Nizamabad District News

● ఒక్కొక్కటిగా మూతపడుతున్న థియేటర్లు ● ఎల్లారెడ్డి నియోజకవర్గంలో ఏడింటిలో ఒకటే రన్నింగ్‌ ఎల్లారెడ్డి:ఒకప్పుడు గ్రామీణ ప్రాంతాల నుంచి పట్టణాల వరకు ప్రజలకు వినోదానికి ప్రధాన వేదికగా నిలిచిన సినిమా థియేటర్లు ప్రస్తుతం ఒక్కొక్కటిగా మూతపడుతున్నాయి. కొత్త సినిమాలు విడుదలైతే థియేటర్ల వద్ద సందడి నెలకొనేది. కానీ మారుతున్న కాలానికి అనుగుణంగా ప్రేక్షకుల అభిరుచులు, వినోద సాధనాల్లో వచ్చిన మార్పులతో సిని మా హ్లాళకు ఆదరణ తగ్గుతోంది. దీంతో థియేటర్ల నిర్వహణ భారంగా మారి యాజమాన్యాలు వాటిని మూసివేస్తున్నాయి. కారణాలు ఎన్నో.. ఎల్లారెడ్డి నియోజకవర్గంలోని ఎల్లారెడ్డిలో(లక్ష్మి, ప్రి య), గాంధారిలో(అన్నపూర్ణ, నటరాజ్‌), నాగిరెడ్డి పేటలో (వెంకటేశ్వర, రామ్‌ప్రతాప్‌), లింగంపేట లో (శాంతి) థియేటర్లు ఉండేవి. ప్రస్తుతం నాగిరెడ్డి పేట లో రామ్‌ప్రతాప్‌ థియేటర్‌ మాత్రం అప్పుడప్పుడు న డుస్తోంది. కామారెడ్డి జిల్లా కేంద్రంలో సై తం (కమల్‌, సుభాష్‌, రమేశ్‌) రెండు, మూడు థియేటర్లు మూత బడ్డాయి. థియేటర్లలో పెరుగుతు న్న నిర్వహణ ఖర్చులు, మారుతున్న ప్రేక్షకుల వినోదపు అలవాట్లు, ఓటీటీల విస్తరణ, కొత్త సినిమాల విడుదలలో అంతరాలు, తదితర కారణాలతో థి యేటర్లు తీవ్ర ఆర్థిక ఇ బ్బందులు ఎదుర్కొంటు న్నాయని థియేటర్ల యజ మానులు అంటున్నారు. కొన్నిచోట్ల ఽథియేటర్లు తాత్కాలికంగా మూతబడగా చాలా చోట్ల శాశ్వతంగా మూతబడుతున్నాయి. థియేటర్లలో పెరుగుతున్న నిర్వహణ ఖర్యులు,మారుతున్న ప్రేక్షకుల అభిరుచు లు, ఓటీ టీలు కొత్త సినిమాలు విడుదలైన కొద్ది రో జుల్లోనే డిజ టల్‌ వేఇకల్లో అందుబాటులోకి రావడం వంటి అంశాలు థియేటర్లపై ప్రభావం చూపుతున్నా యి. దీంతో కొన్ని చోట్ల థియేటర్లు పూర్తిగా మూతపడగా..మరికొన్ని చోట్ల ఇతర వ్యాపారాలకు మారుతున్నాయి. ఓటీటీ ప్రభావం.. సినిమా విడుదలైన కొద్ది రోజులకే ఓటీటీ వేదికల్లో అందుబాటులోకి వస్తుండటంతో ప్రేక్షకులు ఇంటి వద్దే సినిమాలను వీక్షించేందుకు ఆసక్తి చూపుతున్నారు. సినిమా టికెట్‌లతో పాటు ప్రయాణం, పార్కింగ్‌, తినుబండారాల ఖర్చులు కలిపి కుటుంబంతో థియేటర్‌కు వెళ్లడం భారంగా మారుతోందని పలువురు పేర్కొంటున్నారు. దీనికి తోడు డిజిటల్‌ వేదికలు, మొబైల్‌ ఫోన్ల వినియోగం పెరగడంతో థియేటర్లకు వచ్చే ప్రేక్షకుల సంఖ్య తగ్గుతోంది.ఎల్లారెడ్డిలో నడుస్తున్న ఒకే థియేటర్‌ మన రాష్ట్రంలోనూ కర్ణాటక లా గా ప్రొడ్యూసర్‌, డిస్ట్రిబ్యూటర్‌, ఎగ్జిబిటర్ల మధ్య పర్సంటేజ్‌, షేరింగ్‌ విధానం అమలు చే యాలి. ఈ విధానం లేనందున నాకున్న 6 సినిమా హాళ్లను మూసి వేయాల్సి వచ్చింది. నిర్వహణ ఖర్చులు తడిసి మోపెడవుతున్నాయి. –సుభాష్‌గౌడ్‌, థియేటర్ల యజమాని, ఎల్లారెడ్డి సినిమా థియేటర్‌ను యాజమాన్యాలు సొంతంగా నడిపించే పరిస్థితి లేకుండాపోయింది. మా థియేటర్‌ను డిస్ట్రిబ్యూటర్‌ కు లీజ్‌కు ఇవ్వడం వల్ల ఆగు తూ ఆగుతూ నడుస్తోంది. థియేటర్‌ను నడిపించాలంటే ఖర్చులు భయపెడుతున్నాయి. –ప్రతాప్‌రెడ్డి, ఽథియేటర్‌ యజమాని, నాగిరెడ్డిపేట

కామారెడ్డి క్రైం: బాన్సువాడ పట్టణంలో నాలుగు రోజుల క్రితం వెలుగు చూసిన భారీ చోరీ కేసును పోలీసులు ఛేదించారు. పథకం ప్రకారమే చోరీకి పాల్పడిన ఇద్దరి నిందితులను అరెస్ట్‌ చేసి వారి నుంచి రూ.56 లక్షల విలువైన సొత్తును రికవరీ చేశారు. జిల్లా పోలీస్‌ కార్యాలయంలో శుక్రవారం ఏర్పాటు చేసిన విలేకరుల సమావేశంలో ఎస్పీ రాజేశ్‌ చంద్ర వివరాలు వెల్లడించారు. పట్టణంలోని గౌలీగూడకు చెందిన చింతల భాస్కర్‌ గత నెల 27న మధ్యా హ్నం ఇంటికి తాళం వేసి భార్యతో కలిసి కిరాణా దుకాణానికి వెళ్లాడు. సాయంత్రం 6 గంటలకు ఇంటికి వచ్చి చూడగా తాళం పగులగొట్టి ఉంది. గుర్తుతెలియని వ్యక్తులు ఇంట్లోకి చొరబడి పై అంతస్తులో ఉన్న లాకర్‌ తెరిచి బంగారం, వెండి ఆభరణాలు, నగదు దోచుకెళ్లారు. బాధితుల ఫిర్యాదు మేరకు కేసు నమోదు చేసిన పోలీసులు నిందితులను గుర్తించేందుకు ప్రత్యేక బృందాలను ఏర్పాటు చేశారు. విశ్వసనీయ సమాచారం మేరకు శుక్రవారం నిజాంసాగర్‌ మండలం బొగ్గుగుడిసె ప్రాంతంలో ఇద్దరిని అదుపులోకి తీసుకుని విచారించగా నేరం చేసినట్లు అంగీకరించారు. నిందితులను చోరీ జరిగిన ఇంటి పక్కనే నివాసం ఉండే దండుగుల మైసయ్య, దండుగుల ఎల్లయ్యలుగా గుర్తించారు. నిందితులిద్దరూ దగ్గరి బంధువులు నిందితులిద్దరూ దగ్గరి బంధువులు. ప్రధాన నిందితుడైన మైసయ్యపై గతంలో ఆరు దొంగతనం కేసులు ఉన్నాయి. గతంలో జైలుకు వెళ్లి ఇటీవలే వచ్చాడు. జైలులో ఉన్నప్పుడు అతని బెయిల్‌ కోసం కుటుంబసభ్యులు అప్పులు చేశారు. చేసిన అప్పులు తీర్చడానికి మళ్లీ దొంగతనం చేయాలని ఇద్దరూ కలిసి మద్యం సేవిస్తూ నిర్ణయించుకున్నారు. భాస్కర్‌ దంపతులు ఇంటికి తాళం వేసి వెళ్లడాన్ని గమనించి చోరీకి పాల్పడ్డారు. చోరీ సొత్తును హైదరాబాద్‌లో విక్రయించేందుకు వెళ్తుండగా నిఘావేసి పట్టుకున్నామని ఎస్పీ వివరించారు. నిందితుల నుంచి 31.2 తులాల బంగారం, 3 కిలోల వెండి ఆభరణాలు, రూ.9,700 నగదు, నేరానికి ఉపయోగించిన బైక్‌, సెల్‌ఫోన్‌ లను స్వాధీనం చేసుకుని రిమాండ్‌కు తరలించినట్లు పేర్కొన్నారు. కేసు చేధనలో చాకచక్యంగా వ్యవహరించిన డీఎస్పీ విఠల్‌రెడ్డి, సీఐ శ్రీధర్‌, సీసీఎస్‌ సీఐ సంతోష్‌ కుమార్‌, ఎస్సై శిరీష, సిబ్బందిని అభినందించారు. ఏఎస్పీ నరసింహా రెడ్డి తదితరులు పాల్గొన్నారు. బాన్సువాడలో భారీ చోరీ కేసును ఛేదించిన పోలీసులు ఇద్దరు నిందితుల అరెస్టు, రూ.56 లక్షల విలువైన సొత్తు రికవరీ వివరాలు వెల్లడించిన ఎస్పీ రాజేశ్‌ చంద్ర

నిజామాబాద్‌ రూరల్‌: పెండింగ్‌లో ఉన్న జర్నలిస్టుల సమస్యలను పరిష్కరించాలని టీయూడబ్ల్యూజే జిల్లా అధ్యక్షుడు సంజీవ్‌ అన్నారు. శుక్రవారం నిజామాబాద్‌ జిల్లా కమిటీ ఆధ్వర్యంలో నిజామాబాద్‌ ప్రెస్‌ క్లబ్‌ నుంచి గాంధీ చౌక్‌ వరకు ర్యాలీ నిర్వహించారు. ర్యాలీ అనంతరం గాంధీ విగ్రహానికి వినతిపత్రం అందజేశారు. జిల్లా అధ్యక్షుడు మాట్లాడుతూ.. ఐజే యూ పిలుపు మేరకు దేశవ్యాప్త ఆందోళనలో భాగంగా నిరసన తెలుపుతున్నామని అన్నారు. దేశ స్థాయిలో సమగ్ర మీడియా కమిషన్‌ను ఏర్పాటు చేయాలన్నారు. కార్యక్రమంలో నాయకులు అరవింద్‌ బాలాజీ, ప్రసాద్‌, నర్సయ్య, గంగాదాస్‌, దేవీదాస్‌, గోవిందరాజ్‌, సాయిరాం, మురళి, గంగామోహన్‌, మురళి, గంగులు తదితరులు పాల్గొన్నారు. ఖలీల్‌వాడి: జర్నలిస్టులకు ప్రభుత్వ ఉద్యోగుల మాదిరిగా హెల్త్‌ కార్డులు మంజూరు చేయాలని తెలంగాణ యూనియన్‌ వర్కింగ్‌ జర్నలిస్ట్‌ జిల్లా కన్వీనర్‌ రజినీకాంత్‌, జిల్లా కో కన్వీనర్‌ మోహన్‌ డిమాండ్‌ చేశారు. శుక్రవారం నగరంలోని ప్రెస్‌ క్లబ్‌ వద్ద టీయూడబ్ల్యూజే హెచ్‌–143 రాష్ట్ర కమిటీ అధ్యక్షుడు అల్లం నారాయణ, ప్రధాన కార్యదర్శి మారుతి సాగర్‌ పిలుపుమేరకు సీఎం రేవంత్‌రెడ్డి కార్యాలయానికి జర్నలిస్టులకు హెల్త్‌ కార్డులు మంజూరు చేయాలని కోరుతూ ఉత్తరాలు, నిరసన చేపట్టారు. జర్నలిస్టులకు హెల్త్‌ కార్డులు, డబుల్‌ బెడ్‌ రూమ్‌ ఇళ్లను పంపిణీ చేయాలన్నారు. నాయకులు బాలు, ఆనంద్‌ పాల్‌, ఆంజనేయులు, కర్క రమేశ్‌, విజయ్‌, బుజ్జి తదితరులు పాల్గొన్నారు. రెంజల్‌: మండలంలోని కళ్యాపూర్‌ గ్రామంలో విషాదం చోటు చేసుకుంది. కూలీ పనుల కోసం వెళ్లిన బాలుడు మృతి చెందడంతో రూ. 50 వేలకు ప్రాణం ఖరీదుగా సంబంధిత ట్రాక్టర్‌ యజమాని నిర్ణయించారు. వివరాలిలా ఉన్నాయి. గ్రామానికి చెందిన ఓ ట్రాక్టర్‌ యజమాని వద్ద అదే గ్రామానికి చెందిన బాలాజీ(15) అనే బాలుడు పని చేస్తున్నాడు. రెండు రోజుల క్రితం పనిచేసే ప్రాంతం సమీపంలో ఉన్న కాలువ నుంచి నీరు తీసుకు రావాలని యజమాని చెప్పాడు. దీంతో కాలువలోకి దిగిన బాలుడు నీట మునిగి మృతి చెందాడు. బాధిత కుటుంబాన్ని ఆదుకోవాలని యజమానిని కోరగా రూ. 50 వేలు అందిస్తామని చెప్పాడు. ఈ విషయమై ఎస్సై గంగాధర్‌ను వివరణ కోరగా మృతుడి తండ్రి శ్రీనివాస్‌ ఫిర్యాదు మేరకు కేసు నమోదు చేసినట్లు తెలిపారు. బోధన్‌: ఆటోలో ఉంచిన రూ. 5 వేల నగదును గుర్తు తెలియని వ్యక్తి చోరీకి పాల్పడిన ఘటన ఎడపల్లి మండల కేంద్రంలో చోటు చేసుకుంది. మండల కేంద్రానికి చెందిన మోహన్‌ శుక్రవారం తన ఆటోలో నగదును ఉంచగా గుర్తు తెలియని వ్యకి అపహరించినట్లు పోలీసులకు ఫిర్యాదు చేశాడు. బాధితుడి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

నిజామాబాద్‌ అర్బన్‌: నగరంలోని గాయత్రి నగర్‌ లో శుక్రవారం మధ్యాహ్నం ఓ ఇంట్లో చోరీ జరిగింది. నాలుగో టౌన్‌ ఎస్‌హెచ్‌వో సతీశ్‌ తెలిపిన వివ రాల ప్రకారం.. గాయత్రి నగర్‌కు చెందిన లింగంపల్లి విజయ పని నిమిత్తం బయటకు వెళ్లింది. తిరిగి ఇంటికి వచ్చే సరికి తలుపులు తెరిచి ఉండడంతో చోరీ జరిగినట్లు గుర్తించి పోలీసులకు సమాచారం అందించారు. పోలీసులు ఘటన స్థలానికి చేరుకొని వివరాలు సేకరించా రు. బీరువాలో ఉన్న రూ. పదివేల నగదు, మూడు తులాల పుస్తెలతాడు, రెండున్నర తులాల నెక్లెస్‌, మొ త్తం 20 తులాల బంగారం చోరీకి గురైనట్లు బాధితులు పోలీసులకు వివరించారు. కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

రామారెడ్డి: పాత కక్షలతో ఒకరిపై హత్యాయత్నం జ రిగిన ఘటన రామారెడ్డి మండలం గిద్ద గ్రామంలో ఆలస్యంగా వెలుగుచూసింది. ఎస్సై మురళి తెలిపిన వివరాల ప్రకారం.. గ్రామానికి చెందిన గూనోళ్ల మధుసూదన్‌కు అదే గ్రామానికి చెందిన బండారి బీరయ్యతో పాత కక్షలు ఉన్నాయి.ఈ నెల 30న ఫోన్‌ చేసి మాట్లాడుదామని ఎల్లమ్మ ఆలయ సమీపానికి రావాలని మధుసూదన్‌ను పిలిచారు. అక్కడికి వచ్చిన వెంటనే శాగ రాములు, రామొళ్ల బీరయ్య, చింతకింది చిన్న మహిపాల్‌, చింతకింది మల్లేశ్‌, బండారి బీరయ్య అతనిపై కట్టెలు, కత్తితో దాడి చేశారు. కత్తితో గొంతు కోసి హత్య చేసేందుకు యత్నించారు. వెంటనే అతను పరుగెత్తి గ్రామస్తులకు చెప్పడంతో ప్రాణాలతో బయటపడ్డాడు. బాధితుడి ఫిర్యాదు మేరకు ఐదుగురిపై కేసు నమోదు చేసి దర్యాప్తు చేస్తున్నట్లు ఎస్సై తెలిపారు. ● ఐదుగురు నిందితుల అరెస్ట్‌ ● రామారెడ్డిలో వెలుగు చూసిన ఘటన

● రోడ్డు ప్రమాదంలో ఒకరి మృతి సదాశివనగర్‌: తీర్థయాత్రకు వెళ్లి న ఓ మహిళ రోడ్డు ప్రమాదంలో మృతి చెందింది. ఎస్సై పు ష్పరాజ్‌ తెలిపిన వివరాల ప్రకా రం.. సదాశివనగర్‌ మండలం కుప్రియాల్‌ గ్రామానికి చెందిన కుమ్మరి రాజమణి(45) అనే మహిళ రామారెడ్డి మండలం ఉప్పల్‌వాయిలో ఉన్న బంధువులతో కలిసి ఆంధ్రప్రదేశ్‌లో ఉన్న అన్నవరం లో సేవ చేసేందుకు గత నెల 29న బయలుదేరి వెళ్లారు. తుని ప్రాంతంలో శుక్రవారం ఉదయం జరిగిన రోడ్డు ప్రమాదంలో మృతి చెందిన మహిళల్లో సదాశివనగర్‌ మండలం కుప్రియాల్‌ గ్రామానికి చెందిన కుమ్మరి రాజమణి ఉన్నట్లు అక్కడి పోలీసులు సదాశివనగర్‌ పోలీసులకు సమాచారం అందించారు. కుటుంబ సభ్యుల ఫిర్యాదు మేరకు కేసు నమోదు చేసినట్లు ఎస్సై పేర్కొన్నారు. మృతురాలికి ఇద్దరు కుమారులు, ఒక కుమార్తె ఉన్నారు.

● కాంగ్రెస్‌ జిల్లా అధ్యక్షుడు కాటిపల్లి నగేశ్‌రెడ్డి నిజామాబాద్‌ రూరల్‌: మహాత్మా గాంధీ సేవలు చిరస్మరణీయమని కాంగ్రెస్‌ పార్టీ జిల్లా అధ్యక్షుడు కాటిపల్లి నగేశ్‌రెడ్డి, నగర అధ్యక్షుడు రామకృష్ణఅన్నారు. నగరంలోని కాంగ్రెస్‌ భవన్‌లో మహాత్మా గాంధీ, మాజీ ప్రధాని లాల్‌ బహుదూర్‌ శాస్త్రీ జయంతి వేడుకలను శుక్రవారం ఘనంగా నిర్వహించారు. ఈ సందర్భంగా వారి చిత్రపటాలకు నాయకులు పూలమాలలు వేసి నివాళులు అర్పించారు. అలాగే తిలక్‌గార్డెన్‌లో ఉన్న లాల్‌ బహుదూర్‌ శాస్త్రి విగ్రహానికి, గాంధీ చౌక్‌లో ఉన్న గాంధీ విగ్రహానికి నాయకులు పూలమాలలు ఘన నివాళులు అర్పించారు. నగేశ్‌రెడ్డి మాట్లాడుతూ.. దేశానికి స్వాతంత్య్రం రావడంలో గాంధీజీ పాత్ర ఎంతో కీలకమైందని అన్నారు. స్వాతంత్రం వచ్చిన తర్వాత భారతదేశాన్ని అభివృద్ధి చేయాలని మొదటి ప్రధానిగా నెహ్రూ ఎన్నో విప్లవాత్మక నిర్ణయాలు తీసుకున్నారని అన్నారు. కార్యక్రమంలో రాష్ట్ర ఉర్దూ అకడమీ చైర్మన్‌ తాహెర్‌ బిన్‌ హందాన్‌, రాష్ట్ర కల్లుగీత కార్మిక చైర్మన్‌ శేఖర్‌ గౌడ్‌, నగర మేయర్‌ ఉమారాణి, పీసీసీ జెనరల్‌ సెక్రెటరీ రామ్‌ భూపాల్‌, మాజీ ఎమ్మెల్సీ ఆకుల లలిత, నూడా చైర్మన్‌ కేశ వేణు, ఏఐసీసీ పరిశీలకులు కాపుకర్‌గన్‌ రాజ్‌, డీసీసీ కోశాధికారి భక్తవస్తలం, ఉపాధ్యక్షుడు కౌడపు శరత్‌ కుమార్‌, గాదరి గోపి, జిల్లా ఓబీసీ అధ్యక్షుడు నరేందర్‌ గౌడ్‌, సీనియర్‌ కాంగ్రెస్‌ నాయకులు కోనేరు సాయికుమార్‌, ఆదె ప్రవీణ్‌ తదితరులు పాల్గొన్నారు. బెటాలియన్‌లో.. డిచ్‌పల్లి: మండల కేంద్రంలోని తెలంగాణ ప్రత్యేక పోలీస్‌ ఏడో బెటాలియన్‌ కమాండెంట్‌ సీతారాం ఆధ్వర్యంలో గాంధీ జయంతి వేడుకలను ఘనంగా నిర్వహించారు. గాంధీ చిత్రపటానికి పూలమాల వేసి నివాళులర్పించారు. అనంతరం బెటాలియన్‌ సిబ్బందితో కలిసి పరిసరాల పరిశుభ్రత కార్యక్రమం చేపట్టారు. కార్యక్రమంలో బెటాలియన్‌ కమాండెంట్‌ బీ సీతారాం, అసిస్టెంట్‌ కమాండెంట్లు నరసింహస్వామి, విజయ్‌, అధికారులు, సిబ్బంది తదితరులు పాల్గొన్నారు.

కామారెడ్డి రూరల్‌: పొలం పనులు చేస్తున్న ఓ రైతును పాము కాటు వేయడంతో మృతి చెందిన ఘటన కామారెడ్డి మండలం ఇస్రోజీవాడి గ్రామంలో చోటు చేసుకుంది. దేవునిపల్లి పోలీసులు తెలిపిన వివరాల ప్రకారం.. గ్రామానికి చెందిన దుబ్బాక చిన్న పోచయ్య(50) శుక్రవారం తన పొలంలో పనులు చేస్తుండగా పాటు కాటు వేసింది. విషయం గమనించిన కుటుంబీకులు వెంటనే అతన్ని చికిత్స కోసం కామారెడ్డి ఏరియా ఆస్పత్రికి తరలిస్తుండగా మార్గమధ్యలో మృతి చెందాడు. గ్రామంలో విషాదఛాయలు అలుముకున్నాయి. భార్య లక్ష్మి ఫిర్యాదు మేరకు కేసు నమోదు చేసినట్లు పోలీసులు తెలిపారు. డిచ్‌పల్లి: చెరువులో స్నానం కోసం వెళ్లిన వృద్ధుడు నీట మునిగి మృతి చెందిన ఘటన డిచ్‌పల్లి మండలం బర్ధిపూర్‌లో చోటు చేసుకుంది. ఎస్సై మ హమ్మద్‌ ఆరిఫ్‌ తెలిపిన వివరాల ప్రకారం.. గ్రామానికి చెందిన జాజున గంగాధర్‌(60) గ్రామ సమీపంలో ఉన్న కోనం చెరువులో స్నానం చేసేందుకని గురువారం ఉదయం ఇంటి నుంచి బయటకు వెళ్లి తిరిగి రాలేదు. రాత్రి అయినా ఇంటికి రాకపోవడంతో కుమారుడు ప్రవీణ్‌ పోలీసులకు ఫిర్యాదు చేశాడు. శుక్రవారం ఉదయం పోలీసులు చెరువులో గాలింపు చర్యలు చేపట్టగా మృతదేహం బయటకు తేలింది. కుటుంబ సభ్యులు ఫిర్యాదు మేరకు కేసు నమోదు చేసి, మృతదేహాన్ని పోస్టుమార్టం నిమిత్తం ప్రభుత్వ ఆస్పత్రికి తరలించినట్లు ఎస్సై తెలిపారు. వేల్పూర్‌(మెండోరా): మెండోరా మండలం పోచంపాడ్‌లో ఉన్న గోదావరి నది శ్మశాన వాటికి దగ్గర శుక్రవారం గుర్తు తెలియని మృతదేహం లభ్యమైనట్లు ఎస్సై సుహాసిని తెలిపారు. మృతుడి వయస్సు సుమారు 60 ఏళ్ల వరకు ఉంటుందని అన్నారు. మృతుడి వివరాలు తెలిసిన వారు 8712659864, 8712659763 నంబర్లకు సమాచారం అందించాలని కోరారు.

బోధన్‌: ప్రభుత్వంలో ఆర్టీసీని విలీనం, ఉద్యోగుల బకాయిలు, భద్రత సాఽధించే దిశలో పోరాడుతామ ని ఆర్టీసీ ఎంప్లాయీస్‌ యూనియన్‌ రాష్ట్ర ప్రధాన కార్యదర్శి, టీజీ ఆర్టీసీ జేఏసీ రాష్ట్ర చైర్మన్‌ ఈదురు వెంకన్న అన్నారు. ఉద్యోగుల హక్కుల రక్షణే తమ ప్రధాన అజెండా అని పేర్కొన్నారు. ఆర్టీసీ యూనియన్‌ గుర్తింపు ఎన్నికల ప్రచార కార్యక్రమాన్ని శుక్రవారం పట్టణ కేంద్రంలోని ఆర్టీసీ డిపోలో ప్రారంభించారు. ముఖ్య అతిథులుగా ఎంప్లాయీస్‌ యూనియన్‌ రాష్ట్ర ప్రధాన కార్యదర్శి ఈదురు వెంకన్న, తెలంగాణ మజ్దూర్‌ యూనియన్‌ రాష్ట్ర అధ్యక్షుడు ఏఆర్‌ రెడ్డి హాజరై మాట్లాడారు. ప్రభుత్వానికి మద్దతు ఉన్న యూనియన్‌ను గెలిపిస్తే ఉద్యోగుల సమస్యలు, సంక్షేమంపై ప్రభుత్వాన్ని ప్రశ్నించలేరన్నారు. ఎన్నికల్లో ఈయూ, టీఎంయూ, ఎన్‌ఎంయూ ఈ మూడు సంఘాలు కూటమిగా ఏర్పడి పోటీలో నిలిచామని తెలిపారు. కొందరు స్వార్థ నాయకులు ప్రభుత్వం అండతో కార్మికులను మభ్యపెడుతున్నారని ఆరోపించారు. ప్రభుత్వాన్ని కార్మికుల హక్కుల కోసం ప్రశ్నించే యూనియన్‌ను ఎన్నికల్లో గెలుపించుకోవాలని కోరారు. నాయకులు అహ్మద్‌ అలీ, సంజీవ్‌, వెంకట్‌గౌడ్‌, వందేమాతరం శ్రీనివాస్‌, హనీఫ్‌, జీఎన్‌గౌడ్‌, యాదగిరి, సంజీవ్‌రెడ్డి, కార్మికులు పాల్గొన్నారు.

ఇందల్వాయి: మండలంలోని నల్లవెల్లి గ్రామంలో మర్నాగి ప్రత్యక్షమైంది. బీట్‌ ఆఫీసర్‌ సందీప్‌ తెలిపిన వివరాల ప్రకారం.. మర్నాగి సమీప అటవీ ప్రాంతం నుంచి గురువారం రాత్రి దారి తప్పి నల్లవెల్లి గ్రామంలోకి వచ్చింది. కుక్కల భయంతో విద్యుత్‌ స్తంభం ఎక్కి అక్కడే ఉండి పోయింది. శుక్రవారం ఉదయం గ్రామస్తులు సమాచారం ఇవ్వడంతో విద్యుత్‌ శాఖ అధికారుల సాయంతో విద్యుత్‌ సరఫరాను నిలిపివేసి దానిని కిందికి దించి అడవి వైపు పంపించారు. మర్నాగిని కాపాడిన బీట్‌ ఆఫీసర్‌ సందీప్‌తో పాటు సమాచారం అందించిన గ్రామస్తులను ఎఫ్‌ఆర్‌వో రవిమోహన్‌ భట్‌ అభినందించారు.

వేల్పూర్‌(ముప్కాల్‌):వేములవాడలో నిర్వహించే రాష్ట్రస్థాయి కబడ్డీ పోటీలకు జిల్లా బాల, బాలికల జట్లు శుక్రవారం బయలుదేరి వెళ్లినట్లు జిల్లా కబడ్డీ అసోసియేషన్‌ అధ్యక్ష, కార్యదర్శులు ఆంద్యాల లింగయ్య, గంగాధర్‌రెడ్డి తెలిపారు. ఈనెల 5 వరకు వేములవాడలో నిర్వహించే 52వ జూనియర్‌ అండర్‌ 20 బాలుర అంతర్‌ జిల్లాల కబడ్డీ, 36వ సబ్‌ జూనియర్‌ అండర్‌ 16 బాలికల కబడ్డీ పోటీల్లో జి ల్లా జట్లు పాల్గొంటా యని వెల్లడించారు. ముప్కాల్‌ మండల కేంద్రంలోని భూదేవి ఇండోర్‌ స్టేడియంలో సుమారు 20 రోజులకు పైగా శిక్షణ నిర్వహించి, జిల్లా జట్లు ఎంపిక చేసినట్లు పేర్కొన్నారు. జిల్లా జట్లు రాష్ట్రస్థాయిలో ప్రతిభ కనబరచాలని కోరారు. కోచ్‌లుగా అన్వేష్‌, అనిల్‌, మేనేజర్‌లుగా కవిత, తేజ వ్యవహరించనున్నారు. కార్యక్రమంలో ఎస్సారెస్పీడీఈ గణేశ్‌, కే గంగాధర్‌, విజయ్‌, బాలరాజు,మునిరొద్దీన్‌,సాయన్న,గంగారాం,శ్రీకాంత్‌ యా దవ్‌, సంజీవ్‌, దయానంద్‌, శంకర్‌, చోటుబాయ్‌ తదితరులు పాల్గొన్నారు.

నిజామాబాద్‌అర్బన్‌ : జిల్లాలోని కొన్ని ప్రయివేటు ఆస్పత్రులు ధనార్జనే ధ్యేయంగా నడుస్తున్నాయి. అనవసరపు సిజేరియన్‌లు చేస్తూ డబ్బులు దండుకుంటున్నాయి. సాధారణంగా సుఖ ప్రసవానికి వీలు లేనప్పుడు, కడుపులో బిడ్డ సరిగా లేనప్పుడే సిజేరియన్లు చేయాలి. అయితే, సహజ ప్రసవానికి అవకాశం ఉన్నప్పటికీ ఉమ్మనీరు తక్కువగా ఉందని, బిడ్డ అడ్డం తిరిగిందని, గుండె వేగంగా కొట్టుకుంటోందని, పురిటి నొప్పుల బాధ భరించలేరని చెబుతూ కుటుంబీకులను భయపెట్టి అవసరం లేకపోయినా సిజేరియన్లు చేస్తున్నారు. సాధారణ ప్రసవంతో పోలిస్తే సిజేరియన్‌ చేసేందుకు సమయం చాలా తక్కువ పడుతుంది. మరోవైపు సిజేరియన్‌తో ఆస్పత్రికి ఆదాయమూ సమకూరుతోంది. దీంతో ప్రయివేటు ఆస్పత్రులకు వెళ్లే ఎక్కువ మంది మహిళలకు సిజేరియన్‌లు చేస్తున్నట్లు గణాంకాలే చెబుతున్నాయి. నార్మల్‌కు 20 శాతం.. సిజేరియన్‌కు 40 శాతం గ్రామీణ ప్రాంతాల్లోని గర్భిణులను ప్రసవాల కోసం ప్రయివేటు ఆస్పత్రులకు వచ్చేలా నిర్వాహకులు కొందరు ఆర్‌ఎంపీలకు కమీషన్లు ముట్టజెబుతున్నారు. సాధారణ ప్రసవానికి 20 శాతం, సిజేరియన్లకు 40 శాతం చొప్పున కమీషన్లను అందజేస్తున్నట్లు తెలిసింది. ఒక్కో పేషెంట్‌ నుంచి సాధారణ ప్రసవానికి రూ.25వేల నుంచి రూ.45 వేలు, సిజేరియన్‌కు రూ.70 వేల నుంచి రూ.80 వేల వరకు వసూలు చేస్తున్నట్లు సమాచారం. పరిస్థితి తీవ్రంగా ఉంటే రూ.లక్షకు పైబడి వసూలు చేస్తున్నట్లు తెలిసింది. జిల్లా కేంద్రంలోని ద్వారకానగర్‌ సమీపంలోని ఓప్రయివేటు ఆస్పత్రి ఆర్‌ఎంపీలకు ఎక్కువ మొత్తంలో కమీషన్లు అందజేస్తూ సిజేరియన్లు చేస్తున్నట్లు సమాచారం. బస్టాండ్‌ సమీపంలో ఉన్న మరో ప్రయివేటు ఆస్పత్రి నిర్వాహకులు ప్రతి నెలా ఆర్‌ఎంపీలకు విందులు, విహారయాత్రలు ఏర్పాటు చేస్తూ ప్రసవానికి సంబంధించిన కేసులను రాబడుతూ అధిక బిల్లులు వేస్తున్నట్లు ఆరోపణలున్నాయి. ఖలీల్‌వాడీలో గతేడాది నూతనంగా వెలిసిన ఓ ప్రయివేటు ఆస్పత్రి గ్రామంలోని గర్భిణుల వివరాలను తెలుసుకొని సంబంధిత ఆర్‌ఎంపీలు, ఇతర సిబ్బందితో సంప్రదింపులు జరిపి తమ ఆస్పత్రికి వచ్చేలా కమీషన్లను అందజేస్తున్నట్లు సమాచారం. ఆడిట్‌లో పరిశీలించి చర్యలు తీసుకుంటా.. ప్రతి సంవత్సరం నిర్వహించే ఆడిట్‌లో సిజేరియన్‌లు ఎక్కువ ఉన్న ఆస్పత్రుల వివరాలను పరిశీలించి వివరణ తీసుకుంటాం. తనిఖీలు చేస్తాం. అకారణంగా సిజేరియన్లు జరిగినట్లు తేలితే కఠిన చర్యలు తీసుకుంటాం. వైద్యశాఖ ఎల్లప్పుడు పరిశీలన చేస్తూనే ఉంటుంది. – రాజశ్రీ, డీఎంహెచ్‌వో ఈ చిత్రాన్ని కాస్త దూరం నుంచి చూడగానే ఆటో, బైక్‌ ఢీకొన్నట్లు కనిపిస్తుంది. దగ్గరకు వెళ్తే అసలు విషయం తెలుస్తుంది. జక్రాన్‌పల్లి మండలంలోని 44వ నంబరు జాతీయ రహదారి మూలమలుపు వద్ద రాంగ్‌ రూట్‌లో ప్రయాణించొద్దని ప్రమాద తీవ్రత కళ్లకు కట్టేలా ఇలా ఏర్పాటు చేశారు. దీంతో రాంగ్‌ రూట్‌ ప్రయాణాలు తగ్గాయని పోలీసులు తెలిపారు. – సాక్షి స్టాఫ్‌ ఫొటోగ్రాఫర్‌, నిజామాబాద్‌ ప్రయివేటు ఆస్పత్రులు ప్రభుత్వ ఆస్పత్రులుఆర్థిక సంవత్సరం సాధారణ ప్రసవాలు సిజేరియన్‌లు మొత్తం 2025-26(ఏప్రిల్‌ వరకు) 4463 5403 98662026-27(ఆగస్టు వరకు) 1661 2040 3794సాధారణ ప్రసవాలు సిజేరియన్‌లు మొత్తం 1445 11,371 12,816 590 4650 5240ప్రస్తుత ఆర్థిక సంవత్సరంలో ప్రభుత్వ ఆస్పత్రుల్లో ప్రసవాలు దారితప్పకుండా..

మోపాల్‌: ఉమ్మడి నిజామాబాద్‌ జిల్లా ఆర్చరీ అసోసియేషన్‌ ఆధ్వర్యంలో సీనియర్‌ పురుషులు, మహిళల జిల్లాస్థాయి ఎంపిక లు, టోర్నమెంట్‌ను ఈ నెల 4న నిర్వహిస్తున్నట్లు అధ్యక్ష, ప్రధాన కార్యదర్శులు సంజీవ్‌రెడ్డి, గంగారాజు, కోచ్‌ రవీందర్‌ శుక్రవా రం ఒక ప్రకటనలో తెలిపారు. క్రీడాకారులు మోపాల్‌లోని ఎన్‌ఆర్‌ ఆర్చరీ అకాడమీలో ఉదయం 8 గంటలకు రిపోర్టింగ్‌ చేయాలని సూచించారు. ఇండియన్‌ రౌండ్‌, రికర్వ్‌, కంపౌండ్‌ విభాగాల్లో పోటీలు నిర్వహించనున్నట్లు పేర్కొన్నారు. ఎంపికై న క్రీడాకారులు ఈ నెల 11న హైదరాబాద్‌లో జరిగే తెలంగాణ రాష్ట్ర సీనియర్‌ ఇంటర్‌ డిస్ట్రిక్ట్‌ ఆర్చరీ చాంపియన్‌షిప్‌ సెలక్షన్‌ ట్రయల్స్‌లో పాల్గొనేందుకు అర్హత పొందుతారని తెలిపారు. షీ టీమ్‌లో 154 కేసులు నిజామాబాద్‌ అర్బన్‌: ఆపద సమయంలో అతివలకు అండగా షీ టీం అందుబాటులో ఉందని సీపీ సాయిచైతన్య ఒక ప్రకటనలో తెలిపారు. మహిళలు, చిన్నారుల భద్రతకు షీ టీం ప్రత్యేకంగా పనిచేస్తుందని పేర్కొన్నా రు. ఈ ఏడాది జనవరి నుంచి సెప్టెంబర్‌ వరకు వేధింపులకు పాల్పడిన వారిపై 154 కేసులతోపాటు ఈ పెట్టి కేసులు 161 నమో దు చేసినట్లు తెలిపారు. షీ టీం ఆధ్వర్యంలో 416 అవగాహన కార్యక్రమాలు నిర్వహించి, 1027 హాట్‌ స్పాట్‌లలో తనిఖీలు చేపట్టినట్లు పేర్కొన్నారు. ఆకతాయిలకు 61 సార్లు కౌన్సిలింగ్‌ ఇచ్చినట్లు తెలిపారు. షీ టీం బృందాలు 24 గంటలు అందుబాటులో ఉంటాయని, ఏదైనా ఇబ్బందులు ఉంటే 8712659 795 నెంబర్‌లో సంప్రదించాలన్నారు.జాతీయస్థాయి బాల్‌ బ్యాడ్మింటన్‌ పోటీలకు ఎంపిక నిజామాబాద్‌ అర్బన్‌: జాతీయస్థాయి 45వ సబ్‌ జూనియర్‌ బాల్‌బ్యాడ్మింటన్‌ క్రీడా పో టీలకు జిల్లాకు చెంది న క్రీడాకారిణి గుగులోతు స్వప్న ఎంపికయ్యారు. రాష్ట్ర బాల్‌ బ్యాడ్మింటన్‌ సంఘం ఆధ్వర్యంలో సెప్టెంబర్‌ 30వ తేదీ నుంచి అక్టోబర్‌ 2వ తేదీ వర కు హైదరాబాద్‌లోని ఏఎస్‌ రావునగర్‌ మా రుతి బాల్‌ బ్యాడ్మింటన్‌ గ్రౌండ్‌లో ఎంపికలు జరిగాయి. ప్రతిభ కనబరిచిన స్వప్న ఈ నెల 4వ తేదీ నుంచి 8వ తేదీ వరకు ఛత్తీస్‌గఢ్‌ రాష్ట్రంలోని బిలాయిలో జరిగే నేషనల్‌ బ్యా డ్మింటన్‌ క్రీడాపోటీలలో పాల్గొనున్నారు. కోతకు వచ్చిన సోయా మద్నూర్‌: మండలంలో సాగు చేసిన సో యా పంట కోతకు వచ్చింది. కొందరు రైతులు యంత్రాలతో పంట కోస్తుండగా.. మరికొందరు రైతు కూలీలతో కోయించి కుప్ప వేసిన అనంతరం యంత్రాలతో కల్లం చేయిస్తున్నారు. అనంతరం మద్నూర్‌ మార్కెట్‌ యార్డుకు తరలించి ఎండబెడుతున్నారు. ఈసారి వర్షాభావ పరిస్థితులతో దిగుబడిపై ప్రభావం కనిపిస్తోందని రైతులు పేర్కొంటున్నారు. ఎకరాకు పది క్వింటాళ్ల దిగుబడి రావాల్సి ఉండగా ఐదు క్వింటాళ్లు కూడా రాలేదని పలువురు ఆవేదన వ్యక్తం చేస్తున్నారు.

నిజామాబాద్‌ అర్బన్‌: గాంధేయ మార్గం అనుసరణీయమని నగర మేయర్‌ కూరగాయల ఉమారాణి అన్నారు. జాతిపిత మహాత్మాగాంధీ జయంతిని పురస్కరించుకుని శుక్రవారం నగరంలోని గాంధీచౌక్‌లో గల మహాత్ముని విగ్రహానికి మేయర్‌తోపాటు అదనపు కలెక్టర్‌ భుజంగరావు, నగర పాలక సంస్థ కమిషనర్‌ దిలీప్‌ కుమార్‌ తదితరులు పూలమాల లు వేసి నివాళులర్పించారు. అనంతరం మాజీ ప్ర ధాని లాల్‌ బహదూర్‌ శాస్త్రి జయంతి సందర్భంగా ఆయన విగ్రహానికి పూలమాలలు వేసి శ్రద్ధాంజలి ఘటించారు. ఇరువురు జాతి నేతలు దేశానికి అందించిన సేవలను కొనియాడారు. మహనీయులు చూపిన బాటలో పయనిస్తూ దేశాభ్యున్నతికి, సమాజ హితానికి పాటుపడాలని పిలుపునిచ్చారు.

ఖలీల్‌వాడి: విద్యార్థులకు ఆటలు మానసిక ఉల్లాసాన్నిస్తాయి. దీంతో వారిలో ఏకాగ్రత పెరిగి చదువు లో రాణించే అవకాశం ఉంటుంది. పాఠశాల స్థాయి లో వివిధ రకాల క్రీడల్లో ప్రతిభ కనబర్చిన విద్యార్థులు ఇంటర్మీడియెట్‌కు వచ్చే సరికి ఎలాంటి క్రీడ లు లేకపోడంతో వారిలో ఆసక్తి తగ్గిపోతుంది. దీంతో విద్యార్థులు క్రీడాపోటీలకు ఫుల్‌స్టాప్‌ పెట్టాల్సిన పరిస్థితి ఏర్పడింది. ప్రభుత్వ జూనియర్‌ కాలేజీల్లో ఫిజికల్‌ ఎడ్యుకేషన్‌ టీచర్‌ (పీడీ) లేకపోవడమే అందుకు కారణంగా చెప్పవచ్చు. 2024లో ప్రభుత్వం పీడీల నియామకాలకు పోటీపరీక్ష నిర్వహించినా ఇప్పటి వరకు ఫలితాలను ప్రకటించలేదు. అసోసియేషన్‌ల ఆధ్వర్యంలో.. ప్రభుత్వ జూనియర్‌ కాలేజీల్లో పీడీలు లేకపోవడంతో అండర్‌–19 అంతర్‌ జూనియర్‌ కళాశాలల క్రీడా పోటీల్లో విద్యార్థులు పాల్గొనలేకపోతున్నారు. పాఠశాల, ఇంటర్‌ స్థాయిలో అండర్‌–17, 19 క్రీడాపోటీలు జరుగుతాయి. ఇప్పటీకే ఎస్జీఎఫ్‌ ఆధ్యర్వంలో మండల, జిల్లా స్థాయి ఎంపికలు నిర్వహించారు. ఇంటర్‌ విద్యార్థులకు నిర్వహించే క్రీడలు పీడీ లేకపోవడంతో నిలిచిపోయాయి. కాగా, జిల్లాలో మూడేళ్లుగా వివిధ అసోసియేషన్‌లు అండర్‌ –17,19 క్రీడలు నిర్వహిస్తుండటంతో వారికి అనుకూలమైన క్రీడాకారులను ఎంపిక చేసుకుంటున్నారనే అపవాదు ఉంది. పీడీల నియామక పరీక్ష ఫలితాలు విడుదలైతే విద్యార్థులకు మేలు చేకూరే అవకాశం ఉంటుందని క్రీడా సంఘాల ప్రతినిధులు చెప్తున్నారు. 7వేలకు పైగా విద్యార్థులు.. జిల్లాలో మొత్తం 16 ప్రభుత్వ జూనియర్‌ కళాశాలలు ఉన్నాయి. అందులో మొదటి సంవత్సరం 4350, ద్వితీయ సంవత్సరంలో 3500 మంది విద్యార్థులు ఉన్నారు. గతంలో జిల్లా కేంద్రంలోని ఖిల్లా బాలుర కళాశాలలో ఒక్కరే పీడీగా పనిచేయగా, ఆ ఒక్కరు మూడేళ్ల క్రితం పదవీ విరమణ పొందారు. దీంతో అప్పటి నుంచి క్రీడల ఎంపికలు, నిర్వహణ లేదు. అండర్‌–17, అండర్‌–19 క్రీడల్లో భాగంగా ఇంటర్‌ విద్యార్థులను పట్టించుకునే నాథుడే కరవ య్యారు. పీడీ కోసం లేఖ రాస్తాం.. ఇంటర్‌ విద్యార్థులకు పీడీ లేకపోవడంతో క్రీడల నిర్వహణకు అసోసియేషన్‌లు ద రఖాస్తు చేసుకుంటే అనుమ తి ఇస్తున్నాం. పాఠశాల నుంచి పీడీని ఇంటర్‌కు కేటాయించాలని కలెక్టర్‌కు లెటర్‌ అందజేస్తా. దీంతో విద్యార్థులకు మేలు జరిగే అవకాశం ఉంటుంది. – రవికుమార్‌, డీఐఈవో, నిజామాబాద్‌ మూడేళ్లుగా పీడీలు కరువు ఆటలకు దూరమవుతున్న విద్యార్థులు అసోసియేషన్‌లకు అండర్‌–19 క్రీడలు జిల్లాలో 16 ప్రభుత్వ జూనియర్‌ కాలేజీలు

ఆర్టీసీ ఉద్యోగ భద్రతకు.. ప్రభుత్వంలో ఆర్టీసీ విలీనం, ఉద్యోగుల భద్రత సాఽధించే దిశలో పోరాడుతామని జేఏసీ రాష్ట్ర చైర్మన్‌ ఈ వెంకన్న అన్నారు.వాతావరణం ఆకాశం పాక్షికంగా మేఘావృతం అవుతుంది. ఉదయం ఆహ్లాదకరంగా ఉంటుంది. మధ్యాహ్నం ఉక్కపోతగా ఉంటుంది.శనివారం శ్రీ 3 శ్రీ అక్టోబర్‌ శ్రీ 2026– 8లో uవానాకాలం సీజన్‌ పంటలు గట్టెక్కాయి. ఎల్‌ నినో ప్రభావం ఉన్నా.. అప్పుడప్పుడు కురిసిన వర్షాలు, భూగర్భ జలాలతో పంటలు సాగయ్యాయి. ప్రస్తుతం జిల్లాలోని పలు ప్రాంతాల్లో వరి కోతలు సైతం మొదలయ్యాయి. దీంతో ఇక వచ్చే యాసంగి సీజన్‌పైనే రైతులకు రంది పట్టుకుంది. బోరు బావులపై ఆధారపడి పంటలు పండించే అవకాశం కనిపించడం లేదు. మరోవైపు జలాశయాల్లోనూ నీరు అంతంత మాత్రంగానే ఉంది. ఉన్న నీటిని సాగు కోసం కాకుండా తాగునీటిగా ఉపయోగించుకోనున్న నేపథ్యంలో సాగు ప్రశ్నార్థకంగా మారింది. నీరులేక వెలవెలబోతున్న శ్రీరామ్‌సాగర్‌ ప్రాజెక్టు సాక్షి ప్రతినిధి, నిజామాబాద్‌: నైరుతి రుతుపవన కాలం ముగిసింది. ఈసారి వానాకాలం ప్రారంభం నుంచి తగిన వర్షపాతం లేక పంటలను కాపాడుకునేందుకు రైతులు ఇబ్బందులు పడ్డారు. వానాకాలంలో జిల్లాలోని 23 మండలాల్లో లోటు వర్షపాతం నమోదైంది. కురిసిన కొద్దిపాటి వర్షాలతోపాటు భూగర్భజలాలు, బోరుబావుల నీటితో రైతులు పంటలను కాపాడుకున్నారు. వరి పంట చేతికొచ్చే సమయానికి అలీసాగర్‌, నిజాంసాగర్‌, గుత్ప ఎత్తిపోతల ద్వారా నీటి విడుదలతో చివరి దశలో ఉన్న పంటలు గట్టెక్కాయి. అయితే రానున్న యాసంగి సీజన్‌లో పరిస్థితి మరింత దయనీయంగా మారనుంది. వానలు కురిసింది తక్కువే.. జిల్లాలో వానాకాలం ప్రారంభం నుంచి ఎల్‌నినో ప్రభావంతో పలుచోట్ల కరవు కోరలను తలపించింది. సిరికొండ, ధర్పల్లి మండలాలు మినహా జిల్లాలో ఎక్కడా చెప్పుకోదగ్గ స్థాయిలో వాన చినుకు పడలేదు. సిరికొండ మండలంలో 25.8 మి.మీ అధిక వర్షపాతం నమోదుకాగా, ధర్పల్లిలో 19.5 మి.మీ వర్షం పడింది. ఎడపల్లి, మోస్రా, ఇందల్వాయి, నవీపేట్‌ మండలాల్లో గతంతో పోల్చితే సాధారణ వర్షపాతం నమోదుకాగా, మిగితా 23 మండలాల్లో లోటు వర్షపాతం నమోదైంది. అత్యధికంగా సాలూర మండలంలో 36.2 మి.మీ మేరకు లోటు ఉండగా, ఆలూరులో 31 మి.మీ, ఏర్గట్ల, మోర్తాడ్‌ మండలాల్లో 25.5 మి.మీ లోటు వర్షపాతం నమోదైంది. సగానికే పరిమితమైన ఎస్సారెస్పీ శ్రీరాంసాగర్‌ ప్రాజెక్టు ఈసారి నీరులేక వెలవెలబోయి కనిపిస్తోంది. ప్రాజెక్టు సామర్థ్యం 80.5 టీఎంసీలకు గానూ ఇప్పటి వరకు కేవలం 46.057 టీఎంసీలకే పరిమితమైంది. గతేడాది ఈ సమయానికి ప్రాజెక్టులో 1086.30 అడుగుల ఎత్తులో 64.036 టీఎంసీల నీరు ఉంది. ఈసారి వర్షాలు లేక, ఎగువ ప్రాంతాల నుంచి వరద ఉధృతి లేకపోవడంతో ప్రాజెక్టు నిండలేదు. జలాశయంలో నీటినిల్వ లేకపోవడంతో అలీసాగర్‌ ఎత్తిపోతలకు రోజుకు కేవలం 360 క్యూసెక్కులు, సరస్వతి కెనాల్‌కు 600 క్యూసెక్కుల నీటిని విడుదల చేస్తున్నారు. భవిష్యత్తులో సాగునీటికి కాకుండా తాగునీటి అవసరాలకే ఈ నీటిని వినియోగించనుండటంతో యాసంగి పంటల పరిస్థితి ప్రశ్నార్థకంగా మారింది. ఈసారి యాసంగి సీజన్‌లో పంటల సాగువిస్తీర్ణం గణనీయంగా తగ్గే అవకాశం ఉంది. జిల్లాలో ఇప్పటివరకు నమోదైన వర్షపాతం వివరాలు: (మి.మీ)46 టీఎంసీలకే పరిమితమైన శ్రీరాంసాగర్‌ ప్రాజెక్టు అలీసాగర్‌, నిజాంసాగర్‌, గుత్ప ఎత్తిపోతలతో ఈసారికి గట్టెక్కిన పంటలు జిల్లాలో ఇప్పటి వరకు 23 మండలాల్లో లోటు వర్షపాతం మరింత తీవ్రం కానున్న నీటి ఎద్దడి

నిజామాబాద్‌ అర్బన్‌: గాంధీ జయంతి సందర్భంగా జిల్లా జైలులో శుక్రవారం ఖైదీల సంక్షేమ దినోత్సవం నిర్వహించారు. కార్యక్రమానికి ముఖ్య అతిథిగా ఎస్సీ ఎస్టీ చట్టం కేసుల విచారణ ప్రత్యేక న్యాయమూర్తి, రెండో అదనపు జిల్లా సెషన్స్‌ జడ్జి ఎస్‌ నారాయణ హాజరై మాట్లాడారు. ఖైదీలు శిక్ష అనంతరం విడుదలైన తర్వాత సమాజంలో గౌరవపదంగా జీవించేందుకు నైపుణ్యాభివృద్ధి, న్యాయవిజ్ఞానం, మెరుగైన వైద్య సదుపాయాలు, మానసిక సామాజిక మద్దతు ఎంతో కీలకమన్నారు. అనంతరం ఆటల పోటీల్లో గెలుపొందిన ఖైదీలకు బహుమతులు అందజేశారు. అంతకుముందు ఖైదీలు తయారుచేసిన వివిధ వస్తువులను పరిశీలించారు. జైలు ఆవరణలో నర్సరీని ప్రారంభించారు. కార్యక్రమంలో మున్సిపల్‌ కమిషనర్‌ దిలీప్‌ కుమార్‌, జిల్లా జైలు సూపరింటెండెంట్‌ అశోక్‌ కుమార్‌, ప్రభుత్వ జనరల్‌ ఆస్పత్రి సూపరింటెండెంట్‌ రాములు, జైలర్‌లు తిరుమలరెడ్డి, శ్రీనివాసరెడ్డి, డిప్యూటీ జైలర్‌ మన్మథరావు తదితరులు పాల్గొన్నారు.

నిజామాబాద్‌ రూరల్‌: కాంగ్రెస్‌ ప్రభుత్వం అధికారంలోకి వచ్చి వెయ్యి రోజులు గడుస్తున్నా ఇచ్చిన హామీలను అమలు చేయడంలో పూర్తిగా విఫలమైందని బీజేపీ జిల్లా అధ్యక్షుడు దినేశ్‌ కులాచారి అన్నారు. రైతు హామీలను తక్షణమే నెరవేర్చాలని డిమాండ్‌ చేస్తూ బీజేపీ కిసాన్‌ మోర్చా ఆధ్వర్యంలో నిర్వహిస్తున్న మూడు రోజుల సైకిల్‌ యాత్రలో భాగంగా ఆయన పాల్గొన్నారు. మొదటి రోజు మండలంలోని పాల్ధా, జాలాల్‌పూర్‌, లక్ష్మపూర్‌, గుండారం గ్రామాల మీదుగా జిల్లా కేంద్రానికి చేరుకుని కలెక్టర్‌కు వినతిపత్రం అందజేశారు. ప్రభుత్వం తక్షణమే స్పందించి రైతులకు ఇచ్చిన ప్రతి హామీని అమలు చేయాలని, లేదంటే బీజేపీ కిసాన్‌ మోర్చా ఆధ్వర్యంలో పెద్ద ఎత్తున ప్రజా పోరాటాలు చేపడతామని హెచ్చరించారు. కిసాన్‌ మోర్చా జిల్లా అధ్యక్షుడు తిరుపతిరెడ్డి, పద్మా రెడ్డి, శంకర్‌ రెడ్డి, వెల్మ గంగారెడ్డి, హరీశ్‌ రెడ్డి, చింత శ్రీనివాస్‌ రెడ్డి, ఈగ గంగారెడ్డి, ఆనంద్‌, గంగాధర్‌ యాదవ్‌, మధు తదితరులు పాల్గొన్నారు. నిషేధిత ప్లాస్టిక్‌ కవర్లు వాడితే జరిమానా బిచ్కుంద: ప్రభుత్వం నిషేధించిన ప్లాస్టిక్‌ కవర్లను విక్రయించిన వ్యాపారులు, దుకాణదారులపై జరిమానా విధిస్తామని బిచ్కుంద మున్సిపల్‌ చైర్‌పర్సన్‌ సీమా షెట్కార్‌, కమిషనర్‌ జీవన్‌ అన్నారు. ఈమేరకు ప్లాస్టిక్‌ వినియోగాన్ని నియంత్రించేందుకు మున్సిపల్‌ అధికారులు తనిఖీ చేపట్టాలని సూచించారు. మంగళవారం మున్సిపల్‌ కార్యాలయంలో పాలకవర్గం, బల్దియా అధికారులు, సిబ్బందితో నిర్వహించిన సమావేశంలో వారు మాట్లాడారు. వ్యాపారులకు కొంత సమయం ఇస్తున్నామని, అప్పటిలోగా ఉన్న స్టాక్‌ను అమ్ముకోవాలని, అందరికి నోటీసులు జారీ చేయాలని సిబ్బందిని ఆదేశించారు. వైస్‌ చైర్‌పర్సన్‌ భాగ్యలక్ష్మి, కౌన్సిలర్లు, కోఆప్షన్‌ సభ్యులు, అధికారులు పాల్గొన్నారు.

● విజేతలను అభినందించిన వీసీతెయూ(డిచ్‌పల్లి): తెలంగాణ యూనివర్సిటీ ఇంటర్‌ కాలేజ్‌ చెస్‌ వుమెన్‌ కాంపిటీషన్‌ కం సెలెక్షన్స్‌ను వీసీ యాదగిరిరావు మంగళవారం ప్రారంభించారు. ఆర్ట్స్‌ కళాశాల సెమినార్‌ హాల్‌లో వీసీ చెస్‌ ఆడి పోటీలను ప్రారంభించారు. ఈ సందర్భంగా ఆయన మాట్లాడుతూ.. టోర్నమెంట్‌లో ఎంపికై న క్రీడాకారిణులు హైదరాబాద్‌లోని వోక్సన్‌ యూనివర్సిటీలో అక్టోబర్‌ 9 నుంచి 12 వరకు నిర్వహించే సౌత్‌జోన్‌ ఇంటర్‌ యూనివర్సిటీ చెస్‌ వుమెన్‌ టోర్నీలో పాల్గొంటారని తెలిపారు. వర్సిటీ పరిధిలోని పలు అనుబంధ కళాశాలల విద్యార్థినులు చెస్‌ పోటీల్లో ఉత్సాహంగా పాల్గొన్నారు. తెయూ స్పోర్ట్స్‌ డైరెక్టర్‌ బాలకిషన్‌, ఫిజికల్‌ డైరక్టర్లు బీఆర్‌నేత, బాలమణి, రమాదేవి, సదానందం, సంజీవరెడ్డి, సౌజన్య, శ్రావణి, రూప చెస్‌ పోటీలను పర్యవేక్షించారు. చెస్‌ కాంపిటీషన్‌లో విజేతలుగా హర్షిత, నవ్య జ్యోతి, శిరీష, నిహారిక, దీక్షిత నిలిచారు. అనంతరం వీసీ తన చాంబర్‌లో విజేతలను అభినందించారు. కార్యక్రమంలో వర్సిటీ పాలకమండలి సభ్యుడు సీహెచ్‌ ఆంజనేయులు, ఆర్ట్స్‌ కాలేజ్‌ ప్రిన్సిపాల్‌ రాంబాబు, వైస్‌ ప్రిన్సిపాల్‌ లక్ష్మణ చక్రవర్తి, టూటా అధ్యక్షులు పున్నయ్య, పీఆర్‌వో రమణాచారి, యూనివర్సిటీ ఫిజికల్‌ డైరెక్టర్‌, ఆర్గనైజింగ్‌ సెక్రెటరీ బీఆర్‌ నేత, వివిధ కళాశాలల ఫిజికల్‌ డైరెక్టర్లు బాలమణి, రమాదేవి, జూనియర్‌ అసిస్టెంట్‌ జాదవ్‌ నరేశ్‌, క్రీడాకారులు తదితరులు పాల్గొన్నారు.

● ప్రజా సంక్షేమమే ప్రభుత్వ ధ్యేయం ● రూరల్‌ ఎమ్మెల్యే భూపతిరెడ్డి సిరికొండ, నల్లవెల్లి గ్రామస్తులతో మాట్లాడుతున్న ఎమ్మెల్యే భూపతిరెడ్డినిజామాబాద్‌ రూరల్‌: ప్రజలకు అందుబాటులో ఉండి వారి సమస్యల పరిష్కారానికి చర్యలు తీసుకోవడమే ప్రభుత్వ లక్ష్యమని రూరల్‌ ఎమ్మెల్యే భూపతిరెడ్డి అన్నారు. మంగళవారం నగరంలోని కంఠేశ్వర్‌ బైపాస్‌ రోడ్డులో ఉన్న రూరల్‌ ఎమ్మెల్యే క్యాంప్‌ కార్యాలయంలో వివిధ గ్రామాల నుంచి వచ్చిన ప్రజలు, ప్రజాప్రతినిధుల సమస్యలను ఆయన స్వయంగా విన్నారు. అధికారులతో మాట్లాడి పరిష్కారానికి ఆదేశాలు జారీ చేశారు. సిరికొండ గ్రామంలో నెలకొన్న పలు సమస్యలను పరిష్కరించాలని గ్రామ పాలకమండలి సభ్యులు ఎమ్మెల్యేకు వినతిపత్రం అందజేశారు. అలాగే ఇందల్వాయి మండలం నల్లవెల్లి గ్రామ సమీపంలో రైల్వే ట్రాక్‌ నిర్మాణం జరుగుతున్న నేపథ్యంలో భూములు కోల్పోతున్న రైతులు పలు సమస్యలను ఎమ్మెల్యే దృష్టికి తీసుకొచ్చారు. భూములు కోల్పోతున్న రైతుల వివరాలను క్షేత్రస్థాయిలో మరోసారి పరిశీలించి రీ సర్వే నిర్వహించాలని ఆర్డీవోను ఆదేశించారు. అర్హులైన భూనిర్వాసిత రైతులను గుర్తించి తగిన పరిహారం అందేలా చర్యలు తీసుకోవాలని సూచించారు. ప్రజాప్రతినిధులు, నాయకులు, గ్రామస్తులు ఉన్నారు.

కమిషనర్‌తో వాగ్వాదానికి దిగిన వైస్‌ చైర్మన్‌, కౌన్సిలర్లుబోధన్‌ బల్దియా కార్యాలయం ఎదుట ఆందోళన చేస్తున్న ఎంఐఎం, బీజేపీ కౌన్సిలర్లుబోధన్‌టౌన్‌: బోధన్‌ బల్దియా ఎదుట ప్రతిపక్ష కౌన్సిలర్లు ఆందోళన చేపట్టారు. బల్దియాలో మంగళవారం కౌన్సిల్‌ సమావేశం నిర్వహించారు. ఇందులో తమకు ప్రాధాన్యత ఇవ్వలేదని, సమావేశంలో ప్రవేశపెట్టిన ఎజెండా అంశాలపై ఎలాంటి చర్చ జరగకుండానే బిల్లులు ఆమోదం చేసుకున్నారని మున్సిపల్‌ వైస్‌ చైర్మన్‌ ఇలియాస్‌తో పాటు ఎంఐఎం, బీజేపీ, బీఆర్‌ఎస్‌ పార్టీ కౌన్సిలర్లు బల్దియా కార్యాలయం ఎదుట ఆందోళనకు దిగారు. ప్రజల పక్షాన నిలబడి పట్టణాభివృద్ధికి బాధ్యతాయుతంగా పనిచేయాల్సిన మున్సిపల్‌ కమిషనర్‌ ప్రతిపక్షాలను పట్టించుకోకుండా వ్యవహరిస్తున్నారని అన్నారు. అనంతరం కార్యాలయం ఎదుట కమిషనర్‌ను ముట్టడించారు. పట్టణ సీఐ వెంకటనారాయణ వైస్‌ చైర్మన్‌తో పాటు కౌన్సిలర్లను సముదాయించి అక్కడి నుంచి పంపించి వేశారు. అనంతరం వైస్‌ చైర్మన్‌, బీజేపీ కౌన్సిలర్లు మాట్లాడారు. మూడు నెలలకు ఒకసారి కౌన్సిల్‌ సమావేశం నిర్వహిస్తున్నారని, వార్డుల్లో నెలకొన్న సమస్యలను సమావేశంలో చర్చిద్దామని వస్తే కేవలం 5 నిమిషాల్లోనే 19 ఎజెండా అంశాలు, వినాయక నిమజ్జనానికి ఏర్పాట్ల ఖర్చు రూ. 16లక్షల50వేల బిల్లులతో పాటు ఇతర అభివృద్ధి పనులకు సంబంధించిన బిల్లుల అంశాలు కౌన్సిలర్లతో చర్చించకుండానే అధికార పార్టీ ఆమోదం చేసుకున్నారని ఆగ్రహం వ్యక్తం చేశారు. పోలీసు బందోబస్తుతో కౌన్సిల్‌ సమావేశం నిర్వహించాల్సిన పరిస్థితి ఏంటని ప్రశ్నించారు. చైర్‌పర్సన్‌ పట్టణాభివృద్ధిపై దృష్టిసారించడం లేదని అన్నారు. విషయాన్ని ప్రభుత్వ సలహాదారు, కలెక్టర్‌ దృష్టికి తీసుకెళ్తామన్నారు. అనంతరం ఎజెండా అంశాల ప్రతులను చించి వేశారు. బీజేపీ, ఎంఐఎం కౌన్సిలర్లు, నాయకులు ఉన్నారు.

● జిల్లా కేంద్రంలో వెలుగుచూసిన ఘటనకామారెడ్డిక్రైం: జిల్లాకేంద్రంలోని కొటారి గల్లీలో ఇంట్లో ఒంటరిగా ఉన్న ఓ వృద్ధురాలు హత్యకు గురైనట్లు తెలుస్తోంది. స్థానికులు, పోలీసులు తెలిపిన వివరాలు ఇలా.. కొటారి గల్లీలో నివాసం ఉండే చిట్టిమెల్ల సుదర్శన్‌కు భార్య అనసూయ (72), నలుగురు కుమారులు, ఇద్దరు కుమార్తెలు ఉన్నారు. పిల్లలందరికీ వివాహాలు కావడంతో వారంతా వేర్వేరు చోట్ల నివాసం ఉంటున్నారు. సొంత ఇంట్లో వృద్ధ దంపతులు మాత్రమే నివాసం ఉంటున్నారు. రోజూ మాదిరిగానే సుదర్శన్‌ మంగళవారం సాయంత్రం సమీపంలోని ఆలయానికి వెళ్లాడు. కొద్దిసేపటికి తిరిగి అతడు ఇంటికి రాగా, హాల్‌లోని మంచంపై భార్య విగతజీవిగా పడి ఉంది. ఆమె ముక్కు, గొంతు వద్ద రక్తపు మరకలు ఉండటంతో సుదర్శన్‌ వెంటనే కుటుంబ సభ్యులకు, పోలీసులకు సమాచారం ఇచ్చాడు. మృతురాలి మెడలోని పుస్తెల తాడు, చెవి కమ్మలు కనిపించకపోవడంతో వాటి కోసమే ఆమెను దుండగులు హత్య చేసి ఉండవచ్చని కుటుంబీకులు భావిస్తున్నారు. పట్టణ ఎస్‌హెచ్‌వో నరహరి, సిబ్బంది ఘటనా స్థలాన్ని పరిశీలించి, వివరాలు సేకరించారు. కుటుంబ సభ్యుల ఫిర్యాదు మేరకు కేసు నమోదు చేస్తున్నట్లు తెలిపారు.

● ఎనిమిదేళ్లుగా ముందుకు సాగని పనులు ● ఇబ్బంది పడుతున్న రైతులు ● పట్టించుకోని అధికారులు మాక్లూర్‌: మండలంలోని గుత్ప ఎత్తిపోతల పథకానికి ఏళ్లుగా ఎదురుచూస్తున్నా రైతుల ఆశలు నెరవేరడం లేదు. 2016 ఆగస్టు 16న నాటి రాష్ట్ర ఇరిగేషన్‌ శాఖ మంత్రి హరీశ్‌రావు చేతుల మీదుగా శంకుస్థాపన చేసిన ఈ పథకం పనులు ఇప్పటికీ పూర్తి కాలేదు. గుత్ప చెరువు వరకు సాగునీరు అందుతుందని ఆశించిన రైతులకు నిరేశే మిగులుతోంది. ఈ పథకం ద్వారా సాగునీరు అందుతుందని అధికారులు, ప్రజాప్రతినిధులు హామీలు ఇచ్చినా క్షేత్రస్థాయిలో పనులు ముందుకు సాగడం లేదు. గుత్ప ఎత్తిపోతల పథకం పరిధిలోని జక్రాన్‌పల్లి మండలం మునిపల్లి, లక్ష్మాపూర్‌, నారాయణ్‌పేట, అర్గుల్‌, మాక్లూర్‌ మండలం అడవి మామిడిపల్లి, చిన్నాపూర్‌, రాంచంద్రాపల్లి, గుత్ప, అమ్రాద్‌, ఆర్మూర్‌ మండలం అంకాపూర్‌కు సాగునీరు అందించాలనే లక్ష్యంతో పనులు చేపట్టారు. మొత్తం మూడు మండలాలకు కలిపి సుమారు 2,500 ఎకరాలకు సాగునీరు అందించేందుకు ఈ పథకాన్ని రూపొందించారు. అయితే ఈ పథకం పనులు 2019లోనే పనులు పూర్తి చేయాల్సి ఉన్నా సాంకేతిక, ఇతర కారణాల వల్ల పనుల్లో జాప్యం జరుగుతోందని అధికారులు పేర్కొంటున్నారు. పనులు నత్తనడకన కొనసాగుతుండడంతో స్థానిక రైతులు తీవ్ర ఇబ్బందులు ఎదుర్కొంటున్నారు. రెండు పంటలకు సాగునీరు అందిస్తామని చెప్పిన అధికారులు, గతంలో పూనులు పూర్తి చేసి రైతులకు ప్రయోజనం కల్పిస్తామని హామీ ఇచ్చినా అది ఆచరణలోకి రాలేదని రైతులు వాపోతున్నారు. పథకం పనులు పూర్తయితే ఆయకట్టు పరిధిలోని రైతులకు సాగునీటి కష్టాలు తీరడంతో పాటు వ్యవసాయంపై ఆధారపడే కుటుంబాలకు ఆర్థికభరోసా కలుగుతుందని వారు పేర్కొంటున్నారు. ఉన్నతాధికారులు స్పందించి గుత్ప చెరువుకు నీరు అందించే లా చర్యలు తీసుకోవాలని రైతులు కోరుతున్నారు. ఎత్తిపోతల పథకం పనులు 70 శాతం పూర్తయ్యాయి. మిగిలిన 30 శాతం పనులు నెల రోజుల్లో ప్రారంభిస్తాం. ఎత్తిపోతల పథకానికి సంబంధించి పైప్‌లైన్‌ కోసం ఫారెస్టు అధికారుల నుంచి క్లియరెన్స్‌, సంబంధిత కాంట్రాక్టర్‌కు రావాల్సిన రూ. కోటి 70 లక్షలు పెండింగ్‌లో ఉండటంతో పనుల్లో జాప్యం జరిగింది. లిఫ్ట్‌కు సంబంధించిన మోటర్లు గుత్ప చెరువు వద్ద ఉన్న పంప్‌ హౌస్‌లో ఏర్పాటుకు సిద్ధంగా ఉన్నాయి. విద్యుత్‌ సరఫరా పనులు కూడా పూర్తయ్యాయి. – రవికుమార్‌, ఇరిగేషన్‌ డీఈ, ఆర్మూర్‌ డివిజన్‌ నందిపేట

● స్వదేశానికి రప్పించేందుకు రూరల్‌ ఎమ్మెల్యే ప్రయత్నాలు డిచ్‌పల్లి: రష్యాలో చిక్కుకున్న ఉమ్మడి నిజామాబాద్‌ జిల్లాకు చెందిన రవీందర్‌, అశోక్‌, ప్రకాశ్‌లను స్వదేశానికి రప్పించేందుకు రూరల్‌ ఎమ్మెల్యే డాక్టర్‌ భూపతిరెడ్డి ప్రత్యేక చొరవ తీసుకున్నారు. ఉపాధి కోసం రష్యా వెళ్లి మోసపూరితంగా రష్యా సైన్యంలో పనిచేయాల్సిన పరిస్థితిలో చిక్కుకున్న వారిని తిరిగి స్వదేశానికి రప్పించేందుకు ఎమ్మెల్యే భూపతి రెడ్డి సీఎం రేవంత్‌ రెడ్డికి ఇటీవల లేఖ రాశారు. ఎమ్మెల్యే సలహా మేరకు బాధిత కుటుంబ సభ్యులు తమ వారిని సురక్షితంగా రక్షించి భారత్‌కు తిరిగి తీసుకురావాలని కోరుతూ మంగళవారం హైదరాబాద్‌లోని ‘ప్రవాసీ ప్రజావాణి’ లో సీఎం రేవంత్‌ రెడ్డి, రూరల్‌ ఎమ్మెల్యే భూపతిరెడ్డి పేరిట వినతిపత్రం అందజేశారు. రాష్ట్ర ప్రణాళికా సంఘం ఉపాధ్యక్షురాలు, ప్రవాసీ ప్రజావాణి ఇన్‌చార్జి గద్వాల్‌ విజయలక్ష్మి, స్టేట్‌ నోడల్‌ ఆఫీసర్‌ విద్యాసాగర్‌ మాట్లాడుతూ.. రష్యా సైన్యంలో చిక్కుకున్న వారికి అవసరమైన దౌత్య సహాయం అందించి, వారి విడుదలకు చర్యలు తీసుకోవాలని జీఏడీ ఎన్నారై అధికారులను ఆదేశించారు. తమ కుటుంబ సభ్యులను స్వదేశానికి రప్పించేందుకు కృషి చేస్తున్న ఎమ్మెల్యే భూపతిరెడ్డికి బాధిత కుటుంబ సభ్యులు కృతజ్ఞతలు తెలిపారు.

చేపల వేటకు వెళ్లి మత్స్యకారుడి మృతి డొంకేశ్వర్‌: ఎస్సారెస్పీ బ్యాక్‌ వాటర్‌లో చేపల వేటకు వెళ్లి మత్స్యకారుడు మృతి చెందిన ఘటన డొంకేశ్వర్‌ మండలంలో చోటు చేసుకుంది. ఎస్సై వినయ్‌ తెలిపిన వివరాల ప్రకారం.. డొంకేశ్వర్‌కు చెందిన మాడబోయి కట్ట గణేశ్‌(37) ఈ నెల 28న సాయంత్రం చేపల వేటకు గంగాసముందర్‌ ప్రాంతానికి వెళ్లాడు. గోదావరి బ్యాక్‌ వాటర్‌లో చేపల వలను వేసే క్రమంలో ప్రమాదవశాత్తు నీటిలో పడ్డాడు. వల కాళ్లకు చుట్టుకోవడంతో నీట మునిగి మృతి చెందాడు. గణేశ్‌ ఇంటికి తిరిగి రాకపోవడంతో తోటి మత్స్యకారులు మంగళవారం ఉదయం బ్యాక్‌ వాటర్‌కు వెళ్లి చూడగా నీటిపై తేలుతూ మృతదేహం కనిపించింది. సమాచారం అందుకున్న పోలీసులు ఘటనా స్థలానికి వెళ్లి మృతదేహాన్ని బయటకు తీయించి పంచనామా నిర్వహించారు. మృతుడికి భార్య, బాబు, పాప ఉన్నారు. భార్య కళ్యాణి ఫిర్యాదు మేరకు కేసు నమోదు చేసినట్లు ఎస్సై తెలిపారు. పెద్దకొడప్‌గల్‌(జుక్కల్‌): అనారోగ్య సమస్యలతో బాధపడుతున్న ఒకరు ఆత్మహత్య చేసుకున్న ఘటన పెద్దకొడప్‌గల్‌ మండలం కాస్లాబాద్‌ గ్రామంలో చోటు చేసుకుంది. పోలీసులు తెలిపిన వివరాల ప్రకారం.. గ్రామానికి చెందిన సాయికొండ(50) కుటుంబం పదేళ్ల క్రితం మేడ్చల్‌ జిల్లాకు వలస వెళ్లారు. ప్రతి నెలా సాయిగొండ స్వగ్రామానికి వచ్చి వెళ్తుండేవాడు. కొన్ని రోజుల నుంచి కాస్లాబాద్‌లోనే ఉంటున్నాడు. గతేడాది నుంచి అతను అనారోగ్య సమస్యలతో బాధపడుతున్నాడు. పలు ఆస్పత్రుల్లో చూయించినా నయం కావడం లేదు. దీంతో జీవితంపై విరక్తితో సోమవారం ఇంట్లో ఉరేసుకొని ఆత్మహత్య చేసుకున్నాడు. కుటుంబ సభ్యుల ఫిర్యాదు మేరకు కేసు నమోదు చేసి, మృతదేహాన్ని పోస్టుమార్టం నిమిత్తం ప్రభుత్వ ఆస్పత్రికి తరలించినట్లు పోలీసులు తెలిపారు. నిజామాబాద్‌ అర్బన్‌: రైల్వేస్టేషన్‌లో పార్సిల్‌ కార్యాలయం ఎదుట గుర్తు తెలియని వ్యక్తి మృతదేహం లభ్యమైనట్లు రైల్వే ఎస్సై సాయిరెడ్డి మంగళవారం తెలిపారు. 45 ఏళ్ల మగవ్యక్తి అనారోగ్య కారణాల వల్ల మృతిచెంది ఉంటాడని అనుమానం వ్యక్తం చేశారు. మృతుడి ఆచూకీ తెలిసిన వారు 8712658591 నంబర్‌కు సమాచారం అందించాలని కోరారు. నిజామాబాద్‌ అర్బన్‌: నగరంలో కోటగల్లిలో పేకాట స్థావరంపై నాలుగో టౌన్‌ పోలీసులు మంగళవారం దాడి చేశారు. పేకాట ఆడుతున్న ఎనిమిది మందిని అదుపులోకి తీసుకున్నారు. పట్టుబడ్డ వారి నుంచి రూ.31వేల నగదు, 8 సెల్‌ఫోన్లు స్వాధీనం చేసుకున్నారు. అనంతరం వారిని అరెస్టు చేసి విచారణ చేపడుతున్నట్లు పోలీసులు తెలిపారు.

కామారెడ్డి అర్బన్‌: ఉమ్మడి జిల్లా ఖోఖో జూనియర్‌, సీనియర్‌ బాలబాలికలు, మహిళలు, పురుషుల జట్లను మంగళవారం కామారెడ్డి ఆర్ట్స్‌ అండ్‌ సైన్స్‌ కళాశాల మైదానంలో ఎంపిక చేశారు. ఎంపిక పోటీలలో 625 మంది క్రీడాకారులు పాల్గొన్నారు. 15 మంది జూనియర్‌, 15 సీనియర్‌ క్రీడాకారులను ఉమ్మడి జిల్లా జట్లకు ఎంపిక చేశారు. వీరు అక్టోబర్‌ 15, 16, 17 తేదీల్లో రంగారెడ్డి జిల్లాలో నిర్వహించే రాష్ట్రస్థాయి ఖోఖో పోటీల్లో పాల్గొంటారని ఉమ్మడి జిల్లా ఖోఖో అసోసియేషన్‌ చైర్మన్‌ అనిల్‌, అధ్యక్షుడు భూమారెడ్డి, ప్రధాన కార్యదర్శి అతీకుల్లా, కోశాధికారి మధుసూదన్‌రెడ్డి తెలిపారు. అసోసియేషన్‌ ప్రతినిధులు, పీఈటీలు నాగేశ్వరరావు, మోహన్‌రెడ్డి, సుజాత, అశోక్‌, భాస్కర్‌రెడ్డి, లింగం, నరేష్‌రెడ్డి, సురేష్‌, సంజీవ్‌, సతీష్‌రెడ్డి, సంతోష్‌ తదితరులు పాల్గొన్నారు.

నిజామాబాద్‌ రూరల్‌: చేనేత రంగ అభివృద్ధికి ప్రతి ఒక్కరూ సమష్టిగా కృషి చేయాలని డీసీసీబీ సీఈవో నాగభూషణం అన్నారు. మంగళవారం జిల్లా కేంద్రంలోని బస్వాగార్డెన్‌లో చేనేత సహకార సంఘం అధ్యక్షురాలు గుజ్జ రాజేశ్వరి అధ్యక్షతన చేనేత కార్మికుల సహకార సంఘం ఆధ్వర్యంలో సర్వసభ్య సమావేశం నిర్వహించారు. కార్యక్రమానికి ఆయన హాజరై మాట్లాడారు. చేనేత రంగానికి ఎంతో ప్రాచీనమైన, ఘనమైన చరిత్ర ఉందన్నారు. చేనేత వస్త్రాలకు ప్రజల్లో ఎంతో ఆదరణ, ప్రత్యేకమైన ప్రాధాన్యత ఉందని, ఈ రంగాన్ని మరింత అభివృద్ధి చేసేందుకు అవసరమైన చర్యలు చేపట్టాల్సిన అవసరం ఉందన్నారు. కార్యక్రమంలో దాసరి నర్సింలు, దీకొండ యాదగిరి, పుల్గం హన్మాండ్లు, పెంటం దత్తాద్రి, అవధూత విఠల్‌, రాజు, నరసింహులు, కారంపుడి ప్రభు, గుద్దేటి రామకృష్ణ శంకర్‌, నగర ప్రముఖులు తదితరులు పాల్గొన్నారు.

● డీఆర్‌డీవో సాయన్నడిచ్‌పల్లి: వీబీజీరామ్‌జీ కార్యక్రమంలో భాగంగా ఉపాధి హామీ సిబ్బంది ఒక్కో గ్రామం నుంచి 200 మంది వరకు కూలీలను సమీకరించాలని జీపీ కార్యదర్శులు, ఉపాధి ఫీల్డ్‌ అసిస్టెంట్లు, మేట్లకు జిల్లా గ్రామీణాభివృద్ధి అధికారి (డీఆర్‌డీవో) సాయన్న సూచించారు. డిచ్‌పల్లి ఎంపీడీవో కార్యాలయంలో మంగళవారం నిర్వహించిన ప్రత్యేక సమావేశంలో డీఆర్‌డీవో వీబీజీరాంజీ కార్యక్రమం కింద వివిధ గ్రామాల్లో ఉపాధి హామీ కూలీలతో నిర్వహించనున్న పనులపై సంబంధిత అధికారులకు దిశానిర్దేశం చేశారు. అధికారులు క్షేత్రస్థాయిలో సమన్వయంతో పనిచేసి కార్యక్రమాన్ని విజయవంతం చేయాలన్నారు. కూలీల సంఖ్య పెంచి వారికి తగినంత పనులు కల్పించాలని ఆదేశించారు. కార్యక్రమంలో డిచ్‌పల్లి ఎంపీడీవో ఉదయభాస్కర్‌, ఎంపీవో శ్రీనివాస్‌, ఏపీవో మంజుల, జీపీ కార్యదర్శులు, టెక్నికల్‌ అసిస్టెంట్లు, ఫీల్డ్‌ అసిస్టెంట్లు, మేట్లు తదితరులు పాల్గొన్నారు.

ఆర్మూర్‌టౌన్‌: వృద్ధులను ప్రతిఒక్కరు గౌరవించి వారికి అవసరమైన సేవలు చేయాలని సీనియర్‌ సీవిల్‌ జడ్జి శ్రీదేవి అన్నారు. పట్టణంలోని పెన్షనర్స్‌ భవనంలో గురువారం అంతర్జాతీయ వృద్ధుల దినోత్సవం నిర్వహించారు. ఈసందర్భంగా శ్రీదేవిఽ మాట్లాడుతూ.. వృద్ధుల బాగోగులను కుటుంబసభ్యులు తప్పక చూసుకోవాలన్నారు. వారి సంక్షేమానికి చట్టపరమైన అండ ఉంటుందని తెలిపారు. పెన్షనర్స్‌లో అసోసియేషన్‌ సభ్యులు రాజేశ్వర్‌, నవజీవన్‌ తదితరులు పాల్గొన్నారు. ఖలీల్‌వాడి: హైదరాబాద్‌లో నేడు ఎస్జీటీయూ ఆధ్వర్యంలో జరిగే నిరాహార దీక్ష వాయిదా పడినట్లు జిల్లా ఎస్జీటీయూ అధ్యక్షుడు వెంకటరమణ గురువారం తెలిపారు. ఎస్జీటీయూల నిరాహారదీక్ష కోసం రాష్ట్ర నాయకులు నాలుగు రోజులుగా అనుమతి కోసం ప్రయత్నం చేశారని, గాంధీ జయంతి సందర్బంగా అనుమతి లభించలేదన్నారు. నిరాహార దీక్ష కార్యక్రమానికి బదులుగా జిల్లాలోని మండల, డివిజన్‌తోపాటు జిల్లా కేంద్రాలలో గాంధీ విగ్రహాలకు నివాళులు అర్పించి, వినతిపత్రం అందించాలని తెలిపారు. నిరాహారదీక్ష మళ్లీ ఎప్పుడు నిర్వహిస్తామనేది సమాచారం ఇస్తామని తెలిపారు. ఖలీల్‌వాడి: తెలంగాణ ఓపెన్‌ స్కూల్‌ సొసైటీ సంచాలకుల ఆదేశాల మేరకు జిల్లాలో ఎస్సెస్సీ, ఇంటర్మీడియట్‌ (థియరీ, ప్రాక్టికల్‌ ) పరీక్షల షెడ్యూల్‌ను ప్రకటించినట్లు డీఈవో అశోక్‌ ఒక ప్రకటనలో తెలిపారు. ఈనెల 11 నుంచి 17 వరకు థియరీ పరీక్షలు జిల్లా కేంద్రంలోని ఏహెచ్‌వీ పరీక్ష కేంద్రాలలో నిర్వహిస్తామని తెలిపారు. ప్రతిరోజు ఉదయం 9 గంటల నుంచి 12 గంటల వరకు ఆలాగే మధ్యాహ్నం 2.30 గంటల నుంచి సాయంత్రం 5.30 గంటల వరకు రెండు పూటలు కొనసాగుతాయన్నారు. ప్రాక్టికల్‌ పరీక్షలు ఈనెల 23 నుంచి 30 వరకు 8 రోజులపాటు నగరంలోని ఖిల్లా జూనియర్‌ కాలేజీలో నిర్వహించబడుతుందన్నారు. ఆర్మూర్‌టౌన్‌: సిబ్బంది విధుల్లో అలసత్వం వ హించొద్దని, లేదంటే చర్యలు తీసుకుంటామని సబ్‌ కలెక్టర్‌ అభిజ్ఞాన్‌ మాల్వియా అన్నారు. ప ట్టణంలోని ఏరియా ఆస్పత్రిని సబ్‌ కలెక్టర్‌ అభిజ్ఞాన్‌ మాల్వియా, ట్రైనీ ఐఏఎస్‌ సురేష్‌, డీఎంహెచ్‌వో రాజశ్రీ గురువారం సందర్శించారు. ఈసందర్భంగాఆయన ఆర్మూర్‌ డివిజన్‌స్థాయి పర్యవేక్షణ అధికారులతో సమావేశమయ్యారు. అనంతరం అధికారుల విధుల గురించి అడిగి తెలుసుకున్నారు. అలాగే రికార్డుల నిర్వహణ ను పరిశీలించారు. సూపర్వైజర్లు ఏఎన్‌ఎంల ప నితీరునుఎప్పటికప్పుడు పర్యవేక్షించాలని సూ చించారు. డిప్యూటీ డీఎంహెచ్‌వో రవీందర్‌, సూపరింటెండెంట్‌ ప్రమిద రెడ్డి పాల్గొన్నారు.

● రాజకీయ లబ్ధి కోసమే బహిష్కరణ పేరిట తప్పుడు కేసులు ● గ్రామస్తుల ఆవేదన నిజామాబాద్‌ రూరల్‌: కుల బహిష్కరణ, గ్రామ బ హిష్కరణ వట్టిమాటలేనని అసలు మా ఊర్లో వీడీసీనే లేదని ఏర్గట్ల మండలం తాళ్లరాంపూర్‌ గ్రామస్తులు అన్నారు. రాజకీయాల లబ్ధి కోసమే గౌడ కు లస్తులు గ్రామస్తులపైన బహిష్కరణ పేరిట తప్పు డు కేసులు బనాయిస్తున్నారని ఆవేదన వ్యక్తం చేశా రు. జిల్లా కేంద్రంలోని ప్రెస్‌క్లబ్‌లో గురువారం ఏ ర్పాటు చేసిన విలేకరుల సమావేశంలో వారు మా ట్లాడారు. గ్రామంలో రెండేళ్ల క్రితం గొడవలు జరుగగా పోలీసులు వచ్చి గొడవలు సద్దుమణిగెల చేశా రన్నారు. తిరిగి ఇప్పుడు అదే రకమైన ఆరోపణల తో మళ్లీ తప్పుడు కేసులు బనాయిస్తున్నారన్నారు. వారి ఫిర్యాదుతో మహిళ అని చూడకుండా పోలీసు లు విచక్షణరహితంగా దాడి చేశారన్నారు. వెంటనే గ్రామస్తులపై పెట్టిన కేసులను ఉపసంహరించుకోవాలని డిమాండ్‌ చేశారు. క్యాదం దేవేందర్‌, బావు లు, గుండ్ల ఉషన్న, రాజారాం, శ్రీనివాస్‌, వడ్ల సుదర్శన్‌, తెనుగు సత్యనారాయణ, బాలకృష్ణ, లింబ వ్వ, లక్ష్మి, లావణ్య, మంజుల పాల్గొన్నారు.

నిజామాబాద్‌ రూరల్‌: రూరల్‌ పోలీస్‌ స్టేషన్‌ పరిధిలోని ఒకటవ డివిజన్‌లో ఓ వ్యక్తి హత్య కు గురయ్యాడు. రూరల్‌ ఎస్‌హెచ్‌వో శ్రీనివాస్‌ తెలిపిన వివరాలు ఇలా.. ఖానాపూర్‌కు చెందిన చాకలి సంఘం లింగం(55) భార్య గత సంవత్సరం మృతిచెందగా, అ ప్పటి నుంచి ఒంటరిగా జీవనం సాగిస్తున్నాడు. తన ఇంట్లో బుధవారం రాత్రి అతడు నిద్రపోయా డు. గురువారం ఉదయం అతడి ఇంట్లో నుంచి పొ గలు వస్తుండటం చూసి స్థానికులు పోలీసులకు స మాచారం అందించారు. వారు ఘటన స్థలానికి చే రుకొని చూడగా, లింగం హత్యకు గురైయ్యాడు. రాత్రివేళ గుర్తుతెలియని దుండగులు అతడి తలపై ఫ్యాన్‌తో కొట్టి, దుప్పట్లు వేసి కాల్చి వేసినట్లు గుర్తించారు. ఏసీపీ ప్రకాష్‌, రూరల్‌ ఎస్‌హెచ్‌వో ఘటన స్థలాన్ని పరిశీలించి, వివరాలు సేకరించారు. మృతుడి మేనల్లుడు బాలు ిఫిర్యాదు మేరకు కేసునమో దు చేసుకున్నట్లు ఎస్‌హెచ్‌వో శ్రీనివాస్‌ తెలిపారు.

587 స్కూళ్లకు 148 మాత్రమే నమోదు..ఖలీల్‌వాడి: జిల్లాలో ప్రయివేట్‌ విద్యాసంస్థల్లో ఆదాయ, వ్యయాలకు సంబంధించిన ఆడిట్‌ నివేదికలు, విద్యార్థుల వార్షిక ట్యూషన్‌ ఫీజుల వివరాలను ఆన్‌లైన్‌ పోర్టల్‌లో నమోదుకు యాజమాన్యాలు నిర్లక్ష్యం వహిస్తున్నాయి. వివరాలను తెలపాలంటూ విద్యాశాఖ ఆదేశాలు జారీ చేసిన కొన్ని విద్యాసంస్థల యాజమాన్యాలు పట్టించుకోవడం లేదు. అయినా విద్యాశాఖ అధికారులు పట్టించుకోవడం లేదనే విమర్శలు వ్యక్తమవుతున్నాయి. గోప్యత వెనక మతలబు ఏమిటో.. ప్రయివేట్‌ విద్యాసంస్థల యాజమాన్యాలు ఆన్‌లైన్‌ లాగిన్‌లో సమస్యల వస్తున్నాయని ఆడిట్‌ వివరాలు గోప్యంగా ఉంచడం వెనుక మతలబు ఏమిటానే ప్రశ్నలు తలెత్తుతున్నాయి. ట్యూషన్‌ ఫీజులు, డొనేషన్లు, ఇతర ఫీజుల పేరిట తల్లిదండ్రుల నుంచి భారీగా వసూళ్లు చేస్తున్నా, వీటికి సంబందించిన వివరాలను అధికారికంగా ఆడిట్‌ నివేదికలో చూపించలేక యాజమాన్యాలు దాగుడుమూతలు అడుతుందనే అభిప్రాయాలు వినిపిస్తున్నాయి. అర్హత కలిగిన టీచర్లకు ఆధికంగా జీతభత్యాలు ఇస్తున్నట్లు రికార్డుల్లో చూపిస్తున్నారు. కానీ గ్రౌండ్‌ లెవల్‌లో టీచర్లకు తక్కువ వేతనాలు చెల్లిస్తున్నారనే విమర్శలున్నాయి. కొన్ని ప్రయివేట్‌ పాఠశాలల్లో ఆడిట్‌ పూర్తి చేయలేదు, దీంతో రికార్డుల నమోదులో జాప్యం జరగుతుందనే సాకుతో వివరాలను ఆన్‌లైన్‌లో పొందపర్చడం లేదని తెలుస్తోంది. పర్యవేక్షణ కరువు.. జిల్లా విద్యాశాఖలో ప్రయివేట్‌ పాఠశాల ఆడిట్‌ నివేదికలను ఆన్‌లైన్‌, ఫీజుల వివరాలను నోటీసు బోర్డు ప్రదర్శించేందుకు ఓ సెక్షన్‌ అధికారిని నియమించారు. కానీ సదురు అధికారి బడులను పర్యవేక్షించకపోవడంతోనే జాప్యం జరిగిందనే విమర్శలు ఉన్నాయి. అధికారి నిర్లక్ష్యం కారణంగా ప్రయివేట్‌ విద్యాసంస్థలు ఇష్టారాజ్యంగా వ్యవహరిస్తున్నాయనే విమర్శలు వినిపిస్తున్నాయి. సమస్యపై కలెక్టర్‌ దృష్టిసారిస్తేనే ప్రయివేట్‌ పాఠశాలల ఫీజుల వ్యవహారం బయటకు వస్తుందని పలువురు అభిప్రాయం వ్యక్తం చేస్తున్నారు. ప్రయివేట్‌ పాఠశాలల ఆదాయ, వ్యయాల వివరాల నమోదుపై ప్రత్యేక దృష్టిసారించాం. యాజమాన్యం, ఎంఈవోలతో సమావేశం ఏర్పాటు చేసి పోర్టల్‌లో నమోదు చేయాలని ఆదేశించాం. ఫీజుల వివరాల నమోదు ప్రక్రియ వేగవంతం చేశాం. ఆడిట్‌ నమోదు చేయని పాఠశాలలకు షోకాజ్‌ నోటీసులు ఇచ్చాం. వారంలో పూర్తిచేయాలి లేకుంటే తగు చర్యలు తీసుకుంటాం. –పార్శి అశోక్‌, డీఈవో, నిజామాబాద్‌ జిల్లాలో ప్రైవేట్‌ పాఠశాలల యాజమాన్యాలు గత మూడేళ్ల వార్షిక పరిపాలన నివేదికలతోపాటు ఆడిట్‌ చేసిన లెక్కల పత్రాలు, ఫీజుల వివరాలు జూలై 30 నాటికి సమర్పించాలని డీఈవో ఉత్తర్వుల్లో పేర్కొన్నారు. ఫీజులు, ఆడి ట్‌, ఆదాయ లెక్కలు ఐఎస్‌ఎంఎస్‌ (ఇంటిగ్రేటెడ్‌ స్కూల్‌ మేనేజ్‌మెంట్‌ సిస్టమ్‌) పోర్టల్లో అప్లోడ్‌ చేయడంతోపాటు ఈ–మెయిల్‌ ఐడీకి పంపించాలి. 2026–27 విద్యాసంవత్సరంలో తరగతుల వారీగా నిర్ణయించిన ఫీజుల వివరాలను పాఠశా ల నోటీసు బోర్డుపై ప్రదర్శించాల్సి ఉంటుంది. నిబంధనలు పాటించని పాఠశాలలకు షోకాజ్‌ నోటీసులు జారీ చేసి చట్టపరమైన చర్యలు తీసుకుంటామని హెచ్చరించారు. జిల్లాలో 2026–27 విద్యాసంవత్సరానికి గాను 587 ప్రయివేట్‌ స్కూళ్లల్లో 148 పాఠశాలలు ఫీజు వివరాలు నమోదు చేశారు.ఇంకా 439 పాఠశాలలు నమోదు చేయాల్సి ఉంది. వార్షిక ఆదాయ, వ్యయాల సమర్పణలో 2023–24, 25, 26 సంవత్సరాలకు సంబంధించి 148 వరకు పాఠశాలలు ఆన్‌లైన్‌ నివేదికలు సమర్పించినట్లు తెలుస్తోంది. చా లా స్కూల్స్‌ నమోదు లో సాంకేతిక లొసుగులు చూపిస్తూ నిబంధనలు ఉల్లంఘిస్తున్నాయి. ప్రయివేట్‌ బడుల ఆదాయ–వ్యయాలు, ఫీజుల వివరాలను వెల్లడించని కొన్ని యాజమాన్యాలు ప్రభుత్వ ఆదేశాలు బేఖాతరు పట్టించుకోని విద్యాశాఖ అధికారులు

కాలువలో పడి బాలుడి మృతి.. రెంజల్‌: మండలంలోని అలీసాగర్‌ ఎత్తి పోతల కాలువలో ఓ బాలుడు ప్రమాదవశాత్తు పడి మృతిచెందాడు. వివరాలు ఇలా.. రెంజల్‌ మండలం కళ్యాపూర్‌ గ్రామానికి చెందిన బాలాజీ(16) అనే బాలుడికి మతిస్థిమితం సరిగా ఉండదు. అతడు బుధవారం రాత్రి కాలకృత్యాలు తీర్చుకునేందుకు పక్కనే గల అలీసాగర్‌ ఎత్తిపోతల వద్దకు వెళ్లాడు. ప్రమాదవశాత్తు కాలువలో పడి మృతిచెందాడు. స్థానికులు గుర్తించి పోలీసులకు సమాచారం అందించారు. వారు వెంటనే ఘటన స్థలానికి చేరుకొని, వివరాలు సేకరించారు. కాల్వలో నీటి ప్రవాహం తగ్గించేందుకు సంబంధిత అధికారులతో మాట్లాడి మృతదేహాన్ని బయటకు తీయించారు. కేసు నమోదు చేసి దర్యాప్తు చేపట్టారు. చందాలు వేసికొని అంత్యక్రియలు.. మృతుడి నానమ్మ పుణ్యవతి గతంలో సర్పంచ్‌గా, ఎంపీటీసీగా పనిచేశారు. కుటుంబ ఆర్థిక పరిస్థితులు అనుకూలించకపోవడంతో ఆమె కుమారుడు, కోడలు నవీపేట్‌లోని దాబాహోటల్‌లో కూలీలుగా పనిచేశారు. మనవడి అంత్యక్రియలకు డబ్బులు లేకపోవడంతో స్థానిక సర్పంచ్‌ భానుచందర్‌ విరాళాలను అందించాలని వాట్సాప్‌ స్టేటస్‌లో అభ్యర్థించారు. స్పందించిన పలువురు దాతలు విరాళాలను అందించడంతో గ్రా మస్తులు అంత్యక్రియలను నిర్వహించారు. విద్యుత్‌ షాక్‌తో మహిళ .. నవీపేట: మండలంలోని ఆశాజ్యోతి కాలనీలో ఓ మహిళ కరెంట్‌షాక్‌తో మృతిచెందినట్లు ఎస్సై శ్రీకాంత్‌ తెలిపారు. వివరాలు ఇలా.. కాలనీకి చెందిన నేత లత (40) అనే మహిళ గురువారం భర్త రవితో కలిసి పొలంలో పురుగుల మందు స్ప్రే చేయడానికి వెళ్లింది. ఈక్రమంలో ఆమె చేతిలోని బకెట్‌ కరెంటు తీగలపై పడడంతో కరెంటు షాక్‌కు గురై అక్కడికక్కడే మృతిచెందింది. మృతురాలి భర్త రవి ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు. చికిత్స పొందుతూ ఒకరు.. నవీపేట: ప్రమాదంలో గాయపడిన ఓ వ్యక్తి ఆస్పత్రిలో చికిత్స పొందుతూ మృతిచెందాడు. వివరాలు ఇలా.. ఉత్తర్‌ప్రదేశ్‌లో ని సుల్తాన్‌పూర్‌ జిల్లా సర్వారి గ్రామానికి చెందిన అభిషేక్‌(28) మండలంలోని బినోల శివారులోని జియోటెక్‌ ఇన్‌ఫ్రాస్ట్రక్ఛర్‌లో కూలీగా పనిచేసేవాడు. క్రషన్‌ మిషన్‌ సమీపంలో అతడు పని చేస్తుండగా ప్రమాదవశాత్తు క్రేన్‌ కొక్కెం ఊడిపడింది. పేర్కొన్నారు. అతడికి తీవ్ర గాయాలు కాగా, జిల్లా కేంద్రంలోని ఆస్పత్రికి తరలించారు. అక్కడ చికిత్స పొందు తూ గురువారం మృతి చెందాడు. క్రేన్‌ డ్రైవర్‌ సిద్దిఖీ నిర్లక్ష్యంతో ప్రమాదం జరిగిందని, క్రషర్‌ మేనేజర్‌ పురుషోత్తం ఫిర్యా దు మేరకు కేసు నమోదు చేసుకున్నట్లు పోలీసులు తెలిపారు.

నిజామాబాద్‌ అర్బన్‌: స్కానింగ్‌ కేంద్రాలను ప్రతి మూడు నెలలకోసారి తనిఖీ చేసి వాటి పనితీరును పరిశీలించాలని డీఎంహెచ్‌వో రాజశ్రీ అన్నారు. నగరంలోని జిల్లా వైద్య ఆరోగ్యశాఖ కార్యాలయంలో గురువారం జిల్లా సలహా సంఘ సమావేశం నిర్వహించారు. ఈసందర్భంగా డీఎంహెచ్‌వో మాట్లాడుతూ.. జిల్లాలో గతంలో తనిఖీలు నిర్వహించిన స్కానింగ్‌ కేంద్రాలలో జరుగుతున్న లోపాలను గుర్తించి నోటీసులు అందిన వాటిని భవిష్యత్తులో తీసుకున్న చర్యలపై చర్చించామన్నారు. ఎవరైనా స్కానింగ్‌ కేంద్రాల వారు లింగ నిర్ధారణ పరీక్షలు చేస్తున్నట్లు తేలితే వారిపై చట్టరీత్యా చర్యలు తీసుకుంటామన్నారు. సలహా సంఘం కమిటీ సభ్యులు నిషాత్‌, శరత్‌, నిషిత, సుప్రియ, కీర్తన తదితరులు పాల్గొన్నారు. ఆర్మూర్‌: పట్టణంలోని నవనాథ సిద్దుల గుట్ట ఆలయ అభివృద్ధి కమిటీకి ప్రతిపాదించిన సభ్యులపై పోలీస్‌ శాఖ గురువారం ఎంకై ్వరీ పూర్తి చేసింది. జిల్లా దేవాదాయ శాఖ ఆధ్వర్యంలో పోలీస్‌ శాఖకు చేసిన విజ్ఞప్తి మేరకు ఈ విచారణ జరిపినట్లు తెలుస్తోంది. కమిటీలో చరణ్‌రెడ్డి, అంతాజి సతీష్‌, చెండిసి శ్రీనివాస్‌, కొంతం మంజుల మురళి, జిమ్మి రవిలను ప్రతిపాదించినట్లు సమాచారం. దేవాదాయ శాఖ అందించే ధూపదీప నైవేద్యాలను అందుకుంటున్న సిద్దులగుట్ట ఆలయ అభివృద్ధి కమిటీపై మొదటిసారిగా పోలీస్‌ ఎంకై ్వరీ నిర్వహించడంతో చర్చనీయాంశంగా మారింది. ఎంకై ్వరీ కారణంగా ఆలయాన్ని ఎండోమెంట్‌ పరిధిలోకి తీసుకుంటారంటూ ప్రచారం జరుగుతోంది. మరోవైపు కాంగ్రెస్‌ జెండా మోసిన కార్యకర్తలకు కమిటీలో అవకాశం కల్పించలేరంటూ అసహనం వ్యక్తం చేస్తూ పలువురు సీనియర్‌ కాంగ్రెస్‌ నాయకులు సమస్యను టీపీసీసీ చీఫ్‌ మహేశ్‌ దృష్టికి తీసుకెళ్లనున్నట్లు తెలుస్తోంది.

సుభాష్‌నగర్‌: పీఎం సూర్యఘర్‌ – ముఫ్త్‌ బిజిలీ యోజన ద్వారా రూఫ్‌టాప్‌ సోలార్‌ ఏర్పాటు చేసు కోవడానికి అర్హత కలిగిన వినియోగదారులు సేవా సేతు శిబిరాలను సద్వినియోగం చేసుకోవాలని ఎన్‌పీడీసీఎల్‌ ఎస్‌ఈ పీవీ రాజేశ్వర్‌రావు సూచించారు. ఈ పథకంపై వినియోగదారులకు అవగాహన క ల్పించడంతోపాటు అర్హులైన వారిని పథకంలో న మోదు చేసేందుకు సేవాసేతు అవగాహన, నమో దు శిబిరాలను నగరంలోని పవర్‌హౌజ్‌లో గురువారం ఆయన ప్రారంభించారు. ఈ సందర్భంగా వినియోగదారులకు రూఫ్‌టాప్‌ సోలార్‌ ఏర్పాటు, కేంద్ర సబ్సిడీ, ఆన్‌లైన్‌ దరఖాస్తు విధానం, బ్యాంకు రుణ సదుపాయం, అధీకృత సోలార్‌ విక్రేతల ద్వారా ఇన్‌స్టాలేషన్‌ ప్రక్రియ, తదితర అంశాలపై అధికారులు, సంబంధిత సంస్థల ప్రతినిధులు అవగాహన కల్పించారు. నిజామాబాద్‌, ఆర్మూర్‌, బోధన్‌ డివిజన్‌లలో సేవాసేతు శిబిరాలు ఈనెల 3వ తేదీవరకు కొనసాగుతాయని ఎస్‌ఈ తెలిపారు. టీజీ రెడ్‌ కో జిల్లా మేనేజర్‌ రవీందర్‌ చవాన్‌, డీఈలు ముక్తార్‌, వెంకటరమణ, హరిచంద్‌, టౌన్‌ ఏడీఈలు చంద్రశేఖర్‌, ప్రసాద్‌రెడ్డి, వినోద్‌, బ్యాంకుల ప్రతినిధులు బిజయ్‌ సాహు, రవికిరణ్‌, కె శ్రీకాంత్‌, పాండరి సురాపవార్‌, నవీన్‌కుమార్‌తోపాటు సోలార్‌ కంపెనీ, డీలర్లు పాల్గొన్నారు.

నిర్మల్‌టౌన్‌: నిర్మల్‌ జిల్లా కేంద్రంలో ది చెన్నయ్‌ షాపింగ్‌ మాల్‌ గురువారం వైభవంగా ప్రారంభమైంది. సినీనటి శ్రీలీల మాల్‌ను ప్రారంభించారు. అనంతరం షాపింగ్‌మాల్‌ అంతా కలియతిరుగుతూ.. వస్త్రాలు, ఫ్యాషనన్‌ ఉత్పత్తులను పరిశీలించారు. అదిరిపోయే ప్రారంభం ఆఫర్లు ఉండడంతో పెద్ద సంఖ్యలో కొనుగోలుదారులు వచ్చారు. దీంతో మాల్‌ సందడిగా మారింది. పండుగలు, వివాహాలు, శుభకార్యాలతో పాటు నిత్య అవసరాలకు అనుగుణంగా వివిధ రకాల వస్త్రాలు, సరికొత్త ఫ్యాషనన్‌ డిజైన్లు అందుబాటులోకి తీసుకురావడంతో ఆసక్తిగా షాపింగ్‌ చేశారు. కుటుంబ సమేతంగా ఒకే చోట అన్నిరకాల వస్త్రాలను ఎంపిక చేసుకునే అవకాశం ఉండటంతో ప్రారంభం రోజే మంచి స్పందన కనిపించింది. కుటుంబ సమేతంగా షాపింగ్‌ చేయండి మాల్‌ ప్రారంభించిన అనంతరం శ్రీలీల మాట్లాడు తూ కుటుంబ సమేతంగా షాపింగ్‌ చేయాలని కోరా రు. వినియోగదారుల అభిరుచులకు అనుగుణంగా లక్షలాది డిజైన్లతో వస్త్రాలను అందుబాటులో ఉన్నాయన్నారు. చెన్నయ్‌ షాపింగ్‌ మాల్‌ వినియోగదారుల నమ్మకానికి చిరునామాగా నిలుస్తుందని పేర్కొన్నారు. శ్రీలీలను చూసేందుకు అభిమానులు పెద్ద సంఖ్యలో తరలివచ్చారు. శ్రీలీల సైతం అభిమానులను పలకరిస్తూ, చేతులు ఊపుతూ సందడి చేశారు. కార్యక్రమంలో మర్రి రిటైల్‌ లిమిటెడ్‌ మేనేజింగ్‌ డైరెక్టర్‌ మర్రి వెంకటరెడ్డి, డైరెక్టర్‌ కృష్ణారావు, మాల్‌ నిర్వాహకులు పాల్గొన్నారు.

సుభాష్‌నగర్‌: ఎన్నికలకు ముందు రైతులకు కాంగ్రెస్‌ మోసపూరిత హామీలు ఇచ్చి అధికారంలోకి వచ్చిందని నిజామాబాద్‌ అర్బన్‌ ఎమ్మెల్యే ధన్‌పాల్‌ సూర్యనారాయణ ఆరోపించారు. రైతాంగానికి ఇచ్చిన హామీలను నెరవేర్చాలని కిసాన్‌ మోర్చా ఆధ్వర్యంలో చేపట్టిన సైకిల్‌యాత్ర మంగళవారం సాయంత్రం నిజామాబాద్‌ అర్బన్‌ నియోజకవర్గానికి చేరుకుంది. సైకిల్‌యాత్రకు ఎమ్మెల్యే ధన్‌పాల్‌ స్వాగతం పలికారు. అనంతరం ఆయన మాట్లాడుతూ.. వరంగల్‌ డిక్లరేషన్‌లో రాహుల్‌గాంధీ సాక్షిగా రైతులకు అనేక హామీలు ఇచ్చి ఏ ఒక్కటీ నెరవేర్చలేదని మండిపడ్డారు. రూ.2లక్షల రుణమాఫీ, ఇందిరమ్మ రైతు భరోసా, భూమి లేని రైతు కూలీలకు రూ.12 వేల ఆర్థికసాయం, ప్రతి పంటను ప్రభుత్వమే కొనుగోలు చేస్తుందని తదితర హామీలిచ్చిందని గుర్తుచేశారు. రైతాంగంతో బీఆర్‌ఎస్‌ కొనసాగించిన వైఖరినే కాంగ్రెస్‌ కొనసాగిస్తోందని, రెండు పార్టీలు దొందూదొందేనని విమర్శించారు. కిసా న్‌ మోర్చా ఆధ్వర్యంలో రైతుల సమస్యలపై 320 కిలోమీటర్లు సైకిల్‌ ర్యాలీ చేపట్టడం అభినందనీయమన్నారు. కలెక్టరేట్‌లో అదనపు కలెక్టర్‌ భు జంగరావుకు వినతిపత్రం అందజేశారు. ఆ త ర్వాత నిజామాబాద్‌ రూరల్‌ ఎమ్మెల్యే భూపతిరె డ్డిని క్యాంపు కార్యాలయంలో కలిసి వినతిపత్రం అందజేసేందుకు ప్రయత్నించగా పోలీసులు బారికేడ్లు పెట్టి అడ్డుకున్నారు. దీంతో బారీకేడ్లకు వినతిపత్రం ఇచ్చి వెనుదిరిగారు. కిసాన్‌ మోర్చా జిల్లా అధ్యక్షుడు తిరుపతిరెడ్డి, హరీశ్‌రెడ్డి, సుగంధం హరీశ్‌, వెల్మ గంగారెడ్డి, పద్మారెడ్డి, కార్పొరేటర్లు నాగోళ్ల లక్ష్మీనారాయణ, బంటు రాము, మల్కాయి మహేందర్‌, ప్రసూన శ్రీనివాస్‌రెడ్డి, మాదాసు స్వామి యాదవ్‌, వేణుగోపాల్‌, ఆమంద్‌ విజయ్‌, తదితరులు పాల్గొన్నారు. రైతులకు మోసపూరిత హామీలు అర్బన్‌ ఎమ్మెల్యే ధన్‌పాల్‌ సూర్యనారాయణ విమర్శ అర్బన్‌కు చేరుకున్న కిసాన్‌ మోర్చా సైకిల్‌ ర్యాలీ

నిజామాబాద్‌అర్బన్‌: రైల్వే ప్రయాణికులు, రైల్వేకాలనీవాసులకు స్వచ్ఛమైన తాగునీరు నిరంతరం అందుబాటులో ఉండేలా చూడాలని దక్షిణ మధ్య రైల్వే జనరల్‌ మేనేజర్‌ సంజయ్‌ కుమార్‌ శ్రీవాస్తవ సిబ్బందిని ఆదేశించారు. జిల్లా కేంద్రంలోని రైల్వే స్టేషన్‌, రైల్వే కాలనీల్లో ఈనెల 21 నుంచి మంగళవారం వరకు దక్షిణ మధ్య రైల్వే అధికారులు నీటి నాణ్యత తనిఖీలు చేపట్టినట్లు ఆయన ఒక ప్రకటనలో తెలిపారు. రైల్వే కాలనీల్లో సేకరించిన 531 నీటి నమునాలు తాగునీటికి అనుకూలంగా ఉన్న ట్లు నిర్ధారణ చేశామన్నారు. ఈ తనిఖీల్లో భూగర్భ జల వనరులు, మున్సిపల్‌ నీటి సరఫరా, నీటి నిల్వ సదుపాయాలు, క్లోరినేషన్‌ ప్రక్రియలు నీటి పంపి ణీ వ్యవస్థలను పరిశీలించామన్నారు. నీటిలో కలు షితాల ఉనికిని గుర్తించేందుకు క్రమం తప్పకుండా బ్యాక్టీరియాలాజికల్‌ పరీక్షలు నిర్వహిస్తున్నామన్నారు. తాగునీరు కలుషితానికి గురికాకుండా ఉండేలా చర్యలు తీసుకోవాలన్నారు. తరచుగా పరీక్షలు, పర్యవేక్షణ చేపట్టడం ద్వారా జోన్‌ వ్యాప్తంగా ఇదే స్థాయి అప్రమత్తతను కొనసాగించాలని అధికారులను, పర్యవేక్షకులను ఆదేశించారు.

నిజామాబాద్‌అర్బన్‌: దవాఖానాకు వచ్చే రో గులతో మర్యాదగా, గౌరవంగా ప్రవర్తించా లని డీఎంహెచ్‌వో రాజశ్రీ సిబ్బందికి సూ చించారు. జిల్లా కేంద్రంలోని జీజీహెచ్‌లో గ ల తెలంగాణ డయాగ్నోస్టిక్‌ హబ్‌, మిర్చీ కంపౌండులోని బస్తీ దవాఖానాను మంగళవారం ఆమె తనిఖీ చేశారు. ఈసందర్భంగా ఆమె మాట్లాడుతూ.. మందుల స్టాక్‌ రిజిస్టర్లు, ఇతర రికార్డులు అసంపూర్తిగా ఉండరాదని, జీవనశైలి వ్యాధుల నిర్ధారణ పరీక్ష లు 100శాతం పూర్తిచేయాలని, అత్యవస ర మందులు అందుబాటులో ఉంచాలన్నా రు. సిబ్బంది సమయానికి విధులకు హాజ రు కావాలన్నారు. డాక్టర్‌ చైతన్య, టీ హబ్‌ వైద్యురాలు దివ్య, వైద్య సిబ్బంది ఉన్నారు. రాష్ట్రస్థాయి నెట్‌బాల్‌ పోటీలకు ఎంపిక రెంజల్‌: మండలంలోని తాడ్‌బిలోలి హై స్కూల్‌ నుంచి ముగ్గురు విద్యార్థులు రాష్ట్రస్థాయి నెట్‌బాల్‌ పోటీలకు ఎంపియ్యారు. నెట్‌బాల్‌ జిల్లా అసోషియేషన్‌ ఆధ్వర్యంలో ఇటీవల నిర్వహించిన జిల్లాస్థాయి పోటీల్లో వారు పాల్గొని, ప్రతిభ కనబర్చడంతో రాష్ట్రస్థాయికి ఎంపిక చేశారని వ్యాయామ ఉపా ధ్యాయుడు మాట కుమార్‌ తెలిపారు. ఈసందర్భంగా పాఠశాలలో మంగళవారం క్రీడాకారులు మహేశ్‌, జాదవ్‌ వెంకటేశ్‌, నవ్యశ్రీలను హెచ్‌ఎం, ఉపాధ్యాయులు అభినందించారు. రాష్ట్రస్థాయి పోటీలు అక్టోబర్‌ 10 నుంచి ప్రారంభం కానునట్లు పీఈటీ తెలిపారు. కేసుల దర్యాప్తు వేగవంతం చేయాలి నిజామాబాద్‌అర్బన్‌: పెండింగ్‌ కేసుల పరిష్కారంపై ప్రత్యేక దృష్టిసారించి, దర్యాప్తు ను వేగవంతం చేయాలని సీపీ సాయిచైతన్య సిబ్బందికి సూచించారు. జిల్లా కేంద్రంలోని మహిళా పోలీస్‌ స్టేషన్‌ను మంగళ వారం ఆయన తనిఖీ చేశారు. ఈసందర్భంగా సీపీ మాట్లాడుతూ.. మహిళలు, బాలికలకు సంబంధించిన ఫిర్యాదులపై పోలీసులు త్వరితగతిన స్పందించి, బాధితులకు భరోసా కల్పిస్తూ, సమర్థవంతమైన చర్యలు తీసుకోవాలన్నారు. ప్రతి కేసును సున్నితమైన అంశంగా పరిగణిస్తూ, అవసరమైన ఆధారాలను సేకరించి, దర్యాప్తులో నాణ్యత పాటిస్తూ బా ధితులకు సకాలంలో న్యాయం అందేలా చర్యలు తీసుకోవాలని ఆదేశించారు. అనంతరం పోలీసుల గౌరవ వందనం స్వీకరించి తదుపరి పోలీస్‌ స్టేషన్‌లో మొక్కలు నాటా రు. ఏసీపీ ప్రకాశ్‌, మహిళా పోలీస్‌స్టేషన్‌ ఇన్‌స్పెక్టర్‌ శ్రీలత, ఎస్సైలు రహమతుల్లా, రాజేశ్వర్‌, జాన్సన్‌, సిబ్బంది ఉన్నారు.

● విద్యుత్‌ ఎస్‌ఈ పీవీ రాజేశ్వర్‌రావురెంజల్‌: జిల్లాలోని వ్యవసాయ రంగానికి, గృహవసరాలు, పరిశ్రమలకు నిరంతరాయంగా నాణ్యమైన విద్యుత్‌ను అందిస్తున్నామని ఎస్‌ఈ పీవీ రాజేశ్వర్‌రావు అన్నారు. విద్యుత్‌ సరఫరాలో సమస్య తలెత్తకుండా జిల్లాలోని అన్ని 33/11 సబ్‌స్టేషన్‌లకు ఇంటర్‌ లింకింగ్‌ లైన్‌లను ఏర్పాటు చేశామన్నారు. మండలంలోని నీలా సబ్‌స్టేషన్‌లో ఇంటర్‌ లింకింగ్‌ లైన్‌ను ఎస్‌ఈ మంగళవారం ప్రారంభించారు. ఈ సందర్భంగా ఆయన మాట్లాడుతూ.. రెంజల్‌–దండిగుట్ట ఫీడర్‌ల నుంచి నీలాకు అదనపు సరఫరాను ఏర్పాటు చేసినట్లు తెలిపారు. వచ్చే ఏడాది నిర్వహించే గోదావరి పుష్కరాలకు కరెంట్‌ సమస్య రాకుండా ముందస్తు జాగ్రత్తలు తీసుకుంటున్నట్లు తెలిపారు. 24 గంటలపాటు నిరంతరాయంగా నాణ్యమైన విద్యుత్‌ను అందించేందుకు 132/33 సబ్‌స్టేషన్‌ల నుంచి 33/11 సబ్‌స్టేషన్‌లకు ఇంటర్‌ లింకింగ్‌(రెండో లైన్‌) పని చేస్తుందన్నారు. డీఈ ముక్తార్‌, ఏడీఈ ప్రభాకర్‌, ఏఈలు కిశోర్‌రెడ్డి, కృష్ణ, సబ్‌ ఇంజినీర్లు అజార్‌, భూమేశ్‌, లైన్‌ ఇన్‌స్పెక్టర్‌ గోపీచంద్‌, సీనియర్‌ లైన్‌ ఇన్‌స్పెక్టర్‌ లింగంయాదవ్‌, ఎల్‌ఎం శ్రీనివాస్‌, ఏఎల్‌ఎం మగ్దుం, ప్రవీణ్‌గౌడ్‌తోపాటు సిబ్బంది పాల్గొన్నారు.

● ఉమ్మడి జిల్లాలో 70.25 శాతం ఉత్తీర్ణత నమోదు ● పరీక్షకు హాజరైన ఉపాధ్యాయులు 1990 ● నవంబర్‌లో మరో అవకాశం1390ఖలీల్‌వాడి: టీజీటెట్‌ ఇన్‌ సర్వీస్‌ టీచర్స్‌–2026 ఫలితాల్లో ఉమ్మడి నిజామాబాద్‌ జిల్లా అత్యధిక అర్హత శాతంతో ముందంజలో నిలిచింది. నిజామాబాద్‌, కామారెడ్డి జిల్లాల్లో మొత్తం 2178 మంది దరఖాస్తు చేసుకోగా.. 1990 మంది పరీక్షకు హాజరయ్యా రు. శనివారం విడుదలైన ఫలితాల్లో 1,390 మంది అర్హత సాధించారు. రెండో విడత టెట్‌ ఇన్‌ సర్వీస్‌ టీచర్ల కోసం రెండో విడత ప్రత్యేక టెట్‌ నిర్వహణకు విద్యాశాఖ ఏర్పాట్లు చేస్తోంది. నవంబర్‌ 16 నుంచి 21వ తేదీ వరకు ఆన్‌లైన్‌ విధానంలో పరీక్షలు నిర్వహించనున్నారు. పరీక్షకు సంబంధించిన పూర్తి వివరాలతో కూడిన నోటిఫికేషన్‌ను అక్టోబర్‌ 1న విడుదల చేయనున్నట్లు విద్యా శాఖ వెల్లడించింది.

● రూ.5 కోట్లతో జిల్లా కేంద్రంలో ఇందిరా మహిళా శక్తి భవనం ● త్వరలో ప్రారంభోత్సవండొంకేశ్వర్‌(ఆర్మూర్‌): మహిళా స్వయం సహాయ సంఘాల (ఎస్‌హెచ్‌జీ) బలోపేతం కోసం రాష్ట్ర ప్రభుత్వం జిల్లా కేంద్రంలో నిర్మించిన ‘ఇందిరా మహిళా శక్తి భవన’ నిర్మాణం పూర్తయ్యింది. కలెక్టరేట్‌కు సమీపంలోని రెండెకరాల స్థలంలో రూ.5 కోట్ల వ్యయంతో ఆహ్లాదకర వాతావరణంలో ఈ భవనాన్ని అత్యాధునికంగా నిర్మించారు. మహిళా సాధికారతకు చిహ్నంగా నిలిచే కార్పొరేట్‌ తరహా భవనం, జిల్లాలోని పొదుపు సంఘాల మహిళలకు ఎంతో ఉపయోగపడనుంది. శాశ్వత వేదిక అందుబాటులోకి రావడంతో ఇకపై ఇబ్బందులు తప్పనున్నాయి. భవనాన్ని ఆగస్టు నెలలోనే ప్రారంభించాల్సి ఉండగా, ప్రభుత్వం వాయిదా వేసింది. త్వరలో అన్ని జిల్లాల్లో ఒకేసారి ప్రారంభించనున్నట్లు సంబంధిత అధికారులు వెల్లడించారు. జిల్లా సమాఖ్యల రెగ్యులర్‌ సమావేశాలు, వ్యాపార ప్రణాళికల చర్చల కోసం అధునాతన మీ టింగ్‌ హాల్‌, ఓపెన్‌ ఆడిటోరియం ఇందులో ఉన్నా యి. ఆఫీసు, రెసిడెన్షియల్‌ గదులు సైతం నిర్మించా రు. లబ్ధిదారుల వాటా కింద ఈ భవనానికి జిల్లా సమాఖ్య నుంచి రూ.50లక్షల వాటాను చెల్లించారు.

● సర్వే అండ్‌ ల్యాండ్‌ రికార్డ్స్‌ అసిస్టెంట్‌ డైరెక్టర్‌ శ్రీనివాస్‌రుద్రూర్‌: రైతుల భూములకు స్పష్టమైన హక్కులు, పారదర్శకమైన భూ రికార్డులు అందించే లక్ష్యంతోనే ప్రభుత్వం భూ భారతి రీ సర్వే చేపడుతోందని సర్వే అండ్‌ ల్యాండ్‌ రికార్డ్స్‌ అసిస్టెంట్‌ డైరెక్టర్‌ శ్రీనివాస్‌ అన్నారు. పొతంగల్‌ మండలం కారేగాంలో మంగళవారం హుమ్నాపూర్‌ శివారుకు సంబంధించి రీ సర్వేపై గ్రామస్తులు, పట్టాదారులతో ప్రత్యేక అవగాహన కార్యక్రమం నిర్వహించారు. ఈ సందర్భంగా అధికారులు మాట్లాడుతూ.. రీ సర్వే వల్ల భూ సరిహద్దు వివాదాలకు శాశ్వత పరిష్కారం లభిస్తుందని, ప్రతి రైతు తన భూమిపై స్పష్టమైన హక్కులు పొందుతారని అన్నారు. సర్వే ప్రక్రియలో పట్టాదారులు, గ్రామస్తులు భాగస్వాములై అధికారులకు సహకరించాలని కోరారు. తహసీల్దార్‌ సందీప్‌, డిప్యూటీ ఇన్‌స్పెక్టర్‌ ఆఫ్‌ సర్వే శేషుకుమార్‌, మండల సర్వేయర్లు, రైతులు పాల్గొన్నారు.

నిజామాబాద్‌ అర్బన్‌: ప్రజావాణి కార్యక్రమానికి ప్రాధాన్యతనిస్తూ ఫిర్యాదులను సత్వరమే పరిష్కరించాలని కలెక్టర్‌ భవేశ్‌ మిశ్రా అధికారులకు సూచించారు. సమీకృత జిల్లా కార్యాలయాల సముదాయ సమావేశ మందిరంలో సోమవా రం నిర్వహించిన ప్రజావాణికి 100 ఫిర్యాదులు అందాయి. జిల్లాలోని వివిధ ప్రాంతాల నుంచి వచ్చిన ప్రజలు తమ స మస్యలను కలెక్టర్‌తోపాటు అదనపు కలెక్టర్‌ భుజంగరావు, డీఆర్వో గీత, నగర పాలకసంస్థ కమిషనర్‌ దిలీప్‌ కుమార్‌, జెడ్పీ సీఈవో సాయాగౌడ్‌, డీఆర్డీవో సాయన్న, డీపీవో శ్రీనివాస్‌, ఆర్మూర్‌ ఏసీపీ వెంకటేశ్వర్‌రెడ్డికి వివరిస్తూ అర్జీలు అందజేశారు. ఫిర్యాదులను ఎప్పటికప్పుడు పరిశీలిస్తూ సమస్య లను పరిష్కరించాలని అధికారులకు కలెక్టర్‌ సూచించారు.

సాక్షి ప్రతినిధి, కామారెడ్డి : గ్రామీణ ప్రాంతాల అభివృద్ధి, మౌళిక వసతుల కల్పనకు సంబంధించిన పనులను వేగవంతం చేయాలని రాష్ట్ర పంచాయతీరాజ్‌, గ్రామీణాభివృద్ధి శాఖల ప్రత్యేక ప్రధాన కార్యదర్శి దానకిశోర్‌ అధికారులను ఆదేశించారు. కామారెడ్డి కలెక్టరేట్‌లోని సమావేశ మందిరంలో సోమవారం ఉమ్మడి నిజామాబాద్‌, కరీంనగర్‌, ఆదిలాబాద్‌ జిల్లాల పరిధిలోని పంచాయతీరాజ్‌, గ్రామీణాభివృద్ధి, గ్రామీణ నీటి సరఫరా శాఖల ఆధ్వర్యంలో అమలవుతున్న అభివృద్ధి కార్యక్రమాలపై సమీక్ష నిర్వహించారు. హ్యాంరోడ్ల పనులను వెంటనే ప్రారంభించి త్వరితగతిన పూర్తి చేయాలని ఆదేశించారు. గ్రామ సమైక్య భవనాలు, గ్రామ పంచాయతీ భవనాల నిర్మాణాలకు సంబంధించిన పనుల్లో వేగం పెరగాలన్నారు. వీబీజీ రామ్‌జీ ద్వారా లింక్‌ రోడ్ల నిర్మాణాలపై నివేదికలు ఇవ్వాలన్నారు. పరిపాలనా అనుమతులు పొంది 60 రోజుల కంటే ఎక్కువ సమయం ముగిసినా ఇంకా పనులు ప్రారంభించని అంశాలపై స్పష్టమైన నివేదిక ఇవ్వాలని ఆదేశించారు. రహదారి పనుల ప్రతిపాదనలను రెండు కేటగిరీలుగా విభజించాలని సూచించారు. అత్యంత ప్రాధాన్యత కలిగిన మట్టి, లింక్‌ రోడ్లను బీటీ రోడ్లుగా మార్చడంతోపాటు ఉపాధి హామీ కింద నిర్మించే రోడ్ల పనులుగా విభజించాలన్నారు. భూగర్భ జలాల పెంపుకోసం.. భూగర్భ జలాలను పెంచేందుకు జలసిరి కార్యక్రమాన్ని విస్తృతంగా చేపట్టాలని దానకిషోర్‌ ఆదేశించారు. ప్రతి ఇంటికీ ఇంకుడు గుంత, ప్రతి పొలానికి పంట కుంట, ప్రతి ఊరికి ఊటకుంట తప్పనిసరిగా ఉండాలన్నారు. గ్రామీణ నీటి సరఫరా పథకాల ద్వారా ప్రజలకు నిరంతరాయంగా పరిశుభ్రమైన తాగునీరు అందేలా చూడాలన్నారు. పైప్‌లైన్లు, పంపింగ్‌ వ్యవస్థల నిర్వహణపై నిరంతర ప ర్యవేక్షణ ఉండాలని ఆదేశించారు. సమావేశంలో పంచాయతీరాజ్‌ కమిషనర్‌ దివ్య దేవరాజన్‌, గ్రా మీణాభివృద్ధి ప్రత్యేక కమిషనర్‌ శ్రీలక్ష్మి, గ్రామీణ నీటి సరఫరా శాఖ ఈఎన్సీ కృపాకర్‌రెడ్డి, పంచాయతీరాజ్‌ శాఖ ఈఎన్సీ జగదీశ్‌, కామారెడ్డి కలెక్టర్‌ ఆశి ష్‌ సంగ్వాన్‌, పంచాయతీరాజ్‌, పది జిల్లాల నుంచి అదనపు కలెక్టర్లు, గ్రామీణాభివృద్ధి, గ్రామీణ నీటి సరఫరా శాఖల అధికారులు పాల్గొన్నారు. మంత్రి పర్యటన రద్దు..గ్రామీణాభివృద్ధి, పంచాయతీరాజ్‌ శాఖలపై మూడు ఉమ్మడి జిల్లాల అధికారులతో నిర్వహించిన సమీక్ష సమావేశంలో మంత్రి సీతక్క పాల్గొనాల్సి ఉంది. సోమవారం మధ్యాహ్నం 2 గంటల వరకు మంత్రి చేరుకోవాల్సి ఉండగా.. ఆమెకు ములుగు ఆలస్యం కావడంతో పర్యటన రద్దు చేసుకున్నారు. దీంతో పంచాయతీరాజ్‌, గ్రామీణాభివృద్ధి శాఖల ప్రత్యేక ప్రధాన కార్యదర్శి దానకిషోర్‌ ఆధ్వర్యంలో సమీక్ష సమావేశం కొనసాగింది. తాగునీటి సమస్య తలెత్తకుండా చూడాలి భూగర్భజలాల వృద్ధికి చర్యలు చేపట్టాలి విస్తృతంగా ఊటకుంటలు, పంటకుంటలు తవ్వించాలి పంచాయతీరాజ్‌, గ్రామీణాభివృద్ధి శాఖల ప్రత్యేక ప్రధాన కార్యదర్శి దానకిశోర్‌ కామారెడ్డిలో పది జిల్లాల అధికారులతో సమీక్ష

కమ్మర్‌పల్లి: మండల కేంద్రంలోని జెడ్పీహెచ్‌ఎస్‌లో పదో తరగ తి చదువుతున్న ఏ మ ధుమిత జాతీయ స్థాయి సబ్‌ జూనియ ర్‌ సాఫ్ట్‌బాల్‌ పోటీలకు ఎంపికై నట్లు హెచ్‌ఎం పి సాయన్న, పీడీ నాగభూషణం సోమవారం తెలిపారు. ఇటీవల కమ్మర్‌పల్లి గ్రీన్‌ఫీల్డ్‌ మినీ స్టేడియంలో నిర్వహించిన 11వ తెలంగాణ రాష్ట్ర స్థాయి పోటీల్లో పాల్గొన్న మధుమిత ఉత్తమ ప్రతిభ కనబర్చి స్వర్ణ పతకం సాధించిందన్నారు. అలాగే ఈ నెల 23 నుంచి 25వ తేదీ వరకు నిర్వహించిన రాష్ట్రస్థాయి శిక్షణ శిబి రంలో ప్రతిభకనబర్చి జాతీయ స్థాయి జట్టు కు ఎంపికై నట్లు తెలిపారు. మహారాష్ట్రలోని ఛత్రపతి శంభాజీనగర్‌లో ఈ నెల 27 నుంచి 30వ తేదీ వరకు నిర్వహించే 39వ సబ్‌ జూనియర్‌ జాతీయస్థాయి సాఫ్ట్‌బాల్‌ పోటీల్లో రాష్ట్ర జట్టు తరపున మధుమిత పాల్గొననున్నదని పేర్కొన్నారు. మధుమిత ఎంపికపై సర్పంచ్‌ కొత్తపల్లి హారిక, వీడీసీ అధ్యక్షుడు మల్యాల సుభాష్‌గౌడ్‌, ఉపాధ్యాయులు హర్షం వ్యక్తం చేశారు. బార్‌ ఏర్పాటుకు దరఖాస్తుల ఆహ్వానం నిజామాబాద్‌ అర్బన్‌: జిల్లాలో మరో నూత న బార్‌ ఏర్పాటుకు ఎకై ్సజ్‌ శాఖ నోటిఫికేషన్‌ జారీ చేసింది. పెరుగుతున్న జనాభా, ము న్సిపల్‌ పరిధి, మున్సిపల్‌ కార్పొరేషన్‌ ప్రాంతాల్లో జనాభా ప్రాతిపదికన బార్‌ల ఏర్పాటుకు ఎకై ్సజ్‌ శాఖ నిర్ణయించింది. ఇందులో భాగంగా బోధన్‌ పట్టణంలో నూతన బార్‌ ఏర్పాటుకు అధికారులు నోటిఫికేషన్‌ జారీ చేశారు. 2బీ బార్‌ ఏర్పాటు కోసం అక్టోబర్‌ 12వ తేదీ వరకు దరఖాస్తుల స్వీకరణ , 16న కలెక్టర్‌ కార్యాలయంలో లక్కీడ్రా నిర్వహించనున్నారు. దరఖాస్తు ఫీజు రూ.లక్షగా నిర్ణయించారు. ఇదివరకే జిల్లాలో 22 బార్‌లు ఉండగా, నూతనంగా ఏర్పాటు చేయనున్నదానితో కలిపి బార్‌ల సంఖ్య 23కు చేరనుంది. అర్వింద్‌ ఎంపీగా గెలవడం దురదృష్టకరం నిజామాబాద్‌ అర్బన్‌: ఎంపీగా ధర్మపురి అ ర్వింద్‌ గెలువడం జిల్లా ప్రజల దురదృష్టమని బీఆర్‌ఎస్‌ జిల్లా అధ్యక్షుడు జీవన్‌రెడ్డి అన్నారు. నగరంలోని పార్టీ కార్యాలయంలో సోమవారం ఆయన మీడియాతో మాట్లాడారు. అహంకారం, అవినీతి, అబద్దానికి అర్వింద్‌ నిదర్శనమని విమర్శించారు. తన తండ్రి హయాంలో కాంగ్రెస్‌ బీ ఫారాలను అమ్ముకొని అవినీతికి పాల్పడ్డారని ఆరోపించారు. సీఎం రేవంత్‌రెడ్డిని పగలుతిడుతూ, రాత్రి బతిమిలాడుకునే నైజం అరవింద్‌ది అని అన్నారు. కేసీఆర్‌ భూములపై సీఎం రేవంత్‌రెడ్డి ఎలాంటి అబద్దాలు చెప్పాడో అరవింద్‌ కూడా అవే అబద్దాలు చెప్పారన్నారు. జిల్లా పసుపురైతులను అర్వింద్‌ నిండా ముంచాడని విమర్శించారు. సమావేశంలో జెడ్పీ మాజీ చైర్మన్‌ దాదన్నగారి విఠల్‌రావు, సత్యప్రకాశ్‌, లక్ష్మారెడ్డి తదితరులు పాల్గొన్నారు.

నిజామాబాద్‌అర్బన్‌: జిల్లా కేంద్రం మీదుగా గంజాయి అక్రమ రవాణా జోరుగా కొనసాగుతోంది. ముఖ్యంగా ఒడిశా రాష్ట్రం, ఆంధ్రప్రదేశ్‌లోని విశాఖపట్నం నుంచి గంజాయిని కొన్ని ముఠాలు జిల్లాను ప్రధాన కేంద్రంగా చేసుకొని మహారాష్ట్ర సహా ఇతర రాష్ట్రాలు, ప్రాంతాలకు తరలిస్తున్నారు. పోలీసులు నిఘా పెంచినా, గంజాయి భారీగా పట్టుబడుతున్నా అక్రమ రవాణా ఆగడం లేదు. వేరే వ్యక్తులకు డబ్బులిచ్చి.. ఒడిశా, బిహార్‌కు చెందిన అనేక ముఠాలు గంజాయిని మూటలు కట్టి, కొందరు వ్యక్తులను ఎంచుకొని, వారికి డబ్బులు ఇచ్చి రైలు, రోడ్డు మార్గాల ద్వారా నిజామాబాద్‌ మీదుగా మహారాష్ట్రలోని నాందేడ్‌, జాల్న ఇతర ముఖ్యమైన ప్రాంతాలతోపాటు ముంబై వరకు తరలిస్తున్నారు. అనంతరం ఫలానా వ్యక్తికి ఫలానా వాహనంలో పెట్టి రావాలని సూచిస్తున్నారు. ఈనెల 20న విశ్వసనీయ సమాచారం మేరకు రైల్లో ఓ వ్యక్తిని పోలీసులు తనిఖీ చేయగా 13 కిలోల గంజాయిని స్వాధీనం చేసుకున్నారు. సరఫరా చేసిన వ్యక్తి తప్పించుకోగా నిజామాబాద్‌ ఎకై ్సజ్‌ పోలీసులు కేసు నమోదు చేసుకొని దర్యాప్తు చేపట్టారు. ● ఆగస్టు 21న ఇద్దరు వ్యక్తులు షిర్డీ ఎక్స్‌ప్రెస్‌లో 24.3 కిలోల గంజాయితో పోలీసులకు పట్టుబడ్డారు. ● గత నెల 12న (సంబల్పూర్‌–నాందేడ్‌) నాగావళి ఎక్స్‌ప్రెస్‌లో తరలిస్తున్న 5.1 కేజీల గంజాయిని ఎకై ్సజ్‌ ఆర్పీఎఫ్‌ పోలీసులు స్వాధీనం చేసుకున్నారు. నిందితులను విచారించగా.. రూ.పది వేలు ఇవ్వడంతో సరఫరా చేసినట్లు తెలిపారు. ● జూన్‌లో (సంబల్పూర్‌–నాందేడ్‌) నాగావళి ఎక్స్‌ ప్రెస్‌లో 5.37 కేజీల గంజాయిని ఎకై ్సజ్‌ పోలీసులు స్వాధీనం చేసుకున్నారు. బిహార్‌కు చెందిన ఓ ముఠా గంజాయిని విశాఖపట్నం నుంచి నాందేడ్‌కు తీసుకొస్తే డబ్బులు ఇస్తామని చెప్పడంతో సరఫరా చేసినట్లు ఆయన తెలిపారు. తనిఖీలు నామమాత్రం.. ప్రధానంగా గంజాయి రవాణా అర్ధరాత్రి నుంచి తెల్లవారుజాము మధ్యే జరుగుతున్నట్లు తెలుస్తోంది. ఆ సమయంలో తనిఖీలు లేకపోవడంతో జిల్లా ను దాటే క్రమంలో అక్రమార్కులు రెచ్చిపోతున్నా రు. గంజాయి రవాణాతోపాటు దొంగతనం చేసి మహారాష్ట్రకు తేలికగా పారిపోతున్నారు. ఇప్పటికై నా ఉన్నతాధికారులు స్పందించి చెక్‌పోస్టులు ఏర్పా టు చేస్తే అక్రమ రవాణాను నివారించే అవకాశం ఉందని పలువురు కోరుతున్నారు. సంవత్సరం గంజాయి అల్ప్రాజోలం నమోదైన అరెస్టులు (కిలోల్లో..) (కిలోల్లో..) కేసులు 2024 41.202 3.6423 552025 15.64 35.9690 2112026 75.4 20.2387 68(సెప్టెంబర్‌ 20 వరకు) మూడేళ్ల కేసుల వివరాలు జిల్లా కేంద్రం మీదుగా గంజాయి అక్రమ రవాణా ఇతర రాష్ట్రాలు, జిల్లాలకు సరఫరా చేస్తున్న ముఠాలు పోలీసులకు పట్టుబడుతున్నా ఆగని దందా గంజాయి అక్రమ రవాణాకు జిల్లా కేంద్రం ప్రధాన అడ్డాగా తయారైంది. ఇతర రాష్ట్రాల నుంచి ఇక్కడికి.. ఇక్కడి నుంచి ఇతర రాష్ట్రాలు, జిల్లాలకు సరఫరా కొనసాగుతుంది. పోలీసులకు నిందితులు పట్టుబడ్డా, నిఘా పెంచినా దందా మాత్రం ఆగడం లేదు. ప్రత్యేక దృష్టిసారించాం.. రైల్వే స్టేషన్‌లో తనిఖీలు పకడ్బందీగా చేపడుతున్నాం. గంజాయి అక్రమ రవాణాపై ప్రత్యేకంగా దృష్టిసారించాం. ఇది వరకే పలు కేసులు నమోదు చేశాం. అక్రమ రవాణాను అడ్డుకుంటున్నాం. – సాయిరెడ్డి, రైల్వే ఎస్సై, నిజామాబాద్‌ కఠిన చర్యలు తీసుకుంటాం గంజాయి అక్రమ రవాణాపై ప్రత్యేక దృష్టి సారిస్తాం. గంజాయి ముఠాలను పట్టుకుంటాం. గంజా యి అక్రమ రవాణా చేసే కఠిన చర్యలు తీసుకుంటాం. – సరిత, ఎకై ్సజ్‌ సీఐ, నిజామాబాద్‌ డివిజన్‌

సుభాష్‌నగర్‌: ఓట్‌ చోరీతో ప్రజాస్వామ్యం ఖూనీ అవుతోందని, తమ అనుకూల ఓటరు జాబితాతో బీజేపీ ఆయా రాష్ట్రాల్లో ప్రభుత్వాలను ఏర్పాటు చేసిందని ప్రభుత్వ సలహాదారు, బోధన్‌ ఎమ్మెల్యే పి సుదర్శన్‌రెడ్డి విమర్శించారు. సర్‌ ప్రక్రియలోభాగంగా రాష్ట్రంలో దాదాపు 90 లక్షలకుపైగా మంది తమ ఓట్లు కోల్పోయే ఆస్కారముందని ఆందో ళన వ్యక్తంచేశారు. ప్రధాన ఎన్నికల కమిషనర్‌ జ్ఞా నేశ్‌ కుమార్‌ రాజీనామా చేయాలని డిమాండ్‌ చేస్తూ ఏఐసీసీ పిలుపు మేరకు సోమవారం జిల్లాకేంద్రంలోని గాంధీచౌక్‌లో మహాత్మాగాంధీ విగ్రహం ఎదు ట కాంగ్రెస్‌ ఆధ్వర్యంలో భారీ నిరసన చేపట్టారు. అంతకుముందు కాంగ్రెస్‌ భవన్‌ నుంచి గాంధీచౌక్‌ వరకు ర్యాలీ నిర్వహించారు. రైల్వేస్టేషన్‌ ఎదుట జ్ఞానేశ్‌కుమార్‌ దిష్టిబొమ్మను కాంగ్రెస్‌ నాయకులు, కార్యకర్తలు దహనం చేశారు. ఈ సందర్భంగా సుదర్శన్‌రెడ్డి మాట్లాడుతూ.. బీజేపీ ఓట్‌ చోరీపై రాహు ల్‌గాంధీ పార్లమెంట్‌లో గళమెత్తుతున్నా.. కేంద్ర ప్రభుత్వానికి చీమకుట్టినట్లు కూడా లేదని విమర్శించారు. కాంగ్రెస్‌ నాయకులు, కార్యకర్తలు ఇంటింటికీ వెళ్లి ఓట్లు ఉన్నాయో.. లేదో తెలుసుకోవాలన్నా రు. వెంటనే సీఈసీ జ్ఞానే్‌శ్‌కుమార్‌ను బర్తరఫ్‌ చేయాలని డిమాండ్‌చేశారు. రూరల్‌ ఎమ్మెల్యే భూపతిరెడ్డి మాట్లాడుతూ.. కేంద్ర ప్రభుత్వానికి తొ త్తుగా వ్యవహరిస్తున్న ప్రధాన ఎన్నికల కమిషనర్‌ జ్ఞానేశ్‌ కుమార్‌ రాజీనామా చేసే వరకు ప్రజాస్వా మ్య పరిరక్షణ కోసం పోరాటం కొనసాగిస్తామని స్పష్టంచేశారు. అంతకుముందు గాంధీ విగ్రహానికి వినతిపత్రం సమర్పించగా, ధర్నా అనంతరం కలెక్టర్‌ భవేశ్‌మిశ్రాకు వినతిపత్రం అందజేశారు. డీసీసీ అధ్యక్షుడు నగేష్‌రెడ్డి, నిజామాబాద్‌ కార్పొరేషన్‌ కాంగ్రెస్‌ అధ్యక్షుడు బొబ్బిలి రామకృష్ణ, తాహెర్‌ బిన్‌ హందాన్‌, బాడ్సి శేఖర్‌గౌడ్‌, కవితారెడ్డి, వ్యవసాయ కమిషన్‌ సభ్యులు గడుగు గంగాధర్‌, మాజీ చైర్మన్లు ఈరవత్రి అనిల్‌, అన్వేష్‌రెడ్డి, మాజీ మేయర్‌ ధర్మపురి సంజయ్‌, నగర మేయర్‌ కూరగాయల ఉమారాణి, నుడా చైర్మన్‌ కేశ వేణు, బాల్గొండ ఇన్‌చార్జి ముత్యాల సునీల్‌రెడ్డి, కుంట రమేష్‌రెడ్డి, తారాచంద్‌, టీపీసీసీ ప్రతినిధులు రాంభూపాల్‌, రామకృష్ణ, సీనియర్‌ నాయకులు జా విద్‌ అక్రమ్‌, మీసాల సుధాకర్‌, ముప్ప గంగారెడ్డి, నరాల రత్నాకర్‌, గడ్కోల్‌ భాస్కర్‌రెడ్డి, మునిపల్లి చిన్న సాయిరెడ్డి తదితరులు పాల్గొన్నారు. అనుకూల ఓట్లతో బీజేపీ ప్రభుత్వాల ఏర్పాటు సీఈసీ జ్ఞానేష్‌కుమార్‌ను తక్షణమే బర్తరఫ్‌ చేయాలి ప్రభుత్వ సలహాదారు పి సుదర్శన్‌రెడ్డి కాంగ్రెస్‌ ఆధ్వర్యంలో సీఈసీ దిష్టిబొమ్మ దహనం

డొంకేశ్వర్‌(ఆర్మూర్‌): జిల్లాలో వ్యవసాయ రంగానికి సాంకేతికతను జోడించి, అన్నదాతలకు ఆధునిక సాగు పద్ధతులపై అవగాహ కల్పించే వ్యవసా య సాంకేతిక యాజమాన్య సంస్థ (ఆత్మ)కు ఎట్టకేలకు నిధులు విడుదలయ్యాయి. గత ఐదేళ్లుగా (2020–21 నుంచి) ఒక్క రూపాయి బడ్జెట్‌ కేటాయింపులు లేకపోవడంతో సంస్థ కార్యకలాపాలు పూర్తిగా నిలిచిపోయాయి. అయితే ఐదేళ్ల నిరీక్షణకు తెరదించుతూ తొలి విడతలో జిల్లాకు రూ.22.74 లక్షలు విడుదలయ్యాయి. రాబోయే రోజుల్లో మరో విడత కూడా నిధులు వచ్చే అవకాశం ఉందని అధికారులు చెబుతున్నారు. నిధులు విడుదలైన నేపథ్యంలో అధికారులు క్షేత్రస్థాయి కార్యాచరణను వేగవంతం చేశారు. జిల్లాలోని బాల్కొండ మినహా ఆ ర్మూర్‌, నిజామాబాద్‌ రూరల్‌, నిజామాబాద్‌ అర్బన్‌, బోధన్‌, బాన్సువాడ(ఆరు మండలాలు) నియో జవకవర్గాల్లో 25మంది రైతులతో కూడిన ‘బ్లాక్‌ ఫార్మర్స్‌ అడ్వయిజరీ కమిటీ’ల ఏర్పాటును ఏడీఏ లు పూర్తి చేశారు. ఈ రైతు కమిటీల్లో మహిళా రైతులకు ప్రాధాన్యం ప్రాధాన్యం కల్పించగా, ఎస్సీ, ఎస్టీలలో చిన్న, సన్నకారు రైతులకు సైతం అవకాశం కల్పించారు. నియోజకవర్గ స్థాయిలో ఏర్పాటైన 25 మంది రైతు కమిటీలను కలిసి జిల్లా స్థాయిలో కూడా కమిటీని ఏర్పాటు చేయనున్నారు. వ్యవసాయ శాస్త్రవేత్తలతో నేరుగా పొలాల్లో క్షేత్రస్థాయి పర్యటనలు, రైతులతో ముఖాముఖి కార్యక్రమాలు ఉంటాయి. ఇందుకోసం ప్రతి ఏడీఏ ఖాతాలో రూ.3.34 లక్షల చొప్పున జమ చేశారు. త్వరలోనే సుమారు వెయ్యి మంది రైతులతో భారీ ఎత్తున ‘కిసాన్‌’ మేళా నిర్వహించేందుకు రూ.6 లక్షలు కేటాయించారు. ఐదేళ్ల తర్వాత సంస్థకు నిధులు తొలి విడతగా రూ.22.74 లక్షలు మంజూరు ప్రారంభం కానున్న శిక్షణ కార్యక్రమాలు త్వరలో వెయ్యి మందితో కిసాన్‌ మేళా సాంకేతికతను అందిస్తాం ఆత్మ పథకానికి నిధులు విడుదల కావడం చాలా సంతోషంగా ఉంది. జిల్లా కలెక్టర్‌ ఆమోదంతో నియోజకవర్గాల రైతు కమిటీల ఏర్పాటు పూర్తయ్యింది. త్వరలోనే రైతులకు శిక్షణ కార్యక్రమాలు ప్రారంభించి వారికి ఆధునిక సాంకేతికతను అందిస్తాం. కిసాన్‌ మేళా నిర్వహణకు సన్నాహాలు కూడా చేస్తున్నాం. – రాయుడు తిరుమల ప్రసాద్‌, పీడీ, ఆత్మ

నిజామాబాద్‌ అర్బన్‌: ధాన్యం సేకరణకు ఏర్పాట్లు పూర్తి చేయాలని కలెక్టర్‌ భవేష్‌ మిశ్రా అధికారులను ఆదేశించారు. సమీకృత జిల్లా కార్యాలయాల సముదాయంలోని వీడియో కాన్ఫరెన్స్‌ హాల్‌లో సంబంధిత శాఖల అధికారులతో ధాన్యం సేకరణ ఏర్పాట్లపై సోమవారం సమీక్ష నిర్వహించారు. ఆరు లక్ష ల మెట్రిక్‌ టన్నుల ధాన్యాన్ని సేకరించాలని లక్ష్యంగా నిర్దేశించామని, తదనుగుణంగా ప్రణాళికాబద్ధంగా కొనుగోలు ప్రక్రియ కొనసాగేలా అధికారులు సమన్వయంతో పని చేయాలని అధికారులను కలె క్టర్‌ ఆదేశించారు. సకాలంలో డిజిటల్‌ క్రాప్‌ సర్వే పూర్తి చేయాలన్నారు. సేకరించిన ధాన్యాన్ని నిల్వ చేసేందుకు గిడ్డంగులు, ఫంక్షన్‌ హాళ్లు, ఆయా ప్రదేశాలను క్షేత్రస్థాయిలో గుర్తించినట్లు తెలిపారు. డిఫా ల్ట్‌ జాబితాలో లేని రైస్‌ మిల్లులకు ధాన్యం కేటా యించేలా ప్రభుత్వం తాజాగా అనుమతించిందని కలెక్టర్‌ తెలిపారు. ప్రభుత్వం నిర్ధారించిన 7 రకాల సన్నాలను పక్కాగా గుర్తించేలా సంబంధిత అధికారులకు, వలంటీర్లకు తగిన శిక్షణ అందించాలని అన్నారు. డీఎస్‌వో శ్రీకాంత్‌రెడ్డి, సివిల్‌ సప్లయీస్‌ డీఎం ప్రవీణ్‌, జిల్లా వ్యవసాయ శాఖ అధికారి వీరస్వామి డీసీవో శ్రీనివాస్‌రావు మార్కెటింగ్‌ శాఖ అధికారిణి గంగుబాయి తదితరులు పాల్గొన్నారు. విద్యార్థుల భద్రతకు.. నిజామాబాద్‌ అర్బన్‌: పాఠశాల విద్య, ఎస్సీ, ఎస్టీ, బీసీ, మైనారిటీ సంక్షేమ శాఖల పరిధిలోని అన్ని రెసిడెన్షియల్‌ విద్యా సంస్థలను పర్యవేక్షిస్తూ విద్యార్థుల భద్రతకు ప్రాధాన్యత ఇవ్వాలని రాష్ట్ర ప్రభుత్వ ప్రధాన కార్యదర్శి సంజయ్‌ జాజు ఆదేశించారు. సోమవారం ఆయన వీడియోకాన్ఫరెన్స్‌ ద్వారా మాట్లాడారు. రెసిడెన్షియల్‌ స్కూళ్లు/కళాశాలలను క్రమం తప్పకుండా ఆకస్మికంగా తనిఖీ చేస్తూ, విద్యార్థులకు అందుతున్న సౌకర్యాలను క్షేత్రస్థాయిలో పరిశీలించాలని సూచించారు. జిల్లాలో ఇప్పటివరకు ఎక్కడ కూడా కలుషిత ఆహారం, పాముకాటు వంటి ఘటనలు చోటుచేసుకోలేదని కలెక్టర్‌ భవేశ్‌ మిశ్రా తెలిపారు.

● ప్రభుత్వ పాఠశాలలకు 204 టాయిలెట్లు మంజూరు ● పాత మరుగుదొడ్ల మరమ్మతులకు నిధులు ఖలీల్‌వాడి: జిల్లాలోని ప్రభుత్వ పాఠశాలల్లో మరుగుదొడ్ల మరమ్మతులకు, 204 నూతన మరుగుదొడ్ల నిర్మాణానికి ప్రభుత్వం నిధులు విడుదల చేసింది. ఇప్పటి వరకు మరుగుదొడ్లు లేని పాఠశాలల్లో నూతనంగా నిర్మించనుండడంతో విద్యార్థులకు ఇబ్బందులు తప్పనున్నాయి. త్వరలో పనులను ప్రారంభించేందుకు సమగ్ర శిక్ష అభియాన్‌ కార్యాచరణ సిద్ధం చేస్తోంది. మరుగుదొడ్లు అవసరం ఉన్న పాఠశాలల వివరాలను యూడైస్‌ ద్వారా సేకరించారు. పాఠశాల విద్యా శాఖ డైరెక్టర్‌కు జిల్లా విద్యా శాఖ అధికారులు నివేదికలు సమర్పించారు. జిల్లాలో మొత్తం 1136 ప్రభుత్వ పాఠశాలలు ఉండగా, సుమారు 1.04 లక్షల మంది విద్యార్థులు విద్యనభ్యసిస్తున్నారు. చాలా ప్రభుత్వ పాఠశాలల్లో మరుగుదొడ్లు ఉన్నప్పటికీ శిథిలావస్థకు చేరుకున్నాయి. మరికొన్ని పాఠశాలల్లో అసలే లేకపోవడంతో విద్యార్థులు అవస్థలు పడుతున్నారు. బాలురు ఆరుబయటికి వెళ్తుండగా, బాలికలు తీవ్ర ఇబ్బందులు పడుతున్నారు. కొన్ని పాఠశాలల్లో మరుగుదొడ్లు ఉన్నా నీటి సౌకర్యం లేకపోవడంతో అవి వృథాగానే ఉన్నాయి. వీటన్నింటినీ అందుబాటులోకి తీసుకొచ్చేందుకు విద్యా శాఖ చర్యలు చేపడుతోంది. మొత్తం సుమారు రూ.కోటి వరకు నిధులను ప్రభుత్వం కేటాయించింది. నిరుపయోగంగా ఉన్న మరుగుదొడ్లు సైతం అందుబాటులోకి రానున్నాయి. గతేడాది ముందుకు రాని కాంట్రాక్టర్లు.. ఎన్‌ఆర్‌ఈజీఎస్‌ నిధులతో 103 పాఠశాలల్లో మరుగుదొడ్లు నిర్మించాలని కలెక్టర్‌ ఇలా త్రిపాఠి గతేడాది ఆదేశాలు జారీ చేశారు. అయితే కాంట్రాక్టర్లు ముందుకు రాలేదు. జిల్లాలోని 204 పాఠశాలల్లో మరుగుదొడ్ల నిర్మాణానికి తాజాగా రాష్ట్ర పాఠశాల విద్యాశాఖకు సర్వశిక్షా అభియాన్‌ నుంచి ప్రతిపాదనలు పంపించారు. జిల్లాలోని ప్రభుత్వ పాఠశాలలకు 204 మరుగుదొడ్లు మంజూరు చేస్తూ పాఠశాల విద్యా శాఖ డైరెక్టర్‌ ఉత్తర్వులు జారీ చేశారు. మంజూరయ్యాయి. బాలురు, బాలికలకు వేర్వేరుగా కేటాయించారు. నిధుల కేటాయింపు ఎలా ఉండనుందనే దానిపై స్పష్టత లేదు. నిధులు కేటాయించగానే పనులను ప్రారంభిస్తాం. – శ్రీధర్‌రెడ్డి, సెక్టోరల్‌ అధికారి, నిజామాబాద్‌

కమ్మర్‌పల్లి(భీమ్‌గల్‌):భీమ్‌గల్‌ మండలం ముచ్కూ ర్‌, పట్టణంలోని కస్తూర్భా గాంధీ బాలికల విద్యాల యం,ఏర్గట్ల, వేల్పూర్‌ మండలం పచ్చలనడ్కుడ గ్రామాల ఉన్నత పాఠశాలలకు వ్యాపారవేత్త ఏను గు దయానంద్‌రెడ్డి చేయూత అందించారు. బా ల్కొండ ఎమ్మెల్యే ప్రశాంత్‌రెడ్డి సౌజన్యంతో ము చ్కూర్‌, ఏర్గట్ల, పచ్చలనడ్కుడ పాఠశాలలకు రూ. 1.80లక్షల చొప్పున సైన్స్‌ ల్యాబ్‌ సామగ్రిని, కేజీబీవీకి రూ. 1,46,650 విలువైన డ్యూయెల్‌ డెస్క్‌ బెంచీలను వితరణ చేశారు. వేల్పూర్‌లోని ఎమ్మెల్యే ప్రశాంత్‌రెడ్డి సోమవారం తన నివాసంలో ఆయా పాఠశాలల ప్రతినిధులకు ల్యాబ్‌ మెటీరియల్‌, డె స్క్‌ బెంచీలను అందజేశారు. గ్రామ సర్పంచ్‌లు, ఉ పాధ్యాయులు, పాఠశాల యాజమాన్య ప్రతినిధు లు, గ్రామాభివృద్ధి కమిటీ సభ్యులు పాల్గొన్నారు.

నవీపేట: మండలంలోని యంచ శివారులోగల గోదావరి నది పైగల బ్రిడ్జిపై ఓ యువకుడు నదిలో దూకుతానంటూ హల్‌చల్‌ చేశాడు. వివరాలు ఇలా.. నవీపేటకు చెందిన యువకుడు నవీన్‌కు తల్లి మృతి చెందగా తండ్రి, అన్న వద్ద ఉంటున్నాడు. బైక్‌ కొనివ్వాలని ఇంట్లో మారాం చేయడంతో అన్న తిరస్కరించాడు. దీంతో ఆవేశానికి లోనైన నవీన్‌ గంగలో పడుతానని బెదిరించి వెళ్లిపోయాడు. సోమవారం గోదావరి బ్రిడ్జిపైకి చేరుకుని షర్ట్‌ విప్పేసి బ్రిడ్జి అటువైపు దిగి హల్‌చల్‌ చేశాడు. యంచ సర్పంచ్‌ బేగరి సాయిలు, ఉప సర్పంచ్‌ ప్రవీణ్‌ గమనించి, యువకుడి వివరాలు అడిగారు. వెంటనే అన్న సందీప్‌కు ఫోన్‌ చేయగా అక్కడికి వచ్చి, బైక్‌ కొనిస్తానని హామీ ఇవ్వడంతో వారి వద్దకు వచ్చాడు. వెంటనే బాసర పోలీసులు అదుపులోకి తీసుకుని స్టేషన్‌కు తీసుకెళ్లారు. వారం క్రితం ఇంట్లో అన్న కొడుతుండని ఇలాగే బాసర గంగలో పడుతానంటూ ఇంట్లోంచి వెళ్లాడని సందీప్‌ పోలీసులకు వివరించాడు.

మాక్లూర్‌: సాగు చేసిన పంటను అడవి పందుల నుంచి కాపాడుకునేందుకు ఓ రైతు పెట్టిన కరెంట్‌షాక్‌ ఫెన్సింగ్‌ తన పాలిట మృత్యువైంది. వివరాలు ఇలా.. మండలంలోని అమ్రాద్‌ తండాకు చెందిన మలోత్‌ మోహన్‌ (45) అనే రైతు సోమవారం పొలానికి వెళ్లగా.. పందుల కోసం పెట్టిన కరెంట్‌ వైర్‌కు ప్రమాదవశాత్తు తగిలాడు. వెంటనే మోహన్‌ కరెంట్‌షాక్‌తో అక్కడికక్కడే మృతి చెందాడు. సమాచారం అందుకున్న పోలీసులు ఘటన స్థలానికి చేరుకొని, వివరాలు సేకరించారు. మృతుడి భార్య కళాబాయి ఫిర్యాదు మేరకు కేసు నమోదు చేసుకున్నట్లు ఎస్సై అనిల్‌రెడ్డి తెలిపారు. నిజామాబాద్‌ లీగల్‌: ఇద్దరు భార్యలున్న ఓ రిటైర్డ్‌ ప్రభుత్వ ఉద్యోగి తన రిటైర్మెంట్‌ బెనిఫిట్స్‌ పంపిణీ విషయంలో ఇబ్బందులు రాగా, జిల్లా న్యాయసేవ సంస్థ ద్వార కేసు లేకుండానే విజయవంతంగా పరిష్కరించారు. ఈసందర్భంగా జిల్లా న్యాయసేవ సంస్థ కార్యదర్శి ముద్దసాని నీలిమ సోమవారం మాట్లాడుతూ.. ఫిర్యాదుదారులు సమస్య పరిష్కారం కోసం జిల్లా న్యాయసేవ సంస్థను సంప్రదించగా, పలుమార్లు కౌన్సెలింగ్‌ ఇచ్చి సమస్య పరిష్కరించేటట్లు పలు సూచనలు చేయడంతో ఇరువర్గాల వారు రాజీకి రావడంతో సమస్య పరిష్కారమైందన్నారు. దీంతో కక్షిదారుల విలువైన సమయం, డబ్బులు వృథా చేసుకోకుండా, పోలీసు స్టేషన్ల చుట్టు తిరగకుండా త్వరితగతిన సమస్య పరిష్కరించుకునేందుకు మీడియేషన్‌ వీలు కల్పిస్తోందన్నారు. ఇందల్వాయి: మండలంలోని చంద్రాయన్‌పల్లి గ్రామ శివారులోగల 44వ నంబరు జాతీయ రహదారిపై సోయవారం సాయంత్రం కామారెడ్డి నుంచి నిజామాబాద్‌ వైపు వెళుతున్న టాటా ఏస్‌ వాహనం బోల్తా పడింది. ఈ ఘటనలో ఎలాంటి ప్రాణ నష్టం జరగలేదని, వాహనం రోడ్డుపై పడటంతో ట్రాఫిక్‌కి తీవ్ర అంతరాయం కలిగినట్లు స్థానికులు తెలిపారు. సమాచారం అందుకున్న టోల్‌ప్లాజా సిబ్బంది క్రేన్‌ సహాయంతో వాహనాన్ని తొలగించి ట్రాఫిక్‌ని తొలగించారు. ప్రమాద ఘటన సమీపంలోనే కల్వర్టు నిర్మాణం జరుగుతుండగా, సరైన హెచ్చరిక సూచికలు, జాగ్రత్తలు పాటించక పోవడంతో పనులు ప్రారంభమైనప్పటినుంచి తరుచూ ప్రమాదాలు జరుగుతున్నాయని స్థానికులు తెలిపారు.

నిజామాబాద్‌ అర్బన్‌: పోలీస్‌ కమిషనరేట్‌ కార్యాలయంలో సోమవారం నిర్వహించిన ప్రజావాణికి 36 ఫిర్యాదులు అందాయి. సీపీ సాయిచైతన్య ఫిర్యాదులను స్వీకరించారు. ఫిర్యాదులను పరిశీలించి చట్టపరమైన పరిష్కారం చూపాలని సంబంధిత పోలీసు అధికారులను ఆదేశించారు. ప్రజలు తమ సమస్యలను నిర్భయంగా పోలీసులకు తెలుపాలని ఆయన సూచించారు. కమ్మర్‌పల్లి: మండలంలోని కోనాపూర్‌ గ్రామానికి చెందిన పొన్నం హరీష్‌ (42) ఉపాధి నిమిత్తం షార్జాకు వెళ్లగా సెప్టెంబర్‌ 8న కార్డియాక్‌ అరెస్ట్‌తో మరణించాడు. దీంతో బాధిత కుటుంబానికి ఎమిరేట్స్‌ తెలంగాణ కల్చర్‌ అండ్‌ వెల్ఫేర్‌ అసోసియేషన్‌ (ఈటీసీఏ) చేయూత అందించింది. కోనాపూర్‌లోని హరీష్‌ కుటుంబ సభ్యులను సోమవారం ఈటీసీఏ వ్యవస్థాపక అధ్యక్షుడు పీచర కిరణ్‌కుమార్‌ పరామర్శించి రూ.60వేల ఆర్థిక సహాయాన్ని అందజేశారు. హరీష్‌ పార్థివదేహాన్ని షార్జా నుంచి స్వదేశానికి తరలించేందుకు భారత కాన్సులేట్‌, దుబాయ్‌ సహకారంతో అవసరమైన ఏర్పాట్లు చేయగా, హైదరాబాద్‌ నుంచి కోనాపూర్‌కు తరలించేందుకు రాష్ట్ర ప్రభుత్వం అంబులెన్స్‌ సౌకర్యం కల్పించిందని కిరణ్‌కుమార్‌ తెలిపారు.

వర్ని: రైతులు పండించిన ధాన్యాన్ని హడావుడిగా విక్రయించి నష్టపోవద్దని రోజువారి పరిస్థితులను బట్టి అధిక ధరకు విక్రయించి లాభాలు పొందాలని ప్రభుత్వ వ్యవసాయ సలహాదారు, బాన్సువాడ ఎ మ్మెల్యే పోచారం శ్రీనివాస్‌రెడ్డి అన్నారు. మండలంలోని పాతవర్ని సహకార సంఘంలో నిర్మించిన 250 మెట్రిక్‌ టన్నుల గోదాంను సోమవారం ఆయ న ప్రారంభించారు. ప్రస్తుతం వర్షాభావ పరిస్థితుల మూలంగా రాష్ట్రంలో ఉన్న ఏ ప్రాజెక్టు నుంచి సాగునీటిని విడుదల చేయడం లేదని కేవలం ఒక్క ని జాంసాగర్‌ ప్రాజెక్టు నుంచి మాత్రమే విడుదల చే స్తున్నట్లు తెలిపారు. అనంతరం ప లు గ్రామాల్లో నూతన జీపీ భవనాలను ఎమ్మెల్యే ప్రారంభించారు. ప్రజాప్రతినిధులు,నాయకులు కాసుల బాలరాజు,సురేష్‌ బాబా, ఆనంద్‌, సాయిబాబా, నేమా ని వీర్రాజు, హరిదాసు, రంజానాయక్‌ తదితరులు పాల్గొన్నారు.

సుభాష్‌నగర్‌: నిజామాబాద్‌ జిల్లా సహకార కేంద్ర బ్యాంకు లిమిటెడ్‌ (ఎన్‌డీసీసీబీ)లో రూ.100 కోట్ల డిపాజిట్ల మైలురాయిని అధిగమించామని బ్యాంకు సీఈఓ నాగభూషణం వందే తెలిపారు. ఈసందర్భంగా నగరంలోని ఎన్‌డీసీసీబీ ప్రధాన కార్యాలయంలో సోమవారం ఆయన కేక్‌ కట్‌ చేశారు. అనంతరం ఆయన మాట్లాడుతూ.. ఒకే బ్రాంచ్‌లో ఇన్ని డిపాజిట్లు రావడం ఎన్‌డీసీసీబీ చరిత్రలోనే మొదటిసారి అని పేర్కొన్నారు. ఈ విజయానికి సహకరించిన ప్రధాన కార్యాలయ సిబ్బంది, అధికారులు, ఖాతాదారులకు ఆయన కృతజ్ఞతలు తెలియజేశారు. ఇదే స్ఫూర్తితో బ్యాంకులోని అన్ని శాఖలు డిపాజిట్ల సమీకరణకు మరింత ప్రాధాన్యతనిస్తూ, తమ లక్ష్యాలను సాధించేందుకు కృషి చేయాలని సూచించారు. ప్రస్తుతం బ్యాంకు అందిస్తున్న ‘సంపద’ డిపాజిట్‌ పథకం ద్వారా సాధారణ ఖాతాదారులకు 8శాతం, సీనియర్‌ సిటిజన్లకు 8.5శాతం వడ్డీ అందిస్తున్నామని, ఈ పథకాన్ని ప్రజలకు విస్తృతంగా తెలియజేసి సద్వినియోగం చేసుకునేలా చూడాలన్నారు. కార్యక్రమంలో బ్యాంకు ఉన్నతాధికారులు లింబాద్రి, అనుపమ, సుమమాల, ప్రధాన కార్యాలయ సిబ్బంది పాల్గొన్నారు.

సుభాష్‌నగర్‌:ఎంపీ అర్వింద్‌పై ఆర్మూర్‌ మాజీ ఎ మ్మెల్యే, బీఆర్‌ఎస్‌ జిల్లా అధ్యక్షుడు జీవన్‌రెడ్డి అనుచిత వ్యాఖ్యలు చేయడం సరికాదని, మరోసారి ఎంపీపై అవాకులు, చెవాకులు పేల్చితే ఊరుకోబోమని బీజేపీ జిల్లా అధ్యక్షుడు దినేష్‌ పటేల్‌ కులాచారి స్పష్టంచేశారు. నగరంలోని బీజేపీ కార్యాలయంలో సోమవారం ఏర్పాటుచేసిన విలేకర్ల సమావేశంలో ఆయన మాట్లాడారు. రైతాంగ సమస్యలపై కిసాన్‌ మోర్చా ఆధ్వర్యంలో సైకిల్‌ యాత్ర చేపడితే అర్వింద్‌ను, నాయకులను బీఆర్‌ఎస్‌ శ్రేణులు అడ్డుకోవడంపై ఆగ్రహం వ్యక్తం చేశారు. బీఆర్‌ఎస్‌ పదేళ్ల పాలనలో నిజామాబాద్‌ జిల్లాలో చేసిన అభివృద్ధి, ఏడున్నరేళ్లలో ఎంపీగా అర్వింద్‌ చేసిన అభివృద్ధిపై బహిరంగ చర్చకు సిద్ధమని సవాల్‌ విసిరారు. ప్ర మోద్‌కుమార్‌, లక్ష్మీనారాయణ, న్యాలం రాజు, విజ య, గంగారెడ్డి, వేణు తదితరులు పాల్గొన్నారు.

సుభాష్‌నగర్‌: నిజామాబాద్‌ మున్సిపల్‌ కార్పొరేషన్‌ (ఎన్‌ఎంసీ) బడ్జెట్‌ రూ.కోట్లలో కేటాయిస్తున్నా.. అభివృద్ధి పనులకు మాత్రం ఒక్క రూపాయి ఖర్చు చేయడం లేదని, అవినీతికి కేరాఫ్‌ అడ్రస్‌గా కార్పొరేషన్‌ మారిందని నిజామాబాద్‌ అర్బన్‌ ఎమ్మె ల్యే ధన్‌పాల్‌ సూర్యనారాయణ మండిపడ్డారు. బీజే పీ కార్పొరేటర్ల ఆధ్వర్యంలో ‘బల్దియా సమస్యలపై పోరాటం’ ఆందోళనలను నగరంలోని ధర్నా చౌక్‌ లో సోమవారం నిర్వహించారు. ఈ సందర్భంగా ప్లకార్డులు ప్రదర్శిస్తూ కాంగ్రెస్‌కు వ్యతిరేకంగా నినాదాలుచేశారు. ఈ సందర్భంగా ఎమ్మెల్యే ధన్‌పాల్‌ మాట్లాడుతూ.. ఎమ్మెల్యేగా ఉండి తాను నిజామా బాద్‌ అభివృద్ధి కోసం ధర్నా చేస్తున్నానంటే ప్రభు త్వం ఎంత నిర్లక్ష్యంగా వ్యవహరిస్తుందో అర్థం చే సుకోవాలన్నారు. కార్పొరేషన్‌కు రూ.150 కోట్ల ఆ దాయం, రూ.94 కోట్ల మిగులు బడ్జెట్‌ ఉన్నా.. ఒ క్కరూపాయి ఖర్చుచేయకపోవడం సిగ్గుచేటన్నారు. రూ.200 కోట్ల మంజూరు హామీ ఏమైంది? నిజామాబాద్‌ అభివృద్ధికి రూ.200 కోట్లు మంజూ రు చేయిస్తానని టీపీసీసీ అధ్యక్షుడు మహేశ్‌కుమార్‌ గౌడ్‌ ఇచ్చిన హామీ ఏమైందని ధన్‌పాల్‌ ప్రశ్నించా రు. ప్రభుత్వంలో ఉండి కూడా మేయర్‌ ఏమీ చేయ లేని నిస్సహాయ స్థితిలో ఉన్నారన్నారు. కాగితాలపై చూయిస్తున్న నిధులతో చేసిన రోడ్లు, నిర్మించిన డ్రెయినేజీలు, వీధి దీపాలు కనిపిస్తే ప్రజలకు ప్ర యోజనం కలుగుతుందన్నారు. కమిషనర్‌కు అనేకసార్లు కలిసి లేఖలు అందించినా స్పందించకపోవ డం తగదన్నారు. బడ్జెట్‌లో డివిజన్ల అభివృద్ధి కో సం రూ.35 కోట్లు కేటాయించినా.. ఇప్పటివరకు ఒ క్క రూపాయి ఖర్చు చేయలేదన్నారు. బీజేపీ జిల్లా అధ్యక్షుడు దినేష్‌ పటేల్‌ కులాచారి మాట్లాడుతూ నిజామాబాద్‌ అభివృద్ధి కోసం రాష్ట్ర ప్రభుత్వం కేంద్రానికి ప్రతిపాదనలు పంపించాలన్నారు. ఎమ్మె ల్యే, ఎంపీ కలిసి నిధులు తీసుకొస్తారన్నారు. కార్పొరేషన్‌ కార్యాలయం ముట్టడి ధర్నాచౌక్‌ నుంచి కార్పొరేషన్‌ కార్యాలయ ముట్టడి కి ఎమ్మెల్యేతోపాటు బీజేపీ కార్పొరేటర్లు బయల్దేర గా, పోలీసులు బారీకేడ్లు పెట్టి లోనికి వెళ్లకుండా అ డ్డుకున్నారు. ఈక్రమంలో తోపులాటతో తీవ్ర ఉద్రిక్త త నెలకొంది. పోలీసులు అడ్డుకోవడంతో ఎమ్మెల్యే ధన్‌పాల్‌ ఆగ్రహం వ్యక్తంచేశారు. కమిషనర్‌ వచ్చే వరకు కదిలేది లేదని హెచ్చరించి బైటాయించారు. అనంతరం కమిషనర్‌ దిలీప్‌కుమార్‌కు వినతిపత్రం అందజేశారు. మున్సిపల్‌ ఫ్లోర్‌లీడర్‌ ప్రమోద్‌కుమా ర్‌, కార్పొరేటర్లు, నాయకులు నాగోళ్ల లక్ష్మీనారాయ ణ, న్యాలం రాజు, బంటు రాము, ఎర్రం సుధీర్‌, పులగం వైష్ణవి సుధా, విజయ, చింత ప్ర సూన శ్రీనివాస్‌రెడ్డి, బట్టు రాఘవేందర్‌, యాదాల నరేష్‌, మాదాసు స్వామి యాదవ్‌, విజయ్‌ పాల్గొన్నారు. బడ్జెట్‌లో కేటాయింపులు కోట్లు.. పనులకు మాత్రం తూట్లు మండిపడిన అర్బన్‌ ఎమ్మెల్యే ధన్‌పాల్‌ కార్పొరేషన్‌ కార్యాలయ ముట్టడికి యత్నం.. నిలువరించిన పోలీసులు

బోధన్‌ రూరల్‌: గణేశ్‌ మండపం కోసం ఏర్పాటు చేసిన తాళ్లను తెంచేక్రమంలో ఓ యువకుడు కిందపడి మృతి చెందిన ఘటన బోధన్‌ మండలం ఖాజాపూర్‌ గ్రామంలో ఆదివారం చోటు చేసుకుంది. రూరల్‌ ఎస్సై రాజశేఖర్‌ తెలిపిన వివరాల ప్రకారం.. ఖాజాపూర్‌ గ్రామానికి చెందిన భాస్కర్‌(19) ఆదివారం ఉదయం 10.30 గంటల సమయంలో తన స్నేహితుడితో కలిసి గణేశ్‌ మండపం కోసం ఏ ర్పాటు చేసిన కట్టెలకు కట్టిన తాళ్లను తెంచుతుండ గా ఒక్కసారిగా కిందపడిపోయాడు. తీవ్ర గాయా లు కావడంతో కుటుంబీకులు బోధన్‌ ఆస్పత్రికి తరలించారు. అక్కడ పరీక్షించిన వైద్యులు అతను అప్పటికే మృతి చెందినట్లు వైద్యులు నిర్ధారించారు. మృతుడి తండ్రి ఫిర్యాదు మేరకు కేసు నమోదు చేసి దర్యాప్తు చేపట్టినట్లు ఎస్సై తెలిపారు. నిజాంసాగర్‌(జుక్కల్‌): మద్యానికి బానిసైన ఓ వ్యక్తి జీవితంపై విరక్తితో ఇంట్లో ఉరేసుకొని ఆత్మహత్య చేసుకున్నాడు. పోలీసులు తెలిపిన వివరాల ప్రకారం.. మహమ్మద్‌నగర్‌ మండలం సింగీతం గ్రామానికి చెందిన వనం విఠల్‌(58) అనే వ్యక్తికి మద్యం అలవాటు ఉంది. మూడు నెలల క్రితం మద్యానికి డబ్బులు లేకపోవడంతో భార్య చంద్రకళ పుస్తెలతాడును అమ్ముకున్నాడు.అలాగే శనివారం మద్యం సే వించి ఇంటికి వచ్చిన విఠల్‌ తిరిగి మద్యానికి డబ్బు ల కోసం భార్యతో గొడవపడ్డాడు. రాత్రి గదిలో నిద్రించిన అతను ఆత్మహత్యకు పాల్పడ్డాడు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. పిట్లం: బైక్‌ అదుపు తప్పి కిందపడ్డ ఘటనలో ఒకరికి తీవ్రగాయాలైన ఘటన పిట్లం శివాజీ చౌక్‌ సమీపంలో చోటు చేసుకుంది. స్థానికులు తెలిపిన వివరాల ప్రకారం.. నిజాంసాగర్‌ మండలంలోని మల్లూర్‌ గ్రామానికి చెందిన భూమేశ్‌ ఆదివారం బైక్‌పై వెళ్తుండగా పిట్లం శివాజీ చౌక్‌ సమీపంలో స్పీడ్‌ బ్రేకర్‌ వద్ద వాహనం అదుపుతప్పి రోడ్డుపై పడిపోయాడు. అతనికి తీవ్ర గాయాలు కావడంతో స్థానికులు చికిత్స నిమిత్తం ఆస్పత్రికి తరలించారు. ఎల్లారెడ్డి: ధాన్యం తరలిస్తున్న లారీని అడ్డగించి డ్రైవర్‌ నుంచి డబ్బులు వసూలు చేయాలని చూసిన నలుగురు విలేకరులపై కేసు నమోదు చేసినట్లు ఎస్సై రాజు ఆదివారం తెలిపారు. వివరాలిలా ఉన్నాయి. హైదరాబాద్‌ వైపునకు శనివారం రాత్రి ధాన్యం లోడ్‌తో వెళ్తున్న ఓ లారీని బాన్సువాడకు చెందిన నలుగురు విలేకరులు ఎల్లారెడ్డి మండలంలోని మల్లయ్యపల్లి శివారులో అడ్డుకున్నారు. వీరు డ్రైవర్‌ నుంచి డబ్బులు వసూలు చేయాలని చూ శారు. అంతలోనే పోలీసుల పెట్రోలింగ్‌ వాహనం అక్కడికి రావడంతో వారు పరారయ్యారని, కేసు నమోదు చేసినట్లు ఎస్సై తెలిపారు.

● మేయర్‌ ఉమారాణి, అదనపు కలెక్టర్‌ భుజంగరావు ● ఘనంగా బాపూజీ జయంతి నిజామాబాద్‌అర్బన్‌: తెలంగాణవాది, స్వా తంత్య్ర పోరాట యోధుడు ఆచార్య కొండా లక్ష్మణ్‌ బాపూజీ 111వ జయంతిని జిల్లా వె నుకబడిన తరగతుల అభివృద్ధి శాఖ ఆధ్వర్యంలో ఆదివారం ఘనంగా నిర్వహించారు. నగర మేయర్‌ కూరగాయల ఉమారాణి, అదనపు కలెక్టర్‌ భుజంగరావు వినాయకనగర్‌లోని కొండా లక్ష్మణ్‌ బాపూజీ విగ్రహానికి పూలమాలలు వేసి నివాళులర్పించారు. అ నంతరం వారు మాట్లాడుతూ తెలంగాణ రాష్ట్ర సాధన కోసం తుదిశ్వాస వరకు అంకితభావం, నిజాయితీగా కృషి చేసిన మహనీయుడు కొండా లక్ష్మణ్‌ బాపూజీ అని కొనియాడారు. తెలంగాణ ఉద్యమంలోనే కాకుండా దేశ స్వాతంత్య్ర పోరాటంలోనూ పాల్గొన్నారని గుర్తుచేశారు. ఆయన ఆశయాల సా ధనకు ప్రతి ఒక్కరూ కృషి చేయాలని పిలుపునిచ్చారు. కార్యక్రమంలో జిల్లా వెనుకబడిన తరగతుల అభివృద్ధి శాఖ అధికారి సాయికుమార్‌, బీసీ కుల సంఘాల ప్రతినిధులు, అధికారులు తదితరులు పాల్గొన్నారు.

రామారెడ్డి: కుటుంబ కలహాలు.. ఆర్థిక ఇబ్బందులు.. మద్యం మత్తు.. కారణం ఏదైనా విలువైన ప్రాణాలు గాలిలో కలిసిపోతున్నాయి. రామారెడ్డి మండలంలో ఆత్మహత్యల ఘటనలు ఆందోళనలు కలిగిస్తున్నాయి. చిన్నచిన్న సమస్యలకే త్రీవ నిర్ణయాలు తీసుకుంటూ కొందరు బలవన్మరణాలకు పాల్పడుతున్నారు. దీంతో ఆయా కుటుంబాల్లో తీరని విషాదం నెలకొంటోంది. రామారెడ్డి మండల పరిధిలో 2026 జనవరి నుంచి సెప్టెంబర్‌ 27 వరకు 19 మంది ఆత్మహత్యలకు పాల్పడ్డారు. వీరిలో 12 మంది పురుషులు, ఏడుగురు మహిళలు ఉన్నారు. కుటుంబ సమస్యలు, ఆర్థిక ఇబ్బందులు, అనారోగ్యం, మద్యానికి బానిస కావడం తదితర కారణాలతో పలువురు ఈ దారుణ నిర్ణయానికి పాల్పడినట్లు తెలుస్తోంది. ఒక్కో ఘటన వెనుక ఒక్కో విషాద గాథ ఉన్నా.. కుటుంబ సభ్యులకు మాత్రం తీరని లోటు మిగులుతోంది. మద్యమే ప్రధాన కారణంగా.. మండలంలోని పలు గ్రామాల్లో మద్యం సేవించిన అనంతరం కుటుంబ సభ్యులతో గొడవలు జరగడం, ఆవేశంలో ఆత్మహత్యలకు పాల్పడటం వంటి ఘటనలు చోటు చేసుకుంటున్నాయి. మద్యం మత్తులో విచక్షణ కోల్పోయి తీసుకునే నిర్ణయాలు చివరకు కుటుంబాలను చిన్నాభిన్నం చేస్తున్నాయి. మద్యం వినియోగాన్ని నియంత్రించడంతో పాటు బాధిత కుటుంబాలకు అవగాహన కల్పించాల్సిన అవసరం ఎంతైనా ఉందని పలువురు పేర్కొంటున్నారు. రామారెడ్డిని ముంచుతున్న ‘ఆత్మహత్య’ల మహమ్మారి! తొమ్మిది నెలల్లో 19 మంది బలవన్మరణం చిన్న సమస్యలకే తీవ్ర నిర్ణయాలు

● ఉపాధి పేరిట ఏజెంట్‌ మోసం ● స్వదేశానికి రప్పించాలంటున్న బాధిత కుటుంబాలు బాన్సువాడ రూరల్‌: ఏజెంట్‌ మోసంతో ఉమ్మడి నిజామాబాద్‌ జిల్లాకు చెందిన నలుగురు యువకులు రష్యా సైన్యంలో చేరి విలవిలలాడుతున్నారు. అక్కడి శిక్షణ తట్టుకోలేక.. స్వదేశం రాలేక తీవ్ర ఇబ్బందులు పడుతూ తమ పరిస్థితిని కుటుంబీకులకు వివరిస్తూ ఎలాగైన స్వదేశానికి రప్పించాలని వేడుకుంటున్నారు. బాధిత కుటుంబాలు తెలిపిన వివరాలు ఇలా.. బాన్సువాడ మండలం తాడ్కోల్‌ గ్రామానికి చెందిన మహ్మద్‌ అఫ్జల్‌ఖాన్‌, నిజామాబాద్‌ జిల్లా మునిపల్లి తండాకు చెందిన బుక్యా రవీందర్‌, పెద్దవాల్గోట్‌కు చెందిన సిర్సు అశోక్‌, దమ్మన్నపేట్‌ తండా ధర్పల్లికి చెందిన మేగావత్‌ ప్రకాష్‌తో పాటు మరో వ్యక్తి ఉపాధి నిమిత్తం ఫిబ్రవరిలో రష్యా వెళ్లారు. మాస్కో నగరంలో 6నెలల పాటు మెకానికల్‌ ఫీల్డ్‌ హెల్పర్‌ విభాగంలో పనిచేశారు. పని ముగిసిందని స్వదేశం వెళ్లిపోవాలని ఏజెంట్‌ గంగాధర్‌ చేతులెత్తేశాడు. దీంతో దిక్కుతోచని స్థితిలో ఉన్న నలుగురిని దోమకొండకు చెందిన తెల్లకృష్ణ రష్యన్‌ ఆర్మీలో గార్డెనింగ్‌, లోడింగ్‌–అన్‌లోడింగ్‌ పేరిట పనిలో చేర్పించాడు. కానీ వారిని ఆర్మీలో సైనికులుగా చేర్పించుకుని వారితో ఉక్రేయిన్‌ యుద్ధం జరుగుతున్న బార్డర్‌లో ఉంచారు. ప్రతిరోజు 10 నుంచి 15కి.మీ నడక, శరీరం తట్టుకోని విధంగా వ్యాయామం చేయిస్తూ గన్స్‌ పేల్చడం, మారణాయుధాలను వినియోగించే పద్ధతులపై శిక్షణ ఇస్తున్నట్లు వారు వాపోతున్నారు. సరైన ఆహారం లేక అడవిలో బిక్కుబిక్కుమంటూ జీవిస్తున్నట్లు కుటుంబీకులకు ఫోన్‌లో వివరిస్తూ బోరుమంటున్నారు. బాధితుల్లో ముగ్గురు నిజామాబాద్‌ రూరల్‌ నియోజకవర్గానికి చెందిన వారు కావడంతో బాధిత కుటుంబాలు రూరల్‌ ఎమ్మెల్యే భూపతి రెడ్డిని ఆశ్రయించారు. తమవారిని ఎలాగైనా రప్పించాలని విన్నవించడంతో ఆయన సీఎం రేవంత్‌రెడ్డికి వివరిస్తూ లేఖ రూపొందించారు. రాష్ట్ర ప్రభు త్వం స్పందించి కేంద్ర విదేశాంగ మంత్రి, దౌత్య అధికారులతో మాట్లాడి తమ వారిని విడిపించాలని బాధిత కుటుంబ సభ్యులు వేడుకుంటున్నారు.మా ఆయన మహ్మద్‌ ఆప్జల్‌ఖాన్‌ రష్యా సైనికస్థావరంలో అరచేతిలో ప్రాణాలు పట్టుకుని జీవిస్తున్నాడు. కేంద్ర, రాష్ట్ర ప్రభుత్వాలు స్పందించి అక్కడి దౌత్య అధికారులతో మాట్లాడి వెంటనే స్వదేశానికి రప్పించాలి. వారి వాయిస్‌మెసెజ్‌లు విన్నప్పటినుంచి నాతోపాటు మా అత్తమామ, కుటుంబసభ్యులకు కంటిమీద కునుకు కరువైంది. –జమీలా బేగం, తాడ్కోల్‌, బాన్సువాడ మండలం

బోధన్‌టౌన్‌(బోధన్‌): ఎన్నికల సందర్భంగా రైతులకు ఇచ్చిన హామీలను అమలు పరచడంలో నేడు కాంగ్రెస్‌, నాడు బీఆర్‌ఎస్‌ ప్రభుత్వాలు విఫలమయ్యాయని నిజామాబాద్‌ ఎంపీ అర్వింద్‌ ధర్మపురి ఆరోపించారు. బీజేపీ కిసాన్‌ మోర్చా ఆధ్వర్యంలో బోధన్‌ నుంచి జగిత్యాల వరకు నిర్వహించనున్న సైకిల్‌ యాత్రను ఆదివారం బోధన్‌ పట్టణలోని అంబేడ్కర్‌ చౌరస్తా వద్ద ఎంపీ ప్రారంభించారు. అనంతరం ఆయన మాట్లాడుతూ రైతులకు ఇచ్చిన హా మీలను అమలు చేయాలని, రైతు సమస్యలను ప రిష్కరించాలని మూడు రోజులపాటు పార్లమెంట్‌ పరిధిలో సైకిల్‌ యాత్రను నిర్వహిస్తున్నామన్నా రు. రాష్ట్రంలో నీటిపారుదల రంగాలను మాజీ సీఎం కేసీఆర్‌ నిర్వీర్యం చేసి కుటుంబానికి దోచిపెట్టారని ఆరోపించారు. సీఎం రేవంత్‌ రెడ్డి రైతులకు ఇచ్చిన హామీలను తుంగలో తొక్కి కుటుంబ ప్రాధాన్యత పాలనను కొనసాగిస్తున్నారని విమర్శించారు. ఆరు గ్యారంటీలను అమలు చేయకుండా ప్రజలను మో సం చేశారన్నారు. భవిష్యత్‌లో జరిగే ఎన్నికల్లో కాంగ్రెస్‌ పార్టీని ప్రజలు భూస్థాపితం చేయడం ఖాయ మని, రానున్నది బీజేపీ ప్రభుత్వమని ఆశాభావం వ్యక్తంచేశారు. కార్యక్రమంలో బీజేపీ జిల్లా అధ్యక్షుడు దినేశ్‌ కులాచారి, పసుపు బోర్డు జాతీయ అ ధ్యక్షుడు పల్లె గంగారెడ్డి, అర్బన్‌ ఎమ్మెల్యే ధన్‌పాల్‌ సూర్యనారాయణ గుప్తా, బోధన్‌ నియోజకవర్గ ఇన్‌చార్జి వడ్డి మోహన్‌ రెడ్డి, కిసాన్‌ మోర్చా జిల్లా అధ్యక్షుడు తిరుపతి రెడ్డి తదితరులు పాల్గొన్నారు. సైకిల్‌ తొక్కుతూ యాత్రను ప్రారంభిస్తున్న ఎంపీ అర్వింద్‌మాట్లాడుతున్న ఎంపీ అర్వింద్‌ఓట్‌ చోరీ కాదు.. రాహుల్‌గాంధీ అఖల్‌ చోరీ సుభాష్‌నగర్‌ : దేశంలో ఓట్‌ చోరీ కాలేదని, రా హుల్‌గాంధీ అఖల్‌ చోరీకి గురైందని ఎంపీ అర్వింద్‌ ధర్మపురి ఎద్దేవా చేశారు. ఆదివారం నగరంలో ఆయన విలేకరులతో మాట్లాడారు. ఎన్నికల కమిషన్‌లో జరుగుతున్న నిర్ణయాలన్నీ ప్రజాస్వామ్య పద్ధతిలో రాజ్యాంగబద్ధంగా తీసుకుంటున్నవేనని పేర్కొన్నారు. రాహుల్‌గాంధీకి ఇవన్నీ అర్థంకాక ప్రస్టేషన్‌లో రోడ్డెక్కుతున్నాడని, ధర్నాలు చేస్తున్నారని విమర్శించారు. ఆ పార్టీ నుంచి సీనియర్లు, ప్రజాదరణ కలిగిన నేతలు వెళ్లిపోతున్నారని, రాబోయే రోజుల్లో సీఎం రేవంత్‌రెడ్డి కూడా వెళ్లిపోవచ్చని అభిప్రాయపడ్డారు. ఇటీవల సీఎం రేవంత్‌రెడ్డి విదేశాలకు వెళ్లి దేశద్రోహులతో చేతులు కలిపే ప్రయత్నం చేశారని, కాంగ్రెస్‌ దేశద్రోహ చర్యలకు సిద్ధమైందని ఆరోపించారు. ఇది ప్రజాస్వామ్యానికి దురదృష్టకరమన్నారు. టీపీసీసీ అధ్యక్షుడు మహేశ్‌ కుమా ర్‌ గౌడ్‌ ఓటు ఎక్కడికీ పోదని, తాను దగ్గరుండి ఓటు హక్కు చేయిస్తానని అన్నారు. వచ్చే ఎన్నికల్లో కాంగ్రెస్‌ను భూస్థాపితం చేయాలి రానున్నది బీజేపీ ప్రభుత్వమే ఎంపీ అర్వింద్‌ ధర్మపురి బీజేపీ కిసాన్‌ మోర్చా సైకిల్‌ యాత్ర ప్రారంభం

● ఆనాటి ప్రేమ, ఆప్యాయతలేవీ? ● ఆ అను‘బంధాల’ను గుర్తుచేసుకోవడం లేదని పలువురి ఆవేదన ● రెట్రో ఫొటోలపై జోరుగా చర్చసాక్షి ప్రతినిధి, కామారెడ్డి : పాత కాలపు దుస్తులు, కళ్లద్దాలు, వింటేజ్‌ గెటప్‌లతో రెట్రో ఫొటోలు సోషల్‌ మీ డియాను షేక్‌ చేస్తున్నాయి. స్మార్ట్‌ ఫోన్లు వాడుతున్న వారిలో చాలామంది పాతకాలపు లుక్‌లో తమను తాము చూసుకుంటూ తెగ మురిసిపోతున్నారు. డిజిటల్‌ ప్రపంచంలో ఇదొక ట్రెండ్‌గా మారింది. ఒకరినిచూసి మరొకరు ఈ ట్రెండ్‌ను పాలో అవుతున్నారు. ప్రస్తుతం ఇది చర్చనీయాంశంగా మారింది. పాతకా లం నాటి ఫొటోల కోసం చూపిస్తున్న ఆరాటం.. ఆనాడు మనుషుల మధ్య ఉన్న స్వచ్ఛమైన అనుబంధాలు, బంధాల విలువలను గుర్తు చేసుకోవడంలో ఎందుకు లేదన్న ప్రశ్న ఉదయిస్తోంది. ఒకప్పుడు ఉమ్మడి కుటుంబాలుండేవి. కష్టసుఖాల్లో కుటుంబ సభ్యులతోపాటు ఇరుగుపొరు గు వారు అండగా నిలిచేవారు. కల్మశం లేని ప్రే మలు, ఆప్యాయ పలకరింపులు.. క్రమంగా దూర మవుతూ వచ్చాయి. టెక్నాలజీ ప్రపంచాన్ని దగ్గర చేసినా, మనుషుల మధ్య గోడలను మరింత పెంచింది. ప్రస్తుతం ఒకే ఇంట్లో ఉంటున్నా.. ఎవరి లోకం వారిదే అన్నట్లుగా పరిస్థితి మారిపోయింది. అప్పట్లో ఉత్తరం వచ్చే వరకు ఎదురుచూసే నిరీక్షణలో ఒకరకమైన ప్రేమ, ఆర్ధ్రత కనబడేవి. ఇప్పుడు అందుబాటులోకి వచ్చిన వీడియో కాల్స్‌ ద్వారా మాట్లాడుతున్నపుడు కళ్లముందు ఉన్నట్టే అనిపిస్తున్నా హృదయాల మధ్య దగ్గరితనం కనిపించడం లేదు. ఉమ్మడి జీవనం... మధుర జ్ఞాపకమే! ఆ రోజుల్లో రెండు, మూడు తరాల వారు కూడా ఉమ్మడిగానే కలిసి జీవనం సాగించేవారు. పిల్లలు, పెద్దలతో ఇళ్లన్నీ సందడిగా ఉండేవి. తాత, నాయనమ్మలు చెప్పే నీతికథలు, బతుకు పాఠాలు పిల్లల ఉన్నతికి దోహదపడేవి. పండుగల సమయంలో అయితే ఏ ఇంటికి వెళ్లినా సందడే సందడి. ఆపదొస్తే ఒకరికొకరు ధైర్యం చెప్పుకునేవారు. ఎంత పెద్ద కష్టమొచ్చినా భరోసా ఉండేది. భార్య,భర్తల మధ్య విభేదాలు తలెత్తితే.. పెద్దలు, ఇరుగుపొరుగువారు సర్దుబాటు చేసేవారు. ఇప్పుడు అంతా మారిపోయింది. బతుకుదెరువు, ఉద్యోగం, ఉపాధి, చదువులంటూ పట్టణాలకు వలసలు వెళుతుండడంతో కుటుంబాలు చిన్నగా మారిపోయాయి. ఇంట్లో తాతయ్యలు, నానమ్మలు లేకపోవడంతో పిల్లలకు జీవిత పాఠాలు చెప్పేవారు కరువయ్యారు.ఆధునిక సాంకేతిక పరిజ్ఞానాన్ని వినియోగించుకుంటూ 80ల నాటి లుక్‌లో తమను తాము చూసుకుంటూ తెగ మురిసిపోతున్న జనం.. ఆనాటి బంధాల విలువను సైతం గుర్తు చేసుకోవాలని పలువురు కోరుతున్నారు. ఈ అంశంపై సీనియర్‌ సిటిజన్స్‌తోపాటు పలువురు చర్చించుకుంటున్నారు. ఆనాటి బంధాలను, విలువలను గుర్తు చేసుకుంటున్నారు. కరిగిపోతున్న మానవ సంబంధాల విలువలను గుర్తించాలని, ఆనాటి స్వచ్ఛమైన మనసులు, పటిష్టమైన బంధాలను దైనందిన జీవితంలోకి తెచ్చుకోవడానికి నయా ట్రెండ్‌ ప్రారంభం కావాల్సిన ఆవశ్యకత ఉందన్న అభిప్రాయాన్ని వ్యక్తం చేస్తున్నారు.

● అదనపు కలెక్టర్‌ భుజంగరావు ● జీజీహెచ్‌లో ‘నషాముక్త్‌ యువ ఫర్‌ వికసిత్‌ భారత్‌’నిజామాబాద్‌అర్బన్‌: యువత ఏ సందర్భంలోనైనా మత్తు పదార్థాలకు బానిసకావొద్దని, మత్తు పదార్థాలు లేని భారతదేశ నిర్మాణంలో ప్రతి ఒక్కరూ భాగస్వాములు కావాలని అదనపు కలెక్టర్‌ భుజంగరావు ఉద్బోధించారు. జిల్లా వైద్యారోగ్యశాఖ, మేరా యువ భారత్‌ సంయుక్త ఆధ్వర్యంలో ఆదివారం ప్రభుత్వ జనరల్‌ ఆస్పత్రిలో ‘నషా ముక్త్‌ యువ ఫర్‌ వికసిత్‌ భారత్‌’ 100 ఆదివారాల కార్యక్రమం నిర్వహించారు. నా ఆరోగ్యమే నా గర్వకారణం అనే నినాదంతో సంతకాలు సేకరించారు. అనంతరం అదనపు కలెక్టర్‌ మాట్లాడుతూ మత్తు పదార్థాలకు బానిసలై వ్యక్తిగత జీవితాన్ని కోల్పోతున్నారని ఆవేదన వ్యక్తంచేశారు. కుటుంబం, స్నేహితులు, బంధువులకు మత్తు పదార్థాల వల్ల కలిగే నష్టాలపై అవగాహన కల్పించాలని సూచించారు. డ్రగ్స్‌ రహి త భారతదేశం కోసం పాటుపడాలన్నారు. ప్రధా నంగా ప్రొఫెషనల్‌ కాలేజీలు, ఇంజినీరింగ్‌ కళాశాలల్లో యువత మత్తు పదార్థాలకు బానిస కాకుండా తల్లిదండ్రులు గమనిస్తూ ఉండాలన్నారు. అనంతరం విద్యార్థులతో ప్రతిజ్ఞ చేయించారు. డీఎంహెచ్‌వో రాజశ్రీ మాట్లాడుతూ యువత కోసం 100 ఆదివారాలు ప్రత్యేకంగా పని చేస్తున్నామన్నారు. యువతకు బీఎంఐ, హైట్‌, వెయిట్‌, బీపీ నిర్ధారణ పరీక్షలు, టీబీ ఎంబీఏ నిక్షయమిత్ర నమోదు, ఎక్స్‌రే, రక్త పరీక్షలు నిర్వహిస్తామని తెలిపారు. మానసిక వ్యాధుల నిపుణులు విశాల్‌ మాట్లాడుతూ యువత భారతదేశ భ విష్యత్‌ తరాలకు గర్వకారణమన్నారు. కార్యక్రమంలో జీజీహెచ్‌ సూపరింటెండెంట్‌ డాక్టర్‌ రాములు, మేరా యువ భారత్‌ జిల్లా అధికారి రమేశ్‌, డీప్యూటీ డీఎంహెచ్‌వో సికందర్‌ నాయక్‌, హాస్టల్‌ విద్యార్థులు పాల్గొన్నారు.

● ఎంపీ ధర్మపురి అర్వింద్‌ నిజామాబాద్‌అర్బన్‌: క్రీడా పోటీలతో యువతకు సంపూర్ణ ఆరోగ్యం లభిస్తుందని ఎంపీ ధర్మపురి అర్వింద్‌ అన్నారు. ఆదివారం జిల్లా కేంద్రంలోని బైపాస్‌ రోడ్డులో అస్మితా ఖేలో ఇండియా ఆధ్వర్యంలో రాష్ట్ర స్థాయి పోటీలు ప్రారంభించారు. ఈ సందర్భంగా ఎంపీ మాట్లాడుతూ.. కేంద్ర ప్రభుత్వం ప్రతిష్టాత్మకంగా నిర్వహిస్తున్న ఖేలో ఇండియా ద్వారా గ్రామీణ ప్రాంత క్రీడాకారులకు అంతర్జాతీయ స్థాయి వేదిక లభిస్తుందని అన్నారు. ఇందూరులో ఇలాంటి రాష్ట్ర స్థాయి పోటీలు నిర్వహించడం గర్వకారణమని అన్నారు. క్రీడలకు నావంతు సహాయ సహకారాలు ఎప్పుడూ ఉంటాయన్నారు. జిల్లా క్రీడాకారులు రాష్ట్ర, జాతీయ స్థాయిలో రాణించాలని ఆకాంక్షించారు. జిల్లా ఒలింపిక్‌ అసోసియేషన్‌ అధ్యక్షడు మల్లారెడ్డి మాట్లాడుతూ.. తెలంగాణలో సైక్లింగ్‌ క్రీడను ప్రోత్సహించడానికి తమ అసోసియేషన్‌ కృషి చేస్తుందన్నారు. ఈ పోటీల నుంచి జాతీయ స్థాయికి క్రీడాకారులను ఎంపిక చేయడం జరుగుతుందాన్నరు. కేంద్ర ప్రభుత్వం – సైకిల్‌ ఫెడరేషన్‌ ఆఫ్‌ ఇండియా వారి ఆదేశాల మేరకు అస్మితా ఖేలో ఇండియా ఆధ్వర్యంలో రాష్ట్ర స్థాయి మహిళా సైక్లింగ్‌ పోటీలు నిర్వహిస్తున్నట్లు పేర్కొన్నారు. అనంతరం నిర్వహించిన పోటీల్లో క్రీడాకారులతో సెల్ఫీ తీసుకున్నారు. కార్యక్రమంలో అర్బన్‌ ఎమ్మెల్యే ధన్‌పాల్‌ సూర్యనారాయణ, నగర మేయర్‌ ఉమారాణి, జిల్లా అధ్యక్ష, కార్యదర్శులు కృపాకర్‌ రెడ్డి, విజయకాంత్‌ రావు, నాయకులు పాల్గన్నారు.

కామారెడ్డి అర్బన్‌/ ఆర్మూర్‌టౌన్‌/ రామారెడ్డి: ఉమ్మడి నిజామాబాద్‌ జిల్లాలో ఆదివారం నిర్వహించిన అపూర్వ సమ్మేళనాలు ఆకట్టుకున్నాయి. కామారెడ్డి ఆర్ట్స్‌ అండ్‌ సైన్స్‌ కళాశాలకు చెందిన 1982–85 బ్యాచ్‌ డిగ్రీ ఫిషరీస్‌, ఫారెస్ట్రీ పూర్వ విద్యార్థులు ఆత్మీయ సమ్మేళనాన్ని కళాశాలలో నిర్వహించారు. నాటి జ్ఞాపకాలను నెమరువేసుకున్నారు. అనంతరం సమావేశమైన మిత్రులందరూ కళాశాల అభివృద్ధికి సహకారం అందిస్తామన్నారు. కార్యక్రమంలో శాస్త్రవేత, బీజేపీ నాయకుడు పైడి ఎల్లారెడ్డి, ప్రభాకర్‌రావు, శ్రీనివాస్‌రావు, బాపురావు, రాజ్‌గంభీర్‌రావు తదితరులు పాల్గొన్నారు. ఆర్మూర్‌ పట్టణంలోని జెడ్పీ బాలుర పాఠశాలకు చెందిన 1981– 82 బ్యాచ్‌ పదో తరగతి విద్యార్థులు స్థానిక నటరాజ్‌ ఫంక్షన్‌ హాల్‌లో ఆత్మీయ సమ్మేళనం నిర్వహించారు. 45 ఏళ్ల తర్వాత మిత్రులందరూ ఒకే చోట చేరడంతో సంతోషం వ్యక్తం చేశారు. కార్యక్రమంలో పూర్వ విద్యార్థులు జీ నారాయణ, ఎం ప్రదీప్‌ గుప్తా, బాలకృష్ణ, ప్రసాద్‌, జగదీశ్వర్‌ వర్మ, చరణ్‌్‌, కర్తన్‌ విజయ్‌పాల్‌, రూపాలి మురళీ, చేపూర్‌ నాగేందర్‌, దొండి మహేశ్వర్‌, సాత్‌పుతే శ్రీనివాస్‌, జనార్దన్‌ చంద్రశేఖర్‌, అల్జాపూర్‌ రమేశ్‌, చంద్రయ్య తదితరులు పాల్గొన్నారు. కామారెడ్డి జిల్లా రామారెడ్డి మండలంలోని రెడ్డిపేట ప్రభుత్వ పాఠశాలకు చెందిన 1999–2000 పదో తరగతి పూర్వ విద్యార్థులు ఆత్మీయ సమ్మేళనం నిర్వహించారు. 26 ఏళ్ల తర్వాత మిత్రులందరూ ఒకే చోట చేరడంతో సంతోషం వ్యక్తం చేశారు. అనంతరం విద్యాబుద్ధులు నేర్పిన గురువులను ఘనంగా సన్మానించారు.

సాక్షి ప్రతినిధి, కామారెడ్డి: పల్లెల సమగ్ర అభివృద్ధే లక్ష్యంగా రాష్ట్ర ప్రభుత్వం చర్యలు తీసుకుంటోంది. పల్లెల్లో జరుగుతున్న అభివృద్ధి, అమలవుతు న్న సంక్షేమ కార్యక్రమాలపై సమీక్ష నిర్వహించాల ని నిర్ణయించింది. ఇందులో భాగంగా సోమవా రం కామారెడ్డి కలెక్టరేట్‌లో ఉమ్మడి నిజామాబాద్‌, ఆదిలాబాద్‌, కరీంనగర్‌ జిల్లాల పరిధిలోని పది జిల్లాల ప్రగతిపై ఆయా జిల్లాలకు చెందిన ప్రజాప్రతినిధులు, అధికారులతో సమీక్ష నిర్వహించనుంది. రాష్ట్ర పంచాయతీరాజ్‌, గ్రామీణాభివృద్ధి శాఖల మంత్రి సీతక్క ఈ సమావేశంలో పాల్గొంటారు. పంచాయతీరాజ్‌, గ్రామీణాభివృద్ధి శాఖల ద్వారా చేపట్టిన వివిధ అభివృద్ధి పనుల పురోగతిని సమీక్షించనున్నారు. గ్రామీణ ప్రాంతాల్లో మౌలిక వసతుల కల్పనపై అధికారులకు సూచనలిస్తారు. ఎల్‌ నినో ప్రభావంతో సరిపడా వర్షాలు కురవక ప్రాజెక్టులు నిండకపోవడంతో మిషన్‌ భగీరథ ద్వారా పల్లెలకు నీటిని అందించేందుకు ఎదురయ్యే ఇబ్బందులు, వాటిని ఎలా అధిగమించాలన్న దానిపై మంత్రి అధికారులకు దిశానిర్దేశం చేస్తారు. గ్రామీణ ప్రాంతాల్లో మౌలిక సదుపాయాల కల్పనకు సంబంధించి చేపట్టాల్సి న చర్యలు, పెండింగ్‌లో ఉన్న పనులను వేగవంతం చేయడం, ప్రజలకు అందుతున్న సేవలను మరింత మెరుగుపర్చడంపై అధికారులకు సూచనలిస్తారు. పరిష్కారం చూపుతారా.. పల్లెల ప్రగతిపై సమీక్షించే క్రమంలో సమస్యలకు మంత్రి సీతక్క ఎలాంటి పరిష్కారం చూపుతారన్న దానిపై చర్చ నడుస్తోంది. ప్రజలు అనేక సమస్యలు ఎదుర్కొంటున్న నేపథ్యంలో పల్లెలకు ప్రత్యేక నిధులు ఇస్తారని ఆశిస్తున్నారు. ఏర్పాట్లు పూర్తి.. పట్టణంలోని కలెక్టరేట్‌లోగల సమావేశ మందిరంలో సమీక్ష సమావేశానికి ఏర్పాట్లు చేశారు. ప్రతి సోమవారం ఇక్కడ నిర్వహించే ప్రజావాణి కార్యక్రమాన్ని మెయిన్‌ హాల్‌ నుంచి మార్చారు.సమస్యల వలయంలో జీపీలు.. గ్రామ పంచాయతీలకు వివిధ పద్దుల కింద నిధులు, పెండింగ్‌ బిల్లులు రాకపోవడంతో పల్లెల అభివృద్ధికి ఆటంకంగా మారింది. గ్రామ పంచాయతీ, అంగన్‌వాడీ సెంటర్‌ భవనాల పనులు అసంపూర్తిగా మిగిలాయి. చాలా గ్రామాల్లో జీపీ ట్రాక్టర్ల నిర్వహణకు డబ్బులు లేక మూలన పడ్డాయి. మిషన్‌ భగీరథ ద్వారా అన్ని గ్రామాలకు తాగునీరు సరఫరా చేస్తున్నామని అధికారులు చెబుతు న్నా, ఇప్పటికీ చాలా గ్రామాలకు నీరందడం లేదు. ముఖ్యంగా గిరిజన తండాలకు నీటి సరఫరా సరిగా లేకపోవడంతో చాలాచోట్ల బోర్లను వాడుతున్నారు. మోటార్లు, పైపులైన్ల మరమ్మతులకు అడ్డగోలు ఖర్చవుతున్నాయని సర్పంచ్‌లు అంటున్నారు. నేడు కామారెడ్డిలో మంత్రి సీతక్క సమీక్ష పంచాయతీరాజ్‌, గ్రామీణాభివృద్ధి శాఖల పనులపై.. పాల్గొననున్న పది జిల్లాల ప్రజాప్రతినిధులు, అధికారులు

బోధన్‌ రూరల్‌: జిల్లా కేంద్రంలో ఆదివారం నిర్వహించిన ఉమ్మడి జిల్లా స్థాయి ఉషు క్రీడా పోటీల్లో అమ్దాపూర్‌ పీఎంశ్రీ జెడ్పీహెచ్‌ఎస్‌ విద్యార్థులు ప్రతిభ కనబరిచి పతకాలు సాధించారు. అండర్‌–17 విభాగంలో తడపు అఖిల్‌, శివమ్‌, మీనాక్షి అత్యుత్తమ ప్రతిభ కనబరిచి బంగారు పతకాలు సాధించారు. వీరు రాష్ట్ర స్థాయి ఉషు పోటీలకు ఎంపిక కావడంపై ఉపాధ్యాయులు, విద్యార్థులు హర్షం వ్యక్తం చేశారు. సింధూబాయి, గంగోత్రి వెండి పతకాలు సాధించగా, సునీత, మౌనిక, శాలీంరాజ్‌ కాంస్య పతకాలు సాధించారు. పోటీల్లో విజయం సాధించిన విద్యార్థులను పాఠశాల హెచ్‌ఎం సూర్యకుమార్‌, పీడీ సునీత, ఉపాధ్యాయులు, సిబ్బంది అభినందించారు. నిజామాబాద్‌ అర్బన్‌: క్రీడలతో స్నేహ భావం పెంపొందుతుందని జిల్లా జైలు పర్యవేక్షణ అ ధికారి అశోక్‌ అన్నారు. ఆదివారం జిల్లా కేంద్రంలోని జైలులో సిబ్బందికి క్రికెట్‌ పోటీలు నిర్వహించారు. కార్యక్రమానికి హాజరైన ఆయ న మాట్లాడుతూ.. క్రీడలతో మానసిక ఉల్లాసం కలుగుతుందని అన్నారు. కార్యక్రమంలో జైల ర్‌ శ్రీనివాస్‌ రెడ్డి,డిప్యూటీ జైలర్‌ మన్మద్‌రావు, న్యాయవాదులు సుజిత్‌, ఇంతియాజ్‌, ఉదయ్‌ కృష్ణ,ప్రమోదు శుభమ్‌, సిబ్బంది పాల్గొన్నారు. పార్టీ అధ్యక్షులకే సొసైటీ చైర్మన్‌ పదవులు..? వర్ని: కాంగ్రెస్‌ పార్టీలో మండల పార్టీ అధ్యక్షులుగా కొనసాగుతున్న వారికి సొసైటీ చైర్మన్‌ల అవకాశం దక్కనుంది. సహకార సంఘాలకు ప్రత్యక్ష ఎన్నికలు నిర్వహించకుండా నామినేటెడ్‌ పద్ధతిలో పదవులను భర్తీ చేయాలని ప్రభుత్వం నిర్ణయానికి వచ్చినట్లు తెలుస్తోంది. ఇందులో భాగంగానే ఉమ్మడి వర్ని, కోటగిరి మండలాలకు చెందిన సహకార సంఘాల అధ్యక్షుల పేర్లను బాన్సువాడ ఎమ్మెల్యే పో చారం శ్రీనివాస్‌ రెడ్డి సూచన మేరకు ఖరారు చేసినట్లు తెలిసింది. ఉమ్మడి వర్ని మండలంలో మోస్రా సహకార సంఘం అధ్యక్షులుగా ప్రస్తుత పార్టీ అ ధ్యక్షులు కొత్తిమీర్‌కార్‌ లక్ష్మణ్‌, చందూర్‌ సొసైటీ అధ్యక్షులుగా పోతరాజు శీను, చింతకుంట ప్రవీణ్‌ గౌడ్‌, జాకోరా.. కూనిపూర్‌ రాజిరెడ్డి, రుద్రూర్‌.. పా ర్వతీ ప్రవీణ్‌, రాయకూరు.. తోట సంగయ్య, హు మ్నాపూర్‌.. నారోజి గంగారాం, కోటగిరి.. షా హిద్‌, పోతంగల్‌.. హెగ్డోలి.. శంకర్‌లను అధ్యక్షులుగా నియమించాలని అధిష్ఠానం నిర్ణయించినట్లు తెలిసింది. గోవూరు సొసైటీకి మాజీ అధ్యక్షులు హనుమంత రెడ్డి, చరణ్‌ రెడ్డిల పేర్లు పరిశీలనలో ఉన్నట్లు తెలిసింది.

● బాల్కొండ ఎమ్మెల్యే వేముల ప్రశాంత్‌ రెడ్డి నివాళులర్పిస్తున్న ఎమ్మెల్యే ప్రశాంత్‌రెడ్డి కమ్మర్‌పల్లి: స్వాతంత్య్ర సమరయోధుడు, తెలంగాణ ఉద్యమ నేత ఆచార్య కొండా లక్ష్మణ్‌ బాపూజీ జీవితం, పోరాటం నేటి తరానికి స్ఫూర్తిదాయకమని, ఆయన చేసిన సేవలు చిరస్మరణీయమని బాల్కొండ ఎమ్మెల్యే వేముల ప్రశాంత్‌రెడ్డి అన్నారు. కమ్మర్‌పల్లి మండల కేంద్రంలో మండల పద్మశాలి సంఘం ఆధ్వర్యంలో నిర్వహించిన కొండా లక్ష్మణ్‌ బాపూజీ జయంతి వేడుకల్లో ఆయన ముఖ్య అతిథిగా పాల్గొని, బాపూజీ విగ్రహానికి పూలమాల వేసి నివాళులర్పించారు. ఈ సందర్భంగా ఎమ్మెల్యే మాట్లాడుతూ.. తెలంగాణ రాష్ట్ర సాధనకు తన మంత్రి పదవికి రాజీనామా చేశారని అన్నారు. తన సొంత నివాసమైన ‘జలదృశ్యం’ను తెలంగాణ ఉద్యమానికి, టీఆర్‌ఎస్‌ పార్టీకి అప్పగించి ఉద్యమానికి కొండంత అండగా నిలిచారన్నారు. తెలంగాణ ఉన్నంత కాలం కొండా లక్ష్మణ్‌ ప్రజల గుండెల్లో చిరస్థాయిగా నిలిచిపోతారని అన్నారు. సాధించుకున్న తెలంగాణను దేశంలోనే నంబర్‌ వన్‌ రాష్ట్రంగా తీర్చిదిద్దిన ఘనత కేసీఆర్‌ ప్రభుత్వానిదేనని స్పష్టం చేశారు. కార్యక్రమంలో సర్పంచ్‌ కొత్తపల్లి హారిక, ఉప సర్పంచ్‌ అశోక్‌, వీడీసీ అధ్యక్షుడు మల్యాల సుభాష్‌గౌడ్‌, మండల పద్మశాలి సంఘం అధ్యక్షుడు చింత తిరుపతి, చింత శ్రీనివాస్‌, బొడ్డు గణే శ్‌, చింత హన్మంతు, తమ్మల్ల రాకేశ్‌ పాల్గొన్నారు.

● ప్రభుత్వ స్కూళ్లలో తనిఖీలు ● హైస్కూల్‌కు 8 మంది టీచర్ల బృందం ● ప్రాథమిక, ప్రాథమికోన్నత పాఠశాలకు ముగ్గురు చొప్పున.. ఖలీల్‌వాడి: అభ్యసన ఫలితాలను మెరుగుపర్చడంతోపాటు ఉపాధ్యాయుల పనితీరు పర్యవేక్షణే ల క్ష్యంగా ప్రభుత్వ పాఠశాలల్లో ప్రత్యేక బృందాలు తనిఖీలు చేపడుతున్నాయి. విద్యాబోధన, ప్రమాణాల పెంపు, ఇతర అంశాల అమలును తెలుసుకునేందుకు విద్యాశాఖ ఉపాధ్యాయుల బృందాన్ని నియమించింది. ప్రాథమిక, ప్రాథమికోన్నత పాఠశాలల్లో తనిఖీలకు ఒక హెచ్‌ఎం, ఇద్దరు ఎస్జీటీలు, హైస్కూళ్లకు ఒక హెచ్‌ఎంతోపాటు సబ్జెక్టుల వారీగా టీచర్లను ఏర్పాటు చేసింది. సేకరించే వివరాలు.. విద్యార్థుల అభ్యసన, ఉపాధ్యాయుల బోధన స్థాయిలను పరిశీలిస్తున్నారు. విద్యార్థుల హాజరు, స్కూళ్లలో పారిశుద్ధ్య నిర్వహణ, డిజిటల్‌ క్లాసులు, పరీక్షల నిర్వహణ, పీఎంశ్రీ స్కూళ్లలో కార్యక్రమా లు, ఎకో క్లబ్ల్‌లు, పునఃశ్చరణ క్లాసులు, అటల్‌ టింకరింగ్‌ ల్యాబ్‌ వినియోగం, ఎఫ్‌ఎల్‌ఎన్‌ అమలు, మధ్యాహ్న భోజన పథకం, మంచినీరు, మౌలిక వసతులు, పేరెంట్స్‌–టీచర్‌ సమావేశాలు, నోబ్యా గ్‌ డే అమలు, ఇతర కార్యక్రమాల వివరాలను తెలుసుకుంటారు. అనంతరం నివేదికలను సిద్ధం చేసి డీఈవోకు అందజేయడంతోపాటు ప్రత్యేక యాప్‌లో పొందుపరుస్తున్నారు. ప్రత్యేక తనిఖీ బృందాలు ఇచ్చే నివేదిక ప్రకారం పాఠశాలల్లోని లోటు పాట్లు, మౌలిక వసతులను సరిచేసి స్కూళ్లను బలోపేతం చేసేందుకు విద్యాశాఖ అధికారులు చర్యలు తీసుకోనున్నారు. అయితే, తనిఖీ బృందాల్లో టీచ ర్లు ఉండటం, సమాన క్యాడర్ల ఉపాధ్యాయులతో తనిఖీలు చేపట్టడం సరైంది కాదని పలు ఉపాధ్యాయ సంఘాల వాదన. టీచర్లతో తనిఖీ చేయించడం ద్వారా ఆశించిన ఫలితాలు వస్తాయని విద్యా శాఖ అధికారులు అభిప్రాయపడుతున్నారు. 37 మంది టీచర్లతో.. ప్రభుత్వ ప్రాథమిక, ప్రాథమికోన్నత, జెడ్పీ, ఎంపీపీ హైస్కూళ్లలో వేర్వేరుగా తనిఖీలు చేపడుతున్నారు. జిల్లాలోని 33 మండలాల్లోని ప్రాథమిక పాఠశాలలను ఆరు బృందాలు, ప్రాథమికోన్నత పాఠశాలలకు ఒక బృందం, హైస్కూళ్లను రెండు బృందాలు పరిశీలిస్తున్నాయి. తనిఖీల్లో మొత్తం 37 మంది టీచర్లు పాల్గొంటున్నారు. ప్రత్యేక బృందాలు ఈ విద్యా సంవత్సరం పూర్తయ్యే వరకు తనిఖీలు నిర్వహిస్తాయి. జిల్లాలోని ప్రభుత్వ పాఠశాలలు, ఉపాధ్యాయులు, విద్యార్థుల వివరాలు తనిఖీలు కొనసాగుతున్నాయి జిల్లాలో ప్రాథమిక, ప్రాథమికోన్నత, ఉన్నత పాఠశాలలో కేటాయించిన బృందాల తనిఖీలు కొనసాగుతున్నాయి. ఈ బృందాలు ఈ విద్యా సంవత్సరం వరకు ఉంటాయి. వారు ఇచ్చే నివేదికల ఆధారంగా స్కూళ్ల బలోపేతానికి చర్యలు తీసుకునే అవకాశం ఉంటుంది. – బాలరాజు, సెక్టోరియల్‌ అధికారి, నిజామాబాద్‌

నాగిరెడ్డిపేట(ఎల్లారెడ్డి): రెక్కాడితే గాని డొక్కాడని కుటుంబం వారిది. నాగిరెడ్డిపేట గ్రామానికి చెందిన దొంతుల భైరయ్య, శిరిష దంపతులు ప్రైవేట్‌రంగంలో చిన్న ఉద్యోగాలు చేసుకుంటూ పిల్లలను పోషించుకుంటున్నారు. వీరికి కూతురు, కుమారుడు ఉన్నారు. ఈనెల 23న హైదరాబాద్‌లోని రామంతాపూర్‌లో వారు అద్దెకుంటున్న భవనం మూడో అంతస్తు నుంచి ప్రమాదవశాత్తు కుమారుడు హర్షిత్‌(13) కిందపడ్డాడు. హర్షిత్‌ను హైదరాబాద్‌లోని యశోద ఆస్పత్రిలో చేర్పించారు. అతని రెండు కాళ్లు విరగడంతోపాటు వెన్నెమక సైతం దెబ్బతింది.నాలుగురోజుల్లో ఆస్పత్రిలో బాలుని చికిత్స కోసం రూ.8లక్షలపైనే ఖర్చయింది. బాలుడికి పూర్తిస్థాయిలో వైద్యం చేయించేందుకు సుమారు మరో రూ.30లక్షల వరకు ఖర్చవుతుందని ఆస్పత్రి వర్గాలు తెలిపాయని తండ్రి భైరయ్య చెప్పారు. ప్రైవేట్‌ జాబ్‌పై ఆధారపడిన తమకు అంత పెద్ద మొత్తంలో ఖర్చు పెట్టే స్థోమత లేదని దాయర్థాహృదయులు ఆపన్న హస్తం అందించాలని బాలుడి తల్లిదండ్రులు కోరుతున్నారు. వైద్య ఖర్చులకు దాతలు సాయం చేస్తే తమ కుటుంబాన్ని నిలబెట్టిన వారువుతారని వారు విజ్ఞప్తి చేస్తున్నారు. 81799 18847, 83746 78374 బ్యాంకు అకౌంట్‌ వివరాలు : పేరు : దొంతుల భైరయ్య బ్యాంకు అకౌంట్‌ నం. 087610025021550 ఐఎఫ్‌సీ కోడ్‌ : యూబీఐఏన్‌0806048 బ్రాంచ్‌ పేరు : విద్యానగర్‌ మూడో అంతస్తు భవనం పైనుంచి కిందపడ్డ బాలుడు తీవ్రంగా గాయపడి ఆస్పత్రిలో చేరిక వైద్యానికి రూ.30లక్షల వరకు ఖర్చవుతుందంటున్న ఆస్పత్రి వర్గాలు

● అమేచూర్‌ తైక్వాండో అసోసియేషన్‌ అధ్యక్షుడు బస్వా లక్ష్మీనర్సయ్య సుభాష్‌నగర్‌: విద్యార్థులకు చదువుతోపాటు క్రీడలు ఎంతో అవసరమని అమేచూర్‌ తైక్వాండో అసోసియేషన్‌ అధ్యక్షుడు బస్వా లక్ష్మీనర్సయ్య అన్నారు. ఆదివారం నగరంలోని బస్వాగార్డెన్‌లో అమేచూర్‌ తైక్వాండో అసోసియేషన్‌ ఆధ్వర్యంలో కలర్‌ బెల్ట్‌ ప్రమోషన్‌ టెస్ట్‌ నిర్వహించారు. అసోసియేషన్‌ ప్రధాన కార్యదర్శి జేసీ మనోజ్‌కుమార్‌ ఆధ్వర్యంలో నిర్వహించిన కార్యక్రమానికి వివిధ విభాగాలకు చెందిన క్రీడాకారులు హాజరయ్యారు. అనంతరం బస్వా లక్ష్మీనర్సయ్య మాట్లాడుతూ.. తైక్వాండో వంటి మార్షల్‌ ఆర్ట్స్‌ వల్ల శారీరకంగా, మానసికంగా దృఢత్వంగా తయారవుతారని అన్నారు. తైక్వాండో సాధన చేసే పిల్లలు రోజంతా చురుకుగా ఉండటంతోపాటు క్రమశిక్షణ, ఆత్మవిశ్వాసం, నాయకత్వ లక్షణాలను కలిగి ఉంటారన్నారు. ప్రమోషన్‌ టెస్ట్‌లో బెల్ట్‌ సాధించిన క్రీడాకారులు భవిష్యత్‌లో రాష్ట్ర, జాతీయ స్థాయి పోటీల్లో పాల్గొని పతకాలు సాధించాలని ఆకాంక్షించారు. ప్రముఖ గైనకాలజిస్ట్‌ డాక్టర్‌ సుష్మతో కలిసి బస్వా లక్ష్మీనర్సయ్య క్రీడాకారులకు బెల్ట్‌లతోపాటు సర్టిఫికెట్లను ప్రదానం చేశారు. అంతకుముందు వారిని అసోసియేషన్‌ ప్రధాన కార్యదర్శి జేసీ మనోజ్‌కుమార్‌ సన్మానించి జ్ఞాపికలను అందజేశారు. కార్యక్రమంలో కోచ్‌లు గంగాధర్‌, నాగరాజ్‌, శివ, వినయ్‌, హనీషా, నితిన్‌, క్రీడాకారుల తల్లిదండ్రులు, అసోసియేషన్‌ సభ్యులు పాల్గొన్నారు.

నిజామాబాద్‌ఉచిత చేప పిల్లల పంపిణీ● సమృద్ధిగా నీరున్న చోటే వదలాలని నిర్ణయం ● చెరువుల్లో నీటి పరిస్థితిపై ఇరిగేషన్‌ శాఖను నివేదిక కోరిన మత్స్యశాఖ ● జిల్లాలో 40 శాతం కూడా నిండని చెరువులు 260కి పైనే..చదువుతోపాటు.. విద్యార్థులకు చదువుతోపాటు క్రీడలు అవసరమని అమేచూర్‌ తైక్వాండో అసోసియేషన్‌ అధ్యక్షుడు బస్వా లక్ష్మీనర్సయ్య అన్నారు.సోమవారం శ్రీ 28 శ్రీ సెప్టెంబర్‌ శ్రీ 2026– 8లో uడొంకేశ్వర్‌(ఆర్మూర్‌): జిల్లాలో ఈ ఏడాది ఆశించిన స్థాయిలో వర్షాలు కురవకపోవడంతో ఉచిత చేపపిల్లల పంపిణీ కార్యక్రమానికి నీటి కొరత సమస్య ఏర్పడింది. అరకొర నీరున్న చెరువుల్లో చేప పిల్ల లను వదిలితే, అవి బతికే అవకాశం లేకపోవడంతో అధికారులు ప్రత్యామ్నాయాలపై దృష్టి పెట్టారు. ఈసారి స మృద్ధిగా నీరున్న చెరువుల్లోనే చేప పిల్లలను వదలాలని మ త్స్య శాఖ అధికారు లు భావిస్తున్నారు. ఈ నేపథ్యంలో 40 శాతం, అంతకన్నా ఎక్కువ నీరున్న చెరువులను గుర్తిస్తున్నారు. ఇందుకోసం జిల్లాలోని చెరువుల్లో ప్రస్తుత నీటి లభ్యతను తెలుసుకునేందుకు నివేదిక ఇవ్వాలని ఇరిగేషన్‌ అధికారులను కోరారు. అయితే, తాజా లెక్కలను పరిశీలిస్తే జిల్లా లో దాదాపు 260కి పై గా చెరువులు 40 శా తం కూడా నిండలే దు. నిజామాబాద్‌, ఆ ర్మూర్‌, బాల్కొండ డి విజన్‌లలో నీటి లభ్యత లేని చెరువుల సంఖ్య ఎక్కువగా కనిపిస్తోంది. రిపోర్టును పరిశీలించిన తర్వాత ఏయే చెరువుల్లో చేపపిల్లలు వదలాలో నిర్ణయానికి రానున్నారు. చెరువులను గుర్తిస్తున్నాం.. జిల్లాలో నీరు లభ్యత లేని చెరువుల్లో చేపపిల్లలు వదిలితే అవి బతికే అవకాశం ఉండదు. అందుకే కే వలం 40 శాతం, అంతకన్నా ఎక్కువ నీరున్న చెరు వుల్లోనే చేపపిల్లలు వేయాలని ప్రాథమికంగా నిర్ణయించాం. సన్నాహాక సమావేశం నిర్వహించి వా రం, పది రోజుల్లో చేపపిల్లల పంపిణీని ప్రారంభిస్తాం. – నాగులు, జిల్లా మత్స్య శాఖ అధికారి4.54 కోట్ల చేపపిల్లలకు టెండర్లు పూర్తి..జిల్లాలో 1,097 చెరువులు ఉండగా, ఈ సంవత్స రం 967 చెరువుల్లో 4.54 కోట్ల చేపపిల్లలను పో యాలని మత్స్యశాఖ లక్ష్యంగా పెట్టుకుంది. ఇందుకోసం టెక్నికల్‌, ఫైనాన్షియల్‌ టెండర్లు నిర్వహించగా నలుగురు గుత్తేదార్లు పంపిణీ కాంట్రా క్ట్‌ దక్కించుకున్నారు. ఒక లక్ష చేపపిల్లల చొప్పు న సరఫరా చేసేందుకు ప్రభుత్వ ధర రూ.1.82 లక్షలు ఉండగా, గుత్తేదార్లు రూ.1.64 లక్షలకు కోట్‌ చేశారు. అదనపు కలెక్టర్‌ అధ్యక్షతన తుది రే టు ఫైనల్‌ చేసి వర్క్‌ ఆర్డర్లు ఇవ్వడమే ఆలస్యం. నీటి కొరత కారణంగా చెరువుల సంఖ్య తగ్గే అవకాశం ఉన్నందున, వదిలే చేపపిల్లల సంఖ్య కూ డా తగ్గే పరిస్థితి కనిపిస్తోంది. గతేడాది 35–40 ఎంఎం, 80–100ఎంఎం సైజు ఉన్న 3.86కోట్ల చేప పిల్లలను మాత్రమే చెరువుల్లో పోశారు.జిల్లాలోని చెరువుల్లో నీటి పరిస్థితి

మోపాల్‌: మండలంలోని న్యాల్‌కల్‌లోగల నిజాంసాగర్‌ కెనాల్‌లో గల్లంతైన బత్తుల దశరథ్‌ మృతదేహం లభ్యమైనట్లు ఎస్సై జాడె సుస్మిత శనివారం తెలిపారు. దశరథ్‌ స్నానం చేసేందుకు శుక్రవారం నిజాంసాగర్‌ కెనాల్‌లో దిగి గల్లంతయ్యాడు. సమాచారం అందుకున్న పోలీసులు ఘటనాస్థలానికి చేరుకొని ఈతగాళ్లతో గాలింపు చేపట్టగా శనివారం ఉదయం మృతదేహం లభ్యమైంది. మృతుడి భార్య వనజ ఫిర్యాదు మేరకు కేసు నమోదు చేసుకున్నట్లు ఆయన తెలిపారు. చెరువులో పడి ఒకరి మృతి నిజామాబాద్‌ అర్బన్‌: నగరంలోని రఘునాథ చెరువులో శనివారం ఉదయం ఓ వ్యక్తి పడి మృతిచెందినట్లు 5వ టౌన్‌ ఎస్సై సునీల్‌ తెలిపారు. నగరంలోని బర్కత్‌పురకు చెందిన ఇమ్రాన్‌(42) అనే వ్యక్తి చెరువులోకి దిగి, నీటిలో జారిపోయి మృతిచెందాడన్నారు. మృతుడి కుటుంబ సభ్యుల ఫిర్యాదు మేర కు కేసు నమోదు చేసుకున్నట్లు ఆయన తెలిపారు.

తెయూ(డిచ్‌పల్లి): ఏబీవీపీ తెలంగాణ యూనివర్సిటీ శాఖ ఆధ్వర్యంలో శనివారం ఇంజినీరింగ్‌ కళాశాల నూతన కార్యవర్గాన్ని ఏకగ్రీవంగా ఎన్నుకున్నారు. అధ్యక్షుడిగా అష్మిత, ప్రధాన కార్యదర్శిగా దీపక్‌, ఇన్‌చార్జిగా నికిల్‌, ఉపాధ్యక్షులుగా రితిక, రాము, భానుప్రసాద్‌, మోహన్‌ చంద్ర, శివ, అరవింద్‌ ఎన్నికయ్యారు. అలాగే ఐదుగురు, సంయుక్త కార్యదర్శులు, ఇద్దరు సోషల్‌ మీడియా ఇన్‌చార్జిలు, 8మంది కార్యవర్గ సభ్యులను ఎన్నుకున్నారు. తెయూ ఏబీవీపీ అధ్యక్షుడు సమీర్‌, కార్యదర్శి మోహన్‌, యూనివర్సిటీ ఇన్‌చార్జి ప్రవీణ్‌ తదితరులు పాల్గొన్నారు. ఘనంగా చాకలి ఐలమ్మ జయంతి తెయూ(డిచ్‌పల్లి): తెయూ ఇంజినీరింగ్‌ కళాశాలలో శనివారం తెలంగాణ యూనివర్సిటీ బీసీ సెల్‌ ఆధ్వర్యంలో చాకలి ఐలమ్మ జయంతి ఘనంగా నిర్వహించారు. ఈసందర్భంగా ఐల మ్మ చిత్రపటానికి కళాశాల సిబ్బంది పూలమాలలు వేసి నివాళులు అర్పించారు. ఆర్ట్స్‌ కాలేజ్‌ ప్రిన్సిపాల్‌ రాంబాబు, బీసీ సెల్‌ డైరెక్టర్‌, ఇంజ నీరింగ్‌ కాలేజ్‌ ప్రిన్సిపాల్‌ సిహెచ్‌ ఆరతి, బీఈడి కళాశాల ప్రిన్సిపాల్‌ సాయిలు తదితరులు పాల్గొన్నారు. బెటాలియన్‌లో.. డిచ్‌పల్లి: మండలంలోని రాష్ట్ర ప్రత్యేక పోలీస్‌ ఏడవ బెటాలియన్‌లో శనివారం వీరనారి చాకలి ఐలమ్మ జయంతి వేడుకలను ఘనంగా నిర్వహించారు. ఈసందర్భంగా ఐలమ్మ చిత్రపటానికి కమాండెంట్‌ సీతారాం పూలమాలలు వేసి నివాళులు అర్పించారు. కార్యక్రమంలో అసిస్టెంట్‌ కమాండెంట్లు నరసింహరావు, విజయ్‌, బెటాలియన్‌ అధికారులు, సిబ్బంది తదితరులు పాల్గొన్నారు. కళాశాల గుర్తింపు రద్దు చేయాలి తెయూ(డిచ్‌పల్లి): తెలంగాణ యూనివర్సిటీ పరిధిలో కామారెడ్డి జిల్లా బిచ్కుందలో ఉన్న సద్గురు బండాయప్ప బీఈడీ కళాశాల గుర్తింపు రద్దు చేయాలని ఏబీవీపీ నాయకులు డిమాండ్‌ చేశారు. ఈమేరకు శనివారం వర్సిటీ ఏబీవీపీ అధ్యక్ష, కార్యదర్శులు సమీర్‌, మోహన్‌ ఆధ్వర్యంలో అకడమిక్‌ ఆడిట్‌ సెల్‌ డైరెక్టర్‌ ఘంటా చంద్రశేఖర్‌కు వినతిపత్రం అందజేశారు. తెయూ అధికారులు తక్షణమే స్పందించి సదరు కళాశాలపై కఠిన చర్యలు తీసుకోవాలని డిమాండ్‌ చేశారు. ఏబీవీపీ ప్రతినిధులు ప్రవీణ్‌, అనిల్‌, రామకృష్ణ, నాగరాజు, భార్గవ్‌, ప్రీతం పాల్గొన్నారు. ‘సముదాయ కథలు’ పుస్తకావిష్కరణకమ్మర్‌పల్లి: మండలంలోని చౌట్‌పల్లి పీఎంశ్రీ జెడ్పీహెచ్‌ఎస్‌లో శనివారం నిర్వహించిన మూడు మండ లాల కాంప్లెక్స్‌ స్థాయి సమావేశంలో ఉపాధ్యాయు లు రచించిన ‘సముదాయ కథలు’ పుస్తకాన్ని మండల విద్యాధికారి ఆంధ్రయ్య ఆవిష్కరించారు. గత నెలలో జరిగిన కాంప్లెక్స్‌ సమావేశంలో ఏర్గట్ల పాఠశాల తెలుగు ఉపాధ్యాయుడు ప్రవీణ్‌శర్మ ఆధ్వర్యంలో కథారచన కార్యశాల నిర్వహించారు. ఏర్గట్ల, కమ్మర్‌పల్లి, మోర్తాడ్‌ మండలాలకు చెందిన తెలుగు ఉపాధ్యాయులతోపాటు చౌట్‌పల్లి పాఠశాల విద్యా ర్థులకు కథలు, కవితలు రాయడంలో మెళకువలను నేర్పించారు. ఈ కార్యశాల స్ఫూర్తితో పలువురు ఉపాధ్యాయులు నీతి కథలను రచించగా, వాటిని ప్రవీణ్‌శర్మ సంపాదించి పుస్తక రూపంలోకి తీసు కొచ్చారు. ఈ సందర్భంగా ఆంధ్రయ్య మాట్లాడుతూ.. కాంప్లెక్స్‌ సమావేశంలో ఇలాంటి సాహిత్య కార్యక్రమాన్ని నిర్వహించడం అభినందనీయమన్నారు. ప్రవీణ్‌శర్మ మాట్లాడుతూ.. ఇదే స్ఫూర్తితో భవిష్యత్తులో విద్యార్థులు కూడా కథలు, కవితలు రాస్తూ సాహిత్య అభిరుచిని పెంపొందించుకోవా లని ఆకాంక్షించారు. ఆయా మండలాల తెలుగు ఉపాధ్యాయులు తదితరులు పాల్గొన్నారు.

పెర్కిట్‌(ఆర్మూర్‌): ఉపాధి నిమిత్తం దుబాయ్‌ వెళ్లిన ఓ వ్యక్తి అనారోగ్యంతో మృతిచెందాడు. వివరాలు ఇలా.. ఆలూర్‌ మండల కేంద్రానికి చెందిన గడ్డం చ రణ్‌ కరుణాకర్‌(44) ఆటో నడుపుకుంటూ జీవనం సాగించేవాడు. దీంతో కుటుంబ పోషణ భారం కావడంతో ఉపాధి కోసం ఈనెల 14న దుబాయ్‌ వెళ్లాడు. వారం రోజులకే అతడికి ఫిట్స్‌ రావడంతో మృతి చెందాడు. కాగా మృతుడికి భార్య సునీత, ఇద్దరు కూతుళ్లు కావేరి, కావ్య ఉన్నారు. అసలే నిరుపేద కుటుంబం, ఇంటికి పెద్ద దిక్కును కోల్పోవడంతో వారి పరిస్థితి ఆగమ్యగోచరంగా మారింది. మృతదేహాన్ని స్వగ్రామానికి తీసుకురావడానికి ప్రభుత్వం సహాయం చేయాలని కుటుంబ సభ్యులు వేడుకుంటున్నారు. అక్బర్‌నగర్‌లో యువకుడి ఆత్మహత్య రుద్రూర్‌: మండలంలోని అక్బర్‌నగర్‌ బెడ్‌రూం కాలనీలో ఓ యువకుడు ఆత్మహత్యకు పాల్పడ్డాడు. ఎస్సై మనోజ్‌ కుమార్‌ తెలిపిన వివరాలు ఇలా.. కాలనీకి చెందిన కట్టు రాహుల్‌ (28) కిరాణ దుకాణం నిర్వహిస్తూ కుటుంబాన్ని పోషిస్తున్నాడు. శనివారం మధ్యాహ్నం ఇంట్లో ఎవరు లేని సమయంలో ఫ్యాన్‌కు ఉరేసుకుని ఆత్మహత్యకు పాల్పడ్డాడు. కుటుంబ కలహాలతో మనస్తాపం చెంది ఆత్మహత్యకు పాల్పడినట్లు కుటుంబ సభ్యులు పేర్కొన్నారు. ఈమేరకు పోలీసులు కేసు నమోదు చేసి, దర్యాప్తు చేపట్టినట్లు ఎస్సై తెలిపారు.

నందిపేట్‌(ఆర్మూర్‌): నందిపేట మండలంలోని ఉమ్మెడ బ్రిడ్జి వద్ద భారీ విగ్రహాల నిమజ్జనం రెండో రోజు శనివారం కొనసాగింది. జి ల్లా కేంద్రంతో పాటు జిల్లాలోని పలు గ్రామాల నుంచి ఎనిమిది అడుగుల కంటే ఎత్తు ఉన్న విగ్రహాలను నందిపేట మండలం ఉమ్మెడ వద్ద గోదావరి నదికి తరలించారు. అక్కడ బ్రిడ్జి పైనుంచి ప్రత్యేకంగా ఏర్పాటు చేసిన క్రేన్ల సహాయంతో విగ్రహాలను నదిలో నిమజ్జనం చేశారు. ఉమ్మెడ బ్రిడ్జి వద్ద వివిధ శాఖల అఽధికారులు నిమజ్జనోత్సవాన్ని పర్యవేక్షించారు. ఎలాంటి అవాంఛనీయ సంఘటనలు జరుగకుండా పోలీసులు బందోబస్తు చేపట్టారు. నవీపేట: మండలంలోని యంచ గోదావరి నది బ్రిడ్జిపై శనివారం కొనసాగిన గణేశ్‌ విగ్రహ నిమజ్జనాలను సీపీ సాయి చైతన్య పర్యవేక్షించారు. బ్రిడ్జిపై ట్రాఫిక్‌ సమస్యలు తలెత్తకుండా సిబ్బందికి సూచనలు చేశారు. దూరప్రాంతాల నుంచి ఇక్కడికి విగ్రహాలు రావడంతో ఏర్పాట్లను ఇంకా కొనసాగించాలని సూచించారు. నిజామాబాద్‌ ఏసీపీ ప్రకాష్‌, నార్త్‌రూరల్‌ సీఐ శ్రీనివాస్‌ తదితరులు ఉన్నారు.

నా కూతురు తన మాటలతో ఎవరినైనా ఇట్టే ఆకట్టుకుంటుంది. ఆమెను చూస్తే ప్రతి ఇంట్లో ఆడ పిల్ల ఉండాల్సిందే అనిపిస్తుంది. బాన్సువాడ రూరల్‌: బీర్కూర్‌ మండలం కిష్టాపూర్‌ గ్రామంలో ఒకరి పుట్టిన రోజు వేడుకల్లో అపశృతి చోటుచేసుకుంది. గ్రామస్తులు తెలిపిన వివరాలు ఇలా.. కిష్టాపూర్‌ గ్రామానికి చెందిన రవి శనివారం తన తొమ్మిదేళ్ళ కుమార్తె రీతు పుట్టిన రోజు నిర్వహించారు. వేడుకల్లో భాగంగా బాలిక గన్‌ స్పార్కులర్‌ పట్టుకుని కాలుస్తుండగా ఒక్కసారిగా పేలి ఆమె ముఖంపై పడి గాయాలయ్యాయి. దీంతో ఆ బాలికను బాన్సువాడ ఆస్పత్రికి తరలించారు. తన కుమార్తెకు గాయాలు కావడంతో రవి బీర్కూరుకు వెళ్లి స్పార్కులర్‌ దుకాణదారుడితో వాగ్వావాదానికి దిగాడు. కాలం చెల్లిన, నాసిరకం గన్‌ ఇవ్వడంతోనే కుమార్తెకు గాయాలయ్యాయని ఆరోపించారు. ఈ విషయంపై బాధితుడు పోలీసులకు ఫిర్యాదు చేయగా, కేసు నమోదు చేసి దర్యాప్తు చేపట్టినట్లు బీర్కూర్‌ ఎస్సై రాములు తెలిపారు.

● భక్తులతో కిటకిటలాడిన ఆలయం నిజామాబాద్‌ రూరల్‌: జిల్లా కేంద్రంలోని జెండా బాలాజీ మందిరంలో జాతర కనులపండువగా సా గింది. ఉత్సవాల్లో భాగంగా శనివారం అధిక సంఖ్యలో భక్తులు తరలివచ్చి జెండాను దర్శించుకుని పూజలు నిర్వహించారు. అలాగే పీసీసీ చీఫ్‌ బొమ్మ మహేశ్‌కుమార్‌గౌడ్‌ వేడుకల్లో పాల్గొని, జెండాకు ప్రత్యేక పూజలు నిర్వహించారు. బీజేపీ సీనియర్‌ నాయకులు యెండల లక్ష్మీనారాయణ, అర్బన్‌ ఎ మ్మెల్యే ధన్‌పాల్‌ సూర్యనారాయణ పాల్గొని జెండాకు ప్రత్యేక పూజలు నిర్వహించారు. అనంతరం గోవింద నామస్మరణల మధ్య జెండా ఊరేగింపు భక్తిశ్రద్ధలతో కొనసాగింది. స్వామివార్లకు అర్చకు లు అజయ్‌ సాంగ్‌ వాయి, సంజయ్‌ సాంగ్‌ వాయి, విజయ్‌ సాంగ్‌వాయి వారు ప్రత్యేక పూజలు చేశా రు. జెండాను సిర్నాపల్లి గడి మీద నుంచి పూలాంగ్‌ వరకు శోభాయాత్ర నిర్వహించారు. ఊరేగింపులో భక్తులు కోలాటాలు, భజనలతో ఆకట్టుకున్నారు. ఆలయ కార్యనిర్వాహణాధికారి శివరాత్రి ఆంజనేయులు, మాజీ చైర్మన్లు లవంగ ప్రమోద్‌, జాలిగం, గోపాల్‌ కుమార్‌, పోలకొండ నర్సింగ్‌ రావు, అసి స్టెంట్‌ ప్రశాంత్‌కుమార్‌, ఆలయ అర్చకులు వెలుగలేటి నాగరాజు చారి, ఆలయ సిబ్బంది భక్తులు పాల్గొన్నారు.

మోపాల్‌(నిజామాబాద్‌రూరల్‌): నిర్మల్‌ జిల్లా భైంసా మండలంలోని నిగ్వా గ్రామానికి చెందిన జాడె నాందేవ్‌, మీనాక్షికి నలుగురు కుమార్తెలు. నాందేవ్‌ రిటైర్డ్‌ టీచర్‌. నలుగురు కూతుర్లు అయినప్పటికీ.. ఎలాంటి బేధం లేకుండా అందరినీ ప్రయోజకులుగా తీర్చిదిద్దాలని ఉన్నత విద్యకు ప్రోత్సహించారు. అందులో ఒకరు మోపాల్‌ ఎస్సై జాడె సుస్మిత. మొదట ప్రభుత్వ ఉపాధ్యాయురాలిగా (ఎస్‌జీటీ) ఎంపికై ంది. జిల్లాలోనే మొదటి ర్యాంక్‌ రావడంతో సొంత గ్రామంలోనే ఉపాధ్యాయురాలిగా విధులు నిర్వర్తించారు. అంతటితోనే ఆగిపోలేదు. గ్రూప్‌–1, 2తోపాటు ఎస్సై ఉద్యోగానికి పరీక్షలు రాశారు. ఎస్సైగా ఎంపికవ్వగా మొదటి పోస్టింగ్‌ మోపాల్‌ పోలీస్‌స్టేషన్‌లోనే. విధి నిర్వహణలో నిక్కచ్చిగా వ్యవహరిస్తూ అక్రమార్కుల ఆటలకు కళ్లెం వేస్తోందనే పేరుంది. కొందరైతే ఏకంగా లేడీ సింగం అని పిలుస్తుంటారు. ‘మాకు నలుగురు కూతుళ్లని ఏనాడూ కుంగిపోలేదు. ఉన్నతంగా చదివించి ప్రయోజకులను చేశాను. ప్రస్తుతం వారికి పేరుప్రతిష్టలు రావడం సంతోషంగా ఉంది’ అని చెబుతున్నారు నాందేవ్‌.

బోధన్‌: పట్టణంలోని అంబేడ్కర్‌ కాలనీకి చెందిన ప్రభుత్వ ఉపాధ్యాయుడు మదారి శ్రీనివాస్‌, పద్మ దంపతులకు ఇద్దరు కూతుళ్లు పల్లవి, చరణి ఉన్నారు. ఆడపిల్లలైనా ఎలాంటి వివక్షత చూపకుండా వారి ఆశలు, ఆశయాలకు అనుగుణంగా ఉన్నత విద్యను అభ్యసించేలా వెన్నుతట్టి ప్రొత్సహించారు. పెద్ద కూతురు పల్లవి ఎంటెక్‌ పూర్తి చేసి నాలుగేళ్లుగా హైదరాబాద్‌లోని ఓ ప్రముఖ కంపెనీలో ఆడిటర్‌గా ఉద్యోగం చేస్తోంది. చిన్న కూతురు చరణి బీటెక్‌ పూర్తి చేసి బెంగళూరులో సాఫ్ట్‌వేర్‌ ఇంజినీర్‌గా పని చేస్తున్నారు. మదారి శ్రీనివాస్‌ పెంటకలాన్‌ జడ్పీహెచ్‌ఎస్‌లో ఉపాధ్యాయుడి (ఎస్‌ఏ)గా పని చేస్తున్నారు. ‘ఆడపిల్లలను ప్రోత్సహిస్తే ఏ రంగంలోనైనా రాణిస్తారని మా కూతుళ్లు నిరూపించారు’ అని శ్రీనివాస్‌ దంపతులు అభిప్రాయం వ్యక్తంచేశారు.

నిజాంసాగర్‌(జుక్కల్‌): ఆయకట్టు కింద సాగు చేస్తున్న వానాకాలం పంటల అవసరా ల కోసం శనివారం నిజాంసాగర్‌ ప్రాజెక్టు నుంచి ప్రధాన కాలువకు నీటి విడుదల చేపట్టారు. అలీసాగర్‌ రిజర్వాయర్‌ వరకు సుమారు 1.30 లక్షల ఎకరాల పంటలకు రెండో దఫా నీటిని విడుదల చేస్తున్నారు. ప్రస్తుతం ప్రధాన కాలువకు 1,000 క్యూసెక్కులు విడుదల చేస్తున్నామని, మరో 500 క్యూసెక్కుల వరకు పెంచుతామని అధికారులు తెలిపారు. ప్రధాన కాలువలో నీటి ప్రవాహం ఉధృతంగా ఉన్నందున రైతులు, పశువుల కాపర్లు కాలువ వైపు వెళ్లవద్దని నీటిపారుదల శాఖ అధికారులు సూచించారు. నిజాంసాగర్‌ ప్రాజెక్టు పూర్తిస్థాయి నీటిమట్టం 1405 అడుగులు 17.8 టీఎంసీలకు గాను ప్రస్తుతం 1401.08 అడుగులు 12.566 టీఎంసీల నీరు నిల్వ ఉందని తెలిపారు. ప్రభుత్వ పథకాలను సద్వినియోగం చేసుకోవాలి ● న్యాయ సేవా సంస్థ కార్యదర్శి నీలిమ నిజామాబాద్‌ లీగల్‌: ప్రభుత్వ పథకాలను దివ్యాంగులు, బధిరులు సద్వినియోగం చేసుకోవాలని జిల్లా న్యాయసేవా సంస్థ కా ర్యదర్శి నీలిమా సూచించారు. అంతర్జాతీయ బధిరుల దినోత్సవం పురస్కరించుకొని శనివారం న్యాల్‌కల్‌ రోడ్‌లోని బధిరుల పాఠశాల విద్యార్థులతో కలిసి ర్యాలీ నిర్వ హించారు. ఈ సందర్భంగా న్యాయసేవా సంస్థ కార్యదర్శి మాట్లాడుతూ మానసిక వికలాంగులను ప్రభుత్వం గుర్తించి వారికి అన్ని వసతులను కల్పించాలన్నారు. ఎవరికై నా సదరం సర్టిఫికెట్‌ ఆలస్యమైతే వెంటనే న్యాయ సేవా సంస్థను సంప్రదించాలని, త్వరగా అందేలా చర్యలు తీసుకుంటామని తెలిపారు. కార్యక్రమంలో శోభరాణి, శ్రీనివాసరావు, జ్యోతి, న్యాయసేవా సంస్థ సిబ్బంది తదితరులు పాల్గొన్నారు. దుబాయ్‌లో ఉద్యోగావకాశాలు – 28న క్లయింట్‌ ఇంటర్వ్యూలు వేములవాడ: యూనైటెడ్‌ అరబ్‌ ఎమిరేట్స్‌లోని ఏడీఎన్‌హెచ్‌ సంస్థలో గార్డెనర్‌ పోస్టుల భర్తీకి ఇంటర్వ్యూలు నిర్వహిస్తున్నట్లు జీటీఎం ఇంటర్నేషనల్‌ రిక్రూట్‌మెంట్‌ ఏజెన్సీ ప్రతినిధి చీటి సతీష్‌రావు తెలిపారు. గార్డెనర్‌ పోస్ట్‌కు నెలకు 1,200 ఏఈడీ, ఉచిత భోజనం, ఉచిత వీసా, ఉచిత విమాన టికెట్‌, ఉచిత వసతితోపాటు ఉచిత రవాణా సౌకర్యం కల్పిస్తారన్నారు. 21 నుంచి 40 ఏళ్ల వారు అర్హులని పేర్కొన్నారు. ఈనెల 28న ఉదయం 11 గంటలకు క్లయింట్‌ ఇంటర్వ్యూలు నిర్వహిస్తారని ఆసక్తి గల అభ్యర్థులు తమ బయోడేటాను ఈమెయిల్‌ చేయవచ్చు లేదా వాట్సాప్‌ నంబర్‌ 8332016999 కు పంపించాలన్నారు. వివరాలకు నిజామాబాద్‌ 8686860999, ఆర్మూర్‌ 8332015999, జగిత్యాల 8332014999, సిరిసిల్ల 9347661522, సికింద్రాబాద్‌ 8332052299 నంబర్లలో సంప్రదించాలని ఆయన కోరారు. బీజేపీ మోర్చాల కార్యవర్గాల ఎన్నిక సుభాష్‌నగర్‌: భారతీయ జనతా పార్టీ కిసాన్‌, ఎస్సీ, ఎస్టీ మోర్చాల జిల్లాస్థాయి పూర్తి కార్యవర్గాన్ని ఆ పార్టీ జిల్లా అధ్యక్షుడు దినేష్‌ పటేల్‌ కులాచారి ఆదేశాల మేరకు ఆయా మోర్చాల జిల్లా అధ్యక్షులు పాట్కూరి తిరుపతిరెడ్డి, పురుషోత్తం, ఓం సింగ్‌ నాయక్‌ శనివారం వేర్వేరుగా ప్రకటించారు. ఎస్టీ మోర్చా జిల్లా ప్రధాన కార్యదర్శులుగా రాథోడ్‌ సుందర్‌సింగ్‌ (నిజామాబాద్‌ అర్బన్‌), కె పీర్‌సింగ్‌ (ఆర్మూర్‌)తో పాటు జిల్లా ఉపాధ్యక్షులుగా నలుగురితో పాటు కార్యవర్గాన్ని నియమించారు.ఎస్సీ మోర్చా జిల్లా ప్రధాన కార్యదర్శులుగా జి నాగభూషణం (బోధన్‌), పి యుగేంధర్‌ (ఆర్మూర్‌), కార్యదర్శులుగా బి సృజన్‌ (ఆర్మూర్‌), జి శ్రీనివాస్‌(నిజామాబాద్‌ అర్బన్‌),అఖిలేష్‌కుమార్‌ (నిజామాబాద్‌ రూరల్‌), రాహుల్‌, జి శంకర్‌ (నిజామాబాద్‌ అర్బన్‌), తోపాటు జిల్లా ఉపాధ్యక్షులుగా ఐదుగురితోపాటు కార్యవర్గాన్ని నియమించారు. కిసాన్‌ మోర్చా జిల్లా ప్రధాన కార్యదర్శులుగా అంతిరెడ్డి హరీష్‌రెడ్డి (నిజామాబాద్‌ అర్బన్‌), ముస్కు నర్సయ్య (బాల్కొండ) తోపాటు నలుగురు ఉపాధ్యక్షులను, కార్యవర్గ సభ్యులను నియమించారు.

● కలెక్టర్‌ భవేశ్‌ మిశ్రా ● 30వ తేదీ వరకు గడువు విధింపునిజామాబాద్‌ అర్బన్‌: డబుల్‌ బెడ్రూం ఇళ్ల కేటాయింపులను ఈ నెల 30వ తేదీలోపు పూర్తి చేయాలని కలెక్టర్‌ భవేశ్‌ మిశ్రా అధికారులకు గడువు విధించారు. నిజామాబాద్‌ నగరంతోపాటు ఆర్మూర్‌, బోధన్‌, రుద్రూర్‌, మోర్తాడ్‌, బాల్కొండలలో అర్హులైన లబ్ధిదారులకు ఇళ్ల కేటాయింపుల ప్రక్రియ పూర్తి చేయాలని ఆదేశించారు. శనివారం కలెక్టరేట్‌లో సంబంధిత అధికారులతో సమీక్ష నిర్వహించారు. ఈ సందర్భంగా కలెక్టర్‌ మాట్లాడుతూ ఇప్పటికే నిర్మాణాలు పూర్తయిన చోట లబ్ధిదారులకు కేటాయింపులు జరుపుతున్నామని, ఇదే తరహాలో మిగతా చోట్ల కూడా ఈ నెలాఖరులోగా కేటాయింపులు పూర్తయ్యేలా చర్యలు తీసుకోవాలని సూచించారు. అర్హులైన లబ్ధిదారుల జాబితాను సమగ్ర పరిశీలన జరపాలని, జాబితా ఆధారంగా డ్రా పద్ధతిన డబుల్‌ బెడ్రూం ఇళ్లను కేటాయించాలన్నారు. జాబితాలో అనర్హులుంటే వారి పేర్లను తొలగిస్తూ, అనర్హతకు గల కారణాలను స్పష్టంగా పేర్కొనాలని సూచించారు. ప్రభుత్వం నిర్దేశించిన మార్గదర్శకాలను తు.చ తప్పకుండా పాటించాలని, రిజర్వేషన్ల మేరకు కేటాయింపులు జరిగేలా చూడాలన్నారు. క్షేత్రస్థాయిలో ఏవైనా సమస్యలుంటే తమ దృష్టికి తేవాలన్నారు. సమావేశంలో అదనపు కలెక్టర్‌ వి.భుజంగరావు, ఆర్మూర్‌ సబ్‌ కలెక్టర్‌ అభిగ్యాన్‌ మాల్వియా, హౌసింగ్‌ శాఖ ఇన్‌చార్జి పీడీ గీత, నగరపాలక సంస్థ కమిషనర్‌ దిలీప్‌ కుమార్‌, జెడ్పీ సీఈవో సాయాగౌడ్‌, డీఆర్డీవో సాయన్న, హౌసింగ్‌ ఏఈ నివర్తి, సంబంధిత అధికారులు పాల్గొన్నారు.

మోపాల్‌ : మోపాల్‌ మండలం మారుమూల గ్రామమైన కాల్పోల్‌ తండాకు చెందిన బస్సీ యమునాబాయి, హస్రాజ్‌ దంపతులకు నలుగురు కుమార్తెలు, ఇద్దరు కుమారులు. నలుగురు కుమార్తెల్లో చిన్న కూతురు బస్సీ మౌనిక చదువుతోపాటు ఆటపాటల్లో రాణించేది. గిరిరాజ్‌ కళాశాలలో డిగ్రీ రెండో సంవత్సరం చదువుతుండగా అగ్నివీర్‌ (ఆర్మీ)కి ఎంపికై ంది. మథుర (లబానా) సామాజికవర్గంలో నిరక్షరాస్యులే ఎక్కువ. అందులోనా అమ్మాయిని ఉన్నత చదువులు చదివించాలంటే చాలా కష్టం. ఆమె ఎంపికతో సామాజికవర్గం మొత్తం గర్వపడుతోంది. సామాన్య వ్యవసాయ కుటుంబం, మారుమూల పల్లె, మథుర సామాజికవర్గం అయినప్పటికీ అన్ని అవరోధాలను దాటుకుంటూ మౌనిక ఉన్నత స్థానానికి చేరుకుంది. మధ్యప్రదేశ్‌లోని జబల్‌పూర్‌లో విధులు నిర్వహిస్తోంది. ప్రస్తుతం ఉత్తరాఖండ్‌లో మౌనిక ప్రత్యేక శిక్షణ పొందుతున్నారు. ‘ మా కూతురు దేశం గర్వించే ఉద్యోగం చేస్తున్నందుకు సంతోషంగా ఉంది’ అని చెబుతున్నారు బస్సీ యమునాబాయి హస్రాజ్‌ దంపతులు.

ఆర్మూర్‌: తన ఇద్దరు కుమార్తెలను ప్రయోజకులను చేశారు ఆర్మూర్‌ మండలం గోవింద్‌పేట్‌కు చెందిన సిరిపురం సాయేందర్‌ నాగమణి దంపతులు. తల్లిదండ్రుల కష్టాన్ని అర్థం చేసుకొని ఉన్నతమైన ల క్ష్యం ముందుకు సాగుతున్నారు కూతుళ్లు. సాయేందర్‌ ప్రయివేటు ఉద్యోగి. పెద్ద కుమార్తె శ్వేత చదువు మొత్తం ప్రభుత్వ విద్యాసంస్థల్లోనే సాగింది. ఓ యూలో మెకానికల్‌ ఇంజినీరింగ్‌ పూర్తిచేసి క్యాంపస్‌ ప్లేస్‌మెంట్‌లో రూ.10 లక్షల ప్యాకేజీతో మా రుతీ సుజుకి కంపెనీలో ఉద్యోగం సాధించింది. గేట్‌లో ఆలిండియా 291 ర్యాంక్‌ సాధించి బెంగళూరులోని ఇండియన్‌ ఇన్‌స్టిట్యూట్‌ ఆఫ్‌ సైన్స్‌లో ఎంటెక్‌ రోబొటిక్స్‌లో సీటు సాధించింది. అయినప్పటికీ ప్రభుత్వ ఉద్యోగమే లక్ష్యంగా ఆన్‌లైన్‌లో శిక్షణ తీసుకుంటూ, బెంగళూరులో పీజీ చేస్తూనే 2024లో విద్యుత్‌ శాఖ అసిస్టెంట్‌ ఇంజినీర్‌గా ఎంపికై ంది. ప్రస్తుతం కొత్తగూడెం థర్మల్‌ పవర్‌ ప్లాంట్‌లో ఏఈగా బాధ్యతలు నిర్వహిస్తోంది. సివిల్‌ సర్వీసెస్‌కు ప్రిపేర్‌ అవుతోంది. చిన్న కూతురు స్పందన సైతం ప్రభుత్వ విద్యాసంస్థల్లోనే చదివింది. లాసెట్‌లో రాష్ట్రస్థాయి 21వ ర్యాంక్‌ సాధించి, ఓయూలో బీఏ ఎల్‌ఎల్‌బీ పూర్తి చేసింది. ప్రస్తుతం హైకోర్టు న్యాయవాదిగా కొనసాగుతూ పీజీ లాసెట్‌లో రాష్ట్రస్థాయి 71వ ర్యాంక్‌ను సాధించి ఓయూ లా కాలేజీలో సీటు పొందింది. జడ్జిగా ఉద్యోగం సాధించడమే లక్ష్యంగా శ్రమిస్తోంది. ‘ఇద్దరూ కూతుళ్లే అని మమ్మల్ని కొందరు నిరుత్సాహపరిచినప్పటికీ చదువుల్లో ఉన్నతంగా రాణిస్తూ తల్లిదండ్రులుగా మాకంటూ ఒక ప్రత్యేకమైన గుర్తింపును తీసుకొచ్చారు. కొడుకులు లేరు అన్న భావన తల్లిదండ్రులుగా మాకు ఏ రోజూ రానివ్వకుండా తోటి ఆడపిల్లలకు ఆదర్శంగా నిలుస్తున్నారు.’ అని సాయేందర్‌ నాగమణి సంతోషపడుతున్నారు.

సిరికొండ: జాతీయ స్థాయి సాఫ్ట్‌బాల్‌ పోటీలకు సత్యశోధక్‌ పాఠశాలకు చెందిన విద్యార్థి కె అజయ్‌ ఎంపికై న ట్లు ప్రిన్సిపల్‌ ఆర్‌ నర్సయ్య తెలిపారు. మంచిర్యాల జిల్లా బెల్లంపల్లిలోని తిలక్‌ స్టేడియంలో ఈ నెల 12 నుంచి 14 వరకు జరిగిన రాష్ట్రస్థాయి చాంపియన్‌షిప్‌ పోటీలలో ప్రతిభ కనబర్చి జాతీయ స్థాయి పోటీలకు ఎంపికై నట్లు పేర్కొన్నారు. మహారాష్ట్ర ఛత్రపతి సంభాజీనగర్‌లోని డా. బాబాసాహెబ్‌ అంబేడ్కర్‌ మరఠ్వాడా యూనివర్సిటీ స్పోర్ట్స్‌ క్యాంపస్‌లో జరగనున్న 39వ సబ్‌ జూనియర్‌ జాతీయ సాఫ్ట్‌బాల్‌ చాంపియన్‌షిప్‌(అండర్‌–15) బాలుర విభాగం పోటీల్లో పాల్గొననున్నట్లు ప్రిన్సిపల్‌ తెలిపారు. రాష్ట్రస్థాయి ఆర్చరీ పోటీలకు అన్నదమ్ముల ఎంపిక వర్ని: మండలంలోని చింతల్‌పేట్‌ గ్రామానికి చెందిన అన్నదమ్ములు బి. సురేశ్‌ చౌదరి, మహేశ్‌ చౌదరి రాష్ట్రస్థాయి ఆర్చరీ పోటీలకు ఎంపికయ్యారు. కామారెడ్డి జిల్లా కొత్తబాదిలో శనివారం నిర్వహించిన ఎంపిక పోటీల్లో సురేశ్‌ చౌదరి అండర్‌–17, మహేశ్‌ చౌదరి అండర్‌–14 విభాగాల్లో ఎంపికయ్యారు. వీరిద్దరూ నిజామాబాద్‌ శివారులోని బోర్గాం హైస్కూల్‌లో చదువుతున్నారు.

నిజామాబాద్‌ అర్బన్‌: గోదావరి పుష్కర పనులకు అత్యంత ప్రాధాన్యత ఇస్తున్నామని, ఇప్పటికే కందకుర్తి, యంచ వద్ద భక్తుల సౌకర్యార్థం పనులను ప్రారంభించామని కలెక్టర్‌ భవేష్‌ మిశ్రా అన్నారు. రాష్ట్ర దేవాదాయ శాఖ ప్రిన్సిపల్‌ సెక్రటరీ శైలజా రామయ్యర్‌, కమిషనర్‌ హనుమంత రావు శనివారం హైదరాబాద్‌ నుంచి వీడియో కాన్ఫరెన్స్‌ ద్వారా గోదావరి పుష్కరాల ఏర్పాట్లపై సమీక్ష జరిపారు. వారు మాట్లాడుతూ.. పుష్కరాలకు గడువు సమీపిస్తున్నందున పనులను తక్షణమే చేపట్టి వేగవంతంగా పూర్తి చేయాలన్నారు. నిజామాబాద్‌ కలెక్టరేట్‌ నుంచి వీసీలో కలెక్టర్‌ భవేష్‌ మిశ్రా పాల్గొని, మాట్లాడారు. జిల్లాలోని కందకుర్తి పుష్కర క్షేత్రంతోపాటు బాసరకు చేరువలో ఉన్న యంచ వద్ద పనులు చేపట్టేందుకు శంకుస్థాపనలు పూర్తయ్యాయన్నారు. కందకుర్తి, యంచతోపాటు జిల్లాలోని గోదావరి పరీవాహక ప్రాంతాలైన తుంగిని, పోచంపాడ్‌, తడ్‌పాకల్‌ తదితర పుష్కర ప్రదేశాల వద్ద అన్ని వసతులు అందుబాటులో ఉండేలా చర్యలు తీసుకుంటామన్నారు. మార్చి నెలాఖరు నాటికి అన్ని పనులు పూర్తయ్యేలా స్పష్టమైన కార్యాచరణతో ముందుకెళ్తున్నామన్నారు. పుష్కర ఘాట్ల వరకు అప్రోచ్‌ రోడ్లు, ఘాట్ల మరమ్మతులు వంటి పనులను ప్రాధాన్యతాక్రమంలో చేపట్టేలా అధికారులకు దిశానిర్దేశం చేశామన్నారు. వీసీలో ఆర్మూర్‌ సబ్‌ కలెక్టర్‌ అభిగ్యాన్‌ మాల్వియ, డీఆర్వో గీత, నగర పాలకసంస్థ కమిషనర్‌ దిలీప్‌ కుమార్‌, జెడ్పీ సీఈవో సాయాగౌడ్‌, డీఆర్డీవో సాయన్న, వివిధ శాఖల అధికారులు పాల్గొన్నారు.

ఒకప్పుడు కూతురు భారం అనుకునేవారు..! తరం మారుతున్న కొద్దీ కుమారుల కంటే కూతురేం తక్కువ కాదని తల్లిదండ్రులు ఘంటాపథంగా చెబుతున్నారు. కూతుళ్లు ఏ రంగం ఎంచుకున్నా సరే విజయపథంలో దూసుకెళ్తూ తల్లిదండ్రులకు పేరు తెస్తున్న వారెందరో ఉన్నారు. ఏ చిన్న అవకాశం దొరికినా ఇదీ మా కూతురు గొప్పదనం అంటూ ఉదాహరణలెన్నో చెబుతా రు. ఆ గొప్పదనం మరింత మందితో పంచుకునేలా సాక్షి దినపత్రిక అవకాశం కల్పిస్తోంది. కూతురు గొప్పదనం గురించి నాలుగు వాక్యాలు శనివారం సాయంత్రం 5గంటల వరకు మా వాట్సప్‌ నంబర్‌కు పంపించండి. ఈ నెల 27న కూతుళ్ల దినోత్సవం సందర్భంగా ‘సాక్షి’ లో ప్రచురిస్తాం. మీ కూతురుతో దిగిన సెల్ఫీ ఫొటో పంపించడం మర్చిపోవద్దు. పేర్లు, ఊరు, మండలం వివరాలు ఉండాలి.96182 38585

ముడిపామాయిల్‌పై తగ్గిన దిగుమతి సుంకం ● దేశీయ ఉత్పత్తి రంగానికి శరాఘాతమంటున్న రైతులు ● జిల్లాలో 6,684 ఎకరాల్లో సాగుఆర్మూర్‌: ఆయిల్‌పామ్‌తో అధిక ఆదాయాన్ని పొందొచ్చని, నాటిన 6 ఏళ్ల తరువాత నుంచి 40 ఏళ్లపాటు దిగుబడి పొందొచ్చని అధికారులు అవగాహన కల్పిస్తూ సాగు విస్తీర్ణాన్ని పెంచేందుకు కృషి చేస్తున్నారు. రైతులు సైతం ఆయిల్‌పామ్‌ సాగువైపు మొగ్గు చూపుతున్నారు. అయితే విదేశాల నుంచి దిగుమతి చేసుకొనే ముడి పామాయిల్‌పై ప్రాథమిక దిగుమ తి సుంకాన్ని 10 శాతం నుంచి 5 శాతానికి తగ్గిస్తూ కేంద్రం నిర్ణయం తీసుకోవడంతో రైతులు ఆందోళన చెందుతున్నా రు. ఈ నిర్ణయం దేశీయ రైతుల ప్రయోజనాలను దెబ్బతీసే తిరోగమన చర్య అంటూ నేషనల్‌ ఆయిల్‌ పామ్‌ ఫార్మర్స్‌ అసోసియేషన్‌తోపాటు రైతు సంఘాలు ఖండిస్తున్నాయి. దే శీయ రిఫైనింగ్‌ పరిశ్రమకు రక్షణ ఇస్తూ.. రైతులను మాత్రం విదేశీ పోటీకి వదిలేస్తున్నారని ఆరోపిస్తున్నారు. జిల్లాలో 2022–23 సంవత్సరం నుంచి ఆయిల్‌పామ్‌ సాగుపై రైతులకు అవగాహన కల్పిస్తున్నారు. ఉద్యానవన శాఖ ఆధ్వర్యంలో నేషనల్‌ మిషన్‌ ఆన్‌ ఎడిబుల్‌ ఆయిల్స్‌ – ఆయిల్‌ పామ్‌ కింద రైతులకు సబ్సిడీపై మొక్కలు ఇస్తున్నారు. ఎకరాకు 20 టన్నుల వరకు (ఫ్రెష్‌ ఫ్రూట్‌ బంచెస్‌) దిగుబడి వస్తుంది. ఈ ఏడాదికి 6,684 ఎకరాల్లో మొక్కలను నాటగా మొదటి విడతలో నాటిన రైతుల నుంచి సుమారు 1,713 మెట్రిక్‌ టన్నుల దిగుబడి వచ్చింది. టన్ను ఎఫ్‌ఎఫ్‌బీకి రూ.24 వేల రూ.25 వేల వరకు ధర పలుకుతోంది. ఇంత వరకు బాగానే ఉన్నా.. విదేశీ పామాయిల్‌పై దిగుమతి సుంకం తగ్గిస్తే రానున్న రోజుల్లో దేశీయ పంటకు డిమాండ్‌ తగ్గి రైతులు నష్టపోయే ప్రమాదం ఉందనే ఆందోళన వ్యక్తమవుతోంది. ఆర్మూర్‌ మండలం ఫత్తేపూర్‌కు చెందిన రైతు వజ్రంరెడ్డి పదేళ్ల క్రితం ఆయిల్‌ పామ్‌ వేశారు. ఎకరాకు రూ.80 వేలు పెట్టుబడి పె ట్టాడు. డ్రిప్‌, ఎరువులు, కూలీల ఖర్చు రెట్టింపు అయింది. ప్రభుత్వం స్వయం సమృద్ధి అంటూ సాగు చేయమని చెప్పి, ఇప్పుడు చౌకగా విదేశీ పామాయిల్‌ తెస్తే మా పంటకు ధర ఎలా వస్తుంది..? అని ఆవేదన వ్యక్తం చేస్తున్నాడు. టన్నుకు రూ.25,000 గిట్టుబాటు ధర ఇవ్వడమే కాకుండా సుంకం 49 శాతానికి పెంచాలని డిమాండ్‌ చేస్తున్నారు. విదేశాల నుంచి పామాయిల్‌ చౌకగా వస్తే, మిల్లులు మన రైతు దగ్గర కొనరు. బయటిదే కొంటారు. స్థానికంగా ఆయిల్‌పామ్‌ గెలలకు ధర పడిపోతుంది. కేంద్ర ప్రభుత్వం డబుల్‌ గేమ్‌ ఆడుతోంది. ముడి పామాయిల్‌, శుద్ధి చేసిన పామాయిల్‌ మధ్య సుంకంలో తేడాతో విదేశాల నుంచి ముడి నూనె తెచ్చి, ఇక్కడ శుద్ధి చేసే పెద్ద కంపెనీలకు లాభం. వారు చౌకగా తెచ్చి, ఇక్కడ రిఫైన్‌ చేసి ఎక్కువకు అమ్ముకుంటారు. కానీ ముడి నూనె పండించే రైతుకు మాత్రం రక్షణ లేదు. – ఏనుగు భాస్కర్‌రెడ్డి, జిల్లా అధ్యక్షుడు, ఆయిల్‌పామ్‌ రైతుల సంఘం

గణపయ్య వెడలెనగరంలోని గాంధీ చౌక్‌ మీదుగా సాగుతున్న వినాయక శోభాయాత్రనిజామాబాద్‌ రూరల్‌ : భక్తుల విశేష పూలందు కున్న గణనాథుడు గంగమ్మ చెంతకు చేరుకున్నాడు. జిల్లా కేంద్రంతోపాటు బోధన్‌, ఆర్మూర్‌ పట్టణాలు, గ్రామాల్లో నిమజ్జనం కార్యక్రమాన్ని వైభవంగా ని ర్వహించారు. శుక్రవారం మధ్యాహ్నం 2గంటలకు జిల్లా కేంద్రంలోని దుబ్బ సార్వజనిక్‌ గణేశ్‌ మండ లి ఆధ్వర్యంలో పీసీసీ చీఫ్‌, ఎమ్మెల్సీ మహేశ్‌కుమార్‌గౌడ్‌, అర్బన్‌ ఎమ్మెల్యే ధన్‌పాల్‌ సూర్యనారాయణ తదితరులు రథానికి ప్రత్యేక పూజలు నిర్వహించి శో భాయాత్రను ప్రారంభించారు. భక్తుల జయజయధ్వనాల మధ్య దుబ్బ నుంచి 21 జతల ఎడ్లతో కదిలిన రథం శివాజీవిగ్రహం, రైల్వేగేట్‌, గంజ్‌, బోధన్‌ బస్టాండ్‌, గోల్‌హనుమాన్‌ చౌరస్తా, పూలాంగ్‌ చౌరస్తా మీదుగా వినాయకుల బావికి చేరింది. 8 అడుగుల కన్నా ఎత్తున్న విగ్రహాలను ఉమ్మెడ, యంచ గోదావరి తీరానికి తరలించారు. ఘనంగా వినాయక నిమజ్జనం వాడవాడలా గణపయ్య రథాల శోభాయాత్ర జిల్లా కేంద్రంలో కనులపండువగా రథయాత్ర

● ఆర్టీసీ రీజియన్‌ మేనేజర్‌ ఎస్‌వీఎన్‌ కృష్ణమూర్తి ● రోడ్డు భద్రత, ఇంధన పొదుపుపై డ్రైవర్లకు శిక్షణనిజామాబాద్‌ రూరల్‌ : చిన్న నిర్లక్ష్యం ప్రమాదానికి దారి తీస్తుందని, డ్రైవింగ్‌ సమయంలో ఏకాగ్రత, దృశ్య అవగాహన, మానసిక ప్రశాంత ఎంతో ముఖ్యమని ఆర్టీసీ రీజియన్‌ మేనేజర్‌ ఎస్‌వీఎన్‌ కృష్ణమూర్తి అన్నారు. జిల్లా కేంద్రంలోని రీజియన్‌ కార్యాలయ కాన్ఫరెన్స్‌ హాల్‌లో డ్రైవర్లకు రోడ్డు భద్రత, ఇంధన పొదుపుపై శిక్షణ శిక్షణ ఇచ్చారు. ప్రయాణికుల భద్రతను దృష్టిలో ఉంచుకుని ట్రాఫిక్‌ నిబంధనలు, రోడ్డు భద్రతా నియమాలను తప్పనిసరిగా పాటించాలని ఆర్‌ఎం సూచించారు. ఇంపాక్ట్‌ ఫౌండేషన్‌ సైకాలజిస్ట్‌ వీ ప్రవీణ్‌, నిజామాబాద్‌ డిపో–1 మేనేజర్‌ వెంకటరమణ వివిధ అంశాలపై డ్రైవర్లకు అవగాహన కల్పించారు. రెగ్యులర్‌, అవుట్‌ సోర్సింగ్‌ డ్రైవర్లు, ఇతర విభాగాల సిబ్బంది తదితరులు పాల్గొన్నారు.

రామారెడ్డి (ఎల్లారెడ్డి): వినాయక శోభాయాత్రలో డీజేలకు అనుమతించడంలేదని ఓ యువకుడు వాటర్‌ ట్యాంకు ఎక్కి హల్‌చల్‌ చేసిన ఘటన రామారెడ్డి మండలం పోసానిపేట్‌లో గ్రామంలో చోటుచేసుకుంది. గ్రామస్తులు తెలిపిన వివరాలు ఇలా.. పోసానిపేట గ్రామంలో గురువారం వినాయక నిమజ్జన శోభాయాత్ర ప్రారంభమై శుక్రవారం రాత్రి వరకు కొనసాగింది. ఈక్రమంరలో గ్రామానికి చెందిన చెల్మెటి మహేష్‌(35) అనే యువకుడు డీజేలకు అనుమతిలేకపోవడంతో గ్రామంలోని వాటర్‌ ట్యాంక్‌ ఎక్కి నిరసన తెలిపాడు. ఘటన స్థలానికి రూరల్‌ సీఐ శ్రీధర్‌గౌడ్‌, రామారెడ్డి ఎస్సై మురళి చేరుకుని మహేష్‌ను సముదాయించి కిందకు దించి కుటుంబ సభ్యులకు అప్పగించారు.

డొంకేశ్వర్‌(ఆర్మూర్‌): మండలకేంద్రంలోని కర్ర గణపతి ఆలయం భక్తుల నమ్మకానికి నిలయంగా మారింది. తమ కోర్కెలు నెరవేరాలని, నిత్య జీవితంలో ఎదురవుతున్న కష్టాలు, విఘ్నాలు తొలగిపోవాలని కాంక్షిస్తూ భక్తులు స్వామివారికి పెద్ద ఎత్తున ముడుపులు కడుతున్నారు. జిల్లాలో వివిధ ప్రాంతాల నుంచి వస్తున్న భక్తులు, ఆలయ ప్రాంగణంలో ఏర్పాటు చేసిన ప్రత్యేక స్టాండ్లకు భక్తిశ్రద్ధలతో ఎర్రటి వస్త్రంలో కొబ్బరికాయను ఉంచి ముడుపులు కడుతున్నారు. స్వామివారిని దర్శిచుకుని ఈ విధంగా ముడుపు కడితే అనుకున్న పనులు దిగ్విజయంగా పూర్తవుతాయని భక్తుల నమ్మకం. భక్తుల కోరికలు నెరవేరడంతో మొక్కులు చెల్లించుకునే వారి సంఖ్య భారీగా పెరిగింది.

కమ్మర్‌పల్లి: మండలకేంద్రంలోని గ్రీన్‌ఫీల్డ్‌ మినీ స్టేడియంలో మూడు రోజులుగా నిర్వహించిన తెలంగాణ రాష్ట్ర సబ్‌ జూనియర్‌ సాఫ్ట్‌బాల్‌ బాలబాలికల జట్ల శిక్షణ శిబిరం శుక్రవారం ముగిసింది. ఎంపికై న జట్లు ఈ నెల 27 నుంచి 30 వరకు మహారాష్ట్రలోని శంభాజీనగర్‌లో నిర్వహించనున్న జాతీయ సబ్‌ జూనియర్‌ సాఫ్ట్‌బాల్‌ పోటీల్లో తెలంగాణ తరఫున పాల్గొననున్నాయి. జిల్లా సాఫ్ట్‌బాల్‌ అసోసియేషన్‌ ప్రధాన కార్యదర్శి మార్కంటి గంగా మోహన్‌, రాష్ట్ర ప్రధాన కార్యదర్శి కాసాల నవీన్‌, మార్కెట్‌ కమిటీ మాజీ చైర్మన్‌ పాలెపు నర్సయ్య, ఉప సర్పంచ్‌ కొత్తపల్లి అశోక్‌, జిల్లా సాఫ్ట్‌బాల్‌ అసోసియేషన్‌ సంయుక్త కార్యదర్శి ఎం. సుజాత, సభ్యులు మెండే రమేష్‌, ఫిజికల్‌ డైరెక్టర్‌ వేముల నాగభూషణం, సీనియర్‌ క్రీడాకారులు సాగర్‌, గ్రీన్‌ఫీల్డ్‌ మినీ స్టేడియం కోచ్‌ రాహుల్‌, జిల్లా కోచ్‌లు నరేష్‌, అనికేత్‌, మౌనిక తదితరులు పాల్గొన్నారు. బాలికల జట్టు.. సౌజన్య, వర్షిని, షర్లీన్‌ షైనీ, నిషిత, మధుమిత (నిజామాబాద్‌), గాయత్రి, కళ్యాణి, పావని (మహబూబ్‌నగర్‌), అచ్యుత, అక్షిత (వరంగల్‌), దీక్షిత (నల్గొండ), దీపిక (సిద్దిపేట), శ్రావ్యశ్రీ (జగిత్యాల), వర్షిత (కొత్తగూడెం), తేజశ్రీ (మెదక్‌), శివవర్షిని (హనుమకొండ). బాలుర జట్టు.. రిశేంద్ర వర్మ, రాష్ట్రపాల్‌, సుశాంత్‌ కుమార్‌, తాండవ కృష్ణ సేన (మంచిర్యాల), నిహాల్‌ చంద్ర, చాణక్య, అజయ్‌, విగ్నేష్‌ (నిజామాబాద్‌), శ్రీకర్‌, సాత్విక్‌ (హైదరాబాద్‌), రిత్విక్‌ (సిద్దిపేట), దీక్షిత్‌ (వరంగల్‌), జితేష్‌ (మెదక్‌), వర్షిత్‌ (హనుమకొండ), జస్వంత్‌ (జగిత్యాల), సనత్‌ (జయశంకర్‌ భూపాలపల్లి).

ఖలీల్‌వాడి: నవ భారత అక్షరాస్యత కార్యక్రమంలో భాగంగా ‘‘అమ్మకు అక్షరమాల’’ కార్యక్రమంలో భాగంగా ఫౌండేషనల్‌ లిటరసీ అండ్‌ న్యూమరసీ అసెస్‌మెంట్‌ టెస్ట్‌ (ఎఫ్‌ఎల్‌ నెట్‌) పరీక్షను ఈనెల 27న జిల్లాలో నిర్వహించనున్నట్లు జిల్లా గ్రామీణాభివద్ధి అధికారి సాయన్న శుక్రవారం తెలిపారు. పరీక్ష ఉదయం 10 గంటల నుంచి సాయంత్రం 5 గంటల వరకు నిర్వహించబడుతుందని ఈ వ్యవధిలో అభ్యాసకులు తమకు అనుకూలమైన సమయంలో పరీక్షకు హాజరుకావాలని తెలిపారు. జిల్లాలో గుర్తించిన 31,702 అభ్యాసకులు ఈ ఎఫ్‌ఎల్‌ నెట్‌ పరీక్షకు హాజరుకానున్నారు. గతంలో పరీక్షకు హాజరు కాలేకపోయిన లేదా పరీక్షలో ఉత్తీర్ణత సాధించని అభ్యాసకులను కూడా గుర్తించి, వారిని తిరిగి సమీకరించి పరీక్షకు సిద్ధం చేయడానికి సెర్ఫ్‌, డీఆర్డీఏ, మెప్మా, వయోజన విద్యాశాఖతో పాటు మండల, గ్రామస్థాయి సిబ్బంది సమన్వయంతో చర్యలు చేపడుతున్నట్లు ఆయన తెలిపారు. ఇందల్వాయి: ఇందల్వాయి గిరిజన గురుకుల బాలికల విద్యాలయంలో ఇంటర్‌ మొదటి సంవత్సరం ఎంపీసీ, బైపీసీ గ్రూప్‌లలో మిగిలి ఉన్న సీట్లకు స్పాట్‌ అడ్మిషన్స్‌ నిర్వహిస్తున్నట్లు ప్రిన్సిపాల్‌ పద్మజ ఒక ప్రకటనలో తెలిపారు. అర్హత కలిగి ఆసక్తి ఉన్న విద్యార్థినులు సరైన ధ్రువపత్రాలతో నేడు కళాశాలలో సంప్రదించాలని తెలిపారు. తెయూ(డిచ్‌పల్లి): తెలంగాణ యూనివర్సిటీ ప రిధిలో ఇటీవల జరిగిన ఎల్‌ఎల్‌బీ సెమిస్టర్ల రె గ్యులర్‌/బ్యాక్‌ లాగ్‌ థియరీ పరీక్షల ఫలితాల రీవాల్యుయేషన్‌ కోసం ఆసక్తి గల విద్యార్థులు దరఖాస్తు చేసుకోవాలని పరీక్షల నియంత్రణ అధికారి సంపత్‌ కుమార్‌ ఒక ప్రకటనలో తెలిపారు. ఎస్‌బీఐ తెలంగాణ యూనివర్సిటీలో అ క్టోబర్‌ ఒకటవ తేదీ వరకు చెల్లుబాటు అయ్యేవిధంగా రీవాల్యుయేషన్‌ ఫీజు చెల్లించవచ్చని ఆయన తెలిపారు. విద్యార్థులు సంబంధిత రీవాల్యుయేషన్‌ దరఖాస్తు ఫారాలను యూనివర్సిటీ పరీక్ష కేంద్రంలో అక్టోబర్‌ 5న సాయంత్రం 4 గంటల వరకు సమర్పించాలని ఆయన పేర్కొన్నారు. రీవాల్యుయేషన్‌ ఫీజు ప్రతి పేపర్‌కు రూ.500, అప్లికేషన్‌ ఫారం రూ.25 (ప్రతిఫారం) చెల్లించవలసి ఉంటుందని ఆయన తెలిపారు. పూర్తి వివరాలకు తెలంగాణ వర్సిటీ వెబ్‌ సైట్‌ను సందర్శించాలన్నారు. సిరికొండ: హన్మకొండలో శనివారం సహరా బాధితుల సమావేశం నిర్వహించనున్నట్లు సంఘం రాష్ట్ర అధ్యక్షుడు వడ్ల బాలయ్య ఒక ప్రకటనలో తెలిపారు. దేశ వ్యాప్తంగా 13 కోట్ల మంది బాధితులకు రెండు లక్షల కోట్లకు పైగా పొదుపు డబ్బులను సదరు సంస్థ చెల్లించాల్సి ఉందన్నారు. సహరా బాధితులను ఆదుకోవడంలో ప్రభుత్వాలు తీవ్ర నిర్లక్ష్యం వహిస్తున్నాయని ఆయన తెలిపారు. ఉద్యమ కార్యాచరణ కోసం హన్మకొండలో నిర్వహిస్తున్న సమావేశంను విజయవంతం చేయాలని ఆయన కోరారు. నిజామాబాద్‌అర్బన్‌: కామారెడ్డి జిల్లా బిచ్కుందకు చెందిన కుమ్మరి ప్రణతి ఇటీవల ఖమ్మంలోని మమతా మెడికల్‌ కాలేజీలో ఎంబీబీఎస్‌ సీటు సాధించింది. ఆర్థిక పరిస్థితుల దృష్ట్య ఆమెకు వైద్య విద్యను కొనసాగించేందుకు హెల్పింగ్‌ హార్డ్‌ ఫౌండేషన్‌ తరపున రూ.50 వేల ఆర్థికసాయం ప్రకటించారు. ఈసందర్భంగా నిజామాబాద్‌ కలెక్టరేట్‌లో శుక్రవారం అడిషనల్‌ కలెక్టర్‌ భుజంగరావు, తెలంగాణ రెవెన్యూ ఎంప్లాయీస్‌ సర్వీసెస్‌ అసోసియేషన్‌ ప్రధాన కార్యదర్శి రమన్‌ రెడ్డి సంయుక్తంగా విద్యార్థినికి చెక్కును అందజేశారు. కార్యక్రమంలో పలువురు తహసీల్దార్లు పాల్గొన్నారు.

మోపాల్‌: మండలంలోని న్యాల్‌కల్‌ మాసాని చెరువు సమీపంలోగల నిజాంసాగర్‌ కెనాల్‌లో ఓ వ్యక్తి గల్లంతయ్యాడు. వివరాలు ఇలా.. గ్రామానికి చెందిన దశరథ్‌ (41) కూలీ పని చేసుకుంటూ జీవనం సాగిస్తున్నాడు. అతడు శుక్రవారం స్నానం చేసేందుకు కెనాల్‌లో దిగాడు. ప్రమాదవశాత్తు నీట మునిగిపోయాడు. స్థానికులు గమనించి పోలీసులకు సమాచారమిచ్చారు. దశరథ్‌ కోసం ఈతగాళ్లతో గాలింపు చర్యలు చేపట్టినా ఫలితం లేకుండా పోయింది. రాత్రయినా మృతదేహం లభించలేదు. రామారెడ్డి (ఎల్లారెడ్డి): ‘దసరా, సంక్రాంతి వంటి పెద్ద పండుగ లు వచ్చాయంటే గ్రా మాల్లో కోలాహలం మొదలవుతుంది. ఆ కోలాహలాన్ని మరింత పెంచడంలో గంగిరెద్దులను ఆడించేవారు కూడా ము ఖ్యమే. శుక్రవారం తమ జీవనాధారమైన ఎద్దులతో పాటు, తమకు తోడుగా ఉండే శునకాలను కూడా వారు తమ వెంట తీసుకువెళ్తున్నారు. కామారెడ్డి వైపు నుంచి రామారెడ్డి గ్రామానికి వస్తున్న ఒక గంగిరెద్దుపై, వారు మోస్తున్న రంగురంగుల దుప్పట్లు, సామగ్రితో పాటు, వారి పెంపుడు కుక్క కూడా చాలా రాజసంగా ఆ ఎద్దుపై కూర్చుని ప్రయాణి స్తోంది. ఈ చిత్రాన్ని శుక్రవారం ‘సాక్షి’కి చిక్కింది. ఎద్దు నడుస్తుంటే, కుక్క ఏమాత్రం భయపడకుండా, తన ప్రయాణాన్ని ఆస్వాదిస్తూ కనిపించింది.

వర్ని: మోస్రా మండల కేంద్రంలోని విగ్నేశ్వర సాయిబాబా ఆలయ ప్రాంగణంలో ఉన్న మర్రిచెట్టుకు విఘ్నేశ్వరుడి ఆకారం వెలిసింది. గత కొన్ని రోజుల క్రితం మర్రిచెట్టులో గణపతి ఆకారంను గుర్తించిన ప్రజలు ప్రత్యేక పూజలు నిర్వహిస్తున్నారు. చెట్టుకు వెలిసిన గణనాథుడి ఆకారాన్ని చూడటానికి గ్రామస్తులతోపాటు చుట్టుపక్కల గ్రామాల ప్రజలు భారీగా తరలి వస్తున్నారు. గణేశుడి ఆకారానికి ప్రత్యేక పూజలతోపాటు అలంకరణ, అభిషేకాలు నిర్వహిస్తున్నట్లు అర్చకులు నరేష్‌ బాబా వెల్లడించారు.

మోపాల్‌: మండలంలోని కాల్‌పోల్‌ తండాకు చెందిన బస్సీ అనవి బాయి (52) వైద్యం వికటించి మృతిచెందినట్లు గ్రామస్తులు తెలిపారు. అనవి బాయికి ఇటీవల జ్వరం రావడంతో భర్త మోహన్‌తో కలిసి మంచిప్పలోని ఓ ప్రయివేటు వైద్యుడి(ఆర్‌ఎంపీ)ని సంప్రదించారు. ఆమెను పరీక్షించిన వైద్యుడు సైలెన్‌తోపాటు పలు ఇంజక్షన్లు ఇచ్చాడు. ఐదు నిమిషాల వ్యవధిలోనే ఆమె పరిస్థితి విషమంగా మారి, స్ఫృహ కోల్పోయింది. వెంటనే ప్రయివేటు వాహనం (ఓమినీ)లో అనవిబాయిని నగరంలోని ఓ ప్రయివేటు ఆస్పత్రికి తరలించారు. అక్కడి వైద్యులు పరీక్షించగా, అప్పటికే మృతిచెందిందని నిర్ధారించారు. మంచిప్పలో వైద్యుడి కారణంగానే అనవిబాయి మృతిచెందిందని గ్రామస్తులు ఆరోపిస్తున్నారు. విషయం తెలుసుకున్న సదరు వైద్యుడు అప్పటి నుంచి అందుబాటులో లేడని పేర్కొంటున్నారు. ఆస్పత్రిసైతం మూసి ఉంచినట్లు సమాచారం. కోచింగ్‌ గడువు పెంచాలి ఖలీల్‌వాడి: జిల్లా కేంద్రంలోని ఎస్సీ స్టడీ సర్కిల్‌ కోచింగ్‌ గడువు పొడగించాలని అభ్యర్థులు కోరారు. ఈమేరకు వారు శుక్రవారం ఎస్సీ ఉపసంచాలకులు రజితకు వినతిపత్రం అందజేశారు. అనంతరం వారు మాట్లాడుతూ.. ప్రస్తుత నోటిఫికేషన్లతోపాటు రానున్న రోజులలో మరిన్ని ఉద్యోగ నోటిఫికేషన్లు రాబోతున్నాయని, ఇలాంటి కీలకమైన సమయంలో మేము ఇంటికి వెళ్లి చదవలేమని, ప్రయివేట్‌ హాస్టల్‌లో ఉండి చదువుకునే ఆర్థిక స్థోమత లేదన్నారు. కొంతమంది అభ్యర్థులకు తల్లిదండ్రులు లేరని, ఈ 5నెలల ఉచిత శిక్షణ పునాది లాంటిదని అభ్యర్థులు తెలిపారు. నోటిఫికేషన్‌ సమయంలో అంతరాయం కలగకుండా ఎస్సీ స్టడీ సర్కిల్‌ అభ్యర్థులకు కోచింగ్‌ కంటిన్యూ చేయాలని కోరారు.

నిజామాబాద్‌అర్బన్‌: నగరంలోని సమీకృత జిల్లా కార్యాలయాల సముదాయం(ఐడీవోసీ)లో ప్రతిష్టించిన వినాయకుడి నిమజ్జనోత్సవం శుక్రవారం సాయంత్రం భక్తిశ్రద్ధలతో కొనసాగింది. అందంగా అలంకరించిన రథంలోకి స్వామివారిని చేర్చి, నిమజ్జనానికి తరలించారు. శోభాయాత్ర సందర్భంగా దారి పొడుగున కలెక్టరేట్‌లోని వివిధ శాఖల ఉద్యోగులు భక్తిగీతాలు ఆలపిస్తూ, భజనలు చేస్తూ వేడుకల్లో పాల్గొన్నారు. అంతకుముందు కలెక్టరేట్‌ లోని ఆయా విభాగాల సూపరింటెండెంట్లు శ్రీనివాస్‌, భాస్కర్‌ ఇతర అధికారులు వినాయకునికి ప్రత్యేక పూజలు నిర్వహించి ప్రసాద వితరణ చేశారు. రెవెన్యూ ఉద్యోగులు సంఘం రాష్ట్ర ప్రదాన కార్యదర్శి రమన్‌రెడ్డి, తహసీల్దార్లు వినయ్‌సాగర్‌, సతీష్‌, బాలరాజు, శ్రీనివాస్‌రావు తదితరులు పాల్గొన్నారు.

కమ్మర్‌పల్లి(భీమ్‌గల్‌): వీబీజీ రామ్‌జీ పథకం కింద గ్రామాల్లో ప్రజలకు ఉపయోగపడే, అవసరమైన నాణ్యమైన పనులను గుర్తించాలని జిల్లా గ్రామీణాభివృద్ధి శాఖ అధికారి సాయన్న అన్నారు. భీమ్‌గల్‌ మండల పరిషత్‌ కార్యాలయంలో శుక్రవారం వికసిత్‌ గ్రామపంచాయతీ ప్రణాళికలపై భీమ్‌గల్‌, వేల్పూర్‌ మండలాల సర్పంచ్‌లు, పంచాయతీ కార్యదర్శులు, వివిధ శాఖల మండల స్థాయి అధికారులకు శిక్షణ కార్యక్రమం నిర్వహించారు. కార్యక్రమానికి ఆయన ముఖ్య అతిథిగా హాజరై, మాట్లాడుతూ.. పథకంలో 375 రకాల పనులు ఉన్నాయని, గ్రామాల్లో అవసరమైన పనులను గుర్తించే ప్రక్రియలో ప్రజాప్రతినిధులు, ప్రజలు, అధికారులు విస్తృతంగా పాల్గొనాలని సూచించారు. బాబానగర్‌ గ్రామంలోని సామాజిక, వనరుల పటాలను ప్రదర్శించి వీబీజీ రామ్‌జీ పథకంలో ఎలాంటి పనులు గుర్తించవచ్చో తెలియజేశారు. అనంతరం ప్రణాళిక తయారీకి సంబంధించిన మార్గదర్శకాలను జిల్లా రిసోర్స్‌ పర్సన్లు వివరించారు. ఏపీడీ గంగామోహన్‌, ఎంపీడీవో సంతోష్‌కుమార్‌, ఏపీవో జి. నర్సయ్య పాల్గొన్నారు. వేల్పూర్‌(బాల్కొండ): బాల్కొండలోని రైతు వేదికలో బాల్కొండ ఉమ్మడి మండల ప్రజాప్రతినిధులు, అధికారులకు వీబీజీరామ్‌జీ ప్లానింగ్‌ ప్రాసెస్‌ కార్యక్రమం నిర్వహించారు. కార్యక్రమానికి జెడ్పీ సీఈవో సాయాగౌడ్‌ ముఖ్య అతిథిగా హాజరై మాట్లాడారు. మూడు దశల్లో 125 పనిరోజుల కార్యక్రమాన్ని సర్పంచులు, అన్ని శాఖల అధికారులు ప్రత్యేక శ్రద్ధతో విజయవంతం చేయాలన్నారు. వచ్చే నెల 2న గాంధీ జయంతి రోజున నిర్వహించే గ్రామసభలో పనులను ఖరారు చేయాలన్నారు. ఈ పథకాన్ని వ్యవసాయానికి అనుసంధానం చేయాలని సర్పంచులు కోరారు. అంతేగాక గతంలో చేసిన పనులను బిల్లులు ఇవ్వాలని కోరారు. మండల గ్రామాలలో అభివృద్ధి పనులు గుర్తించే విధానాన్ని పటం ద్వారా వివరించారు. బాల్కొండ తహసీల్దార్‌ శ్రీనివాస్‌, బాల్కొండ, నందిపేట్‌, ఏర్గట్ల, మెండోరా, ముప్కాల్‌ ఎంపీడీవోలు విజయ్‌భాస్కర్‌రెడ్డి, శ్రీనివాస్‌రావు, శివచరణ్‌, లక్ష్మణ్‌, రమేశ్‌, తదితరులు పాల్గొన్నారు.

మద్నూర్‌లో అవగాహన కల్పిస్తున్న సీడీపీవో.. చిన్న టాక్లీ గ్రామంలో..మద్నూర్‌(జుక్కల్‌): డోంగ్లి మండలంలోని చిన్న టాక్లీ లోని అంగన్‌వాడీ కేంద్రంలో గురువారం పోషణమాసంలో భాగంగా తల్లులు, గర్భిణులు, బాలింతలకు క్విజ్‌ పోటీలు నిర్వహించారు. ఐసీడీఎస్‌ సీడీపీవో కళా వతి మాట్లాడుతూ.. పుట్టిన బిడ్డకు గంటలోపు తప్పకుండా ముర్రుపాలు తాగించాలన్నారు. గర్భిణులు, బాలింతలు హిమోగ్లోబిన్‌ పెరుగుదల కోసం ఐరన్‌ మాత్రలు తీసుకోవాలన్నారు. మద్నూర్‌ మండల కేంద్రంలోని గణేశ్‌ మండపం వద్ద పోషణ మాస సంబరాలు నిర్వహించారు. కార్యక్రమంలో అంగన్‌వాడీ టీచర్లు సచిత, కళావతి, చంపా, తల్లులు పాల్గొన్నారు. వెంకటాపూర్‌లో సామూహిక సీమంతాలు ఎల్లారెడ్డిరూరల్‌: మండలంలోని వెంకటాపూర్‌ గ్రామంలోని అంగన్‌వాడీ కేంద్రంలో గురువారం సామూహిక సీమంతాలు నిర్వహించారు. గర్భిణులకు అంగన్‌వాడీ కేంద్రాల ద్వారా పౌష్టికాహారం అందిస్తున్నట్లు సర్పంచ్‌ సాయిలు అన్నారు. కార్యక్రమంలో అంగన్‌వాడీ సిబ్బంది తదితరులు పాల్గొన్నారు.

● మీడియా అకాడమీ కార్యదర్శి వెంకటేశ్వరరావు కామారెడ్డి క్రైం: బాన్సువాడలోని ఎస్‌ఆర్‌ఎన్‌కే ప్ర భుత్వ డిగ్రీ కళాశాలలో ఈనెల 29, 30 తేదీల్లో జర్నలిస్టులకు శిక్షణ ఇవ్వనున్నట్లు తెలంగాణ మీడియా అకాడమీ కార్యదర్శి వెంకటేశ్వరరావు తెలిపారు. గు రువారం కలెక్టరేట్‌కు వచ్చిన ఆయనకు కలెక్టర్‌ ఆ శిష్‌ సంగ్వాన్‌ స్వాగతం పలికారు. ఈ సందర్భంగా వెంకటేశ్వరరావు మాట్లాడుతూ సమాచార హక్కు చట్టం, తప్పొప్పుల పరిశీలన, నేర వార్తల కవరేజ్‌, వార్తా కథనాల రూపకల్పన, వార్తా సేకరణ, వార్తల ప్రాధాన్యత నిర్ణయం, వాస్తవ నిర్ధారణ, మీడియా చట్టాలు–నైతిక నియమాలు, జర్నలిజంలో పాటించాల్సిన వృత్తిపరమైన ప్రమా ణాలు తదితర అంశాలపై జర్నలిస్టులకు శిక్షణ ఇవ్వనున్నామన్నారు. స మావేశంలో అదనపు కలెక్టర్‌ ఎన్‌వై గిరి, మీడియా అకాడమీ చైర్మన్‌ ఓఎస్డీ రహ్మాన్‌, మేనేజర్‌ శైలేష్‌ రెడ్డి తదితరులు పాల్గొన్నారు. ఏర్పాట్ల పరిశీలన.. బాన్సువాడ : బాన్సువాడలోని ఎస్‌ఆర్‌ఎన్‌కే ప్రభుత్వ డిగ్రీ కళాశాలలో నిర్వహించే వర్క్‌ షాప్‌ ఏర్పాట్లను గురువారం మీడియా అకాడమీ కార్యదర్శి పరిశీలించారు. ఈనెల 29, 30 తేదీల్లో ఉదయం 10 గంటల నుంచి సాయంత్రం ఐదు గంటల వరకు జర్నలిస్టులకు శిక్షణ తరగుతులు ఉంటాయని పేర్కొన్నారు. శిక్షణకు హాజరయ్యే జర్నలిస్టులకు మెటీరియల్‌, సర్టిఫికెట్లు అందజేస్తామన్నారు. ఆయన వెంట టీయూడబ్ల్యూజే జిల్లా అధ్యక్షుడు రజినీకాంత్‌, కళాశాల ప్రిన్సిపల్‌ గంగాధర్‌, వర్క్‌షాప్‌ నిర్వహణ కమిటీ సభ్యులు ఉన్నారు.

తెయూ(డిచ్‌పల్లి): విద్యార్థులు చదువుతోపాటు స మాజ సేవలో ముందుండాలని తెలంగాణ యూనివర్సిటీ రిజిస్ట్రార్‌ యాదగిరి అన్నారు. యూనివర్సిటీలో గురువారం జాతీయ సేవా పథకం (ఎన్‌ఎస్‌ఎస్‌) ఆధ్వర్యంలో ఎన్‌ఎస్‌ఎస్‌ డే వేడుకలను ఘ నంగా నిర్వహించారు. కార్యక్రమానికి ఆయన ము ఖ్యఅతిథిగా హాజరై, మాట్లాడారు. 1969 సెప్టెంబర్‌ 24న‘సేవ ద్వారా విద్య’ అనే భావనకు మూలస్ఫూర్తిగా ఎన్‌ఎస్‌ఎస్‌ ప్రారంభమైందన్నారు. విద్యార్థులు తరగతి గదిలో పొందిన జ్ఞానాన్ని సమాజ సేవకు అన్వయించాలని ఆయన సూచించారు. ఎన్‌ఎస్‌ఎస్‌ ద్వారా యువతలో సేవాభావం, సామాజి క బాధ్యత,నాయకత్వ లక్షణాలు పెంపొందుతాయన్నారు.అనంతరం ఆరు ఎన్‌ఎస్‌ఎస్‌ యూనిట్ల వ లంటీర్లకు వివిధ పోటీలు నిర్వహించగా, విజేతల కు బహుమతులు అందజేశారు. జిల్లా యువజన అ ధికారి రమేష్‌,తెయూ ఎన్‌ఎస్‌ఎస్‌ ప్రోగ్రామ్‌ కోఆర్డి నేటర్‌ అపర్ణ, ప్రొఫెసర్లు సీహెచ్‌ ఆరతి, రాంబాబు, అంద జీవన్‌ రావు, తదితరులు పాల్గొన్నారు.

బాన్సువాడ: బాన్సువాడ ప్రభుత్వ ఆస్పత్రిలో వి ధులు నిర్వహించే వైద్యుడు సీను నాయక్‌ మూడు రోజుల నుంచి అనారోగ్యానికి గురయ్యారు. ప్రతీ రోజు రాత్రి వేళల్లో విధులు నిర్వహిస్తున్నారు. వి విధ ప్రాంతాల నుంచి వచ్చే రోగులకు వైద్య సేవలందించడంలో ఆటంకం ఏర్పడకుండా ఉండేందుకు అనారోగ్యానికి గురైనా డ్యూటీ వేయించు కుని సెలన్‌ పెట్టుకుని మరీ విధులకు హాజర య్యారు. సిబ్బంది సెలన్‌ పట్టుకుని వైద్యుడి వెంట తిరుగుతూ ఆస్పత్రికి వచ్చే రోగులకు వైద్య సేవందించారు. రోగుల కుటుంబ సభ్యులు వైద్యుడి తీరుపై సంతృప్తి వ్యక్తం చేస్తున్నారు.

● ఆదర్శంగా నిలుస్తున్న పలు పల్లెలు ● గ్రామాల్లో స్టీల్‌ బ్యాంకుల ఏర్పాటు వేల్పూర్‌: మండలంలోని ఐదు గ్రామాలలో ప్లాస్టిక్‌ వాడకాన్ని రూపుమాపడానికి సర్పంచులు పక్కా వ్యూహంతో ముందుడుగు వేస్తున్నారు. ప్లాస్టిక్‌ వస్తువులను పూర్తిగా మానేసి, వాటి స్థానంలో పూర్వపు మాదిరిగా స్టీలు పాత్రలను వాడడానికి నడుం బిగించారు. అన్నదాన సత్రాలు, శుభకార్యాలు జరిగినప్పుడు వేలాదిగా ప్లాస్టిక్‌ ఇస్తార్లు, గ్లాసులు వాడడం వల్ల వాటితో ప్రకృతికి, ప్రజల ప్రాణాలకు తీవ్రమైన ముప్పు ఏర్పడుతోంది. దీంతో మండలంలోని మోతె గ్రామంలో సర్పంచ్‌ దొల్ల రమేశ్‌రెడ్డి గ్రామస్తుల సహాయంతో స్టీలు పాత్రల బ్యాంకు ప్రారంభించారు. దీంతో వేల్పూర్‌, అక్లూర్‌, అంక్సాపూర్‌, కోమన్‌పల్లి సర్పంచులు సైతం ప్లాస్టిక్‌ వాడకాన్ని పూర్తిగా ఆపేయడానికి ముందుకు వచ్చారు. గ్రామ పంచాయతీల ఆధ్వర్యంలో స్టీలు పాత్రల బ్యాంకులను ఏర్పాటు చేశారు. ఈక్రమంలో గణేశ్‌ ఉత్సవాల్లో అన్నదానాలకు ప్లాస్టిక్‌ ప్లేట్లను ఆపేసి, స్టీలు ప్లేట్లు, గ్లాసులు వినియోగించారు. అలాగే హోటళ్లలో ప్లాస్టిక్‌ కప్పుల వినియోగాన్ని ఆపేసి, గ్లాసుల వినియోగాన్ని ప్రారంభించారు. అంతేగాక దుకాణాల నుంచి సరుకులు తెచ్చుకోడానికి 25 మైక్రాన్లతో తయారైన కవర్లను వినియోగించే విధంగా చర్యలు చేపడుతున్నారు. దీంతో ఆయా గ్రామాల నిర్ణయాన్ని పలువురు అభినందిస్తూ, ఆదర్శంగా తీసుకుంటున్నారు. శుభకార్యాలు,అన్నదాన సత్రా లు చేయాలంటే ప్లాస్టిక్‌ ఇస్తా ర్లు,గ్లాసులకు సుమారు రూ. వే లల్లో ఖర్చు అవుతుంది. స్టీలు ప్లేట్లు వాడడం వల్ల ఆ ఖర్చు తప్పుతుంది. అంతేగాక ఇస్తార్ల వ్యర్థాల సమస్య ఉండదు. పర్యావరణానికి మేలు జరుగుతుంది. –మొండి అశోక్‌, సర్పంచ్‌, వేల్పూర్‌

● బోధన్‌లో మూడేళ్ల క్రితమే పూర్తయిన డబుల్‌బెడ్‌రూం ఇళ్ల నిర్మాణాలు ● ఇప్పటికీ అర్హులకు అందించని అధికారులు బోధన్‌: బీఆర్‌ఎస్‌ ప్రభుత్వ హయాంలో నిరుపేదల సొంతింటి కలను నెరవేర్చడానికి డబుల్‌బెడ్‌రూం ఇళ్ల నిర్మాణాలు చేపట్టింది. ఇందులో భాగంగా పట్టణంలోని పాండుతర్ఫా శివారులో ఏడేళ్ల క్రితం 360 డబుల్‌ బెడ్‌రూం ఇళ్ల సముదాయం నిర్మాణం చేపట్టగా, మూడేళ్ల క్రితం పనులు పూర్తయ్యాయి. కానీ ఇప్పటికీ లబ్ధిదారులకు అందించకపోవడంతో ఆశావహుల్లో నైరాశ్యం నెలకొంది. ఈ అంశంపై పలు దఫాలుగా అధికారులు, ప్రజాప్రతినిధులు సమీక్షలు నిర్వహిస్తున్నా.. పంపిణీలో మాత్రం తీవ్ర జాప్యం నెలకొంటుంది. జిల్లాకేంద్రంలోని కలెక్టరేట్‌లో బుధవారం నిర్వహించిన సమావేశంలో కలెక్టర్‌ భవేశ్‌మిశ్రా మాట్లాడుతూ.. జిల్లాలో గత ప్రభుత్వ హయాంలో నిర్మాణాలు పూర్తి చేసిన డబుల్‌ బెడ్‌రూం ఇళ్లను ఈ నెలాఖరు వరకు పంపిణీ చేయాలని అధికారులకు ఆదేశించారు. దీంతో ఏళ్లుగా అద్దె ఇళ్లల్లో నివాసం ఉంటున్న పట్టణ పేదలు ఇళ్ల కోసం ఎదురు చూస్తున్నారు. ఇళ్లు 360.. దరఖాస్తులు 6882.. పట్టణంలో మొత్త 38 వార్డులు ఉండగా డబుల్‌ బెడ్‌రూం ఇళ్ల కోసం సుమారు 6882 దరఖాస్తులు వచ్చాయి. మొత్తం 360 ఇళ్లు ఉండగా పంపిణిలో జాప్యం జరుగుతుంది. పేదల నుంచి వెల్లువలా దరఖాస్తులు రావడం, మారిన రాజకీయ పరిస్థితులు, ఇళ్ల సంఖ్య తక్కువగా ఉండటంతో లబ్ధిదారుల ఎంపిక ప్రక్రియ ముందుకు సాగడం లేదు. పలు చోట్ల వివాదాలు చోటుచేసుకుంటున్నాయి. రెండు నెలక్రితం ఎమ్మెల్యే సుదర్శన్‌రెడ్డి అధికారులతో సమీక్ష నిర్వహించి లబ్ధిదారుల ఎంపికను త్వరితగతిన పూర్తి చేయాలని అధికారులను ఆదేశించారు. ఈమేరకు అధికారులు వెరిఫికేషన్‌ ప్రక్రియను పూర్తి చేయించారు. దరఖాస్తుదారుల్లో సుమారు 2వేల మంది పైచిలుకు అర్హులుగా గుర్తించినట్టు తెలుస్తోంది. వార్డుల వారీగా లబ్ధిదారులను ఎంపిక చేయాల్సి ఉండగా ఎప్పుడు పూర్తి చేస్తారో తెలియని పరిస్థితి నెలకొంది. అధికారులు స్పందించి వెంటనే అందించాలని పేదలు కోరుతున్నారు.పట్టణ పేదలు డబుల్‌ ఇళ్ల కోసం పెట్టుకున్న దరఖాస్తులను క్షేత్రస్థాయికి వెళ్లి వెరిఫికేషన్‌ ప్రక్రియను పూర్తి చేశాం. లబ్ధిదారుల ఎంపిక ప్రక్రియ ప్రాసెస్‌లో ఉంది. ప్రభుత్వ నిబంధనలు, జిల్లా అధికారులు మార్గదర్శకాల మేరకు లబ్ధిదారుల ఎంపికను త్వరితగతిన పూర్తి చేసేందుకు ప్రత్యేక దృష్టిసారించాం. –విజయ కుమారి, ఆర్డీవో బోధన్‌

కామారెడ్డి టౌన్‌: నవరాత్రులు విశేష పూజలందుకున్న బొజ్జ గణపయ్య.. గంగమ్మ ఒడికి చేరాడు. కామారెడ్డి జిల్లా కేంద్రంలో బుధవారం రాత్రి ప్రారంభమైన వినాయక విగ్రహాల నిమజ్జన శోభాయాత్ర గురువారం కనులపండువగా సాగింది. వరుసగా కదులుతున్న గణనాథులను చూడడానికి వేలాది మంది తరలివచ్చారు. దీంతో పట్టణం జనసంద్రంగా మారింది. నిమజ్జనం జరిగే టేక్రియాల్‌ పెద్ద చెరువు వద్ద మున్సిపల్‌, రెవెన్యూ, విద్యుత్‌ శా ఖల ఆధ్వర్యంలో పటిష్ట ఏర్పాట్లు చేశారు. నిమజ్జన ప్రక్రియ వేగవంతంగా పూర్తయ్యేలా భారీ క్రేన్లు, డోజర్లను అందుబాటులో ఉంచారు. ఎలాంటి అవాంఛనీయ ఘటనలు జరగకుండా చెరువు లోతు ప్రాంతాల వద్ద మున్సిపల్‌ సిబ్బంది, గజ ఈతగాళ్లు అందుబాటులో ఉన్నారు. శోభాయాత్ర, నిమజ్జనం ప్రశాంత వాతావరణంలో ముగిసేలా జిల్లా పోలీస్‌ యంత్రాంగం పకడ్బందీ బందోబస్తు నిర్వహించింది. టేక్రియల్‌ చెరువు వద్ద ఏర్పాట్లను కలెక్టర్‌ ఆశిష్‌ సంగ్వాన్‌ పరిశీలించారు.

చెరువులో మునిగి ఒకరి మృతి దోమకొండ: మండల కేంద్రంలోని కుడి చెరువులోకి దిగిన ఓ వ్యక్తి ప్రమాదవశాత్తు నీటమునిగి మృతిచెందాడు. స్థానికులు, పోలీసులు తెలిపిన వివరాలు ఇలా.. బీబీపేట మండల కేంద్రానికి చెందిన లింగారి నవీన్‌(17) అనే యువకుడు పాత సామాన్లు, ఇనుప వస్తువులు ఎరుకుని అమ్ముకుంటూ జీవనం సాగించేవాడు. దోమకొండలో గణపతుల నిమజ్జనం పూర్తయిందని, ప్రతిమల కింద ఉన్న ఇనుప స్టాండ్లను అమ్ముకుందామనే ఆలోచనతో మిత్రుడితో కలిసి అతడు గురువారం చెరువు వద్దకు చేరుకున్నాడు. నీటిలోకి దిగిన తర్వాత తిరిగి ఒడ్డుకు చేరుకునే క్రమంలో ఊపిరి ఆడక మృతిచెందాడు. అదే సమయంలో దోమకొండకు చెందిన నూనె నవీన్‌ అనే వ్యక్తి సైతం అక్కడికి చేరుకున్నాడు. ఇరువురు వెంటనే విషయం పోలీసులకు, మృతుడి కుటుంబసభ్యులకు తెలియజేశారు. పోలీస్‌ రెస్క్యూ టీం ఘటన స్థలానికి చేరుకుని నవీన్‌ మృతదేహాన్ని బయటకు తీశారు. మృతుడి తల్లి లక్ష్మీ ఫిర్యాదు మేరకు కేసు నమోదు చేసుకుని శవాన్ని పోస్టుమార్టం నిమిత్తం కామారెడ్డి ఏరియా ఆస్పత్రికి తరలించినట్లు ఎస్సై ప్రభాకర్‌ తెలిపారు. నిజామాబాద్‌ లీగల్‌: విధి నిర్వహణలో ఉన్న హోంగార్డును బైక్‌తో ఢీకొట్టి గాయపరిచిన కేసులో నిందితుడికి ఆరు నెలల జైలు శిక్ష విధిస్తూ నిజామాబాద్‌ నాల్గవ అదనపు జిల్లా సెషనన్స్‌ జడ్జి దారావత్‌ దుర్గాప్రసాద్‌ గురువారం తీర్పు వెలువరించారు. వివరాలు ఇలా.. నగరంలోని పవర్‌హౌస్‌ చౌరస్తాలో మార్చి 30న నిజామాబాద్‌ ట్రాఫిక్‌ పోలీసులు డ్రంకన్‌డ్రైవ్‌ తనిఖీలు చేపట్టారు. ఈక్రమంలో ఇందల్వాయి మండలం తిర్మన్‌పల్లి గ్రామానికి చెందిన బొక్క దీపక్‌ పోలీసులకు సహకరించకుండా, తన బైక్‌ను అతివేగంగా నడిపి విధుల్లో ఉన్న హోంగార్డు నర్సింగ్‌ను ఢీకొట్టాడు. ఈ ఘటనలో నర్సింగ్‌ తీవ్రంగా గాయపడగా పోలీసులు కేసు నమోదు చేసి దీపక్‌ను కోర్టుకు తరలించారు. విచారణ చేపట్టిన జడ్జి నిందితుడికి ఆరు నెలల జైలు శిక్ష, రూ. వెయ్యి జరిమానా విధించారు.

బాన్సువాడ రూరల్‌: బాన్సువాడలో ఈనెల 27న నిర్వహించే జాతీయ సమైక్యతా సదస్సుకు హాజరు కావాలని కోరుతూ బాన్సువాడ ఎమ్మెల్యే పోచారం శ్రీనివాస్‌రెడ్డికి నిర్వాహకులు ముఫ్తీ ఉమర్‌ బిన్‌ ఈసా ఆహ్వాన పత్రికను గురువారం అందించారు. జాతీయ సమైక్యత, పరస్పర సోదరభావం, మతసామరస్యంతో పాటు శాంతిని పెంపొందించే లక్ష్యంతో నిర్వహిస్తున్న ఈకార్యక్రమానికి అన్ని రాజకీయ పార్టీల నాయకులు, ప్రముఖులు, అన్ని వర్గాల ప్రజలు హాజరు కావాలని కోరారు. కార్యక్రమంలో మౌలాన రఫీఖ్‌, నాయకులు వాహబ్‌, అఫ్రోజ్‌ తదితరులు పాల్గొన్నారు. నిజామాబాద్‌ రూరల్‌: రాష్ట్ర ప్రదేశ్‌ కాంగ్రెస్‌ అధ్యక్షుడు, ఎమ్మెల్సీ బొమ్మ మహేశ్‌ కుమార్‌ గౌడ్‌ శుక్రవారం జిల్లాకు రానున్నారు. జిల్లాకేంద్రంలో నేడు గణేశ్‌ నిమజ్జనం నేపథ్యంలో శోభయాత్రను ఆయన ప్రారంభించనున్నారు. అనంతరం పార్టీ సమావేశాల్లో పాల్గొనున్నారు. కామారెడ్డి అర్బన్‌: శ్రీసరస్వతి విద్యామందిర్‌, విద్యాభారతి అఖిల భారతీయ శిక్షా సంస్థాన్‌ ఆధ్వర్యంలో శుక్రవారం పట్టణంలోని వివిధ ప్రాంతాల్లో నమామి భారతం వందేమాతరం పూర్తి గేయాలాపన చేయనున్నట్లు ప్రతినిధులు శ్యాంసుందర్‌, హరిస్మరణ్‌రెడ్డి, రాజారెడ్డి, మల్లేష్‌యాదవ్‌, గంగారెడ్డి, ఎం.ఆనంద్‌, ప్రతాప్‌గౌడ్‌ తెలిపారు. పట్టణంలోని శ్రీసరస్వతి విద్యామందిర్‌ హైస్కూల్‌, జీవదాన్‌ సర్ధార్‌ పటేల్‌ విగ్రహం, నిజాంసాగర్‌ చౌరస్తా, కొత్తబస్టాండ్‌, శివాజీ విగ్రహం, ప్రభుత్వ డిగ్రీ కళాశాల, జయప్రకాశ్‌ నారాయణ విగ్రహం, భగత్‌సింగ్‌ నగర్‌ సరస్వతి శిశుమందిర్‌ వద్ద వందేమాతం పూర్తి గేయాలాపన ఉంటుందని అన్నారు. విద్యార్థులకు అండగా ఎన్‌ఎస్‌యూఐ తెయూ(డిచ్‌పల్లి): విద్యారంగ సమస్యలపై నిరంతరం ఉద్యమిస్తూ ఎన్‌ఎస్‌యూఐ విద్యార్థులకు అండగా ఉంటుందని యూనియన్‌ రాష్ట్ర ఉపాధ్యక్షుడు బట్టు వేణురాజు, రాష్ట్ర కార్యదర్శి సుద్దుల గంగాప్రసాద్‌ అన్నారు. తెలంగాణ యూనివర్సిటీని గురువారం వారు సందర్శించారు. ఈసందర్భంగా తెయూలో నిర్వహించిన కార్యక్రమంలో వారు పాల్గొని, మాట్లాడారు. విద్యార్థుల సమస్యలను పరిష్కరించేందుకు యూనివర్సిటీ ఎన్‌ఎస్‌యూఐ నాయకులు, కార్యకర్తలు ఐక్యంగా పనిచేయాలని సూచించారు. విద్యార్థుల హక్కుల పరిరక్షణకు ఎల్లప్పుడూ అండగా ఉంటామని తెలిపారు. వర్సిటీ ఎన్‌ఎస్‌యూఐ ఆధ్వర్యంలో రాష్ట్ర నాయకులను సన్మానించారు. వర్సిటీ ఎన్‌ఎస్‌యూఐ అధ్యక్షుడు అరుణ్‌తేజ్‌, జనరల్‌ సెక్రెటరీ జటావత్‌ రాజు, ఎగ్జిక్యూటివ్‌ మెంబర్‌ కార్తిక్‌ సిసోడియా తదితరులు పాల్గొన్నారు.

డొంకేశ్వర్‌(ఆర్మూర్‌): ఇటు రాష్ట్రంలో, అటు కేంద్రంలో కాంగ్రెస్‌ పార్టీ మళ్లీ అధికారంలోకి వస్తుందని జిల్లా కాంగ్రెస్‌ పార్టీ అధ్యక్షుడు నగేశ్‌ రెడ్డి అన్నారు. డొంకేశ్వర్‌ మండల కేంద్రానికి గురువారం ఆయన విచ్చేసి, కర్ర గణపతికి దర్శించుకొని ప్రత్యేక పూజలు నిర్వహించారు. అనంతరం నిర్వహించిన విలేకరుల సమావేశంలో ఆయన మాట్లాడారు. ఇప్పటికే రాష్ట్రంలో అందిస్తున్న ప్రజాపాలనతో కాంగ్రెస్‌ ప్రభుత్వం ప్రజల నుంచి మంచి ఆదరణ పొందుతుందన్నారు. దీంతో వచ్చే ఎన్నికల్లో ప్రజలు కాంగ్రెస్‌కే పట్టం కడుతారని అన్నారు. బీఆర్‌ఎస్‌ అధినేత కేసీఆర్‌ ప్రతిపక్ష హోదాను విస్మరించి, అసెంబ్లీకి రాకుండా ఫామ్‌హౌస్‌కే పరిమితం అ య్యారని ఎద్దేవా చేశారు. గుత్ప నీరు తాము వదిలితే బీజేపీ నాయకులు సంబరాలు చేసుకోవడం హాస్యాస్పదంగా ఉందన్నారు. ఆర్మూర్‌లో వచ్చేసా రి కాంగ్రెస్‌ జెండా ఎగురవేద్దామని పిలుపునిచ్చా రు. ప్రజాప్రతినిధులు, నాయకులు బాపూరావు, వెంకటేశ్‌, భరత్‌రెడ్డి, భోజారెడ్డి, సంజీవ్‌రాజ్‌, ఎ ర్రం లింగం తదితరులు పాల్గొన్నారు.

మాక్లూర్‌(ఆర్మూర్‌): రెవెన్యూ రికార్డులు ఒకరిద్దరు రైతులను కాదు.. ఏకంగా ఊరిని ఆందోళనకు గురి చేస్తున్నాయి. తలదాచుకునేందుకు గూడు కట్టుకుందామనుకుంటే అనుమతి రాదంటూ అధికారులు నిరాకరిస్తున్నారు. ఈ పరిస్థితి మాక్లూర్‌ మండలం గుంజ్లి గ్రామస్తులు ఎదుర్కొంటున్నారు. ఇంటి నిర్మాణ అనుమతి కోసం గ్రామ పంచాయతీకి వెళ్లిన వారికి అసైన్డ్‌ భూమిలో అనుమతి ఇవ్వడం కుదరదని పంచాయతీ కార్యదర్శి నిరాకరిస్తున్నారు. మరి తమ పరిస్థితి ఏమిటని పంచాయతీ అధికారితోపాటు పాలకవర్గాన్ని గ్రామస్తులు ప్రశ్నిస్తే వారి వద్ద సమాధానం కరువైంది. ఇక తాము ఇళ్లు ఎక్కడ నిర్మించుకోవాలని గ్రామస్తులు ప్రశ్నిస్తున్నారు. అయితే అనుమతి లేకున్నా కొందరు ధైర్యం చేసి ఇంటి నిర్మాణ పనులు ప్రారంభిస్తే విద్యుత్‌ అధికారులు కనెక్షన్‌ ఇవ్వడం లేదు. ఇప్పటికీ సుమారు 20 కుటుంబాలు దీపం వెలుగులో కాలం వెళ్లదీస్తున్నాయి. తాము ఎదుర్కొంటున్న ఇబ్బందులను గత కొన్నేళ్లుగా అధికారుల దృష్టికి తీసుకెళ్లినా ఫలితం లేదని గ్రామస్తులు ఆవేదన వ్యక్తం చేస్తున్నారు. గ్రామానికి చెందిన సుమారు 90 కుటుంబాలు ఇళ్ల నిర్మాణానికి అనుమతులు లభించక, నిర్మించుకున్న ఇళ్లకు విద్యుత్‌ కనెక్షన్‌ లేక ఇబ్బందులు పడుతున్నారు. ఉన్నతాధికారులు స్పందించి తమ సమస్యను పరిష్కరించాలని కోరుతున్నారు. మా నాన్నల కాలం నుంచి.. మా గ్రామం మొత్తం అసైన్‌మెంట్‌ భూములే. మా నాన్న ల కాలం నుంచి రికార్డుల్లో అంతే ఉన్నాయి. పాత గ్రా మంలో ఉన్న ఇళ్లు శిథిలావస్థకు చేరి కూలిపోతుండడంతో దుబ్బ ప్రాంతంలో కొత్తగా ఇళ్లు నిర్మించుకుంటున్నాం. కానీ గ్రామ పంచాయతీ పర్మిషన్‌ ఇవ్వడం లే దు. దైర్యం చేసి ఇల్లు నిర్మించుకుంటే విద్యుత్‌ అధికారులు కనెక్షన్‌ ఇవ్వడం లేదు. చాలా ఇబ్బందులు పడుతున్నాం. మా గ్రామంలో పట్టా భూములే లేని విషయాన్ని దృష్టిలో ఉంచుకుని సమస్యను పరిష్కరించాలి. – సుంకె గంగాధర్‌, గుంజ్లి ఇబ్బందిగా ఉంది మా గ్రామం మొత్తం అసైన్డ్‌ భూమిగా రికార్డుల్లో ఉంది. ఈ విషయం అధికారులకు కూడా తెలుసు. కొత్తగా ఇళ్లు నిర్మించుకోవాలనుకునే వారికి ప్రభుత్వ నిబంధనల ప్రకారం గ్రామ పంచాయతీ నుంచి అనుమతి ఇచ్చే అవకాశం లేదు. ఈ విషయం తెలియక కొందరు మమ్మల్ని నిందిస్తుండడంతో ఇబ్బందిగా ఉంది. ఉన్నతాధికారులు స్పందించి. పట్టా, అసైన్డ్‌ భూమి అనకుండా కొత్తగా ఇళ్లు నిర్మించుకునే వారందరికి అనుమతులు మంజూరు చేసే అవకాశం ఇవ్వాలి. – గోపు గోపి, సర్పంచ్‌, గుంజ్లి మాక్లూర్‌ మండలం గుంజ్లి గ్రామం మొత్తం అసైన్డ్‌ భూమే.. ఇళ్ల నిర్మాణానికి, కరెంట్‌ కనెక్షన్‌లకు అనుమతి నిరాకరణ ఇబ్బందులు పడుతున్న గ్రామస్తులు

కోరిన కోరికలు తీర్చే సత్య(కర్ర) గణపతికి భక్తులు లక్షల రూపాయలతో అలంకారం చేశారు. డొంకేశ్వర్‌ మండల కేంద్రంలో కొలువైన సత్యగణపతిని రూ.9,99,999 నగదుతో అలంకరించారు. ఇందులో కొత్తగా వచ్చిన రూ.10 నాణేలతోపాటు రూ.20, రూ.50, రూ.100, రూ.500 కరెన్సీ నోట్లను దండలుగా గుచ్చి మండపం నలుమూలలా అమర్చారు. లంబోదరుడు ‘ధనలక్ష్మి’ అవతారంలో మెరిసిపోతూ గురువారం భక్తులకు దర్శనమిచ్చారు. ప్రతీ ఏటా వినూత్నంగా ముస్తాబు చేయడం ఆనవాయితీగా వస్తోంది. శుక్రవారం శోభాయాత్రను ఘనంగా నిర్వహించేందుకు అన్ని ఏర్పాట్లు చేస్తున్నారు. – డొంకేశ్వర్‌(ఆర్మూర్‌)

● నేడు గణేశ్‌ శోభాయాత్ర ● ఏర్పాట్లు పూర్తిచేసిన అధికార యంత్రాంగం ● భారీ పోలీసు బందోబస్తునిజామాబాద్‌ రూరల్‌: నవరాత్రులు మండపాల్లో పూజలందుకున్న గణనాథుడి నిమజ్జనానికి సర్వం సిద్ధమైంది. జిల్లా వ్యాప్తంగా వినాయక శోభాయాత్ర శుక్రవారం వేడుకగా జరుపనున్నారు. ఈ నేపథ్యంలో అధికార యంత్రాంగం ఇప్పటికే ఏర్పాట్లు పూర్తి చేసింది. శోభాయాత్ర సాగే మార్గాల్లో రోడ్డు మరమ్మతు పనులు, విద్యుత్‌ స్తంభాలకు లైట్లను బిగించారు. నగరంలో ప్రత్యేకం.. ఇందూరులో నిర్వహించే శోభాయాత్రకు రాష్ట్రంలోనే పేరుంది. 80 ఏళ్లుగా సార్వజనిక్‌ గణేశ్‌ మండలి ఆధ్వర్యంలో వినాయక నిమజ్జన శోభాయాత్ర కొనసాగుతూ వస్తోంది. నగరంలోని దుబ్బ చౌరస్తా నుంచి 11 జతల ఎడ్లతో రథం బయలుదేరుతుంది. ఈ నేపథ్యంలో సార్వజనిక్‌ గణేశ్‌ మండలి ప్రతినిధులు రథానికి మరమ్మతులు చేయించారు. దుబ్బ చౌరస్తాలో మొదలై లలితామహల్‌ థియేటర్‌, గంజ్‌, గాంధీ చౌక్‌, నెహ్రూ పార్క్‌, పవన్‌ థియేటర్‌, అహ్మదీ బజార్‌, గాజుల్‌పేట్‌, పెద్ద బజార్‌, గోల్‌ హనుమాన్‌, ఫులాంగ్‌ మీదుగా వినాయక్‌నగర్‌లోని వినాయకులబావి వద్దకు చేరుకుంటుంది. రథయాత్ర కొనసాగే రూట్లలో పోలీసులు ముమ్మర తనిఖీలు చేపట్టారు. బాంబ్‌ స్క్వాడ్‌ సిబ్బంది రథాన్ని క్షుణ్ణంగా పరిశీలించారు. మద్యం షాపులు బంద్‌ శుక్రవారం ఉదయం 6 నుంచి ఈ నెల 27 తేది ఉదయం 6 గంటల వరకు జిల్లాలో మద్యం షాపులు మూసి ఉంచనున్నట్లు సీపీ సాయి చైతన్య, ఎకై ్సజ్‌ శాఖ సూపరింటెండెంట్‌ నందన్‌ కుమార్‌ వేర్వేరు ప్రకటనల్లో తెలిపారు. గణేశ్‌ నిమజ్జన రూట్‌లు.. ఎనిమిది ఫీట్ల లోపు విగ్రహాలు: నెహ్రూ పార్క్‌, అర్సపల్లి, జాన్కంపేట్‌, నవీపేట మీదుగా బాసరకు వెళ్లాలి. ఎనిమిది ఫీట్ల కన్నా ఎత్తు విగ్రహాలు: ఫులాంగ్‌ చౌరస్తా, ఎన్టీఆర్‌ చౌరస్తా, రైల్వే స్టేషన్‌, బస్టాండ్‌, రైల్వే ఓవర్‌ బ్రిడ్జి, దుబ్బా, జీజీ కాలేజీ చౌరస్తా, బైపాస్‌ రోడ్‌, డీఎస్‌ చౌరస్తా, ముబారక్‌నగర్‌, దాస్‌నగర్‌, మాక్లూర్‌, నందిపేట మీదుగా ఉమ్మెడ గోదావరికి వెళ్లాలి. నందిపేట మీదుగా నవీపేట, బాసర గోదావరి బ్రిడ్జి వద్దకు వెళ్లొచ్చు.ట్రాఫిక్‌ డైవర్షన్‌.. హైదరాబాద్‌ నుంచి వచ్చే ఆర్టీసీ బస్సులు, ఇతర వాహనాలు మాధవనగర్‌ బైపాస్‌, కంఠేశ్వర్‌, రైల్వే అండర్‌ పాస్‌, ఎన్టీఆర్‌ చౌరస్తా, రైల్వే స్టేషన్‌ మీదుగా బస్టాండ్‌ చేరుకోవాలి. బోధన్‌ వైపు నుంచి వచ్చే వాహనాలు అర్సపల్లి చౌరస్తా మీదుగా బైపాస్‌, కొత్త కలెక్టరేట్‌, కంఠేశ్వర్‌, రైల్వే అండర్‌ పాస్‌, ఎన్టీఆర్‌ చౌరస్తా నుంచి బస్టాండ్‌ చేరుకోవాలి. బాన్సువాడ నుంచి వచ్చే వాహనాలు వర్ని చౌరస్తా, ఆర్‌ఆర్‌, ఫులాంగ్‌ చౌరస్తా, ఎల్లమ్మగుట్ట, రైల్వేస్టేషన్‌ మీదుగా బస్టాండ్‌ చేరుకోవాలి. బందోబస్తు..నిజామాబాద్‌ అర్బన్‌: జిల్లా కేంద్రంలో గణేశ్‌ నిమజ్జనం సందర్భంగా పోలీస్‌ శాఖ ట్రాఫిక్‌ నియంత్రణ చేపట్టింది. పలు ఆంక్షలు విధించారు. శుక్రవారం ఉదయం 11 నుంచి శనివారం ఉదయం 11 గంటల వరకు భారీ వాహనాలు నగరంలోకి ప్రవేశించకూడదని అ ధికారులు తెలిపారు. 1300 మంది పోలీసులు బందోబస్తులో పాల్గొననున్నారు. ఇప్పటి వరకు 572 మందిని బైండోవర్‌ చేశారు. నిబంధనలకు విరుద్ధంగా డీజే వినియోగించిన వారిపై జిల్లా వ్యాప్తంగా తొమ్మిది కేసులు నమోదయ్యాయి.

నిజామాబాద్‌ రూరల్‌: జిల్లాలో పర్యాటక రంగ అభివృద్ధికి యువత, ప్రజలు సహక రించాలని జిల్లా పరిషత్‌ సీఈవో సాయా గౌడ్‌ కోరారు. ప్రపంచ పర్యాటక దినోత్సవా న్ని గురువారం జెడ్పీలో నిర్వహించగా ఆ యన ముఖ్య అతిథిగా హాజరై వివిధ పోటీ ల్లో గెలుపొందిన పాఠశాల, కళాశాల విద్యార్థులను అభినందించారు. ప్రపంచ పర్యాటక దినోత్సవం సందర్భంగా నిర్వహించే పోటీల్లో విజేతలుగా నిలిచిన వారిని రాష్ట్రస్థాయి పోటీలకు పంపిస్తామని జిల్లా పర్యాటకశాఖ అధికారి పవన్‌కుమార్‌ తెలిపారు. కార్యక్రమంలో పాలిటెక్నిక్‌ కళాశాల అధ్యాపకులు రాఘవేంద్ర, లలిత, సురేశ్‌, గంగాదాస్‌ పాల్గొన్నారు.జాతీయస్థాయి బాల్‌బ్యాడ్మింటన్‌కు ఎంపిక రెంజల్‌: జాతీయస్థాయి బాల్‌బ్యాడ్మింటన్‌ పోటీలకు రెంజల్‌లోని మైనార్టీ గురుకుల పాఠశాల, కళాశాలకు చెందిన తబస్సుమ్‌ ఎంపికై నట్లు ఇన్‌చార్జి ప్రిన్సిపాల్‌ సబా ఆర్షిన్‌ తెలిపారు. ఇటీవల మహబూబ్‌నగర్‌ జిల్లా వనపర్తిలో నిర్వహించిన రాష్ట్రస్థాయి పోటీ ల్లో తబస్సుమ్‌ సత్తాను ప్రదర్శించి జాతీయ పోటీలకు ఎంపికై ందన్నారు. గురువారం త బస్సుమ్‌ను పాఠశాల సిబ్బంది అభినందించారు. ఫిజికల్‌ డైరెక్టర్‌ భాగ్యశ్రీ, వ్యాయామ ఉపాధ్యాయురాలు శ్యామల పాల్గొన్నారు. జాతీయ సదస్సుకు జిల్లావాసి నిజామాబాద్‌ రూరల్‌: ఈనెల 25, 26 తేదీల్లో జైపూర్‌లో నిర్వహించనున్న జాతీయ వినియోగదారుల హక్కుల కార్యకర్తల సదస్సుకు హైదరాబాద్‌ నుంచి సీసీఐ(కన్జ్యూమర్‌ కాన్ఫెడరేషన్‌ ఆఫ్‌ ఇండియా) జాతీయ కార్యదర్శి శంకర్‌లాల్‌ చౌరాసియా, జిల్లా నుంచి వినియోగదారుల మండలి సౌత్‌ ఉపాధ్యక్షుడు తంగళపల్లి శ్రీనివాసులు హాజరుకానున్నారు. వినియోగదారుల హక్కుల పరిరక్షణ, భవిష్యత్‌ ప్రణాళికకు రోడ్‌ మ్యా ప్‌, ఆహార కల్తీ నిరోధక చట్టం, లీగల్‌ మె ట్రాలజీ చట్టాల నిబంధనలపై మరింత అధికారాలు, సవరణ కోసం దేశవ్యాప్తంగా హాజరవుతున్న వినియోగదారుల ప్రతినిధులు తమ అభిప్రాయాలను సదస్సులో ప్రకటించనున్నారు. అలాగే లోపభూయిష్టమైన జనరిక్‌ మందుల వ్యాపారం కారణంగా వినియోగదారులు ఆర్థికంగా నష్టపోతున్న విధానాలపై శంకర్‌లాల్‌ చౌరాసియా, తంగళ్లపల్లి శ్రీనివాసులు జాతీయ కమిటీకి నివేదిక ఇవ్వనున్నారు. కామారెడ్డి అర్బన్‌: ఉమ్మడి నిజామాబాద్‌ జిల్లా స్థాయి అర్చరీ అండర్‌–14, 17 బాలబాలికల ఎంపిక పోటీలను శనివారం నిర్వహించనున్నారు. బాన్సువాడ మండలంలో ని కొత్తాబాది తిర్మలాపూర్‌ క్యాంప్‌ జెడ్పీ హైస్కూల్‌లో ఉదయం 8 గంటలకు పోటీ లు ప్రారంభమవుతాయని ఎస్‌జీఎఫ్‌ జిల్లా కార్యదర్శి శ్రీధర్‌ ఒక ప్రకటనలో తెలిపారు. క్రీడాకారులు బోనఫైడ్‌, ఆధార్‌, స్పోర్ట్స్‌ డ్రెస్‌, పరికరాలతో హాజరు కావాలని, వివరాలకు 94400 04112, 94415 79518 నంబర్లలో సంప్రదించాలని సూచించారు. మద్నూర్‌: తడిహిప్పర్గాలో మద్య నిషేధం విధించినట్లు సర్పంచ్‌ అశ్విని తెలిపారు. గురువారం ఈ విషయమై గ్రామంలో ఏక గ్రీవ తీర్మానం చేశారు. గ్రామంలో ఎక్కడా మద్యం అమ్మరాదని, ఎవరైన ఈ నిబంధనను అతిక్రమిస్తే జరిమానాలు విధిస్తామని సర్పంచ్‌ హెచ్చరించారు.

● వాణిజ్య పన్నుల శాఖలో కొందరి బినామీ దందాలు ● ఉన్నతాధికారులకు లేఖలు రాసిన శాఖ ఉద్యోగులునిజామాబాద్‌అర్బన్‌: వాణిజ్య పన్నుల శాఖలో అక్రమాల ఆరోపణలు మళ్లీ వెల్లువెత్తుతున్నాయి. గతంలో బోధన్‌ కేంద్రంగా నకిలీ బిల్లుల వ్యవహారం రా ష్ట్ర వ్యాప్తంగా సంచలం సృష్టించింది. రూ.300 కోట్లు ప్రభుత్వానికి ఎగ్గొట్టి అక్రమాలకు పాల్పడ గా.. బాధ్యులను అరెస్టు చేసి జైలుకు పంపించారు. మళ్లీ అదే శాఖలోని కొందరు ఉద్యోగులు బినామీ దందాలు చేస్తున్నట్లు తెలుస్తోంది. కొందరు ఉద్యోగులు అధికారాన్ని అడ్డం పెట్టుకొని అక్రమాలకు పాల్పడుతున్నారని, దీనిపై ఆ శాఖలోని పలువురు ఉద్యోగులు వాణిజ్య పన్నుల శాఖ ఉన్నతాధికారులతోపాటు కలెక్టర్‌కు లిఖిత పూర్వకంగా ఫిర్యాదు చేయడం గమనార్హం. బినామీ పేర్లతో.. గత కొన్నేళ్లుగా ఇక్కడే వాణిజ్య పన్నులశాఖలో కొనసాగుతున్న కొందరు ఉద్యోగులు బినామీ పేర్లతో ఐరన్‌ వ్యాపారం చేస్తున్నారు. ఎనిమిది చోట్ల వ్యా పారాలు చేస్తున్న వీరు ప్రభుత్వానికి కట్టాల్సిన కో ట్లాది రూపాయల జీఎస్టీని ఎగవేస్తున్నారు. మరికొందరు ఉద్యోగులకు వ్యాపారులకు సహకరిస్తున్నారనే ఆరోపణలున్నాయి. గతంలో బోధన్‌ స్కా మ్‌లో నిందితుడిగా ఉన్న వ్యక్తి ఇప్పుడు కూడా ఐరన్‌, ఐరన్‌ స్క్రాప్‌ వాహనాలను అనుమతిస్తూ ప్రతి నెలా లక్షలాది రూపాయల ముడుపులు దండుకుంటున్నారని పలువురు ఆరోపిస్తున్నారు. గత కొన్ని సంవత్సరాలుగా జిల్లా కేంద్రంలోనే ఉంటూ పదోన్నతి పొంది ఇక్కడే కొనసాగుతున్న ఒకరితోపాటు మరో ఇద్దరు అధికారులు అక్రమాల వ్యవహారానికి తెరలేపారు. అక్రమాలను ప్రశ్నిస్తే బెదిరిస్తున్నారని మిగతా ఉద్యోగులు వాపోతున్నారు. అ క్రమార్కులైన అధికారుల సహకారంతోనే మెదక్‌ జి ల్లా చేగుంటలోని ఓ ప్రాంతం నుంచి జిల్లాకు ప్రతి రోజూ 10 నుంచి 15 వాహనాలు ఐరన్‌ సరఫరా చేస్తున్నాయని, అలాగే మహారాష్ట్ర నుంచి 14 వాహనాలు నిజామాబాద్‌కు ప్రతిరోజూ ఐరన్‌, ఐరన్‌ స్క్రాప్‌ తీసుకొస్తున్నాయని తెలుస్తోంది. వ్యాపారుల అక్రమాలకు సహకరిస్తూనే సదరు అధికారులు జిల్లా కేంద్రంలోని బోధన్‌ రోడ్డులో రెండు, ఆర్మూర్‌ రోడ్‌లో మరో మూడు వ్యాపార సముదాయాలను బినామీ పేర్లతో కొనసాగిస్తున్నారు. కామారెడ్డిలోనూ రెండు వ్యాపార సముదాయాలుతోపాటు మహారాష్ట్ర, చేగుంట, మెదక్‌ ప్రాంతాల్లో వీరికి బినామీ పేర్లతో ఐరన్‌ దుకాణాలు ఉన్నట్లు సమాచారం.

● జిల్లాలోనే మొదట వర్నిలో ప్రారంభం ● ఎకరానికి 45 క్వింటాళ్ల దిగుబడి సాధించిన రైతువర్ని: జిల్లాలో ఖరీఫ్‌ సీజన్‌ వరి కోతలు ప్రారంభమయ్యాయి. రాష్ట్రంలో ఏటా తొలిసారిగా వర్ని మండలంలో వరి పంట చేతికొస్తుంది. జూన్‌ మాసంలో నారుమడులు వేసిన ఇక్కడి రైతులు సెప్టెంబర్‌ చివరి వారంలో కోతలు ప్రారంభించారు. మొదట కోత ప్రారంభించిన రైతు ఇంట ధాన్యపు సిరులు కురిశాయి. వర్ని మండలం సత్యనారాయణపురం శివారులో శ్రీనగర్‌ గ్రామానికి చెందిన గుణ్ణం సత్తిబాబు రెండు ఎకరాల్లో సాగు చేసిన వరిని గురువారం కోశారు. ఎకరానికి 45 క్వింటాళ్ల దిగుబడి వచ్చింది. కునారం 1638 స్వల్పకాలిక రకం సాగు చేసిన ఆయనకు 120 రోజులకే పంట చేతికి వచ్చింది. కాగా, వర్షాభావ పరిస్థితుల నేపథ్యంలో రాష్ట్ర వ్యాప్తంగా వరి సాగు తగ్గడంతో జిల్లాలో పండించిన ధాన్యం అధిక ధర పలుకుతోంది. వ్యాపారులు ప్రస్తుతం పచ్చి ధాన్యం క్వింటాలుకు రూ.2,900 చెల్లిస్తున్నారు. ‘జిల్లాలో 4.30 లక్షల ఎకరాల్లో వరి సాగైంది. నీటి ఎద్దడి లేకుండా పంటలు చేతికి వస్తాయి. పచ్చి ధాన్యానికి రూ.3వేల వరకు ధర పలికే అవకాశం ఉంది.’ అని డీఏవో వీరాస్వామి ‘సాక్షి’కి తెలిపారు.

తెయూ(డిచ్‌పల్లి): తెలంగాణ యూనివర్సిటీ సైన్స్‌ కళాశాలలో నెలకొన్న వివిధ సమస్యలను పరిష్కరించాలని ఏబీవీపీ నాయకులు డిమాండ్‌ చేశారు. ఈ మేరకు బుధవారం రిజిస్ట్రార్‌ ప్రొఫెసర్‌ యాదగిరికి వినతిపత్రం అందజేశారు. ఈ సందర్భంగా వర్సిటీ ఏబీవీపీ అధ్యక్ష, కార్యదర్శులు సమీర్‌, మోహన్‌ మాట్లాడుతూ సైన్స్‌ కాలేజీలోని ల్యాబొరేటరీల్లో అవసరమైన లిక్విడ్స్‌, కెమికల్స్‌, ఎక్విప్‌మెంట్‌ కొరత ఉందన్నారు. దీంతో విద్యార్థుల ప్రాక్టికల్‌ విద్యకు ఇబ్బందులు ఎదురవుతున్నాయని తెలిపారు. విద్యార్థులకు అవసరమైన మౌలిక వసతులను వెంటనే మెరుగుపరచాలని డిమాండ్‌ చేశారు. కార్యక్రమంలో వర్సిటీ ఏబీవీపీ ఉపాధ్యక్షులు అనిల్‌, లెనిన్‌, సంయుక్త కార్యదర్శి రాజేందర్‌, నాయకులు భార్గవ్‌ ప్రీతం, దీపక్‌, వినయ్‌ తదితరులు పాల్గొన్నారు. తెయూ(డిచ్‌పల్లి): తెలంగాణ యూనివర్సిటీలోని ఇంటిగ్రేటెడ్‌ ఫార్మా కెమిస్ట్రీ (ఐదు సంవత్సరాల కోర్సు)లో 2026–27 విద్యా సంవత్సరానికి ఈ నెల 24, 25వ తేదీల్లో స్పాట్‌ అడ్మిషన్లు నిర్వహించనున్నట్లు ప్రిన్సిపల్‌ ప్రొఫెసర్‌ జి రాంబాబు బుధవారం ఒక ప్రకటనలో తెలిపారు. స్పాట్‌ అడ్మిషన్లకు హాజరయ్యే అభ్యర్థులు ఒరిజినల్‌ ధ్రువపత్రాల పరిశీలన తప్పనిసరిగా చేయించుకోవాలని పేర్కొన్నారు. స్థానిక అభ్యర్థులకు మొదటి ప్రాధాన్యత ఇవ్వబడుతుందని, స్థానిక అభ్యర్థి లేదా సంబంధిత రిజర్వేషన్‌ కేటగిరీ అభ్యర్థి అందుబాటులో లేని సందర్భంలో స్థానికేతర అభ్యర్థులకు అవకాశం కల్పిస్తామని ఆయన తెలిపారు. దోస్త్‌ స్పాట్‌ అడ్మిషన్‌ రిజిస్ట్రేషన్‌ ఫీజు రూ.425గా నిర్ణయించామని, పూర్తి వివరాలకు వర్సిటీ వెబ్‌సైట్‌ www. telanganauniversity. ac. in లో పొందుపరిచినట్లు ఆయన వివరించారు.

కామారెడ్డి టౌన్‌ : నవరాత్రులు పూజలందుకున్న లంబోదరుడికి కామారెడ్డి వాసులు ఘనంగా వీడ్కోలు పలికారు. జిల్లా కేంద్రంలో వినాయక విగ్రహాల నిమజ్జనోత్సవ శోభాయాత్ర బుధవారం రాత్రి వైభవంగా ప్రారంభమైంది. పట్టణంలోని ధర్మశాల వద్ద యువజన సమాఖ్య వినాయకుడికి కలెక్టర్‌ ఆశిష్‌ సంగ్వాన్‌, ఎస్పీ రాజేశ్‌ చంద్ర ప్రత్యేక పూజలు నిర్వహించి శోభాయాత్రను ప్రారంభించారు. నిమజ్జనోత్సవాన్ని తిలకించేందుకు పట్టణవాసులతో పాటు సమీప గ్రామాల నుంచి భక్తులు భారీ సంఖ్యలో తరలివ చ్చారు. సుభాష్‌ రోడ్డు, జేపీఎన్‌ రోడ్డు, సిరిసిల్ల రోడ్డు, మాయాబజార్‌, పాంచ్‌రస్తా, పాత పట్టణ వీధులు భక్తజనంతో కిటకిటలాడాయి.

నిజామాబాద్‌ అర్బన్‌: ఖరీఫ్‌ సీజన్‌కు సంబంధించిన ధాన్యం కొనుగోళ్లను అక్టోబర్‌ 1వ తేదీ నుంచి ప్రారంభించనున్నట్లు కలెక్టర్‌ భవేశ్‌ మిశ్రా తెలిపారు. ధాన్యం సేకరణ కోసం క్షేత్రస్థాయిలో అవసరమైన అన్ని ఏర్పాట్లు చేయాలని అధికారులను ఆదేశించారు. ఆయా శాఖల అధికారులు, తహసీల్దార్లు, ఎంపీడీవోలతో సమీకృత జిల్లా కార్యాలయాల సముదాయం కాన్ఫరెనన్స్‌ హాల్‌లో బుధవారం ధాన్యం సేకరణ, ఎస్‌ఐఆర్‌ తదితర అంశాలపై సమీక్ష నిర్వహించారు. ఈ సందర్భంగా కలెక్టర్‌ మాట్లాడుతూ.. ధాన్యం సేకరణ ప్రక్రియలో రైతులకు ఎలాంటి ఇబ్బందులు కలగకుండా పకడ్బందీ కార్యాచరణతో సన్నద్ధం కావాలని అన్నారు. ధాన్యం నిల్వ చేసేందుకు గుర్తించిన గిడ్డంగులు, ఫంక్షన్‌ హాళ్లు, ఆయా ప్రదేశాలను క్షేత్రస్థాయిలో సందర్శించాలని ఆదేశించారు. భూభారతి, ఇందిరమ్మ.. భూభారతి పెండింగ్‌ దరఖాస్తుల ప్రగతిని మండ లాల వారీగా సమీక్షించిన కలెక్టర్‌.. వచ్చే వారం నా టికి ఏ ఒక్క అర్జీ కూడా పెండింగ్‌లో ఉండకుండా అన్నింటినీ పరిష్కరించాలని డెడ్‌లైన్‌ విధించారు. తహసీల్దార్‌, ఆర్డీవో లాగిన్‌లలోని అన్ని మాడ్యుల్స్‌ కు సంబంధించిన దరఖాస్తులను నిశితంగా పరిశీలిస్తూ, భూభారతి నిబంధనల మేరకు పరిష్కరించాలని సూచించారు. మొదటి విడతలో మంజూరు చేసిన ఇందిరమ్మ పెండింగ్‌ ఇళ్ళ నిర్మాణాలు యుద్ధప్రాతిపదికన పూర్తి చేసేలా లబ్దిదారులను ప్రోత్సహించాలని అన్నారు. రెండో విడత మంజూరు ప్రక్రియను వేగవంతం చేయాలని సూచించారు. డబుల్‌ బెడ్‌ రూమ్‌ ఇళ్ల కేటాయింపు ఈ నెలాఖరు నాటికి పూర్తి కావాలని అన్నారు. మైనారిటీ సంక్షేమ పథకాలపై.. మైనారిటీల అభ్యున్నతిని కాంక్షిస్తూ ప్రభుత్వం అమలు చేస్తున్న సంక్షేమ పథకాలపై ప్రజల్లో అవగాహన పెంపొందించేందుకు విస్తృత చర్యలు చేపట్టాలని కలెక్టర్‌ భవేశ్‌ మిశ్రా సూచించారు. మైనారి టీ సంక్షేమ శాఖ రాష్ట్ర కమిషనర్‌ అబ్దుల్‌ హమీద్‌ తో కలిసి అధికారులతో సమీక్ష నిర్వహించారు. షాదీ ముబారక్‌ పథకం కింద జిల్లాకు రూ.19.98 కోట్లు ప్రభుత్వం కేటాయించగా.. రూ.7.79 కోట్లు మాత్రమే ఇప్పటివరకు పంపిణీ జరిగిందన్నారు. ఇతర సంక్షేమ పథకాల విషయంలోనూ ఆశించిన స్థాయిలో స్పందన కనిపించడం లేదన్నారు. సమావేశంలో అదనపు కలెక్టర్‌ వీ భుజంగరావు, ఆర్మూర్‌ సబ్‌ కలెక్టర్‌ అభిజ్ఞాన్‌ మాల్వియా, ట్రెయినీ కలెక్టర్‌ సురేశ్‌, డీఆర్‌వో గీత, నగర పాలక సంస్థ కమిషనర్‌ దిలీప్‌కుమార్‌, ఆర్డీవోలు రాజేంద్రకుమార్‌, విజయకుమారి, డీఆర్‌డీవో సాయన్న, సంబంధిత శాఖల అధికారులు, అన్ని మండలాల తహసీల్దార్లు, ఎంపీడీవోలు, మున్సిపల్‌ కార్పొరేషన్‌ అధికారులు పాల్గొన్నారు. గడువుకు ముందే ఎస్‌ఐఆర్‌..స్పెషల్‌ ఇంటెన్సివ్‌ రివిజన్‌(ఎస్‌ఐఆర్‌) ప్రక్రియ కు ప్రాధాన్యత ఇస్తూ నిర్ణీత గడువుకు ముందే పూర్తి చేయాలని అధికారులకు కలెక్టర్‌ భవేశ్‌ మి శ్రా సూచించారు. నిబంధనలకు అనుగుణంగా విధులు నిర్వర్తించని వారిపై చర్యలు తప్పవని స్పష్టం చేశారు. మ్యాపింగ్‌ కాని వారికి, పేర్లు ఇత ర వివరాల్లో వ్యత్యాసం ఉన్న వారికి ఇప్పటికీ నోటీసులు జారీ చేయకపోతే వెంటనే అందించా లని, నోటీసులు ఇచ్చిన వారి హియరింగ్‌ ప్రక్రియను వేగంగా పూర్తి చేయాలని ఆదేశించారు. రైతులకు ఇబ్బందులు ఎదురుకావొద్దు పకడ్బందీ కార్యాచరణతో సన్నద్ధం కావాలి సమీక్షా సమావేశంలో కలెక్టర్‌ భవేశ్‌ మిశ్రా

రుద్రూర్‌: విద్యుత్‌ సరఫరాను మరింత మెరుగుపరిచేందుకు చర్యలు చేపడుతున్నట్లు టీజీఎన్పీడీసీఎల్‌ ఎస్‌ఈ రాజేశ్వర్‌రావు అన్నారు. మండలంలోని అంబం (ఆర్‌) విద్యుత్‌ సబ్‌స్టేషన్‌కు గ్రామశివారులో ఏర్పాటు చేసిన 3 మెగావాట్ల సామర్థ్యం గల సౌర విద్యుత్‌ ప్లాంట్‌ గ్రిడ్‌కు అనుసంధానించి బుధవారం టెక్నికల్‌ చార్జింగ్‌ చేశారు. ఈ ప్లాంట్‌ అందుబాటులోకి రావడంతో స్థానికంగా విద్యుత్‌ సరఫరా మెరుగుపడుతుందని అధికారులు తెలిపారు. రాయకూర్‌, అంబం(ఆర్‌) సబ్‌స్టేషన్‌లకు ఐదు మెగావాట్ల సౌర విద్యుత్‌ అందుతున్నట్లు పేర్కొన్నారు. కార్యక్రమంలో డీఈ వెంకటరమణ, మహమ్మద్‌ ముక్తార్‌, ఏడీఈ నవీన్‌ రెడ్డి, ఏఈ శ్రీనివాస్‌, సబ్‌ ఇంజనీర్లు నవీన్‌కుమార్‌, గిరిధర్‌, ఎస్‌ఎల్‌ఐ శ్రీనివాస్‌ తదితరులు పాల్గొన్నారు.

వేల్పూర్‌(ముప్కాల్‌): ముప్కాల్‌ మండల కేంద్రంలోని భూదేవి ఇండోర్‌ స్టేడియంలో 22 మంది క్రీడాకారులతో జిల్లా జూనియర్‌ బాలికల కబడ్డీ జట్టు ప్రాబబుల్స్‌ను బుధవారం ఖరారు చేసినట్లు కబడ్డీ అసోసియేషన్‌ జిల్లా అధ్యక్ష, కార్యదర్శి లింగయ్య, గంగాధర్‌రెడ్డి తెలిపారు. ఏర్గట్ల మండల కేంద్రంలో పీడీ జ్యోతి పర్యవేక్షణలో వచ్చే నెల 1 నుంచి 6 వరకు శిక్షణ నిర్వహించి, ఫైనల్‌ జట్టును ఖరారు చేస్తారన్నారు. ఫైనల్‌ జట్టు వచ్చే నెల 9 నుంచి 11 వరకు భద్రాద్రి కొత్తగూడెంలో జరిగే అంతర్‌జిల్లా కబడ్డీ చాంపియన్‌షిప్‌లో పాల్గొంటుందని పేర్కొన్నారు. సీనియర్‌ కబడ్డీ క్రీడాకారులు తిరుపతిరెడ్డి, ముప్కాల్‌ కబడ్డీ అసోసియేషన్‌ అధ్యక్షుడు ఏలేటి విజయ్‌, పీడీలు అశోక్‌, ప్రసాద్‌, రాజ్‌కుమార్‌, అనురాధ, జ్యోతి, కవిత, అన్వేష్‌, స్పోర్ట్స్‌ అకాడమీ కోచ్‌ సాయిలు, సురేశ్‌, శ్రీకాంత్‌, పాల్గొన్నారు.

బోధన్‌టౌన్‌(బోధన్‌): వినాయక నిమజ్జన శో భాయాత్ర నేపథ్యంలో మంగళవారం అర్ధరాత్రి బోధన్‌ పట్టణంలో సీపీ సాయిచైతన్య పర్యటించారు. శక్కర్‌నగర్‌లోని వినాయక నిమజ్జన బావితోపాటు పట్టణ శివారులోని పసుపువాగు వద్ద ఏర్పాట్లను పరిశీలించారు. నిమజ్జన శోభాయాత్ర జరుగుతున్న తీరును అధికారులను అడిగి తెలుసుకున్నారు. నిమజ్జన శోభాయాత్ర సందర్భంగా పట్టణంలో ట్రాఫిక్‌ నియంత్రణ పకడ్బందీగా నిర్వహించాలని సూచించారు. సీపీ వెంట ఏసీపీ శ్రీనివాస్‌, సీఐ వెంకట నారాయణ, మున్సిపల్‌ కమిషనర్‌ జాదవ్‌ కృష్ణ, మున్సిపల్‌ ఫ్లోర్‌ లీడర్‌ శరత్‌ రెడ్డి ఉన్నారు. ● మంత్రి అజారుద్దీన్‌కు ఎమ్మెల్యే వినతి ఆర్మూర్‌: నియోజకవర్గంలో మైనార్టీ రెసిడెన్షియల్‌ స్కూల్‌, కళాశాలను బాలు రు, బాలికలకు వేర్వేరుగా మంజూరు చేయాలని ఆ శాఖ మంత్రి అజారుద్దీన్‌కు ఆర్మూర్‌ ఎమ్మెల్యే పైడి రాకేశ్‌ రెడ్డి వినతిపత్రం సమర్పించారు. హైదరాబాద్‌లో సచివాలయంలో బుధవారం మంత్రిని కలిసిన ఆయన పలు అంశాలపై చర్చించారు. హాస్టల్‌ భవనాల నిర్మాణాలకు సైతం ప్రభుత్వ స్థలాన్ని కేటాయించాలని కోరారు. మంత్రి సానుకూలంగా స్పందించి సాధ్యాసాధ్యాలపై అధికారులతో చర్చించి సమస్యను పరిష్కరిస్తామని హామీ ఇచ్చినట్లు ఎమ్మెల్యే పేర్కొన్నారు. సుభాష్‌నగర్‌: నగరంలోని బ్యాంకు కాలనీలోగల సిద్ధి వినాయక స్వామిని సినీనటుడు కిషన్‌ దాస్‌ బుధవారం దర్శించుకున్నారు. ఈ సందర్భంగా కాలనీ, ఆలయ ప్రతినిధులు ఆయనను ఘనంగా సన్మానించారు. కార్యక్రమంలో అధ్యక్షుడు వెనిగళ్ల సురేశ్‌, గౌరవాధ్యక్షుడు ప్రజ్ఞాపురం పురుషోత్తం, సలహాదారులు బింగి ప్రకాశ్‌, రాజేశ్వర్‌, కేఎస్‌ఎన్‌ రెడ్డి తదితరులు పాల్గొన్నారు. మోపాల్‌: తెలంగాణ సాంఘిక సంక్షేమ గురుకుల పాఠశాల ధర్మారం, కంజర్‌లో ఖాళీగా ఉ న్న టీజీటీ ఇంగ్లిష్‌ ఉపాధ్యాయ పోస్టు కోసం అర్హులైన అభ్యర్థుల నుంచి దరఖాస్తులు ఆహ్వా నిస్తున్నట్లు గురుకులాల డీసీవో విజయలలిత బుధవారం తెలిపారు. అభ్యర్థులు బీఏ ఇంగ్లిష్‌ లిటరేచర్‌, ఎంఏ ఇంగ్లిష్‌తోపాటు బీఎడ్‌లో ఇంగ్లిష్‌ మెథడాలజీ కలిగి ఉండాలని పేర్కొన్నా రు. ఆసక్తి, అర్హులైన వారు నేరుగా పాఠశాలకు వచ్చి ప్రిన్సిపల్‌ను సంప్రదించాలని సూచించారు. ఎంపికై న వారికి రూ.18,200 గౌరవ వేతనం చెల్లిస్తామని ఆమె పేర్కొన్నారు.

జీజీహెచ్‌ పోస్టులు ● పట్టించుకోని ప్రజాప్రతినిధులు, ఉన్నతాధికారులు ● అవస్థలు పడుతున్న రోగులు ● జనరల్‌ ఆస్పత్రిలో తప్పని ఇక్కట్లు నిజామాబాద్‌అర్బన్‌: జిల్లా కేంద్రంలోని ప్రభుత్వ జనరల్‌ ఆస్పత్రిని ఖాళీలు వేధిస్తున్నాయి. కొన్నేళ్లుగా పోస్టులు భర్తీ కాకపోవడంతో రోగులకు ఇ బ్బందులు తప్పడం లేదు. రాష్ట్రంలోని ఇతర జిల్లా ల్లో రెండు విడతల్లో ఖాళీలను భర్తీ చేయగా.. జిల్లా లో మాత్రం పరిస్థితి భిన్నంగా ఉంది. నర్సింగ్‌, పారా మెడికల్‌, క్లాస్‌ –4 పరిధిలో మొత్తం 573 పోస్టులకు గాను 252 పోస్టులు భర్తీకి నోచుకోవడం లేదు. అటు ప్రజాప్రతినిధులు, ఉన్నతాధికారులు ఖాళీల భర్తీపై దృష్టి సారించడం లేదు. ప్రభుత్వ జనరల్‌ ఆస్పత్రిలో 700 పడకలు ఉండగా.. ప్రతిరోజూ 2 వేల మంది వరకు అవుట్‌ పేషెంట్‌లు వస్తున్నారు. అలాగే 250 మంది వరకు ఇన్‌పేషెంట్లుగా చేరుతున్నారు. ముఖ్యమైన విభాగాలకు రోగుల తాకిడి ఎక్కువగా ఉంటోంది. మెడికల్‌ కళాశాల మంజూరైన 2009లో 150 జీవో ప్రకారం జిల్లాకు 750 పోస్టులను కొత్తగా మంజూరు చేస్తూ తక్షణమే భర్తీ చేయాలని ఆదేశించారు. ఫ్యాకల్టీ విభాగంలో 35 మంది వైద్యులు ఉండాల్సి ఉండగా 11 ఖాళీ ఉన్నాయి. అసోసియేట్‌ ప్రొఫెసర్‌ విభాగంలో 57 పోస్టులకు గాను ఏకంగా 48, అసిస్టెంట్‌ ప్రొఫెసర్‌ విభాగంలో 109 పోస్టులకు గాను 14 పోస్టులు ఖాళీ ఉన్నాయి. ట్యూటర్స్‌ విభాగంలో 23 పోస్టులకు గాను రెగ్యులర్‌గా ఒక్క రు, కాంట్రాక్ట్‌ ప్రాతిపదికన ముగ్గురు మాత్రమే పనిచేస్తున్నారు. మొత్తం 225 పోస్టులకుగాను 92 ఖా ళీలు ఉన్నాయి. సీనియర్‌ రెసిడెంట్‌ విభాగంలో103 పోస్టులకు గాను కాంట్రాక్ట్‌ ప్రాతిపదికన 14, రెగ్యులర్‌గా 36 మంది పని చేస్తున్నారు. జూనియర్‌ రెసిడెంట్‌ 18 పోస్టులకు గాను 18 ఖాళీగా ఉన్నాయి. మొత్తం 121 పోస్టులకు గాను 65 ఖాళీలు ఉన్నాయి. సివిల్‌ అసిస్టెంట్‌ సర్జన్‌ విభాగంలో ఏడు పోస్టులకు గాను ఒకరు కాంట్రాక్ట్‌ పద్ధతిలో పనిచేస్తుండగా.. మిగతా 6 పోస్టులు ఖాళీగా ఉన్నాయి. ఆస్పత్రిలోని ముఖ్యమైన మినిస్టీరియల్‌ స్టాఫ్‌ విభాగంలో 84 పోస్టులకు గాను 40 మంది మా త్రమే పని చేస్తున్నారు. ఇందులో జూనియర్‌ అసిస్టెంట్‌ టైపిస్ట్‌ విభాగంలో 8 పోస్టులకు గాను ఇద్దరు పని చేస్తుండగా 6 ఖాళీ ఉన్నాయి. అసిస్టెంట్‌ విభాగంలో 8 పోస్టులకు గాను ముగ్గురు పనిచేస్తుండగా ఐదు ఖాళీ ఉన్నాయి. స్టెనో విభాగంలో 11 పోస్టులకు 11 ఖాళీ ఉన్నాయి. సీనియర్‌ అసిస్టెంట్‌ విభాగంలో 6 పోస్టులకు గాను రెండు ఖాళీ ఉన్నాయి. ప్రభుత్వాలు మారుతున్నా.. దివంగత ముఖ్యమంత్రి వైఎస్‌ రాజశేఖర్‌రెడ్డి పూర్తిస్థాయి ప్రభుత్వ మెడికల్‌ కళాశాలను జిల్లాకు మంజూరు చేశారు. అనంతరం పోస్టుల భర్తీ చేపట్టేందుకు జీవో కూడా మంజూరైంది. నాటి నుంచి ఆస్పత్రిలో పోస్టుల భర్తీకి ఎవరూ ప్రాధాన్యత ఇవ్వలేదు. ప్రభుత్వాలు మారుతున్నా పట్టించుకున్న వారు లేరు. ఆస్పత్రి అభివృద్ధి సంఘం సమావేశాలు తూతూ మంత్రంగా సాగుతున్నాయనే విమర్శలున్నాయి. నర్సింగ్‌ విభాగం.. సమస్య లేకుండా చూస్తున్నాం జీజీహెచ్‌లో పోస్టులు ఖాళీగా ఉన్నా యి. అయినప్పటికీ రోగులకు ఇబ్బందులు లేకుండా చూస్తున్నాం. ఖాళీలు భర్తీ చేస్తే ఎంతో మేలు. ఈ విషయాన్ని ప్రభుత్వం దృష్టికి తీసుకెళ్లడం జరిగింది. రోగులకు మాత్రం మెరుగైన వైద్య సేవలు అందుబాటులో ఉన్నాయి. – డాక్టర్‌ రాములు, జీజీహెచ్‌ సూపరింటెండెంట్‌నర్సింగ్‌ విభాగంలో ఖాళీల కొరత తీవ్రంగా ఉంది. 265 స్టాఫ్‌ నర్స్‌ పోస్టులకు గాను 239 మంది పని చేస్తున్నారు. 26 పోస్టులు ఖాళీ ఉన్నాయి. ఏఎన్‌ఎం పోస్టులు ఏడు ఉండగా.. ఒకరు మాత్రమే పనిచేస్తున్నారు. మొత్తం 281 పోస్టులకు గాను 249 మంది పనిచేస్తుండగా 32 ఖాళీ ఉన్నాయి. అలాగే నాల్గోతరగతి విభాగంలో మొత్తం 93 పోస్టులకు గాను ఒక్క పోస్టును కూడా భర్తీ చేయలేదు.

● మరో ఇద్దరికి తీవ్ర గాయాలు రామారెడ్డి: కామారెడ్డి జిల్లా రామారెడ్డి మండల కేంద్ర శివారులో ఎదురెదురుగా వస్తున్న రెండు బైక్‌లు ఢీకొన్న ఘటనలో దంపతులిద్దరు మృతి చెందారు. మరో ఇద్దరికి తీవ్ర గాయాలయ్యాయి. వివరాలిలా ఉన్నాయి. రామారెడ్డి మండలం మద్దికుంటకు చెందిన దుంపల రాజయ్య (45), బాలమణి(40) దంపతులు బుధవారం సాయంత్రం కామారెడ్డినుంచి స్వగ్రామానికి బైక్‌పై వెళ్తున్నారు. రామారెడ్డి శివారులోని సబ్‌స్టేషన్‌ సమీపంలో ఎదురుగా వస్తున్న బైక్‌ వీరిని ఢీకొట్టింది. ఆ బైక్‌పై నలుగురు వ్యక్తులున్నారు. ఈ ప్రమాదంలో రాజయ్య, బాలమణితోపా టు మరోబైక్‌పై ఉన్న రామారెడ్డి మండల కేంద్రానికి చెందిన రాఘవేంద్ర, నరేందర్‌ తీవ్రంగా గాయపడ్డారు. వీరిని కామారెడ్డి ఆస్పత్రికి తరలించగా.. అక్కడ చికిత్స పొందుతూ రాజయ్య, బాలమణి మృతిచెందారు.

సుభాష్‌నగర్‌: నిజామాబాద్‌ నగరంలో శుక్రవారం నిర్వహించే వినాయక శోభాయాత్రకు ఆటంకాలు లేకుండా చూడాలని అధికారులకు అర్బన్‌ ఎమ్మెల్యే ధన్‌పాల్‌ సూర్యనారాయణ సూచించారు. నగరంలోని దుబ్బ చౌరస్తా నుంచి లలితామహల్‌ థియేట ర్‌, గాంధీగంజ్‌, నెహ్రూ పార్క్‌, గాంధీచౌక్‌, పవన్‌ టాకీస్‌, గాజుల్‌పేట్‌, పెద్ద బజార్‌, గోల్‌ హనుమాన్‌ మీదుగా వినాయకుల బావి వరకు శోభాయాత్ర రూట్‌ను నగర మేయర్‌ కూరగాయల ఉమారాణి, మున్సిపల్‌ కమిషనర్‌ దిలీప్‌కుమార్‌తో కలిసి ఎమ్మె ల్యే బుధవారం పరిశీలించారు.ఈ సందర్భంగా ఆయన మాట్లాడుతూ.. ఇందూరులో నిర్వహించే గణపతి శోభాయాత్ర ఎంతో ప్రత్యేకమైనదని, సు మారు వందేళ్లుగా అనంత చతుర్ధశి రోజున ప్రత్యేక రథంలో వినాయకుడి శోభాయాత్ర కొనసాగుతుందని తెలిపారు. విద్యుత్‌, కార్పొరేషన్‌, పబ్లిక్‌ హెల్త్‌, పోలీసు శాఖల సమన్వయంతో పూర్తి ఏర్పాట్లు చే శారని పేర్కొన్నారు. మండపాల నిర్వాహకులు శాంతియుతంగా భక్తి శ్రద్ధలతో శోభాయాత్ర నిర్వహించాలన్నారు. ఆయన వెంట పబ్లిక్‌ హెల్త్‌ ఈఈ తిరుపతి, బీజేపీ కార్పొరేటర్లు నాగోల్ల లక్ష్మీనారాయణ, పసునూరి రాము, జగదీశ్‌ కులకర్ణి, బంటు ప్రీతిప్రవీణ్‌, ప్రసూనశ్రీనివాస్‌, జ్యోతి మురళి, నాయకులు పంచరెడ్డి శ్యామ్‌, శ్రీనివాస్‌, కృష్ణ, వనిత తదితరులు ఉన్నారు. అన్ని శాఖల సమన్వయంతో ముందుకు నడవాలి అర్బన్‌ ఎమ్మెల్యే ధన్‌పాల్‌ సూర్యనారాయణ మేయర్‌, మున్సిపల్‌ కమిషనర్‌తో కలిసి శోభాయాత్ర రూట్‌ పరిశీలన

డొంకేశ్వర్‌(ఆర్మూర్‌): సమయ పాలన పేరుతో అధికారులు ని బంధనలను కఠినతరం చేయడంతో కార్యదర్శుల పరిస్థితి ‘ఉరుకులు.. పరుగు ల’ చందంగా మారింది. గ్రామ పంచాయతీ కార్యదర్శుల రోజువారి హాజరు, సానిటేషన్‌ రిపోర్టు నమోదు విధానంలో వచ్చిన కొత్త మార్పులు వారికి కంటిమీద కునుకు లేకుండా చేస్తున్నాయి. మొన్నటి వరకు ఉదయం 10గంటల వర కు మొబైల్‌ యాప్‌లో హాజరు నమోదు చేసుకునేందుకు వీలుండగా, ఆ గడువును ఇప్పుడు ఏకంగా ఉదయం 9గంటలకే కుదించారు. ఈ ఆకస్మిక మార్పుతో కార్యదర్శులు తీవ్ర ఒత్తిడికి లోనవుతున్నారు. నిర్ణీత సమయానికి కేటాయించిన గ్రామ పంచాయతీ పరిధిలోకి వెళ్తేనే యాప్‌ ద్వారా లైవ్‌ ఫొటో, అటెండెన్స్‌ నమోదవుతుంది. జిల్లాలో చా లా మంది కార్యదర్శులు పట్టణాలు, మండల కేంద్రాలు, సొంతూళ్ల నుంచి సుదూర ప్రాంతాల్లోని గ్రామాలకు ప్రయాణించాల్సి వస్తోంది. రవాణా సౌ కర్యాలు సరిగా లేని మారుమూల పల్లెలకు ఉద యం 9గంటల కల్లా చేరుకోవడం కత్తిమీద సాము లా మారింది. సమయానికి చేరాలనే కంగారులో ద్విచక్ర వాహనాలపై ప్రాణాలకు తెగించి ప్రయాణిస్తున్నారు. నిమిషం ఆలస్యమైనా హాజరు పడకపోవడం, ఒకవేళ యాప్‌ ఓపెన్‌ కాకుంటే సెలవుగా న మోదవుతుండడంతో ఉద్యోగులు తలలు పట్టుకుంటున్నారు. హాజరు పడని వారికి నోటీసులు, మెమో లు జారీ చేస్తామని ఉన్నతాధికారులు హెచ్చరిస్తుండడంతో ప్రతినిత్యం పరుగులు పెడుతున్నారు. కలెక్టర్‌ను కలిసే యోచనలో.. క్షేత్రస్థాయిలో సాధకబాధలను, ముఖ్యంగా మహి ళా ఉద్యోగుల సమస్యలను పరిగణనలోకి తీసుకుని హాజరు సమయాన్ని పాత పద్ధతిలోనే ఉదయం 10గంటలకు కొనసాగించాలని పంచాయతీ కార్యదర్శులు ఉన్నతాధికారులను కోరుతున్నారు. సమయానికి చేరుకోవాలనే టెన్షన్‌లో ప్రమాదాలు జరగుతున్నాయని ఆవేదన వ్యక్తం చేస్తున్నారు. ఈ విషయమై త్వరలో కలెక్టర్‌తోపాటు డీపీవోను కలిసేందుకు కార్యదర్శుల సంఘాలు సిద్ధమవుతున్నట్లు తెలిసింది. మహిళా ఉద్యోగులకు నరకంఈ కొత్త నిబంధనలు మహిళా ఉద్యోగుల పా లిట శాపంగా మారాయి. ఉదయాన్నే ఇల్లు, పిల్లల బాధ్యతలు చూసుకుని.. అటు 9గంటల కల్లా సుదూర గ్రామాల్లోని విధులకు హాజరు కావడం వారికి నరకప్రాయంగా మారింది. బస్సు టైమింగ్స్‌ కుదరక, ప్రయివేటు వాహనాలు దొరక్క నిత్యం తీవ్ర ఇబ్బందులు పడుతున్నారు. టెన్షన్‌తో పంచాయతీలకు రావడం, మళ్లీ అధికారుల సమీక్షలు, గూగుల్‌ మీట్‌లు, సెల్‌ కాన్ఫరెన్స్‌లు, సానిటేషన్‌ పనులు, సర్వేలు పూర్తి చేసుకుని తిరిగి ఇంటికి వెళ్లేసరికి సాయంత్రం అవుతోందని ఆవేదన వ్యక్తం చేస్తున్నారు. పంచాయతీ కార్యదర్శులకు ‘సమయ’ పరీక్ష ఉదయం 9గంటలకు అటెండెన్స్‌ సమయం మార్పు డీఎస్‌ఆర్‌ యాప్‌ నిబంధనలతో పెరిగిన టెన్షన్‌ మారుమూల గ్రామాలకు వెళ్లేందుకు ఉద్యోగుల తిప్పలు

● కాంగ్రెస్‌ జిల్లా అధ్యక్షుడు నగేశ్‌ రెడ్డి డిచ్‌పల్లి: బీఆర్‌ఎస్‌ హయాంలో ఆపార్టీకి చెందిన వారికి మాత్రమే పథకాలు అందించి, అసలైన పేదలకు అన్యాయం చేశారని కాంగ్రెస్‌ పార్టీ జిల్లా అధ్యక్షుడు కాటిపల్లి నగేశ్‌ రెడ్డి విమర్శించారు. కాంగ్రెస్‌ ప్రభుత్వం పార్టీలకు అతీతంగా పేదలందరికీ అన్నిరకాల సంక్షేమ పథకాలు అందిస్తోందని చెప్పారు. డిచ్‌పల్లి మండలం ముల్లంగిలో బుధవారం ఆయన స్మార్ట్‌ రేషన్‌ కార్డులను పంపిణీ చేశారు. ఈ సందర్భంగా నగేశ్‌ రెడ్డి మాట్లాడుతూ సీఎం రేవంత్‌రెడ్డి హయాంలో రైతులతోపాటు అన్నివర్గాల ప్రజలకు ఎలాంటి అవినీతి లేకుండా పథకాలు అందుతున్నాయని అన్నారు. గ్రామంలో 585 మందికి స్మార్ట్‌ కార్డులను అందిస్తున్నట్లు పేర్కొన్నారు. బీఆర్‌ఎస్‌, బీజేపీ పార్టీలు ఏనాడూ పేదల కోసం పనిచేయలేదని ఆరోపించారు. రేషన్‌కార్డు ఉంటే చాలు అన్నిరకాల సంక్షేమ పథకాలను కాంగ్రెస్‌ పార్టీ అందిస్తుందని చెప్పారు. కార్యక్రమంలో సర్పంచ్‌ శ్రీనివాస్‌, ఉప సర్పంచ్‌ అశోక్‌, మాజీ ఎంపీపీ నర్సయ్య, గ్రామాభివృద్ధి కమిటీ సభ్యులు, సొసైటీ చైర్మన్‌ గంగారెడ్డి, గ్రామస్తులు పాల్గొన్నారు.

కమ్మర్‌పల్లి(భీమ్‌గల్‌): బీడీ కార్మికుల సంక్షేమం కో సం ప్రభుత్వం అమలు చేస్తున్న సంక్షేమ పథకాల ను అర్హులైన కార్మికులు సద్వినియోగం చేసుకోవాలని హైదరాబాద్‌ కేంద్ర కార్మిక సంక్షేమ శాఖ డిప్యూటీ వెల్ఫేర్‌ కమిషనర్‌ సాగర్‌ ప్రధాన్‌ పేర్కొన్నారు. బీడీ కార్మికులు, వారి పిల్లలకు కేంద్ర ప్ర భుత్వం అందిస్తున్న సంక్షేమ పథకాలు, విద్యా సదుపాయాలు, స్కాలర్‌షిప్‌లపై భీమ్‌గల్‌ మండలం బాబాపూర్‌లోని చార్‌భాయ్‌ బీడీ కంపెనీలో బుధవారం అవగాహన కల్పించారు. బీడీ కార్మికుల పిల్లలకు అందించే విద్యా స్కాలర్‌షిప్‌లకు సంబంధించి కుటుంబ వార్షిక ఆదాయ పరిమితిని రూ.2.52 లక్షలకు పెంచినట్లు వివరించారు. అర్హులైన విద్యార్థులు నేషనల్‌ స్కాలర్‌షిప్‌ పోర్టల్‌ (సీఎస్‌సీ) ద్వా రా ఆన్‌న్‌లైన్‌లో దరఖాస్తు చేసుకోవాలని సూచించారు. దరఖాస్తు సమయంలో అవసరమైన ధ్రువపత్రాలు, వివరాలను సక్రమంగా సమర్పించాలని అధికారులు సూచించారు. డాక్టర్‌ శ్రీకాంత్‌, సీనియర్‌ మెడికల్‌ ఆఫీసర్‌, ఎం. గంగాధర్‌, సీనియర్‌ ఫార్మసీ ఆఫీసర్‌, చార్‌భాయ్‌ బీడీ కంపెనీ మేనేజర్‌ లక్ష్మణ్‌ బీడీ కార్మికులు, సిబ్బంది తదితరులు పాల్గొన్నారు.

వర్ని: ప్రభుత్వం ప్రతిష్టాత్మకంగా చేపట్టిన ఇందిర మ్మ ఇళ్ల నిర్మాణాలకు ఆటంకాలు ఎదురవుతున్నా యి. ఒకవైపు ప్రజాప్రతినిధులు, ఉన్నతాధికారులు ఇళ్ల నిర్మాణం త్వరగా చేపట్టాలని ఆదేశిస్తుంటే.. మరోవైపు నిర్మాణానికి అవసరమైన ఇసుక తెచ్చుకునేందుకు లబ్ధిదారులు తీవ్ర ఇబ్బందులు ఎదుర్కొంటున్నారు. వర్ని మండలంలో 234 మంది లబ్ధిదారులు ఇంటి నిర్మాణం ప్రారంభించగా సరైన సమయంలో ఇసుక రాక నానా అవస్థలు పడుతున్నారు. ప్రభుత్వం ఇసుక కోసం తయారుచేసిన యాప్‌లో బుక్‌ చేసినా సమయానికి రాకపోవడంతో సకాలంలో ఇంటి నిర్మాణాలు పూర్తి కా వడం లేదు. యాప్‌లో ఇసుక బుక్‌ చేసిన పది రోజుల తర్వాత కానీ లబ్ధిదారుడి ఇంటికి చేరడం లేదు. ట్రాక్టర్‌ యజమానుల దోపిడీ.. ఇందిరమ్మ లబ్ధిదారుడు ప్రభుత్వ యాప్‌లో ఇసుక బుక్‌ చేసిన తర్వాత సొంత ట్రాక్టర్‌తో తెచ్చుకునేందుకు వెళితే మంజీరా పరీవాహక ప్రాంత ట్రాక్టర్‌ యజమానులు అడ్డుపడుతున్నారు. తమ ట్రాక్టర్ల ద్వారానే తరలించుకోవాలని, లేకపోతే ఇసుక తీసుకుపోవద్దని హెచ్చరిస్తున్నారు. ప్రభుత్వ యాప్‌లో రూ.215 చెల్లించి ఇసుక బుక్‌ చేసినా వర్ని మండలానికి వచ్చేందుకు రూ.4 వేల నుంచి రూ.5 వేల వరకు ట్రాక్టర్‌ యజమానులు వసూలు చేస్తూ దోపిడీకి పాల్పడుతున్నారని లబ్ధిదారులు ఆరోపిస్తున్నారు. దీనికి తోడు 10 ట్రాక్టర్ల ఇసుక బుక్‌ చేస్తే ఎనిమిది ట్రాక్టర్ల ఇసుక పంపి, రెండు ట్రాక్టర్లు ఇసుకను ఇతరులకు అమ్మి సొమ్ము చేసుకుంటున్నారని ఆవేదన వ్యక్తంచేస్తున్నారు. ఇసుక ట్రాక్టర్ల యజమానులపై చర్యలు తీసుకోవాలని, లబ్ధిదారుడే నేరుగా ఇసుక తెచ్చుకోవడానికి అవకాశం ఇవ్వాలని కోరుతున్నారు. బిల్లుల కోసం.. వర్ని మండలానికి మొత్తం 512 ఇందిరమ్మ ఇళ్లు మంజూరయ్యాయి. అందులో 210 ఇళ్ల నిర్మాణం పూర్తయ్యాయి. అయితే, 33 ఇళ్లకు మాత్రమే పూర్తి బిల్లులు చెల్లించగా, 168 మంది ఇళ్లకు ఇంకా ఫైనల్‌ బిల్లులు రాలేదు. బిల్లులు త్వరగా వచ్చేలా చూడాల ని లబ్ధిదారులు కోరుతున్నారు.మంజీరా ప్రాంత ట్రాక్టర్‌ యజమానుల బెదిరింపులతో ఇందిరమ్మ లబ్ధిదారులు ఇసుక లేక ఇబ్బంది పడుతున్న మాట వాస్తవమే. లబ్ధిదారులు యాప్‌లో ఇసుక బుక్‌ చేస్తే మంజీరా నుంచి తెచ్చుకోవడానికి ఆ ప్రాంత ట్రాక్టర్‌ యజమానులు అడ్డుపడుతున్నారు. ఈ విషయం కలెక్టర్‌ దృష్టికి కూడా తీసుకువెళ్లాం. – వెంకటేశ్వర్‌, ఎంపీడీవో, వర్ని ఇళ్లు పూర్తయిన కొందరికి ఫైనల్‌ బిల్లులు ప్రభుత్వం నుంచి రాలేదు. రాగానే చెల్లిస్తాం. ఇల్లు ప్రారంభించిన వారు పని జరిగిన విధానాన్ని యాప్‌లో ఫొటోలు అప్‌లోడ్‌ చేయగానే బిల్లులు చెల్లిస్తున్నాం. – అశోక్‌, హౌసింగ్‌ ఏఈ ఇందిరమ్మ ఇళ్లకు ఇసుక తిప్పలు లబ్ధిదారులను ఇబ్బందిపెడుతున్న ట్రాక్టర్‌ యజమానులు సొంత వాహనాల్లో తెచ్చుకునేందుకు అడ్డంకులు

బాన్సువాడ రూరల్‌: మండలంలోని కొయ్యగుట్ట సమీపంలో బుధవారం మధ్యాహ్నం జరిగిన రోడ్డు ప్రమాదంలో సింగితం గ్రామానికి చెందిన కంచం ఇందు (21) అనే మహిళ మృతి చెందింది. స్థానికులు, పోలీసుల కథనం ప్రకారం.. సింగీతం గ్రామంలోని బాగ్వాన్‌బాబకు చెందిన పప్పు బ్యాగులతో కూడిన ప్యాసింజర్‌ ఆటో బాన్సువాడ వైపు వస్తోంది. ఆటోలోని డ్రైవర్‌ పక్కన సీటులో ఇందు కూర్చొని ప్రయాణిస్తుంది. కొయ్యగుట్ట సమీపంలో ఆటో అదుపుతప్పి బోల్తా పడింది. ఇందుపై ఆటో పడటంతో ఆమె అక్కడికక్కడే మృతి చెందగా, డ్రైవర్‌ స్వల్పగాయాలతో బయటపడ్డాడు. మృతురాలి తల్లి లక్ష్మి ఫిర్యాదు మేరకు బాన్సువాడ పోలీసులు కేసు దర్యాప్తు చేస్తున్నారు. కాగా, కంచం ఇందు తండ్రి చనిపోయాడని, భర్త కొన్నేళ్ల క్రితం వదిలేశాడు. మూడేళ్ల కుమారుడు, అనారోగ్యంతో బాధపడుతున్న తల్లి లక్ష్మి, చెల్లెలితో కలిసి ఉండేది. ఇళ్లలో పనిచేస్తూ కుమారుడు, తల్లి, చెల్లిని పోషించేదని, ఆమె మృతితో వారంతా అనాథలయ్యారని గ్రామస్తులు తెలిపారు. తాడ్వాయి(ఎల్లారెడ్డి): ఆర్థిక ఇబ్బందులతో ఒకరు ఆత్మహత్యకు పాల్పడిన ఘటన తాడ్వాయి మండలం కృష్ణాజివాడి గ్రామంలో బుధవారం చోటు చేసుకుంది. పోలీసులు తెలిపిన వివరాల ప్రకారం..గ్రామానికి చెందిన తొడెంగల స్వామి(42) అలియాస్‌ టింగుల సాయిలు కృష్ణాజివాడి శివారులో కొంత భూమిని కౌలుకు తీసుకొని వ్యసాయం చేసుకుంటూ జీవనం గడుపుతున్నాడు. ఈ క్రమంలో అప్పులు పెరిగాయి. అప్పు తీర్చే మార్గంలేక తీవ్ర మనస్తాపానికి గురై, జీవితంపై విరక్తితో స్వామి గ్రామ శివారులోని చెట్టుకు ఉరేసుకొని ఆత్మహత్యకు పాల్పడ్డాడు. మృతుడికి భార్య స్వాతి, ఇద్దరు కుమారులు ఉన్నారు. భార్య ఫిర్యాదు మేరకు కేసు నమోదు చేసుకొని మృతదేహాన్ని కామారెడ్డి ప్రభుత్వ ఆస్పత్రికి తరలించినట్లు పోలీసులు తెలిపారు. గాంధారి(ఎల్లారెడ్డి): అవమానం భరించలేక ఒకరు ఆత్మహత్యకు పాల్పడిన ఘటన గాంధారి మండల కేంద్రంలో బుధవారం చోటు చేసుకుంది. ఎస్సై మహేందర్‌ తెలిపిన వివరాల ప్రకారం.. గ్రామానికి చెందిన బుర్రి సంతోష్‌ (35) తాను ఉంటున్న కాలనీకి చెందిన ఓ మహిళకు మంగళవారం రాత్రి ఫోన్‌ చేశాడని సదరు మహిళ కుమారులకు చెప్పింది. దీంతో ఆమె ఇద్దరు కొడుకులు ప్రభుత్వ ప్రాథమిక పాఠశాల సమీపంలో రోడ్డుపై సంతోష్‌ను పట్టుకొని చితకబాదారు. రాత్రి ఇంటికి వచ్చి పడుకున్న సంతోష్‌ బుధవారం ఉదయం ఇంటి నుంచి బయటికి వెళ్లాడు. వాగు అవతలి వైపు పెద్దమ్మ చెలక శివారులో చెట్టుకు ఉరేసుకొని ఆత్మహత్యకు పాల్పడ్డాడు. మృతుడి భార్య మానస ఫిర్యాదు మేరకు మహిళతోపాటు ఆమె ఇద్దరు కొడుకులపై కేసు నమోదు చేసినట్లు ఎస్సై తెలిపారు. రైలు కిందపడి గుర్తు తెలియని వృద్ధుడు.. డిచ్‌పల్లి: డిచ్‌పల్లి రైల్వేస్టేషన్‌కు సమీపంలో బుధవారం మధ్యాహ్నం గుర్తుతెలియని వృద్ధుడు (50) గూడ్స్‌ రైలు కిందపడి ఆత్మహత్యకు పాల్పడినట్లు ఎస్సై సాయిరెడ్డి తెలిపారు. మృతుడిని గుర్తించేందుకు ఎలాంటి ఆధారాలు లభించలేదని పేర్కొన్నారు. సంబంధీకులు ఎవరైనా ఉంటే నిజామాబాద్‌ రైల్వే పోలీసులను సంప్రదించాలని తెలిపారు. కేసు దర్యాప్తు చేస్తున్నట్లు ఎస్సై పేర్కొన్నారు. తాడ్వాయి(ఎల్లారెడ్డి): వ్యవసాయ పొలంలో విద్యుదాఘాతంతో రైతు మరణించిన ఘటన తాడ్వాయి మండలం చందాపూర్‌లో బుధవారం చోటు చేసుకుంది. ఎస్సై నరేశ్‌ తెలిపిన ప్రకారం.. చందాపూర్‌ గ్రామానికి చెందిన ఎండీ నాజర్‌ అహ్మద్‌(57) పంటకు నీరు పెట్టేందుకు మధ్యాహ్నం పొలానికి వెళ్లాడు. స్టార్టర్‌లో మరమ్మతులు చేసేందుకు ప్రయత్నిస్తుండగా విద్యుత్‌ సరఫరా కావడంతో షాక్‌కు గురై కింద పడిపోయాడు. విషయం తెలుసుకున్న కుటుంబసభ్యులు ఘటనా స్థలానికి చేరుకొని, అపస్మారకస్థితిలో ఉన్న నాజర్‌ను చికిత్స నిమిత్తం కామారెడ్డి ప్రభుత్వ ఆస్పత్రికి తరలించారు. వైద్యులు పరీక్షించి నాజర్‌ మృతి చెందినట్లు నిర్ధారించారు. మృతుడి బంధువు మొహమ్మద్‌ ఫహీం ఫిర్యాదు మేరకు కేసు నమోదు చేసుకొని దర్యాప్తు చేస్తున్నామని ఎస్సై వివరించారు. జనగామలో మహిళ.. బీబీపేట: ఇంటి వద్ద బల్బును అమర్చే క్రమంలో ప్రమాదవశాత్తు విద్యుత్‌ షాక్‌ తగిలి మహిళ మృతి చెందిన ఘటన బుధవారం జనగామ గ్రామంలో చోటు చేసుకుంది. ఎస్సై నవీన్‌చంద్ర తెలిపిన వివరాల ప్రకారం.. గ్రామానికి చెందిన బైకరి నర్సవ్వ (55) ఇంటి వద్ద బల్బును పెడుతుండగా విద్యుత్‌ షాక్‌ తగిలి అక్కడికక్కడే మరణించింది. పోలీసులు ఘటన స్థలానికి చేరుకొని, మృతదేహాన్ని పోస్టుమార్టం కోసం కామారెడ్డి ఆస్పత్రికి తరలించారు. వర్ని: మండలంలోని ఓ తండాకు చెందిన 24 సంవత్సరాల మహిళ, మూడు నెలల వయసు గల కుమారుడు అదృశ్యమైనట్లు ఎస్సై వంశీకృష్ణారెడ్డి తెలిపారు. ఈ నెల 21న ఆస్పత్రికి వెళ్లిన మహిళ తిరిగి ఇంటికి రాకపోవడంతో కుటుంబసభ్యులు నిజామాబాద్‌, బంధువులు, స్నేహితుల ఇంట్లో వెతికారు. ఆచూకీ దొరకకపోవడంతో బుధవారం భర్త ఫిర్యాదు చేసినట్లు ఎస్సై తెలిపారు. కేసు నమోదు చేసుకొని అదృశ్యమైన వారి కోసం గాలింపు చర్యలు చేపట్టినట్లు ఎస్సై పేర్కొన్నారు.

● ఎన్‌డీసీసీబీ సీఈవో నాగభూషణం వందే సుభాష్‌నగర్‌: సహకార ప్రబోధిని విద్యా మాసపత్రిక సహకార రంగంలో విశేష సేవలు అందిస్తుందని ఎన్‌డీసీసీబీ సీఈవో నాగభూషణం వందే తెలిపారు. బుధవారం సహకార ప్రబోధిని మాస పత్రిక సంపాదకుడు భూమయ్య సాంబరపు జిల్లా కేంద్రంలోని ఎన్‌డీసీసీబీ ప్రధాన కార్యాలయాన్ని సందర్శించారు. ఈ సందర్భంగా నాగభూషణం వందే మాట్లాడుతూ సహకార రంగంలో ఆయన చేస్తున్న విశిష్ట సేవలకు గుర్తింపుగా, ఐక్యరాజ్యసమితి ఆధ్వర్యంలో న్యూయార్క్‌లో నిర్వహించనున్న అంతర్జాతీయ సహకార ఆర్థిక సంస్థల సింపోజియానికి హాజరై అనుభవాలు, అభిప్రాయాలు పంచుకోవాలని ప్రత్యేక ఆహ్వానం అందడం విశేషమని కొనియాడారు. ప్రపంచ స్థాయి వేదికపై సహకార రంగానికి సంబంధించిన చర్చల్లో పాల్గొనే అవకాశం లభించడం భూమయ్య సాంబరపు సహకార రంగ సేవలకు లభించిన ప్రత్యేక గుర్తింపుగా భావించవచ్చన్నారు. సహకార రంగానికి సంబంధించిన విజ్ఞానాన్ని విస్తృతంగా ప్రజల్లోకి తీసుకెళ్తూ ‘సహకార ప్రబోధిని’ ద్వారా అందిస్తున్న సేవలు అభినందనీయమని కొనియాడారు. అనంతరం భూమయ్యను సీఈవో ఘనంగా సత్కరించారు. అనంతరం సహకార రంగ అభివృద్ధి, సహకార బ్యాంకుల పాత్ర తదితర అంశాలపై వారితో చర్చించారు. కార్యక్రమంలో బ్యాంకు ఉన్నతాధికారి అనుపమ, ఉద్యోగులు పాల్గొన్నారు.

● సీపీని కలిసిన బాధితులు నిజామాబాద్‌అర్బన్‌: ఏర్గట్ల మండలం తాళ్లారాంపూర్‌ వీడీసీ తమను సాంఘిక బహిష్కరణ చేసినట్లు 49 కుటుంబాలు ఆరోపించాయి. బుధవారం సీపీ సాయిచైతన్యను కలిసి సాంఘిక బహిష్కరణ చేసిన వారిపై చర్యలు తీసుకోవాలని వినతిపత్రం అందజేశారు. ఈ సందర్భంగా వారు మాట్లాడుతూ గ్రామానికి చెందిన 39 గౌడ, 10 ఎస్సీ కుటుంబాలను వీడీసీ సభ్యులు మంగళవారం సాంఘిక గ్రామ బహిష్కరణ చేసినట్లు తెలిపారు. బహిష్కరణ చేయడం ఇది రెండోసారని పేర్కొన్నారు. బహిష్కరణ చేసిన కుటుంబాలతో ఎవరూ మాట్లాడొద్దని, సామగ్రి ఇవ్వొద్దని కిరాణా దుకాణాల్లో సైతం వీడీసీ ఆంక్షలు విధించినట్లు తెలిపారు. ఎవరైనా మాట్లాడినా, సరుకులు ఇచ్చినా రూ.25వేల జరిమానా విధిస్తామని హుకుం జారీ చేసినట్లు పేర్కొన్నారు. గ్రామ బహిష్కరణకు ప్రధాన కారకులైన వీడీసీతోపాటు ఇతరులపై చర్యలు తీసుకోవాలని సీపీని కోరారు.

ఆర్మూర్‌: మండలంలోని అంకాపూర్‌ గ్రామంలో లచ్చాగౌడ్‌, వీడీసీ ఫంక్షన్‌ హాల్‌లో హిందూ సేవా సమితి ఆధ్వర్యంలో ఏర్పాటు చేసిన కర్ర గణపతి విగ్రహానికి సీపీ సాయిచైతన్య బుధవారం ప్రత్యేక పూజలు నిర్వహించారు. అనంతరం నిర్వాహకులతో మాట్లాడుతూ గణేశ్‌ నవరాత్రులను భక్తిశ్రద్ధలతో ప్రశాంతమైన వాతావరణంలో నిర్వహించుకోవాలన్నారు. ప్రజల భద్రతకు పోలీస్‌ శాఖ అన్ని రకాల భద్రతా చర్యలు చేపడుతోందని, ప్రజలు పోలీస్‌ శాఖకు సహకరించాలని కోరారు. సీపీ వెంట ఆర్మూర్‌ ఏసీపీ వెంకటేశ్వర రెడ్డి, ఎస్‌హెచ్‌వో సత్యనారాయణ గౌడ్‌, అంకాపూర్‌ సర్పంచ్‌ దేవేందర్‌, బుర్రన్న, రాజన్న, రమణారెడ్డి, హిందూ సేవా సమితి సభ్యులు, గ్రామస్తులు పాల్గొన్నారు.

బోధన్‌: తపాలా శాఖ ద్వారా అమలు చేస్తున్న తక్కువ ప్రీమియం కలిగిన బీమా పాలసీలను సద్వినియోగం చేసుకోవాలని ఆ శాఖ నిజామాబాద్‌ డివిజన్‌ సీనియర్‌ సూపరింటెండెంట్‌ జనార్దన్‌ రెడ్డి సూచించారు. పోస్టల్‌ సేవలు, పీఎల్‌ఐ, ఆర్‌పీఎల్‌ఐ పథకాలపై అవగాహన పెంపొందించుకుని, వాటిని వినియోగించుకోవాలని పేర్కొన్నారు. సాలూర మండలంలోని ఖాజాపూర్‌ గ్రామానికి చెందిన శేరే నాగ్‌నాథ్‌ స్థానిక బ్రాంచ్‌ పోస్టాఫీస్‌లో ఏడాదికి రూ.755 తో ప్రమాదబీమా పాలసీ తీసుకున్నాడని తెలిపారు. కొన్ని నెలల క్రితం నాగ్‌నాథ్‌ రోడ్డు ప్రమాదంలో మరణించాడు. దీంతో అతని కుటుంబానికి మంజూరైన రూ.15 లక్షల ప్రమాద బీమా చెక్కును బుధవారం అధికారులు అందజేశారు. కార్యక్రమంలో పోస్టల్‌ శాఖ నిజామాబాద్‌ బ్రాంచ్‌ సీనియర్‌ మేనేజర్‌ ఎస్‌. కల్యాణ్‌, మేనేజర్‌ ఎం. రాజేందర్‌, బోధన్‌ సబ్‌ డివిజన్‌ పోస్టల్‌ ఇన్‌స్పెక్టర్‌ ప్రకాశ్‌, సర్పంచ్‌ చింతం నాగయ్య, పంచాయతీ కార్యదర్శి శైలజ తదితరులు పాల్గొన్నారు.

ఖలీల్‌వాడి: అంబేడ్కర్‌ ఓపెన్‌ యూనివర్సిటీలో ఈ ఏడాది నుంచి మూడు కొత్త కోర్సు లు పీజీ ఎంఎస్‌డబ్ల్యూ, పీజీ జాగ్రఫీ, పీజీ స్టాటిస్టిక్స్‌ అందుబాటులోకి వచ్చాయని వైస్‌ ప్రిన్సిపాల్‌ రంగరత్నం తెలిపారు. జిల్లా కేంద్రంలోని ఓపెన్‌ యూనివర్సిటీ సెంటర్‌లో బుధవారం ఆమె మీడియాతో మాట్లాడారు. వర్సిటీ ప్రాంతీయ సమన్వయ కేంద్రంలో డిగ్రీ, పీజీ, బీఎల్‌ఐఎస్‌సీ, డిప్లొమా కోర్సు ల్లో ప్రవేశానికి అడ్మిషన్‌లు కొనసాగుతున్నాయన్నారు. అలాగే స్కిల్డ్‌ బేస్డ్‌ ప్రొగ్రామ్స్‌ టీసీఎస్‌ అయాన్‌ ఫెల్లోషిప్‌ జాబ్‌ అచీవర్‌, సమత సపోర్ట్‌ స్కీమ్‌, నిపుణ ఉన్నాయని వివరించారు. ఎంసీఏలో ప్రవేశం కోసం అక్టోబర్‌ 14వ తేదీన ఎంట్రెన్స్‌ టెస్ట్‌ ఉంటుందని తెలిపారు. సమావేశంలో ప్రొఫెసర్‌ రంజిత, సిబ్బంది రాధ, బిందు, ప్రేమ్‌సింగ్‌, రజిత, లక్ష్మమ్మ పాల్గొన్నారు. ఐటీ టవర్‌ చక్కటి వేదిక నిజామాబాద్‌అర్బన్‌: వినూత్న ఆలోచనలు, సరికొత్త ఆవిష్కరణలతో ముందుకు వచ్చే స్టార్టప్‌ కంపెనీలకు ఐటీ టవర్‌ చక్కటి వేదిక అని, ఔత్సాహికులు సద్వినియోగం చేసుకోవాలని కలెక్టర్‌ భవేశ్‌ మిశ్రా అన్నారు. జిల్లా కేంద్రంలోని ఐటీ టవర్‌ను కలెక్టర్‌ బుధవా రం సందర్శించారు. ఐటీ టవర్‌ కేంద్రంగా కొనసాగుతున్న కంపెనీల వివరాలను, వా టి పనితీరును అడిగి తెలుసుకున్నారు. ప్ర స్తుతం 13 కంపెనీల్లో 380 మంది వరకు ప ని చేస్తున్నారని, టీజీఐఐసీ జోనల్‌ మేనేజర్‌ శివ ప్రసాద్‌ కలెక్టర్‌కు తెలిపారు. సాధ్యమైనంత మేరకు ఎక్కువ కంపెనీలు స్థానికంగా నెలకొల్పేలా చూడాలని, తద్వారా ఈ ప్రాంత యువతకు ఉద్యోగ అవకాశాలు మరింత పెరిగే అవకాశం ఉంటుందని కలెక్టర్‌ సూచించారు. టీజీఐఐసీ ఏఈ శివకృష్ణ ఉన్నారు. జీజీ కళాశాలలో స్పాట్‌ అడ్మిషన్‌లు ● నేటి నుంచి ప్రక్రియ షురూ ఖలీల్‌వాడి: జిల్లా కేంద్రంలోని గిరిరాజ్‌ గవర్నమెంట్‌ (జీజీ) కళాశాలలో డిగ్రీ స్పాట్‌ అడ్మిషన్‌ల ప్రక్రియ గురువారం నుంచి ప్రా రంభం కానుందని ప్రిన్సిపాల్‌ డాక్టర్‌ రా మ్మోహన్‌రెడ్డి బుధవారం తెలిపారు. ఈనెల 24, 25 తేదీల్లో లోకల్‌ విద్యార్థులు ఒరిజినల్‌ ఎస్‌ఎస్‌సీ, ఇంటర్‌ మార్క్‌ మెమోలు, టీసీ, కులం, ఆదాయం, ప్రత్యేక కేటగిరి సంబంధిత సర్టి ఫికెట్లను జత చేసి కళాశాలలోనే దరఖాస్తు చేసుకోవాలని సూచించా రు. 26న సీట్ల కేటాయింపు ఉంటుందని పే ర్కొన్నారు. అలాగే నాన్‌ లోకల్‌ విద్యార్థులు 28, 29 తేదీల్లో దరఖాస్తు చేసుకుంటే.. 30వ తేదీన సీట్ల కేటాయింపు ఉంటుందన్నారు. స్పాట్‌ అడ్మిషన్‌ పొందినవారు పూర్తి ఫీజు చెల్లించాలని, అడ్మిషన్‌లు పొందిన వారికి స్కాలర్‌షిప్‌ అర్హత ఉండదని స్పష్టం చేశారు. పూర్తి వివరాలకు కళాశాలలో సంప్రదించాలని ప్రిన్సిపాల్‌ సూచించారు.

డిచ్‌పల్లి(నిజామాబాద్‌రూరల్‌): ఆపద సమయంలో ప్రజలకు సహాయం చేయడంలో యువ ఆపదమిత్రులు ముందుండాలని, శిక్షణలో నేర్చుకున్న నైపుణ్యాలను సమాజ సేవకు ఉపయోగించాలని బెటాయలిన్‌ కమాండెంట్‌ బి సీతారాం, డీఆర్‌డీవో సాయన్న సూచించారు. ఎంపిక చేసిన యువ ఆపదమిత్ర (వైఏఎంఎస్‌)లకు డిచ్‌పల్లి ఏడో బెటాలియన్‌ ఆధ్వర్యంలో ఇచ్చిన వారం రోజుల శిక్షణ ముగింపు కార్యక్రమం మంగళవారం నిర్వహించా రు. విజయవంతంగా శిక్షణ పూర్తి చేసిన యువ ఆపదమిత్రలకు డీఆర్‌డీవో సాయన్న, కమాండెంట్‌ బి సీతారాం చేతుల మీదుగా మెడల్స్‌, సర్టిఫికెట్లను అందజేశారు. ఫైర్‌ సేఫ్టీ, ఫస్ట్‌ ఎయిడ్‌, బోటింగ్‌, రె స్క్యూ ఆపరేషన్స్‌ తదితర అంశాల్లో ప్రాక్టికల్‌ శిక్షణ పూర్తి చేసిన యువ ఆపదమిత్రులను అధికారులు అభినందించారు. జిల్లా యూత్‌ ఆఫీసర్‌ బి రమేశ్‌, తెలంగాణ యూనివర్సిటీ ఎన్‌ఎస్‌ఎస్‌ కో ఆర్డినేటర్‌ కే అపర్ణ, బెటాలియన్‌ మెడికల్‌ ఆఫీసర్‌ డాక్టర్‌ అనుపమ, ఎస్‌డీఆర్‌ఎఫ్‌ అధికారులు, సిబ్బంది, యువ ఆపదమిత్రలు తదితరులు పాల్గొన్నారు. ఎస్సారెస్పీలోకి 4500 క్యూసెక్కుల ఇన్‌ఫ్లో వేల్పూర్‌(మెండోరా): తుపాన్‌ ప్రభావంతో వర్షాలు కురుస్తుండడంతో ఎస్సారెస్పీలోకి ఇన్‌ఫ్లో స్వల్పంగా పెరిగింది. రెండు రోజుల కిందటి వరకు 2 వేల క్యూసెక్కులుగా ఉన్న ఇన్‌ఫ్లో మంగళవారం 4,580 క్యూసెక్కులకు పెరిగింది. ప్రాజెక్టు పూర్తిస్థాయి నీటిమట్టం 80.5 టీఎంసీలు కాగా.. ప్రస్తుతం 46.355 టీఎంసీల నీరు నిల్వ ఉంది.

● నిబంధనలకు విరుద్ధంగా వైద్య సేవలు ● కాసుల కోసం ప్రైవేట్‌, కార్పొరేట్‌ ఆస్పత్రులకు రిఫర్‌నిజామాబాద్‌అర్బన్‌: ప్రాథమిక చికిత్స అందించాల్సిన ప్రైవేట్‌, రిజిస్టర్డ్‌ ప్రాక్టీషనర్లలో చాలా మంది జలగల్లా కమీషన్‌లు పీక్కుతింటున్నారు. అర్హతలు లేకుండా ఎంబీబీఎస్‌లతో సమానంగా వైద్యం చేస్తు న్నారు. ఆర్‌ఎంపీ, పీఎంపీల వ్యవహారం రోజురో జుకూ శృతిమించుతోంది. ప్రైవేట్‌, కార్పొరేట్‌ ఆస్పత్రులకు రోగుల ను రిఫర్‌ చేస్తూ పర్సంటేజీలు వసూలు చేస్తున్నారు. దీంతో పెషెంట్‌కు వేసే బిల్లు లో సుమారు 60శాతం వరకు మొత్తాన్ని ప్రాక్టీషనర్లకు చెల్లిస్తున్నారు. వైద్యారోగ్యశాఖ పలుమార్లు కొరడా ఝుళిపించినా కమీషన్ల దందాకు మాత్రం బ్రేక్‌ పడడం లేదు. చాలా ఆ స్పత్రులు ప్రాక్టీషనర్లపైనే ఆధారపడి నడుస్తుండడం శోచనీయం. జిల్లాలో 2800 మంది వరకు ప్రాక్టీషనర్లు ఉన్నారు. భీమ్‌గల్‌, కమ్మర్‌పల్లి, మోర్తాడ్‌ బోధన్‌, బాన్సువాడ, బిచ్కుంద, నందిపేట, నవీపేట ప్రాంతాల నుంచి పెద్ద సంఖ్యలో రోగులను జిల్లా కేంద్రానికి రిఫర్‌ చేస్తున్నారు. ప్రైవేట్‌ ఆస్పత్రుల యాజమాన్యంలో కొనసాగుతున్న వ్యక్తులు ప్రతిరోజూ ఉదయం 8గంటల కల్లా గ్రామాలకు చేరుకుని ఆర్‌ఎంపీలు, పీఎంపీలను కలుస్తున్నారు. కొత్త పేషెంట్లను పంపించాలని కోరుతూనే పాత పేషెంట్లకు సంబంధించిన కమీషన్‌లను ఠంచన్‌గా అందజేస్తున్నారు. కొందరైతే ఏకంగా అడ్వాన్స్‌’గా డబ్బులు చెల్లిస్తుండడం పరిస్థితి తీవ్రతకు అద్దం పడుతోంది. ముందే డబ్బులు తీసుకున్న ప్రాక్టీషనర్లు చిన్న అనారోగ్య సమస్యతో తమ వద్దకు వచ్చే రోగులను ప్రైవేట్‌ ఆస్పత్రులకు రిఫర్‌ చేస్తున్నారు. జిల్లా కేంద్రంలోని ప్రైవేట్‌ ఆస్పత్రి ఇటీవల సిరికొండ మండలానికి చెందిన ఓ మహిళ కడుపునొప్పితో రాగా ఆమెకు గర్భసంచి తొలగించి వారం రోజులపాటు ఆసుపత్రిలో ఉంచి లక్షా 20వేల రూపాయల బిల్లు వేశారు. దీనిపై ఓ మాజీ ప్రజాప్రతినిధి ఆస్పత్రి యాజమాన్యాన్ని ప్రశ్నించి కలెక్టర్‌కు ఫిర్యాదు చేస్తామని పేర్కొనగా.. వారు రూ.60 వేలు కట్టించుకుని వదిలేశారు. దాడులు చేస్తున్నా.. జిల్లాలో వైద్యారోగ్యశాఖ అధికారులు దాడులు చేస్తున్నా తీరు మారడం లేదు. ఫిర్యాదులు వచ్చిన వెంటనే దాడులు చేస్తూ చర్యలు తీసుకుంటున్నారు కానీ కొన్నిటిని మాత్రం వదిలేస్తున్నారనే ఆరోపణలున్నాయి. 2024లో 18 క్లీనిక్‌లపై, 2025లో 16 క్లీనిక్‌లపై కేసులు నమోదు చేశారు. డిచ్‌పలి్‌ల్‌ ప్రాంతంలో ఐదు, ఇందల్వాయిలో రెండు, ఆర్మూర్‌లో మూడు చొప్పున ప్రాక్టీషనర్‌ల క్లీనిక్‌లను సీజ్‌ చేశారు. రెండు నెలల క్రితం తెలంగాణ మెడికల్‌ కౌన్సిల్‌ జిల్లా అధికారులకు ఫిర్యాదు చేసింది. జిల్లాలో అనధికారికంగా క్లీనిక్‌లు నిర్వహిస్తు న్న ప్రాక్టిషనర్‌లపై చర్యలు తీసుకోవాలని నివేదికను అందించారు. దీంతో పోలీసులు తొమ్మి ది మంది ప్రాక్టీషనర్‌లపై కేసులు నమోదు చేశారు. వారం రోజుల తర్వాత మళ్లీ యథావిధిగా వైద్య సేవలందించారు. జిల్లా కేంద్రంలోనూ ఇదే పరిస్థితి ఉండడం గమనార్హం.

● సర్వేను సక్రమంగా నిర్వహించాలి ● అధికారులకు సెర్ప్‌ డైరెక్టర్‌ గోపాల్‌రెడ్డి ఆదేశండిచ్‌పల్లి(నిజామాబాద్‌రూరల్‌): క్షేత్రస్థాయిలో దరఖాస్తులను నిశితంగా పరిశీలించి అర్హులైన ప్రతి ఒక్కరికీ చేయూత పింఛన్లు మంజూరయ్యేలా సి బ్బంది కృషి చేయాలని తెలంగాణ రాష్ట్ర పేదరిక నిర్మూలన సంస్ధ (సెర్ఫ్‌) డైరెక్టర్‌ గోపాల్‌రెడ్డి సూ చించారు. మండలంలోని ధర్మారం(బి), బర్ధిపూర్‌ గ్రామాలను మంగళవారం ఆయన సందర్శించారు. పింఛన్‌ దరఖాస్తులపై అధికారులు, సిబ్బంది క్షేత్రస్థాయిలో ఎలా సర్వే చేస్తున్నారని ఆయన స్వయంగా పరిశీలించారు. ఆన్‌లైన్‌లో వివరాల నమోదుపై పలు సూచనలు చేసిన ఆయన సర్వేను సక్రమంగా నిర్వహించాలని ఆదేశించారు. పలువురు దరఖాస్తుదారులతో మాట్లాడారు. స్కూల్‌ యూనిఫామ్స్‌ పరిశీలన సుద్దపల్లి, ధర్మారం(బి) గ్రామాల్లోని జిల్లాపరిషత్‌ ఉన్నత పాఠశాల, సాంఘిక సంక్షేమ గురుకుల బా లికల పాఠశాలలను సెర్ప్‌ డైరెక్టర్‌ గోపాల్‌రెడ్డి సందర్శించారు. విద్యార్థులకు పంపిణీ చేసిన యూనిఫామ్స్‌ను పరిశీలించారు. కొలతలు సరిపోయేలా ఉన్నాయా, వదులుగా ఉన్నాయా అని విద్యార్థుల ను అడిగి తెలుసుకున్నారు. దుస్తుల్లో ఏమైనా సమస్యలు ఉంటే పాఠశాలలో ఒక మహిళా టైలర్‌ను అందుబాటులో ఉంచి వాటిని సరిచేసి ఇవ్వాలని ఐకేపీ అధికారులను ఆదేశించారు. ఏపీడీ మధుసూదన్‌, అధికారులు, సిబ్బంది ఉన్నారు.

నిజామాబాద్‌ నగరంలో ఓవైపు బస్‌ షెల్టర్లు పలుచోట్ల నిరుపయోగంగా ఉంటున్నాయి. మరోవైపు బస్సులు ఆపుతున్న చోట్ల నిలువ నీడ ఉండడం లేదు. అయితే బస్‌షెల్టర్లు నిర్మించిన చోట్ల బస్సులు ఆపకపోవడం వల్లే తాము చౌరస్తాల వద్ద వేచి ఉంటున్నామని ప్రయాణికులు అంటున్నారు. కొన్ని బస్‌ షెల్టర్లు యాచకులకు అడ్డాలుగా మారగా, మరికొన్నింటిని వ్యాపారులు వినియోగించుకుంటున్నారు. బస్సులు, ఆటోలు బస్‌ షెల్టర్ల వద్ద ఆపేలా ట్రాఫిక్‌ పోలీసులు చర్యలు తీసుకోవాలని ప్రయాణికులు కోరుతున్నారు. – సాక్షి స్టాఫ్‌ ఫొటోగ్రాఫర్‌, నిజామాబాద్‌

● 24 నుంచి 26వ తేదీ వరకు డైవర్షన్‌ నిజామాబాద్‌అర్బన్‌: జిల్లా కేంద్రంలో ఈనెల 24 నుంచి 26వ తేదీ వరకు గణేశ్‌ నిమజ్జనం సందర్భంగా ట్రాఫిక్‌ డైవర్షన్‌ అమలు చేయనున్నట్లు సీపీ సాయిచైతన్య మంగళవారం తెలిపారు. గురువారం ఉదయం 11 గంటల నుంచి శనివారం ఉదయం 11 గంటల వరకు ట్రాఫిక్‌ ఆంక్షలు అమలులో ఉండనున్నాయి. వాహనాల రాకపోకలు ఇలా.. ● హైదరాబాద్‌ నుంచి నిజామాబాద్‌కు రాకపోకలు సాగించే ఆర్టీసీ బస్సులు ఇతర వాహనాలు మాధవనగర్‌ బైపాస్‌, కంఠేశ్వర్‌ బైపాస్‌, రైల్వే అండర్‌ పాస్‌, ఎన్టీఆర్‌ చౌరస్తా, రైల్వే స్టేషన్‌ మీదుగా బస్టాండ్‌కు చేరుకోవాలి. ● బోధన్‌ నుంచి వచ్చే ఆర్టీసీ బస్సులతోపాటు ఇతర వాహనాలు అర్సపల్లి చౌరస్తాలో ఎడమవైపు తిరిగి, బైపాస్‌ గుండా ప్రయాణిస్తూ కొత్త కలెక్టరేట్‌, కంఠేశ్వర్‌ బైపాస్‌, రైల్వే అండర్‌ పాస్‌, ఎన్టీఆర్‌ చౌరస్తా నుంచి బస్టాండ్‌ చేరుకోవాలి. తిరిగి ఇదే దారిలో బోధన్‌ వైపు వెళ్లాలి. ● ఆర్మూర్‌ వైపు నుంచి నిజామాబాద్‌ బస్టాండ్‌, ఇతర ప్రాంతాలకు రాకపోకలు సాగించే వాహనాలు కంఠేశ్వర్‌ బైపాస్‌ చౌరస్తాకు చేరుకొని అక్కడి నుండి నేరుగా రైల్వే అండర్‌ పాస్‌, ఎన్టీఆర్‌ ‘టీ’ జంక్షన్‌ వద్ద కుడి వైపునకు తిరిగి, రైల్వే స్టేషన్‌ ముందు నుంచి బస్టాండ్‌ చేరుకోవాలి. ఆర్మూర్‌ వైపు వెళ్లే వాహనాలు ఇదే రూట్‌లో వెళ్లాలి. ● బాన్సువాడ, వర్ని వైపు నుంచి వచ్చే ఆర్టీసీ బస్సులు ఇతర వాహనాలు నిజామాబాద్‌ లోని వర్ని చౌరస్తా వరకు చేరుకొని అక్కడి నుంచి కుడి వైపునకు తిరిగి ఆర్‌ఆర్‌ చౌరస్తా గుండా పులాంగ్‌ చౌరస్తా, ఎల్లమ్మగుట్ట చౌరస్తా, కోర్ట్‌ చౌరస్తా, ఎన్టీఆర్‌ చౌరస్తా నుంచి రైల్వే స్టేషన్‌ ముందర నుంచి బస్టాండ్‌ చేరుకోవాలి. నిజామాబాద్‌ నుంచి బాన్సువాడ, వర్ని వైపు వెళ్లే వాహనాలు ఇదే రూట్‌లో వెళ్లాల్సి ఉంటుంది. భారీ వాహనాలకు..భారీ వాహనాలు ఎట్టి పరిస్థితిలో గురువారం ఉదయం 11 నుంచి శనివారం ఉదయం 11గంటల వరకు నగరంలోకి ప్రవేశం ఉండదు. కంఠేశ్వర్‌ రైల్వే అండర్‌ పాస్‌ ఎత్తు రోడ్డు నుంచి 13 ఫీట్లు ఉన్నందున, ఈ విషయాన్ని గమనించి 13 ఫీట్ల లోపల ఉండే గణపతి విగ్రహాలు మాత్రమే కంఠేశ్వర్‌ రైల్వే అండర్‌ పాస్‌ ఉపయోగించాల్సి ఉంటుంది. అదేవిధంగా 13 ఫీట్లు మించిన గణపతి విగ్రహాలు శోభాయాత్ర రథము వెళ్లిన తరువాత రైల్వే ఫ్లైఓవర్‌ను ఉపయోగించుకొని వెళ్లాలి.పలువురి బైండోవర్‌ నిజామాబాద్‌అర్బన్‌: వినాయక నిమజ్జనం శాంతియుత వాతావరణంలో పూ ర్తయ్యేలా చర్యలు చేపడుతున్న నేపథ్యంలో ముందస్తు జా గ్రత్తగా జిల్లా వ్యాప్తంగా 572 మందిని బైండొవర్‌ చేసి నట్లు సీపీ సాయిచైతన్య తెలిపారు. శాంతిభద్రతలకు వి ఘాతం కలిగించే అవకాశం ఉన్న వ్యక్తులను ముందస్తుగా గుర్తించి, సంబంధిత మండల రెవెన్యూ అధికారులు ఎదుట హాజరుపరిచి, చట్టపరమైన నిబంధనల ప్రకారం బైండోవర్‌ చర్యలు చేపట్టినట్లు తెలిపారు. నిజామాబాద్‌ డివిజన్‌లో 280 మందిని, ఆర్మూర్‌ డివిజన్‌లో 175, బోధన్‌ డివిజన్‌లో 117 మందిని బైండోవర్‌ చేసినట్లు సీపీ వివరించారు.

● మూలనపడ్డ ప్రధాన యంత్రం.. ● చెడిపోయిన మరో మొబైల్‌ యూనిట్‌ ● పట్టించుకోని వైద్యాధికారులుకామారెడ్డి టౌన్‌: జిల్లా కేంద్రంలోని ప్రభుత్వ జనరల్‌ ఆస్పత్రి (జీజీహెచ్‌)లో ఎక్స్‌రే మిష న్లు పనిచేయడం లేదు. ఆస్పత్రిలోని ప్రధాన ఎక్స్‌రే యంత్రం కొద్దికాలం క్రితం మూలన ప డింది. రెండు నెలలుగా చిన్న మొబైల్‌ ఎక్స్‌రే యంత్రంతోనే నెట్టుకొస్తున్నారు. మంగళవా రం ఆ యంత్రం కూడా మొరాయించడంతో సేవలు నిలిచిపోయాయి. ఫలితంగా అత్యవస ర చికిత్స కోసం వచ్చే క్షతగాత్రులు, రోగులు తీవ్ర ఇబ్బందులు ఎదుర్కొన్నారు. తీవ్ర అస హనానికి గురైన రోగులు, వారి సహాయకులు రేడియాలజిస్ట్‌, ఆస్పత్రి వైద్యాధికారులతో వాగ్వాదానికి దిగారు. చివరకు గత్యంతరం లేక అత్యవసర పరిస్థితిలో ప్రయివేట్‌ డయాగ్నోస్టిక్‌ సెంటర్లను ఆశ్రయించారు. మరికొందరిని వైద్య కళాశాల సమీపంలోని ‘టి–హబ్‌’ సెంటర్‌కు రిఫర్‌ చేశారు. ఉన్నతాధికారులు స్పందించి, ఎక్స్‌రే యంత్రాలకు మరమ్మతులు చేయించాలని ప్రజలు కోరుతున్నారు.

నిజాంసాగర్‌: నాగమడుగు ఎత్తిపోతల పైప్‌లైన్‌ ఏర్పాటుకు సంబంధించి భూనిర్వాసితులకు ఎకరానికి రూ. 17.42 లక్షల చొప్పున పరిహారం చెల్లిస్తున్నామని బాన్సువాడ ఆర్డీవో రవీందర్‌రెడ్డి తెలిపారు. మంగళవారం మండల కేంద్రంలోని తహసీల్‌ కార్యాలయాన్ని ఆయన సందర్శించారు. ఈ సందర్భంగా మాట్లాడుతూ గతంలో ఈ పరిహారం ఎకరానికి రూ.16.9 లక్షల చొప్పున ఉండేదని, మార్కెట్‌ విలువకు అనుగుణంగా దానిని పెంచామని పేర్కొన్నారు. ఒడ్డేపల్లి, జక్కాపూర్‌లకు చెందిన రైతులకు రూ. 73.20 లక్షల విలువైన చెక్కులు వచ్చాయన్నారు. జాయింట్‌ సర్వే.. మల్లూర్‌ శివారులోని 765 సర్వే నంబర్‌లోని భూముల సమస్య పరిష్కారానికి రెవెన్యూ, అటవీశాఖ జాయింట్‌ సర్వే పూర్తి చేస్తామని ఆర్డీవో తెలిపారు. మంగళవారం మల్లూర్‌లో 765 సర్వే నంబర్‌లోని భూములకు సంబంధించిన మ్యాప్‌ను పరిశీలించారు. జాయింట్‌ సర్వేకు రైతులు సహకరించాలని కోరారు. ఆయన వెంట మల్లూర్‌ సర్పంచ్‌ శారద, తహసీల్దార్‌ భుజంగరావు తదితరులున్నారు.

నిజామాబాద్‌ రూరల్‌: రైతు రిజిస్ట్రీని సద్వినియోగం చేసుకోవాలని, 1 డిసెంబర్‌ 2025 నుంచి 13 ఆగస్టు 2026 వరకు పట్టాపాస్‌పుస్తకం జారీ అయిన రైతులు వివరాలను న మోగు చేసుకోవాలని జిల్లా వ్యవసాయ అ ధికారి వీరస్వామి సూచించారు. రూరల్‌ మండలం గుండారంలో వ్యవసాయ శాఖ ఆధ్వర్యంలో మంగళవారం రైతు రిజిస్ట్రీ న మోదు కార్యక్రమాన్ని నిర్వహించగా, డీఏవో పరిశీలించారు. రైతు రిజిస్ట్రీలో రైతుల వ్యక్తిగ త, భూమి వివరాలు, సర్వే నంబర్లు, భూమి విస్తీర్ణం తదితర సమాచారాన్ని నమోదు చేయడం జరుగుతుందని, వివరాలను జాగ్రత్తగా పరిశీలించుకుని, ఏవైనా తప్పులు ఉంటే సంబంధిత అధికారుల దృష్టికి తీసుకురావాలని రైతులకు సూచించారు. డిచ్‌పల్లి రైల్వే గేట్‌ మూసివేత ● ప్రారంభమైన డబ్లింగ్‌ పనులు డిచ్‌పల్లి: డబ్లింగ్‌ పనులు ప్రారంభం కావడంతో డిచ్‌పల్లి – ఘన్‌పూర్‌ రోడ్డులో ఉన్న రైల్వే లెవల్‌ క్రాసింగ్‌ గేట్‌ను రెండు రోజులపాటు మూసి ఉంచనున్నారు. మంగళవారం ఉదయం పనులు ప్రారంభమయ్యాయి. పాత గేటు తొలగించి కొత్తగా రైలు పట్టాలను ఏర్పాటు చేయడానికి పను లు సాగుతున్నాయి. అలాగే కొత్తగా కట్టిన రైల్వేగేట్‌ క్యాబిన్‌లో సిగ్నలింగ్‌తోపాటు సంబంధిత పనులను ఉదయం నుంచే ప్రారంభించారు. రెండురోజుల అనంతరం కొత్త క్యాబిన్‌ ద్వారా సేవలందించడానికి ఏర్పా ట్లు సాగుతున్నాయి. అలాగే పాత గేటును తీసివేసి కొత్త గేటును బిగించారు. మంగళవారం ఉదయం 8 గంటల నుంచి గురువారం ఉదయం 8గంటల వరకు గేటు మూసి ఉంచనున్నారు. అర్హుల జాబితాను త్వరగా సిద్ధం చేయండి వేల్పూర్‌(బాల్కొండ): బాల్కొండలో డబుల్‌ బెడ్‌రూం ఇళ్ల పంపిణీ కోసం అర్హుల పేర్లతో జాబితాను త్వరగా రూపొందించాలని జిల్లా రెవెన్యూ అధికారిణి, ఇన్‌చార్జి హౌసింగ్‌ పీడీ గీత అధికారులను ఆదేశించారు. బాల్కొండ మండల కేంద్రంలో డబుల్‌ బెడ్‌ రూం ఇళ్లను మంగళవారం ఆమె పరిశీలించారు. అనంతరం అధికారులతో మాట్లాడుతూ.. స్లాబ్‌ నిర్మాణ పనులు కొనసాగుతున్న ఇందిరమ్మ ఇళ్ల ఫొటోలను ఈనెల 30వ తేదీలోగా ఆన్‌లైన్‌లో పొందుపర్చాలని, అక్టోబర్‌ 1వ తేదీ నుంచి అవకాశం ఉండదని స్పష్టం చేశారు. ఎల్‌–3 నుంచి ఎల్‌–1కు బేస్మిట్‌ లెవల్‌ పూర్తయిన ఇళ్లకు బిల్లు రాకుండా పెండింగ్‌లో ఉంటే అర్హులైన వారికి ప్రభుత్వం బిల్లు విడుదల చేస్తుందన్నారు. తహసీల్దార్‌ శ్రీనివాస్‌, ఎంపీడీవో విజయభాస్కర్‌, హౌసింగ్‌ డీఈఈ నరసింహ, ఆర్‌అండ్‌బీ డీఈఈ ప్రమీల, ఏఈఈలు నివర్తి, సతీశ్‌, రెవెన్యూ సిబ్బంది ఉన్నారు. భవిష్యత్‌ విద్యుత్‌ అవసరాలు తీర్చేందుకు చర్యలు బోధన్‌: భవిష్యత్‌లో విద్యుత్‌ అవసరాలను సమర్థవంతంగా తీర్చేందుకు చర్యలు చేపడుతున్నామని టీజీఎన్‌పీడీసీఎల్‌ ఎస్‌ఈ పీవీ రాజేశ్వర్‌రావు అన్నారు. సౌర విద్యుత్‌ ఉత్పత్తిని పెంచడం పునరుత్పాదక వనరులను ప్రొత్సహించడం పర్యావరణ పరిరక్షణకు తోడ్పడుతుందని పేర్కొన్నారు. సాలూర మండలంలోని హున్సా 33/11 సబ్‌ స్టేషన్‌కు సీఎం కుసుమ్‌–ఏ పథకం కింద ఏర్పాటు చేసిన 2 మెగావాట్ల సామర్థ్యం కలిగిన సౌర విద్యుత్‌ ప్లాంట్‌ను మంగళవారం గ్రిడ్‌కు అనుసంధానం చేసి టెక్నికల్‌గా చార్జ్‌ చేశారు. టాక్లీలో సౌర విద్యుత్‌ప్లాంట్‌ను ఏర్పాటు చేశారు. డీఈ వెంకటరమణ, మహ్మద్‌ ముక్తార్‌, బోధన్‌ ఏడీఈ నగేశ్‌కుమార్‌, బాలచందర్‌, ఏఈ కల్యాణ్‌, నాయిని కృష్ణ, సోలార్‌ ప్లాంట్‌ రైతులు ఉప్పలపాటి సుబ్బారావు, ఉప్పలపాటి శ్రీకాంత్‌, సర్పంచ్‌ శివకుమార్‌ పటేల్‌ పాల్గొన్నారు.

రుద్రూర్‌: అంగన్‌వాడీ కేంద్రాల ద్వారా అందించే సేవలను సద్వినియోగం చేసుకోవాలని బోధన్‌ సీడీపీవో నందిని పిలుపునిచ్చారు. మండల కేంద్రంలో పోషణ మాసోత్సవాల్లో భాగంగా మంగళవారం నిర్వహించిన మన అంగన్‌వాడీ– మన బాధ్యత కార్యక్రమానికి సీడీపీవో ముఖ్య అతిధిగా హాజర య్యారు. ఈ సందర్భంగా గర్భిణులకు సీమంతా లు, చిన్న పిల్లలకు అన్నప్రాసన కార్యక్రమాలు నిర్వహించి, చిన్నారుల ఆరోగ్య పరిరక్షణే లక్ష్యంగా ’వెల్‌ బేబీ షో’ను ఏర్పాటు చేశారు. అనంతరం సీడీపీవో మాట్లాడుతూ.. తల్లి, బిడ్డల ఆరోగ్యం పటిష్టంగా ఉండటంలో పోషకాహారం పాత్ర కీలకమని స్పష్టం చేశారు. సర్పంచ్‌ ఇందూర్‌ సునీత చంద్రశేఖర్‌, ఐసీడీఎస్‌ సూపర్‌వైజర్లు కొమరవ్వ, ఆసియా, గోపి లక్ష్మీ, స్థానిక వార్డు సభ్యులు వడ్ల అమృత, హెల్త్‌ సూపర్‌వైజర్‌ జ్యోతి, తదితరులు పాల్గొన్నారు.

డొంకేశ్వర్‌(ఆర్మూర్‌): మండలంలోని మారంపల్లి ప్రభుత్వ ఉన్నత పాఠశాలలో హిందీ దివస్‌ వారోత్సవాలు మంగళవారం నిర్వహించారు. హిందీ ఉపాధ్యాయురాలు శేర్ల సుజాత ఆధ్వర్యంలో జరిగిన ఈ కార్యక్రమంలో విద్యార్థులు పాల్గొని త మ ప్రతిభను చాటుకున్నారు. విద్యార్థులు హిందీ భాషలో ఆలపించిన కవితలు, పాటలు, బాలగే యాల అభినయం, ఉపన్యాసాలు ఆకట్టుకున్నాయి. ఈ సందర్భంగా విభిన్న ప్రదర్శనలతో అలరించిన వారికి ఉపాధ్యాయులు బహుమతులు అందజేసి అభినందించారు. రికార్డులు అప్‌డేట్‌గా ఉంచాలి రుద్రూర్‌: గ్రామ పంచాయతీకి సంబంధించిన అన్ని రకాల రికార్డులను ఎప్పటికప్పుడు అప్‌డేట్‌గా అందుబాటులో ఉంచాలని మండల పంచాయతీ అధికారి అరవింద్‌ ఆదేశించారు. మండల కేంద్రంలోని గ్రామ పంచాయతీ కార్యాలయాన్ని మంగళవారం ఆయన తనిఖీ చేశారు. ప్రజలకు అందించే సేవల్లో ఎలాంటి జాప్యం జరగకుండా చూడాలని స్పష్టం చేశారు. జీపీ కార్యదర్శి ప్రేమ్‌దాస్‌ ఉన్నారు. రేపు పట్టు చేనేత సంఘం మహాజన సభ ఆర్మూర్‌టౌన్‌: పట్టణంలోని గోల్‌బంగ్లా వద్ద పట్టు చేనేత సహకార సంఘం 53వ వార్షికోత్సవం సందర్భంగా ఈ నెల 24న మధ్యాహ్నం 2 గంటలకు మహాజన సభ నిర్వహిస్తున్నట్లు సంఘం అధ్యక్షుడు గంగామోహన్‌ చక్రు తెలిపారు. డైరెక్టర్లు సకాలంలో రావాలని కోరారు.

రెంజల్‌: రెంజల్‌లోని మైనార్టీ గురుకుల పాఠశాల, కళాశాలలో విద్యార్థినులు మంగళవారం మొక్కలు నాటే కార్యక్రమం నిర్వహించారు. అమ్మకు ప్రే మతో ఒక్కొక్కరు పాఠశాల ఆవరణలో ఒక మొక్క ను నాటారు. ప్రతీ రోజు నాటిన మొక్కలకు నీరందించి సంరక్షించాలని ఇంచార్జి ప్రిన్సిపాల్‌ సబా ఆర్షిన్‌ సూచించారు. పెర్కిట్‌(ఆర్మూర్‌): ఆర్మూర్‌ మున్సిపల్‌ పరిధిలోని పెర్కిట్‌ తెలుగు మీడియం ప్రభుత్వ ఉన్నత పాఠశాలలో మంగళవారం ‘ఏక్‌ పేడ్‌ మాకే నామ్‌’ కార్యక్రమం నిర్వహించారు. ఈ సందర్బంగా విద్యార్థు లు వారి తల్లుల సమక్షంలో 50 మొక్కలు నాటారు. ఈ సందర్భంగా హెచ్‌ఎం శ్రీనివాస్‌ మాట్లాడుతూ.. పాఠశాల స్థాయి నుంచే విద్యార్థులు పర్యావరణ పరిరక్షణపై బాధ్యతగా ఉండాలన్నారు. ఉపాధ్యాయులు రాజ్‌ కుమార్‌, వెంకటరమణాచారి పాల్గొన్నారు. మాక్లూర్‌: తల్లిదండ్రుల పేరుతో మొక్కలు నాటే కార్యక్రమాన్ని మండలంలోని చిక్లి ప్రభుత్వ పాఠశాలలో విద్యార్థులు నిర్వహించారు. స్థానిక సర్పంచ్‌ ఒరికే భూమన్న, ఉప సర్పంచ్‌ బూరోల్ల సతీష్‌ ఆధ్వర్యంలో గ్రామంలోని కొన్ని వార్డులలో విద్యార్థులు వారి తల్లిదండ్రుల పేరుతో మొక్కలు నాటారు. హెచ్‌ఎం రత్నాకర్‌, వీబీజీరాంజీ అసిస్టెంట్‌ సాయిలు, గ్రామస్తులు పాల్గొన్నారు.

బోధన్‌: విప్లవ వీరుడు షహీద్‌ భగత్‌ సింగ్‌ ధైర్యం, త్యాగం, సామాజిక మార్పు కోసం సాగించిన ఆయన పోరాట స్ఫూర్తితో యువత ముందుకెళ్లాలని సీపీఐ(ఎంఎల్‌) మాస్‌లైన్‌ డివిజన్‌ సహాయ కార్యదర్శి బి. మల్లేశ్‌ అన్నారు. మంగళవారం పట్టణ కేంద్రంలోని బీటీనగర్‌ జీహెచ్‌ఎస్‌లో పీడీఎస్‌యూ, పీవైఎల్‌, పీవోడబ్ల్యూ ఆధ్వర్యంలో భగత్‌సింగ్‌ జయంతి సందర్భంగా అమెరికా ఆధిపత్య ధోరణులు, యుద్ధోన్మాదానికి వ్యతిరేకంగా సదస్సు నిర్వహించారు. నాగమణి, మౌనిక, ఎండీ ఇర్షాద్‌, నాగేశ్వర్‌ తదితరులు పాల్గొన్నారు. భగత్‌ సింగ్‌ జయంతి వేడుకల ప్రచారం నందిపేట్‌(ఆర్మూర్‌): భగత్‌ సింగ్‌ జయంతి వేడుకలలో భాగంగా మంగళవారం కుద్వాన్పూర్‌ ప్రభుత్వ పాఠశాలలో ప్రజాసంఘాల ఆధ్వర్యంలో జయంతి వేడుకల ప్రచారం నిర్వహించారు. కె.గంగాధర్‌ మాట్లాడుతూ.. స్వాత్రంత్యం కోసం భగత్‌ సింగ్‌ రాజ్‌ గురు సుఖ్‌దేవ్‌లు ప్రాణాలు వదిలారని కొనియాడారు.

మోటార్‌ పంపుసెట్ల చోరీ కమ్మర్‌పల్లి: ఉప్లూర్‌ కాకతీయ కాలువ పరిధిలోని వ్యవసాయ మోటార్‌ పంపుసెట్లు చోరీకి గురయ్యాయి. సోమవారం అర్ధరాత్రి దుండగులు కాకతీయ కాలువ కట్ట వద్ద ఉన్న మోటార్‌ పంపుసెట్లకు బిగించి ఉన్న విద్యుత్‌ తీగలను కత్తిరించి, కాలువలో ఉన్న పైపులను కోసి మోటారు పంపుసెట్లను ఎత్తుకెళ్లారు. రైతులు రేగుంట దేవేందర్‌, బద్దం మోహన్‌రెడ్డి, జిందం అంబరీష్‌, డబ్బ చిన్న భూమన్న మంగళవారం ఉదయం పంటకు నీరు పెట్టేందుకు వెళ్లగా, మోటారు పంపుసెట్లు చోరీకి గురైనట్లు గుర్తించారు. వాటి విలువ రూ. 40 వేలు ఉంటుందని రైతులు తెలిపారు. పోలీసులకు ఫిర్యాదు చేస్తామన్నారు. ట్రాన్స్‌ఫార్మర్‌ ఆయిల్‌.. వర్ని: మండలంలోని సత్యనారాయణపురం గ్రామ శివారులోగల పొలాల వద్ద ఉన్న ట్రాన్స్‌ఫార్మర్‌ నుంచి సోమవారం రాత్రి గుర్తుతెలియని వ్యక్తులు సుమారు 100 లీటర్ల ఆయిల్‌ చోరీకి పాల్పడినట్లు మండల విద్యుత్‌ శాఖ ఏఈ బాలకిషన్‌ తెలిపారు. ఈ విషయమై వర్ని పోలీస్‌ స్టేషన్లో ఫిర్యాదు చేసినట్లు ఏఈ తెలిపారు. విద్యుత్‌ షాక్‌ తో వ్యక్తి మృతి వర్ని: మండలంలోని మల్లారం గ్రామంలో కరెంట్‌ షాక్‌తో ఓ వ్యక్తి మృతి చెందాడు. ఎస్సై వంశీకృష్ణారెడ్డి తెలిపిన వివరాలు ఇలా.. గ్రామానికి చెందిన మాజీద్‌ (28) మంగళవారం ఉదయం ఇంట్లో కరెంటు రిపేర్‌ చేస్తుండగా ప్రమాదవశాత్తు విద్యుత్‌ షాక్‌ తగిలింది. వెంటనే స్థానికులు అతడిని వర్ని ప్రభుత్వ ఆస్పత్రికి తరలించగా అప్పటికే మృతిచెందాడు. వైద్యులు సకాలంలో స్పందించకపోవడంతోనే అతడు మృతి చెందినట్లు గ్రామస్తులు ఆరోపిస్తూ ఆస్పత్రి ఎదుట ఆందోళన నిర్వహించారు. దరఖాస్తుల ఆహ్వానం ఆర్మూర్‌టౌన్‌: ఆర్మూర్‌ పట్టణంలోని ప్రభుత్వ డిగ్రీ కళాశాలలో స్పాట్‌ అడ్మిషన్ల కోసం దరఖాస్తులు ఆహ్వానిస్తున్నట్లు ప్రిన్సిపల్‌ వేణుగోపాల స్వామి ఒక ప్రకటనలో తెలిపారు. బీఏ (ఇంగ్లీష్‌, తెలుగు, ఉర్దూ మీడియం), బీకాం కంప్యూటర్స్‌, బీఎస్సీ హెల్త్‌ కేర్స్‌, బీఎస్సీ లైఫ్‌ సైన్సు, బీఎస్సీ ఫిజికల్‌ సైన్సులో సీట్లు ఉన్నాయన్నారు. ఆసక్తి గల విద్యార్థులు ఈ నెల 24, 25 తేదీల్లో నిర్వహించే స్పాట్‌ అడ్మిషన్స్‌కు హాజరుకావాలని కోరారు.