Jangaon District Latest News

సాక్షి ప్రతినిధి, వరంగల్‌: వానాకాలం సాగు సీజన్‌లో ఉమ్మడి వరంగల్‌ పరిధిలోని 42 మండలాలకు కరువు సెగ తగిలింది. రాష్ట్ర ప్రభుత్వం ప్రకటించిన కరువు ప్రభావిత మండలాల జాబితాలో ఉమ్మడి వరంగల్‌కు చెందిన ఆరు జిల్లాలు ఉన్నాయి. వీటిలో జిల్లాలోని రఘునాథపల్లి మండలాన్ని తీవ్ర కరువు ప్రభావిత ప్రాంతంగా గుర్తించగా.. మిగిలిన 41 మండలాలను మోస్తరు కరువు కేటగిరీలో చేర్చింది. హనుమకొండ జిల్లాలో అత్యధికంగా 14 మండలాలు, వరంగల్‌లో 8, మహబూబాబాద్‌లో 7, జయశంకర్‌ భూపాలపల్లిలో 5, జనగామలో 4, ములుగులో 4 మండలాలు కరువు జాబితాలో ఉన్నాయి. వర్షపాతం, పంటల సాగు విస్తీర్ణం, నేలలో తేమ, భూగర్భజల పరిస్థితులు, ఉపగ్రహ ఆధారిత వృక్ష సంపద సూచీలు తదితర అంశాల ఆధారంగా ప్రభుత్వం కరువు తీవ్రతను అంచనా వేసి ప్రకటించింది. కలెక్టర్లు సంబంధిత మండలాలను నోటిఫై చేసి, కరువు సహాయక చర్యలు అమలు చేయాలని ప్రభుత్వం ఆదేశించింది. ఈ నేపథ్యంలో కరువు కష్టాల్లో ఉన్న రైతులకు ఈ ప్రకటన ఆచరణాత్మకంగా ఎంత ఊరటనిస్తుందో వేచి చూడాలి. హనుమకొండలో అత్యధికం.. హనుమకొండ జిల్లాలోని వేలేరు, ఎల్కతుర్తి, కమలాపూర్‌, హసన్‌పర్తి, కాజీపేట, హనుమకొండ, ఐనవోలు, దామెర, ఆత్మకూరు, శాయంపేట, పరకాల, భీమదేవరపల్లి, ధర్మసాగర్‌, నడికూడ మండలాలు మోస్తరు కరువు ప్రభావిత జాబితాలో ఉన్నాయి. వరంగల్‌లో దుగ్గొండి, నర్సంపేట, చెన్నారావుపేట, సంగెం, పర్వతగిరి, నెక్కొండ, ఖిలా వరంగల్‌, వరంగల్‌ మండలాలు కరువు ప్రభావిత ప్రాంతాలుగా నమోదయ్యాయి. జయశంకర్‌ భూపాలపల్లి జిల్లాలో మహదేవ్‌పూర్‌, ముత్తారం మహదేవ్‌పూర్‌, కాటారం, మల్హర్‌, కొత్తపల్లి (గోరి) మండలాలు మోస్తరు కరువు జాబితాలో ఉన్నాయి. జనగామ జిల్లాలో రఘునాథల్లి మండలాన్ని తీవ్ర కరువు ప్రభావిత ప్రాంతంగా గుర్తించారు. తరిగొప్పుల, జఫర్‌గఢ్‌, పాలకుర్తి మండలాలను మోస్తరు కరువు కేటగిరీలో చేర్చారు. మహబూబాబాద్‌ జిల్లాలో డోర్నకల్‌, కురవి, గూడూరు, నెల్లికుదురు, సిరోల్‌, కొత్తగూడ, ఇనుగుర్తిలు ఉన్నాయి. ములుగులో గోవిందరావుపేట, ఏటూరునాగారం, వెంకటాపురం, మంగపేట కరువు జాబితాలో ఉన్నాయి. మిగతా మండలాలు జాబితాలో లేకపోవడాన్ని అక్కడ కరువు పరిస్థితులు లేవనే నిర్ధారణగా భావించలేమని, వర్షపాతం, సాగు, పంటల పరిస్థితులపై జిల్లాలవారీగా మరిన్ని వివరాలు పరిశీలించాల్సి ఉందని వ్యవసాయశాఖ అధికారి ఒకరు తెలిపారు. 42 మండలాలపై కరువు కాటు.. రైతన్నకు కష్టకాలం తీవ్ర కరువు ప్రాంతంగా జిల్లాలోని రఘునాథపల్లి అధికారికంగా జాబితా ప్రకటించిన రాష్ట్ర ప్రభుత్వం

బుధవారం శ్రీ 28 శ్రీ అక్టోబర్‌ శ్రీ 2026● అధికారుల తప్పిదంతో రెండేళ్లుగా 11 మంది పింఛన్‌దారుల ఇబ్బందులు జనగామ: జిల్లాల కేంద్రంలోని వ్యవసాయ మార్కెట్‌కు ధాన్యం భారీగా తరలిరావడంతో కొనుగోళ్లు, నిల్వలు, రవాణా సమస్యలు రైతులను తీవ్ర ఇబ్బందులకు గురిచేస్తున్నాయి. వారం రోజులుగా మద్దతు ధరకు అటూఇటుగా ధరలు పలుకుతుండటంతో జిల్లా నలుమూలల నుంచి రైతులు ప్రైవేట్‌ మార్కెట్‌లో విక్రయించేందుకు వస్తున్నారు. అయి తే, నాలుగు రోజుల ధరలతో పోలిస్తే మంగళవా రం ధాన్యం ధరలు గణనీయంగా పడిపోవడంతో రైతులు ఆగ్రహం వ్యక్తం చేశారు. రెండు రోజుల క్రితం సాధారణ రకానికి క్వింటాల్‌కు రూ.2,200 పలికిన ధర ప్రస్తుతం రూ.1,910కు పడిపోయిందని రైతులు ఆవేదన వ్యక్తం చేస్తున్నారు. కొనుగోళ్లపై ప్రతిష్టంభన మార్కెట్‌లోని మూడు కవర్‌ షెడ్లు, కల్లాలు, కాటన్‌ యార్డు ధాన్యం రాశులు, బస్తాలతో పూర్తిగా నిండిపోయాయి. ట్రాక్టర్లు సైతం ముందుకు, వెనక్కి కదలలేని పరిస్థితి నెలకొంది. ఇప్పటికే కొనుగోలు చేసిన ధాన్యం లిఫ్టింగ్‌ పూర్తయ్యే వరకు ఈ నెల 27 నుంచి మూడు రోజుల పాటు కొనుగోళ్లు నిలిపివేయాలని వ్యాపారులు కోరినట్లు తెలిసింది. అయినప్పటికీ మంగళవారం మార్కెట్‌లో ఉన్న ధాన్యానికి బిడ్డింగ్‌ వేయడంతో వ్యాపారులు కొనుగోళ్లు చేయబోమని భీష్మించారు. దీంతో సంబంధిత అధికారులు మార్కెట్‌కు చేరుకుని వ్యాపారులతో చర్చించి కొనుగోళ్లను ప్రారంభింపజేశారు. సీఐ సత్యనారాయణరెడ్డి కూడా మార్కెట్‌కు చేరుకుని పరిస్థితిని పరిశీలించారు. ధరలు, కొనుగోళ్లు, ధాన్యం తరలింపులో ఎదురవుతున్న సమస్యలను రైతులు ఆయన దృష్టికి తీసుకెళ్లారు. పోలీసులు రాత్రి వరకు మార్కెట్‌లోనే ఉండి పరిస్థితిని పర్యవేక్షించారు. వాన భయం.. ధరలపై ఆందోళన తుపాను ప్రభావంతో ఈదురుగాలులు వీచడం, ఆకాశంలో మబ్బులు కమ్ముకోవడంతో రైతులు, వ్యాపారుల్లో ఆందోళన పెరిగింది. ధాన్యం భారీగా రావడం, లారీల కొరత కారణంగా కొనుగోలు చేసిన సరుకు తరలింపు ఆలస్యమవుతోంది. వర్షం కురిస్తే ధాన్యం తడిసి నష్టపోతే ఎవరు భరించాలనే ఆందోళనతో వ్యాపారులు తక్కువ ధరలకు బిడ్డింగ్‌ వేస్తున్నట్లు తెలుస్తోంది. ధరల వివరాలివి.. మార్కెట్‌లో ఐఆర్‌–64 దొడ్డు రకం ధాన్యాన్ని 25 మంది రైతుల వద్ద 10,157 క్వింటాళ్లు (16,550 బస్తాలు) కొనుగోలు చేశారు. ఆర్‌ఎన్‌ఆర్‌ సన్నరకం ధాన్యాన్ని ఇద్దరు రైతుల వద్ద 123 క్వింటాళ్లు (190 బస్తాలు) కొనుగోలు చేశారు. ధరల వివరాల ప్రకారం 40 మంది రైతుల ధాన్యానికి క్వింటాల్‌కు రూ.1,807 నుంచి రూ.1,891 వరకు, 77 మంది రైతుల ధాన్యానికి రూ.1,900 నుంచి రూ.1,990 వరకు ధర పలికింది. మరో 61 మంది రైతుల ధాన్యానికి రూ.2,000 నుంచి రూ.2,099 వరకు, 35 మంది రైతుల ధాన్యానికి రూ.2,100కు పైగా ధర లభించింది. మార్కెట్‌ అధికారులు గరిష్టం ధర రూ.2,466, కనిష్ట ధర రూ.1,807, మోడల్‌ ధర రూ.2,266గా చూపించారు. ట్రాఫిక్‌ జామ్‌.. సుమారు 50 నుంచి 70 ట్రాక్టర్ల ధాన్యాన్ని సాయంత్రం ఆరు గంటలకు మార్కెట్‌లోకి అనుమతించా రు. ట్రాఫిక్‌ జామ్‌తో ఇబ్బందులు ఏర్పడ్డాయి. ప్రస్తుతం కొనుగోలు చేయాల్సిన సరుకు 20 వేల బస్తాలకు పైగా ఉంటుందని అంచనా. ప్రభుత్వ మద్దతు ధర కంటే ప్రైవేట్‌ మార్కెట్‌లో ధర మెరు గ్గా ఉంటుందనే ఆశతో రైతులు ఇక్కడకు వస్తున్నా రు. ఈ నేపథ్యంలో అధికారులు మార్కెట్‌లో పర్యవేక్షణలోనే ఉండి ధరల హెచ్చుతగ్గులను ఎప్పటికప్పుడు పరిశీలించాలని రైతులు కోరుతున్నారు. నేటి నుంచి రెండు రోజుల సెలవులు వ్యవసాయ మార్కెట్‌ యార్డులో అధిక మొత్తంలో ధాన్యం, ఇతర ఉత్పత్తుల నిల్వలు ఉండటం, మార్కెట్‌ యార్డు సామర్థ్యం 50 వేల బస్తాలకు చేరుకుని స్థలం లేకపోవడంతో ఈ నెల 28, 29 తేదీల్లో రెండు రోజుల పాటు మార్కెట్‌కు సెలవులను ప్రకటించినట్లు జిల్లా మార్కెటింగ్‌ అధికారి సారంగపాణి మంగళవారం ఒక ప్రకటనలో పేర్కొన్నారు. అలాగే బయట నుంచి సుమారు 10 వేల బస్తాలు వచ్చేందుకు సిద్ధంగా ఉన్నాయని వెల్లడించారు. రైతులు ఈ విషయాన్ని గమనించి, సహకరించాలని కోరారు. జిల్లా కేంద్రంలోని మార్కెట్‌లో కిక్కిరిసిన ధాన్యపు రాశులు, బస్తాలు కొనుగోళ్లలో జాప్యం.. నిల్వకు స్థలం కరువు క్వింటాల్‌కు రూ.200 నుంచి రూ.300 తగ్గిన ధరలు

జఫర్‌గఢ్‌: మండల కేంద్రంలోని వేల్పుగొండ కొండపై వెలిసిన శ్రీలక్ష్మీనర్సింహస్వామి పుష్కర బ్రహ్మోత్సవాలు ఈనెల 30 నుంచి వైభవంగా జరగనున్నాయి. కొండ దిగువన ఉన్న శ్రీలక్ష్మీనర్సింహ సీతారామచంధ్రస్వామి ఆలయంలో బ్రహ్మోత్సవాలను నిర్వహించేందుకు ఆలయ నిర్వాహకులు అన్ని ఏర్పాట్లు పూర్తి చేశారు. ప్రతి ఏటా నిర్వహించే స్వామివారి బ్రహ్మోత్సవాలకు వివిధ ప్రాంతాల నుంచి భక్తులు భారీ సంఖ్యలో తరలిరానున్నారు. ఈసందర్భంగా ఆలయ అర్చకుడు పొడిశేట్టి వెంకటాచార్యులు మాట్లాడుతూ.. 30వ తేదీ నుంచి 2వ తేదీ వరకు స్వామివారి బ్రహ్మోత్సవాలు జరగనున్నట్లు తెలిపారు. 30న సాయంత్రం 5 గంటల నుంచి ప్రత్యేక పూజ కార్యక్రమాలతో బ్రహ్మోత్సవాలు ప్రారంభమవుతున్నాయన్నారు. 31న సుదర్శన హోమం, పూర్ణాహుతి, అరగింపు, తీర్థగోష్టి 1న లక్ష్మీనర్సింహస్వామి కల్యాణమహోత్స వం, 2న స్వామివారి చక్రస్నానం, పల్లకిసేవ, సా యంత్రం సమయంలో పుష్పయాగం తదితర పూజ కార్యక్రమాలు నిర్వహించనున్నట్లు తెలిపారు. బ్రహ్మోత్సవాల్లో భక్తులు, గ్రామస్తులు భారీగా పా ల్గొని విజయవంతం చేయాలని ఆయన కోరారు. గ్రామాల్లో కేంద్ర బృందం పరిశీలననర్మెట: జాతీయ పంచాయతీ అవార్డుల పరిశీలనలో భాగంగా బ్లాక్‌ పంచాయతీ ఎంపికకు మండల కేంద్రంతో పాటు ఆగాపేట, ఇప్పలగడ్డ గ్రామాలను కేంద్ర బృందం సభ్యుడు అభిషేక్‌ రాజ్‌బార్‌ మంగళవారం పరిశీలించారు. ఈసందర్భంగా గ్రామంలో నిర్మించిన ఫాంపాండ్‌, కమ్యూనిటీ సోక్‌ పిట్‌లను పరిశీలించారు. భూగర్భ జలాల పెంపునకు తీసుకుంటున్న చర్యలు, అభివృద్ధి పనులు, పర్యావరణ పరిరక్షణ చర్యలు, వనరుల సంరక్షణ, ప్రజల భాగస్వామ్యం, పారిశుద్ధ్యం, ఉపాధి పనులపై అధికారులను, సర్పంచ్‌ పగిడిపాటి రాజు, ధరావత్‌ రాజమణిని వివరాలు అడిగి తెసుకున్నారు. జెడ్పీ సీఈఓ బలరాం, అడిషనల్‌ డీఆర్డీఓ, డిప్యూటీ సీఈఓ నాగ శేషాద్రి సూరి, ఎంపీడీఓ చిదురాల సుమన్‌, ఏపీఓ బిరుకూరి రమాదేవి, ఉప సర్పంచ్‌ అనిల్‌ కుమార్‌, కార్యదర్శి పూల శ్రీకాంత్‌ గ్రామస్తులు ఉన్నారు. రూ.12.12 లక్షల విలువైన బాణసంచా పట్టివేత స్టేషన్‌ఘన్‌పూర్‌: మున్సిపాలిటీ పరిధిలోని శివునిపల్లిలో నిబంధనలకు విరుద్ధంగా నిల్వ చేశారనే విశ్వసనీయ సమాచారం మేరకు టాస్క్‌ఫోర్స్‌, ఘన్‌పూర్‌ పోలీసులు దాడులు నిర్వహించి రూ.12,12,830 విలువైన బాణసంచా స్వాధీనం చేసుకున్నారు. తగిన రక్షణ చర్యలు పాటించకుండా నిల్వ చేసిన శివునిపల్లిలో బెలిదె సంతోష్‌ షాపులో రూ.4,08,000, పార్శి యశ్వంత్‌ షాపులో రూ.5,29,830, ఘన్‌పూర్‌ ఎస్సీ కాలనీలోని ఆకుల గోపాల్‌షాపులో రూ.2,75,000 విలువైన బాణసంచాను స్వాధీనం చేసుకుని వారిపై కేసులు నమోదు చేసినట్లు సీఐ ఎస్‌.శ్రీనివాస్‌ తెలిపారు. నిబంధనలకు విరుద్ధంగా బాణసంచా నిల్వ చేస్తే చట్టపరంగా చర్యలు తప్పవని హెచ్చరించారు.

హన్మకొండ : వరంగల్‌ జిల్లా సహకార కేంద్ర బ్యాంక్‌ (డీసీసీబీ) మహాజన సభ రసాభసాగా సాగింది. మంగళవారం హనుమకొండ నక్కలగుట్టలోని డీసీసీబీ ప్రధాన కార్యాలయంలో డీసీసీబీ పర్సన్‌ ఇన్‌చార్జ్‌, హనుమకొండ కలెక్టర్‌ చాహత్‌ బాజ్‌పాయ్‌ అధ్యక్షతన మహాజన సభ నిర్వహించారు. మహాసభ ఎజెండా అంశాన్ని, నివేదికను ఏజీఎం అశోక్‌ ప్రవేశ పెట్టారు. అనంతరం తొర్రూరు ప్రాథమిక వ్యవసాయ సహకార సంఘం చైర్మన్‌ కక్కిరాల హరిప్రసాద్‌ మాట్లాడుతూ.. పీఏసీఎస్‌ చైర్మన్ల కాలపరిమితి ముగిసినందున ఎన్నికలు నిర్వహించేందుకు తీర్మానం చేయాలని కోరారు. దీంతో నామినేటెడ్‌ అయిన కొత్త చైర్మన్లు అభ్యంతరం వ్యక్తం చేశా రు. ఈ క్రమంలో పాత, కొత్త చైర్మన్ల మధ్య వాగ్వాదం చోటుచేసుకుంది. ఎవరు ఏం మాట్లాడుతున్నారో అర్థం కాకుండా సభ రసాభాసగా మారడంతో డీసీసీబీ పర్సన్‌ ఇన్‌చార్జ్‌ కమిటీ సభ్యుడు, హనుమకొండ జిల్లా అదనపు కలెక్టర్‌ ఎన్‌.రవి కలుగజేసుకున్నారు. ఈ అంశం కోర్టు విచారణలో ఉన్నందున మాట్లాడడం సమంజసం కాదని చెప్పారు. అనంతరం చర్చ సాగింది. అంతకు ముందు పాత చైర్మన్లు కలెక్టర్‌ చాహత్‌ బాజ్‌పాయ్‌కి ఎన్నికలు నిర్వహించాలని కోరుతూ వినతిపత్రం అందజేశారు. పలువురు సొసైటీల చైర్మన్లు మాట్లాడుతూ.. ఎరువుల రవాణా చార్జీలు సహకార సంఘాలు చెల్లించాల్సి రావడం భారంగా మారిందని ఆందోళన వ్యక్తం చేశారు. రూ.10.23 కోట్ల లాభంతో వరంగల్‌ డీసీసీబీ.. మహాజన సభకు అధ్యక్షత వహించిన కలెక్టర్‌ చాహత్‌ బాజ్‌పాయ్‌ సభ ప్రారంభించి మాట్లాడుతూ.. వరంగల్‌ డీసీసీబీ టర్నోవర్‌ రూ.2,663.73 కోట్లకు చేరుకుందన్నారు. డిపాజిట్లు రూ.700.90 కోట్లు, అప్పులు రూ.1,962.83 కోట్లుగా ఉందని వివరించారు. 2025–26 ఆర్థిక సంవత్సరంలో రూ.10.23 కోట్ల లాభం సాధించి అభివృద్ధి పథంలో ఉందన్నారు. లాభాలు వచ్చిన క్రమంలో సభ్య సహకార సంఘాలకు రూ.1.53 కోట్ల డివిడెండ్‌ను ప్రకటించారు. ప్రతీ సొసైటీకి కొత్త పంట రుణాలకు రూ.10లక్షల చొప్పున కేటాయిస్తున్నట్లు చెప్పారు. 50 శాతం రికవరీ సాధించిన సంఘాలకు రూ.50 లక్షలు, ఏ,బీ, కేటగిరి ఆడిట్‌ ర్యాంకింగ్‌ సాధించిన సొసైటీలకు రూ.30 లక్షల చొప్పున దీర్ఘకాలిక రుణాల సహాయం అందించనున్నట్లు వివరించారు. రుణ బకాయిదారులకు ఉపశమనం కల్పించేందుకు వన్‌టైమ్‌ సెటిల్‌మెంట్‌ పథకాన్ని 2027, మార్చి 31వరకు పొడిగిస్తున్నట్లు తెలిపారు. బ్యాంకు శాఖల విస్తరణలో భాగంగా భూపాలపల్లి, ములుగు, ఘన్‌పూర్‌ శాఖల భవన నిర్మాణాలకు స్థల కేటాయింపు ప్రక్రియ పూర్తయినట్లు వివరించారు. చివరగా గూడూరు బ్రాంచ్‌ ఖాతాదారుడు కంచె సునీల్‌ ప్రమాద మరణ బీమా క్లెయిమ్‌ కింద రూ.2లక్షల పరిహార చెక్కును కలెక్టర్‌ బాధిత కుటుంబానికి అందజేశారు. మహాజన సభలో డీసీసీబీ సీఈఓ వజీర్‌ సుల్తాన్‌, జీఎం ఉషశ్రీ, ఓఎస్‌డీ వెంకటేశ్వర్లు, హనుమకొండ జిల్లా సహకార అధికారి (డీసీఓ), పర్సన్‌ ఇన్‌చార్జ్‌ కమిటీ సభ్యుడు బి.మోహన్‌, నాబార్డు డీడీ ఎం చంద్రశేఖర్‌, ఆయా జిల్లాల డీసీఓలు నీరజ, వాల్యానాయక్‌, సర్దార్‌ సింగ్‌, వ్యవసాయ, ఉద్యా న, పశుసంవర్ధక శాఖ అధికారులు పాల్గొన్నారు.పీఏసీఎస్‌ పాత, కొత్త చైర్‌ పర్సన్ల మధ్య వాగ్వాదం ఎన్నికలు నిర్వహించాలని కోరిన పాత చైర్మన్లు అభ్యంతరం వ్యక్తం చేసిన నామినేటెడ్‌ చైర్మన్లు కలుగజేసుకున్న అదనపు కలెక్టర్‌ ఎన్‌.రవి

ఎంజీఎంలో అసిస్టెంట్‌ ప్రొఫెసర్ల నియామకానికి ప్రకటనకాశిబుగ్గ : వరంగల్‌లోని ఎంజీఎం ఆస్పత్రిలో కాంట్రాక్టు ప్రాతిపదికన నియామకానికి మంగళవారం నోటిఫికేషన్‌ విడుదల చేశారు. 16 మంది అసిస్టెంట్‌ ప్రొఫెసర్ల పోస్టులను వివిధ విభాగాల్లో నియామకానికి దరఖాస్తులు ఆహ్వానిస్తున్నట్లు సూపరింటెండెంట్‌ డాక్టర్‌ రామ్‌కుమార్‌రెడ్డి తెలిపారు. ఈ నియామకాలు పూర్తిగా తాత్కాలిక ప్రాతిపదికన కాంట్రాక్టు పద్ధతిలో ఉంటాయని పేర్కొన్నారు. నియామకం తేదీ నుంచి 2027 మార్చి 31వరకు లేదా అవసరం ముగిసే వరకు వీటిలో ఏది ముందు అయితే అప్పటి వరకు మాత్రమే పోస్టులో కొనసాగుతారని తెలిపారు. ఆర్థోపిడిక్‌లో 4, పిడియాట్రిక్‌–1, ఎమర్జెన్సీ మెడిసిన్‌–7, రేడియాలజీ– 2, కార్డియాలజీ–1, న్యూరో సర్జరీ–1 చొప్పున పోస్టులు భర్తీ చేస్తారని ఆయన వివరించారు. అర్హులైన అభ్యర్థులు నవంబర్‌ 2న ఉదయం 11 గంటల నుంచి సాయంత్రం 4 గంటల వరకు వాక్‌ ఇన్‌ ఇంటర్వ్యూకు హాజరై తమ డాక్యుమెంట్లను సమర్పించాలని, దరఖాస్తు ఫారాలు ఎంజీఎం ఆస్పత్రి వెబ్‌సైట్‌లో అందుబాటులో ఉంటాయని తెలిపారు. తుది జాబితా ఆస్పత్రి వెబ్‌సైట్‌లో, ఆస్పత్రి నోటీసు బోర్డులో ప్రచురిస్తామని పేర్కొన్నారు. ఆయుష్‌లో ఔట్‌ సోర్సింగ్‌ ఉద్యోగాలకు.. వరంగల్‌ జిల్లా ఆయుష్‌ శాఖలో జాతీయ ఆయుష్‌ మిషన్‌ పథకం కింద ఔట్‌ సోర్సింగ్‌ ప్రాతిపదికన ఖాళీగా ఉన్న 12 పోస్టుల భర్తీకి అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు కలెక్టర్‌ డాక్టర్‌ సత్యశారద ఒక ప్రకటనలో తెలిపారు. ఈ నియామకాల్లో భాగంగా ఆయుష్‌ డాక్టర్‌ విత్‌ పీజీ క్యాలిఫికేషన్‌తో ఒక పోస్టు, ఆయుష్‌ మెడికల్‌ ఆఫీసర్‌ 4 పోస్టులు, డైటీషన్‌ ఒక పోస్టు, సైకోసోషల్‌ కౌన్సిలర్‌ ఒక పోస్టు, యోగా ప్రొఫెషనల్‌ ఒక పోస్టు, మల్టీ పర్పస్‌ వర్కర్‌ (ఎంపీడబ్ల్యూ) 4 పోస్టులను భర్తీ చేయనున్నట్లు ఆమె వివరించారు. ఈ పోస్టులకు సంబంధించిన దరఖాస్తులను ఈ నెల 27 నుంచి 31 వరకు జిల్లా వైద్య, ఆరోగ్యశాఖ అధికారి వరంగల్‌ కార్యాలయంలో ఉదయం 10:30 గంటల నుంచి సాయంత్రం 5 గంటల వరకు స్వీకరిస్తారన్నారు. మక్కలకు రికార్డు ధర క్వింటాకు రూ.3085 ● పత్తి రూ. 9,070లు ఖిలా వరంగల్‌ : వరంగల్‌ ఏనుమాముల మార్కెట్‌లో మంగళవారం మొక్కజొన్నకు రికార్డు ధర పలికింది. క్వింటాకు గరిష్టంగా రూ.3,021 నుంచి రూ.3,085 ధర రావడంతో రైతులు ఆనందం వ్యక్తం చేస్తున్నారు. మక్కలకు ప్రభుత్వం మద్దతు ధర రూ.2,410 ఉండగా, వ్యాపారుల మధ్య పోటీతో అధిక ధర లభించింది. పత్తికి ప్రభుత్వం మద్దతు ధర రూ.8,667లు ఉండగా.. క్వింటాకు రూ.9,070 ధర పలికింది. పల్లికాయ ప్రభుత్వ మద్దతు ధర రూ.8,800లు ఉండగా.. మార్కెట్‌లో పల్లిధర పతనమైంది. క్వింటాకు రూ.6,952ల ధర పలికింది. మినుములకు మద్దతు ధర రూ.7,800ల ధర ఉండగా.. రూ.5,563ల ధర పలికినట్లు మార్కెట్‌ కార్యదర్శి శ్రీనివాస్‌ తెలిపారు. కాగా మహబూబాబాద్‌కు చెందిన రైతు గుగులోత్‌ లాలు నాయక్‌ క్వింటా పసుపు విక్రయానికి తీసుకొచ్చారు. మార్కెట్‌ సూపర్‌వైజర్‌ సాగర్‌ నేతృత్వంలో నిర్వహించిన జెండా పాటలో వ్యాపారులు పోటీపడటంతో క్వింటాకు రూ.19,089ల ధర లభించింది. కొత్త నోములకు అవకాశం ● జాగర్లపూడి శ్రీనివాస్‌ శర్మ కాజీపేట : ఈ ఏడాది కేదారేశ్వర వ్రతం.. కొత్త నోములు చేసుకోవడానికి అవకాశం ఉందని అభయాంజనేయ స్వామి దేవాలయం ప్రధాన అర్చకుడు జాగర్లపూడి శ్రీనివాస్‌ శర్మ తెలి పారు. కాజీపేట 63వ డివిజన్‌ జూబ్లీ మార్కెట్‌ ఆవరణలోని దక్షిణ ముఖ ఆంజన్న ఆలయంలో మంగళవారం ఆయన మాట్లాడారు. నవంబర్‌ 8వ తేదీ (ఆదివారం) ఉదయం 11 గంటల నుంచి సోమవారం ఉదయం 7:30 గంటల వరకు స్వాతి నక్షత్రం ఉంటుందని, అమావాస్య ఉదయం 11 గంటల నుంచి తెల్లవారి 11:30 గంటల వరకు వర్తిస్తుందని పేర్కొన్నారు. ఆదివారం మంగళ హారతులు, దీపావళి ధనలక్ష్మి పూజలు చేసుకోవాలన్నారు. ఆదివారం కేదారేశ్వర వ్రతం ఆచరించి సోమవారం దేవుడిని ఎత్తుకోవాల్సి ఉంటుందని స్పష్టం చేశారు. ఈ ఏడాది కేదారేశ్వర స్వామి నోములు, పడిపోయిన నోములు నిర్వహించుకోవచ్చని ఆయన సూచించారు.

● రిజర్వాయర్‌లో పడి తమిళనాడు వాసి మృతిలింగాలఘణపురం : బతుకుదెరువు కోసం బాతు పిల్లలను పెంచుకుంటూ జీవనం సాగించే తమిళనాడుకు చెందిన ఓ యువకుడు సోమవారం మండలంలోని నవాబుపేట రిజర్వాయర్‌లో పడి మృతిచెందాడు. హెడ్‌ కానిస్టేబుల్‌ బాబు కథనం ప్రకారం.. తమిళనాడులోని కాంచీపురం తాలుకా సిరుకవేరిపక్కం గ్రామానికి చెందిన కావడి నవీన్‌ (28) ఇటీవల 4వేల బాతు పిల్లలు తీసుకొని తన తమ్ముడు నర్సింహులుతో కలిసి నవాబుపేట రిజర్వాయర్‌ సమీపంలో గుడిసెలు వేసుకొని ఉంటున్నారు. ఈక్రమంలో నవీన్‌ రెండు వేల బాతు పిల్లలను తీసుకొని రిజర్వాయర్‌ సమీపంలోకి ఒక్కడే వెళ్లగా ప్రమాదవశాత్తు అందులో పడి, ఫిట్స్‌ వచ్చి ఉంటుందన్నారు. రాత్రి అయినా నవీన్‌ ఇంటికి రాకపోవడంతో అతడి కోసం నర్సింహులు వెతకగా చెప్పకుండా ఊరికి వెళ్లి ఉండవచ్చని భావించాడు. మంగళవారం తెల్లవారు జామున రిజర్వాయర్‌లో శవం తేలడంతో బోరున విలపిస్తూ పోలీసులకు సమాచారం అందించారు. బాధితుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు హెచ్‌సీ బాబు వివరించారు.

కాజీపేట రూరల్‌ : వరంగల్‌, కాజీపేట మీదుగా ప్రయాణించే పలు రైళ్లపై అర్నాబ్‌ తుపాను ఎఫెక్ట్‌ పడింది. దీంతో పలు రైళ్ల రాకపోకలకు అంతరాయం ఏర్పడిందని రైల్వే అధికారులు మంగళవారం తెలిపారు. తెలంగాణలోని పలు ప్రాంతాల్లో రెడ్‌ అలర్ట్‌ జారీ చేయగా, భారీ వర్షాలు కురిసే అవకాశం ఉన్న నేపథ్యంలో పరిస్థితిని ఎదుర్కొనేందుకు దక్షిణ మధ్య రైల్వే సన్నద్ధమైందని తెలిపారు. తెలంగాణ, ఆంధ్రా, ఒడిశా సహా పలు ప్రాంతాలపై దీని ప్రభావం ఉండే అవకాశం ఉన్నందున ప్రయాణికుల భద్రత రైలు నిర్వహణ దృష్ట్యా పరిస్థితులకు అనుగుణంగా ఈ ప్రాంతంలో రైళ్ల నడిపే సరళిలో మార్పులు చేసే అవకాశం ఉందని అన్నారు. నేడు అతి తీవ్రమైన తుపానుగా బాపట్ల, విశాఖపట్నం మధ్య ఆంధ్రప్రదేశ్‌ తీరాన్ని దాటే అవకాశం ఉందని వివరించారు. ఖమ్మం, భద్రాద్రి కొత్తగూడెం, ములుగు. మహబూబాబాద్‌ జిల్లాలకు రెడ్‌ అలర్ట్‌ జారీ చేసినట్లు వెల్లడించారు. అక్టోబర్‌ 28, 29వ తేదీల్లో వరంగల్‌, హనుమకొండ, సూర్యాపేట, నల్లగొండ జిల్లాల్లో భారీ వర్షాలు కురిసే అవకాశం ఉందని హెచ్చరికలు ఉన్నట్లు తెలిపారు. ఈ నేపథ్యంలో పలు మార్గాల్లో, సెక్షన్లలో ప్రయాణించే అనేక రైళ్లను రద్దు చేయడం లేదా దారి మళ్లించడం ఉంటుందని పేర్కొన్నారు. అధికారులతో భద్రతా చర్యలపై సమీక్ష దక్షిణ మధ్య రైల్వే జనరల్‌ మేనేజర్‌ సంజయ్‌కుమార్‌ శ్రీవాస్తవ సికింద్రాబాద్‌ డివిజన్‌ రైల్వే మేనేజర్‌ డాక్టర్‌ ఆర్‌.గోపాలకృష్ణన్‌, ఇతర అధికారులతో భద్రతా చర్యలు, ముందస్తు సన్నద్ధతపై సమీక్ష నిర్వహించినట్లు అధికారులు తెలిపారు. డివిజన్‌ పరిధిలో గుర్తించిన ప్రమాదకర ప్రాంతాలు, వంతెనలను, ఆయా ప్రదేశాల్లో చేపడుతున్న గస్తీ ఏర్పాట్లు, పెట్రోల్‌మెన్‌, వాచ్‌మెన్‌ల నియామకాన్ని, చెరువు నీటి మట్టాల స్థితిని కూడా సమీక్షించినట్లు తెలిపారు. కాజీపేట, డోర్నకల్‌ వద్ద బండరాళ్లు, ఇసుక సంచులు, కంకర రేక్‌లతో పాటు ప్రమాద సహాయక రైళ్లు, వైద్య పరికరాల సంసిద్ధత, వాటి మోహరింపులు, సిబ్బంది రైల్వే ఆస్తుల భద్రతను నిర్ధారించడానికి అన్ని విభాగాల అధికారులు పర్యవేక్షిస్తున్నట్లు వివరించారు. ప్రయాణికులు అలర్ట్‌ రైలు ప్రయాణికులు భారీ వర్షాలు, తుపాను పరిస్థితుల దృష్ట్యా తమ ప్రయాణాలను ప్లాన్‌ చేసుకోవాలని విజ్ఞప్తి చేస్తున్నారు. రైళ్ల రద్దు, దారి మళ్లింపు, పునఃప్రణాళిక రైలు సేవల విధానంలో మార్పులకు సంబంధించిన సమాచారాన్ని రిజర్వు, టిక్కెట్లను బుక్‌ చేసుకునే సమయంలో ఇచ్చిన ప్రయాణికుల మొబైల్‌ నంబర్లకు ఎస్‌ఎంఎస్‌ ద్వారా తెలుపడం జరుగుతుందన్నారు. అధికారిక రైల్వే అప్లికేషన్స్‌, వెబ్‌సైట్‌ల ద్వారా రైళ్ల పరిస్థితిని చూసుకోవచ్చని లేదా 139 విచారణ నంబర్‌కు డయల్‌ చేయవచ్చని, రైళ్ల రద్దు, పాక్షిక రద్దు, దారి మళ్లింపు సమాచారాన్ని ఫేస్‌బుక్‌ (సౌత్‌ సెంట్రల్‌ రైల్వే) ఇన్‌స్టాగ్రామ్‌ సోషల్‌ మీడియా ద్వారా తెలుసుకోవచ్చని అధికారులు తెలిపారు. నేడు, రేపు ఉమ్మడి జిల్లాలో రెడ్‌ అలర్ట్‌ కాజీపేట, డోర్నకల్‌లో బండరాళ్లు, ఇసుక సంచులు,ప్రమాద సహాయక రైళ్లు అధికారులతో రైల్వే జీఎం సమీక్ష

బచ్చన్నపేట : రైతుల ఆదాయం పెంపుతో పాటు వ్యవసాయ అనుబంధ రంగాలను బలోపేతం చేసేందుకు అధికారులు, రైతు ఉత్పత్తిదారుల సంఘాలు సమన్వయంతో కృషి చేయాలని రాష్ట్ర వ్యవసాయ శాఖ కార్యదర్శి కె.సురేంద్ర మోహన్‌ సూచించారు. మంగళవారం హైదరాబాద్‌ నుంచి ఆయన వీడియో కాన్ఫరెన్స్‌ నిర్వహించగా మండల కేంద్రంలోని రైతు వేదిక నుంచి కలెక్టర్‌ సందీప్‌ కుమార్‌ ఝా, రైతు ఉత్పత్తిదారులు, ప్రాథమిక వ్యవసాయ సహకార సంఘాలు, స్వయం సహాయక సంఘాల ప్రతినిధులు, రైతుల హాజరయ్యారు. అనంతరం సురేంద్ర మోహన్‌ మాట్లాడుతూ.. వ్యవసాయంతో పాటు ఉద్యానవన, పట్టు పరిశ్రమ, మత్స్య రంగాల్లోనూ అభివృద్ధికి ప్రోత్సహించాలని స్పష్టం చేశారు. ఏడీఏ వసంత, సుగుణ, డీఆర్డీఓ భాస్కర్‌, డీవీహెచ్‌ఓ మురళీధర్‌రావు, డీహెచ్‌ఎస్‌ఓ నర్సయ్య, ఏఓ దివ్య, సర్పంచ్‌ అల్వాల నర్సింగారావు తదితరులు పాల్గొన్నారు. రాష్ట్ర వ్యవసాయ శాఖ కార్యదర్శి కె.సురేంద్రమోహన్‌

● కలెక్టర్‌ సందీప్‌ కుమార్‌ ఝా జనగామ రూరల్‌: విద్యార్థులు చదువుతో పాటు క్రీడలపైనా ప్రత్యేక దృష్టి సారించాలని, ప్రతీ విద్యార్థి ఏదో ఒక క్రీడలో నైపుణ్యం సాధించేలా తల్లిదండ్రులు, ఉపాధ్యాయులు ప్రోత్సహించాలని కలెక్టర్‌ సందీప్‌ కుమార్‌ ఝా సూచించారు. మంగళవారం విద్యాశాఖ ఆధ్వర్యంలో జిల్లా కేంద్రంలోని ధర్మకంచ మినీ స్టేడియంలో కలెక్టర్‌ పీఎంశ్రీ పాఠశాలలు ,ప్రత్యేక అవసరాలు కలిగిన విద్యార్థులు క్రీడాపోటీలను ప్రారంభించారు. కార్యక్రమంలో విద్యా శాఖ ఏడీ శ్రీనివాస్‌, ఎస్జీఎఫ్‌ కార్యదర్శి గోర్‌ సింగ్‌, సీఎంఓ యాదగిరి,విద్యార్థులు పాల్గొన్నారు. క్రీడా పరికరాల పరిశీలన క్రీడాకారులకు అందుబాటులో ఉన్న సౌకర్యాలను మెరుగుపరచడంతో పాటు, క్రీడా పరికరాలను సరైన విధంగా నిర్వహించాలని కలెక్టర్‌ సందీప్‌ కుమార్‌ ఝా అధికారులకు సూచించారు. జిల్లా కేంద్రంలోని ధర్మకంచ మినీ స్టేడియాన్ని కలెక్టర్‌ సందర్శించి అందుబాటులో ఉన్న క్రీడా సౌకర్యాలు, పరికరాలను క్షుణ్ణంగా పరిశీలించారు. ‘స్వేచ్ఛా రథం’ ప్రారంభం వెట్టిచాకిరీ నిర్మూలనపై విస్తృత అవగాహన కల్పించాలని కలెక్టర్‌ సందీప్‌ కుమార్‌ ఝా సూచించారు. కలెక్టరేట్‌ ఆవరణలో వెట్టిచాకిరీపై అవగాహన కల్పించేందుకు చేపట్టిన రాష్ట్రవ్యాప్త ప్రచార కార్యక్రమంలో భాగంగా రూపొందించిన ‘స్వేచ్ఛా రథం’ను కలెక్టర్‌ జెండా ఊపి ప్రారంభించారు. ఈ సందర్భంగా కలెక్టర్‌ మాట్లాడుతూ.. వెట్టిచాకిరీపై ప్రజలకు అవగాహన కల్పించడంతో పాటు, బాండెడ్‌ లేబర్‌ టోల్‌ఫ్రీ హెల్ప్‌లైన్‌ 080–69434343 గురించి ప్రచారం చేయడం ఈ కార్యక్రమం ప్రధా న ఉద్దేశమని పేర్కొన్నారు. కార్మిక శాఖ అధికారి కుమారస్వామి, డీఎంహెచ్‌ఓ వాణిశ్రీ, స్కోప్‌ ఎన్జీఓ జీ. మనోజ్‌ కుమార్‌ పాల్గొన్నారు. పారిశుద్ధ్య నిర్వహణ సక్రమంగా ఉండాలి బచ్చన్నపేట : పాఠశాలల్లో పారిశుద్ధ్య నిర్వహణ సక్రమంగా ఉండాలని విద్యార్థులకు మెరుగైన విద్య, నాణ్యమైన పౌష్టికాహారాన్ని అందించాలని కలెక్టర్‌ సందీప్‌ కుమార్‌ ఝా అన్నారు. మండల కేంద్రంలోని కస్తూర్బాగాంధీ బాలికల పాఠశాలను కలెక్టర్‌ ఆకస్మికంగా తనిఖీ చేశారు. పాఠశాల కరస్పాండెంట్‌ నారమల్ల గీత, ఉపాధ్యాయులు, అధికారులు ఉన్నారు.

● రైస్‌ మిల్లు వద్ద పికెట్‌ ఏర్పాటు చేయాలని ఫిర్యాదుపాలకుర్తి టౌన్‌: మండలంలోని వావిలాల అన్నపూర్ణ రైస్‌ మిల్లులో కస్టమ్‌ మిల్లింగ్‌ రైస్‌(సీఎంఆర్‌) ధాన్యం మాయం కాకుండా పికెట్‌ ఏర్పాటు చేయాలని, ఇప్పటికే మాయమైన ధాన్యాన్ని ఎవరు ఎత్తుకెళ్లారో తేల్చాలని కోరుతూ పౌరసరఫరాల శాఖ ఎన్‌ఫోర్స్‌మెంట్‌ డిప్యూటీ తహసీల్దార్‌ మాచన రఘునందన్‌ మంగళవారం పాలకుర్తి పోలీస్‌స్టేషన్‌లో ఫిర్యాదు చేశారు. మిల్లు పక్కనే ఉన్న ఓపెన్‌ షెడ్డులో కోట్లాది రూపాయల విలువైన ధాన్యం రక్షణ లేకుండా ఉందని ఆందోళన వ్యక్తం చేశారు. గత ఆగస్టులో విజిలెన్స్‌ అధికారులు నిర్వహించిన తనిఖీలో భారీగా ధాన్యం మాయమైనట్లు గుర్తించారు. దీంతో సెప్టెంబర్‌ 13న పౌరసరఫరాల శాఖ అధికారులు మిల్లు యజమానిపై పోలీసులకు ఫిర్యాదు చేశారు. అయినప్పటికీ అక్టోబర్‌ 6న నిర్వహించిన మరో తనిఖీలో మరికొంత ధాన్యం మాయమైనట్లు గుర్తించారు. ఓపెన్‌ షెడ్డులో కాపలా లేకపోవడంతో మరింత ధాన్యం చోరీకి గురయ్యే ప్రమాదం ఉందని ఫిర్యాదులో ఆయన పేర్కొన్నారు.

హసన్‌పర్తి: అమర వీరుల సంస్మరణ వారోత్సవాల సందర్భంగా అమరులను స్మరిస్తూ మంగళవారం వరంగల్‌ పోలీస్‌ కమిషనరేట్‌ నుంచి సైకిల్‌ ర్యాలీ నిర్వహించారు. సీపీ శ్వేత, హనుమకొండ జిల్లా కలెక్టర్‌ చాహత్‌ బాజ్‌పాయ్‌, ఎన్‌పీడీసీఎల్‌ సీఎండీ వరుణ్‌రెడ్డి, డీసీపీ దార కవితలతోపాటు అధికారులు ర్యాలీలో పాల్గొని అమరులకు నివాళులర్పించారు. ప్రజల భద్రతకోసం ప్రాణాలు అర్పించిన పోలీస్‌ అమరుల సేవలు వెలకట్టలేమన్నారు. ఈ ర్యాలీ వారికి అంకితమన్నారు. ర్యాలీలో పాల్గొన్న నగరానికి చెందిన 89 ఏళ్ల నర్సయ్య అనే వృద్ధుడిని సీపీ అభినందించారు. కార్యక్రమంలో డీసీపీలు వి.శ్రీనివాస్‌, సురేష్‌, అంకిత్‌కుమార్‌, ఏసీపీ నర్సింహారావు, మడికొండ సీఐ కిషన్‌ పాల్గొన్నారు.

● ఏఐసీసీ పరిశీలకుడు కేబీఆర్‌ నాయుడు జనగామ: ఎస్‌ఐఆర్‌ ప్రక్రియ పేరుతో ఓటర్ల జాబితాలో అక్రమ మార్పులు, తొలగింపులు జరిగే ప్రమాదం ఉందని ఏఐసీసీ పరిశీలకుడు కేబీఆర్‌ నాయుడు ఆందోళన వ్యక్తం చేశారు. ఓటు హక్కు పరిరక్షణ, ప్రజాస్వామ్యాన్ని కాపాడే లక్ష్యంతో కాంగ్రెస్‌ పార్టీ ఆధ్వర్యంలో నిర్వహిస్తున్న ‘ఓట్‌ బచావో–దేశ్‌ బచావో’ రచ్చబండ కార్యక్రమంలో భాగంగా సోమవారం జిల్లా కేంద్రంలోని ఓ ఫంక్షన్‌ హాల్‌లో డీసీసీ అధ్యక్షురాలు ధన్వంతిలక్ష్మీనారాయణ అధ్యక్షతన జరిగిన సమావేశంలో ఆయన ముఖ్యఅతిథిగా పాల్గొన్నారు. ఈ సందర్భంగా ఆయన మాట్లాడుతూ.. కాంగ్రెస్‌కు అనుకూలమైన ఓట్లను లక్ష్యంగా చేసుకుని తొలగించేందుకు బీజేపీ ప్రయత్నిస్తోందని విమర్శించారు. భువనగిరి ఎంపీ చామల కిరణ్‌కుమార్‌రెడ్డి మాట్లాడుతూ.. ఓటు హక్కును కాపాడుకోవడం ప్రతి ఒక్కరి బాధ్యతని పేర్కొన్నారు. డీసీసీ అధ్యక్షురాలు ధన్వంతి లక్ష్మీనారాయణ మాట్లాడుతూ.. నవంబర్‌ 1న ఢిల్లీలోని రాంలీలా మైదానంలో నిర్వహించనున్న నిరసన కార్యక్రమానికి జిల్లా నుంచి నాయకులు, కార్యకర్తలు భారీ సంఖ్యలో తరలిరావాలని పిలుపునిచ్చారు. నియోజకవర్గ ఇన్‌చార్జ్‌ కొమ్మూరి ప్రతాప్‌రెడ్డి మాట్లాడుతూ.. ఎస్‌ఐఆర్‌లో అర్హులైన ఓటర్ల పేర్లు తొలగిపోకుండా కాంగ్రెస్‌ నాయకులు, కార్యకర్తలు అప్రమత్తంగా ఉండాలని సూచించారు. కార్యక్రమంలో టీపీసీసీ సమన్వయకర్త అరికెల నర్సారెడ్డి, ఎమ్మెల్సీ, మాజీమంత్రి బస్వరాజు సారయ్య, స్టేషన్‌ ఘన్‌పూర్‌ ఎస్‌ఐఆర్‌ ఇన్‌చార్జ్‌ దుద్దిళ్ల శ్రీనుబాబు, డాక్టర్‌ లక్ష్మీనారాయణ నాయక్‌, జనగామ మున్సిపల్‌ చైర్‌పర్సన్‌ బాలమణిశ్రీనివాస్‌, పాలకుర్తి నియోజకవర్గ ఇన్‌చార్జ్‌ ప్రమోద్‌కుమార్‌, మాజీ మున్సిపల్‌ చైర్మన్‌ వేమల్ల సత్యనారాయణరెడ్డి, కంచ రాములు, రాజమౌళి, డీసీసీ ఉపాధ్యక్షులు లింగాల జగదీష్‌చందర్‌రెడ్డి, కొత్త కరుణాక ర్‌రెడ్డి, ఉడత రవి, వేముల మల్లేష్‌, బడికె ఇందిర, లోకుంట్ల ప్రవీణ్‌, జాయ మల్లేష్‌ తదితరులు పాల్గొన్నారు.

జనగామ: జిల్లా వ్యవసాయ మార్కెట్‌కు 15 ఏళ్ల తర్వాత సోమవారం రికార్డు స్థాయిలో ధాన్యం తరలివచ్చింది. వచ్చే సీజన్‌లో ఎల్‌నినో ప్రభావం ఉంటుందనే ఆందోళనల నేపథ్యంలో ధాన్యానికి డిమాండ్‌ పెరగడం, మార్కెట్‌లో ధరలు ఆశాజనకంగా ఉండటంతో రైతులు భారీగా ధాన్యాన్ని మార్కెట్‌కు తీసుకొస్తున్నారు. ధాన్యంలో తేమ శాతం 30 నుంచి 50 వరకు ఉన్నప్పటికీ క్వింటాల్‌కు రూ.1,800 నుంచి రూ.2,400కుపైగా ధర పలుకుతుండటం గమనార్హం. ఒక్కరోజే వేల క్వింటాళ్ల కొనుగోలు ఒక్కరోజే మార్కెట్‌లో 17,678 క్వింటాళ్ల దొడ్డు రకం ధాన్యం, 560 క్వింటాళ్ల సన్నరకం ధాన్యాన్ని కొనుగోలు చేశారు. దొడ్డురకం ధాన్యం 343 మంది రైతుల నుంచి 27,197 బస్తాలు కొనుగోలు చేయగా, క్వింటాల్‌కు గరిష్టంగా రూ.2,407, కనిష్టంగా రూ.1,807, సగటు ధర రూ.2,316 పలికింది. సన్నరకం ధాన్యానికి గరిష్టంగా రూ.2,869, కనిష్ఠంగా రూ.2,669, సగటున రూ.2,866 ధర లభించింది. ఇదిలా ఉండగా సుమారు 80 మంది రైతులు ధర ఆశించిన మేర రాలేదని 5వేల బస్తాలకు పైగా బిడ్డింగ్‌ క్యాన్సిల్‌ చేసుకున్నారు. మక్కలకు సైతం రికార్డు ధరలు మార్కెట్‌లో మక్కలకు కూడా మంచి ధర లభిస్తోంది. సోమవారం 33 మంది రైతుల నుంచి 771 క్వింటాళ్ల మక్కలను, 1,403 బస్తాలను కొనుగోలు చేశా రు. క్వింటాలుకు గరిష్టంగా రూ.2,957, కనిష్టంగా రూ.2,411, సగటు ధర రూ.2, 777 పలికింది. నిల్వకు స్థలం కరువు.. మార్కెట్‌కు భారీగా ధాన్యం తరలిరావడంతో మూడు కవర్‌ షెడ్లు, కల్లాలు, పత్తి యార్డు పూర్తిగా నిండిపోయాయి. ప్రస్తుతం మరో 10 వేల నుంచి 20 వేల బస్తాల ధాన్యం కొనుగోలుకు సిద్ధంగా ఉండగా, నేడు(మంగళవారం)మరో 20 వేల నుంచి 30 వేల బస్తాలు వచ్చే అవకాశముందని అంచనా వేస్తున్నారు. దీంతో ధాన్యం నిల్వ, కొనుగోళ్లు, రవాణా నిర్వహణ అధికారులకు సవాలుగా మారాయి. సోమవారం ఇంటర్నెట్‌ వైర్లు తెగిపోవడంతో తలెత్తిన సాంకేతిక సమస్యల కారణంగా బిడ్డింగ్‌ ప్రక్రియ సాయంత్రం నాలుగు గంటల వరకు ఆలస్యమైంది. దీంతో హమాలీలు ఆగ్రహం వ్యక్తం చేస్తూ నిరసన తెలిపారు. కాంటాలు, లారీ లోడింగ్‌ పూర్తయ్యే సరికి అర్ధరాత్రి దాటిపోతుందని ఆవేదన వ్యక్తం చేశారు. సీపీఎం జిల్లా కార్యదర్శి మోకు కనకారెడ్డి జోక్యం చేసుకుని అధికారులతో మాట్లాడటంతో సమస్య తీవ్రత తగ్గింది. కొనుగోళ్ల జాప్యంపై రైతులు సైతం అసహనం వ్యక్తం చేశారు. 15 ఏళ్ల తర్వాత రికార్డు స్థాయిలో మార్కెట్‌కు రాక మద్దతు ధరకు మించి పలుకుతున్న ధరలు కిక్కిరిసిన కవర్‌ షెడ్లు, కల్లాలు కొనుగోళ్ల జాప్యంతో రైతులు, హమాలీల ఇక్కట్లు

జనగామ: ప్రజావాణికి వివిధ సమస్యల పరిష్కారం కోసం వచ్చే ప్రజల అర్జీలపై అధికారులు ప్రత్యేక దృష్టి సారించాలని కలెక్టర్‌ సందీప్‌ కుమార్‌ ఝా ఆదేశించారు. ప్రజల నుంచి స్వీకరించిన దరఖాస్తులను సంబంధిత శాఖల అధికారులు క్షుణ్ణంగా పరిశీలించి, సమస్యలను త్వరితగతిన పరిష్కరించేలా చర్యలు తీసుకోవాలని సూచించారు. సోమవారం కలెక్టరేట్‌ కార్యాలయ సమావేశం హాలులో రెవెన్యూ అదనపు కలెక్టర్‌ బెన్‌ షాలోమ్‌తో కలిసి కలెక్టర్‌ గ్రీవెన్స్‌ నిర్వహించారు. ఈ సందర్భంగా వివిధ సమస్యలపై వచ్చిన 375 అర్జీలను స్వీకరించి, వాటిని పరిశీలించారు. అనంతరం దరఖాస్తులను సంబంధిత శాఖల అధికారులకు కేటాయిస్తూ, ప్రజల సమస్యల పరిష్కారంలో నిర్లక్ష్యం చేయవద్దని స్పష్టం చేశారు. అర్జీలు పెండింగ్‌లో ఉండకుండా ఎప్పటికప్పుడు పరిష్కరించాలని ఆదేశించారు. కార్యక్రమంలో జెడ్పీ సీఈఓ బలరామరావు, డీఆర్డీఓ భాస్కర్‌, మున్సిపల్‌ కమిషనర్‌ రాజశేఖర్‌రెడ్డి, సీపీఓ చిన కోట్యా నాయక్‌, ఎన్పీడీసీఎల్‌ ఎస్‌ఈ సంపత్‌రెడ్డి, వివిధ శాఖల జిల్లా అధికారులు తదితరులు పాల్గొన్నారు. దుకాణం అనుమతి రద్దు చేశారు.. జనగామ పట్టణంలోని బాలాజీనగర్‌కు చెందిన బెలిదె శైలజ తనకు జిరాక్స్‌, ఇంటర్నెట్‌ దుకాణం ఉందని, అందులో పాస్‌పోర్టు ఫొటోలు తీసేందుకు ఒక యూనిట్‌కు రూ.12వేలు చెల్లించి అనుమతి పొందానని తెలిపారు. అయితే వారం రోజులకే ఆ అనుమతిని రద్దు చేసి డబ్బులు తిరిగి ఇచ్చారని, ప్రస్తుతం తన దుకాణం ఎదుటకు వచ్చి గొడవ చేస్తూ వేధిస్తున్నారని ఆరోపించారు. బ్యాంకు రుణంతో దుకాణం నిర్వహిస్తున్నందున తన సమస్యను పరిశీలించి న్యాయం చేయాలని కోరారు. దరఖాస్తుల్లో కొన్ని ఇలా.. బచ్చన్నపేట మండలం కొడవటూరు గ్రామానికి చెందిన మల్లం శ్రీహరి తనకు వంశపారంపర్యంగా సంక్రమించిన పది గుంటల భూమి రెవెన్యూ రికార్డుల్లో ఇతరుల పేర్లతో నమోదైందని, ఆ పేర్లను తొలగించి తమ పేరున నమోదు చేయాలని విజ్ఞప్తి చేశారు. పాలకుర్తి మండలం వల్మిడి గ్రామానికి చెందిన చెరుకు చిన్న రాములు తన రెండు ఎకరాల భూమికి పట్టా మంజూరు చేయాలని కోరారు. తరిగొప్పుల మండలం బొత్తలపర్రె గ్రామానికి చెందిన ఎం.భద్రమ్మ తన ఇల్లు కూలిపోయే స్థితిలో ఉందని, ఇందిరమ్మ ఇల్లు మంజూరు చేయాలని దరఖాస్తు అందజేశారు. జఫర్‌గఢ్‌ మండలం తిడుగు గ్రామానికి చెందిన కడారి యాదగిరి తన 18 గుంటల భూమి రెవెన్యూ రికార్డుల్లో ఇతరుల పేరున తప్పుగా నమోదైందని, ఆ పేరును తొలగించి తన పేరు మీద పట్టా పాసుపుస్తకంలో నమోదు చేయాలని కోరుతూ వినతిపత్రం సమర్పించారు. సత్వర పరిష్కారంపై ప్రత్యేక దృష్టి సారించాలి అధికారులకు కలెక్టర్‌ సందీప్‌ కుమార్‌ ఝా ఆదేశం కలెక్టరేట్‌ గ్రీవెన్స్‌లో 375 అర్జీల స్వీకరణ

జనగామ: రాష్ట్రవ్యాప్తంగా కస్టమ్‌ మిల్లింగ్‌ రైస్‌ (సీఎంఆర్‌) ధాన్యాన్ని పక్కదారి పట్టించి కోట్ల రూపాయల అక్రమాలకు పాల్పడిన వ్యవహారంపై ప్రభుత్వం కఠిన చర్యలకు ఉపక్రమించింది. పౌరసరఫరాల శాఖ, ఎన్‌ఫోర్స్‌మెంట్‌ విభాగాలు సంయుక్తంగా తనిఖీలు చేపడుతూ అక్రమాలకు పాల్పడిన మిల్లులపై కేసులు నమోదు చేయడంతోపాటు వాటిని స్వాధీనం చేసుకుంటున్నాయి. ఈ క్రమంలో జిల్లాలోనూ కలెక్టర్‌ సందీప్‌ కుమార్‌ ఝా పర్యవేక్షణలో నిర్వహించిన తనిఖీల్లో పాలకుర్తి, లింగాలఘణపురం, నర్మెట మండలాల్లోని మూడు రైస్‌ మిల్లుల్లో సుమారు రూ.18 కోట్ల విలువైన సీఎంఆర్‌ ధాన్యం తక్కువగా ఉన్నట్లు గుర్తించడం కలకలం రేపుతోంది. సంబంధిత మిల్లులను సీజ్‌ చేయడంతో పాటు నిర్వాహకులపై కేసులు నమోదు చేశారు. కొందరిని అరెస్టు చేసి రిమాండ్‌ తరలించగా, మరికొందరు బెయిల్‌పై ఉన్నట్లు సమాచారం. మిల్లులవారీగా భారీ వ్యత్యాసాలు పాలకుర్తి మండలంలోని అన్నపూర్ణ రైస్‌ మిల్లులో రూ.8.24 కోట్లకుపైగా విలువైన ధాన్యాన్ని యజమాని రాజేష్‌ అక్రమంగా పక్కదారి పట్టించినట్లు అధికారులు గుర్తించారు. 2022–23 సంవత్సరానికి సంబంధించిన 2,998 మెట్రిక్‌ టన్నుల ధాన్యాన్ని మిల్లింగ్‌ చేసి ప్రభుత్వానికి బియ్యం అప్పగించాల్సి ఉండగా, పక్కదారి పట్టించినట్లు ఆరోపణలున్నాయి. గత సెప్టెంబర్‌ 13న పౌరసరఫరాల అధికారులు పోలీసులకు ఫిర్యాదు చేయగా, 25 రోజుల తర్వాత కేసు నమోదు కావడంపై అనుమానాలు వ్యక్తమవుతున్నాయి. రాజేష్‌ ముందస్తు బెయిల్‌ పొందినట్లు తెలిసింది. ప్రస్తుతం మిల్లు ప్రభుత్వ ఆధీనంలో సీజ్‌ చేసి ఉంది. లింగాలఘణపురం మండలం నెల్లుట్ల సమీపంలోని మణికంఠ రైస్‌ మిల్లులోనూ భారీగా సీఎంఆర్‌ ధాన్యం బకాయిలు ఉన్నట్లు గుర్తించారు. గతంలోనే మూతపడిన ఈ మిల్లుకు సంబంధించి సుమారు రూ.3.8 కోట్లకుపైగా విలువైన ధాన్యం ప్రభుత్వానికి తిరిగి అప్పగించలేదనే ఆరోపణలపై 11మందిపై కేసులు నమోదయ్యాయి. 2022–23లో 1,526.970 మెట్రిక్‌ టన్నుల ధాన్యాన్ని మిల్లింగ్‌ చేసి బియ్యం అప్పగించకుండా అక్రమాలకు పాల్ప డినట్లు గుర్తించిన అధికారులు 2025లో అదనపు కలెక్టర్‌ ద్వారా నోటీసులు జారీ చేశారు. అయినప్పటికీ 2023–24లోనూ అదే మిల్లుకు సీఎంఆర్‌ ధాన్యం కేటాయించడం, తిరిగి బియ్యం అప్పగించకుండా ప్రైవేట్‌గా విక్రయించినట్లు ఆరోపణలు రావడం చర్చనీయాంశంగా మారింది. ఈ వ్యవహారంలో ప్రాథమికంగా సుమారు రూ.5 కోట్ల మేర నష్టం జరిగినట్లు నిర్ధారించినట్లు సమాచారం. నూనె వెంకటేశ్వర్లును గత ఆగస్టులో అరెస్టు చేసి రిమాండ్‌ తరలించారు. ధాన్యం రికవరీ కోసం మిల్లును తహసీల్దార్‌కు అప్పగించారు. నర్మెట మండలంలోని జై భవాని ఆగ్రోస్‌ ఇండస్ట్రీస్‌ మిల్లులోనూ సీఎంఆర్‌ ధాన్యం భారీగా తక్కువైనట్లు అధికారులు గుర్తించారు. మొత్తం 5,421.920 మెట్రిక్‌ టన్నుల ధాన్యం సరఫరా చేయగా, 2,107.384 మెట్రిక్‌ టన్నులు తక్కువగా ఉన్నట్లు లెక్కించారు. దీని విలువ రూ.5,75,36,323గా నిర్ధారించారు. ఈ కేసులో నలుగురిపై కేసు నమోదు కాగా, ఇద్దరు ప్రస్తుతం జిల్లా జైలులో ఉన్నట్లు, మరో ఇద్దరు బెయిల్‌పై ఉన్నట్లు తెలిసింది. కేసు ఫైల్‌ జనగామ ఏసీపీ కార్యాలయంలో ఉందని సంబంధిత ఎస్‌ఐ తెలిపారు. మిల్లును వేలం వేయడంతో పాటు రెవెన్యూ రికవరీ చట్టం ప్రకారం తదుపరి చర్యలు చేపట్టనున్నట్లు సమాచారం.రూ.18 కోట్లకుపైగా విలువైన ధాన్యం పక్కదారి జిల్లాలో మూడు రైస్‌ మిల్లుల యజమానులపై కేసులు మిల్లుల సీజ్‌, రికవరీ చర్యలు గత అధికారుల నిఘాపై అనుమానాలు పాలకుర్తిలో ఫిర్యాదు తర్వాత కేసు నమోదులో జాప్యంపై చర్చమిల్లుల్లో ఇంత భారీగా ధాన్యం తక్కువగా ఉన్నప్పటికీ గతంలో పర్యవేక్షించిన అధికారులు ఏం చేశారనే ప్రశ్నలు తలెత్తుతున్నాయి. గతంలోనే అక్రమాలను గుర్తించి ఉంటే ప్రభుత్వానికి నష్టం తగ్గేదనే అభిప్రాయాలు వ్యక్తమవుతున్నాయి. మిల్లులకు గతంలో సన్నబియ్యం కేటాయించారా.. దొడ్డుబియ్యం కేటాయించారా.. కేటాయించిన ధాన్యానికి అనుగుణంగా బియ్యం సరఫరా చేశారా..అనే కోణంలోనూ అధికారులు పరిశీలిస్తున్నట్లు తెలిసింది. నల్లగొండ జిల్లాకు చెందిన మణికంఠ మిల్లు యజమానులపై అక్కడా ఇలాంటి ఆరోపణలు ఉన్నప్పటికీ జనగామ మిల్లుపై ముందుగానే నిఘా పెట్టకపోవడంపై చర్చ జరుగుతోంది. ప్రస్తు తం ప్రధాన ప్రశ్న ధాన్యం నష్టాన్ని ఎలా రికవరీ చేస్తారు, బాధ్యులపై ఎలాంటి చర్యలు తీసుకుంటారన్నదే. మిల్లుల సీజ్‌, వేలం, రెవెన్యూ రికవరీ చట్టం అమలు ద్వారా ప్రభుత్వ సొమ్మును తిరిగి రాబట్టే ప్రక్రియ ఎంతవరకు ఫలిస్తుందో చూడాలి.

జనగామ రూరల్‌: జిల్లా కేంద్రంలోని ధర్మకంచ మినీ స్టేడియంలో సోమవారం జిల్లా స్థాయి పీఎం శ్రీ పాఠశాలల క్రీడోత్సవాలు ఘనంగా నిర్వహించారు. జిల్లాలోని 15 పీఎంశ్రీ పాఠశాలలకు చెందిన దాదాపు 700 మంది క్రీడాకారులు కబడ్డీ, వాలీబాల్‌, అథ్లెటిక్స్‌ పోటీల్లో ఉత్సాహంగా పాల్గొన్నారు. క్రీడోత్సవాల ప్రారంభ సమావేశానికి జిల్లా రెవెన్యూ అదనపు కలెక్టర్‌ బెన్‌షాలోమ్‌ ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ.. విద్యార్థులకు చదువుతో పాటు క్రీడలు కూడా ఎంతో అవసరమని పేర్కొన్నారు. పాఠశాలల క్రీడల కార్యదర్శి జాతోతు గోర్‌ సింగ్‌ మాట్లాడుతూ.. విద్యార్థులు ప్రతిరోజూ పాఠశాలల్లో నిర్వహించే క్రీడల్లో పాల్గొనాలన్నారు. సాయంత్రం విజేతలకు బహుమతి ప్రదానం చేశారు. ఈ కార్యక్రమానికి గంగసాని శ్రీకాంత్‌ రెడ్డి, మెరుగు రామరాజు, 19 ఏళ్ల బాలబాలికల పాఠశాలల క్రీడల కార్యదర్శి అజ్మీర కిషన్‌, పీఎంశ్రీ పాఠశాలల క్రీడల పరిశీలకులు భారత రవీందర్‌, అయిత భానుప్రసాద్‌, ఫిజికల్‌ డైరెక్టర్లు మనోజ్‌ కుమార్‌, హనుమంతరావు, అశోక్‌ కుమార్‌, కిరణ్‌, లచ్చి రాం, వీరియా నాయక్‌, రవి కుమార్‌, రంజిత్‌, కుద్దూస్‌, మాధవి, సుధారాణి, శ్రీదేవి, యాదగిరి, శ్రీనివాస్‌, అశోక్‌, సాయి కుమార్‌ పాల్గొన్నారు.

జనగామ రూరల్‌: వాల్మీకి మహర్షి జీవితం, ఆయన రచించిన రామాయణం మానవాళికి ఎల్లప్పుడూ స్ఫూర్తిదాయకమని కలెక్టర్‌ సందీప్‌ కుమార్‌ ఝా కొనియాడారు. సోమవారం కలెక్టరేట్‌లోని జిల్లా వెనుకబడిన తరగతుల సంక్షేమ శాఖ ఆధ్వర్యంలో వాల్మీకి మహర్షి జయంతి సందర్భంగా కలెక్టర్‌ సందీప్‌ కుమార్‌ ఝా మహర్షి చిత్రపటానికి జ్యోతి ప్రజ్వలన చేసి, పూలమాలలు సమర్పించి నివాళులర్పించారు. అలాగే రెవెన్యూ అదనపు కలెక్టర్‌ బెన్‌షాలోమ్‌, ఆర్టీఏ సభ్యుడు చిలువేరు అభిగౌడ్‌, జిల్లా అధికారులు, కుల సంఘాల ప్రతినిధులు, సభ్యులు.. వాల్మీకి మహర్షి చిత్రపటానికి పూలమాలలు వేసి నివాళులు సమర్పించారు. కార్యక్రమంలో జిల్లా వెనుకబడిన తరగతుల సంక్షేమ శాఖ అధికారి ఎన్‌ఎల్‌ నరసింహారావు, వాల్మీకి బోయ సంఘం జిల్లా అధ్యక్షుడు కెంగర్ల మల్లేష్‌, కార్యదర్శి వెంకటేష్‌, సంఘం సభ్యులు, సీనియర్‌ పాత్రికేయులు కన్నా పరశురములు, జిల్లా కురుమ సంఘం ప్రధాన కార్యదర్శి జాయ మల్లేశం, టికేవీఎస్‌ వైస్‌ ప్రెసిడెంట్‌ అభినాష్‌ తదితరులు పాల్గొన్నారు. ‘10 రోజుల్లో ఆర్డీఓ ఎదుట హాజరుకావాలి’జనగామ రూరల్‌: పట్టణ పరిధిలోని శామీర్‌పేట గ్రామంలో మూడో విడత ఇందిరమ్మ ఇళ్ల పథకం కింద ఇంటి స్థలాల పట్టాలు పొందిన వారిలో, 2023లో ఆచూకీ లభించని 665 మంది లబ్ధిదారులు తమ పట్టా ధ్రువపత్రాలు, గుర్తింపు కార్డులతో 10 రోజుల్లోగా తమ ఎదుట హాజరుకావాలని ఆర్డీఓ గోపీరామ్‌ సోమవారం ఒక ప్రకటనలో పేర్కొన్నారు. గతంలో శామీర్‌పేట గ్రామంలో ఇళ్లు లేని నిరుపేద, బలహీన వర్గాల వారికి ఇంటి స్థలాలు కేటాయించేందుకు ప్రభుత్వం భూసేకరణ చేసి, అర్హులకు పట్టాలు పంపిణీ చేసిందని, అయితే 2023లో ఆచూకీ లభించని 665 మంది పేర్లతో కూడిన జాబితాను జిల్లా అధికారిక వెబ్‌సైట్‌లో పొందుపరిచినట్లు తెలిపారు. అదేవిధంగా ఈ జాబితాను జనగామ మున్సిపల్‌, మండల పరిషత్‌, తహసీల్దార్‌ కార్యాలయం, జ నగామ నోటీసు బోర్డులతో పాటు సంబంధిత ప్రాంతంలోనూ ప్రదర్శించినట్లు చెప్పారు. జాబితాను https:// jangaon.telangana.gov.in పోర్టల్‌లో ఉంచినట్లు తెలిపారు. ‘పారామెడికల్‌’ దరఖాస్తు గడువు పొడిగింపు జనగామ: తెలంగాణ పారామెడికల్‌ బోర్డు ఆధ్వర్యంలో 2026–27 విద్యా సంవత్సరానికి పారామెడికల్‌ డిప్లొమా కోర్సుల్లో ప్రవేశాల కోసం దరఖాస్తు గడువును ఈనెల 31వరకు పొడిగించినట్లు జనగామ ప్రభుత్వ వైద్య కళాశాల ప్రిన్సిపాల్‌ నాగమణి సోమవారం తెలిపారు. ప్రభుత్వ వైద్య కళాశాలలో రెండేళ్ల వ్యవధి కలిగిన మెడికల్‌ ఇమేజింగ్‌ టెక్నీషియన్‌ డిప్లొమా కోర్సులో 30 సీట్లు, ఆప్తాల్మిక్‌ అసిస్టెంట్‌ డిప్లొమా కోర్సులో 30 సీట్లు అందుబాటులో ఉన్నాయన్నారు. ఈ రెండు కోర్సుల్లో ప్రవేశాల కోసం ఇంటర్మీడియట్‌లో బైపీసీ, ఎంపీసీ ఉత్తీర్ణులైన విద్యార్థులు దరఖాస్తు చేసుకోవచ్చ ని వివరించారు. ఆ విభాగాలకు చెందిన విద్యార్థులు అందుబాటులో లేని పక్షంలో ఇతర ఇంటర్‌ కోర్సుల్లో ఉత్తీర్ణులైన విద్యార్థుల దరఖాస్తులను కూడా పరిగణనలోకి తీసుకోనున్నట్లు వెల్లడించారు. ఆసక్తి గల విద్యార్థులు 31వ తేదీ సాయంత్రం 5 గంటలలోపు తమ దరఖాస్తుల ను జనగామ ప్రభుత్వ వైద్య కళాశాల కార్యాలయంలో సమర్పించాలని సూచించారు. విద్యుత్‌ను పొదుపుగా వినియోగించాలి జనగామ రూరల్‌: విద్యుత్‌ వినియోగదారులు విద్యుత్‌ను పొదుపుగా వినియోగించుకోవాలని ఎన్పీడీసీఎల్‌ ఎస్‌ఈ సంపత్‌రెడ్డి సూచించారు. సోమవారం జిల్లా కేంద్రంలోని ఎన్పీడీసీఎల్‌ జిల్లా సర్కిల్‌ కార్యాలయంలో అధిక విద్యుత్‌ వినియోగదారుల సమావేశం నిర్వహించారు. ఈ సందర్భంగా ఎస్‌ఈ మాట్లాడుతూ.. పరిశ్రమలు, రైస్‌ మిల్లులు, ఇతర వాణిజ్య సంస్థల్లో విద్యుత్‌ వినియోగాన్ని సమర్థవంతంగా నిర్వహించాలని సూచించారు. విద్యుత్‌ శక్తి మెరుగుపరిచే పరికరాలను వినియోగించడం ద్వారా విద్యుత్‌ నష్టాలను తగ్గించుకోవచ్చని పేర్కొన్నారు. బిల్లులను సకాలంలో చెల్లించాలని తెలిపారు. సమావేశంలో రైస్‌ మిల్లర్లు, కాటన్‌ ప్రతినిధులు సురేందర్‌, మహాలక్ష్మి, శంకర్‌, జనగామ, స్టేషన్‌ఘన్‌పూర్‌ డివిజన్ల డీఈలు, ఏడీఈలు పాల్గొన్నారు.

● ఆర్టీసీ వరంగల్‌ రీజియన్‌కు వచ్చిన దసరా ఆదాయం ● ‘మహాలక్ష్మి’కింద 39.98 లక్షల మంది ప్రయాణంహన్మకొండ: బతుకమ్మ, దసరా పండుగలకు టీజీఎస్‌ ఆర్టీసీ వరంగల్‌ రీజియన్‌ రూ.33.63 కోట్ట ఆదాయాన్ని రాబట్టుకుంది. పండుగల నేపథ్యంలో ప్రయాణికులకు ఇబ్బందులు కలుగకుండా ఈ నెల 9 నుంచి 25వ తేదీ వరకు రెగ్యులర్‌ బస్సులతోపాటు ప్రత్యేక సర్వీసులు నడిపింది. వరంగల్‌ రీజియన్‌లోని 9 డిపోల ద్వారా 63.76 లక్షల కిలో మీటర్లు బస్సులు తిరిగి 61.07 లక్షల మంది ప్రయాణికులను సురక్షితంగా గమ్యస్థానాలకు చేరవేసింది. రూ.33,63,14,000 ఆదాయాన్ని సాధించింది. ఇందులో మహాలక్ష్మి పథకం ద్వారా 39.98 లక్షల మంది ప్రయాణించారు. ఆర్టీసీ బస్సులోనే సురక్షిత ప్రయాణం ఆర్టీసీ బస్సులోనే సురక్షిత ప్రయాణం. ఈ నమ్మకంతో ప్రయాణం చేసిన వారికి సంస్థ కృతజ్ఞతలు తెలుపుతోంది. అధికారులు, కార్మికులు సమష్టి కృషి, సమన్వయంతో అహర్నిశలు శ్రమించారు. ఎలాంటి అవాంఛనీయ సంఘటనలు జరగకుండా అత్యంత సమర్థవంతంగా నడిపించిన డ్రైవర్లు, కండక్టర్లు, గ్యారేజీ మెకానిక్‌లు, ట్రాఫిక్‌ సూపర్‌ వైజర్లు, డిపో మేనేజర్లు, పాలనా సిబ్బందికి ధన్యవాదాలు. – వరంగల్‌ ఆర్‌ఎం ఎస్‌.భవాని ప్రసాద్‌డిపో వారీగా ఆదాయం (రూ.లక్షల్లో), బస్సులు తిరిగిన కి.మీ (లక్షల్లో) వివరాలు డిపో ఆదాయం తిరిగిన ప్రయాణికులు మహిళలు కి.మీహనుమకొండ 425.40 8.13 11,63,364 8,65,103 జనగామ 381.74 7.50 8,32,095 5,75,394 వరంగల్‌–1 500.47 10.41 5,90,479 3,30,395 వరంగల్‌–2 574.93 11.30 6,75,606 3,88,832 మహాబూబాబాద్‌ 220.68 4.32 5,30,281 3,55,715 నర్సంపేట 274.37 5.10 6,06,194 3,95,784 పరకాల 250.19 4.49 6,28,529 4,15,240 తొర్రూరు 365.81 6.31 5,35,728 3,41,101 భూపాలపల్లి 369.56 6.22 5,45,709 3,30,502

● పోలీస్‌ కమిషనర్‌ శ్వేత ● జాగరూకత అవగాహన వారోత్సవాలు ప్రారంభంహసన్‌పర్తి: అవినీతి రహిత సమాజ నిర్మాణమే లక్ష్యమని వరంగల్‌ పోలీస్‌ కమిషనర్‌ శ్వేత అన్నారు. భారత తొలి ఉప ప్రధాని సర్ధార్‌ వల్లభాయ్‌ పటేల్‌ జయంతిని పురస్కరించుకుని జాతీయ ఐక్యత, సమగ్రత, దేశ సమైక్యత ప్రాధాన్యాన్ని చాటి చెప్పేలా ‘సత్యనిష్టతో సమృద్ధి’ అంశంతో ఈనెల 26వ తేదీ నుంచి నవంబర్‌ 1వ తేదీ వరకు నిర్వహిస్తున్న జాగరూకత అవగాహన వారోత్సవాలు సోమవారం ప్రారంభమయ్యాయి. ఈసందర్భంగా కమిషనరేట్‌లో జరిగిన కార్యక్రమంలో సర్ధార్‌ వల్లబాయ్‌ పటేల్‌ చిత్రపటానికి పూలమాల వేసి నివాళులర్పించారు. అనంతరం పోలీస్‌ అఽధికారులు, సిబ్బంది అవినీతి నిరోధక ప్రతిజ్ఞ చేశారు. కార్యక్రమంలో ఏఆర్‌ అదనపు డీసీపీలు వి.శ్రీనివాస్‌, సురేశ్‌, స్పెషల్‌ బ్రాంచ్‌ ఏసీపీ మధుసూదన్‌, హనుమకొండ ఏసీపీ నరసింహారావు, సీపీఎస్‌ ఏసీపీ సదయ్య, సుదీంధ్ర, నాగయ్య, అంతయ్య, ఆర్‌ఐలు స్పర్ధన్‌రాజ్‌, సతీష్‌, శ్రీధర్‌, చంద్రశేఖర్‌ తదితరులు పాల్గొన్నారు. బాణసంచా విక్రయాలకు దరఖాస్తులు చేసుకోవాలి దీపావళి పండుగ సందర్భంగా తాత్కాలిక బాణ సంచా విక్రయాల కేంద్రాల ఏర్పాటుకు అనుమతి కోసం దరఖాస్తులు చేసుకోవాలని వరంగల్‌ పోలీస్‌ కమిషనర్‌ శ్వేత అన్నారు. ఆసక్తి ఉన్న వారు నవంబర్‌ 2వ తేదీ లోపు పూర్తి వివరాలతో దరఖాస్తులు సమర్పించాలని సీపీ సోమవారం ప్రకటన విడుదల చేశారు. అవసరమైన ఽధ్రువీకరణ పత్రాలతో కూడిన దరఖాస్తులను డీసీపీ కార్యాలయంలో అందించాలని తెలిపారు. అనుమతి లేకుండా విక్రయిస్తే చర్యలు తీసుకుంటామని హెచ్చరించారు.

జనగామ రూరల్‌: జాతీయ ఆయుష్‌ మిషన్‌ (ఎన్‌ఏఎం) పరిధిలో ఆయుష్‌ ప్రజారోగ్య కార్యక్రమాల అమలులో భాగంగా జిల్లాలో ఔట్‌ సోర్సింగ్‌ ప్రాతిపదికన ఐదు కేటగిరీల్లో 8 పోస్టుల భర్తీకి ఆదివారం రాత పరీక్షను ప్రశాంతంగా నిర్వహించారు. కలెక్టరేట్‌ ఆవరణలో కలెక్టర్‌ సందీప్‌ కుమార్‌ ఝా పర్యవేక్షణలో పరీక్ష పారదర్శకంగా జరిగింది. 8 పోస్టులకు 229 దరఖాస్తులు రాగా, 208 మంది అభ్యర్థులు పరీక్షకు హాజరయ్యారు. మరో 21 మంది గైర్హాజరయ్యారు. ఆయుష్‌ వైద్యాధికారుల విభాగంలో 3 పోస్టులకు 63 దరఖాస్తులు రాగా, 47 మంది పరీక్షకు హాజరయ్యారు. ఫార్మసిస్ట్‌ విభాగంలో ఒక పోస్టుకు 39 దరఖాస్తులు రాగా, 39 మంది పరీక్షకు హాజరయ్యారు. మానసిక సామాజిక సలహాదారుకు ఒక పోస్టుకు 7 దరఖాస్తులు రాగా, ఏడుగురు పరీక్ష రాశారు. యోగా నిపుణుల విభాగంలో ఒక పోస్టుకు 5 దరఖాస్తులు రాగా, ఐదుగురు హాజరయ్యారు. బహుళ ప్రయోజన సిబ్బంది విభాగంలో రెండు పోస్టులకు 115 దరఖాస్తులు వచ్చాయి. వీరిలో 110 మంది పరీక్షకు హాజరయ్యారు. రాత పరీక్ష అనంతరం ఆయుష్‌ వైద్యాధికారులు, యోగా నిపుణుల పోస్టులకు సంబంధించి 52 మంది అభ్యర్థులకు కలెక్టర్‌ ఆధ్వర్యంలో ఇంటర్వ్యూలు నిర్వహించారు. కార్యక్రమంలో రెవెన్యూ అదనపు కలెక్టర్‌ బెన్‌షాలోమ్‌, జిల్లా ఉపాధి శాఖ అధికారి కుమారస్వామి, జిల్లా ఆయుష్‌ నోడల్‌ అధికారి డాక్టర్‌ మమత, ఎస్‌.సుధాకర్‌ పాల్గొన్నారు.

● ఈ నెల 28న అన్ని పాఠశాలల్లో అవగాహన ● కలెక్టర్‌ సందీప్‌ కమార్‌ ఝాజనగామ రూరల్‌: పర్యావరణ పరిరక్షణ, ఎలక్ట్రానిక్‌ వ్యర్థాల సురక్షిత నిర్వహణపై విద్యార్థులు, ఉపాధ్యాయులు, ప్రజల్లో అవగాహన కల్పించేందుకు సమగ్ర శిక్ష తెలంగాణ ఆధ్వర్యంలో ‘జీవన విధానం కోసం పర్యావరణ సంఘాలు–ప్రత్యేక ప్రచార కార్యక్రమం–6’లో భాగంగా ఈనెల 28న జిల్లాలోని అన్ని ప్రభుత్వ, ప్రైవేట్‌ పాఠశాలల్లో ఈ–వ్యర్థాల అవగాహన, సేకరణ కార్యక్రమాన్ని నిర్వహించనున్నారు. ఈ మేరకు ఆదివారం కలెక్టర్‌, జిల్లా విద్యాశాఖ అధికారి సందీప్‌ కుమార్‌ ఝా వెల్లడించారు. ప్రతీ పాఠశాలలో ఒక ఉపాధ్యాయుడిని వ్యర్థాల సమన్వయకర్తగా నియమించి, నిరుపయోగంగా ఉన్న కంప్యూటర్లు, అక్షరపలకలు, మౌస్‌లు, విద్యుత్‌ ఛార్జర్లు, తీగలు తదితర ఎలక్ట్రానిక్‌ పరికరాలను గుర్తించి వాటి వివరాలు నమోదు చేయాలన్నారు. మండల విద్యాధికారులు సంబంధిత సంస్థలతో సమన్వయం చేసుకొని మండలాల వారీగా సేకరణ కేంద్రాలను ఏర్పాటు చేయాలి. వ్యర్థాలను అప్పగించే ముందు వాటి పేరు, రకం, పరిమాణాన్ని https://ecoclubs. education.gov.in వెబ్‌సైట్‌లో తప్పనిసరిగా నమోదు చేయాలని పేర్కొన్నారు. ఈ కార్యక్రమం ద్వారా విద్యార్థుల్లో పర్యావరణ స్పృహ, బాధ్యతాయుత వినియోగం, వ్యర్థాల వర్గీకరణ, ప్రకృతి వనరుల సంరక్షణపై అవగాహన పెంపొందించాలని విద్యాశాఖ కోరింది.

జనగామ: ఎల్‌నినో ప్రభావంతో వర్షాభావ పరిస్థితులు నెలకొనే ప్రమాదం ఉండటంతో జిల్లాలో పశుగ్రాసం కొర త ఏర్పడుతుందనే ఆందోళన రైతుల్లో వ్యక్తమవుతోంది. పశుసంవర్ధక శాఖ అధికారులు కొరత ఉండదని చెబుతున్నప్పటికీ, పెరుగుతున్న ఎండు గడ్డి ధరలు పాడి రైతులను కలవరపెడుతున్నాయి. గతంలో 30 కిలోల ఎండు గడ్డి కట్ట రూ.80 ఉండగా, ప్రస్తుతం రూ.110కు చేరింది. పరిస్థితులు ఇలాగే కొనసాగితే ధర రూ.150 నుంచి రూ.160 వరకు పెరిగే అవకాశముందని అంచనా వేస్తున్నారు. ప్రస్తుతం యాసంగి సీజన్‌లో వరి కోతలు ముమ్మరంగా సాగుతుండటంతో గడ్డికి డిమాండ్‌ పెరిగింది. రానున్న యాసంగి సీజన్‌లో వరి సాగు ఉంటుందా లేదా అన్న అనిశ్చితితో రైతులు ముందుగానే గడ్డిని కొనుగోలు చేసి నిల్వ చేసుకునేందుకు ప్రయత్నిస్తున్నారు. తగ్గుతున్న పాల దిగుబడి మరోవైపు ఇప్పటికే పలు ప్రాంతాల్లో రోజువారీ పాల దిగుబడి 10 నుంచి 15 శాతం తగ్గినట్లు రైతులు ఆందోళన వ్యక్తం చేస్తున్నారు. పచ్చిగడ్డి అందుబాటులో లేకపోతే పశువుల పోషణ మరింత భారమవుతుందని చెబుతున్నారు. పశుగ్రాసం, దాణా ధరలు పెరిగితే పాల ఉత్పత్తి వ్యయం అధికమై, పాల ధరలు కూడా పెరిగే అవకాశం ఉంది. పాడి పరిశ్రమపైనే ఆధారపడిన కుటుంబాల జీవనోపాధిపై దీని ప్రభావం పడనుంది. ఇటీవల కురిసిన వర్షాలతో అటవీ ప్రాంతాల్లో కొంత గడ్డి పెరగడం ఊరటనిచ్చినా, పెరుగుతున్న ఉష్ణోగ్రతలతో అది ఎండిపోయే ప్రమాదం ఉందని భావిస్తున్నారు. పశుసంవర్ధక, వ్యవసాయ శాఖల సమన్వయంతో శిఖం భూముల్లో పశుగ్రాసం పెంపకంపై దృష్టి సారించాల్సిన అవసరం ఉంది. ముందస్తు ప్రణా ళికలు, ప్రత్యామ్నాయ పశుగ్రాస ఏర్పాట్లతోనే రైతుల ఆందోళనకు పరిష్కారం లభించనుంది. జనగామ మండలం శామీర్‌పేటకు చెందిన పాడి రైతు గద్ద భిక్షపతి వ్యవసాయానికి అనుబంధంగా 10 పాడి గేదెలను పెంచుతున్నారు. ఆరు నెలల క్రితం రోజుకు 26 లీటర్ల పాల ఉత్పత్తి ఉండగా, ప్రస్తుతం 20 లీటర్లకు తగ్గింది. లీటరు పాలను రూ.80 చొప్పున విక్రయిస్తున్నారు. గతంలో రూ.80కు లభించిన 30 కిలోల గడ్డి కట్ట ధర ప్రస్తుతం రూ.110కి పెరిగింది. తన 10 గుంటల్లో పచ్చిగడ్డి సాగు చేస్తూ నెలకు రూ.2 వేలు ఖర్చు చేస్తున్నారు. యాసంగిలో వరి సాగుపై అనిశ్చితి.. పశుగ్రాసంపై ఆందోళన తగ్గిన పాల దిగుబడి.. పడిపోనున్న ఆదాయం భారం కానున్న పాడి పశువుల పోషణ కొరత ఉండదంటున్న అధికారులు ఎల్‌నినో ప్రభావంతో ఇక్కట్లుపాడి గేదెలు, ఆవుల సంఖ్య: 1.50 లక్షలు పశుగ్రాస డిమాండ్‌: 4.50 మెట్రిక్‌ టన్నులు అంచనా సరఫరా: 4.90 మెట్రిక్‌ టన్నులు ఎండు గడ్డి కట్ట(30 కిలోలు): ప్రస్తుతం రూ.110 గతంలో ధర: రూ.80 అంచనా ధర: రూ.150–160 పాల దిగుబడి తగ్గుదల: 10–15 శాతం

● డీసీసీ అధ్యక్షురాలు ధన్వంతి జనగామ: కాంగ్రెస్‌ పార్టీలో సేవాదళ్‌ క్రమశిక్షణ, సేవాభావం, దేశభక్తికి ప్రతీకగా నిలిచిందని జిల్లా కాంగ్రెస్‌ అధ్యక్షురాలు ధన్వంతిలక్ష్మీ నారాయణ నాయక్‌ అన్నారు. ఆదివారం కాంగ్రెస్‌ పార్టీ జిల్లా కార్యాలయంలో సేవాదళ్‌ జిల్లా అధ్యక్షుడు జాయ మల్లేష్‌ ఆధ్వర్యంలో జాతీయ జెండా ఆవిష్కరణ కార్యక్రమాన్ని ఘనంగా నిర్వహించారు. ఈ కార్యక్రమానికి ముఖ్య అతిథిగా ఆమె హాజరై మాట్లాడారు.. స్వాతంత్య్రోద్యమ కాలం నుంచి ప్రజల్లో జాతీయ భావాలను పెంపొందించడంతో పాటు, ప్రజాసేవకు అంకితమయ్యే కార్యకర్తలను తీర్చిదిద్దడంలో సేవాదళ్‌ కీలక పాత్ర పోషించిందని పేర్కొన్నారు. దేశ సమగ్రతను కాపాడుతూ ప్రజాస్వామ్య విలువల పరిరక్షణకు ప్రతీ కార్యకర్త అంకితభావంతో పనిచేయాలన్నారు. కార్యక్రమంలో నూకల బాల్‌రెడ్డి, వేముల మల్లేశ్‌ మహారాజ్‌, సుంకరి శ్రీనివాస్‌రెడ్డి, ప్రభాకర్‌రెడ్డి, ఆదినారాయణ, బిర్రు సత్యనారాయణ, కిష్టయ్య, ఉప్పలయ్య, వెంకటలక్ష్మి, మేకల మల్లేశం, ఇస్మాయిల్‌, శ్రీనివాస్‌ తదితరులు పాల్గొన్నారు.

● రూ.1.50 లక్షల మేరకు నగదురహిత వైద్యం ● వరంగల్‌ పోలీస్‌ కమిషనర్‌ శ్వేతహసన్‌పర్తి: రోడ్డు ప్రమాదాల్లో గాయపడిన బాధితులకు సకాలంలో వైద్య చికిత్స అందించేందుకు కేంద్ర ప్రభుత్వం ప్రవేశపెట్టిన పీఎం రహత్‌ పథకాన్ని సద్వినియోగం చేసుకోవాలని వరంగల్‌ పోలీస్‌ కమిషనర్‌ శ్వేత సూచించారు. ఈ పథకం ద్వారా నిబంధనలకు అనుగుణంగా గరిష్టంగా రూ.1.50 లక్షల వరకు ఏడురోజుల పాటు నగదు రహిత వైద్యసేవలు పొందవచ్చని పేర్కొన్నారు. వరంగల్‌ పోలీస్‌ కమిషనరేట్‌ పరిధిలోని వరంగల్‌, హనుమకొండ, జనగామ జిల్లాల్లోని 63 ఎంప్యానెల్డ్‌ ఆస్పత్రుల్లో పీఎం రహత్‌ పథకం కింద వైద్య సేవలు అందుబాటులో ఉన్నాయని చెప్పారు. రోడ్డు ప్రమాద బాధితులకు ఆర్థిక ఇబ్బందులు లేకుండా అత్యవసర సేవలు అందించడమే ఈ పథకం ప్రధాన ఉద్దేశమన్నారు. ప్రమాదం జరిగిన వెంటనే 112కు కాల్‌ చేయాలి రోడ్డు ప్రమాదం జరిగిన వెంటనే అత్యవసర సహాయం కోసం 112 నంబర్‌కు ఫోన్‌ కాల్‌ చేయాలని సీపీ సూచించారు. క్షతగాత్రులను వీలైనంత త్వరగా సమీపంలోని ఎంప్యానెల్డ్‌ ఆస్పత్రికి తరలించేలా సహకరించాలని కోరారు. పథకం కింద వైద్య సేవలు పొందేందుకు ఆస్పత్రి సిబ్బందిని సంప్రదించి అవసరమైన వివరాలు అందించాలని పేర్కొన్నారు. క్షతగాత్రులకు సాయం చేయండి రోడ్డు ప్రమాదానికి గురైన వారికి సాయం చేసే విషయంలో ప్రజలు మానవతా దృక్పథంలో వ్యవహరించాలని కోరారు. పోలీసులు, వైద్య సిబ్బందికి సహకరించాలని విజ్ఞప్తి చేశారు. ప్రమాద బాధితులకు సకాలంలో వైద్య సహాయం అందించడం ద్వారా ప్రాణాలు కాపాడవచ్చన్నారు. పీఎం రహత్‌ పథకంపై ప్రజలు అవగాహన పెంచుకుని, బాఽధితులకు ఈ పథకం ప్రయోజనాలు అందేలా సహకరించాలని సీపీ శ్వేత కోరారు.

● వేసవి కార్యాచరణలో 406 డీటీఆర్‌లు ● జనగామ, ఘన్‌పూర్‌లో స్మార్ట్‌ మీటర్లు ● ఈ నెల23 నాటికి కోటా కంటే 29.26మి.యూ. అధిక వినియోగంజనగామ: విద్యుత్‌ వినియోగం పెరిగినప్పుడు ఆ భారాన్ని మోసేది కేవలం విద్యుత్‌ ఉత్పత్తి వ్యవస్థ మాత్రమే కాదు, ప్రజలకు విద్యుత్‌ చేరవేసే పంపిణీ వ్యవస్థ కూడా. ముఖ్యంగా ఒక ప్రాంతంలో విద్యుత్‌ అవసరం పెరిగి, ట్రాన్స్‌ఫార్మర్‌ సామర్థ్యానికి మించి లోడ్‌ పడితే సరఫరాలో అంతరాయాలు ఏర్పడే అవకాశం ఉంటుంది. వేసవిలో ఇళ్లలో ఫ్యాన్లు, కూలర్లు, ఏసీల వినియోగం పెరగడం, వ్యవసాయ అవసరాలు వంటి కారణాలతో విద్యు త్‌ డిమాండ్‌ పెరిగే పరిస్థితులను దృష్టిలో ఉంచుకుని జిల్లా విద్యుత్‌ శాఖ ప్రత్యేక కార్యాచరణ ప్రణాళిక అమలు చేస్తోంది. ఇందులో భాగంగా ఓవర్‌లోడ్‌ సమస్య ఉన్న 406 డిస్ట్రిబ్యూషన్‌ ట్రాన్స్‌ఫార్మర్లపై (డీటీఆర్‌లు) చర్యలు చేపట్టడం ప్రాధాన్యం సంతరించుకుంది. 406 డీటీఆర్‌లపై రెండు రకాల చర్యలు జిల్లాలో 406 డీటీఆర్‌లలో 228 చోట్ల అదనపు ట్రాన్స్‌ఫార్మర్లను ఏర్పాటు చేయగా, మరో 178 డీటీఆర్‌ల సామర్థ్యాన్ని పెంచారు. ఈ రెండు చర్యల వెనుక ఉద్దేశం ఒకటే. విద్యుత్‌ భారాన్ని సమర్థంగా పంపిణీ చేయడం, ఒక ట్రాన్స్‌ఫార్మర్‌పై అధిక లోడ్‌ పడుతున్న ప్రాంతంలో అదనపు ట్రాన్స్‌ఫార్మర్‌ ఏర్పాటు చేయడం ద్వారా భారాన్ని విభజించవచ్చు. ఇప్పటికే ఉన్న ట్రాన్స్‌ఫార్మర్‌ సామర్థ్యం సరిపోని చోట దాని సామర్థ్యాన్ని పెంచడం ద్వారా అధిక డిమాండ్‌ను ఎదుర్కొనే అవకాశం ఉంటుంది. అయితే ఈ చర్యల వల్ల ప్రతి ప్రాంతంలో అంతరాయాలు పూర్తిగా తొలగిపోయాయని చెప్పడానికి ప్రత్యేక సరఫరా గణాంకాలు అవసరం. అయినప్పటికీ పెరుగుతున్న డిమాండ్‌కు అనుగుణంగా పంపిణీ వ్యవస్థను బలోపేతం చేయడంలో ఇవి కీలకమైన చర్యలు. స్మార్ట్‌ మీటర్లతో ఎక్కడెంత లోడ్‌ ఉందో తెలుసుకునే అవకాశం జనగామ, స్టేషన్‌ ఘన్‌పూర్‌ మున్సిపల్‌ ప్రాంతాల్లో 160 కేవీఏ, అంతకంటే ఎక్కువ సామర్థ్యం కలిగిన డీటీఆర్‌లకు స్మార్ట్‌ మీటర్లు ఏర్పాటు చేశారు. వీటి ద్వారా ట్రాన్స్‌ఫార్మర్లపై ఉన్న లోడ్‌, విద్యుత్‌ సరఫరాలో అంతరాయాలకు సంబంధించిన సమాచారాన్ని ఆన్‌లైన్‌లో ఎప్పటికప్పుడు తెలుసుకోవచ్చు. దీంతో సమస్య ఏర్పడిన తర్వాత స్పందించడమే కాకుండా, లోడ్‌ పెరుగుతున్న ప్రాంతాలను గుర్తించి ముందస్తు చర్యలు తీసుకునేందుకు అవకాశం ఉంటుంది. ఒక ప్రాంతంలో సాయంత్రం వేళ విద్యుత్‌ వినియోగం పెరిగి ట్రాన్స్‌ఫార్మర్‌పై అధిక భారం పడుతున్నట్లు సమాచారం అందితే, సంబంధిత అధికారులు పరిస్థితిని పరిశీలించి అవసరమైన చర్యలు తీసుకోవచ్చు. అయితే స్మార్ట్‌ మీటర్ల ద్వారా సమస్యను గుర్తించడం ఒక అంశమైతే, క్షేత్రస్థాయిలో దాన్ని పరిష్కరించడం మరో అంశం. ఈ రెండూ సమన్వయంతో సాగినప్పుడే సరఫరా మెరుగుపడుతుంది. కోటా, వినియోగ గణాంకాలు ఏం చెబుతున్నాయి జనగామ సర్కిల్‌ 2026 విద్యుత్‌ కోటా, వినియోగ వివరాలను పరిశీలిస్తే నెల నెలా ఒకే విధమైన పరిస్థితి కనిపించడం లేదు. ఏప్రిల్‌లో 96.60 మిలియన్‌ యూనిట్ల కోటాకుగాను 115.44 మిలియన్‌ యూనిట్ల వినియోగం నమోదైంది. అంటే కోటా కంటే 18.84 మిలియన్‌ యూనిట్లు అధికంగా వినియోగించారు. మే నెలలో 57.35 మి. యూ. కోటాకు గాను 55.43 మి.యూ. వినియోగంతో కోటా కంటే 1.92 మి.యూ. తక్కువగా నమోదైంది. జూన్‌న్‌లో 24.91 మి.యూ., జూలైలో 20.31 మి.యూ., సెప్టెంబర్‌లో 0.57మి. యూ. చొప్పున కోటా కంటే తక్కువ వినియోగం నమోదైంది. దీనికి భిన్నంగా ఆగస్టులో 2.60 మి.యూ. అధిక వినియోగం విద్యుత్‌ నమోదైంది. ఈ నెల 23 నాటికి కోటా 75.44మి.యూ. కాగా, వినియోగం 104.70మి.యూ. కు చేరింది. అంటే కోటా కంటే 29.26 మి.యూ. అధికంగా నమోదైంది. వినియోగదారుల బాధ్యత కూడా కీలకమే ట్రాన్స్‌ఫార్మర్ల సామర్థ్యం పెంచడం, అదనపు డీటీఆర్‌లు ఏర్పాటు చేయడం, స్మార్ట్‌ మీటర్ల ద్వారా పర్యవేక్షణ చేపట్టడం మా వంతు. మరోవైపు విద్యుత్‌ను అవసరమైన మేరకే వినియోగించడం కస్టమర్ల బాధ్యత. అనవసరంగా లైట్లు, ఫ్యాన్లు ఆన్‌లో ఉంచకుండా చూడటం, విద్యుత్‌ పరికరాలను సమర్థంగా విని యోగించడం ద్వారా వృథాను తగ్గించవచ్చు. విద్యుత్‌ శాఖ సాంకేతిక చర్యలకు తోడు వినియోగదారుల సహకారం ఉండాలి. –సంపత్‌రెడ్డి, ఎస్‌ఈ, ఎన్పీడీసీఎల్‌

చిల్పూరు: చిల్పూరు గుట్ట శ్రీబుగులు వేంకటేశ్వరస్వామి దేవస్థానం హుండీ లెక్కింపు ఈనెల 27న నిర్వహించనున్నట్లు దేవస్థాన కార్యనిర్వహణాధికారి బి.లక్ష్మీప్రసన్న ఆదివారం ఒక ప్రకటనలో తెలిపారు. ఉదయం 10 గంటలకు ఆలయ హుండీల లెక్కింపు ఉంటుందని, భక్తులు గమనించాలని కోరారు. జాతీయస్థాయి క్రీడాకారిణి అమూల్యకు సన్మానం జఫర్‌గఢ్‌: మండలంలోని కూనూర్‌ ప్రభుత్వ ఉన్నత పాఠశాలకు చెందిన జాతీయ స్థాయి క్రీడాకారిణి బుల్లె అమూల్యను గ్రామస్తులు ఆదివారం ఘనంగా సన్మానించారు. ఇటీవల ఛత్తీస్‌గఢ్‌ రాష్ట్రంలో జరిగిన జాతీయ సబ్‌ జూనియర్‌ అంతరాష్ట్ర బాల్‌ బ్యాడ్మింటన్‌ పోటీల్లో పాల్గొని రాష్ట్ర జట్టుకు విద్యార్థిని అమూల్య ప్రాతినిధ్యం వహించింది. పాఠశాలలో 9వ తరగతి చదువుతున్న విద్యార్థిని జాతీయ స్థాయి పోటీల్లో పాల్గొని రాణించడంపై క్రీడా పోషకులు పోతోజు ఎల్లాచారి, చేగొండ రమేశ్‌, శాస్త్రబోయిన సంపత్‌తో పాటు గ్రామస్తులు అమూల్యను ఆమె నివాసంలో శాలువాలతో సత్కరించారు. రానున్న రోజుల్లో మరిన్ని క్రీడాపోటీల్లో పాల్గొని ఉత్తమ క్రీడాకారిణిగా ఎదగాలని వారు కోరారు. భక్తులతో కిక్కిరిసిన హేమాచలక్షేత్రం మంగపేట : మండల పరిధిలోని మల్లూరు శ్రీ హేమాచల లక్ష్మీనర్సింహస్వామి ఆలయం ఆదివారం భక్తులతో కిక్కిరిసిపోయింది. స్వామివారిని దర్శించుకునేందుకు భక్తులు భారీగా తరలి రావడంతో ఆలయ ప్రాంగణం కిటకిటలాడింది. పవిత్ర చింతామణి జలపాతం వద్ద పుణ్యస్నానాలు ఆచరించి భక్తి శ్రద్ధలతో స్వయంభు స్వామివారిని దర్శించుకున్నారు. అర్చకులు ముక్కామల రాజశేఖర్‌శర్మ, అనిపెద్ది రాజీవ్‌శర్మ, కారంపుడి పవన్‌కుమార్‌ ఆచార్యులు, వెంకటనారాయణ శర్మ ఉదయం 11 గంటల నుంచి ఒంటి గంట వరకు నిర్వహించిన తిలతైలాభిషేకం పూజలో పాల్గొని స్వామివారికి నువ్వుల నూనె, పూల దండలు, పట్టు వస్త్రాలను సమర్పించారు. మానవ శరీరాన్ని పోలి ఉన్న స్వామివారి నిజరూప దర్శనం చేసుకున్నారు. పూజారులు స్వామి వారికి ప్రత్యేక అర్చనలు జరిపించి స్వామివారి చరిత్ర, ఆలయ పురాణం భక్తులకు వివరించి వేద ఆశీర్వచనం ఇచ్చారు. డీఆర్‌ఓ దంపతుల గోత్ర నామాలతో స్వామివారికి ప్రత్యేక అర్చనలు జరిపించారు. స్వామివారి శేష వస్త్రాలను బహుకరించి వేద ఆశీర్వచనం చేసి స్వామివారి తీర్థ ప్రసాదాలను అందజేశారు. వారి వెంట జీపీఓ రాములు. నర్సయ్య ఉన్నారు. మేడారంలో సండే సందడి ఎస్‌ఎస్‌తాడ్వాయి: సమ్మక్క–సారలమ్మ వనదేవతలు కొలువైన మేడారంలో ముందస్తు జాతర సందడి నెలకొంది. ఆదివారం సెలవు రోజు కావడంతో రెండు తెలుగు రాష్ట్రాలతో పాటు వివిధ ప్రాంతాల నుంచి వేలాది మంది భక్తులు ప్రైవేటు వాహనాల్లో తరలివచ్చారు. జంపన్నవాగులో పుణ్యస్నానాలు ఆచరించి, అమ్మవార్ల గద్దెల వద్ద మొక్కులు చెల్లించుకున్నారు. భక్తులతో గద్దెల ప్రాంగణం సందడిగా కనిపించింది. సుమారుగా 30వేల మంది భక్తులు అమ్మవార్లను దర్శించుకున్నట్లు అధికారులు అంచనా వేశారు. గద్దెల వద్ద భక్తుల భద్రతకు పోలీసులు చర్యలు తీసుకున్నారు. గద్దెల వద్ద ప్రత్యేక పూజలు మేడారానికి చేరుకున్న భక్తులు జంపన్నవాగులో పుణ్యస్నానాలు ఆచరించిన అనంతరం సమ్మక్క–సారలమ్మ గద్దెలను దర్శించుకున్నారు. కుటుంబ సమేతంగా అమ్మవార్లకు మొక్కులు చెల్లించి ప్రత్యేక పూజలు నిర్వహించారు. తమ కుటుంబాలు సుఖసంతోషాలతో ఉండాలని వనదేవతలను వేడుకున్నారు. అనంతరం భక్తులు మేడారం పరిసరాల్లోని అటవీ ప్రాంతంలో చెట్ల కింద విడిది చేశారు. వంటావార్పు చేసుకుని సహపంక్తి భోజనాలు ఆరగించి ఆనందంగా గడిపారు.

● ఎమ్మెల్యే పల్లా రాజేశ్వర్‌రెడ్డి జనగామ: పట్టభద్రుల ఎమ్మెల్సీ ఎన్నికల ఓటరు నమోదు ప్రక్రియను ఈ నెల 31వ తేదీ లోపు పూర్తి చేయాలని ఎమ్మెల్యే డాక్టర్‌ పల్లా రాజేశ్వర్‌ రెడ్డి పార్టీ శ్రేణులకు సూచించారు. ఆదివారం జనగామ నియోజకవర్గంలోని బీఆర్‌ఎస్‌ పార్టీ మండల, పట్టణ అధ్యక్షులు, ఎమ్మెల్సీ ఎన్నికల సమన్వయకర్తలు, గ్రామ శాఖ అధ్యక్షులు, ప్రజాప్రతినిధులు, పార్టీ నాయకులు, కార్యకర్తలు, పట్టభద్రులతో ఆయన టెలికాన్ఫరెన్స్‌ నిర్వహించారు. కొన్ని మండలాల్లో, ముఖ్యంగా నర్మెట, తరిగొప్పుల, మద్దూరు, దూల్మిట్ట మండలాల్లో పనులు సంతృప్తికరంగా సాగుతున్నాయని తెలిపారు. అయితే పట్టణ ప్రాంతాల్లో ఓటరు నమోదు పనులు కొంత నెమ్మదిగా కొనసాగుతున్నాయని పేర్కొన్నారు. జనగామ పట్టణంలో ప్రతీ ఐదు వార్డులకు ఒక కమిటీ చొప్పున ప్రత్యేక కమిటీలను ఏర్పాటు చేసినట్లు తెలిపారు. పట్టణంతో పాటు అన్ని మండలాల్లోనూ నాయకులు, సమన్వయకర్తలు బాధ్యతగా వ్యవహరించి నిర్దేశించిన లక్ష్యాన్ని చేరుకోవాలని సూచించారు. ఇన్‌చార్జ్‌ బండ శ్రీనివాస్‌ నేటి(సోమవారం) నుంచి అ న్ని ప్రాంతాల ఇన్‌చార్జులు, పట్టణ నాయకులు, ఇతర ప్రాంతాల నాయకులను కలిసి అవసరమైన సమాచారం అందిస్తూ సమన్వయం చేస్తారని ఎమ్మెల్యే తెలిపారు.

నాకు ఐదు ఎకరాల భూమి ఉంది. వరి సాగు ద్వారా సుమారు 200 ఎండుగడ్డి కట్ట లు లభిస్తున్నాయి. ఇది ఏడాది పొడవునా పశువులకు సరిపోవడం లేదు. అదనంగా గడ్డి కొనుగోలు చేసేందుకు ఏటా రూ.30 వేల వరకు ఖర్చు చేస్తున్నాం. –సింగిరి రాజేందర్‌, చీటకోడూరుపాల దిగుబడి తగ్గిందివర్షాలు లేక పచ్చగడ్డి ఎండిపోయింది. పశువులకు మేత దొరకక పాల దిగుబడి తగ్గింది. రెండు గేదెలు రోజుకు ఎనిమిది లీటర్ల పాలు ఇచ్చే పరిస్థితుల్లో నాలుగుకు తగ్గాయి. గడ్డి కొనుగోలుకు పెట్టిన పెట్టుబడి పాల విక్రయాలతో తిరిగి వచ్చే పరిస్థితి లేదు. –ఎ.కనకయ్య, కొడవటూరు, బచ్చన్నపేటధరలు పెరిగే అవకాశం ఉందినాకు ఆరు గేదెలు, పన్నెండు ఆవులు ఉన్నాయి. పశుగ్రాసం కొరత, ఉష్ణోగ్రతలు పెరగడంతో పాల దిగుబడి తగ్గింది. గతంలో 22 లీటర్లు ఇచ్చేవి. ప్రస్తుతం రెండు కలిపి 18 లీటర్లు మాత్రమే ఇస్తున్నాయి. గతంలో ఎండుగడ్డి కట్ట రూ.80 నుంచి రూ.100 వరకు ఉండగా, ఈసారి ధరలు పెరి గాయి. –గాండ్ల రాజు, స్టేషన్‌ ఘన్‌పూర్‌సగానికి తగ్గిన పాల ఉత్పత్తివ్యవసాయంతో పాటు పాడి గేదెల పెంపకంపై ఆధారపడి జీవిస్తున్నాను. ఈసారి వర్షాలు లేక పచ్చగడ్డి దొరకక ఎండుగడ్డితో పశువులను పోషించాల్సి వస్తోంది. ప్రస్తుతం పాల దిగుబడి సగానికి పడిపోయింది. గడ్డి కొరతతో ధరలు పెరిగే అవకాశం ఉంది. –మంద భూపాల్‌, వడ్డేగూడెం, జఫర్‌గఢ్‌

గతంలో బోర్డులు, బ్యానర్లపై చేతితో అక్షరాలు రాస్తూ కళాకారులుగా జీవనోపాధి పొందేవాళ్లం. కాలానుగుణంగా సాంకేతికత పెరగడంతో ఫ్లెక్సీ ప్రింటింగ్‌ అందుబాటులోకి వచ్చింది. దీంతో జీవనోపాధి కోసం ఆ మార్గాన్ని ఎంచుకోవాల్సి వచ్చింది. చేతిలో కుంచె లేకపోయినా గుండెల్లో కళ మాత్రం సజీవంగానే ఉంది. కళ అనేది కేవలం ఉపాధి మాత్రమే కాదు. దేవుడిచ్చిన వరం. అదే నా జీవితంలో చెరగని భాగం. – రమణశ్రీ, ఆర్టిస్ట్‌, పాలకుర్తి చిన్ననాటి ఇష్టమే.. నేడు ఉపాధిగా మారిందిచిన్ననాటి నుంచి డ్రాయింగ్‌పై ఉన్న ఆసక్తి నన్ను ఆర్టిస్ట్‌గా తీర్చిదిద్దింది. డ్రాయింగ్‌ మాస్టర్‌ రమణ వద్ద శిక్షణ పొంది కళలో నైపుణ్యం సాధించా. ప్రస్తుతం తాటికొండ ప్రభుత్వ ఉన్నత పాఠశాలలో కాంట్రాక్టు పద్ధతిలో ఆర్ట్‌ టీచర్‌గా పని చేస్తున్నా. పిల్లలు మండల, జిల్లా స్థాయిలో రాణించడం ఆనందంగా ఉంది. చిత్రలేఖన కళను భావితరాలకు అందించాలన్నదే నా లక్ష్యం. – ఐలోని రవి, ఆర్టిస్ట్‌, తాటికొండ, స్టేషన్‌ఘన్‌పూర్‌

జనగామ: మున్సిపాలిటీ పరిధిలోని డంపింగ్‌ యార్డులో తడి, పొడి చెత్తను వేర్వేరుగా విభజించేందుకు డ్రై అండ్‌ వెట్‌ వేస్ట్‌ సెగ్రిగేషన్‌ యంత్రాన్ని ఏర్పాటు చేయనున్నారు. ఈ యంత్రం ఏర్పాటులో భాగంగా జనగామ మున్సిపల్‌ చైర్‌పర్సన్‌ కడకంచి బాలమణిశ్రీనివాస్‌ శనివారం భూమిపూజ నిర్వహించారు. మున్సిపాలిటీ పరిధిలో సేకరించిన చెత్తను శాసీ్త్రయ పద్ధతిలో నిర్వహించడం, తడి, పొడి చెత్తను వేర్వేరుగా విభజించడం ఈ యంత్రం ప్రధాన ఉద్దేశం. ఈ కార్యక్రమంలో మున్సిపల్‌ కమిషనర్‌ రాజశేఖర్‌ రెడ్డి, కౌన్సిలర్లు తదితరులు పాల్గొన్నారు. ఎమ్మెల్సీ ఓటర్ల జాబితా తయారీకి షెడ్యూల్‌ జనగామ రూరల్‌: వరంగల్‌–ఖమ్మం–నల్లగొండ పట్టభద్రుల ఎమ్మెల్సీ నియోజకవర్గ కొత్త ఓటర్ల జాబితా తయారీకి షెడ్యూల్‌ విడుదలైనట్లు కలెక్టర్‌, జిల్లా ఎన్నికల అధికారి సందీప్‌ కుమార్‌ ఝా శనివారం ఒక ప్రకటనలో తెలిపారు. 1–11–2026 నాటికి కనీసం 3 సంవత్సరాల క్రితం డిగ్రీ పూర్తి చేసిన అర్హత కలిగిన అభ్యర్థులు ఫారం–18 దరఖాస్తును నియమిత అధికారికి సమర్పించాలన్నారు. నవంబర్‌ 6 వరకు ఫారం–18 దరఖాస్తులు స్వీకరిస్తారని, నవంబర్‌ 20 వరకు ముసాయిదా జాబితా తయారీ, ముద్రణ ప్రక్రియ పూర్తి చేసి, నవంబర్‌ 25న డ్రాఫ్ట్‌ ఓటర్ల జాబితాను ప్రచురించనున్నట్లు తెలిపారు. డిసెంబర్‌ 30న తుది ఓటర్ల జాబితాను ప్రచురిస్తారన్నారు. విద్యుత్‌ బిల్లులు సకాలంలో చెల్లించాలి స్టేషన్‌ఘన్‌పూర్‌: విద్యుత్‌ వినియోగదారులు బిల్లులను సకాలంలో చెల్లించేలా విద్యుత్‌ అధికారులు, సిబ్బంది ప్రజలకు అవగాహన కల్పించాలని ఎన్‌పీడీసీఎల్‌ స్టేషన్‌ఘన్‌పూర్‌ డీఈ బి.సారయ్య అన్నారు. స్థానిక విద్యుత్‌ ఏఈ కార్యాలయంలో విద్యుత్‌ సిబ్బందితో శనివారం సమీక్ష సమావేశాన్ని నిర్వహించారు. వరుస సెలవుల కారణంగా బిల్లుల వసూళ్ల ప్రక్రియ మందగించిందని, నెల చివరి వారం కావడంతో బకాయిల వసూలు నిర్దేశిత లక్ష్యం చేరుకోవాలంటే వసూళ్లను వేగవంతం చేయాలన్నారు. ఈ కార్యక్రమంలో పాలకుర్తి ఏఏఓ చంద్రశేఖర్‌, అధికారులు కొమురయ్య, మహేందర్‌రెడ్డి, రాములు, అన్వర్‌పాషా తదితరులు పాల్గొన్నారు. ఆరుతడి పంటలకు ప్రాధాన్యం ఇవ్వాలిజనగామ రూరల్‌: యాసంగిలో ఆరుతడి పంటల సాగుకు ప్రాధాన్యం ఇవ్వాలని డీఏఓ అంబికా సోని అన్నారు. శనివారం కలెక్టర్‌ సందీప్‌ కుమార్‌ ఝా సూచనల మేరకు కలెక్టరేట్‌లో వ్యవసాయ శాఖ ఆధ్వర్యంలో ప్రైవేట్‌ విత్తనాల డీలర్లు, మహిళా శక్తి రైతు సేవా కేంద్రాల డీలర్లతో జిల్లా స్థాయి సమావేశం నిర్వహించారు. ఈ సందర్భంగా డీఏఓ మాట్లాడుతూ జొన్న, వేరుశనగ, మినుము, పెసర, నువ్వులు, పొద్దుతిరుగుడు, శనగ వంటి ఆరుతడి పంటలతో పాటు కూరగాయల సాగును ప్రోత్సహించాలన్నారు. నకిలీ విత్తనాలను విక్రయించకుండా అనుమతులు కలిగిన, లేబుల్‌పై అవసరమైన వివరాలు ఉన్న విత్తనాలను మాత్రమే డీలర్లు విక్రయించాలన్నారు. ఈ సమావేశంలో జిల్లా అదనపు డీఆర్‌డీఓ అధికారి నూరుద్దీన్‌, ఏడీఏలు అపర్ణ, వసంత సుగుణ, మండల వ్యవసాయ అధికారులు, డీలర్లు పాల్గొన్నారు. కాశిబుగ్గ: వరంగల్‌ సూపర్‌ స్పెషాలిటీ ఆస్పత్రిని డీఎంఈ డాక్టర్‌ వాణి శనివారం సందర్శించారు. ఈ సందర్భంగా ఆమె నిర్మాణ పనులతోపాటు రోగులకు కల్పిస్తున్న వసతులను పరిశీలించారు. ఇప్పటికే ఓపీ సేవల ప్రారంభం కోసం గ్రౌండ్‌ ఫ్లోర్‌తో పాటు ఫస్ట్‌ ఫ్లోర్‌లో చేసిన ఏరాట్లను అడిగి తెలుసుకున్నారు. అలాగే, మిగిలిన ఫోర్లల్లో పనులు పూర్తి కావడానికి ఇంకా ఎంత సమయం పడుతుందని అడిగినట్లు సమాచారం. పనులు పూర్తి అయితేనే సూపర్‌ స్పెషాలిటీ ఆస్పత్రిని ప్రారంభించుకోవడానికి అవకాశం ఉంటుందని, అధికారులు సమన్వయంతో పనిచేసి వైద్య సేవల కోసం తగిన ఏర్పాట్లు చేయాలని ఆదేశించినట్లు తెలిసింది.

‘నా కల నిజం కావడానికి 11 ఏళ్లు పట్టింది. చేసిన తప్పులను సరిదిద్దుకుంటూ, ఏకాగ్రతతో పట్టుదలతో చదివితే ఎవరైనా విజయం సాధించవచ్చు. పట్టు వదలకుండా కన్సిస్టెన్సీ మెయింటెయిన్‌ చేయడమే ఏ రంగంలోనైనా విజయానికి అసలైన రహస్యం’ అని ఇటీవల జూనియర్‌ సివిల్‌ జడ్జిగా ఎంపికై న భీమదేవరపల్లి మండలం మల్లారం గ్రామానికి చెందిన డ్యాగల సాయి పవన్‌ అంటున్నారు. సాయి పవన్‌ విజయ ప్రయాణం ఆయన మాటల్లోనే.. ఎన్నో వైఫల్యాలు.. చెరగని ఆత్మవిశ్వాసం మాది మధ్యతరగతి కుటుంబం. అమ్మానాన్న ఇద్దరూ ఉపాధ్యాయులే. చెల్లి బిట్స్‌ పిలానీ నుంచి కెమిస్ట్రీలో డాక్టరేట్‌ పొందింది. నాకు మొదటి నుంచి లా డిగ్రీ చేయాలన్నది బలమైన కోరిక. నాన్న సూచన మేరకు ఇంటర్‌లో ఎంపీసీ తీసుకుని, హుజూరాబాద్‌లోని కిట్స్‌ కాలేజీలో ఎలక్ట్రికల్‌ అండ్‌ ఎలక్ట్రానిక్స్‌ ఇంజనీరింగ్‌ (ట్రిపుల్‌ ఈ) పూర్తి చేశాను. ఇంజనీరింగ్‌ పూర్తయ్యాక సివిల్‌ సర్వీసెస్‌ పరీక్షకు ప్రిపేరవుతూనే దాదాపు 16 ప్రభుత్వ ఉద్యోగ పరీక్షలకు హాజరయ్యా. ఆర్మీ, కోస్ట్‌గార్డ్‌ వంటి ప్రతిష్టాత్మక డిఫెన్స్‌ సర్వీసెస్‌ ఇంటర్వ్యూలకూ వెళ్లా. అయితే అదృష్టం కొన్నిసార్లు చిన్న తేడాతో దూరమయ్యేది. రెండు సార్లు సబ్‌ ఇన్‌స్పెక్టర్‌ (ఎస్సై) పరీక్షలో కేవలం 3 సెకండ్లు, 0.14 మిల్లీసెకండ్ల వ్యవధితో ఈవెంట్స్‌ మిస్‌ అవడం తీవ్ర నిరాశను మిగిల్చింది. అయినా పట్టువదల్లేదు. తలుపు తట్టిన విజయం 2018లో జీవితంలో నాకు తొలి విజయం తలుపు తట్టింది. దేశంలోనే నాలుగో స్థానంలో ఉన్న ప్రతిష్టాత్మక ఐఐటీ ఖరగ్‌పూర్‌లో ఎల్‌ఎల్‌బీ ఆనర్స్‌ ప్రవేశ పరీక్షను క్లియర్‌ చేసి అడ్మిషన్‌ పొందాను. అక్కడే లా పూర్తి చేశాక ఢిల్లీలోని ప్రముఖ లా ఫోరమ్స్‌లో ఉద్యోగ అవకాశాలు వచ్చాయి. అయినా వాటిని సున్నితంగా తిరస్కరించా. నా లక్ష్యం న్యాయమూర్తి (జడ్జి) కావాలనే కల వైపే నా అడుగులు పడ్డాయి. సవాళ్లు, పాఠాలు జూనియర్‌ సివిల్‌ జడ్జి పరీక్షకు సన్నద్ధమవడం మొదలుపెట్టాను. రెండు సార్లు ప్రిలిమ్స్‌, మెయిన్స్‌ క్లియర్‌ చేసి ఇంటర్వ్యూ వరకు వెళ్లాను. అయితే రెండోసారి కూడా చివరి దశలో సెలెక్ట్‌ కాకపోవడంతో కుంగిపోకుండా ఆత్మపరిశీలన చేసుకున్నాను. కేవలం కష్టపడితే సరిపోదని, ‘స్మార్ట్‌ వర్క్‌’ కూడా చాలా అవసరమని గ్రహించాను. నాతో పాటు ఇంటర్వ్యూ వరకు వెళ్లి, నాకు ముందు బ్యాచ్‌లలో జడ్జిలుగా ఎంపికై న నా మిత్రుల సహాయం తీసుకున్నాను. ప్రతీ దశకు ఒక స్పష్టమైన వ్యూహాన్ని రూపొందించుకుని ప్రిపరేషన్‌ సాగించాను.

కష్టించే తత్వం. పట్టుసడలని లక్ష్యం. నిరంతర సాధన వారిని లక్ష్యం వైపు నడిపించింది. ఎంతో మంది యువతకు ఆదర్శంగా నిలిపాయి. ఇటీవల జూనియర్‌ సివిల్‌ జడ్జిలుగా ఎంపికై న డ్యాగల సాయిపవన్‌, ఫర్హానా తబస్సుమ్‌, ట్రెయినీ డీఎస్పీ షా గుఫ్తా యాస్మిన్‌ మనోగతమే ఈ ఆదివారం ‘సాక్షి’ ప్రత్యేకం. – వరంగల్‌ లీగల్‌న్యాయవాద వృత్తి నేపథ్యం లేని కుటుంబమైన్నప్పటికీ తన గమ్యమేంటో తనకు తెలుసు. మరెంతో మందికి స్ఫూర్తిదాయకంగా నిలవాలన్న ఆశే ఆమెను విజయం వైపు నడిపించింది. ఇటీవల జూనియర్‌ సివిల్‌ జడ్జిగా ఎంపికై న వరంగల్‌కు చెందిన ఫర్హానా తబస్సుమ్‌ విజయ ప్రస్థానం ఆమె మాటల్లోనే.. సాధారణ కుటుంబం. తండ్రి మహమ్మద్‌ రజాక్‌ రైల్వేలో లోకో పైలట్‌గా పనిచేస్తూ ఉద్యోగ విరమణ పొందారు. అమ్మ ముంతాజ్‌ బేగం గృహిణి. నా పాఠశాల విద్య వరంగల్‌ పబ్లిక్‌ స్కూల్లో ముగిసింది. ఆ తర్వాత చైతన్య డిగ్రీ కళాశాలలో బిజినెస్‌ మేనేజ్‌మెంట్‌ (బీబీఎం) పూర్తి చేసి, కేయూలో ఎంబీఏ పట్టా పొందా. న్యాయ వృత్తిపై ఉన్న మక్కువతో ఆదర్శ లా కళాశాలలో ఎల్‌ఎల్‌బీ పూర్తి చేశా. అదే ఏడాది తెలంగాణ బార్‌ కౌన్సిల్‌లో న్యాయవాదిగా పేరు నమోదు చేసుకున్నా. ఆ ఒక్కటే నాకు స్ఫూర్తి.. సమాజంలో చట్టం ముందు అందరూ సమానులే అనే భావన నాకు ఎప్పుడూ స్ఫూర్తినిచ్చేది. మా అక్క ఫహీమా సుల్తానా అసిస్టెంట్‌ మోటార్‌ వెహికల్‌ ఇన్‌స్పెక్టర్‌గా తన వృత్తిపై చూపిన అంకితభావం నాకు రోల్‌ మోడల్‌. వైఫల్యాల నుంచి విజయానికి... 2022లో తొలి ప్రయత్నంలో ప్రిలిమ్స్‌ ఉత్తీర్ణత సాధించాను. మెయిన్స్‌లో విజయం సాధించలేకపోయా. 2024లోనూ మెయిన్స్‌లో వెనుకంజ వేయాల్సి వచ్చింది. ఈ పరాజయాలు నన్ను కుంగదీయలేదు. మరింత పకడ్బందీ ప్రణాళికతో ముందుకు సాగాను. మెయిన్స్‌ పరీక్షలో నెగ్గాలంటే కేవలం చట్టాలను వల్లె వేయడం సరిపోదని, నిర్ణీత సమయంలో సమర్థవంతంగా సమాధానాలు రాయడం చాలా ముఖ్యమని గ్రహించాను. అందుకే, గత ప్రశ్నపత్రాలను సేకరించి, ఇంట్లోనే ప్రతీరోజూ రెండు నుంచి మూడు గంటల పాటు మాక్‌ టెస్టులు రాశా. నా విజయ రహస్యం 2025 నియామక ప్రక్రియలో మెయిన్స్‌ పరీక్షలో ప్రతిభ కనబర్చి ఉత్తీర్ణత సాధించా. ఆతర్వాత జరిగిన ఇంటర్వ్యూలోనూ రాణించి, చివరకు 2026లో జూనియర్‌ సివిల్‌ జడ్జిగా ఎంపికయ్యా. న్యాయసేవల పరీక్షలకు సన్నద్ధమవుతున్న అభ్యర్థులు వైఫల్యాలు ఎదురైతే నిరుత్సాహపడొద్దు. మొదటి ప్రయత్నంలోనే విజయం సాధించాలనే నియమం ఏమీ లేదు. బలహీనతలను నిజాయితీగా విశ్లేషించుకోవాలి. చట్టాలను చదవడం మాత్రమే కాకుండా, వాటిని నిరంతరం పునఃశ్చరణ చేయాలి. నిరంతరం సాధన చేయాలి.

హసన్‌పర్తి: మొదటి ప్రయత్నంలోనే గ్రూప్స్‌కు ఎంపికై డీఎస్పీగా శిక్షణ పొందారు యాస్మిన్‌. ఆమె తండ్రి భూపాలపల్లి జిల్లా కాటారానికి చెందిన ఖదీర్‌. ఎకై ్సజ్‌ శాఖలో హెడ్‌ కానిస్టేబుల్‌. ఆయన ప్రస్తుతం రామగుండంలో విధులు నిర్వర్తిస్తున్నారు. వీరి కుటుంబం హసన్‌పర్తిలోని ఎర్రగట్టు గుట్ట ప్రాంతంలో ఉంటోంది. ఖదీర్‌కు ముగ్గురు కూతుళ్లు, కుమారుడు. పెద్ద కుమార్తె షా గుఫ్తా యాస్మిన్‌. చిన్నప్పటి నుంచి బాగా చదివేవారు. యాస్మిన్‌ ప్రాథమిక విద్యాభ్యాసం వరంగల్‌లో పూర్తి చేశారు. ఇంటర్మీడియట్‌ హైదరాబాద్‌లో చదివారు. ఆతర్వాత డిగ్రీ, పీజీ ఢిల్లీలో పూర్తి చేశారు. మొదటి ప్రయత్నంలోనే గ్రూప్‌–1లో డీఎస్పీగా ఎంపికయ్యారు. శిక్షణ పూర్తి చేసుకున్నారు. మహబూబ్‌నగర్‌ జిల్లా గద్వాలలో ట్రెయినీ డీఎస్పీగా విధులు నిర్వర్తించనున్నారు. ఇటీవల షా గుఫ్తా యాస్మిన్‌ వివాహం తిరుపతిలో జరిగింది. యూనిఫాం ధరించాలన్నది నా కల నా తండ్రిని చూసి నేను కూడా పోలీస్‌ యూనిఫాం ధరించాలని చిన్నప్పటి నుంచి కలలు కన్నాను. ఐపీఎస్‌ కావాలన్న లక్ష్యంతో సివిల్‌ సర్వీస్‌కు సిద్ధమయ్యా. ఢిల్లీలోనే సివిల్‌ సర్వీస్‌ కోసం కోచింగ్‌ తీసుకున్నా. – షా గుఫ్తా యాస్మిన్‌

జనగామ రూరల్‌: భూ రీసర్వే మొదటి దశ పనులను వేగవంతం చేసి, ఎంపిక చేసిన గ్రామాల్లో సర్వే ప్రక్రియను త్వరగా పూర్తి చేయాలని సీసీఎల్‌ఏ కమిషనర్‌ లోకేష్‌ కుమార్‌ కలెక్టర్లను ఆదేశించారు. శనివారం భూ రీసర్వే పనుల పురోగతిపై కలెక్టర్లతో వీడియో కాన్ఫరెన్స్‌ నిర్వహించారు. ఈ సందర్భంగా కలెక్టరేట్‌ నుంచి అదనపు కలెక్టర్‌ బెన్షాలోమ్‌తో కలిసి కలెక్టర్‌ సందీప్‌ కుమార్‌ ఝా వీసీలో హాజరయ్యారు. సీసీఎల్‌ఏ కమిషనర్‌ మాట్లాడుతూ భూ రీసర్వే మొదటి దశలో ప్రతీ జిల్లాలో 70 రెవెన్యూ గ్రామాలను ఎంపిక చేసినట్లు తెలిపారు. ఆయా గ్రామాల్లో సర్వే పనులను ప్రాధాన్యత క్రమంలో చేపట్టి, సాధ్యమైనంత త్వరగా పూర్తి చేసేందుకు అధికారులు సమన్వయంతో పనిచేయాలని ఆదేశించారు. వీసీలో సర్వే అండ్‌ ల్యాండ్స్‌ ఏడీ మన్యంకొండ, డీ సెక్షన్‌ సూపరింటెండెంట్‌ వెంకటేశ్వర్లు, తదితరులు పాల్గొన్నారు. బాధితులకు సకాలంలో వైద్యం అందించాలి రోడ్డు ప్రమాదాల్లో గాయపడిన బాధితులకు ప్రమాదం జరిగిన వెంటనే గోల్డెన్‌ అవర్‌లో వైద్య చికిత్స అందించి ప్రాణాలను కాపాడేందుకు కేంద్ర ప్రభుత్వం ప్రవేశపెట్టిన పీఎం రాహత్‌ పథకాన్ని సమర్థవంతంగా అమలు చేయాలని రాష్ట్ర ప్రభుత్వ ప్రధాన కార్యదర్శి సంజయ్‌ జాజు కలెక్టర్లను ఆదేశించారు. ప్రమాద బాధితులకు చికిత్స ఖర్చుతో సంబంధం లేకుండా సమీపంలోని ఆసుపత్రుల్లో తక్షణ వైద్య సేవలు అందించాలని సూచించారు. ప్రభుత్వ, పథకం పరిధిలోని ప్రైవేట్‌ ఆస్పత్రులు రోడ్డు ప్రమాద కేసులను నేషనల్‌ హెల్త్‌ అథారిటీకి చెందిన టీఎంఎస్‌ 2.0 పోర్టల్‌లో నమోదు చేయాలని సూచించారు. ప్రతీ ప్రమాదానికి సంబంధించిన వివరాలను ఈ–డీఏఆర్‌ పోర్టల్‌లో ఆన్‌లైన్‌లో నమోదు చేయడంతో పాటు అవసరమైన ధ్రువీకరణలు, ఆమోదాలను వేగంగా పూర్తి చేయాలని ఆదేశించారు. జిల్లాలో రోడ్డు ప్రమాదాలు ఎక్కువగా జరిగే ప్రాంతాలను గుర్తించి మ్యాపింగ్‌ చేయాలని, ప్రమాదాల నివారణకు అవసరమైన చర్యలు చేపట్టాలని ఆదేశించారు. ఈ వీసీలో డీఎంహెచ్‌ఓ వాణి శ్రీ, ఈఈ పీఆర్‌ రవీందర్‌, డీపీఓ వెంకట్‌ రెడ్డి, సూపరింటెండెంట్‌ ఫణి కుమార్‌ తదితరులు పాల్గొన్నారు. వీసీలో సీసీఎల్‌ఏ కమిషనర్‌ లోకేష్‌ కుమార్‌

లింగాలఘణపురం: వర్షాభావ పరిస్థితుల నేపథ్యంలో రైతులు వరికి బదులుగా ప్రత్యామ్నాయ పంటలు, తక్కువ నీటి వినియోగం ఉండే పంటలను సాగు చేసుకోవాలని కలెక్టర్‌ సందీప్‌కుమార్‌ ఝా కోరారు. శనివారం మండలంలోని చీటూరులో సర్పంచ్‌ గణేష్‌ అధ్యక్షతన జరిగిన ఖేత్‌ బచావో గ్రామసభలో కలెక్టర్‌ ముఖ్యఅతిథిగా హాజరై మా ట్లాడారు. కూరగాయలతో పాటు ఆకుకూరలు, ఉద్యానవన పంటల సాగుతో నీటి అవసరం తక్కువగా ఉంటుందన్నారు. సమావేశంలో డీఏఓ అంబికాసోని, డీఆర్‌డీఓ భాస్కర్‌, డీవీఏహెచ్‌ఓ మురళీధర్‌రావు, జిల్లా ఉద్యానవనశాఖ అధికారి నర్సయ్య, ఏడీఏ అపర్ణ, ఏఓ నజీరుద్ధీన్‌ తదితరులు పాల్గొన్నారు. అలాగే బండ్లగూడెం మహిళా శక్తి రైతు కేంద్రాన్ని కలెక్టర్‌ సందర్శించి ఎరువులు, విత్తనాల పంపిణీ ఎలా ఉందని నిర్వాహకులను అడిగి తెలుసుకున్నారు.

జనగామ: వాతావరణ మార్పుల నేపథ్యంలో ఎల్‌నినో ప్రభావం వర్షపాతంపై ప్రతికూల ప్రభావం చూపితే ఎండలతీవ్రత పెరిగి జలవనరులపై ఒత్తిడి పెరిగే ప్రమాదం ఉంది. వర్షాలు సకాలంలో కురవకపోతే చెరువులు, రిజర్వాయర్లలో నీటి మట్టాలు తగ్గడంతో పాటు భూగర్భ జలాల పునరుద్ధరణకు ఆటంకం ఏర్పడవచ్చు. ఈ పరిస్థితులు తాగునీటి లభ్యతపై ప్రభావం చూపే అవకాశం ఉండటంతో ప్రతిఒక్కరూ ఇప్పటి నుంచే అప్రమత్తంగా వ్యవహరించాలి. ఉన్న నీటిని పొదుపుగా వాడుకోవాలి. నీటి వినియోగాన్ని పూర్తిగా తగ్గించాలి. వర్షపు నీటిని ఒడిసిపట్టి భవిష్యత్తు అవసరాలకు భద్రపరచాలి. ప్రతి నీటి బొట్టును విలువైన వనరుగా భావించి వృథాను అరికట్టినప్పుడే రేపటి నీటి అవసరాలకు భరోసా లభిస్తుంది. మున్సిపల్‌ ప్రత్యేక కార్యాచరణ ఎల్‌నినో ప్రభావంతో భవిష్యత్‌లో తీవ్ర ఎండలు, కరువు పరిస్థితులు ఏర్పడే అవకాశాల నేపథ్యంలో జనగామ పట్టణ ప్రజలకు తాగునీటి ఇబ్బందులు తలెత్తకుండా మున్సిపల్‌ అధికారులు ముందస్తు కార్యాచరణకు సిద్ధమవుతున్నారు. పట్టణ ప్రజలకు నిరంతరాయంగా తాగునీరు అందించడమే లక్ష్యంగా ప్రణాళికలు రూపొందిస్తున్నారు. ప్రస్తుతం ప్రతిరోజూ రెండు నుంచి రెండున్నర గంటల పాటు నల్లాల ద్వారా నీటి సరఫరా చేస్తుండగా, ఇదే విధానాన్ని భవిష్యత్‌లోనూ కొనసాగించేలా చర్యలు చేపడుతున్నారు. ఏడాది పాటు నీటి సరఫరాకు అవకాశం జనగామ పట్టణంలో 30 వార్డులు ఉండగా, సుమారు 70 నుంచి 75 వేల మంది జనాభా నివసిస్తున్నారు. వీరికి చీటకోడూరు డ్యామ్‌ నుంచి శుద్ధి చేసిన నీటితో పాటు మిషన్‌ భగీరథ నీటిని అనుసంధానం చేసి సరఫరా చేస్తున్నారు. చీటకోడూరు ఫిల్ట ర్‌ బెడ్‌ ద్వారా రోజుకు 11 ఎంఎల్‌డీ, మిషన్‌ భగీరథ నుంచి మరో 1 ఎంఎల్‌డీ చొప్పున మొత్తం 12 ఎంఎల్‌డీ నీటిని అందిస్తున్నారు. పట్టణ పరిధిలోని సుమారు 12,900 నల్లాల ద్వారా ప్రజలకు తాగునీరు చేరుతోంది. చీటకోడూరు డ్యామ్‌లో 389 ఎంసీఎఫ్‌టీ నీరుకు గాను, ప్రస్తు తం 228 ఎంసీఎఫ్‌టీ నీరు నిల్వ ఉంది. ఈ నీటిని తాగునీటి అవసరాలకే వినియోగిస్తే మరో ఏడాది పాటు ఇబ్బందులు లేకుండా సరఫరా చేయవచ్చని అధికారులు అంచనా వేస్తున్నారు. అయితే ఇదే నీటిలో కొంత భాగాన్ని సాగునీటికి మళ్లిస్తే ఆరు నెలల్లోనే తాగునీటి సమస్యలు తలెత్తే ప్రమాదం ఉందని భావిస్తున్నారు. దీంతో సాగునీటి అవసరాలకు చీటకోడూరు నీటిని వినియోగించవద్దని మున్సి పల్‌ అధికారులు ఇరిగేషన్‌ శాఖకు లేఖలు రాశారు. సాగు నీటికి నీటిని మళ్లించే అవకాశం లేదని ఇరిగేషన్‌ డీఈ మన్మధరావు సైతం పేర్కొన్నారు. వర్షాలపైనే అదనపు నీటి ఆశలు చీటకోడూరు డ్యామ్‌కు అశ్వరావుపల్లి రిజర్వాయర్‌ నుంచి దేవాదుల ప్రాజెక్టు నీరు చేరాల్సి ఉంటుంది. వర్షాలు సమృద్ధిగా కురిసి ప్రాజెక్టులు నిండితే కాల్వల ద్వారా చీటకోడూరుకు అదనపు నీటిని మళ్లించే అవకాశం ఉంటుంది. మున్సిపల్‌ చైర్‌పర్సన్‌ బాలమణి శ్రీనివాస్‌, కమిషనర్‌ రాజశేఖర్‌రెడ్డి ఆధ్వర్యంలో నీటి సరఫరాను నిరంతరం పర్యవేక్షిస్తూ ముందస్తు చర్యలు చేపడుతున్నారు. చీటకోడూరు డ్యాంలో 228 ఎంసీఎఫ్‌టీ నీరు ఎల్‌నినో ఎఫెక్ట్‌ ఉన్నా.. ఏడాది పాటు తాగునీటికి ఢోకాలేదు సాగునీటికి మళ్లిస్తే ఇబ్బందే.. ఇరిగేషన్‌ శాఖకు మున్సిపల్‌ లేఖలు

మా తండ్రి మధురం పుల్లయ్య రచయిత, నటుడు, చిత్రకారుడు కావడంతో అనువంశికంగా చిత్రకళ అబ్బింది. జానపద, నవ్యరీతుల్లో సాధన చేస్తూ సొంత శైలిని అభివృద్ధి చేసుకున్న. 1980లో చిత్రకళా ఉపాధ్యాయుడిగా ఉద్యోగంలో చేరాను. రాష్ట్ర, జాతీయస్థాయిలో అనేక అవార్డులు అందుకున్న. చిత్రకళను ప్రోత్సహించడమే కాకుండా, భావితరాలకు అందించేందుకు కృషి చేస్తున్న. – మధురం రాజేంద్రప్రసాద్‌, చిత్రకళా ఉపాధ్యాయుడు, జనగామజనగామ: కళ అనేది కేవలం వినోదం కాదు.. అది మనిషి భావోద్వేగాలకు, ఆలోచనలకు, సంస్కృతికి ప్రతిరూపం. రంగులు, రేఖలు, శిల్పాలు, సంగీతం, నృత్యం, నాటకం, సాహిత్యం ఇలా విభిన్న రూపాల్లో కళాకారులు సమాజానికి తమ సృజనాత్మకతను పరిచయం చేస్తుంటారు. నేడు (ఆదివారం) అంతర్జాతీయ కళాకారుల దినోత్సవం (ఇంటర్నేషనల్‌ ఆర్టిస్ట్‌ డే) సందర్భంగా కళాకారుల పాత్ర, వారి కృషి, ఎదుర్కొంటున్న సవాళ్లపై ప్రత్యేక కథనం. సంస్కృతి, సంప్రదాయాలకు వారధులు కళాకారురు తమ కళ ద్వారా సమాజంలోని ఆనందాలు, ఆవేదనలు, సమస్యలు, మార్పులను ఆవిష్కరిస్తారు. ఒక చిత్రకారుడి కుంచె సమాజంలోని వాస్తవాలను రంగుల్లో చూపిస్తే, శిల్పి తన సృష్టితో చరిత్రను సజీవంగా నిలుపుతాడు. కళను నమ్ముకొని జీవించే అనేక మంది కళాకారులకు ఆర్థిక భద్రత ఇప్పటికీ ప్రశ్నార్థకంగానే ఉంది. గ్రామీణ, జానపద కళాకారులకు తగిన అవకాశాలు లేకపోవడం, ప్రదర్శనలకు ఆశించిన పారితోషికం లభించకపోవడం, కొత్త తరంలో కళలపై ఆసక్తి తగ్గడం వంటి సమస్యలు కనిపిస్తున్నాయి. ఆదరణ పెరిగినప్పుడే కళాకారులను ప్రోత్సహించేందుకు ప్రభుత్వాలు, సాంస్కృతిక సంస్థలు, స్వచ్ఛంద సంస్థలు మరిన్ని వేదికలు కల్పించాలి. కళా ప్రదర్శనలు, శిక్షణ శిబిరా లు, పోటీలు నిర్వహించడంతో పాటు ప్రతిభావంతులకు ఆర్థిక సహాయం, గుర్తింపు అందించాలి. పాఠశాల స్థాయి నుంచే పిల్లలకు కళలపై ఆసక్తి పెంపొందించాలి. కళాకారుడిని గౌరవించడం అంటే ఒక వ్యక్తిని మాత్ర మే కాదు, సమాజపు సంస్కృతి, చరిత్ర, సృజనాత్మకతను గౌరవించడం. కళలకు ఆదరణ పెరిగినప్పుడే కళాకారుల జీవనానికి భరోసా లభిస్తుంది. వారి సృజనకు తగిన గుర్తింపు, గౌరవం దక్కినప్పుడే కళా ప్రపంచం మరింత వికసిస్తుంది. కళాకారులు గీసిన చిత్రాలు కుంచె నుంచి కళారంగం వరకు సృజనాత్మక ప్రయాణం సంస్కృతి, సంప్రదాయాలకు వారధులు నేడు అంతర్జాతీయ కళాకారుల దినోత్సవం

● మొదటగా మెము బోగీల ఉత్పత్తి ● రైల్వే అడిషనల్‌ బోర్డు మెంబర్‌ సునీల్‌కుమార్‌కాజీపేట రూరల్‌ : కాజీపేటలో ప్రతిష్టాత్మకంగా నిర్మాణమవుతున్న రైల్వే కోచ్‌ఫ్యాక్టరీ (రైల్వే మాన్యుఫ్యాక్చరింగ్‌ యూనిట్‌) తెలంగాణకు ఒక మణిహారమని, త్వరలో ప్రారంభించేందుకు అన్ని విధాలుగా సిద్ధం చేస్తున్నట్లు అడిషనల్‌ మెంబర్‌ ఆఫ్‌ రైల్వే బోర్డు సునీల్‌కుమార్‌ తెలిపారు. కాజీపేట రైల్వే కోచ్‌ఫ్యాక్టరీని శుక్రవారం ఆయన.. రైల్వే బోర్డు డైరెక్టర్‌ జయంత్‌ రామచంద్రన్‌తో కలిసి సందర్శించారు. సుమారు 5 గంటల పాటు క్షుణ్ణంగా తనిఖీలు చేపట్టారు. మెయిన్‌షాప్‌, పెయింట్‌ షాప్‌, టెస్ట్‌షాప్‌, స్టోర్‌వార్డు, క్యాంటిన్‌, అడ్మినిస్ట్రేషన్‌ కార్యాలయ సముదాయం, ప్రాంగణంలో రోడ్లు, ట్రాక్‌, తదితర వాటి నాణ్యతాప్రమాణాలు, పలు నిర్మాణలను క్షుణ్ణంగా తనిఖీ చేశారు. పనుల ఆలస్యంపై ఆగ్రహం వ్యక్తం చేసి సూచనలు చేశారు. అనంతరం సునీల్‌కుమార్‌ విలేకరులతో మాట్లాడుతూ రైల్వే కోచ్‌ఫ్యాక్టరీలో రైల్వే నిబంధనల మేరకు డైరక్ట్‌, ఇన్‌డైరక్ట్‌, ఔట్‌ సోర్సింగ్‌ పద్ధతిలో వివిధ విభాగాల్లో ఉద్యోగాలు ఉంటాయని తెలిపారు. ఈ ప్రాంతం వారికి న్యాయం జరిగేలా రైల్వేశాఖ కృషి చేస్తుందన్నారు. కోచ్‌ఫ్యాక్టరీలో ముందుగా మెము బోగీలను తయారు చేస్తారన్నారు. కార్యక్రమంలో దక్షిణ మధ్య రైల్వేనుంచి పీసీఎంఈ విజయ్‌కుమార్‌, సీఎంఈ లచ్చిరాంభూక్యా, కాజీపేట సీనియర్‌ డీఎంఈ ఎన్‌.వి.వెంకటకుమార్‌, ఆర్‌వీఎన్‌ఎల్‌ నుంచి సీపీఎం సాయినాథ్‌, జీజీఎం మురళికృష్ణ, జీఎం శ్రీనివాస్‌, పవర్‌మెక్‌ ప్రాజెక్ట్‌ నుంచి వైస్‌ప్రెసిడెంట్‌ రాంచందర్‌రాజు, ప్రాజెక్ట్‌ మేనేజర్‌ ప్రేమ్‌సాగర్‌, స్థానిక అధికారులు పాల్గొన్నారు.

జనగామ: దసరా పండుగను పురస్కరించుకుని జనగామ ఆర్టీసీ డిపో నడిపించిన ప్రత్యేక, రెగ్యులర్‌ బస్సు సర్వీసులతో సంస్థకు గణనీయమైన ఆదాయం సమకూరింది. ఈ నెల 10వ తేదీ నుంచి 22వ తేదీ వరకు మొత్తం 13 రోజుల పాటు వివిధ ఆయా రూట్లలో బస్సులను నడిపించారు. స్వగ్రామాలకు వచ్చిన ప్రజలు తిరుగు ప్రయాణం కావడంతో పాటు వివిధ ప్రాంతాలకు వెళ్లే ప్రయాణికుల అవసరాలకు అనుగుణంగా రెగ్యులర్‌, అదనపు సర్వీసులను అందుబాటులో ఉంచారు. 13రోజులు.. 1,290 ట్రిప్పులు ఆర్టీసీ లెక్కల ప్రకారం పండుగ సీజన్‌ 13 రోజుల్లో డిపో పరిధిలో మొత్తం 1,290 ట్రిప్పుల బస్సు సర్వీసులు నడిచాయి. వీటి ద్వారా 5,67,907 కిలోమీటర్ల మేర బస్సులు ప్రయాణించాయి. ఇందుకుగాను సంస్థకు రూ.2, 84,70,850 నికర ఆదాయం సమకూరింది. ఇందులో మహిళా ప్రయాణికుల ద్వారా రూ. కోటి 81లక్షలు, పురుష ప్రయాణికుల ద్వారా రూ. కోటి 2 లక్షల లాదాయం వచ్చినట్లు అధికారులు వెల్లడించారు. మొత్తం 6,19,858మంది ప్రయాణించగా, వారిలో మహిళలు 4,27,305 మంది, పురుషులు 1,92,553 మంది ఉన్నారు. పండుగ సందర్భంగా మహిళలు పెద్ద సంఖ్యలో ఆర్టీసీ బస్సులను వినియోగించుకున్నట్లు ఈ వివరాలు స్పష్టం చేస్తున్నాయి. ప్రయాణికుల రద్దీకి అనుగుణంగా పండుగ రద్దీ ఎక్కువగా ఉన్న రోజుల్లో బస్సుల సంఖ్యతో పాటు ఆదాయం, ప్రయాణికుల సంఖ్య కూడా పెరిగింది. ఈ నెల 12న అత్యధికంగా 60,256 మంది ప్రయాణించగా, 22న రూ.27.25 లక్షలతో అత్యధిక రోజువారీ ఆదాయం నమోదైంది. 16న అత్యధికంగా 110 బస్సులు నడిచాయి. 20న 56 బస్సులు మాత్రమే నడవడంతో ఆ రోజు ఆదాయం రూ.9.55 లక్షలుగా నమోదైంది. పండుగ సమయంలో ప్రయాణికుల రద్దీకి అనుగుణంగా సర్వీసులు నడపడం ద్వారా ఆర్టీసీ డిపో ప్రజలకు రవాణా సౌకర్యం కల్పించడంతో పాటు సంస్థ ఆదాయాన్ని పెంచుకుంది. మహిళలు, పురుషులు కలిపి ఆరు లక్షల మందికి పైగా ప్రయాణించడం ఆర్టీసీ బస్సులకు ఉన్న ఆదరణను తెలియ జేస్తోంది. 13 రోజుల్లో 6.19 లక్షల మంది ప్రయాణం మహిళలే 4.27 లక్షల మంది ఆర్టీసీ ఆదాయంలో మహిళల వాటా రూ.1.81 కోట్లు ఈ నెల 22న రూ.27.25 లక్షల ఆదాయం నమోదు

జనగామ రూరల్‌: ఎల్‌నినో ప్రభావంతో సాగు, తాగునీటికి తీవ్ర ఇబ్బందులు పడే పరిస్థితులు నెలకొన్నాయి. ఈ పరిస్థితిని అధిగమించేందుకు ప్రభుత్వం చర్యలు చేపట్టింది. నీటి సంరక్షణ ఒక్కటే మార్గం కాగా గ్రామాల్లో పనులు ముమ్మరంగా చేపడుతున్నారు. వీబీ జీరామ్‌జీ (వికసిత్‌ భారత్‌ గ్యారంటీ ఫర్‌ రోజ్‌గర్‌ అండ్‌ అజీవక మిషన్‌ గ్రామీణ) కింద నీటి సంరక్షణ పనులు చేపట్టాలని నిర్ణయించింది. అందులో భాగంగా నీటి కుంటలు(ఫాంపాండ్స్‌), ఇంకుడు గుంతలు (సోక్‌ పిట్స్‌), సామూహిక ఇంకుడు గుంతలు, పెర్కోలేషన్‌ ట్యాంకులు,(ఊట చెరువులు), సామూహిక నీటి నిల్వ కుంట(కమ్యూనిటీ హార్వెస్ట్‌ పాండ్‌), బోర్‌వెల్‌ రీచార్జ్‌, ఓపెన్‌ వెల్‌ నిర్మాణాలు, రూఫ్‌ టాప్‌ రెయిన్‌ వాటర్‌ హార్వెస్టింగ్‌ స్ట్రక్చర్‌ (ఇంటి పైకప్పు నుంచి కిందపడే వర్షపు నీటిని సేకరించే విధానం) నిర్మాణ పనులు జిల్లాలో జోరుగా సాగుతున్నాయి. కలెక్టర్‌ దిశానిర్దేశం.. కలెక్టర్‌ సందీప్‌ కుమార్‌ ఝా నీటి పొదుపుపై విస్తృత అవగాహన కల్పించేలా క్షేత్రస్థాయిలో సంబంధిత అధికారులకు దిశా నిర్దేశం చేశారు. ప్రత్యేక ప్రణాళికలు రూపొందించుకుని ముందుకెళ్లేలా చర్యలు తీసుకుంటున్నారు. రానున్న రోజుల్లో వ్యవసాయ అనుబంధ రంగాలపై ప్రభావం పడనుంది. ఉష్ణోగ్రతలు ఎక్కువై యాసంగి సీజన్‌లో భూగర్భ జలాలు మరింత అడుగంటే ప్రమాదం పొంచి ఉంది. ఇందుకు నీటిబొట్టును ఒడిసిపట్టి నీటినిల్వలు పెంచుకోవడానికి అవగాహన కల్పిస్తూ నిర్మాణాలు చేపడుతున్నారు. ప్రయోజనాలు ఇలా.. వ్యవసాయ పొలాల్లో ఫాంపాండ్స్‌ ఏర్పాటు చేస్తున్నారు. తద్వారా వర్షపు నీటిని నిల్వ చేసి, వ్యవసాయ అవసరాలకు వినియోగించవచ్చు. వర్షాభావంలో నీటి కొరతను నివారిస్తుంది. అలాగే గ్రామ పరిసరాల్లో పెర్కోలేషన్‌ ట్యాంకులు నిర్మిస్తున్నారు. దీంతో భూగర్భ జలాలు వృద్ధి అవుతాయి. ఇళ్లలో వినియోగించిన నీటిని, వర్షపు నీటిని భూమిలోకి ఇంకించి, భూగర్భ జలాలు పెరిగేందుకు ఇంకుడు గుంతలు ఉపయోగ పడతాయి. వీటి నిర్మాణాలపై ప్రత్యేక దృష్టి పెట్టారు. బోర్‌వెల్‌ చుట్టూ గుంతలు తీసి, నిర్మాణం చేయడం వల్ల వర్షపు నీరు బోర్‌వెల్‌ లోపలికి వెళ్లి రీచార్జి చేస్తుంది. ఓపెన్‌ వెల్‌ చుట్టూ నిర్మాణం చేయడం వల్ల భూగర్భజలమట్టం పెరుగుతుంది. ఇలా నీటి సంరక్షణ పనులతో సాగు, తాగునీటి కొరతను అధిగమించవచ్చు. నీటి పొదుపు అవసరం రాబోయే రోజుల్లో పరిస్థితి ఇంకా తీవ్రరూపం దాల్చనుంది. ఓ వైపు కొత్త బావులు, బోర్ల తవ్వకం, మరో పక్క పాత వాటిని ఫ్లషింగ్‌(లోతు పెంచడం)పై ప్రజలు దృష్టి పెట్టాల్సి ఉంది. నిద్ర లేచింది మొదలు పడుకునే వరకు నీటి అవసరం లేకుండా గడిచే పరిస్థితి లేదు. ప్రతీ పనిలో పొదుపు పాటిస్తే 20–30 శాతం నీరు ఆదా చేసినట్లే అవుతుంది. పట్టణ ప్రజలు వృథా నీటిని ఒడిసిపట్టాలి. అందుబాటులో ఉన్న అరకొర నీటి వనరులను సద్వినియోగం చేసుకోవాలి. షవర్‌తో స్నానం, పైపుతో వాహనాలు కడగడం, ఇల్లు కడగడం వల్ల ఎక్కువ నీరు వృథా అవుతుంది. ప్రత్యామ్నయ మార్గాలను అనుసరించాలి. ఫాంపాండ్స్‌ 964పాలకుర్తిలో ఫాంపాండ్‌ను పరిశీలిస్తున్న కలెక్టర్‌ సందీప్‌ కుమార్‌ ఝా సోక్‌పిట్స్‌ 3518సామూహిక నీటి నిల్వ కుంటలు: 260 సామూహిక ఇంకుడు గుంతలు: 582 ఇంటి పైకప్పు నుంచి వర్షపు నీటి సేకరణ: 41 నీటి సంరక్షణ పనులకు ప్రభుత్వ ప్రాధాన్యం జలసిరికి ఇంకుడు గుంతలు, నీటికుంటలు కీలకం జిల్లాలో వీబీ జీరామ్‌జీ ద్వారా ముమ్మరంగా నిర్మాణం పనుల పురోగతిపై కలెక్టర్‌ ప్రత్యేక చొరవ నీటి సంరక్షణ ప్రతీ ఒక్కరి బాధ్యత ఎల్‌నినో పరిస్థితితుల దృష్ట్యా వీబీ జీరామ్‌జీ పనుల కింద నీటి సంరక్షణ ప్రత్యేక చర్యలు చేపట్టాం. నీటి సంరక్షణ ప్రతీ ఒక్కరి బాధ్యతగా బావించాలి. నీటి రక్షణ, పొదుపుగా వాడుకునేందుకు జిల్లాలో అనువైన చోట్ల మ్యాజిక్‌ సోక్‌ పిట్స్‌, చెక్‌డ్యాంలు, సామూహిక ఇంకుడు గుంతలు, ఫాంపాండ్స్‌, బోర్‌వెల్‌ రీచార్జ్‌లు చేపట్టేలా లక్ష్యాన్ని నిర్దేశించుకుని ముందుకెళ్తున్నాం. ప్రతీ ఒక రైతు ఫాంపాండ్‌ నిర్మించుకుని భవిష్యత్‌ తరాలకు నీటిని అందించాలి. –సందీప్‌ కుమార్‌ ఝా, కలెక్టర్‌ అవగాహన కల్పిస్తున్నాం.. వీబీ జీరామ్‌జీ పథకం కింద గ్రామాల్లో నీటి నిల్వ ఉండేలా రైతులు తమ ఖాళీ స్థలాల్లో ఫాంపాండ్స్‌ నిర్మించుకోవడంపై అవగాహన కల్పిస్తున్నాం. లక్ష్యాలను చేరుకోనేలా కృషి చేస్తున్నాం. జల సంరక్షణకు ప్రతీ ఒక్కరు కృషి చేయాలి. –భాస్కర్‌, డీఆర్‌డీఓ వీబీ జీరామ్‌జీ కింద నీటి సంరక్షణ పనులను పెద్ద ఎత్తున చేపట్టేందుకు ప్రభుత్వం చర్యలు చేపట్టింది. భూగర్భజలాలు పెంపొందించుకోవడానికి పలు రకాల పద్ధతులు ఉన్నాయి. జిల్లా వ్యాప్తంగా ఇంకుడు గుంతలు, ఫాంపాండ్స్‌ (నీటి కుంటలు), పెర్కోలేషన్‌ ట్యాంక్స్‌, బోర్‌వెల్‌ రీచార్జి, ఓపెన్‌ వెల్స్‌ నిర్మాణాలు జిల్లాలో కొనసాగుతున్నాయి. ముందుగా ప్రతిపాదనలు రూపొందించి, మంజూరు అనంతరం నిర్మాణాలు చేపడుతున్నారు. అయితే కలెక్టర్‌ ప్రత్యేక సమీక్షల ద్వారా పనుల పురోగతి తెలుసుకుంటూ, నిర్మాణాలు వేగవంతమయ్యేలా సంబంధిత అధికారులు, సిబ్బందికి సూచనలు అందజేస్తున్నారు.

జిల్లాలో ఉదయం మంచుకురుస్తుంది. మధ్యాహ్నం ఎండ మామూలుగా ఉంటుంది. సాయంత్రం చల్లగాలులు వీస్తాయి. అభ్యసన సామర్థ్యాలు పెంపొందించాలి ● కలెక్టర్‌ సందీప్‌ కుమార్‌ ఝూ నర్మెట(తరిగొప్పుల): విద్యార్థులలో అభ్యసన సామర్థ్యాలు పెంచడంతో పాటు నాణ్యమైన భోజనం అందించాలని కలెక్టర్‌ సందీప్‌ కుమార్‌ ఝా అన్నారు. తరిగొప్పుల ఉన్నత పాఠశాలను శుక్రవారం ఆకస్మిక తనిఖీ నిర్వహించిన ఆయన విద్యాబోధన, విద్యార్థుల అభ్యసన సామర్థ్యం, మౌలిక వసతులు, పరిసరాల పరిశుభ్రత, మధ్యాహ్న భోజన నిర్వహణ, తరగతి గదులను పరిశీలించి విద్యార్థులతో నేరుగా మాట్లాడారు.. ఆంగ్ల పాఠ్యాంశాలను చదివించడంతో పాటు చదువుపై ఆసక్తి, పాఠ్యాంశాలను ఏమేరకు అకలింపు చేసుకుంటున్నారో స్వయంగా ఆరాతీశారు. పాఠశాల పరిసరాలను పరిశీలించిన అన ంతరం ఎంఆర్సీ, అంగన్‌ వాడీ భవనాల నిర్మాణ పెండింగ్‌ పనులను త్వరితగతిన పూర్తిచేయాలని, నీటి సంప్‌లపై మూతలు ఏర్పాటు చేయాలని ఆదేశించారు. ఆయన వెంట హెచ్‌ఎం మధుసూదన్‌ రెడ్డి, సంబంధిత అధికారులు ఉన్నారు. బకాయిల వసూళ్లపై దృష్టి సారించాలి ● జిల్లా ఎస్‌ఏఓ శంకర్‌ స్టేషన్‌ఘన్‌పూర్‌: విద్యుత్‌ బకాయిల వసూళ్లపై విద్యుత్‌ అధికారులు, సిబ్బంది ప్రత్యేక దృష్టి సారించాలని జిల్లా ఎస్‌ఏఓ(సీనియర్‌ అకౌంట్స్‌ ఆఫీసర్‌) శంకర్‌ సూచించారు. డివిజన్‌ కేంద్రంలోని విద్యుత్‌ సహాయ గణాంక అధికారి కార్యాలయంలో ఘన్‌పూర్‌ డీఈ సారయ్యతో కలిసి జిల్లా సీనియర్‌ అకౌంట్స్‌ అధికారి శుక్రవారం డివిజన్‌ పరిధిలోని విద్యుత్‌ అధికారులతో సమీక్ష సమావేశం నిర్వహించారు. ఈ సందర్భంగా ఎస్‌ఏఓ మాట్లాడుతూ.. ఫోన్‌పే, గుగూల్‌పే, టీజీ ఎన్పీడీసీఎల్‌ బిల్‌ డెస్క్‌, అమెజాన్‌ తదితర సులభమైన ఆన్‌లైన్‌ పద్ధతుల ద్వారా వినియోగదారులు తమ ఇంటి వద్ద నుంచే విద్యుత్‌ బిల్లులు చెల్లించాలని సూచించారు. ఏడీఈలు రణధీర్‌రెడ్డి, శ్రీధర్‌, ఏఏఓ యాకుభ్‌పాషా, చంద్రశేఖర్‌, ఏఈలు, సబ్‌ ఇంజనీర్లు పాల్గొన్నారు.

జనగామ రూరల్‌: పశువులకు సమతుల్య పోషకాహారం అందించి పాడి పరిశ్రమ అభివృద్ధికి కృషి చేయాలని జిల్లా పశువైద్య, పశుసంవర్ధక శాఖ అధికారి మురళీధర్‌రావు సూచించారు. శుక్రవారం పశుసంవర్ధక శాఖ, పశుగణాభివృద్ధి సంస్థ ఆధ్వర్యంలో మండలం ఎర్రగొల్లపహాడ్‌ గ్రామంలో పశు సంతానోత్పత్తి సమస్యల నిర్ధారణ శిబిరాన్ని పరిశీలించారు. అంతకుముందు సర్పంచ్‌ చిర్ర సత్యనారాయణ రెడ్డి , ఉప సర్పంచ్‌ కల్పన శిబిరాన్ని ప్రారంభించారు. పశువులకు తగినంత తాగునీరు అందించడం, పశువులను ఎండ వేడి నుంచి రక్షించడం, సమతుల్య పోషకాహారం అందించడం, పచ్చిమేత ఖనిజ లవణాల మిశ్రమాన్ని తగిన మోతాదులో ఇవ్వడం ద్వారా వాటి ఆరోగ్యాన్ని కాపాడాలన్నారు. తద్వారా పాల ఉత్పత్తిని పెంపొందించుకోవాలని సూచించారు. కార్యక్రమంలో బైరగోని చంద్రం, సెక్రటరీ రాజు, డా.నితిన్‌ కుమార్‌, డా. శ్రీకాంత్‌, సూపర్‌వైజర్‌ జైపాల్‌ రెడ్డి, దామోదర్‌, అబ్బయ్య, హరిబాబు, పర్శరాములు తదితరులు పాల్గొన్నారు. కూలీల సంక్షేమానికి పాటుపడాలి● జెడ్పీ సీఈఓ పి.బలరామ్‌ దేవరుప్పుల : వీబీ జీరామ్‌జీ పనుల అనుబంధ అధికార యంత్రాంగం సమన్వయంతో వ్యవహరిస్తూ కూలీల సంక్షేమం కోసం పాటుపడాలని జెడ్పీ సీఈఓ పి.బలరామ్‌ సూచించారు. శుక్రవారం మండల పరిషత్‌ కార్యాలయంలో ఎంపీడీఓ మేనక పౌడేల్‌ అధ్యక్షతన ఉపాధి పనుల లభ్యత, ఎల్‌నినో ప్రభావ నివారణ చర్యలు అనే అంశంపై సమీక్ష జరిగింది. ఈ సందర్భంగా ఆయన మాట్లాడుతూ.. ఉపాధి పనులు, కూలీ పనుల నివేదికలు పరిశీలించి, గ్రామీణ ప్రాంతాల్లో కూలీలకు పనుల లభ్యతలో తేడా రాకుండా నిర్దేశిత లక్ష్యం కోసం పాడుపడాలన్నారు. ఎల్‌నినో ప్రభావం వల్ల కలిగే ప్రతి కూల పరిస్థితులు, వర్షాభావ ప్రభావాలను ఎదుర్కోడానికి, వాటిని తగ్గించడానికి తీసుకోవలసిన ముందస్తు జాగ్రత్తలను వివరించారు. సమావేశంలో డిప్యూటీ సీఈఓ నాగశేషాద్రిసూరి, ఈజీఏస్‌ ఇసీ మోహన్‌, పలు గ్రామాల సర్పంచ్‌లు, కార్యదర్శులు, ఈజీఎస్‌ ఫీల్డ్‌ అసిస్టెంట్లు పాల్గొన్నారు. కేయూ ఇంజనీరింగ్‌ విభాగాల డీన్‌గా ప్రొఫెసర్‌ కిషోర్‌ కేయూ క్యాంపస్‌: కేయూ ఇంజనీరింగ్‌ విభాగాల డీన్‌గా ఇంజనీరింగ్‌ కళాశాల ప్రొఫెసర్‌ కె.కిషోర్‌ నియమితులయ్యారు. ఇటీవల కేయూ రిజిస్ట్రార్‌ రామచంద్రం ఉత్తర్వులు జారీచేయగా.. ఆయన బాధ్యతలు స్వీకరించారు. ఇప్పటివరకు డీన్‌గా విధులు నిర్వర్తించిన ఇంజనీరింగ్‌ కళాశాల ప్రిన్సిపాల్‌ ఆచార్య ఎన్‌.రమణ నుంచి ఆయన బాధ్యతలు స్వీకరించారు. రెండేళ్లపాటు బాధ్యతలు నిర్వర్తించనున్నారు. రద్దీ మేరకు బస్సులు : ఆర్టీసీ ఈడీ హన్మకొండ: ప్రయాణికుల రద్దీ మేరకు బస్సులు సమకూరుస్తామని ఆర్టీసీ కరీంనగర్‌ జోన్‌ ఈడీ సోలమన్‌ తెలిపారు. శుక్రవారం వరంగల్‌ రీజియన్‌ పర్యటనకు వచ్చిన ఆయన హనుమకొండ జిల్లా బస్‌ స్టేషన్‌ పరిశీలించారు. ప్రయాణికులకు అందుతున్న సేవలను తెలుసుకున్నారు. సద్దుల బతుకమ్మ, దసరా పండుగకు వచ్చిన ప్రజలు తిరుగు ప్రయాణం, బస్సులు సమకూర్చడాన్ని పర్యవేక్షించారు. ఈ నెల 25న (ఆదివారం), 26 (సోమవారం)న ప్రయాణికుల రద్దీ ఎక్కువగా ఉండే అవకాశముందని తెలిపారు. ఈ మేరకు అవసరమైన బస్సులు సమకూర్చాలని స్థానిక అధికారులకు ఈ మేరకు ఆదేశాలు జారీ చేశారు. ఆయనవెంట వరంగల్‌ ఆర్‌ఎం ఎస్‌.భవాని ప్రసాద్‌, డిప్యూటీ ఆర్‌ఎం శ్రీహర్ష, డిపో మేనేజర్లు పుప్పాల అర్పిత, రవిచంద్ర ఉన్నారు.

సాక్షి ప్రతినిధి, వరంగల్‌: కుష్టు కేసులను వెలికి తీసేందుకు వైద్య, ఆరోగ్యశాఖ మరోసారి ఇంటింటి సర్వేకు శ్రీకారం చుట్టింది. జాతీయ కుష్టు వ్యాధి నిర్మూలన కార్యక్రమంలో భాగంగా లెప్రసీ కేస్‌ డిటెక్షన్‌ క్యాంపెయిన్‌ (ఎల్‌సీడీసీ)ను అధికారులు ముమ్మరం చేస్తున్నారు. ఆరోగ్య సిబ్బంది, ఆశా కార్యకర్తలు ఇంటింటికీ వెళ్లి చర్మంపై అనుమానాస్పద మచ్చలు, స్పర్శజ్ఞానం తగ్గడం, చేతులు, కాళ్లలో తిమ్మిర్లు, బలహీనత వంటి లక్షణాలను పరిశీలించనున్నారు. కుష్టు వ్యాధి ప్రారంభ దశలో గుర్తిస్తే పూర్తిగా నయం చేయడంతోపాటు శాశ్వత వైకల్యాలను కూడా నివారించవచ్చని వైద్యశాఖ చెబుతోంది. అందుకే అనుమానితులను గుర్తించడం, పరీక్షలు చేయించడం, నిర్ధారణ అయిన వారికి వెంటనే బహుళ ఔషధ చికిత్స (ఎండీటీ) అందించడం ఈ సర్వే ప్రధాన ఉద్దేశం. ఉమ్మడి జిల్లాపై ప్రత్యేక నజర్‌.. హనుమకొండ, వరంగల్‌, జనగామ, మహబూబాబాద్‌, జయశంకర్‌ భూపాలపల్లి, ములుగు జిల్లాలతో కూడిన పూర్వ ఉమ్మడి వరంగల్‌ ప్రాంతంలో కుష్టు నిర్మూలన కార్యక్రమాన్ని సాధారణ ఆరోగ్య సేవల్లో భాగంగా కొనసాగిస్తున్నారు. హనుమకొండ జిల్లా అధికారిక ఆరోగ్యశాఖ వెబ్‌సైట్‌లోనూ జాతీయ కుష్టు నిర్మూలన కార్యక్రమం (ఎన్‌ఎల్‌ఈపీ)ను ప్రధాన కమ్యూనికబుల్‌ డిసీజ్‌ కార్యక్రమాల్లో ఒకటిగా పేర్కొంది. ఆరు జిల్లాల్లోనూ కుష్టు కేసుల ముందస్తు గుర్తింపు, ఇంటింటి కాంటాక్ట్‌ సర్వే, ఆశా కార్యకర్తల భాగస్వామ్యం, ఉచిత ఎండీటీ చికిత్స, వైకల్య నివారణ చర్యలను ఎన్‌ఎల్‌ఈపీలో భాగంగా అమలు చేస్తున్నట్లు వైద్యశాఖ పేర్కొంది. మచ్చ కనిపిస్తే నిర్లక్ష్యం వద్దు.. చర్మంపై సాధారణ రంగుకంటే తెల్లగా లేదా రాగి రంగులో మచ్చలు కనిపించడం, ఆ ప్రాంతంలో స్పర్శజ్ఞానం తగ్గడం లేదా లేకపోవడం కుష్టు వ్యాధికి ముఖ్యమైన సంకేతాలుగా వైద్యశాఖ పేర్కొంటోంది. చేతులు, కాళ్లలో తిమ్మిర్లు, బలహీనత, స్పర్శజ్ఞానం కోల్పోవడం వంటి లక్షణాలు కనిపించినా వైద్యులను సంప్రదించాలి. ప్రభుత్వ ఆస్పత్రులు, పీహెచ్‌సీలు, ఇతర ప్రభుత్వ ఆరోగ్య కేంద్రాల్లో కుష్టు వ్యాధి పరీక్షలు, చికిత్స ఉచితంగా అందుబాటులో ఉన్నాయి. అనుమానం వస్తే ఆరోగ్య సిబ్బందికి చెప్పండి..కుష్టు వ్యాధి శాపం కాదు.. వంశపారంపర్య వ్యాధి కూడా కాదు. సరైన సమయంలో చికిత్స తీసుకుంటే పూర్తిగా నయం చేయవచ్చు. జాతీయ కుష్టు వ్యాధి నిర్మూలన కార్యక్రమంలో భాగంగా ఇంటింటి సర్వే నిర్వహిస్తున్నాం. ఈ సర్వేకు ప్రజలు సహకరించి, అనుమానాస్పద లక్షణాలుంటే దాచిపెట్టకుండా ఆరోగ్య సిబ్బందికి తెలియజేయాలి. వ్యాధిపై భయాందోళనలు అవసరం లేదు. వ్యాధిగ్రస్తులపై వివక్ష చూపకుండా వారికి అండగా నిలుద్దాం. – డాక్టర్‌ ఎ.అప్పయ్య, డీఎంహెచ్‌ఓ, హనుమకొండ కుష్టువ్యాధి అనుమానితుల గుర్తింపుపై వైద్యశాఖ దృష్టి మళ్లీ మొదలైన ఎల్‌సీడీసీ సర్వే ఇంటింటికీ వైద్య ఆరోగ్య సిబ్బంది తొలిదశలో గుర్తిస్తే వైకల్యానికి చెక్‌ ఉమ్మడి వరంగల్‌లో విస్తృతంగా స్క్రీనింగ్‌జిల్లా సర్వే చేసిన గృహాలు పరీక్షించుకున్నవారు అనుమానితులు హనుమకొండ 2,17,815 9,07,815 1406 వరంగల్‌ 1,86,668 7,46,672 1013 భూపాలపల్లి 13,386 4,33,506 336 ములుగు 79,216 2,84,530 722 జనగామ 1,26,509 4,59,783 847 మహబూబాబాద్‌ 2,07,697 7,64,772 2544 8,31,291 35,97,078 6,868

● జిల్లా మార్కెట్‌లో 8,265 క్వింటాళ్ల కొనుగోళ్లుజనగామ: వ్యవసాయ మార్కెట్‌కు శుక్రవారం ధాన్యం భారీగా తరలివచ్చింది. మార్కెట్‌లో దొడ్డు రకం ధాన్యం 7,200 క్వింటాళ్లు, సన్నరకం ధాన్యం 1,065 క్వింటాళ్లు రాగా, మొత్తం 8,265 క్వింటాళ్లను కొనుగోలు చేశారు. మార్కెట్‌ సమయం దాటిన తర్వాత వచ్చిన సుమారు 60 నుంచి 70 ట్రాక్టర్ల ధాన్యాన్ని, ఉదయం వచ్చిన ధాన్యం బిడ్డింగ్‌ ప్రక్రియ పూర్తయ్యాక సాయంత్రం నాలుగు గంటలకు లోపలికి అనుమతించారు. ప్రస్తుతం కొనుగోలు చేసిన ధాన్యంతో పాటు మరో 7 నుంచి 8 వేల బస్తాలు కొనుగోలుకు సిద్ధంగా ఉన్నాయి. దొడ్డు రకం ధాన్యానికి క్వింటాల్‌కు గరిష్టంగా రూ.2,416, కనిష్టంగా రూ.1,859, మోడల్‌ ధర రూ.2,386 పలికింది. ఆర్‌ఎన్‌ఆర్‌ 2458 సన్నరకానికి రూ.3,016 ధర లభించింది. మొక్కజొన్న 305 క్వింటాళ్లు కొనుగోలు చేయగా, గరిష్ట ధర రూ.2,875 పలికింది. స్థానిక ఖరీదారులతో పాటు స్టేషన్‌ఘన్‌న్‌పూర్‌ తదితర ప్రాంతాల వ్యాపారులు కొనుగోళ్లలో పాల్గొన్నారు.

సాక్షిప్రతినిధి, వరంగల్‌: వరంగల్‌–ఖమ్మం–నల్లగొండ పట్టభద్రుల ఎమ్మెల్సీ ఎన్నికలపై ప్రధాన రాజకీయ పార్టీలు ఇప్పటినుంచే దృష్టి సారించాయి. ఎన్నికల నోటిఫికేషన్‌ వెలువడకముందే రాజకీయ వాతావరణం వేడెక్కుతోంది. ఓటర్ల నమోదు ప్రక్రియపై దృష్టి పెట్టడంతో పాటు, పార్టీ శ్రేణులను సమాయత్తం చేసేందుకు కాంగ్రెస్‌, బీఆర్‌ఎస్‌, బీజేపీ తమదైన వ్యూహాలతో ముందుకు సాగుతున్నాయి. పట్టభద్రులను ఆకట్టుకోవడం, ఓటర్ల జాబితాలో తమకు అనుకూలమైన అర్హులైన ఓటర్ల నమోదు జరిగేలా అవగాహన కల్పించడం, నాయకులు–కార్యకర్తల మధ్య సమన్వయం పెంచుకుంటున్నాయి. గెలుపే లక్ష్యంగా ఎత్తులు.. పైఎత్తులకు తెరతీస్తున్నాయి. కాంగ్రెస్‌.. ప్రభుత్వ పనితీరే ప్రచారాస్త్రంగా.. అధికార కాంగ్రెస్‌ పార్టీ తమ అభ్యర్థి విజయమే లక్ష్యంగా ఎన్నికల సన్నాహాలను వేగవంతం చేస్తోంది. ఇప్పటికే ఉమ్మడి జిల్లాస్థాయి సమావేశం అనంతరం నియోజకవర్గాల వారీగా నాయకులతో సమావేశాలు నిర్వహిస్తూ పార్టీ శ్రేణులను సమాయత్తం చేస్తోంది. తాజాగా హనుమకొండ డీసీసీ కార్యాలయంలో వరంగల్‌ పశ్చిమ నియోజకవర్గ ముఖ్య నాయకులు, డివిజన్‌ అధ్యక్షులతో ఎమ్మెల్యే నాయి ని రాజేందర్‌రెడ్డి, డీసీసీ అధ్యక్షుడు ఇనగాల వెంకట్రామ్‌రెడ్డి తదితరులు పాల్గొని ఎన్నికల్లో అనుసరించాల్సిన కార్యాచరణపై దిశానిర్దేశం చేశారు. ప్రభుత్వం చేపట్టిన ఉద్యోగ నియామకాలు, సంక్షేమ కార్యక్రమాలు, విద్యావంతులు, నిరుద్యోగుల కోసం తీసుకుంటున్న నిర్ణయాలను పట్టభద్రుల్లోకి తీసుకెళ్లాలని కాంగ్రెస్‌ నాయకత్వం భావిస్తోంది. బీఆర్‌ఎస్‌.. గత పట్టు నిలబెట్టుకునే యత్నం ప్రధాన ప్రతిపక్షమైన బీఆర్‌ఎస్‌కు ఈ ఎన్నికలు రాజకీయంగా కీలకంగా మారనున్నాయి. గతంలో పట్టభద్రుల వర్గంలో పార్టీకి ఉన్న ఆ దరణను నిలబెట్టుకో వడంతో పాటు, అధికార కాంగ్రెస్‌ ప్ర భుత్వంపై విమర్శలను ప్రజ ల్లోకి తీసుకెళ్లేందుకు ఆ పార్టీ ముఖ్య నాయకులు వ్యూహరచన చేస్తున్నారు. పార్టీ వ ర్కింగ్‌ ప్రెసిడెంట్‌ కేటీఆర్‌, మాజీ మంత్రి హరీశ్‌రావు ఉమ్మడి వరంగల్‌ ముఖ్య నేతలతో కొద్ది రోజుల కిందట భేటీలు నిర్వహించారు. కేసీఆర్‌ సైతం ఫామ్‌హౌజ్‌లో మాజీ మంత్రులు, ఎమ్మెల్యేలతో మాట్లాడారు. ఉద్యోగ నియామకాలు, నిరుద్యోగ సమస్యలు, ప్రభుత్వ హామీల అమలు, ఉద్యోగుల ప్రయోజనాలు వంటి అంశాలను ప్రస్తావిస్తూ పట్టభద్రులను ఆకట్టుకునే ప్రయత్నం చేస్తున్నారు. ఆ పార్టీ గతంలో పోటీ చేసి స్వల్ప మెజార్టీతో ఓటమి చెందిన ఏనుగుల రాకేష్‌రెడ్డి.. ముఖ్య నేతలతో కలిసి ఓటర్ల నమోదు చురుగ్గా సాగిస్తున్నారు. బీజేపీ.. పట్టభద్రుల్లో పట్టు పెంచుకునేలా.. మరోవైపు బీజేపీ సైతం ఈ ఎన్నికలు తమ రాజకీయ బలాన్ని చాటుకునే అవకాశంగా భావిస్తోంది. పూర్వ వరంగల్‌, నల్లగొండ, ఖమ్మం జిల్లాల్లో పార్టీ సంస్థాగత బలాన్ని సమన్వయం చేసుకోవడంతోపాటు విద్యావంతులు, ఉద్యోగులు, యువతలో మద్దతును విస్తరించుకునేందుకు ప్రయత్నిస్తోంది. కేంద్ర ప్రభుత్వ విధానాలు, జాతీయ స్థాయి అంశాలతోపాటు ఉద్యోగాలు, విద్య, యువతకు అవకాశాలు, అభివృద్ధి వంటి అంశాలను పట్టభద్రుల ముందుకు తీసుకెళ్లాలన్న తలంపుతో ఉన్నారు. అభ్యర్థి ఎంపిక, స్థానిక రాజకీయ సమీకరణాలు, పట్టభద్రుల్లో పార్టీకి ఉన్న ఆదరణను ఓట్లుగా మలుచుకునే వ్యూహాలు ఎన్నికల్లో ఆ పార్టీ ప్రభావాన్ని నిర్ణయించనున్నాయి.పట్టభద్రుల సమస్యలే ప్రచార ఎజెండా.. ఎమ్మెల్సీ ఎన్నికల్లో పోటీకి ముందే ఓటర్ల నమోదు రాజకీయ పార్టీలకు కీలకంగా మారింది. ఇందులో చురుకుగా వ్యవహరించడంతోపాటు పట్టభద్రులతో నిరంతర సంబంధాలు కొనసాగించడం ద్వారా ఎన్నికల నాటికి అనుకూల వాతావరణాన్ని నిర్మించుకోవాలని పార్టీలు యోచిస్తున్నాయి. అభ్యర్థి ఫలానా అంటూ ఓటరుగా నమోదు చేసుకున్నారా.. తాము చేయాలా అని ఫోన్లు చేస్తున్నారు. ఇదిలా ఉండగా ఎన్నికల నోటిఫికేషన్‌ వెలువడకముందే పార్టీలు సన్నాహక సమావేశాలు, ఓటర్ల నమో దు, నాయకుల సమన్వయంపై దృష్టి సారిస్తుండటంతో పట్టభద్రుల ఎమ్మెల్సీ ఎన్నికల హీట్‌ రోజు రోజుకూ పెరుగుతోంది. పోటాపోటీగా ఓటర్ల నమోదు.. సన్నాహక సమావేశాలు గెలుపే లక్ష్యంగా నేతల మోహరింపు.. వ్యూహాలకు పదును పట్టభద్రులను ప్రసన్నం చేసుకునే పనిలో పార్టీలు... నోటిఫికేషన్‌కు ముందే ‘ఎమ్మెల్సీ’హీట్‌.. నియోజకవర్గాల వారీగా ఇన్‌చార్జ్‌ల నియామకం గ్రాడ్యుయేట్‌ ఎమ్మెల్సీ ఎన్నికల నేపథ్యంలో బీఆర్‌ఎస్‌ పార్టీ గురువారం ఉమ్మడి వరంగల్‌ పరిధిలోని 12 అసెంబ్లీ నియోజకవర్గాలకు పార్టీ నేతలకు బాధ్యతలు అప్పగించింది. జనగామ నియోజకవర్గానికి బండా శ్రీనివాస్‌, ఘన్‌పూర్‌ (ఎస్సీ)కు నాగుర్ల వెంకన్న, పాలకుర్తికి ఎం.సుధీర్‌కుమార్‌ను నియమించింది. డోర్నకల్‌ (ఎస్టీ)కు మాజీ ఎంపీ మాలోత్‌ కవిత, మహబూబాబాద్‌ (ఎస్టీ)కు సత్యవతి రాథోడ్‌కు బాధ్యతలు అప్పగించింది. అదేవిధంగా నర్సంపేట నియోజకవర్గానికి పోచంపల్లి శ్రీనివాస్‌రెడ్డి, పరకాలకు సమ్మారావు, వరంగల్‌ పశ్చిమకు బి.వినోద్‌కుమార్‌, వరంగల్‌ తూర్పుకు మర్రి యాదవరెడ్డిని నియమించింది. వర్ధన్నపేట (ఎస్సీ)కు మసూద్‌, భూపాలపల్లికి రామస్వామి నాయక్‌, ములుగు (ఎస్టీ)కి ముత్తిరెడ్డి యాదగిరిరెడ్డిని బాధ్యులుగా ప్రకటించింది. గ్రాడ్యుయేట్‌ ఎమ్మెల్సీ ఎన్నికల్లో పార్టీ శ్రేణులను సమన్వయం చేయడం, పట్టభద్రులను సంప్రదించడం, ఎన్నికల ప్రచార కార్యక్రమాలను పర్యవేక్షించడం వంటి బాధ్యతలను వీరు నిర్వహించనున్నారు.

జనగామ రూరల్‌: సామాజిక అసమానతలను, దోపిడీని ఎదిరించి పేదలకు అండగా నిలిచిన యోధుడు పండుగ సాయన్న అని కలెక్టర్‌ సందీప్‌ కుమార్‌ ఝా కొనియాడారు. గురువారం కలెక్టరేట్‌లో జిల్లా వెనుకబడిన తరగతుల సంక్షేమ శాఖ ఆధ్వర్యంలో పండుగ సాయన్న 174వ జయంతి వే డుకలు నిర్వహించారు. ఆయన చిత్రపటానికి పూలమాల వేసి ఘనంగా నివాళులర్పించిన అనంతరం కలెక్టర్‌ మాట్లాడుతూ.. ప్రజలను దోచుకుంటున్న దొరలు, దేశ్‌ముఖ్‌ల ఆస్తులను పేదలకు పంచిన ఉన్నత వ్యక్తిగా పండుగ సాయన్న పేరు పొందారని పేర్కొన్నారు. కార్యక్రమంలో అదనపు కలెక్టర్‌ బెన్‌ షాలోమ్‌, మున్సిపల్‌ చైర్‌పర్సన్‌ కడకంచి బాలమణి, జిల్లా వెనుకబడిన తరగతుల సంక్షేమ శాఖ అధికారి ఎన్‌.ఎల్‌.నరసింహారావు, ముదిరాజ్‌ సంఘం జిల్లా అధ్యక్షుడు నీలం గట్టయ్య, కురుమ సంఘం ప్రధాన కార్యదర్శి జాయ మల్లేశం, ఆర్య కుల క్షత్రియ జిల్లా ప్రధాన కార్యదర్శి ప్రభాకర్‌, కేజికేఎస్‌ జిల్లా కార్యదర్శి వెంకట మల్లయ్య, టీకేవీఎస్‌ స్టేట్‌ వైస్‌ ప్రెసిడెంట్‌ అభినాష్‌ పాల్గొన్నారు. కలెక్టర్‌ సందీప్‌ కుమార్‌ ఝా

జనగామ: దసరా, బతుకమ్మ పండుగల సందర్భంగా స్వగ్రామాలకు వచ్చిన కుటుంబ సభ్యులు, విద్యార్థులు, యువకులు తిరుగు ప్రయాణం కావడంతో జనగామ బస్టాండు ప్రయాణికులతో కిక్కిరిసిపోయింది. గురువారం పట్టణంతో పాటు ఆయా మండలాల పరిధిలోని బస్టాపుల్లోనూ రద్దీ నెలకొంది. పండుగ సెలవులు ముగియడంతో హైదరాబాద్‌, ఉప్పల్‌, జగద్గిరిగుట్ట తదితర ప్రాం తాలకు వెళ్లే ప్రయాణికుల సంఖ్య భారీగా పెరిగింది. దీంతో ఆయా రూట్లలో బస్సులన్నీ ప్రయాణికులతో కిక్కిరిసి కనిపించాయి. సూర్యాపేట, హనుమకొండ, సిద్దిపేట తదితర ప్రాంతాలకు వెళ్లే బస్సుల్లోనూ రద్దీ కొనసాగింది. ప్రయాణికుల రద్దీకి అనుగుణంగా ఆర్టీసీ అధికారులు అదనపు బస్సులు నడుపుతున్నప్పటికీ, ఒకేసారి భారీసంఖ్యలో ప్రయాణికులు బయలుదేరడంతో బస్సుల కోసం గంటకుపైగా నిరీక్షించాల్సిన పరిస్థితి ఏర్పడింది. రైలు ప్రయాణాల్లోనూ ఇదే పరిస్థితి కనిపించింది.

హన్మకొండ అర్బన్‌: ఈనెల 24, 26 తేదీల్లో నిర్వహించనున్న తెలంగాణ పబ్లిక్‌ సర్వీస్‌ కమిషన్‌ పరీక్షలను పకడ్బందీగా నిర్వహించాలని హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. అభ్యర్థులు పరీక్ష కేంద్రాలకు సకాలంలో చేరుకోవాలని కోరారు. గురువారం హనుమకొండ కలెక్టరేట్‌లో వివిధ శాఖల అధికారులు, పరీక్ష కేంద్రాల చీఫ్‌ సూపరింటెండెంట్లు, విభాగాల అధికా రులు, తనిఖీ బృందాల అధికారులతో కలెక్టర్‌ సమన్వయ సమావేశం నిర్వహించారు. ఈనెల 24న అసిస్టెంట్‌ సైంటిస్ట్‌ (అనలిస్ట్‌ గ్రేడ్‌–2), 26న కాలుష్య నియంత్రణ మండలిలో అసిస్టెంట్‌ ఎన్విరాన్‌మెంటల్‌ ఇంజనీర్ల నియామక పరీక్షల నిర్వహణపై సమీక్షించారు. ఈసందర్భంగా కలెక్టర్‌ మాట్లాడుతూ.. రెండు పరీక్షలను కంప్యూటర్‌ ఆధారిత విధానంలో నిర్వహించనున్నట్లు తెలిపారు. నిమిషం నిబంధన అమల్లో ఉంటుందని, అభ్యర్థులు గమనించి ముందుగానే పరీక్ష కేంద్రాలకు చేరుకోవాలని కోరారు. ఐదు కేంద్రాల్లో పరీక్షలు జిల్లాలోని వడ్డేపల్లి అయాన్‌ డిజిటల్‌ జోన్‌, ఎరగ్రట్టు గుట్ట కిట్స్‌ కళాశాల, గోపాల్‌పూర్‌ కల్లు మండవ కూడలి వద్ద ఉన్న ఎన్‌ఎస్‌ గ్లోబల్‌ టెక్నాలజీస్‌, హసన్‌పర్తిలోని చింతగట్టు ఫ్లైఓవర్‌ సమీపంలో ఉన్న నోబెల్‌ టెక్నాలజీ అండ్‌ సొల్యూషన్స్‌, ములుగు క్రాస్‌రోడ్డులోని శ్రీ గాయత్రి డిగ్రీ, పీజీ కళాశాలల్లో పరీక్షలు నిర్వహించనున్నట్లు కలెక్టర్‌ తెలిపారు. అసిస్టెంట్‌ సైంటిస్ట్‌ (అనలిస్ట్‌ గ్రేడ్‌–2) పరీక్షకు 1,320 మంది, అసిస్టెంట్‌ ఎన్విరాన్‌మెంటల్‌ ఇంజనీర్ల పరీక్షకు 1,225 మంది అభ్యర్థులు హాజరుకానున్నట్లు వివరించారు. పరీక్ష కేంద్రాల్లో అభ్యర్థులకు ఇబ్బందులు కల్గకుండా అన్ని ఏర్పాట్లు చేయాలని ఆదేశించారు. జిల్లా రెవెన్యూ అధికారి కె.శ్రీనివాస్‌, కలెక్టరేట్‌ పరి పాలన అధికారి గౌరీశంకర్‌ తదితరులు పాల్గొన్నారు.

ఆసక్తి పెంచుకునేలాజనగామ: జిల్లాలో విద్యార్థుల్లో క్రీడా ప్రతిభను వెలికితీయడంతో పాటు విస్తృత స్థాయిలో క్రీడలపై ఆసక్తిని పెంపొందించేందుకు జిల్లా విద్యాశాఖ ఆధ్వర్యంలో ‘కలెక్టర్‌ కప్‌ ఇండోర్‌ గేమ్స్‌–2026’ నిర్వహించేందుకు ఏర్పాట్లు చేస్తున్నారు. జిల్లాలోని అన్ని యాజమాన్యాల పాఠశాలల్లో ఈనెల 23(శుక్రవారం) నుంచి ఈ నెల 31 వరకు పాఠశాల స్థాయి పోటీలు నిర్వహించనున్నారు. అనంతరం మండల స్థాయి పోటీలు, జిల్లా స్థాయి ఫైనల్స్‌ ఉంటాయి. ఈ పోటీల నిర్వహణతో పాటు మండల స్థాయిలో అన్ని సబ్జెక్టుల క్విజ్‌, ఫాస్ట్‌ మ్యాథ్స్‌ పోటీలకు కూ డా ఏర్పాట్లు చేయాలని మండల విద్యాధికారులకు కలెక్టర్‌ సూచించారు. పాఠశాల నుంచి జిల్లా స్థాయి వరకు పాఠశాల స్థాయిలో ప్రతీ ఈవెంట్‌కు ఇద్దరు విద్యార్థులను ఎంపిక చేసి మండల స్థాయి పోటీలకు పంపించాలి. ఈ నెల 31వ తేదీ సాయంత్రంలోగా మండల స్థాయిలో పాల్గొనే విద్యార్థుల వివరాలను ప్రధానోపాధ్యాయులు సంబంధిత మండల విద్యాధికారులకు అందజేయాలి. వచ్చే నెల 2న మండల విద్యాధికారులు ఈ వివరాలను జిల్లా కార్యాలయానికి సమర్పించాలి. వచ్చే నెల 2 నుంచి 6వ తేదీ మధ్య ఏదో ఒక రోజు మండల స్థాయి పోటీలు నిర్వహించి, జిల్లా స్థాయికి ఎంపికై న విద్యార్థుల వివరాలను 7వ తేదీ మధ్యాహ్నంలోగా జిల్లా కార్యాలయానికి పంపించాలి. క్విజ్‌, ఫాస్ట్‌ మ్యాథ్స్‌ పోటీలు.. మండల స్థాయిలో అన్ని సబ్జెక్టుల క్విజ్‌, ఫాస్ట్‌ మ్యాథ్స్‌ క్విజ్‌, కలెక్టర్‌ కప్‌ ఇండోర్‌ గేమ్స్‌ను సమర్థంగా నిర్వహించేందుకు ప్రతి మండలంలో ఎంఈఓ ఆధ్వర్యంలో ఆర్గనైజింగ్‌ కమిటీని ఏర్పాటు చేయాలని ఆదేశించారు. పోటీల నిర్వహణకు సంబంధించిన వివిధ బాధ్యతలను కమిటీ సభ్యులకు కేటాయించాలి. ఈ కమిటీల వివరాలను జిల్లా కార్యాలయంలో సమర్పించాలి. జిల్లా స్థాయి పోటీల్లో 12 మండలాల నుంచి ఒక్కో ఈవెంట్‌కు ఇద్దరు చొప్పున అర్హత సాధిస్తే, మొత్తం 22 ఈవెంట్లలో సుమారు 528 మంది పాల్గొనే అవకాశం ఉందని విద్యాశాఖ భావిస్తోంది. జిల్లా స్థాయి ఫైనల్స్‌ను వచ్చేనెల 12, 13 తేదీల్లో నిర్వహించనున్నారు. ఇదే సమయంలో జిల్లాకు కేటాయించిన అండర్‌–14 బాలురు, బాలికల రాష్ట్ర స్థాయి సెపక్‌ తక్రా ఎంపిక పోటీలను నవంబర్‌ 12 నుంచి 14 వరకు నిర్వహించాలని ప్రతిపాదించారు. అయితే రాష్ట్ర స్థాయి పోటీల తేదీలు ఎస్‌జీఎఫ్‌ఐ జాతీయ పోటీల షెడ్యూల్‌ నిర్ధారణకు లోబడి ఉండనున్నాయి. ఇండోర్‌ గేమ్స్‌ మాత్రం ప్రత్యేక జిల్లా స్థాయి పోటీలుగా కొనసాగుతాయి. జిల్లాలోని అన్ని పాఠశాలల ప్రధానోపాధ్యాయులు, మండల విద్యాధికారులు నిర్దేశించిన గడువుల్లో విద్యార్థుల వివరాలు పంపించి, ఆర్గ నైజింగ్‌ కమిటీలను ఏర్పాటు చేసి పోటీల నిర్వహణకు అవసరమైన చర్యలు తీసుకోవాల్సి ఉంది. విద్యార్థులకు క్రీడా ప్రతిభను ప్రదర్శించే అవకాశం కల్పించడంతో పాటు ప్రభుత్వ పాఠశాలల విద్యార్థుల భాగస్వామ్యాన్ని ప్రోత్సహించడం ఈ కార్యక్రమం ప్రధాన ఉద్దేశం. ఈ గేమ్స్‌ విద్యార్థుల తరగతులకు అంతరాయం కలుగకుండా నిర్వహించనున్నారు. కలెక్టర్‌ కప్‌లో చెస్‌, క్యారమ్స్‌, బ్యాడ్మింటన్‌ సింగిల్స్‌, టేబుల్‌ టెన్నిస్‌ సింగిల్స్‌, యోగాసనంలో పోటీలు నిర్వహిస్తారు. ఆరో తరగతి నుంచి పదో తరగతి వరకు చదువుతున్న విద్యార్థులు పాల్గొనేలా ఈ పోటీలను రూపొందించారు. అండర్‌–14, అండర్‌–17 విభాగాల్లో బాలురు, బాలికలకు వేర్వేరుగా పోటీలు నిర్వహిస్తారు. చెస్‌, క్యారమ్స్‌లో ప్రత్యేకంగా సీడబ్ల్యూఎస్‌ఎన్‌ (ప్రత్యేక అవసరాలు కలిగిన విద్యార్థులు) విభాగాన్ని కూడా ప్రతిపాదించారు. మొత్తం 22 ఈవెంట్లలో పోటీలు జరగనున్నాయి. ప్రభుత్వ, స్థానిక సంస్థలు, కేజీబీవీలు, మోడల్‌ స్కూళ్లు, ప్రభుత్వ గురుకులాలతోపాటు ప్రైవేటు పాఠశాలల విద్యార్థులకు ఎలాంటి ప్రవేశ రుసుము లేకుండా పాల్గొనే అవకాశం కల్పించనున్నారు. నేటి నుంచి పాఠశాల స్థాయి పోటీలు నవంబర్‌ 2 నుంచి 6 వరకు మండల స్థాయి.. చెస్‌, క్యారమ్స్‌, బ్యాడ్మింటన్‌, టేబుల్‌ టెన్నిస్‌, యోగాసనాల్లో అవకాశం క్విజ్‌, ఫాస్ట్‌ మ్యాథ్స్‌ పోటీల నిర్వహణకు కమిటీల ఏర్పాటు

దేవరుప్పుల : కాలానుగుణంగా రైతులు ప్రత్యామ్నాయ పంటల సాగుపై దృష్టి సారిస్తే బహుళ ప్రయోజనాలు పొందుతారని జిల్లా వ్యవసాయ అధికారి అంబికా సోనీ సూచించారు. గురువారం మండల కేంద్రంలోని రైతు వేదికలో ‘రైతు నేస్తం’(ఎపిసోడ్‌–111) ప్రత్యేక వీడియో కాన్ఫరెన్స్‌ కార్యక్రమంలో వ్యవసాయ అధికారి మనోహిత్‌ అధ్యక్షతన రాబోయే యాసంగి సీజన్‌కు సంబంధించి ముందస్తు ప్రణాళిక నీటి లభ్యత, భూసార సంరక్షణ అంశాలపై అవగాహన కల్పించారు. సమావేశంలో కొడకండ్ల వ్యవసాయ మార్కెట్‌ చైర్‌పర్సన్‌ నల్ల అండాళు శ్రీరాములు, సర్పంచ్‌లు పెద్ది కృష్ణమూర్తి, చింత రవి, తీగల పరుశరాములు, డీహెచ్‌ఎస్‌ఓ నర్సయ్య, డీవీఏహెచ్‌ఓ మురళిధర్‌రావు, డీఎంఓ సారంగపాణి, విజయ డెయిరీ జిల్లా చైర్మన్‌ ధర్మారెడ్డి, ఐకేపీ అనుబంధ సిబ్బంది, తదితరులు పాల్గొన్నారు. జిల్లా వ్యవసాయ అధికారి అంబికా సోనీ

రెండు ఎకరాల్లో వరి సాగు చేశా ను. సుమారు రూ.50 వేల పెట్టుబడి పెట్టగా 80 బస్తాల దిగుబడి వచ్చింది. ప్రైవేటు మార్కెట్‌కు ధా న్యం తీసుకురాగా క్వింటాల్‌కు రూ.2,300 ధర పలి కింది. పెట్టుబడితో పోలిస్తే ధర బాగానే వచ్చింది.నాలుగు ఎకరాల రెండు గుంటల్లో సన్న వరి సాగు చేస్తే 150 బస్తాల దిగుబడి వచ్చింది. మార్కెట్‌లో క్వింటాల్‌కు రూ.3,000 ధర లభించింది. ఇంత మంచి ధర వస్తుందని ఊహించలేదు. – వాంకుడు యాద, రైతు, చింతబావి తండా●– భూపాల్‌రెడ్డి, బండ్లగూడెం, లింగాలఘణపురం

జనగామ: ఐదు రోజుల సెలవుల అనంతరం జిల్లా కేంద్రంలోని వ్యవసాయ మార్కెట్‌ గురువారం తిరిగి ప్రారంభమైంది. దీంతో జిల్లా నలుమూలల నుంచి రైతులు భారీగా ధాన్యాన్ని మార్కెట్‌కు తరలించారు. వరి కోతలు ముమ్మరంగా సాగుతుండటంతో మార్కెట్‌కు ధాన్యం రాక పెరిగింది. దొడ్డు ధాన్యంతో పాటు సన్నధాన్యానికి కూడా కొనుగోళ్లు జోరుగా సాగుతున్నాయి. ముఖ్యంగా సన్నధాన్యానికి డిమాండ్‌ పెరగడంతో క్వింటాల్‌కు రూ.3,000 వరకు ధర పలుకుతుండటం రైతుల్లో ఆనందం నింపుతోంది. ప్రభుత్వం ప్రకటించిన మద్దతు ధర ప్రకారం ఏ–గ్రేడ్‌ ధాన్యం క్వింటాల్‌కు రూ.2,461, సాధారణ రకం ధాన్యానికి రూ.2,441, మొక్కజొన్నకు రూ.2,410 ధర ఉంది. అయితే జనగామ మార్కెట్‌లో తేమ శాతం ఎక్కువగా ఉన్న ధాన్యానికి నాణ్యతను బట్టి ప్రైవేటు వ్యాపారులు క్వింటాలుకు రూ.1,800 నుంచి రూ.2,400 వరకు ధర చెల్లిస్తున్నారు. సన్నధాన్యానికి మాత్రం రూ.2,800 నుంచి రూ.3,000 వరకు ధర లభిస్తోంది. దొడ్డు ధాన్యం 7,466 క్వింటాళ్ల కొనుగోలు 7,466 క్వింటాళ్ల దొడ్డు ధాన్యం, 234 క్వింటాళ్ల సన్నధాన్యాన్ని కొనుగోలు చేశారు. దొడ్డు ధాన్యాని కి క్వింటాల్‌కు కనిష్టంగా రూ.1,809, గరిష్టంగా రూ.2,369, మోడల్‌ ధర రూ.2,339 పలికింది. సన్నధాన్యానికి కనిష్ట ధర రూ.2,799, గరిష్ట ధర రూ.3,001, మోడల్‌ రూ.2,799గా నమోదైంది. జిల్లా మార్కెట్‌కు పోటెత్తిన ధాన్యం సన్నాలకు రూ.3,000 ధర ఐదు రోజుల సెలవుల తర్వాత ప్రారంభమైన కొనుగోళ్లు

జనగామ: పట్టణంలోని రైల్వే ఓవర్‌ బ్రిడ్జి (ఆర్‌ఓబీ) నిర్వహణ బాధ్యత మున్సిపల్‌ శాఖ పరిధిలోకి వస్తుందని ఆర్‌అండ్‌బీ జాతీయ రహదారుల విభాగం అధికారులు స్పష్టం చేశారు. ‘వారధి రోదన’ శీర్షికన సాక్షిలో సెప్టెంబర్‌ 21న ప్రచురితమైన కథనంపై అధికారులు స్పందించారు. జాతీయ రహదారి 365బీలోని జనగామ–దుద్దెడ సెక్షన్‌ బైపాస్‌ మార్గంలో ఈ ఆర్‌ఓబీ ఉన్నట్లు నివేదికలో పేర్కొన్నారు. జాతీయ రహదారిపై ఉన్నప్పటికీ, ఈ వంతెన జనగామ మున్సిపల్‌ పరిధిలోకి వస్తుందని తెలిపారు. అందువల్ల ఆర్‌ఓబీ నిర్వహణ పనులను మున్సిపల్‌ శాఖ చేపట్టాల్సి ఉంటుందని స్పష్టం చేశారు. పారామెడికల్‌ కోర్సుల్లో ప్రవేశాలకు నోటిఫికేషన్‌ జనగామ: జిల్లా ప్రభుత్వ వైద్య కళాశాలలో 2026–27 విద్యా సంవత్సరానికి పారామెడికల్‌ డిప్లొమా కోర్సుల్లో ప్రవేశాల కోసం నోటిఫికేషన్‌ విడుదలైంది. తెలంగాణ పారా మెడికల్‌ బోర్డు సెక్రటరీ ఉత్తర్వుల మేరకు ఈ నోటిఫికేషన్‌ జారీ చేసినట్లు మెడికల్‌ కళాశాల ప్రిన్సిపల్‌ డాక్టర్‌ నాగమణి తెలిపారు. అర్హత కలిగిన విద్యార్థులు ఈ నెల 24వ తేదీలోగా దరఖాస్తులు సమర్పించాలని సూచించారు. ప్రభుత్వ వైద్య కళాశాలలో రెండేళ్ల వ్యవధి కలిగిన రెండు పారా మెడికల్‌ డిప్లొమా కోర్సులను అందుబాటులోకి తీసుకొచ్చారు. డిప్లొ మా ఇన్‌ మెడికల్‌ ఇమేజింగ్‌ టెక్నీషియన్‌ (డీఎంఐటీ) కోర్సులో 30 సీట్లు, డిప్లొమా ఇన్‌ ఆప్తాల్మిక్‌ అసిస్టెంట్‌ డీఏఓ కోర్సులో 30 సీట్లు కేటాయించారు. రెండు కోర్సుల్లో కలిపి మొత్తం 60 సీట్లు అందుబాటులో ఉన్నాయి. ఇంటర్‌ ఉత్తీర్ణులకు అవకాశం ఇంటర్మీడియట్‌లో బైపీసీ, ఎంపీసీ గ్రూపుల్లో ఉత్తీర్ణులైన విద్యార్థులు ఈ కోర్సుల్లో ప్రవేశాలకు దరఖాస్తు చేసుకోవడానికి అర్హులు. బైపీసీ, ఎంపీసీ విద్యార్థులు అందుబాటులో లేని పక్షంలో ఇతర ఇంటర్మీడియట్‌ కోర్సులు పూర్తి చేసిన విద్యార్థుల దరఖాస్తులను కూడా పరి శీలించనున్నట్లు ప్రిన్సిపాల్‌ తెలిపారు. విద్యార్థులు తమ దరఖాస్తులను ఈ నెల 24వ తేదీ లోగా జిల్లా కేంద్రంలోని ప్రభుత్వ వైద్య కళాశా ల కార్యాలయంలో అందజేయాలి. నోటిఫికేషన్‌కు సంబంధించిన పూర్తి వివరాలను ఈ నెల 15 నుంచి తెలంగాణ పారామెడికల్‌ బోర్డు అధికారిక వెబ్‌సైట్‌ www.tgpmbtelangana.gov.in లో అందుబాటులో ఉంచినట్లు ప్రిన్సిపల్‌ పేర్కొన్నారు. జాతీయ స్థాయి పోటీలకు కోచ్‌గా తిరుపతిజనగామ రూరల్‌: చైన్నెలోని జవహర్‌లాల్‌ నెహ్రూ స్టేడియంలో ఈనెల 23 నుంచి జరుగుతున్న 41వ జూనియర్‌ నేషనల్‌ అథ్లెటిక్స్‌ చాంపియన్‌షిప్‌ తెలంగాణ టీమ్‌కు కోచ్‌గా నర్మెట మండలం బొత్తల్లపర్రెకు చెందిన వాంకుడోత్‌ తిరుపతి ఎంపికయ్యారు. ఈమేరకు ఆయన గురువారం ఒక ప్రకటనలో తెలిపారు. తన ఎంపికకు సహకరించిన తెలంగాణ అథ్లెటిక్స్‌ అసోసియేషన్‌ అధ్యక్షుడు స్టాన్లీ జోన్స్‌, ప్రధాన కార్యదర్శి సారంగపాణికి కృతజ్ఞతలు తెలియజేశారు. జిల్లా అసోసియేషన్‌ అధ్యక్షుడు పెద్ది వెంకటనారాయణ గౌడ్‌, కార్యదర్శి గంగిశెట్టి మనోజ్‌ కుమార్‌, కోశాధికారి ఆవుల అశోక్‌ అభినందనలు తెలిపారు. నేడు పాఠశాలలు పునఃప్రారంభం జనగామ రూరల్‌: ఈనెల 23న (శుక్రవారం) విద్యాసంస్థలు పునఃప్రారంభం కానున్నాయి. దసరా పండుగను పురస్కరించుకొని ప్రభుత్వం విద్యాసంస్థలకు ఈనెల 10 నుంచి 22 వరకు సెలవులు ప్రకటించిన విషయం తెలిసిందే. నేడు అభివృద్ధి కార్యక్రమాల ప్రారంభోత్సవం కేయూ క్యాంపస్‌: కాకతీయ యూనివర్సిటీలో స్పోర్ట్స్‌ హాస్టల్‌నుంచి కెనాల్‌ సమీపంలోని కో ఎడ్యుకేషన్‌ ఇంజనీరింగ్‌ కళాశాల వరకు రూ.1.34 కోట్ల వ్యయంతో కిలోమీటర్‌ మేర చేపట్టిన సీసీ రోడ్డు నిర్మాణ పనులు పూర్తయ్యాయి. అదేవిధంగా పరీక్షల విభాగం పక్కనే రూ1.67 కోట్ల వ్యయంతో పరీక్షల విభా గం రెండో బ్లాక్‌ భవనం నిర్మించారు. ఈ రెండు అభివృద్ధి పనులను ఈనెల 23న (శుక్రవారం) కేయూ వీసీ కె.ప్రతాప్‌రెడ్డి, రిజిస్ట్రార్‌ రామచంద్రం.. అభివృద్ధి అధికారి ఆచార్య వై.వెంకయ్యతో కలిసి ప్రారంభించనున్నారు.

బచ్చన్నపేట: మండలంలోని ఆలింపూర్‌ గ్రామంలో దుర్గామాతకు గ్రామానికి చెందిన చెన్నూరి బాలమణి–ఉప్పలయ్య దంపతులు బుధవారం అర కిలో వెండి కిరీటం బహుకరించారు. అలాగే గ్రామంలో నిర్మిస్తున్న నవగ్రహాల ఆలయానికి పాకాల శ్రీనివాస్‌ రూ.21 వేల విరాళాన్ని అందించారు. కార్యక్రమంలో సర్పంచ్‌ పాకాల నాగలక్ష్మి, మాజీ సర్పంచ్‌ నరెడ్ల బాల్‌రెడ్డి, గూడ రవీందర్‌రెడ్డి, జనార్దన్‌రెడ్డి, ఆలయ కమిటీ చైర్మన్‌ వంగాల శ్రీకాంత్‌రెడ్డి, ఆలయ పూజారి బంటు గోవర్ధన్‌, దండ్యాల కర్ణాకర్‌ పాల్గొన్నారు. క్యాంపు కార్యాలయంలో ఎమ్మెల్యే యశస్విని పూజలుపాలకుర్తి టౌన్‌: విజయదశమి సందర్భంగా మండల కేంద్రంలోని ఎమ్మెల్యే క్యాంపు కార్యాలయంలో ఎమ్మెల్యే మామిడాల యశస్వినిరెడ్డి వాహన, ఆయుధ పూజలు నిర్వహించారు. అనంతరం శ్రీసోమేశ్వర లక్ష్మీనర్సింహస్వామి ఆలయంలో ఎమ్మెల్యే యశస్వినిరెడ్డి ప్రత్యేక పూజలు నిర్వహించారు. ఈ సందర్భంగా అమె మాట్లాడుతూ.. నియోజకవర్గం అన్ని రంగాల్లో అభివృద్ధి చెందాలని అమ్మవారిని ప్రార్థించినట్లు పేర్కొన్నారు. ‘బాబా పిలుపుతో’ పుస్తకావిష్కరణపాలకుర్తి టౌన్‌: మండలంలోని ముత్తారం గ్రామానికి చెందిన జర్నలిస్టు కల్వల మల్లికార్జున్‌రెడ్డి, లతాశ్రీ దంపతులు షిరిడీ పాదయాత్ర అనుభవాలతో రచించిన ‘బాబా పిలుపుతో’ పుస్తకాన్ని మంగళవారం ఆవిష్కరించారు. ముత్తారం సర్పంచ్‌ చింతకింది అనిత ఉపేందర్‌ పుస్తకాన్ని ఆవిష్కరించారు. లయన్స్‌ క్లబ్‌ ముత్తారం ఆధ్వర్యంలో ఈ కార్యక్రమాన్ని నిర్వహించారు. క్లబ్‌ అధ్యక్షుడు మంచినీళ్ల విష్ణువర్ధన్‌రెడ్డి, ఉపాధ్యక్షుడు కూనూరు కుమార్‌, కోశాధికారి చింతకింది ఉపేందర్‌ పాల్గొన్నారు. వార్డు సభ్యులు నెమలిపురి రాజు, భారత ప్రభాకర్‌, కారుపోతుల అంజయ్య, కల్వల నర్సింహరెడ్డి, సోమిరెడ్డి, ఆరవింద్‌రెడ్డి, బాలకృష్ణారెడ్డి తదితరులు పాల్గొని జర్నలిస్టు మల్లికార్జున్‌రెడ్డి దంపతులకు అభినందనలు తెలిపారు. ఘనంగా త్రిశూల తీర్థోత్సవంహన్మకొండ కల్చరల్‌: దేవీ శరన్నవరాత్రి ఉత్సవాల్లో భాగంగా శ్రీరుద్రేశ్వరస్వామివారి వేయిస్తంభాల దేవాలయంలోని ప్రాచీన కోనేటిలో త్రిశూల తీర్థోత్సవం (త్రిశూల స్నానం) మంగళవారం ఘనంగా నిర్వహించారు. ఆలయ ప్రధానార్చకుడు గంగు ఉపేంద్రశర్మ ఆధ్వర్యంలో అర్చకులు మణికంఠశర్మ, ప్రణవ్‌, దత్తకుమార్‌శర్మ శ్రీరుద్రేశ్వరస్వామి వారికి రుద్రాభిషేకం చేశారు. అమ్మవారి ఉత్సవ విగ్రహానికి చతుషష్టి ఉపచారపూజలు, అపరాజితాదేవిపూజ, శమీపూజ చేసి రాజరాజేశ్వరీదేవిగా అలంకరించారు. గంగు ఉపేంద్రశర్మ శ్రీరుద్రేశ్వరి అమ్మవారి పంచలోహ విగ్రహాన్ని, త్రిశూలాన్ని పసుపుతో పూజించారు. అనంతరం పల్లకీలో ఊరేగింపుగా తీసుకెళ్లి ఆలయంలోని ప్రాచీన కోనేరు జలంలో శ్రీసూక్తవిధానంతో అవబృధస్నానం, జలాధివాసం, త్రిశూల తీర్థోత్సవం నిర్వహించారు. ప్రముఖ విద్యావేత్త చుక్కా రామయ్యకు సత్కారంపాలకుర్తి టౌన్‌: ఎంతో మంది భవిష్యత్‌ను తీర్చిదిద్దిన ప్రముఖ విద్యావేత్త చుక్కా రామయ్యను రిటైర్డ్‌ ఐఏఎస్‌ అధికారి డాక్టర్‌ కేవీ రమణాచారి బుధవారం హైదరాబాద్‌ విద్యానగర్‌లోని ఆయన నివాసంలో కలిశారు. రామయ్యను పూలమాల, శాలువాతో సత్కరించి ఆశీస్సులు తీసుకున్నారు. విద్యారంగానికి రామయ్య అందించిన సేవలను ఈ సందర్భంగా వారంతా కొనియాడారు.

జనగామ: దసరా పండుగను పురస్కరించుకొని పట్టణంలోని బతుకమ్మ కుంటలో మంగళవారం రాత్రి నిర్వహించిన రావణ వధ వేడుకలు కాంగ్రెస్‌, బీఆర్‌ఎస్‌ పార్టీల మధ్య తీవ్ర ఉద్రిక్తతకు దారితీశాయి. ప్రొటోకాల్‌ వివాదం మరోసారి తెరపైకి రావడంతో ఇరువర్గాల నాయకులు పరస్పరం ఆరోపణలు చేసుకుంటూ నినాదాలు చేయడంతో పరిస్థితులు ఒక్కసారిగా వేడెక్కాయి. చివరకు ఇరు పార్టీల శ్రేణుల మధ్య తోపులాట, ఘర్షణ చోటు చేసుకోవడంతో పోలీసులు లాఠీచార్జి చేసి పరిస్థితిని అదుపులోకి తీసుకురావాల్సి వచ్చింది. ఆలయంలోనూ ప్రొటోకాల్‌ వివాదం రావణ వధ కార్యక్రమంలో భాగంగా ఎమ్మెల్యే పల్లా రాజేశ్వర్‌రెడ్డి దుర్గామాత ఆలయంలో అమ్మవారిని దర్శించుకునే సమయంలో కాంగ్రెస్‌ నియోజకవర్గ ఇన్‌చార్జ్‌ కొమ్మూరి ప్రతాపరెడ్డి, చేర్యాల ఏఎంసీ చైర్మన్‌ ప్రశాంత్‌రెడ్డి, పార్టీ శ్రేణులు అక్కడికి చేరుకున్నారు. పూజ చేసే సమయంలో కాంగ్రెస్‌ నాయకులు తనను నెట్టివేశారని ఎమ్మెల్యే ఆరోపించారు. కనీసం ఆలయంలో పూజలు చేసేందుకు కూడా అవకాశం ఇవ్వరా అంటూ ఆయన ఆవేదన, ఆగ్రహం వ్యక్తం చేయడంతో ఇరువర్గాల మధ్య వాగ్వాదం మొదలైంది. తమ నాయకుడిపై అనుచిత వ్యాఖ్యలు చేస్తారా అంటూ కాంగ్రెస్‌ నాయకులు ఎమ్మెల్యేపై ఆగ్రహం వ్యక్తం చేయడంతో ఉద్రిక్తతలకు దారితీసింది. ప్రొటోకాల్‌ పేరుతో అభివృద్ధి కార్యక్రమాలు, పండుగ వేడుకల్లో పదేపదే వివాదాలకు తెరలేపుతున్నారని కాంగ్రెస్‌ నాయకులు ఎదురుదాడికి దిగారు. దీంతో ఇరుపార్టీల నాయకులు పోటాపోటీగా నినాదాలు చేయడంతో ఉద్రిక్తత పెరిగింది. వేదిక ఎదుట గ్యాలరీతో మొదలైన వివాదం మున్సిపాలిటీ ఆధ్వర్యంలో నిర్వహించిన రావణ వధ వేడుకలకు సంబంధించి వేదిక ముందు ఏర్పాటు చేసిన గ్యాలరీలో కాంగ్రెస్‌ నియోజకవర్గ ఇన్‌చార్జ్‌ కొమ్మూరి ప్రతాపరెడ్డి, చేర్యాల వ్యవసాయ మార్కెట్‌ కమిటీ చైర్మన్‌ ప్రశాంత్‌రెడ్డి, కాంగ్రెస్‌ నాయకులు, ఆ పార్టీ కౌన్సిలర్లు కూర్చున్నారు. దీంతో ఎమ్మెల్యే పల్లా రాజేశ్వర్‌రెడ్డి వేదిక వద్దకు వెళ్లకుండా బయటే కూర్చున్నారు. పరిస్థితిని గమనించిన సీఐ సత్యనారాయణరెడ్డి, మున్సిపల్‌ కమిషనర్‌ రాజశేఖర్‌రెడ్డి ఎమ్మెల్యే వద్దకు వెళ్లి కార్యక్రమానికి హాజరుకావాలని విజ్ఞప్తి చేశారు. అయితే తాను అక్కడికి రానని, బయటే ఉంటానని ఎమ్మెల్యే స్పష్టం చేశారు. అధికారులు రెండు, మూడు సార్లు ప్రయత్నించినప్పటికీ ఆయన తన నిర్ణయాన్ని మార్చుకో లేదు. నేలపై కూర్చొని బీఆర్‌ఎస్‌ కౌన్సిలర్ల నిరసన అధికారికంగా ఏర్పాటు చేసిన గ్యాలరీ నుంచి కాంగ్రెస్‌ నాయకులను వెంటనే పంపించాలని డిమాండ్‌ చేస్తూ బీఆర్‌ఎస్‌ కౌన్సిలర్లు నేలపై కూర్చొని నిరసన తెలిపారు. మున్సిపాలిటీ ఆధ్వర్యంలో నిర్వహిస్తున్న దసరా వేడుకల్లో ప్రొటోకాల్‌ పాటించడం లేదని వారు మండిపడ్డారు. ఈ క్రమంలో ఇరువర్గాల మధ్య వాగ్వాదం తీవ్రరూపం దాల్చింది. ఇరువర్గాల మధ్య తోపులాట, ఘర్షణ చోటుచేసుకోవడంతో పోలీసులు జోక్యం చేసుకుని లాఠీచార్జి చేసి వారిని చెదరగొట్టారు. వేడుకలు ముగిసిన అనంతరం ఇరువర్గాల నాయకులు ఎవరికి వారుగా అక్కడి నుంచి వెళ్లిపోవడంతో అధికారులు ఊపిరి పీల్చుకున్నారు. ప్రొటోకాల్‌ వివాదాలు.. అధికారులకు తలనొప్పి పట్టణంలో రాజకీయ పార్టీల కార్యక్రమాల సందర్భంగా ప్రొటోకాల్‌ అంశం తరచూ వివాదాలకు దారితీస్తుండటం అధికారులకు తలనొప్పిగా మా రింది. కాంగ్రెస్‌, బీఆర్‌ఎస్‌ పార్టీలకు సంబంధించిన కార్యక్రమాలు ఉన్నప్పుడు ముందుగానే పోలీ సు యంత్రాంగం అప్రమత్తమై బందోబస్తు చర్యలు చేపడుతున్నారు. సాధారణంగా స్వల్ప ఉద్రిక్తతలు, ఆరోపణలు, నినాదాలకే పరిమి తమవుతున్న రాజకీయ వివాదాలు, బతుకమ్మ కుంటలో నిర్వహించిన రావణ వధ వేడుకల్లో మాత్రం లాఠీచార్జి వరకు వెళ్లడం చర్చనీయాంశంగా మారింది. రావణ వధ వేడుకల్లో కాంగ్రెస్‌–బీఆర్‌ఎస్‌ మధ్య ఉద్రిక్తత ఇరువర్గాల నినాదాలు తోపులాట, పోలీసుల లాఠీచార్జి

జనగామ: జిల్లాలోని నర్మెట మండలం అమ్మాపురం గ్రామానికి చెందిన ప్రముఖ చెక్క బొమ్మలాట, తోలుబొమ్మలాట, యక్షగాన కళాకారుడు మోతె కొండయ్య మృతి జానపద కళలకు తీరని లోటని కళాభిమానులు ఆవేదన వ్యక్తం చేస్తున్నారు. మోతె కొండయ్య సుమారు 20 ఏళ్ల క్రితం జిల్లా కేంద్రంలోని పాలకేంద్రం సమీపంలో రాజీవ్‌నగర్‌లో స్థిరపడ్డారు. తాతలు, తండ్రుల కాలం నుంచి వంశపారంపర్యంగా వస్తున్న చెక్క బొమ్మల కళను ఆయన తన జీవితానికి మార్గంగా ఎంచుకున్నారు. బాల్యం నుంచే కళపై మక్కువ పెంచుకున్న ఆయన, స్వయంగా చెక్కతో బొమ్మలను తయారు చేసి వాటికి కదలికలు కల్పిస్తూ అద్భుతమైన ప్రదర్శనలు ఇచ్చేవారు. బొమ్మల కదలికల్లో జీవం.. కొండయ్య ప్రత్యేకత కేవలం బొమ్మలను తయారు చేయడంలోనే కాదు.. వాటితో ప్రేక్షకులను ఆకట్టుకునేలా ప్రదర్శనలు ఇవ్వడంలోనూ ఉండేది. కర్రతో చెక్కిన బొమ్మలను తన చేతివేళ్ల నైపుణ్యంతో ఆడిస్తూ, వాటితో నృత్యాలు చేయిస్తూ, సంగీతం, సంభాషణల సమన్వయంతో ప్రదర్శనలకు జీవం పోసేవారు. బొమ్మల కదలికలు, హావభావాలు, గానం ప్రేక్షకులకు నిజమైన మనుషులు ప్రదర్శన ఇస్తున్న అనుభూతిని కలిగించేవి. కథను రక్తికట్టించే మాటతీరు, సంగీత పరిజ్ఞానం, కళాత్మక ప్రదర్శనలతో చిన్నా పెద్దా తేడా లేకుండా అందరినీ ఆకట్టుకునేవారు. ప్రముఖుల ప్రశంసలు రాష్ట్రంతో పాటు దేశంలోని అనేక ప్రాంతాల్లో కొండయ్య తన కళా ప్రదర్శనలతో గుర్తింపు పొందారు. హైదరాబాద్‌లోని రవీంద్రభారతి, సుందరయ్య విజ్ఞాన కేంద్రంతో పాటు ఢిల్లీ, ముంబై తదితర నగరాల్లో తన ప్రతిభను చాటుకున్నారు. దేశవిదేశాల్లో ప్రదర్శనలు ఇచ్చి ప్రశంసలు, అవార్డులు అందుకున్నారు. ఉమ్మడి ఆంధ్రప్రదేశ్‌లోని ముఖ్యమంత్రులతో పాటు తెలంగాణ రాష్ట్రం ఏర్పడిన తర్వాత అప్పటి ముఖ్యమంత్రి కేసీఆర్‌ సహా పలువురు ప్రముఖుల ప్రశంసలు పొందారు. వారసత్వాన్ని కొనసాగిస్తున్న కుమారులు కొండయ్యకు ఉప్పలయ్య, చంద్రయ్య, జనార్దన్‌, ఐలయ్య, రామలింగం ఐదుగురు కుమారులు ఉన్నారు. తండ్రి నుంచి వారసత్వంగా అందిన చెక్క బొమ్మల కళను వారు కొనసాగిస్తున్నారు. తరతరాలుగా వస్తున్న ఈ కళను కుటుంబ సభ్యులు ముందుకు తీసుకెళ్తుండటం విశేషం. కొండయ్య సేవలు విలువైనవి.. ఆధునిక వినోద మాధ్యమాల ప్రభావంతో సంప్రదాయ జానపద కళలు క్రమంగా కనుమరుగవుతున్న తరుణంలో, కొండయ్య వంటి కళాకారుల సేవలు మరింత విలువైనవిగా నిలుస్తాయి. చెక్కబొమ్మలకు జీవం పోస్తూ తరతరాల కళా వారసత్వాన్ని కాపాడిన ఆయన మృతి జానపద కళారంగానికి తీరని లోటు. ఆయన కళాసేవలను స్మరించుకోవడంతో పాటు, ఆయన వారసులు కొనసాగి స్తున్న ఈ సంప్రదాయ కళలకు ప్రోత్సాహం అందించాల్సిన అవసరం ఉందని కళాభిమానులు అభిప్రాయపడుతున్నారు. దేశవిదేశాల్లో చెక్కబొమ్మలాట ప్రదర్శనలతో ప్రత్యేక గుర్తింపు

● పోలీసుల త్యాగాలు వెలకట్టలేనివి ● పోలీస్‌ అమరవీరుల సంస్మరణ దినోత్సవంలో సందీప్‌ కుమార్‌ ఝారఘునాథపల్లి: మారుతున్న నేర ధోరణులకు అనుగుణంగా ఆధునిక సాంకేతిక పరిజ్ఞానాన్ని సమర్థవంతంగా వినియోగిస్తు వేగంగా నేరాలు ఛేదిస్తున్న తీరు అభినందనీయమని కలెక్టర్‌ సందీప్‌ కుమార్‌ ఝా కొనియాడారు. పోలీసు అమరవీరుల సంస్మరణ దినోత్సవం సందర్బంగా బుధవారం రఘునాథపల్లి పోలీస్‌స్టేషన్‌ ఆవరణలో అమరవీరుల స్మారక స్థూపానికి వెస్ట్‌ జోన్‌ డీసీపీ రాజమహేంద్రనాయక్‌, ఏసీసీలు, సీఐలు, ఎస్సైలతో కలిసి పుష్పగుచ్ఛాలతో ఘనంగా నివాళులర్పించారు. ఈ సందర్బంగా కలెక్టర్‌ మాట్లాడుతూ.. శాంతియుత సమాజ నిర్మాణం కోసం.. విధి నిర్వహణలో ప్రాణాలను పణంగా పెట్టి అమరులైన పోలీసుల త్యాగాలు వెలకట్టలేనివని..అసువులు బాసిన పోలీసుల త్యాగాల ను నిత్యం స్మరించుకోవాలన్నారు. శాంతి భద్రతల పరిరక్షణ మాత్రమే కాకుండా విపత్తులు సంభవించినప్పుడు, ఇతరత్రా సందర్భాల్లో ప్రజల ప్రాణా లు కాపాడుతూ పోలీసులు స్పూర్తిదాయకంగా నిలుస్తున్నారని పేర్కొన్నారు. డీసీపీ రాజమహేంద్రనాయక్‌ మాట్లాడుతూ.. పోలీస్‌ అమరుల త్యాగా లు వృథా కాకుండా వారి స్ఫూర్తితో విధులు నిర్వర్తించాలని సూచించారు. కార్యక్రమంలో ఏసీపీ అంబటి నర్సయ్య, సీఐలు జి వేణు, సంజీవ్‌కుమార్‌, సత్యనారాయణరెడ్డి, భరత్‌సుమన్‌, పెండ్యాల దేవేందర్‌, ఎస్సైలు భరత్‌, శ్రవణ్‌కుమార్‌, కె. కిషోర్‌, రాజు, సృజన్‌కుమార్‌, సతీష్‌ పాల్గొన్నారు.పోలీసు అమరవీరులకు ఘన నివాళిజనగామ: పోలీసు అమరవీరుల సంస్మరణ దినోత్సవాన్ని పురస్కరించుకొని బుధవారం జిల్లా కేంద్రంలో పోలీసు అమరవీరులకు ఘనంగా నివాళులర్పించారు. పట్టణంలోని ఆర్టీసీ బస్టాండ్‌ ఔట్‌గేట్‌ సమీపం సిద్దిపేట రోడ్డులో ఉన్న పోలీసు అమరవీరుల స్తూపం వద్ద ఈ కార్యక్రమాన్ని నిర్వహించారు. వెస్ట్‌ జోన్‌ డీసీపీ బి.రాజమహేంద్ర నాయక్‌ ఆధ్వర్యంలో జరిగిన ఈ కార్యక్రమంలో డీసీపీ అమరవీరుల స్తూపం వద్ద పూలమాల వేసి, పోలీసు అమరవీరులకు సె ల్యూట్‌ చేసి నివాళులర్పించారు. విధి నిర్వహణలో దేశం కోసం ప్రాణాలర్పించిన పోలీసుల త్యాగాలను ఈ సందర్భంగా స్మరించుకున్నారు. కార్యక్రమంలో జనగామ సీఐ సత్యనారాయణరెడ్డి, ఎస్‌ఐలు చెన్నకేశవులు, నర్సయ్య, రతీష్‌తో పాటు కానిస్టేబుళ్లు, ఆటో డ్రైవర్లు పాల్గొన్నారు.

జనగామ: శ్రీదేవి శరన్నవరాత్రి ఉత్సవాల్లో భాగంగా పట్టణంలోని వివిధ ప్రాంతాల్లో కొలువుదీరి తొమ్మిది రోజుల పాటు భక్తుల పూజలు అందుకున్న దుర్గాదేవి అమ్మవారి ప్రతిమల నిమజ్జన కార్యక్రమం బుధవారం భక్తిశ్రద్ధలతో, ఆధ్యాత్మిక వాతావరణంలో జరిగింది. ఈ సందర్భంగా శ్రీ విల్లాస్‌ కాలనీ అమ్మవారితో పాటు ఆయా ప్రాంతాల విగ్రహాలను ప్రత్యేకంగా అలంకరించి మండపాల నుంచి శోభాయాత్రగా నిమజ్జనానికి తరలించారు. భజనలు, కోలాటాలు, నృత్యాలతో అమ్మవారి నామస్మరణ చేస్తూ భక్తులు ఉత్సాహంగా శోభాయాత్రలో ముందుకు సాగారు. అమ్మవారి నిమజ్జన కార్యక్రమంతో పట్టణంలో భక్తి భావం వెల్లివిరియగా, భక్తులు అమ్మవారికి ఘనంగా వీడ్కోలు పలికారు.

ఉమ్మడి జిల్లాలో ఇలా..కాజీపేట అర్బన్‌: ఎకై ్సజ్‌ శాఖకు దసరా జోష్‌ సంతరించుకుంది. ఉమ్మడి వరంగల్‌ జిల్లాలో మందుబాబులు రూ.173.47 కోట్ల మద్యాన్ని తాగేశారు. ఏడాది పొడవునా మద్యం విక్రయాలు ఒక తీరైతే కేవలం దసర పండుగ రోజున మాత్రం ఆ తీరే వేరు. బార్లు, వైన్స్‌ల చుట్టూ మందుబాబుల క్యూ కడుతూ ఉమ్మడి జిల్లాలోని 139 బార్లు, 295 వైన్స్‌లలో రూ.173.47 కోట్ల మద్యాన్ని కేవలం దసరా పండుగ విక్రయాలు జరిగాయంటేనే మందుబాబుల జోష్‌ తెలుస్తోంది. కాగా గతేడాది.. రూ.163.56 కోట్ల మద్యం విక్రయాలు జరగ్గా.. ఈ ఏడాది రూ.173.47 కోట్ల మద్యం విక్రయాలు జరిగాయి. గతేడాది కంటే రూ.10 కోట్లతో ఎకై ్సజ్‌శాఖ కిక్కునిచ్చింది. ఉమ్మడి జిల్లాలో టాప్‌ హనుమకొండ ఉమ్మడి వరంగల్‌ జిల్లాలో ట్రైసిటీతో ప్రత్యేక గుర్తింపు తెచ్చుకున్న వరంగల్‌ అర్బన్‌ (హనుమకొండ)జిల్లాలో అత్యధికంగా లిక్కర్‌ సేల్స్‌ కొనసాగుతుంటాయి. మద్యం టెండర్లు వెలువడితే చాలు వరంగల్‌ అర్బన్‌లో ఒక్క వైన్స్‌ వచ్చినా చాలు అంటూ పోటీపడుతుంటారు. అదేవిధంగా మద్యం విక్రయాల్లోనూ ఉమ్మడి జిల్లాలోని వరంగల్‌ రూరల్‌, జనగామ, మహబూబాబాద్‌, భూపాలపల్లి జయశంకర్‌ జిల్లాలతో పోటీ పడి వరంగల్‌ అర్బన్‌ టాప్‌లో నిలుస్తూ రూ.67.86 కోట్ల మద్యం విక్రయాలు కొనసాగించింది.బార్లు: 139వైన్స్‌: 295వరంగల్‌ అర్బన్‌67.86వరంగల్‌ రూరల్‌28.55జనగామ 28.75మహబూబాబాద్‌29.46జయశంకర్‌ భూపాలపల్లి 18.85ఉమ్మడి జిల్లాలో రూ.173 కోట్ల మద్యం తాగేశారు గతేడాది కంటే రూ.10 కోట్ల అధిక ఆదాయం ఉమ్మడి వరంగల్‌లో టాప్‌లో వరంగల్‌ అర్బన్‌ (హన్మకొండ)

జిల్లాలో ఘనంగా దసరా వేడుకలుబతుకమ్మకుంటలో రావణవధ సందర్భంగా బాణసంచా వెలుగులుజనగామ: జిల్లా వ్యాప్తంగా దసరా పండుగ వేడుకలు అంబరాన్నంటాయి. మంగళవారం జిల్లాలోని పట్టణాలు, గ్రామాల్లో ప్రజలు దసరా పండుగను ఘనంగా జరుపుకున్నారు. ఆలయాలతో పాటు జమ్మి చెట్టు పూజలు, పాలపిట్ట దర్శనాలతో జిల్లా వ్యాప్తంగా పండుగ సందడి నెలకొంది. జిల్లా కేంద్రంలోని బతుకమ్మ కుంటలో నిర్వహించిన జమ్మి పూజలు, రావణ వధ కార్యక్రమాలు ప్రత్యేక ఆకర్షణగా నిలిచాయి. జమ్మి ఆకులను బంగారానికి ప్రతీకగా భావిస్తూ ఒకరికొకరు అందజేసుకుని శుభాకాంక్షలు తెలుపుకున్నారు. బతుకమ్మకుంటలో వైభవంగా రావణ వధ పట్టణంలోని బతుకమ్మ కుంటలో మున్సిపాలిటీ ఆధ్వర్యంలో జమ్మి పూజలు, రావణ వధ కార్యక్రమాలను భారీ స్థాయిలో నిర్వహించారు. మున్సిపల్‌ చైర్‌పర్సన్‌ కడకంచి బాలమణి శ్రీనివాస్‌, కమిషనర్‌ రాజశేఖర్‌రెడ్డి పర్యవేక్షణలో వేడుకలకు విస్తృత ఏర్పాట్లు చేశారు. సాయంత్రం ప్రారంభమైన కార్యక్రమాలు రాత్రి వరకు ఉత్సాహంగా కొనసాగాయి. ప్రముఖ గాయని నిర్మల రాథోడ్‌ తన బృందంతో నిర్వహించిన సంగీత కార్యక్రమం ప్రజలను విశేషంగా ఆకట్టుకుంది. బాణసంచా వెలుగుల్లో.. రావణ వధ కార్యక్రమం వేడుకలకు ప్రధాన ఆకర్షణగా నిలిచింది. కుంట కట్టపై ఏర్పాటు చేసిన పది తలల రావణాసురుడి ప్రతిమను బాణాసంచాతో పేల్చివేశారు. ఈ సమయంలో ఆకాశమంతా రంగురంగుల వెలుగులతో మెరిసిపోయింది. భారీ బాణసంచా పేలుళ్లు, విద్యుత్‌ దీపాల కాంతులతో పట్టణం దేదీప్యమానంగా వెలిగింది. వేదికకు దూరంగా ఎమ్మెల్యే.. ఈ వేడుకల్లో ఎమ్మెల్యే పల్లా రాజేశ్వర్‌ రెడ్డి వేదికకు దూరంగా కూర్చొని కార్యక్రమాలను వీక్షించారు. వేదిక ముందు ఏర్పాటు చేసిన ప్రత్యేక గ్యాలరీలో కాంగ్రెస్‌ పార్టీ నియోజకవర్గ ఇన్‌చార్జి కొమ్మూరి ప్రతాపరెడ్డి, జిల్లా కాంగ్రెస్‌ అధ్యక్షురాలు లకావత్‌ ధన్వంతి, వైటీడీఏ మెంబర్‌ డాక్టర్‌ లక్ష్మీనారాయణ నాయక్‌, చేర్యాల వ్యవసాయ మార్కెట్‌ కమిటీ చైర్మన్‌ కొమ్మూరి ప్రశాంత్‌ రెడ్డితో పాటు కాంగ్రెస్‌ పార్టీకి చెందిన ముఖ్య నాయకులు, కౌన్సిలర్లు, ఇతర ప్రముఖులు ఆశీనులయ్యారు. బతుకమ్మ కుంటలో అట్టహాసంగా రావణ వధ బాణసంచా వెలుగుల్లో దేదీప్యమానంగా పట్టణం అలరించిన సాంస్కృతిక కార్యక్రమాలు జమ్మిపూజలు, పాలపిట్ట దర్శనాలతో పల్లెల్లో ఆధ్యాత్మిక శోభపటిష్ట పోలీసు బందోబస్తు.. జిల్లా వ్యాప్తంగా దసరా వేడుకల నేపథ్యంలో పోలీసులు పటిష్ట బందోబస్తు ఏర్పాటు చేశారు. గ్రామాలు, పట్టణ వార్డులు, సమస్యాత్మక ప్రాంతాల్లో పెట్రోలింగ్‌ వాహనాలతో నిరంతరం నిఘా కొనసాగించారు. పండుగ వేడుకలు, ప్రజల రద్దీని దృష్టిలో ఉంచుకొని పోలీసులు అప్రమత్తంగా వ్యవహరించారు.

దసరా వేడుకలకు ఏర్పాట్లు పూర్తిజనగామ: చెడుపై మంచి సాధించిన విజయానికి ప్రతీకగా నిలిచే ఈనెల 20న (మంగళవారం) విజయదశమి వేడుకలకు జిల్లా ముస్తాబైంది. ప్రధాన కూడళ్లు విద్యుత్‌ దీపాల అలంకరణలతో కళకళలాడుతుండగా, ఆలయాల్లో ప్రత్యేక పూజలకు ఏర్పాట్లు పూర్తయ్యాయి. జిల్లా కేంద్రంలోని బతుకమ్మ కుంటలో మున్సిపాలిటీ ఆధ్వర్యంలో నిర్వహించనున్న రావణవధ కార్యక్రమానికి అధికారులు అన్ని ఏర్పాట్లు పూర్తి చేశారు. బతుకమ్మకుంటలో రావణ వధ.. పట్టణంలోని బతుకమ్మ కుంట కట్టపై సాయంత్రం 6 గంటలకు నిర్వహించనున్న రావణ వధ కార్యక్రమం కోసం ప్రత్యేక వేదికను ఏర్పాటు చేశారు. మున్సిపల్‌ చైర్‌పర్సన్‌ కడకంచి బాలమణి శ్రీనివాస్‌, కమిషనర్‌ రాజశేఖర్‌రెడ్డి ఆధ్వర్యంలో పెద్ద ఎత్తున ఏర్పాట్లు చేపట్టారు. బతుకమ్మకుంట పరిసరాల్లో విద్యుత్‌ దీపాల అలంకరణ, ప్రత్యేక లైటింగ్‌ ఏర్పాట్లు చేశారు. హనుమకొండ, హైదరాబాద్‌కు చెందిన నిపుణుల ఆధ్వర్యంలో రావణ వధ కార్యక్రమాన్ని నిర్వహించేందుకు సన్నాహాలు చేశారు. మధ్యాహ్నం బతుకమ్మకుంటలోని శ్రీ విజయదుర్గామాత ఆలయంలో ప్రత్యేక పూజలు నిర్వహించిన అనంతరం జమ్మిచెట్టుకు పూజలు చేయనున్నారు. సాయంత్రం లేజర్‌ లైటింగ్‌ షో, బాణసంచా ప్రదర్శనల నడుమ రావణవధ కార్యక్రమం జరగనుంది. వేడుకలను తిలకించేందుకు పట్టణ ప్రజలు వేలాదిగా తరలివచ్చే అవకాశం ఉండటంతో పోలీసులు భారీ బందోబస్తు ఏర్పాటు చేశారు. ప్రజలకు ఎలాంటి ఇబ్బందులు కలగకుండా అధికారులు అవసరమైన ఏర్పాట్లు చేపట్టారు. గ్రామగ్రామాన జమ్మి పూజలు దసరా సందర్భంగా జిల్లా వ్యాప్తంగా గ్రామాల్లోనూ పండుగ సందడి నెలకొంది. గ్రామ పంచాయతీల ఆధ్వర్యంలో ఆలయాల ఆవరణలో ఉన్న జమ్మి చెట్లకు ప్రత్యేక పూజలు నిర్వహించేందుకు ఏర్పాట్లు చేశారు. గ్రామాలు, పట్టణాల్లోని ప్రధాన కూడళ్లను విద్యుత్‌ దీపాలతో అలంకరించారు. మధ్యాహ్నం నుంచి జమ్మి పూజలు, ఆలయ దర్శనాలతో పల్లెల్లో పండుగ సందడి మరింత పెరగనుంది. జోరుగా వ్యాపారాలు దసరా పండుగను పురస్కరించుకొని వ్యాపార లావాదేవీలు జోరుగా సాగాయి. కిరాణా సరుకులు, వస్త్రాలు, మాంసం, మద్యం, పూలు, పండ్ల దుకాణాల్లో కొనుగోళ్లు పెరిగాయి. కొత్త దుస్తుల కొనుగోళ్లతో వస్త్ర దుకాణాలు రద్దీగా మారగా, పండుగ అవసరాల కోసం ప్రజలు వివిధ మార్కెట్లకు తరలివెళ్తున్నారు. వ్యాపార సంస్థల్లో దసరా పండుగ సందడి కనిపిస్తోంది. ఆలయాల్లో ప్రత్యేక పూజలు శ్రీదేవి శరన్నవరాత్రి ఉత్సవాలు సోమవారంతో ముగియగా, విజయదశమి సందర్భంగా మంగళవారం అమ్మవారి నిజరూప దర్శనంతో పాటు పలు ఆలయాల్లో ప్రత్యేక పూజలు నిర్వహించనున్నారు. భక్తులు అమ్మవారిని దర్శించుకొని మొక్కులు చెల్లించుకోనున్నారు. చెడుపై మంచి సాధించిన విజయానికి ప్రతీకగా భావించే విజయదశమిని భక్తిశ్రద్ధలతో జరుపుకునేందుకు జిల్లా ప్రజలు సిద్ధమయ్యారు. సంప్రదాయ పూజలు, జమ్మి వృక్ష దర్శనం, ఆలయాల్లో ఆధ్యాత్మిక కార్యక్రమాలు, జిల్లా కేంద్రంలో రావణ వధ వేడుకలతో జిల్లా వ్యాప్తంగా పండుగ వాతావరణం నెలకొంది. నేడు జిల్లాకేంద్రంలోని బతుకమ్మకుంటలో రావణవధ.. జమ్మి పూజలు, లేజర్‌ లైటింగ్‌ షో, ప్రత్యేక అలంకరణలతో కళకళ పండుగ వేళ జోరుగా వ్యాపారాలు

జనగామ: పట్టణంలోని అమ్మబావి ఉప్పలమ్మ సహిత ఆంజనేయస్వామి దేవాలయంలో నిర్వహిస్తున్న దేవీ శరన్నవరాత్రి ఉత్సవాల్లో భాగంగా సోమవారం శ్రీ మహిషాసుర మర్దిని అలంకరణలో అమ్మవారు భక్తులకు దర్శనమిచ్చారు. ప్రత్యేక అలంకరణతో పల్లకిపై అమ్మవారిని పురవీధుల గుండా ఊరేగించారు. ఈ కార్యక్రమాన్ని ఆలయ పూజారి వారణాసి పవన్‌ శర్మ ఆధ్వర్యంలో నిర్వహించగా, భక్తులు అధిక సంఖ్యలో పాల్గొని అమ్మవారిని దర్శించుకుని ప్రత్యేక పూజలు చేశారు. మరోవైపు ఆలయంలో నిర్వహించిన చండీహోమం, పూర్ణాహుతి కార్యక్రమంలో డీసీపీ రాజామహేంద్ర నాయక్‌ పాల్గొని అమ్మవారికి ప్రత్యేక పూజలు నిర్వహించారు. దుర్గమాతకు రూ. 20వేల వెండి కిరీటంచిల్పూరు: మండలంలోని మల్కాపూర్‌ గ్రామంలోని దుర్గామాత ఆలయానికి సోమవారం అదే గ్రామానికి చెందిన కేశిరెడ్డి సంపత్‌రెడ్డి–రేణుక దంపతులు రూ.20 వేల విలువైన వెండి కిరీటాన్ని అర్చకుడు చొల్లేటి రాజేశ్వరశర్మకు అందజేశారు. కార్యక్రమంలో కేశిరెడ్డి రాకేష్‌రెడ్డిరజని, స్వాతి, పావణి, శ్యామల తదితరులు ఉన్నారు. పోస్టుల భర్తీకి దరఖాస్తుల ఆహ్వానంజనగామ రూరల్‌: నేషనల్‌ ఆయుష్‌ మిషన్‌ ఆధ్వర్యంలో ఔట్‌సోర్సింగ్‌ పద్ధతితో పోస్టుల భర్తీకి దరఖాస్తు చేసుకోవాలని కలెక్టర్‌ సందీప్‌ కుమార్‌ ఝా సోమవారం ఒక ప్రకటనలో తెలిపారు. మొత్తం 5 కేటగిరీలో 8 పోస్టులు ఉన్నాయన్నారు. ఇందులో ఆయుష్‌ మెడికల్‌ ఆఫీసర్‌ 3, ఫార్మసిస్ట్‌ 1, సైకాలజీకల్‌ కౌన్సిలర్‌ 1, యోగా ప్రొఫెసర్‌ 1, మల్టీపర్పస్‌ వర్కర్‌ 2 పోస్టులు ఉన్నాయన్నారు. 22వ తేదీ నుంచి 24వ తేదీ సాయంత్రం 5 గంటల లోగా డీఎంహెచ్‌ఓ కార్యాలయంలో సంబంధిత అర్హత పత్రాలతో దరఖాస్తు చేసుకోవాలన్నారు. 25వ తేదీన కలెక్టరేట్‌లో అర్హత పరీక్ష ఉంటుందని పేర్కొన్నారు. విత్తన డీలర్లకు అవగాహన జనగామ రూరల్‌: తక్కువ నీటితో సాగు చేసే పంటల విత్తనాలను డీలర్లు అందుబాటులో ఉండేలా చర్యలు తీసుకోవాలని డీఏఓ అంబి కా సోని సూచించారు. కలెక్టర్‌ ఆదేశాల మేరకు సోమవారం మండలంలోని చీటకోడూరు రైతు వేదికలో యాసంగి పంటల విత్తన విక్రయాల పై డీలర్లకు అవగాహన సమావేశం నిర్వహించారు. డీఏఓ మాట్లాడుతూ.. వ్యవసాయ శాఖ మార్గదర్శకాలకు అనుగుణంగా విత్తన విక్రయాలు చేపట్టాలన్నారు. కార్యక్రమంలో మండల వ్యవసాయ అధికారి శరత్‌ చంద్ర, వ్యవసాయ విస్తరణ అధికారులు అనిల్‌, మండలంలోని విత్తన డీలర్లు పాల్గొన్నారు. నాణ్యమైన విద్యుత్‌ అందించడమే లక్ష్యంస్టేషన్‌ఘన్‌పూర్‌: విద్యుత్‌ వినియోగదారులకు నాణ్యమైన నిరంతరాయ విద్యుత్‌ సరఫరా అందించడమే లక్ష్యంగా ఎన్పీడీసీఎల్‌ పనిచేస్తోంద ని సంస్థ డైరెక్టర్‌(ఆపరేషన్స్‌) టి.మధుసూదన్‌, డైరెక్టర్‌(ప్రాజెక్టు) మోహన్‌రావు అన్నారు. డివి జన్‌కేంద్రంలో నూతనంగా నిర్మించిన డిపార్ట్‌ మెంటల్‌ ఎస్‌పీఎం షెడ్‌ను డైరెక్టర్లు సోమవా రం ప్రారంభించారు. ఈ సందర్భంగా వారు మాట్లాడుతూ.. నూతన ఎస్‌పీఎం షెడ్‌ ప్రారంభించడంతో డివిజన్‌పరిధిలో లైన్‌ మెయింటనెన్స్‌, మరమ్మతులు, ట్రాన్స్‌ఫార్మర్ల నిర్వహణ పనులు వేగవంతంగా, సులభంగా నిర్వహించడానికి వీలవుతుందన్నారు. సీఈ (ఆపరేషన్స్‌) సురేందర్‌, ఎస్‌ఈ చెరుకు సంపత్‌రెడ్డి, డీఈలు విజయ్‌కుమార్‌, సారయ్య, అనీల్‌కుమార్‌, ఈఈ సివిల్‌ అనూప్‌కుమార్‌, ఏడీఈలు, ఏఈలు పాల్గొన్నారు.

జనగామ: జిల్లా వ్యాప్తంగా గ్రాడ్యుయేట్‌(పట్టభద్రుల) ఎమ్మెల్సీ ఎన్నికల ఓటరు నమోదు కోసం సమర్పించిన ఫారమ్‌–18 దరఖాస్తుల పరిశీలన ప్రక్రియ కొనసాగుతోంది. ఈ నెల 19వ తేదీ నాటికి మండలాల వారీగా దరఖాస్తుల పెండింగ్‌ నివేదికను వెల్ల డించారు. జిల్లా పరిధిలోని 12 మండలాల నుంచి 13,037 దరఖాస్తులు అందగా, ఇప్పటివరకు 401 దరఖాస్తులు ఆన్‌లైన్‌లో, ఒక దరఖాస్తు ఆఫ్‌లైన్‌లో ఆమోదం పొందింది. మరో 14 ఆన్‌లైన్‌ దరఖాస్తులను అధికారులు తిరస్కరించారు. కాగా, దరఖాస్తు చేసుకోవడానికి నవంబర్‌ 6 వరకు గడువు ఉంది. 12,621 దరఖాస్తులు పెండింగ్‌ జిల్లా వ్యాప్తంగా ప్రస్తుతం 12,621 దరఖాస్తులు వివిధ స్థాయిల్లో పెండింగ్‌లో ఉన్నట్లు నివేదిక వెల్ల డించింది. వీటిలో ప్రాథమిక పరిశీలన ప్రారంభం కాని (అన్‌ప్రాసెస్డ్‌) దరఖాస్తులు 612 ఉన్నాయి. క్షేత్రస్థాయి పరిశీలన కోసం బూత్‌ స్థాయి అధికారులు(బీఎల్‌ఓ)లకు 8,050 దరఖాస్తులను కేటాయించారు. ఏఈఆర్‌ఓ వద్ద 1,437, ఈఆర్‌ఓ వద్ద 2,522 దరఖాస్తులు పరిశీలన, ఆమోదం కోసం పెండింగ్‌లో ఉన్నాయి. జనగామ మండలంలో అత్యధికం.. జనగామ మండలం, అర్బన్‌లో అత్యధికంగా 3,150 దరఖాస్తులు అందాయి. వీటిలో ఇప్పటి వరకు ఒక్క దరఖాస్తు కూడా ఆమోదం పొందకపోవడంతో మొత్తం దరఖాస్తులన్నీ పెండింగ్‌లో ఉన్నాయి. బచ్చన్నపేట మండలంలో 1,306 దరఖాస్తులు రాగా, 214 ఆన్‌లైన్‌ దరఖాస్తులు ఆమోదం పొందాయి. మరో 11 దరఖాస్తులు తిరస్కరణకు గురికాగా, 1,081 దరఖాస్తులు పెండింగ్‌లో ఉన్నాయి. పాలకుర్తి మండలంలో 1,253 దరఖాస్తులు అందగా, 10 ఆన్‌లైన్‌, ఒక ఆఫ్‌లైన్‌ దరఖాస్తు ఆమోదం పొందింది. మిగిలిన 1,242 దరఖాస్తులు పెండింగ్‌లో ఉన్నాయి. స్టేషన్‌ ఘన్‌పూర్‌ మండలంలో 1,048 దరఖాస్తులకు గాను 57 ఆమోదం పొందగా, మూడు తిరస్కరణకు గురయ్యాయి. మిగిలిన 988 దరఖాస్తులు పెండింగ్‌లో ఉన్నాయి. లింగాల ఘణపురం మండలంలో 1,021, దేవరుప్పులలో 1,017, జఫర్‌గఢ్‌లో 960, రఘునాథపల్లిలో 907 దరఖాస్తులు అందగా, ఆయా మండలాల్లో వచ్చిన దరఖాస్తులన్నీ పెండింగ్‌లో ఉన్నట్లు నివేదిక పేర్కొంది. కొడకండ్ల మండలంలో 736 దరఖాస్తులు రాగా, రెండు ఆమోదం పొందగా 734 పెండింగ్‌లో ఉన్నాయి. చిల్పూర్‌ మండలంలో 655 దరఖాస్తులకు గాను ఒకటి ఆమోదం పొందగా, 654 పెండింగ్‌లో ఉన్నాయి. నర్మెట మండలంలో 630 దరఖాస్తులు అందగా, 90 ఆమోదం పొందాయి. మిగిలిన 540 దరఖాస్తులు పెండింగ్‌లో ఉన్నాయి. అత్యల్పంగా తరిగొప్పుల మండలంలో 354 దరఖాస్తులు అందగా, 27 ఆమోదం పొందాయి. మరో 327 దరఖాస్తులు పెండింగ్‌లో ఉన్నాయి. జిల్లా వ్యాప్తంగా పెండింగ్‌లో ఉన్న ఫారమ్‌–18 దరఖాస్తుల పరిశీలనను వేగవంతం చేసి, ప్రక్రియ ను త్వరితగతిన పూర్తి చేయాలని క్షేత్రస్థాయి అధికారులకు ఆదేశాలు జారీ చేసినట్లు నివేదిక ద్వారా వెల్లడైంది. ఫారమ్‌–18 దరఖాస్తులు 12,621 పెండింగ్‌ జనగామ మండలంలో అత్యధికం.. వచ్చే నెల 6 వరకు దరఖాస్తుల స్వీకరణ

● బీఆర్‌ఎస్‌ నాయకుల ఆగ్రహం జనగామ: బతుకమ్మ వేడుకల్లో ప్రజాప్రతినిధులను వేదికపైకి వెళ్లకుండా అడ్డుకోవడం దురహంకారానికి నిదర్శనమని జనగామ మున్సిపల్‌ మాజీ చైర్‌పర్సన్లు పోకల జమున, ప్రేమలతారెడ్డి, వైస్‌ చైర్మన్‌ భూష పర్వతాలు, మార్కెట్‌ మాజీ చైర్మన్‌ సిద్ధిలిం గం, బీఆర్‌ఎస్‌ పట్టణ అధ్యక్షుడు సురేష్‌రెడ్డి తదితరులు విమర్శించారు. సోమవారం ఎమ్మెల్యే క్యాంపు కార్యాలయంలో జరిగిన సమావేశంలో వారు మాట్లాడారు.. ప్రజల ఓట్లతో ఎన్నికై న ప్రజాప్రతినిధులను అడ్డుకునే హక్కు ఎవరికీ లేదని స్పష్టం చేశారు. జిల్లా కేంద్రంలోని బతుకమ్మకుంటలో వేలాది ప్రజలు ప్రశాంతంగా బతుకమ్మ వేడుకలు జరుపుకుంటున్న సమయంలో, కొమ్మూరి ప్రశాంత్‌రెడ్డి నాయకత్వంలో కొంతమంది వచ్చి అధికారులను, పోలీసులను బెదిరిస్తూ ప్రజాప్రతినిధులను వేదికపైకి వెళ్లకుండా అడ్డుకోవడం శోచనీయమన్నారు. ఇప్పటివరకు వార్డు సభ్యుడిగా కూడా గెలవని, జనగామ ఓటరు కాని ప్రశాంత్‌రెడ్డి ప్రజాప్రతినిధులను అడ్డుకోవడం, పోలీసులను, అధికారులను బెదిరించడం ఏమిటని ప్రశ్నించారు. జనగామ గడ్డపై రౌడీయిజం, గూండాగిరికి తావులేదని స్పష్టం చేశారు. వేడుకల సందర్భంగా గొడవలు సృష్టించే వారిని అడ్డుకోవడంతో పాటు, చట్టపరమైన చర్యలు తీసుకోవాలని అధికారులను కోరారు. సమావేశంలో కౌన్సిలర్లు ఉడుగుల కిష్టయ్య, పానుగంటి సువార్త, సేవెల్లి మధు, గోపగాని సుగుణాకర్‌, నాయకులు మామిడాల రాజు, ఎనగందుల కృష్ణ తదితరులు పాల్గొన్నారు.

● మాజీ ఎమ్మెల్యే కొమ్మూరి ప్రతాపరెడ్డి జనగామ: జిల్లా కేంద్రంలోని బతుకమ్మకుంటలో మహిళలు జరుపుకునే సద్దుల బతుకమ్మ వేడుకల్లో ప్రొటోకాల్‌ పేరుతో ఎమ్మెల్యే పల్లా రాజేశ్వర్‌రెడ్డి రగడ చేయడం సిగ్గుచేటని మాజీ ఎమ్మెల్యే, కాంగ్రెస్‌ జనగామ నియోజకవర్గ ఇన్‌చార్జ్‌ కొమ్మూరి ప్రతాప్‌రెడ్డి మండిపడ్డారు. సోమవారం నియోజకవర్గ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు.. చేర్యాల వ్యవసాయ మార్కెట్‌ కమిటీ చైర్మన్‌ కొమ్మూరు ప్రశాంత్‌రెడ్డిని వేదికపైకి వెళ్లకుండా అడ్డుకోవడంపై స్పందించారు. ఎమ్మెల్యే పల్లా రాజేశ్వర్‌ రెడ్డి పదవికి రాజీనామా చేసి మళ్లీ ఎన్నికల్లో పోటీ చేయాలని సవాల్‌ విసిరారు. గత ఏడాది ఎమ్మెల్యే సతీమణి బతుకమ్మ వేదికపైకి వచ్చినప్పుడు లేని ప్రొటోకాల్‌ అభ్యంతరాలు ఇప్పుడు ఎందుకని ప్రశ్నించారు. 80 శాతం రైతులకు ప్రాతినిధ్యం వహించే మార్కెట్‌ కమిటీ చైర్మన్‌ ప్రశాంత్‌రెడ్డికి ప్రొటోకాల్‌ లేదనడం సిగ్గుచేటన్నారు. గత ఎన్నికల్లో పల్లా రాజేశ్వర్‌రెడ్డి నమోదు చేయించిన 25వేల దొంగ ఓట్ల అక్రమాలు ఎస్‌ఐఆర్‌ ప్రక్రియలో బయటకు వచ్చాయని, అలాగే కాంగ్రెస్‌కు చెందిన ఐదు వేల ఓట్లు తొలగించారని ఆరోపించారు. ఈ అంశాన్ని కలెక్టర్‌ దృష్టికి తీసుకెళ్లినట్లు తెలిపారు. చేర్యాల ఏఎంసీ చైర్మన్‌ కొమ్మూరి ప్రశాంత్‌రెడ్డి మాట్లాడుతూ.. మహిళలకు శుభాకాంక్షలు తెలిపేందుకు వస్తే రాజకీయాలు చేయడం సరికాదన్నారు. సమావేశంలో పట్టణ అధ్యక్షుడు దోర్నాల వెంకటేశ్వర్లు, కౌన్సిలర్లు చెంచారపు కరుణాకర్‌ రెడ్డి, నాయకులు మాజీ ఏఎంసీ చైర్మన్‌ బనుక శివరాజ్‌ యాదవ్‌, కడకంచి శ్రీనివాస్‌, మంత్రి శ్రీశైలం, వేమెళ్ల పద్మ, జమాల్‌ షరీఫ్‌, వంగాల మల్లారెడ్డి, కొత్త కరుణాకర్‌రెడ్డి, నర్సిరెడ్డి, విజయ్‌, సురేందర్‌, శివ తదితరులు ఉన్నారు.

జనగామ: దసరా వచ్చిందంటే చాలు..పల్లె, పట్టణం అనే తేడా లేకుండా ప్రజలంతా పాలపిట్ట దర్శనం కోసం ఆసక్తిగా ఎదురుచూసేవారు. ఇంట్లో పూజలు ముగించుకుని, కుటుంబ సభ్యులు, బంధుమిత్రులతో కలి సి జమ్మిచెట్టు వద్దకు బయలుదేరేవారు. దారిలో పాలపిట్ట కనిపిస్తే రెండు చేతులూ జోడించి నమస్కరి స్తూ, తమ కుటుంబాలు సుఖసంతోషాలతో వర్ధిల్లాలని, పాడిపంటలు సమృద్ధిగా పండాలని, రైతులు, ప్రజలు సుభిక్షంగా ఉండాలని కోరుకునేవారు. అనంతరం జమ్మిచెట్టుకు ప్రత్యేక పూజలు చేసి, ప్రదక్షిణలు నిర్వహించి, జమ్మి ఆకులను ఒకరికొకరు ఇచ్చిపుచ్చుకుంటూ విజయదశమి శుభాకాంక్షలు తెలుపుకునేవారు. తరతరాలుగా కొనసాగుతున్న ఈ సంప్రదాయంలో ఇప్పుడు పాలపిట్ట దర్శనమే ప్రశ్నార్థకంగా మారుతోంది. పర్యావరణ అసమతుల్యతే కారణమా? పర్యావరణంలో వస్తున్న మార్పులు పక్షుల ఆవాసాలపై తీవ్ర ప్రభావం చూపే అవకాశం ఉంది. పట్టణీకరణ, వ్యవసాయ భూముల స్వరూపంలో మార్పులు, చెట్ల తొలగింపు, బహిరంగ ప్రదేశాలు తగ్గిపోవడం, పురుగుమందుల అధిక వినియోగం వంటి అంశాలు పక్షులకు ఆహారం, ఆశ్రయం లభించడాన్ని ప్రభావితం చేయవచ్చు. పాలపిట్ట సాధారణంగా బహిరంగ గడ్డి భూములు, వ్యవసాయ క్షేత్రాలు, చెట్లతో కూడిన ప్రదేశాలు, విద్యుత్‌ తీగలు లేదా కొమ్మలపై కూర్చుని కీటకాలను వేటాడే ప్రాంతాల్లో కనిపిస్తుంది. అలాంటి ఆవాసాలు మారి పోతే దాని సంచారం, ఆహార లభ్యతపై ప్రభావం పడే అవకాశం ఉంది. సెల్‌ఫోన్‌, టవర్ల రేడియేషన్‌ ప్రభావం ఉందా? పాలపిట్ట కనిపించకపోవడంపై స్థానికుల్లో వినిపిస్తున్న అనుమానాల్లో సెల్‌ఫోన్‌ టవర్ల నుంచి వెలువడే రేడియేషన్‌ కూడా ఒకటి. మొబైల్‌ టవర్ల సంఖ్య పెరుగుతున్న నేపథ్యంలో వాటి ప్రభావం పక్షులపై పడుతోందా అనే ప్రశ్నలు తలెత్తుతున్నాయి. అయితే దీనికి ఎలాంటి ఆధారాలు లేవు. రేడియేషన్‌ ఏకై క కారణంగా పేర్కొనడం కంటే ఆవాసాల నష్టం, ఆహార లభ్యత, పురుగు మందుల విని యోగం, వాతావరణ పరిస్థితులు, ఇతర మానవ కార్యకలాపాలతో పాటు ఈ అంశాన్నీ శాసీ్త్రయంగా పరిశీలించడం అవసరం. పాలపిట్ట దర్శనం సంప్రదా యంగా మిగిలిపోకుండా ఉండాలంటే పర్యావరణ పరిరక్షణే మార్గం. దసరా రోజున పాలపిట్టను దర్శించుకోవాలనే నమ్మకంతో జనగామ పరిసర ప్రాంతాల్లోని ప్రజలు ఊరి చివర నుంచి ఐదు నుంచి ఎనిమిది కిలోమీటర్ల దూరం వరకు కాలినడకన వెళ్తున్నా నిరాశే ఎదురవుతోందని చెబుతున్నారు. గతంలో పొలాల గట్లు, చెట్ల కొమ్మలు, బహిరంగ ప్రదేశాల్లో అప్పుడప్పుడు కనిపించే పాలపిట్ట, ఇప్పుడు అరుదుగా కూడా కనిపించడం లేదన్నది స్థానికులు చెబుతున్నారు.

సోమవారం శ్రీ 19 శ్రీ అక్టోబర్‌ శ్రీ 2026జనగామ: తెలంగాణ సంస్కృతి, సంప్రదాయాలకు ప్రతీకగా నిలిచే సద్దుల బతుకమ్మ పండుగ సంబరాలు ఆదివారం జిల్లాలో అంబరాన్నంటాయి. ప్రకృతిలో లభించే తీరొక్క అడవి పూలతో బతుకమ్మలను పేర్చి, గౌరమ్మను ఆరాధిస్తూ మహిళలు నిర్వహించిన వేడుకలు జిల్లా కేంద్రంలో పండుగ శోభను నింపాయి. మున్సిపాలిటీ ఆధ్వర్యంలో మున్సిపల్‌ చైర్‌పర్సన్‌ కడకంచి బాలమణి శ్రీనివాస్‌, కమిషనర్‌ రాజశేఖర్‌రెడ్డి పర్యవేక్షణలో పట్టణంలోని బతుకమ్మకుంటలో వేడుకలకు భారీ ఏర్పాట్లు చేశారు. ఎమ్మెల్యే పల్లా రాజేశ్వర్‌రెడ్డి, చేర్యాల వ్యవసాయ మార్కెట్‌ కమిటీ చైర్మన్‌ కొమ్మూరి ప్రశాంత్‌రెడ్డి, మున్సిపల్‌ చైర్‌పర్సన్‌ కడకంచి బాలమణి శ్రీనివాస్‌, బీసీ కమిషన్‌ సభ్యురాలు బాలలక్ష్మి ముఖ్య అతిథులుగా పాల్గొన్నారు. సద్దుల బతుకమ్మ సందర్భంగా ప్రకృతిని ఆరాధించే సంప్రదాయాన్ని ప్రతిబింబించేలా రూపొందించిన బతుకమ్మలకు మున్సిపల్‌ చైర్‌పర్సన్‌ బాలమణి శ్రీనివాస్‌ ప్రత్యేక బహుమతులు అందజేశారు. రంగప్ప చెరువు వద్ద, కాలనీల్లో.. జిల్లా కేంద్రంలోని రంగప్ప చెరువు వద్ద కూడా సద్దుల బతుకమ్మ సంబరాలు పెద్ద ఎత్తున జరిగాయి. పట్టణంలోని పాతబీటు బజారు శ్రీ రామలింగేశ్వర స్వామి ఆలయ పరిసరాలు, బాలాజీనగర్‌, కురుమవాడ, గీతా నగర్‌, బాణాపురం, గిర్నిగడ్డ, గుండ్లగడ్డ, ధర్మకాంచ, అంబేద్కర్‌ నగర్‌, శ్రీ విల్లాస్‌ కాలనీ తదితర ప్రాంతాల్లోనూ మహిళలు సామూహికంగా బతుకమ్మ వేడుకలు నిర్వహించారు. అంబరాన్నంటిన సద్దుల సంబురం గౌరమ్మకు ఆడపడచుల నీరాజనం పూలతో పూజలు.. ఆటపాటలతో ఆరాధన పూలసంద్రమైన బతుకమ్మకుంట పకడ్బందీ ఏర్పాట్లు.. సద్దుల వేడుకలకు భారీగా ప్రజలు తరలిరావడంతో ఎలాంటి అవాంఛనీయ ఘటనలు జరగకుండా పోలీసులు పటిష్ట భద్రతా చర్యలు చేపట్టారు. డీసీపీ రాజమహేంద్ర నాయక్‌ పర్యవేక్షణలో ఏసీపీ భీంశర్మ ఆధ్వర్యంలో సీఐ సత్యనారాయణరెడ్డి, తదితర పోలీస్‌ స్టేషన్ల ఎస్‌హెచ్‌ఓలు, ఎస్సైలు బందోబస్తు నిర్వహించారు. విద్యుత్‌ సరఫరాలో అంతరాయం కలగకుండా ఎన్పీడీసీఎల్‌ ఎస్‌ఈ సంపత్‌రెడ్డి పర్యవేక్షణలో డి.లక్ష్మీనారాయణరెడ్డి, సిబ్బంది విధులు నిర్వహించారు.

● కాంగ్రెస్‌–బీఆర్‌ఎస్‌ శ్రేణుల మధ్య వాగ్వాదం ● గొడవతో ముందుగానే ముగిసిన వేడుకలుజనగామ: జిల్లా కేంద్రంలోని బతుకమ్మ కుంటలో ఆదివారం నిర్వహించిన సద్దుల బతుకమ్మ వేడుకల్లో ప్రొటోకాల్‌ వివాదం కాంగ్రెస్‌, బీఆర్‌ఎస్‌ శ్రేణు ల మధ్య ఉద్రిక్తతకు దారితీసింది. బతుకమ్మ వేడుకలకు ఎమ్మెల్యే పల్లా రాజేశ్వర్‌రెడ్డి ముఖ్య అతిథిగా వేడుకలకు హాజరయ్యారు. ఇటీవల చేర్యాల వ్యవసాయ మార్కెట్‌ కమిటీ చైర్మన్‌గా నియమితులైన కొమ్మూరి ప్రశాంత్‌రెడ్డి సైతం వేడుకలకు వచ్చారు. గంట పాటు వేడుకలను తిలకించిన అనంతరం ప్రశాంత్‌రెడ్డి తన అనుచరులతో కలిసి వేదికపైకి వెళ్లేందుకు ప్రయత్నించారు. అయితే, ప్రొటోకాల్‌ లేని వ్యక్తులు అధికారిక వేదికపైకి ఎలా వస్తారంటూ ఎమ్మెల్యే రాజేశ్వర్‌రెడ్డితో పాటు బీఆర్‌ఎస్‌ శ్రేణులు అభ్యంతరం వ్యక్తం చేసినట్లు సమాచారం. ఈ క్రమంలో కమిషనర్‌ రాజశేఖర్‌రెడ్డి స్పందిస్తూ మున్సిపల్‌ చైర్‌పర్సన్‌, కౌన్సిలర్లు మినహా ఇతరులు వేదికపైకి వెళ్లకుండా చూడాలని పోలీసులకు సూచించారు. ఆ తర్వాత ముఖ్య అతిథులు బహుమతుల కార్యక్రమంలో పాల్గొంటున్న సమయంలో నూ ప్రశాంత్‌రెడ్డి మరోసారి వేదికపైకి వెళ్లేందుకు ప్రయత్నించడంతో ఇరువర్గాల మధ్య ఉద్రిక్తత పెరి గింది. పరస్పర వాగ్వాదంతో పరిస్థితి ఉద్రిక్తంగా మారడంతో పోలీసులు ఇరువర్గాలను చెదరగొట్టే ప్రయత్నం చేశారు. గొడవ మరింత ముదిరే అవకా శం ఉండటంతో రాత్రి 9.30 గంటల సమయంలో అధికారులు వేడుకలు ముగిశాయని, అందరూ అక్కడి నుంచి వెళ్లిపోవాలని ప్రకటించారు. కాగా, బీఆర్‌ఎస్‌ నాయకురాలు ప్రేమలతారెడ్డి మాట్లాడుతూ..బతుకమ్మ వేడుకల్లో గొడవలు చేయడం అవమానకరమని, మహిళల పండుగలో రాజకీయ వివాదాలు సృష్టించడం సరికాదన్నారు. చేర్యాల ఏఎంసీ చైర్మన్‌ కొమ్మూరి ప్రశాంత్‌రెడ్డి మాట్లాడుతూ.. ఎమ్మెల్యే పల్లా రాజేశ్వర్‌రెడ్డి తమను వ్యక్తిగతంగా లక్ష్యంగా చేసుకుంటున్నారని ఆరోపించారు. మున్సిపల్‌ చైర్‌పర్సన్‌ ఆహ్వానం మేరకే తా ను సద్దుల బతుకమ్మ వేడుకలకు వచ్చానని, వేదికపైకి వెళ్లి మహిళలకు శుభాకాంక్షలు చెప్పడంలో తప్పేముందని ప్రశ్నించారు. ఈ వ్యవహారంపై ఉమ్మడి జిల్లా ఇన్‌చార్జి మంత్రి పొంగులేటి, కలెక్టర్‌కు ఫిర్యాదు చేస్తామని తెలిపారు.

సాక్షి ప్రతినిధి, వరంగల్‌: ప్రభుత్వ ఉద్యోగుల సర్వీస్‌ వ్యవహారాలను మరింత వేగవంతం చేసేందుకు రాష్ట్ర ప్రభుత్వం కీలక నిర్ణయం తీసుకుంది. ఉద్యోగుల సర్వీస్‌ రికార్డులను కాగితపు ఫైళ్లకే పరిమితం చేయకుండా డిజిటల్‌ సర్వీస్‌ రిజిస్టర్‌ (డీఎస్‌ఆర్‌)గా మార్చి, సర్వీస్‌కు సంబంధించిన వివిధ అంశాలను ఆన్‌లైన్‌ విధానంలోనే నిర్వహించేందుకు ఈహెచ్‌ఆర్‌ఎంఎస్‌ రాష్ట్రవ్యాప్తంగా అమలు చేయాలని ప్రభుత్వం ఆదేశించింది. ఉమ్మడి వరంగల్‌ జిల్లాలోని హనుమకొండ, వరంగల్‌, జనగామ, మహబూబాబాద్‌, జయశంకర్‌ భూపాలపల్లి, ములుగు జిల్లాల ప్రభుత్వ కార్యాలయాలపై కూడా ఈ నిర్ణయం ప్రభావం చూపనుంది. ఉద్యోగి సర్వీస్‌ మొత్తం ఒకే చోట.. ఇప్పటివరకు ఉద్యోగుల సర్వీస్‌ రికార్డులు ప్రధానంగా భౌతిక రూపంలో ఉండడంతో సర్వీస్‌ వ్యవహారాల పరిష్కారంలో జాప్యం, వివరాల ధ్రువీకరణలో ఇబ్బందులు, పెండింగ్‌ ఫైళ్లపై కేంద్రీకృత పర్యవేక్షణ లేకపోవడం వంటి సమస్యలు ఉన్నాయ ని ప్రభుత్వం గుర్తించింది. ఈ నేపథ్యంలో తెలంగా ణ ఇంటిగ్రేటెడ్‌ ఫైనాన్షియల్‌ మేనేజ్‌మెంట్‌ ఇన్ఫర్మేషన్‌ సిస్టం (ఐఎఫ్‌ఎంఐ ఎస్‌)లో ఈ హెచ్‌ఆర్‌ఎంఎస్‌ను ప్రత్యేక మాడ్యూల్‌గా తీసుకొచ్చింది. కాగా, ఉద్యోగి సర్వీస్‌కు సంబంధించిన సెలవులు, ఇంక్రిమెంట్లు, పదోన్నతులు, బదిలీలు, ఏసీఆర్‌/ ఏపేఏ ఆర్‌, స్థిరాస్తుల వివరాలు, విజిలెన్స్‌ అంశాలు, ప దవీ విరమణ కేసులు తదితర వివరాలను దశలవా రీగా ఈ హెచ్‌ఆర్‌ఎంఎస్‌లో నిర్వహించనున్నారు. పర్యవేక్షించే నోడల్‌ అధికారులు.. ఉమ్మడి వరంగల్‌లో ఆరుగురికి నోడల్‌ బాధ్యతలు అప్పగించారు. హనుమకొండ ఎ.శ్రీనివాస్‌కుమార్‌ (డీడీ), వరంగల్‌కు జె.విజయసారథి (ఏడీ), జనగామ ఎండీ అన్వర్‌ హుస్సేన్‌ (ఏటీఓ), జయశంకర్‌ భూపాలపల్లి సయ్యద్‌ ఖలీద్‌ హుస్సేన్‌ను నియమించారు. మహబూబాబాద్‌కు ఎండీ షరీఫ్బాబా, ములుగుకు సయ్యద్‌ ఖలీద్‌ (ఏటీఓ)ను నియమించారు. ఈ అధికారులు ఆయా జిల్లాల్లో డీడీఓలు, ఇతర అధికారులకు ఈహెచ్‌ఆర్‌ఎంఎస్‌ అమలులో సహకరించాల్సి ఉంటుంది. జిల్లా స్థాయిలో పరిష్కారం కాని సమస్యలను ఐఎఫ్‌ ఎంఐఎస్‌ హెల్ప్‌లైన్‌ ద్వారా పరిష్కరించుకునే అవకాశం కల్పించారు. ఉమ్మడి వరంగల్‌లోని ఆరు జిల్లాల్లో ఈహెచ్‌ఆర్‌ఎంఎస్‌ అమలు ఉద్యోగుల సెలవులు, ఇంక్రిమెంట్లు, పదోన్నతులు, బదిలీలన్నీ ఆన్‌లైన్‌లోనే పెండింగ్‌ ఫైళ్లపై ఉన్నతాధికారుల నిఘా.. డిజిటల్‌ సర్వీస్‌ రిజిస్టర్‌తో పారదర్శకత

జనగామ రూరల్‌: సంప్రదాయ ఇంధన వనరుల వినియోగాన్ని తగ్గించి సోలార్‌ విద్యుత్‌ ఉత్పత్తిని పెంచేందుకు కేంద్ర ప్రభుత్వం చర్యలు తీసుకుంటోంది. ఇందులో భాగంగా ప్రధానమంత్రి సూర్యఘర్‌ ముఫ్త్‌ బిజిలీ యోజన కింద గృహ వినియోగదారులు రూఫ్‌టాప్‌ (ఇంటి పైకప్పుపై) సోలార్‌ ఏర్పాటు చేసుకునేందుకు భారీ రాయితీ అందిస్తోంది. పేద కుటుంబాలకు లబ్ధి చేకూర్చడం, విద్యుత్‌ బిల్లుల భారాన్ని తగ్గించడమే ఈ పథకం ముఖ్య ఉద్దేశం. ఇందులో భాగంగా జిల్లాలో సేవా సేతు కార్యక్రమం కింద టీజీ ఎన్పీడీసీఎల్‌, టీజీ జెన్‌కో ఆధ్వర్యంలో అవగాహన సదస్సులు నిర్వహించారు. కలెక్టర్‌ సందీప్‌ కుమార్‌ ఝా సోలార్‌ ఏర్పాటుకు ప్రత్యేక చర్యలు తీసుకుంటున్నారు. గ్రామాల్లో సోలార్‌ వాడకంపై అధికారులకు దిశ నిర్దేశం చేశారు. జిల్లాలో అన్నదాతలు సోలార్‌ ప్లాంట్‌కు ముందుకు రాగా 57 దరఖాస్తులు వచ్చాయి. ఇందులో ఏడుగురు 2 మెగావాట్లు చొప్పున ఏర్పాటు చేసుకున్నారు. ప్రత్యామ్నాయ మార్గంగా సోలార్‌ సిస్టం ప్రస్తుత ఎల్‌నినో పరిస్థితుల్లో విద్యుత్‌ పొదుపు ఎంతైనా అవసరం. ఇటీవల రైతు వేదికల్లో ఏర్పాటు చేసిన సమావేశంలో ఇంధన శాఖ ప్రత్యేక కార్యదర్శి నవీన్‌ మిట్టల్‌ కలెక్టర్ల సమావేశంలో వివరిస్తూ సాయంత్రం 4 గంటల నుంచి రాత్రి వరకు దేశవ్యాప్తంగా విద్యుత్‌ లభ్యత గణనీయంగా తగ్గుతోందని పగటిపూట విద్యుత్‌ అవసరాలను తీర్చగలుగు తున్నప్పటికీ రాత్రి పీక్‌ అవర్స్‌లో కొంత కొరత ఉంటోందని తెలిపారు. 3,000 మెగావాట్ల బ్యాటరీ నిల్వతో కూడిన సౌర విద్యుత్‌ ప్రాజెక్టు, 2,000 మెగావాట్ల రౌండ్‌–ది–క్లాక్‌ పునరుత్పాదక విద్యుత్‌ ప్రాజెక్టు, 800 మెగావాట్ల బ్యాటరీ నిల్వ ప్రాజెక్టు సహా నాలుగు ప్రధాన ప్రాజెక్టులను త్వరగా పూర్తి చేసేందుకు చర్యలు తీసుకుంటున్నామని తెలిపారు. అయితే గ్రామాల్లో రైతులు సోలార్‌ ఉత్పత్తులపై దృష్టి సారించాలని విద్యుత్‌ సమస్యను అధిగమించడానికి సోలార్‌ ఉపయోగపడుతుందని ముఖ్యంగా ఇంటి అవసరాలకు, వ్యవసాయ బావుల వద్ద ఏర్పాటుకు ముందుకు రావాలన్నారు. విద్యుత్‌ సమస్యలను అధిగమించడానికి కేంద్ర ప్రభుత్వం అమలుచేస్తున్న పథకాలను ఉపయోగించుకోవాలని తెలిపారు. సోలార్‌ విద్యుత్‌ ప్రయోజనాలివే.. రైతులు, గృహవినియోగదారులు నెలకు 300 యూనిట్ల వరకు ఉచిత విద్యుత్‌ను సోలార్‌ ద్వారా పొందవచ్చు. బిల్లులు ఆదా చేసుకోవడంతోపాటు మిగులు విద్యుత్‌ను గ్రిడ్‌కు సరఫరా చేస్తే నెట్‌ మీటరింగ్‌ ద్వారా డిస్కం నుంచి అదనపు ఆదాయం వస్తుంది. గతంలో సబ్సిడీ పొందకుండా అనువైన రూఫ్‌టాప్‌ ఉన్నవారు అర్హులు. కిలోవాట్‌ ఉత్పత్తి సామర్థ్యం కలిగిన యూనిట్‌కు రూ.30,000 రెండు కిలోవాట్‌లకు రూ.60,000, మూడు కిలోవాట్‌లు అంతకంటే ఎక్కువగా అయితే రూ.78,000 సబ్సిడీ చెల్లిస్తారు. ఈ మొత్తం నేరుగా వినియోగదారుడి బ్యాంక్‌ ఖాతాలో జమ అవుతుంది. బ్యాంక్‌ సబ్సిడీ కింద 80 నుంచి 85 శాతం రుణాలు అందేలా ప్రభుత్వం సహాయం అందిస్తుంది. అలాగే రాష్ట్ర ప్రభుత్వం నుంచి కిలోవాట్స్‌కు రూ.18,000 చొప్పున సీహెచ్‌ఎస్‌, ఆర్‌డబ్ల్యూఏ (సాధారణ సామర్థ్యాలు, ఈవీ చార్జింగ్‌) కోసం 500 కిలోవాట్‌ వరకు సబ్సిడీ అందుబాటులో ఉంది. ఈ పథకానికి దరఖాస్తు చేసుకునేందుకు వినియోగదారులు ఆధార్‌ కార్డు, మొబైల్‌ నంబర్‌, కరెంట్‌ బిల్లుతో సమీపంలోని విద్యుత్‌ కార్యాలయంలో సంప్రదించాలి. ‘పీఎం సూర్యఘర్‌ ముఫ్త్‌ బిజిలీ’తో సొంతంగా విద్యుత్‌ ఉత్పత్తి ఇంటి పైకప్పుపై సోలార్‌ ప్యానల్స్‌ ఏర్పాటుకు అవకాశం కిలోవాట్ల ప్రకారం సబ్సిడీ గృహ వినియోగదారులకు అవగాహనపథకాన్ని సద్వినియోగం చేసుకోవాలిఎల్‌నినో ప్రభావంతో విద్యుత్‌ ఉత్పత్తి తగ్గిపోగా అవసరాలకు ఇబ్బందులు తలెత్తే అవకాశం ఉంది. విద్యుత్‌ను పొదుపుగా వినియోగించడంతో పాటు సోలార్‌ సిస్టంను అందుబాటులోకి తీసుకోని రావాలి. జిల్లాలో సోలార్‌ ప్లాంట్‌ల ఏర్పాటుకు గాను 57 దరఖాస్తులు రాగా ఏడుగురు ఏర్పాటు చేసుకున్నారు. రూఫ్‌టాప్‌ సోలార్‌ ప్రస్తుత టారిఫ్‌ ప్రకారం కిలోవాటు రూ.436, రెండు కిలోవాట్లకు రూ.1,328, మూడు కిలోవాట్లకు రూ.2,330 ఆదా అవుతుంది. తద్వారా పెట్టుబడి తిరిగి పొందే అవకాశం ఉంది. ప్రభుత్వం అందిస్తున్న పథకాన్ని సద్వినియోగం చేసుకోవాలి. –సంపత్‌కుమార్‌, ఎస్‌ఈ, ఎన్పీడీసీఎల్‌

జనగామ: సంస్కృతి, సంప్రదాయాలకు ప్రతీకగా నిలిచే బతుకమ్మ పండుగ సంబురాలు జిల్లాకేంద్రంలోని ఎమ్మెల్యే క్యాంపు కార్యాలయంలో శనివారం ఘనంగా నిర్వహించారు. ఎమ్మెల్యే డాక్టర్‌ పల్లా రాజేశ్వర్‌రెడ్డి ఆధ్వర్యంలో జరిగిన వేడుకల్లో మహిళలు పెద్ద సంఖ్యలో పాల్గొని బతుకమ్మ ఆడిపాడారు. ఎమ్మెల్యే సతీమణి నీలిమ మహిళలతో కలిసి బతుకమ్మ ఆడగా, మాజీ మంత్రి ఎర్రబెల్లి దయాకర్‌రావు, ఎమ్మెల్యే పల్లా రాజేశ్వర్‌రెడ్డి వేడుకల్లో పాల్గొన్నారు. నియోజకవర్గంలోని మహిళా ప్రజాప్రతినిధులు, నాయకులు, కార్యకర్తలు అడవి పూలతో అందంగా బతుకమ్మలను తయారు చేసి తీసుకొచ్చారు. ఈ సందర్భంగా ఎర్రబెల్లి దయాకర్‌రావు, పల్లా రాజేశ్వర్‌ రెడ్డి మాట్లాడుతూ బతుకమ్మ పండుగ ఆడపడుచుల ఆత్మీయతకు, ఐక్యతకు ప్రతీకగా నిలుస్తుందన్నారు.

● విజయ డెయిరీ జిల్లా మేనేజర్‌ నరేష్‌బచ్చన్నపేట: పాల ఉత్పత్తిదారుల సంక్షేమమే విజయ డెయిరీ ధ్యేయమని జిల్లా మేనేజర్‌ డాక్టర్‌ నరేష్‌ అన్నారు. శనివారం మండలకేంద్రంలో విజయ డెయిరీ రైతులు 147 మందికి రూ. 5వేల చొప్పున దసరా కానుకగా బోనస్‌ డబ్బులను అందించారు. ఈ సందర్భంగా ఆయన మాట్లాడుతూ విజయ డెయిరీ పాల ఉత్పత్తిదారులకు అనుకూలంగా ధరలను అందిస్తూ వారి సేవలను వినియోగించుకుంటుందన్నారు. రైతులు వ్యవసాయం చేస్తే ఆరు నెలలకు ఒకసారి ఆదాయం వస్తుందని, ప్రభుత్వ ఉద్యోగులకు నెలకు ఒకసారి జీతం వస్తుందని, కానీ పాడి రైతులకు 15 రోజులకు ఒకసారి ఆదాయం వస్తుందన్నారు. ఈ కార్యక్రమంలో డెయిరీ చైర్మన్‌ బొమ్మెన అంజనేయులు, సూపర్‌వైజర్‌ శ్రీనివాస్‌రెడ్డి, రైతులు ఎనుగుల ఆగయ్య, కనుకయ్య, బండారి రాములు, పడిగల సత్తిరెడ్డి, నర్ర కర్ణాకర్‌రెడ్డి, చిట్టి చెంద్రారెడ్డి పాల్గొన్నారు.

ఆదివారం శ్రీ 18 శ్రీ అక్టోబర్‌ శ్రీ 2026బతుకమ్మ ప్రకృతికి ప్రతిరూపం. మానవాళి మనుగడకు కీలకాధారం. అందుకే ఆ ప్రకృతిని అమ్మవారి రూపంగా భావిస్తూ చెట్టుకు, పుట్టకు, పూలకు, నీళ్లకు అన్నింటికీ కృతజ్ఞత చూపుతారు. ఏళ్లుగా వస్తున్న ఈ సంప్రదాయాన్ని బతుకమ్మ ఆడుతూ ఇప్పటికీ కొనసాగిస్తున్నారు. తీరొక్క పూలు సేకరిస్తూ.. పెద్ద బతుకమ్మలు పేర్చి ప్రత్యేకంగా నిలుస్తున్నారు ఉమ్మడి జిల్లా ఆడపడుచులు. ఆప్రత్యేకతలే ‘సాక్షి’ సండే స్పెషల్‌ స్టోరీ.జఫర్‌గఢ్‌: సద్దుల బతుకమ్మకు మండలంలోని ఉప్పుగల్లు గ్రామానికి చెందిన పోరెడ్డి సత్యనారాయణరెడ్డి కుటుంబం పెద్ద బతుకమ్మతో (5 ఫీట్లు) ప్రత్యేకతను చాటుకుంటోంది. ఏళ్లుగా తన తండ్రి నర్సింహారెడ్డి నుంచి వస్తున్న ఈ సంప్రదాయాన్ని కొనసాగిస్తూ వస్తున్నారు. సద్దుల పండుగకు వివిధ రకాల పూలను సేకరించి కుటుంబ సభ్యులంతా కలిసి అందంగా బతుకమ్మను పేరుస్తారు. సాయంత్రం సమయంలో ఇంటిల్లిపాది పెద్ద బతకమ్మను తీసుకుని డప్పుచప్పుళ్లు, డీజేతో ఊరేగింపుగా బతుకమ్మ ఆటస్థలానికి వెళ్తారు. గ్రామ మహిళలతో కలిసి సంప్రదాయ పాటలు పాడుతూ బతుకమ్మ ఆడుతారు. కొన్ని రకాల పూలు దొరక్కపోయినా కొనుగోలు చేసి మరీ పేరుస్తూ సంప్రదాయాన్ని కొనసాగిస్తున్నారు.ఏటూరునాగారం: తాతముత్తాల నుంచి ఆనవాయితీగా ఎత్తయిన బతుకమ్మను పేరుస్తూ మండలంలోనే ప్రత్యేకంగా నిలుస్తున్నారు ఏటూరునాగారం మండల కేంద్రంలోని నూతి కృష్ణ జ్యోతి. 70 ఏళ్లుగా ఐదు ఫీట్ల ఎత్తులో తీరొక్క పూలతో బతుకమ్మను పేరుస్తున్నారు. వారం రోజుల నుంచే పూలు సేకరిస్తున్నారు. స్థానికంగా దొరకని పూలను వరంగల్‌ నుంచి తెప్పించి మరీ పెద్ద బతుకమ్మను పేరుస్తున్నారు. కాగా, సద్దుల బతుకమ్మ రోజు తమ ఇంట్లోని ముగ్గురు మహిళలు ఉదయం 8 గంటల నుంచి పేర్చడం ప్రారంభిస్తే సాయంత్రం వరకు సమయం పడుతుందని, ఈ సమయంలో అమ్మవారిని కీర్తిస్తూ పాటలు పాడుతామని వారు చెబుతున్నారు. ఇన్నేళ్ల నుంచి గ్రామంలో ఇదే పెద్దదిగా పేరుగాంచింది. ● సంప్రదాయాన్ని కొనసాగిస్తున్న కుటుంబాలు ● ఉమ్మడి జిల్లాలో బతుకమ్మ వేడుకలు ప్రత్యేకం

జనగామ రూరల్‌: వర్షాభావ పరిస్థితులను సమర్థవంతంగా ఎదుర్కొనేందుకు అధికారులు సమన్వయంతో చర్యలు చేపట్టాలని ఉమ్మడి వరంగల్‌ జిల్లా ప్రత్యేక అధికారి, మున్సిపల్‌ అడ్మినిస్ట్రేషన్‌ శాఖ కార్యదర్శి డాక్టర్‌ టీ.కే. శ్రీదేవి కలెక్టర్లకు సూచించారు. శనివారం హైదరాబాద్‌ నుంచి ఉమ్మడి వరంగల్‌ జిల్లా కలెక్టర్లతో వీడియో కాన్ఫరెన్స్‌ నిర్వహించి, ప్రస్తుత వర్షాభావ పరిస్థితులు, వ్యవసాయం, సాగు, తాగు నీటి సరఫరా, విద్యుత్‌ సరఫరా, పశుసంవర్థక రంగం, తదితర అంశాలపై సమీక్షించారు. ఈ సందర్భంగా కలెక్టరేట్‌ నుంచి కలెక్టర్‌ సందీప్‌కుమార్‌ ఝా వీసీలో పాల్గొన్నారు. ఈ సందర్భంగా ప్రత్యేక అధికారి మాట్లాడుతూ ప్రస్తుత వర్షాభావ పరిస్థితులను దృష్టిలో ఉంచుకొని అన్ని శాఖల అధికారులు సమన్వయంతో పనిచేయాలన్నారు. జిల్లాలో నెలకొన్న సమస్యలను క్షేత్రస్థాయిలోనే పరిష్కరించేందుకు సమష్టి కృషి చేయాలన్నారు. వ్యవసాయ రంగంలో తక్కువ నీరు అవసరమయ్యే పంటలను ప్రోత్సహించడం ద్వారా కూడా విద్యుత్‌ వినియోగాన్ని తగ్గించవచ్చన్నారు. ధ్రువీకరణ పత్రాలను పరిశీలించాలి పట్టభద్రుల ఎమ్మెల్సీ ఓటరు నమోదులో ధ్రువీకరణ పత్రాలను క్షుణ్ణంగా పరిశీలించాలని రాష్ట్ర ప్రధాన ఎన్నికల అధికారి సుదర్శన్‌ రెడ్డి కలెక్టర్లకు సూచించారు. శనివారం ఎస్‌ఐఆర్‌, పట్టభద్రుల ఎమ్మెల్సీ ఓటరు నమోదుపై హైదరాబాద్‌ నుంచి రాష్ట్ర ప్రధాన ఎన్నికల అధికారి సుదర్శన్‌ రెడ్డి కలెక్టర్లతో వీడియో కాన్ఫరెన్స్‌ ద్వారా సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ ఎస్‌ఐఆర్‌లో పెండింగ్‌లో ఉన్న దరఖాస్తులను త్వరగా పరిష్కరించి, నిర్దేశిత గడువులోగా పూర్తి చేయాలన్నారు. వీసీ అనంతరం కలెక్టర్‌ సందీప్‌ కుమార్‌ ఝా మాట్లాడుతూ ఫారం–6, 7, 8 లకు సంబంధించిన దరఖాస్తులను ప్రాధాన్యత క్రమంలో పరిశీలించి పెండింగ్‌లో లేకుండా పరిష్కరించాలని సంబంధిత అధికారులను ఆదేశించారు. ప్రత్యామ్నాయ పంటలను ప్రోత్సహించాలి వర్షాభావ పరిస్థితుల దృష్ట్యా యాసంగి సాగులో వరికి బదులు ప్రత్యామ్నాయ పంటలను ప్రోత్సహించాలని కలెక్టర్‌ సందీప్‌కుమార్‌ ఝా వ్యవసాయ శాఖ అధికారులను ఆదేశించారు. శనివారం యాసంగి పంటల సాగు ప్రణాళికపై సమీక్ష సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ నీటి నిల్వలు, భూగర్భ జలాల లభ్యతను పరిగణనలోకి తీసుకొని పంటల సాగు ప్రణాళికను రూపొందించాలన్నారు. తక్కువ నీటితో పండే పంటలపై రైతులకు అవగాహన కల్పించాలన్నారు. విత్తనాల సరఫరా, విక్రయాలు, రైతులకు చేరిన విత్తనాల వివరాలను నిరంతరం పర్యవేక్షించాలన్నారు. ఎరువుల విక్రయాలపై ఫర్టిలైజర్‌ షాపులను తనిఖీలు చేయాలన్నారు. ఈ సమావేశంలో డీఏఓ అంబికా సోనీ, ఏడీఏలు అపర్ణ, వసంత సుగుణ, ఎంఏఓలు, ఏఈఓలు, అధికారులు, తదితరులు పాల్గొన్నారు. వ్యవసాయం, సాగు, తాగునీరు, విద్యుత్‌ సరఫరాపై దృష్టి సారించాలి వీసీలో ఉమ్మడి వరంగల్‌ జిల్లా ప్రత్యేక అధికారి, మున్సిపల్‌ అడ్మినిస్ట్రేషన్‌ శాఖ కార్యదర్శి టీ.కే. శ్రీదేవి

● పూల మార్కెట్లు, వ్యాపారాలు కళకళ ● బతుకమ్మకుంటలో ఏర్పాట్లు పూర్తి ● పోలీసుల పటిష్ట బందోబస్తుజనగామ: తెలంగాణ సంస్కృతి, సంప్రదాయాలకు ప్రతీకగా నిలిచే సద్దుల బతుకమ్మ పండుగకు జిల్లాకేంద్రంతోపాటు మండల కేంద్రాలు, గ్రామాల్లో సర్వం సిద్ధమైంది. నేడు (ఆదివారం) సద్దుల బతుకమ్మ వేడుకలను ఘనంగా నిర్వహించేందుకు అధికారులు, పోలీసులు, మున్సిపల్‌ సిబ్బంది ఏర్పాట్లు పూర్తి చేస్తున్నారు. జిల్లాకేంద్రంలోని బతుకమ్మకుంటతో పాటు వివిధ ప్రాంతాల్లో మహిళలు పెద్ద ఎత్తున వేడుకల్లో పాల్గొననున్నారు. మరోవైపు పండుగను పురస్కరించుకొని పట్టణంలో పూల మార్కెట్లు, వస్త్ర, బంగారు ఆభరణాల దుకాణాలు కొనుగోలుదారులతో కిటకిటలాడుతున్నాయి. సొంతూళ్లకు చేరుకుంటున్న వారితో బస్టాండ్లు రద్దీగా మారాయి. పూలకు డిమాండ్‌.. జనగామ పట్టణంలోని బతుకమ్మకుంటతో పాటు పాత బీటు బజారు, శ్రీ రామలింగేశ్వర స్వామి ఆలయం, తహసీల్దార్‌ కార్యాలయ ఆవరణ, తది తర ప్రాంతాల్లో సద్దుల బతుకమ్మ వేడుకలు జరగనున్నాయి. పండుగ వాతావరణాన్ని మరింత ఆకర్షణీయంగా మార్చేందుకు మున్సిపల్‌ అధికారులు ఫ్లైఓవర్‌, ఆర్టీసీ చౌరస్తా, బతుకమ్మకుంట తదితర ప్రాంతాల్లో విద్యుత్‌ దీపాలను ఏర్పాటు చేశారు. కాగా పండుగకు అవసరమైన పూల కొనుగోళ్లతో జనగామ మార్కెట్లు సందడిగా మారాయి. కిలో బంతిపూలు రూ.80 చొప్పున విక్రయించగా, గులా బీలు, చామంతి పూలదండలకు డిమాండ్‌ పెరగడంతో ధరలు కూడా పెరిగాయి. పండుగకు సొంత ప్రాంతాలకు చేరుకునేందుకు హైదరాబాద్‌తో పా టు హనుమకొండ, కర్ణాటక, మహారాష్ట్ర తదితర ప్రాంతాల్లో నివసిస్తున్న జనగామ వాసులు పెద్ద సంఖ్యలో తరలివస్తున్నారు. దీంతో జనగామ ఆర్టీసీ బస్టాండ్‌తో పాటు జిల్లాలోని పలు బస్టాండ్లు, బస్‌ స్టాప్‌లు ప్రయాణికులతో కిక్కిరిసిపోయాయి. పోలీసుల నిఘా.. ట్రాఫిక్‌పై ప్రత్యేక దృష్టి పండుగ సందర్భంగా ట్రాఫిక్‌ సమస్యలు తలెత్తకుండా పోలీసులు పటిష్ట చర్యలు చేపట్టారు. డీసీపీ రా జామహేంద్ర నాయక్‌ పర్యవేక్షణలో సీఐ సత్యనారాయణరెడ్డి ఆధ్వర్యంలో ఎస్సైలు, పోలీసు సి బ్బంది బందోబస్తు నిర్వహిస్తున్నారు.

స్టేషన్‌ఘన్‌పూర్‌: సంప్రదాయ పంటలైన వరి, పత్తి, మిరపపంటలకు ప్రత్యామ్నాయంగా రైతులు బంతిపూల సాగువైపు మొగ్గుచూపుతున్నారు. తక్కువ పెట్టుబడి, తక్కువ నీటితో కేవలం అరవై రోజుల్లోనే ఆదాయం వస్తుండటంతో జిల్లాలో పలు మండలాల్లో రైతులు బంతిపూల సాగు చేస్తున్నారు. జిల్లాలో ప్రధానంగా స్టేషన్‌ఘన్‌పూర్‌, పాలకుర్తి, బచ్చన్నపేట, దేవరుప్పుల, జఫర్‌గఢ్‌, చిల్పూరు, లింగాలఘణపురం తదితర మండలాల్లో బంతిసాగు చేస్తున్నారు. తమకున్న వ్యవసాయ భూమిలో వరి, పత్తి తదితర పంటలను సాగుచేస్తూనే అందులో ఎకరం, అర ఎకరంలలో బంతిపూల సాగు చేస్తున్నారు. ప్రస్తుతం ఎల్‌నినో ప్రభావంతో వర్షాభావ పరిస్థితుల్లో రైతులకు సాగునీటికి చాలా కష్టంగా ఉంది. రైతులు ఆరుతడి పంటలను సాగుచేయాలని ప్రభుత్వం, అధికారులు చెపుతున్న ప్రస్తుత తరుణంలో బంతిపూల సాగు రైతులకు ఎంతో ప్రయోజనకరం. ఫుల్‌ డిమాండ్‌ తెలంగాణ సంస్కృతికి ప్రతీక బతుకమ్మకు తంగెడు, గునుగుతో పాటు బంతిపూలు తప్పనిసరి. ప్రతీ ఏడాది ఎంగిలిపూల బతుకమ్మ పండుగ నుంచి సంక్రాంతి పండుగ వరకు బంతిపూలకు డిమాండ్‌ ఉంటుంది. బతుకమ్మ పండుగకు, దీపావళికి, కార్తీక మాసంలో గౌరీ నోములు, లక్ష్మీపూజలు, వ్రతాలు, అయ్యప్ప పూజలు, వివాహాలు పలు శుభకార్యాలకు బంతిపూల అవసరం ఎంతో ఉంటుంది. జిల్లాలో పండించిన బంతిపూలను జనగామ మార్కెట్‌తో పాటు వరంగల్‌, హైదరాబాద్‌, గుడి మల్కాపూర్‌ మార్కెట్లకు తరలిస్తుండగా భారీ డిమాండ్‌ ఉంటుంది. జూలై, ఆగస్టు నెలల్లో నారు బతుకమ్మ పండుగ లక్ష్యంగా జూలై, ఆగస్టు నెలల్లో రైతులు బంతి నారు పోస్తారు. పండుగ సీజన్‌లో బంతిపూలు కిలోకు రూ.100 నుంచి రూ.150వరకు ఽధర పలుకుతాయి. రైతులు పత్తిసాగు చేస్తే ఎకరాకు రూ.40వేలు ఖర్చు అయ్యేది. కౌలు, విత్తనాలు, మందులు పోగా చేతికి ఏమి మిగిలేది కాదు. అదే బంతిపంటకు రూ.20వేలు ఖర్చు చేస్తే రెండు నెలల్లోనే కోత మొదలవుతుంది. మూడు రోజులకు ఒకసారి పూలు కోసి అమ్ముకోవచ్చు. రైతులు ఎకరాకు రూ.20వేలు ఖర్చు చేస్తే దాదాపు రూ.50వేల పైగా ఆదాయం వస్తుంది. రైతులను ప్రోత్సహించేందుకు ఎకరాకు ఉద్యానవన శాఖ రూ.8వేలు సబ్సిడీ అందిస్తుంది. ప్రస్తుతం అన్ని పంటలకు కోతులు, అడవిపందుల బెడద ఎక్కువగా ఉన్న సమయంలో వన్యప్రాణుల బెడద లేని బంతిసాగువైపు రైతులు మొగ్గుచూపుతున్నారు. చీడపీడల బెడద తక్కువ.. ఇతర పంటలతో పోలిస్తే చీడపీడల బెడద తక్కువ. పెద్దగా మందులు సైతం అవసరం ఉండదు. ప్రస్తు తం ఉన్న సాగునీటి కొరత పరిస్థితుల్లో బంతిపూల సాగు రైతులకు ఎంతో ప్రయోజనం. రైతులు తమకున్న వ్యవసాయ భూమిలో పావు, అర ఎకరంలో బంతిపూల సాగు చేస్తూ లాభాలు గడిస్తున్నారు. – నర్మెట మండలంలో ఆరే ప్రవీణ్‌ అనే రైతు 15 ఏళ్లుగా బంతిపూల సాగు చేస్తున్నారు. ప్రతీ ఏడాది ఎకరంన్నరలో బంతిపూల సాగు చేస్తూ అదనపు ఆదాయం పొందుతున్నారు. జఫర్‌గడ్‌ మండలం సూరారం గ్రామంలో మైదాసు రాజు 20 గుంటల భూమిలో బంతిసాగు చేస్తున్నారు. బంతినారు కొనుగోలు, మొక్కలు నాటడం, ఎరువులతో మొ త్తం రూ.12వేలు ఖర్చు అయింది. బంతిపూలు బా గా వచ్చాయని, కిలో రూ.80ల వరకు అమ్ముతున్నానని, ఇప్పటికే రూ.20వేలు దిగుబడి వచ్చిందని, మరో రూ.60వేల వరకు దిగుబడి వస్తుందని రైతు సంతోషం వ్యక్తం చేస్తున్నారు. చిల్పూరు మండలం మల్కాపూర్‌ గ్రామానికి చెందిన మాటూరి రాజశేఖర్‌ ఎకరం భూమిలో బంతిసాగు చేస్తున్నారు. రూ.35వేలు వెచ్చించి ఆరువేల మొక్కలను పెంచారు. బతుకమ్మ మొదటిరోజున రూ.15వేల ఆదాయం వచ్చిందని, సద్దుల బతుకమ్మ, దీపావళి పండుగలకు మరింత డిమాండ్‌ ఉంటుందని, పెట్టుబడికి రెట్టింపు ఆదాయం వస్తుందని సంతోషం వ్యక్తం చేస్తున్నారు. ప్రత్నామ్నాయ పంటగా సాగుకు మొగ్గు తక్కువ పెట్టుబడితో ఎక్కువ లాభం వరుస పండుగలతో ఫుల్‌ గిరాకీ పంట వేసిన అరవై రోజుల్లోనే ఆదాయం జిల్లాలో 70 ఎకరాల్లో బంతిపూల సాగు తక్కువ నీటితో బంతిసాగు ప్రస్తుత ఎల్‌నినో ప్రభావంతో తక్కువ నీటితో బంతిపూల సాగు రైతులకు మేలు. తక్కువ పెట్టుబడితో అధిక దిగుబడిని పొందవచ్చు. బంతిపంటకు పెద్దగా చీడపీడల బెడద ఉండదు. జిల్లాలో పలువురు రైతులు తమకున్న భూమిలో ఎకరం, అర ఎకరంలలో బంతిపూల సాగు చేస్తూ లాభాలు గడిస్తున్నారు. –సందీప్‌, ఉద్యానశాఖ అధికారి, స్టేషన్‌ఘన్‌పూర్‌ ఎకరం భూమిలో సాగు చేశా.. ప్రతీ ఏడాది బంతిపూల సాగు చేస్తున్నాం. మాకు నాలుగు ఎకరాలు భూమి ఉండగా మూడు ఎకరాల్లో వరిసాగు, ఒక ఎకరంలో బంతిసాగు చేస్తున్నాం. బంతిసాగు పెట్టుబడికి ఎకరాకు సీడ్‌కు రూ.20వేలు, సాగు ఖర్చు 10వేలు మొత్తంగా దాదాపు 30వేల ఖర్చు అయింది. బంతిపూల దిగుబడి బాగా వచ్చింది. కిలో రూ.80 నుంచి రూ.100 వరకు అమ్ముతున్నారు. –బానోతు శ్రీను, విశ్వనాథపురం, స్టేషన్‌ ఘన్‌పూర్‌

● నేడు పెద్దమడూరులో ప్రత్యేక ఉత్సవాలు ● ఆడపడుచులకు డబుల్‌ బతుకమ్మ ఆటదేవరుప్పుల : బతుకమ్మ వేడుకలు రాష్ట్రవ్యాప్తంగా తొమ్మిది రోజుల పాటు వైభవంగా జరుగుతాయి. అయితే కొన్ని ప్రాంతాల్లో స్థానిక ఆచారాలు, నమ్మకాల ఆధారంగా ఈ పండుగను భిన్నంగా జరుపుకుంటారు. అలాంటి అరుదైన, విశిష్టమైన సంప్రదాయానికి ప్రతీక మండలంలోని పెద్దమడూరు గ్రామం. ఈ గ్రామంలో జరిగే ఏడొద్దుల సద్దుల బతుకమ్మ ఉత్సవానికి ప్రత్యేకత ఉంది. పండుగ నేపథ్యం.. రాష్ట్రంలో తొమ్మిదో రోజైన ఆశ్వయుజ అష్టమి (దుర్గాష్టమి) నాడు సద్దుల బతుకమ్మ నిర్వహిస్తారు. కానీ పెద్దమడూరులో భాద్రపద అమావాస్య (మహాలయ అమావాస్య) నాడు ప్రారంభమయ్యే ఈ వేడుకలు, ఏడో రోజైన ‘వేపకాయల బతుకమ్మ’ నాడే ఇక్కడ సద్దుల బతుకమ్మగా ఆడుతారు. ఊరికి అరిష్టమని మార్చిన పండుగ పూర్వం ఈగ్రామంలో సద్దుల బతుకమ్మ రోజున (తొమ్మిదో రోజున) చెరువులో బతుకమ్మలను నిమజ్జనం చేస్తున్న సమయంలో ఏడు జతల ఎడ్లు (ఏడొద్దులు) ప్రమాదవశాత్తు నీటిలో మునిగిపోవడమేగాక మంటలు లేచి నివాసిత గుడిసెలు కాలిపోయాయని ఇక్కడి పెద్దలు చెబుతుంటారు. ఆ విషాదకర ఘటన జరిగినప్పటి నుంచి గ్రామానికి ఎలాంటి కీ డు జరగకూడదని తొమ్మిది రోజులకు బదులు ఏడుఎద్దుల జ్ఞాపకార్థం సద్దులను జరుపుకుంటున్నారు. ఈ ప్రత్యేక బతుకమ్మతో ఇక్కడి కోడళ్లు, ఆడబిడ్డలకు కలిసి ఆడే అవకాశం ఉంటుంది. తిరిగి వారి త ల్లి, అత్తగారింట్లో సద్దుల బతుకమ్మ ఆడుతారు. ఇది తమకు మాత్రమే దక్కిన అదృష్టమంటున్నారు.

శుక్రవారం శ్రీ 16 శ్రీ అక్టోబర్‌ శ్రీ 2026● లాభసాటి వ్యాపార రంగాలపై దృష్టి సారించాలి ● కలెక్టర్‌ సందీప్‌ కుమార్‌ ఝా‘మిషన్‌ వాత్సల్య’ పోస్టుల రాతపరీక్ష ప్రశాంతం జనగామ రూరల్‌: జిల్లాలో మిషన్‌ వాత్సల్య కింద చైల్డ్‌ హెల్ప్‌లైన్‌ 1098లో, మిషన్‌ శక్తి కింద మహిళా సాధికారత జిల్లా కేంద్రంలో ఖాళీగా ఉన్న మొత్తం 14 పోస్టులను భర్తీచేసేందుకు గురువారం కలెక్టరేట్‌లో రాత పరీక్షను ప్రశాంతంగా నిర్వహించారు. 14 పోస్టులకు 112 మంది దరఖాస్తు చేసుకోగా 98మంది పరీక్షకు హాజరయ్యారు. ఈసందర్భంగా అదనపు కలెక్టర్‌ బెన్‌షాలోమ్‌ పరీక్ష నిర్వహణను పరిశీలించారు. కార్యక్రమంలో జిల్లా ఉపాధి అధికారి కుమారస్వామి తదితరులు పాల్గొన్నారు. కార్మిక హక్కుల సాధనకు ‘చలో హైదరాబాద్‌’ జనగామ: మున్సిపల్‌ ఔట్‌సోర్సింగ్‌ కార్మికుల హక్కుల సాధన కోసం నిర్వహించనున్న మహా ధర్నాలో పాల్గొనేందుకు భారత రాష్ట్ర ట్రేడ్‌ యూనియన్‌ మున్సిపల్‌ కార్మిక సంఘం జిల్లా అధ్యక్షుడు మిద్దపాక రాజు ఆధ్వర్యంలో గురువారం కార్మికులు హైదరాబాద్‌ బయలుదేరారు. సీడీఎంఏ రాష్ట్ర కార్యాలయం వద్ద ఈ ధర్నాలో పాల్గొన్నారు. ఈ సందర్భంగా మిద్దపాక రాజు మాట్లాడుతూ.. రాష్ట్ర ప్రభుత్వం ఫైనాన్స్‌ డిపార్ట్‌మెంట్‌ జారీ చేసిన జీఓ ఆర్టీ నంబర్‌ 1181ను వెంటనే రద్దు చేయాలని, గత ప్రభుత్వం జారీ చేసిన జీఓఎంఎస్‌ నంబర్‌ 60 ప్రకారం వేతనాలు చెల్లించాలని డిమాండ్‌ చేశారు. అలాగే పబ్లిక్‌ హెల్త్‌, నాన్‌ పబ్లిక్‌ హెల్త్‌ వర్కర్ల విధానా న్ని రద్దు చేసి, ప్లంబర్‌, ఫిట్టర్‌, డ్రైవర్‌, వర్క్‌ ఇన్‌స్పెక్టర్‌, కంప్యూటర్‌ ఆపరేటర్‌, బిల్‌ కలెక్టర్లుగా కార్మికులను కొనసాగించాలని పేర్కొన్నారు. ఫ్లెక్సీల ఏర్పాటుకు అనుమతి తప్పనిసరి జనగామ: పట్టణంలో ఫ్లెక్సీలు, లాలీపాప్‌ల ఏర్పాటుకు మున్సిపాలిటీ అనుమతి తప్పనిసరని మున్సిపల్‌ కమిషనర్‌ రాజశేఖర్‌రెడ్డి తెలిపారు. గురువారం ఆయన మాట్లాడుతూ.. నిర్ణీత రుసుములు చెల్లించి, నిబంధనల ప్రకారమే ఏర్పాటు చేసుకోవాలని సూచించారు. ఇప్పటికే ఫ్లెక్సీలు ఏర్పాటు చేసిన వారు వెంటనే అనుమతులు పొందాలని స్పష్టం చేశారు. గడువులోగా అనుమతులు పొందని ఫ్లెక్సీలను తొలగిస్తామని హెచ్చరించారు. సంస్థలు, వ్యక్తులు ఫ్లెక్సీలు, లాలీపాప్‌లు ఏర్పాటు చేయడానికి ముందుగా సంబంధిత వార్డు ఆఫీసర్‌ వద్ద లేదా మున్సిపాలిటీ కార్యాలయంలో దరఖాస్తు చేసుకోవాలన్నారు. కమర్షియల్‌ ఫ్లెక్సీలకు వారానికి రూ.1,000, నాన్‌ కమర్షియల్‌ ఫ్లెక్సీలకు రూ.500 రుసుము, కమర్షియల్‌ లాలీపాప్‌లకు వారానికి రూ.200, నాన్‌ కమర్షియల్‌ లాలీపాప్‌లకు రూ.100 చెల్లించాలన్నారు. పట్టణ పరిశుభ్రత, సుందరీకరణ, ప్రజ ల భద్రతకు సహకరించాలని విజ్ఞప్తి చేశారు. శ్రీ లలితా త్రిపుర సుందరి అవతారంలో అమ్మవారు జనగామ: పట్టణంలో జరుగుతున్న శ్రీ శరన్నవరాత్రి ఉత్సవాలను పురస్కరించుకుని గురువారం ఐదో రోజు దుర్గా దేవీ అమ్మవారు లలితా త్రిపుర సుందరి మాతగా భక్తులకు దర్శనమిచ్చారు. మండపాల్లో ప్రత్యేక పూజలకు భక్తులు భారీగా హాజరయ్యారు.కాశిబుగ్గ: వరంగల్‌లో పెద్దఎత్తున నిర్మాణం చేపట్టిన 24 అంతస్తుల సూపర్‌ మల్టీ స్పెషాలిటీ ఆస్పత్రిలో ఓపీ సేవలకు ఎట్టకేలకు ముహూర్తం ఖరారైంది. దసరా పర్వదినాన ఆస్పత్రి ప్రారంభో త్సవంతోపాటు ఓపీసేవలు ఆరంభించనున్నట్లు మంత్రి పొంగులేటి శ్రీనివాస్‌రెడ్డి గురువారం వరంగల్‌లో ప్రకటించారు. చాలాకాలంనుంచి ఎదురుచూస్తున్న ముహూర్తానికి ఇక ఐదు రోజులే మిగి లాయి. మరోవైపు ఓపీ సేవలకు కౌంట్‌డౌన్‌ ప్రారంభమవుతుండడంతో ఆస్పత్రిలో సేవలు సూపర్‌గా ఉండేందుకు అధికారులు సర్వ ప్రయత్నాలు చేస్తున్నారు. ఇప్పటికే ఆస్పత్రిలో డీఎంఈ డాక్టర్‌ వాణి, కలెక్టర్‌ డాక్టర్‌ సత్యశారద పర్యవేక్షణలో నిర్మాణ పనులు ముమ్మరంగా సాగుతున్నాయి. సీఎం ఆదేశాల మేరకు సీఎంఓ, గ్రూప్‌–1 అధికారులు, ముగ్గురు నోడల్‌ అధికారులు ఫ్లోర్‌కు ఒకరు చొప్పు న బాధ్యతలు తీసుకుని విధులు నిర్వహిస్తున్నారు. రాత్రింబవళ్లు నిర్మాణ పనులు సాగుతున్నాయి. తొలుత గ్రౌండ్‌, మొదటి అంతస్తులో ఓపీ సేవలు ప్రస్తుత నిర్మాణ పనుల దృష్ట్యా తొలుత ఓపీ సేవలను అందుబాటులో తీసుకురావాలని నిర్ణయించారు. ఈ మేరకు అవసరమైన పనులు పూర్తి చేశారు. గ్రౌండ్‌ ఫ్లోర్‌తోపాటు మొదటి అంతస్తులో ఓపీ సేవలు, పలు రకాల పరీక్షలు అందించేందుకు సిద్ధం చేశారు. అదేవిధంగా ఫర్నిచర్‌, ఓపీ హాల్‌లో భారీ ఫ్యాన్లను సైతం సిద్ధం చేశారు. వైద్యులను అందుబాటులో ఉంచుతూ, వివిధ రకాల పరీక్షలు చేసే విధంగా ఏర్పాట్లు పూర్తయ్యాయి. సిబ్బందిని అలర్ట్‌ చేశారు. దాదాపు అన్ని డిపార్ట్‌మెంట్లవారీగా సూపరింటెండెంట్‌ డాక్టర్‌ రాంకుమార్‌రెడ్డి వేర్వేరుగా సమావేశాలు ఏర్పాటు చేసి, ఏ రోజు ప్రారంభమైనా విధులు నిర్వహించడానికి సిద్ధంగా ఉండాలని ఆదేశించినట్లు సమాచారం. అదేవిధంగా సెక్యూరిటీ, పేషెంట్‌ కేర్‌, శానిటేషన్‌ సిబ్బంది విధులపై స్పష్టత రావడంతో వారికి రోస్టర్‌ కూడా తయారు చేశారు. పనిలో పనిగా గురువారంనుంచి నర్సింగ్‌ సిబ్బంది, సెక్యూరిటీ, శానిటేషన్‌, పేషెంట్‌ కేర్‌, డ్రెస్సింగ్‌ సిబ్బందిని ట్రయల్‌ రన్‌గా విధులకు పంపించారు. వీరిని మంత్రులు శ్రీనివాస్‌రెడ్డి, సీతక్క స్వయంగా చూసి, పేషెంట్లకు వైద్యసేవలు ఎలా అందిస్తారో అడిగి తెలుసుకున్నారు. కార్పొరేట్‌ స్థాయిలో అధునాతన ఏర్పాట్లు.. దసరా కానుకగా పేదలకు అందిస్తున్న ఓపీ సేవలు కార్పొరేట్‌ స్థాయిలో ఉండేలా ఏర్పాట్లు చేశారు. వివిధ ప్రాంతాలనుంచి వచ్చిన పేషెంట్లు కూర్చొనేందుకు ప్రైవేట్‌ ఆస్పత్రుల మాదిరిగా కుర్చీలను సిద్ధం చేశారు. మహిళలకు, పురుషులకు ప్రత్యేకంగా ఓపీ గదులు కేటాయించారు. ఇందులో వైద్యులు ఓపీ చూసేందుకు కార్పొరేట్‌ స్థాయిలో వసతులు ఉన్నాయి. వివిధ పరీక్షల్లో భాగంగా గ్రౌండ్‌ ఫ్లోర్‌లో ఈసీజీ, ఈఈజీ, డ్రెస్సింగ్‌ రూంలు సిద్ధంగా ఉంచారు. ట్రాన్స్‌జెండర్ల కోసం ప్రత్యేక ఓపీ గది కేటాయించారు. మొత్తంగా 50 వరకు భారీ లిఫ్ట్‌లు ఏర్పాటు చేసినట్లు తెలుస్తోంది. అధునాతన ఫ్యా న్లు, ఆస్పత్రి లోపల మొత్తం కళ్లు జిగేల్‌ అనే విధంగా విద్యుత్‌ లైట్లను అమర్చారు. ఏర్పాట్లు భారీగా ఉన్నా.. ఆస్పత్రికి వచ్చిన రోగులకు ఏ మేరకు వైద్యసేవలు అందుతాయో వేచి చూడాల్సిందే. సూపర్‌ స్పెషాలిటీ ఆస్పత్రివ్యవసాయంలో మహిళలది కీలకపాత్రజనగామ రూరల్‌: ఆహార శుద్ధి పరిశ్రమలు, రవాణా వంటి లాభసాటి వ్యాపార రంగాలపై ప్రత్యేక దృష్టి సారించాలని కలెక్టర్‌ సందీప్‌ కుమార్‌ ఝా సూచించారు. గురువారం కలెక్టరేట్‌లో వ్యవసాయ శాఖ, వ్యవసాయ సాంకేతిక యాజమాన్య సంస్థ ఆధ్వర్యంలో మహిళా కిసాన్‌ దివస్‌ కార్యక్రమాన్ని ఘనంగా నిర్వహించారు. ఈ సందర్భంగా కలెక్టర్‌ మాట్లాడుతూ.. వ్యవసాయ రంగంలో మహిళలు కీలక పాత్ర పోషిస్తూ, తమ బాధ్యతలను సమర్థవంతంగా నిర్వహిస్తున్నారని తెలిపారు. ఈ సీజన్‌లో జిల్లాలో సుమారు 170 వరి ధాన్యం కొనుగోలు కేంద్రాలను మహిళా సంఘాలకు కేటాయించినట్లు తెలిపారు. నియోజకవర్గాల వారీగా రైస్‌ మిల్లుల ఏర్పాటుకు అవకాశాలను పరిశీలించి, మహిళలు ఈ రంగంలో వ్యాపారవేత్తలుగా ఎదిగేలా ప్రోత్సహించాలని సూచించారు. అనంతరం మహిళా శక్తి రైతు సేవా కేంద్రాల ప్రగతిశీల మహిళలను శాలువాతో సన్మానించారు. కార్యక్రమంలో అదనపు కలెక్టర్‌ బెన్‌షాలోమ్‌, డీఏఓ అంబికా సోనీ, ఏపీడీ నూరుద్దీన్‌, ఏడీఏ అపర్ణ, డీపీఎం నళిని, కృషి కేంద్రాల సఖీలు, రైతు సేవా కేంద్రాల మహిళలు పాల్గొన్నారు. నాలుగు నెలల్లో రూ.40 లక్షల టర్నోవర్‌ జీవితంలో ఎదురయ్యే ప్రతికూల పరిస్థితులను అధిగమించి, ఆత్మవిశ్వాసంతో ముందడుగు వేస్తే విజయాన్ని సాధించవచ్చని స్టేషన్‌ ఘన్‌పూర్‌ మండలం ఇప్పగూడెం గ్రామానికి చెందిన రాధిక నిరూపిస్తున్నారు. మహిళా శక్తి రైతు సేవా కేంద్రం నిర్వహణ ద్వారా నాలుగు నెలల్లోనే రూ.40 లక్షల టర్నోవర్‌ సాధించగా కలెక్టర్‌ అమెను అభినందించారు. అలాగే కొడకండ్ల మండలం రామవరం గ్రామానికి చెందిన ప్రియాంక మహిళా శక్తి రైతు సేవా కేంద్రాన్ని నిర్వహిస్తూ, ఆర్థిక స్వావలంబన దిశగా ముందడుగు వేస్తున్నారు. కేంద్రాన్ని ప్రారంభించిన కేవలం నాలుగు నెలల్లోనే రూ.20 లక్షల టర్నోవర్‌ సాధించడం విశేషం.కమిషనరేట్‌లో ‘బతుకమ్మ’ సందడి హసన్‌పర్తి: వరంగల్‌ పోలీస్‌ కమిషనరేట్‌ కార్యాలయంలో గురువారం సాయంత్రం బతుకమ్మ సంబరాలు అంబరాన్నంటాయి. వివిధ పోలీస్‌ స్టేషన్లలో విధులు నిర్వహిస్తున్న మహిళా కానిస్టేబుళ్ల నుంచి పైస్థాయి ఉద్యోగులు ఈ వేడుకల్లో పాల్గొన్నారు. సీపీ శ్వేత, డీసీపీ దార కవిత స్వయంగా బతుకమ్మ పాటలు పాడుతూ ప్రదర్శన నిర్వహించారు. సీపీ మాట్లాడుతూ విఽధి నిర్వహణలో నిమగ్నమయ్యే సిబ్బంది ఇలాంటి కార్యక్రమాలు మానసిక ఉల్లాసాన్ని ఇస్తాయన్నారు. కార్పొరేట్‌ స్థాయిలో రూపుదిద్దుకుంటున్న దవాఖాన అధునాతన ఫ్యాన్లు, 50 వరకు లిఫ్ట్‌లు ఎంజీఎంలో అడ్మిట్‌ అయ్యే పేషెంట్లకు ఏర్పాట్లు ఏవీ?పేషెంట్లు అడ్మిట్‌ అయితే ఎలా? అవుట్‌ పేషెంట్లుగా వచ్చిన వాళ్లు పరీక్షలు చేసిన తర్వాత అడ్మిట్‌ ఎలా చేయాలన్న దానిపై ప్రశ్నలు తలెత్తుతున్నాయి. ఇక్కడ కేవలం ఓపీ సేవలు ఉండడంతో వారిని సూపర్‌ నుంచి ఎంజీఎంకు ఎలా తరలిస్తారన్న దానిపై స్పష్టత లేదు. అదేవిధంగా సీటీ స్కాన్‌, ఎంఆర్‌ఐ పరీక్షలు అవసరమైతే పేషెంట్లు అక్కడికి వెళ్లడం కష్టంగా మారుతుందని అభిప్రాయం వ్యక్తమవుతోంది. ఓపీ సేవలు ప్రారంభమైన తర్వాత ఏం చేయాలో చేస్తామంటూ దాటవేస్తున్నారు. దవాఖానాలో ఉన్న అంబులెన్స్‌లు వాడుతారా.. లేక ఆర్టీసీ బస్సులను ఉపయోగించుకునే వెసులుబాటు ఉంటుందా? అనేది తెలియాల్సి ఉంది.

జనగామ: జిల్లాలో 2026–27 సీజన్‌లో పత్తి రైతులకు కనీస మద్దతు ధర (ఎంఎస్‌పీ) అందించేందుకు 13 కాటన్‌ మిల్లులను పత్తి కొనుగోలు కేంద్రాలుగా గుర్తించారు. ఈ మేరకు కలెక్టర్‌ సందీప్‌ కుమార్‌ ఝా ఉత్తర్వులు జారీ చేశారు. ప్రైవేటు వ్యాపారుల వద్ద తక్కువ ధరకు పత్తి విక్రయించి రైతులు నష్టపోకుండా చూడటమే ఈ కేంద్రాల ప్రధాన ఉద్దేశం. జిల్లాలో సుమారు 35వేల మంది రైతులు 1.32 లక్షల ఎకరాల్లో పత్తి సాగు చేయగా, ఎకరాకు సగటున ఆరు క్వింటాళ్ల చొప్పున సుమా రు ఆరు లక్షల క్వింటాళ్ల దిగుబడి వస్తుందని వ్యవసాయ శాఖ అంచనా వేసింది. ఏఎంసీల పరిధిలో కేంద్రాలు జిల్లాలోని వ్యవసాయ మార్కెట్‌ కమిటీల పరిధిలో 13 పత్తి కొనుగోలు కేంద్రాలను గుర్తించారు. రాజవరం గ్రామంలోని సిరి కాటన్‌ ఇండస్ట్రీస్‌, శివునిపల్లిలో శ్రీ శివసాయి కాటన్‌ ఇండస్ట్రీస్‌, పటేల్‌గూడెంలో తాజ్‌ సైలాని కాటన్‌ ఇండస్ట్రీస్‌, నెల్లుట్లలోని కటుకూరి రామనారాయణ గ్రెయిన్స్‌ అండ్‌ జనరల్‌ మర్చంట్‌, (ఓం శాంతి కాటన్‌ ఇండస్ట్రీస్‌), సత్యసాయి కాటన్‌ ఇండస్ట్రీస్‌, శ్రీ రామలింగ కాటన్‌ ఇండస్ట్రీస్‌లను గుర్తించారు. రఘునాథపల్లి మండలంలోని సిరి కాటన్‌ జిన్నింగ్‌ ఇండస్ట్రీస్‌, హరిహర కాటన్‌ జిన్నింగ్‌ మిల్‌, శ్రీనివాస కాటన్‌ జిన్నింగ్‌ మిల్‌తో పాటు ఓబుల్‌కేశ్వాపూర్‌లోని వెంకటేశ్వర ఇండస్ట్రీస్‌, జనగామ గ్రామంలోని శివ ఇండస్ట్రీస్‌, దేవరుప్పుల మండలం బంజారాలోని వినాయక కాటన్‌ ఇండస్ట్రీస్‌, ధర్మగడ్డ తండాలోని లక్ష్మీ శ్రీనివాస కాటన్‌ ఇండస్ట్రీస్‌ను గుర్తించారు. యాప్‌లో స్లాట్‌ బుకింగ్‌ తప్పనిసరి రైతులు పత్తిని విక్రయించేందుకు కపాస్‌ కిసాన్‌ యాప్‌లో తమ ఫోన్‌ నంబరుతో ముందుగా స్లాట్‌ బుక్‌ చేసుకోవాలి. ఏ మిల్లుకు, ఏ సమయంలో పత్తి తీసుకెళ్లాలనే వివరాలు స్లాట్‌ బుకింగ్‌ ద్వారా తెలుస్తాయి. దీంతో రైతులు నిర్ణీత సమయంలో మి ల్లుకు చేరుకుని నిరీక్షణ తగ్గించుకోవచ్చు. సాధారణంగా ఎకరాకు ఆరు క్వింటాళ్ల దిగుబడి ఆధారంగా కొనుగోళ్లు చేపట్టనున్నారు. అంతకంటే ఎక్కువ దిగుబడి వచ్చిన రైతులు వ్యవసాయ శాఖ ఏఈ ఓను సంప్రదించి, వారి లాగిన్‌ ద్వారా స్లాట్‌ బుక్‌ చే సుకోవచ్చు. పత్తి విక్రయానికి వెళ్లేట ప్పుడు ఆధార్‌ కార్డు, పట్టాదారు పాస్‌ పుస్తకం, రైతుభరోసాకు అనుసంధానమైన ఫోన్‌ నంబర్‌ తీసుకెళ్లాలి. మద్దతు ధరకు మించి ప్రైవేటు కొనుగోళ్లు ఈ సీజన్‌లో మీడియం స్టేపుల్‌ పత్తికి క్వింటాలుకు రూ.8,267, లాంగ్‌ స్టేపుల్‌ రకానికి రూ.8,667 మద్దతు ధర నిర్ణయించారు. గత సీజన్‌తో పోలిస్తే క్వింటాలుకు రూ.557 పెరిగింది. ఇప్పటి వరకు జిల్లాలో ప్రైవేటు వ్యాపారులు 7,077 క్వింటాళ్ల పత్తిని కొనుగోలు చేయగా, క్వింటాలుకు గరిష్టంగా రూ.9,100, కనిష్టంగా రూ.8,000 ధర పలికింది. ప్రస్తుతం ప్రైవేటు మార్కెట్‌లో మద్దతు ధర కంటే ఎక్కువ లభిస్తుండటంతో సీసీఐ కొనుగోళ్లు ప్రారంభమయ్యే సమయానికి ఇదే పరిస్థితి కొనసాగుతుందా, ధరలు తగ్గుతాయా అన్నది ఆసక్తికరంగా మా రింది. ఎల్‌నినో ప్రభావంతో దిగుబడిపై అనిశ్చితి, ప్రైవేటు వ్యాపారుల కొనుగోళ్లపై భిన్న అంచనాలు వినిపిస్తున్నాయి. కొనుగోళ్లు సజావుగా సాగేందుకు మిల్లుల వద్ద సిబ్బందిని కేటాయించాలని సీసీఐ వరంగల్‌ బ్రాంచ్‌ జీఎంను కలెక్టర్‌ ఆదేశించారు. జిల్లాలో 13 కొనుగోలు కేంద్రాలు 6 లక్షల క్వింటాళ్ల దిగుబడి అంచనా మద్దతు ధరకు విక్రయించేలా ఏర్పాట్లు ప్రస్తుతం ప్రైవేటులో క్వింటాల్‌కు గరిష్టంగా రూ.9,100 ధర

పాలకుర్తి టౌన్‌: ఎల్‌నినో ప్రభావంతో వర్షాలు తగ్గి, ఉష్ణోగ్రతలు పెరిగే అవకాశమున్నందున రైతులు ముందస్తు ప్రణాళికతో ప్రత్యామ్నాయ పంటలు సాగు చేయాలని కలెక్టర్‌ సందీప్‌ కుమార్‌ ఝా సూచించారు. బుధవారం మండలంలోని ముత్తారం రైతు వేదికలో (నేషనల్‌ మిషన్‌ ఆన్‌ నేచురల్‌ ఫార్మింగ్‌) ప్రకృతి వ్యవసాయంపై నిర్వహించిన శిక్షణ కార్యక్రమంలో ఆయన మాట్లాడారు.. యాసంగి సీజన్‌లో అధిక నీరు అవసరమయ్యే వరి, మొక్కజొన్నకు బదులుగా కంది, పెసర, వేరుశనగ వంటి పంటలు ఎంచుకోవాలన్నారు. ఉద్యానవన పంటలు, ఆయిల్‌పామ్‌ సాగును ప్రోత్సహించాల ని, ఆయిల్‌పామ్‌కు డ్రిప్‌ సేద్యం తప్పనిసరిగా అ మలు చేయాలని సూచించారు. నీటి సంరక్షణ పనులను వీబీ–జీ రామ్‌ జీ పథకం కింద చేపట్టాలని అధికారులను ఆదేశించారు. కార్యక్రమంలో డీఏఓ అంబికా సోనీ, ఉద్యానవనశాఖ అధికారి నర్సయ్య, ఎంపీడీఓ వేదవతి, ఏడీఏ అపర్ణ, ఎంపీఓ మల్లికార్జున, ఆత్మ చైర్మన్‌ ఎర్రబెల్లి రాఘవరావు, సర్పంచ్‌ చింతకింది అనిత ఉపేందర్‌, ఎంఏఓ విద్యాసాగర్‌, ఏఈఓ మహేశ్‌, రైతులు పాల్గొన్నారు. మహిళా శక్తి రైతు సేవ కేంద్రం సందర్శన రైతులకు నాణ్యమైన విత్తనాలు, ఎరువులు, పురుగు మందులు, డ్రిప్‌ పరికరాలు అందుబాటులో ఉంచాలని కలెక్టర్‌ సందీప్‌ కుమార్‌ ఝా సుచించారు. మండలంలోని ముత్తారంలోని మహిళా శక్తి రైతు సేవా కేంద్రాన్ని సందర్శించారు. రైతులకు డ్రిప్‌ పరికరాల వినియోగంపై అవగాహన కల్పించాలని సూచించారు. కలెక్టర్‌ సందీప్‌ కుమార్‌ ఝా

జనగామ: దసరా పండుగ సెలవుల నేపథ్యంలో ప్రయాణికుల రద్దీకి అనుగుణంగా జిల్లా కేంద్రంలోని ఆర్టీసీ డిపో నుంచి ప్రత్యేక బస్సు సర్వీసులను నడుపుతున్నారు. జనగామ నుంచి ఉప్పల్‌, జగద్గిరిగుట్ట తదితర ప్రాంతాలకు వెళ్లే ప్రయాణికుల సౌకర్యార్థం రెగ్యులర్‌ సర్వీసులకు అదనంగా బస్సులను అందుబాటులోకి తీసుకొచ్చారు. ఈ నెల 26 వ తేదీ వరకు ప్రత్యేక బస్సు సర్వీసులు కొనసాగనున్నాయి. సాధారణంగా నడిచే బస్సు ట్రిప్పులకు అదనంగా మరో 15 ట్రిప్పులను నిర్వహిస్తున్నారు. 15 ట్రిప్పులు అదనం డిపో పరిధిలో ప్రస్తుతం రెగ్యులర్‌గా 98 ట్రిప్పులు నడుస్తుండగా, పండుగ రద్దీని దృష్టిలో ఉంచుకొని అదనంగా 15 ట్రిప్పులను నడుపుతున్నారు. డిపోలో ఎక్స్‌ప్రెస్‌ బస్సులు 34, డీలక్స్‌ బస్సులు 8, పల్లె వెలుగు బస్సులు 84 కలిపి మొత్తం 112 బస్సులు ఉన్నాయి. వీటి ద్వారా రోజు వారీగా 55 రూట్లలో సర్వీసులు నిర్వహిస్తూ సుమారు 56 వేల మంది ప్రయాణికులకు రవాణా సౌకర్యం కల్పిస్తున్నారు. జనగామ నుంచి బచ్చన్నపేట మీదుగా జగద్గిరిగుట్టకు ఆరు బస్సులు రోజుకు ఎనిమిది ట్రిప్పులు నడుపుతున్నాయి. పండుగ సందర్భంగా హైదరాబాద్‌ పరిసర ప్రాంతాలకు వెళ్లే వారి సంఖ్య పెరగడంతో ప్రయాణికుల అవసరాలకు అనుగుణంగా అధికారులు సర్వీసులను పర్యవేక్షిస్తున్నారు. ప్రయాణికుల కిటకిట.. దసరా సెలవులతో ఆర్టీసీ బస్టాండ్‌తో పాటు బచ్చన్నపేట, పాలకుర్తి, రఘునాథపల్లి, స్టేషన్‌న్‌ ఘన్‌న్‌పూర్‌, జఫర్‌గఢ్‌, దేవరుప్పుల తదితర ప్రాంతా ల్లోని బస్టాప్‌ల వద్ద ఉదయం నుంచి రాత్రి వరకు ప్రయాణికుల సందడి కనిపిస్తోంది. సొంతూళ్లకు వెళ్లేవారు, పండుగ కోసం బంధువుల ఇళ్లకు బయలుదేరేవారితో బస్టాండ్లు రద్దీగా మారుతున్నాయి. దొంగలపై పోలీసుల నిఘా బస్టాండులో రద్దీ పెరుగుతున్న నేపథ్యంలో ప్రయాణికుల వస్తువులను దొంగిలించే వారి పట్ల పోలీసులు అప్రమత్తంగా ఉన్నారు. సీసీటీవీ కంట్రోల్‌ రూం ద్వారా నిరంతరం పర్యవేక్షణ చేపడుతూ, మైక్‌ ద్వారా ప్రయాణికులకు ఎప్పటికప్పుడు హెచ్చరికలు జారీ చేస్తున్నారు. డిపో మేనేజర్‌ ఉష ఆధ్వర్యంలో ఆర్టీసీ అధికారులు సర్వీసుల నిర్వహణను పర్యవేక్షిస్తున్నారు. టికెట్‌ ధరల పెంపుపై ఉత్కంఠ గత పండుగల సమయంలో టికెట్‌ ధరలపై అదనపు చార్జీలు వసూలు చేసిన సందర్భాలు ఉండగా, ఈసారి ఇప్పటి వరకు ధరలు పెంచలేదు. దసరాకు ఒకటి రెండు రోజుల ముందు అదనపు చార్జీలు విధిస్తారా లేక ప్రస్తుత ధరలనే కొనసాగిస్తారా అనే అంశంపై స్పష్టత రావాల్సి ఉంది. జనగామ డిపో నుంచి అదనంగా 15 ట్రిప్పులు సొంతూరి బాట పట్టిన కుటుంబాలు ఈ నెల 26 వరకు సర్వీసులు

● నేడు కాటన్‌ యార్డులో కొనుగోళ్లు జనగామ: జిల్లా కేంద్రంలోని వ్యవసాయ మార్కెట్‌కు రోజురోజుకూ ధాన్యం రాక పెరుగుతోంది. జిల్లా నలుమూలల నుంచి రైతులు ధాన్యం విక్రయించేందుకు భారీగా తరలివస్తున్నారు. దీంతో మార్కెట్‌లో ధాన్యం బస్తాలు, కుప్పలు పేరుకు పోయి స్థలాభావం ఏర్పడింది. మూడు కవర్‌ షెడ్లతో పాటు కల్లాలు, సీసీ రోడ్లు, ప్రధాన దారులపై ధాన్యం పోయడంతో రాకపోకలకు ఇబ్బందులు ఎదురవుతున్నాయి. ఈ నేపథ్యంలో అధికారులు కొనుగోళ్లకు సంబంధించి కీలక నిర్ణయం తీసుకున్నారు. బుధవారం ఒక్కరోజే 171 మంది రైతుల నుంచి 8,570 క్వింటాళ్ల ధాన్యాన్ని (13,185 బస్తాలు) కొనుగోలు చేశారు. మూడు రోజులుగా రోజుకు పది వేల బస్తాలకు పైగా ధాన్యం మార్కెట్‌కు వస్తోంది. క్వింటాల్‌కు గరిష్టంగా రూ.2,436, కనిష్టంగా రూ.1,809, మోడల్‌ ధర రూ.2,089 పలికింది. ధాన్యం రాశులు భారీగా పేరుకపోవడంతో డీఎంఓ, కార్యదర్శి ఆదేశాల మేరకు ఈనెల 15న (గురువారం) కొనుగోళ్లను కాటన్‌ యార్డుకు మార్చనున్నారు. కాటన్‌ యార్డులో ఉన్న ధాన్యం కుప్పలకే ఖరీదుదారులు ధరలు నిర్ణయించనున్నారు.

దేవరుప్పుల : తెలంగాణలో శతాబ్దాలుగా భూస్వామ్య వ్యవస్థ నడిచిన కాలంలో బహుజన మహిళలు తమ హక్కులు, ఆత్మగౌరవం కోసం బతుకమ్మ పండుగను ఒక సామాజిక చైతన్య సాధనంగా మలుచుకున్నారని అరుణోదయ సాంస్కృతిక సమైఖ్య వ్యవస్థాపకురాలు విమలక్క అన్నారు. బుధవారం మండలంలోని ధర్మాపురంలో బతుకమ్మ ఉత్సవాల సందర్భంగా ఆటపాట నిర్వహించారు. తొలుత ఉద్యమాల్లో అమరులైన ఆవుల మల్లయ్య, ఝెషమల్ల వెంకటయ్య, చీటూరి సోమయ్య, జాటోత్‌ ఠానూనాయక్‌, దరాగ్యను స్మరించుకున్నారు. ఈ సందర్భంగా విమలక్క మాట్లాడుతూ.. బహుజనుల బతుకమ్మ పండుగ తెలంగాణ సంస్కృతిలో అత్యంత ప్రాముఖ్యం కలిగిన ప్రత్యేక చారిత్రక ఉద్యమ రూపమన్నారు. తమ కష్టాలు, ఆవేదన, శ్రమను బతుకమ్మ పాటల రూపంలో వ్యక్తం చేశారన్నారు. తద్వారానే ఉద్యమ రూపాలు మారి భూసామ్య వ్యవస్థ రూపుమాపు అయ్యిందన్నారు. అలాంటి ఈ పండుగ వెనుక బహుజన వర్గాల శ్రమ, ఆత్మగౌరవం, చైతన్యం దాగి ఉందన్నారు. కల్నల్‌ డాక్టర్‌ మాచర్ల భిక్షపతి, సర్పంచ్‌ దౌపాటి అశ్విని, ఉపసర్పంచ్‌ సంగి రేణుక, రైతుకూలీ సంఘం జిల్లా అధ్యక్షుడు బత్తుల సత్తయ్య, కార్యనిర్వహణ కమిటీ అధ్యక్షుడు మెత్కుపల్లి రామచంద్రు, ఝెషమల్ల శ్రీను, అడ్వకేట్‌ వెన్నెల, సీపీఐ జిల్లా నాయకులు తిరుపతి రెడ్డి, మల్సూర్‌, రమేశ్‌ పాల్గొన్నారు. అరుణోదయ వ్యవస్థాపకురాలు విమలక్క

జనగామ రూరల్‌: జనగామ ఆర్టీసీ డిపో పరిధిలో సమస్యల పరిష్కారానికి డయల్‌ యువర్‌ డీఎం ప్రోగ్రాం నిర్వహిస్తున్నట్టు డీఎం ఉష బుధవారం ఒక ప్రకటనలో తెలిపారు. గురువారం ఉదయం 11:00 గంటల నుంచి 12:00 గంటల వరకు ఉంటుందని, ఫోన్‌ నంబర్‌ 7981951562కు ఫోన్‌ చేసి సమస్యలు తెలపాలని కోరారు. ప్రయాణికులు ఈ అవకా శాన్ని సద్వినియోగం చేసుకోవాలన్నారు. పట్టభద్రుల ఎమ్మెల్సీ కొత్త ఓటర్‌ జాబితా షెడ్యూల్‌జనగామ రూరల్‌: వరంగల్‌–ఖమ్మం–నల్లగొండ పట్టభద్రుల ఎమ్మెల్సీ నియోజకవర్గ కొత్త ఓటర్‌ జాబితా తయారీకి షెడ్యూల్‌ విడుదలైనట్లు జిల్లా ఎన్నికల అధికారి, కలెక్టర్‌ సందీప్‌ కుమార్‌ ఝా బుధవారం ఒక ప్రకటనలో తెలిపారు. ఓటు నమోదుకు 2026 నవంబర్‌ 1ని అర్హత తేదీగా నిర్ణయించినట్లు పేర్కొన్నారు. కనీసం 3 సంవత్సరాల క్రితం డిగ్రీ పూర్తి చేసిన అర్హత కలిగిన అభ్యర్థులు ఫారమ్‌ –18 దరఖాస్తును ఏఈఆర్‌ఓలకు, నియమిత అధికారికి సమర్పించాలన్నారు. నవంబర్‌ 6 వరకు ఫారం–18 దరఖాస్తులు స్వీకరిస్తారని, 20 వరకు ముసాయిదా జాబితా తయారీ, ముద్రణ ప్రక్రియ పూర్తి చేసి, 25న డ్రాఫ్ట్‌ ఓటర్ల జాబితాను ప్రచురిస్తారమన్నారు. అదే రోజు నుంచి డిసెంబర్‌ 10 వరకు క్లెయిమ్‌లు, అభ్యంతరాలు స్వీకరించి అదే నెల 25లోగా వాటిని పరిష్కరించి, సప్లిమెంట్లను సిద్ధం చేసి 30న తుది ఓటర్ల జాబితాను ప్రచురించనున్నట్లు తెలిపారు. ఈ–నామ్‌ సర్వర్‌ సమస్యతో ఆలస్యంజనగామ: వ్యవసాయ మార్కెట్‌లో ఈ నామ్‌ సర్వర్‌ సమస్యతో పాటు సాంకేతిక సమస్య కారణంగా ధాన్యం కొనుగోలు బిడ్డింగ్‌ సమయం పొడిగించినట్లు ఏఎంసీ ప్రత్యేక శ్రేణి కార్యదర్శి(ఎఫ్‌ఏసీ) ఆర్‌ శ్రీదేవి బుధవారం తెలిపారు. ‘సమన్వయ లోపం–కొనుగోళ్లలో జాప్యం’ శీర్షికన ఈ నెల 14న సాక్షిలో ప్రచురితమైన కథనానికి అధికారులు స్పందించారు. సాంకేతిక సమస్యలను పరిష్కరించిన అనంతరం ఆలస్యం లేకుండా కొనుగోళ్లు ప్రారంభించామన్నారు. సమగ్ర శిక్ష అభియాన్‌ జిల్లా సమన్వయకర్తగా యాదగిరిజనగామ: జిల్లా సమగ్ర శిక్ష అభియాన్‌ పరిధిలో సమ్మిళిత విద్య, కమ్యూనిటీ మొబిలైజేషన్‌, మీడియా విభాగాల జిల్లా సమన్వయకర్తగా ఎలికట్టె యాదగిరి నియమితులయ్యారు. ఈ మేరకు కలెక్టర్‌, జిల్లా విద్యాశాఖ అధికారి, సమగ్ర శిక్ష అభియాన్‌ జిల్లా ఎక్స్‌అఫీషియో డీపీఓ సందీప్‌ కుమార్‌ ఝా బుధవారం ఉత్తర్వులు జారీ చేశారు. బచ్చన్నపేట మండలం కొడవటూరు జెడ్పీహెచ్‌ఎస్‌లో ఫిజికల్‌ సైన్స్‌ స్కూల్‌ అసిస్టెంట్‌గా పని చేస్తున్న యాదగిరికి తొలుత ఏడాది పాటు ఓడీపై ఈ బాధ్యతలు అప్పగించారు. ఈ కాలంలో ఆయన పనితీరు, ప్రదర్శన ఆధారంగా తదుపరి చర్యలు తీసుకోనున్నట్లు ఉత్తర్వుల్లో పేర్కొన్నారు. సమ్మిళిత విద్య, కమ్యూనిటీ మొబిలైజేషన్‌, మీడియా విభాగాలకు సంబంధించిన కార్యక్రమాల సమన్వయం, అమలు, పర్యవేక్షణ బాధ్యతలను యాదగిరి నిర్వహించాల్సి ఉంటుంది. వీటితో పాటు జిల్లా విద్యాశాఖ అధికారి అప్పగించే ఇతర విధులను కూడా నిర్వర్తించాలి. యాదగిరి కొత్త బాధ్యతలు చేపట్టేందుకు వీలుగా కొడవటూరు జెడ్పీహెచ్‌ఎస్‌ ప్రధానోపాధ్యాయుడు ఆయనను ఓడీపై రిలీవ్‌ చేసి, జిల్లా విద్యాశాఖ అధికారి కార్యాలయంలో రిపోర్టు చేసేందుకు చర్యలు తీసుకోవాలని ఉత్తర్వుల్లో ఆదేశించారు. అక్టోబర్‌ 12న ఇచ్చిన ఆ మోదం మేరకు అక్టోబర్‌ 14న ఈ ఉత్తర్వులు జారీ అయ్యాయి. శ్రీభద్రకాళి ఆలయ ధర్మకర్తల మండలి ఏర్పాటుహన్మకొండ కల్చరల్‌: వరంగల్‌ నగరంలోని శ్రీభద్రకాళి దేవాలయానికి రెండేళ్లకాలానికి 11మంది సభ్యులతో ధర్మకర్తల మండలి ఏర్పాటు చేసినట్లు ముఖ్యమంత్రి కార్యాలయం నుంచి గత సోమవారం ఉత్తర్వులు జారీ చేశారు. 2012లో ధర్మకర్తల మండలి ఏర్పాటు చేయగా 2014 వరకు కొనసాగింది. అనంతరం 11 ఏళ్లుగా పాలకమండలి లేదు. గతేడాది రాష్ట్ర ప్రభుత్వ ఆదేశానుసారం రాష్ట్ర దేవాదాయ ధర్మాదాయశాఖ 2025, జూన్‌11న ఏడాదికాలానికి వంశపారంపర్యేతర ధర్మకర్తల మండలి ఏర్పాటు చేసింది. తాజాగా పూర్తిస్థాయి నూతన ధర్మకర్తల మండలిని నియమించింది. మండలిలో కమటం వేణుగోపాల్‌, కల్లూరి పవన్‌కుమార్‌, కటకం రాములు, కరేంగుల సురేష్‌బాబు, గదే శ్రవణ్‌కుమార్‌ రెడ్డి, చిదర అంజనీ, మాడిశెట్టి సతీష్‌, పేరాల శ్రీనివాస్‌రావు, రమేష్‌ చంద్‌ బ్యాంగ్‌, చింతలపాని వాసవీరెడ్డి, మోత్కూరి మయూరీలు సభ్యులుగా ఉన్నారు. ధర్మకర్తలు ప్రమాణస్వీకారం చేసిన తేదీనుంచి రెండేళ్లపాటు పదవిలో కొనసాగుతారు.

● ఏకంగా 349 దరఖాస్తుల రాక● రేపు కలెక్టరేట్‌లో లాటరీ ప్రక్రియజనగామ : జనగామ జిల్లా స్టేషన్‌ ఘన్‌పూర్‌ మున్సిపాలిటీ పరిధిలో నూతనంగా ఏర్పాటు చేయనున్న బార్‌ లైసెన్స్‌ కోసం భారీగా దరఖాస్తులు వచ్చాయి. ఒక్క బార్‌ లైసెన్స్‌ కోసం 349 దరఖాస్తులు వచ్చాయి. ఈ మేరకు బుధవారం జిల్లా ప్రొహిబిషన్‌ అండ్‌ ఎకై ్సజ్‌ అధికారి ఎన్‌. అంజిరెడ్డి వివరాలు వెల్లడించారు. రాష్ట్ర ప్రభుత్వం నూతన బార్ల ఏర్పాటు కోసం గత నెల 27న నోటిఫికేషన్‌ జారీ చేసింది. ఇందులో భాగంగా స్టేషన్‌ ఘన్‌పూర్‌ మున్సిపాలిటీ పరిధిలో ఒక 2బీ బార్‌ ఏర్పాటునకు అనుమతి ఇవ్వాలని నోటిఫికేషన్‌లో పేర్కొంది. రూ.లక్ష దరఖాస్తు రుసుము.. ఈ బార్‌ లైసెన్స్‌ కోసం దరఖాస్తు రుసుమును రూ.లక్షగా నిర్ణయించారు. దరఖాస్తుల స్వీకరణకు ఈ నెల 12వ తేదీ సాయంత్రం 5 గంటల వరకు గడువు విధించారు. గడువు ముగిసే సమయానికి మొత్తం 349 దరఖాస్తులు వచ్చాయి. రేపు లాటరీ ద్వారా ఎంపిక.. బార్‌ లైసెన్స్‌ కేటాయింపునకు సంబంధించి ఈ నెల 16వ తేదీ ఉదయం 11 గంటలకు జనగామ కలెక్టరేట్‌లో లాటరీ నిర్వహించనున్నారు. కలెక్టర్‌ సమక్షంలో ఈ ప్రక్రియ నిర్వహించనున్నట్లు అంజిరెడ్డి తెలిపారు.

– IIలోuబతుకమ్మలతో ఉద్యమం కాంగ్రెస్‌ ప్రభుత్వాన్ని గద్దె దించేందుకు మహిళలు బతుకమ్మలు చేతపట్టి ఉద్యమించేందుకు సిద్ధంగా ఉన్నారని బీఆర్‌ఎస్‌ మహిళా నేతలు అన్నారు.గురువారం శ్రీ 15 శ్రీ అక్టోబర్‌ శ్రీ 2026జనగామ: ఉదయం నిద్రలేచింది మొదలు సాయంత్రం అలసట తీర్చుకునే వరకు సామాన్యుడి జీవితంలో చాయ్‌ ఓ భాగమైపోయింది. పనికి వెళ్లే ముందు, మధ్యాహ్నం విరామ సమయంలో, స్నేహితులతో ముచ్చటించేటప్పుడు కప్పు టీ తాగడం చాలామందికి అలవాటు. అయితే నిన్నటి వరకు రూ.10తో సరిపోయే చాయ్‌ ధర ఇప్పుడు రూ.12 నుంచి రూ.15కు చేరింది. లీటరు పాలు, అల్లం చాయ్‌, కాఫీ, గ్రీన్‌ టీ, లెమన్‌ టీ ధరలూ పెరగడంతో చాయ్‌ ప్రియుల జేబులకు చిల్లులు పడుతున్నాయి. నిత్యావసరాల ధరల పెరుగుదలతో ఇప్పటికే సతమతమవుతున్న పేద, మధ్యతరగతి కుటుంబాలకు ఈ అదనపు ఖర్చు మరో భారంగా మారుతోంది. చిన్న మొత్తమే కదా అని పట్టించుకోకపోయినా, నెలాఖరుకు లెక్కలు వేసుకుంటే ఖర్చు గణనీయంగా పెరుగుతోంది. ముడిసరుకుల ధరల పెరుగుదల చాయ్‌ తయారీకి అవసరమైన ముడిసరుకుల ధరలు పెరగడం హోటళ్ల యజమానులకు భారంగా మారింది. కిలో చక్కెర ధర రూ.46 నుంచి రూ.60కు పెరగగా, టీ పొడి ధర రూ.350 నుంచి రూ.400కు చేరింది. కిలో అల్లం ధర రూ.70 నుంచి రూ.120కు పెరిగింది. వీటితో పాటు పాలు, గ్యాస్‌ ధరలు కూడా పెరిగాయి. ఇక కాఫీ, బూస్ట్‌ వంటి ఇతర వస్తువుల ధరలు కూడా పెరిగాయని వ్యాపారులు చెబుతున్నారు. నెలకు రూ.600కు పైగా అదనపు భారం రోజుకు నాలుగు నుంచి ఆరు కప్పుల వరకు చాయ్‌ తాగే వారు చాలామందే ఉన్నారు. మరికొందరు కాఫీ, అల్లం చాయ్‌, గ్రీన్‌ టీ, లెమన్‌ టీ వంటి పానీయాలను ఇష్టపడుతుంటారు. ఒక్కో కప్పుపై సగటున రూ.2 నుంచి రూ.5 అదనంగా చెల్లించాల్సి వస్తే రోజువారీ ఖర్చు పెరుగుతుంది. రోజుకు యావరేజ్‌గా రూ.20 అదనంగా ఖర్చ పెరిగితే నెలకు రూ.600 భారం పడుతుంది. చాయ్‌ తాగుతున్న ప్రజలుచాయ్‌ తయారీ చేస్తున్న కార్మికుడు సింగిల్‌ టీ రూ.10 నుంచి రూ.15 వరకు పెంపు రోజుకో చాయ్‌ బడ్జెట్‌.. నెలకు రూ.450 నుంచి 600 పెరిగిన చక్కెర, అల్లం, పాలు, టీ పొడి ధరలుజిల్లాలో చిన్నచిన్న టీ పాయింట్లలో గతంలో రూ.10 ఉన్న సాధారణ చాయ్‌ ధర ప్రస్తుతం రూ.12కు చేరగా, పెద్ద హోటళ్లలో రూ.15 వసూలు చేస్తున్నారు. అల్లం చాయ్‌ ధర రూ.15 నుంచి రూ.20కు పెరిగింది. పెద్ద హోటళ్లలో కాఫీ ధర రూ.20 నుంచి రూ.30కు చేరగా, గ్రీన్‌ టీ రూ.25 నుంచి రూ.30కి, లెమన్‌ టీ రూ.20 నుంచి రూ.25 కు పెరిగింది. కొన్ని చోట్ల ఒక్కో కప్పుపై రూ.2 నుంచి రూ.10 వరకు అదనంగా చెల్లించాల్సి వస్తోంది. అయితే రహదారుల వెంట టీ డబ్బాలు నిర్వహించే కొందరు వ్యాపారులు మాత్రం ఇప్పటికీ సాధా రణ చాయ్‌ను రూ.10కే విక్రయిస్తున్నారు.

దేవరుప్పుల : బాలికలు దివంగత మావోయిస్టు, రచయిత గుముడవెల్లి రేణుక అలియాస్‌ మిడ్కో మాదిరి సమాజ హితం కోసం ఉన్నత విద్యలో రాణించాలని ఏపీటీఎఫ్‌ రాష్ట్ర మాజీ అధ్యక్షుడు ఎర్రంరెడ్డి నర్సింహారెడ్డి సూచించారు. బుధవారం మండలంలోని కడవెండి హైస్కూల్‌లో 2025–26 విద్యా సంవత్సరంలో ప్రతిభ కనబర్చిన పదో తరగతి విద్యార్థులు రాంచరణ్‌కు రూ.10 వేలు, నిహారిక, అభిలాష్‌కు రూ. 7,500, సింధుకు రూ.5 వేల నగదు బహుమతులు రేణుక మెమోరియల్‌ ట్రస్ట్‌ పేరిట కుటుంబీకులు అందజేశారు. ఈ సందర్భంగా ఆయన మాట్లాడుతూ.. 1970 దశకంలో కడవెండి ప్రభుత్వ పాఠశాలలో చదివి విప్లవ రచయితగా, కార్యకర్తగా ఎదిగి 2025లో ఛత్తీస్‌గఢ్‌లో జరిగిన ‘ఎన్‌కౌంటర్‌’లో ప్రాణం కోల్పోయిన గుముడవెల్లి రేణుక స్మారకార్థం ‘రేణుక మెమోరియల్‌ ట్రస్ట్‌’ ఏర్పాటు చేయడం అభినందనీయమన్నారు. రేణుక తండ్రి సోమయ్య మాట్లాడుతూ మూడు దశాబ్దాల కాలంలో రేణుక రచనలన్నీ సేకరిస్తున్నామని, వాటిని రాబోయే కాలంలో ట్రస్ట్‌ తరఫున ప్రచురించనున్నామని తెలిపారు. హెచ్‌ఎం ఎన్‌ఎన్‌ రాజు అధ్యక్షతన నిర్వహించిన కార్యక్రమంలో ఉపాధ్యాయ సంఘాల నేతలు శ్రీనివాస్‌, డి. నర్సింహారెడ్డి, సర్పంచ్‌ బాషిపాక రాములు, గ్రామ పెద్దలు లీనారెడ్డి, లక్ష్మీనర్సు, తల్లిదండ్రులు గుముడవెల్లి సోమయ్య, జయమ్మ, సోదరులు జీవీకే ప్రసాద్‌, రాజశేఖర్‌ తదితరులు పాల్గొన్నారు. ఏపీటీఎఫ్‌ రాష్ట్ర మాజీ అధ్యక్షుడు నర్సింహారెడ్డి

జనగామ రూరల్‌: వ్యవసాయం తర్వాత రైతులకు ఆర్థిక తోడ్పాటును అందించే పశు సంపదపై కేంద్ర, రాష్ట్ర ప్రభుత్వాలు ప్రత్యేక చర్యలు చేపట్టాయి. జీవాల స్థితిగతులే పాడి పరిశ్రమ అభివృద్ధికి దో హదం చేస్తాయి. ఇందులో భాగంగా పశుసంవర్ధక శాఖ ఆధ్వర్యంలో కేంద్ర ప్రభుత్వం అమలుచేస్తున్న ‘భారత్‌ పశుధన్‌ డిజిటల్‌ యాప్‌’ వ్యవస్థ ద్వారా పశువుల వివరాలను ఆన్‌లైన్‌లో నమోదు చేస్తున్నా రు. ఈ కార్యక్రమం ద్వారా పశువులకు ప్రత్యేకమైన 12 అంకెల గుర్తింపు సంఖ్యతో కూడిన చెవి ట్యాగ్‌ కేటాయించి, వాటి వివరాలను డిజిటల్‌ విధానంలో భద్రపరుస్తున్నారు. ముఖ్యంగా పశు పోషకుల పే రు, చిరునామా, మొబైల్‌ నంబర్‌, పశువుల జాతి, వయస్సు, ఇతర వివరాలను నమోదు చేస్తున్నారు. పశువులకు ట్యాగింగ్‌ చేసిన అనంతరం వాటి ఆరోగ్య పరిస్థితి, టీకాల వివరాలు, కృత్రిమ గర్భధారణ, సంతానోత్పత్తి, చికిత్స తదితర వివరాలను యాప్‌లో నమోదు చేస్తున్నారు. జిల్లా వ్యాప్తంగా 90 శాతంపైగా డిజిటల్‌ నమోదు కాగా మిగిలిన జీవాలను త్వరితగతిన డిజిటలైజ్‌ చేయనున్నారు. యాప్‌ నమోదుతో ఉపయోగాలు పశు సంపద వివరాలను డిజిటల్‌ యాప్‌లో నమో దు చేయడం వల్ల ప్రతీ పశువు వివరాలను సులభంగా గుర్తించడంతో పాటు, పశువైద్య సేవలను మెరుగుపరచడానికి, వ్యాధుల నియంత్రణకు, పశుసంపద అభివృద్ధికి ఉపయోగపడనుంది. అలాగే పశువులకు అందించిన సేవల వివరాలను ఎప్పటికప్పుడు తెలుసుకోవడానికి వీలవుతుంది. జీవాల అరోగ్య పరిస్థితుల దృష్ట్యా చేపట్టాల్సి చర్యలు, మందులు, టీకాలు అందించేందుకు అవకాశం ఉంటుంది. వాటి సంఖ్య ఆధారంగా పశుఽవుల దాణా ఇతర అవసరాలు తీర్చవచ్చు. పశువులకు రైతు ఇంటి వద్ద సేవలు అందించడానికి, పశువుల క్రయవిక్రయాలకు జరిగిన మృతి చెందిన వైద్యులను సంప్రదించి యాప్‌లో విధిగా నమోదు చేసుకోవాలి. భారత్‌ పశుధన్‌ యాప్‌లో పశువుల వివరాలు నమోదు పశు సంపద అభివృద్ధికి తోడ్పాటు పాడి రైతులకు మెరుగైన సేవలు జిల్లాలో 90 శాతంపైగా నమోదు పూర్తిఆవులు– 69,622గేదెలు– 75,083గొర్రెలు– 5,24,328మేకలు– 1,03,688కుక్కలు– 1468గాడిదలు– 10పందులు– 2664కోళ్లు – 1,70,3004బాతులు– 34జిల్లాలో 98 శాతం పశువుల నమోదు పూర్తయింది. మిగిలిన 10 శాతం కూడా త్వరితగతిన పూర్తి చేసేందుకు చర్యలు చేపడుతున్నాం. పాడి రైతులు, పశుపోషకులు తమ పశువుల నమోదుకు పశుసంవర్ధక శాఖ సిబ్బందికి సహకరించి, పశువులకు సంబంధించిన సరైన వివరాలను అందించాలి.

● కలెక్టర్‌ సందీప్‌ కుమార్‌ ఝా ● స్టేషన్‌ ఘన్‌పూర్‌, పాలకుర్తిలోని పలుగ్రామాల్లో సందర్శనస్టేషన్‌ఘన్‌పూర్‌: రైతులు తమ వ్యవసాయ భూముల వద్ద ఫామ్‌పాండ్ల నిర్మాణం చేయడం ద్వారా ఎంతో ప్రయోజనంగా ఉంటుందని కలెక్టర్‌ సందీప్‌ కుమార్‌ ఝా అన్నారు. మండలంలోని రంగరాయగూడెం గ్రామంలో వీబీ జీరామ్‌జీ పథకం కింద చేపట్టిన ఫామ్‌పాండ్స్‌ నిర్మాణ పనులను కలెక్టర్‌ సోమవారం సందర్శించి తనిఖీ చేశారు. ఈ సందర్భంగా ఫామ్‌పాండ్స్‌ నిర్మాణం ప్రభుత్వ స్థలంలో చేపడుతున్నారా? రైతుల సొంత భూముల్లో చేస్తున్నారా తదితర వివరాలను సంబంధిత అధికారులను అడిగి తెలుసుకున్నారు. గ్రామానికి చెందిన రైతు మందపురం ఎల్లాగౌడ్‌ తన పొలంలో ఫామ్‌పాండ్‌ నిర్మించగా దానిని పరిశీలించారు. రైతుకు ఎన్ని ఎకరాల భూమి ఉందని, ఫామ్‌పాండ్‌ నిర్మాణం వల్ల రైతుకు కలిగే ప్రయోజనాలను రైతును అడిగి తెలుసుకున్నారు. తన బోరులో సరిపడా నీరు అందుబాటులో ఉందని, బావిలో నీటికొరత లేకపోవడంతో పాటు నీటి మట్టం కూడా పెరిగిందని రైతు కలెక్టర్‌కు తెలిపారు. ఆయన వెంట డీఆర్‌డీఓ భాస్కర్‌, అదనపు డీఆర్‌డీఓ పి.సూరి, ఎంపీడీఓ విజయశ్రీ, సర్పంచ్‌ శిరీష్‌రెడ్డి, ఏపీఓ ప్రేమయ్య, ఫీల్డ్‌ అసిస్టెంట్‌ కవితఎల్లగౌడ్‌ తదితరులు పాల్గొన్నారు. పాలకుర్తిలో.. పాలకుర్తి టౌన్‌: ఫామ్‌పాండ్ల నిర్మాణాలను నిబంధనల ప్రకారం చేపట్టి, పనులను వేగవంతం చేయాలని కలెక్టర్‌ సందీప్‌ కుమార్‌ ఝా అధికారులను ఆదేశించారు. మంగళవారం మండల కేంద్రం, అయ్యంగారిపల్లి, ఈరవెన్ను గ్రామాల్లో ఫామ్‌పాండ్‌ నిర్మాణ పనులను తనిఖీ చేశారు. డీఆర్డీఓ భాస్కర్‌, ఎంపీడీఓ వేదవతి, సంబంధిత అధికారులు పాల్గొన్నారు.

జనగామ రూరల్‌: జిల్లాలోని ఎంఎల్‌ఎస్‌ పాయింట్ల వద్ద 30 సంవత్సరాలుగా పనిచేస్తున్న 57 మంది సివిల్‌ సప్లై హమాలీ కార్మికుల ఉపాధిని పరిరక్షించాలని కోరుతూ మంగళవారం హైదరాబాద్‌లో తెలంగాణ రాష్ట్ర పౌరసరఫరాల శాఖ జనరల్‌ మేనేజర్‌ సాయి అరుణ్‌కుమార్‌కు ఆల్‌ హమాలీ వర్కర్స్‌ ఫెడరేషన్‌ రాష్ట్ర ప్రధాన కార్యదర్శి వంగూరు రాములు ఆధ్వర్యంలో వినతిపత్రం అందజేశారు. కార్యక్రమంలో జిల్లా అధ్యక్షుడు రాపర్తి రాజుతో పాటు సంబంధిత హమాలీ కార్మికుల యూనియన్‌ ప్రతినిధులు పాల్గొన్నారు. జిల్లా అదనపు కలెక్టర్‌ జారీ చేసిన ఉత్తర్వుల ప్రకారం బఫర్‌ గోదాముల నుంచి నేరుగా రేషన్‌ షాపులకు బియ్యం తరలింపు చేపట్టడంతో జనగామ, స్టేషన్‌ ఘన్‌పూర్‌, కొడకండ్ల పాయింట్లలో పనిచేస్తున్న 57 మంది హమాలీ కార్మికులు ఉపాధి కోల్పోయే పరిస్థితి ఏర్పడిందని జనరల్‌ మేనేజర్‌ దృష్టికి తీసుకెళ్లారు. జనరల్‌ మేనేజర్‌ సాయి అరుణ్‌ కుమార్‌ పాయింట్ల ద్వారానే రేషన్‌ బియ్యం సరఫరా కొనసాగిస్తామని, జిల్లాలో జారీ చేసిన సంబంధిత ఉత్తర్వులను రద్దు చేస్తామ ని హామీ ఇచ్చారు. ఇప్పటికే ఈ విషయాన్ని జిల్లా మేనేజర్‌కు తెలియజేసి సంబంధిత పాయింట్ల ద్వా రా రేషన్‌ షాపులకు బియ్యం పంపించాలని సూచించినట్లు తెలిపారు. కార్యక్రమంలో సివిల్‌ సప్లై హమాలీ యూనియన్‌ ప్రతినిధులు బోరెల్లి సోమ య్య, పిట్టల తిరుపతి, బెల్లకూరి చెన్నయ్య, ఎదునూరి భిక్షపతి, ఎల్లంల వెంకన్న పాల్గొన్నారు.

జనగామ: విద్యుత్‌ను అవసరమైనప్పుడే వినియోగించడం, అనవసర వినియోగాన్ని తగ్గించడం ద్వారా విద్యుత్‌ పొదుపునకు సహకరించాలని ఎన్పీడీసీఎల్‌ (నార్తర్న్‌ పవర్‌ డిస్ట్రిబ్యూషన్‌ కంపెనీ లిమిటెడ్‌) కరపత్రాల ద్వారా ప్రచారం చేస్తోంది. విద్యుత్‌ను పొదుపు చేయడం అంటే కరెంటు ఉత్పత్తి చేసినట్లుగానే భావించాలని అధికారులు అవగాహన కల్పిస్తున్నారు. ఎల్‌నినో ప్రభావంతో ఉష్ణోగ్రతలు పెరిగే అవకాశం ఉండటంతో వేసవిలో విద్యుత్‌ వినియోగం మరింత పెరగవచ్చని పేర్కొంటూ, వినియోగదారులు ఇప్పటి నుంచే పొదుపు చర్యలు పాటించాలని అవగాహన కల్పిస్తోంది. ముఖ్యంగా చిన్న చిన్న అలవాట్లలో మార్పులు చేసుకోవడం ద్వారా గణనీయమైన విద్యుత్‌ను పొదుపు చేసే అవకాశం ఉందని ప్రచారం చేస్తోంది. పాటించాల్సిన సూచనలు ఇళ్లలో ఎవరూ లేనప్పుడు లైట్లు, ఫ్యాన్లు, ఇతర విద్యుత్‌ పరికరాలను ఆఫ్‌ చేయాలి. అవసరం లేని లైట్లను ఆర్పివేసి, ఎల్‌ఈడీ బల్బులను వినియోగించాలి. గదిలో ఎవరూ లేనప్పుడు ఫ్యాన్లు ఆఫ్‌ చేయడంతో పాటు, వాటి వేగాన్ని అవసరానికి అనుగుణంగా నియంత్రించాలి. ఏసీ వినియోగాన్ని తగ్గించి, అవసరమైనప్పుడు మాత్రమే ఉపయోగించాలి. గది చల్లబడిన తర్వాత ఉష్ణోగ్రతను తగిన స్థాయిలో ఉంచడం మంచిది. మోటార్లు, నీటి మోటార్లు అవసరమైనప్పుడే నడపాలి. టీవీని చూడనప్పుడు, ఫ్రిజ్‌ తలుపును తరచూ తెరవకుండా, చార్జర్లు ఉపయోగించిన తర్వాత ప్లగ్‌ నుంచి తొలగించడం వంటి చర్యలు పాటించాలి. దుకాణాలు, కార్యాలయాలు, ఫ్యాక్టరీలు, వ్యాపార సంస్థలు, ఆసుపత్రులు, విద్యాసంస్థల్లోనూ విద్యుత్‌ పొదుపు చర్యలు చేపట్టాలి. వ్యవసాయ బోర్లు, మోటార్లను అవసరమైన మేరకే వినియోగించాలి. అనవసరంగా విద్యుత్‌ పరికరాలను ఆన్‌న్‌లో ఉంచడం వల్ల శక్తి వృథాతోపాటు ఖర్చులు కూడా పెరుగుతాయి. విద్యుత్‌ పొదుపు ప్రతి ఒక్కరి బాధ్యతగా గుర్తించి, సామాజిక ప్రయోజనం కోసం ప్రతి వినియోగదారుడూ సహకరించాలని ఎన్పీడీసీఎల్‌ సూచిస్తోంది. అవసరమున్నంతే వినియోగించాలిఎల్‌నినో ప్రభావంతో ఉష్ణోగ్రతలు పెరిగే అవకాశం ఉన్న నేపథ్యంలో ప్రజలు విద్యుత్‌ను అవసరమైన మేరకే వినియోగించాలి. ప్రతి ఒక్కరూ బాధ్యతగా వ్యవహరిస్తేనే విద్యుత్‌ ఆదా సాధ్యమవుతుంది. ప్రజలందరూ విద్యుత్‌ పొదుపు చర్యలు పాటించి సంస్థకు సహకరించాలని కోరుతున్నాం. – సంపత్‌రెడ్డి, ఎన్పీడీసీఎల్‌ ఎస్‌ఈ విద్యుత్‌ ఆదా మార్గాలపై ఎన్పీడీసీఎల్‌ ప్రచారం ఎల్‌నినో ప్రభావంతో వినియోగం పెరిగే అవకాశం ప్రతీ వినియోగదారుడు బాధ్యతగా తీసుకోవాలని అవగాహన కార్యక్రమాలు

విద్యారణ్యపురి/కాజీపేట : ఉమ్మడి వరంగల్‌ జిల్లాకు మరో మూడు తెలంగాణ పబ్లిక్‌ స్కూళ్లు, అవసరమైన నిధులను రాష్ట్ర ప్రభుత్వం మంజూరు చేసింది. మొదటి దశలో 9 స్కూళ్లకు గత నెలలోనే అనుమతినిస్తూ నిధులు మంజూరు చేసిన విషయం తెలిసిందే. రెండో దశలో హనుమకొండ జిల్లా వరంగల్‌ పశ్చిమ నియోజకవర్గానికి కాజీపేట ప్రభుత్వ బాలుర ఉన్నత పాఠశాల (రూ.10కోట్లు), పరకాల నియోజకవర్గానికి సంబంధించి ఆత్మకూ రు మండలంలోని పెద్దాపూర్‌ జెడ్పీహెచ్‌ఎస్‌లోనే తెలంగాణ పబ్లిక్‌ స్కూల్‌ ఏర్పాటుకు అనుమతినిస్తూ రూ 9.95 కోట్లు నిధులు మంజూరు చేసింది. మహబూబాబాద్‌ జిల్లా పాలకుర్తి నియోజకవర్గానికిగాను పెద్దవంగర మండలం చిట్యాల జెడ్పీహెచ్‌ఎస్‌లో తెలంగాణ పబ్లిక్‌ స్కూల్‌ ఏర్పాటుకు అనుమతినిస్తూ రూ.11.40కోట్లు మంజూరు చేసింది. ప్రస్తుతం ఉన్న హైస్కూళ్ల భవనాల్లోనే అవసరమైన తరగతి గదులు, ల్యాబ్‌లు, తదితర వసతులు కల్పించనున్నారు. ఇందులో ప్రీ ప్రైమరీనుంచి ఇంటర్‌ వరకు ఇంగ్లిష్‌ మీడియంలోనే విద్య అందిస్తారు.

రఘునాథపల్లి: ఎల్‌నినో ప్రభావం.. పత్తి రైతులను నిండాముంచింది. వారి ఆశలను ఆవిరి చేసింది. అప్పు చేసి సాగు చేసిన పత్తి పూత, కాత దశలో ఎండిపోతుంటే రైతులు ఏం చేయాలో తెలియక దీనస్థితిలో కొట్టుమిట్టాడుతున్నారు. కష్టాల కడలి నుంచి బయట పడతామనే ఆశలతో పత్తి పంట సాగుచేసిన రైతులకు నిరాశే మిగులుతోంది. జిల్లా వ్యాప్తంగా ఇదే పరిస్థితి నెలకొంది. పూత, కాత దశలో వేసవిని తలపించేలా ఎండలు, వడగాల్పులు తీవ్రం కావడంతో పంటలు ఊపిరి కోల్పోతున్నాయి. మూడు నాలుగు సార్లు ఎరువులు వేసిన రైతులకు పంటలు ఎండిపోతుండటంతో తలలు పట్టుకుంటున్నారు. విత్తనాలు, కలుపు, ఎరువులతో కలిపి ఇప్పటి వరకు ఎకరా పత్తికి రూ.35 వేలు వరకు పెట్టుబడి పెట్టారు. గత ఏడాది ఎకరాకు ఎనిమిది నుంచి పది క్వింటాళ్ల వరకు దిగుబడి వచ్చింది. ఈ ఏడాది పత్తి ధర ఆశాజనకంగా ఉన్నా రెండు నుంచి మూడు క్వింటాళ్లు దాటే అవకాశం లేదని రైతులు ఆవేదన వ్యక్తం చేస్తున్నారు. ఎండలకు రెండు సార్తు పత్తి తీస్తే చేన్లు లూటి పోతాయని, అప్పుల ఊబిలో కూరుకుపోవాల్సి వచ్చిందని, ప్రభుత్వం ఆదుకోవాలని రైతులు కోరుతున్నారు. ఎల్‌నినో ప్రభావంతో విలవిలలాడుతున్న అన్నదాతలు పెట్టుబడిగా వేలాది రూపాయలు ఎకరా చేనులో రెండు క్వింటాళ్ల దిగుబడి రాని పరిస్థితి

జనగామ: సమాన స్టైఫండ్‌ చెల్లించాలని డిమాండ్‌ చేస్తూ ప్రభుత్వ జనరల్‌ ఆస్పత్రి (జీజీహెచ్‌), మాతా శిశు ఆరోగ్య కేంద్రం (ఎంసీహెచ్‌)లో పనిచేస్తున్న 22 మంది ఎఫ్‌ఎంజీ జూనియర్‌ డాక్టర్ల సమ్మె మంగళవారం ఐదో రోజుకు చేరుకుంది. జూనియర్లు విధులు బహిష్కరించి రిలే నిరాహార దీక్ష చేపట్టారు. విదేశాల్లో ఎంబీబీఎస్‌ పూర్తి చేసి అర్హత పరీక్షలో ఉత్తీర్ణులైన తమకు నెలకు రూ.5 వేల స్టైఫండ్‌ మాత్రమే చెల్లిస్తున్నారని, భారతదేశంలో ఎంబీబీఎస్‌ పూర్తి చేసిన హౌస్‌ సర్జన్లకు రూ.29,900 చెల్లిస్తున్నారని ఆవేదన వ్యక్తం చేశారు. నేడు లైసెన్స్‌ రిజిస్ట్రేషన్‌ మేళా జనగామ రూరల్‌: తెలంగాణ రాష్ట్ర ఆహార పరిరక్షణ కమిషనర్‌ ఆదేశాల మేరకు జిల్లాలోని ఆహార వ్యాపార నిర్వాహకుల (ఫుడ్‌ బిజినెస్‌ ఆపరేటర్లు) కోసం ఎఫ్‌ఎస్‌ఎస్‌ఏఐ లైసెన్స్‌ రిజిస్ట్రేషన్‌ మేళా ఈనెల 14న(బుధవారం) నిర్వహించనున్నట్లు ఫుడ్‌ సేఫ్టీ అధికారి సీహెచ్‌. వినీల్‌ కుమార్‌ మంగళవారం ఒక ప్రకటనలో తెలిపారు. కలెక్టరేట్‌లో రూమ్‌ నెంబర్‌ జీ 2లో ఉదయం 11:00 నుంచి సాయంత్రం 4:00 గంటల వరకు ఉంటుందన్నారు. ఆహార వ్యాపార నిర్వాహకులు ఈ అవకాశాన్ని సద్వినియోగం చేసుకోని లైసెన్స్‌ రిజిస్ట్రేషన్లు పొందడం లేదా రెన్యువల్‌ చేసుకోవాలని సూచించారు. మరిన్ని వివరాలకు ఆహార పరిరక్షణ అధికారి: 73063 35795, గెజిటెడ్‌ ఫుడ్‌ ఇన్‌స్పెక్టర్‌: 99858 20544 ఫోన్‌ నంబర్లలో సంప్రదించాలన్నారు. మద్యపాన నిషేధ బోర్డుల ఏర్పాటు రఘునాథపల్లి: మండలంలోని కన్నాయపల్లి గ్రామస్తులు ఇతర గ్రామాలకు ఆదర్శంగా నిలుస్తున్నారు. గ్రామంలో ఐదు నెలలుగా సంపూర్ణ మద్యపాన నిషేధాన్ని అమలు చేస్తున్నారు. ఈ మేరకు మంగళవారం గ్రామ ప్రధాన రహదారిలోని గబ్బెట రోడ్డు, భాంజీపేట రోడ్డు, కోడూర్‌ రోడ్ల వద్ద గ్రామంలో అమలవుతున్న మద్య నిషేధంపై ప్రత్యేక బోర్డులను ఏర్పాటు చేశారు. ఈమేరకు సర్పంచ్‌ లోనె అంజమ్మకు గ్రామస్తులు అభినందనలు తెలుపుతున్నారు. పోస్టుల భర్తీకి దరఖాస్తుల ఆహ్వానం జనగామ రూరల్‌: జిల్లా కేంద్రంలోని ప్రభుత్వ బాలికల శిశు గృహంలో మిషన్‌ వాత్సల్య పథకం కింద ఔట్‌ సోర్సింగ్‌ ప్రాతిపదికన ఆరు పోస్టుల భర్తీకి మహిళా అభ్యర్థుల నుంచి దరఖాస్తులు ఆహ్వానిస్తున్నట్లు కలెక్టర్‌ సందీప్‌ కుమార్‌ ఝా మంగళవారం ఒక ప్రకటనలో తెలిపారు. కౌన్సిలర్‌ 1, చైల్డ్‌ వెల్ఫేర్‌ ఆఫీసర్‌ 1, స్టోర్‌ కీపర్‌ కమ్‌ అకౌంటెంట్‌ 1, పారామెడికల్‌ సిబ్బంది 1, అటెండర్‌ 1, సేవిక 1 పోస్టు చొప్పున మొత్తం ఆరు పోస్టులు భర్తీ చేయనున్నట్లు పేర్కొన్నారు. 21 నుంచి 44 ఏళ్ల మధ్య ఉండాలని ఎస్సీ, ఎస్టీ, బీసీ అభ్యర్థులకు ఐదేళ్లు, దివ్యాంగులకు పదేళ్ల వయోపరిమితి సడలింపు ఉంటుందన్నారు. కేర్‌ లీవర్స్‌, అనాథలు, ఒంటరి మహిళలు, నోటిఫికేషన్‌లో పేర్కొన్న ఇతర బలహీన వర్గాలకు అదనంగా ఐదు మార్కులు కేటాయిస్తారన్నారు. 17వ తేదీ శనివారం ఉద యం 10.00 గంటలకు నెగెటివ్‌ మార్కింగ్‌తో కూడిన రాత పరీక్ష నిర్వహిస్తారన్నారు. అదే రో జు మౌఖిక పరీక్ష నిర్వహించి, ఫలితాలు ప్రకటిస్తారన్నారు. అభ్యర్థులు పరీక్షకు హాజరయ్యేట ప్పుడు తమ ఒరిజినల్‌ సర్టిఫికెట్లను తప్పనిసరి గా తీసుకురావాలన్నారు. దరఖాస్తును ఈనెల 15 సాయంత్రం 5.00 గంటలలోపు కలెక్టరేట్‌లోని ఇన్‌వార్డ్‌లో అందజేయాలన్నారు. పాడైపోయిన మాంసం సీజ్‌ జనగామ: మున్సిపాలిటీ పరిధిలో ప్రజారోగ్య పరిరక్షణలో భాగంగా అధికారులు తనిఖీలు నిర్వహించి పాడైపోయిన మాంసాన్ని సోమవా రం రాత్రి సీజ్‌ చేశారు. ప్రజలకు విక్రయిస్తే ఆరోగ్యానికి హాని కలిగే అవకాశం ఉండటంతో సీజ్‌ చేసిన మాంసాన్ని అధికారుల పర్యవేక్షణలో గుంతలో పూడ్చిపెట్టారు. ఈ సందర్భంగా కమిషనర్‌ రాజశేఖర్‌రెడ్డి మాట్లాడుతూ.. మాంసం కొనుగోలు చేసే సమయంలో దాని తాజాదనం, నాణ్యతను పరిశీలించాలని సూచించారు. అపరిశుభ్రంగా మాంసం విక్రయించే దుకాణాలపై అప్రమత్తంగా ఉండాలని, పాడైపోయిన మాంసం విక్రయాలు గుర్తిస్తే సమాచారం అందించాలని కోరారు. ప్రమాణాలు పాటించకుండా ప్రజారోగ్యానికి హాని కలిగించే వారిపై చర్యలు తీసుకుంటామన్నారు.

● నవరాత్రి ఉత్సవాల్లో లక్కీ డ్రా ట్రెండ్‌ ● భక్తితో అమ్మవారికి టోకెన్‌ కానుక.. ● డ్రా తగిలితే తల్లి ఆశీర్వాదమని సంతోషంజనగామ: పట్టణంలో శ్రీదేవి నవరాత్రి ఉత్సవాల సందర్భంగా పలు మండపాల్లో లక్కీ డ్రా, టోకెన్ల పంపిణీ కొత్త ట్రెండ్‌గా మారుతోంది. భక్తి, ఆధ్యాత్మిక వాతావరణంతో పాటు బహుమతులపై ఆసక్తి పెంచేలా ఉత్సవ కమిటీలు లక్కీ డ్రాలను ఏర్పాటు చేస్తున్నాయి. అమ్మవారి ఆశీస్సులు పొందడంతో పాటు అదృష్టం కలిసివస్తే బహుమతులు గెలుచుకోవచ్చనే ఆశతో భక్తులు టోకెన్లు తీసుకునేందుకు ఆసక్తి చూపుతున్నారు. లక్కీ డ్రా..టోకెన్లు పట్టణంలోని శ్రీ విల్లాస్‌ కాలనీలో శ్రీదేవి నవరాత్రుల సందర్భంగా ఏర్పాటు చేసిన మండపంలో లక్కీ డ్రా నిర్వహణకు టోకెన్లు అందుబాటులో ఉంచారు. ఒక్కో టోకెన్‌కు రూ.300 చెల్లించాల్సి ఉంటుంది. మొదటి బహుమతిగా తులం బంగారం, రెండో బహుమతిగా ల్యాప్‌ టాప్‌ను ప్రకటించా రు. అదేవిధంగా పట్టణంలోని బీరప్పగడ్డ ఎల్లమ్మ కమాన్‌ ఆవరణలో టీం మా రాణి దుర్గామయ ఉత్సవ కమిటీ ఆధ్వర్యంలోనూ లక్కీ డ్రా ఏర్పాటు చేశారు. రూ.501 చెల్లించి టోకెన్‌ తీసుకున్న వారికి లక్కీ కూపన్‌ అందజేయనున్నారు. ఇందులో విజేతకు తులం బంగారం బహుమతిగా ప్రకటించారు. ఇటీవల గణేశ్‌ నవరాత్రి ఉత్సవాల నుంచి దసరా నవరాత్రుల వరకు పలు మండపాల్లో ఇలాంటి లక్కీ డ్రాలు నిర్వహించడం కనిపిస్తోంది. భక్తులు టోకెన్లు తీసుకోవడాన్ని అమ్మవారికి కానుక సమర్పించిన భావనతో అనుసంధానించుకుంటుండగా, బహుమతి లభిస్తే అమ్మవారి ప్రసాదంగా భావిస్తున్నారు.

● అధికారుల నిర్లక్ష్యంతో రైతుల పడిగాపులు ● ఈపీ బుక్కుల నిలిపివేతతో నిలిచిన ధాన్యం ఎగుమతులు ● ఒంటిగంటకు బదులు.. నాలుగు గంటలకు కొనుగోళ్లు ● జనగామ మార్కెట్‌లో వ్యాపారులు వర్సెస్‌ అధికారులు ● కోతల వేళ కొనుగోళ్లపై నిర్లక్ష్యం ఏంటని అన్నదాతల ఆగ్రహంజనగామ: జిల్లా కేంద్రంలోని వ్యవసాయ మార్కెట్‌లో వ్యాపారులు–అధికారుల మధ్య సమన్వయ లోపం రైతులకు ఇబ్బందులు తెచ్చిపెట్టింది. మధ్యాహ్నం ఒంటి గంటకే ప్రారంభం కావాల్సిన ధాన్యం కొనుగోళ్లు మంగళవారం సాయంత్రం నాలుగు గంటలకు మొదలయ్యాయి. తెల్లవారుజాము నుంచే మార్కెట్‌కు ధాన్యం తీసుకొచ్చిన రైతులు గంటల తరబడి పడిగాపులు కాయాల్సి వచ్చింది. ప్రస్తుత కోతల సీజన్‌లో కొనుగోళ్లు సజావుగా సాగాల్సిన సమయంలో అధికారుల దూరదృష్టి కొరవడడంతో ఏర్పడిన ఈ పరిస్థితిపై రైతులు ఆగ్రహం వ్యక్తం చేస్తున్నారు. ఈపీ బుక్కుల నిలిపివేతతో సమస్య మార్కెట్‌లో కొనుగోలు చేసిన ధాన్యాన్ని ఇతర రాష్ట్రాలకు తరలించేందుకు ఎక్స్‌పోర్ట్‌ పర్మిట్‌ (ఈపీ) బుక్‌ తప్పనిసరిగా అవసరం. అయితే కొందరు ఖరీదుదారులు పన్నుల చెల్లింపులో జాప్యం చేస్తున్నారనే కారణంతో అధికారులు ఈపీ బుక్కులను నిలిపివేసినట్లు తెలిసింది. దీంతో కొనుగోలు చేసిన ధాన్యాన్ని ఇతర రాష్ట్రాలకు తరలించలేకపోతున్నామని వ్యాపారులు అభ్యంతరం వ్యక్తం చేశా రు. సాధారణంగా ఆర్థిక సంవత్సరం ముగిసేలోపు బకాయిలను చెల్లిస్తున్నామని, ఈపీ బుక్కులు నిలి పివేయడంతో వ్యాపార కార్యకలాపాలు దెబ్బతింటున్నాయని పేర్కొన్నట్లు సమాచారం. ఈ సమస్య కు నిరసనగా మంగళవారం కొనుగోళ్లు చేపట్టకూడదని ఖరీదుదారులు నిర్ణయించడంతో మ ధ్యాహ్నం ఒంటి గంట దాటినా కొనుగోళ్లు ప్రారంభం కాలేదు. దీంతో రైతుల్లో అసహనం పెరిగింది. చర్చలతో సద్దుమణిగిన వివాదం పరిస్థితి తీవ్రరూపం దాల్చే అవకాశం ఉండటంతో డీఎంఓ సారంగపాణి, మార్కెట్‌ అధికారుల ఆధ్వర్యంలో ఖరీదుదారులను ఏఎంసీ కార్యాలయానికి పిలిపించి చర్చలు జరిపారు. ఈ సందర్భంగా వ్యాపారులు తమ సమస్యలను అధికారుల దృష్టికి తీసుకెళ్లారు. ఈపీ బుక్కులు అందిస్తామని అధి కారులు అంగీకరించడంతో కొనుగోళ్లు తిరిగి ప్రారంభించేందుకు వ్యాపారులు సమ్మతించారు. సాయంత్రం నాలుగు గంటలకు కొనుగోళ్లు ప్రారంభమవుతాయని మార్కెట్‌ కమిటీ గ్రూపులో సమాచారం ఇచ్చారు. ఇదిలా ఉండగా ధాన్యం నాణ్యత, ధర(బిడ్డింగ్‌) తదితర ఫార్మాలిటీ పూర్తయ్యేసరికి సాయంత్రం 5 గంటలు దాటిపోయింది. సరుకు అమ్ముకునే సరికి చీకటి పడడంతో రైతులు చాలా ఇబ్బంది పడ్డారు. ముందస్తు సమన్వయం ఏదీ? మార్కెట్‌కు ప్రతిరోజూ సుమారు ఐదు వేల నుంచి ఎనిమిది వేలకు పైగా ధాన్యం బస్తాలు వస్తున్నాయి. వీటిలో సుమారు 75 శాతం కర్ణాటకకు, మిగిలిన 25 శాతం స్థానిక మిల్లులు, సిద్దిపేట పరిసర ప్రాంతాలకు తరలుతున్నట్లు వ్యాపార వర్గాలు చెబుతున్నాయి. కొనుగోళ్ల సమయంలో గతంలోనూ జాప్యాలు, ఆందోళనలు చోటుచేసుకున్నాయి. గత సీజన్‌లో అప్పటి మార్కెట్‌ కమిటీ చైర్మన్‌ శివరాజ్‌ యాదవ్‌ తన బృందంతో వ్యాపారులు, హమాలీలతో సమన్వయం చేస్తూ కొనుగోళ్లను పర్యవేక్షించేవారని గుర్తుచేస్తున్నారు. ప్రస్తుతం మార్కెట్‌ కార్యదర్శి లేకపోవడంతో ఇన్‌చార్జ్‌ అధికారిపై పర్యవేక్షణ బాధ్యతలు ఉన్నాయి. అయితే ఇన్‌చార్జ్‌గా ఉన్న అధికారులు ముందస్తు సమావేశాలు, సమన్వయ చర్యలు తీసుకోవడం లేదని రైతులు విమర్శిస్తున్నారు.ఇకనైనా అప్రమత్తం కావాలి ప్రస్తుతం కోతలు ప్రారంభ దశలోనే ఉండగా, రానున్న రోజుల్లో మార్కెట్‌కు ధాన్యం రాక మరింత పెరిగే అవకాశముంది. ప్రైవేటు మార్కెట్‌లో మద్దతు ధర కంటే సుమారు రూ.100 అటూఇటుగా అధిక ధర లభిస్తుండటంతో మెజార్టీ రైతులు అటువైపు మొగ్గుచూపుతున్నారు. ఈ పరిస్థితుల్లో ప్రభుత్వ మార్కెట్‌లో కొనుగోళ్లు ఆలస్యమైతే రైతులకు మరింత నష్టం జరిగే ప్రమాదముంది. గతంలో మార్కెట్‌లో కొనుగోళ్ల జాప్యంపై పెద్ద ఎత్తున ధర్నాలు, ఆందోళనలు జరగడంతో రాష్ట్ర వ్యాప్తంగా చర్చనీయాంశమైంది. ఈ నేపథ్యంలో అధికారులు ముందస్తు ప్రణాళికతో వ్యవహరించి, వ్యాపారులతో సమన్వయం పెంచి, రైతులకు ఇబ్బందులు కలగకుండా కొనుగోళ్లు సజావుగా జరిగేలా చర్యలు తీసుకోవాలని రైతులు కోరుతున్నారు. ఈ విషయంపై డీఎంఓ సారంగపాణి మాట్లాడుతూ.. కొందరు ఖరీదుదారులు పన్నుల చెల్లింపులో జాప్యం చేయడంతో ఈపీ బుక్కులు నిలిపివేశామని, కొనుగోళ్లు ఆలస్యమవుతున్నట్లు గుర్తించి వ్యాపారులను పిలిచి మాట్లాడి ఈపీ బుక్కులు ఇచ్చామని తెలిపారు. అనంతరం సాయంత్రం నాలుగు గంటలకు కొనుగోళ్లు ప్రారంభమైనట్లు వివరించారు.

ఎన్‌హెచ్‌ఎం ఉద్యోగుల సమ్మెబాట తమ న్యాయమైన డిమాండ్లను పరిష్కరించాలని ఎన్‌హెచ్‌ఎం ఉద్యోగులు నేటినుంచి నిరవధిక సమ్మె చేపట్టనున్నారు. మా ప్రచురణనామినేటెడ్‌ పోస్టులకు పోటాపోటీ ● మండలాల వారీగా భారీగా ఆశావహులు ● ఒక్కో పదవికి తీవ్ర పోటీ ● పీఏసీఎస్‌, మార్కెట్‌ కమిటీలు, దేవస్థానాలు, ● రాష్ట్ర కార్పొరేషన్‌ పదవులపై ఆశలుమంగళవారం శ్రీ 13 శ్రీ అక్టోబర్‌ శ్రీ 2026జనగామ: కాంగ్రెస్‌ ప్రభుత్వం అధికారంలోకి వచ్చి మూడేళ్లు పూర్తికావొస్తున్నా నామినేటెడ్‌ పదవుల భర్తీపై స్పష్టత లేకపోవడంతో జిల్లాలో ఆశావహుల ఎదురుచూపులు కొనసాగుతున్నాయి. పీఏసీ ఎస్‌లు, వ్యవసాయ మార్కెట్‌ కమిటీలు, దేవస్థానాలు, గ్రంథాలయ సంస్థలు, కార్పొరేషన్ల చైర్మన్‌, డైరెక్టర్‌ పదవుల కోసం నాయకులు ప్రయత్నాలు ముమ్మరం చేస్తున్నారు. దసరా లేదా ఆ తర్వాత పదవుల భర్తీ ఉండవచ్చన్న ప్రచారంతో ఆశావహుల్లో మళ్లీ ఉత్సాహం నెలకొంది. ఒక్కో పదవికి భారీగా.. జిల్లా కేంద్రం నుంచి కంచె రాములు, వంగాల మల్లారెడ్డి, కొత్త కరుణాకర్‌రెడ్డి, బనుక శివరాజ్‌ యాదవ్‌, మేడ శ్రీనివాస్‌, ఎండీ అన్వర్‌ వేమెళ్ల సత్యనారాయణరెడ్డి, ఎర్రమల్ల సుధాకర్‌, జమాల్‌ షరీఫ్‌, చింతకింది మల్లేశం, లింగాల నర్సిరెడ్డి, మాజిద్‌ అప్సర్‌ నామినేటెడ్‌ పదవులను ఆశిస్తున్నారు. స్టేషన్‌ ఘన్‌పూర్‌ నియోజకవర్గం నుంచి రాష్ట్ర స్థాయి కార్పొరేషన్‌ చైర్మన్‌, డైరెక్టర్‌ పదవులకు బానోత్‌ రాజేష్‌ నాయక్‌, అన్నం బ్రహ్మారెడ్డి, తీగల కరుణాకర్‌రావు, మంచాల ఎల్లయ్య, జిల్లా నామినేటెడ్‌ పదవికి అన్నెబోయిన భిక్షపతి ప్రయత్నిస్తున్నారు. జనగామ మార్కెట్‌ కమిటీకి లింగాల జగదీష్‌రెడ్డి, జిల్లా గ్రంథాలయ సంస్థ చైర్మన్‌ కోసం మాజీ జెడ్పీటీసీ గుడి వంశీధర్‌రెడ్డి ఆశిస్తుండగా, బుషిగంపల ఉపేందర్‌, ఆంజనేయులు, తాటిపాముల రమేశ్‌, మార్పు శ్రీనివాస్‌ రెడ్డి పీఏసీఎస్‌ చైర్మన్‌ రేసులో ఉన్నారు. స్టేషన్‌ ఘన్‌పూర్‌ వ్యవసాయ మార్కెట్‌ కమిటీ చైర్మన్‌ పదవికి ఎడ్ల వెంకటస్వామి, ఇల్లందుల శ్రీనివాస్‌, మారేపల్లి ప్రభాకర్‌, గాదెపాక సుధాకర్‌బాబు, పీఏసీఎస్‌ చైర్మన్‌ పదవికి బెలిదె వెంకన్న, నాగరబోయిన శ్రీరాములు, బేతి జైపాల్‌రెడ్డి, పోగుల సారంగపాణి పోటీలో ఉన్నారు. అదే ప్రాంతం నుంచి సింగపురం వెంకటయ్య, జీడి రమేశ్‌ కుమార్‌, చేపూరి వినోద్‌, చిల్పూర్‌ నుంచి గడ్డమీద సురేష్‌ కూడా పోటీలో ఉన్నారు. మీ సృజన..దేవరుప్పుల పీఏసీఎస్‌ చైర్మన్‌గా కాసర ధర్మారెడ్డి పేరు ఖరారైనట్లు తెలుస్తోంది. కొడకండ్ల మార్కెట్‌ కమిటీ వైస్‌ చైర్మన్‌ పదవి దేవరుప్పుల మండలానికి కేటాయిస్తారన్న సమాచారంతో రుద్రోజు భాస్కరాచారి, తోటకూరి పాండు కృష్ణ, బోనగిరి యాకస్వామి, రెడ్డి రాజుల రమేశ్‌, కాడబోయిన గణేష్‌ ఆశిస్తున్నారు. రఘునాథపల్లి నుంచి బీసీ కార్పొరేషన్‌ డైరెక్టర్‌ పదవికి మారుజోడు రాంబాబు, కంచనపల్లి పీఏసీఎస్‌ కు మేకల నరేందర్‌, కోళ్ల రవి గౌడ్‌, నిడిగొండ పీఏసీఎస్‌కు గంగిడి నరసింహారెడ్డి, మాసంపల్లి లింగాజీ, గొట్టం భాస్కర్‌రెడ్డి ప్రయత్నిస్తున్నారు. చిల్పూర్‌ కొత్త పీఏసీఎస్‌ చైర్మన్‌ పదవికి చిర్ర నాగరాజుగౌడ్‌, బొమ్మిశెట్టి బాలరాజు, ఎడవల్లి మల్లారెడ్డి, చిల్పూర్‌ బుగులు వెంకటేశ్వరస్వామి ఆలయ చైర్మన్‌ పదవికి పొట్లపల్లి శ్రీధర్‌రావు పోటీలో ఉన్నారు. కొడకండ్లలో రాష్ట్ర, జిల్లా స్థాయి పదవులకు దరావత్‌ సురేష్‌ నాయ క్‌, ధరావత్‌ రాజేష్‌ నాయక్‌, ఈరంటి సాయికృష్ణ, సొసైటీ చైర్మన్‌ పదవికి కీసర సునీల్‌రెడ్డి, నెమరుగమ్ముల వెంగళరావు, దేశగాని నాగరాజు, ధర్మారపు భిక్షపతి, మార్కెట్‌ కమిటీ చైర్మన్‌న పదవికి ధర్మారపు భిక్షపతి, దంతాలపల్లి రవి పేర్లు వినిపిస్తున్నాయి. నర్మెట–తరిగొప్పుల ఉమ్మడి పీఏసీఎస్‌ చైర్మన్‌ పదవికి బైరగోని అంజయ్య, భూస అంజయ్య, ఫరీదుల యాదయ్య, బానోత్‌ బాల్‌సింగ్‌, తరిగొప్పుల నుంచి వగలబోయిన యాదగిరి ఆశిస్తున్నారు. కొమురవెల్లి దేవస్థానం చైర్మన్‌గా గంగం నరసింహారెడ్డి తిరిగి అవకాశం కోరుతున్నట్లు సమాచారం. జనగామ పీఏసీఎస్‌ చైర్మన్‌ పదవికి నిమ్మతి మహేందర్‌రెడ్డి, సుంకరి శ్రీనివాస్‌రెడ్డి, చెంచారపు బుచ్చిరెడ్డి, చీటకోడూరు పీఏసీఎస్‌కు దూడల సిద్ధయ్య పేర్లు వినిపిస్తున్నాయి. జనగామ పీఏసీఎస్‌లో గతంలో చైర్మన్‌గా పనిచేసిన మహేందర్‌రెడ్డికి మరోసారి అవకాశం దక్కవచ్చన్న ప్రచారం ఉంది. బచ్చన్నపేట పీఏసీఎస్‌ చైర్మన్‌ పదవికి మాసాపేట రవీందర్‌రెడ్డి, జిల్లా సందీప్‌, జంగిటి విద్యనాథ్‌, పిన్నింటి కావ్యశ్రీరెడ్డి, దత్రపు నరేష్‌, బండకింది హరిబాబు పోటీపడుతున్నారు. పాలకుర్తి చాకలి ఐలమ్మ మార్కెట్‌ కమిటీ చైర్‌పర్సన్‌ పదవికి లావుడియా మంజుల, కమ్మగాని నాగయ్య, వీరమనేని యాకాంతారావు, అనుముల మల్లారెడ్డి ఆశిస్తున్నారు. పాలకుర్తి రైతు సేవాసహకార సంఘం చైర్మన్‌గా గిరగాని కుమారస్వామి, తొర్రూరు పీఏసీఎస్‌ చైర్మన్‌గా బక్క పుల్లయ్య, పాలకుర్తి దేవస్థానం చైర్మన్‌గా రాపాక సత్యనారాయణ, వల్మిడి దేవస్థానం చైర్మన్‌గా పాలెపు సత్తయ్య పేర్లు ఖరారైనట్లు ప్రచారం ఉంది. రాష్ట్ర కార్పొరేషన్‌న్‌ డైరెక్టర్‌ బరిలో మొలుగూరి యాకయ్య గౌడ్‌, పులి గణేష్‌గౌడ్‌ ఉన్నారు. పార్టీ కోసం దీర్ఘకాలంగా పని చేసిన తమకు పదవులు ఇవ్వాలని పలువురు నాయకులు కోరుతున్నారు. ఎమ్మెల్యేలు, మంత్రులు, పార్టీ ఇన్‌చార్జ్‌ల ద్వారా అధిష్టానం మద్దతు పొందేందుకు ప్రయత్నాలు చేస్తున్నారు.

లింగాలఘణపురం: మండలంలోని కిష్టగూడెంలో ఇందిరమ్మ ఇళ్ల పథకంలో నిర్మాణంలో ఉన్న వాటిని హడ్కో కేంద్ర బృందం అధికారి ఎండీ ఇస్తేయాక్‌ అలామ్‌ ఆధ్వర్యంలో సోమవారం క్షేత్రస్థాయి పరిశీలన చేశారు. పూర్తయిన ఇళ్లకు వీబీ జీరామ్‌జీ పథకంలో రావాల్సిన రూ.72వేల బిల్లులు కూడా వచ్చాయా అంటూ లబ్ధిదారులను అడిగి తెలుసుకున్నారు. ఆర్‌సీసీ స్థాయి వరకు పూర్తయిన ఇళ్లను పరిశీలించి లబ్ధిదారులతో మాట్లాడారు.. నిబంధనల ప్రకారం 750 స్వ్కేర్‌ ఫీట్లు మించకుండా నిర్మాణం ఉండే విధంగా చూసుకోవాలని సూచించారు. ఆయనతో పాటు డీఈలు బజరంగ్‌లాల్‌, చంద్రశేఖర్‌, సర్పంచ్‌ నర్సింహులు, ఏఈ కిశోర్‌ తదితరులు ఉన్నారు.

విద్యారణ్యపురి: మలేసియాలోని కౌలాలాంపూర్‌ మీడ్‌ వ్యాలీలో ఈనెల 5వ తేదీ నుంచి 11వ తేదీ వరకు జరిగిన కామన్‌వెల్త్‌ ఇంటర్నేషనల్‌ స్కూల్‌ చెస్‌ చాంపియన్‌షిప్‌ పోటీల్లో హనుమకొండకు చెందిన లావుడ్య అక్షత్‌ చౌహాన్‌ పలు విభాగాల్లో ప్రతిభ చాటి మెడల్స్‌ సాధించాడు. ర్యాపిడ్‌, బ్లిట్స్‌ విభాగాల్లో గోల్డ్‌ మెడల్స్‌, క్లాసిక్‌ విభాగంలో సిల్వర్‌ మెడల్‌ సాధించాడు. మొత్తం 13 దేశాలకు చెందిన చెస్‌ క్రీడాకారులు ఈ పోటీల్లో పాల్గొన్నారు.సాధించిన మెడల్స్‌తో అక్షత్‌ చౌహాన్‌

సాక్షిప్రతినిధి, వరంగల్‌ : పోలీస్‌ వర్గాల్లో బదిలీల కాక మొదలైంది. వరంగల్‌ పోలీస్‌ కమిషనరేట్‌ పరిధిలో ఎస్‌ఐల బదిలీల పర్వం ముగియడంతో ఇప్పుడు అందరి చూపు సర్కిల్‌ ఇన్‌స్పెక్టర్‌ పోస్టింగ్‌లపై పడింది. ఈ నెల 10న ఏకంగా 35 మంది ఎస్‌ఐలను బదిలీ చేస్తూ ఉత్తర్వులు వెలువడిన విషయం తెలిసిందే. తదుపరి వంతు పోలీస్‌స్టేషన్‌ల ఎస్‌హెచ్‌ఓలుగా ఉన్న ఇన్‌స్పెక్టర్లదేనన్న ప్రచారం జరుగుతోంది. గత ఆగస్టులో 22మంది ఇన్‌స్పెక్టర్‌లకు స్థానచలనం కలిగింది. ధర్మసాగర్‌, ఎల్కతుర్తి, పరకాల, ఆత్మకూరు, హనుమకొండ ఉమెన్‌ ఠాణాలతో పాటు పలుచోట్ల పోస్టింగ్‌ ఇచ్చారు. దసరా తర్వాత కమిషనరేట్‌ పరిధిలో పలువురు సీఐలకు స్థానచలనం ఉంటుందన్న చర్చ పోలీసు వర్గాల్లో వేడెక్కిస్తోంది. ‘కీలక’ ఠాణాల కోసం కుస్తీ.. కమిషనరేట్‌ సర్కిళ్ల పరిధిలో పట్టు.. కీలక స్టేషన్‌లో పోస్టింగ్‌.. ఇదే లక్ష్యంగా పలువురు సీఐలు పావులు కదుపుతున్నట్లు ప్రచారం జరుగుతోంది. కేయూసీ, సుబేదారి, హనుమకొండ, ఇంతేజార్‌ గంజ్‌, మట్వాడా, కేయూసీ, మడికొండలతో తొమ్మిది పోలీస్‌స్టేషన్‌లలో పోస్టింగ్‌లపై కొందరు కన్నేసినట్లు ప్రచారం జరుగుతోంది. కేయూసీ, సుబేదారి ఠాణాల కోసం ఓ ఎస్బీ ఇన్‌స్పెక్టర్‌, వర్ధన్నపేట నియోజకవర్గంలో పనిచేసిన ఓ సీఐ ఇప్పటికే సిఫారసు లేఖలు పొందారన్న చర్చ ఉంది. గ్రేటర్‌ వరంగల్‌లోని ఓ ట్రాఫిక్‌ సీఐకి కూడా స్థానచలనం తప్పనిసరి అని చెబుతున్నారు. పదవీకాలం ఏడాది పూర్తయిన వాటిపై, స్టేషన్‌కొచ్చి కొద్దిరోజులే అయినా వివాదాస్పదంగా మారిన ఠాణాలపై కొందరు కన్నేసినట్లు సమాచారం. ఆశించిన పోస్టింగ్‌ దక్కించుకునేందుకు తమకున్న పరిచయాలను ఉపయోగించుకుంటున్నారన్న మాటలు వినిపిస్తున్నాయి. ఎవరికి ‘స్టేషన్‌’.. ఎవరికి ‘వీఆర్‌’? కమిషనరేట్‌లో పోస్టింగ్‌ కోసం స్థానిక అధికారులే కాకుండా పొరుగు జిల్లాల్లో పనిచేస్తున్న కొందరు ఇన్‌స్పెక్టర్లు కూడా ప్రయత్నాలు చేస్తున్నట్లు సమాచారం. గతంలో కమిషనరేట్‌ పరిధిలో పనిచేసి పలు వివాదాలను ఎదుర్కొన్న వారు పరిస్థితులు మారడంతో మళ్లీ వచ్చేందుకు సిద్ధమయ్యారు. ఐజీ అటాచ్డ్‌లో ఉన్న ఇద్దరు సీఐలు, 2012 బ్యాచ్‌కు చెందిన మరో ఇన్‌స్పెక్టర్‌లు తమకు అనుకూలమైన పోస్టింగ్‌ కోసం ఇప్పటికే సంప్రదింపులు జరిపారన్న ప్రచారం జరుగుతోంది. ఉత్తర్వులు వెలువడటమే తరువాయన్న ప్రచారం వారి సహచరుల్లో వినిపిస్తోంది. దీంతో స్థానికంగా పనిచేస్తున్నవారికి ఎలాంటి పోస్టింగ్‌లు దక్కుతాయి? బయట నుంచి వచ్చేవారికి ఏయే బాధ్యతలు అప్పగిస్తారు? అన్నది ఆసక్తికరంగా మారింది. ఇదిలా ఉండగా ఎస్‌ఐల బదిలీలతో మొదలైన కదలిక.. సీఐల వరకు విస్తరిస్తుందన్న ప్రచారంతో ఆశావహులు ఎదురుచూస్తున్నారు. దసరా తర్వాత బదిలీల జాబితా వెలువడుతుందా? కీలక స్టేషన్లలో కొత్త ముఖాలు కనిపిస్తాయా? పొరుగు జిల్లాలనుంచి ఎంతమందికి అవకాశం దక్కుతుంది? అన్నది పోలీసు వర్గాల్లో చర్చనీయాంశంగా మారింది. ఎస్‌ఐల ఎపిసోడ్‌ పూర్తి.. సర్కిల్‌ ఇన్‌స్పెక్టర్‌ల సీన్‌ మొదలు వరంగల్‌ కమిషనరేట్‌లో బదిలీల కలకలం కీలక ఠాణాలపై గురి.. కొందరి చేతిలో లేఖలు? పొరుగు జిల్లాలనుంచి ‘ఇన్‌’ అయ్యేందుకూ యత్నాలు.. దసరా తర్వాత మార్పులంటూ పోలీసు వర్గాల్లో చర్చ

జనగామ రూరల్‌: ప్రజా సమస్యల పరిష్కారానికి జిల్లా వ్యాప్తంగా మండల స్థాయిలో ఎంపీడీఓ కార్యాలయాల్లో సోమవారం నిర్వహించిన ప్రజావాణికి జిల్లా వ్యాప్తంగా 12 మండలాల్లో 92 దరఖాస్తులు స్వీకరించారు. మండల స్థాయిలో వివిధ శాఖల అధికారులు హాజరుకాగా ఇందులో ఎక్కువగా ఇందిరమ్మ ఇళ్లు, భూ సమస్యలపైనే దరఖాస్తులు వచ్చాయి. దేవరుప్పుల మండలంలో 26 దరఖాస్తులు రాగా రఘునాథపల్లిలో 18 వచ్చాయి. మిగతా మండలాల్లో 10 లోపు దరఖాస్తులు వచ్చాయి. కొనసాగుతున్న జూనియర్‌ డాక్టర్ల నిరసన జనగామ: సమాన పనికి..సమాన స్థాయిలో స్టైఫండ్‌ చెల్లించాలని డిమాండ్‌ చేస్తూ ప్రభుత్వ జనరల్‌ ఆస్పత్రి, మాతా శిశు ఆరోగ్య కేంద్రంలో పనిచేస్తున్న 22 మంది విదేశాల్లో ఎంబీబీఎస్‌ చదివిన వైద్య పట్టభద్రుల నిరసన సోమవారం నాటికి మూడో రోజుకు చేరుకుంది. విధులు బహిష్కరించి ఆస్పత్రి ఎదుట ఫ్లకార్డులతో ఆందోళన చేపట్టారు. విదేశాల్లో వైద్య విద్య పూర్తి చేసి అర్హత పరీక్షలో ఉత్తీర్ణులై, ప్రస్తుతం ఇంటర్న్‌షిప్‌, హౌస్‌ సర్జన్‌ లుగా సేవలందిస్తున్న తమకు నెలకు రూ.5,000 మాత్రమే స్టైఫండ్‌ చెల్లిస్తున్నారని ఆవేదన వ్యక్తం చేశారు. భారతదేశంలో వైద్య విద్య పూర్తి చేసిన హౌస్‌ సర్జన్‌లకు నెలకు రూ.29,900 చెల్లిస్తున్నారని, తాము కూడా వారితో సమానంగా సేవలందిస్తున్నామన్నారు. మేధావులు బీజేపీకి మద్దతుగా నిలవాలిజనగామ రూరల్‌: ఉద్యోగులు, రిటైర్డ్‌ ఉద్యోగులు, ప్రైవేటు టీచర్లు, పట్టభద్రుల సమస్యలపై నిరంతరం పోరాటం చేస్తున్న బీజేపీకి పట్టభద్రులు, మేధావులు మద్దతు ఇవ్వాలని బీజేపీ ఎమ్మెల్సీ చిన్నమైల్‌ అంజిరెడ్డి కోరారు. సోమవారం పార్టీ జిల్లా కార్యాలయంలో వరంగల్‌, నల్లగొండ, ఖమ్మం పట్టభద్రుల ఎమ్మెల్సీ ఎన్నికల సమావేశం నిర్వహించారు. ఈసందర్భంగా ఆయన మాట్లాడుతూ..రాష్ట్ర ప్రభుత్వ మెడలు వంచి నిరుద్యోగ భృతికి బీజేపీ పోరాటం చేస్తుందన్నారు. కార్యక్రమంలో జిల్లా అధ్యక్షుడు సౌడ రమేశ్‌, భరత్‌ ప్రసాద్‌, రాష్ట్ర అధికార ప్రతినిధి ఆరుట్ల దశమంత రెడ్డి, అభినవ్‌, భాస్కర్‌, సిరికొండ విద్యాసాగర్‌ రెడ్డి, రమేశ్‌, శివరాజ్‌ యాదవ్‌, ఉమారాణి తదితరులు పాల్గొన్నారు. కాంగ్రెస్‌ ఎంపీ దిష్టిబొమ్మ దహనం బీజేపీ మహిళా మోర్చా అధ్యక్షురాలు సాంబ జీవనజ్యోతి ఆధ్వర్యంలో మణిపూర్‌ కాంగ్రెస్‌ పార్టీ ఎంపీ డాక్టర్‌ అంగొంచ బీమోల్‌ అకోజామ్‌ ఫొటోను దహనం చేశారు. కాంగ్రెస్‌ ఎంపీ మహిళల పట్ల అనుచితంగా ప్రవర్తిస్తూ అసభ్యమైన పదజాలాన్ని ఉపయోగించారని మండిపడ్డారు.

● కలెక్టర్‌ను కలిసిన చేర్యాల ఏఎంసీ చైర్మన్‌ ప్రశాంత్‌రెడ్డి జనగామ: సిద్దిపేట జిల్లా చేర్యాల మార్కెట్‌ కమిటీ చైర్మన్‌గా నియమితులైన కొమ్మూరి ప్రశాంత్‌రెడ్డి సో మవారం కలెక్టర్‌ సందీప్‌ కుమార్‌ ఝాను మర్యాదపూర్వకంగా కలిశారు. ఈ సందర్భంగా జిల్లాలోని రైతులు ఎదుర్కొంటున్న సమస్యలను కలెక్టర్‌ దృష్టికి తీసుకెళ్లి, వాటి పరిష్కారానికి ప్రత్యేక చొరవ తీసుకోవాలని కోరారు. బచ్చన్నపేట, నర్మెట, తరి గొప్పుల మండలాల్లోని రైతులు ఎదుర్కొంటున్న సమస్యలను కలెక్టర్‌కు వివరించారు. చేర్యాల మార్కెట్‌ కమిటీ చైర్మన్‌గా బాధ్యతలు చేపట్టిన నేపథ్యంలో రైతుల సమస్యల పరిష్కారానికి కృషి చేయ డం, వారికి ప్రభుత్వ పరంగా అందాల్సిన సహకారాన్ని అందేలా చూస్తామన్నారు. కార్యక్రమంలో పీఏసీఎస్‌ చైర్మన్‌ నిమజ్‌ మహేందర్‌రెడ్డి, నాయకులు, కౌన్సిలర్లు బనుక శివరాజు యాదవ్‌, చెంచారా వు, కర్ణాకర్‌రెడ్డి, దోర్నాల వెంకటేశ్వర్లు, ఆరుట్ల లోకమంతరెడ్డి, పాముకుంట్ల ప్రసాద్‌గౌడ్‌, ఎండీ మసూ ద్‌, దత్రపు నరేష్‌, జిల్లా సందీప్‌, విద్యానాథ్‌, వెంకట నరసింహారెడ్డి తదితరులు పాల్గొన్నారు.

జనగామ రూరల్‌: సూపర్‌ ఎల్‌నినో ప్రభావం ప్రపంచవ్యాప్తంగా కనిపిస్తోందని, అనేక ప్రాంతాల్లో తాగునీరు, సాగునీరు, విద్యుత్‌ సమస్యలు తలెత్తే పరిస్థితులు ఉన్నాయని వాటిని సమష్టిగా ఎదుర్కోవాలని రాష్ట్ర ఉప ముఖ్యమంత్రి మల్లు భట్టి విక్రమార్క ఆదేశించారు. సోమవారం ఉప ముఖ్యమంత్రి మల్లు భట్టి విక్రమార్క, రాష్ట్ర వ్యవసాయ, మార్కెటింగ్‌ శాఖల మంత్రి తుమ్మల నాగేశ్వరరావు, రవాణా శాఖ మంత్రి పొన్నం ప్రభాకర్‌, రాష్ట్ర ప్రభుత్వ ప్రధాన కార్యదర్శి సంజయ్‌ జాజు, కలెక్టర్లతో హైదరాబాద్‌ నుంచి వీడియో కాన్ఫరెన్స్‌ నిర్వహించారు. రైతు నేస్తం కార్యక్రమం ద్వారా రైతులతో మాట్లాడి, యాసంగి 2026–27 పంటల సాగు ప్రణాళికపై దిశానిర్దేశం చేశారు. ఈ సందర్భంగా జనగామ మండలం చీటకోడూరు గ్రామంలోని రైతు వేదిక నుంచి ఈ కార్యక్రమానికి కలెక్టర్‌ సందీప్‌ కుమార్‌ ఝా హాజరయ్యారు. జిల్లా వ్యాప్తంగా 62 రైతు వేదికల్లో ఈకార్యక్రమం నిర్వహించారు. చీటకోడూరు గ్రామంలోని రైతు వేదికలో ఏర్పాటు చేసిన సమావేశంలో కలెక్టర్‌ సందీప్‌కుమార్‌ ఝా రైతులకు పలు సూచనలు చేశారు. కలెక్టర్‌ మాట్లాడుతూ..రాష్ట్రంలో నెలకొన్న ఎల్‌నినో పరిస్థితుల నేపథ్యంలో రాబోయే నెలల్లో వర్షపాతం తక్కువగా నమోదయ్యే అవకాశం ఉన్నందున, రైతులు ప్రస్తుత వాతావరణ పరిస్థితులను దృష్టిలో ఉంచుకొని పంటల సాగు ప్రణాళికను రూపొందించుకోవాలని సూచించారు. ముఖ్యంగా అక్టోబర్‌, నవంబర్‌, డిసెంబర్‌ నెలల్లో వర్షాలు తక్కువగా కురిసే అవకాశం ఉన్నందున, అధిక నీరు అవసరమయ్యే వరి వంటి పంటల సాగు విషయంలో అప్రమత్తంగా వ్యవహరించాలని తెలిపారు. డ్రిప్‌, స్ప్రింక్లర్ల వినియోగానికి ప్రాధాన్యం సాగునీటి కొరతను అధిగమించేందుకు డ్రిప్‌ ఇరిగేషన్‌, స్ప్రింక్లర్‌ వంటి సూక్ష్మ సేద్య పద్ధతులను రైతులు వినియోగించుకోవాలని కలెక్టర్‌ సూచించారు. చౌడారం గ్రామానికి చెందిన రైతు దయాకర్‌ రెడ్డి మాట్లాడుతూ.. 28 నుంచి 30 సంవత్సరాలుగా వ్యవసాయం చేస్తున్న తాను, 15 ఏళ్లుగా ప్రత్యామ్నాయ పంటల సాగుపై అనుభవం కలిగి ఉన్నట్లు వివరించారు. ఈ సందర్భంగా రైతుల సందేహాల ను కలెక్టర్‌ నివృత్తి చేశారు. ఎన్పీడీసీఎల్‌ ఎస్‌ఈ సంపత్‌ రెడ్డి, డీహెచ్‌ఎస్‌ఓ నర్సయ్య, ఏపీడీ నూరుద్దీ న్‌, డీసీఓ కరుణ, ఏడీఏ అపర్ణ, ఎంపీడీఓ మహేష్‌ నాయక్‌, తహసీల్దార్‌ మహిపాల్‌ రెడ్డి, ఏఈఓ అనిల్‌, సర్పంచ్‌ యాదగిరి, రైతులు పాల్గొన్నారు. తాగునీటికి అత్యంత ప్రాధాన్యం ఇవ్వాలి వీసీలో ఉప ముఖ్యమంత్రి మల్లు భట్టివిక్రమార్క చీటకోడూర్‌ రైతు నేస్తం కార్యక్రమంలో పాల్గొన్న కలెక్టర్‌

జనగామ: జిల్లాలో మహిళా సంఘాల్లో సభ్యులుగా ఉన్న వారితో పాటు నిరుపేద కుటుంబాలకు చెందిన మహిళలకు ప్రభుత్వం ఉచితంగా చీరలు పంపిణీ చేసేందుకు ఏర్పాట్లు చేస్తోంది. మహిళలకు యూనిఫామ్‌ కోడ్‌గా చిలకపచ్చ రంగు చీరలను అందించనుంది. జిల్లాకు మొత్తం 1,40,000 చీరలు మంజూరు కాగా, ఇప్పటి వరకు 81 వేల చీరలు చేరుకున్నాయి. వీటిని అధికారులు గోదాంలో భద్రపరిచారు. మిగిలిన 39 వేల చీరలు త్వరలోనే జిల్లాకు చేరనున్నాయి. ప్రభుత్వం నుంచి మార్గదర్శకాలు అందిన అనంతరం పంపిణీ ప్రక్రియ ప్రారంభం కానుంది. 1.20 లక్షల మంది మహిళలకు.. జిల్లాలో మహిళా సంఘాల్లో సభ్యులుగా ఉన్న సుమారు 1.20లక్షల మంది మహిళలకు చీరలు పంపిణీ చేయనున్నారు. వీరితో పాటు మహిళా సంఘాలతో సంబంధం లేని నిరుపేద కుటుంబాలకు చెందిన మరో 20 వేల మంది మహిళలకు కూడా ఉచితంగా అందించనున్నారు. ఈ విధంగా మొత్తం 1.40లక్షల మంది మహిళలకు ఈ పథకం ద్వారా ప్రయోజనం చేకూరనుంది. ముఖ్యంగా మహిళా సంఘాల్లో సభ్యత్వం లేని పేద కుటుంబాల మహిళలను కూడా లబ్ధిదారులుగా గుర్తించడం ఈ కార్యక్రమంలో ప్రత్యేకతగా నిలుస్తోంది. జిల్లాలోని 12 మండలాల పరిధిలో అర్హులైన మహిళలకు చీరలు అందించేందుకు అధికారులు సిద్ధమవుతున్నారు. చిలకపచ్చ రంగులో ప్రత్యేక చీరలు ఈసారి ప్రభుత్వం పంపిణీ చేయనున్న చీరలు ప్రత్యేక రంగులో ఉండనున్నాయి. చిలకపచ్చ రంగుతో పాటు ఎరుపు రంగు అంచు, ఎరుపు రంగు బ్లౌజ్‌తో కూడిన చీరలను మహిళలకు అందించనున్నారు. గతంలో కూడా ప్రభుత్వం మహిళలకు చీరలను పంపిణీ చేయగా, ఈసారి రంగులో మార్పు తీసుకొచ్చింది. మహిళలకు ఒకే తరహా చీరలను అందించడం ద్వారా సంఘాల కార్యక్రమాల్లో యూనిఫామ్‌ కోడ్‌ను అమలు చేయడంతో పాటు, సామూహిక కార్యక్రమాల్లో ప్రత్యేక గుర్తింపు కల్పించాలనే ఉద్దేశంతో ఈ పంపిణీ చేపడుతున్నారు. ప్రభుత్వ మార్గదర్శకాల కోసం ఎదురుచూపులు ప్రస్తుతం జిల్లాకు చేరుకున్న 81 వేల చీరలను గోదాంలో భద్రపరిచిన అధికారులు, ప్రభుత్వం నుంచి అధికారిక మార్గదర్శకాలు అందిన వెంటనే పంపిణీ ప్రారంభించేందుకు సిద్ధమవుతున్నారు. మండలాల వారీగా చీరలను పంపిణీ చేయాలని భావిస్తున్నారు. పంపిణీ సమయంలో మహిళలు తమ రేషన్‌ కార్డు, ఆధార్‌ కార్డులను వెంట తీసుకురావాల్సి ఉంటుంది. లబ్ధిదారుల వివరాలను పరిశీలించి, అర్హతను నిర్ధారించిన అనంతరం చీరలు అందించే అవకాశం ఉంది. పంపిణీ తేదీలు, కేంద్రాలు, ఇతర విధివిధానాలపై ప్రభుత్వం నుంచి స్పష్టత రావాల్సి ఉంది. మిగిలిన చీరల రాకతో పంపిణీకి వేగం ప్రభుత్వ మార్గదర్శకాలు అందిన వెంటనే మండలాల వారీగా కార్యాచరణ రూపొందించి, అర్హులైన మహిళలకు చీరలు అందించడంపై అధికారులు దృష్టి సారించనున్నారు. పంపిణీ ప్రక్రియలో ఎలాంటి గందరగోళం లేకుండా లబ్ధిదారుల వివరాల పరిశీలన, చీరల కేటాయింపు సమన్వయంతో చేపట్టాల్సి ఉంటుంది. చిలకపచ్చ రంగుతో పాటు ఎరుపు రంగు అంచుతో ప్రత్యేక ఆకర్షణ జిల్లాకు 1.40 లక్షల చీరల మంజూరు, గోదాంకు చేరుకున్న 81వేలు మహిళా సంఘాలతో పాటు నిరుపేద మహిళలకు పంపిణీ ప్రభుత్వ మార్గదర్శకాల కోసం ఎదురుచూపులు

రఘునాథపల్లి: సత్తుపల్లి వేదికగా నిర్వహించనున్న 73వ తెలంగాణ అంతర్‌ జిల్లాల సీనియర్‌ కబడ్డీ టోర్నమెంట్‌లో పాల్గొనే జిల్లా పురుషులు, మహిళల జట్ల ఎంపికలను ఈ నెల 14వ తేదీన జిల్లా కేంద్రంలో నిర్వహించనున్నట్లు జిల్లా కబడ్డీ అసోసియేషన్‌ అధ్యక్షుడు వై.కుమార్‌గౌడ్‌, ప్రధాన కార్యదర్శి తోటకూరి గట్టయ్య, కోశాధికారి ఉప్పలయ్య తెలిపారు. ఆదివారం మండల కేంద్రంలో వారు విలేకరులకు వివరాలు వెల్లడించారు. జిల్లా కేంద్రంలోని ప్రెస్టన్‌ కళాశాల ప్రాంగణంలో ఎంపికలు జరగనున్నాయన్నారు. పురుషులు 85 కేజీలు, మహిళలు 75 కేజీల పరిమితి బరువు కలిగి, తమ ఆధార్‌ కార్డుతో ఉదయం 9 గంటలకు ఎంపిక వేదిక వద్దకు చేరుకోవాలన్నారు. ఎంపికల్లో ప్రతిభ కనబరిచిన జట్లు సత్తుపల్లిలో జరిగే రాష్ట్ర స్థాయి పోటీల్లో జిల్లా తరఫున పాల్గొంటాయని, వివరాల కోసం 9010255898, 9963863436 నంబర్లలో సంప్రదించాలని వారు కోరారు.

సోమవారం శ్రీ 12 శ్రీ అక్టోబర్‌ శ్రీ 2026ల్‌నినో ండలు..జనగామ: వర్షాకాలం ముగింపు దశకు చేరుకుని చలికాలం ప్రారంభానికి కొద్ది రోజులే ఉన్నప్పటికీ జిల్లాలో ఎండల తీవ్రత తగ్గడం లేదు. సాధారణంగా అక్టోబర్‌లో వాతావరణం క్రమంగా చల్లబడుతుందని భావిస్తుండగా, అందుకు భిన్నంగా ఎండలు వేసవి కాలాన్ని తలపిస్తున్నాయి. ఉదయం నుంచే ఉక్కపోత ప్రారంభమై మధ్యాహ్నానికి భానుడు తన ప్రతాపాన్ని చూపుతుండటంతో ప్రజలు అల్లాడుతున్నారు. వాతావరణంలో చోటుచేసుకుంటున్న మార్పులు, పగటి వేడి, రాత్రివేళల్లోనూ ఉక్కపోత ప్రజలకు ఇబ్బందులు కలిగిస్తున్నాయి. జిల్లాలో గరిష్ట ఉష్ణోగ్రత 33.7 డిగ్రీల సెల్సియస్‌, కనిష్ట ఉష్ణోగ్రత 23.4 డిగ్రీలుగా న మోదైంది. ఉదయం నుంచే ఉదయం 7 గంటల నుంచే ఉక్కపోత మొదలవుతోంది. ఎనిమిది గంటలు దాటకముందే ఎండ తీవ్రత పెరుగుతుండటంతో ఇంటి నుంచి బయటకు రావాలంటేనే భయపడిపోతున్నారు. మధ్యాహ్నం 12 గంటల నుంచి సాయంత్రం నాలుగు గంటల వరకు ఎండలో తిరగడం కష్టంగా మారుతోంది. అత్యవసర పనులపై బయటకు వెళ్లేవారు సైతం చెమటలు కక్కుతూ అలసటకు గురవుతున్నారు. మధ్యాహ్న సమయంలో జిల్లా కేంద్రంలోని ప్రధాన రహదారులు, మార్కెట్‌ ప్రాంతాల్లో సాధారణంగా కనిపించే జనసంచారం తగ్గిపోతోంది. పనులు పూర్తిచేసుకుని వీలైనంత త్వరగా ఇళ్లకు చేరేందుకు ప్రజలు ప్రయత్నిస్తున్నారు. ఉపాధి కోసం ఎండలోనే శ్రమ ఎండల తీవ్రతతో ఎక్కువగా ఇబ్బందులు పడుతున్నవారిలో ఫుట్‌పాత్‌ వ్యాపారులు, తోపుడుబండ్లపై వస్తువులు విక్రయించేవారు, రోజువారీ కూలీలు ముందున్నారు. ఉదయం నుంచి సాయంత్రం వర కు రహదారుల పక్కన వ్యాపారాలు నిర్వహించేవారు ఎండను తట్టుకుంటూ జీవనోపాధి సాగించాల్సి వస్తోంది. వేడి కారణంగా వినియోగదారుల రాక తగ్గితే వ్యాపారాలు మందగించే పరిస్థితి ఏర్పడుతోంది. మరోవైపు రోజువారీ కూలీలు పనికి వెళ్లకపోతే కుటుంబ పోషణ కష్టమవుతుంది. దీంతో ఎండను లెక్కచేయకుండా పనిచేస్తున్నప్పటికీ శారీ రక అలసట, నీరసం వారిని వేధిస్తున్నాయి. రాత్రివేళల్లోనూ తగ్గని వేడి పగటిపూట ఎండలతో ఇబ్బందులు పడుతున్న ప్రజలకు రాత్రివేళల్లోనూ పూర్తి స్థాయి ఉపశమనం లభించడం లేదు. ఇళ్లలో ఉక్కపోత కొనసాగుతుండటంతో ఫ్యాన్లు నిరంతరంగా తిప్పాల్సి వస్తోంద ని, కొందరు ఏసీలను కూడా ఎక్కువ సేపు వినియోగిస్తున్నారు. సాధారణంగా వర్షాకాలం, చలికాలం ప్రారంభంలో ఫ్యాన్లు, కూలర్ల వినియోగం కొంత తగ్గుతుంది. ప్రస్తుతం మాత్రం రాత్రివేళల్లోనూ వేడి అనిపిస్తుండటంతో విద్యుత్‌ ఉపకరణాల విని యోగం కొనసాగుతోంది. ప్రపంచవ్యాప్తంగా వాతా వరణ మార్పులు, ఎల్‌నినో వంటి వాతావరణ పరిస్థితులు ఉష్ణోగ్రతలు, వర్షపాతంపై ప్రభావం చూపే అవకాశముంది. అనారోగ్య సమస్యలపై అప్రమత్తత అవసరం వాతావరణ మార్పుల సమయంలో జలుబు, దగ్గు, ఒళ్లు నొప్పులు, వైరల్‌ జ్వరాలు వంటి సమస్యలతో ప్రజలు ఇబ్బందులు పడుతున్నారు. డెంగీ వంటి వ్యాధులపై కూడా అప్రమత్తంగా ఉండాల్సిన అవసరం ఉంది. అయితే ఈ వ్యాధులన్నీ ఎండల వల్లే వస్తాయని చెప్పలేం. జ్వరం, తీవ్రమైన నీరసం, తలతిరగడం వంటి లక్షణాలు కనిపిస్తే వైద్యులను సంప్రదించాలి. ఎండలో పనిచేసేవారు తరచూ నీరు తాగడం, వీలైనంతవరకు నీడలో విశ్రాంతి తీ సుకోవడం, మధ్యాహ్నం అత్యధిక ఎండ సమయంలో అనవసర ప్రయాణాలు తగ్గించడం మంచిది.ఎండ తీవ్రతతో నిర్మానుష్యంగా మారిన నెహ్రూపార్కు, ఫ్లై ఓవర్‌ ఏరియా పగలు భానుడి భగభగలు.. రాత్రివేళ ఉక్కపోత చలికాలంలో వేసవి సెగలు నిరంతరాయంగా ఫ్యాన్లు, ఏసీల వాడకం ఎండల దెబ్బకు చిరు వ్యాపారులు, కూలీల విలవిల ఉపశమనం కోసం ఎదురుచూపులు ఉపశమనం ఎప్పుడో.. వర్షాకాలం ముగిసినా వాతావరణంలో చల్లదనం కనిపించకపోవడం, పగటి పూట ఎండలు కొనసాగడం జిల్లా ప్రజలకు ఆందోళన కలిగిస్తోంది. రానున్న రోజుల్లో ఉష్ణోగ్రతలు ఎలా మారతాయన్న దానిపై ప్రజలు ఆందోళనతో ఉన్నారు. ముఖ్యంగా బహిరంగ ప్రదేశాల్లో పనిచేసే కార్మికులు, వృద్ధులు, చిన్నపిల్లలు, అనారోగ్య సమస్యలున్నవారు మరింత జాగ్రత్తగా ఉండాలని వైద్యులు చెబు తున్నారు. చలికాలం ప్రారంభానికి ముందే వేసవిని తలపించే వేడి కొనసాగుతుండటంతో ప్రజలకు వాతావరణం ఎప్పుడు చల్లబడుతుందన్న ప్రశ్న ఎదురవుతోంది.

● జిల్లా సాధన ఉద్యమకారులకు సన్మానంజనగామ: జిల్లా ఆవిర్భావ దశాబ్ది ఉత్సవాలను పురస్కరించుకుని జిల్లా జేఏసీ ఆధ్వర్యంలో ఆదివారం స్థానిక ఫంక్షన్‌ హాల్‌లో వేడుకలు నిర్వహించారు. జేఏసీ కన్వీనర్‌ మంగళంపల్లి రాజు అధ్యక్షతన జరిగిన ఈ కార్యక్రమంలో సుమారు 70 మంది జిల్లా ఉద్యమకారులను ఘనంగా సన్మానించారు. ఈ కార్యక్రమానికి వైటీడీ సభ్యులు డాక్టర్‌ లక్ష్మీనారాయణ నాయక్‌, డాక్టర్‌ రాజమౌళి, డాక్టర్‌ సుగుణాకర్‌రాజు, కల్నల్‌ డాక్టర్‌ భిక్షపతి, డాక్టర్‌ రంజిత్‌, మేడ శ్రీనివాస్‌ తదితరులు హాజరయ్యారు. ఈ సందర్భంగా ఉద్యమకారులు జిల్లా సాధన కోసం సాగించిన పోరాటాలను, ఉద్యమ జ్ఞాపకాలను గుర్తుచేసుకున్నారు. జిల్లా సాధన ఉద్యమంలో పాల్గొన్న వారిపై నమోదైన కేసులను ప్రభుత్వం ఎత్తివేయాలని జేఏసీ కన్వీనర్‌ మంగళంపల్లి రాజు కోరారు. జిల్లా ఏర్పాటు కోసం ఉద్యమకారులు చేసిన త్యాగాలను గుర్తించాలని పేర్కొన్నారు. అనంతరం ఉద్యమకారులను శాలువాలు, జ్ఞాపికలతో సత్కరించారు. ఉద్యమకారుల పోరాట ఫలితమే.. ఉద్యమకారుల నిరంతర పోరాట ఫలితంగానే జిల్లా ఆవిర్భవించిందని వైటీడీఏ సభ్యుడు డాక్టర్‌ లక్ష్మీ నారాయణ నాయక్‌ అన్నారు. ఈ సందర్భంగా ఆయన మాట్లాడుతూ గత పాలకుల నిర్లక్ష్యంతో జిల్లా అభివృద్ధి వెనుకబడిందని విమర్శించారు. ఎమ్మెల్యే పల్లా రాజేశ్వర్‌ రెడ్డి జిల్లా కేంద్ర అభివృద్ధిపై ప్రత్యేక శ్రద్ధ చూపాలని కోరారు.

జనగామ రూరల్‌: కలెక్టరేట్‌లో సోమవారం నిర్వహించే జిల్లా స్థాయి ప్రజావాణి కార్యక్రమాన్ని రద్దు చేసినట్లు కలెక్టర్‌ సందీప్‌ కుమార్‌ ఝా ఆదివారం ఒక ప్రకటనలో తెలిపారు. రాష్ట్రంలో నెలకొన్న ఎల్‌నినో పరిస్థితుల నేపథ్యంలో యాసంగి పంటల ప్రణాళిక, పంటల సాగు విధానాలు, పంటల వైవిధ్యీకరణ, వ్యవసాయ నిర్వహణ పద్ధతులపై రైతులకు అవగాహన కల్పించేందుకు రైతు నేస్తం కార్యక్రమంలో ముఖ్యమంత్రి రైతులను ఉద్దేశించి ప్రసంగించనున్న నేపథ్యంలో కార్యక్రమాన్ని రద్దు చేసినట్లు స్పష్టం చేశారు. ప్రజలు ఈ విషయాన్ని గమనించి తమ వినతులు, ఫిర్యాదులతో కలెక్టరేట్‌కు రావద్దని కలెక్టర్‌ కోరారు. అయితే డివిజన్‌ స్థాయి, మండల స్థాయిలో నిర్వహించే ప్రజావాణి కార్యక్రమాలు యథావిధిగా కొనసాగుతాయని వెల్లడించారు. ప్రశాంతంగా ఉద్యోగ రాత పరీక్షలు జనగామ రూరల్‌: జిల్లాలో వివిధ శాఖల్లో ఖాళీగా ఉన్న పోస్టుల భర్తీకి గాను ఆదివారం కలెక్టరేట్‌లో కలెక్టర్‌ సందీప్‌ కుమార్‌ ఝా ఆధ్వర్యంలో రాత పరీక్షను ప్రశాంతంగా నిర్వహించారు. మొత్తం 33 పోస్టుల భర్తీకి నిర్వహించిన రాత పరీక్షకు 697 దరఖాస్తులు రాగా 602 మంది అభ్యర్థులు పరీక్షకు హాజరయ్యారు. 95 మంది అభ్యర్థులు గైర్హాజరయ్యారు. కార్యక్రమంలో అదనపు కలెక్టర్‌ బెన్‌షాలోమ్‌, పబ్లిక్‌ ప్రాసిక్యూటర్‌ కిరణ్‌ కుమార్‌, జిల్లా ఉపాధి అధికారి కుమారస్వామి, జెడ్పీ సీఈఓ బలరామరావు, ఎస్సీ సంక్షేమ శాఖ అధికారి విక్రమ్‌, జిల్లా వైద్య ఆరోగ్య శాఖ అధికారి డాక్టర్‌ వాణిశ్రీ తదితరులు పాల్గొన్నారు. ఎల్టా జిల్లా నూతన కార్యవర్గం ఎన్నిక జనగామ: ఇంగ్లిష్‌ లాంగ్వేజ్‌ టీచర్స్‌ అసోసియేషన్‌ (ఈఎల్‌టీఏ) జిల్లా కౌన్సిల్‌ సమావేశం ఆర్‌.వెంకన్న అధ్యక్షతన ఆదివారం వర్చువల్‌ విధానంలో జరిగింది. గత రెండేళ్లలో అసోసియేషన్‌ చేపట్టిన కార్యక్రమాలు, చేసిన కృషిని జనరల్‌ సెక్రటరీ శామ్యూల్‌ వివరించారు. ఈ సమావేశానికి రాష్ట్ర అధ్యక్షుడు వెంకటేశ్వరరావు, ఎన్నికల అధికారిగా డాక్టర్‌ కె. శ్రీనివాస్‌రెడ్డి హాజరయ్యారు. అనంతరం నిర్వహించిన ఎన్నికల్లో నూతన జిల్లా కార్యవర్గం ఎన్నికై బాధ్యతలు స్వీకరించింది. నూతన అడ్వయిజర్‌(అసోసియేట్‌ ప్రెసిడెంట్‌) ఆర్‌.వెంకటేశ్వర్లు, అధ్యక్షుడు తాటోజు శ్రీనివాసులు, జనరల్‌ సెక్రటరీ డి.కమలాకర్‌, ఉపాధ్యక్షులు డి.ఉపేందర్‌, పి.హిమబిందు, సహాయ కార్యదర్శులు ఎస్‌. నర్సయ్య, ఎస్‌. సబిత, స్టేట్‌ కౌన్సిలర్‌ బి.నాగభూషణం, కె.ఉమారాణి, కోశాధికారి వీరయ్య, మీడియా ఇన్‌చార్జ్‌ జి.చంద్రమౌళి, సెక్రటరీ వి.రాధాకృష్ణ, ఆర్‌.నాగేంద్రంలను ఎన్నుకున్నారు. పార్ట్‌టైం స్వీపర్లను పర్మినెంట్‌ చేయాలిజనగామ రూరల్‌: రాష్ట్రంలో 5,000 మందికి పైగా ప్రభుత్వ పాఠశాలల్లో పార్ట్‌ టైం స్వీపర్లుగా పనిచేస్తున్న వారి సమస్యల్ని పరిష్కరించి వారిని పర్మినెంట్‌ చేసి ఖాళీగా ఉన్న స్వీపర్‌ పోస్టులను వెంటనే భర్తీ చేయాలని సీఐటీయూ రాష్ట్ర కౌన్సిల్‌ సభ్యుడు సుంచు విజేందర్‌ ప్రభుత్వాన్ని డిమాండ్‌ చేశారు. ఆదివారం జిల్లా కేంద్రంలోని ఉర్దూ మీడియం హైస్కూల్‌ ఆవరణలో యాసారపు అంజయ్య అధ్యక్షతన రాష్ట్ర విస్తృత స్థాయి సమావేశం నిర్వహించారు. ఈసందర్భంగా వారు మాట్లాడుతూ.. 61 ఏళ్లు నిండిన వారికి జీఓ నెంబర్‌ 45 ప్రకారం 15 లక్షల రిటైర్‌మెంట్‌ బెనిఫిట్‌ సౌకర్యం కల్పించాలన్నారు. పెండింగ్‌ లో ఉన్న 7 నెలల వేతనాలు వెంటనే విడుదల చేయాలన్నారు. ఈ కార్యక్రమంలో బైరగోని అంజుమ్‌, రఫిక్‌ చంద్రం, అఫ్జల్‌, తిరుపతి, అంకూస్‌, వెంకన్న, తడెం రాములు, అయోధ్య, అంకుశావలి, రాములు, లాలూ నాయక్‌, భాస్కర్‌, కనకయ్య తదితరులు పాల్గొన్నారు. జనరల్‌ సెక్రటరీ డి.కమలాకర్‌అధ్యక్షుడు టి..శ్రీనివాసులు

● కలెక్టర్‌ సందీప్‌ కుమార్‌ ఝా జనగామ రూరల్‌: ఎల్‌నినో పరిస్థితుల నేపథ్యంలో రైతు నేస్తం కార్యక్రమాన్ని ఈనెల 12న(సోమవారం) జిల్లాలోని అన్ని రైతు వేదికల్లో పకడ్బందీగా నిర్వహించనున్నట్లు కలెక్టర్‌ సందీప్‌ కుమార్‌ ఝా ఆదివారం ఒక ప్రకటనలో తెలిపారు. ఈ మేరకు జిల్లా వ్యవసాయ అధికారి, సంబంధిత శాఖల అధికారులు, మండల స్థాయి అధికారులకు కలెక్టర్‌ పలు కీలక సూచనలు జారీ చేశారు. జిల్లాలోని ప్రతి రైతు వేదికకు కనీసం 200 మంది రైతులు హాజరయ్యేలా చర్యలు తీసుకోవాలని, సోమవారం ఉదయం 11 గంటల లోపు రైతులందరూ తమకు కేటాయించిన రైతు వేదికలకు చేరుకునేలా చూడాలని ఆదేశించారు. ప్రతి రైతు వేదికలో మహిళా రైతులకు తగిన ప్రాతినిధ్యం కల్పించాలని స్పష్టం చేశారు. ఎల్‌నినో పరిస్థితులపై అవగాహన కల్పించిన అనంతరం పంటల వైవిధ్యీకరణ, శాఖ సూచించిన వ్యవసాయ పద్ధతులను అనుసరించి ప్రయోజనం పొందిన ఇద్దరు ప్రగతిశీల రైతులను గుర్తించాలని సూచించారు. అన్ని శాఖల అధికారులు సమన్వయంతో పనిచేయాలని అవసరమైన ఏర్పాట్లన్నీ నిర్ణీత గడువులోగా పూర్తి చేయాలని వెల్లడించారు.

జనగామ: జిల్లాను రద్దు చేయాలని లేదా దాని ప్రాధాన్యాన్ని తగ్గించాలని ఎవరైనా ప్రయత్నిస్తే సహించేది లేదని, ఖబడ్దార్‌ అంటూ బీఆర్‌ఎస్‌ ఎమ్మెల్యే డాక్టర్‌ పల్లా రాజేశ్వర్‌ రెడ్డి హెచ్చరించారు. జిల్లా ఏర్పడి పదేళ్లు పూర్తయిన సందర్భంగా ఆదివారం బీఆర్‌ఎస్‌ ఆధ్వర్యంలో కలెక్టరేట్‌, మెడికల్‌ కళాశాల, ఎంసీహెచ్‌ వద్ద ఎమ్మెల్యే పల్లా రాజేశ్వర్‌రెడ్డి, మాజీ మంత్రి ఎర్రబెలి దయాకర్‌రావు, మాజీ ఎమ్మెల్యే తాటికొండ రాజయ్య, రాజ్యసభ సభ్యుడు వద్దిరాజు రవిచంద్ర ఆధ్వర్యంలో కేసీఆర్‌ చిత్రపటానికి పాలాభిషేకం నిర్వహించారు. అనంతరం నెహ్రూపార్కు నుంచి ర్యాలీగా ఆర్టీసీ చౌరస్తా వరకు చేరుకుని, బహిరంగ సభలో పల్లా రాజేశ్వర్‌రెడ్డి మాట్లాడారు.. జిల్లా కోసం పోరాడింది ప్రజలేనని, కేసీఆర్‌ నాయకత్వంలోని బీఆర్‌ఎస్‌ ప్రభుత్వం జిల్లాను అభివృద్ధి చేసిందన్నారు. కడియం శ్రీహరి అయినా, ఇతర నాయకులైనా సర్పంచులు, కౌన్సిలర్లను బెదిరిస్తే చూస్తూ ఊరుకోమని స్పష్టం చేశారు. కేసీఆర్‌ హయాంలోనే జిల్లాలో కలెక్టరేట్‌, మెడికల్‌ కాలేజీ, నర్సింగ్‌ కాలేజీ, ఆస్పత్రులు, రహదారుల అభివృద్ధి జరిగిందని తెలిపారు. తరి గొప్పుల, చిల్పూరు మండలాల ఏర్పాటు, స్టేషన్‌ ఘన్‌పూర్‌ రెవెన్యూ డివిజన్‌ ద్వారా పాలన ప్రజలకు చేరువైందన్నారు. జిల్లా ఏర్పాటుకు కేసీ ఆర్‌ ఎంతో కృషి చేశారని మాజీ మంత్రి ఎర్రబెల్లి దయాకర్‌రావు పేర్కొన్నారు. ఆయన మాట్లాడుతూ.. ప్రజల పోరాట ఫలితమే నేటి జనగామ జిల్లా ఆవిర్భావమన్నారు. రెండేళ్లలో బీఆర్‌ఎస్‌ తిరిగి అధికారంలోకి వస్తుందని, జిల్లా రూపురేఖలను మరింతగా మారుస్తామన్నారు. జిల్లా సాధన కోసం పోరాడిన ఉద్యమకారుల సేవలను గుర్తించాలని అన్నారు. జనగామ గురించి మాట్లాడే హక్కు కడియంకు లేదు దశాబ్ది సభలో ఎమ్మెల్యే పల్లా రాజేశ్వర్‌రెడ్డి జిల్లా అభివృద్ధికి కేసీఆర్‌ కృషి మరువలేనిది: మాజీ మంత్రి ఎర్రబెల్లి

● నాణ్యమైన విద్యుత్‌ సరఫరాకు ప్రత్యేక చర్యలు ● 4 కొత్త సబ్‌స్టేషన్లు, మరో 7 నిర్మాణం ● ఓల్టేజీ సమస్యల పరిష్కారానికి చర్యలుజనగామ: జిల్లాలో పెరుగుతున్న విద్యుత్‌ డిమాండ్‌కు అనుగుణంగా వినియోగదారులకు నాణ్య మైన, నిరంతరాయ విద్యుత్‌ సరఫరా అందించడమే లక్ష్యంగా జనగామ విద్యుత్‌ సర్కిల్‌ పరిధిలో మౌలిక వసతులను బలోపేతం చేస్తున్నారు. గత రెండున్నరేళ్లుగా విద్యుత్‌ పంపిణీ వ్యవస్థ అభివృద్ధికి విస్తృతంగా పనులు చేపడుతున్నారు. పెరుగుతున్న డిమాండ్‌కు అనుగుణంగా భవిష్యత్తులో పెరిగే విద్యుత్‌ అవసరాలను ముందుగానే అంచనా వేసి 13 పవర్‌ ట్రాన్‌న్స్‌ఫార్మర్ల సామర్థ్యాన్ని పెంచడంతో పాటు మరో 14 అదనపు పవర్‌ ట్రాన్స్‌ఫార్మర్లను ఏర్పాటు చేశారు. విద్యుత్‌ అవసరాలు అధికంగా ఉన్న ప్రాంతాల్లో నాలుగు కొత్త 33/11 కేవీ సబ్‌స్టేషన్లను అందుబాటులోకి తీసుకొచ్చారు. మరో ఏడు సబ్‌స్టేషన్ల నిర్మాణ పనులు కొనసాగుతున్నాయి. వీటి ద్వారా ప్రస్తుత సబ్‌స్టేషన్లపై లోడ్‌ తగ్గడంతో పాటు భవిష్యత్తు అవసరాలకు తగిన సరఫరా సామర్థ్యం పెరుగనుంది. ఓల్టేజీ సమస్యల నివారణకు.. విద్యుత్‌ ఓల్టేజీ స్థాయిలను మెరుగుపరిచేందుకు సర్కిల్‌ పరిధిలో 2 ఎంవీఏఆర్‌ సామర్థ్యం కలిగిన 102 కెపాసిటర్‌ బ్యాంకులను ఏర్పాటు చేశారు. అదనంగా ఏడు కెపాసిటర్‌ బ్యాంకులు ఏర్పాటు చేయగా, మరో 11కు అనుమతులు మంజూరయ్యాయి. అధిక లోడ్‌ ఉన్న 120 విద్యుత్‌ ఫీడర్లపై 600 కేవీఏఆర్‌ సామర్థ్యం కలిగిన కెపాసిటర్‌ బ్యాంకులను ఏర్పాటు చేశారు. ముఖ్యంగా వ్యవసాయ ఫీడర్ల చివరి ప్రాంతాల్లో ఓల్టేజీ సమస్యలు తగ్గి రైతులకు మెరుగైన విద్యుత్‌ సరఫరా అందనుంది. ప్రత్యామ్నాయ లైన్లు.. విద్యుత్‌ సరఫరాలో విశ్వసనీయతను పెంచేందుకు 15 ప్రత్యామ్నాయ 33 కేవీ లైన్లను ఏర్పాటు చేశారు. ఏదైనా సబ్‌స్టేషన్‌లో సాంకేతిక లోపం లేదా బ్రేక్‌డౌన్‌ కారణంగా సరఫరా నిలిచిపోయినప్పుడు ప్రత్యామ్నాయ సబ్‌స్టేషన్‌ నుంచి విద్యుత్‌ను పునరుద్ధరించే అవకాశం ఉండేలా ఏర్పాటు చేశారు. దీంతో అంతరాయం సమయం తగ్గి వినియోగదారులకు మెరుగైన సేవలు అందుతాయని పేర్కొన్నారు. డిస్ట్రిబ్యూషన్‌ ట్రాన్స్‌ఫార్మర్లపై ప్రత్యేక దృష్టి క్షేత్రస్థాయిలో విద్యుత్‌ లోడ్‌ను నిరంతరం పర్యవేక్షిస్తూ అధిక లోడ్‌తో పనిచేస్తున్న డిస్ట్రిబ్యూషన్‌ ట్రాన్స్‌ఫార్మర్లను గుర్తిస్తున్నారు. అవసరమైన చోట అదనపు ట్రాన్స్‌ఫార్మర్లను ఏర్పాటు చేయడంతో పాటు ప్రస్తుతం ఉన్న వాటి సామర్థ్యాన్ని పెంచేందుకు చర్యలు తీసుకుంటున్నారు. ఈ చర్యలతో ట్రాన్స్‌ఫార్మర్లపై ఒత్తిడి తగ్గి, వాటి వైఫల్యాలను నివారించేందుకు అవకాశం ఉంటుంది. వేసవి అవసరాలకు ముందస్తు ప్రణాళిక రాబోయే యాసంగి, వేసవి సీజన్లలో పెరిగే విద్యుత్‌ వినియోగాన్ని దృష్టిలో ఉంచుకుని టీజీఎన్పీడీసీఎల్‌ పంపిణీ నెట్‌వర్క్‌ను ముందస్తుగా బలోపేతం చేస్తున్నారు. వ్యవసాయ రంగంతో పాటు గృహ, వాణిజ్య, పారిశ్రామిక వినియోగదారులకు నాణ్యమైన విద్యుత్‌ అందించేందుకు అవసరమైన మౌలిక సదుపాయాలను అభివృద్ధి చేస్తున్నారు. విద్యుత్తు డిమాండ్‌ పెరుగుతున్న నేపథ్యంలో వినియోగదారులు కూడా విద్యుత్‌ పొదుపుగా వినియోగించుకోవాలని అధికారులు పిలుపునిస్తున్నారు. విద్యుత్‌ పొదుపు అందరి బాధ్యత జనగామ విద్యుత్‌ సర్కిల్‌ పరిధిలో పెరుగుతున్న విద్యుత్‌ డిమాండ్‌కు అనుగుణంగా పంపిణీ వ్యవస్థను బలోపేతం చేస్తున్నాం. రాబోయే యాసంగి పంటకాలం, వేసవి అవసరాలను దృష్టిలో ఉంచుకుని ముందస్తు చర్యలు చేపడుతున్నాం. వినియోగదారులు విద్యుత్‌ను పొదుపుగా వినియోగించి సంస్థకు సహకరించాలి. –సంపత్‌రెడ్డి, ఎస్‌ఈ, ఎన్పీడీసీఎల్‌

● వైభవంగా శ్రీదేవి శరన్నవరాత్రి ఉత్సవాలు ప్రారంభం ● బాలాత్రిపురసుందరి అలంకరణలో దుర్గామాతజనగామ: శ్రీదేవి శరన్నవరాత్రి మహోత్సవాలు జిల్లా వ్యాప్తంగా ఆదివారం ఆధ్యాత్మిక వాతావరణంలో వైభవంగా ప్రారంభమయ్యాయి. జిల్లా కేంద్రంతో పాటు 12 మండలాల్లోని వివిధ ఆలయాలు, పూజా మండపాల్లో అమ్మవారిని బాలాత్రిపురసుందరి అలంకరణలో కొలువుదీర్చి ప్రత్యేక పూజ లు నిర్వహించారు. వేద పండితుల మంత్రోచ్ఛరణలు, భక్తుల అమ్మవారి నామస్మరణల మధ్య తొలి రోజు పూజా కార్యక్రమాలు భక్తిశ్రద్ధలతో సాగాయి. పట్టణంలోని పాత బీటు బజారు పందిరి, శ్రీ విల్లాస్‌ కాలనీ, తహసీల్దార్‌ కార్యాలయ ఆవరణలోని శ్రీ లక్ష్మీ గణపతి దేవాలయం, బాలాజీ నగర్‌, శ్రీ రేణుక ఎల్లమ్మ ఆలయం, కురుమవాడ, బీరప్పగడ్డ, బతుకమ్మ కుంట, శ్రీ విజయదుర్గ ఆలయం, భవానీ నగర్‌ శ్రీ సరస్వతి ఆలయం తదితర ప్రాం తాల్లో శరన్నవరాత్రి ఉత్సవాలు ప్రారంభ మ య్యాయి. పట్టణంలోని గణపతి దేవాలయ ప్రాంగణంలో వరుసగా 46వసారి దేవిశరన్నవరాత్రి ఉత్సవాలను నిర్వహిస్తున్నారు. ఈ ఉత్సవాల్లో భాగంగా ప్రతిరోజూ వెయ్యి మందికి పైగా భక్తులకు అన్నదానం నిర్వహించేందుకు నిర్వాహకులు ఏర్పాట్లు పూర్తి చేశారు.

పాలకుర్తి టౌన్‌: పాలకుర్తి రిజర్వాయర్‌ పనులను త్వరగా పూర్తి చేసి వచ్చే ఏడాది బతుకమ్మ పండుగకు రిజర్వాయర్‌లోనే బతుకమ్మలను నిమజ్జనం చేస్తామని ఎమ్మెల్యే యశస్వినిరెడ్డి హామీ ఇచ్చారు. శనివారం మండలకేంద్రంలోని చెరువు వద్ద నిర్వహించిన ఎంగిలిపూల బతుకమ్మ వేడుకల్లో ఎమ్మె ల్యే మహిళలతో కలిసి బతుకమ్మ ఆడుతూ సందడి చేశారు. ఈ సందర్భంగా ఎమ్మెల్యే మాట్లాడుతూ తెలంగాణ సంస్కృతి, సంప్రదాయాలకు బతుకమ్మ పండుగ ప్రతీక అన్నారు. తెలంగాణ ఆడపడుచులు ఆయురారోగ్యాలతో ఉండాలన్నారు. కార్యక్రమంలో కాంగ్రెస్‌ పార్టీ నాయకులు పాల్గొన్నారు. ఎమ్మెల్యే యశస్వినిరెడ్డి హామీ

దేవరుప్పుల: జిల్లా ఆవిర్భావ దినోత్సవ వేడుకలు ఘనంగా జరపాలని మాజీ మంత్రి ఎర్రబెల్లి దయాకర్‌రావు, ఎమ్మెల్యే పల్లా రాజేశ్వర్‌రెడ్డి అన్నారు. శని వారం మండలంకేంద్రంలో విలేకరులతో మాట్లాడారు. జనగామ జిల్లా ఏర్పడి దశాబ్ద కాలం అయినా సందర్భంగా జిల్లా కలెక్టర్‌ కార్యాలయం వద్ద మాజీ ముఖ్యమంత్రి కేసీఆర్‌ చిత్ర పటానికి పాలా భిషేకం చేయాలన్నారు. కేసీఆర్‌ పాలనలో రాష్ట్రం సుభిక్షంగా ఉందన్నారు. జనగామ జిల్లా ఏర్పడి తర్వాత జనగామ ప్రాంతం అనేక విధాలుగా అభివృద్ధి చెందిందన్నారు. నేడు జిల్లాకేంద్రంలో నిర్వహించే వేడుకలకు జనగామ, పాలకుర్తి, స్టేషన్‌ఘనపూర్‌ నియోజవర్గ నాయకులు కార్యకర్తలు తరలి రావాలని పిలుపునిచ్చారు. కార్యక్రమంలో మండల బీఆర్‌ఎస్‌ నాయకులు పాల్గొన్నారు. మాజీ మంత్రి ఎర్రబెల్లి దయాకర్‌రావు, ఎమ్మెల్యే పల్లా రాజేశ్వర్‌రెడ్డి

● విద్యుత్‌దీపాల వెలుగుల్లో మండపాలు జనగామ: దేవీ నవరాత్రి ఉత్సవాలు పురస్కరించుకుని జిల్లాలో నేటి (ఆదివారం) నుంచి నవరాత్రి పూజలు ప్రారంభం కానున్నాయి. ఇందుకోసం జిల్లావ్యాప్తంగా ఉత్సవ కమిటీలు పెద్ద ఎత్తున ఏర్పాట్లు చేశాయి. జిల్లాకేంద్రంలోని తహసీల్దార్‌ కార్యాలయం, గణపతి ఆలయం, శ్రీ విల్లాస్‌ కాలనీ, పాత బీడు బజార్‌, రెడ్డి స్ట్రీట్‌ బొడ్రాయి, బతుకమ్మకుంట, కురుమవాడ, బాలాజీనగర్‌ తదితర ప్రాంతాల్లో అమ్మవారి నవరాత్రి ఉత్సవాలు నిర్వహించనున్నారు. అమ్మవారి మండపాలను ఆధ్యాత్మిక వాతావరణం ఉట్టిపడేలా తీర్చిదిద్దారు. విద్యుత్‌దీపాలతో అలంకరించడంతో పాటు ఆలయాలను తలపించేలా ప్రత్యేక సెట్టింగులు ఏర్పాటు చేశారు. ప్రతిరోజూ అమ్మవారిని వివిధ రూపాల్లో అలంకరించి ప్రత్యేక పూజలు చేయనున్నారు. ఉత్సవాలకు పెద్ద సంఖ్యలో భక్తులు తరలివచ్చే అవకాశం ఉండటంతో పోలీసులు బందోబస్తు ఏర్పాట్లు చేయనున్నారు. నేటినుంచి సోమేశ్వరాలయంలో శరన్నవరాత్రి ఉత్సవాలు పాలకుర్తి టౌన్‌: మండలకేంద్రలోని శ్రీసోమేశ్వర లక్ష్మీనర్సింహస్వామి ఆలయంలో నేటి నుంచి (ఆదివారం) ఈనెల 20వ తేదీ వరకు శరన్నవరాత్రి ఉత్సవాలు నిర్వహించనున్నట్లు ఆలయ ఈఓ భాగం లక్ష్మీప్రసన్న తెలిపారు. చండికాదేవి అమ్మవారు 11న శ్రీబాలాత్రిపురసుందరీదేవి, 12న శ్రీగాయత్రిదేవి, 13న శ్రీఅన్నపూర్ణాదేవి, 14న శ్రీమహాలక్ష్మీదేవి, 15న శ్రీలలితా త్రిపురసుందరీదేవి, 16న శ్రీసరస్వతీ దేవి, 17న శ్రీచండీకాదేవి, 18న శ్రీదుర్గాదేవి, 19న శ్రీమహిషాసుర మర్ధినీదేవి, 20న శ్రీరాజరాజేశ్వరీ దేవి (దసరా శమీ వృక్ష పూజ)గా భక్తులకు దర్శనం ఇస్తారని ఈఓ తెలిపారు. తహసీల్దార్‌ కార్యాలయ ఆవరణలోని గణపతి దేవాలయంలో.. పాతబీటుబజార్‌ వద్ద..

జనగామ: తెలంగాణ సంస్కృతి, సంప్రదాయాల వైభవాన్ని ప్రపంచానికి చాటిచెప్పే బతుకమ్మ పండుగను ప్రజలందరూ ఆనందోత్సాహాలతో జరుపుకోవాలని ఎమ్మెల్యే డాక్టర్‌ పల్లా రాజేశ్వర్‌రెడ్డి ఆకాంక్షించారు. శని వారం జిల్లాకేంద్రంలో ఎమ్మెల్యే మాట్లాడారు. బతుకమ్మ పండుగను పురస్కరించుకొని నియోజకవర్గ ప్రజలకు, ఆడపడుచులకు శు భాకాంక్షలు తెలిపారు. ప్రకృతిని ఆరాధిస్తూ రంగురంగుల పూలతో బతుకమ్మలను పేర్చి, సంప్రదాయ పాటలు, ఆటలతో తొమ్మిది రో జుల పాటు నిర్వహించే ఈ వేడుకలు మహిళల ఐక్యతకు, తెలంగాణ ఆత్మగౌరవానికి ప్రతీకగా నిలుస్తాయన్నారు. అంతర్జాతీయ వడ్రంగి పోటీల్లో ప్రతిభస్టేషన్‌ఘన్‌పూర్‌: చైనా వేదికగా ఇటీవల జరిగిన అంతర్జాతీయ వడ్రంగి పోటీల్లో మండలంలోని విశ్వనాఽథపురం గ్రామానికి చెందిన కేశోజు యశ్వంత్‌చారి ఉత్తమ ప్రతిభతో ఐదోస్థానంలో నిలిచారు. సాంప్రదాయ కులవృత్తులు కనుమరుగవుతున్న ప్రస్తుత తరుణంలో వృత్తిపై నమ్మకం, నైపుణ్యం, పట్టుదల ఉంటే ప్రపంచస్థాయిలో గుర్తింపు సాధించవచ్చని నిరూపిస్తూ అందరి మన్ననలు పొందుతున్నారు. చైనాలో జరిగిన ఈ పోటీల్లో 25 దేశాలు పాల్గొనగా యశ్వంత్‌చారి ఐదోస్థానాన్ని కై వసం చేసుకున్నారు. ఈ మేరకు యశ్వంత్‌చారిని విశ్వబ్రాహ్మణ, విశ్వకర్మల సంఘం నాయకులు అభినందించారు. ‘రైతులకు ఇబ్బందులు కలగొద్దు’జనగామ రూరల్‌: రైతులకు ఇబ్బందులు కలగకుండా ధాన్యం కొనుగోళ్లు చేపట్టాలని అదనపు కలెక్టర్‌ బెన్‌షాలోమ్‌ అన్నారు. శనివారం జనగామ మండలంలోని షామీర్‌పేట గ్రామంలో ఐకేపీ ఆధ్వర్యంలో ధాన్యం కొనుగోలు కేంద్రాన్ని ప్రారంభించారు. ఈ సందర్భంగా అదనపు కలెక్టర్‌ మాట్లాడుతూ కొనుగోలు ప్రక్రియలో ప్రభుత్వ నిబంధనలు పాటిస్తూ, పారదర్శకంగా ధాన్యం సేకరించాలన్నారు. కొనుగోలు కేంద్రంలో మౌలిక సదుపాయాలు అందుబాటులో ఉండేలా చర్యలు తీసుకోవాలన్నారు. ఈ కార్యక్రమంలో ఐకేపీ ఏపీఎం నరేందర్‌, సర్పంచ్‌ గణిపాక వనిత మహేందర్‌ డీటీ సీఎస్‌ లు, రైతులు పాల్గొన్నారు.

● పూలలో గౌరమ్మ.. పూజల్లో ఆడపడుచులు● జిల్లాలో బతుకమ్మ సంబురాలు షురూ● ఆటపాటలతో సందడి చేసిన మహిళలుజనగామ: తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగ జిల్లావ్యాప్తంగా శనివారం వైభవంగా ప్రా రంభమైంది. ప్రకృతిలో ల భించే రంగురంగుల అడ వి పూలతో బతుకమ్మలను పేర్చి గౌరమ్మగా కొలిచే మహిళలు సంప్రదాయబద్ధంగా వేడుకల్లో పాల్గొన్నారు. జనగామ, స్టేషన్‌ఘన్‌ పూర్‌, పాలకుర్తి నియోజకవర్గాల పరిధిలోని 12 మండలాలతో పాటు జిల్లా కేంద్రంలో పండుగ సందడి నెలకొంది. గ్రామపంచాయతీల ఆధ్వర్యంలో ప్రత్యే క ఏర్పాట్లు చేయగా, పట్టణాలు, గ్రామాలు, కాలనీల్లో పండుగ వాతావరణం కనిపించింది. ప్రధాన కూడళ్లలో సందడి జిల్లా కేంద్రంలోని బతుకమ్మకుంట, తహసీల్దార్‌ కార్యాలయం, పాత బీటుబ జారు, శ్రీరామలింగేశ్వర స్వామి ఆలయం, గుండ్లగడ్డ, గిర్నిగడ్డ, శ్రీవిల్లాస్‌ కాలనీ, బాలాజీనగర్‌, కురుమవాడ, హౌసింగ్‌ బోర్డు, గోకుల్‌నగర్‌, బాణాపురం, శ్రీ సాయి రెసిడెన్సీ, అంబేడ్కర్‌నగర్‌, గ్రేయినన్‌ మార్కెట్‌ తదితర ప్రాంతాల్లో సాయంత్రం నుంచి వేడుకలు ప్రారంభమయ్యాయి. మహిళలు బతుకమ్మలను చేతబట్టి ర్యాలీలుగా ప్రధాన కూడళ్లకు చేరుకున్నారు. సంప్రదాయ పాటలు పా డుతూ సంబురాలు చేసుకున్నారు. గౌరమ్మకు ప్రత్యేక పూజలు నిర్వహించిన అనంతరం మహిళలు వాయినాలు ఇచ్చిపుచ్చుకున్నారు. ఆ తర్వాత బతుకమ్మలను చెరువులు, కుంటల్లో నిమజ్జనం చేశారు. వేడుకలు ప్రశాంతంగా జరిగేలా డీసీపీ రాజామహేంద్ర నాయక్‌ పర్యవేక్షణ లో సీఐ సత్యనారాయణ, ఆయా మండలాల ఎస్సైలు పోలీసు బందోబస్తు ఏర్పాటు చేశారు. తంగేడు పూలకు కొరత బతుకమ్మ పేల్చడంలో ప్రత్యేక స్థా నం కలిగిన తంగేడు పూలు ఈసారి ఆశించిన స్థాయిలో లభించకపోవడం మహిళలను నిరాశకు గురిచేసింది. వర్షాభావ పరిస్థితులతో ఉన్న కొద్దిపాటి చెట్లకు పూలు సరిగా పూయ లేదు. దీంతో బంతిపూలతో పాటు రోడ్ల పక్కన లభించే ఇతర పూలను సేకరించి బతుకమ్మలను పేర్చారు.

జనగామ రూరల్‌: స్వతంత్ర సంస్థగా పనిచేయాల్సిన కేంద్ర ఎలక్షన్‌ కమిషన్‌ కేంద్ర ప్రభుత్వం చేతుల్లో కీలుబొమ్మగా మారి ఏకపక్ష నిర్ణయాలు తీసుకుంటుందని, ప్రజాస్వామ్యానికి మచ్చలా మారిన చీఫ్‌ ఎలక్షన్‌ కమిషనర్‌ జ్ఞానేష్‌కుమార్‌ వెంటనే రాజీనామా చేయాలని ఉపాధ్యాయ సంఘాల పోరాట కమిటీ డిమాండ్‌ చేశారు. శనివారం జిల్లా కేంద్రంలోని అంబేడ్కర్‌ విగ్రహం ఎదుట నిరసన చేపట్టారు. ఈ సందర్భంగా ఉపాధ్యాయ సంఘాల నాయకులు మాట్లాడుతూ ఇప్పటివరకు తొలగించిన 13 కోట్ల ఓట్లపై సమగ్ర విచారణ చేపట్టాలన్నారు. ఎన్నికల కమిషనర్ల నియామక చట్టం 2023ను రద్దు చేయాలని, ఈవీఎంలకు బదులు బ్యాలెట్‌ పేపర్లతో ఎన్నికలు నిర్వహించాలన్నారు. ఈ కార్యక్రమంలో శ్రీనివాసులు చంద్రశేఖర్‌ రావు, నల్లనాగుల రాజు, షరీఫ్‌,శాడ రవి. మడూరి వెంకటేష్‌, అంకూషా వళి, శ్రీనివాస చారి, లక్ష్మయ్య కృష్ణ, వజ్రయ్య, శ్రీనివాసులు, సయ్యద్‌ శ్రీనివాసులు, గణేష్‌, తదితరులు పాల్గొన్నారు.

జనగామ: ఎన్నో పోరాటాలు.. వందలాది ఆందోళనలు.. వేలాది మంది ప్రజల ఆకాంక్షల ఫలితంగా ఆవిర్భవించిన జనగామ జిల్లా పదేళ్లు పూర్తి చేసుకుని 11వ వసంతంలోకి అడుగుపెడుతోంది. జిల్లా సాధన కోసం జేఏసీ ఆధ్వర్యంలో అన్ని రాజకీయ పార్టీలు, విద్యార్థులు, మహిళలు, ఉద్యోగులు, రైతులు ఏకతాటిపైకి వచ్చి ఉద్యమించారు. సుమారు 500 రోజుల పాటు కొనసాగిన ఉద్యమంలో ధర్నాలు, రాస్తారోకోలు, దీక్షలు, అరెస్టులు చోటు చేసుకున్నాయి. 200 రోజులపాటు 144 సెక్షన్‌ అమలైనట్లు ఉద్యమకారులు గుర్తుచేసుకుంటున్నారు. 55 మంది జైలు జీవితం గడిపారు. చివరకు 2016 అక్టోబర్‌ 11న జిల్లా అధికారికంగా ఆవిర్భవించింది. విద్య, వ్యవసాయంలో గణనీయమైన మార్పులు జిల్లా ఏర్పాటుతో పాలన, వైద్యం, విద్య, వ్యవసా యం, విద్యుత్‌ రంగాల్లో గణనీయమైన మార్పులు చోటుచేసుకున్నాయి. సుమారు రూ.80 కోట్లతో నూతన కలెక్టరేట్‌, రూ.100 కోట్లతో కోర్టు భవన నిర్మాణం చేపట్టారు. వైద్య కళాశాల, నర్సింగ్‌ కళాశాల, పీజీ వైద్య విద్య, చంపక్‌హిల్స్‌లో పీజీ కళాశాల భవనం, ప్రభుత్వ జనరల్‌ ఆస్పత్రిలో సీటీ స్కాన్‌, తెలంగాణ డయాగ్నోస్టిక్స్‌, రేడియాలజీ హబ్‌ వంటి సదుపాయాలు, క్రిటికల్‌ కేర్‌ ఆస్పత్రి, షీ టీమ్‌ పోలీస్‌ స్టేషన్‌ ఏర్పాటు కూడా ప్రాధాన్యం సంతరించుకున్నాయి. జనగామ రైల్వేస్టేషన్‌ సుందరీకరణ చేశారు. వ్యవసాయానికి జలకళగోదావరి జలాల రాకతో కరువు ప్రాంతంగా పేరున్న జనగామలో సాగునీటి ఆశలు చిగురించాయి. దేవాదుల కాల్వలు, రిజర్వాయర్ల అభివృద్ధితో సాగు విస్తీర్ణం లక్షన్నర ఎకరాలకు పైగా పెరిగింది. ధాన్యం సేకరణ రికార్డు స్థాయికి చేరింది. 62 రైతు వేదికలు, గోదాముల నిర్మాణం రైతులకు తోడ్పాటునందించాయి. చంపక్‌హిల్స్‌లో 400/220కేవీ సబ్‌స్టేషన్‌, ఇతర విద్యుత్‌ సబ్‌స్టేషన్లతో వోల్టేజీ సమస్యల నివారణకు చర్యలు చేపట్టారు. కొత్త మండలాల ఏర్పాటు, గురుకుల విద్యాసంస్థలు, పెంబర్తి హస్తకళలకు ప్రోత్సాహం జిల్లాకు గుర్తింపు తెచ్చాయి. జిల్లాలో అభివృద్ధి పనులు ఇలా.. లింగాలఘణపురం: కుందారం–పాలకుర్తి రోడ్డులో పటేల్‌గూడెం వాగుపై రూ.2 కోట్లతో బ్రిడ్జి నిర్మించారు. జీడికల్‌ రామచంద్రస్వామి ఆలయ ప్రాంగణంలో రూ.50 లక్షలతో సీసీ రోడ్లు వేశారు. కొడకండ్ల: రూ.250 కోట్లతో ఇంటిగ్రేటెడ్‌ స్కూల్‌, ముండ్రాయి–కొడకండ్ల, వెలిశాల, పాలకుర్తి, నాంచారిమడూరు రోడ్ల ఆధునీకీకరణ. స్టేషన్‌ఘన్‌పూర్‌: రెవెన్యూ డివిజన్‌ కేంద్రంగా ఆర్డీఓ కార్యాలయం, ఫైర్‌ స్టేషన్‌, జూనియర్‌ సివిల్‌ జడ్జి కోర్టు ఏర్పాటయ్యాయి. మున్సిపాలిటీ అభివృద్ధికి రూ.50 కోట్లు, రూ.45 కోట్లతో 100 పడకల ఆస్పత్రి, రూ.26 కోట్లతో ఇంటిగ్రేటెడ్‌ రెవెన్యూ కార్యాలయం పనులు, రూ.2.63 కోట్లతో ఇండోర్‌ స్టేడియం, దేవాదుల రిజర్వాయర్‌ లైనింగ్‌కు రూ.100 కోట్లు, మల్లన్నగండి కుడి కాల్వకు రూ.15 కోట్లు వెచ్చిస్తున్నారు. జఫర్‌గఢ్‌: కోనాయిచలంలో రూ.200 కోట్లతో ఇంటిగ్రేటెడ్‌ స్కూల్‌, రూ.4.50 కోట్లతో 30 పడకల ఆస్పత్రి నిర్మించారు. జనగామ రూరల్‌: జనగామ–హుస్నాబాద్‌ రోడ్డుపై రూ.2 కోట్లతో బ్రిడ్జి నిర్మించారు. ఎర్రగొల్లపాడు రోడ్డు పనులకు రూ.60 లక్షలు, చీటకోడూరు –యశ్వంతాపూర్‌ వాగుపై వంతెనలకు రూ.5 కోట్లు వెచ్చించారు. రఘునాథపల్లి: దొడ్డిగుట్ట వద్ద రూ.3 కోట్లతో గోదాములు నిర్మించారు. పాలకుర్తి టౌన్‌: సుమారు రూ.100 కోట్లతో పర్యాటక కారిడార్‌ అభివృద్ధి, సోమనాథుడి స్మృతివనం, కల్యాణ మండపం, బమ్మెరలో పోతన స్మృతి వనం, వల్మిడి సీతారామచంద్రస్వామి ఆలయ అభివృద్ధికి నిధులు, సుమారు రూ.400 కోట్లతో పాలకుర్తి, చెన్నూరులో రిజర్వాయర్ల పనులు. రూ.17.50 కోట్లతో 50 పడకల ఆస్పత్రి నిర్మాణం. ఫైర్‌ స్టేషన్‌, ఎకై ్సజ్‌ పోలీస్‌ స్టేషన్‌ ఏర్పాటు చేశారు. జనగామ రూరల్‌, అర్బన్‌, ఆయా మండలాల పరిధిలో మరో 4 మండలాలుగా పెంచి విస్తరించాలి. జిల్లాకు ఎస్‌పీ కార్యాలయం హోదా కల్పించాలి. ప్రభుత్వ ఐటీఐ, కేంద్రీయ విద్యాలయం, ప్రభుత్వ ఇంజనీరింగ్‌ కళాశాల ఏర్పాటు చేయాలి. జనగామ అర్బన్‌ డెవలప్‌మెంట్‌ అథారిటీ ఏర్పాటు చేయాలి. పెంబర్తి–వరంగల్‌ ఇండస్ట్రీయల్‌ కారిడార్‌ కలగానే మిగిలిపోయింది. 11వ వసంతంలోకి అడుగు

జనగామ: ప్రభుత్వ జనరల్‌ ఆస్పత్రి, మాతా శిశు సంరక్షణ కేంద్రంలో పనిచేస్తున్న 22 మంది విదేశీ వైద్య విద్యార్థులు మూడో రోజు శనివారం విధులు బహిష్కరించి నిరసన తెలిపారు. భారతదేశంలో ఎంబీబీఎస్‌ పూర్తి చేసిన హౌస్‌ సర్జన్లకు నెలకు రూ.29,900 స్టైఫండ్‌ చెల్లిస్తుండగా, విదేశాల్లో వైద్య విద్య పూర్తి చేసిన తమకు కేవలం రూ.5 వేలు మా త్రమే ఇస్తున్నారని ఆవేదన వ్యక్తం చేశారు. తాము కూడా 90 శాతం వైద్య సేవలు అందిస్తున్నందున సమాన స్టైఫండ్‌ చెల్లించాలని ప్లకార్డులు, బతుకమ్మలతో నిరసన చేపట్టారు. ఈ నెల 14న హైదరాబాద్‌లోని వైద్య మండలి కార్యాలయం ఎ దుట ఆందోళన నిర్వహించనున్నట్లు తెలిపారు.

● జనగామ మార్కెట్‌లో అక్రమాలకు చెక్‌ పెట్టేందుకు ప్రత్యేక బృందం ● ధాన్యం తూకాల నుంచి వేలం ధరల వరకు తనిఖీలు ● మార్కెట్‌ లావాదేవీలపై అధికారుల పర్యవేక్షణ,రికార్డుల పరిశీలన ● మార్కెట్‌ ఫీజుల వసూళ్లపైనా నజర్‌ ● రోజువారీ తనిఖీలు, ఉన్నతాధికారులకు నివేదికలుముగ్గురు సభ్యులతో బృందం మార్కెట్‌ తనిఖీ బృందంలో జనగామ డీఎంఓ సారంగపాణి, అడిషినల్‌ ఇన్‌చార్జ్‌ కార్యదర్శి దివ్య, ఏఎంసీ ములుగు సూపర్‌వైజర్‌ రాజు సభ్యులుగా ఉన్నారు. ఈ బృందం కార్యకలాపాలను మార్కెటింగ్‌ శాఖ అదనపు సంచాలకుడు లక్ష్మణుడు పర్యవేక్షించనున్నారు. రాష్ట్ర వ్యాప్తంగా పలు మార్కెట్లకు తనిఖీ బృందాలను ఏర్పాటు చేయగా.. జనగామకు చోటు కల్పించారు. జనగామ: వ్యవసాయ మార్కెట్లలో లావాదేవీలను పారదర్శకంగా నిర్వహించడం, కొనుగోళ్లు, విక్రయాల్లో నిబంధనల అమలును నిర్ధారించడం, రికార్డుల్లో అవకతవకలకు తావులేకుండా చూడటంపై రాష్ట్ర వ్యవసాయ మార్కెటింగ్‌ శాఖ ప్రత్యేక దృష్టి సారించింది. ఇందులో భాగంగా జనగామ మా ర్కెట్‌ను నిరంతరం తనిఖీ చేసేందుకు ప్రత్యేక బృందాన్ని నియమిస్తూ మార్కెటింగ్‌ శాఖ సంచాలకులు రాహుల్‌ రాజ్‌ సర్క్యులర్‌ జారీ చేశారు. రోజువారీ నివేదికలతో పర్యవేక్షణ తనిఖీ బృందాలు రోజువారీ నివేదికలను సంబంధిత టీమ్‌ లీడర్ల ద్వారా పర్యవేక్షణ అధికారులకు సమర్పించాలి. ఆ నివేదికలను పరిశీలించిన అధికారులు ప్రతీ మార్కెట్‌పై సంక్షిప్త నివేదికను మార్కెటింగ్‌ శాఖ సంచాలకుడికి అందించాలి. ప్రత్యేక అధికారుల బృందాలతో రోజువారీ సమన్వయం చేసుకోవడంతోపాటు, గుర్తించిన సమస్యలను ఉన్నతాధికారుల దృష్టికి తీసుకెళ్లాలి. అవసరమైతే క్రమశిక్షణ చర్యల కోసం సంబంధిత ఫైళ్లను విజిలెన్స్‌ విభాగానికి పంపే అవకాశం కూడా సర్క్యులర్‌లో కల్పించారు. వ్యాపారుల రికార్డులపైనా దృష్టి కమీషన్‌ ఏజెంట్లు, వ్యాపారులు సమర్పించాల్సిన నెలవారీ కొనుగోలు రిటర్నులు, తక్‌పట్టీల వివరాలను ప్రత్యేక అధికారులు పరిశీలించి, నిబంధనల అమలుపై బృందాలకు మార్గనిర్దేశం చేయాలి. కోల్డ్‌ స్టోరేజీలు, చెక్‌పోస్టుల తనిఖీలకు అవసరమైనప్పుడు మార్కెట్‌ కమిటీల నుంచి అద్దె వాహనాలను సమకూర్చుకోవచ్చని, ఇందుకు 2026–27 ఆర్థిక సంవత్సరంలో మంజూరైన బడ్జెట్‌ను కార్యాలయ నిర్వహణ కింద వినియోగించుకోవచ్చని ఉత్తర్వుల్లో పేర్కొన్నారు. జనగామ మార్కెట్‌లో సరుకుల రాకపోకలు, వేలం ధరలు, తూకాలు, కొనుగోలు రిటర్నులు, మార్కెట్‌ ఫీజుల వసూళ్లపై సమగ్ర తనిఖీ లకు ఈ ఆదేశాలు ప్రాధాన్యమిస్తున్నాయి. తనిఖీలు పూర్తన తర్వాత అన్ని విషయాలు వెల్లడి కానున్నాయి.రికార్డుల తనిఖీ.. తూకాల్లో పారదర్శకత మార్కెట్‌కు వచ్చే సరుకులతోపాటు బయటకు వెళ్లే వివరాలు రిజిస్టర్లతో సరి పోల్చాలి. మార్కెట్‌ యార్డులతోపాటు కోల్డ్‌ స్టోరేజీల్లో నిర్వహించే వేలం, టెండర్‌ రిజిస్టర్లను పరిశీలించాలి. వేలం లేదా టెండర్‌లో నిర్ణయించిన ధరలకు, తక్‌పట్టీల్లో నమోదైన ధరలకు మధ్య వ్యత్యాసాలున్నాయా.. లేదా.. అనేది నిర్ధారించాలి. ధాన్యం తూకాలను రాకపోకల రిజిస్టర్లు, దడువాయి నమోదు చేసిన అసలు తూకంతో సరిపోల్చి, తక్‌పట్టీలు, నెలవారీ కొనుగోలు రిటర్నుల్లో నమోదైన వివరాలను తనిఖీ చేయాలి. నెలవారీ కొనుగోలు రిటర్నులు వేలం ధరలు, తూకాల వివరాలకు అనుగుణంగా ఉన్నాయా.. లేదా.. అన్నది కూడా బృందం పరిశీలించాలి. చెక్‌పోస్టుల వద్ద సరుకుల రవాణా వివరాలు, మార్కెట్‌ ఫీజు రశీదులు, ధరలు, తూకాల రికార్డులు, ఎగ్జిట్‌ రిజిస్టర్లను రోజువారీగా తనిఖీ చేయాలని ఆదేశాల్లో పేర్కొన్నారు.

నేడు ఎంగిలిపూల బతుకమ్మ ● ఎల్‌నినో ఎఫెక్ట్‌తో కానరాని అడవిపూలు ● మార్కెట్‌ను ఆశ్రయిస్తున్న మహిళలుజనగామ: తెలంగాణ సంస్కృతికి ప్రతీకగా నిలిచే బతుకమ్మ సంబురాలు నేటినుంచి ప్రారంభమై తొ మ్మిది రోజులు కొనసాగనున్నాయి. మరోవైపు బతుకమ్మకు ఉపయోగించే తంగేడు, గునుగు, గడ్డి పూ లు, నేల చామంతి తదితర ప్రకృతి సిద్ధమైన పూల కు కొరత ఏర్పడింది. కరువు పరిస్థితుల నేపథ్యంలో పూల లభ్యత తగ్గడంతో గతంలో అడవులకు వెళ్లి పూలు సేకరించే కుటుంబాలు సైతం ఇప్పుడు కొనుగోలు చేయాల్సిన పరిస్థితి నెలకొంది. శుక్రవారం జిల్లా వ్యాప్తంగా బొడ్డెమ్మ పండగకు వీడ్కోలు పలుకుతూ బతుకమ్మ పండగకు స్వాగతం పలికేందుకు మహిళలు సిద్ధమయ్యారు. పూల కొరత.. నిమజ్జనంపై సందిగ్ధం వర్షాభావ పరిస్థితుల కారణంగా సంప్రదాయ పూలు ఆశించిన స్థాయిలో లభించడం లేదు. దీంతో కొన్ని గ్రామాలకు చెందిన కుటుంబాలు సుదూర ప్రాంతాల్లోని అడవులకు వెళ్లి పూలను సేకరించి జిల్లా కేంద్రంతో పాటు వివిధ మండలాల్లో విక్రయిస్తున్నాయి. చెరువుల్లో నీటి నిల్వలు తగ్గడంతో బతుకమ్మ నిమజ్జనంపై సందిగ్ధత నెలకొంది. మహిళలు పెద్ద సంఖ్యలో వేడుకల్లో పాల్గొనే ప్రాంతాల్లో ఎలాంటి అవాంఛనీయ ఘటనలు జరగకుండా పోలీసులు పర్యవేక్షణ చేపట్టనున్నారు.

● కలెక్టర్‌ సందీప్‌ కుమార్‌ ఝా జనగామ రూరల్‌: జిల్లాలోని ప్రభుత్వ, ప్రభుత్వ ఎయిడెడ్‌ పాఠశాలలు, జూనియర్‌ కళాశాలల్లో 6వ తరగతి నుంచి 12వ తరగతి వరకు చదువుతున్న విద్యార్థులకు ఆరోగ్యం, పోషకాహారం, మానసిక శ్రేయస్సుపై అవగాహన కల్పించేందుకు పాఠశాల ఆరోగ్య, శ్రేయస్సు కార్యక్రమాన్ని సమర్థవంతంగా అమలు చేయాలని కలెక్టర్‌ సందీప్‌ కుమార్‌ ఝా అధికారులకు సూచించారు. శుక్రవారం కలెక్టర్‌ కార్యాలయంలో కార్యక్రమ అమలుపై సమీక్షించారు. ఆయుష్మాన్‌ భారత్‌లో భాగంగా కేంద్ర ఆరోగ్య, కుటుంబ సంక్షేమ మంత్రిత్వ శాఖ, విద్యా మంత్రిత్వ శాఖల సంయుక్త ఆధ్వర్యంలో అమలవుతున్న ఈ కార్యక్రమాన్ని రాష్ట్రంలోని మరో 21 జిల్లాలకు విస్తరించగా అందులో జనగామ కూడా ఉందన్నారు. ప్రతీ పాఠశాల నుంచి ఇద్దరు ఉపాధ్యాయులను ఎంపిక చేసి, శిక్షణ అనంతరం హెల్త్‌ అండ్‌ వెల్నెస్‌ అంబాసిడర్లుగా కార్యక్రమంలో భాగస్వాములను చేయాలన్నారు. ప్రతీ వారం గంట పాటు విద్యార్థులకు ఆరోగ్యం, పోషకాహారం, పరిశుభ్రత, మానసిక ఆరోగ్యం, వ్యాధుల నివారణపై అవగాహన కల్పించాలన్నారు. ప్రతీ మంగళవారాన్ని ఆరోగ్యం, శ్రేయస్సు డేగా నిర్వహించి, నిర్దేశించిన 11 అంశాలపై విద్యార్థులకు అవగాహన కల్పించాలన్నారు. యోగా, ధ్యానం, సురక్షిత తాగునీరు, రుతుక్రమ పరిశుభ్రత, ఆరోగ్యకరమైన జీవనశైలిపై అవగాహన పెంపొందించాలన్నారు. సమావేశంలో డీఎంహెచ్‌ఓ వాణిశ్రీ, జీసీడీఓ గౌసియా బేగం, తదితరులు పాల్గొన్నారు.

● జనగామ డిపోలో 400 ఓట్లకు 396 పోలింగ్‌ ● ఈయూ–ఎన్‌ఎంయూ కూటమికి అనధికారిక ఆధిక్యం జనగామ: ఆర్టీసీ గుర్తింపు సంఘం ఎన్నికలు జనగామ డిపోలో శుక్రవారం హోరాహోరీగా సాగాయి. డిపో పరిధిలో మొత్తం 400 ఓట్లు ఉండగా 396 ఓట్లతో 99 శాతం పోలింగ్‌ నమోదైంది. ఓట్ల లెక్కింపు అనంతరం అందిన అనధికారిక సమాచారం ప్రకారం ఈయూ–ఎన్‌ఎంయూ ఐక్య కూటమి అధిక్యం సాధించడంతో ఆ కూటమి నాయకులు సండురాలు చేసుకున్నారు. అయితే అధికారిక ఫలితాలు ఈ నెల 17న వెలువడనున్నాయి. ఉదయం 5 నుంచి పోలింగ్‌ జనగామ డిపోలో శుక్రవారం ఉదయం 5 గంటలకు పోలింగ్‌ ప్రారంభమై సాయంత్రం 6 గంటలకు ముగిసింది. అనంతరం సాయంత్రం 6.45 గంటలకు షురూ అయిన ఓట్ల లెక్కింపు రాత్రి 8 గంటలకు పూర్తయింది. క్లాస్‌–3 రాష్ట్ర స్థాయి, క్లాస్‌–6 ప్రాంతీయ స్థాయి విభాగాలకు సంబంధించి కార్మికులు వేర్వేరుగా ఓట్లు వేశారు. లేబర్‌ డిపార్ట్‌మెంట్‌ వరంగల్‌ డిప్యూటీ కమిషనర్‌ ఆధ్వర్యంలో, జనగామ లేబర్‌ ఆఫీసర్‌ కుమారస్వామి పర్యవేక్షణలో ఎన్నికలు నిర్వహించారు. డిపో మేనేజర్‌ ఉష, సీఐ హుస్సేన్‌, అసిస్టెంట్‌ ఇంజినీర్‌ నెట్‌ రాఘవేందర్‌, సూపరింటెండెంట్‌ మురళీధర్‌ ఎన్నికల ప్రక్రియను పర్యవేక్షించారు. కూటముల మధ్య పోటీ ఈయూ–ఎన్‌ఎంయూ ఐక్యకూటమి, టీడబ్ల్యూయూ–ఎస్‌డబ్ల్యూఎఫ్‌ ఐక్య కూటమితో పాటు టీజేఎంయూ, బీడబ్ల్యూయూ వేర్వేరుగా పోటీ చేశాయి. కార్మికులను ఆకట్టుకునేందుకు సంఘాల నాయకులు ఎత్తులకు పై ఎత్తులు వేస్తూ ప్రచారాన్ని హోరెత్తించారు. దీంతో ఎన్నికల ఫలితాలపై ఉత్కంఠ నెలకొంది. కౌంటింగ్‌ సమయంలో ఏజెంట్లు పరిశీలించిన ఓట్ల సరళి ఆధారంగా ఈయూ–ఎన్‌ఎంయూ కూటమి ఆధిక్యం సాధించినట్లు అనధికా రికంగా ప్రచారం జరిగింది. దీంతో ఆ కూటమి నాయకులు, మద్దతుదారులు సంబురాలు జరుపుకున్నారు. కూటమి తరఫున డిపో కార్యదర్శి వీఎస్‌ఆర్‌రెడ్డి, అధ్యక్షుడు ఏ.శ్రీనివాస్‌, చైర్మన్‌ జె.శ్రీనివాస్‌, రాష్ట్ర ఉపాధ్యక్షుడు బాలరాజు, గ్యారేజీ కార్యదర్శి అంజయ్య, ఎన్‌ఎంయూ తరఫున డిపో కార్యదర్శి అంజయ్య, అధ్యక్షుడు జి.ఎస్‌.రెడ్డి, జాయింట్‌ సెక్రటరీ పి.మహేందర్‌, సహాయ కార్యదర్శి రమేష్‌, టీవీ రత్నం, సందీప్‌ అనధికారిక లెక్కల ప్రకారం ఆధిక్యం సాధించగా వారిని సత్కరించారు. ఆర్టీసీ బస్టాండ్‌ ఆవరణలో ఎమ్మెల్యే పల్లా రాజేశ్వర్‌రెడ్డిని ఈయూ–ఎన్‌ఎంయూ కూటమి నాయకులు శాలువాతో సత్కరించారు. ఎమ్మెల్యే వారికి శుభాకాంక్షలు తెలిపారు. సీఐ సత్యనారాయణరెడ్డి ఆధ్వర్యంలో ఎస్‌ఐలు చెన్నకేశవులు, నర్సయ్య, రతీష్‌ బందోబస్తును పర్యవేక్షించారు. ఓట్లు ఇలా(అనధికారం) క్లాస్‌–3(స్టేట్‌) టీడబ్ల్యూయూ/ ఎస్‌డబ్ల్యూఎఫ్‌:145 ఈయూ/ఎన్‌ఎంయూ:248 టీజేఎంయూ:01 చెల్లనివి:02క్లాస్‌–6(రీజియన్‌) టీడబ్ల్యూయూ/ ఎస్‌డబ్ల్యూఎఫ్‌:165 ఈయూ/ఎన్‌ఎంయూ:224 టీజేఎంయూ:04 బీడబ్ల్యూయూ:03

● సంతోషంలో 2024 డీఎస్సీ ఉపాధ్యాయులు ● జిల్లాలో 220 మందికి కొలువులు జనగామ: ఎన్నో ఏళ్ల నిరీక్షణ, పట్టుదల ఫలితంగా 2024 డీఎస్సీ ద్వారా ఉద్యోగం సాధించినవారి కల నెలవేరి రెండేళ్లు పూర్తయ్యాయి. రెండేళ్ల సర్వీస్‌ పూర్తి చేసుకుని శుక్రవారం తమ నియామక రోజుల జ్ఞాపకాలను గుర్తు చేసుకుంటున్నారు. కొత్త టీచర్ల రాకతో రెండేళ్లుగా ప్రభుత్వ పాఠశాలల్లో కొత్త కళ కనిపిస్తోంది. 2024 డీఎస్సీ ద్వారా జిల్లాలో 220 పోస్టులను భర్తీ చేయగా.. సుదీర్ఘకాలంగా డీఎస్సీ కోసం ఎదురు చూసి ఉద్యోగం పొందిన అభ్యర్థులు సంబురాలు జరుపుకున్నారు. 2024 అక్టోబర్‌ 9న హైదరాబాద్‌లోని ఎల్బీ స్టేడియంలో నియామక పత్రాలు అందుకున్న ఉపాధ్యాయులు, అదే నెల 16వ తేదీ నుంచి పాఠశాలల్లో విధుల్లో చేరారు. కొత్త ఉపాధ్యాయుల నియామకంతో పాఠశాలల్లో బోధనా కార్యకలాపాలకు మరింత ఊతం లభించింది. లక్ష్యంతో ఉద్యోగం సాగించిన కృషి, నియామక పత్రాలు అందుకున్న క్షణాలు, తొలిసారి పాఠశాలలో అడుగుపెట్టిన అనుభూతులు తమకు ఎప్పటికీ మధుర జ్ఞాపకాలుగా నిలుస్తాయని ఉపాధ్యాయులు భావిస్తున్నారు.

పాలకుర్తి టౌన్‌: పాలకుర్తి సోమేశ్వర లక్ష్మీనర్సింహస్వామి ఆలయ హుండీ ఆదాయం రూ.21,98,507 సమకూరినట్లు ఆలయ ఈఓ లక్ష్మీప్రసన్న తెలిపారు. 2026 మార్చి 24 నుంచి అక్టోబర్‌ 9 వరకు భక్తులు హుండీలో వేసిన కానుకలను శుక్రవారం ఆలయ కల్యాణ మండంపంలో లెక్కించారు. వల్మిడి శ్రీసీతారామచంద్రస్వామి ఆలయ ఈఓ వెంకట్‌రెడ్డి పర్యవేక్షణలో హుండీ ఆదాయంను లెక్కించారు. మిశ్రమ బంగారం 5 గ్రాముల 580 మిల్లి గ్రాములు, మిశ్రమ వెండి కేజీ 359.740 మిల్లి గ్రాములు, యూఎస్‌ డాలర్స్‌ 230, ఇంగ్లాడ్‌ 30 పౌండ్స్‌, నేపాల్‌ రూపీ 150 వచ్చినట్లు ఈఓ తెలిపారు. జీజీహెచ్‌లో జూనియర్‌ డాక్టర్ల నిరసన జనగామ: స్ట్ఫైండ్‌ పెంచాలని డిమాండ్‌ చేస్తూ జనగామ ప్రభుత్వ జనరల్‌ ఆస్పత్రి (జీజీహెచ్‌), ఎంసీహెచ్‌లో పని చేస్తున్న 22 మంది విదేశీ వైద్య పట్టభద్రులు (ఎఫ్‌ఎంజీ) జూనియర్‌ డాక్టర్లు శుక్రవారం విధులు బహిష్కరించి నిరసన తెలిపారు. ప్రస్తుతం తమకు నెలకు రూ.5 వేల స్టైఫండ్‌ మాత్రమే చెల్లిస్తుండగా, భారతదేశంలో ఎంబీబీఎస్‌ పూర్తి చేసిన హౌస్‌ సర్జన్లకు రూ.29,900 ఇస్తున్నారని పేర్కొన్నారు. తాము కూడా సమానంగా వైద్య సేవలందిస్తున్నందున అదే స్థాయిలో స్టైఫండ్‌ చెల్లించాలని డిమాండ్‌ చేశారు. నేడు (శనివారం) జిల్లా వ్యాప్తంగా విధులు నిలిపివేయనున్నట్లు తెలిపారు. ఈ నెల 14న హైదరాబాద్‌లోని డీఎంబీ కార్యాలయం వద్ద ఆందోళన నిర్వహించనున్నట్లు తెలిపారు. గోదావరి జలాలతో ఏనచెరువు నింపండి జనగామ రూరల్‌: జిల్లాలోని వడ్లకొండ గ్రామంలోని ఏనచెరువును గోదావరి జలాలతో నింపి ఎండిపోతున్న తమ పంటలను కాపాడాలని డిమాండ్‌ చేస్తూ శుక్రవారం వడ్లకొండ, పెద్దపాడు గ్రామాల రైతులు జనగామ – హుస్నాబాద్‌ ప్రధాన రహదారిపై ధర్నా నిర్వహించారు. పురుగుమందు డబ్బాలతో నిరసన తెలిపారు. ఇరువైపులా వాహనాలు నిలిచిపోయాయి. పోలీసులు ధర్నా విరమించాలని కోరగా వినకపోవడంతో వాగ్వాదానికి దిగారు. ఈ సందర్భంగా రైతులు మాట్లాడుతూ ఏనచెరువు కింద వందలాది ఎకరాల్లో వేసిన పంటలు నీరు లేక ఎండిపోతున్నాయని ఆవేదన వ్యక్తం చేశారు. చెరువును గోదావరి నీటితో నింపాలని గతంలోనే కలెక్టర్‌, ఇరిగేషన్‌ ఉన్నతాధికారులకు వినతిపత్రాలు ఇచ్చినా చర్యలు తీసుకోలేదని మండిపడ్డారు. ఇప్పటికైనా ప్రభుత్వం, నీటిపారుదల శా ఖ అధికారులు ఏనచెరువుకు గోదావరి జలాల ను విడుదల చేయాలని డిమాండ్‌ చేశారు. కార్యక్రమంలో బీజేవైఎం జిల్లా అధ్యక్షుడు ఎల్లబో యిన హరీశ్‌, నాయకులు శానబోయిన మహిపా ల్‌, రైతులు దండుబోయిన కుమార్‌, చిలువేరు రాజు, నామాల అంజనేయులు, వడ్లకొండ పెద్దపాడు గ్రామాల రైతులు పాల్గొన్నారు. జేవీవీ కృషి అభినందనీయం జనగామ రూరల్‌: శాస్త్రేయ విజ్ఞాన వ్యాప్తిలో జేవీవీ కృషి అభినందనీయం జేవీవీ రాష్ట్ర బాధ్యుడు శ్రీనాథ్‌ అన్నారు. శుక్రవారం జనవిజ్ఞాన వేదిక 6వ జిల్లా మహాసభలు రవీందర్‌ అధ్యక్షతన ప్రభుత్వ ఉన్నత పాఠశాలలో ఘనంగా నిర్వహించారు. ఈసందర్భంగా వారు మా ట్లాడుతూ.. మూఢవిశ్వాసాలను వీడి ప్రజలంతా సైన్స్‌ను అనుసరించడం ద్వారా మాత్రమే సమాజం అభివృద్ధి చెందుతుందని తెలిపారు. అనంతరం రాష్ట్ర బాధ్యుడు శ్రీనాథ్‌ ఎన్నికల అధికారిగా, రాష్ట్ర కార్యదర్శి ఆకుల శ్రీనివాస రా వు పరిశీలకులుగా నూతన కమిటీని ఎన్నుకున్నారు. గౌరవ అధ్యక్షులుగా డాక్టర్‌ గోపాల్‌రెడ్డి , డాక్టర్‌ మనస్విని, డాక్టర్‌ మాచర్ల భిక్షపతి, అధ్యక్షులుగా బాలరాజు, ప్రధాన కార్యదర్శి కనకయ్య, కోశాధికారి లక్ష్మణ్‌, ఉపాధ్యక్షులుగా కేఎల్‌ మర్రెడ్డి, చంద్రశేఖర్‌రావు, ఉమాదేవి, శోభన్‌బాబు, కార్యదర్శులుగా రవీందర్‌, సత్తయ్య, కృష్ణ అంజనేయాచారి, శ్రీనివాస్‌ ని ఎన్నుకున్నారు.

● ఎమ్మెల్యే పల్లా రాజేశ్వర్‌రెడ్డి జనగామ: దేశవ్యాప్తంగా ఓట్ల తొలగింపు ప్రక్రియతో రాజకీయంగా లబ్ధి పొందింది బీజేపీనేనని జనగామ ఎమ్మెల్యే పల్లా రాజేశ్వర్‌రెడ్డి ఆరోపించారు. శుక్రవారం ఆయన జనగామలో మాట్లాతుడూ.. ప్రధాని మోదీ, కేంద్ర హోంమంత్రి అమిత్‌ షాల ఆదేశాలకు అనుగుణంగా ఎన్నికల కమిషన్‌ వ్యవహరిస్తోందని విమర్శించారు. తెలంగాణలో ఓట్ల తొలగింపుపై సమగ్ర విచారణ జరిపి, తొలగించిన అర్హులైన ఓటర్ల పేర్లను తిరిగి జాబితాలో చేర్చాలని డిమాండ్‌ చేశారు. తెలంగాణలో 95 లక్షల మంది ఓటర్లకు నోటీసులు ఇచ్చారని, తొలి దశలో 73 లక్షల ఓట్లు, రెండో దశలో మరో 21 లక్షల ఓట్లు తొలగించారని పల్లా ఆరోపించారు. అనేక నియోజకవర్గాల్లో ఓటర్ల సంఖ్య గణనీయంగా తగ్గిందన్నారు. పేర్లలో అక్షరదోషాలు, ఇంటిపేర్లలో తేడాలు, వివరాలు సరిపోలకపోవడం వంటి కారణాలతో అర్హులైన వారి ఓట్లను సైతం తొలగించారని విమర్శించారు. నోటీసులకు స్పందించలేదనే కారణంతో ఓటు హక్కును తొలగించడం సరికాదన్నారు. కేంద్ర ఎన్నికల ప్రధాన కమిషనర్‌ జ్ఞానేశ్‌ కుమార్‌ స్వతంత్రంగా వ్యవహరించడం లేదని ఆరోపించిన పల్లా.. ఆయనను పదవి నుంచి తొలగించి, ఆరోపణలపై విచారణ జరిపి చర్యలు తీసుకోవాలని డిమాండ్‌ చేశారు.

జనగామ: జనగామ వ్యవసాయ మార్కెట్‌లో ధాన్యం కొనుగోళ్లకు సంబంధించి ఈ–నామ్‌ 2.0 వెర్షన్‌లో సాంకేతిక లోపం తలెత్తడంతో గురువారం బిడ్డింగ్‌ ప్రక్రియ ఆలస్యంగా ప్రారంభమైంది. రాష్ట్ర వ్యాప్తంగా ఈ–నామ్‌ సేవల్లో సాంకేతిక సమస్య ఏర్పడటంతో మధ్యాహ్నం ఒంటి గంటకే పూర్తి కావాల్సిన బిడ్డింగ్‌ ప్రక్రియ సుమారు 2 గంటలు ఆలస్యంగా మధ్యాహ్నం మూడు గంటలకు ప్రారంభమైంది. దీంతో సుదూర ప్రాంతాల నుంచి ధాన్యాన్ని తీసుకొచ్చిన రైతులు ఇబ్బందులు ఎదుర్కొన్నా రు. సాంకేతిక సమస్య కారణంగా బిడ్డింగ్‌ మరింత ఆలస్యం కాకుండా మార్కెట్‌ అధికారులు ముందస్తు చర్యలు చేపట్టారు. ఈ–నామ్‌ సేవలు అందుబాటులోకి రాకపోతే రైతులకు ఇబ్బంది కలగకుండా మాన్యువల్‌గా బిడ్డింగ్‌ నిర్వహించేందుకు డీఎంవో సారంగపాణి ఆధ్వర్యంలో అధికారులు అన్ని ఏర్పాట్లు చేశారు. అనంతరం ప్రధాన సర్వర్‌ నుంచి ఈ–నామ్‌ సేవలు పునరుద్ధరించినట్లు సమాచారం అందడంతో మధ్యాహ్నం 3 గంటలకు ఆన్‌లైన్‌ బిడ్డింగ్‌ ప్రారంభించారు. మార్కెట్‌కు గురువారం 5 వేలకుపైగా ధాన్యం బస్తాలు తరలివచ్చాయి. బిడ్డింగ్‌ ఆలస్యమైనప్పటికీ రైతులకు నష్టం కలగకుండా అధికారులు ప్రత్యక్ష పర్యవేక్షణ చేపట్టారు. ఏఎంసీలో ఆలస్యంగా ధాన్యం బిడ్డింగ్‌ 5వేల బస్తాలకు పైగా ధాన్యం రాక

జనగామ రూరల్‌: జిల్లాలో వానాకాలం సాగు లెక్కతేల్చడానికి వ్యవసాయశాఖ అధికారులు డిజిటల్‌ క్రాప్‌ బుకింగ్‌ సర్వే చేపట్టారు. జిల్లా వ్యవసాయ అధికారితో పాటు ఏడీఏల పర్యవేక్షణలో జిల్లాలోని 280 గ్రామపంచాయతీల్లో 62 మండల అధికారులు, 176 మంది వలంటీర్లు విధులు నిర్వహిస్తున్నారు. ఇప్పటి వరకు జిల్లా వ్యాప్తంగా 76.4 శాతం పూర్తయింది. సర్వేలో రాష్ట్ర స్థాయిలో 19వ స్థానంలో నిలిచింది. అయితే ధాన్యం చేతికి వచ్చే దశ రావడంతో సర్వే నమోదు ప్రక్రియ ముమ్మరం చేశారు. 10 రోజుల్లో సర్వే పూర్తి చేయనున్నారు. క్షేత్రస్థాయిలో రైతులతో మాట్లాడి ఏ పంట ఎంత విస్తీర్ణంలో సాగు చేస్తున్నారు.. సర్వేనంబర్‌ వారీగా సాగు చేసిన పంట వివరాలు.. ఫొటోలను క్రాప్‌ బుకింగ్‌ మొబైల్‌ యాప్‌లో జియో ట్యాగింగ్‌ ద్వారా నమోదు చేస్తున్నారు. నెట్‌వర్క్‌ సమస్యలు.. గ్రామీణ ప్రాంతాల్లో పలుచోట్ల నెట్‌వర్క్‌ సమస్యలు తలెత్తుతున్నట్లు వలంటీర్లు, వ్యవసాయ విస్తరణ అధికారులు చెబుతున్నారు. ముఖ్యంగా కేడేస్టల్‌ మ్యాప్‌ లేని గ్రామాల్లో సర్వే ఆలస్యమవుతోంది. సర్వే ద్వారా జిల్లాలో ఏ పంట ఎంత విస్తీర్ణంలో సాగు చేశారనే కచ్చితమైన రావడంతో వివరాలు పాటు పంటల దిగుబడిని అంచనా చేసి కొనుగోలు కేంద్రాల ఏర్పాటు వంటి అంశాలపై ప్రభుత్వానికి స్పష్టత వచ్చే అవకాశం ఉంటుంది. క్రాప్‌ బుకింగ్‌ సర్వే ద్వారా కొన్ని పంటలకు మద్దతు ధర లభించే అవకాశాలు కూడా ఉన్నాయి. రైతులకు విస్తృత అవగాహన పంట సర్వే నమోదుపై గ్రామాల్లోని రైతులకు వి స్తృత స్థాయిలో అవగాహన కల్పిస్తున్నారు. పంట నమోదు ద్వారా కలిగే ఉపయోగాలు వివరిస్తున్నారు. అలాగే ఎల్‌నినో వానాకాలం సాగుపై ఎంతమేర ప్రభావం చూపిందనే లెక్క సర్వేతో తేలనుంది. అల్పపీడన ప్రభావంతో కురిసిన వర్షాలకు రైతులు పంటల సాగుకు సిద్ధమయ్యారు. ఇప్పటికీ భారీ వర్షాలు లేక చెరువులు వెలవెలబోతుండగా, భూగర్భ జలాలు అడుగంటాయి. సాగు ప్రారంభంలోనే ప్రభుత్వం ఎల్‌నిలో ప్రభావం ఉంటుందని, ఆరుతడి పంటల సాగువైపు రైతులను మళ్లించే దిశగా అవగాహన కార్యక్రమాలు నిర్వహించింది. అయినా రైతులు మాత్రం ఎక్కువ శాతం వరి, తక్కువ భాగంలో పత్తి సాగు చేస్తున్నారు. కూరగాయల సాగుకు సంబంధించిన పంట లెక్క సజావుగా కొనసాగుతోంది. వ్యవసాయ విస్తరణ అధికారులు, వలంటీర్లు క్షేత్రస్థాయిలో పర్యటిస్తూ రైతులు సాగు చేసిన పంట వివరాలు నమోదు చేస్తున్నారు. పంట లెక్కల ఆధారంగా ప్రభుత్వం రైతులకు అందించే వివిధ పథకాల అమలు, పంటల ప్రణాళిక, దిగుబడి అంచనాలు రూపొందించడం సులభమవుతుంది. జిల్లాలోని 12 మండలాల్లో క్రాప్‌ బుకింగ్‌లో 77 శాతంతో మొదటి స్థానంలో కొడకండ్ల నిలవగా, 48 శాతంతో చివరి స్థానంలో రఘునాథపల్లి నిలిచింది. మిగిలిన మండలాల్లో 60 నుంచి 70 శాతం వరకు చేరుకుంది.10 రోజుల్లో పంట లెక్కల ప్రక్రియ ముగియనుంది. సర్వే పూర్తిచేసి సమగ్ర నివేదికను ఉ న్నతాధికారులకు సమర్పిస్తాం. ధాన్యం విక్రయం ఇతర అవసరాలకు ఉపయోగపడనున్నది. రైతులు సరైన వివరాలు అందించి సహకరించాలి. – అంబికా సోని, జిల్లా వ్యవసాయ అధికారి రాష్ట్ర వ్యాప్తంగా 19 స్థానం సర్వేలో 62 మంది వ్యవసాయ అధికారులు, 176 మంది వలంటీర్లు ప్రతీ రైతు సమాచారం ఆన్‌లైన్‌ నమోదు మొదటి స్థానంలో కొడకండ్ల, చివరి స్థానంలో రఘునాథపల్లిమొత్తం క్రాప్‌ సర్వే ప్లాట్స్‌ 5,47,309 పూర్తయిన సర్వే ప్లాట్స్‌ 4,18,050 చేయాల్సిన సర్వే ప్లాట్స్‌ 1,29,259 మొత్తం శాతం 76.40

● జిల్లాలో 11,739 దరఖాస్తులు ● ఫారం–8కే అత్యధిక స్పందన ● కొత్త ఓటర్ల కోసం 4,096 దరఖాస్తులు ● ఇప్పటి వరకు 2,246 అప్‌డేట్‌ జనగామ: ఓటర్ల జాబితా ప్రత్యేక సవరణ ప్రక్రియ (ఎస్‌ఐఆర్‌)లో జిల్లాలో సవరణలు, మార్పులు, చేర్పులకే ప్రజలు అధిక ప్రాధాన్యం ఇచ్చారు. జూన్‌న్‌ 15 నుంచి అక్టోబర్‌ 7 వరకు నిర్వహించిన ప్రక్రియలో జనగామ, స్టేషన్‌ ఘన్‌పూర్‌, పాలకుర్తి నియోజకవర్గాల పరిధిలో ఫారం–6, 6ఏ, 7, 8 ద్వారా మొత్తం 11, 739 దరఖాస్తులు అందాయి. వీటిలో ఇప్పటివరకు 2,246 దరఖాస్తులు పరి ష్కరించి అప్‌డేట్‌ చేయగా, మరో 9,493 దరఖాస్తులు ప్రక్రియలో ఉన్నాయి. ఫారం–8కే భారీ స్పందన ఓటరు జాబితాలో పేరు, చిరునామా, ఇతర వ్యక్తిగత వివరాల సవరణలు, బదిలీల కోసం ఫారం–8 ద్వారా అత్యధికంగా 7,540 దరఖాస్తులు వచ్చాయి. వీటిలో 2,041 అప్‌డేట్‌ అయ్యాయి. జనగామలో 3,046కు 926, స్టేషన్‌న్‌ ఘన్‌పూర్‌లో 2,362కు 1,006, పాలకుర్తిలో 2,132కు 109 దరఖాస్తులు పరిష్కరించారు. మొత్తం దరఖాస్తుల్లో ఫారం–8 వాటా సుమారు 64 శాతం కావడం గమనార్హం. కొత్త ఓటర్ల దరఖాస్తులు 4,096 18 ఏళ్లు నిండిన వారు కొత్తగా ఓటు హక్కు పొందేందుకు ఫారం–6 ద్వారా 4,096 దరఖాస్తులు వచ్చాయి. జనగామలో 1,453, స్టేషన్‌ ఘన్‌పూర్‌లో 1,429, పాలకుర్తిలో 1,214 దరఖాస్తులు నమోదయ్యాయి. ఇప్పటి వరకు కేవలం 134 మాత్రమే అప్‌డేట్‌ అయ్యాయి. ఇందులో స్టేషన్‌న్‌ ఘన్‌న్‌పూర్‌ 61, పాలకుర్తి 38, జనగామ 35 ఉన్నాయి. తొలగింపునకు 98 దరఖాస్తులు ఓటరు జాబితాలో మరణించిన, ప్రాంతం మారిన లేదా అనర్హులైన ఓటర్ల తొలగింపునకు ఫారం–7 ద్వారా 98 దరఖాస్తులు రాగా, 71 పేర్లు తొలగించారు. జనగామలో 47కు 35, స్టేషన్‌ ఘన్‌పూర్‌లో 38కు 25, పాలకుర్తిలో 13కు 11 పరిష్కరించారు. ఎన్‌ఆర్‌ఐ ఓటర్ల కోసం ఫారం–6ఏ ద్వారా కేవలం 5 దరఖాస్తులు వచ్చాయి. మొత్తంగా ఇప్పటికే ఉన్న ఓటర్ల వివరాల సవరణపై ప్రజల ఆసక్తి కొత్త నమోదుతో పోలిస్తే స్పష్టంగా ఎక్కువగా కనిపిస్తోంది. మిగిలిన దరఖాస్తులను వేగంగా పరిశీలిస్తే తుది ఓటర్ల జాబితా మరింత కచ్చితత్వంతో రూపొందే అవకాశం ఉంది.

జనగామ: ఆర్టీసీ గుర్తింపు సంఘం ఎన్నికలకు జనగామ డిపో సర్వం సిద్ధమైంది. జిల్లా కార్మిక శాఖ అధికారి, ఎన్నికల రిటర్నింగ్‌ అధికారి కుమారస్వామి ఆధ్వర్యంలో ఈనెల 9న (శుక్రవారం) ఎన్నికల కోసం ఏర్పాట్లు కొనసాగుతున్నాయి. డిపో మేనేజర్‌ ఉష ఏర్పాట్లను పర్యవేక్షిస్తున్నారు. పోలింగ్‌కు మరికొద్ది గంటలే సమయం ఉండటంతో ఆయా సంఘాల నాయకులు విస్తృతంగా ప్రచారం నిర్వహిస్తున్నారు. ఎన్నికల్లో ఎంప్లాయీస్‌ యూనియన్‌ (ఈయూ), నేషనల్‌ మజ్దూర్‌ యూనియన్‌ (ఎన్‌ఎంయూ), తెలంగాణ మజ్దూర్‌ యూనియన్‌ (టీఎంయూ) కలిసి జేఏసీగా పోటీ చేస్తున్నాయి. మరో వైపు తెలంగాణ వర్కర్స్‌ యూనియన్‌ (టీడబ్ల్యూ యూ), స్టేట్‌ వర్కర్స్‌ యూనియన్‌ (ఎస్‌డబ్ల్యూ యూ) బరిలో నిలిచాయి. రెండు ఓట్లు.. తొమ్మిది గుర్తులు కార్మికులు ఎన్నికల్లో రెండు ఓట్లు వేయాల్సి ఉంటుంది. క్లాస్‌–3 స్టేట్‌ స్థాయికి ఒక ఓటు, రీజినల్‌ లెవల్‌ క్లాస్‌–6కు మరో ఓటు వేయాలి. మొత్తం తొమ్మిది గుర్తులను కేటాయించారు. బ్యాలెట్‌ పేపర్‌ ద్వారా ఎన్నికలు నిర్వహించనున్నారు. జనగామ డిపోలో మొత్తం 400 మంది కార్మికులకు ఓ టు హక్కు ఉంది. ఓ టర్లు తప్పనిసరిగా ఐడీ కార్డు చూపించి ఓటు వేయాల్సి ఉంటుంది. ఉదయం 5 నుంచి పోలింగ్‌ ఉదయం 5 గంటల నుంచి సాయంత్రం 6 గంటల వరకు పోలింగ్‌ నిర్వహించనున్నారు. సాయంత్రం 6.20 గంటలకు ఓట్ల లెక్కింపు ప్రారంభమవుతుంది. అయితే ఎన్నికల ఫలితాలను ఈ నెల 17న అధికారికంగా ప్రకటించనున్నారు. పోలింగ్‌ కేంద్రంలో ఆయా సంఘాలకు చెందిన ఏజెంట్లు ఉండి ప్రక్రియను పర్యవేక్షించనున్నారు. రిటర్నింగ్‌ అధికారి కుమారస్వామితో పాటు మరో నలుగురు ఎన్నికల సిబ్బంది విధులు నిర్వహించనున్నారు. డిపోలో సందడి ఆర్టీసీ గుర్తింపు ఎన్నికల నేపథ్యంలో డిపో ఆవరణ సందడిగా మారింది. నమూనా బ్యాలెట్‌ పత్రాలు, కండువాలతో కార్మిక సంఘాల నాయకుల హడావిడి కనిపించింది. సుదీర్ఘకాలం తర్వాత ఆర్టీసీలో ఎన్నికల సందడి నెలకొనడంతో కార్మికుల్లోనూ ఆస క్తి నెలకొంది. ప్రచారం తీరు స్థానిక సంస్థల ఎన్నికలను తలపించింది. ఎన్నికల నేపథ్యంలో సీఐ సత్యనారాయణరెడ్డి ఆధ్వర్యంలో డిపో ఆవరణలో భారీ బందోబస్తు ఏర్పాటు చేయనున్నారు. డిపోలో ఏర్పాట్లు పూర్తి నేడు పోలింగ్‌, సాయంత్రం లెక్కింపు ఈనెల 17న ఫలితాల ప్రకటన

జనగామ రూరల్‌: బీజేపీ ‘ఓట్‌ చోరీ’పై పోరాటం చేస్తున్న లోక్‌సభ ప్రతిపక్ష నేత రాహుల్‌ గాంధీ, ప్రియాంక గాంధీ, సీనియర్‌ నాయకులు, కూటమి ఎంపీలపై దౌర్జన్యంగా వ్యవహరించడం అమానుషమని, ఇది భారత ప్రజాస్వామ్యానికి బ్లాక్‌ డే అని డీసీసీ అధ్యక్షురాలు ధన్వంతి లక్ష్మీనారాయణ నాయక్‌ మండిపడ్డారు. గురువారం ఏఐసీసీ పిలుపు మేరకు జిల్లా కేంద్రంలోని కలెక్టరేట్‌ వద్ద నిరసన కార్యక్రమం నిర్వహించారు. అనంతరం బీజేపీ ప్రభుత్వం, జ్ఞానేశ్‌ కుమార్‌, మోదీ, అమిత్‌షా దిష్టిబొమ్మలను దహనం చేసి నిరసన తెలిపారు. ఈ సందర్భంగా వారు మాట్లాడుతూ.. ప్రజాస్వామ్య పరిరక్షణ కోసం కాంగ్రెస్‌ పార్టీ నిరంతరం పోరాడుతుందని, ఓటర్ల హక్కులను కాపాడేందుకు తమ పోరాటాన్ని కొనసాగిస్తామన్నారు. నిరసనలో వైటీడీఏ మెంబర్‌ డాక్టర్‌ లక్ష్మీ నారాయణ నాయక్‌, మాజీ మున్సిపల్‌ చైర్మన్‌ వేమళ్ళ సత్యనారాయణ రెడ్డి, మాజీ మార్కెట్‌ చైర్మన్‌ ఎర్రమల్ల సుధాకర్‌, డాక్టర్‌ రాజమౌళి, వేముల మల్లేష్‌, బడికే ఇందిరా, మైనార్టీ జిల్లా అధ్యక్షుడు మాజిద్‌ అప్సర్‌, జాయ మల్లేష్‌, సేవాదళ్‌ రాష్ట్ర ప్రధాన కార్యదర్శి సుంకరి శ్రీనివాస్‌ రెడ్డి, ఆర్టీఏ మెంబర్‌ అభి గౌడ్‌ తదితరులు పాల్గొన్నారు. డీసీసీ అధ్యక్షురాలు ధన్వంతి జ్ఞానేశ్‌ కుమార్‌, మోదీ, అమిత్‌ షా దిష్టిబొమ్మల దహనం

స్టేషన్‌ఘన్‌పూర్‌: విద్యార్థులు చదువుతో పాటు క్రీడల్లో రాణించాలని, క్రీడల ద్వారా దేహదారుఢ్యంతో పాటు మానసిక ఉల్లాసం కల్గుతుందని మున్సిపల్‌ కమిషనర్‌ రాధాకృష్ణ అన్నారు. డివిజన్‌కేంద్రంలో షూటింగ్‌బాల్‌ జూనియర్‌ బాల, బాలికల జిల్లాస్థాయి ఎంపిక పోటీలు గురువారం నిర్వహించారు. ఈ సందర్భంగా ముఖ్య అతిథిగా హాజరైన కమిషనర్‌ మాట్లాడారు..క్రీడలతో స్నేహభావం, నాయకత్వ లక్షణాలు పెంపొందుతాయన్నారు. షూటింగ్‌బాల్‌ అసోసియేషన్‌ జిల్లా ప్రధాన కార్యదర్శి అన్నెపు కుమార్‌ మాట్లాడుతూ.. ఎంపిక పోటీలకు బాలురు 60 మంది, బాలికలు 40 మంది వచ్చారని, వారిలో క్రీడాప్రతిభ ఆధారంగా ఎంపిక చేశామన్నారు. జిల్లాస్థాయిలో ఎంపికై న వారు ఈనెల 10 నుంచి 12వ తేదీవరకు మెదక్‌ జిల్లా తూఫ్రాన్‌లో జరిగే రాష్ట్రస్థాయి పోటీల్లో పాల్గొంటారని తెలి పారు. అసోసియేషన్‌ జిల్లా చైర్మన్‌ గద్దె అనీల్‌కుమార్‌, ఉపాధ్యక్షులు దేవ్‌సింగ్‌, సాంబరాజు, పీడీలు రవీందర్‌, అశోక్‌, సాంబన్న, రాజు, నరేశ్‌, రేణుక, మహాలక్ష్మీ తదితరులు పాల్గొన్నారు.

జిల్లా కేంద్ర ప్రభుత్వ ఉన్నత పాఠశాల విశ్రాంత ఉపాధ్యాయుడు సయ్యద్‌ హష్మత్తుల్లా హుస్సేన్‌ గీసిన బొమ్మ పెన్షనర్ల పరిస్థితికి అద్దం పడుతోంది. ఉచిత బస్సు ప్రయాణాలు, విద్యుత్‌, గ్యాస్‌ సిలిండర్ల వంటి సంక్షేమ పథకాలకు లేని ఆర్థిక భారం, రిటైర్డ్‌ ఉద్యోగులకు అందాల్సిన ఆర్థిక ప్రయోజనాల విషయంలో ఎందుకు వస్తోందని ఆయన ప్రశ్నించారు. గ్రాట్యూటీ, జీపీఎఫ్‌, లీవ్‌ శాలరీ, కమ్యూటేషన్‌, పీఆర్‌సీ 2023 వంటి కష్టపడి సంపాదించుకున్న చట్టబద్ధమైన బకాయిలను కాళ్ల కింద తొక్కిపెట్టడం ఎంతవరకు ధర్మమని ఈ కార్టూన్‌ ద్వారా ప్రశ్నించారు. ప్రభుత్వం ఇప్పటికై నా స్పందించి పెన్షనర్ల ఆవేదన తీర్చాలని, వారి హక్కులను న్యాయంగా పునరుద్ధరించాలని ఈ చిత్రం బలంగా కోరుతోంది. – జనగామ

జనగామ: విదేశాల్లో ఎంబీబీఎస్‌ పూర్తి చేసి, ఫారెన్‌న్‌ మెడికల్‌ గ్రాడ్యుయేట్స్‌ ఎగ్జామినేషన్‌ (ఎఫ్‌ఎంజీఈ)లో అర్హత సాధించి ప్రభుత్వ ఆస్పత్రుల్లో ఇంటర్న్‌షిప్‌ చేస్తున్న ఫారెన్‌ మెడికల్‌ గ్రాడ్యుయేట్స్‌ (ఎఫ్‌ఎంజీ) సమాన స్టైఫండ్‌ కోసం ఆందోళన బాట పట్టారు. జిల్లా ప్రభుత్వ జనరల్‌ ఆస్పత్రి ఆవరణలో గురువారం నిరసన తెలిపారు. దేశంలో ఎంబీబీఎస్‌ పూర్తి చేసిన ఇంటర్న్‌లతో సమానంగా విధులు నిర్వహిస్తున్న తమకు అదే స్థాయిలో స్టైఫండ్‌ ఇవ్వాలని డిమాండ్‌ చేశారు. అర్హత ఒకటే.. విధులు ఒకటే ఎన్‌న్‌ఎంసీ నిబంధనల ప్రకారం విదేశాల్లో వైద్య విద్య పూర్తి చేసిన అనంతరం ఎఫ్‌ఎంజీఈలో అర్హత సాధించి, అవసరమైన ప్రక్రియను పూర్తి చేసిన తర్వాతే ప్రభుత్వ ఆస్పత్రుల్లో క్లినికల్‌ ఇంటర్న్‌షిప్‌ చేస్తున్నామని ఎఫ్‌ఎంజీలు తెలిపారు. ఓపీ, వార్డులు, క్యాజువాలిటీ, ఎమర్జెన్సీ సేవలతో పాటు సర్జన్లకు సహకారం, రోగుల పర్యవేక్షణ వంటి విధులు నిర్వహిస్తున్నామన్నారు. ఉదయం 9 గంటల నుంచి మధ్యాహ్నం ఒంటి గంట వరకు సాధారణ విధులతో పాటు నెలలో ఐదు రోజులపాటు నైట్‌ డ్యూటీలతో కలిపి 28 గంటల ఎమర్జెన్సీ విధులు కూడా నిర్వహిస్తున్నామన్నారు. రూ.5 వేలతోనే సరిపెడుతున్నారు.. దేశంలో ఎంబీబీఎస్‌ పూర్తి చేసిన ఇంటర్న్‌లకు నెలకు రూ.29,792 స్టైఫండ్‌ అందుతుండగా, తమకు కేవలం రూ.5 వేలు మాత్రమే స్టైఫండ్‌ ఇస్తున్నారన్నారు. సమాన అర్హతలు కలిగి, సమానమైన వైద్య సేవలు అందిస్తున్నప్పుడు స్టైఫండ్‌లో వ్యత్యాసం చూపడం అన్యాయమంటున్నారు. రాష్ట్ర వ్యాప్తంగా 800 మంది జిల్లాలో 22 మంది ఎఫ్‌ఎంజీ ఇంటర్న్‌లు పనిచేస్తుండగా, రాష్ట్రవ్యా ప్తంగా సుమారు 800 మంది ఉన్నారు. దేశంలోని రాజస్థాన్‌న్‌, ఉత్తరప్రదేశ్‌, బీహార్‌, గుజరాత్‌, బెంగాల్‌ తదితర రాష్ట్రాల్లో విదేశాల్లో వైద్య విద్య పూర్తి చేసి అర్హత సాధించిన ఇంటర్న్‌లకు స్థానిక ఎంబీబీఎస్‌ ఇంటర్న్‌లతో సమానంగా స్టైఫండ్‌ అందుతున్నట్లు పేర్కొన్నారు. తెలంగాణలోనూ అదే విధానం అమలు చేయాలని కోరారు. ఇంటర్న్‌లకు మద్దతుగా కల్నల్‌ డాక్టర్‌ భిక్షపతి మాట్లాడుతూ.. ఎఫ్‌ఎంజీ విద్యార్థులు అడుగుతున్నది న్యాయమైన హక్కు అని, ఎంబీబీఎస్‌ విద్యకు కుటుంబాలు పెద్ద ఎత్తున ఆర్థిక భారాన్ని భరిస్తున్నాన్నారు. ఇలాంటి పరిస్థితుల్లో రోజుకు సుమారు రూ.160 స్టైఫండ్‌ ఇవ్వడం సరిపోదని, స్థానిక ఎంబీబీఎస్‌ ఇంటర్న్‌లతో సమానంగా చెల్లించాలని సూచించారు.సమాన స్టైఫండ్‌ కోసం రెండేళ్లుగా అధికారుల దృష్టికి సమస్యను తీసుకెళ్తున్నామని తెలిపారు. సెప్టెంబర్‌ 23న డీఎంఈకి వినతిపత్రంతో పాటు సంబంధిత పత్రాలను సమర్పించినా ఇప్పటి వరకు స్పష్టమైన పరిష్కారం చూపించడం లేదని ఆగ్రహం వ్యక్తం చేస్తున్నారు. దీంతో సమస్య పరిష్కారం కోసం దశల వారీగా ఆందోళన చేపట్టాలని నిర్ణయించుకున్నారు. ఈ నెల 8, 9, 10 తేదీల్లో ఓపీ సేవలకు దూరంగా ఉండాలని, 11, 12, 13 తేదీల్లో విధులకు పూర్తిగా గైర్హాజరు కావాలని నిర్ణయించినట్లు వెల్లడించారు. 14న హైదరాబాద్‌లోని డీఎంఈ కార్యాలయం ఎదుట శాంతియుత నిరసన చేపట్టి తదుపరి ఉద్యమ కార్యాచరణ ప్రకటిస్తామని తెలిపారు. జీజీహెచ్‌లో ఎఫ్‌ఎంజీ హౌస్‌ సర్జన్ల ఆందోళన నెలకు రూ.5 వేలతో సరిపెడుతున్నారని ఆవేదన ఎంబీబీఎస్‌ ఇంటర్న్‌లకు ఇస్తున్న రూ.29,792 చెల్లించాలని డిమాండ్‌అర్హతలు పూర్తి చేసి ప్రభుత్వ ఆస్పత్రుల్లో సమాన విధులు నిర్వహిస్తున్నప్పుడు స్టైఫండ్‌లో వ్యత్యాసం ఉండకూడదు. ప్రభుత్వం సమస్యను సానుకూలంగా పరిశీలించాలి. – డాక్టర్‌ పి.త్రిశూల్‌రెడ్డిఎఫ్‌ఎంజీ ఇంటర్న్‌లు వైద్య సేవల్లో కీలకంగా భాగస్వాములవుతున్నారు. వారి ఆర్థిక పరిస్థితులను పరిగణనలోకి తీసుకుని సమాన స్టైఫండ్‌ అందేలా చర్యలు తీసుకోవాలి. – డాక్టర్‌ పసుపులేటి మనోజ్ఞ

బచ్చన్నపేట: పాఠశాలలో విద్యార్థులకు మెరుగైన విద్యతో పాటు పాఠశాల పరిసరాలను కూడా పరి శుభ్రంగా ఉంచాలని కలెక్టర్‌ సందీప్‌ కుమార్‌ ఝా ఆగ్రహం వ్యక్తం చేశారు. గురువారం మండలంలో ని చిన్నరామన్‌చర్ల గ్రామంలోని మండల ప్రజాపరిషత్‌ పాఠశాలను ఆకస్మికంగా సందర్శించి విద్యార్థులకు అందుతున్న విద్యాబోధన, వసతులు, వంట గది, పరిసరాల పరిశుభ్రత తదితర అంశాలను పరిశీలించారు. అనంతరం విద్యార్థులతో మాట్లాడు తూ పాఠాలు ఎలా బోధిస్తున్నారని అడిగారు. యూనిఫామ్‌లు అందాయా అని ఆరా తీశారు. ఈవీఎం గోదాం పరిశీలన జనగామ రూరల్‌: ఎన్నికల సంఘం మార్గదర్శకాల ప్రకారం, నెలవారీ తనిఖీలో భాగంగా గురువారం కలెక్టరేట్‌లోని ఈవీఎం గోదాంను జిల్లా ఎన్నికల అధికారి, కలెక్టర్‌ సందీప్‌ కుమార్‌ ఝా సందర్శించి, పరిశీలించారు. భద్రతా నమోదు పుస్తకం, సీసీ కెమెరాల పనితీరు, మంటల నియంత్రణ పద్ధతుల ను పర్యవేక్షించారు. ఏసీ బెన్‌షాలోమ్‌ ఆర్డీఓ గోపీరాం, తహసీల్దార్‌ మహిపాల్‌ రెడ్డి, ఎన్ని కల విభాగం సూపరింటెండెంట్‌ శ్రీధర్‌ పాల్గొన్నారు. సిబ్బందిపై కలెక్టర్‌ ఆగ్రహం

● వాచ్‌మన్‌పై చర్యలకు ఏఎంసీ తీర్మానం జనగామ: జనగామ వ్యవసాయ మార్కెట్‌ కమిటీ (ఏఎంసీ)లో చైర్మన్‌ సంతకం లేకుండా సెప్టెంబర్‌ 2026కు సంబంధించిన చెక్కులను కేవలం సెక్రటరీ సంతకంతో పాలకవర్గంతో సంబంధం లేకుండా ఎస్‌టీఓ ద్వారా పాస్‌ చేయించిన వ్యవహారంపై ఏకగ్రీవ తీర్మానం చేసినట్లు ఏఎంసీ చైర్మన్‌ బనుక శివరాజ్‌ యాదవ్‌ తెలిపారు. ఏఎంసీ యార్డులోని నూతన కార్యాలయంలో బుధవారం పాలకవర్గం అత్యవసర సమావేశం నిర్వహించింది. ఈ సందర్భంగా చైర్మన్‌ శివరాజ్‌ యాదవ్‌ మాట్లాడుతూ..చైర్మన్‌ సంతకం లేకుండానే చెక్కులు పాస్‌ చేయించిన విషయం తెలుసుకుని సిబ్బందిని ప్రశ్నించినట్లు చెప్పారు. ఈ క్రమంలో చైర్మన్‌పై వాచ్‌మన్‌ ఐలయ్య దురుసుగా ప్రవర్తించాడని పాలకవర్గం మొత్తం గుర్తించిందన్నారు. దీనిపై పాలక వర్గం చర్చించిన అనంతరం వాచ్‌మన్‌ను సస్పెండ్‌ చేయాలని ఏకగ్రీవంగా నిర్ణయించిందన్నారు. సమావేశంలో ఏఎంసీ డైరెక్టర్లు నాగబండి రవీందర్‌, నీల మోహ న్‌, శ్రీలతరెడ్డి, బాష్మియా, నామాల శ్రీనివాస్‌, తోటకూరి రమేశ్‌, బన్సీ నాయక్‌, శీలం కొండల్‌రెడ్డి, పార్ష సిద్దేష్‌, బండ కుమార్‌ తదితరులు పాల్గొన్నారు. ఈ విషయమై ఐలయ్య మాట్లాడుతూ.. పై అధికారులు చెప్పిన మాట ప్రకారం విధులు నిర్వర్తించానని, ఇందులో తన తప్పు ఏమీ లేదని చెప్పారు. ఎలాంటి విచారణకై నా సిద్ధమన్నారు.

జనగామ రూరల్‌: సైబర్‌ నేరాలపై ప్రజలకు అవగాహన ఉండాలని డీసీపీ రాజామహేంద్ర నాయక్‌ సూచించారు. బుధవారం డీసీపీ కార్యాలయంలో తెలుగు, ఇంగ్లిష్‌ భాషల్లో రూపొందించిన సైబర్‌ జాగృతి దివస్‌ అవగాహన పోస్టర్లను ఆవిష్కరించారు. ఈసందర్భంగా వారు మాట్లాడుతూ..ప్రస్తుతం పెరుగుతున్న సైబర్‌ నేరాలు, ఆన్‌లైన్‌ మోసాలు, ఫిషింగ్‌ లింకులు, అనుమానాస్పద ఫోన్‌ కాల్స్‌ సందేశాలపై ప్రజలు అప్రమత్తంగా ఉండాలన్నారు. కార్యక్రమంలో ఏసీబీ భీంశర్మ, సీఐ సత్యనారాయణరెడ్డి తదితరులు పాల్గొన్నారు. సేవ సంకల్ప అభియాన్‌లో గడ్డం సమ్మయ్యదేవరుప్పుల: హైదరాబాద్‌లో బుధవారం నిర్వహించిన సేవ సంకల్ప అభియాన్‌ సేవాజ్యోతి యాత్ర కార్యక్రమానికి ముఖ్య అతిథిగా మండలంలోని అప్పిరెడ్డిపల్లెకు చెందిన ప్రముఖ చిందుయక్షగాన కళాకారుడు గడ్డం సమ్మయ్య హాజరయ్యారు. ఆ కార్యక్రమాన్ని సమ్మయ్య జ్యోతి ప్రజ్వలన చేసి ప్రారంభించారు. కార్యక్రమానికి ముఖ్య అతిథులుగా కేంద్రమంత్రి కిషన్‌రెడ్డి, బీజేపీ రాష్ట అధ్యక్షుడు రాంచందర్‌ రావు పాల్గొన్నారు.తండాల్లో విద్యుత్‌ పనులపై కేంద్ర బృందం తనిఖీపాలకుర్తి టౌన్‌: మండలంలోని కొండాపురం, పెద్దతండాలో బుధవారం పీఎం జుగ పథకం (ప్రధాన మంత్రి జాతీయ ఉన్నత్‌ గ్రామ్‌ అభియాన్‌) కింద చేపట్టిన విద్యుత్‌ పనులను పవర్‌ ఫైనాన్స్‌ కార్పొరేషన్‌ కేంద్ర ప్రభుత్వ ప్రతినిధులు పరిశీలించారు. ఆయా తండాల్లో ఏర్పాటు చేసిన ట్రాన్స్‌ఫార్మర్లు, విద్యుత్‌ స్తంభాలు, కరెంట్‌ మీటర్లను తనిఖీ చేసి పనుల పురోగతి ని పరిశీలించారు. విద్యుత్‌ సదుపాయాల కల్ప నతో తండాల్లో వెలుగులు నింపడంపై తండా వాసులు ఆనందం వ్యక్తం చేశారు. పథకం అమలు తీరును పరిశీలించిన కేంద్ర బృందం, విద్యుత్‌ మౌలిక వసతుల నాణ్యతను కూడా పరిశీలించింది. కార్యక్రమంలో ఎంఆర్‌టీ డీఈ కన్‌స్ట్రక్షన్‌ విజయ్‌కుమార్‌, ఏడీఈ స్వామిరెడ్డి, ఏఈ రమేశ్‌, విద్యుత్‌ సిబ్బంది పాల్గొన్నారు. దేశ సంక్షేమం కోసం ప్రధాని మోదీ కృషి జనగామ రూరల్‌: దేశ సంక్షేమం కోసం ప్రధాని నరేంద్ర మోదీ కృషి అనిర్వచనీయమని ఎస్సీ మోర్చా రాష్ట్ర అధ్యక్షుడు క్రాంతి కిరణ్‌ అన్నారు. బుధవారం ప్రధాని నరేంద్ర మోదీ ప్రధానమంత్రిగా 12 ఏళ్లు, ప్రజా జీవి తంలో 25 సంవత్సరాలు పూర్తి చేసుకున్న సందర్భంగా జిల్లా అధ్యక్షుడు సౌడ రమేశ్‌ ఆధ్వర్యంలో కామాక్షి ఫంక్షన్‌ హాల్‌లో వికసిత్‌ భారత్‌ సంకల్ప సభ నిర్వహించారు. నరేంద్ర మోదీ ప్రసంగం వీక్షించి అనంతరం నెహ్రూ పార్క్‌ నుంచి అంబేడ్కర్‌ చౌరస్తా వరకు సేవా జ్యోతి యాత్ర నిర్వహించారు. యాత్ర ప్రముఖ్‌ శ్రీనివాస్‌, రాష్ట్ర నాయకులు విద్యాసాగర్‌ రెడ్డి, రామ్మోహన్‌ రెడ్డి, శివరాజ్‌ యాదవ్‌, ఉడుకుల రమేశ్‌, దామోదర్‌ రెడ్డి, జిల్లా ప్రధాన కార్యదర్శి తోకల ఉమారాణి అంజిరెడ్డి, నవీన్‌ రెడ్డి, జిల్లా ఉపాధ్యక్షులు లక్ష్మారెడ్డి రంగు రాములు, పల్లె కుమార్‌, వివిధ మోర్చాల అధ్యక్షులు, మండల అధ్యక్షులు, కార్యకర్తలు పాల్గొన్నారు.

మడి దాటని నీరు!జనగామ: వర్షాభావ పరిస్థితులు, ఎల్‌నినో ప్రభావం నేపథ్యంలో జిల్లాలో భూగర్భ జలాల పరిస్థితి ఆందోళనకరంగా మారింది. ఇటీవల కురిసిన వర్షాలతో ఆగస్టుతో పోలిస్తే సెప్టెంబర్‌లో భూగర్భ జలమట్టం కొంత మెరుగుపడినప్పటికీ, గతేడాది సెప్టెంబర్‌తో పోలిస్తే మాత్రం నీటిమట్టాలు గణనీయంగా లోతుకు పడిపోయాయి. జిల్లాలోని 37 ఫీజోమీటర్లలో నమోదైన వివరాల ప్రకారం సెప్టెంబర్‌–2026లో జిల్లా సగటు భూగర్భ జలమట్టం 8.20 మీటర్ల లోతులో ఉంది. ఆగస్టులో 9.50 మీటర్లు ఉండగా, ఇటీవల కురిసిన వర్షాలతో 1.30 మీటర్లు నీటి మట్టంపైకి వచ్చినట్లు నమోదైంది. అయితే 2025 సెప్టెంబర్‌లో సగటు 4.79 మీ టర్లుగా ఉండటంతో, గతేడాదితో పోలిస్తే ప్రస్తుతం 3.41 మీటర్లు లోతుకు వెళ్లింది. అత్యల్పం..అత్యధికంగా లోతుకు జిల్లాలోనే స్టేషన్‌ఘన్‌పూర్‌ మండలంలోని నమిలిగొండ 1.48 మీటర్ల పైకి అత్యంత మెరుగైన స్థానంలో నిలవగా, జనగామ మండలంలోని సిద్దంకిలో 14.68 మీటర్ల లోతుకు పడిపోయాయి. జఫర్‌గఢ్‌ మండలంలోని సూరారం 13.85, రఘునాథపల్లి మండలంలోని గబ్బెటలో 13.19 మీటర్ల లోతులో భూగర్భజలాలు ప్రమాదకర స్థాయికి చేరుకున్నాయి. సాగుకు నీటి కొరత.. రైతుల్లో ఆందోళన జిల్లాలో వానాకాలంలో వరి, పత్తి, మొక్కజొన్న తదితర పంటలు కలిపి సుమారు 3.50 లక్షల ఎకరాల్లో సాగు చేశారు. వర్షాలు ఆలస్యంగా, తక్కువగా కురవడంతో ఇప్పటికే బోర్లు, బావులపై ఆధారపడిన రైతులు ఇబ్బందులు పడుతున్నారు. కొన్ని ప్రాంతాల్లో 800 నుంచి 1,000 అడుగుల వరకు బోర్లు వేసినా ఆశించిన స్థాయిలో నీరు లభించని పరిస్థితి ఉందని రైతులు చెబుతున్నారు. దీంతో ఉన్న బోర్ల నుంచి కిలోమీటర్ల మేర పైపులు వేసి మడికి మడి నీటిని అందిస్తున్నారు. ఇప్పటికే కొన్ని ప్రాంతాల్లో వరి పొలాలు ఎండిపోగా, పత్తిలోనూ దిగుబడి తగ్గే పరిస్థితి నెలకొంది. సాధారణంగా పత్తి కొమ్మకు 30–40 కాయలు ఉండాల్సి ఉండగా, ప్రస్తుతం 20 కాయలు కూడా కనిపించని పరిస్థితి ఉందని రైతులు ఆవేదన వ్యక్తం చేస్తున్నారు. మొక్కజొన్న పంటపైనా నీటి కొరత ప్రభావం పడుతోంది. వర్షాలు మరింతగా కురిసి భూగర్భ జలాలు రీచార్జ్‌ అయితేనే మిగిలిన పంటలకు ఊరట లభించే అవకాశం ఉంది. తడారి పోతున్న పంటలు పంటను కాపాడుకునేందుకు కష్టాలు మడి మడికి పైపులు పెట్టి పారకం ఇటీవల వర్షాలతో ఉపశమనం పాక్షికమే జిల్లా సగటు నీటిమట్టం 8.20 మీటర్లు గతేడాదితో పోలిస్తే 3.41 మీటర్లు లోతుకుబచ్చన్నపేట (పడమటి కేశ్వాపూర్‌) 12.01 చిల్పూరు (కిష్టాజిగూడెం) 6.60 దేవరుప్పుల (మాధవాపురం) 10.76 స్టేషన్‌ఘన్‌పూర్‌ (చాగల్‌) 11.94 జనగామ (సిద్దెంకి) 14.68 కొడకండ్ల 10.47 లింగాల ఘణపురం (జీడికల్‌) 9.45 నర్మెట (మచ్చుపహాడ్‌) 7.65 రఘునాథపల్లి (గబ్బెట) 13.19 పాలకుర్తి (వల్మిడి) 11.58 తరిగొప్పుల (అక్కరాజుపల్లి) 13.02 జఫర్‌గఢ్‌ (సూరారం) 13.85

నాలుగు ఎకరాల్లో వరి, పత్తి పంట సాగు చేసిన. పంటల పెట్టుబడికి రూ.50 వేలకు పైగా ఖర్చు చేసిన. ఎల్‌నినోతో పంటలపై తీవ్ర ప్రభావం ఉంది. భూగర్భ జలాలు పడిపోవడంతో బోర్లు గ్యాప్‌ ఇచ్చి పోస్తున్నాయి.. వరి పొట్ట దశలో ఉంది. కోతకు మరో నెల రోజుల సమయం ఉంది. ఇప్పుడు నీరందకపోతే దిగుబడి తగ్గుతుంది. పైపుల ద్వారా మడులకు తడి అందించే ప్రయత్నం చేసినా ఫలితం కనిపిండం లేదు. – ఎం.రాజు, రైతు, ఓబులాపూర్‌, జఫర్‌గఢ్‌●రెండు ఎకరాల్లో వరి సాగు చేసిన. రెండు బోర్ల ద్వారా పొలానికి తడి అందిస్తున్నా.. సాగునీరు అందడం లేదు. తెల్లవారుజాము నుంచి రాత్రి పొద్దు పోయే వరకు పొలం వద్దనే ఉంటూ పైపులను మారుస్తూ మడులకు నీరు పారిస్తున్నా. బోర్లు గ్యాప్‌ ఇస్తుండడంతో పొట్టదశలో ఉన్న వరి పంటను కాపాడుకునేందుకు రెక్కలు ముక్కలు చేసుకుంటున్నం. – కామిడి లక్ష్మారెడ్డి, రైతు, బచ్చన్నపేట

వరంగల్‌–1 472రీజినల్‌ మేనేజర్‌ 50హన్మకొండ: టీజీఎస్‌ ఆర్టీసీ గుర్తింపు ఎన్నికలకు వరంగల్‌ రీజియన్‌ పరిధిలో కార్మికశాఖ అన్ని ఏర్పాట్లు చేసింది. 9న ఉదయం 5నుంచి సాయంత్రం 6 గంటల వరకు పోలింగ్‌ జరగనుంది. మొత్తం 3,042 మంది కార్మికులు ఓటు హక్కు వినియోగించుకోనున్నారు. ఇప్పటికే డిపోల వారీగా, రీజినల్‌ మేనేజర్‌ కార్యాలయంలో పోలింగ్‌ బూత్‌లు గుర్తించారు. ప్రిసైడింగ్‌, అసిస్టెంట్‌ ప్రిసైడింగ్‌ అధికారులు, సిబ్బందిని నియమించారు. బ్యాలెట్స్‌ బాక్స్‌లు సమకూర్చుకోవడంతో పాటు బ్యాలెట్‌ పేపర్‌లు సిద్ధం చేశారు. నేడు (గురువారం) హనుమకొండలోని జిల్లా కార్యాలయాల భవన సముదాయంలోని కార్మిక శాఖ కార్యాలయంలో సిబ్బందికి పోలింగ్‌ మెటీరియల్‌ పంపిణీ చేయనున్నారు. పోలింగ్‌ పర్యవేక్షకులుగా అసిస్టెంట్‌ లేబర్‌ కమిషనర్లు మహబూబాబాద్‌ అసిస్టెంట్‌ లేబర్‌ కమిషనర్‌ వెంకట్‌రెడ్డి మహబూబాబాద్‌, భూపాలపల్లి, తొర్రూరు డిపోల్లోని పోలింగ్‌ స్టేషన్‌లను, వరంగల్‌ అసిస్టెంట్‌ లేబర్‌ కమిషనర్‌ భార్గవ్‌ వరంగల్‌–1, వరంగల్‌–2 హనుమకొండ, ఆర్‌ఎం ఆఫీస్‌, జనగామ, పరకాల, నర్సపేట, పరకాల డిపోల్లోని పోలింగ్‌ స్టేషన్‌లను పర్యవేక్షిస్తారు. ప్రతీ ఓటరుకు రెండు ఓట్లు.. ● ప్రతీ ఓటరు (కార్మికుడు) రెండు ఓట్లు వేయాలి. క్లాస్‌–3 (రాష్ట్ర), క్లాస్‌–6 (రీజియన్‌)కు వేర్వేరుగా ఓట్లు వేయాల్సి ఉంటుంది. ● డ్యూటీలో ఉండి 9న పోలింగ్‌లో పాల్గొనే అవకాశం లేని కార్మికులకు ఈ నెల 15, 16 తేదీల్లో పోస్టల్‌ బ్యాలెట్‌కు అవకాశం కల్పించారు. ● పోలింగ్‌ కోసం మొత్తం 39 మంది సిబ్బందిని నియమించారు. ఇందులో 10 మంది ప్రిసైడింగ్‌ అధికారులుండగా, మిగతా వారిలో అసిస్టెంట్‌ ప్రిసైడింగ్‌ అఫీసర్‌, ఎన్నికల సిబ్బంది ఉన్నారు. ● పోలింగ్‌ అనంతరం కౌంటింగ్‌ నిర్వహిస్తారు. కానీ, ఫలితాలు అధికారికంగా విడుదల చేయరు. ● పోస్టల్‌ బ్యాలెట్‌ను ఈ నెల 15, 16 తేదీల్లో ఉదయం 10 నుంచి మధ్యాహ్నం 2 గంటల వరకు డిపోలో కేటాయించిన బాక్స్‌లో వేయాలి. ● వీటిని ఈ నెల 16న మధ్యాహ్నం 2 గంటల తర్వాత కౌంటింగ్‌ చేస్తారు. తుది ఫలితాలు 17న ప్రకటిస్తారు. ముగిసిన ఎన్నికల ప్రచారం... టీజీఎస్‌ ఆర్టీసీ గుర్తింపు ఎన్నికల ప్రచారం బుధవారంతో ముగిసింది. ఈ నెల 18న కార్మిక శాఖ గుర్తింపు ఎన్నికల షెడ్యూల్‌ విడుదల చేసింది. అప్పటినుంచి యూనియన్‌లు ఎన్నికల ప్రచారం చేపట్టాయి. కార్మిక యూనియన్‌ ప్రధాన సంఘాలతోపాటు ఆయా పార్టీల నాయకులు, ప్రజా ప్రతినిధులు, కార్మిక సంఘాల రాష్ట్ర, రీజియన్‌ నాయకులు డిపోల వారీగా ప్రచారం నిర్వహించారు. గెలుపుకోసం సర్వశక్తులు ఒడ్డారు. చివరగా ఈ నెల 6న తెలంగాణ ఆర్టీసీ వర్కర్స్‌ యూనియన్‌, ఎస్‌డబ్ల్యూఎఫ్‌ ఐక్య కూటమి బహిరంగ సభ నిర్వహించగా, ఎంప్లాయీస్‌ యూనియన్‌, ఎన్‌ఎంయూ, టీఎంయూ ఐక్య కూటమి బుధవారం బహిరంగ సభ నిర్వహించింది. కార్మికులకు ఏమేమి చేస్తామో వివరించాయి. వరంగల్‌ రీజియన్‌లో రెండు ఐక్య కూటమిల మధ్య ముఖాముఖి పోటీ నెలకొనగా ఓటర్ల మద్దతు పొందేందుకు తీవ్రంగా శ్రమించాయి. విజయంపై ఎవరికివారు ధీమాతో ఉన్నారు. వరంగల్‌–2 258హనుమకొండ 557జనగామ 400242పరకాలమహబూబాబాద్‌ 280 నర్సంపేట 219 9న ఉదయం 5నుంచి సాయంత్రం 6 గంటల వరకు పోలింగ్‌ అనంతరం కౌంటింగ్‌ ఈ నెల 15, 16న పోస్టల్‌ బ్యాలెట్‌ క్లాస్‌–3కి వైట్‌ పేపర్‌ బ్యాలెట్‌ క్లాస్‌–6కు లైట్‌ గ్రీన్‌ బ్యాలెట్‌ 17న తుది ఫలితాల ప్రకటన

జనగామ: జిల్లా కేంద్రంలో గుడాల ఫ్యామిలీ ఫౌండేషన్‌ ఆధ్వర్యంలో నిర్వహిస్తున్న ఏఐ సఖి కార్యక్రమంలో భాగంగా బుధవారం 30 మంది మహిళలకు ఆర్టిఫిషియల్‌ ఇంటెలిజెన్స్‌ (ఏఐ), వివిధ అప్లికేషన్ల వినియోగంపై శిక్షణ ఇచ్చారు. రెండు రోజుల పాటు జరిగే కార్యక్రమంలో భాగంగా మహిళలకు చిరు వ్యాపారాల అభివృద్ధి, వ్యాపారాలను డిజిటల్‌గా ప్రమోట్‌ చేసుకునే విధానాలపై అవగాహన కల్పించారు. హైదరాబాద్‌కు చెందిన ఏఐ స్టార్టప్‌ స్టైకరో ప్రైవేట్‌ లిమిటెడ్‌ ప్రతినిధులు, సంస్థ ఫౌండర్‌ మురారి దుండ్రా, ఏఐ ట్రైనర్‌ బాలాజీ శిక్షణ ఇచ్చారు. ముగింపు కార్యక్రమంలో ఉత్తమ ప్రతిభ కనబరిచిన వారికి బెస్ట్‌ ఏఐ సఖి అవార్డులు అందజేయనున్నట్లు నిర్వాహకులు కాసాల సంతోష్‌ కుమార్‌ తెలిపారు. ఫౌండేషన్‌ చైర్మన్‌ గుడాల శ్రీనివాస్‌, గుడాల వేణు శ్రీధర్‌ ఉన్నారు.

జనగామ: పట్టభద్రులు ఓటు హక్కును నమోదు చేసుకుని ప్రజా సమస్యలపై ప్రభుత్వాన్ని ప్రశ్నించే గొంతుకగా నిలవాలని ఎమ్మెల్యే డాక్టర్‌ పల్లా రాజేశ్వర్‌ రెడ్డి పిలుపు. బుధవారం మండలంలోని యశ్వంతాపూర్‌ బీఆర్‌ఎస్‌ జిల్లా పార్టీ కార్యాలయంలో నిర్వహించిన ఎమ్మెల్సీ పట్టభద్రుల ఓటర్ల నమోదు ప్రత్యేక సమావేశంలో ఆయన మాట్లాడా రు. గతంలో ప్రతీ నియోజకవర్గంలో 10 వేల నుంచి 15 వేల వరకు గ్రాడ్యుయేట్‌ ఓటర్లు నమోదయ్యారని, ప్రతీ గ్రామానికి ఒకరు లేదా ఇద్దరు ఇన్‌చార్జ్‌లను నియమించి నమోదు ప్రక్రియను వేగవంతం చేయాలని సూచించారు. బీఆర్‌ఎస్‌ ప్రభుత్వ హయాంలో 1.60 లక్షల ఉద్యోగాలు భర్తీ చేశామని, పోలీస్‌ శాఖలో 60 వేలు, సింగరేణిలో 14 వేల ఉద్యోగాలు కల్పించామని పేర్కొన్నారు. ప్రస్తుత ప్రభుత్వం ఇప్పటివరకు 12 వేల ఉద్యోగాలు మాత్రమే ఇచ్చిందని విమర్శించారు. ఓటరుగా నమోదు చేసుకోవాలి.. వరంగల్‌–ఖమ్మం–నల్గొండ పట్టభద్రుల ఎమ్మెల్సీ ఎన్నికల్లో అర్హులైన ప్రతీ గ్రాడ్యుయేట్‌ ఓటరుగా నమోదు చేసుకోవాలని మాజీ మంత్రి ఎర్రబెల్లి దయాకర్‌ రావు పిలుపునిచ్చారు. కాంగ్రెస్‌ ప్రభుత్వం 2 లక్షల ఉద్యోగాలు, జాబ్‌ క్యాలెండర్‌ పేరుతో నిరుద్యోగులను మోసం చేసిందని ఆరోపించారు. కాంగ్రెస్‌ వైఫల్యాలను ప్రజల్లోకి తీసుకెళ్లి ఎమ్మెల్సీ ఎన్నికల్లో బీఆర్‌ఎస్‌ అభ్యర్థి విజయానికి కృషి చేయాలని పిలుపునిచ్చారు. మాజీ ఎమ్మెల్యే రాజయ్య, రాకేశ్‌ రెడ్డి తదితరులు పాల్గొన్నారు. పట్టభద్రులకు ఎమ్మెల్యే పల్లా రాజేశ్వర్‌రెడ్డి పిలుపు

జనగామ: కంటి చూపు మనిషికి ఓ వరం.. రోజువారీ జీవితంలో సెల్‌ఫోన్‌, కంప్యూటర్‌, టీవీ వినియోగం పెరగడం, మారుతున్న జీవనశైలి, మధుమేహం, రక్తపోటు వంటి సమస్యల కారణంగా కంటి ఆరోగ్యంపై ప్రభావం పడుతోంది. మరోవైపు చిన్నారుల్లోనూ దృష్టి లోపాలు గుర్తించబడుతున్నాయి. ఈ నేపథ్యంలో ప్రతి ఒక్కరూ కంటి ఆరోగ్యంపై ప్రత్యేక శ్రద్ధ చూపాల్సిన అవసరం ఉంది. కంటి ఆరోగ్యంపై ప్రభుత్వం జనరల్‌ ఆస్పత్రి నేత్ర వైద్య నిపుణులు అవగాహన కల్పిస్తున్నా రు. ఈనెల 8న (గురువారం) ప్రపంచ దృష్టి దినో త్సవాన్ని నిర్వహిస్తున్నారు. స్క్రీన్‌ టైమ్‌తో సమస్యలు మొబైల్‌ ఫోన్లు, కంప్యూటర్లు, ఇతర డిజిటల్‌ పరికరాలను ఎక్కువసేపు చూడటం వల్ల కళ్లు పొడిబారడం, మంట, దురద, నీరు కారడం, తలనొప్పి, తాత్కాలికంగా చూపు మసకబారడం వంటి సమస్యలు ఎదురయ్యే అవకాశం ఉంది. ముఖ్యంగా చిన్నారులు, విద్యార్థులు స్క్రీన్‌కు ఎక్కువ సమ యం కేటాయించకుండా తల్లిదండ్రులు పర్యవేక్షించాల్సిన అవసరం ఉంది. మధుమేహంతో.. మధుమేహం ఉన్నవారిలో కంటి వెనుక భాగంలోని రెటీనాపై ప్రభావం పడే అవకాశం ఉంటుంది. ప్రారంభ దశలో ఎలాంటి లక్షణాలు కనిపించకపోవచ్చు. అందువల్ల మధుమేహ బాధితులు చూపు బాగానే ఉందని నిర్లక్ష్యం చేయకుండా వైద్యుల సూచన మేరకు క్రమం తప్పకుండా కంటి పరీక్షలు చేయించుకోవాలి. కంటి ఒత్తిడి, కంటి శుక్లాలు, రెటీనా సంబంధిత వ్యాధులను సైతం ముందుగానే గుర్తిస్తే చికిత్సతో చూపును కాపాడుకునే అవకాశాలు మెరుగుపడతాయి. చిన్నారుల విషయంలో అప్రమత్తత పిల్లలు పుస్తకం లేదా మొబైల్‌ను కళ్లకు దగ్గరగా పెట్టుకోవడం, తరచూ కళ్లను రుద్దడం, టీవీని దగ్గరగా చూడడం, తరగతి గదిలో బోర్డుపై అక్షరాలు కనిపించకపోవడం వంటి లక్షణాలను తల్లిదండ్రులు గమనించాలి. పాఠశాల స్థాయిలో కంటి పరీక్షలు నిర్వహించి దృష్టి లోపాలను తొలిదశలో గుర్తిస్తే చదువులో వెనుకబడకుండా చూడవచ్చు. నిర్దిష్ట వ్యవధిలో కంటి పరీక్షలు చేయించుకోవాలి. మొబైల్‌, కంప్యూటర్‌ వినియోగంలో మధ్యమధ్యలో కళ్లకు విశ్రాంతి ఇవ్వాలి. పౌష్టికాహారం తీసుకోవాలి. కళ్లను మురికి చేతులతో రుద్దకూడదు. వైద్యుల సూచన లేకుండా కంటి చుక్కలు వాడకూడదు. మధుమేహం, రక్తపోటు ఉన్నవారు కంటి పరీక్షలను నిర్లక్ష్యం చేయకూడదు. డిజిటల్‌ స్క్రీన్‌ చూస్తున్నప్పుడు ప్రతి 20 నిమిషాలకు ఒకసారి 20 అడుగుల దూరంలోని వస్తువును 20 సెకన్ల పాటు చూడాలి. కంప్యూటర్‌ స్క్రీన్‌ను కంటి స్థాయి కంటే 15–20 డిగ్రీలు దిగువగా, 50 నుండి 70 సెంటీమీటర్ల దూరంలో అమర్చుకోవాలి. గదిలో వెలుతురు సరిగ్గా ఉండేలా చూసుకో వాలి. స్క్రీన్‌ గ్లేర్‌ను తగ్గించే ఫిల్టర్లు వాడాలి. వైద్యులు సూచించిన కళ్లద్దాలను క్రమం తప్పకుండా వాడాలి. సరైన దృష్టి సామర్థ్యం పనిలో ఉత్పాదకతను 22శాతం పెంచుతుంది. కంటి ఆరోగ్యంపై నిర్లక్ష్యం వీడాలి స్క్రీన్‌ టైమ్‌ తగ్గించుకుంటేనే ‘చూపు’ పదిలం ముందస్తు పరీక్షలతోనే రక్షణ నేడు ప్రపంచ దృష్టి దినోత్సవంకంటి సంబంధిత అనేక వ్యాధులను ప్రారంభ దశలో గుర్తించి చికిత్స అందిస్తే చూపును కాపాడుకోవచ్చు. అయితే గ్రామీణ ప్రాంతాల్లో కంటి సమస్యలను చిన్నవిగా భావించి వైద్యులను సంప్రదించకపోవడం, అద్దాల అవసరం ఉన్నా వినియోగించకపోవడం వంటి కారణాలతో సమస్యలు తీవ్రమయ్యే అవకాశం ఉంది. చూపు ఉన్నంత వరకు దాని విలువ తెలియకపోవచ్చు. చూపు పోయిన తర్వాత దాని ప్రాధాన్యం తెలుస్తుంది. అందుకే కంటి ఆరోగ్యాన్ని నిర్లక్ష్యం చేయకుండా ముందస్తు పరీక్షలు, సరైన జీవనశైలితో చూపును కాపాడుకోవడం ప్రతి ఒక్కరి బాధ్యత. – డాక్టర్‌ రాజు, కంటి వైద్య నిపుణులు, ప్రభుత్వ జనరల్‌ ఆస్పత్రి, జనగామ

లింగాలఘణపురం: ‘కంటి చూపు ఎలా ఉందమ్మా..? కంటిపై పొర ఏర్పడినట్లు ఉంది..మంచిగా కనిపిస్తుందా..’ అంటూ మండలంలోని వడిచర్ల పాఠశాలలో పనిచేసే స్కావెంజర్‌ జోగు ఎల్లమ్మను కలెక్టర్‌ సందీప్‌కుమార్‌ ఝా అడిగి తెలుసుకున్నారు. మంగళవారం పాఠశాలను ఆకస్మిక తని ఖీ చేశారు. ఈ సందర్భంగా విద్యార్థుల సంఖ్య, తరగతి గదుల పరిశీలన, మధ్యాహ్న భోజన సరకుల నాణ్యత, ఉపాధ్యాయుల బోధన, విద్యార్థుల అభ్యసన సామర్థ్యం తెలుసుకున్నారు. అనంతరం పాఠశాలలో రోజువారీ వేతనంతో పని చేసే ఎల్లమ్మ ఆరోగ్య పరిస్థితిని తెలుసుకున్నారు. పాఠశాలలో కుర్చీలు తక్కువగా ఉన్నాయని దృష్టికి తేగా 15 బెంచీలు తెప్పిస్తానని చెప్పారు. ఎంఈఓ విష్ణుమూర్తికి చెప్పడంతో నేలపోగులలో అదనంగా ఉన్న బెంచీల ను తెప్పించారు. కలెక్టర్‌తో పాటు సర్పంచ్‌ కార్తీక్‌, హెడ్మాస్టర్‌ సరిత, ఉపాధ్యాయులు ఉన్నారు. వృద్ధురాలిని ఆరా తీసిన కలెక్టర్‌

జనగామ: ప్రజాస్వామ్య పరిరక్షణ, ఓటు హక్కు రక్షణ, ఎన్నికల ప్రక్రియలో పారదర్శకత కోసం ఐక్యంగా పోరాడాలని ఏఐసీసీ జనరల్‌ సెక్రటరీ, టీపీసీసీ ఇన్‌చార్జ్‌ సచిన్‌ సావంత్‌ పిలుపునిచ్చారు. ‘సేవ్‌ డెమోక్రసీ వీక్‌–వోట్‌ బచావో, దేశ్‌ బచావో’ కార్యక్రమాల్లో భాగంగా మంగళవారం జిల్లా కేంద్రంలో ఇండియా కూటమి ఆధ్వర్యంలో భారీ ర్యా లీ నిర్వహించారు. రైల్వేస్టేషన్‌ నుంచి ప్రారంభమైన ర్యాలీ బస్టాండ్‌ చౌరస్తాలోని అంబేడ్కర్‌ విగ్రహం వరకు సాగింది. అనంతరం నాయకులు కలెక్టర్‌ కార్యాలయానికి చేరుకుని తమ డిమాండ్లతో కూడి న వినతిపత్రాన్ని కలెక్టర్‌ సందీప్‌ కుమార్‌ ఝాకు అందజేశారు. జనగామ నియోజకవర్గ ఇన్‌చార్జ్‌ కొమ్మూరి ప్రతాప్‌రెడ్డి, వైటీడీఏ మెంబర్‌, టీపీసీసీ సభ్యుడు డాక్టర్‌ లక్ష్మీనారాయణ నాయక్‌, ఎస్‌ఎస్‌ఏ రాష్ట్ర చైర్మన్‌ గంప వేణుగోపాల్‌, స్టేషన్‌ ఘన్‌పూర్‌ ఎస్‌ఐఆర్‌ ఇన్‌చార్జి దుద్ధిళ్ల శ్రీనుబాబు, జనగామ మున్సిపల్‌ చైర్‌పర్సన్‌ కడకంచి బాలమణి శ్రీనివాస్‌, సీపీఐ(ఎం), సీపీఐ(ఎంఎల్‌) లిబరేషన్‌, సీపీఐ, టీజేఎస్‌, సమాజ్‌వాదీ పార్టీ భాగస్వామ్య పక్షాల నాయకులు, కార్యకర్తలతో కలిసి సచిన్‌ సావంత్‌ మాట్లాడుతూ.. ప్రధాని మోదీ నేతృత్వంలోని కేంద్ర ప్రభుత్వం ఓటు చోరీకి పాల్పడుతున్నారనే ఆరోపణలు వస్తున్నాయని, ఓటు హక్కు విషయంలో ఎలాంటి అనుమానాలకు తావులేకుండా ఎన్నికల ప్రక్రియ పారదర్శకంగా ఉండాలని డి మాండ్‌ చేశారు. నియోజకవర్గ ఇన్‌చార్జి కొమ్మూరి ప్రతాప్‌రెడ్డి మాట్లాడుతూ.. ఓటు హక్కును కాపాడేందుకు ప్రతి ఒక్కరూ ముందుకు రావాలని పిలుపునిచ్చారు. రాష్ట్ర కార్యవర్గ సభ్యుడు, జిల్లా ఇన్‌చార్జ్‌ ఎండీ అబ్బాస్‌ మాట్లాడుతూ..సీఈసీ జ్ఞానేశ్‌కుమార్‌ చేసిన తప్పిదాలకు ప్రజల ఓట్లు తొలగించే పరిస్థితి రావడం దారుణమన్నారు. డీసీసీ అధ్యక్షురాలు ధన్వంతి లక్ష్మీనారాయణ మాట్లాడుతూ.. ఓటు చోరీ ఆరోపణలపై బీజేపీ ప్రభుత్వం ప్రజ లకు సమాధానం చెప్పాలని డిమాండ్‌ చేశారు. ీకార్యక్రమంలో సీపీఐ నేత సాయన్న, నాయకులు లింగాల జగదీష్‌ చంద్రరెడ్డి, మోకు కనకారెడ్డి, కొత్త కరుణాకర్‌రెడ్డి, నూకల బాల్‌రెడ్డి, వేమల్ల సత్యనారాయణరెడ్డి, వేముల మల్లేష్‌, ఇందిర, మాజిద్‌ అప్సర్‌, దోర్నాల వెంకటేశ్వర్లు, సిద్ధారెడ్డి, మేడ శ్రీనివాస్‌, బెలిదె వెంకన్న, మోకు కనకారెడ్డి, రాపర్తి రాజు, అహల్య, బొట్ల శేఖర్‌, సింగారపు రమేష్‌, ప్రకాష్‌, గోపి, విజయేందర్‌, రమేశ్‌ పాల్గొన్నారు. ఏఐసీసీ జనరల్‌ సెక్రటరీ సచిన్‌ సావంత్‌ ఇండియా కూటమి ఆధ్వర్యంలో భారీ ర్యాలీ కలెక్టర్‌కు వినతిపత్రం అందజేత

స్టేషన్‌ఘన్‌పూర్‌: ఘన్‌పూర్‌ మున్సిపల్‌ కార్యాలయంలో మంగళవారం నిర్వహించిన అత్యవసర మున్సిపల్‌ కౌన్సిల్‌ సమావేశం రసాభాసగా, వాడీవేడిగా జరిగింది. మున్సిపాలిటీ పరిఽధిలో బతుకమ్మ, విజయదశమి పండుగ ఏర్పాట్ల గురించి కమిషనర్‌ రాధాకృష్ణ అధ్యక్షతన నిర్వహించిన సమావేశం ఆద్యంతం రసాభాసగా కొనసాగింది. అధికార కాంగ్రెస్‌ పార్టీకి చెందిన 18వ వార్డు కౌన్సిలర్‌ పొన్న రవితో పాటు బీఆర్‌ఎస్‌ పార్టీకి చెందిన బూర్ల రాజేశ్వర్‌, పొన్న రాజేష్‌, తాటికొండ మధు, బాలగాని అనీల్‌ పలు అంశాలపై కమిషనర్‌ను, చైర్మన్‌ను నిలదీశారు. మున్సిపల్‌ సిబ్బందిని కమిషనర్‌, చైర్మన్‌ తమ వాహనాలకు డ్రైవర్లుగా నియమించుకోవడంపై ప్రశ్నించారు. ఇప్పటికే సి బ్బంది తక్కువగా ఉండగా, ఉన్న సిబ్బందిని డ్రైవర్లుగా ఎలా నియమించుకుంటారని నిలదీశారు. బీఆర్‌ఎస్‌ కౌన్సిలర్లు మాట్లాడుతూ.. ఇటీవల జరి గిన వినాయకచవితి, బోనాలు తదితర పండుగల సమయంలో అత్యవసర సమావేశాలు నిర్వహించకుండా ప్రస్తుతం బతుకమ్మ, దసరా పండుగకు సమావేశం నిర్వహించడంలో ఆంతర్యమేమిటన్నా రు. ప్రతీ నెలా మున్సిపల్‌ కౌన్సిల్‌ సమావేశం నిర్వహించాలని, మూడు నెలలకు ఒకసారి జనరల్‌ బా డీ మీటింగ్‌ నిర్వహించాలనే నిబంధనలు ఉన్నప్పటికీ ఎందుకు సమావేశాలు ఏర్పాటు చేయడం లేద ని ప్రశ్నించారు. కలెక్టర్‌ ఆదేశిస్తేనే సమావేశాలు ఏర్పాటు చేస్తారా అంటూ మండిపడ్డారు. ఒక దశలో బీఆర్‌ఎస్‌ కౌన్సిలర్‌ రాజేశ్వర్‌ మాట్లాడుతుండగా కౌన్సిలర్‌ బెదిరిస్తున్నారా అంటూ మాట్లాడటంతో వాగ్వాదం జరిగింది. బీఆర్‌ఎస్‌ కౌన్సిలర్లకు ఎలాంటి సమాచారం ఇవ్వడం లేదని, సరైన ప్రోటోకాల్‌ పాటించడం లేదని మండిపడ్డారు. అభివృద్ధికి అందరూ సహకరించాలి అన్ని వార్డుల అభివృద్ధిక ప్రత్యేక చొరవతో పనిచేస్తానని, పార్టీలకు అతీతంగా అందరూ సహకరించాలని మున్సిపల్‌ చైర్మన్‌ వినయ్‌కుమార్‌ అన్నారు. మున్సిపాలిటీ పరిధిలోని స్టేషన్‌ఘన్‌పూర్‌, శివునిపల్లి, ఛాగల్లు గ్రామాల్లో దసరా పండుగకు సజావుగా ఏర్పాట్లు చేసేలా కృషి చేస్తానన్నారు. కార్యక్రమంలో మున్సిపల్‌ వైస్‌ చైర్మన్‌ నీల రాజమ్మగట్టయ్య, ఏఈ అనీల్‌, మేనేజర్‌ సత్యనారాయణ, కౌన్సిలర్లు, కోఆప్షన్‌ సభ్యులు, అధికారులు పాల్గొన్నారు. అత్యవసర సమావేశంలో కమిషనర్‌తో బీఆర్‌ఎస్‌ కౌన్సిలర్ల వాగ్వాదం మున్సిపాలిటీ ఖర్చుల వివరాలను తెలపాలని డిమాండ్‌

జనగామ: విద్యుత్‌ సరఫరాలో అంతరాయాలు తలెత్తకుండా పంపిణీ ట్రాన్‌న్స్‌ఫార్మర్ల నిర్వహణ, విద్యుత్‌ పరికరాల పనితీరును నిరంతరం పర్యవేక్షించాలని జనగామ నోడల్‌ అధికారి, ఎస్‌ఈ(ఎన్పీడీసీఎల్‌) పి.శ్రీకాంత్‌ అధికారులను ఆదేశించారు. మంగళవారం జనగామ డివిజన్‌న్‌లోని ఎస్పీఎం షెడ్‌ను ఆయన పరిశీలించారు. షెడ్‌లోని విద్యుత్‌ పరికరాల నిర్వహణ, పంపిణీ ట్రానన్స్‌ఫార్మర్లకు సంబంధించిన పనులు, అందుబాటులో ఉన్న సామగ్రిని పరిశీలించి అధికారులతో సమీక్షించారు. రైతులు, వినియోగదారులకు నాణ్యమైన విద్యుత్‌ సరఫరా అందేలా అధికారులు సమన్వయంతో పని చేయాలని తెలిపారు. జనగామ ఎస్‌ఈ చెరుకు సంపత్‌రెడ్డి, ఆయా విభాగల అధికారులు పాల్గొన్నారు. స్టేషన్‌ ఘన్‌పూర్‌లో.. స్టేషన్‌ఘన్‌పూర్‌: విద్యుత్‌ వినియోగదారులకు ఎలాంటి అంతరాయం లేకుండా నిరంతరం విద్యుత్‌ సరఫరా చేయడమే లక్ష్యంగా పనిచేస్తున్నామని జనగామ నోడల్‌ అధికారి పి.శ్రీకాంత్‌ అన్నారు. డివిజన్‌కేంద్రంలో నూతనంగా నిర్మాణం చేస్తున్న విద్యుత్‌ ట్రాన్స్‌ఫార్మర్ల రిపేర్‌ షెడ్‌ నిర్మాణ పనులను ఆయన పరిశీలించారు. ఘన్‌పూర్‌లో విద్యుత్‌ వినియోగం పెరుగుదలను దృష్టిలో ఉంచుకుని నూతన ఎస్‌పీఎం షెడ్‌ నిర్మాణం చేస్తున్నామన్నారు. కార్యక్రమంలో ఎన్పీడీసీఎల్‌ ఎంఆర్‌టీ డీఈ వినయ్‌కుమార్‌, ఘన్‌పూర్‌ ఆపరేషన్‌ డీఈ సారయ్య, ఏడీఈ రణధీర్‌రెడ్డి, ఏఈలు శంకర్‌, శివకుమార్‌, శ్వేత, సుమన్‌, లైన్‌మన్‌లు పాల్గొన్నారు. జిల్లా నోడల్‌ అధికారి, ఎస్‌ఈ(ఎన్పీడీసీఎల్‌) పి.శ్రీకాంత్‌

చిల్పూరు: మండలంలోని చిన్నపెండ్యాల ప్రభు త్వ పాఠశాలలో చదివే పొగాకుల సుదీప్తి(8వతరగతి), చేపూరి షర్మిళ (9వతరగతి) జాతీయ స్థాయి అథ్లెటిక్స్‌ పోటీలకు ఎంపికైనట్లు హెచ్‌ఎం గుడిమల్ల సంపత్‌కుమార్‌, వ్యాయామ ఉపాధ్యాయుడు రవీంద్ర ప్రసాద్‌ తెలిపారు. మంగళవారం పాఠశాల ఆవరణలో విద్యార్థుల అభినందన కార్యక్రమంలో మాట్లాడుతూ.. ఈనెల 4వ తేదీన జిల్లా కేంద్రంలో నిర్వహించిన నేషనల్‌ ఇంటర్‌ డిస్ట్రిక్స్ట్‌ జూనియర్‌ అథ్లెటిక్స్‌ మీట్‌ సెలక్షన్‌ పోటీల్లో పాఠశాల విద్యార్థులు ప్రతిభ కనబరిచి జాతీ య స్థాయి పోటీలకు ఎంపికై నట్లు తెలిపారు. షర్మిళ 600 మీటర్ల రన్నింగ్‌, సుదీప్తి 600 మీటర్ల రన్నింగ్‌, లాంగ్‌ జంప్‌ విభాగంలో ఎంపికై నవంబర్‌ 14 నుంచి 16వ తేదీ వరకు సదా శివపేటలో నిర్వహించే పోటీల్లో పాల్గొంటారని తెలిపారు. సర్పంచ్‌ తిరుపతమ్మ, ఉప సర్పంచ్‌ సంతోష్‌ తదితరులు అభినందించారు. రేపు షూటింగ్‌బాల్‌ ఎంపిక పోటీలు స్టేషన్‌ఘన్‌పూర్‌: డివిజన్‌ కేంద్రంలో జిల్లా స్థాయి షూటింగ్‌బాల్‌ జూనియర్‌ బాలుర ఎంపికలు ఈనెల 8వ తేదీన నిర్వహించనున్నట్లు షూటింగ్‌బాల్‌ అసోసియేషన్‌ జిల్లా చైర్మన్‌ అనీల్‌కుమార్‌, అధ్యక్షుడు ఇనుగాల యుగేందర్‌రెడ్డి, ప్రధాన కార్యదర్శి అన్నెపు కుమార్‌ మంగళవారం ఒక ప్రకటనలో తెలిపారు. 20 సంవత్సరాల వయస్సులోపు క్రీడాకారులు అర్హులని, ఎంపికలకు వచ్చేవారు ఎస్‌ఎస్‌సీ మెమో, ఆధార్‌కార్డు తప్పనిసరిగా తీసుకురావాలని సూచించారు. ఎంపికై నవారు ఈనెల 10, 11, 12వ తేదీల్లో మెదక్‌ జిల్లా తూప్రాన్‌లో జరిగే రాష్ట్రస్థాయి పోటీల్లో పాల్గొంటారని తెలిపారు. వివరాలకు 90102 55898, 81067 03282 నంబర్లలో సంప్రదించాలని సూచించారు. సంజయ్‌నగర్‌ మోడల్‌ మార్కెట్‌కు వీధి వ్యాపారులుజనగామ: పట్టణంలోని ప్రధాన రహదారులు, ఫుట్‌పాత్‌లపై వ్యాపారాలు నిర్వహిస్తున్న వీధి వ్యాపారులను సంజయ్‌నగర్‌లో నిర్మించిన మోడల్‌ మార్కెట్‌కు దశల వారీగా తరలించేందుకు చర్యలు చేపడుతున్నట్లు మున్సిపల్‌ కమిషనర్‌ రాజశేఖర్‌రెడ్డి మంగళవారం తెలిపారు. పట్టణాన్ని పరిశుభ్రంగా, సుందరంగా తీర్చిదిద్ద డంతో పాటు ట్రాఫిక్‌ సమస్యలను తగ్గించేందుకు ఈ నిర్ణయం తీసుకున్నట్లు పేర్కొన్నారు. సుమారు రూ.7 కోట్ల వ్యయంతో నిర్మించిన సంజయ్‌నగర్‌ మోడల్‌ మార్కెట్‌లో కూరగాయల విక్రయాలకు 50, నాన్‌న్‌వెజ్‌ విక్రయాలకు 65 షాపులు అందుబాటులో ఉన్నాయని తెలిపారు. మోడల్‌ మార్కెట్‌లో షాపుల కేటాయింపునకు అర్హత కలిగిన వీధి వ్యాపారుల నుంచి ఈ నెల 7 నుంచి 10వ తేదీ వరకు మున్సిపల్‌ కార్యాలయంలో దరఖాస్తులు స్వీకరించనున్నట్లు తెలిపారు. వ్యాపారులు సహకరించి కేటాయించిన షాపుల్లో వ్యాపారాలు నిర్వహించుకోవాలని కోరారు. రైస్‌ మిల్లుకు సీల్‌పాలకుర్తి టౌన్‌: రైస్‌ మిల్లుల్లో అక్రమాలకు పాల్పడితే మిల్లర్లపై చట్టపరమైన చర్యలతో పాటు, మిల్లులు, సంబంధిత ఆస్తులను రెవెన్యూ రికవరీ చట్టం ప్రకారం ప్రభుత్వం స్వాధీనం చేసుకునేలా ఆదేశాలున్నాయని పౌరసరఫరాల శాఖ ఎన్‌ఫోర్స్‌మెంట్‌ డీటీ మాచన రఘునందన్‌ తెలిపారు. మంగళవారం మండల కేంద్రంలో ఆయన మాట్లాడుతూ.. మండలంలోని వావిలాలలోని అన్నపూర్ణ రైస్‌మిల్లులో అక్రమాలు వెలుగుచూసిన నేపథ్యంలో నిల్వలను స్వాధీనం చేసుకునేందుకు 6–ఏ కేసు నమోదు చేసి, మిల్లును సీల్‌ చేసినట్లు చెప్పారు. తదుపరి చర్యల కోసం కలెక్టర్‌ నివేదిక సమర్పించనున్నట్లు ఆయన తెలిపారు. అన్ని సౌకర్యాలు కల్పిస్తేనే అనుమతులుపాలకుర్తి టౌన్‌: నిబంధనల ప్రకారం కొత్తగా ఏర్పాటు చేసే అస్పత్రుల్లో రోగులకు అన్ని సౌకర్యాలు కల్పిస్తేనే అనుమతులు ఇస్తామని డీఎంహెచ్‌ఓ వి.వాణిశ్రీ సూచించారు. మంగళవారం మండల కేంద్రంలో కొత్తగా రిజిష్ట్రేషన్‌ కోసం దరఖాస్తు చేసుకున్న ఆస్పత్రులను డీసీహెచ్‌ఎస్‌ సంధ్యారాణితో కలిసి డీఎంహెచ్‌ఓ వాణిశ్రీ సందర్శించి పరిశీలించారు. ఈ సందర్భంగా ఆమె మాట్లాడుతూ.. పాలకుర్తిలో కొత్తగా రెండు ఆస్పత్రుల ఏర్పాటుకు రిజిస్ట్రేషన్‌ కోసం ప్రభుత్వానికి దరఖాస్తు చేసినట్లు తెలిపారు. ఆస్పత్రుల్లో అన్ని అనుమతులు ఉండేలా యాజమాన్యాలు చేసుకోవాలని సూచించారు.

●సాక్షిప్రతినిధి, వరంగల్‌: పేద, మధ్యతరగతి కుటుంబాల పిల్లలకు మంచి విద్య, వసతి, భోజనం అందించాలనే లక్ష్యంతో ఏర్పాటు చేసిన గురుకులాల్లో వరుస ఘటనలు ఆందోళన కలిగిస్తున్నాయి. ఎలుకల కాటు నుంచి ఆహార కలుషితంతో అస్వస్థత, విద్యార్థుల మధ్య ఘర్షణలు, ఆత్మహత్యలు, ఆత్మహత్యాయత్నాల ఘటనలు వెలుగులోకి వస్తున్నాయి. దీంతో తల్లిదండ్రులు కలవరపడుతున్నారు. విస్తృతం ‘గురుకుల’ నెట్‌వర్క్‌.. హనుమకొండ, వరంగల్‌, జనగామ, జయశంకర్‌ భూపాలపల్లి, మహబూబాబాద్‌, ములుగు జిల్లాల్లో బీసీ, సాంఘిక సంక్షేమ, గిరిజన సంక్షేమ గురుకుల సంస్థలు ఉన్నాయి. కేంద్ర ప్రభుత్వానికి ఇటీవల పంపిన నివేదిక ప్రకారం ఆయా సొసైటీల జాబితాలను పరిశీలిస్తే పాఠశాలలు, ఇతర రెసిడెన్షియల్‌ సంస్థలు కలిపి సంఖ్య 61 ఉండగా 24,400 మంది విద్యార్థినీవిద్యార్థులు ఉన్నారు. ఒక్క ఎంజేపీటీ బీసీడబ్ల్యూఆర్‌ఈఐ పరిధిలోనే ఉమ్మడి వరంగల్‌ ప్రాంతంలో 31 గురుకులాల్లో 12,400 వరకు విద్యార్థులున్నట్లు ఆ గణాంకాలు చెబుతున్నాయి. గేట్‌ దగ్గరే తల్లిదండ్రులు.. గురుకులాల్లో చదివే పిల్లలు వారాల తరబడి తల్లిదండ్రులకు దూరంగా ఉంటారు. పిల్లలకు ఏ చిన్న సమస్య వచ్చినా వెంటనే తల్లిదండ్రులకు తెలియదు. కొన్నిచోట్ల తల్లిదండ్రులను లోపలికి అనుమతించకపోవడంతో పరిస్థితిని ప్రత్యక్షంగా తెలుసుకునే అవకాశం ఉందన్న ఆరోపణలు ఉన్నాయి. పిల్లలతో మాట్లాడేందుకు వచ్చిన పేరెంట్స్‌ గేటు బయటే ఉండాల్సిన పరిస్థితి ఉంది. ఉన్నతాధికారుల పర్యవేక్షణ మొక్కుబడిగా మారడం వల్ల కూడా అనర్థాలకు కారణంగా చెబుతున్నారు. దీంతో లోపల వారి పిల్లలు ఎలా ఉంటున్నారు? భోజనం ఎలా ఉంది? వసతి గదులు, మరుగుదొడ్లు ఎలా ఉన్నాయి? ఎవరైనా వేధిస్తున్నారా? అనారోగ్యంగా ఉన్నారా? అనే ప్రశ్నలకు సమాధానం ఎవరు చెప్పాలి అన్నది ఇప్పుడు చర్చనీయాంశంగా మారింది. పిల్లల్ని నమ్మి పంపుతున్నాం.. ‘పిల్లలను నమ్మి గురుకులాలకు పంపుతున్నాం.. మా కళ్లకు దూరంగా ఉన్నా.. అధికారులు, సిబ్బంది పర్యవేక్షణలో భద్రంగా ఉన్నారనే నమ్మకం కల్పించాలి. ఘటన జరిగిన తర్వాత స్పందించడం కాదు.. ఘటన జరగకుండా చూడాలి’ అని హనుమకొండ జిల్లాకు చెందిన గురుకుల పాఠశాలలో చేరిన ఓ విద్యార్థిని తండ్రి ఆవేదన వ్యక్తం చేశాడు. ‘గురుకులాల్లో చేర్పించిన పిల్లలందరూ రైతులు, పేద, మధ్యతరగతి కుటుంబాలకు చెందినవారే. పిల్లలకు మంచి భవిష్యత్‌ వస్తుందనే ఆశతో వారిని దూరంగా పంపుతున్నాం. అప్పుడప్పుడు కలెక్టర్లు, ఉన్నతాధికారులు పర్యవేక్షణ చేస్తున్నా.. నిర్వహణలో మార్పు లేదు. ఇకనైనా జాగ్రత్తలు తీసుకుని పిల్లల భవిష్యత్‌కు భరోసా ఇవ్వాలి’ అని వరంగల్‌ జిల్లాకు చెందిన పేర్లు చెప్పని ఓ గురుకుల విద్యార్థి తల్లిదండ్రులు కోరుతున్నారు. పాదం కింద ఎలుక కొరికిందని చూపిస్తున్న మహబూబాబాద్‌ జిల్లా గూడూరులోని మహాత్మా జ్యోతిబాపూలే బీసీ బాలికల పాఠశాల విద్యార్థిని సాయి హర్షిత, నెక్కొండ గురుకుల పాఠశాలలో టీచర్‌ కొడితే గాయమైందని చూపిస్తున్న విద్యార్థినిపిల్లలను పర్యవేక్షించే వ్యవస్థ ఏం చేస్తోంది? గురుకులాల్లో టీచర్‌ దాడి, ఎలుకల కాటు, అనారోగ్యం, ఆత్మహత్యలు, ఆత్మహత్యాయత్నాలు వరుస ఘటనలతో ఆందోళన చెందుతున్న విద్యార్థులు తల్లిదండ్రులు ఈ ఏడాది కలవరపెట్టిన ఘటనలు కొన్ని ఏప్రిల్‌ 26 : మహబూబాబాద్‌ జిల్లా తొర్రూరు మండలం నాంచారి మడూరు మహాత్మా జ్యోతిరావుపూలే రెసిడెన్షియల్‌ డిగ్రీ కాలేజీలో మొదటి సంవత్సరం విద్యార్థి రాచర్ల కార్తీక్‌ మృతి కలకలం రేపింది. కుటుంబ సభ్యులు అనుమానాలు వ్యక్తం చేయడంతో పోలీసులు కేసు నమోదు చేసి దర్యాప్తు చేపట్టారు. జూన్‌ 30 : హనుమకొండ జిల్లా పరకాల మండలం మల్లక్కపేట (నర్సక్కపల్లి) సాంఘిక సంక్షేమ బాలికల రెసిడెన్షియల్‌ స్కూల్‌లో పదో తరగతి విద్యార్థిని ఈకు శ్రీవాణి బాత్‌రూంలో ఆత్మహత్యకు పాల్పడిన ఘటన విషాదం నింపింది. ఆగస్టు 3: వరంగల్‌ జిల్లా వర్ధన్నపేట గిరిజన బాలికల ఆశ్రమ పాఠశాలలో సుమారు 27 మంది బాలికలు అస్వస్థతకు గురైన ఘటన వెలుగులోకి వచ్చింది. ఆహార కలుషితమే కారణమన్న ఆరోపణలపై విచారణ జరిపారు. సెప్టెంబర్‌7: ములుగు జిల్లా ఏటూరునాగారంలో పారిశుద్ధ్యం, నీటి సమస్యలపై విద్యార్థినులు ఆందోళనకు దిగిన ఘటనలు చోటుచేసుకున్నాయి. మరో ఘటనలో విద్యార్థి నాయకురాలు ముగ్గురు బాలికలను కర్రతో కొట్టినట్లు ఆరోపణలు వచ్చాయి. సెప్టెంబర్‌ 19: హనుమకొండ జిల్లా వంగర పీవీ రంగారావు బాలికల గురుకులంలో చదువుతున్న ఓ విద్యార్థిని సోదరి ఆత్మహత్య చేసుకోవడంతో కుటుంబ సభ్యులు ఆమెను ఇంటికి తీసుకెళ్లారు. తిరిగి గురుకులంలో చేర్చుకోవాలనే విషయంలో ప్రిన్సిపాల్‌ నిరాకరించడంతో తల్లిదండ్రులు ఆందోళనకు దిగడం వివాదాస్పదమైంది. సెప్టెంబర్‌ 24: జనగామ జిల్లా పాలకుర్తిలోని సాంఘిక సంక్షేమ గురుకుల బాలికల పాఠశాలలో పలువురు విద్యార్థులను ఎలుకలు కరవడం చర్చనీయాంశమైంది. దీంతో అధికారులు బాలికలను ఆస్పత్రికి తీసుకెళ్లి ట్రీట్‌మెంట్‌ చేయించినట్లు ప్రకటించారు. అక్టోబర్‌ 5: వరంగల్‌ జిల్లా ఖానాపురంలో ఇద్దరు గిరిజన బాలికలు ఆత్మహత్యాయత్నానికి పాల్పడిన ఘటన వెలుగుచూసింది. ఫోన్‌ ద్వారా వేధింపులే ఘటనకు కారణమన్న ఆరోపణలు వచ్చాయి. అక్టోబర్‌ 5: మహబూబాబాద్‌ జిల్లా గూడూరులోని బీసీ బాలికల రెసిడెన్షియల్‌ స్కూల్‌లో ఐదో తరగతి బాలికను ఎలుక కరిచింది.