Kumuram Bheem District News

ఆసిఫాబాద్‌అర్బన్‌: ఎల్‌నినో ప్రభావంతో ఏర్పడుతున్న కరువు పరిస్థితులను ఎదుర్కోవడంలో కాంగ్రెస్‌ విఫలమైందని సీపీఎం రాష్ట్ర కార్యదర్శి జాన్‌ వెస్లీ ఆరోపించారు. జిల్లా కేంద్రంలోని రోజ్‌గార్డెన్‌లో గురువారం ఏర్పాటు చేసిన సమావేశంలో మాట్లాడారు. రాష్ట్రం మొత్తాన్ని కరువు ప్రాంతంగా ప్రకటించి రైతులకు పంట నష్ట పరిహారం అందించాలని డిమాండ్‌ చేశారు. కేంద్రం నుంచి నిధులు సాధించేందుకు అఖిల పక్షాన్ని ప్రభుత్వం ఢిల్లీకి తీసుకెళ్లాలని సూచించారు. బీజేపీ కేంద్ర మంత్రులు, ఎమ్మెల్యేలు స్పందించాలన్నారు. సీపీఎం రాష్ట్ర నాయకులు భూపాల్‌ మాట్లాడుతూ ఎస్పీఎం కా ర్మికులు 130 రోజులుగా సమ్మె చేస్తున్నా యాజమాన్యం, ప్రభుత్వం స్పందించడం లేదన్నారు. సమావేశంలో సీపీఎం జిల్లా కార్యదర్శి కూశన రాజన్న, నాయకులు బండారు రవికుమార్‌, దుర్గం దినకర్‌, శ్రీనివాస్‌, కార్తీక్‌, రాజేందర్‌, ఆనంద్‌, కృష్ణమాచారి, టీకానంద్‌ తదితరులు పాల్గొన్నారు.

ఆసిఫాబాద్‌అర్బన్‌: రాష్ట్రంలోని అధికార కాంగ్రెస్‌, ప్రతిపక్ష బీఆర్‌ఎస్‌ పార్టీల వైఫల్యాలను ఎత్తి చూపేందుకే ఇంద్రవెల్లి సభ నిర్వహిస్తున్నట్లు టీఆర్‌ఎస్‌ బెల్లంపల్లి ఇన్‌చార్జి, మాజీ మంత్రి బోడ జనర్దన్‌ అన్నారు. జిల్లా కేంద్రంలోని ఆ పార్టీ కార్యాలయంలో గురువారం జిల్లా అధ్యక్షుడు కిరిమిల్ల వినోద్‌ అధ్యక్షతన నిర్వహించిన సమావేశంలో మాట్లాడారు. ఇంద్రవెల్లి సభలో పీసీసీ అధ్యక్షుడి హోదాలో రేవంత్‌రెడ్డి ఇచ్చిన ఒక్క హామీ నెరవేరలేదన్నారు. ఆసిఫాబాద్‌– ఆదిలాబాద్‌ రహదారి, ఘాట్‌రోడ్డు కనీస అభివృద్ధికి నోచుకోలేదని పేర్కొన్నారు. ఇంత జరుగుతున్నా బీఆర్‌ఎస్‌ ప్రశ్నించకపోవడం విడ్డూరంగా ఉందని తెలి పారు. ఇంద్రవెల్లిలో శుక్రవారం నిర్వహించే పాంచజన్య సభకు ప్రజలు హాజరై విజయవంతం చేయాలని పిలుపునిచ్చారు. సిర్పూర్‌ నియోజకవర్గ ఇన్‌చార్జి కావేటి సబిత, జిల్లా ప్రధాన కార్యదర్శి అశోక్‌, ఆర్గనైజింగ్‌ సెక్రెటరీ మనోహర్‌, నాయకులు కిషన్‌నాయక్‌, శ్యాంరావు తదితరులు పాల్గొన్నారు.

ఆసిఫాబాద్‌అర్బన్‌: జిల్లాలో అటవీ విస్తీర్ణం పెంచడమే తమ లక్ష్యమని జిల్లా అటవీశాఖ అధికారి బాలామణి తెలిపారు. జిల్లా కేంద్రంలోని అటవీ శాఖ కార్యాలయంలో గురువారం ఎఫ్‌డీవో అప్పయ్యతో కలిసి ఏర్పాటు చేసిన విలేకరుల సమావేశంలో మాట్లాడారు. గతంలో జిల్లావ్యాప్తంగా ఆరు లక్షలకు పైగా ఎకరాల్లో అటవీ భూమి ఉండేదని తెలిపారు. ఇప్పటివరకు 33వేల హెక్టార్లకు అటవీ హక్కుపత్రాలు అందించారని, దీనికంటే ఎక్కువగా 38 వేల హెక్టార్లలో అక్రమ పోడు సాగు ఉన్నట్లు గుర్తించామని పేర్కొన్నారు. కొన్నేళ్లుగా దాదాపు 2 వేల హెక్టార్ల భూమిని స్వాధీనం చేసుకుని మొక్కలు పెంచినట్లు తెలిపారు. తద్వారా సిర్పూర్‌ ప్రాంతంలో పులులు, ఇతర జంతువుల సంచారం పెరిగిందని స్పష్టం చేశారు. కెరమెరి, లింగాపూర్‌ వంటి కోర్‌ ఏరియాలో భూములను స్వాధీనం చేసుకుని ప్రజలకు ఉపయోగపడేలా చెట్లు పెంచనున్న ట్లు వివరించారు. ఇప్పటివరకు అటవీ ప్రాంతాల్లో 456 కిలోమీటర్ల మేర అక్రమంగా వేసిన విద్యుత్‌ వైర్లు గుర్తించామన్నారు. అడవుల గుండా వెళ్లే తీగల కు రబ్బర్‌ తొడుగులు వేసేందుకు విద్యుత్‌ శాఖతో సమన్వయం చేసుకుంటున్నామని తెలిపారు. నాలుగేళ్లలో వేర్వేరు అటవీ ప్రాంతాల్లో విద్యుత్‌ వైర్లకు 27 జంతువులు, 29 మంది మనుషులు బలైనట్లు వె ల్లడించారు. వీరికి రూ.85లక్షల పరిహారం అందించామని తెలిపారు. సింగరేణికి అప్పగించే భూములకు సైతం ఆ సంస్థ ఇతర చోట్ల అడవులు పెంచి అప్పగిస్తుందని పేర్కొన్నారు.

ఆసిఫాబాద్‌రూరల్‌: జిల్లా కేంద్రంలోని ప్రభు త్వ జూనియర్‌ కళాశాల విద్యార్థినులు రాష్ట్రస్థాయి జూనియర్‌ బాలికల హ్యాండ్‌బాల్‌ పోటీలకు ఎంపికయ్యారని డీఎస్‌వో షేకు, ప్రిన్సిపాల్‌ రాందాస్‌ తెలిపారు. కళాశాల ఆవరణలో గురువారం కోచ్‌లు అరవింద్‌, తిరుమల్‌, రాకేశ్‌, వైస్‌ ప్రిన్సిపాల్‌ శ్రీనివాస్‌తో కలిసి అభినందించారు. ఉమ్మడి జిల్లాస్థాయి పోటీల్లో ప్రతిభ చూపిన కవిత, నందిని, శిరీ ష, లక్ష్మి, జ్యోతికళ, ధనలక్ష్మి, అనూష రాష్ట్రస్థా యికి ఎంపికయ్యారని తెలిపారు. వీరు ఈ నెల 31 నుంచి నవంబర్‌ 2 వరకు ఖమ్మంలో జరిగే రాష్ట్రస్థాయి పోటీల్లో పాల్గొంటారన్నా రు. కాగా, ఈ విద్యార్థినులు ప్రభుత్వ కళాశాలలో చదువుతూ గిరిజన పోస్ట్‌మెట్రిక్‌ హాస్టల్‌లో ఉంటున్నారు. ఆదర్శ క్రీడాపాఠశాల కోచ్‌ల వద్ద శిక్షణ తీసుకుంటున్నారు.

ఆసిఫాబాద్‌అర్బన్‌: జిల్లాలో రహదారి ప్రమాదాల నివారణకు చర్యలు తీసుకోవాలని కలెక్టర్‌ కె.హరిత అన్నారు. జిల్లా కేంద్రంలోని కలెక్టరేట్‌లో గురువారం జిల్లాస్థాయి రహదారి భద్రత కమిటీ సమావేశానికి ఎస్పీ నితిక పంత్‌, అదనపు కలెక్టర్‌ యువరాజ్‌ మర్మాట్‌, సబ్‌ కలెక్టర్‌ హర్ష్‌ చౌదరి, ఆర్డీవో లోకేశ్వర్‌రావుతో కలిసి హాజరయ్యారు. కలెక్టర్‌ మాట్లాడుతూ జాతీయ రహదారిపై తరచూ ప్రమాదాలు జరిగే ప్రాంతాలను గుర్తించి రక్షణ చర్యలు చేపట్టాలన్నారు. క్షతగాత్రులకు పీఎం రహత్‌ పథకం కింద ఉచితంగా చికిత్స అందించే అవకాశం ఉందన్నారు. రహదారులపై గుంతలు పూడ్చాలని, మూలమలుపుల వద్ద చెట్ల కొమ్మలు, చెట్లు తొలగించాలని ఆదేశించారు. విద్యాసంస్థల్లో రహదారి భద్రతపై అవగాహన కల్పించాలన్నారు. మున్సిపాలిటీలు, మండల కేంద్రాల్లో రోడ్లపై పశువులు సంచరించకుండా యజమానులకు నోటీసులు జారీ చేయాలన్నారు. ఎస్పీ మాట్లాడుతూ నెలరోజుల వ్యవధిలో రోడ్డు ప్రమాదాల్లో ఏడుగురు ప్రాణాలు కోల్పోయారని తెలిపారు. వాహనదారులు నిబంధనలు పాటిస్తూ సురక్షితంగా గమ్యస్థానాలకు చేరాలని సూచించారు. సమావేశంలో డీఎస్పీ అశోక్‌, సంబంధిత అధికారులు పాల్గొన్నారు. గంజాయి సాగు, రవాణా అరికట్టాలిజిల్లాలో మాదకద్రవ్యాల వినియోగం, గంజాయి సాగు, రవాణాను అరికట్టాలని కలెక్టర్‌ కె.హరిత అన్నారు. కలెక్టరేట్‌లో గురువారం మాదక ద్రవ్యాల నియంత్రణపై నిర్వహించిన సమావేశానికి ఎస్పీ నితిక పంత్‌, అదనపు కలెక్టర్‌ యువరాజ్‌ మర్మాట్‌, సబ్‌ కలెక్టర్‌ హర్ష్‌ చౌదరి, ఆర్డీవో లోకేశ్వర్‌రావుతో కలిసి సమీక్షించారు. హోటళ్లు, దాబాల్లో తనిఖీలు చేపట్టాలని, మందుల షాపుల్లో నిషేధిత, అధిక మోతాదు మందులను పరిశీలించాలని ఆదేశించారు. వైద్య ఆరోగ్యశాఖ ఆధ్వర్యంలో గ్రామాల్లోని ప్రజలకు, నషా ముక్త్‌ భారత్‌ అభియాన్‌లో భాగంగా పాఠశాలు, కళాశాలల్లో అవగాహన సదస్సులు నిర్వహించాలన్నారు. ఎస్పీ మాట్లాడుతూ అక్టోబర్‌లో గంజాయి సాగు, రవాణాపై తనిఖీలు చేపట్టి 16 కేసులు నమోదు చేసినట్లు తెలిపారు. ఈ సమావేశంలో ఆసిఫాబాద్‌ డీఎస్పీ అశోక్‌, జిల్లా పంచాయతీ అధికారి భిక్షతిగౌడ్‌, డీటీడీవో అంబాజీ, జిల్లా వైద్యాధికారి నాగేంద్ర, జిల్లా మాధ్యమిక విద్యాధికారి కళ్యాణి తదితరులు పాల్గొన్నారు.

కెరమెరి: విద్యార్థుల భవిష్యత్తుకు సంబంధించిన ప్రణాళికలు పక్కాగా రూపొందించాలంటే పాఠశాలల్లో వారి సమగ్ర వివరాలు ఉండాలి. ఎంతమంది విద్యార్థులు చదువుతున్నారు? ఏయే తరగతుల్లో ఎందరు ఉన్నారు? పాఠశాలల్లో అందుబాటులో ఉన్న సదుపాయాలు ఏంటి..? తదితర అంశాలపై స్పష్టమైన సమాచారం ఉంటేనే విద్యావ్యవస్థను బ లోపేతం చేసేందుకు వీలుంటుంది. ఈ నేపథ్యంలో పాఠశాలలకు సంబంధించి సమగ్ర సమాచారాన్ని ఆన్‌లైన్‌లో నమోదు చేసే యూడైస్‌ ప్లస్‌ వివరాలపై విద్యాశాఖ దృష్టి సారించింది. విద్యార్థుల సమాచా రంలో తప్పులు సరిదిద్దుకునేందుకు ఈ నెల 31 వరకు అవకాశం కల్పించింది. జిల్లాలోని ప్రధానో పాధ్యాయులు, సంబంధిత అధికారులు అప్రమత్త మై వివరాలను మరోసారి పరిశీలిస్తున్నారు. 1,209 పాఠశాలలుజిల్లాలో ప్రభుత్వ, ప్రైవేటు తదితర యాజమాన్యాలకు చెందిన 1,262 పాఠశాలలు ఉన్నాయి. ఆయా పాఠశాలల్లో 1,02,632 మంది విద్యార్థులు చదువుకుంటున్నారు. జిల్లావ్యాప్తంగా భారీ సంఖ్యలో ఉన్న విద్యార్థుల సమాచారాన్ని ఆన్‌లైన్‌లో నమోదు చేయడం కీలకమైన ప్రక్రియ. విద్యార్థుల వివరాల నుంచి స్కూళ్లకు చెందిన సమాచారం వరకు ప్రతీ అంశం సక్రమంగా ఉండాలి. ఇప్పటికే నమోదైన వివరాలను పాఠశాలల రికార్డులతో సరిపోల్చుకోవాల్సిన ఉంటుంది. జిల్లాలోని సగం పాఠశాలల్లో 10 నుంచి 15 మంది విద్యార్థుల వివరాలను సవరణ చేయాల్సి ఉంటుంది. నమోదు చేసే సమయంలో..యూడైస్‌ ప్లస్‌లో విద్యార్థులకు సంబంధించిన వివరాలు నమోదు చేసే సమయంలో అక్షర దోషాలు, సమాచారంలో తేడాలు, తరగతులు లేదా ఇతర వివరాల్లో పొరపాట్లు జరిగే అవకాశం ఉంటుంది. అలాగే పాఠశాలల వివరాల్లోనూ తప్పులు ఉంటే వాటిని గుర్తించి సరిచేయాలి. ఇందుకోసం సంబంధిత రికార్డులను పరిశీలించి ఆన్‌లైన్‌లో నమోదైన సమాచారాన్ని ధ్రువీకరించుకోవాలి. విద్యార్థుల సంఖ్య, పాఠశాల వివరాల్లో ఎలాంటి వ్యత్యాసాలు లేకుండా చూడాలి. ఒకసారి నమోదు చేసిన వివరాలను పదేపదే పరిశీలించకుండా వదిలేస్తే తప్పులు అలాగే కొనసాగే అవకాశం ఉంటుంది. అందుకే సవరణలకు ఇచ్చిన గడువును సద్వినియోగం చేసుకోవాలి. విద్యాప్రమాణాలకు కీలకంయూడైస్‌ ప్లస్‌ ద్వారా సేకరించిన సమాచారం విద్యాశాఖకు పాఠశాలల పరిస్థితిని అంచనా వేయడానికి ఉపయోగపడుతుంది. విద్యార్థుల సంఖ్య, పాఠశాలల నిర్వహణ, మౌలిక సదుపాయాలు తదితర అంశాలకు సంబంధించిన గణంకాలు విద్యా ప్రణాళికల రూపకల్పనలో ప్రాధాన్యం కలిగి ఉంటాయి. సమాచారం కచ్చితంగా ఉంటే అవసరాలను గుర్తించడం, వనరుల కేటాయింపుపై నిర్ణయాలు తీసుకోవడం సులభమవుతుంది. ఈ నేపథ్యంలో పాఠశాలల నుంచి అందే వివరాల్లో తప్పులు లేకుండా చూడడం అత్యంత ప్రధానం.

ఆసిఫాబాద్‌అర్బన్‌: సమాజంలో శాంతి విస్తరణకు బుద్ధుడి బోధనలు అవసరమని బౌద్ధ వక్తలు పేర్కొన్నారు. జిల్లా కేంద్రంలోని దీక్షా భూమిలో గురువారం 70వ ధమ్మచక్ర పరివర్తన్‌ దివస్‌ ఘనంగా నిర్వహించారు. జిల్లాతోపాటు మహారాష్ట్ర నుంచి వచ్చిన అంబేడ్కరిస్టులు, నాయకులు, భారతీయ బౌద్ధ సంఘం, ఇతర సంఘాల నాయకులు ర్యాలీ నిర్వహించి అంబేడ్కర్‌ విగ్రహానికి పూలమాలలు వేశారు. అలాగే స్థానిక లుంబిని దీక్షాభూమిలో పంచశీల జెండా ఆవిష్కరించారు. ఈ సందర్భంగా చిన్నారుల నృత్యాలు ఆకట్టుకున్నాయి. రాత్రిపూట కవ్వాలి కార్యక్రమం ఏర్పాటు చేశారు. కార్యక్రమానికి ముఖ్య అతిథులుగా ఎమ్మెల్యే కోవ లక్ష్మి, భారత రక్షణ దళం వ్యవస్థాపకుడు రెంజర్ల రాజేష్‌, నాయకులు శ్యాంనాయక్‌, సిద్దార్థ రామ్మూర్తి, భాస్కర్‌, అశోక్‌ మహాల్కర్‌, ప్రశాంత్‌, దుర్గం ప్రశాంత్‌, తుకారాం, దుర్గం శ్యాంరావు తదితరులు హాజరయ్యారు.

రెబ్బెన: సింగరేణిలో బెల్లంపల్లి ఏరియా గోలేటి సీహెచ్‌పీకి ప్రత్యేక స్థానం ఉందని జనరల్‌ మేనేజర్‌ శ్రీ రమేశ్‌ తెలిపారు. సీహెచ్‌పీలో గురువారం (స్వచ్ఛత) స్పెషల్‌ కాంపెయిన్‌ 6.0 కార్యక్రమాన్ని నిర్వహించారు. అధికారులు, ఉద్యోగులతో కలిసి సీహెచ్‌పీ ఆవరణలో మొక్కలు నాటారు. అనంతరం ఆ యన మాట్లాడుతూ జాతీయ రహదారి మీదుగా పర్యవరణ హితంగా బొగ్గు రవాణా సాగుతుందన్నారు. అత్యధిక రేకుల బొగ్గు రవాణా చేసిన రికా ర్డు, స్వచ్ఛతలో దేశవ్యాప్తంగా గోలేటి సీహెచ్‌పీ ఉత్త మ అవార్డులు సొంతం చేసుకోవడం గర్వకారణమ ని పేర్కొన్నారు. సీహెచ్‌పీ ఆవరణను మరింత ప చ్చదనంతో తీర్చిదిద్దేందుకు అధికారులకు సూచనలు చేశారు. ఏఐటీయూసీ నాయకులు అదం సమీ, ఏరియా ఇంజినీర్‌ వీరన్న, ఎస్వోటూజీఎం స్వామి రాజు, సీహెచ్‌పీ హెచ్‌వోడీ కోటయ్య, సీనియర్‌ పర్సనల్‌ అధికారి శ్రీనివాస్‌, ఏఐటీయూసీ ఫిట్‌ కార్యదర్శి రామయ్య, ఎన్విరాన్‌మెంట్‌ అధికారి జైపాల్‌ యాదవ్‌, ఫారెస్టు అధికారి సుష్మలక్ష్మి, వర్క్‌మెన్‌ ఇన్‌స్పెక్టర్‌ సంతోష్‌కుమార్‌ పాల్గొన్నారు.

ఆసిఫాబాద్‌క్రైమ్‌: జిల్లాలోనే అతి పెద్దదైన కాగజ్‌నగర్‌ రైల్వే స్టేషన్‌లో కనీస సౌకర్యాలు కరువయ్యాయి. వివిధ ప్రాంతాలకు చెందిన ప్రజలు ఇక్కడి నుంచి వివిధ రాష్ట్రాలకు రాకపోకలు సాగిస్తుంటారు. ముఖ్యంగా మూడో ప్లాట్‌ఫాంపై నిలువ నీడ లేకుండా పోతోంది. కనీసం అత్యవసర సమయంలో వెళ్లేందుకు మూత్రశాలలు, మరుగుదొడ్లు కూడా నిర్మించలేదు. నిత్యం వేలాది మంది రాకపోకలు సాగించే స్టేషన్‌లో ఆశించిన స్థాయిలో సౌకర్యాలు కల్పించకపోవడంపై ప్రయాణికులు మండిపడుతున్నారు. ఎండలోనే నిరీక్షణప్రతిరోజూ మధ్యాహ్నం మూడో నంబర్‌ ప్లాట్‌ఫామ్‌పై వందల సంఖ్యలో ప్రయాణికులు వస్తుండగా, వారికి నిలబడేందుకు ఆశించిన స్థాయిలో షెడ్లు, కుర్చీలు లేవు. రైలు వచ్చే వరకు ఎండ, వానలోనే నిలబడాల్సిన పరిస్థితి. ప్రధానంగా వృద్ధులు, రోగులు, మహిళలు, చిన్నారులు మరింత అవస్థలు పడాల్సి వస్తోంది. ప్రస్తుతం కేవలం 4, 5 చిన్న షెడ్లు ఉన్నాయి. అందులో ఓ షెడ్డు కింద 10 నుంచి 15 మందికే స్థలం సరిపోతుంది. మరోవైపు మూత్రశాలలు, మరుగుదొడ్లు కూడా అందుబాటులో లేకపోవడం సమస్యలను మరింత తీవ్రతరం చేస్తోంది. దూర ప్రయాణాలు చేసే వారు ఈ విషయంలో తీవ్ర అసౌకర్యానికి గురవుతున్నారు. బుకింగ్‌కు ఇబ్బందులే..మరో వైపు మూడో నంబర్‌ ప్లాట్‌ఫామ్‌పై టికెట్‌ బుకింగ్‌ కౌంటర్‌ లేకపోవడంతో ప్రయాణికుల బాధలు వర్ణణాతీతంగా మరాయి. ఒకటో నంబర్‌ ప్లాట్‌ఫామ్‌పైనే బుకింగ్‌ కౌంటర్లు ఉన్నాయి. ప్రయాణికులు మూడో నంబర్‌ నుంచి ఫుట్‌ఓవర్‌ బ్రిడ్జి ఎక్కి, దిగిన తర్వాత టికెట్‌ తీసుకొని తిరిగి అదే మార్గంలో మూడో ప్లాట్‌ఫామ్‌కు చేరుకోవాలి. ఇందుకోసం ప్రయాణికుల సమయం, శ్రమ వెచ్చించాల్సి వస్తోంది. ఈ విషయంలో దక్షిణ మధ్య రైల్వే డివిజనల్‌ రైల్వే మేనేజర్‌ (సికింద్రాబాద్‌)ను గోపాలకృష్ణను ఫోన్‌ ద్వారా సంప్రదించగా అందుబాటులోకి రాలేదు.స్టేషన్‌లో కీలకంకాగజ్‌నగర్‌ స్టేషన్‌లో మూడో నంబర్‌ ప్లాట్‌ఫామ్‌ అత్యంత ముఖ్యమైంది. ఈ ప్లాట్‌ఫాం మీదుగా పలు రైళ్లు అందుబాటులో ఉన్నాయి. కాగజ్‌నగర్‌ నుంచి వయా సికింద్రాబాద్‌ బీదర్‌ వరకు రైలు నంబర్‌ : 17011–12 (ఇంటర్‌సిటీ బీదర్‌ ఎక్స్‌ప్రెస్‌), కాగజ్‌నగర్‌ నుంచి సికింద్రాబాద్‌ వరకు రైలు నంబర్‌ : 12757–58 (కాగజ్‌నగర్‌ ఎక్స్‌ప్రెస్‌), కాగజ్‌నగర్‌ నుంచి సికింద్రాబాద్‌ వరకు రైలు నంబర్‌: 17233–34 (భాగ్యనగర్‌ ఎక్స్‌ప్రెస్‌), కాగజ్‌నగర్‌ నుంచి సికింద్రాబాద్‌ వరకు రైలు నంబర్‌: 07711–12 (కాగజ్‌నగర్‌ స్పెషల్‌ ఎక్స్‌ప్రెస్‌) నిత్యం రాకపోకలు సాగిస్తున్నాయి. ఈ నాలుగు రైళ్ల నుంచి ప్రతిరోజూ వేలాది మంది ప్రయాణికులు సికింద్రాబాద్‌ నుంచి కాగజ్‌నగర్‌ వైపు, కాగజ్‌నగర్‌ నుంచి సికింద్రాబాద్‌ వైపు ప్రయాణాలు చేస్తున్నారు. కాగజ్‌నగర్‌ రైల్వే స్టేషన్‌ నుంచి వెళ్లేవారిలో దాదాపు 40 శాతం ప్రయాణికులు ప్లాట్‌ఫామ్‌ నంబర్‌–3లో వచ్చే నాలుగు రైళ్ల సేవలనే వినియోగించుకుంటారు.

ఆసిఫాబాద్‌రూరల్‌: వర్షాభావ పరిస్థితుల నేపథ్యంలో జిల్లా ప్రజల తాగునీటి అవసరాలకు కుమురంభీం(అడ) ప్రాజెక్టు కీలకంగా మారనుంది. ప్రజల కు ఇబ్బందులు లేకుండా తాగునీటి సరఫరాకు అంతరాయం లేకుండా సంబంధిత అధికారులు ముందస్తు ప్రణాళికతో సిద్ధమవుతున్నారు. ప్రస్తుతం ప్రాజెక్టులో ఆరు టీఎంసీల నీటి నిల్వ ఉండగా, ఏ డాదికి రెండు టీఎంసీలు వినియోగించే అవకాశం ఉంది. వర్షాలు ఆలస్యమైనా ఇబ్బందులు తలెత్తకుండా జాగ్రత్తలు తీసుకుంటున్నారు. జిల్లాతోపా టు ఆదిలాబాద్‌, మంచిర్యాల జిల్లాలోని కొన్ని ప్రాంతాలకు ప్రాజెక్టు నుంచే నీటిని సరఫరా చేస్తున్న విషయం తెలిసిందే. 1,876 గ్రామాలకు భగీరథ నీరుఎల్‌నినో ప్రభావంతో రాష్ట్రవ్యాప్తంగా కరువు పరిస్థితులు ఏర్పడే అవకాశం ఉందని, ముందస్తు చర్యల కు సిద్ధంగా ఉండాలని ఇటీవల ముఖ్యమంత్రి మంత్రివర్గ సమావేశంలో వెల్లడించిన విషయం తెలిసిందే. తాగునీటికి ఇబ్బందులు రాకుండా ప్రణాళికలు సిద్ధం చేయాలని అధికారులను ఆదేశించారు. ఈ నేపథ్యంలో జిల్లాలో తాగునీటికి అడ ప్రాజెక్టు కీలకంగా మారనుంది. జిల్లా కేంద్రంలోని అడ ప్రాజెక్టు నుంచి ప్రతిరోజూ 135 ఎంఎల్‌డీ వాటర్‌ను మానిక్‌గూడ భగీరథ వాటర్‌ బెడ్‌లో శుద్ధి చేసి మూడు జిల్లాల పరిధిలోని 27 మండలాల పరిధిలోని 1,876 గ్రామాలకు సరఫరా చేస్తున్నారు. ప్రస్తుతం ప్రాజెక్టులో ఆరు టీఎంసీల నీరు నిల్వ ఉంది. జిల్లావ్యాప్తంగా భగీరథ ద్వారా ఏడాదిపాటు తాగునీరు అందించేందుకు రెండు టీఎంసీలు సరిపోతాయని అధికార వర్గాలు చెబుతున్నాయి. ఏటా ఎండకాలంలో నీటిమట్టం తగ్గిపోయి తాగునీటి సమస్యలు తలెత్తే 122 గ్రామాలను గుర్తించారు. ఆయా గ్రామాలకు ఎలాంటి సమస్య రాకుండా ముందస్తు జాగ్రత్తలు చేపడుతున్నారు. తాగునీటి సమస్య తలెత్తితే 24 గంటల్లోగా పరిష్కరించేలా కార్యాచరణ సిద్ధం చేస్తున్నట్లు అధికారులు వెల్లడించారు. ఇతర జిల్లాలకు సైతం..ఆసిఫాబాద్‌ మండలంలోని మానిక్‌గూడ భగీరథ వాటర్‌ గ్రిడ్‌ నుంచి కుమురం భీం ఆసిఫాబాద్‌ జిల్లాతోపాటు ఆదిలాబాద్‌, మంచిర్యాల జిల్లాలోని కొన్ని గ్రామాలకు నీటిని సరఫరా చేస్తున్నారు. ఆదిలాబాద్‌ జిల్లాలోని ఐదు మండలాలకు ఇక్కడి నుంచి 220 కిలోమీటర్ల మేర పైప్‌లైన్‌ ఉంది. మంచిర్యాల జిల్లాలోని ఏడు మండలాలకు 120 కిలోమీటర్ల మేర పైప్‌లైన్‌ ఉంది. ఇక కుమురం భీం ఆసిఫాబాద్‌ జిల్లాలోని 15 మండలాలకు 100 కిలోమీటర్ల వరకు పైప్‌లైన్‌ ద్వారా ప్రతిరోజూ 135 మిలియన్‌ లీటర్ల వాటర్‌ ట్రీట్‌మెంట్‌ ప్లాంట్‌ ద్వారా భగీరథ నీటిని అందిస్తున్నారు.సమస్య రాకుండా చర్యలు వర్షాభావ పరిస్థితులతో ప్రజలకు తాగునీటి సమస్య రాకుండా ముందస్తు చర్యలు తీసుకుంటున్నాం. భగీరథ ద్వారా నిరంతరం తాగునీరు అందించేందుకు పటిష్ట ఏర్పాట్లు చేశాం. ఎల్‌నినో ప్రభావాన్ని సమర్థవంతంగా ఎదుర్కొనేందుకు సిద్ధంగా ఉన్నాం. – రాజేశ్‌, భగీరథ గ్రిడ్‌ ఈఈ

ఆసిఫాబాద్‌రూరల్‌: జిల్లా కేంద్రంలోని తెలంగాణ మోడల్‌ స్కూల్‌లో బుధవారం 18 పీఎం పాఠశాలల విద్యార్థులకు నిర్వహించిన ఖోఖో, కబడ్డీ, వాలీబాల్‌, అథ్లెటిక్స్‌ పోటీలు రసవత్తరంగా సాగాయి. డీఈవో సచ్చిదానంద చారి మాట్లాడుతూ ఆటలతో విద్యార్థులు శారీరకంగా, మానసికంగా ఆరోగ్యంగా ఉంటారని తెలిపారు. పిల్లల్లో పోటీతత్వం పెరుగుతుందన్నారు. కాగా, బాలుర విభాగంలో కబడ్డీలో బాబాపూర్‌, ఖోఖోలో తెలంగాణ మోడల్‌ స్కూల్‌, వాలీబాల్‌ పోటీల్లో సిర్పూర్‌ (యు) జట్లు విజేతలుగా నిలిచాయి. బాలి కల విభాగంలో ఖోఖోలో గిరిజన బాలికల పాఠశాల, కబడ్డీలో సిర్పూర్‌(టి) జట్లు మొద టి బహుమతులు కైవసం చేసుకున్నాయి. ఎస్‌జీఎఫ్‌ జిల్లా ప్రధాన కార్యదర్శి రామ్మోన్‌రావు, ఎస్‌వో శ్రీనివాస్‌, ప్రిన్సిపాల్‌ మహేశ్వర్‌, పీడీలు, పీఈటీలు తిరుపతి, రమేశ్‌, రవి తదితరులు పాల్గొన్నారు.

ఆసిఫాబాద్‌అర్బన్‌: ఆసిఫాబాద్‌ మున్సిపాలిటీ పరిధిలో అద్దె వ్యాపారం గాడితప్పుతోంది. కొంద రు యజమానులు మున్సిపల్‌కు తక్కువ అద్దె చెల్లి స్తూ ఇతరులకు ఎక్కువ మొత్తానికి అద్దెకు ఇస్తున్నా రు. ఓ వైపు వారు అదనపు ఆదాయం పొందుతుండగా, మున్సిపాలిటి ఆదాయానికి మాత్రం గండిపడుతోంది. మరికొందరు ఏకంగా మున్సిపల్‌ స్థలా ల్లోనే టేలాలు వేసి అద్దెకు ఇస్తూ ఆదాయం అర్జిస్తున్నారు. ఈ లెక్కన బల్దియాకు నెలకు సుమారు రూ.లక్ష వరకు వరకు నష్టం జరుగుతోంది. నిబంధనల ప్రకారమైతే అద్దె తీసుకున్న దుకాణాలు నిర్వహించలేని పరిస్థితులు ఉంటే తిరిగి అప్పగించాలి. అధికారులు వాటికి మళ్లీ టెండర్లు నిర్వహిస్తారు. కానీ కొందరు వ్యాపారులు మాత్రం దుకాణాలను బినామీలకు అప్పగిస్తున్నారు. వారి నుంచి కొంత అద్దె వసూలు చేస్తున్నారు. జిల్లా కేంద్రంలో ఇలా.. ఆసిఫాబాద్‌ మున్సిపల్‌ పరిధిలో మూడు దుకాణ సముదాయాలు ఉన్నాయి. ఇందులో 41 గదులు అద్దె ప్రాతిపదికన కొనసాగుతున్నాయి. నెలకు రూ.1.90 లక్షల వరకు అద్దె బల్దియాకు సమకూరుతోంది. అలాగే 200కు పైగా టేలాలు మున్సిపల్‌ స్థలాల్లోనే కొనసాగుతున్నాయి. వీటి ద్వారా నెలకు రూ.1.50 లక్షల వరకు ఆదాయం వస్తోంది. మున్సిపల్‌ అద్దె నామమాత్రంగా రూ.500 నుంచి రూ.600 వరకే ఉంది. కానీ మున్సిపల్‌ నుంచి అద్దెకు తీసుకున్న వారు చాలా మంది ఇతరులకు రూ.4వేల నుంచి రూ.10వేల వరకు అధిక ధరకు మళ్లీ రెంట్‌కు ఇచ్చినట్లు ఆరోపణలు ఉన్నాయి. అధికారులు స్పందించి చర్యలు తీసుకోవాలని పట్టణ ప్రజలు కోరుతున్నారు. నోటీసులు జారీ చేస్తాం మున్సిపల్‌ సముదాయంలో సబ్‌ లీజుల వ్యవహారం మా దృష్టికి వచ్చింది. త్వరలోనే వారికి నోటీసులు జారీ చేస్తాం. బినామీలను తొలగించి అర్హులైన అందించేందుకు చర్యలు చేపడతాం. అక్రమాలు జరిగితే అధికారుల దృష్టికి తీసుకురావాలి. – అంజయ్య, ఆసిఫాబాద్‌ మున్సిపల్‌ కమిషనర్‌

ఆసిఫాబాద్‌అర్బన్‌: ఓటుహక్కు, ప్రజాస్వామ్య పరిరక్షణ లక్ష్యంగా నవంబర్‌ 1న ఢిల్లీలో కాంగ్రెస్‌ పార్టీ ఆధ్వర్యంలో ఓట్‌ బచావో– దేశ్‌ బచావో కార్యక్రమం చేపడుతున్నట్లు ఏఐసీసీ పర్యవేక్షక్షుడు మరియప్పన్‌ తెలిపారు. జిల్లా కేంద్రంలోని డీసీసీ కార్యాలయంలో బుధవారం డీసీసీ అధ్యక్షురాలు ఆత్రం సుగుణ అధ్యక్షతన ముఖ్య నాయకులు, కార్యకర్తలతో నిర్వహించిన సమావేశానికి కోర్డినేటర్‌ శ్రావణ్‌కుమార్‌తో కలిసి హాజరయ్యారు. ఆయన మాట్లాడుతూ ఢిల్లీలో నిర్వహించే ఓట్‌ బచావో– దేశ్‌ బచావో కార్యక్రమం ప్రాధాన్యతను ప్రజల్లోకి తీసుకెళ్లాలని పిలుపునిచ్చారు. ఎమ్మెల్సీ దండె విఠల్‌, డీసీసీ అధ్యక్షురాలు ఆత్రం సుగుణ మాట్లాడుతూ ఓటరు జాబితాలో అక్రమాలు, అవకతవకలు జరగకుండా కాంగ్రెస్‌ పార్టీ నాయకులు, కార్యకర్తలు అప్రమత్తంగా ఉండాలని సూచించారు. నవంబర్‌ 1న తేదీన ఢిల్లీలో నిర్వహించే కార్యక్రమాన్ని విజయవంతం చేయాలని కోరారు. సమావేశంలో నియోజకవర్గ ఇన్‌చార్జి శ్యాంనాయక్‌, డీసీసీ మాజీ అధ్యక్షుడు విశ్వప్రసాద్‌రావు, మాజీ ఎమ్మెల్యే ఆత్రం సక్కు, జిల్లా గ్రంథాలయ చైర్మన్‌ అనిల్‌కుమార్‌, ఏఎంసీ చైర్‌పర్సన్‌ ఇరుకుల్ల మంగ, కాగజ్‌నగర్‌ మార్కెట్‌ చైర్మన్‌ దేవయ్య, నాయకులు గణపతి, బాలేష్‌గౌడ్‌, రాపర్తి మురళి, ఇమ్రాన్‌, వివిధ మండలాల అధ్యక్షులు, అనుబంధ సంఘాల నాయకులు పాల్గొన్నారు.

ఆసిఫాబాద్‌రూరల్‌: ఉపాధ్యాయుల ఆన్‌డ్యూటీ(ఓడీ)ల వివరాలను అడగడం సరికాదని, సంబంధిత ఆదేశాలను వెంటనే ఉపసంహరించుకోవాలని పీఆర్‌టీయూ నాయకులు కోరారు. ఈ మేరకు జిల్లా కేంద్రంలో బుధవారం డీఈవో సచ్చిదానంద చారికి వినతిపత్రం అందించారు. ఆ సంఘం జిల్లా అధ్యక్షుడు ప్రకాశ్‌ మాట్లాడుతూ జిల్లాలో పనిచేస్తున్న ఉపాధ్యాయులు, ప్రధానోపాధ్యాయులు శిక్షణ తరగతులు, సమావేశాలు, ఇతర పనులకు వెళ్లిన సమయంలో ఎఫ్‌ఆర్‌ఎస్‌ ఆన్‌డ్యూటీగా నమోదు చేస్తారని తెలిపారు. తర్వాత హెచ్‌ఎంలు, డీడీవోలు పరిశీలించి ధ్రువీకరిస్తారని స్పష్టం చేశారు. కానీ రాష్ట్రంలో ఎక్కడా లేనివిధంగా 300 మంది టీచర్ల ఓడీ వివరాలు ఇవ్వాలని విద్యాశాఖ ఆదేశించడం సరికాదన్నారు. కార్యక్రమంలో నాయకులు రమేష్‌, చారి, అనిల్‌కుమార్‌ తదితరులు పాల్గొన్నారు.

రెబ్బెన/కౌటాల: ఆరుగాలం కష్టపడి పండించిన పంటలు చేతికందే దశలో రైతులను అర్నబ్‌ తుపాను కలవరపెడుతోంది. తీవ్ర వర్షాభావ పరిస్థితులతో ఈసారి పంటల్లో దిగుబడి అంతంత మాత్రంగా ఉంది. కనీసం పెట్టుబడులు కూడా వచ్చే పరిస్థితులు కనిపించడం లేదు. తుపాన్‌ ప్రభావం జిల్లాపైనా ఉంటుందనే అంచనా నేపథ్యంలో రైతుల కంటిమీద కునుకు లేకుండా పోయింది. పలు ప్రాంతాల్లో చేలు ఎండుతున్నాయి. కానీ ఈ పరిస్థితిలో వర్షం పడితే ఆశాజనకంగా ఉన్న పంటలకు తీవ్ర నష్టం జరుగుతుందని అన్నదాతలు ఆందోళన చెందుతున్నారు. జిల్లాలోని 1.26 లక్షల మందికి పైగా రైతులు జిల్లావ్యాప్తంగా 4.40 ఎకరాల్లో వానాకాలం సీజన్‌లో పంటలు సాగు చేశారు. అత్యధికంగా 3.50 లక్షల ఎకరాల్లో పత్తి, 54 వేల ఎకరాల్లో వరి సాగైంది. పత్తి రైతుల అయోమయం తీవ్ర వర్షాభావ పరిస్థితులతో పంటలో పూత నిలిచినా చోట కూడా కాయల సంఖ్య గణనీయంగా తగ్గింది. ఎకరానికి 6 నుంచి 8 క్వింటాళ్ల వరకు సగటు దిగుబడి ఉండగా ఈసారి పరిస్థితి మరీ అధ్వానంగా మారనుంది. ఎకరానికి 3 క్వింటాళ్ల వరకు రావడమే కష్టతరంగా మారింది. పెట్టుబడులు కూడా వచ్చే పరిస్థితి కనిపించడం లేదు. జిల్లా రైతులు అయోమయ పరిస్థితుల్లో పడ్డారు. ఓ వైపు చేలు ఎండిపోతున్నా.. తుపాను ప్రభావంతో వర్షం పడితే పత్తి నల్లబడుతుందని ఆందోళన చెందుతున్నారు. 80 శాతం పంట మొదట దశ ఏరేందుకు సిద్ధమైంది. కూలీల కొరత కారణంగా ఇంకా పనులు ప్రారంభం కాలేదు. వర్షం పడితే చేతికందే దశలోని పంట చెట్టుపైనే తడిసి నాణ్యత దెబ్బతింటుంది. కొనుగోలు చేసేందుకు సీసీఐ కేంద్రాలతోపాటు జిన్నింగ్‌ మిల్లుల యజమానులు, వ్యాపారులు సైతం ఆసక్తి చూపరు. వరి పంటదీ అదే పరిస్థితి రెబ్బెన మండలంలో యాసంగి సాగుకు వీలుగా వానాకాలం ముందస్తుగానే వరినాట్లు వేసుకున్నారు. అందుబాటులో సాగునీటి వసతి ఉన్న ఇందిరానగర్‌, గంగాపూర్‌, నంబాల, కొమురవెళ్లి తదితర ప్రాంతాల్లో ప్రస్తుతం కోతదశకు చేరుకుంది. హార్వెస్టర్‌ యంత్రాల కొరతతో కోతలు ముందుకు సాగడం లేదు. కొందరు ఇప్పటికే కోతలు పూర్తి చేసుకున్నారు. ఈ సారి సన్నరకం వరి ధాన్యానికి రికార్డు స్థాయిలో ధర పలుకుతుండంతో కాస్త లాభాలను చూస్తామని ఆశించిన రైతులకు అర్నబ్‌ తుపాన్‌ గుబులు పుట్టిస్తోంది. కోసేందుకు సిద్ధంగా ఉన్న ఈ సమయంలో వర్షానికి తోడు చిన్నపాటి గాలి వీచినా పంటంతా నేలకొరి తీవ్ర నష్టాన్ని కలిగిస్తుంది.

కాగజ్‌నగర్‌టౌన్‌: పట్టణంలోని సిర్పూర్‌ పేపర్‌ మిల్లుకు సోమవారం లోడ్‌ నిమిత్తం వచ్చిన ఓ లారీ ఈఎస్‌ఐ మూలమలుపు వద్ద ఉన్న డివైడర్‌కు తగలడంతో దాపి డీజిల్‌ ట్యాంక్‌ పగిలిపోయింది. ఈఎస్‌ఐ మూలమలుపు నుంచి లారీ చౌరస్తా వరకు బీటీరోడ్డుపై ఇంధనమంతా పడిపోయింది. ఈ విష యం తెలియక ద్విచక్ర వాహనదారులు పలువురు అదుపుతప్పి రోడ్డుపై కింద పడగా గాయాలపాలయ్యారు. కొందరు స్థానికులు గమనించి రాకపోకలను మళ్లించారు. అయితే లారీ ట్యాంక్‌ పగిలి డీజిల్‌ రోడ్డుపై పారుతున్నా సంబంధిత డ్రైవర్‌ పట్టించుకోకుండా వెళ్లిపోయాడని స్థానికులు తెలిపారు. మున్సిపల్‌, పోలీసు సిబ్బంది చర్యలు తీసుకోకపోవడంపై విమర్శలు వస్తున్నాయి. కనీసం ఇసుక కూడా చల్లలేదని, భారీ ప్రమాదాలు జరిగితే ఎవరు బాధ్యత వహిస్తారని ప్రశ్నిస్తున్నారు.

ఆసిఫాబాద్‌అర్బన్‌: వర్షాభావ పరిస్థితుల నేపథ్యంలో ఇతర ప్రాంతాలకు వలస వెళ్లకుండా రైతులు, ప్రజలకు వీబీ జీ రామ్‌జీ పథకం కింద స్థానికంగానే ఉపాధి పనులు కల్పించాలని రాష్ట్ర పంచాయతీరాజ్‌ శాఖ మంత్రి సీతక్క అన్నారు. హైదరాబాద్‌ నుంచి బుధవారం పంచాయతీరాజ్‌ శాఖ ప్రత్యేక కార్యదర్శి దాన కిశోర్‌, సెర్ప్‌ సీఈవో దివ్య దేవరాజన్‌తో కలిసి వీడియో కాన్ఫరెన్స్‌ ద్వారా కలెక్టర్లు, డీఆర్‌డీవోలు, ఎంపీడీవోలతో వీబీ జీ రామ్‌జీ పథకం అమలు, ఎల్‌నినో ప్రభావాన్ని తగ్గించేందుకు తీసుకోవాల్సిన చర్యలపై సమీక్ష సమావేశం నిర్వహించారు. మంత్రి మాట్లాడుతూ రైతులు పశువులకు అవసరమైన పచ్చిగడ్డి సాగు చేసేలా చర్యలు తీసుకోవాలన్నారు. వీబీ జీ రామ్‌జీ పథకం కింద అనుమతించిన 375 రకాల పనులపై సర్పంచులకు అవగాహన కల్పించి, పనిదినాలు పెరిగేలా చూడాలని ఆదేశించారు. ఆదర్శ గ్రామంగా ఎంపికైతే కేంద్ర ప్రభుత్వం రూ.కోటి చెల్లిస్తుందని తెలిపారు. రైతులు, గ్రామ సంఘాల ఆధ్వర్యంలో పశుగ్రాసం సాగు చేస్తే ఎకరానికి రూ.14వేల ఆర్థికసాయం అందిస్తామని ప్రకటించారు. జిల్లా కేంద్రంలోని కలెక్టరేట్‌ నుంచి అదనపు కలెక్టర్‌ యువరాజ్‌ మర్మాట్‌ మాట్లాడారు. జిల్లాలోని చెరువులు, కాలువల్లో పూడికతీత పనులు చేపట్టేందుకు చర్యలు తీసుకుంటున్నామని తెలిపారు. ఇప్పటికే ప్రారంభించిన గ్రామ సంఘాల భవనాలు, అదనపు గదులు, అంగన్‌వాడీ కేంద్రాలు, పంచాయతీ భవనాలు గడువులోగా పూర్తి చేస్తామని వివరించారు. వీబీ జీ రామ్‌ జీ పథకం కింద పనిదినాలు పెంచేందుకు తగిన సంఖ్యలో మేట్లను నియమిస్తామని పేర్కొన్నారు. నీటి తొట్లు ఏర్పాటు చేయడంతోపాటు పశుగ్రాసం సాగు ప్రోత్సహిస్తామని, నీటి సంరక్షణలో భాగంగా వ్యక్తిగత, సామూహిక ఇంకుడు గుంతల నిర్మాణానికి చర్యలు తీసుకుంటామని తెలిపారు. సమావేశంలో డీఆర్‌డీవో దత్తారావు, జెడ్పీ సీఈవో లక్ష్మీనారాయణ, డీపీవో భిక్షపతిగౌడ్‌, డీఎల్‌పీవో ఉమర్‌ హుస్సేన్‌, అధికారులు పాల్గొన్నారు.

దహెగాం: ఆయిల్‌పాం సాగుతో రైతులు అధి క లాభాలు పొందవచ్చని ఉద్యానవన శాఖ అధికారి సుప్రజ అన్నారు. మండలంలోని ఐనం గ్రామ శివారులో కొత్తగా నాటిన ఆయిల్‌పాం మొక్కలను బుధవారం పరిశీలించారు. ఉద్యానవన శాఖ ఆధ్వర్యంలో ఆయిల్‌పాం మొక్కలను 90 శాతం సబ్సిడీతో అందిస్తున్నామని తెలిపారు. మొక్కలు నాటిన నాలుగేళ్ల వరకు ఎకరానికి రూ.4,200 నిర్వహణ ఖర్చులు అందిస్తామన్నారు. ఈ సందర్భంగా రైతులకు మొక్కల సంరక్షణ చర్యలను వివరించారు. కార్యక్రమంలో వాల్యూ ఆయిల్‌ ఏరియా మేనేజర్‌ గౌతమ్‌ రమేశ్‌, ఫినోలిక్‌ ఇరిగేషన్‌ జిల్లా కోఆర్డినేటర్‌ కిరణ్‌, ఫీల్డ్‌ ఎక్సిక్యూటివ్‌ ఫరూక్‌ ఉన్నారు.

కౌటాల: వర్షాభావ పరిస్థితుల నేపథ్యంలోని జిల్లాలోని ఐదు మండలాలను రాష్ట్ర ప్రభుత్వం మధ్యస్థ కరువు మండలాలుగా గుర్తిస్తూ ఉత్తర్వులు జారీ చేసింది. అయితే ఏ ఒక్క మండలాన్ని తీవ్ర కరువు ప్రాంతంగా గుర్తించకపోవడంతో రైతులకు నేరుగా సాయం అందే అవకాశాలు లేకుండా పోయాయి. ప్రత్యామ్నాయ పంటల ప్రణాళిక, వీబీ జీరామ్‌ జీ పనిదినాల పెంపు, ఇతర తాత్కాలిక ఉపశమన చర్యలు చేపట్టే అవకాశం ఉంది. కనీసం లోటు వర్షపాతం నమోదై, పంటలు ఎండుతున్న ప్రాంతాలనైనా కరువు మండలాలుగా ప్రకటించాలని రైతులు డిమాండ్‌ చేస్తున్నారు. జిల్లాలో ఈ వానాకాలం సీజన్‌లో ఇప్పటివరకు 1103.5 మిల్లీమీటర్ల వర్షపాతం నమోదు కావాల్సి ఉండగా 1019.9 మీటర్ల వర్షం కురిసింది. మూడు మండలాల్లో లోటు వర్షపాతం ఉండగా, జిల్లాలోని 15 మండలాల్లో కేవలం ఐదు మండలాలను మధ్యస్థ కరువు మండలాలుగా ప్రకటించడం గమనార్హం. అడుగంటుతున్న నీటి వనరులు ప్రస్తుతం జిల్లాలోని వార్దా, పెద్దవాగు, వైన్‌గంగ, పెన్‌గంగ నదుల్లో నీటిమట్టాలు అడుగంటుతున్నాయి. చెరువులు సైతం ఎండుతున్నాయి. చివరిదశలో ఉన్న పంటలను కాపాడుకునేందుకు రైతులు ముప్పుతిప్పలు పడుతున్నారు. పలు ప్రాంతాల్లో వరికి సాగు నీరందక ఎండిపోతోంది. యాసంగి సీజన్‌లో పంటలు సాగునీటి విడుదల ఉండదని ప్రభుత్వం స్పష్టం చేసింది. ఈ నేపథ్యంలో జిల్లా అధికారులు ప్రత్యామ్నాయంగా మక్క, శనగ, మినుము, సోయా, జొన్న, కంది తదితర ఆరుతడి పంటలు సాగు చేసేలా రైతులను సిద్ధం చేస్తున్నారు. కౌటాల మండలం తాటిపల్లి వద్ద ఎండిపోయిన వార్దా నది జిల్లాలోని మధ్యస్థ కరువు మండలాలు కౌటాల,చింతలామనెపల్లి బెజ్జూర్‌, జైనూర్‌,సిర్పూర్‌(యు)జూన్‌ నుంచి అక్టోబర్‌ 28 వరకు వర్షపాతం(మి.మీ.లలో) మండలం కురవాల్సింది కురిసింది శాతం(స్థితి) జైనూర్‌ 1168.5 1180.2 1.0 సాధారణం సిర్పూర్‌(యు) 1060.2 1077.9 –7 సాధారణం లింగాపూర్‌ 1106.8 1153.5 4 సాధారణం తిర్యాణి 1001.7 1013.7 1.0 సాధారణం రెబ్బెన 955.9 937.1 – 2 సాధారణం ఆసిఫాబాద్‌ 993.7 960.8 – 3 సాధారణం కెరమెరి 992.1 1163.2 17 సాధారణం వాంకిడి 1049.9 928.0 – 12 సాధారణం కాగజ్‌నగర్‌ 1013.5 882.7 – 13 సాధారణం సిర్పూర్‌(టి) 1150.0 893.1 – 22.0 లోటు కౌటాల 1150.0 862.1 – 27.0 లోటు చింతలమానెపల్లి 1191.9 884.5 – 26.0 లోటు బెజ్జూర్‌ 1255.6 1197.3 – 5 సాధారణం పెంచికల్‌పేట్‌ 1161.5 1160.8 00 సాధారణం దహెగాం 1164.8 1002.6 – 14 సాధారణంసాయం కష్టమేనా..! కరువు ప్రాంతాలను గుర్తించేందుకు అధికారులు మొదట శాటిలైట్‌ మ్యాపులు, వర్షపాతం, నీటి వనరుల్లో జలాలు, క్షేత్రస్థాయిలో పరిశీలన చేశారు. ఈ అంశాల ఆధారంగా కౌటాల, బెజ్జూర్‌, చింతలమానెపల్లి, జైనూర్‌, సిర్పూర్‌(యు) మండలాలను మధ్యస్థ కరువు మండలాలుగా ప్రతిపాదించింది. తీవ్రమైన కరువు మండలాలకే సాయం అందే అవకాశాలు ఉన్నాయి. తద్వారా జిల్లా రైతులకు నిరాశే ఎదురుకానుంది. 13 మండలాల్లో సాధారణ వర్షపాతం నమోదు కాగా.. కౌటాల, చింతలమానెపల్లి, సిర్పూర్‌(టి) మండలాల్లో లోటు ఉంది. మధ్యస్థ కరువు మండలాల్లో వ్యవసాయశాఖ చేపట్టే యాక్షన్‌ ప్లాన్‌ వివరాల కోసం డీఏవో బి.వెంకట్‌ను ‘సాక్షి’ సంప్రదించగా ఆయన స్పందించలేదు.

ఆసిఫాబాద్‌అర్బన్‌: సహ చట్టంలోని ప్రతీ సెక్షన్‌పై ప్రజా సమాచార అధికారులు, సహాయ ప్రజాసమాచార అధికారులు, అప్పిలేట్‌ అధికారులకు పూర్తి అవగాహన అవసరమని రాష్ట్ర సమాచార హక్కు చట్టం ప్రధాన కమిషనర్‌ డా.జి.చంద్రశేఖర్‌రెడ్డి అన్నారు. జిల్లా కేంద్రంలోని కలెక్టరేట్‌ సమావేశ మందిరంలో బుధవారం రాష్ట్ర సమాచార కమిషనర్లు పీవీ శ్రీనివాస్‌రావు, మోసిన పర్వీన్‌, దేశాల భూపాల్‌, బోరెడ్డి అయోధ్యరెడ్డి, వైష్ణవి మెర్ల, కలెక్టర్‌ కె.హరిత, అదనపు కలెక్టర్లు యువరాజ్‌ మర్మాట్‌, డేవిడ్‌, అదనపు ఎస్పీ చిత్తరంజన్‌, కాగజ్‌నగర్‌ సబ్‌ కలెక్టర్‌ హర్ష్‌ చౌదరితో కలిసి అవగాహన కార్యక్రమం నిర్వహించారు. ఆయన మాట్లాడుతూ ప్రతీ అంశంపై అవగాహన ఉన్నప్పుడే ఆర్‌టీఐ దరఖాస్తుదారులకు నిర్ణీత గడువులోగా సమాచారం అందించవచ్చని తెలిపారు. సమాచారం పూర్తి పారదర్శకంగా, సరళీకృతంగా ఉండేలా చూడాలన్నారు. ఎలాంటి ఆందోళన, భయం లేకుండా ఇవ్వాల్సిన సమాచారాన్ని అందించాలని సూచించారు. ఉద్యోగుల వ్యక్తిగత సమాచారం ఇవ్వొద్దన్నారు. ప్రపంచంలో 132 దేశాల్లో సహ చట్టం పకడ్బందీగా అమలవుతుందని పేర్కొన్నారు. సంస్థ విధులు, బాధ్యతలు అధికారులు, ఉద్యోగులు బాధ్యతలు, నిర్ణయ ప్రక్రియ, పర్యవేక్షణ, జవాబుదారీతనంతో వ్యవహరించాలని కోరారు. కలెక్టర్‌ కె.హరిత మాట్లాడుతూ సహ చట్టం కమిషనర్ల సలహాలు, సూచనలు పరిగణనలోకి తీసుకుని అప్పిలేట్‌ అధికారులు, ప్రజా సమాచార అధికారులు, సహాయ ప్రజా సమాచార అధికారులు సెక్షన్లపై అవగాహన పెంచుకోవాలన్నారు. దరఖాస్తుదారులు, పౌరులకు సకాలంలో సమాచారం అందించడం, ప్రభుత్వ కార్యాలయాల్లో పారదర్శకతను పెంపొందించడం, అధికారులు, ప్రభుత్వ ఉద్యోగులలో జవాబుదారీతనాన్ని బలోపేతం చేయడానికి చర్యలు తీసుకుంటామని వివరించారు.

తిర్యాణి: ఆదివాసీలు ఆర్ధికాభివృద్ధి సాధించాలని సెర్ప్‌ సీఈవో దివ్య దేవరాజన్‌ అన్నారు. తిర్యాణి మండలం సుంగాపూర్‌ పంచాయతీ పరిధిలోని కొలంగూడలోని 55 కుటుంబాలకు గతంలో తెలంగాణ సమ్మిళిత జీవనోపాధి కార్యక్రమం(టీజీఐఎల్‌పీ)లో భాగంగా వివిధ సామగ్రి అందించగా, మంగళవారం లబ్ధిదారులతో ఐటీడీఏ పీవో మంద మకరందు, అదనపు కలెక్టర్‌ యువరాజ్‌ మర్మాట్‌తో కలిసి ప్రత్యేక సమావేశం నిర్వహించారు. పథకం అమలు తీరు, ఎదురువుతున్న సమస్యల గురించి తెలుసుకున్నారు. స్వయం ఉపాధి కల్పించేందుకు టీజీఐఎల్‌పీ పథకం రూపొందించినట్లు తెలిపారు. ఎల్‌నినోను దృష్టిలో ఉంచుకుని నీటిని పొదుపుగా వాడుకోవడంతోపాటు జల సంరక్షణకు ఇంకుడు గుంతలు నిర్మించాలని సూచించారు. ఈ సందర్భంగా గ్రామంలోని సమస్యలపై స్థానికులు వినతిపత్రం అందించారు. అలాగే గుడిపేట శివారులో ఓ సంస్థ ఆధ్వర్యంలో నిర్మించిన సోలార్‌ పంప్‌ సెట్‌ను పరిశీలించారు. గిన్నెదరి గ్రామంలో నిర్మించిన మైకెల్‌ యార్క్‌ గ్రంథాలయ భవనాన్ని ప్రారంభించారు. టీజీఐఎల్‌పీ పథకం అమలుపై కోచ్‌లు, అధికారులతో మండల కేంద్రంలోని ఐకేపీ కార్యాలయంలో సమీక్షించారు. ఆయా కార్యక్రమాల్లో డీఆర్‌డీవో దత్తారావు, డీపీవో భిక్షపతి, తహసీల్దార్‌ శ్రీనివాస్‌, ఎంపీడీవో నాగేశ్‌ తదితరులు పాల్గొన్నారు.

ఆసిఫాబాద్‌అర్బన్‌: జిల్లాలోని పేదల జీవితాల్లో మార్పు తీసుకురావాలని సెర్ప్‌ సీఈవో దివ్య దేవరాజన్‌ అన్నారు. జిల్లా కేంద్రంలోని కలెక్టరేట్‌లో మంగళవారం కలెక్టర్‌ కె.హరిత, అదనపు కలెక్టర్లు యువరాజ్‌ మర్మాట్‌, డేవిడ్‌, డీఎఫ్‌వో బాలామణితో కలిసి తెలంగాణ సమగ్ర జీవనోపాధి కార్యక్రమం(టీజీఐఎల్‌పీ), వీబీజీ రామ్‌ జీ పథకంలో చేపట్టాల్సిన పనులపై సమీక్ష సమావేశం నిర్వహించా రు. సెర్ప్‌ సీఈవో మాట్లాడుతూ జిల్లాలోని తిర్యా ణి, లింగాపూర్‌ మండలాల్లో టీజీఐఎల్‌పీ కింద మూడు వేల అత్యంత పేద కుటుంబాలను గుర్తించినట్లు తెలిపారు. జిల్లాలో 1,22,633 జాబ్‌ కార్డులు ఉన్నాయని, వీబీ జీరామ్‌జీ కింద అర్హులైన కుటుంబాలకు 125 రోజులు పని కల్పించాలన్నారు. ఈ ప థకం ద్వారా పంచాయతీ భవనాలు, అంగన్‌వాడీ, మహిళా సమాఖ్య భవనాలు, గిడ్డంగుల నిర్మాణం వంటి 375 రకాల పనులు చేపట్టవచ్చని పేర్కొన్నా రు. జలసిరి పథకం ద్వారా పంట కుంటలు, ఊట కుంటలు, నీటి కుంటలు, ఇంకుడుగుంతల నిర్మాణంతో భూగర్భ జలాలు పెరిగే అవకాశం ఉందన్నా రు. కలెక్టర్‌ హరిత మాట్లాడుతూ టీజీఐఎల్‌పీ ప్రా జక్టు, వీబీ జీరామ్‌జీ పథకం పకడ్బందీగా అమలు చేస్తామని తెలిపారు. పెద్దఎత్తున కూలీలకు పనులు కల్పించే విధంగా అధికారుల సమన్వయంతో చర్యలు తీసుకుంటామని వివరించారు. అనంతరం కమిషనర్‌ను శాలువాతో సన్మానించారు. సమావేశంలో అధికారులు, శిక్షకులు పాల్గొన్నారు.

బెజ్జూర్‌: విద్యార్థులు క్రమశిక్షణతో చదువుకుని, జీవితంలో ఉన్నత శిఖరాలకు చేరుకోవాలని జిల్లా సీనియర్‌ జడ్జి అనూష అన్నారు. మండల కేంద్రంలోని గిరిజన బాలికల ఆశ్రమ పాఠశాలలో మంగళవారం చట్టాలపై అవగాహన కల్పించారు. విద్యార్థులు తల్లిదండ్రులు, ఉపాధ్యాయులను గౌరవించా లన్నారు. హక్కులు తెలుసుకోవడంతోపాటు విధులు బాధ్యతాయుతంగా నిర్వర్తించాలని సూచించా రు. విద్యార్థులకు అవసరమైన న్యాయ సహాయం అందించేందుకు లీగల్‌ సర్వీసెస్‌ అథారిటీ అండగా ఉంటుందని భరోసా ఇచ్చారు. ఇబ్బందులకు గురి చేస్తే భయపడకుండా షీటీమ్స్‌ను ఆశ్రయించాలని సూచించారు. అలాగే 15100, 1098 హెల్ప్‌లైన్‌ నంబర్లకు ఫిర్యాదు చేయవచ్చని తెలిపారు. ఎల్‌నినో పరిస్థితులను దృష్టిలో ఉంచుకుని నీటిని, ఆహారా న్ని వృథా చేయకుండా పొదుపుగా వినియోగించాలని సూచించారు. కార్యక్రమంలో ఆశ్రమ పాఠశాల ప్రధానోపాధ్యాయురాలు జి.మారుబాయి, బెజ్జూర్‌ ఎస్సై కె.రమేశ్‌, టీచర్లు పాల్గొన్నారు.

ఆసిఫాబాద్‌రూరల్‌: ఇటీవల జరిగిన రాష్ట్రస్థాయి ఖోఖో పోటీల్లో ప్రథమ స్థానంలో నిలిచిన ఉమ్మడి జిల్లా జట్టు క్రీడాకారులను మంగళవారం జిల్లా కేంద్రంలోని కలెక్టరేట్‌లో కలెక్టర్‌ కె.హరిత అభినందించారు. ఉమ్మడి ఆదిలాబాద్‌ జిల్లా జట్టులో గిరిజన ఆదర్శ క్రీడాపాఠశాలకు చెందిన పది మంది విద్యార్థులు ఉండటం గర్వకారణమన్నారు. రాను న్న రోజుల్లో అత్యుత్తమ ప్రతిభ చూపాలని, రాష్ట్ర, జాతీయస్థాయి పతకాలు సాధించాలని ఆకాంక్షించారు. కార్యక్రమంలో డీటీడీవో అంబాజీ, నోడల్‌ అధికారి మీనారెడ్డి, కోచ్‌ తిరుమల్‌ తదితరులు పాల్గొన్నారు.

కాగజ్‌నగర్‌టౌన్‌: జిల్లా పరిధిలోని ఖాళీగా ఉన్న అంగన్‌వాడీ పోస్టుల భర్తీ ప్రక్రియ వేగవంతమైంది. జిల్లాలో ఆసిఫాబాద్‌, జైనూర్‌, కాగజ్‌నగర్‌, సిర్పూర్‌(టి), వాంకిడి ఐసీడీఎస్‌ ప్రాజెక్టులు ఉన్నాయి. ఆయా ప్రాజెక్టుల పరిధిలో 153 అంగన్‌వాడీ టీచర్‌, 280 ఆయా పోస్టుల భర్తీకి అక్టోబర్‌ 9 నుంచి 23వ తేదీ వరకు ఆన్‌లైన్‌ ద్వారా దరఖాస్తులు స్వీకరించా రు. గడువు ముగిసిన తర్వాత అంగన్‌వాడీ టీచర్‌ పోస్టులకు 2,384 దరఖాస్తులు, ఆయా పోస్టులకు 1470 దరఖాస్తులు వచ్చాయి. ఈ నేపథ్యంలో సంబంధిత అధికారులు ధ్రువపత్రాల పరిశీలన చేపట్టేందుకు సిద్ధమయ్యారు. ధ్రువపత్రాల వెరిఫికేషన్‌ ఇలా..కలెక్టర్‌ ఆదేశాల మేరక ఆన్‌లైన్‌లో దరఖాస్తు చేసుకున్న అభ్యర్థులకు ధ్రువపత్రాల పరిశీలన నిర్వహించనున్నారు. నవంబర్‌ 4 నుంచి 7 వరకు ఉదయం 10.30 గంటల నుంచి సాయంత్రం 5 గంటల వరకు సంబంధిత సీడీపీవో, ఐసీడీఎస్‌ కార్యాలయాల్లో వెరిఫికేషన్‌ ప్రక్రియ కొనసాగుతుంది. అందించాల్సిన సర్టిఫికెట్లు ఇవే..అభ్యర్థులు ఆన్‌లైన్‌ దరఖాస్తు ప్రతిని తప్పనిసరిగా తీసుకురావాలి. అలాగే దరఖాస్తులో పేర్కొన్న అన్ని ఒరిజినల్‌ సర్టిఫికెట్లు పరిశీలనకు అందించాలి. అలాగే అన్ని ధ్రువపత్రాల రెండు జతల జిరాక్స్‌ కాపీలను గెజిటెడ్‌ అటెస్టేషన్‌తో కార్యాలయాల్లో సమర్పించాలి. విద్యార్హత, వయస్సు, స్థానికత, కులం, ఇతర పత్రాలతో ఆయా ఐసీడీఎస్‌ ప్రాజెక్టుల పరిధిలో నిర్ణయించిన తేదీల్లో సంబంధిత సీడీపీవో కార్యాలయంలో హాజరు కావాలి.జిల్లాలో అంగన్‌వాడీ పోస్టుల ఖాళీలు, దరఖాస్తుల వివరాలుప్రాజెక్టు టీచర్‌ పోస్టులు దరఖాస్తులు ఆయా పోస్టులు దరఖాస్తులు ఆసిఫాబాద్‌ 49 714 75 337 జైనూర్‌ 39 619 124 659 కాగజ్‌నగర్‌ 4 88 7 21 సిర్పూర్‌(టి) 9 270 19 182 వాంకిడి 52 693 55 271 మొత్తం 153 2,384 280 1,470

రెబ్బెన: ఎల్‌నినోతో ఏర్పడిన తీవ్ర వర్షాభావ పరిస్థితులు పంటలను తీవ్రంగా దెబ్బతిస్తున్నాయి. కొన్ని ప్రాంతాల్లో చేతిదాక వచ్చిన పంటలు నీళ్లు లేక ఎండిపోతున్నాయి. అయితే సాగునీటి వసతి ఉన్న ప్రాంతాల్లో సాగు చేసిన సన్నరకం ధాన్యానికి ఊ హించని ధర పలుకుతోంది. ఇప్పటికే బియ్యం ధరలు ఆకాశన్నంటుతుండటంతో సన్నరకం వరిధాన్యం కొనుగోలు చేసేందుకు మిల్లర్లు ఎగబడుతున్నారు. గతంలో ఎన్నడూ లేనివిధంగా రికార్డు స్థా యిలో ధర చెల్లిస్తూ కల్లాల వద్ద నుంచే తీసుకెళ్తున్నా రు. తేమ, తప్ప, తాలు వంటి ఎలాంటి కొర్రీలు పె ట్టకుండానే కొంటున్నారు. తూకం, రవాణా చార్జీల ను సైతం వారే భరిస్తున్నారు. ఈసారి బియ్యానికి ఉన్న డిమాండ్‌ దృష్ట్యా ఎలాంటి నిబంధనలు లేకుండా పచ్చివడ్లకే అధిక ధర చెల్లిస్తున్నారు. జిల్లాలో మొత్తం సన్నాలే..వానాకాలం సీజన్‌ ప్రారంభంలో రాష్ట్ర ప్రభుత్వం వరి ఏడు సన్నరకాలకు మాత్రమే బోనస్‌ చెల్లిస్తామని ప్రకటించింది. దీనిపై వ్యవసాయ శాఖ అధికారులు విస్తృతంగా ప్రచారం చేశారు. దీంతో జిల్లాలోని రైతులు దాదాపు ఈ రకాలనే ఎంచుకుని వరిసాగు చేపట్టారు. ఈసారి వానాకాలంలో జిల్లాలో సుమారు 50వేల ఎకరాల వరకు వరిసాగు చేసినట్లు వ్యవసాయ శాఖ లెక్కించింది. గతేడాది పోల్చితే సాగు విస్తీర్ణం తగ్గింది. వర్షాభావ పరిస్థితుల నేపథ్యంలో చాలామంది రైతులు వరిసాగు వదులుకుని ఇతర పంటలను పండిస్తున్నారు. నెలరోజుల్లో వరికోతల జోరుజిల్లాలో వరికోతలు మరో నెలల్లో జోరందుకోనున్నాయి. ముందస్తుగా నాట్లు వేసిన వారు ఇప్పటికే కోతలను పూర్తి చేశారు. ఆలస్యంగా నాట్లు వేసిన వారికి కొంత ఇబ్బందులు ఉన్నాయి. వినాయక చవితి నుంచి వర్షాలు ముఖం చాటేయడంతో పాటు ఎండల తీవ్రతకు భూగర్భ జలాలు అడుగంటుతున్నాయి. చెరువులు, కుంటల్లో నీరు ఇంకిపోతుండటంతో చివరి తడులు అందించేందుకు తంటాలు పడుతున్నారు. ఆయిల్‌ ఇంజిన్లు, ట్రాక్టర్‌ ఇంజిన్లకు మోటర్లు బిగించి కుంటల్లో అడుగంటిన నీటిని తోడి పారిస్తున్నారు. ఒక్క తడి అందితే పంట చేతికందే అవకాశం ఉంటుందని చెబుతున్నారు.నంబాల శివారులో కోతకు సిద్ధంగా వరిపొలం జిల్లాలో ఇప్పటికే ముందస్తు వరికోతలను పూర్తి చేసుకున్న రైతుల వద్ద నుంచి ప్రైవేటు వ్యక్తులు క్వింటాల్‌కు రూ.3,200 నుంచి రూ.3,400 వర కు చెల్లిస్తున్నారు. ఇక తినేందుకు అనుకూలమైన జైశ్రీరాం, హెచ్‌ఎంటీ వంటి రకాలకు రూ.3800 వరకు చెల్లించేందుకు సిద్ధమవుతున్నారు. ప్రస్తు తం మార్కెట్‌లో బియ్యం ధరలు రూ.8,000 నుంచి రూ.9,500 వరకు ఉండటంతో సన్నరకం ధాన్యానికి డిమాండ్‌ పెరిగింది. గతేడాది తెలంగాణ సోనా రకం ధాన్యానికి రూ.2,000 నుంచి రూ.2,100 వరకు చెల్లించగా ఈసారి ఏకంగా రూ.3200పైనే చెల్లిస్తున్నారు. రైతుల వద్దకే వచ్చి పచ్చి వడ్లనే అధిక ధరకు కొనుగోలు చేసేందుకు ప్రైవేటు వ్యక్తులు పోటీ పడుతున్నారు.

ఆసిఫాబాద్‌అర్బన్‌: వైద్యరోగ్యశాఖ పరిధిలోని ఎన్‌హెచ్‌ఎం కింద వివిధ విభాగాల్లో పనిచేస్తున్న ఉద్యోగులు డిమాండ్లు నెరవేర్చాలని చేపడుతున్న సమ్మెకు బీజేపీ అండగా ఉంటుందని ఎమ్మెల్యే పాల్వాయి హరీశ్‌బాబు స్పష్టం చేశారు. జిల్లా కేంద్రంలోని కలెక్టరేట్‌ ఎదుట ఉద్యోగులు చేపట్టిన సమ్మె మంగళవారం 15వ రోజుకు చేరింది. బీజేపీ రాష్ట్ర కార్యవర్గ సభ్యుడు అరిగెల నాగేశ్వర్‌రావు, జిల్లా ప్రధాన కార్యదర్శి మల్లికార్జున్‌తో కలిసి దీక్ష శిబిరాన్ని సందర్శించారు. ఎమ్మెల్యే మాట్లాడుతూ కరోనా వంటి విపత్కర పరిస్థితుల్లో ప్రాణాలకు తెగించి సేవలందించిన ఉద్యోగులపై రాష్ట్ర ప్రభుత్వం నిర్లక్ష్యంగా వ్యవహరించడం సరికాదన్నారు. దేశంలోని 14 రాష్ట్రాల్లో కాంట్రాక్ట్‌ సిబ్బందికి ఉద్యోగ భద్రత కల్పించగా, తెలంగాణలో ఎందుకు సాధ్యం కాదని ప్రశ్నించారు. ప్రభుత్వం ఇప్పటికై నా మొండి వైఖరి వీడాలని హితవు పలికారు. కార్యక్రమంలో బీజేపీ నాయకులు, ఎన్‌హెచ్‌ఎం జేఏసీ నాయకులు, సిబ్బంది పాల్గొన్నారు.

పెంచికల్‌పేట్‌: జిల్లాలో ఆశించిన స్థాయిలో వర్షాలు లేకపోవడంతో ప్రస్తుతం ఖరీఫ్‌ పంటల సాగుపై తీవ్ర ప్రభావం పడింది. మరోవైపు యాసంగి సాగుపైనా నీలినీడలు కమ్ముకున్నాయి. అధిక నీటి అవసరం ఉన్న వరి సాగు చేస్తే ఇబ్బందికర పరిస్థితులు ఎదురయ్యే అవకాశం ఉన్నందున ప్రభుత్వం ప్ర త్యామ్నాయ మార్గాలపై దృష్టి సారించింది. నీటి లభ్యత లేని ప్రాంతాల్లో ఆరుతడి పంటలు సాగు చేయాలని అవగాహన కల్పిస్తున్నారు. రైతువేదికల్లో అవగాహన సదస్సులు సైతం నిర్వహిస్తున్నారు. అన్నదాతలను ఆరుతడి పంటల వైపు మళ్లించడానికి ప్రతీ వారం నిర్వహించే రైతు నేస్తం కార్యక్రమాల్లోనూ అధికారులు అవగాహన కల్పిస్తున్నారు. అవగాహన సదస్సులుజిల్లాలో వానాకాలం సీజన్‌లో 1103 మిల్లీమీటర్ల సాధారణ వర్షానికి 1019 మిల్లిమీటర్ల వర్షపాతం నమోదైంది. మారిన పరిస్థితులు, పొడి వాతావరణంతో జలవనరులు ఎండిపోతున్నాయి. పంటలకు సరిపడా సాగునీరు లేక అన్నదాతలు కలవరపడుతున్నారు. వ్యవసాయ శాఖ అధికారులు రైతులను యాసంగిలో ప్రత్యామ్నాయ పంటల సాగువైపు మళ్లించడానికి అవగాహన సదస్సులు నిర్వహిస్తున్నారు. తక్కువ నీటితో పండే కంది, జొన్న, పెసర్లు, శనగలు, పప్పు ధాన్యాలు, ఇతర చిరుధాన్యాల పంటలు సాగు చేయాలని సూచిస్తున్నారు. నీటి లభ్యత, విత్తనాల ఎంపిక, స్వల్పకాలిక పంటల సాగుతో మెరుగైన దిగుబడులు సాధించవచ్చిన వ్యవసాయశాఖ అధికారులు సూచిస్తున్నారు. అందుబాటులో విత్తనాలుగతేడాది యాసంగి సీజన్‌లో మొత్తం 57,598 విస్తీర్ణంలో పంటలు సాగు చేశారు. అప్పుడు 23,992 ఎకరాల్లో వరి పండించగా, ఈసారి కేవలం 8500 ఎకరాల్లో సాగు చేసే అవకాశం ఉన్నట్లు అధికారులు అంచనా వేశారు. ఆరుతడి పంటల వైపు రైతులను ప్రోత్సహించేందుకు ఇప్పటికే 75క్వింటాళ్ల శనగ, 30 క్వింటాళ్ల పెసర్ల విత్తనాలను అందుబాటులో ఉంచేందుకు ఏర్పాట్లు చేశారు.గతేడాది యాసంగి సాగుపంట ఎకరాలు వరి 23,992 మొక్కజొన్న 9,101 గోధుమ 972 ఆయిల్‌పామ్‌ 330 ఇతర పంటలు 22,765ఆరుతడి పంటలు వేయాలి వర్షాభావ పరిస్థితుల నేపథ్యంలో రైతులు సంప్రదాయ పంటలు సాగు చేయొద్దు. తక్కువ నీటితో మెరుగైన దిగుబడులు వచ్చే జొన్న, కంది, పెసర్లు, మినుములు, మొక్కజొన్న ఇతర చిరుధాన్యాలు సాగు చేయాలి. ఇప్పటికే రైతులకు గ్రామాల్లో అవగాహన సదస్సులు నిర్వహిస్తున్నాం. యాసంగిలో ఆరుతడి పంటలనే వేయాలి. – జాడి వెంకట్‌, డీఏవో

ఆదిలాబాద్‌రూరల్‌: చెట్టెక్కి ఆత్మహత్యకు యత్నించిన ఒకరిని డయల్‌ 100 కానిస్టేబుల్‌ భుజంగ్‌ స్పందించి ప్రాణాలు కాపాడారు. మావల పీఎస్‌ ఎస్‌హెచ్‌వో ప్రేమ్‌కుమార్‌ తెలిపిన వివరాల ప్రకారం.. మావల పోలీసుస్టేషన్‌ పరిధి కేఆర్కే కాలనీకి చెందిన ఒక వ్యక్తి కుటుంబ సమస్యల కారణంగా మనస్తాపం చెంది గురై చెట్టుకు తాడు కట్టుకుని సోమవారం ఆత్మహత్యకు యత్నిస్తున్నట్లు డయల్‌ 100కు సమాచారం అందింది. విధుల్లో ఉన్న కానిస్టేబుల్‌ భుజంగ్‌ వెంటనే స్పందించి ఘటనస్థలానికి చేరుకున్నాడు. చెట్టెక్కి తాడును తొలగించి బాధితుడిని కిందకు దించాడు. ఎస్పీ అఖిల్‌ మహాజన్‌ కానిస్టేబుల్‌ను అభినందించారు.

జన్నారం: ఎకో సెన్సిటివ్‌ జోన్‌ పరిధిపై మండల ప్రజల్లో ఆందోళన వ్యక్తమవుతోంది. అభివృద్ధి పనులకు నిబంధనలు ఆటంకంగా మారుతున్నాయనే వ్యతిరేకత ఏర్పడుతోంది. 2012లో కవ్వాల్‌ టైగర్‌జోన్‌ ఏర్పాటు కాగా 892 చదరపు కిలోమీటర్లు కోర్‌ ఏరియా, 1123 చదరపు కిలోమీటర్లు బఫర్‌ ఏరియా వ్యాపించి ఉంది. టైగర్‌జోన్‌ నిబంధనలకు తోడుగా ఎకో సెన్సిటివ్‌ జోన్‌ కూడా ఏర్పాటు చేసి కోర్‌ ఏరియా నుంచి పది కిలోమీటర్ల దూరం వరకు పరిధిని కేటాయించారు. కొన్నేళ్లుగా నిబంధనలు అమలులో ఉన్నా ఆరు నెలలుగా కఠినంగా అమలు చేస్తున్నారు. దీంతో అభివృద్ధిలో మండలం వెనుకబడుతోందని, ఎకోసెన్సిటివ్‌ జోన్‌తోపాటు టైగర్‌జోన్‌ ఎత్తి వేయాలని డిమాండ్‌ పెరిగింది. ఈ క్రమంలో సామాజిక వేత్త శ్రీరాముల భూమాచారి రెండు నెలలుగా రిలే నిరాహార దీక్ష కొనసాగిస్తున్నారు. ఆయన దీక్షకు మండలంలోని అన్ని వర్గాల ప్రజలు మద్దతు లభిస్తోంది. ఆయా రాష్ట్రాల భౌగోళిక, సామాజిక పరిస్థితులను బట్టి నిబంధనల్లో మినహాయింపులు ఇవ్వొచ్చని 2006లో సుప్రీంకోర్టు స్పష్టం చేసినట్లు చెబుతున్నారు. అటవీ శాఖ ఉన్నత అధికారులు పునరాలోచించి ఎకో సెన్సిటివ్‌ జోన్‌ పరిధిని తగ్గించాలని కోరుతున్నారు. నిబంధనలు అమలుకొన్ని నెలలుగా అటవీ అధికారులు ఎకో సెన్సిటివ్‌ జోన్‌ నిబంధనలు కఠినంగా అమలు చేస్తున్నారు. జన్నారం మండల పరిసర ప్రాంతాల్లో సమీప గోదావరి తీరప్రాంతాల నుంచి ఇసుక తీసుకెళ్లడానికి అనుమతి నిరాకరిస్తున్నారు. దీంతో ఇసుక, మ ట్టి కొరతతో ఇందిరమ్మ ఇళ్ల నిర్మాణం, ఇతర అభివృద్ధి పనులు, గ్రామాల్లో సీసీ రోడ్ల నిర్మాణం నిలిచి పోతున్నాయని సర్పంచులు పేర్కొంటున్నారు. ప్రజల నుంచి ఒత్తిడి పెరగడంతో టైగర్‌జోన్‌ పరిధిలోని నాలుగు జిల్లాల అటవీశాఖ అధికారులు నిబంధనల సడలింపుపై ప్రభుత్వానికి నివేదిక పంపించారు. ప్రస్తుతం పది కిలోమీటర్లు ఉన్న ఎకో సెన్సిటివ్‌ జోన్‌ పరిధి కిలోమీటరుకు తగ్గించాలని పేర్కొన్నారు. నిర్ణయం ప్రభుత్వం చేతిలో ఉంది.అభివృద్ధి నిలిచిందిఎత్తివేసే వరకు దీక్ష

ఆదిలాబాద్‌టౌన్‌: వాట్సాప్‌ ద్వారా నకిలీ లింక్‌లు పంపిస్తూ బ్యాంక్‌ ఖాతాలు, క్రెడిట్‌కార్డుల నుంచి రూ.4,20,210 కాజేసిన అంతర్రాష్ట్ర సైబర్‌ నేరగాడిని అరెస్ట్‌ చేసినట్లు ఎస్పీ అఖిల్‌ మహాజన్‌ తెలిపారు. జిల్లాకేంద్రంలోని పోలీస్‌ హెడ్‌క్వార్టర్స్‌లో సోమవారం కేసు వివరాలు వెల్లడించారు. బేల పోలీస్‌స్టేషన్‌ పరిధిలోని సాంగిడి గ్రామానికి చెందిన అనురాగ్‌రెడ్డికి గుర్తుతెలియని నంబర్‌ నుంచి వాట్సాప్‌లో వచ్చిన ఓ లింక్‌ను ఓపెన్‌ చేయగా ఫోన్‌పే ద్వారా రూ.2,200 చెల్లించాలనే సందేశం కనిపించింది. అది నిజమని నమ్మి డబ్బులు చెల్లించాడు. అనంతరం అతని క్రెడిట్‌ కార్డులకు సంబంధించిన ఖాతాల నుంచి 16 లావాదేవీల ద్వారా మొత్తం రూ.4,20,210 కట్‌ అయ్యాయి. బాధితుడి ఫిర్యాదుతో బేల పోలీస్‌స్టేషన్‌లో కేసు నమోదు చేసి దర్యాప్తు చేపట్టారు. సెల్‌నంబర్లు, ఆన్‌లైన్‌ లావాదేవీలు, సాంకేతిక ఆధారాలతో రాజస్థాన్‌లోని ఉదయ్‌పూర్‌ జిల్లా దగర్‌ గ్రామానికి చెందిన దినేష్‌ పటేల్‌ను నిందితుడిగా గుర్తించి పోలీసులు అదుపులోకి తీసుకున్నారు. అతని నుంచి మూడు సెల్‌ఫోన్లు, ఒక మినీ ఐప్యాడ్‌, ఒక హెచ్‌పీ ల్యాప్‌టాప్‌ను స్వాధీనం చేసుకున్నారు. మోసపోయిన బాధితుడికి కోర్టు ద్వారా రూ.2 లక్షలను తిరిగి అందించినట్లు ఎస్పీ తెలిపారు. దేశవ్యాప్తంగా 220, తెలంగాణలో 20 కేసులు నిందితుడు ఇతరుల గుర్తింపు పత్రాలతో సిమ్‌కార్డులు సేకరించేవాడని విచారణలో వెల్లడైంద ని ఎస్పీ తెలిపారు. ఇన్‌స్ట్రాగామ్‌లో నకిలీ ఎస్కా ర్ట్‌, కాల్‌గర్ల్‌ సేవల వెబ్‌సైట్‌ లింక్‌లు ప్రచారం చేసి, వాటిని నమ్మి సంప్రదించిన వారితో టెలిగ్రామ్‌, వాట్సాప్‌ ద్వారా మాట్లాడేవాడని, వివిధ రకాల సేవలందిస్తామని చెప్పి ముందుగా డబ్బులు వసూలు చేస్తున్నట్లు పేర్కొన్నారు. ఆ డబ్బులను ఇతరుల బ్యాంక్‌ఖాతాల ద్వారా మళ్లిస్తూ క్రెడిట్‌కార్డుల ద్వారా చెల్లించిన సందర్భాల్లో ఆమెజాన్‌, ఫ్లిప్‌కార్ట్‌ వంటి ఆన్‌లైన్‌ వేదికల నుంచి గిఫ్ట్‌కార్డులు కొనుగోలు చేసి వస్తువులు పొందేవాడని తెలిపారు. దేశవ్యాప్తంగా నిందితుడిపై 220, తెలంగాణలో 20 కేసులు నమోదైనట్లు వివరించారు. హైదరాబాద్‌లోని ఉస్మానియా యూనివర్సిటీ, వనస్థలిపురం, నార్సింగి పోలీస్‌స్టేషన్ల పరిధిలో మోసాలకు పాల్పడినట్లు విచారణలో తేలిందన్నారు. సైబర్‌నేరాలపై అప్రమత్తంగా ఉండాలి సైబర్‌నేరాలపై ప్రజలు అప్రమత్తంగా ఉండాలని ఎస్పీ సూచించారు. అపరిచితులు పంపే వాట్సాప్‌, ఇన్‌స్ట్రాగామ్‌ లింక్‌లు ఓపెన్‌ చేయొద్దని, బ్యాంక్‌ ఖాతాలు, క్రెడిట్‌, డెబిట్‌ కార్డుల వివరాలు, ఓటీపీలను ఇతరులతో పంచుకోవద్దని తెలిపారు. అనుమానాస్పద లావాదేవీలు జరిగిన వెంటనే బ్యాంక్‌ను సంప్రదించి, సైబర్‌ హెల్ప్‌లైన్‌ నంబర్‌ 1930కు, www. cybercrime. gov. in వెబ్‌సైట్‌లో ఫిర్యాదు చేయాలని పేర్కొన్నారు. సమావేశంలో ఆదిలాబాద్‌ డీఎస్పీ ఎల్‌. జీవన్‌రెడ్డి, జైనథ్‌ సీఐ జి.శ్రావణ్‌కుమార్‌, బేల ఎస్సై మధుకృష్ణ, సైబర్‌ క్రైమ్‌ ఆర్‌ఎస్సై గోపికృష్ణ తదితరులు పాల్గొన్నారు.

రాష్ట్రంలో సద్దుల సంబురాన్ని ఒక్కో ప్రాంతంలో ఒక్కో రకంగా జరుపుకుంటుంటారు. కరీంనగర్‌, జగిత్యాల, వరంగల్‌ వంటి ప్రాంతాల్లో దసరాకు ముందే బతుకమ్మలను సాగనంపుతారు. ఆదిలాబాద్‌లో మాత్రం కోజాగిరి పౌర్ణమి వరకు వేడుకలు కొనసాగించడం ఆనవాయితీ. చంద్రుడిని పాలలో చూసిన అనంతరం బతుకమ్మలను నిమజ్జనానికి తీసుకువెళ్తారు. ఇందులో భాగంగా జిల్లాకేంద్రంలో ఆదివారం రాత్రి రేయిరాజు(చంద్రుడి)ను దర్శించుకుని, జాబిలి వెలుగులో అర్ధరాత్రి వరకు మహిళలు బతుకమ్మ వేడుకల్లో ఉత్సాహంగా పాల్గొన్నారు. – ఆదిలాబాద్‌

బాసర: కూతురు కుటుంబానికి భారం కాకూడదని భావించిన వృద్ధ దంపతులు ఆత్మహత్య చేసుకోవాలని నిర్మల్‌ జిల్లా బాసరకు చేరారు. సెల్‌ఫోన్‌ సిగ్నల్‌ ఆధారంగా పోలీసులు సకాలంలో స్పందించడంతో ఇద్దరి ప్రాణాలు కాపాడారు. పోలీసులు తెలి పిన వివరాల ప్రకారం.. సిద్దిపేట జిల్లా చిన్నకోడూరు మండలం విఠలాపూర్‌ గ్రామానికి చెందిన సత్యనారాయణచారి(86), భార్య గోవిందమ్మ(81) దంపతులకు ఒకే కూతురు రేణుక ఉంది. ఆమె భర్తతో కలిసి బెంగళూరులో ఉండేది. తరచూ తల్లిదండ్రులను చూసుకోవడానికి గ్రామానికి వస్తుండడంతో భార్యాభర్తల మధ్య మనస్పర్థలు వచ్చాయి. దీంతో కొన్నిరోజులుగా రేణు క తల్లిదండ్రుల వద్దనే ఉంటూ బాగోగులు చూసుకుంటోంది. తమ కారణంగానే కూతురు, అల్లుడి మధ్య మనస్పర్థలు వచ్చాయని, తాము లేకపోతే వాళ్లు కలిసి ఉంటారని భావించిన సత్యానారాయణచారి దంపతులు కూతురుకు చెప్పకుండా ఆదివారం ఇంటి నుంచి బయల్దేరి సోమవారం ఉదయం బాసరకు చేరారు. కుమార్తెను మరింత ఇబ్బంది పెట్టడం ఇష్టం లేక ఇద్దరూ కలిసి ఆత్మహత్య చేసుకోవాలని నిర్ణయించుకున్నారు. వెంట పాయిజన్‌ తెచ్చుకున్నారు. లొకేషన్‌ ఆధారంగా పట్టుకున్న పోలీసులు.. తల్లిదండ్రులు కనిపించకపోవడంతో రేణుకు చిన్నకోడూరు పోలీసులకు ఫిర్యాదు చేసింది. సత్యనారాయణచారి సెల్‌ఫోన్‌ సిగ్నల్స్‌ ఆధారంగా ఆచూకీ గుర్తించారు. భైంసా ఏఎస్పీకి సమాచారం ఇచ్చారు. దంపతులు బాసరలోని టీటీడీ వసతి గదుల్లోని 122 నంబర్‌ గదిలో ఉన్నట్లు గుర్తించారు. పోలీసులను పంపించారు. ఉదయం ఆత్మహత్య కోసం వారు ముందే కొనుగోలు చేసి బ్యాగులో దాచుకున్న పాయిజన్‌ సీసాలను స్వాధీనం చేసుకున్నారు. పోలీస్‌స్టేషన్‌లో వృద్ధ దంపతులకు కౌన్సెలింగ్‌ అనంతరం కుమార్తెకు అప్పగించారు. ఇద్దరి ప్రాణాలు కాపాడిన పోలీసులను స్థానికులు, ఉన్నతాధికారులు అభినందించారు.

బజార్‌హత్నూర్‌: మండలంలోని మంజరంతండా గ్రామానికి చెందిన గర్భిణి నిస్తే దివ్యకు సోమవారం పురిటినొప్పులు వచ్చాయి. కుటుంబ సభ్యులు అందించిన సమాచారంతో అంబులెన్స్‌ సిబ్బంది అక్కడికి చేరుకున్నారు. ఆమెను బజార్‌హత్నూర్‌ పీహెచ్‌సీకి తీసుకువచ్చారు. అక్కడి నుంచి ఆదిలాబాద్‌ రిమ్స్‌కు తీసుకెళ్తుండగా మార్గమధ్యంలో పురిటినొప్పులు ఎక్కువ అయ్యాయి. పైలట్‌ మహేశ్‌ అంబులెన్స్‌ను రోడ్డు పక్కన నిలిపారు. ఈఎంటీ సతీశ్‌ ఈఆర్‌సీపీ డాక్టర్‌ చక్రవర్తిని ఫోన్‌లో సంప్రదించి పురుడుపోయగా పండంటి ఆడబిడ్డకు జన్మనిచ్చింది. రిమ్స్‌లో తల్లీబిడ్డ ఆరోగ్యంగా ఉన్నారని వైద్యులు తెలిపారు.

ఆదిలాబాద్‌టౌన్‌: రిమ్స్‌లో పనిచేస్తున్న నర్సింగ్‌ ఆఫీసర్‌పై చెట్టు కొమ్మ పడడంతో సోమవారం గాయాలపాలైంది. తలతో పాటు వెన్నుపూస భాగంలో దెబ్బలు తగిలాయి. రిమ్స్‌లో సీసీ రోడ్ల నిర్మాణంలో భాగంగా చెట్లకొమ్మలు తొలగిస్తున్నారు. ఈక్రమంలో ఉదయం స్కూటీపై సిమ్మి కుమారి వెళ్తుండగా ఈ ఘటన చోటుచేసుకుంది. వెంటనే సిబ్బంది ఆమెను ఆస్పత్రిలో చేర్పించారు. సిటీ స్కాన్‌, తదితర వైద్య పరీక్షలు చేయించారు. ఇదిలా ఉండగా, రిమ్స్‌ క్యాంపస్‌లో ప్రైవేట్‌ కాంట్రాక్టర్‌ చెట్ల కొమ్మలు తొలగించే సమయంలో ఎలాంటి భద్రత చర్యలు, హెచ్చరిక బోర్డులు చేపట్టకపోవడంతోనే ఈ ప్రమాదం జరిగిందని సిబ్బంది పేర్కొన్నారు. ఆమె భర్త టూటౌన్‌లో కాంట్రాక్టర్‌పై ఫిర్యాదు చేశారు.

బోథ్‌: మండలకేంద్రంలోని ఫ్రెండ్స్‌ క్లబ్‌ ఆవరణలో సోమవారం కొండచిలువ కలకలం రేపింది. క్లబ్‌ మైదానంలో కొందరు యువకులు వాలీబాల్‌ ఆడిన అనంతరం, అక్కడే నిర్మిస్తున్న భవనంలో మాట్లాడుకుంటుండగా ఒక్కసారిగా కనిపించింది. వారంతా భయపడి పరుగులు తీశారు. కొండచిలువను కొందరు సెల్‌ఫోన్లలో ఫొటోతీశారు. కాసేపటికే అది సమీపంలోని పొదల్లోకి వెళ్లి కనిపించకుండా పోయింది. అయితే, ఫ్రెండ్స్‌ క్లబ్‌ వెనుక భాగంలో నివాస గృహాలు ఉన్నాయని, అటవీ అధికారులు కొండచిలువను బంధించి అడవిలో వదిలిపెట్టాలని స్థానికులు కోరుతున్నారు.

భైంసాటౌన్‌: పట్టణంలోని ఖేలో ఇండియా వుషూ కేంద్రం క్రీడాకారులు ఇద్దరు జాతీయస్థాయి వుషూ పోటీలకు ఎంపికయ్యారు. ఈనెల 24, 25 తేదీల్లో మంచిర్యాలలో అమెచ్యూర్‌ వుషూ అసోసియేషన్‌ ఆఫ్‌ తెలంగాణ ఆధ్వర్యంలో జరిగిన రాష్ట్రస్థాయి పోటీల్లో ఖేలో ఇండియా వుషూ సెంటర్‌ నుంచి ముగ్గురు క్రీడాకారులు పాల్గొన్నారు. మృణాళిని, జ్ఞానతేజ బంగారు పతకాలు సాధించి జాతీయస్థాయికి ఎంపికయ్యారని కోచ్‌ శ్రీరాముల సాయికృష్ణ తెలిపారు. డిసెంబర్‌లో అరుణాచల్‌ ప్రదేశ్‌లోని ఈటానగర్‌లో జరిగే 35వ జాతీయస్థాయి పోటీల్లో వీరు పాల్గొంటారని వెల్లడించారు. ఈనెల 28 నుంచి నవంబర్‌ 2 వరకు చైన్నెలో జరిగే 25వ జాతీయస్థాయి వుషూ పోటీల్లో జిల్లా ఖేలో ఇండియా క్రీడాకారులు గోర అనన్య, నార్వాడే ఆయుష్‌, సల్ల రామ్‌చరణ్‌ పాల్గొంటున్నట్లు చెప్పారు. జాతీయ స్థాయికి ఎంపికై న క్రీడాకారులను జిల్లా క్రీడలశాఖ అధికారి శ్రీకాంత్‌రెడ్డి, జిల్లా మార్షల్‌ ఆర్ట్స్‌ అధ్యక్షుడు తేజేందర్‌సింగ్‌ భాటియా అభినందించారు. జాతీయస్థాయికి ఎంపికై న మృణాళిని, జ్ఞానతేజ

భైంసారూరల్‌: మండలంలోని మాంజ్రి గ్రామ శివారులో సోమవారం జరిగిన రోడ్డు ప్రమాదంలో యువకుడు మృతి చెందినట్లు ఎస్సై సుప్రియ తెలిపారు. స్థానికులు తెలిపిన వివరాల ప్రకారం.. భైంసా పట్టణానికి చెందిన కిరణ్‌ (19) బైక్‌పై మాంజ్రి వైపు వెళ్తున్నాడు. ఈక్రమంలో ట్రాక్టర్‌ ఢీ కొట్టడంతో అక్కడికక్కడే మృతిచెందాడు. పోలీసులు ఘటనస్థలానికి చేరుకుని మృతదేహాన్ని పోస్టుమార్టం నిమిత్తం భైంసా ఏరియాస్పత్రికి తరలించారు. ప్రమాదానికి కారణమైన నిందితుడిని అరెస్టు చేసినట్లు ఎస్సై పేర్కొన్నారు. మృతుడి తండ్రి నర్సయ్య ఫిర్యాదుతో కేసు దర్యాప్తు చేస్తున్నట్లు తెలిపారు.

ఆసిఫాబాద్‌అర్బన్‌: ఆర్టీసీ గుర్తింపు యూని యన్‌ ఎన్నికల విషయంలో కాంగ్రెస్‌ దిగజా రుడు రాజకీయాలు చేస్తుందని ఏఐటీయూసీ జిల్లా ప్రధాన కార్యదర్శి బోగే ఉపేందర్‌ అన్నారు. జిల్లా కేంద్రంలో ఆదివారం మాట్లాడారు. ప్రభుత్వ అనుకూల టీడబ్ల్యూయూ కూటమికి మూడు రీజియన్లలో అక్రమంగా గుర్తింపు కట్టబెట్టడం వెనుక ప్రభుత్వ హస్తం ఉందని ఆరోపించారు. ఆర్టీసీ కార్మికులతో పెట్టుకున్న ఏ ప్రభుత్వమూ మనుగడ సాధించలేదని స్పష్టం చేశారు. టీడబ్ల్యూయూ కూట మికి ఇచ్చిన అప్రజాస్వామిక గుర్తింపు తక్షణమే రద్దు చేయాలని, నాలుగు రీజియన్లలో టీజీఎస్‌ఆర్‌టీసీ ఎంప్లాయీస్‌ యూనియన్‌కు గుర్తింపు ఇవ్వాలని డిమాండ్‌ చేశారు. లేని పక్షంలో ఈ నెల 28న లేబర్‌ కమిషనర్‌ కార్యాలయం ఎదుట కార్మికులతో మహాధర్నా చేపట్టనున్నట్లు హెచ్చరించారు. డిపో అధ్యక్షుడు మల్లికార్జున్‌, కార్యదర్శి ఎల్పుల అశోక్‌, సహాయ కార్యదర్షి నరేశ్‌, కోశాధికారి బాబు, నాయకులు రాజేందర్‌సింగ్‌ పాల్గొన్నారు.

కెరమెరి: జోడేఘాట్‌లో నిర్వహించే భీం వర్ధంతికి గిరిజనులు అధిక సంఖ్యలో తరలిరావాలని జిల్లా గిరిజన సంక్షేమ అధికారి జాదవ్‌ అంబాజీ అన్నారు. మండల కేంద్రంలోని తహసీల్దార్‌ కార్యాలయంలో ఆదివారం మాట్లాడారు. ఉదయం నుంచే భోజనాలు ప్రారంభమవుతాయని, తాగునీటి ఇబ్బందులు లేకుండా ఏర్పాట్లు చేశామని తెలిపారు. కెరమెరి హట్టి కమాన్‌ నుంచి ఆర్టీసీ బస్సుల్లో ఉచిత ప్రయాణ సౌకర్యం కల్పించామన్నారు. కార్యక్రమంలో తహసీల్దార్‌ పి.నాగార్జున, డీటీ సంతోష్‌కుమార్‌, భీం ఉత్సవ కమిటీ చైర్మన్‌ పెందోర్‌ రాజేశ్వర్‌ పాల్గొన్నారు.

చింతలమానెపల్లి: ఉమ్మడి జిల్లా ప్రజల చిరకాల కల ప్రాణహిత ప్రాజెక్టు నిర్మాణంపై ఉత్కంఠ కొనసాగుతోంది. కౌటాల మండలం తుమ్మిడిహెట్టి వద్ద 152 ఎత్తుతో బరాజ్‌ నిర్మాణంపై మహారాష్ట్ర, తెలంగాణ ప్రభుత్వాల అత్యున్నతస్థాయి సమావేశం సోమవారం ముంబైలో జరగనుంది. ఎత్తు విషయంలో మహారాష్ట్ర ప్రభుత్వం అంగీకరిస్తే ప్రాజెక్టు నిర్మాణంలో ముందడుగు పడే అవకాశం ఉంది. దీంతో స్థానిక ప్రజల్లో ఆసక్తి నెలకొంది. రూ.38,500 కోట్ల వ్యయంతో 16.4 లక్షల ఎకరాలకు సాగునీరందించే ఉద్దేశంతో దివంగత సీఎం వైఎస్‌ రాజశేఖరరెడ్డి ప్రాణహిత– చేవెళ్ల ప్రాజెక్టు పనులకు 2008 డిసెంబర్‌ 8న శ్రీకారం చుట్టారు. కౌటాల, చింతలమానెపల్లి, బెజ్జూర్‌, దహెగాం మండలాల్లో కాలువ నిర్మాణంలో భూములు కోల్పోయిన రైతులకు ఎకరాకు రూ.1.37 లక్షల చొప్పున పరిహారం సైతం చెల్లించారు. అప్పటి ప్రభుత్వం 2010 బడ్జెట్‌లో తొలివిడతగా రూ.200 కోట్ల నిధులను మొబిలైజేషన్‌ అడ్వాన్సుల పేరిట కేటాయించింది. 2011 బడ్జెట్‌లో మరో రూ.1000 కోట్లు కేటాయించారు. 15 కిలోమీటర్ల పొడవున కాలువ నిర్మాణం చేపట్టాల్సి ఉండగా.. సుమారు ఆరు కిలోమీటర్ల వరకు పూర్తయ్యాయి. తుమ్మిడిహె ట్టి వద్ద నిర్వహించే రిజర్వాయర్‌ను నాలుగో ప్యాకేజీగా కేటాయించారు. అయితే వైఎస్‌ మరణం, ప్రత్యేక తెలంగాణ ఏర్పాటు తర్వాత వివిధ కారణాలతో ప్రాజెక్టు నిలిచిపోయింది. ఎత్తుపై పొత్తు కుదిరేనా..?మహారాష్ట్ర సీఎం దేవేంద్ర ఫడ్నవీస్‌, ఇతర మంత్రులతో తెలంగాణ సీఎం రేవంత్‌రెడ్డి, నీటిపారుదల శాఖ మంత్రి ఉత్తమ్‌కుమార్‌ రెడ్డి సమావేశం కానున్నారు. ప్రాణహిత నదిపై నిర్మించే ప్రాజెక్టు ఎత్తుపై ప్రధానంగా చర్చించనున్నారు. మహారాష్ట్రలో సుమారుగా 2500 హెక్టార్లు ముంపునకు గురవుతుండగా భూసేకరణ, పరిహారం చెల్లింపు అంశాలపై చర్చలు జరగనున్నాయి. గతంలో 148 మీటర్ల ఎత్తులో ప్రాజెక్టు నిర్మాణానికి మహారాష్ట్ర ప్రభుత్వం అంగీకరించగా.. నీటి లభ్యత కోసం 152మీటర్ల ఎత్తుకు పెంచడానికి తెలంగాణ ప్రభుత్వం మహారాష్ట్రకు ప్రతిపాదించనుంది. సంబంధిత నివేదికలను వారికి అందించనున్నారు. ముంపు విషయంలోనే అభ్యంతరాలుప్రాజెక్టు పాత ప్రతిపాదన ప్రకారం మహారాష్ట్రలోని గడ్చిరోలి, చంద్రపూర్‌ జిల్లాలోని కొన్ని గ్రామాలు ముంపునకు గురవుతుండగా అప్పటి రాజూరా ఎమ్మెల్యే సుభాష్‌ ధోటే, అహేరి ఎమ్మె ల్యే దీపక్‌ 1ఆత్రం సైతం నిర్మాణ స్థలాన్ని సందర్శించారు. భౌగోళిక పరిస్థితుల దృష్ట్యా ప్రాణ హిత నీటిని వినియోగించుకునేందుకు మహా రాష్ట్రకు అనుకూలత లేదని ఇంజినీరింగ్‌ అధికా రులు అభిప్రాయం వ్యక్తం చేశారు. ఈ నేపథ్యంలో మహారాష్ట్రకు ముంపు ప్రాంతం విషయంలో మినహా ఇతర అభ్యంతరాలు లేవని స్పష్టమైంది. గత ప్రభుత్వ హయాంలో రాష్ట్ర మంత్రుల బృందం పలుమార్లు చర్చలు జరపగా.. 148 మీటర్ల ఎత్తుకు నిర్మించేలా రెండు ప్రభుత్వాల మధ్య సఖ్యత కుదిరింది. ఆ తర్వాత ప్రభుత్వం కాళేశ్వరం ప్రాజెక్టుకు మొగ్గు చూపింది.

జోడేఘాట్‌లోని సూరు విగ్రహంకెరమెరి: నిజాం సై న్యంపై కుమురంభీం సాగించిన పోరులో కుమురం సూరు అండగా నిలిచారు. అలా గే స్వాతంత్య్రం తర్వా త కొలాం ప్రజలకు ది క్సూచిగా నిలిచి వారి అభివృద్ధికి ఎనలేని కృషి చేశారు. ఆసిఫాబాద్‌ మండలం శాకన్‌గొందిలో 1997 ఆగస్టు 10న ఆయన మృతి చెందారు. కెరమెరి మండలం జోడేఘాట్‌లో సోమవారం భీంతోపాటు సూరు వర్ధంతి నిర్వహించనున్నారు. భీంకు అండదండలుజోడేఘాట్‌కు చెందిన కుమురం చిన్ను, మారుబాయి దంపతులకు 1918లో సూరు జన్మించారు. గోండు, కొలాం ప్రజల వెనుకబాటుతనానికి నిజాం ప్రభుత్వం కారణమని భావించి ఎదురుతిరిగాడు. ఆ సమయంలోనే జోడేఘాట్‌కు కుమురంభీం రావడం ఆయనలో నూతనోత్తేజం నింపింది. ఆదివాసీలను ఏకం చేసి భీంకు అండగా నిలిచాడు. 12 పోరు గ్రామాలను ఏర్పాటు చేశారు. 1938– 40 సంవత్సరాల్లో ఆసిఫాబాద్‌ తహసీల్దార్‌ ఆధ్వర్యంలో భీం ఆచూకీ కోసం గాలింపు చేపట్టారు. ఈ క్రమంలో భీం జాడ కోసం సూరును మిలటరీ చిత్రహింసలు పెట్టింది. మడావి కొద్దు ఇచ్చిన సమాచారంతో భీంను సైనికులు కాల్చిచంపారు. అదే పోరాటంలో సూరు కుడిచేయి, కాలు పోగొట్టుకున్నాడు. ప్రాణాలు కాపాడుకునేందుకు సమతుల గుండంలో ఆరు నెలలు అజ్ఞాతంలో గడిపాడు.ఆదివాసీ కొలాం క్రాంతివీర్‌1975లో ఐటీడీఏ ఏర్పడిన తర్వాత అధి కారులతో చర్చించి కుమురం భీం వర్ధంతిని అధికారికంగా నిర్వహించేందుకు సూరు కృషి చేశారు. 1980లో కొలాం ప్రజల గ్రామాల్లో ఆశ్రమ పాఠశాలల ఏర్పాటుకు చర్యలు తీసుకున్నారు. ఈ క్రమంలో ప్రభుత్వం 1986లో ఐటీడీఏలో కొలాం అభివృద్ధి అధికారిగా సూ రును నియమించింది. ఆయన చేసిన సేవలను గుర్తించిన ప్రభత్వం ‘ఆదివా సీ కొలాం క్రాంతీవీర్‌’ అనే బిరుదుతో గౌరవించింది. ఆసిఫాబాద్‌ మండలం శాకన్‌గొందిలో 1997 ఆగస్టు 10న ఆ యన తుదిశ్వాస విడిచారు.

పెంచికల్‌పేట్‌: జీవో 49పై కేంద్ర, రాష్ట్ర ప్రభుత్వాలు స్పష్టమైన వైఖరి ప్రకటించాలని తుడుందెబ్బ రాష్ట్ర అధ్యక్షుడు గోడం గణేష్‌ డిమాండ్‌ చేశారు. మండలంలోని కమ్మర్‌గాం గ్రామంలో ఆదివారం ఆయన మాట్లాడారు. అడవుల పరిరక్షణ పేరుతో ప్రభుత్వం తీసుకువచ్చిన జీవోతో అదివాసీల మనుగడకు ప్రమాదం పొంచి ఉందన్నారు. గతంలో ఎన్న డూ లేనివిధంగా అటవీ అధికారులు ఆదివా సీలపై జులుం ప్రదర్శిస్తున్నారని ఆరోపించా రు. ప్రభుత్వం మంజూరు చేసిన ఇందిరమ్మ ఇళ్ల నిర్మాణాలను కూడా రిజర్వు ఫారెస్టు పేరుతో అడ్డుకుంటున్నారని తెలిపారు. రాష్ట్ర ఉపాధ్యక్షుడు సోయం చిన్నయ్య, రాష్ట్ర కార్యదర్శులు గంట సత్యం, అర్క శేషారావు, జిల్లా అధ్యక్షుడు తలండి మధుకర్‌, మురళీ గూడ సర్పంచ్‌ వెంకటేశ్‌, మడే మల్లేశ్‌ ఉన్నారు.

కెరమెరి: ఆదివాసీ ముద్దు బిడ్డ కుమురంభీం 86వ వర్ధంతికి కెరమెరి మండలంలోని జోడేఘాట్‌ ముస్తాబైంది. భీం విగ్రహంతోపాటు మ్యూజి యం, జెండాలను అందంగా తీర్చిదిద్దారు. ప్రజ ల కోసం టెంట్లు ఏర్పాటు చేస్తున్నారు. ప్రముఖుల కోసం హెలిప్యాడ్‌ సిద్ధం చేశారు. గిరిజన సంప్రదాయం ప్రకారం సోమవారం ఉదయం 8 గంటలకు జెండాలు ఆవిష్కరించనున్నారు. 9 గంటలకు సమాధి వద్ద పూజలు చేసి 10 గంటలకు శ్రద్ధాంజలి ఘటిస్తారు. మధ్యాహ్నం గిరిజనులతో ప్రత్యేక దర్బార్‌ ఏర్పాటు చేయనున్నారు. ఈ కా ర్యక్రమానికి రాష్ట్ర శిశుసంక్షేమశాఖ మంత్రి సీ తక్క, గిరిజన సంక్షేమ శాఖ మంత్రి అడ్లూరి లక్ష్మ ణ్‌తోపాటు ఉమ్మడి జిల్లాకు చెందిన ప్రజాప్రతినిధులు, అధికారులు, ఆదివాసీలు హాజరు కానున్నారు. కాగా, ఉమ్మడి జిల్లా ఇన్‌చార్జి మంత్రి జూపల్లి కృష్ణారావు వ్యక్తిగత కారణాలతో హాజరుకావడం లేదని తెలుస్తోంది. అధికారులు, పోలీసుల కేటాయింపువర్ధంతి కార్యక్రమాలను విజయవంతం చేసేందుకు వివిధ శాఖల నుంచి అధికారులు, పోలీసులను కేటాయించారు. గిరిజన సంక్షేమ శాఖలో పనిచేస్తున్న ఏటీడబ్ల్యూవోలు ఐదుగరు, డీడీలు ఇద్దరు, పీజీ హెచ్‌ఎంలు నలుగులు, సీఆర్‌టీలు, రెగ్యులర్‌ టీచర్లు 50 మంది, నాలుగో తరగతి ఉద్యోగులు 200 మందిని డిప్యూటేషన్‌పై నియమించారు. అలాగే ఎంపీవోలు ఆరుగురు, పంచాయతీ కార్యదర్శులు 30 మంది, పారిశుద్ధ్య కార్మికులు 50 మంది, ఐకేపీ సిబ్బంది 35 మంది, ఇంజినీరింగ్‌ శాఖకు చెందిన 10 మంది విధులు నిర్వర్తించనున్నారు. మరోవైపు జోడేఘాట్‌ అటవీ ప్రాంతం కావడంతో పోలీసుశాఖ 600 మందితో పటిష్ట బందోబస్తు చేపట్టనుంది. ఇప్పటికే బాంబు, డాగ్‌ స్క్వాడ్‌తో తనిఖీలు ప్రారంభించారు. ఏఎస్పీతోపాటు డీఎస్పీలు ఇద్దరు, సీఐలు, ఆర్‌ఐలు 9 మంది, ఎస్సైలు, ఆర్‌ఎస్సైలు 40 మంది, ఏఎస్సైలు, హెడ్‌ కానిస్టేబుళ్లు 94 మంది, ఇతర పోలీసులు 169 మంది, డబ్ల్యూపీసీలు, డబ్ల్యూహెచ్‌జీ 49 మంది హెచ్‌జీ 95 మంది, ఆర్మ్‌డ్‌ ఫోర్స్‌, టీజీఎస్‌ 102 మంది, ఏరియా డామినేషన్‌ పార్టీకి చెందిన 40 మంది బందోబస్తు పర్యవేక్షించనున్నారు. 12 వేల మంది అంచనాభీం వర్ధంతికి 12 వేల మందికి పైగా హాజరవుతారని అధికారులు అంచనా వేస్తున్నారు. ఆసిఫాబాద్‌ డిపో నుంచి పది ప్రత్యేక బస్సులు నడపనున్నారు. హట్టి నుంచి ఉచిత ప్రయాణ సౌకర్యం కల్పించారు. ప్రత్యేకంగా వచ్చే ప్రైవేట్‌ వాహనాలకు పార్కింగ్‌ స్థలాలు ఏర్పాటు చేశారు. 20 వేల మంది వరకు భోజన ఏర్పాట్లు చేస్తున్నారు. ప్రముఖుల హాజరురాష్ట్ర శిశు సంక్షేమశాఖ మంత్రి సీతక్క, గిరిజన సంక్షేమశాఖ మంత్రి అడ్లూరి లక్ష్మణ్‌తోపాటు ఆదిలాబాద్‌ ఎంపీ గోడం నగేశ్‌, ఆసిఫాబాద్‌, ఖానాపూర్‌ ఎమ్మెల్యేలు కోవ లక్ష్మి, వెడ్మ బొజ్జు, ఇతర ప్రజాప్రతినిధులు, అధికారులు హాజరు కానున్నారు. ఎలాంటి ఆటంకాలు లేకుండా ఏర్పాట్లు చేయాలని కలెక్టర్‌ కె.హరిత, ఐటీడీఏ పీవో మంద మకరందు ఆదేశాలు జారీ చేశారు. మంత్రి సీతక్క బేగంపేట నుంచి ఉదయం బయలుదేరి మధ్యాహ్నం 12 గంటలకు జోడేఘాట్‌ చేరుకోనున్నారు. అలాగే మరో మంత్రి అడ్లూరి లక్ష్మణ్‌ ఉదయం 8 గంటలకు జగిత్యాల జిల్లా ధర్మపురి నుంచి నుంచి 11 గంటలకు జోడేఘాట్‌కు వస్తారు. వీరు దర్బార్‌తోపాటు ఇతర కార్యక్రమాల్లో మంత్రులు పాల్గొననున్నారు. జల్‌, జంగల్‌, జమీన్‌ అర్చీలు

కెరమెరి: భీం వర్ధంతికి పరిసర ప్రాంతాలను ఏడు సెక్టార్లుగా విభజించి 600 మందితో పటిష్ట బందోబస్తు ఏర్పాటు చేస్తున్నామని ఎస్పీ నితిక పంత్‌ తెలిపారు. కెరమెరి మండలం జోడేఘాట్‌లో ఆదివారం భద్రత ఏర్పాట్లను పరిశీలించారు. అనంతరం మండల కేంద్రంలోని స్టార్‌ ఫంక్షన హాల్‌లో ఏర్పాటు చేసిన కార్యక్రమంలో అధికారులు, సిబ్బందికి సూచనలు చేశారు. ప్రజలకు ఇబ్బందులు రాకుండా ట్రాఫిక్‌ నియంత్రణ, వాహనాల పార్కింగ్‌, ప్రజల రాకపోకలపై దృష్టి సారించాలన్నారు. కార్యక్రమం సజావుగా సాగేలా పోలీసు అధికారులు, సిబ్బంది సమన్వయంతో పనిచేయాలని సూచించారు. ప్రతిఒక్కరూ విధుల్లో అప్రమత్తంగా ఉండాలని ఆదేశించారు.

ఆసిఫాబాద్‌రూరల్‌: అన్ని వృత్తుల్లో ప్రజల ప్రాణా లు కాపాడే వైద్యవృత్తి ఎంతో గొప్పదని కలెక్టర్‌ కె.హరిత అన్నారు. ఆసిఫాబాద్‌ మండలం అంకుసాపూర్‌లోని ప్రభుత్వ వైద్యకళాశాలలో శనివారం ఫస్టియర్‌ విద్యార్థులకు నిర్వహించిన వైట్‌కోట్‌ కా ర్యక్రమానికి హాజరయ్యారు. కలెక్టర్‌ మాట్లాడుతూ వైద్యం అంటే కేవలం మందులు, చికిత్స మాత్రమే కాదని, రోగికి తగిన భరోసా ఇవ్వాలన్నారు. దేశవ్యాప్తంగా నిర్వహించే నీట్‌లో ఉత్తమ ప్రతిభ చూపి ఎంబీబీఎస్‌ సీటు సాధించడం గొప్ప విషయమన్నా రు. తన తండ్రి కూడా వైద్య వృత్తిలో ఉన్నప్పుడు ఆ యన చేసిన సేవలు, రోగుల పట్ల చూపిన ఓర్పును ఆయన మరణం తర్వాత కూడా ప్రజలు గుర్తు చేసుకుంటున్నామని తెలిపారు. ఒక వైద్యుడి మాటలు, స్పర్శ, ప్రవర్తన కూడా ముఖ్యమని పేర్కొన్నారు. కార్యక్రమంలో ప్రిన్సిపాల్‌ వెంకట్‌, ప్రొఫెసర్లు, అసిస్టెంట్‌ ప్రొఫెసర్లు, సిబ్బంది పాల్గొన్నారు. రేపు ప్రజావాణి రద్దు, విద్యాసంస్థలకు సెలవుఆసిఫాబాద్‌అర్బన్‌/ఆసిఫాబాద్‌రూరల్‌: కుమురంభీం 86వ వర్ధంతిని పురస్కరించుకుని ఈ నెల 26న సోమవారం నిర్వహించే ప్రజావాణి కార్యక్రమాన్ని రద్దు చేసినట్లు కలెక్టర్‌ కె.హరిత ఒక ప్రకటనలో తెలిపారు. అర్జీదారులు, ప్రజలు ఈ విషయాన్ని గమనించి సహకరించాలని కోరారు. దరఖాస్తుదారులు మీసేతు యాప్‌ ద్వారా దరఖాస్తులు అందించవచ్చని సూచించారు. అలాగే జిల్లాలోని రెసిడెన్షియల్‌ పాఠశాలలు మినహా మిగతా అన్ని ప్రభుత్వ, ప్రైవేట్‌ విద్యాసంస్థలకు స్థానిక సెలవు ప్రకటించినట్లు తెలిపారు. ఈ నెల 26న సెలవుకు బదులుగా నవంబర్‌ 14న అన్ని పాఠశాలలు పనిదినంగా పాటించాలని ఆదేశించారు.

ఆసిఫాబాద్‌రూరల్‌: జిల్లా కేంద్రంలోని బాలిక ల ఉన్నత పాఠశాలలో శనివారం ఎస్‌జీఎఫ్‌ జిల్లాస్థాయి కబడ్డీ ఎంపిక పోటీలు నిర్వహించారు. అండర్‌– 14, 17 బాలికల విభాగంలో 60 మంది క్రీడాకారులు హాజరు కాగా, ప్రతిభ చూపిన 24 మందిని రెండు జట్లుగా జోనల్‌ స్థాయి పోటీలకు ఎంపిక చేశామని ఎస్‌జీఎఫ్‌ జిల్లా ప్రధాన కార్యదర్శి రామ్మోహన్‌రావు తెలిపారు. ఈ నెల 25న మంచిర్యాలలో జరిగే జోనల్‌స్థాయి పోటీల్లో ఈ రెండు జట్లు పాల్గొంటాయని పేర్కొన్నారు. పరీక్షల నిర్వహణ అధికారి జనార్దన్‌, పీడీలు, పీఈటీలు తిరుపతి, రవి తదితరులు పాల్గొన్నారు.

ఆసిఫాబాద్‌ క్రైం: కాగజ్‌నగర్‌ మున్సిపాలిటీలో యూఐడీఎఫ్‌ నిధులు రూ.18.70 కోట్లతో చేపట్ట నున్న అభివృద్ధి పనుల టెండర్లలో అక్రమాలు, కాంట్రాక్టర్ల కుమ్మక్కు, పర్సంటేజీల పంపకాల ఆరోపణలపై సమగ్ర విచారణ చేపట్టాలని శనివారం సీపీఎం జిల్లా కమిటీ సభ్యులు ముంజం ఆనంద్‌కుమా ర్‌ కాగజ్‌నగర్‌లో సబ్‌ కలెక్టర్‌ హర్ష్‌ చౌదరిని కలిసి వినతి పత్రం అందించారు. ఆయన మాట్లాడుతూ కాంట్రాక్టర్లు సిండికేట్‌గా ఏర్పడి టెండర్లు దాఖలు చేసి పర్సంటేజీల రూపంలో లబ్ధి పొందేందుకు ప్ర యత్నిస్తున్నారనే ఆరోపణలు ఉన్నాయని, అన్ని ప నులకు సంబంధించిన టెండర్ల నోటిఫికేషన్లు, బి డ్డింగ్‌ వివరాలు, అర్హతలు, అంచనా వ్యయాలు, సాంకేతిక అనుమతులు, వర్క్‌ ఆర్డర్లను పరిశీలించా లని, అక్రమాలు రుజువైతే తక్షణమే టెండర్లను ర ద్దు చేయాలని డిమాండ్‌ చేశారు. సంబంధిత కాంట్రాక్టర్లు, అధికారులు, మధ్యవర్తులపై చట్టప్రకారం చర్యలు తీసుకోవాలన్నారు. విచారణ నివేదికను బ హిర్గతం చేయాలని కోరారు. కార్యక్రమంలో సీపీఎం నాయకులు మాదారపు శ్రీనివాస్‌రావు, బోర్కు ట్‌ రాజేందర్‌, కోట శ్రీనివాస్‌ పాల్గొన్నారు.

చింతలమానెపల్లి: జిల్లాలోని గ్రామీణ ప్రాంతాల్లో పెరిగిన వాహనాల రద్దీ, అధ్వానంగా ఉన్న రహదా రులు, మూలమలుపు, పర్యవేక్షణ లోపాలు అమాయకుల ప్రాణాలను బలికొంటున్నాయి. వ్యవసా య సీజన్‌ ముగింపు దశకు రావడం, పండుగలు, శుభకార్యాల రద్దీతోపాటు.. దట్టమైన అడవులు, ప్రమాదకరమైన మూలమలుపులు, రాత్రింబవళ్లు దూసుకుపోయే భారీ టిప్పర్లతో రహదారులపై భ ద్రత కరువైంది. నెలల వ్యవధిలోనే సిర్పూర్‌ నియోజకవర్గ పరిధిలోని డబ్బా, సలుగుపల్లి, కుంటలమానెపల్లి, అడెపల్లి ప్రాంతాల్లో జరిగిన ఘోర రోడ్డు ప్రమాదాల్లో పలువురు యువకులు ప్రాణాలు కోల్పోవడం, మరికొందరు క్షతగాత్రులుగా మార డం ఆందోళన కలిగిస్తోంది. రహదారులపై పెరిగిన రద్దీరెబ్బెన నుంచి వాంకిడి మండలం సరిహద్దు వరకు జాతీయ రహదారి, ఆసిఫాబాద్‌– కెరమెరి మార్గం, సిర్పూర్‌ నియోజకవర్గంలోని అంతర్రాష్ట్ర రహదా రులతోపాటు గ్రామీణ రోడ్లపైనా రద్దీ పెరిగింది. మహారాష్ట్రలోని అహేరి, ఆళ్లపల్లి, ఏటపల్లి, ఛత్తీస్‌ గ ఢ్‌ రాష్ట్రానికి వెళ్లడానికి చింతలమానెపల్లి, గూడెం మీదుగా, సిర్పూర్‌ (టి) మండలంలోని మాకిడి మీ దుగా, వెంకట్రావుపేట మీదుగా మహారాష్ట్రకు అంతర్రాష్ట్ర రహదారుల ఉన్నాయి. కౌటాల నుంచి చింతలమానెపల్లి మీదుగా బెజ్జూర్‌, పెంచికల్‌పేట్‌ ర హదారి, డబ్బా మీదుగా మరో రహదారి, కౌటాల నుంచి సిర్పూర్‌(టి) మీదుగా కాగజ్‌నగర్‌కు, గ్రామీ ణ మండలాలకు కాగజ్‌నగర్‌ నుంచి కూడా దారులు ఉన్నాయి. కొన్నేళ్లుగా ఆయా ప్రాంతాల్లో రాకపోకలు పెరిగాయి. చింతలమానెపల్లి మండలం ఖర్జెల్లి మీదుగా గూడెం, కౌటాల మండలం ముత్తంపేట కంకర క్వారీల నుంచి భారీ టిప్పర్లు నిత్యం తిరుగుతుంటాయి. కారణాలు అనేకం.. బాధ్యత ప్రధానంఖర్జెల్లి నుంచి గూడెం మార్గం, డబ్బా నుంచి కడంబా మార్గం కాగజ్‌నగర్‌ వరకు అటవీ ప్రాంతం గుండా వెళ్తున్నాయి. ఈ మార్గాల్లో దట్టమైన అడవుల్లో రహదారి మలుపులు తిరిగి ఉంటుంది. ఖర్జెల్లి నుంచి గూడెం మార్గంలో ఏటా నిత్యం 40కి పైగా ప్రమాదాలు జరుగుతున్నాయి. కౌటాల నుంచి చింతలమానెపల్లి, కాగజ్‌నగర్‌ నుంచి సిర్పూర్‌ మీదుగా కౌటాల రహదారులపై సైతం ప్రమాదాలు ఎక్కువగా నమోదవుతున్నాయి. రహదారిపై మలుపులు ఉండడం, వాహనదారులు మద్యం సేవించి ఉండడం, అతివేగమే కారణాలని పోలీసులు స్పష్టం చేస్తున్నారు. అలాగే యువకులే ఎక్కువగా మృత్యువాత పడుతుండడం ఆందోళన కలిగించే విషయం. సెకన్లలో అధిక వేగాన్ని అందుకునే వాహనాలను అదుపు చేసే సామర్థ్యం, వాహనాల వేగానికి తగిన రహదారులు లేనప్పుడు కూడా ప్రమాదాలకు ఆస్కారం ఉంటుంది. గ్రామీణ రహదారుల్లోని మూలమలుపుల వద్ద వాహనాలు అదుపుకాకపోవడంతో ప్రమాదాలు జరుగుతున్నాయి.ఇటీవల జరిగిన కొన్ని ఘటనలు

ఆసిఫాబాద్‌అర్బన్‌: కెరమెరి మండలం జోడేఘాట్‌లో ఈ నెల 26న నిర్వహించే కుమురంభీం వర్ధంతి కార్యక్రమానికి 600 మంది పోలీసు సిబ్బందితో పటిష్ట బందోబస్తు ఏర్పాటు చేస్తామని ఎస్పీ నితిక పంత్‌ తెలిపారు. డీఎస్పీ అశోక్‌తో కలిసి శనివారం జోడేఘాట్‌లో ఏర్పాట్లను పరిశీలించారు. ఎస్పీ మాట్లాడుతూ పెద్ద సంఖ్యలో ప్రజలు, భక్తులు, సందర్శకులు హాజరయ్యే అవకాశం ఉండటంతో ఎలాంటి అవాంఛనీయ ఘటనలు చోటు చేసుకోకుండా చర్యలు చేపడుతున్నామని వివరించారు. కార్యక్రమం నిర్వహించే ప్రాంగణం, ప్రవేశ మార్గాలు, పార్కింగ్‌ ప్రాంతాలు, ప్రజల రాకపోకలు, వాహనాల నియంత్రణ తదితర అంశాలపై పోలీసు అధికారులకు సూచనలు చేశామన్నారు. ప్రజలకు ఇబ్బందులు కలగకుండా ట్రాఫిక్‌ నియంత్రణ, పార్కింగ్‌, భద్రత చర్యలు సమన్వయంతో నిర్వహించాలని ఆదేశించారు. ప్రజలు పోలీసు శాఖకు సహకరించి సూచనలు పాటించాలని కోరారు. కార్యక్రమంలో వాంకిడి సీఐ వేణుగోపాల్‌, స్పెషల్‌ బ్రాంచ్‌ ఇన్‌స్పెక్టర్‌ సతీష్‌, కెరమెరి ఎస్సై రాజు, సిబ్బంది పాల్గొన్నారు.

ఆసిఫాబాద్‌అర్బన్‌: రెండేళ్ల క్రితం చేపట్టిన సర్వే బకాయిలు చెల్లిస్తేనే తిరిగి లెప్రసీ సర్వే చేపడతామని సీఐటీయూ జిల్లా కార్యదర్శి రాజేందర్‌ స్పష్టం చేశారు. జిల్లాలో ప్రారంభమయ్యే లెప్రసీ సర్వేకు గతంలో చెల్లించిన విధంగా ఆశ వర్కర్లకు పారితోషికం చెల్లించాలని, బకాయిలు విడుదల చేయాలని శనివారం జిల్లా కేంద్రంలో డీఎంహెచ్‌వో నాగేంద్రకు వినతిపత్రం అందించారు. ఆయన మాట్లాడుతూ సర్వే సమయంలో ఆశవర్కర్లకు అదనపు పారితోషికం విషయంలో సమస్యలు తలెత్తుతున్నాయని తెలిపారు. ఇప్పటికై నా ప్రభుత్వం స్పందించకుంటే సర్వేకు దూ రంగా ఉంటామని హెచ్చరించారు. కార్యక్రమంలో తెలంగాణ ఆశవర్కర్స్‌ యూనియన్‌ జిల్లా అధ్యక్షురాలు స్వరూప, కార్యదర్శి ప ద్మ, నాయకులు కవిత, అర్చన లక్ష్మి, సునీత, దయావతి తదితరులు పాల్గొన్నారు.

ఆసిఫాబాద్‌అర్బన్‌: ఆర్థిక స్థోమత లేని నిరుపేద ఖైదీలకు ఉచిత న్యాయ సహాయం అందిస్తామని జిల్లా ప్రధాన న్యాయమూర్తి, జిల్లా న్యాయసేవాధికర సంస్థ చైర్‌పర్సన్‌ వి.శారదాదేవి తెలిపారు. జిల్లా కేంద్రంలోని కోర్టు కాంప్లెక్స్‌లో శనివారం ఏర్పాటు చేసిన సమావేశంలో విచారణలో ఉన్న కేసులపై సమీక్షించారు. చట్టపరంగా బెయిల్‌ మంజూ రైన కేసుల్లో జాప్యం చేయొద్దన్నారు. సమావేశంలో డీఆర్వో వేణు, న్యాయ సేవాధికార సంస్థ కార్యదర్శి అనూష, జైలు సూపరింటెండెంట్‌ ప్రేమ్‌కుమార్‌, పోలీసు అధికారులు, సిబ్బంది పాల్గొన్నారు.

రెబ్బెన: గోలేటి విలేజీలోని ఐటీడీఏ ఆశ్రమ పాఠశాలను శనివారం కాగజ్‌నగర్‌ సబ్‌ కలెక్టర్‌ హర్ష్‌ చౌదరి ఆకస్మికంగా తనిఖీ చేశారు. ఉపాధ్యాయులు, విద్యార్థుల వివరాలు అడి గి తెలుసుకున్నారు. తరగతి గదులతోపాటు పరిసరాలను పరిశీలించి రికార్డులు తనిఖీ చే శారు. పాఠశాల గదులు అపరిశుభ్రంగా ఉండటంతో అసహనం వ్యక్తం చేశారు. నాణ్య మైన విద్యనందించేందుకు టీచర్లు కృషి చే యాలన్నారు. తప్పనిసరిగా సమయపాలన పాటించాలని సూచించారు. అనంతరం ఐటీడీఏ ఆశ్రమ పాఠశాల నిర్వహణ అధ్వానంగా మారిందని, ఉపాధ్యాయులు సమయపాలన పాటించడం లేదని గ్రామస్తులు సబ్‌ కలెక్టర్‌కు ఫిర్యాదు చేశారు. బియ్యం పక్కదారి పట్టించారని, దీనిపై సమగ్ర విచారణ జరి పించాలని కోరారు. స్పందించిన సబ్‌ కలెక్టర్‌ బియ్యం పక్కదారి పట్టిన ఆరోపణలపై వి చారణ జరిపి డీటీడీవోకు నివేదిక అందించా లని ఏటీడీవో పురుషోత్తంను ఆదేశించారు.

కెరమెరి: కెరమెరి మండలం జోడేఘాట్‌లో ఈ నెల 26న కుమురంభీం వర్ధంతి నేపథ్యంలో ఆదివారం సాయంత్రం గిరిజన సంప్రదాయం ప్రకారం అవ్వాల్‌పేన్‌(పోచమ్మ) పూజలు నిర్వహించనున్నారు. పోరాట సమయంలో భీంకు పోచమ్మ తల్లి సహకరించిందనే నమ్మకంతో ఏటా ఆదివాసీలు వర్ధంతికి ఒకరోజు ముందు మొక్కులు చెల్లించడం ఆనవాయితీగా వస్తోంది. భీం వారసులతోపాటు ఆదివాసీలు అవ్వాల్‌పేన్‌ పూజకు హాజరు కానున్నారు. నిజాం ప్రభుత్వ సైనిక దళంపై కుమురంభీం ఏళ్లపాటు ఎదుర్కొని ఆదివాసీ పల్లెల్లో వారిని ముప్పు తిప్పలు పెట్టారు. పోచమ్మ ఆశీస్సులతో ఆయనకు ఒక్క బుల్లెట్‌ కూడా తగలలేదని ఆదివాసీలు నమ్ముతారు. అంతేకాకుండా అడవిలోని తేనెటీగలను భీం అస్త్రాలుగా ఉపయోగించి వదిలేవాడని చెబుతుంటారు. ఆముదం విత్తనాలను మంత్ర శక్తిద్వారా వినియోగించుకుని రక్షించుకునేవారు. ఈ నేపథ్యంలోనే భీం వంశస్తులు పోచమ్మ తల్లికి పూజలు చేస్తుంటారు. మంత్ర దండం శక్తిని ప్రసాదించినందుకు గొర్రెను బలిస్తారు. ఈ నేపథ్యంలో ఐటీడీఏ అధికారులు ప్రత్యేక ఏర్పాట్లు చేశారు.

కెరమెరి: దసరా సెలవుల అనంతరం పాఠశాలలు పునఃప్రారంభం కావడంతో ప్రభుత్వ పాఠశాలల విద్యార్థులకు పార్ట్‌– 2 పాఠ్యపుస్తకాల పంపిణీకి విద్యాశాఖ శ్రీకారం చుట్టింది. ఇప్పటికే జిల్లా కేంద్రంలోని ప్రధాన గోదాం నుంచి మండల వనరుల కేంద్రాలకు(ఎంఆర్‌సీ కార్యాలయాలు) పుస్తకాల రవాణా ప్రారంభమైంది. మరో రెండు రోజులపాటు పంపిణీ ప్రక్రియ నిరంతరంగా కొనసాగుతుందని అధికారులు వెల్లడించారు. అక్కడి నుంచి నేరుగా ఆయా పాఠశాలలకు చేరవేసి విద్యార్థులకు అందజేసేలా చర్యలు ముమ్మరం చేశారు. రెండో విడతలో 95,320 పుస్తకాలుజిల్లావ్యాప్తంగా 1,042 ప్రభుత్వ పాఠశాలల్లో 49,100 మంది విద్యార్థులు చదువుకుంటున్నారు. వీరికి 2026– 27 విద్యా సంవత్సరం ప్రారంభంలో నే మొదటి విడత పాఠ్య పుస్తకాలను విద్యాశాఖ పంపిణీ చేసింది. ద్వితీయార్ధానికి సంబంధించి ప్రస్తు తం 95,320 పార్ట్‌– 2 పాఠ్య పుస్తకాలను కేటాయించింది. తెలుగు, ఇంగ్లిష్‌ మీడియాల్లో ద్విభాషా విధానంలో ముద్రించిన ఈ పుస్తకాలను వేగంగా బడులకు చేరవేస్తున్నారు. వీటితో పాటు అకాడమి క్‌ క్యాలెండర్లను కూడా పంపిణీ చేస్తున్నారు. సకాలంలో అందేలా చర్యలుసాధారణంగా ఎస్‌ఏ– 1 పరీక్షల సమయానికే ఈ పుస్తకాలు అందాల్సి ఉన్నప్పటికీ కాస్త ఆలస్యంగా జిల్లాకు చేరుకున్నాయి. విద్యా బోధనలకు ఎలాంటి అడ్డంకి కలగకుండా దసరా సెలవులు ముగిసిన వెంటనే పాఠశాలలకు సరఫరా చేస్తున్నారు. రానున్న రోజుల్లో ఎంఆర్‌సీల నుంచి క్షేత్రస్థాయిలో అన్ని ప్రాథమిక, ప్రాథమికోన్నత, ఉన్నత పాఠశాలలకు పుస్తకాలు చేరనున్నాయి. దీంతో ఉపాధ్యాయులు వెంటనే విద్యార్థులకు వీటిని పంపిణీ చేసి తదుపరి సిలబస్‌ బోధనకు సిద్ధం చేయాలని విద్యాశాఖ అధికారులు ఆదేశించారు. రెండు రోజుల్లో పంపిణీ పూర్తి ఇప్పటికే సగం పాఠశాలలకు పార్ట్‌– 2 పాఠ్య పుస్తకాలు చేరాయి. కొన్ని మండలాల్లో ఎంఆర్‌సీల నుంచి ఉపాధ్యాయులు తమ బడులకు తీసుకెళ్లారు. జిల్లా కేంద్రం నుంచి పుస్తకాల పంపిణీ రెండు రోజుల్లోగా పూర్తి చేస్తాం. ప్రతి విద్యార్థికి పుస్తకాలు అందేలా ఉపాధ్యాయులు చర్యలు తీసుకోవాలి. – ఆర్‌.ప్రకాశ్‌, పుస్తకాల డిపో మేనేజర్‌

ఆసిఫాబాద్‌అర్బన్‌: సమాచార హక్కు చట్టం–2005 కింద దరఖాస్తు చేసుకున్న వారికి గడువులోగా సమాచారం ఇవ్వాలని కలెక్టర్‌ కె.హరిత అన్నారు. జిల్లా కేంద్రంలోని కలెక్టరేట్‌ సమావేశ మందిరంలో శుక్రవారం అదనపు కలెక్టర్‌ డేవిడ్‌, అదనపు ఎస్పీ చిత్తరంజన్‌, కాగజ్‌నగర్‌ సబ్‌ కలెక్టర్‌ హర్ష్‌ చౌదరి, డీఆర్‌వో దాసరి వేణుతో కలిసి అన్ని ప్రభుత్వ కార్యాలయాల ప్రజా సమాచార అధికారులతో సమీక్ష సమావేశం నిర్వహించారు. కలెక్టర్‌ మాట్లాడుతూ ఈ నెల 28న సమాచార హక్కు చట్టం కమిషన్‌ సభ్యులు జిల్లాకు రానున్నారని తెలిపారు. కమిషన్‌కు అప్పీలు కోసం వెళ్లిన దరఖాస్తులకు అవసరమైన సమాచారం దరఖాస్తుదారులకు అందించి, సోమవారంలోగా కలెక్టరేట్‌లో నివేదికలు ఇవ్వాలని ఆదేశించారు. దరఖాస్తులు పెండింగ్‌లో ఉంచొద్దన్నారు. సమావేశంలో ఆర్డీవో లోకేశ్వర్‌రావు, జిల్లా అధికారులు పాల్గొన్నారు. పట్టుదలతో ఉన్నతస్థాయికి చేరాలి.. ఆసిఫాబాద్‌రూరల్‌: విద్యార్థులు పట్టుదలతో చదివి ఉన్నతస్థాయికి చేరాలని కలెక్టర్‌ కె.హరిత అన్నారు. ప్రతిష్టాత్మకమైన కాన్పూర్‌ ఐఐటీకి ఎంపికైన కౌటాల మండలం బోధన్‌పల్లి గ్రామానికి చెందిన పెరుగు దేవాజీ, కవిత దంపతుల కుమారుడు సాయిరాంను కలెక్టరేట్‌లో శుక్రవారం అభినందించారు. ఉన్నత విద్యకు ప్రోత్సాహకంగా ల్యాప్‌టాప్‌ అందించారు. కష్టపడి చదివి తల్లిదండ్రుల కలలు నిజం చేయాలని సూచించారు. రైతులకు రీసర్వే సమాచారం ఇవ్వాలి కెరమెరి: భూముల రీసర్వే సమాచారం రైతులకు ముందుగానే ఇవ్వాలని కలెక్టర్‌ కె.హరిత అన్నారు. మండలంలోని నాగాపూర్‌ గ్రామంలో చేపడుతున్న భూముల రీ సర్వే ప్రక్రియను శుక్రవారం క్షేత్ర స్థాయిలో పరిశీలించారు. ప్రతీ రైతు సర్వేలో హాజర య్యే విధంగా చూడాలన్నారు. రీ సర్వే ద్వారా భవి ష్యత్తు గెట్టు పంచాయతీలు, భూ సమస్యలు ఉండవని తెలిపారు. ప్రక్రియ నిర్వహణ కోసం మండలా నికి రెండు బృందాలను ఏర్పాటు చేశామని పేర్కొన్నారు. ఈ సందర్భంగా సర్వే అధికారులకు పలు సూచనలు చేశారు. సావర్‌ఖేడా సర్పంచ్‌ కావ్‌డే తుల్సిరాం, ఉప సర్పంచ్‌ ఎనుముల శ్రావణ్‌, సర్వే డీటీ శ్రావణ్‌కుమార్‌, సిబ్బంది ఉన్నారు.

ఆసిఫాబాద్‌రూరల్‌: బతుకమ్మ, దసరా సెలవుల అనంతరం శుక్రవారం పాఠశాలలు పు నఃప్రారంభమయ్యాయి. తొలిరోజు విద్యార్థుల హాజరు కేవలం 35శాతమే నమోదైంది. ఈ నెల 23న కనీసం 80 శాతం హాజరు ఉండాలని దసరా సెలవులకు ముందు కలెక్టర్‌ కె.హరిత విద్యాశాఖ అధికారులు, ప్రధానోపాధ్యాయులకు ఆదేశాలు జారీ చేశారు. అయినా ఎలాంటి ప్రయోజనం లేకుండా పోయింది. జిల్లాలోని 736 ప్రభుత్వ పాఠశాలల్లో 41,218 మంది విద్యార్థులు ఉన్నారు. శుక్రవారం 14,634(35.65శాతం) మంది హాజరయ్యారు. ఆసిఫాబాద్‌ మండలంలో 20 శాతం మాత్రమే హాజరు నమోదు కాగా, సిర్పూర్‌(యు) 26.8, తిర్యాణి 29.8, పెంచికల్‌పేట్‌ 30.1 శాతం మంది విద్యా ర్థులు మాత్రమే స్కూళ్లకు వెళ్లారు. ఒక్క లింగాపూర్‌ మండలంలో మాత్రమే హాజరు 50 శాతం దాటింది. జిల్లా కేంద్రంలోని బాలికల ఉన్నత పాఠశాలలో 360 మంది విద్యార్థులకు కేవలం 26 మంది, బూర్గుడ ఉన్నత పాఠశాల 252 మందికి 10మంది, ప్రైమారీ స్కూల్‌లో 70 మందికి 16 మంది హాజరయ్యారు.

రెబ్బెన: బాలల భద్రత అందరి బాధ్యత అని జిల్లా న్యాయసేవాధికార సంస్థ కార్యదర్శి అనూష అన్నారు. మండలంలోని గోలేటిలో శుక్రవారం జిల్లా న్యాయ సేవాధికార సంస్థ ఆధ్వర్యంలో అవగాహన సదస్సు నిర్వహించారు. గ్రామస్తులకు చట్టాలు, హక్కులు, ఉచిత న్యాయ సహాయ సేవలపై అవగాహన కల్పించారు. పోక్సో, ఎన్టీపీఎస్‌, సీనియర్‌ సిటిజన్స్‌ తదితర చట్టాల గురించి వివరించా రు. న్యాయ సహాయం అవసరమైన వారు 15100 జాతీయ న్యాయ సేవల హెల్ప్‌లైన్‌ నంబర్‌కు సమాచారం ఇవ్వాలని సూచించా రు. సర్పంచ్‌ అజ్మీర బాబురావు, ఎస్సై వెంకటకృష్ణ, అసిస్టెంట్‌ లీగల్‌ ఎయిడ్‌ డిఫెన్స్‌ కౌన్సిల్‌ అంజనీదేవి పాల్గొన్నారు.

తిర్యాణి: క్షేత్రస్థాయిలో అసాంఘిక కార్యక్రమాలు పూర్తిగా రూపుమాపాలని ఎస్పీ నితిక పంత్‌ అన్నారు. వార్షిక తనిఖీల్లో భాగంగా శుక్రవారం తిర్యాణి పోలీస్‌ స్టేషన్‌ను తనిఖీ చేశారు. స్టేషన్‌లో వివిధ రికార్డులు, పెండింగ్‌ కేసుల వివరాలు, దర్యాప్తు పురోగతి, సిబ్బంది పనితీరు వంటి అంశాలను పరిశీలించారు. కేసుల దర్యాప్తు గడువులోగా పూర్తి చేయాలని అధికారులను ఆదేశించారు. ప్రజల నుంచి వచ్చే ఫిర్యాదులను చట్టప్రకారం పరిష్కరించి న్యాయం చేయాలన్నారు. గంజాయి, గుడుంబా, రేషన్‌ బియ్యం, పశువుల అక్రమ రవాణాపై కఠినంగా వ్యవహరించాలన్నారు. పోలీసు అధికారులు, సిబ్బంది ప్రజలకు అందుబాటులో ఉండాలని సూచించారు. కార్యక్రమంలో రెబ్బెన సీఐ సంజయ్‌కుమార్‌, ఎస్సై సుబ్బారావు, సిబ్బంది పాల్గొన్నారు.

ఇది ఎల్లాగౌడ్‌ తోట చిల్ట్రన్స్‌ పార్కులో ఏర్పాటు చేసిన పిల్లలు ఆడుకునే పరికరం. మొదట ఏర్పాటు చేసిన సమయంలో బాగా నే ఉంది. అనంతరం కొద్దికొద్దిగా వంగిపో యింది. పిల్లలు దీనిపై ఎక్కి తిరిగేందుకు ఇ బ్బందులు పడుతున్నారు. వర్షాకాలంలో చు ట్టూ వరద చేరి కనీసం తిరగలేని పరిస్థితి ఉంటుందని పార్క్‌కు వచ్చిన వారు తెలిపారు. ఆసిఫాబాద్‌అర్బన్‌/కాగజ్‌నగర్‌టౌన్‌: చలికాలం వచ్చేసింది. యువతతోపాటు మహిళలు, ఉద్యోగులు, ఇతర ఆరోగ్య సమస్యలు ఉన్నవారు ఉదయమే వ్యాయామం చేసేందుకు మొగ్గు చూపుతున్నారు. మరోవైపు పోలీసు ఉద్యోగాల భర్తీకి నోటిఫికేషన్‌ విడుదల కావడంతో ఉద్యోగార్థులు కూడా కసరత్తు ప్రారంభించారు. కానీ జిల్లాలోని ఆసిఫాబాద్‌, కాగజ్‌నగర్‌ మున్సిపాలిటీల పరిధిలో రూ.లక్షలు వెచ్చించి ఏర్పాటు చేసిన ఓపెన్‌ జిమ్‌లు నిర్వహణ లేక అధ్వానంగా మారాయి. చాలావరకు పరికరాలు విరిగిపోయినా మరమ్మతులు చేయించడం లేదు. ఆహ్లాదం కోసం వచ్చే చిన్నారులు ఆడుకునేందుకు అనుగుణంగా లేకుండా పోయాయి. జిల్లాలోని రెండు మున్సిపాలిటీల్లో ఏర్పాటు చేసిన ఓపెన్‌ జిమ్‌లను శుక్రవారం ‘సాక్షి’ పరిశీలించగా, పలు సమస్యలు వెలుగు చూశాయి. మున్సిపాలిటీల్లో ఇలా..చలికాలం కావడంతో జిల్లా కేంద్రంలోని చిల్డ్డ్రన్స్‌ పార్క్‌లోని ఓపెన్‌ జిమ్‌కు వచ్చే వారి సంఖ్య గణనీయంగా పెరిగింది. ఇక్కడ పూర్తిస్థాయిలో పరికరాలు ఏర్పాటు చేయలేదు. చేసినవి కూడా చాలా వరకు విరిగిపోవడంతో వాకర్స్‌ ఇబ్బందులు ఎదుర్కొంటున్నారు. పార్క్‌ నిర్వహణకు కార్మికుల సంఖ్య పెంచడంపాటు అదనపు నిధులు కేటాయించి వసతులు కల్పించాలని కోరుతున్నారు. ప్రస్తుతం మున్సిపల్‌ అధికారులు కోతులను పడుతుండటంతో పార్క్‌ను మూసి వేశారు. రెండు, మూడు రోజుల్లో మళ్లీ తెరుస్తామని వారు తెలిపారు. ఇక కాగజ్‌నగర్‌ మున్సిపాలిటీ పరిధిలో ఆరుచోట్ల ఓపెన్‌ జిమ్‌లు ఉన్నాయి. పట్టణంలోని ఎల్లాగౌడ్‌తోట, గాంధీపార్కు, ఎమ్మెల్యే క్యాంపు సమీపంలోని కాపువాడ, రైల్వే స్టేషనకు వెళ్లేదారిలో, ఈద్గా కాలనీ సమీపంలో, సర్‌సిల్క్‌ కాలనీలో వీటిని ఏర్పాటు చేశారు. కానీ నిర్వహణ లేక పరికరాలు దెబ్బతిన్నా పట్టించుకునే వారు కరువయ్యారు. మున్సిపల్‌ అధికారులు స్పందించి ఓపెన్‌ జిమ్‌ల్లో పరికరాలకు మరమ్మతులు చేయించడంతోపాటు సక్రమంగా నిర్వహణ చేపట్టాలని ప్రజలు కోరుతున్నారు.

కాగజ్‌నగర్‌టౌన్‌: అర్బన్‌ ఇన్‌ఫ్రాస్ట్రక్చర్‌ డెవలప్‌మెంట్‌ ఫండ్‌(యూఐడీఎఫ్‌) కింద కాగజ్‌నగర్‌ మున్సిపాలిటీకి మంజూరైన రూ.18.70 కోట్ల విలువైన పనులు టెండర్లలో అక్రమాలపై ‘సాక్షి’లో ఈ నెల 22న ప్రచురితమైన ‘కమీషన్ల కలకలం!’ కథనానికి అదనపు కలెక్టర్‌ యువరాజ్‌ మర్మా ట్‌ స్పందించారు. శుక్రవారం ఆయన పట్టణంలో పర్యటించి వివరాలు సేకరించారు. పట్టణంలోని వివిధ ప్రాంతాల్లో చేపట్టనున్న అభివృద్ధి పనులకు మొత్తం 8 ప్యాకేజీలకు నాలుగు నెలల క్రితం టెండర్ల ప్రక్రియ చేపట్టగా.. కాంట్రాక్టర్లు సిండికేట్‌ అయ్యారని ఆరోపణలు వచ్చాయి. దీంతో ఆయన పనుల వివరాలు, టెండర్‌ ప్రక్రియ, కాంట్రాక్టర్ల వివరాలు, ఆర్డర్‌ కాపీలు, టెక్నికల్‌ అనుమతులు తదితర విషయాలపై ఆరా తీశారు. ఈ విషయంపై ‘సాక్షి’ ఆయనను సంప్రదించగా, యూఐడీఎఫ్‌ నిధులతో చేపట్టే పనులకు సంబంధించిన దస్త్రాలను తన వెంట తీసుకెళ్లినట్లు స్పష్టం చేశారు. కలెక్టర్‌కు నివేదించి తగిన చర్యలు తీసుకుంటామని తెలిపారు. అలాగే మున్సిపల్‌ కాంట్రాక్టు పారిశుద్ధ్య కార్మికుల వేతనాల చెల్లింపు సమస్యను పరిష్కరిస్తామన్నారు. 30 వార్డుల్లోని భవనాలు, నివాస గృహాలు, ఇతర ఆదాయపు పన్ను వసూలయ్యే మార్గాలపై దృష్టి సారిస్తామని పేర్కొన్నారు. సోమవారం నుంచి ఆస్తిపన్ను వసూలు చేస్తే సిబ్బందికి ప్రత్యేక శిక్షణ ఇవ్వనున్నట్లు వెల్లడించారు. ఎఫెక్ట్‌

ఇక్కడ కనిపిస్తున్న కల్వర్టు జోడేఘాట్‌కు వెళ్లే దారిలో బాబేఝరి, శివగూడ గ్రామా ల మధ్య ఉంది. ఈ నెల 26న కుమురం భీం వర్ధంతి నేపథ్యంలో అధికారులు తాత్కాలికంగా మట్టితో రోడ్డు పక్కన గుంతలు పూడ్చా రు. ఒక్క వర్షం కురిసినా మట్టి కొట్టుకుపోయి ప్రమాదకరంగా మారుతుంది. ఇలాంటి ప్ర మాదకర కల్వర్టులు ఈ దారిలో ఐదు ఉన్నా యి. ప్రస్తుతం అధికారులు వీటికి తాత్కాలికంగా మరమ్మతులు చేపట్టారు. కెరమెరి: జల్‌, జంగల్‌, జమీన్‌ కోసం నిజాం ప్రభుత్వంతో పోరాడి అసువులు బాసిన ఆదివాసీ వీరుడు కుమురం భీం పోరుగడ్డ కెరమెరి మండలం జోడేఘాట్‌ గ్రామంపై అధికారుల పట్టింపు కరువైంది. ఏటా భీం వర్ధంతి సందర్భంగా తాత్కాలిక ఏర్పాట్లు చేస్తుండగా, శాశ్వత రహదారి సౌకర్యంపై దృష్టి సారించడం లేదు. హట్టి నుంచి టోకెన్‌ మోవాడ్‌ వరకు రోడ్డు నిర్మాణానికి అటవీ అధికారులు అనుమతి లేకపోవడంతో గతంలోనే నిలిచిపోయింది. అప్పటి నుంచి మొక్కుబడిగా మరమ్మతులతోనే కాలం వెళ్లదీస్తున్నారు. తరచూ అధికారులు, ప్రజాప్రతినిధులు జోడేఘాట్‌కు వచ్చివెళ్తున్నా అర్ధంతరంగా నిలిచిన పనుల పునరుద్ధరణపై చర్యలు తీసుకోవడం లేదు. రాకపోకలకు అవస్థలుబీఆర్‌ఎస్‌ ప్రభుత్వ హయాంలో సుమారు రూ.ఆరు కోట్లతో హట్టి నుంచి జోడేఘాట్‌ వరకు బీటీ రోడ్డు నిర్మాణం చేపట్టారు. జోడేఘాట్‌ నుంచి టోకెన్‌ మోవాడ్‌ వరకు 15 కిలోమీటర్ల బీటీ రోడ్డు నిర్మించినా టోకెన్‌ మోవాడ్‌ నుంచి హట్టి వరకు అటవీ శాఖ అభ్యంతరం తెలిపింది. రిజర్వు ఫారెస్ట్‌లో అనుమతులు లేవని చెప్పడంతో పనులు నిలిచిపోయాయి. ఆరేళ్లుగా ప్రజలు కంకర తేలిన రోడ్డుపైనే ప్రయాణిస్తున్నారు. అలాగే జోడేఘాట్‌ నుంచి ఆసిఫాబాద్‌ మండలంలోని వావుదాం వరకు కేవలం నాలుగు కిలోమీటర్ల దూరం ఉంది. ఇది పూర్తిగా గుట్టలతో ఉంటుంది. నాలుగు కిలోమీటర్ల దూరానికి రోడ్డు వేయాలని ప్రజలు వేడుకుంటున్నారు. వావుదాం నుంచి ఆసిఫాబాద్‌ 8 కిలోమీటర్లు ఉంటుంది. జోడేఘాట్‌ ప్రజలు జిల్లా కేంద్రానికి చేరాలంటే కేవలం 12 కిలోమీటర్ల ప్రయాణమే అవుతుంది. ప్రస్తుతం కెరమెరి నుంచి ఆసిఫాబాద్‌ చేరాలంటే 50 కిలోమీటర్లు ప్రయాణించాల్సి వస్తుంది. జిల్లా కేంద్రానికి చేరే మార్గానికి మరమ్మతులు చేపట్టాలని కోరుతున్నారు. రోడ్డు నిర్మించాలి హట్టి నుంచి టోకెన్‌ మోవాడ్‌ వరకు రోడ్డు అధ్వానంగా ఉంది. భీం వర్ధంతి వస్తుందంటే గుంతల్లో మట్టి పోసి కప్పివేస్తున్నారు. నాలుగు రోజులు గడవక ముందే పరిస్థితి మొదటికి వస్తోంది. మళ్లీ వర్ధంతి వరకు పట్టించుకోవడం లేదు. అటవీ అనుమతుల సమస్య పరిష్కరించి కొత్త రోడ్డు నిర్మించాలి. – పెందోర్‌ రాజేశ్వర్‌, కుమురం భీం ఉత్సవ కమిటీ చైర్మన్‌ నిలిచిన సుందరీకరణజోడేఘాట్‌లో సుందరీకరణ పనులు నిలిచి పోయాయి. వనమూలికలను అందుబాటులో తేవడం కోసం 2017లో 29 వేల మొక్కలు నాటగా, తొలి ఏడాదిలోనే చాలా రకాలు నిర్జీవమయ్యాయి. ప్రత్యేకంగా మనిషి ఆకా రంలో సుగంధ ద్రవ్యాల మొక్కలు నాటి ప క్కనే లోటస్‌ పాండ్‌ ఏర్పాటు చేశారు. ప్రస్తు తం ఇవి ఆనవాళ్లు కోల్పోయాయి. మ్యూజి యం పక్కన నాటిన మొక్కలు కనీసం వెయ్యి కూడా బతకలేదు.

తిర్యాణి: మండలంలో మౌలిక విద్య, వైద్యం, ఉపాధి, తాగునీరు, రహదారులు వంటి మౌలిక వసతుల కల్పనకు హెచ్‌డీఎఫ్‌సీ బ్యాంకు, సీవైడీఏ ప్రాజెక్టు ఆధ్వర్యంలో చర్యలు తీసుకుంటున్నామని కలెక్టర్‌ కె.హరిత తెలిపారు. మండల కేంద్రంలోని గిరిజన సంక్షేమ ఆశ్రమ పాఠశాల ఆవరణలో ఏర్పాటు చేసిన హోలిస్టిక్‌ రూరల్‌ డెవలప్‌మెంట్‌ ప్రాజెక్టును గురువారం అడిషనల్‌ కలెక్టర్‌ యువరాజ్‌ మర్మాట్‌తో కలిసి ప్రారంభించారు. కలెక్టర్‌ మాట్లాడుతూ తిర్యాణి మండల అభివృద్ధిలో భాగంగా ప్రజల జీవన ప్రమాణాలు మెరుగుపర్చడం, ప్రాథమిక వసతుల కల్పన, ప్రభుత్వ అభివృద్ధి కార్యక్రమాలకు అర్హులకు అందించడానికి చర్యలు తీసుకోవాలన్నారు. అనంతరం భూముల రీసర్వేలో భాగంగా దుగ్గపూర్‌ శివారులో చేపట్టిన సర్వే ప్రక్రియను పరిశీలించారు. సంబంధిత అధికారులకు పలు సూచనలు చేశారు. దుగ్గపూర్‌, గోయోగాం గ్రామాల మధ్య వర్షాకాలంలో దెబ్బతిన్న లోలెవల్‌ వంతెనను పరిశీలించి, వెంటనే మరమ్మతులు చేపట్టాలని ఇంజినీరింగ్‌ అధికారులను ఆదేశించారు. తహసీల్దార్‌ శ్రీనివాస్‌, ఎంపీడీవో నాగేశ్‌ తదితరులు పాల్గొన్నారు.

ఆసిఫాబాద్‌రూరల్‌: గిరిజన ఆదర్శ క్రీడాపాఠశాలలో అథ్లెటిక్స్‌ కోచ్‌ విద్యాసాగర్‌కు అరుదైన గౌరవం దక్కింది. ఈ నెల 22 నుంచి 27 వరకు చైన్నెలో నిర్వహించే జాతీయస్థాయి జూనియర్‌ అథ్లెటిక్స్‌ చాంపియన్‌ షిప్‌కు తెలంగాణ జట్టుకు శిక్షకుడిగా నామినేట్‌ చేస్తూ రాష్ట్ర అథ్లెటిక్స్‌ అసోసియేషన్‌ ప్రధాన కార్యదర్శి సారంగపాణి గురువారం ఉత్తర్వులు జారీ చేశారు. కోచింగ్‌లో లెవల్‌– 2 పూర్తి చేయడం, గతంలో రాష్ట్రస్థాయిలో ఉత్తమ ఫలితాలు సాధించడంతోనే ఈ అవకాశం దక్కినట్లు విద్యాసాగర్‌ తెలిపారు. కాగా, ఇప్పటికే విద్యాసాగర్‌ ఐదుసార్లు తెలంగాణ రాష్ట్ర జట్టుకు శిక్షకుడిగా, ఒకసారి ఎన్‌ఐడీజేఏఎం క్యాంపునకు శిక్షకుడిగా వ్యవహరించారు.

కాగజ్‌నగర్‌టౌన్‌: కాగజ్‌నగర్‌ పట్టణంలోని చారి గాంలో నిర్మించిన డబుల్‌ బెడ్రూం ఇళ్లలో లబ్ధిదారులు ఇబ్బందులు పడుతున్నారు. ఇల్లు వచ్చిందని సంతోషపడే లోపే తాగునీటి సరఫరా లేక నరకం చూస్తున్నారు. నల్లాలు ఉన్నా నీళ్లు రావడంలేదని ల బ్ధిదారులు గురువారం ఆందోళన చేశారు. మున్సి పాలిటీ పరిధిలోని చారిగాంలో ప్రభుత్వం డబుల్‌ బెడ్రూం ఇళ్లు నిర్మించి లబ్ధిదారులకు ఆరు నెలల క్రి తం పంపిణీ చేసింది. కానీ మౌలిక వసతులు కల్పించడంలో అధికారులు పూర్తిగా విఫలమయ్యారని లబ్ధిదారులు ఆరోపిస్తున్నారు. 15 రోజులుగా తాగునీటి సరఫరా బొట్టుబొట్టుగా వస్తుండడంతో పడరా ని పాట్లు పడుతున్నారు. తాగడానికి, వంటకు, బట్ట లు ఉతకడానికి సరిపడా నీళ్లులేక సమీపంలోని ఒర్రెలకు వెళ్తున్నారు. అసాంఘిక కార్యకలాపాలు..డబుల్‌ బెడ్రూం ఇళ్లకు ప్రస్తుతం ఎలాంటి రక్షణ లే దు. పట్టణంలో ప్రధాన మార్కెట్‌ ఏరియాలో బిల్డింగ్‌లు ఉన్న కొందరు వ్యాపారులకు కూడా ఇళ్లు కేటాయించడంలో వారు ఎవరూ ప్రస్తుతం ఇక్కడ ఉండటం లేదు. ప్రస్తుతం అవి ఖాళీగా ఉంటున్నాయి. దీంతో రాత్రిపూట తమ బంధువుల బెడ్రూం అంటూ ఎవరెవరో వస్తున్నారని లబ్ధిదారులు ఆరోపించారు. ఈ సమస్యను పలుమార్లు సంబంధిత అధికారుల దృష్టికి తీసుకెళ్లినా పరిష్కారం కావడంలేదని ఆవేదన వ్యక్తం చేస్తున్నారు. సమీపంలోని ఖాళీ స్థలంలో రాత్రి 9 గంటల తర్వాత గుర్తుతెలియని వ్యక్తులు వచ్చి మద్యం, గంజాయి తాగుతున్నారు. అర్ధరాత్రి దాటే వరకు ఉంటూ ఇబ్బందులకు గురి చేస్తున్నారని, సంబంధిత అధికారులు స్పందించి రక్షణ కల్పించాలని కోరుతున్నారు.

ఆసిఫాబాద్‌అర్బన్‌: భూదాన్‌ భూముల వివరాలను భూభార తి పోర్టల్‌లో నమోదు చేయాలని సీసీఎల్‌ఏ కమిషనర్‌ లోకేశ్‌ అ న్నారు. గురువారం హైదరాబాద్‌లోని సీసీఎల్‌ఏ కార్యాలయం నుంచి వీడియో కాన్ఫరెన్స్‌ ద్వారా కలెక్టర్లు, అదనపు కలెక్టర్లు, ఆర్డీవోలతో భూదాన్‌ భూ ముల వివరాల నమోదు, న్యాయస్థానాల్లో పెండింగ్‌ కేసులు, భూసేకరణ వివరాలు, భూభారతి పోర్టల్‌లో నమోదు, పెండింగ్‌ ఫైళ్ల పరిష్కారం, రీసర్వే బృందాల ఏర్పాటుపై సమీక్షించారు. ఆయన మాట్లాడుతూ రాష్ట్రంలో భూదాన్‌ భూములు దాదాపు 1.60 లక్షల ఎకరాలు ఉన్నాయని, వాటి వివరాల ను పోర్టల్‌లో నమోదు చేయాలన్నారు. న్యా యస్థానాల్లో దాదాపు 25వేల ఎకరాల భూ ములపై ఉన్న కేసులకు సంబంధించి వెంటనే కౌంటర్‌ ఫైల్‌ దాఖలు చేయాలని ఆదేశించా రు. భూసేకరణ కింద సేకరించిన 90వేల ఎకరాలను భూభారతిలో నమోదు చేయాలని, ఇంకా సంబంధిత పట్టాదారుల పేరిట ఉన్నా యని పేర్కొన్నారు. భూముల రీసర్వే కోసం ప్రతీ మండలం నుంచి రెండు బృందాలను ఏర్పాటు చేసి, అవసరమైన రోవర్లను కొనుగోలు చేయాలన్నారు. జిల్లా కేంద్రంలోని కలెక్టరేట్‌ సమావేశ మందిరం నుంచి అదనపు కలెక్టర్‌ డేవిడ్‌ మాట్లాడారు. భూదాన్‌ భూముల వివరాల నమోదుతోపాటు ఇతర సమస్యలు పరిష్కరించేందుకు చర్యలు తీసుకుంటున్నామని వివరించారు.

బెజ్జూర్‌: ఎల్‌నినో ప్రభావంతో ఏర్పడిన వర్షాభావ పరిస్థితులు రైతులను కలవరపెడుతున్నాయి. నెలరోజులుగా వర్షాలు లేకపోవడంతో పత్తి పంట ఎండ తీవ్రతను తట్టుకోలేక వాడిపోతోంది. కీలకమైన పూత, కాత దశలో పంటకు తగినంత తేమ అందకపోవడంతో ఆకులు, పూత, కాయలు రాలిపోతున్నా యి. ఈ ఏడాదైనా మెరుగైన దిగుబడులు సాధించి అప్పుల ఊబి నుంచి బయట పడాలనుకున్న రైతులకు నిరాశే మిగులుతోంది. ఇప్పటికే విత్తనాలు, ఎరువులు, పురుగు మందులు, దుక్కులు, కూలీల కోసం భారీగా ఖర్చు చేశారు. 3.70 లక్షల ఎకరాల్లో సాగుజిల్లాలో పత్తి ప్రధాన వాణిజ్య పంటగా కొనసాగుతోంది. జిల్లావ్యాప్తంగా సుమారు 3.70 లక్షల ఎకరాల్లో సాగవుతున్నట్లు వ్యవసాయ శాఖ అధికారులు అంచనా వేశారు. వేలాది రైతు కుటుంబాలకు తెల్లబంగారమే ప్రధాన జీవనాధారం. సాగు ప్రా రంభం నుంచి పంట చేతికొచ్చే వరకు అప్పులు చే సి మరీ పెట్టుబడులు పెడుతుంటారు. అయితే ఈ ఏడాది వాతావరణ పరిస్థితులు అనుకూలించకపోవడంతో పంట దిగుబడిపై నీలినీడలు కమ్ముకున్నా యి. వర్షాలు లేకపోవడం, ఎండ తీవ్రత పెరగడంతో మొక్కలు వాడిపోతున్నాయి. పత్తిలో పూత, కా త దశలు అత్యంత కీలకం. ఈ సమయంలో నేలలో తగినంత తేమ ఉండాలి. కానీ ప్రస్తుతం పగటి ఉ ష్ణోగ్రతలు 35 డిగ్రీల సెల్సియస్‌ దాటుతున్నా యి. అధిక ఉష్ణోగ్రతలు, ఉక్కపోత పరిస్థితులతో ఆ కులు, పూత, కాయలు రాలిపోతున్నాయి. ఫలితంగా దిగుబడి గణనీయంగా తగ్గే ప్రమాదం ఉందని ఆందోళన చెందుతున్నారు. దిగుబడిపై ప్రభావంపత్తి సాగు కోసం రైతులు ఎకరాకు వేలాది రూపాయలు ఖర్చు చేశారు. ఏటా సాగు ఖర్చులు పెరుగుతున్నప్పటికీ దిగుబడి, మార్కెట్‌ ధరలపై భరోసా ఉండటం లేదు. జిల్లాలో పత్తి కొనుగోళ్లకు అధికార యంత్రాంగం సన్నద్ధమవుతోంది. ఈ పరిస్థితుల్లో వర్షాభావంతో దిగుబడి తగ్గి తే పెట్టిన పెట్టుబడులు కూడా తిరిగి వచ్చే పరిస్థి తి ఉండదని ఆందోళన చెందుతున్నారు. సాగు కోసం చేసిన అప్పులు ఎలా తీర్చాలి..? కుటుంబ పోషణ ఎలా సాగించాలి..? అని మనోవేదనకు గురవుతున్నారు. వర్షాభావ పరిస్థితుల నేపథ్యంలో వ్యవసాయ శాఖ అధికారులు క్షేత్రస్థాయిలో పత్తి పంటలను పరిశీలించి నష్ట తీవ్రతను అంచనా వేయాలని అన్నదాతలు కోరుతున్నా రు. మండలాల వారీగా పరిస్థితిని సమీక్షించి పంటలో తేమను కాపాడుకోవడం, చీడపీడల నివారణకు తీసుకోవాల్సిన చర్యలపై తగిన సూచనలు అందించాలని విన్నవిస్తున్నారు.

ఆసిఫాబాద్‌అర్బన్‌: జిల్లా కేంద్రంలో కొన్ని నెలలుగా ప్రజలను ఇబ్బందులు గురిచేస్తూ దాడులకు పాల్పడుతున్న వానరాల బెడదను తగ్గించేందుకు మున్సిపల్‌ అధికారులు చర్యలు చేపట్టారు. మున్సిపల్‌ కమిషనర్‌ అంజయ్య, చైర్మన్‌ మెంగ్రె ఆకాశ్‌తో పాటు పాలకవర్గ సభ్యులు పట్టణంలో సంచరిస్తున్న కోతులను పట్టుకునేందుకు ఆంధ్రప్రదేశ్‌ రాష్ట్రం నుంచి ప్రత్యేక బృందాలను రప్పించారు. ఈ క్రమంలో గురువారం 120 కోతులను బంధించారు. మరో రెండు, మూడు రోజుల్లో మిగతా కోతులను బంధించి సమీప అటవీ ప్రాంతంలో వదిలిపెడతామని మున్సిపల్‌ కమిషనర్‌ తెలిపారు.

పండుగ సమయంలో సందడిగా ఆసిఫాబాద్‌ మార్కెట్‌ఆసిఫాబాద్‌: బతుకమ్మ, దసరా పండుగను పురస్కరించుకుని జిల్లాలోని మార్కెట్లు, దుకా ణాలు కళకళలాడాయి. ఆసిఫాబాద్‌, కాగజ్‌నగ ర్‌ మున్సిపాలిటీలతోపాటు మండల కేంద్రాల్లో ని గ్రామీణ సంతలు, షాపుల్లో అమ్మకాలు జోరుగా సాగాయి. పెద్ద ఎత్తున మద్యం అమ్మకాలు సాగగా, ఆర్టీసీకి సైతం పండుగ ఆదాయం భారీగా సమకూరింది. కిరాణాలు, పండ్లు, పూల దుకాణాలతోపాటు మాంసం దుకాణాలు కూడా కిటకిట లాడాయి. పండుగ నేపథ్యంలో ప్రజలు బంగారు ఆభరణాలు కూడా కొనుగోలు చేయడం విశేషం. ఆర్టీసీకి ‘స్పెషల్‌’ బొనంజాబతుకమ్మ, దసరా నేపథ్యంలో ఆర్టీసీ ప్రత్యేకంగా స్పెషల్‌ బస్సులు నడిపింది. సెలవులు ప్రా రంభమవడంతో వివిధ ప్రాంతాల్లో ఉంటున్న జిల్లాకు చెందిన వందలాది మంది సాఫ్ట్‌వేర్‌ ఉ ద్యోగులు, కళాశాల విద్యార్థులు, ప్రజలు సొంతూళ్లకు తరలివచ్చారు. గత నెల 25 నుంచి ఆసిఫాబాద్‌ నుంచి హైదరాబాద్‌కు ప్రత్యేక బ స్సులు ఏర్పాటు చేశారు. అలాగే కాగజ్‌నగర్‌, మంచిర్యాల, ఆదిలాబాద్‌, మహారాష్ట్రకు చెంది న ప్రయాణికుల తాకిడి సైతం అధికంగా ఉంది. సాధారణంగా జిల్లా కేంద్రంలోని ఆర్టీసీ డి పోకు ప్రతిరోజూ సగటు రూ.16 లక్షల ఆదా యం సమకూరుతుండగా, దసరాను పురస్కరించుకుని అదనపు ఆదాయం వచ్చింది. సీజన్‌ సందర్భంగా ఈ నెల 16 నుంచి 21 వరకు 92.05 లక్షల ఆదాయం వచ్చినట్లు ఆర్టీసీ డీఎం రాజశేఖర్‌ తెలిపారు. రూ.6కోట్ల మద్యం..దసరా పండగ పురస్కరించుకుని జిల్లాలో మద్యం అమ్మకాలు ఊపందుకున్నాయి. మూడు రోజుల్లో రూ.6.25 ఓట్ల విలువైన మద్యం తాగారు. డిమాండ్‌ను ముందుగానే ఊహించిన వైన్స్‌ యజమానులు ముందుగానే భారీ స్టాక్‌ అందుబాటులో ఉంచారు. ఈ నెల 14 నుంచి 21 వరకు జిల్లాలోని 32 మద్యం దుకాణాల్లో మద్యం అమ్మకాలు పెరిగాయి. మద్యంతోపాటు షాపింగ్‌ మాల్స్‌, ఎలక్ట్రానిక్స్‌ దుకాణాలు, ఇతర వ్యాపార సముదాయాలు కొనుగోలుదారులతో సందడిగా మారాయి. జిల్లావ్యాప్తంగా సుమారు 100కు పైగా మాసం దుకాణాల్లో సుమారు రూ.1.5కోట్ల వ్యాపారం జరిగినట్లు తెలుస్తోంది.

ఆసిఫాబాద్‌రూరల్‌: ప్రజల హక్కుల కోసం ఆదివా సీ వీరులు కుమురంభీం, ఎడ్ల కొండు అలుపెరగని పోరాటం చేశారని డీసీసీ అధ్యక్షురాలు ఆత్రం సుగుణ అన్నారు. కుమురంభీం స్వస్థలం ఆసిఫాబాద్‌ మండలం పాత రౌటసంకెపల్లిలో గురువారం భీం జయంతితోపాటు అతడి సహచరుడు ఎడ్ల కొండు వర్ధంతి ఘనంగా నిర్వహించారు. డీటీడీవో అంబాజీ, మాజీ ఎమ్మెల్యే అత్రం సక్కు, ఆదివాసీ సంఘం నాయకులతో కలిసి నివాళులర్పించారు. డీసీ సీ అధ్యక్షురాలు మాట్లాడుతూ ఆదివాసీల హక్కుల సాధన కోసం భీం ప్రాణాలు త్యాగం చేశారని గుర్తు చేశారు. ఆదివాసీ గిరిజన వీరులను యువత ఆదర్శంగా తీసుకోవాలని పిలుపునిచ్చారు. ప్రతిఒక్కరూ ఉన్నత చదువులు పూర్తి చేసి జీవితంలో ఉన్నతస్థానంలో నిలబడాలన్నారు. భీం పుట్టిన గ్రామం రౌట సంకెపల్లి అభివృద్ధికి కృషి చేస్తామని హామీ ఇచ్చారు. డీటీడీవో మాట్లాడుతూ ఐటీడీఏ ఆధ్వర్యంలో రాష్ట్ర, కేంద్ర ప్రభుత్వాలు అమలు చేస్తున్న పథకాలను ఆదివాసీలు సద్వినియోగం చేసుకోవాలని సూచించారు. కార్యక్రమంలో ఎడ్ల కొండు వారసులు బక్కయ్య, సర్పంచ్‌ కొండు, గంగారాం, ఆదివాసీ సంఘాల నాయకులు ఆత్రం రఘు, రాజ్‌కుమార్‌, సీతారాం, రత్నమాల, సోను తదితరులు పాల్గొన్నారు.

ఆసిఫాబాద్‌అర్బన్‌: మిషన్‌ భగీరథ పథకంలో పనిచేస్తున్న కార్మికుల సమస్యలు పరిష్కరించాలని డిమాండ్‌ చేస్తూ ఏఐటీయూసీ ఆధ్వర్యంలో గురువారం జిల్లా కేంద్రంలోని ఈఈ కార్యాలయంలో సూపరింటెండెంట్‌ అర్షద్‌కు వినతిపత్రం అందించారు. ఏఐటీయూసీ జిల్లా ప్రధాన కార్యదర్శి ఉపేందర్‌ మాట్లాడుతూ రాఘవ ఏజెన్సీ ద్వారా పనిచేస్తున్న కార్మికులకు కనీస వేతనంగా రూ.26వేలు, జీవో నం.6 ప్రకారం వేతనాలు చెల్లించాలని, 8 గంటల పనివిధానం అమలు చేయాలని, పెండింగ్‌ వేతనాలు తక్షణమే విడుదల చేయాలని డిమాండ్‌ చేశారు. పెండింగ్‌ ఈపీఎఫ్‌ మొత్తాన్ని క్లియర్‌ చేసి, ఈపీఎఫ్‌ చెల్లించని ఏజెన్సీపై క్రమశిక్షణ చర్యలు తీసుకోవాలన్నారు. కార్మికులకు రూ.50లక్షల హెల్త్‌ ఇన్సూరెన్స్‌ కల్పించాలని కోరారు. కార్యక్రమంలో నాయకులు జయకృష్ణ, తిరుపతి, బాపురావ్‌, వినోద్‌, రాజేశ్వర్‌, శ్రీకాంత్‌, నరేందర్‌, షభాజ్‌ తదితరులు పాల్గొన్నారు.

ఆసిఫాబాద్‌అర్బన్‌: పెత్తందారుల అన్యాయాలను ఎదురించిన ధైర్యశాలి, పేదల ఆకలి తీర్చిన ఆపద్బాంధవుడు పండుగ సాయన్న చరిత్ర నేటి త రానికి స్ఫూర్తిదాయకమని అదనపు కలెక్టర్‌ యువరాజ్‌ మర్మాట్‌ అన్నారు. జిల్లా కేంద్రంలోని కలెక్టరేట్‌లో గురువారం వెనుకబడిన తరగతుల సంక్షేమశాఖ ఆధ్వర్యంలో ప్రజావీరుడు సాయన్న జయంతి నిర్వహించారు. సబ్‌ కలెక్టర్‌ హర్ష్‌ చౌదరి, అధికారులు, నాయకులతో కలిసి ఆయన చిత్రపటానికి పూలమాలలు వేసి నివాళులర్పించారు. కార్యక్రమంలో జెడ్పీ సీఈవో లక్ష్మీనారాయణ, డీపీవో భిక్షపతిగౌడ్‌, సీపీవో గురువయ్య, జిల్లా బీసీ సంక్షేమ అధికారి నదీమ్‌ తదితరులు పాల్గొన్నారు. జనాభా గణనలో చార్ట్‌ అధికారుల పాత్ర కీలకంఆసిఫాబాద్‌అర్బన్‌: జనాభాగణన ప్రక్రియలో చార్ట్‌ అధి కారుల పాత్ర ఎంతో కీలకమని, వారికి ప్రతీ అంశంపై అవగాహన ఉండాలని అదనపు కలెక్టర్‌ యువరాజ్‌ మర్మాట్‌ అన్నారు. కలెక్టరేట్‌లో గురువారం తహసీల్దార్‌, ఎంపీడీవోలు, మున్సిపల్‌ కమిషనర్లకు నిర్వహించిన శిక్షణ కార్యక్రమానికి కాగజ్‌నగర్‌ సబ్‌ కలెక్టర్‌ హర్ష్‌ చౌదరితో కలిసి హాజరయ్యారు. అదనపు కలెక్టర్‌ మాట్లాడుతూ జనాభా గణన ప్రక్రియలో తహసీల్దార్‌లు, ఎంపీడీవోలు, మున్సిపల్‌ కమిషనర్లు చార్ట్‌ అధికారులుగా వ్యవహరిస్తారని తెలిపారు. ప్రతీ పదేళ్లకు ఒకసారి జరిగే జనాభా గణన రెండు విడతలుగా ఉంటుందని, మొదటి విడతలో నివాస గృహాల గణన, రెండు విడతలో జనాభా గణన ఉంటుందని పేర్కొన్నారు. శిక్షకులు చెప్పే విషయాలను నోట్‌ చేసుకో వాలని సూచించారు. గణన ప్రక్రియ ప్రశాంతంగా జరిగేలా చర్యలు తీసుకోవాలని సూచించారు. కా ర్యక్రమంలో జెడ్పీ సీఈవో లక్ష్మీనారాయణ, డీపీవో భిక్షపతిగౌడ్‌, అధికారులు, సిబ్బంది పాల్గొన్నారు.

జిల్లావ్యాప్తంగా దసరా వేడుకలు అంబరాన్నంటాయి. శమీ పూజలతోపాటు రావణ దహన కార్యక్రమాలు ఉత్సాహభరితంగా సాగాయి. జిల్లా కేంద్రంలోని షిర్డీసాయి మందిర్‌, కేస్లాపూర్‌ హనుమాన్‌ మందిర్‌ ఆవరణలో వాహన పూజలు నిర్వహించా రు. మార్కండేయ ఆలయం, కేస్లాపూర్‌ హనుమాన్‌ ఆలయం, సాయిమందిర్‌, కేశవనాథ ఆలయం వద్ద శమీపూజ చేశారు. ఎమ్మెల్యే కోవ లక్ష్మి, బీజేపీ నాయకుడు అరిగెల నాగేశ్వర్‌రావు, కమిటీ ప్రతినిధులు లక్కీడిప్‌ ద్వారా శ్రీరామ చంద్రుడిగా ఎంపికై న తాటిపెల్లి వినాయక్‌ను శాలువా, పూలదండలతో సన్మానించారు. అనంతరం ఆలయ ఆవరణలో ఏర్పాటు చేసిన రావణాసురుడి దిష్టిబొమ్మను ఆయన చేతుల మీదుగా దహనం చేశారు. ఎమ్మెల్యే మాట్లాడుతూ చెడును జయిస్తూ మంచి విజయం సాధించాలని ఆకాంక్షించారు. సీఐ నీలం రవి ఆధ్వర్యంలో బందోబస్తు చేపట్టారు. అలాగే కాగజ్‌నగర్‌ పట్టణంలోని త్రిశూల్‌ పహాడ్‌పై ఉన్న శ్రీసత్యనారాయణ స్వామి దేవాలయంలో దుర్గాదేవిని ఎమ్మెల్యే పాల్వాయి హరీశ్‌బాబు దంపతులు, ఎమ్మెల్సీ దండె విఠల్‌ దర్శించుకున్నారు. అనంతరం సమీపంలోని శమీ వృక్షానికి ప్రత్యేక పూజలు చేశారు. హిందూ ఉత్సవ సమితి ఆధ్వర్యంలో ఏర్పాటు చేసిన రావణాసురుడి ప్రతిమకు ఎస్పీ నితిక పంత్‌ నిప్పంటించారు. ఆయా కార్యక్రమాల్లో కాగజ్‌నగర్‌ సబ్‌ కలెక్టర్‌ హర్ష్‌ చౌదరి, మున్సిపల్‌ చైర్మన్‌ మెంగ్రె సాయి, కాంగ్రెస్‌ నియోజకవర్గ ఇన్‌చార్జి శ్యాంనాయక్‌, వైస్‌ చైర్మన్‌ అహ్మద్‌, సింగిల్‌ విండో చైర్మన్‌ అలీబిన్‌ అహ్మద్‌, కౌన్సిలర్లు చిలువేరు వెంకన్న, బాలకృష్ణ, మాజీ ఎంపీపీ బాలేశ్వర్‌గౌడ్‌, మాజీ ఏఎంసీ చైర్మన్‌ గంధం శ్రీనివాస్‌, మాజీ సర్పంచ్‌ సరస్వతి తదితరులు పాల్గొన్నారు. – ఆసిఫాబాద్‌/కాగజ్‌నగర్‌టౌన్‌

ఆసిఫాబాద్‌క్రైం: ముఖ్యమంత్రి రేవంత్‌రెడ్డి నేతృత్వంలోని కాంగ్రెస్‌ సర్కార్‌తోనే రాష్ట్ర అభివృద్ధి సాధ్యమని ఎమ్మెల్సీ దండె విఠల్‌ అన్నారు. కాగజ్‌నగర్‌ మున్సిపాలిటీ వార్డు నంబర్‌ 4 కౌన్సిలర్‌ చల్లగొండ భాగ్యలక్ష్మి కుమారుడు, బీఆర్‌ఎస్‌ యువ నాయకుడు చల్లగొండ శ్రీకాంత్‌ ఆ పార్టీకి రాజీనామా చేసి బుధవారం ఎమ్మెల్సీ ఆధ్వర్యంలో కాంగ్రెస్‌ పార్టీలో చేరారు. అలాగే మున్సిపల్‌ మాజీ కౌన్సిలర్‌ గొడిసెల ఎల్లేష్‌, యువ నాయకుడు ఎన్నం శ్రీకాంత్‌ సైతం కాంగ్రెస్‌ తీర్థం పుచ్చుకున్నారు. ఎమ్మెల్సీ మాట్లాడుతూ కాంగ్రెస్‌ ప్రభుత్వం చేపడుతున్న అభివృద్ధి, సంక్షేమ పథకాలకు ఆకర్షితులై ఇతర పార్టీలకు చెందిన నాయకులు కాంగ్రెస్‌లో చేరుతున్నారని తెలిపారు. పార్టీలో చేరిన వారిని కండువాలు కప్పి ఆహ్వానించారు. మున్సిపల్‌ పాలకవర్గ సభ్యులు, మండల ప్రజాప్రతినిధులు, నాయకులు, కార్యకర్తలు పాల్గొన్నారు. కాంగ్రెస్‌లోకి ఆహ్వానిస్తున్న ఎమ్మెల్సీ విఠల్‌

కాగజ్‌నగర్‌టౌన్‌: కాగజ్‌నగర్‌ మున్సిపాలిటీలో నూతన కౌన్సిల్‌ ఏర్పడ్డాక విడుదలైన రూ.18.70 కోట్ల యూఐడీఎఫ్‌ నిధులే లక్ష్యంగా కమీషన్ల దందా కలకలం రేపుతోంది. పట్టణంలో 30 వార్డులు ఉండగా అభివృద్ధి పనులు చేపట్టేందుకు అర్బన్‌ ఇన్‌ఫ్రాస్ట్రక్చర్‌ డెవలప్‌మెంట్‌ నిధులు మంజూరయ్యాయి. ఈ నిధులు కాంట్రాక్టర్లు, పాలకవర్గం జేబుల్లోకి వెళ్తున్న తీరు ఇప్పుడు పట్టణంలో చర్చనీయాంశంగా మారింది. ఎనిమిది ప్యాకేజీలుగా చేసి టెండర్లు పిలవగా, మూడు ప్యాకేజీల టెక్నిక ల్‌ రీజన్లతో రద్దయ్యాయి. మిగిలిన పనులకు కా ంట్రాక్టర్లు సిండికేట్‌ అయ్యారనే ఆరోపణలు ఉ న్నాయి. రాజీవ్‌గాంధీ చౌరస్తా నుంచి సంజీవ య్య కాలనీ వరకు రూ.4 కోట్ల సీసీరోడ్డు పనికి మాత్రమే పోటీ ఉంది. ఆ పని ఒక్కటే ఏడు శా తం లెస్‌తో కాంట్రాక్టర్‌ దక్కించుకున్నాడు. మిగి లిన ఏడు ప్యాకేజీలు నామమాత్రపు లెస్‌తో అందరూ కలిసి పంచుకున్నట్లు బహిరంగంగానే చ ర్చించుకుంటున్నారు. సింగిల్‌ టెండర్‌ అయితే ర ద్దవుతుందని ఇద్దరు, ముగ్గురు కలిసి తక్కువ లె స్‌తో వేసి పనులు దక్కించుకున్నట్లు తెలుస్తోంది. 60:40 ఫార్ములా కాగజ్‌నగర్‌లో ఇప్పుడు 60:40 ఫార్ములా హాట్‌ టాపిక్‌గా మారింది. మొత్తం పనుల విలువలో తొమ్మిది శాతం కమీషన్‌ ఇవ్వాలని కాంట్రాక్టర్లపై పాలకవర్గంలోని కీలక నేతలు ఒత్తిడి తెచ్చినట్లు సమాచారం. అందులో 60శాతం పనులు మొదలు పెట్టకముందే, మిగిలినవి 40 శాతం పనులు పూర్తయ్యాక ఇవ్వాలని ఒప్పందం కుదిరినట్లు తెలుస్తోంది. ఇప్పటికే నాలుగు ప్యాకేజీలకు సంబంధించిన 60శాతం కమీషన్‌ డబ్బులు చేతులు మారినట్లు ప్రచారం జరుగుతోంది.వారు ఎదురుతిరగడంతో..! కాగజ్‌నగర్‌ మున్సిపాలిటీలో 30 వార్డులు ఉండగా 30 మంది కౌన్సిలర్లు ఉన్నారు. కొందరు కౌన్సిలర్లకు నాలుగు రోజుల క్రితమే రూ.35 వేల చొప్పున పంచినట్లు సమాచారం. అయితే ఆరేడుగురు కౌన్సిలర్లు ఎదురుతిరగడంతో వ్యవహారం బహిర్గతమైనట్లు సమాచారం. ‘మొత్తం ఎంత వసూలు చేశారు.. లెక్క చెప్పండి’ అని వారు నిలదీసినట్లు తెలిసింది. ‘లెక్కతేలే వరకు మేము డబ్బులు ముట్టుకోం’ అని తేల్చిచెప్పడంతో కమీషన్ల పంపకంలో పంచాయితీ మొదలైంది. మరోవైపు పనులు మొదలు కాకముందే 9 శాతం కమీషన్‌ పోతే ఇక పనుల నాణ్యత ఏం ఉంటుందని ప్రజలు ప్రశ్నిస్తున్నారు. సీసీ రోడ్డు, డ్రెయినేజీల్లో సిమెంట్‌, స్టీల్‌ తగ్గించి నాసిరకం పనులు చేస్తారనే భావన వ్యక్తమవుతోంది. కమీషన్‌ వ్యవహరంపై అధికార యంత్రాంగం స్పందించకపోవడంపై విమర్శలు వస్తున్నాయి. ఈ వ్యవహారంపై మున్సిపల్‌ డీఈ రమాదేవిని ‘సాక్షి’ వివరణ కోరగా అందుబాటులోకి రాలేదు.

ఆసిఫాబాద్‌అర్బన్‌: పోలీసు అమరుల త్యాగాలు మరువలేనివని ఎస్పీ నితిక పంత్‌ అన్నారు. జిల్లా కేంద్రంలోని పోలీసు హెడ్‌ క్వార్టర్‌లో బుధవారం పోలీసు అమరవీరుల సంస్మరణ దినోత్సవం నిర్వహించారు. పోలీసు అమరవీరుల స్తూపం వద్ద నివాళులర్పించారు. గతేడాది నుంచి ఇప్పటివరకు దేశంలో విధి నిర్వహణలో మరణించి 154 మంది పోలీసుల పేర్లను డీఎస్పీ అశోక్‌ చదివి వినిపించారు. అనంతరం ఎస్పీ మాట్లాడుతూ 1959 అక్టోబర్‌ 21న లడఖ్‌లోని హాట్‌స్ప్రింగ్స్‌ ప్రాంతంలో చైనా సైనికుల దాడిలో ప్రాణాలు కోల్పోయిన పది మంది సీఆర్‌పీఎఫ్‌ సిబ్బంది వీరమరణానికి గుర్తుగా ఏటా అక్టోబర్‌ 21న ‘పోలీసు అమరవీరుల సంస్మరణ’ దినోత్సవం నిర్వహిస్తున్నట్లు తెలిపారు. జిల్లాలో 1985 నుంచి ఇప్పటివరకు 14 మంది పోలీసులు సమాజం కోసం తమ ప్రాణాలు త్యాగం చేశారని పేర్కొన్నారు. అమరవీరుల సేవలను మరోసారి స్మరించుకోవడంతోపాటు, వారి త్యాగాలను గుర్తు చేసుకోవాల్సిన బాధ్యత అందరిపై ఉందన్నారు. అమరవీరుల కుటుంబ సభ్యులతో మాట్లాడి సమస్యలు తెలుసుకున్నారు. త్వరితగతిన సమస్యలు పరిష్కరించేందుకు కృషి చేస్తానని హామీ ఇచ్చారు. అనంతరం వారిని శాలువాతో సత్కరించారు. గురువారం నుంచి జిల్లాలో ఫొటోగ్రఫీ, షార్ట్‌ ఫిల్మ్‌, వీడియోగ్రఫీ పోటీలు నిర్వహిస్తామని తెలిపారు. కార్యక్రమంలో కాగజ్‌నగర్‌ డీఎస్పీ వహీదుద్దీన్‌, సీఐలు, ఏఎస్సైలు, ఆర్‌ఎస్సైలు, పోలీసు సిబ్బంది పాల్గొన్నారు.

ఆసిఫాబాద్‌రూరల్‌: జిల్లా కేంద్రంలోని ప్రభుత్వ జూనియర్‌ కళాశాల విద్యార్థిని సాక్షి రాష్ట్రస్థాయి అథ్లెటిక్స్‌ పోటీల్లో ప్రతిభ చూపి జాతీయ స్థాయికి ఎంపికై నట్లు కోచ్‌ విద్యాసాగర్‌ తెలిపారు. గత నెల 26, 27 తేదీల్లో హనుమకొండలో జరిగిన అథ్లెటిక్స్‌ హెప్టాథ్లాన్‌ (7 ఈవెంట్‌ గ్రూప్‌) పోటీల్లో ప్రతిభ చూపి మూడోస్థానంలో నిలిచింది. 100, 200, 1000 మీటర్స్‌ రన్నింగ్‌, హర్డిల్‌, లాంగ్‌జంప్‌, షాట్‌ఫుట్‌, జావెలిన్‌ త్రో ఈవెంట్స్‌లో 4035 పాయింట్స్‌ సాధించింది. ఈ నెల 23 నుంచి 27 వరకు చైన్నెలో జరిగే జాతీయ స్థాయి పోటీల్లో సాక్షి పాల్గొననుంది. కాగా, సాక్షి ప్రస్తుతం ప్రభుత్వ కళాశాలలో చదువుతూ జిల్లా కేంద్రంలోని గిరిజన పోస్ట్‌ మెట్రిక్‌ హాస్టల్‌ ఉంటోంది. గిరిజన ఆదర్శ బాలికల క్రీడాపాఠశాల కోచ్‌ విద్యాసాగర్‌ వద్ద శిక్షణ తీసుకుంటోంది.

కాగజ్‌నగర్‌టౌన్‌: ఇంపాక్ట్‌ ఇండియా ఫౌండేషన్‌ ఆధ్వర్యంలో కాగజ్‌నగర్‌ రైల్వే స్టేషన్‌లో నిలిపిన లైఫ్‌లైన్‌ ఎక్స్‌ప్రెస్‌ హాస్పిటల్‌ రైలుకు విశేష స్పందన లభిస్తోంది. ఈ నెల 16 నుంచి 21 వరకు 2,800 మంది రోగులకు ఉచిత వైద్య సేవలు పొందారని లైఫ్‌లైన్‌ ఎక్స్‌ప్రెస్‌ నిర్వాహకులు రీటా పి.టౌరో వెల్లడించారు. ఆరు రోజుల్లో కంటి వైద్యం కోసం 2,800 మందిని పరీక్షించామన్నారు. ఇందులో కంటి శుక్లాల ఉన్న 310 మందికి క్యాటరాక్ట్‌ విత్‌ ఐవోఎల్‌ ఇంప్లాంటేషన్‌ ఆపరేషన్లు చేశారు. 700 మందికి వెంటనే రీడింగ్‌ గ్లాస్‌లు పంపిణీ చేశారు. 1400 మందికి దూరపు చూపు కళ్లద్దాల కోసం ఆర్డర్‌ చేయగా, 700 మందికి ఉచితంగా మందులు అందించారు. ఆర్డర్‌ తీసుకున్న వారికి జూన్‌ 1, 2న అద్దాలను పంపిణీ చేయనున్నారు.

కౌటాల: జిల్లాలో చాపకింద నీరులా విస్తరిస్తున్న కుష్ఠు మహమ్మారికి అడ్డుకట్ట వేసేందుకు వైద్యారోగ్యశాఖ గురువారం నుంచి ఇంటింటి సర్వే చేపట్టనుంది. రాష్ట్రంలో అత్యధికంగా కుమురంభీం ఆసిఫాబాద్‌ జిల్లాలోనే వ్యాధిగ్రస్తులు ఎక్కువగా ఉన్నారు. ఈ నేపథ్యంలో వ్యాధి విస్తరణను అడ్డుకునే దిశగా అనుమానితులను గుర్తించనున్నారు. 2028 నాటికి కుష్ఠు రహిత సమాజ స్థాపనే లక్ష్యంగా ప్రభుత్వం ప్రతీ ఆరు నెలలకు ఒకసారి సర్వే చేపడుతున్న విషయం తెలిసిందే. ప్రస్తుతం జిల్లాలో 153 మంది వ్యాధిగ్రస్తులు ఉన్నారు. కాగజ్‌నగర్‌ మండలంలోని ఆరెగూడ, కౌటాల మండలం కన్నెపల్లి, ముత్తంపేట, చింతలమానెపల్లి మండలం గూడెం, దిందా, సిర్పూర్‌(టి) మండలం లోనవెల్లి, బెజ్జూర్‌, వాంకిడి, దహెగాం మండలాల్లో ఎక్కువ మంది బాధితులు ఉన్నారు. గతేడాది 84 మంది బాధితులు ఉండగా, ఈ ఏడాది వారి సంఖ్య 153కు చేరింది. నేటి నుంచి సర్వే.. జిల్లా వైద్యాశాఖ ఆధ్వర్యంలో జిల్లాలో ఈ నెల 22 నుంచి నవంబర్‌ 4 వరకు కుష్ఠు సర్వే చేపట్టనున్నారు. 118 సబ్‌ సెంటర్ల పరిధిలో 728 మంది ఆశ వర్కర్లు ఈ కార్యక్రమంలో పాల్గొంటారు. ఇంటింటికీ తిరుగుతూ స్క్రీనింగ్‌ ద్వారా అనుమానితులను గుర్తించనున్నారు. చర్మంపై పాలిపోయిన, గోధుమ, రాగి రంగు మచ్చలు ఉండటం, కనుబొమ్మల వెంట్రుకలు రాలడం, చేతి వేళ్ల స్పర్శ కోల్పోయి వంకరపోవడం వంటి లక్షణాలు ఉంటే తెలియజేయాలని వైద్యాధికారులు సూచిస్తున్నారు. ప్రారంభ దశలోనే గుర్తించడం, వ్యాధి సోకిన వారికి పూర్తిస్థాయిలో ఎండీటీ చేయించడం ద్వారా అరికట్టవచ్చు. ప్రస్తుతం కాగజ్‌నగర్‌ పీహెచ్‌సీలో కుష్ఠు వ్యాధి నివారణ విభాగం ఉంది. గురు, శుక్రవారాల్లో లెప్రసీ సొసైటీ ఆధ్వర్యంలో బాధితులకు చికిత్స అందిస్తున్నారు. బాధితులకు ఉచితంగా మందులు అందిస్తున్నారు. ముందుకు రాని బాధితులు జిల్లాలో ఏటా వ్యాధిగ్రస్తులు పెరుగుతున్నారు. ప్రభుత్వం వ్యాధి నివారణకు చర్యలు చేపడుతున్నప్పటికీ ప్రజలు వైద్య పరీక్షలు చేయించుకోవడానికి ముందుకు రావడం లేదు. బహుళ ఔషధ చికిత్స ద్వారా తీవ్రతను బట్టి 6 నుంచి 12 నెలల్లో వ్యాధి పూర్తిగా నయమవుతుంది. కుష్ఠులో పీబీ (పాసిబాసిల్లరి), ఎంబీ (మల్టిబాసిల్లరి)గా కేసులు ఉంటాయి. పీబీ అంటే అనుమానిత వ్యక్తి శరీరంపై దద్దులు, రాగి వర్ణపు మచ్చలు, అవయవాల్లో స్పర్శ తక్కువగా ఉండడంతో పాటు ఇతర లక్షణాలతో వ్యాధి తీవ్రత తక్కువగా ఉంటుంది. ఎంబీ కేసుల్లో ఈ లక్షణాలు ఎక్కువగా కనిపిస్తాయి. వీరికి వైద్యం కూడా అదే స్థాయిలో ఉంటుంది. చలి ప్రాంతాలు, నదీ పరీవాహక ప్రాంతాల్లో అధికంగా వ్యాప్తి చెందే అవకాశం ఉంటుందని వైద్యాధికారులు చెబుతున్నారు. ప్రజలు వైద్య పరీక్షలు చేసుకోవడానికి ముందుకు రావాలని పిలుపునిస్తున్నారు.

కౌటాల: గ్రామీణ రైతులు, వినియోగదారులకు నాణ్యమైన విద్యుత్‌ సరఫరాకు చర్యలు తీసుకుంటామని ఎస్‌ఈ ఉత్తమ్‌ జాడె అన్నారు. కౌటాల మండలం గుడ్లబోరి గ్రామంలో నిర్మిస్తున్న సబ్‌స్టేషన్‌ నిర్మాణ పనులను బుధవారం పరిశీలించారు. ఆయన మాట్లాడుతూ ప్రజలకు నాణ్యమైన విద్యుత్‌ అందించాలనే లక్ష్యంతో విద్యుత్‌ సబ్‌స్టేషన్లను ప్రభుత్వం నిర్మిస్తుందని తెలిపారు. సకాలంలో పనులు పూర్తి చేయాలని, నాణ్యత ప్రమాణాలు పాటించాలన్నారు. అలాగే తాటిపల్లిలో పొలంబాట కార్యక్రమంలో భాగంగా మిర్చి పంటలను పరిశీంచారు. రైతులకు సరిపడా విద్యుత్‌ సరఫరా చేస్తామని, విద్యుత్‌ పొదుపుగా వాడుకోవాలని సూచించారు. ఆయన వెంట ఏడీఈ ఇర్ఫాన్‌, సంతోష్‌ తదితరులు ఉన్నారు.

కైలాస్‌నగర్‌: గిరిజన పోరాట యోధుడు కొమురంభీం మనుమడు కొమురం సోనేరావు సోమవారం ఆదిలాబాద్‌ జిల్లా కలెక్టర్‌ రాజర్షి షాను మర్యాదపూర్వకంగా కలిశారు. కలెక్టరేట్‌ సమావేశ మందిరంలో కలిసి శాలువాతో సత్కరించారు. ఆసిఫాబాద్‌ జిల్లా జోడేఘాట్‌లో ఈ నెల 26న నిర్వహించనున్న కొమురం భీం వర్ధంతి కార్యక్రమానికి రావాలని కోరుతూ ఆహ్వానపత్రికను అందజేశారు. అనంతరం కార్యక్రమ వాల్‌ పోస్టర్లను కలెక్టర్‌ ఆవిష్కరించారు. కోడిపందేలు ఆడిన ముగ్గురు బైండోవర్‌ బెజ్జూర్‌: కోడిపందేలు ఆడుతూ పట్టుబడిన ముగ్గురు వ్యక్తులను బైండోవర్‌ చేసినట్లు ఎస్సై రమేశ్‌ తెలిపారు. సోమవారం ఆయన తెలిపిన వివరాల ప్రకారం.. సులుగుపల్లి గ్రామ శివారులో గల గంగారంగూడ ప్రాంతంలో కోడిపందేలు నిర్వహిస్తున్నట్లు గుర్తించిన పోలీసులు దాడి చేసి ముగ్గురిని పట్టుకున్నారు. నిందితుల వద్ద నుంచి రూ.300 నగదు, మూడు కోళ్లు, మూడు కత్తులను స్వాధీనం చేసుకున్నారు. సోమవారం ముగ్గురిని బెజ్జూర్‌ తహసీల్దార్‌ ఎదుట హాజరుపర్చి బైండోవర్‌ చర్యలు చేపట్టారు. మరోసారి కోడిపందేలకు పాల్పడితే ఒక్కొక్కరు రూ.లక్ష చొప్పున బైండోవర్‌ మొత్తాన్ని చెల్లించాల్సి ఉంటుందని హెచ్చరించారు.

రెబ్బెన: జిల్లాలో గంజాయి, మాదక ద్రవ్యాల అక్రమ రవాణాపై నిరంతరం నిఘా కొనసాగుతుందని ఎస్పీ నితిక పంత్‌ అన్నారు. మండలంలోని కాగజ్‌నగర్‌ ఎక్స్‌రోడ్‌ వద్ద సోమవారం రెబ్బెన పోలీసులు వాహనాల తనిఖీ చేస్తున్న క్రమంలో అనుమానాస్పదంగా కనిపించిన భార్యభర్తలను తనిఖీ చేయగా వారి వద్ద రూ. 2.70 లక్షల విలువైన 5.232 కిలోల గంజాయి పట్టుబడింది. జిల్లా కేంద్రంలోని ఎస్పీ కార్యాలయంలో కేసు వివరాలను ఎస్పీ వెల్లడించారు. ఈస్గాంకు చెందిన జుముర్‌ గెయిన్‌, సురంజన్‌ గెయిన్‌లు భార్యభార్తలు. భర్త ఎస్పీఎంలో ఉద్యోగి. ప్రస్తుతం కాగజ్‌నగర్‌లోనే నివాసం ఉంటున్నారు. ఈనెల 14న జుముర్‌ గెయిన్‌ ఒడిశాకు వెళ్లి పింటూ వద్ద రూ.15వేలకు 5.232 కిలోల గంజాయిని కొనుగోలు చేసి మంచిర్యాల రైల్వే స్టేషన్‌లో దిగింది. అక్కడి నుంచి భర్తతో కలిసి స్కూటర్‌పై కాగజ్‌నగర్‌కు బయలుదేరారు. రెబ్బెన నుంచి కాగజ్‌నగర్‌కు గంజాయి అక్రమ రవాణా జరుగుతున్నట్లు అందిన పక్కా సమాచారంతో పోలీసులు కాగజ్‌నగర్‌ ఎక్స్‌రోడ్‌ వద్ద వాహనాల తనిఖీ చేపట్టారు. భార్యాభర్తలు అనుమానాస్పదంగా కనిపించడంతో అదుపులోకి తీసుకుని తనిఖీ చేయగా గంజాయి లభ్యమైంది. వారి నుంచి రెండు సెల్‌ఫోన్లు, స్కూటర్‌ స్వాధీనం చేసుకుని వారిని పోలీస్‌స్టేషన్‌కు తరలించారు. గంజాయి అక్రమ సరాఫరా వ్యవహారంలో ఒడిశాకు చెందిన పింటూతో పాటు మంచిర్యాలకు చెందిన మున్నీ, జైపూర్‌కు చెందిన చంద్రశేఖర్‌, రాజు తదితరుల పాత్రపై సైతం పోలీసుల దర్యాప్తు చేస్తున్నారు. గంజాయి అక్రమ రవాణా జరగకుండా ముందస్తుగానే గుర్తించి నిందితులను అరెస్టు చేసి స్వాధీనం చేసుకున్న డీఎస్పీ అశోక్‌, రెబ్బెన ఇన్‌చార్జి సీఐ వేణుగోపాల్‌, రెబ్బెన ఎస్సై వెంకటకృష్ణ, పోలీస్‌ స్టేషన్‌ సిబ్బందిని ఎస్పీ ప్రత్యేకంగా అభినందించారు.

బెల్లంపల్లి: బెల్లంపల్లి మండలం తాళ్ల గురిజాల గ్రామంలో సోమవారం బెల్లంపల్లి పోలీసు శాఖ సౌజన్యంతో ఖేలో ఇండియా ఉమ్మడి ఆదిలాబాద్‌ జిల్లా స్థాయి అండర్‌ –17 విభాగంలో వాలీబాల్‌ బాలబాలికల ఎంపిక పోటీలు నిర్వహించారు. ముఖ్య అతిథిగా అంతర్జాతీయ వాలీబాల్‌ మాజీ క్రీడాకారుడు రవి హాజరై మాట్లాడారు. క్రీడల్లో రాణించడం వల్ల పేరు ప్రఖ్యాతలు రావడంతోపాటు ఉద్యోగావకాశాల్లో కోటా ఉంటుందన్నారు. ఈ కార్యక్రమంలో తాళ్లగురిజాల సర్పంచ్‌ వంగ రాము, ఎస్సై ప్రశాంత్‌కుమార్‌, చంద్రవెల్లి సర్పంచ్‌ శ్రీనివాస్‌, ఉప సర్పంచ్‌ సురేష్‌, వార్డు సభ్యులు, సీనియర్‌ క్రీడాకారులు తదితరలు పాల్గొన్నారు. బాలుర జట్టు.. వికాస్‌(నేరడిగొండ), సాయి దీక్షిత్‌(మంచిర్యాల), శంకర్‌(దండేపల్లి), అభిరామ్‌(లింగాపూర్‌), సుశాంత్‌(మంచిర్యాల), అనాజ్‌ (ఆదిలాబాద్‌), జశ్వంత్‌ నాయక్‌(ఆదిలాబాద్‌), శ్రీనివాస్‌ (బాబాసాగర్‌), కార్తీక్‌ (కోటపల్లి), సదానందం (నిర్మల్‌), రాహుల్‌ (తాళ్ల గురజాల), శ్రవణ్‌కుమార్‌, మహేశ్‌ (బట్వాన్‌పల్లి), గోవిందు (తిర్యాణి), పరశురాం (నేరడిగొండ), సాయిప్రదీప్‌ (మంచిర్యాల). బాలికల జట్టు.. హరిప్రియ (లక్సెట్టిపేట), రుతిజ(నిర్మల్‌), సాయి వైష్ణవి (కోటపల్లి), హర్షిణి (తిర్యాణి), పూజిత (నిర్మల్‌), శ్రావణి (ఆసిఫాబాద్‌), మహాలక్ష్మి (ఇచ్చోడ), మధురక్షి (ఆసిఫాబాద్‌), వైష్ణవి (నిర్మల్‌), అనుష్క (ఆదిలాబాద్‌), జ్యోతి (ఆదిలాబాద్‌), అంజలీదేవి (ఆదిలాబాద్‌), అమూల్య (అచ్చులాపూర్‌), శ్రావణి (తాళ్లపేట), సరిత(కౌటాల), రుచిత (రెబన్‌పల్లి).

కాగజ్‌నగర్‌టౌన్‌: ఉద్యోగుల సమస్యల పరిష్కరించడంలో రాష్ట్ర ప్రభుత్వం విఫలమైందని బీఆర్‌ఎస్‌ రాష్ట్ర ప్రధాన కార్యదర్శి ఆర్‌ఎస్‌ ప్రవీణ్‌ కుమార్‌ అన్నారు. సోమవారం మండలంలోని కోసిని గ్రామంలోని ఆయన నివాసంలో నేషనల్‌ హెల్త్‌ మిషన్‌లో విధులు నిర్వహిస్తున్న వైద్య సిబ్బంది ఆయనను కలిసి సమస్యలు విన్నవించారు. ఈ సందర్భంగా ఆయన మాట్లాడుతూ 30 ఏళ్ల సర్వీస్‌ ఉన్న రెగ్యులర్‌ అటెండర్‌ జీతం రూ.90 వేలు ఉంటే, 20 ఏళ్ల నుంచి డాక్టర్‌గా పని చేస్తున్న ఉద్యోగి జీతం కేవలం రూ.45 వేలు మాత్రమే ఉందని, దీనికి కారణం ఉద్యోగుల భద్రత లేకపోవడమే అన్నారు. వారం రోజులుగా సమ్మె చేస్తున్నా పట్టించుకునే నాథుడే లేడన్నారు. ప్రభుత్వం వెంటనే స్పందించి ఉద్యోగులకు న్యాయం చేయాలని డిమాండ్‌ చేశారు.

ఆసిఫాబాద్‌అర్బన్‌: 2026 ఆగస్టులో అత్యధిక ఫేర్‌ పెయిడ్‌ ఈపీకే సాధించినందుకు ఆసిఫా బాద్‌ ఆర్టీసీ డిపోకు చెందిన కండక్టర్‌ వి.మంజులను సోమవారం డిప్యూటీ రీజినల్‌ మేనేజర్‌ మల్లేశం, ఆదిలాబాద్‌, ఆసిఫాబాద్‌ డిపో అధి కారులు దేవపాల శాలువాతో సత్కరించారు. లైఫ్‌లైన్‌ ఎక్స్‌ప్రెస్‌ వద్ద అన్నదానం కాగజ్‌నగర్‌టౌన్‌: పట్టణంలోని రైల్వేస్టేషన్‌లో లైఫ్‌లైన్‌ ఎక్స్‌ప్రెస్‌ వైద్య శిబిరం వద్ద సిర్పూర్‌ ఎమ్మెల్యే డాక్టర్‌ పాల్వాయి హరీశ్‌బాబు ఆధ్వర్యంలో రోగులు, అటెండర్లు, వైద్య సిబ్బందికి సోమవారం అన్నదాన కార్యక్రమం నిర్వహించారు. నాలుగు రోజులుగా 300 మందికి అన్నదానం చేశామని, వైద్యశిబిరం ముగిసే వరకూ కార్యక్రమం కొనసాగుతుందన్నారు. లైఫ్‌లైన్‌ ద్వారా అందిస్తున్న ఉచిత వైద్యసేవలను సద్వి నియోగం చేసుకోవాలని ఎమ్మెల్యే సూచించారు. లెఫ్‌లైన్‌ ఎక్స్‌ప్రెస్‌ సీనియర్‌ ఆపరేషన్‌ ఆఫీసర్‌ డాక్టర్‌ మనోహర్‌రెడ్డి పాల్గొన్నారు.

కౌటాల: జిల్లాలో బతుకమ్మ, దసరా వేడుకులు అంగరంగ వైభవంగా జరుపుకుంటున్న వేళ.. కొందరు ‘బరి’ తెగిస్తున్నారు. మారుమూల ప్రాంతాల్లో కోడి పుంజుల కళ్లకు కత్తులు కట్టి జోరుగా పోట్లాట పెడుతున్నారు. ఈ పందెంలో రూ.లక్షల్లో బెట్టింగులు చేతులు మారుతుంటాయి. జిల్లాలో గుట్టుచప్పుడు కాకుండా నిత్యం రహస్యంగా కోడిపందేలు నిర్వహిస్తున్నారు. అరుదైన జాతుల్లోని కోళ్లను మాత్రమే పందేలకు వినియోగిస్తారు. వాటి ధరలు రూ.వేలల్లో ఉంటాయంటే నమ్మశక్యం కాదు. కోళ్ల పోషణకు రాగులు, సద్దులు, జీడిపప్పు, పిస్తా తదితర తృణ ధాన్యాలు తినిపిస్తారు. ఈ కోళ్లన్నీ ఇతర ప్రాంతాల నుండి వస్తాయి. పందేనికి ముందు వాటి కాళ్లకు కత్తులు కట్టి రంగంలోకి దించుతున్నారు. బరిలో తలపడే పుంజులు అత్యంత పౌరుషంగా పోరాడుతాయి. కోడి పందాలంటే ప్రత్యేకంగా స్థలాలు ఏర్పాటు చేసి పందాలు నిర్వహిస్తున్నారు. రక్తమోడుతున్నా వీరోచితంగా పోరాడి ఒక కోడి గెలిస్తే.. మరో పుంజు ప్రాణాలు విడుస్తుంది. ఆ తరువాత పెద్ద మొత్తంలో నగదు చేతులు మారుతుంది. పక్కా ప్లాన్‌తోనే..కోళ్ల పందేల నిర్వహణ పక్కా ప్లాన్‌తో చేపడుతున్నారు. పోలీసులు, జన సంచారం లేని స్థలాలు గుర్తిస్తారు. స్థానికుల సాయంతో ముందుగా పరిశీలన చేసి బెట్టింగ్‌ రాయుళ్లను ఒకచోటుకు తీసుకొస్తారు. ఎవరైనా వస్తే తప్పించుకునేందుకు పథక రచనలు కూడా ఉంటాయి. రెండు గ్రూపుల వ్యక్తులు తమకు నచ్చిన కోడిపై బెట్టింగ్‌ కడతారు. రూ.10 వేల నుంచి మొదలు రూ. లక్షల్లో పందేలు కాస్తారు. పెట్టిన బెట్టుకు రెండు, మూడింతలు లాభం వస్తుండటంతో కొందరు అప్పులు చేసి మరీ పందెం కాయడానికి వస్తున్నారు. గెలుపొందినవారు సంతోషంగా వెళ్తుంటే ఓడిన వారు మాత్రం బాధపడుతున్నారు. దసరా పండుగతో పాటు వరుస సెలవుల నేపథ్యంలో కాగజ్‌నగర్‌ డివిజన్‌ పరిధిలోని ఆయా గ్రామాల శివారులో గుట్టు చప్పుడు కాకుండా జోరుగా కోడిపందేలు నిర్వహించారు. పందెం రాయుళ్లు పందెం కోళ్లను ద్విచక్ర వాహనాలపై తరలిస్తున్నారు. ప్రతీ ఆది, గురువారాల్లో ప్రత్యేక స్థలాల్లో కోడిపందేలు నిర్వహిస్తున్నారు. పోలీసులు దాడులు చేస్తున్నా.. పందెం రాయుళ్లలో మాత్రం మార్పు రావడం లేదు.ఇటీవలి ఘటనలు..

ఆసిఫాబాద్‌అర్బన్‌: జాతీయ కుష్ఠు వ్యాధి నిర్మూలన కార్యక్రమంలో భాగంగా ఈ నెల 22 నుంచి నవంబర్‌ 14 వరకు జిల్లాలో ప్రత్యే క సర్వే నిర్వహించనున్నట్లు జిల్లా అదనపు కలెక్టర్‌ డేవిడ్‌ తెలిపారు. సోమవారం జిల్లా కేంద్రంలోని తన కార్యాలయంలో ఏర్పాటు చేసిన సమావేశంలో ఆయన మాట్లాడుతూ ఆరోగ్య సిబ్బంది ఇంటింటికీ వెళ్లి వ్యాధి లక్షణాలపై అవగాహన కల్పిస్తూ, లక్షణాలు ఉన్నవారిని గుర్తించనున్నట్లు తెలిపారు. 118 సబ్‌ సెంటర్‌లు ఏర్పాటు చేశామని, 728 మంది ఆశ వర్కర్లు సర్వేలో పాల్గొననున్నట్లు తెలిపా రు. సమావేశంలో డీఎంహెచ్‌వో నాగేంద్ర, ప్రోగ్రాం అధికారి బీపీఎం రాములు నాయక్‌, తదితరులు పాల్గొన్నారు.

ఆసిఫాబాద్‌అర్బన్‌: జిల్లా కేంద్రంలోని బ్రాహ్మణవాడ కేశవనాథస్వామి ఆలయంలో శరన్నవరాత్రోత్సవాలు వైభవోపేతంగా కొనసాగాయి. సోమవారం చివరిరోజు స్వామి వారి ఉత్సవ విగ్రహాన్ని గజవాహనంపై ఉంచి పట్టణ వీధుల గుండా భాజాభజంత్రీల మధ్య, భక్తి పాటలతో భజనలు చేసుకుంటూ శోభాయాత్ర నిర్వహించారు. అర్చకులు ఒజ్జల నరేష్‌శర్మ ఆధ్వర్యంలో స్వామి వారికి ప్రత్యేక పూజలు చేశారు. శోభాయాత్ర కు మహిళలు మంగళహారతులతో స్వాగతం ప లికారు. అనంతరం ఆలయంలో మంగళహార తి, మహా మంత్రపుష్పం, ఆశీర్వచనం, తీర్థప్రసాద వితరణ చేశారు. ఆలయ ఈవో వేణుగోపాల్‌ గుప్తా, బ్రాహ్మణ సమాజ్‌ అధ్యక్షులు వైరాగడె ప్రతాప్‌, భక్తులు పాల్గొన్నారు.

రెబ్బెన: మండలంలో దుర్గాదేవి నవరాత్రోత్సవాలు అంగరంగ వైభవంగా జరుగుతున్నాయి. గోలేటి, రె బ్బెన, నంబాల, గంగాపూర్‌ గ్రామాల్లో ప్రతిష్టించిన దుర్గామాత విగ్రహాలకు భక్తులు ప్రత్యేక పూజలు చేస్తూ నైవేద్యాలు సమర్పిస్తున్నారు. ఇందిరానగర్‌లోని కనకదుర్గాదేవి, స్వయంభూ మహంకాళి ఆలయాన్ని సుందరంగా అలంకరించారు. వేదపండితు ల మంత్రోచ్చరణల నడుమ చండీహోమం నిర్వహించారు. డీసీసీ అధ్యక్షురాలు ఆత్రం సుగుణ అ మ్మవారికి పట్టు వస్త్రాలు సమర్పించారు. అనంతరం ఆలయ ప్రాంగణంలో ఉన్న కాలభైరవ స్వా మి, అరుణాచల శివయ్యలను దర్శించుకున్నారు. భక్తులతో కలిసి అన్నప్రసాదాన్ని స్వీకరించారు. ఈ కార్యక్రమాల్లో ఇందిరానగర్‌ సర్పంచ్‌ దారావత్‌ అరుణ, ఉప సర్పంచ్‌ వెంకటేష్‌, కాంగ్రెస్‌ పార్టీ మండల అధ్యక్షుడు కిషన్‌గౌడ్‌, జిల్లా కార్యదర్శి చిరంజీవిగౌడ్‌, చెన్న సోమశేఖర్‌, నాయకులు రాజేశ్‌, సంతోష్‌, తదితరులు పాల్గొన్నారు.

ఆసిఫాబాద్‌అర్బన్‌: విజయదశమి ప్రతీఒక్కరికి విజయాలు చేకూర్చాలని ఎస్పీ నితిక పంత్‌ అన్నా రు. సోమవారం జిల్లా కేంద్రంలోని పోలీసు హెడ్‌ క్వార్టర్‌లో ఆయుధ పూజ, వాహనపూజ, జమ్మిచెట్టుకు ప్రత్యేక పూజలు నిర్వహించారు. అనంతరం దుర్గాదేవికి పూజలు చేశారు. ఈ సందర్భంగా ఎస్పీ మాట్లాడుతూ శాంతి భద్రతల పరిరక్షణలో నిత్యం అప్రమత్తంగా ఉండే పోలీసులు విధి నిర్వహణలో ఉపయోగించే ఆయుధాలు, వాహనాలను దైవ స్వరూపంగా భావించి ప్రత్యేక పూజలు నిర్వహించ డం సంప్రదాయంగా వస్తుందన్నారు. ఈ సందర్భంగా పోలీసు అధికారులు, సిబ్బంది విజయదశమి శుభాకాంక్షలు తెలుపుకున్నారు.

ఆసిఫాబాద్‌: విజయానికి ప్రతీకగా నిలిచే దసరా ఉత్సవాలను వైభవంగా జరుపుకునేందుకు జిల్లా వ్యాప్తంగా అన్ని గ్రామాల్లో ఏర్పాట్లు సిద్ధం చేశారు. జిల్లా కేంద్రంలోని కేస్లాపూర్‌ అభయాంజనేయ స్వామి భారీ విగ్రహం వద్ద ఉత్సవ కమిటీ ఆధ్వర్యంలో ఏర్పాట్లు చేస్తున్నారు. కేస్లాపూర్‌ హనుమాన్‌ ఆలయం వద్ద హిందూ వాహిని ఆధ్వర్యంలో భారీ రావణాసురుడి పది తలల దిష్టిబొమ్మ ఏర్పాటు చేశారు. కేస్లాపూర్‌ ఆంజనేయ స్వామి ఆలయం వద్ద రావణాసురుడి దిష్టిబొమ్మ దహనం చేసేందుకు భూమిని చదును చేశారు. మంగళవారం సాయంత్రం 5:15 గంటలకు కేస్లాపూర్‌ హనుమాన్‌ ఆలయంలో షమీ పూజ, 6 గంటలకు ప్రముఖ కళాకారులతో స్వాగత కార్యక్రమం, 7:30 గంటలకు శ్రీరాముని ఎంపిక, రావణ దహనం, 8 గంటల నుండి ప్రముఖ కళాకారులచే సాంస్కృతిక ప్రదర్శనలు నిర్వహించనున్నట్లు ఆలయ కమిటీ సభ్యులు తెలిపారు. ఆలయ ప్రాంగణం నుంచి ముఖద్వారం వరకు విద్యుద్దీపాలతో అలంకరణ, కషాయ తోరణాలు, షామియానాలు ఏర్పాటు చేశారు. ఆసిఫాబాద్‌ మున్సిపాలిటీ ఆధ్వర్యంలో ఆలయ మార్గంలోని పెద్దవాగు వంతెన వరకు ప్రత్యేక లైటింగ్‌ ఏర్పాటు చేసి పారిశుద్ధ్య పనులు చేపట్టారు. రాజంపేట గ్రామ పంచాయతీ ఆధ్వర్యంలో రహదారిని, బూర్గుడ గ్రామ పంచాయతీ ఆధ్వర్యంలో ఆలయ పరిసరాలు శుభ్రం చేశారు. అభయాంజనేయ స్వామి ఆలయ ప్రాంగణంలో భూమి చదును చేసి, లైటింగ్‌, సౌండ్‌ సిస్టం, పార్కింగ్‌ ఏర్పాట్లు చేస్తున్నారు. రావణాసురుడి దిష్టిబొమ్మను దహనం చేసే శ్రీరాముడిని ఎంపిక చేసేందుకు లక్కీ డ్రా తీయనున్నారు. ఎంపికై న శ్రీరాముడిని ఉత్సవ కమిటీ ఆధ్వర్యంలో శాలువాతో సత్కరిస్తారు. అనంతరం ప్రత్యేకంగా అమర్చిన రాకెట్‌ ద్వారా రావణుడి దిష్టిబొమ్మ దహనం చేస్తారు. వేడుకలకు వేలాది మంది భక్తులు తరలిరానున్న నేపథ్యంలో తాగునీరు, ప్రసాదం, ఇతర సౌకర్యాలు ఏర్పాటు చేశారు. కార్యక్రమాన్ని తిలకించేందుకు అధికారులు, ప్రజా ప్రతినిధులు, పురప్రముఖులతో పాటు పట్టణ ప్రజలు అధికసంఖ్యలో హాజరుకానున్నారు. సొంతూళ్లకు పయనంఉద్యోగ, వ్యాపారాల రీత్యా సుదూర ప్రాంతాల్లో ఉన్న జిల్లా వాసులు స్వస్థలాలకు చేరుకుంటుండగా ఇక్కడ పనిచేసే ఉద్యోగులు వారి స్వస్థలాలకు వెళ్తున్నారు. దీంతో రెండు రోజులుగా ఆర్టీసీ బస్సులు ప్రయాణికులతో కిటకిటలాడుతున్నాయి. మంగళవారం జిల్లా కేంద్రం నుంచి హైదరాబాద్‌కు ప్రత్యేక బస్సులు ఏర్పాటు చేసినట్లు ఆర్టీసీ డీఎం రాజశేఖర్‌ తెలిపారు. శరన్నవరాత్రులు, విజయదశమిని పురస్కరించుకుని మూడు రోజులుగా జిల్లా కేంద్రంలోని మార్కెట్‌ కొనుగోలు దారులతో సందడిగా మారింది. గతంలో ఎన్నడూ లేని విధంగా ఈ ఏడాది బంతిపూలు కిలో రూ.50కే లభించడంతో కొనుగోలు చేసేందుకు ఆసక్తి చూపుతున్నారు.విద్యుద్దీపాల అలంకరణలో కేస్లాపూర్‌ ఆలయంషిర్డీ సాయిమందిర్‌లో..విజయ దశమి పుణ్యతిథి పురస్కరించుకుని మంగళవారం ఉదయం పట్టణంలో సాయి ఉత్సవ విగ్రహంతో నగర సంకీర్తన, జోలి భిక్ష నిర్వహించనున్నారు. ఉదయం కాకడ హారతి, మంగళస్నానం, పంచామృతాభిషేకం, 9 గంటలకు సామూహిక అఖండ సాయి సచ్చరి త పారాయణం, పుస్తక పూజ, మంత్ర పుష్పం, తదితర కార్యక్రమాలు నిర్వహిస్తున్నట్లు కమిటీ సభ్యులు తెలిపారు. దసరా సందర్భంగా ఆలయంలో వాహన పూజ నిర్వహిస్తారు

ఆసిఫాబాద్‌అర్బన్‌: ప్రజావాణి కార్యక్రమానికి వచ్చే దరఖాస్తులను సంబంధిత అధికారులు క్షుణ్ణంగా పరిశీలించి సత్వర పరిష్కారానికి చర్యలు తీసుకోవాలని జిల్లా అదనపు కలెక్టర్‌ డేవిడ్‌ అన్నారు. సోమవారం కలెక్టరేట్‌లో నిర్వహించిన కార్యక్రమంలో డీఆర్‌వో దాసరి వేణుతో కలిసి ప్రజల నుంచి అర్జీలు స్వీకరించారు. జైనూర్‌కు చెందిన ఆత్రం శంభు మీసేవ కేంద్రం మంజూరు చేయాలని, జిల్లా కేంద్రానికి చెందిన వేములవాడ రవీందర్‌ తాను ప్రభుత్వ ఆసుపత్రిలో దోబిగా పనిచేస్తున్నానని, ఆరోగ్యం సహకరించడంలేదని, కుటుంబ సభ్యులో ఒకరికి ఉద్యోగం ఇప్పించాలని, సిర్పూర్‌(టి) మండలం లక్ష్మీపూర్‌కు చెందిన రాకేష్‌ కుమార్‌ ఇందిరమ్మ ఇల్లు మంజూరు చేయాలని, చింతలమానెపల్లి మండలం డబ్బాకు చెందిన జామ్మిడి అరుణ ఉపాధి అవకాశం కల్పించాలని, కాగజ్‌నగర్‌ మండలం అనుకూడకు చెందిన శంకర్‌ వంటగది నిర్మాణానికి సంబంధించిన బిల్లు మంజూరు చేయాలని, జైనూర్‌ మండలం పొలాసకు చెందిన కుర్సింగ సురేఖ ఆసిఫాబాద్‌ మండలం ఇప్పలనవెగాంకు చెందిన గుర్నులె ఉషారాణి అంగన్‌వాడీ టీచర్‌ ఉద్యోగం ఇప్పించాలని దరఖాస్తులు అందజేశారు. ఈ సందర్భంగా అదనపు కలెక్టర్‌ మాట్లాడుతూ దరఖాస్తులు పెండింగ్‌లో ఉంచకుండా చర్యలు తీసుకోవాలని అధికారులకు సూచించారు.

ఆసిఫాబాద్‌అర్బన్‌: మిషన్‌ భగీరథ పథకంలో పనిచేస్తున్న కార్మికులకు ఐదు నెలలుగా పెండింగ్‌లో ఉన్న వేతనాలు చెల్లించకపోవడం బాధాకరమని ఏఐటీయూసీ జిల్లా ప్రధాన కార్యదర్షి బోగె ఉపేందర్‌ అన్నారు. కార్మికులకు పెండింగ్‌ వేతనాలు చెల్లించాలని డిమాండ్‌ చేస్తూ సోమవారం ఏఐటీయూసీ ఆధ్వర్యంలో కలెక్టరేట్‌ ఎదుట నిరసన తెలిపారు. అనంతరం డీఆర్‌ఏ దాసరి వేణుకు వినతిపత్రం అందజేశారు. ఈ సందర్భంగా ఆయన మాట్లాడుతూ మాణిక్‌గుడ వాటర్‌ ప్లాంట్‌లో రాఘవ ఏజెన్సీ సబ్‌ ఎవరెస్ట్‌ ద్వారా పనిచేస్తున్న కార్మికులకు 5 నెలలుగా వేతనాలు చెల్లించకపోవడంతో పండుగ పూట పస్తులుండాల్సిన పరిస్థితి ఏర్పడిందని ఆవేదన వ్యక్తం చేశారు. కార్యక్రమంలో ఏఐటీయూసీ జిల్లా అధ్యక్షుడు దివాకర్‌, కార్మికులు తిరుపతి, శ్రీకాంత్‌, రాజేశ్వర్‌, సుధాకర్‌, జయకృష్ణ, హరీష్‌, వేణు, తదితరులు పాల్గొన్నారు.

కాగజ్‌నగర్‌టౌన్‌: హెచ్‌ఐవీ, ఎస్‌టీఐపై ఏమైనా సందేహం ఉందా? అయితే ఆలస్యం చేయకండి. ఇకపై ఎయిడ్స్‌ ఉందో లేదో తెలుసుకునేందుకు మిత్ర కేంద్రానికి వెళ్లాల్సిన అవసరం లేదు. మీ ఫోన్‌లో క్యూఆర్‌ కోడ్‌ స్కాన్‌ చేస్తే చాలు. వందశాతం గోప్యంగా వివరాలు తెలుసుకోవచ్చు. తెలంగాణ రాష్ట్ర ఎయిడ్స్‌ నియంత్రణ సంస్థ(బీజీఎస్‌ఏసీఎస్‌), జాతీయ ఎయిడ్స్‌ నియంత్రణ సంస్థ(ఎన్‌ఏసీఓ) సంయుక్తంగా ఈ డిజిటల్‌ సేవలను అందుబాటులోకి తెచ్చాయి. జిల్లావ్యాప్తంగా అన్ని ప్రభుత్వ ఆస్పత్రులు, బస్టాండ్లు, రైల్వే స్టేషన్లలో పోస్టర్లను ఏర్పాటు చేశారు. పోస్టర్‌లో ఉన్న క్యూఆర్‌ కోడ్‌ను స్కాన్‌ చేయగానే breakfreeindia.org వైబ్‌సైట్‌ ఓపెన్‌ అవుతుంది. అందులో ఏడు రకాల ఆప్షన్స్‌ ఉంటాయి. వాటికి సమాధానం ఇస్తే మీకు దగ్గరలో ఉన్న పరీక్ష కేంద్రం వివరాలు, అపాయింట్‌మెంట్‌ సౌకర్యం ఫోన్‌లోనే వస్తుంది. ఆధార్‌ కార్డు ఆధారంగా వైఎస్‌ఆర్‌ టికెట్‌లాగా మీకు టోకెన్‌ కూడా జనరేట్‌ అవుతుంది. అలాగే ఎయిడ్స్‌ హెల్ప్‌లైన్‌ నంబర్‌ 1097కు కాల్‌ చేసినా పూర్తి వివరాలు గోప్యంగా ఉచితంగా తెలుసుకోవచ్చు. ఎస్టీఐ, హెచ్‌ఐవీపై అవగాహన పెంచడమే లక్ష్యంగా ఈ ‘బ్రేక్‌ ఫ్రీ సేహత్‌ కీ ఓర్‌ డిజిటల్‌ సఫర్‌’ కార్యక్రమాన్ని ప్రభుత్వం ప్రారంభించింది. ప్రస్తుతం ఆసిఫాబాద్‌, కాగజ్‌నగర్‌ మున్సిపాలిటీలతోపాటు వివిధ ప్రాంతాల్లో విస్తృతంగా అవగాహన కల్పిస్తున్నారు. ప్రస్తుతం జిల్లాలో 736 మంది హెచ్‌ఐవీ బాధితులు ఉన్నట్లు అధికారులు వెల్లడించారు. వారందరికీ రిమ్స్‌ ద్వారా చికిత్స అందిస్తున్నారు. క్షేత్రస్థాయిలో అవగాహన క్షేత్రస్థాయిలో ఆశ, ఏఎన్‌ఎం కార్యకర్తలు, ఎన్జీవోల ద్వారా అవగాహన కల్పిస్తున్నాం. ప్రధానంగా రద్దీ గా ఉండే ప్రదేశాలు బస్టాండ్‌, రైల్వే స్టేషన్‌, మా ర్కెట్‌ ఏరియాల్లో ఎయిడ్స్‌ క్యూఆర్‌ కోడ్‌పై అవగాహన కల్పిస్తూ ప్రక్రియ గురించి వివరిస్తున్నాం. – హరీశ్‌, ఐసీడీసీ కౌన్సిలర్‌, కాగజ్‌నగర్‌

తెలంగాణ– మహారాష్ట్ర మధ్య జాతీయ రహదారి ప్రాధాన్యం గురించి కేంద్ర రోడ్డు రవాణా, జాతీయ రహదారుల శాఖ మంత్రి నితిన్‌ గడ్కరీకి విన్నవించాం. గడ్చిరోలి నుంచి హైదరాబాద్‌కు నిత్యం వందల సంఖ్యలో భారీ వాహనాల్లో ముడి ఇనుము సరఫరా జరుగుతోందని, ట్రాఫిక్‌ సమస్య తీవ్రమవుతోందని మంత్రి దృష్టికి తీసుకెళ్లలాం. కేంద్ర మంత్రి ఈ నిర్మాణంపై సానుకూలంగా స్పందించారు. నిర్మాణానికి ఉన్న అడ్డంకులను తొలగించి త్వరలో పనులు ప్రారంభమయ్యేలా చర్యలు తీసుకుంటామని హామీ ఇచ్చారు. ఈ రహదారి పూర్తయితే సిర్పూర్‌(టి) నియోజకవర్గం వేగంగా అభివృద్ధి చెందుతుంది. – పాల్వాయి హరీశ్‌బాబు, సిర్పూర్‌ ఎమ్మెల్యే

జన్నారం: పాలపిట్ట మన పర్యావరణ సమతుల్య తను కాపాడటంలో కీలక పాత్ర పోషిస్తుందని, పంటలకు హాని చేసే కీటకాలను తింటూ రైతులకు మేలు చేస్తుందని ఫారెస్ట్‌ డివిజనల్‌ అధికారి రామ్మోహన్‌ పేర్కొన్నారు. ఆదివారం జన్నారం అటవీ డివిజన్‌లో పాలపిట్టపై అవగాహన కల్పించేందుకు అటవీశాఖ ఆధ్వర్యంలో ముద్రించిన పోస్టర్‌ను సిబ్బందితో కలిసి డివిజన్‌ కార్యాలయంలో ఆవిష్కరించారు. ఈ సందర్భంగా ఆయన మాట్లాడుతూ.. అడవుల నరికివేత,, వ్యవసాయ పంటల్లో పురుగుమందుల అధిక వినియోగం లాంటి కారణాలతో పాలపిట్టల సంఖ్య తగ్గుతోందని తెలిపారు. పాలపిట్టలను పట్టుకోవడం, వేటాడడం, బంధించడం, విక్రయించడం, హింసించడం లాంటి కార్యకలాపాలు చట్టరీత్యా నేరమని పేర్కొన్నారు. నిబంధనలు ఉల్లంఘిస్తే వన్యప్రాణి సంరక్షణ చట్టం–1972 ప్రకారం చర్యలు తప్పవని హెచ్చరించారు. ప్రజలు వన్యప్రాణులను సంరక్షించి, ప్రకృతి పరిరక్షణలో భాగస్వాములు కావాలని పిలుపునిచ్చారు. జన్నారం, తాళ్లపేట అటవీశాఖ రేంజ్‌ అధికారులు బాబా ఖాదర్‌వలీ, విలాస్‌, డిప్యూటీ రేంజ్‌ అధికారులు, సెక్షన్‌ అధికారులు, బీట్‌ అధికారులు, కార్యాలయ సిబ్బంది పాల్గొన్నారు.

బాసరలో శరన్నవరాత్రి ఉత్సవాలు బాసరలో శారదీయ శరన్నవరాత్రి ఉత్సవాలు కొనసాగుతున్నాయి. శ్రీజ్ఞాన సరస్వతీ అమ్మవారు ‘మహాగౌరీ దేవి’ అలంకారంలో దర్శనమిచ్చారు. అడుగడుగునా నీరా‘జనం’.. అడెల్లి మహాపోచమ్మ గంగనీళ్ల జాతర ఆదివారం అత్యంత వైభవోపేతంగా సాగింది. భక్తులు పెద్ద సంఖ్యలో తరలివచ్చి దర్శనం చేసుకున్నారు.ప్రకృతిని ఆరాధిస్తూ ఆడపడుచులు తొమ్మిది రోజుల పాటు అత్యంత భక్తిశ్రద్ధలతో జరుపుకున్న బతుకమ్మ వేడుకలు ఆదివారం సద్దుల బతుకమ్మతో ముగిశాయి. ఆలయాలు, కూడళ్ల వద్ద బతుకమ్మకు భారీ ఏర్పాట్లు చేశారు. తంగేడు, గునుగు, బంతి వంటి తీరొక్క పూలతో పేర్చిన బతుకమ్మలు, రంగురంగుల లైట్ల వెలుగుల్లో మహిళలు అర్ధరాత్రి వరకు ఆడిపాడి సందడి చేశారు. చివరిరోజు కావడంతో మహిళలు, యువతులు చిన్నాపెద్దా తేడా లేకుండా రెగ్యులర్‌ పాటలతో పాటు డీజే పాటలతో హోరెత్తించారు. అనంతరం గౌరవమ్మకు సద్దుల నైవేద్యం సమర్పించి వీడ్కోలు పలికారు. కాగజ్‌నగర్‌ పట్టణంలో ఎమ్మెల్యే పాల్వాయి హరీశ్‌బాబు తన నివాసంలో సతీమణి పాల్వాయి శివాణి, మాజీ ఎమ్మెల్యే పాల్వాయి రాజ్యలక్ష్మితో కలిసి బతుకమ్మను పేర్చి కుటుంబ సభ్యులతో కలిసి బతుకమ్మ ఆడారు. ఆసిఫాబాద్‌లో సీఐ నీలం రవి ఆధ్వర్యంలో పోలీసులు పటిష్ట బందోబస్తు చేపట్టారు. – ఆసిఫాబాద్‌/ఆసిఫాబాద్‌అర్బన్‌

కౌటాల: తెలంగాణ– మహారాష్ట్ర మధ్య రవాణా సౌకర్యాన్ని విస్తరించడంతో పాటు వాణిజ్య, పర్యాటక రంగానికి మహర్దశ తెచ్చే ప్రతిష్టాత్మక బెల్లంపల్లి– గడ్చిరోలి గ్రీన్‌ఫీల్డ్‌ జాతీయ రహదారి నిర్మాణం మరోసారి తెరపైకి వచ్చింది. తెలంగాణ– మహారాష్ట్ర మధ్య రవాణాను మెరుగుపర్చేందుకు మంచిర్యాల జిల్లా తాండూరు నుంచి కుమురం భీం ఆసిఫాబాద్‌ జిల్లాలోని పలు మండలాల మీదుగా మహారాష్ట్రలోని గడ్చిరోలి వరకు సుమారు 63.2 కి.మీ. మేర జాతీయ రహదారి నిర్మాణానికి మూడేళ్ల కిందట అనుమతులు వచ్చాయి. అటవీ అనుమతులు, ఇతర సాంకేతిక అడ్డంకుల కారణంగా నిలిచిపోయిన ఈ హైవే పనులను వేగవంతం చేసే దిశగా అడుగులు పడుతున్నాయి. సిర్పూర్‌ ఎమ్మెల్యే పాల్వాయి హరీశ్‌బాబు ఇటీవల ఢిల్లీలో కేంద్ర రోడ్డు రవాణా, జాతీయ రహదారుల శాఖ మంత్రి నితిన్‌ గడ్కరీని కలిసి జాతీయ రహదారి నిర్మాణం, దాని ఆవశ్యకతను వివరించారు. దీనిపై కేంద్ర మంత్రి సానుకూలంగా స్పందించి అంతర్రాష్ట్ర జాతీయ రహదారిని తప్పకుండా మంజూరు చేస్తామని హామీ ఇచ్చినట్లు ఎమ్మెల్యే తెలిపారు. అలాగే గత జూలై 24న కూడా ఈ జాతీయ రహదారిని మంజూరు చేయాలని కోరుతూ కేంద్ర మంత్రికి ఎమ్మెల్యే వినతిపత్రం అందజేశారు. ఈ నేపథ్యంలో జిల్లా ప్రజల్లో జాతీయ రహదారిపై మళ్లీ ఆశలు చిగురిస్తున్నాయి. ఎనిమిది మండలాలను కలుపుతూ.. ప్రగతి చిహ్నాలైన రహదారుల నిర్మాణానికి ప్రభుత్వాలు ప్రాధాన్యమిస్తుంటాయి. జిల్లాల అనుసంధానంతో పర్యాటక, వాణిజ్య, వ్యాపార లావాదేవీలు వృద్ధి చెంది, రియల్‌ ఎస్టేట్‌ రంగానికి ఊతం వస్తుంది. ఇందులో భాగంగా బెల్లంపల్లి –గడ్చిరోలి హైవే నిర్మాణానికి కేంద్ర ప్రభుత్వం కసరత్తు చేస్తోంది. మంచిర్యాల జిల్లా తాండూర్‌ నుంచి ప్రారంభం కానున్న ఈ రహదారి.. కాసిపేట, బెల్లంపల్లి, భీమిని మండలాలతో పాటు కుమురం భీం ఆసిఫాబాద్‌ జిల్లా రెబ్బెన, దహెగాం, కాగజ్‌నగర్‌ మండలం, సిర్పూర్‌(టి), కౌటాల మండలాలను కలుపుతూ రాష్ట్ర సరిహద్దున ప్రవహిస్తున్న వార్దా నది మీదుగా మహారాష్ట్రలోని కిర్‌మిర్‌ గ్రామం నుంచి గడ్చిరోలి వెళ్లే జాతీయ రహదారిని కలుపుతుంది. సుమారు 1,200 ఎకరాల మేర భూసేకరణకు అధికారులు చర్యలు తీసుకున్నట్లు తెలుస్తోంది. కాగజ్‌నగర్‌ మండలం మోసం, సిర్పూర్‌(టి) మండలం చింతకుంట, పెద్దబండ, లక్ష్మీపూర్‌ సమీపంలో అటవీ ప్రాంతం గుండా గతంలో అధికారులు సర్వే చేపట్టారు. దట్టమైన అటవీ ప్రాంతం కావడంతో అనుమతులు రాక పనులు నిలిచిపోయినట్లు సమాచారం. ఈ విషయంలో కేంద్రం తగిన పునరాలోచనలు జరిపి ఈ జాతీయ రహదారి నిర్మాణం పూర్తయ్యేలా చర్యలు తీసుకోనున్నట్లు తెలుస్తోంది. అభివృద్ధికి మార్గం.. హైవే రోడ్డుతో ఆయా ప్రాంతాలు పర్యాటకంగా అభివృద్ధి చెందుతాయి. రోడ్డు సౌకర్యాలు మెరుగుపడడంతో పర్యాటకులు సులువుగా ప్రయాణిస్తారు. అలాగే ప్రధాన రహదారుల వెంబడి ఆర్థిక కారిడార్లు, పారిశ్రామిక సమూహాలు ఏర్పడతాయి. ఈ రహదారి పూర్తయితే తెలంగాణ– మహారాష్ట్ర మధ్య రవాణా వ్యవస్థ మరింత మెరుగుపడే అవకాశం ఉంది. గడ్చిరోలి జిల్లా సూర్జాఘడ్‌లో ముడి ఇనుము ఫ్యాక్టరీ, మైనింగ్‌ కార్యకలాపాలు ప్రారంభం కావడంతో ప్రస్తుతం నిత్యం అక్కడి నుంచి వందలాది లారీలు సిర్పూర్‌(టి) మీదుగా హైదరాబాద్‌, కరీంనగర్‌, వరంగల్‌ నగరాలకు రాకపోకలు సాగిస్తున్నాయి. దీంతో జిల్లాలోని అంతర్గత రహదారులు దెబ్బతినడంతో పాటు భారీ వాహనాల రాకపోకలతో ట్రాఫిక్‌ సమస్య ఏర్పడుతోంది. ఫలితంగా సామాన్య ప్రజలు ఇబ్బందులు పడుతున్నారు. బెల్లంపల్లి– గడ్చిరోలి రహదారి నిర్మాణం పూర్తయితే రవాణా వ్యవస్థ మరింత సులువు కానుంది.

రెబ్బెన: ధ్యానంతో మానసిక ప్రశాంతత లభిస్తుందని, ప్రతిఒక్కరూ ధ్యానానికి తగిన ప్రాధాన్యత ఇవ్వాలని కాగజ్‌నగర్‌ సబ్‌ కలెక్ట ర్‌ హర్ష్‌ చౌదరి అన్నారు. గోలేటి టౌన్‌షిప్‌ లోని శ్రీరామచంద్ర మిషన్‌ ధ్యాన కేంద్రంలో ఆదివారం నిర్వహించిన సత్సంగ్‌ సామూహిక ధ్యానానికి హాజరయ్యారు. ఆయన మాట్లాడుతూ ధాన్యం చేయడం ద్వారా మానసిక ఆందోళనలు దూరమవుతుందని, ఉరుకులు పరుగుల జీవితంలో ప్రతిఒక్కరూ ప్రశాంతత కోసం ధ్యానానికి సమయం కేటాయించాలని సూచించారు. చిన్నతనం నుంచే ధ్యానం చేయడం అలవాటు చేసుకుంటే జీవితం ఆనందంగా ఉంటుందన్నారు. కార్యక్రమంలో ప్రిసిఫ్టర్‌ దీపక్‌ రావు, అభ్యాసకులు ఉజ్వల్‌కుమార్‌ బెహరా, మల్రాజు శ్రీనివాస్‌ రావు, రమేశ్‌, రామస్వామి, రాంబాబు తదితరులు పాల్గొన్నారు.

రెబ్బెన మండలం ఇందిరానగర్‌ కనకదుర్గాదేవి, స్వయంభూ మహంకాళి అమ్మవారి దర్శనానికి భక్తులు పొటెత్తుతున్నారు. ఆదివారం ఎనిమిదో రోజు కనకదుర్గాదేవి భక్తులకు దుర్గాదేవి అవతారంలో దర్శనమిచ్చారు. ఆసిఫాబాద్‌, కాగజ్‌నగర్‌, కౌటాల తోపాటు మంచిర్యాల, బెల్లంపల్లి వంటి సూదూర ప్రాంతాల నుంచి భారీగా భక్తులు తరలివచ్చి అమ్మవారిని దర్శించుకున్నారు. ఆలయం వెనుక భాగంలో గుహలో ఉన్న మహంకాళి అమ్మవారికి ప్రత్యేక పూజలు చేశారు. పట్టు వస్త్రాలు, ఒడిబియ్యం సమర్పించి మొక్కులు చెల్లించారు. ఆలయ ప్రధాన అర్చకులు దేవార వినోద్‌ స్వామి భక్తులకు అన్నప్రసాద వితరణ చేపట్టారు. – రెబ్బెన

కాగజ్‌నగర్‌టౌన్‌: మున్సిపల్‌ పారిశుద్ధ్య కార్మికులు సమ్మె విరమించారు. డిమాండ్లు నెరవేర్చాలని నా లుగు రోజులుగా కార్మికులు సమ్మె చేపట్టి నిరసన తెలుపుతుండగా శనివారం శిబిరాన్ని అదనపు కలెక్టర్‌ యువరాజ్‌ మర్మాట్‌, సబ్‌ కలెక్టర్‌ హర్ష్‌ చౌదరి సందర్శించారు. ఈ సందర్భంగా వారు మాట్లాడు తూ.. మున్సిపల్‌ పారిశుద్ధ్య కార్మికులకు రూ.10 వేల అడ్వాన్స్‌ ఇవ్వనున్నట్లు హామీ ఇచ్చారు. రూ.5 వేలు మున్సిపల్‌ నిధుల నుంచి మున్సిపల్‌ కమిషనర్‌ తిరుపతి కార్మికుల ఖాతాల్లో జమ చేశారని, మిగతా రూ.5వేలు కలెక్టర్‌ నిధుల నుంచి శనివారం సాయంత్రంలోపు ఇవ్వనున్నట్లు వారు తెలిపారు. అలాగే, పెండింగ్‌లో ఉన్న ఈఎస్‌ఐ, పీఎఫ్‌ సమస్యలను కలెక్టర్‌ దృష్టికి తీసుకువెళ్లి పరిష్కరించేందుకు కృషి చేస్తామని హామీ ఇచ్చారు. దసరా పండుగ సందర్భంగా ప్రజలకు ఎలాంటి ఇబ్బందులు కలగకుండా సమ్మె విరమించి విధుల్లోకి చేరాలని సూచించారు. దీంతో పారిశుద్ధ్య కార్మికులు సమ్మె విరమించారు. కార్యక్రమంలో మున్సిపల్‌ చైర్‌పర్సన్‌ షాహిన్‌ సుల్తానా, కౌన్సిలర్లు పాల్గొన్నారు.

‘మూడు సార్లు ఓటమి ఎదురైనా కుంగిపోలేదు.. పట్టు వీడలేదు.. నాలుగో ప్రయత్నంలో విజయం సాధించా.. నాన్నే నాకు స్ఫూర్తి..’ అని అన్నారు ఆదిలాబాద్‌ జిల్లా గుడిహత్నూర్‌ మండలం మన్నూర్‌ గ్రామానికి చెందిన ఐపీఎస్‌ రాజ్‌కుమార్‌ చౌహాన్‌. హైదరాబాద్‌లోని సర్దార్‌వల్లభాయ్‌ పటేల్‌ నేషనల్‌ పోలీస్‌ అకాడమీలో శిక్షణ పూర్తయిన సందర్భంగా శనివారం పాసింగ్‌ అవుట్‌ పరేడ్‌ నిర్వహించారు. ఈ సందర్భంగా ‘సాక్షి’కి ఇచ్చిన ఇంటర్వ్యూలో తన సక్సెస్‌, ఇతర విషయాలు వెల్లడించారు. – ఇచ్చోడ సాక్షి: ఐపీఎస్‌ శిక్షణ పూర్తి చేసుకున్న మీకు ముందుగా కంగ్రాట్యులేషన్‌. రాజ్‌కుమార్‌: థాంక్యూ అండి. సాక్షి: మీ కుటుంబ నేపథ్యం.. రాజ్‌కుమార్‌: నాన్న చౌహాన్‌ ముకుంద్‌రావు ప్రభుత్వ ఉపాధ్యాయుడు. అమ్మ గీత గృహిణి. చెల్లి నిఖిత సెంట్రల్‌ బ్యాంక్‌ ఆఫ్‌ ఇండియాలో పని చేస్తున్నారు. తమ్ముడు నవీన్‌కుమార్‌ కాకతీయ మెడికల్‌ కళాశాలలో ఎంబీబీఎస్‌ ఫైనలియర్‌ చదువుతున్నాడు. సాక్షి: మీ విద్యాభ్యాసం ఎలా సాగింది?రాజ్‌కుమార్‌: 1–5వ తరగతి వరకు ఇచ్చోడలో ని ప్రైవేట్‌ స్కూల్‌లో, 6–10వ తరగతి వరకు కాగజ్‌నగర్‌లోని జవహర్‌ నవోదయలో చదివా ను. ఇంటర్‌ హైదరాబాద్‌లోని నారాయణ కళా శాలలో, బీటెక్‌ ఎన్‌ఐటీ వరంగల్‌లో పూర్తి చే శా. తర్వాత యూపీఎస్సీకి ప్రిపేర్‌ అయ్యాను. సాక్షి: మీ ప్రిపరేషన్‌.. విజయ ప్రస్థానం ఎలా సాగింది? రాజ్‌కుమార్‌: యూపీఎస్సీ ప్రిపరేషన్‌ మొదలు పెట్టాక మూడుసార్లు వరుస ఓటములు. అయినా కుంగిపోలేదు. నాన్న వెన్నుతట్టి ప్రోత్సహించారు. మెంటర్స్‌ సూచనలతో తప్పులను సరి దిద్దుకుంటూ ముందుకు సాగాను. పట్టు వదలకుండా ప్రయత్నించాను. నాలుగో ప్రయత్నంలో 703వ ర్యాంకుతో ఐపీఎస్‌కు ఎంపికయ్యా. ప్రస్తుతం తొలివిడత శిక్షణ పూర్తయింది. డీపీటీకి రాజస్తాన్‌కు వెళ్తున్నా. ఆరు నెలల తర్వాత ఫేజ్‌ 2కు మళ్లీ పోలీస్‌ అకాడమీకి వస్తాను. తర్వాత పూర్తిగా రాజస్తాన్‌ కేడర్‌లోనే ఉంటా. సాక్షి: యువతకు మీరిచ్చే సలహా, సూచనరాజ్‌కుమార్‌: ఓటమిని చూసి కుంగిపోవద్దు. ప్రిపరేషన్‌లో పీర్‌ గ్రూప్‌ ఎంపిక, మెంటర్స్‌ సూచనలు కీలకం. నిబద్దత తప్పనిసరి. ఎప్పటికప్పుడు సానుకూల దృక్పథంతో ముందుకు సాగితే విజయం తథ్యం. యువతకు చాలా అవకాఽశాలు ఉన్నాయి. వాటిని దక్కించుకోవడానికి కృషి చేయాలి. సాక్షి: మీకు స్ఫూర్తి ఎవరు..?రాజ్‌కుమార్‌: నాన్నే నాకు స్ఫూర్తి. ప్రభు త్వ ఉపాధ్యాయుడిగా ఉన్నందున చిన్నప్పటి నుంచే ఒక్కటే చెప్పేది. క్రమశిక్షణ తో పాటు అందరికంటే ప్రత్యేకత కలిగి ఉండాలని సూచించేవారు. అలాగే బీఆర్‌ అంబేడ్కర్‌ జీవిత చరిత్ర ద్వారా స్ఫూర్తి పొందాను. ఇంకా ఆదిలాబాద్‌ కలెక్టర్‌ రాజర్షి షా, ఎస్పీ అఖిల్‌ మహాజన్‌ స్ఫూ ర్తితో ముందుకు సాగాను. నవోదయలో ప్రిన్సిపాల్‌, సిబ్బంది ఇచ్చిన ప్రేరణ న న్ను ఐపీఎస్‌ వైపు అడుగులు వేయించింది. అక్కడ చదువుకున్న రోజుల్లో పాఠశాలకు వచ్చే ఉన్నతస్థాయి అధికారులు ఇ చ్చిన స్ఫూర్తి నాలో ప్రేరణగా నిలిచింది.

కెరమెరి: ఈ నెల 26న మండలంలోని జోడేఘాట్‌లో నిర్వహించనున్న కుమురం భీమ్‌ వర్ధంతికి డిప్యూటీ సీఎం, రాష్ట్ర మంత్రులను భీమ్‌ వర్ధంతి ఉత్సవ కమిటీ సభ్యులు ఆ హ్వానించారు. ఈ మేరకు శనివారం హైదరా బాద్‌లో డిప్యూటీ సీఎం భట్టి విక్రమార్క, రా ష్ట్ర మంత్రులు అడ్లూరి లక్ష్మణ్‌కుమార్‌, సీతక్క ను వారి క్యాంపు కార్యాలయాల్లో కలిసి ఆ హ్వానపత్రిక అందజేసి వర్ధంతికి రావాలని కో రారు. భట్టిని కలిసినవారిలో మాజీ ఎమ్మెల్యే ఆత్రం సక్కు, భీమ్‌ మనుమడు ఆత్రం సోనేరావు, ఆలయ కమిటీ సభ్యులు పెందోర్‌ రా జేశ్వర్‌, కోట్నాక జంగు, ఆత్రం ఆనంద్‌రావు, నాగోరావు, మనోహర్‌, చందన్‌శావ్‌, జగన్నాథ్‌రావు, మూట ఎల్లయ్య తదితరులున్నారు.

కాగజ్‌నగర్‌రూరల్‌: ఆధునిక పద్ధతులతో పంటలు సాగు చేసి అధిక దిగుబడులు సాధించాలని సిర్పూ ర్‌ ఎమ్మెల్యే పాల్వాయి హరీశ్‌బాబు సూచించారు. శనివారం మండలంలోని ఈజ్‌గాం గ్రామంలోని శివమల్లన్న ఆలయ సమీపంలోగల కాగజ్‌నగర్‌ ప్రాథమిక వ్యవసాయ సహకార పరపతి సంఘం ఆధ్వర్యంలో రూ.10లక్షలతో కొనుగోలు చేసిన వ్యవసాయ డ్రోన్‌ను ప్రారంభించి మాట్లాడారు. డ్రోన్‌ ద్వారా రోజుకు 30ఎకరాల పంటలకు పురుగుల మందులను పిచికారీ చేయవచ్చని, ఇందుకు ఎకరాకు రూ.300 నుంచి రూ.400 వరకు ఖర్చవుతుందని పేర్కొన్నారు. కార్యక్రమంలో సర్పంచ్‌ అగ్గిల సంగీత, పీఏసీఎస్‌ చైర్మన్‌ ఉమామహేశ్వర్‌రావు, డైరెక్టర్లు రాములు, నానాజీ, తిరుపతి, డీఏవో వెంకట్‌, ఏడీఏ మనోహర్‌, ఏవో రామకృష్ణ, ఏఈవోలు, సెక్రటరీ సతీశ్‌, రైతులు పాల్గొన్నారు. 18గంటలు కరెంట్‌ సరఫరా చేయాలిఆసిఫాబాద్‌ క్రైం: సిర్పూర్‌ నియోజకవర్గంలో సాగు చేసిన వరి, మిర్చి తదితర పంటల కోసం 18గంటల పాటు నిరంతరంగా కరెంట్‌ సరఫరా చేయాలని ఉత్తర తెలంగాణ పవర్‌ డిస్ట్రిబ్యూషన్‌ కార్పొరేషన్‌ సీఎండీ వరుణ్‌రెడ్డిని కోరినట్లు ఎమ్మెల్యే హరీశ్‌బాబు తెలిపారు. తన నివాసంలో రైతులతో కలిసి ఎమ్మెల్యే మాట్లాడారు. కౌటాల, చింతలమానెపల్లి మండలాల్లో మిర్చి సాగు చేస్తున్న తమకు పగటివేళ 12గంటలు, రాత్రివేళ 6 గంటలు కరెంట్‌ సరఫరా చేయాలని, ఆయా మండలాల రైతుల విజ్ఞప్తి మేరకు సీఎండీతో మాట్లాడగా ఆయన అంగీకరించినట్లు ఎమ్మెల్యే తెలిపారు. రైతులు విద్యుత్‌ అధికారులతో సమన్వయం చేసుకుని మిర్చి పంటను కాపాడుకోవాలని సూచించారు.

కెరమెరి: గ్రామీణ సంస్కృతిలో భాగమైన అంగళ్లకు ఇప్పటికీ ఆదరణ తగ్గలేదు. వార సంతలే గిరి గ్రా మాల జనాలకు అండగా నిలుస్తున్నాయి. తాజా కూరగాయలు, వివిధ రకాల ధాన్యాలు, నిత్యావసరాలు, దుస్తులు.. ఇలా అన్నీ ఒకేచోట లభిస్తుండగా ఆదివాసీలు వీటిని ఆదరిస్తున్నాయి. దళారుల ప్ర మేయం లేకుండా రైతులు, చిరువ్యాపారులే సంతలో విక్రయాలు జరుపుతుండగా ఆదివాసీలకు త క్కువ ధరకే నాణ్యమైన కూరగాయలు, పప్పు దినుసులు, నిత్యావసరాలు, దుస్తులు లభిస్తున్నాయి. అడవులు, కొండ కోనలను దాటుకుంటూ ఏజెన్సీ ప్రాంతవాసులు సమీప సంతలకు చేరుకుని తమకు అవసరమైన సరుకులు కొనుగోలు చేసి తీసుకెళ్తున్నారు. మార్కెట్‌లో ఆకాశాన్నంటుతున్నఽ ధరలతో సతమతమవుతున్న పేద, మధ్య తరగతి ప్రజలకు ఈ సంతలు కొండంత సాంత్వన చేకూరుస్తున్నా యి. ప్రస్తుతం బతుకమ్మ, దసరా పండుగల నేపథ్యంలో కొనుగోళ్లతో సంతలు కళకళలాడుతున్నాయి. అటవీ ఉత్పత్తులు కూడా..గ్రామాల్లో పండిన కూరగాయలు, ఆ కుకూరలు దళారులు రైతుల నుంచి కారుచౌకగా కొనుగోలు చేసి పట్టణా ల్లో రెట్టింపు ధరలకు విక్రయించడం సాధారణం. కానీ, జిల్లాలోని ఏజెన్సీతో పాటు ఇతర మండలాల్లో వారసంతల్లో స్థానిక గిరిజన ఉత్పత్తులు ప్రేత్యక ఆకర్షణగా నిలుస్తున్నాయి. రైతులు తమ పెరటి తోటల్లో రసాయనాలు లేకుండా పండించిన తాజా కూరగాయలు, ఆకుకూరలు, చిరుధాన్యాలైన జొన్నలు, కొర్రలు, రాగులు, వివిధ రకాల పండ్లు బట్టుల్లో తెచ్చి అమ్ముతున్నారు. అటవీప్రాంతంలో సహజసిద్ధంగా లభించే ఇప్పపువ్వు, చింతపండు, వెదురు చిగుళ్లు కూడా విక్రయిస్తుంటారు. అలాగే, ఇళ్లల్లో తయారు చేసే పసుపు, కారం, వివిధ రకాల సంప్రదాయ పిండివంటలు, గృహోపకరణాలు విక్రయిస్తూ ఉపాధి పొందుతున్నారు. వసతులు లేక అవస్థలుసంతలకు దినదినం ఆదరణ పెరుగుతున్న నేపథ్యంలో ప్రభుత్వం మరిన్ని వసతులు కల్పించాలని స్థానిక రైతులు, ప్రజలు కోరుతున్నారు. వానాకా లంలో సంత స్థలాల్లో బురద సమస్య తల్తెకుండా సిమెంట్‌ ప్లాట్‌ఫాంలు, ఐటీడీఏ, పంచాయతీరాజ్‌ నిధులతో షెడ్లు నిర్మించాలని విజ్ఞప్తి చేస్తున్నారు. తక్కువకే దొరుకుతున్నయ్‌ పట్టణాల్లోని ధరలతో పో ల్చితే వారసంతల్లో కూరగా యలు, ఆకుకూరలు తక్కువ ధరకే లభిస్తాయి. పైగా, తాజాగా ఉంటాయి. ఇతర నిత్యావసరాలు, దుస్తులు కూడా ఇక్కడే దొరుకుతున్నాయి. దీంతో పట్టణాలకు వెళ్లాల్సిన అవసరం వస్తలేదు. – సూర్యవంశీ కవిత, గృహిణి, కెరమెరి గిట్టుబాటు అవుతోంది నేను పండించిన తాజా ఆకుకూరలు, కూరగాయలు వారంలో నాలుగు అంగళ్లకు తీసుకువెళ్లి అమ్ముతున్న. గతంలో దళారులకు విక్రయించి నష్టపోయిన. ఇప్పుడు నేనే సంతలో కూర్చుని అమ్ముకుంటున్న.కూరగాయలు తాజాగా ధర గిట్టుబాటుఅవుతోంది. – సెండే అక్కుబాయి, రైతు, కెరమెరి జిల్లాలో వారసంతల వివరాలువారం సంత జరిగే ప్రాంతాలు ఆదివారం కెరమెరి, కాగజ్‌నగర్‌, బెజ్జూర్‌ సోమవారం కౌటాల మంగళవారం దహెగాం, లింగాపూర్‌ గురువారం వాంకిడి, జైనూర్‌, రెబ్బెన(గోలేటి) శుక్రవారం చింతలమానెపల్లి, సిర్పూర్‌(యు), తిర్యాణి శనివారం ఆసిఫాబాద్‌, సిర్పూర్‌(టి)

Iనిబంధనలు బేఖాతరు..! కాగజ్‌నగర్‌ పట్టణంలోని ప్రధాన మార్కెట్‌ ఏరియాల్లోని దుకాణాల యజమానులు, వ్యాపారులు నిబంధనలు పాటించడంలేదు. చెత్తను రోడ్డుపైనే వేస్తున్నారు. గంగమ్మ చెంతకు ఆభరణాలు అడెల్లి మహాపోచమ్మ గంగనీళ్ల జాతర శనివారం ఘనంగా ప్రారంభమైంది. గర్భగుడిలో ప్రత్యేక పూజలు నిర్వహించి అమ్మవారి ఆభరణాలను మూటగట్టారు. సాధారణ ఉష్ణోగ్రతలు నమోదవుతాయి. ఆకాశం నిర్మలంగా, ప్రకాశవంతంగా ఉంటుంది. వాతావరణం చల్ల బడుతుంది.ఆదివారం శ్రీ 18 శ్రీ అక్టోబర్‌ శ్రీ 2026

ఆసిఫాబాద్‌: జిల్లాలో ఎండలు వేసవిని తలపిస్తున్నాయి. గతంలో ఎన్నడూ లేని విధంగా పగటి ఉష్ణోగ్రతలు 34 డిగ్రీల వరకు నమోదవుతున్నాయి. మధ్యాహ్నం వేళ ప్రజలు ఇళ్లకే పరిమితమవుతున్నారు. ఉదయం 10నుంచి మధ్యాహ్నం ఒంటిగంట వరకు, సాయంత్రం 5నుంచి రాత్రి 11గంటల వరకు విద్యుత్‌ డిమాండ్‌ గరిష్ట స్థాయిలో ఉంటోంది. ఈ క్రమంలో కరెంట్‌ వినియోగం గణనీయంగా పెరిగింది. గత మూడు నెలల్లో రోజుకు సగటున 46 నుంచి 57 మెగావాట్ల విద్యుత్‌ డిమాండ్‌ ఉండగా, ఈ నెల 12న ఒక్కసారిగా 103.50 మెగావాట్లకు చేరింది. విద్యుత్‌ వినియోగం 1.560 మిలియన్‌ యూనిట్లకు చేరుకుంది. మీటర్లు గిరగిరా తిరగడంతో సామాన్యుడి జేబుకు చిల్లులు పడుతున్నాయి. ఎల్‌నినో కారణంగా వర్షాభావ పరిస్థితులుండగా రానున్న రోజుల్లో విద్యుత్‌ డిమాండ్‌ మరింత పెరిగే అవకాశాశముంది. జిల్లాలోని ఆసిఫాబాద్‌, కాగజ్‌నగర్‌, కౌటాలలో 132/33 కేవీ సబ్‌స్టేషన్లు ఉండగా, మరో 34 వరకు 33/11 కేవీ సబ్‌స్టేషన్లున్నాయి. జిల్లా వ్యాప్తంగా 1,82,420 విద్యుత్‌ కనెక్షన్లు ఉండగా, వీటిలో 1,44,512 గృహ, 15,681 వాణిజ్య, 645 పరిశ్రమలు, మరో 16,156 వరకు వ్యవసాయ కనెక్షన్లున్నాయి. గత సెప్టెంబర్‌లో జిల్లాలో విద్యుత్‌ శాఖకు రూ.1.13 కోట్ల ఆదాయం సమకూరింది. పెరిగిన వినియోగం ఇలా..రోజురోజుకూ ఎండ తీవ్రత పెరుగుతుండగా ఉపశమనం కోసం జనాలు ఫ్యాన్లు, కూలర్లు, ఏసీలను వి నియోగిస్తున్నారు. ప్రతీ ఇంట్లో విద్యుత్‌ గృహోపకరణాల వాడకమూ పెరిగింది. ఈ క్రమంలో జిల్లాలో అనధికార విద్యుత్‌కోతలు విధిస్తున్నారు. అక్టోబర్‌లో సాధారణం కంటే రెట్టింపు విద్యుత్‌ డిమాండ్‌ పె రిగినట్లు అధికారులు చెబుతున్నారు. ఫ్యాన్లు, కూల ర్లు, ఏసీల వాడకం ఎక్కువ కావడంతో గ్రిడ్‌లో ఒత్తి డి పెరిగింది. జిల్లాలో యాసంగి సాగూ గణనీయంగా పెరిగింది. కుమురంభీమ్‌, వట్టివాగు ప్రాజెక్టుల నుంచి ఆయకట్టుకు అవసరమున్న సాగునీరందక రైతులు రాత్రివేళ బోర్లు అధికంగా వినియోగిస్తున్నా రు. వేసవిలో సాధారణం కంటే అధికంగా విద్యుత్‌ పరికరాలు వినియోగించడంతో మీటర్లు స్పీడ్‌గా తి రిగి బిల్లులు ఎక్కువగా వస్తున్నాయి. గత నాలుగు నెలలుగా ప్రతీ 12, 13 తేదీల్లో విద్యుత్‌ డిమాండ్‌ను పరిశీలిస్తే జూలైలో అత్యధికంగా 57.05మెగావాట్లు, ఆగస్టులో 52.62 మెగావాట్లు, సెప్టెంబర్‌లో 46.26 మెగావాట్లు ఉండగా, ఈనెల 12న ఒక్కసారిగా 103.50 మెగావాట్లు వినియోగించారు. ప్రస్తుత ఉష్ణోగ్రతలు ఇలాగే కొనసాగితే రానున్న రోజుల్లో విద్యుత్‌ డిమాండ్‌ మరింత పెరిగే అవకాశముంది. నియంత్రణ తప్పనిసరి జిల్లాలో రోజురోజుకూ పెరుగుతున్న విద్యుత్‌ అవసరాలను నియంత్రించాల్సిన అవసరముందని సంబంధిత అధికారులు చెబుతున్నారు. ప్రతీ ఇంట్లో ఎల్‌ఈడీ బల్బులు వాడాలని, తక్కువ వాట్స్‌ విద్యుత్‌ సాధనాలు ఉపయోగించాలని, అవసరం లేనప్పుడు ఫ్యాన్లు, ఏసీలు, వాటర్‌ హీటర్లు, టీవీలు ఆఫ్‌ చేయాలని, రాత్రివేళ వినియోగం తగ్గించాలని పేర్కొంటున్నారు. రైతులు వ్యవసాయ పంపుసెట్లను ఉదయం లేదా మధ్యాహ్నం వేళల్లో వినియోగించాలని చెబుతున్నారు. వినియోగదారులు సోలార్‌ పంపుసెట్లు, సౌరశక్తి ఆధారిత పరికరాలు ఉపయోగించి విద్యుత్‌ వినియోగం తగ్గించాలని సూచిస్తున్నారు.

రెబ్బెన: పెండింగ్‌ కేసుల దర్యాప్తును త్వరగా పూర్తి చేసి బాధితులకు న్యాయం జరిగేలా చూడాలని కాళేశ్వరం మల్టీజోన్‌–1 డీఐజీ అంబర్‌ కిషోర్‌ ఝా సూ చించారు. మండల కేంద్రంలోని రెబ్బెన పోలీస్‌స్టేషన్‌ను శనివారం ఆకస్మికంగా తనిఖీ చేశారు. స్టేషన్‌ పరిసరాలు, రికార్డులు పరిశీలించి కేసుల దర్యాప్తు పురోగతిని సమీక్షించారు. నేరస్తులకు శిక్ష పడేలా ఆ ధారాలతో దర్యాప్తు చేపట్టాలని ఆదేశించారు. శాంతిభద్రతల పరిరక్షణ, నేరాల నియంత్రణకు కృషి చే యాలని, పెట్రోలింగ్‌ నిర్వహించాలని సూచించా రు. ఎస్సై వెంకటకృష్ణ, ఏఎస్సై నారాయణ, సిబ్బంది శ్రీనివాస్‌, రమేశ్‌, వెంకటేశ్‌ తదితరులున్నారు.

కెరమెరి: నిరుపేద రోగులకు నాణ్యమైన వై ద్యసేవలు అందించాలని డీఎంహెచ్‌వో నా గేంద్ర సూచించారు. మండల కేంద్రంలోని ప్రాథమిక ఆరోగ్యకేంద్రాన్ని శనివారం ఆయ న సందర్శించారు. వార్డులు, పరీక్షా గదులు, ప్రయోగశాల, ఫార్మసీ విభాగాలను పరిశీలించారు. రికార్డులు తనిఖీ చేశారు. వైద్యులు, సి బ్బంది సమయపాలన పాటించాలని, రోగులకు అవసరమైన మందులు, వైద్య పరికరా లు, సామగ్రి అందుబాటులో ఉంచాలని ఆదేశించారు. పీహెచ్‌సీ ఆవరణతో పాటు వార్డులు, పరిసరాలు పరిశుభ్రంగా ఉండేలా చూ డాలని, ఎప్పటికప్పుడు రికార్డులు అప్‌డేట్‌ చేయాలని సూచించారు. హైరిస్క్‌ గర్భిణుల పై ప్రత్యేకదృష్టి సారించి క్రమం తప్పకుండా పర్యవేక్షించాలని, పీహెచ్‌సీల్లోనే వందశాతం ప్రసవాలు జరిగేలా చూడాలని, విధులను ని ర్లక్ష్యం చేస్తే సహించబోమని హెచ్చరించారు. వైద్యాధికారులు, సిబ్బంది ఉన్నారు.

కాగజ్‌నగర్‌టౌన్‌: మండలంలో వర్షాభావ పరిస్థితుల కారణంగా పంటలు ఎండిపోకుండా కాపాడుకునేందుకు మండలంలోని కోసి ని ప్రాజెక్టు నుంచి నీటిని బామగండి చెరువు కు విడుదల చేయాలని తెలంగాణ వ్యవసా య కార్మిక సంఘం జిల్లా కన్వీనర్‌ ముంజం ఆనంద్‌ కుమార్‌ రైతులతో కలిసి శుక్రవారం కాగజ్‌నగర్‌ సబ్‌ కలెక్టర్‌ కార్యాలయంలో సబ్‌ కలెక్టర్‌ హర్ష్‌ చౌదరికి వినతిపత్రం అందజేశా రు. ఈ సందర్భంగా వారు మాట్లాడుతూ పంట చేతికొచ్చే సమయంలో సాగు నీరు లేక పంటలు ఎండిపోతున్నాయన్నారు. ఆలస్యం చేయకుండా వెంటనే చర్యలు తీసుకోవాలని కోరారు. కార్యక్రమంలో రైతులు వినోద్‌, మధు, శంకర్‌, శ్రీనివాస్‌, ఓమాజి, మధున య్య, రవి, సురేశ్‌, రైతులు పాల్గొన్నారు.

ఆసిఫాబాద్‌క్రైం: జిల్లాలో ఇంపాక్ట్‌ ఇండియా ఫౌండేషన్‌ ఆధ్వర్యంలో లైఫ్‌లైన్‌ ఎక్స్‌ప్రెస్‌ ద్వారా అందించే సేవలను ప్రజలు సద్వినియోగం చేసుకోవాలని కలెక్టర్‌ కె. హరిత అన్నారు. శుక్రవారం కాగజ్‌నగర్‌ రైల్వేస్టేషన్‌ ఆవరణలో లైఫ్‌లైన్‌ ఎక్స్‌ప్రెస్‌ ఉచిత వైద్య సేవలను సబ్‌ కలెక్టర్‌ హర్ష్‌ చౌదరి, ఎమ్మెల్యే పాల్వాయి హరీశ్‌బాబుతో కలిసి ప్రారంభించారు. కలెక్టర్‌ మాట్లాడుతూ కాగజ్‌నగర్‌ రైల్వేస్టేషన్‌లో ని ర్వహిస్తున్న ఉచిత వైద్య శిబిరంలో వైద్య సేవలతో పాటు అవసరమైన వారికి శస్త్రచికిత్సలు నిర్వహిస్తారన్నారు. శిబిరంలో కంటి, చెవి, అర్థోపెడిక్‌, పెదవి చీలక, కాలిన గాయాలు, దంత చికిత్స, ప్లాస్టిక్‌ సర్జరీ వైద్య సేవలు అందిస్తారని తెలిపారు. ఎమ్మె ల్యే హరీశ్‌బాబు మాట్లాడుతూ 1991లో ప్రారంభమైన ఈ రైలు ఇప్పటి వరకు అనేక రాష్ట్రాలలో 256 ప్రాజెక్టులను పూర్తి చేసిందన్నారు. కాగజ్‌నగర్‌ రైల్వేస్టేషన్‌లో 2022లో సేవలు అందించారని తెలిపారు. కార్యక్రమంలో జిల్లా వైద్యఆరోగ్యశాఖ అధికారి నాగేంద్ర, తహసీల్దార్‌ మల్లెపూల మధూకర్‌, కమిషనర్‌ తిరుపతి, ఫౌండేషన్‌ నిర్వాహకులు డాక్టర్‌ రోహిణి, మనోహర్‌ రెడ్డి, వలంటీర్లు పాల్గొన్నారు. లాటరీ పద్ధతిలో బార్‌ కేటాయింపుఆసిఫాబాద్‌అర్బన్‌: లాటరీ పద్ధతిలో బార్‌ కేటా యించినట్లు కలెక్టర్‌ కె.హరిత అన్నారు. శుక్రవారం జిల్లా కేంద్రంలోని కలెక్టరేట్‌ సమావేశ మందిరంలో ఆదిలాబాద్‌ ఆబ్కారీ శాఖ డిప్యూటీ కమిషనర్‌ జనార్దన్‌రెడ్డితో కలిసి ఆసిఫాబాద్‌ మున్సిపాలిటీకి మంజూరైన నూతన బార్‌ కేటాయించే కార్యక్రమానికి హాజరయ్యారు. ఆమె మాట్లాడుతూ ఆసిఫాబా ద్‌ మున్సిపాలిటీకి నూతన బార్‌ అండ్‌ రెస్టారెంట్‌ మంజూరు కాగా, ఈనెల 12వ తేదీ వరకు దరఖాస్తులు స్వీకరించగా, మొత్తం 207 దరఖాస్తులు వచ్చాయన్నారు. దరఖాస్తులు చేసుకున్న వారి సమక్షంలో లక్కీ లాటరీ పద్ధతిలో ఎంపిక చేయగా 102 నంబర్‌ గల మల్లుగారి రమేశ్‌గౌడ్‌ను లాటరీ వరించిందని తెలిపారు. బార్‌ నిర్వహణలో ప్రభుత్వ నియమ, నిబంధనలు పాటిస్తూ, శాంతి భద్రతలకు విఘాతం కలగకుండా జాగ్రత్తలు వహించాలని సూచించారు. జిల్లా ఆబ్కారీ మధ్య నిషేధ అధికారి లక్ష్మినాయక్‌, అధికారులు పాల్గొన్నారు.

ఆసిఫాబాద్‌అర్బన్‌: జిల్లాలో వివిధ శాఖల ప రిధిలో చేపట్టిన అభివృద్ధి పనులను అధికారులు సమన్వయంతో పనిచేసి త్వరగా పూర్తి చే యాలని అదనపు కలెక్టర్‌ యువరాజ్‌ మర్మా ట్‌ అన్నారు. శుక్రవారం జిల్లా కేంద్రంలోని కలెక్టరేట్‌ భవన సముదాయంలోని వీడియో కాన్ఫరెన్స్‌ హాల్‌లో డీఆర్‌డీఏ దత్తారావ్‌తో కలిసి సమీక్ష నిర్వహించారు. ఆయన మాట్లాడుతూ గ్రామపంచాయతీ వీవో, అంగన్వాడీ భవనాల నిర్మాణాలు వేగవంతం చేయాలని, అంగన్వాడీ కేంద్రాల్లో మూత్రశాలలు లేని వాటిని గుర్తించి వెంటనే మంజూరు చేయాలని పేర్కొన్నారు. మిషన్‌ భగీరథ ద్వారా అంగన్వాడీ కేంద్రాలు, ఆశ్రమ పాఠశాలల్లో ఆర్‌ఓ ప్లాంట్‌ ఏర్పాటు చేయాలని తెలిపారు. అటవీ భూములకు సంబంధించిన సమస్యలు ఉన్న ప్రాంతాల్లో అభివృద్ధి పనులకు ఆటంకాలు కలగకుండా ప్రత్యామ్నాయ స్థలాలను గుర్తించాలని, అవసరమైన చోట గ్రామసభలు నిర్వహించి గ్రామస్తుల అభిప్రాయాలు పరిగణలోకి తీసుకోవాలన్నారు. సమావేశంలో అధికారులు పాల్గొన్నారు.

కాగజ్‌నగర్‌టౌన్‌: సిర్పూర్‌ పేపర్‌ మిల్లు(ఎస్పీఎం) లో కార్మిక సంఘం గుర్తింపు ఎన్నికల ఆశలకు హైకోర్టులో బ్రేక్‌ పడింది. ఎన్నికలకు సంబంధించిన కేసును హైకోర్టు నవంబర్‌ 16కు వాయిదా వేసింది. దీంతో ఎన్నికల కోసం ఎదురు చూస్తున్న కార్మికులకు నిరాశే ఎదురైంది. 2018లో ఎన్సీఎల్టీ కోర్టు జేకే యాజమాన్యానికి మిల్లును అప్పగించింది. అప్పటి మంత్రి కేటీఆర్‌, ఎమ్మెల్యే కోనప్పలు పునఃప్రారంభించారు. అప్పటి నుంచి ఇప్పటి వరకు కూడా యాజమాన్యం కార్మిక సంఘం ఎన్నికలు నిర్వహించలేదు. మిల్లులో క్యాంటీన్‌, ఇతర సదుపాయాలు లేవని, జీతాలు తగ్గించారని కార్మికులు ఆవేదన వ్యక్తం చేస్తున్నారు. ఎన్నికలు నిర్వహిస్తే తమ హక్కులు అమలవుతాయని వారు భావిస్తున్నారు. 2024లో మిల్లులో 15 కార్మిక సంఘాలు ఉండగా ఇందులో కార్మికశాఖ ముందుగా అర్హులైన సంఘాలను గుర్తించాలని యాజమాన్యం కోర్టును ఆశ్రయించింది. కానీ కార్మిక శాఖ అప్పటికే కార్మిక సంఘాల నుంచి వార్షిక నివేదికలు తీసుకొని పరిశీలించి అర్హత కలిగిన 10 సంఘాలను గుర్తించింది. అనంతరం కార్మిక శాఖ సంఘాలతో సమావేశం నిర్వహించగా యాజమాన్యం హాజరు కాలేదు. జేఏసీగా ఏర్పడి దీక్షలుయాజమాన్యం మిల్లులోని సంఘాల గుర్తింపును తేల్చాలంటూ హైకోర్టును ఆశ్రయించింది. ఈ కేసు వీగిపోగా మూడు లేబర్‌ కోడ్‌లలో ఐఆర్‌ కోడ్‌లను ఆధారంగా చేసుకుని యాజమాన్యం మరోసారి హైకోర్టు తలుపు తట్టింది. కార్మిక శాఖ తరఫు న్యాయవాది ఎన్నికల ప్రక్రియ నిర్వహించబోమని కోర్టుకు చెప్పడంతో ఏటూ తేల్చుకోలేని పరిస్థితుల్లో కార్మిక సంఘాలు ఒక్కటై జేఏసీగా ఏర్పడ్డాయి. మే నెలలో రిలే దీక్షలు సైతం ప్రారంభించాయి. కార్మికుల నిరాశ..ఈనెల 13న కేసు బెంచ్‌ మీదకు రాగా, కార్మిక శాఖ అడ్వకేట్‌ జనరల్‌ హాజరై కార్మికులకు అనుకూలంగా వాదనలు వినిపించారు. యాజమాన్యం అడ్వకేట్‌ మళ్లీ కౌంటర్‌ పిటిషన్‌ వేయడం కోసం సమయం కోరగా కేసు నవంబర్‌ 16కు వాయిదా పడింది. దీంతో తుది తీర్పు వస్తుందని భావించిన కార్మికుల ఆశలు ఆవిరయ్యాయి. లేబర్‌ కోడ్‌ అమలయ్యే వరకు కాలయాపన చేయాలని యాజమాన్యం చూస్తుందని కార్మిక సంఘాల నాయకులు ఆరోపిస్తున్నారు.

ఆసిఫాబాద్‌అర్బన్‌: తక్షణ రుణాల పేరుతో ప్రజలను మోసం చేస్తున్న నకిలీ లోన్‌ యాప్‌లపై ప్రజలు అప్రమత్తంగా ఉండాలని ఎస్పీ నితిక పంత్‌ సూచించారు. అత్యవసర ఆర్థిక అవసరాలను ఆసరాగా చేసుకొని సైబర్‌ నేరగాళ్లు నకిలీ రుణ ఆఫర్లతో ప్రజలను ఆకర్షిస్తూ, ప్రాసెసింగ్‌ ఫీజులు, సర్వీస్‌ చార్జీల పేరుతో ముందుగానే డబ్బులు వసూలు చేస్తున్నారని హెచ్చరించారు. శుక్రవారం జిల్లా కేంద్రంలోని పోలీసు కార్యాలయంలో సైబర్‌ మోసాలపై ప్రజలకు అవగాహన కల్పించే పోస్టర్లను ఆవిష్కరించారు. ఎస్పీ మాట్లాడుతూ లోన్‌ ఆఫర్‌లు వచ్చినప్పుడు ప్రజలు మూడు ముఖ్యమైన సూత్రాలు పాటించాలని తెలిపారు. ముందుగా డబ్బులు చెల్లించాలని కోరితే ఆగండి, ఎలాంటి పత్రాలు లేకుండానే తక్షణ రుణం ఇస్తామనే ఆఫర్లను నమ్మే ముందు ఆలోచించండి, రుణం అందించే సంస్థ అధికారిక వెబ్‌సైట్‌, సంప్రదింపు వివరాలు, విశ్వసనీయతను పరిశీలించి ధృవీకరించుకోండని సూచించారు. సైబర్‌ మోసానికి గురైతే వెంటనే 1930కు ఫిర్యాదు చేయాలన్నారు. ఏఎస్పీ చిత్తరంజన్‌, డీఎస్పీలు అశోక్‌, వహీదుద్దీన్‌, ఆర్‌ఎస్సై కిరణ్‌, ఎస్సై దివ్య, సిబ్బంది పాల్గొన్నారు. పెండింగ్‌ కేసులు త్వరితగతిన పూర్తిచేయాలిఆసిఫాబాద్‌అర్బన్‌: పోలీస్‌స్టేషన్‌కు వచ్చే ప్రతీ కేసులో క్వాలిటీ ఆఫ్‌ ఇన్వెస్టిగేషన్‌ ద్వారా నేరస్తులకు శిక్షపడే విధంగా చేసి బాధితులకు న్యాయం చేకూర్చాలని, కేసుల విచారణలో జాప్యం చేయరాదని, పోలీసు అధికారులు బాధ్యతగా వ్యవహరించాలని ఎస్పీ నితిక పంత్‌ సూచించారు. శుక్రవారం జిల్లా కేంద్రంలోని పోలీసు కార్యాలయంలో జిల్లా పోలీసు అధికారులతో నెలవారీ సమీక్షా సమావేశాన్ని నిర్వహించారు. ఆమె మాట్లాడుతూ పోలీసులు నిరంతరం గస్తీ కాస్తూ ప్రజలకు అందుబాటులో ఉండాలని, డయల్‌ 112కు తక్షణమే స్పందించాలని సూచించారు. గంజాయి, మత్తు పదార్థాలు, మట్కా, జూదం, బెట్టింగ్‌ వంటి అసాంఘిక కార్యకలాపాలకు పాల్పడే వ్యక్తులపై ప్రత్యేక నిఘా పెట్టాలన్నారు. డీఎస్పీలు అశోక్‌, వహీదుద్దీన్‌, పోలీసు అధికారులు, సిబ్బంది పాల్గొన్నారు.

కాగజ్‌నగర్‌టౌన్‌: తమ సమస్యలు పరిష్కరించాలని కోరుతూ మున్సిపాలిటీ పారిశుద్ధ్య కార్మికులు శుక్రవారం మున్సిపల్‌ కార్యాలయం ఎదుట ఆందోళనకు దిగారు. మున్సిపల్‌ కార్యాలయం లోనికి మున్సిపల్‌ కమిషనర్‌ తిరుపతి, అధికారులు వెళ్లకుండా అడ్డుకోవడంతో ఉద్రిక్త వాతావరణం నెలకొంది. మున్సిపల్‌ కార్మికులు మాట్లాడుతూ పెండింగ్‌లో ఉన్న వేతనాలు అందించాలని, ఈఎస్‌ఐ, పీఎఫ్‌లు చెల్లించాలని పలుమార్లు వినతి పత్రాలు అందించినా అధికారులు పట్టించుకోకపోవడంతో ఆందోళనకు దిగాల్సిన పరిస్థితి నెలకొందన్నారు. సంఘటన స్థలానికి కాగజ్‌నగర్‌ డీఎస్పీ వహీదుద్దీన్‌, సీఐ ప్రేమ్‌ కుమార్‌లు చేరుకొని కార్మికులను సముదాయించే ప్రయత్నం చేశారు. అధికారులు స్పష్టమైన హామీ ఇచ్చే వరకు వెనక్కి తగ్గబోమని కార్మికులు స్పష్టం చేశారు.

ఆసిఫాబాద్‌అర్బన్‌: రాష్ట్ర వ్యాప్తంగా విద్యుత్‌ కోతలతో రైతులు, ప్రజలు తీవ్ర ఇబ్బందులు పడుతున్నారని ఆసిఫాబాద్‌ ఎమ్మెల్యే కోవ లక్ష్మి విమర్శించారు. శుక్రవారం జిల్లా కేంద్రంలోని క్యాంప్‌ కార్యాలయంలో ఏర్పాటు చేసిన విలేకరుల సమావేశంలో మా ట్లాడారు. రైతులకు పంట చేతికందే సమయంలో విద్యుత్‌ సరఫరాలో అంతరాయంతో మోటార్లు కా లిపోతున్నాయని, ట్రాన్స్‌ఫార్మర్‌లు పేలుతున్నాయ ని, రైతులు తీవ్రంగా నష్టపోతున్నారని ఆవేదన వ్యక్తం చేశారు. తెలంగాణకు కీలకమైన సంగరేణి సంస్థను నిర్వీర్యం చేసి ప్రైవేటీకరణ దిశగా తీసుకెళ్లే ప్రయత్నాలు సరికాదని మండిపడ్డారు. విద్యుత్‌ కో తలతో ప్రభుత్వ వైఫల్యాలను కప్పిపుచ్చుకునేందు కు అధికారులను బాధ్యులు చేయడం సరికాదని, సీఎం పూర్తి బాధ్యత వహించాలని డిమాండ్‌ చేశా రు. సమావేశంలో మున్సిపల్‌ చైర్మన్‌ మెంగ్రె ఆకాశ్‌, కౌన్సిలర్‌లు చిలువేరు వెంకన్న, నాగుబాయి, దూ డల లక్ష్మి, బీఆర్‌ఎస్‌ నాయకులు మర్సుకోల సరస్వ తి, రవీందర్‌, సాయిశ్రావణ్‌, వినోద్‌ తదితరులు పాల్గొన్నారు.

నిర్మల్‌ జిల్లా బాసరలో దేవీ నవరాత్రి ఉత్సవాలు వైభవంగా సాగుతున్నాయి. ఆరో రోజు శుక్రవారం శ్రీజ్ఞాన సరస్వతి అమ్మవారి జన్మ నక్షత్రమైన మూల నక్షత్రం సందర్భంగా బాసర క్షేత్రం భక్తజన సంద్రమైంది. వేకువ జాము నుంచే భక్తులు పెద్ద సంఖ్యలో తరలివచ్చారు. గోదావరిలో పుణ్యస్నానాలు ఆచరించి అమ్మవారి దర్శనానికి బారులు తీరారు. అమ్మవారిని దర్శించుకుని తమ చిన్నారులకు అక్షరాభ్యాస పూజలు నిర్వహించారు. రోజంతా ప్రత్యేక పూజలు, దర్శనాలతో క్షేత్రంలో ఆధ్యాత్మిక వాతావరణం వెల్లివిరిసింది. ఆలయ పునర్నిర్మాణం, బాలాలయంలో దర్శనాల నేపథ్యంలో ఈ ఏడాది భక్తుల రాక కాస్త తగ్గిందని అధికారులు తెలిపారు. – భైంసా/బాసర

పెంచికల్‌పేట్‌: భూ హద్దుల నిర్ధారణ, రెవెన్యూ రికార్డుల సవరణ కోసం ప్రభుత్వం ప్రతిష్టాత్మకంగా చేపట్టిన భూ రీసర్వే ప్రక్రియ నెమ్మదిగా సాగుతోంది. జిల్లాలో మొత్తం 107 గ్రామాల్లో భూ రీసర్వే పూర్తి చేయాల్సి ఉండగా.. ఇప్పటి వరకు కేవలం 8 రెవెన్యూ గ్రామాల్లో మాత్రమే ప్రక్రియ పూర్తయింది. క్షేత్రస్థాయిలో సర్వేకు వస్తున్న ప్రత్యేక బృందాలు ముందస్తుగానే రైతులకు నోటీసులు అందిస్తున్నా వ్యవసాయ పనుల నేపథ్యంలో రైతుల నుంచి ఆశించిన స్థాయిలో సహకారం లభించడం లేదని, దీంతో సర్వే ప్రక్రియ మందగించినట్లు అధికారులు చెబుతున్నారు. జిల్లాలో రీసర్వే ప్రక్రియను డిసెంబర్‌ లోపు పూర్తి చేయాలని జిల్లా ఉన్నతాధికారులు ఆదేశాలను జారీ చేయడంతో రీసర్వే ప్రక్రియ మరింత వేగవంతం చేయడానికి అధికారులు చర్యలు చేపడుతున్నారు. కేవలం 8 గ్రామాల్లో పూర్తి..జిల్లాలో అధికారులు ఏప్రిల్‌ 1వ తేదీ నుంచి రీ సర్వే ప్రక్రియను ఎంపిక చేసిన గ్రామాల్లో ప్రారంభించారు. 8 మంది రెగ్యులర్‌ సర్వేయర్లతో పాటు అదనంగా 15 మంది లైసెన్స్‌డ్‌ సర్వేయర్లను బృందాలుగా ఏర్పాటు చేసి ప్రత్యేక రీసర్వేకు జిల్లా స్థాయిలో శిక్షణ అఽందించి ప్రక్రియ ప్రారంభించారు. ఎంపిక చేసిన గ్రామాల్లో సర్వే బృందాలు స్థానికంగా ఉన్న జీపీవోల సహాయంతో రీసర్వే చేయాల్సిన సర్వే నంబర్లలో ఉన్న రైతులకు ముందుగానే నోటీసులు అందిస్తున్నారు. ఇప్పటి వరకు 18 గ్రామాల్లో సర్వే ప్రారంభించగా దహెగాం మండలంలోని అమరగొండ, బెజ్జూర్‌ మండలంలోని రేచిని, కౌటాల మండలంలోని బాలెపల్లి, కాగజ్‌నగర్‌ మండలంలోని సీతానగర్‌, ఆసిఫాబాద్‌ మండలంలోని దానాపూ, మేకలగూడ, రెబ్బెన మండలంలోని సీతానగర్‌, పకిడిపల్లి గ్రామాల్లో మాత్రమే భూ రీసర్వే పూర్తయ్యింది. మరో పది గ్రామాల్లో రీసర్వే ప్రక్రియ కొనసాగుతోంది. బృందాలకు తప్పని తిప్పలు..రీసర్వే జరిగే సర్వే నంబర్లలో సాగులో ఉన్న రైతులకు ముందుగానే అధికారులు నోటీసులను అందిస్తున్నారు. వ్యవసాయ భూముల్లో రైతులు వరి సాగు చేస్తున్న నేపథ్యంలో సర్వే బృందాలు ఇబ్బందులు ఎదుర్కొంటున్నారు. ఉదయం 9 గంటల నుంచి 4.30 గంటలకు సర్వే చేస్తున్న బృందాలు ప్రతీరోజు కేవలం 30 నుంచి 40 ఎకరాలకు మాత్రమే హద్దులు నిర్ణయిస్తున్నారు. గ్రామాల్లో ఉన్న వ్యవసాయ భూములు, ప్రభుత్వ భూములు, ఇరిగేషన్‌ భూములు, గ్రామాల హద్దులు నిర్ణయించి సర్వేలో ముందుకు సాగుతున్నారు. వరి పంట సాగుకు రైతులు అధిక ప్రాధాన్యత ఇవ్వడం.. వర్షాభావ పరిస్థితుల నేపథ్యంలో రైతులు వరి పంట వద్దే ఎక్కువ సమయం కేటాయిస్తుండడంతో సర్వే ప్రక్రియలో కొంత ఇబ్బందులు ఎదుర్కొంటున్నట్లు సర్వే బృందాలు పేర్కొంటున్నాయి. రీసర్వే ప్రక్రియ వేగవంతం చేస్తాం.. గెజిట్‌లో ఉన్న 18 గ్రామాల్లో భూ రీసర్వే ప్రారంభించగా 8 గ్రామాల్లో రీసర్వే పూర్తయ్యింది. ఉన్నతాధికారుల ఆదేశాల మేరకు గడువులోగా రీసర్వే ప్రక్రియను పూర్తి చేయడానికి అదనంగా సిబ్బందిని నియమిస్తున్నాం. గ్రామాల హద్దుల గుర్తింపు సర్వే నంబర్లను ముందుగా సర్వే చేస్తున్నాం. సర్వే చేసిన భూములకు సంబంధించిన రైతులకు వివరాలు అందిస్తాం. రీసర్వేతో భూములకు శాశ్వత పరిష్కారం లభించనుంది. అభ్యంతరాలు ఉంటే 60 రోజుల్లో రైతులు అప్పీల్‌ చేసుకోవచ్చు. రైతులు రీసర్వేకు సహకరించాలి. – వినయ్‌ కుమార్‌, సర్వేల్యాండ్స్‌ ఏడీ

నేటి నుంచి ‘లైఫ్‌లైన్‌’లో ఉచిత వైద్యశిబిరం కాగజ్‌నగర్‌టౌన్‌: కాగజ్‌నగర్‌ రైల్వే స్టేషన్‌లో ఇంపాక్ట్‌ ఇండియా ఆధ్వర్యంలో లైఫ్‌లైన్‌ ఎక్స్‌ప్రెస్‌లో శుక్రవారం నుంచి ఉచిత వైద్యసేవలు ప్రారంభం కానున్నాయి. ఈ శిబిరంలో కళ్లు, చెవి, ఆర్థోపెడిక్‌, గర్భాశయ సంబంధిత వ్యాధులకు పరీక్షలు చేయనున్నారు. కలెక్టర్‌ కె.హరిత, జిల్లా వైద్యాధికారి సిడాం నాగేంద్ర, ఎమ్మెల్యే పాల్వాయి హరీశ్‌బాబు ముఖ్య అతిథులుగా హాజరై ప్రారంభిస్తారని ఫౌండేషన్‌ సీనియర్‌ ఆపరేషన్‌ ఆఫీసర్‌ డాక్టర్‌ మనోహర్‌రెడ్డి తెలిపారు. రోగులు తమ వెంట ఆధార్‌కార్డు జిరాక్స్‌లు లేదా ఇతర గుర్తింపు పత్రం తీసుకురావాలని సూచించారు. చట్టాలపై అవగాహన వాంకిడి: మండలంలోని ఇందానిలో గురువారం జిల్లా న్యాయ సేవాధికార సంస్థ ఆధ్వర్యంలో చట్టాలపై అవగాహన సదస్సు నిర్వహించారు. సంస్థ కార్యదర్శి అనూష మాట్లాడుతూ హక్కులు, చట్టాలపై అవగాహన ఉండాలన్నారు. పేద ప్రజలు, మహిళలు పిల్లలు, ఎస్సీ, ఎస్టీ వర్గాలకు చెందిన అర్హులైన వారు న్యాయ సేవాధికార సంస్థ ద్వారా ఉచితంగా న్యాయ సహాయం పొందవచ్చని తెలిపారు. మహిళా హక్కులు, బాలల రక్షణ, సామాజిక న్యాయం, ఉచిత న్యాయ సేవలు, పరిష్కార మార్గాలను వివరించారు. కార్యక్రమంలో అసిస్టెంట్‌ లీగల్‌ ఎయిడ్‌ కౌన్సిల్‌ అంజనీదేవి, సంస్థ సభ్యులు పాల్గొన్నారు.

ఆసిఫాబాద్‌అర్బన్‌: పోలీసుశాఖలో ఆధునిక సాంకేతికతను వినియోగించుకుంటూ రికార్డులు నిర్వహించడం ఎంతో కీలకమని కాళేశ్వరం మల్టీజోన్‌– 1 డీఐజీ అంబర్‌ కిశోర్‌ ఝా అన్నారు. వార్షిక తనిఖీ ల్లో భాగంగా గురువారం జిల్లా కేంద్రంలోని జిల్లా పోలీసు కార్యాలయాన్ని ఎస్పీ నితిక పంత్‌తో కలిసి సందర్శించారు. డిస్ట్రిక్‌ క్రైం రికార్డ్స్‌ బ్యూరో విభా గాన్ని తనిఖీ చేసి నేరాల రికార్డులు, కేసుల వివరా లు, నేరస్తుల డేటా, పెండింగ్‌ కేసులకు సంబంధించిన రికార్డులు, రిజిస్టర్లు, ఫైళ్ల నిర్వహణను పరిశీ లించారు. అనంతరం ఫింగర్‌ ప్రింట్‌, కమాండ్‌ కంట్రోల్‌ విభాగాలను తనిఖీ చేశారు. ఆయన మాట్లాడుతూ రికార్డులను క్రమబద్ధంగా నిర్వహిస్తూ ఎప్పటికప్పుడు నవీకరించాలని ఆదేశించారు. కేసులు, నేరాలకు సంబంధించిన సమాచారం అవసరమైనప్పుడు అందుబాటులో ఉండాలన్నారు. సిబ్బంది విధులు బాధ్యతాయుతంగా నిర్వహించాలని సూ చించారు. అనంతరం ఉచిత పోలీసు శిక్షణ శిబిరంలో అభ్యర్థులతో మాట్లాడారు. సన్నద్ధతకు సంబంధించిన వివరాలను తెలుసుకున్నారు. శిక్షణను స ద్వినియోగం చేసుకుని పోటీ పరీక్షల్లో ప్రతిభ చూ పాలని సూచించారు. అంతకుముందు పోలీసుల నుంచి గౌరవ వందనం స్వీకరించారు. ఆయన వెంట ఏఎస్పీ చిత్తరంజన్‌, స్పెషల్‌ బ్రాంచ్‌ ఇన్‌స్పెక్టర్‌ సతీశ్‌, సీఐలు, ఎస్సైలు, సిబ్బంది ఉన్నారు.

కెరమెరి: రాష్ట్రంలోని సమగ్ర శిక్ష, కేజీబీవీ, గిరిజన సంక్షేమ శాఖల్లోని వివిధ పాఠశాలల్లో విధులు నిర్వర్తిస్తున్న కాంట్రాక్టు ఉద్యోగులను రెగ్యులరైజ్‌ చేయాలని, అప్పటి వరకు ఎంటీఎస్‌ ప్రకటించాలని పీఆర్‌టీయూ టీఎస్‌ జిల్లా అధ్యక్షుడు ఆడే ప్రకాశ్‌ డిమాండ్‌ చేశారు. నల్గొండలో గురువారం నిర్వహించిన ఆ సంఘ రాష్ట్ర కౌన్సిల్‌ సమావేశంలో కుమురం భీం ఆసిఫాబాద్‌ జిల్లా తరఫున మాజీ జిల్లా అధ్యక్షుడు ఏటుకూరి శ్రీనివాస్‌తో కలిసి హాజరై మాట్లాడారు. ఎస్‌ఎస్‌ఏ ఉద్యోగులు సమ్మె చేసిన కాలానికి వేతనాలు చెల్లించాలన్నారు. జిల్లాలో జీఎస్టీ లేని వ్యాపార సంస్థలు ఉన్నాయని, పాఠశాలల నిధులకు జీఎస్టీ బిల్లులు తేవడం సాధ్యం కాదన్నారు. జిల్లాలో రెగ్యులర్‌ డీఈవోను నియమించాలని, 317 జీవో బాధితులకు న్యాయం చేయాలని ఆయన కోరారు.

కాగజ్‌నగర్‌టౌన్‌: బతుకమ్మ, దసరా పండగల కు కూడా కాగజ్‌నగర్‌ మున్సిపాలిటీ పరిధి లోని 30 వార్డుల్లో విధులు నిర్వహిస్తున్న కాంట్రాక్ట్‌ కార్మికులకు వేతనాలు అందడం లేదు. మున్సిపల్‌ కమిషనర్‌ తిరుపతి, మున్సిపల్‌ చైర్‌పర్సన్‌ షాహిన్‌ సుల్తానాకు పలుమార్లు వినతిపత్రాలు అందించినా స్పందించడం లేదంటూ బుధవారం రాత్రి కార్యాలయం ఎదుట నిద్రించి నిరసన తెలిపారు. ఇక గురువారం కార్యాలయం ముందు నిరసనకు దిగారు. వారు మాట్లాడుతూ ఏటా పారిశుద్ధ్య కార్మికులు పండగల సమయంలో నిరసనలు చేపట్టనిదే వేతనాలు చెల్లించడం లేదని ఆరోపించారు. నిధుల కొరత ఉందంటూ అధికారులు అవాస్తవాలు చెబుతున్నారని మండిపడ్డారు. వెంటనే వేతనాలతో పాటు ఈఎస్‌ఐ, పీఎఫ్‌ చెల్లించాలన్నారు. నిరసనల్లో కార్మికులు శంకర్‌, సంజీవ్‌, తదితరులు పాల్గొన్నారు. కాగా, మున్సిపల్‌ కార్యాలయం ఆవరణలో నిరసన తెలుపుతున్న పారిశుద్ధ్య కార్మికులకు మున్సిపల్‌ వైస్‌ చైర్‌పర్సన్‌ డాక్టర్‌ అనిత, బీఆర్‌ఎస్‌ కౌన్సిలర్లు మద్దతు తెలిపారు. కార్మికుల వేతనాలను వెంటనే చెల్లించాలని, అలాగే వారికి యూనిఫాం, సెఫ్టీ వస్తువులను అందించాలని డిమాండ్‌ చేశారు. కార్యక్రమంలో కౌన్సిలర్లు వలీ, రాము తదితరులు పాల్గొన్నారు.

Iవెదురుసాగు..లాభాలు బాగు మహిళలు ఆర్థికంగా నిలదొక్కుకునేందుకు వెదురుసాగు వైపు ప్రోత్సహిస్తున్నారు. సెర్ప్‌ ఆధ్వర్యంలో ఒక్కొక్కరికి 60 చొప్పున మొక్కలు అందిస్తున్నారు. IIIలోuఆకాశం పాక్షికంగా మేఘావృతమవుతుంది. పగటి ఉష్ణోగ్రతలు స్వల్పంగా పెరుగుతాయి. వేడి, ఉక్కపోత ఎక్కువగా ఉంటుంది. అక్షర శ్రీకారానికి వేళాయె బాసరలోని శ్రీజ్ఞాన సరస్వతి అమ్మవారి సన్నిధిలో నేడు మూలా నక్షత్ర పూజలు జరగనున్నాయి. వివిధ ప్రాంతాల నుంచి అధికసంఖ్యలో భక్తులు తరలిరానున్నారు. IIలోuశుక్రవారం శ్రీ 16 శ్రీ అక్టోబర్‌ శ్రీ 2026

ఆసిఫాబాద్‌అర్బన్‌: వైద్యశాఖలో పనిచేస్తున్న జాతీ య ఆరోగ్య మిషన్‌(ఎన్‌హెచ్‌ఎం) ఉద్యోగులు ఈ నెల 13 నుంచి పోరుబాట పట్టారు. జేఏసీ ఆధ్వర్యంలో జిల్లా కేంద్రంలోని కలెక్టరేట్‌ వద్ద ఆందోళన చేపడుతున్నారు. మూడోరోజు గురువారం వంటావార్పు చేశారు. జిల్లాలో వైద్యులతోపాటు వివిధ స్థాయిల్లో పనిచేస్తున్న 78 కేటగిరీలకు చెందిన 332 మంది కాంట్రాక్ట్‌, ఔట్‌సోర్సింగ్‌ సిబ్బంది ఈ సమ్మెలో పాల్గొంటున్నారు. ఉద్యోగాలను రెగ్యులరైజ్‌ చేయడంతోపాటు సమాన పనికి సమాన వేతనం చెల్లించాలని డిమాండ్‌ చేస్తున్నారు. జిల్లాలో ఇలా..జిల్లా కేంద్రంలోని జిల్లా ప్రభుత్వ ఆస్పత్రితోపాటు జిల్లావ్యాప్తంగా 17 ప్రాథమిక ఆరోగ్య కేంద్రాలు, 108 సబ్‌ సెంటర్లు, సామాజిక ఆరోగ్య కేంద్రాలు 5, ఏరియా ఆసుపత్రి, టీ హబ్‌లో ఎన్‌హెచ్‌ఎం పరిధిలో మొత్తం 332 మంది చేస్తున్నారు. వీరంతా కాంట్రాక్టు, ఔట్‌సోర్సింగ్‌ విధానంలో విధులు నిర్వహిస్తున్నారు. రెగ్యులర్‌ సిబ్బందితో సమానంగా పనిచేస్తున్నా వేతనాలు తక్కువగా ఉన్నాయని ఆవేదన వ్యక్తం చేస్తున్నారు. పీహెచ్‌సీలు, ఆయుష్మాన్‌ ఆరోగ్య మందిరాల్లో వీరి సేవలు కీలకం. ప్రస్తుతం సమ్మెలో ఉండటంతో క్షేత్రస్థాయిలో సేవలపై ప్రభావం చూపుతోంది. ప్రజలకు వైద్యం అందడంలో అంతరాయం ఏర్పడుతోంది. తప్పని పరిస్థితుల్లో సమ్మెఏళ్లుగా తక్కువ వేతనాలతో అంకితభావంతో పని చేస్తున్నాం. వైద్య ఆరోగ్యశాఖలో పనిచేస్తున్న ఎన్‌హెచ్‌ఎం సిబ్బందిని రెగ్యులరైజ్‌ చేయాలి. తప్పని పరిస్థితుల్లో సమ్మె చేయాల్సి వచ్చింది. ప్రభుత్వం ఉద్యోగుల సమస్యలు పరిష్కరించాలి. – బి.సాయికృష్ణగౌడ్‌, పీడీఎంవో, నజ్రూల్‌నగర్‌ ప్రధాన డిమాండ్లు

చింతలమానెపల్లి: జిల్లాలో బెంగాలీ ప్రజలు నివా సం ఉండే గ్రామాలు అకాలిబోధన్‌ ఉత్సవాలకు సిద్ధమయ్యాయి. శుక్రవారం నుంచి ఐదురోజులపా టు ఎంతో ఆర్భాటంగా జరుపుకోనున్నారు. పల్లెల్లో ఆధ్యాత్మిక వాతావరణం నెలకొంది. విగ్రహాలు ఇప్పటికే ముస్తాబు కాగా, ప్రత్యేకమైన తీపి పదార్థాలు రసగుల్లా, రాజ్‌భోగ్‌, లాంచా వంటి వంటకాలతో అతిథులు, ప్రముఖులకు ప్రత్యేక ఆతిథ్యం ఇవ్వనున్నారు. సాధారణంగా దసరా నవరాత్రులపాటు కొనసాగుతాయి. కానీ కాగజ్‌నగర్‌ మండలంలోని ఈస్‌గాం, నజృల్‌నగర్‌, నామానగర్‌, సీతానగర్‌, సిర్పూర్‌(టి) మండలం లక్ష్మీపూర్‌ బెంగాలీ క్యాంప్‌, చింతలమానెపల్లి మండలం రవీంద్రనగర్‌– 1, రవీంద్రనగర్‌– 2 గ్రామాల్లో మాత్రం బెంగాలీలు ఐదురోజులపాటు జరుపుకోనున్నారు. ఐదురోజలకు ప్రత్యేక విశిష్టతఉత్సవాలు నిర్వహించే ఐదురోజలు ఒక్కో విశిష్టతను కలిగి ఉంటాయి. ఈ సమయంలో బెంగాలీలు నిష్టగా ఉంటారు. వినాయకుడు, కార్తికేయుడు, లక్ష్మీదేవి, సరస్వతీదేవి, మహిషాసురుడు, వారి వా హనాలను ఏర్పాటు చేస్తారు. ఈ నెల 16న తొలి రోజు షష్ఠి ఆచారం ప్రకారం వేదపండితుల ఆధ్వర్యంలో అసురుడైన మహిషాసురుడిని పూజిస్తారు. ఘట్‌స్థాపన, కలశపూజ అనంతరం మిగతా విగ్రహాలను ప్రతిష్ఠిస్తారు. వేదికకు నలుదిక్కులా కలశాలను స్థాపిస్తారు. సాయంత్రం ఆదివస్‌, ఆమంత్రణ్‌లతో దేవతా విగ్రహాల ప్రతిష్ఠాపన పూర్తవుతుంది. 17న సప్తమి నాడు స్థానికులు పూజ, హారతి కార్యక్రమాలకు హాజరవుతారు. 18న ఆదివారం ఈ ఏడాది అధిక సప్తమి పూజలు నిర్వహించనున్నారు. 19న అష్టమిని దుర్గాష్టమిగా పిలుస్తారు. పుష్పాంజలి కార్యక్రమంలో భాగంగా దేవతామూర్తులకు పూలు, పత్రి, అక్షింతలతో అభిషేకం చేస్తారు. 20న నవమి సందర్భంగా దుర్గామహర్నవమినాడు ప్రత్యేక పూజలు చేస్తారు. 21న విజయదశమినాడు దుర్గాదేవి దశమి పూజ నిర్వహిస్తారు. అనంతరం దేవతా విగ్రహాలకు విసర్జన నిర్వహిస్తా రు. ఈ ఏడాది ఒకేరోజు రెండు తిథులు రావడం, ఒకే తిథి రెండు రోజులు రావడంతో కార్యక్రమాల్లో మార్పులు ఉన్నాయని పండితులు తెలిపారు. భక్తుల విశ్వాసం..ఆశ్వయుజ శుక్లషష్ఠినాడు ద్వాపర యుగంలో రాముడు ఈ ఉత్సవాలను ప్రారంభించారని భక్తులు విశ్వాసిస్తారు. 108 కమలాలతో రాముడు పూజ ను ప్రారంభించగా, ఒక కమలం లేక పోవడంతో త న నేత్రాన్ని వినియోగిస్తారు. శక్తి స్వరూపిణి అయిన అమ్మవారు రాముడికి తిరిగి నేత్రాన్ని ప్రదానం చే శారని బెంగాలీలు నమ్ముతారు. దుష్ట సంహారానికి మారుపేరుగా, లోకకల్యాణం కోసం యాగాలు జరి గిన రోజుగా భావించి దసరారోజు అకాలిబోధన్‌ పూజ నిర్వహిస్తారు. దుష్టసంహారానికి ఏనుగు మీద వచ్చిన అమ్మవారు తిరిగి పడవ మీద వెళ్లిపోయిందని అందుకే ఉత్సవాల సమయంలో వర్షం కురుస్తుందని పెద్దలు చెబుతుంటారు.

రవీంద్రనగర్‌లో విగ్రహాల తయారీకి మహారాష్ట్రలోని చాముర్షి నుంచి వచ్చాము. పది రోజులుగా కుమారుడితో కలిసి విగ్రహాలు తయారు చేస్తున్నాం. గిట్టుబాటు కాకున్నా దుర్గాదేవి మీద భక్తితో 30 ఏళ్లుగా ఈ వృత్తిలో ఉన్నాం. – మంగళ్‌, కళాకారుడు, మహారాష్ట్ర ఘనంగా నిర్వహిస్తాం దసరా ఉత్సవాలను ఏటా ఘనంగా నిర్వహిస్తాం. హంగులు, ఆర్భాటాలతో ఆకట్టుకునేలా జరుపుకొంటాం. భక్తిశ్రద్ధలతో పూజా కార్యక్రమాలు నిర్వహించి దేవతలను కొలుచుకుంటాం. – ఇంద్రజీత్‌ మండల్‌, రవీంద్రనగర్‌ అందరినీ ఆహ్వానిస్తాం పండగ రోజుల్లో కార్యక్రమాలకు అందరినీ ఆహ్వానిస్తాం. స్థానికంగా ప్రజాప్రతినిధులు, అధికారులు, ప్రముఖులు అందరూ వేడుకలకు హాజరవుతారు. దుర్గాదేవిని దర్శించుకునేవారికి ఆతిథ్యం అందిస్తాం. – సమీర్‌ గుప్తా, ఈస్‌గాం

ఆసిఫాబాద్‌: వ్యవసాయంలో ఆధునిక సాంకేతిక పరిజ్ఞానం వినియోగంతో అధిక దిగుబడులు సాధించవచ్చని కలెక్టర్‌ కె.హరిత అన్నారు. వ్యవసాయశాఖ ఆధ్వర్యంలో జిల్లా కేంద్రంలోని ప్రేమల గార్డెన్‌లో గురువారం కిసాన్‌ మేళాను అదనపు కలెక్టర్‌ యువరాజ్‌ మర్మాట్‌, ఎమ్మెల్యేలు కోవ లక్ష్మి, పాల్వాయి హరీశ్‌బాబు, మున్సిపల్‌ చైర్మన్‌ మెంగ్రె ఆకాశ్‌, ఏఎంసీ చైర్‌పర్సన్‌ ఇరుకుల్ల మంగ, ఇతర అధికారులతో కలిసి ప్రారంభించారు. ఈ సందర్భంగా ఏర్పాటు చేసిన స్టాళ్లను పరిశీలించి.. విత్తనాలు, ఎరువులు, పురుగుమందులు, వ్యవసాయ పనిముట్లు, వ్యవసాయ యాంత్రీకరణ పరికరాలు, ఆధునిక సాంకేతిక పరిజ్ఞానం, నూతన ఉత్పత్తులు, సాగు పద్ధతుల వివరాలు తెలుసుకున్నారు. అనంతరం ఏర్పాటు చేసిన కార్యక్రమంలో మాట్లాడారు. ప్రస్తుత వాతావరణ పరిస్థితులు, ఎల్‌నినో ప్రభావంతో సంభవించే మార్పులను దృష్టిలో ఉంచుకుని రైతులు సాగు విషయంలో ముందస్తు ప్రణాళికతో వ్యవహరించాలన్నారు. నీటి లభ్యత, వర్షపాతం, నేల స్వభావం, ఇతర అంశాలను పరిగణనలోకి తీసుకుని ప్రత్యామ్నాయ పంటలను ఎంపిక చేసుకోవాలని సూచించారు. నీటి పొదుపు పద్ధతులతో కొరత పరిస్థితులు సమర్థవంతంగా ఎదుర్కొవచ్చని తెలిపారు. జిల్లాలో పంటల సాగు విధానాలలో మార్పులు తీసుకొచ్చే దిశగా చర్యలు చేపడుతున్నామని, ఇందులో భాగంగా వరి సాగు విస్తీర్ణం 25 శాతం వరకు తగ్గించగలిగామని పేర్కొన్నారు. వ్యవసాయ రంగంలో ఆధునిక సాంకేతికత పరిజ్ఞానాన్ని పరిచయం చేయడం, తక్కువ ఖర్చుతో నాణ్యమైన దిగుబడులు సాధించే పద్ధతులపై అవగాహన కల్పించడం, ప్రభుత్వ పథకాలు, రాయితీ ప్రయోజనాలను రైతులకు తెలియజేయడం కిసాన్‌ మేళా ముఖ్య ఉద్దేశమన్నారు. ఈ సందర్భంగా రైతులకు సబ్సిడీపై యాంత్రీకరణ సామగ్రి పంపిణీ చేశారు. కార్యక్రమంలో డీఏవో వెంకట్‌, సింగిల్‌ విండో చైర్మన్‌ అలీబిన్‌ అహ్మద్‌, రాజంపేట సర్పంచ్‌ బుర్స పోచయ్య, వ్యవసాయ శాఖ అధికారులు పాల్గొన్నారు.

లింగాపూర్‌: ఫారెస్ట్‌ అధికారులు ఇబ్బంది పె డుతున్నారని జైనూర్‌, సిర్పూర్‌(యు), లింగాపూర్‌ మండలాలకు చెందిన ఆదివాసీలు గురువారం సిర్పూర్‌(యు) మండల కేంద్రంలోని అటవీశాఖ కార్యాలయం ఎదుట ధర్నా కు దిగారు. కుమురంభీం, అంబేడ్కర్‌ విగ్రహాలకు పూలమాలలు వేసి నివాళులర్పించారు. అనంతరం గాంధీ చౌక్‌ నుంచి ఫారెస్ట్‌ కార్యాలయం వరకు ర్యాలీ నిర్వహించారు. ఆదివాసీల ఇందిరమ్మ ఇళ్ల నిర్మాణాలను అటవీ అధికారులు అడ్డుకుంటున్నారని ఆరోపించారు. రహదారులపై పడిన గుంతల్లో మట్టి పోయాలన్నా అభ్యంతరం చెబుతున్నారన్నారు. తాగునీటికి ఇబ్బందులు పడుతున్నా బావులు, బోర్‌వెల్స్‌ ఏర్పాటు చేయనివ్వడం లేదని ఆవేదన వ్యక్తం చేశారు.

జిల్లా కేంద్రంలోని కలెక్టరేట్‌లో బుధవారం సాయంత్రం జిల్లా మహిళాశిశు సంక్షేమ శాఖ ఆధ్వర్యంలో బతుకమ్మ సంబురాలు ఘనంగా జరుపుకొన్నారు. కలెక్టర్‌ కె.హరిత గౌరమ్మకు ప్రత్యేక పూజలు చేశారు. మహిళా అధికారులు, ఉద్యోగులతో కలిసి బతుకమ్మ ఆడారు. బతుకమ్మ పండుగ ద్వారా మన సంస్కృతిని భావితరాలకు అందించాలన్నారు. తెలంగాణ సంప్రదా యాల గొప్పదనాన్ని చాటి చెప్పాలని సూచించారు. అదనపు కలెక్టర్లు యువరాజ్‌ మర్మాట్‌, డేవిడ్‌, జిల్లా సంక్షేమ అధికారి స్వరూపారాణి తదితరులు పాల్గొన్నారు. – ఆసిఫాబాద్‌

ఆసిఫాబాద్‌అర్బన్‌: ఎల్‌సీడీసీ కార్యక్రమం సేవలు, క్షేత్రస్థాయి అమలులో ఎదురవుతున్న సమస్యలు, సవాళ్లు, ఉత్తమ పద్ధతులపై జిల్లా కేంద్రంలోని డీఎంహెచ్‌వో కార్యాలయంలో బుధవారం వైద్యారోగ్యశాఖ ఆధ్వర్యంలో సమీక్ష సమావేశం నిర్వహించారు. హైదరాబాద్‌ నుంచి వచ్చిన ఎల్‌సీడీసీ పర్యవేక్షణ అధికారి డా.నిర్మల క్షేత్రస్థాయి పరిస్థితులు, జిల్లాస్థాయిలో పురోగతి వివరాలను డీఎంహెచ్‌వో నాగేంద్రను అడిగి తెలుసుకున్నారు. ఈ నెల 22 నుంచి నవంబర్‌ 4 వరకు చేపట్టే కుష్ఠు వ్యాధి ఇంటింటీ సర్వే నిర్వహిస్తున్నట్లు తెలిపారు. ఇళ్లకు వచ్చే వైద్యసిబ్బందికి ప్రజలు సహకరించాలని కోరారు. సమావేశంలో జిల్లా ప్రోగ్రాం అధికారి సుజిత్‌, సిబ్బంది పాల్గొన్నారు.

ప్రాజెక్టు కింద మూ డెకరాల్లో వరి సాగు చేస్తున్నాను. ప్రాజెక్టులో నీరున్నా కాలువ కు గండి పడటంతో పొలానికి చేరడం లేదు. రైతులమే స్వచ్ఛందంగా శ్రమదానం చేసుకుని ఏటా నీటిని మళ్లిస్తున్నాం. తాత్కాలిక మరమ్మతులతో సమస్య పరిష్కారం కావడం లేదు. – దుర్గం బాపు, రైతు, మెరెగూడ పట్టించుకోవడం లేదు ప్రాజెక్టు కాలువకు మరమ్మతులు చేయించాలని ఏటా అధికారులు దృష్టికి తీసుకెళ్లినా పట్టించుకోవడం లేదు. పంట ఎండిపోతుండటంతో రైతులందరం కలిసి కాలువల్లో పేరుకుపోయిన మట్టి తొలగించి కాలువకు నీటిని విడుదల చేశాం. అధికారులు స్పందించి శాశ్వత పరిష్కారం చూపాలి. – గొమాసీ, దామోదర్‌, రైతు, ఎల్లూర్‌

సాక్షి ప్రతినిధి, మంచిర్యాల: ప్రజా సమస్యల సత్వర పరిష్కారం కోసం ఏర్పాటు చేసిన ప్రత్యేక వాట్సాప్‌ నంబర్లకు అర్జీలు వెల్లువెత్తుతున్నాయి. సమస్యలు ఉన్నవారు నేరుగా అధికారులను కలువకుండానే ఎప్పుడైనా.. ఎక్కడి నుంచైనా తమ గోడు విన్నవించకునే అవకాశం కలిగింది. దీంతో అనేకమంది సులువుగా ఫిర్యాదులు పంపిస్తున్నారు. ఈ నెల 8నుంచి ఉమ్మడి ఆదిలాబాద్‌ జిల్లా పరిధిలో నాలుగు జిల్లాల కలెక్టర్లతోపాటు ఇన్‌చార్జి మంత్రి జూపల్లి కృష్ణారావు పేషీలోనూ ప్రత్యేకంగా వాట్సాప్‌ నంబరు అందుబాటులోకి తెచ్చారు. దీంతో ఉమ్మడి జిల్లా వాసులు ఈ సదుపాయాన్ని వినియోగించుకుంటున్నారు. వారం రోజుల వ్యవధిలోనే వందలాది అర్జీలు ఈ వాట్సాప్‌ నంబర్లకు అందాయి. ఆయా సమస్యలపై వస్తున్న ఫిర్యాదులను సంబంధిత శాఖ అధికారులకు పంపితే సమస్య పరిష్కారానికి చర్యలు తీసుకుంటున్నారు. నాలుగు జిల్లాల కలెక్టరేట్‌లో ప్రత్యేకంగా ఈ అర్జీలను పరిశీలిస్తున్నారు. ఇందిరమ్మ ఇళ్లు, భూ సమస్యలు ఉమ్మడి జిల్లా వ్యాప్తంగా ప్రజా ఫిర్యాదుల కోసం ఏర్పాటు చేసిన వాట్సాప్‌ నంబర్లకు ఎక్కువగా ఇందిరమ్మ ఇళ్లు, నిర్మాణంలో ఉన్న ఇళ్ల బిల్లుల మంజూ రు సమస్యలపై అధికంగా వచ్చాయి. వీటితోపాటు ప్రతీ సోమవారం నిర్వహిస్తున్న ప్రజాఫిర్యాదుల విభాగానికి వచ్చే భూ సమస్యలు ఎక్కువగా వస్తున్నాయి. ఇంకా పింఛన్లు, ప్రభుత్వ పథకాలకు సంబంధించిన అర్జీలు వస్తున్నాయి. అయితే ఇప్పటికే మండల, జిల్లా స్థాయిలో ప్రజాఫిర్యాదుల కోసం ప్రత్యేకంగా ప్రతీ సోమవారం నేరుగా అధికారుల కు వినతులు ఇస్తున్నారు. అనేక సమస్యలు అలాగే పెండింగ్‌లో ఉంటున్నాయి. కొన్నిచోట్ల అర్జీల పరి ష్కారం కోసం ఫిర్యాదుదారులు నెలల తరబడి తిరుగుతున్నారు. తాజాగా వాట్సాప్‌ నంబర్లు అందుబాటులోకి వచ్చిన నేపథ్యంలో సమస్యలు పరి ష్కారం అయితేనే ప్రజలకు ఊరట కలిగే అవకాశం ఉంది. మంత్రి పేషీకి వచ్చిన అర్జీలను సంబంధిత అధికారులకు పంపిస్తూ పరిష్కారానికి కృషి చేస్తున్నట్లు అధికార వర్గాలు పేర్కొంటున్నాయి.మంత్రి పేషీకి వచ్చినవిజిల్లా అర్జీలు ఆదిలాబాద్‌ 93 నిర్మల్‌ 33 కుమురంభీం 30 మంచిర్యాల 50 ఇతర ప్రాంతాలు 20 మొత్తం 226ఫిర్యాదులకు వాట్సాప్‌ నంబర్లుఉమ్మడి జిల్లా ఇన్‌చార్జీ మంత్రి పేషీ 85006 89596 ఆదిలాబాద్‌ 94923 41947 నిర్మల్‌ 83175 57897 కుమురంభీం 75699 86036 మంచిర్యాల 94921 23642

● కలెక్టర్‌ కె.హరిత ఆసిఫాబాద్‌అర్బన్‌: జిల్లాలోని ఐదు ఐసీడీఎస్‌ ప్రాజక్టుల పరిధిలో అంగన్‌వాడీ టీచర్‌, ఆయా పోస్టుల భర్తీ ప్రక్రియ పారదర్శకంగా చేపట్టాలని కలెక్టర్‌ కె.హరిత అన్నారు. జిల్లా కేంద్రంలోని కలెక్టరేట్‌లో బుధవారం జిల్లా సంక్షేమశాఖ అధికారి స్వరూపారాణితో కలిసి సీడీపీవోలు, సూపర్‌వైజర్లు, సిబ్బందికి అవగాహన కార్యక్రమం ఏర్పాటు చేశారు. దరఖాస్తులు భా రీగా వచ్చే అవకాశం ఉందని, విద్య అర్హత, వ యస్సు, స్థానికత, రిజర్వేషన్‌, వితంతువులు, అనాథలు, దివ్యాంగులు వంటి ధ్రువపత్రాల ను సక్రమంగా పరిశీలించాలని సూచించారు. ‘భూ భారతి’పై అవగాహన ఉండాలి ఆసిఫాబాద్‌: భూభారతి నూతన మాడ్యూల్స్‌లోని అంశాలపై అవగాహన ఉండాలని కలెక్టర్‌ కె.హరిత అన్నారు. కలెక్టరేట్‌లోని వీడియో కాన్ఫరెన్స్‌ హాల్‌ నుంచి బుధవారం అదనపు కలెక్టర్‌ డేవిడ్‌, డీఆర్వో వేణుతో కలిసి జూమ్‌ మీటింగ్‌ ద్వారా తహసీల్దార్లతో సమీక్షించారు. నూతన మాడ్యూల్స్‌లో పలు సవరణలకు అవకాశం కల్పించారని తెలిపారు. కౌటాల, చింతలమానెపల్లి మండలాల్లో పెండింగ్‌ దరఖాస్తులను పరిష్కరించేందుకు చర్యలు తీసుకోవా లని ఆదేశించారు. సాదాబైనామా దరఖాస్తుల పరిష్కారం వేగవంతం చేయాలని, భూముల రీసర్వేపై దృష్టి సారించాలని సూచించారు. మెరుగైన వైద్య సేవలందించాలి ఆసిఫాబాద్‌: ప్రభుత్వ ఆస్పత్రిలో మెరుగైన వైద్యం అందించాలని కలెక్టర్‌ కె.హరిత అన్నా రు. కలెక్టరేట్‌లో బుధవారం సూపరింటెండెంట్‌ కిరణ్‌, ప్రభుత్వ వైద్యకళాశాల ప్రిన్సిపాల్‌ వెంకట్‌తో కలిసి వైద్యాధికారులు, వైద్యులతో సమీక్ష సమావేశం నిర్వహించారు. వైద్యులు, సిబ్బంది సమయపాలన పాటిస్తూ బాధ్యతగా వ్యవహరించాలన్నారు. గైర్హాజరయ్యే ముందు సరైన అనుమతి పొందాలని సూచించారు. గర్భిణులు ఆస్పత్రుల్లోనే ప్రసవం చేసుకునేలా అవగాహన కల్పించాలన్నారు. ప్రైవేటు ఆస్పత్రులకు దీటుగా సేవలందించాలని, ప్రసవాల సంఖ్య పెంచాలని సూచించారు.

పెంచికల్‌పేట్‌: రైతుల ఐకమత్యం ముందు సమస్య తలవంచింది. పంటను కాపాడుకోవాలన్న తపనతో ఏకమై ప్రభుత్వసాయం కోసం ఎదురుచూడకుండా సొంతంగా డబ్బు సమకూర్చుకుని సాగునీటి కాలువకు మరమ్మతులు చేసుకున్నారు. పెంచికల్‌పేట్‌ మండలంలోని ఎల్లూర్‌ బొక్కివాగు ప్రాజె క్టు ఎడమ కాలువ కింద మెరెగూడ, ఎల్లూర్‌, పెంచికల్‌పేట్‌, కోయచిచ్చాల గ్రామాలకు చెందిన రైతులు 300 ఎకరాల్లో వరి సాగు చేస్తున్నారు. ప్రాజెక్టు ఎడమ కాలువకు గండిపడటంతో పంట పొలాలకు నీరు పారడం లేదు. వర్షాధారంతో సాగు చేసిన వరికి చివరి తడి అందక ఎండిపోతోంది. ఈ క్రమంలో పంటను రక్షించుకోవడానికి అన్నదాతలు స్వ చ్ఛందంగా రూ. 40వేలు జమ చేశారు. జేసీబీ, ట్రా క్టర్లతో కాలువలో ఉన్న పూడిక, చెత్తాచెదారం, మట్టి ని తొలగించారు. గండి పడిన చోట సిమెంటు పైపులు వేశారు. కాలువకు ఇరువైపులా సిమెంట్‌ ఇటుకలతో గోడ కట్టారు. రైతులు కార్మికులుగా మారి పంటకు నీరు వచ్చే వరకు విశ్రమించలేదు. దీంతో సోమవారం ప్రాజెక్టు గేటు నుంచి కుడి కాలువ నుంచి సాగునీరు పంట పొలాలకు చేరింది. ఏటా ఇదే తంతు..ప్రభుత్వం రెండు వేల ఎకరాల ఆయకట్టుకు సాగునీటిని అందించాలనే సంకల్పంలో 2012లో బొక్కివాగు ప్రాజెక్టు నిర్మించింది. కుడి, ఎడమ కాలువలు పూర్తిగా దెబ్బతినడంతో ప్రాజెక్టులో పుష్కలంగా నీరున్నా పొలాలకు చేరడం లేదు. ప్రజాప్రతినిధులు, అధికారులకు పలుమార్లు సమస్య పరిష్కరించాలని విన్నవించినా పట్టించుకోవడం లేదు. నిత్యం పర్యవేక్షించాల్సిన అధికారులు ప్రాజెక్టు, కాలువల వైపు కన్నెత్తి చూడడం లేదు. ఏటా రైతుల సొంత ఖర్చులతో పంట పొలాలకు నీటిని అందించడానికి కష్టాలు పడుతున్నారు.

ఆసిఫాబాద్‌రూరల్‌: జిల్లా విద్యార్థినులు రాష్ట్రస్థాయి జూనియర్‌ ఖోఖో పోటీలకు ఎంపికయ్యారని డీఎస్‌వో షేకు తెలిపారు. జిల్లా కేంద్రంలోని క్రీడాపాఠశాల ఆవరణలో బుధవారం క్రీడాకారులను కోచ్‌లు తిరుమల్‌, రవి, రాకేశ్‌తో కలిసి అభినందించారు. ఉమ్మడి జిల్లా జూనియర్స్‌ ఖోఖో పోటీల్లో గిరిజన ఆదర్శ క్రీడాపాఠశాలకు చెందిన నాగేశ్వరి, శ్రీలత, వైష్ణవి, సరోజ, గీతాంజలి, గిరిజన బాలికల పాఠశాలకు చెందిన సోని, అక్షిత, జంగుబాయి, సత్యశీల, అశ్విని, సాగరిక సత్తా చాటారన్నారు. వీరంతా ఈ నెల 15 నుంచి 17 వరకు హైదరాబాద్‌లో సరూర్‌నగర్‌ ఇండోర్‌ స్టేడియంలో జరిగే రాష్ట్రస్థాయి పోటీల్లో పాల్గొంటారని తెలిపారు.

రీసర్వేతో పక్కాగా హద్దులు పెంచికల్‌పేట్‌: భూముల రీసర్వేతో గ్రామాల హద్దులు పక్కాగా ఉంటాయని కాగజ్‌నగర్‌ సబ్‌ కలెక్టర్‌ హర్ష్‌ చౌదరి అన్నారు. మండలంలోని గొంట్లపేట్‌ గ్రామంలో కొనసాగుతున్న రీసర్వేను మంగళవారం తనిఖీ చేశారు. క్షేత్రస్థాయిలో సర్వే పకడ్బందీగా చేపట్టాలని సూచించారు. అనంతరం తహసీల్దార్‌ కార్యాలయంలో రికార్డులు పరిశీలించారు. ఎల్క పల్లి పెద్దవాగు వద్ద ఇసుక క్వారీని పరిశీలించారు. అనుమతులు లేకుండా ఇసుక రవాణా చేస్తే చర్యలు తప్పవని హెచ్చరించారు. ఆయ న వెంట తహసీల్దార్‌ రవీందర్‌, సర్వేయర్‌ ధన్‌రాజ్‌, సిబ్బంది ఉన్నారు. ఎల్‌నినోతో పెరిగిన విద్యుత్‌ డిమాండ్‌ఆసిఫాబాద్‌అర్బన్‌: ఎల్‌నినో వాతావరణ పరిస్థితులతో జిల్లాలో విద్యుత్‌ డిమాండ్‌ పెరిగిందని ఎస్‌ఈ ఉత్తమ్‌ జాడె ఒక ప్రకటనలో తెలిపారు. లోటు వర్షపాతం, ఎండల తీవ్రతతో ఏసీలు, కూలర్ల వాడకంతో రోజు వారీ విద్యుత్‌ వినియోగం సాధారణ స్థాయిని మించిపోయిందని పేర్కొన్నారు. భూగర్భ జలాలు తగ్గడం, పంటలను కాపాడుకునేందుకు రైతులు మోటార్లు నడపడం కూడా విద్యుత్‌ వ్యవస్థపై అదనపు భారం మోపుతుందని తెలిపారు. వినియోగదారులకు నిరంతర విద్యుత్‌ సరఫరాకు చర్యలు తీసుకుంటున్నామని వివరించారు. 21 నుంచి పోలీసు అమరుల సంస్మరణ కార్యక్రమాలు ఆసిఫాబాదఅర్బన్‌: జిల్లాలో ఈ నెల 21 నుంచి పోలీసు అమరవీరుల సంస్మరణ కార్యక్రమాలు నిర్వహిస్తున్నట్లు ఎస్పీ నితిక పంత్‌ మంగళవారం ఒక ప్రకటనలో తెలిపారు. పోలీసు ఫ్లాగ్‌ డే సందర్భంగా జిల్లా పోలీసు ఏఆర్‌ హెడ్‌ క్వార్టర్స్‌ పరేడ్‌ గ్రౌండ్‌లోని అమరవీరుల స్తూపం వద్ద స్మృతి పరేడ్‌ నిర్వహించి, విధి నిర్వహణలో ప్రాణాలర్పించిన వారికి నివాళులర్పించనున్నట్లు పేర్కొన్నారు. సర్దార్‌ వల్లభాయ్‌ పటేల్‌జయంతి సందర్భంగా ఈ నెల 31న నిర్వహించే జాతీయ ఐక్యత దినోత్సవం వరకు పలు కార్యక్రమాలు కొనసాగుతాయని తెలిపారు.

ఆసిఫాబాద్‌అర్బన్‌: తమ డిమాండ్లు నెరవేర్చే వరకు నిరసనలు కొనసాగిస్తామని నేషనల్‌ హెల్త్‌ మిషన్‌ జేఏసీ నాయకులు స్పష్టం చేశారు. జిల్లా కేంద్రంలోని కలెక్టరేట్‌ ఎదుట మంగళవారం ధర్నా చేపట్టారు. ఆర్‌బీఎస్‌కే మెడికల్‌ అధికారులు కౌటిల్య, నరేందర్‌రెడ్డి, ఎంఎల్‌హెచ్‌పీ వైద్యురాలు కీర్తన మాట్లాడుతూ ఉద్యోగ భద్రత కల్పించడంతోపాటు వేతనాల పెంపు, బకాయిల చెల్లింపు, ఆరోగ్యబీమా వంటి సౌకర్యాలు కల్పించాలని కోరారు. స్టేట్‌ హెల్త్‌ సొసైటీ పరిధిలోకి తీసుకువచ్చి స్పార్ష్‌ విధానంతో ప్రతినెలా 5న వేతనాలు చెల్లించాలన్నారు. 2022 నుంచి 5శాతం ఇంక్రిమెంట్‌తో పాటు 8శాతం బోనస్‌ మంజూరు చేయాలని డిమాండ్‌ చేశారు. మహిళా ఉద్యోగులకు ప్రసూతి సెలవుల విషయంలో న్యా యం చేయాలన్నారు. మరణించిన ఉద్యోగులకు టుంబాలకు రూ.20లక్షల ఎక్స్‌గ్రేషియా అందించా లని డిమాండ్‌ చేశారు. డీడీఎం శ్రీకాంత్‌, జిల్లా ఎపిడమాలజిస్ట్‌ ప్రశాంత్‌, క్వాలిటీ మేనేజర్‌ సాయి ప్రసాద్‌, ఏఎన్‌ఎంలు అనిత, సంతోషి, జిల్లా అకౌంట్స్‌ మేనేజర్‌ ప్రవీణ్‌, డాటా ఎంట్రీ ఆపరేటర్‌ షకీల్‌, డీపీవో వెంకటేశ్‌, సిబ్బంది పాల్గొన్నారు.

కెరమెరి: తెలంగాణ, మహారాష్ట్ర సరిహద్దులోని కెరమెరి మండలం ముకదంగూడ పంచాయతీ మహరాజ్‌గూడ అడవుల్లో కొలువైన జంగుబాయి పుణ్యక్షేత్రం అభివృద్ధి పనులతో కళకళలాడుతోంది. ఈ నెల 15న ఉదయం ఆలయ ప్రాంగణంలో ఆదివాసీ లు భక్తిశ్రద్ధలతో ముందస్తు దసరా వేడుకలు నిర్వహించనున్న నేపథ్యంలో క్షేత్రంలో పలు రకాల పనులు జోరుగా సాగుతున్నాయి. ఉమ్మడి జిల్లాలోని వివిధ మండలాలకు చెందిన ఆదివాసీ భక్తులు పెద్దసంఖ్యలో తరలిరానున్న నేపథ్యంలో ఆలయ కమి టీ సభ్యులు సౌకర్యాల కల్పనపై దృష్టి సారించారు. అయితే అభివృద్ధి పనుల్లో మహారాష్ట్ర ప్రభుత్వం ముందంజలో ఉండగా.. తెలంగాణ ప్రభుత్వం చేపడుతున్న కొన్ని పనులు అసంపూర్తిగానే ఉండడం చర్చనీయాంశంగా మారింది. మూడేళ్లుగా నిర్మాణ దశలోనే..జంగుబాయి ఆలయానికి మంజూరైన తాగునీటి ట్యాంకు మూడేళ్లుగా నిర్మాణ దశలోనే ఉంది. 30 వే ల లీటర్ల సామర్థ్యం కలిగిన ఈ ట్యాంకుకు ప్రభుత్వం రూ.25 లక్షలు మంజూరు చేసినప్పటికీ నిధులు విడుదల చేయలేదు. నత్తనడకన పనులు కొనసాగుతున్నాయి. ప్రస్తుతం బోరు నీరు అందుబాటులో ఉంది. మరో ఐదారు నెలల తర్వాత భూగర్భజలం ఇంకిపోతే నీటి తిప్పలు తప్పవు. శాశ్వత పరిష్కారం చూపాలని భక్తులు కోరుతున్నారు.ఆది నుంచి తెలంగాణ ప్రభుత్వం జంగుబాయి ఆలయ అభివృద్ధిపై చిన్నచూపు చూస్తుందనే ఆరోపణలు ఉన్నాయి. రాష్ట్ర అధికార యంత్రాంగం ఇక్కడ ఆరు రేకుల షెడ్లు నిర్మించారు. అందులో ఎంపీ నిధులతో 2, ఎమ్మెల్యే నిధులతో 2, మంత్రి సీతక్క నిధులతో 2 ఏర్పాటు చేశారు. అయితే నేలపై ఫ్లోరింగ్‌ లేకపోవడంతో భక్తులు ఇబ్బంది పడుతున్నారు. రెండేళ్ల క్రితమే మంత్రి రూ.50 లక్షల నిధులు అభివృద్ధి పనులకు మంజూరు చేసినప్పటికీ నేటికి నయాపైసా రాలేదని కమిటీ సభ్యులు పేర్కొంటున్నారు. షెడ్లు ఉన్నప్పటికీ కూర్చోడానికి అనువైన సదుపాయం లేక బండరాళ్లు వారికి దిక్కవుతున్నాయి. ఉత్సవాల సమయంలో వృద్ధులు, మహిళలు, చిన్నపిల్లలతో వచ్చే వారికి ఈ పరిస్థితి అసౌకర్యంగా మారుతోంది. ఫ్లోరింగ్‌ ఏర్పాటు చేయడంతో పాటు అవసరమైన ఏర్పాట్లు చేయాలని కోరుతున్నారు. మన పనులు అసంపూర్తివసతుల కల్పనలో మహారాష్ట్రభక్తులకు ఇబ్బందులు కలగకుండా మహా రాష్ట్ర ప్రభుత్వం సదుపాయాలు కల్పించింది. పోచమ్మ ఆలయం సమీపంలో భక్తులు సేదతీరేందుకు రేకుల షెడ్డు నిర్మించింది. అలాగే పూజల సమయంలో నైవేద్యం తయారు చేసేందుకు ఆకట్టుకునే మరో షెడ్డు పనులు కొనసాగుతుండగా, బుధవారం సాయంత్రం వరకు పూర్తి చేసే అవకాశం ఉంది. గతంలోనూ భక్తుల రాకపోకలకు వీలుగా వంతెన నిర్మించారు. విద్యుత్‌ సౌకర్యం లేకపోవడంతో చాలా ఇబ్బంది పడుతున్నామని రాజూరా ఎమ్మెల్యేకు మహారాష్ట్ర కమిటీ సభ్యులు తెలపడంతో ప్రత్యేకంగా త్రీఫేజ్‌ విద్యుత్‌ ట్రాన్స్‌ఫార్మర్‌ ఏర్పాటు చేశారు. ఆలయం చుట్టూ స్తంభాలు ఏర్పాటు చేసి విద్యుత్‌ సరఫరా చేశారు. అమ్మవారి గుహకు వెళ్లేందుకు వీలుగా ప్రత్యేకంగా మెట్లతోపాటు భక్తినివాస్‌ భవనం నిర్మించారు. వీటి కోసం సుమారు రూ.60 లక్షల వరకు ఖర్చు చేశారు.

సాక్షి ప్రతినిధి, మంచిర్యాల: జిల్లా కేంద్రం ఆసిఫాబాద్‌ మున్సిపాలిటీలోని అభివృద్ధి పనుల ను అధికార పార్టీ నాయకులు తమకు నచ్చిన వారికి కట్టబెడుతున్నారు. పేరుకు ఆన్‌లైన్‌లో గ్లోబల్‌ టెండర్‌గా సాంకేతికంగా కనిపిస్తున్నప్పటికీ తమకు కావాల్సిన వారికి అప్పగించేందు కు పోటీదారులను టెండర్‌ నుంచి తప్పుకునేలా చేస్తున్నారు. ఆసిఫాబాద్‌ పట్టణ అభివృద్ధి నాలాలు, షాపింగ్‌ కాంప్లెక్స్‌, ఇతర సివిల్‌ వ ర్క్స్‌కు రూ.10కోట్లు మంజూరయ్యాయి. వీటిలో రూ.8కోట్లకు ఇటీవల టెండర్‌ పూర్తయి కొన్ని పనులు ప్రారంభమయ్యాయి. ఈ కాంట్రాక్టు పనులు పట్టణానికి చెందిన అధికార పార్టీ నాయకుడే దక్కించుకున్నారు. అయితే ఈ టెండర్‌ మరికొందరు పోటీ పడినప్పటికీ వారి ని తప్పించి మరీ పనులు దక్కేలా ఓ ప్రజాప్రతినిధి సహాయం చేసినట్లు తెలుస్తోంది. పదవి రానందుకు పనుల కాంట్రాక్టుఆసిఫాబాద్‌ మున్సిపల్‌ ఎన్నికల్లో కీలక పదవి ఆశించిన సదరు కాంట్రాక్టర్‌కు చివరి క్షణంలో చేయి జారిపోయింది. ఎన్నికల్లో కౌన్సిలర్ల సంఖ్యాబలం ఉన్నప్పటికీ మద్దతు తెలపడంతో కొద్దిపాటి తేడాతో పీఠం ఎక్కడంలో విఫలమయ్యారు. అప్పటికే మున్సిపల్‌ ఎన్నికల్లో రూ.లక్షల్లో ఖర్చు చేసుకున్నారు. దీంతో ఆ ఖర్చును అధికార పార్టీ ప్రజాప్రతినిధుల అండతో సరి చేసుకునేందుకు తాజాగా ఈ కాంట్రాక్టు పనులు అప్పగించినట్లు తెలుస్తోంది. అంతేకాక స్థా నిక కౌన్సిలర్లకు సైతం అభివృద్ధి పనులు తలా ఇంతా అప్పగించే ప్రయత్నాలు చేస్తున్నారు. వీటితో మొత్తం రూ.8కోట్ల పనులు అధికార పార్టీ కౌన్సిలర్లకు ఇస్తే వాళ్లు మళ్లీ సబ్‌ కాంట్రాక్టు ఇస్తున్నారు. ఇలా పనులను పంచుకుంటున్నారు. మరోవైపు కాగజ్‌నగర్‌ పట్టణంలోనూ అర్బన్‌ ఇన్‌ఫ్రాస్ట్రక్చర్‌ డెవలప్‌మెంట్‌ ఫండ్‌(యూఐడీఎఫ్‌) పనుల కాంట్రాక్టులను సైతం స్థానిక ప్రజాప్రతినిధులు పంచుకున్నట్లు ఆరోపణలు ఉన్నాయి. రూ.కోట్లలో జరుగుతున్న అభివృద్ధి పనుల్లో స్థానిక నాయకుల జోక్యంతో పనుల్లో నాణ్యత లోపం ఏర్పడకుండా చూడాలని ప్రజలు కోరుతున్నారు.

శ్రీరాంపూర్‌: సింగరేణి లాభాల్లో కార్మికుల వాటా మరోసారి 34శాతమే ప్రకటించారు. 2024–25లో చెల్లించిన విధంగానే 2025–26 ఆర్థిక సంవత్సరంలోనూ చెల్లిస్తుండడంపై పెదవి విరుస్తున్నారు. మంగళవారం ప్రజాభవన్‌లో ఉప ముఖ్యమంత్రి మల్లు భట్టి విక్రమార్క సింగరేణి సమస్యలపై మాట్లాడారు. కార్మికులు ఎప్పుడెప్పుడా అని ఎదురుచూస్తున్న లాభాల వాటాపై ప్రకటన చేశారు. గత ఆర్థిక సంవత్సరం కంపెనీ సాధించిన రూ.1754కోట్ల లాభాల నుంచి 34శాతం వాటా కింద రూ.596.36కోట్లు కార్మికులకు పంపిణీ చేయనున్నారు. ఈ లెక్కన ఒక్కో కార్మికునికి సగటున రూ.1,53,912 రానున్నట్లు తెలుస్తోంది. 2024–25 ఆర్థిక సంవత్సరంలో కార్మికులకు సగటున రూ.2లక్షల వరకు వచ్చాయి. దీంతో పోల్చితే ఈసారి వాటా మొత్తం రూ.50వేల వరకు తగ్గుతుందని కార్మికులు ఆవేదన వ్యక్తం చేస్తున్నారు. కనీసం ఒక్క శాతం వాటా పెరిగినా పెరిగేదని అంటున్నారు. కంపెనీలో 38,737 మంది శాశ్వత, 29715మంది కాంట్రాక్టు కార్మికులకు లాభాల వాటా అందనుంది. ప్రస్తుతం మంచిర్యాల, కుమురంభీం ఆసిఫాబాద్‌ జిల్లాల పరిధిలోని బెల్లంపల్లి ఏరియాలో 856, మందమర్రి ఏరియాలో 4,308, శ్రీరాంపూర్‌ ఏరియాలో 7,991మంది శాశ్వత కార్మికులు ఉన్నారు. వీ రితోపాటు 2025–26 ఆర్థిక సంవత్సరంలో మధ్యలో దిగిపోయిన వారూ వా టా లబ్ధి పొందనున్నారు. ఈ మూడు ఏరి యాల్లో సుమా రు 5,800 మంది కాంట్రాక్ట్‌ కా ర్మికులు పని చేస్తున్నారు. కాగా, శాశ్వత కార్మికులకు లాభాల వాటా చెల్లింపులో మస్టర్లు, వ్యక్తిగత పనితీరు, గ్రూపు పనితీరు లెక్కగడుతారు. ఈసారి వాస్తవ లాభాలు రూ.2,600 కోట్లు వచ్చాయని, టాక్స్‌లు పోను మిగిలినవి నికర లాభాల కింద చూపినట్లు సమాచారం. కాంట్రాక్ట్‌ కార్మికులకు నిరాశే.. కాంట్రాక్ట్‌ కార్మికులకు గత ఏడాది మాదిరిగానే ఈసారి కూడా రూ.5,500 చొప్పున లాభాల బోనస్‌ ప్రకటించారు. ఈసారి 10శాతం వాటా ఇవ్వాలని లేదా కనీసం రూ.25 వేలు ఇవ్వాలని డిమాండ్‌ చేసినా ఫలితం లేకపోయిందిగత పదేళ్లుగా లాభాల వివరాలు..సంవత్సరం సాధించిన ఉత్పత్తి నికర లాభం పంచిన వాటా వాటా 2016–17 61.34 395 99 25 2017–18 62.01 1212 327 27 2018–19 64.40 1765 494 28 2019–20 64.02 993 278 28 2020–21 50.58 272.64 79.07 29 2021–22 65.02 1227 368 30 2022–23 67.14 2222 711 32 2023–24 70.02 2412 796 33 2024–25 69.01 2360 819 34 2025–26 58.00 1754 596.36 34

ప్రకృతిలో లభించే పూలను పేర్చి దేవతగా పూజించే గొప్ప పండుగ బతుకమ్మ అని కలెక్టర్‌ కె.హరిత అన్నారు. జిల్లా కేంద్రంలోని ఎస్పీ కార్యాలయ ఆవరణలో మంగళవారం జ్యుడీషియల్‌ ఫస్ట్‌క్లాస్‌ మేజిస్ట్రేట్‌ అనంతలక్ష్మి, ఎస్పీ నితిక పంత్‌, డీఎఫ్‌వో బాలామణితో కలిసి బతుకమ్మ ఆడారు. కలెక్టర్‌ మాట్లాడుతూ బతుకమ్మ పండుగ తెలంగాణ రాష్ట్రానికి ప్రత్యేకమైన సంస్కృతి వైభవాన్ని అందిస్తుందన్నారు. మనిషి జీవితం ప్రకృతితో మమేకమై ఉంటుందని ఈ వేడుక చెబుతుందన్నారు. కార్యక్రమంలో మహిళా అధికారులు, ఉద్యోగులు, సిబ్బంది పాల్గొన్నారు. – ఆసిఫాబాద్‌అర్బన్‌

ఆసిఫాబాద్‌: జిల్లాలో పత్తి కొనుగోళ్లకు ఏర్పాట్లు చేయాలని కలెక్టర్‌ కె.హరిత అధికారులను ఆదేశించారు. జిల్లా కేంద్రంలోని కలెక్టరేట్‌లో మంగళవా రం అదనపు కలెక్టర్‌ ఎం.డేవిడ్‌, సబ్‌ కలెక్టర్‌ హర్ష్‌ చౌదరి, ఆర్డీవో లోకేశ్వర్‌రావుతో కలిసి మార్కెటింగ్‌, రవాణా, విద్యుత్‌, వ్యవసాయ, అగ్నిమాపక, తూని కలు, కొలతలు, జిన్నింగ్‌ మిల్లుల యజమానులు, సీసీఐ అధికారులతో సన్నాహక సమావేశం నిర్వహించారు. కలెక్టర్‌ మాట్లాడుతూ 2026– 27 సీజన్‌లో జిల్లాలో 3.77 లక్షల ఎకరాల్లో పత్తి సాగైందని, 26,44,000 క్వింటాళ్ల దిగుబడి వచ్చే అవకాశం ఉందని తెలిపారు. కేంద్ర ప్రభుత్వం రూ.8,667 మద్దతు ధర ప్రకటించిందన్నారు. జిన్నింగ్‌ మిల్లుల యజమానులు విద్యుత్‌ సరఫరా ఉండేలా చూసుకో వాలని, అగ్నిమాపక శాఖ అధికారులు మిల్లులను సందర్శించి రక్షణ చర్యలు చేపట్టాలన్నారు. తూనిక ల కొలతల శాఖ అధికారులు తూకం యంత్రాలను సరిచేసి స్పష్టమైన నివేదికలు సమర్పించాలని ఆదేశించారు. రైతులు కిసాన్‌ కపాస్‌ యాప్‌ ద్వారా స్లాట్‌ బుక్‌ చేసుకోవాలని సూచించారు. వ్యవసాయ అధికారులు వివరాలను సక్రమంగా ఆన్‌లైన్‌లో నమోదు చేయాలన్నారు. సమావేశంలో మార్కెటింగ్‌ ఏడీ అశ్వయ్‌ అహ్మద్‌, డీఏవో వెంకట్‌, ట్రాన్స్‌కో ఎస్‌ఈ ఉత్తం జాడె, సంబంధిత అధికారులు పాల్గొన్నారు. 15న జన్కాపూర్‌లో కిసాన్‌ మేళాఆసిఫాబాద్‌: జిల్లా కేంద్రంలోని జన్కాపూర్‌ రైతు వేదికలో ఈ నెల 15న ఉదయం 10 గంటలకు కిసా న్‌ మేళా నిర్వహిస్తున్నట్లు కలెక్టర్‌, ఆత్మ చైర్‌పర్సన్‌ కె.హరిత ఒక ప్రకటనలో తెలిపారు. ప్రభుత్వ శాఖ ల ఆధ్వర్యంలో ప్రత్యేక స్టాళ్లు ఏర్పాటు చేసి వ్యవసాయ రంగంలో అందుబాటులో ఉన్న ఆధునిక సాంకేతికతలు, వినూత్న సాగు విధానాలు, ప్రభు త్వ పథకాల గురించి వివరిస్తామని పేర్కొన్నారు. రైతులు, ప్రజాప్రతినిధులు, ప్రభుత్వ శాఖల అధికారులు హాజరు కావాలని సూచించారు.

రెబ్బెన: సింగరేణి ఆధ్వర్యంలో ఈ నెల 16న గోలేటి టౌన్‌షిప్‌లోని సింగరేణి హైస్కూల్‌ మైదానం, మాదారం టౌన్‌షిప్‌లోని రామాలయం ప్రాంగణంలో సాయంత్రం 6 గంటల నుంచి సద్దుల బతుకమ్మ వేడుకలు నిర్వహించన్నుట్లు జీఎం శ్రీరమేశ్‌ తెలిపారు. గోలేటి టౌన్‌షిప్‌లోని జీఎం కార్యాలయంలో మంగళవారం అన్ని విభాగాల అధిపతులతో బతుకమ్మ, ఫ్యామిలీ డే వేడుకల నిర్వహణపై సమీక్ష సమావేశం నిర్వహించారు. ఆయన మాట్లాడుతూ 15న సాయంత్రం 4 గంటల నుంచి గోలేటి సింగరేణి హైస్కూల్‌ మైదానంతోపాటు మాదారం టౌన్‌షిప్‌ కమ్యూనిటీ హాల్‌ ఆవరణలో మహిళలకు క్రీడాపోటీలు నిర్వహిస్తామని తెలిపారు. అందంగా ముస్తాబు చేసిన బతుకమ్మలకు ప్రఽథమ, ద్వితీయ, తృతీయ బహుమతులతోపాటు ఎంపిక చేసిన మరో పది బతుకమ్మలకు ప్రోత్సాహక బహుమతులు, సాంస్కృతిక కార్యక్రమాలు, క్రీడాపోటీలు, బతుకమ్మ ఆడిన మహిళలకు 150 వరకు బహుమతులు అందేలా ఏర్పాట్లు చేయాలని ఆదేశించారు. కార్యక్రమంలో డీజీఎంలు ఉజ్వల్‌కుమార్‌ బెహరా, కిరణ్‌బాబు, ఏరియా ఇంజినీర్‌ వీరన్న, ఎస్వోటూజీఎం స్వామిరాజు, ఖైరిగూర మేనేజర్‌ శంకర్‌, ఫైనాన్స్‌ మేనేజర్‌ రవికుమార్‌, సివిల్‌ ఎస్‌ఈ శ్రీధర్‌, సీనియర్‌ పీవో శ్రీనివాస్‌, ప్రశాంత్‌, ఐటీ హెచ్‌వోడీ ముజీబ్‌ తదితరులు పాల్గొన్నారు.

7భక్తిశ్రద్ధలతో శరన్నవరాత్రులు జిల్లావ్యాప్తంగా శరన్నవరాత్రులు కొనసాగుతున్నాయి. అమ్మవారు వివిధ రూపాల్లో దర్శనమిస్తున్నారు. మహిళలు కుంకుమ పూజలు నిర్వహిస్తున్నారు. 9లోu వాతావరణం పొడిగా ఉంటుంది. ఆకాశం పాక్షికంగా మేఘావృతమవుతుంది. వేడి, ఉక్కపోత కొనసాగుతుంది. అర్ధరాత్రి మంచుకురుస్తుంది. కదిలే ఆస్పత్రి కాగజ్‌నగర్‌ రైల్వేస్టేషన్‌కు వచ్చిన లైఫ్‌లైన్‌ ఎక్స్‌ప్రెస్‌లో ఈ నెల 16 నుంచి వైద్యసేవలు అందించనున్నారు. అవసరమైతే రైలులోనే ఆపరేషన్లు చేయనున్నారు. 8లోu బుధవారం శ్రీ 14 శ్రీ అక్టోబర్‌ శ్రీ 2026

కాగజ్‌నగర్‌టౌన్‌: జిల్లాలోని ఆరు ప్రభుత్వ ఆస్పత్రుల్లో పనిచేస్తున్న ఐహెచ్‌ఎఫ్‌ఎంఎస్‌ కార్మికుల సమస్యలు పరిష్కరించాలని కాగజ్‌నగర్‌ సీహెచ్‌సీలోని డీసీహెచ్‌ఎస్‌ విజయ్‌కు మంగళవారం వినతిపత్రం అందించారు. ఆ యూనియన్‌ జిల్లా అధ్యక్షుడు బోగే ఉపేందర్‌ మాట్లాడుతూ సిర్పూర్‌(టి), బెజ్జూర్‌, వాంకి డి, తిర్యాణి, జైనూర్‌, కాగజ్‌నగర్‌ ఏరియా ఆస్పత్రుల్లో సుమారు వందమంది శానిటేష న్‌, పేషంట్‌ కేర్‌, సెక్యూరిటీ సిబ్బంది తక్కువ వేతనంతో విధులు నిర్వహిస్తున్నారని తెలిపా రు. ఏడు రోజుల్లో సమస్యలు పరిష్కరించకపోతే విధుల బహిష్కరించి నిరసన తెలుపుతామని హెచ్చరించారు. పెండింగ్‌ వేతనాలు చెల్లించాలని, దసరా బోనస్‌ ఇవ్వాలని, పెండింగ్‌ ఈపీఎఫ్‌, ఈఎస్‌ఐ బకాయిలు క్లియర్‌ చేసి కార్డులు అందజేయాలని కోరారు. అలా గే కాగజ్‌నగర్‌ ఏరియా ఆస్పత్రిలోని స్టాఫ్‌ కార్మికులను ఇబ్బందులకు గురి చేస్తున్నారని ఆయన ఆరోపించారు.

కెరమెరి: విద్యార్థుల గైర్హాజరుపై కలెక్టర్‌ కె.హరిత ప్రత్యేక దృష్టి సారించారు. బతుకమ్మ, దసరా సెలవుల అనంతరం పాఠశాలలు పునఃప్రారంభమైన తొలిరోజే విద్యార్థులందరూ బడిబాట పట్టాలని, వందశాతం హాజరు నమోదు కావాలని విద్యాశాఖ అధికారులు, ప్రధానోపాధ్యాయులను ఆదేశించారు. అంతేకాక ప్రతీ మండలం నుంచి అత్యధికంగా గైర్హాజరయ్యే టాప్‌– 10 మంది విద్యార్థుల తల్లిదండ్రులను నేరుగా కలెక్టరేట్‌కు పిలిపించనున్నారు. ఈ మేరకు గైర్హాజరుకు కారణాలపై సమీక్షించనున్నారు. ఈ మేరకు సమగ్ర శిక్ష ఆధ్వర్యంలో ఇటీవల సర్క్యులర్‌ జారీ చేశారు. జిల్లాలో కేజీబీవీలతో కలిపి 736 ప్రభుత్వ పాఠశాలల్లో 41,218 మంది విద్యార్థులు చదువుకుంటున్నారు. జిల్లాలోని ఎఫ్‌ఆర్‌ఎస్‌ కొనసాగే ప్రభుత్వ పాఠశాలల్లో ఈ నెలలో 80 శాతానికి పైగా హాజరు పెరిగింది. దీంతో సంతృప్తి చెందకుండా మిగిలిన వ్యత్యాసాన్ని అధిగమించి వందశాతం హాజరు సాధించడమే లక్ష్యంగా అధికారులు, ఆయా పాఠశాలల ప్రధానోపాధ్యాయులు ప్రత్యేక చర్యలు తీసుకోనున్నారు. ఇప్పటికే హెచ్‌ఎంలు ప్రణాళికలు రూపొందిస్తున్నారు. తరచూ గైర్హాజరవుతున్న విద్యార్థులు ఎందరు, దీర్ఘకాలిక ఆబ్సెంట్‌ ఉన్న విద్యార్థులు ఎందరు అనే విషయాలపై ఆరా తీస్తున్నారు. ప్రజాప్రతినిధులు, మహిళా సంఘాలదే బాధ్యతబడీడు పిల్లలందరూ పాఠశాలకు వచ్చేలా చూడడంలో పంచాయతీ ప్రజాప్రతినిధులు, మహిళా సంఘాల సభ్యులు కీలక పాత్ర పోషించనున్నారు. సర్పంచులు, ఉప సర్పంచులు, గ్రామ కమిటీ, స్వయం సహాయక సంఘాల (ఎస్‌హెచ్‌జీ) ప్రతిని ధులు గ్రామాల్లో విస్తృత అవగాహన కల్పించాలి. తమ ఊరిలో ఒక్కరు కూడా చదువుకు దూరం కాకుండా బడికి పంపించే బాధ్యతను ప్రజాప్రతినిధులు, సంఘ నాయకులు తీసుకోవాలని అధికారులు స్పష్టం చేశారు. పోషకులు, సర్పంచులతో కలెక్టర్‌ సమీక్షపాఠశాలలు తెరిచిన తొలిరోజు గైర్హాజరైన వారిని గుర్తించి కారణాలను వెంటనే తెలుసుకుని వారిని తిరిగి పాఠశాలకు తీసుకురావాల్సి ఉంది. అలాగే ప్రతీ మండలం నుంచి అత్యధికంగా గైర్హాజరయ్యే టాప్‌–10 మంది విద్యార్థుల తల్లిదండ్రులు, వారి ప్రధానోపాధ్యాయులు, సంబంధిత సర్పంచులు, స్వయం సహాయక సంఘాల లీడర్లతో కలెక్టరేట్‌లో కలెక్టర్‌ స్వయంగా ప్రత్యేక సమీక్ష సమావేశం నిర్వహిస్తారు. విద్యార్థి ఎన్ని రోజులు హాజరుకాలేదు.. ఎందుకు కాలేదు... సమస్య ఏంటి అనే విషయాలను కలెక్టర్‌ నేరుగా అడిగి తెలుసుకోనున్నారు. అనంతరం ఆసమస్యను అధిగమించేందుకు తీసుకునే చర్యల గురించి వివరించనున్నారు. రోజు వారీ హాజరులో ఎలాంటి అలసత్వం ప్రదర్శించవద్దని జిల్లా అధికారులు, మండలాధికారులు నిరంతరం పర్యవేక్షించాలని కలెక్టర్‌ ఆదేశాలు జారీ చేశారు.జిల్లాలో పాఠశాలల వివరాలు సెలవుల్లోనే తల్లిదండ్రులకు ఫోన్లుఈ నెల 23న పాఠశాలలు పునఃప్రారంభం కానున్నాయి. మొదటిరోజు ప్రతీ విద్యార్థి తరగతి గదిలో ఉండేలా ముందస్తు చర్యలు చేపట్టేందుకు సిద్ధమవుతున్నారు. త రచూ పాఠశాలకు రాని విద్యార్థుల ఇళ్లకు వెళ్లి స్వయంగా లేదా సెలవుల్లోనే తల్లిదండ్రులతో మాట్లాడేందుకు ప్రణాళికలు చేస్తున్నారు. ‘అక్టోబర్‌ 23న బడులు ప్రారంభమవుతున్నాయని, ఆ రోజే తప్పకుండా మీ పిల్లవాడిని/ పాపను బడికి పంపాలి..’ అంటూ ఇప్పటికే కొన్నిపాఠశాలల ఉపాధ్యాయులు విద్యార్థుల తల్లిదండ్రులకు ఫోన్లు చేస్తున్నారు. ఇంకొంద రు తరగతుల వారీగా హాజరు జాబితాలను సిద్ధం చేసుకుని నిశితంగా పరిశీలిస్తున్నారు.23న ప్రతీ విద్యార్థి హాజరు కావాలి ఈ నెల 23న జిల్లాలోని అన్ని పాఠశాలల్లో వందశాతం విద్యార్థులు హాజరయ్యేలా చూడాలి. ప్రధానోపాధ్యాయులు ఈ విషయంపై ప్రత్యేక చొరవ తీసుకోవాలి. తరచూ గైర్హాజరవుతున్న పది మంది విద్యార్థుల తల్లిదండ్రులు, హెచ్‌ఎంలను కలెక్టర్‌ పిలిపించుకుని మాట్లాడతారు. హెచ్‌ఎంలు తొలిరోజు ఒక్కరు కూడా గైర్హాజరు కాకుండా చూడాలి. – సచ్చిదానందచారి, జిల్లా విద్యాధికారి

ఆసిఫాబాద్‌అర్బన్‌: భూముల రీ సర్వేకు ప్రతీ మండలం నుంచి రెండు బృందాలను ఏర్పాటు చేయాల ని చీఫ్‌ కమిషన్‌ ల్యాండ్‌ రెవెన్యూ సీసీఎల్‌ఏ లోకేశ్‌ అన్నారు. హైదరాబాద్‌లోని సీసీఎల్‌ఏ కార్యాల యం నుంచి సోమవారం కలెక్టర్లు, అదనపు కలెక్ట ర్లు, సర్వే ల్యాండ్‌ అధికారులతో జూమ్‌ మీటింగ్‌ ద్వారా వివిధ అంశాలపై సమీక్షించారు. ఆయన మాట్లాడుతూ ప్రతీ మండలం నుంచి నాయబ్‌ తహసీల్దార్‌, సీనియర్‌ అసిస్టెంట్‌ స్థాయిలో రెండు బృందాలను ఏర్పాటు చేసి ప్రతీ బృందంలో సర్వేయర్‌, లైసెన్స్‌డ్‌ సర్వేయర్‌ ఉండేలా చర్యలు తీసుకో వాలన్నారు. సర్వే విధానం, యంత్రాల వినియోగంపై అవగాహన ఉండేలా మాస్టర్‌ శిక్షకులతో శిక్షణ ఇవ్వాలని ఆదేశించారు. 22ఏ భూములపై ప్రత్యే క దృష్టి సారించాలని సూచించారు. భూభారతి సవరణల కోసం వచ్చే దరఖాస్తులను త్వరగా పరిష్కరించాలన్నారు. జిల్లా కేంద్రంలోని కలెక్టరేట్‌ వీడియో కాన్ఫరెన్స్‌ హాల్‌ నుంచి అదనపు కలెక్టర్‌ డేవిడ్‌ కాగజ్‌నగర్‌ సబ్‌ కలెక్టర్‌ హర్ష్‌ చౌదరి, సర్వే ల్యాండ్‌ రికార్డ్‌ ఏడీ వినయ్‌తో కలిసి హాజరయ్యా రు. ప్రతీ మండలం నుంచి రీసర్వే కోసం రెండు బృందాలను ఏర్పాటు చేసి శిక్షణ ఇచ్చామని తెలిపా రు. జిల్లాలో రీసర్వేకు ఉపయోగించే రోవర్లు 13 ఉన్నాయని వివరించారు. కార్యక్రమంలో రెవెన్యూ సిబ్బంది, అధికారులు తదితరులు పాల్గొన్నారు.

కెరమెరి: మాదకద్రవ్యాల వినియోగంతో జీవితాలు నాశనమవుతాయని ఎస్పీ నితిక పంత్‌ అన్నారు. జైనూర్‌ మండల కేంద్రంలోని జిల్లా పరిషత్‌ ఉన్నత పాఠశాలలో సోమవారం పోలీసుల ఆధ్వర్యంలో వాలీబాల్‌ క్రీడాపోటీలను ప్రారంభించారు. ఎస్పీ మాట్లాడుతూ యువత చెడు వ్యసనాలు, మాదకద్రవ్యాలకు దూరంగా ఉండాలన్నారు. గంజాయి సాగు, క్రయవిక్రయాలు, వినియోగం నేరమని స్పష్టం చేశారు. యువకులు క్రీడలపై మక్కువ పెంచుకోవాలని సూచించారు. అనంతరం పోలీసులతో కలిసి గ్రామంలో ర్యాలీ నిర్వహించారు. అలాగే విజేతలకు నగదు పురస్కారం, క్రీడాకారులకు టీషర్లు అందించారు. కార్యక్రమంలో డీఎస్పీ అశోక్‌, జైనూర్‌, వాంకిడి సీఐలు రమేశ్‌, వేణుగోపాల్‌, ఎస్సైలు రవి, రాజు పాల్గొన్నారు.

ఆసిఫాబాద్‌అర్బన్‌: జిల్లా ప్రజలు ప్రజాసేతు యాప్‌ వాట్సాప్‌ నం.75699 86036 ద్వారా సమస్యలపై ఇంటి నుంచే దరఖాస్తులు చేసుకోవచ్చని కలెక్టర్‌ కె.హరిత తెలిపారు. కలెక్టరేట్‌లో సోమవారం అదనపు కలెక్టర్లు యువరాజ్‌ మర్మాట్‌, డేవిడ్‌తో కలిసి ప్రజాసేతు యాప్‌ సేవలను ప్రారంభించారు. కలెక్టర్‌ మాట్లాడుతూ ఉమ్మడి జిల్లా ఇన్‌చార్జి మంత్రి ఆదేశాల మేరకు ప్రభుత్వ సేవలను మరింత చేరువ చేయడం, ప్రజా సమస్యల పరిష్కార ప్రక్రియను సులభతరం చేయడం, సమయం, ప్రయాణ ఖర్చులు ఆదా చేయడమే లక్ష్యంగా ప్రజాసేతు సేతు యా ప్‌ను ప్రారంభించామని తెలిపారు. జిల్లా యంత్రాంగం kbasifabad.in వెబ్‌సైట్‌ను అందుబా టులోకి తీసుకువచ్చిందన్నారు. కార్యక్రమంలో డీఆర్‌వో దాసరి వేణు, అధికారులు పాల్గొన్నారు.

ఆసిఫాబాద్‌అర్బన్‌: ఎల్‌నినో పరిస్థితులను ఎదుర్కొనేందుకు అధికార యంత్రాంగం సిద్ధం కావాల ని రాష్ట్ర వ్యవసాయశాఖ మంత్రి తుమ్మల నాగేశ్వర్‌రావు అన్నారు. ఖమ్మంలోని వ్యవసాయ క్షేత్రం నుంచి మంత్రి, హైదరాబాద్‌లోని సచివాలయం నుంచి రాష్ట్ర ప్రభుత్వ ప్రధాన కార్యదర్షి సంజయ్‌ జాజు, ఇతర కార్యదర్శులతో కలిసి సోమవారం కలెక్టర్లు, అదనపు కలెక్టర్లు, వ్యవసాయశాఖ అధికా రులు, గ్రామీణ అభివృద్ధి, ఉద్యానవనశాఖ, పశుసంవర్ధక శాఖ, ఇతర అధికారులతో ఎల్‌నినో ప్రభా వంతో సాగునీటి, తాగునీటి, విద్యుత్‌ వాడకం, పశుగ్రాసం, వీబీ జీరామ్‌ జీ పథకం ద్వారా జలసరి కింద ఫామ్‌పాండ్‌, ఇంకుడు గుంతలు, నీటి కుంటలు, ఊట కుంట నిర్మాణంపై వీడియో కాన్ఫరెన్స్‌ ద్వారా సమీక్షించారు. కరువు పరిస్థితులు, నీటి ఎద్దడి, వ్యవసాయ రంగంలో ఎదురయ్యే సవాళ్లను ఎదుర్కొనేందుకు ముందస్తు ప్రణాళికలు సిద్ధ చేసుకోవాలని సూచించారు. రిజర్వాయర్లు, చెరువుల్లో నీటి నిల్వలను నిరంతరం పర్యవేక్షిస్తూ తాగునీటి కొరత లేకుండా చూడాలని, విద్యుత్‌ డిమాండ్‌కు అనుగుణంగా సరఫరా వ్యవస్థను సమన్వయం చేసుకోవాలన్నారు. జిల్లా కేంద్రంలోని రైతు వేదిక నుంచి అదనపు కలెక్టర్‌ యువరాజ్‌ మర్మాట్‌తో కలిసి కలెక్టర్‌ కె.హరిత మాట్లాడారు. వాతావరణ పరిస్థితులను దృష్టిలో ఉంచుకుని రైతులు ఆరుతడి పంటల సాగ ుకు ప్రాధాన్యత ఇవ్వాలని సూచించారు. అనంతరం ఆదర్శ రైతు ప్రశాంత్‌ రామ్మోహన్‌ ఆరుతడి పంటతో వచ్చే లాభాలను వివరించారు. కార్యక్రమంలో డీఆర్‌డీవో దత్తారావు, డీఏవో వెంకట్‌, ఉద్యానవన శాఖ అధికారి నదీమ్‌ ఉద్దీన్‌, ఏఎంసీ చైర్‌పర్సన్‌ ఇరుకుల్ల మంగ, అధికారులు, రైతులు పాల్గొన్నారు.