిస్తున్నారు. వర్షపాతం తగ్గడం, ఉష్ణోగ్రతలు పెరగడం వల్ల పశుగ్రాసం, నీటి కొరత ఏర్పడడంతోపాటు పాల దిగుబడి, వెన్నశాతం తగ్గే ప్రమాదం ఉంది. ఈపరిస్థితులను ముందుగానే అంచనా వేసి పశుసంపదను కాపాడుకునేందుకు తగిన ప్రణాళికలు రూపొందించుకోవాలని పశువైద్య అధికారులు విజ్ఞప్తి చేస్తున్నారు. పశుగ్రాసం కొరత.. ఎల్‌నినో ప్రభావంతో రబీ పంటల సాగు తగ్గితే వరిగడ్డి, జొన్నచొప్ప, మొక్కజొన్న చొప్ప వంటి పశుగ్రాసం కొరత ఏర్పడుతుంది. నీటి లభ్యత తగ్గడం, అధిక ఉష్ణోగ్రతల కారణంగా పచ్చిగ్రాసం పెరుగుదల మందగిస్తుంది. ఎండల తీవ్రతతో పశువులు మేత సరిగా తీసుకోకపోవడంతో పాల దిగుబడి, పాలలో వెన్నశాతం తగ్గుతుంది. ఎదప్రక్రియ కూడా మందగిస్తుంది. నీటి కొరత వల్ల పశువులకు తాగునీరు అందించడం, వాటిని శుభ్రం చేయడం, పాడిఫాంల నిర్వహణ కష్టతరమవుతుందని అధికారులు చెబుతున్నారు. కరువును ఎదుర్కోవాలి.. కరువు పరిస్థితులను అధిగమించేందుకు ఖరీప్‌లో లభించే వరి గడ్డి, మొక్కజొన్న చొప్ప వంటి పంట అవశేషాలను ముందుగానే సేకరించి నిల్వ చేసుకోవాలి. పంట కోతల అనంతరం పొలాల్లో మిగిలే తేమను వినియోగించుకుని తక్కువ నీటితో పెరిగే పశుగ్రాస పంటలను సాగు చేయాలి. రబీ ప్రారంభంలో అవసరానికి మించి లభించే పచ్చి గ్రాసాన్ని వృథా చేయకుండా ఎండబెట్టి నిల్వ చేసుకోవాలని ఆధికారులు సూచిస్తున్నారు. పశువులకు పౌష్టికాహారం.. పశువులకు పౌష్టికాహారం ఇవ్వాలి. అందులో ప్రధానంగా వేరుశనగ, పెసర, మినుము వంటి పప్పు ధాన్యాల పంటల కోత అనంతరం లభించే పొట్టు, పంట వ్యర్థాలను సేకరించి పశువులకు పౌష్టికాహారంగా ఇవ్వాలి. నీటి పారుదల సౌకర్యం ఉన్న రైతులు నాణ్యమైన పశుగ్రాసాన్ని సాగు చేసి, మిగులు పచ్చిగ్రాసాన్ని సైలేజ్‌గా తయారు చేసి గాలిచొరబడకుండా నిల్వ చేసుకోవాలని సూచిస్తున్నారు. ఇది వేసవిలో పశువులకు మంచి పోషకాహారంగా ఉపయోపడుతుంది. సబ్సిడీపై గడ్డి విత్తనాలు. ఉమ్మడి జిల్లాలోని ప్రాథమిక పశువైద్యశాలల్లో సబ్సిడీ గడ్డి విత్తనాలు అందుబాటులో ఉన్నాయి. సీఎస్‌ఎఫ్‌ 24 ఎంఎఫ్‌ జోవర్‌ విత్తనాలు 75 శాతం రాయితీపై రైతులకు ఇవ్వనున్నట్లు వెటర్నరీ అధికారులు చెబుతున్నారు. ముందస్తు జాగ్రత్తలతోనే నష్టాల నివారణ పశుగ్రాసం, నీటి కొరతను అధిగమించాలి వెటర్నరీ డాక్టర్‌ పల్లె రాజు సూచనలుపాడి రైతులు పశువైద్యుల సలహాలు పాటిస్తూ వాతావరణ మార్పులకు అనుగుణంగా పశుపోషణ పద్ధతులు అవలంబించాలి. ముందస్తు ప్రణాళిక, పశుగ్రాస నిల్వలు, నీటి నిర్వహణతో పశుసంపదను కాపాడుకోవాలి. పాల ఉత్పత్తి తగ్గకుండా చూసుకుని ఆర్థిక నష్టాలను నివారించుకోవాలి. –పల్లె రాజు, ఖిలా వరంగల్‌ ప్రాథమిక పశువైద్య కేంద్రం పశువైద్యాధికారి

అదనపు కలెక్టర్‌ అనిల్‌కుమార్‌ మహబూబాబాద్‌: సైన్స్‌ఫెయిర్‌ లాంటి కార్యక్రమాలతో విద్యార్థుల్లో దాగి ఉన్న సృజనాత్మకతను వెలికితీయాలని అదనపు కలెక్టర్‌ అనిల్‌కుమార్‌ అన్నారు. కలెక్టరేట్‌లోని తన చాంబర్‌లో సోమవారం జిల్లాస్థాయి చెక్‌ముకి సైన్స్‌ సంబురాల పోస్టర్లను అదనపు కలెక్టర్‌ ఆవిష్కరించారు. ఈసందర్భంగా ఆయన మాట్లాడుతూ.. జిల్లాలో ఈనెల 12న నిర్వహించే సంబురాలకు అన్ని ఏర్పాట్లు చేయాలన్నారు. జిల్లాస్థాయిలో ప్రతిభ కనబర్చిన విద్యార్థులను రాష్ట్రస్థాయికి ఎంపిక చేసి పంపాలన్నారు. ఈ కార్యక్రమంలో ఏసీజీ శ్రీరాములు, జిల్లా సైన్స్‌ అధికారి అప్పారావు, సంబంధిత అధికారులు పాల్గొన్నారు. మార్చిలోగా అమృత్‌ పనులు పూర్తి డోర్నకల్‌: వచ్చే సంవత్సరం మార్చిలోగా డోర్నకల్‌ మున్సిపాలిటీ పరిధిలో చేపట్టిన అమృత్‌ జల్‌ పనులు పూర్తి చేయాలని సీడీఎంఏ జాయింట్‌ డైరెక్టర్‌ శ్రీధర్‌ ఆదేశించారు. డోర్నకల్‌లో జరుగుతున్న అమృత్‌ జల్‌ పనులను సోమవారం ఆయన పరిశీలించారు. మూడు ప్రాంతాల్లో నిర్మిస్తున్న ఓవర్‌హెడ్‌ ట్యా ంకులతో పాటు పైపుల పనులను పరిశీలించారు. ఈ సందర్బంగా ఆయన మాట్లాడుతూ.. మున్సిపాలిటీ పరిధిలో చేపట్టిన అమృత్‌ పనుల్లో రెండు ట్యాంకుల నిర్మాణం పూర్తయిందని, మరో ట్యాంకు నిర్మాణం త్వరలో పూర్తవుతుందని తెలిపారు. వచ్చే మార్చి లోగా పనులు పూర్తవుతాయని తెలిపారు. కార్యక్రమంలో మున్సిపల్‌ కమిషనర్‌ నాగరాజు, ఏఈ శృతి, చైర్‌పర్సన్‌ కొండేటి రాజకుమారిహరినాథ్‌, వైస్‌చైర్‌పర్సన్‌ మాదా లావణ్యాశ్రీనివాస్‌ పాల్గొన్నారు. సర్‌ ప్రక్రియను పారదర్శకంగా పూర్తి చేయాలిమహబూబాబాద్‌: సర్‌ ప్రక్రియను నిబంధనల ప్రకారం పారదర్శకంగా పూర్తిచేయాలని రాష్ట్ర ప్రధాన ఎన్నికల అఽధికారి సుదర్శన్‌రెడ్డి సంబంధిత అధికారులను ఆదేశించారు. సోమవారం హైదరాబాద్‌ నుంచి సుదర్శన్‌రెడ్డి అన్ని జిల్లాల కలెక్టర్లు, సంబంధిత అధికారులతో సర్‌పై వీడియో కాన్ఫరెన్స్‌ నిర్వహించి సమీక్షించారు. ఈసందర్భంగా సుదర్శన్‌రెడ్డి మాట్లాడుతూ.. జాబితాలోని ఓటర్ల వివరాలను క్షేత్రస్థాయిలో క్షుణంగా పరిశీలించాలన్నారు. ఈనెల 30న తుది ఓటరు జాబితా ప్రచురించాలన్నారు. వీసీలో కలెక్టర్‌ స్నేహశబరీష్‌, అదనపు కలెక్టర్‌ అనిల్‌కుమార్‌, సంబంధిత అధికారులు పాల్గొన్నారు. ప్రతీ వాహనాన్ని క్షుణ్ణంగా పరిశీలించాలి దంతాలపల్లి: తనిఖీ కేంద్రాల్లో ప్రతీ వాహ నాన్ని క్షుణ్ణంగా పరిశీలించాలని ఆర్‌డీడీ పద్మావతి అన్నారు. మండల కేంద్రంలోని వ్యవసాయ తనిఖీ కేంద్రాన్ని సోమవారం పరిశీలించారు. ఈ సందర్భంగా ఆమె వాహనాల రాకపోకలపై సిబ్బంది పనితీరును పరిశీలించారు. మార్కెట్‌కు సంబంధించిన లావాదేవీల్లో ఎలాంటి అవకతవకలకు తావులేకుండా చూడాలన్నారు. రైతులు పండించిన పంటలకు మార్కెట్‌లో విక్రయ విలువలను ప్రామాణికంగా తీసుకొని రుసుము వసూలు చేయాలని స్పష్టం చేశారు. తనిఖీ కేంద్రం సిబ్బంది బాధ్యతగా వ్యవహరించాలని సూచించారు. సెమిస్టర్‌ పరీక్షలు షురూ కేయూ క్యాంపస్‌: హనుమకొండలోని యూనివర్సిటీ ఆర్ట్స్‌ అండ్‌ సైన్స్‌ కళాశాలో బీఏ, బీకాం, బీఎస్సీ మూడు, ఐదో సెమిస్టర్‌ పరీక్షలు సోమవారం ప్రారంభమయ్యాయి. పరీక్షలను కళాశాల ప్రిన్సిపాల్‌ ఎస్‌.జ్యోతి పరిశీలించారు. మధ్యాహ్నం 2నుంచి సాయంత్రం 5గంటల వరకు పరీక్షలు నిర్వహించారు. ఈనెల 23 వరకు పరీక్షలు కొనసాగుతాయని ప్రిన్సిపాల్‌ తెలిపారు. అధ్యాపకులు డాక్టర్‌ అంజన్‌రావు, డాక్టర్‌ జితేందర్‌, సుధీర్‌ తదితరులు పాల్గొన్నారు.

వరంగల్‌ లీగల్‌: మద్యానికి బానిసై వేధింపులకు గురి చేస్తున్న భర్తను గొంతు నులిమి హత్య చేసిన నేరస్తురాలికి జీవిత ఖైదు, రూ.2 వేల జరిమానా విధిస్తూ వరంగల్‌ జిల్లా కోర్టు ప్రధాన న్యాయమూర్తి వీబీ నిర్మలా గీతాంబ సోమవారం తీర్పు వెల్లడించారు. ప్రాసిక్యూషన్‌ కథనం ప్రకారం.. పర్వతగిరి మండలం దావుమోర్మ తండాకు చెందిన బట్టు వెంకన్న దంపతులకు ఇద్దరు కుమారులు, ఒక కుమార్తె ఉన్నారు. వెంకన్న మద్యానికి బానిసై కుటుంబ బాధ్యతలు విస్మరించాడు. భార్యను మానసికంగా, శారీరకంగా వేధించేవాడు. ఈ క్రమంలో తాగుడు మాన్పించడానికి బతుకుదెరువు కోసం నగరానికి వచ్చారు. పైడిపల్లి సమీపంలోని ఆర్‌ఎన్‌నగర్‌లో స్థలం కొనుగోలు చేసి గుడిసె వేసుకొని కూలి పనులు చేసుకుంటూ ముగ్గురు పిల్లలతో జీవిస్తున్నారు. వెంకన్న మద్యం మానకపోవడంతో కుటుంబ ఆర్థిక అవసరాల కోసం భార్య నగరంలోని మోటారు షోరూంలో పనికి వెళ్లేది. పనికి వెళ్లి వస్తున్న క్రమంలో అదే ప్రాంతానికి చెందిన ఆటో డ్రైవర్‌ లావుడ్య ప్రశాంత్‌తో పరిచయం ఏర్పడి క్రమంగా వివాహేతర సంబంధంగా మారింది. ఈ విషయమై పలుమార్లు పంచాయితీలు జరిగాయి. దీంతో భార్య కొద్ది రోజులు భర్త, పిల్లలను వదిలేసి వెళ్లింది. తిరిగి వచ్చి తప్పు అయ్యిందని చెప్పి కలిసి ఉన్నారు. 2023, ఏప్రిల్‌ 20న మేసీ్త్ర పనికి వెళ్లిన వెంకన్న రాత్రి 8.30 గంటలకు తాగిన మైకంలో ఇంటికి వచ్చాడు. భార్యను దూషించి విపరీతంగా కొట్టాడు. అలాగే నిద్రపోయాడు. జరిగిన గొడవను ఫోన్‌ ద్వారా భార్య.. లావుడ్య ప్రశాంత్‌కు చెప్పింది. ఇదే అదునుగా నీ భర్తను చంపదామని చెప్పాడు. నాకు భయంగా ఉంది నేను చంపలేనని తెలుపగా లావుడ్య ప్రశాంత్‌ ప్రోద్బలంతో అర్ధరాత్రి నిద్రిస్తున్న భర్త వెంకన్నపై కూర్చొని గొంతు నులిమి చంపింది. తిరిగి వెళ్లి పిల్లలతో కలిసి పడుకుంది. ఏమి తెలియనట్లు తెల్లవారి ఉదయం 6 గంటలకు భర్తను నిద్రలేపింది. చనిపోయిన విషయం తమ పెద్దకుమారుడి ద్వారా బంధువులకు తెలిపింది. వెంకన్న తమ్ముడు లక్ష్మణ్‌ ఫిర్యాదు మేరకు ఏనుమాముల పోలీసులు కేసు నమోదు చేశారు. నిందితులు వెంకన్న భార్యతోపాటు లావుడ్య ప్రశాంత్‌ను అరెస్ట్‌ చేసి కోర్టులో హాజరుపర్చారు. విచారణలో సాక్ష్యాధారాలను పరిశీలించగా వెంకన్న భార్యపై హత్య నేరం రుజువుకావడంతో జీవిత ఖైదు శిక్ష, రూ.2 వేల జరిమానా విధిస్తూ జడ్జి నిర్మలాగీతాంబ తీర్పు వెల్లడించారు. మరో నిందితుడు ప్రశాంత్‌పై నేరం రుజువుకానందున విడుదల చేశారు. కేసును పోలీస్‌ అధికారులు మహేందర్‌, సురేశ్‌ పరిశోధించగా, లైజన్‌ ఆఫీసర్‌ హరికృష్ణ పర్యవేక్షణలో మహిళా కానిస్టేబుల్‌ తస్లీమ్‌ సాక్షులను కోర్టులో ప్రవేశపెట్టారు. పబ్లిక్‌ ప్రాసిక్యూటర్‌ కావటి మురళీధర్‌ కేసును వాదించారు.

ఖిలా వరంగల్‌: వృత్తి నైపుణ్యాలను పెంపొందించుకోవాలని వరంగల్‌ పోలీస్‌ కమిషనర్‌ ఎన్‌.శ్వేత సూచించారు. ఈ మేరకు సోమవారం మామూనూరు పోలీస్‌ శిక్షణ కళాశాలలో 302 మంది హెడ్‌కానిస్టేబుళ్లు, 176 మంది ఏఆర్‌ఎస్సైలకు పదోన్నతి శిక్షణ కార్యక్రమం ప్రారంభమైంది. ముఖ్య అతిథిగా సీపీ శ్వేత హాజరై శిక్షణ కార్యక్రమాన్ని ప్రారంభించి మాట్లాడారు. విధి నిర్వహణలో క్రమశిక్షణ, బాధ్యతాయుతమైన సేవలు, చట్టాలపై అవగాహన పెంచుకోవడంతో పాటు పోలీసు వ్యవస్థలో సమర్థవంతంగా విధులు నిర్వహించేందుకు అవసరమైన అంశాలపై శిక్షణ పొందాలని సూచించారు. కార్యక్రమంలో ప్రిన్సిపాల్‌ రవీందర్‌, డీఎస్పీలు రమేశ్‌, రవీందర్‌, విజయ్‌కుమార్‌, వెంకటేశ్వర్‌రావు, సోమాని, సీఐలు ఎం.రామ్మూర్తి, నరేందర్‌, అశోక్‌, నరేందర్‌, అశోక్‌, సత్యనారాయణ, రాజ్యలక్ష్మి, ఆర్‌ఐలు నగేశ్‌, నవీన్‌, చంద్రశేఖర్‌, మహేశ్‌, ఆర్‌ఎస్సైలు రాజేశ్‌, సీహెచ్‌ నందకిశోర్‌, అరుణ, రామాంజరెడ్డి తదితరులు పాల్గొన్నారు. వరంగల్‌ పోలీస్‌ కమిషనర్‌ ఎన్‌.శ్వేత

గార్ల: మర్రిగూడెం బ్రహ్మోత్సవాలు ముగిసిన అనంతరం గార్లకు చేరుకున్న వేంకటేశ్వరస్వామి సమేత శ్రీదేవి, భూదేవి ఉత్సవ విగ్రహాలను ప్రత్యేకంగా పూలమాలలతో అలంకరించిన రథంపై ప్రతిష్టించి పురవీధుల్లో స్వామివారికి సోమవారం అర్చకులు గరుడ వాహన సేవ అంగరంగ వైభవంగా నిర్వహించారు. భక్తులు తమ ఇళ్ల ముందుకు వచ్చిన స్వామివారిని దర్శించుకొని తీర్థ ప్రసాదాలు స్వీకరించి భక్తి పారవశ్యం పొందారు. ఈ సందర్భంగా గార్ల పట్టణం గోవిందా నామస్మరణలతో మార్మోగింది. ఈ కార్యక్రమంలో ఆలయ కమిటీ చైర్మన్‌, వైస్‌చైర్మన్లు అజ్మీరా బన్సీలాల్‌, బానోత్‌ అర్జున, సర్పంచ్‌ బానోత్‌ పార్వతి హతీరాం, భక్తులు రమేశ్‌బాబు, ఒబిలిశెట్టి కృష్ణ, వేమిశెట్టి శ్రీనివాస్‌, టీటీడీ ధార్మిక మండలి సభ్యుడు మాలోత్‌ రాములు, కోట శ్రీనివాస్‌, బేతి వెంకటేశ్వర్లు పాల్గొన్నారు.

రెండు ఎకరాలే ఉంది. దానిలో పత్తి, ఇతర పంటలు వేయాలంటే నీరు కావాలి. కరువు కాలంలో సాహసం చేయలేను. దీంతో ఎలాగైనా సరే కూరగాయలు సాగు చేయాలనుకున్నా. నాణ్యమైన కూరగాయలు కావాలంటే పందిరి వేయాలని అనుకుని పందిరి వేయించా. దూరం దూరంగా సాళ్లలో నాలుగు రకాలు చిక్కుడు, కాకర, బీర, దొండ సాగు చేశాను. కాపు బాగా రావడంతో పాటు మంచి నాణ్యతగల కాయలు వస్తున్నాయి. 20 గుంటల వరికి సరిపడే నీటితో రెండు ఎకరాల్లో కూరగాయలు పండుతున్నాయి. మార్కెట్‌లో రాజు బీరకాయలు వచ్చాయంటే చాలు వ్యాపారులు పోటీపడి కొంటున్నారు. చాలా సంతోషంగా ఉంది. – జనగం రాజు, రైతు మహ్మదాపురం

మహబూబాబాద్‌ రూరల్‌ : డ్రగ్స్‌ రహిత సమాజ నిర్మాణంలో ప్రతీ ఒక్కరు భాగస్వాములు కావాలని ఎస్పీ శబరీష్‌ అన్నారు. మాదకద్రవ్యాల దుష్ప్రభావాలపై విద్యార్థులు, యువతతో పాటు ప్రజల్లో అవగాహన కల్పించాలనే లక్ష్యంతో ఆంధ్రప్రదేశ్‌ నుంచి న్యూఢిల్లీ వరకు సుమారు 3 వేల కిలోమీటర్ల సైకిల్‌ యాత్ర చేపట్టిన ఇందుకూరి విజయలక్ష్మి సోమవారం జిల్లా మీదుగా వెళ్లారు. ఈ క్రమంలో ఎస్పీ శబరీష్‌ను ఆమె జిల్లా పోలీసు కార్యాలయంలో మర్యాదపూర్వకంగా కలిశారు. విజయలక్ష్మి చేపట్టిన సాహసోపేతమైన అవగాహన యాత్రను ఎస్పీ అభినందించారు. 62 ఏళ్ల వయసు లోనూ సమాజ శ్రేయస్సు కోసం ఇంతటి బృహత్తర కార్యక్రమానికి శ్రీకారం చుట్టడం అభినందనీయమని పేర్కొన్నారు. మాదకద్రవ్యాల వినియోగం వల్ల కలిగే అనర్థాలను విద్యార్థులు, యువతకు వివరించి, వారిని మత్తు పదార్థాలకు దూరంగా ఉంచేందుకు చేపడుతున్న ఈ కార్యక్రమం ఎంతో స్ఫూర్తిదాయకమన్నారు. యువత మాదకద్రవ్యాల బారిన పడకుండా తల్లిదండ్రులు, ఉపాధ్యాయులు, విద్యాసంస్థలు నిరంతరం అప్రమత్తంగా ఉండాలని ఎస్పీ సూచించారు. డ్రగ్స్‌ రహిత సమాజ నిర్మాణం ప్రభుత్వ శాఖల బాధ్యత మాత్రమే కాదని, ప్రతీ పౌరుడి సామాజిక బాధ్యత అని ఆయన పేర్కొన్నారు. విజయలక్ష్మి చేపట్టిన ఈ అవగాహన యాత్ర మరింత మందికి స్ఫూర్తినివ్వాలని ఆకాంక్షిస్తూ ఆమెకు శుభాకాంక్షలు తెలిపారు. కార్యక్రమంలో డీఎస్పీ తిరుపతిరావు, టౌన్‌ సీఐ రఘుపతిరెడ్డ్డి, ఎస్సైలు అరుణ్‌ కుమార్‌, సూరయ్య తదితరులు పాల్గొన్నారు. కళాశాలల్లో.. మహబూబాబాద్‌ అర్బన్‌: జిల్లా కేంద్రంలోని నలంద డిగ్రీ కళాశాల, ప్రభుత్వ బాలికల, బాలుర జూనియర్‌ కళాశాలలను విజయలక్ష్మి సోమవారం సందర్శించారు. ఈ కార్యక్రమంలో డీఎస్పీ తిరుపతిరావు, సీఐ రఘుపతిరెడ్డి, ఎస్సైలు అరుణ్‌కుమార్‌, సూరయ్య, డీఐఈఓ మదార్‌గౌడ్‌, నలంద డిగ్రీ కళాశాల కరస్పాండెంట్‌ డోలి సత్యనారాయణ, ప్రిన్సిపాళ్లు గణేష్‌, సదానందం, కృష్ణప్రసాద్‌, విద్యార్థులు పాల్గొన్నారు. సైకిల్‌ యాత్ర చేపట్టిన విజయలక్ష్మిని అభినందించిన ఎస్పీ

● ఉప్పరపల్లిలో విషాదం కేసముద్రం: విషజర్వంతో ఓ బాలుడు మృతి చెందాడు. విషాదకర ఘటన మహబూబాబాద్‌ జిల్లా కేసముద్రం మండలం ఉప్పరపల్లిలో చోటుచేసుకుంది. వివరాలు ఇలా ఉన్నాయి.. గ్రామానికి చెందిన మంద మహేశ్‌, ప్రశాంతి దంపతులకు ఇద్దరు కుమారులు ఉన్నారు. చిన్న కుమారుడు రిషి(6) గ్రామంలోని ప్రభుత్వ ప్రాథమిక పాఠశాలలో ఫస్ట్‌క్లాస్‌ చదువుతున్నాడు. ఈ క్రమంలో శుక్రవారం (గత నెల 30న) పాఠశాలకు వెళ్లిన ఆ బాలుడు జ్వరంతో అస్వస్థతకు గురయ్యాడు. దీంతో వెంటనే కేసముద్రంలోని ఓ ప్రైవేట్‌ ఆస్పత్రికి తరలించారు. జ్వరం తగ్గకపోవడంతో అదే రోజు సాయంత్రం మానుకోటలోని ఓ ఆస్పత్రికి తీసుకెళ్లారు. ఈ క్రమంలో పరిస్థితి విషమంగా మారడంతో అక్కడి నుంచి వరంగల్‌ ఎంజీఎం తరలించారు. అక్కడ చికిత్స పొందుతుండగా జ్వరం తగ్గకపోవడంతోపాటు ఫిట్స్‌ రావడంతో సోమవారం తెల్లవారుజామున మృతి చెందాడు. కాగా, అల్లారు ముద్దుగా పెంచుకుంటున్న కుమారుడు చనిపోవడంతో ఆ చిన్నారి జ్ఞాపకాలను తలుచుకుంటూ తల్లిదండ్రులు రోదించిన తీరు అందరిని కంటతడి పెట్టించింది. రిషి మృతితో కుటుంబంతోపాటు గ్రామంలో విషాదం చోటుచేసుకుంది.

మంగపేట : మల్లూరు హేమాచల లక్ష్మీనర్సింహస్వామి ఆలయంలో కోతుల దాడి నుంచి రక్షణ కరువైందని భక్తులు వాపోతున్నారు. స్వామివారిని దర్శించుకునేందుకు వచ్చిన భక్తురాలిపై కోతి దాడిచేసి తీవ్రంగా గాయపడిన సంఘటన ఆదివారం చోటు చేసుకున్న విషయం విదితమే. సోమవారం కొందరు భక్తులు స్వామివారి లడ్డు, పులిహోర ప్రసాదాన్ని కొనుగోలు చేసి తీసుకెళ్తున్నారు. ఈ క్రమంలో దాడి చేయడంతో ప్రసాదాలను వదిలి వేయడంతో ప్రమాదం తప్పినట్లయ్యింది. ఆలయంలోని స్వయంభూ లక్ష్మీనర్సింహస్వామిని దర్శించుకు నేందుకు ప్రతి శని, ఆదివారం సుమారు ఆరువేల మది, మిగతా రోజుల్లో వందల సంఖ్యలో భక్తులు ఆలయానికి వస్తుంటారు. ఇక్కగ వేల సంఖ్యలో కోతుల దండు భక్తుల చేతిలో ఏది కనిపించినా దాడి చేస్తుండడంతో కర్ర లేకుండా దర్శనం చేసుకోలేని పరిస్థితి నెలకొంది. ఆలయ ప్రాంగణంలో వానర సైన్యం ఎటు నుంచి వచ్చి మీదపడి దాడి చేస్తాయో తెలియక ఆలయానికి వచ్చే భక్తులు కొబ్బరి కాయ కొట్టలేక, కనీసం స్వామివారి ప్రసాదాలను కూడా కొనుగోలు చేయకుండా వెళ్లాల్సి వస్తోంది. భక్తుల ద్వారా ఏటా రూ.కోటికిపైగా ఆదాయం కలిగిన ఆలయంలో రక్షణ కోసం దేవాదాయశాఖ అధికారులు ఎలాంటి చర్యలు తీసుకోక పోవడంపై భక్తులు తీవ్రస్థాయిలో ఆగ్రహం వ్యక్తం చేస్తున్నారు.

కలెక్టర్‌ గారూ పని కావడం లేదు.. రవాణా చార్జీలు వృథా అవుతున్నాయి సమస్యల పరిష్కారానికి ప్రాధాన్యం ఇవ్వాలి ● కలెక్టర్‌ స్నేహశబరీష్‌ ప్రజా సమస్యల పరిష్కారానికి అధిక ప్రాధాన్యం ఇవ్వాలని కలెక్టర్‌ స్నేహశబరీష్‌ అధికారులను ఆదేశించారు. కలెక్టరేట్‌లోని ప్రధాన సమావేశ మందిరంలో సోమవారం ప్రజావాణి నిర్వహించగా కలెక్టర్‌ స్నేహశబరీష్‌ స్వయంగా వినతులు స్వీకరించారు. ఈసందర్భంగా కలెక్టర్‌ మాట్లాడుతూ.. వసతి గృహాల నిర్వహణలో క్షేత్రస్థాయిలో తనిఖీ చేసి నివేదికలు ఇవ్వాలన్నారు. దరఖాస్తులను పరిశీలించి వెంటనే పరిష్కారం అయ్యేలా చూడాలన్నారు. విద్యాసంస్థలు, వసతి గృహాల్లో తాగునీరు, విద్యుత్‌, హెల్త్‌ , న్యూట్రిషన్‌, శానిటేషన్‌పై ప్రత్యేక అధికారులు తనిఖీలు చేసి నివేదికలు ఇవ్వాలని ఆదేశించారు. ప్రజావాణిలో 115 వినతులు వచ్చినట్లు అఽధికారులు తెలిపారు. కార్యక్రమంలో అదనపు కలెక్టర్‌ అనిల్‌కుమార్‌, జిల్లాస్థాయి అధికారులు పాల్గొన్నారు.మహబూబాబాద్‌: ప్రజావాణిలో పలుమార్లు వినతులు ఇచ్చినా.. సమస్యలు పరిష్కారం కావడం లేదని పలువురు ఆవేదన వ్యక్తం చేస్తున్నారు. ఆటో మాట్లాడుకొని వచ్చి వినతులు ఇచ్చినా పనికావడం లేదని, దీంతో ఆటో చార్జీలు వృథా అవుతున్నాయని దివ్యాంగులు వాపోతున్నారు. కలెక్టర్‌కు స్వయంగా వినతులు ఇస్తున్నామని, అయినా సంబంధిత అధికారులు స్పందించడం లేదని ఆరోపింస్తున్నారు. సోమవారం కలెక్టర్‌ కార్యాలయంలో నిర్వహించిన ప్రజావాణిలో కలెక్టర్‌ స్నేహశబరీష్‌, అదనపు కలెక్టర్‌ అనిల్‌కుమార్‌ వినతులు స్వీకరించారు. కలెక్టర్‌ ప్రతీ ప్రజావాణిలో వినతుల విషయంలో నిర్లక్ష్యం చేయవద్దని, పెండింగ్‌లో ఉన్నవి కూడా పరిష్కరించాలని ఆదేశిస్తున్నారు. అయితే కలెక్టర్‌ చెబుతున్నా.. వినతుల పరిష్కారం కావడం లేదని బాధితులు చెబుతున్నారు. ● అధికారులు స్పందించడం లేదని దివ్యాంగుల ఆవేదన ప్రజావాణిలో పాలనాధికారికి మొర

దుగ్గొండి: కరువులోనూ కూరగాయ పంటలు పండిస్తూ నెలకు లక్ష రూపాయలు సంపాదిస్తూ సాఫ్ట్‌వేర్‌ ఉద్యోగులకు సైతం సవాలు విసురుతున్నారు. తక్కువ నీటితో ఆధునిక పద్ధతులు పాటించి ఆదర్శంగా నిలుస్తున్నారు రైతులు. వరంగల్‌ జిల్లా దుగ్గొండి మండలం తిమ్మంపేట గ్రామానికి చెందిన కొక్కుల మొగిలి– విజయ దంపతులు కొన్ని సంవత్సరాల క్రితం రాజకీయాల్లో ఉండి ఎంపీటీసీగా, వైస్‌ ఎంపీపీగా పనిచేసి ప్రజలకు సేవలు అందించారు. అయితే వారికి ప్రజల సేవలే మిగిలాయి. కానీ ఆస్తులు కరిగిపోయాయి. వారికి చివరికి ఎకరంన్నర భూమి మిగిలింది. నీరులేక పంట పండదు. గత సంవత్సరం ఇదే గ్రామానికి చెందిన ఓ రైతు వద్ద ఏడున్నర ఎకరాల వ్యవసాయ భూమిని రూ.1.20 లక్షలకు కౌలుకు తీసుకున్నారు. అందులో డ్రిప్పు ఉంది. మల్చింగ్‌తో పాటు కొత్త డ్రిప్‌ పైపుల కోసం రూ.2 లక్షలు ఖర్చు చేసి పూర్తిగా మల్చింగ్‌ చేశారు. మొత్తం భూమిలో వంకాయ, బీరకాయ, నల్ల, తెల్లకాకర, సోరకాయ, కీరదోస, కూరదోస, టమాట కూరగాయల పంటలు సాగు చేశారు. కరువులో బావి నుంచి వచ్చే 2, 3 గంటల సాగునీటితోనే మొత్తం భూమికి నీరు అందిస్తున్నారు. వర్షం లేకపోయినా చుక్క చుక్క నీరు ఇస్తూ పంటను కాపాడుకుంటున్నారు. వచ్చిన కూరగాయలను దళారులకు విక్రయించకుండా నేరుగా వారే స్వయంగా ఆటోలో వేసుకుని మార్కెట్‌లో విక్రయిస్తున్నారు. ఇలా రోజుకు రూ. 5 వేల నుంచి 15 వరకు ఆర్జిస్తున్నారు. సంవత్సరంలో 65 రోజులు మినహా 300 రోజులు కూరగాయలు తెంపి అమ్ముతున్నారు. రోజుకు 10 మందికి ఉపాధి కల్పిస్తున్నారు. ఖర్చులు పోగా నెలకు రూ. 90 వేల నుంచి రూ.లక్ష వరకు సంపాదిస్తున్నారు. లక్నెపల్లి నుంచి తిమ్మంపేటకు వెళ్లే ప్రధాన రహదారి వెంట ఉన్న ఈ కూరగాయల పంటలను పలువురు వాహనదారులు కాసేపు ఆగి ఆసక్తిగా తిలకిస్తున్నారు. విజయ రహస్యమిదే.. వరి, పత్తి, మొక్కజొన్నలాంటి పంటలను నమ్ముకుంటే కరువు వస్తే పోయినట్లే. నాలుగు రకాల కూరగాయలు సాగు చేస్తే ఒకటి పోయినా ఇంకొకటి కాపాడుతుంది. డ్రిప్‌ పద్ధతితో పాటు మల్చింగ్‌ వేయడం వల్ల ఎరువు, నీరు వృథా కావడం లేదు. దళారులకు నేరుగా వరంగల్‌, నర్సంపేట పట్టణాలకు తీసుకెళ్లి విక్రయిస్తున్నారు. వాట్సాప్‌ గ్రూపుల్లో ధరను, కూరగాయల నాణ్యతను షేర్‌ చేస్తూ అడిగివారికి నేరుగా అందిస్తున్నారు. తిమ్మంపేటలో కొక్కుల మొగిలి సాగు చేసిన వివిధ రకాల కూరగాయ పంటలు, మహ్మదాపురంలో జనగం రాజు సాగు చేసిన పందిరి చిక్కుడు డిగ్రీలు చదివి ఉద్యోగాలు రాలేదని బాధపడే యువతకు అప్పులతో సతమతమయ్యే ఈ ఇద్దరు రైతులు ఓ మంచి సందేశం ఇస్తున్నారు. భూమిని తిట్టుకోవడం కాదు, భూమితో స్మార్ట్‌గా ఆడుకోవడం నేర్చుకోవాలి. కూరగాయల్లోనే బంగారం ఉంది అని చెబుతున్నారు. కూరగాయల సాగుతో లాభాలు నెలకు రూ.లక్ష వరకు ఆదాయం దుగ్గొండి మండలం మహ్మదాపురం గ్రామానికి చెందిన చిన్నరైతు జనగాం రాజు–శ్వేత దంపతులకు రెండు ఎకరాల వ్యవసాయ భూమి మాత్రమే ఉంది. బావిలో నీరు రెండుగంటలకు మించి రావడం లేదు. దీంతో ఈసారి ఎలా గట్టెక్కాలని ఆలోచించారు. రెండు ఎకరాలను నాలుగు భాగాలు చేశారు. ఎకరాకు రూ.80 వేల వ్యయంతో పందిరి వేయించారు. దానిలో 20 గుంటలకు ఒక బిట్టు చొప్పున పందిరి చిక్కుడు, పందిరి బీర, పందిరి కాకర, పందిర దొండ సాగు చేశారు. ఇలా చేయడం వల్ల 20 గుంటలకు సరిపడే నీటితో రెండు ఎకరాల్లో కూరగాయలు పండిస్తున్నారు. వీరు ప్రతి రోజు నలుగురికి ఉపాధి కల్పిస్తున్నారు. రెండు ఎకరాలకు ఏడాదిలో రూ.నాలుగు లక్షల నికరదాయం ఆర్జిస్తున్నారు. తిమ్మంపేట–మహ్మదాపురం ప్రధాన రహదారి పక్కన ఉన్న చేనును రైతులు ఆగి మరీ చూసి వెళ్తున్నారు.

మహబూబాబాద్‌ రూరల్‌: ప్రస్తుత ఎల్‌నినో పరిస్థితుల్లో విద్యుత్‌ పొదుపు, నీటి సంరక్షణ ప్రజా ఉద్యమంలా మారాలి. ఈమేర కు ఈనెల 1నుంచి 7వ తేదీ వరకు మిషన్‌ లైఫ్‌ పేరిట కార్యక్రమాలు నిర్వహించేందుకు కార్యాచరణ రూపొందించారు. కార్యక్రమాన్ని ఆచరణలో పెట్టాలని టీజీ రెడ్కో అధికారులు సూచించారు. ముఖ్యంగా విద్యుత్‌ పొదుపు, నీటి సంరక్షణకు ప్రాధాన్యతనిస్తూ పర్యావరణహిత జీవనశైలిని అలవర్చుకోవాలని పేర్కొన్నారు. పర్యావరణ పరిరక్షణ సామాజిక బాధ్యత.. పర్యావరణ పరిరక్షణ అనేది కేవలం ప్రభుత్వ బాధ్యత మాత్రమే కాదు. ప్రతీ పౌరుడి సామాజిక బాధ్యత, మన దైనందిన జీవితంలో పాటించే చిన్న చిన్న పొదుపు అలవాట్లు సైతం పర్యావరణ పరిరక్షణలో గొప్ప మార్పులకు నాంది పలుకుతాయి. కాగా, ప్రజలు తమ రోజువారీ జీవితంలో కొన్ని ముఖ్యమైన అంశాలను తప్పనిసరిగా పాటించాలి. విద్యుత్‌ పొదుపు.. అవసరం లేనప్పుడు లైట్లు, ఫ్యాన్లు, ఇతర విద్యుత్‌ పరికరాలను ఆపివేయడం ద్వారా విద్యుత్‌ వృథాను అరికట్టవచ్చు. సౌరశక్తి వినియోగం.. సంప్రదాయ ఇంధన వనరులపై ఆధారపడడం తగ్గించి, సౌరశక్తి వంటి పునరుత్పాదక ఇంధన వనరుల వినియోగాన్ని ప్రజలు విస్తృతంగా ప్రోత్సహించాలి. నీటి సంరక్షణ.. నీటిని వృథా చేయకుండా, ప్రతీ నీటి బొట్టును విలువైన వనరుగా భావించి పొదుపుగా వినియోగించాలి. పర్యావరణహిత జీవనశైలి.. ప్రకృతి వనరులను పరిరక్షిస్తూ, పర్యావరణానికి హాని కలిగించని జీవన విధానాలను అలవర్చుకోవాలి. ప్రతీ యూనిట్‌ దేశ సంపదకు తోడ్పాటు..మనం ఆదా చేసే ప్రతీ యూనిట్‌ విద్యుత్‌ దేశ సంపదకు తోడ్పడుతుంది. మనం పొదుపు చేసే ప్రతీ నీటి బొట్టు భావితరాలకు భరోసానిస్తుంది. నేడు మనం చేసే చిన్నచిన్న ప్రయత్నాలే రేపటి తరాలకు ఆరోగ్యకరమైన, పచ్చని భవిష్యత్‌ను అందిస్తాయి. ప్రభుత్వ శాఖలు, విద్యాసంస్థలు, యువజన సంఘాలు, స్వచ్ఛంద సంస్థలు, ప్రభుత్వ ఉద్యోగులు, ప్రజలందరూ మిషన్‌ లైఫ్‌ కార్యక్రమంలో భాగస్వాములై విద్యుత్‌ పొదుపు, నీటి సంరక్షణ, పర్యావరణ పరిరక్షణ అంశాలను ప్రజా ఉద్యమంగా ముందుకు తీసుకెళ్లాలి. – గంధం రాజేందర్‌, డీఈ, టీజీ రెడ్కో, వరంగల్‌ ప్రజల్లో అవగాహన.. కుటుంబ సభ్యులు, విద్యార్థులు, యువత, ప్రభుత్వ ఉద్యోగులు, వివిధ వర్గాల ప్రజలకు విద్యుత్‌ పొదుపు, నీటి సంరక్షణ ఆవశ్యకతపై అవగాహన కల్పించాలి. మిషన్‌ లైఫ్‌ కార్యక్రమం కేవలం నవంబర్‌ 1 నుంచి 7వ తేదీ వరకు నిర్వహించే వారోత్సవానికి మాత్రమే పరిమితం కాకుండా ప్రతీ ఒక్కరి నిత్యజీవితంలో ఒక భాగంగా మారాలి. ప్రతీ ఇంటి నుంచే పర్యావరణ పరిరక్షణకు శ్రీకారం చుట్టాలి. వ్యక్తిగత బాధ్యతతో సమాజంలో సానుకూల మార్పు తీసుకురావాలి. ప్రజా ఉద్యమంలా మారాలి మిషన్‌ లైఫ్‌ కార్యక్రమంతో పర్యావరణ పరిరక్షణ ఈ నెల 7వరకు కార్యక్రమాలు

కేయూ క్యాంపస్‌: కాకతీయ యూనివర్సిటీ పరిధి ఉమ్మడి వరంగల్‌, ఖమ్మం, ఆదిలాబాద్‌ జిల్లాల్లోని అంతర్‌ కళాశాలల హాకీ క్రీడాపోటీలు సోమవారం నిర్వహించారు. క్రీడా పోటీలను కేయూ స్పోర్ట్స్‌బోర్డు సెక్రటరీ టి.శాస్త్రి, స్పోర్ట్స్‌బోర్డు మాజీ సెక్రటరీ వై.వెంకయ్య ప్రా రంభించారు. ప్రతిభ చూపిన 24 మంది హాకీ క్రీడాకారులను ఎంపిక చేసినట్లు స్పోర్ట్స్‌బోర్డు సెక్రటరీ శాస్త్రి తెలిపారు. వీరు సౌత్‌జోన్‌ ఇంటర్‌ యూనివర్సిటీ హాకీ టోర్నమెంట్‌లో పా ల్గొంటారని పేర్కొన్నారు. సెలక్టర్లుగా ఫిజికల్‌ డైరెక్టర్లు శ్రీనివాస్‌రెడ్డి, యూసిన్‌, మహేశ్‌, అజ య్‌రెడ్డి, ఫిజికల్‌ డైరెక్టర్స్‌ అసోసియేషన్‌ జా యింట్‌ సెక్రటరీ మట్టెడ కుమార్‌ పాల్గొన్నారు. బ్యాడ్మింటన్‌ నేషనల్‌ అంపైర్‌గా సునీల్‌ దుగ్గొండి : జాతీయస్థాయి బ్యాడ్మింటన్‌ అంపైర్‌గా వరంగల్‌ జిల్లా దుగ్గొండి మండలం పొనకల్‌ గ్రామానికి చెందిన జన్ను సునీల్‌ ఎంపికయ్యారు. ఈ మేరకు తెలంగాణ బ్యాడ్మింటన్‌ అసోసియేషన్‌ అధ్యక్షుడు దుద్దిళ్ల శ్రీధర్‌బాబు సోమవారం ఉత్తర్వులు వెలువరించారు. నేటినుంచి 8వ తేదీ వరకు హైదరాబాద్‌ గచ్చిబౌలిలో జరగనున్న ఇంటర్నేషనల్‌ చాలెంట్‌ –2026 బ్యాడ్మింటన్‌ టోర్నమెంట్‌కు సునీల్‌ అంపైర్‌గా వ్యవహరించనున్నారు. ఈ మేరకు సునీల్‌ను సర్పంచ్‌ బొమ్మగాని వెంకటేశ్వర్లు, మాజీ స ర్పంచ్‌లు ఊర్మిళ, కొత్తకొండ శారద, గుండె రా జీరు, బొమ్మగాని సదానందం, వివిధ పార్టీల నాయకులు అభినందించారు. రాష్ట్రస్థాయి పోటీలకు ఎంపిక చిన్నగూడూరు: మహబూబాబాద్‌ జిల్లా చిన్న గూడూరు జెడ్పీహెచ్‌ఎస్‌ విద్యార్థి గంగాధరి సాత్విక్‌ రాష్ట్రస్థాయి పోటీలకు ఎంపికై నట్లు వ్యాయామ ఉపాధ్యాయుడు జక్కి నాగేశ్వర్‌ సోమవారం తెలిపారు. ఎస్‌జీఎఫ్‌ ఉమ్మడి వరంగల్‌ జిల్లా స్థాయి అండర్‌–14 ఖోఖో విభాగంలో ప్రతిభ కనబరిచి వికారాబాద్‌ జిల్లాలో జరుగుతున్న రాష్ట్రస్థాయి పోటీలకు ఎంపికయ్యాడు. మండలానికి పేరు తీసుకురావాలని ఎంఈఓ రవికుమార్‌ ఆకాంక్షించారు.జాతీయస్థాయి తైక్వాండో పోటీలకు.. మహబూబాబాద్‌ అర్బన్‌: జిల్లా కేంద్రంలోని ప్రభుత్వ బాలికల జూనియర్‌ కళాశాల విద్యార్థిని నరాల వెన్నల ఎస్జీఏఎఫ్‌ రాష్ట్రస్థాయిలో ప్రతిభ చూపి జాతీయస్థాయి తైక్వాండో పోటీలకు ఎంపికై ందని కళాశాల ప్రిన్సిపాల్‌ పొక్కుల సదానందం సోమవారం తెలిపారు. వెన్నలను కళాశాల అధ్యాపకులు సాధిక్‌, శ్రీనివాస్‌, పర్వీనాబేగం, శ్రీను, స్వాతిరాణి, రవికిరణ్‌, నవీన్‌, రియాజ్‌ అభినందించారు. డ్రంకెన్‌ డ్రైవ్‌లో 26 మందికి జరిమానా కాశిబుగ్గ: మద్య తాగి వాహనం నడుపుతూ వరంగల్‌ ట్రాఫిక్‌ పోలీస్‌స్టేషన్‌ పరిధిలో నిర్వహించిన డ్రంకెన్‌ డ్రైవ్‌ తనిఖీల్లో 26 మంది వ్యక్తులు పట్టుబడినట్లు ట్రాఫిక్‌ ఇన్‌స్పెక్టర్‌ సు జాత తెలిపారు. వారిని కోర్టులో హాజరు పర్చగా మెజిస్ట్రేట్‌ అంకేశ్వరపు కమలాకర్‌ రూ.19, 200 జరిమానా విధించినట్లు పేర్కొన్నారు. అ లాగే, డ్రైవింగ్‌ లైసెన్స్‌ లేకుండా వాహనాలు నడిపిన ఇద్దరికి రూ. వెయ్యి జరి మానా విధించారని ఆమె వివరించారు.

మొగుళ్లపల్లి: హైదరాబాద్‌లో జరిగిన రోడ్డు ప్రమాదంలో జయశంకర్‌భూపాలపల్లి జిల్లా మొగుళ్లపల్లి మండలం కొర్కిశాలకు చెందిన ఓ యువకుడు దుర్మరణం చెందాడు. గ్రామస్తుల కథనం ప్రకారం.. గ్రామానికి చెందిన మాజీ సర్పంచ్‌ దానవేణి రాములు, అఖిల దంపతుల కుమారుడు యశ్వంత్‌ (20) హైదరాబాద్‌లోని ఓ కళాశాలలో బీటెక్‌ చదువుతున్నాడు. ఆదివారం రాత్రి మిత్రుడితో బైక్‌పై వెళ్తున్న క్రమంలో రోడ్డుప్రమాదానికి గురై అక్కడికక్కడే దుర్మరణం చెందాడు. మరో విద్యార్థి తీవ్ర గాయాలతో ఓ ప్రైవేట్‌ ఆస్పత్రిలో చికిత్స పొందుతున్నాడు. ఈ ఘటనతో గ్రామంలో విషాదఛాయలు అలుముకున్నాయి.

మహబూబాబాద్‌: ఎన్‌హెచ్‌ఎం ఉద్యోగుల జేఏసీ ఆధ్వర్యంలో స్థానిక తహసీల్దార్‌ కార్యాలయం ఎదుట చేపట్టిన నిరవఽధిక సమ్మె సోమవారం నాటికి 21వ రోజుకు చేరింది. సమ్మెలో భాగంగ సిబ్బంది క్లాత్‌తో తయారు చేసిన తొట్టెలో చిన్నారి బొమ్మను వేసి ఆడించారు. ఆ చిన్నారి బొమ్మను ఉద్దేశించి ‘బాలుడా మీ అమ్మకు 180రోజుల ప్రసూతి సెలవులు లేవు.. ఇన్సూరెన్స్‌ లేదు.. ఉద్యోగ భద్రత లేదు.. సమాన పనికి సమాన వేతనం లేదని’ అంటూ వినూత్నంగా నిరసన తెలిపారు. కార్యక్రమంలో నాయకులు ఉమాకర్‌, నవీన్‌, పవన్‌, అనిల్‌, రాజ్‌కుమార్‌, త్రివేణి, వాణి, వెన్నెల, కల్యాణి, థెరిసా, లావణ్య పాల్గొన్నారు.

● కలెక్టర్‌ స్నేహశబరీష్‌ మహబూబాబాద్‌ రూరల్‌ : విజయానికి ఏకై క మార్గం చదువు అని, పోలీస్‌ శాఖలో భాగస్వాములై సమాజ సేవచేసే అవకాశం రావడం గర్వకారణంగా భావించాలని కలెక్టర్‌ స్నేహశబరీష్‌ అన్నారు. జిల్లా కేంద్రంలోని ఐఎంఏ హాల్‌లో జిల్లా పోలీస్‌ శాఖ ఆధ్వర్యంలో నిర్వహిస్తున్న పోలీసు ఉచిత శిక్షణ శిబిరాన్ని కలెక్టర్‌ స్నేహశబరీష్‌, ఎస్పీ శబరీష్‌ సోమవారం సందర్శించారు. శిక్షణ పొందుతున్న అభ్యర్థులకు స్టడీ మెటీరియల్‌ పంపిణీ చేసి, పరీక్షల సన్నద్ధతపై పలు సూచనలు చేశారు. ఈ సందర్భంగా కలెక్టర్‌ మాట్లాడుతూ.. అభ్యర్థులు తమ లక్ష్యంపై పూర్తి ఏకాగ్రతతో దృష్టి సారించి, క్రమశిక్షణతో కూడిన ప్రణాళికాబద్ధమైన చదువును కొనసాగించాలని సూచించారు. అందుబాటులో ఉన్న సమయాన్ని వృథా చేయకుండా పరీక్షల సన్నద్ధతకు పూర్తిగా వినియోగించుకోవాలని తెలిపారు. శాంతిభద్రతల పరిరక్షణ, ప్రజల రక్షణ, సమాజానికి సేవ చేయడంలో పోలీస్‌ శాఖ పాత్ర అత్యంత కీలకమని పేర్కొన్నారు. అటువంటి బాధ్యతాయుతమైన పోలీస్‌ శాఖలో భాగస్వాములు కావడం ఎంతో గర్వకారణమన్నారు. అభ్యర్థులు పట్టుదలతో చదివి ఉద్యోగాలు సాధించి, ప్రజలకు సేవచేసే గొప్ప అవకాశాన్ని అందిపుచ్చుకోవాలని ఆకాంక్షించారు. కార్యక్రమంలో డీఎస్పీ తిరుపతిరావు, ఆర్‌ఐ భాస్కర్‌, టౌన్‌ సీఐ రఘుపతిరెడ్డి, శిక్షకులు భాగ్యకిరణ్‌ తదితరులు పాల్గొన్నారు.

● పోలీసులకు ‘కుడా’ అధికారుల ఫిర్యాదు కాశిబుగ్గ : వరంగల్‌ ఓ సిటీ 80ఫీట్ల రోడ్డులోని ‘కుడా’కు చెందిన స్థలాన్ని కొందరు కబ్జాకు యత్నించారు. దీంతో ‘కుడా’ అధికారులు పోలీసులకు ఫిర్యాదు చేశారు. ఆదివారం కొందరు భూమిని చదును చేసి చుట్టూ తాత్కాలికంగా నిర్మాణం చేపడుతున్న సమాచారం తెలుసుకున్న కుడా అధికారులు ఓ సిటీ స్థలానికి చేరుకున్నారు. అధికారులు అడ్డుకునే ప్రయత్నం చేయగా వారితో వాగ్వివాదానికి దిగారు. దీంతో అధికారులు వెంటనే పోలీసులకు సమాచారం అందించి, ఫిర్యాదు చేశారు.

మహబూబాబాద్‌ రూరల్‌ : మహబూబాబాద్‌ రైల్వే స్టేషన్‌ పరిధిలోని ఒకటి, రెండో నంబర్‌ ప్లాట్‌ ఫారాలపై నిత్యం వానరాలు గుంపులుగా సంచరిస్తూ ప్రయాణికులను తీవ్ర ఇబ్బందులకు గురిచేస్తున్నాయి. రైళ్లు వచ్చి వెళ్లిన సందర్భాల్లోనే కాకుండా ఖాళీ సమయాల్లో కూడా వానరాలు దాడి చేస్తుండడంతో ప్రయాణికులు భయాందోళనకు గురవుతున్నారు. ప్రయాణికుల చేతుల్లో ఏమైనా తినుబండారాలు, ఇతర పదార్థాలు ఉంటే ఎగబడి గుంజుకుని వెళ్తున్నాయి. కాగా, రైల్వే శాఖ అధికారులు స్పందించి కోతుల సమస్య పరిష్కరించాలని ప్రయాణికులు కోరారు.

వెంకటాపురం (ఎం): మండల పరిధిలోని రామప్ప దేవాలయంలో సండే సందడి నెలకొంది. ఈ సందర్భంగా కర్ణాటక రాష్ట్రానికి చెందిన 30మంది సీనియర్‌ సిటిజన్స్‌ రామలింగేశ్వరస్వామిని దర్శించుకున్నారు. ఆలయ అర్చకులు హరీశ్‌శర్మ, ఉమాశంకర్‌ ప్రత్యేక పూజలు చేసి తీర్థ ప్రసాదాలు అందజేశారు. వారికి టూరిజం గైడ్‌ గోరంట్ల విజయ్‌కుమార్‌ ఆలయ చరిత్ర, శిల్పకళ వైభవం, కాకతీయుల చరిత్ర గురించి వివరించారు. అనంతరం రామప్ప చెరువులో బోటింగ్‌ చేసి సందడిగా గడిపారు. వారి వెంట ఈఓ ఇమ్మడి భాస్కర్‌, టూరిస్ట్‌ పోలీసులు శ్రీనివాస్‌, భద్రు, శ్రీకాంత్‌, పురావస్తు, దేవాదాయశాఖ, టూరిజం శాఖ సిబ్బంది పాల్గొన్నారు.వన దేవతలకు మొక్కులుఎస్‌ఎస్‌తాడ్వాయి: మేడారం సమ్మక్క– సారలమ్మను దర్శించుకునేందుకు భక్తులు ఆదివారం అధికసంఖ్యలో తరలివచ్చారు. వివిధ ప్రాంతాల నుంచి మేడారం చేరుకున్న భ క్తులు జంపన్నవాగు స్నానఘట్టాల వద్ద పుణ్య స్నానాలు ఆచరించారు. అనంతరం తల్లుల గద్దెల వద్ద పసు పు, కుంకుమ, చీరసారె, గాజులు, పూలు, పండ్లు, ఎత్తు బంగారం సమర్పించి మొక్కులు చెల్లించారు. భక్తులు అనంతరం మేడారం పరిసరాల్లో వంటావార్పు చేసుకుని భోజనాలు చేశారు.హేమాచలంలో భక్తుల రద్దీమంగపేట : మండల పరిధిలోని మల్లూరులోని హేమాచల క్షేత్రంలో ఆదివారం భక్తుల రద్దీ నెలకొంది. రాష్ట్రంలోని వరంగల్‌, హైదరాబాద్‌, నల్లగొండ, ఖమ్మం తదితర ప్రాంతాలతో పాటు ఆంధ్రప్రదేశ్‌ రాష్ట్రంలోని పలు ప్రాంతాల నుంచి భక్తులు ఉదయాన్నే గుట్టపైకి చేరుకున్నారు. చింతామణి జలపాతం వద్ద పుణ్య స్నానాలు ఆచరించి భక్తిశ్రద్ధలతో స్వామివారిని దర్శించుకుని పూజలు నిర్వహించారు. అర్చకులు అనిపెద్ది రాజీవ్‌శర్మ, కారంపుడి పవన్‌కుమార్‌ ఆచార్యులు, వెంకటనారాయణ శర్మ ఉదయం 11 గంటల నుంచి మధ్యాహ్నం ఒంటి గంట వరకు నిర్వహించిన తిల తైలాభిషేకం పూజలో పాల్గొని స్వామివారిని నిజరూప దర్శనం చేసుకుని పులకించారు. సంతానం కోసం వచ్చిన దంపతులకు స్వామివారి నాభిచందన ప్రసాదాన్ని అందజేశారు.

కాజీపేట రూరల్‌ : కాజీపేట జంక్షన్‌ మీదుగా వెళ్లే తిరుపతి–రక్సోల్‌–తిరుపతి మధ్య వెళ్లే రెండు రైళ్లు సౌత్‌ ఈస్ట్రన్‌ రైల్వేలోని చక్రాధర్‌పూర్‌ రైల్వే డివిజన్‌ పరిధిలోని బగ్దేహి–జర్సుగూడ మధ్య 4వ రైల్వే లైన్‌ నిర్మాణంతో ఈ నెల 2, 5వ తేదీన రద్దు చేసినట్లు రైల్వే అధికారులు ఆదివారం తెలిపారు. రద్దు అయిన రైళ్ల వివరాలు 2వ తేదీన తిరుపతి–రక్సోల్‌ (17433) వెళ్లే ఎక్స్‌ప్రెస్‌, ఈ నెల 5వ తేదీన రక్సోల్‌–తిరుపతి (17434) వెళ్లే ఎక్స్‌ప్రెస్‌ను రద్దు చేసినట్లు అధికారులు పేర్కొన్నారు. 70.3 ట్రాయాథాన్‌ పూర్తి చేసిన నిఖిల్‌ ములుగు రూరల్‌ : ములుగు జిల్లా రాయనిగూడెం గ్రామానికి చెందిన వజ్జ నిఖిల్‌ ఆదివారం గోవాలో జరిగిన 70.3 ట్రాయాథాన్‌ను విజయవంతంగా పూర్తి చేసి ఫినిషర్‌గా నిలిచాడు. ఈ పోటీల్లో 1.9 కిలోమీటర్ల స్విమ్మింగ్‌, 90 కిలో మీటర్ల సైక్లింగ్‌, 21.1 కిలో మీటర్ల రన్నింగ్‌ మొత్తం కలిసి 113 కిలో మీటర్ల దూరాన్ని పూర్తి చేశాడు. నిఖిల్‌ తెలంగాణ సంస్కృతి, చరిత్ర, పర్యాటక ప్రదేశాల విశిష్టతను తన క్రీడా ప్రయాణం ద్వారా ప్రజలకు పరిచయం చేస్తున్నారు. 2027లో ఫ్రాన్స్‌లో జరిగే పుల్‌ ఐరన్‌ మ్యాన్‌ ట్రయాథాన్‌ను 3.8 కిలో మీటర్ల ఈత, 180 కిలో మీటర్ల సైక్లింగ్‌ 42.2 కిలో మీటర్ల పరుగు పూర్తి చేయాలని లక్ష్యంగా పెట్టుకున్నాడు. కోతుల దాడిలో ఒకరికి తీవ్ర గాయాలుభూపాలపల్లి రూరల్‌ : కోతుల దాడిలో ఒకరికి కాలు విరిగి, తలకు తీవ్ర గాయాలయ్యాయి. ఈ సంఘటన జయశంకర్‌ భూపాలపల్లి జిల్లాలో ఆదివారం జరిగింది. స్థానికుల కథనం ప్రకారం.. భూపాలపల్లి మున్సిపాలిటీ పరిధిలోని కాసీంపల్లి గ్రామానికి చెందిన బొర్లకుంట లక్ష్మయ్య తన ఇంటి స్లాబ్‌పై చిరుధాన్యాలు ఆరబెట్టాడు. దీంతో కోతులు స్లాబ్‌పైకి వచ్చి ధాన్యాన్ని చిందర వందర చేస్తుండగా లక్ష్మయ్య స్లాబ్‌పైకి వెళ్లి కోతులను తరిమాడు. ఈ క్రమంలో ధాన్యాన్ని సంచుల్లో నింపుతుండగా కోతులు మూకుమ్మడిగా దాడి చేశాయి. తప్పించుకునే తరుణంలో కాలుజారి స్లాబ్‌నుంచి లక్ష్మయ్య కింద పడగా కాలు విరిగింది. తలకు తీవ్ర గాయాలు కావడంతో కుటుంబ సభ్యులు స్థానిక ప్రైవేట్‌ ఆస్పత్రికి తీసుకెళ్లి చికిత్స చేయిస్తున్నారు. హేమాచల క్షేత్రంలో భక్తురాలిపై.. మంగపేట : ములుగు జిల్లా మంగపేట మండలంలోని మల్లూరు హేమాచల లక్ష్మీనర్సింహస్వామి ఆలయంలో భక్తురాలిపై కోతి దాడి చేసి తీవ్రంగా గాయపరిచిన సంఘటన ఆదివారం చోటు చేసుకుంది. మండలంలోని కమలాపురం గ్రామానికి చెందిన భక్తురాలు పిల్లలమర్రి మౌనిక తనతల్లి దుర్గమ్మ మరికొందరితో కలిసి లక్ష్మీనర్సింహస్వామిని దర్శించుకునేందుకు ఆలయానికి వచ్చింది. కొండపై ఆలయంలో స్వామివారి తిల తైలాభిషేకం తిలకించేందుకు భక్తులతో పాటు కూర్చుని ఉండగా అకస్మాత్తుగా కోతి దాడి చేసింది. ఎడమ చేతిని కొరకడంతో తీవ్ర గాయమై రక్తస్రావమైంది. అక్కడే ఉన్న ఆలయ మాజీ చైర్మన్‌ చిట్యాల పురుషోత్తం భక్తుల సాయంతో హుటాహుటిన ఆమెను మంగపేట పీహెచ్‌సీకి తరలించారు.

● వీబీజీ రామ్‌జీ పథకంలో జల సంరక్షణకు ప్రత్యేక కార్యాచరణ ● ఇంకుడుగుంతలు, ఫారంపాండ్ల నిర్మాణాలు ● ఎండిన బోరుబావులకు ప్రాణం పోసేలా అడుగులుమహబూబాబాద్‌ అర్బన్‌/డోర్నకల్‌: వీబీ జీరాంజీ పథకంలో కూలీలకు ఉపాధి కల్పించడమే కాకుండా గ్రామాల శాశ్వత అభివృద్ధిని కాంక్షిస్తూ అధికారులు ప్రణాళికలు రూపొందించారు. ముఖ్యంగా ఎల్‌నినో ప్రభావం, భవిష్యత్‌లో నీటి ఎద్దడిని తగ్గించేలా ఇంకుడుగుంతలు, ఫారంపాండ్ల నిర్మాణానికి ప్రాధాన్యత ఇస్తున్నారు. గ్రామాల్లో అన్ని పనులకు ఈ పథకాన్ని వినియోగించుకుంటే చాలా సమస్యలను అధిగమించవచ్చని అధికారులు అవగాహన కల్పిస్తున్నారు. పంచాయతీ కార్యదర్శులు, వీబీ జీరాంజీ ఎఫ్‌ఏలతో ప్రత్యేక సమావేశాలు నిర్వహించి పథకం గురించి ప్రజల్లో విస్తృత ప్రచారం చేస్తున్నారు. జిల్లాలో జాబ్‌ కార్డుల వివరాలు.. జాబ్‌ కార్డు ఉన్న ప్రతీ కుటుంబానికి ఏడాదిలో గరిష్టంగా 125రోజుల ఉపాధి కల్పించాలనే లక్ష్యంతో అధికారులు ముందుకెళ్తున్నారు. జిల్లాలో 18 మండలాల్లో మొత్తం జాబ్‌ కార్డులు 2.03 లక్షలు ఉన్నాయి. వీటిలో 4.05లక్షల మంది కూలీలు ఉన్నారు. కాగా, 1.32లక్షల జాబ్‌కార్డులు యాక్టివ్‌లో ఉండగా.. 2.35లక్షల మంది ఉపాధి పనుల్లో భాగస్వామ్యం అవుతున్నారు. జల సంరక్షణకు ప్రాధాన్యం.. ఎల్‌నినో ప్రభావంతో కరువును ఎదుర్కొనేందుకు, బొట్టుబొట్టును ఒడిసిపట్టేలా జల సంరక్షణకు అధిక ప్రాధాన్యం ఇస్తున్నారు. భూగర్భజలాల వృద్ధికి ఫారంపాండ్ల నిర్మాణం, ఇళ్లలో ఇంకుడుగుంతలు, బోరుబావుల వద్ద రీచార్జ్‌ పిట్స్‌, వీధులు, పాఠశాలలు, ప్రభుత్వ భవనాల ఆవరణల్లో సోక్స్‌పీట్స్‌ నిర్మించడానికి మార్గదర్శకాలు రూపొందించారు. నిధులు ఇలా.. ● రైతుల పొలాల్లో ఫారంపాండ్ల నిర్మాణానికి కొలతల ప్రకారం రూ.60 వేల నుంచి రూ.4.60 లక్షల వరకు చెల్లించనున్నారు. పండ్ల మొక్కల పెంపకానికి ఎకరానికి రూ.1.10 లక్షల నుంచి రూ.1.20 లక్షలు ఇవ్వనున్నారు. ● బోరుబావి ఎండిపోకుండా రీచార్జ్‌ పీట్‌కు రూ.30 వేలు, సోక్‌పీట్స్‌ నిర్మాణానికి రూ.13 వేలు, ఇళ్లలో నిర్మించుకునే ఇంకుడుగుంతకు రూ.7,00 చొప్పున అందజేయనున్నట్లు అధికారులు తెలిపారు. భూగర్భజలాల పెంపు లక్ష్యం కలెక్టర్‌ ఆదేశాల మేరకు పనులు మంజూరు చేశాం. వీబీ జీరామ్‌ జీ పథకంలో జల సంరక్షణకే ప్రాధాన్యత ఇస్తుండడంతో భూగర్భ జలాలు పెరిగే అవకాశాలు ఎక్కువగా ఉన్నాయి. శాశ్వత నిర్మాణాలపై జిల్లాలోని అన్ని మండలాల నుంచి ప్రతిపాదనలు వచ్చాయి. గ్రామపంచాయతీలో పనులు వేగవంతంగా నిర్వహిస్తున్నాం. –జి.మధుసూదన్‌ రాజ్‌, డీఆర్‌డీఓ ఐదు సంవత్సరాల క్రితమే నిర్మించా.. ఐదు సంవత్సరాల క్రితమే మా ఇంట్లో ఇంకుడుగుంత నిర్మించాను. మా ఊర్లో ఐదేళ్ల క్రితమే ఇంకుడుగుంతల నిర్మాణం ఉద్యమంలా సాగింది. ఇంటి ఆవరణలో ఇంకుడుగుంత నిర్మాణంతో మా ఇంటి నుంచి వృథా నీరు ఒక్క చుక్క కూడా బయటకు రాదు. –గుగులోత్‌ చందా, చాప్లాతండా, డోర్నకల్‌

సాక్షిప్రతినిధి, వరంగల్‌: ఉమ్మడి వరంగల్‌ జిల్లా రైల్వే ప్రయాణికులకు కీలకమైన ఇంటర్‌సిటీ ఎక్స్‌ప్రెస్‌ ఆధునిక రూపు సంతరించుకోనుంది. హైదరాబాద్‌–సిర్పూర్‌ కాగజ్‌నగర్‌–బీదర్‌ మధ్య నడిచే ఇంటర్‌సిటీ ఎక్స్‌ప్రెస్‌ (17011/17012) ఇకపై ఆధునిక ఎల్‌హెచ్‌బీ (లింక్‌ హాఫ్‌మన్‌ బుష్‌) బోగీలతో పరుగులు తీయనుంది. వరంగల్‌, కాజీపేట మీదుగా రాకపోకలు సాగించే ఈ రైలు మార్పుతో హనుమకొండ, వరంగల్‌, జనగామ, మహబూబాబాద్‌, ములుగు, భూపాలపల్లి ప్రాంతాల నుంచి హైదరాబాద్‌ వైపు రాకపోకలు సాగించే ప్రయాణికులకు మెరుగైన సౌకర్యాలు అందనున్నాయి. అయితే, ఇప్పటివరకు 16 ఐసీఎఫ్‌ బోగీలతో నడిచిన రైలును 14 ఎల్‌హెచ్‌బీ బోగీలకు పరిమితం చేయడంపై అభ్యంతరాలు వ్యక్తమవుతున్నాయి. పెరుగుతున్న ప్రయాణికుల రద్దీకి అనుగుణంగా కనీసం 20 నుంచి 22 బోగీలతో నడపాలనే డిమాండ్‌ తెరపైకి వస్తోంది. జర్మన్‌ సాంకేతికతతో ఆధునికీకరణ.. జర్మన్‌ సాంకేతిక పరిజ్ఞానంతో రూపొందించిన ఎల్‌హె చ్‌బీ బోగీలతో ఇంటర్‌సిటీ ఎక్స్‌ప్రెస్‌ ఈ నెల 3 నుంచి అందుబాటులోకి రానుంది. ఐసీఎఫ్‌ కోచ్‌లతో పోలిస్తే ఎల్‌హెచ్‌బీ బోగీల్లో మెరుగైన సీటింగ్‌ స దుపాయాలు, ఆధునిక భద్రతా ప్రమాణాలు, ప్ర యాణ సౌకర్యాలు ఉంటాయి. కాజీపేట జంక్షన్‌ మీ దుగా ప్రయాణించే ఈ రైలులో మార్పు ఉమ్మడి వ రంగల్‌ ప్రయాణికులకు కూడా ప్రయోజనం చేకూర్చనుంది. అయితే బోగీల సంఖ్య తగ్గడం వల్ల రద్దీ సమయాల్లో సీట్ల కోసం పోటీ మరింత పెరిగే ప్రమాదం ఉందని ప్రయాణికులు ఆందోళన చెందుతున్నారు. రేక్‌ షేరింగ్‌ కష్టాలకు చెక్‌.. ఇంటర్‌సిటీ రైలుకు ఇతర రైళ్లతో ఉన్న రేక్‌ షేరింగ్‌ కారణంగా తరచూ ఆలస్యాలు చోటుచేసుకుంటున్నాయి. ముఖ్యంగా బీదర్‌ నుంచి హైదరాబాద్‌ వచ్చే 17012 రైలు గత 15 రోజులుగా రాత్రి 9.30 నుంచి 10.30 గంటల మధ్య సికింద్రాబాద్‌ చేరాల్సి ఉండగా.. మూడు నుంచి నాలుగు గంటలు ఆలస్యంగా వస్తున్నట్లు ప్రయాణికులు చెబుతున్నారు. దీంతో మరుసటి రోజు ఉదయం హైదరాబాద్‌ నుంచి బయలుదేరే రైలు ప్రయాణంపైనా ప్రభావం పడుతోంది. వరంగల్‌, కాజీపేట నుంచి నిత్యం హైదరాబాద్‌కు వెళ్లే ఉద్యోగులు, విద్యార్థులు, వ్యాపారులు ఈ జాప్యంతో ఇబ్బందులు ఎదుర్కొంటున్నారు. ఈ నేపథ్యంలో ఈ నెల 4 నుంచి సికింద్రాబాద్‌–సిర్పూర్‌ కాగజ్‌నగర్‌–హైదరాబాద్‌ మధ్య కాజీపేట మీదుగా నడిచే పండుగ ప్రత్యేక ఎక్స్‌ప్రెస్‌ (07711/07712)కు ప్రస్తుతం వినియోగిస్తున్న ఐసీఎఫ్‌ బోగీలను పూర్తిస్థాయిలో కేటాయించనున్నారు. దీంతో ఇంటర్‌సిటీకి రేక్‌ షేరింగ్‌ సమస్య నుంచి కొంత ఉపశమనం లభించే అవకాశం ఉంది. 22 బోగీలతో నడపాలి.. ఉమ్మడి వరంగల్‌ నుంచి హైదరాబాద్‌కు నిత్యం వేలాది మంది ప్రయాణాలు సాగిస్తున్నారు. ఉద్యోగులు, విద్యార్థులు, వ్యాపారులు, వైద్య సేవల కోసం వెళ్లేవారికి ఇంటర్‌సిటీ కీలకమైన రవాణా సాధనం. ముఖ్యంగా ఉదయం, సాయంత్రం వేళల్లో కాజీపేట, వరంగల్‌ స్టేషన్లలో ప్రయాణికుల రద్దీ అధికంగా ఉంటుంది. ఈ నేపథ్యంలో 14 ఎల్‌హెచ్‌బీ బోగీలు సరిపోవని, కనీసం 20 లేదా 22 బోగీలకు పెంచాలని ప్రయాణికులు కోరుతున్నారు. ఇదే మార్గంలో నడిచే భాగ్యనగర్‌, కాగజ్‌నగర్‌ సూపర్‌ఫాస్ట్‌ ఎక్స్‌ప్రెస్‌లు 20 నుంచి 22 ఎల్‌హెచ్‌బీ బోగీలతో నడుస్తున్న విషయాన్ని గుర్తుచేస్తున్నారు. ఇంటర్‌సిటీకి కూడా అదనపు బోగీలు కేటాయించి రద్దీ సమస్యను పరిష్కరించాలని రైల్వే శాఖను కోరుతున్నారు. వరంగల్‌–కాజీపేట మీదుగా ఆధునిక బోగీలతో పరుగులు ఉమ్మడి వరంగల్‌ జిల్లా ప్రయాణికులకు మెరుగైన సౌకర్యాలు 16 ఐసీఎఫ్‌ బోగీల స్థానంలో 14 ఎల్‌హెచ్‌బీ కోచ్‌లు.. తెరపైకి 20 నుంచి 22 బోగీలకు పెంచాలని డిమాండ్‌ఇంటర్‌సిటీ ఎక్స్‌ప్రెస్‌కు సికింద్రాబాద్‌–భద్రాచలం రోడ్‌ కాకతీయ ఎక్స్‌ప్రెస్‌, హైదరాబాద్‌–కర్నూలు సిటీ హంద్రీ ఎక్స్‌ప్రెస్‌తోనూ రేక్‌ షేరింగ్‌ ఉంది. బతుకమ్మ పండుగ సమయంలో నడిపిన ప్రత్యేక రైలు కూడా ఇదే విధానంలో కొనసాగింది. ప్రస్తుతం ఇంటర్‌సిటీ, కాకతీయ, హంద్రీ రైళ్లను ఈ నెల 3, 4, 5 తేదీల్లో దశలవారీగా ఎల్‌హెచ్‌బీ బోగీలకు మార్చనున్న నేపథ్యంలో రేక్‌ల కేటాయింపుల్లో మార్పులు చేస్తున్నారు. ఈ మార్పులతో వరంగల్‌–కాజీపేట రైల్వే మార్గంలో నడిచే రైళ్ల నిర్వహణలోనూ మెరుగుదల ఉంటుందని ప్రయాణికులు ఆశిస్తున్నారు.ఇంటర్‌సిటీ ఎక్స్‌ప్రెస్‌ 2016లోనూ ఎల్‌హెచ్‌బీ బోగీలతో నడిచింది. అయితే ఆ ప్రయోగం నెల రోజులకే పరిమితమై తిరిగి ఐసీఎఫ్‌ బోగీలతో కొనసాగింది. దాదాపు పదేళ్ల తర్వాత మరోసారి ఆధునిక బోగీలతో ప్రయాణికులకు అందుబాటులోకి వస్తున్న నేపథ్యంలో ఈసారి శాశ్వతంగా ఎల్‌హెచ్‌బీ రేక్‌ను కొనసాగించాలని ఉమ్మడి వరంగల్‌ ప్రయాణికులు విజ్ఞప్తిచేస్తున్నారు.

మెయిన్‌షాప్‌, పెయింట్‌ షాప్‌, స్టోర్‌ వార్డు, టెస్ట్‌ షాప్‌, క్యాంటీన్‌, అడ్మినిస్ట్రేటివ్‌ బ్లాక్‌, ఎలక్ట్రిక్‌ సబ్‌ స్టేషన్‌, సెక్యూరిటీ పోస్ట్‌, రెస్ట్‌ హౌజ్‌, సేవగ్‌ ట్రీట్‌మెంట్‌ ప్లాంట్‌, పంప్‌హౌస్‌, టాయిలెట్‌ బ్లాక్స్‌, ప్యాకేజ్‌ సబ్‌ స్టేషన్‌, షౌవర్‌ టెస్ట్‌, రోడ్‌వే బ్రిడ్జి, జీఎల్‌ఆర్‌ పంప్‌ హౌస్‌, పిట్‌ ట్రావెర్సర్‌, వ్యాగన్‌ వే బ్రిడ్జి, గార్డు పోస్ట్‌/ట్రాక్‌ గేట్‌, ఆర్‌యూబీ, పార్కింగ్‌, 2,000 కేఎల్‌ కెపాసిటీ గల పాండ్‌, స్టోరేజీ వార్డు, టర్న్‌ బ్రిడ్జి నిర్మాణ పనులు పూర్తయ్యాయి.

రాయపర్తి : మండలంలోని తిర్మలాయపల్లి గ్రామంలో హృదయ విదారకమైన ఘటన జరిగింది. మాజీ సర్పంచ్‌ గజవెల్లి అనంతప్రసాద్‌ అప్పు తీసుకుని తిరిగి ఇవ్వక పోవడంతోనే తమ ఇంటిపెద్ద ప్రాణాలు కోల్పోయాడంటూ కుటుంబ సభ్యులు మృతదేహంతో రోడ్డెక్కి ఆందోళనకు దిగారు. ఈ ఘటన స్థానికంగా తీవ్ర కలకలం రేపింది. వివరాలు ఇలా ఉన్నాయి.. తిర్మలాయపల్లికి చెందిన వృద్ధుడు ముద్రబోయిన ముత్తయ్య (70) కొంతకాలంగా ఒత్తిడితో తీవ్ర మనోవేదనకు గురవుతున్నాడు. మాజీ సర్పంచ్‌ అనంతప్రసాద్‌కు తాను రూ.2లక్షలు అప్పు ఇవ్వగా తిరిగి డబ్బులు ఇవ్వకపోవడంతో రోజూ అడుగుతున్నా పట్టించుకోవడంలేదని ఆవేదన చెందాడు. ఈ క్రమంలోనే తీవ్ర ఒత్తిడికి గురై బ్రెయిన్‌ స్ట్రోక్‌కు గురయ్యాడు. కుటుంబ సభ్యులు వెంటనే హైదరాబాద్‌లోని గాంధీ ఆస్పత్రికి తరలించగా చికిత్స పొందుతూ శనివారం మృతిచెందాడు. దీంతో మృతదేహాన్ని గ్రామానికి తీసుకువచ్చిన కుటుంబ సభ్యులు మాజీ సర్పంచ్‌ ఇంటి ఎదుట మృతదేహంతో ఆందోళన చేపట్టారు. ‘మా నాన్న నమ్మి అప్పు ఇస్తే తిరిగి ఇవ్వకపోవడంతో గుండె పగిలి చనిపోయాడు, మాకు న్యాయం చేయాలి’ అంటూ కొడుకు నర్సయ్య కన్నీరుమున్నీరయ్యాడు. డబ్బులు ఇప్పించి నిందితుడిపై చర్యలు తీసుకోవాలని డిమాండ్‌ చేశారు. కష్టపడి సంపాదించిన సొమ్మును నమ్మకంతో ఇస్తే చివరకు ప్రాణాలే పోయాయని గ్రామస్తులు ఆవేదన వ్యక్తం చేస్తున్నారు. సమాచారం అందుకున్న పోలీసులు ఘటన స్థలానికి చేరుకొని కుటుంబ సభ్యులకు నచ్చచెప్పే ప్రయత్నం చేస్తున్నారు. కేసు నమోదు చేసి దర్యాప్తు చేస్తామని హామీ ఇచ్చారు. 70 ఏళ్ల ముత్తయ్య మృతి మాజీ సర్పంచ్‌ ఇంటి ఎదుట మృతదేహంతో ఆందోళన

మహబూబాబాద్‌: మానుకోట మున్సిపాలిటీలో పందులు, కోతులు, కుక్కల స్వైరవిహారంతో ప్రజలు తీవ్ర ఇబ్బందులు పడుతున్నారు. ఖాళీ స్థలాల్లో ఏపుగా పెరిగిన పిచ్చిమొక్కలు పందులకు ఆవాసాలుగా మారుతున్నాయి. అధికారులు పందుల పెంపకందారులతో సమావేశాలు నిర్వహిస్తున్నారే తప్ప వారిపై చర్యలు తీసుకోవడంతో లేదు. దీంతో పందుల సంఖ్య పెరిగి ప్రజలు ఆరోగ్య సమస్యలతో ఇబ్బందులు పడుతున్నారు. 141 మంది కార్మికులు మాత్రమే.. మానుకోట మున్సిపాలిటీలో 36 వార్డులు ఉండగా 65,712 మంది ఓటర్లు ఉన్నారు. విద్యా, ఉద్యోగం, వ్యాపారం నిమిత్తం మానుకోటలో నివాసం ఉండే వారితో కల్పితే లక్ష జనాభా దాటుతుంది. మున్సిపాలిటీలో 143 మంది పారిశుద్ధ్య కార్మికులు ఉండగా.. ఇటీవల ఇద్దరు మృతి చెందారు. ప్రస్తుతం 141 మంది మాత్రమే ఉన్నారు. కార్మికుల కొరతతో పారిశుద్ధ్య సమస్యలు తలెత్తుతున్నాయి. కాల్వలు శుభ్రం చేసే మిషన్‌, రోడ్డు స్వీపింగ్‌ మిషన్‌ పని చేయడం లేదు. 14 మూడు చక్రాల ఆటోలు, 19 నాలుగు చక్రాల ఆటోలు, 11 ట్రాక్టర్లు ఉండగా వాటిలో పలు వాహనాలు తరచూ మరమ్మతుల బారిన పడుతున్నాయి. ప్రతీరోజు 33 టన్నుల చెత్త సేకరణ చేస్తున్నారు. వాహనాలు మరమ్మతులు, కార్మికుల కొరతతో పారిశుద్ధ్య సమస్య వెంటాడుతోంది. వెంటాడుతున్న పందుల సమస్య.. మున్సిపాలిటీ పరిధిలో రోజురోజుకూ పందుల సంఖ్య విపరీతంగా పెరుగుతోంది. జిల్లా కేంద్రంలోని టౌన్‌ పోలీస్‌ స్టేషన్‌ ఎదుట ఖాళీ స్థలంలో విపరీతంగా ఉన్నాయి. ● కురవి రోడ్డులోని బంధం చెరువు సమీపంలో సిద్ధార్థ ఆస్పత్రి ఎదుట ఖాళీ స్థలంలో వందల సంఖ్యలో పందులు ఆవాసం ఉంటున్నాయి. లక్ష్మి టాకీస్‌, బీఎస్‌ఎన్‌ఎల్‌ కార్యాలయం సమీపం, సాయిబాబా గుడి రోడ్డు, రెడ్డి బజార్‌, కంకరబోడ్‌, కురవి రోడ్డులోని రఘు హోటల్‌ సమీపంలో వందల సంఖ్యలో ఉన్నాయి. ● 10వ వార్డు పరిధిలోని ముత్యాలమ్మ తండా శివారులో పెద్ద సంఖ్యలో పందులు ఉన్నాయి. అవి పంటలను నాశనం చేస్తున్నాయి. ఖాళీ స్థలాలే ప్రధాన కారణం.. మున్సిపాలిటీ పరిధిలో ఇళ్లమధ్య సుమారు 250కిపైగా ఖాళీ స్థలాలు ఉన్నాయని అధికారులు గుర్తించారు. వాటిలో పిచ్చి మొక్కలు ఏపుగా పెరిగి పందులకు నిలయంగా మారాయి. ఆ స్థలాల యజమానులకు ముందుగా నోటీస్‌లు ఇచ్చారు. స్పందన లేదు. హోటళ్లు, ఫంక్షన్‌ హాల్స్‌ కూడా నిబంధనలు పాటించడం లేదు. పక్కనే చెత్తాచెదారం, మిగిలిన ఆహార పదార్థాలు వేయడంతో పందుల సంఖ్య పెరుగుతోంది. కాల్వల్లో చెత్తాచెదారం పేరుకుపోవడం, రోడ్లపై చెత్తాచెదారం వేడయం వల్ల కూడా పందుల సంచారం పెరిగింది. సమావేశాలకే పరిమితం.. మున్సిపల్‌ కమిషనర్‌ వినోద్‌కుమార్‌ బాధ్యతలు స్వీకరించి ఐదు నెలలు అవుతోంది. ఈ సమయంలో ఆయన 10సార్లు పందుల పెంపకందారులతో సమావేశాలు నిర్వహించారు. పందులను పట్టణానికి దూరంగా పెంచుకోవాలని చెప్పినా.. పెంపకందారులు స్పందించలేదు. పందుల కోసం రెవెన్యూ శాఖ గుమ్ముడూర్‌ శివారులో రెండు ఎకరాల స్థలం కేటాయించింది. అయినా వారు స్పందించడం లేదు. ప్రజల ఆరోగ్యం బేజార్‌.. పందుల సంఖ్య పెరిగి పరిసరాలు అపరిశుభ్రంగా మారి దోమల సంఖ్య విపరీతంగా పెరుగుతోంది. దీంతో దోమకాటుతో ప్రజలు ఆస్పత్రులు పాలవుతున్నారు. దీంతో వేలాది రూపాయలు వైద్యం కోసం ఖర్చు చేయాల్సి వస్తుందని ప్రజలు ఆవేదన వ్యక్తం చేస్తున్నారు. రోడ్లపై, కాల్వల్లో పేరుకుపోయిన చెత్తాచెదారం సమావేశాలకే పరిమితమైన పందుల పట్టివేత నోటీసులు ఇచ్చినా స్పందించని ఖాళీ స్థలాల యజమానులు నిబంధనలు పాటించని ఫంక్షన్‌ హాల్స్‌

కురవి: మండల కేంద్రంలోని భధ్రకాళీ సమేత వీరభద్రస్వామి ఆలయం ఆదివారం భక్తులతో సందడిగా మారింది. వీరభద్రస్వామిని దర్శించుకునేందుకు భక్తులు బారులుదీరారు. భద్రకాళీ అమ్మవారిని దర్శించుకుని మొక్కులు చెల్లించుకున్నారు. భక్తులకు ఆలయ అధికారులు సౌకర్యాలు కల్పించారు. తీర్థ ప్రసాదాలు అందజేశారు. బియ్యం అధిక ధరలకు విక్రయిస్తే చర్యలు ● అదనపు కలెక్టర్‌ అనిల్‌కుమార్‌ మహబూబాబాద్‌: ప్రభుత్వం నిర్ణయించిన ధరలకే బియ్యం విక్రయించాలని, అధిక ధరలకు విక్రయిస్తే సంబంధిత వ్యక్తులపై కఠిన చర్యలు తీసుకుంటామని అదనపు కలెక్టర్‌ అనిల్‌కుమార్‌ ఆదివారం ఒక ప్రకటనలో హెచ్చరించారు. ప్రభుత్వం ధరలు నిర్ణయించిందని, ఆ ధరలను విస్మరించి అధిక ధరలకు అమ్మితే చర్యలు తప్పవన్నారు. ప్రభుత్వం బీపీటీ కిలో బియ్యం ధర రూ.66, సోనా బియ్యం రూ.74, శ్రీరామగోల్డ్‌ కిలో ధర రూ.79గా నిర్ణయించిందన్నారు. విక్రయ కేంద్రాల వద్ద బ్యానర్‌పై ధరలు పట్టికలు వెల్లడించాలని ఆదేశించారు. జిల్లాస్థాయి రోల్‌ప్లే పోటీలు మహబూబాబాద్‌ అర్బన్‌: విద్యార్థులో సామాజిక అవగాహన, ఆరోగ్యకరమైన జీవనశైలి, మానసిక ఆరోగ్యం, బాధ్యతాయుత పౌరసత్వ విలువలను పెంపొందించాడానికి ఈ నెల 3న జిల్లాస్థాయి రోల్‌ ప్లే పోటీలు నిర్వహిస్తున్నామని డీఈఓ కె.అనిల్‌కుమార్‌ ఆదివారం తెలిపారు. రోల్‌ ప్లే పోటీల్లో తెలంగాణ గురుకుల పాఠశాల, మోడల్‌ స్కూల్‌, కస్తూర్బాగాంధీ విద్యాలయాల్లో చదువుతున్న 9వ తరగతి విద్యార్థులు పాల్గొనాలన్నారు. ప్రతీ పాఠశాల నుంచి నలుగురు మాత్రమే పాల్గొనాలని, విద్యార్థులు తప్పనిసరిగా స్కూల్‌ యూనిఫాంతో హాజరుకావాలన్నారు. పూర్తి వివరాలకు జిల్లా సైన్స్‌ అధికారి అప్పారావు 9849598281 ఫోన్‌ నంబర్‌ను సంప్రదించాలన్నారు. ప్రశాంతంగా ఎన్‌ఎంఎంఎస్‌ పరీక్ష మహబూబాబాద్‌ అర్బన్‌: నేషనల్‌ మీన్స్‌ కమ్‌ మెరిట్‌ స్కాలర్‌షిప్‌(ఎన్‌ఎంఎంఎస్‌)పరీక్ష జిల్లాలో ప్రశాంతంగా ముగిసినట్లు జిల్లా విద్యాశాఖ అధికారి అనిల్‌ కుమార్‌ ఆదివారం తెలిపారు. జిల్లా కేంద్రంలోని రెండు పరీక్ష కేంద్రాలో 481 మంది విద్యార్థులకు 463 మంది హాజరయ్యారని, తొర్రూరు పట్టణంలో రెండు పరీక్ష కేంద్రాల్లో 323 మంది విద్యార్థులకు గాను 303 మంది హాజరైనట్లు వెల్లడించారు. మొత్తం 804 మంది విద్యార్థులకు గానూ 766 మంది హాజరుకాగా 38 మంది గైర్హాజరయ్యారని, 95.27 శాతం హాజరు నమోదైనట్లు చెప్పారు. ఫ్లయింగ్‌ స్క్వాడ్‌ బుచ్చయ్య, ఏసీజీఈ మందుల శ్రీరాములు, కోఆర్డినేటర్‌ శేషుకుమార్‌ పరీక్షలను పర్యవేక్షించారు. ఇష్టారాజ్యంగా వాహనాల పార్కింగ్‌ మహబూబాబాద్‌ రూరల్‌ : మహబూబాబాద్‌ పట్టణంలోని వేణుగోపాలస్వామి దేవాలయం, అయ్యప్ప స్వామి దేవాలయ ప్రాంతాల్లో వాహనాలను ఇష్టారాజ్యంగా పార్కింగ్‌ చేస్తున్నారని స్థానికులు ఆరోపిస్తున్నారు. కొందరు వాహనదారులు తమ వాహనాలను ప్రధాన రోడ్డు మధ్యలో నిలిపివేసి రోజులు తరబడి అక్కడే ఉంచి వెళ్తున్నారని, దీంతో నిత్యం ట్రాఫిక్‌ కష్టాలు ఏర్పడుతున్నాయని పేర్కొన్నారు. ట్రాఫిక్‌ పోలీసు అధికారులు స్పందించి వాహనాలు పార్కింగ్‌ చేయకుండా చర్యలు తీసుకోవాలని కోరారు. కోటగుళ్లలో సందడి గణపురం: వరల్డ్‌ హెరిటేజ్‌ క్యాంపెయిన్‌లో భాగంగా ఆదివారం గణపురం మండలకేంద్రంలోని కాకతీయుల కళాక్షేత్రం కోటగుళ్లను పరిశోధక బృందం సభ్యులు సందర్శించారు. ప్రొఫెసర్‌ పాండురంగారావు ఆధ్వర్యంలో సందర్శించి కోటగుళ్ల చరిత్రను తెలుసుకున్నారు. బృందం సభ్యులు ఆలయ శిల్ప సంపదను తిలకించారు. ఆలయ నిర్మాణ విధానం, ప్రాముఖ్యత తదితర అంశాలను పాంగురంగారావు వారికి వివరించారు.

పెళ్లి కావడంలేదని యువకుడు.. లింగాలఘణపురం : మండలంలోని కొత్తపల్లికి చెందిన గర్వందుల కృష్ణ (28) పెళ్లి కావడంలేదని మనస్తాపంతో ఆదివారం ఉరేసుకొని ఆత్మహత్యకు పాల్పడ్డాడు. ఎస్సై కిశోర్‌ కథనం ప్రకారం.. కృష్ణ పెళ్లి ఈడుకు వచ్చినా సంబంధాలు రాకపోవడంతో అతడు తాగుడుకు బానిసయ్యాడు. ఆదివారం తండ్రి సుధాకర్‌తో వ్యవసాయ బావి వద్దకు వెళ్తున్నానని చెప్పి బైక్‌పై వెళ్లాడు. అక్కడే సమీపంలోని చెట్టుకు ఉరేసుకొని ఆత్మహత్యకు పాల్పడ్డాడు. సమీపంలో పనులు చేస్తున్న యాదగిరి గమనించి కృష్ణ తండ్రికి ఫోన్‌లో విషయం తెలియజేయగా వెంటనే సుధాకర్‌ అక్కడికి వచ్చి చూశాడు. అప్పటికే కృష్ణ చెట్టుకు ఉరి వేసుకొని విగతజీవిగా ఉన్నాడు. తండ్రి ఫిర్యాదుతో కేసు నమోదు చేసి దర్యాప్తు చేస్తున్నట్లు ఎస్సై కిశోర్‌ వివరించారు. ప్రేమ పెళ్లికి నిరాకరించారని యువతి.. కొడకండ్ల : ప్రేమించిన యువకుడు..అతడి తల్లిదండ్రులు పెళ్లికి నిరాకరించడంతో ఓ యువతి ఆత్మహత్యకు పాల్పడింది.ఈ సంఘటన రామవరం గ్రామంలో ఆదివారం చోటుచేసుకుంది. పోలీసుల కథనం ప్రకారం.. గ్రామానికి చెందిన ఒడపల్లి మానస (18) కొడకండ్లకు చెందిన టాటూ ఆర్టిస్ట్‌ చెన్న సాయిగణేష్‌ కొంతకాలంగా ప్రేమించుకుంటున్నారు. పెళ్లి చేసుకోవాలని మానస కోరగా సాయి గణేష్‌తో పాటు అతడి తల్లిదండ్రులు సత్యం, కవిత నిరాకరించి ఇబ్బంది పెడుతున్నారు. దీంతో మనస్తాపానికి గురైన మానస శనివారం సాయంత్రం గడ్డి మందు తాగి వాంతులు చేసుకొని తీవ్ర అస్వస్థతకు గురైంది. గమనించిన కుటుంబ సభ్యులు వెంటనే ఆమెను జనగామ ప్రభుత్వ ఆస్పత్రికి తరలించారు. అక్కడ చికిత్స అనంతరం వైద్యుల సూచన మేరకు మెరుగైన వైద్యం కోసం వరంగల్‌ ఎంజీఎంకు తీసుకెళ్లగా ఆదివారం తెల్లవారుజామున మృతి చెందింది. మానస తండ్రి సోమయ్య ఫిర్యాదుతో యువతి మృతికి కారణమైన యువకుడు అతడి తల్లిదండ్రులపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు. ఆర్థిక ఇబ్బందులతో మహిళ.. చిల్పూరు : మండలంలోని రాజవరం గ్రామానికి చెందిన భూక్య లక్ష్మి (55) ఆదివారం ఉరేసుకుని ఆత్మహత్య చేసుకుంది. ఎస్సై శ్రవణ్‌ కుమార్‌గౌడ్‌ కథనం ప్రకారం.. పేద కుటుంబానికి చెందిన లక్ష్మి కొద్ది నెలలుగా అనారోగ్యంతో బాధపడుతుంది. దాదాపు రూ.4 లక్షల వరకు ఖర్చు చేసినా ఫలితం లేకుండా పోయింది. అనారోగ్యానికి తోడు ఆర్థిక ఇబ్బందులు, అప్పులు తట్టుకోలేక మనోవేదనకు గురై ఇంటి వద్ద ఉరేసుకుని ఆత్మహత్యకు పాల్పడింది. మృతురాలి భర్త రాములు ఫిర్యాదు మేరకు కేసు నమోదు చేసినట్లు ఎస్సై శ్రవణ్‌కుమార్‌ తెలిపారు.

సీతారాంపురం బస్‌స్టేజీ సమీపంలో మహిళ .. దేవరుప్పుల : రోడ్డు ప్రమాదంలో తల్లి తనువు చాలించగా.. తండ్రి, కూతురికి గాయాలపాలైన ఘటన జనగామ జిల్లా దేవరుప్పుల మండలం సీతారాంపురం పరిధిలో ఆదివారం రాత్రి జరిగింది. స్థానికుల కథనం ప్రకారం.. కామారెడ్డి జిల్లా అర్బన్‌వాడ (తల్మడ) మండల వ్యవసాయ అధికారి చెవ్వుల పోచయ్య కూతురు స్వర్ణప్రియకు ఇటీవల సూర్యాపేట జిల్లా హుజూర్‌నగర్‌లో బీఎస్సీ అగ్రికల్చర్‌లో మొదటి సంవత్సరంలో ప్రవేశం పొందింది. కాగా, ఈ నెల 3వ తేదీన అగ్రికల్చర్‌ స్లైడింగ్‌ ఆప్షన్‌ ఉంది. సమీప ప్రాంతాల్లోకి మార్చుకునేందుకు సంసిద్ధమైన పోచయ్య ఆదివారం తమ కూతురును స్వగ్రామానికి తీసుకెళ్లేందుకు కారులో భార్య పద్మతో హుజూర్‌నగర్‌కు వెళ్లారు. తిరుగు ప్రయాణంలో దేవరుప్పుల మండలం సీతారాంపురం బస్‌ స్టేజీ సమీపంలో రాత్రి 7 గంటలకు మలుపు వద్ద ఎదురుగా ఆంధ్రప్రదేశ్‌ రాష్ట్రం ఏలూరు జిల్లా జనగారెడ్డిగూడేనికి చెందిన ఈపు శ్రీను (సింహాద్రి) టాటా ఏస్‌ వాహనంతో ఢీకొట్టాడు. ఈ సంఘటనతో కారులో ఎయిర్‌ బ్యాగులు ఓపెన్‌ కావడంతో డ్రైవింగ్‌ చేస్తున్న పోచయ్యకు స్వల్ప గాయాలు కాగా.. భార్య పద్మ, కూతురికి తీవ్ర గాయాలయ్యాయి. వారిని అంబులెన్స్‌లో జనగామ ఏరియా ఆస్పత్రికి తరలించి చికిత్స చేస్తున్న క్రమంలోనే పద్మ మృతి చెందింది. భార్య మృతి చెందని విషయం తెలియని పోచయ్య ఫోన్‌లో తమ బంధువులకు సమాచారం ఇస్తూ ఏడ్చిన తీరు ఆస్పత్రిలో కలిచివేసింది. తర్వాత విషయం తెలియగా అయ్యో పద్మ ఎందుకు తీసుకు వస్తిని, నీ ప్రాణం తీస్తిని నా గతేట్లా.. కూతురుకు ఏం సమాధానం చెప్పాలని రోదించారు. ఎస్సై చింత రాజు సూచనల మేరకు కానిస్టేబుల్‌ గౌస్‌ తదితరులు పరిశీలించి రోడ్డుపై రాకపోకలకు ఇబ్బంది కాకుండా చర్యలు చేపట్టారు. పద్మ మృతదేహాన్ని జనగామ ఏరియా ఆస్పత్రిలోని పోస్టుమార్టం గదిలో భద్రపర్చారు. లారీని ఢీకొని యువకుడు.. వలిగొండ : బైక్‌పై వెళ్తున్న యువకుడు ముందు వెళ్తున్న లారీని ఢీకొట్టి మృతిచెందాడు. ఈ ఘటన యాదాద్రి భువనగిరి జిల్లా వలిగొండ మండలం అర్రూర్‌ సమీపంలో శనివారం రాత్రి జరిగింది. ఆదివారం పోలీసులు తెలిపిన వివరాల ప్రకారం.. జనగామ జిల్లా కొడకండ్ల మండలం మొండ్రాయికి చెందిన దౌపటి వీరస్వామి(36) బ్యాంక్‌ మేనేజర్‌గా పనిచేస్తున్నాడు. శనివారం రాత్రి పని మీద బైక్‌పై హైదరాబాద్‌కు వెళ్తుండగా.. మార్గమధ్యలో వలిగొండ మండలం అర్రూర్‌ సమీపంలో ముందు వెళ్తున్న లారీని ఢీకొని అక్కడికక్కడే మృతిచెందాడు. సమాచారం తెలుసుకున్న పోలీసులు ఘటనా స్థలానికి చేరుకుని మృతదేహాన్ని పోస్టుమార్టం నిమిత్తం రామన్నపేట ప్రభుత్వాస్పత్రికి తరలించారు. ఆదివారం మృతుడి కుటుంబ సభ్యులు ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ శ్రీకాంత్‌రెడ్డి తెలిపారు. బైక్‌ అదుపు తప్పి చిరువ్యాపారి.. హసన్‌పర్తి : ౖబెక్‌ అదుపు తప్పడంతో చిరువ్యాపారి ఎస్సారెస్పీ కాల్వలో పడి మృతి చెందాడు. ఈ సంఘటన కాకతీయ యూనివర్సిటీ పోలీస్‌ స్టేషన్‌ పరిధిలోని పలివేల్పుల వద్ద ఆదివారం చోటుచేసుకుంది. పోలీసుల కథనం ప్రకారం.. సిరిసిల్లకు చెందిన ఎస్‌.సతీష్‌ (42) వృత్తిరీత్యా చిరువ్యాపారి. కొంతకాలంగా వరంగల్‌ నగరంలో వ్యాపారం నిర్వహిస్తున్నాడు. ఈక్రమంలో ఆదివారం సాయంత్రం సతీష్‌ బైక్‌పై పలివేల్పులకు పయనమయ్యాడు. మార్గమధ్యలోని ఎస్సారెస్పీ కాల్వ వద్దకు చేరుకోగానే బైక్‌ అదుపు తప్పడంతో సతీష్‌ కాల్వలో పడ్డాడు. ఈ ప్రమాదంలో అతడికి తీవ్ర గాయాలై అక్కడికక్కడే మృతి చెందాడు. మృతదేహాన్ని పోస్టుమార్టం నిమిత్తం ఎంజీఎం ఆస్పత్రికి తరలించినట్లు పోలీసులు తెలిపారు. వేర్వేరు రోడ్డు ప్రమాదాల్లో ఆదివారం ముగ్గురు మృతి చెందారు. దీంతో ఆయా ప్రాంతాల్లో విషాదఛాయలు అలుముకున్నాయి.

ఖమ్మం స్పోర్ట్స్‌ : రాష్ట్రస్థాయి జూనియర్‌ బాలికల హ్యాండ్‌బాల్‌ టోర్నీలో భాగంగా ఉత్కంఠభరితంగా సాగిన ఫైనల్‌ మ్యాచ్‌లో ఉమ్మడి ఖమ్మం జిల్లా జట్టు టైటిల్‌ను కై వసం చేసుకోగా, వరంగల్‌ జట్టు రెండో స్థానంలో నిలిచింది. ఖమ్మంలోని సర్దార్‌ పటేల్‌ స్టేడియంలో రెండ్రోజులుగా జరిగిన టోర్నీ ఆదివారం ముగిసింది. ఈ మేరకు ఫైనల్స్‌లో ఖమ్మం–వరంగల్‌ జట్లు తలపడగా మ్యాచ్‌ హోరాహోరీగా సాగింది. చివరకు ఖమ్మం 11 గోల్స్‌ సాధించగా, వరంగల్‌ 8 గోల్స్‌కే పరిమితం కావడంతో ఖమ్మం బాలికలు విజయం దక్కించుకున్నారు. ఇక మూడో స్థానం కోసం మహబూబ్‌నగర్‌–ఆదిలాబాద్‌ జట్లు తలపడగా సమాన పాయింట్లు రావడంతో ఇరు జట్లకు ట్రోఫీ అందజేశారు. డీవైఎస్‌ఓ టి.సునీల్‌రెడ్డి, హ్యాండ్‌బాల్‌ అసోసియేషన్‌ రాష్ట్ర కార్యదర్శి శ్యామల పవన్‌కుమార్‌, హ్యాండ్‌బాల్‌ జిల్లా అధ్యక్ష, కార్యదర్శులు బి.అశోక్‌రెడ్డి, వరికూటి మోహన్‌తో పాటు మంత్రి పొంగులేటి క్యాంపు కార్యాలయ ఇన్‌చార్జ్‌ తుంబూరు దయాకర్‌రెడ్డి తదితరులు ట్రోఫీలు అందజేశారు. మొదటి స్థానంలో నిలిచిన ఖమ్మం జట్టు

రైల్వే కోచ్‌ ఫ్యాక్టరీ వ్యూ పెయింట్‌ సెక్షన్‌ షాపు కోచ్‌ ఫ్యాక్టరీ మెయిన్‌ షాపుకాజీపేట రూరల్‌: కాజీపేట ప్రజల ఏళ్ల కల సాకారం కానుంది. అందరూ ఎదురు చూస్తున్న రైల్వే కోచ్‌ మాన్యుఫాక్చరింగ్‌–ఆర్‌ఎంయూ యూనిట్‌ నిర్మాణ పనులు (చిన్న చిన్న పనులు మినహా) పూర్తయ్యాయి. కాజీపేట మండలం అయోధ్యపురం శివారులో 160 ఎకరాల విస్తీర్ణంలో సుమారు రూ.560 కోట్ల వ్యయంతో కేంద్ర, రాష్ట్ర ప్రభుత్వాలు ఈ కోచ్‌ ఫ్యాక్టరీని నిర్మిస్తున్న విషయం తెలిసిందే. 2009–10 రైల్వే బడ్జెట్‌లో అప్పటి యూపీఏ ప్రభుత్వంలో రైల్వే మంత్రి మమతా బెనర్జీ పీపీపీ విధానంతో రైల్వే వ్యాగన్ల తయారీ పరిశ్రమను మంజూరు చేశారు. ఎన్నో మలుపులు అనేక ఉద్యమాల ఫలితంగా రైల్వే వ్యాగన్‌ మాన్యుఫాక్చరింగ్‌ యూనిట్‌ నుంచి వ్యాగన్‌ పీఓహెచ్‌ షెడ్డు, ఆ తర్వాత వ్యాగన్‌ రిపేర్‌ షెడ్డు మంజూరైంది. ఆతర్వాత 2024లో ప్రధాని నరేంద్రమోదీ హనుమకొండ పర్యటనలో ఆర్ట్స్‌ కాలేజ్‌ గ్రౌండ్‌ నుంచి రైల్వే మాన్యుఫాక్చరింగ్‌ యూనిట్‌గా అప్‌గ్రేడ్‌ చేస్తున్నట్లు ప్రకటించారు. చురుగ్గా పనులు.. నాటి నుంచి నేటి వరకు నిర్మాణ పనులు చురుగ్గా సాగుతూ వస్తున్నాయి. ఈరైల్వే కోచ్‌ ఫ్యాక్టరీ ప్రాజెక్ట్‌ను అత్యాధునిక సాంకేతిక పరిజ్ఞానం, లెటెస్ట్‌ టెక్నాలజీతో దేశంలో ఉన్న అన్ని రైల్వే యూనిట్లకంటే బెటర్‌గా కాజీపేట యూనిట్‌ను రైల్వే శాఖ, ఆర్‌వీఎన్‌ఎల్‌, పవర్‌మెక్‌ ప్రాజెక్ట్‌ వారు కలిసి చేస్తున్నారు. ఇటీవల కోచ్‌ఫ్యాక్టరీలో కోచ్‌ల ఉత్పత్తికి గ్రీన్‌ సిగ్నల్‌ ఇచ్చిన రైల్వేశాఖ, ఇక కోచ్‌ ఫ్యాక్టరీ ప్రారంభం తర్వాత ఉద్యోగాల నియామకం చేపట్టాల్సి ఉంది. డిసెంబర్‌లో ప్రధాని మోదీ చేతుల మీదుగా ప్రారంభించేందుకు సర్వం సిద్ధం చేస్తున్నట్లు రైల్వే అధికారులు చెబుతున్నారు. పెండింగ్‌లో ఉన్న పనులు.. యూనిట్‌ ప్రాంగణంలో క్లీనింగ్‌ పనులు, పార్కింగ్‌ కోసం రోడ్డు విస్తరణ, మెకానికల్‌ విభాగంలో గ్యాస్‌ మ్యాన్‌ ఫోల్డ్‌ నిర్మాణ పనులు కొనసాగుతున్నాయి. అదేవిధంగా ప్రధానమైన కాజీపేట ఆర్‌ఎంయూ ఉద్యోగుల కోసం రైల్వే శాఖ కడిపికొండ బ్రిడ్జి వద్ద క్వార్టర్స్‌ నిర్మిస్తున్నారు. సుమారు 40 మందికి క్వార్టర్స్‌ నిర్మాణం జరుగుతోంది. అందరి చూపు ఉద్యోగాలపైనే.. కాజీపేట రైల్వే కోచ్‌ఫ్యాక్టరీలో తమకు ఉద్యోగాలు ఇవ్వాలని ఫ్యాక్టరీ నిర్మాణానికి భూమి ఇచ్చిన వారు ఎంతో ఆశగా ఎదురు చూస్తున్నారు. కోచ్‌ ఫ్యాక్టరీకి భూమి ఇచ్చిన వారికి, ఉమ్మడి జిల్లావ్యాప్తంగా నిరుద్యోగులు, ఆక్ట్‌ అప్రంటీస్‌ చేసిన వారికి ఉద్యోగాలివ్వాలని కాజీపేట రైల్వే జేఏసీ ఆధ్వర్యంలో కాజీపేట నుంచి ఢిల్లీ వరకు అనేక ఉద్యమాలు కొనసాగాయి. నాయకులు కేంద్ర, రాష్ట్ర మంత్రులను, రైల్వే అధికారులను కలిసి విన్నవించారు. ఇప్పటి వరకు కోచ్‌ ఫ్యాక్టరీలో ఉద్యోగాల విషయాన్ని రైల్వే శాఖ ప్రకటించకపోవడంపై ఆందోళన వ్యక్తమవుతోంది. నీళ్లు, నిధులు, నియామకాల కోసం కొట్లాడి తెచ్చుకున్న తెలంగాణలో ఏర్పడిన పరిశ్రమల్లో ఈ ప్రాంతం వారికి ఉద్యోగాలు కల్పించాలని అన్ని రాజకీయపార్టీల ఎంపీలు, కేంద్రమంత్రులు, ఎమ్మెల్యేలు కేంద్రాన్ని ఒప్పించి న్యాయం చేయాలని ఉమ్మడి వరంగల్‌ జిల్లా నిరుద్యోగులు కోరుతున్నారు.డిసెంబర్‌లో ప్రధానితో ప్రారంభించేందుకు సన్నాహాలు రైల్వే క్వార్టర్స్‌తో పాటు చిన్నచిన్న పనులు పెండింగ్‌ ఉద్యోగాల నియామకంపై ఎదురుచూపులు

మహారాష్ట్రలోని మౌంట్‌ కల్‌సూబాయ్‌ను అధిరోహించిన భూక్య యశ్వంత్‌మరిపెడ రూరల్‌ : తెలంగాణకు చెందిన యువ పర్వతారోహకుడు భూక్య యశ్వంత్‌ మరో అరుదైన ఘనతను సొంతం చేసుకున్నాడు. మహారాష్ట్రలోని అత్యంత ఎత్తైన మౌంట్‌ కల్‌సూబాయ్‌ (1,646 మీటర్లు) శిఖరాన్ని అక్టోబర్‌ 30న విజయవంతంగా అధిరోహించాడు. దేశంలోని 28 రాష్ట్రాల అత్యున్నత శిఖరాలపై జాతీయ జెండాను ఎగురవేయాలనే లక్ష్యంతో చేపట్టిన ‘హర్‌ శిఖర్‌ పర్‌ తిరంగా’ జాతీయ యాత్రలో భాగంగా ఈ విజయాన్ని సాధించాడు. దీంతో ఇప్పటివరకు 12 రాష్ట్రాల అత్యున్నత శిఖరాలను అధిరోహించిన ఘనతను సొంతం చేసుకున్నాడు. శిఖరాగ్రానికి చేరుకున్న యశ్వంత్‌ జాతీయ పతాకంతో పాటు అస్సాం రైఫిల్స్‌ పతాకాన్ని ఎగురవేసి దేశభక్తి, జాతీయ సమైక్యత, సాయుధ దళాల పట్ల గౌరవాన్ని చాటి చెప్పాడు. పర్వతారోహణతో పాటు సామాజిక చైతన్యం యశ్వంత్‌ చేపట్టిన ఈ యాత్ర పర్వతారోహణకే పరిమితం కాకుండా సామాజిక చైతన్యాన్ని పెంపొందించే లక్ష్యంతో కొనసాగుతోంది. యువత మత్తు పదార్థాలకు దూరంగా ఉండాలని ‘మత్తు పదార్థాలకు నో చెప్పండి..జీవితానికి అవును చెప్పండి’ అనే సందేశాన్ని ప్రచారం చేస్తున్నాడు. బాలికల రక్షణ, విద్య, సమానత్వం, మహిళా సాధికారతపై ప్రజలకు సందేశాన్ని అందిస్తున్నాడు. ముఖ్యంగా గ్రామీణ, గిరిజన ప్రాంతాల యువతలో ఆత్మవిశ్వాసం, క్రమశిక్షణ పెంపొందించి లక్ష్యసాధన దిశగా ప్రోత్సహిస్తున్నాడు. ఏడు ఖండాల అత్యున్నత శిఖరాలే లక్ష్యం.. 2020 పర్వతారోహణ ప్రయాణాన్ని ప్రారంభించిన భూక్య యశ్వంత్‌ ఇప్పటివరకు దేశంలోని 28 రాష్ట్రాలకు గాను 12రాష్ట్రాల అత్యున్నత శిఖరాలను అధిరోహించాడు. ప్రపంచంలోని ఏడు ఖండాల్లో మూడు ఖండాల అత్యున్నత శిఖరాలను సైతం అధిరోహించినట్లు తెలిపారు. మిగిలిన రాష్ట్రాల అత్యున్నత శిఖరాలను అధిరోహించడంతో పాటు ఏడు ఖండాల అత్యున్నత పర్వతాలపై భారత త్రివర్ణ పతాకాన్ని ఎగురవేయడమే తన తదుపరి లక్ష్యమని పేర్కొన్నాడు. ఏడు ఖండాల అత్యున్నత శిఖరాల అధిరోహణే లక్ష్యంగా..

కాళేశ్వరం : మేడిగడ్డ బరాజ్‌ను మహారాష్ట్ర ప్రభుత్వ ప్రధాన కార్యదర్శి (చీఫ్‌ సెక్రటరీ) రాజేష్‌ అగర్వాల్‌ ఆదివారం సందర్శించారు. శనివారం మహారాష్ట్రలోని గడ్చిరోలి జిల్లా సిరొంచ తాలూకాలో పలు ప్రభుత్వ కార్యక్రమాల్లో పాల్గొన్న ఆయన, అక్కడ పల్లె నిద్ర కార్యక్రమం ముగించుకుని ఆదివారం మేడిగడ్డకు చేరుకున్నారు. ఈ సందర్భంగా మేడిగడ్డ బరాజ్‌ను క్షేత్రస్థాయిలో పరిశీలించారు. అనంతరం మహారాష్ట్ర వైపు ఉన్న వడిదంలోని ఫాజిల్స్‌ పార్క్‌ తదితర సందర్శనీయ ప్రాంతాలను సందర్శించారు. బరాజ్‌ నిర్మాణం, ప్రాజెక్టు వివరాలు, నీటి లభ్యత, విద్యుత్‌ వినియోగం, టీఎంసీల స్టోరేజీ వివరాలు, ఇతర అంశాలపై సీఎస్‌కు మేడిగడ్డ ఈఈ సురేశ్‌ క్షుణ్ణంగా వివరించారు. సీఎస్‌ పర్యటన సందర్భంగా గడ్చిరోలి కలెక్టర్‌ అవిశాంత్‌పాండేతో పాటు పలువురు అధికారులు, సిబ్బంది ఉన్నారు. రైతుల సమస్యలపై ఆరా! మేడిగడ్డ బరాజ్‌ను మహారాష్ట్ర సీఎస్‌ పరిశీలించడం రెండు రాష్ట్రాల్లో ప్రాధాన్యత సంతరించుకుంది. గోదావరి నది బ్యాక్‌వాటర్‌ వల్ల గడ్చిరోలి జిల్లా సిరోంచ తాలూకాలోని రైతులు ఎదుర్కొంటున్న వ్యవసాయ సమస్యలపై కొంత మంది ఆయన దృష్టికి తీసుకెళ్లారు. ఈ సందర్భంగా పలువురు రైతులు నేరుగా సీఎస్‌ను కలిసి తమ ఇబ్బందులను వివరించారు. రైతుల సమస్యలను ఆయన ఆలకించారు. ఇటీవల తెలంగాణ సీఎం రేవంత్‌రెడ్డి, మహారాష్ట్ర సీఎం దేవేంద్ర ఫడ్నవీస్‌ మధ్య తుమ్మిడిహెట్టి ప్రాజెక్టుపై చర్చలు జరిగిన నేపథ్యంలో ఈ పర్యటనకు అత్యంత ప్రాధాన్యం ఏర్పడింది. గడ్చిరోలి జిల్లా పర్యటనలో బరాజ్‌కు రాక

సాక్షి ప్రతినిధి, వరంగల్‌: ప్రభుత్వ ముద్ర ఉంటే చాలు.. నకిలీ పత్రమైనా నిజమైపోతోందా? రెవెన్యూ రికార్డుల్లో లేని వివరాలు బయట ఎలా ప్రత్యక్షమవుతున్నాయి? అధి కారుల సంతకాలు, కార్యాలయ ముద్రలు అక్రమార్కుల చేతికి ఎలా చేరుతున్నాయి? ఉమ్మడి వరంగల్‌లో వరుసగా వెలుగుచూస్తున్న నకిలీ ధ్రువపత్రా ల ఉదంతాలు ఈ ప్రశ్నలను లేవనెత్తుతున్నాయి. తాజాగా శాయంపేట మండలంలో జారీ చేసినట్లు చూపిన నకిలీ కుల ధ్రువపత్రంతో హిమాచల్‌ప్రదేశ్‌లో ఉద్యోగం పొందిన వరంగల్‌ వాసికి రెండేళ్ల జైలు శిక్ష పడిన ఉదంతం కలకలం రేపింది. 1996 నాటి ధ్రువపత్రం.. 1997లో ఉద్యోగం.. దాదాపు మూడు దశాబ్దాల తర్వాత న్యాయస్థానంలో నేర నిర్ధారణ జరిగింది. హిమాచల్‌ హైకోర్టు నిర్ణయాన్ని గత నెల 30న సుప్రీంకోర్టు కూడా సమర్థించింది. ఈ ఒక్క ఉదంతమే కాదు. గతంలోనూ ఉమ్మడి జిల్లాలో నకిలీ పట్టాలు, ధ్రువపత్రాలు, అధికారుల ముద్రల ఫోర్జరీ వ్యవహారాలు బయటపడ్డాయి. మాజీ వీఏఓ ఇంట్లోనే ఫోర్జరీ ఫ్యాక్టరీ.. 2022, నవంబర్‌లో నెక్కొండకు చెందిన మాజీ వీఏఓ మద్ది వెంకటరెడ్డి, మరో వ్యక్తిని పోలీసులు అరెస్టు చేశారు. వారి వద్ద నకిలీ పట్టాదారు పాస్‌పుస్తకాలు, ఆర్డీఓ భూ మార్పిడి ఉత్తర్వులు, బ్యాంకు రుణాల ఫారాలు, తహసీల్దార్‌ కార్యాలయాల ముద్రలు, పాత మ్యుటేషన్‌ ఫైళ్లు లభించాయి. రెవెన్యూ శాఖలో సుదీర్ఘకాలం పనిచేసిన అనుభవాన్ని ఉపయోగించి నకిలీ పత్రాలు తయారు చేసినట్లు పోలీసులు వెల్లడించారు. నెక్కొండ, పర్వతగిరి పోలీస్‌ స్టేషన్లలో కేసులు నమోదయ్యాయి. 460 మందికి.. 640 నకిలీ సర్టిఫికెట్లు! 2024లో వరంగల్‌ కేంద్రంగా మరో భారీ దందా వెలుగుచూసింది. తహసీల్దార్‌ సంతకా లు, ప్రభుత్వ ముద్రలను ఫోర్జరీ చేసి ఆదాయ, కుటుంబ సభ్యుల, డిపెండెంట్‌, మనీలెండింగ్‌ తదితర ధ్రువపత్రాలు విక్రయించినట్లు పోలీసులు గుర్తించారు. ప్రధాన నిందితుడితో పాటు డీటీపీ ఆపరేటర్‌, స్టాంపు వెండర్‌, మధ్యవర్తులు, పత్రాలు పొందినవారిపై చర్యలు చేపట్టారు. 460 మందికి 640 నకిలీ ధ్రువపత్రాలు జారీ చేసినట్లు దర్యాప్తులో వెల్లడైంది. 2025లో మరో 9మందిని అదుపులోకి తీసుకోవడం ఈ వ్యవహారం విస్తృతిని చాటింది. పోడు పట్టాలకూ నకిలీ ముద్ర! 2024, అక్టోబర్‌లో ములుగు కేంద్రంగా అటవీ హక్కుల పట్టాల ఫోర్జరీ వ్యవహారం బయటపడింది. ములుగు, భూపాలపల్లి, వరంగల్‌, మహబూ బాబాద్‌ జిల్లాల్లో 400కు పైగా నకిలీ పోడు పట్టాలు తయారైనట్లు అప్పట్లో వార్తలు వచ్చాయి. కలెక్టర్లు, అటవీ అధికారుల డిజిటల్‌ సంతకాలను ఫోర్జరీ చేసి పట్టాదారు పాస్‌పుస్తకాలు రూపొందించినట్లు ఆరోపణలు వచ్చాయి. చలాన్లలోనూ డిజిటల్‌ మాయాజాలం.. ఈ ఏడాది జనవరిలో జనగామ జిల్లాలో భూ రిజి స్ట్రేషన్‌ చలాన్లలో అక్రమాలు వెలుగుచూశాయి. భూ యజమానుల నుంచి పూర్తి మొత్తాలు వసూలు చేసి, ప్రభుత్వ ఖజానాకు తక్కువ మొత్తం జమ చేసినట్లు ఆరోపణలు వచ్చాయి. జనగామ, భువనగిరి జిల్లాల్లో ధరణి, భూభారతి లావాదేవీలకు సంబంధించిన 1,080 డాక్యుమెంట్లలో అక్రమాలను గుర్తించిన పోలీసులు 22 కేసులు నమోదు చేసి 15మందిని అరెస్టు చేసినట్లు వెల్లడైంది. తెరవెనుక ఉన్నదెవరు? వరుసగా నకిలీ పత్రాలు బయటపడుతున్నా.. వాటి తయారీకి అవసరమైన ప్రభుత్వ రికార్డులు, సంతకాలు, ముద్రలు, డిజిటల్‌ వివరాలు అక్రమార్కులకు ఎలా అందుతున్నాయన్నది కీలక ప్రశ్న. కేవలం మధ్యవర్తులు, ప్రైవేటు వ్యక్తుల అరెస్టులతోనే ఈ వ్యవహారాలకు అడ్డుకట్ట పడుతుందా? కార్యాలయాల్లోని సిబ్బంది, అధికారుల పాత్రపై లోతైన విచారణ జరిగిందా? గత కేసుల్లో చార్జిషీట్లు, శాఖాపరమైన చర్యలు, శిక్షల పరిస్థితి ఏమిటన్నది తేలాల్సి ఉంది. రెవెన్యూ రికార్డుల వెనుక అసలు దందా.. పాత తప్పిదాలే పునరావృతం.. ధ్రువపత్రాల అక్రమాలపై విచారణలు ఎక్కడ? నకిలీ కులపత్రంతో హిమాచల్‌లో కొలువు.. వరంగల్‌ వాసికి జైలు మాజీ వీఏఓ చేతిలో ఫోర్జరీ పత్రాలు.. పాస్‌పుస్తకాలనుంచి ముద్రల వరకు నకిలీ గత కేసుల్లో దర్యాప్తు.. బాధ్యులపై చర్యలే కీలకంఆరు జిల్లాల్లో ప్రత్యేక తనిఖీలు అవసరం.. ఆరు జిల్లాల్లో పాత కుల ధ్రువపత్రాలు, పట్టాదారు పాస్‌పుస్తకాలు, పోడు పట్టాలు, మ్యుటేషన్లు, భూ మార్పిడి ఉత్తర్వులపై ప్రత్యేక ఆడిట్‌ నిర్వహించాలి. జారీ రిజిస్టర్లు, అసలు దరఖాస్తులు, క్షేత్రస్థాయి విచారణ నివేదికలు, డిజిటల్‌ సంతకాలను సరిపోల్చాలి. నకిలీ పత్రాలు తయారు చేసినవారితో పాటు వాటికి సహకరించినట్లు తేలిన అధికారులపైనా చర్యలు తీసుకోవాలి. నకిలీ పత్రం బయటపడటం ఒక ఎత్తు.. దాని వెనుక ఉన్న నెట్‌వర్క్‌ను ఛేదించడం మరో ఎత్తు. మధ్యలో ఉన్న అసలు సూత్రధారులు ఎవరో తేల్చి, ప్రభుత్వానికి జరిగిన నష్టాన్ని రాబట్టి, బాధ్యులకు శిక్ష పడితేనే రెవెన్యూ వ్యవస్థపై ప్రజలకు నమ్మకం కలుగుతుంది.

● ప్రిన్సిపాల్‌ శ్రీనివాస్‌ విద్యారణ్యపురి : హనుమకొండలోని కాకతీయ ప్రభుత్వ డిగ్రీ అండ్‌ పీజీ కళాశాలలో ఈవిద్యాసంవత్సరం 2026–2027లో పీజీ కోర్సుల్లో మిగిలిన సీట్లలో ఈనెల 3వతేదీ వరకు స్పాట్‌ అడ్మిషన్ల ప్రక్రియ నిర్వహించనున్నట్లు ఆ కళాశాల ప్రిన్సిపాల్‌ గుర్రం శ్రీనివాస్‌ శనివారం ఒక ప్రకటనలో తెలిపారు. పీజీ కోర్సుల ప్రవేశ పరీక్ష రాసిన అభ్యర్థులు లేదా రాయని వారు కూడా ఈస్పాట్‌ అడ్మిషన్లలో ప్రవేశాలు పొందాలన్నారు. పీజీ కోర్సుల్లో ఎంఏ తెలుగు, ఇంగ్లిష్‌, ఎకనామిక్స్‌, ఎంకాం, ఎమ్మెస్సీ కెమిస్ట్రీ, మైక్రోబయాలజీ, బాటనీ, మ్యాథ్‌మెటిక్స్‌, కంప్యూటర్‌ సైన్స్‌లో ఖాళీలున్నాయని, అర్హులైన అభ్యర్థులు ప్రవేశాలు పొందాలన్నారు. ఆసక్తి కలిగిన అభ్యర్థులు తమ అన్ని విద్యార్హతల ఒరిజినల్‌ సర్టిఫికెట్లతోపాటు రెండు జతల జిరాక్స్‌ కాపీలు తీసుకుని కళాశాలకు రావాలన్నారు. మరిన్ని వివరాలకు కళాశాల పీజీ కోర్సుల కోఆర్డినేటర్‌ వాసం శ్రీనివాస్‌ 988 5059533 నంబర్‌లో సంప్రదించాలన్నారు. పీహెచ్‌డీలో ప్రవేశాలకు గడువు పొడిగింపు కేయూ క్యాంపస్‌: కాకతీయ యూనివర్సిటీలో సోష ల్‌ సైన్సెస్‌ విభాగాల్లో పీహెచ్‌డీలో ప్రవేశాలకు దరఖాస్తు గడువును ఈనెల 5వతేదీ వరకు పొడిగించినట్లు డీన్‌ బి. సురేశ్‌లాల్‌ శనివారం ఒక ప్రకటనలో తెలిపారు. పూర్తి వివరాలను సంబంధిత కేయూ వెబ్‌సైట్‌లో చూడాలని ఆయన సూచించారు. ‘నవోదయ’ హాల్‌టికెట్లు విడుదల మామునూరు : వరంగల్‌ మామునూరు జవహర్‌ నవోదయ విద్యాలయంలో 2027–2028 విద్యా సంవత్సరానికి 6వ తరగతిలో ప్రవేశాల కోసం నిర్వహించనున్న పరీక్ష హాల్‌ టికెట్లు వెబ్‌ సైట్‌లో అందుబాటులో ఉంచామని ఇన్‌చార్జ్‌ ప్రిన్సిపాల్‌ టి. రమేశ్‌ శనివారం ఒక ప్రకటనలో తెలిపారు. ఈనెల 28న నిర్వహించనున్న పరీక్ష(జేఎన్‌వీఎస్‌టీ–2027)కు హాజయ్యే విద్యార్థులు వెంటనే హాల్‌ టికెట్లు డౌన్‌లోడ్‌ చేసుకోవాలని చెప్పారు. నవోదయ విద్యాలయ సమితి అధికారిక వెబ్‌ సైట్‌ https://cbseitms.rcil.gov.in/nvs/ ద్వారా హాల్‌ టికెట్లు పొందొచ్చని పేర్కొన్నారు. తల్లిదండ్రులు, ఉపాధ్యాయులు విద్యార్థులు హాల్‌ టికెట్లు డౌన్‌ లోడ్‌ చేసి అందులోని పేరు, ఫొటో, పరీక్ష కేంద్రం, తేదీ తదితర వివరాలను క్షుణ్ణంగా పరిశీలించాలని సూచించారు. ఏమైనా తప్పులు లేదా వివరాల్లో వ్యత్యాసాలు ఉంటే వెంటనే సంబంధిత అధికారుల దృష్టికి తీసుకెళ్లాలని ఇన్‌చార్జ్‌ ప్రిన్సిపాల్‌ కోరారు ● 28న 6వ తరగతి ప్రవేశ పరీక్ష ● ఇన్‌చార్జ్‌ ప్రిన్సిపాల్‌ రమేశ్‌

మహబూబాబాద్‌ రూరల్‌ : దేశ ఐక్యత, సమగ్రత, అంతర్గత భద్రతను పరిరక్షించడం ప్రతీ పౌరుడి కర్తవ్యమని ఎస్పీ శబరీష్‌ అన్నారు. భారతదేశ తొలి ఉప ప్రధానమంత్రి సర్దార్‌ వల్లభాయ్‌ పటేల్‌ జయంతిని పురస్కరించుకుని జాతీయ ఐక్యతా దినోత్సవాన్ని జిల్లా కేంద్రంలోని ఏబీ ఫంక్షన్‌ హాల్‌లో శనివారం ఘనంగా నిర్వహించారు. పటేల్‌ చిత్రపటానికి ఎస్పీ పూలమాల వేసి నివాళులర్పించారు. పోలీసు అధికారులు, సిబ్బందితో ఎస్పీ జాతీయ ఐక్యతా ప్రతిజ్ఞ చేయించారు. మున్సిపల్‌ చైర్‌ పర్సన్‌ గుగులోత్‌ జ్యోతి, డీఎస్పీలు తిరుపతిరావు, శ్రీనివాస్‌, విజయ్‌ ప్రతాప్‌, పోలీసు అధికారులు, సిబ్బంది సర్దార్‌ వల్లభాయ్‌ పటేల్‌ చిత్రపటానికి పుష్పాంజలి ఘటించి ఆయన దేశానికి అందించిన సేవలను స్మరించుకున్నారు. కలెక్టరేట్‌లో.. మహబూబాబాద్‌: కలెక్టరేట్‌లోని ప్రధాన సమావేశ మందిరంలో శనివారం సర్దార్‌ వల్లభాయ్‌ పటేల్‌ జయంతి కార్యక్రమం నిర్వహించారు. పటేల్‌ చిత్రపటానికి అదనపు కలెక్టర్‌ అనిల్‌ కుమార్‌ పూలమాల వేసి నివాళులర్పించారు. అనంతరం ఉద్యోగులతో జాతీయ సమైక్యతా ప్రతిజ్ఞ చేయించారు. కార్యక్రమంలో డీఆర్వో నాగలక్ష్మి, జిల్లాస్థాయి అధికారులు పాల్గొన్నారు. సర్దార్‌ వల్లభాయ్‌ పటేల్‌ ఆశయాలు ఆదర్శం ఎస్పీ శబరీష్‌

జనగామ: రోడ్డు ప్రమాదం జరిగినప్పుడు క్షతగా త్రులను ఆస్పత్రికి తరలించడమే కాకుండా, వారికి తక్షణ వైద్యం అందించేందుకు ఆర్థిక ఇబ్బందులు అడ్డంకిగా మారకుండా కేంద్ర ప్రభుత్వం ‘పీఎం రహత్‌’ పథకాన్ని రూపొందించింది. ప్రమాద బాధితులకు గరిష్టంగా రూ.1.5 లక్షల వరకు ఏడు రోజుల పాటు నగదు రహిత వైద్య చికిత్స అందించడం ఈ పథకం ప్రధాన ఉద్దేశం. ప్రమాద సమయంలో ప్రాణాలు కాపాడే కీలకమైన తొలి గంటల్లోనే వైద్య సహాయం అందించడంతోపాటు, చికిత్స ఖర్చుల భారం బాధిత కుటుంబాలపై పడకుండా చూడడం ద్వారా ఈ పథకం ప్రాధాన్యం సంతరించుకుంది. కేంద్ర రోడ్డు రవాణా, రహదారుల మంత్రిత్వ శాఖ మార్గదర్శకాల ప్రకారం ప్రమాద వివరాల నమోదు, బాధితుల అర్హత నిర్ధారణ, ఆస్పత్రుల్లో చికిత్స, సంబంధిత శాఖల సమన్వయానికి సాంకేతిక వ్యవస్థలను అనుసంధానించారు. ప్రమాదం జరిగిన వెంటనే నమోదు కీలకం.. పథకం అమలులో ఎలక్ట్రానిక్‌ డిటైల్డ్‌ యాక్సిడెంట్‌ రిపోర్ట్‌ (ఈ–డార్‌) వ్యవస్థ కీలక పాత్ర పోషిస్తుంది. ప్రమాదం జరిగిన వెంటనే ఘటనా స్థలికి చేరుకున్న పోలీసులు బాధితుల వివరాలు, ప్రమాద స్థలం, వాహన సమాచారం సేకరించి నమోదు చేయాలి. టీఎంఎస్‌ 2.0 వ్యవస్థ నుంచి సమాచారం అందిన వెంటనే ఈ–డార్‌ గుర్తింపు సంఖ్య రూపొందించాలి. అనంతరం సంబంధిత వివరాలను ధ్రువీకరించి చికిత్సకు అవసరమైన ప్రక్రియను వేగవంతం చేయాలి. ప్రాణాంతకం కాని ప్రమాదాల విషయంలో 24 గంటల్లో, ప్రాణాంతక ప్రమాదాల విషయంలో 48 గంటల్లో ఈ–డార్‌ ధ్రువీకరణ పూర్తి చేయాలని పేర్కొన్నారు. ఎఫ్‌ఐఆర్‌ నమోదు ప్రక్రియకు కూడా 48 గంటల గడువు సూచించారు. ఎస్‌హెచ్‌ఓలకు ప్రత్యేక బాధ్యతలు.. పథకం విజయవంతం కావాలంటే ప్రతీ పోలీస్‌స్టేషన్‌ స్థాయిలో అప్రమత్తత అవసరం. స్టేషన్‌ హౌస్‌ ఆఫీసర్లు, క్షేత్రస్థాయి సిబ్బంది ప్రమాదం జరిగిన వెంటనే స్పందించి బాధితులను సమీపంలోని అర్హత కలిగిన ఆస్పత్రులకు తరలించేలా చర్యలు తీసుకోవాలి. అత్యవసర సాయం కోసం 112 సేవలతో సమన్వయం చేసుకోవాలి. అలాగే, ప్రమాద వివరాల నమోదు ఆలస్యం కాకుండా చూడడం, ఈ–డార్‌ గుర్తింపు సంఖ్యను రూపొందించడం, బాధితుల అర్హతను నిర్ధారించడం వంటి బాధ్యతలను సమర్థవంతంగా నిర్వహించాలి. పది దశల్లో ప్రమాద నివేదిక ప్రక్రియ.. ఈ–డార్‌ వ్యవస్థలో ప్రమాద నివేదికకు సంబంధించిన పది దశల ప్రక్రియను నిర్దేశించారు. ప్రమాద ప్రాథమిక నివేదిక నుంచి వాహనం, యజమాని, బీమా వివరాల పరిశీలన, ధ్రువీకరణ వరకు వివిధ దశలను నిర్ణీత గడువుల్లో పూర్తి చేయాలి. ప్రతీ పోలీస్‌స్టేషన్‌ పరిధిలో ఈ విధానంపై సిబ్బందికి అవగాహన కల్పించడం, ప్రమాదాల వివరాలను సక్రమంగా నమోదు చేయడం, బాధితులకు అందిన వైద్యసేవలను పర్యవేక్షించడం కీలకం. జనగామ జిల్లాలో ప్రభుత్వ, ప్రైవేట్‌ ఆస్పత్రుల్లో సేవలు.. జనగామ జిల్లా ఆస్పత్రితోపాటు ఎంసీహెచ్‌, సీహెచ్‌సీలు బచ్చన్నపేట, పాలకుర్తి, జఫర్‌గఢ్‌, స్టేషన్‌ఘన్‌పూర్‌ ఏరియా హాస్పిటల్‌, ప్రైవేట్‌ సెక్టార్‌కు సంబంధించి శ్రీసాయి కృష్ణ నర్సింగ్‌హోం, ఎస్‌ఎస్‌కే హాస్పిటల్‌, అజంతా చిల్ట్రన్‌ హాస్పిటల్‌లో ఈ సేవలు అందుబాటులో ఉన్నాయి.రూ.1.5 లక్షల వరకు నగదు రహిత వైద్యం ఏడు రోజులపాటు రోడ్డు ప్రమాద బాధితులకు చికిత్స ఈ–డార్‌తో వేగంగా వైద్యసాయం ప్రాణాలు నిలిపే తొలి గంటకు ప్రాధాన్యం అత్యవసర సహాయం కోసం 112 సేవలుపీఎం రహత్‌ పథకంలోని ముఖ్యవివరాలు అంశం వివరాలు పథకం పేరు పీఎం రహత్‌ చట్టపరమైన ఆధారం మోటారు వాహనాల చట్టం–1988, సెక్షన్‌ 162 గరిష్ట వైద్య సాయం రూ.1.5 లక్షలు చికిత్స కాలపరిమితి 7 రోజులు ప్రాణాంతకం కాని ప్రమాదాల ధ్రువీకరణ 24 గంటలు ప్రాణాంతక ప్రమాదాల ధ్రువీకరణ 48 గంటలు ఎఫ్‌ఐఆర్‌ నమోదు 48 గంటలు అత్యవసర సేవలు 112 సాంకేతిక వ్యవస్థలు టీఎంఎస్‌ 2.0, ఈ–డార్‌

వెంకటాపురం(ఎం): కాకతీయుల కాలంలో గొలుసుకట్టు చెరువుల వ్యవస్థ నీటిపారుదల రంగంలో కీలక పాత్ర పోషించిందని తెలంగాణ జలవనరుల సంస్థ మాజీ చైర్మన్‌ వి. ప్రకాశ్‌రావు అన్నారు. ములుగు జిల్లా వెంకటాపురం(ఎం) మండలంలోని రామప్పలో నిర్వహిస్తున్న వరల్డ్‌ హెరిటేజ్‌ వలంటీర్‌ శిక్షణ శిబిరానికి ఆయన శనివారం హాజరై మాట్లాడారు. వరంగల్‌ జిల్లా నుంచి నల్లగొండ ప్రాంతం వరకు కాకతీయులు అభివృద్ధి చేసిన చెరువులు, కాల్వల వ్యవస్థ నేటికీ స్ఫూర్తిదాయకమని పేర్కొన్నారు. నిజాం పాలనలో 1907 నుంచి 1909 మధ్య చెరువులు, కాల్వల సంరక్షణకు గణనీయంగా నిధులు వెచ్చించినట్లు పేర్కొన్నారు. పురాతన నీటిపారుదల వ్యవస్థల ప్రాధాన్యాన్ని నేటి తరానికి తెలియజేయడంతోపాటు వాటి పరిరక్షణకు కృషి చేయాలని వలంటీర్లకు సూచించారు. శిబిరం తొమ్మిదో రోజు కార్యక్రమాల్లో భాగంగా ఉదయం యోగా గురువు రాంబాబు ఆధ్వర్యంలో వలంటీర్లకు యోగాసనాల్లో శిక్షణ ఇచ్చారు. అనంతరం ఎన్‌ఐటీ వరంగల్‌ ప్రొఫెసర్‌ రమణమూర్తి వారసత్వ కట్టడాల పరిరక్షణలో సివిల్‌ ఇంజనీరింగ్‌ పాత్రను వివరించారు. ఎన్‌ఐటీ వరంగల్‌ డిప్యూటీ డైరెక్టర్‌ ప్రొఫెసర్‌ రతీష్‌కుమార్‌ పురాతన కట్టడాల మరమ్మతులకు ఉపయోగపడే సుస్థిర సున్నపు మిశ్రమాల వర్గీకరణ, అభివృద్ధిపై బోధించారు. అనంతరం ప్రకాశ్‌రావుతో పాటు ప్రొఫెసర్లను ఇంటాక్‌ కన్వీనర్‌ పాండురంగారావు, ప్రోగ్రాం కోఆర్డినేటర్‌ శ్రీధర్‌రావు, కాకతీయ హెరిటేజ్‌ ట్రస్ట్‌ సభ్యుడు శ్రీనివాస్‌, టూరిజం గైడ్‌ విజయ్‌కుమార్‌ సన్మానించారు. ● తెలంగాణ జలవనరుల సంస్థ మాజీ చైర్మన్‌ ప్రకాశ్‌రావు

హసన్‌పర్తి : సర్దార్‌ వల్లభాయ్‌ పటేల్‌ జయంతి సందర్భంగా నిర్వహించిన ‘ఏక్తా’ రన్‌ ఉత్సాహంగా సాగింది. శనివారం పోలీస్‌ కమిషనరేట్‌ ఆధ్వర్యంలో ఏజే ఫెడల్స్‌ సహకారంతో నిర్వహించిన ప్రదర్శనను పోలీస్‌ కమిషనర్‌ శ్వేత ప్రారంభించారు. పోలీస్‌ కమిషనరేట్‌ నుంచి గోపాలస్వామి ఆలయం, అక్కడి నుంచి మళ్లీ పోలీస్‌ కమిషనరేట్‌ వరకు ప్రదర్శన సాగింది. విద్యార్థులు, వాకర్స్‌, పోలీస్‌ అఽధికారులతో కలిసి సీపీ ఆ ర్యాలీ పాల్గొన్నారు. అనంతరం పోలీస్‌ కమిషనర్‌ శ్వేత మాట్లాడుతూ సర్దార్‌ వల్లభాయ్‌పటేల్‌ జయంతి సందర్భంగా నిర్వహించిన ఏక్తారన్‌ జాతీయ ఐక్యత, సమగ్రతపై ప్రజల్లో స్ఫూర్తి నింపడంతోపాటు ఆరోగ్యకర జీవన శైలి, శారీరక దృఢత్వంపై అవగాహన పెంపొందించేందుకు దోహదపడుతోందన్నారు. దేశ సమగ్రత, ఐక్యతకు సర్దార్‌ వల్లభాయ్‌ పటేల్‌ చేసిన సేవలను కొనియాడారు అనంతరం పోటీల్లో ప్రతిభ కనబరిచిన వారికి బహుమతులు ప్రదానం చేశారు. బల్దియా కమిషనర్‌ వెంకన్న, డీసీపీ అంకిత్‌కుమార్‌, అదనపు డీసీపీ ఆర్‌. ప్రభాకర్‌రావు, ఏసీపీలు, ఇన్‌స్పెక్టర్లు, ఎస్సైలు, ఆర్‌ఐలు, ఆర్‌ఎస్సైలు తదితరులు పాల్గొన్నారు. పటేల్‌కు ఘన నివాళి.. కమిషనరేట్‌లో నిర్వహించిన సర్దార్‌ వల్లభాయ్‌ పటేల్‌ జయంతి వేడుకల్లో సీపీ శ్వేత పాల్గొన్నారు. ఈసందర్భంగా పటేల్‌ చిత్రపటానికి పూలమాల వే సి నివాళులర్పించారు. సెంట్రల్‌ జోన్‌ డీసీపీ దార కవిత, అడిషనల్‌ డీసీపీ ఆర్‌. ప్రభాకర్‌రావు, ఏసీపీలు మధుసూదన్‌, జానీ నర్సింహులు, ఏఆర్‌ అదనపు డీసీపీ సురేశ్‌, శ్రీనివాస్‌ పాల్గొన్నారు. సీపీ కార్యాలయం నుంచి గోపాలస్వామి గుడి వరకు ప్రదర్శన జాతీయ ఐక్యత స్ఫూర్తి చాటాలి : సీపీ శ్వేత

● కేవీకే మల్యాల శాస్త్రవేత్త సుహాసిని నెల్లికుదురు: ఎల్‌నినో నేపథ్యంలో రైతులు ఆరుతడి పంటల సాగుపై దృష్టి సారించాలని కేవీకే మల్యాల శాస్త్రవేత్త సుహాసిని, ఏఈ భూక్య మహేందర్‌ సూచించారు. మండలంలోని వావిలాల గ్రామ పంచాయతీ కార్యాలయ ఆవరణలో శనివారం గ్రామ సర్పంచ్‌ గోగుల మమత ప్రశాంత్‌ అధ్యక్షతన ఏర్పాటు చేసిన భూసార పరిరక్షణ ఆవశ్యకత, సేంద్రియ ఎరువుల వాడకం, ప్రకృతి వ్యవసాయం ప్రాముఖ్యతపై నిర్వహించిన కార్యక్రమంలో వారు మాట్లాడారు. వరి పంటలు తగ్గించి ఆరుతడి పంటలు సాగు చేసుకోవాలని రైతులకు సూచించారు.

● కేసముద్రం మార్కెట్‌లో తడిసిముద్దయిన ధాన్యం ● నేలవాలిన వరి చేలు కేసముద్రం: తుపాన్‌ ప్రభావంతో శనివారం మధ్యాహ్నం కురిసిన వర్షంతో కేసముద్రం వ్యవసాయ మార్కెట్‌లో ధాన్యం తడిసిముద్దయింది. దీంతో రైతులు ధాన్యాన్ని కాపాడుకోవడానికి తీవ్ర ఇబ్బందులు పడ్డారు. చుట్టుపక్కల గ్రామాల రైతులు ఇటీవల మార్కెట్‌కు ధాన్యం బస్తాలను తీసుకువచ్చారు. అయతే వ్యాపారులు తేమసాకు చూపి, తక్కువ ధర పెడుతుండడంతో, చేసేదేమీ లేకక రైతులు ఓపెన్‌యార్డుల్లో ధాన్యాన్ని ఆరబోసుకున్నారు. ఈ క్రమంలో శుక్రవారం రాత్రి, శనివారం మధ్యాహ్నం రెండు గంటల పాటు వర్షం కురిసింది. దీంతో ధాన్యం తడిసి, వరదలో కొట్టుకుపోయింది. రైతులు ధాన్యాన్ని దగ్గరకు చేరుస్తూ తీవ్ర ఇబ్బందులు పడ్డారు. అలాగే అమీనాపురం, కేసముద్రంవిలేజ్‌, ధన్నసరి, ఉప్పరపల్లి, అర్పనపల్లి, కాట్రపల్లి, కల్వలతోపాటు పలుగ్రామాల్లో వరిపంట నేలవాలింది. పత్తి పంట తడిసిపోయింది. పంట చేతికి అందే సమయంలో వర్షం తమను ఆగం చేసిందంటూ రైతులు ఆవేదన వ్యక్తం చేశారు.

కురవి: ఓ ప్రైవేట్‌ స్కూల్‌ వ్యాన్‌ డ్రైవర్‌ నిర్లక్ష్యం విద్యార్థుల ప్రాణా ల మీదకు తెచ్చింది. సెల్‌ఫోన్‌ మాట్లాడుతూ డ్రైవింగ్‌ చేయడంతో వాహనం అదుపు తప్పి చెరువులో బోల్తా పడింది. ఈ ఘటనలో 12 మంది విద్యార్థులకు స్వల్ప గాయాలయ్యాయి. ఈ ప్రమాదం శనివారం మహబూబాబాద్‌ జిల్లా కురవి మండలం తిర్మలాపురం శివారులో చోటు చేసుకుంది. బాధితుల కథనం ప్రకారం.. కురవిలోని గీతాంజలి ప్రైవేట్‌ స్కూల్‌కు చెందిన టాటా మ్యాజిక్‌ వ్యాన్‌ డ్రైవర్‌ కురవిలో కొందరు, రేకుల తండా, రాంచంద్రాపురం, తిర్మలాపురంలో మరికొందరు విద్యార్థులను ఎక్కించుకున్నాడు. మొత్తం 12 మంది చిన్నారులను వ్యాన్‌లో ఎక్కించుకున్నాడు. వ్యాన్‌ తిర్మలాపురం నుంచి నల్లెల్ల వైపు వెళ్తోంది. ఈ క్రమంలో డ్రైవర్‌ పందిరి రాజేశ్‌ సెల్‌ఫోన్‌ మాట్లాడుతూ వాహనం నిర్లక్ష్యంగా నడుపుతున్నాడు. దీంతో అదుపు తప్పి రోడ్డు పక్కన ఉన్న కల్వర్టు అంచు నుంచి చెరువులోకి దూసుకెళ్లి బోల్తా పడింది. చెరువు శిఖంలో ఉన్న చెట్టును తాకి ఆగిపోయింది. దీంతో పెను ప్రమాదం తప్పింది. రక్షించిన చెట్టు.. స్కూల్‌ వ్యాన్‌ చెరువు పక్కన ఉన్న రోడ్డు మీద నుంచి వెళ్తోంది. ఈ సమయంలో డ్రైవర్‌ నిర్లక్ష్యంగా సెల్‌ఫోన్‌ మాట్లాడుతూ వాహనం నడపడంతో అదుపు తప్పి కల్వర్టు అంచు నుంచి చెరువులోకి దూసుకెళ్తోంది. దీంతో వ్యాన్‌లో ఉన్న చిన్నారులు హాహా కారాలు చేశారు. ఏడుపులు, అరుపులతో ఆ ప్రాంతమంతా మార్మోగింది. వ్యాన్‌ చెరువులోకి బోల్తా పడుతూ ఆ పక్కనే ఉన్న చెట్టుకు తాకి ఆగిపోయింది. దీంతో చెట్టు .. వ్యాన్‌లో ఉన్న 12 మంది ప్రాణాలను కాపాడినట్లైంది. రేకుల తండాకు చెందిన రెండో తరగతి బాలిక దక్షిత, రాంచంద్రాపురానికి చెందిన యూకేజీ విద్యార్థి వేదాన్ష్‌, కురవికి చెందిన కానుగంటి తన్మయశ్రీ, కల్లెపు వేదాన్ష్‌, కల్లెపు వేదతోపాటు మరికొందరికి స్వల్ప గాయాలయ్యాయి. ఈ విషయం తెలిసి విద్యార్థుల తల్లిదండ్రులు ఘటనాస్థలికి చేరుకుని పిల్లలను చూసి కన్నీటిపర్యంతమయ్యారు. 12 మంది ప్రాణాలను చెట్టు కాపాడడంతో ఊపిరి పీల్చుకున్నారు. వ్యాన్‌లో ఉన్న విద్యార్థులను తిర్మలాపురం గ్రామస్తులు బయటకు తీశారు.డ్రైవర్‌ రాజేశ్‌కు డ్రైవింగ్‌ లైసెన్స్‌ లేకపోవడం, వ్యాన్‌ కూడా పాతది కావడంతో విద్యార్థుల తల్లిదండ్రులు స్కూల్‌ యాజమాన్యంపై చర్యలు తీసుకోవాలని డిమాండ్‌ చేశారు. చిన్నారుల ప్రాణాలతో చెలగాటమాడుతున్న ప్రైవేట్‌ స్కూల్‌ బస్సులను తనిఖీ చేయాలన్నారు. డ్రైవర్‌ రాజేశ్‌పై దాడికి యత్నించగా అతడు అక్కడి నుంచి పరారయ్యాడు. విషయం తెలియడంతో కురవి ఎస్సై సతీశ్‌ సిబ్బందితో కలిసి ఘటనాస్థలికి చేరుకుని పరిస్థితి సమీక్షించారు. గాయపడిన చిన్నారులను ఓదార్చారు. చెరువులో బోల్తా పడిన వ్యాన్‌ను బయటకు తీయించి పోలీస్‌ స్టేషన్‌కు తరలించారు. ఈ ఘటనపై విద్యార్థుల తల్లిదండ్రుల ఫిర్యాదు మేరకు విచారణ చేపట్టి బాధ్యులపై చర్యలు తీసుకుంటామని ఎస్సై తెలిపారు. కాగా, వాహనం బ్రేకులు ఫెయిల్‌ కావడంతోనే ఈ ప్రమాదం చోటు చేసుకుందని డ్రైవర్‌ రాజేశ్‌ తెలిపారు. చెరువులో బోల్తా పడిన ప్రైవేట్‌ స్కూల్‌ వ్యాన్‌ పలువురు విద్యార్థులకు స్వల్ప గాయాలు తప్పిన పెను ప్రమాదం.. పిల్లలను కాపాడిన చెట్టు

మూడు నెలల్లో పనులు పూర్తి చేసేలా ఆర్‌అండ్‌బీ కసరత్తు పలు రోడ్ల నిర్మాణాలు..● మానుకోట మున్సిపాలిటీ పరిధి జమాండ్లపల్లి గ్రామం నుంచి మానుకోట మండలంలోని రెడ్యాల గ్రామం వరకు 9కిలో మీటర్ల రోడ్డు నిర్మాణ పనులు జరుగుతున్నాయి. సీఆర్‌ఎఫ్‌ నిధుల నుంచి రూ.25 కోట్లు కేటాయించారు. సుమారు 80శాతం పనులు పూర్తయినట్లు అధికారులు పేర్కొన్నారు. ● మానుకోట మున్సిపాలిటీ పరిధిలోని బేతోలు గ్రామం నుంచి మానుకోట మండలంలోని పర్వతగిరి గ్రామానికి 9కిలో మీటర్ల రోడ్డు నిర్మాణ పనులు జరుగుతున్నాయి. రూ.17కోట్లతో పనులు చేస్తున్నారు. మట్టి రోడ్డు, 15 కల్వర్టుల పనులు చేపట్టారు. ఇప్పటి వరకు 20 శాతం పనులు పూర్తయ్యాయని అధికారులు చెప్పారు. ● గార్ల –రాంపురం మధ్య హైలెవల్‌ బ్రిడ్జి నిర్మాణం ● కొనసాగుతున్న పలు రోడ్ల నిర్మాణాలు.. తీరనున్న ప్రజల కష్టాలుమహబూబాబాద్‌: జిల్లాలో చేపడుతున్న ఆర్‌అండ్‌బీ పనుల్లో కొంత వేగం పెరిగింది. మూడు నెలల్లో పనులు పూర్తి చేసేలా అధికారులు కసరత్తు చేస్తున్నారు. గార్ల–రాంపురం మధ్య మున్నేరు(పాకాల) వాగుపై హైలెవల్‌ బ్రిడ్జి పనులు 50శాతం పూర్తయ్యాయని అఽధికారులు తెలిపారు. పనులు పూర్తయితే రాంపురం ప్రజల కష్టాలు తీరుతాయి. పలు రోడ్ల నిర్మాణాలను వేగం చేస్తున్నారు. పనుల్లో నాణ్యతా ప్రమాణాలు పాటించేలా అధికారులు పర్యవేక్షిస్తున్నారు. మూడు సబ్‌ డివిజన్‌లు.. జిల్లా కేంద్రంలోని ఆర్‌అండ్‌బీ ఈఈ కార్యాలయం పరిధిలో మూడు సబ్‌ డివిజన్‌లు ఉన్నాయి. మానుకోట సబ్‌ డివిజన్‌ పరిధిలో మానుకోట, గార్ల, బయ్యారం, నెల్లికుదురు, తొర్రూరు, పెద్దవంగర మండలాలు ఉన్నాయి. ఆ డివిజన్‌ పరిధిలో డీఈ, ముగ్గురు ఏఈలు విధులు నిర్వర్తిస్తున్నారు. మరిపెడ సబ్‌ డివిజన్‌ పరిధిలో మరిపెడ, కురవి, సీరోలు, డోర్నకల్‌, దంతాలపల్లి, నర్సింహులపేట, చిన్నగూడూరు మండలాలు ఉన్నాయి. ఆ డివిజన్‌లో డీఈ, నలుగురు ఏఈలు పని చేస్తున్నారు. అలాగే గూడూరు సబ్‌ డివిజన్‌ పరిధిలో కొత్తగూడ, గంగారం, గూడూరు, కేసముద్రం, ఇనుగుర్తి మండలాలు ఉన్నాయి. డీఈ, ముగ్గురు ఏఈలు విధులు నిర్వర్తిస్తున్నారు. హెలెవల్‌ బ్రిడ్జి నిర్మాణం.. మానుకోట సబ్‌ డివిజన్‌ పరిధిలోని గార్ల–రాంపురం మధ్య మున్నేరుపై హైలెవల్‌ బ్రిడ్జి నిర్మాణ పనులు జరుగుతున్నాయి. సెంట్రల్‌ రిలీఫ్‌ ఫండ్‌ (సీఆర్‌ఎఫ్‌) నిధులు రూ.20 కోట్లతో పనులు చేపడుతున్నట్లు డీఈ కృష్ణమోహన్‌ తెలిపారు. వాగుపై 250 మీటర్ల పొడవుతో హైలెవల్‌ బ్రిడ్జి పనులు జరుగుతున్నాయి. పిల్లర్లు పూర్తి చేశారు. కాగా, ఐదు నెలల్లోనే 50శాతం పనులు పూర్తి చేసినట్లు అధికారులు తెలిపారు. వాగు ఉధృతమైతే రాకపోకలకు అంతరాయం.. గార్ల– రాంపురం మధ్య దూరం రెండు కిలోమీటర్లు మాత్రమే. వర్షాకాలంలో వాగు ఉధృతి పెరిగితే రాకపోకలు నిలిచిపోతాయి. రాంపురం ప్రజలు రైల్వే ట్రాక్‌పైనుంచి ప్రమాదకరంగా గార్లకు రాకపోకలు సాగిస్తుంటారు. ట్రాక్‌పై నుంచి వెళ్తున్న క్రమంలో ప్రమాదాలు జరిగి కొంతమంది మృతిచెందినట్లు అధికారులు తెలిపారు. వాగు వచ్చిన సమయంలో రాంపురం ప్రజలు డోర్నకల్‌, బయ్యారం తదితర ప్రాంతాల నుంచి గార్లకు వెళ్లాల్సి వస్తోంది. సుమారు 28 నుంచి 30 కిలోమీటర్ల దూరం నుంచి గార్లకు వెళ్లాల్సిన పరిస్థితి ఉంది. కాగా, వాగుపై హెలెవల్‌ బ్రిడ్జి పూర్తి అయితే ఆ గ్రామంతో పాటు పలు గ్రామాల ప్రజల రవాణా కష్టాలు తీరుతాయి. కాగా, మూడు నెలల్లో బ్రిడ్జి పనులు పూర్తిచేసేలా అధికారులు చర్యలు తీసుకుంటున్నారు. మూడు నెలల్లో పనులు పూర్తి చేస్తాంమానుకోట సబ్‌ డివిజన్‌లో జరుగుతున్న పనులు మూడు నెలల్లో పూర్తి చేస్తాం. రాజ్య సభ సభ్యుడు వేం నరేందర్‌రెడ్డి, స్థానిక ఎమ్మెల్యేలు మురళీనాయక్‌, కోరం కనకయ్య సహకారంతో పనులు వేగవంతం చేశాం. గార్ల–రాంపురం మధ్య హైలెవల్‌ బ్రిడ్జితో పలు గ్రామాల రవాణా సమస్య తీరుతుంది. – రాజు పాండ్యా, ఆర్‌అండ్‌బీ ఈఈ

● 900మంది క్రీడాకారులు హాజరు వరంగల్‌ స్పోర్ట్స్‌ : హనుమకొండలోని జవహర్‌లాల్‌ నెహ్రూ స్టేడియంలో శనివారం ఉమ్మడి వరంగల్‌ జిల్లా స్థాయి ఎస్‌జీఎఫ్‌ అండర్‌–14,17 బాలబాలికల పోటీలు ఉత్సాహంగా కొనసాగాయి. కబడ్డీ, ఖోఖో, వాలీబాల్‌ క్రీడాంశాల్లో నిర్వహిస్తున్న పోటీలకు 900మంది క్రీడాకారులు, 100 మంది టెక్నికల్‌ అఫీషియల్స్‌ హాజరైనట్లు ఎస్‌జీఎఫ్‌ హనుమకొండ జిల్లా కార్యదర్శి వాసుదేవరావు తెలిపారు. ఇందులో ఎంపికై న క్రీడాకారులు త్వరలో వికారాబాద్‌లో జరగనున్న అండర్‌–17, మహబూబాబాద్‌లో జరగనున్న అండర్‌–14రాష్ట్ర స్థాయి స్థాయి పోటీల్లో ఉమ్మడి వరంగల్‌ జిల్లా తరఫున ప్రాతినిథ్యం వహిస్తారని తెలిపారు. అండర్‌–17 వాలీబాల్‌ బాలుర విభాగంలో విజేతగా ములుగు, రన్నరప్‌గా భూపాలపల్లి, బాలికల విభాగంలో వరంగల్‌, ములుగు, వాలీబాల్‌ అండర్‌–14 బాలుర విభాగంలో విజేతగా జనగామ, రన్నరప్‌గా వరంగల్‌, బాలికల విభాగంలో జనగామ విజేతగా, రన్నరప్‌గా హనుమకొండ జట్టు నిలిచింది. ఖోఖో అండర్‌–17 బాలుర విభాగంలో మహబూబాబాద్‌, వరంగల్‌, బాలికల విభాగంలో వరంగల్‌, ములుగు జట్లు ప్రథమ, ద్వితీయ స్థానాల్లో నిలిచాయి. అండర్‌–14 బాలుర విభాగంలో ములుగు, మహబూబాబాద్‌, బాలికల విభాగంలో హనుమకొండ, ములుగు జట్లు విజేతలుగా నిలిచాయి. కబడ్డీ అండర్‌–17 బాలుర విభాగంలో వరంగల్‌, ములుగు, బాలికల విభాగంలో మహబూబాబాద్‌, వరంగల్‌, అండర్‌–14 బాలుర విభాగంలో ములుగు, వరంగల్‌, బాలికల విభాగంలో మహబూబాబాద్‌, వరంగల్‌ జట్లు విజేతలుగా నిలిచినట్లు వాసుదేవరావు తెలిపారు. పోటీల ప్రారంభోత్సవానికి హనుమకొండ జిల్లా గ్రంథాలయ చైర్మన్‌ అజీజ్‌ ఖాన్‌, ముగింపు వేడుకలకు హనుమకొండ ఏసీపీలు నాగన్న, శ్రీనివాస్‌ పాల్గొని విజేతలకు బహుమతులు అందజేశారు. కార్యక్రమంలో హనుమకొండ జిల్లా పీఈటీల సంఘం అధ్యక్షుడు ప్రభాకర్‌రెడి, పీఈటీలు రజినీకాంత్‌, రమేశ్‌, దేవేందర్‌, ప్రవీణ్‌రెడ్డి, జగదీశ్వర్‌, అనిల్‌కుమార్‌ తదితరులు పాల్గొన్నారు.

గార్ల: బ్రహ్మోత్సవాల్లో భాగంగా మర్రిగూడెం వేంకటేశ్వరస్వామి వారికి శనివారం ఆలయం ఎదుట గల కోనేటిలో వేదపండితుల మంత్రోచ్ఛరణల నడుమ చక్రస్నానం కార్యక్రమం ఘనంగా నిర్వహించారు. వర్షాలు సమృద్ధిగా కురవాలని, పంటలు పండాలని, కరువు లేకుండా చూడాలని కోరుతూ దేవాలయంలో వేంకటేశ్వరస్వామికి 108 కలశాలతో అష్టోత్తర కలశాభిషేకం పూజలు నిర్వహించారు. అనంతరం స్వామివారికి దోపోత్సవం, గజవాహనసేవ, పుష్పయాగం, కార్యక్రమాలు ఘనంగా నిర్వహించారు. కార్యక్రమంలో ఆలయ కమిటీ చైర్మన్‌ అజ్మీరా బన్సీలాల్‌, వైస్‌ చైర్మన్‌ బానోత్‌ అర్జున, ఈఓ సత్యనారాయణ, కమిటీ సభ్యుడు నాగరాజు, అర్చకులు అచ్యుతాచార్యులు, గోవిందాచార్యులు, కృష్ణచైతన్య చార్యులు, కోట శ్రీనివాస్‌, మల్సూర్‌ తదితరులు పాల్గొన్నారు. న్యాయవ్యవస్థపై అవగాహన కలిగి ఉండాలి తొర్రూరు రూరల్‌: న్యాయ వ్యవస్థపై విద్యార్థులు అవగాహన కలిగి ఉండాలని తొర్రూరు జూనియర్‌ సివిల్‌ కోర్డు జడ్జి దామెర ధీరజ్‌కుమార్‌ అన్నారు. శనివారం మండలంలోని పీఎస్‌ఆర్‌, సెయింట్‌ పాల్‌ స్కూల్‌లో పిల్లల భద్రత– పరిరక్షణ, లైంగిక వేధింపుల నివారణపై అవగాహన కార్యక్రమం నిర్వహించారు. జడ్జి ధీరజ్‌కుమార్‌ మాట్లాడుతూ.. విద్యార్థులు చెడు అలవాట్లకు దూరంగా ఉంటూ క్రమశిక్షణ, పట్టుదలతో చదువుకుంటూ న్యాయ వ్యవస్థ, చట్టాలపై అవగాహన పెంచుకోవాలన్నారు. కార్యక్రమంలో ఎస్సై మహేందర్‌రెడ్డి, న్యాయవాదులు అశోక్‌, రామకృష్ణ, నాగరాజు, శ్రీకాంత్‌, స్కూల్‌ కరస్పాండెంట్‌ పొనుగోటి సోమేశ్వర్‌రావు, సిస్టర్‌ శానీ, విజయ్‌కుమార్‌, విద్యార్థులు పాల్గొన్నారు. నేడు ఎన్‌ఎంఎంఎస్‌ పరీక్షమహబూబాబాద్‌ అర్బన్‌: జిల్లాలో నేషనల్‌ మీన్స్‌ కమ్‌ మెరిట్‌ స్కాలర్‌షిప్‌ (ఎన్‌ఎంఎంఎస్‌) పరీక్ష ఆదివారం నిర్వహిస్తున్నట్లు జిల్లా విద్యాశాఖ అధికారి అనిల్‌కుమార్‌ శనివారం తెలిపారు. జిల్లా కేంద్రంలోని జెడ్పీహెచ్‌ఎస్‌ బాలికల పాఠశాల, ప్రభుత్వ బాలుర ఉన్నత పాఠశాల, తొర్రూరు పట్టణ కేంద్రంలోని జెడ్పీ ఉన్నత పాఠశాల, సెయింట్‌పాల్స్‌ హైస్కూల్‌లో ఉదయం 9:30నుంచి మధ్యాహ్నం 12:30గంటల వరకు పరీక్షలు జరుగుతాయన్నారు. జిల్లావ్యాప్తగా 804 మంది విద్యార్థులు హాజరవుతారన్నారు. పూర్తి వివరాలకు జిల్లా ఏసీజీఈ మందుల శ్రీరాములు 98497 61012 ఫోన్‌ నంబర్‌ను సంప్రదించాలన్నారు. పర్యావరణ అవార్డు స్వీకరణడోర్నకల్‌: మండల కేంద్రంలోని పీఎంశ్రీ జెడ్పీ ఉన్నత పాఠశాల హెచ్‌ఎం బండి నర్సింహరావు హైదరాబాద్‌లో పర్యావరణ అవార్డు అందుకున్నారు. హెచ్‌ఎం నర్సింహరావు శనివా రం పదవీ విరమణ పొందాల్సి ఉండగా.. తమ చివరి పనిదినం రోజు పాఠశాలకు ప్రకటించిన అవార్డు అందుకోవడం గమనార్హం. కౌన్సిల్‌ ఫర్‌ గ్రీన్‌ రెవల్యూషన్‌ సంస్థ నుంచి అవార్డుతో పాటు రూ.20 వేల నగదు పురస్కారాన్ని ఇన్‌చార్జ్‌ హెచ్‌ఎం కె.శంకర్‌తో కలిసి నర్సింహరావు అందుకున్నారు. డిగ్రీ కళాశాల సందర్శన గార్ల: మండల కేంద్రంలోని ప్రభుత్వ డిగ్రీ కళాశాలను అంబేడ్కర్‌ ఓపెన్‌ యూనివర్సిటీ జాయింట్‌ డైరెక్టర్‌ బానోత్‌ ధర్మానాయక్‌ శని వారం సందర్శించారు. ఆయన మాట్లాడు తూ.. విద్యార్థులు చదువుతోనే ఉన్నత శిఖ రాలు అధిరోహించాలని సూచించారు. అంబేడ్కర్‌ ఓపెన్‌ డిగ్రీ తరగతుల విషయంలో వి ద్యార్థులు జవాబుదారీతనంతో వ్యవహరించాలని కోరారు. ప్రతీ అదివారం కళాశాలలో నిర్వహించే ఓపెన్‌ డిగ్రీ తరగతులకు విద్యార్థులు విధిగా హాజరు కావాలన్నారు. కళాశాల ప్రిన్సిపాల్‌ డి.రాజు, రాజేశ్‌, సుందరయ్య, వీరన్న, పుష్ప తదితరులు పాల్గొన్నారు. బకాయిలు చెల్లించాలిమహబూబాబాద్‌: మిల్లర్లు వెంటనే బకాయిలు చెల్లించేలా సంబంధిత అధికారులు చర్యలు తీసుకోవాలని సివిల్‌ సప్లయీస్‌ జాయింట్‌ కమిషనర్‌ మనోహర్‌కుమార్‌ రాథోడ్‌ ఆదేశించారు. కలెక్టరేట్‌లో శనివారం జిల్లాలోని రైస్‌మిల్లర్లు, సంబంధిత అధికారులతో సమావేశం నిర్వహించారు. ఈసందర్భంగా ఆయన మాట్లాడుతూ.. డిఫాల్ట్‌ మిల్లర్లు 45రోజుల గడువులోపు బకాయిలు చెల్లించాలన్నారు. లేనియెడల తగిన చర్యలు తప్పవని హెచ్చరించారు. అదనపు కలెక్టర్‌ అనిల్‌కుమార్‌, డీసీఎస్‌ఓ రమేశ్‌, సివిల్‌ సప్లయీస్‌ మేనేజర్‌ మనోజ్‌కుమార్‌, మిల్లర్లు పాల్గొన్నారు.

● ఫ్లాష్‌వాక్‌లో ఎస్పీ శబరీష్‌ మహబూబాబాద్‌ రూరల్‌: సైబర్‌ నేరాలపై అప్రమత్తత అవసరమని ఎస్పీ శబరీష్‌ అన్నారు. జాతీయ సైబర్‌ సెక్యూరిటీ అవగాహన మాసోత్సవంలో భాగంగా జిల్లా పోలీసుల ఆధ్వర్యంలో శనివారం రాత్రి భారీ ఫ్లాష్‌ వాక్‌ (ర్యాలీ) నిర్వహించారు. విద్యార్థులు, యువత సైబర్‌ భద్రతపై అవగాహన కల్పించే నినాదాలతో కూడిన ప్లకార్డులు పట్టుకొని ఉత్సాహంగా ర్యాలీలో పాల్గొన్నారు. పాస్‌, థింక్‌, వెరిఫై, సైబర్‌ హెల్ప్‌లైన్‌ 1930, నో డిజిటల్‌ అరెస్ట్‌ వంటి నినాదాలతో ప్రజలకు సైబర్‌ నేరాల నివారణపై అవగాహన కల్పించారు. ఈ సందర్భంగా ఎస్పీ శబరీష్‌ మాట్లాడుతూ.. విద్యార్థులు, యువత సైబర్‌ భద్రతా కార్యక్రమంలో ఉత్సాహంగా పాల్గొని ప్రజల్లో అవగాహన కల్పించేందుకు ముందుకురావడం అభినందనీయమన్నారు. ప్రస్తుత డిజిటల్‌ యుగంలో సైబర్‌ నేరగాళ్లు కొత్తకొత్త పద్ధతుల్లో ప్రజలను మోసం చేస్తున్నారని, ప్రతీ ఒక్కరు సైబర్‌ నేరాలపై అప్రమత్తంగా ఉండాలని సూచించారు. డిజిటల్‌ అరెస్ట్‌, ఓటీపీ మోసాలు, బ్యాంకు వివరాలు, బ్యాంకు, పోలీస్‌ అధికారుల పేరిట బెదిరింపులు, ఇతర అంశాలపై ఎలాంటి భయాందోళనలకు గురికాకుండా వెంటనే పోలీసులకు సమాచారం అందించాలని సూచించారు. ప్రజలు కష్టపడి సంపాదించిన డబ్బును సైబర్‌ నేరగాళ్లు క్షణాల్లో దోచుకుంటున్నారని, ఇలాంటి మోసాల బారిన పడొద్దని సూచించారు. ఏదైనా అనుమానాస్పద ఫోన్‌కాల్‌ లేదా మెసేజ్‌ వచ్చినప్పుడు వెంటనే స్పందించకుండా ఒక్క క్షణం ఆగి, ఆలోచించి, నిజానిజాలను నిర్ధారించుకున్న తర్వాతే నిర్ణయం తీసుకోవాలన్నారు. సైబర్‌ నేరాల నివారణ పోలీసుల బాధ్యత మాత్రమే కాదని, ప్రతీ పౌరుడు సైబర్‌ భద్రతపై అవగాహన పెంచుకొని కుటుంబ సభ్యులు, స్నేహితులు, పరిచయస్తులకు కూడా ఈ విషయాలను తెలియజేయాలని పిలుపునిచ్చారు. కార్యక్రమంలో డీఎస్పీ తిరుపతిరావు, టౌన్‌ సీఐ రఘుపతిరెడ్డి, రూరల్‌ సీఐ అంజలి, సైబర్‌ సెక్యూరిటీ అధికారులు, సిబ్బంది, విద్యార్థులు, యువత, పట్టణ ప్రజలు అధిక సంఖ్యలో పాల్గొన్నారు.

● ఐటీడీఏ పీఓ లెనిన్‌ వత్సల్‌ టొప్పో ఏటూరునాగారం: కేంద్ర ప్రభుత్వం ప్రవేశపెట్టిన పీఎం రహత్‌ పథకాన్ని పూర్తిస్థాయిలో అమలు చేయాలని, రోడ్డు ప్రమాద బాధితులకు వెంటనే ఉచిత వైద్యసేవలు అందించాలని ఐటీడీఏ పీఓ లెనిన్‌ వత్సల్‌ టొప్పో వివిధ జిల్లాలకు చెందిన అధికారులను ఆదేశించారు. హనుకొండలోని ఐటీడీఏ పీఓ క్యాంపు కార్యాలయంలో శనివారం వరంగల్‌, ములుగు, మహబూబాబాద్‌ జిల్లాల వైద్యాధికారులతో సమావేశం నిర్వహించి మాట్లాడారు. ఆస్పత్రుల ఎంపానెల్‌మెంట్‌, స్పెషలిస్ట్‌ వైద్యుల అవసరాలపై సమీక్షించారు. ఈ సమావేశంలో ప్రధానంగా పథకం కింద ఆస్పత్రుల ఎంపానెల్‌మెంట్‌, ఆస్పత్రుల్లో అవసరమైన మానవ వనరులు, ముఖ్యంగా స్పెషలిస్ట్‌ వైద్యుల నియామక అవసరాలపై చర్చించారు. అదేవిధంగా ఆస్పత్రుల్లో అందుబాటులో ఉన్న వైద్య సదుపాయాలు, ప్రస్తుతం పనిచేస్తున్న వైద్య సిబ్బంది, ఖాళీలు, ప్రత్యేక వైద్య నిపుణుల అవసరాలను సమగ్రంగా పరిశీలించి ప్రతిపాదనలు సమర్పించాలని తెలిపా రు. ముఖ్యంగా ప్రజలకు మెరుగైన వైద్యసేవలు అందించేందుకు అవసరమైన స్పెషలిస్ట్‌ వైద్యుల కొరతను గుర్తించి, సంబంధిత విభాగాల వారీగా అవసరమైన మానవ వనరుల వివరాలను అందించాలని సూచించారు. సమావేశంలో వరంగల్‌, ములుగు, మహబూబాబాద్‌ జిల్లాలకు చెందిన ప్రభుత్వ ఆస్పత్రుల వైద్యాధికారులు పాల్గొన్నారు.

నెహ్రూసెంటర్‌: జిల్లాలో ప్రమాదకరమైన కుష్టు(లెప్రసీ)వ్యాధి చాపకింద నీరులా విస్తరిస్తోంది. వ్యాధి నివారణకు ప్రభుత్వం, వైద్యారోగ్యశాఖ ఆధ్వర్యంలో అనేక కార్యక్రమాలు చేపడుతున్నప్పటికీ కేసులు పెరుగుతున్న తీరు ఆందోళన కలిగిస్తోంది. వ్యాధి నిర్ధారణ, నిర్మూలన కోసం ఈ నెల 4వ తేదీ వరకు సర్వే చేపట్టనున్నారు. ఈమేరకు 885బృందాలు ఇంటింటి సర్వే చేపడుతున్నాయి. ఇప్పటి వరకు 1,49,462 ఇళ్లు, 4,77,597 మందిని పరీక్షించి, 1520 మంది అనుమానితులను గుర్తించినట్లు వైద్య ఆరోగ్యశాఖ అధికారులు తెలిపారు. ఇంటింటికి సర్వే బృందాలు.. కుష్టు వ్యాధి నివారణకు జిల్లాలో వైద్యారోగ్యశాఖ ఆధ్వర్యంలో ప్రత్యేక కార్యాచరణ చేట్టారు. ఇంటింటికీ సిబ్బంది వెళ్లి అవగాహన కల్పించడం, అనుమానితులను పరీక్షించడం వంటి కార్యక్రమాలను చేపడుతున్నారు. ప్రజలందరికీ అవగాహన కల్పించడంతో పాటు ఆశవర్కర్లు సర్వేలు నిర్వహించి అనుమానితులను గుర్తించి ప్రాథమిక ఆరోగ్య కేంద్రాలకు పంపిస్తున్నారు. వ్యాధి నిర్ధారణ జరిగితే ఉచితంగా వైద్య చికిత్స అందించనున్నారు. సర్వేపై సమీక్ష.. లెప్రసీ సర్వేపై జిల్లా వైద్య ఆరోగ్యశాఖ కార్యాలయంలో శనివారం సమీక్ష సమావేశం నిర్వహించారు. డీఎంహెచ్‌ఓ రవిరాథోడ్‌ మాట్లాడుతూ.. వ్యాధిని ముందస్తుగా గుర్తించడం ద్వారా నయం చేయవచ్చని తెలిపారు. కుష్టు వ్యాధి సర్వే ఈనెల 4వ తేదీ వరకు నిర్వహిస్తామన్నారు. ఎవరికైనా శరీరంపై స్పర్శ లేని మచ్చలు, ఎరువు, గోధుమరంగు మచ్చలు ఉన్నట్లయితే వెంటనే సమీపంలోని ప్రభుత్వ ఆస్పత్రుల్లో పరీక్షలు చేయించుకోలని సూచించారు. కార్యక్రమంలో ప్రోగ్రాం ఆఫీసర్‌ డాక్టర్‌ అర్జున్‌, డీపీఎంఓ వాల్యానాయక్‌, సతీష్‌రెడ్డి తదితరులు పాల్గొన్నారు. జిల్లాలో ఇంటింటా వివరాల సేకరణ ఇప్పటివరకు 1,49,462 ఇళ్లు, 4,77,597 మందికి పరీక్షలు 1,520 మంది అనుమానితుల గుర్తింపు ఈ నెల 4వరకు కొనసాగనున్న సర్వే

రఘునాథపల్లి: ఇష్టంలేని పెళ్లి సంబంధంతో మనస్తాపానికి గురైన ఓ యువతి రైలులోనుంచి దూకి ఆత్మహత్య చేసుకుంది. ఈ ఘటన జనగామ జిల్లా రఘునాథపల్లి మండల పరిధిలో శనివారం తెల్ల వారుజామున చోటుచేసుకుంది. రైల్వే హెడ్‌ కానిస్టేబుల్‌ ఉపేందర్‌ తెలిపిన వివరాల ప్రకారం.. జనగామ జిల్లా నర్మెట మండలం అమ్మాపురానికి చెందిన కుంటి బాబురావు కుటుంబం సుమారు 20 ఏళ్ల క్రితం భద్రాద్రి కొత్తగూడెం జిల్లా లక్ష్మీదేవిపల్లి మండలం శేషగిరినగర్‌ కాలనీకి వెళ్లి స్థిరపడ్డారు. బాబురావు ఎలక్ట్రీషియన్‌గా పనిచేస్తూ కుటుంబాన్ని పోషిస్తున్నాడు. ఆయన కుమార్తె శ్రావణి (24) ప్రైవేట్‌ ఉద్యోగం చేస్తూ జీవనం సాగిస్తోంది. చిన్నప్పటినుంచి తల్లిదండ్రుల గారాలపట్టిగా పెరిగిన ఆమెకు కొంతకాలం క్రితం మేనబావతో వివాహం నిశ్చయమైంది. రైలు ప్రయాణంలో విషాదం.. గత నెల30వ తేదీ (శుక్రవారం) రాత్రి పెళ్లిదుస్తులు కొనుగోలు చేసేందుకు శ్రావణి మణుగూరు ఎక్స్‌ప్రెస్‌ రైలులో సికింద్రాబాద్‌కు బయలుదేరింది. ప్రయాణ సమయంలో ఒకట్రెండుసార్లు కుటుంబ సభ్యులతో ఫోన్‌ లో మాట్లాడింది. శనివారం తెల్ల వారుజామున సుమారు 2.30 గంటల సమయంలో రఘునాథపల్లి మండల శివారు ప్రాంతంలో రైలులోనుంచి దూకి ఆత్మహత్య చేసుకున్నట్లు రైల్వే పోలీసులు గుర్తించారు. జనగామ జిల్లా రఘునాథపల్లి సమీపంలో ఘటన స్వగ్రామం జనగామ జిల్లా నర్మెట మండలం అమ్మాపురం భద్రాద్రి కొత్తగూడెం జిల్లా లక్ష్మీదేవిపల్లి మండలం శేషగిరినగర్‌ కాలనీలో స్థిరనివాసం

హన్మకొండ: బీసీ, పద్మశాలి హక్కుల కోసం రెండు దశాబ్దాలుగా పోరాడుతున్న దాసు సురేశ్‌కు గవర్నర్‌ కోటాలో ఎమ్మెల్సీ అవకాశం కల్పించాలని కోరుతూ ఉమ్మడి వరంగల్‌ జిల్లా మేధావులు, తెలంగాణ ఉద్యమకారులు, బీసీ, ఎస్సీ, ఎస్టీ ప్రజా సంఘాలు ఏకగ్రీ వంగా తీర్మానించాయి. శనివారం హనుమకొండ నక్కలగుట్టలోని హోటల్‌ హరిత కాకతీయలో బీసీ రాజ్యాధికార సమితి, బీసీ సంక్షేమ సంఘం ఆధ్వర్యంలో తెలంగాణ మేధావులు, ఉద్యమకారులు, బీసీ, ఎస్సీ, ఎస్టీ ప్ర జా సంఘాల ఆత్మీయ సమావేశం నిర్వహించారు. తెలంగాణ ఉద్యోగుల సంఘం జిల్లా అధ్యక్షుడు దారం జనార్దన్‌.. దాసు సురేశ్‌కు గవర్నర్‌ కోటాలో ఎమ్మెల్సీగా అవకాశం కల్పించాలని ప్రతిపాదించగా సమావేశం ఏకగ్రీవంగా తీర్మానించింది. బీసీ రాజ్యాధికార స మితి వ్యవస్థాపక అధ్యక్షుడు దాసు సురేశ్‌ మా ట్లాడుతూ తనకు బలహీన వర్గాల అండ ఉందని, ఒక్క అవకాశం ఇవ్వాలని కోరారు. బీసీ సంక్షేమ సంఘం ఉమ్మడి వరంగల్‌ జిల్లా అధ్యక్షుడు బుట్టి శ్యాం యాదవ్‌ అధ్యక్షతన జ రిగిన ఈ సమావేశంలో ఆయా సంఘాల నా యకులు, ఉద్యమకారులు దారం జనార్దన్‌, దొంత ఆనందం, ప్రొఫెసర్‌ వీరస్వామి, ప్రొఫెసర్‌ చందా మల్లయ్య, వైద్యం రాజగోపాల్‌, డాక్టర్‌ పరికిపండ్ల అశోక్‌, ఏరుకొండ హైమావ తి, మేరుగు బాబు యాదవ్‌, చాపర్తి కుమార్‌ గాడ్గే, కొండా శ్రీశైలం పాల్గొన్నారు. ● మేధావులు, ఉద్యమకారుల సమావేశంలో తీర్మానం

జనగామ: కామన్‌వెల్త్‌ ఆధ్వర్యంలో 2026 నవంబర్‌లో నిర్వహించనున్న అంతర్జాతీయ బయో ఎథికాన్‌ సదస్సులో భారతదేశానికి చెందిన పలువురికి బయో ఎథికాన్‌ అవార్డులు ప్రదానం చేయనున్నారు. ఈ అవార్డుకు పంజాబ్‌లోని చండీగఢ్‌కు చెందిన ఆచార్య సోనూ గోయల్‌తో పాటు దక్షిణాది నుంచి జనగామ పౌరసర ఫరాల శాఖ డిప్యూటీ తహసీల్దార్‌, ఎన్‌ఫోర్స్‌ మెంట్‌ అధికారి మాచన రఘునందన్‌ ఒక్కరే ఎంపికయ్యారు. పొగాకు, ధూమపానంతో కలిగే అనర్థాలపై ప్రజల్లో అవగాహన కల్పించేందుకు మాచన చేసిన అసాధారణ కృషిని కామన్‌వెల్త్‌ ప్రశంసించింది. ఐదేళ్లలో ఐదు వేల కిలోమీటర్లు ప్రయాణించి, 50 వేల గ్రామాల్లో ప్రజలకు పొగాకుకు నో చెప్పండి అనే నినాదంతో అవగాహన కార్యక్రమాలు నిర్వహించారు. ఆయన కృషికి ఇప్పటికే ప్రపంచ ఆరోగ్య సంస్థ నుంచి ప్రశంసలు లభించాయి. ఈ నేపథ్యంలో ప్రస్తుతం అంతర్జాతీయ స్థాయిలో కామన్‌వెల్త్‌ ప్రదానం చేసే బయో ఎథికాన్‌ అవార్డుకు ఎంపికయ్యారు. ఈ సందర్భంగా శనివారం రఘునందన్‌ మాట్లాడుతూ అంతర్జాతీయ స్థాయిలో లభించిన ఈ గుర్తింపు ప్రజారోగ్య పరిరక్షణ కోసం తాను చేస్తున్న కృషికి మరింత ప్రోత్సాహం ఇస్తుందని పేర్కొన్నారు. జనగామకు చెందిన రఘునందన్‌ కు అరుదైన గుర్తింపు దక్షిణాది నుంచి ఒక్కరికే అవకాశం

వెంకటాపురం(ఎం): ములుగు జిల్లా వెంకటాపురం(ఎం) మండలం రామప్పలో నిర్వహిస్తున్న వరల్డ్‌ హెరిటేజ్‌ వలంటీర్‌ శిక్షణ శిబిరం ఎనిమిదో రోజు కొనసాగింది. శుక్రవారం ఉదయం యోగా గురువు రాంబాబు వలంటీర్లకు యోగసానాలు నేర్పించారు. ఐఐటీ హైదరాబాద్‌ ప్రొఫెసర్‌ కౌశిక్‌ శ్రీధరన్‌ దేశ పూర్వ విజ్ఞానం మొత్తం వారసత్వ కట్టడాల్లో ఉందని, టెక్నాలజీ ఉపయోగించి దానిని ఎలా డీకోడింగ్‌ చేయాలో వివరించారు. డెక్కన్‌ హెరిటేజ్‌ ఫోరం ఫర్‌ బెటర్‌ చైర్మన్‌ వేద కుమార్‌ మాట్లాడుతూ 3,500 సంవత్సరాల క్రితం ముదుమయాలలో నిర్మించిన రాతి యుగం కట్టడాలు ప్రపంచంలో అత్యంత ప్రాధాన్యం కలిగిన కాలమణిని చూపిస్తాయని, దానిని ప్రపంచ వారసత్వ సంపదగా గుర్తింపు తేవడానికి చేస్తున్న ప్రయత్నం గురించి వివరించారు. సాయంత్రం రామప్ప సరస్సు కట్టపై ఉన్న త్రికూట ఆలయాల వద్ద వలంటీర్లు శ్రమదానం నిర్వహించారు. ప్రోగ్రాం కోఆర్డినేటర్‌ శ్రీధర్‌ రావు, కాకతీయ హెరిటేజ్‌ ట్రస్ట్‌ సభ్యుడు శ్రీనివాస్‌, టూరిజం గైడ్‌ విజయ్‌ కుమార్‌ తదితరులు పాల్గొన్నారు.

విద్యారణ్యపురి : ప్రభుత్వం నివేదిక తెప్పించుకుని వెంటనే పీఆర్‌సీని ప్రకటించి ఉపాధ్యాయ, ఉద్యోగ, పెన్షనర్ల సమస్యలు పరిష్కరించాలని ఉమ్మడి వరంగల్‌, నల్లగొండ, ఖమ్మం జిల్లాల ఉపాధ్యాయ ఎమ్మెల్సీ పింగిళి శ్రీపాల్‌రెడ్డి డిమాండ్‌ చేశారు. పీఆర్‌టీయూ టీఎస్‌ హనుమకొండ జిల్లా గౌరవ అధ్యక్షుడు చిట్టిరెడ్డి శ్రీనివాస్‌రెడ్డి, ఎస్‌ఏ (సోషల్‌స్టడీస్‌ )గా విధులు నిర్వర్తిస్తూ ఈనెలాఖరున ఉద్యోగ విరమణ పొందుతున్న సందర్భంగా శుక్రవారం హనుమకొండలో నిర్వహించిన సన్మానసభలో ఎమ్మెల్సీ ముఖ్యఅతిథిగా పాల్గొని మాట్లాడారు. ఉద్యోగ, ఉపాధ్యాయులకు పీఆర్‌సీ 51శాతం ప్రకటించాలన్నారు. శ్రీనివాస్‌రెడ్డి 40 ఏళ్లుగా ఉపాధ్యాయుడిగా విధులు నిర్వర్తిస్తూ అందరి మన్ననలు పొందారన్నారు. ‘కుడా’ చీఫ్‌ ప్లానింగ్‌ ఆఫీసర్‌ ఎ. అజిత్‌రెడ్డి, హనుమకొండ, హసన్‌పర్తి ఎంఈఓలు నెహ్రూ, శ్రీనివాస్‌, పీఆర్‌టీయూ హనుమకొండ జి ల్లా అధ్యక్షుడు ఫలితశ్రీహరి, జిల్లా జనరల్‌ సెక్రటరీ ఎడ్ల ఉపేందర్‌రెడ్డి, మాజీ జిల్లా అధ్యక్షుడు మంద తిరుపతిరెడ్డి, వరంగల్‌, మహబూబాబాద్‌, జనగామ జిల్లాల అధ్యక్షులు ఈదునూరి రవీందర్‌రెడ్డి, సతీశ్‌రెడ్డి, మహిపాల్‌రెడ్డి,తదితరులు పాల్గొన్నారు. నేడు కోణార్క్‌ ఎక్స్‌ప్రెస్‌ రద్దు కాజీపేట రూరల్‌ : కాజీపేట జంక్షన్‌ మీదుగా ప్రయాణించే కోణార్క్‌ ఎక్స్‌ప్రెస్‌ను అర్నబ్‌ తుఫాన్‌ ఎఫెక్ట్‌తో శనివారం రద్దు చేసినట్లు రైల్వే అధికారులు శుక్రవారం రాత్రి తెలిపారు. తుపాన్‌ కారణంగా సీఎస్‌టీ ముంబాయి–భువనేశ్వర్‌ న్యూ (11019) కోణార్క్‌ను రద్దు చేసినట్లు వివరించారు. రైళ్ల దూరం తగ్గింపు..సెంట్రల్‌ రైల్వే ముంబయి నాగ్‌పూర్‌ రైల్వే డివిజన్‌ పరిధిలో గల వార్దా– బల్లార్షా రైల్వే యార్డు ప్రాంతంలో 3వ లైన్‌ ప్రాజెక్ట్‌ వర్క్స్‌తో కాజీపేట, వరంగల్‌ మీదుగా బల్లార్షా వరకు ప్రయాణించే వివిధ రైళ్లను మణిఘర్‌ వరకే నడిపిస్తున్నట్లు శుక్రవారం రాత్రి రైల్వే అధికారులు తెలిపారు. దూరం తగ్గించిన రైళ్లు.. నవంబర్‌ 2, 3,4వ తేదీల్లో కాజీపేట–బల్లార్షా (17035) ఎక్స్‌ప్రెస్‌, 3,4,5వ తేదీల్లో బల్లార్షా–కాజీపేట (17036) ఎక్స్‌ప్రెస్‌, 3,4వ తేదీల్లో భద్రాచలం–బల్లార్షా (17033) సింగరేణి, 3,4వ తేదీల్లో బల్లార్షా–కాజీపేట (17004) సింగరేణి ఎక్స్‌ప్రెస్‌ మణిఘర్‌ వరకే నడిపించనున్నట్లు రైల్వే అధికారులు తెలిపారు. ● ఉపాధ్యాయ ఎమ్మెల్సీ శ్రీపాల్‌రెడ్డి

● టీజీ ఎన్పీడీసీఎల్‌ సీఎండీ వరుణ్‌రెడ్డి హసన్‌పర్తి: విద్యార్థులు సృజనాత్మక ఆలోచనలతో నూతన ఆవిష్కరణలకు శ్రీకారం చుట్టాలని టీజీ ఎన్పీడీసీఎల్‌ సీఎండీ కర్నాటి వరుణ్‌రెడ్డి అన్నారు. నగరంలోని కిట్స్‌ కళాశాలలో రెండు రోజుల పాటు నిర్వహిస్తున్న జాతీయ స్థాయి విద్యార్థి సాంకేతిక సింపోజియం ‘సంశోధిని–2026’ శుక్రవారం ప్రారంభమైంది. స్టూడెంట్‌ యాక్టివిటీ సెంటర్‌ ఆధ్వర్యంలో నిర్వహిస్తున్న ఈకార్యక్రమానికి వరుణ్‌రెడ్డి ముఖ్యఅతిథిగా హాజరై మాట్లాడారు. ఆత్మ విశ్వాసం, ఆత్మగౌరవంతోపాటు కమ్యూనికేషన్‌ నైపుణ్యాలు పెంపొందించుకోవాలన్నారు. స్వల్ప కాలిక, దీర్ఘకాలిక లక్ష్యాలను నిర్దేశించుకుని వాటి సాధనకు కృషి చేయాలన్నారు. కిట్స్‌ పూర్వ విద్యార్థి, రీజియన్‌ అకడమిక్‌ అలయన్సెన్‌ హెడ్‌, రిచర్డ్‌ కింగ్‌ చత్రగడ్డ మాట్లాడుతూ సమస్యలు గుర్తించి వాటిని సమర్థవంతమైన పరిష్కారాలు కనుగొనే నైపుణ్యం విద్యార్థులకు ఎంతో అవసరమన్నారు. కళాశాల అదనపు కార్యదర్శి సతీశ్‌కుమార్‌, ప్రొఫెసర్‌ శ్రీధర్‌, ప్రిన్సిపాల్‌ అశోక్‌రెడ్డి, పారిశ్రామిక వేత్త వెంకట్రామిరెడ్డి, పీఆర్వో ప్రభాకరాచారి తదితరులు పాల్గొన్నారు.

హసన్‌పర్తి: ఎస్సార్‌ యూనివర్సిటీలో నిర్వహిస్తున్న ఎస్సార్‌యూ–మున్‌–2026 కార్యక్రమం శుక్రవారం ఘనంగా ప్రారంభమైంది. ఈకార్యక్రమంలో వివిధ రాష్ట్రాలకు చెందిన 650 మంది విద్యార్థులు తమపేర్లు నమోదు చేసుకున్నారు. ఈసందర్భంగా డీన్‌ స్టూడెంట్‌ వెల్ఫేర్‌ డాక్టర్‌ ఎ.వి.వి. సుధాకర్‌ మాట్లాడుతూ తరగతి గది అభ్యాసంతోపాటు బాహ్య ప్రపంచంలోని అనుభవాలు విద్యార్థుల జ్ఞానాన్ని మరింత విస్తృతం చేస్తాయన్నారు. వాతావరణ మార్పులు, ఎల్‌నినో వంటి ప్రపంచ వ్యాప్త పరిణామాలపై విద్యార్థులు అవగాహన పెంచుకోవాలన్నారు. స్కూల్‌ ఆఫ్‌ కంప్యూటర్‌ సైన్స్‌ అండ్‌ ఏఐ డీన్‌ ప్రొఫెసర్‌ శశికళ మాట్లాడు తూ ఇలాంటి వేదికలను విద్యార్థులు సద్విని యోగం చేసుకుని నాయకత్వపు లక్షణాలు, ఆత్మవిశ్వాసం, కమ్యూనికేషన్‌ నైపుణ్యాలు పెంపొందించుకోవాలని సూచించారు. తొలుత జ్యోతి ప్రజ్వ లన చేసి కార్యక్రమాన్ని ప్రారంభించారు. ప్రోగ్రాం కన్వీనర్‌ సల్లావుద్దీన్‌, డాక్టర్‌ డి.రమేశ్‌, వివిధ విభాగాలకు చెందిన అధ్యాపకులు, విద్యార్థులు తదితరులు పాల్గొన్నారు.

● రాష్ట్ర పంచాయతీరాజ్‌ శాఖ మంత్రి సీతక్క ములుగు: ములుగు జిల్లాలోని జంగాలపల్లి గుట్టను టేబుల్‌ మౌంటెన్‌ తరహాలో అభివృద్ధి చేసేందుకు ఉన్న అవకాశాలను పరిశీలిస్తున్నామని రాష్ట్ర పంచాయతీరాజ్‌ శాఖ మంత్రి ధనసరి సీతక్క (అనసూయ) తెలిపారు. శుక్రవారం ములుగు నూతన సమీకృత కలెక్టరేట్‌లోని తన స్టేట్‌ చాంబర్‌లో కలెక్టర్‌ బోర్ఖడే హేమంత్‌ సహదేవరావు, జిల్లా అటవీ శాఖ అధికారి వికాస్‌ మీనాతో కలిసి సమీక్ష సమావేశం నిర్వహించారు. జిల్లాలో కొనసాగుతున్న అభివృద్ధి పనులు, పర్యాటక అభివృద్ధి, ధాన్యం కొనుగోలు కేంద్రాలు, గ్రామీణ ఉపాధి, తాగునీటి సరఫరా తదితర అంశాలపై సమీక్షించారు. కలెక్టర్‌, జిల్లా అటవీ శాఖ అధికారి, ఐటీడీఏ ప్రాజెక్టు అధికారి సమన్వయంతో జిల్లా స్థాయి కమిటీ ద్వారా అనుమతుల ప్రక్రియ చేపట్టాలన్నారు. అనంతరం మంత్రి సీతక్క విలేకరులతో మాట్లాడుతూ జంగాలపల్లి గుట్టకు దక్షిణాఫ్రికాలోని టేబుల్‌ మౌంటెన్‌ను పోలిన ఆకృతి ఉందన్నారు. గుట్టపై నుంచి ఒకవైపు లక్నవరం, మరోవైపు రామప్ప కనిపించే వ్యూ పాయింట్‌ ఉందన్నారు. ఈ నేపథ్యంలో పర్యాటకంగా అభివృద్ధి చేసేందుకు ఆలోచన చేస్తున్నట్లు తెలిపారు. రామప్పలో రూ.13 కోట్లతో ఐలాండ్‌ను అభివృద్ధి చేస్తున్నామని తెలిపారు. కార్యక్రమంలో అదనపు కలెక్టర్లు మహేందర్‌, సంపత్‌ రావు, టూరిజం నోడల్‌ అధికారి ధర్మ నాయక్‌, డీఆర్‌డీఓ రవీందర్‌, తదితరులు పాల్గొన్నారు.

కేయూ క్యాంపస్‌ : హనుమకొండలోని యూనివర్సిటీ ఆర్ట్స్‌ అండ్‌ సైన్స్‌ కళాశాలలో 2026–2027 వి ద్యా సంవత్సరంలో మిగిలిన పీజీ కోర్సుల్లో స్పాట్‌ అడ్మిషన్ల ప్రక్రియను రద్దు చేసినట్లు ఆ కళాశాల ప్రిన్సిపాల్‌ ఎస్‌.జ్యోతి శుక్రవారం ఒక ప్రకటనలో తెలిపారు. ఇటీవల ప్రకటించినప్పటికీ అనివార్యకా రణాలతో ఈ ప్రవేశాల ప్రక్రియను రద్దుచేస్తున్నామ ని, విద్యార్థులు ఈమార్పును గమనించాలన్నారు.పీహెచ్‌డీ అడ్మిషన్లు కల్పించాలని ఆందోళన కేయూలో తమకు పీహెచ్‌డీ అడ్మిషన్లు కల్పించాలని ముగ్గురు అభ్యర్థులు శుక్రవారం వీసీ చాంబర్‌ వద్ద ఆందోళన చేపట్టారు. వీసీ ప్రతాప్‌రెడ్డి ఆ ముగ్గురు అభ్యర్థులతో మాట్లాడారు. కొన్నేళ్ల క్రితమే పీహెచ్‌డీ అడ్మిషన్ల ప్రక్రియ జరిగిందని, ఇప్పుడు తన చేతుల్లో ఏమిలేదని స్పష్టం చేశారు. టెన్నికాయిట్‌ జట్ల ఎంపికలు వరంగల్‌ స్పోర్ట్స్‌ : హనుమకొండలోని జవహర్‌లాల్‌ నెహ్రూ స్టేడియంలో శుక్రవారం 13వ ఉమ్మడి వరంగల్‌ జిల్లా అండర్‌–18 జూనియర్‌ బాలబాలికల టెన్నికాయిట్‌ ఎంపిక పోటీలు నిర్వహించారు. ఇందులో సుమారు 150 మంది బాలురు, 150 మంది బాలికలు పాల్గొన్నారు. ఈ పోటీల్లో ప్రతిభ కనబరిచిన క్రీడాకారులు నవంబర్‌ 1న హైదరాబాద్‌లో నిర్వహించనున్న రాష్ట్రస్థాయి పోటీల్లో పాల్గొననున్నారు. తెలంగాణ రాష్ట్ర టెన్నికాయిట్‌ కోశాధికారి అలువాల రాజకుమార్‌, వరంగల్‌ జిల్లా ప్రధాన కార్యదర్శి గోకారపు శ్యామ్‌కుమార్‌, ఉమ్మడి వరంగల్‌ జిల్లా కోశాధికారి జహూర్‌, సీనియర్‌ క్రీడాకారులు వెంకన్న, మేకల ధర్మరాజు, బూజుగుండ్ల సీతారాం, తదితరులు పాల్గొన్నారు. ప్రొఫెసర్‌ సమ్మయ్యకు అవార్డు ప్రదానం కేయూ క్యాంపస్‌ : కాక తీయ యూనివర్సిటీ ఫార్మసీ కళాశాల ప్రొఫెసర్‌ గాదె సమ్మయ్య కు శుక్రవారం హైదరా బాద్‌లోని సీఎస్‌ఐఆర్‌ –నేషనల్‌ జియోఫిజికల్‌ రీసెర్చ్‌ ఇన్‌స్టిట్యూట్‌లో నిర్వహించిన అకాడమీ ఫర్‌ సైన్స్‌ టెక్నాలజీ అండ్‌ కమ్యూనికేషన్‌ (ఏఎస్‌టీసీ) వార్షిక మహసభలో లైఫ్‌ మెంబర్‌ అవార్డు ప్రదానం చేశారు. ఫార్మసీ పరిశోధన రంగంలో సేవలకు గాను సమ్మయ్యకు ఈ అవార్డు అందజేశారు. భారత ప్రభుత్వ రంగ సంస్థ మిశ్రధాతునిగమ్‌ లిమిటెడ్‌ సీంఎడీ ఎస్‌వీఎస్‌ నారాయణ మూర్తి చేతులమీదుగా సమ్మయ్య అవార్డు అందుకున్నారు. అనుమానాస్పద స్థితిలో యువకుడి మృతి ఖానాపురం : అనుమానాస్ప ద స్థితిలో ఓ యువకుడు మృతి చెందాడు. ఈ ఘటన శుక్రవారం వరంగల్‌ జిల్లా ఖానా పురం మండలం మనుబోతులగడ్డలో చోటు చేసుకుంది. పోలీసుల కథనం ప్రకారం.. గ్రామానికి చెందిన మంచె బాలరాజు (39) వృత్తి రీత్యా ఆటో డ్రైవర్‌. ఈనెల 29న గ్రామానికి చెందిన ఓ మిత్రుడు.. బాలరాజు ఇంటికొచ్చి అతడితో మా ట్లాడారు. అనంతరం మిత్రుడిని ఇంటి వద్ద దింపి వస్తానని బాలరాజు కుటుంబీకులకు చెప్పి బైక్‌పై తీసుకెళ్లి వైఎస్‌ఆర్‌ సెంటర్‌లో దించాడు. అక్కడే ఫోన్‌లో ఎవరితో మాట్లాడి వెళ్లిపోయాడు. రాత్రి ఇంటికి రాకపోవడంతో కుటుంబీకులు ఫోన్‌ చేయడంతో స్విచ్ఛాఫ్‌ వచ్చింది. దీంతో ఆందోళనకు గురై మిత్రులకు ఫోన్‌ చేసి ఆరా తీసి సమీప ఇళ్లలో వె తికారు. అయినా ఆచూకీ లభించకపోవడంతో శుక్రవారం ఉదయం పోలీస్‌స్టేషన్‌లో ఫిర్యాదు చేశారు. మధ్యాహ్నం బాలరాజు బైక్‌ సంగెం కాల్వ ఒడ్డున స్థానికులకు కనిపించడంతో కుటుంబీకులకు తెలి పారు. దీంతో వారు ఘటనాస్థలికి చేరుకుని సమీ పంలో వెతకగా సంగెం కాల్వలో బాలరాజు మృతదేహం లభ్యమైంది. మృతదేహంపై గాయాలు ఉండడంతో హత్య చేసి ఉంటారని అనుమానం వ్యక్తం చేస్తూ పోలీసులకు ఫిర్యాదు చేశారు. దీంతో కేసు నమోదు చేసి దర్యాప్తు చేస్తున్నట్లు ఎస్సై రామ్మోహన్‌ తెలిపారు. కాగా, మృతుడికి భార్య సునీత, ఇద్దరు కుమారులు ఉన్నారు.

వరంగల్‌ స్పోర్ట్స్‌ : హనుమకొండలోని జవహర్‌లాల్‌ నెహ్రూ స్టేడియంలో శుక్రవారం ఉమ్మడి వరంగల్‌ జిల్లా స్థాయి అండర్‌–14, అండర్‌–17 బాలబాలికల అథ్లెటిక్స్‌ ఎంపిక పోటీలు ఉత్సాహంగా జరిగాయి. ఈ పోటీలకు ఉమ్మడి వరంగల్‌ జిల్లా నలుమూలల నుంచి సుమారు 800 మంది క్రీడాకారులు పాల్గొన్నారు. ఈ కార్యక్రమానికి తెలంగాణ కార్యదర్శి సారంగపాణి ముఖ్య అతిథిగా హాజరయ్యారు. ఈ ఎంపికల్లో ప్రతిభ కనబరిచి ఎంపికై న క్రీడాకారులు నవంబర్‌లో జరిగే రాష్ట్రస్థాయి పోటీల్లో పాల్గొంటారని వరంగల్‌ జిల్లా పాఠశాల క్రీడా కార్యదర్శి వరికోటి వాసుదేవరావు తెలిపారు. ఎంపికల నిర్వహణలో సుమారు 100 మంది వ్యాయామ విద్య ఉపాధ్యాయులు, వ్యాయామ దర్శకులు పాల్గొన్నారు. టెక్నికల్‌ అఫీషియల్స్‌గా సాంబమూర్తి, రజనీకాంత్‌, అశోక్‌, మనోజ్‌కుమార్‌, చంద్రశేఖర్‌రెడ్డి, శ్రీదేవి, రవీంద్రప్రసాద్‌తో పాటు వ్యాయామ విద్య ఉపాధ్యాయుల అధ్యక్షుడు ప్రభాకర్‌రెడ్డి, పీడీలు రాముడు, సురేశ్‌, హరీష్‌, వినయ్‌ తదితరులు పాల్గొన్నారు.

రఘునాథపల్లి : జనగామ జిల్లా రఘునాథపల్లి మండలం గోవర్ధనగిరి సమీపం వరంగల్‌–హైదరాబాద్‌ జాతీయ రహదారిపై శుక్రవారం వైట్‌లైన్‌ మార్కింగ్‌ చేస్తున్న ఐదుగురిని లారీ ఢీకొంది. ఈ ఘటనలో ఓ యువకుడు మృతి చెందగా నలుగురికి తీవ్ర గాయాలయ్యాయి. ఎస్సై భరత్‌ కథనం ప్రకారం.. ఉత్తరప్రదేశ్‌కు చెందిన ఐదుగురు కూలీలు శుక్రవారం మిషన్‌తో రోడ్డుపై వైట్‌లైన్‌ పనులు చేస్తున్నారు. ఈ క్రమంలో హైదరాబాద్‌ నుంచి వస్తున్న లారీ అదుపు తప్పి ఐదుగురిని ఢీకొంది. ఈ ఘటనలో నీరజ్‌ (18) అనే యువకుడు అక్కడికక్కడే మృతి చెందగా నలుగురికి తీవ్రగాయాలయ్యాయి. క్షతగ్రాతులను వెంటనే 108లో ఎంజీఎం తరలించి కేసు నమోదు చేసి దర్యాప్తు చేస్తున్నట్లు ఎస్సై తెలిపారు. లారీ అతివేగమే ప్రమాదానికి కారణమని ఎస్సై పేర్కొన్నారు. ● నలుగురికి తీవ్ర గాయాలు ● గోవర్ధనగిరి సమీపంలో ఘటన

రోడ్డు ఏదైనా సరే ప్రయాణించేందుకు రెడీ అంటూ దూసుకుపోతుంది ఈ–బాజా–61 వెహికిల్‌. నిట్‌ వరంగల్‌కు చెందిన మెకానికల్‌, ఎలక్ట్రికల్‌ విభాగానికి చెందిన 40 మంది విద్యార్థులు టీం స్పార్థక్‌ పేరిట ఈ వాహనాన్ని రూపొందించారు. ఏడాది పాటు శ్రమించి రూ. 10లక్షలతో నేటి ఆధునిక యుగానికి తగ్గట్లు ఈవీ (ఎలక్ట్రిక్‌ వెహికిల్‌)ను ఆవిష్కరించారు. ఒక్కసారి చార్జింగ్‌ పెడితే సుమారు 50 కిలోమీటర్ల వరకు దూసుకెళ్తుంది. గుట్టలు, కంకర రోడ్డు.. ఇలా రహదారి ఎలా ఉన్నా దూసుకెళ్తుంది ఈ– బాజా–61 వెహికిల్‌.

కేయూ క్యాంపస్‌ : భూగ్రహానికి ప్లాస్టిక్‌ పెనుముప్పుగా మారిందని, పారిశ్రామిక విప్లవం మానవాళి జీవితాన్ని సౌకర్యవంతంగా చేసినా పర్యావరణానికి మాత్రం ప్రతికూల ప్రభావం కూడా పెరిగిందని భారత ప్రభుత్వం సైన్స్‌ అండ్‌ టెక్నాలజీ మాజీ కార్యదర్శి, హైదరాబాద్‌లోని ఇండియన్‌ ఇన్‌స్టిట్యూట్‌ ఆఫ్‌ కెమికల్‌ టెక్నాలజీ (ఐఐసీటీ) పూర్వ డైరెక్టర్‌ శ్రీవారి చంద్రశేఖర్‌ అన్నారు. శుక్రవారం కాకతీయ యూనివర్సిటీ పూర్వ రిజిస్ట్రార్‌, ఫార్మసీ కళాశాల విశ్రాంత ప్రొఫెసర్‌ వి. మల్లారెడ్డి గౌరవార్థం యూనివర్సిటీలోని సెనెట్‌హాల్‌లో ఏర్పాటు చేసిన తొలి ఎండోమెంట్‌ లెక్చర్‌లో ఆయన ముఖ్యవక్తగా పాల్గొని ప్రసంగించారు. ‘ఎట్‌ 120 ఇయర్స్‌ 2075 థ్రో సైన్స్‌అండ్‌ టెక్నాలజీ’ అనే అంశంపై ఆయన కీలకపోన్యాసం చేశారు. దేశానికి స్వా తంత్య్రం వచ్చేనాటికి సగటు ఆయురార్థం 40 సంవత్సరాలు ఉండగా ప్రస్తుతం 70 సంవత్సరాలు దాటిందన్నారు. వైద్య, శాస్త్ర సాంకేతిక రంగాల్లో సాధించిన పురోగతి మానవ జీవన ప్రమాణాలను మెరుగుపర్చిందన్నారు. గ్లోబల్‌ వార్మింగ్‌, శిలిజ ఇంధనాల వినియోగం పెరుగుతున్నా కార్బన్‌ ఉద్గారాలు ప్రపంచం నేడు ఎదుర్కొంటున్న ప్రధాన సవాళ్లు అన్నారు. ప్లాస్టిక్‌తో ఏర్పడిన ముప్పును ఆ వ్యర్థాలను తిరిగి ఉపయోగకరమైన ముడి పదార్థాలకుగా మార్చేందుకు డి పాలిమరైజేషన్‌ ప్రక్రియను ప్రోత్సహించాలన్నారు. కేయూ వీసీ కె. ప్రతాప్‌రెడ్డి మాట్లాడుతూ శాస్త్ర సాంకేతిక అభివృద్ధితో మానవుడి సగటు ఆయురార్థం పెరిగినా ఒత్తిడి మధుమేహం, రక్తపోటు వంటి జీవన శైలి వ్యాధులు పెరిగిపోతున్నాయన్నారు. అనంతరం కేయూ రిజిస్ట్రార్‌ వి. రామచంద్రం, ఫార్మసీ కళాశాల విశ్రాంత ఆచార్యులు మల్లారెడ్డి, రాంబాహు, విజయ్‌కుమార్‌, సారంగపాణి, ఫార్మసీ కళాశాల ప్రిన్సిపాల్‌ కృష్ణవేణి, కల్యాణ్‌ చక్రవర్తి మాట్లాడారు. విశ్రాంత ఆచార్యులు మల్లారెడ్డి దంపతులను ఐఐసీటీ పూర్వ డైరెక్టర్‌ శ్రీవారి చంద్రశేఖర్‌, వీసీ ప్రతాప్‌రెడ్డి తదితరులు సన్మానించారు. విశ్రాంత గార్లపాలి అచ్చయ్య, డీన్‌ ఎన్‌. ప్రసాద్‌, కిషన్‌, రవీందర్‌, సంజీవరెడ్డి, సదానందం తదితరులు పాల్గొన్నారు. పర్యావరణంపై ప్రతికూల ప్రభావం ఐఐసీటీ పూర్వ డైరెక్టర్‌ శ్రీవారి చంద్రశేఖర్‌ కేయూలో ఎండోమెంట్‌ లెక్చర్‌

టెక్‌ఫెస్ట్‌లో ఎగ్జిబిట్స్‌ అదుర్స్‌..వావ్‌ చాలా అద్భుతంగా ఉంది. నేను ఊహించుకున్న పలు విషయాలను కళ్లకు కట్టినట్లు ఆవిష్కృతమయ్యాయి. నా గమ్యం, నా కలలు డెస్టినేషన్‌ స్టేషన్‌లో ఏర్పాటు చేసిన రోబోను టచ్‌ చేస్తే కళ్ల ముందు కనిపించాయి.. –ఇషిత, ఎంబీఏ కాజీపేట అర్బన్‌: నిట్‌ వరంగల్‌లో నిర్వహిస్తున్న రెండు రోజుల టెక్నోజియాన్‌–26లో భాగంగా తొలి రోజు శుక్రవారం 50 కిపైగా ఈవెంట్స్‌తో అబ్బురపరచింది. రోబోటిక్‌ రేసింగ్‌ స్మాష్‌ కార్ట్స్‌, స్టార్టప్‌ చాలెంజ్‌ ఇంపాక్ట్‌ ట్యాంక్‌, సైబర్‌ సెక్యూరిటీ హ్యాకథాన్‌, మెకాట్రానిక్స్‌గాలా, వెహికిల్‌ డెమాన్‌స్ట్రేషన్‌, రోబోటిక్స్‌, రాకెట్‌ ప్రదర్శన, ఈకో సిటీ, రూబ్‌ వార్స్‌, కేబీసీలు ప్రత్యేక ఆకర్షణగా నిలిచాయి. అలరించిన టాక్‌ షో.. నిట్‌ విద్యార్థులు ప్రజా సేవలోకి రావాలని, ఇంజనీరింగ్‌ పూర్తి చేసిన తర్వాత ఉద్యోగాల్లో కాకుండా సివిల్స్‌లో రాణించేందుకు కృషి చేయాలని ఐఏఎస్‌ గరీమీ అగర్వాల్‌ అన్నారు. టెక్నోజియాన్‌–26లో భాగంగా అంబేడ్కర్‌ లర్నింగ్‌ సెంటర్‌ ఆడిటోరియంలో ఏర్పాటు చేసిన టాక్‌ షోలో ఆయన విద్యార్థులతో మాట్లాడారు. ప్రతీ పౌరుడి బాధ్యతలు, సివిల్‌ సర్వెంట్స్‌ విజయగాథాలను తెలుసుకోవడం, సమస్యలను సానుకూలంగా పరిష్కరించడం వంటి లక్షణాలను అలవర్చుకుంటే పబ్లిక్‌ సర్వీస్‌లో రాణిస్తారని తెలిపారు. నేటితో ముగియనున్న కార్యక్రమం.. సాంకేతిక మహోత్సవం టెక్నోజియాన్‌–26 శనివారం ముగియనుంది. రెండో రోజు శనివారం డ్రోన్‌ ఏ వార్స్‌, షాడో తెరా, వెహికల్‌ డెమాన్‌స్ట్రేషన్‌, రోడ్‌ సేఫ్టీ, ఇంజనీరింగ్‌ చాలెంజ్‌, హోవర్‌ క్రాఫ్ట్‌, వెంచర్‌ వర్టెక్స్‌ ప్రదర్శించనున్నారు.

తొర్రూరు: విద్యార్థుల సంక్షేమానికి ప్రాధాన్యం ఇవ్వాలని డిప్యూటీ సీఈఓ అనురాధ తెలిపారు. తొర్రూరు పట్టణంలోని సంక్షేమ బాలికల వసతిగృహం, ఎస్టీ హాస్టల్‌, కస్తూర్బా బాలికల పాఠశాలను శుక్రవారం రాత్రి డిప్యూటీ సీఈఓ తనిఖీ చేశారు. వసతిగృహాల్లోని గదులు, కిచెన్‌, మెస్‌, పారిశుద్ధ్య నిర్వహణ, బాలికలకు అందుతున్న సౌకర్యాలను పరిశీలించారు. తనిఖీ సందర్భంగా విద్యార్థినులు పలు సమస్యలను డిప్యూటీ సీఈఓ దృష్టికి తీసుకెళ్లారు. ప్రభుత్వం నిర్దేశించిన మెనూ ప్రకారం భోజనం అందించడం లేదని, నాణ్యమైన ఆహారం అందడం లేదని విద్యార్థినులు ఫిర్యాదు చేశారు. వసతిగృహాల నిర్వహణలో ఎలాంటి నిర్లక్ష్యాన్ని సహించబోమని ఆమె హెచ్చరించారు. సమస్యలు పునరావృతం కాకుండా సంబంధిత అధికారులు నిరంతరం పర్యవేక్షించాలని సూచించారు. డిప్యూటీ సీఈఓ అనురాధ

మహబూబాబాద్‌ రూరల్‌: మహబూబాబాద్‌లో వందేభారత్‌ మెగా మెయింటెనెన్స్‌ డిపో (పీఓహెచ్‌, ఆర్‌ఓహెచ్‌ వర్క్‌షాప్‌) పనులు వెంటనే ప్రారంభించాలని కోరుతూ శుక్రవారం న్యూఢిల్లీలో కేంద్ర రైల్వేశాఖ మంత్రి అశ్విని వైష్ణవ్‌కు సీఎం రేవంత్‌ రెడ్డి, పలువురు ఎంపీలతో కలిసి ఎంపీ పోరిక బలరాంనాయక్‌ వినతిపత్రం అందజేశారు. మహబూబాబాద్‌ పార్లమెంట్‌ పరిధిలోని పలు పెండింగ్‌ రైల్వే ప్రాజెక్టులు, ప్రయాణికుల సమస్యలపై కేంద్ర మంత్రికి వినతిపత్రం సమర్పించారు. ఈ సందర్భంగా ఎంపీ బలరాంనాయక్‌ మాట్లాడుతూ.. మహబూబాబాద్‌ జిల్లా పరిధిలో మంజూరైన వందేభారత్‌ మెగా మెయింటెనెన్స్‌ డిపో పనులకు త్వరగా శంకుస్థాపన చేయాలని కోరారు. అలాగే మహబూబాబాద్‌ రైల్వే స్టేషన్‌లో 4వ నంబర్‌ ప్లాట్‌ఫాం లేకపోవడం వల్ల ప్రయాణికులు, ముఖ్యంగా వృద్ధులు, మహిళలు తీవ్ర ఇబ్బందులు పడుతున్నారని కేంద్ర మంత్రి దృష్టికి తీసుకెళ్లారు. మహబూబాబాద్‌, కేసముద్రం, డోర్నకల్‌, నెక్కొండ, మణుగూరు రైల్వే స్టేషన్లలో పలు ఎక్స్‌ప్రెస్‌ రైళ్లకు హాల్టింగ్‌ కల్పించాలని, ఆయా స్టేషన్లలో మౌలిక వసతులు మెరుగుపరచాలని కోరారు. రాష్ట్ర మంత్రి గడ్డం వివేక్‌, రాజ్యసభ సభ్యులు వేం నరేందర్‌ రెడ్డి, అనిల్‌కుమార్‌ యాదవ్‌, ఎంపీలు మల్లు రవి, చామల కిరణ్‌ కుమార్‌ రెడ్డి, గడ్డం వంశీ ఉన్నారు. కేంద్ర రైల్వేశాఖ మంత్రి అశ్విని వైష్ణవ్‌ను కలిసిన ఎంపీ బలరాంనాయక్‌

గార్ల: మండలంలోని మర్రిగూడెం వేట వేంకటేశ్వరస్వామి బ్రహ్మోత్సవాలు కొనసాగుతున్నాయి. శుక్రవారం స్వామివారి పారువేట కార్యక్రమం ఘనంగా నిర్వహించారు. అశ్వవాహనంపై స్వామివారు గ్రామ చివర వరకు వెళ్లి బొడ్డులో ఉన్న తన కత్తితో గొర్రెపోతు చెవి కోసి తిరిగి దేవాలయానికి చేరుకున్నారు. అనంతరం ఆలయ అర్చకులు అచ్యుతాచార్యులు, గోవిందాచార్యులు స్వామివారికి పూర్ణాహుతి కార్యక్రమం నిర్వహించారు. కార్యక్రమంలో ఆలయ కమిటీ చైర్మన్‌ అజ్మీరా బన్సీలాల్‌, వైస్‌చైర్మన్‌ బానోత్‌ అర్జున, భూక్య కస్నానాయక్‌, ఆలయ ఈఓ సత్యనారాయణ, బోజ్యానాయక్‌, కోట శ్రీనివాస్‌, సంపత్‌, జగ్గయ్య, భక్తులు పాల్గొన్నారు.

డోర్నకల్‌: డోర్నకల్‌ రైల్వే జంక్షన్‌ పరిధిలోని గూడ్స్‌యార్డును శుక్రవారం రైల్వే ఉన్నతాధికారులు పరిశీలించారు. డీసీఓఎం కె.పద్మజ, పీసీఎంఈ ఎం.విజయకుమార్‌తో పాటు పలువురు అధికారులు గూడ్స్‌ యార్డు లైన్లతో పాటు షెడ్డు, అక్కడ జరుగుతున్న పనులను పరిశీలించారు. యార్డు అభివృద్ధి కోసం తీసుకోవాల్సిన చర్యలపై స్థానిక అధికారులతో చర్చించారు. డీఆర్‌యూసీసీ సభ్యులు ఖాదర్‌ అధికారులను కలిసి రైల్వే స్టేషన్‌లో ప్రయాణికుల కోసం మెరుగైన సౌకర్యాలు కల్పించాలని కోరారు. రైల్వే స్టేషన్‌లో జరుగుతున్న అభివృద్ధి పనులు సకాలంలో పూర్తయ్యేలా చర్యలు తీసుకోవాలని కోరారు. కార్యక్రమంలో డిప్యూటీ సీఎంఈ గౌతమ్‌, సీనియర్‌ డీఎంఈ రవీంద్రనాథ్‌, సీనియర్‌ డీఓఎం నరేంద్రవర్మ, సీనియర్‌ డీఈఎన్‌ శశాంక్‌, సీ అండ్‌ డబ్ల్యూ ఎస్‌ఎస్‌ఈ బాబు తదితరులు పాల్గొన్నారు. వీపీఓలు గ్రామాలను సందర్శించాలిబయ్యారం: గ్రామ పోలీస్‌ అధికారులు(వీపీఓ) తప్పనిసరిగా గ్రామాలను సందర్శించాలని డీఎస్పీ తిరుపతిరావు సూచించారు. శుక్రవారం బయ్యారం పోలీస్‌స్టేషన్‌ను తనిఖీ చేశారు. ఈ సందర్భంగా ఆయన మాట్లాడు తూ.. పాత నేరస్తులపై నిఘా ఉంచడంతో పాటు రాత్రిపూట పెట్రోలింగ్‌ నిర్వహించాలన్నారు. అనంతరం ఆయన పలు రికార్డులను పరిశీలించి అధికారులకు సూచనలు చేశారు. కార్యక్రమంలో గార్ల–బయ్యారం సీఐ రవీందర్‌, ఎస్సై ప్రశాంత్‌బాబు పాల్గొన్నారు. మత్తు పదార్థాలకు దూరంగా ఉండాలి నెహ్రూసెంటర్‌: యువత మాదకద్రవ్యాలు, మత్తు పదార్థాలకు దూరంగా ఉండాలని డీఎంహెచ్‌ఓ రవిరాథోడ్‌ అన్నారు. జిల్లా వైద్య ఆరోగ్యశాఖ కార్యాలయంలో శుక్రవారం ‘నషా ముక్త్‌ యువ వికసిత్‌ భారత్‌’ అవగాహన పోస్టర్లు ఆవిష్కరించారు. అనంతరం డీఎంహెచ్‌ఓ మాట్లాడుతూ.. మత్తు పదార్థాలు, చెడు వ్యసనాల వల్ల కలిగే అనారోగ్య సమస్యలు, దుష్పరిమాణాలపై ప్రజలకు అవగాహన కల్పించి చైతన్యం చేయాలని సూచించారు. మానుకోటను నషా ముక్త్‌ జిల్లాగా తీర్చిదిద్దేందుకు ప్రతీ ఒక్కరు కృషి చేయాలన్నారు. కార్యక్రమంలో ప్రగతి గ్రామీణాభివృద్ధి సంఘం అధ్యక్షుడు రాజు, డెమో రాజ్‌కుమార్‌, సీహెచ్‌ఓ జ్ఞాన సుందరి, భాగ్యలక్ష్మి, సూపరింటెండెంట్‌ ప్రసాద్‌ తదితరులు పాల్గొన్నారు. నేడు సైబర్‌ సెక్యూరిటీ ఫ్లాష్‌ వాక్‌ మహబూబాబాద్‌ రూరల్‌ : సైబర్‌ నేరాలను అదుపుచేసే లక్ష్యంతో పోలీసు శాఖ ప్రత్యేక కార్యాచరణ రూపొందించింది. నేరాల కట్టడిపై యుద్ధానికి సిద్ధమైంది. ఇందులో భాగంగా తెలంగాణ సైబర్‌ సెక్యూరిటీ బ్యూరో ఆధ్వర్యంలో జిల్లా పోలీస్‌ శాఖ సహకారంతో సైబర్‌ సెక్యూరిటీ ఫ్లాష్‌ వాక్‌–2026 శనివారం నిర్వహించేందుకు ఎస్పీ శబరీష్‌ ఆధ్వర్యంలో ఏర్పాట్లు చేశారు. ఈ కార్యక్రమంలో ప్రజలు, మీడియా ప్రతినిధులు, విద్యార్థులు, యువత, అన్ని వర్గాల పౌరులు అధిక సంఖ్యలో పాల్గొనాలని ఆహ్వానించారు. సాయంత్రం జిల్లా కేంద్రంలోని నెహ్రూ సెంటర్‌ నుంచి సైబర్‌ సెక్యూరిటీ ఫ్లాష్‌ వాక్‌ ప్రారంభమై మూడుకొట్ల సెంటర్‌ వరకు కొనసాగుతుంది. తైక్వాండో జట్ల ఎంపికలుకేయూ క్యాంపస్‌: కేయూ పరిధి ఉమ్మడి వరంగల్‌, ఖమ్మం, ఆదిలాబాద్‌ జిల్లాల నుంచి వివిధ కళాశాలల విద్యార్థులకు అంతర్‌ కళాశాలల తైక్వాండో పోటీలను శుక్రవారం కేయూలోని ఇండోర్‌ స్టేడియంలో నిర్వహించారు. స్పోర్ట్స్‌ బోర్డ్‌ ఆధ్వర్యంలో నిర్వహించిన ఈ పోటీల్లో పురుషుల విభాగంలో ఆరుగురు, మహిళల విభాగం నుంచి నలుగురు క్రీడాకారులను ఎంపిక చేశారు. పురుషుల జట్టును రాజస్థాన్‌లోని జైపూర్‌లో గ్లోబల్‌ యూనివర్సిటీలో నిర్వహించనున్న ఆలిండియా ఇంటర్‌ యూనివర్సిటీ పోటీలకు ఎంపిక చేసినట్లు కేయూ స్పోర్ట్స్‌ బోర్డు సెక్రటరీ డాక్టర్‌ టి.శాస్త్రి, ఇన్‌చార్జ్‌ డాక్టర్‌ కుమార్‌ తెలిపారు. మహిళల జట్టు ఉత్తరప్రదేశ్‌లోని నోయిడాలో ఉన్న శారదా యూనివర్సిటీలో నిర్వహించనున్న ఆలిండియా ఇంటర్‌ యూనివర్సిటీ తైక్వాండో పోటీల్లో పాల్గొంటుందని వారు పేర్కొన్నారు.

మహబూబాబాద్‌ రూరల్‌: ఎల్‌నినో నేపథ్యంలో ప్రజలు, రైతులకు ఎలాంటి ఇబ్బందులు కలగకుండా ముందస్తు ప్రణాళికతో అధికారులు అప్రమత్తంగా ఉండాలని ఎమ్మెల్యే భూక్య మురళీనాయక్‌ సూచించారు. జిల్లా కేంద్రంలోని ఎమ్మెల్యే క్యాంపు కార్యాలయంలో విద్యుత్‌ శాఖ, మిషన్‌ భగీరథ, ఇరిగేషన్‌ శాఖ, పంచాయతీరాజ్‌ శాఖ, గ్రిడ్‌ మిషన్‌ భగీరథ శాఖ అధికారులతో ఎమ్మెల్యే శుక్రవారం సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ.. విద్యుత్‌ను ప్రతీ ఒక్కరు పొదుపుగా వినియోగించుకోవాలన్నారు. అనవసర విద్యుత్‌ వినియోగాన్ని తగ్గించాలని ప్రజలకు సూచించారు. వ్యవసాయ రంగానికి విద్యుత్‌ సరఫరాలో అంతరాయాలు లేకుండా చూడాలని, రైతులకు సాగునీటి విషయంలో ఇబ్బందులు తలెత్తకుండా సమన్వయంతో పనిచేయాలని అధికారులను ఆదేశించారు. మిషన్‌ భగీరథ ద్వారా తాగునీటి సరఫరాలో ఎలాంటి అంతరాయం కలగకుండా ముందస్తు చర్యలు తీసుకోవాలని, గ్రామాల్లో నీటి లభ్యతను ఎప్పటికప్పుడు పర్యవేక్షించాలని ఆదేశించారు. ఇరిగేష శాఖ అధికారులు అందుబాటులో ఉన్న నీటి వనరులను సమర్థవంతంగా వినియోగించుకునేలా ప్రణాళికలు రూపొందించాలని సూచించారు. వాతావరణ పరిస్థితులను దృష్టిలో ఉంచుకుని ఇది ఒక ముందస్తు హెచ్చరికగా భావించి అన్ని శాఖల అధికారులు బాధ్యతాయుతంగా వ్యవహరించాలని, రాబోయే విపత్కర పరిస్థితులను సమర్థవంతంగా ఎదుర్కొనేందుకు సమన్వయంతో పనిచేయాలని స్పష్టం చేశారు. ప్రజలకు తాగునీటి ఇబ్బందులు కలగకుండా, రైతులకు సాగునీటి సమస్యలు తలెత్తకుండా ప్రభుత్వం తరఫున అవసరమైన అన్ని చర్యలు తీసుకోవడమే తమ లక్ష్యమని పేర్కొన్నారు. సమావేశంలో ఆయా శాఖల అధికారులు పాల్గొన్నారు. ఎమ్మెల్యే భూక్య మురళీనాయక్‌

● కలెక్టర్‌ స్నేహ శబరీష్‌ డోర్నకల్‌: డోర్నకల్‌ మున్సిపాలిటీ పరిధిలోని గాంధీసెంటర్‌, కూరగాయల మార్కెట్‌ అభివృద్ధికి స్థానికులు సహకరించాలని కలెక్టర్‌ స్నేహశబరీష్‌ కోరారు. గాంధీ సెంటర్‌తో పాటు కూరగాయల మార్కెట్‌, ముత్యాలమ్మగుడి, మసీదు కాంప్లెక్స్‌ దుకాణాలను పరిశీలించారు. మసీదు కాంప్లెక్స్‌లోని కొన్ని దుకాణాలు రోడ్డుపైకి వచ్చాయని, దుకాణదారులందరికీ నోటీసులు జారీ చేయాలని ఆదేశించారు. గాంధీ సెంటర్‌లో రోడ్డు అభివృద్ధికి మసీదు కమిటీతో పాటు ముత్యాలమ్మతల్లి ఆలయ ప్రతినిధులు సహకరించాలని కోరారు. రోడ్డు వెడల్పుతో దుకాణాలు తొలగిస్తే దుకాణదారులు ఉపాధి కోల్పోయి రోడ్డున పడతారని, మసీదులో పని చేసే ముగ్గురు ఉపాధి కోల్పోతారంటూ స్థానిక ముస్లింలు కలెక్టర్‌ ఎదుట ఆందోళన వ్యక్తం చేశారు. అభివృద్ధి పనులు సకాలంలో పూర్తయ్యేలా ఈ ప్రాంతవాసులు సహకరించాలని కలెక్టర్‌ కోరారు. అనంతరం కూరగాయల మార్కెట్‌ను సందర్శించి నిలిచిపోయిన భవన నిర్మాణ పనులను పరిశీలించారు. కూరగాయల మార్కెట్‌కు సంబంధించిన రికార్డులను తమకు అందించాలని మున్సిపల్‌ కమిషనర్‌ నాగరాజును ఆదేశించారు. మార్కెట్‌లోని దుకాణాల గురించి ఆరా తీశారు. మసీదు కాంప్లెక్స్‌లో దుకాణాలు కోల్పోతున్న వారికి మార్కెట్‌ భవనంలో దుకాణాలు కేటాయించే అంశాన్ని పరిశీలించాలని ఆదేశించారు. ఇన్‌చార్జ్‌ అడిషనల్‌ కలెక్టర్‌ పురుషోత్తం, మున్సిపల్‌ కమిషనర్‌ నాగరాజు, వైస్‌చైర్‌పర్సన్‌ మాదా లావణ్యాశ్రీనివాస్‌, తహసీల్దార్‌ రాఘవరెడ్డి, ఎంపీడీఓ ఆంజనేయులు, ఏఈ శ్వేత, కౌన్సిలర్లు పాల్గొన్నారు. నిర్మాణాలు వేగవంతం చేయాలి మహబూబాబాద్‌: వీఓ భవన నిర్మాణాలను వేగవంతం చేయాలని కలెక్టర్‌ స్నేహశబరీష్‌ అధికారులను ఆదేశించారు. కలెక్టరేట్‌లోని ప్రధాన సమావేశ మందిరంలో శుక్రవారం వీఓ భవనాల నిర్మాణాలు తదితర విషయాలపై సంబంధిత అధికారులతో సమీక్ష సమావేశం నిర్వహించారు. కలెక్టర్‌ మాట్లాడుతూ.. జిల్లాలో 387 భవనాలు మంజూరు కాగా.. 90 భవనాల నిర్మాణాలు ప్రారంభం కాలేదని, అవి ప్రారంభమమ్యేలా చర్యలు చేపట్టాలని ఆదేశించారు. నిధులు సకాలంలో విడుదలయ్యేలా చూడాలన్నారు. నాణ్యతా ప్రమాణాలు పాటించేలా ఇంజనీరింగ్‌ అధికారులు క్షేత్రస్థాయిలో పనులను పరిశీలించాలన్నారు. నిర్ణీత గడువులోగా భవనాల నిర్మాణాలు పూర్తి చేయాలన్నారు. వీబీజీ రామ్‌జీ పథకం ద్వారా కూలీలకు ఉపాధి కల్పించడంతో పాటు గ్రామాల అభివృద్ధికి అధికారులు కృషి చేయాలన్నారు.

నిట్‌లో ఘనంగా టెక్నోజియాన్‌–26 షురూకాజీపేట అర్బన్‌: నిట్‌ సాంకేతిక మహోత్సవం టెక్నోజియాన్‌–26 శుక్రవారం అట్టహాసంగా ప్రా రంభమైంది. సాంకేతిక ఆవిష్కరణలతో ఆకట్టుకుంది. దేశవ్యాప్తంగా వివిధ ఇంజనీరింగ్‌ కళాశాలల నుంచి ఏడు వేల మంది విద్యార్థులు ఉత్సాహంగా పాల్గొని నూతన సాంకేతిక ఆవిష్కరణల ప్రదర్శనలను తిలకించారు. నిట్‌లోని అంబేడ్కర్‌ లెర్నింగ్‌ సెంటర్‌ ఆడిటోరియంలో రెండు రోజుల పాటు నిర్వహించనున్న టెక్నోజియాన్‌–26ను ‘ఇన్నోవేషన్స్‌ బియాండ్‌ బౌండరీస్‌’ అనే ట్యాగ్‌లైన్‌తో టెక్‌ఫెస్ట్‌ను ఓలెక్ట్రా వైస్‌ ప్రెసిడెంట్‌ కమల్‌ కిషోర్‌ వోరా ముఖ్య అతిథిగా హాజరై జ్యోతి ప్రజ్వలన చేసి ప్రారంభించారు. నిట్‌ డైరెక్టర్‌ బిద్యాధర్‌ సుబు దీ, డీన్లు కిరణ్‌కుమార్‌, వెంకన్న పాల్గొన్నారు. విలువలు నేర్చుకోవాలి.. నిట్‌ వరంగల్‌ విద్యార్థులు సాంకేతిక విజ్ఞానంతో పాటు మానవీయ విలువలను నేర్చుకుని సమాజంలో ఉత్తమ పౌరులుగా నిట్‌కు పేరు తీసుకురావాలని ఓలెక్ట్రా వైస్‌ ప్రెసిడెంట్‌ కమల్‌ కిషోర్‌ వోరా తెలిపారు. విజయాలను సాధించేందుకు సానుకూల దృక్పథం అలవర్చుకోవాలని, ఒకరి అభిప్రాయాలను మరొకరు గౌరవిస్తూ టీంగా పని చేయాలని సూచించారు. సాంకేతిక విద్యను పూర్తి చేసి సాధారణంగా ఉద్యోగాల్లో రాణించడం కంటే వ్యాపారవేత్తలుగా, స్టార్టప్‌ కంపెనీలను ప్రారంభించి ఉపాధి కల్పించే దిశగా ఆలోచించాలన్నారు. ప్రపంచంతో పోటీ పడే సత్తా నిట్‌ సొంతం ప్రపంచంతో పోటీ పడే సత్తా నిట్‌ విద్యార్థులకే సొంతమని నిట్‌ డైరెక్టర్‌ బిద్యాధర్‌ సుబుదీ అన్నా రు. విద్యార్థులు తమ ఆవిష్కరణల్ని తరగతి గదుల కే పరిమితం చేయకుండా పరిశ్రమలకు పరిచయం చేయాలన్నారు. పరిశ్రమ, విద్యాసంస్థల భాగస్వామ్యంతో రూ.25 కోట్ల పెట్టుబడితో ఏర్పాటు చేసిన బజాజ్‌ సంస్థ రాబోయే తరాలకు ప్రయోగశాలగా నిలుస్తుందన్నారు. వి ద్యార్థులు హాల్‌ ఆఫ్‌ ఇన్నోవేషన్‌ అనే ఐడియాను నిట్‌లో ఏర్పాటు చేసేలా కృషి చేయాలన్నారు.మాట్లాడుతున్న ఓలెక్ట్రా వైస్‌ ప్రెసిడెంట్‌ కమల్‌ కిషోర్‌ వోరామాట్లాడుతున్న నిట్‌ డైరెక్టర్‌ బిద్యాధర్‌ సుబుదీ చూపుతిప్పనివ్వని సాంకేతిక ఆవిష్కరణలు ఉత్సాహంగా హాజరైన విద్యార్థులు ముఖ్య అతిథిగా ఓలెక్ట్రా వైస్‌ ప్రెసిడెంట్‌ కమల్‌ కిషోర్‌ వోరా హాజరు టెక్నోజియాన్‌లో ఆకట్టుకున్న సాంకేతిక ఆవిష్కరణలు విద్యార్థుల ప్రతిభకు దర్పణం పట్టేలా రూపకల్పన ఆసక్తిగా సాగిన ఫెస్ట్‌

తొర్రూరు: బాలల భవిష్యతే దేశానికి నిజమైన సంపద అని తొర్రూరు జూనియర్‌ సివిల్‌ కోర్టు జడ్జి దామెర ధీరజ్‌కుమార్‌ తెలిపారు. డివిజన్‌ కేంద్రంలోని అభ్యాస్‌ హైస్కూల్‌లో న్యాయ సేవాధికార సంస్థ ఆధ్వర్యంలో శుక్రవారం న్యాయ విజ్ఞాన సదస్సు నిర్వహించారు. బాలల హక్కులు, బాల్య వివాహాల నిరోధం, ర్యాగింగ్‌ నిరోధక చట్టాలు, మహిళల రక్షణ చట్టాలు, లైంగిక వేధింపుల నిరోధక చట్టం, పోక్సో యాక్టు గురించి వివరించారు. బాలికలకు జరుగుతున్న అన్యాయాలు, లై ంగిక వేధింపులను అరికట్టడానికి చట్టాలు రక్షణ కవచంలా ఉపయోగపడతాయన్నారు. ఎక్కడైనా బాలికలు వేధింపులకు గురైతే వెంటనే 1098, 112 టోల్‌ఫ్రీ నంబర్లకు ఫోన్‌ చేయాలన్నారు. ఈ కార్యక్రమంలో ఎంఈఓ మహంకాళి బుచ్చయ్య, ప్రిన్సిపాల్‌ కేతిరెడ్డి సుమలత, న్యాయవాదులు రామకృష్ణ, అశోక్‌ పాల్గొన్నారు. తొర్రూరు జూనియర్‌ సివిల్‌ కోర్టు జడ్జి దామెర ధీరజ్‌కుమార్‌

గ్రామ పంచాయతీలు, మున్సిపాలిటీల్లో వనరుల అన్వేషణసాక్షి, మహబూబాబాద్‌: ఎల్‌నినోను సమర్థవంతంగా ఎదుర్కొనేందుకు జిల్లా అధికార యంత్రాంగం సిద్ధమవుతోంది. ముఖ్యంగా తాగునీటి సమస్య తలెత్తకుండా చర్యలు తీసుకుంటోంది. ఈమేరకు గత నెల 28న కలెక్టరేట్‌లో జిల్లా అధికారులతో కలెక్టర్‌ సమీక్షించారు. తాగునీటి వనరులపై దృష్టిసారించాలని సూచించారు. కాగా, జిల్లా అధికారులు ముందస్తు చర్యలు చేపడుతున్నారు. 110 రోజులకు నీటి నిల్వలు.. జిల్లాలోని ఆవాసాలు, గృహాలు, జనాభా వివరాలతో పాటు పాలేరువాగు, గోదావరి, మల్లన్నసాగర్‌ ద్వారా అందుతున్న నీరు, నిల్వలపై చర్చించారు. కాగా, అధికారుల అంచనాల ప్రకారం 110 రోజు లకు సరిపడా తాగునీరు అందించేందుకు నిల్వలు ఉన్నాయని వివరించారు. అంటే వచ్చే ఏడాది ఫిబ్రవరి వరకు తాగునీటికి ఎలాంటి ఇబ్బంది కలగదని భావించారు. అయితే ఆ తర్వాత నీటి లభ్యత, ప్రస్తుతం ఉన్న నీటిమట్టం తగ్గే అవకాశం ఉంది. దీంతో ముందుస్తుగా ప్రణాళికలు సిద్ధం చేయాలని అధికారులను ఆదేశించారు. అదే విధంగా నీటి వనరులను కలెక్టర్‌, అదనపు కలెక్టర్‌, మిషన్‌ భగీరథ, గ్రామీణ నీటి సరఫరా అధికారులు పరిశీలించి.. నీటిని పొదుపుగా వాడుకోవాలని ప్రజలకు అవగాహన కల్పించాలని కిందిస్థాయి అధికారులకు ఆదేశాలు జారీ చేశారు. మండలాల్లో బృందాల ఏర్పాటు.. ప్రస్తుత పరిస్థితులను తెలుసుకొని, భవిష్యత్‌లో ఇబ్బందులు ఎదురైతే ఎదుర్కొనేందుకు ప్రణాళికలు సిద్ధం చేసేందుకు మండలాల్లో బృందాలను ఏర్పాటు చేశారు. నవంబర్‌ 1నుంచి 15వ తేదీ వరకు ఎంపీడీఓలు, ఆర్‌డబ్ల్యూఎస్‌, గ్రిడ్‌ ఏఈలు, సర్పంచ్‌లు, కార్యదర్శులు బృందాలుగా గ్రామాల్లో సందర్శిస్తారు. ఆయా గ్రామాలకు వెళ్లినప్పుడు మిషన్‌ భగీరథ నీటి సరఫరా సక్రమంగా జరుగుతుందా.. ప్రస్తుతం ఇతర వనరులను వినియోగించుకుంటున్నారా.. విద్యుత్‌ సమస్యతో కలిగే ఇబ్బందులు తెలుసుకొని సమస్యను పరిష్కరించాలి. అదేవిధంగా గ్రామాల్లోని పాత బోర్లు, చేతి పంపులు, బావులు, వ్యవసాయ బావుల ద్వారా తాగునీరు అందించే అవకాశం ఉందా.. అనే విషయాలపై స్పష్టత కలిగి ఉండడంతో పాటు మరమ్మతులు చేయించాలి. ఇలా ప్రతీ మండలంలో సమాయత్తం కావాలని అధికారులు ఆదేశాలు జారీ చేశారు. దీంతో ఇప్పటికే మండలాల్లో అధికారులు పర్యటించి స్థానిక నీటి వనరులను గుర్తించడం, మరమ్మతులు చేయించే పనిలో నిమగ్నమయ్యారు. సమస్యలు రాకుండా ముందస్తు చర్యలుఎల్‌నినో ప్రభావంతో భవిష్యత్‌లో తాగునీటికి ఇబ్బందులు రాకుండా ఉండేందుకు ఇప్పటినుంచే అన్ని చర్యలు తీసుకుంటున్నాం. గత నెల 28న జిల్లాలోని ఎంపీడీఓలు, ఆర్‌డబ్ల్యూఎస్‌, మిషన్‌ భగీరథ అధికారులతో కలెక్టర్‌ సమీక్షించారు. దిశానిర్దేశం చేశారు. దీంతో అన్ని మండలాల్లో అప్రమత్తంగా ఉన్నారు. ఏ ఇబ్బంది వచ్చినా ఎదుర్కొనేందుకు జిల్లా యంత్రాంగం సిద్ధంగా ఉంది. – డి.పుష్పలత, ఈఈ ఆర్‌డబ్ల్యూఎస్‌జిల్లాలో తాగునీటి సరఫరా ఇలా.. ఆవాసాలు : 1,320నివాస గృహాలు : 1,60,321జనాభా : 7,40,770ప్రతీరోజు కావాల్సిన నీరు : 53,467 కేఎల్‌ ప్రస్తుతం సరఫరా అవుతున్న తాగునీరు : 50,270కేఎల్‌ ప్రత్యామ్నాయ నీటి వనరులు బోర్లు : 1,195చేతి పంపులు : 2,096బావులు : 999 పాత బావుల పూడికతీత, బోర్ల మరమ్మతులకు సిద్ధం అవసరమైతే వ్యవసాయ బావులు, బోర్లు లీజుకు తీసుకునే అవకాశం

● ధర్మారం బస్టాండ్‌ వద్ద ఘటన ● హెల్మెట్‌ ధరించినా దక్కని ప్రాణం గీసుకొండ: వరంగల్‌ జిల్లా గీసుకొండ పోలీస్‌ స్టేషన్‌ పరిధిలోని వరంగల్‌–నర్సంపేట రహదారి ధర్మారం బస్టాండ్‌ వద్ద జరిగిన రోడ్డు ప్రమాదంలో చెన్నారావుపేట మండలం ఉప్పరపల్లి మాజీ సర్పంచ్‌ చింతకింది అశోక్‌(73) మృతి చెందాడు. స్థానికుల కథనం ప్రకారం.. గురువారం రాత్రి 7 గంటలకు అశోక్‌ బైక్‌పై వరంగల్‌ వైపునకు వెళ్తున్నాడు. ఈక్రమంలో ధర్మారం బస్టాండ్‌ ప్రాంతానికి రాగానే అదే గ్రామానికి చెందిన దుపాకి సంధ్య, ఆమె కుమారుడు శ్రేయస్‌ రోడ్డు దాటుతుండగా బైక్‌ను అదుపు చేయడానికి యత్నించిన అశోక్‌ సడన్‌ బ్రేక్‌ వేయగా.. అదుపు తప్పి అక్కడే కింద పడి మృతి చెందాడు. హెల్మెట్‌ ధరించి ఉన్నా .. అతి వేగంతో వెళ్తున్న క్రమంలో ఈ ప్రమాదం జరిగనట్లు స్థానికులు తెలిపారు. ప్రమాదంలో గాయపడిన సంధ్యను ఆస్పత్రికి తరలించారు.

● ఏసీబీ వరంగల్‌ రేంజ్‌ డీఎస్పీ సాంబయ్య మహబూబాబాద్‌: ప్రభుత్వ ఉద్యోగులు నిజాయితీగా విధులు నిర్వర్తించాలని ఏసీబీ వరంగల్‌ రేంజ్‌ డీఎస్పీ సాంబయ్య అన్నారు. విజిలెన్స్‌ వారోత్సవాల సందర్భంగా అవినీతి నిరోధకశాఖ ఆధ్వర్యంలో గురువారం కలెక్టరేట్‌లోని ప్రధాన సమావేశ మందిరంలో నిజాయితీ, పారదర్శకత, నైతిక విలువల ప్రాముఖ్యతపై అవగాహన సదస్సు నిర్వహించారు. అవినీతికి దూరంగా ఉంటూ, విధి నిర్వహణలో నిజాయితీ, నిబద్ధత, పారదర్శకత పాటిస్తామని, అవినీతి రహిత సమాజ నిర్మాణానికి కృషి చేస్తామని అధికారులతో ప్రతిజ్ఞ చేయించారు. ఈసందర్భంగా డీఎస్పీ సాంబయ్య మాట్లాడుతూ.. విజిలెన్స్‌ వారోత్సవాల్లో భాగంగా ఈనెల 26నుంచి వచ్చే నెల 1వ తేదీ వరకు పలు కార్యక్రమాలు నిర్వహిస్తామన్నారు. సత్యనిష్టతో సమృద్ధి అనే నినాదం తో పలు కార్యక్రమాలపై అవగాహన కల్పించడం జరుగుతుందన్నారు. ప్రభుత్వ అధికారాలను వ్యక్తిగత ప్రయోజనాల కోసం దుర్వినియోగం చేయవద్దన్నారు. అవినీతి వల్ల ప్రజాధనం దుర్వినియోగం అవుతుందన్నారు. ఎవరైనా ఉద్యోగి లంచం అడిగితే తెలంగాణ ఏసీబీ టోల్‌ ఫ్రీ నంబర్‌ 1064కు ఫిర్యాదు చేయాలన్నారు. ఈ కార్యక్రమంలో అదనపు కలెక్టర్‌ అనిల్‌కుమార్‌, ఇన్‌చార్జ్‌ అదనపు కలెక్టర్‌ పురుషోత్తం, జిల్లాస్థాయి అధికారులు తదితరులు పాల్గొన్నారు.

కేసముద్రం: రాష్ట్ర ప్రభుత్వం పేదలకు అందిస్తున్న సన్నబియ్యం కొందరు దళారులకు ఆదాయ వనరుగా మారింది. కేసముద్రంలో రేషన్‌ బియ్యాన్ని లబ్ధిదారుల నుంచి కొనుగోలు చేసి.. బ్రాండెడ్‌ సంచుల్లో నింపి అధిక ధరలకు విక్రయిస్తూ సొమ్ము చేసుకుంటున్నట్లు సమాచారం. ఇటీవల కేసముద్రం పట్టణంలో బ్రాండెడ్‌ సంచుల్లో రేషన్‌బియ్యాన్ని నింపి అధిక ధరలకు విక్రస్తూ పోలీసులుకు పట్టుబడిన ఘటనే ఇందుకు నిదర్శనం. అక్రమంగా విక్రయాలు.. కేసముద్రంలో కొందరు దళారులు లబ్ధిదారుల నుంచి, కొందరు డీలర్ల నుంచి బియ్యాన్ని కేజీ రూ.20 నుంచి రూ.30 వరకు కొనుగోలు చేస్తున్నట్లు సమాచారం. మరోవైపు కొందరు వ్యాపారులు ధాన్యాన్ని రైస్‌మిల్లుల్లో మారాడించి నిబంధనలకు విరుద్ధంగా బ్రాండెడ్‌ సంచుల్లో నింపి విక్రయిస్తున్నారు. అయితే ఈ వ్యాపారంలో కొందరు నాణ్యమైన బియ్యంలో రేషన్‌ బియ్యాన్ని కలిపి బ్రాండెడ్‌ పేరుతో మార్కెట్‌లో విక్రయిస్తుండగా.. మరోవైపు మరికొందరు దళారులు రేషన్‌ బియ్యాన్ని రైస్‌మిల్లులో పాలిష్‌ చేసి బ్రాండెడ్‌ సంచుల్లో నింపి అధిక ధరలకు అమ్ముతున్నట్లు తెలుస్తోంది. దీంతో నాణ్యమైన బియ్యం అమ్మేవారెవరూ, రేషన్‌ బియ్యాన్ని కలిపి విక్రయిస్తున్న వ్యాపారులెవరని వినియోగదారులు ఆందోళన చెందుతున్నారు. నాణ్యత కష్టాలు.. బ్రాండెడ్‌ బియ్యం అని నమ్మి క్వింటాకు ధర రూ.7వేల నుంచి రూ.8 వేల చొప్పున కొనుగోలు చేస్తున్న వినియోగదారులకు నాణ్యత సమస్యలు ఎదురవుతున్నాయి. అన్నం వండిన తర్వాత నాణ్యత లేకపోవడంతో సంబంధిత వ్యాపారులను ప్రశ్నిస్తున్న సంఘటనలు ఉన్నాయి. ఇక దూర ప్రాంతాల్లో ఉన్న వినియోగదారులు చేసేదీ ఏమీలేక ఆ బియ్యాన్నే వినియోగించుకుంటున్నారు. మరోవైపు కొందరికి కొనుగోలు చేసిన బస్తాల్లో పురుగులు పట్టిన బియ్యం వస్తున్నాయి. ఇలా కేసముద్రం ప్రాంతంతోపాటు, జిల్లాలో పలుచోట్ల నుంచి వివిధ ప్రాంతాల్లో ఉన్న వినియోగదారులకు, కొన్ని ప్రైవేట్‌ హాస్టళ్లు, హోటళ్లకు బ్రాండెడ్‌ పేరుతో రేషన్‌బియ్యం సరఫరా చేస్తున్నట్లు ఆరోపణలు వస్తున్నాయి. కొందరు దళారులు మాత్రం ఎలాంటి లైసెన్స్‌ లేకుండా, నిబంధనలకు విరుద్ధంగా ధాన్యాన్ని అడ్డగోలుగా కొనుగోలు చేసి, బియ్యం వ్యాపారాన్ని యథేచ్ఛగా సాగిస్తున్నారు. కానీ, వినియోగదారులకు విక్రయించే బియ్యం ఎక్కడివి, నాణ్యతా ప్రమాణాలు పాటిస్తున్నారా, నిబంధనల ప్రకారం వ్యాపారం చేస్తున్నారా..? అనే పలు అంశాలపై సంబంధిత అధికారులు దృష్టి సారించాలని, సంబంధిత వ్యక్తులపై చర్యలు తీసుకోవాలని ప్రజలు కోరుతున్నారు. అధిక ధరలకు అమ్మకాలు జరుపుతున్న దళారులు నాణ్యతపై వినియోగదారుల్లో ఆందోళన కేసముద్రం ప్రాంతంలో సాగుతున్న దందా

వెంకటాపురం(ఎం): ములుగు జిల్లా వెంకటాపురం(ఎం) మండలంలోని చారిత్రక రామప్పలో నిర్వహిస్తున్న వరల్డ్‌ హెరిటేజ్‌ వలంటీర్‌ శిక్షణ శిబిరం ఏడో రోజు కొనసాగింది. గురువారం ఉదయం యోగా గురువు రాంబాబు ఆధ్వర్యంలో యోగాసానాలు నేర్పించారు. అసిస్టెంట్‌ ప్రొఫెసర్‌ గోవిందరాజు రోల్‌ ఆఫ్‌ టూరిజంపై వలంటీర్లకు వివరించారు. కేంద్ర పురావస్తు శాఖ సూపరింటెండెంట్‌ నిఖిల్‌ దాస్‌ హంపి ప్రపంచ వారసత్వ గుర్తింపు పొందిన తర్వాత రామప్పలో చేసిన అభివృద్ధిపై వివరించారు. కేంద్ర పురావస్తు శాఖ డీఈ కృష్ణ చైతన్య వారసత్వ కట్టడాల పునర్నిర్మాణంలో చేసే వివిధ కార్యక్రమల గురించి వివరించారు. సాయంత్రం దేవాలయంలో పేరిణి నాట్య బృందం గురుశ్రీ, పేరిణి ప్రవీణ, గజ్జెల రంజిత్‌ కుమార్‌ ఆధ్వర్యంలో కళాకారులు పల్నాటి శ్రీజ, బండారి తేజస్విని, గడ్డం విద్య, తుమ్మ వైష్ణవి, శ్రీ మహాలక్ష్మి, తుమ్మ సాన్విక, గురుదేవ్‌, సంతోష్‌, అన్నెల దేవి రాజేశ్‌ నృత్య ప్రదర్శన చేశారు. ఇది ఆహుతులను అలరించింది. ప్రొఫెసర్‌ పాండు రంగారావు, ప్రోగ్రాం కో ఆర్డినేటర్‌ శ్రీధర్‌ రావు, కేంద్ర పురావస్తు శాఖ సీఏలు మల్లేశ్‌, భరత్‌, కాకతీయ హెరిటేజ్‌ ట్రస్ట్‌ సభ్యుడు శ్రీనివాస్‌, టూరిజం గైడ్‌ విజయ్‌ కుమార్‌, తదితరులు పాల్గొన్నారు.

● ఎస్పీ శబరీష్‌ తొర్రూరు: రక్తదానం చేసి ప్రాణదాతలుగా నిలవా లని ఎస్పీ శబరీష్‌ అన్నారు. పోలీసు అమరవీరుల సంస్మరణ వారోత్సవాలను పురస్కరించుకుని గురువారం పట్టణంలోని లయన్స్‌క్లబ్‌ భవనంలో రక్తదాన శిబిరం నిర్వహించారు. పోలీసులు, స్థానికుల నుంచి 130 యూనిట్ల రక్తం సేకరించారు. అనంతరం నిర్వహించిన సమావేశంలో డీఎస్పీ కృష్ణకిశోర్‌తో కలిసి ఎస్పీ మాట్లాడారు. రక్తదానం మరొకరి జీవితానికి వెలుగును ప్రసాదిస్తుందన్నారు. మూడు మాసాలకోసారి రక్తదానం చేయడం వల్ల సదరు వ్యక్తి ఆరోగ్యంగా ఉండడంతో పాటు మరొకరికి ప్రాణదానం చేసినవారవుతారన్నారు. పోలీసు అమరవీరుల త్యాగాలను ప్రతి ఒక్కరూ స్మరించుకోవాలన్నారు. సమాజంలో సేవాభావాన్ని పెంపొందించడంలో భాగంగా రక్తదాన శిబిరం నిర్వహించామన్నారు. శాంతి భద్రతల పరిరక్షణలో రాజీపడబోమన్నారు. ఈ కార్యక్రమంలో సీఐ గణేశ్‌, ఎస్సైలు తోట మహేందర్‌రెడ్డి, ప్రమోద్‌కుమార్‌, వెంకన్న, ఖాదర్‌పాషా, కట్టమ ల్లు, లయన్స్‌కబ్‌ ప్రతినిధులు డాక్టర్‌ రాజేందర్‌రెడ్డి, కృష్ణమూర్తి, సిబ్బంది పాల్గొన్నారు.

● కలెక్టర్‌ స్నేహ శబరీష్‌ మహబూబాబాద్‌ అర్బన్‌: విద్యార్థులకు ఉత్తమ బోధన చేయాలని కలెక్టర్‌ స్నేహ శబరీష్‌ ఉపాధ్యాయులకు సూచించారు. జిల్లా కేంద్రంలోని కంకరబోర్డు జిల్లా ప్రజాపరిషత్‌ ఉన్నత పాఠశాలను గురువారం కలెక్టర్‌ ఆకస్మికంగా తనిఖీ చేసి విద్యార్థులతో కలిసి పాఠాలు విన్నారు. ఈ సందర్భంగా కలెక్టర్‌ మాట్లాడుతూ.. ఉపాధ్యాయులు ప్రతీ విద్యార్థిపై ప్రత్యేక శ్రద్ధ వహించాలన్నారు. షెడ్యూ ల్‌ ప్రకారం సబ్జెక్టుల వారీగా ప్రత్యేక తరగతులు నిర్వహించి, విద్యార్థులు ఇంగ్లిష్‌ భాషలో నైపుణ్యం సాధించేలా బోధించాలన్నారు. విద్యార్థులకు ఇంజనీరింగ్‌, మెడికల్‌, తదితర రంగాల వైపు ఎలా వెళ్లాలి.. ప్రభుత్వ ఉద్యోగాలు ఎలా సాధించాలి అనే అంశాలపై క్లుప్తంగా వివరించాలన్నారు. డిజిటల్‌ తరగతులు, ప్రాక్టికల్స్‌, రైటింగ్‌, రీడింగ్‌, క్రీడా, సాంస్కృతిక, సామాజిక అంశాలను బోధించాలన్నారు. పిల్లలు, ఉపాధ్యాయుల హాజరుశాతం కచ్చితంగా నమోదయ్యేలా చర్యలు తీసుకోవాలని ప్రధానోపాధ్యాయుడిని ఆమె ఆదేశించారు. కార్యక్రమంలో విద్యాశాఖ అధికారులు మందుల శ్రీరాములు, వెంకటేశ్వర్లు, హెచ్‌ఎం కోటయ్య నాయక్‌ తదితరులు పాల్గొన్నారు.

నెహ్రూసెంటర్‌: జిల్లా వైద్య ఆరోగ్యశాఖ ఎన్‌హెచ్‌ఎం పరిధిలో ఉద్యోగాల భర్తీ కోసం నోటిఫికేషన్‌ విడుదల చేశారు. మొత్తం 67 ల్యాబ్‌ టెక్నీషియన్‌, స్టాఫ్‌నర్సు, ఏఎన్‌ఎం, ఎంఎల్‌హెచ్‌పీ, ఇతర ఉద్యోగ ఖాళీలకు.. 4,200 దరఖాస్తులు వచ్చినట్లు వైద్య ఆరోగ్యశాఖ అధికారులు గురువారం తెలిపారు. దరఖాస్తులను పరిశీలించి స్క్రూట్నీ చేసి మెరిట్‌ జాబితాను తయారు చేయనున్నారు. గతంలో చేపట్టిన ఉద్యోగాల భర్తీలో అవకతవకలు జరిగినట్లు వచ్చిన ఆరోపణల నేపథ్యంలో ప్రస్తుతం నిబంధనల ప్రకారం ఎలాంటి సమస్యలు తలెత్తకుండా ప్రక్రియ జరుగుతుందని డీఎంహెచ్‌ఓ రవిరాథోడ్‌ తెలిపారు.

గార్ల: బ్రహ్మోత్సవాల్లో భాగంగా మండలంలోని మర్రిగూడెం వేట వేంకటేశ్వరస్వామి వారి తెప్పోత్సవాన్ని ఘనంగా నిర్వహించారు. గురువారం దేవాలయం ఎదుట ఉన్న కోనేరులో తెప్పోత్సవం నిర్వహించారు. తొలుత స్వామివారి ఉత్సవ విగ్రహాలను కోనేరులోకి దింపి ప్రత్యేకంగా పూలమాలలతో అలంకరించిన శకటంపై ప్రతిష్టించి ప్రత్యేక పూజలు నిర్వహించారు. అనంతరం తెప్పోత్సవం నిర్వహించారు. ఎలాంటి అవాంఛనీయ సంఘటనలు జరగకుండా గార్లబయ్యారం సీఐ, ఎస్సై రవీందర్‌, సాయికుమార్‌ ఆలయ ప్రాంగణంలో పటిష్టమైన పోలీస్‌ బందోబస్తు ఏర్పాటు చేశారు. ఆర్యవైశ్య సంఘం ఆధ్వర్యంలో భక్తులకు పులిహోర పంపిణీ చేశారు. కార్యక్రమంలో ఆలయ కమిటీ చైర్మన్‌ అజ్మీరా బన్సీలాల్‌, వైస్‌చైర్మన్‌ బానోత్‌ అర్జున, ఆలయ ఈఓ సత్యనారాయణ, కమిటీ సభ్యులు నాగరాజు, మండ సుమత, వల్లభనేని రవి, మర్రిగూడెం, గార్ల సర్పంచ్‌లు భూక్య రాంసింగ్‌, బానోత్‌ పార్వతిహతీరాం, భక్తులు మల్లం నరేందర్‌, భూక్య కస్నానాయక్‌, పుల్లఖండం రమేశ్‌బాబు, ఒబిలిశెట్టి కృష్ణ, వేణుగోపాల్‌, సతీష్‌, శ్రీనివాస్‌గుప్తా, కనకశేఖరం, శ్రీనివాస్‌, బాదావత్‌ చంటి, అర్చకులు అచ్యుతా చార్యులు, గోవిందాచార్యులు, కృష్ణచైతన్యచార్యు లు, హర్షవర్ధనచార్యులు పాల్గొన్నారు.

రేగొండ: కుటుంబ సభ్యుల ప్రాణాలు కాపాడబో యి ఓ వృద్ధుడు విద్యుదాఘాతంతో మృతి చెందాడు. ఈ ఘటన గురువారం జయశంకర్‌ భూ పాలపల్లి జిల్లా కొత్తపల్లిగోరి మండలం గాంధీనగర్‌లో చోటు చేసుకుంది. పోలీసుల కథనం ప్రకా రం.. గ్రామానికి చెందిన చామంతుల మల్లయ్య (70) కోడలు లావణ్య ఇంటి ఎదుట ఇనుప తీగపై దుస్తులు ఆరేస్తుండగా ప్రమాదవశాత్తు విద్యుత్‌ షాక్‌కు గురైంది. పక్కనే ఉన్న తన కూతురు లావణ్యను పట్టుకోవడంతో ఇద్దరు షాక్‌కు గురయ్యారు. వెంటనే గమనించిన మల్లయ్య వారిని రక్షించే క్రమంలో షాక్‌కు గురై మృతి చెందాడు. ఈ ఘటనపై మృతుడి భార్య కొమురమ్మ ఫిర్యాదు మేరకు కేసున నమోదు చేసి దర్యాప్తు చేస్తున్నట్లు ఎస్సై త్రిలోక్‌నాథ్‌ రెడ్డి తెలిపారు. విద్యుదాఘాతంతో వృద్ధుడి మృతి గాంధీనగర్‌లో ఘటన

స్టేషన్‌ఘన్‌పూర్‌: పట్టభద్రుల ఎమ్మెల్సీ ఎన్నికల ద్వారా సీఎం రేవంత్‌రెడ్డి, కాంగ్రెస్‌ ప్రభుత్వానికి గు ణపాఠం చెప్పాలని మాజీ మంత్రి , బీఆర్‌ఎస్‌ నేత ఎర్రబెల్లి దయాకర్‌రావు అన్నారు. గురువారం డివి జన్‌ కేంద్రంలోని ఓ ఫంక్షన్‌హాల్‌లో స్టేషన్‌ఘన్‌పూర్‌, జఫర్‌గడ్‌ మండలాల ఎమ్మెల్సీ ఎన్నికల సన్నాహక సమావేశం నిర్వహించారు. మాజీ ఎమ్మెల్యే తాటికొండ రాజయ్య అధ్యక్షతన నిర్వహించిన స మావేశంలో దయాకర్‌రావు ముఖ్య అతిథిగా హాజ రై మాట్లాడారు. అధికారంలో ఉన్నా, ప్రతిపక్షంలో ఉన్నా అవినీతికి పాల్పడడంతో రేవంత్‌ దిట్ట అని ఎద్దేవా చేశారు. అదేరీతిలో కడియం శ్రీహరి ఉన్నారని పేర్కొన్నారు. పట్టభద్రుల ఎమ్మెల్సీ ఎన్నికల ఓటరు నమోదు ప్రక్రియను బాధ్యతాయుతంగా చేపట్టాలన్నారు. సమావేశంలో మాజీ ఎంపీ బోయినిపల్లి వినోద్‌కుమార్‌, ఎమ్మెల్సీ ఎన్నికల ఇన్‌చార్జ్‌ నాగుర్ల వెంకటేశ్వర్లు, బీఆర్‌ఎస్‌ రాష్ట్ర నాయకుడు ఏనుగుల రాకేశ్‌రెడ్డి, మండల అధ్యక్షుడు మాచర్ల గణేశ్‌, తదితరులు పాల్గొన్నారు. మాజీ మంత్రి ఎర్రబెల్లి దయాకర్‌రావు

సాక్షి, వరంగల్‌: బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌పై గతంలో తాను చేసిన కొన్ని వ్యక్తిగత వ్యాఖ్యలపై మాజీ మంత్రి, కాంగ్రెస్‌ పార్టీ వరంగల్‌ తూర్పు ఎమ్మెల్యే కొండా సురేఖ ‘ఎక్స్‌’వేదికగా గురువారం విచారం వ్యక్తం చేయడం రాజకీయ వర్గాల్లో తీవ్ర చర్చకు దారి తీసింది. అప్పటి రాజకీయ పరిస్థితుల నేపథ్యంలో, ప్రతిపక్షాన్ని విమర్శించే క్రమంలో ఆ విధంగా మాట్లాడానే తప్ప ఉద్దేశపూర్వకంగా కాదని స్పష్టం చేయడంతో గులాబీ పార్టీకి వ్యతిరేకం కాదనే సంకేతాలిచ్చారని పొలిటికల్‌ సర్కిల్‌లో గుసగుసలు వినిపిస్తున్నాయి. ‘ఆనాడు తాను కొన్ని నిరాధారమైన వ్యాఖ్యలు చేయకుండా ఉండాల్సింది. కేటీఆర్‌ని లేదా ఆయన కుటుంబ సభ్యులను బాధపెట్టాలని గానీ, వారి ప్రతిష్టకు భంగం కలిగించాలనే దురుద్దేశం తనకు ఎంతమాత్రం లేదు’అని కొండా సురేఖ స్పష్టతనిచ్చారు. తన వ్యాఖ్యలు వారిని గానీ, వారి కుటుంబ సభ్యులను గానీ నొప్పించి ఉంటే అందుకు చింతిస్తూ, ఆ వ్యాఖ్యలను ఉపసంహరించుకుంటున్నానని ఆమె ఎక్స్‌వేదికగా చేసిన పోస్టు ఇప్పుడూ రాజకీయ వర్గాల్లో తెగ వైరల్‌గా మారింది. ఇప్పటికే ఆమె అభివృద్ధి కార్యక్రమాల్లో తప్ప కాంగ్రెస్‌ పార్టీ కార్యక్రమాలకు దూరం దూరంగా ఉంటుండడం, తాజాగా కేటీఆర్‌కు క్షమాపణలు కోరడం చూస్తుంటే రాజకీయంగా ‘కొండ’ంత మార్పులేమైనా ఉంటాయనే ప్రచారం ఊపందుకుంది. ఇందుకు ఆమె తాజా పోస్టే ఉదాహరణ అంటూ రాజకీయ విశ్లేషకులు అభిప్రాయపడుతున్నారు. గతంలో ఏం జరిగిందంటే... మంత్రిగా ఉన్న సమయంలో కొండా సురేఖ మీడియాతో మాట్లాడుతూ కేటీఆర్‌పై తీవ్ర వ్యక్తిగత ఆరోపణలు చేశారు. బీఆర్‌ఎస్‌ ప్రభుత్వ హయాంలో సినీ ప్రముఖుల ఫోన్లు ట్యాపింగ్‌ జరిగిందని, సినీ నటుల వ్యక్తిగత జీవితాల్లో చోటుచేసుకున్న పరిణామాలకు కేటీఆర్‌ కారణమంటూ ఆరోపణలు చేశారు. ప్రముఖ సినీ జంట నాగచైతన్య, సమంత విడాకుల వ్యవహారాన్ని కూడా ఈ వ్యాఖ్యల్లో ప్రస్తావించారు. అంతేకాకుండా సినీ ప్రముఖులను డ్రగ్స్‌కు అలవాటు చేశారంటూ కేటీఆర్‌పై ఆరోపణలు చేశారు. ఈ వ్యాఖ్యలు అప్పట్లో రాజకీయ, సినీ వర్గాల్లో తీవ్ర దుమారం రేపాయి. తనపై చేసిన ఆరోపణలను కేటీఆర్‌ తీవ్రంగా ఖండించారు. కొండా సురేఖ క్షమాపణ చెప్పాలని డిమాండ్‌ చేస్తూ లీగల్‌ నోటీసులు పంపించారు. అనంతరం తన ప్రతిష్టకు నష్టం కలిగించారంటూ నాంపల్లిలోని ప్రజాప్రతినిధుల కోర్టులో రూ.100 కోట్ల మేర పరువు నష్టం దావా దాఖలు చేశారు. ఈ వివాదంపై సినీ రంగానికి చెందిన ప్రముఖులు, అక్కినేని కుటుంబ సభ్యులు కూడా అప్పట్లో తీవ్రంగా స్పందించారు. సడెన్‌ పోస్టుతో మళ్లీ అ‘టెన్షన్‌’.. గత సెప్టెంబర్‌ మూడో తేదీన మంత్రి వర్గం నుంచి బర్తరఫ్‌ చేసిన తర్వాత కొండా సురేఖ ఓ మీడియాతో మాట్లాడుతూ ‘కేసీఆర్‌ చాలా మంచి వ్యక్తి అని, తమను ఎప్పుడు కూడా ఒక్క మాట అనలేదు’అని గుర్తు చేశారు. కేసీఆర్‌లో ఎంతో హుందాతనం ఉంటుందని, తాము ఎప్పుడు వెళ్లినా ఆప్యాయంగా పలకరిస్తూ రిసీవ్‌ చేసుకునేవారని ఆమె చేసిన వ్యాఖ్యలతో బీఆర్‌ఎస్‌లోకి కొండా సురేఖ వెళ్తున్నారని సోషల్‌ మీడియాలో ప్రచారం జరిగింది. ఆ తర్వాత అటువంటిది ఏమీ లేదని ఆమె వివరణ ఇచ్చారు. తాజాగా ఎక్స్‌ వేదికగా మాజీ మంత్రి కేటీఆర్‌పై చేసిన వ్యక్తిగత విమర్శలను వెనక్కి తీసుకుంటున్నానంటూ పోస్టు చేశారు. దీంతో మళ్లీ ఆమె బీఆర్‌ఎస్‌లో చేరేందుకు సిద్ధమవుతున్నారనే ప్రచారం జోరందుకుంది. గతంలో ‘ది వెయిట్‌ ఈజ్‌ అల్‌ మోస్ట్‌ ఓవర్‌...బిగ్‌ అప్‌డేట్‌ కమింగ్‌ సూన్‌’అంటూ కొండా సురేఖ పేరుతో సెప్టెంబర్‌ నాలుగున సోషల్‌ మీడియాలో పోస్టు చేశారు. ఆ పోస్టు తమది కాదంటూ అధికారిక ఖాతాలనుంచి సురేఖ ప్రకటన చేసినా, ఇప్పుడే అదే నిజమవుతోందన్న చర్చ జరుగుతోంది. గ్రేటర్‌ వరంగల్‌ మున్సిపల్‌ కార్పొరేషన్‌, పట్టభద్రుల ఎమ్మెల్సీ ఎన్నికల ముందు జరుగుతున్న ఈ పొలిటికల్‌ హీట్‌ ఎటు దారితీస్తుందోనని ప్రజలు, రాజకీయ నాయకులు చర్చించుకుంటున్నారు. కేటీఆర్‌కు మాజీ మంత్రి కొండా సురేఖ క్షమాపణలు వ్యక్తిగత వ్యాఖ్యలపై తాజాగా ఎక్స్‌ వేదికగా విచారం రాజకీయ పరిస్థితుల నేపథ్యంలోనే అని వివరణ ఇప్పటికే పార్టీ కార్యక్రమాలకు దూరం ఆమె బీఆర్‌ఎస్‌లోకి వెళ్తారనే జోరుగా ప్రచారం

నర్సంపేట: వరంగల్‌ జిల్లా నర్సంపేట పట్టణంలోని ఓ ప్రైవేటు గోల్డ్‌లోన్‌ బ్యాంకులో బంగారాన్ని తనఖా పెట్టి రుణం తీసుకున్నానని, సమాచారం ఇవ్వకుండానే గోల్డ్‌ను వేలానికి పంపించారని ఆరోపిస్తూ ప్రవీణ్‌ అనే వ్యక్తి గురువారం ఆ బ్యాంకుకు తాళం వేశాడు. ఈ ఘటన స్థానికంగా కలకలం సృష్టించింది. పట్టణానికి చెందిన ప్రవీణ్‌ స్థానిక ఓ ప్రైవేట్‌ గోల్డ్‌లోన్‌ బ్యాంకులో 12 తులాల బంగారు ఆభరణాలు తనఖా పెట్టి రూ.12లక్షల రుణం తీసుకున్నాడు. లోక్‌ యాక్టివ్‌లో ఉండగా ఇటీవల రూ.30వేలు జమ చేశానని ప్రవీణ్‌ తెలిపాడు. తీరా బ్యాంకుకు వస్తే గోల్డ్‌ వేలంలో పోయిందని బ్యాంకు వారు తెలుపుతున్నారని బాధితుడు వాపోయాడు. తమకు న్యాయం చేసి తిరిగి బంగారం ఇప్పించాలని డిమాండ్‌ చేస్తున్నాడు. దీనిపై బ్యాంకు మేనేజర్‌ అనిల్‌ను వివరణ అడగగా ప్రవీణ్‌ గోల్డ్‌లోన్‌ పెట్టిన సమయంలోనే యాప్‌ ఇచ్చామని, అందులో ముందే సమాచారమిచ్చామని తెలిపారు. ఐదు నెలల పరిమితి ఉండగా ఆరు నెలలైనా రుణం చెల్లించకపోవడంతో వేలంలోకి వెళ్లిందని చెప్పారు. బ్యాంకుకు తాళం వేసిన బాధితుడు ముందే సమాచారమిచ్చాం : బ్యాంకు మేనేజర్‌

● బహుజన వాదం కోసం ముందడుగు జనగామ: జిల్లా ప్రభుత్వ జ నరల్‌ ఆస్పత్రి (ప్రభుత్వ వైద్య కళాశాల) ప్రొఫెసర్‌ కల్నల్‌ భిక్షపతి రాజీనామా చేశారు. ఈ మేరకు గురువా రం ఆయన జిల్లా కేంద్రంలో విలేకరులతో మాట్లాడారు. 22 ఏళ్ల పాటు భారత సైన్యంలో దేశానికి సేవలందించిన తాను, ప్రస్తుతం బహుజన వాదం కోసం పని చేయాలని నిర్ణయించుకున్న ట్లు పేర్కొన్నారు. బహుజనులకు రాజ్యాధికారం దక్కాలనే లక్ష్యంతో ముందుకు సాగుతున్న తీన్మార్‌ మల్లన్న భావజాలానికి ఆకర్షితుడై ఈ నిర్ణయం తీసుకున్నట్లు వివరించారు. బీసీ, ఎస్సీ, ఎస్టీ, మైనా రిటీలు ఐక్యతతో రాజకీయంగా ఎదగాలని పిలుపునిచ్చారు. అన్ని రంగాల్లో బహుజనులు తమ ప్రాతి నిథ్యం పెంచుకోవాలని, బీసీ ముఖ్యమంత్రి లక్ష్యంగా ఐక్యంగా ముందుకు సాగాలన్నారు. బీసీ రాజ్యం వచ్చే వరకు మన ఓటు మనకే అనే నినాదంతో తీన్మార్‌ మల్లన్నకు మద్దతుగా నిలవాలని పిలుపునిచ్చారు.

పాత వాహనాలకు ఖిలా వరంగల్‌: మీ ఇంట్లో పాత బైక్‌ ఉందా..? ఎన్నో ఏళ్లుగా ఒకే కారును నడుపుతున్నారా..? అయితే వాటి వయస్సుతోపాటు రిజిస్ట్రేషన్‌ గడువుపైనా కన్నేయాల్సిందే. 15 ఏళ్లు దాటిన పాత వాహనానికి మరమ్మతులు చేయించి, ఇంధనం పోయించి రోడ్డెక్కుతామంటే కుదరదు. ముందు గ్రీన్‌ ట్యాక్స్‌ చెల్లించాలి. పొల్యూషన్‌ సర్టిఫికెట్‌ తీసుకున్న తర్వాతే వాహనం కండీషన్‌ ఎలా ఉందో తనిఖీ చేయించాలి. ఆర్‌సీ పునరుద్ధరణకు ప్రత్యేకంగా దరఖాస్తు చేసుకోవాలి. ఫీజులు చెల్లించి రిజిస్ట్రేషన్‌ సర్టిఫికెట్‌ (ఆర్‌సీ)ని రెన్యువల్‌ చేయించుకోవాలి. వ్యక్తిగత వాహనాలకు ఆర్‌సీ చెల్లుబాటు 15 ఏళ్లు. వాణిజ్య వాహనాలకై తే ఏడేళ్లే. అంతేకాదు..ప్రమాదం జరిగితే బీమా పొందలేరు. ఈ వాహనాలపై ఎలాంటి లావాదేవీలూ జరగవు. గ్రీన్‌ ట్యాక్స్‌ ఎలా చెల్లించాలి..? రవాణాశాఖ అధికారిక పోర్టల్‌లో లేదంటే సెల్‌ఫోన్‌ కు వచ్చే మెస్సెజ్‌ను క్లిక్‌ చేసి గ్రీన్‌ ట్యాక్స్‌ చెల్లించొ చ్చు. మొదట వాహనం రిజిస్ట్రేషన్‌ నంబర్‌తో పా టు చాసిస్‌ నంబర్‌లో చివరి ఐదు అంకెలను నమో దు చేయాలి. దరఖాస్తుదారు, తండ్రి పేరు, పుట్టిన తేదీ, వాహనం రకం, మొబైల్‌ నంబర్‌ వివరాలు నమోదు చేయాలి. ఆ తర్వాత చెల్లించాల్సిన గ్రీన్‌ ట్రాక్స్‌తో పాటు గతంలో బకాయిలుంటే కనిపిస్తాయి. చెల్లింపులు ఆన్‌లైన్‌లో పూర్తి చేసి రసీదును డౌన్‌లోడ్‌ చేసుకుని భద్ర పర్చుకోవాలి. లెక్కమారుతోంది. వాహనాల ప్రారంభ రిజిస్ట్రేషన్‌ 15 ఏళ్ల పాటు చెల్లుబాటులో ఉంటుంది. ఆ తర్వాత నిబంధనల ప్రకారం మరో ఐదేళ్లకు రెన్యువల్‌ చేసుకోవాలి. చాలా మంది వాహనాలకు గ్రీన్‌ ట్యాక్స్‌ చెల్లిస్తే పాత వాహనం ప్రక్రియ పూర్తయినట్లు భావిస్తారు. కానీ, గ్రీన్‌ ట్యాక్స్‌ ప్రభుత్వానికి చెల్లించాల్సిన పన్ను. ఆర్‌సీ రెన్యువల్‌ వాహన రిజిస్ట్రేషన్‌ చెల్లుబాటును మరోసారి పునరుద్ధరించుకోవడం.. ఈరెండూ చేయాల్సిందే. వీటితోపాటు ఆర్‌సీ రెన్యువల్‌, సర్వీస్‌ చార్జ్‌, స్మార్ట్‌ కార్డ్‌ ఫీజులు కూడా కలిపి చెల్లించాలి. ఎంత భారం పడుతుందంటే.. గ్రీన్‌ ట్యాక్స్‌తోపాటు రెన్యువల్‌ ఫీజు, సర్వీస్‌ చార్జీ, స్మార్ట్‌ కార్డు ఫీజు కలిపితే పాత వాహనదారులపై ఎంత భారం పడుతుందంటే..15 ఏళ్లు దాటి 20 ఏళ్ల లోపు ఉన్న ద్విచక్రవాహనానికి మొత్తం రూ. 3,400, కారుకు రూ. 7,700 అవుతుంది. 20 ఏళ్లు దాటిన ద్విచక్ర వాహనానికి రూ.5,700, కారుకు రూ.12,700 చెల్లించాలని రవాణాశాఖ చెబుతోంది. రెన్యువల్‌ చేయాలంటే? ఆర్‌సీ రెన్యువల్‌ చేయాలంటే ఫామ్‌ 25, ఒరిజనల్‌ ఆర్‌సీ, చెల్లుబాటలో ఉన్న బీమా పత్రం, కాలుష్య నియంత్రణ ధ్రువీకరణ పత్రం(పీయూసీ), పన్ను చెల్లింపు వివరాల సిద్ధం చేసుకోవాలి. అనంతరం సంబంధిత రిజిస్ట్రేషన్‌ అథారిటీ సూచించిన తేదీలో వాహనాన్ని తీసుకెళ్లాలి. పత్రాల పరిశీలన, వాహన తనిఖీ, ఇతర నిబంధనలు పూర్తయ్యాక రెన్యువల్‌ ప్రక్రియ ముగుస్తుంది. మినహాయింపులు.. ఎల్‌పీజీ, సీఎన్‌జీ , బ్యాటరీతో మాత్రమే నడిచే వాహనాలకు గ్రీన్‌ ట్యాక్స్‌ మినహాయింపులు ఉంటాయి. అయితే ఆర్‌సీ రెన్యువల్‌ కోసం స్మార్ట్‌ కార్డుకు చెల్లించాలి.ఫీజుల వివరాలు ద్విచక్రవాహనం కారు ఆర్‌సీ రెన్యువల్‌ రూ.1,000 రూ.2,000 సర్వీస్‌ చార్జీ రూ.200 రూ. 500 స్మార్ట్‌ కార్డు రూ.200 రూ. 200 గ్రీన్‌ ట్యాక్స్‌ (15–20)ఏళ్ల లోపు రూ.2,000 రూ.5,000 మొత్తం రూ.3,400 రూ. 7,70020 ఏళ్లు దాటిన వాహనాలకై తే.. ఫీజుల వివరాలు బైక్‌ కారు ఆర్‌సీ రెన్యువల్‌ రూ.1,000 2,000 సర్వీస్‌ చార్జీలు రూ.300 500 స్మార్ట్‌ కార్డు రూ.200 200 గ్రీన్‌ ట్యాక్స్‌ రూ.4,000 రూ.10,000 మొత్తం రూ.5,700 రూ.12,70015 ఏళ్లు దాటితే 5 ఏళ్లు ఆర్‌సీ రెన్యువల్‌ చేసుకోవాలి ముందుగానే ఇన్సూరెన్స్‌, గ్రీన్‌ ట్యాక్స్‌, పొల్యూషన్‌ పత్రాలు జత చేయాలి