International

ఫ్లైదుబాయ్‌ విమాన ఘటనలో విస్తుపోయే విషయం ఒకటి వెలుగు చూసింది. పైలట్‌ స్మిట్‌ మచ్చార్‌పై దాడి విమానం కూల్చేందుకు యత్నించాడన్న ఆరోపణలు ఎదుర్కొంటున్న కో-పైలట్‌ మామూలోడు కాదని తెలుస్తోంది. తీవ్రవాద భావజాలం ఉన్న అతనిపై యెమెన్‌ గతంలో బ్యాన్‌ కూడా విధించిందట. అలాంటప్పుడు ఫ్లైదుబాయ్‌లో పైలట్‌గా అతనెలా చేరాడు? అనేది ఇప్పుడు పెద్ద ప్రశ్నగా మారింది.సదరు కో-పైలట్‌ గతంలో ఒమన్‌ ఎయిర్‌పోర్టులో ఏడేళ్లపాటు పనిచేసినట్లు పలు మీడియా కథనాలు చెబుతున్నాయి. ఆ సమయంలో ట్రైనీ కో-పైలట్‌గా ఉన్నప్పుడు అతని వద్ద అనుమానాస్పద, తీవ్రవాద భావజాలానికి సంబంధించిన మెటీరియల్‌ లభించడం కలకలం రేపింది. అతడి నుంచి స్వాధీనం చేసుకున్న వస్తువుల్లో ‘ఫ్రీ పాలస్తీన్‌’ వర్గాలకు సంబంధించిన కరపత్రాలు ఉన్నట్లు తెలుస్తోంది. దీంతో అతడిని పైలట్‌ విధుల నుంచి సస్పెండ్‌ చేశారు. అయితే పూర్తిగా ఉద్యోగం నుంచి తొలగించకుండా.. పరిపాలనా విభాగంలో కొనసాగించారు. ఇది 2024లోనే జరిగింది.మరి అలాంటి వ్యక్తి ఆ తర్వాత ఫ్లైదుబాయ్‌లో ఎలా చేరాడు? కో-పైలట్‌గా క్లియరెన్స్‌ ఎలా లభించింది?. అదీ ఇజ్రాయెల్‌కు వెళ్లే విమానంలోకి ఎలా వచ్చాడు? ఇప్పుడు దర్యాప్తు అధికారుల ముందున్న ప్రధాన ప్రశ్న ఇదే. ఒమన్‌లో ఉన్న అతడి భద్రతా రికార్డు ఇతర దేశాల అధికారులకు లేదంటే విమానయాన సంస్థలకు చేరిందా? ఫ్లైదుబాయ్‌లో ఉద్యోగం పొందే సమయంలో అతడిపై మళ్లీ భద్రతా తనిఖీలు జరిగాయా? అనే అంశాలను లోతుగా పరిశీలిస్తున్నారు.ఆ ప్రొఫైల్‌ అతనిదేనా?ఇటు అతనికి సంబంధించిన వివరాలంటూ ఓ ప్రొఫైల్‌ నెట్టింట హల్‌ చల్‌ చేస్తోంది. అందులో ఆ కో-పైలట్‌ పేరు హమామ్‌ అల్‌-హమ్మామీ(అధికారికంగా నిర్ధారణ కావాల్సి ఉంది) అని ప్రచారం నడుస్తోంది. అతను యెమన్‌ వాసి అని, అలాగే ఓ ఫొటో కూడా వైరల్‌ అవుతోంది. అయితే ఘటన తర్వాత అతనిదిగా చెబుతున్న ఆ లింక్డ్‌ఇన్‌ ప్రొఫైల్‌ మాయమైందట. అంతేకాదు.. ఘటన జరిగిన రోజున ఆ ఖాతాలో రెండు పోస్టులు కనిపించాయి. ఒక పోస్టులో బోయింగ్‌ 737 మ్యాక్స్‌ కాక్‌పిట్‌లో తీసిన వీడియోలు ఉన్నట్లు సమాచారం. ఆ వీడియో చివర అల్‌ఖైదా మాజీ అధినేత అయ్‌మన్‌ అల్‌-జవాహిరి, 2009లో ఆత్మాహుతి దాడికి పాల్పడిన హుమామ్‌ ఖలీల్‌ అబు-ములాల్‌ అల్‌-బలావీ చిత్రాలు ఉన్నట్లు నివేదికలు పేర్కొన్నాయి. ఇటు కో–పైలట్‌ సోషల్‌ మీడియా ఖాతాల్లో యూదులను హత్య చేయడం, జిహాదీ భావజాలానికి సంబంధించిన కంటెంట్‌ ఉన్నట్లు తెలుస్తోంది. అయితే ఆ పోస్టులను హమ్మామీయే పెట్టాడా? లేక మరెవరైనా అప్‌లోడ్‌ చేశారా? అవి ముందుగానే షెడ్యూల్‌ చేశారా? అన్నది ఇంకా నిర్ధారణ కాలేదు. దర్యాప్తు వర్గాలను ఉటంకిస్తూ.. విమానాన్ని ఇజ్రాయెల్‌లో కూల్చేయాలనే ఉద్దేశం తనకు ఉన్నట్లు కో-పైలట్‌ చెప్పినట్లు కూడా రిపోర్టులు వెలువడ్డాయి.విమానం కూల్చాలనుకున్నాడా?దర్యాప్తు వర్గాలను ఉటంకిస్తూ.. విమానాన్ని ఇజ్రాయెల్‌లో కూల్చేయాలనే ఉద్దేశం తనకు ఉన్నట్లు కో–పైలట్‌ వెల్లడించినట్లు నివేదికలు వచ్చాయి. కెప్టెన్‌ స్మిట్‌ మచ్చార్‌ను కత్తితో పొడిచి విమానాన్ని హైజాక్‌ చేసేందుకు ప్రయత్నించిన అతడు.. తనను చంపేయాలని కూడా సిబ్బందిని కోరినట్లు ఇజ్రాయెలీ అధికారి ఒకరు ‘టైమ్స్‌ ఆఫ్‌ ఇజ్రాయెల్‌’కు తెలిపారు. అవసరమైతే ఆత్మహత్య చేసుకునేందుకు కూడా సిద్ధంగా ఉన్నట్లు చెప్పారు.సెప్టెంబర్‌ 30న ఏం జరిగిందంటే..ఫ్లైదుబాయ్‌ ఎఫ్‌జెడ్‌1073 విమానం దుబాయ్‌ నుంచి ఇజ్రాయెల్‌ రాజధాని టెల్‌అవీవ్‌కు బయలుదేరింది. విమానంలో 174 మంది ఉన్నారు. జోర్డాన్‌ గగనతలంలో ఉండగా కో-పైలట్‌ .. భారత్‌కు చెందిన కెప్టెన్‌ స్మిట్‌ మచ్చార్‌పై దాడి చేశాడు. ఆ తర్వాత విమానం ఒక్కసారిగా కిందకి పడిపోయింది. దాదాపు 30 సెకన్లలో 14 వేల అడుగులకు పైగా ఎత్తు కోల్పోయినట్లు ఫ్లైట్‌ డేటా వెల్లడించింది. తీవ్రంగా గాయపడినప్పటికీ కెప్టెన్‌ మచ్చార్‌ ఎలాగోలా కాక్‌పిట్‌ తలుపు తెరవగలిగారు. దీంతో ప్రయాణికులు లోపలికి దూసుకెళ్లి కో-పైలట్‌ను అదుపులోకి తీసుకున్నారు. విమానంలో ఉన్న మరో ఇద్దరు ఆఫ్‌-డ్యూటీ పైలట్లు నియంత్రణ చేపట్టి విమానాన్ని సౌదీ అరేబియాలోని టబుక్‌లో సురక్షితంగా ల్యాండ్‌ చేశారు.టబుక్‌ ఎయిర్‌పోర్టులో ల్యాండ్‌ అయ్యాక సౌదీ అరేబియా అధికారులు అతన్ని అదుపులోకి తీసుకున్నారు. ప్రాథమిక దర్యాప్తు అనంతరం ఆ కో-పైలట్‌ను యూఏఈ అధికారులకు అప్పగించింది. ప్రస్తుతం యూఏఈ దర్యాప్తు ప్రధానంగా కొనసాగుతోంది. ఇజ్రాయెల్‌ అధికారులు కూడా అతడిని ప్రశ్నించనున్నారు. ఉగ్రవాద సంబంధం, ముందస్తు ప్రణాళిక, ఇతరుల ప్రమేయం వంటి అంశాలపై విచారణ జరుగుతోంది.నెతన్యాహు సంచలన వ్యాఖ్యలుఈ ఘటనపై ఇజ్రాయెల్‌ ప్రధాని బెంజమిన్‌ నెతన్యాహు స్పందిస్తూ.. కో-పైలట్‌ ‘ఇస్లామిస్ట్‌ రాడికల్‌ ఇండోక్ట్రినేషన్‌’కు గురయ్యాడని, అంటే అతివాద భావజాలంతో ప్రభావితమయ్యాడని తెలిపారు. విమానాన్ని కూల్చేయాలనే ఉద్దేశంతోనే అతడు వ్యవహరించినట్లు ప్రాథమికంగా భావిస్తున్నామని చెప్పారు. ఈ ఘటన వెనుక ఎవరైనా ఉన్నారా? అతడిని ఎవరైనా పంపించారా? అన్నదానిపైనా దర్యాప్తు చేస్తున్నామని.. “అతడిని ఎవరైనా పంపి ఉంటే.. వారు భారీ మూల్యం చెల్లించాల్సి ఉంటుంది” అంటూ హెచ్చరించారు. ఇప్పటివరకు ఇరాన్‌ ప్రమేయానికి ఆధారాలు లభించలేదని భద్రతా వర్గాలు తెలిపాయి.మరి ఇజ్రాయెల్‌ ఫ్లైట్‌లోకి ఎలా వచ్చాడు?ఇక్కడే ఇప్పుడు మరో పెద్ద ప్రశ్న తలెత్తింది. ఒమన్‌కు ఇజ్రాయెల్‌తో దౌత్య సంబంధాలు లేవు. ఇలాంటి దేశాల పైలట్లను ఇజ్రాయెల్‌ వెళ్లే విమానాల్లో ఎలా అనుమతించారు?. పోనీ భద్రతా పరమైన నిబంధనలు ఉన్నాయా?అంటే.. ఇజ్రాయెల్‌-యూఏఈ ద్వైపాక్షిక విమాన ఒప్పందంలో అలాంటిదేం లేదని తెలుస్తోంది. అయినప్పటికీ బ్యాక్‌గ్రౌండ్‌ వెరిఫికేషన్‌ లేకుండా ఫ్లైదుబాయ్‌ ఎలా నియమించుకుందనేదే అసలు ప్రశ్న. ఇటు ఇజ్రాయెల్‌ భద్రతా పర్యవేక్షణపైనా ప్రశ్నలు తలెత్తాయి. ఇజ్రాయెల్‌ అధికారులు పైలట్లను ముందుగానే స్క్రీన్‌ చేసే విధానాన్ని మరింత కఠినతరం చేయాలని చూస్తున్నారు. ప్రధాని నెతన్యాహు కూడా పైలట్లను ముందుగానే స్క్రీన్‌ చేయడంలో ఉన్న “లొసుగు”పై సమీక్ష అవసరమని వ్యాఖ్యానించారు.మచ్చార్‌.. ది హీరోప్రధాని నరేంద్ర మోదీతో మాట్లాడిన సందర్భంగా.. విమానం కిందికి వెళ్తోందని తెలుసుకుని ప్రయాణికులకు ఏం కాకూడదనే ఉద్దేశంతో గాయాలతో నేలపై ఉన్నప్పటికీ కాక్‌పిట్‌ తలుపు తెరవాలని నిర్ణయించుకున్నానని మచ్చారు వివరించారు. భారత కెప్టెన్‌ స్మిట్‌ మచ్చారు సమయస్ఫూర్తి,ధైర్యం వల్లే ఫ్లైదుబాయ్‌ ఘటనలో ఘోర ప్రమాదం తప్పింది. గాయపడినా హనుమాన్‌ చాలీసా పటిస్తూ బలం తెచ్చుకుని.. కాక్‌పిట్‌ తలుపు తెరవగలిగాడు స్మిట్‌. దీంతో ప్రయాణికులు లోపలికి వెళ్లి దాడి చేసిన వ్యక్తిని అదుపులోకి తీసుకోగలిగారు. విమానంలోని వాళ్ల ప్రాణాలు కాపాడారు. అందుకే ప్రపంచం మొత్తం ఆయన్ని హీరోగా ప్రశంసిస్తోంది.2024లోనే భద్రతా ముప్పుగా గుర్తించి విమానాలు నడపకుండా నిషేధించిన వ్యక్తి.. ఆ తర్వాత మరో అంతర్జాతీయ విమానయాన సంస్థలో కో-పైలట్‌గా ఎలా చేరాడు? అతడి గత రికార్డులు ఎందుకు అడ్డుకాలేదు? టెల్‌అవీవ్‌ వెళ్లే విమానానికి అతడు ఎలా క్లియర్‌ అయ్యాడు? ఈ ప్రశ్నలకు సమాధానాలు దర్యాప్తులో తేలాల్సి ఉంది. ఇదీ చదవండి: ఇదేం ట్విస్ట్‌?? యూదులను చంపేయాలా!

అంకారా: పశ్చిమ టర్కీలో బొగ్గు గని కూలిన ఘటనలో ఐదుగురు కార్మికులు మరణించారు. గనిలో నుంచి తొలుత ముగ్గురు కార్మికుల మృతదేహాలను సహాయక బృందాలు శుక్రవారం వెలికితీశాయని అధికారులు వెల్లడించారు. కాగా టర్కీ సముద్ర తీరప్రాంత పట్టణమైన కిలిమ్లీలో అనుమతి లేని మరో గని ప్రమాదంలో మరో కార్మికుడు మృతి చెందినట్లు సమాచారం. మొదటి ప్రమాదం గురువారం మనీసా ప్రావిన్స్‌లోని ఒక గనిలో చోటుచేసుకుంది. ఇది ఇజ్మీర్ రిసార్ట్ నగరానికి ఈశాన్యంగా దాదాపు 100 కిలోమీటర్ల (60 మైళ్ళు) దూరంలో ఉంది.‘సోమా జిల్లాలో గని కూలిన ఘటన అనంతరం చేపట్టిన గాలింపు, సహాయక చర్యలు పూర్తయ్యాయి. లోపల చిక్కుకుపోయిన కార్మికుల మృతదేహాలను వెలికితీశాం’ అని గవర్నర్ కార్యాలయం ‘ఎక్స్’ వేదికగా తెలిపింది.ఈ ఘటనపై అధికారులు విచారణకు ఆదేశించారు. గని కూలిన ఘటనపై నిర్లక్ష్యం వహించారనే అనుమానంతో గని నిర్వహణ సంస్థ మేనేజర్‌తో సహా తొమ్మిది మంది కంపెనీ ఉన్నతాధికారులను అదుపులోకి తీసుకున్నట్లు డీహెచ్‌ఏ వార్తా సంస్థ తెలిపింది. ఒక యూనియన్ ప్రతినిధి ఏఎఫ్‌పీ వార్తా సంస్థతో మాట్లాడుతూ.. ప్రస్తుత మైనింగ్ ప్రాంతాలలో బొగ్గు నిల్వలు తరిగిపోవడంతో ఉత్పత్తి తగ్గుముఖం పట్టిందని తెలిపారు. దీనివల్ల గనిలో ఒక కొత్త విభాగాన్ని అభివృద్ధి చేస్తున్నారని చెప్పారు.‘ఈ కొత్త విభాగంలో పనులు ఇంకా పూర్తిస్థాయిలో ప్రారంభం కాలేదు. కానీ యాజమాన్యంపై ఉన్న ఆర్థిక ఒత్తిళ్ల కారణంగా పనులను వేగవంతం చేయాలనే ఒత్తిడి పెరిగింది’ అని ఆయన వివరించారు. టర్కీ చరిత్రలోనే అత్యంత ఘోరమైన మైనింగ్ విపత్తు జరిగిన సోమా ప్రాంతంలోనే తాజా ఘటన చోటుచేసుకుంది. 2014లో ఇక్కడే జరిగిన పేలుడు తర్వాత భూగర్భంలో మంటలు చెలరేగి, కార్బన్ మోనాక్సైడ్ విషవాయువు పీల్చడంతో 301 మంది కార్మికులు మరణించారు.ఇదీ చదవండి: ఒళ్లు గగుర్పొడిచే 10 ఎమర్జెన్సీ ల్యాండింగ్‌ ఘటనలు

సెప్టెంబర్ 30న ఫ్లై దుబాయ్‌ విమానంలో కెప్టెన్ స్మిత్ మచ్చార్ అపారమైన ధైర్యసాహసాలను ప్రదర్శించి ఒక పెను విమాన విపత్తును నివారించారు. తన కో-పైలట్ చేతిలో కత్తిపోట్లకు గురై, కదలలేని స్థితికి చేరినప్పటికీ, విమానంలోని 174 మంది ప్రయాణికులు, ఆరుగురు సిబ్బందిని కాపాడారు. ఇదే తరహాలో విపత్కర పరిస్థితులు ఎదురైనప్పుడు విమానాలను పైలట్లు ఎమర్జెన్సీ ల్యాండింగ్‌ చేయాల్సి వస్తుంది. విమానయాన చరిత్రలోని 10 ప్రధాన ఎమర్జెన్సీ ల్యాండింగ్‌‌ల గురించి ఇప్పుడు తెలుసుకుందాం..యూఎస్ ఎయిర్‌వేస్ ఫ్లైట్ 1549: ‘ది మిరాకిల్ ఆన్ ది హడ్సన్’ (2009)న్యూయార్క్ లాగార్డియా విమానాశ్రయం నుండి బయలుదేరిన కొద్ది క్షణాల్లోనే, ఒక ఎయిర్‌బస్ ఏ320 కెనడా గీస్ (బాతుల గుంపు)ను ఢీకొంది దీంతో రెండు ఇంజన్లూ ధ్వంసమయ్యాయి. రన్‌వేను చేరుకునేందుకు విమానం చాలా తక్కువ ఎత్తులో, తక్కువ వేగంతో ఉందని గుర్తించిన కెప్టెన్ చెస్లీ సుల్లీ సులెన్‌బెర్గర్, ఫస్ట్ ఆఫీసర్ జెఫ్రీ స్కిల్స్ విమానాన్ని గడ్డకట్టే హడ్సన్ నదిపై ల్యాండ్ (గ్లైడ్) చేశారు. విమానంలో ఉన్న మొత్తం 155 మంది ప్రాణాలతో బయటపడ్డారు.ఎయిర్ కెనడా ఫ్లైట్ 143: ‘ది గిమ్లీ గ్లైడర్’ (1983)ఇంధనం నింపే సమయంలో జరిగిన మెట్రిక్ మార్పిడి పొరపాటు కారణంగా.. బోయింగ్ 767 విమానం కెనడా మీదుగా 41,000 అడుగుల ఎత్తులో ప్రయాణిస్తున్నప్పుడు ఇంధనం పూర్తిగా అయిపోయింది. అనుభవజ్ఞుడైన గ్లైడర్ పైలట్ కెప్టెన్ రాబర్ట్ పియర్సన్ విమాన వేగం పెరగకుండా ఎత్తును వేగంగా తగ్గించడానికి ‘సైడ్‌స్లిప్’ విన్యాసాన్ని ఉపయోగించారు. గిమ్లీ (మానిటోబా)లోని ఒక నిరుపయోగ మిలిటరీ రన్‌వేపైన ఆ విమానాన్ని దించారు. అయితే ఆ సమయంలో ఆ రన్‌వేను స్పోర్ట్స్ కార్ల రేసింగ్ కోసం వాడుతున్నారనే విషయం ఆయనకు తెలియదు. అయితే ఈ ఘటనలో ఎవరికీ ఎటువంటి హాని జరగలేదు.టాకా ఫ్లైట్ 110: ది లెవీ ల్యాండింగ్ (1988)న్యూ ఓర్లీన్స్‌కు చేరుకుంటున్న సమయంలో ఒక బోయింగ్ 737.. తీవ్రమైన ఉరుములు, మెరుపుల తుఫాను గుండా ప్రయాణించింది. భారీ వడగళ్లు, నీరు ఇంజన్లలోకి చేరడంతో రెండు ఇంజన్లు ఒకేసారి ఆగిపోయాయి. కెప్టెన్ కార్లోస్ డార్డానో కిందనున్న నాసా ఇండస్ట్రియల్ లెవీకి చెందిన ఒక గడ్డితో కూడిన గట్టును గుర్తించి, విమానాన్ని నేర్పుగా గాల్లో తేలియాడిస్తూ, ఆ గడ్డి నేలపై ల్యాండ్ చేశారు. మొత్తం 45 మంది ప్రయాణికులు ఎటువంటి గాయాలు లేకుండా సురక్షితంగా బయటపడ్డారు. విమానం ఏమాత్రం దెబ్బతినకపోవడంతో ఇంజనీర్లు అక్కడే మరమ్మతులు పూర్తి చేసి, కొన్ని వారాల తర్వాత ఆ గట్టు పైనుంచే దాన్ని తిరిగి గాల్లోకి ఎగరేశారు.డీహెచ్‌ఎల్ (డీహెచ్‌ఎల్‌).. బాగ్దాద్ క్షిపణి దాడి(2003)బాగ్దాద్ నుండి టేకాఫ్ అయిన కొద్దిసేపటికే.. ఉపరితలం నుండి గగనతలంలోకి దూసుకెళ్లే క్షిపణిఎయిర్‌బస్ ఏ300 కార్గో జెట్‌ను తాకింది. దీంతో ఎడమ రెక్కలో కొంత భాగం తెగిపడటంతో పాటు మూడు స్వతంత్ర హైడ్రాలిక్ వ్యవస్థలు పూర్తిగా పనిచేయకుండా పోయాయి. కంట్రోల్ వీల్, రడ్డర్ లేదా ఫ్లాప్స్ ఏవీ పనిచేయని స్థితిలో కెప్టెన్ ఎరిక్ జెన్నోట్, ఆయన సిబ్బంది విమానంలోని ఎడమ, కుడి ఇంజన్ల థ్రోటిల్స్‌‌ను (త్రస్ట్ వెక్టరింగ్) నియంత్రించారు. తీవ్రమైన గాలి ఒడిదుడుకులను ఎదుర్కొంటూ, మంటలు చెలరేగిన విమానాన్ని తిరిగి బాగ్దాద్ విమానాశ్రయానికి చేర్చారు. ఫ్లైట్ కంట్రోల్స్ ఏవీ లేకుండా విమానాన్ని సురక్షితంగా ల్యాండ్ చేసిన మొట్టమొదటి విజయవంతమైన ఘటన ఇది.అలోహా ఎయిర్‌లైన్స్ ఫ్లైట్ 243: పైకప్పు లేని కన్వర్టబుల్ జెట్ (1988)24,000 అడుగుల ఎత్తులో లోహం అలసట (metal fatigue) కారణంగా పేలుడు తరహా డీకంప్రెషన్ సంభవించి, ఎగువ క్యాబిన్ పైకప్పులోని ఏకంగా 5.5 మీటర్ల భాగం ఊడిపోయింది. దీంతో ప్రయాణికులు బహిరంగ ఆకాశం కింద కూర్చున్న పరిస్థితి ఏర్పడింది. కెప్టెన్ రాబర్ట్ షోర్న్‌స్టీమర్, ఫస్ట్ ఆఫీసర్ మిమి టాంప్కిన్స్ తీవ్రమైన గాలి నిరోధకతను, ఒక ఇంజన్ వైఫల్యాన్ని ఎదుర్కొన్నారు. వంగుతున్న విమాన బాడీని నియంత్రిస్తూ, అత్యవసరంగా కిందికి దిగి, హవాయిలోని మౌయిలో ఆ దెబ్బతిన్న విమానాన్ని విజయవంతంగా ల్యాండ్ చేశారు. విమానంలోని 95 మందిలో 94 మందిని కాపాడారు.యునైటెడ్ ఎయిర్‌లైన్స్ ఫ్లైట్ 232: సియోక్స్ సిటీ మిరాకిల్ (1989)విమానం తోక భాగంలో ఉన్న డీసీ-10 ఇంజన్ గాల్లో ఉండగానే పేలిపోయింది. దాని శకలాలు మూడు హైడ్రాలిక్ వ్యవస్థలను కోసేయడంతో కాక్‌పిట్ ఫ్లైట్ కంట్రోల్స్ పూర్తిగా నిరుపయోగంగా మారాయి. విమానంలో ప్రయాణికుడిగా ఉన్న సీనియర్ చెక్ ఎయిర్‌మ్యాన్ సహాయంతో కెప్టెన్ అల్ హేన్స్, ఆయన సిబ్బంది టీమ్‌వర్క్‌తో ఇంజన్ల వేగ వ్యత్యాసం ఆధారంగా ఆ భారీ జెట్‌ను నియంత్రించారు. అయోవాలోని సియోక్స్ సిటీ రన్‌వేపై విమానం వేగంతో ఢీకొట్టి ధ్వంసమైనప్పటికీ, సిబ్బంది చూపిన నైపుణ్యం వల్ల విమానంలోని 296 మందిలో 184 మంది ప్రాణాలతో బయటపడ్డారు.బ్రిటిష్ ఎయిర్‌వేస్ ఫ్లైట్ 9: అగ్నిపర్వత బూడిద మేఘంలోనికి. (1982)హిందూ మహాసముద్రం మీదుగా రాత్రి వేళ ప్రయాణిస్తుండగా, బోయింగ్ 747 విమానం.. అగ్నిపర్వత బూడిద మేఘంలోకి ప్రవేశించింది. ఆ రాపిడి ధూళి ఇంజన్లను ఉక్కిరిబిక్కిరి చేయడంతో నాలుగు ఇంజన్లూ ఒకేసారి ఆగిపోయాయి. దాంతో ఆ భారీ జంబో జెట్ పూర్తిగా శక్తిహీనమైపోయింది. కెప్టెన్ ఎరిక్ మూడీ స్థిరమైన గ్లైడ్‌ను ఏర్పాటు చేసుకుని, అత్యవసరంగా కిందికి దిగడం ప్రారంభించారు. బూడిద మేఘం అంచును దాటి స్వచ్ఛమైన గాలిలోకి రాగానే, సిబ్బంది తిరిగి ఇంజన్లను పనిచేయించడంలో విజయం సాధించారు. ఇసుక తుఫాను తాకిడికి విండ్‌షీల్డ్ పూర్తిగా మసకబారి ఎదురుగా ఏమీ కనిపించకపోయినప్పటికీ, వారు జకార్తాలో కేవలం పరికరాల ఆధారంగా ల్యాండింగ్ చేశారు.ఎయిర్ ట్రాన్సాట్ ఫ్లైట్ 236: రికార్డు స్థాయి గ్లైడింగ్ (2001)అట్లాంటిక్ మహాసముద్రంపై ప్రయాణిస్తుండగా ఇంధన లీకేజీ కారణంగా ఎయిర్‌బస్ ఏ330 ఇంధన ట్యాంకులు ఖాళీ అయ్యాయి. ఏ భూభాగానికీ చేరువలో లేని వందల మైళ్ల దూరంలో రెండు ఇంజన్లు ఆగిపోయాయి. కెప్టెన్ రాబర్ట్ పిచే ప్రాథమిక అత్యవసర విద్యుత్, హైడ్రాలిక్ శక్తి కోసం ‘రామ్ ఎయిర్ టర్బైన్’ను ఉపయోగించారు. ఆయన ఆ భారీ విమానాన్ని సముద్రంపై ఏకంగా 120 కిలోమీటర్ల దూరం గాల్లో తేలియాడిస్తూ తీసుకెళ్లారు. ఇది ప్రయాణికుల విమానయాన చరిత్రలోనే అత్యంత సుదీర్ఘమైన గ్లైడింగ్. అనంతరం అజోర్స్‌లోని సైనిక స్థావరంలో సురక్షితంగా ల్యాండ్ చేసి, 306 మంది సముద్రంలో మునిగిపోకుండా కాపాడారు.లాట్ పోలిష్ ఎయిర్‌లైన్స్ ఫ్లైట్ 16: బెల్లీ ల్యాండింగ్ (2011)నెవార్క్ నుండి వస్తున్న బోయింగ్ 767 విమానంలో సెంట్రల్ హైడ్రాలిక్ లీకేజీ కారణంగా ప్రధాన ల్యాండింగ్ గేర్ వ్యవస్థ పూర్తిగా పనిచేయకుండా పోయింది. బ్యాకప్ గ్రావిటీ-డ్రాప్ మెకానిజం కూడా విఫలమవడంతో, చక్రాలు తెరచుకోకుండానే ల్యాండ్ కావాల్సిన పరిస్థితి తలెత్తింది. కెప్టెన్ తడేయుజ్ వ్రోనా వార్సాలోని చోపిన్ విమానాశ్రయం చుట్టూ విమానాన్ని తిప్పుతూ అదనపు ఇంధనాన్ని వినియోగించారు. ఈలోగా అత్యవసర సిబ్బంది రన్‌వేపై మంటలను నిరోధించే ఫోమ్‌ను సిద్ధం చేశారు. రన్‌వే తారుపై లోహం రాసుకుపోతున్నప్పుడు రెక్కలు సమాంతరంగా ఉండేలా చూసుకుంటూ ఆయన అత్యంత స్థిరమైన, ఫ్లాట్ బెల్లీ ల్యాండింగ్ చేశారు. విమానానికి మంటలు అంటుకోకుండా ఆగిపోయింది. 231 మంది ప్రయాణికులు ఎటువంటి గాయాలు లేకుండా సురక్షితంగా బయటకు వచ్చారు.కథే పసిఫిక్ ఫ్లైట్ 780: అధిక వేగంతో ల్యాండింగ్ (2010)సురబయ వద్ద తీసుకున్న కలుషిత ఇంధనం కారణంగా ఒక ఎయిర్‌బస్ ఏ330 ఇంధన వ్యవస్థలు తీవ్రంగా దెబ్బతిని, గాల్లో ఉండగానే ఇంజన్ థ్రోటిల్స్ జామ్ అయ్యాయి. ఒక ఇంజన్ పూర్తిగా ఆగిపోగా, మరొక ఇంజన్ అత్యధిక థ్రస్ట్‌ వద్ద లాక్ అయిపోయింది. ల్యాండింగ్ కోసం వేగాన్ని తగ్గించడానికి నిరాకరించింది. కెప్టెన్ మాల్కం హిక్స్, ఫస్ట్ ఆఫీసర్ డేవిడ్ కాసాస్ అత్యంత భయానక పరిస్థితిని ఎదుర్కొన్నారు. సాధారణ ల్యాండింగ్ వేగం కంటే రెండు రెట్లు ఎక్కువ వేగంతో విమానాన్ని ల్యాండ్ చేయాల్సి వచ్చింది. వారు ఆ భారీ విమానాన్ని హాంకాంగ్ రన్‌వేపై దించి, గరిష్ట ఎమర్జెన్సీ బ్రేకింగ్ ఉపయోగించి, విమానం సముద్రంలో పడటానికి కొద్ది క్షణాల ముందు నిలువరించారు. తద్వారా మొత్తం 322 మంది ప్రయాణికుల ప్రాణాలను కాపాడారు.ఇదీ చదవండి: ‘వర్క్‌ ఫ్రమ్‌ ఫారెస్ట్‌’.. మూడు రోజులకు రూ.14 వేలు!

పశ్చిమాసియాలో యుద్ధ మంటలు మరింత తీవ్రంగా మారుతున్నాయి. ఇరాన్‌పై అమెరికా–ఇజ్రాయెల్‌ దాడులు, యెమెన్‌లో హౌతీలపై దాడులు, గాజాలో కొనసాగుతున్న ఉద్రిక్తతలతో ఇప్పటికే ప్రపంచ ఇంధన మార్కెట్లు ఉక్కిరి బిక్కిరవుతున్నాయి. ఈ ప్రభావం ఇప్పుడు అమెరికా అధ్యక్షుడు డొనాల్డ్‌ ట్రంప్‌కు కూడా పెద్ద సవాలుగా మారింది. యుద్ధం దెబ్బకు ఇంధన ధరలు రికార్డు స్థాయికి చేరడంతో.. అమెరికాలోనే కాదు, యూరప్‌లోనూ పరిస్థితి ఆందోళనకరంగా మారింది. దీంతో ధరలకు కళ్లెం వేసేందుకు ఓ కీలక నిర్ణయం తీసుకోవాల్సిన పరిస్థితి ఏర్పడింది. అమెరికా అధ్యక్షుడు ట్రంప్‌ యూరప్‌ దేశాలు తమ వద్ద ఉన్న డీజిల్‌ నిల్వలను విడుదల చేయాలని డిమాండ్‌ చేశారు. పరిస్థితి ఇలాగే కొనసాగితే అమెరికా నుంచి డీజిల్‌ ఎగుమతులపై నిషేధం విధించే అవకాశాన్ని కూడా ఆయన ప్రస్తావించారు. అలాంటి నిర్ణయం ప్రపంచ మార్కెట్లో డీజిల్‌ కొరతను మరింత పెంచే ప్రమాదం ఉండటంతో యూరప్‌లో ఆందోళన వ్యక్తమైంది. ఈ నేపథ్యంలో ఫ్రాన్స్‌ అధ్యక్షుడు ఇమ్మాన్యుయేల్‌ మాక్రాన్‌ ట్రంప్‌తో మాట్లాడారు. అనంతరం G7 దేశాల నేతలతో వీడియో కాన్ఫరెన్స్‌ నిర్వహించారు. ట్రంప్‌ కూడా ఈ చర్చల్లో పాల్గొని యూరప్‌ డీజిల్‌ నిల్వలను విడుదల చేయడానికి చర్చలు జరిపినట్లు అమెరికా అధికారులు తెలిపారు.చివరకు G7 ఒక కీలక నిర్ణయం తీసుకుంది. నాలుగు నెలల వ్యవధిలో మొత్తం 100 మిలియన్‌ బ్యారెళ్ల చమురు, డీజిల్‌ తదితర ఇంధన నిల్వలను సమన్వయంతో విడుదల చేయనుంది. ఇందులో తొలి 20 రోజుల్లోనే గణనీయమైన మొత్తంలో డీజిల్‌ను మార్కెట్లోకి తీసుకురానున్నారు. ఈ ప్రక్రియను అంతర్జాతీయ ఇంధన సంస్థ (IEA) ద్వారా సమన్వయం చేయనున్నారు.ట్రంప్‌కు కొత్త టెన్షన్‌ఇక్కడ మరో కీలక అంశం ఉంది. అమెరికాలో డీజిల్‌ ధరలు ఇటీవల రికార్డు స్థాయికి చేరాయి. యుద్ధం కారణంగా ఇంధన సరఫరాలపై ఒత్తిడి పెరగడంతో ధరలు ఎగిశాయి. నవంబర్‌ 3న అమెరికా మధ్యంతర ఎన్నికలు జరగనున్న నేపథ్యంలో పెరిగిన జీవన వ్యయం, ఇంధన ధరలు ట్రంప్‌ ప్రభుత్వానికి రాజకీయంగా కూడా కీలక అంశంగా మారాయి.అందుకే డీజిల్‌ ధరలను అదుపులోకి తీసుకురావడానికి వేగంగా చర్యలు తీసుకోవాల్సిన పరిస్థితి ఏర్పడింది. ట్రంప్‌ స్వయంగా కూడా యూరప్‌ భారీగా డీజిల్‌ నిల్వలను విడుదల చేయడానికి అంగీకరించిందని ప్రకటించారు. అనంతరం అమెరికా డీజిల్‌ ఎగుమతులపై నిషేధం విధించబోమని స్పష్టం చేశారు. G7 దేశాలు కూడా పరస్పరం ఇంధన ఎగుమతులపై ఆంక్షలు విధించబోమని స్పష్టం చేశాయి. అంటే ఒకవైపు నిల్వలను విడుదల చేస్తూనే.. మరోవైపు అంతర్జాతీయ సరఫరా గొలుసుకు మరింత దెబ్బ తగలకుండా చర్యలు తీసుకుంటున్నాయి.అసలు టెన్షన్‌ ఇక్కడే.. అయితే చమురు నిల్వలను విడుదల చేయడం తక్షణ ఉపశమనానికి మాత్రమే. పశ్చిమాసియాలో అసలు సమస్య మాత్రం ఇంకా కొనసాగుతూనే ఉంది. హర్ముజ్‌ జలసంధి, బాబ్ అల్-మండెబ్ సముద్ర మార్గాలపై నెలకొన్న ఉద్రిక్తత ప్రపంచ ఇంధన సరఫరాకు పెద్ద ముప్పుగా మారింది.హర్ముజ్‌ ద్వారా భారీ స్థాయిలో చమురు రవాణా జరుగుతుంది. అక్కడ నౌకల రాకపోకలకు అంతరాయం ఏర్పడితే ప్రపంచ మార్కెట్‌పై నేరుగా ప్రభావం పడుతుంది. G7 కూడా తాజాగా హర్ముజ్‌లో అంతర్జాతీయ నౌకాయాన హక్కులు, స్వేచ్ఛాయుత రాకపోకలను వెంటనే పునరుద్ధరించాలని పిలుపునిచ్చింది.మరోవైపు యెమెన్‌లోని హౌతీల చర్యల కారణంగా బాబ్ అల్-మండెబ్–ఎర్ర సముద్ర మార్గం కూడా ప్రమాదంలో ఉంది. తాజాగా ఒమన్‌ సమీపంలో ఓ క్రూడ్‌ ఆయిల్‌ ట్యాంకర్‌ను క్షిపణి తాకినట్లు యూకే మారిటైమ్‌ ట్రేడ్‌ ఆపరేషన్స్‌ తెలిపింది. సిబ్బంది సురక్షితంగా ఉన్నప్పటికీ.. వాణిజ్య నౌకల భద్రతపై ఆందోళనలు పెరుగుతున్నాయి.హౌతీలపై భారీ దాడులుఇదే సమయంలో యెమెన్‌లో పోరాటం మరింత తీవ్రరూపం దాల్చింది. గత 24 గంటల్లో 474 ఆపరేషన్లు నిర్వహించి 1,540 మంది హౌతీ ఫైటర్లను హతమార్చినట్లు యెమెన్‌ సైన్యం ప్రకటించింది. తైజ్‌ ప్రాంతంలో అత్యధిక నష్టం జరిగినట్లు తెలిపింది. పలువురికి గాయాలైనట్లు సమాచారం. మరోవైపు దక్షిణ సౌదీ అరేబియాను లక్ష్యంగా చేసుకుని వచ్చిన మూడు బాలిస్టిక్‌ క్షిపణులను అడ్డుకున్నట్లు సౌదీ నేతృత్వంలోని సంకీర్ణం తెలిపింది. దీంతో యెమెన్‌–సౌదీ సరిహద్దుల్లోనూ ఉద్రిక్తత కొనసాగుతోంది.గాజాలోనూ దాడులు.. వెస్ట్‌బ్యాంక్‌లో హింసపశ్చిమాసియా సంక్షోభం ఇరాన్‌, యెమెన్‌తోనే ఆగలేదు. గాజా సిటీలోని ఓ నివాస సముదాయంపై ఇజ్రాయెల్‌ వైమానిక దాడిలో చిన్నారి సహా నలుగురు మరణించినట్లు పాలస్తీనా వైద్య వర్గాలు తెలిపాయి. పలువురు గాయపడ్డారు. ఆక్రమిత వెస్ట్‌బ్యాంక్‌లోనూ పాలస్తీనియన్లపై సెటిలర్‌ దాడులు జరిగినట్లు సమాచారం. మరోవైపు హమాస్‌ ఆర్థిక నెట్‌వర్క్‌ను దెబ్బతీసేందుకు అమెరికా, ఫ్రాన్స్‌తో కలిసి చర్యలు కొనసాగిస్తామని అమెరికా విదేశాంగ శాఖ తెలిపింది.ఒక్క యుద్ధం.. ఎన్నో ప్రభావాలుఇలా పశ్చిమాసియాలోని ఒక్కో ఫ్రంట్‌ మరోదానితో ముడిపడి ఉంది. ఇరాన్‌ యుద్ధం చమురు సరఫరాపై ప్రభావం చూపుతోంది.. హౌతీల దాడులు సముద్ర రవాణాపై ఒత్తిడి పెంచుతున్నాయి. హర్ముజ్‌ ఉద్రిక్తత ప్రపంచ చమురు మార్కెట్‌ను కుదిపేస్తోంది.. గాజా, వెస్ట్‌బ్యాంక్‌లో హింస ప్రాంతీయ ఉద్రిక్తతలను మరింత పెంచుతోంది.దీని ప్రభావమే ఇప్పుడు G7 అత్యవసర నిల్వలను రంగంలోకి దించడం. అయితే 100 మిలియన్‌ బ్యారెళ్ల విడుదలతో ధరలపై కొంత ఒత్తిడి తగ్గే అవకాశం ఉన్నా.. పశ్చిమాసియాలో యుద్ధం, సముద్ర మార్గాల భద్రతపై అనిశ్చితి కొనసాగినంతకాలం ఇంధన మార్కెట్‌ టెన్షన్‌ మాత్రం పూర్తిగా తగ్గే పరిస్థితి కనిపించడం లేదు.ఇదీ చదవండి: కీవ్‌లో ఏం జరుగుతోంది? మూడు వంతెనలు నాశనం

రాంచీ: నర్సుగా ఉద్యోగం ఇప్పిస్తామని నమ్మించి యువతిని దుబాయ్‌కి పంపించారు. తీరా అక్కడికెళ్లాక పాస్‌పోర్టు తీసుకుని బందీగా ఉంచి, ఇళ్లలో పనిచేయిస్తున్నారు. బాధితురాలి తండ్రి పోలీసులకు ఫిర్యాదు చేయడంతో జార్ఖండ్‌లో ఓ రిక్రూట్‌మెంట్‌ చేసిన మోసం వెలుగులోకి వచ్చింది. వివరాల్లోకి వెళ్తే.. రాంచీలోని ఛోటా ఘఘ్రా ప్రాంతానికి చెందిన మోనికా కచ్చప్‌ ఓ ప్రైవేట్‌ ఆసుపత్రిలో నర్సుగా పనిచేస్తున్నది. సోషల్‌ మీడియాలో దుబాయ్‌లో ఉద్యోగమంటూ ప్రైవేట్‌ రిక్రూటింగ్‌ ఏజెన్సీ ఏఎండీ ట్రెండ్‌ సొల్యూషన్స్‌ ప్రకటనను చూసింది. ఆ ఉద్యోగం కోసం ఏజెన్సీని సంప్రదించింది. మోనిక ఆసక్తిని సొమ్ము చేసుకున్న ఏజెన్సీ ప్రతినిధి ప్రియాంక, మోనికా నుంచి ఏప్రిల్‌లో రూ.15,000 తీసుకుని విజిటింగ్‌ వీసా మీద మే5న ఆమె షార్జాకు పంపించింది. ఆమెను రిసీవ్‌ చేసుకున్న అక్కడి డ్రైవర్, యువతి పాస్‌పోర్టును స్వా«దీనం చేసుకున్నాడు. ఆమె 12,600 ధీరామ్‌లు (దాదాపు మూడున్నర లక్షలు)అప్పు తీసుకున్నట్లు డాక్యుమెంట్లు తయారు చేసి సంతకం చేయించుకున్నాడు. నర్సు ఉద్యోగానికి బదులుగా ఇళ్లలో పనిచేయిస్తూ వేధింపులకు గురి చేస్తున్నారు. పాస్‌పోర్టు అడిగితే.. మూడున్నర లక్షలు ఇవ్వాలని డిమాండ్‌ చేశారు. విషయం తెలుసుకున్న బాధితురాలి తండ్రి ఏజెంట్‌ ప్రియాంక ఆర్య, ఆమె భర్త రితే‹Ù, ఎండీ మెరాజ్‌ అన్సారీలపై రాంఛీ ఎయిర్‌పోర్టు పోలీసులకు ఫిర్యాదు చేశారు. తమ కుమార్తెను సురక్షితంగా భారత్‌కు రప్పించాలని విదేశాంగ శాఖ(ఎంఈఏ), జార్ఖండ్‌ ప్రభుత్వాన్ని ఆశ్రయించారు. రిక్రూట్‌మెంట్‌ ఏజెన్సీపై పోలీసులు కేసు నమోదు చేశారు. విదేశాంగ శాఖ దుబాయ్‌లోని భారత రాయబార కార్యాలయంతో సంప్రదింపులు జరుపుతోంది.

న్యూఢిల్లీ: మహాత్మా గాందీ, మాజీ ప్రధాని లాల్‌ బహదూర్‌ శాస్త్రి జయంతి సందర్భంగా శుక్రవారం ప్రధాని నరేంద్రమోదీ, ప్రతిపక్ష కాంగ్రెస్‌ పార్టీలు ఇరువురు నేతలకు ఘన నివాళులు అర్పించాయి. ప్రధాని, కాంగ్రెస్‌ పార్టీ అధ్యక్షుడు మల్లికార్జున ఖర్గే, లోక్‌సభలో ప్రతిపక్ష నేతలు మహాత్మా గాంధీ సమాధి రాజ్‌ఘాట్, లాల్‌ బహదూర్‌ శాస్త్రి సమాధి విజయ్‌ఘాట్‌లను వేర్వేరుగా సందర్శించారు. పుష్పాంజలి ఘటించి నివాళులు అర్పించారు. గాం«దీ, శాస్త్రీలిద్దరి సరళత, ధైర్యం, సేవాతత్పరతలు తరతరాలకూ స్ఫూరినిస్తూనే ఉంటాయని ప్రధాని నరేంద్ర మోదీ ‘ఎక్స్‌’లో కొనియాడగా.. ఎన్నడూ అన్యాయానికి తలవంచకూడదన్న గాంధీ బోధనలు అనుసరణీయమని రాహుల్‌ గాంధీ పేర్కొన్నారు. కాంగ్రెస్‌ అధ్యక్షుడు మల్లికార్జున ఖర్గే ఎక్స్‌లో ఒక పోస్టు చేస్తూ... గాం«దీజీ అన్యాయాన్ని ఎదుర్కొనేందుకు సత్యాగ్రహాన్ని శక్తిమంతమైన ఆయుధంగా మలచారని కీర్తించారు. ఇది స్వాతంత్య్రోద్యమానికి మాత్రమే కాకుండా... ప్రపంచం మొత్తానికి మానవీయత, శాంతి సందేశాలను ఇచ్చిందని అన్నారు. వికసిత్‌ భారత్‌కు మార్గదర్శనం... ‘‘రాజ్‌ఘాట్‌లో మహాత్మా గాం«దీకి, విజయ్‌ఘాట్‌లో మాజీ ప్రధాని లాల్‌ బహదూర్‌ శాస్త్రి కి నివాళులు అర్పించాను. భారత ప్రగతికి వారి అచంచల నిబద్ధత ప్రతి ఒక్కరికీ మార్గదర్శకంగా నిలుస్తాయి’’అని ప్రధాని వ్యాఖ్యానించారు. మోదీ అంతకుముందు ఎక్స్‌లో ఇంకో పోస్టు చేస్తూ... సత్యం, అహింస, కరుణ, సేవలకు గాంధీ జీవితం ప్రతీకగా నిలిచిందని, యుగయుగాల పాటు మానవాళికి మార్గదర్శనం చేస్తుందని అన్నారు.‘‘బాపూజీ బోధనలు మెరుగైన సమాజం, ‘వికసిత్‌ భారత్‌’వైపు మనకు మార్గనిర్దేశం చేస్తూండాలి’’అని ఆకాంక్షించారు. ‘‘అక్టోబర్‌ రెండున కనీసం ఒక ఖాదీ ఉత్పత్తినైనా కొనుగోలు చేసి, అది స్వదేశీ ఉత్పత్తి అని గర్వంగా చెప్పాలని ప్రతి ఒక్కరికీ విజ్ఞప్తి చేస్తున్నాను’’అని ప్రధాని అన్నారు. లాల్‌బహదూర్‌ శాస్త్రి ప్రధానమంత్రిగా స్వల్పకాలమే పని చేసినా దేశ సంక్షేమంపై ఆయనకున్న నిబద్ధత సుస్పష్టమని మోదీ వ్యాఖ్యానించారు. శాస్త్రి ఇచ్చిన ‘జై జవాన్, జై కిసాన్‌’నినాదం దేశానికి మార్గదర్శకమన్నారు. అన్యాయానికి ఎదురొడ్డే ధైర్యాన్ని ఇచ్చాయి: రాహుల్‌ గాంధీ గాంధీ బోధనలు తనకు అన్యాయాన్ని ఎదురొడ్డే ధైర్యాన్నిచ్చాయని లోక్‌సభలో ప్రతిపక్ష నేత రాహుల్‌ గాంధీ తన ఎక్స్‌ పోస్టులో పేర్కొన్నారు. హిందీలో చేసిన ఈ పోస్టులో రాహుల్‌ ‘‘సత్యం, అహింస, నిర్భయత్వం.. ఇవే బాపూజీ అందించిన వారసత్వ విలువ లు. అన్యాయానికి ఎప్పుడూ తలవంచకూడ దని నేర్పాయి. సత్యం, అహింసతో దృఢంగా నిలబడటమే నిజమైన బలం’’అని రాశారు. సంవిధాన్‌ సదన్‌లోనూ... ప్రధాని మోదీ, కేంద్ర మంత్రులు, లోక్‌సభ ప్రతిపక్ష నేత రాహుల్‌ గాంధీ తదితరులు శుక్రవారం సంవిధాన్‌ సదన్‌లో మహాత్మా గాం«దీ, లాల్‌ బహదూర్‌ శాస్త్రి చిత్రపటాలకు పుష్పాంజలి ఘటించారు. లోక్‌సభ స్పీకర్‌ ఓం బిర్లా, కేంద్ర మంత్రులు రాజ్‌నాథ్‌ సింగ్, జేపీ నడ్డా, కిరెన్‌ రిజిజు, కాంగ్రెస్‌ అధ్యక్షుడు మల్లికార్జున్‌ ఖర్గే, కాంగ్రెస్‌ నేతలు సోనియా గాంధీ, ప్రియాంక గాంధీ వాద్రా, బీజేపీ అధ్యక్షుడు నితిన్‌ నబీన్‌ తదితరులు ఈ కార్యక్రమంలో పాల్గొన్నారు. ప్రపంచవ్యాప్తంగా... బీజింగ్‌/ఇస్లామాబాద్‌: శాంతి, సత్యం, అహింసపై మహాత్మా గాంధీ ఇచి్చన సార్వత్రిక సందేశం నేటికీ అనుసరణీయమని పలు దేశాల్లోని భారత రాయబార కార్యాలయాలు శుక్రవారం గాం«దీజీ 157వ జయంతిని ఘనంగా నిర్వహించాయి. భారత దౌత్యవేత్తలు, ప్రవాస భారతీయులు, స్థానిక ప్రముఖులు ఈ కార్యక్రమాల్లో పాల్గొని గాంధీజీకి నివాళులు అర్పించారు. బీజింగ్‌లోని జింతాయ్‌ ఆర్ట్‌ మ్యూజియంలో చైనాలో భారత రాయబారి విక్రమ్‌ దొరైస్వామి షాంఘైలో భారత కాన్సుల్‌ జనరల్‌ ప్రతీక్‌ మాథుర్‌తోపాటు బ్రిక్స్‌ దేశాల కాన్సుల్‌ జనరల్స్‌ గాం«దీజీకి నివాళులు అర్పించారు. జపాన్‌లో భారత రాయబారి నాగుమా మల్లిక్‌ ప్రవాస భారతీయులతో కలిసి ఎడోగావాలోని గాంధీ విగ్రహానికి నివాళులు అర్పించారు. ఇస్లామాబాద్‌లో భారత రాయబార కార్యాలయ తాత్కాలిక ఇన్‌చార్జి సత్యాంజల్‌ పాండే, ఇతర అధికారులు గాం«దీజీకి పుష్పాంజలి ఘటించారు. నేపాల్‌లోని భారత రాయబార కార్యాలయంలోనూ గాంధీ జయంతి కార్యక్రమం నిర్వహించారు. విద్యార్థులు, ఉపాధ్యాయులు గాంధీజీకి ఇష్టమైన భజనలు ఆలపించారు. ఆస్ట్రేలియాలోని కాన్‌బెర్రాలో గాంధీ విగ్రహం వద్ద భారత హైకమిషనర్‌ నాగేశ్‌ సింగ్, అధికారులు, ప్రవాస భారతీయులు నివాళులు అర్పించారు. న్యూజిలాండ్‌లోని వెల్లింగ్టన్‌ రైల్వే స్టేషన్‌లో గాం«దీజీకి పుష్పాంజలి ఘటించారు. బహ్రెయిన్, దక్షిణ కొరియా, మంగోలియా, సౌదీ అరేబియా, దక్షిణాఫ్రికా, టర్కియే తదితర దేశాల్లోని భారత రాయబార కార్యాలయాలు గాంధీ జయంతిని ఘనంగా నిర్వహించాయి.

కీవ్‌: ఇప్పటి వరకు ఉక్రెయిన్‌లోని జనావాసాలు, గ్యాస్‌ స్టేషన్లు, సూపర్‌మార్కెట్‌ గోదాములు, డేటా సెంటర్లపై డ్రోన్‌లు, క్షిపణులను ప్రయోగించి ధ్వంసం చేసిన రష్యా తన తంత్రాన్ని మార్చుకుంది. ప్రజల్లో భయోత్పాతాన్ని సృష్టించేందుకు రవాణాకు కీలకమైన వంతెనలపై దృష్టి సారించింది. గురువారం రాత్రి ఉక్రెయిన్‌ రాజధాని కీవ్‌లోని నీప్రో నదిపై ఉన్న ఆరు ముఖ్యమైన వంతెనలకు గాను మూడింటిపై డ్రోన్లతో దాడులకు పాల్పడింది. ఈ దాడుల్లో వంతెనలు తీవ్రంగా దెబ్బతినడంతో అధికారులు వాటిని మూసివేశారు. దీంతో, వాహనాల రాకపోకలకు తీవ్ర విఘాతం ఏర్పడింది. కీవ్‌ సహా 9 ప్రాంతాలపై గురువారం రాత్రి రష్యా 100కుపైగా డ్రోన్లను ప్రయోగించినట్లు ఉక్రెయిన్‌ అధ్యక్షుడు జెలెన్‌స్కీ తెలిపారు. ఇందులో సగానికి సగం అత్యంత వేగంతో, గగనతల రక్షణ వ్యవస్థలకు అందనంత ఎత్తులో ఎగిరేవని చెప్పారు. ఈ దాడుల్లో ఒకరు చనిపోగా, నలుగురు గాయపడ్డారన్నారు. అంతర్జాతీయ ఆంక్షల్లో ఉన్న లొసుగులను ఆసరాగా తీసుకుని రష్యా ఆయుధాల తయారీకి అవసరమైన సామగ్రిని తేలిగ్గా కొనుగోలు చేస్తోందన్నారు. అందుకే, వాణిజ్య ఆంక్షలను మరింత కఠినతరం చేయాలని పిలుపునిచ్చారు. ఇలా ఉండగా, గురువారం రాత్రి క్రిమియా, నల్ల సముద్రం, అజోవ్‌ సముద్రం సహా పలు ప్రాంతాలపైకి ఉక్రెయిన్‌ ప్రయోగించిన 646 డ్రోన్లను కూల్చివేసినట్లు రష్యా రక్షణ శాఖ తెలిపింది. భారత్‌ నుంచి కాల్పుల విరమణ ప్రతిపాదన తాత్కాలిక కాల్పుల విరమణకు సంబంధించి అమెరికా, తుర్కియే, ఈజిప్టులతోపాటు మొదటిసారిగా భారత్‌ నుంచి కూడా వేర్వేరు ప్రతిపాదనలు అందాయని ఉక్రెయిన్‌ ఉన్నతాధికారి ఒకరు తెలిపారు. ఇంధన కొరతకు కారణమవుతున్న రష్యాలోని చమురు వనరులపై ఉక్రెయిన్‌ లాంగ్‌ రేంజ్‌ డ్రోన్‌ దాడులు, ఉక్రెయిన్‌లో తీవ్ర కరెంటు కోతలకు కారణమవుతున్న ఇంధన మౌలిక సదుపాయాలపై రష్యా దాడులను నిలిపివేయడం, నల్ల సముద్రం మీదుగా ప్రపంచ దేశాలకు కీలకమైన ఆహార ధాన్యాల రవాణాను యథా ప్రకారం కొనసాగనివ్వడం ఇందులో ఉన్నాయని ఆ అధికారి వివరించారు. ఈ విషయంలో మధ్యవర్తిత్వం వహించేందుకు భారత్‌ ముందుకు వచి్చందని చెప్పారు. రష్యా దాడులను నిలిపివేసిన పక్షంలో తాము కూడా ఆ దేశంపై దాడులను ఆపేందుకు సిద్ధంగా ఉన్నామని ఆయన తెలిపారు. రష్యా మాత్రం పూర్తి స్థాయి కాల్పుల విరమణ మాత్రమే తాము కోరుకుంటున్నామని రష్యా స్పష్టం చేస్తోంది. రష్యా నుంచి చమురు కొనుగోలు చేసే దేశాలపై ఇటీవల అమెరికాలోని ట్రంప్‌ ప్రభుత్వం కఠిన ఆంక్షలు విధించింది. వీటి ప్రభావం చైనాతోపాటు రష్యా ప్రధాన చమురు దిగుమతి దారుల్లో ఒకటైన భారత్‌పైనా పడుతోంది. ఈ నేపథ్యంలోనే భారత్‌ మధ్యవర్తిత్వానికి ముందుకు రావడం గమనార్హం.

మాస్కో: రష్యా–ఉక్రెయిన్‌ సంఘర్షణను పరిష్కరించడంపై భారత ప్రధాని నరేంద్ర మోదీకి చాలా చక్కటి ఆలోచనలు ఉన్నాయని రష్యా అధ్యక్షుడు పుతిన్‌ చెప్పారు. ప్రతి సమావేశంలోనూ మోదీ ఈ విషయాన్ని ప్రస్తావిస్తుంటారని తెలిపారు. గురువారం జరిగిన వాల్డాయ్‌ ఇంటర్నేషనల్‌ డిస్కషన్‌ క్లబ్‌ వార్షిక సమావేశంలో పుతిన్‌ మాట్లాడారు. ‘‘యుద్ధాలను ముగించడంపై ప్రధానమంత్రి మోదీ వైఖరి విషయానికి వస్తే.. మా ఇద్దరి మధ్య చాలా మంచి స్నేహపూర్వక సంబంధాలు ఉన్నాయి. ఉక్రెయిన్‌ సంఘర్షణను ముగించే అంశాన్ని ఆయన నిరంతరం ప్రస్తావిస్తూ ఉంటారు. రష్యా–ఉక్రెయిన్‌ ఘర్షణ గురించి ప్రశ్నలు అడిగే ప్రపంచ నాయకుల్లో మోదీ ఒకరని నేను చెప్పగలను. మేము జరిపే ప్రతి సమావేశంలోనూ మోదీ ఈ అంశాలను ప్రస్తావిస్తారు. ప్రత్యేక ఆసక్తిని కనబరుస్తారు. పరస్పర ఆమోదయోగ్యమైన పరిష్కారాలను కనుగొనే లక్ష్యంతో మోదీ వద్ద చాలా మంచి ఆలోచనలు ఉన్నాయి’’అని పుతిన్‌ స్పష్టంచేశారు. అలాగే బుధవారం ఓ సదస్సులో పుతిన్‌ ప్రసంగించారు. భారతదేశ సాంస్కృతిక వైవిధ్యం, ఐక్యత పట్ల ప్రశంసల వర్షం కురిపించారు. భారతదేశం తన విస్తృతి, వైవిధ్యంతో అందరినీ ఆశ్చర్యపరుస్తోందని అన్నారు. ‘‘ఈ విషయం చాలా తక్కువ మందికి తెలుసు. 150 కోట్ల మంది జనాభాలో 60 కోట్ల మంది భారతీయులు తమ మాతృభాష అయిన హిందీని మాట్లాడతారు. మిగిలిన వారు తమ మాతృ భాషలను మాట్లాడతారు. అయినప్పటికీ వారందరూ కలిసిమెలిసి జీవిస్తున్నారని మోదీ నాకు చెప్పారు. ఇది నిజంగా అద్భుతం, ప్రశంసనీయం. వైవిధ్యం, ఐక్యత ఎలా కలిసి ఉండగలవో చెప్పడానికి భారతీయ సంస్కృతిలో ఒక ప్రత్యేకత ఉంది. అది కచి్చతంగా ఒక ఉదాహరణగా నిలుస్తుంది. నిజంగానే మనం నేర్చుకోవాల్సిన విషయం’’అని కొనియాడారు.

వాషింగ్టన్‌: పారిశ్రామిక దేశాల కూటమి జీ7 తమ దేశానికి తక్షణమే 10 కోట్ల బారెళ్ల చమురు, ముఖ్యంగా డీజిల్‌ను సరఫరా చేసేందుకు అంగీకరించినట్లు అమెరికా అధ్యక్షుడు ట్రంప్‌ ప్రకటించారు. మధ్యంతర ఎన్నికలు ముంచుకొస్తున్న వేళ, దేశంలో ఇంధన ధరలు రికార్డు స్థాయిలో పెరుగుతున్న నేపథ్యంలో ట్రంప్‌ సారథ్యంలోని రిపబ్లికన్‌ పార్టీ ప్రభుత్వం తీవ్ర ఒత్తిళ్లను ఎదుర్కొంటోంది. ఇరాన్‌తో యుద్ధం, టారిఫ్‌ల యుద్ధం కారణంగా అమెరికాలో ఆయిల్, ఇతర వస్తువుల ధరలు ఆకాశాన్నంటుతుండటంతో ట్రంప్‌ ప్రజాదరణ దారుణంగా పడిపోయింది. శుక్రవారం ట్రంప్‌ తన సోషల్‌ మీడియా ట్రూత్‌ సోషల్‌లో..‘పెద్ద మొత్తంలో నిల్వ ఉంచుకున్న డీజిల్‌ను విడుదల చేసేందుకు యూరప్‌ అంగీకరించింది. ఈ చమురును వెంటనే విడుదల చేస్తుంది’అని ప్రకటించారు. జీ7 అధ్యక్ష బాధ్యతల్లో ఉన్న ఫ్రాన్స్‌ అధ్యక్షుడు మేక్రాన్‌తో గురువారం రాత్రి ట్రంప్‌ ఫోన్‌లో మాట్లాడారు. తమ దేశంలో పెరుగుతున్న చమురు ధరలను అదుపు చేసేందుకు, పెట్రోలియం ఉత్పత్తుల అవసరం ఏర్పడిందని ఆయనకు తెలిపారు. దీంతో, మేక్రాన్‌ శుక్రవారం ఉదయం జీ7 దేశాల నేతలతో వర్చువల్‌ సమావేశం జరిపి, ట్రంప్‌కు అనుకూలంగా నిర్ణయం తీసుకున్నారని అమెరికాలో ఫ్రాన్స్‌ దౌత్యాధికారి ఒకరు వెల్లడించారు.

జెరూసలెం: ఇజ్రాయెల్‌ వెళుతున్న ఫ్లై దుబాయ్‌ విమానాన్ని కూల్చేసే ప్రయత్నం చేసిన కో–పైలట్‌ వెనుక ఇరాన్‌ ఉన్నట్లు తెలిస్తే ఆ దేశంపై తీవ్రస్థాయి దాడి తప్పదని అమెరికా అధ్యక్షుడు డొనాల్డ్‌ ట్రంప్‌ హెచ్చరించారు. కో–పైలట్‌ కత్తితో కెప్టెన్‌పై దాడి చేయడంతో ఫ్లై దుబాయ్‌ విమానం అదుపుతప్పి వేగంగా కిందకు దిగిన విషయం.. సహ ప్రయాణీకులు సకాలంలో అడ్డుకోవడంతో హైజాక్‌ ముప్పు, 9/11 తరహా దాడిని నివారించడం తెలిసిందే. కో–పైలట్‌కు, ఇరాన్‌కు ఏమైనా సంబంధం ఉందా? అని కొందరు విలేకరులు ప్రశ్నించగా.. దర్యాప్తు సాగుతోందని ట్రంప్‌ సమాధానమిచ్చారు. తనకు అందుతున్న సమాచారం ప్రకారం ఇరాన్‌ ప్రమేయం ఉందన్న ట్రంప్‌ ఆ అనుమానానికి గల కారణాలను మాత్రం వివరించలేదు. దాడి వెనుక ఇరాన్‌ ఉన్నట్లు తేలితే అమెరికా ప్రతీకారం తీర్చుకుంటుందా అని ప్రశ్నించగా.. ‘‘వారిపై తీవ్రమైన దాడి జరుగుతుంది. ఆందోళన చెందకండి’’అని ట్రంప్‌ వ్యాఖ్యానించారు.

న్యూఢిల్లీ: కెప్టెన్‌ స్మిత్‌ మచ్ఛార్‌ను కత్తితో పొడిచి ఫ్లై దుబాయ్‌ విమానాన్ని హైజాక్‌ చేసే ప్రయత్నం చేసిన ఒమాన్‌ దేశపు కో–పైలట్‌ సోషల్‌ మీడియాలో యూదులను హత్య చేయడం గురించి మాట్లాడినట్లు ఇజ్రాయెలీ అధికారి ఒకరు టైమ్స్‌ ఆఫ్‌ ఇజ్రాయెల్‌కు తెలిపారు. అంతేకాకుండా... హైజాక్‌ యత్నం జరిగినప్పుడు ఈ కోపైలట్‌ తనను చంపేయమని కూడా ఎమిరేట్స్‌కు చెందిన సిబ్బందిని కోరినట్లు ప్రయాణీకుల సంభాషణలను బట్టి తెలిసిందని ఆ అధికారి తెలిపారు.అవసరమైతే ఆత్మహత్య చేసుకునేందుకూ సిద్ధంగా ఉన్నాడని, అతడి సోషల్‌ మీడియా అకౌంట్లను చూస్తే పూర్తిగా జిహాదీ భావజాలం కలిగిన వ్యక్తని తెలుస్తుందని ఆ అధికారి వివరించారు. ఇజ్రాయెల్‌ ప్రధానమంత్రి బెంజిమన్‌ నెతన్యాహూ కూడా కోపైలట్‌ ఇస్లామిక్‌ మతోన్మాది అని విచారణలో తెలిసినట్లు చెప్పడం ఇక్కడ ప్రస్తావనార్హం. మరోవైపు ఐన్యూస్‌24 విలేకరి సమాచారం ప్రకారం ఈ ఒమానీ కోపైలట్‌ నుంచి స్వా«దీనం చేసుకున్న వస్తువుల్లో ‘ఫ్రీ పాలస్తీన్‌’ వర్గాలు ముద్రించిన కొన్ని కరపత్రాలు ఉన్నాయి. ఘటన సమయంలోనూ అతడు పలుమార్లు పాలస్తీనాకు అనుకూలంగా మాట్లాడాడని, ఆ విలేకరి ఎమిరేట్స్‌ సిబ్బందిని ఉటంకిస్తూ చెప్పారు. దుబాయ్‌ నుంచి టెల్‌ అవీవ్‌కు వెళుతున్న విమానం బుధవారం అకస్మాత్తుగా సుమారు 17,000 అడుగుల దిగువకు చేరడం... ప్రయాణీకులు, సిబ్బంది కో–పైలట్‌ను అడ్డుకోవడంతో హైజాక్‌ యత్నం విఫలం కావడం తెలిసిందే.

దుబాయ్‌: యూఏఈలో నివసిస్తున్న భారతీయ ఐటీ ఇంజనీర్‌కు పుట్టినరోజు నెలలోనే అనూహ్యమైన కానుక లభించింది. అబుదాబిలో నివసిస్తున్న ముంబైకి చెందిన కునాల్‌ పిళ్లై (34), తన స్నేహితుల బృందంతో కలిసి పాల్గొన్న బిగ్‌ టికెట్‌ వీక్లీ ఈ-డ్రాలో 25,000 దిర్హామ్‌లు (సుమారు రూ.6.5 లక్షలు) గెలుచుకున్నాడు. ఈ విజయం అతడికి ఆనందంతోపాటు పుట్టినరోజు వేడుకలకు మరో ప్రత్యేక కారణాన్ని అందించింది.స్నేహితులతో కలిసి టికెట్లు కొనుగోలుముంబైకి చెందిన కునాల్‌ పిళ్లై గత 11 ఏళ్లుగా భార్యతో కలిసి అబుదాబిలో నివసిస్తున్నాడు. స్నేహితుల ద్వారా బిగ్‌ టికెట్‌ గురించి తెలుసుకున్న అతడు ఏడాది క్రితం నుంచి ఈ డ్రాల్లో పాల్గొనడం ప్రారంభించాడు. క్రమంగా ఇది అతడి భార్యతోపాటు మరో సన్నిహిత దంపతులతో కలిసి సరదాగా పాల్గొనే కార్యక్రమంగా మారింది.తాజాగా వీరంతా కలిసి ఆరు టికెట్లు కొనుగోలు చేశారు. వాటికి సంబంధించిన నంబర్ల ఎంపికను కూడా పంచుకున్నారు. తాను మూడు నంబర్లు ఎంచుకోగా, మిగిలిన మూడు నంబర్లను తన స్నేహితుడు ఎంపిక చేసినట్లు కునాల్‌ తెలిపాడు. ఈ క్రమంలోనే వారి బృందానికి అదృష్టం వరించింది.విజేతగా ఎంపికైనట్లు బిగ్‌ టికెట్‌ నిర్వాహకుల నుంచి ఫోన్‌ వచ్చినప్పుడు తొలుత ఆశ్చర్యపోయానని కునాల్‌ చెప్పాడు. అది నిజంగా బిగ్‌ టికెట్‌ నుంచి వచ్చిన కాల్‌ అని నిర్ధారించుకున్న తర్వాత ఎంతో సంతోషం కలిగిందని, తాము బహుమతి గెలుచుకున్నామన్న విషయాన్ని నమ్మలేకపోయానని వివరించాడు.పుట్టినరోజు వేడుకలకు అదనపు ఆనందంకునాల్‌ పుట్టినరోజు నెలలోనే ఈ బహుమతి రావడంతో అతడి ఆనందం రెట్టింపైంది. గెలుచుకున్న నగదును తన బృందంలోని సభ్యులతో పంచుకోనున్నారు. తనకు వచ్చే వాటాలో కొంత మొత్తాన్ని వ్యక్తిగత అవసరాల కోసం ఖర్చు చేస్తూ పుట్టినరోజును ప్రత్యేకంగా జరుపుకోవాలని భావిస్తున్నాడు. ఈ విజయం తమ బృందాన్ని భవిష్యత్తులోనూ బిగ్‌ టికెట్‌ డ్రాల్లో పాల్గొనేలా ప్రోత్సహించిందని తెలిపాడు.అక్టోబర్‌ డ్రాలో రూ. కోట్ల బహుమతిబిగ్‌ టికెట్‌ అక్టోబర్‌ నెలకు సంబంధించి రూ. కోట్ల విలువైన బహుమతులను ప్రకటించింది. ఇందులో ప్రధాన ఆకర్షణగా 2.5 కోట్ల దిర్హామ్‌ల గ్రాండ్‌ ప్రైజ్‌ ఉంది. నవంబర్‌ 3న నిర్వహించే ప్రత్యక్ష డ్రాలో ఈ బహుమతి విజేతను ప్రకటించనున్నారు. సెప్టెంబర్‌ డ్రాల్లో చిన్న మొత్తాల నగదు బహుమతులు గెలుచుకున్న వారితోపాటు, తదుపరి డ్రా కోసం ఎదురుచూస్తున్న వారికి కూడా ఈ ప్రకటన ఆసక్తిని పెంచుతోంది.

టెల్ అవీవ్: ఫ్లైదుబాయ్ విమానంలో జరిగిన భయానక ఘటనకు సంబంధించిన మరిన్ని ఆసక్తికర విషయాలు వెలుగులోకి వచ్చాయి. దుబాయ్ నుంచి ఇజ్రాయెల్‌కు బయలుదేరిన ఈ విమానాన్ని హైజాక్ చేసేందుకు ఒమన్ జాతీయుడైన కో-పైలట్ ప్రయత్నించాడు. విమానాన్ని నడుపుతున్న భారతీయ కెప్టెన్ స్మిత్ మచ్ఛర్‌పై అతడు కత్తితో విచక్షణారహితంగా దాడికి పాల్పడ్డాడు. అయితే, ఓ ఆరేళ్ల చిన్నారి అప్రమత్తత, ప్రయాణికుల సాహసంతో పెను ప్రమాదం తృటిలో తప్పింది. ఈ వివరాలను విమాన ప్రయాణికుడు త్వివికా మానేస్ ‘ది న్యూయార్క్ టైమ్స్’కు వెల్లడించారు.కో-పైలట్ కిరాతక దాడితో కాక్‌పిట్‌లో ఒక్కసారిగా ఉద్రిక్తత నెలకొంది. ఆ కుదుపుకు విమానం కూడా అదుపుతప్పే పరిస్థితికి చేరుకుంది. సరిగ్గా అదే సమయంలో కాక్‌పిట్‌కు ఆనుకుని ఉన్న టాయిలెట్‌లో త్వివికా మానేస్ ఆరేళ్ల కూతురు నినా ఉంది. లోపల జరుగుతున్న ఘర్షణ, పైలట్ చేస్తున్న ఆహాకారాలు ఆ చిన్నారి చెవిలో పడ్డాయి.ప్రాణభయంతో వణికిపోయిన నినా టాయిలెట్ నుంచి బయటకు వచ్చి వెంటనే తన తండ్రి వైపు పరుగెత్తింది. ‘నాన్నా.. కాక్‌పిట్ నుంచి శబ్దాలు వినిపిస్తున్నాయి.. మనం చనిపోవడం లేదు కదా?’ అంటూ భయంతో వణికిపోయింది. కుమార్తె మాటలతో హతాశుడైన తండ్రి త్వివికా మానేస్.. ఆ క్షణంలో అస్సలు ఆలస్యం చేయకుండా ఉరుకులు పరుగున కాక్‌పిట్ వైపు దూసుకెళ్లారు. ఒకవేళ ఆ చిన్నారి ఆ సమయంలో ఆ మాట అనకపోతే, ఆ తండ్రి సమయానికి స్పందించే వారు కాదు.. ఆ విమానంలో ప్రయాణిస్తున్న 170 మందికి పైగా ప్రాణాలు గాల్లోనే కలిసిపోయేవి!కాక్‌పిట్‌లో రక్తపాతం ఆయన కాక్‌పిట్ వద్దకు వెళ్లి చూసేసరికి దృశ్యం వణికించేలా ఉంది. కాక్‌పిట్ తలుపు పాక్షికంగా తెరుచుకుని ఉండగా.. తీవ్ర గాయాలతో రక్తపు మడుగులో ఉన్న కెప్టెన్ స్మిత్ మచ్ఛర్ ప్రాణాల కోసం పోరాడుతున్నారు. రక్తమోడుతున్నప్పటికీ, తోటి ప్రయాణికులను కాపాడేందుకు ఆయన కష్టపడి కాక్‌పిట్ తలుపును పూర్తిగా తెరిచారు.వెంటనే త్వివికా మానేస్‌తో పాటు మరో ఇద్దరు ప్రయాణికులు అసాఫ్ రజువాన్, యానివ్ హయున్ రంగంలోకి దిగి ఆయుధంతో ఉన్న నిందితుడిని అదుపులోకి తీసుకున్నారు. విమానంలోని హెడ్‌ఫోన్ సెట్ల వైర్లు, కేబుల్స్‌తో నిందితుడిని గట్టిగా కట్టేసి బందీగా మార్చారు.సౌదీ అరేబియాలో అత్యవసర ల్యాండింగ్..ఈ పోరాట సమయంలో విమానం ఒక్కసారిగా అదుపుతప్పి తీవ్ర వేగంతో కిందికి దూసుకెళ్లడంతో క్యాబిన్‌లో ప్రయాణికులు భయంతో కేకలు వేశారు. ఆ తర్వాత విమానంలో ఉన్న మరో ఇద్దరు డ్యూటీలో లేని పైలట్లు కాక్‌పిట్ నియంత్రణను తమ చేతుల్లోకి తీసుకున్నారు. సౌదీ అరేబియాలోని తబూక్ నగరంలో విమానాన్ని సురక్షితంగా ల్యాండ్ చేశారు. తీవ్రంగా గాయపడినప్పటికీ వెనకడుగు వేయకుండా పోరాడి వందలాది ప్రాణాలను కాపాడిన కెప్టెన్ స్మిత్ మచ్ఛర్ ధైర్యసాహసాలను ఇజ్రాయెల్ ప్రధాని బెంజమిన్ నెతన్యాహు ప్రత్యేకంగా కొనియాడారు.

కేప్‌ కానవెరాల్‌: స్పేస్‌ ఎక్స్‌ రాకెట్‌లో (SpaceX launches Crew-13) నాసా గురువారం నలుగురు వ్యోమగాముల్ని అంతర్జాతీయ అంతరిక్ష కేంద్రం (ఐఎస్‌ఎస్‌)కు పంపించింది. కేప్‌ కానవెరాల్‌ స్పేస్‌ ఫోర్స్‌ స్టేషన్‌ నుంచి వీరున్న స్పేస్‌ ఎక్స్‌ రాకెట్‌ నింగిలోకి దూసుకెళ్లింది. ఇంధన వ్యవస్థ లీకేజీ కారణంగా మూడు వారాలు ఆలస్యంగా చేపట్టిన ఈ కార్యక్రమానికి జెస్సికా వాట్కిన్స్‌ కమాండర్‌గా వ్యవహరిస్తున్నారు.ఐఎస్‌ఎస్‌లోకి ఆమె వెళ్లడం ఇది రెండోసారి. అదేవిధంగా, కక్ష్యలోకి వెళ్లే వ్యోమగాములకు నల్లజాతి మహిళ కమాండర్‌గా వ్యవహరించడం ఇదే మొదటిసారి. ఈ నలుగురూ ఆరు నెలలపాటు ఐఎస్‌ఎస్‌లో గడుపుతారు. ఇప్పటికే అక్కడున్న నలుగురు వ్యోమగాములు తిరిగి భూమిపైకి వస్తారు. వాట్కిన్స్‌ మొదటిసారి 2022లో దీర్ఘకాలంపాటు ఐఎస్‌ఎస్‌లో గడిపారు. జియాలజిస్ట్‌ అయిన వాట్కిన్స్‌కు దశాబ్దం క్రితం నాసా చేపట్టిన క్యూరియాసిటీ రోవర్‌ కార్యక్రమంతోనూ సంబంధముంది. ఈమె సారథ్యంలో గురువారం వెళ్లిన వారిలో రిటైర్డ్‌ మెరైన్‌ ల్యూక్‌ డెలానీ, కెనడాకు చెందిన ఆర్మీ అధికారి జోషువా కుట్రిక్, రష్యా వాసి సెర్గీ టటెర్యాట్నికోవ్‌ ఉన్నారు. ఇదీ చదవండి: 12 ఏళ్ల కొడుకు గొంతు నులిమి? కష్టాల్లో ప్రముఖ నటికాగా, నాసా కోసం స్పేస్‌ ఎక్స్‌ చేపట్టిన 13వ మిషన్‌ ఇది. వాట్కిన్, ఆమె బృందం లక్కీ 13 అనే నంబర్‌ ప్లేట్లు కలిగిన నల్ల టెస్లా కారులో లాంఛ్‌పాండ్‌ వద్దకు చేరుకున్నారు. వ్యోమగాముల్లో కెనడాకు చెందిన కుట్రిక్‌ భార్య హీథర్‌ నవంబర్‌లో మూడో బిడ్డకు జన్మనివ్వ నున్నారు. ఆ సమయానికి కుట్రిక్‌ తన కుటుంబం నుంచి దూరంగా ఉంటారు. అందుకే, కుట్రిక్‌ ఐఎస్‌ఎస్‌ నుంచే భార్యతో మాట్లాడేందుకు ఏర్పాట్లు చేస్తున్నారు. కాగా, ఇలా, అంతరిక్షంలో ఉండగానే తండ్రవుతున్న వ్యోమగాముల్లో కుట్రిక్‌ నాలుగో వ్యక్తిగా నిలుస్తారు. ఇదీ చదవండి: చాలా భయపడిపోయా.. స్మిట్‌ మచ్చార్‌ భార్య ఎమోషనల్‌

టెల్ అవీవ్: దుబాయ్ నుండి ఇజ్రాయెల్‌లోని టెల్ అవీవ్‌కు బయలుదేరిన ఫ్లైదుబాయ్ విమానం హైజాక్ యత్నం ఘటనలో విస్తుపోయే నిజాలు ఒక్కొక్కటిగా వెలుగులోకి వస్తున్నాయి. భారతీయ పైలట్‌పై కత్తితో దాడి చేసి విమానాన్ని కూల్చేందుకు యత్నించిన ఒమన్‌ కో-పైలట్‌కు సంబంధించిన మరిన్ని సంచలన వివరాలను ఇజ్రాయెల్ మీడియా, అధికారులు బయటపెట్టారు.నిందితుడు తన సోషల్ మీడియా ఖాతాలలో యూదులను చంపడం గురించి తరచూ చర్చించాడని ఓ ఇజ్రాయెల్ అధికారి ‘ది టైమ్స్ ఆఫ్ ఇజ్రాయెల్’తో పేర్కొన్నారు. దాడికి పాల్పడిన ఒమన్ జాతీయుడు పూర్తిగా ఇస్లామిస్ట్ ఉగ్రవాద భావజాలానికి బానిసయ్యాడని, అతని సోషల్ మీడియా పోస్టులే ఈ విషయాన్ని స్పష్టం చేస్తున్నాయని అధికారులు వెల్లడించారు.కరపత్రాల్లో ఏముందంటే? ఎమిరేట్స్ వర్గాలను ఉటంకిస్తూ ‘ఐ24న్యూస్‌’ జర్నలిస్ట్‌ వెల్లడించిన వివరాల ప్రకారం.. నిందితుడైన కో-పైలట్ లగేజీలో ‘ఫ్రీ పాలస్తీనా’ గ్రూపులకు సంబంధించిన కరపత్రాలు, ప్రచురణలు, ఇతర పాలస్తీనా అనుకూల సామగ్రి లభించాయి. ఆ పైలట్ పదేపదే పాలస్తీనియన్లకు మద్దతు తెలుపుతూ, ఇజ్రాయెల్ పట్ల తీవ్రమైన శత్రుత్వాన్ని వ్యక్తం చేశాడని ఆ మూలం తెలిపింది. కో-పైలట్ ఇస్లామిక్ తీవ్రవాద భావజాలం, ఉగ్రవాద ఉద్దేశ్యాల కోణంలో ఈ ఆధారాలు కీలకంగా మారాయి.నన్ను చంపండి.. నన్ను చంపండిప్రయాణికులు, సిబ్బంది కలిసి దాడి చేసిన వ్యక్తిని అదుపులోకి తీసుకుని కట్టేసిన తర్వాత, అతను విమాన సిబ్బందిని ఉద్దేశించి ‘నన్ను చంపండి.. నన్ను చంపండి’ అంటూ అరిచాడని అధికారులు తెలిపారు. ఇతను ఆత్మహత్య చేసుకోవడానికి, విమానంతో సహా కుప్ప కూలిపోవడానికి పక్కా ప్రణాళికతో వచ్చినట్లు స్పష్టమవుతోందని ఇజ్రాయెల్ ప్రధాని బెంజమిన్ నెతన్యాహు ‘ఫాక్స్ న్యూస్’తో అన్నారు.అక్కడ ఉన్న ప్రయాణికుల భద్రత, నిందితుడి ఇస్లామిస్ట్ ధోరణులు, తీవ్రవాద భావజాలం, దొరికిన కరపత్రాలను పరిగణనలోకి తీసుకుంటే ఇదొక ఉగ్రవాద యత్నంగా భావించడానికి తగిన ఆధారాలున్నాయని నెతన్యాహు పేర్కొన్నారు. అయితే, దర్యాప్తు పూర్తిగా ముగిసే వరకు తుది ఉద్దేశంపై కచ్చితమైన నిర్ధారణకు రాలేమని, సౌదీ అరేబియా, యూఏఈ, ఇజ్రాయెల్ దర్యాప్తు బృందాలు సంయుప్తంగా విచారణ జరుపుతున్నాయని అధికారులు వెల్లడించారు. ఎఫ్‌‌జెడ్‌ 1073 విమానంలో ఏం జరిగింది?ఫ్లైదుబాయ్‌ విమానం ఎఫ్‌జెడ్‌ 1073 యూఏఈలోని దుబాయ్‌ ఇంటర్నేషనల్‌ ఎయిర్‌పోర్టు నుంచి ఇజ్రాయెల్‌ మెట్రో నగరం టెల్ అవీవ్‌లోని బెన్‌ గురియన్‌‌ ఎయిర్‌పోర్టుకు బయలుదేరింది. ప్రయాణం ప్రారంభమైన సుమారు రెండున్నర గంటల తర్వాత, ఒమన్‌ జాతీయుడైన కో-పైలట్ అకస్మాత్తుగా విమానాన్ని హైజాక్‌‌ చేసి కూల్చేందుకు ప్రయత్నించాడు. ఈ క్రమంలో కాక్‌పిట్‌లో ఆపత్కాలంలో సిబ్బంది వినియోగించే క్రాష్ యాక్స్‌తో భారతీయ సంతతి పైలట్ స్మిత్ మచ్చార్‌పై విచక్షణా రహితంగా దాడి చేశాడు. ఈ పెనుగులాట కారణంగా విమానం ఒక్కసారిగా 33 వేల అడుగుల క్రూయిజింగ్ ఎత్తు నుంచి దాదాపు 16,600 అడుగుల ఎత్తు వరకు (17 వేల అడుగులకు పైగా) కుప్పకూలినట్లు ఫ్లైట్ ట్రాకింగ్ డేటా స్పష్టం చేసింది.ప్రాణాలకు తెగించి.. సురక్షిత ల్యాండింగ్ఈ ప్రమాదకర సమయంలో తీవ్ర గాయాలనప్పటికి, కెప్టెన్ స్మిత్ మచ్చర్ వెనకడుగు వేయలేదు. ప్రాణాలను సైతం లెక్కచేయకుండా ఎంతో ధైర్యసాహసాలు ప్రదర్శించి కాక్‌పిట్ డోర్ తెరిచి విమానాన్ని అదుపులోకి తెచ్చేందుకు పోరాడారు.ఇంతలో అప్రమత్తమైన సిబ్బంది, ప్రయాణికులు వెంటనే కాక్‌పిట్‌లోకి చొచ్చుకెళ్లి దాడి చేసిన నిందితుడిని అదుపులోకి తీసుకుని కట్టేశారు. ఆ తర్వాత కెప్టెన్ మచ్చార్ సౌదీ అరేబియాలోని తబుక్ విమానాశ్రయంలో విమానాన్ని సురక్షితంగా ల్యాండ్ చేశారు.

దుబాయ్ నుండి టెల్ అవీవ్ వెళ్తున్న ఫ్లైదుబాయ్' (flydubai) విమాన ఘటన తరువాత భారతీయ పైలట్ కెప్టెన్ స్మిత్‌ మచ్చర్‌ ధైర్యసాహసాలు గురించి ప్రపంచవ్యాప్తంగా చర్చ జరుగుతోంది. 9/11 తరహా దాడిని అడ్డుకున్న వీరుడని, 180 మంది ప్రాణాలను రక్షించిన రియల్‌ హీరో అంటూ ప్రశంసలు వెల్లువెత్తుతున్నాయి. ప్రాణాలకు తెగించి పోరాడిన కెప్టెన్ స్మిట్‌ భార్య సోనల్ మచ్చర్ తొలి స్పందన వైరల్‌ గా మారింది.తన భర్త, భారతీయ మచ్చార్‌పై జరిగిన దాడి గురించి తెలిసిన భయంకరమైన క్షణాన్ని సోనాల్ మచ్చర్ గుర్తు చేసుకున్నారు. ఈ సంఘటన తమ కుటుంబంపై కలిగించిన మానసిక క్షోభ గురించి, అలాగే ఆ భయంకరమైన సంఘటన సమయంలో తన భర్త చూపిన ధైర్యంపై గర్వంగా ఫీలవుతున్న వైనాన్ని కూడా సోనాల్ వెల్లడించారు. అలాగే ప్రధానమంత్రి మోదీ స్పందనపై కూడా ఆమె సంతోషాన్ని వ్యక్తం చేశారు.CNN-News18తో మాట్లాడుతూ ఫ్లైదుబాయ్ కాక్‌పిట్ దాడి గురించి తెలుసుకున్నప్పుడు తీవ్ర ఆందోళన చెందానంటూ సోనాల్ భావోద్వేగానికి లోనయ్యారు. ఇది విన్న తర్వాత తన కాళ్ల కింద భూమి కంపించి పోయిందంటూ అనుభవించిన దిగ్భ్రాంతిని, భయాన్నివివరించారు. దాడి జరిగింది అనగానే అతని పరిస్థితి ఎలా ఉందో అర్థంకాక చాలా కుంగిపోయానంటూ ఆ ఆందోళనకరమైన క్షణాలను గుర్తు చేసుకున్నారు. అసలు ఎలా స్పందించాలో అర్థం చేసుకునే మానసిక స్థితి కూడా తనకు లేదన్నారు. ఆ క్లిష్ట సమయంలో తన కుటుంబ సభ్యులు, స్నేహితులు తోడుగా ఉండటం , భారతీయ అధికారుల నుండి అందిన సమాచారం తనకు ఎంతో ఊరటనిచ్చాయని ఆమె తెలిపారు. ఈ క్లిష్ట సమయంలో తన చుట్టూ స్నేహితులు, కుటుంబ సభ్యులు ఉండటంతో అంతా సవ్యంగానే ఉందనే భరోసా కలిగింది. ఆయన పరిస్థితి నిలకడగా ఉందనే వార్తలు రావడం మొదలవ్వడం ఊరటనిచ్చిందన్నారు.ఇదీ చదవండి: 12 ఏళ్ల కొడుకు గొంతు నులిమి? కష్టాల్లో ప్రముఖ నటిఅబుదాబిలోని ఆసుపత్రిలో గురువారం తన భర్తను కలుసుకునే దాకా తన ఆందోళన తగ్గలేదని చెప్పారు. యూఏఈ (UAE) వైద్యులు , సైనిక వైద్యుల పర్యవేక్షణలో ఆయనకు చాలా మంచి చికిత్స అందుతోంది. కోలుకుంటారనే విశ్వాసాన్ని వ్యక్తం చేశారు. ఆయన త్వరగా ఇంటికి తిరిగి రావాలని అందుకు తాను చేయాల్సిన కృషినంతా చేస్తానన్నారు. ఇజ్రాయెల్ ప్రధాని బెంజమిన్ నెతన్యాహు కెప్టెన్ మచ్చర్‌తో మాట్లాడాలని కోరుకుంటున్నారన్న వార్తల గురించి అడిగినప్పుడు, తన భర్త పూర్తిగా కోలుకున్న తర్వాత వారిద్దరి మధ్యే నేరుగా సంభాషణ జరగాలని సోనాల్ సూచించారు. ఈ ఘటనలో తీవ్రంగా గాయపడిన స్మిట్‌ ప్రస్తుతం కోలుకుంటున్నారు. మరోవైపు అరెస్టుఅయిన కో-పైలట్‌ను యునైటెడ్ అరబ్ ఎమిరేట్స్‌కు తరలించారు. ఇదీ చదవండి: అన్ని ఉరిశిక్షలకు బ్రేక్‌ : ప్రాణాలతో బైటపడిన క్రిస్టా ఇపుడెలా ఉంది?

ప్రముఖ హాలీవుడ్‌ నటి హాలీ బెర్రీ (Halle Berry) మరో వివాదంలో ఇరుక్కున్నారు. ఇప్పటికే భర్తతో విడి తన 12 ఏళ్ల కుమారుడు మాసియో (Maceo)ని గొంతు నులిమి అమానుషంగా ప్రవర్తించారనే వార్త తీవ్ర దిగ్భ్రాంతిని కలిగించింది. తాజా నివేదిక ప్రకారం, తన కుమారుడితో జరిగిన వాగ్వాదంలో ఆమె అతనిపై భౌతిక దాడికి పాల్పడిందని ఆరోపణలు సంచలనం రేపాయి. దీంతో 12 ఏళ్ల మాసియో తన తండ్రి, హాలీ మాజీ భర్త ఆలివర్ మార్టినెజ్ (Olivier Martinez)కి ఫోన్ చేసి తనను తీసుకెళ్లమని కోరాడంటూ కోర్టును ఆశ్రయించడంతో ఈ ఘటన వెలుగులోకి వచ్చింది.ఈ నేపథ్యంలో, మార్టినేజ్ తన కుమారుడికి కస్టడీ కోరుతూ కోర్టుకు దరఖాస్తు చేశారు. ఈ సందర్బంగా గతంలో జరిగిన మరికొన్ని సంఘటనల గురించి కూడామార్టినెజ్ ప్రస్తావించారు. కోర్టుకు సమర్పించిన పత్రాల ప్రకారం హాలీ తన మైనర్ కొడుకువర్చువల్-రియాలిటీ గేమ్ ఆడుతుండగా పట్ల హింసాత్మకంగా ప్రవర్తించింది. సెప్టెంబర్ 26 నాటి తీవ్ర వాగ్వాద సమయంలో హాలీ తన కుమారుడి గొంతు నులిమిందని ఆలివర్ ఆరోపించారు. దీంతో భయపడిన కుమారుడు తనను తీసుకెళ్లమని ఫోన్ చేశాడు. అంతేకాదు ఈ సందర్భంగా హాలీ బెర్రీ పంపిన వ్యక్తిగత టెక్స్ట్ మెసేజ్‌ను కూడా కోర్టుకు ఆధారంగా చూపించారు. ఆమెను దూరంగా ఉండేలా (restraining order) కోరుతూ మార్టినెజ్ దాఖలు చేసిన పిటిషన్‌లో ఈ సందేశాల స్క్రీన్‌షాట్‌లతోపాటు, అనేక ఇన్‌కమింగ్ ,అవుట్‌గోయింగ్ కాల్స్ సాక్ష్యాలుగా సమర్పించారు.ముఖ్యంగా తనను తీసుకెళ్లమని కుమారుడి నుండి ఫోన్ వచ్చిందని మార్టినెజ్ చెప్పినప్పుడు, లేదు ఇది నచ్చలేదు..తను తన తల్లితోనే గొడవపడాలనుకుంటున్నాడా?? మనం ఎలాంటి బిడ్డను పెంచుతున్నాం అని హ్యారీ చెప్పిందన్నారు. "ఇది తప్పు, ఆలివర్. నేను వాడి తల్లిని, ఇది తప్పు! వాడికి తన తల్లిపై గౌరవం లేదు, తండ్రిగా నీకు ఇది సరైంది కాదు అని అని సమాధానమిచ్చిన స్క్రీన్‌‌షాట్‌ను ఆయన షేర్‌ చేశారు. అయితే బెర్రీ ఇంట్లో ఏం జరుగుతుందో తనకు తెలియదని మార్టినెజ్ తన పిటిషన్‌లో పేర్కొన్నారు. కానీ ఇద్దరీ మధ్య పెద్ద గొడవే జరుగుతోందని తెలుస్తోందన్నారు. అయితే మాసియో ప్రవర్తన తన పట్ల సరిగ్గా లేదని, అతను అమర్యాదగా ప్రవర్తిస్తున్నాడని బెర్రీ అసంతృప్తి వ్యక్తం చేసినట్లు మార్టినెజ్ తెలిపారు.ఇదీ చదవండి: చాలా భయపడిపోయా.. స్మిట్‌ మచ్చార్‌ భార్య ఎమోషనల్‌హాలీ బెర్రీ స్పందననాలుగోసారి పెళ్లికి సిద్ధమవుతోంది హాలీ. మాజీ భర్తతో మార్టినెజ్‌ కుమారుడిపై ప్రస్తుతం సంయుక్త కస్టడీని కలిగి ఉన్నారు. తాజా పరిణామాల నేపథ్యంలో కొడుకు భద్రత రీత్యా మార్టినెజ్ ఇందులో మార్పులు కోరుతున్నారు, ప్రస్తుతానికి బెర్రీకి, మాసియోకి మధ్య ఎలాంటి కలయికలు ఉండకూడదంటూ. తనకు కస్టడీ కావాలంటూ కోర్టులో పిటీషన్‌ దాఖలు చేశారు. ఈ అభ్యర్థనను పాక్షికంగా ఆమోదించి, పాక్షికంగా తిరస్కరించింది. బెర్రీ అతని నుండి కనీసం 100 గజాల దూరంలో ఉండాలని ఆదేశించింది. ఈ ఆరోపణలపై హాలీ వాదనలను తీవ్రంగా ఖండించారు. ఈ ఆరోపణలు నిరాధారమైనవని తన న్యాయవాది మెరీనా బెక్ ద్వారా స్పందించింది.ఇదీ చదవండి: అన్ని ఉరిశిక్షలకు బ్రేక్‌ : ప్రాణాలతో బైటపడిన క్రిస్టా ఇపుడెలా ఉంది?కాగా హాలీ బెర్రీ 1993లో డేవిడ్ జస్టిస్‌ను వివాహమాడింది. వీరు 1997లో విడిపోయారు. ఆ తరువాత 2021లో ఎరిక్ బెనెట్‌ను పెళ్లిచేసుకోగా, 2005లో విడాకులు తీసుకున్నారు. 2013లో ఒలివర్ మార్టినెజ్‌తో పెళ్లి, కానీ 2016లో వీరు అధికారికంగా విడిపోయారు. ఈ ఏడాది ఫిబ్రవరిలో ప్రముఖ సంగీత కారుడు వాన్ హంట్‌తో ఎంగేజ్‌మెంట్‌ చేసుకున్నట్టు అఫీషియల్‌గా ప్రకటించింది.

రెండు ప్రాణాంతక ఇంజెక్షన్లు తరువాత ప్రాణాలతో బయటపడిన 50 ఏళ్ల క్రిస్టా పైక్ (Christa Pike) ఉదంతం ప్రపంచవ్యాప్తంగా సంచలనంగా మారింది. అమెరికాలోని టెన్నెసీలో ఇది చోటుచేసుకున్ ఈ ఘటనలోమరణశిక్షను తాత్కాలికంగా నిలిపి వేయాల్సి వచ్చింది. అయితే ఇపుడు ఆమె పరిస్థితి ఎలా ఉంది? అనేది చర్చకు దారి తీసింది.ఒక విధంగా చెప్పాలంటే.. మూడు దశాబ్దాల తరువాత దోషిగా తేలిన క్రిస్టా ఉరిశిక్ష ఒక చరిత్ర. అది నిలిచి పోవడం మరో చరిత్ర. ఈ ఉదంతంతో మిగిలిన అన్ని ఉరిశిక్షలను నిలిపివేయడం కూడా ఊహించని పరిణామమే. ఇలాంటి అనూహ్య సంఘటనల సందర్భంలో న్యాయ వ్యవస్థ ఎలాంటి నిర్ణయం తీసుకోవాలనేది మరో చర్చ. టెన్నెసీకి చెందిన క్రిస్టా గెయిల్‌ పైక్‌ జరిగిన హత్య కేసులో దోషిగా తేలింది. 18 ఏళ్ల వయసులో అప్పటి ప్రియుడు తడారిల్ షిప్‌తో కలిసి 1995లో ఒక ఘోరమైన నేరానికి పాల్పడింది. ఇద్దరూ కోలిన్ స్లెమ్మర్ (Collin Slemmer) అనే సహచర విద్యార్థిని నిర్జన ప్రదేశానికి రప్పించి నిర్దాక్షిణ్యంగా హత్య చేశారు. ఈ కేసుకు సంబంధించి సుదీర్ఘ దర్యాప్తు అనంతరం ఇటీవల మొదటి డిగ్రీ హత్య, కుట్ర కింద మరణ శిక్ష పడింది. గత 200 ఏళ్లలో టెన్నెసీలో మరణశిక్ష పడిన తొలి మహిళ క్రిస్టానే. అయితే రెండు సార్లు ప్రాణాంతక ఇంజెక్షన్లు ఇచ్చినా కూడా ఆమె ప్రాణాలతో బయటపడిన తర్వాత కేసు అనూహ్య మలుపు తిరిగింది. ఆమె ప్రస్తుతం ఆసుపత్రిలో చికిత్స పొందుతోంది. ఆమె ఆరోగ్యం అంతగా బాగాలేదని,మెదడు దెబ్బతినే (brain damage) ప్రమాదం ఉందని అంటున్నారు వైద్య నిపుణులు. ఆమె ఆరోగ్య సంక్షోభం నుండి కోలుకున్న తర్వాత తదుపరి ఏమి జరగనుందనే వివరాలు కూడా ఆసక్తికరంగా మారాయి.ఇదీ చదవండి: మోనాలిసా భోస్లేకు భారీ ఊరట : తండ్రికి మొట్టికాయలు మెదడు దెబ్బతింది?ఇంజెక్షన్లు విఫలమవడంతో తీవ్రమైన క్రిస్టా మానసిక, శారీరక వేదనను ఎదుర్కొన్నారు. రెండు డోసుల నుండి ప్రాణాలతో బయ టపడిన తర్వాత, టెన్నెస్సీ డిపార్ట్‌మెంట్ ఆఫ్ కరెక్షన్ ప్రకటన ప్రకారం ఆమెను మరిన్ని సౌకర్యాలున్న ప్రాంతానికి తరలించారు. దీనిపై విచారణ కొనసాగుతోంది, ఈ తరుణంలో క్రిస్టా ఆరోగ్యానికి సంబంధించిన అప్‌డేట్లు వెలువడ్డాయి.క్రిస్టా పైక్‌ను ప్రాణాలను కాపాడేందుకు నాష్‌విల్లే ఆసుపత్రిలో లైఫ్‌ సేవింగ్‌ మెడికల్‌ కేర్‌ కొనసాగుతోందని న్యాయవాదులలో ఒకరు తెలిపారు. ప్రాణాలతో ఉన్నప్పటికీ ఆమె ఆరోగ్యం అంతగా బాగాలేదన్నారు. ఈ బాధాకరమైన ప్రక్రియ తాలూకు తీవ్రమైన దుష్పరిణామాలుంటాయని వైద్య నిపుణులు ఆందోళన చెందుతున్నారు. ఎమోరీ యూనివర్శిటీ స్కూల్ ఆఫ్ మెడిసిన్ ప్రొఫెసర్ డాక్టర్ జోయెల్ జివోట్ (Dr. Joel Zivot) మాట్లాడుతూ, క్రిస్టాకు వైద్య పునరుజ్జీవన (resuscitation) చికిత్స అందించడంలో ఆలస్యం జరిగిందని, ఇది ఆమె ఆరోగ్యంపై ప్రతికూల ప్రభావం చూపుతుంది.క్రిస్టా పైక్‌కు మెదడు గాయం (brain injury) అయ్యే అవకాశం ఉందని ఆ ప్రొఫెసర్ అభిప్రాయపడ్డారు. ఈ రెండు ప్రాణాంతక ఇంజెక్షన్ల శారీరక ప్రభావం, గతంలో ఆమె ఎదుర్కొన్న లైంగిక వేధింపులు, దుర్వ్యవహారాల తాలూకు భావోద్వేగ క్షోభ కలసి ఆమె మెదడు దెబ్బతినడానికి దారితీయవచ్చు. డాక్టర్ జోయెల్ జివోట్ మాటల్లో చెప్పాలంటే పునరుజ్జీవన ప్రక్రియ ప్రారంభించడంలో జరిగిన ఆలస్యం కారణంగా మెదడు గాయంతో బాధపడే అవకాశం చాలా ఉంది.మరోవైపు తాము ముందుగానే ఈ సమస్య గురించి హెచ్చరించామని ఆమె న్యాయవాదులు స్పైవి (Randy Spivey), కెల్లీ గ్లీసన్ (Kelly Gleason), అలాగే ఈస్టర్న్ టెన్నెస్సీకి చెందిన ఫెడరల్ డిఫెండర్ సర్వీసెస్ సభ్యులు స్టీఫెన్ ఫెర్రెల్ (Stephen Ferrell), లూక్ ఇహ్నెన్ (Luke Ihnen) సంయుక్తంగా విడుదల చేసిన ప్రకటనలో పేర్కొన్నారు.విఫలమైన ఉరిశిక్ష తర్వాత క్రిస్టా పైక్ పరిస్థితి ఏమిటి?క్రిస్టా పైక్ మరణశిక్షను జీవిత ఖైదుగా మార్చాలని అధికారికంగా అభ్యర్థించింది. ఆధునిక కాలంలో ఒక ఖైదీ పట్ల జరిగిన అత్యంత క్రూరమైన చర్యలలో ఇది ఒకటని వారు అభివర్ణించారు. ఇంత హింసాత్మక అనుభవం తర్వాత, క్రిస్టాను మళ్లీ ఉరిశిక్ష గదికి వెళ్లేలా బలవంతం చేయడం కఠినమైన అసాధారణమైన శిక్ష, ఆమె రాజ్యాంగ హక్కును ఉల్లంఘించడమేనని వాదించారు.టెన్నెస్సీ గవర్నర్ బిల్ లీ కూడా ఇదే అభిప్రాయాన్ని వ్యక్తం చేస్తూ క్రిస్టా ఉరిశిక్షను నిరవధికంగా వాయిదా వేశారు. అంతేకాదు 2026లో రాష్ట్రంలో జరగాల్సిన మిగతా అన్ని ఉరిశిక్షలను కూడా నిలిపివేశారు. అంతేకాకుండా, రాష్ట్ర ఉరిశిక్షా విధానాలపై సమగ్రమైన, మూడవ పక్షం స్వతంత్ర విచారణకు ఆయన ఆదేశించారు. తద్వారా కోర్టు తదుపరి ఆదేశాలు జారీ చేసే వరకు క్రిస్టా పైక్ ఆసుపత్రి నుండి విడుదలైన తర్వాత నిర్బంధంలోనే ఉంటారు.

న్యూఢిల్లీ: ఫ్లై దుబాయ్‌ విమానంలో కో–పైలట్‌ దాడిలో తీవ్రంగా గాయపడి, రక్తమోడుతున్నా సరే ప్రయాణికులను కాపాడాలన్న సంకల్పం మాత్రం చెక్కుచెదరలేదు. తనకు ఏం జరిగినా ఫర్వాలేదు వారు బతికుంటే చాలు అని భావించారు. ఒకవైపు కత్తి దూస్తున్న కో–పైలట్‌తో పెనుగులాడుతూనే మరోవైపు కాక్‌పిట్‌ తలుపు తెరిచారు. అంతటి విపత్కర పరిస్థితిలో ఆయన తీసుకున్న ఆ ఒక్క నిర్ణయమే 174 మంది ప్రయాణికులను కాపాడింది. ఫ్లై దుబాయ్‌ విమానంలో భారతీయ కెప్టెన్‌ స్మిత్‌ మచ్ఛార్‌ ప్రదర్శించిన ధైర్య సాహసాలను ప్రపంచమంతా కొనియాడుతోంది. కష్టాల్లో ఉన్నప్పుడల్లా హనుమాన్‌ చాలీసాను పఠిస్తానని స్మిత్‌ చెప్పారు. విమానంలో తనపై దాడి జరిగిన తర్వాత కూడా హనుమాన్‌ చాలీసాను పఠించడం తనకు కొండంత ధైర్యాన్ని ఇచ్చిందని తెలిపారు. ఇదే విషయాన్ని స్వయంగా ప్రధానమంత్రి నరేంద్ర మోదీతో పంచుకున్నారు. కో–పైలట్‌ దాడిలో గాయపడి, యూఏఈ ఆసుపత్రిలో చికిత్స పొందుతున్న స్మిత్‌ మచ్ఛార్‌తో శుక్రవారం మోదీ వీడియో కాల్‌ ద్వారా మాట్లాడారు. కెప్టెన్‌ ప్రదర్శించిన ధైర్యం, సమయస్ఫూర్తి, సంయమనాన్ని ప్రశంసించారు. ఆయన తీసుకున్న తక్షణ నిర్ణయం ఎంతోమంది ప్రాణాలను కాపాడిందని పేర్కొన్నారు. జరిగిన సంఘటన గురించి వివరాలు అడిగి తెలుసుకున్నారు. ఈ సందర్భంగా స్మిత్‌ భావోద్వేగానికి గురయ్యారు. ‘మీరే నాకు స్ఫూర్తి’అని మోదీతో అన్నారు. ప్రధానమంత్రితో స్మిత్‌ ఏం చెప్పారంటే.. అది అత్యంత క్లిష్టమైన సమయం ‘‘దాడిలో గాయపడి కాక్‌పిట్‌లో నేలపై ప్రాణాపాయ స్థితిలో పడి ఉన్నప్పటికీ ప్రయాణికులంతా సురక్షితంగా ఉండాలన్న దృఢ సంకల్పంతో నాలో మిగిలి ఉన్న శక్తితోనే సమయస్ఫూర్తిగా వ్యవహరించి విమానాన్ని కాపాడగలిగాను. అప్పుడు నేను నా ప్రాణాల కోసం పోరాడుతున్నాను. కానీ, ఇతరులు చనిపోకూడదని నిర్ణయించుకున్నాను. అది అత్యంత క్లిష్టమైన సమయం. ఏదో ఒకటి చేయకపోతే ప్రమాదం తప్పదని నాకు అనిపించిన క్షణం అది. కాక్‌పిట్‌లో నేను కిందపడి ఉన్నప్పటికీ, విమానం కిందకు పడిపోతోందని గ్రహించగలిగాను. సహ పైలట్‌ నన్ను కత్తితో పదేపదే పొడిచాడు. చాలా గాయాలయ్యాయి. అయినా సరే లేచి ఏదో ఒకటి చేయాలని నాకు నేను చెప్పుకున్నాను. ఆ సమయంలో నేను సరిగ్గా స్పందించకపోతే పరిస్థితి భయానకంగా మారుతుందని తెలుసు. 17 ఏళ్లుగా విమానాలు నడుపుతున్నాను, గత 11 ఏళ్లుగా కెప్టెన్‌గా ఉన్నాను. కళ్లు మూసుకున్నా కూడా విమానంలో ఏం జరుగుతుందో గుర్తించగలను. కాక్‌పిట్‌ తలుపు తెరవడమే తక్షణ మార్గమని ఆ క్షణంలో ఆలోచన వచ్చింది. తలుపు తెరిచిన వెంటనే మిగిలిన వారందరూ లోపలికి వచ్చారు. విమానాన్ని కాపాడడంలో వారందరూ నాతో సమానమైన పాత్ర పోషించారు. ప్రయాణికులను ఎలాగైనా కాపాడాలన్న సంకల్పమే నన్ను ముందుకు నడిపించింది. కళ్లముందే వారు మరణిస్తూ ఉంటే చూస్తూ ఉండలేను కదా!’’అని స్మిత్‌ పేర్కొన్నారు. మన సంస్కృతికి దూరం కాకూడదు ఈ ఘటన తర్వాత, భారతీయులు ఇతరుల ప్రాణాలు తీసేవారు కారని, పైగా ఇతరులను కాపాడటం కోసం తమ ప్రాణాలను పణంగా పెట్టడానికి సిద్ధపడే వీరులుగా దేశం గర్వంగా చెప్పుకోగలదని మచ్ఛార్‌తో ప్రధాని మోదీ అన్నారు. ‘‘ఆ సమయంలో మీరు ఎన్నో గాయాలకు గురయ్యారు, ప్రాణాలకు ముప్పు వాటిల్లే పరిస్థితిలో పోరాడారు. మీ సొంత భద్రతను పక్కన పెట్టి, ప్రయాణికుల భద్రతకే ప్రాధాన్యతనిచ్చారు. 140 కోట్ల మంది భారతీయుల గౌరవాన్ని పెంచారు. మిమ్మల్ని చూసి గర్వపడుతున్నాను’’అని పేర్కొన్నారు. మోదీ ప్రశంసలకు మచ్ఛార్‌ ప్రతిస్పందించారు. హనుమాన్‌ చాలీసా పఠించడం గురించి మాట్లాడారు. ‘‘నాకు నొప్పి లేదా బాధ కలిగినప్పుడల్లా నా మనసులో మెదిలే విషయం హనుమాన్‌ చాలీసా పఠనమే. విమానంలో దాడి తర్వాత కూడా హనుమాన్‌ చాలీసానే పఠిస్తూ ఉన్నాను. ఆ దేవుడే నన్ను కాపాడాడని తెలుసు. మోదీని ఆదర్శప్రాయుడిగా, స్ఫూర్తిప్రదాతగా భావిస్తున్నాను. మీరు చేసిన ఫోన్‌కాల్‌ నాలో ఎంతో ధైర్యాన్ని, ఉత్సాహాన్ని నింపింది. నాకు ఎంతో గర్వంగా అనిపిస్తోంది. మీ నుంచి ఫోన్‌కాల్‌ రావడం నాకు గర్వకారణం. మీ ముందు ఇలా భావోద్వేగంతో రోదిస్తున్నందుకు క్షమించండి’’అని మోదీతో చెప్పారు. దీనికి స్పందిస్తూ.. నా ముందు కన్నీళ్లు పెట్టుకోలేకపోతే ఇక ఎవరి ముందు పెట్టుకుంటారని మచ్ఛార్‌తో అన్నారు. ‘‘అయ్యా, ప్రతిరోజూ ఉదయం నేను ప్రార్థన చేసుకునేటప్పుడు నా రెండేళ్ల కుమారుడు నా ఒడిలో కూర్చుంటాడు. అప్పుడు నేను అతడికి హనుమాన్‌ చాలీసా వినిపిస్తాను. ఎందుకంటే చిన్నప్పుడు నాకు కూడా అలాగే నేరి్పంచారు. మనం నేడు మన దేశానికి దూరంగా ఉన్నప్పటికీ, మన సంస్కృతికి మాత్రం దూరంగా ఉండకూడదు’’అని మచ్ఛార్‌ చెప్పారు. ఆసుపత్రి వైద్యులు, సిబ్బంది తనను ప్రేమ, శ్రద్ధతో బాగా చూసుకుంటున్నారని తెలియజేశారు. కత్తిపోట్లను కేవలం ఒక గాయంగా చూడటం లేదని, అలా చేస్తే కోలుకోవడం మరింత కష్టమవుతుందని అన్నారు. దీనిని నెమ్మదిగా సాగే ఒక ప్రయాణంలా భావిస్తున్నానని వెల్లడించారు. తాను త్వరగా కోలుకొని, పూర్తి ఆరోగ్యవంతుడిగా మారుతానని విశ్వాసం వ్యక్తం చేశారు. An unforgettable conversation with Captain Smit, filled with pride and emotions. pic.twitter.com/CCf46PKOWR— Narendra Modi (@narendramodi) October 2, 2026అహింసకు అర్థాన్ని చెప్పారు స్మిత్‌ మచ్ఛార్‌ త్వరగా కోలుకోవాలని దేశవ్యాప్తంగా ఆలయాల్లో ప్రత్యేక ప్రార్థనలు జరిగాయని, చాలామంది భారతీయులు మహా మృత్యుంజయ మంత్రాన్ని పఠిస్తున్నారని ప్రధాని మోదీ చెప్పారు. ‘‘మీరు ధైర్యవంతులు, మీకు స్వాగతం పలికేందుకు భారత్‌ ఎదురుచూస్తోంది’’అని కెప్టెన్‌తో అన్నారు. భగవద్గీత బోధనలు, విలువలతో తన బిడ్డను పెంచిన మచ్ఛార్‌ తల్లి గీతా బెన్‌ గురించి మోదీ ప్రస్తావించారు. భారతదేశంలోనే కాకుండా ప్రపంచవ్యాప్తంగా ప్రజలు మచ్ఛార్‌తో మాట్లాడటానికి ఆసక్తి చూపుతున్నారని తెలిపారు. దేశ గౌరవాన్ని పెంచారంటూ మచ్ఛార్‌ను ప్రశంసించారు. ఆసుపత్రిలో ఆయనను చక్కగా చూసుకున్నందుకు సౌదీ అరేబియా, యూఏఈ ప్రభుత్వాలకు మోదీ కృతజ్ఞతలు తెలిపారు. భారతీయ పైలట్ల ప్రతిష్టను ఉన్నత స్థాయికి తీసుకెళ్లారని, ఇకపై ప్రపంచం వారిని కొత్త కోణంలో చూస్తుందని మచ్ఛార్‌తో అన్నారు. ‘‘ఈ రోజు గాంధీ జయంతి. అహింస నిజమైన అర్థం ఏమిటో మీరు ప్రపంచానికి చాటిచెప్పారు’’అని శ్లాఘించారు. మచ్ఛార్‌ స్వస్థలం గుజరాత్‌. ఆయనతో మోదీ కొద్దిసేపు గుజరాతీ భాషలో మాట్లాడడం విశేషం. అనంతరం ఆ వీడియో కాల్‌ గురించి మోదీ సోషల్‌ మీడియాలో పోస్టుచేశారు. ‘‘కెప్టెన్‌ స్మిత్‌తో గర్వం, భావోద్వేగాలతో కూడిన ఒక చిరస్మరణీయ సంభాషణ జరిగింది’’అని పేర్కొన్నారు. ఇదీ చదవండి: మీరే నాకు స్ఫూర్తి.. మోదీతో మచ్చార్‌

యెమెన్‌లో హౌతీలకు, సౌదీ అరేబియాకు మధ్య ఉద్రిక్తతలు కొనసాగుతున్న వేళ పాకిస్తాన్‌కు చెందిన ప్రముఖ ఇస్లామిక్‌ మతపెద్ద హఫీజ్‌ మహమ్మద్‌ తాహిర్‌ మెహమూద్‌ అష్రఫీ సంచలన వ్యాఖ్యలు చేశారు. ఇరాన్‌ మద్దతు ఉన్న హౌతీలను ఉగ్రవాదులుగా అభివర్ణిస్తూ.. వారికి ఇస్లాంతో ఎలాంటి సంబంధం లేదని పేర్కొన్నారు. సౌదీ అరేబియాను లక్ష్యంగా చేసుకుంటున్న హౌతీలు అమాయక ప్రజలు, మహిళలు, పిల్లలు, వృద్ధులపై దాడులకు పాల్పడుతున్నారని ఆరోపించారు.సౌదీ అరేబియాలోని మదీనా ఇస్లామిక్‌ యూనివర్సిటీలో నిర్వహించిన రెండు రోజుల సదస్సు ముగింపు సందర్భంగా అష్రఫీ ఈ వ్యాఖ్యలు చేసినట్లు పాక్‌ ప్రభుత్వ వార్తా సంస్థ అసోసియేటెడ్‌ ప్రెస్‌ ఆఫ్‌ పాకిస్తాన్‌ (APP) వెల్లడించింది. సౌదీ అరేబియా ఎదుర్కొంటున్న భావజాలపరమైన సవాళ్లపై నిర్వహించిన ఈ సదస్సులో ఆయన హౌతీలను తీవ్రంగా విమర్శించారు. హౌతీలు ఇస్లాం, పాలస్తీనా పేర్లను ఉపయోగించుకుంటున్నప్పటికీ.. వారి చర్యలకు ఇస్లామిక్‌ విలువలతో సంబంధం లేదని అష్రఫీ అన్నారు. సౌదీ నౌకలను లక్ష్యంగా చేసుకుంటూ, ఇజ్రాయెల్‌ నౌకలకు మాత్రం మార్గం కల్పించారంటూ ఆరోపించారు. యెమెన్‌ ప్రజల భద్రత, విద్య, వైద్య రంగాల కోసం సౌదీ అరేబియా భారీగా సాయం చేస్తున్నప్పటికీ హౌతీలు దానిని తిరస్కరిస్తున్నారని పేర్కొన్నారు.సౌదీకి పాక్‌ మద్దతు..సౌదీ అరేబియాకు పాకిస్తాన్‌ అండగా నిలుస్తుందని అష్రఫీ స్పష్టం చేశారు. సౌదీ రాజు సల్మాన్‌ బిన్‌ అబ్దుల్‌అజీజ్‌, క్రౌన్‌ ప్రిన్స్‌ మహమ్మద్‌ బిన్‌ సల్మాన్‌ నేతృత్వంలోని రాజ్యానికి పాక్‌ ప్రభుత్వం, సాయుధ దళాలు, మతపెద్దలు, ప్రజలు పూర్తి మద్దతు ఇస్తారని అన్నారు. ఇస్లాం పేరుతో యువతను తప్పుదోవ పట్టించే తాలిబన్లు, అల్‌ఖైదా, ఐసిస్‌, హౌతీల వంటి సంస్థలను ఎదుర్కోవాల్సిన అవసరం ఉందని పేర్కొన్నారు. అయితే, హౌతీలపై సైనిక చర్య విషయంలో పాకిస్తాన్‌ ప్రభుత్వ వైఖరి భిన్నంగా ఉంది. సౌదీ అరేబియాకు మద్దతు ప్రకటించినప్పటికీ, యెమెన్‌లో హౌతీలపై దాడులు చేయాలన్న పిలుపులపై ఇస్లామాబాద్‌ గతంలో వెనుకడుగు వేసింది. పాకిస్తాన్‌ సైన్యం చర్యలు సౌదీ భూభాగాన్ని రక్షించడానికే పరిమితమవుతాయని అక్కడి రక్షణ మంత్రి పేర్కొన్నట్లు గత నివేదికలు వెల్లడించాయి.గతంలోనూ వివాదాల్లో అష్రఫీఅష్రఫీ ఇటీవల మరో వివాదంతో వార్తల్లో నిలిచారు. 2026 సెప్టెంబర్‌ 11న మత సామరస్యం, సయోధ్యకు సంబంధించిన హ్యూబర్ట్‌ వాల్టర్‌ అవార్డును కాంటర్‌బరీ ఆర్చ్‌బిషప్‌ సారా ముల్లాలీ నుంచి అందుకున్నారు. అయితే, 2007లో అల్‌ఖైదా వ్యవస్థాపకుడు ఒసామా బిన్‌ లాడెన్‌ను ప్రశంసిస్తూ చేసిన వ్యాఖ్యలు వెలుగులోకి రావడంతో సెప్టెంబర్‌ 17న ఆ అవార్డును వెనక్కి తీసుకున్నారు. రష్యన్లు, అమెరికన్లు, బ్రిటిష్‌ వారికి వ్యతిరేకంగా ఇస్లాం కోసం పోరాడిన వ్యక్తిగా బిన్‌ లాడెన్‌ను ఆయన అప్పట్లో అభివర్ణించినట్లు బీబీసీ నివేదించింది. అంతేకాకుండా, దైవదూషణ ఆరోపణలను ఉపయోగించి వ్యక్తులను బెదిరించి డబ్బులు వసూలు చేస్తున్నట్లు ఆరోపణలు ఎదుర్కొంటున్న ఓ ముఠాకు అష్రఫీ రక్షణ కల్పించారని ది టెలిగ్రాఫ్‌ పత్రిక సెప్టెంబర్‌ 24న కథనం ప్రచురించింది. ఆ ముఠాకు ఆయన సోదరుడు నాయకత్వం వహిస్తున్నట్లు ఆరోపణలు ఉన్నాయని పేర్కొంది. ఇదీ చదవండి: ఫ్లైదుబాయ్‌ ఘటనపై బిగ్‌ బ్లాస్ట్‌.. ఇరాన్‌ సంచలన ఆరోపణలు!

మేయర్‌గా బాధ్యతలు.. మరోవైపు తల్లిగా కొత్త ప్రయాణం. బిడ్డకు జన్మనిచ్చేందుకు 16 వారాల విరామం తీసుకున్న జపాన్‌ మేయర్‌ ఇప్పుడు ప్రపంచం దృష్టిని ఆకర్షించారు. కుటుంబం కోసం తీసుకున్న నిర్ణయమే ఆమెకు అరుదైన గుర్తింపును తీసుకొచ్చింది.జపాన్‌లోని క్యోటో ప్రిఫెక్చర్‌లోని యావటా సిటీ మేయర్‌ షోకో కవాటా ‘TIME100 Next’ జాబితాలో చోటు దక్కించుకున్నారు. 36 ఏళ్ల కవాటా సెప్టెంబర్‌ 15న తొలి బిడ్డకు జన్మనిచ్చారు. మేయర్‌గా కొనసాగుతూనే మెటర్నిటీ లీవ్‌ తీసుకున్న జపాన్‌ తొలి మేయర్‌గా ఆమె నిలిచారు. అయితే, ఆమె నిర్ణయం దేశవ్యాప్తంగా చర్చకు దారితీసింది. మహిళలు రాజకీయాల్లో కీలక పదవుల్లో ఉంటూనే కుటుంబ బాధ్యతలను నిర్వహించడానికి అవసరమైన పరిస్థితులు కల్పించాలనే చర్చ మొదలైంది.అలాగే, కవాటా నిర్ణయానికి చాలామంది మద్దతు తెలపగా.. మరికొందరు విమర్శలు చేశారు. ప్రజాప్రతినిధిగా విధులకు దూరంగా ఉండటం బాధ్యతారాహిత్యమని కొందరు వ్యాఖ్యానించారు. అయితే, కవాటా మాత్రం తన నిర్ణయాన్ని సమర్థించుకున్నారు. మహిళలు కుటుంబ బాధ్యతలు, మాతృత్వం కారణంగా రాజకీయాలకు దూరం కావాల్సిన పరిస్థితి ఉండకూడదని ఆమె అన్నారు. ఈ క్రమంలో కుటుంబం, ఉద్యోగం రెండింటినీ సమన్వయం చేసుకోవడానికి మహిళలకు అనుకూలమైన వ్యవస్థలు అవసరమని ఆమె అభిప్రాయపడ్డారు.అయితే, జపాన్‌లో ప్రభుత్వ ఉద్యోగులకు మెటర్నిటీ లీవ్‌ నిబంధనలు ఉన్నప్పటికీ.. స్థానికంగా ఎన్నికైన ప్రజాప్రతినిధులకు ప్రత్యేక చట్టపరమైన విధానం లేదు. దీంతో, కవాటా తన కార్యాలయంతో కలిసి ప్రత్యేక ప్రణాళిక రూపొందించారు. 16 వారాల పాటు తన అధికారాలను డిప్యూటీ మేయర్‌ షిగెటో నోసేకు అప్పగించారు. వీలైనప్పుడు రిమోట్‌గా విధులకు సంబంధించిన పనులను కొనసాగించారు. సెప్టెంబర్‌ 15న పాపకు జన్మనిచ్చినట్లు సోషల్‌ మీడియాలో ప్రకటించి, తనకు మద్దతుగా నిలిచిన వారికి కృతజ్ఞతలు తెలిపారు.ఈ నేపథ్యంలో తల్లిగా తన అనుభవాలను భవిష్యత్తులో ప్రజా విధానాల్లో ప్రతిబింబించాలని ఆమె ఆకాంక్షించారు. తల్లిదండ్రులు, పిల్లలు ఎదుర్కొంటున్న సమస్యలను దగ్గరగా అర్థం చేసుకుని పరిష్కారాల కోసం పనిచేస్తానని తెలిపారు.ఇదీ చదవండి: రెండు విషపు సూదులు.. అయినా చావలేదు!

ఇజ్రాయెల్‌-ఇరాన్‌ మధ్య ఉద్రిక్తతలు కొనసాగుతున్న వేళ ఫ్లైదుబాయ్‌ విమాన ఘటన మరో వివాదానికి దారితీసింది. ఈ ఘటన వెనుక ఇజ్రాయెల్‌ ప్రధాని బెంజమిన్‌ నెతన్యాహు, యూఏఈ అధ్యక్షుడు షేక్‌ మొహమ్మద్‌ బిన్‌ జాయెద్‌ అల్‌ నహ్యాన్‌ ఉన్నారంటూ ఇరాన్‌ సంచలన ఆరోపణలు చేసింది. ఈ ఘటనను ఉద్దేశపూర్వకంగా సృష్టించిన ‘ఫాల్స్‌ ఫ్లాగ్‌’ ఆపరేషన్‌గా అభివర్ణించింది. దీంతో, ఈ ఘటన మరో టర్న్‌ తీసుకుంది.ఇరాన్‌ ప్రభుత్వ మీడియా సంస్థ ప్రెస్‌ టీవీ కథనం ప్రకారం.. ఫ్లైదుబాయ్‌ ఘటనను ఉపయోగించుకుని అక్టోబర్‌ 7 హమాస్‌ దాడిపై నెతన్యాహుపై వస్తున్న విమర్శల నుంచి దృష్టి మళ్లించడం, ఆయన రాజకీయ స్థితిని బలోపేతం చేయడం, ఇరాన్‌తో మరోసారి ఘర్షణకు కారణాన్ని సృష్టించడం లక్ష్యంగా ఈ ఘటనను రూపొందించారని ఆరోపించింది. అయితే ఈ వాదనను సమర్థించే ఆధారాలను మాత్రం సదరు కథనం వెల్లడించలేదు. ఇజ్రాయెల్‌కు సంబంధించిన విమానంలో భద్రతా ఘటనను సృష్టించి, దాన్ని ఉగ్రదాడిగా చూపడం ద్వారా ఇరాన్‌పై అనుమానాలు వచ్చేలా చేయాలని కుట్ర పన్నారని ఆరోపించింది. ఈ ఘటనను నెతన్యాహు రాజకీయంగా ఉపయోగించుకోవాలని ప్రయత్నించారని పేర్కొంది. అదే సమయంలో నెతన్యాహు, యూఏఈ అధ్యక్షుడు బిన్‌ జాయెద్‌ మధ్య ఈ ఘటనకు ముందు జరిగిన సమావేశాన్ని కూడా ఇరాన్‌ మీడియా ప్రస్తావించింది.फ्लाईदुबई विमान केस में ईरान का इज़राइल पर बड़ा आरोप, नेतन्याहू की साज़िश का दावा#Flydubai #Iran #Israel #Netanyahu #12Baje12Reporter #ATVideo @SumitDefence | @ashraf_wani pic.twitter.com/b08Ffba9Cu— AajTak (@aajtak) October 2, 2026సోషల్‌ మీడియాలోనూ ‘ఫాల్స్‌ ఫ్లాగ్‌’ ప్రచారంఫ్లైదుబాయ్‌ ఘటన జరిగిన కొద్దిసేపటికే సోషల్‌ మీడియాలోనూ దీనిని ‘ఫాల్స్‌ ఫ్లాగ్‌ ఆపరేషన్‌’గా పేర్కొంటూ పోస్టులు భారీగా వైరల్‌ అయ్యాయి. ఇజ్రాయెల్‌, మొసాద్‌, నెతన్యాహు ఈ ఘటనను కావాలనే సృష్టించారంటూ పలువురు ఆరోపణలు చేశారు. అయితే ఫ్యాక్ట్‌ చెకింగ్‌ సంస్థలు, అధికారిక వర్గాలు ఇటువంటి వాదనలకు ఇప్పటివరకు ఆధారాలు లేవని పేర్కొన్నాయి.ఇజ్రాయెల్‌ ఖండనమరోవైపు ఇజ్రాయెల్‌ ఈ ‘ఫాల్స్‌ ఫ్లాగ్‌’ ప్రచారాన్ని ఖండించింది. ఇలాంటి ఆరోపణలు కుట్ర సిద్ధాంతాలేనని, సోషల్‌ మీడియాలో నిరాధారమైన ప్రచారం జరుగుతోందని పేర్కొంది. ఘటనపై దర్యాప్తు కొనసాగుతున్న నేపథ్యంలో ముందుగానే ఎలాంటి నిర్ణయానికి రావడం సరికాదని అధికారిక వర్గాలు చెబుతున్నాయి.ట్రంప్‌ కీలక వ్యాఖ్యలుఇదే సమయంలో అమెరికా అధ్యక్షుడు డొనాల్డ్‌ ట్రంప్‌ మాత్రం ఈ ఘటనలో ఇరాన్‌ ప్రమేయం ఉండొచ్చని వ్యాఖ్యానించారు. తనకు అందుతున్న సమాచారాన్ని బట్టి కో-పైలట్‌కు ఇరాన్‌తో సంబంధం ఉండే అవకాశం ఉందని, అయితే దర్యాప్తు కొనసాగుతోందని తెలిపారు. ఇరాన్‌ ప్రమేయం నిర్ధారణ అయితే ఆ దేశంపై అమెరికా తీవ్ర చర్యలు తీసుకుంటుందని హెచ్చరించారు. అయితే ఇరాన్‌ ప్రమేయానికి సంబంధించి ఇప్పటివరకు దర్యాప్తు సంస్థలు తుది నిర్ధారణకు రాలేదు. యూఏఈ ప్రభుత్వం ప్రత్యేక దర్యాప్తు బృందాన్ని ఏర్పాటు చేసి విమాన ఘటనకు గల కారణాలు, ఉద్దేశం, ముందస్తు ప్రణాళిక లేదా ఉగ్రవాద సంబంధాలపై విచారణ చేపట్టింది. దర్యాప్తు పూర్తయ్యే వరకు ఊహాగానాలు, ధృవీకరించని సమాచారాన్ని ప్రచారం చేయొద్దని యూఏఈ అధికారికంగా కోరింది.అసలు ఏం జరిగింది?సెప్టెంబర్‌ 30న దుబాయ్‌ నుంచి టెల్‌ అవీవ్‌కు వెళ్తున్న ఫ్లై దుబాయ్‌ విమానం FZ1073లో కాక్‌పిట్‌లో తీవ్ర ఘర్షణ చోటుచేసుకుంది. కాక్‌పిట్‌లో భారతీయ కెప్టెన్‌ స్మిట్‌ మచ్చార్‌పై ఒమన్‌కు చెందిన కో-పైలట్‌ దాడి చేశాడు. కెప్టెన్‌ గాయపడినప్పటికీ కాక్‌పిట్‌ తలుపు తెరవగలిగారు. దీంతో ప్రయాణికులు, విమాన సిబ్బంది జోక్యం చేసుకుని దాడి చేసిన వ్యక్తిని అదుపులోకి తీసుకున్నారు. అనంతరం ఇతర పైలట్లు విమానాన్ని నియంత్రణలోకి తీసుకుని సురక్షితంగా ల్యాండ్‌ చేశారు.

ప్రపంచవ్యాప్తంగా ఎల్‌నినో ప్రభావంతో పలు దేశాలు వర్షాభావ పరిస్థితులు, అనావృష్టితో అల్లాడిపోతుంటే జపాన్ రాజధాని టోక్యో మాత్రం తీవ్ర వర్షంతో మునిగిపోతోంది. ఆగస్టు 27 నుంచి నేటి వరకు (అక్టోబర్ 2) వరుసగా 37 రోజులుగా టోక్యోలో ఎడతెరిపి లేకుండా వర్షాలు కురుస్తున్నాయి. జపాన్ వాతావరణ శాఖ (జేఎంఏ) రికార్డుల ప్రకారం 1886 తర్వాత నమోదైన అత్యంత సుదీర్ఘ వర్షపాత కాలమిది.ప్రతికూలతల్లోనూ భారీ వర్షాలుసాధారణంగా ఎల్‌నినో సమయంలో పసిఫిక్ మహాసముద్ర ఉపరితల ఉష్ణోగ్రతలు మారి అనేక ప్రాంతాల్లో పొడి వాతావరణం ఏర్పడుతుంది. అయితే టోక్యోలో ఈ భిన్నమైన పరిస్థితులకు అల్పపీడన ద్రోణులే ప్రధాన కారణమని వాతావరణ విశ్లేషకులు చెబుతున్నారు. పసిఫిక్ నుంచి వీస్తున్న తీవ్ర తేమతో కూడిన గాలులను, ఉత్తరం నుంచి వస్తున్న చల్లని గాలులు హోన్షూ ద్రోణి వద్ద నిలిపివేయడంతో స్థిర మేఘాలు ఏర్పడి వరుసగా వర్షం కురుస్తోంది. దీనికి తోడు సెప్టెంబరులో వరుసగా తుఫానులు రావడం ఈ వర్షపాతాన్ని మరింత తీవ్రతరం చేసింది.భారత్ - టోక్యో: భౌగోళిక వ్యత్యాసాలేమిటి?భారతదేశం, జపాన్‌ల భౌగోళిక పరిస్థితులు, రుతుపవన వ్యవస్థలు పూర్తిగా భిన్నమైనవి. జపాన్ ఒక ద్వీపసమూహం. చుట్టూ ఉన్న మహాసముద్రాలు నిరంతరం తేమను అందిస్తాయి. భారత్ ప్రధానంగా నైరుతి రుతుపవనాలపై ఆధారపడే ద్వీపకల్పం. ఎల్‌నినో సమయంలో భారతీయ రుతుపవనాలు బలహీనపడి కరువు పరిస్థితులు ఏర్పడతాయి. కానీ టోక్యో ఉన్న కాంటో ప్రాంతం మధ్య రేఖాంశాల వద్ద ఉండటం వల్ల పసిఫిక్ హై-ప్రెజర్ బెల్ట్ కదలికలతో అనుకోని వర్షపాతం నమోదవుతుంది. భారత్‌లో విస్తారమైన భూభాగం వల్ల ఉష్ణోగ్రతల వ్యత్యాసం ఎక్కువగా ఉంటుంది. జపాన్‌లో సముద్రపు గాలులు, తుపానులు సమశీతోష్ణ మండలానికి సరిహద్దులో ఉండడంతో నిరంతర వర్షాలు పడతాయి. వాతావరణ మార్పుల వల్ల తీవ్రరూపం దాల్చుతున్న ఈ ఆకస్మిక, విపరీత మార్పులు ప్రపంచ దేశాలకు ముందస్తు వాతావరణ హెచ్చరిక వ్యవస్థల ప్రాధాన్యతను మరోసారి గుర్తుచేస్తున్నాయి.ఇదీ చదవండి: పరుగెత్తిన పసిడి ధర!

ప్రముఖ బిలియనీర్‌, టెక్‌ దిగ్గజం ఎలాన్‌ మస్క్‌ మరోసారి తన వ్యాఖ్యలతో సోషల్‌ మీడియాలో తీవ్ర చర్చకు దారితీశారు. ప్రముఖ సోషల్‌ మీడియా వేదిక ఇన్‌స్టాగ్రామ్‌ను ఉద్దేశించి ఆయన చేసిన వ్యాఖ్యలు వైరల్‌గా మారాయి. కొందరు ఆయన వ్యాఖ్యలను తప్పుబడుతుండగా.. మరికొందరు తేలికగా తీసుకోవాలని సూచిస్తూ భిన్నాభిప్రాయాలు వ్యక్తం చేస్తున్నారు.ఈ వివాదం ఎక్స్‌ (X) వేదికగా మొదలైంది. జైగర్‌ క్యాపిటల్‌ అనే యూజర్‌ తన ఇన్‌స్టాగ్రామ్‌ ఖాతాను తొలగించినట్లు ప్రకటిస్తూ.. “ఇది సహజంగానే మహిళల కోసం ఉన్న యాప్‌. ఎలాంటి ప్రయోజనం లేదు” అంటూ పోస్ట్‌ చేశారు. దీనికి స్పందించిన మస్క్‌.. ఇన్‌స్టాగ్రామ్‌ అమ్మాయిల కోసమే “Instagram is for girls” అంటూ కామెంట్‌ చేశారు. ఇక్కడి నుంచి అసలు దుమారం మొదలైంది.కొత్తేం కాదుఇన్‌స్టాగ్రామ్‌పై మస్క్‌ ఇలాంటి వ్యాఖ్యలు చేయడం ఇదే తొలిసారి కాదు. ఈ ఏడాది మేలో సోషల్‌ మీడియా వినియోగ అలవాట్లపై జరిగిన ఓ చర్చలోనూ ఆయన ఇలాంటి అభిప్రాయమే వ్యక్తం చేశారు. ఇన్‌స్టాగ్రామ్‌లో ఫొటోలు, స్టోరీస్‌, వ్యక్తిగత జీవితానికి సంబంధించిన పోస్టులు ఎక్కువగా ఉంటాయనే అంశాన్ని ప్రస్తావిస్తూ వ్యాఖ్యలు చేశారు. కొంతమంది పురుషులు తమ ఇన్‌స్టాగ్రామ్‌ ప్రొఫైల్స్‌ను తనకు పంపినప్పుడు ఆశ్చర్యంగా అనిపిస్తుందని కూడా మస్క్‌ గతంలో వ్యాఖ్యానించారు. ఈ వ్యాఖ్యలపై అప్పట్లోనూ సోషల్‌ మీడియాలో చర్చ జరిగింది.Instagram is for girls— Elon Musk (@elonmusk) October 1, 2026ఎవరేమన్నారంటే.. మస్క్‌ తాజా వ్యాఖ్యలపై పలువురు నెటిజన్లు అభ్యంతరం వ్యక్తం చేస్తున్నారు. సోషల్‌ మీడియా వేదికలు ఏ ఒక్క లింగానికి మాత్రమే పరిమితం కావని, ఇన్‌స్టాగ్రామ్‌ను అన్ని వర్గాల వారు ఉపయోగిస్తున్నారని కామెంట్లు చేస్తున్నారు. “అయితే ఎక్స్‌(దీనికి ఓనర్‌ మస్కే కదా) ఎవరి కోసం?” అంటూ ఓ యూజర్‌ ప్రశ్నించగా.. “ఇన్‌స్టాగ్రామ్‌ అందరికీ చెందిన వేదిక” అంటూ మరికొందరు స్పందించారు. ఇంకొందరు మస్క్‌ వ్యాఖ్యలను సమర్థిస్తూ.. ఆయన చెప్పింది కంటెంట్‌ ట్రెండ్‌లను ఉద్దేశించిందేనని అభిప్రాయపడ్డారు.వాస్తవం ఏంటంటే..ఇన్‌స్టాగ్రామ్‌ను ఎక్కువగా మహిళలే ఉపయోగిస్తారన్న అభిప్రాయం ఉన్నప్పటికీ.. గణాంకాలు మాత్రం మరో చిత్రాన్ని చూపిస్తున్నాయి. ప్రపంచవ్యాప్తంగా ఇన్‌స్టాగ్రామ్‌ వినియోగదారుల్లో పురుషుల వాటా సుమారు 52.7 శాతం ఉండగా.. మహిళల వాటా 47.3 శాతంగా ఉంది. అంటే ప్రపంచ స్థాయిలో పురుషుల వినియోగమే స్వల్పంగా ఎక్కువగా ఉంది. భారత్‌లోనూ ఇన్‌స్టాగ్రామ్‌ వినియోగదారుల్లో పురుషుల సంఖ్య ఎక్కువగానే ఉన్నట్లు డేటా సూచిస్తోంది. అందుబాటులో ఉన్న అంచనాల ప్రకారం.. దేశంలోని అడల్ట్‌ యూజర్లలో పురుషుల వాటా సుమారు 70 శాతం, మహిళల వాటా దాదాపు 30 శాతంగా ఉంది.అయితే ఫ్యాషన్‌, లైఫ్‌స్టైల్‌, ఫొటోలు, రీల్స్‌ వంటి కంటెంట్‌ కారణంగా ఇన్‌స్టాగ్రామ్‌ను కొందరు మహిళలతో ఎక్కువగా అనుసంధానం చేస్తుంటారు. ఇదే నేపథ్యంలో మస్క్‌ వ్యాఖ్యలు మరోసారి సోషల్‌ మీడియా వేదికల స్వభావంపై చర్చకు తెరలేపాయి.ఇదీ చదవండి: అదే నిజమైతే ఇరాన్‌ నామరూపాల్లేకుండా పోతుంది!

దుబాయ్‌ నుంచి టెల్‌ అవీవ్‌ వెళ్తున్న ఫ్లైదుబాయ్‌ విమానంలో జరిగిన ఘటనపై దర్యాప్తు కొనసాగుతున్న వేళ కొత్త విషయాలు వెలుగులోకి వస్తున్నాయి. కాక్‌పిట్‌లో జరిగిన దాడి వెనుక ఉద్దేశం ఏమిటి? విమానాన్ని కూల్చే ప్రయత్నమేనా? లేక మరేదైనా కారణమా? అన్న అంశాలపై అధికారులు ఆరా తీస్తున్నారు. ఈ ఘటనపై ఇజ్రాయెల్‌ ప్రధాని బెంజమిన్‌ నెతన్యాహూ చేసిన వ్యాఖ్యలు ఇప్పుడు చర్చకు దారితీశాయి.ఫాక్స్‌ న్యూస్‌కు ఇచ్చిన ఇంటర్వ్యూలో నెతన్యాహూ.. ఒమన్‌కు చెందిన కో-పైలట్‌ ఇస్లామిక్‌ తీవ్రవాద భావజాలానికి ప్రభావితుడై ఉండొచ్చని తెలిపారు. అతడి వ్యక్తిగత సమాచారంలో కొన్ని అంశాలు బయటపడ్డాయని, దర్యాప్తు కొనసాగుతోందని చెప్పారు. అదుపులోకి తీసుకున్న సమయంలో కో-పైలట్‌ “కిల్‌ మీ.. కిల్‌ మీ” అంటూ అరచినట్లు పేర్కొన్నారు. అతడు ఆత్మహత్యా ధోరణిలో ఉన్నట్లు కనిపించిందని, విమానాన్ని ప్రమాదంలోకి నెట్టే ఉద్దేశం ఉండి ఉండొచ్చని అనుమానం వ్యక్తం చేశారు.ఇటు అమెరికా అధ్యక్షుడు డొనాల్డ్‌ ట్రంప్‌.. ఫ్లైదుబాయ్‌ ఘటనను తీవ్రంగా పరిగణించారు. భారత పైలట్‌ స్మిట్‌ మచ్చార్‌పై దాడి చేసిన ఆ కోపైలట్‌కు ఇరాన్‌తో లింకులు ఉండొచ్చన్న అనుమానాలు వ్యక్తం చేశారు. దర్యాప్తు జరుగుతోందని.. అదే గనుక నిజమని తేలితే ఇరాన్‌పై భీకరదాడులు జరుపుతామని హెచ్చరించారు.కాక్‌పిట్‌లో రక్తపాతం..వీడియో బయటకుఫ్లైదుబాయ్‌ ఎఫ్‌జెడ్‌1073 విమానం దుబాయ్‌ నుంచి టెల్‌ అవీవ్‌కు వెళ్తుండగా ఈ ఘటన జరిగింది. విమానంలో 174 మంది ప్రయాణికులు, ఎనిమిది మంది సిబ్బంది ఉన్నారు. విమాన కాక్‌పిట్‌లో కో-పైలట్‌ భారతీయ కెప్టెన్‌ స్మిట్‌ మచ్చార్‌పై దాడి జరిగింది. ఈ సమయంలో విమానం ఒక్కసారిగా వేల అడుగుల ఎత్తు నుంచి కిందికి దిగడంతో ప్రయాణికుల్లో తీవ్ర భయాందోళనలు నెలకొన్నాయి.బయటకు వచ్చిన వీడియోల్లో విమానం లోపల గందరగోళ పరిస్థితులు కనిపించాయి. ప్రయాణికులు కాక్‌పిట్‌ వైపు పరుగులు తీస్తూ కనిపించారు. “అతడు విమానాన్ని కూల్చేందుకు ప్రయత్నించాడు” అంటూ కొందరు ప్రయాణికులు అరుస్తున్న దృశ్యాలు కూడా బయటకు వచ్చాయి.గాయాలతోనే తలుపు తెరిచి..దాడిలో తీవ్రంగా గాయపడిన కెప్టెన్‌ స్మిట్‌ మచ్చర్‌ రక్తస్రావంతో ఉన్నప్పటికీ కాక్‌పిట్‌ తలుపు తెరిచినట్లు ఆ దృశ్యాలు ఉన్నాయి. దీంతో ప్రయాణికులు లోపలికి వెళ్లి కో-పైలట్‌ను అదుపులోకి తీసుకున్నారు. “అతడు నన్ను చాలా సార్లు కొట్టాడు” అంటూ కెప్టెన్‌ చెప్పిన దృశ్యాలు వీడియోల్లో కనిపించినట్లు సమాచారం.ఈ సమయంలో కొందరు ప్రయాణికులు ధైర్యంగా ముందుకు వచ్చారు. ట్జ్వికా మానెస్‌, అసఫ్‌ రాజువాన్‌, యానివ్‌ హయూన్‌ వంటి ప్రయాణికులు కాక్‌పిట్‌లోకి వెళ్లి దాడి చేసిన వ్యక్తిని అదుపులోకి తీసుకోవడంలో సహకరించారు.ప్లంబర్‌, డెంటిస్ట్‌.. ప్రయాణికులే హీరోలుఈ ఘటనలో ప్రయాణికుల పాత్ర కీలకంగా మారింది. విమానంలో ఉన్న డెంటిస్ట్‌ షోటా ముసాయెవ్‌ గాయపడిన కెప్టెన్‌కు ప్రథమ చికిత్స అందించారు. అలాగే విమానంలో ఉన్న ఆఫ్‌-డ్యూటీ పైలట్లు పరిస్థితిని చక్కదిద్దడంలో సహకరించారు. ప్రయాణికుడు యానివ్‌ హయూన్‌.. విమాన ప్రమాదాలకు సంబంధించిన టీవీ షోలు చూసిన అనుభవం ఆ సమయంలో తనకు ఉపయోగపడిందని చెప్పినట్లు సమాచారం.కోలుకుంటున్న భారత పైలట్‌ఘటన తర్వాత సౌదీ అరేబియాలోని టబూక్‌ ఆస్పత్రిలో చికిత్స పొందిన కెప్టెన్‌ స్మిట్‌ మచ్చర్‌ను అనంతరం యూఏఈకి తరలించారు(ఎయిర్‌లిఫ్ట్‌). యూఏఈలో భారత రాయబారి దీపక్‌ మిట్టల్‌ ఆస్పత్రికి వెళ్లి కెప్టెన్‌, ఆయన కుటుంబ సభ్యులను కలిశారు. స్మిట్‌ ఆరోగ్యం నిలకడగా ఉందని, కుటుంబ సభ్యులతో మాట్లాడుతున్నారని తెలిపారు. “ధైర్యవంతుడైన భారత ముద్దుబిడ్డ” అంటూ స్మిట్‌ను ఆయన ప్రశంసించారు. మానవ ప్రాణాలను కాపాడటంలో ఆయన గొప్ప సేవ చేశారని పేర్కొన్నారు.కో-పైలట్‌ UAE అదుపులోకిఘటన తర్వాత సౌదీ అధికారులు కో-పైలట్‌ను అదుపులోకి తీసుకున్నారు. ప్రాథమిక విచారణ అనంతరం అతడిని యూఏఈ అధికారులకు అప్పగించారు. ఈ ఘటన ఉగ్రవాద సంబంధమా? ముందస్తు ప్రణాళిక ఉందా? కో-పైలట్‌ ఒక్కడే ఈ చర్యకు పాల్పడ్డాడా? అన్న అంశాలపై దర్యాప్తు జరుగుతోంది. ఈ దర్యాప్తులో ఇజ్రాయెల్‌ కూడా భాగం కావొచ్చని సమాచారం. ఘటనపై అనుమానాలు?ఈ ఘటన తర్వాత విమాన భద్రతా వ్యవస్థపై కూడా ప్రశ్నలు తలెత్తుతున్నాయి. ఒమన్‌, ఇజ్రాయెల్‌కు అధికారిక దౌత్య సంబంధాలు లేనప్పటికీ.. ఆ దేశానికి చెందిన వ్యక్తి ఇజ్రాయెల్‌ వెళ్లే విమానంలో విధులు నిర్వహించడం ఎలా సాధ్యమైందన్న చర్చ మొదలైంది. ఏమైనా లోపాలు జరిగాయా? అన్నది దర్యాప్తులో తేలాల్సి ఉంది.మరోవైపు.. అంతర్జాతీయ మీడియా సంస్థలు ఈ ఘటనపై అనుమానాలు వ్యక్తం చేస్తున్నాయి. ప్లంబర్‌ అయిన యానివ్‌ హయూన్‌ ఆ సమయంలో విమానం కంట్రోల్‌ చేశాడన్న కోణాన్ని ఏకిపారేస్తున్నాయి. హయూన్‌ నేరుగా ప్రధాని నెతన్యాహూను కలవడం, ఆ సమయంలో జరిగిందంతా డ్రామాగా అభివర్ణిస్తూ కథనాలు ఇస్తున్నాయి. ఇటు ఒమన్‌కు చెందిన వ్యక్తికి.. ఇజ్రాయెల్‌కు విమానం నడిపే అవకాశం ఎలా దక్కింది? అని మాజీ పైలట్లు ప్రశ్నిస్తున్నారు. ఇంకోవైపు ఎన్నికల్లో లబ్ధి కోసమే నెతన్యాహూ ఈ డ్రామాలు ఆడుతున్నారేమో అని ఇజ్రాయెల్‌ ప్రతిపక్షాలు అనుమానాలు వ్యక్తం చేస్తున్నాయి. ఇదీ చదవండి: ఎలక్షన్‌ దాకా ఆగడం ఎందుకు? బాంబులేస్తే పోలా!

రష్యా-పశ్చిమ దేశాల మధ్య ఉద్రిక్తతలు మరింత ముదురుతున్న వేళ రష్యా అధ్యక్షుడు వ్లాదిమిర్‌ పుతిన్‌ కీలక హెచ్చరిక చేశారు. రష్యా భూభాగమైన కలినిన్‌గ్రాడ్‌పై ప్రత్యక్ష దాడి జరిగితే.. తమ దేశం వద్ద ఉన్న అన్ని రకాల ఆయుధాలను ఉపయోగించే అంశం వెంటనే తెరపైకి వస్తుందని స్పష్టం చేశారు. అవసరమైతే అణ్వాయుధాలను కూడా ఉపయోగించే పరిస్థితి తప్పదని పుతిన్‌ వ్యాఖ్యానించారు.మాస్కోలో జరిగిన వాల్డై ఫోరంలో మాట్లాడిన పుతిన్‌.. రష్యాకు యూరప్‌లోని ఏ దేశంపైనా దాడి చేసే ఉద్దేశం లేదన్నారు. శాంతియుత సహజీవనాన్నే కోరుకుంటున్నామని చెప్పారు. అయితే కలినిన్‌గ్రాడ్‌ లేదా రష్యాలోని ఇతర ప్రాంతాలపై ప్రత్యక్ష దాడి జరిగితే పరిస్థితులు పూర్తిగా మారిపోతాయని హెచ్చరించారు. రష్యా వద్ద ఉన్న ఆయుధాలు తమకు పోటీ ప్రయోజనం కల్పిస్తున్నాయని పేర్కొన్నారు. బ్రిటన్‌, ఫ్రాన్స్‌ వద్ద ఉన్న అణ్వాయుధ సామర్థ్యాల గురించి కూడా తమకు పూర్తిగా తెలుసని చెప్పారు.ప్రస్తుత ఉద్రిక్తతలు మరింత పెరిగితే తిరిగి మార్చలేని స్థాయికి పరిస్థితులు చేరుకునే ప్రమాదం ఉందని పుతిన్‌ హెచ్చరించారు. ప్రపంచంలోని ప్రధాన శక్తుల వద్ద భారీ విధ్వంసానికి కారణమయ్యే ఆయుధాలు ఉన్నాయని, వాటి వినియోగానికి దారితీసే పరిస్థితులను నివారించాలని సూచించారు.మరోవైపు ఉక్రెయిన్‌పై రష్యా దాడులను ఆపే ప్రసక్తే లేదని పుతిన్‌ స్పష్టం చేశారు. రష్యా చమురు శుద్ధి కేంద్రాలపై ఉక్రెయిన్‌ దాడుల వల్ల తమ దేశ జీడీపీలో సుమారు ఒక శాతం మేర నష్టం వాటిల్లిందని చెప్పారు. పశ్చిమ దేశాలు ఉక్రెయిన్‌కు రష్యా భూభాగంలోకి లోతుగా దాడులు చేసే సామర్థ్యాన్ని అందిస్తే పరిణామాలు తీవ్రంగా ఉంటాయని హెచ్చరించారు.నాటో స్పందన...కాగా, రష్యాకు చెందిన కలినిన్‌గ్రాడ్‌.. పోలాండ్‌, లిథువేనియా మధ్య ఉన్న ప్రాంతం. నాటో సభ్య దేశాల మధ్య ఉన్న ఈ ప్రాంతంలో రష్యా భారీగా సైనిక బలగాలను మోహరించింది. కలినిన్‌గ్రాడ్‌ను నాటో నుంచి వేరుచేసే ప్రయత్నం జరిగితే అణ్వాయుధాల వినియోగానికి సిద్ధంగా ఉన్నట్లు మాస్కో ఇప్పటికే దౌత్యపరమైన హెచ్చరికలు జారీ చేసిందని నాటో వెల్లడించింది. దీనిపై నాటో ప్రధాన కార్యదర్శి మార్క్‌ రుట్టే స్పందిస్తూ.. నాటో రక్షణాత్మక కూటమి మాత్రమేనని, అణ్వాయుధాల బెదిరింపులు ఉపయోగకరం కాదని పేర్కొన్నారు.ఇదీ చదవండి: మళ్లీ రణరంగమా?.. ట్రంప్‌ ప్లాన్‌ ఏంటి?

పశ్చిమాసియాను మరోసారి యుద్ధ మేఘాలు కమ్ముకుంటున్నాయా? ఇరాన్‌పై అమెరికా మళ్లీ సైనిక చర్యకు సిద్ధమవుతోందా? తాజా పరిణామాలు ఈ అనుమానాలకు బలం చేకూరుస్తున్నాయి. కొత్త దాడులకు అవకాశం కచ్చితంగా ఉందని ట్రంప్‌ చెప్పడం.. పైగా గల్ఫ్‌ ప్రాంతానికి భారీగా సైనిక బలగాలను తరలించడం ఇప్పుడు చర్చనీయాంశంగా మారింది. బలగాలే గనుక చేరుకుంటే మిడిల్‌ఈస్ట్‌లో అమెరికా సైనిక ఉనికి గతంలో ఎన్నడూలేని స్థాయికి చేరే అవకాశం కనిపిస్తోంది.దాదాపు 9 వేల మంది సైనికులు, మెరైన్లను యుద్ధ నౌకల సమూహంతో కలిసి మిడిల్‌ఈస్ట్‌కు తరలిస్తున్నట్లు అమెరికా అధికారులు వెల్లడించారు. ఈ బలగాల తరలింపు సాధారణ మోహరింపు కాదని, ఇరాన్‌ చుట్టూ పెరుగుతున్న ఉద్రిక్తతల నేపథ్యంలో అమెరికా వ్యూహాత్మకంగా తన సైనిక సామర్థ్యాన్ని పెంచుతోందన్న సంకేతాలు కనిపిస్తున్నాయి. ఇప్పటికే గల్ఫ్‌ ప్రాంతంలో ఉన్న అమెరికా బలగాలకు అదనంగా ఈ కొత్త దళాలు చేరితే.. మధ్యప్రాచ్యంలో అమెరికా నావికాదళ ఉనికి మరింత బలపడనుంది. మొత్తం మీద 20 వేల మందికి పైగా సైనికులు, వందలాది యుద్ధ విమానాలు, అత్యాధునిక ఆయుధ వ్యవస్థలతో అమెరికా సైనిక శక్తి ఈ ప్రాంతంలో అత్యున్నత స్థాయికి చేరే అవకాశం ఉందని అధికారులు అంచనా వేస్తున్నారు.ఇంధన సరఫరాకు కీలకమైన హార్ముజ్‌ జలసంధి, ఇరాన్‌ అణు కార్యక్రమం, ఇటీవలి ప్రాంతీయ దాడుల నేపథ్యంలో ఈ మోహరింపు ప్రాధాన్యం సంతరించుకుంది. ఒకవైపు చర్చలకు తాము సిద్ధమంటూ ఇరాన్‌ సంకేతాలు ఇస్తుండగా.. మరోవైపు అమెరికా సైనిక బలగాలను పెంచడం పశ్చిమాసియాలో తదుపరి పరిణామాలపై ఉత్కంఠను పెంచుతోంది.మూడు విమాన వాహక నౌకలతో సిద్ధంఅమెరికా నౌకాదళానికి చెందిన యూఎస్‌ఎస్‌ థియోడోర్‌ రూజ్‌వెల్ట్‌ క్యారియర్‌ స్ట్రైక్‌ గ్రూప్‌, యూఎస్‌ఎస్‌ మాకిన్‌ ఐలాండ్‌ యాంఫిబియస్‌ రెడీనెస్‌ గ్రూప్‌ పశ్చిమాసియా వైపు కదులుతున్నాయి. వీటిలో వేలాది మంది నావికులు, మెరైన్లు ఉన్నారు. ప్రస్తుత ఏర్పాట్ల ప్రకారం అక్టోబర్‌ చివరి నాటికి ఈ ప్రాంతంలో మూడు ఎయిర్‌క్రాఫ్ట్‌ క్యారియర్లు ఉండే అవకాశం ఉందని అమెరికా అధికారి ఒకరు తెలిపారు. యూఎస్‌ఎస్‌ జార్జ్‌ హెచ్‌డబ్ల్యూ బుష్‌, యూఎస్‌ఎస్‌ జార్జ్‌ వాషింగ్టన్‌ క్యారియర్లు ఇప్పటికే ఆ ప్రాంతంలో ఉన్నాయి. 2003 తర్వాత.. తొలిసారిగా ఒకేసారి మూడు క్యారియర్‌ స్ట్రైక్‌ గ్రూపులు ఆ రీజియన్‌లో ఉండే పరిస్థితి ఏర్పడనుందని అధికారులు చెబుతున్నారు.ఇరాన్‌పై ట్రంప్‌ హెచ్చరికలుఇరాన్‌తో ఉద్రిక్తతల నేపథ్యంలో ట్రంప్‌ కీలక వ్యాఖ్యలు చేశారు. ఇజ్రాయెల్‌కు వెళ్తున్న విమానాన్ని కూల్చేందుకు ప్రయత్నించిన ఘటనలో కో–పైలట్‌కు ఇరాన్‌తో సంబంధాలు ఉన్నట్లు ప్రాథమిక సమాచారం ఉందని ట్రంప్‌ పేర్కొన్నారు. "ఇరాన్‌తో సంబంధం ఉన్నట్లు తేలితే తీవ్ర పరిణామాలు ఉంటాయి" అంటూ ట్రంప్‌ హెచ్చరించారు. ‘‘వారిపై చాలా తీవ్రంగా దాడి జరుగుతుంది’’ అని వ్యాఖ్యానించారు.ఎన్నికల వరకు ఆగుతారా?నవంబర్‌ 3న జరగనున్న అమెరికా ఎన్నికల తర్వాత ఇరాన్‌పై బాంబు దాడులను పెంచే అవకాశం ఉందా అన్న ప్రశ్నకు ట్రంప్‌ ‘‘అది సాధ్యమే’’ అని సమాధానం ఇచ్చారు. ఇరాన్‌ ప్రతిపాదించిన తాజా కాల్పుల విరమణ ప్రతిపాదనను తిరస్కరించినట్లు ట్రంప్‌ తెలిపారు. హార్ముజ్‌ జలసంధిని తెరవాలన్న ప్రతిపాదన ఉన్నప్పటికీ.. మొత్తం ఒప్పందం తనకు ఆమోదయోగ్యంగా లేదని పేర్కొన్నారు. అయితే తాజాగా మధ్యప్రాచ్యంలో భారీగా సైనిక బలగాలను మోహరించడం చూస్తుంటే.. ఎన్నికల వరకు అమెరికా వేచి చూస్తుందా? లేక అంతకుముందే సైనిక చర్యకు దిగుతుందా? అనే చర్చ మొదలైంది.హార్ముజ్‌లో ట్యాంకర్‌పై దాడిఇదిలా ఉండగా, ప్రపంచ ఇంధన సరఫరాకు కీలకమైన హార్ముజ్‌ జలసంధిలో 25 లక్షల బ్యారెళ్ల చమురు తీసుకెళ్తున్న సూపర్‌ ట్యాంకర్‌పై గుర్తుతెలియని ఆయుధంతో దాడి జరిగింది. ఘటనలో నౌకలో మంటలు చెలరేగినట్లు యూకే మారిటైమ్‌ ట్రేడ్‌ ఆపరేషన్స్‌ తెలిపింది. ఈ ఘటనతో గల్ఫ్‌ ప్రాంతంలో భద్రతా ఆందోళనలు మరింత పెరిగాయి.ఇరాన్‌ మరోలా..మరోవైపు ఇరాన్‌ అమెరికాతో చర్చలకు తాము ఎప్పుడూ దూరంగా లేమని అధ్యక్షుడు మసూద్‌ పెజెష్కియాన్‌ తెలిపారు. చర్చల సమయంలోనే తమపై మూడుసార్లు దాడులు జరిగాయని ఆరోపించారు. ఇరాన్‌ రెవల్యూషనరీ గార్డ్‌ (IRGC) సీనియర్‌ సలహాదారు బ్రిగేడియర్‌ జనరల్‌ మొహమ్మద్‌ రెజా నక్దీ మాత్రం అమెరికా ప్రభావం ఈ ప్రాంతంలో తగ్గుతోందని వ్యాఖ్యానించారు. ఇరాక్‌ నుంచి అమెరికా బలగాల ఉపసంహరణ దీనికి ఉదాహరణ అని పేర్కొన్నారు.అమెరికా భారీ సైనిక మోహరింపు, ట్రంప్‌ దూకుడు వ్యాఖ్యలు, హార్ముజ్‌ పరిణామాలు.. మొత్తం మీద మధ్యప్రాచ్యంలో ఉద్రిక్తతలను మరింత పెంచుతున్నాయి. అనూహ్యంగా మధ్యవర్తులు ఎంట్రీ ఇచ్చి ఇరాన్‌–అమెరికా మధ్య మళ్లీ చర్చలను తెరపైకి తెస్తారా? లేదంటే మరోసారి సైనిక ఘర్షణ దిశగా పరిస్థితులు వెళ్తాయా అన్నది ఇప్పుడు ప్రపంచ దేశాల దృష్టిని ఆకర్షిస్తోంది.ఇదీ చదవండి: ఫ్లైదుబాయ్‌ ఘటన.. అంతుచిక్కని ప్రశ్నలివే!

‘తానొకటి తలిస్తే.. దైవం ఇంకొకటి తలచిందంటారు’’ క్రిస్టా పైక్‌ విషయంలో ఇది మరోసారి రుజువైంది. ఎంత విచిత్రం కాకపోతే... ముప్ఫై ఏళ్ల నాటి హత్యకు మరణశిక్ష పడటం ఏమిటి?. చంపేద్దామని... ఒకటి కాదు, రెండు... విషపు సూదులు గుచ్చినా పైక్‌ నిక్షేపంగా... గురకపెడుతూ కనిపించడం ఏమిటి? నిజంగా విడ్డూరమే!. అగ్రరాజ్యం అమెరికాలో కొన్ని రాష్ట్రాల్లో మరణ శిక్షల అమలు కొనసాగుతూనే ఉంది. ఈ విషయం కొత్త కాదు కానీ... చట్టం విధించిన శిక్ష అమలు చేయడం బెడిసికొట్టడం మాత్రం ఇదే మొదటిసారి అయి ఉంటుంది. యాభై ఏళ్ల క్రిస్టా పైక్‌ సుమారు 31 ఏళ్లుగా జైల్లోనే ఉంటున్నారు. టెన్నిసీ రాష్ట్రంలోని నాక్స్‌విల్లేలో 1995లో కొల్లీన్‌ స్లెమ్మర్‌ అనే 19 ఏళ్ల యువకుడి హత్య పెను సంచలనం సృష్టించింది. ఈ నేరానికి గాను క్రిస్టాకు అతిపిన్న వయసులోనే మరణ శిక్ష పడింది కూడా. అయితే కేసు స్టేట్, ఫెడరల్‌ కోర్టుల్లో అప్పీళ్లకు వెళ్లడం, క్రిస్టా మానసిక పరిస్థితి బాగా లేదని, చిన్నప్పటి అనుభవాల కారణంగానే ఆమె హింసకు పాల్పడిందని న్యాయవాదులు ప్రతి దశలోనూ వాదించడం, మరికొన్ని కారణాల వల్ల క్రిస్టాకు పడ్డ మరణ శిక్షను అమలు చేయడం ఇప్పటివరకూ వీలు కాలేదు. అన్ని రకాల అప్పీళ్లు ముగిసిన నేపథ్యంలో సెపె్టంబరు 30వ తేదీ బుధవారం రాత్రి విషపు ఇంజెక్షన్లు ఇచ్చి మరణ శిక్ష అమలు చేయాలని నిర్ణయించారు. నాష్‌విల్లేలోని రివర్‌బెండ్‌ మ్యాక్సిమమ్‌ సెక్యూరిటీ ఇన్‌స్టిట్యూషన్‌లో ఇందుకు తగ్గ ఏర్పాట్లూ జరిగాయి కానీ... అధికారులు క్రిస్టా పైక్‌కు రెండు ఇంజెక్షన్లయితే ఇచ్చారు కానీ... ఆమె గుండె ఆగిపోలేదు. కొట్టుకుంటూనే ఉంది. మరణాన్ని ధ్రువీకరించేందుకు దగ్గరకు వెళ్లిన సాక్షులకు ఆమె పెడుతున్న గురక కూడా వినిపించిందట. బిత్తరపోయిన అధికారులు ఆమెను హుటాహుటిన ఆసుపత్రికి తరలించారు. ఆమె ఆరోగ్య పరిస్థితిపై కచ్చితమైన సమాచారం ఏదీ లేనప్పటికీ బతికే ఉందని మాత్రం తెలిసింది. అయితే... ఈ వ్యవహారమిప్పుడు రకరకాల ప్రశ్నలు లేవనెత్తుతోంది. చచ్చినంత పనై బతికిపోయిన క్రిస్టాపై మరోసారి మరణ శిక్ష అమలు చేస్తారా? ఇలా చేయడం నైతికంగా సరైందేనా? అని న్యాయ నిపుణులు, మానవ హక్కుల కార్యకర్తలు ప్రశ్నిస్తున్నారు. ఈ రకంగా మరణశిక్ష అమలు విఫలం కావడం రాజ్యాంగ పరమైన ప్రశ్నలను లేవనెత్తుతోందని ఒక న్యాయవాది వ్యాఖ్యానించారు. – టెన్నిసీ

వాషింగ్టన్‌: మధ్యంతర ఎన్నికలు సమీపిస్తున్న వేళ అమెరికాలో అధ్యక్షుడు ట్రంప్‌నకు ఎదురు గాలులు వీస్తున్నాయి. పెట్రోలు, డీజిళ్లతోపాటు నిత్యావసరాల ధరలు కూడా పైపైకి ఎగబాకుతూండటతో ట్రంప్‌ విధానాలపై ప్రజల్లో అసంతృప్తి ఎక్కువవుతోంది. అంతర్జాతీయ వార్తా సంస్థ అసోసియేటెడ్‌ ప్రెస్, షికాగో యూనివర్శిటీ పరిశోధన కేంద్రం ‘నేషనల్‌ ఒపీనియన్‌ రీసెర్చ్‌ సెంటర్లు’సంయుక్తంగా (ఏపీ–ఎన్‌ఓఆర్‌సీ)నిర్వహించిన తాజా సర్వేలోనూ ఈ విషయం స్పష్టమైంది. ధరల పెరుగుదలకు ట్రంప్‌ విధానాలే కారణమని అత్యధికులు భావిస్తున్నారు. దీంతో ఈ అసంతృప్తి ప్రభావం కాస్తా వచ్చే నెలలో జరిగే మధ్యంతర ఎన్నికలపై పడనుందని అధికార రిపబ్లికన్‌ పార్టీ నేతలు ఆందోళన వ్యక్తం చేస్తున్నారు. ఆర్థిక విధానాలపై ట్రంప్‌ అప్రూవల్‌ రేటింగ్‌ గత ఏడాది మార్చితో పోలిస్తే ఏకంగా 14 శాతం వరకూ తగ్గిపోయినట్లు ఈ సర్వే తెలిపింది. కాస్ట్‌ ఆఫ్‌ లివింగ్‌ విషయానికి వస్తే దాదాపు 60 శాతం రిపబ్లికన్లే ట్రంప్‌ తీరుపై మండిపడుతున్నట్లు తెలుస్తోంది. ధరల పెరుగుదల విషయానికి వస్తే ఏపీ–ఎన్‌ఓఆర్‌సీ సర్వే ప్రకారం 65 శాతం అమెరికన్లకు ట్రంప్‌ వైఖరి ఏమాత్రం నచ్చడం లేదు. జీవన వ్యయం విషయంలో ట్రంప్‌ విధానాలు ఓకే అంటున్న వారు.. 17 శాతం మంది ఉండగా.. స్థూలంగా ఆర్థిక విధానాలు ఫర్వాలేదన్న వాళ్లు 26 శాతం మంది మాత్రమే. టారిఫ్‌ల విషయంలో ట్రంప్‌ దూకుడు, ఇరాన్‌తో యుద్ధం కొనసాగుతూండటంపై ప్రజలు అసంతృప్తి వ్యక్తం చేస్తున్నారు. ట్రంప్‌ రెండోసారి అమెరికా అధ్యక్షుడైన తరువాత ఇవి అత్యంత కనిష్టమైన రేటింగ్స్‌ కావడం గమనార్హం. ఈ నేపథ్యంలో వచ్చే నెలలో జరగనున్న మధ్యంతర ఎన్నికలు కీలకం కానున్నాయి. కాంగ్రెస్‌పై రిపబ్లికన్ల పట్టు కొనసాగుతుందా? లేదా అన్నది ఈ ఎన్నికలతో తేలనుంది. మరోవైపు ట్రంప్‌ తన ఎన్నికల ప్రచారాన్ని కూడా దూకుడుగానే మొదలుపెట్టారు. పోలింగ్‌ శాతాన్ని పెంచేందుకు తానే పోటీలో ఉన్నానని అనుకోండని పిలుపునిచ్చారు కూడా. అయితే ఈ ఎత్తుగడ అంత మంచి ఫలితాలిచ్చే అవకాశాలు లేవని, రిపబ్లికన్లలోనే ట్రంప్‌ తీరు, పాలనలపై తీవ్ర అభ్యంతరాలు వ్యక్తమవుతున్నాయని ఈ సర్వే ద్వారా తెలిసింది. ‘‘మా అధ్యక్షుడు దేశానికి సాయం చేస్తాడని అనుకున్నాం. ఇప్పటివరకైతే ఆర్థిక విషయాల్లో కానీ.. ఇతరాల్లో కానీ ఆయన చేసిందేమీ లేదు. మేక్‌ అమెరికా గ్రేట్‌ ఎగెయిన్‌ అన్నాడు కానీ.. ఆ దిశగా జరిగిన ప్రయత్నాలేవీ లేవు’’అని రాబర్ట్‌ గాల్ట్‌ అనే 66 ఏళ్ల పెన్సెల్వేనియా వ్యక్తి చేసిన వ్యాఖ్య పరిస్థితికి అద్దం పడుతోంది. ట్రంప్‌ దృష్టి ఎక్కడో ఉంది... ఇరాన్‌తో యుద్ధం విషయంలో 69 శాతం అమెరికన్లు ట్రంప్‌పై గుర్రుగా ఉంటే దాదాపు 28% మంది మాత్రమే ఒకే అంటున్నారు. వివిధ దేశాలతో వాణిజ్య, టారిఫ్‌లు విధించడంలో ట్రంప్‌ ‘‘మితిమీరి’’వ్యవహరిస్తున్నారని 64% మంది భావిస్తున్నారు. ఈ ఏడాది జనవరిలో 58 శాతం మంది మాత్రమే ఈ రకమైన అభిప్రాయం కలిగి ఉండేవారు. ఆసక్తికరంగా సుమారు 67 శాతం మంది రిపబ్లికన్లు అధిక ధరలకు ట్రంప్‌ చేతుల్లో లేని విషయాలే కారణమని వ్యాఖ్యానిస్తున్నారు. ద్రవ్యోల్బణాన్ని కట్టడి చేయడం చాలా కష్టం అని విస్‌కాన్సిన్‌కు చెందిన ట్రంప్‌ మద్దతుదారు ఫ్రెడ్‌ న్యూమన్‌ (51) అభిప్రాయపడ్డారు. ట్రంప్‌ టారిఫ్‌ విధానాలు, ఇరాన్‌తో యుద్ధం కూడా అవసరమైనవేనని అంటున్నారు. నిత్యావసరాల ధరలు పైపైకి... అమెరికాలో కొన్ని నెలలుగా నిత్యావసరాల ధరలు అంతకంతకూ పెరిగిపోతున్నాయి. నెలవారీ వెచ్చాలు, పెట్రోలు, డీజిళ్ల ధరలపై సగం మంది అమెరికన్లు ఆందోళన చెందుతున్నట్లు తెలుస్తోంది. రెండు నెలల క్రితం ఈ సంఖ్య 39 శాతంగా ఉండేది. అన్ని వస్తువుల ధరలూ పెరిగిపోవడంతో డబ్బులు ఏమాత్రం మిగలడం లేదని, గతంలో పరిస్థితి ఇలా ఉండేది కాదని, కాలిఫోర్నియాకు చెందిన పెడ్రో శాంచెజ్‌ వ్యాఖ్యానించారు. అయోవాలోని ఫెయిర్‌ఫ్యాక్స్‌కు చెందిన బెథనీ లెనికా (41) మాట్లాడుతూ....‘‘ఈ వారం ఒకలా (ధరలు) ఉంటే మరుసటి వారం ఇంకోలా ఉంటున్నాయి. ఖర్చులకు తగ్గట్టు ఆదాయం ఎలాగూ పెరగదు’’అని అన్నారు. రిపబ్లికన్‌ పార్టీ వైపే మొగ్గు చూపే లెనికా ‘‘పరిస్థితులు మారినట్టు కనిపించడం లేదు’’అని వ్యాఖ్యానించడం గమనార్హం.

న్యూఢిల్లీ: స్మిత్‌ మచ్ఛార్‌. ఒక రోజు క్రితం వరకు అతడు ఎవరో చాలామందికి తెలియదు. కానీ, నేడు నేషనల్‌ హీరోగా మారిపోయాడు. విమానంలో 174 మంది ప్రయాణికులను కాపాడినందుకు జనం జేజేలు పలుకుతున్నారు. కో–పైలట్‌ కత్తితో దాడి చేయడంతో గాయపడిన స్మిత్‌ త్వరగా కోలుకోవాలని ఆకాంక్షిస్తూ ఉత్తరప్రదేశ్‌లోని వారణాసి ఆలయం, గుజరాత్‌లోని సోమనాథ్‌ ఆలయంలో గురువారం ప్రత్యేక పూజలు నిర్వహించారు. స్మిత్‌ ప్రదర్శించిన అసాధారణ ధైర్యసాహసాలను పలువురు కేంద్ర మంత్రులు, రాజకీయ నాయకులు, ముఖ్యమంత్రులు ప్రశంసించారు. ప్రచారానికి దూరంగా సాధారణ జీవితాన్ని గడిపేందుకు స్మిత్‌ ఇష్టపడుతుంటాడు. ఆయనకు సంబంధించిన సమాచారం కోసం జనం సోషల్‌ మీడియాను శోధించారు. ప్రమాద సమయంలో అసాధారణ ధైర్యాన్ని ప్రదర్శించిన స్మిత్‌ మచ్ఛార్‌ను ప్రశంసిస్తూ మాజీ క్రికెటర్లు సచిన్‌ టెండూల్కర్, యువరాజ్‌ సింగ్‌ సోషల్‌ మీడియాలో పోస్టుచేశారు. భయంకరమైన సవాలును ఎదుర్కొనే క్రమంలో అపారమైన ధైర్యాన్ని ప్రదర్శించాడని కొనియాడారు. స్మిత్‌ అకుంఠిత స్ఫూర్తికి వందనం: ముర్ము స్మిత్‌ మచ్ఛార్‌ ప్రదర్శించిన వీరోచిత ధైర్యాన్ని, అద్భుతమైన సమయస్ఫూర్తిని రాష్ట్రపతి ముర్ము ప్రశంసించారు. దేశం ఆయనను చూసి గర్వపడుతోందని సోషల్‌ మీడియా పోస్టులో పేర్కొన్నారు. దాడిలో తీవ్రంగా గాయపడినప్పటికీ ఇతరుల ప్రాణాలను కాపాడాలనే సంకల్పంతో ఆయన నిలబడ్డారని పేర్కొన్నారు. స్మిత్‌ ధైర్యం, సమయస్ఫూర్తి మనందరినీ ఎంతగానో కదిలించాయని ఉద్ఘాటించారు. స్మిత్‌ను ప్రశంసిస్తూ ఉప రాష్ట్రపతి సి.పి.రాధాకృష్ణన్, బీజేపీ అధ్యక్షుడు నితిన్‌ నబీన్, కాంగ్రెస్‌ అధినేత మల్లికార్జున ఖర్గే, ఉత్తరప్రదేశ్‌ ముఖ్యమంత్రి యోగి ఆదిత్యనాథ్, మహారాష్ట్ర సీఎం దేవేంద్ర ఫడ్నవీస్‌ తదితరులు ‘ఎక్స్‌’లో పోస్టుచేశారు. స్మిత్‌కు ‘విశిష్ట గుజరాత్‌ గరిమ అవార్డు’ అసమాన ధైర్యసాహసాలు ప్రదర్శించిన స్మిత్‌ మచ్ఛార్‌కు ‘విశిష్ట గుజరాత్‌ గరిమ అవార్డు’ను ప్రదానం చేస్తామని గుజరాత్‌ ప్రభుత్వం ప్రకటించింది. 174 మంది ప్రయాణికుల ప్రాణాలను కాపాడడం స్ఫూర్తిదాయకమైన, ప్రశంసనీయమైన చర్య అని పేర్కొంది. ‘‘గుజరాత్‌కు చెందిన వీరపుత్రుడు స్మిత్‌ తన సాహసంతో గుజరాత్‌కు, దేశానికి ప్రపంచవ్యాప్తంగా కీర్తిని తెచ్చాడు. అతని నరనరాల్లో ప్రవహించే గుజరాతీ స్ఫూర్తి మనందరికీ గర్వకారణం’’అని సీఎం భూపేంద్ర పటేల్‌ పేర్కొన్నారు. స్మిత్‌ గుజరాత్‌కు చెందినవారని, ఆయన కుటుంబం చాలా కాలం క్రితమే ముంబైకి వలస వెళ్లిందని అధికారులు తెలిపారు. స్మిత్‌ ఇంటి వద్ద జనం నినాదాలు ముంబైలో తిలక్‌నగర్‌ ప్రాంతంలో స్మిత్‌ ఇల్లు ఉంది. గురువారం ఆ ఇంటి వద్దకు వందలాది మంది జనం తరలివచ్చారు. ఇంటి బయట త్రివర్ణ పతాకాలు చేతబూని, భారత్‌ మాతా కీ జై అని నినదించారు. స్మిత్‌ చిత్రపటాలను ప్రదర్శించారు. ఆయనకు శౌర్య చక్ర వంటి పురస్కారాన్ని లేదా దేశ అత్యున్నత పౌర పురస్కారం∙భారత రత్నను ప్రదానం చేయాలని కోరారు. స్మిత్‌ మనందరికీ గర్వకారణమని పేర్కొన్నారు. ఇరుగుపొరుగువారు, స్నేహితులు అతడి చిన్నప్పటి రోజులను గుర్తుచేసుకున్నారు. బాల్యం నుంచే స్మిత్‌ ప్రశాంతమైన, నిబ్బరమైన వ్యక్తి అని వారు చెప్పారు.

దుబాయ్‌: కోపైలట్‌ దాడిలో కత్తిపోట్లకు గురైనకె ప్టెన్‌ మచ్ఛార్‌ ఆరోగ్య పరిస్థితి ప్రస్తుతం స్థిరంగా ఉన్నట్లు వైద్యాధికారులు గురువారం స్పష్టంచేశారు. సౌదీలోని తబుక్‌ నగర ఆస్పత్రి ఐసీయూలో మచ్ఛార్‌కు తొలుత చికిత్స చేశారని రియాద్‌లోని భారత రాయబార కార్యాలయం తెలిపింది. తబుక్‌ ఆస్పత్రిలో చికిత్స తర్వాత మెరుగైన వైద్యసేవల నిమిత్తం ఆయనను గురువారం విమానంలో యూఏఈలోని అబుదాబి నగరానికి తరలించి అక్కడి ఒక ఆస్పత్రిలో చేరి్పంచారు. కత్తిపోట్లతో మచ్ఛార్‌ మెడ, చేతుల వద్ద లోతైన గాయాలయ్యాయి. ఈ గాయాలకు సంబంధించి అత్యయిక శస్త్రచికిత్స పూర్తిచేశారు. విమానంలో ఫ్లోర్‌మీద పడిపోయిన మచ్ఛార్‌కు ఛాతి, పొత్తికడుపు చూట్టూతా బ్యాండేజీలు చుట్టినట్లు వీడియోలో ఉంది. ఈ గాయాలకు సైతం వైద్యులు చికిత్స చేస్తున్నారు. కత్తిపోట్ల గాయాల నుంచి మరింత రక్తస్రావం కాకుండా తగు చికిత్సచేశారు. ఎలాంటి సర్జరీ జరిగింది? ఎన్ని కుట్లు పడ్డాయి? అనే వివరాలను వైద్యులు బహిర్గతంచేయలేదు. ఆయన హెల్త్‌ బులెటిన్‌ను సైతం విడుదలచేయలేదు. కానీ మచ్ఛార్‌ ఆరోగ్య సమాచారాన్ని నిరంతరం ఆయన కుటుంబసభ్యులకు చేరవేస్తున్నామని జెడ్డాలోని భారత మిషన్‌తోపాటు కాన్సులేట్‌ జనరల్‌ ఆఫ్‌ ఇండియా వెల్లడించింది. ‘‘అత్యంత మెరుగైన వైద్యసేవలు ఆయనకు అందేలా చూస్తున్నాం. ఈ మేరకు అధికారులతో సంప్రతింపులు జరుపుతున్నాం’’అని యునైటెడ్‌ అరబ్‌ ఎమిరేట్స్‌లోని ఇండియన్‌ ఎంబసీ ఒక ప్రకటనలో పేర్కొంది. ఆయన కోలుకుంటున్నారని, ఆరోగ్యంగా ఉన్నారని వెల్లడించింది.

జెరూసలేం/దుబాయ్‌: ఫ్లై దుబాయ్‌ ఉదంతంలో కెప్టెన్‌ను కోపైలట్‌ అంత దారుణంగా ఎందుకు పొడిచాడు? ప్రయాణికులందర్నీ చంపబోయిన తనను అడ్డుకున్నందుకు కోపైలట్‌ పట్టరాని ఆవేశంతో విచక్షణారహితంగా కెప్టెన్‌పై దాడిచేశాడా? అనేవి అంతుచిక్కని ప్రశ్నలుగా మిగిలిపోయాయి. పిచ్చెక్కినట్లు కీలక వ్యవస్థలను అతను ఎందుకు నాశనంచేయబోయాడు? అనే దానికి కూడా ఏ దర్యాప్తు సంస్థా ఇంకా జవాబు చెప్పే పరిస్థితిలేదు. ప్రస్తుతం సౌదీ పోలీసుల కస్టడీలో ఉన్న కోపైలట్‌ నోరు విప్పితేగానీ విమాన క్రాష్‌ల్యాండింగ్‌ కుట్ర వెనక ఉన్నదెవరు? అనే విషయాలు వెల్లడికానున్నాయి. ఇందుకోసం ఇప్పటికే యూఏఈ పోలీసులు దర్యాప్తు ఆరంభించారు. ఘటన జరిగిన విమానం యూఏఈ ప్రభుత్వరంగ పౌరవిమానయాన సంస్థ కావడంతో సమగ్ర దర్యాప్తునకు ఆదేశించినట్లు యూఏఈ అటార్నీ జనరల్‌ కౌన్సిలర్‌ హమాద్‌ అల్‌ షామీ తెలిపారు. ఇజ్రాయెల్‌ సైతం దర్యాప్తు మొదలెట్టింది. మరో 9/11 తరహా ఉగ్రదాడి ఘటనగా ఇది పేరొందటంతో అమెరికా సైతం రంగంలోకి దిగబోతోంది. పట్టుబడిన కోపైలట్‌ ఒమన్‌ దేశస్తుడని ప్రచారంకావడంతో ఆ దేశం సైతం తమ వైపు నుంచి దర్యాప్తు ఆరంభించే ఆస్కారముంది. ఇన్ని దేశాల దర్యాప్తుల్లో ఏమేం విషయాలు బయటికొస్తాయా అని ప్రపంచదేశాలు ఆసక్తిగా ఎదురుచూస్తున్నాయి. ‘‘ఉగ్రవాదం మొదలు కోపైలట్‌ వ్యక్తిత్వం, మానసిక సమస్యల దాకా అన్ని కోణాల్లో దర్యాప్తు జరగబోతోంది’’అని సంబంధిత ఉన్నతాధికారి వెల్లడించారు. మరోవైపు ఈ ఘటన వెనుక ఇస్లామిక్‌ ఉగ్రవాదుల హస్తముందని ఇజ్రాయెల్‌ ప్రధాని నెతన్యాహూ ఆరోపించారు. ఫాక్స్‌న్యూస్‌ ఛానల్‌ వారి ‘ఫాక్స్‌ అండ్‌ ఫ్రెండ్స్‌’ కార్యక్రమంలో నెతన్యాహూ మాట్లాడారు. ‘‘అతనో ఉగ్రవాది. ఇస్లామిక్‌ మతఛాందసవాది’’అని అన్నారు. ఈ ఘటనలో ఇరాన్‌ ప్రమేయముందా అని మీడియా అడగ్గా ‘‘ఇప్పుడే దీనిపై మాట్లాడటం తొందరపాటు చర్యే అవుతుంది’’అని అన్నారు. అయితే తన వాదనలకు గల బలమైన సాక్ష్యాధారాలను ఆయన బయటపెట్టలేదు. కోపైలట్‌ను ప్రశ్నించేందుకు ఇజ్రాయెల్‌ నిఘా, భద్రతాధికారులు ఇప్పటికే సౌదీకి చేరుకున్నారు. యూఏఈ అధ్యక్షుడు షేక్‌ మొహమ్మద్‌ బిన్‌ జయీద్‌ అల్‌ నహ్యాన్‌తో నెతన్యాహూ ఫోన్‌ మంతనాల తర్వాత ఇజ్రాయెల్‌ బృందం సౌదీకి చేరుకుంది. దర్యాప్తు నిమిత్తం అతడిని తమకు అప్పగిస్తే స్వదేశానికి తీసుకెళ్తామని ఇజ్రాయెల్‌ జాతీయభద్రతా మంత్రి ఇతామర్‌ బెన్‌ గవిర్‌ చెప్పారు. అయితే ఈ అభ్యర్థనపై సౌదీ ప్రభుత్వం ఇంకా ఎలాంటి నిర్ణయం తీసుకోలేదు.

దుబాయ్‌ నుంచి ఇజ్రాయెల్‌కు వెళ్తున్న ఫ్లైదుబాయ్‌ ప్రయాణికుల విమానంలో చోటుచేసుకున్న దాడి వెనుక ఇరాన్‌ ప్రమేయం ఉండొచ్చని అమెరికా అధ్యక్షుడు డొనాల్డ్‌ ట్రంప్‌ అనుమానం వ్యక్తం చేశారు. ఈ ఘటనపై దర్యాప్తు కొనసాగుతోందని, ప్రాథమికంగా తనకు అందిన సమాచారం ప్రకారం ఇరాన్‌తో సంబంధం ఉండే అవకాశాలున్నాయని గురువారం వైట్‌హౌస్‌లో విలేకరులకు తెలిపారు.ఇరాన్‌ ప్రమేయం ఉంటే తీవ్ర పరిణామాలుఈ ఘటన వెనుక ఇరాన్‌ ఉన్నట్లు దర్యాప్తులో తేలితే అమెరికా ఎలాంటి చర్యలు తీసుకుంటుందన్న ప్రశ్నకు ట్రంప్‌ స్పందిస్తూ.. ఇరాన్‌పై తీవ్రంగా దాడి చేస్తామని హెచ్చరించారు.సెప్టెంబర్‌ 30న దుబాయ్‌ నుంచి టెల్‌ అవీవ్‌కు వెళ్తున్న ఫ్లైదుబాయ్‌ విమానం ఎఫ్‌జెడ్‌1073లో ఈ ఘటన చోటుచేసుకుంది. విమానం ఇజ్రాయెల్‌ వైపు ప్రయాణిస్తున్న సమయంలో కోపైలట్‌ కెప్టెన్‌పై కత్తితో దాడి చేసి, విమానాన్ని అదుపులోకి తీసుకుని కూల్చేందుకు ప్రయత్నించినట్లు ఇజ్రాయెల్‌ అధికారులు తెలిపారు. దాడిలో గాయపడిన భారతీయ కెప్టెన్‌ స్మిత్‌ మచ్చర్‌ ప్రతిఘటించి కాక్‌పిట్‌ తలుపు తెరవడంతో ప్రయాణికులు, సిబ్బంది జోక్యం చేసుకుని నిందితుడిని అదుపులోకి తీసుకున్నారు.విమానం తీవ్రంగా కిందకు దిగడంతో పరిస్థితి ప్రమాదకరంగా మారింది. అనంతరం ప్రత్యామ్నాయ సిబ్బంది విమానాన్ని సౌదీ అరేబియాలోని టబుక్‌ విమానాశ్రయంలో అత్యవసరంగా దించారు. విమానంలో ఉన్న ప్రయాణికులంతా సురక్షితంగా బయటపడగా, గాయపడిన పైలట్లకు చికిత్స అందించారు.దర్యాప్తులో అసలు కారణాలపై ఆరాఈ ఘటనకు సంబంధించి నిందితుడి నేపథ్యం, దాడికి దారితీసిన పరిస్థితులు, ఉగ్రవాద సంస్థలతో సంబంధాలున్నాయా అనే అంశాలపై అధికారులు దర్యాప్తు చేస్తున్నారు. ఇజ్రాయెల్‌ ప్రధాని బెంజమిన్‌ నెతన్యాహు కోపైలట్‌ తీవ్రవాద భావజాల ప్రభావానికి లోనై ఉండొచ్చని వ్యాఖ్యానించినప్పటికీ, దాడి వెనుక అసలు ఉద్దేశం ఇంకా స్పష్టంగా తెలియలేదు.

న్యూఢిల్లీ : దుబాయ్ నుండి టెల్ అవీవ్‌కు బయలుదేరిన ఫ్లైదుబాయ్ విమానం ఎఫ్‌జెడ్‌ 1073లో ఊహించని విపత్తు ముంచుకొచ్చింది. విమానాన్ని హైజాక్ చేసి కూల్చివేయాలని కుట్ర పన్నిన కో-పైలట్..కాక్‌పిట్‌లో అత్యవసరంగా ఉపయోగించే గొడ్డలితో (క్రాష్‌ యాక్స్‌) పైలెట్‌ కెప్టెన్ స్మిత్‌మచ్చర్‌పై విచక్షణారహితంగా దాడి చేశాడు. అయినప్పటికీ, తీవ్ర గాయాలతో రక్తపు మడుగులో ఉన్న భారతీయ కెప్టెన్ స్మిత్ మచ్చర్ అసాధారణమైన సంకల్ప బలాన్ని ప్రదర్శించారు. క్షణాల వ్యవధిలో హైజాక్ కోడ్‌ను ప్రసారం చేయడమే కాకుండా, కాక్‌పిట్ తలుపులు అన్‌లాక్ చేశాడు. ప్రాణాలను పణంగా పెట్టి విమానాన్ని సౌదీ అరేబియాలోని తబుక్ ఎయిర్‌పోర్టులో సురక్షితంగా ల్యాండ్ చేశారు. ఫలితంగా 170 మందికి పైగా ప్రయాణికులు ప్రాణాలతో బయటపడ్డారు.ఈ సాహసగాథ యావత్ ప్రపంచాన్ని విస్మయానికి గురిచేసినప్పటికీ, విమానయాన చరిత్రలో ఇలాంటి ఉద్దేశపూర్వక దాడులు, విషాదాలు జరగడం ఇదే మొదటిసారి కాదు. గతంలో పైలట్లు లేదా సిబ్బంది మానసిక సమస్యలు, వ్యక్తిగత కక్షలు, తీవ్ర నిరాశ నిస్పృహల కారణంగా విమానాలను కూల్చివేసిన అత్యంత భయానక సంఘటనల చరిత్రను పరిశీలిస్తే...ఫెడెక్స్ ఫ్లైట్ 705 (ఏప్రిల్ 4, 1994)ఉద్యోగం నుండి తొలగిస్తారనే తీవ్రమైన భయం, ఆగ్రహంతో ఉన్న విధుల్లో లేని ఫెడెక్స్ ఫ్లైట్ ఇంజనీర్ ఆబర్న్ కల్లోవే.. తన కుటుంబం కోసం భారీ బీమా డబ్బును క్లెయిమ్ చేయాలనే దురుద్దేశంతో విమానం ఎక్కాడు. సుత్తి, ఈటె వంటి మారణాయుధాలను రహస్యంగా తీసుకువెళ్లి కాక్‌పిట్‌లోకి బలవంతంగా చొరబడ్డాడు. విమానం గాలిలో ఉండగానే ముగ్గురు సిబ్బందిపై (కెప్టెన్, ఫస్ట్ ఆఫీసర్,ఫ్లైట్ ఇంజనీర్) దాడి చేశాడు. సిబ్బంది ప్రతిఘటన,సాహసం వల్ల ఆ విమానం కూలిపోకుండా తృటిలో తప్పించుకుంది.సిల్క్‌ఎయిర్ ఫ్లైట్ 185 (డిసెంబర్ 19, 1997)ఇండోనేషియా నుండి సింగపూర్‌కు బయలుదేరిన సిల్క్‌ఎయిర్ విమానం ప్రయాణంలో ఉండగా అనూహ్యంగా కూలిపోయింది. దర్యాప్తులో తేలిన సమాచారం ప్రకారం, తీవ్రమైన ఆర్థిక నష్టాలు, అప్పుల ఊబిలో కూరుకుపోయిన ఆ విమాన కెప్టెన్ ఉద్దేశపూర్వకంగానే ఫ్లైట్ రికార్డర్లను (బ్లాక్ బాక్స్) ఆపివేశాడు. కో-పైలట్ కాక్‌పిట్ బయట ఉన్న సమయంలో తలుపులు లాక్ చేసి, విమానాన్ని అతివేగంగా నదిలోకి ముంచేశాడు. ఈ దుర్ఘటనలో విమానంలో ప్రయాణిస్తున్న మొత్తం 104 మంది ప్రాణాలు కోల్పోయారు. (ఈ ఘటనపై భిన్నాభిప్రాయాలు ఉన్నప్పటికీ చాలా సంస్థలు దీనిని పైలట్ ఆత్మహత్యగా నిర్ధారించాయి).ఈజిప్ట్ ఎయిర్ ఫ్లైట్ 990 (అక్టోబర్ 31, 1999)న్యూయార్క్ నుండి కైరోకు వెళ్తున్న ఈజిప్ట్ ఎయిర్ విమానం అట్లాంటిక్ మహాసముద్రంలో కూలిపోయి 217 మంది ప్రాణాలు కోల్పోయారు. కెప్టెన్ విశ్రాంతి కోసం కాక్‌పిట్ నుంచి బయటకు వెళ్లిన తరుణాన్ని ఆసరాగా చేసుకున్న సహాయ కో-పైలట్ గమిల్ అల్-బటౌటి ఆటోపైలట్‌ను నిలిపివేసి, విమానాన్ని నిటారుగా సముద్రంలోకి దూసుకుపోయేలా చేశాడు. కెప్టెన్ తిరిగి వచ్చి నువ్వేం చేశావు?అని నిలదీసినట్లు బ్లాక్ బాక్స్ రికార్డింగ్‌లలో స్పష్టమైంది. అప్పటికే జరగాల్సిన నష్టం జరిగిపోయింది. జర్మన్‌వింగ్స్ ఫ్లైట్ 9525 (మార్చి 24, 2015)ఆధునిక ఏవియేషన్ చరిత్రలో అత్యంత విషాదకరమైన సంఘటనలలో ఇదొకటి. తీవ్రమైన మానసిక కుంగుబాటుతో బాధపడుతున్న కో-పైలట్ ఆండ్రియాస్ లుబిట్జ్.. కెప్టెన్ కాస్త టాయిలెట్‌కు వెళ్లిన సమయంలో కాక్‌పిట్ తలుపును లోపలి నుండి గడియ పెట్టాడు. కెప్టెన్ ఎంతగా తలుపు పగలగొట్టడానికి ప్రయత్నించినా లాభం లేకపోయింది. లుబిట్జ్ ఉద్దేశపూర్వకంగా విమానాన్ని ఫ్రెంచ్ ఆల్ప్స్ పర్వత శ్రేణులలోకి పోనిచ్చి కూల్చేశాడు. ఈ దుర్ఘటనలో 150 మంది ప్రాణాలు విడిచారు.భద్రతా ప్రమాణాల్లో మార్పులుజర్మన్‌వింగ్స్ విమాన ప్రమాదం తర్వాత ప్రపంచవ్యాప్తంగా విమానయాన రంగంలో కఠినమైన నిబంధనలు అమల్లోకి వచ్చాయి. ముఖ్యంగా ‘కాక్‌పిట్‌లో ఇద్దరు’అనే నిబంధనను తెరపైకి తెచ్చారు. దీని ప్రకారం ఒక పైలట్ ఏదైనా అవసరాల కోసం బయటకు వెళితే, క్యాబిన్ సిబ్బందిలో మరొకరు విధిగా కాక్‌పిట్‌లోకి ప్రవేశించి సిట్టింగ్ చేయాల్సి ఉంటుంది.అయినప్పటికీ, నేటికీ అప్పుడప్పుడు కొన్ని చోట్ల ఇలాంటి మానసిక వైపరీత్యాలు,ఉన్మాద చర్యలు పునరావృతమవుతూనే ఉన్నాయి. తాజాగా ఫ్లైదుబాయ్ విమానంలోనూ సరిగ్గా అలాంటి ఘటనే ఎదురైంది. కానీ, కెప్టెన్ స్మిత్ మచ్చర్ చూపిన అప్రమత్తత, తెగింపు వలనే వందలాది ప్రాణాలు అప్పట్లో గాల్లోనే గాల్లోనే కలిసిపోకుండా మిగిలాయి.

టోక్యో: చైనా, రష్యా, ఉత్తర కొరియాతో భద్రతాపరమైన ఉద్రిక్తతలు పెరుగుతున్న నేపథ్యంలో అణ్వాయుధాలను సమకూర్చుకునే అంశంపై జపాన్‌లో బహిరంగ చర్చ జరగాలని ఆ దేశ రక్షణ మంత్రి షింజిరో కొయిజుమి పిలుపునిచ్చారు. భద్రతకు సంబంధించిన ఏ అవకాశాన్నీ ముందుగానే తోసిపుచ్చలేమని ఆయన అన్నారు.“ఈ అంశంపై చర్చించడానికి కూడా అనుమతి లేదనే ఆలోచన.. నా భావనకు కొంత విరుద్ధంగా ఉంది” అని సోమవారం టీవీ ఇంటర్వ్యూలో కొయిజుమి వ్యాఖ్యానించారు. అణు విధానంపై ఎలాంటి నిషేధాలు లేకుండా ఉండాలన్న విషయంపై చర్చించాలని ఆయన అన్నారు. ఇందులో జపాన్‌ దీర్ఘకాలంగా అనుసరిస్తున్న అణురహిత విధానాలను పునఃపరిశీలించడం, అణుశక్తితో నడిచే జలాంతర్గాములను సమకూర్చుకునే అవకాశాన్ని పరిశీలించడం కూడా ఉన్నాయని తెలిపారు.జపాన్‌ 3 సూత్రాలు ఏవి? జపాన్‌ 1967లో ఆమోదించిన మూడు అణురహిత సూత్రాల ప్రకారం.. అణ్వాయుధాలను కలిగి ఉండటం, తయారు చేయడం, దేశ భూభాగంలోకి వాటిని అనుమతించడం నిషేధం. ప్రస్తుతం ప్రభుత్వం ఎలాంటి విధాన నిర్ణయం తీసుకోలేదని కొయిజుమి స్పష్టం చేశారు. అయితే అన్ని అవకాశాలపై చర్చ పూర్తయ్యే వరకు వాటిని పక్కన పెట్టకూడదన్నారు. జపాన్‌ రెండో ప్రపంచ యుద్ధంలో అణుబాంబు దాడికి గురైన ఏకైక దేశమని గుర్తుచేస్తూ, మారుతున్న భద్రతా పరిస్థితిని ప్రజలకు జాగ్రత్తగా వివరించాల్సిన అవసరం ఉందన్నారు.“జపాన్‌ చుట్టూ ఉన్న భద్రతా పరిస్థితిపై ఆశావహంగా ఉండేందుకు అసలు ఎలాంటి కారణాలు లేవని చెప్పడం సురక్షితమే” అని కొయిజుమి పేర్కొన్నారు. చైనా, రష్యా అణు సామర్థ్యాలు, ఉత్తర కొరియా పెంచుకుంటున్న అణ్వాయుధ నిల్వలను ప్రస్తావించారు. ఫ్రాన్స్‌ అణు నిరోధక సామర్థ్యాన్ని బలోపేతం చేసే ప్రయత్నాలు, ఫిన్లాండ్‌ తన భూభాగంలో అణ్వాయుధాల మోహరింపునకు చట్టపరమైన మార్పులు చేయడాన్ని కూడా ఆయన ఉదాహరణగా చూపారు.ఈ ఏడాది చివరినాటికి జపాన్‌ ప్రభుత్వం 3 కీలక జాతీయ భద్రతా పత్రాలను సవరించనుంది. ఈ ప్రక్రియలో అణురహిత సూత్రాలపై చర్చ జరిగే అవకాశం ఉంది. ముఖ్యంగా అణ్వాయుధాలను దేశంలోకి అనుమతించకూడదనే 3వ సూత్రంపై చర్చ పెరిగింది. ప్రధాని సనాయే తకాయిచి మాత్రం జపాన్‌ ఆ సూత్రాలను కొనసాగిస్తోందని, అణ్వాయుధాలు లేని ప్రపంచానికి కట్టుబడి ఉన్నామని చెప్పారు. అయితే కొత్త భద్రతా పత్రాల్లో ఈ సూత్రాలను స్పష్టంగా చేర్చుతారా అనే ప్రశ్నకు ఆమె సమాధానం ఇవ్వలేదు.ఇదే సమయంలో ఐక్యరాజ్యసమితి ప్రధాన కార్యదర్శి ఆంటోనియో గుటెరస్‌ ప్రపంచం ​కోల్డ్‌ వార్‌ తర్వాత అత్యంత ప్రమాదకరమైన అణు పరిస్థితిని ఎదుర్కొంటోందని హెచ్చరించారు. అణ్వాయుధ నిల్వలు పెరుగుతూ, ఆధునికీకరణకు గురవుతున్నాయని చెప్పారు. జపాన్‌ ఐక్యరాజ్యసమితి రాయబారి కజుయుకి యమజాకి మాత్రం సమగ్ర అణు పరీక్షల నిషేధ ఒప్పందానికి దేశం కట్టుబడి ఉందని తెలిపారు. ఇక జపాన్‌ అణు విధానంపై ప్రభుత్వం చేపట్టే భద్రతా పత్రాల సమీక్ష కీలకంగా మారనుంది.At the High-level Meeting to Commemorate & Promote the International Day for the Total Elimination of Nuclear Weapons, #Japan lists 3 areas of action its commitment is reflected in: 1️⃣We must maintain & strengthen the framework for dialogue & cooperation. #NPT https://t.co/uBEC6Fiw0b— Japanese Mission UN (@JapanMissionUN) September 29, 2026

చాలా మంది తమ చిన్నతనం నుంచి కన్న కలలను సాకారం చేసుకుంటూ.. తమకు నచ్చిన వృత్తిని ఎంచుకుంటారు. అయితే.. ఫ్లైదుబాయ్ ఫ్లైట్ FZ1073లో.. గాలిలో కోపైలట్ చేతిలో కత్తిపోటుకు గురైనప్పటికీ, 174 మంది ప్రయాణికులను సమర్థంగా కాపాడిన కెప్టెన్ స్మిత్ మచ్చర్ మాత్రం పైలట్ కావడం తన చిన్ననాటి కల కానే కాదంటున్నారు. ఫ్లైదుబాయ్ ఘటన తర్వాత గూగుల్, సోషల్ మీడియాలో ట్రెండ్‌గా మారిన స్మిత్ మచ్చర్ జీవితంలో ఎన్నెన్నో మలుపులున్నాయి. గత ఏడాది యూట్యూబర్ జలక్ మెహతాకు ఇచ్చిన ఇంటర్వ్యూలో స్మిట్ ఆ విశేషాలను పంచుకున్నారు.స్మిత్ మచ్చర్ కుటుంబానికి వస్త్రవ్యాపారం నేపథ్యం ఉంది. అందుకే స్మిత్ కూడా చిన్నతనం నుంచి తన కుటుంబ వ్యాపారాన్ని మరింతగా అభివృద్ధి చేయాలని కలలు కనేవాడు. అందుకే ఆయన టెక్స్‌టైల్స్ ఇంజనీరింగ్ పూర్తి చేశారు. ఆ తర్వాత సమర్థంగా వ్యాపారాన్ని నిర్వహించాలనే ఉద్దేశంతో ముంబైలోని వెలింగ్‌కర్ ఇన్‌స్టిట్యూట్ ఆఫ్ మేనేజ్‌మెంట్‌లో చేరి, తన స్కిల్స్‌ని అప్‌గ్రేడ్ చేసుకున్నారు. కానీ, మేనేజ్‌మెంట్ కోర్సులో భాగంగా విమానయానానికి సంబంధించిన ఓ సెమినార్‌కు హాజరైన స్మిత్ ఆ క్షణంలో తాను 9750 ఫ్లైయింగ్ గంటల మేర వాణిజ్య విమానాలను నడుపుతానని కలలో కూడా ఊహించలేదు. అప్పుడు అతని వయసు 19 సంవత్సరాలు. ఆ ఒక్క సెమినార్ అతని లక్ష్యాన్ని నిర్దేశించింది.దాంతో అతను పైలట్ శిక్షణ కోసం న్యూజిలాండ్ వెళ్లారు. శిక్షణ ముగియగానే.. అంటే.. 2011లో ఆయన స్పైస్‌జెట్‌లో చేరారు. అంతే.. అక్కడి నుంచి తిరిగి వెనక్కి చూడలేదు. బోయింగ్ 737లో మొదటి సారి కోపైలట్‌గా తన జర్నీని ప్రారంభించారు. ఆ విమానం బెంగళూరు-ఢిల్లీ మధ్య తిరిగేది. స్పైస్ జెట్‌లో ఆయన 11 సంవత్సరాలు సేవలందించారు. అక్కడే కెరీర్ ప్రారంభించిన స్మిట్.. క్రమంగా సీనియర్ కమాండర్ ర్యాంక్‌కు.. ఆ తర్వాత.. అంటే 2020లో లైన్ ట్రైనింగ్ కెప్టెన్‌ పదవులను అధిరోహించారు.ఇదీ చదవండి : అప్పుల పాలై.. 104మంది ప్రాణాలు తీసిన పైలెట్‌!బోయింగ్ 737 విమానాల్లో 737-800, 737 మ్యాక్స్ 8, 9 విమానాల్లో స్మిట్‌కు 9,750 గంటల ప్రయాణ అనుభవం ఉంది. స్పైస్ జెట్ కెరీర్ లో 6,400 గంటలకు పైగా పైలట్-ఇన్-కమాండ్ గా పనిచేశారు. జూన్ 20221లో ఆయన డైరెక్ట్-ఎంట్రీ కెప్టెన్‌గా ఫ్లైదుబాయ్‌లో చేరారు. ఆయన గత ఏడాది ఇచ్చిన ఓ పాడ్‌కాస్ట్‌లో.. ఫ్లైట్ ప్రయాణికుల్లో డాక్టర్లు ఉండడం ఎంత అవసరమో వివరించారు. ‘‘మనం గాల్లో ఉన్నప్పుడు అనుకోనిది జరిగితే..? పరిస్థితి ఏమిటి? ప్రయాణికుల్లో డాక్టర్లు, నర్సులు ఉంటే ఆ ఆపద తొలుగుతుంది. వారు వైద్యంలో బాగా శిక్షణ పొందినవారు. అలాంటి వారు ఎప్పుడూ ఫ్లైట్‌లో ఉంటారని చెప్పలేం’’ అని ఆ పాడ్‌కాస్ట్‌లో వ్యాఖ్యానించారు.సరిగ్గా ఏడాది గడిచాక.. అలాంటి అనుభవాన్నే ఆయన ఎదుర్కొన్నారు.దుబాయ్ నుంచి టెల్‌అవీవ్ వెళ్తున్న విమానాన్ని హైజాక్ చేసేందుకు యత్నించిన ఒమన్ జాతీయుడైన కోపైలట్.. అతణ్ని కత్తితో పొడిచాడు. ఫ్లైట్‌లో ఉన్న వైద్యులు ఆయనకు ప్రథమ చికిత్స చేశారు. ఆ క్షణంలో వైద్యులు లేకపోతే పరిస్థితి ఏంటి? గాల్లో 14వేల అడుగలకు పడిపోయిన విమానాన్ని తిరిగి నడిపించేవారే ఉండేవారు కాదు. అప్పటికే ఆయన హైజాక్ కోడ్‌ను విడుదల చేశారు. ప్రథమ చికిత్సతో కాస్త ఓపిక తెచ్చుకున్న స్మిత్‌ .. ఆ విమానాన్ని సురక్షితంగా సౌదీలోని తబుక్ ఎయిర్‌పోర్టులో ల్యాండ్ చేయగలిగారు. ప్రస్తుతం సౌదీ ఆస్పత్రిలో స్మిత్‌ కోలుకుంటున్నారు. 174 మంది ప్రాణాలను కాపాడిన స్మిత్‌.. మన భారతీయుడు అని చెప్పుకోవడానికి గర్వంగా ఉంది కదా? స్మిత్‌ సాహసంపై మీరేమంటారు? మీ అభిప్రాయాలను కామెంట్ల రూపంలో తెలియజేయండి.

అఫ్గానిస్థాన్‌లోని 2 ప్రావిన్సులపై గత రాత్రి పాకిస్థాన్ వైమానిక దాడులు చేసింది. దీంతో 9 మంది మహిళలు, చిన్నారులు మృతి చెందగా, మరో 11 మంది పౌరులు గాయపడ్డారని ఆఫ్ఘనిస్థాన్ తెలిపింది. అయితే పాకిస్థాన్ మాత్రం తమ దాడులు ఉగ్రవాదుల స్థావరాలనే లక్ష్యంగా చేసుకున్నాయని పేర్కొంది.అఫ్గానిస్థాన్ తాలిబన్ ప్రభుత్వ ప్రతినిధి జబీహుల్లా ముజాహిద్ ప్రకారం.. దక్షిణ హెల్మండ్ ప్రావిన్స్, తూర్పు కునార్ ప్రావిన్స్‌లోని పౌరుల ఇళ్లపై దాడులు జరిగాయి. మొత్తం 3 ఇళ్లు ధ్వంసమయ్యాయని, 9 మంది మహిళలు, చిన్నారులు ప్రాణాలు కోల్పోయారని, మరో 11 మంది పౌరులు గాయపడ్డారని ఆయన తెలిపారు. “ఈ చర్యను మేము ఖండిస్తున్నాం. విశ్వవ్యాప్తంగా అంగీకరించిన అన్ని సూత్రాలను ఉల్లంఘించే దురాక్రమణ చర్యగా, నేరంగా దీనిని పరిగణిస్తున్నాం” అని ముజాహిద్ అన్నారు. 22 మంది మృతి!: పాక్‌ పాకిస్థాన్ సమాచార మంత్రిత్వ శాఖ మాత్రం ఈ దాడులను ఉగ్రవాదుల స్థావరాలు, శిబిరాలపై పక్కా ప్రణాళికతో నిర్వహించిన చర్యగా వివరించింది. తమ దాడుల్లో 22 మంది ఉగ్రవాదులు మరణించినట్లు ప్రాథమిక సమాచారం ఉందని తెలిపింది. ఉగ్రవాదుల స్థావరాల్లో పెద్ద మొత్తంలో ఆయుధాలు, మందుగుండు సామగ్రి ఉన్నాయని, వాటిని ధ్వంసం చేసినట్లు పేర్కొంది. పౌరులకు ఎలాంటి నష్టం జరగకుండా జాగ్రత్తలు తీసుకున్నామని పాకిస్థాన్ తెలిపింది.అఫ్గానిస్థాన్‌లో సరిహద్దు దాటి జరుగుతున్న హింస కారణంగా ఈ ఏడాది ఇప్పటివరకు 1,100 మందికి పైగా పౌరులు మరణించడం లేదా గాయపడటం నమోదైందని ఐక్యరాజ్యసమితి ఆఫ్ఘనిస్థాన్ మిషన్ గత వారం తెలిపింది. పాకిస్థాన్ మాత్రం పౌరులను లక్ష్యంగా చేసుకోవడం లేదని, తమ దేశంలో దాడులకు పాల్పడుతున్న ఉగ్రవాదులనే లక్ష్యంగా చేసుకుంటున్నామని చెబుతోంది. అఫ్గానిస్థాన్ తమ భూభాగంలో ఉగ్రవాదులకు ఆశ్రయం కల్పిస్తోందన్న పాకిస్థాన్ ఆరోపణలను ఖండిస్తోంది.పాకిస్థాన్, అఫ‍్గానిస్థాన్ మధ్య సరిహద్దు ఘర్షణలు పదేపదే చోటుచేసుకుంటున్న నేపథ్యంలో తాజా వైమానిక దాడులు ఉద్రిక్తతలను మరింత పెంచాయి. పాకిస్థాన్‌కు భద్రతాపరమైన ముప్పు అఫ్గానిస్థాన్ నుంచే వస్తోందని పాకిస్థాన్ పేర్కొంటుండగా, అఫ్గాన్‌ ఈ ఆరోపణలను తిరస్కరిస్తోంది.

న్యూఢిల్లీ: ప్రాణాలకు తెగించి 170 మందికి పైగా ప్రయాణికుల ప్రాణాలు కాపాడిన భారతీయ సంతతి పైలట్, కెప్టెన్ స్మిత్ మచ్చర్ అసమాన్య ధైర్యసాహసాలపై ప్రపంచవ్యాప్తంగా ప్రశంసలు వెల్లువెత్తుతున్నాయి. అయితే, అత్యంత కట్టుదిట్టమైన భద్రత ఉండే కాక్‌పిట్‌లోకి ఆ మారణాయుధం ఎలా వచ్చింది? అనే ప్రశ్న ఇప్పుడు అందరిలోనూ తీవ్ర చర్చనీయాంశమైంది.దుబాయ్ నుండి ఇజ్రాయెల్‌కు బయలుదేరిన ఫ్లైదుబాయ్ విమానంలో గగనతలంలో తీవ్ర ఉద్రిక్తత చోటుచేసుకుంది. విమానం గాల్లో ఉండగా కాక్‌పిట్‌లోనే ఓమన్‌కు చెందిన కో-పైలట్ రెచ్చిపోయాడు. అత్యవసర సమయాల్లో ఉపయోగించే ‘క్రాష్ యాక్స్’ (అగ్నిమాపక గొడ్డలి) తో ఫ్లైట్ కెప్టెన్ స్మిత్ మచ్చర్‌పై దాడికి పాల్పడ్డాడు. ఈ ఊహించని పరిణామాతో విమానం ఒక్కసారిగా నింగి నుంచి కిందకు కూలిపోబోయి, చివరికి సౌదీ అరేబియాలో అత్యవసరంగా ల్యాండ్ అయింది.ఇదీ చదవండి : కెప్టెన్‌ స్మిత్ మచ్చర్.. నాటి జోస్యం ఇప్పుడు నిజమైందిముప్పు కాక్‌పిట్ లోపలి నుంచే అమెరికాలో జరిగిన 9/11 మారణహోమం తర్వాత భద్రతా కారణాల దృష్ట్యా కాక్‌పిట్ డోర్స్‌ను అత్యంత దృఢంగా, బయటి నుంచి ఎవరూ సులభంగా తెరవలేని విధంగా మార్చేశారు. అయితే, ఈసారి ముప్పు బయటి నుంచి కాకుండా కాక్‌పిట్ లోపలి నుంచే రావడంతో అంతర్జాతీయంగా తీవ్ర దిగ్భ్రాంతి వ్యక్తమవుతోంది. తీవ్రంగా గాయపడిన కెప్టెన్ స్మిత్ మచ్చర్ స్పృహ కోల్పోయే ముందు కాక్‌పిట్ డోర్ తెరవడం వల్లే ప్రయాణికులు లోపలికి వచ్చి పెను ప్రమాదాన్ని నివారించగలిగారు. కాక్‌పిట్‌లో గొడ్డలి ఎలా వచ్చింది? విమానం అంటేనే అత్యంత సురక్షితమైన ప్రాంతం. మరి అంతటి ప్రదేశంలో కో-పైలట్ దాడి చేయడానికి ఉపయోగించిన ‘క్రాష్ యాక్స్’ ఎలా వచ్చింది? దాన్ని ఎవరు తెచ్చారు? అనే దానిపై స్పష్టత వచ్చింది. దాడి అనంతరం ప్రారంభంలో కో-పైలట్ దాన్ని ఎక్కడి నుంచో తెచ్చి ఉంటాడని భావించారు. కానీ, అంతర్జాతీయ విమానయాన నిబంధనల ప్రకారం ప్రతి వాణిజ్య విమానం తయారయ్యేటప్పుడే ఫ్యాక్టరీలో ఈ ‘క్రాష్ యాక్స్’ను అమర్చుతారు. ప్రతి విమానంలో ఇది ఉండటం తప్పనిసరి.దీనిని ఎందుకు ఉపయోగిస్తారు? విమానం గాల్లో ఉండగా షార్ట్ సర్క్యూట్ వల్ల మంటలు చెలరేగినా, లేదా ఎలక్ట్రానిక్ ప్యానెల్స్ మొరాయించినా.. అత్యవసర సమయాల్లో పైలట్లు ప్యానెల్స్‌ను పగలగొట్టి బయటపడటానికి లేదా మంటలను ఆర్పడానికి ఈ గొడ్డలిని రక్షణ పరికరంగా వాడతారు.9/11 దాడుల తర్వాతే మార్పు 2001 సెప్టెంబర్ 11 నాటి ఉగ్రదాడికి ముందు ఈ గొడ్డళ్లను ప్రయాణికులు కూర్చునే ప్రధాన క్యాబిన్‌లో ఉంచేవారు. కానీ, ఆ ఉగ్రదాడి తర్వాత ప్రయాణికులు దీన్ని దుర్వినియోగం చేయకుండా ఉండేందుకు భద్రతా సంస్థలు వీటిని నేరుగా కాక్‌పిట్‌లోకి మార్చాయి. అంటే పైలట్లకు అత్యవసర సమయంలో అందుబాటులో ఉండాలనే ఉద్దేశంతో దీన్ని కాక్‌పిట్‌లో ఉంచారు. కానీ, అదే గొడ్డలి ఇప్పుడు ఒక కో-పైలట్‌‌ చేతిలో తోటి పైలట్‌పైనే దాడికి ఉపయోగపడటం విమానయాన రంగంలో పెను కలకలం రేపుతోంది. నిందితుడు అరెస్ట్.. దర్యాప్తునకు ఆదేశంఈ దాడికి పాల్పడిన ఒమన్‌కు చెందిన కో-పైలట్‌‌ను అరెస్టు చేసినట్లు ఇజ్రాయెల్ ప్రధాని నెతన్యాహు వెల్లడించారు. అయితే, ఈ దాడికి సంబంధించిన కచ్చితమైన ఉద్దేశ్యం ఇంకా తెలియరాలేదు. కాక్‌పిట్‌‌లోకి ప్రయాణికులు సకాలంలో ప్రవేశించి సాహసవంతంగా వ్యవహరించడం వల్ల మరో పెను విపత్తు (9/11 తరహా ఉగ్రదాడి) తప్పిందని నెతన్యాహు సీఎన్ఎన్‌తో మాట్లాడుతూ పేర్కొన్నారు. ఇజ్రాయెల్-హమాస్ యుద్ధ వార్షికోత్సవానికి సరిగ్గా వారం రోజుల ముందు ఈ ఘటన జరగడం అంతర్జాతీయంగా తీవ్ర కలకలం రేపింది.

సింగపూర్‌లో ప్రయాణిస్తున్న ఓ భారతీయుడికి విమానాశ్రయంలో యూపీఐ ద్వారా చెల్లించేందుకు చేసిన ప్రయత్నం విఫలమైంది. సింగపూర్‌ చాంగీ విమానాశ్రయంలోని ‘ది కోకో ట్రీజ్‌’లో గూగుల్‌ పే ద్వారా క్యూఆర్‌ కోడ్‌ను స్కాన్‌ చేసినా చెల్లింపు పూర్తికాలేదు. ఈ ఘటన యూపీఐ విదేశాల్లో వినియోగానికి సంబంధించిన అనుభవాలపై సామాజిక మాధ్యమాల్లో చర్చకు దారితీసింది. ఎక్స్‌ యూజర్‌ నిఖిల్‌ జార్జ్‌ ఈ ఘటనకు సంబంధించిన స్క్రీన్‌ రికార్డింగ్‌ను సామాజిక మాధ్యమంలో పంచుకున్నారు. క్యూఆర్‌ కోడ్‌ను గూగుల్‌ పేతో స్కాన్‌ చేసిన తర్వాత లావాదేవీ పూర్తికాలేదు. “మారకపు విలువను పొందలేకపోయాం. మరోసారి స్కాన్ చేయండి” అనే సందేశం కనిపించింది. అంటే మారకపు విలువను పొందలేకపోయామని, మరోసారి స్కాన్‌ చేయాలని యాప్‌ సూచించింది. చెల్లింపు ప్రయత్నానికి ముందే అక్కడి నగదు కౌంటర్‌ సిబ్బంది తనను హెచ్చరించినట్లు జార్జ్‌ తెలిపారు. అక్కడ యూపీఐ చెల్లింపులు “దాదాపు ఎప్పుడూ పనిచేయవు” అని సిబ్బంది చెప్పినప్పటికీ తాను ప్రయత్నించినట్లు ఆయన వివరించారు. చివరకు చెల్లింపు విఫలమైంది.“యూపీఐ ప్రపంచవ్యాప్తంగా విస్తరిస్తోందంటూ ఎన్నో వార్తలు వస్తున్నప్పటికీ, విదేశాల్లో క్షేత్రస్థాయిలో దాని విశ్వసనీయతకు ఇంకా చాలా దూరం వెళ్లాల్సి ఉంది. మీ కార్డులను దగ్గర ఉంచుకోండి” అని జార్జ్‌ రాశారు.నెటిజన్ల స్పందనఈ పోస్టుపై పలువురు తమ విదేశీ డిజిటల్‌ చెల్లింపుల అనుభవాలను పంచుకున్నారు. కొందరు విదేశాల్లో భారతీయ కార్డులతో ఇబ్బందులు ఎదుర్కొన్నట్లు తెలిపారు. శ్రీలంకలో పలు ప్రాంతాల్లో తమ యూపీఐ చెల్లింపులు విఫలమయ్యాయని మరో యూజర్‌ పేర్కొన్నారు. అయితే కొన్ని విదేశీ వ్యాపార సంస్థల్లో యూపీఐ సజావుగా పనిచేస్తోందని మరికొందరు చెప్పారు.సింగపూర్‌లోని ముస్తఫాలో తాను తరచుగా యూపీఐ ఉపయోగిస్తానని ఓ యూజర్‌ తెలిపారు. అక్కడ యూపీఐ చెల్లింపులపై 10 శాతం తగ్గింపు లభిస్తుందని, కార్డు చెల్లింపులపై విదేశీ మారకపు అదనపు రుసుముతో పోలిస్తే అది ఉపయోగకరంగా ఉంటుందని పేర్కొన్నారు. ఈ ఘటన విదేశీ ప్రయాణాల్లో యూపీఐ అందుబాటులో ఉన్నప్పటికీ, ప్రతి వ్యాపార సంస్థ వద్ద చెల్లింపు ఒకే విధంగా పనిచేస్తుందని భావించకుండా ప్రత్యామ్నాయ చెల్లింపు మార్గాలను కూడా సిద్ధంగా ఉంచుకోవాల్సిన అవసరాన్ని చూపించింది.Tried paying with UPI at The Cocoa Trees in Changi Airport today. The cashier warned me upfront that it almost never works, but I insisted on trying. Scanned the QR using GPay and it just stalled and threw: "Could not get conversion rate. Try scanning again." Despite all the headlines about UPI going global, ground-level reliability abroad still has a long way to go. Keep your cards handy.— nikhil george (@nikhilgeorge) September 27, 2026

ఆకాశంలో వేల అడుగుల నుంచి అమాంతం కిందకు జారిన విమానం.. కాక్‌పిట్‌లో రక్తపు మడుగులో పైలట్‌.. మరో పైలట్‌ విమానాన్ని నేలవైపు మళ్లించే ప్రయత్నం.. బయట ప్రయాణికుల హాహాకారాలు.. ఏం జరుగుతుందో తెలియని భయానక పరిస్థితి. అలాంటి సమయంలో కొందరు ప్రయాణికులు ప్రాణాలకు తెగించి కాక్‌పిట్‌లోకి దూసుకెళ్లారు. సమయస్ఫూర్తిని ప్రదర్శించి.. చివరకు 174 మంది ప్రాణాలతో బయటపడగలిగారు. దుబాయ్‌ నుంచి టెల్‌ అవీవ్‌ వెళ్తున్న ఫ్లైదుబాయ్‌ విమానంలో జరిగిన ఈ ఘటనలో ఇప్పుడు ఐదుగురిని హీరోలుగా కొనియాడుతున్నారు.విమానంలో ప్రయాణిస్తున్న ఒమన్‌కు చెందిన కో–పైలట్‌.. భారత పైలట్‌ కెప్టెన్‌ స్మిత్‌ మచ్చార్‌పై దాడి చేసి కత్తితో పొడిచినట్లు ఇజ్రాయెల్‌ అధికారులు తెలిపారు. తీవ్రంగా గాయపడినప్పటికీ మచ్చార్‌ కాక్‌పిట్‌ తలుపును తెరవగలిగారు. దీంతో బయట ఉన్న ప్రయాణికులు, సిబ్బంది లోపలికి వెళ్లే అవకాశం లభించింది. ఇదే సమయంలో విమానం వేల అడుగుల ఎత్తును అత్యంత వేగంగా కోల్పోయింది. చివరకు ప్రయాణికులు, సిబ్బంది కలిసి కో–పైలట్‌ను అదుపులోకి తీసుకోవడం, విమానం సురక్షితంగా ల్యాండ్‌ కావడంతో అంతా ‘హమ్మయ్యా’ అనుకున్నారు. భారత పైలట్‌కు ప్లంబర్‌ ధైర్యంఇజ్రాయెల్‌కు చెందిన ప్లంబర్‌ యానివ్‌ హయూన్‌ ఈ ఘటనలో కీలకంగా వ్యవహరించారు. గాయపడిన మచ్చార్‌కు సాయం చేసిన అతను.. రక్తపు దుస్తులతోనే ఇజ్రాయెల్‌లో అడుగుపెట్టాడు. నేరుగా ఆ దేశ ప్రధాని బెంజమిన్‌ నెతన్యాహును కలిసి జరిగింది వివరించారు. మచ్చార్‌ గాయపడినప్పటికీ కాక్‌పిట్‌ తలుపు తెరవడం వల్లే మిగతావారు లోపలికి వెళ్లగలిగారని హయూన్‌, నెతన్యాహుతో చెప్పారు. దీంతో ఆయన మచ్చార్‌ను ప్రశంసించారు. ఆ సమయంలో జరిగింది ఏంటో ఆయన మీడియాకు వివరించారు.AMAFOTO: Minisitiri w'Intebe wa Israel, @netanyahu, yashimiye Yaniv Hayoun, umwe mu bagenzi bafashije guhagarika ishimutwa ry’indege ya @flydubai no gusubiza indege ku murongo.Hayoun yavuze ko yinjiye mu cyumba cy’abapilote, afata umupilote wungirije wari ku bikoresho... pic.twitter.com/kPyGvitwE6— BIGEZWEHO TV (@bigezweho_tv) October 1, 2026కాక్‌పిట్‌లోకి వెళ్లిన ఆయన.. తీవ్రంగా గాయపడి నేలపై పడివున్న మచ్చార్‌ను చూసి ‘‘నువ్వు చనిపోవు బ్రో.. నీకేం కాదు’’ అంటూ ధైర్యం చెప్పారు. అనంతరం కో–పైలట్‌ను వెనక్కి లాగి కాక్‌పిట్‌ నుంచి బయటకు తీసుకువచ్చేందుకు ప్రయత్నించారు. విమానం అదుపు తప్పుతున్న సమయంలో కంట్రోల్‌ స్టిక్‌ను వెనక్కి లాగి దాన్ని స్థిరీకరించేందుకు కూడా హయూన్‌ ప్రయత్నించారు. Il premier israeliano Benjamin Netanyahu ha incontrato Yaniv Hayoun, passeggero del volo FlyDubai atterrato in emergenza in Arabia Saudita dopo che un pilota avrebbe aggredito un collega. Netanyahu ha definito Hayoun un eroe per aver contribuito a neutralizzare l'aggressore. pic.twitter.com/lIEXD38d1u— LaPresse (@LaPresse_news) October 1, 2026ఇక్కడే ఓ ఆసక్తికరమైన ట్విస్ట్‌ ఉంది. విమానం కంట్రోల్స్‌ను ఎలా ఆపరేట్‌ చేయాలో తనకు పెద్దగా తెలియదని చెబుతున్న హయూన్‌.. టీవీలో వచ్చే ఎయిర్‌ క్రాష్‌ ఇన్వెస్టిగేషన్‌(Air Crash Investigation) కార్యక్రమం చూసిన అనుభవం గుర్తొచ్చిందని చెప్పారు. ‘‘నేను ఆ షో చూస్తుంటాను’’ అంటూ నెతన్యాహుతో జరిగిన భేటీలో ఆయన చెప్పడం.. చిరునవ్వులు చిందించడం ఇప్పుడు వైరల్‌గా మారింది.బ్యాంకర్‌.. బిజినెస్‌మన్‌ కూడా రంగంలోకికో–పైలట్‌ను అదుపులోకి తీసుకోవడంలో మరో ఇద్దరు ఇజ్రాయెలీ ప్రయాణికులు జ్వికా మానెస్‌, అసఫ్‌ రాజువాన్‌ కీలకంగా వ్యవహరించారు. బ్యాంక్‌ లియూమి అండర్‌రైటింగ్‌ కంపెనీ సీఈవో అయిన మానెస్‌.. విమానంలో ఇచ్చిన హెడ్‌ఫోన్‌ కేబుళ్లతో దాడి చేసిన వ్యక్తిని కట్టేసినట్లు చెప్పారు. విమానం వేగంగా కిందికి దూసుకెళ్తుండగా ప్రయాణికులు భయంతో కేకలు వేస్తున్నారని ఆయన వివరించారు. ఇన్సూరెన్స్‌ ఏజెన్సీ నిర్వహించే రాజువాన్‌ కూడా కాక్‌పిట్‌లోకి వెళ్లి కో–పైలట్‌ను అదుపులోకి తీసుకోవడంలో సహకరించారు. కొంతసేపు అతడిని అదుపులోనే ఉంచి, విమానం సురక్షితంగా ల్యాండ్‌ అయ్యే వరకు పరిస్థితిని అదుపులో ఉంచినట్లు ఆయన తెలిపారు.డెంటిస్ట్‌ ప్రాణదాతగా..ఈ ఘటనలో డాక్టర్‌ షోటా ముసాయెవ్‌ పాత్ర కూడా కీలకంగా మారింది. దాడి చేసిన వ్యక్తిని అదుపులోకి తీసుకున్న తర్వాత ఆయన తీవ్రంగా గాయపడిన కెప్టెన్‌ మచ్చార్‌ వద్దకు వెళ్లారు. తలకు, చేతులకు తీవ్ర గాయాలై రక్తస్రావం అవుతున్న మచ్చార్‌కు ప్రాథమిక వైద్యం అందించి రక్తస్రావాన్ని ఆపేందుకు ప్రయత్నించారు. విమానం అత్యవసరంగా ల్యాండ్‌ అయ్యే వరకు ఆయన పరిస్థితిని స్థిరంగా ఉంచడంలో ముసాయెవ్‌ సహకరించారు.ఇద్దరు ఆఫ్‌-డ్యూటీ పైలట్లు కూడా..కాక్‌పిట్‌లో పరిస్థితి అదుపులోకి వచ్చిన తర్వాత విమానంలో ప్రయాణిస్తున్న ఇద్దరు ఆఫ్‌-డ్యూటీ పైలట్లు కంట్రోల్స్‌ చేపట్టారు. వారి సహాయంతో విమానం మళ్లీ స్థిరపడింది. అనంతరం అత్యవసర పరిస్థితిని ప్రకటించి సౌదీ అరేబియాలోని తబుక్‌ విమానాశ్రయానికి మళ్లించారు. అలా విమానంలోని మొత్తం 174 మంది సురక్షితంగా బయటపడ్డారు. లేకుంటే మరో 9/11 అయ్యేది.హెర్జోగ్‌ కీలక నిర్ణయంఈ ఘటనలో ప్రాణాలకు తెగించి స్పందించిన నలుగురు ఇజ్రాయెలీలకు దేశ అత్యున్నత పౌర వీరత్వ పురస్కారానికి సిఫార్సు చేయనున్నట్లు ఇజ్రాయెల్‌ అధ్యక్షుడు ఐజాక్‌ హెర్జోగ్‌ ప్రకటించారు. యానివ్‌ హయూన్‌, జ్వికా మానెస్‌, అసఫ్‌ రాజువాన్‌, డాక్టర్‌ షోటా ముసాయెవ్‌ల పేర్లను ఆయన సిఫార్సు చేశారు. కాక్‌పిట్‌లోకి వెళ్లి దాడిచేసిన వ్యక్తిని అదుపులోకి తీసుకోవడం, విమానాన్ని స్థిరీకరించడం, తీవ్రంగా గాయపడిన పైలట్‌కు ప్రాణరక్షక వైద్యం అందించడం వంటి చర్యలను హెర్జోగ్‌ ప్రశంసించారు.ఫ్లైదుబాయ్‌ ఘటన వెనుక కో–పైలట్‌ ఉద్దేశం ఏమిటన్నది ఇంకా దర్యాప్తులోనే ఉంది. ఫ్లైదుబాయ్‌ కూడా అధికారులతో కలిసి దర్యాప్తు కొనసాగిస్తున్నట్లు తెలిపింది. ఘటన అనంతరం FZ1073 టబుక్‌లో సురక్షితంగా దిగిందని, ప్రయాణికులందరూ క్షేమంగా ఉన్నారని సంస్థ అధికారికంగా వెల్లడించింది.ఇదీ చదవండి: కెప్టెన్‌ మచ్చార్‌.. యూ ఆర్‌ రియల్‌ హీరో

జింబాబ్వేలో హెలికాప్టర్‌ కూలిన ఘటన తీవ్ర విషాదాన్ని నింపింది. జింబాబ్వే రాజధాని హరారేకు తూర్పున సుమారు 70 కిలోమీటర్ల దూరంలో ఉన్న మారోండేరా గ్రామీణ ప్రాంతంలో (కుదెంకా ఫామ్ వద్ద) హెలికాప్టర్ కూలిపోయింది. ఈ ప్రమాదంలో జింబాబ్వేకు చెందిన ప్రముఖ వ్యాపారవేత్త, 43 ఏళ్ల విక్నెల్ చివాయో (Wicknell Chivayo) , ఆయన భార్య లూసీ ముటెకే దుర్మరణం పాలయ్యారు. వీరితోపాటు మరో నలుగురు కూడా హెలికాప్టర్ ప్రమాదంలో ప్రాణాలు కోల్పోయారు.చివాయో, ఆయన భార్య చికోంబాలోని గందామిలో నిర్మిస్తున్న తమ గ్రామీణ ఇంటిని సందర్శించి తిరిగి వస్తుండగా ఈ ప్రమాదం జరిగింది.హెలికాప్టర్‌లో ప్రయాణిస్తున్న ఇద్దరు పైలట్లు సహా మొత్తం ఆరుగురు వ్యక్తులూ ఈ ప్రమాదంలో దుర్మరణం చెందారు. ఎవరీ చివాయోవిక్నెల్ చివాయో 'ఇంట్రాట్రెక్ జింబాబ్వే' (Intratrek Zimbabwe) సంస్థకు మేనేజింగ్ డైరెక్టర్‌గా ఉన్నారు. ప్రభుత్వ కాంట్రాక్టులు, సోషల్ మీడియాలో విలాసవంతమైన జీవనశైలి ప్రదర్శన, విరివిగా కార్లు , నగదు బహుమతులు ఇవ్వడం ద్వారా తరచూ వార్తల్లో నిలిచేవారు. ఆఫ్రికా దేశాల అధ్యక్షులతో ఆయనకు మంచి సంబంధాలున్నాయి. కెన్యా అధ్యక్షుడు విలియం రుటో, జాంబియా అధ్యక్షుడు హకైండే హిచిలేమా తదితరులు ఆయన మృతికి సంతాపం తెలిపారు. ప్రమాదానికి అసలు కారణం ఏమిటనేది ఇంకా తెలియరాలేదు. పోలీసులు ఈ ఘటనపై దర్యాప్తు జరుపుతున్నాయి.మరోవైపు జింబాబ్వేలో ఈ ఘటనపై భిన్నాభిప్రాయాలు వ్యక్తమయ్యాయి. కొందరు జింబాబ్వే వాసులు అతని మరణాన్ని సంబరంగా జరుపు కుంటున్నట్లు సమాచారం చివాయో తన రాజకీయ సంబంధాలు, విలాస వంతమైన జీవనశైలి, ప్రభుత్వ ఎన్నికల సంబంధిత కాంట్రాక్టులకు సంబంధించిన ఆరోపణలపై తీవ్ర విమర్శలను ఎదుర్కొన్నారు. రాజకీయ సంబంధాలున్న ఒప్పందాలు, ఎన్నికల సంబంధిత కార్యకలాపాల ద్వారా లబ్ధి పొందారని అతనిపై ఆరోపణలు వచ్చాయి. అయితే ఈ ఆరోపణలను చివాయో అప్పట్లోనే తీవ్రంగా ఖండించారు. కొన్ని వారాల క్రితం, అతను ఒక జింబాబ్వే బోధకుడికి, అతని భార్యకు ఒక రోల్స్-రాయ్స్, ఒక మెర్సిడెస్-బెంజ్ జి-వ్యాగన్ మరియు ఒక మేబాక్‌ను విరాళంగా ఇచ్చాడు. బస్సులు మరియు కార్లతో పాటు, మరొక చర్చికి, మిలియన్ డాలర్ల నగదును కూడా అందజేశాడు. సుమారు రెండు దశాబ్దాల క్రితం మనీలాండరింగ్ కేసులో దోషిగా తేలి మూడేళ్లపాటు జైలులో గడిపిన ఆ వ్యాపార దిగ్గజం, జింబాబ్వే వెలుపల కూడా ఉన్నత వర్గాలలో తిరిగేవారు. ఎవాస్టిని, కెన్యా, ఉగాండా నాయకులతో ఆయనకు సన్నిహిత సంబంధాలు ఉండేవి.1980లో స్వాతంత్ర్యం వచ్చినప్పటి నుండి ఖనిజ సంపదతో నిండిన ఈ దేశంపై గట్టి పట్టు సాధించిన జాను-పిఎఫ్ (Zanu-PF) పార్టీ మరియు అధ్యక్షుడు ఎమ్మర్సన్ మ్నాంగాగ్వాతో ఆయనకున్న సన్నిహిత సంబంధాలు వివాదాస్పదమైనాయి.ఇంధన ప్రాజెక్టుల కాంట్రాక్టర్‌ అయిన చివాయో కంపెనీ ఇంట్రాట్రెక్ జింబాబ్వే, 2015లో నైరుతి పట్టణమైన గ్వాండాలో 100-మెగావాట్ల సౌర విద్యుత్ ప్లాంటును నిర్మించడానికి 170 మిలియన్ డాలర్లకు పైగా విలువైన ప్రభుత్వ కాంట్రాక్టును గెలుచుకుంది.

ఫ్లైదుబాయ్‌ విమానంలో చోటుచేసుకున్న ఈ ఘటన ప్రపంచ వ్యాప్తంగా సంచలనం సృష్టించింది. ఈ మొత్తం వ్యవహారంలో కీలకంగా నిలిచిన భారత పైలట్‌ కెప్టెన్‌ స్మిట్‌ మచ్చార్‌ ప్రాణాలకు తెగించి పోరాడటంతో పెను ప్రమాదం తప్పింది. దీంతో అతనిపై ప్రపంచవ్యాప్తంగా ప్రశంసలు కురుస్తున్నాయి. అయితే ఇంతటి ప్రమాదకర చర్యకు పాల్పడిన కో-పైలట్‌ ఎవరు? అతడి ఉద్దేశం ఏమిటి? అనే మిస్టరీ ఇంకా వీడలేదు.ఇజ్రాయెల్‌ అధికారుల ప్రకారం.. దాడికి పాల్పడిన కో-పైలట్‌ ఒమన్‌ జాతీయుడు. అతడి పూర్తి పేరును మాత్రం ఇప్పటివరకు అధికారికంగా వెల్లడించలేదు. ఫ్లైదుబాయ్‌లోనే పనిచేస్తున్న అతడు.. సంస్థలో చేరి ఏడాది కూడా కాలేదని తెలుస్తోంది. అయితే ఏ ఉద్దేశంతో దాడి చేశాడన్నది కూడా తెలియరాలేదు. ఘటన తర్వాత సౌదీ అరేబియా అధికారులు అతడిని అదుపులోకి తీసుకున్నారు. వాళ్ల సహకారంతో అతన్ని ప్రశ్నిస్తున్నట్లు ఇజ్రాయెల్‌ ప్రధాని బెంజమిన్‌ నెతన్యాహు తెలిపారు. ఫ్లైదుబాయ్‌ ప్రకారం.. ఘటనకు దారితీసిన అసలు కారణాలు ఇంకా తెలియరాలేదు. అందువల్ల కో-పైలట్‌ ఉద్దేశం గురించి ముందస్తు ఊహాగానాలు చేయొద్దని సంస్థ హెచ్చరించింది. నెతన్యాహు ఏమన్నారంటే..ఈ ఘటనపై ఇజ్రాయెల్‌ ప్రధాని బెంజమిన్‌ నెతన్యాహు తీవ్రంగా స్పందించారు. కో-పైలట్‌ మొదట కెప్టెన్‌ స్మిట్‌ మచ్చార్‌పై కత్తితో దాడి చేసి.. అనంతరం విమానాన్ని కూల్చేందుకు ప్రయత్నించినట్లు చెప్పారు. విమానంలో ఉన్న ప్రయాణికులు, సిబ్బంది జోక్యం చేసుకోవడంతో ఆ ప్రయత్నం విఫలమైందని వివరించారు. విమానంలో మొత్తం 174 మంది ఉన్నారని, వారిలో ఎక్కువ మంది ఇజ్రాయెల్‌ పౌరులేనని తెలిపారు.స్మిట్‌ మచ్చార్‌ తీవ్రంగా గాయపడినా చివరి శక్తిని ఉపయోగించి కాక్‌పిట్‌ తలుపు తెరిచారని నెతన్యాహు కార్యాలయ ప్రతినిధి డోరన్‌ స్పీల్‌మన్‌ తెలిపారు. దీంతో ప్రయాణికులు లోపలికి వెళ్లి దాడి చేసిన కో-పైలట్‌ను అదుపులోకి తీసుకోగలిగారని చెప్పారు. నెతన్యాహు స్వయంగా స్మిట్‌ మచ్చార్‌ను “నిజమైన హీరో”గా అభివర్ణించి, ఆయన త్వరగా కోలుకోవాలని ఆకాంక్షించారు. 174 మంది ప్రాణాలను కాపాడటంలో ఆయన కీలక పాత్ర పోషించారని ప్రశంసించారు.My salute to the Indian pilot Captain Smit Machchhar for his extraordinary bravery.Despite being stabbed and seriously injured, he fought back, resisted, opened the cockpit door, and enabled passengers and crew to overpower the attacker — preventing a catastrophic mid-air…— Benjamin Netanyahu - בנימין נתניהו (@netanyahu) September 30, 2026ట్రంప్‌ ఏమన్నారంటే..అమెరికా అధ్యక్షుడు డొనాల్డ్‌ ట్రంప్‌ కూడా ఈ ఘటనపై నెతన్యాహుతో మాట్లాడినట్లు తెలిపారు. అనంతరం ఓవల్‌ ఆఫీస్‌లో మీడియాతో మాట్లాడుతూ.. నెతన్యాహు నుంచి తనకు అందిన వివరాలను చెప్పారు. విమానంలో ఉన్న ఓ ఇజ్రాయెలీ ప్లంబర్‌ కాక్‌పిట్‌లోకి వెళ్లి పరిస్థితిని అదుపులోకి తీసుకోవడంలో సహకరించాడు. కో-పైలట్‌ విమాన నియంత్రణ వ్యవస్థను దెబ్బతీయడానికి ప్రయత్నించాడు. అతడు “టెర్రరిస్ట్‌ అయి ఉండొచ్చు.. లేదంటే మరేదైనా కారణం ఉండొచ్చు” అనే అర్థంలో వ్యాఖ్యానించారు. ఇటు ప్రయాణికుల్ని కాపాడిన భారతీయ పైలట్‌ కెప్టెన్‌ స్మిట్‌ మచ్చార్‌ను మాత్రం ట్రంప్‌ అభినందించారు.ఇజ్రాయెల్‌ బలగాలు ఏం చెప్పాయి?ఇజ్రాయెల్‌ అధికారులు ఈ ఘటనను తీవ్రమైన భద్రతా ఘటనగా అభివర్ణించారు. కో-పైలట్‌ స్మిట్‌ మచ్చార్‌పై దాడి చేసిన తర్వాత విమానం దాదాపు 14 వేల అడుగుల మేర అత్యంత వేగంగా కిందకు దిగిపోయిందని చెప్పారు. ఈ సమయంలో ప్రయాణికులు, సిబ్బంది కాక్‌పిట్‌లోకి వెళ్లి కో-పైలట్‌ను అదుపులోకి తీసుకున్నారని తెలిపారు. అనంతరం విమానంలో ఉన్న మరో జంట ఫ్లైదుబాయ్‌ పైలట్లు బాధ్యతలు చేపట్టి విమానాన్ని సౌదీ అరేబియాలోని టబుక్‌లో సురక్షితంగా ల్యాండ్‌ చేశారు. ఇజ్రాయెల్‌ ప్రధాని కార్యాలయ ప్రతినిధి తెలిపిన వివరాల ప్రకారం.. రక్తస్రావంతో నేలపై పడిపోయిన స్మిట్‌ మచ్చార్‌ తన మిగిలిన శక్తినంతా ఉపయోగించి కాక్‌పిట్‌ తలుపు తెరిచారు. లోపలికి వెళ్లిన ప్రయాణికులు కో-పైలట్‌ కంట్రోల్‌ ప్యానెల్‌పై దాడి చేస్తున్నట్లు చూశారని అధికారులు వివరించారు.హైజాకింగ్‌? లేదంటే..ఇక్కడే అసలు మిస్టరీ కొనసాగుతోంది. నెతన్యాహు ప్రకారం ఇది సాధారణ హైజాకింగ్‌ ఘటనలా కనిపించడం లేదని ఇజ్రాయెల్‌ ప్రధాని బెంజమిన్‌ నెతన్యాహు ఒక ఇంటర్వ్యూలో చెప్పారు. కో-పైలట్‌ విమానం నడపడానికి ప్రయత్నించకుండా కంట్రోల్‌ ప్యానెల్‌ను దెబ్బ తీసే ప్రయత్నం చేశాడట. ఓ ప్రయాణికుడు ఇచ్చిన వాంగ్మూలాన్నే నెతన్యాహు ప్రస్తావించారు. అందువల్ల ఇది ఆత్మహత్యా ప్రయత్నం కావొచ్చనే అభిప్రాయమూ వ్యక్తం చేశారాయన. తనిఖీలు ముమ్మరంఈ ఘటన తర్వాత ఇజ్రాయెల్‌ భద్రతా అధికారులు విదేశీ విమానాల పైలట్లపై తనిఖీలను మరింత కఠినతరం చేయాలని నిర్ణయించారు. ఇజ్రాయెల్‌కు వచ్చే విమానాల పైలట్ల గుర్తింపును ముందుగానే తెలుసుకుని, భద్రతా ప్రక్రియలను మరింత పటిష్టం చేయనున్నట్లు ప్రధాని కార్యాలయ ప్రతినిధి తెలిపారు. మరోవైపు ఈ ఘటన నేపథ్యంతో.. ఇజ్రాయెల్‌కు అన్ని సర్వీసులను ఫ్లైదుబాయ్‌ రద్దు చేసింది.అలా.. కో-పైలట్‌ ఎవరు? ఎందుకు స్మిట్‌ మచ్చార్‌పై దాడి చేశాడు? విమానాన్ని నిజంగానే కూల్చాలనుకున్నాడా? ఉగ్రవాద కోణముందా? పశ్చిమాసియా ఉద్రిక్తతల నేపథ్యంలో ఇరాన్‌తో ఏమైనా సంబంధముందా? అన్న ప్రశ్నలకు ఇంకా పూర్తిస్థాయి సమాధానాలు రావాల్సి ఉంది. 🚨✈️ TERROR EN EL AIRE El vuelo Flydubai FZ1073 (Dubái–Tel Aviv) con 180 pasajeros, entre ellos unos 30 niños. El copiloto @puñ@l0 al capitán en cabina, pasajeros israelíes y tripulación consiguieron entrar, reducir al copiloto y estabilizar el avión#Internacional pic.twitter.com/fKUM3oHdmh— Crónica NLD (@CronicasLDN) September 30, 2026ఇదీ చదవండి: నువ్వు రియల్‌ హీరో బ్రో.. భారత పైలట్‌పై ప్రశంసల జల్లు

అమెరికాలో 1995లో సహ విద్యార్థి కొలీన్ స్లెమ్మర్‌ను హత్య చేసిన కేసులో క్రిస్టా పైక్‌ ఉరిశిక్ష అమలుకు మార్గం సుగమమైంది. ఉరిశిక్షను తాత్కాలికంగా నిలిపివేస్తూ దిగువ కోర్టు ఇచ్చిన ఆదేశాన్ని అమెరికా సుప్రీంకోర్టు బుధవారం రాత్రి రద్దు చేసింది. దీంతో పైక్‌కు ప్రాణాంతక ఇంజెక్షన్ ద్వారా ఉరిశిక్ష అమలు చేసే అవకాశం ఉంది. 50 ఏళ్ల పైక్‌కు నాష్‌విల్లేలోని రివర్‌బెండ్ మాగ్జిమమ్ సెక్యూరిటీ ఇన్‌స్టిట్యూషన్‌లో ఉరిశిక్ష అమలు చేయాల్సి ఉంది. అది అమలైతే.. గడచిన 200 ఏళ్లలో టెన్నెస్సీ స్టేట్‌లో ఉరిశిక్ష అమలయ్యే తొలి మహిళగా పైక్‌ నిలువనుంది.తాత్కాలికంగా నిలిపిన ఆరో సర్క్యూట్ కోర్టుపైక్‌ కేసులో కొత్త వాదనలను ఆమె న్యాయవాదులు ముందుకు తెచ్చిన నేపథ్యంలో వాటిని పరిశీలించేందుకు అమెరికా ఆరో సర్క్యూట్ అప్పీళ్ల కోర్టు ఉరిశిక్ష అమలును తాత్కాలికంగా నిలిపివేసింది. అయితే సుప్రీంకోర్టు ఆ నిలుపుదల ఆదేశాన్ని రద్దు చేసింది. సుప్రీంకోర్టు నిర్ణయంపై న్యాయమూర్తులు సోనియా సోటోమేయర్, ఎలెనా కాగన్, కేతాంజి బ్రౌన్ జాక్సన్ అసమ్మతి వ్యక్తం చేశారు. ఆరో సర్క్యూట్ కోర్టు తన సాధారణ న్యాయపరమైన ప్రక్రియలో భాగంగా పైక్‌ వాదనలను పరిశీలించే అవకాశాన్ని సుప్రీంకోర్టు నిర్ణయం అడ్డుకుంటోందని సోటోమేయర్ తన అసమ్మతి అభిప్రాయంలో పేర్కొన్నారు.చిన్ననాటి వేధింపులపై న్యాయవాదుల వాదనపైక్‌ అసలు విచారణ సమయంలో ఆమె తరఫు న్యాయవాదులు చిన్ననాట ఆమె ఎదుర్కొన్న తీవ్రమైన వేధింపులు, నిర్లక్ష్యం, మానసిక గాయాలకు సంబంధించిన ఆధారాలను తగినంతగా సమర్పించలేదని న్యాయవాదులు వాదించారు. ఆ వివరాలను జ్యూరీ ముందుంచి ఉంటే ఆమెకు మరణశిక్ష విధించాలన్న నిర్ణయం ప్రభావితమయ్యే అవకాశం ఉండేదని తెలిపారు. టెన్నెస్సీ గవర్నర్ బిల్ లీ క్షమాభిక్ష పిటిషన్‌ను తిరస్కరించడానికి ముందు పైక్‌ రాసిన లేఖలో.. తనకు చావంటే భయం లేదని, అయితే ఉరిశిక్ష ప్రక్రియపై ఆందోళనగా ఉందని పేర్కొంది. తనకు మద్దతుగా గవర్నర్ జోక్యం చేసుకోవాలని కోరిన వారికి ఆమె కృతజ్ఞతలు తెలిపింది.కొలీన్ స్లెమ్మర్ హత్య కేసు1995 నుంచి పైక్‌ జైలులో ఉంది. తన మాజీ సహ విద్యార్థిని కొలీన్ స్లెమ్మర్‌ను హత్య చేసిన కేసులో ఆమెకు మరణశిక్ష విధించారు. కోర్టు రికార్డుల ప్రకారం.. పైక్‌, స్లెమ్మర్‌ టెన్నెస్సీలోని నాక్స్‌విల్లే జాబ్ కార్ప్స్ సెంటర్‌లో విద్యార్థులుగా ఉన్నారు. పైక్‌కు అప్పటికి 18 ఏళ్లు, స్లెమ్మర్‌కు 19 ఏళ్లు. పైక్‌ అప్పటి ప్రియుడు టడరిల్ షిప్‌, మరో స్నేహితురాలు షడోల్లా పీటర్సన్‌ కూడా దాడి భాగస్వాములని కోర్టు రికార్డులు పేర్కొన్నాయి. పైక్‌తో స్లెమ్మర్‌ సంబంధాలపై చేసిన వ్యాఖ్యల నేపథ్యంలో ఈ హత్య జరిగినట్లు ప్రాసిక్యూటర్లు తెలిపారు.హత్య కేసులో సుదీర్ఘ విచారణస్లెమ్మర్‌ మరణానికి సంబంధించిన పరిస్థితులు పైక్‌ మరణశిక్ష కేసులో కీలక అంశంగా మారాయి. అసలు విచారణలో ప్రాసిక్యూటర్లు, జ్యూరీ సభ్యులు, అనంతరం కేసును పరిశీలించిన న్యాయమూర్తులు ఈ హత్యను అత్యంత క్రూరమైనదిగా అభివర్ణించారు. యూనివర్సిటీ ఆఫ్ టెన్నెస్సీ క్యాంపస్‌లోని అటవీ ప్రాంతంలో ఈ దాడి జరిగినట్లు విచారణ రికార్డులు పేర్కొన్నాయి. స్లెమ్మర్‌ మృతదేహం లభ్యమైనప్పుడు ఆమె పుర్రెలో కొంత భాగం కనిపించలేదని రికార్డులు తెలిపాయి. ఆమె నుదురు, ఛాతీపై పెంటాగ్రామ్ గుర్తులు చెక్కినట్లు కూడా పేర్కొన్నారు. ఒక సాక్షి తెలిపిన వివరాల ప్రకారం.. స్లెమ్మర్‌ పుర్రెలో కనిపించని భాగాన్ని తాను తీసుకుని జ్ఞాపకంగా ఉంచుకున్నట్లు పైక్‌ చెప్పింది.1996లో మరణశిక్ష1996లో పైక్‌కు మరణశిక్ష విధించారు. స్లెమ్మర్‌ హత్య జరిగినప్పుడు షిప్‌కు 17 ఏళ్లు కావడంతో అతడికి మరణశిక్ష విధించే అర్హత లేదు. అతడికి జీవిత ఖైదు విధించారు. గతేడాది అతడి పెరోల్ తిరస్కరణకు గురైంది. 2031 చివర్లో అతడి కేసును మరోసారి పరిశీలించే అవకాశం ఉంది. పైక్‌పై వాంగ్మూలం ఇచ్చిన పీటర్సన్‌కు పరిశీలనలో విడుదల లభించింది.పైక్‌ వయసుపైనా న్యాయపరమైన వాదనలుపైక్‌ న్యాయవాదులు ఏళ్లుగా అనేక అప్పీలు దాఖలు చేస్తూ ఆమె దోష నిర్ధారణ, మరణశిక్ష రెండింటినీ సవాలు చేస్తున్నారు. ఆధునిక ప్రమాణాల ప్రకారం ఈ కేసును పరిశీలిస్తే తీర్పు భిన్నంగా ఉండే అవకాశం ఉందని వారు వాదించారు. పైక్‌కు 1996లో 20 ఏళ్ల వయసులో మరణశిక్ష విధించారు. నేరం జరిగినప్పుడు ఆమె వయసు 18 ఏళ్లు కావడం కూడా న్యాయపరమైన వాదనల్లో కీలక అంశంగా మారింది. స్లెమ్మర్‌ హత్య జరిగినప్పుడు పైక్‌ కొన్ని నెలలు మాత్రమే చిన్న వయసులో ఉండి ఉంటే, టెన్నెస్సీ చట్టం ప్రకారం ఆమెకు మరణశిక్ష విధించే అవకాశం ఉండేది కాదని ఆమె న్యాయవాదులు తెలిపారు.వేధింపులు, మానసిక ఆరోగ్యంపై వాదనలుపైక్‌ చిన్నతనంలో లైంగిక వేధింపులు, విడిచిపెట్టడం, నిర్లక్ష్యాన్ని ఎదుర్కొందని ఆమె న్యాయవాదులు తెలిపారు. అలాగే ఆమెకు పోస్ట్ ట్రామాటిక్ స్ట్రెస్ డిజార్డర్ (పీటీఎస్‌డీ), బైపోలార్ డిజార్డర్ వంటి తీవ్రమైన మానసిక సమస్యలు ఉన్నాయని, పుట్టుకతోనే మెదడుకు సంబంధించిన నష్టం కూడా ఉందని వారు పేర్కొన్నారు. అసలు విచారణలో ఆమె తరఫు న్యాయవాదులు ఈ చరిత్రను జ్యూరీకి తగినంతగా వివరించలేదని వాదించారు.జైలులో మారిపోయానన్న పైక్‌18 ఏళ్ల వయసులో ఉన్న పైక్‌, దశాబ్దాలుగా జైలులో ఉన్న ప్రస్తుత పైక్‌ మధ్య తేడాను కూడా ఆమె న్యాయవాదులు ప్రస్తావించారు. క్షమాభిక్ష పిటిషన్‌లో పైక్‌ స్లెమ్మర్‌ మరణానికి సంబంధించిన తన చర్యలపై పశ్చాత్తాపం వ్యక్తం చేసింది. ఆ ఘటన వల్ల ఒక తల్లి తన కుమార్తెను, ఒక కుటుంబం తమ సోదరిని, స్నేహితులు తమ స్నేహితురాలిని కోల్పోయారని తాను అర్థం చేసుకున్నట్లు పేర్కొంది. జైలులో ఉన్న సంవత్సరాల్లో పైక్‌ పూర్తిగా మారిపోయిందని ఆమె తరపు న్యాయవాదులు తెలిపారు. ప్రస్తుతం ఆమె 50 ఏళ్ల వయసులో పశ్చాత్తాపం కలిగిన మహిళగా, మానసిక ఆరోగ్యానికి తగిన చికిత్స పొందుతూ, జైలులోని ఇతర మహిళలకు సహాయం చేస్తున్నదని చెప్పారు.చివరి దశలో సుప్రీంకోర్టు జోక్యంపైక్‌ ఉరిశిక్షకు కొన్ని గంటల ముందు ఈ న్యాయపరమైన వివాదం తుది దశకు చేరింది. ఆమె న్యాయవాదులు చేసిన కొత్త వాదనలను పరిశీలిస్తున్న సమయంలో ఆరో సర్క్యూట్ కోర్టు ఉరిశిక్షపై తాత్కాలిక నిలుపుదల విధించింది. అయితే సుప్రీంకోర్టు జోక్యం చేసుకుని ఆ నిలుపుదల ఆదేశాన్ని రద్దు చేసింది. దీంతో టెన్నెస్సీ రాష్ట్రం క్రిస్టా పైక్‌ ఉరిశిక్షను అమలు చేసేందుకు మార్గం ఏర్పడింది.ఇదీ చదవండి: ‘2027లో బంగారం’.. షాకిస్తున్న బాబా వంగా అంచనాలు!

బంగారం ధరలు ఇప్పటికే దేశీయ, అంతర్జాతీయ మార్కెట్లలో రికార్డు స్థాయిలలో కొనసాగుతున్నాయి. ఈ నేపథ్యంలో 2027లో పసిడి ధరలు భారీగా పెరగనున్నాయంటూ సామాజిక మాధ్యమాల్లో ఓ అంచనా వైరల్ అవుతోంది. అది బల్గేరియాకు చెందిన ప్రముఖ భవిష్యవేత్త బాబా వంగా చెప్పినట్లు ప్రచారం జరుగుతోంది. ప్రపంచవ్యాప్తంగా ఆర్థిక సంక్షోభం లేదా నగదు కొరత ఏర్పడి సంప్రదాయ బ్యాంకింగ్ వ్యవస్థలపై నమ్మకం తగ్గితే పెట్టుబడిదారులు బంగారం వైపు మొగ్గుచూపుతారని ఆ ప్రచారంలో పేర్కొంటున్నారు. అయితే బాబా వంగా నిజంగా ఇలాంటి అంచనా వేశారనేందుకు ఎలాంటి ధృవీకరించిన ఆధారం లేదని విశ్లేషకులు అంటున్నారు.25 నుంచి 40 శాతం పెరుగుతుందా?ఆన్‌లైన్‌లో చక్కర్లు కొడుతున్న కొన్ని పోస్టుల ప్రకారం.. ప్రపంచ ఆర్థిక సంక్షోభం ఏర్పడితే బంగారం ధరలు 25 నుంచి 40 శాతం వరకు పెరిగే అవకాశం ఉందని బాబా వంగా పేరుతో ప్రచారం జరుగుతోంది. అయితే ఆమె ఈ విషయాన్ని చెప్పినట్లు నిర్ధారించే ప్రామాణిక రికార్డు ఏదీ లేదు. బాబా వంగా తన భవిష్యవాణులను రాతపూర్వకంగా నమోదు చేసినట్లు తగిన ఆధారాలు కూడా లేవు. ఆమె పేరుతో అనేక అంచనాలు వెలుగులోకి వస్తున్నాయి.రూ.2.82 లక్షలకు పసిడి?కొన్ని ఆన్‌లైన్ కథనాల్లో 2027లో భారత్‌లో 10 గ్రాముల 24 క్యారెట్ల బంగారం ధర రూ.2.62 లక్షల నుంచి రూ.2.82 లక్షల మధ్యకు చేరవచ్చని పేర్కొంటున్నారు. మరో ప్రచారంలో రూ.2.1 లక్షల వరకు పెరగవచ్చని చెబుతున్నారు. అయితే ఇవి ఆర్థిక సంస్థలు ప్రకటించిన అధికారిక ధరల అంచనాలు కావు. బాబా వంగా పేరుతో ప్రచారంలో ఉన్న భవిష్యవాణికి జోడించిన ఊహాగానాలు మాత్రమే. అందువల్ల వీటిని నిర్ధారిత మార్కెట్ అంచనాలుగా పరిగణించకూడదు.జేపీ మోర్గాన్ అంచనా ఏంటి?ఇదిలా ఉండగా.. ప్రముఖ ఆర్థిక సంస్థలు కూడా 2027లో బంగారం ధరలు పెరిగే అవకాశాలపై తమ అంచనాలను వెల్లడించాయి. జేపీ మోర్గాన్ గ్లోబల్ రీసెర్చ్ ప్రకారం.. 2026 నాలుగో త్రైమాసికంలో బంగారం ధర ఔన్సుకు సుమారు 6,000 డాలర్లుగా ఉండవచ్చని అంచనా. 2027 చివరి నాటికి ఔన్సుకు 6,300 డాలర్లకు చేరే అవకాశం ఉందని పేర్కొంది. భౌగోళిక రాజకీయ అనిశ్చితి, ప్రభుత్వ ఆర్థిక పరిస్థితులు, ద్రవ్యోల్బణం, కేంద్ర బ్యాంకులు,పెట్టుబడిదారుల నుంచి బంగారానికి ఉన్న డిమాండ్ వంటి అంశాలు ధరలను ప్రభావితం చేయవచ్చని తెలిపింది. అయితే అమెరికా ఫెడరల్ రిజర్వ్ విధానం, భౌగోళిక రాజకీయ పరిణామాలపై ఈ అంచనా ఆధారపడి ఉంటుందని జేపీ మోర్గాన్ పేర్కొంది.యూబీఎస్, డాయిష్ బ్యాంక్ అంచనాలుయూబీఎస్ కూడా 2027 తొలి అర్ధభాగంలో బంగారం ధర ఔన్సుకు 5,000 డాలర్లకు చేరే అవకాశం ఉందని అంచనా వేసింది. మరోవైపు డాయిష్ బ్యాంక్ 2026 నాలుగో త్రైమాసికానికి ఔన్సుకు 4,600 డాలర్ల లక్ష్యాన్ని కొనసాగించింది. ఇటీవల బంగారం ధరల్లో వచ్చిన దిద్దుబాటు దాదాపుగా ముగిసినట్లేనని ఆ సంస్థ పేర్కొన్నట్లు సెప్టెంబర్ విశ్లేషణను గుర్తుచేస్తూ ట్రేడింగ్‌వ్యూ తెలిపింది.ఎవరీ బాబా వంగా?బాబా వంగా అసలు పేరు వాంగెలియా పాండేవా దిమిత్రోవా. 1911లో జన్మించిన ఆమె బల్గేరియాకు చెందిన భవిష్యవాణులు చెప్పే మహిళ. మూలికా వైద్యురాలిగా ప్రసిద్ధి చెందారు. 12 ఏళ్ల వయసులో సుడిగాలిలో చిక్కుకున్న తర్వాత ఆమె చూపును కోల్పోయినట్లు చెబుతుంటారు. సెప్టెంబర్ 11 ఉగ్రదాడులు, చెర్నోబిల్ విపత్తు, ప్రిన్సెస్ డయానా మరణం, 2004 హిందూ మహాసముద్ర సునామీ, బ్రెగ్జిట్, ఐసిస్ ఎదుగుదల వంటి అనేక సంఘటనలను ఆమె ముందుగానే చెప్పారని అంటారు. ఆమె చెప్పిన అంచనాల్లో సుమారు 85 శాతం నిజమయ్యాయని కూడా ప్రచారం ఉంది.ఇదీ చదవండి: ప్రపంచానికి షాక్‌.. 31 ఏళ్ల సన్యాసి కఠోర సాధన!

సెప్టెంబర్‌ 30న ఫ్లైదుబాయ్‌ FZ1073 విమానంలో జరిగిన ఘటన నేపథ్యంలో సదరు విమాన సంస్థ కీలక నిర్ణయం తీసుకుంది. ఇజ్రాయెల్‌కు వెళ్లే, అక్కడి నుంచి వచ్చే విమాన సర్వీసులను ఫ్లై దుబాయ్‌ తాత్కాలికంగా నిలిపివేసింది. అధికారుల దర్యాప్తు పూర్తయ్యే వరకు ఇజ్రాయెల్‌కు విమాన సర్వీసులు నిలిపివేస్తున్నట్లు ఫ్లైదుబాయ్‌ ప్రకటించింది.ప్రయాణికులు, సిబ్బంది, విమాన కార్యకలాపాల భద్రత, సంక్షేమమే తమకు అత్యంత ప్రాధాన్యమని సంస్థ స్పష్టం చేసింది. ఘటనకు సంబంధించిన పూర్తి వివరాలను అధికారులు వెలుగులోకి తీసుకురావడానికి వీలుగా ఈ తాత్కాలిక సస్పెన్షన్‌ నిర్ణయం తీసుకున్నట్లు తెలిపింది. దర్యాప్తు కొనసాగుతున్న నేపథ్యంలో పరిస్థితిని ఎప్పటికప్పుడు సమీక్షిస్తామని పేర్కొంది.అసలేం జరిగింది?భారత కాలమానం ప్రకారం.. బుధవారం ఉదయం దుబాయ్‌-టెల్‌అవీవ్‌ మధ్య ప్రయాణిస్తున్న విమానంలో పైలట్‌, కో-పైలట్‌ మధ్య కాక్‌పిట్‌లో ఘర్షణతో ఒక్కసారిగా ఉద్రిక్తంగా మారింది. ఈ క్రమంలో కో-పైలట్‌ కెప్టెన్‌ స్మిట్‌ మచ్చార్‌పై కత్తితో దాడి చేసినట్లు సమాచారం. అనంతరం విమానం ఒక్కసారిగా ఎత్తు కోల్పోయింది. ఫ్లైట్‌ ట్రాకింగ్‌ డేటా ప్రకారం కేవలం 30 సెకన్లలో దాదాపు 14 వేల అడుగుల మేర కిందికి పడిపోయింది. విమానంలోని ప్రయాణికులకు పరిస్థితి అర్థమయ్యేలోపే కాక్‌పిట్‌ నుంచి అరుపులు వినిపించాయి. ఇదే సమయంలో గాయపడిన కెప్టెన్‌ మచ్చర్‌ కాక్‌పిట్‌ తలుపు తెరిచారు. దీంతో ప్రయాణికులు, సిబ్బంది లోపలికి వెళ్లే అవకాశం ఏర్పడింది.🚨 BREAKING: A pilot aboard Flydubai flight FZ1073 from Dubai to Tel Aviv attacked the other pilot and attempted to seize control of the aircraft in terror attack.The plane, carrying 174 Israeli passengers, plunged 14,000 feet before the situation was brought under control and… pic.twitter.com/FAgyt7dOpK— Combat Antisemitism Movement (@CombatASemitism) September 30, 2026‘‘విమానాన్ని కూల్చేందుకు ప్రయత్నించాడు’’ఈ దాడికి సంబంధించి సంచలన ఆరోపణలు వినిపిస్తున్నాయి. కో-పైలట్‌ విమానం వ్యవస్థలను ధ్వంసం చేసేందుకు ప్రయత్నించినట్లు ఆరోపణలు ఉన్నాయి. ప్రయాణికుడు యానివ్‌ తెలిపిన వివరాల ప్రకారం.. మచ్చార్‌ కాక్‌పిట్‌ తలుపు తెరిచి కుప్పకూలిన తర్వాత ప్రయాణికులు లోపలికి వెళ్లి దాడి చేసిన వ్యక్తిని అదుపులోకి తీసుకున్నారు. అనంతరం విమానంలో ఉన్న మరో సెట్‌ పైలట్లు కాక్‌పిట్‌లోకి చేరుకుని విమానాన్ని కంట్రోల్‌ చేయగలిగారు. అటు నుంచి సౌదీ అరేబియాలోని టబుక్‌కు మళ్లించారు. అక్కడ విమానం సురక్షితంగా ల్యాండ్‌ అయింది.ఆసుపత్రిలో చికిత్స.. పరిస్థితి నిలకడగాకాక్‌పిట్‌ ఘటనలో తీవ్రంగా గాయపడిన మచ్చర్‌ను సౌదీ అరేబియాలోని టబుక్‌ ఆసుపత్రికి తరలించారు. ఆయనకు చికిత్స కొనసాగుతోంది. భారత రాయబార కార్యాలయం, జెడ్డాలోని కాన్సులేట్‌ ఆయన ఆరోగ్య పరిస్థితిని పర్యవేక్షిస్తున్నాయి. ప్రస్తుతం ఆయన పరిస్థితి నిలకడగా ఉన్నట్లు సమాచారం. కుటుంబ సభ్యులతోనూ అధికారులు సంప్రదింపులు జరుపుతున్నారు.ఇదీ చదవండి: ‘భారత్‌ గర్విస్తోంది’.. స్మిట్‌ మచ్చార్‌ ధైర్యానికి మోదీ ఫిదా!

జపాన్‌కు చెందిన 31 ఏళ్ల బౌద్ధ సన్యాసి సోగాకు టగుచి కఠోర ఆధ్యాత్మిక సాధన కోసం 12 ఏళ్ల ఏకాంత జీవితంలోకి వెళ్లారు. సెప్టెంబర్‌ 11, 2026న ఈ సాధనను ప్రారంభించిన ఆయన.. సెప్టెంబర్‌ 11, 2038 వరకు ఆలయ ప్రాంగణాన్ని వీడకుండా, ఇతర వ్యక్తులను కలవకుండా ఉండనున్నారు. ఈ కఠిన సాధన గతంలో పలువురు సన్యాసులు అవలంబించి ప్రాణాలను దైవంలో విలీనం చేశారు.ఒట్సులోని మౌంట్‌ హియేలో ఉన్న నంజాంబో ఆలయానికి టగుచి ప్రధాన సన్యాసిగా ఉన్నారు. ఈ ఆలయం ఎన్ర్యాకు‌జీ ఆలయ సముదాయంలో భాగం. టగుచి అక్కడి జోడో-ఇన్‌ హాల్‌లో ఉంటారు. బౌద్ధంలోని టెండై శాఖ వ్యవస్థాపకుడు సైచోకు స్థాపించిన ఈ ప్రదేశంలోనే ఆయన తన సాధన కొనసాగించనున్నారు. ఈ కాలంలో బయట ప్రపంచానికి సంబంధించిన విషయాలు తెలుసుకోకుండా, ఇతరులతో ఎలాంటి సంబంధం లేకుండా జీవించనున్నారు.టగుచి సాధనలో కఠినమైన రోజువారీ నియమాలను పాటించనున్నారు. తీవ్రమైన చలికాలంలోనూ ఆధ్యాత్మిక సాధనలు కొనసాగించడంతో పాటు ఆలయ ప్రాంగణాన్ని శుభ్రం చేయడం, ఆహారం వండడం వంటి పనులు కూడా చేయాల్సి ఉంటుంది. వండిన ఆహారాన్ని సమాధి వద్ద సమర్పిస్తారు. ఈ విధమైన కఠోర శిక్షణను గతంలో అనుసరించిన కొందరు సన్యాసులు అనారోగ్యానికి గురై మరణించారని చెబుతారు.ఎన్ర్యాకు‌జీ ఆలయ వివరాల ప్రకారం.. 1699 తర్వాత జిషిన్‌ అనే హోదాను పొందుతున్న 118వ వ్యక్తి టగుచి. రెండో ప్రపంచ యుద్ధం ముగిసిన తర్వాత ఈ సాధనను చేపట్టిన ఎనిమిదో వ్యక్తి ఆయనే. జిషిన్‌గా మారే ప్రయాణంలో ‘కోసోగ్యో’ అనే కఠిన సాధన ఉంటుంది. ఇందులో రోజుకు 3,000 సార్లు ప్రతి బుద్ధుడికి ధూపం సమర్పించి, వారి పేర్లను జపిస్తూ పదేపదే సాష్టాంగ నమస్కారాలు చేయాలి.కోసోగ్యో సాధనలో ఎదురయ్యే తీవ్ర అలసట కారణంగా సాధకుడికి బుద్ధుడి రూపం స్పష్టంగా కనిపించే అనుభూతి కలుగుతుందని చెబుతారు. టగుచి గత ఏడాది ఇదే సమయంలో కోసోగ్యో సాధనను ప్రారంభించారు. దాన్ని పూర్తి చేసిన అనంతరం కైడాన్-ఇన్‌ హాల్‌లో ‘జిసే జుకై’ అనే స్వయంగా స్వీకరించే దీక్ష కార్యక్రమంలో పాల్గొన్నారు. ఏకాంత జీవితాన్ని ప్రారంభించే ముందు ఆయన తన సాధనపై ఆనందం వ్యక్తం చేశారు.మౌంట్‌ హియేలో ‘కైహోగ్యో’ అనే అత్యంత కఠినమైన సాధన కూడా కొనసాగుతుంది. ఇందులో సన్యాసులు ఏడేళ్లలో 1,000 రోజుల పాటు పర్వతం చుట్టూ నడుస్తారు. మొదటి మూడు సంవత్సరాల్లో ఏడాదికి వరుసగా 100 రోజుల పాటు రోజూ 30 కిలోమీటర్లు నడవాలి. నాలుగు, ఐదో సంవత్సరాల్లో రోజుకు నడకను 200 రోజుల వరకు కొనసాగించాలి. అనంతరం తొమ్మిది రోజుల పాటు ఆహారం, నీరు తీసుకోకుండా, నిద్రపోకుండా, పడుకోకుండా మంత్రాలను జపించే దశ ఉంటుంది. చివరి దశల్లో రోజుకు 60 కిలోమీటర్లు, ఆ తర్వాత 84 కిలోమీటర్లు, చివరగా 30 కిలోమీటర్ల చొప్పున నడవాల్సి ఉంటుంది.ఇదీ చదవండి: రోడ్డు దాటుతుంటే ప్రమాదం.. తప్పెవరిది?

విమానం గాల్లో ఉంది.. ఒక్కసారిగా కాక్‌పిట్‌లో కలకలం. కో-పైలట్‌ కత్తితో కెప్టెన్‌పై దాడి చేశాడు. తీవ్రంగా గాయపడినప్పటికీ ఆ భారత పైలట్‌ వెనక్కి తగ్గలేదు. కాక్‌పిట్‌ తలుపు తెరిచి బయటకు వచ్చి సంకేతం ఇచ్చాడు. ప్రయాణికులు, ఇతర సిబ్బంది వెంటనే స్పందించడంతో పెను విమాన ప్రమాదం తప్పింది. ఈ ఘటనలో ధైర్యసాహసాలు ప్రదర్శించిన భారత పైలట్‌ స్మిట్‌మచ్చర్‌పై అమెరికా అధ్యక్షుడు డొనాల్డ్‌ ట్రంప్‌, ఇజ్రాయెల్‌ ప్రధాని బెంజమిన్‌ నెతన్యాహు ప్రశంసలు కురిపించారు.ఫ్లైదుబాయ్‌ విమానం FZ1073లో జరిగిన ఘటనపై ఇజ్రాయెల్‌ ప్రధాని బెంజమిన్‌ నెతన్యాహు స్పందించారు. ‘‘భారత పైలట్‌ కెప్టెన్‌ స్మిట్‌ మచ్చర్‌ అసాధారణ ధైర్యానికి నా సెల్యూట్‌’’ అని ఎక్స్‌లో పోస్టు చేశారు. కత్తిపోట్లతో తీవ్రంగా గాయపడినప్పటికీ మచ్చర్‌ ప్రతిఘటించి కాక్‌పిట్‌ తలుపు తెరిచారని తెలిపారు. దీంతో ప్రయాణికులు, సిబ్బంది లోపలికి వెళ్లి దాడి చేసిన వ్యక్తిని అదుపులోకి తీసుకోగలిగారని పేర్కొన్నారు. ఈ చర్య పెను విమాన ప్రమాదాన్ని నివారించిందని, ఆయన త్వరగా కోలుకోవాలని ఆకాంక్షించారు.ఇటు అమెరికా అధ్యక్షుడు డొనాల్డ్‌ ట్రంప్‌ కూడా స్మిట్‌ మచ్చర్‌ను ‘హీరో’గా అభివర్ణించారు. ఇజ్రాయెల్‌ ప్రధాని నెతన్యాహు తనకు చెప్పిన వివరాలను మీడియాతో పంచుకున్న ట్రంప్‌.. తీవ్రంగా గాయపడినప్పటికీ పైలట్‌ చేసిన చర్యను అద్భుతమైనదిగా పేర్కొన్నారు.30 సెకన్లలో 14 వేల అడుగులు కిందకు!భారత కాలమానం ప్రకారం.. బుధవారం ఉదయం దుబాయ్‌-టెల్‌అవీవ్‌ మధ్య ప్రయాణిస్తున్న బోయింగ్‌ 737 MAX 8 విమానం పైలట్‌, కో-పైలట్‌ మధ్య కాక్‌పిట్‌లో ఘర్షణతో ఒక్కసారిగా ఉద్రిక్తంగా మారింది. ఈ క్రమంలో కో-పైలట్‌ కెప్టెన్‌ మచ్చర్‌పై కత్తితో దాడి చేసినట్లు సమాచారం. అనంతరం విమానం ఒక్కసారిగా ఎత్తు కోల్పోయింది. ఫ్లైట్‌ ట్రాకింగ్‌ డేటా ప్రకారం కేవలం 30 సెకన్లలో దాదాపు 14 వేల అడుగుల మేర కిందికి పడిపోయింది.విమానంలోని ప్రయాణికులకు పరిస్థితి అర్థమయ్యేలోపే కాక్‌పిట్‌ నుంచి అరుపులు వినిపించాయి. ఇదే సమయంలో గాయపడిన కెప్టెన్‌ మచ్చర్‌ కాక్‌పిట్‌ తలుపు తెరిచారు. దీంతో ప్రయాణికులు, సిబ్బంది లోపలికి వెళ్లే అవకాశం ఏర్పడింది.‘‘విమానాన్ని కూల్చేందుకు ప్రయత్నించాడు’’ఈ దాడికి సంబంధించి సంచలన ఆరోపణలు వినిపిస్తున్నాయి. కో-పైలట్‌ విమానం వ్యవస్థలను ధ్వంసం చేసేందుకు ప్రయత్నించినట్లు ఆరోపణలు ఉన్నాయి. ప్రయాణికుడు యానివ్‌ తెలిపిన వివరాల ప్రకారం.. మచ్చర్‌ కాక్‌పిట్‌ తలుపు తెరిచి కుప్పకూలిన తర్వాత ప్రయాణికులు లోపలికి వెళ్లి దాడి చేసిన వ్యక్తిని అదుపులోకి తీసుకున్నారు. అనంతరం విమానంలో ఉన్న మరో సెట్‌ పైలట్లు కాక్‌పిట్‌లోకి చేరుకుని విమానాన్ని కంట్రోల్‌ చేయగలిగారు. అటు నుంచి సౌదీ అరేబియాలోని టబుక్‌కు మళ్లించారు. అక్కడ విమానం సురక్షితంగా ల్యాండ్‌ అయింది.ఎవరీ స్మిట్‌మచ్చర్‌?స్మిట్‌ మచ్చర్‌ భారత పౌరుడు. బోయింగ్‌ 737 విమానాలపై ఆయనకు 13 ఏళ్లకు పైగా వాణిజ్య విమానయాన అనుభవం ఉంది. సుమారు 9,750 గంటల ఫ్లయింగ్‌ అనుభవం ఉన్నట్లు ఆయన లింక్డ్‌ఇన్‌ ప్రొఫైల్‌ ఆధారంగా వివరాలు వెల్లడయ్యాయి. 2011లో స్పైస్‌జెట్‌లో చేరిన మచ్చర్‌.. అక్కడ లైన్‌ ట్రైనింగ్‌ కెప్టెన్‌, సీనియర్‌ కమాండర్‌గా పనిచేశారు. 2022 జూన్‌లో స్పైస్‌జెట్‌ను వీడి ఫ్లై దుబాయ్‌లో డైరెక్ట్‌ ఎంట్రీ కెప్టెన్‌గా చేరారు. ఆయన సోదరుడు కూడా ఇటీవల ఫ్లై దుబాయ్‌లో చేరినట్లు సమాచారం.ఆసుపత్రిలో చికిత్స.. పరిస్థితి నిలకడగాకాక్‌పిట్‌ ఘటనలో తీవ్రంగా గాయపడిన మచ్చర్‌ను సౌదీ అరేబియాలోని టబుక్‌ ఆసుపత్రికి తరలించారు. ఆయనకు చికిత్స కొనసాగుతోంది. భారత రాయబార కార్యాలయం, జెడ్డాలోని కాన్సులేట్‌ ఆయన ఆరోగ్య పరిస్థితిని పర్యవేక్షిస్తున్నాయి. ప్రస్తుతం ఆయన పరిస్థితి నిలకడగా ఉన్నట్లు సమాచారం. కుటుంబ సభ్యులతోనూ అధికారులు సంప్రదింపులు జరుపుతున్నారు.‘‘180 మంది ప్రాణాలు కాపాడారు’’ఇజ్రాయెల్‌ అంబాసిడర్‌ రూవెన్‌ అజార్‌ కూడా మచ్చర్‌ను ప్రశంసించారు. అనుభవజ్ఞుడైన, ప్రతిభావంతుడైన భారత పైలట్‌గా అభివర్ణించారు. మచ్చర్‌తో పాటు ప్రయాణికులు, సిబ్బంది చూపిన ధైర్యం 180 మంది ప్రాణాలను కాపాడిందని పేర్కొన్నారు.విమానం టబుక్‌లో సురక్షితంగా దిగిన తర్వాత ప్రయాణికులు సుమారు ఎనిమిది గంటలు సౌదీ అరేబియాలో ఉన్నారు. అనంతరం ప్రత్యామ్నాయ ఫ్లై దుబాయ్‌ విమానంలో ఇజ్రాయెల్‌కు బయలుదేరారు. కత్తిపోట్లతో తీవ్రంగా గాయపడినా.. విమానాన్ని కాపాడేందుకు చివరి వరకు పోరాడిన భారత పైలట్‌ స్మిట్‌మచ్చర్‌ ఇప్పుడు అంతర్జాతీయంగా ప్రశంసలు అందుకుంటున్నారు.ఇదీ చదవండి: యూఏఈలో వాహనదారులకు షాక్‌

దుబాయ్‌/జెరూసలేం: అమెరికాలో రెండు దశాబ్దాల క్రితం విమానాన్ని హైజాక్‌చేసి ఆకాశహర్మ్యాలను ఢీకొట్టి వందలాది మంది చావుకు కారణమైన సెప్టెంబర్‌ 11 దాడుల తరహాలో ప్రయాణికుల విమానాన్ని తన వశం చేసుకుని కుప్పకూల్చేందుకు ఒక కోపైలట్‌ దుస్సాహసం చేసిన ఉదంతం జోర్డాన్‌ గగనతలంలో జరిగింది. 174 మంది ప్రయాణికుల ప్రాణాలను గాల్లో కలిపేందుకు కోపైలట్‌ చేసిన ప్రయత్నాన్ని ఒక భారతీయ కెప్టెన్‌ అత్యంత ధైర్యసాహసాలతో వమ్ముచేశారు. కత్తిపోట్లకు గురైనా సరే విమానం కోపైలట్‌ చేతుల్లోకి వెళ్లకుండా విజయవంతంగా అడ్డుకున్నాడు. దీంతో ప్రయాణికులందరి ప్రాణాలు నిలబడ్డాయి. రక్తమోడుతున్న కెప్టెన్‌ కుప్పకూలడం, అదే సమయానికి కాక్‌పిట్‌లోకి దూసుకొచ్చిన ప్రయాణికులు కోపైలట్‌ను నిలువరించడం, అదే విమానంలో ప్రయాణిస్తున్న ఇతర పైలట్లు వెంటనే సమయస్ఫూర్తితో విమానాన్ని తమ అదీనంలోకి తెచ్చుకుని సౌదీఅరేబియాలో సురక్షితంగా ల్యాండ్‌చేయడం వెంటవెంటనే జరిగిపోయాయి. దీంతో క్రాష్‌ల్యాండింగ్‌ వంటి మారణహోమంతో ముగియాల్సిన ఈ ఉదంతం అనూహ్యంగా సుఖాంతంగా పరిసమాప్తి అయింది. కత్తితో దాడికి పాల్పడిన కోపైలట్‌ను సౌదీలో అరెస్ట్‌చేసి అధికారులు ప్రశ్నిస్తున్నారు. ఇజ్రాయెల్‌ శివారు గ్రామాలపై హమాస్‌ సాయుధులు మెరుపుదాడిచేసి వందలాది మంది ఇజ్రాయెలీలను అంతంచేసిన ఘటన జరిగి మరో వారంలో మూడేళ్లు పూర్తవుతున్న వేళ ఈ విమాన హైజాక్‌ ఘటన జరగడం గమనార్హం. అసలేం జరిగింది? దర్యాప్తు సంస్థలు, ప్రత్యక్షసాక్షులైన ప్రయాణికులు, ఇజ్రాయెల్‌ ప్రభుత్వం, అంతర్జాతీయ మీడియాలో వచ్చిన కథనాల ప్రకారం బుధవారం ఉదయం 6.05 గంటలకు ఫ్లైదుబాయ్‌ విమానయాన సంస్థకు చెందిన బోయింగ్‌737 మ్యాక్స్‌ రకం ఎఫ్‌జెడ్‌1073 నంబర్‌ విమానం 27 మంది చిన్నారులుసహా 174 మంది ప్రయాణికులతో యునైటెడ్‌ అరబ్‌ ఎమిరేట్స్‌లోని దుబాయ్‌ నుంచి ఇజ్రాయెల్‌ రాజధాని టెల్‌అవీవ్‌ సమీప బెన్‌ గురియన్‌ ఎయిర్‌పోర్ట్‌కు బయల్దేరింది. దాదాపు రెండు గంటల ప్రయాణం తర్వాత విమానం జోర్డాన్‌ గగనతలానికి చేరుకుంది. ఉదయం 8.31 గంటలప్పుడు విమానం 34,000 అడుగుల ఎత్తులో వెళ్తోంది. అదే సమయంలో కోపైలట్‌గా ఉన్న వ్యక్తి విమానాన్ని తన అధీనంలోకి తీసుకుని కుప్పకూల్చేందుకు ప్రయత్నించాడు. దీంతో విమానం హఠాత్తుగా 30 సెకన్లలోనే 20వేల అడుగుల కిందకు జారిపోయింది. ఇది గమనించిన కెప్టెన్‌ వెంటనే అతని చర్యను అడ్డుకున్నాడు. ఈ క్రమంలో విమానం గుండ్రంగా తిరిగి 5,000 అడుగులుపైకి, మళ్లీ 7,000 అడుగులు కిందకు జారింది. దీంతో ప్రయాణికులు హాహాకారాలు చేయడం మొదలెట్టారు. తనను అడ్డుకున్న కెప్టెన్‌ను కోపైలట్‌ కత్తితో విచక్షణారహితంగా పొడిచాడు. అయినాసరే కోపైలట్‌ దుశ్చర్యను కెప్టెన్‌ అడ్డుకునేందుకు శతథా ప్రయత్నించాడు. ‘విమానం పడిపోవచ్చు. ఎవరైనా వచ్చి నాకు సాయంచేయండి’’అని కెప్టెన్‌ అరిచాడు. దీంతో కాక్‌పిట్‌లో గొడవ జరుగుతున్న విషయం గమనించి ముందు వరసలో కూర్చున్న ఇజ్రాయెల్‌ ప్రయాణికులు, విమాన సిబ్బంది వెంటనే కాక్‌పిట్‌లోకి పరుగెత్తారు. కత్తితో దాడిచేస్తున్న కోపైలట్‌ను పట్టుకుని కిందకు అదిమిపట్టారు. అయినాసరే విమానంలోని భద్రతావ్యవస్థలను కోపైలట్‌ నాశనంచేసేందుకు యత్నించగా అందరూ కలిసి అతడిని అడ్డుకున్నారు. ఈ క్రమంలో ప్రయాణికులకు సైతం రక్తంమరకలు అంటాయి. ఇదంతా చూసిన వెనకవైపు కూర్చున్న డ్యూటీలో లేని ఇద్దరు యూరప్, బ్రిటన్‌కు చెందిన పైలట్లు సమయస్ఫూర్తితో వెంటనే కాక్‌పిట్‌లోకి వచ్చి విమానాన్ని తమ అ«దీనంలోకి తెచ్చుకున్నారు. ఇదంతా జరిగేలోపే కెప్టెన్‌ విమానం నుంచి 7700 కోడ్‌ సిగ్నల్‌ ఇచ్చాడు. ఇది సాధారణ ఎమర్జెన్సీకి సంబంధించిన సిగ్నల్‌. వెనువెంటనే 7500 కోడ్‌ ఇచ్చాడు. ఇది హైజాక్‌ లేదా అనధికారంగా విమానాన్ని తమ వశం చేసుకోవడానికి సంబంధించిన సిగ్నల్‌. ఈ సిగ్నల్‌ అందుకున్న ఇజ్రాయెల్‌ వాయుసేన వెనువెంటనే తన అత్యాధునిక ఫైటర్‌జెట్‌లను ఈ విమానానికి తోడుగా పంపింది. పైలట్లు విమానాన్ని 9.45 గంటలకు సౌదీ అరేబియాలోని తబుక్‌ ఎయిర్‌పోర్ట్‌లో సురక్షితంగా ల్యాండ్‌ చేశారు. దీంతో ప్రయాణికులంతా ఊపిరిపీల్చుకున్నారు. రక్తమోడుతున్న కెప్టెన్‌ను వెంటనే ఆస్పత్రిలో చేరి్పంచారు. దాడిచేసిన కోపైలట్‌కు సైతం గాయా లయ్యాయని, ఇతడిని ఆస్పత్రిలో చేరి్పంచి చికిత్సచేయించాక అరెస్ట్‌చేశారని తెలుస్తోంది. ప్రస్తుతం ఇతడిని సౌదీ పోలీసులు ప్రశ్నిస్తున్నారు. ఇతను ఒమన్‌ దేశస్తుడని వార్తలొచ్చాయి.హీరో కెప్టెన్‌ కోపైలట్‌తో వీరోచితంగా పోరాడి అందర్నీ కాపాడిన పైలట్‌ స్మిత్‌ మచ్ఛార్‌పై అభినందనల వర్షం కురిసింది. ఈయన గతంలో స్పైస్‌జెట్‌లో పనిచేశారు. తర్వాత 2022లో ఫ్లైదుబాయ్‌ సంస్థలో చేరారు. ఈయనకు పైలట్‌గా 13 ఏళ్ల అనుభవం ఉంది. ఏకంగా 9,750 గంటలకుపైగా విమానం నడిపారు. విమానసిబ్బంది వనరుల నిర్వహణలో, విమాన ప్రమాణాలు, నిబంధనలను పాటించడంలో, బోయింగ్‌ 737 రకం విమానాలను నడపడంలో నిష్ణాతుడు.చచ్చిపోతాననుకున్నా... విమానం వేగంగా కిందకు పడిపోతున్న దృశ్యాలను భయపడుతూనే అందులోని ప్రయాణికులు తమ ఫోన్లలో బంధించారు. ‘‘చచ్చిపోతాననుకున్నా. విమానం ఇష్టమొచ్చినట్లు గాల్లో గింగిరాలు తిరిగింది. బతుకుతాననుకోలేదు’’అని ఒక ప్రయాణికురాలు ఏడుస్తూ చెప్పింది. ‘‘దాడికి యత్నించిన ఉగ్రవాదిని పట్టుకున్నాం. ఇప్పుడు విమానం ల్యాండ్‌కాబోతోంది. ఈ ప్రాంతం సౌదీ అనుకుంటున్నా’’అని ముఖంపై రక్తం మరకలున్న ఒక ప్రయాణికుడు సెల్ఫీ వీడియోను పోస్ట్‌చేశారు. ‘ఐదుగురు కాక్‌పిట్‌లోకి దూసుకెళ్లి సాహసోపేతంగా వ్యవహరించడంతో ఇప్పుడు మేమంతా బతికిబయటపడ్డాం’’అని దలియా పిగెల్‌ అనే ప్రయాణికుడు చెప్పారు. సౌదీలో దిగిన అదే విమానం రాత్రికల్లా గమ్యస్థానమైన ఇజ్రాయెల్‌లోని బెన్‌ గురియన్‌ ఎయిర్‌పోర్ట్‌కు చేరుకుంది. ప్రయాణికులను పొగిడిన నెతన్యాహూ... ఈ ఘటనపై ఇజ్రాయెల్‌ ప్రధాని నెతన్యాహూ స్పందించారు. ‘‘ఇది ఉగ్రదాడే. ఈ ప్రయాణికుల్లో ఎక్కువ మంది ఇజ్రాయెలీలే ఉన్నారు. వీళ్లను చంపేందుకు కోపైలట్‌ విమానాన్ని కుప్పకూల్చాలని పథకం పన్నాడు. ఈ కుట్రను ఇజ్రాయెలీ ప్రయాణికులు విజయవంతంగా వమ్ముచేశారు. అత్యంత సాహసోపేతంగా కోపైలట్‌ను పట్టుకుని మీకు సెల్యూట్‌. క్రాష్‌ల్యాండింగ్‌ కాకుండా అందర్నీ కాపాడిన మీరంతా హీరోలే. కోపైలట్‌ను సౌదీ అధికారులు ప్రశ్నిస్తున్నారు’’అని నెతన్యాహూ చెప్పారు.

దుబాయ్‌: చమురు ఉత్పత్తులను మొగదిషు నగరానికి సరఫరా చేసేందుకు వెళ్తున్న సరకు రవాణా నౌక ఎంటీ హానర్‌25ను సముద్రదొంగల నుంచి సోమాలియా నావికాదళం రక్షించే క్రమంలో ఒక భారతీయ నావికుడు ప్రాణాలు కోల్పోయాడు. నౌకలో కుక్‌గా పనిచేస్తున్న మొహమ్మద్‌ తనీ్వరుజ్‌ జమాన్‌ మంగళవారం జరిగిన యాంటీ–పైరసీ రెస్క్యూ ఆపరేషన్‌లో చనిపోయాడని నావికుల సంఘం ‘ఫార్వర్డ్‌ సీమెన్స్‌ యూనియన్‌ ఆఫ్‌ ఇండియా’ ప్రకటించింది. సోమాలియాలోని పుంట్‌ల్యాండ్‌ ప్రావిన్స్‌లోని బందర్‌ బేయిలా జిల్లాలోని ధారిన్‌–బార్‌ సమీప సముద్రజలాల్లో ఈ ఘటన జరిగిందని కెన్యాలోని భారత రాయబార కార్యాలయం ప్రకటించింది. మృతుని కుటుంబానికి తమ ప్రగాడ సానుభూతి వ్యక్తంచేస్తున్నట్లు ఒక ప్రకటనలో పేర్కొంది. ఘటనలో మరో భారతీయుడు గాయపడ్డాడు. 18,500 బ్యారెళ్ల చమురుతోపాటు ఇతర చమురు ఉత్పత్తులతో వెళ్తున్న ఎంటీ హానర్‌ నౌకను ఏప్రిల్‌ 21వ తేదీన పైరేట్లు దాడిచేసి హైజాక్‌చేశారు. ఇందులో ఒక భారతీయుడు, ఒక శ్రీలంక, ఒక మయన్మార్‌నావికుడు, పది మంది పాకిస్తాన్, నలుగురు ఇండోనేసియా నావికులు ఉన్నారు. హైజాక్‌ జరిగినప్పట్నుంచి అది వాళ్ల అధీనంలోనే ఉంది. మంగళవారం సోమాలియాలోని పుంట్‌ల్యాండ్‌ ప్రావిన్స్‌ మ్యారిటైమ్‌ పోలీస్‌ఫోర్స్‌ సభ్యులు హఠాత్తుగా నౌకలోని పైరేట్లపై దాడిచేశారు. ఈ ఘటనలో ఒక భారతీయుడు, ఒక మయన్మార్‌ నావికుడు, ముగ్గురు పాకిస్తానీ నావికులు చనిపోయారు. మరోవైపు ఇటీవల పైరేట్ల చెర నుంచి బయటపడిన ఎంటీ సీబూ1, ఎంటీ యురేకా నౌకల్లోని భారతీయ నావికులు సైతం క్షేమంగా ఉన్నట్లు ఇండియన్‌ ఎంబసీ తెలిపింది. నెలరోజుల తర్వాత సీబూ1ను విడిపించగలిగారు. ఎంటీ యురేకాను మంగళవారం చెర నుంచి విడిపించారు. ఎంవీ లూటఫ్‌ నౌకనూ ఆగస్ట్‌లో సోమాలియా పైరేట్లు హైజాక్‌చేశారు. ఇందులో ఆరుగురు భారతీయులున్నారు.

మెహసానా: అక్రమంగానైనా సరే.. అమెరికా వెళ్లాలనుకున్న ఆ ముగ్గురు గుజరాతీలకు ఎదురుదెబ్బ తగిలింది. కుటుంబాలతో కలిసి సెప్టెంబరు 20న గుజరాత్‌లోని మెహసానా నుంచి బయలుదేరిన వీరు రెండు రోజుల తరువాత ఆఫ్రికా ఖండంలోని ఇథియోపియాలో గల్లంతయ్యారు. కిడ్నాప్‌నకు గురయ్యారని, విడిచిపెట్టేందుకు కిడ్నాపర్లు రూ.కోటి డిమాండ్‌ చేస్తున్నారని కుటుంబ సభ్యులు ఇప్పుడు లబోదిబోమంటున్నారు. ఒక్కొక్కరి కోసం ఏజెంట్లకు ఇప్పటికే రూ.75 లక్షల చొప్పున చెల్లించామని ఇక కిడ్నాపర్లకు ఇచ్చేందుకు మావద్ద చిల్లిగవ్వ కూడా లేదని వాపోతున్నారు. ఎలాగైనా సరే ఆ ముగ్గురిని స్వదేశానికి తిరిగి రప్పించాలని ప్రభుత్వాన్ని అభ్యరి్థస్తున్నారు. ఇథియోపియాలో సెప్టెంబరు 22వ తేదీ నుంచి గల్లంతైన వారిని రిత్విక్‌ జన్‌సారీ, మమతా చావ్డా, మయూరీలుగా పోలీసులు గుర్తించారు. ముగ్గురు ఓకే కుటుంబానికి చెందిన వారు. మెహసానాలోని ఓ ఏజెంట్‌ ద్వారా అమెరికా వెళ్లాలని ప్లాన్‌ చేశారు వీరు. ఆ ఏజెంట్‌ వడోదరలో తనకు తెలిసిన మరో మధ్యవర్తికి బాధ్యతలు అప్పగించారు. అమెరికా చేర్చేందుకు ఒకొక్కరికి రూ.75 లక్షలు చెల్లించేట్లు ఒప్పందం కుదిరిందని మమత తండ్రి కిరీట్‌భాయ్‌ చౌహాన్‌ తెలిపారు. అయితే ఇథియోపియాకు చేరుకున్న తర్వాత వీరిని బందీలుగా ఉంచి, విడుదలకు రూ.కోటి డిమాండ్‌ చేశారని ఆరోపించారు. కిడ్నాపర్ల డిమాండ్‌ను రిత్విక్‌ తాత కనూభాయ్‌ జన్‌సారి కూడా ధ్రువీకరించారు. రూ.కోటి ‘విమోచన్‌’ సొమ్ములో రూ.60 లక్షలు చెల్లించామని కూడా చెప్పారు. మరిన్ని వివరాలు తెలిపేందుకు నిరాకరించారు. ఈ ముగ్గురి గురించి పోలీసుల వద్ద మిస్సింగ్‌ కంప్లయింట్‌ నమోదైంది. మమత తండ్రి ఫిర్యాదు చేసినట్లు లాంఘ్‌నజ్‌ పోలీస్‌ స్టేషన్‌ ఇన్‌స్పెక్టర్‌ ఏ.ఎం. గెహ్లోట్‌ తెలిపారు. మమత భర్త చిరాగ్‌ కుమార్‌ విద్యార్థి వీసాపై ఆరు నెలల క్రితం అమెరికాకు వెళ్లినట్లు పోలీసులు తెలిపారు. మమత వీసా కోసం చేసిన ప్రయత్నాలు ఫలించలేదని చెప్పారు. దీంతో ఆమె కుటుంబ సభ్యులు ఆమెను అక్రమ మార్గంలో అమెరికాకు పంపేందుకు మధ్యవర్తులను సంప్రదించారని ఇన్‌స్పెక్టర్‌ వివరించారు. మమత, రుత్విక్, మయూరిలు ముగ్గురు సెపె్టంబర్‌ 20న బయలుదేరారని, సెపె్టంబర్‌ 22న కిరీట్‌భాయ్‌ తన కుమార్తె మమతతో మాట్లాడారని, ఆ తర్వాత ఆమె నుంచి ఎలాంటి సమాచారం లేదని ఇన్‌స్పెక్టర్‌ గెహ్లోట్‌ తెలిపారు.

జకార్తా: ఇండొనేసియాలోని బోగోర్‌ ప్రాంతంలోని జైల్లో బుధవారం ఒక రకమైన విధ్వంసం చోటు చేసుకుంది. ఫర్నీచర్‌ ధ్వంసమైంది.. భారీ భారీ ఎల్‌ఈడీ టీవీ స్క్రీన్లు బద్ధలయ్యాయి. బీరు బాటిళ్లు, మద్యం సీసాలు కూడా తుత్తునీయలయ్యాయి!! ఎందుకలా? అంటున్నారా? ఇవన్నీ వీఐపీ ఖైదీల కోసం సొంతంగా చేసుకున్న ఏర్పాట్లు మరి! ప్రభుత్వ అధికారుల ఆకస్మిక తనిఖీలో ఈ విలాసాలన్నీ బయటపడటంతో వాటిని అగమేఘాల మీద ధ్వంసం చేసేశారు. ఇండోనేసియాలోని జావా ద్వీపంలో బాగా కిక్కిరిసి ఉండే జైళ్లలో సిబినాంగ్‌ ఒకటి. దాదాపు 1800 మంది ఖైదీలు ఉంటారిక్కడ. అయితే వీరిలో కొందరికి ఇక్కడ స్పెషల్‌ ట్రీట్మెంట్‌ లభిస్తూంటుంది. జైలు సిబ్బంది చేతులు తడిపితే చాలు. డబ్బు, పరపతి ఉన్నవారికి ఇక్కడ దొరకని సౌకర్యమే లేదు. టీవీలు, ఎయిర్‌ కండీషనర్లు మాత్రమే కాదు సొంతంగా జిమ్‌లు, సోఫాలు, ఆఖరికి ప్రత్యేకమైన స్విమ్మింగ్‌ పూల్, విల్లాలు ఉన్నాయంటే ఈ జైల్లో శిక్ష ఎంత సుఖవంతమైందో అర్థం చేసుకోవచ్చు. నదీ తీరం వెంబడే స్పెషల్‌ విల్లాలు నిర్మించుకుని మరీ వీరు జైలు ‘శిక్ష’ అనుభవిస్తున్నారు. మద్యం గురించైతే చెప్పాల్సిన అవసరమే లేదు. తాగేవారికి తాగినంత! ఇలా కొందరు ఖైదీల జీవితం సుఖంగా సాగిపోతూంటే వారం రోజుల క్రితం ఇండోనేసియా ప్రభుత్వం నియమించిన అధికారులు కొందరు ఆకస్మిక తనిఖీకి విచ్చేశారు. జైల్లో అందుబాటులో ఉన్న విలాసాలు చూసి డిప్యూటీ కమిషన్‌ ఛైర్మన్‌ సుగెయిత్‌ సాంటోసో ముక్కున వేలుసుకున్నారు. ఈ దురి్వనియోగం ఇకపై సాగేందుకు లేదని హుకుం జారీ చేసిన ఆయన ఈ లగ్జరీ ఏర్పాట్లన్నింటినీ ధ్వంసం చేయాలని ఆదేశించారు. తప్పదనుకున్నారో ఏమో... విల్లాలతోపాటు మిగిలిన విలాసాలను కూడా సిబ్బంది ఒక్కటొక్కటిగా తొలగించే పనిలో పడ్డారు. ఇండోనేసియా జైళ్లలో అయిన వారికి కంచాల్లో వడ్డిస్తారని చాలాకాలంగా ఆరోపణలున్నాయి. తాజా ఘటనతో జైళ్ల దుర్వినియోగంపై దేశంలో మరోసారి చర్చ మొదలైంది. సిబినాంగ్‌ జైలు వార్డన్, పలువురు అధికారులను సస్పెండ్‌ చేశారు కానీ.. ఇది కంటితుడుపు చర్యే అన్న అభిప్రాయం వినిపిస్తోంది.

కల్‌బా: గల్ఫ్‌ దేశాల్లో ఇప్పటికే పెద్ద సంఖ్యలో ఉద్యోగావకాశాలు ఉన్నాయని, రానున్న రోజుల్లో అవి మరింత పెరిగే అవకాశం ఉందని లులూ గ్రూప్‌ చైర్మన్‌, మేనేజింగ్‌ డైరెక్టర్‌ ఎం.ఏ. యూసుఫ్‌ అలీ అన్నారు. గల్ఫ్‌లో అవకాశాలు పెరగడం అంటే మలయాళీలకు కూడా మరిన్ని ఉపాధి అవకాశాలు లభించడమేనని పేర్కొన్నారు. కుల, మత భేదాలు లేకుండా అందరికీ ఉపాధి కల్పించే దేశంగా యూఏఈ నిలుస్తోందని ఆయన వ్యాఖ్యానించారు.షార్జాలోని కల్‌బాలో మీడియాతో మాట్లాడిన యూసుఫ్‌ అలీ.. తన వద్ద చిన్న విమానం, హెలికాప్టర్‌, పైలట్‌ ఉన్నారని తెలిపారు. తన దేశానికి లేదా ప్రభుత్వానికి ఎప్పుడైనా వాటి అవసరం ఏర్పడితే అందించేందుకు తాను సిద్ధంగా ఉన్నానని చెప్పారు. అయితే ఇందుకోసం తాను ప్రభుత్వాన్ని ఆశ్రయించి ఎలాంటి ప్రయోజనం కోరబోనని స్పష్టం చేశారు.గల్ఫ్‌లో భారీగా ఉద్యోగాలుఇటీవల ఒక ప్రముఖ కంపెనీ ఉన్నతాధికారితో మాట్లాడిన సందర్భంగా గల్ఫ్‌లో పెద్ద ఎత్తున ఉద్యోగావకాశాలు ఉన్న విషయం తనకు మరింత స్పష్టమైందని యూసుఫ్‌ అలీ తెలిపారు. ఈ అవకాశాలు భవిష్యత్తులో మరింత విస్తరించే అవకాశం ఉందన్నారు. దీంతో గల్ఫ్‌ దేశాల్లో పనిచేస్తున్న మలయాళీలకు, అలాగే అక్కడ ఉద్యోగాలు కోరుకునే వారికి అవకాశాలు పెరిగే అవకాశం ఉందని ఆయన అభిప్రాయపడ్డారు.ఇదే సందర్భంలో కల్‌బా వంటి ప్రాంతాల్లో లులూ ఎక్స్‌ప్రెస్‌ తరహా మరిన్ని సంస్థలను విస్తరించనున్నట్లు కూడా యూసుఫ్‌ అలీ వెల్లడించారు. కాగా, 2026 ఫిబ్రవరిలో కల్‌బాలో లులూ కొత్త హైపర్‌మార్కెట్‌ను ప్రారంభించింది. అది యూఏఈలో లులూ గ్రూప్‌కు 122వ స్టోర్‌గా అప్పట్లో మలయాళ మీడియా పేర్కొంది.

అబుదాబి: యునైటెడ్ అరబ్ ఎమిరేట్స్‌ (UAE)లో వాహనదారులకు ఇంధన ధరల రూపంలో మరోసారి షాక్‌ తగిలింది. అక్టోబర్‌ నెలకు పెట్రోల్‌, డీజిల్‌ ధరలను భారీగా పెంచుతూ యూఏఈ ఇంధన ధరల కమిటీ నిర్ణయం తీసుకుంది. కొత్త ధరలు అక్టోబర్‌ 1, 2026 నుంచి అమల్లోకి వచ్చాయి. సెప్టెంబర్‌తో పోలిస్తే అన్ని రకాల పెట్రోల్‌, డీజిల్‌ ధరలు పెరిగాయి.అక్టోబర్‌లో సూపర్‌ 98 పెట్రోల్‌ ధర లీటరుకు 4.40 దిర్హమ్‌లకు చేరింది. సెప్టెంబర్‌లో ఇది 3.80 దిర్హమ్‌లుగా ఉండగా.. లీటరుకు 0.60 దిర్హమ్‌ పెరిగింది. అంటే సుమారు 15.8 శాతం పెరుగుదల. ఇక స్పెషల్‌ 95 పెట్రోల్‌ ధర 3.69 దిర్హమ్‌ల నుంచి 4.28 దిర్హమ్‌లకు చేరింది. దీంతో లీటరుకు 0.59 దిర్హమ్‌ పెరగ్గా.. పెరుగుదల సుమారు 16 శాతంగా నమోదైంది.అదేవిధంగా ఈ-ప్లస్‌ 91 పెట్రోల్‌ ధర 3.61 దిర్హమ్‌ల నుంచి 4.21 దిర్హమ్‌లకు పెరిగింది. లీటరుకు 0.60 దిర్హమ్‌ పెరగడంతో ఇది 16.6 శాతం పెరిగింది. డీజిల్‌ ధర కూడా 4.30 దిర్హమ్‌ల నుంచి 4.80 దిర్హమ్‌లకు చేరింది. అంటే లీటరుకు 0.50 దిర్హమ్‌ పెరుగుదలతో 11.6 శాతం అధికమైంది.ప్రపంచ చమురు ధరల ప్రభావంయూఏఈలో ఇంధన ధరలను ప్రతి నెలా సమీక్షించి సవరించే విధానం అమల్లో ఉంది. అంతర్జాతీయ ఇంధన మార్కెట్‌లో ధరల కదలికలను పరిగణనలోకి తీసుకుని వచ్చే నెలకు సంబంధించిన రిటైల్‌ ధరలను నెలాఖరులో ఇంధన ధరల కమిటీ ప్రకటిస్తుంది. అక్టోబర్‌ ధరలు కూడా ఈ నెలవారీ ధరల విధానం కిందనే నిర్ణయించినట్లు అధికారిక ప్రకటన తెలిపింది.కాగా సెప్టెంబర్‌లో కూడా యూఏఈలో ఇంధన ధరలు పెరిగాయి. తాజాగా అక్టోబర్‌లో మరింత భారీగా పెరగడంతో వరుసగా రెండో నెలలోనూ వాహనదారులపై ఇంధన భారం పెరిగింది. ఈ-ప్లస్‌ 91 పెట్రోల్‌లో 16.6 శాతం పెరుగుదల నమోదవడం అక్టోబర్‌ నెలలో అన్ని ఇంధన రకాలలో అత్యధికం.

దుబాయ్ నుంచి టెల్ అవీవ్‌కు వెళ్తున్న 'ఫ్లై దుబాయ్' (flydubai) విమానంలో ఏర్పడిన గందరగోళ పరిస్థితికి సంబంధించి ఆ విమానంలో ప్రయాణించిన ప్రయాణీకులు సంచలన విషయాలను వెల్లడించారు. విమానంలోని ఇద్దరు పైలట్ల మధ్య ఘర్షణ, గాలిలో ఏర్పడిన సంక్షోభంమధ్య విమానంసురక్షితంగా ‍ల్యాండ్‌ కావడంతో అంతా ఊపిరిపీల్చుకున్నారు. ఈ సందర్భంగా కొన్ని వివరాలను వారు అంతర్జాతీయమీడియాతో పంచుకున్నారు.దుబాయ్ నుండి టెల్ అవీవ్‌ బయలుదేరిన విమానం జోర్డాన్ గగనతలంలో ప్రయాణిస్తున్న సమయంలో కాక్‌పిట్‌లో ఒక్కసారిగా అలజడి రేగింది. కో-పైలట్ ప్రధాన పైలట్‌పై దాడి చేసి, విమానాన్ని ఉద్దేశపూర్వకంగా కూల్చేయడానికి (సూసైడ్ అటాక్) ప్రయత్నించాడని ప్రయాణికురాలు మిర్యమ్ షిరా ఓహయాన్ ఏజెన్సీ (AFP)కి తెలిపారు. ఆ సమయంలో విమానం దాదాపు అదుపు తప్పిందని, కూలిపోయే ప్రమాదకర స్థితికి చేరుకుందని ఆమె పేర్కొన్నారు. కాక్‌పిట్‌లోకి వెళ్లిన మరో మహిళ అక్కడ విపరీతంగా రక్తపు మరకలు ఉన్నట్లు చూసిందని ఓహయాన్ తల్లి యాస్మిన్ అబుకాసిస్ తెలిపారు. తన తల్లి, యాస్మిన్ అబుకాసిస్, తన కుమార్తె 2023 అక్టోబర్ 7న జరిగిన హమాస్ దాడిలో మరణించిన తన సోదరుడి స్మారక సేవకు హాజరయ్యేందుకు ప్రయాణిస్తోందని చెప్పారు. ఆ ఘటనలో ప్రయాణికులు చనిపోతారని తన కుమార్తె భావించిందని అబుకాసిస్ తెలిపారు. ఇదీ చదవండి: మీరట్ బ్లూ డ్రమ్ కేసు : కోర్టు సంచలన తీర్పుకో-పైలట్ అటాక్ చేయడంతో అప్రమత్తమైన ప్రయాణికులు వెంటనే స్పందించి, సాహసంతో అతన్ని కట్టడి చేయగలిగారు. ప్రయాణికుల సకాలంలో జోక్యంతో విమానం పెను ప్రమాదం నుంచి తప్పించుకుంది. విమానంలో ఉన్న ఒక డాక్టర్, తోటి ప్రయాణికులు గాయపడిన పైలట్లకు, ఇతరులకు ప్రథమ చికిత్స అందించారు. ఈ ఘటనలో ప్రయాణికులకు ఎవరికీ గాయాలు కాలేదు కానీ, విమానం కూలి పోతుందనే భయంతో అందరూ ఆందోళన చెందారు.చివరికి సురక్షితంగా విమానంలో మరో ఇద్దరు పైలట్లు కూడా ఉండటంతో పెద్ద ప్రమాదం తప్పింది. ఈ ఘర్షణ నేపథ్యంలో వారు వెంటనే అప్రమత్తమై విమానాన్ని తమ నియంత్రణలోకి తీసుకుని సౌదీ అరేబియాలోని తబూక్‌కు సురక్షితంగా మళ్లించారు. దీంతో ప్రయాణికులంతా పైలట్లకు కృతజ్ఞతలు తెలిపారు. ఇదీ చదవండి: గజ గజ వణికిన ప్రయాణీకులు : ఎమర్జెన్సీ ల్యాండింగ్‌తో సంబరాలు, వీడియో

దుబాయ్ నుంచి ఇజ్రాయెల్‌లోని టెల్ అవీవ్‌కు బయలుదేరిన 'ఫ్లైదుబాయ్' (flydubai) ప్రయాణికుల విమానంలో అనూహ్య సంఘటనలు చోటు చేసుకున్నాయి. దీంతో విమానం సౌదీ అరేబియాలోని తబూక్ (Tabuk) విమానాశ్రయంలో సురక్షితంగా అత్యవసర ల్యాండ్‌ చేశారు. దీంతో ప్రయాణికుల సంబరాలు చేసుకున్నారు. ఇంత సంక్షోభం మధ్య విమానాన్ని సురక్షితంగా ల్యాండ్‌ చేసిన పైలట్‌కు సిబ్బందికి కృతజ్ఞతలు తెలిపారు. ఈ ఘటనకు సంబంధించిన వీడియోలు నెట్టింట వైరల్‌గా మారాయి.తబూక్ విమానాశ్రయంలో విమానం సురక్షితంగా దిగిన తర్వాత ప్రయాణికులు ఊపిరి పీల్చుకున్నారు. హెబ్రూ భాషలో "మా తండ్రి ఇంకా జీవనే ఉన్నారు" అని అర్థం వచ్చే "ఒడ్ అవిను చాయ్" (Od Avinu Chai) అనే గీతాన్ని పాడుతూ కేరింతలు కొట్టారు. గాయపడిన పైలట్ వీరత్వాన్ని ప్రయాణికులుప్రశంసిస్తూ కనిపిస్తున్నారు. ప్రస్తుతం ప్రయాణీకులందరూ సురక్షితంగా ఉన్నారని, సంబంధిత అధికారులు దీనిపై దర్యాప్తు జరుపుతున్నారని ఎయిర్‌లైన్స్ ధృవీకరించింది.בשירת "עוד אבינו חי": תיעוד מרגעי נחיתת המטוס בסעודיה @akivanovick pic.twitter.com/MmCxbz52ST— כאן חדשות (@kann_news) September 30, 2026పైలట్ల మధ్య గొడవ, వణికిపోయిన ప్యాసింజర్స్‌ ఇజ్రాయెల్ మీడియా, భద్రతా అధికారుల కథనం ప్రకారం, విమాన కాక్‌పిట్‌లో ఇద్దరు పైలట్ల మధ్య వివాదం తలెత్తి అది శారీరక ఘర్షణకు దారితీసింది. ప్రయాణికులు ముందు భాగం నుంచి కేకలు, అరుపులు వినపడినట్లు తెలిపారు. కొంతమంది ప్రయాణీకులు కూడా జోక్యం చేసుకకుని వారిని శాంతింప చేసినట్టు తెలుస్తోంది. గాయపడిన పైలట్‌కు ప్రయాణికులు కాపలాగా ఉన్నారు. ఈ ఘర్షణలో ఒక ప్రయాణికుడి టీ-షర్ట్‌కు రక్తపు మరకలు అయినట్లు ఫొటోలు వైరల్‌ అయ్యాయి. FlightRadar24 డేటా ప్రకారం, దుబాయ్ నుండి బయలుదేరిన సుమారు రెండున్నర గంటల తర్వాత, ఈ విమానం కేవలం నిమిష వ్యవధిలోనే సుమారు 33,000 అడుగుల నుండి 17,000 అడుగులకు అకస్మాత్తుగా పడిపోయింది.#BREAKING🚨 Cockpit video is now outShows a bloody altercation, with one of the pilots seen soaked in bloodA Flydubai flight from Dubai to Tel Aviv was forced to divert to Saudi Arabia after what authorities described as a “violent incident” between two pilotsThe aircraft… pic.twitter.com/p3eIQ58Ndw— Nabila Jamal (@nabilajamal_) September 30, 2026 ఉద్దేశపూర్వక కుట్ర కోణం విమానంలో ఏదో అసాధారణ ఘటన జరగడంతో పాటు ఒక ప్రయాణికుడు వీడియోలో 'విమానం హైజాక్ అయింది' అని చెప్పడంతో ఒక్కసారిగా కలకలం రేగింది. ఇది ఉగ్రదాడి కావచ్చనే అనుమానాలు వ్యక్తమయ్యాయి.పైలట్లలో ఒకరు విమానాన్ని ఉద్దేశపూర్వకంగా కూల్చేయడానికి ప్రయత్నించగా, మరో పైలట్ దాన్ని అడ్డుకున్నారా అనే కోణంలో కూడా అధికారులు ఆరా తీస్తున్నట్లు సమాచారం. అయితే దీనిపై ఎయిర్‌లైన్స్ లేదా సంబంధిత దేశాలు అధికారికంగా ఎలాంటి స్పష్టతా ఇవ్వలేదు.హైజాక్ లేదా ఇజ్రాయెల్ ప్రజలపై దాడి జరిగే అవకాశం ఉందన్న అనుమానంతో ఇజ్రాయెల్ వెంటనే తన యుద్ధ విమానాలను (Fighter jets) గాల్లోకి దించింది. అయితే కొద్దిసేపటి తర్వాత హైజాక్ వార్తలను, అనుమానాలను అధికారులు తోసిపుచ్చారు.ఇదీ చదవండి : మీరట్ బ్లూ డ్రమ్ కేసు : కోర్టు సంచలన తీర్పు

దుబాయ్‌:పశ్చిమాసియాలో మరోసారి తీవ్ర కలకలం రేపిన ఉదంతం వెలుగులోకి వచ్చింది. యూఏఈలోని దుబాయ్ నుంచి ఇజ్రాయెల్‌లోని టెల్ అవీవ్‌కు బయలుదేరిన ‘ఫ్లైదుబాయ్’ విమానంలో పైలట్ల మధ్య తలెత్తిన వివాదం పెను సంచలనానికి దారితీసింది. టేకాఫ్ అయిన కొద్దిసేపటికే ఈ విమానం అత్యవసర సంకేతాలను జారీ చేయడంతో ఏవియేషన్ వర్గాల్లో భయాందోళనలు వ్యక్తమయ్యాయి.ఫ్లైట్ ట్రాకింగ్ డేటా,ది టైమ్స్ ఆఫ్ ఇజ్రాయెల్ నివేదిక ప్రకారం.. విమానం గాల్లో ఉండగానే మొదట అంతర్జాతీయ అత్యవసర సంకేతాన్ని జారీ చేసింది. అయితే ఆ వెంటనే ఆ కోడ్ కాస్తా విమానం హైజాక్‌కు గురైనట్లు తెలిపే ప్రమాదకరమైన ‘హైజాక్ కోడ్’కి మారింది. ఈ అత్యవసర సంకేతం వెలువడే కేవలం రెండు నిమిషాల ముందే, విమానం అకస్మాత్తుగా సుమారు 17,400 అడుగుల మేర కిందకి దిగడం గగనతలంలో తీవ్ర ఉత్కంఠకు గురిచేసింది.రంగంలోకి ఇజ్రాయెల్ యుద్ధ విమానాలు విమానం నుంచి ‘7500’ స్క్వాక్ కోడ్ ప్రసారం కావడంతో ఇజ్రాయెల్ రక్షణ శాఖ ఒక్కసారిగా అప్రమత్తమైంది. వెంటనే ఇజ్రాయెల్ వైమానిక దళానికి చెందిన యుద్ధ విమానాలు ఆ వాణిజ్య విమానం వైపు దూసుకెళ్లాయి. ఫ్లైట్‌రాడార్24 ఫుటేజ్ ప్రకారం.. టెల్ అవీవ్‌కు వెళ్లాల్సిన ఆ విమానం, జోర్డాన్ గగనతలంలోకి దూసుకెళ్లి, ఆపై ఇజ్రాయెల్ వైపు వెళ్లకుండా తిరిగి సౌదీ అరేబియా గగనతలంలోకి మళ్లింది. చివరికి సౌదీలోని పౌర, సైనిక స్థావరమైన తబూక్ విమానాశ్రయంలో అత్యవసరంగా ల్యాండ్ అయింది. ఈ పరిణామాల మధ్య ఇజ్రాయెల్ ప్రధాని బెంజమిన్ నెతన్యాహు కార్యాలయం అత్యవసరంగా స్పందించి పరిస్థితి అదుపులో ఉందని స్పష్టం చేసింది.అసలు కారణం పైలట్ల మధ్య గొడవే భద్రతా అధికారులను ఉటంకిస్తూ వచ్చిన నివేదికల ప్రకారం.. టెర్రర్ అటాక్ అనుకున్న ఈ ఘటనకు అసలు కారణం ఉగ్రవాదం కాదని తేలింది. విమానంలోని ఇద్దరు పైలట్లు (పైలట్, కో-పైలట్) మధ్య కాక్‌పిట్‌లో తలెత్తిన వ్యక్తిగత ఘర్షణే అసలు కారణమని అధికారులు ధృవీకరించారు. అయితే, ఈ ఘటనకు సంబంధించి ఆసక్తికరమైన విషయాలు వెలుగులోకి వచ్చాయి. విమానాన్ని నడిపిన కెప్టెన్ రష్యా దేశస్థుడు కాగా, కో-పైలట్ ఉక్రెయిన్ దేశస్థుడని.. వారిద్దరి మధ్య ఉన్న దేశాల ఉద్రిక్తతల ప్రభావమో లేదా వ్యక్తిగత విభేదాల కారణంగానో ఈ గొడవ జరిగిందని కొన్ని అంతర్జాతీయ మీడియా సంస్థలు (ఛానెల్ 12 వంటివి) నివేదించాయి. ఈ భౌతిక దాడి కారణంగా ఇద్దరు పైలట్లు గాయపడి ఆసుపత్రిలో చేరినట్లు తబూక్ విమానాశ్రయాన్ని నిర్వహిస్తున్న సంస్థ అధికారికంగా వెల్లడించింది.ఊపిరి పీల్చుకున్న ప్రయాణికులు ఎన్నికలకు ముందు శత్రు దేశాల నుంచి దాడులు జరగవచ్చనే హెచ్చరికల నేపథ్యంలో, ఈ విమాన ఘటన కొద్దిసేపు తీవ్ర అలజడి సృష్టించింది. విమానంలో ఉన్న ప్రయాణికులు, సిబ్బంది అందరూ క్షేమంగా ఉన్నట్లు అధికారులు వెల్లడించారు. పైలట్ల వ్యక్తిగత గొడవ కారణంగా ప్రయాణికులు ప్రాణాలను అరచేతిలో పెట్టుకోవాల్సిన పరిస్థితి వచ్చినప్పటికీ.. చివరికి అదృష్టవశాత్తు ఎలాంటి ప్రాణనష్టం జరగకపోవడంతో అందరూ ఊపిరి పీల్చుకున్నారు. ఈ ఘటన ప్రస్తుతం ప్రపంచవ్యాప్తంగా చర్చనీయాంశమైంది.ఇదీ చదవండి : ఘోర ప్రమాదం.. కుప్పకూలిన రష్యా అణు బాంబర్‌ విమానం!

టెహ్రాన్: అంతర్జాతీయ రాజకీయాల్లో ఊహించని సరికొత్త డ్రామా తెరపైకి వచ్చింది. అమెరికాలో మధ్యంతర (మిడ్‌టర్మ్) ఎన్నికల వేళ అగ్రరాజ్య అధ్యక్షుడు డొనాల్డ్ ట్రంప్‌నకు ఇరాన్ గట్టిగానే షాకిచ్చింది.ట్రంప్ పాలనా విధానాలను, ఆయన తీసుకుంటున్న అడ్డగోలు నిర్ణయాలను నేరుగా వ్యతిరేకించాలంటూ ఇరాన్‌కు చెందిన అత్యంత శక్తివంతమైన సైనిక దళం ‘ఇస్లామిక్ రివల్యూషనరీ గార్డ్ కార్ప్స్’ (IRGC) అమెరికన్ ఓటర్లకు ఒక బహిరంగ లేఖను సంధించింది. సరిగ్గా ఎన్నికలకు ఐదు వారాల ముందు విడుదలైన ఈ 25 పేజీల సంచలన లేఖ ఇప్పుడు అమెరికా రాజకీయ వర్గాల్లో తీవ్ర ప్రకంపనలు సృష్టిస్తోంది! ట్రంప్ రాజకీయ భవితవ్యాన్ని ప్రశ్నార్థకం చేస్తూ ఇరాన్ వేసిన ఈ మాస్టర్ ప్లాన్ అగ్రరాజ్యంలో పెద్ద మంటలే రేపుతోంది.అమెరికా-ఇజ్రాయెల్ సంయుక్త దళాలు ఇరాన్‌పై యుద్ధం ప్రారంభించి ఏడు నెలలు గడిచిన తరుణంలో ఈ లేఖ వెలువడడం ప్రాధాన్యం సంతరించుకుంది. అమెరికా పౌరులకు, అక్కడి స్వార్థపూరిత రాజకీయ నాయకత్వానికి మధ్య చాలా తేడా ఉందని ఐఆర్‌జీసీ ఈ లేఖలో ఎత్తిచూపింది. ఇరాన్ సామాన్య ప్రజలు, అమెరికన్ పౌరులు ఇద్దరూ కూడా ఖరీదైన యుద్ధాలను ప్రోత్సహించే లీడర్ల బాధితులేనని వాదించింది. ఇజ్రాయెల్‌కు ట్రంప్ ఇస్తున్న గుడ్డి మద్దతును నిలిపివేయాలని, విదేశీ సైనిక జోక్యాలను తక్షణమే వ్యతిరేకించాలని అమెరికన్లను ఈ లేఖ కోరింది.వాషింగ్టన్ తన ఓటమిని అంగీకరించాలిటెహ్రాన్‌లో జరిగిన విలేకరుల సమావేశంలో ఐఆర్‌జీసీ అధికార ప్రతినిధి జనరల్ హోస్సేన్ మొహెబ్బీ ఈ లేఖపై నిప్పులు చెరిగారు. ప్రస్తుత సంఘర్షణకు తెరపడాలంటే వాషింగ్టన్ తన ఓటమిని అంగీకరించి, సైనిక బలగాలను వెనక్కి తీసుకోవడమే ఏకైక మార్గమని తేల్చిచెప్పారు. అమెరికాలో ప్రస్తుతం రాజకీయ వ్యవస్థ అత్యంత బలహీనంగా ఉన్న తరుణాన్ని దృష్టిలో పెట్టుకునే ఈ లేఖను విడుదల చేశామని ఆయన కుండ బద్దలు కొట్టారు. అణు ఆయుధాల ముసగులో ట్రంప్ చేస్తున్న డ్రామాలన్నీ ప్రపంచాన్ని మోసం చేయడానికేనని, తమ యురేనియం శుద్ధి కేవలం శాంతియుత ప్రయోజనాల కోసమేనని స్పష్టం చేశారు.‘డెత్ టు అమెరికా’ అసలు అర్థం అదే!ఇరాన్ రాజకీయ వ్యవస్థలో తరచూ వినిపించే వివాదాస్పద నినాదం ‘డెత్ టు అమెరికా’పై కూడా ఈ లేఖలో క్లారిటీ ఇచ్చారు. ఈ నినాదం అమెరికన్ ప్రజలను ఉద్దేశించి కాదని, వైట్‌హౌస్‌ను కేంద్రంగా చేసుకుని పాలిస్తున్న ‘దయ్యం లాంటి పాలక వర్గాన్ని’ అంతం చేయాలని కోరుతూ చేసే ప్రార్థన మాత్రమేనని వివరించారు. ఇరాన్‌పై అమెరికా-ఇజ్రాయెల్ వేలాది వైమానిక దాడులు చేసినప్పటికీ, తమ మౌలిక సదుపాయాలను దెబ్బతీశారే తప్ప తాము నిర్దేశించుకున్న ఏ ఒక్క లక్ష్యాన్నీ సాధించలేకపోయాయని, చివరికి అమెరికా సైనిక ఆస్తులకే భారీ నష్టం వాటిల్లిందని ఐఆర్‌జీసీ ఘాటుగా హెచ్చరించింది.ఎన్నికల గండం నుంచి గట్టెక్కేందుకు ట్రంప్ తంటాలు..ఈ ఏడాది నవంబర్‌లో జరగనున్న ఈ మధ్యంతర ఎన్నికలు కేవలం కాంగ్రెస్ స్థానాల కోసమే అయినప్పటికీ, ఇవి పూర్తిగా ట్రంప్ పాలనా తీరుపై ప్రజాభిప్రాయాన్ని తెలిపే రెఫరెండ్‌లా మారాయి. ద్రవ్యోల్బణం,పెరుగుతున్న జీవన వ్యయం వల్ల రిపబ్లికన్ పార్టీకి, ట్రంప్ విధానాలకు వ్యతిరేకత తీవ్రస్థాయిలో పెరుగుతోంది. ఈ ఎన్నికల ఉచ్చు నుంచి బయటపడేందుకు ట్రంప్ తంటాలు పడుతూ.. అమెరికన్ ఓటర్లకు ఏకంగా ఐదు వేల డాలర్లు ఇస్తానంటూ వరాల జల్లు కురిపిస్తున్నారు.వియత్నాం యుద్ధ కాలంలో అమెరికన్ సైనికులను తమ ప్రభుత్వానికి వ్యతిరేకంగా రెచ్చగొట్టడానికి ప్రసారాలను ఉపయోగించిన ‘హనోయ్ హన్నా’తరహా వ్యూహాన్నే ఇప్పుడు ఇరాన్ అచ్చం దింపిందని రాజకీయ విశ్లేషకులు మండిపడుతున్నారు. వాషింగ్టన్ పెద్దలను లైట్‌ తీసుకుని, నేరుగా అమెరికన్ ఓటర్లతోనే ఇరాన్ చక్రం తిప్పుతుండటంతో ట్రంప్‌నకు నిద్రపట్టడం లేదు.మరోవైపు ఇరాన్ కరెన్సీ 'రియల్' విలువ చరిత్రలోనే ఎన్నడూ లేనివిధంగా పడిపోయి, ఒక అమెరికన్ డాలర్‌కు ఏకంగా 25 లక్షల రియల్స్‌కు చేరినప్పటికీ... ఇరాన్ మాత్రం తగ్గేదేలే అన్నట్టు ట్రంప్‌ను వేదికపైనే కార్నర్ చేస్తుండటం ప్రపంచవ్యాప్తంగా హాట్ టాపిక్‌గా మారింది!ఇదీ చదవండి : మూడోసారి అమెరికా అధ్యక్షుడిగా డొనాల్డ్‌ ట్రంప్‌?

రెండో ప్రపంచ యుద్ధం (1945) తరువాత అమెరికా, సోవి యట్‌ యూనియన్‌ల మధ్య ప్రచ్ఛన్న యుద్ధం ప్రారంభమయ్యింది. అందుకు జర్మనీ రాజధాని బెర్లిన్‌ కూడా వేదికైంది. యుద్ధంలో జర్మనీ ఓడిపోయిన తర్వాత అమెరికా, బ్రిటన్, ఫ్రాన్స్, సోవియట్‌ యూనియన్‌ లు జర్మనీని నాలుగు ఆక్రమిత ప్రాంతాలుగా విభజించాయి.అయితే బెర్లిన్‌ అధిక భాగం సోవి యట్‌ ఆధీనంలోని తూర్పు జర్మనీ భూభాగంలో ఉంది. దీంతో నగరంలో పాశ్చాత్య దేశాల ఉనికి సోవియట్‌ యూనియన్‌కు రాజకీయ సమస్యగా మారింది. యుద్ధం కారణంగా బెర్లిన్‌ దెబ్బ తింది. ఇళ్లు, రహదారులు, పరిశ్రమలు ధ్వంసమయ్యాయి. పాశ్చాత్య దేశాలు తమ ఆధీనంలోని ప్రాంతాల ఆర్థిక వ్యవస్థను పునర్నిర్మించేందుకు చర్యలు చేపట్టాయి.1948 జూన్‌లో పాశ్చాత్య దేశాలు తమ ప్రాంతాల్లో కొత్త డాయిచ్‌మార్క్‌ కరెన్సీని ప్రవేశపెట్టాయి. దీనిని సోవియట్‌ యూనియన్‌ వ్యతిరేకించింది. జూన్‌ 24న తూర్పు జర్మనీ మీదుగా పశ్చిమ బెర్లిన్‌ కు వెళ్లే రైలు, రోడ్డు, జల మార్గాలను సోవియట్‌ అధికారులు మూసివేశారు. దీంతో పశ్చిమ బెర్లిన్‌ లో నివసిస్తున్న 20 లక్షలకు పైగా ప్రజలకు ఆహారం, ఇంధనం, మందులు చేరడం కష్టమైపోయింది.మరో ప్రపంచ యుద్ధానికి దారితీసే ఈ పరిస్థితుల్లో అమెరికా అధ్యక్షుడు హ్యారీ ట్రూమన్‌ సైనిక ఘర్షణకు వెళ్లకుండా బెర్లిన్‌ లో పాశ్చాత్య దేశాల ఉనికిని కొనసాగించాలని భావించాడు. దీంతో అక్కడికి ఆకాశ మార్గం (ఎయిర్‌ లిఫ్ట్‌) ద్వారా సరుకులు పంపా లని నిర్ణయించాడు. 1948 జూన్‌ 26న ‘ఆపరేషన్‌ విటిల్స్‌’ పేరుతో ఎయిర్‌లిఫ్ట్‌ను ప్రారంభించారు. బ్రిటన్‌ కూడా రెండు రోజుల తర్వాత తన విమానాలను రంగంలోకి దించింది. మొదట అవస రమైన సరుకులను విమానాల ద్వారా అందించడం అసాధ్యంగా కనిపించింది. కానీ కొద్ది కాలంలోనే విమానాల రాకపోకలను వేగంగా నిర్వహించే వ్యవస్థ ఏర్పడింది.ఆకాశమే రవాణా మార్గం ఆహారం, బొగ్గు, మందులు, నిర్మాణ సామగ్రి వంటి అవస రమైన వస్తువులను నగరానికి తరలించాయి. బొగ్గు ముఖ్యంగా అవసరమైంది. ఎందుకంటే ఇళ్లలో వేడి కోసం మాత్రమే కాకుండా విద్యుత్‌ ఉత్పత్తికి కూడా అది అవసరం. విమానాశ్రయాల్లో సిబ్బంది, మెకానిక్‌లు, పైలట్లు నిరంతరం పనిచేశారు. ఈ ఎయిర్‌ లిఫ్ట్‌లో గెయిల్‌ హాల్వోర్సన్‌ అనే అమెరికన్‌ పైలట్‌ ప్రత్యేకంగా గుర్తింపు పొందాడు. బెర్లిన్‌ చిన్నారుల పరిస్థి తిని చూసిన ఆయన వారికి స్వీట్లు ఇవ్వాలని నిర్ణయించాడు. చిన్న పారాచూట్లకు స్వీట్లు వేలాడదీసి విమానం నుంచి కిందకు వదిలేవాడు. దీంతో ఆయనకు ‘క్యాండీ బాంబర్‌’ అనే పేరు వచ్చింది.బెర్లిన్‌ సంక్షోభం కేవలం ఆహారం, ఇంధనం సమస్యగా మాత్రమే లేదు. సోవియట్‌ మద్దతుదారులు, పాశ్చాత్య దేశాలకు అనుకూలంగా ఉన్న వర్గాల మధ్య విభేదాలు తీవ్రమయ్యాయి. దీన్ని గమనించిన స్టాలిన్‌ నాయకత్వంలోని రష్యా 1949 మే 12న బెర్లిన్‌ దిగ్బంధ నాన్ని ఎత్తివేసింది. అయినా పశ్చిమ బెర్లిన్‌ లో సరిపడా సరుకులు నిల్వ ఉండేలా అమెరికా తదితర దేశాలు ఎయిర్‌లిఫ్ట్‌ను సెప్టెంబర్‌ 30 వరకు కొనసాగించాయి.సుమారు 15 నెలల పాటు సాగిన ఎయిర్‌ లిఫ్ట్‌ కార్యక్రమం ద్వారా ఆహారం, బొగ్గు, మందులు సహా సుమారు 20 లక్షల టన్నులకు పైగా సరుకులు బెర్లిన్‌ కు చేరాయి. ఈ ఆపరేషన్‌లో జరిగిన ప్రమాదాల్లో అమెరికా, బ్రిటన్, జర్మనీకి చెందిన పలువురు ప్రాణాలు కోల్పోయారు. బెర్లిన్‌ ఎయిర్‌ లిఫ్ట్‌ ప్రచ్ఛన్న యుద్ధ చరిత్రలో ఒక ముఖ్యమైన ఘట్టంగా నిలిచింది. ఇది ఒకవైపు సంక్షోభంలో చిక్కుకున్న లక్షలాది ప్రజలకు అవసరమైన సహాయాన్ని అందించింది. మరోవైపు అమెరికా, సోవియట్‌ యూనియన్‌ ల మధ్య పెరుగుతున్న రాజకీయ పోటీని సుస్పష్టం చేసింది. 1949లో పశ్చిమ జర్మనీ, తూర్పు జర్మనీ ప్రత్యేక దేశా లుగా ఏర్పడటంతో జర్మనీ విభజన మరింత స్థిరపడింది.- ఎడిటోరియల్‌ టీమ్‌

మాస్కో: రష్యాలో ఘోర విమాన ప్రమాదం చోటుచేసుకుంది. అణ్వాయుధాలను మోసుకెళ్లే సత్తా ఉన్న రష్యన్ ఎయిర్‌ఫోర్స్‌కు చెందిన శక్తివంతమైన వ్యూహాత్మక బాంబర్ విమానం అమూర్ ప్రాంతంలో కుప్పకూలింది. ఈ దుర్ఘటనలో ఆరుగురు సిబ్బంది మృతి చెందగా, మరొకరు తీవ్రంగా గాయపడ్డారు.రష్యాలోని అమూర్ ప్రాంతంలో రష్యన్ సైన్యానికి చెందిన ప్రసిద్ధ టుపోలెవ్‌ టీయూ-95ఎంఎస్‌ (Tupolev Tu-95MS) బాంబర్ విమానం సాధారణ శిక్షణ నిమిత్తం టేకాఫ్ అయింది. ఉక్రెయిన్‌తో ఉద్రిక్తతలు కొనసాగుతున్నప్పటికీ, ఈ విమానం ఎలాంటి ఆయుధాలను లేదా అణ్వాయుధాలను మోసుకెళ్లట్లేదని రష్యా రక్షణ శాఖ స్పష్టం చేసింది.అమూర్ ప్రాంతంలోని ఉక్రైంకా వైమానిక స్థావురం నుంచి బయలుదేరిన కొద్దిసేపటికే ఈ విమానంలో సాంకేతిక లోపం తలెత్తింది. క్రాస్నోయారోవో గ్రామం సమీపంలో జనావాసాలకు దూరంగా ఉన్న నిర్మానుష్య ప్రాంతంలో ఇది కుప్పకూలింది. ఈ ప్రమాదంలో విమానంలో ఉన్న ఆరుగురు సిబ్బంది ప్రాణాలు కోల్పోగా, మరో వ్యక్తి తీవ్ర గాయాలతో బయటపడ్డాడు. అతన్ని వెంటనే రక్షించి చికిత్స నిమిత్తం ఆసుపత్రికి తరలించారు.విమానం జనావాసాల మధ్య కాకుండా నిర్మానుష్య ప్రాంతంలో కూలడంతో పెను ప్రమాదం తప్పిందని, నేలపై ఎలాంటి ప్రాణ, ఆస్తినష్టం జరగలేదని స్థానిక అధికారులు తెలిపారు. పైలట్లు చివరి నిమిషం వరకు విమానాన్ని నియంత్రించేందుకు శ్రమించినట్లు తెలుస్తోంది. ఈ ప్రమాదానికి ఖచ్చితమైన కారణాలపై రక్షణ శాఖాధికారులు హై లెవల్ విచారణకు ఆదేశించారు.

సాక్షి, న్యూఢిల్లీ: మిడిల్‌ ఈస్ట్‌ ఉద్రిక్తతల నేపథ్యంతో తాజాగా జరిగిన ఓ పరిణామం తీవ్ర కలకలం రేపింది. దుబాయ్‌ నుంచి ఇజ్రాయెల్‌ రాజధాని టెల్‌అవీవ్‌కు వెళ్తున్న ఫ్లైదుబాయ్‌ విమానంలో అత్యవసర పరిస్థితి నెలకొంది. విమానం తొలుత ఎమర్జెన్సీ కోడ్‌ పంపింది. కొద్దిసేపటికే హైజాక్‌ కోడ్‌ పంపడంతో ఆందోళనలు వ్యక్తమయ్యాయి. ఫ్లై దుబాయ్‌ విమానంలో జరిగిన ఘటన ఉగ్రవాద చర్యేనన్న అంశంపై ఇజ్రాయెల్ భద్రతా సంస్థలు దర్యాప్తు చేస్తున్నాయి. ఒమన్‌కు చెందిన సహ పైలట్‌ విమానాన్ని కూల్చేందుకు ప్రయత్నించినట్లు అనుమానిస్తున్నారు. యునైటెడ్ అరబ్ ఎమిరేట్స్‌కు చెందిన ప్రధాన పైలట్‌ సిబ్బంది, కొంతమంది ఇజ్రాయెల్ ప్రయాణికుల సాయంతో అక్కడి పరిస్థితులను తమ అధీనంలోకి తీసుకున్నట్లు ఇజ్రాయెల్ భద్రతా వర్గాలు అంచనా వేస్తున్నాయి. ఈ ఘటనపై సౌదీ అరేబియాలో జరుగుతున్న దర్యాప్తులో ఇజ్రాయెల్ అధికారులు కూడా పాల్గొంటున్నారు. ఫ్లై దుబాయ్‌కి చెందిన ఎఫ్‌జెడ్ 1073 విమానం బుధవారం దుబాయ్ నుంచి ఇజ్రాయెల్‌లోని బెన్ గురియన్ విమానాశ్రయానికి బయలుదేరింది. విమానంలో 174 మంది ప్రయాణికులు ఉండగా, వారిలో 27 మంది చిన్నారులు ఉన్నారు. ప్రయాణంలో భాగంగా విమానం అకస్మాత్తుగా భారీగా కిందికి దిగింది. సుమారు 34,000 అడుగుల ఎత్తు నుంచి కొద్ది సమయంలోనే 14,000 అడుగులకు పడిపోయింది. ఒక దశలో నిమిషానికి 30,976 అడుగుల వేగంతో కిందికి దిగినట్లు విమాన పర్యవేక్షణ వివరాలు చూపించాయి.జోర్డాన్ గగనతలంలోకి ప్రవేశించిన తర్వాత విమానం మొదట అత్యవసర పరిస్థితిని సూచించే 7700 సంకేతాన్ని ప్రసారం చేసింది. అనంతరం విమానాన్ని హైజాక్ చేసినట్లు సూచించే 7500 సంకేతాన్ని పంపింది. దీంతో ఇజ్రాయెల్‌లో భద్రతా వ్యవస్థలు అప్రమత్తమయ్యాయి. వైమానిక దళానికి చెందిన 2 యుద్ధ విమానాలను కూడా గాల్లోకి పంపించారు.కాక్‌పిట్‌లో భారీగా రక్తం విమానం తర్వాత సౌదీ అరేబియా వైపు మళ్లీ, తక్కువ ఎత్తులో ప్రయాణించింది. చివరకు తబూక్ విమానాశ్రయంలో అత్యవసరంగా దిగింది. ప్రయాణికుల కథనాల ప్రకారం కాక్‌పిట్‌లో భారీగా రక్తం కనిపించింది. దుబాయ్‌కు చెందిన విమానయాన సంస్థ కూడా విమానంలో హింసాత్మక ఘటన జరిగినట్లు ధ్రువీకరించింది.విమానంలో ఉన్న మిరియం అనే ప్రయాణికురాలు తెలిపిన వివరాల ప్రకారం.. కాక్‌పిట్‌ నుంచి అరుపులు వినిపించాయని, అక్కడికి వెళ్లినప్పుడు భారీగా రక్తం కనిపించిందని చెప్పారు. ఒక వ్యక్తి పైలట్‌ను చిన్న కత్తితో పొడిచినట్లు ఆమె పేర్కొన్నారు. “విమానం కూలిపోతుందని అనిపించింది. నేను ‘షెమా ఇజ్రాయెల్’ అని అరిచాను” అని ఆమె చెప్పింది. వైద్యుడు, నర్సు పైలట్‌కు ప్రాథమిక చికిత్స అందించారని, ఇజ్రాయెల్ ప్రయాణికులు సిబ్బందితో కలిసి దాడి చేసిన వ్యక్తిని అదుపులోకి తీసుకున్నారని ఆమె వివరించారు. ప్రధాని బెంజమిన్ నెతన్యాహు, రక్షణ మంత్రి ఇజ్రాయెల్ కాట్జ్ ప్రయాణికులను సౌదీ అరేబియా నుంచి తిరిగి తీసుకురావడానికి సైనిక విమానాలను పంపాలని ఆదేశించారు. ఈ ఘటన ఉగ్రవాద చర్యగా నిర్ధారణ అవుతుందా, విమానంలో అసలు ఏం జరిగిందనే అంశాలపై దర్యాప్తు కొనసాగుతోంది. 🚨✈️🇦🇪🇮🇱 Un vol Flydubai reliant Dubaï à Tel-Aviv a déclenché le code d’urgence signalant un possible détournement alors qu’il transportait environ 180 passagers.L’appareil a été dérouté vers l’Arabie saoudite. pic.twitter.com/JCAcaidYT0— KRONIK Insights (@KRONIKInsights) September 30, 2026పైలట్ల మధ్య గొడవ?విమానంలో ఏం జరిగిందన్న దానిపై ప్రాథమికంగా భిన్న కథనాలు వెలువడ్డాయి. కాక్‌పిట్‌లో ఇద్దరు పైలట్ల మధ్య భౌతికంగా గొడవ జరిగినట్లు కొన్ని నివేదికలు పేర్కొన్నాయి. ఈ ఘటన నేపథ్యంలోనే.. నొక్కుకుపోయి ఎమర్జెన్సీ సిగ్నల్‌ పంపినట్లు సమాచారం. 7500 కోడ్‌ సాధారణంగా హైజాక్‌ సమయంలో ఉపయోగిస్తారు. అందుకే ఇజ్రాయెల్‌ అధికారులు తొలుత అప్రమత్తమయ్యారు. అయితే అసలు విమానంలో ఏం జరిగిందన్నది దర్యాప్తులో తేలాల్సి ఉంది.UPDATE: The plane has landed safely in Saudi Arabia. The assessment in Israel is that the emergency signal on the plane was activated during a violent altercation between the pilots in the cockpit, and not due to a highjacking. https://t.co/Cz2W33I5qO— Ariel Oseran أريئل أوسيران (@ariel_oseran) September 30, 2026ఇదీ చదవండి: ఇండియన్‌ సినిమాలు.. ఓ ఆటాడుకుంటున్న ఇరాన్‌!

అమెరికా అధ్యక్షుడు డొనాల్డ్‌ ట్రంప్‌, గూగుల్‌ సీఈవో సుందర్‌ పిచాయ్‌ మధ్య వైట్‌హౌస్‌ వద్ద జరిగిన సరదా సంభాషణ సోషల్‌ మీడియాలో వైరల్‌గా మారింది. టెక్‌ దిగ్గజాలతో భేటీ అనంతరం మీడియాతో మాట్లాడిన ట్రంప్‌.. పిచాయ్‌ను ఉద్దేశించి “ఈయనో మాన్‌స్టర్‌.. కానీ ఎవరికీ తెలియదు” అంటూ వ్యాఖ్యానించారు. దీనికి సుందర్‌ పిచాయ్‌ కూడా ఒక్క నవ్వు నవ్వి బదులిచ్చారు.వైట్‌హౌస్‌ వద్ద మీడియాతో మాట్లాడుతున్న సమయంలో ట్రంప్‌.. పిచాయ్‌ను పిలిచి “సుందర్‌.. ఏమైనా చెబుతావా?” అని అడిగారు. పిచాయ్‌ “ముందుగా థ్యాంక్స్‌...” అని చెప్పబోతుండగానే ట్రంప్‌ ఆయనకు అడ్డుపడ్డారు. “వీళ్లెవరో మీకు అసలు తెలియదు. ప్రపంచంలోనే అత్యంత కీలకమైన వ్యక్తులు వీళ్లు. ఈయన (సుందర్‌ పిచాయ్‌) ఓ మాన్‌స్టర్‌(రాక్షసుడు).. కానీ ఎవరికీ ఈ విషయం తెలియదు” అని ట్రంప్‌ అన్నారు. అంతేకాదు.. ఇలాంటి టెక్‌ దిగ్గజాలకు ప్రతిరోజూ మీడియాతో మాట్లాడాల్సిన అవసరం లేకపోవడం ఎంత మంచి జీవితమో అంటూ వ్యాఖ్యానించారు.“మీకు గుర్తుండాల్సిన పేరు ఒక్కటే.. సుందర్‌” అని పిచాయ్‌ను ఉద్దేశించి ట్రంప్‌ అన్నారు. ట్రంప్‌ వ్యాఖ్యలకు పిచాయ్‌ అలా ఒక నవ్వు నవ్వి సరదాగా స్పందించారు. “నేను మాన్‌స్టర్‌ని అన్నదానికంటే ఇది మంచి ట్యాగ్‌లైన్‌ అవుతుందని ఆశిస్తున్నా” అంటూ అక్కడ నవ్వులు పూయించారు.Trump: This guy (Sundar Pichai) is a monster, and nobody knows him. What a great life! To be a Monster and not have to go through this. All you have to know is — sundarr! Sundar is his name. pic.twitter.com/smlS58lQdW https://t.co/1swuCa4RYT— Nicholas Mugalli (@RealNickMugalli) September 29, 2026ట్రంప్‌ భేటీ సారాంశం ఏంటంటే..వైట్‌హౌస్‌లో ట్రంప్‌.. సుందర్‌ పిచాయ్‌తో పాటు మెటా సీఈవో మార్క్‌ జుకర్‌బర్గ్‌, ఆంత్రోపిక్‌ సీఈవో డారియో అమోడీ, ఎన్విడియా సీఈవో జెన్సెన్‌ హువాంగ్‌, ఓపెన్‌ఏఐ ప్రెసిడెంట్‌ గ్రెగ్‌ బ్రాక్‌మన్‌ తదితర టెక్‌ రంగ ప్రముఖులతో సమావేశమయ్యారు. అధునాతన ఏఐ వ్యవస్థల భద్రత, కంపెనీల అంతర్గత నియంత్రణలు, ప్రమాదాల పర్యవేక్షణ తదితర అంశాలపై చర్చించారు.ఈ సందర్భంగా ‘వైట్‌హౌస్‌ అకార్డ్‌ ఆన్‌ సూపర్‌ ఇంటెలిజెన్స్‌’ పేరుతో స్వచ్ఛంద ఒప్పందాన్ని ప్రకటించారు. ఇందులో ఏఐ మోడళ్లపై అంతర్గత రిస్క్‌ సమీక్షలు, స్వతంత్ర ఆడిట్లు, కంపెనీ బోర్డుల పర్యవేక్షణ వంటి చర్యలు ఉన్నాయి. ఇది ప్రభుత్వ చట్టబద్ధ నియంత్రణ కాకుండా కంపెనీలు స్వచ్ఛందంగా పాటించే భద్రతా ప్రమాణాల ఒప్పందం.అమోడీకి ట్రంప్‌ వార్నింగ్‌?సమావేశంలో ఆంత్రోపిక్‌ సీఈవో డారియో అమోడీ(Dario Amodei)తోనూ ట్రంప్‌ సరదాగా మాట్లాడారు. అమోడీని తన పక్కకు పిలిచిన ట్రంప్‌.. “ఆయన ఓకే అని మాత్రమే చెప్పారు” అంటూ వ్యాఖ్యానించి, వెంటనే “బీ కేర్‌ఫుల్‌” అని హెచ్చరించినట్లు నవ్వుతూ చెప్పారు.అధునాతన ఏఐ వల్ల మానవాళికి ప్రమాదాలు ఉండొచ్చని అమోడీ గతంలో చేసిన వ్యాఖ్యల నేపథ్యంలో ట్రంప్‌ ఈ సరదా వ్యాఖ్య చేసినట్లు తెలుస్తోంది. దీనిపై అమోడీ కూడా నవ్వుతూ.. ఏఐ రేసులో అమెరికా ముందుండాల్సిన అవసరం ఉందని, అదే సమయంలో టెక్నాలజీని సురక్షితంగా అభివృద్ధి చేసేందుకు అందరూ కలిసి పనిచేయాలని చెప్పారు.‘సూపర్‌ ఇంటెలిజెన్స్‌’పై పిచాయ్‌ ఏమన్నారంటే..ఏఐకి సూపర్‌ ఇంటెలిజెన్స్‌గా ట్రంప్‌ నామకరణం చేసిన సంగతి తెలిసిందే. సమావేశం అనంతరం పిచాయ్‌ సోషల్‌ మీడియాలో స్పందిస్తూ.. ట్రంప్‌, ఇతర టెక్‌ నాయకులతో ముఖ్యమైన చర్చ జరిగిందని, వైట్‌హౌస్‌ అకార్డ్‌ ఆన్‌ సూపర్‌ ఇంటెలిజెన్స్‌పై సంతకం చేసినట్లు తెలిపారు. ఏఐ అభివృద్ధిలో తగిన పరీక్షలు, మూల్యాంకనాలు, రెడ్‌ టీమింగ్‌, దుర్వినియోగం నివారణకు భద్రతా చర్యలను కొనసాగిస్తామని చెప్పారు. ఈ రంగంలో ఆవిష్కరణలు కొనసాగిస్తూనే బాధ్యతాయుతమైన అభివృద్ధి, భద్రతా ప్రమాణాల విషయంలో ఇతర సంస్థలతో కలిసి పనిచేస్తామని పిచాయ్‌ పేర్కొన్నారు.ఇదీ చదవండి: ఏఐకి కొత్త పేరు పెట్టిన ట్రంప్‌

భారతీయ సినిమాలతో ఇరాన్‌ చేస్తున్న ‘మీమ్‌ డిప్లమసీ’ ఇప్పుడు మరో లెవల్‌కు చేరింది. మొన్న బాలకృష్ణ ‘భగవంత్‌ కేసరి’.. నిన్న ప్రభాస్‌ ‘బాహుబలి’.. ఇప్పుడు ఏకంగా బాలీవుడ్‌ క్లాసిక్‌ ‘షోలే’లోని థాకూర్‌ బల్దేవ్‌ సింగ్‌ను రంగంలోకి దించింది. ఈసారి ఇరాన్‌ టార్గెట్‌ అమెరికా కాదు.. ఐక్యరాజ్యసమితి (ఐరాస). యుద్ధాలు, అంతర్జాతీయ సంక్షోభాల సమయంలో ఐరాస సమర్థంగా డీల్‌ చేయలేకపోతోందంటూ తన అభిప్రాయాన్ని ఓ వ్యంగ్య మీమ్‌ ద్వారా చెప్పింది. భారత్‌లోని ఇరాన్‌ రాయబార కార్యాలయం ఎక్స్‌లో ఓ మీమ్‌ను పోస్టు చేసింది. అందులో రెండు ఫొటోలను పక్కపక్కన పెట్టింది. మొదటి ఫొటోలో మార్వెల్‌ సూపర్‌హీరో డాక్టర్‌ స్ట్రేంజ్‌ను పలు చేతులతో చూపించింది. దానిపై స్కూల్‌ పుస్తకాల ప్రకారం ఐక్యరాజ్య సమితి అని రాసింది. అంటే పుస్తకాల్లో ఐరాసకు ప్రపంచ సమస్యలను పరిష్కరించేంత శక్తి, అనేక మార్గాల్లో పనిచేసే సామర్థ్యం ఉన్నట్లు చూపిస్తున్నారనే కోణం. అదే పక్కన ‘షోలే’లోని థాకూర్‌ బల్దేవ్‌ సింగ్‌ ఫొటోను పెట్టింది. షోలే చిత్రంలో గబ్బర్‌ చేతిలో చేతులు కోల్పోయిన థాకూర్‌ పాత్ర కింద యూఎన్‌ ఇన్‌ రియాలిటీ అని క్యాప్షన్‌ ఇచ్చింది. అంటే వాస్తవ పరిస్థితుల్లో పెద్ద అంతర్జాతీయ సంక్షోభాలపై చర్య తీసుకునే విషయంలో ఐరాస ‘చేతులు కట్టేసిన’ సంస్థలా ఉందన్నది ఇరాన్‌ వ్యంగ్య సందేశం. UN according to school booksUN in reality pic.twitter.com/GQ4gOG8fC0— Iran in India (@Iran_in_India) September 29, 2026ఆరాఘ్చీ విమర్శల వేళ..ఈ మీమ్‌ రావడానికి ముందు ఇరాన్‌ విదేశాంగ మంత్రి అబ్బాస్‌ ఆరాఘ్చీ ఐరాస సెక్రటరీ జనరల్‌ ఆంటోనియో గుటెరస్‌తో సమావేశమయ్యారు. అమెరికా, ఇజ్రాయెల్‌ చర్యలపై ఐరాస తగినంతగా స్పందించడం లేదని అరాఘ్చీ విమర్శించినట్లు ఇరాన్‌ మీడియా తెలిపింది. యూఎన్‌ చార్టర్‌, అంతర్జాతీయ చట్టాల ఉల్లంఘనల విషయంలో ప్రపంచ సంస్థ మౌనం వహించకూడదని, అమెరికా నుంచి వస్తున్నాయని ఇరాన్‌ పేర్కొంటున్న బెదిరింపులను ఐరాస స్పష్టంగా ఖండించాలని ఆయన కోరినట్లు సమాచారం. అయితే తాజా మీమ్‌లో ఇరాన్‌ ఏదైనా నిర్దిష్ట ఐరాస తీర్మానం లేదంటే ఒక్క ఘటనను నేరుగా ప్రస్తావించలేదు. ప్రపంచ సంక్షోభాల సమయంలో ఐరాసకు ఉన్న అధికారిక పాత్రకు, ఆచరణలో అది చూపగల ప్రభావానికి మధ్య వ్యత్యాసం ఉందన్న తన విమర్శను మాత్రమే మీమ్‌ రూపంలో వ్యక్తం చేసింది. భారతీయ సినిమాలే ఎందుకు?ఇరాన్‌ దౌత్య కార్యాలయాలు భారతీయ సినిమాలను తమ డిజిటల్‌ ప్రచారంలో ఉపయోగించడం ఇటీవల వరుసగా కనిపిస్తోంది. సెప్టెంబర్‌ 27న హైదరాబాద్‌లోని ఇరాన్‌ కాన్సులేట్‌ ప్రభాస్‌ నటించిన ‘బాహుబలి’ యుద్ధ సన్నివేశాన్ని పోస్టు చేసింది. ఇరాన్‌ అధ్యక్షుడు మసూద్‌ పెజెష్కియాన్‌ ఐరాస ప్రసంగంలో ‘తలవంచబోం’ అన్న సందేశాన్ని బాహుబలి పోరాటంతో పోల్చింది. అంతకుముందు బాలకృష్ణ నటించిన ‘భగవంత్‌ కేసరి’ సన్నివేశాన్ని.. ట్రంప్‌పై సెటైరిక్‌గా ఇరాన్‌ దౌత్య వర్గాలు ఉపయోగించాయి. ఇప్పుడు ‘షోలే’లోని థాకూర్‌ పాత్రతో ఐరాసపై సెటైర్‌ చేయడం ద్వారా భారతీయ పాప్‌ కల్చర్‌ను మరోసారి తన అంతర్జాతీయ సందేశానికి వాడుకుంది.మీమ్‌ డిప్లమసీకి కొత్త రూపంసాధారణంగా దేశాలు అంతర్జాతీయ వివాదాలపై ప్రకటనలు, ప్రెస్‌నోట్లు, అధికారిక ప్రసంగాల ద్వారా తమ వైఖరిని వెల్లడిస్తాయి. ఇరాన్‌ మాత్రం సోషల్‌ మీడియాలో మీమ్స్‌, సినిమాల సన్నివేశాలు, వ్యంగ్య వీడియోలను ఉపయోగిస్తూ తన సందేశాన్ని ప్రజలకు చేరువ చేస్తోంది. ఇటువంటి పోస్టులు క్లిష్టమైన భౌగోళిక రాజకీయ అంశాలను సులభమైన, వెంటనే అర్థమయ్యే విజువల్స్‌గా మార్చుతున్నాయి. ఇదీ చదవండి: ట్రంప్‌ సంచలన నిర్ణయంతో కొత్త చర్చ!

మార్గమధ్యలో ఇబ్బందులు ఎదురయ్యే అవకాశం ఉందని ముందే హెచ్చరించారు. కానీ అత్యుత్సాహంతో ఆ సూచనను పట్టించుకోలేదు. తీరా హైవేపైకి చేరుకున్నాక ఊహించని షాక్‌ ఎదురైంది. ప్రాణభయంతో వణికిపోతూ.. ‘బతుకు జీవుడా’ అంటూ ఎలాగోలా బయటపడ్డారు. చివరికి గమ్యస్థానానికి చేరేసరికి చేతిలో డబ్బుల్లేవు.. ఫోన్లూ లేవు.. దాదాపు బికారీలుగా మిగిలిపోయారు!పాకిస్థాన్‌లోని బలూచిస్థాన్‌ హైవేపై కరాచీ ఫుట్‌బాల్‌ జట్టుకు ఊహించని చేదు అనుభవం ఎదురైంది. క్వెట్టాలో జరగనున్న చీఫ్‌ మినిస్టర్స్‌ గోల్డ్‌ కప్‌ టోర్నమెంట్‌లో పాల్గొనేందుకు వెళ్తున్న కరాచీ డిస్ట్రిక్ట్‌ వెస్ట్‌ ఫుట్‌బాల్‌ టీమ్‌ బస్సును బలూచ్‌ సాయుధులు అడ్డగించారు. ఆటగాళ్లను తుపాకులతో బెదిరించి బస్సు నుంచి కిందకు దింపి.. నగదు, మొబైల్‌ ఫోన్లు, విలువైన వస్తువులను దోచుకెళ్లారు. ఈ ఘటన సోమవారం సాయంత్రం మస్తుంగ్‌–సారియాబ్‌ మధ్య చోటుచేసుకుంది.సుమారు 12 మంది సాయుధులు బస్సును అడ్డగించినట్లు వార్తా సంస్థ పీటీఐ తెలిపింది. బస్సులో ఉన్న వారందరినీ కిందకు దిగాలని ఆదేశించిన దుండగులు.. ఒక్కొక్కరి వద్ద ఉన్న మొబైల్‌ ఫోన్లు, నగదు, ఇతర విలువైన వస్తువులను తీసుకున్నారు. కొందరు ప్రయాణికులను తుపాకుల మడమలతో కొట్టినట్లు టీమ్‌ మేనేజర్‌ జుల్ఫికార్‌ అలీ భుట్టో తెలిపారు. దోపిడీ తర్వాత బస్సును వదిలేయడంతో జట్టు క్వెట్టాకు చేరుకుంది. అయితే అప్పటికే ఆటగాళ్ల వద్ద కనీస ఖర్చులకు కూడా డబ్బులు లేకుండా పోయాయి. విషయం తెలుసుకున్న బలూచిస్థాన్‌ క్రీడల మంత్రి.. ఆటగాళ్లకు రోజువారీ ఖర్చుల కోసం డబ్బులు అందేలా ఏర్పాట్లు చేసినట్లు సమాచారం.ముందే హెచ్చరించారు.. అయినా వెళ్లారు!అసలు ట్విస్ట్‌ ఇక్కడే. క్వెట్టాకు రోడ్డు, రైలు మార్గంలో వెళ్లొద్దని ఫుట్‌బాల్‌ అధికారులు ముందే హెచ్చరించినట్లు సింధ్‌ ఫుట్‌బాల్‌ అసోసియేషన్‌ కార్యదర్శి మహమ్మద్‌ అజమ్‌ తెలిపారు. భద్రతా పరిస్థితుల దృష్ట్యా సింధ్‌ జట్టును కూడా టోర్నమెంట్‌కు పంపలేదని చెప్పారు. కరాచీలోని ఇతర క్లబ్‌లకు కూడా బస్సు, రైలు మార్గాల్లో క్వెట్టాకు వెళ్లొద్దని సూచించినట్లు వెల్లడించారు. అయితే కరాచీ డిస్ట్రిక్ట్‌ వెస్ట్‌ జట్టు మాత్రం క్వెట్టాకు బయలుదేరింది. చివరకు తాము భయపడిన ఘటననే ఎదుర్కోవాల్సి వచ్చిందని అజమ్‌ పేర్కొన్నారు. పంజాబ్‌, ఖైబర్‌ పఖ్తూన్‌ఖ్వా ఫుట్‌బాల్‌ సంఘాలు కూడా తమ జట్లను ఈ టోర్నమెంట్‌కు పంపలేదని తెలిపారు.A Karachi football team travelling to Quetta for the Chief Minister’s Gold Cup tournament was robbed at gunpoint by armed men on a highway in Balochistan. The attackers stopped the team’s bus between Mastung and Sariab, forced passengers off and took their phones, cash and other… pic.twitter.com/X3RKENEwZL— Firstpost (@firstpost) September 29, 2026హైవేపై వరుస ఘటనలుబలూచిస్థాన్‌లోని హైవేలపై భద్రతా పరిస్థితి ఎంత ఆందోళనకరంగా ఉందో ఈ ఘటన మరోసారి బయటపెట్టింది. మస్తుంగ్‌–క్వెట్టా మార్గం సాయుధ గ్రూపుల కార్యకలాపాలకు సున్నిత ప్రాంతంగా మారిందని తాజా నివేదికలు పేర్కొంటున్నాయి. ఫుట్‌బాల్‌ జట్టుపై దాడికి కొద్దిరోజుల ముందే డేరా బుగ్టీలో ఇద్దరు స్థానిక క్రికెటర్లను గుర్తుతెలియని వ్యక్తులు అపహరించినట్లు వార్తలు వచ్చాయి.ఇదే సమయంలో కలాట్‌ సమీపంలోని చమన్‌–కరాచీ ఎన్‌-25 హైవేపై సెప్టెంబర్‌ 18–19 రాత్రి భద్రతా దళాలు జరిపిన ఆపరేషన్‌లో 23 మంది అపహృతులను విడిపించామని పాకిస్థాన్‌ సైన్యం తెలిపింది. ఐదుగురు మిలిటెంట్లు హతమైనట్లు ప్రకటించింది. అక్కడి సాయుధులు ప్రయాణికులను కిడ్నాప్‌ చేసి విముక్తి రుసుము వసూలు చేయడం, వాహనాలను దోచుకోవడం కోసం చెక్‌పోస్టు ఏర్పాటు చేసేందుకు ప్రయత్నించారని సైన్యం పేర్కొంది.దోపిడీలతో మిలిటెంట్‌ కార్యకలాపాలకు నిధులు?హైవేలపై దోపిడీలు, అక్రమ వసూళ్లు, కిడ్నాప్‌లు బలూచిస్థాన్‌లో భద్రతా సమస్యగా మారాయి. ఈ తరహా నేరాల ద్వారా మిలిటెంట్‌ కార్యకలాపాలకు నిధులు సమకూరుతున్నాయని బలూచిస్థాన్‌ హోం మంత్రి జియావుల్లా లాంగోవే సెప్టెంబర్‌లో క్వెట్టాలో జరిగిన రౌండ్‌టేబుల్‌ సమావేశంలో ఆరోపించారు. తాజా ఘటనతో క్వెట్టా వెళ్లే మార్గాల్లో భద్రతపై మరోసారి ప్రశ్నలు తలెత్తుతున్నాయి. ముందస్తు హెచ్చరికలు ఉన్నప్పటికీ రోడ్డు మార్గంలో వెళ్లిన కరాచీ ఫుట్‌బాల్‌ జట్టు.. చివరకు తుపాకుల మధ్య దోపిడీకి గురికావడం ఇప్పుడు చర్చనీయాంశంగా మారింది.ఇదీ చదవండి: బంగ్లాకు పాక్‌తో కొత్త తిప్పలు

అమెరికా అధ్యక్షుడు డొనాల్డ్‌ ట్రంప్‌ సంచలన నిర్ణయం తీసుకున్నారు. ఇకపై అమెరికా ప్రభుత్వ అధికారిక వ్యవహారాల్లో ‘కృత్రిమ మేధ’(అర్టిఫీషియల్‌ ఇంటెలిజెన్సీ) అనే పదానికి బదులుగా ‘సూపర్‌ ఇంటెలిజెన్స్‌’ అనే పదాన్ని ఉపయోగించాలని ఆదేశించారు. ఈ మేరకు సెప్టెంబర్‌ 29న ఎగ్జిక్యూటివ్‌ ఆర్డర్లపై సంతకం చేశారు. ‘కృత్రిమ’ అనే పదం ఈ సాంకేతికత సామర్థ్యాన్ని సరిగ్గా ప్రతిబింబించడం లేదని ట్రంప్‌ అభిప్రాయపడ్డారు.ఈ నిర్ణయానికి ముందు శ్వేతసౌధంలో ప్రపంచంలోని ప్రముఖ సాంకేతిక సంస్థల అధిపతులతో ట్రంప్‌ సమావేశమయ్యారు. మెటా అధినేత మార్క్‌ జుకర్‌బర్గ్‌, ఎన్విడియా అధినేత జెన్సన్‌ హువాంగ్‌, ఆంథ్రోపిక్‌ అధినేత డారియో అమోడెయి, ఓపెన్‌ఏఐ అధ్యక్షుడు గ్రెగ్‌ బ్రాక్‌మన్‌, మైక్రోసాఫ్ట్‌ అధినేత సత్య నాదెళ్ల, గూగుల్‌ అధినేత సుందర్‌ పిచాయ్‌, ఎలాన్‌ మస్క్‌ తదితరులు ఈ భేటీలో పాల్గొన్నారు. అత్యాధునిక సాంకేతికత అభివృద్ధి, భద్రత, భవిష్యత్‌ నియంత్రణలపై ఈ సమావేశంలో చర్చించారు.🇺🇸 Rarely has there been a White House table like this one. Elon on Trump's left, Jensen Huang on his right, with Zuckerberg, Pichai, Bezos and other AI builders around them.Trump's message was simple: "We have a very big lead, and we're gonna keep our lead."He called AI…— Edison (@Edison_TechAI) September 29, 2026కంపెనీలే భద్రత చూసుకోవాలిసమావేశం అనంతరం ట్రంప్‌, టెక్‌ సంస్థల అధినేతలు ఒక స్వచ్ఛంద భద్రతా ఒప్పందాన్ని ప్రకటించారు. దీనిని ట్రంప్‌ ‘నైతికంగా కట్టుబడి ఉండే ఒప్పందం’గా అభివర్ణించారు. దీని ప్రకారం సంస్థలు తమ సాంకేతిక వ్యవస్థలను ఎప్పటికప్పుడు పర్యవేక్షించుకోవాలి. అంతర్గత నియంత్రణలు ఏర్పాటు చేసుకోవడంతోపాటు స్వతంత్ర, బాహ్య సంస్థలతో భద్రతా తనిఖీలు చేయించుకోవాలి. సంస్థల పాలక మండళ్లు కూడా ఈ వ్యవస్థల భద్రతను పర్యవేక్షించాల్సి ఉంటుంది.ఇది చట్టం కాదు.. స్వచ్ఛంద ఒప్పందమేటెక్‌ సంస్థలు అంగీకరించిన ఈ పత్రానికి ప్రస్తుతం చట్టబద్ధమైన అమలు బలం లేదు. అంటే నిబంధనలు పాటించకపోతే వెంటనే శిక్షించే విధానం ఇందులో లేదు. అయితే సైబర్‌ భద్రత, జీవ భద్రత, రసాయన సంబంధిత ప్రమాదాలు వంటి అంశాల్లో ప్రమాదాలను గుర్తించి నియంత్రించేందుకు సంస్థలు చర్యలు తీసుకోవాలని ఒప్పందం సూచిస్తోంది. భవిష్యత్తులో అవసరమైతే వీటిలో కొన్ని అంశాలను చట్టాలుగా మార్చే అవకాశం కూడా ఉందని పేర్కొన్నారు.US President Donald Trump, Meta CEO Mark Zuckerberg, Google CEO Sunder Pichai, Elon Musk and other tech giants brief media after meeting on Super Intelligence pic.twitter.com/dcLpatwSxl— ANI (@ANI) September 29, 2026ప్రభుత్వ నియంత్రణ వద్దు.. కృత్రిమ మేధ రంగంపై కొత్తగా కఠినమైన సమాఖ్య నిబంధనలు తీసుకురావడం కంటే కంపెనీలే తమను తాము పర్యవేక్షించుకోవాలన్న వైఖరిని ట్రంప్‌ స్పష్టం చేశారు. ఇప్పటికే ఉన్న చట్టాలు, ప్రభుత్వ సంస్థల ద్వారా అవసరమైన చర్యలు తీసుకోవచ్చని ఆయన అన్నారు. అమెరికా సాంకేతిక రంగంలో చైనా కంటే ముందంజలో ఉండాలంటే అభివృద్ధిపై అధిక నియంత్రణలు విధించడం సరికాదన్నది ట్రంప్‌ వైఖరి.డేటా కేంద్రాలకు భారీ ప్రోత్సాహంఅత్యాధునిక సాంకేతికత అభివృద్ధికి భారీ కంప్యూటింగ్‌ సామర్థ్యం అవసరం. ఇందుకోసం డేటా కేంద్రాల నిర్మాణాన్ని వేగవంతం చేయాలని ట్రంప్‌ కోరుతున్నారు. అయితే ఈ కేంద్రాలు పెద్ద మొత్తంలో విద్యుత్‌ను వినియోగిస్తాయి. దీంతో విద్యుత్‌ డిమాండ్‌ పెరగడం, స్థానిక మౌలిక వసతులపై ఒత్తిడి రావడం, ప్రజలకు విద్యుత్‌ ఖర్చులు పెరిగే అవకాశం ఉండటంపై ఆందోళనలు వ్యక్తమవుతున్నాయి. డేటా కేంద్రాలు ఏర్పాటు చేసే ప్రాంతాలకు టెక్‌ సంస్థలు ఆర్థిక ప్రయోజనాలు కల్పించాలని ట్రంప్‌ సూచించారు.పది మందితో ప్రత్యేక కమిటీ?సూపర్‌ ఇంటెలిజెన్స్‌ రంగాన్ని పర్యవేక్షించేందుకు దాదాపు పది మందితో ప్రత్యేక కమిటీ ఏర్పాటు చేసే ఆలోచనలో ఉన్నట్లు ట్రంప్‌ తెలిపారు. అయితే ఆ కమిటీలో ఎవరుంటారు? దానికి ఎలాంటి అధికారాలు ఉంటాయి? అన్న దానిపై మాత్రం ఆయన స్పష్టత ఇవ్వలేదు. అమెరికా సాంకేతిక ఆధిపత్యాన్ని కొనసాగించేందుకు ఈ రంగంలో వేగంగా అభివృద్ధి అవసరమని ట్రంప్‌ చెబుతున్నారు.భద్రతపై మాత్రం ఆందోళనలుఅత్యాధునిక సాంకేతిక వ్యవస్థలు కొన్ని సందర్భాల్లో వాటికి నిర్దేశించిన పరిమితులను దాటి పనిచేసే అవకాశం ఉందన్న ఆందోళనలు ఇప్పటికే ఉన్నాయి. సైబర్‌ దాడులు, జీవ భద్రత, రసాయన ప్రమాదాలు వంటి అంశాల్లో ఈ సాంకేతికతను దుర్వినియోగం చేసే అవకాశాలపై నిపుణులు హెచ్చరిస్తున్నారు. దీంతో అమెరికా ఇప్పుడు అభివృద్ధి వేగాన్ని పెంచడంతోపాటు భద్రతా నియంత్రణలను ఎలా బలోపేతం చేయాలి అన్న సవాల్‌ను ఎదుర్కొంటోంది.ఇదీ చదవండి: మొరాకోకు తొలి మహిళా ప్రధాని! ఈ ఫాతిమా ఎవరంటే..

సింగపూర్‌: ప్రభుత్వ రికార్డుల భద్రత విషయంలో రాజీపడ్డారన్న కారణంతో సింగపూర్‌లో ఒక భారతీయ ఐటీ కంపెనీ ఉద్యోగికి న్యాయస్థానం రెండేళ్ల జైలు శిక్ష విధించింది. ప్రభుత్వమిచ్చిన ల్యాప్‌టాప్‌లో చట్టవిరుద్ధమైన మార్పులు చేయడంతోపాటు దాన్ని ఇతరులు ఉపయోగించుకునేందుకు అవకాశం కల్పించారన్న మరో రెండు నేరాల్లోనూ నిందితుడు జనార్ధనన్‌ తమిళ్‌ కోవన్‌ (42)ను దోషిగా ప్రకటించింది. కంప్యూటర్ల తయారీ సంస్థ లెనవూలో సర్వీస్‌ డెలివరీ మేనేజర్‌గా పనిచేస్తున్న జనార్ధనన్‌ను 2024 జూన్‌లో సింగపూర్‌ స్టేట్‌ కోర్టుల క్లౌడ్‌ సిస్టమ్స్‌ టీమ్‌ లీడర్‌గా నియమించారు. న్యాయస్థానాలకు సంబంధించిన వేర్వేరు వ్యవస్థలను అప్లికేష్ల నిర్వహణ బాధ్యతలు ఈ టీమ్‌ చూస్తూంటుంది. జనార్ధనన్‌కు ప్రభుత్వం నుంచి లెనవూ థింక్‌ప్యాడ్‌ ల్యాప్‌టాప్‌ ఒకటి ఇచ్చారు. ప్రభుత్వం, లెనవూల నియమ నిబంధనల ప్రకారం ఈ ల్యాప్‌టాప్‌లో అనధికారికంగా ఎలాంటి మార్పులు చేయకూడదు. అయితే గత ఏడాది ఆగస్టు నాలుగున జనార్ధనన్‌ ఈ ల్యాప్‌టాప్‌తో అంతర్జాతీయ సంస్థ నిర్వహించిన ఐటీ కోర్సు పరీక్ష రాసే ప్రయత్నం చేశాడు. అయితే సెక్యూరిటీ కారణాలతో అది సాధ్యం కాలేదు. దీంతో అతడు ఈ ల్యాప్‌టాప్‌ ద్వారానే భారత్‌లో తనకు తెలిసిన హరి బాలన్‌ అనే వ్యక్తిని రిమోట్‌ డెస్‌్కటాప్‌ అప్లికేషన్‌ ద్వారా సంప్రదించాడు. ఐటీ కోర్సు గురించి ఇతడు గతంలోనే హరి బాలన్‌తో వాట్సప్‌లో సంప్రదింపులు జరిపినట్లు ఆధారాలున్నాయి. హరి బాలన్‌తో కనెక్ట్‌ అయిన సమయంలో జనార్ధనన్‌ ల్యాప్‌టాప్‌లో దాదాపు 18,016 కోర్టు డాక్యుమెంట్లు ఉన్నాయి. వీటిల్లో తక్కువ రిస్క్‌ ఉన్న ఫైల్‌ ఒకటి మాత్రమే ఉండగా... మిగిలినవన్నీ చాలా సున్నితమైన వివరాలతో కూడినవి. సింగపూర్‌ స్టేట్‌ కోర్ట్స్‌’ నెట్‌వర్క్‌ తాలూకూ లాగిన్, ఆర్కిటెక్చర్‌ తదితరాలు ఉన్నాయి.గత ఏడాది ఆగస్టు 14న సింగపూర్‌ న్యాయవ్యవస్థ కార్పొరేట్‌ సర్వీసెస్‌ వారు రిమోట్‌ డెస్‌్కటాప్‌ అప్లికేషన్‌ను అక్రమంగా ఇన్‌స్టాల్‌ చేశారని పోలీసులకు ఫిర్యాదు చేయడంతో జనార్ధనన్‌పై కేసు నమోదైంది విచారణ సందర్భంగా జనార్ధనన్‌ తన నేరాన్ని అంగీకరించారు. దీంతో డి్రస్టిక్ట్‌ జడ్జి లొరెయిన్‌ హో అతడికి రెండేళ్ల జైలు శిక్ష విధిస్తూ తీర్పునిచ్చారు.

ఇరాన్‌: అమెరికాతోపాటు పశ్చిమ దేశాలు విధించిన ఆంక్షలతో ఇరాన్‌ ఉక్కిరిబిక్కిరవుతోంది. ఇరాన్‌ కరెన్సీ తీవ్ర ఒత్తిడిని ఎదుర్కోంటోంది. విలువ నానాటికీ పడిపోతోంది. మంగళవారం ఇరాన్‌ కరెన్సీ విలువ అత్యంత కనిష్ట స్థాయికి పడిపోయింది. టెహ్రాన్‌లోని వ్యాపారులు ఒక అమెరికన్‌ డాలర్‌కు 25 లక్షలకు పైగా రియాల్స్‌ను మారకం చేసుకున్నారు. సెప్టెంబర్ 2న ఒక డాలర్‌కు 22 లక్షల రియాల్స్‌ వచ్చాయి. కేవలం 27 రోజుల వ్యవధిలోనే మరోసారి భారీగా పతనం కావడం గమనార్హం. ఈ ఏడాది ఫిబ్రవరిలో పశి్చమాసియాలో యుద్ధం మొదలైంది. ఇరాన్‌పై అమెరికా, ఇజ్రాయెల్‌ సంయుక్తంగా దాడులకు దిగాయి. ఇరాన్‌ సైతం ప్రతిదాడులు సాగిస్తోంది. యుద్ధం మొదలైన తర్వాత ఇరాన్‌ కరెన్సీ పదేపదే కొత్త కనిష్ట స్థాయిలకు చేరుకుంటోంది.

కాసాబ్లాంకా: అరబ్‌ దేశం మొరాకో మొట్టమొదటి మహిళా ప్రధానమంత్రిగా ఫాతిమా జహ్రా మన్సూరీ నియమితులయ్యారు. మొరాకో రాజు మహ్మద్‌–6 మంగళవారం ఈ మేరకు ఈమె పేరును ప్రకటించారు. వృత్తిరీత్యా లాయర్‌ అయిన ఫాతిమా ప్రస్తుతం పట్టణ ప్రణాళిక శాఖ మంత్రిగా పనిచేస్తున్నారు. 2009–2015 సంవత్సరాల్లో మరకేశ్‌ నగర మేయర్‌గా కూడా ఈమె బాధ్యతలు నిర్వర్తించారు. త్వరలోనే ఫాతిమా నూతన ప్రభుత్వాన్ని ఏర్పాటు చేస్తారని రాయల్‌ ప్యాలెస్‌ ఒక ప్రకటనలో తెలిపింది. మొరాకో ఎన్నికల విధానంలో దేశంలోని ఏ ఒక్క పార్టీ కూడా పూర్తి స్థాయి మెజారిటీ సాధించడం కష్టం. ఇటీవల జరిగిన ఎన్నికల్లో ఈమె సారథ్యంలోని అథెంటిసిటీ అండ్‌ మోడర్నిటీ పార్టీ ఎక్కువ సీట్లు సాధించింది. ఫాతిమా సంకీర్ణ ప్రభుత్వాన్ని ఏర్పాటు చేస్తారని భావిస్తున్నారు. అరబ్‌ దేశాల్లో మొదటిసారిగా ట్యునిషియాకు మహిళా ప్రధానిగా నజ్లా బౌడెన్‌ 2021–23 సంవత్సరాల్లో పనిచేశారు.ఇదీ చ‌ద‌వండి: ఫాస్టాగ్‌ వార్షిక పాస్‌ల జోరు.. కీల‌క‌ మైలురాయి

విదేశాలలో ఉన్నత విద్య (మాస్టర్స్ / డాక్టరేట్) అభ్యసించాలనుకునే బీసీ, ఈబీసీ విద్యార్థుల కోసం తెలంగాణ ప్రభుత్వం అమలు చేస్తున్న ‘మహాత్మ జ్యోతిబాపూలే ఓవర్సీస్ విద్యానిధి’ పథకం (ఆగస్టు/సెప్టెంబర్ 2026 - ఫాల్ సెషన్) దరఖాస్తుల గడువును పొడిగించారు. గతంలో చివరి తేదీగా సెప్టెంబరు 30ను పేర్కొన్నారు. అయితే, మరో 15 రోజుల పాటు, అంటే అక్టోబరు 15 వరకు దరఖాస్తు చేసుకోవడానికి గడువు పొడిగించినట్లు వెనుకబడిన తరగతుల సంక్షేమ శాఖ కమిషనర్ బి. బాల మాయాదేవి తెలిపారు. అర్హులైన విద్యార్థులు ఈ అవకాశాన్ని సద్వినియోగం చేసుకోవాలని కోరారు.అర్హతలు* కుటుంబ వార్షిక ఆదాయం: అన్ని మార్గాల ద్వారా కలిపి రూ. 5 లక్షల కంటే తక్కువగా ఉండాలి.* వయోపరిమితి: దరఖాస్తు చేసుకునే సమయానికి 35 సంవత్సరాలు మించరాదు.పరీక్షలలో కనీస అర్హత మార్కులు:* డిగ్రీ (Graduation): కనీసం 60% మార్కులు సాధించి ఉండాలి.* GRE / G-MAT: GRE లో కనీసం 260 మార్కులు లేదా G-MAT లో 500 మార్కులు సాధించాలి.* ఆంగ్ల ప్రావీణ్య పరీక్ష: TOEFLలో 60 మార్కులు లేదా IELTSలో 6.0 బ్యాండ్ లేదా PTEలో 50 మార్కులు పొంది ఉండాలి.రిజిస్ట్రేషన్, పూర్తి వివరాల కొరకు అధికారిక వెబ్‌సైట్ http://www.telanganaepass.cgg.gov.in ను చూడొచ్చు.

2024లో ఫ్లోరిడాలోని పామ్ బేలో ఉన్న మెక్‌కోలమ్ ఇంట్లో జరిగిన జంట హత్యల కేసులో, ఒక టీనేజర్ 'ప్లీ డీల్' (నేరాంగీకార ఒప్పందం) తరువాత జైలు శిక్ష ఖరారైంది. గత ఏడాది జూలైలో తన తల్లి, ఆమె ప్రియుడిని హత్య చేసిన కేసులో దోషిగా తేలిన 18 ఏళ్ల ఫ్లోరిడా యువతి జూలియా గ్రేస్ ఎగ్లర్‌కు (Julia Grace Egler) రాష్ట్ర జైలులో 50 సంవత్సరాల శిక్ష విధించారు.ప్రాసిక్యూషన్‌ ప్రకారం బాధితులు 38 ఏళ్ల కెల్లీ మెక్‌కొల్లమ్, 22 ఏళ్ల మాథ్యూ స్జెజ్‌న్‌రోక్‌గా గుర్తించారు.తల్లి కెల్లీ మెక్‌కోలమ్, మాథ్యూ స్జెజ్న్రాక్ హత్య సమయానికి ఎగ్లర్‌ వయసు 16 ఏళ్లు. ముందుగానే కుట్ర పన్ని, హత్య చేసింది. ఆ దంపతులు ఇంటికి తిరిగి వచ్చే వరకు వేచి ఉండి, "వెల్కమ్ హోమ్" అంటూనే వారిపై కాల్పులు జరిపి చంపేసింది. ఆ తరువాత దొంగతనం జరిగినట్లు నటించిందని ప్రాసిక్యూటర్లు తెలిపారు.అసలు మొదటి డిగ్రీ హత్య అభియోగాలను తగ్గించిన ఒప్పందం ప్రకారం, ఆమె రెండో డిగ్రీ హత్య కింద రెండు కేసుల్లో తన నేరాన్ని అంగీకరించింది. చివరికి న్యాయమూర్తి ఆమెకు 50 సంవత్సరాల జైలు శిక్ష విధించారు. ఇందులో ఆమె శిక్షను సమీక్షించు కోవడానికి ముందు కనీసం 25 సంవత్సరాలు తప్పనిసరిగా జైలు శిక్ష అనుభవించాలి, ఆ తర్వాత 20 సంవత్సరాల పాటు పర్యవేక్షక ప్రొబేషన్ (supervised probation) ఉంటుంది.2024లో కెల్లీ మెక్‌కోలమ్, మాథ్యూ స్జెజ్న్రాక్‌ల మరణాలకు సంబంధించి సెప్టెంబర్ 25న వెలువడిన తీర్పుతో ప్రాసిక్యూషన్ ప్రక్రియ అధికారికంగా ముగిసింది.ఇదీ చదవండి: ఫేక్‌ ఎక్స్‌పీరియన్స్‌తో బురిడీ, నెలకు రూ. 2.80 లక్షలు..కట్‌ చేస్తేఎందుకు హత్యచేసిందిపామ్ బే పోలీసులు, ప్రాసిక్యూటర్ల ప్రకారం, స్జెజ్న్రాక్‌తో తన తల్లి సంబంధం పట్ల ఎగ్లర్ అసంతృప్తిగా ఉండేది. అలాగే ఎగ్లర్ జెండర్ ట్రాన్సిషన్ (లింగ మార్పిడి) అమ్మాయినుంచి అబ్బాయిగా మారాలని అనుకుంది. దీనిపై ఆమె తల్లి స్పందించిన తీరు చుట్టూ ఉన్న వివాదాలు కూడా ఈ కేసు నేపథ్యంతో ముడిపడి ఉన్నాయని అధికారులు పేర్కొన్నారు. ఇదీ చదవండి: రూ. 80 లక్షల నగలు, 28 డ్రెస్సులు, గ్రాండ్‌ వెడ్డింగ్‌ : కానీ సియా ప్లాన్‌..!క్షమాపణ కోరిన యువతి విచారణ సందర్భంగా ఎగ్లర్ క్షమాపణ కోరింది. తాను చేసిన హత్యల పట్ల పశ్చాత్తాపం వ్యక్తం చేస్తున్నానని ఎగ్లర్ చెప్పింది. ఆ తుపాకి అనుకోకుండా అక్కడ ఉండటంతో చిన్నపిల్లగా ఒక తప్పుడు నిర్ణయం తీసుకున్నానని తెలిపింది. ఇది అనుకొని చేసిన పనికాదు. దీనికి ప్రతిరోజూ చింతిస్తున్నాను. పగలు, రాత్రి దుఃఖం నన్ను వెంటాడుతోంది. వాళ్ల ముఖాలే తనను పీడ కలలా వెంటాడుతున్నాయని వాపోయింది. భవిష్యత్తులో సమాజంలోకి తిరిగి వచ్చేందుకు ఒక అవకాశం ఇవ్వాలని కోర్టును అభ్యర్థించింది. నేరాలు జరిగినప్పుడు ఎగ్లర్‌కు 16 ఏళ్లు మాత్రమే కాబట్టి, ఆమె శిక్షను ఎప్పుడు సమీక్షించుకోవచ్చు అనే దానిపై ఈ శిక్షలో నిబంధనలు ఉన్నాయి. స్టేట్ అటార్నీ కార్యాలయం ప్రకారం, ఆమె తన శిక్షా సమీక్షకు అర్హత పొందే ముందు కనీసం 25 సంవత్సరాలు తప్పనిసరిగా జైలులో గడపాలి. జైలు శిక్ష పూర్తయిన తర్వాత, ఎగ్లర్ మానసిక ఆరోగ్య మూల్యాంకనానికి (mental-health evaluation) హాజరుకావాలి, 20 సంవత్సరాల పాటు పర్యవేక్షక ప్రొబేషన్‌ను పూర్తి చేయాల్సి ఉంటుంది.ఇదీ చదవండి: సియా మాజీ లవర్‌ వెలుగులోకి : ఫ్రెండ్‌ చెప్పిన షాకింగ్‌ విషయాలు

బంగ్లాదేశ్‌లోని రూప్పూర్ అణు విద్యుత్ కేంద్రానికి రష్యా నుంచి అణు ఇంధనాన్ని తీసుకెళ్లాల్సిన విమానానికి పాకిస్థాన్ తన గగనతలాన్ని ఉపయోగించుకునేందుకు అనుమతి ఇవ్వలేదు. దీంతో 2026 సెప్టెంబర్ 24న జరగాల్సిన తొలి సరుకు రవాణా వాయిదా పడింది. బంగ్లాదేశ్‌లో దశాబ్దాలుగా కొనసాగుతున్న తీవ్ర విద్యుత్ సంక్షోభం నేపథ్యంలో ఈ పరిణామం చోటుచేసుకుంది.రూప్పూర్ అణు విద్యుత్ ప్రాజెక్టును రష్యా ప్రభుత్వ రంగ అణు ఇంధన సంస్థ రోసాటమ్ నిర్మిస్తోంది. బంగ్లాదేశ్‌కు యురేనియం సరఫరా బాధ్యత కూడా ఆ సంస్థదే. రష్యా నుంచి బయలుదేరే విమానం అజర్‌బైజాన్, కజకిస్థాన్, పాకిస్థాన్, భారత్ మీదుగా ప్రయాణించి ఢాకా చేరాల్సి ఉంది.పాకిస్థాన్ అనుమతి ఇవ్వలేదని బంగ్లాదేశ్ శాస్త్ర, సాంకేతిక శాఖ మంత్రి ఫకీర్ మహబూబ్ అనామ్ ధ్రువీకరించారు. అయితే అనుమతి ఎందుకు నిరాకరించారో ఇస్లామాబాద్ నుంచి తమకు స్పష్టమైన కారణం తెలియలేదని ఆయన తెలిపారు. విమానాశ్రయంలో అన్ని ఏర్పాట్లు పూర్తయిన తర్వాత రోసాటమ్ నుంచి గగనతల అనుమతి రాలేదన్న సమాచారం అందిందని ఆ శాఖ సంయుక్త కార్యదర్శి తౌహిదుల్ ఇస్లామ్ చెప్పారు.తాజా సమాచారం ప్రకారం రోసాటమ్ ప్రత్యామ్నాయ మార్గంలో అణు ఇంధన సరఫరాను పునఃప్రారంభించేందుకు ప్రణాళిక మార్చింది. అక్టోబర్‌లో సరఫరా తిరిగి ప్రారంభం కానుంది. మిగిలిన ఇంధన సరుకులను 7 వేర్వేరు సరుకు విమానాల ద్వారా డిసెంబర్ నాటికి బంగ్లాదేశ్‌కు చేరుస్తామని రోసాటమ్ తెలిపింది. ప్రాజెక్టు షెడ్యూల్‌పై ప్రభావం ఉండదని హామీ ఇచ్చింది.పాకిస్థాన్ హైకమిషన్ మాత్రం ఈ ఘటనకు సాంకేతిక, విధానపరమైన సమస్యలే కారణమని పేర్కొంది. రూప్పూర్ ప్రాజెక్టులో ఇప్పటికే 2 ఏళ్ల ఆలస్యం జరిగింది. ప్రస్తుతం యూనిట్-1లో ఇంధనాన్ని నింపే ప్రక్రియ పూర్తయి, అక్టోబర్‌లో సుమారు 300 మెగావాట్ల విద్యుత్‌ను ప్రయోగాత్మకంగా జాతీయ గ్రిడ్‌కు అందించేందుకు సన్నాహాలు జరుగుతున్నాయి. వాణిజ్య విద్యుత్ ఉత్పత్తి డిసెంబర్‌లో ప్రారంభమవుతుందని అంచనా వేస్తున్నారు.

ఇరాక్‌లోని చివరి సైనిక స్థావరాల నుంచి అమెరికా బలగాలు బుధవారం నాటికి పూర్తిగా వైదొలగనున్నాయి. 20 ఏళ్లకు పైగా సాగిన అమెరికా సైనిక ఉనికి ముగియడాన్ని ఇరాన్‌, దాని మద్దతు ఉన్న సాయుధ వర్గాలు విజయంగా అభివర్ణిస్తున్నాయి. ఈ పరిణామంతో ఇరాక్‌లో ఇరాన్‌ ప్రభావం మరింత పెరగవచ్చని, మరోవైపు ఇస్లామిక్‌ స్టేట్‌ ఉగ్రవాదులు తిరిగి బలపడేందుకు భద్రతాపరమైన ఖాళీ ఏర్పడే అవకాశం ఉందని ఇరాక్‌ భద్రతా నిపుణులు ఆందోళన వ్యక్తం చేస్తున్నారు.అమెరికా బలగాల ఉపసంహరణకు 2024లో అప్పటి అధ్యక్షుడు జో బైడెన్‌ హయాంలో ఒప్పందం కుదిరింది. ప్రస్తుత అధ్యక్షుడు డొనాల్డ్‌ ట్రంప్‌ ప్రభుత్వం ఆ నిర్ణయాన్ని అమలు చేస్తోంది. 2003లో సద్దాం హుస్సేన్‌ను గద్దె దించేందుకు అమెరికా ఇరాక్‌పై దాడి చేసింది. 2011 చివర్లో అమెరికా బలగాలు వెనుదిరిగాయి. అయితే 2014లో ఇస్లామిక్‌ స్టేట్‌ భారీ ప్రాంతాలను స్వాధీనం చేసుకున్న తర్వాత, ఇరాక్‌ భద్రతా బలగాలకు సహాయం చేసేందుకు అమెరికా సైన్యం తిరిగి వచ్చింది. 2014 నుంచి 2017 వరకు ఇస్లామిక్‌ స్టేట్‌పై జరిగిన ప్రధాన పోరులో అమెరికా కీలక పాత్ర పోషించింది.ఇరాక్‌ భద్రతా విశ్లేషకుడు జాసిమ్‌ అల్‌-బహాద్లీ మాట్లాడుతూ.. అమెరికా నేతృత్వంలోని కూటమి వెళ్లిపోవడం వల్ల ఇరాక్‌లో ఇరాన్‌ ప్రభావాన్ని అడ్డుకునే సైనిక సమతుల్యత తొలగిపోతుందని అన్నారు. ఇరాన్‌ అనుకూల మిలీషియా వర్గాలు ఈ పరిణామాన్ని తమ విజయంగా చూపించుకుని భద్రతా నిర్ణయాలు, రాజకీయ వ్యవహారాల్లో మరింత ప్రభావం సాధించేందుకు ప్రయత్నించవచ్చని తెలిపారు. ఇరాకీలకు చారిత్రక విజయంఇరాన్‌ మద్దతు ఉన్న సాయుధ వర్గాల కూటమి ‘ఇస్లామిక్‌ రెసిస్టెన్స్‌ ఇన్‌ ఇరాక్‌’ కమాండర్‌ అబు మోజ్తబా అల్‌-యాసిరి అమెరికా నిష్క్రమణను “ఇరాక్‌ ఇస్లామిక్‌ ప్రతిఘటన వర్గాలకు, ఇరాకీలకు చారిత్రక విజయం, అమెరికా ప్రాజెక్టుకు ఘోర పరాజయం”గా అభివర్ణించారు. సెప్టెంబర్‌ 30న “ఇరాక్‌ చరిత్రలోని చీకటి అధ్యాయం ముగింపును” జరుపుకుంటామని తెలిపారు.అయితే ఫలూజా ప్రాంతానికి చెందిన సున్నీ గిరిజన నేత అబ్దుల్‌రహ్మాన్‌ అల్‌-జుబాయీ మాట్లాడుతూ.. ఇరాక్‌ భద్రతా వ్యవస్థ పూర్తిగా బాధ్యత చేపట్టేందుకు ఇంకా సిద్ధంగా లేదని అన్నారు. అమెరికా నేతృత్వంలోని కూటమి ఈ విధంగా వెళ్లిపోవడం వల్ల ఏర్పడే ఖాళీపై ఇరాకీలు ఆందోళన చెందుతున్నారని చెప్పారు.ఇస్లామిక్‌ స్టేట్‌ కూడా మరోసారి చురుగ్గా మారే ప్రమాదం ఉందని ఇరాక్‌ అధికారులు చెబుతున్నారు. ఆ సంస్థకు ఇప్పటికీ రహస్య కార్యకర్తల నెట్‌వర్క్‌ ఉందని, అమెరికా నిఘా సమాచారం, సాంకేతిక సహాయం, డ్రోన్ల మద్దతు లేకపోవడం ఉగ్రవాదులకు తిరిగి సమూహాన్ని ఏర్పాటు చేసుకునే అవకాశం కల్పించవచ్చని కుర్దిష్‌ కమాండర్‌ సిర్వాన్‌ బర్జానీ తెలిపారు. ఉపసంహరణ నేపథ్యంలో ఆ సంస్థకు చెందిన రహస్య కార్యకర్తల కదలికలు పెరిగినట్లు గమనించామని ఆయన చెప్పారు.ఇరాక్‌ భద్రతా బలగాల ప్రకారం, అమెరికా నిష్క్రమణను లక్ష్యంగా చేసుకుని ఆత్మాహుతి దాడులకు సిద్ధమైనట్లు అనుమానిస్తున్న ఇస్లామిక్‌ స్టేట్‌ ముఠాను గుర్తించారు. అమెరికా బలగాల నిష్క్రమణ తర్వాత ఇరాక్‌లో ఇరాన్‌ ప్రభావం, భద్రతా పరిస్థితి, ఇస్లామిక్‌ స్టేట్‌ కార్యకలాపాలు ఎలా మారతాయన్నది కీలకంగా మారనుంది.

న్యూయార్క్ టైమ్స్ (The New York Times) టెక్ ఎగ్జిక్యూటివ్ 40 ఏళ్ల జొనాథన్ మెక్‌కిన్సే (Jonathan McKinsey) దారుణ హత్య కలకలం రేపింది. కాలిఫోర్నియాలోని ఒక స్పోర్ట్స్ పార్క్‌లో తన వృద్ధ అత్తమామల చేతిలో దారుణ హత్యకు గురయ్యారు. న్యూయార్క్ టైమ్స్ సంస్థలో గేమర్ ఎక్స్‌పీరియన్స్ హెడ్ ఆఫ్ ఇంజనీరింగ్‌గా పనిచేస్తున్న మెక్‌కిన్సే, తాను ట్రాన్స్‌జెండర్ కావడంతో భార్యనుండి విడిపోయారు. ఇదే భార్య , అత్తమామలతో తీవ్రమైన వివాదానికి తీసినట్టు తెలుస్తోంది.కాలిఫోర్నియాలోని డబ్లిన్ స్పోర్ట్స్ గ్రౌండ్స్ పార్కింగ్ స్థలంలో జరిగిన ఈ హత్యకు సంబంధించి పోలీసులు జొనాథన్‌ అత్తమామలైన 76 ఏళ్ల షౌయాంగ్ జాంగ్ (Shouyong Zhang), షిలి చెన్ (Shili Chen) లను అరెస్టు చేశారు. ఆ దంపతులు ఒకరి తరువాత అతనిపై కాల్పులు జరిపి, ఆ తర్వాత ప్రశాంతంగా అక్కడి నుండి వెళ్లిపోయారని ప్రత్యక్ష సాక్షులు చెబుతున్నారు.అయితే ఈ హత్య వెనుక అసలు ఉద్దేశం ఏమిటనేది పోలీసులు ఇంకా వెల్లడించలేదు.జాంగ్ చెన్ బుధవారం కోర్టులో హాజరుకానున్నారు, అక్కడ వారిపై ఉన్న ఆరోపణలను అధికారికంగా ప్రస్తావించే అవకాశం ఉంది.2023 నుండి ఈ వార్తాపత్రికలో పనిచేస్తున్న మెక్‌కిన్సే శనివారం మధ్యాహ్నం జరిగిన కాల్పుల్లో మరణించినట్లు టైమ్స్ ప్రతినిధి ధృవీకరించారు. అతని లింక్డ్‌ఇన్ ప్రొఫైల్ ప్రకారం.. మెక్‌కిన్సే దాదాపు రెండు దశాబ్దాల టెక్ కెరీర్‌ను కలిగి ఉన్నారు. స్ప్లంగ్ (Splunk), కోర్సెరా (Coursera), ఒరాకిల్ (Oracle) వంటి అనేక ప్రముఖ టెక్ కంపెనీలలో ఆయన పనిచేశారు.🚨NEW: New York Times tech exec executed by his elderly Chinese in-laws “who took turns shooting him” in a California parking lotJonathan McKinsey was shot and killed Saturday afternoon in the parking lot of Dublin Sports GroundsTwo masked shooters walked up to McKinsey and… pic.twitter.com/I55SdkTi7z— Unlimited L's (@unlimited_ls) September 28, 2026ఇదీ చదవండి: యూనివర్శిటీ విద్యార్థిని మృతి, లవ్‌ జిహాద్‌ ఆరోపణలు కలకలం కోర్టు రికార్డులను ఉటంకిస్తూ న్యూయార్క్ టైమ్స్ ప్రచురించిన కథనం ప్రకారం, జొనాథన్ అతని భార్య కాండిస్ జాంగ్ (Candice Jang) వేర్వేరుగా నివసిస్తున్నారు. గత ఏడాది అలమెడా కౌంటీలో ఇద్దరూ ఒకరిపై ఒకరు గృహహింస నిరోధక ఉత్తర్వుల (restraining orders) కోసం దరఖాస్తు చేసుకున్నారు.మెక్‌కిన్సే దాఖలు చేసిన రికార్డుల ప్రకారం.. తన ట్రాన్స్ గుర్తింపు కారణంగా భార్య, అత్తమామలు తనను వేధించారని ఆయన ఆరోపించారు. పిల్లల దుస్తుల ఎంపికను బట్టి తన అత్తగారు తనను, తన కుమారులలో ఒకరిని LGBTQ అనీ, రాక్షసుడు అని పిలిచారని ఆయన పేర్కొన్నారు. అలాగే 2010లో తాను డబుల్ మాస్టెక్టమీ (రొమ్ము తొలగింపు) శస్త్రచికిత్స నుండి కోలుకుంటున్న సమయంలో తన మామగారు తన ఛాతిపై పిడికిలితో గుద్దారని కూడా ఆరోపించారు. భార్యకూడా తనతో హింసాత్మకంగా ప్రవర్తించేదని చెప్పారు.2010లో మెకిన్సీ స్త్రీ నుండి పురుషుడిగా మారాడు. 2011లో జాంగ్‌ను వివాహం చేసుకున్నారు. 2013లో జరిగిన మరో గొడవలో తన భార్య తనను ఫ్రైయింగ్ పాన్‌తో కొట్టిందని ఆయన ఆరోపించారు. పిల్లల్ని కూడా జాంగ్ మాటలతో వేధించేవారని కూడా మెక్‌కిన్సే ఆరోపించారు.మరోవైపు, 2025 అక్టోబర్‌లో జాంగ్ దాఖలు చేసిన పిటిషన్‌లో.. ఒక వాదన సందర్భంగా తన భర్త తన ముంజేతులను పట్టుకుని టేబుల్ మూలకు నెట్టడంతో తన పై వీపులో వెన్నుపూస విరిగిపోయిందని ఆరోపించారు. అలాగే మెక్‌కిన్సే తన తల్లిని మానసికంగా వేధించారని కూడా పేర్కొంది. దీంతో 2025లో మెక్‌కిన్సేపై రెండు నేరపూరిత బాలల వేధింపుల కేసులు నమోదయ్యాయి. తన ఆరేళ్ల కొడుకు ముఖంపై ఆయన చేతితో కొట్టాడని, 2018లో జరిగిన గొడవలో ఆమె చేతికి గాయాలు చేశాడని కూడా ఆమె ఆరోపించారు. మెక్‌కిన్సే ఈ నేరాలపై నిర్దోషి అని వాదించారని, పేరెంటింగ్ క్లాసులకు హాజరవ్వాలనే షరతుపై ఆయన జైలు నుండి విడుదలైనట్లు న్యూయార్క్ పోస్ట్ నివేదించింది. ఇదీ చదవండి: రూ. 336 కోట్ల స్కామ్‌ : భారతీయుడికి 11 ఏళ్ల శిక్ష

రష్యాతో జరుగుతున్న యుద్ధంలో ఇతర దేశాల పౌరులు, సైనికుల మోహరింపుపై ఉక్రెయిన్‌ అధ్యక్షుడు వ్లాదిమిర్‌ జెలెన్‌స్కీ ఆరోపణలు చేస్తూనే ఉన్నారు. రష్యా వివిధ దేశాలకు చెందిన పౌరులను యుద్ధంలోకి లాగుతోందని ఇటీవల ఐక్యరాజ్యసమితి వేదికగా ఆయన పేర్కొన్నారు. ఇందులో భారత్‌ సహా పలు దేశాల పేర్లను ప్రస్తావించారు. ఇదే సమయంలో.. రష్యాకు ఉత్తర కొరియా సైనికుల తరలింపు కూడా ఇంకా కొనసాగుతోందని తాజాగా జెలెన్‌స్కీ వెల్లడించారు.రష్యా భూభాగంలో ఇప్పటికే వేల మంది ఉత్తర కొరియా సైనికులు ఉన్నారని.. ఇప్పుడు మరో 10 వేల మందిని పంపేందుకు ప్యాంగ్యాంగ్‌ సన్నాహాలు చేస్తోందని సోమవారం జెలెన్‌స్కీ తెలియజేశారు. కొత్త సమాచారం ఆధారంగా ఈ సైనికులను తొలుత శిక్షణకు ఎంపిక చేస్తున్నారని.. అనంతరం రష్యాకు తరలించనున్నారని పేర్కొన్నారు.కఠిన శిక్షణ.. కట్టుదిట్టమైన క్రమశిక్షణ.. పై అధికారుల ఆదేశాలకు తిరుగులేని విధేయత.. ఉత్తర కొరియా సైనికుల ప్రత్యేకత ఇదే. యుద్ధరంగంలోకి దిగితే వెనక్కి తగ్గకుండా దాడులు చేయడం.. ఆ దాడులు భయానక రీతిలో ఉండడం.. పట్టుబడినా కీలక సమాచారాన్ని బయటపెట్టకుండా మౌనం పాటించడం వారి గురించి తరచూ వినిపించే అంశాలు. పైగా రష్యా అత్యాధునిక సైనిక సాంకేతికతపై పట్టు సాధిస్తూ.. వినూత్న రీతిలో దాడులు చేస్తుంటారు. అందుకే రాక్షస సేనగా దీనిని అభివర్ణిస్తుంటారు.ఉత్తర కొరియా సేనలు ఇలా..ఉక్రెయిన్‌–రష్యా యుద్ధంలో మాస్కోకు మద్దతుగా ఉత్తర కొరియా 2024 నుంచి సైనికులను పంపుతున్నట్లు దక్షిణ కొరియా నివేదికలు ఇస్తోంది. ఇప్పటివరకు 14 వేల నుంచి 15 వేల మంది వరకు ఉత్తర కొరియా సైనికులు రష్యాకు వెళ్లినట్లు అంచనా. వీరిలో ఎక్కువ మందిని ఉక్రెయిన్‌ బలగాలను ఎదుర్కొనేందుకు కుర్స్క్‌ ప్రాంతంలో మోహరించినట్లు సమాచారం. ఈ నివేదికల ఆధారంగానే ఉక్రెయిన్‌..నార్త్‌ కొరియాపై విరుచుకుపడుతూ వస్తోంది.మరో 10 వేల మంది.. ఎందుకు?తాజాగా రష్యా భూభాగంలో 8 వేల మందికి పైగా ఉత్తర కొరియా సైనికులు ఉన్నారని జెలెన్‌స్కీ చెబుతున్నారు. వీరికి అదనంగా మరో 10 వేల మందిని పంపేందుకు సన్నాహాలు జరుగుతున్నాయని ఆయన వెల్లడించారు. ఈ సైనికులను ప్రస్తుతం శిక్షణ కోసం ఎంపిక చేస్తున్నారని.. శిక్షణ పూర్తయ్యాక రష్యాకు తరలించే ప్రక్రియ ఉంటుందని తెలిపారు.సైనికులను పంపడమే కాకుండా ఉత్తర కొరియా రష్యాకు భారీగా ఆయుధాలు, మందుగుండు సామగ్రిని అందిస్తున్నట్లు ఉక్రెయిన్‌ చెబుతోంది. మిలియన్ల కొద్దీ ఆర్టిలరీ, మోర్టార్‌ రౌండ్లతోపాటు బాలిస్టిక్‌ క్షిపణులు, లాంగ్‌రేంజ్‌ ఆర్టిలరీ వ్యవస్థలు, మల్టిపుల్‌ రాకెట్‌ లాంచర్‌ వ్యవస్థలను రష్యాకు సరఫరా చేసినట్లు సమాచారం.50 వేల మందిపై గతంలోనే..ఉత్తర కొరియా నుంచి రష్యాకు మరింత మంది సైనికులు వెళ్లే అవకాశం ఉందని జెలెన్‌స్కీ గతంలోనూ చెప్పారు. ఆగస్టులో ఏకంగా 50 వేల మంది వరకు ఉత్తర కొరియా సైనికులు రష్యా తరఫున యుద్ధంలో పాల్గొనే అవకాశం ఉందని ఆయన పేర్కొన్నారు. తాజాగా మరో 10 వేల మంది కోసం సన్నాహాలు జరుగుతున్నాయని చెప్పడంతో.. రష్యాకు ప్యాంగ్యాంగ్‌ అందిస్తున్న సైనిక సహాయంపై మరోసారి చర్చ మొదలైంది.భారత్‌.. లెక్క వేరే!ఇదిలా ఉండగా.. ఉక్రెయిన్‌–రష్యా యుద్ధంలో భారత్‌ పేరు కూడా ప్రస్తావనకు వస్తోంది. రష్యా 47 దేశాలకు చెందిన పౌరులను మోసపూరిత మార్గాల్లో యుద్ధంలోకి లాగుతోందని జెలెన్‌స్కీ ఆరోపించారు. ఇందులో భారత్‌ కూడా ఉందని పేర్కొన్నారు. భారత విదేశాంగ శాఖకు అందిన సమాచారం ప్రకారం.. ఇప్పటివరకు 227 మంది భారతీయులు రష్యా సాయుధ దళాల్లో చేరగా, వారిలో 139 మందిని డిశ్చార్జ్‌ చేశారు. మరో 51 మంది మరణించినట్లు విదేశాంగ కార్యదర్శి విక్రమ్‌ మిస్రీ వెల్లడించారు.మంచి ఉద్యోగాల పేరుతో ఏజెంట్ల ద్వారా రష్యాకు వెళ్లి.. అక్కడ సైన్యంలోకి వెళ్లాల్సి వచ్చిందని కొందరు భారతీయులు, వారి కుటుంబాలు గతంలో ఆరోపించాయి. అయితే ఈ 227 మంది అందరూ ఏజెంట్ల మోసానికి గురయ్యారని ప్రభుత్వం చెప్పలేదు. మిగిలిన భారతీయులను సైన్యం నుంచి విడుదల చేయించి స్వదేశానికి తీసుకురావడానికి రష్యాతో భారత్‌ పలు స్థాయిల్లో సంప్రదింపులు జరుపుతోంది. ఇలాంటి అక్రమ రిక్రూట్‌మెంట్‌ వ్యవహారాలపై అప్రమత్తంగా ఉండాలని విదేశాంగ శాఖ కూడా హెచ్చరిస్తోంది.దక్షిణ కొరియాతోనూ వివాదంఉత్తర కొరియా సైనికుల అంశం మరో వివాదానికీ దారితీసింది. రష్యా తరఫున పోరాడుతూ ఉక్రెయిన్‌ బలగాలకు చిక్కిన ఇద్దరు ఉత్తర కొరియా సైనికులను ఇటీవల దక్షిణ కొరియాకు బదిలీ చేసినట్లు జెలెన్‌స్కీ వెల్లడించారు. ఈ విషయాన్ని బహిరంగంగా ప్రకటించడంపై సియోల్‌ అభ్యంతరం వ్యక్తం చేసింది. బదిలీని గోప్యంగా ఉంచాలన్న అవగాహన ఉందని దక్షిణ కొరియా చెబుతుండగా.. అలాంటి గోప్యతా ఒప్పందం లేదని ఉక్రెయిన్‌ వాదించింది. ఈ వివాదం కొనసాగుతున్న సమయంలోనే మరో 10 వేల మంది ఉత్తర కొరియా సైనికులను రష్యాకు పంపేందుకు సన్నాహాలు జరుగుతున్నాయని జెలెన్‌స్కీ ప్రకటించడం గమనార్హం.ఇదీ చదవండి: భారత్‌ తల్చుకుంటే.. అమెరికా ఆంక్షలు ఫసక్‌

వాషింగ్టన్‌: అమెరికా రక్షణ శాఖ ప్రధాన కార్యాలయం పెంటగాన్‌కు చెందిన డేటాబేస్‌పై భారీ సైబర్ దాడి జరిగినట్లు వెల్లడైంది. డిఫెన్స్ మాన్‌పవర్ డేటా సెంటర్ (డీఎండీసీ) వ్యవస్థలోకి అక్రమ వినియోగదారులు 2025 అక్టోబర్‌ నుంచి 2026 జూలై వరకు ప్రవేశించినట్లు అధికారులు గుర్తించారు. ఈ దాడిలో 27.6 లక్షల మంది జీవించి ఉన్న వ్యక్తులు, 2.94 లక్షల మంది మరణించిన వ్యక్తులకు సంబంధించిన వ్యక్తిగత వివరాలు బయటపడినట్లు సమాచారం. లీకైన సమాచారంలో పేర్లు, సామాజిక భద్రతా నంబర్లు, పుట్టిన తేదీలు, సంప్రదింపు వివరాలు, ఉద్యోగానికి సంబంధించిన సమాచారం ఉన్నాయి. ఈ డేటా ఎన్‌క్రిప్షన్ లేకుండా ఉండటం వల్ల ప్రమాదం మరింత పెరిగినట్లు తెలుస్తోంది. వ్యవస్థలోని లోపాన్ని గుర్తించిన వెంటనే పెంటగాన్ దాన్ని సరిచేసింది. ఇప్పటివరకు లీకైన సమాచారాన్ని దుర్వినియోగం చేసినట్లు ఎలాంటి ఆధారాలు లభించలేదని అధికారులు చెబుతున్నారు.ఆరు కోట్లకు పైగా రికార్డులుడీఎండీసీ అమెరికా రక్షణ శాఖకు చెందిన ప్రధాన వ్యక్తిగత రికార్డుల కేంద్రం. ఇందులో సైనికులు, రిజర్వ్ సిబ్బంది, పౌర ఉద్యోగులు, కాంట్రాక్టర్లు, పదవీ విరమణ చేసినవారు, మాజీ సైనికులు, సైనిక కుటుంబ సభ్యులకు సంబంధించిన సమాచారం ఉంటుంది. ఈ వ్యవస్థలో ఆరు కోట్లకు పైగా రికార్డులు ఉన్నట్లు సమాచారం. సైనిక సిబ్బంది ఉద్యోగ వివరాలు బయటకు రావడం జాతీయ భద్రత పరంగా ఆందోళన కలిగించే అంశంగా భావిస్తున్నారు. వారి విధులు, బాధ్యతలకు సంబంధించిన సమాచారం శత్రు దేశాలు లేదా సైబర్ నేరగాళ్లకు ఉపయోగపడే అవకాశం ఉంది. సామాజిక భద్రతా నంబర్లు, పుట్టిన తేదీలు వంటి వ్యక్తిగత వివరాలు గుర్తింపు చోరీ, మోసపూరిత సందేశాలు, ఫిషింగ్ దాడులకు ఉపయోగపడే ప్రమాదం ఉంది.బాధిత వ్యక్తులకు ఒక ఏడాది పాటు ఉచిత క్రెడిట్ పర్యవేక్షణ, గుర్తింపు రక్షణ సేవలను అందించనున్నట్లు పెంటగాన్ తెలిపింది. దాడికి పాల్పడిన వారు ఎవరు, వారి ఉద్దేశం ఏమిటన్నదానిపై దర్యాప్తు కొనసాగుతోంది. వ్యవస్థలోని లోపాన్ని జూలై 2026లో గుర్తించిన అనంతరం దాన్ని వెంటనే సరిచేశారు. నెలల తరబడి అక్రమ ప్రవేశం కొనసాగడం అమెరికా ప్రభుత్వ సైబర్ భద్రతా వ్యవస్థపై ప్రశ్నలు లేవనెత్తుతోంది. బలమైన ఎన్‌క్రిప్షన్, క్రమం తప్పని భద్రతా తనిఖీలు, బహుళ-స్థాయి ధృవీకరణ వంటి చర్యలు మరింత పటిష్ఠంగా ఉండాల్సిన అవసరం ఉందని నిపుణులు సూచిస్తున్నారు.ప్రస్తుతం ఆర్థిక నష్టం లేదా లీకైన సమాచారాన్ని దుర్వినియోగం చేసినట్లు ఆధారాలు బయటపడలేదు. అయినప్పటికీ, సైనిక సిబ్బంది అనుమానాస్పద ఫోన్ కాల్స్, ఈమెయిల్స్ పట్ల అప్రమత్తంగా ఉండాలని సూచిస్తున్నారు. దాదాపు 30.5 లక్షల మంది వ్యక్తులకు సంబంధించిన సమాచారం బయటపడటం అమెరికా రక్షణ రంగంలో డేటా భద్రత ప్రాధాన్యతను మరోసారి స్పష్టం చేసింది.ఇదీ చదవండి: దుబాయ్‌లో గుండె జబ్బులు.. భారతీయులే అధికం!

రష్యా నుంచి చమురు కొనుగోలు చేస్తున్న దేశాలకు అమెరికా నుంచి భారీ సుంకాల ముప్పు పొంచి ఉంది. ముఖ్యంగా భారత్‌, చైనా వంటి రష్యా చమురు ప్రధాన కొనుగోలుదారులపై 100 శాతం వరకు సుంకాలు విధించే అధికారం అమెరికా అధ్యక్షుడు డొనాల్డ్‌ ట్రంప్‌కు లభించింది. కొత్తగా తీసుకొచ్చిన ‘లిండ్సే ఓ. గ్రాహం శాంక్షనింగ్‌ రష్యా అండ్‌ ఇరాన్‌ యాక్ట్‌–2026’ మరో రెండు వారాల్లో ఆచరణలోకి వచ్చే చాన్స్‌ ఉంది. దీంతో రష్యా చమురు కొనుగోలు విషయంలో భారత్‌ ఎలాంటి మార్గాన్ని అనుసరిస్తుందన్నది ఆసక్తికరంగా మారింది.ఇక్కడే రష్యా చమురు రంగంలో భారత కంపెనీలకు ఉన్న భారీ వాటా తెరపైకి వస్తోంది. రష్యా ప్రభుత్వ రంగ చమురు దిగ్గజం రోస్‌నెఫ్ట్‌ అనుబంధ సంస్థ అయిన వాంకోర్నెఫ్ట్‌లో భారత ప్రభుత్వ రంగ సంస్థలకు కలిపి 49.9 శాతం వాటా ఉంది. ఓఎన్‌జీసీ విదేశ్‌కు 26 శాతం వాటా ఉండగా.. ఆయిల్‌ ఇండియా, ఇండియన్‌ ఆయిల్‌, భారత్‌ పెట్రోరిసోర్సెస్‌ కలిసి వాంకోర్‌ ఇండియా ద్వారా మరో 23.9 శాతం వాటా కలిగి ఉన్నాయి. మిగిలిన 50.1 శాతం రోస్‌నెఫ్ట్‌ వద్ద ఉంది.అంటే.. భారత్‌ రష్యా నుంచి చమురును కేవలం బయట నుంచి కొనుగోలు చేయడమే కాదు. రష్యాలోని చమురు ఉత్పత్తి ఆస్తిలోనే భారత కంపెనీలకు వాటా ఉంది. ఇప్పుడు అసలు ప్రశ్న.. ఈ వాటా ఆధారంగా భారత్‌ తనకు వచ్చే చమురును ‘భారత చమురు’గా చూపించి అమెరికా ఆంక్షల నుంచి తప్పించుకోగలదా?రష్యా చమురు.. భారత్‌దిగా మారుతుందా?కానే కాదన్నది నిపుణుల అభిప్రాయం. ఒక భారత కంపెనీకి రష్యా చమురు క్షేత్రంలో వాటా ఉన్నంత మాత్రాన.. అక్కడి నుంచి వెలికితీసిన ముడిచమురు భారత మూలం గల చమురుగా మారదు. చమురు ఎక్కడ వెలికితీశారన్నదే దాని మూలాన్ని నిర్ణయిస్తుంది. రష్యాలో ఉత్పత్తి అయితే అది రష్యా మూలం గల క్రూడ్‌గానే ఉంటుంది. ఒకవేళ భారత కంపెనీలు తమ వాటాకు అనుగుణంగా చమురును నేరుగా తీసుకుని భారత్‌కు తరలించినా ఇదే వర్తిస్తుంది. మూడో దేశం మీదుగా పంపినా దాని మూలం మారదు. కాబట్టి 49.9 శాతం వాటా ఉండటం వాణిజ్యపరంగా భారత్‌కు ప్రయోజనం కావచ్చు కానీ.. అమెరికా ఆంక్షల నుంచి ఆటోమేటిక్‌గా మినహాయింపు మాత్రం ఇవ్వదు.మరి ఈ వాటాతో..ఇక్కడే అసలు ట్విస్ట్‌ ఉంది. భారత కంపెనీలకు వాంకోర్నెఫ్ట్‌లో వాటా ఉండటం వల్ల ఉత్పత్తిపై ఆర్థిక హక్కు ఉంటుంది. సాధారణంగా రష్యా కంపెనీ నుంచి మార్కెట్‌లో చమురు కొనుగోలు చేసే బదులు.. వాటాదారుగా ఉత్పత్తిలో తమ వాటాకు సంబంధించిన హక్కును వినియోగించుకునే అవకాశం ఉంటుంది. దీంతో ఒప్పందాలు, చెల్లింపులు, మధ్యవర్తులు, రవాణా వంటి వ్యవహారాల్లో మార్పులు రావచ్చు. అలాగని ఇది అమెరికా ఆంక్షలను తప్పించే ప్రత్యేక మినహాయింపు అని మాత్రం కచ్చితంగా చెప్పలేం. ఏ లావాదేవీకి ఆంక్షలు వర్తిస్తాయన్నది ఉత్పత్తి చేసే సంస్థ, లావాదేవీలోని భాగస్వాములు, చెల్లింపుల విధానం, షిప్పింగ్‌, బీమా తదితర అంశాలపై ఆధారపడి ఉంటుంది. వాంకోర్‌.. వోస్టోక్‌ ఆయిల్‌కు సంబంధమేంటి?ఇక్కడ మరో విషయం అర్థం చేసుకోవాలి. భారత కంపెనీల 49.9 శాతం వాటా మొత్తం వోస్టోక్‌ ఆయిల్‌ ప్రాజెక్టులో కాదు.. వాంకోర్నెఫ్ట్‌లో ఉంది. వాంకోర్‌ చమురు క్షేత్రాలు మాత్రం భారీ వోస్టోక్‌ ఆయిల్‌ ప్రాజెక్టులో భాగంగా ఉన్నాయి. రష్యా సెప్టెంబర్‌లో వోస్టోక్‌ ఆయిల్‌ నుంచి వాణిజ్య చమురు ఎగుమతులను ప్రారంభించింది. ఆర్కిటిక్‌ ప్రాంతంలోని ఈ భారీ ప్రాజెక్టును రష్యా భవిష్యత్తులో కీలక చమురు ఉత్పత్తి కేంద్రంగా అభివృద్ధి చేయాలని చూస్తోంది. దీంతో వాంకోర్నెఫ్ట్‌లో భారత కంపెనీల వాటా మరోసారి చర్చలోకి వచ్చింది. అమెరికా ఆంక్షల మాటేంటి?ఈ పరిణామాలతో అమెరికా ఆంక్షల గండం భారత్‌కు తప్పినట్లేనా?. ఇదే ఈ మొత్తం వ్యవహారంలో కీలకమైన విషయం. భారత్‌కు రష్యా చమురు ఉత్పత్తి ఆస్తిలో 49.9 శాతం వాటా ఉన్నప్పటికీ.. ఆ చమురు రష్యాలోనే వెలికితీస్తున్నారు. అందువల్ల దాని మూలం రష్యాదే. కాబట్టి భారత వాటాను చూపించి అమెరికా కొత్త చట్టం కింద వచ్చే సుంకాలు, ఆంక్షల నుంచి పూర్తిగా బయటపడే మార్గం ఏర్పడిందని చెప్పడానికి ఆధారం లేదు. అంటే.. భారత్‌ చేతిలో ఉన్న 49.9 శాతం వాటా ఒక కీలక వాణిజ్య బలం కావచ్చు. కానీ అదే అమెరికా ఆంక్షలకు కవచంగా మారుతుందా అన్నది మాత్రం అమెరికా నిబంధనల అమలు, లావాదేవీ నిర్మాణం, భవిష్యత్తు నిర్ణయాలపై ఆధారపడి ఉంటుందన్నమాట.ఇదీ చదవండి: ట్రంప్‌ని ఎంత పెద్ద మాట అన్నాడు సర్‌?

అమెరికా–చైనా మధ్య సంబంధాల్లో మరో ఆసక్తికర పరిణామం.. ఓ వైపు తైవాన్‌కు ఆయుధాలు విక్రయిస్తున్న అమెరికా.. మరోవైపు అదే చైనాకు ఆయుధాలు అమ్మే ఆలోచన ఉందా? అన్న ప్రశ్న ఇప్పుడు కొత్త చర్చకు దారితీసింది. అమెరికా అధ్యక్షుడు డొనాల్డ్‌ ట్రంప్‌ చేసిన వ్యాఖ్యలు, చైనాకు ఆయుధాలు విక్రయించడంపై అమెరికా రాయబారి చేసిన ప్రకటనలు పరస్పర విరుద్ధంగా ఉండటంతో గందరగోళం నెలకొంది. అయితే ఈ విషయంలో అమెరికా విదేశాంగ శాఖ మాత్రం స్పష్టత ఇచ్చింది. చైనాకు ఆయుధాలు విక్రయించడాన్ని అమెరికా చట్టం నిషేధిస్తోందని, అలాంటి విక్రయాలకు ఎలాంటి ప్రతిపాదన లేదా ప్రణాళిక లేదని వెల్లడించింది.అసలేం జరిగింది?అమెరికా రాయబారి డేవిడ్‌ పెర్డ్యూ ఫాక్స్‌ న్యూస్‌కు ఇచ్చిన ఇంటర్వ్యూలో కీలక వ్యాఖ్యలు చేశారు. అమెరికా ప్రపంచంలోని ఇతర దేశాలకు ఆయుధాలు విక్రయిస్తున్న విషయాన్ని చైనా అధ్యక్షుడు షీ జిన్‌పింగ్‌తో ట్రంప్‌ ప్రస్తావించారని.. ఒక దశలో ‘మీరు కూడా అమెరికా ఆయుధాలు కొనాలనుకుంటున్నారా?’ అని షీని అడిగినట్లు చెప్పారు. తైవాన్‌కు అమెరికా ఆయుధాల విక్రయాలపై ప్రశ్నకు సమాధానంగా పెర్డ్యూ ఈ వ్యాఖ్యలు చేశారు.ఈ వ్యాఖ్యలపై సోమవారం ట్రంప్‌ను ప్రశ్నించగా.. ‘చైనాకా? మీరు తైవాన్‌ అంటున్నారా?’ అంటూ స్పందించారు. తనకు అలాంటి విషయం గుర్తు లేదని, పెర్డ్యూను అడగాల్సి ఉందన్నారు. అయితే ఆ వెంటనే చైనా.. అమెరికా ఆయుధాలు కొనుగోలు చేయడం బహుశా మంచి ఆలోచనే కావచ్చని వ్యాఖ్యానించారు. ‘అమెరికా పరికరాలు అత్యుత్తమమైనవి కాబట్టి చైనా కొనుగోలు చేయాలనుకోవచ్చు’ అని చెప్పారు. అయితే షీతో అలాంటి ప్రతిపాదనపై చర్చ జరగలేదని స్పష్టం చేశారు.అమెరికా వెంటనే క్లారిటీట్రంప్‌, పెర్డ్యూ వ్యాఖ్యలతో చైనాకు అమెరికా ఆయుధాల విక్రయంపై చర్చ మొదలవడంతో అమెరికా విదేశాంగ శాఖ రంగంలోకి దిగింది. అమెరికా చట్టం చైనాకు ఆయుధాల విక్రయాన్ని నిషేధిస్తోందని.. చైనాకు ఆయుధాలు విక్రయించే ప్రతిపాదన లేదా ప్రణాళిక ఏదీ లేదని స్పష్టం చేసింది. దీంతో ‘కొండను తవ్వి ఎలుకను పట్టిన’ చర్చలా మారుతుందా? అన్న ప్రశ్నలు కూడా వినిపిస్తున్నాయి. ప్రస్తుతానికి అధికారిక అమెరికా వైఖరి మాత్రం చైనాకు ఆయుధాల విక్రయం లేదన్నదే.తైవాన్‌ చుట్టూనే అసలు పంచాయితీఈ మొత్తం వ్యవహారం తైవాన్‌ అంశంతో ముడిపడి ఉంది. తైవాన్‌ను తమ భూభాగంలో భాగంగా భావిస్తున్న చైనా.. దానికి అమెరికా ఆయుధాలు విక్రయించడాన్ని తీవ్రంగా వ్యతిరేకిస్తోంది. మరోవైపు తైవాన్‌ తన రక్షణ సామర్థ్యాన్ని పెంచుకునేందుకు అమెరికా నుంచి ఆయుధాలు కొనుగోలు చేస్తోంది. ఇటీవల ట్రంప్‌-జిన్‌పింగ్‌ భేటీలోనూ తైవాన్‌ అంశం ప్రస్తావనకు వచ్చినట్లు చైనా అధికారిక మీడియా వెల్లడించింది. అమెరికా కూడా తైవాన్‌కు రక్షణ సామర్థ్యాలు కల్పించాల్సిన చట్టపరమైన బాధ్యతలను కలిగి ఉంది. ఈ నేపథ్యంలో చైనాకు అమెరికా ఆయుధాలు విక్రయించే ఆలోచన ఉందన్న మాటలు సహజంగానే ప్రాధాన్యం సంతరించుకున్నాయి. ‘అగ్గికి ఆజ్యం పోసినట్టు’ ట్రంప్‌ వ్యాఖ్యలు ఈ చర్చను మరింత వేడెక్కించాయి.చైనాలో ఏమంటున్నారు?అమెరికా రాయబారి వ్యాఖ్యలపై చైనా నేరుగా స్పందించలేదు. చైనా విదేశాంగ శాఖ ప్రతినిధి గువో జియాకున్‌.. తమ అవసరాలకు అనుగుణంగా దేశ రక్షణ సామర్థ్యాలను బలోపేతం చేసుకుంటున్నామని తెలిపారు. అదే సమయంలో ప్రపంచ శాంతి, స్థిరత్వాన్ని కాపాడేందుకు కట్టుబడి ఉన్నామని చెప్పారు.ఇదిలా ఉండగా.. చైనాకు అమెరికా ఆయుధాల విక్రయం జరిగితే అది దశాబ్దాలుగా కొనసాగుతున్న అమెరికా విధానంలో పెద్ద మార్పుగా పరిగణించాల్సి ఉంటుందని కొందరు విశ్లేషకులు అభిప్రాయపడ్డారు. అయితే ప్రస్తుతం అమెరికా విదేశాంగ శాఖ అలాంటి ప్రతిపాదనేదీ లేదని స్పష్టం చేయడంతో.. ‘చేతులు కాలాక ఆకులు పట్టుకున్నట్టు’ పరిస్థితి రాకుండా అధికారికంగా వ్యవహారం చల్లార్చే ప్రయత్నం చేసినట్లుగా కనిపిస్తోంది. మొత్తంగా ట్రంప్‌ వ్యాఖ్యలు అమెరికా–చైనా–తైవాన్‌ మధ్య ఉన్న సున్నితమైన సమీకరణాలను మరోసారి తెరపైకి తెచ్చాయి.ఇదీ చదవండి: మెట్టు దిగిన ఇరాన్‌.. పశ్చిమాసియాలో కీలక పరిణామాం?

రఖైన్‌: మయన్మార్‌లోని పశ్చిమ రఖైన్‌ రాష్ట్రంలో ఓ రద్దీగా ఉండే మార్కెట్ సమీపంలో సైన్యం జరిపిన వైమానిక దాడిలో 49 మంది మృతి చెందారు. మరో 58 మంది గాయపడ్డారు. మయన్మార్‌ సైన్యంపై పోరాడుతున్న అరాకాన్‌ ఆర్మీ, స్థానిక సహాయక సిబ్బంది ఈ విషయాన్ని వెల్లడించారు. మృతుల్లో వ్యాపారులు, కొనుగోలుదారులు, పాదచారులు ఉన్నట్లు తెలిపారు.క్యాక్టావ్‌ టౌన్‌షిప్‌లో సోమవారం మధ్యాహ్నం ఈ ఘటన చోటుచేసుకుంది. అరాకాన్‌ ఆర్మీ ప్రకారం.. ఓ యుద్ధ విమానం స్థానిక మార్కెట్ సమీపంలో రెండు బాంబులు జారవిడిచింది. ఈ దాడిలో 49 మంది మృతి చెందగా.. 58 మంది గాయపడ్డారు. క్షతగాత్రుల్లో 22 మంది పరిస్థితి విషమంగా ఉన్నట్లు రఖైన్‌కు చెందిన సీనియర్‌ సహాయక అధికారి వై హున్‌ ఆంగ్‌ తెలిపారు. ఈ మార్కెట్‌ రఖైన్‌ రాష్ట్రంలో ప్రధాన టోకు వ్యాపార కేంద్రంగా ఉండటంతో వివిధ ప్రాంతాల నుంచి వ్యాపారులు, కొనుగోలుదారులు ఇక్కడికి వస్తుంటారని ఆయన చెప్పారు.దాడి అనంతరం భవనాలు దెబ్బతిన్నట్లు, వాహనాలు కాలిపోయినట్లు, సమీపంలోని వంతెనలోని కొన్ని భాగాలు ధ్వంసమైనట్లు సామాజిక మాధ్యమాల్లో ప్రచారంలో ఉన్న చిత్రాలు, వీడియోలు చూపిస్తున్నాయి. అయితే ఈ దాడికి సంబంధించిన వివరాలను స్వతంత్రంగా ధ్రువీకరించలేదని వార్తా సంస్థలు తెలిపాయి. మయన్మార్‌ సైన్యం ఈ ఘటనపై వెంటనే స్పందించలేదు. సైన్యం గతంలో తమ వైమానిక దాడులు చట్టబద్ధమైన సైనిక స్థావరాలనే లక్ష్యంగా చేసుకుంటాయని, సాయుధ ప్రతిఘటన బృందాలు ఉగ్రవాదానికి పాల్పడుతున్నాయని ఆరోపించింది.అయితే మార్కెట్‌ ప్రాంతంపై ఉద్దేశపూర్వకంగానే దాడి చేసి భారీగా పౌరుల ప్రాణనష్టానికి కారణమైందని అరాకాన్‌ ఆర్మీ ఆరోపించింది. ఈ దాడులకు ప్రత్యక్షంగా బాధ్యులైన వ్యక్తులు, సంస్థలపై త్వరలో ప్రతీకార చర్యలు తీర్చుకుంటామని మంగళవారం విడుదల చేసిన ప్రకటనలో హెచ్చరించింది. 2021 ఫిబ్రవరి 1న ఆంగ్‌ సాన్‌ సూకీ నేతృత్వంలోని ఎన్నికైన ప్రభుత్వాన్ని మయన్మార్‌ సైన్యం తొలగించినప్పటి నుంచి దేశంలో ఘర్షణలు కొనసాగుతున్నాయి. సైనిక పాలనకు వ్యతిరేకంగా జరిగిన నిరసనలపై భద్రతా బలగాల అణచివేతతో పలువురు ఆయుధాలు చేపట్టారు. మరోవైపు వివిధ ప్రాంతాల్లో జాతి ఆధారిత సాయుధ సంస్థలు తమ పోరాటాన్ని తీవ్రతరం చేశాయి. దీంతో దేశంలోని అనేక ప్రాంతాల్లో సైన్యానికి, ప్రతిఘటన బలగాలకు మధ్య పోరాటం కొనసాగుతోంది.ఇదీ చదవండి: ఉజ్జయిని ఘర్షణలు..ఏఐ వీడియోల కుట్ర

చరిత్రలోనే ఎన్నడూ చూడని దుస్థితిని ఎదుర్కొంటున్నారు అక్కడి ప్రజలు. ఇళ్ల నుంచి బయటకు రావాలన్నా.. రోడ్లపై అడుగు పెట్టాలన్నా భయపడే పరిస్థితి నెలకొంది. రోడ్లు, అపార్ట్‌మెంట్‌ ప్రాంగణాలు, మార్కెట్లు నీట మునగడంతో జనజీవనం పూర్తిగా స్తంభించింది. ఎటు చూసినా నీరే కనిపిస్తుండగా.. ఆ వరద నీటిలో పాములు, చేపలు తేలుతూ కనిపించడం మరింత కలవరపెడుతోంది. మరోవైపు సోషల్‌ మీడియాలో చక్కర్లు కొడుతున్న వీడియోలు ఈ భయానక పరిస్థితిని కళ్లకు కడుతున్నాయి.థాయ్‌లాండ్‌ రాజధాని బ్యాంకాక్‌ను భారీ వర్షాలు అతలాకుతలం చేశాయి. ఎడతెరిపి లేకుండా కురిసిన వర్షాలకు బ్యాంకాక్‌లోని పలు ప్రాంతాలు జలమయమయ్యాయి. కొన్ని చోట్ల కార్లు కిటికీల వరకు, మరికొన్ని చోట్ల దాదాపు పూర్తిగా నీటిలో మునిగిపోయాయి. అపార్ట్‌మెంట్‌ ప్రాంగణాల్లో పార్క్‌ చేసిన వాహనాల్లో పైకప్పులు మాత్రమే కనిపించే పరిస్థితి ఏర్పడింది. వరద నీటిలో పాములు, చేపలు సైతం కొట్టుకొస్తూ కనిపించడంతో స్థానికులు మరింత ఆందోళనకు గురయ్యారు. సోషల్‌ మీడియాలో వైరల్‌గా మారిన వీడియోల్లో వీటి దృశ్యాలు కనిపిస్తున్నాయి. అయితే ఇదే అదనుగా కొందరు ఆకతాయిలు ఏఐ వీడియోలతో మరింత బెంబేలెత్తిస్తున్నారు.📍Bangkok ,Thailand 🇹🇭 "Bangkok is flooded, even the fish 🐟 🐠 🐟 are on the streets 🛣️ ! Before, traffic jams were caused by too many cars, now you might still need to watch out for fish in the water"#bangkok #thailand #heavyrain #climatechange #Elnino #flooding… pic.twitter.com/p6b1x2KWLp— sustainme.in® (@sustainme_in) September 28, 2026 Banjir di Bangkok pic.twitter.com/zpQzpWdcqd— @ (@anthraxxxx) September 26, 2026ప్రధాన రహదారులపైనా భారీగా నీరు నిలిచిపోయింది. ఈ క్రమంలో ఓ వ్యక్తి జెట్‌స్కీ(బోట్‌ తరహా వాహనం)తో వరద ముంచెత్తిన రోడ్డుపై దూసుకెళ్లిన వీడియో వైరల్‌గా మారింది. ఈ ఘటనపై థాయ్‌ పోలీసులు చర్యలు తీసుకుని అతడిని అరెస్టు చేశారు.थाईलैंड में भीषण बाढ़ की वजह से सड़कों पर विशालकाय रेटिकुलेटेड पायथन तौर रहे हैं. किसी जानवर को निगलने के कारण अजगर का पेट काफी फूला हुआ था, जिसके चलते यह पानी में ठीक से तैर या हिल-डुल नहीं पा रहा था.दूसरी तरफ घरों के भीतर भी जहरीले सांप घुस रहे हैं, pic.twitter.com/2AhvcpdbZ1— Ruby Arun रूबी अरुण (@arunruby08) September 26, 2026మీటర్‌ లోతు నీటిలో.. బ్యాంకాక్‌లోని బాంగ్‌ కాపి ప్రాంతంలో పరిస్థితి మరింత దారుణంగా ఉంది. కొన్ని చోట్ల వరద నీరు దాదాపు మీటర్‌ వరకు చేరింది. అయినప్పటికీ వ్యాపారులు దుకాణాలు మూసివేయకుండా వినూత్నంగా వ్యాపారం కొనసాగించారు. ప్లాస్టిక్‌ క్రేట్లు, ఫోమ్‌ బాక్సులు, బేసిన్లను నీటిపై తేలేలా చేసి వాటిలో కూరగాయలు, చేపలు, మాంసం, ఇతర నిత్యావసరాలను విక్రయించారు. ప్రజలు నీటిలోనే నడుచుకుంటూ సరుకులు కొనుగోలు చేశారు. దీంతో మార్కెట్‌ మొత్తం ఓ ‘ఫ్లోటింగ్‌ మార్కెట్‌’ను తలపించింది.7 లక్షల మందిపై ప్రభావంవారాంతపు వరదలకు బ్యాంకాక్‌లో 3.29 లక్షల కుటుంబాలు.. దాదాపు 7 లక్షల మంది ప్రభావితమైనట్లు నగర అధికారులు వెల్లడించారు. భారీ వర్షాలతో డ్రైనేజీ వ్యవస్థపై తీవ్ర ఒత్తిడి పడింది. కొన్ని ప్రాంతాల్లో ప్రధాన రహదారులు, నివాస ప్రాంతాలు ఇంకా నీటిలోనే ఉన్నాయి. అయితే సోమవారం నుంచి వర్షం కొంత తగ్గడంతో అధికారులు డ్రైనేజీ, నీటి తొలగింపు చర్యలను వేగవంతం చేశారు.తాజా అధికారిక సమాచారం ప్రకారం.. బ్యాంకాక్‌తో పాటు థాయ్‌లాండ్‌లోని మరికొన్ని ప్రాంతాల్లో వరద పరిస్థితి కొనసాగుతోంది. సెప్టెంబర్‌ 28 నాటికి దేశవ్యాప్తంగా 27 ప్రావిన్సులు, బ్యాంకాక్‌లో వరదల ప్రభావం ఉన్నట్లు థాయ్‌ ప్రభుత్వం తెలిపింది. దాదాపు 5.76 లక్షల కుటుంబాలు, 17.93 లక్షల మంది ప్రభావితమైనట్లు పేర్కొంది. కొన్ని ప్రాంతాల్లో నీటిమట్టాలు తగ్గుతుండగా.. మరికొన్ని చోట్ల ఇంకా పెరుగుతున్నాయి.విమానాశ్రయంలో భారీగా లగేజీలు..వరద ప్రభావం బ్యాంకాక్‌ సువర్ణభూమి విమానాశ్రయానికీ తాకింది. వరదల కారణంగా గ్రౌండ్‌ హ్యాండ్లింగ్‌ సిబ్బంది విధులకు చేరుకోవడం కష్టమైంది. దీంతో బ్యాగేజీ నిర్వహణలో తీవ్ర అంతరాయం ఏర్పడింది. దాదాపు 6 వేల బ్యాగేజీలు ఆలస్యమైనట్లు సమాచారం. కొన్ని బ్యాగేజీ ట్రాలీలు కూడా పనిచేయకపోవడంతో టెర్మినల్‌లో లగేజీ భారీగా పేరుకుపోయింది. పరిస్థితిని చక్కదిద్దేందుకు థాయ్‌ ఎయిర్‌వేస్‌ కార్యాలయ సిబ్బంది, మేనేజర్లు, సైనిక సిబ్బందిని రంగంలోకి దించింది. ప్రయాణికులకు నేరుగా వాళ్ల ఇళ్లకు పంపే ఏర్పాట్లు చేస్తున్నారు.సెలవులు ప్రకటించిన ప్రభుత్వంవరదల తీవ్రత దృష్ట్యా థాయ్‌ ప్రభుత్వం బ్యాంకాక్‌, పరిసర ప్రాంతాల్లో ప్రభుత్వ కార్యాలయాలకు సోమ, మంగళవారాల్లో ప్రత్యేక సెలవులు ప్రకటించింది. ప్రైవేటు సంస్థలు, బ్యాంకులు, ఆసుపత్రులు తదితరాలు స్థానిక పరిస్థితులకు అనుగుణంగా నిర్ణయం తీసుకోవాలని సూచించింది.వర్షం తగ్గినా.. ముప్పు మాత్రం!తాజా పరిస్థితిలో బ్యాంకాక్‌లో వర్షం కొంత తగ్గుముఖం పట్టింది. ప్రధాన కాలువల్లో నీటిమట్టాలను తగ్గించి.. రోడ్లు, నివాస ప్రాంతాల్లోని నీటిని బయటకు పంపేందుకు అధికారులు చర్యలు ముమ్మరం చేశారు. అయితే తక్కువ ఎత్తులో ఉన్న ప్రాంతాల్లో ఇంకా వరద నీరు నిలిచే ఉంది. మరోవైపు థాయ్‌ వాతావరణ శాఖ దేశంలోని పలు ప్రాంతాల్లో భారీ నుంచి అతి భారీ వర్షాలు కురిసే అవకాశం ఉందని హెచ్చరించింది. ఉత్తర, మధ్య, తూర్పు ప్రాంతాల్లో ఆకస్మిక వరదలు, నదులు పొంగిపొర్లడం, కొండచరియలు విరిగిపడే ప్రమాదం ఉందని అప్రమత్తం చేసింది.ఇదీ చదవండి: ఇరాన్‌ ఎట్టకేలకు దిగొచ్చిందా?

వాషింగ్టన్: పరారీలో ఉన్న గ్యాంగ్‌స్టర్ సతీందర్‌జీత్ సింగ్ అలియాస్ గోల్డీ బ్రార్‌ను అమెరికా ఫెడరల్ బ్యూరో ఆఫ్ ఇన్వెస్టిగేషన్ (ఎఫ్‌బీఐ) తన ‘టెన్ మోస్ట్ వాంటెడ్ ఫ్యూజిటివ్స్’ జాబితాలో చేర్చింది. అతడి అరెస్టుకు అవసరమయ్యే సమాచారం అందించిన వారికి ఒక మిలియన్‌ అమెరికన్ డాలర్ల (సుమారు రూ.9.60 కోట్లు) బహుమతి ప్రకటించింది. ఎఫ్‌బీఐ తెలిపిన వివరాల ప్రకారం.. జైలులో ఉన్న గ్యాంగ్‌స్టర్ లారెన్స్ బిష్ణోయ్‌.. అమెరికాలో తలదాచుకున్న గోల్డీ బ్రార్‌కు హర్దీప్ సింగ్ నిజ్జర్ హత్యకు ఆదేశాలు ఇచ్చినట్లు అభియోగాలు ఉన్నాయి. ఈ కేసుతో పాటు అమెరికాలో బ్రార్‌పై పలు ఫెడరల్ అభియోగాలు నమోదయ్యాయి.‘అత్యంత ప్రమాదకర వ్యక్తి’‘సింగ్ ప్రమాదకరమైన వ్యక్తి. అతడిని పట్టుకోవడాన్ని ప్రతిష్టాత్మకంగా తీసుకున్నాం. అందుకే ఎఫ్‌బీఐ అత్యంత వాంటెడ్ జాబితాలో అతడిని చేర్చాం’ అని ఎఫ్‌బీఐ లాస్‌ఏంజెలెస్ ఫీల్డ్ ఆఫీస్ అసిస్టెంట్ డైరెక్టర్ ప్యాట్రిక్ గ్రాండీ తెలిపారు. బ్రార్ కాలిఫోర్నియా, కెనడాలోని వివిధ ప్రాంతాల్లో ఉంటున్నట్లు తమకు సమాచారం ఉందని చెప్పారు. చరిత్రాత్మక ‘టెన్ మోస్ట్ వాంటెడ్’ జాబితాలో చేరిన 543వ పరారీ అయిన వ్యక్తిగా బ్రార్ నిలిచాడు. అతడిపై అమెరికాలో ర్యాకెటియర్ ఇన్‌ఫ్లుయెన్స్డ్ అండ్ కరప్ట్ ఆర్గనైజేషన్స్ (రికో) కుట్ర, బెదిరింపుల ద్వారా డబ్బు వసూలు, మాదకద్రవ్యాల అక్రమ రవాణా తదితర అభియోగాలు ఉన్నాయి.బిష్ణోయ్ గ్యాంగ్‌కు కార్యకలాపాలులారెన్స్ బిష్ణోయ్ ఆర్గనైజ్డ్ క్రైమ్ గ్రూప్‌కు ఉత్తర అమెరికాలో బ్రార్ ప్రధాన కార్యకలాపాల నాయకుడిగా వ్యవహరిస్తున్నట్లు అమెరికా అధికారులు ఆరోపిస్తున్నారు. భారత్‌లోని జైలు నుంచి బిష్ణోయ్ అక్రమ సమాచార మార్గాల ద్వారా తన అనుచరులకు ఆదేశాలు ఇచ్చేవాడని, బ్రార్ వంటి విశ్వసనీయ వ్యక్తులకు అంతర్జాతీయ కార్యకలాపాలను అప్పగించేవాడని పేర్కొన్నారు.ఈ ముఠాకు ఉత్తర అమెరికాలో హత్యలు, కిడ్నాప్‌లు, ఆయుధాలతో బెదిరించి డబ్బు వసూలు చేయడం, భారీ స్థాయిలో మాదకద్రవ్యాల అక్రమ రవాణా వంటి నేరాలతో సంబంధం ఉన్నట్లు అధికారులు తెలిపారు. లాస్‌ఏంజిల్స్‌ ప్రాంతంలో ప్రత్యర్థి ముఠాల నుంచి 500 కిలోలకు పైగా కొకైన్‌ను దొంగిలించిన ఘటనతోనూ ఈ నేరసంస్థకు సంబంధం ఉన్నట్లు పేర్కొన్నారు. 2023 జూన్‌లో కెనడాలోని బ్రిటిష్ కొలంబియా ప్రావిన్స్‌లోని సర్రేలో ఓ సిక్కు ఆలయం వెలుపల హర్దీప్ సింగ్ నిజ్జర్ హత్యకు గురైన ఘటనలో బిష్ణోయ్, బ్రార్‌ల ప్రమేయం ఉన్నట్లు అభియోగాలు నమోదయ్యాయి.‘ఆపరేషన్ హార్డ్‌బాల్’బ్రార్‌ను ఎఫ్‌బీఐ టాప్-10 జాబితాలో చేర్చడానికి ‘ఆపరేషన్ హార్డ్‌బాల్’లో భాగంగా సాగిన దర్యాప్తు కీలకంగా మారింది. ఎఫ్‌బీఐ, కెనడా రాయల్ కెనడియన్ మౌంటెడ్ పోలీస్ (ఆర్‌సీఎంపీ), లాస్‌ఏంజెలెస్ పోలీస్ విభాగం కలిసి కొన్నేళ్లుగా ఈ దర్యాప్తు చేపట్టాయి. భారత్‌కు చెందిన అంతర్జాతీయ నేర ముఠాలతో సంబంధం ఉన్న 37 మందిపై 2026 జులైలో అభియోగాలు వెల్లడయ్యాయి. వారిలో 28 మందిని గుర్తించి అదుపులోకి తీసుకోగా.. బ్రార్‌తో పాటు మరో ఐదుగురు కీలక నిందితులు ఇంకా పరారీలో ఉన్నారు.ఇదీ చదవండి: మైసూర్ దసరాకు ఏనుగులే రాజసం..

పశ్చిమాసియాలో కొనసాగుతున్న యుద్ధానికి తెరదించే దిశగా కీలక పరిణామం చోటుచేసుకుంది. అమెరికా, ఇరాన్‌ నేరుగా కాకుండా మధ్యవర్తుల ద్వారా మరోసారి చర్చలకు సిద్ధమయ్యాయి. సోమవారం ఇరు దేశాల అధికారులు మధ్యవర్తులతో వేర్వేరుగా సంప్రదింపులు జరిపారు. ఏడు నెలలుగా కొనసాగుతున్న యుద్ధానికి ముగింపు పలికేందుకు తాజా దౌత్య ప్రయత్నాల్లో భాగంగా ఈ చర్చలు జరుగుతున్నాయి.ఇరాన్‌ గత వారం ఐక్యరాజ్యసమితి సాధారణ సభ సందర్భంగా ప్రతిపాదించిన ఏడు రోజుల కాల్పుల విరమణ ప్రణాళికను కొద్దిగా సవరించి తాజా చర్చల్లో ముందుకు తీసుకెళ్లే అవకాశముంది. ఖతార్‌ మధ్యవర్తులు న్యూయార్క్‌లో ఉన్న ఇరాన్‌ విదేశాంగ మంత్రి అబ్బాస్‌ అరాఘ్చీతో, అలాగే అమెరికా వర్గాలతో విడివిడిగా చర్చలు జరుపుతున్నట్లు సమాచారం. యుద్ధంలో అమెరికాదే విజయం: ట్రంప్‌మరోవైపు అమెరికా అధ్యక్షుడు డొనాల్డ్‌ ట్రంప్‌ మాత్రం యుద్ధం త్వరలోనే ముగుస్తుందని, అమెరికా గెలుస్తుందని వ్యాఖ్యానించారు. సోమవారం వైట్‌హౌస్‌లో విలేకరులతో మాట్లాడిన ట్రంప్‌.. యుద్ధాన్ని ముగించేందుకు అమెరికా అధికారులు మధ్యవర్తులతో చర్చలు జరిపినట్లు తెలిపారు. “మేం గెలవబోతున్నాం. నా వరకు ఇది ఎలాగైనా సరే జరుగుతుంది. చాలా త్వరగానే ఇది ముగిసిపోతుంది” అని ట్రంప్‌ పేర్కొన్నారు. యుద్ధంలో అమెరికా విజయం సాధించిన తర్వాత గ్యాస్‌ ధరలు కూడా గణనీయంగా తగ్గుతాయని చెప్పారు.ఇరాన్‌ కీలక ప్రతిపాదన ఇదే..ఇరాన్‌ ప్రతిపాదనలో ప్రధానంగా యుద్ధాన్ని నిలిపివేయడం, లెబనాన్‌లోనూ శత్రుత్వ చర్యలకు ముగింపు పలకడం, ఫ్రీజ్‌ చేసిన తమ బిలియన్ల డాలర్ల ఆస్తులను విడుదల చేయడం, ఇరాన్‌ చమురుపై ఆంక్షలను ఎత్తివేయడం వంటి అంశాలు ఉన్నాయి. అలాగే ఇరాన్‌ పోర్టులపై అమెరికా విధించిన నావికా దిగ్బంధాన్ని తొలగించాలని కోరుతోంది.దీనికి ప్రతిగా ప్రపంచ చమురు రవాణాకు అత్యంత కీలకమైన హర్ముజ్‌ జలసంధిని తిరిగి తెరవడానికి ఇరాన్‌ సిద్ధంగా ఉన్నట్లు తెలిపింది. అంతేకాకుండా ఇరాన్‌ అణు కార్యక్రమంపై అమెరికాతో చర్చలను పునఃప్రారంభించేందుకు ప్రతిపాదించింది. శుద్ధిచేసిన యురేనియం అంశంపైనా చర్చలు జరపాలని అమెరికా కోరుతోంది. ..అయినా చర్చలకు గ్రీన్‌ సిగ్నల్‌ఇరాన్‌ ప్రతిపాదనను అమెరికా అధ్యక్షుడు డొనాల్డ్‌ ట్రంప్‌ శనివారం తిరస్కరించినట్లు ప్రకటించారు. ఆర్థిక ఒత్తిడి కారణంగానే ఇరాన్‌ వేగంగా ఒప్పందం కుదుర్చుకోవాలని చూస్తోందని ఆయన వ్యాఖ్యానించారు. అయితే ఆదివారం ఇదే అంశంపై మాట్లాడుతూ.. ఈ వారంలో అమెరికా ప్రతినిధులు మరోసారి చర్చలు జరిపే అవకాశం ఉందని ట్రంప్‌ తెలిపారు. సోమవారం కూడా మధ్యవర్తులతో అమెరికా అధికారులు మాట్లాడినట్లు వైట్‌హౌస్‌లో ట్రంప్‌ వెల్లడించారు. మరోవైపు, అమెరికా అధికారికంగా తమ ప్రతిపాదనను తిరస్కరించిన సమాచారం తమకు ఇంకా అందలేదని ఇరాన్‌ విదేశాంగ మంత్రి అరాఘ్చీ చెబుతున్నారు. వాషింగ్టన్‌ నుంచి స్పష్టమైన సమాధానం కోసం ఎదురు చూస్తున్నామని ఆయన తెలిపారు. శాంతియుత పరిష్కారం కోరుకుంటే తాము ఇప్పటికే పరిష్కార మార్గాన్ని ప్రతిపాదించామని పేర్కొన్నారు. హర్ముజ్‌పైనే అసలు పట్టుప్రస్తుత చర్చల్లో హర్ముజ్‌ జలసంధి కీలక అంశంగా మారింది. ఈ మార్గం ద్వారా ప్రపంచ ఇంధన రవాణాలో భారీగా చమురు, ఎల్‌ఎన్‌జీ రవాణా జరుగుతుంది. యుద్ధం కారణంగా ఇక్కడ రాకపోకలకు తీవ్ర అంతరాయం ఏర్పడటంతో అంతర్జాతీయ ఇంధన మార్కెట్లపై ప్రభావం పడుతోంది. సోమవారం కూడా దౌత్య ప్రయత్నాలపై ఆశలు, యుద్ధంపై ఆందోళనల మధ్య చమురు ధరలు పెరిగాయి.గతంలో ఏప్రిల్‌, జూన్‌లో మధ్యవర్తుల ప్రయత్నాలతో కాల్పుల విరమణలు కుదిరినా అవి ఎక్కువకాలం కొనసాగలేదు. అయితే ఇప్పుడు ఇరాన్‌ మాత్రం తమ షరతులు నెరవేరిన తర్వాతే హర్ముజ్‌ను పూర్తిగా తెరిచే అంశాన్ని పరిశీలిస్తామని స్పష్టం చేసింది. దీంతో తాజా మధ్యవర్తిత్వ చర్చలు యుద్ధానికి ముగింపు పలుకుతాయా? లేదంటే మరోసారి విఫలమవుతాయా?.. రాబోయే రోజుల్లో ఏం జరగనుందా? అనే ఉత్కంఠ నెలకొంది.ఇదీ చదవండి: ఎల్‌ నినో ఏం చేయబోతోందో తెలుసా?

న్యూఢిల్లీ: వర్షాభావంతో దేశం ఇప్పటికే ఇబ్బందులు ఎదుర్కొంటూండగా... ఈ ఏడాది చివరికల్లా ఎల్‌ నినో బలపడనుందన్న వార్తలు ఆందోళనను మరింత పెంచుతోంది. కొలంబియా యూనివర్సి టీకి చెందిన ఇంటర్నషనల్‌ రీసెర్చ్‌ ఇన్‌స్టిట్యూట్‌ ఫర్‌ క్లైమెట్‌ (ఐఆర్‌ఐ)అంచనా ప్రకారం ఎల్‌నినో 2026 ఆఖరు నుంచి వచ్చే ఏడాది తొలినాళ్ల వరకూ మరింత బలపడనుంది. సెప్టెంబర్‌ మధ్యనాటికి పసిఫిక్‌ మహా సముద్రపు ఉపరితల ఉష్ణోగ్రతల్లో దాదాపు మూడు డిగ్రీ సెల్సియస్‌ పెరుగుదల నమోదైంది ఈ సంస్థ తాజా అంచనాలు స్పష్టం చేస్తున్నాయి. ఇది తీవ్రస్థాయి ఎల్‌నినోకు సంకేతమన్నది తెలిసిందే. తాము మొత్తం 22 మోడళ్లను సర్వే చేశామని, ఇందులో 13 గతిశీలమైన (డైనమిక్‌)వి కాగా.. మిగిలిన తొమ్మిది గణాంకాల ఆధారితమైనవి. ఇవన్నీ కూడా రానున్న చలికాలం మొత్తం ఎల్‌నినో పరిస్థితులు కొనసాగుతాయని చెబుతున్నాయి. శషభిషలకు తావులేకుండా 2027 ఫిబ్రవరి వరకూ ఇదే పరిస్థితి ఉంటుందని, జూన్‌ నాటికి 61 శాతం వరకూ తగ్గుదల నమోదవుతుందని ఈ సంస్థ అంచనాలు చెబుతున్నాయి. అత్యంత శక్తిమంతమైన ఎల్‌నినోగా ఇది రికార్డు సృష్టిస్తుందని తెలిపింది. మరోవైపు భారత్‌లో వర్షాలను తీవ్రంగా ప్రభావితం చేయగల ఇండియన్‌ ఓషన్‌ డయాపోల్‌ (ఐఓడీ) కూడా సెపె్టంబర్‌ నుంచి డిసెంబర్‌ వరకూ పాజిటివ్‌గా ఉంటుందని, 2027 ప్రారంభం తరువాత సాధారణ స్థితికి వస్తుందని ఈ అధ్యయనం తెలిపింది. హిందూ మహా సముద్రం పశి్చమ, తూర్పు ప్రాంతాల్లోని ఉపరితల నీటి ఉష్ణోగ్రతలు వేడి, చల్లదనాల మధ్య ఊగిసలాడటాన్ని ఐఓడీ అంటూంటారు. అంటే ఈ సారి.. ఆఫ్రికా తూర్పు ప్రాంతంతోపాటు అరేబియా సముద్ర ఉపరితల నీరు వెచ్చగా ఉంటే.. ఇండోనేసియా, సుమత్రా ప్రాంతాల్లోని నీరు చల్లగా ఉంటుంది. ఈ తేడాలు భారత్‌లో కురిసే వర్షాలపై ప్రభావం చూపుతూంటాయి. సాధారణంగా ఎల్‌నినో ఏర్పడ్డ సంవత్సరం ఐఓడీ పాజిటివ్‌గా ఉంటుంది. కొన్నిసార్లు రెండూ వేర్వేరుగానూ ఏర్పడవచ్చు. ఎల్‌నినో ఏడాది భారత రుతుపవనాలు బలహీనంగా ఉంటాయని, పంట దిగుబలు ప్రభావితమవుతాయని అంచనా. కొన్ని సందర్భాల్లో ఐఓడీ ఈ నష్టాలను తగ్గిస్తూంటుంది. నిపుణుల అంచనాల ప్రకారం ఎల్‌నినో, ఐఓడీ పాజిటివ్‌లు మాత్రమే కాకుండా కొన్ని ఇతర పరిస్థితులు కూడా వర్షాలను ప్రభావితం చేస్తాయి. ‘‘ఎల్‌నినోతో వచ్చే ఏడాది ముప్పు పొంచి ఉందని ఐఆర్‌ఐ తాజా అంచనాలు చెబుతున్నాయి. అయితే ఈ అంశం ఒక్కటే పంట దిగుబడులు, వర్షాలను నిర్ణయించదు’’అని వీరు చెబుతున్నారు.

న్యూయార్క్‌: కృత్రిమ మేధ కట్టుతప్పి ప్రవర్తించకుండా నిరోధించేందుకు తాము సరికొత్త సెక్యూరిటీ ప్లాట్‌ఫామ్‌ను అభివృద్ధి చేసినట్లు అంతర్జాతీయ కంపెనీ ఎన్‌విడియా సోమవారం ప్రకటించింది. ఈ ఓపెన్‌ ఏజెంట్‌ సేఫ్టీ ప్లాట్‌ఫామ్‌లో ఏఐ ఏజెంట్ల కట్టడికి సాఫ్ట్‌వేర్‌తోపాటు కొన్ని సరిహద్దులను కూడా నిర్వచించామని కంపెనీ తెలిపింది. ఏఐ మోడళ్లు తమ ప్రమేయం లేకుండానే సొంత నిర్ణయాలు తీసుకుంటూ ఇతర కంపెనీలను హ్యాక్‌ చేస్తున్నాయని ఓపెన్‌ ఏఐ, ఆంత్రోపిక్, స్పేస్‌ ఎక్స్‌ ఏఐ వంటివి చెబుతున్న నేపథ్యంలో ఈ కొత్త ఆవిష్కరణకు ప్రాధాన్యమేర్పడింది. ఏఐ అదుపు తప్పుతోందని, మానవాళి మనుగడకు ముప్పు కాగలదని, ఇంటర్నెట్‌ మొత్తాన్ని తన అధీనంలోకి తీసుకోవచ్చునని ఇటీవలి కాలంలో వచి్చన వార్తలు సర్వత్రా ఆందోళన వ్యక్తమైన సంగతి తెలిసిందే. అయితే తాము అభివృద్ధి చేసిన సేఫ్టీ ప్లాట్‌ఫామ్‌ ఏఐ మోడళ్లు ఇతర కంపెనీలను హ్యాక్‌ చేయకుండా నిరోధించగలవని ఎన్‌విడియా ప్రతినిధి ఒకరు విలేకరులతో మాట్లాడుతూ తెలిపారు. ఓపెన్‌ ఏఐకి చెందిన ఏఐ మోడళ్లు హగ్గింగ్‌ ఫేస్‌ అనే స్టార్టప్‌ కంపెనీ వెబ్‌సైట్‌ను హ్యాక్‌ చేయడాన్ని ప్రస్తావిస్తూ... ‘‘ఓపెన్‌ ఏఐ ఫ్రాంటియల్‌ ల్యాబ్‌లో ముందునుంచే ఈ సెక్యూరిటీ ప్లాట్‌ఫామ్‌ను వాడి ఉంటే అసలు హ్యాకింగ్‌ జరిగి ఉండేదే కాదు’’అని ఎన్‌విడియా వైస్‌ ప్రెసిడెంట్‌ జస్టిన్‌ బొయిటానో వ్యాఖ్యానించారు. ఏఐ మోడళ్లు అదుపు తప్పుతున్నాయనే విషయాన్ని ప్రపంచానికి మొట్టమొదట తెలియజెప్పిన ఘటన హగ్గింగ్‌ ఫేస్‌ హ్యాకింగే కావడం గమనార్హం. ఆ తరువాత ఓపెన్‌ ఏఐతోపాటు ఆంత్రోపిక్, మెటా వంటి ఇతర సంస్థల మోడళ్లు కూడా మనిషి నియంత్రణ నుంచి తప్పించుకుని సొంత నిర్ణయాలు తీసుకున్నట్లు వార్తలొచ్చాయి. ఎన్‌విడియా ఏఐ మోడళ్ల కట్టడికి అభివృద్ధి చేసిన సాఫ్ట్‌వేర్‌ ‘ఓపెన్‌ షెల్‌’ఓపెన్‌ సోర్స్‌ సాఫ్ట్‌వేర్‌ కావడం విశేషం. అంటే.. దీన్ని ఏ డెవలపరైనా వాడుకోవచ్చు. మెరుగుపరచవచ్చు కూడా. నిర్దిషమైన పని చేసేందుకు ఏఐ మోడల్‌కు తగిన అనుమతులు ఉన్నాయా? లేదా? అన్నది ఈ సాఫ్ట్‌వేర్‌ పరిశీలిస్తుందని బొయిటానో తెలిపారు. ఏఐ మోడళ్ల కార్యకలాపాలపై నిత్యం ఒక కన్నేసి ఉంచేందుకు ఈ సాఫ్ట్‌వేర్‌లో ‘సెంట్రీ’పేరుతో ఇంకో భద్రతాపరమైన ఏర్పాటును కూడా సిద్ధం చేశామని కంపెనీ ఒక ప్రకటనలో తెలిపింది. ‘‘ఓపెన్‌ షెల్‌ ఏఐ మోడల్‌ చర్యలను పర్యవేక్షిస్తే... సెంట్రీ అనుమానాస్పద కార్యకలాపాలపై స్వతంత్రంగా నిఘా పెడుతుంది’’అని వివరించారు. మైక్రోసాఫ్ట్, పర్‌ప్లెక్సిటీ, ఆక్సెంచర్, జేపీమోర్గన్‌ ఛేస్‌తోపాటు సుమారు వంద కంపెనీలు ఈ సరికొత్త సెక్యూరిటీ ప్లాట్‌ఫామ్‌ను ఉయోగిస్తున్నట్లు అంచనా.

వాషింగ్టన్‌: మూడు రోజుల అధికారిక పర్యటన కోసం అమెరికా వచ్చిన చైనా అధ్యక్షుడు షీ జిన్‌పింగ్‌కు అధ్యక్షుడు డొనాల్డ్‌ ట్రంప్‌ ఆయుధాలు అమ్మే ప్రయత్నం చేశారా? అవునంటున్నారు డేవిడ్‌ పర్‌డ్యూ. తైవాన్‌కు ఆయుధాలు అందించే విషయంలో జరుగుతున్న జాప్యం కూడా సరైందేనని ట్రంప్‌ వ్యాఖ్యానించినట్లు చైనాలో అమెరికా రాయబారిగా వ్యవహరిస్తున్న పర్‌డ్యూ తెలిపారు. ఫాక్స్‌ న్యూస్‌ కార్యక్రమంలో ఆయన మాట్లాడుతూ ఈ విషయం చెప్పారు. అయితే షీ పర్యటనలో కచ్చితంగా ఏ సందర్భంలో ట్రంప్‌ ఆ ప్రతిపాదన చేసిందీ ఆయన స్పష్టం చేయలేదు. తైవాన్‌ విషయంలో చైనాను మెప్పించేందుకే అమెరికా ఆ దేశానికి ఆయుధాల సరఫరాలో జాప్యం చేస్తోందా? అన్న టీవీ వ్యాఖ్యా త బ్రీమ్‌ ప్రశ్నపై పర్‌డ్యూ స్పందిస్తూ... తైవాన్‌ విషయంలో ట్రంప్‌ మునుపు ఎవరూ లేనంత కృత నిశ్చయంతో ఉన్నారని, ఇప్పటివరకూ చాలా ఆయుధాలు అమ్మారని తెలిపారు. భవిష్యత్తులో ఆ దేశానికి ఆయుధాలు అమ్మే విషయమై ట్రంప్, షీలు చర్చలు జరుపుతారని తెలిపారు. ‘‘అయితే.... తాము ప్రపంచంలో ఇతరులకు కూడా ఆయుధాలు అమ్ముతూనే ఉంటామని ట్రంప్‌ చెబుతూంటారు’’అని గుర్తు చేశారు. ‘‘వాస్తవానికి ఆయన ఒక దశలో ఆయుధాలు ఏమైనా కొంటారా? అని షీ జిన్‌పింగ్‌ను కూడా అడిగారు’’అని అన్నారు. అమెరికా స్వయం ప్రతిపత్తి గల తైవాన్‌ను ఒక దేశంగా గుర్తించదు కానీ.. ఆత్మరక్షణ కోసం ఆయుధాలు అందించవచ్చునని ఆ దేశ చట్టాలే చెబుతున్నాయి. అంతర్జాతీయ స్థాయిలో తైవాన్‌ను సమర్థించే, ఆయుధాలు సరఫరా చేసే అతిపెద్ద దేశం కూడా అమెరికానే. అయితే చైనా ఎప్పుడైనా తైవాన్‌పై దాడికి దిగితే రక్షణ కోసం అమెరికా మిలటరీని కూడా పంపుతుందా? అన్న విషయంలో మాత్రం సందిగ్ధత కొనసాగుతోంది. మరోవైపు తైవాన్‌కు ఆయుధాల సరఫరా నిలిపివేయాలని చైనా కోరుతోంది. ఈ ఏడాది మేలో చైనా పర్యటన సందర్భంగానూ షీ ఈ విషయాన్ని ట్రంప్‌ వద్ద ప్రస్తావించినట్లు తెలుస్తోంది. ఆసక్తికరంగా ఆ సమావేశం తరువాత సుమారు 1,400 కోట్ల డాలర్ల విలువైన ఆయుధాల అమ్మకాన్ని అమెరికా వాయిదా వేయడం గమనార్హం.

బ్రిటన్‌లో అమెరికా బాంబర్ విమానాలు ఉపయోగించే రాయల్ ఎయిర్ ఫోర్స్ ఫెయిర్‌ఫోర్డ్ స్థావరం సమీపంలో అనుమానాస్పదంగా కనిపించిన 3 వ్యాన్లను బాంబు నిర్వీర్య బృందాలు పరిశీలించాయి. ఈ వ్యవహారంలో ఐదుగురు పురుషులను పోలీసులు అదుపులోకి తీసుకున్నారు. వారిపై దర్యాప్తు కొనసాగుతోంది.గ్లౌసెస్టర్‌షైర్ పోలీసులకు ఆదివారం అర్ధరాత్రి దాటాక 12.45 గంటల సమయంలో ఫెయిర్‌ఫోర్డ్ వైపు 3 అనుమానాస్పద వాహనాలు వెళ్తున్నట్లు సమాచారం అందింది. దీంతో సాయుధ పోలీసులు రంగంలోకి దిగి విల్‌ఫోర్డ్ ప్రాంతంలో ఐదుగురిని అరెస్టు చేశారు. తొలుత పేలుడు పదార్థాల చట్టం కింద కేసు నమోదు చేసిన పోలీసులు, అనంతరం ఉగ్రవాద చర్యకు సిద్ధమైన అనుమానంతో దర్యాప్తును ఉగ్రవాద నిరోధక పోలీసులకు అప్పగించారు.వాహనాల చుట్టూ 400 మీటర్ల మేర భద్రతా వలయం ఏర్పాటు చేశారు. బ్రిటన్ సైన్యానికి చెందిన పేలుడు పదార్థాల నిర్వీర్య బృందం అక్కడికి చేరుకుని తనిఖీలు చేపట్టింది. ముందు జాగ్రత్త చర్యగా సమీపంలోని సుమారు 85 కుటుంబాలను ఇళ్ల నుంచి ఖాళీ చేయించారు. ఘటనను తక్షణ ప్రమాదం పరిమితమైందని పోలీసులు తెలిపారు.రంగంలోకి బాంబు నిర్వీర్య రోబో ఈ ఘటనకు సంబంధించిన దృశ్యాల్లో రిమోట్‌ ద్వారా నడిచే బాంబు నిర్వీర్య రోబో 3 వాహనాల్లో ఒకదాని వద్దకు వెళ్లి సమీపంగా తనిఖీ చేస్తున్నట్లు కనిపించింది. మరో 2 వ్యాన్ల వెనుక తలుపులు తెరిచి ఉండగా, వాటి సమీపంలో పెద్ద నల్లటి వస్తువులు కనిపించాయి.ఈ ఘటన వెనుక ఉద్దేశం ఏమిటన్నది పోలీసులు ఇంకా వెల్లడించలేదు. ఈ ఘటనకు-ఇరాన్‌కు సంబంధం ఉండొచ్చన్న కోణానికి అధికారులు ఎక్కువ ప్రాధాన్యం ఇస్తున్నారని, రష్యా విధ్వంస చర్య లేదా ఇస్లామిస్ట్ కుట్ర కోణాలనూ పరిశీలిస్తున్నారని దర్యాప్తు విషయాలు తెలిసిన వ్యక్తి పేర్కొన్నారు. అమెరికా అధ్యక్షుడు డొనాల్డ్ ట్రంప్ మాత్రం నిందితులు పెద్ద నష్టం చేయాలని చూస్తున్నారని అన్నారు.ఫెయిర్‌ఫోర్డ్‌లో అమెరికా వైమానిక దళానికి చెందిన 501వ కాంబాట్ సపోర్ట్ విభాగం, 420వ వైమానిక స్థావర విభాగం ఉన్నాయి. ఈ ఘటన తర్వాత బ్రిటన్‌లోని లాకెన్‌హీత్, మిల్డెన్‌హాల్ స్థావరాల వద్ద కూడా భద్రత పెంచారు. దర్యాప్తు కొనసాగుతున్న నేపథ్యంలో నిందితుల ఉద్దేశం, ఘటన వెనుక సంబంధాలు స్పష్టమయ్యే వరకు మరిన్ని వివరాలు వెలుగులోకి వచ్చే అవకాశం ఉంది.Footage from Britain shows a bomb-disposal robot moving directly toward one of the suspicious vehicles in Whelford, near RAF Fairford, and carrying out a close inspection of the vehicle. The area remains secured while the examination continues. https://t.co/ZkDXPoHzgu pic.twitter.com/VQ27CBJbKr— DDF NEWS (@ddfmarketing1) September 27, 2026 Aerial footage from RAF Fairford shows B-1B bombers dispersed across the base’s eastern parking slots. Meanwhile, British Army bomb-disposal units continue operating in nearby Whelford following the security incident in the area. https://t.co/B4Xraxaysc pic.twitter.com/8uwVCR5hkf— DDF NEWS (@ddfmarketing1) September 27, 2026

Benjamin Satterley ప్రముఖ ప్రొఫెషనల్ రెజ్లర్ , ఇంగ్లాండ్‌కు చెందిన బెంజమిన్ సాటర్లీ (40) హఠాన్మరణం అభిమానులను తీవ్ర దిగ్బ్రాంతికి గురి చేసింది. ఆల్ ఎలైట్ రెజ్లింగ్ (AEW) స్టార్, WWE లో 'నెవిల్లే' (Neville) గా సుపరిచితుడైన బెంజమిన్ సాటర్లీ మృతిని AEW అధికారికంగా ధృవీకరించింది. అద్భుతమైన రింగ్ సామర్థ్యం, హై-ఫ్లయింగ్ రెజ్లింగ్ శైలితో ప్రపంచవ్యాప్తంగా మిలియన్ల మంది అభిమానులను సంపాదించు కున్నాడు. తమ అభిమాన రెజ్లర్‌ అకాల మరణం పట్ల రెజ్లింగ్ పరిశ్రమ అభిమానులు తీవ్ర దిగ్భ్రాంతిని, సంతాపాన్ని వ్యక్తం చేస్తున్నారు.అయితే బెంజమిన్ మరణానికి గల కారణాలుపై ఎలాంటి అధికారిక ప్రకటన వెలువడలేదు. అభిమానులు సోషల్ మీడియాలో గుండెపోటు కావచ్చని ఊహాగానాలు చేస్తున్నప్పటికీ, దీనిపై స్పష్టత లేదు. ఆయన మరణించడానికి కేవలం 24 గంటల ముందు (సెప్టెంబర్ 26న) చికాగోలో జరిగిన AEW 'ఆల్ అవుట్' (All Out) పే-పర్-వ్యూ ఈవెంట్లో పాల్గొన్నారు. ఆ కార్యక్రమంలో ఆండ్రే ఎల్ ఇడోలోతో జరిగిన నేషనల్ ఛాంపియన్‌షిప్ ఓపెనింగ్ మ్యాచ్‌లో ఆయన తలపడ్డారు. అంత బాగా ఆడిన రెజ్లర్ ఒక్కసారిగా మరణించడంతో రెజ్లింగ్ ప్రపంచం దిగ్భ్రాంతికి గురైంది. RIP PAC (Benjamin Satterley) 💔🖤My favorite moment of his was, when him and Seth Rollins faced each other for the WWE Championship, after Seth won it the night before at Wrestlemaina. we all thought Neville had it, one of the greatest near falls ever. pic.twitter.com/ByHq1YJDXX— Terry “TBONE” Williams (@YOUNGBLACK_MAN) September 28, 2026 ఇదీ చదవండి: రూ. 336 కోట్ల స్కామ్‌ : భారతీయుడికి 11 ఏళ్ల శిక్షఎవరీ బెంజమిన్ సాటర్లీ ఇంగ్లండ్‌లోని న్యూకాజిల్‌కు చెందిన సాటర్లీ, 2004లో తన రెజ్లింగ్ కెరీర్‌ను ప్రారంభించారు. పాక్ అనే రింగ్ పేరుతో సుప్రసిద్ధుడైన బెంజమిన్ శాటర్లీ 'గ్రావిటీ మరువని మనుషుడు' (The Man That Gravity Forgot) గా పేరుగాంచాడు. WWE లో 'నెవిల్లే' పేరుతో NXT ఛాంపియన్‌షిప్, క్రూయిజర్‌వెయిట్ ఛాంపియన్‌షిప్‌లను గెలుచుకున్నారు. 2019లో AEW లో చేరి, ఇంటర్నేషనల్ ఛాంపియన్‌గా, వరల్డ్ ట్రియోస్ ఛాంపియన్‌గా సత్తా చాటారు. RIP PAC (Benjamin Satterley) 💔🖤My favorite moment of his was, when him and Seth Rollins faced each other for the WWE Championship, after Seth won it the night before at Wrestlemaina. we all thought Neville had it, one of the greatest near falls ever. pic.twitter.com/ByHq1YJDXX— Terry “TBONE” Williams (@YOUNGBLACK_MAN) September 28, 2026 ఇదీ చదవండి: 100 ఏళ్ల వయసులో మాజీ ప్రధాని సతీమణి కన్నుమూతనిన్న రాత్రి PPVలో రెజ్లింగ్ చేశారు, ఇప్పుడు 24 గంటలకే మనల్ని విడిచి వెళ్ళిపోయారు. ఇది అస్సలు న్యాయం కాదు. RIP PAC అంటూ సోషల్‌ మీడియాలో అభిమానుల సంతాప సందేశాలు వెల్లువెత్తాయి.

అబుదాబి: సెప్టెంబర్‌ మూడో వారపు బిగ్‌ టికెట్‌ ఎలక్ట్రానిక్‌ డ్రాలో భారత్‌, బంగ్లాదేశ్‌కు చెందిన నలుగురు ప్రవాసులు విజేతలుగా నిలిచారు. ఒక్కొక్కరికి 25,000 దిర్హామ్‌ల (సుమారు రూ.6.5 లక్షల) చొప్పున మొత్తం 1,00,000 దిర్హామ్‌ల (రూ.26.1 లక్షలు) నగదు బహుమతి లభించింది. విజేతల్లో తమిళనాడుకు చెందిన మెషీన్‌ల నిర్వాహకుడు, కేరళకు చెందిన డ్రైవర్‌, బంగ్లాదేశ్‌కు చెందిన పెయింటర్‌, సేల్స్‌ ఎగ్జిక్యూటివ్‌ ఉన్నారు.తమిళనాడుకు చెందిన అయ్యలు స్వామి (41) గత 15 ఏళ్లుగా యూఏఈలో పనిచేస్తున్నారు. ఆయన కుటుంబం భారత్‌లోనే ఉంటోంది. బిగ్‌ టికెట్‌లో తరచుగా పాల్గొనే ఆయన ఈసారి ఒంటరిగానే టికెట్‌ కొనుగోలు చేసి, నంబర్‌ను యాదృచ్ఛికంగా ఎంచుకున్నారు. విజయం సాధించిన విషయం ఫోన్‌ ద్వారా తెలియగానే చాలా సంతోషంగా అనిపించిందని చెప్పారు. వచ్చిన డబ్బును భారత్‌లో ఉన్న తన కుటుంబం కోసం వినియోగిస్తానని తెలిపారు. భవిష్యత్తు డ్రాల్లోనూ పాల్గొంటానన్నారు.మిగతా వారు ఎవరు? ఏమన్నారు? బంగ్లాదేశ్‌కు చెందిన అబుల్‌ బషర్‌ (56) షార్జాలో గత 34 ఏళ్లుగా నివసిస్తున్నారు. తన సోదరుడి ద్వారా బిగ్‌ టికెట్‌ గురించి తెలుసుకున్న ఆయన ప్రస్తుతం 20 మంది స్నేహితులతో కలిసి పాల్గొంటున్నారు. గెలిచిన బహుమతిని బృంద సభ్యుల మధ్య పంచుకోనున్నారు. తన వాటాను కుటుంబానికి పంపడంతో పాటు కొంత మొత్తాన్ని సేవా కార్యక్రమాలకు కేటాయిస్తానని అబుల్‌ చెప్పారు. బంగ్లాదేశ్‌కు చెందిన సేల్స్‌ ఎగ్జిక్యూటివ్‌ మహమ్మద్‌ షహాదత్‌ హుస్సేన్‌ (38) గత 16 ఏళ్లుగా అబుదాబిలో ఉంటున్నారు. ఈసారి 13 మంది స్నేహితులతో కలిసి టికెట్‌ కొనుగోలు చేశారు. ప్రత్యేకంగా నంబర్‌ను ఎంచుకోకుండా కనిపించిన మొదటి నంబర్‌నే తీసుకున్నారు. వచ్చిన బహుమతిని బృంద సభ్యులతో పంచుకుని, తన వాటాను బంగ్లాదేశ్‌కు పంపాలని భావిస్తున్నారు. ఇకపై ప్రతి నెలా పాల్గొని గ్రాండ్‌ ప్రైజ్‌ గెలిచే వరకు ప్రయత్నిస్తానని చెప్పారు. కేరళకు చెందిన డ్రైవర్‌ ఎల్డో మాథ్యూ (30) గత 8 ఏళ్లుగా కువైట్‌లో పనిచేస్తున్నారు. 25 మంది సభ్యులతో కలిసి బిగ్‌ టికెట్‌లో పాల్గొంటున్న ఆయన బృందానికి 25,000 దిర్హామ్‌ల బహుమతి లభించింది. ఈ మొత్తాన్ని 25 మందితో పంచుకోనున్నారు. తన వాటాను ఎలా వినియోగించాలనే విషయాన్ని ఇంకా నిర్ణయించలేదని ఎల్డో తెలిపారు. అయితే భవిష్యత్తులోనూ బిగ్‌ టికెట్‌లో పాల్గొని మరోసారి అదృష్టాన్ని పరీక్షించుకోవాలని భావిస్తున్నట్లు చెప్పారు.ఇదీ చ‌ద‌వండి: సీఈసీ జ్ఞానేశ్ కుమార్‌కు భారతరత్న ఇవ్వాలి

అమెరికా- ఇరాన్ యుద్ధం ఇప్పట్లో అగేలా కనిపించడం లేదు. ఒకరికొకరు వార్నింగ్ ఇవ్వడం.. దాడులు చేయడం ఈ రెండు దేశాలకు కామన్ అయిపోయింది. అయితే ఈ హెచ్చరికలు కాస్తా కొత్త తరహాలో కనిపిస్తున్నాయి. సినిమాల్లోని సీన్స్‌ను జోడించి శత్రుదేశాలకు వార్నింగ్ ఇవ్వడం చూస్తుంటే ఫుల్ ఫన్నీగా అనిపిస్తోంది. తాజాగా హైదరాబాద్‌లోని ఇరాన్ రాయబార కార్యాలయం షేర్ చేసిన వీడియో సోషల్ మీడియాలో వైరల్‌గా మారింది.ప్రభాస్- రాజమౌళి కాంబోలో వచ్చిన బాహుబలి మూవీ వీడియోను హైదరాబాద్‌లోని ఇరాన్‌ రాయబార కార్యాలయం ట్విటర్‌లో పంచుకుంది. కాలకేయులతో బాహుబలి యుద్ధం చేస్తున్న వీడియో తెగ ఆకట్టుకుంటోంది. కాలకేయులకు ఎదురొడ్డి బాహుబలి పోరాడినట్లే.. మేం కూడా మా మాతృదేశం కోసం రక్తం చిందించి ప్రాణత్యాగానికైనా సిద్ధపడతాం అంటూ ట్వీట్‌లో రాసుకొచ్చింది. ఇటీవలే ఇరాన్ అధ్యక్షుడు డాక్టర్ పెజెష్కియన్ ఐరాస సమావేశంలో 'ఎవరికీ ఎన్నడూ తలవంచము.. మోకరిల్లము' అంటూ మాట్లాడారు. ఈ కామెంట్స్‌ను ఉద్దేశించి హైదరాబాద్‌లోని ఎంబసీ బాహుబలి వీడియోను షేర్ చేసింది.(ఇది చదవండి: ప్రెగ్నెన్సీతో సమంత.. ఆ విషయంలో ఎక్కువ ఫోకస్..!)Dr. Pezeshkian, President of I.R #Iran at UNGA: "Will never bow our head or bend the knee"Like Baahubali standing against the Kalakeyas, we also shed our own blood in sacrifice for the homeland. pic.twitter.com/xc1S9H346Q— Iran In Hyderabad (@IraninHyderabad) September 27, 2026

అమెరికాలో అడుగుపెట్టి అసాధారణ విజయాలు సాధించాలనుకున్న ఓ భారతీయుడి డాలర్‌ డ్రీమ్స్‌ కటకటాల వెనక్కి పీడ కలగా మిగిలిపోతోంది. అమెరికాలో 35 మిలియన్ డాలర్ల పాన్జీ స్కామ్ చేసిన భారతీయుడికి భారీ షాక్‌ తగిలింది. ఇన్వెస్టర్ల నుంచి సుమారు రూ. 336 కోట్లుకి పైగా భారీ మెసానికి పాల్పడిన ఢిల్లీకి చెందిన సిద్ధార్థ్ జవహర్ (38) కి 11 ఏళ్ల జైలు శిక్ష ఖరారైంది. ప్రముఖ ఎన్‌ఎఫ్‌ఎల్ (NFL) స్టార్ ట్రావిస్ కెల్స్‌తో సహా అనేకమంది ప్రముఖులను మోసగించిన ఈ కేసు వివరాలు ఇలా ఉన్నాయి.2005లో 21 ఏళ్ల వయసులో ఢిల్లీ నుంచి అమెరికా వెళ్లిన సిద్ధార్థ్ జవహర్ (Siddharth Jawahar).. టెక్సాస్ విశ్వవిద్యాలయంలో విద్యనభ్యసించారు. ఆ తర్వాత 'స్విఫ్టార్క్ క్యాపిటల్' (Swiftarc Capital) పేరిట ఒక ఇన్వెస్ట్‌మెంట్ సంస్థను ప్రారంభించి ఫైనాన్స్, వెంచర్ క్యాపిటలిజం రంగాల్లో ఎదిగా డు. ఆండీ రోడిక్ ఫౌండేషన్ బోర్డులో స్థానం సంపాదించి, మంచి గౌరవనీయమైన దాతగా కూడా పేరు పొందాడు. కట్‌ చేస్తే.. అమెరికా డిస్ట్రిక్ట్ కోర్టు 11 ఏళ్ల జైలు శిక్ష విధించడంతో పాటు, బాధితులకు రూ.300 కోట్లకుపైగా( 31.35 మిలియన్ డాలర్లు) నష్టపరిహారంగా చెల్లించాలని ఆదేశించింది.స్కామ్‌కు తెరలేచిందిలా..2016 , జూలై నుంచి డిసెంబర్ 2023 మధ్య కాలంలో వివిధ ఇన్వెస్టర్ల నుంచి 35 మిలియన్ డాలర్లకు పైగా సేకరించిన సిద్ధార్థ్, అందులో కేవలం 28 శాతం మాత్రమే (సుమారు 10 మిలియన్ డాలర్లు) పెట్టుబడిగా పెట్టారు. మిగతా డబ్బును విలాసవంతమైన జీవితం, ప్రైవేట్ జెట్ ప్రయాణాలు, లగ్జరీ హోటళ్లు, ఖరీదైన అపార్ట్‌మెంట్ల కోసం దుర్వినియోగం చేశారు. పాత ఇన్వెస్టర్లకు డబ్బు చెల్లించడానికి కొత్త ఇన్వెస్టర్ల నిధులను వాడుతూ పాన్జీ స్కామ్‌ను నడిపారు.బాధితుల్లో చాలామంది ప్రముఖులుఈ మోసంలో మొత్తం 64 మంది బాధితులు ఉండగా.. వారిలో సింగర్ టేలర్ స్విఫ్ట్ భర్త, ప్రముఖ ఎన్‌ఎఫ్‌ఎల్ (NFL) ఆటగాడు ట్రావిస్ కెల్స్ కూడా ఉన్నారు. అలాగే ఎన్‌బీఏ (NBA) ఆటగాళ్లు గ్యారీ హారిస్, టిమ్ హార్డవే జూనియర్, మేసన్ ప్లమ్లీ తదితరులు కూడా ఈ మోసానికి బలయ్యారు.దాతృత్వ ముసుగులో మోసాలుఆండీ రోడిక్ ఫౌండేషన్ బోర్డు సభ్యుడిగా కొనసాగుతూ, అనేక సామాజిక సేవా కార్యక్రమాల్లో పాల్గొనడం ద్వారా సిద్ధార్థ్ మంచి పేరు సంపాదించుకున్నారు. ఈ దాతృత్వ ముసుగే సెలెబ్రిటీలు మరియు ఇన్వెస్టర్లను ఆకర్షించడానికి అతనికి సహకరించింది.అరెస్ట్ -శిక్షచట్టవిరుద్ధంగా అమెరికాలో ఉంటున్న ఇతని నేర చరిత్రను గుర్తించిన అధికారులు.. మోసాలకు పాల్పడినట్లు తేలడంతో అరెస్ట్ చేశారు. జనవరిలో వైర్ ఫ్రాడ్ ఆరోపణలను అంగీకరించిన సిద్ధార్థ్‌కు సెప్టెంబర్ 15న. విచారణను తప్పుదారి పట్టించడానికి సాక్ష్యాలను ధ్వంసం చేయడం, ఐఫోన్‌ను రిమోట్‌గా వైప్ చేయించడం వంటి అక్రమాలకు కూడా ఆయన పాల్పడినట్లు ప్రాసిక్యూటర్లు వెల్లడించారు.

టెహ్రాన్: అమెరికా-ఇజ్రాయెల్ సంయుక్తంగా ఇరాన్‌పై నిర్వహించిన భీకర వైమానిక దాడుల్లో ఇరాన్ కొత్త సుప్రీం లీడర్ మోజ్తాబా ఖమేనీ ప్రాణాపాయం నుంచి తృటిలో తప్పించుకున్నట్లు ఇరాన్ మతగురువు, అసెంబ్లీ ఆఫ్ ఎక్స్‌పర్ట్స్ సభ్యుడు అయతుల్లా మొహ్సెన్ హైదరీ అలెకాసిర్ సంచలన విషయాలు వెల్లడించారు.ఖతార్‌కు చెందిన ప్రముఖ ‘అల్ అరబీ’ వార్తా సంస్థకు ఇచ్చిన ఇంటర్వ్యూలో ఆయన ఈ వివరాలను బయటపెట్టారు. ఈ ఏడాది ఫిబ్రవరి 28న అమెరికా చేపట్టిన ‘ఆపరేషన్ ఎపిక్ ప్యూరీ’లో భాగంగా టెహ్రాన్‌లోని అధికారిక కేంద్రాలు, నివాస సముదాయాలపై యుద్ధ నౌకలు, సబ్‌మెరైన్లు, టోమహాక్ క్షిపణులతో మెరుపు దాడులు జరిగాయి. ఈ దాడుల్లో దివంగత ఇరాన్ సుప్రీం లీడర్ అయతుల్లా అలీ ఖమేనీ ప్రాణాలు కోల్పోయారు.శిథిలాల కింద చిక్కుకున్న మోజ్తాబా ఖమేనీ అయతుల్లా అలీ ఖమేనీ ప్రాణాలు కోల్పోయిన ప్రాంతానికి సమీపంలో ఉన్న వైద్య కేంద్రాలపై కూడా దాడులు జరిగాయి. ఈ దాడుల సమయంలో మూడో ఆసుపత్రిలో ఉన్న మోజ్తాబా ఖమేనీ తీవ్రంగా గాయపడి భవన శిథిలాల కింద చిక్కుకున్నారు. అప్రమత్తమైన అత్యవసర సిబ్బంది శిథిలాలను తొలగించి, ప్రాణాపాయ స్థితిలో ఉన్న ఆయన్ని రక్షించి అత్యవసర చికిత్స నిమిత్తం ఆసుపత్రికి తరలించినట్లు అలెకాసిర్ తెలిపారు. ఇదీ చదవండి: అయతుల్లా అలీ ఖమేనీ ఒంటి చేయి రహస్యం ఇదేనా?అజ్ఞాతంలో ఖమేనీ.. పొంతన లేని ప్రకటనలు మార్చి 8న ఇరాన్ సుప్రీం లీడర్‌గా మోజ్తాబా ఖమేనీ ఎన్నికైనప్పటికీ, ఆ తర్వాత ఆయన భౌతికంగా లేదా మీడియా ముందు బహిరంగంగా కనిపించలేదు. దీంతో ఆయన ఆరోగ్యంపై రకరకాల ఊహాగానాలు వ్యక్తమవుతున్నాయి. అమెరికా వర్గాల సమాచారం ప్రకారం.. వైమానిక దాడుల్లో ఖమేనీ తీవ్రంగా గాయపడ్డారని, ఆయన శరీరంపై బలమైన గాయాలైనట్లు నివేదికలు వచ్చాయి. మరోవైపు, గత వారం ‘ఫాక్స్ న్యూస్’తో మాట్లాడిన ఇరాన్ అధ్యక్షుడు మసూద్ పెజెష్కియన్ మాత్రం మోజ్తాబా ఖమేనీ పూర్తిగా ఆరోగ్యంగా ఉన్నారని స్పష్టం చేశారు.సుప్రీం లీడర్ ఎంపిక ప్రక్రియ శత్రు దేశాల దాడుల ముప్పును ఎదుర్కొంటూనే అత్యంత గోప్యంగా ఈ ఎంపిక జరిగిందని అలెకాసిర్ వెల్లడించారు. అసెంబ్లీ ఆఫ్ ఎక్స్‌పర్ట్స్ నిర్వహించిన ఓటింగ్‌లో మొత్తం 59 ఓట్లకు గానూ మోజ్తాబా ఖమేనీ 50 ఓట్లు సాధించి ఘన విజయం సాధించగా, మరో ఎనిమిది మంది అయతుల్లా అలీరేజా అరఫీకి ఓటు వేశారు. దేశాన్ని చట్టపరంగా, మతపరంగా నడిపించేందుకు ఖమేనీ మాత్రమే తగిన నాయకుడని ఈ సందర్భంగా ఆయన పునరుద్ఘాటించారు. 🇮🇷 🇮🇱 Detalles publicados por primera vez: Durante la guerra, el MOSSAD estuvo muy cerca del asesinato de Mujtaba Khamenei, el hijo de Ali Khamenei. Mohsen Heydari, miembro de la Asamblea iraní de expertos, afirmó que Mojtaba Jamenei fue rescatado de los escombros tras el ataque al hospital de Teherán. Heydari añadió que Jamenei resultó herido durante el ataque. Otros tres hospitales de Teherán fueron bombardeados después de que se supo que su estado se había estabilizado en el hospital. Según Heydari, cuando Jamenei estaba siendo tratado en el tercer hospital, el mismo centro médico también fue atacado y luego fue rescatado de los escombros.— Señor del caos visual ☭ 🇨🇱 (@Darwin_48) September 27, 2026

కౌలాలంపూర్‌: మలేషియాలో అత్యధిక కాలం ప్రధాన మంత్రిగా పనిచేసిన మహతీర్ మహమ్మద్ భార్య, డాక్టర్‌ సితి హస్మాహ్ మహమ్మద్ అలీ సోమవారం 100 ఏళ్ల వయసులో కన్నుమూశారు. అనారోగ్య సమస్యలతో కౌలాలంపూర్‌లోని నేషనల్ హార్ట్ ఇన్‌స్టిట్యూట్‌లో చికిత్స పొందుతూ సెప్టెంబర్ 28 ఉదయం 9:20 గంటల ప్రాంతంలో తుదిశ్వాస విడిచారు. ఈ విషయాన్ని ప్రధాని కార్యాలయం ధృవీకరించింది. సోమవారం సాయంత్రం అంత్యక్రియలు జరుగుతాయని, మలేషియా పరిపాలనా రాజధాని పుత్రజయలోని ఒక ముస్లిం శ్మశానవాటికలో ఆమెను ఖననం చేస్తారని మహతీర్ కార్యాలయం పేర్కొంది.సితి హస్మాహ్ మృతి పట్ల ప్రధాన మంత్రి అన్వర్ ఇబ్రహీం సంతాపం వ్యక్తం చేశారు , ఆమెకు పూర్తి అధికారిక లాంఛనాలతో అంత్యక్రియలు నిర్వహిస్తామని తెలిపారు. ఆమెలోని మాతృమూర్తి స్వరూపాన్ని దేశం ఎప్పటికీ గుర్తుంచుకుంటుంది, అలాగే ఆమె సేవలను , కృషిని గౌరవిస్తుందని అన్వర్ ఒక ప్రకటనలో పేర్కొన్నారు.ఎవరీ డా. సితి డాక్టర్ సితి హస్మా 1926 జూలై 12న జన్మించారు. ఈ ఏడాదే ఆమె తన 100వ పుట్టినరోజు వేడుకలు జరుపుకున్నారు. మాజీ ప్రధాని మహతీర్‌(101)తో ఆమె వివాహం జరిగి 70 ఏళ్లు పూర్తయింది. ఈ దంపతులకు నలుగురు కుమారులు, గ్గురు కుమార్తెలు 18 మంది మనవళ్లు, మనవరాళ్లు, నలుగురు మునిమనవళ్లు, మునిమనవరాళ్లు ఉన్నారు.ఇదీ చదవండి: పెళ్లైన 5 నెలలకే టెకీ ఆత్మహత్యతనకంటూ ఒక ప్రత్యేక గుర్తింపును కలిగి ఉన్న సితి హస్మాహ్, నిరాడంబరమైన వ్యక్తిత్వానికి , హాస్య చతురతకు ప్రసిద్ధి చెందారు. ఒక సందర్భంలో ఆమెను తన విజయానికి వెన్నెముకగా మహతీర్ అభివర్ణించారు. అలాగే, ఆ ​​కాలంలో మలేయ్ జాతి మహిళల్లో అరుదుగా కనిపించే 'యూనివర్సిటీ డిగ్రీని సాధించాలనే ఆమె పట్టుదల'ను తాను ఎంతో మెచ్చుకునేవాడినని ఆయన పేర్కొన్నారు.ఇదీ చదవండి: నటి రకుల్ ప్రీత్ మామ, నిర్మాత వాషు భగ్నానీలపై ఐటీ సోదాలుసితి హస్మా సింగపూర్‌లోని కింగ్ ఎడ్వర్డ్ VII కాలేజ్ ఆఫ్ మెడిసిన్ నుండి ఎంబీబీఎస్ (MBBS) పూర్తి చేశారు. మలేషియాలో తొలితరపు మహిళా వైద్యులలో ఒకరిగా నిలిచారు. 1965లో కెదా రాష్ట్ర మాతా శిశు సంరక్షణ విభాగంలో తొలి మహిళా మెడికల్ ఆఫీసర్‌గా, 1974లో తొలి మహిళా స్టేట్ మెటర్నల్ అండ్ చైల్డ్ హెల్త్ ఆఫీసర్‌గా బాధ్యతలు నిర్వర్తించారు. గ్రామీణ వైద్యం, కుటుంబ నియంత్రణ, మహిళా ఆరోగ్యం కోసం విశేషంగా కృషి చేశారు.అవార్డులుఆమె సేవలకు గుర్తింపుగా 2003లో 'సెరి సెతియా మహ్కోట మలేషియా (SSM)' అవార్డు లభించింది. అలాగే యూనివర్సిటీ ఆఫ్ మలయా, యూనివర్సిటీ ఆఫ్ ఎడిన్‌బర్గ్ వంటి పలు అంతర్జాతీయ, జాతీయ యూనివర్సిటీల నుండి గౌరవ డాక్టరేట్లను అందుకున్నారు. 1995లో బీజింగ్‌లో జరిగిన నాల్గవ ప్రపంచ మహిళా సదస్సుకు మలేషియా ప్రతినిధి బృందానికి నేతృత్వం వహించారు. 'మై నేమ్ ఈజ్ హస్మా' (My Name is Hasmah) పేరుతో తన ఆత్మకథను కూడా ప్రచురించారు.

అమెరికాలోని ప్రతిష్టాత్మక కార్నెల్‌ యూనివర్సిటీలో జరిగిన ఘోరం చర్చనీయాంశంగా మారింది. ఓ విద్యార్థినిపై సామూహిక అత్యాచారం జరిగిందన్న ఆరోపణలు మరోసారి తెరపైకి వచ్చాయి. తనకు న్యాయం చేయాలంటూ బాధితురాలు మళ్లీ కోర్టును ఆశ్రయించింది. దీంతో రెండేళ్ల కిందటి ఈ సంచలన కేసుపై న్యూయార్క్‌లోని ప్రాసిక్యూటర్లు దర్యాప్తును పునఃప్రారంభించారు. అయితే ఈసారి నివ్వెరపోయే విషయాలు వెలుగులోకి వచ్చాయి.అప్పట్లో.. 20 ఏళ్ల వయసున్న తనకు మత్తు పదార్థాలు ఇచ్చి, అనంతరం పలువురు ఒకరి తర్వాత మరొకరు వరుసగా లైంగిక దాడికి పాల్పడ్డారని బాధితురాలు ఆరోపించింది. తాజాగా ఆమె కార్నెల్‌ యూనివర్సిటీతో పాటు ఆరోపణలు ఎదుర్కొంటున్న ఏడుగురు ఫ్రాటర్నిటీ సభ్యులపై దావా వేసింది. 2014లో కార్నెల్‌లోని చి ఫై ఫ్రాటర్నిటీ హౌస్‌కు ఓ స్నేహితుడిని కలవడానికి వెళ్లిన సమయంలో ఈ ఘటన జరిగినట్లు ఆమె దావాలో పేర్కొంది. తాను మత్తులో ఉన్న సమయంలో ఇద్దరు వ్యక్తులు కెటమైన్‌ తీసుకోవాలని బలవంతం చేశారని, ఆ తర్వాత తనపై లైంగిక దాడి చేశారని ఆమె ఆరోపించింది.తాను అపస్మారక స్థితిలో ఉండగానే ఫ్రాటర్నిటీకి చెందిన స్నాప్‌చాట్‌ గ్రూప్‌లో ఓ వ్యక్తి ‘ఫ్రీ సెక్స్‌’ అంటూ మెసేజ్‌ పెట్టాడని ఫిర్యాదులో పేర్కొన్నారు. ఆ మెసేజ్‌కు మరికొందరు దుర్మార్గంగా స్పందించారని.. మరింత మంది అక్కడికి వచ్చి తనపై గంటల తరబడి లైంగిక దాడి చేశారని ఆమె దావాలో పేర్కొన్నారు.ఘటన జరిగిన తర్వాత తాను మానసికంగా కుంగిపోయానని.. ఎటూ వెళ్లలేకపోయానని చెప్పింది. స్నేహితుల సహకారంతో మూడు వారాల తర్వాత బాధితురాలు యూనివర్సిటీ పోలీసులకు ఫిర్యాదు చేసినట్లు ఆమె వెల్లడించింది. కార్నెల్‌ అంతర్గతంగా విచారణ చేపట్టినప్పటికీ.. ఆరోపణలు ఎదుర్కొన్న ఏడుగురిలో ఇద్దరిని మాత్రమే యూనివర్సిటీ నుంచి బహిష్కరించారని ఆమె వాపోయింది.ఆమె తరఫు న్యాయవాది థామస్‌ గియుఫ్రా మీడియాతో మాట్లాఉడతూ.. మిగిలిన వారికి సస్పెన్షన్‌, వర్క్‌షాప్‌లు, వ్యాసాలు రాయడం వంటి వివిధ శిక్షలు విధించినట్లు దావాలో పేర్కొన్నారు. ఈ వ్యవహారంలో ఒక్కరినీ అరెస్టు చేయలేదని బాధితురాలి న్యాయవాది పేర్కొన్నారు. ఈ ఘటన తర్వాత ఆమె చదువు మానేసినట్లు కూడా దావాలో వెల్లడించారు. కార్నెల్‌, ఫ్రాటర్నిటీ సభ్యులపై ఒప్పంద ఉల్లంఘన, నిర్లక్ష్యం, రాష్ట్ర చట్టాల ఉల్లంఘన వంటి ఆరోపణలతో ఆమె పరిహారం కోరుతూ కోర్టును ఆశ్రయించారు.‘క్రిమినల్‌ కేసుకు ఆధారాలు సరిపోలేదు’మరోవైపు టాంప్‌కిన్స్‌ కౌంటీ డిస్ట్రిక్ట్‌ అటార్నీ కార్యాలయం ఈ వ్యవహారంపై పోలీసుల దర్యాప్తును సమీక్షించినట్లు తెలిపింది. అయితే క్రిమినల్‌ కేసు నమోదు చేసి అభియోగాలు మోపేందుకు తగిన ఆధారాలు లభించలేదని పేర్కొంది.కార్నెల్‌ ఏం చెప్పిందంటే..కార్నెల్‌ యూనివర్సిటీ తమ నిబంధనల ప్రకారం అంతర్గత విచారణ జరిపినట్లు చెబుతుండగా.. బాధితురాలి తరఫు న్యాయవాదులు మాత్రం తగిన చర్యలు తీసుకోలేదని ఆరోపిస్తున్నారు. మరోవైపు, క్రిమినల్‌ కేసు నమోదు చేసి అభియోగాలు మోపేందుకు తగిన ఆధారాలు లభించలేదని టాంప్‌కిన్స్‌ కౌంటీ డిస్ట్రిక్ట్‌ అటార్నీ కార్యాలయం స్పష్టం చేసింది. ప్రస్తుతం బాధితురాలు దాఖలు చేసిన సివిల్‌ దావాతో ఈ వ్యవహారం మరోసారి చర్చనీయాంశంగా మారింది. ఈ కేసులో కోర్టు విచారణతో ఆరోపణలపై తదుపరి పరిణామాలు వెలుగులోకి రానున్నాయి.ఇదీ చదవండి: అమెరికాలో మళ్లీ పేలిన గన్‌

లాహోర్‌: పాకిస్థాన్‌లోని లాహోర్‌లో అజర్‌బైజాన్‌కు చెందిన 20 ఏళ్ల యువతిపై ముగ్గురు వ్యక్తులు సామూహిక అత్యాచారానికి పాల్పడ్డారనే ఆరోపణలు కలకలం రేపుతున్నాయి. వ్యాపార పనుల కోసం పాకిస్థాన్‌కు వచ్చిన ఆమెను ఇద్దరు మహిళలు కేఫ్‌కు తీసుకెళ్లగా.. అక్కడ ముగ్గురు పురుషులు వారిని కలిశారు. అనంతరం ఆ యువతిని కారులో తీసుకెళ్లి ఓ ఫ్లాట్‌లో ఈ దారుణానికి పాల్పడ్డారని పోలీసులు తెలిపారు.కేఫ్‌ నుంచి ఫ్లాట్‌కు..పోలీసు అధికారి అంజుమ్ బషీర్ తెలిపిన వివరాల ప్రకారం.. బాధిత యువతి సుమారు రెండు వారాల క్రితం అజర్‌బైజాన్ రాజధాని బాకు నుంచి పాకిస్థాన్‌కు వచ్చింది. లాహోర్‌లోని రాయ్‌విండ్ ప్రాంతంలో ఉంటోంది. సెప్టెంబర్ 25న రాత్రి సుమారు 11 గంటలకు ఇద్దరు మహిళలు ఆమెను డిఫెన్స్ హౌసింగ్ అథారిటీ (డీహెచ్‌ఏ)ప్రాంతంలోని ఓ కేఫ్‌కు తీసుకెళ్లారు. కొద్దిసేపటి తర్వాత ముగ్గురు పురుషులు అక్కడికి వచ్చారు.మత్తు పదార్థం ఇచ్చి..కేఫ్‌లో సమయం గడిపిన అనంతరం యువతిని ఆమె నివాసానికి కారులో తీసుకెళ్తామని ఆ ముగ్గురు పురుషులు చెప్పినట్లు పోలీసులు తెలిపారు. అయితే ఆమెను మరో ఫ్లాట్‌కు తీసుకెళ్లి మత్తు పదార్థం ఇచ్చారని, అనంతరం లైంగిక దాడికి పాల్పడ్డారని బాధితురాలు ఆరోపించింది. అక్కడి నుంచి ఆమెను లాహోర్‌లోని ఘాజీ ఇంటర్‌చేంజ్ సమీపంలో వదిలి వెళ్లినట్లు పోలీసులు తెలిపారు.ఐఫోన్‌ కూడా లూటీనిందితులు యువతి ఐఫోన్‌ను కూడా తీసుకెళ్లినట్లు పోలీసుల విచారణలో వెల్లడైంది. ఘటనపై బాధితురాలి ఫిర్యాదు మేరకు పోలీసులు కేసు నమోదు చేశారు. ఆమెకు వైద్య పరీక్షలు నిర్వహించారు. ముగ్గురు అనుమానితులపై కేసు నమోదు చేసి దర్యాప్తు కొనసాగిస్తున్నారు.ప్రధాన నిందితుడి కారు స్వాధీనంప్రధాన నిందితుడిని గుర్తించినట్లు పోలీసు అధికారి అంజుమ్ బషీర్ తెలిపారు. నేరానికి ఉపయోగించినట్లు భావిస్తున్న కారును అతడి బంధువు ఇంటి నుంచి పోలీసులు స్వాధీనం చేసుకున్నారు. ప్రధాన నిందితుడితో పాటు మరో ఇద్దరి కోసం పోలీసులు విస్తృతంగా గాలిస్తున్నారు. వారు దేశం విడిచి వెళ్లకుండా ముగ్గురు అనుమానితుల పేర్లను ‘స్టాప్ లిస్ట్‌’లో చేర్చినట్లు తెలిపారు.ఇద్దరు మహిళల పాత్రపైనా దర్యాప్తుబాధితురాలిని కేఫ్‌కు తీసుకెళ్లిన ఇద్దరు మహిళల పాత్రపైనా పోలీసులు దర్యాప్తు చేస్తున్నారు. ఈ ఘటనలో ఇప్పటివరకు ఎవరినీ అరెస్టు చేయలేదని పోలీసులు తెలిపారు. నిందితుల కోసం పలు ప్రాంతాల్లో తనిఖీలు కొనసాగుతున్నాయి.జూలైలోనూ విదేశీ మహిళలపై ఘటనలాహోర్‌లో విదేశీ మహిళలపై దాడికి సంబంధించిన ఘటన గతంలోనూ చోటుచేసుకుంది. జూలైలో విదేశీ మహిళలను అపహరించి సామూహిక అత్యాచారానికి పాల్పడ్డారనే కేసు నమోదైంది. ఈ కేసులో కొందరు నిందితులను జూలై 2న అరెస్టు చేసి జైలుకు పంపినట్లు సమాచారం.ఇదీ చదవండి: ‘సాగర్‌ ప్యారడైజ్‌’: 16 సెకన్లలో 14 సార్లు ఇనుప రాడ్‌తో దాడి

మధ్యప్రాచ్యంలో మళ్లీ కీలక పరిణామం.. ఇజ్రాయెల్‌ ప్రధాని బెంజమిన్‌ నెతన్యాహు హఠాత్తుగా అబుదాబి చేరుకున్నారు. యూఏఈ అధ్యక్షుడు షేక్‌ మహమ్మద్‌ బిన్‌ జాయెద్‌ అల్‌ నహ్యాన్‌తో నెతన్యాహు భేటీ అయినట్లు ఇజ్రాయెల్‌కు చెందిన ఓ సీనియర్‌ అధికారి వెల్లడించారు. అయితే ఈ కీలక సమావేశంపై అటు నెతన్యాహు కార్యాలయం, ఇటు యూఏఈ విదేశాంగ శాఖ ఇప్పటివరకు అధికారికంగా స్పందించలేదు.ఈ భేటీ జరుగుతున్న సమయంలోనే 2023 అక్టోబర్‌ 7 హమాస్‌ దాడికి సంబంధించి యూఏఈ.. ఇజ్రాయెల్‌కు సమాచారం ఇచ్చినట్లు ప్రచారం జరుగుతున్న విషయం మరోసారి తెరపైకి వచ్చింది. హమాస్‌ ఇజ్రాయెల్‌పై భారీ ఆపరేషన్‌కు సిద్ధమవుతోందని దాడికి సుమారు 10 రోజుల ముందు షేక్‌ మహమ్మద్‌.. నెతన్యాహును హెచ్చరించినట్లు హారెట్జ్‌ కథనం పేర్కొంది. అయితే ఆ సమాచారం ఇజ్రాయెల్‌ నిఘా సంస్థలు, సైన్యానికి చేరలేదని అందులో వెల్లడించింది. ఈ కథనాన్ని నెతన్యాహు తీవ్రంగా ఖండించారు. హారెట్జ్‌పై చట్టపరమైన చర్యలు తీసుకుంటానని హెచ్చరించారు.మరోవైపు 2023 హమాస్‌ దాడికి ముందు జరిగిన భద్రతా వైఫల్యాలపై నెతన్యాహుపై దేశీయంగా రాజకీయ ఒత్తిడి కొనసాగుతోంది. ప్రతిపక్ష నేతలు కూడా ఆయన బాధ్యతను ప్రశ్నిస్తున్నారు. ఇలాంటి సమయంలో అబుదాబిలో నెతన్యాహు–షేక్‌ మహమ్మద్‌ భేటీ జరగడం ఆసక్తిని రేపుతోంది. కాగా.. ఇజ్రాయెల్‌, యూఏఈలు 2020లో అబ్రహం ఒప్పందాల ద్వారా దౌత్య సంబంధాలను ఏర్పాటు చేసుకున్నాయి. అప్పటి నుంచి ఇరు దేశాల మధ్య ప్రత్యక్ష సమాచార మార్గాలు కొనసాగుతున్నాయని యూఏఈ చెబుతోంది.ఇదిలా ఉంటే.. నెతన్యాహు, షేక్‌ మహమ్మద్‌ గతంలోనూ రహస్యంగా సమావేశమైనట్లు కథనాలు వెలువడ్డాయి. ఈ ఏడాది మేలో నెతన్యాహు.. యూఏఈని సందర్శించి రహస్యంగా అధ్యక్షుడిని కలిశారని సమాచారం. అబుదాబి సమీపంలోని అల్‌ ఐన్‌లో ఇరువురు నేతలు సమావేశమైనట్లు తెలిసింది. అయితే, ఇరాన్‌ యుద్ధం, గాజా సంక్షోభం, ప్రాంతీయ భద్రత వంటి అంశాలపై మధ్యప్రాచ్యంలో ఉద్రిక్తతలు కొనసాగుతున్న వేళ తాజా భేటీ జరగడం ప్రాధాన్యం సంతరించుకుంది. కాగా, నెతన్యాహు–షేక్‌ మహమ్మద్‌ తాజా చర్చల్లో ఏ అంశాలు ప్రస్తావనకు వచ్చాయన్నది మాత్రం ఇంకా అధికారికంగా వెల్లడికాలేదు.ఇదీ చదవండి: ఇరాన్‌లో కలకలం.. ఖమేనీకి ఏమైంది?

పశ్చిమాసియాలో ఉద్రిక్తతల ముగింపు కోసం దౌత్య ప్రయత్నాలు కొనసాగుతున్నప్పటికీ.. పరిస్థితులు మాత్రం మరోసారి ఉద్రిక్తంగా మారుతున్నాయి. హర్ముజ్‌ జలసంధిని తిరిగి తెరిచేందుకు ఇరాన్‌ ప్రతిపాదించిన ఏడు రోజుల రోడ్‌మ్యాప్‌ను అమెరికా తిరస్కరించడంతో.. అవసరమైతే భయానక యుద్ధాన్ని సైతం ఎదుర్కొనేందుకు తమ దేశం పూర్తిగా సిద్ధంగా ఉందని ఇరాన్‌ అంటోంది. ఈసారి యుద్ధం మొదలైతే అదీ ఎవరూ ఊహించని స్థాయిలో భీకరంగా మారొచ్చు అని ఇరాన్‌ విదేశాంగ మంత్రి అబ్బాస్‌ అరాఘ్చీ స్పష్టం చేశారు. యుద్ధం పునఃప్రారంభమైతే అది ‘డూమ్స్‌డే వార్‌’(Doomsday War)ప్రళయం తరహా) స్థాయికి చేరినా ఎదుర్కొనేందుకు సిద్ధం అని అమెరికాను హెచ్చరించారాయన. అదే సమయంలో దౌత్యానికి తలుపులు మాత్రం మూసివేయలేదని చెప్పారు.హర్ముజ్‌ జలసంధిని తిరిగి తెరవడం, యుద్ధాన్ని ముగించే దిశగా ఇరాన్‌ ఏడు రోజుల ప్రణాళికను ప్రతిపాదించింది. అయితే ఈ ప్రతిపాదనను అమెరికా తిరస్కరించింది. ఇరాన్‌ తమను ఫ్రీజ్‌ చేసిన బిలియన్ల డాలర్ల నిధులను విడుదల చేయాలని, ఆంక్షలను ఎత్తివేయాలని కోరిందని.. అందుకు తాము సిద్ధంగా లేమని ఐక్యరాజ్యసమితిలో అమెరికా రాయబారి మైక్‌ వాల్ట్జ్‌ తెలిపారు. ఇవి కేవలం అమెరికా విధించిన ఆంక్షలు కాదని, ప్రపంచవ్యాప్తంగా అమల్లో ఉన్న ఆంక్షలని ఆయన పేర్కొన్నారు.‘యుద్ధం త్వరలో ముగుస్తుంది’.. ట్రంప్‌మరోవైపు.. ఆరాఘ్ఛి వార్నింగ్‌ వెలువడ్డ కాసేపటికే అమెరికా అధ్యక్షుడు డొనాల్డ్‌ ట్రంప్‌ కీలక ప్రకటన చేశారు. ఈ వారంలో ఇరాన్‌తో మరిన్ని చర్చలు జరిగే అవకాశం ఉందని చెప్పారు. యుద్ధంలో అమెరికా ‘త్వరలోనే విజయం సాధిస్తుంది’ అని ఆయన పేర్కొన్నారు. అయితే ఇరాన్‌ ప్రతిపాదనను తిరస్కరించినప్పటికీ దౌత్య మార్గాలు పూర్తిగా మూసుకుపోలేదని నిపుణులు చెబుతున్నారు.న్యూయార్క్‌లో ఐరాస సర్వసభ్య సమావేశాల సందర్భంగా ఇరాన్‌ ప్రతినిధులతో దౌత్య ప్రయత్నాలు కొనసాగుతున్నాయని సెంటర్‌ ఫర్‌ మిడిల్‌ ఈస్ట్‌ స్ట్రాటజిక్‌ స్టడీస్‌ సీనియర్‌ పరిశోధకుడు అబ్బాస్‌ అస్లానీ తెలిపారు. మధ్యవర్తుల ద్వారా అమెరికా అధికారిక స్పందన కోసం ఇరాన్‌ ఎదురుచూస్తోందని చెప్పారు. ఇరుదేశాలు తమకు ఉన్న ప్రధాన ఒత్తిడి సాధనాలను ముందుగా ఎవరు వదులుకుంటారన్నదే ఇప్పుడు కీలకంగా మారిందని ఆయన విశ్లేషించారు.డ్రోన్‌ స్వాధీనం చేసుకున్నామన్న ఇరాన్‌ ప్రకటనపై..హర్ముజ్‌ జలసంధిలో అమెరికాకు చెందిన అధునాతన అండర్‌వాటర్‌ డ్రోన్‌ను ఇరాన్‌ సైన్యం స్వాధీనం చేసుకుందన్న వార్తలు కూడా ఉద్రిక్తతను పెంచాయి. అయితే ఇరాన్‌ చేసిన ఈ ప్రకటనను అమెరికా సైన్యం ఖండించింది. డ్రోన్‌ తమ ఆధీనంలోకి వెళ్లిందన్న వాదనలో వాస్తవం లేదని స్పష్టం చేసింది. ఇదిలా ఉండగా.. ఇరాన్‌పై అమెరికా దాడులకు ఉపయోగిస్తున్న బ్రిటన్‌లోని ఓ వైమానిక స్థావరం సమీపంలో ఐదుగురిని పోలీసులు అరెస్టు చేశారు. పేలుడు పదార్థాలు, ఉగ్రవాదానికి సంబంధించిన నేరాల అనుమానంతో వారిని అదుపులోకి తీసుకున్నట్లు అధికారులు తెలిపారు. వాళ్లు ఇరాన్‌ పౌరులని తెలుస్తోంది.నస్రల్లా హంతకుల్ని శిక్షించాల్సిందేమరోవైపు హెజ్బొల్లా నేత హసన్‌ నస్రల్లా హత్యకు రెండేళ్లు పూర్తైన సందర్భంగా ఇరాన్‌ మరోసారి ఇజ్రాయెల్‌పై తీవ్ర ఆరోపణలు చేసింది. నస్రల్లా హత్యను ‘క్షమించరాని నేరం’గా అభివర్ణించిన ఇరాన్‌ విదేశాంగ శాఖ.. బాధ్యులను గుర్తించి చట్టపరంగా శిక్షించాలని ప్రపంచ దేశాలను కోరింది. 2024 సెప్టెంబర్‌ 27న బీరుట్‌లోని దక్షిణ శివార్లపై ఇజ్రాయెల్‌ జరిపిన వైమానిక దాడిలో నస్రల్లా మరణించిన విషయం తెలిసిందే.మొత్తంగా హర్ముజ్‌ జలసంధి తెరవడం, ఆంక్షల ఎత్తివేత, అణు కార్యక్రమం వంటి అంశాలపై అమెరికా–ఇరాన్‌ మధ్య ప్రతిష్టంభన కొనసాగుతోంది. ఒకవైపు చర్చలకు అవకాశం ఉందన్న సంకేతాలు కనిపిస్తుండగా.. మరోవైపు యుద్ధం మళ్లీ మొదలైతే పూర్తి స్థాయిలో సిద్ధంగా ఉన్నామని ఇరాన్‌ హెచ్చరించడం పరిస్థితి తీవ్రతను చాటుతోంది.ఇదీ చదవండి: భారత్‌-కెనడా బంధంలో కీలక ‘మలుపు’!

డెట్రాయిట్‌: అమెరికాలోని డెట్రాయిట్‌లోని ఓ క్లబ్‌లో జరిగిన గొడవ తీవ్ర హింసకు దారితీసింది. ఆదివారం తెల్లవారుజామున జరిగిన కాల్పుల్లో ముగ్గురు పురుషులు ప్రాణాలు కోల్పోగా, మరో నలుగురు గాయపడ్డారు. మృతులు, క్షతగాత్రులు 20 నుంచి 30 ఏళ్ల మధ్య వయసున్నవారిగా పోలీసులు తెలిపారు. ఘటనపై దర్యాప్తు కొనసాగుతోంది. అమెరికాలోని మిచిగన్ రాష్ట్రం డెట్రాయిట్‌లో ఆదివారం ఉదయం సుమారు 7.21 గంటలకు ఈ ఘటన జరిగింది. నగరంలోని పశ్చిమ ప్రాంతంలో ఈటన్ అవెన్యూ, ప్రెస్ట్ స్ట్రీట్ సమీపంలో కాల్పులు చోటుచేసుకున్నాయి.ఈ ఘటనలో మరో నలుగురు గాయపడ్డారు. వారిలో ఇద్దరు పురుషులు, ఇద్దరు మహిళలు ఉన్నారు. క్షతగాత్రులను సమీపంలోని ఆసుపత్రులకు తరలించారు. కాల్పులకు ముందు ఘటన జరిగిన ప్రదేశంలో గొడవ జరిగినట్లు డెట్రాయిట్ పోలీస్ చీఫ్ టాడ్ బెట్టిసన్ తెలిపారు. గొడవ అనంతరం కొందరు తుపాకీతో హింసకు పాల్పడ్డారని చెప్పారు. అయితే అసలు గొడవ ఎందుకు మొదలైంది? కాల్పులకు పాల్పడిన వ్యక్తులు ఎవరు? అనే వివరాలు ఇంకా తెలియరాలేదు.ఈ కేసులో పోలీసులకు కొన్ని ఆధారాలు, సమాచారం లభించాయని బెట్టిసన్ తెలిపారు. అయితే దర్యాప్తు దృష్ట్యా వాటిని బహిర్గతం చేయలేదు. అనుమానితుడి వివరాలు లేదా అతడి రూపురేఖలను కూడా పోలీసులు వెల్లడించలేదు. కాల్పులకు దారితీసిన పరిస్థితులపై విచారణ కొనసాగుతోంది. డెట్రాయిట్ మేయర్ మేరీ షెఫీల్డ్ ఈ ఘటనపై స్పందిస్తూ, దీనికి సంబంధించిన సమాచారం ఉన్నవారు పోలీసులకు తెలియజేయాలని కోరారు. ఈ ఘటనతో ప్రస్తుతం ప్రజలకు ఎలాంటి ముప్పు లేదని డెట్రాయిట్ పోలీస్ విభాగం తెలియజేసింది.ఇదీ చదవండి: సల్ఫర్ ధర డబుల్.. భారత్‌కు సరికొత్త సంక్షోభం!

బుకావు: ఆఫ్రికా దేశం కాంగోలో పడవ మునిగిన ఘటనలో 12 మంది చనిపోయారు. మరికొందరి జాడ గల్లంతైంది. కిషెకె గ్రామ సమీపంలోని కివు సరస్సులో శనివారం రాత్రి ఈ ప్రమాదం చోటుచేసుకుంది. గ్రామస్తుల వెంటనే స్పందించి 15 మందిని కాపాడారు. ప్రమాద సమయంలో పడవలో 50 మందికి పైగా ఉన్నారని, వీరంతా వ్యాపారులేనని అధికారులు తెలిపారు. ప్రమాదానికి కారణాలు తెలియాల్సి ఉంది.

లండన్‌: ఇరాన్‌పై దాడుల కోసం అమెరికా ఉపయోగించుకుంటున్న బ్రిటన్‌లోని వైమానిక స్థావరం వద్ద ఆదివారం పోలీసులు ఒక ఉగ్రదాడి కుట్రను భగ్నంచేశారు. గ్లౌసెస్టర్‌షైర్‌ గ్రామ సమీపంలో ఉన్న ఫెయిర్‌ఫోర్డ్‌ రాయల్‌ ఎయిర్‌ఫోర్స్‌ బేస్‌ను పేల్చేందుకు ఉగ్రవాదులు పన్నిన కుట్రను పోలీసులు చేధించారు. పేలుడుపదార్థాలను తరలిస్తున్నట్లుగా భావిస్తున్న మూడు వాహనాలను స్వాదీనం చేసుకున్నారు. వాహనాల్లోని ఐదుగురు అనుమానితులను అరెస్ట్‌చేశారు. వాహనాల్లోని పేలుడు పదార్థాలు పేలితే వినాశనం తప్పదని, ముందు జాగ్రత్తగా సమీప 85 ఇళ్లను ఖాళీ చేయించారు. వేగంగా స్పందించి ముప్పును నివారించిన పోలీసు ప్రత్యేక బృందాలను బ్రిటన్‌ రక్షణ మంత్రి వెస్‌ స్ట్రీటింగ్‌ ప్రశంసించారు. ఫిబ్రవరి 28వ తేదీన ఇరాన్‌పై అమెరికా, ఇజ్రాయెల్‌ దాడులు మొదలవ్వడం తెల్సిందే. అమెరికా తన బీ–1బీ వంటి శక్తివంతమైన యుద్ధ విమానాలను ఈ స్థావరం నుంచే ఇరాన్‌పై దాడులకు పంపుతోంది. అమెరికాకు సాయపడే దేశాల సైనిక స్థావరాలపై దాడులు తప్పవంటూ జూలైలో హెచ్చరికలు చేసిన ఇరాన్‌లోని ఇస్లామిక్‌ రెవల్యూషనరీ గార్డ్స్‌ కోర్‌ లేదా రష్యా అనుకూల శక్తులు ఈ స్థావరంపై దాడికి యతి్నంచి ఉండొచ్చనే అనుమానాలు వ్యక్తమవుతున్నాయి.

ఐక్యరాజ్యసమితి: తమ సంబంధాలను మరింత ఉన్నత స్థాయికి తీసుకెళ్లేందుకు భారత్, కెనడా సన్నద్ధమవుతున్నాయని భారత విదేశాంగ మంత్రి ఎస్‌.జైశంకర్‌ తెలిపారు. అమెరికాలో ఐక్యరాజ్యసమితి జనరల్‌ అసెంబ్లీ సమావేశాల సందర్భంగా శనివారం కెనడా విదేశాంగ మంత్రి అనితా ఆనంద్‌తో ఆయన సమావేశమయ్యారు. భారత్, కెనడా సంబంధాలపై వారు చర్చించారు. కెనడా విదేశాంగ మంత్రితో భేటీ కలవడం సంతోషదాయకమని జైశంకర్‌ ‘ఎక్స్‌’లో పోస్టుచేశారు. ఆమెతో ఫలప్రదమైన చర్చ జరిగిందని వెల్లడించారు. ఇటీవల ఐక్యరాజ్యసమితి వేదికగా కెనడా ప్రధానమంత్రి మార్క్‌ కార్నీ మాట్లాడుతూ... భారత్‌తో వాణిజ్య చర్చల్లో కెనడా మంచి పురోగతి సాధిస్తోందని చెప్పారు.

మూడు గోల్ఫ్ బంతులను మింగేసిన ఓ పాము.. వైద్యులనే అవాక్కయ్యేలా చేసింది. శస్త్రచికిత్స లేకుండానే మత్తుమందు ఇచ్చి, పాము శరీరాన్ని జాగ్రత్తగా మానిప్యులేట్ చేస్తూ మూడు బంతులను బయటకు తీశారు అమెరికా పశువైద్యులు. ఈ అసాధారణ రెస్క్యూ వీడియో ఇప్పుడు సోషల్ మీడియాలో వైరల్‌గా మారింది. టెక్సాస్‌లోని శాన్ ఆంటోనియోలో సౌత్‌ టెక్సాస్ ఏవియన్, ఎక్సయోటిక్ ఆసుపత్రిలో పాము కడుపులో ఇరుక్కుపోయిన మూడు గోల్ఫ్ బంతులను విజయవంతంగా బయటకు తీశారు.ఈ ప్రక్రియకు సంబంధించిన వీడియోను ఆసుపత్రి ఇన్‌స్టాగ్రామ్‌లో పంచుకుంది. వీడియోలో మత్తుమందు ఇవ్వడంతో పాము నిద్రలోకి జారుకుంది. అనంతరం వైద్యులు దాని శరీరంలో ఉన్న వస్తువులను ఎంతో జాగ్రత్తగా బయటకు తీసేశారు. ‘‘ఈ పాము మూడు గోల్ఫ్ బంతులను మింగింది. అదృష్టవశాత్తూ శస్త్రచికిత్స అవసరం రాలేదు. పాముకు మత్తుమందు ఇచ్చిన తర్వాత.. మా పశువైద్య బృందం దాని శరీరాన్ని జాగ్రత్తగా మలచుతూ మూడు గోల్ఫ్ బంతులను చేతులతో సురక్షితంగా బయటకు తీయగలిగింది.ఇది నిజంగా గుర్తుండిపోయే కేసు.. ఎగ్జాటిక్ యానిమల్ మెడిసిన్‌లో తమ వద్దకు ఎలాంటి కేసు వస్తుందో ఎప్పుడూ ఊహించలేం’’ అంటూ ఆసుపత్రి ఇన్‌స్టాగ్రామ్‌లో పేర్కొంది. పశువైద్యులు పాము శరీరాన్ని నెమ్మదిగా మానిప్యులేట్ చేస్తూ గోల్ఫ్ బంతులను దాని నోటి వైపు కదిలించారు.ఇదీ చదవండి: నీటిపై తేలుతున్న డ్రమ్ములో షాకింగ్‌ దృశ్యంఒక్కో బంతి నోటి దగ్గరకు చేరుకున్నప్పుడు పాము నోరు తెరవడంతో వైద్యులు వాటిని జాగ్రత్తగా బయటకు తీశారు. మొదటి గోల్ఫ్ బంతిని బయటకు తీసిన తర్వాత.. పామును పరీక్షించగా దాని శరీరంలో ఇంకా రెండు బంతులు ఉన్నట్లు గుర్తించారు. అనంతరం వైద్యులు అదే జాగ్రత్తతో మిగిలిన రెండు గోల్ఫ్ బంతులను కూడా బయటకు తీశారు. View this post on Instagram A post shared by South Texas Avian & Exotic Hospital (@southtexasavianexotics)

జొహన్నెస్‌బర్గ్: దక్షిణాఫ్రికాలో రెండు వేర్వేరు ప్రాంతాల్లో జరిగిన సామూహిక కాల్పుల ఘటనల్లో 27 మంది ప్రాణాలు కోల్పోయారు. మరో 26 మంది గాయపడ్డారు. శనివారం రాత్రి జొహన్నెస్‌బర్గ్‌కు పశ్చిమాన ఉన్న ఓ బార్‌లో మొదటి ఘటన చోటుచేసుకుంది. ఆదివారం తెల్లవారుజామున కేప్‌టౌన్‌ వెలుపల ఉన్న ఓ టౌన్‌షిప్‌లోని వినోద కేంద్రంలో రెండో ఘటన జరిగింది. జొహన్నెస్‌బర్గ్‌ సమీపంలోని బార్‌పై శనివారం రాత్రి సుమారు 7.30 గంటలకు ఎనిమిది మంది తుపాకులతో దాడి చేసినట్లు పోలీసులు తెలిపారు. ఈ కాల్పుల్లో 17 మంది మృతి చెందగా, మరో 15 మంది గాయపడ్డారు. మృతుల్లో 13 మంది పురుషులు, నలుగురు మహిళలు ఉన్నట్లు పోలీసులు వెల్లడించారు.కాల్పుల అనంతరం దుండగులు అక్కడున్న కొందరిని తనిఖీ చేసి, వారి మొబైల్ ఫోన్లు తీసుకున్నట్లు పోలీసులు తెలిపారు. అనంతరం గుర్తుతెలియని రెండు వాహనాల్లో అక్కడి నుంచి పారిపోయారు. నిందితులు వెళ్లే ముందు రెండు వాహనాలకు నిప్పుపెట్టినట్లు పోలీసులు చెప్పారు. ఈ ఘటనకు గల కారణం ఇంకా తెలియరాలేదు.మరోవైపు కేప్‌టౌన్‌ వెలుపల ఉన్న ఓ టౌన్‌షిప్‌లో ఆదివారం తెల్లవారుజామున మరో కాల్పుల ఘటన చోటుచేసుకుంది. ఓ వినోద కేంద్రంలోకి దుండగులు కాల్పులు జరపడంతో 10 మంది మరణించగా, 11 మంది గాయపడ్డారు. ఈ రెండు ఘటనలకు సంబంధించి నిందితులను పట్టుకునేందుకు ప్రత్యేక దర్యాప్తు బృందాలను రంగంలోకి దించినట్లు పోలీసులు తెలిపారు.దక్షిణాఫ్రికాలో చట్టబద్ధమైన, అక్రమమైన తుపాకుల లభ్యత విస్తృతంగా ఉండటంతో కాల్పుల ఘటనలు తరచూ జరుగుతున్నాయి. వీటిలో అనేక ఘటనలు గ్యాంగ్‌ల మధ్య విభేదాలు, అక్రమ వ్యాపారాలపై ఆధిపత్య పోటీతో ముడిపడి ఉంటాయని అధికారులు చెబుతున్నారు. సుమారు 6.2 కోట్ల జనాభా ఉన్న దక్షిణాఫ్రికాలో రోజుకు సగటున 60 మంది హత్యకు గురవుతున్నట్లు నివేదిక పేర్కొంది. జొహన్నెస్‌బర్గ్‌లో పెరుగుతున్న హింసను అరికట్టేందుకు మార్చిలో నేరాలు ఎక్కువగా జరుగుతున్న ప్రాంతాల్లో పోలీసులకు సహకరించేందుకు సైనికులను కూడా మోహరించారు. ఇదీ చదవండి: ‘భారత్‌పై కన్నేస్తే గట్టి జవాబే’..‘మన్‌ కీ బాత్‌’లో ప్రధాని మోదీ

ఢాకా: బంగ్లాదేశ్‌లో మైనారిటీల భద్రతపై ఆందోళనలు వ్యక్తమవుతున్న నేపథ్యంలో మరో దారుణ ఘటన చోటుచేసుకుంది. మైమెన్సింగ్ జిల్లాలోని బెగున్‌బారి ప్రాంతంలో స్లూయిస్ గేట్ సమీపంలో నీటిలో తేలుతున్న డ్రమ్‌లో 50 ఏళ్ల హిందూ వ్యక్తి మృతదేహాన్ని పోలీసులు గుర్తించారు. మృతుడిని నగల వ్యాపారి నిరంజన్ చంద్ర సూత్రధర్గా గుర్తించారు. మైమెన్సింగ్‌లోని అథర్‌బారి బిల్డింగ్ ప్రాంతంలో మరో వ్యక్తి భాగస్వామ్యంతో ఆయన నగల దుకాణం నడుపుతున్నారు.నిరంజన్‌ను ఎవరు హత్య చేశారు? హత్యకు కారణం ఏమిటన్నది పోలీసులు ఇంకా నిర్ధారించలేదు. మృతుడి తల, ఛాతిపై పదునైన ఆయుధంతో దాడి చేసిన గాయాల గుర్తులు ఉన్నాయి. నిరంజన్‌ను ముందుగా హత్య చేసి.. అనంతరం మృతదేహాన్ని డ్రమ్‌లో ఉంచి నీటిలో పడేసి ఉండవచ్చని పోలీసులు భావిస్తున్నారు.మృతదేహం ఉన్న ప్యాంటు జేబులో మైమెన్సింగ్ హిందూ కోఆపరేటివ్ క్రెడిట్ యూనియన్ లిమిటెడ్ జారీ చేసిన ఒక టోకెన్‌ను పోలీసులు గుర్తించారు. ఆ టోకెన్ ఆధారంగా సంస్థను సంప్రదించడంతో మృతుడి వివరాలను పోలీసులు తెలుసుకున్నారు. అనంతరం అతని భార్య సుమితా రాణి సూత్రధర్, కుమారుడు జాయ్ సూత్రధర్.. మృతదేహాన్ని గుర్తించారు.ఇదీ చదవండి: రైలులో ఎంపీ భార్యకు ‘భయానక’ అనుభవం

మొదట దాడి.. ఆ తర్వాత ఆస్పత్రికి తరలింపు.. అక్కడ కూడా బాంబుల మోత.. ఇరాన్‌ సుప్రీం లీడర్‌ మోజ్తబా ఖమేనీ చుట్టూ ఇప్పుడు మరో సంచలన కథనం తెరపైకి వచ్చింది. అమెరికా, ఇజ్రాయెల్‌ దాడుల్లో గాయపడిన ఆయనను టెహ్రాన్‌లోని ఆస్పత్రికి తరలించగా.. ఆ తర్వాత నగరంలోని మూడు ఆస్పత్రులపై దాడులు జరిగాయని ఇరాన్‌ అసెంబ్లీ ఆఫ్‌ ఎక్స్‌పర్ట్స్‌ సభ్యుడు మొహ్సెన్‌ హెయ్‌దారీ చెప్పినట్లు ‘న్యూయార్క్‌ పోస్ట్‌’ కథనం వెల్లడించింది. మూడో ఆస్పత్రి శిథిలాల నుంచి మోజ్తబా ఖమేనీని బయటకు తీసి, అనంతరం గుర్తుతెలియని ప్రాంతానికి తరలించినట్లు ఆయన పేర్కొన్నారు.ఇక్కడే అసలు ట్విస్ట్‌ మొదలైంది. శిథిలాల నుంచి బయటపడిన తర్వాత మోజ్తబా ఖమేనీ ఎక్కడ ఉన్నారన్నది స్పష్టంగా తెలియడం లేదని హెయ్‌దారీ చెప్పినట్లు నివేదిక పేర్కొంది. ఆయన బహిరంగంగా కనిపించకపోవడంతో ఆరోగ్య పరిస్థితిపై మళ్లీ అనేక ఊహాగానాలు మొదలయ్యాయి. అయితే, మోజ్తబా ఖమేనీ ఆరోగ్యంపై ఇప్పటికే భిన్న కథనాలు ఉన్నాయి. అమెరికా వర్గాల సమాచారాన్ని ఉటంకిస్తూ కొన్ని నివేదికలు ఆయన తీవ్రంగా గాయపడ్డారని పేర్కొన్నాయి. మరోవైపు ఇరాన్‌ అధ్యక్షుడు మసౌద్‌ పెజెష్కియాన్‌ మాత్రం ఆయన పూర్తిగా ఆరోగ్యంగా ఉన్నారని చెబుతున్నారు. మోజ్తబా ఖమేనీతో తాను సుదీర్ఘంగా సమావేశమై చర్చలు జరిపినట్లు పెజెష్కియాన్‌ వెల్లడించారు.అంటే.. ఒకవైపు ఆస్పత్రి శిథిలాల నుంచి బయటకు తీసినట్లు ఓ ఇరాన్‌ అధికారి చెబుతున్న వాదన.. మరోవైపు ఆయన ఆరోగ్యంగా ఉన్నారని ఇరాన్‌ అధ్యక్షుడి ప్రకటన. దీంతో అసలు మోజ్తబా ఖమేనీ ప్రస్తుత పరిస్థితి ఏమిటన్నది కీలక ప్రశ్నగా మారింది. ఇదిలా ఉండగా.. మోజ్తబా ఖమేనీ సుప్రీం లీడర్‌గా ఎంపికైన విధానంపైనా హెయ్‌దారీ కీలక వివరాలు వెల్లడించినట్లు నివేదిక పేర్కొంది. మార్చి 8న అసెంబ్లీ ఆఫ్‌ ఎక్స్‌పర్ట్స్‌ సమావేశంలో ఆయన పేరును ప్రతిపాదించినట్లు చెప్పారు. ఇదే సమయంలో ఖోమ్‌లోని అసెంబ్లీ సెక్రటేరియట్‌పై దాడి జరిగిందని, ఎనిమిది మంది మరణించారని ఆయన ఆరోపించినట్లు సమాచారం.దాడిలో ఎంపికకు సంబంధించిన పత్రాలు ధ్వంసమైన నేపథ్యంలో సభ్యులు తమ ఓట్లను కాగితాలపై నమోదు చేసి, అనంతరం రహస్య గదిలో సమావేశమైనట్లు ఆయన చెప్పినట్లు నివేదిక పేర్కొంది. మొత్తం 59 మంది సభ్యుల్లో 50 మంది మోజ్తబా ఖమేనీకి మద్దతు పలికినట్లు, ఎనిమిది ఓట్లు అయతుల్లా అలీరెజా అరాఫీకి వచ్చినట్లు, ఒకరు ఓటింగ్‌కు దూరంగా ఉన్నట్లు సమాచారం.ఇదీ చదవండి: మేమంతా చనిపోయే వాళ్లం: నెతన్యాహు సంచలన వ్యాఖ్యలు

ఖాట్మండు: నేపాల్‌లోని హిమ్‌లుంగ్‌ హిమాల్‌ పర్వతంపై మంచు చరియలు విరిగిపడ్డాయి. ఇవాళ (ఆదివారం) ఉదయం పర్వతం బేస్‌ క్యాంప్‌పై భారీగా మంచు విరిగిపడటంతో 10 మంది గల్లంతయినట్లు అధికారులు తెలిపారు. ప్రముఖ యాత్ర నిర్వాహకుడు మింగ్మా గ్యాల్జే షెర్పా మాట్లాడుతూ.. గల్లంతైన వారిలో తన బృందానికి చెందిన ఇద్దరు కిచెన్‌ సిబ్బంది కూడా ఉన్నారని తెలిపారు.గత వారం వాతావరణ హెచ్చరికలు జారీ కావడంతో పర్వత వాలుపై ఉన్న పర్వతారోహణ, రోప్‌ ఫిక్సింగ్‌ బృందాలు అక్కడి నుంచి సురక్షిత ప్రాంతాలకు తరలిపోయాయి. అయితే కొందరు మాత్రం అక్కడే ఉండిపోయినట్లు షెర్పా వెల్లడించారు. పలురోజులుగా ఈ ప్రాంతంలో భారీగా మంచు కురుస్తుండటంతో పర్వతారోహణ కార్యక్రమాలను కూడా తాత్కాలికంగా నిలిపివేసి అధిరోహకులు వెనుదిరిగారు.ఆదివారం మంచు చరియల్లో గల్లంతైన వారు వేర్వేరు యాత్రా సంస్థలకు చెందినవారిగా అధికారులు చెబుతున్నారు. 7,126 మీటర్ల ఎత్తైన హిమ్‌లుంగ్‌ హిమాల్‌ మనాంగ్‌ జిల్లాలో ఉంది. టిబెట్‌ సరిహద్దుకు సమీపంలోని ఈ పర్వతం ఎత్తైన ప్రాంతాల్లో ఉంది. సహాయక చర్యలు చేపట్టడం మరింత క్లిష్టంగా మారింది.బంగాళాఖాతంలో ఏర్పడిన వాతావరణం ప్రభావంతో నేపాల్‌లోని పర్వత ప్రాంతాల్లో భారీగా మంచు, కొండ ప్రాంతాలు, మైదానాల్లో విస్తారంగా వర్షాలు కురుస్తున్నాయి. శుక్రవారం నుంచి ప్రతికూల వాతావరణ పరిస్థితులు కొనసాగుతుండటంతో రహదారి రాకపోకలకు తీవ్ర అంతరాయం ఏర్పడింది. కొన్ని మార్గాల్లో ట్రాఫిక్‌ను అధికారులు నిలిపివేశారు. ఈ నేపథ్యంలో ట్రెక్కర్లు, పర్వతారోహకులు తమ కార్యకలాపాలను నిలిపివేయాలని నేపాల్‌ పర్యాటక శాఖ హెచ్చరికలు జారీ చేసిందిఇదీ చదవండి: గ్యాస్‌ లీకేజీతో భారీ పేలుడు.. కుప్పకూలిన భవనం

ఒకవైపు ప్రసంగం మొదలవగానే ప్రతినిధుల వాకౌట్‌.. మరోవైపు ఏమాత్రం తగ్గని నెతన్యాహు. ఐక్యరాజ్యసమితి వేదికగా ఇజ్రాయెల్‌ ప్రధాని బెంజమిన్‌ నెతన్యాహు ఇరాన్‌పై సైనిక చర్యను గట్టిగా సమర్థించుకున్నారు. ఇరాన్‌ అణు కేంద్రాలపై దాడి చేయడం ప్రధానిగా తాను తీసుకున్న నిర్ణయాల్లో అత్యంత సులభమైన వాటిలో ఒకటని వ్యాఖ్యానించారు. ఆ చర్య తీసుకోకపోతే తమందరి ప్రాణాలకు ముప్పు ఉండేదని అన్నారు.నెతన్యాహు ప్రసంగం ప్రారంభించగానే వివిధ దేశాలకు చెందిన పలువురు ప్రతినిధులు సభ నుంచి బయటకు వెళ్లారు. ఈ వాకౌట్‌పై స్పందించిన నెతన్యాహు.. బయటకు వెళ్లని వారిలోనూ ఎవరైనా వెళ్లాలనుకుంటే వెళ్లవచ్చంటూ ఘాటు వ్యాఖ్యలు చేశారు. తాజా నివేదికల ప్రకారం 50కిపైగా దేశాలకు చెందిన 100 మందికి పైగా ప్రతినిధులు వాకౌట్‌లో పాల్గొన్నారు.‘ఇరాన్‌పై దాడి చేయడం తప్పనిసరి’ఇరాన్‌ అణు సామర్థ్యాన్ని ధ్వంసం చేయడం చాలా కష్టమైన చర్యేనని నెతన్యాహు చెప్పారు. అయితే ప్రధానిగా తనకు ఎదురైన నిర్ణయాల్లో అది అత్యంత సులభమైన నిర్ణయాల్లో ఒకటని పేర్కొన్నారు. ఇరాన్‌ అణు స్థావరాలపై దాడి చేయకపోతే ఇజ్రాయెల్‌తో పాటు ఇతర దేశాలకూ తీవ్ర ముప్పు ఉండేదని ఆయన వాదించారు. ఇరాన్‌పై చర్యలు తీసుకున్నందుకు బహిరంగంగా విమర్శలు చేస్తున్న కొన్ని దేశాల నేతలు.. వ్యక్తిగతంగా మాత్రం తనకు కృతజ్ఞతలు తెలిపారని నెతన్యాహు పేర్కొన్నారు.ఇదిలా ఉండగా.. తన ప్రసంగంలో నెతన్యాహు తన సోదరుడు యోనతన్‌ ‘యోని’ నెతన్యాహును కూడా గుర్తు చేసుకున్నారు. 1967 ఆరు రోజుల యుద్ధానికి ముందు జరిగిన కుటుంబ సంభాషణను ప్రస్తావిస్తూ.. ‘మనం గెలుస్తాం.. మనకు మరో మార్గం లేదు’ అనే భావాన్ని తన సోదరుడు చెప్పినట్లు గుర్తు చేసుకున్నారు. 1976లో ఉగాండాలోని ఎంటెబ్బే విమానాశ్రయంలో బందీలను విడిపించే ఆపరేషన్‌కు నాయకత్వం వహించిన యోని నెతన్యాహు అక్కడే మరణించారు. ప్రస్తుతం ఇజ్రాయెల్‌ ఎదుర్కొంటున్న పరిస్థితుల్లోనూ అదే భావన తమకు మార్గదర్శకంగా ఉందని నెతన్యాహు చెప్పారు.ఇజ్రాయెల్‌కు అంతర్జాతీయ ఒత్తిడిగాజా యుద్ధం, ఇరాన్‌పై సైనిక చర్యల నేపథ్యంలో ఇజ్రాయెల్‌పై అంతర్జాతీయ విమర్శలు కొనసాగుతున్న సమయంలోనే నెతన్యాహు యూఎన్‌లో ఈ ప్రసంగం చేశారు. ప్రసంగ సమయంలో పెద్ద సంఖ్యలో ప్రతినిధులు బయటకు వెళ్లడం అంతర్జాతీయ విభేదాలను మరోసారి స్పష్టంగా చూపించింది.నెతన్యాహు మాత్రం ఇజ్రాయెల్‌ తన భద్రత కోసం తీసుకున్న సైనిక చర్యలను కొనసాగిస్తామని స్పష్టం చేశారు. “మాకు మరో మార్గం లేదు” అనే సందేశాన్ని తన ప్రసంగంలో పదేపదే ప్రస్తావించారు.మరోవైపు.. సెప్టెంబర్‌ 24న జరిగిన ఈ యూఎన్‌ ప్రసంగం తర్వాత కూడా నెతన్యాహు వ్యాఖ్యలపై అంతర్జాతీయంగా చర్చ కొనసాగుతోంది. తాజా నివేదికలు ఆయన ప్రసంగాన్ని ఇరాన్‌, గాజా, అమెరికాతో సంబంధాలు, అలాగే ఇజ్రాయెల్‌పై పెరుగుతున్న దౌత్యపరమైన ఒత్తిడిపై తన ప్రభుత్వ వైఖరిని వివరించే ప్రయత్నంగా పేర్కొంటున్నాయి.ఇదీ చదవండి: ట్రంప్ తిరస్కరణ.. ఇరాన్‌ కీలక ప్రకటన

ఏథెన్స్‌: గ్రీస్‌ రాజధాని ఏథెన్స్‌ పరిధిలోని ప్రముఖ పర్యాటక కేంద్రమైన ప్లాకా జిల్లాలో స్థానిక కాలమానం ప్రకారం శుక్రవారం ఉదయం 7.30 గంటలకు జరిగిన పేలుడులో ఒక పాత రెండంతస్తుల భవనం కూలిపోయింది. ఈ ఘటనలో ఆరుగురు ప్రాణాలు కోల్పోయారు. నలుగురు అమెరికన్లు గాయపడ్డారు. 30 మంది అగ్నిమాపక సిబ్బంది భవన శిథిలాలను తొలగించి ఆరుగురి మృతదేహాలను వెలికితీశారు.గ్రీకు నాగరికతకు నిదర్శనంగా నిలిచే ప్రాచీన ఆక్రోపొలిస్‌ కట్టడానికి సమీపంలోనే ఈ ఘటన జరిగింది. ఆ భవనంలో గ్యాస్‌ లీకేజీ కారణంగానే పేలుడు సంభవించి ఉంటుందని ఏథెన్స్‌ మేయర్‌ హ్యారిస్‌ డౌకాస్‌ అభిప్రాయపడ్డారు. అయితే పేలుడుకు అసలైన కారణాలు దర్యాప్తు తర్వాతే తెలుస్తాయని పోలీసులు తెలిపారు. పేలుడు ధాటికి సమీప భవనం సైతం పాక్షికంగా ధ్వంసమైంది.ఇదీ చదవండి: రైలులో ఎంపీ భార్యకు ‘భయానక’ అనుభవం

కాఠ్మాండు: నేపాల్ సుప్రీంకోర్టు మాజీ ప్రధాన న్యాయమూర్తి చోలేంద్ర శంషేర్ జంగ్ బహదూర్ రాణాను పోలీసులు అరెస్ట్ చేశారు. కాఠ్మాండు క్రైమ్ బ్రాంచ్ అధికారులు ఆదివారం ఉదయం మహారాజ్‌గంజ్‌లోని ఆయన నివాసానికి వెళ్లి అదుపులోకి తీసుకున్నారు. క్రైమ్ బ్రాంచ్‌లో రాణాపై ఫిర్యాదు నమోదైన నేపథ్యంలో ఈ అరెస్ట్ జరిగినట్లు పోలీసులు తెలిపారు. అయితే ఫిర్యాదులో చేసిన ఆరోపణలు, అరెస్ట్‌కు దారితీసిన కారణాలను పోలీసులు ఇప్పటివరకు వెల్లడించలేదు. తొలుత దర్యాప్తు కోసం ఆయనను తీసుకెళ్లినట్లు తెలిపారు. త్వరలో మరిన్ని వివరాలను వెల్లడిస్తామని పేర్కొన్నారు.రాణా 2019 జనవరి 2న నేపాల్ సుప్రీంకోర్టు ప్రధాన న్యాయమూర్తిగా బాధ్యతలు చేపట్టారు. 2022 ఫిబ్రవరి 13న ఆయనపై పార్లమెంటులో అభిశంసన ప్రక్రియ ప్రారంభం కావడంతో రాజ్యాంగ నిబంధనల ప్రకారం ఆయనను సస్పెండ్ చేశారు. ఆయనపై అభిశంసన ప్రక్రియ చాలా కాలం కొనసాగింది. ఇటీవల సుప్రీంకోర్టు కీలక ఆదేశాలు జారీ చేసింది. అభిశంసన ప్రక్రియ పూర్తికాకపోవడంతో రాణాకు పెన్షన్‌తో పాటు పదవీ విరమణ అనంతరం అందాల్సిన ఇతర మొత్తాలను విడుదల చేయాలని ఆదేశించింది.రాణా ప్రధాన న్యాయమూర్తిగా ఉన్న సమయంలో అప్పటి ప్రధాని కేపీ శర్మ ఓలి తీసుకున్న పార్లమెంట్ రద్దు నిర్ణయాన్ని ఆయన నేతృత్వంలోని రాజ్యాంగ ధర్మాసనం కొట్టివేసింది. అనంతరం నేపాలీ కాంగ్రెస్, మావోయిస్టుల కూటమి నేత షేర్ బహదూర్ దేఉబాను ప్రధానమంత్రిగా నియమించాలని ఆదేశించింది. ప్రస్తుతం రాణా అరెస్ట్‌కు సంబంధించిన అసలు కారణం, ఆయనపై నమోదైన ఫిర్యాదులోని ఆరోపణలు ఇంకా అధికారికంగా వెలువడాల్సి ఉంది. దర్యాప్తు అనంతరం ఈ కేసుకు సంబంధించిన పూర్తి వివరాలు వెల్లడయ్యే అవకాశం ఉంది.ఇదీ చదవండి: హీరోయిన్‌ను బాడీ షేమింగ్‌ చేసిన తేజ్‌.. లాలూను గుర్తుచేసిన నటి!

అమెరికా అధ్యక్షుడు డొనాల్డ్ ట్రంప్ తమ శాంతి ప్రతిపాదనను తిరస్కరించారన్న వార్తల నేపథ్యంలో ఇరాన్ మరోసారి కీలక ప్రకటన చేసింది. అమెరికా, ఇజ్రాయెల్‌తో నెలకొన్న వివాదానికి దౌత్యమే ఏకైక పరిష్కారమని ఇరాన్ స్పష్టం చేసింది. హార్ముజ్ జలసంధిని తిరిగి తెరవాలంటే తమ షరతులు నెరవేర్చాల్సిందేనని ఇరాన్ విదేశాంగ మంత్రి అబ్బాస్ అరాఘ్చీ తేల్చిచెప్పారు.హార్ముజ్ జలసంధిని తెరవడానికి తమ షరతులు స్పష్టంగా ఉన్నాయని అరాఘ్చీ చెప్పుకొచ్చారు. తమ ప్రతిపాదనపై అమెరికా తిరస్కరణను మధ్యవర్తులు అధికారికంగా తమకు తెలియజేయలేదని చెప్పారు. మధ్యవర్తుల నుంచి తుది సమాచారం కోసం ఎదురుచూస్తున్నామని.. ఆ తర్వాతే తదుపరి నిర్ణయం తీసుకుంటామని వెల్లడించారు. ఈ వారం న్యూయార్క్‌లో జరిగిన ఐక్యరాజ్యసమితి సర్వసభ్య సమావేశం సందర్భంగా ఇరాన్ తన శాంతి ప్రతిపాదనను అమెరికాకు పంపింది. ఖతార్ మధ్యవర్తిత్వంతో ఈ ప్రతిపాదనను వాషింగ్టన్‌కు చేరవేసింది. ఇందులో హార్ముజ్ జలసంధిని ఏడు రోజుల వ్యవధిలో తిరిగి తెరవడం, ప్రాంతీయంగా జరుగుతున్న పోరాటానికి విరామం ఇవ్వడం, ఆ తర్వాత విస్తృత చర్చలు జరపడం వంటి అంశాలు ఉన్నాయి.అయితే ఈ ప్రతిపాదనను తాను తిరస్కరించినట్లు ట్రంప్ శనివారం వెల్లడించారు. ఇరాన్ తీవ్ర ఒత్తిడిలో ఉండటం వల్లే వెంటనే హార్ముజ్‌ను తెరవడానికి ఒప్పందం కోరుతోందని ఆయన వ్యాఖ్యానించారు. మరోవైపు ఇరాన్ తన అణు కార్యక్రమంపై కూడా వెనక్కి తగ్గే ప్రసక్తే లేదన్న సంకేతాలు ఇచ్చింది. అమెరికా ప్రతిపాదనను అంగీకరించినా.. యురేనియం శుద్ధి చేసే హక్కుపై, అధిక శుద్ధి చేసిన యురేనియాన్ని దేశం నుంచి తరలించడంపై తాము రాజీ పడబోమని ఇరాన్ అధికార వర్గాలు తెలిపాయి.ఇరాన్ అధ్యక్షుడు మసౌద్ పెజెష్కియాన్ మాత్రం అణు కార్యక్రమంతో పాటు ఇతర అంశాలపై చర్చలకు సిద్ధంగా ఉన్నామని చెప్పారు. అయితే బెదిరింపులు, ఒత్తిళ్లకు తలొగ్గేది లేదని స్పష్టం చేశారు. తమ దేశం యుద్ధాన్ని కోరుకోవడం లేదని.. ఒత్తిళ్లు, బెదిరింపులు, దాడుల నుంచి తమను తాము రక్షించుకుంటామని తెలిపారు.ప్రపంచ చమురు సరఫరాపై ప్రభావంహార్ముజ్ జలసంధిపై నెలకొన్న ప్రతిష్టంభన ప్రపంచ ఇంధన సరఫరాలపై ఆందోళనలను పెంచుతోంది. ప్రపంచంలోని కీలక సముద్ర మార్గాల్లో ఒకటైన ఈ జలసంధి ద్వారా చమురు రవాణా గణనీయంగా తగ్గినట్లు నివేదికలు పేర్కొంటున్నాయి. దీంతో అంతర్జాతీయ ఇంధన మార్కెట్లపై ప్రభావం పడే అవకాశాలపై ఆందోళనలు వ్యక్తమవుతున్నాయి. ఇరాన్ ఇప్పటికే హార్ముజ్ అంశంపై సౌదీ అరేబియాతోనూ చర్చలు జరిపింది. మరోవైపు అమెరికా-ఇజ్రాయెల్ దాడులకు ఇరాన్, దాని మిత్ర బలగాలు ప్రతిదాడులతో సమాధానం ఇస్తున్నాయి. దీంతో హార్ముజ్ అంశం కేవలం ఇరాన్-అమెరికా మధ్య వివాదంగా కాకుండా.. మొత్తం పశ్చిమాసియా ప్రాంతంపై ప్రభావం చూపే అంశంగా మారింది.ఇదీ చదవండి: భారత్‌కు పాకిస్తాన్‌ సంచలన హెచ్చరిక

న్యూఢిల్లీ: విదేశాంగ మంత్రి ఎస్ జైశంకర్ ఐక్యరాజ్యసమితి సర్వసభ్య సమావేశంలో ప్రపంచ పరిస్థితులపై తీవ్ర ఆందోళన వ్యక్తం చేశారు. ప్రపంచం ప్రస్తుతం అగాధం అంచున ఉందని, ఆర్థిక వ్యవస్థ, మార్కెట్‌ ప్రవేశం, సరఫరా గొలుసులు, సాంకేతికత సహా ప్రతిదీ ఆయుధంగా మారుతోందని హెచ్చరించారు. శాంతి, భద్రత, స్థిరత్వం కోసం దేశాలు మరింత బాధ్యతాయుతంగా వ్యవహరించాల్సిన అవసరం ఉందన్నారు.ఐక్యరాజ్యసమితి 81వ సర్వసభ్య సమావేశంలో జరిగిన సాధారణ చర్చలో జైశంకర్ ప్రసంగించారు. ఎనిమిది దశాబ్దాల తర్వాత కూడా ప్రపంచంలో స్థిరత్వం, భద్రత, విశ్వసనీయత బలోపేతం కావాల్సిన అవసరం ఉందన్నారు. ఆర్థిక వనరులు, అనుసంధాన వ్యవస్థలు కూడా దేశాల ప్రయోజనాల కోసం ఒత్తిడి సాధనాలుగా మారుతున్నాయని పేర్కొన్నారు. దీంతో దేశాలు ప్రమాదాలను తగ్గించుకునేందుకు ప్రత్యామ్నాయ మార్గాలను అన్వేషిస్తున్నాయని చెప్పారు. అభివృద్ధి చెందుతున్న దేశాలు ఆహారం, ఇంధనం, ఎరువులు, ఆర్థిక వనరుల కొరతతో కూడిన నాలుగు రకాల సంక్షోభాన్ని ఎదుర్కొంటున్నాయని జైశంకర్ తెలిపారు.ఎల్‌నినో ప్రభావం తీవ్రతరం కావడం, ఎరువుల కొరత, ధాన్యం రవాణాలో అవరోధాలు పరిస్థితిని మరింత ఆందోళనకరంగా మారుస్తున్నాయని జైశంకర్ చెప్పారు. సుస్థిర అభివృద్ధి లక్ష్యాల సాధనపై కూడా ఒత్తిడి పెరుగుతోందన్నారు. పాకిస్థాన్‌ను నేరుగా పేరుపెట్టకుండా జైశంకర్ తీవ్ర వ్యాఖ్యలు చేశారు. ఉగ్రవాదాన్ని నిరంతరం ప్రోత్సహించే వారు వాస్తవాలను వక్రీకరించి, ఉగ్రవాదాన్ని సాధారణీకరించేందుకు ప్రయత్నిస్తున్నారని అన్నారు. ఉగ్రవాదానికి వ్యతిరేకంగా భారత్ తనను తాను రక్షించుకునే హక్కును వినియోగించుకుంటుందని స్పష్టం చేశారు. స్నేహం, సౌహార్దం, ఉగ్రవాదం ఒకేసారి కొనసాగలేవన్నారు. సరిహద్దులు దాటి జరిగే ప్రభుత్వ ప్రోత్సాహిత ఉగ్రవాదం ప్రపంచ వ్యవస్థకు ప్రత్యక్ష సవాలు అని పేర్కొంటూ, దానికి పాల్పడే ప్రభుత్వాలను బాధ్యులను చేయాలని కోరారు.ఇదీ చదవండి: భారత్‌కు రష్యా మద్దతు.. భద్రతామండలిలో శాశ్వత సభ్యత్వం?

న్యూఢిల్లీ: ఐక్యరాజ్యసమితి భద్రతామండలిలో శాశ్వత సభ్యత్వం కోసం భారత్ చేస్తున్న ప్రయత్నాలకు రష్యా మరోసారి బహిరంగంగా మద్దతు తెలిపింది. ఐరాస సర్వసభ్య సమావేశంలో ప్రసంగించిన రష్యా విదేశాంగ మంత్రి సెర్గీ లావ్రోవ్.. భద్రతామండలిలో ఆసియా, ఆఫ్రికా, లాటిన్ అమెరికా దేశాలకు మరింత ప్రాతినిధ్యం కల్పించాల్సిన అవసరం ఉందన్నారు. ఇందులో భాగంగా భారత్, బ్రెజిల్‌లను శాశ్వత సభ్యులుగా చేర్చాలన్న తమ మద్దతును స్పష్టం చేశారు. భద్రతామండలి సంస్కరణలు జరగాల్సిందేనని పేర్కొన్న లావ్రోవ్.. పాశ్చాత్య దేశాలకు మాత్రం అదనపు శాశ్వత స్థానాలు కేటాయించకూడదని అన్నారు. ముఖ్యంగా జర్మనీ, జపాన్‌కు శాశ్వత సభ్యత్వం ఇవ్వడాన్ని రష్యా వ్యతిరేకిస్తోందని తెలిపారు. ఆ దేశాలు సైనికవాదం, పునరుద్ధరణవాదం వైపు వెళ్తున్నాయని ఆయన వ్యాఖ్యానించారు. భద్రతామండలిలో ప్రస్తుతం చైనా, ఫ్రాన్స్, రష్యా, బ్రిటన్, అమెరికా శాశ్వత సభ్యులుగా ఉన్నాయి. వీటికి వీటో అధికారం ఉంది.భద్రతామండలిలో ప్రస్తుతం శాశ్వత సభ్యత్వం లేని 10 దేశాలు రెండేళ్ల కాలానికి సభ్యులుగా కొనసాగుతున్నాయి. మండలి నిర్మాణంలో మార్పులు చేయాలంటే ఐరాస సర్వసభ్య సమావేశంలో మూడింట రెండొంతుల మెజారిటీ అవసరం. అంతేకాకుండా ప్రస్తుతం ఉన్న ఐదు శాశ్వత సభ్యదేశాల సమ్మతి కూడా తప్పనిసరి. దీంతో భద్రతామండలి విస్తరణ ప్రక్రియ అంత సులభం కాదని తెలుస్తోంది. భద్రతామండలిలో గ్లోబల్ సౌత్ దేశాలకు మరింత ప్రాతినిధ్యం కల్పించాలని లావ్రోవ్ పిలుపునిచ్చారు. ముఖ్యంగా ఆఫ్రికా ఖండ ప్రయోజనాలను పరిగణనలోకి తీసుకోవాలని అన్నారు. భారత్, బ్రెజిల్‌లకు శాశ్వత సభ్యత్వం కల్పించాలన్న డిమాండ్‌కు రష్యాతో పాటు బ్రిక్స్ దేశాలు గతంలోనూ మద్దతు తెలిపాయి. న్యూఢిల్లీ ప్రకటనలోనూ భారత్, బ్రెజిల్‌కు ఐరాసలో మరింత కీలక పాత్ర ఉండాలన్న ఆకాంక్షకు మద్దతు ప్రకటించారు.భారత్ శాశ్వత సభ్యత్వానికి ఇతర దేశాల నుంచి కూడా మద్దతు లభిస్తోంది. మారిషస్ విదేశాంగ మంత్రి ధనంజయ్ రామ్‌ఫుల్.. భద్రతామండలి సంస్కరణల్లో జీ4, ఎల్69 కూటముల వైఖరికి తమ మద్దతు కొనసాగుతుందని, ప్రపంచ వ్యవహారాల్లో భారత్ నిర్మాణాత్మక పాత్రకు తగినట్లుగా శాశ్వత సభ్యత్వం కల్పించాలన్న భారత్ అభ్యర్థనకు మద్దతు ఇస్తున్నామని తెలిపారు. పోర్చుగల్ ప్రధాని లూయిస్ మోంటెనెగ్రో కూడా ఆఫ్రికా, బ్రెజిల్, భారత్‌కు శాశ్వత ప్రాతినిధ్యం కల్పించేలా మండలిని మరింత ప్రాతినిధ్యాత్మకంగా మార్చాలని కోరారు.ఇదీ చదవండి: నాలుగు ముక్కలుకానున్న ఉత్తరప్రదేశ్‌.. రంగం సిద్ధం?

వాషింగ్టన్‌: మీడియా సంస్థలతో అమెరికా అధ్యక్షుడి గిల్లికజ్జాలు కొనసాగుతూనే ఉన్నాయి. సీఎన్‌ఎన్, ఎంఎస్‌ నౌ, పొలిటికో ఛానళ్లు వైట్‌హౌస్‌లో ప్రవేశించకుండా విధించిన నిషేధం న్యాయస్థానాల జోక్యంతో తొలగిపోగా.. తాజాగా ట్రంప్‌ సీఎన్‌ఎన్‌ ప్రతినిధులు తన అధికారిక విమానం ‘ఎయిర్‌ ఫోర్స్‌ వన్‌’లోకి ఎక్కకుండా అడ్డుకున్నారు. అమెరికా అధ్యక్షుడి కార్యక్రమాల చిత్రీకరణ ప్రసారానికి సంబంధించి ఆ దేశ టీవీ ఛానళ్లు ఒక ఏర్పాటు చేసుకున్నాయి. దీన్ని వైట్‌హౌస్‌ టీవీ ప్రెస్‌ పూల్‌ అని పిలుస్తూంటారు. సీఎన్‌ఎన్, ఏబీసీ, సీబీఎస్, ఎన్‌బీసీ, ఫాక్స్‌ న్యూస్‌ ఛానళ్లలో ఒకటి అధ్యక్షుడి కార్యక్రమాలను చిత్రీకరిస్తే.. మిగిలిన సంస్థలు ఆ వీడియో ఫీడ్‌ను వాడుకుంటూంటాయి. ఇది వంతులవారీగా జరుగుతూంటుంది. దీని ప్రకారం శనివారం టెన్నసీలోని నాక్స్‌విల్లేలో జరగాల్సిన ట్రంప్‌ కార్యక్రమాలను సీఎన్‌ఎన్‌ చిత్రీకరించాల్సి ఉంది. అయితే ప్రభుత్వ అధికారులు ఎయిర్‌ఫోర్స్‌ వన్‌లో సీఎన్‌ఎన్‌ ప్రతినిధులు లేకుండానే వెళ్లిపోయారు. సీఎన్‌ఎన్‌ స్థానంలో వైట్‌హౌస్‌ ప్రెస్‌ పూల్‌లో భాగం కానీ రియల్‌ అమెరికాస్‌ వాయిస్‌ న్యూస్‌ ట్రంప్‌ కార్యక్రమాలను ప్రసారం చేసింది. ఎయిర్‌ఫోర్స్‌ వన్‌లో సీఎన్‌ఎన్‌ ప్రవేశాన్ని నిషేధించారన్న వార్తను మొట్టమొదట వాషింగ్టన్‌ పోస్టు బట్టబయలు చేసింది.

బ్యాంకాక్‌: కృత్రిమ మేధ(ఏఐ) సంబంధిత అంశాలపై ఎప్పటికప్పుడు చర్చలు జరపడానికి, సైనిక సమాచార మార్పిడిపై కార్యాచరణను వేగవంతం చేయడానికి అమెరికా, చైనాలు అంగీకారానికి వచ్చాయి. నూతన ఏఐ భద్రతా విధానం ఏర్పాటుకు, అలాగే వాణిజ్యం, సైనిక అంశాలపై చర్చలు కొనసాగించడానికి ఆమోదం తెలిపాయి. ఈ మేరకు ఇరుదేశాలు శనివారం వేర్వేరుగా ప్రకటనలు విడుదల చేశాయి. ఎంపిక చేసిన ద్వైపాక్షిక వాణిజ్య అంశాలపై సహకారానికి వాణిజ్య, పెట్టుబడుల మండలిని ఏర్పాటు చేసుకోవాలని నిర్ణయానికి వ చ్చినట్లు తెలిపాయి. ఈ బోర్డు ఈ వారం నుంచే కార్యకలాపాలు ప్రారంభించినట్లు వైట్‌హౌస్‌ వెల్లడించింది. చైనా అధినేత షీ జిన్‌పింగ్‌ 3 రోజుల అమెరికా పర్యటనలో భాగంగా అధ్యక్షుడు డొనాల్డ్‌ ట్రంప్‌తో సమావేశమయ్యారు. ద్వైపాక్షిక అంశాలపై విస్తృతంగా చర్చించారు. ఇరువురు నేతల మధ్య కొత్తగా ఒప్పందాలేవీ కుదరలేదు. పశ్చిమాసియా పరిణామాలపైనా ట్రంప్, జిన్‌పింగ్‌ తమ అభిప్రాయాలు పంచుకున్నారు. అణ్వాయుధాలను అభివృద్ధి చేయబోమంటూ ఇచ్చిన హామీని ఇరాన్‌ గౌరవించాలని వారు తే ల్చిచెప్పారు. హార్మూజ్‌ జలసంధిలో పరిస్థితులను ప్రస్తావించారు. అంతర్జాతీయ జల మార్గాలపై ఏ దేశం కూడా సుంకాలు విధించడానికి వీల్లేదని స్పష్టంచేశారు. రెండు దేశాల సైన్యాల మధ్య సంక్షోభ సమాచార మార్పిడిని బలోపేతం చేయడం, సంక్షోభ నివారణపై ఒక అవగాహన ఒప్పందంపై సంతకం చేయడానికి ఇరుపక్షాలు అంగీకరించాయని చైనా విదేశాంగ మంత్రిత్వ శాఖ తెలియజేసింది. చైనాతో సంబంధాలకు ట్రంప్‌ అధిక ప్రాధాన్యం చైనా అధినేత జిన్‌పింగ్‌ అమెరికా పర్యటన ముగించుకొని స్వదేశంలో అడుగుపెట్టారు. గత ఏడాది చైనాతో వాణిజ్య యుద్ధాన్ని తీవ్రతరం చేసినప్పటికీ.. ఈ పర్యటన సందర్భంగా జిన్‌పింగ్‌ పట్ల డొనాల్డ్‌ ట్రంప్‌ అసాధారణమైన ఆతీ్మయత ప్రదర్శించడం గమనార్హం. చైనాతో సంబంధాలకు అత్యధిక ప్రాధాన్యం ఇస్తున్నట్లు ట్రంప్‌ తన చేతల ద్వారా సంకేతాలిచ్చారు. సంక్షోభ సమయాల్లో సమాచార మార్పిడిని బలోపేతం చేయడం, సంక్షోభాలను నివారించడమే లక్ష్యంగా ఒక అవగాహన ఒప్పందం(ఎంఓయూ)పై సంతకం చేయడానికి ఇరు పక్షాలు అంగీకరించాయని చైనా విదేశాంగ శాఖ వెల్లడించింది. కానీ, దీనిపై పూర్తి వివరాలేవీ బహిర్గతం చేయలేదు. ఏఐ సంబంధిత అంశాల కోసం అమెరికా, చైనాలు ఒక కమ్యూనికేషన్‌ యంత్రాంగాన్ని ఏర్పాటు చేయబోతున్నాయి. త్వరలో పరస్పర సుంకాల తగ్గింపు దాదాపు 30 బిలియన్‌ డాలర్ల విలువైన వస్తువులపై పరస్పర సుంకాలను తగ్గించుకోవాలని అమెరికా, చైనాలు భావిస్తున్నాయి. దీన్ని త్వరలో అమల్లోకి తీసుకురావాలని నిర్ణయానికి వచ్చాయి. వాణిజ్యపరమైన ఒప్పందాలను మరో రెండు నెలలపాటు పొడిగించేందుకు ట్రంప్, జిన్‌పింగ్‌ అంగీకరించారు. 2027, 2028లో అమెరికా నుంచి కనీసం 10 మిలియన్‌ మెట్రిక్‌ టన్నుల బొగ్గును దిగుమతి చేసుకోవడానికి చైనా అంగీకరించినట్లు వైట్‌హౌస్‌ స్పష్టంచేసింది. పరస్పర సుంకాల తగ్గింపులో ఎక్కువ భాగం వ్యవసాయ ఉత్పత్తులు లేదా పండుగ అలంకరణ సామగ్రి వంటి వస్తువులకే పరిమితం కానున్నట్లు సమాచారం.

శాన్‌ఫ్రాన్సిస్కో: తాము అభివృద్ధి చేసిన ఏఐ ఏజెంట్లు అనూహ్య రీతుల్లో అమెరికా ప్రభుత్వ వెబ్‌సైట్లతో సంప్రదింపులు జరిపినట్లు ఓపెన్‌ ఏఐ ప్రకటించింది. కంపెనీ ఏఐ మోడళ్లపై సమీక్ష సందర్భంగా ఈ విషయం బయటపడినట్లు తెలిపింది. అమెరికా సెక్యూరిటీస్‌ అండ్‌ ఎక్సే్ఛంజి కమిషన్‌ (ఎస్‌ఈసీ), యూఎస్‌ సెన్సస్‌ బ్యూరో డేటాలు నడుపుతున్న రెండు వెబ్‌సైట్ల సమాచారాన్ని ఏఐ మోడళ్లు వీక్షించాయని ఓపెన్‌ ఏఐ తెలిపింది. అయితే ఏఐ మోడళ్లు ఎస్‌ఈసీ క్రెడెన్షియల్స్‌ను, అకౌంట్లను కానీ ఏఐ మోడళ్లు ఉపయోగించలేదని, సమాచారంలో మార్పులు జరిగిన ఆనవాళ్లూ లేవని, వైబ్‌సైట్‌లో సెక్యూరిటీ పరమైన లోటుపాట్లు కూడా ఏవీ లేవని తేలిందని వివరించింది. ఏఐ మోడళ్లు మానవ నియంత్రణ నుంచి తప్పిపోయి ఇతర వెబ్‌సైట్లను హ్యాక్‌ చేయగలవన్న ఆందోళన ప్రపంచవ్యాప్తంగా ఎక్కువ అవుతున్న పరిస్థితుల్లో ఓపెన్‌ ఏఐ ఈ ప్రకటన చేయడం గమనార్హం. ఏఐ మోడళ్లు ఎస్‌ఈసీ వెబ్‌సైట్‌ నుంచి సేకరించిన సమాచారాన్ని ఇంకో వెబ్‌సైట్‌లో పోస్ట్‌ చేశాయని, ఈ చర్య అనూహ్యమైందని ఓపెన్‌ ఏఐ తెలిపింది. అలాగే కొన్ని సందర్భాల్లో ఏఐ మోడళ్లు డేటాను చేయకూడని సమయంలో ప్రసారం చేశాయని తెలిపింది. సుమారు 53 సార్లు ఏఐ మోడల్‌ యూజర్‌ యాక్టివిటీకి సంబంధించిన చిత్రాన్ని ఛాట్‌జీపీటీ నుంచి తీసుకుని మరెక్కడికో ట్రాన్స్‌ఫర్‌ చేసిందని వివరించింది. ప్రతి సందర్బంలోనూ వినియోగదారుడు తమ సమాచారంతో శిక్షణ పొందేందుకు ఏఐ మోడల్‌ను అనుమతించారని తెలిపింది. అయినప్పటికీ డేటాను ఈ విధంగా వాడటం సరికాదని అంగీకరించింది. ఈ లోపాన్ని గుర్తించిన తరువాత తాము తగిన చర్యలు తీసుకున్నామని స్పష్టం చేసింది.

ప్రపంచంలోనే అత్యంత ఖరీదైన నగరాల్లో ఒకటైన దుబాయ్‌. అలాంటి నగరానికి చేతిలో చిల్లి గవ్వ లేకుండా, ఉద్యోగం లేకుండా వెళ్లడం అంటే సాహసమే. అలా వెళ్లి ఒక్కపూట తిండితో సరిపెట్టుకుని, అనేక కష్టాలు పడి, చివరికి విజయవంతమైన వ్యాపారవేత్తగా, కంటెంట్ క్రియేటర్‌గా ఎదిగిన ఆలియా లాలా సక్సెస్‌ స్టోరీ చాలా స్ఫూర్తిదాయకం. సొంతంగా ఒక కెరీర్‌ను నిర్మించు కోవాలనే దృఢ సంకల్పం ఉంటే సక్సెస్‌ వెదుక్కుంటూ వస్తుందని నిరూపించారు.అబుదాబికి చెందిన ఆలియా లాలా తండ్రి సివిల్ ఇంజనీర్, ప్రాజెక్ట్ మేనేజర్. తండ్రి డబ్బులు అడగడం ఇష్టం ఉండేది కాదు. ఏదైనా సాధించాలనే తపనతో ఉద్యోగం, పొదుపు లేకుండానే దుబాయ్‌కు వెళ్లిపోయింది. ఒక పూట భోజనం కోసం డబ్బు సంపాదించుకోవడం నుంచి మొదలు చివరికి 14 సంవత్సరాలకు పైగా సాగుతున్న ఒక కెరీర్‌కు నాంది పలికింది. కష్టాల కొలిమి, టిప్సే ఆధారందుబాయ్‌లో మొదట స్నేహితురాలితో కలిసి షేరింగ్ స్పేస్‌లో ఉండేది. ఆమె రూమ్‌మేట్ రష్యన్. రూమ్‌మేట్స్ కోసం వాటర్ బాటిళ్లు తెచ్చిపెట్టడం ద్వారా వచ్చే రూ. 130-150 తో ఒక నెల గడిచింది. అలా ఉద్యోగం దొరికే వరకు రోజుకు ఒక షవర్మా మాత్రమే ఆమె ఆహారం. అయినా ఎక్కడా నిరాశ పడలేదు. View this post on Instagram A post shared by Aaliya Lala - Dodo - Gulf Girl 🇦🇪 (@aaliyalala)చిన్న చిన్న పనులు చేస్తూ మొదలుపెట్టిన ఆమె ప్రయాణం 14 ఏళ్లు దాటాయి. ప్రస్తుతం ఆమె యూఏఈ-లైసెన్స్ పొందిన ట్రావెల్ అండ్ లైఫ్‌స్టైల్ కంటెంట్ క్రియేటర్. అంతర్జాతీయ బ్రాండ్లు, లగ్జరీ హోటళ్లు, టూరిజం బోర్డులతో కలిసి పనిచేస్తుంది. కేవలం కంటెంట్ క్రియేషనే కాకుండా, ఇన్‌ఫ్లుయెన్సర్‌లను బ్రాండ్లు, ట్రావెల్ ఏజెన్సీలతో అనుసంధానించే ఒక మీడియా హౌస్‌ను నడుపుతున్నారు. దీనితో పాటు యూఏఈ రియల్ ఎస్టేట్, ఆర్థిక మార్కెట్లలో పెట్టుబడులు పెడుతోంది. ఇదీ చదవండి: యూనివర్శిటీ విద్యార్థిని మృతి, లవ్‌ జిహాద్‌ ఆరోపణలు కలకలంవార్షిక సంపాదనప్రస్తుతం ఆమె సరాసరి వార్షిక సంపాదన దాదాపు 300,000 నుండి 400,000 దిర్హామ్‌లు (సుమారు రూ. 78.2 లక్షల నుండి రూ. 1.04 కోట్ల వరకు) ఉంది. తన కెరీర్‌ను మోడలింగ్‌తో ప్రారంభించి, ఆ తర్వాత ఫోటోగ్రాఫర్‌గా కూడా పనిచేశానని, కాబట్టి కెమెరా వెనుక, కెమెరా ముందు ఉండటం ఎలా ఉంటుందో తనకు తెలుసునని ఇటీవల ఒక ఇంటర్వ్యూలో చెప్పిందామె. తన సోషల్ మీడియా పేజీలను రెండుసార్లు కోల్పోయాను, మళ్లీ మళ్లీ మొదటి నుండి ప్రారంభించాల్సి వచ్చిందన్నారు. భవిష్యత్తులో బహుళ ఆదాయ మార్గాల ద్వారా దీర్ఘకాలిక సంపదను సృష్టించడమే ఆశయంగా సాగుతోంది. తన వ్యాపారాలను విస్తరించడం, విలువైన ఆస్తులను కూడబెట్టడం,అంతర్జాతీయంగా తన పనిని విస్తరించడం ద్వారా ఆర్థిక స్వాతంత్ర్యం సాధించడమే ఆమె లక్ష్యం. ఇదీ చదవండి: రూ. 2.87 లక్షల కోట్ల డీల్‌ : చైనా-అమెరికా కీలక ఒప్పందం

పాకిస్థాన్‌లోని ఖైబర్‌ పఖ్తూన్‌ఖ్వా ప్రావిన్స్‌లో శనివారం భారీ పేలుడు సంభవించింది. డేరా ఇస్మాయిల్‌ ఖాన్‌ నగరంలో రోడ్డులో పోలీస్‌ చెక్‌పోస్టు దగ్గర జరిగిన ఈ పేలుడులో 11 మంది మృతి చెందగా.. మరో 30 మంది గాయపడ్డారు. పేలుడు పదార్థాలతో నింపిన వాహనంతో వచ్చిన ఆత్మాహుతి దాడికి పాల్పడినట్లు తెలుస్తోంది.పోలీస్‌ చెక్‌పోస్టు వద్ద వాహనాన్ని పేల్చడంతో భారీ పేలుడు సంభవించింది. క్షతగాత్రులను సమీపంలోని ఆసుపత్రికి తరలించారు. గాయపడిన వారిలో కొందరి పరిస్థితి విషమంగా ఉన్నట్లు అధికారులు తెలిపారు. ఈ ఘాతుకానికి తమదే బాధ్యతని పాకిస్థానీ తాలిబన్‌గా పిలిచే తెహ్రీక్-ఇ-తాలిబన్‌ పాకిస్థాన్ (TTP) ప్రకటించింది. ఇటీవలి కాలంలో పాకిస్థాన్‌లో ఉగ్రవాద కార్యకలాపాలు పెరిగాయి.ప్రధానంగా టీటీపీ, బలూచిస్థాన్ లిబరేషన్ ఆర్మీ (BLA) వంటి వేర్పాటువాద సంస్థలు వరుస దాడులతో పేట్రేగిపోతున్నాయి. తాజా ఘటనతో దేశంలోని భద్రతా లోపాలపై మరోసారి తీవ్ర ఆందోళనలు వ్యక్తమవుతున్నాయి. పేలుడు తర్వాత ఘటనాస్థలం నుంచి భారీగా బూడిదరంగు పొగ పైకి ఎగసిన దృశ్యాలు సోషల్‌ మీడియాలో వైరల్‌ అవుతున్నాయి.ఇదీ చదవండి: ప్రేమానంద్‌ మహారాజ్‌ ఆశ్రమంలో కలకలం..

చైనా అధ్యక్షుడు షీ జిన్‌పింగ్ అమెరికా పర్యటన సందర్భంగా చారిత్రాత్మక ఒప్పందాలను కుదుర్చుకున్నాయి. ఎనిమిది సూత్రాల ఏకాభిప్రాయం ప్రకారం, 30 బిలియన్ డాలర్ల (దాదాపు రూ. 2.87 లక్షల కోట్లు)పరస్పర సుంకాల తగ్గింపు ఒప్పందం, ఏఐ (AI) పై చర్చలు ప్రారంభించడంపై అమెరికాతో ఒప్పందం కుదిరినట్టు చైనా శనివారం తెలిపింది. ఒక వాణిజ్య మండలిని ఏర్పాటుకు, కౌలాలంపూర్‌లో ఇంతకుముందు జరిగిన చర్చల ఫలితాలను పొడిగించడానికి కూడా ఇరుపక్షాలు అంగీకరించా యని చైనా విదేశాంగ మంత్రిత్వ శాఖ తెలిపింది.టారిఫ్ తగ్గింపు ఒప్పందంఅమెరికా, చైనా దేశాలు 30 బిలియన్ డాలర్ల పరస్పర టారిఫ్ తగ్గింపు (tariff-reduction) ఒప్పందానికి అంగీకరించినట్లు చైనా శనివారం ప్రకటించింది. వాణిజ్య ఒప్పందానికి సంబంధించి కుదిరిన తాత్కాలిక విరామాన్ని (trade truce) మరో రెండు నెలలు పొడిగించినట్లు యూఎస్ ట్రెజరీ సెక్రటరీ స్కాట్ బెసెంట్ వెల్లడించారు.ఏఐ రంగంలో చర్చలుఆర్టిఫిషియల్ ఇంటెలిజెన్స్ (కృత్రిమ మేధస్సు) వల్ల కలిగే లాభనష్టాలపై చర్చించేందుకు ఇరు దేశాలు అంగీకరించాయి. రాబోయే నవంబర్‌లో తదుపరి విడత చర్చలు జరగనున్నాయి. అలాగే, ఏఐ సంబంధిత ఘటనలపై కమ్యూనికేషన్ ఛానెల్‌ను ఏర్పాటు చేయనున్నారు. ఏఐకి బదులుగా "సూపర్ ఇంటెలిజెన్స్" అనే పద వాడకాన్ని బీజింగ్ స్వాగతించింది.వాణిజ్య మండలి ఏర్పాటుఇరు దేశాల మధ్య వాణిజ్య సంబంధాలను మరింత బలపర్చేందుకు ఒక ట్రేడ్ కౌన్సిల్‌ను ఏర్పాటు చేయాలని నిర్ణయించారు. ఆసియా-పసిఫిక్ ఎకనామిక్ కోఆపరేషన్ (APEC) నాయకుల సమావేశం మరియు G20 శిఖరాగ్ర సమావేశాలను నిర్వహించడంలో పరస్పర మద్దతుకు కూడా ఇరు పక్షాలు అంగీకరించాయి. ఇద్దరు నాయకులు ఒకరికొకరు ఆతిథ్యం ఇచ్చే ఈ సమావేశాలకు హాజరుకావాలని యోచిస్తున్నారు.దీంతోపాటు విదేశాంగ విధానం విషయానికి సంబంధించి ఇరాన్ అణు ఆయుధాలను అభివృద్ధి చేయకుండా చూసేందుకు కట్టుబడి ఉండాలని, అంతర్జాతీయ జలమార్గాలపై ఏ దేశం కూడా రవాణా టోల్స్ విధించకూడదని ఇరు దేశాల నేతలు అంగీకరించారు. అలాగే, ఏపీఈసీ (APEC), జీ-20 (G20) సమావేశాలకు పరస్పరం హాజరయ్యేందుకు షీ జిన్‌పింగ్, డొనాల్డ్ ట్రంప్ అంగీకరించారు. ఇదీ చదవండి: యూనివర్శిటీ విద్యార్థిని మృతి, లవ్‌ జిహాద్‌ ఆరోపణలు కలకలంకాగా నవంబర్ 10న ముగియనున్న వాణిజ్య సంధిని రెండు నెలల పాటు పొడిగించడానికి ప్రపంచంలోని రెండు అతిపెద్ద ఆర్థిక వ్యవస్థలు తీసుకున్న చర్యల కొనసాగింపుగా ఈ ఒప్పందం కుదిరిందని, తద్వారా మరింత పెద్ద వాణిజ్య ఒప్పందంపై పనిచేయడానికి ఎక్కువ సమయం లభిస్తుందని అమెరికా ట్రెజరీ సెక్రటరీ స్కాట్ బెసెంట్ ఇటీవల ప్రకటించారు.ఇదీ చదవండి: లవర్‌తో పెళ్లి : పోలీస్‌కానిస్టేబుల్‌ని మట్టుబెట్టిన కొడుకు

ఇరాన్‌–అమెరికా యుద్ధానికి తెరపడుతుందన్న ఆశలు మళ్లీ ఆవిరవుతున్నాయా? హర్ముజ్‌ జలసంధిని ఏడు రోజుల్లో తెరిచి.. యుద్ధాన్ని నిలిపివేసేందుకు ఇరాన్‌ ప్రతిపాదించిన ప్లాన్‌ను అమెరికా అధ్యక్షుడు డొనాల్డ్‌ ట్రంప్‌ తిరస్కరించాడనే కథనాలు వెలువడుతున్నాయి. అయితే ఇదే నిజమైతే.. ఇప్పుడు ఇరాన్‌ తదుపరి అడుగు ఏంటి? హర్ముజ్‌ పరిస్థితి ఎలా మారుతుంది? యుద్ధం మళ్లీ తీవ్ర రూపం దాల్చుతుందా?.. ఐక్యరాజ్యసమితి జనరల్‌ అసెంబ్లీ వేదికగా ఇరాన్‌ తన ప్రతిపాదనను అమెరికా ముందుంచింది. ఖతార్‌ మధ్యవర్తిత్వంతో ఈ ప్రతిపాదనను వాషింగ్టన్‌కు పంపినట్లు ఇరాన్‌ విదేశాంగ మంత్రి అబ్బాస్‌ అరాఘ్చీ తెలిపారు. అమెరికా అంగీకరిస్తే ఏడు రోజుల కౌంట్‌డౌన్‌ మొదలై.. హర్ముజ్‌ జలసంధిలో సాధారణ నౌకాయానం పునరుద్ధరించవచ్చని చెప్పారు. అదే సమయంలో ప్రాంతీయంగా అన్ని రంగాల్లో పోరాటాన్ని నిలిపివేసి విస్తృత చర్చలకు వెళ్లొచ్చని ప్రతిపాదించారు.అయితే ఇందుకు ప్రతిగా అమెరికా ఇరాన్‌ పోర్టులపై దిగ్బంధాన్ని ఎత్తివేయాలని, స్తంభింపజేసిన ఇరాన్‌ నిధులను విడుదల చేయాలని, చమురు ఆంక్షలను తొలగించాలని ఇరాన్‌ కోరుతోంది. అణు కార్యక్రమంపై మాత్రం తమ హక్కుల్లో ఎలాంటి రాయితీ ఇవ్వబోమని ఇరాన్‌ వర్గాలు స్పష్టం చేశాయి. ముఖ్యంగా యురేనియం శుద్ధి విషయంలో రాజీ ఉండదని తెలిపాయి.ట్రంప్‌ తిరస్కరిస్తే.. తర్వాత?‘వాల్‌స్ట్రీట్‌ జర్నల్‌’ కథనం ప్రకారం.. ఇరాన్‌ తన డిమాండ్లను అంగీకరిస్తుందన్న నమ్మకం ట్రంప్‌కు లేదని, తిరిగి బాంబుల దాడి చేసే అవకాశం ఉందని ఆయన తన సిబ్బందితో చెప్పినట్లు అమెరికా అధికారులు పేర్కొన్నారు. మరో నివేదిక ప్రకారం.. నవంబర్‌లో జరిగే అమెరికా మధ్యంతర ఎన్నికల తర్వాత బాంబుల దాడులు మళ్లీ ప్రారంభమయ్యే అవకాశాన్ని ట్రంప్‌ అంచనా వేస్తున్నట్లు పేర్కొంది. గతంలోనూ చర్చల ప్రయత్నాలు విఫలమై.. కొంతకాలం కాల్పుల విరమణ తర్వాత మళ్లీ దాడులు జరిగిన నేపథ్యంలో తాజా పరిణామం ప్రాధాన్యం సంతరించుకుంది.హర్ముజ్‌ సంగతేంటి?ఇరాన్‌ ప్రతిపాదనలో కీలక అంశం హర్ముజ్‌ జలసంధి. ప్రపంచంలోని అత్యంత కీలకమైన చమురు రవాణా మార్గాల్లో ఒకటైన ఈ జలసంధి ద్వారా రవాణా తీవ్రంగా దెబ్బతినడంతో ఇప్పటికే ప్రపంచ ఇంధన సరఫరాపై ప్రభావం పడింది. అమెరికా–ఇరాన్‌ మధ్య ఒప్పందం కుదరకపోతే హర్ముజ్‌ పరిస్థితి మరింత కాలం అనిశ్చితంగానే కొనసాగే అవకాశం ఉంది. ఇరాన్‌ మాత్రం అమెరికా తమపై సైనిక ఒత్తిడి తగ్గించి, పోర్టుల దిగ్బంధాన్ని ఎత్తివేస్తే ఏడు రోజుల్లో జలసంధిని తిరిగి తెరవడానికి సిద్ధంగా ఉన్నామని చెబుతోంది. అంటే ఇప్పుడు బంతి అమెరికా కోర్టులోనే ఉందన్నది ఇరాన్‌ వాదన.ఇరాన్‌ ముందున్న దారులేంటి?అమెరికా తన ప్రతిపాదనను అంగీకరించకపోతే ఇరాన్‌ ముందున్న మార్గాలు ప్రధానంగా మూడు. మొదటిది.. దౌత్య మార్గాన్ని కొనసాగిస్తూ ఖతార్‌, ఒమన్‌ వంటి మధ్యవర్తుల ద్వారా చర్చలను ముందుకు తీసుకెళ్లడం. రెండోది.. హర్ముజ్‌ జలసంధిపై తన నియంత్రణను కొనసాగిస్తూ అమెరికాపై ఒత్తిడి పెంచడం. అయితే ఇది ప్రపంచ ఇంధన సరఫరాపై మరింత ప్రభావం చూపే అవకాశం ఉండటంతో ఇరాన్‌కూ ఆర్థిక, దౌత్యపరమైన ఒత్తిళ్లు పెరగొచ్చు. మూడోది.. అమెరికా సైనిక చర్యలకు ప్రతిస్పందిస్తూ ప్రాంతీయంగా తన మిత్ర బలగాల ద్వారా ఒత్తిడి పెంచడం. కానీ ఈ మార్గం యుద్ధం మరింత విస్తరించే ప్రమాదాన్ని పెంచుతుంది. మరోవైపు ఏడు రోజుల ప్రతిపాదనను ముందుకు తెచ్చిన ఇరాన్‌.. హర్ముజ్‌ను తిరిగి తెరవడం, కాల్పుల విరమణ, తదుపరి అణు చర్చలను ఒకే ప్యాకేజీగా మలచాలని చూస్తున్నట్లు కనిపిస్తోంది. అందువల్ల అమెరికా స్పందన ఆధారంగా ఈ మూడు మార్గాల్లో ఏది ముందుకు వస్తుందన్నది ఇప్పుడు కీలకంగా మారింది.మరోవైపు సౌదీపై హౌతీల దాడులుఇదిలా ఉండగా.. ఇరాన్‌ మద్దతుగల యెమెన్‌ హౌతీలు సౌదీ అరేబియాపై దాడులు కొనసాగిస్తున్నారు. రియాద్‌ వైపు వచ్చిన రెండు డ్రోన్లను, ఖమీస్‌ ముషైత్‌ వైపు ప్రయోగించిన బాలిస్టిక్‌ క్షిపణిని అడ్డుకున్నట్లు సౌదీ నేతృత్వంలోని సంకీర్ణం తెలిపింది. ఈ దాడులు కొనసాగుతున్న నేపథ్యంలో సౌదీ అరేబియా భద్రతకు మద్దతుగా పాకిస్థాన్‌, టర్కీ రక్షణాధికారులు రియాద్‌లో సమావేశమై భద్రతా పరిస్థితిపై చర్చించారు.ఇరాన్‌ ప్రతిపాదనకు అమెరికా స్పందన ఎలా ఉండబోతోంది? ట్రంప్‌ వైఖరి నేపథ్యంలో హర్ముజ్‌ జలసంధి తిరిగి తెరుచుకుంటుందా? లేదంటే పశ్చిమాసియాలో పోరాటం మళ్లీ ముదురుతుందా? అన్నదే ఇప్పుడు కీలకంగా మారింది. ఇరాన్‌ ఏడు రోజుల గడువుతో శాంతి ప్రతిపాదనను ముందుకు తెచ్చిన నేపథ్యంలో.. తదుపరి నిర్ణయం అమెరికా చేతుల్లోనే ఉందనే సంకేతాలు కనిపిస్తున్నాయి.ఇదీ చదవండి: ట్రంపరితనంతో మళ్లీ బాంబుల మోతేనా?

న్యూయార్క్‌: ఐక్యరాజ్యసమితి సర్వసభ్య సమావేశం వేదికగా భారత్‌, పాకిస్థాన్‌ మధ్య మరోమారు మాటల యుద్ధం జరిగింది. పాకిస్థాన్‌ ప్రధాని షెహ్‌బాజ్‌ షరీఫ్‌.. కశ్మీర్‌, సింధు జలాల ఒప్పందం, 2025లో భారత్‌-పాక్‌ మధ్య జరిగిన ఘర్షణపై మాట్లాడగా.. భారత్‌ తీవ్రంగా స్పందించింది. సరిహద్దు ఉగ్రవాదానికి పాకిస్థాన్‌ మద్దతు కొనసాగితే తీవ్ర పరిణామాలు తప్పవని ఐక్యరాజ్యసమితిలో భారత దౌత్యవేత్త పెటల్‌ గహ్లోత్‌ స్పష్టం చేశారు.ఉగ్రవాదంపై భారత్‌ ఘాటు హెచ్చరికపాక్‌ ప్రధాని షెహ్‌బాజ్‌ షరీఫ్‌ వ్యాఖ్యలకు స్పందిస్తూ, ఐక్యరాజ్యసమితిలో భారత శాశ్వత మిషన్‌ ఫస్ట్‌ సెక్రటరీ పెటల్‌ గహ్లోత్‌ తీవ్ర వ్యాఖ్యలు చేశారు. పాకిస్థాన్‌ పదేపదే భారత్‌పై ఆరోపణలు చేసినంత మాత్రాన వాస్తవాలు మారవని అన్నారు. సరిహద్దు ఉగ్రవాదాన్ని పాకిస్థాన్‌ చాలాకాలంగా ప్రోత్సహిస్తున్నదని ఆరోపించారు.‘టెర్రరిస్టులకు దాక్కునే అవకాశం లేదు’గత ఏడాది భారత్‌ తమ వైఖరిని స్పష్టంగా చూపించిందని గహ్లోత్‌ పేర్కొన్నారు. ఉగ్రవాదులకు ఎక్కడా దాక్కునే అవకాశం ఉండదని అన్నారు. ఉగ్రవాదం, మోసం, ద్వంద్వ వైఖరి పాకిస్థాన్‌కు గానీ, ప్రపంచానికి గానీ ప్రయోజనం కలిగించవని ఆమె పేర్కొన్నారు.ట్రంప్‌ జోక్యంతో యుద్ధం ఆగిందన్న షరీఫ్‌యూఎన్‌ ప్రసంగంలో షెహ్‌బాజ్‌ షరీఫ్‌ 2025 మేలో భారత్‌, పాకిస్థాన్‌ మధ్య జరిగిన ఘర్షణను ప్రస్తావించారు. ఆ సమయంలో తమ దేశ స్పందన విజయవంతమైందని పేర్కొంటూ.. అమెరికా అధ్యక్షుడు డొనాల్డ్‌ ట్రంప్‌ జోక్యం చేసుకోవడం వల్ల పరిస్థితి మరింత తీవ్రం కాలేదని అన్నారు. రెండు అణ్వాయుధ దేశాలు పూర్తిస్థాయి యుద్ధం అంచున ఉన్న సమయంలో ట్రంప్‌ జోక్యం కీలకంగా పనిచేసిందని షరీఫ్‌ వ్యాఖ్యానించారు. అయితే కాల్పుల విరమణ విషయంలో మూడో దేశం జోక్యం లేదని భారత్‌ గతంలోనే స్పష్టం చేసింది. ఇరు దేశాల మధ్య ప్రత్యక్ష సంప్రదింపుల ద్వారానే కాల్పుల విరమణకు అంగీకారం కుదిరిందని భారత్‌ ఏనాడో స్పష్టం చేసింది.ఇదీ చదవండి: అమెరికా కోర్టులో ఆంత్రోపిక్‌కు ఎదురుదెబ్బ

అమెరికా-ఇరాన్‌ మధ్య యుద్ధానికి తెరదించేలా ఇరాన్‌ చేసిన కీలక ప్రతిపాదనకు అమెరికా అధ్యక్షుడు డొనాల్డ్‌ ట్రంప్‌ అంగీకరించలేదని ది వాల్‌ స్ట్రీట్‌ జర్నల్‌ నివేదించింది. ఏడు రోజుల్లో హార్ముజ్‌ జలసంధిని తిరిగి తెరవడం, కాల్పుల విరమణకు వెళ్లడం వంటి ప్రతిపాదనను ఇరాన్‌ అమెరికా ముందు ఉంచగా.. ట్రంప్‌ దాన్ని తిరస్కరించినట్లు అమెరికా అధికారులను ఉటంకిస్తూ కథనం వెల్లడించింది.ఇదే సమయంలో నవంబర్‌లో జరిగే అమెరికా మధ్యంతర ఎన్నికల తర్వాత ఇరాన్‌పై అమెరికా మళ్లీ బాంబు దాడులు ప్రారంభించే అవకాశం ఉందని ట్రంప్‌ తన సన్నిహితులకు చెప్పినట్లు సదరు కథనంలో నివేదించింది. అయితే ఇరాన్‌ ప్రతిపాదనపై అమెరికా నుంచి అధికారిక స్పందన ఇంకా వెలువడలేదని పేర్కొంది.ఇరాన్‌ ప్రతిపాదన ఏంటి?ఐక్యరాజ్యసమితి సర్వసభ్య సమావేశం సందర్భంగా ఇరాన్‌ విదేశాంగ మంత్రి అబ్బాస్‌ అరాఘ్చీ ఈ ప్రతిపాదనను వెల్లడించారు. ఖతార్‌ మధ్యవర్తుల ద్వారా అమెరికాకు తమ ప్రతిపాదనను పంపినట్లు తెలిపారు. అమెరికా కొన్ని షరతులను అంగీకరిస్తే ఏడు రోజుల్లో హార్ముజ్‌ జలసంధిని తిరిగి తెరిచి, సాధారణ నౌకా రాకపోకలను పునరుద్ధరిస్తామని చెప్పారు. ఇరాన్‌ షరతుల్లో ప్రధానంగా అమెరికా నౌకాదళ దిగ్బంధాన్ని ఎత్తివేయడం, ఇరాన్‌ చమురు ఎగుమతులపై ఆంక్షలను సడలించడం, మధ్యప్రాచ్యవ్యాప్తంగా కాల్పుల విరమణ పాటించడం ఉన్నాయి. లెబనాన్‌లోనూ శత్రుత్వాన్ని నిలిపివేయాలని ఇరాన్‌ కోరింది. దీనికి ప్రతిగా హార్ముజ్‌ను తెరిచి, అమెరికాతో అణు కార్యక్రమంపై చర్చలను తిరిగి ప్రారంభించేందుకు సిద్ధమని చెప్పుకొచ్చారు.ట్రంప్‌ వైఖరి ఏంటి?ఇరాన్‌ ప్రతిపాదనతో దౌత్యపరమైన చర్చలకు అవకాశం కనిపించినప్పటికీ, ట్రంప్‌ మాత్రం ఒప్పందంపై అనుమానంతో ఉన్నట్లు వాల్‌స్ట్రీట్‌ కథనం పేర్కొంది. ఇరాన్‌ తన డిమాండ్లను పూర్తిగా అమలు చేస్తుందన్న నమ్మకం ట్రంప్‌కు లేదని అమెరికా అధికారులను ఉటంకించింది. మరోవైపు అమెరికా, ఇరాన్‌ మధ్య మధ్యవర్తుల ద్వారా సానుకూల, నిర్మాణాత్మక చర్చలు జరుగుతున్నాయని ఓ అమెరికా అధికారి రాయిటర్స్‌కు తెలిపారు. అందువల్ల ప్రస్తుతం పరిస్థితి ఒకవైపు ఇరాన్‌ ఏడు రోజుల్లో హార్ముజ్‌ను తెరిచే ప్రతిపాదన.. మరోవైపు ట్రంప్‌ దానిపై విముఖతగా కనిపిస్తోంది. ఇరాన్‌ మాత్రం అమెరికా అధికారిక స్పందన కోసం ఎదురుచూస్తోంది.ఇదీ చదవండి: భారత్‌కు పాక్‌ ప్రధాని సంచలన హెచ్చరిక

ఐక్యరాజ్యసమితి సర్వసభ్య సమావేశం (UNGA) వేదికగా పాకిస్తాన్‌ ప్రధాని షెహబాజ్‌ షరీఫ్‌ మరోసారి భారత్‌పై తీవ్ర వ్యాఖ్యలు చేశారు. కశ్మీర్‌ వివాదానికి ‘న్యాయమైన, సముచిత పరిష్కారం’ అవసరమని పేర్కొన్న ఆయన.. సింధు నది జలాల విషయంలోనూ భారత్‌ను హెచ్చరించారు. పాకిస్తాన్‌కు దక్కాల్సిన నీటిని నిలిపివేయడం, అడ్డుకోవడం లేదా మళ్లించే ఏ ప్రయత్నాన్నైనా యుద్ధ చర్యగా పరిగణిస్తామని స్పష్టం చేశారు. ఇదే సమయంలో ఆపరేషన్‌ సిందూర్‌పై కూడా కీలక వ్యాఖ్యలు చేశారు. న్యూయార్క్‌లో జరిగిన 81వ ఐక్యరాజ్యసమితి సర్వసభ్య సమావేశంలో పాక్‌ ప్రధాని షెహబాజ్‌ షరీఫ్‌ మాట్లాడారు. ఈ సందర్భంగా కశ్మీర్‌ ప్రజలు ఎనిమిది దశాబ్దాలుగా ఐక్యరాజ్యసమితి హామీ కోసం ఎదురుచూస్తున్నారని షరీఫ్‌ అన్నారు. ఐక్యరాజ్యసమితి ఆధ్వర్యంలో స్వేచ్ఛాయుత, నిష్పాక్షిక ప్రజాభిప్రాయ సేకరణ కోసం ఎదురుచూస్తున్నారు. కశ్మీర్‌లో తరతరాలుగా ప్రజలు అక్రమ ఆక్రమణ, ఏకపక్ష నిర్బంధాలు, న్యాయబద్ధత లేని హత్యలు, బలవంతపు అదృశ్యాలు, లైంగిక హింస, సామూహిక శిక్షలు ఎదుర్కొంటున్నారని ఆయన ఆరోపించారు. కశ్మీర్‌ వివాదానికి న్యాయమైన, సముచిత పరిష్కారం అవసరం అంటూ వ్యాఖ్యానించారు.అదే సమయంలో సింధు జలాల ఒప్పందం అంశాన్ని కూడా షెహబాజ్‌ ప్రస్తావించారు. 1960లో భారత్‌, పాకిస్తాన్‌ మధ్య కుదిరిన ఈ ఒప్పందాన్ని భారత్‌ ఏకపక్షంగా నిలిపివేయడం చట్టబద్ధత లేనిదని ఆయన ఆరోపించారు. సింధు నదీ వ్యవస్థకు చెందిన జలాలు పాకిస్తాన్‌తో పాటు మొత్తం ప్రాంతానికి జీవనాధారమని అన్నారు. ‘నీటిని ఆయుధంగా మార్చకూడదు. నదులు దేశాలను పోషించాలి.. విభజించకూడదు. పాకిస్తాన్‌‌కు దక్కాల్సిన నీటిని ఆపడం, అడ్డుకోవడం లేదా మళ్లించే ప్రయత్నాన్ని యుద్ధ చర్యగా పరిగణిస్తాం. భారత్‌ ఈ విషయంలో ఎలాంటి పొరపాటు చేయకూడదు’ అని షెహబాజ్‌ హెచ్చరించారు.ఆపరేషన్‌ సిందూర్‌పై షరీఫ్‌ వ్యాఖ్యలు2025 మేలో భారత్‌-పాకిస్తాన్‌ మధ్య జరిగిన నాలుగు రోజుల సైనిక ఘర్షణ సమయంలో అమెరికా అధ్యక్షుడు డొనాల్డ్‌ ట్రంప్‌ జోక్యం చేసుకున్నందుకు షరీఫ్‌ కృతజ్ఞతలు తెలిపారు. రెండు అణ్వాయుధ దేశాలు పూర్తిస్థాయి యుద్ధం అంచున ఉన్న సమయంలో ట్రంప్‌ జోక్యం కీలకంగా మారిందని అన్నారు. ఆ సమయంలో ట్రంప్‌ జోక్యం చేసుకోకపోయి ఉంటే భారీ విధ్వంసం జరిగి ఉండేదని వ్యాఖ్యానించారు. ఆపరేషన్‌ సిందూర్‌ నేపథ్యంలో భారత్‌ తమపై దాడికి దిగిందని షరీఫ్‌ ఆరోపించారు. ఐక్యరాజ్యసమితి చార్టర్‌లోని ఆర్టికల్‌ 51 ప్రకారం ఆత్మరక్షణ హక్కును పాకిస్తాన్‌ వినియోగించుకుందని చెప్పారు. పాక్‌‌ సైన్యం ఫీల్డ్‌ మార్షల్‌ సయ్యద్‌ అసిమ్‌ మునీర్‌ నాయకత్వంలో భారత్‌ దాడిని తిప్పికొట్టిందని పేర్కొన్నారు. అయితే, రెండు దేశాల మధ్య కాల్పుల విరమణకు మూడో పక్షం మధ్యవర్తిత్వం చేసిందన్న వాదనను భారత్‌ గతంలోనే ఖండించింది. ఇరు దేశాల మధ్య ప్రత్యక్ష కమ్యూనికేషన్‌ ద్వారానే కాల్పుల విరమణకు అంగీకారం కుదిరిందని భారత్‌ స్పష్టం చేసింది.#WATCH | New York | Addressing the 81st United Nations General Assembly (UNGA), Pakistan PM Shehbaz Sharif says, "...Any attempt to stop, impede, or divert Pakistan's share of the waters will be treated as an act of war. India must make no mistake about it"(Video Source: United… pic.twitter.com/l7dIO7SxnH— ANI (@ANI) September 26, 2026ఇదిలా ఉండగా.. పహల్గామ్‌లో జరిగిన ఉగ్రదాడిలో 26 మంది మృతి చెందిన అనంతరం భారత్‌ ఆపరేషన్‌ సిందూర్‌ చేపట్టింది. ఆ తర్వాత భారత్‌-పాకిస్తాన్‌ మధ్య సైనిక ఉద్రిక్తతలు తీవ్ర స్థాయికి చేరాయి. ఈ పరిణామాల నేపథ్యంలో భారత్‌ సింధు జలాల ఒప్పందాన్ని నిలిపివేసింది. అలాగే, కశ్మీర్‌పై పాకిస్తాన్‌ చేస్తున్న వాదనలను భారత్‌ గతంలో పలుమార్లు తిరస్కరించింది. కశ్మీర్‌ భారత్‌లో అంతర్భాగమని, ఎప్పటికీ భారత్‌లో అంతర్భాగంగానే ఉంటుందని న్యూఢిల్లీ స్పష్టం చేస్తూ వచ్చింది. సింధు జలాల అంశంలోనూ భారత్‌ తన నిర్ణయాన్ని పహల్గామ్‌ ఉగ్రదాడి అనంతరం తీసుకున్న చర్యల్లో భాగంగా సమర్థించింది.ఇదీ చదవండి: షరతులకు అంగీకరిస్తేనే.. హార్ముజ్‌ ఓపెన్‌

వాషింగ్టన్‌: అమెరికా రక్షణ శాఖ పెంటగాన్ తీసుకున్న కీలక నిర్ణయానికి అప్పీల్ కోర్టు మద్దతు తెలిపింది. క్లాడ్‌ఏఐ వినియోగంపై కొన్ని భద్రతా పరిమితులను తొలగించేందుకు నిరాకరించిన కారణంగా ఏఐ సంస్థ ఆంత్రోపిక్‌ను పెంటగాన్ సరఫరా వ్యవస్థ నుంచి తొలగించింది. ఈ నిర్ణయాన్ని సవాలు చేసిన ఆంత్రోపిక్‌కు కోర్టులో చుక్కెదురైంది. ఆంత్రోపిక్ తన క్లాడ్‌ ఏఐను పూర్తిగా స్వయంప్రతిపత్తితో పనిచేసే ప్రాణాంతక ఆయుధాల్లో, అలాగే అమెరికన్లపై భారీ స్థాయి దేశీయ నిఘాలో ఉపయోగించేందుకు అనుమతించేలా భద్రతా పరిమితులను తొలగించేందుకు నిరాకరించింది. ఈ వివాదం ఫిబ్రవరిలో ప్రారంభమైంది. మార్చిలో పెంటగాన్ ఆ సంస్థను ‘సప్లై చైన్ రిస్క్’గా ప్రకటించి, దాని సైనిక ఒప్పందాలను రద్దు చేసింది.సైనిక ఆపరేషన్‌లో పెంటగాన్ కాంట్రాక్టర్ పాలంటీర్‌ క్లాడ్‌ వినియోగించడంపై ఆంత్రోపిక్ అభ్యంతరాలు వ్యక్తం చేసినట్లు కోర్టు తీర్పులో వెల్లడైంది. సైనిక వ్యవహారాల్లో ఏఐ వినియోగం వల్ల సాఫ్ట్‌వేర్ అనుకోని విధంగా పనిచేసే ప్రమాదం ఉందని సంస్థ ఆందోళన వ్యక్తం చేసింది. ఆంత్రోపిక్ తన ఏఐ మోడళ్లను సైన్యానికి అందించిన తర్వాత వాటి ప్రవర్తనను మార్చలేమని వాదించింది. అయితే కొత్త వెర్షన్లను ఉపయోగించేందుకు సైన్యం తన వ్యవస్థలను ఎప్పటికప్పుడు అప్‌డేట్ చేయాల్సి ఉంటుందని కోర్టు పేర్కొంది. ప్రమాదాలను ఎలా సమతుల్యం చేయాలనే విషయాన్ని అధ్యక్షుడు, రక్షణ కార్యదర్శే నిర్ణయించాల్సి ఉంటుందని న్యాయమూర్తి గ్రెగరీ కాట్సాస్ అభిప్రాయపడ్డారు.ఆంత్రోపిక్‌తో వివాదం తర్వాత పెంటగాన్ ఇతర ఏఐ సంస్థల వైపు దృష్టి మళ్లించింది. చాట్‌జీపీటీ అభివృద్ధి చేసిన ఓపెన్‌ఏఐతో ఒప్పందం కుదుర్చుకుంది. ఎలాన్ మస్క్‌కు చెందిన ఎక్స్‌ఏఐ కూడా ఒప్పందం చేసుకోగా, ఆ తర్వాత గూగుల్‌, మైక్రోసాఫ్ట్‌ సంస్థలు కూడా పెంటగాన్‌తో ఒప్పందాలు కుదుర్చుకున్నాయి. దాదాపు ఒక ట్రిలియన్ డాలర్ల విలువ ఉన్న ఆంత్రోపిక్ ప్రస్తుతం పెద్ద ఐపీఓకు సిద్ధమవుతున్న సమయంలో ఈ పరిణామం చోటుచేసుకుంది. ఏఐ ప్రమాదాలపై ఆ సంస్థ సీఈవో డారియో అమోడెయి చేసిన హెచ్చరికలను అమెరికా అధ్యక్షుడు డొనాల్డ్ ట్రంప్ గతంలో విమర్శించారు. పెంటగాన్ అధికారి ఎమిల్ మైఖేల్ కోర్టు తీర్పును స్వాగతించారు. ప్రైవేటు సంస్థలు సైనిక కమాండ్ వ్యవస్థలో తమ అభిప్రాయాలను చొప్పించకుండా ఈ తీర్పు రక్షణ కల్పిస్తుందని ఆయన పేర్కొన్నారు. అయితే ఆంత్రోపిక్ మాత్రం ఈ తీర్పుతో ఏకీభవించలేదు. తదుపరి న్యాయపరమైన అవకాశాలను పరిశీలిస్తున్నట్లు వెల్లడించింది.ఇదీ చదవండి: నేపాల్‌ వరదలు.. ఇప్పటికీ ఆచూకీలేని 800 మంది!

ఘోర విమాన ప్రమాదంతో ఆఫ్రికా దేశమైన కాంగోలో తీవ్ర విషాదం చోటుచేసుకుంది. సైనిక అధికారులతో కూడిన విమానం కుప్పకూలి.. అందులోని మొత్తం 14 మంది మరణించారు. మృతుల్లో ఇద్దరు సీనియర్‌ సైనిక అధికారులు ఉండడం గమనార్హం. ప్రమాదం ఎలా జరిగిందన్న దానిపై అధికారులు దర్యాప్తు చేపట్టారు.కాంగో సైన్యం వెల్లడించిన వివరాల ప్రకారం.. సైనిక ప్రతినిధులతో కూడిన విమానం నైరుతి ప్రాంతంలోని కిక్విట్‌ నుంచి రాజధాని కిన్షాసాకు తిరుగు ప్రయాణమైంది. ఉన్నట్లుండి నియంత్రణ కోల్పోయిన విమానం కేంజ్‌ ప్రాంతంలో కుప్పకూలింది. ప్రమాద సమయంలో విమానంలో ఉన్న వారిలో ఎవరూ ప్రాణాలతో బయటపడలేదు. ఈ ప్రమాదంలో కాంగో మిలటరీ కోర్టు చీఫ్‌ లెఫ్టినెంట్‌ జనరల్‌ ముటోంబో కటలాయి టియెండే, సాయుధ దళాల ఆడిటర్‌ జనరల్‌ లెఫ్టినెంట్‌ జనరల్‌ బకుమి లికులియా మృతి చెందినట్లు సైన్యం తెలిపింది. వీరితో పాటు ప్రతినిధి బృందానికి చెందిన సభ్యులు, విమాన సిబ్బంది కూడా ప్రాణాలు కోల్పోయారు.కాంగో సైనిక ప్రతినిధి మేజర్‌ జనరల్‌ ఎఫోమి ఎకెంజె ఈ ప్రమాదంపై ప్రకటన విడుదల చేశారు. ఇద్దరు జనరల్స్‌తో పాటు మరో 12 మంది ప్రతినిధులు, సిబ్బంది ఈ ప్రమాదంలో మరణించినట్లు తెలిపారు.OVER DOZEN DEAD after PLANE CRASH in DR CONGOAMONG 14 KILLED: Head of military court, and auditor general of armed forcesFIERY WRECKAGE and DEBRIS strewn ACROSS CRASH SITE pic.twitter.com/Hw36wJhoG0— RT (@RT_com) September 25, 2026సాంకేతిక లోపమే కారణమా?విమానం కిక్విట్‌ నుంచి కిన్షాసాకు వెళ్తుండగా సాంకేతిక సమస్య తలెత్తినట్లు స్థానిక అధికారులు వెల్లడించారు. అయితే ప్రమాదానికి అసలు కారణం ఏమిటన్నది ఇంకా స్పష్టంగా తెలియలేదు. ప్రమాదంపై దర్యాప్తు ప్రారంభించినట్లు సైన్యం ప్రకటించింది. కాంగో సివిల్‌ ఏవియేషన్‌ అథారిటీ బోర్డు చైర్మన్‌ ట్రైఫోన్‌ కిన్‌-కియే ములుంబా కూడా విమాన ప్రమాదానికి కారణం ప్రస్తుతానికి తెలియదని తెలిపారు. దర్యాప్తు పూర్తయిన తర్వాతే ప్రమాదానికి దారితీసిన పరిస్థితులపై స్పష్టత వచ్చే అవకాశం ఉంది.తిరుగుబాట్లతో సతమతమవుతూ..కాంగోలో చాలాకాలంగా భద్రతా పరిస్థితులు ఉద్రిక్తంగా ఉన్నాయి. ముఖ్యంగా దేశంలోని తూర్పు ప్రాంతంలో పలు తిరుగుబాటు గ్రూపులతో సైన్యం పోరాడుతోంది. వీటిలో రువాండా మద్దతు ఉన్న ఎం23 తిరుగుబాటు సంస్థ కూడా ఉంది. గత ఏడాది ఈ గ్రూపులు వేగంగా దాడులు నిర్వహించి కీలక నగరాలను తమ ఆధీనంలోకి తీసుకోవడంతో కాంగోలో ఘర్షణలు మరింత తీవ్రరూపం దాల్చాయి.ఇదీ చదవండి: చంద్రుడిపై చైనా తొలి అడుగు.. జరిగేది ఇదేనంట!

దుబాయ్‌: తమ షరతులకు అమెరికా ఒప్పుకుంటే హార్మూజ్‌ జలసంధిని తెరవడానికి అభ్యంతరం లేదని ఇరాన్‌ స్పష్టంచేసింది. జలసంధిలో అమెరికా నౌకా దిగ్బంధనాన్ని ఎత్తివేయాలని, తమ చమురు అమ్మకాలపై ఆంక్షలను రద్దు చేయాలని, లెబనాన్‌లో సైతం కాల్పుల విరమణ పాటించాలని తేల్చిచెప్పింది. అలా చేస్తే ఏడు రోజుల్లో హార్మూజ్‌ జలసంధిని పూర్తిగా తెరుస్తామని వెల్లడించింది. అలాగే తమ అణు కార్యక్రమంపై చర్చలను పునఃప్రారంభించడానికి ముందుకొచి్చంది. న్యూయార్క్‌లో జరుగుతున్న ఐక్యరాజ్యసమితి జనరల్‌ అసెంబ్లీ సమావేశాల సందర్భంగా గురువారం జరిగిన ఒక ప్రైవేట్‌ సమావేశంలో ఇరాన్‌ విదేశాంగ మంత్రి అబ్బాస్‌ అరాగ్చీ ఈ ప్రతిపాదనకు సంబంధించిన వివరాలను వెల్లడించినట్లు తెలిసింది. ఈ సమావేశానికి హాజరైన క్విన్సీ ఇన్‌స్టిట్యూట్‌ థింక్‌ ట్యాంక్‌ ఎగ్జిక్యూటివ్‌ వైస్‌ ప్రెసిడెంట్‌ ట్రిటా పార్సీ మాట్లాడుతూ.. నవంబర్‌లో జరగనున్న అమెరికా మధ్యంతర ఎన్నికలకు ముందు ఇరాన్‌తో త్వరితగతిన ఒప్పందం కుదరడం అమెరికా అధ్యక్షుడు డొనాల్డ్‌ ట్రంప్‌కు సహాయపడుతుందని అరాగ్చీ అభిప్రాయపడినట్లు తెలిపారు. అరాగ్చీ తాజా ప్రతిపాదనపై ఇరాన్‌ ఐరాస మిషన్‌ గానీ, ఇతర ఇరాన్‌ అధికారులు గానీ ఇంకా స్పందించలేదు. అయితే, ఈ రాజీ మార్గాలను ఇరాన్‌ భద్రతా దళాలపై పట్టు కలిగిన పిడివాదులు అంగీకరిస్తారా? అనే సందేహాలు వ్యక్తమవుతున్నాయి. ఇదిలా ఉండగా, శుక్రవారం ఉదయం ఇరాన్‌ అధ్యక్షుడు మసూద్‌ పెజెష్కియాన్‌ ఖతార్‌ ప్రధానమంత్రికి ఆతిథ్యం ఇచ్చారు. తాజాగా ఐక్యరాజ్యసమితి వేదికగా ఇరాన్, అమెరికా మధ్య జరిగిన పరోక్ష చర్చల సమయంలో ఖతార్‌ కీలక మధ్యవర్తిగా వ్యవహరించింది. మరోవైపు ఇరాన్‌తో ఒప్పందం కుదుర్చుకోవడానికి తాము తొందరపడడం లేదని అమెరికా అధ్యక్షుడు ట్రంప్‌ సంకేతాలిస్తుండడం గమనార్హం.

వాషింగ్టన్‌: అమెరికా, చైనా దేశాల సంబంధాలు ‘ఎన్నడూ లేనంత మెరుగ్గా’ఉన్నాయని అమెరికా అధ్యక్షుడు డొనాల్డ్‌ ట్రంప్‌ తెలిపారు. భవిష్యత్తు తరాలకు అభివృద్ధి, భద్రతలను అందించేందుకు ఇరుదేశాలు భవిష్యత్తులోనూ పరస్పర సహకారాన్ని బలపరచుకోవచ్చునన్న ఆశాభావం వ్యక్తం చేశారు. గురువారం వైట్‌హౌస్‌ ఓవల్‌ అఫీసులో సుమారు రెండు గంటలపాటు చైనా అధ్యక్షుడు షీ జిన్‌పింగ్, ట్రంప్‌ మధ్య ద్వైపాక్షిక చర్చలు జరిగాయి. అనంతరం ఇరువురు నేతలు విలేకరులతో మాట్లాడారు. అమెరికా–చైనా సంబంధాలు మరో చారిత్రక మలుపు వద్దకు చేరుకున్నాయని షీ తెలిపారు. ట్రంప్‌తో నిజాయతీగా, లోతైన చర్చలు జరిపామని, అనేక అంశాలపై ఏకాభిప్రాయానికి వచ్చామని చెప్పారు. ఈ చర్చలు నిర్మాణాత్మక, వ్యూహాత్మకంగా స్థిరమైన ద్వైపాక్షిక సంబంధాలకు కొత్త బలం చేకూర్చిందని వివరించారు. ఈ సందర్బంగానే ఇరు దేశాల మధ్య చారిత్రక సంబంధాలను నేతలు ప్రస్తావించారు. చైనా దౌత్యవేత్తలు 158 ఏళ్ల క్రితమే బోస్టన్‌ను సందర్శించారని ట్రంప్‌ తెలపగా...రెండో ప్రపంచ యుద్ధంలో ఇరు దేశాల సహకారాన్ని షీ గుర్తుచేశారు. తైవాన్‌పై స్పష్టమైన హెచ్చరిక ఓవల్‌ ఆఫీసులో జరిగిన ద్వైపాక్షిక చర్చల్లో తైవాన్‌ అంశంపై చైనా తన వైఖరిని స్పష్టం చేసింది. ఈ విషయంలో అమెరికా జాగ్రత్తగా వ్యవహరించాలని షీ సూచించారు. కృత్రిమ మేధస్సు విషయంలో ఇరు దేశాలు తమ బలాలను సమర్థంగా వాడుకోవాలని సూచించారు. ఏఐతో రాగల ప్రమాదాలు, ప్రయోజనాలపై చర్చలు కొనసాగించడంతోపాటు, దుర్వినియోగాన్ని అరికట్టేందుకు కలిసి పని చేయాలన్నారు. కృత్రిమ మేధస్సుపై మానవ నియంత్రణ కొనసాగాలని, ప్రజా సంక్షేమం కేంద్రంగా విధానాల రూపకల్పన జరగాలని చెప్పారు. ఏఐని మానవ ప్రగతికి ఉపయోగించేలా చూడాలని తెలిపారు. అధికారిక విందులో టెక్‌ దిగ్గజాలు... చైనా అధ్యక్షుడు షీ జిన్‌పింగ్‌ గౌరవార్థం వైట్‌హౌస్‌లోని ఈస్ట్‌రూమ్‌లో ఘనమైన విందు ఏర్పాటైంది. ఇరుదేశాల సంప్రదాయ వంటకాలతో నిండిన ఈ విందులోనే ట్రంప్‌ అమెరికా జాతీయ చిహ్నమైన గద్ద ప్రతిమను షీకి బహుకరించారు. విందుకు ఇరు దేశాల ప్రతినిధి బృందాల్లోని మంత్రులు, ఉన్నతాధికారులు ఐటీ కంపెనీల ప్రముఖులు హాజరయ్యారు. అమెజాన్‌ వ్యవస్థాపకుడు జెఫ్‌ బెజోస్, ఎన్‌విడియా సీఈవో జెన్సన్‌ హువాంగ్, మెటా సీఈవో మార్క్‌ జుకర్‌బర్గ్, ఓపెన్‌ ఏఐ సీఈవో సామ్‌ ఆల్ట్‌మన్, గూగుల్‌ సీఈవో సుందర్‌ చాయ్, టెస్లా, స్పేస్‌ఎక్స్‌ అధినేత ఎలాన్‌ మస్క్, మైక్రాన్‌ సీఈవో సంజయ్‌ మెహ్రోత్రా, మైక్రోసాఫ్ట్‌ సీఈవో సత్య నాదెళ్ల, యాపిల్‌ సీఈవో టిమ్‌ కుక్, డెల్‌ అధినేత మైఖేల్‌ డెల్‌ తదితరులు పాల్గొన్నారు. ఇదిలా ఉండగా, అమెరికా, చైనా అధ్యక్షుల విందు సందర్భంగా కొంతమంది ఆందోళన కారులు వైట్‌హౌస్‌ సమీపంలో పెద్ద ఎత్తున నినాదాలు చేశారు. టిబెట్‌కు స్వేచ్ఛ కల్పించాలని కొందరు, హాంకాంగ్, ఈస్ట్‌ తుర్కిస్థాన్‌ల స్వేచ్ఛపై మరికొందరు నినాదాలు చేశారు. మరికొంత మంది షీ అమెరికా పర్యటనపై తమ నిరసన వ్యక్తం చేశారు. విందు మెనూ...ళీ విందులో గుమ్మడికాయ, పసుపులతో చేసిన సూప్, అడవి పుట్టగొడుగులు, పంది మాంసంతో చేసిన ఇటాలియన్‌ వంటకం పాన్‌సెట్టాలను స్టార్టప్‌లుగా వడ్డించారు. ప్రధాన వంటకాలుగా నువ్వుల సీ బాస్‌ చేప, బేబీ బక్‌చోయ్, వంకాయ, ప్రత్యేక సాస్‌లు ఏర్పాటు చేశారు. డెజర్ట్‌లుగా వెనీలా క్రీమ్యూ, పుల్లని చెర్రీ మిశ్రమం, వాల్‌నట్‌ ఫ్రాంజిపేన్, తేనెతో కూడిన ఐస్‌క్రీమ్‌ను అందించారు. అమెరికన్‌ విద్యార్థులకు ఆహ్వానంచైనాను సందర్శించేందుకు, చదువుకునేందుకు రానున్న ఐదేళ్లలో లక్షమంది అమెరికన్‌ విద్యార్థులను ఆహ్వానిస్తామని చైనా అధ్యక్షుడు షీ జిన్‌పింగ్‌ ప్రకటించారు. అమెరికా అధ్యక్షుడి అధికార నివాసం వైట్‌హౌస్‌లో షీ మాట్లాడుతూ ఇరు దేశాల సంబంధాల భవిష్యత్తు యువతరంపై ఆధారపడి ఉందని అన్నారు.

ఐక్యరాజ్యసమితి 81వ సర్వసభ్య సమావేశం సందర్భంగా న్యూయార్క్‌లో నిర్వహించిన మీడియా సమావేశంలో విదేశాంగ మంత్రి ఎస్‌. జైశంకర్‌, పాకిస్థాన్‌ జర్నలిస్ట్‌ మధ్య వాగ్వాదం చోటుచేసుకుంది. ఉగ్రవాదానికి సంబంధించి భారత ప్రభుత్వాన్ని ప్రశ్నించేందుకు జర్నలిస్ట్‌ ప్రయత్నించగా జైశంకర్‌ ఘాటుగా స్పందించారు. “ఉగ్రవాద దేశానికి చెందిన వ్యక్తి నన్నే ఆ ప్రశ్న అడుగుతున్నాడు. రండి” అని అన్నారు.లైబీరియా విదేశాంగ మంత్రి సారా బెయ్‌సోలో న్యాంటీతో కలిసి జైశంకర్‌ ఈ మీడియా సమావేశంలో పాల్గొన్నారు. నౌకలు, నావికుల భద్రతపై ఏర్పాటైన స్నేహితుల బృందానికి సంబంధించిన అంశాలపై ఈ సమావేశం నిర్వహించారు. సమావేశం ముగింపు దశలో పాకిస్థాన్‌కు చెందిన ఓ జర్నలిస్ట్‌ జైశంకర్‌ను ఉద్దేశించి.. “పాకిస్థాన్‌లో ఉగ్రవాదానికి మీ ప్రభుత్వం మద్దతు ఇవ్వడం ఎప్పుడు ఆపుతుంది?” అని ప్రశ్నించారు. దీనికి జైశంకర్‌ పైవిధంగా స్పందించారు.భారత్‌ చాలాకాలంగా పాకిస్థాన్‌ భూభాగం నుంచి పనిచేస్తున్న ఉగ్రవాద సంస్థలపై చర్యలు తీసుకోవాలని డిమాండ్‌ చేస్తోంది. 2025 ఏప్రిల్‌ 22న పహల్గామ్‌లో జరిగిన ఉగ్రదాడిలో 26 మంది పౌరులు మృతిచెందిన తర్వాత భారత్‌ తన సైనిక చర్యను ఆత్మరక్షణ హక్కులో భాగంగా చేపట్టినట్లు ప్రభుత్వం తెలిపింది. అనంతరం పాకిస్థాన్‌, పాక్‌ ఆక్రమిత జమ్మూకశ్మీర్‌లోని ఉగ్రవాద మౌలిక సదుపాయాలపై ‘ఆపరేషన్‌ సిందూర్‌’ చేపట్టింది.పాకిస్థాన్‌ కేంద్రంగా పనిచేస్తున్న లష్కరే తోయిబాకు అనుబంధ సంస్థగా భారత్‌ పేర్కొన్న ‘ది రెసిస్టెన్స్‌ ఫ్రంట్‌’ను అమెరికా 2025 జూలై 18న విదేశీ ఉగ్రవాద సంస్థగా గుర్తించింది. పహల్గామ్‌ దాడిలో ఆ సంస్థ ప్రమేయం ఉందని భారత్‌ పేర్కొంది. ఐక్యరాజ్యసమితి భద్రతామండలి 1267 ఆంక్షల కమిటీ నివేదికలోనూ దాడికి సంబంధించి ఆ సంస్థతో ఉన్న సంబంధాలను ప్రస్తావించారు. ఈ పరిణామాల నేపథ్యంలో జైశంకర్‌, పాకిస్థాన్‌ జర్నలిస్ట్‌ మధ్య జరిగిన ఈ పరస్పర ప్రశ్నోత్తరాలు భారత్‌-పాకిస్థాన్‌ మధ్య ఉగ్రవాదంపై కొనసాగుతున్న దౌత్యపరమైన విభేదాలను మరోసారి వెలుగులోకి తెచ్చాయి. జైశంకర్‌ శనివారం ఐక్యరాజ్యసమితి ఉన్నతస్థాయి సమావేశంలో ప్రసంగించనున్నారు.

లష్కరే తొయిబా అధినేత హఫీజ్‌ సయీద్‌, ఉగ్రవాదంపై అడిగిన ప్రశ్నలకు పాకిస్థాన్‌ ప్రధాని షెహ్‌బాజ్‌ షరీఫ్‌ సమాధానం ఇవ్వలేదు. 81వ ఐక్యరాజ్యసమితి సర్వసభ్య సమావేశానికి హాజరయ్యేందుకు న్యూయార్క్‌లోని ఐక్యరాజ్యసమితి ప్రధాన కార్యాలయానికి వచ్చిన ఆయనను భారతీయ విలేకరి నేరుగా ప్రశ్నించారు. ఉగ్రవాదులకు ఆశ్రయం ఇవ్వడం పాకిస్థాన్‌ ఎప్పుడు ఆపుతుందని ప్రశ్నించగా.. షెహ్‌బాజ్‌ షరీఫ్‌ స్పందించకుండా చేతిని ఊపుతూ ముందుకు వెళ్లిపోయారు.ఆ తర్వాత ప్రధాన కార్యాలయం నుంచి బయటకు వస్తున్న సమయంలోనూ విలేకరి మరోసారి ప్రశ్నించారు. లష్కర్‌ రేతొయిబా అధినేత హఫీజ్‌ సయీద్‌పై పాకిస్థాన్‌ ఎప్పుడు విచారణ చేపట్టి శిక్షిస్తుందని అడిగారు. ఈ ప్రశ్నకు కూడా షెహ్‌బాజ్‌ షరీఫ్‌ సమాధానం ఇవ్వకుండా అక్కడి నుంచి వెళ్లిపోయారు. హఫీజ్‌ మహ్మద్‌ సయీద్‌ పాకిస్థాన్‌లోని పంజాబ్‌ ప్రావిన్స్‌లోని సర్గోధాకు చెందిన వ్యక్తి.లష్కర్‌ రేతొయిబా వ్యవస్థాపకుడైన ఆయనను భారత చట్టాల ప్రకారం ఉగ్రవాదిగా గుర్తించారు. 2008 ముంబై ఉగ్రదాడుల కేసులో ఆయనపై ఆరోపణలు ఉన్నాయి. 2025 ఏప్రిల్‌ 22న పహల్గామ్‌లో జరిగిన ఉగ్రదాడి వెనుక పాకిస్థాన్‌ కేంద్రంగా పనిచేసిన లష్కర్‌ రే తొయిబా కార్యకర్తల కుట్ర ఉందని జాతీయ దర్యాప్తు సంస్థ ఆరోపించింది. ఈ కేసులో దాఖలు చేసిన అనుబంధ ఛార్జ్‌షీట్‌లో సయీద్‌ను నిందితుడు నంబర్‌ 8గా పేర్కొంది.ఈ పరిణామానికి ఒక రోజు ముందు ఐక్యరాజ్యసమితిలో భారత్‌ పాకిస్థాన్‌పై తీవ్ర విమర్శలు చేసింది. పాకిస్థాన్‌ తన ఆర్థిక, దేశీయ సమస్యలపై దృష్టి పెట్టకుండా ఉగ్రవాదాన్ని ప్రోత్సహిస్తోందని భారత దౌత్యవేత్త క్షితిజ్‌ త్యాగి ఆరోపించారు. పాకిస్థాన్‌ ప్రజలకు అభివృద్ధిపై దృష్టి పెట్టడం మేలు చేస్తుందని, ఇతరుల భూభాగంపై ఆశలు పెట్టుకోవడం లేదా ఉగ్రవాదాన్ని ఎగుమతి చేయడం వల్ల ఆ దేశ ఆర్థిక సమస్యలు పరిష్కారం కావని ఆయన అన్నారు.ఈ నేపథ్యంలో హఫీజ్‌ సయీద్‌పై వచ్చిన ప్రశ్నలకు పాకిస్థాన్‌ ప్రధాని స్పందించకపోవడం ఐక్యరాజ్యసమితి వేదికపై చర్చకు దారితీసింది. అదే సమయంలో పాకిస్థాన్‌ ప్రధాని ఐక్యరాజ్యసమితి ప్రధాన కార్యదర్శి ఆంటోనియో గుటెరస్‌తో భేటీలో ఉగ్రవాదంపై చర్చించారు. ఆఫ్ఘనిస్థాన్‌ నుంచి ఉగ్రవాద ముప్పు పెరుగుతోందని ఆందోళన వ్యక్తం చేశారు.

చంద్రుడిపై మరో అంతరిక్ష పోరుకు తెరలేస్తోంది.. అగ్రరాజ్యం అమెరికా, డ్రాగన్‌ చైనా మధ్య పోటీ ఇప్పుడు భూకక్ష్య దాటి ఏకంగా చంద్రుడి దక్షిణ ధ్రువానికి చేరింది. అక్కడి విలువైన నీటి మంచు నిల్వలున్న ప్రాంతాలను ముందుగా ఎవరు చేజిక్కించుకుంటారన్నది కీలకంగా మారింది. చైనా ముందుగా అడుగుపెడితే.. కీలక ప్రాంతాల్లో అమెరికాకు ప్రవేశం లేకుండా చేసే పరిస్థితి రావొచ్చని నాసా చీఫ్‌ జారెడ్‌ ఐజాక్‌మన్‌ హెచ్చరించారు. హ్యూస్టన్‌లో జరిగిన ‘ఆఫ్ వరల్డ్’ సదస్సులో ఆయన ఈ వ్యాఖ్యలు చేశారు.చైనాకు చెందిన చాంగ్‌ఈ-7 మిషన్ చంద్రుడి దక్షిణ ధ్రువంలోని షాకిల్టన్ క్రేటర్‌ను లక్ష్యంగా చేసుకున్న సంగతి తెలిసిందే. ఈ ప్రాంతంలో ఎప్పటికీ సూర్యకాంతి పడని ప్రాంతాలు ఉన్నాయి. వీటిని ‘కోల్డ్ ట్రాప్స్’గా పిలుస్తారు. అక్కడ నీరు మంచు రూపంలో ఉండటంతో పాటు భవిష్యత్‌ చంద్ర పరిశోధనలకు ఉపయోగపడే ఇతర పదార్థాలు కూడా పేరుకుపోయి ఉండొచ్చని శాస్త్రవేత్తలు భావిస్తున్నారు.అయితే చైనా గత నెలలో చాంగ్‌ఈ-7 మిషన్‌ను వాయిదా వేసింది. ఈ మిషన్‌లో చంద్రుడి ఉపరితలంపై గతంలో లభించని స్థాయిలో సమాచారాన్ని సేకరించేందుకు ఆర్బిటర్, ల్యాండర్, రోవర్, మొబైల్ హాపర్ అనే నాలుగు రకాల రోబోటిక్ వాహనాలను ఉపయోగించనున్నారు. చంద్రుడి దక్షిణ ధ్రువంలో మేం లక్ష్యంగా పెట్టుకున్న ప్రాంతాన్నే వారు కూడా లక్ష్యంగా చేసుకున్నారు. కొన్ని వారాల క్రితం చాంగ్‌ఈ-7 వాయిదా పడటం వల్ల మనం ఒక పెద్ద సమస్య నుంచి తప్పించుకున్నట్టే. ఆ మిషన్ షాకిల్టన్ క్రేటర్‌కు వెళ్లాల్సి ఉందని ఐజాక్‌మన్ పేర్కొన్నారు.చంద్రుడిపై చైనా ‘ఎక్స్‌క్లూజన్ జోన్లు’ ఏర్పాటు చేసే అవకాశం ఉందన్న ఆందోళనలు అమెరికా అధికారుల్లో పెరుగుతున్నాయి. చంద్రుడిపై ల్యాండింగ్‌ చేసే వాహనాల చుట్టూ భద్రతా నిబంధనల ప్రకారం సాధారణంగా 1 నుంచి 5 కిలోమీటర్ల పరిధిలో ప్రవేశ నిషేధ ప్రాంతం ఉండాల్సి ఉంటుంది. దీంతో ముందుగా అక్కడ స్థావరం ఏర్పాటు చేసుకున్న దేశం.. ప్రత్యర్థి దేశాల ప్రవేశాన్ని అడ్డుకునే పరిస్థితి ఏర్పడొచ్చని అమెరికా భావిస్తోంది.చాంగ్‌ఈ-7లో రోవర్లతో పాటు హాపర్ డ్రోన్లు కూడా ఉంటాయని ఐజాక్‌మన్ తెలిపారు. చంద్రుడిపై ఉన్న నీటి మంచుతో నేరుగా పని చేయడం.. దాని గురించి అధ్యయనం చేయడం చైనా లక్ష్యంగా పెట్టుకుందన్నారు. ఎవరు ముందుగా చంద్రుడిపైకి దిగుతారనే విషయంలో వెనుకబడితే.. దాని ప్రభావం ప్రపంచవ్యాప్తంగా ఉంటుందంటూ ఐజాక్‌మన్ వ్యాఖ్యానించారు. చైనా చాంగ్‌ఈ-7 మిషన్‌ను వాయిదా వేయడంతో చంద్రుడి దక్షిణ ధ్రువానికి ముందుగా చేరుకునే అవకాశం ప్రస్తుతం నాసాకు కూడా లభించింది. బ్లూ ఆరిజిన్‌కు చెందిన ‘బ్లూ మూన్ మార్క్-1’ వాహనాన్ని తొలిసారిగా 2027లో ప్రయోగించేందుకు ప్రణాళికలు ఉన్నాయి. ఈ భారీ ల్యాండర్‌ ద్వారా చంద్రుడి దక్షిణ ధ్రువానికి నాసాకు చెందిన రెండు ప్రోబ్స్‌ను పంపే అవకాశం ఉంది.చంద్ర పరిశోధనలో అగ్రశక్తిగా ఎదగడానికి చైనా భారీగా పెట్టుబడులు పెడుతోంది. అంతరిక్ష రంగంలో చైనా పురోగతిని అధ్యక్షుడు షీ జిన్‌పింగ్‌ ‘చిరకాల కల’గా అభివర్ణించారు. 1972లో అమెరికా తర్వాత చంద్రుడిపై మనుషులను పంపే రెండో దేశంగా నిలవాలని చైనా లక్ష్యంగా పెట్టుకుంది. 2030 నాటికి వ్యోమగాములను చంద్రుడిపైకి పంపే లక్ష్యం ఉన్నట్లు పలు నివేదికలు పేర్కొంటున్నాయి.ఇదీ చదవండి: రైలులో ఎంపీ భార్యకు ‘భయానక’ అనుభవం

అమెరికా అధ్యక్షుడు డొనాల్డ్‌ ట్రంప్‌.. చైనా అధ్యక్షుడు జి జిన్‌పింగ్‌కు గురువారం (సెప్టెంబర్‌ 24) వైట్‌హౌస్‌లో ఘన విందు ఇచ్చారు. వైట్‌హౌస్‌ ఈస్ట్‌ రూమ్‌లో జరిగిన ఈ స్టేట్‌ డిన్నర్‌కు జిన్‌పింగ్‌ తన భార్య పెంగ్‌ లియువాన్‌తో కలిసి హాజరయ్యారు. ట్రంప్‌, ప్రథమ మహిళ మెలానియా ట్రంప్‌ ఆతిథ్యమిచ్చిన ఈ కార్యక్రమానికి అమెరికా ప్రభుత్వంలోని కీలక అధికారులు, సుప్రీంకోర్టు న్యాయమూర్తులు, చట్టసభ సభ్యులు, ప్రముఖ వ్యాపారవేత్తలు, టెక్‌ దిగ్గజాలు కలిపి 134 మంది అతిథులు ఆహ్వానితులుగా ఉన్నారు.ఈ విందులో అమెరికా టెక్నాలజీ రంగానికి చెందిన ప్రముఖుల హాజరు ప్రత్యేక ఆకర్షణగా నిలిచింది. టెస్లా, స్పేస్‌ఎక్స్‌ అధినేత ఎలాన్‌ మస్క్‌, యాపిల్‌ బోర్డు చైర్మన్‌ టిమ్‌ కుక్‌, ఎన్విడియా సీఈవో జెన్సన్‌ హువాంగ్‌, ఓపెన్‌ఏఐ సీఈవో సామ్‌ ఆల్ట్‌మన్‌, మెటా సీఈవో మార్క్‌ జుకర్‌బర్గ్‌, అమెజాన్‌ వ్యవస్థాపకుడు జెఫ్‌ బెజోస్‌, ఏఎండీ సీఈవో లిసా సూ తదితరులు పాల్గొన్నారు. మైక్రోసాఫ్ట్‌ సీఈవో సత్య నాదెళ్ల, గూగుల్‌ సీఈవో సుందర్‌ పిచాయ్‌ కూడా ఈ జాబితాలో ఉన్నారు.విందులో భారతీయ మూలాలున్న ఐదుగురువైట్‌హౌస్‌ విడుదల చేసిన అతిథుల జాబితా ప్రకారం.. భారతీయ మూలాలున్న ఐదుగురు ప్రముఖులకు ఈ విందులో చోటు దక్కింది. వారిలో అమెరికా ఉపాధ్యక్షుడు జేడీ వాన్స్‌ సతీమణి, సెకండ్‌ లేడీ ఉషా వాన్స్‌ ఉన్నారు. టెక్నాలజీ రంగం నుంచి మైక్రోసాఫ్ట్‌ ఛైర్మన్‌, సీఈవో సత్య నాదెళ్ల, ఆల్ఫాబెట్‌, గూగుల్‌ సీఈవో సుందర్‌ పిచాయ్, మైక్రాన్‌ టెక్నాలజీ ఛైర్మన్‌, ప్రెసిడెంట్‌, సీఈవో సంజయ్‌ మెహ్రోత్రా హాజరయ్యారు. సంజయ్‌ మెహ్రోత్రా భార్య సంగీతా మెహ్రోత్రా కూడా అతిథుల జాబితాలో ఉన్నారు.అయితే ఈ కార్యక్రమానికి భారత ప్రభుత్వ ప్రతినిధులు ఎవరూ అతిథుల జాబితాలో లేరు. భారతీయ మూలాలున్న ప్రముఖులు మాత్రం అమెరికా రాజకీయ, వ్యాపార, సాంకేతిక రంగాల్లో తమ స్థానానికి అనుగుణంగా ఆహ్వానం అందుకున్నారు.ఒకే వేదికపై టెక్‌, ఫైనాన్స్‌ దిగ్గజాలువిందులో టెక్నాలజీ రంగంతో పాటు అమెరికా ఆర్థిక, పారిశ్రామిక రంగాలకు చెందిన ప్రముఖులు కూడా పాల్గొన్నారు. జేపీ మోర్గాన్‌ చేజ్‌ సీఈవో జేమీ డైమన్‌, బ్లాక్‌రాక్‌ సీఈవో లారీ ఫింక్‌, బ్లాక్‌స్టోన్‌ అధినేత స్టీఫెన్‌ స్క్వార్జ్‌మన్‌, గోల్డ్‌మన్‌ శాక్స్‌ సీఈవో డేవిడ్‌ సోలమన్‌, సిటీగ్రూప్‌ సీఈవో జేన్‌ ఫ్రేజర్‌, మాస్టర్‌కార్డ్‌ సీఈవో మైఖేల్‌ మైబాక్‌ వంటి ప్రముఖులు కూడా హాజరయ్యారు. సుప్రీంకోర్టు చీఫ్‌ జస్టిస్‌ జాన్‌ రాబర్ట్స్‌, న్యాయమూర్తులు అమీ కోనీ బారెట్‌, బ్రెట్‌ కవనాగ్‌ కూడా అతిథుల జాబితాలో ఉన్నారు.ఇదీ చదవండి: ఆస్తులు ఉచితమే.. అప్పులూ ఉచితమే!!

ఉద్యోగులకు బహుమతులు ఇచ్చే కార్యక్రమం అది. టేబుల్‌పై వరుసగా గిఫ్ట్‌ బాక్స్‌లు. ఒక్కొక్కరుగా వచ్చి తమకు నచ్చిన బాక్స్‌ తీసుకుంటున్న సిబ్బంది. ఎవరికో ఓపెన్‌ చేయగానే ఐఫోన్‌ కనిపించింది.. మరొకరి బాక్స్‌లో చాక్లెట్లు వచ్చాయి. దీంతో కొందరి ముఖాల్లో ఆనందం.. మరికొందరిలో కాస్త నిరాశ కనిపించింది. అయితే అసలు సర్‌ప్రైజ్‌ మాత్రం అప్పుడే మొదలైంది.యూఏఈకి చెందిన వరల్డ్‌ స్టార్‌ మాన్‌పవర్‌ సంస్థలో ఉద్యోగులకు ఈ వినూత్న గిఫ్ట్‌ కార్యక్రమం నిర్వహించారు. ఆ సంస్థ వ్యవస్థాపకుడు నిషాద్‌ హుస్సేన్‌, మేనేజింగ్‌ డైరెక్టర్‌ హసీనా నిషాద్‌ ఈ కార్యక్రమంలో పాల్గొన్నారు. టేబుల్‌పై ఉంచిన గిఫ్ట్‌ బాక్స్‌లలో కొన్నింటిలో ఐఫోన్లు, మరికొన్నింటిలో చాక్లెట్‌ బార్లు పెట్టారు. ఉద్యోగులు తమకు నచ్చిన బాక్స్‌ను ఎంచుకున్నారు.బాక్స్‌లు తెరిచిన తర్వాత కొందరు ఉద్యోగులకు ఐఫోన్లు దక్కడంతో వారి ఆనందానికి అవధుల్లేకుండా పోయాయి. అయితే చాక్లెట్ల బాక్స్‌ తీసుకున్నవారి పరిస్థితి మాత్రం భిన్నంగా కనిపించింది. వారు చాక్లెట్లతోనే సరిపెట్టుకోవాల్సి వస్తుందనుకున్నారు.అప్పుడే మేనేజింగ్‌ డైరెక్టర్‌ హసీనా నిషాద్‌ మరో సర్‌ప్రైజ్‌ ఇచ్చారు. చాక్లెట్ల బాక్స్‌ తీసుకున్న ఉద్యోగుల దగ్గరకు వెళ్లి.. వారికి కూడా ఐఫోన్లు బహుమతిగా ఇచ్చారు. దీంతో మొదట చాక్లెట్లు మాత్రమే వచ్చాయని భావించిన ఉద్యోగుల ముఖాల్లో ఒక్కసారిగా ఆనందం వెల్లివిరిసింది. చివరకు అందరి చేతుల్లోనూ ఐఫోన్లే కనిపించాయి.ఉద్యోగుల కష్టపడి పనిచేయడం, సానుకూల దృక్పథం, టీమ్‌గా కలిసి ముందుకు సాగడం సంస్థ విజయానికి కీలకమని హసీనా నిషాద్‌ పేర్కొన్నారు. ప్రతి ఒక్కరి ప్రయత్నం, ఆలోచన, సహకారం సంస్థ అభివృద్ధిలో ముఖ్యమైన పాత్ర పోషిస్తాయని తెలిపారు. అవకాశాలను అందిపుచ్చుకుని మరింత ఎదగాలని ఉద్యోగులను ప్రోత్సహించారు.ఈ కార్యక్రమానికి సంబంధించిన వీడియోను నిషాద్‌ హుస్సేన్‌, హసీనా నిషాద్‌ సోషల్‌ మీడియాలో షేర్‌ చేశారు. ఉద్యోగులు బాక్స్‌లు తెరిచే సమయంలో కనిపించిన ఉత్కంఠ.. చివర్లో అందరికీ ఐఫోన్లు అందడంతో వచ్చిన ఆనందం వీడియోలో ప్రత్యేక ఆకర్షణగా నిలిచింది.ఇదీ చదవండి: ఆమె నిద్ర ఖరీదు.. 10 వేల కోట్లు! View this post on Instagram A post shared by Haseena Nishad (@haseena_nishad)

పోలాండ్‌: దేశంలోని జారోస్లావ్‌ పట్టణంలో దారుణ ఘటన చోటుచేసుకుంది. ఓ క్యాథలిక్‌ అబ్బే ప్రాంగణంలో గురువారం కత్తితో దాడి జరిగింది. ఈ ఘటనలో ఓ పూజారి మృతి చెందగా.. మరో నలుగురు గాయపడ్డారు. క్షతగాత్రుల్లో నలుగురు పురుషులు, ఓ మహిళ ఉన్నట్లు పోలీసులు తెలిపారు. దాడికి పాల్పడినట్లు అనుమానిస్తున్న 31 ఏళ్ల ఉక్రెయిన్‌ వ్యక్తిని పోలీసులు అదుపులోకి తీసుకున్నారు.పోలిష్‌ మీడియా కథనాల ప్రకారం.. నిందితుడు తొలుత అబ్బే సమీపంలోని ఓ కేఫ్‌కు వెళ్లాడు. అక్కడ ఓ పూజారిపై కత్తితో దాడి చేసినట్లు సమాచారం. ఆ తర్వాత అబ్బేలోకి వెళ్లి మరో నలుగురిపై దాడి చేసినట్లు తెలుస్తోంది. ఘటనపై పోలీసులు కేసు నమోదు చేసి దర్యాప్తు చేస్తున్నారు. దాడికి కారణమేంటన్నది ఇంకా తెలియలేదు. మృతి చెందిన పూజారి పేరును అధికారులు బయటకు చెప్పలేదు.ఘటనపై పోలాండ్‌ అధ్యక్షుడు కరోల్‌ నవ్రోకీ స్పందించారు. ఈ దాడి అందరినీ కలచివేసిందని.. దీనిపై ప్రభుత్వం కఠినంగా స్పందించాల్సిన అవసరం ఉందన్నారు. నిందితుడికి దేశ చట్టాల ప్రకారం కఠిన శిక్ష పడుతుందని ప్రధాని డొనాల్డ్‌ టస్క్‌ తెలిపారు. ఈ ఘటనతో తీవ్ర ఆందోళనకు గురైన వారికి అండగా నిలిచేందుకు అవసరమైన సహాయం అందిస్తున్నట్లు అంతర్గత వ్యవహారాల మంత్రి మార్సిన్‌ కియెర్విన్స్కీ తెలిపారు.మరోవైపు ఉక్రెయిన్‌ అధ్యక్షుడు వొలోదిమిర్‌ జెలెన్‌స్కీ ఈ ఘటనపై దిగ్భ్రాంతి వ్యక్తం చేశారు. నిందితుడు చట్టం ప్రకారం పూర్తి బాధ్యత వహించాల్సిందేనని అన్నారు. ఘటనకు సంబంధించిన అన్ని అంశాలపై వేగంగా, సమగ్రంగా దర్యాప్తు జరపాలని ఉక్రెయిన్‌ కోరింది. రష్యా యుద్ధం నేపథ్యంలో ఉక్రెయిన్‌ నుంచి పోలాండ్‌కు వచ్చిన ప్రజలు, స్థానికుల మధ్య గతంలో కొన్ని ఘర్షణలు చోటుచేసుకున్నాయి. ఈ నేపథ్యంలో తాజా ఘటనపై పోలీసులు అన్ని కోణాల్లో దర్యాప్తు చేస్తున్నారు.ఇదీ చదవండి: వినీత్ మనోచా హత్య కేసులో బిగ్‌ ట్విస్ట్‌!

ఓ ఆఫీస్‌ ట్రిప్‌లో జరిగిన చిన్న ఘటన.. ఓ సీనియర్‌ టెక్‌ ఎగ్జిక్యూటివ్‌ ఉద్యోగాన్నే పోగొట్టింది. కానీ అక్కడితో ఈ కథ ముగియలేదు. తనకు ఉన్న అటెన్షన్‌ డిఫిసిట్‌ హైపర్‌యాక్టివిటీ డిజార్డర్‌ కారణంగానే తనను ఉద్యోగం నుంచి తొలగించారని ఆమె కోర్టును ఆశ్రయించారు. ట్రిబ్యునల్‌ ఆమె వాదనకు అనుకూలంగా తీర్పు ఇచ్చింది. దీంతో ఇప్పుడు ఆమె అడుగుతున్న పరిహారం మొత్తం కార్పొరేట్‌ రంగంలోనే సంచలనంగా మారింది.గిట్‌పాడ్‌ అనే టెక్‌ కంపెనీలో ఇంజినీరింగ్‌ విభాగానికి షానన్‌ బర్న్స్‌ వైస్‌ ప్రెసిడెంట్‌గా ఒకప్పుడు పని చేశారు. 2023 ఏప్రిల్‌లో ఆస్ట్రియాలోని లోఫర్‌లో కంపెనీ నిర్వహించిన టీమ్‌ బిల్డింగ్‌ కార్యక్రమానికి ఆమె హాజరయ్యారు. ఆ సమయంలో ఆమె మద్యం సేవించారు. అనంతరం తన గది తాళం మరిచిపోవడంతో గదిలోకి వెళ్లలేకపోయారు. చివరకు ఆ రాత్రి హోటల్‌లోని సౌనా (అంటే వేడి ఆవిరి గదిలో) నిద్రించాల్సి వచ్చింది. ఈ ఘటన తర్వాత యాజమాన్యం ఆమె చర్యను తీవ్రంగా పరిగణించింది. గిట్‌పాడ్‌ సీఈఓ జోహన్నెస్‌ ల్యాండ్‌గ్రాఫ్‌.. ఆమె వృత్తిపరమైన బాధ్యతపై ఆందోళన వ్యక్తం చేశారు. ఆ ఏడాది జూన్‌లో బర్న్స్‌ను ఉద్యోగం నుంచి తొలగించారు. ADHD అంటే ఏకాగ్రత లోపం, అతి చురుకుదనానికి సంబంధించిన న్యూరో డెవలప్‌మెంటల్‌ పరిస్థితి.. తనకు ఉన్న వైకల్యం కారణంగానే ఉద్యోగం కోల్పోయానని బర్న్స్‌ బర్మింగ్‌హామ్‌ ఎంప్లాయ్‌మెంట్‌ ట్రిబ్యునల్‌ను ఆశ్రయించారు. 2025లో ట్రిబ్యునల్‌ ఆమె వాదనకు అనుకూలంగా తీర్పు ఇచ్చింది. ఆమెను వైకల్యాలకు సంబంధించిన కారణాలతోనే ఉద్యోగం నుంచి తొలగించినట్లు తేల్చింది.దీంతో ఇక తనకు జరిగిన నష్టానికి పరిహారం కోరే ప్రక్రియ మొదలైంది. ఇందులో కేవలం అప్పటి జీతాన్ని మాత్రమే కాకుండా.. భవిష్యత్‌లో కోల్పోయే ఆదాయం, ఈక్విటీ తదితర నష్టాలను కూడా బర్న్స్‌ లెక్కలోకి తీసుకున్నారు. బర్న్స్‌ దాఖలు చేసిన లెక్కల ప్రకారం ఆమె కోరుతున్న పరిహారం ఎంతో తెలుసా?.. 76 మిలియన్‌ పౌండ్లు. అక్షరాల మన కరెన్సీలో రూ.9,637 కోట్లకు సమానం. ఉద్యోగం కోల్పోవడం వల్ల భవిష్యత్‌లో తాను కోల్పోయే సంపాదనను ఈ మొత్తంగా లెక్కించినట్లు ఆమె తరఫు న్యాయవాది తెలిపారు. బ్రిటన్‌లోని ఎంప్లాయ్‌మెంట్‌ ట్రిబ్యునల్‌ ముందు ఇంత భారీ మొత్తాన్ని క్లెయిమ్‌ చేసిన కేసు అత్యంత అరుదైనదిగా నిలిచింది. అయితే గిట్‌పాడ్‌ ఈ మొత్తాన్ని తీవ్రంగా వ్యతిరేకించింది. పరిహారం క్లెయిమ్‌ను రూ.12.68 కోట్లకే(1 మిలియన​ పౌండ్‌) పరిమితం చేయాలని కంపెనీ కోరింది. అంతకంటే ఎక్కువ మొత్తం పొందే అవకాశాలు చాలా తక్కువగా ఉన్నాయని వాదించింది. బర్న్స్‌ లెక్కలను కంపెనీ ‘అసాధారణమైనవి’గా అభివర్ణించింది.షేర్ల విలువ కూడా లెక్కలోకి.. ఇక్కడే ఈ కేసు మరో మలుపు తిరిగింది. బర్న్స్‌కు గిట్‌పాడ్‌లో 0.85 శాతం షేర్లు ఉన్నట్లు ట్రిబ్యునల్‌ విచారణలో వెల్లడైంది. ఈ వాటా ప్రస్తుత పరిస్థితుల్లో సుమారు రూ.32.61 కోట్లు విలువ ఉంది. అలాగే గిట్‌పాట్‌ను ఓపెన్‌ఏఐ రూ.3,836.76 కోట్లకు కొనుగోలు చేసే చర్చలు ఓ కొలిక్కి వచ్చాయి. ఈ లెక్కన.. నాలుగేళ్లలో గిట్‌పాడ్‌లో ఆమెకున్న వాటా విలువ రూ.267.13 కోట్లకు చేరే అవకాశం ఉంది. ఈ లెక్కలనే జడ్జి రేచల్‌ వెడ్డర్స్‌పూన్‌ తాజాగా పేర్కొన్నారు. కాబట్టి ఆమె పిటిషన్‌ విచారణకు అర్హత ఉందనేది తేల్చి చెప్పింది. దీంతో ఆమె తన భారీ పరిహారం క్లెయిమ్‌ను కొనసాగించేందుకు అవకాశం లభించినట్లైంది.బర్న్స్‌ ప్రస్తుతం టెక్‌ రంగానికి దూరంగా ఉన్నారు. థెరపిస్ట్‌గా మారేందుకు శిక్షణ తీసుకుంటున్నారు. ఉద్యోగం పోయిన ఓ ఘటనతో మొదలైన ఈ వివాదం.. ఇప్పుడు బ్రిటన్‌లోనే కాదు యావత్‌ కార్పొరేట్‌ ప్రపంచంలోనే భారీ పరిహారం క్లెయిమ్‌గా మారడం ఆసక్తికరంగా మారింది.ఇదీ చదవండి: డబుల్‌ గేమ్‌తో భారత్‌కు కష్టమేనా?

ఒకే ఇంట్లో పుట్టారు.. కలిసి పెరిగారు.. కలిసి చదువుకున్నారు.. కానీ ఇప్పుడు ఇద్దరి భవిష్యత్తూ జైలు గోడల మధ్యే! 19 ఏళ్ల కవల సోదరీమణులు టరానెహ్‌, రొమినా రహిమీ.. ఇరాన్‌లో ప్రభుత్వ వ్యతిరేక నిరసనల్లో పాల్గొన్నారనే ఆరోపణలతో అరెస్టయ్యారు. నాలుగు నెలల పాటు ఆచూకీ కోసం వారి తల్లి.. ఆస్పత్రులు, కోర్టులు, జైళ్ల చుట్టూ తిరిగింది. చివరకు జైలులో కూతుళ్లను చూసిన ఆమె.. ముఖాలు వాచిపోయి, శరీరాలపై గాయాలతో ఉన్న వారిని చూసి షాక్‌కు గురైంది. ఇప్పుడు టరానెహ్‌కు మరణశిక్ష, రొమినాకు 27 ఏళ్ల జైలు శిక్ష విధించినట్లు కుటుంబం చెబుతోంది. ఒక కూతురిని ఉరితాడి నుంచి కాపాడేందుకు.. ఆ తల్లి ఇప్పుడు ఐక్యరాజ్యసమితి తలుపు తట్టింది.వివరాల మేరకు.. ఇరాన్‌లోని ఇస్ఫహాన్‌లో జనవరిలో జరిగిన ప్రభుత్వ వ్యతిరేక నిరసనల్లో టరానెహ్, రొమినా పాల్గొన్నారని వారి కుటుంబం తెలిపింది. జనవరి 8, 9 తేదీల్లో షోహదా స్క్వేర్‌ ప్రాంతంలో జరిగిన ఆందోళనల్లో వారు నినాదాలు చేశారని బంధువులు చెప్పారు. ఆ తర్వాత ముసుగులు ధరించిన వ్యక్తులు ఇంట్లోకి వచ్చి ఇద్దరు సోదరీమణులను తీసుకెళ్లారని కుటుంబం ఆరోపించింది. వారి తలలకు సంచులు కప్పి తీసుకెళ్లారని, వారు ఎక్కడ ఉన్నారో కుటుంబానికి ఎలాంటి సమాచారం ఇవ్వలేదు. ఆ వ్యక్తులు ఇరాన్‌ ఇస్లామిక్‌ రివల్యూషనరీ గార్డ్‌ కార్ప్స్‌ (IRGC) సభ్యులని తర్వాత గుర్తించినట్లు కుటుంబం పేర్కొంది.కూతుళ్లు ఎక్కడున్నారో తెలియక వారి తల్లి మార్జీహ్‌ నౌర్మొహమ్మది ఆస్పత్రులు, ప్రభుత్వ కార్యాలయాలు, కోర్టులు, జైళ్ల చుట్టూ తిరిగారు. దాదాపు నాలుగు నెలల తర్వాత కుటుంబానికి ఫోన్‌ వచ్చింది. తమ కూతుళ్లు జైలులో ఉన్నారని, వచ్చి కలవాలని చెప్పినట్లు బంధువు మసూద్‌ నౌర్మొహమ్మది వెల్లడించారు.కూతుళ్లను చూసి షాక్‌మేలో ఇస్ఫహాన్‌లోని దౌలతాబాద్‌ జైలులో తల్లికి కూతుళ్లను చూసేందుకు అనుమతి లభించింది. అయితే అక్కడ కనిపించిన తమ పిల్లలను చూసి ఆమె షాక్‌కు గురయ్యారని కుటుంబం తెలిపింది. ముఖాలు వాచిపోయి, శరీరాలపై గాయాలు కనిపించాయని.. చేతులు, మోచేతులు, కాళ్లకు గాయాలున్నాయని కుటుంబం ఆరోపించింది. జైలులో సిబ్బంది తమను ఒక సెల్‌ నుంచి మరో సెల్‌కు జుట్టు పట్టుకుని లాగేవారని సోదరీమణులు చెప్పినట్లు బంధువు తెలిపారు.ఒకరికి ఉరి.. మరొకరికి 27 ఏళ్ల జైలుజనవరి నిరసనలకు సంబంధించిన కేసులో మొత్తం 16 మందిని అరెస్టు చేసినట్లు బాధిత కుటుంబం తెలిపింది. వారిపై మోలోటోవ్‌ కాక్‌టెయిల్స్‌ తయారు చేయడం, భద్రతా బలగాలపై దాడులకు పాల్పడటం వంటి ఆరోపణలు నమోదయ్యాయి. మొహరెబెహ్ అంటే ‘దేవుడిపై యుద్ధం’ అనే అభియోగం కూడా మోపినట్లు కథనం పేర్కొంది. ఇరాన్‌లో ఇది మరణశిక్షకు దారితీసే నేరంగా పరిగణించబడుతుంది. అయితే తమ కూతుళ్లు ఎలాంటి హింసకు పాల్పడలేదని కుటుంబం చెబుతోంది. జూలైలో ఇస్ఫహాన్‌ జైలులో ఏర్పాటు చేసిన కోర్టులో సోదరీమణులను హాజరుపరిచారని, ఆగస్టు చివర్లో టరానెహ్‌కు మరో తొమ్మిది మందితో కలిసి మరణశిక్ష విధించినట్లు కుటుంబం తెలిపింది. రొమినాకు 27 ఏళ్ల జైలు శిక్ష పడినట్లు పేర్కొంది.شنق بعد اغتصاب!.. هذه قصة الفتاة الإيرانية ترانه رحيمي التي انتزعت منها اعترافات إعدامها تحت تهديد الاغتصاب#ترانه_رحيمي #رومينا_رحيمي #إيران #أصفهان #احتجاجات_إيران pic.twitter.com/IZMuuwJ7wl— blinx (@BlinxNow) September 18, 2026ఇదిలా ఉండగా.. అరెస్టు తర్వాత వారిద్దరినీ వేర్వేరు గదుల్లో నిర్బంధించారని బాధిత కుటుంబం ఆవేదన వ్యక్తం చేసింది. అయినప్పటికీ ఒకరి అరుపులు మరొకరికి వినిపించేలా ఉండేవని తెలిపింది. తీవ్రంగా కొట్టడం, మానసిక వేధింపులు, లైంగిక వేధింపులకు గురిచేశారని కుటుంబ సభ్యులు, కేసుతో సంబంధం ఉన్న న్యాయవాదులు ఆరోపించినట్లు కథనం పేర్కొంది.ఐక్యరాజ్యసమితికి కుటుంబం..టరానెహ్‌ మరణశిక్షను నిలిపివేసేందుకు, రొమినాకు న్యాయపరమైన రక్షణ కల్పించేందుకు కుటుంబం అంతర్జాతీయ జోక్యాన్ని కోరుతోంది. బ్రిటన్‌కు చెందిన మానవ హక్కుల న్యాయవాదుల ద్వారా ఐక్యరాజ్యసమితి ప్రత్యేక విధానాల కింద కేసుకు సంబంధించిన సమాచారాన్ని సమర్పించినట్లు కథనం తెలిపింది. ఇక, టరానెహ్‌ గుర్రాలపై ఆసక్తి ఉన్న క్రీడాకారిణి కాగా.. రొమినా స్వతంత్ర భావాలు కలిగిన యువతిగా కుటుంబం వివరించింది. నిరసనలకు ముందు ఇద్దరూ షోహదా స్క్వేర్‌ సమీపంలోని ఓ షూ దుకాణంలో పార్ట్‌టైమ్‌గా పనిచేసేవారని తెలిపింది.ఇదీ చదవండి: బీచ్‌లో అమ్మాయిలతో అదేం పని.. వీడియో వైరల్‌

జీవ పరిణామ క్రమంలో అత్యంత కీలకమైన మైలురాయిగా నిలిచే సంచలన విషయాన్ని శాస్త్రవేత్తలు బహిర్గతం చేశారు. గబ్బిలాలు సుమారు 6.5 కోట్ల (65 మిలియన్లు) సంవత్సరాల క్రితం ఐరోపా ఖండంలోనే మొదటగా పరిణామం చెందాయని ‘నేచర్’ అంతర్జాతీయ పరిశోధనా పత్రికలో ప్రచురితమైన అధ్యయనం వెల్లడించింది. ఇప్పటివరకు ఆసియా, ఆఫ్రికా లేదా ఉత్తర అమెరికా ఖండాల్లో గబ్బిలాలు ఉద్భవించాయనే అంచనాలను ఈ అధ్యయనం పటాపంచలు చేసింది.ప్రాజెక్ట్ ‘బ్యాట్‌1కే’ విజయం‘Bat1K’ కన్సోర్టియమ్ నేతృత్వంలో 64 దేశాలకు చెందిన 137 మంది జీవశాస్త్రవేత్తలు దాదాపు దశాబ్ద కాలం పాటు శ్రమించి ఈ ప్రాజెక్ట్‌ను పూర్తి చేశారు. ప్రఖ్యాత పరిశోధకులు ఎమ్మా టీలింగ్, నెన్సీ సిమ్మన్స్ వంటి ప్రముఖుల భాగస్వామ్యంతో జరిగిన ఈ పరిశోధనలో ప్రస్తుతం ఉన్న 21 గబ్బిలాల వర్గాలకు చెందిన 103 రకాల జీవుల సంపూర్ణ జెనోమ్ (డీఎన్‌ఏ)ను సీక్వెన్సింగ్ చేశారు. ప్రపంచవ్యాప్తంగా లభించిన 44 ప్రాచీన శిలాజాల డేటాతో ఈ జన్యు సమాచారాన్ని సరిపోల్చారు.ఐరోపా నుంచి ప్రపంచవ్యాప్త విస్తరణఈ జెనోమిక్ విశ్లేషణ ప్రకారం, డైనోసార్లు అంతరించిన కాలం (సుమారు 6.5 కోట్ల ఏళ్ల క్రితం)లో ఐరోపాలో మొదటిసారిగా గబ్బిలాలు పుట్టాయి. అక్కడ నుంచి ముందుగా ఆఫ్రికాకు చేరుకుని ‘యూరో-ఆఫ్రికా హబ్’గా మారాయి. ఆ తర్వాత కాలంలో ఆసియా, అమెరికా, ఆస్ట్రేలియా ఖండాలకు విస్తరించాయని జన్యు మ్యాపింగ్ స్పష్టం చేస్తోంది.ఎకోలొకేషన్.. ఎగిరే సామర్థ్యంక్షీరదాల్లో సజావుగా ఎగరగల ఏకైక జీవి గబ్బిలమే(రెక్కలతో నిజమైన విమానంలా స్వయంగా ఎగరలిగే శక్తి గబ్బిలానికి మాత్రమే ఉంది. ఇతర జీవివులు గాల్లో తేలుతూ ఎగురుతాయి). చీకట్లో శబ్ద తరంగాల ద్వారా మార్గాన్ని గుర్తించే ఎకోలొకేషన్ సామర్థ్యం, ఎగిరే నైపుణ్యం రెండూ గబ్బిలాల పరిణామ క్రమం ఆరంభంలోనే రూపుదిద్దుకున్నాయని ఈ పరిశోధన తేల్చింది.మానవ వైద్య రంగానికి కీలకంగబ్బిలాలు అత్యంత ప్రమాదకరమైన వైరస్‌లను మోస్తూ కూడా అనారోగ్యానికి గురికావు. అలాగే వాటి పరిమాణంతో పోలిస్తే సుదీర్ఘకాలం జీవిస్తాయి. కొత్తగా రూపొందించిన ఈ పూర్తిస్థాయి క్రోమోజోమ్ మ్యాపింగ్ ద్వారా గబ్బిలాల్లో ఉన్న రోగనిరోధక శక్తి, క్యాన్సర్ నిరోధక జన్యువులు, వృద్ధాప్యాన్ని అడ్డుకునే కణ వ్యవస్థలపై లోతైన పరిశోధనలకు బాటలు పడింది. ఇది భవిష్యత్తులో మానవ వైద్య విధానంలో విప్లవాత్మక మార్పులకు దోహదపడుతుందని శాస్త్రవేత్తలు భావిస్తున్నారు.ఇదీ చదవండి: భారత్‌లో అత్యంత సంపన్న నటులు వీరే..

ఢిల్లీలో ప్రధాని మోదీతో కరచాలనం చేసిన చైనా అధ్యక్షుడు జిన్‌పింగ్‌.. ఇప్పుడు వాషింగ్టన్‌లో అమెరికా అధ్యక్షుడు డొనాల్డ్‌ ట్రంప్‌తో కీలక చర్చలు జరిపారు. సెప్టెంబర్‌ 12న న్యూఢిల్లీలో జరిగిన బ్రిక్స్‌ సదస్సు సందర్భంగా మోదీ-జిన్‌పింగ్‌ భేటీ జరగగా.. సెప్టెంబర్‌ 24న వైట్‌హౌస్‌లో ట్రంప్‌-జిన్‌పింగ్‌ సమావేశమయ్యారు. రెండు పర్యటనల మధ్య కేవలం 12 రోజుల వ్యవధి ఉండటం ప్రపంచ దౌత్య వర్గాల దృష్టిని ఆకర్షిస్తోంది. వీరిద్దరి మధ్య చర్చల్లో వాణిజ్యం, తైవాన్‌, AI, టెక్నాలజీ, అరుదైన ఖనిజాలు, ఇరాన్‌ వంటి అంశాలు కీలకంగా మారాయి. అమెరికా-చైనా వాణిజ్య సంధిని మరో రెండు నెలలు పొడిగించేందుకు ఇరు దేశాలు అంగీకరించాయి.మోదీతో భేటీ తర్వాతే ట్రంప్‌తో సమావేశంబ్రిక్స్‌ సదస్సు సందర్భంగా మోదీ, జిన్‌పింగ్‌ ఇరుదేశాల సంబంధాలపై కీలక చర్చలు జరిపారు. సరిహద్దుల్లో శాంతి, ద్వైపాక్షిక సంబంధాల స్థిరీకరణ, వాణిజ్య అసమతుల్యత, సరఫరా చైన్‌, వ్యాపార సంబంధాలను మెరుగుపరచడం వంటి అంశాలపై చర్చ జరిగింది. సరిహద్దు ప్రాంతాల్లో శాంతి, ఇరుదేశాల ఒప్పందాలను పాటించడం ద్వైపాక్షిక సంబంధాల అభివృద్ధికి కీలకమని మోదీ స్పష్టం చేశారు. చైనా కూడా భారత్‌తో సంబంధాలను దీర్ఘకాలిక వ్యూహాత్మక దృష్టితో అభివృద్ధి చేయాలని చెబుతోంది. జిన్‌పింగ్‌-మోదీ భేటీ తర్వాత చైనా ప్రకటనలో ఇరుదేశాలు భాగస్వాములుగా ఉండాలనే అంశాన్ని ప్రస్తావించింది.అసలు టెన్షన్‌ ఇదేఇప్పటివరకు అమెరికా-చైనా పోటీ కారణంగా చైనా నుంచి దూరమయ్యే కంపెనీలకు భారత్‌ ఒక ప్రత్యామ్నాయ తయారీ కేంద్రంగా ఎదిగే అవకాశం వచ్చింది. ‘China+1’ వ్యూహం ద్వారా పెట్టుబడులు, సరఫరా గొలుసులు భారత్‌ వైపు మళ్లే అవకాశం ఏర్పడింది. అమెరికా-చైనా వాణిజ్య ఉద్రిక్తతలు తగ్గి.. చైనా మళ్లీ అమెరికా మార్కెట్‌తో స్థిరమైన సంబంధాలు ఏర్పరచుకుంటే, ఈ అవకాశాల్లో కొంత భాగం తగ్గే అవకాశం ఉందని విశ్లేషణలు చెబుతున్నాయి. తైవాన్‌, AI, టెక్నాలజీ నియంత్రణలు, వాణిజ్య సుంకాలు, ఇరాన్‌ యుద్ధంపై ఇరుదేశాల మధ్య విభేదాలు కొనసాగుతున్నాయి. ముఖ్యంగా రేర్‌ ఎర్త్స్‌ సరఫరాలో చైనాకు ఉన్న ఆధిపత్యం కారణంగా ఈ రంగంలో కుదిరే ఏదైనా అమెరికా-చైనా అవగాహన ప్రపంచ సరఫరా గొలుసులపై ప్రభావం చూపవచ్చు. దాని ప్రభావం భారత్‌ తయారీ, టెక్నాలజీ రంగాలపై కూడా పరోక్షంగా పడే అవకాశం ఉంది.చైనా లెక్కల్లో భారత్‌ ఎందుకు?ఇక్కడే భారత్‌ అంశం ఆసక్తికరంగా మారుతోంది. అమెరికా ఇప్పటికే ఇండో-పసిఫిక్‌లో భారత్‌ను కీలక వ్యూహాత్మక భాగస్వామిగా చూస్తోంది. మరోవైపు భారత్‌ చైనాతో సంబంధాలను పూర్తిగా తెంచుకోకుండా.. సరిహద్దు సమస్యలు, వాణిజ్య అంశాలను పరిష్కరించుకుంటూ సంబంధాలను స్థిరీకరించే ప్రయత్నం చేస్తోంది. అంటే.. అమెరికాతో భారత్‌కు వ్యూహాత్మక భాగస్వామ్యం ఉంది.. చైనాతో భారత్‌కు ఆర్థిక, భౌగోళిక సంబంధాలు ఉన్నాయి. ఈ రెండు సమీకరణాల మధ్య న్యూఢిల్లీ తన స్వతంత్ర విదేశాంగ విధానాన్ని కొనసాగిస్తోంది.రష్యా అంశం కూడా కీలకమే..రష్యా చమురు, ఇరాన్‌ అంశాల్లో భారత్‌, చైనాలపై అమెరికా విధానం కూడా న్యూఢిల్లీకి ముఖ్యమే. అమెరికా-చైనా చర్చల్లో బీజింగ్‌కు రష్యా, ఇరాన్‌ విషయంలో ఏదైనా ప్రత్యేక వెసులుబాటు లభిస్తే.. ప్రాంతీయ శక్తి సమీకరణాలపై దాని ప్రభావం భారత్‌ లెక్కలను కూడా మార్చవచ్చు. అందుకే ఢిల్లీ తర్వాత వాషింగ్టన్‌లో జిన్‌పింగ్‌ భేటీపై భారత్‌ నిశితంగా గమనిస్తోంది. అమెరికా-చైనా సంబంధాలు పూర్తిగా తెగిపోవడం భారత్‌కు ఒక రకమైన అవకాశాలను తెస్తే.. ఇరుదేశాల మధ్య అవగాహన పెరగడం మరో రకమైన అవకాశాలను, సవాళ్లను తీసుకురావచ్చు. ఇదీ చదవండి: హార్ముజ్‌ కోసం ట్రంప్‌-ఇరాన్‌ కీలక భేరం!

వాషింగ్టన్‌: ఐక్యరాజ్యసమితి (యూఎన్) సాధారణ సభలో ఇజ్రాయెల్ ప్రధాని బెంజమిన్ నెతన్యాహు తన చేతిలో ఓ పేజర్‌ను పైకి చూపిస్తూ చేసిన హెచ్చరికలు ప్రపంచ దేశాలను నివ్వెరపరిచాయి. గతంలో లెబనాన్‌లో హెజ్‌బొల్లా దళాలపై తాము నిర్వహించిన సంచలన పేజర్ ఆపరేషన్‌ను గుర్తుచేస్తూ ఆయన చేసిన వ్యాఖ్యలు ప్రస్తుతం అంతర్జాతీయ స్థాయిలో పెను ప్రకంపనలు సృష్టిస్తున్నాయి. ఇదే వేదికపై ఇజ్రాయెల్ అనుసరిస్తున్న విధానాలపై తీవ్ర నిరసనలు వ్యక్తమవుతున్న తరుణంలో ఈ హైడ్రామా చోటుచేసుకుంది.ఆక్రమిత వెస్ట్ బ్యాంక్‌లో ఇజ్రాయెల్ వైఖరిని నిరసిస్తూ పెద్ద సంఖ్యలో ప్రతినిధులు సభ నుంచి వాకౌట్ చేయగా, అంతర్జాతీయ మీడియా ఈ దృశ్యాలను ప్రముఖంగా హైలైట్ చేసింది. సభలో ఒకవైపు ప్రతినిధులు బయటకు వెళుతుండగా.. మరికొందరు చప్పట్లు కొడుతూ హీబ్రూ భాషలో ‘అమ్‌ ఇజ్రాయేల్‌ చాయ్‌’ అంటూ పెద్దపెట్టున నినాదాలు చేశారు. ఈ పరిణామాలపై స్పందించిన నెతన్యాహు.. సభ నుంచి వెళ్తున్న వారిని ఉద్దేశించి ఇంకా నైతికంగా పిరికివాళ్లు ఎవరైనా ఉంటే ఇక్కడి నుంచి వెళ్లిపోవచ్చు!" అంటూ తనదైన శైలిలో విరుచుకుపడ్డారు.తన ప్రసంగం ఆద్యంతం ఇరాన్‌ను ప్రధాన లక్ష్యంగా చేసుకుని నెతన్యాహు విమర్శలు గుప్పించారు. సభ నుంచి వెళ్లిన ప్రతినిధులు ఇరాన్‌పై దాడి చేయడాన్ని సమర్ధిస్తూనే ఇజ్రాయెల్‌కు ధన్యవాదాలు కూడా చెప్పారని, ఇంతకంటే దిగ్భ్రాంతికరమైన ద్వంద్వ ప్రమాణాలు మరొకటి ఉండవని మండిపడ్డారు. ఇరాన్ అణు కర్మాగారాలపై ఇజ్రాయెల్ జరిపిన దాడులను సమర్థిస్తూ.. ఆ నిర్ణయం కష్టమైనప్పటికీ, ఒకవేళ తాము అలా చేయకపోయి ఉండేవాళ్లం కాదని, అందరం చనిపోయి ఉండేవాళ్లమని పేర్కొన్నారు. (ఫిబ్రవరి చివరిలో అమెరికా-ఇజ్రాయెల్ దాడులు ప్రారంభం కాగా, జూన్ 2025లో జరిగిన 12 రోజుల యుద్ధంలోనూ ఇజ్రాయెల్ ఇరాన్‌పై దాడులు జరిపింది).ఇక వాకౌట్ జరుగుతున్న సమయంలో ఇరాన్ ప్రతినిధులు తమ ఖాళీ కుర్చీలలో ఒక నిరసన సందేశాన్ని ఉంచారు. ప్రసంగం సాగుతున్నంత సేపు సభకు దూరంగా ఉన్న వారు.. ఇరాన్ ప్రముఖ నేత, ఖుద్స్ దళాల మాజీ కమాండర్ ఖాస్సెమ్ సులేమానీ చిత్రాన్ని అక్కడే వదిలి వెళ్లడం గమనార్హం. (2020 జనవరిలో అమెరికా డ్రోన్ దాడిలో సులేమానీ మరణించిన విషయం తెలిసిందే). ఈ సందర్భంగా యూఎన్ సభలో ప్రసంగిస్తూ తన చేతిలోని పేజర్‌ను పైకెత్తిన నెతన్యాహు.. ‘మేం హెజ్‌బొల్లాను తీవ్రంగా దెబ్బతీశాం. ఆ బీపర్ల (పేజర్లు) విషయం మీకు గుర్తుంది కదా? ఆ పరికరాల గురించి గుర్తుంచుకోండి’ అని హెచ్చరించారు. హెజ్‌బొల్లా నాయకులు మరణించారని, ఇజ్రాయెల్ పౌరులనే లక్ష్యంగా చేసుకున్న 1,50,000 బాలిస్టిక్ క్షిపణులు, రాకెట్ల భారీ ఆయుధ సంపత్తి అంతా తుడిచిపెట్టుకుపోయిందని ఆయన సభలో స్పష్టం చేశారు.మరోవైపు, ఇజ్రాయెల్‌ను విమర్శిస్తున్న బ్రిటన్, ఫ్రాన్స్ దేశాలపై మండిపడిన నెతన్యాహు.. ఆ రెండు దేశాలు తమపై వలసవాద ఆరోపణలు చేస్తున్నాయని, దేవుడి దయవల్ల ఆ పదాన్ని కనిపెట్టింది వాళ్లే అంటూ వ్యంగ్యాస్త్రాలు సంధించారు. WATCH: Netanyahu is booed as he begins his UNGA speech, with many delegations walking out of the General Assembly hall. https://t.co/ldaiBQ0KFk— Clash Report (@clashreport) September 24, 2026

అమెరికా–ఇరాన్‌ మధ్య నెలకొన్న యుద్ధ ఉద్రిక్తతలకు తెరదించే దిశగా కీలక పరిణామాలు చోటుచేసుకుంటున్నాయి. న్యూయార్క్‌లో ఐక్యరాజ్యసమితి సర్వసభ్య సమావేశాల నేపథ్యంలో ఇరు దేశాల ప్రతినిధులు దశలవారీ ఒప్పందంపై చర్చిస్తున్నట్లు సమాచారం. ఇందులో భాగంగా అమెరికా ఇరాన్‌పై విధించిన ఆర్థిక దిగ్బంధనాన్ని సడలిస్తే.. ఇరాన్‌ వ్యూహాత్మకమైన హార్ముజ్‌ జలసంధిని తిరిగి తెరిచే ప్రతిపాదన పరిశీలనలో ఉన్నట్లు తెలుస్తోంది.ఇన్నాళ్లూ కత్తులు దూసుకున్న అమెరికా–ఇరాన్‌ ఇప్పుడు ఒకే టేబుల్‌ వద్దకు వచ్చాయి. యుద్ధాన్ని ఆపేందుకు జరుగుతున్న చర్చల్లో కీలక మలుపు చోటుచేసుకుంది. ఇరు దేశాల చేతుల్లో ఉన్న రెండు బలమైన అస్త్రాలే ఇప్పుడు బేరసారాలకు వచ్చాయి. ఒకటి అమెరికా ఆంక్షలు.. మరొకటి ఇరాన్‌ చేతిలో ఉన్న హార్ముజ్‌ జలసంధి!ప్రపంచ చమురు సరఫరాకు అత్యంత కీలకమైన హార్ముజ్‌ జలసంధి ప్రస్తుతం ఇరు దేశాల మధ్య ప్రధాన బేరసారాల అంశంగా మారింది. హార్ముజ్‌ ద్వారా నౌకల రాకపోకలు స్వేచ్ఛగా సాగాలని అమెరికా కోరుతోంది. మరోవైపు తమ ఆర్థిక వ్యవస్థను తీవ్రంగా దెబ్బతీస్తున్న అమెరికా ఆంక్షలు, దిగ్బంధనాన్ని ఎత్తివేయాలని ఇరాన్‌ డిమాండ్‌ చేస్తోంది. స్తంభించిన పరిస్థితిని దశలవారీగా పరిష్కరించడమే సాధ్యమైన మార్గమని ఇరాన్‌కు చెందిన సీనియర్‌ అధికారి పేర్కొన్నట్లు ఓ అంతర్జాతీయ మీడియా సంస్థ వెల్లడించింది.ప్రతిపాదిత ఒప్పందంలో తొలి దశగా ట్రంప్‌ ప్రభుత్వం ఇరాన్‌పై విధించిన ఆర్థిక దిగ్బంధనాన్ని ఎత్తివేయడం, దానికి ప్రతిగా టెహ్రాన్‌ హార్ముజ్‌ మీదుగా నౌకల రాకపోకలను పునరుద్ధరించడం ఉండొచ్చని ఆ కథనం తెలిపింది. అంతేకాకుండా విదేశాల్లో ఫ్రీజ్‌ చేసిన ఇరాన్‌ ఆస్తులను మోక్షం కల్పించే అంశాన్ని కూడా టెహ్రాన్‌ కోరవచ్చని తెలుస్తోంది.ట్రంప్‌ ప్రభుత్వం ఆర్థిక ఒత్తిడిని తగ్గిస్తే.. ఇరాన్‌ ప్రపంచ ఇంధన రవాణాకు కీలకమైన జలమార్గాన్ని తెరవాలన్నది ప్రతిపాదన. అయితే ఇది తుది శాంతి ఒప్పందం కాకపోవచ్చని, గత జూలైలో కుదిరిన అవగాహన విఫలమైన నేపథ్యంలో ఈసారి ఇరు దేశాల రాయితీలు ఎంతకాలం అమల్లో ఉంటాయన్నదే కీలకమనే అభిప్రాయం వ్యక్తమవుతోంది.హార్ముజ్‌ తెరవడానికి ఇరాన్‌ రెడీ.. కానీ!అమెరికా సైనిక ఒత్తిడిని తగ్గించి, ఇరాన్‌ నౌకాశ్రయాలపై దిగ్బంధనాన్ని ఎత్తివేస్తే వారం రోజుల్లోనే హార్ముజ్‌ను తిరిగి తెరవడానికి సిద్ధంగా ఉందట. ఈ ప్రతిపాదనను మధ్యవర్తుల ద్వారా సెప్టెంబర్‌ 16న ట్రంప్‌ ప్రభుత్వానికి చేరవేసినట్లు తెలుస్తోంది. అయితే అసలు చిక్కు ఇక్కడే ఉంది.తమ వద్ద ఉన్న బలమైన బేరసారాల అస్త్రాన్ని ముందుగా వదులుకోవడానికి ట్రంప్‌ ప్రభుత్వం, ఇరాన్‌ రెండూ సిద్ధంగా లేవు. అమెరికా వద్ద ఆర్థిక ఆంక్షలు, దిగ్బంధనం ప్రధాన ఒత్తిడి సాధనాలైతే.. ఇరాన్‌ చేతిలో హార్ముజ్‌ జలసంధి ఉంది. దీంతో ఎవరు ముందుగా మెట్టు దిగాలన్నదే చర్చల్లో కీలకంగా మారింది.ట్రంప్‌ ఒత్తిడి.. ఇరాన్‌ ప్రతిఘటనట్రంప్‌ ప్రభుత్వం మాత్రం టెహ్రాన్‌పై ఒత్తిడి తగ్గించే సంకేతాలు ఇవ్వడం లేదు. ఇరాన్‌ చమురు ఎగుమతులను దెబ్బతీసే ఆంక్షలకు తోడు ఈ నెలలో ఆ దేశ వాణిజ్య విమానయాన సంస్థలు, వాటి సహాయక నెట్‌వర్క్‌లపైనా అమెరికా చర్యలు తీసుకుంది. ఒప్పందానికి రాకపోతే ఇరాన్‌ ఆర్థిక వ్యవస్థ మరింత క్షీణిస్తుందని ట్రంప్‌ హెచ్చరించారు.మరోవైపు ఇరాన్‌ కూడా వెనక్కి తగ్గడం లేదు. అమెరికా తమపై విధించిన ఆర్థిక, సైనిక ఒత్తిడిని ముందుగా తగ్గించాలని టెహ్రాన్‌ కోరుతోంది. ‘‘మా వేళ్లు ట్రిగ్గర్‌పైనే ఉన్నాయి’’ అని పదే పదే చెబుతూ వస్తుండడం.. పరిస్థితి ఎంత సున్నితంగా ఉందో వెల్లడిస్తోంది.ట్రాన్సిట్‌ ఫీజుపై ఇరాన్‌ మెట్టు దిగుతుందా?హార్ముజ్‌ మీదుగా వెళ్లే నౌకల నుంచి ట్రాన్సిట్‌ ఫీజు వసూలు చేయాలన్న తన డిమాండ్‌ను ప్రధాన ఒప్పందం నుంచి పక్కన పెట్టేందుకు ఇరాన్‌ సిద్ధంగా ఉన్నట్లు ప్రాంతీయ వర్గాలు చెబుతున్నాయి. ఆ అంశాన్ని ప్రత్యేక అనుబంధంలో చేర్చే అవకాశం ఉందని సమాచారం. గల్ఫ్‌ దేశాలు మాత్రం ఇలాంటి రుసుముల చెల్లింపును వ్యతిరేకిస్తున్నాయి.అయితే ఫీజు అంశాన్ని పక్కన పెట్టడం అంటే.. హార్ముజ్‌పై తన నియంత్రణను ఇరాన్‌ వదులుకున్నట్లు కాదని సంబంధిత వర్గాలు స్పష్టం చేస్తున్నాయి. దీంతో ప్రధాన డీల్‌లో మాత్రం ముందుగా హార్ముజ్‌ రాకపోకలను పునరుద్ధరించడంపైనే దృష్టి పెట్టే అవకాశం కనిపిస్తోంది.ఎన్నికల తర్వాతే డీల్‌?అమెరికా మధ్యంతర ఎన్నికలు నవంబర్‌ 3న జరగనున్నాయి. ఈ ఎన్నికల తర్వాత అమెరికా–ఇరాన్‌ మధ్య ఒప్పందం కుదిరే అవకాశం ఉందని ట్రంప్‌ ఇప్పటికే చెప్పారు. అయితే న్యూయార్క్‌లో ఇప్పుడు చర్చలు మళ్లీ వేగం పుంజుకోవడంతో.. ఎన్నికలకు ముందే ఏదైనా తాత్కాలిక అవగాహన కుదురుతుందా అన్నది ఆసక్తికరంగా మారింది.ఇరాన్‌ మాత్రం తమ డిమాండ్ల జాబితా చాలా పెద్దదేనని సంకేతాలిస్తోంది. దీంతో ట్రంప్‌ ప్రభుత్వం ఎంత మేరకు ఆర్థిక ఆంక్షలను సడలిస్తుంది? దానికి ప్రతిగా ఇరాన్‌ హార్ముజ్‌పై ఎలాంటి హామీ ఇస్తుంది? అన్నదే కీలకంగా మారింది.గల్ఫ్‌ దేశాలకూ టెన్షన్‌అమెరికా–ఇరాన్‌ చర్చలను గల్ఫ్‌ దేశాలు కూడా నిశితంగా గమనిస్తున్నాయి. హార్ముజ్‌పై ఇరాన్‌కు శాశ్వత నియంత్రణ కల్పించే ఏ ఒప్పందాన్నైనా అవి వ్యతిరేకిస్తున్నాయి. అదే సమయంలో యుద్ధం మరింత విస్తరించకుండా ఉద్రిక్తతలు తగ్గాలని కోరుకుంటున్నాయి. ఎందుకంటే హార్ముజ్‌ కేవలం ఇరాన్‌–అమెరికా మధ్య బేరసారాల అంశం కాదు. ప్రపంచ ఇంధన రవాణాకు ఇది అత్యంత కీలకమైన మార్గం. ఈ జలసంధిలో నౌకల రాకపోకలు సాధారణ స్థితికి వస్తే అంతర్జాతీయ చమురు సరఫరాపై ఒత్తిడి తగ్గే అవకాశం ఉంటుంది. అందుకే ట్రంప్‌–ఇరాన్‌ చర్చల్లో ఏ చిన్న పురోగతినైనా గల్ఫ్‌ దేశాలు, ఇంధన మార్కెట్లు నిశితంగా గమనిస్తున్నాయి.ఇదీ చదవండి: మీకు దణ్ణం పెడతాం.. ఏఐని ఆపండి

యునైటెడ్‌ నేషన్స్‌: చేతులు దాటిపోతున్న ఏఐ భూతానికి పగ్గాలేయకుంటే మానవాళికే ముప్పని, ప్రపంచదేశాలు ఎలాగైనా దానికి పగ్గాలేయాల్సిందేనని అంతర్జాతీయ ఏఐ కంపెనీలు బుధవారం ఐక్యరాజ్య సమితిని కోరాయి. ప్రపంచం లేదంటే కనీసం ప్రజలను కాపాడేందుకైనా అంతకంతకూ విస్తరిస్తున్న కృత్రిమమేధను నియంత్రించాలని, లేదంటే ఈ టెక్నాలజీతో మానవాళి మొత్తానికే ముప్పు ఏర్పడవచ్చునని ఆంత్రోపిక్‌ చీఫ్‌ ఎగ్జిక్యూటివ్‌ ఆఫీసర్‌ డారియో అమొడె వ్యాఖ్యానించగా ఓపెన్‌ఏఐ సీఈవో సామ్‌ ఆల్ట్‌మాన్‌ కూడా.. ఏఐని కట్టడి చేయకుంటే మనిషికి భవిష్యత్తు లేకుండా పోతుందని స్పష్టంగా హెచ్చరించారు. నియంత్రించేందుకు వీలుకానంత శక్తిమంతంగా తయారు కాకముందే ప్రపంచ దేశాలు ఐరాస భద్రతామండలి ద్వారా తగిన రక్షణ చర్యలు చేపట్టాలని విజ్ఞప్తి చేశారు. ఐరాస సర్వసభ్య సమావేశం సందర్భంగా డారియో, సామ్‌లతోపాటు హగ్గింగ్‌ ఫేస్‌ సీఈఓ క్లెమెంట్‌ డెలాంగ్‌లు రిమోట్‌ పద్ధతిలో ఏఐ టెక్నాలజీ ముప్పుపై వివరించారు. ఏఐ అనేది ఏదో ఒక దేశం లేదా కంపెనీ వద్దే కేంద్రీకృతం కాకుండా చూసుకోవాలని తమ వాంగ్మూలంలో తెలిపిన సీఈవోలు ఈ టెక్నాలజీని సక్రమంగా వాడుకుంటే ప్రజలకు అద్భుత ప్రయోజనాలూ కలుగుతాయని తెలిపారు. ఏఐ ద్వారా జీవశాస్త్ర ఆయుధాలను నిర్మించకూడదన్న అంశాన్ని ప్రపంచ నేతలందరూ అంగీకరించాలని, ఏ కృత్రిమ మేధ మోడల్‌ శక్తి ఏమిటి? అన్నది ధ్రువీకరించేందుకు నిర్దిష్ట పద్ధతులను అభివృద్ధి చేయాలని ఆంత్రోపిక్‌ సీఈవో డారియో అమొడె పిలుపునిచ్చారు. మోడళ్లపై చేసే పరీక్షలతోపాటు ఏఐ మోడళ్ల దురి్వనియోగమైనప్పుడు, నియంత్రణ కోల్పోయినప్పుడు తీసుకోవాల్సిన చర్యలపై కొన్ని ప్రమాణాలను సిద్ధం చేయాలని సూచించారు. హగ్గింగ్‌ ఫేస్‌ సీఈఓ మాట్లాడుతూ ఎఐని ఎవరు, ఎలా? నియంత్రించాలి? అన్నదానిపై దృష్టిపెట్టాలని, ఇందుకు తగిన సమయం ఏదన్నది కూడా నిర్ణయించుకోవాలని చెప్పారు. ఆగిపోవాల్సిన అవసరం లేదు: అమెరికాఏఐ నియంత్రణ విషయంలో కొన్ని ప్రశ్నలు వస్తున్నంత మాత్రాన టెక్నాలజీ అభివృద్ధి మొత్తాన్ని నిలిపేయాల్సిన అవసరం లేదని, అంతర్జాతీయ స్థాయి పర్యవేక్షణ పేరుతో పరిమితులు విధించడమూ సరికాదని వైట్‌హౌస్‌ శాస్త్ర సలహాదారు మైకేల్‌ క్రాట్స్‌సోసిస్‌ అభిప్రాయపడ్డారు. ‘‘మీరు, మా భాగస్వాములు కూడా ఈ టెక్నాలజీ లాభాలను పంచుకోవాలని భావిస్తున్నాం’’అని వ్యాఖ్యానించారు. ఏఐ రంగంలో పై చేయి సాధించేందుకు అమెరికా, చైనాలు కొంతకాలంగా పోటీపడుతున్న విషయం తెలిసిందే. ఈ నేపథ్యంలో ఐరాసలో చైనా దౌత్యవేత్త ఏఐ టెక్నాలజీ నియంత్రణ విషయంలో చేసిన వ్యాఖ్యలు ఆసక్తికరంగా మారాయి. టెక్నాలజీ రంగంలో.. ‘‘మేము.. వాళ్లు ’’అన్న చౌకబారు చర్యలకు దిగకూడదని, ఆయా దేశాలు తమకు తగ్గ విధంగా ఏఐని వాడుకునే అవకాశం ఉండాలని స్పష్టం చేశారు. తద్వారా డిజిటల్‌ రంగంలో ఏ దేశపు పెత్తనమూ అవసరం లేదని పరోక్షంగా తెలిపారు. చైనా తరహాలో ఏఐ టెక్నాలజీ అందరికీ అందుబాటులో ఉండేలా (ఓపెన్‌ సోర్స్‌ మోడల్‌) చూడాలని పిలుపునిచ్చారు. ఏఐ రంగంలో ముందు వరుసలో ఉన్న దేశాల వైఖరులు ఇలా ఉంటే.. ఫ్రాన్స్, ఉక్రెయిన్‌లు కూడా ఈ టెక్నాలజీపై తమదైన శైలిలో స్పందించాయి. ఫ్రాన్స్‌ విదేశీ వ్యవహారాల శాఖ మంత్రి జీన్‌ నోయెల్‌ బారెట్‌ మాట్లాడుతూ అణుశక్తి విషయంలో మాదిరిగానే అంతర్జాతీయ సమాజం ఇప్పుడు ఏఐని నియంత్రించాలని పిలుపునిచ్చారు. ఉక్రెయిన్‌ అధ్యక్షుడు జెలెన్‌స్కీ జనరల్‌ అసెంబ్లీలో మాట్లాడుతూ యంత్రాలపై ఏదో ఒకరకమైన నియంత్రణ తప్పక ఉండాలని స్పష్టం చేశారు. లేదంటే నాలుగున్నరేళ్లుగా యుద్ధంలో ఉన్న ఉక్రెయిన్‌ ఉనికిలోనే లేకుండా పోవచ్చునన్నారు. జీ20 సమావేశాల్లో చర్చిస్తాం: యూకే డారియో, సామ్‌లు వాస్తవం చెబుతున్నారని, ప్రపంచంపై పడే విపత్తును నివారించే బాధ్యతను ఆ కంపెనీలకే వదిలేయకుడదని స్పష్టం చేస్తున్నారని బ్రిటిష్‌ విదేశీ వ్యవహారాల శాఖ మంత్రి ఎడ్‌ మిల్లిబాండ్‌ వ్యాఖ్యానించారు. వచ్చే ఏడాది తాము నేతృత్వం వహిస్తున్న జీ20 సమావేశాల్లోనూ ఏఐ టెక్నాలజీ నియంత్రణే లక్ష్యంగా చర్చలు సాగుతాయని స్పష్టం చేశారు. ఏఐ టెక్నాలజీ అభివృద్ధి సురక్షితంగా ఉండేందుకు అంతర్జాతీయ స్థాయిలో కొన్ని ప్రమాణాలను రూపొందిస్తామని తెలిపారు. అయితే అగ్రరాజ్యం అమెరికా మాత్రం ఇందుకు సమ్మతించకపోగా.. ‘‘అలాంటి పనులు చేయవద్దు’’అని చెబుతోంది.

ఐక్యరాజ్యసమితి: తమపై యుద్ధానికి రష్యా భారత్‌సహా 40 దేశాల పౌరులను ఉపయోగిస్తోందని ఉక్రెయిన్‌ అధ్యక్షుడు జెలెన్‌స్కీ తెలిపారు. రష్యా అధ్యక్షుడు వ్లాదిమిర్‌ పుతిన్‌ మిమ్మల్నీ యుద్ధంలోకి లాగకుండా జాగ్రత్తపడాలని బుధవారం 81వ ఐరాస సర్వసభ్య సమావేశాల్లో మాట్లాడుతూ ఆ దేశాలకు పిలుపునిచ్చారు. రష్యా సాగిస్తున్న ఈ క్రూరమైన యుద్ధంలో ఉత్తర కొరియా నుంచే కాకుండా పలు దేశాల వారిని యుద్ధ ఖైదీలుగా బంధిస్తున్నామని ఆయన చెప్పారు. ఘానా, నేపాల్, తజకిస్తాన్, భారత్, యెమెన్, కెన్యా, జింబాబ్వే, క్యూబా, బెలారస్, సూడాన్, దక్షిణాఫ్రికా వంటి చాలా ఇతర దేశాల పౌరులున్నారని, అప్పుడప్పుడూ వీరిని స్వదేశాలకు పంపించాల్సిందిగా తమకు విజ్ఞప్తులు అందుతున్నాయని తెలిపారు. ఇతరదేశాల ప్రజలు చాలామంది యుద్ధభూమిలో ప్రాణాలు కోల్పోతున్నారని చెప్పారు. ‘‘యుద్ధభూమిలో రష్యన్లు కాని 47 దేశాల ప్రజలున్నారు. రష్యా చేతిలో మోసపోయి, కుట్రకు గురై చనిపోతూండటం చూస్తున్నాం’’అన్నారు. ఆయా దేశాల ప్రభుత్వాలు వీరిని కాపాడాలని, రష్యా పిచ్చితనానికి పౌరులను బలిచేయవద్దని కోరారు. రష్యాను ఆర్థికంగా దిగ్బంధించడం ద్వారా యుద్ధం ఆగిపోయేలా చేయాలని ఆయన కోరారు. యూక్రెయిన్‌కు మద్దతుగా నిలిచిన దేశాలకు కృతజ్ఞతలు తెలిపిన జెలెన్‌స్కీ రష్యాతో వ్యాపారాన్ని మరింత తగ్గించాలని కోరారు. తద్వారా రష్యా ఆదాయ వనరులు తగ్గుతాయన్నారు. రష్యా సైన్యంలో నియమితులైన భారతీయులు సుమారు 227 మంది ఉండవచ్చునని విదేశీ వ్యవహారాల కార్యదర్శి విక్రమ్‌ మిస్రీ ఈ నెల మొదట్లో తెలపడం ఇక్కడ చెప్పుకోవాల్సిన అంశం. వీరిలో 139 మంది విడుదలయ్యారని, సుమారు 51 మంది యుద్ధంలో మరణించినట్లూ సమాచారం ఉందని ఆయన తెలిపారు.

వాషింగ్టన్‌: అత్యంత ఆధునిక ఎఫ్‌–35 యుద్ధ విమానం విడి భాగాలు హాంకాంగ్‌కు మళ్లడంపై అమెరికా రక్షణ శాఖ పెంటగాన్‌ దర్యాప్తు చేపట్టింది. ఎఫ్‌–35 విడిభాగాలు చైనాకు చేరాయంటూ బుధవారం బ్లూమ్‌బర్గ్‌లో వెలువడిన వార్త తీవ్ర సంచలనం రేపింది. చైనా అధ్యక్షుడు జిన్‌ పింగ్‌ అమెరికా పర్యటన నేపథ్యంలో ఈ పరిణామం చోటుచేసుకోవడం గమనార్హం. అత్యంత ఆధునిక యుద్ధ విమానం విడిభాగాలు పక్కదారి పట్టిన అంశం తమ దృష్టికి వచ్చిందని ఎఫ్‌–35 జాయింట్‌ ప్రోగ్రామ్‌ అధికారి ఒక ప్రకటనలో తెలిపారు. ఆ విడిభాగాలను తిరిగి తీసుకువచ్చేందుకు, మున్ముందు ఇలాంటి ఘటనలు పునరావృతం కాకుండా చూసేందుకు పెంటగాన్‌ అధికారులు, సంబంధిత కంపెనీ లాక్‌హీడ్‌ మార్టీన్‌తో చర్చలు జరుపుతున్నామన్నారు. తమకు అందాల్సిన ఎఫ్‌–35 విడిభాగాలు కొన్ని పొరపాటున హాంకాంగ్‌కు చేరాయంటూ ఆస్ట్రేలియా రక్షణ మంత్రి రిచర్డ్‌ మార్లెస్‌ మంగళవారం మొదటిసారిగా బాంబు పేల్చారు. అయితే, అవి నిజంగా కీలకమైన విడిభాగాలేనా అన్న విషయాన్ని ఆయన వెల్లడించలేదు. ఈ అంశాన్ని అమెరికా ప్రభుత్వం, లాక్‌హీడ్‌ మార్టిన్‌ చూసుకుంటాయన్నారు. దీనిపై లాక్‌హీడ్‌ మార్టీన్‌ స్పందించలేదు. ఈ విషయం తమకు తెలియదని చైనా విదేశాంగ శాఖ పేర్కొనగా, ఇటువంటి సున్నితమైన అంశాలపై వ్యాఖ్యానించలేమని హాంకాంగ్‌ ప్రభుత్వం తెలిపింది. అమెరికా నుంచి ఆ్రస్టేలియాకు చేరుకోవాల్సిన ఆ పరికరాలు అందుకు బదులుగా హాంకాంగ్‌కు మళ్లాయి. అత్యంత సున్నితమైన సాంకేతికతతో రూపొందించిన ఈ పరికరాలను చైనా స్వా«దీనం చేసుకుని ఉండొచ్చని పొలిటికో తన కథనంలో అనుమానాలు వ్యక్తం చేసింది. సొంత సైన్యం, విదేశాంగ విధానం లేని హాంకాంగ్‌పై చైనా ప్రభుత్వ పూర్తి నియంత్రణ కొనసాగుతుండటం తెల్సిందే. ఎఫ్‌–35కు ఎందుకంత ప్రాముఖ్యత? ఎఫ్‌–35 స్టెల్త్‌ ఫైటర్‌ జెట్లు అమెరికాలోని టెక్సాస్‌లో 20 ఏళ్ల క్రితం మొదటిసారిగా తయారయ్యాయి. ఇప్పటి వరకు 1,200 వరకు ఇవి తయారయ్యాయి. 19 దేశాల్లో సేవలందిస్తున్నాయి. అత్యంత ఆధునాతన సాంకేతికత కలిగిన ఈ యుద్ధ విమానాలు కలిగిన దేశాల్లో ఆ్రస్టేలియా ఒకటి. 2013లో చైనా సైబర్‌ దాడుల ద్వారా దొడ్డిదారిన చేజిక్కించుకున్న అమెరికా పరిజ్ఞానంలో ఎఫ్‌–35కు సంబంధించినవి కూడా ఉన్నట్లు పెంటగాన్‌ 2013లో వెలువరించిన నివేదికలో పేర్కొనడం గమనార్హం. ఎఫ్‌–35 విమానం అమెరికాలోనే అత్యుత్తమమైన, అత్యంత అధునాతనమైన ఫైటర్‌ జెట్‌. అమెరికా మిలిటరీ వ్యవస్థలు నిరంతరం అప్‌డేట్‌ అవుతుంటాయని, ఏళ్ల క్రితం ఎవరైనా కొంత పరిజ్ఞానాన్ని దొంగిలించినా పెద్ద ముప్పేమీ లేదని వాషింగ్టన్‌కు చెందిన ’ఫౌండేషన్‌ ఫర్‌ డిఫెన్స్‌ ఆఫ్‌ డెమోక్రసీస్‌’సంస్థ సీనియర్‌ డైరెక్టర్‌ బ్రాడ్లీ బౌమన్‌ తెలిపారు. ఐదో తరం ఫైటర్‌ జెట్‌గా పేర్కొనే ఎఫ్‌–35 సాంకేతికతలో స్టెల్త్‌ కోటింగ్స్‌తో పాటు అధునాతన రాడార్, సెన్సార్లు ఉన్నాయి. శత్రువులను మెరుగ్గా గుర్తించేందుకు అధునాతన సెన్సార్లతో పాటు, యుద్ధ సమయంలో మిత్రదేశాల విమానాలు, యుద్ధక్షేత్రంలోని సైనిక బలగాలతో సమాచారాన్ని పంచుకోవడానికి అవసరమైన నెట్‌వర్కింగ్‌ సామర్థ్యాలు కూడా ఈ విమానానికి ఉన్నాయని బౌమన్‌ చెప్పారు.

వాషింగ్టన్‌: అమెరికా, చైనాలు ప్రత్యర్థుల్లా కాకుండా భాగస్వాములుగా పనిచేయాలని చైనా అధ్యక్షుడు షీ జిన్‌పింగ్‌ పిలుపునిచ్చారు. ఇరుదేశాలు ఈ నవయుగంలో అందుకు తగ్గ మార్గాన్ని కనుక్కోగలవన్న ధీమాను వ్యక్తం చేశారు. అమెరికాలో మూడు రోజులపాటు పర్యటించనున్న జిన్‌పింగ్‌కు అరుదైన గౌరవం దక్కింది. మేరిల్యాండ్‌లోని జాయింట్‌ బేస్‌ ఆండ్రూస్‌లో విమానం దిగిన జిన్‌పింగ్‌ దంపతులను అమెరికా అధ్యక్షుడు డొనాల్డ్‌ ట్రంప్, భార్య మెలానియాలు స్వయంగా స్వాగతం పలికారు. అమెరికా రాక సందర్భంగా విడుదల చేసిన లిఖిత పూర్వక ప్రసంగంలో జిన్‌పింగ్‌ చైనా ప్రజల తరఫున అమెరికన్లకు హృదయపూర్వక శుభాకాంక్షలు తెలిపినట్లు జాతీయ వార్తా సంస్థ షిన్హువా తెలిపింది. ఆ ప్రసంగంలోనే జిన్‌పింగ్‌ ఇరు దేశాల ప్రజల మధ్య స్నేహపూర్వక సంబంధాలు, ప్రయోజనాలు ముడిపడి ఉన్నాయన్నారు. అంతేకాకుండా..చైనా, అమెరికాలు ప్రత్యర్థులుగా కాకుండా.. భాగస్వాములుగా ఉండాలని, చైనా పునరుజ్జీవం, ‘మేకింగ్‌ అమెరికా గ్రేట్‌ ఎగెయిన్‌’(మాగా) అన్న రెండు లక్ష్యాలను కలిసి సాధించగలమని తద్వారా ప్రపంచ శ్రేయస్సును మెరుగుపరచగలమని జిన్‌పింగ్‌ తెలిపారు. సహకారమే పునాదిగా చైనా, అమెరికాలు పనిచేయాలని, పోటీని, భేదాభిప్రాయాలను తగ్గించుకోవాలని, శాంతికి పెద్దపీట వేయాలని షీ తన ప్రసంగంలో పిలుపునిచ్చారు. కాలం మారుతున్నా... ప్రపంచం వృద్ధి చెందుతున్నా చైనా, అమెరికాల మధ్య శాంతియుత సహజీవనం అన్న చారిత్రక తర్కంలో మాత్రం మార్పులేదని ఆయన తెలిపారు. అమెరికాలోని వివిధ వర్గాల ప్రజలతోనూ సంప్రదింపులు జరిపి ఇరుదేశాల మధ్య స్నేహాన్ని బలోపేతం చేస్తానని చెప్పారు. అమెరికా అధ్యక్షుడు డొనాల్డ్‌ ట్రంప్‌తో ద్వైపాక్షిక, ఇతర అంశాలపై లోతైన చర్చలు జరపనున్నామని, వివిధ రంగాల్లో సహకారానికి పెద్దపీట వేస్తామని షీ హామీ ఇచ్చారు. ఈ చర్చలు ఫలప్రదమవుతాయని ఆశిస్తున్నట్లు చెప్పారు. ఇరు దేశాల ప్రజల సంక్షేమానికి, ప్రపంచ శాంతికి సాయపడుతుందని ఆశిస్తున్నట్లు తెలిపారు. షీ జిన్‌పింగ్‌ 2015 తర్వాత అమెరికా రావడం ఇదే తొలిసారి. ఈ సందర్భంగా అమెరికా అధ్యక్షుడు ట్రంప్‌తో జరిగే చర్చల్లో టారిఫ్‌ యుద్ధం, కృత్రిమ మేధస్సు, సైనిక సంబంధాలు, మధ్యప్రాచ్యం, రష్యా–ఉక్రెయిన్ల యుద్ధాలు, అంతరిక్ష ఆయుధపోటీ, తైవాన్‌కు అమెరికా ఆయుధాల వంటి అనేక అంశాలు చర్చకు రావచ్చునని అంచనా. ఈ ఏడాది మేలో ట్రంప్‌ చైనా పర్యటన సందర్భంగా చైనా, అమెరికాల మధ్య వ్యూహాత్మక స్థిరత్వం కోసం నిర్మాణాత్మక సంబంధాలను బలోపేతం చేసుకునే విషయంపై ఏకాభిప్రాయం కుదిరిందని జిన్‌పింగ్‌ తెలిపారు. ద్వైపాక్షిక సంబంధాల అభివృద్ధికి ఈ నిర్ణయం మార్గదర్శకత్వం వహించిందన్నారు. ఘర్షణకు దిగితే నష్టపోతాం: జిన్‌పింగ్‌ అమెరికా పర్యటనలో భాగంగా గురువారం వైట్‌హౌస్‌కు చేరుకున్న చైనా అధినేత షీ జిన్‌పింగ్‌ దంపతులకు అధ్యక్షుడు డొనాల్డ్‌ ట్రంప్‌ దంపతులు లాంఛనంగా స్వాగతం పలికారు. సైనిక బృందం సంగీతం వినిపిస్తుండగా, ట్రంప్, ప్రథమ మహిళ మెలానియా వైట్‌హౌస్‌ సౌత్‌ పోర్టీకో వద్ద జిన్‌పింగ్, పెంగ్‌ లియువాన్‌లకు స్వాగతం పలికారు. అమెరికా అధ్యక్షుడు ఉపయోగించే ‘బీస్ట్‌’వాహనానికి సమానమైన నలుపు రంగు హాంగ్‌కీ (రెడ్‌ ఫ్లాగ్‌) ఎన్‌701 కారులో చైనా అధినేత శ్వేతసౌధానికి విచ్చేశారు. వైట్‌హౌస్‌లో జరిగిన సమావేశం ప్రారంభంలో ట్రంప్‌ కొద్దిసేపు మాట్లాడారు. ‘‘రెండో ప్రపంచ యుద్ధంలో విజయం సాధించడానికి మన ప్రజలు ఎలాగైతే కలిసి పనిచేశారో, అలాగే మన రెండు దేశాలకు మెరుగైన భవిష్యత్తును నిర్మించేందుకు అధ్యక్షుడు జిన్‌పింగ్, నేను కలిసి పనిచేయడం కొనసాగిస్తాం’’అని పేర్కొన్నారు. జిన్‌పింగ్‌ మాట్లాడుతూ.. ‘‘చైనా, అమెరికా వంటి రెండు ప్రధాన దేశాలు సహకారం ద్వారా ప్రయోజనం పొందుతాయి. ఘర్షణకు దిగితే రెండూ నష్టపోతాయి’’అని స్పష్టంచేశారు. మనం పోటీ గురించి ప్రస్తావించడాన్ని మానుకోవాల్సిన అవసరం లేదన్నారు. కానీ, ఆ పోటీ ఆరోగ్యకరమైనదిగా, హద్దులకు లోబడి ఉండాలని సూచించారు. ఇది ఒకరినొకరు అధిగమించేందుకు చేసే పోటీలా ఉండాలి తప్ప ఒకరు గెలిచి మరొకరు ఓడిపోయేలా సాగే కుస్తీ పోరులా ఉండకూడదని జిన్‌పింగ్‌ వ్యాఖ్యానించారు.

అమెరికాలో క్యాబ్‌ ప్రయాణం వేళ బధిర డ్రైవర్‌ను కలిసిన భారతీయ వ్యాపారవేత్త గౌరవ్ ఖేతర్‌పాల్ తన అనుభవాన్ని సామాజిక మాధ్యమంలో పంచుకున్నారు. ఆయన చేసిన పోస్టు సమాన అవకాశాలపై చర్చకు దారితీసింది.అమెరికాకు వెళ్లిన తర్వాత హోటల్‌కు చేరుకునేందుకు గౌరవ్ ఖేతర్‌పాల్ లిఫ్ట్ క్యాబ్‌ను బుక్ చేసుకున్నారు. క్యాబ్‌ వచ్చే ముందు ఆయనకు కేటాయించిన డ్రైవర్ బధిర వినికిడి లోపం ఉన్న వ్యక్తి అని యాప్‌లో సమాచారం కనిపించింది. ప్రయాణికుడితో సంభాషణ సులభంగా సాగేందుకు యాప్‌ తెరపై అమెరికన్ సంకేత భాషలోని ప్రాథమిక పదబంధాలను కూడా చూపించింది. ఇందులో ధన్యవాదాలు, హలో వంటి పదాలు ఉన్నాయి.క్యాబ్‌ అక్కడికి చేరుకున్న తర్వాత డ్రైవర్ తన పరిస్థితిని వివరిస్తూ ఓ చిన్న స్వాగత కార్డును గౌరవ్‌కు అందించారు. దీనిపై స్పందిస్తూ గౌరవ్.. “ఆయన తన పరిస్థితిని వివరిస్తూ, నన్ను స్వాగతిస్తూ ఓ కార్డు ఇచ్చారు. నేను సంకేత భాషలో ధన్యవాదాలు చెప్పాను” అని రాశారు.ఈ అనుభవాన్ని భారత్‌తో పోల్చిన గౌరవ్.. “వికలాంగుల విషయంలో భారత్‌లోనూ ఇలాంటి స్థాయి అవకాశాలు, గౌరవం ఎప్పుడు లభిస్తాయి? ప్రభుత్వ ఉద్యోగాల్లో వారికి కోటా ఇవ్వడాన్ని దాటి ముందుకు వెళ్లగలమా?” అని ప్రశ్నించారు. అమెరికాలో కూడా అనేక సమస్యలు ఉండొచ్చని, అయితే వికలాంగతతో సంబంధం లేకుండా సమాన అవకాశాల కల్పనపై అక్కడి విధానం తనను ఆకట్టుకుందని పేర్కొంటూ.. “భారత్.. మనమంతా మరింత ముందడుగు వేయాలి” అన్నారు.ఈ పోస్టుపై సామాజిక మాధ్యమాల్లో భిన్న స్పందనలు వచ్చాయి. కొందరు సంస్థలు వికలాంగులకు కల్పిస్తున్న ఉద్యోగ అవకాశాలను ప్రస్తావించగా, మరికొందరు బెంగళూరులో క్యాబ్‌ బుకింగ్‌ సమయంలో డ్రైవర్ వివరాలు కనిపిస్తాయని తెలిపారు. కొందరు విమానాశ్రయాల్లో బధిర సిబ్బంది సంకేత భాషను ఉపయోగిస్తున్న విషయాన్ని పంచుకున్నారు. మరికొందరు అత్యవసర పరిస్థితుల్లో భద్రతకు సంబంధించిన అంశాలపై సందేహాలు వ్యక్తం చేశారు.Landed in US, booked a cab from @lyft to go to my hotel & saw a note that my driver is deaf/ hard of hearing. The app also prompted me on how to use helpful American Sign Language phrases. And as it turns out, when the cab arrived, my driver was indeed deaf. He handed over a card stating so & welcoming me. And I said thank you in sign language. Will we ever have the same level of opportunity and respect for specially enabled people in India & go beyond just offering them a quota in Government jobs. There may be thousands of things wrong with the US & troll me for it but as a country, it truly does provide equal opportunity for all, regardless of disability. India, we all need to step up.— Gaurav Kheterpal (@gauravkheterpal) September 23, 2026

గాజాలో తాము మారణహోమానికి పాల్పడుతున్నామన్న ఆరోపణలను ఇజ్రాయెల్ ప్రధాని బెంజమిన్ నెతన్యాహు తీవ్రంగా ఖండించారు. ఈ ఆరోపణలు “శతాబ్దపు అతిపెద్ద అబద్ధం” అని ఐక్యరాజ్యసమితి సర్వసభ్య సమావేశంలో ప్రపంచ దేశాల నేతలను ఉద్దేశించి అన్నారు. అదే సమయంలో ఇరాన్‌పై ఇజ్రాయెల్ దాడి చేయడాన్ని సమర్థించుకున్నారు. నెతన్యాహు ప్రసంగం ప్రారంభమైన సమయంలో పెద్ద సంఖ్యలో ప్రతినిధులు సభ నుంచి వాకౌట్‌ చేశారు.నెతన్యాహు ప్రసంగించేందుకు వేదికపైకి వచ్చినప్పుడు సభలో కొందరు చప్పట్లు కొట్టగా, మరికొందరు వ్యతిరేకంగా నినాదాలు చేశారు. పలువురు ప్రతినిధులు బయటకు వెళ్లడంతో సభలో చాలా సీట్లు ఖాళీగా కనిపించాయి. సభలో క్రమశిక్షణ పాటించాలని సర్వసభ్య సమావేశ అధ్యక్షుడు ఖలీలుర్ రెహమాన్ పలుసార్లు కోరారు. బయటకు వెళ్లిన ప్రతినిధులను ఉద్దేశించి నెతన్యాహు “నైతికంగా పిరికివాళ్లు ఎవరైనా ఇంకా సభలో ఉండి ఉంటే.. దయచేసి బయటకు వెళ్లండి” అని వ్యాఖ్యానించారు.ఇజ్రాయెల్ ఆత్మరక్షణలో భాగంగానే ఇరాన్‌పై దాడి చేసిందని నెతన్యాహు పేర్కొన్నారు. “ఇజ్రాయెల్ తనను తాను రక్షించుకోవడం ద్వారా ఈ సభ నుంచి బయటకు వెళ్లిన దేశాల్లో చాలావాటినీ రక్షిస్తోంది. వాస్తవానికి, ఇరాన్ అణ్వాయుధాలను ధ్వంసం చేసినందుకు ఆ దేశాల నేతల్లో చాలామంది మాకు వ్యక్తిగతంగా కృతజ్ఞతలు చెబుతున్నారు” అని అన్నారు. ఇరాన్‌పై దాడి చేయడం తన జీవితంలో తీసుకున్న సులభమైన నిర్ణయాల్లో ఒకటని కూడా పేర్కొన్నారు.పాలస్తీనా ఏమంది? నెతన్యాహు ప్రసంగానికి ముందు పాలస్తీనా ప్రతినిధి బృందం ఐక్యరాజ్యసమితిలోని 193 సభ్య దేశాలకు సందేశం పంపి, ఇజ్రాయెల్ ప్రధాని ప్రసంగం ప్రారంభమైన వెంటనే సమూహంగా సభ నుంచి బయటకు వెళ్లాలని కోరింది. ఇజ్రాయెల్ మారణహోమం, యుద్ధ నేరాలు, చట్టవిరుద్ధ ఆక్రమణకు సహకరించబోమన్న స్పష్టమైన సందేశం ఇవ్వడమే తమ ఉద్దేశమని పేర్కొంది. ఇజ్రాయెల్ మాత్రం మారణహోమం, యుద్ధ నేరాలకు పాల్పడిందన్న ఆరోపణలను, పాలస్తీనా భూభాగాన్ని చట్టవిరుద్ధంగా ఆక్రమించిందన్న ఆరోపణలను తిరస్కరిస్తోంది.ఇదిలా ఉండగా, పాలస్తీనా అధ్యక్షుడు మహ్మద్ అబ్బాస్ కూడా ఐక్యరాజ్యసమితి సర్వసభ్య సమావేశంలో ప్రసంగించారు. అమెరికా వీసా నిరాకరించడంతో వరుసగా రెండో ఏడాది ఆయన రామల్లాలోని కార్యాలయం నుంచి ముందుగా రికార్డు చేసిన ప్రసంగాన్ని ప్రసారం చేశారు. గాజా, పశ్చిమ తీరం పరిస్థితులపై అంతర్జాతీయ సమాజం మరింత చర్యలు తీసుకోవాలని ఆయన కోరారు.గాజా యుద్ధంపై అంతర్జాతీయ స్థాయిలో తీవ్ర విభేదాలు కొనసాగుతున్న నేపథ్యంలో నెతన్యాహు తాజా వ్యాఖ్యలు, ఐక్యరాజ్యసమితిలో ఇజ్రాయెల్‌పై పెరుగుతున్న విమర్శలు, పాలస్తీనా పక్షం స్పందనపై దృష్టి మరింత కేంద్రీకృతం చేశాయి.

చైనా వేగంగా విస్తరిస్తున్న అణ్వాయుధ సామర్థ్యంపై అమెరికా అధ్యక్షుడు డొనాల్డ్ ట్రంప్ ప్రభుత్వం డ్రాగన్‌ దేశంతో రహస్య చర్చలు జరుపుతున్నట్లు అమెరికా అధికారులు వెల్లడించారు. 30 ఏళ్లుగా కొనసాగుతున్న అణు పరీక్షల నిషేధాన్ని బీజింగ్ పాటిస్తోందా? లేదా? అన్నదానిపై అమెరికాకు అనుమానాలు ఉన్న నేపథ్యంలో ఈ చర్చలు జరుగుతున్నాయి.బహుపాక్షిక సమావేశాల సందర్భంగా ఈ చర్చలు జరిగినట్లు అధికారులు తెలిపారు. జెనీవా, న్యూయార్క్, మొరాకోలోని కాసాబ్లాంకాలో జరిగిన సమావేశాల చివర అమెరికా, చైనా ప్రతినిధులు ఈ అంశంపై చర్చించినట్లు వెల్లడించారు. చైనా అత్యంత తక్కువ స్థాయి అణు పరీక్షలను రహస్యంగా నిర్వహించిందన్న ఆరోపణలను పరిష్కరించాలని అమెరికా ఒత్తిడి తెస్తున్నట్లు తెలిపారు.చైనా అణ్వాయుధ నిల్వలు, సామర్థ్యాలు వేగంగా పెరుగుతున్న సమయంలో ఈ చర్చలకు ప్రాధాన్యం ఏర్పడింది. బీజింగ్ అణు పరీక్షలపై అంతర్జాతీయంగా అమల్లో ఉన్న నిషేధాన్ని పాటిస్తోందా అనే ప్రశ్నలను అమెరికా లేవనెత్తుతోంది. ఈ అంశంపై ఇరు దేశాల మధ్య జరుగుతున్న చర్చలు బహిరంగంగా కాకుండా గోప్యంగా కొనసాగుతున్నాయి.ఇంతకుముందు కూడా చైనా 2020లో అత్యంత తక్కువ స్థాయి అణు పరీక్ష నిర్వహించి ఉండొచ్చని ట్రంప్ ప్రభుత్వం ఆరోపించింది. చైనాలోని లోప్ నూర్ ప్రాంతంలో 2020 జూన్ 22న నమోదైన భూకంప తరహా ప్రకంపనలను అమెరికా అధికారులు దీనికి ఆధారంగా ప్రస్తావించారు. అయితే అంతర్జాతీయ పర్యవేక్షణ సంస్థలు ఆ ప్రకంపనలకు అణు పరీక్షే కారణమని నిర్ధారించలేదు. చైనా కూడా రహస్య అణు పరీక్షలు నిర్వహించిందన్న ఆరోపణలను ఖండించింది.ప్రస్తుతం అమెరికా-చైనా మధ్య అణ్వాయుధ నియంత్రణ, వాణిజ్యం, సాంకేతికత, భద్రత వంటి పలు అంశాలపై చర్చలు కొనసాగుతున్న నేపథ్యంలో ఈ రహస్య సంప్రదింపులు కీలకంగా మారాయి. రాబోయే చర్చల్లో చైనా అణు పరీక్షలపై అమెరికా చేసిన ఆరోపణలకు బీజింగ్ ఎలాంటి సమాధానం ఇస్తుందో, అణ్వాయుధ నియంత్రణపై ఇరు దేశాలు ఏదైనా ముందడుగు వేస్తాయో చూడాల్సి ఉంటుంది.

వాషింగ్టన్: అమెరికా-ఇరాన్ మధ్య జరుగుతున్న సైనిక ఘర్షణలు తీవ్రరూపం దాల్చాయి. ఐక్యరాజ్యసమితి సాధారణ సభ వేదికగా అమెరికా అధ్యక్షుడు డొనాల్డ్ ట్రంప్ ఇరాన్‌ను ఉద్దేశించి చేసిన హెచ్చరికలపై ఆ దేశం తీవ్రంగా స్పందించింది. అమెరికా తమపై మళ్లీ దాడులకు దిగితే, ఈ యుద్ధాన్ని హిందూ మహాసముద్రం వరకు విస్తరిస్తామని ఇరాన్‌ సుప్రీం లీడర్‌ మొజ్తాబా ఖమేనీ సీనియర్‌ సలహాదారు యాహ్యా రహీమ్ సఫావీ హెచ్చరించారు.ఇరాన్‌ను నామరూపాలు లేకుండా ధ్వంసం చేస్తామని ట్రంప్ చేసిన ఘాటు వ్యాఖ్యలకు బదులుగా.. ఇరాన్ తన సైనిక వ్యూహాలను మార్చుకుంటున్నట్లు ప్రకటించింది. ఇప్పటివరకు పర్షియన్ గల్ఫ్, ఎర్రసముద్రంలోని హర్మూజ్ జలసంధి వరకే పరిమితమైన దాడులు.. భవిష్యత్తులో అమెరికా స్థావరాలు, యుద్ధనౌకలను లక్ష్యంగా చేసుకుని హిందూ మహాసముద్రం నుంచి తిప్పికొడతామని సఫావీ పేర్కొన్నట్లు ఇరాన్‌కు చెందిన ఫార్‌ న్యూస్‌ ఏజెన్సీ ప్రసారం చేసింది. అమెరికా కవ్వింపు చర్యలు, ఆర్థిక ఆంక్షలు, నౌకాశ్రయాల దిగ్బంధాన్ని తిప్పికొట్టేందుకే ఈ వ్యూహాత్మక మార్పు చేస్తున్నట్లు ఇరాన్‌ ఐఆర్‌జీసీ స్పష్టం చేసింది.భారత సముద్ర మార్గాల్లో ఉద్రిక్తతలు సఫావీ హెచ్చరికలతో గల్ఫ్‌ ఆఫ్‌ ఓమన్‌, పర్షియన్‌ గల్ఫ్‌తో పాటు భారత సముద్ర భూభాగమైన హిందూ మహాసముద్ర ప్రాంతంలోనూ ఉద్రిక్త వాతావరణం నెలకొంది. ఐరోపాను ఆసియాతో కలిపే బాబ్ అల్-మండెబ్ జలసంధి, ఎర్రసముద్రం, గల్ఫ్‌ ఆఫ్‌ ఆడెన్‌ తదితర సముద్ర రవాణా మార్గాల్లో నెలకొన్న ఈ ఘర్షణ వాతావరణం ప్రపంచ దేశాలను ఆందోళనకు గురిచేస్తోంది.భారత్‌పై ప్రభావం - దౌత్య యత్నాలు ఈ ప్రాంతంలో యుద్ధ వాతావరణం ఏర్పడితే భారత్ యొక్క ముడిచమురు దిగుమతులు, సముద్ర వాణిజ్య మార్గాలు తీవ్రంగా దెబ్బతింటాయి. వాణిజ్య నౌకలపై దాడులను తీవ్రంగా ఖండించిన భారత్.. అంతర్జాతీయ జలాల్లో రక్షణకు ప్రాధాన్యత ఇవ్వాలని, దౌత్య మార్గాల ద్వారానే శాంతిని పునరుద్ధరించాలని పిలుపునిచ్చింది. మరోవైపు, ఇరాన్ బహిరంగంగా తీవ్ర హెచ్చరికలు జారీ చేస్తున్నప్పటికీ.. అంతర్జాతీయంగా ఉద్రిక్తతలను తగ్గించేందుకు న్యూయార్క్‌లో అమెరికా-ఇరాన్ ప్రతినిధుల మధ్య తెరవెనుక చర్చలు కూడా కొనసాగుతుండటం గమనార్హం.

మెక్సికో: సముద్రం వైపు చూడాలంటేనే భయపడే పరిస్థితి.. భారీగా ఎగసిపడుతున్న అలలు, వేగంగా వీస్తున్న గాలులు.. మరోవైపు భారీ వర్షాల హెచ్చరిక. పసిఫిక్‌ సముద్రంలో బలంగా ఏర్పడిన ‘పోలో’ హరికేన్‌ మెక్సికో తీర ప్రాంతాల వైపు కదులుతోంది. తుపాను తీవ్రత కొంత తగ్గినా.. ఇంకా చాలా బలంగానే ఉందని అధికారులు చెబుతున్నారు. తుపాను నేరుగా తీరాన్ని తాకే అవకాశం తక్కువగా ఉన్నప్పటికీ.. దాని ప్రభావంతో భారీ వర్షాలు, వరదలు, కొండచరియలు విరిగిపడే ప్రమాదం ఉందని హెచ్చరిస్తున్నారు. తీర ప్రాంత ప్రజలు అప్రమత్తంగా ఉండాలని సూచిస్తున్నారు.‘పోలో’ తొలుత కేటగిరీ-5 తుపానుగా కొనసాగింది. ప్రస్తుతం కేటగిరీ-4కి బలహీనపడింది. అయినా గాలుల వేగంలో పెద్దగా తగ్గుదల కనిపించలేదని అధికారులు తెలిపారు. అమెరికా నేషనల్‌ ఓషియానిక్‌ అండ్‌ అట్మాస్ఫెరిక్‌ అడ్మినిస్ట్రేషన్‌ (NOAA)కు చెందిన హరికేన్‌ హంటర్‌ విమానం తుపాను మధ్యలోకి వెళ్లి పరిశీలించింది. ఈ సమయంలో గంటకు సుమారు 285 కిలోమీటర్ల వేగంతో గాలులు వీస్తున్నట్లు గుర్తించింది. ‘పోలో’ నెమ్మదిగా వాయవ్య దిశగా కదులుతోందని వాతావరణ అధికారులు తెలిపారు.తుపాను ప్రభావంతో మెక్సికో నైరుతి తీర ప్రాంతాల్లో భారీ వర్షాలు కురిసే అవకాశం ఉంది. జాలిస్కో, కొలిమా, మిచోవాకాన్‌ రాష్ట్రాల్లో వర్షాల ప్రభావం ఎక్కువగా ఉండొచ్చని అధికారులు అంచనా వేస్తున్నారు. అయితే, కొన్ని ప్రాంతాల్లో 15 సెంటీమీటర్ల వరకు, మరికొన్ని ప్రాంతాల్లో 20 సెంటీమీటర్ల వరకు వర్షపాతం నమోదయ్యే అవకాశం ఉందన్నారు. భారీ వర్షాలతో లోతట్టు ప్రాంతాలు నీట మునిగే ప్రమాదం ఉందని, కొండ ప్రాంతాల్లో కొండచరియలు విరిగిపడొచ్చని హెచ్చరించారు. సముద్రంలో భారీ అలలు, ప్రమాదకర పరిస్థితులు ఏర్పడే అవకాశం ఉండటంతో తీర ప్రాంత ప్రజలు అప్రమత్తంగా ఉండాలని సూచించారు.ఇక ‘పోలో’ బలంగా ఉండటానికి సముద్రంలో పెరిగిన వేడి ప్రధాన కారణమని వాతావరణ నిపుణులు చెబుతున్నారు. ప్రస్తుతం ఎల్‌నినో ప్రభావంతో పసిఫిక్‌ సముద్ర జలాలు సాధారణం కంటే ఎక్కువగా వేడెక్కాయి. సెప్టెంబర్‌ 19న పసిఫిక్‌లోని కీలక ప్రాంతంలో సముద్ర ఉపరితల ఉష్ణోగ్రత సాధారణం కంటే 3.05 డిగ్రీల సెల్సియస్‌ ఎక్కువగా నమోదైంది. 2015లో నమోదైన 3.02 డిగ్రీల రికార్డును ఇది అధిగమించింది. సముద్ర జలాలు వేడిగా ఉన్నప్పుడు తుపానులకు ఎక్కువ శక్తి లభిస్తుందని నిపుణులు చెబుతున్నారు. ప్రస్తుతం ఎల్‌నినో కారణంగా సముద్రం వేడిగా ఉండటంతో ‘పోలో’కు అదనపు శక్తి అందుతోందని.. దీంతో తుపాను ఇంకా బలంగానే కొనసాగుతోందని వారి అంచనా.ఇదీ చదవండి: నేపాల్‌ వరదలు.. ఇప్పటికీ ఆచూకీలేని 800 మంది!

బీజింగ్‌: నాలుగంటే నాలుగే సెకన్లు... ఇంత తక్కువ సయయంలో రూబిక్‌ క్యూబ్‌పైని రంగులు సరి చేసి ఆరేళ్ల చైనా బాలిక లియాన్‌ యూంగ్జీ సరికొత్త రికార్డు సృష్టించింది. ఈ క్రమంలోనే ఈ అమ్మాయి ఈ నెల మొదట్లో నెలకొల్పిన రికార్డును బద్దలు కొట్టడం విశేషం. చైనాలోని వూహాన్‌ నగరంలో వరల్డ్‌ క్యూబ్‌ అసోసియేషన్‌ సర్టిఫై చేసిన పోటీల్లో లియాన్‌ ముందు 4.52 సెకన్లతో రూబిక్‌ క్యూబ్‌ను పరిష్కరించింది. ఆ తరువాత గాంగ్‌జౌలో జరిగిన ఇంకో పోటీలో మరింత తక్కువ సమయం అంటే 4.27 సెకన్లలోనే పూర్తి చేసిందని చైనా అధికారిక ప్రసార సంస్థ సీసీటీవీ తెలిపింది. A six-year-old Chinese girl has set a new women's world record by solving Rubik’s cubes at an average pace of just over four seconds per cube.It was the second time in three days Lian Yunzhi set a new record, having first done with an average time of 4.52 seconds. pic.twitter.com/8q0sdaCm29— ABC News (@ABC) September 23, 2026 రూబిక్‌ క్యూబ్‌ను పరిష్కరించడంలో సగటున 4.5 సెకన్ల కంటే తక్కువ సమయం మాత్రమే తీసుకున్న మొదటి స్పీడ్‌ క్యూబర్‌ లియాన్‌ అని తెలిపింది. వూహాన్‌ పోటీల్లో తలకు ఎర్రటి పట్టీ కట్టుకుని చిట్టి చేతులతో రూబిక్‌ క్యూబ్‌ను పట్టుకున్న లియాన్‌ను చూస్తే చాలా సీరియస్‌గా కనిపించింది కానీ.. ఒకానొక ప్రయత్నంలో 3.54 సెకన్లలోనే క్యూబ్‌ను పరిష్కరించడంతో ఆ బాలిక పెదవులపై చిరునవ్వు తొణికిస లాడింది. నాలుగేళ్ల వయసుండగానే లియాన్‌ రూబిక్‌ క్యూబ్‌ను పరిష్కరించడం మొదలుపెట్టిందని, తొలినాళ్లలో ఇందుకు 90 సెకన్ల సమయం పట్టేదని సీసీటీవీ తెలిపింది. రోజూ రెండు మూడు గంటలపాటు ప్రాక్టీస్‌ చేస్తూ, సుమారు 1300 ఫార్ములాలపై లియాన్‌ పట్టు సాధించినట్లు సీసీటీవీ తెలిపింది. గతంలో పోటీల్లో పాల్గొనేందుకు సంశయించిన లియాన్‌ ఇప్పుడు చాలా ధీమాగా కనిపిస్తోందని తల్లి లిన్‌ యాంగ్జీ తెలిపారు. లియాన్‌కు మంచి శిక్షణ ఇప్పించేందుకు తల్లిదండ్రులు ఆమెను షాంఘైకి కూడా తీసుకెళ్లారట. ఇదీ చదవండి: సీఈసీ జ్ఞానేష్‌ కుమార్‌ జైలుకెళ్లాల్సిందే : సంజయ్ రౌత్ ఆగ్రహం

కాఠ్మాండు: నేపాల్‌లో ఆగస్టు 26న సంభవించిన బోటేకోషి వరదల సమయంలో పలు ప్రాజెక్టులలో చిక్కుకున్న 800 మంది ఆచూకీ నేటికీ లభ్యంకాలేదు. వారు భూగర్భ నిర్మాణాల్లో చిక్కుకుపోయి ఉండొచ్చని, వరదల్లో కొట్టుకుపోయి ఉండొచ్చని భావిస్తున్నారు. వారి కోసం గాలింపు, సహాయక చర్యలు ఇంకా కొనసాగుతున్నాయని ఇంధన మంత్రి బిరాజ్ భక్త శ్రేష్ఠ పార్లమెంట్‌కు తెలిపారు. వరదల్లో గల్లంతైన వారిని గుర్తించే అవకాశం ఉన్నంతకాలం సహాయక చర్యలు కొనసాగిస్తామని మంత్రి చెప్పారు. గల్లంతైన వారిలో నేపాల్ ఎలక్ట్రిసిటీ అథారిటీకి చెందిన 47 మంది ఉద్యోగులు ఉన్నారని తెలిపారు.216 మెగావాట్ల అప్పర్ త్రిశూలి-1 ప్రాజెక్టులో వరదలకు ముందు 1,433 మంది పనిచేస్తున్నారు. వారిలో 955 మంది ప్రమాదం నుంచి బయపడ్డారు. 439 మంది ఆచూకీ ఇంకా తెలియలేదు. వరదల 12వ రోజున ఓ చైనా పౌరుడిని సజీవంగా రక్షించారు. ప్రాజెక్టు సొరంగం నుంచి ఇప్పటివరకు 39 మృతదేహాలను వెలికితీశారు. అప్పర్ త్రిశూలి-3ఏలో 39 మంది, అప్పర్ త్రిశూలి-3బీలో 178 మంది, రసువాగఢి జలవిద్యుత్ ప్రాజెక్టులో 93 మంది, మెయిలుంగ్ ఖోలా ప్రాజెక్టులో ఏడుగురు, రసువా-బోటేకోషి ప్రాజెక్టులో ముగ్గురు గల్లంతయ్యారు. లాంగ్‌టాంగ్ ఖోలా ప్రాజెక్టులో 39 మంది ఆచూకీ లభించలేదు. అక్కడ 19 మందిని రక్షించగా, రెండు మృతదేహాలు లభించాయి.చిలిమే జలవిద్యుత్ కేంద్రంలోని పవర్‌హౌస్‌లో సహాయక చర్యల సమయంలో నేపాల్ ఎలక్ట్రిసిటీ అథారిటీకి చెందిన ఐదుగురు ఉద్యోగులు మృతిచెందినట్లు గుర్తించారు. మరో ఉద్యోగి ఆచూకీ తెలియాల్సి ఉంది. మధ్య త్రిశూలి గంగా ప్రాజెక్టులో ఇద్దరు, త్రిశూలి జలవిద్యుత్ కేంద్రంలో ముగ్గురు గల్లంతయ్యారు.నేపాల్ సైన్యం, పోలీసులు, సాయుధ పోలీసు బలగాలు, స్థానిక అధికారులు, భూగర్భ సొరంగ నిపుణులు, భూవిజ్ఞాన శాస్త్రవేత్తలు, ఇంజినీర్లు, సాంకేతిక నిపుణులు, సహాయక సిబ్బంది, బాధితుల కుటుంబాలు కలిసి గాలింపు చర్యల్లో పాల్గొంటున్నాయి. నేపాల్ ఎలక్ట్రిసిటీ అథారిటీ ప్రత్యేక హెలికాప్టర్, వాహనాలను ఏర్పాటు చేసింది. గల్లంతైన నేపాల్ ఎలక్ట్రిసిటీ అథారిటీ ఉద్యోగుల కుటుంబాలకు తక్షణ సాయంగా రూ.5 లక్షలు అందించాలని ప్రభుత్వం నిర్ణయించింది. అంతేకాకుండా ఆ ఉద్యోగుల జీతంలో 50 శాతాన్ని ఆరు నెలల పాటు కుటుంబాలకు చెల్లించనున్నట్లు మంత్రి తెలిపారు.ఇదీ చదవండి: ట్రక్‌ను ఢీకొన్న కారు.. మంత్రి కుమార్తెతో సహా నలుగురు మృతి!

అమెరికా అధ్యక్షుడు డొనాల్డ్‌ ట్రంప్‌కు కోర్టులో గట్టి ఎదురుదెబ్బ తగిలింది. పలు మీడియా సంస్థల జర్నలిస్టులను వైట్‌హౌస్‌లోకి అనుమతించకుండా ఆయన తీసుకున్న నిర్ణయాన్ని ఫెడరల్‌ కోర్టు అడ్డుకుంది. ఆ మీడియా సంస్థలను తక్షణమే అనుమతించాలని కోర్టు ఆదేశించింది. అంతేకాదు.. ట్రంప్‌ విధించిన ఈ నిషేధం రాజ్యాంగ విరుద్ధమయ్యే అవకాశం ఉందని జడ్జి ఈ సందర్బంగా అభిప్రాయపడ్డారు. సెప్టెంబర్‌ 18న ట్రంప్‌ తన సోషల్‌ మీడియా వేదికగా సీఎన్‌ఎన్‌, ఎంఎస్‌ నౌ, పొలిటికోపై ఆగ్రహం వ్యక్తం చేశారు. తనపై ఈ సంస్థలు ‘‘ఫిక్షన్‌, అబద్ధాలు’’ ప్రచారం చేస్తున్నాయని ఆరోపిస్తూ.. వైట్‌హౌస్‌లోకి వాటి జర్నలిస్టులను అనుమతించబోమని ప్రకటించారు. ఆ తర్వాత ఆయా సంస్థలకు చెందిన రిపోర్టర్ల ప్రెస్‌ యాక్సెస్‌ను నిలిపివేశారు. ఈ వివాదం మధ్య వైట్‌హౌస్‌ మరో కీలక నిర్ణయం తీసుకుంది. ప్రధాన టీవీ నెట్‌వర్క్‌లు వైట్‌హౌస్‌ ప్రెసిడెన్షియల్‌ టీవీ పూల్‌ కవరేజ్‌ను నిలిపివేసిన నేపథ్యంలో.. వైట్‌హౌస్‌ స్వయంగా ట్రంప్‌ టీవీ పేరుతో 24 గంటల స్ట్రీమింగ్‌ ఛానల్‌ను ప్రారంభించింది. యూట్యూబ్‌, వైట్‌హౌస్‌ వెబ్‌సైట్‌ ద్వారా ప్రసారమవుతున్న ఈ ఛానల్‌లో ట్రంప్‌ ప్రసంగాలు, గత కార్యక్రమాల వీడియోలు, ఆయన పాలనకు సంబంధించిన ముఖ్యాంశాలను ప్రసారం చేయడం మొదలుపెట్టింది.కోర్టును ఆశ్రయించిన మూడు సంస్థలుట్రంప్‌ నిర్ణయాన్ని సవాలు చేస్తూ ఆ మీడియా సంస్థలు సంయుక్తంగా కోర్టును ఆశ్రయించాయి. తమపై విధించిన నిషేధం అమెరికా రాజ్యాంగంలోని ఫస్ట్‌ అమెండ్‌మెంట్‌ హక్కులను, మీడియా స్వేచ్ఛను ఉల్లంఘిస్తోందని వాదించాయి. ముందస్తు నోటీసు ఇవ్వకుండా, తమ వాదన వినకుండా యాక్సెస్‌ రద్దు చేశారని పేర్కొన్నాయి.‘బ్యాన్‌’పై జడ్జి అభ్యంతరంఈ కేసును విచారించిన యూఎస్‌ డిస్ట్రిక్ట్‌ జడ్జి టిమ్‌ కెల్లీ.. వైట్‌హౌస్‌ అనుసరించిన విధానంపై సందేహాలు వ్యక్తం చేశారు. జర్నలిస్టుల యాక్సెస్‌ను రద్దు చేసే ముందు వారికి తగిన ప్రక్రియ, తమ వాదన వినిపించే అవకాశం ఇవ్వాల్సి ఉంటుందని సూచించారు. తాజాగా ఇచ్చిన ఆదేశంలో మూడు మీడియా సంస్థల జర్నలిస్టులకు వైట్‌హౌస్‌ యాక్సెస్‌ను పునరుద్ధరించాలని ఆదేశిస్తూ.. ట్రంప్‌ బ్యాన్‌ రాజ్యాంగ విరుద్ధమయ్యే అవకాశం ఉందని పేర్కొన్నారు. జాతీయ భద్రత పేరుతో సమర్థించిన ప్రభుత్వంఅయితే ట్రంప్‌ ప్రభుత్వం మాత్రం వైట్‌హౌస్‌ యాక్సెస్‌ అనేది హక్కు కాదని, ఒక ప్రత్యేక సదుపాయమని వాదించింది. ఆయా మీడియా సంస్థల రిపోర్టింగ్‌ జాతీయ భద్రతకు సంబంధించిన అంశాలను ప్రభావితం చేస్తోందని జస్టిస్‌ డిపార్ట్‌మెంట్‌ తరఫు న్యాయవాదులు కోర్టులో పేర్కొన్నారు. ట్రంప్‌ కూడా ఆయా సంస్థల వార్తలపై తీవ్ర అభ్యంతరాలు వ్యక్తం చేశారు. మీడియా–ట్రంప్‌ మధ్య ముదిరిన వివాదంట్రంప్‌ నిర్ణయంతో అమెరికాలో మీడియా స్వేచ్ఛ, అధ్యక్షుడి అధికారాలపై పెద్ద చర్చ మొదలైంది. మూడు సంస్థలపై నిషేధానికి నిరసనగా ఇతర ప్రధాన టీవీ నెట్‌వర్క్‌లు కూడా వైట్‌హౌస్‌ ప్రెస్‌ పూల్‌ కవరేజీని తాత్కాలికంగా నిలిపివేశాయి. దీంతో అధ్యక్షుడి అధికారిక కార్యక్రమాల మీడియా కవరేజీపై ప్రభావం పడింది. అయితే తాజా కోర్టు ఆదేశంతో ట్రంప్‌–మీడియా వివాదం మరో కీలక మలుపు తిరిగింది. ఈ కేసులో తదుపరి న్యాయపరమైన పరిణామాలు వైట్‌హౌస్‌ మీడియా యాక్సెస్‌పై ప్రభావం చూపే అవకాశం ఉంది. అయితే ఫెడరల్‌ కోర్టు తీర్పును ట్రంప్‌ సర్కార్‌ పైకోర్టులో సవాల్‌ చేసే చాన్స్‌ ఉంది.

కాన్‌బెర్రా: ఆస్ట్రేలియా ప్రభుత్వ ఆరోగ్య గణాంకాల వెబ్‌సైట్‌లోని డేటాను ఓపెన్‌ఏఐకి చెందిన ఏఐ ఏజెంట్‌ యాక్సెస్ చేసేందుకు ప్రయత్నించిన ఘటనపై ఆ దేశ ప్రధాని ఆంథోనీ అల్బనీస్ తీవ్ర ఆందోళన వ్యక్తం చేశారు. ఈ ఘటనను అంగీకరించలేనిదిగా అభివర్ణించారు. జూన్‌లో ఆరోగ్య సంబంధిత పరిశోధన చేస్తుండగా ఏఐ ఏజెంట్‌ పరిమిత డేటాను యాక్సెస్ చేసేందుకు ప్రయత్నించిందని, దాన్ని అడ్డుకున్న తర్వాత ఆంక్షలను అధిగమించే మార్గాలను వెతికినట్లు అల్బనీస్ తెలిపారు.పరిమితిని దాటేందుకు ప్రయత్నం?‘ఇది చేయాల్సిన పరిధిని దాటి వెళ్లిన పరిశోధన ప్రాజెక్టు’ అని అల్బనీస్ పేర్కొన్నారు. పరిమిత డేటాను యాక్సెస్ చేయకుండా అడ్డుకున్న తర్వాత కూడా ఏఐ వ్యవస్థ ఆ నిరోధాన్ని అధిగమించేందుకు ప్రయత్నించిందని చెప్పారు. ఈ ఘటనకు సంబంధించి ఆస్ట్రేలియా ప్రభుత్వానికి ఓపెన్‌ఏఐ సెప్టెంబర్‌లోనే సమాచారం ఇచ్చిందని అల్బనీస్ తెలిపారు. ఓపెన్‌ఏఐ సీఈఓ సామ్ ఆల్ట్‌మన్‌తో తాను మాట్లాడినట్లు ఆస్ట్రేలియా ప్రధాని వెల్లడించారు. ఈ ఘటనపై ప్రభుత్వ ఆందోళనను ఆయనకు తెలియజేశానని చెప్పారు. అలాగే ఘటన జరిగిన విషయం ప్రభుత్వానికి తెలియజేయడంలో కంపెనీ చాలా ఆలస్యం చేసిందని అసంతృప్తి వ్యక్తం చేశారు. సెప్టెంబర్ 10 వరకు ఎలాంటి సమాచారం అందలేదని, అది కూడా ప్రభుత్వ సాధారణ పబ్లిక్ మెయిల్‌బాక్స్‌కు పంపిన ఈమెయిల్ రూపంలో మాత్రమే వచ్చిందని తెలిపారు.వ్యక్తిగత సమాచారం యాక్సెస్ కాలేదా?ప్రస్తుతం ఆస్ట్రేలియా ప్రభుత్వ సేవల నెట్‌వర్క్‌ మొత్తానికి ఈ ఘటన విస్తరించినట్లు ఆధారాలు లేవని అల్బనీస్ చెప్పారు. ఇప్పటివరకు వ్యక్తిగత సమాచారం యాక్సెస్ అయినట్లు భావించడం లేదని, అయితే దర్యాప్తు కొనసాగుతోందని తెలిపారు. అయినప్పటికీ జరిగిన పరిణామం తీవ్రంగా ఆందోళన కలిగించే విషయమని పేర్కొన్నారు. ఆస్ట్రేలియా సైబర్‌ భద్రతా సంస్థలు ఈ ఘటనపై దర్యాప్తు చేస్తున్నాయి. ఏ వ్యవస్థలు ప్రభావితమయ్యాయో, ఏఐ ఏజెంట్‌ కార్యకలాపాల పూర్తి పరిధి ఏమిటో తెలుసుకునేందుకు ఆస్ట్రేలియన్ సిగ్నల్స్ డైరెక్టరేట్ ఫోరెన్సిక్ దర్యాప్తులో సహకరిస్తోంది. మరోవైపు, తమ అంతర్గత సమీక్షలో ఆస్ట్రేలియా ప్రభుత్వానికి చెందిన పలు వెబ్‌సైట్లు, సేవలకు సంబంధించిన కార్యకలాపాలు గుర్తించినట్లు ఓపెన్‌ఏఐ తెలిపింది.ఏఐ భద్రతపై పెరుగుతున్న ఆందోళనలుఅధునాతన ఏఐ వ్యవస్థలు కంప్యూటర్ నెట్‌వర్క్‌లతో స్వయంగా పరస్పర చర్యలు జరపగల సామర్థ్యం పెరుగుతున్న నేపథ్యంలో ఇలాంటి ఘటనలు అంతర్జాతీయంగా ఆందోళనకు కారణమవుతున్నాయి. ఓపెన్‌ఏఐతో పాటు ఇతర ఏఐ సంస్థల మోడళ్లపై కూడా సైబర్‌ భద్రతకు సంబంధించి పరిశీలనలు పెరిగాయి. వెబ్‌సైట్లు, సమాచార వ్యవస్థలను ఏఐ ఏజెంట్లు స్వయంగా యాక్సెస్ చేసి పనులు నిర్వహించే సామర్థ్యం పెరుగుతున్న నేపథ్యంలో మరింత కఠినమైన భద్రతా చర్యలు అవసరమనే చర్చకు ఈ ఘటన దారితీసింది.ఇదీ చదవండి: ఉత్తరప్రదేశ్‌: బస్సులో మంటలు.. 9 మంది సజీవ దహనం

అమెరికా–చైనా మధ్య ఉద్రిక్తతలు కొనసాగుతున్న వేళ.. చైనా అధ్యక్షుడు జీ జిన్‌పింగ్‌కు అమెరికా అధ్యక్షుడు డొనాల్డ్‌ ట్రంప్‌ అరుదైన స్వాగతం పలికారు. ప్రత్యేక విమానంలో వాషింగ్టన్‌ చేరుకున్న జిన్‌పింగ్‌, ఆయన భార్య పెంగ్‌ లియువాన్‌లను ట్రంప్‌, ఆయన సతీమణి మెలానియా స్వయంగా విమానాశ్రయానికి వెళ్లి ఆహ్వానించారు. దాదాపు ఆరు దశాబ్దాల తర్వాత.. అమెరికా గడ్డపై ఓ విదేశీ నేతకు లభించిన అత్యంత అరుదైన స్వాగతంగా దీని గురించి చర్చ నడుస్తోంది.జాయింట్‌ బేస్‌ ఆండ్రూస్‌ ఎయిర్‌బేస్‌లో జిన్‌పింగ్‌ విమానం దిగగానే రెడ్‌ కార్పెట్‌పైకి వచ్చిన ట్రంప్‌ దంపతులు ఆయనకు కరచాలనం చేసి స్వాగతం పలికారు. 21 మంది సభ్యులతో కూడిన గౌరవ వందనం, సైనిక బ్యాండ్‌, రెండు బి-1 బాంబర్‌ విమానాల విన్యాసంతో ఘనంగా కార్యక్రమం నిర్వహించారు. ట్రంప్‌, జిన్‌పింగ్‌ కొద్దిసేపు మాట్లాడుకుని అనంతరం ఫొటోలకు పోజులిచ్చారు. ఈ మూడు రోజుల పర్యటనలో గురువారం వైట్‌హౌస్‌లో అధికారిక స్వాగత కార్యక్రమం, సైనిక పరేడ్‌, ద్వైపాక్షిక చర్చలు, స్టేట్‌ డిన్నర్‌ జరగనున్నాయి.Chinese President Xi Jinping and his wife, Peng Liyuan, were warmly greeted by U.S. President Donald Trump and his wife, Melania Trump, at the airport in a rare planeside welcome. pic.twitter.com/IoUSosQZ8d— Mulan Chun-Li (@chunlimulan) September 24, 2026ఓ విదేశీ నేతను అమెరికా అధ్యక్షుడు ఈ స్థాయిలో స్వయంగా స్వాగతించడం.. అదీ సుమారు ఆరు దశాబ్దాల తర్వాత కావడంతో చర్చనీయాంశంగా మారింది. ఇంతకు ముందు అమెరికా అధ్యక్షుడు జాన్ ఎఫ్. కెన్నడీ 1962లో పలువురు విదేశీ నేతలను వ్యక్తిగతంగా స్వాగతించారు. ఆ తర్వాత బుష్‌, ఒబామా కాలంలో పోప్‌లను మాత్రం స్వాగతించారు. పోటోకాల్‌ పేరిట అధ్యక్షుడిని మినహాయించి.. విదేశీ నేతలకు అధికార యంత్రాంగం వెల్‌కమ్‌ చెప్పటం అక్కడ ఆనవాయితీగా మారిపోయింది. అయితే జిన్‌పింగ్‌ కోసం ట్రంప్‌ ఇప్పుడు దానిని చెరిపేశారు.ఎందుకింత ప్రత్యేకం?అమెరికా అధ్యక్షులు సాధారణంగా విదేశీ నేతలను విమానాశ్రయానికి వెళ్లి స్వయంగా ఆహ్వానించరు. జాయింట్‌ బేస్‌ ఆండ్రూస్‌లో ఇలాంటి స్థాయి స్వాగతాలు అత్యంత అరుదు. జిన్‌పింగ్‌ పర్యటనకు ముందు ట్రంప్‌ అక్కడికి వెళ్లి స్వయంగా స్వాగతం పలకనున్నట్లు అమెరికా అధికారులు ప్రకటించడంతోనే ఆసక్తి నెలకొంది.ఈ పర్యటనకు మరో ప్రత్యేకత ఉంది. 2015 తర్వాత అమెరికా రాజధానికి చైనా అధ్యక్షుడి తొలి స్టేట్‌ విజిట్‌ ఇది. అయితే 2023లో అప్పటి అధ్యక్షుడు జో బైడెన్‌ ఆహ్వానం మేరకు శాన్‌ఫ్రాన్సిస్కోలో జరిగిన అమెరికా–చైనా శిఖరాగ్ర భేటీ, APEC సదస్సులో పాల్గొనేందుకు వెళ్లారు. ఇప్పుడు మాత్రం అధికారిక స్టేట్‌ విజిట్‌లో భాగంగా వాషింగ్టన్‌ చేరుకున్నారు. గత మేలో ట్రంప్‌ చైనాలో పర్యటించినప్పుడు జిన్‌పింగ్‌ స్వయంగా విమానాశ్రయానికి వెళ్లి ఆయనను కలవలేదు. ఈసారి మాత్రం ట్రంప్‌ స్వయంగా జిన్‌పింగ్‌ను స్వాగతించడం రెండు దేశాల మధ్య దౌత్యపరమైన ప్రాధాన్యతను స్పష్టం చేస్తోంది.వాణిజ్య యుద్ధానికి తాత్కాలిక బ్రేక్‌?జిన్‌పింగ్‌ అమెరికాలో అడుగుపెట్టిన రోజే రెండు దేశాల మధ్య వాణిజ్య అంశంలో కీలక పరిణామం చోటుచేసుకుంది. అమెరికా ట్రెజరీ కార్యదర్శి స్కాట్‌ బెసెంట్‌ ప్రకారం.. అమెరికా, చైనా మధ్య కొనసాగుతున్న వాణిజ్య సంధిని జనవరి 10 వరకు పొడిగించేందుకు ఇరు దేశాలు అంగీకరించాయి. ఈ ఒప్పందం నవంబర్‌లో ముగియాల్సి ఉంది. సుంకాలను తగ్గించడం, కొత్త వాణిజ్య ఆంక్షలు విధించకుండా ఉండటం వంటి అంశాలు ఇందులో ఉన్నాయి. ఇరు దేశాల మధ్య సుంకాలు, అరుదైన ఖనిజాలు, చిప్స్‌, సాంకేతికత వంటి అంశాల్లో విభేదాలు ఇంకా కొలిక్కి రావాల్సి ఉంది.టేబుల్‌పై ట్రేడ్‌.. ఏఐ.. ఇరాన్‌.. తైవాన్‌ట్రంప్‌–జిన్‌పింగ్‌ భేటీలో వాణిజ్యంతో పాటు ఆర్టిఫిషియల్‌ ఇంటెలిజెన్స్‌ కూడా కీలక అంశంగా ఉండనుంది. ఏఐ రంగంలో ఆధిపత్యం కోసం అమెరికా, చైనా తీవ్రంగా పోటీ పడుతున్నాయి. ఈ సాంకేతికతపై ఆందోళనలను చర్చించేందుకు ఇరు దేశాల మధ్య ప్రత్యేక కమ్యూనికేషన్‌ ఛానల్‌ ఏర్పాటు చేసే అంశం కూడా ప్రాథమిక చర్చల్లోకి వచ్చింది.అరుదైన ఖనిజాల సరఫరా కూడా కీలకంగా మారింది. ఎలక్ట్రానిక్స్‌ నుంచి సైనిక పరికరాల వరకు అనేక రంగాలకు అవసరమైన రేర్‌ ఎర్త్‌ మినరల్స్‌ విషయంలో చైనాకు ఉన్న ఆధిపత్యం అమెరికాకు ఆందోళన కలిగిస్తోంది. మరోవైపు కీలక చిప్స్‌, ఇతర సాంకేతిక ఉత్పత్తులపై అమెరికా విధిస్తున్న ఎగుమతి నియంత్రణలను చైనా వ్యతిరేకిస్తోంది.ఇరాన్‌ అంశం కూడా ఈ భేటీలో చర్చకు వచ్చే అవకాశముంది. ఇరాన్‌తో చైనా సంబంధాలు, మధ్యప్రాచ్యంలో కొనసాగుతున్న పరిణామాలు, తైవాన్‌ అంశాలపై రెండు దేశాల మధ్య భిన్నాభిప్రాయాలు ఉన్నాయి. అందువల్ల మూడు రోజుల పర్యటనలో అసలు చర్చలు గురువారం జరిగే ట్రంప్‌–జిన్‌పింగ్‌ సమావేశంపైనే కేంద్రీకృతం కానున్నాయి.భారీ ఏర్పాట్లు.. టెక్‌ దిగ్గజాలతో విందుజిన్‌పింగ్‌ పర్యటనలో భాగంగా గురువారం వైట్‌హౌస్‌లో స్టేట్‌ డిన్నర్‌ నిర్వహించనున్నారు. ఇందులో అమెరికా టెక్‌ రంగానికి చెందిన ప్రముఖులు పాల్గొననున్నారు. ఏఐ, చిప్స్‌, టెక్నాలజీ రంగాల దిగ్గజాల హాజరు ఈ విందుకు మరింత ప్రాధాన్యతను తెచ్చింది.శుక్రవారం జిన్‌పింగ్‌, పెంగ్‌ లియువాన్‌లు ట్రంప్‌ దంపతులతో వైట్‌హౌస్‌లో టీ కార్యక్రమంలో పాల్గొంటారు. అనంతరం అమెరికా చరిత్రకు సంబంధించిన కీలక పత్రాలు భద్రపరిచిన నేషనల్‌ ఆర్కైవ్స్‌ను సందర్శించనున్నారు. ఆ తర్వాత జాయింట్‌ బేస్‌ ఆండ్రూస్‌ నుంచి జిన్‌పింగ్‌ తిరుగు ప్రయాణం కానున్నారు.అమెరికా–చైనా మధ్య వాణిజ్య, సాంకేతిక, భౌగోళిక రాజకీయ విభేదాలు పూర్తిగా సమసిపోలేదు. అయితే చర్చల ద్వారా సంబంధాలను అదుపులో ఉంచి, మరోసారి పెద్ద స్థాయి ఘర్షణకు దారితీయకుండా చూడాలన్న ప్రయత్నం మాత్రం ఈ పర్యటనలో స్పష్టంగా కనిపిస్తోంది.

వైవాహిక బంధం సరిగా సాగకపోతే చాలా దేశాల్లో చట్టబద్ధంగా విడాకులు తీసుకునే అవకాశం ఉంది. అయితే ప్రపంచంలో ఫిలిప్పీన్స్, వాటికన్ సిటీలలో విడాకులు లేవని చెబుతుంటారు. అయితే అక్కడ పెళ్లి బంధం తెగిపోయినా, దంపతులు తప్పనిసరిగా జీవితాంతం కలిసి ఉండాల్సిందే అనేది పూర్తిగా నిజం కాదు. ఈ రెండు ప్రాంతాల్లో వివాహం నుంచి విడిపోవడానికి ప్రత్యేక చట్టపరమైన మార్గాలు ఉన్నాయి. అయితే అవి సాధారణ విడాకులకు భిన్నంగా ఉంటాయి.సాధారణ విడాకులకు అవకాశం లేదుఫిలిప్పీన్స్‌లో ఇతర దేశాల్లో ఉన్నట్లుగా సాధారణ విడాకుల చట్టం లేదు. అయితే ఫ్యామిలీ కోడ్ ప్రకారం దంపతులు విడిపోవడానికి మూడు ప్రధాన మార్గాలు ఉన్నాయి. అవి లీగల్ సెపరేషన్, అనుల్మెంట్, డిక్లరేషన్ ఆఫ్ నలిటీ. లీగల్ సెపరేషన్‌లో కోర్టు భార్యాభర్తలు విడిగా జీవించేందుకు అనుమతించవచ్చు. కానీ వారి వివాహ బంధం మాత్రం కొనసాగుతుంది. అందువల్ల వారు చట్టపరంగా భార్యాభర్తలుగానే ఉంటారు. అయితే మళ్లీ పెళ్లి చేసుకునే స్వేచ్ఛ ఉండదు.హింస, మోసం.. విడిపోవడానికి కారణాలివేఫిలిప్పీన్స్‌లో లీగల్ సెపరేషన్‌కు కొన్ని నిర్దిష్ట కారణాలను చట్టం గుర్తిస్తుంది. పదేపదే శారీరక హింసకు పాల్పడటం, లైంగిక అవిశ్వాసం, జీవిత భాగస్వామిని వదిలి వెళ్లిపోవడం, కొన్ని రకాల నేరాల్లో శిక్ష పడటం వంటి పరిస్థితుల్లో కోర్టును ఆశ్రయించవచ్చు. అయితే కోర్టు విడిగా జీవించేందుకు అనుమతించినా వివాహ బంధం మాత్రం రద్దు కాదు. మరోవైపు అనుల్మెంట్ లేదా నలిటీ ప్రక్రియలో వివాహం మొదటి నుంచే చట్టబద్ధంగా చెల్లుబాటు అయ్యిందా లేదా అన్నది పరిశీలిస్తారు. అంటే బంధం తర్వాత చెడిపోయిందని చెప్పడం కంటే, వివాహం ప్రారంభం నుంచే చట్టపరంగా చెల్లనిదని నిర్ధారించాల్సి ఉంటుంది.విదేశీయుడితో పెళ్లైతే ప్రత్యేక వెసులుబాటుఫిలిప్పీన్స్ పౌరుడు లేదా పౌరురాలు విదేశీయుడిని వివాహం చేసుకున్న సందర్భంలో మరో ప్రత్యేక నిబంధన ఉంది. ఆ వివాహంలోని విదేశీ భాగస్వామి విదేశాల్లో చట్టబద్ధంగా విడాకులు పొందితే, కొన్ని పరిస్థితుల్లో ఆ విడాకులను ఫిలిప్పీన్స్‌లో కూడా గుర్తించే అవకాశం ఉంది. ఫ్యామిలీ కోడ్‌లోని ఆర్టికల్ 26(2) దీనికి సంబంధించిన నిబంధనను కలిగి ఉంది. అటువంటి సందర్భాల్లో ఫిలిప్పీన్స్ భాగస్వామికి కూడా మళ్లీ వివాహం చేసుకునే చట్టపరమైన అవకాశం ఏర్పడవచ్చు. అయితే దీనికి ఫిలిప్పీన్స్ చట్టం ప్రకారం గుర్తింపు అవసరం.ముస్లింలకు మాత్రం విడాకుల చట్టం ఉంది‘ఫిలిప్పీన్స్‌లో విడాకులు పూర్తిగా లేవు’ అని చెప్పడం కూడా సరైనది కాదు. అక్కడ ముస్లిం వివాహాలకు ప్రత్యేకమైన ముస్లిం పర్సనల్ లా వర్తిస్తుంది. రెండు పక్షాలు ముస్లింలైనప్పుడు లేదా నిర్దిష్ట పరిస్థితుల్లో ముస్లిం చట్టం ప్రకారం వివాహం జరిగినప్పుడు ఈ నిబంధనలు వర్తించవచ్చు. ఈ చట్టంలోని ఆర్టికల్ 45 ప్రకారం విడాకులను వివాహ బంధానికి అధికారిక ముగింపుగా పేర్కొంటుంది. ఇందులో తలాక్, ఖులా, ఫస్ఖ్ వంటి వివిధ రూపాలు ఉన్నాయి. అంటే ముస్లిం సమాజానికి కొన్ని పరిస్థితుల్లో చట్టబద్ధమైన విడాకుల మార్గం ఉంది.వాటికన్‌లో విడిపోవాలనుకుంటే..వాటికన్ సిటీలో పరిస్థితి మరింత భిన్నంగా ఉంటుంది. అక్కడ కాథలిక్ చర్చి కెనన్ లా వర్తిస్తుంది. దాని ప్రకారం క్రైస్తవ వివాహానికి ఏకత్వం, అవిభాజ్యత ముఖ్యమైన లక్షణాలు. వివాహాన్ని మానవ అధికారంతో రద్దు చేయలేమని కెనన్ లా భావిస్తుంది. మరణంతోనే అలాంటి బంధం ముగుస్తుంది. అయితే కొన్ని సందర్భాల్లో తగిన కారణాలు ఉంటే పోప్ దాన్ని రద్దు చేయడానికి అవకాశం ఉంది. కెనన్ లా 1142లో దీనికి సంబంధించిన నిబంధన ఉంది. అలాగే చర్చి అనుల్మెంట్ ప్రక్రియ ద్వారా వివాహం మొదటి నుంచే చెల్లుబాటు అయ్యిందా లేదా అన్నది పరిశీలిస్తుంది. భార్యాభర్తలు తగిన కారణాలతో విడిగా జీవించేందుకు కూడా కెనన్ లా అవకాశం కల్పిస్తుంది. అయితే అలా విడిగా ఉన్నా వివాహ బంధం కొనసాగుతుంది. అందువల్ల ఫిలిప్పీన్స్, వాటికన్ సిటీలను ‘విడాకులు లేని ప్రాంతాలు’గా పేర్కొన్నప్పటికీ, అక్కడ వివాహం నుంచి విడిపోవడానికి ఉన్న చట్టపరమైన మార్గాలు సాధారణ విడాకుల కంటే చాలా భిన్నమైనవని స్పష్టమవుతోంది.ఇదీ చదవండి: Mumbai: షుగర్‌ వ్యాధిగ్రస్తులకు గణపయ్య ప్రసాదం