mumbai

టీమిండియా స్టార్ ప్లేయర్, వరల్డ్ కప్ విన్నింగ్ కెప్టెన్ సూర్యకుమార్ యాదవ్ తిరిగి దేశవాళీ క్రికెట్ ఆడేందుకు సిద్ధమైనట్లు తెలుస్తోంది. టీ20 ప్రపంచకప్‌-2026 విజయం తర్వాత భారత జట్టులో చోటు కోల్పోయిన సూర్య.. తన ఫామ్‌ను తిరిగి అందుకునేందుకు ముంబై తరఫున వైట్‌బాల్ క్రికెట్ ఆడనున్నట్లు సమాచారం.రాబోయే సయ్యద్ ముస్తాక్ అలీ ట్రోఫీ (SMAT), విజయ్ హజారే ట్రోఫీ (VHT)లలో అతడు ముంబై జట్టు తరఫున బరిలోకి దిగనున్నాడు. అంతేకాకుండా, జట్టు నాయకత్వ బాధ్యతలను కూడా సూర్యకే అప్పగించాలని ముంబై సెలక్షన్ కమిటీ నిర్ణయించినట్లు పలు నివేదికలు పేర్కొంటున్నాయి.వాస్తవానికి 2026-27 రంజీ ట్రోఫీ మ్యాచ్‌లకు తాను అందుబాటులో ఉంటానని సూర్యకుమార్ తెలిపినప్పటికీ.. ఇటీవల రెడ్-బాల్ (సుదీర్ఘ ఫార్మాట్) ప్రాక్టీస్ లేదనే కారణంతో అతడిని ముంబై సెలెక్టర్లు పక్కన పెట్టారు. అయితే, పరిమిత ఓవర్ల క్రికెట్‌లో గతేడాది ముంబై ఆశించిన స్థాయిలో రాణించలేకపోయింది. గత సయ్యద్ ముస్తాక్ అలీ ట్రోఫీలో లీగ్ దశలోనే ఇంటిముఖం పట్టగా, విజయ్ హజారే ట్రోఫీ క్వార్టర్ ఫైనల్స్‌లో కర్ణాటక చేతిలో ఓటమి పాలైంది. దీంతో ఈసారి ఎలాగైనా దేశవాళీ వైట్‌బాల్ టోర్నీల్లో ఛాంపియన్‌గా నిలవాలన్న పట్టుదలతో ముంబై ఉంది. ఈ క్రమంలోనే సీనియర్ ప్లేయర్ అయిన సూర్యకుమార్ యాదవ్‌కు జట్టు బాధ్యతలను అప్పగించాలని భావిస్తోంది.చదవండి: IND vs NZ: ‘అతడు తుదిజట్టులో లేకపోయినా పెద్దగా తేడా ఉండదు’

సాక్షి, ముంబై: నగరంలోని బృహన్ముంబై మహానగర పాలక సంస్థ (బీఎంసీ) పరిధిలోని ప్రాథమిక పాఠశాలలకు దీపావళి సందర్భంగా 16 రోజులపాటు సెలవులు ప్రకటించారు. ఈ మేరకు బీఎంసీ విద్యాశాఖ 2026 విద్యా సంవత్సరానికి సంబంధించి అధికారిక సర్క్యులర్‌ను విడుదల చేసింది. విద్యాశాఖ ప్రకటించిన షెడ్యూల్‌ ప్రకారం నవంబరు 5 నుంచి 23వ తేదీ వరకు పాఠశాలలకు దీపావళి సెలవులు ఉంటాయి. మధ్యలో వచ్చే ఆదివారాలతో కలిపి మొత్తం 16 రోజులపాటు విద్యార్థులకు సెలవులు లభించనున్నాయి. 24న గురునానక్‌ జయంతి సందర్భంగా మరో సెలవు ఉండటంతో పాఠశాలలు నవంబరు 25న తిరిగి ప్రారంభం కానున్నాయి.పరిమితికి లోబడి మార్పునకు వెసులుబాటు బీఎంసీ పరిధిలోని అన్ని మాధ్యమాల మున్సిపల్‌ ప్రాథమిక పాఠశాలలతోపాటు ప్రైవేటు ఎయిడెడ్‌ ప్రాథమిక పాఠశాలలకు ఈ సెలవులు వర్తిస్తాయి.ఈ మేరకు ఆయా పాఠశాలల ప్రధానోపాధ్యాయులకు విద్యాశాఖ ఆదేశాలు జారీ చేసింది.ఒకే ప్రాంగణంలో ప్రాథమిక, మాధ్యమిక విభాగాలు కొనసాగుతున్న పాఠశాలల్లో సెలవుల తేదీల మధ్య వ్యత్యాసం ఉంటే, విద్యాశాఖ అధికారుల అనుమతితో వార్షిక సెలవుల పరిమితికి లోబడి మార్పులు చేసుకోవచ్చు. మ‌హారాష్ట్ర‌ ప్రభుత్వం భవిష్యత్తులో సెలవులకు సంబంధించి కొత్త నిబంధనలు జారీ చేస్తే, వాటికి అనుగుణంగా మార్పులు చేసే అధికారం విద్యాశాఖ అధికారులకు ఉంటుందని సర్క్యులర్‌లో పేర్కొన్నారు.ఇదీ చ‌ద‌వండి: అయ్యో మ‌ల్ల‌య్యా.. ఎంత పని జ‌రిగింద‌య్యా!

హైదరాబాద్‌ చరిత్ర గురించి అంతా తెలిసినట్లుగానే ఉంటుంది. ఏమీ తెలియనట్లుగా కూడా ఉంటుంది! హైదరాబాద్‌లో పుట్టి పెరిగిన జీనత్‌ఖాన్‌ ‘ది సైరన్స్‌ ఆఫ్‌ సెప్టెంబర్‌’ నవల రాయడానికి చరిత్రను అధ్యయనం చేస్తున్న క్రమంలో, తనకు హైదరాబాద్‌ చరిత్ర గురించి తెలిసింది తక్కువనే విషయం అర్థమైంది. ప్రముఖ ప్రచురణ సంస్థ పెంగ్విన్‌ ఇండియా ప్రచురించిన ఆమె నవల ‘ది సైరన్స్‌ ఆఫ్‌ సెప్టెంబర్‌’ ప్రపంచవ్యాప్తంగా ప్రశంసలు అందుకుంటోంది. ఎనిమిది సంవత్సరాల ఆమె పరిశోధనకు, కష్టానికి ఫలితం దక్కింది. తాజాగా... ముంబై లిట్‌ఫెస్ట్‌లో బెస్ట్‌ఫస్ట్‌ బుక్‌: ఫిక్షన్‌ విభాగంలో షార్ట్‌లిస్ట్‌ అయింది...‘ది సైరన్స్‌ ఆఫ్‌ సెప్టెంబర్‌’ అనేది చారిత్రక కల్పనా నవల. 1948–ఆపరేషన్‌ పోలో నేపథ్యంలో సాగే నవల. హైదరాబాద్‌ సంస్థానాన్ని భారత యూనియన్‌లో విలీనం చేసేందుకు, భారత ప్రభుత్వం 1948 సెప్టెంబర్‌ 13న చేపట్టిన సైనిక చర్య... ఆపరేషన్‌ పోలో. ‘ఆరోజు ఏంజరిగిందంటే...’ అనేదానికే జీనత్‌ఖాన్‌ పరిమితం కాలేదు. పలు కథనాల ద్వారా వివిధ రకాల సంఘటనలను ప్రభావితం చేసిన పరిస్థితులను విశ్లేషించారు.టైమ్‌మిషన్‌లో...‘ది సైరన్స్‌ ఆఫ్‌ హైదరాబాద్‌’లోకి అడుగు పెట్టడం అంటే టైమ్‌మిషన్‌లో కూర్చొని అలనాటి హైదరాబాద్‌కి వెళ్లడమే. ఈ పుస్తకం రాయడానికి ముందు హైదరాబాద్‌ చరిత్ర, సంస్కృతి...మొదలైన వాటిని లోతుగా అధ్యయనం చేశారు జీనత్‌ఖాన్‌. ‘ది సైరన్స్‌ ఆఫ్‌ సెప్టెంబర్‌ ’ రాయడానికి ప్రేరణ ఏమిటి? అనే విషయానికి వస్తే...ఒకరోజు ఖాన్‌ కూతురు ఒక పుస్తకాన్ని ఇంటికి తీసుకువచ్చింది. దక్కన్‌ చరిత్రపై రాసిన పుస్తకం అది. ‘నేను హైదరాబాద్‌ నగరంలోనే పెరిగాను. అయినప్పటికీ ఆనాటి విషయాలు పెద్దగా తెలియవని ఈ పుస్తకం చదివిన తరువాత అర్థమైంది’ అన్నారు ఖాన్‌. అప్పుడే పుస్తకం రాయాలనే ఆలోచన ఆమెకు వచ్చింది.లోతైన అధ్యయనంతన పరిశోధనలో భాగంగా ఏజీ నూరానీ రాసిన ది డిస్ట్రక్షన్‌ ఆఫ్‌ హైదరాబాద్, మీర్‌ అలీ రాసిన ట్రాజెడీ ఆఫ్‌ హైదరాబాద్, జనరల్‌ ఎల్‌ ఎడ్రూస్‌ ఆత్మకథ, అనురాధరెడ్డి రాసిన ఏవియేషన్‌ ఇన్‌ ది హైదరాబాద్‌– డొమినియన్స్‌... మొదలైన పుస్తకాలను అధ్యయనం చేశారు జీనత్‌ఖాన్‌. లార్డ్‌ మౌంట్‌బాటెన్, సర్‌ వాల్టర్‌ మాంక్టన్‌ల మధ్య జరిగిన ఉత్తరప్రత్యుత్తరాలను లండన్‌లోని బ్రిటీష్‌ మ్యూజియంలో చదివారు. బీబీíసీ ఆర్కైవ్‌లలోకి వెళ్లారు. న్యూస్‌ఫిల్మ్‌ సెగ్మెంట్స్‌లాంటివి ఆ కాలంలో వెళ్లడానికి ఖాన్‌కు సహాయపడ్డాయి. అలా రాయడం... ఎంతో సవాలు!→ దేశవిభజనతో పాటు దక్షిణ భారతదేశంలో జరిగిన సంఘటనలకు ప్రజాదరణ ΄÷ందిన సాహిత్యం, సినిమాలలో తక్కువ ప్రాధాన్యత ఇచ్చారు. కొన్ని పుస్తకాలు, సినిమాలు దేశవిభజనను చిత్రీకరించినప్పటికీ, దక్షిణ భారతదేశంలో జరిగిన నాయకీయ పరిణామాలు కేవలం విద్యాసంబంధమైన పత్రాలకే పరిమితమయ్యాయి. నా రచన ద్వారా ఒకానొక కాలానికి, ప్రదేశాలకు చెందిన తీపిజ్ఞాపకాలను అందించాను. ఆ కాలం, ప్రదేశాలు ఇక ఎప్పటికీ తిరిగిరావు.→ నవల కథాక్రమాన్ని నిర్ణయించక ముందే ‘ఫరిష్తే’ పాత్రను ఊహించుకున్నాను. నా కథానాయిక ఉన్నత వర్గానికి చెందిన మహిళ. ఆమె ఆదర్శవాది, తెలివైనది, ధైర్యవంతురాలు. నవలలోని పెద్దల వ్యక్తిత్వాలు డార్క్‌ ట్రయాడ్‌ (ప్రమాదకరమైన వ్యక్తిత్వ లక్షణాల సమ్మేళనం) కోవకు చెందినవి ఉంటాయి. వీరికి భిన్నంగా ‘ఫరిష్తే’ వ్యక్తిత్వం ఉంటుంది. ఆ కాలంలో ఒక టీనేజీ అమ్మాయికి సొంతంగా నిర్ణయాలు తీసుకునే స్వేచ్ఛ పరిమితంగానే ఉండేది. 1948 కాలం నాటి యువతి దృక్కోణం నుండి కథ రాయడం అనేది ఎంతో సవాలుతో కూడినది.→ ఆనాడు అధికారంలో ఉన్న మధ్యవయస్కుల దృక్కోణం నుంచి కథ చెప్పి ఉంటే ఖచ్చితంగా నిరుత్సాహపరిచి ఉండేది. అంగీకరించినా, అంగీకరించకపోయినా వారు మునిగిపోబోతున్న పడవను నడిపారు. ఆనాటి ఫ్యాషన్‌ ట్రెండ్స్, రవాణావ్యవస్థ... మొదలైన వాటి గురించి తెలుసుకోవడానికి 1940ల జీవితాన్ని చిత్రించిన పుస్తకాలు చదివాను, సినిమాలు చూశాను. అవి అమూల్యమైనవి.– జీనత్‌ఖాన్‌

ముంబై: లోకల్ రైలులో ఫస్ట్ క్లాస్ బోగీ సీట్లపై ఇద్దరు వ్యక్తులు నిద్రిస్తున్న దృశ్యాలను ఓ ప్రయాణికుడు వీడియో తీసి సామాజిక మాధ్యమాల్లో షేర్‌ చేశారు. వారు టికెట్లు లేకుండానే ప్రయాణిస్తున్నారేమోనని అనుమానం వ్యక్తం చేస్తూ, రైల్వే ప్రొటెక్షన్ ఫోర్స్ (ఆర్‌పీఎఫ్‌) అధికారులు చర్యలు తీసుకోవాలని కోరారు. ఈ ఫిర్యాదుపై పశ్చిమ రైల్వే స్పందించింది. సంబంధిత అధికారుల దృష్టికి ఈ విషయాన్ని తీసుకెళ్లినట్లు ముంబై సెంట్రల్ డివిజనల్ రైల్వే మేనేజర్ కార్యాలయం తెలిపింది.చిన్మయ్ పురవ్ అనే ప్రయాణికుడు గురువారం (అక్టోబర్ 29న) ఈ ఘటనకు సంబంధించిన వీడియోను ఎక్స్‌లో పోస్ట్ చేశారు. ఉదయం 6.40 గంటలకు బోరివలి రైల్వే స్టేషన్‌లోని ప్లాట్‌ఫామ్ నంబర్ 2 నుంచి బయలుదేరిన స్లో లోకల్ రైలులో ఈ దృశ్యాలను చిత్రీకరించినట్లు ఆయన వెల్లడించారు. ఫస్ట్ క్లాస్ బోగీలోని దక్షిణం వైపు చివరి భాగంలో ఇద్దరు వ్యక్తులు సీట్లపై నిద్రిస్తున్నట్లు వీడియోలో కనిపిస్తోంది.వీడియో తీస్తున్న సమయంలో చిన్మయ్ బోరివలి ఆర్‌పీఎఫ్ సిబ్బందిని ఉద్దేశించి స్పందించారు. “బోరివలి ఆర్‌పీఎఫ్ సిబ్బందికి ఇదే నా విజ్ఞప్తి. వీరు నిద్రపోతున్నారు. బహుశా టికెట్ లేకుండానే ప్రయాణిస్తున్నారేమో. దయచేసి చర్యలు తీసుకోండి. ఇది ఒక్కసారే జరిగిన ఘటన కాదు. ఈ సమస్యను పరిష్కరించండి” అని కోరారు.రైల్వే అధికారులను సంప్రదించేందుకు 139 హెల్ప్‌లైన్ నంబర్‌కు ప్రయత్నించినా ఫలితం లేకపోయిందని చిన్మయ్ తన పోస్టులో పేర్కొన్నారు. ఇలాంటి ఘటనలను దాదాపు ప్రతిరోజూ చూస్తున్నానని పేర్కొంటూ పశ్చిమ రైల్వే, ముంబై సెంట్రల్ డివిజనల్ రైల్వే మేనేజర్, పశ్చిమ రైల్వే ఆర్‌పీఎఫ్, ముంబై పోలీసులను ట్యాగ్ చేశారు.ఇదీ చదవండి: సైకిల్‌ను తుక్కు తుక్కుగా ఓడించాలి: ఆర్కే రోజాఈ పోస్టుపై ముంబై సెంట్రల్ డివిజనల్ రైల్వే మేనేజర్ కార్యాలయం స్పందిస్తూ, సంబంధిత అధికారులకు ఈ విషయం తెలియజేసినట్లు వెల్లడించింది. అయితే, ఇద్దరు వ్యక్తులు టికెట్లు లేకుండా ప్రయాణిస్తున్నారన్నది ప్రయాణికుడి అనుమానం మాత్రమే. వారు టికెట్లు తీసుకున్నారా లేదా అనే విషయం వీడియోలో నిర్ధారణ కాలేదు. ఈ ఘటనపై రైల్వే అధికారులు ఎలాంటి చర్యలు తీసుకుంటారో చూడాల్సి ఉంది.

రంజీ ట్రోఫీ-2027 ఎలైట్ గ్రూప్-డిలో ముంబై జట్టు తమ ఆధిపత్యాన్ని కొనసాగిస్తోంది. శరద్ పవార్ క్రికెట్ అకాడమీ వేదిక‌గా హ‌ర్యానాతో జ‌రిగిన మ్యాచ్‌లో ముంబై 10 వికెట్ల తేడాతో ఘ‌న విజ‌యాన్ని అందుకుంది. ఈ సీజ‌న్‌లో ముంబైకి ఇది వ‌రుస‌గా మూడో విజ‌యం కావ‌డం గ‌మ‌నార్హం. ఈ మ్యాచ్‌లో తొలుత బ్యాటింగ్ చేసిన ముంబై త‌మ మొద‌టి ఇన్నింగ్స్‌లో 430 ప‌రుగుల భారీ స్కోర్ సాధించింది.ముంబై ఇన్నింగ్స్‌లో అంగ్క్రిష్ రఘువంశీ(114), ముషీర్‌ ఖాన్‌(109) భారీ సెంచరీలతో కదం​ తొక్కారు. అనంతరం హర్యానా తమ తొలి ఇన్నింగ్స్‌లో 270 పరుగులకే ఆలౌటైంది. ముంబై బౌలర్లలో ముషీర్‌ ఖాన్‌ 6 వికెట్లతో సత్తాచాటగా.. తనీష్‌ కొటియన్‌ మూడు వికెట్లు పడగొట్టాడు.అయితే 160 ప‌రుగుల తేడాతో ఉండ‌డంతో హ‌ర్యానాను ముంబై ఫాలో ఆన్ ఆడాల‌ని నిర్ణ‌యించింది. ఫాలో ఆన్‌లో కూడా హ‌ర్యానా ఆట తీరు ఏ మాత్రం మార‌లేదు. ముంబై స్పిన్నర్ తనీష్ కొటియన్ ఏకంగా 8 వికెట్లు పడగొట్టి హర్యానాను దెబ్బతీశాడు.దీంతో హర్యానా జట్టు తమ రెండో ఇన్నింగ్స్‌లో 256 పరుగులకు ఆలౌట్ అయింది. దీంతో ముంబై ముందు హర్యాని కేవలం 97 పరుగుల స్వల్ప లక్ష్యాన్ని మాత్రమే ఉంచింది. ఈ లక్ష్యాన్ని ముంబై ఓపెనర్లు కేవలం 10.4 ఓవర్లలోనే వికెట్ నష్టపోకుండా ఊదిపడేశారు.ఓపెనర్ ఆంగ్‌క్రిష్ రఘువంశీ హర్యానా బౌలర్లపై విరుచుకుపడుతూ కేవలం 29 బంతుల్లోనే అర్ధశతకం పూర్తి చేసుకున్నాడు. అతను మొత్తంగా 39 బంతుల్లో 7 ఫోర్లు, 3 సిక్సర్లతో 67 పరుగులు చేసి నాటౌట్‌గా నిలిచాడు. మరో ఓపెనర్ దివ్యాన్ష్ సక్సేనా 25 బంతుల్లో 2 ఫోర్లు, 2 సిక్సర్లతో 30 పరుగులు చేసి అజేయంగా నిలిచాడు. ఈ మ్యాచ్‌లో ఆల్‌రౌండ్‌షోతో అదరగొట్టిన ముషీర్ ఖాన్ ప్లేయర్ ఆఫ్‌ది మ్యాచ్‌గా నిలిచాడు.

టీమిండియా దిగ్గజ క్రికెటర్‌ సచిన్‌ టెండుల్కర్‌ ఉద్వేగానికి లోనయ్యాడు. తన అన్న కూతురు కరిష్మా టెండుల్కర్‌ ప్రతిష్టాత్మక అవార్డు సాధించిందని.. ఆమెను చూసి మనసు గర్వంతో ఉప్పొంగిపోయిందని పేర్కొన్నాడు.కుమారుడి వివాహం.. కెరీర్‌లో దూసుకువెళ్తున్న కుమార్తెకాగా అంతర్జాతీయ క్రికెట్‌ శతక శతకాల ధీరుడిగా పేరొందిన సచిన్‌ టెండుల్కర్‌.. రిటైర్మెంట్‌ తర్వాత వ్యక్తిగత జీవితాన్ని పూర్తిగా ఆస్వాదిస్తూ ముందుకు సాగుతున్నాడు. ఈ ఏడాది కుమారుడు అర్జున్‌ టెండుల్కర్‌ వివాహం చేశాడు సచిన్‌. ఇక కుమార్తె సారా టెండుల్కర్‌ న్యూట్రీషనిస్టుగా, మోడల్‌, ఇన్‌ఫ్ల్యూయెన్సర్‌గా రాణిస్తూ.. ఇటీవలే ఓ వెల్‌నెస్‌ సెంటర్‌ కూడా స్థాపించింది.అన్నలు, అక్కతో అనుబంధంఅంతేకాదు.. సచిన్‌ టెండుల్కర్‌ ఫౌండేషన్‌ వ్యవహారాలు కూడా సారా చూసుకుంటోంది. ఇక సచిన్‌ కుటుంబం విషయానికొస్తే.. అతడి తల్లిదండ్రులు రజినీ టెండుల్కర్‌- రమేశ్‌ టెండుల్కర్‌. సచిన్‌కు ఇద్దరు అన్నలు నితిన్‌, అజిత్‌.. అక్క సవిత ఉన్నారు. వీరి మధ్య మంచి అనుబంధం ఉంది.బెల్‌ ఫార్మా అవార్డుసచిన్‌ పెద్దన్న నితిన్‌ ఎయిర్‌ ఇండియాలో పనిచేసినట్లు సమాచారం. ఆయన కూతురే కరిష్మా టెండుల్కర్‌ అని తెలుస్తోంది. కరిష్మా కంటి వైద్యురాలు అని సమాచారం. ఇటీవల ఆమె.. బెస్ట్‌ సర్జికల్‌ రీసెర్చ్‌ పేపర్‌ సమర్పించిన అత్యంత పిన్న వయస్కురాలైన ఆప్తమాలజిస్ట్‌గా ‘బెల్‌ ఫార్మా అవార్డు’ అందుకుంది. మీ బాబాయి అందరికీ గొప్పగా చెప్పుకొంటాడుముంబైలో జరిగిన మహారాష్ట్ర ఆప్తమాలజిస్ట్‌ సొసైటీ వార్షిక సమావేశంలో కరిష్మాకు అవార్డు ప్రదానం చేశారు. ఈ నేపథ్యంలో అవార్డు అందుకున్న కరిష్మా ఫొటో ఇన్‌స్టాలో షేర్‌ చేస్తూ.. ‘‘నా అన్న కూతురు కరిష్మాకు శుభాభినందనలు.నీ శ్రమకు ఫలితం దక్కడం చూస్తుంటే ఆనందంగా ఉంది. నువ్వు సాధించిన ఈ విజయం గురించి మీ బాబాయి అందరితో గర్వంగా చెప్పుకొంటాడని నీకు తెలిసే ఉంటుంది. నిన్ను చూస్తే చాలా గర్వంగా ఉంది’’ అని సచిన్‌ టెండుల్కర్‌ ఉద్వేగానికి లోనయ్యాడు.ధన్యవాదాలు సచూ కాకా!ఇందుకు బదులిస్తూ.. ‘‘మీకు ధన్యవాదాలు సచూ కాకా!.. మీ నుంచి ఇలాంటి ప్రశంస అందుకోవడం నిజంగా గొప్ప విషయం. నాకు ఎల్లప్పుడు మీరే స్ఫూర్తిదాయకం’’ అని కరిష్మా టెండుల్కర్‌ తన బాబాయికి కృతజ్ఞతలు తెలిపింది.కాగా కరిష్మా మహాత్మ గాంధీ మిషన్‌ మెడికల్‌ కాలేజీలో ఎంబీబీఎస్‌ పూర్తి చేసింది. అనంతరం ఆప్తమాలజీలో మాస్టర్‌ ఆఫ్‌ సర్జరీలో డిగ్రీ సాధించింది. ఆమె విట్రియోరెటీనల్‌ సర్జన్‌ అని తెలుస్తోంది. పుణెలో కరిష్మా NAMAH పేరిట సూపర్‌స్పెషాలిటీ ఐ కేర్‌ సెంటర్‌ ఏర్పాటు చేసి.. దానికి డైరెక్టర్‌గా కూడా కొనసాగుతున్నట్లు సమాచారం. ఇవీ చదవండి: కోహ్లి కాదు!.. రొనాల్డో ఫాలో అయ్యే ఒకే ఒక్క ఇండియన్‌ అతడే!అనిరుధ్‌తో కావ్యా మారన్‌ పెళ్లి: ఏజ్‌ గ్యాప్‌, ఇద్దరి ఆస్తుల విలువ ఎంత?

ముంబై ఆల్‌రౌండర్‌ ముషీర్‌ ఖాన్‌ సంచలనం సృష్టించాడు. రంజీ ట్రోఫీలో అరుదైన ఘనత సాధించాడు. హర్యానాతో జరుగుతున్న గ్రూప్-డి మ్యాచ్‌లో తొలుత సెంచరీతో సత్తా చాటిన ముషీర్‌, ఆ తర్వాత బంతితోనూ అదరగొట్టి ఐదు వికెట్లు పడగొట్టాడు.తద్వారా ఓ రంజీ మ్యాచ్‌లో సెంచరీ చేయడంతో పాటు ఐదు వికెట్లు పడగొట్టిన ఆరో ముంబై ఆటగాడిగా నిలిచాడు. చివరిసారిగా 1990-91 సీజన్‌లో భారత మాజీ కెప్టెన్ రవిశాస్త్రి ముంబై తరఫున ఈ ఘనత సాధించాడు. 36 ఏళ్ల తర్వాత ముషీర్‌ ఈ ఫీట్‌ను పునరావృతం​ చేశాడు.ముంబై తరఫున ఒకే రంజీ మ్యాచ్‌లో సెంచరీ, ఐదు వికెట్ల ఘనత సాధించిన ఆటగాళ్లు - మదన్ రైజీ: మహారాష్ట్రపై, 1947-48- దత్తు ఫడ్కర్: మద్రాస్‌పై, 1948-49- వినూ మన్కడ్: మద్రాస్‌పై, 1953-54- పాలీ ఉమ్రిగర్: మహారాష్ట్రపై, 1957-58- రవిశాస్త్రి: మధ్యప్రదేశ్‌పై, 1990-91- ముషీర్ ఖాన్: హర్యానాపై, 2026-27మ్యాచ్‌ విషయానికొస్తే.. ముషీర్‌ (109)తో పాటు అంగ్‌కృష్‌ రఘువంశీ (114) సెంచరీలతో కదంతొక్కడంతో ముంబై తొలి ఇన్నింగ్స్‌లో 430 పరుగుల భారీ స్కోర్‌ చేసింది. అనంతరం ముషీర్‌ బంతితోనూ (6-78) చెలరేగడంతో హర్యానా తొలి ఇన్నింగ్స్‌లో స్వల్ప స్కోర్‌కే పరిమితమయ్యేలా కనిపిస్తుంది. మూడో రోజు రెండో సెషన్‌ సమయానికి ఆ జట్టు 9 వికెట్లు కోల్పోయి 262 పరుగులు చేసింది. ముంబై తొలి ఇన్నింగ్స్‌ స్కోర్‌కు ఇంకా 168 పరుగులు వెనుకపడి ఉంది. ఇదీ చదవం‍డి: విండీస్‌తో టెస్టు.. బంగ్లాదేశ్ బ్యాట‌ర్ అరుదైన రికార్డు

రంజీ ట్రోఫీ 2026-27లో ముంబై యువ బ్యాటర్లు అంగ్‌క్రిష్ రఘువంశీ, ముషీర్ ఖాన్ అద్భుత శతకాలతో కదంతొక్కారు. హర్యానాతో జరుగుతున్న మ్యాచ్‌లో తొలి రోజే సెంచరీలు పూర్తి చేస్తున్నారు. ఓపెనర్‌గా వచ్చిన రఘువంశీ 114, వన్‌డౌన్‌లో వచ్చిన ముషీర్‌ 109 పరుగులు చేసి ఔటయ్యారు.వీరిద్దరూ రెండో వికెట్‌కు 208 పరుగుల భాగస్వామ్యం నెలకొల్పారు. రఘువంశీకి ఫస్ట్ క్లాస్ క్రికెట్‌లో ఇదే తొలి శతకం కాగా.. ముషీర్‌ ఈ ఎడిషన్‌లో వరుసగా రెండు అర్ద సెంచరీల తర్వాత సెంచరీ చేశాడు.ముషీర్‌, రఘువంశీ శతక్కొట్టుడుతో ముంబై తొలి రోజు ఆట ముగిసే సమయానికి తొలి ఇన్నింగ్స్‌లో 3 వికెట్లకు 290 పరుగులు చేసింది. కెప్టెన్ సిద్ధేశ్ లాడ్ (29*), ముషీర్‌ అన్న సర్ఫరాజ్ ఖాన్ (21*) క్రీజులో ఉన్నారు. దివ్యాంశ్‌ సక్సేనా 10 పరుగులు మాత్రమే చేసి తొలి వికెట్‌గా వెనుదిరిగాడు. హర్యానా బౌలర్లలో అమన్‌ కుమార్‌, అనూజ్‌ తక్రాల్‌, సమంత్‌ జాఖర్‌ తలో వికెట్‌ పడగొట్టారు. ఇదీ చదవండి: భీకర ఫామ్‌లో బదోని.. డబుల్‌ సెంచరీ తర్వాత సెంచరీ

సాక్షి, హైదరాబాద్‌: డాక్టర్‌ బీఆర్‌ అంబేడ్కర్‌ ప్రాణహిత– చేవెళ్ల ప్రాజెక్టు పునరుద్ధరణలో భాగంగా ప్రాణహిత నదిపై 152 మీటర్ల ఎత్తులో తుమ్మిడిహెట్టి బరాజ్‌ నిర్మాణానికి మహారాష్ట్ర సర్కారును ఒప్పించే లక్ష్యంతో ముఖ్యమంత్రి రేవంత్‌రెడ్డి బృందం సోమవారం ముంబైలో మహారాష్ట్ర సీఎం దేవేంద్ర ఫడ్నవీస్‌తో కీలక చర్చలు జరపనుంది. ఇందుకోసం ఆదివారం రాత్రి బేగంపేట ఎయిర్‌పోర్టు నుంచి రేవంత్‌రెడ్డి, నీటిపారుదల శాఖ మంత్రి ఎన్‌.ఉత్తమ్‌ కుమార్‌రెడ్డి, సీఎస్‌ సంజయ్‌జాజు, ఇతర ఉన్నతాధికారులు ముంబై వెళ్లారు. సోమవారం ఉదయం 11 గంటలకు ముంబైలోని సహ్యాద్రి స్టేట్‌ గెస్ట్‌హౌస్‌లో సీఎంల భేటీ జరగనుంది. గతంలో 152 మీటర్ల ఎత్తులో తుమ్మిడిహెట్టి బరాజ్‌ నిర్మాణానికి మహారాష్ట్ర అంగీకరించలేదు. 2016 ఆగస్టు 23న నాటి సీఎం కేసీఆర్‌ మహారాష్ట్రతో చర్చలు జరిపి 148 మీటర్లకు ఎత్తు తగ్గించి తుమ్మిడిహెట్టి బరాజ్‌ నిర్మాణానికి ఒప్పందం చేసుకున్నారు. ఆ తర్వాత ప్రాణహిత–చేవెళ్ల ప్రాజెక్టును పక్కనపెట్టి దాని స్థానంలో కాళేశ్వరం ప్రాజెక్టును చేపట్టడంతో తుమ్మిడిహెట్టి బరాజ్‌ నిర్మాణం మరుగున పడిపోయింది. సోమవారం జరిగే చర్చల్లో 152 మీటర్ల ఎత్తుతో బరాజ్‌ నిర్మాణానికి ఫడ్నవీస్‌ అంగీకరిస్తే ప్రధాన అడ్డంకి తొలగిపోనుంది.ఏడాదిగా ప్రయత్నాలు..ఈ ఏడాది ఏప్రిల్‌ 29న బరాజ్‌ నిర్మాణ కార్యాచరణను వేగవంతం చేయాలని సీఎం రేవంత్‌రెడ్డి ఉన్నతస్థాయి సమీక్షలో నిర్ణయించారు. మే 6న చర్చలకు సమయం కేటాయించాలని మంత్రి ఉత్తమ్‌ మహారాష్ట్ర సీఎం ఫడ్నవీస్‌కు లేఖ రాశారు. తుమ్మిడిహెట్టి బరాజ్‌పై చర్చించేందుకు తెలంగాణ ప్రభుత్వ ప్రతినిధి బృందానికి సమయం ఇవ్వాలని మే 26న మహారాష్ట్ర సీఎంకు రాసిన లేఖలో రేవంత్‌ కోరారు. బ్యారేజీ ఎత్తు, ముంపు ప్రభావం, ఇతర అంతర్రాష్ట్ర అంశాలపై పరస్పర చర్చల ద్వారా పరిష్కరించుకుందామని విజ్ఞప్తి చేశారు. ఈ విషయంలో ఇరు రాష్ట్రాల మధ్య చర్చలు జరిగేలా సహకరించాలని జూన్‌ 11న ప్రధాని మోదీకి సైతం రేవంత్‌ లేఖ రాయగా ఆ లేఖను ప్రధాని కార్యాలయం కేంద్ర జలశక్తి శాఖకు పంపింది. ఆగస్టు 5న సీఎం రేవంత్, మంత్రి ఉత్తమ్‌ ఢిల్లీలో కేంద్ర జలశక్తి శాఖ మంత్రి సీఆర్‌ పాటిల్‌ను కలిసి బరాజ్‌ ఎత్తు పెంపుపై మహారాష్ట్ర అంగీకారం సాధించేందుకు సహకరించాలని కోరారు. 148 మీటర్ల వద్ద గ్రావిటీ ద్వారా ఆశించిన స్థాయిలో నీటిని తరలించడం సాధ్యం కాదని వివరించారు. 150 నుంచి 152 మీటర్ల ఎత్తుతో బరాజ్‌ నిర్మిస్తే గ్రావిటీతో నీళ్లను సుందిళ్ల బరాజ్‌ వరకు తరలించి విద్యుత్‌ వ్యయాన్ని తగ్గించవచ్చని తెలిపారు. సెంట్రల్‌ వాటర్‌ అండ్‌ పవర్‌ రిసెర్చ్‌ స్టేషన్‌ (సీడబ్ల్యూపీ ఆర్‌ఎస్‌) నిర్వహించిన బ్యాక్‌వాటర్‌ అధ్యయనాలను కేంద్ర మంత్రి దృష్టికి తీసుకెళ్లారు. సీఎం వరుస ప్రయత్నాలతో తెలంగాణ, మహారాష్ట్ర అధికారులతో సెప్టెంబర్‌ 1న కేంద్ర జలశక్తి శాఖ అంతర్రాష్ట్ర సమావేశం ఏర్పాటు చేసింది. సెప్టెంబర్‌ 3న సీడబ్ల్యూపీఆర్‌ఎస్‌ నిర్వహించిన బ్యాక్‌వాటర్‌ అధ్యయనాలను తెలంగాణ ప్రభుత్వం మహారాష్ట్ర జలవనరుల శాఖకు పంపించింది.

మనం పడ్డ కష్టాలు మరొకరెవరు పడకూడదు అనుకుంటారు చాలామంది. నోటి మాటగా అలా అనేస్తామే గానీ..అది ఆచరణ సాధ్యం కానిది. కొందరే తనలా కష్టాలు, కన్నీళ్ల మధ్య పెరిగిన వాళ్ల పాలిట ఆప్తమిత్రుడిలా మారి వాళ్ల ఆలనాపాలనా చూసుకుంటారు. అంతేగాదు తన మాదిరిగా పైకొచ్చేలా నిస్వార్థంగా సాయం చేస్తుంటారు. అలాంటి రియల్‌ హీరోనే ముంబైకి చెందిన అమీన్‌ షేక్‌. అతని కథ వింటే కళ్లు చెమ్మగిల్లడమే కాదు..జీవితం అంటే ఏంటో తెలుస్తుంది కూడా. మరి ఆ స్ఫూర్తిదాయక స్టోరీ ఏంటో చకచక చదివేద్దామా..!ముంబైకి చెందిన అమీన్‌ షేక్‌(Amin Sheikh) బాల్యం కలలో కూడా పగవానికి కూడా రాకూడదని కోరకునేలా సాగింది. ఇంకా స్పష్టంగా మాటలు రాని వయసులోనే కష్టాలకు తాళ్లలేక ఇంటి నుంచి పారిపోయాడు. వీధుల్లో తిరుగుతూ చెత్త ఏరుకుంటూ బతికేవాడు. ఎవరైనా ఆహారం పెడతారేమో అని ఎదురుచూపులు చూసేవాడు. అలా వీధి బాలుడిగా పెరుగుతున్న అతడు సరిగ్గా ఎనిమిదేళ్ల ప్రాయంలో ఒక క్యాథలిక్‌ సన్యాసిని కంట్లో పడ్డాడు. ఆమె అతడిని రక్షించి జెసూట్ అనాథాశ్రమంలో వసతి ఏర్పాటు చేసింది. ఇక అక్కడ పెరిగిన అమీన్‌ ఏడో తరగతి వరకు చదువుకుని ఆ తర్వాత డ్రైవింగ్‌ నేర్చుకున్నాడు. జీవితాన్ని మలుపు తిప్పిన ఆ ప్రయాణం..అలా అతడు ఒక ధనవంతుడి వద్ద డ్రైవర్‌గా పనిచేసేవాడు. అయితే యజమాని మంచి లగ్జరీ కేఫ్‌లకు వెళ్తే తను బయటే ఉండాల్సి వచ్చేది. ఒకవేళ్ల లోనికి వెళ్తే.. ఇది నీలాంటి వాళ్లకు కాదు అని ముఖం మీదే చెప్పేసేవారు. అయినా అక్కడ ఒక కప్పు కాఫీ ఖరీదుతో అమీన్‌ ఒక బిర్యానీ పొట్లం, కూల్‌డ్రింక్‌ కొనుక్కుని తాగొచ్చు. అయినా అసలు కాఫీ ఎక్కడైన కాఫీనేగా ఎందుకింత ఖరీదు, బంగారంతో ఏమైనా చేస్తారా అని ఆలోచిస్తుండే వాడు. ఇంతలో ఆ ధనవంతుడు అమీన్‌కు 2003లో బార్సిలోనాకు ప్రయాణించడానికి సహాయం చేశాడు. ఆ స్పానిష్ నగరంలో పర్యటిస్తున్నప్పుడు, కేఫ్‌లు, రెస్టారెంట్లు అతన్ని సాదరంగా ఆహ్వానించి, ఇతర కస్టమర్లతో పాటు అదే టేబుల్ వద్ద కూర్చోమని చెప్పడం అతను గమనించాడు. భారతదేశంలోని అతని అనుభవానికి ఇది పూర్తి భిన్నంగా ఉంది. ఎందుకంటే మన దేశంలో, యజమానులు భోజనం చేస్తున్నప్పుడు డ్రైవర్లు తరచుగా బయట వేచి ఉండాల్సి వచ్చేది. అలాంటిది ఇక్కడ ధనిక, పేద అనే తారతమ్యం లేకుండా గౌరవంగా చూడటం అమీన్‌ని ఎంతగానో ఆకట్టుకుంది. అప్పుడు అతడికి అనిపించింది విభిన్న నేపథ్యాలకు చెందిన వ్యక్తులు తమ సామాజిక హోదాతో సంబంధం లేకుండా గౌరవంగా చూసే కేఫ్‌ని ఏర్పాటు చేయాలని అనుకున్నాడు. రచనతో కేఫ్‌..అందుకోసం డబ్బు ఎలా అన్నది ప్రశ్న. అసలు తన కథనే పుస్తకంగా మలిచి అమ్మితే..అని ఠక్కున ఆలోచన రావడమే ఆచరణలో పెట్టాడు. అలా తన ఆత్మకథ 'బాంబే ముంబై: లైఫ్ ఈజ్ లైఫ్, ఐ యామ్ బికాజ్ ఆఫ్ యూ' రాసిన పుస్తకం హాట్‌కేకుల్లా అమ్ముడుపోయింది. అలా వచ్చిన సొమ్ముతో ముంబైలో అమీన్ షేక్ అంధేరి ప్రాంతంలోని 'బాంబే టు బార్సిలోనా లైబ్రరీ కేఫ్' ప్రారంభించాడు. ఇది లైబ్రరీ కమ్‌ కేఫ్‌. ఇక్కడ సుమారు 15 మంది దాక పనిచేస్తుంటారు. వారంతా తనలా పెరిగిన అనాథలే. అంతేగాదు ఆ కేఫ్‌ ప్రవేశద్వారం వద్ద ఇది వీధి అమ్మాయిలు, అబ్బాయిలచే నడపబడుతున్న కేఫ్‌ అని సగర్వంగా రాసి ఉంటుంది. ఎందిరికో బతుకుదెరువు మార్గదర్శినిగా..ఈ కేఫ్‌ ఒక కాఫీ కప్పుకి మించి వీధి బాలలకు ఆశ్రయం, బతుకుదారిని చూపిస్తుంది. తగినంత డబ్బు లేని వారికి రాయితీ ఇచ్చి మరి తక్కువగా సర్వ్‌ చేస్తుంది. అలాగే సమీపంలోని నిరాశ్రయ పిల్లలకు ఉచితం ఆహారం అందిస్తుంది. అంతేకాదు ఇక్కడ కాఫీ తోపాటు విదేశీ డెజర్ట్‌లు కూడా ఉంటాయి. అంతేగాదు ఇక్కడ పనిచేసేవారు ఉన్నతంగా స్థిరపడ్డవారు కూడా ఉన్నారు. ఒకప్పుడు ఆ కేఫ్‌ కార్యకలాపాలు నిర్వహించి ఖుష్బూ అలీ అమీన్‌ ప్రోత్సాహంతో ఫ్యాషన్‌డిజైన్‌ కోర్సు చదివింది. పైగా మాల్టీస్ ఫ్యాషన్ బ్రాండ్ 'చార్లెస్ & రాన్' ఒప్పందం కుదుర్చుకుని ఇంటర్న్‌షిప్‌ చేసే అవకాశం దక్కించుకుంది. అలాగే వంటవాడిగా పనిచేసిన సైరాజ్‌ బాబు మెథారి రాప్‌ సంగీతం, రచనల్లో కొనసాగుతున్నాడు. అంతేగాదు ఈ కేఫ్‌ పబ్లిక్ రిలేషన్స్ బృందంలో మాజీ సభ్యురాలైన అలుమెలు బహదూర్‌కు తక్కువ ఆదాయ కుటుంబాల పిల్లల కోసం ఒక పాఠశాలను ప్రారంభించాలనే కల ఉండేది. అందుకు షేక్‌ సహకారం అందించడమే కాదు ఇరువురు కలిసి 'లిటిల్ గురూస్ నెస్ట్' అనే ఒక ప్రారంభ విద్యా కేంద్రాన్ని స్థాపించారు, దీనిని జనవరి 2023లో ప్రారంభించారు. ఇక్కడ మాంటెస్సోరి, వాల్డార్ఫ్ విద్యా పద్ధతుల్లో పాఠాలను బోధిస్తారు. అంతేగాదు ఇక్కడ చదివే పిల్లలందరికీ ఎడ్యుకేషన్‌ ఉచితమే. ఇలా ఉచితంగా చదువు అందించడం కోసం 'స్ట్రీట్ ఏంజిల్స్ ఫౌండేషన్'ను కూడా స్థాపించారు. అలా అమీన్‌ షేక్‌ పాఠశాల, కేఫ్‌ రెండింటిని విస్తరించేలా నిధులను పోగుచేస్తున్నారు. తనలాంటి వీధిబాలలెందరికో బతుకుతెరువుని అందిస్తున్నాడు. View this post on Instagram A post shared by Amin Sheikh (@bombaytobarcelonalibrarycafe) ఇదీ చదవండి: రూ. 7 లాటరీ టికెట్‌తో..రూ.కోటి గెలుచుకుంది!

ఇటీవల చాలామంది కంటెంట్‌ క్రియేటర్లుగా మారి ఎక్కువ మొత్తంలో సంపాదించడం మొదలుపెట్టారు. అయితే అందరూ క్లిక్‌ అయ్యినట్లు కొందరికీ సాధ్యం కాకపోవచ్చు. అంతలా వ్యూస్‌ సంపాదించుకోలేకపోవచ్చు. స్థిరమైన ఉద్యోగాన్ని వదులుకుని మరి కంటెంట్‌ క్రియేటర్లుగా మారే వాళ్లు తప్పక ఈ విషయాలు గుర్తించుకోవాలి. లేదంటే ఇబ్బందులు పడతారని చెబుతున్నాడు ఈ కంటెంట్‌ క్రియేటర్‌ శుభ్‌ శారంగ్‌. అంతేగాదు ఈ ఆర్థిక పాఠాలు గుర్తించుకుని మరి దిగండి అని పిలుపున్నాడు. ముంబైకి చెందిన కంటెంట్‌ క్రియేటర్‌ శుభ్‌ శారంగ్ ఒకప్పుడు కార్పొరేట్‌ ఉద్యోగం చేస్తుండేవాడు. అలా జాబ్‌ చేస్తూనే విరామ సమయంలో మంచి కంటెంట్‌ని క్రియేట్‌ చేసి సోషల్‌ మీడియాలో అప్‌లోడ్‌ చేస్తుండేవాడు. ఇలా ఒకవైపు ఉద్యోగం ఇంకోవైపు కంటెంట్‌ క్రియేటర్‌గా పని చేస్తుండటంతో కంటినిండా నిద్ర లేక ఆఫీస్‌లో నిద్రపోతుండేవాడు. పోనీ ఉద్యోగం వదిలేద్దామంటే..స్థిరమైన ఆదాయాన్ని కోల్పోయి ఇబ్బంది పడతానేమో అన్న భయంతో రిస్క్‌ తీసుకునేవాడు కాదు. ఒకరోజు తన కంటెంట్‌కి ఊహించని విధంగా ఎక్కువ ‍వ్యూస్‌ రావడం, లక్షకు పైగా ఆదాయం వచ్చింది. దాంతో తనపై తనకు నమ్మకం పెరిగి ధైర్యంగా ఉద్యోగానికి ఉద్వాసన పలికాడు. ఎందుకంటే ఎప్పుడు పదివేలకు మించి రాని వ్యూస్‌ అనూహ్యంగా లక్షల్లో వ్యూస్‌, ఫాలోవర్లు రావడం మొదలైంది. ఆ నేపథ్యంలోనే ధీమాగా ఉద్యోగం వదిలేసి పూర్తికాల కంటెంట్‌ క్రియేటర్‌గా పనిచేస్తూ..హాయిగా నెలకు రూ. 2.5 లక్షలుపైనే ఆర్జించడం మొదలుపెట్టాడు. ప్రస్తుతం నాకు ఎలాంటి మెంటల్‌ టెన్షన్‌లు లేవు. నెలవారి ఈఎంఐలు గురించి ఎలాంటి చింత లేకుండా ధైర్యంగా లైఫ్‌ని లీడ్‌ చేస్తున్నా అంటున్నాడు. అయితే తనలా అంతపెద్ద రిస్క్‌ మాత్రం తీసుకోవద్దని కూడా హెచ్చరిస్తున్నాడు శారంగ్‌. ఎందుకంటే ఈ రంగంలో స్థిరమైన ఆదాయం ఉండదు. ఒక్కోసారి కంటెంట్‌ బాగా క్లిక్‌ అయితే పెద్ద మొత్తంలో ఆదాయం వస్తుంది. ఒక్కోసారి మొత్తానికి పడిపోవచ్చు లేదా రెండు లేదా మూడు నెలల వరకు ఎలాంటి ఆదాయం రాకపోవచ్చు. అందుకే ఇలాంటి రంగంలోకి వచ్చే వాళ్లు కనీసం 12 నెలలకు సరిపడా పొదుపు ఉండి ఉంటేనే ధైర్యంగా స్థిరమైన ఆదాయాన్ని పొందే ఉద్యోగాన్ని వదలేయండి..లేదంటే రిస్క్‌ మాత్రం చేయొద్దంటూ ఆర్థిక పాఠాలు చెబుతున్నాడు. తను లక్షల్లో ఆదాయం ఆర్జిస్తున్నప్పటికీ.. ఇందులో ఉండే లోటుపాట్లు కూడా ముందుగా బేరీజు వేసుకుని మాత్రమే అడుగుపెట్టండంటూ హితవు పలకడం విశేషం. View this post on Instagram A post shared by Shubh Sarang (@shubbhhhhh) ఇదీ చదవండి: స్టేజ్‌ 4 నోటి కేన్సర్‌ నుంచి 80 కేజీల బరువు ఎత్తే వరకు..! ఆ కొడుకు ప్రేమే..

బాలీవుడ్ నటుడు టైగర్ ష్రాఫ్ ప్రయాణిస్తున్న కారు సమీపంలో జరిగిన కాల్పుల ఘటనతో చిత్రపరిశ్రమలో మరోసారి భయాందోళనలు నెలకొన్నాయి. అక్టోబర్ 18వ తేదీ సాయంత్రం సుమారు 7 గంటల సమయంలో ముంబైలోని జుహూ ప్రాంతంలో ఆయన కారు సమీపంలో ఈ కాల్పులు చోటుచేసుకున్నాయి. ఈ ప్రమాదం నుంచి ఆయన సురక్షితంగా బయటపడగా, దాడికి తామే బాధ్యులమని లారెన్స్ బిష్ణోయ్ గ్యాంగ్ సభ్యుడు అనిల్ పండిట్ ప్రకటించాడు. దేశవ్యాప్తంగా పలు రాష్ట్రాల్లో కార్యకలాపాలు సాగిస్తున్న ఈ ముఠా, గత రెండేళ్లుగా మహారాష్ట్రలోని ముంబై, పూణె నగరాలను ప్రధాన కేంద్రాలుగా మార్చుకుని 10కి పైగా తీవ్రమైన నేరాలకు పాల్పడింది. ముంబైలో హై ప్రొఫైల్ సినీ ప్రముఖులను, పుణెలో స్థానిక బడా వ్యాపారవేత్తలను లక్ష్యంగా చేసుకుని ఈ ముఠా బెదిరింపులకు, దందాలకు పాల్పడుతోంది.ఉత్తరాది రాష్ట్రాల షూటర్ల సాయంతో..పోలీస్ వర్గాల క్రైమ్ డేటా ప్రకారం 2024 నుంచి 2026 మధ్య కాలంలో పుణె, పింప్రి-చించ్వాడ్ ప్రాంతాల్లో బిష్ణోయ్ ముఠాతో సంబంధం ఉన్న పదికి పైగా ఎక్స్‌టార్షన్ కేసులు నమోదయ్యాయి. విదేశాల్లో తలదాచుకున్న కీలక సూత్రధారులు, స్థానిక కాంటాక్టులు, ఉత్తరాది రాష్ట్రాల నుంచి రప్పించిన షూటర్ల ద్వారా ఈ నేర నెట్‌వర్క్ కొనసాగుతోంది. మహారాష్ట్రలో ఈ ముఠా కార్యకలాపాలను విస్తరించడంలో పూణెకు చెందిన శుభమ్ లోంకర్ కీలక పాత్ర పోషిస్తున్నట్లు దర్యాప్తు సంస్థలు గుర్తించాయి. ప్రస్తుతం మహారాష్ట్రలోని వివిధ జైళ్లలో బిష్ణోయ్ గ్యాంగ్‌కు చెందిన 50 మందికి పైగా సభ్యులు ఉన్నప్పటికీ, నెట్‌వర్క్ కార్యకలాపాలు ఆగకపోవడం గమనార్హం.సల్మాన్ ఖాన్ నివాసం గెలాక్సీ వద్ద..మహారాష్ట్రలో ఈ గ్యాంగ్ సాగించిన ప్రధాన నేరాల క్రమాన్ని పరిశీలిస్తే, 2024 ఏప్రిల్ 14న బాంద్రాలోని నటుడు సల్మాన్ ఖాన్ నివాసమైన గెలాక్సీ అపార్ట్‌మెంట్ బయట బైక్‌పై వచ్చిన దుండగులు కాల్పులు జరిపారు. ఈ కేసులో పోలీసులు ‘మకోకా’ చట్టాన్ని ప్రయోగించి లారెన్స్ బిష్ణోయ్, అన్మోల్ బిష్ణోయ్‌లతో సహా పలువురిపై ఛార్జ్‌షీట్ దాఖలు చేశారు. అనంతరం 2024 అక్టోబర్ 12న బాంద్రా ఈస్ట్‌లో ఎన్సీపీ సీనియర్ నేత బాబా సిద్ధిఖీని కాల్చి చంపారు. ముంబైలో తమ ఆధిపత్యాన్ని చాటుకోవడంతో పాటు సల్మాన్ ఖాన్‌తో ఆయనకున్న సాన్నిహిత్యం కారణంగానే ఈ హత్య జరిగినట్లు ఛార్జ్‌షీట్‌లో పేర్కొన్నారు.రూ.50 కోట్లు వసూలు చేసేందుకు..2026 ఫిబ్రవరి 1న దర్శకుడు రోహిత్ శెట్టి నివాసంపై ఐదు రౌండ్ల కాల్పులు జరిపి భయభ్రాంతులకు గురిచేశారు. 2026 మే నెలలో పింప్రి-చించ్వాడ్‌లోని ఏజే ఫర్నిచర్ మాల్‌పై రెండు కోట్ల రూపాయల దందా డిమాండ్ చేస్తూ ఆరు రౌండ్లు కాల్పులు జరిపారు. అదే ఏడాది జూన్ 22న పుణెలోని ఫుర్సుంగి ప్రాంతంలో ఒక వ్యాపారవేత్తపై కాల్పులు జరిపి, ఆయనతో పాటు తొమ్మిది మంది భాగస్వాముల నుంచి ఏకంగా రూ.50 కోట్ల రూపాయల వరకు వసూలు చేసేందుకు యత్నించారు. తాజాగా టైగర్ ష్రాఫ్ లక్ష్యంగా జరిగిన కాల్పుల కేసులో ఇప్పటికే పోలీసులు పలువురు నిందితులను అదుపులోకి తీసుకుని విచారణ వేగవంతం చేశారు.టార్గెట్‌లో వీరంతా..ఈ గ్యాంగ్ ప్రధానంగా తమ ఆధిపత్యాన్ని నిరూపించుకోవడానికే ఇలాంటి ఘాతుకాలకు పాల్పడుతున్నట్లు తెలుస్తోంది. ప్రస్తుతం ముంబై జైళ్లలో బిష్ణోయ్ గ్యాంగ్‌కు చెందిన 56 మంది వరకు ఖైదీలుగా ఉండగా, అందులో 31 మంది కేవలం బాబా సిద్ధిఖీ హత్య కేసులోనే ఉన్నారు. అయినప్పటికీ కొత్త షూటర్లను రంగంలోకి దించుతూ, తమ కార్యకలాపాలను కొనసాగిస్తున్నారు. ఇప్పటివరకు బాలీవుడ్ ప్రముఖులు సల్మాన్ ఖాన్, రణ్‌వీర్ సింగ్, ఆమిర్ ఖాన్, రోహిత్ శెట్టి, ఆయుష్ శర్మ, కపిల్ శర్మ, మునావర్ ఫారూఖీ, టైగర్ ష్రాఫ్‌లతో పాటు పంజాబ్, హర్యానాలకు చెందిన పలువురు ప్రముఖ గాయకులు, స్థానిక వ్యాపారులకు లారెన్స్ బిష్ణోయ్ ముఠా నుంచి ప్రత్యక్షంగా లేదా పరోక్షంగా బెదిరింపులు వచ్చాయి.ఇదీ చదవండి: ‘ధురంధర్’పై శశి థరూర్ సంచలన విశ్లేషణ

ముంబై: స్కూల్లో జెండా వందనం రోజు త్రివర్ణ పతాకాన్ని ఎగరవేయడానికి అతిథిని పిలుస్తారు. పిల్లలు అందరూ ఉదయాన్నే వచ్చి జెండా వందనం కోసం గంటలకొద్దీ ఎదురుచూస్తుంటారు. కడుపులో ఎలకలు పరిగెడుతున్నా అలాగే లైనులో కూర్చొని వేచి చూస్తుంటారు. ఆ అతిథి తన పనులు అన్నీ అయ్యాక ఎప్పుడో వచ్చి జెండా ఎగరేసి వెళ్తాడు. ఇటువంటి ఘటనలే అనేకం జరుగుతుంటాయి. రోడ్డు, వంతెనలు, నీళ్ల ట్యాంకుల ప్రారంభోత్సవానికి అతిథులు ఎప్పుడు వస్తారో వారికే తెలియదు. ఇటువంటి ఘటనే ముంబైలో చోటుచేసుకుంది. పూర్తిగా నిర్మాణం పూర్తయి వాహనాల రాకపోకలకు సిద్ధంగా ఉన్నప్పటికీ, అధికారిక ప్రారంభోత్సవం కోసం మూసి ఉంచిన సియాన్‌ వంతెనపై స్థానికులు ఆగ్రహం వ్యక్తం చేశారు. ప్రారంభోత్సవంలో పాల్గొనే ప్రముఖుల కోసం అధికారులు ఎదురుచూడటంపై నిరసనగా స్థానికులు, కాంగ్రెస్‌ కార్యకర్తలు బుధవారం క్రేన్‌తో అక్కడికి చేరుకున్నారు. వంతెనకు అడ్డంగా ఏర్పాటు చేసిన బారికేడ్లను తొలగించి, వాహనాల రాకపోకలను ప్రారంభించాలని ప్రయత్నించారు. అయితే పోలీసులు వారిని అడ్డుకోవడంతో ఆ ప్రయత్నం విఫలమైంది.ప్రారంభోత్సవం కోసం ఎదురుచూపులువంతెన నిర్మాణం పూర్తయి, వాహనాల రాకపోకలకు అనువుగా ఉన్నప్పటికీ ప్రజలకు అందుబాటులోకి తీసుకురాలేదు. ప్రముఖుల సమక్షంలో అధికారికంగా ప్రారంభించేందుకు సమయం ఖరారు చేయాల్సి ఉండటమే జాప్యానికి కారణంగా తెలుస్తోంది. బృహన్‌ ముంబై మున్సిపల్‌ కార్పొరేషన్‌ (బీఎంసీ) వంతెనను ప్రారంభించేందుకు గతంలో 4 గడువులు ప్రకటించినప్పటికీ, అందులో ఏ గడువుకూ పూర్తి కాలేదు. తాజాగా అక్టోబర్‌ 15నాటికి ప్రారంభించాలని లక్ష్యంగా పెట్టుకున్నా అది కూడా నెరవేరలేదు.గత వారమే వంతెనకు సంబంధించిన తుది పనులు పూర్తయ్యాయని, ప్రజల వినియోగానికి అనుమతించే ముందు ట్రాఫిక్‌ పోలీసుల నుంచి అభ్యంతరం లేదనే ధ్రువీకరణ పత్రం కోసం అధికారులు ఎదురుచూస్తున్నారని వార్తలు వచ్చాయి. అయినప్పటికీ వంతెనను ఇంకా ఎందుకు తెరవలేదనే విషయంపై బీఎంసీ బహిరంగంగా వివరణ ఇవ్వలేదు.2 ఏళ్లుగా ట్రాఫిక్‌ ఇబ్బందులుకొత్త వంతెన 1912లో నిర్మించిన పాత సియాన్‌ రైల్వే ఓవర్‌బ్రిడ్జికి ప్రత్యామ్నాయంగా నిర్మించారు. 2019లో ఐఐటీ బాంబే నిర్వహించిన నిర్మాణ భద్రతా తనిఖీలో పాత వంతెన ప్రమాదకరంగా ఉన్నట్లు గుర్తించారు. దీంతో దాన్ని కూల్చి, కొత్త వంతెన నిర్మించేందుకు 2024 ఆగస్టు 1న వాహనాల రాకపోకలను నిలిపివేశారు.ఛత్రపతి శివాజీ మహారాజ్‌ టెర్మినస్‌ నుంచి కుర్లా మధ్య ప్రతిపాదిత 5, 6వ రైల్వే లైన్లకు అనువుగా కొత్త వంతెనను ఒకే విస్తీర్ణంతో నిర్మించారు. బీఎంసీ, సెంట్రల్‌ రైల్వే సంయుక్తంగా సుమారు రూ.60 కోట్ల అంచనా వ్యయంతో ఈ ప్రాజెక్టును చేపట్టాయి. ముంబైలో రద్దీ ఎక్కువగా ఉండే ప్రాంతాల్లో తూర్పు, పడమర ప్రాంతాలను అనుసంధానించే కీలక మార్గంగా ఈ వంతెనకు ప్రాధాన్యం ఉంది.వీఐపీ సంస్కృతిపై విమర్శలువంతెన ప్రారంభంలో జాప్యాన్ని నిరసిస్తూ స్థానికులు ఆందోళన చేపట్టారు. అనంతరం కాంగ్రెస్‌ కార్యకర్తలు కూడా వారికి తోడయ్యారు. ప్రజలకు ఉపయోగపడే మౌలిక సదుపాయాలను అందుబాటులోకి తీసుకురావడంలో ప్రముఖుల కోసం ఎదురుచూసే సంస్కృతి అడ్డంకిగా మారిందని వారు విమర్శించారు. రిబ్బన్‌ కటింగ్‌ కార్యక్రమం కోసం వేచి ఉండటానికి బదులుగా, క్రేన్‌తో బారికేడ్లను తొలగించి వంతెనను తెరవాలని ప్రయత్నించారు. అయితే పోలీసులు జోక్యం చేసుకుని వారిని నిలువరించారు.వంతెనను ప్రజలకు అందుబాటులోకి తీసుకురావడానికి అధికారులు ఇప్పటివరకు కొత్త తేదీని ప్రకటించలేదు. అధికారికంగా ప్రారంభించే వరకు వాహనదారులు ప్రస్తుత మార్గాలపైనే ఆధారపడాల్సి ఉంటుంది. ప్రారంభోత్సవ తేదీని ఎప్పుడు ఖరారు చేస్తారు, వంతెనపై రాకపోకలకు ఎప్పటి నుంచి అనుమతిస్తారనే అంశాలపై ఇప్పుడు దృష్టి నెలకొంది.

సాక్షి, ముంబై: ఐఐటీ బాంబే (IIT Bombay) విద్యార్థి సాహిల్‌ మరణం తాలూకు ప్రకంపనలు కొనసాగుతుండగానే ముంబైలోని ‘ఇన్‌స్టిట్యూట్ ఆఫ్ కెమికల్ టెక్నాలజీ’ (ICT) ప్రాంగణంలో విషాదం చోటుచేసుకుంది. కెమికల్ ఇంజనీరింగ్ ద్వితీయ సంవత్సరం చదువుతున్న సిద్ధేష్ పాటిల్ (19) అనే విద్యార్థి మంగళవారం రాత్రి తన హాస్టల్ గదిలో ఆత్మహత్యకు పాల్పడ్డాడు. సాహిల్‌ మృతిపై నిరసనలు, వివాదం ఇంకా సమసిపోకముందే ఐసిటి విద్యార్థి సిద్ధేష్ ఆత్మహత్య చేసుకోవడం క్యాంపస్‌లలో విద్యార్థుల భద్రతపై ఆందోళనలను మరింత పెంచింది.మాటుంగాలోని ఐసీటి క్యాంపస్‌లోని హాస్టల్ 5లోని రెండవ అంతస్తు గదిలో పాటిల్ మృతదేహాన్ని గుర్తించారు. మంగళవారం రాత్రి 10 గంటల నుంచి అర్ధరాత్రి మధ్య ఈ ఘటన జరిగి ఉండవచ్చని భావిస్తున్నారు. పోలీసులకు సమాచారం అందించామని, దర్యాప్తు జరుగుతోందని ఇన్‌స్టిట్యూట్ ఉన్నతాధికారి ఒకరు ధ్రువీకరించారు. 'ఆకస్మిక మరణం' కింద కేసు నమోదు చేసిన పోలీసులు దర్యాప్తు చేపట్టారు. ఆత్మహత్యకు గల కారణాలను తెలుసుకునేందుకు పోస్ట్‌మార్టం నివేదిక కోసం ఎదురుచూస్తున్నామని, కుటుంబసభ్యులు, స్నేహితుల ప్రకటనలను నమోదు చేసి దర్యాప్తు చేస్తామని పోలీసులు వెల్లడించారు.డిప్రెషన్‌తో బాధపడుతున్న విద్యార్థి?నాసిక్‌కు చెందిన సిద్ధేష్ పాటిల్ గత కొంతకాలంగా డిప్రెషన్‌కు చికిత్స పొందుతున్నాడని అతడి సహచర విద్యార్థి తెలిపాడు. మంగళవారం రాత్రి అతడు తన ప్రాణాలు తీసుకుంటానని డాక్టర్‌కు తెలపడంతో, ఆ డాక్టర్ వెంటనే పాటిల్ తల్లిదండ్రులకు సమాచారం అందించారు. వారు హాస్టల్‌లో ఉన్న విద్యార్థులను సంప్రదించి సిద్ధేష్‌ను చూడమని కోరారు. అయితే, వారు గదికి చేరుకునే సరికే సిద్ధేష్ ప్రాణాలు కోల్పోయాడని, దసరా పండుగ సెలవుల వల్ల క్యాంపస్‌లో విద్యార్థుల సంఖ్య తక్కువగా ఉందని తోటి విద్యార్థి పేర్కొన్నాడు.ఇదీ చదవండి: కన్నతల్లి చేతిలో చిన్నారి హత్య : కన్నీరుమున్నీరవుతున్న తండ్రికాగా సెప్టెంబర్ 18న ఐఐటీ బాంబేకి చెందిన 20 ఏళ్ల ద్వితీయ సంవత్సరం విద్యార్థి సాహిల్ వాకోడే ఆత్మహత్య చేసుకున్న సంగతి తెలిసిందే. అయితే తన కుమారుడు కులవివక్ష, వేధింపులు ఎదుర్కొన్నాడని వాకోడే తల్లిదండ్రులు ఆరోపించారు. ఈ ఘటనపై క్యాంపస్‌లో విద్యార్థులు విచారణ, మానసిక ఆరోగ్య సహాయ వ్యవస్థల సంస్కరణలు కోరుతూ నెల రోజులుగా నిరసనలు కొనసాగుతున్న సంగతి తెలిసిందే. ఇదీ చదవండి: భార్యను కొట్టానని నిరూపిస్తారా? ఆత్మహత్యకు ముందు సెల్ఫీ వీడియో

వాషింగ్టన్‌: త్వరలో అమెరికాలో మధ్యంతర ఎన్నికలు జరుగుతున్న నేపథ్యంలో దిన్యూయార్క్‌ టైమ్స్‌ సంచలన కథనం ప్రచురించింది. అమెరికాలో రాజకీయాల్లో విదేశీ సైబర్‌ ముఠాలు, నకిలీ ప్రచారాలు జరుగుతున్నట్లు కథనం ప్రచురించింది. భారత సోషల్‌ మీడియా నెట్‌వర్క్‌ల ద్వారా ఓటర్ల దారి మళ్లింపు కుట్ర జరుగుతున్నట్లు పేర్కొంది.అమెరికా రాజకీయ నేత హేలీ స్టీవెన్స్‌కు అనుకూలంగా సోషల్ మీడియాలో వందలాది వీడియోలు ముంబైకి చెందిన సోషల్‌ మీడియా ఖాతాలు బాట్ నెట్‌వర్క్‌ల ద్వారా వ్యాప్తి చేసినట్లు కథనాలు ప్రచురించాయి. వెయ్యి వ్యూవ్స్‌కు ఒకటి నుంచి ఐదు డాలర్లు చెల్లింపులు జరిపినట్లు కథనాలు ప్రచురించాయి. అయితే ఈ పొలిటికల్‌ పోస్టుల వ్యాప్తి చేసినట్లు ముంబైకి చెందిన ఆయుష్‌ జైన్‌ ఒప్పుకున్నాడని " ఎనర్జిటిక్‌ హ్యుమర్‌" పేరిట నడిపే ఇన్‌స్టాగ్రామ్‌ ఖాతా ద్వారా ఇవి వ్యాప్తి చేశారని తెలిపింది. అమెరికాకు చెందిన లూమినా క్లిప్పర్స్‌ అనే సంస్థ ద్వారా కాంట్రాక్ట్‌ పొందినట్లు న్యూయార్క్‌ టైమ్స్‌ కథనం ప్రచురించింది. అమెరికాలో త్వరలో మధ్యంతర ఎన్నికలు జరగనున్న నేపథ్యంలో ఈ కథనం ఇప్పుడు ఆ దేశంలో ప్రకంపనలు సృష్టిస్తున్నాయి. ఇదీ చదవండి: ట్రంప్‌కు ఎదురుగాలి తప్పదా?

రంజీ ట్రోఫీ 2026-27లో భాగంగా హిమాచల్‌ ప్రదేశ్‌తో జరుగుతున్న మ్యాచ్‌లో ముంబై బ్యాటర్ సర్ఫరాజ్ ఖాన్ సెంచరీతో కదంతొక్కాడు. 213 బంతుల్లో 18 ఫోర్ల సాయంతో 139 పరుగులతో అజేయంగా నిలిచాడు. సర్ఫరాజ్‌ సెంచరీతో సత్తా చాటడంతో ముంబై తొలి ఇన్నింగ్స్‌లో భారీ స్కోర్‌ దిశగా సాగుతుంది. రెండో రోజు ఆట ముగిసే సమయానికి 4 వికెట్ల నష్టానికి 398 పరుగులు చేసి, 258 పరుగుల ఆధిక్యంలో కొనసాగుతోంది. సర్ఫరాజ్‌కు జతగా ఆకాశ్‌ ఆనంద్‌ (58) క్రీజ్‌లో ఉన్నాడు. అంతకుముందు కెప్టెన్‌ సిద్దేశ్‌ లాడ్‌ (87) సెంచరీకి చేరువలో ఔటయ్యాడు. సర్ఫరాజ్‌ తమ్ముడు ముషీర్‌ ఖాన్‌ (57) కూడా అర్ద సెంచరీతో రాణించాడు. ఓపెనర్లు అంగ్‌కృస్‌ రఘువంశీ 20, దివ్యాంశ్‌ సక్సేనా 9 పరుగులు చేసి ఔటయ్యారు. హిమాచల్‌ బౌలర్లలో అభిషేక్‌ కుమార్‌, జితేందర్‌ రానా తలో 2 వికెట్ల తీశారు.ఈ మ్యాచ్‌లో తొలుత బ్యాటింగ్‌ చేసిన హిమాచల్‌ ప్రదేశ్‌, తుషార్‌ దేశ్‌పాండే (4-46), సిల్వెస్టర్‌ డిసౌజా (2-43), మోహిత్‌ అవస్తి (1-37), తనుశ్‌ కోటియన్‌ (1-11) ధాటికి 140 పరుగులకే కుప్పకూలింది. వారి ఇన్నింగ్స్‌లో కెప్టెన్‌ పుక్‌రాజ్‌ మన్‌ (35), వైభవ్‌ కల్టా (33), ఆకాశ్‌ వశిష్ట్‌ (39), ఇన్నేశ్‌ మహాజన్‌ (11) మాత్రమే రెండంకెల స్కోర్లు చేశారు. ముగ్గురు డకౌట్లు కాగా.. మిగతా వారంతా సింగిల్‌ డిజిట్‌ స్కోర్లకే పరిమితమయ్యారు.న్యూజిలాండ్ పర్యటనకు ఎంపిక కాకపోయినా..!న్యూజిలాండ్ పర్యటనకు భారత జట్టులో చోటు దక్కని సర్ఫరాజ్, రంజీ ట్రోఫీలో శతకంతో సత్తా చాటాడు. ఈ సెంచరీతో అతడు భారత సెలెక్టర్లకు సవాల్‌ విసిరాడు. సర్ఫరాజ్‌ గతకొంతకాలంగా అద్బుతంగా రాణిస్తున్నా, టీమిండియా సమీరణల కారణంగా అతడికి జట్టులో చోటు దక్కడం లేదు. సర్ఫరాజ్‌కు 65 ఫస్ట్‌ క్లాస్‌ మ్యాచ్‌ల్లో ఇది 18వ శతకం. ఇదీ చదవండి: రంజీ ట్రోఫీలో సంచలనం.. 400 పరుగులు చేసిన అనామక ప్లేయర్‌

ముంబై: బాలీవుడ్‌ నటుడు టైగర్‌ ష్రాఫ్‌పై బిష్ణోయ్‌ గ్యాంగ్‌ కాల్పులకు పాల్పడటం ముంబైలో తీవ్ర కలకలం రేపింది. ఆదివారం సాయంత్రం ముంబైలోని జూహూ ప్రాంతంలో ఫుట్‌బాల్‌ ఆడి కారులో కూర్చున్న సమయంలో టైగర్‌ ష్రాఫ్‌ను లక్ష్యంగా చేసుకుని దుండగులు కాల్పులు జరిపారు.దుండగులు జరిపిన కాల్పుల్లో టైగర్‌ ష్రాఫ్‌ ఎడమ చేతికి గన్‌ పౌడర్‌,కారు అద్దాల పెంకులు (గ్లాస్‌ షార్డ్స్‌) తగలడంతో స్వల్ప గాయాలయ్యాయి. ఈ ఘటనలో డ్రైవర్‌తో పాటు కారులో ఉన్న మరొకరికి గాయాలయ్యాయి. టైగర్‌ ష్రాఫ్‌కు ఎలాంటి బుల్లెట్ గాయాలు కాలేదని, ఆయన సురక్షితంగా ఉన్నారని పోలీసులు స్పష్టం చేశారు. ఘటనలో తీవ్రంగా గాయపడిన డ్రైవర్‌ను చికిత్స నిమిత్తం నానవతి ఆస్పత్రికి తరలించారు. ప్రస్తుతం టైగర్‌ ష్రాఫ్‌ కోలుకుని ఇంటికి తిరిగి రాగా, ఆయన డ్రైవర్‌ ఆస్పత్రిలో చికిత్స పొందుతున్నారు. కుటుంబ సభ్యులను పరామర్శించిన ఏక్‌నాథ్‌ షిండేఈ నేపథ్యంలో.. మహారాష్ట్ర డిప్యూటీ సీఎం ఏక్‌నాథ్‌ షిండే నేరుగా టైగర్‌ ష్రాఫ్‌ నివాసానికి వెళ్లారు. అక్కడ టైగర్‌ ష్రాఫ్‌తో పాటు ఆయన తల్లి అయేషా ష్రాఫ్‌ను కలిసి పరామర్శించారు. ఈ భేటీకి సంబంధించిన ఫొటోల్లో టైగర్‌ ష్రాఫ్‌ చేతికి కట్టుతో (బాండేజీలతో) కనిపించారు. అనంతరం హీరోయిన్‌ దిశా పటానీ కూడా టైగర్‌ ష్రాఫ్‌ నివాసానికి వచ్చి పరామర్శించారు. నిందితులను ఉపేక్షించే ప్రసక్తే లేదు: షిండేఈ సందర్భంగా ఏక్‌నాథ్‌ షిండే మీడియాతో మాట్లాడుతూ.. ప్రముఖులను లక్ష్యంగా చేసుకుని బహిరంగ బెదిరింపులకు పాల్పడితే రాష్ట్ర ప్రభుత్వం ఊరుకోదని హెచ్చరించారు. ఇలాంటి బెదిరింపులను ఏ రూపంలోనూ సహించేది లేదని స్పష్టం చేశారు. ఈ ఘటనపై ముంబై పోలీసులు ఇప్పటికే దర్యాప్తు వేగవంతం చేశారని, నిందితులను కఠినంగా శిక్షిస్తామని ఆయన భరోసా ఇచ్చారు. #WATCH | Mumbai | Visuals from inside the residence of Tiger Shroff as Maharashtra Dy CM Eknath Shinde arrived to visit him following an incident of firing at his car, injuring his driver The actor is safe and has not sustained any gunshot injuries, as per Mumbai Police (Visuals source: Shivsena PR)— ANI (@ANI) October 18, 2026సోషల్‌ మీడియాలో విమర్శలు జూహూ నివాసంలో టైగర్‌ ష్రాఫ్‌తో ఏక్‌నాథ్‌ షిండే భేటీ తీరుపై సోషల్‌ మీడియాలో విమర్శలు వెల్లు వెత్తుతున్నాయి. భేటీ సమయంలో టైగర్‌ ష్రాఫ్‌ పైచొక్కా లేకుండా (షర్ట్‌ లేకుండా) ఉన్న ఫోటోలు నెట్టింట వైరల్‌ కావడంతో.. ఇది కేవలం పీఆర్‌ స్టంట్‌ మాత్రమేనని మండిపడుతున్నారు. డిప్యూటీ సీఎం హోదాలో ఉన్న వ్యక్తిని ఆ విధంగా రిసీవ్‌ చేసుకోవడం ఏంటని నెటిజన్లు ప్రశ్నిస్తున్నారు. ప్రాణాపాయం నుంచి బయటపడినట్లు లేదా గ్యాంగ్‌స్టర్ల బెదిరింపులు ఎదుర్కొన్న సెలబ్రిటీ ప్రవర్తనలా ఇది లేదని, కావాలనే పబ్లిసిటీ కోసం లేదా సోషల్‌ మీడియాలో హైలైట్‌ అవ్వడానికి చేసిన 'పీఆర్‌ స్టంట్‌' లాగా ఉందంటూ కొందరు సోషల్‌ మీడియా వేదికగా విమర్శలు గుప్పిస్తున్నారు. మరోవైపు, ప్రాణాలతో పోరాడుతున్న డ్రైవర్‌ను పట్టించుకోకుండా నేరుగా హీరో ఇంటికి వెళ్లడంపై కూడా నెటిజన్లు ప్రభుత్వ తీరును తప్పుబడుతున్నారు.ఇదీ చదవండి : ‘టైగర్ ష్రాఫ్‌పై కాల్పులు మా పనే’.. లారెన్స్ బిష్ణోయ్ గ్యాంగ్

భారతదేశంలో రియల్ ఎస్టేట్ మార్కెట్ గణనీయంగా అభివృద్ధి చెందుతోంది. దీంతో దేశంలోని ప్రధాన నగరాల్లో ఆఫీసులు లీజుకు తీసుకోవడానికి భారీ మొత్తంలో ఖర్చు చేయాల్సి వస్తోంది. తాజాగా.. జపాన్‌కు చెందిన ఒక కంపెనీ ఏకంగా రూ.189 కోట్లు డీల్ కుదుర్చుకుంది.జపాన్‌కు చెందిన ప్రముఖ బ్యాంకింగ్ సంస్థ సుమిటోమో మిత్సుయ్ బ్యాంకింగ్ కార్పొరేషన్ (SMBC) ముంబైలో ఆఫీస్ స్థలాన్ని లీజుకు తీసుకుంది. ముంబైలోని బాంద్రా-కుర్లా కాంప్లెక్స్‌ (బీకేసీ)లో దాదాపు 50 వేల చదరపు అడుగుల కార్యాలయ స్థలాన్ని ఐదేళ్ల కాలానికి అద్దెకు తీసుకుంది. ఈ ఒప్పందం మొత్తం విలువ సుమారు రూ.189 కోట్లు కావడం గమనార్హం.జపాన్‌కు చెందిన సుమిటోమో రియల్టీ అండ్ డెవలప్‌మెంట్ కంపెనీ భారత విభాగమైన గోయిసు రియల్టీ ప్రైవేట్ లిమిటెడ్ ఈ స్థలాన్ని లీజుకు ఇచ్చింది. బీకేసీలోని సుమిటోమో C65 అనే వాణిజ్య భవనంలో 49,820 చదరపు అడుగుల స్థలాన్ని SMBC తీసుకుంది.ఏడాదికి రూ.41.5 కోట్లు!ఈ ఒప్పందం 2026 అక్టోబర్ 6న కుదిరింది. చదరపు అడుగుకు నెలకు రూ.694 చొప్పున అద్దె నిర్ణయించారు. ఈ లెక్కన నెలకు సుమారు రూ.3.46 కోట్లు, ఏడాదికి దాదాపు రూ.41.5 కోట్ల అద్దె చెల్లించాల్సి ఉంటుంది. ఒప్పందం ప్రకారం ప్రతి మూడేళ్లకు అద్దె 15 శాతం పెరుగుతుంది. కాగా.. సెక్యూరిటీ డిపాజిట్‌ రూ.35.11 కోట్లు. ఈ ఒప్పందంలో తొమ్మిది నెలల అద్దె మినహాయింపు కూడా ఉంది. అంటే ఆ కాలానికి అద్దె చెల్లించాల్సిన అవసరం లేదు. అద్దె చెల్లింపులు 2027 జూన్ నుంచి ప్రారంభం కానున్నాయి.జపాన్‌కు చెందిన సుమిటోమో రియల్టీ సంస్థ భారత్‌లో తన వ్యాపారాన్ని విస్తరిస్తోంది. గతంలో ఇదే సంస్థ అభివృద్ధి చేస్తున్న బీకేసీలోని మరో వాణిజ్య భవనంలో అమెరికాకు చెందిన జేపీ మోర్గాన్ ప్రైవేట్ లిమిటెడ్ 1.16 లక్షల చదరపు అడుగుల స్థలాన్ని లీజుకు తీసుకుంది. ఇందుకు నెలకు సుమారు రూ.6.91 కోట్ల అద్దె నిర్ణయించారు.ముంబైలోని బీకేసీ దేశంలోనే అత్యంత ఖరీదైన వాణిజ్య ప్రాంతాల్లో ఒకటి. ఇక్కడ రిజర్వ్ బ్యాంక్ ఆఫ్ ఇండియా, ఆదాయపు పన్ను శాఖ, జీఎస్టీ కార్యాలయాలు, అమెరికా కాన్సులేట్‌తో పాటు ప్రముఖ హోటళ్లు ఉన్నాయి. గూగుల్, యాపిల్, అమెజాన్, నెట్‌ఫ్లిక్స్, టెస్లా, జియో వంటి పెద్ద కంపెనీలు కూడా ఈ ప్రాంతంలో తమ కార్యాలయాలను నిర్వహిస్తున్నాయి.ఇదీ చదవండి: పండగొచ్చిందని బంగారం కొంటున్నారా? ఈ విషయం తెలుసుకోండి!

బాలీవుడ్ నటుడు అజయ్ దేవ్‌గన్‌కు భారీ ఎదురు దెబ్బ తగిలింది. ముంబైలోని జుహులోని తన బంగ్లాలో మున్సిపల్ అనుమతి లేకుండా అనధికారిక నిర్మాణాలు చేపట్టారనే ఆరోపణలతో ముంబై మున్సిపల్ కార్పొరేషన్ (BMC) ఆ భాగాలను కూల్చివేసింది.జుహులోని కపోల్ కో-ఆపరేటివ్ హౌసింగ్ సొసైటీలో ఉన్న 7,802 చదరపు అడుగుల బంగ్లాలో అంతర్గత మార్పులు, విభజన గోడల నిర్మాణం, కిటికీల మార్పులు వంటి పనులను మున్సిపల్ అనుమతులు లేకుండా చేపట్టారంటూ ఇప్పటికే కొన్నినోటీసులు బీఎంసీ తాజా చర్యలు చేపట్టింది. ముంబై మున్సిపల్ కార్పొరేషన్ చట్టంలోని సెక్షన్ 354ఏ కింద సెప్టెంబర్ 10న బీఎంసీ నోటీసు జారీ చేసింది. పనులు తక్షణమే నిలిపివేయాలని, సరైన పత్రాలు సమర్పించాలని ఆదేశించింది. నోటీసులు లెక్కచేయకుండా నిర్మాణాలు కొనసాగించడంతో, బీఎంసీ అధికారులు రంగంలోకి దిగి ఆ అనధికార భాగాలను సుత్తులతో కూల్చివేశారు.కాగా అజయ్ దేవగన్ క్రైమ్ థ్రిల్లర్ ఫ్రాంచైజీ 'దృశ్యం-3' మూవీ ప్రపంచవ్యాప్తంగా బాక్సాఫీస్ వద్ద రూ. 400 కోట్ల క్లబ్‌లో చేరింది. అషేక్ పాఠక్ దర్శకత్వంలో అక్టోబర్ 2న విడుదలైన ఈ సినిమాకు మంచి ప్రేక్షకాదరణ లభించింది.ఇదీ చదవండి: నమ్మించి ఏకంగా రూ. 9.6 కోట్లు కొట్టేసిన నర్స్‌. కట్‌ చేస్తే!

న్యూఢిల్లీ: అమెరికా విదేశాంగ మంత్రి మార్కో రూబియో, భారత విదేశాంగ మంత్రి ఎస్‌. జైశంకర్‌ మధ్య అక్టోబర్‌ 20న ద్వైపాక్షిక చర్చలు జరపనున్నారు. ముంబై వేదికగా జరిగే ఈ సమావేశాన్ని భారత విదేశాంగ శాఖ (ఎంఈఏ) ధ్రువీకరించింది. ఇరు దేశాల మధ్య సమగ్ర వ్యూహాత్మక భాగస్వామ్యాన్ని మరింత బలోపేతం చేయడం ఈ సమావేశం ముఖ్య ఉద్దేశమని తెలిపింది. ఇందులో భాగంగా ఇంధన, రక్షణ రంగాలు, వాణిజ్యం, పెట్టుబ డులు, నూతన సాంకేతికత అంశాలపై ఇరు దేశాల నేతలు విస్తృతంగా చర్చించనున్నారు. అనంతరం ముంబైలో జరిగే అమెరికా స్వాతంత్య్ర 250వ వార్షికోత్సవ వేడుకలకు జైశంకర్‌ ముఖ్య అతిథిగా హాజరుకానున్నారు. మార్కో రూబియో ఐదు రోజుల ప్రాంతీయ పర్యటనలో భాగంగా ఉజ్బెకిస్తాన్‌లోని సమర్‌కండ్‌ సందర్శించిన తర్వాత భారత్‌కు రానున్నారు. భారత్‌లో ముంబై, గుజరాత్‌లోని జామ్‌నగర్‌లను మాత్రమే సందర్శించనున్నారు. ఈ చర్చలకు న్యూఢిల్లీ వేదికను తప్పించడం మీద ప్రభుత్వంపై ప్రతిపక్షాలు చేస్తున్న విమర్శలపై ఎంఈఏ ప్రతినిధి రణదీర్‌ జైస్వాల్‌ స్పందించారు. విదేశీ ప్రతినిధులకు దేశ రాజధానిలోనే కాకుండా వివిధ నగరాల్లో ఆతిథ్యం ఇవ్వడం సంప్రదాయంగా వస్తోందన్నారు. ఈ నెల 19–20 తేదీల్లో అధికారిక పర్యటన నిమిత్తం ముంబై రానున్న యూఏఈ ఉప ప్రధాని, విదేశాంగ మంత్రి షేక్‌ అబ్దుల్లా బిన్‌ జాయెద్‌ అల్‌ నహ్యాన్‌కు ఆతిథ్యం అనంతరం రూబియోతో చర్చిస్తారని తెలిపారు.

2026 టీ20 ప్ర‌పంచ‌క‌ప్‌ను టీమిండియాకు అందించిన మాజీ కెప్టెన్ సూర్య‌కుమార్ యాద‌వ్ దుబాయ్‌లో ల‌గ్జ‌రీ ప్రాపర్టీని కొనుగోలు చేశాడు. ఈ విష‌యాన్ని అత‌డి భార్య దేవీషా శెట్టితో క‌లిసి సూర్య‌కుమార్ ఒక‌ వీడియో రూపంలో ఇన్‌స్టాగ్రామ్‌లో పంచుకున్నాడు. కాగా దుబాయ్‌లో మారిటైమ్ సిటీలో డ్యాన్యూబ్ గ్రూప్ ఆధ్వర్యంలో నిర్మించిన విలాస‌వంత‌మైన ప్రాప‌ర్టీని సూర్య దంప‌తులు కొనుగోలు చేశారు. ఈ ప్రాప‌ర్టీ బాలీవుడ్ సూప‌ర్‌స్టార్ షారుక్ ఖాన్‌కు చెందిన షారుక్ రెసిడెన్సీస్‌కు అతి సమీపంలో ఉండ‌డం విశేషం."నేను మొదట 2014లో ఐపీఎల్‌లో ఆడేందుకు దుబాయ్‌కి వచ్చాను. ఆ తర్వాత 2020లోనూ మ‌రోసారి దుబాయ్‌కు వచ్చాను. ఇప్పుడు యావత్ భారతదేశం దుబాయ్‌కి వస్తుండటాన్ని మీరు చూడవచ్చు. ఇక్కడి విలాసం, జీవన నాణ్యత భిన్నంగా ఉంటాయి. నేను నివ‌సించే ముంబైలో భ‌ద్ర‌త బాగున్న‌ప్ప‌టికీ, దుబాయ్‌లో భ‌ద్ర‌త మ‌రింత బాగుంద‌నిపిస్తోంది. ఇక్క‌డ చాలా ప్ర‌శాంతంగా కూడా అనిపిస్తోంది. దుబాయ్ వ‌చ్చిన‌ప్పుడ‌ల్లా చాలా సంతోషంగా ఉంటాను. 40కి పైగా ప్రీమియం సౌకర్యాలు అద్భుతంగా ఉన్నాయి. ఇక‌ నన్ను పూర్తిగా ఆకట్టుకుంది మాత్రం లాంజెవిటీ లాంజ్. నివాస ప్రాజెక్టులలో ఇలాంటిది వినడమే అరుదు'' అని పేర్కొన్నాడు. సూర్యకుమార్‌ వ్యాఖ్యలు చూస్తుంటే త్వరలోనే అతడు తన మకాంను భారత్‌ నుంచి దుబాయ్‌కు మార్చనున్నట్లు తెలుస్తోంది.కాగా సూర్యకుమార్ భార్య దేవిషా ఈ ఏడాది ప్రారంభంలో ముంబైలోని చెంబూర్ ప్రాంతంలో రూ. 7.18 కోట్లకు ఒక అపార్ట్‌మెంట్‌ను కొనుగోలు చేశారు. 1,516.20 చదరపు అడుగుల (140.86 చదరపు మీటర్ల) విస్తీర్ణం గల ఈ ఆస్తి గోద్రెజ్ స్కై టెర్రసెస్‌లో ఉందని ఆ నివేదిక పేర్కొంది. ఆ భవనంలో ఈ జంట కొనుగోలు చేసిన మూడవ అపార్ట్‌మెంట్ ఇది.2026 టీ20 ప్ర‌పంచ‌క‌ప్‌లో టీమిండియా నాయ‌కుడిగా జ‌ట్టును విజ‌య‌ప‌థంలో న‌డిపించాడు. కానీ ఆ త‌ర్వాత జ‌ట్టులో చోటు కోల్పోయాడు. టీ20 కెప్టెన్‌గా అద్భుత‌మైన రికార్డు ఉన్న‌ప్ప‌టికీ, సూర్య స్థానంలో శ్రేయ‌స్‌ను కెప్టెన్‌గా నియ‌మించ‌డం జ‌రిగింది. View this post on Instagram A post shared by Surya Kumar Yadav (SKY) (@surya_14kumar) ఇదీ చదవండి:విండీస్ స్టార్‌ కవ్వింపు చర్యలు.. అభిషేక్ మాస్ వార్నింగ్‌!ప్రధాన సమస్య అదే.. ఐపీఎల్ స్టార్లంతా ఎక్క‌డికి పోయారు?

రంజీ ట్రోఫీ 2026-27లో ముంబై ఇండియన్స్‌ ఆటగాడు, ఐపీఎల్‌లో రాజస్థాన్‌ రాయల్స్‌కు ఆడే తుషార్‌ దేశ్‌పాండే చెలరేగిపోయాడు. చండీఘడ్‌తో జరుగుతున్న మ్యాచ్‌లో అతడు హ్యాట్రిక్‌ సహా ఐదు వికెట్ల ప్రదర్శనతో విజృంభించాడు. ఫలితంగా మ్యాచ్‌పై ముంబై పట్టుబిగించింది.తొలి ఇన్నింగ్స్‌లో భారీ స్కోర్‌ (429) చేసిన ముంబై, అనంతరం చండీఘడ్‌ను తొలి ఇన్నింగ్స్‌లో 78 పరుగులకే కుప్పకూల్చింది. చండీఘడ్‌ పతనంలో తుషార్‌ దేశ్‌పాండే ప్రధానపాత్ర పోషించాడు. తుషార్‌ చండీఘడ్‌ మిడిలార్డర్‌ను పేకమేడాలా కూల్చాడు. వరుస బంతుల్లో శివమ్‌ బాంబ్రి, దిపేంద్ర కుష్‌, రాజ్‌ బవాను డకౌట్‌ చేశాడు.తుషార్‌కు (5-17) జతగా మోహిత్‌ అవస్తి (3-9), సిల్వెస్టర్‌ డిసౌజా (2-51) కూడా సత్తా చాటారు. ఈ ముగ్గురు ధాటికి చండీఘడ్‌ ఏ దశలోనూ నిలదొక్కుకోలేకపోయింది. ఆ జట్టు ఇన్నింగ్స్‌లో కేవలం​ అర్జున్‌ ఆజాద్‌ (20), నిషంక్‌ బిర్లా (33) మాత్రమే రెండంకెల స్కోర్లు చేశారు. అనంతరం ఫాలో ఆన్‌కు దిగిన చండీఘడ్‌ రెండో రోజు ఆట ముగిసే సమయానికి ఖాతా తెరవకుండానే వికెట్‌ కోల్పోయింది. ఈ వికెట్‌ కూడా తుషార్‌ ఖాతాలోనే చేరింది. ఈ మ్యాచ్‌లో చండీఘడ్‌ గట్టెక్కడం అసాధ్యం.ఒక్క సెంచరీ కూడా లేకుండానే భారీ స్కోర్‌ చేసిన ముంబైఈ మ్యాచ్‌లో తొలుత బ్యాటింగ్‌ చేసిన ముంబై, ఇన్నింగ్స్‌లో ఒక్క సెంచరీ కూడా లేకుండానే 429 పరుగులు చేసింది. ముషీర్‌ ఖాన్‌ (65), కెప్టెన్‌ సిద్దేశ్‌ లాడ్‌ (86), తనుష్‌ కోటియన్‌ (58), మోహిత్‌ అవస్తి (56 నాటౌట్‌) అర్ద సెంచరీలతో రాణించగా.. ఆయుశ్‌ మాత్రే (48), తుషార్‌ దేశ్‌పాండే (44) ఓ మోస్తరు స్కోర్లు చేశారు.ఇదీ చదవండి: జైస్వాల్‌, సర్ఫరాజ్‌ ఖాన్‌ విఫలమైనా.. ముంబై భారీ స్కోరు!

రంజీ ట్రోఫీ 2026-27 సీజన్‌లో టీమిండియా స్టార్లు యశస్వి జైస్వాల్‌, సర్ఫరాజ్‌ ఖాన్‌ శుభారంభం అందుకోలేకపోయారు. ముంబైకి ప్రాతినిథ్యం వహిస్తున్న ఈ ఇద్దరు.. చండీగఢ్‌తో మ్యాచ్‌లో పూర్తిగా విఫలమయ్యారు. అయితే, యువ ఆటగాళ్లతో పాటు కెప్టెన్‌ సిద్దేశ్‌ లాడ్‌ రాణించడంతో ముంబై తొలి ఇన్నింగ్స్‌లో భారీ స్కోరు సాధించగలిగింది.యశస్వి జైస్వాల్‌ డకౌట్‌రంజీ ట్రోఫీ ఎలైట్‌ గ్రూప్‌- ‘డి’లో భాగంగా ముంబై తమ తొలి మ్యాచ్‌లో చండీగఢ్‌తో తలపడుతోంది. వాంఖడే స్టేడియంలో ఆదివారం మొదలైన ఈ మ్యాచ్‌లో టాస్‌ గెలిచిన చండీగఢ్‌ తొలుత బౌలింగ్‌ ఎంచుకోగా.. ముంబై బ్యాటింగ్‌కు దిగింది. ఓపెనర్లలో యశస్వి జైస్వాల్‌ డకౌట్‌ కాగా.. ఆయుశ్‌ మాత్రే (48) మెరుగ్గా రాణించాడు.ముషీర్‌, సిద్దేశ్‌, తనుశ్‌, మోహిత్‌ హాఫ్‌ సెంచరీలువన్‌డౌన్‌లో వచ్చిన ముషీర్‌ ఖాన్‌ అర్ధ శతకం (65)తో ఆకట్టుకోగా.. కెప్టెన్‌ సిద్దేశ్‌ లాడ్‌ (86) సెంచరీ మిస్సయ్యాడు. అయితే, మిడిలార్డర్‌ బ్యాటర్‌ సర్ఫరాజ్‌ ఖాన్‌ మాత్రం విఫలమైపోయాడు. ఆరు బంతులు ఎదుర్కొని ఒకే ఒక్క పరుగు చేసి లెగ్‌ బిఫోర్‌ వికెట్‌గా వెనుదిరిగాడు.మిగిలిన వారిలో వికెట్‌ కీపర్‌ బ్యాటర్‌ ఆకాశ్‌ ఆనంద్‌ (22), షమ్స్‌ ములాని (39) ఫర్వాలేదనిపించగా.. తనుశ్‌ కొటియాన్‌ (58), మోహిత్‌ అవస్థి (119 బంతుల్లో 56 నాటౌట్‌) హాఫ్‌ సెంచరీలు సాధించారు. తుషార్‌ దేశ్‌పాండే 44 పరుగులతో ఆకట్టుకున్నాడు. ఫలితంగా సోమవారం నాటి రెండో రోజు ఆటలో భాగంగా.. ముంబై తొలి ఇన్నింగ్స్‌లో 429 పరుగులు చేసి ఆలౌట్‌ అయింది. చండీగఢ్‌ బౌలర్లలో రోహిత్‌ ధండా, రాజ్‌ బవా చెరో నాలుగు వికెట్లతో సత్తా చాటగా.. జగ్జీత్‌ సింగ్‌, నిశాంక్‌ బిర్లా చెరో వికెట్‌ పడగొట్టారు. చదవండి: ‘హైదరాబాద్‌లో ఖేల్‌ ఖతం.. ఆఖరి మ్యాచ్‌లో అతడిని ఆడించండి’

టీమిండియా స్టార్ బ్యాటర్‌, మాజీ కెప్టెన్ సూర్యకుమార్‌ యాదవ్‌ తన పునరాగమనంలో తీవ్రంగా నిరాశపరిచాడు. ఇటీవలే రంజీ ట్రోఫీకి ప్రకటించిన ముంబై జట్టులో చోటు దక్కకపోవడంతో, ప్రస్తుతం అతడు ముంబై క్రికెట్ అసోసియేషన్ ప్రెసిడెంట్స్ కప్ టోర్నీలో ఆడుతున్నాడు. అయితే ఈ టోర్నీలో ఎంఐజీ క్రికెట్ క్లబ్‌కు ప్రాతినిధ్యం వహిస్తున్న సూర్యకుమార్.. ముస్లిం యునైటెడ్ స్పోర్ట్స్ క్లబ్‌తో జరిగిన తన తొలి మ్యాచ్‌లో ఘోరంగా విఫలమయ్యాడు.స్టంపౌట్‌గాముస్లిం యునైటెడ్ స్పోర్ట్స్ క్లబ్ నిర్దేశించిన 154 పరుగుల లక్ష్య ఛేదనలో ఎంఐజీ క్లబ్ తరఫున సూర్యకుమార్ యాదవ్ మూడో స్థానంలో బ్యాటింగ్‌కు వచ్చాడు. ఇన్నింగ్స్ ఆరంభంలో వరుసగా మూడు బౌండరీలు బాది మంచి ఊపు మీదున్నట్లు కనిపించినా.. ఆ జోరును ఎక్కువసేపు కొనసాగించలేకపోయాడు. కేవలం 10 బంతుల్లో 17 పరుగులు మాత్రమే చేసి, బౌలర్ కరణ్ భద్రా బౌలింగ్‌లో స్టంపౌట్‌గా వెనుదిరిగాడు.రాణించిన సహచరులు.. ఎంఐజీ క్లబ్ విజయంసూర్యకుమార్ విఫలమైనప్పటికీ, ఎంఐజీ క్రికెట్ క్లబ్‌లోని ఇతర బ్యాటర్లు రాణించడంతో ఆ జట్టు విజయాన్ని అందుకుంది. ఓపెనర్ కౌశిక్ చిఖాలికర్ 24 బంతుల్లో 49 పరుగులతో విరుచుకుపడగా, షీష్ శెట్టి 21 బంతుల్లో 32 పరుగులతో నాటౌట్‌గా నిలిచి జట్టును విజయతీరాలకు చేర్చాడు.రంజీ జట్టులో దక్కని చోటువాస్తవానికి సూర్యకుమార్ యాదవ్ 'రంజీ ట్రోఫీ 2026-27' సీజన్‌లో ముంబై తరఫున బరిలోకి దిగాలని భావించాడు. అయితే దాదాపు ఏడాది కాలంగా ఆయన రెడ్‌బాల్ క్రికెట్‌కు దూరంగా ఉండటంతో సెలక్టర్లు ఆయనను రంజీ జట్టు ఎంపికకు పరిగణనలోకి తీసుకోలేదు. తొలి మ్యాచ్‌కు ఎంపిక చేసిన జట్టులో అతడికి చోటు దక్కలేదు. ఈ క్రమంలో తన మ్యాచ్ ప్రాక్టీస్ కోసం ఫామ్‌ను నిరూపించుకోవడానికి సూర్య ఈ ప్రెసిడెంట్స్ కప్‌లో ఆడాలని నిర్ణయించుకున్నాడు. కానీ ఇక్కడ కూడా అతడు నిరాశపరిచాడు. తొలి మ్యాచ్‌లో విఫలమైనప్పటికి మిగిలిన మ్యాచ్‌లలో అతడు రాణిస్తే తిరిగి రంజీ జట్టుకు ఎంపికయ్యే ఛాన్స్ ఉంది.చదవండి: IND vs AUS: ఆస్ట్రేలియాను చిత్తు చేసిన టీమిండియా

దేశవాళీ ప్రతిష్టాత్మక టోర్నీ రంజీ ట్రోఫీ 2026-27 92వ ఎడిషన్ ఘనంగా ప్రారంభమయ్యింది. తొలి రోజే వివిధ జట్ల మధ్యన 19 మ్యాచ్‌లు మొదలయ్యాయి. నవంబర్‌లో న్యూజిలాండ్‌తో టెస్టు సిరీస్ నేపథ్యంలో భారత ఆటగాళ్లు కేఎల్ రాహుల్‌, యశస్వి జైస్వాల్‌, కెప్టెన్‌ శుబ్‌మన్ గిల్‌, వాషిం‍గ్టన్ సుందర్‌, రవీంద్ర జడేజాలు తమ రాష్ట్ర జట్ల తరఫున బరిలోకి దిగారు. కీలక టోర్నీకి ముందు వీరందరికీ మంచి ప్రాక్టీస్ లభించనుంది. కాగా టెస్టుల్లో భారత్‌కు కీలకమైన యశస్వి జైస్వాల్‌, కేఎల్ రాహుల్ తాజాగా తమ తొలి మ్యాచ్‌ల్లో పరుగులు చేయడంలో విఫలమయ్యారు. దీంతో న్యూజిలాండ్‌తో టెస్టు సిరీస్‌కు ఇంకా జట్టును ప్రకటించాల్సి ఉన్న నేపథ్యంలో ఈ ఇద్దరు ఒకేసారి విఫలమవ్వడం ఆందోళన కలిగించే విషయం. అయితే కివీస్ టూర్‌కు ముందు ఇండియా-ఎ జట్టు తరఫున కూడా అనధికారిక టెస్టు సిరీస్‌లో ఈ ఇద్దరు పాల్గొనే అవకాశముంది. దీంతో రాబోయే మ్యాచ్‌ల్లో వీరిద్దరు రాణిస్తారని జట్టు మేనేజ్‌మెంట్ ఆశిస్తోంది.జైస్వాల్ డకౌట్‌..ముంబై తరఫున ఆడుతున్న జైస్వాల్‌.. ఎలైట్ గ్రూప్‌-డిలో చండీగఢ్‌తో మ్యాచ్‌లో డకౌట్‌గా వెనుదిరిగాడు. టాస్ గెలిచిన ముంబై కెప్టెన్ సిద్దేశ్ లాడ్ బ్యాటింగ్‌కు మొగ్గు చూపాడు. దీంతో ఓపెనర్‌గా బరిలోకి దిగిన జైస్వాల్ 13 బంతులాడి పరుగులేమి చేయకుండానే ఔటయ్యాడు. క్రీజులో అడుగుపెట్టినప్పటి నుంచి ఇబ్బందిగా కనిపించిన జగ్జీత్‌సింగ్ బౌలింగ్‌లో పేలవ షాట్ ఆడి వికెట్ సమర్పించుకున్నాడు.కష్టాల్లో కర్ణాటక..ఇటీవలే వెస్టిండీస్‌తో ముగిసిన వన్డే సిరీస్‌లో అజేయ సెంచరీతో మెరిసిన కేఎల్ రాహుల్ రంజీల్లో కర్ణాటక తరఫున బరిలోకి దిగాడు. ఎలైట్ గ్రూప్‌-బిలో ఆంధ్రతో జరుగుతున్న మ్యాచ్‌లో ఈ కర్ణాటక ఓపెనర్ 4 పరుగులు మాత్రమే చేసి శశికాంత్ బౌలింగ్‌లో క్యాచ్‌ఔట్‌గా వెనుదిరిగాడు.19 ఓవర్లు ముగిసేసరికి కర్ణాటక 77 పరుగులకే నాలుగు వికెట్లు కోల్పోయి కష్టాల్లో పడింది. మిగిలిన మ్యాచ్‌ల విషయానికొస్తే.. జడేజా ప్రాతినిధ్యం వహిస్తున్న సౌరాష్ట్ర జట్టు చత్తీస్‌గఢ్‌తో మ్యాచ్‌లో టాస్ గెలిచి బ్యాటింగ్ ఎంచుకోగా, సుందర్ ప్రాతినిధ్యం వహిస్తున్న తమిళనాడుతో రాజస్తాన్ మ్యాచ్ ఆడుతోంది.ఇదీ చ‌ద‌వండి: ఆసీస్‌తో మూడో వ‌న్డే.. పాపం ప్రియాన్ష్‌ పరుగు తేడాతో!భారత్‌తో వన్డే సిరీస్‌.. రెండు జట్లు ప్రకటించిన న్యూజిలాండ్‌

సాధారణంగా రైళ్లలో ప్రయాణికుల టికెట్లను తనిఖీ చేసే టీసీలంటే తెల్లక చొక్కా, నల్ల ప్యాంటు, పైన ఓ నల్లని కోటు వేసుకుని కనిపిస్తారు. కానీ పశ్చిమ రైల్వే ముంబై డివిజన్‌ పరిధిలోని టీసీలు మాత్రం కొత్త ‘లుక్కు’.. టెక్కుతో కనిపిస్తున్నారు. పశ్చిమ రైల్వే (వెస్ట్రన్‌ రైల్వే) పరిధిలోని ముంబై డివిజన్‌ రైలు టికెట్లను తనిఖీలో కొత్తదనానికి శ్రీకారం చుట్టింది. అత్యంత రద్దీగా ఉండే ముంబై రైళ్లలో టికెట్ తనిఖీ సాంకేతిక పరిజ్ఞానాన్ని పశ్చిమ రైల్వే అప్ గ్రేడ్ చేస్తోంది. ఇందులో భాగంగా టికెట్ తనిఖీ సిబ్బంది కోసం ప్రత్యేకంగా రూపొందించిన జాకెట్లను ప్రవేశపెట్టింది. ఈ జాకెట్‌లో ఇంటిగ్రేటెడ్ బాడీ కెమెరాతో పాటు ఇతర ఎలక్ట్రానిక్ పరికరాలు ఉంచుకోవడం కోసం పాకెట్లు ఉంటాయి. పైలట్ ప్రాజెక్ట్‌ కింద ప్రస్తుతం 30 జాకెట్లను సిబ్బందికి అందజేసింది. టీసీలు వీటిని ధరించి రైళ్లలో ప్రయాణికుల టికెట్లను తనిఖీ చేస్తున్నారు.జాకెట్ల ప్రత్యేకతలుటీసీలకు అందించిన కొత్త జాకెట్లను పలు ప్రత్యేకతలతో రూపొందించారు. విధుల్లో ఉన్న టీసీల వద్ద టికెట్లను తనిఖీ చేసే హ్యాండ్-హెల్డ్ టెర్మినల్స్, ఎలక్ట్రానిక్ ఫేర్ కలెక్షన్‌ మెషీన్లు, వాయిస్ యాంప్లిఫైయర్లు ఉంటాయి. వీటిని తమతో తీసుకెళ్లడానికి టీసీలు ఇబ్బందులు పడుతుంటారు. ఆ ఇబ్బందులు లేకుండా వీటిని పెట్టుకోవడానికి ఈ జాకెట్లలో ప్రత్యేక జేబులు ఇచ్చారు. అలాగే హెడ్ సెట్ పెట్టుకునేందుకూ ప్రత్యేక ఏర్పాటు ఉంది.ఇక కొత్త జాకెట్ ప్రధాన ఫీచర్లలో ఒకటి దాని ఇంటిగ్రేటెడ్ బాడీ కెమెరా. టికెట్ తనిఖీ సిబ్బంది, ప్రయాణీకుల మధ్య పరస్పర చర్యలకు మరింత పారదర్శకత, జవాబుదారీతనాన్ని తీసుకురావడానికి ఈ కెమెరా ఉద్దేశం. టికెట్‌ తనిఖీ సమయంలో టీసీలు, ప్రయాణికుల మధ్య జరుగుతున్నదంతా ఈ బాడీ కెమెరా రికార్డ్‌ చేస్తుంది. దీంతో సిబ్బంది చేతివాటం ప్రదర్శించడం గానీ, ప్రయాణికులు దురుసుగా ప్రవర్తించడం గానీ కట్టడి చేసేందుకు వీలవుతుంది. అంటే ‘ఒకే దెబ్బకు రెండు పిట్టలు’ అన్న మాట!ఈ ప్రయోగాత్మక చొరవ విజయవంతమైతే ముంబై డివిజన్‌ వ్యాప్తంగా మరింత మంది టికెట్ తనిఖీ సిబ్బందికి ఈ జాకెట్లను అందించడాన్ని వెస్ట్రన్‌ రైల్వే పరిగణించవచ్చు.🚨 Western Railway ticket-checking staff get new jackets with integrated bodycam technology. https://t.co/zHVNCA0zkO— Indian Tech & Infra (@IndianTechGuide) October 8, 2026

ముంబై: నాలుగో ప్రపంచ హిందూ కాంగ్రెస్‌కు ముంబై నగరం ఆతిథ్యమివ్వనుంది. డిసెంబర్‌ 18, 19, 20వ తేదీల్లో జరిగే ఈ సభలు ఆర్‌ఎస్‌ఎస్‌ చీఫ్‌ మోహన్‌ భాగవత్‌ ప్రారంభోపన్యాసంతో మొదలు కానున్నాయి. ‘సమానమ్‌ వ్రతమ్‌ సహ చిత్తం(ఒకటే మాట–ఒకటే లక్ష్యం) ఇతివృత్తంతో జరిగే ఈ కార్యక్రమం ప్రపంచవ్యాప్తంగా ఉన్న హిందూ నాయకులు, సంస్థలు పరస్పరం అనుసంధానమవ్వడానికి, చర్చలు జరపడానికి, కలిసి పనిచేయడానికి ఒక అంతర్జాతీయ వేదికగా ఉంటుందని నిర్వాహకులు వివరించారు. ముంబైలోని బాంద్రా కుర్లా కాంప్లెక్స్‌లోని జియో వరల్డ్‌ కన్వెన్షన్‌ సెంటర్‌ ఈ కార్యక్రమానికి వేదిక కానుంది. ప్రపంచవ్యాప్తంగా 60కి పైగా దేశాలకు చెందిన హిందూమత నేతలు, ఆలోచనావేత్తలు, వివిధ హిందూ సంస్థల ప్రతినిధులు కలిసి 4 వేల మందికి పైగా ఈ మూడురోజుల సమావేశాల్లో పాలుపంచుకోనున్నారు. ధర్మం, సమాజం, విశ్వకర్త, భాష అనే అంశాలపై నాలుగు ప్రత్యేక ప్లీనరీ సమావేశాలతో సుమారు 45 సెషన్లలో 150 మందికి పైగా వక్తల ప్రసంగాలుంటాయి.

ఎలాగైనా ప్రభుత్వ ఉద్యోగం సంపాదించాలి.. జీవితంలోసెటిల్‌ అవ్వాలనేది సగటు భారతీయ యువకుడి కల. కానీ ముంబైకి చెందిన ఒక వృత్తి కార్మికుడు (బార్బర్‌) ఆలోచన మాత్రం మరోలా ఉంది. ఒక ఎంట్రీ-లెవల్ ప్రభుత్వ ఉద్యోగం వచ్చినా కూడా, తన వృత్తిని కొనసాగించ డానికే ఇష్టపడతానని చెబుతున్న వైనం ఆసక్తికరంగా మారింది. ముంబైకి చెందిన ఒక సెలూన్ బార్బర్ గురించి, ఫండ్ మేనేజర్ హర్ష్ గుప్తా మధుసూదన్ ఎక్స్‌ వేదికగా పంచుకున్న ఆసక్తికరమైన కథనం నెట్టింట ఆసక్తికరంగా మారింది.ఉత్తరప్రదేశ్‌లోని ఆజమ్‌గఢ్‌కు చెందిన ఈ బార్బర్ ముంబైలో 'అర్బన్' (Urban) సంస్థ ద్వారా డోర్‌స్టెప్ సేవలు అందిస్తూ, ప్రయాణ ఖర్చులు పోను నెలకు దాదాపు రూ. 1 లక్ష వరకు ఆర్జిస్తున్నారు. వారానికి ఆరు రోజులు, ఉదయం నుండి రాత్రి వరకు కష్టపడి పని చేస్తారాయన.ప్రభుత్వ ఉద్యోగం వద్దుప్రభుత్వ ఉద్యోగం కన్నా తన వృత్తిలో ఉండే స్వాతంత్ర్యాన్నే ఎక్కువ ఇష్టపడతానని చెప్పారు. ఒక వేళ ఎంట్రీ లెవల్‌ ప్రభుత్వ ఉద్యోగం ఇచ్చినా తాను తీసుకోనని స్పష్టం చేశారు. కష్టపడి పనిచేసే వారికి దేశంలో తగినన్ని అవకాశాలున్నాయనే విశ్వాసాన్ని వ్యక్తం చేయడం విశేషం. యూపీలోని తన స్వగ్రామం గురించి మాట్లాడుతూ, గతంలో లక్నో వెళ్లడానికి 7-8 గంటలు పట్టేదని, కానీ ఇప్పుడు అభివృద్ది చెందిన హైవేల కారణంగా లంచ్‌, టీ తాగుతూ ప్రయాణించినా అదే సమయంలో రాకపోకలు (రౌండ్ ట్రిప్) సాధ్యమవుతున్నాయని సంతోషం వ్యక్తం చేశారు.ఇదీ చదవండి: 5 కాసుల గోల్డ్‌ చైన్‌ కొట్టేసింది : యూట్యూబర్‌ మధుమితపై కేసు Got a hair cut via Urban today morning. The barber has been in Mumbai for sometime but is from Azamgarh. Works six days a week, morning to night and earns around a lakh rupees per month after his basic travel expenses. Said there is no dearth of opportunity or jobs, just need to work hard. Said wouldn’t take an entry level government job even if offered as he likes his work and autonomy. I asked him about UP. He said earlier it took 7-8 hours to go from his village to Lucknow. Now you can do a round trip in that time while stopping for lunch and tea. Added that your glass of tea is unlikely to spill on the highways - they are so good. Was very happy with the development work in the country. Said in the village his family got some scheme benefits but not in the city. Told me TDS is deducted so he proudly files his returns and often gets refunds. Has one son who he sends to a private pre-school and wife earned extra but is currently on break given the kid is small. I felt like telling him that he must let go of this toxic positivity about India and his life, and he must pronto create an account on X and Instagram to receive the “correct” opinions about our ostensibly ‘failed’ nation - but I didn’t have the heart to say that to him! ;)— Harsh Gupta Madhusudan (@harshmadhusudan) October 7, 2026ఇదీ చదవండి: నానా పటేకర్‌ లాస్ట్‌ మెసేజ్‌, చివరి ప్రసంగం: కన్నీళ్లు రాక మానవు!అంతేకాదు ఆయన క్రమం తప్పకుండా ఆదాయపన్ను రిటర్న్స్‌ దాఖలు చేస్తారు. ఇది తనకు చాలా గర్వకారణమని కూడా చెప్తారు. ఆయనకు ఒక చిన్న కుమారుడు ఉన్నాడు. అతన్ని ఒక ప్రైవేట్ ప్రీ-స్కూల్‌లో చదివిస్తున్నారు. ఆయన భార్య కూడా గతంలో సంపాదించేవారట, ప్రస్తుతం పాపాయిని చూసుకోవడానికి ఆమె ఉద్యోగానికి కొంత విరామం ఇచ్చారు.సోషల్ మీడియాలో స్పందనఈ పోస్ట్ నెటిజన్ల మధ్య పెద్ద చర్చకే దారితీసింది: కొందరు ఈ బార్బర్ కష్టాన్ని, గిగ్ వర్క్ (Gig work) ద్వారా ఆయన సాధించిన విజయాన్ని ప్రశంసించారు. మరికొందరు మాత్రం నెలకు రూ. 1 లక్ష సంపాదించడం చాలా అరుదైన విషయమని అందరికీ ఇది సాధ్యం కాకపోవచ్చని అభిప్రాయపడ్డారు. దేశంలో STEM (సైన్స్, టెక్నాలజీ, ఇంజనీరింగ్, మ్యాథ్స్) రంగ చదువులు పూర్తి చేసిన ఎంతో మందికి సరైన ఉద్యోగాలు లేవని, ఈ ఒక్క ఉదాహరణతో దేశంలోని మొత్తం ఉపాధి పరిస్థితిని అంచనా వేయలేమని కొంతమంది వాదించారు.ఇదీ చదవండి: పాములు పట్టేవాడు.. పాముకాటుకు బలైపోయాడు!

రంజీ ట్రోఫీ 2026-27 సీజన్‌లో తమ తొలి మ్యాచ్‌కు ముంబై ప్రకటించిన జట్టులో స్టార్ బ్యాటర్ సూర్యకుమార్ యాదవ్‌కు చోటు దక్కకపోయిన సంగతి తెలిసిందే. రెడ్ బాల్ క్రికెట్‌లో ఆడేందుకు సూర్యకుమార్ సిద్దంగా ఉన్నప్పటికి సెలక్టర్లు మాత్రం పరిగణలోకి తీసుకోలేదు. అతడు దాదాపు ఏడాది నుంచి రెడ్‌బాల్ క్రికెట్‌కు దూరంగా ఉండడమే ఇందుకు కారణం. అంతేకాకుండా ముంబై ప్రీ-సీజన్‌ ప్రాక్టీస్ క్యాంప్‌లో కూడా అతడు పాల్గోనకపోవడంతో తొలి మ్యాచ్‌కు సూర్యను ఎంపిక చేయలేదు. ఈ క్రమంలో సూర్య ఓ కీలక నిర్ణయం తీసుకున్నట్లు తెలుస్తోంది. ఈ మాజీ కెప్టెన్ ముంబై క్లబ్ క్రికెట్‌లో ఆడనున్నట్లు తెలుస్తోంది.ప్రెసిడెంట్ కప్‌లో..ముంబై తరపున 'ప్రెసిడెంట్ కప్'లో సూర్యకుమార్ ఆడనున్నట్లు సమాచారం. ఈ టోర్నీలో ఆడి తన బ్యాటింగ్ రిథమ్‌ను తిరిగి పొందాలని సూర్య భావిస్తున్నట్లు ఇండియన్ ఎక్స్‌ప్రెస్ జర్నలిస్ట్ ఒకరు ఎక్స్ వేదికగా వెల్లడించారు. అతడు ఇక్కడ మెరుగైన ప్రదర్శన చేస్తే రంజీ సీజన్‌లో మిగిలిన మ్యాచ్‌లకు అతడు ఎంపికయ్యే అవకాశముంది. ఇక సూర్య చివరగా గతేడాది ఫిబ్రవరిలో విదర్భతో జరిగిన రంజీ ట్రోఫీ సెమీఫైనల్‌లో ముంబై తరఫున ఫస్ట్-క్లాస్ మ్యాచ్ ఆడాడు. ఓవ‌రాల్‌గా ఇప్ప‌టివ‌ర‌కు 86 ఫ‌స్ట్ క్లాస్‌ మ్యాచ్‌ల్లో 42.34 సగటుతో 5,758 పరుగులు సాధించాడు. ఇందులో 14 సెంచరీలు, 30 అర్ధశతకాలు ఉండగా, అత్యధిక స్కోరు 200 పరుగులగా ఉంది. కాగా టీ20 ప్రపంచకప్‌-2026 విజయం తర్వాత భారత జట్టుకు సూర్యకుమార్‌ దూరంగా ఉంటున్న విషయం తెలిసిందే.చదవండి: జట్టు ప్రకటన.. వైభవ్‌ సూర్యవంశీకి నో ఛాన్స్‌

టీమిండియా దిగ్గజ బ్యాటర్‌ విరాట్‌ కోహ్లి- బాలీవుడ్‌ నటి అనుష్క శర్మ జోడీ గురించి ప్రత్యేక పరిచయం అక్కర్లేదు. దశాబ్దకాలంగా అన్యోన్యంగా కొనసాగుతూ కపుల్‌ గోల్స్‌ సెట్‌ చేస్తున్న విరుష్క.. పెట్టుబడులు పెట్టడంలోనూ ముందు వరుసలో ఉంటారు.రూ. 44.1 కోట్లుఇప్పటికే ఎన్నో వ్యాపారాల్లో భాగమైన విరాట్‌- అనుష్క.. గురుగ్రామ్‌, అలీభాగ్‌లలో ఖరీదైన నివాస స్థలాలు కొనుగోలు చేశారు. తాజాగా ముంబైలోనూ ఈ జంట మూడు అపార్డుమెంట్లు కొన్నట్లు సమాచారం. వీటి మొత్తం విలువ రూ. 44.1 కోట్లు అని తెలుస్తోంది.అనుష్క, ఆమె తల్లిదండ్రులుటైమ్స్‌ ఆఫ్‌ ఇండియా కథనం ప్రకారం.. ముంబైలోని వెర్సోవా యారి రోడ్డులో గల ఓ ఖరీదైన భవన సముదాయంలో ఒకే ఫ్లోరులో ఈ మూడు అపార్టుమెంట్లు ఉన్నాయి. వీటిలో అనుష్క శర్మ సొంతంగా ఓ అపార్టుమెంటు కొనుగోలు చేయగా.. దాని పక్కనే ఉన్న అపార్టుమెంటును ఆమె తల్లిదండ్రులు సొంతం చేసుకున్నారు. విరాట్‌తో కలిసి ఒకటిఅదే ఫ్లోరులో మరో అపార్టుమెంట్‌ను భర్త విరాట్‌తో కలిసి అనుష్క కొనుక్కుంది. క్రె మ్యాట్రిక్స్‌ అందించిన వివరాల ప్రకారం.. అనుష్క శర్మ తన విలాసవంతమైన అపార్టుమెంటు కోసం రూ. 14.9 కోట్లు ఖర్చు చేసింది. దీనిని జూలై 8, 2026లో రిజిస్ట్రేషన్‌ చేయించుకున్న ఆమె.. రూ. 74.48 లక్షల మేర స్టాంపు డ్యూటీ చెల్లించినట్లు తెలుస్తోంది.విలాసవంతమైన నివాసంఇక అపార్టుమెంట్‌ మొత్తం విస్తీర్ణం దాదాపు 2153.7 చదరపు అడుగులు కాగా.. ఇందులో 2026 చదరపు అడుగులు కార్పెట్‌ ఏరియా ఉండగా.. 128 చదరపు అడుగుల విశాలమైన బాల్కనీ ఏరియా ఉన్నట్లు సమాచారం. మరోవైపు.. అనుష్క శర్మ తల్లిదండ్రులు ఆషిమా, అజయ్‌ కుమార్‌ శర్మ రూ. 10.91 కోట్లకు అపార్టుమెంట్‌ కొనుగోలు చేయగా.. దీని విస్తీర్ణం 1577 చదరపు అడుగులు అని సమాచారం.ఇటీవలే ఐదెకరాల భూమి కొన్న విరుష్కఅదే విధంగా.. విరాట్‌- అనుష్క కలిసి రూ. 18.29 కోట్లతో అదే ఫ్లోరులోని మరో అపార్టుమెంట్‌ సొంతం చేసుకున్నారు. ఇదిలా ఉంటే.. విరాట్‌ కోహ్లి- అనుష్క శర్మ ఈ ఏడాది జనవరిలో అలీభాగ్‌లోని జిరాద్‌ గ్రామంలో 5.19 ఎకరాల భూమిని కొనుగోలు చేసినట్లు సమాచారం. అప్పట్లో అక్కడే ఎనిమిది ఎకరాలుదీని ధర సుమారు రూ. 37.86 కోట్లు అని తెలుస్తోంది. ఇందుకు సంబంధించి జనవరి 13న రిజిస్ట్రేషన్‌ పూర్తి కాగా.. స్టాంపు డ్యూటీగా రూ. 2.27 కోట్లు చెల్లించినట్లు సమాచారం. కాగా 2022లో అలీభాగ్‌లోనే విరుష్క జోడీ ఎనిమిది ఎకరాల భూమి కొని.. అక్కడ విలాసవంతమైన హాలీడే హోం నిర్మించుకున్న సంగతి తెలిసిందే.లండన్‌లోనే నివాసంకాగా దాదాపు ఎనిమిదేళ్ల పాటు ప్రేమలో ఉన్న విరాట్‌- అనుష్క 2017లో వివాహ బంధంతో ఒక్కటైన సంగతి తెలిసిందే. వీరికి కుమార్తె వామిక, కుమారుడు అకాయ్‌ సంతానం. పిల్లల గోప్యత, రక్షణ కోసం విరాట్‌ కుటుంబం ఎక్కువగా లండన్‌లోనే నివాసం ఉంటున్నారు. అయితే, స్వదేశంలోనే ఎక్కువగా పెట్టుబడులు పెడుతున్నారు. లండన్‌లోనూ వీరికి ఆస్తులు ఉన్నట్లు సమాచారం. ఇక విరాట్‌ కోహ్లి ఇటీవల వెస్టిండీస్‌తో వన్డే సిరీస్‌ ఆడగా.. అనుష్క శర్మ పిల్లలు పుట్టిన తర్వాత సినిమాలకు విరామం ఇచ్చింది.చదవండి: పచ్చని ప్రకృతి నడుమ.. భారత క్రికెటర్‌ ఐదు బెడ్‌రూమ్‌ల విల్లాఆశ్రమ సందర్శనకు రూ. ఐదు కోట్లు?.. స్పందించిన కోహ్లి బృందం

ముంబైలో నవరాత్రి గర్బా వేడుకలకు ముందు వివాదాస్పద పోస్టర్లు వెలుగులోకి వచ్చాయి. మలాడ్ ప్రాంతంలోని ఓ గర్బా వేదిక వద్ద కనిపించిన ఈ పోస్టర్లలో హిందూయేతరులు కార్యక్రమంలోకి ప్రవేశించే ముందు నుదుటిపై తిలకం పెట్టుకోవాలని, చేతికి కలావా కట్టుకోవాలని, గోమూత్రం చల్లుకోవాలని సూచించారు.ఈ పోస్టర్లలో ‘లవ్ జిహాద్’కు వ్యతిరేకంగా సందేశాలు ఉన్నట్లు సమాచారం. హిందూ యువతులను మతమార్పిడికి గురిచేసే ఉద్దేశంతో ముస్లిం పురుషులు ప్రేమ సంబంధాలు ఏర్పరుస్తారనే ఆరోపణకు రైట్ వింగ్‌ సంస్థలు ఉపయోగించే పదమే ‘లవ్ జిహాద్’. అయితే ఈ పదానికి చట్టపరమైన గుర్తింపు లేదనే విషయం కూడా గతంలో వివిధ సందర్భాల్లో స్పష్టమైంది.ముంబైలోని గర్బా కార్యక్రమాల్లో ముస్లింల ప్రవేశంపై ఇప్పటికే వివాదం కొనసాగుతోంది. మహారాష్ట్రలో గర్బా, దాండియా కార్యక్రమాలకు ముస్లింలను అనుమతించకూడదని విశ్వ హిందూ పరిషత్ గతంలో పిలుపునిచ్చింది. కార్యక్రమాలకు వచ్చే వారి ఆధార్ గుర్తింపు పరిశీలించాలని, నుదుటిపై తిలకం పెట్టిన తర్వాతే ప్రవేశం కల్పించాలని నిర్వాహకులకు సూచనలు చేసింది.మహారాష్ట్ర మంత్రి నితేశ్ రాణే కూడా ఈ డిమాండ్‌కు మద్దతు తెలిపారు. గర్బా కార్యక్రమాలకు వచ్చే వారు తమ గుర్తింపు చూపించడంతో పాటు హనుమాన్ చాలీసా పఠించాలని ఆయన గతంలో సూచించారు.ముంబైలోని బోరివలి గర్బా కార్యక్రమం విషయంలోనూ ప్రవేశ నిబంధనలపై వివాదం నెలకొంది. బీజేపీ ఎమ్మెల్యే సంజయ్ ఉపాధ్యాయ్ ముస్లింల ప్రవేశంపై షరతులు ప్రస్తావించగా, కార్యక్రమ నిర్వాహకులు ఆధార్ కార్డు పరిశీలన చేపడతామని తెలిపారు.నవరాత్రి వేడుకలు సమీపిస్తున్న నేపథ్యంలో ముంబైలో గర్బా కార్యక్రమాలకు సంబంధించిన ఈ పోస్టర్లు మతపరమైన గుర్తింపు, ప్రవేశ నిబంధనలు, సామాజిక సమగ్రతపై మరింత చర్చకు దారితీసే అవకాశం ఉంది.

పుట్టిన రోజు అనగానే చాలామంది తమకిష్టమైన గుడికి వెళ్లి తనకు నచ్చిన స్నేహితులతో గడపడం వంటివి చేస్తారు. మరికొందరు అన్నదానం వంటి సేవ కార్యక్రమాలు చేస్తుంటారు. కానీ ఈ సీఈవో ఎలా సెలబ్రేట్‌ చేసుకున్నాడో తెలిస్తే షాకవ్వడం ఖాయం. ఇలా కూడా పుట్టిన రోజుని సెలబ్రేట్‌ చేసుకుంటారా అని విస్తుపోతారు. మరి అతను ఎలా చేసుకున్నాడుంటే..ముంబైకి చెందిన సీఈవో అభిషేక్‌ అగర్వాల్‌ తన పుట్టిరోజుని అత్యంత అసాధారణమైన రీతీలో జరుపకున్నాడు. దాని గురించి లింక్డ్‌ఇన్‌లో ఇలా పంచుకున్నారు. ఆ బర్డ్‌డే సందర్భంగా ఏకంగా నాలుగురోజుల పాటు ఆహార తీసుకోకుండా..దాదాపు 90 గంటలు ఉపవాసం చేసినట్లు తెలిపారు. తన శారీరక పరిమితులను అధిగమించడానికి ప్రతి ఏడాది ఒక కఠినమైన లక్ష్యాన్ని నిర్దేశించుకోవడం తనకు అలవాటని, అలానే ఈసారి ఉపవాసాన్ని ఎంచుకున్నట్లు తెలిపారు అగర్వాల్‌. ఈ మేరకు పోస్ట్‌లో ఇలా వివరించారు అగర్వాల్‌. "నా పుట్టినరోజు వేడుకలో కోసం 90 గంటలపాలు ఉపవాసం చేశాను. అంటే నాలుగు రోజుల పాటు ఆహారం తీసుకోలేదు. ఆ క్రమంలో నాకు మొదటిరోజు పెద్దగా ఎలాంటి సమస్యలు రాలేదు, కానీ ఆ తర్వాత రెండోరోజు జోమాటో గుర్తొచ్చింది. మూడవ రోజు నిశబ్దం. నాల్గవరోజు పుట్టిన రోజులు గతంలో ఎలా సెలబ్రేట్‌ చేసుకున్నాను అనే దానిపై క్లారిటీ వచ్చింది. "అని అగర్వాల్‌ రాసుకొచ్చారు పోస్ట్‌లో. ఎందుకిలా అంటే..ఈ పుట్టిన రోజుని ‘ఆకలి వర్సెస్‌ సంకల్ప బలం’ అనే సవాలుని తీసుకోవాలని నిర్ణయించుకున్నారట. తన సంకల్పం గెలుస్తుందో ఆకలే ఓడిస్తుందో తెలుసుకోవాలని అనుకున్నారట. ఎందుకంటే ఇప్పుడు మనం క్షణాల్లో పనులు జరిగిపోయే ఇంటర్నెట్‌ యుగంలో ఉన్నాం. మనకు ఆహారం జస్ట్‌ పదినిమిషాల్లో మన ఇంటి గుమ్మం ముందు ఉంటుంది. ‍ప్రతీదీ రెప్పపాటులో ముగిసిపోయేలా అయిపోవాలనుకునే కాలంలో ఉన్నాం. కాబట్టి మనకు ఓపిక, ఓర్చుకునే సామర్థం ఎంత వరకు ఉందో అంచనా వేసేందుకని చెబుతున్నారు అగర్వాల్‌. ఈ 90 గంటల ఉపవాసం తర్వాత మనకు ఆకలిని తట్టుకునే సామర్థ్యం ఉందని తెలిసింది. అలాగే ఈ సవాలు వల్ల తానొక సూపర్‌ హీరో అనే భావన కలిగిందన్నారు. ఒక్కోసారి మన బ్రెయిన్‌ ఆలోచన తప్పు అనేలా మన శారీరక పరిమితులు ఉంటాయని, అవి ఇలాంటి సవాళ్లతోనే తెలుస్తుందని అప్పుడు ఏది అసాధ్యంగా అనిపించదంటూ అందుకు సంబంధించిన ఫోటోలను కూడా పంచుకున్నారు. నెటిజన్లు దీన్ని సహనానికి సంబంధించిన అద్భుత కథ అని, ఇలాంటివి శారీరక పరిమితులను అధిగమించడం గురించి చాలానే నేర్పిస్తుందన్నారు.ఇదీ చదవండి: డైట్‌ క్రమశిక్షణ అంటే ఇదే..వైరల్‌గా వంటల ప్లాన్‌!

అర్ధరాత్రి ఆడది నిర్భయంగా రోడ్డుపై ఒంటరిగా నడిచిన రోజే మన దేశానికి నిజమైన స్వాతంత్య్రం వచ్చినట్లని జాతిపిత మహాత్మా గాంధీ అన్నారు. అయితే, ఆ పరిస్థితులు నేటికీ రాలేదు. మహిళలు నిజంగా అర్ధరాత్రి ఒంటరిగా రోడ్డుపై తిరిగితే ఏమవుతుందని ఓ యూట్యూబర్‌ ప్రయోగం చేశాడు. మహిళల భద్రతపై అవగాహన కల్పించేందుకు మహిళలా వేషం వేసుకుని అతడు రాత్రివేళ బయటకు వెళ్లిన వీడియో సామాజిక మాధ్యమాల్లో వైరల్‌గా మారింది. ఈ ప్రయోగంలో తనను కొందరు వ్యక్తులు తదేకంగా చూశారని, ఓ వ్యక్తి తనను ఫాలో అయ్యాడని అతడు పేర్కొన్నాడు.వైరల్‌గా మారిన ఈ వీడియోలో.. సదరు వ్యక్తి మహిళల దుస్తులు ధరించి బయటకు వెళ్లాడు. రాత్రి సమయంలో ఒంటరిగా ప్రయాణించే మహిళలు ఎదుర్కొనే పరిస్థితులను స్వయంగా అనుభవించాలనే ఉద్దేశంతో ఈ ప్రయోగం చేసినట్లు వీడియో ద్వారా వెల్లడించాడు. బయటకు వెళ్లిన సమయంలో కొందరు తనవైపు పదేపదే చూశారని అతడు చెప్పాడు.మరో వ్యక్తి తనను వెంబడించినట్లు పేర్కొన్నాడు. ఈ పరిణామాలను వీడియోలో రికార్డు చేశాడు. సాధారణంగా రాత్రివేళ ఒంటరిగా బయటకు వెళ్లే మహిళలకు ఎదురయ్యే అసౌకర్యకర పరిస్థితులను అర్థం చేసుకునేందుకు ఈ ప్రయోగం చేసినట్లు తెలుస్తోంది. వీడియోలో కనిపించే ఘటనలు సామాజిక మాధ్యమాల్లో చర్చకు దారితీశాయి. మహిళలు రాత్రివేళ ఒంటరిగా ప్రయాణించే సమయంలో ఎదుర్కొనే భద్రతా సమస్యలపై పలువురు స్పందిస్తున్నారు.అయితే, ఈ వీడియోలో వ్యక్తి చేసిన వాదనలను ఎవరూ స్వతంత్రంగా ధ్రువీకరించినట్లు సమాచారం లేదు. అందువల్ల వీడియోలోని ఆరోపణలను ఆ వ్యక్తి వాదనలుగానే పరిగణించాలి. మహిళల భద్రతకు సంబంధించిన అంశాలు సామాజిక ప్రయోగాలు, వైరల్ వీడియోల ద్వారా తరచుగా చర్చలోకి వస్తున్నాయి. View this post on Instagram A post shared by Shivom Cheke (@unfiltered_shivaaa)

ప్రఖ్యాత చిత్రకళాకారుడు ఎంఎఫ్‌ హుస్సేన్‌ గురించి ప్రత్యేకంగా చెప్పాల్సిన పనిలేదు. ఆయన కుంచె నుంచి జాలువారిన ఎన్నో చిత్రాలు కోట్లలో అమ్ముడిపోయి అందర్నీ ఆశ్చర్యపర్చాయి. ఆయన గీసే చిత్రాల్లో ఆధునికత తోపాటు..నాటి శిల్పకళా వైభవాన్ని కళ్లకు కట్టి చూపేలా..గొప్పే దృశ్య కథను వివరించడం విశేషం. ఇప్పుడ తాజాగా 1952లో కాన్వాస్‌పై తైలవర్ణ చిత్రంగా గీసిన ‘ది రెడ్ గర్ల్’, పెయింటింగ్‌ వేలంలో 65 కోట్లకు అమ్ముడిపోవడంతో మరోసారి ఆయన పేయింటింగ్‌లు అంశం మరోసారి వెలుగులోకి వచ్చి హాట్‌టాపిక్‌గా మారాయి. సెప్టెంబర్‌ 24న ముంబైలో ముంబైలోని పుండోల్స్ ఫైన్ ఆర్ట్ సేల్‌లో ‘ది రెడ్ గర్ల్’, పెయింటింగ్‌ అంచనా వేసిన ధరకు 13 రెట్టు ఎక్కువకు అ‍మ్ముడవ్వడం విశేషం. హామిల్టన్ హౌస్‌లో జరిగిన 81 ఆధునిక, సమకాలీన భారతీయ కళాకృతుల వేలంలో ఇది అత్యధిక ధరకు అమ్ముడైన చిత్రంగా నిలిచింది. 48 x 23 7/8 అంగుళాల కొలతలున్న ఈ పెయింటింగ్, వేలానికి ముందు ఇది సుమారు రూ. 3 నుంచి రూ. 5 కోట్లకు అమ్ముడవుతుందని అంచనా వేయగా..ఊహించని రేంజ్‌లో ధరలో అమ్ముడుపోయి..అందర్నీ ఆశ్చర్యపర్చింది. ఆయన గీసిన కొన్ని చిత్రాలు గతంలో కూడా ఇంతకు మించిన రేంజ్‌లో అమ్ముడిపోయిన రికార్డులు నెలకొల్పాయి కూడా. ఈ చిత్రంలో దాగున్న విశేషం..ది రెడ్ గర్ల్' చిత్రం పూర్తిగా ముదురు మట్టి రంగు ఎరుపులో చిత్రించిన స్త్రీరూపం. ఇది ప్రాచీన భారతీయ శిల్పకళలోని యక్షి రూపాలతో, ముఖ్యంగా మధుర సంప్రదాయంతో ముడిపడి ఉన్న వాటితో సంబంధం కలిగినదని తెలుస్తోంది. ఇక ఎరుపురంగు తొలి భారతీయ శిల్పాల్లో ఉపయోగించిన ఇసుకరాయిని గుర్తుకు తెస్తుంది. అంతేగాదు ప్రాచీర శిల్పాల విరిగిన లేదా అసంపూర్ణరూపాన్ని గుర్తకు తెస్తుంది ఆ చిత్రం. తోటి కళాకారుడైన ఎఫ్.ఎన్. సౌజాతో కలిసి న్యూఢిల్లీలోని జాతీయ మ్యూజియంను సందర్శించినప్పుడు హుస్సేన్‌కు భారతీయ శిల్పకళతో కలిగిన పరిచయంతో రూపుదిద్దుకున్న చిత్రం ఇది. ఒకరకంగా ఈ చిత్రం భారతదేశ గత శిల్పకళా వైభవం తోపాటు ఆధునిక భారతీయ కళ ఎలా ఉండవచ్చు అని చెప్పడానికి ప్రయత్నిస్తున్న ఒక తరం కళాకారుల దృశ్య భాషకు మధ్య నిలిచే ఒక కళాఖండంగా ఆవిష్కృతమైంది. View this post on Instagram A post shared by Pundole's (@pundoles)ఇదీ చదవండి: హైబీపీని అదుపులో పెట్టే పొటాషియమ్‌!

తమ కలలను సాకారం చేసుకునేందుకు ప్రతీ ఏడాది ఎంతోమంది యువతీ యువకులు సిటీ ఆఫ్‌ డ్రీమ్స్‌ ముంబైకి క్యూ కడతారు. కానీ ఆ కలలను సాకారం చేసుకుని, ప్రతిభతో సక్సెస్‌ అయ్యేది మాత్రం కొందరే ఉంటారు. అలాంటి వారిలో ఒకరు స్టాండప్‌ కమెడియన్ షారన్ వర్మ (Sharon Verma) ఒకరు. ముంబై మహా నగరానికి తాను ఎలా వచ్చిందీ, గత నాలుగేళ్లలో జరిగిన విషయాలన్నింటినీ ఆమె ఇటీవల ఇన్‌స్టాగ్రామ్ ద్వారా పంచుకున్నారు."ఖచ్చితంగా నాలుగేళ్ల క్రితం, హాట్‌స్టార్‌లో రైటింగ్ ఉద్యోగం రావడంతో నేను ముంబైకి వచ్చాను. నా జేబులో కేవలం రూ. 100 మాత్రమే ఉండేవి, మిగిలిన రూ. 1.2 లక్షలు బ్యాంకు ఖాతాలో పొదుపుగా ఉండేవి," అని ఆమె తన పోస్ట్‌లో రాసుకొచ్చారు. View this post on Instagram A post shared by prime video IN (@primevideoin) నాలుగు సంవత్సరాల క్రితం హాట్‌స్టార్‌లో రైటింగ్ ఉద్యోగం రావడంతో షారన్ ముంబైకి వెళ్లారు. అప్పుడు ఆమె దగ్గర జేబులో కేవలం రూ. 100, బ్యాంకు ఖాతాలో రూ. 1.2 లక్షల పొదుపు మాత్రమే ఉన్నాయి. తన కరియర్‌ ప్రారంభంలో ముంబైలో రణబీర్ కపూర్, విక్కీ కౌశల్, నవాజుద్దీన్ సిద్ధిఖీ, రవీనా టాండన్ వంటి ప్రముఖ నటుల కోసం ఆమె పనిచేశారు. లోకల్ రైలు ప్రయాణాలు తనకు ఇబ్బందిగా అనిపించినప్పటికీ, ఆఫీసు నుండి కనిపించే ముంబై స్కైలైన్ దృశ్యాలు ఆ కష్టాన్ని మరిపించేవట. అంతేకాదు విద్యా బాలన్ తన పట్ల ఎంతో దయతో ఉండేవారని కూడా ఆమె పేర్కొన్నారు. ప్రస్తుతం స్టాండప్‌ కమెడియన్‌గా తనను తాను నిరూపించుకుంటోంది. ఇదీ చదవండి: కస్టడీ పోరు : నాలుగేళ్లపాపను కాల్చి చంపి, ఆత్మహత్యస్టాండప్ కామెడియన్‌గా2024లో ఓపెన్-మైక్ షోలలో ప్రదర్శనలు ఇవ్వడం ప్రారంభించిన ఆమె, ఫిబ్రవరి 2025 నాటికి ఫుల్ టైమ్ ఉద్యోగాన్ని వదిలేసి పూర్తిస్థాయిలో స్టాండప్ కామెడీపై దృష్టి పెట్టారు. సమయ్ రైనా హోస్ట్ చేసిన 'ఇండియాస్ గాట్ లేటెంట్' సీజన్ 1లో వీక్‌ ఇండిపెండెంట్‌ విమెన్‌ అంటూవ్యాఖ్యలు సోషల్ మీడియాలో విపరీతంగా వైరల్ అయ్యాయి. ఆమె ఈ షోలో న్యాయనిర్ణేతలలో ఒకరిగా కనిపించారు. ఈ షో తరువాత షారన్ గణనీయమైన ప్రజాదరణ పొందింది. "బలహీనమైన స్వతంత్ర మహిళ"గా ఆమె షోస్‌ ఆకట్టుకున్నాయి. జనాల్ని కట్టిపడేసేలా సమయస్ఫూర్తి, హాస్య చతురత, ఆమె పంచ్‌ డైలాగ్స్‌, స్మార్ట్‌నెస్ ఉండేవి. షారన్ వర్మ 1998 ఏప్రిల్ 8, 1998న బిహార్‌లోని పాట్నాలో జన్మించింది. ప్రాథమిక విద్యను పాట్నాలోని ఢిల్లీ పబ్లిక్ స్కూల్‌లో అభ్యసించింది. పాఠశాల రోజుల్లోనే రచనపై ఆసక్తి ఉండేది. తరువాత షారన్ ఢిల్లీ విశ్వవిద్యాలయం పరిధిలోని హన్స్‌రాజ్ కళాశాలలో ఆంగ్ల సాహిత్యాన్ని అభ్యసించింది. ఇదీ చదవండి: 12 ఏళ్ల కొడుకు గొంతు నులిమి? కష్టాల్లో ప్రముఖ నటి

న్యూఢిల్లీ: కెప్టెన్‌ స్మిత్‌ మచ్ఛార్‌.. ఇప్పుడు ప్రపంచమంతటా మార్మోగిపోతున్న పేరిది. సామాన్యుల నుంచి దేశాధినేతల దాకా అతడిపై ప్రశంసల వర్షం కురుస్తోంది. తన ప్రాణాలను పణంగా పెట్టి 174 మంది ప్రయాణికుల ప్రాణాలు కాపాడి.. స్మిత్‌ మచ్ఛార్‌ లోకం మెచ్చిన వీరుడయ్యాడు. పుట్టింది ముంబైలో. పెరిగింది అక్కడే. అతడి కుటుంబం వస్త్ర వ్యాపారంలో కొనసాగుతోంది. దాంతో సహజంగానే అదే వ్యాపారంలోకి ప్రవేశించాలని లక్ష్యంగా పెట్టుకున్నాడు. దానికి తగ్గట్టే టెక్స్‌టైల్‌ ఇంజనీరింగ్‌ కోర్సులో చేరాడు. అది పూర్తయ్యాక వ్యాపారంలో మెళకువలు నేర్చుకోవడానికి బిజినెస్‌ మేనేజ్‌మెంట్‌లో సైతం ప్రవేశం పొందాడు. విమానయాన రంగంలో చేరాలని, పైలట్‌గా విమానాలు నడపాలన్న ఆలోచన ఏనాడూ లేదు. విమానయానం అతడి చిన్ననాటి కల కాదు. కానీ, విధి రాసిన రాత మరోలా ఉంది. బిజినెస్‌ మేనేజ్‌మెంట్‌ కోర్సులో ఉన్నప్పుడు ఓ సెమినార్‌కు హాజరు కావడం స్మిత్‌ ఆలోచనను ఒక్కసారిగా మార్చేసింది. అప్పటికి అతడి వయస్సు 19 ఏళ్లు. ఆ సెమినార్‌ స్మిత్‌కు విమానయాన రంగాన్ని పరిచయం చేసింది. ఆ రంగంపై ఆసక్తి పెంచుకున్నాడు. పైలట్‌ శిక్షణ కోసం స్మిత్‌ న్యూజిలాండ్‌లోని ‘మెయిన్‌ల్యాండ్‌ ఎయిర్‌’ఏవియేషన్‌ కాలేజీలో చేరాడు. స్పైస్‌జెట్‌లో చేరడానికి ముందు అక్కడ శిక్షణ పొందాడు. పైలట్‌ శిక్షణ పూర్తయిన తర్వాత బోయింగ్‌ 737 విమానాన్ని నడిపించాడు. మొదటి వాణిజ్య విమాన ప్రయాణం బెంగళూరు నుంచి ఢిల్లీ వరకు సాగింది. అతడి లింక్డ్‌ఇన్‌ ప్రొఫైల్‌ ప్రకారం... 2011 జూన్‌లో స్పైస్‌జెట్‌లో చేరి, 11 ఏళ్లకు పైగా పనిచేశాడు. సీనియర్‌ కమాండర్‌గా, లైన్‌ ట్రైనింగ్‌ కెప్టెన్‌గా పదోన్నతి పొందాడు. 2020 నవంబర్‌లో స్పైస్‌జెట్‌లో లైన్‌ ట్రైనింగ్‌ కెప్టెన్‌గా మారాడు. ఆ హోదాలో ఇతర పైలట్లకు స్వయంగా శిక్షణ ఇచ్చాడు. వారి పనితీరును పర్యవేక్షించేవాడు. 737–800, 737 మ్యాక్స్‌ 8, 9లతో సహా బోయింగ్‌ 737 విమానాలను దాదాపు 9,750 గంటలు నడిపిన అనుభవం ఉంది. స్పైస్‌జెట్‌లో పైలట్‌–ఇన్‌–కమాండ్‌గా 6,400 గంటలకు పైగా పని చేశాడు. 2022 జూన్‌లో ఫ్లై దుబాయ్‌ సంస్థలో డైరెక్ట్‌–ఎంట్రీ కెప్టెన్‌గా చేరాడు. పని గురించే ఆలోచిస్తా‘బోనాఫైడ్‌ బాంటర్‌’ అనే పాడ్‌కాస్ట్‌లో గత ఏడాది స్మిత్‌ మచ్ఛార్‌ తన అనుభవాన్ని పంచుకున్నాడు. ‘‘పైలట్‌గా యూనిఫామ్‌ ధరించిన తర్వాత వేరే ఆలోచనలేవీ మనసులోకి రాకుండా జాగ్రత్తపడతాను. పని గురించే వంద శాతం ఆలోచిస్తా. వ్యక్తిగత, వృత్తి జీవితానికి సమాన ప్రాధాన్యం ఇవ్వాలి. దీనివల్ల మరింత శక్తి సామర్థ్యాలతో పనిచేయవచ్చు’’అని చెప్పాడు. తాను నడిపించిన ఏ విమానం కూడా అత్యవసరంగా ల్యాండ్‌ కావాల్సిన అవసరం ఏనాడూ రాలేదని వెల్లడించాడు. ఒత్తిడితో కూడిన పరిస్థితులను ఎలా ఎదుర్కోవాలో తన సీనియర్‌ అధికారులు నేర్పించారని పేర్కొన్నాడు. సంక్షోభ సమయాల్లోనూ ప్రశాంతంగా పని చేయగల శక్తి స్మిత్‌లో ఉందని మెయిన్‌ల్యాండ్‌ ఎయిర్‌ సంస్థ సీఈఓ పిలిఫిన్‌ కీన్‌ చెప్పారు. చాలా నిజాయతీ గల వ్యక్తిగా ఎప్పటికీ గుర్తుండిపోతాడని తెలిపారు.

ముఖేష్‌ అంబానీ కుమారుడు అనంత్‌ అంబానీ గురించి, ఆయన చేసే సేవా కార్యక్రమాల గురించి ప్రత్యేకంగా చెప్పాల్సిన అవసరం లేదు. ఇప్పటికే ఎన్నో సందర్భాల్లో తన దాతృత్వాన్ని చాటుకున్న ఆయన.. ఇప్పుడు మరోసారి తన మంచి మనసు చాటుకున్నారు.23 నెలల వేదాంశ్ సింగ్‌ అనే చిన్నారి 'స్పైనల్ మస్కులర్ అట్రోఫీ టైప్ 1' అనే అరుదైన వ్యాధితో బాధపడుతున్నాడు. అతని చికిత్స కోసం సుమారు రూ.9 కోట్లు అవసరమని సమాచారం. ఇంత పెద్ద మొత్తాన్ని సమకూర్చడం కుటుంబానికి కష్టంగా మారడంతో.. ఆ చిన్నారి చికిత్స కోసం సోషల్‌ మీడియాలో పెద్ద ఎత్తున ఫండ్‌ రైజింగ్‌ క్యాంపెయిన్‌ మొదలైంది.ముంబైకి చెందిన 26 ఏళ్ల సోషల్‌ మీడియా ఇన్‌ఫ్లుయెన్సర్‌ మయూరేష్‌ గుజర్‌.. తన టీమ్‌తో కలిసి వేదాంశ్‌ కోసం నిధులు సేకరిస్తున్నారు. ముంబైలోని పలు ప్రాంతాల్లో ప్రజలను కలిసి.. చిన్నారి పరిస్థితిని వివరించి, తమకు తోచినంత సాయం చేయాలని కోరారు. ఈ ప్రయత్నాలతో ఇప్పటివరకు దాదాపు రూ.2.22 కోట్లు సేకరించినట్లు సమాచారం. అయితే.. సెప్టెంబర్‌ 21న జరిగిన ఓ సంఘటన చిన్నారి జీవితంలో వెలుగు నింపింది.మయూరేష్‌ గుజర్‌, అతడి టీమ్‌ లాల్‌బాగ్‌చా రాజా వద్ద ఫండ్‌ రైజింగ్‌ కార్యక్రమం నిర్వహిస్తున్న సమయంలో.. అనంత్‌ అంబానీ వారి బ్యానర్లను గమనించినట్లు.. తన కారును ఆపి, టీమ్‌తో దాదాపు ఐదు నిమిషాల పాటు మాట్లాడారు. ఈ సందర్భంగా.. వేదాంశ్‌ పరిస్థితి, అతడి చికిత్సకు అవసరమైన మొత్తం, ఇప్పటివరకు వారు చేస్తున్న ఫండ్‌ రైజింగ్‌ గురించి అనంత్‌ అంబానీకి వివరించినట్లు గుజర్‌ తెలిపారు.వివరాలు తెలుసుకున్నాక.. వేదాంశ్‌ చికిత్సకు ఎంత ఖర్చయినా తాను చూసుకుంటానని అనంత్‌ అంబానీ చెప్పినట్లు గుజర్‌ తెలిపారు. అంతేకాదు.. వేదాంశ్‌ను తమ ఆసుపత్రికి తీసుకురావాలని సూచించినట్లు చెప్పారు. ఈ సందర్భంగా ఇద్దరూ తమ ఫోన్‌ నంబర్లను కూడా మార్చుకున్నారని వెల్లడించారు.దీనికి సంబంధించిన గుజర్‌ సోషల్‌ మీడియాలో షేర్‌ చేసిన వీడియో వైరల్‌గా మారింది. ఎన్నో రోజులుగా వేదాంశ్‌ కోసం తాము కష్టపడుతున్నామని, ఎండ, వానలను లెక్కచేయకుండా నిధులు సేకరిస్తున్నామని చెప్పారు. ఆ సమయంలో అనంత్‌ అంబానీతో మాట్లాడటం తమకు ఎంతో ఆనందాన్ని ఇచ్చిందని తెలిపారు. త్వరలోనే వేదాంశ్‌ చికిత్స ప్రారంభమయ్యే అవకాశం ఉంది.ఇదీ చదవండి: గడ్కరీ ఆలోచన: ఇదే జరిగితే.. రోడ్లు అవసరం లేదు!వీడియో సోషల్ మీడియాలో వైరల్ అవ్వడంతో.. పలువురు నెటిజన్లు మయూరేష్‌ గుజర్‌, అతడి టీమ్‌ను అభినందిస్తూ కామెంట్లు చేస్తున్నారు. ఇంతకాలం చేసిన ప్రయత్నాలకు ఫలితం దక్కాలని కోరుకుంటున్నారు. అనంత్ అంబానీ ఉదారతను కూడా కొనియాడారు. View this post on Instagram A post shared by Mayuresh Gujar 🎬 (@mayuusic_vines_)

ఓటరు జాబితాల ప్రత్యేక సమగ్ర సవరణ (సర్‌)లో గందరగోళం నెలకొన్న నేపథ్యంలో భారత ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలని డిమాండ్ చేస్తూ అక్టోబర్ 2న కాక్రోచ్ జంతా పార్టీ ‘జైల్ భరో’ ఆందోళనకు పిలుపునిచ్చిన విషయం తెలిసిందే. దీంతో నిరసన వేదికకు సంబంధించి పలు సందేశాలు సామాజిక మాధ్యమాల్లో చక్కర్లు కొడుతున్నాయి. ఈ నేపథ్యంలో ఈ నిరసన ముంబైలోని శివాజీ పార్క్‌లో మాత్రమే జరుగుతుందని సీజేపీ బుధవారం స్పష్టం చేసింది.వివిధ నగరాల్లో నిరసనలు జరుగుతాయంటూ వచ్చిన వార్తలపై గందరగోళం నెలకొందని సీజేపీ సహ సమన్వయకర్త ఆశుతోష్ రంకా సామాజిక మాధ్యమం ద్వారా తెలిపారు. రంకా ఎక్స్‌లో స్పందిస్తూ.. ‘‘సీజేపీకి సంబంధించి ఆన్‌లైన్‌లో పలు సందేశాలు చక్కర్లు కొడుతున్నాయి. ఈ విషయంపై స్పష్టత ఇస్తున్నాం. కాక్రోచ్ జంతా పార్టీ అక్టోబర్ 2 నిరసన ముంబైలోని శివాజీ పార్క్‌లో మాత్రమే నిర్వహించనుంది’’ అని తెలిపారు. రానున్న రోజుల్లో వివిధ నగరాలకు కూడా వెళ్తామని, దీనికి సంబంధించిన సమాచారాన్ని త్వరలో వెల్లడిస్తామని అని ఆయన తెలిపారు.సీజేపీ అక్టోబర్ 2 ‘ముంబై చలో’ నిరసనజైల్ భరో అంటే నిరసనలో భాగంగా పెద్ద సంఖ్యలో అరెస్టులకు సిద్ధంగా ఉండే ఆందోళన విధానం. ఎక్స్‌లో సీజేపీ చేసిన పోస్టులో, ‘‘ముంబై చలో... శివాజీ పార్క్, సాయంత్రం 4 గంటలకు, గేట్ నంబర్ 6’’ అని పేర్కొంది. అయితే, శివాజీ పార్క్‌లో అక్టోబర్ 2న సీజేపీ నిర్వహించనున్న నిరసనకు ముంబై పోలీసులు అనుమతి నిరాకరించారు. 2013 జనవరి 4న బాంబే హైకోర్టు ఇచ్చిన తీర్పు, 2016 జనవరి 20న మహారాష్ట్ర ప్రభుత్వం జారీ చేసిన ఉత్తర్వు ఆధారంగా ఉన్న ఆంక్షలను పోలీసులు ఇందుకు కారణంగా పేర్కొన్నారు. ప్రత్యామ్నాయ ప్రదేశాన్ని ఎంచుకోవాలని నిర్వాహకులకు సూచించారు.దీంతో అనుమతి నిరాకరణపై సీజేపీ ప్రశ్నలు లేవనెత్తింది. అక్టోబర్ 2న ముంబై నుంచి దేశవ్యాప్త ఆందోళనను ప్రారంభించనున్నట్లు సీజేపీ తన నిర్ణయాన్ని కొనసాగించింది. సర్ అంశంపై వివాదం మొదలైంది. ప్రత్యేక సమగ్ర సవరణ ప్రక్రియకు సంబంధించిన కొన్ని నిబంధనలపై ఇద్దరు ఎన్నికల కమిషనర్లు వివేక్ జోషి, సుఖ్‌బీర్ సింగ్ సంధు అభ్యంతరాలు వ్యక్తం చేసినట్లు ఇండియన్ ఎక్స్‌ప్రెస్ కథనం పేర్కొంది. ఇందులో ఫారం 6ను చేర్చడంపై అభ్యంతరం కూడా ఉన్నట్లు తెలిపింది.

ముంబైలోని మాలాద్ ప్రాంతంలో ఒక దిగ్భాంతికరమైన ఉదంతం ఒకటి వెలుగులోకి వచ్చింది. నాలుగేళ్ల క్రితం మృతి చెందిన 80 ఏళ్ల వృద్ధుడి మృతదేహం బయటపడటం కలకలం రేపింది. భవిష్యత్తులో వైద్య రంగంలో వచ్చే అధునాతన మార్పులతో చనిపోయిన వారిని మళ్లీ బతికించవచ్చనే (క్రయోనిక్స్) నమ్మకంతో కుటుంబ సభ్యులు మృతదేహాన్ని దాచిపెట్టినట్లు పోలీసులు తెలిపారు.పోలీసుల కథనం ప్రకారం 80 ఏళ్ల వృద్ధుడు నాలుగేళ్ల క్రితం కన్నుమూశాడు. అయితే అతని భార్య, పిల్లలు అమెరికాలోని క్రయోనిక్స్ సెంటర్‌కు మృతదేహాన్ని తరలించాలనుకున్నారు. స్థానిక క్లినిక్‌లోనే ఆయన డెడ్‌బాడీని భద్రపరిచారు. ఈ విషయం పోలీసులకు సమాచారం ఇవ్వకుండా గోప్యంగా ఉంచారు. ఒక సమాచారకర్త ఇచ్చిన సమాచారం మేరకు మలాడ్‌లోని ఒక స్థానిక వైద్యశాలలో ఈ మృతదేహాన్ని కనుగొన్నారు. తాము తీవ్ర మనోవేదనకు గురయ్యామని, మృతదేహాన్ని దీర్ఘకాలిక సంరక్షణ సేవలు అందించే అమెరికాలోని క్రయోనిక్స్ కేంద్రానికి తరలించాలనుకుంటున్నామని చెబుతూ, అతని మరణానంతరం మృతదేహాన్ని భద్రపరచమని కుటుంబం ఆ క్లినిక్‌కు సూచించింది. ఈ ఘటనపై ప్రస్తుతం పోలీసులు నిపుణుల సలహాలు తీసుకుంటూ తదుపరి చర్యలపై చర్చిస్తున్నారు.క్రయోనిక్స్ అంటే ఏమిటి?మరణం తరువాత మానవ శరీరాన్ని అత్యంత అల్ప ఉష్ణోగ్రతలలో (ఫ్రీజింగ్) భద్రపరిచే ప్రక్రియ ఇది. భవిష్యత్తులో సైన్స్ అభివృద్ధి చెందితే వారిని తిరిగి బతికించవచ్చనే నమ్మకంతో కొందరు ఈ విధానాన్ని ఆశ్రయిస్తారు.భారతదేశంలో క్రయోనిక్స్‌ను స్పష్టంగా నిషేధించే లేదా అనుమతించే నిర్దిష్ట చట్టాలు ఏవీ లేవు. అయితే, రాజ్యాంగంలోని ఆర్టికల్ 21 ప్రకారం మరణించిన వ్యక్తుల గౌరవం, హక్కులు కాపాడాలని, మృతదేహాలకు సాంప్రదాయబద్ధంగా అంత్యక్రియలు నిర్వహించాలని సుప్రీంకోర్టు స్పష్టం చేసింది.గతంలో 2014లో ఆధ్యాత్మిక గురువు అశుతోష్ మహారాజ్ మరణించినప్పుడు, ఆయన సమాధి స్థితిలో ఉన్నారని చెప్పి అనుచరులు మృతదేహాన్ని ఫ్రీజర్‌లో ఉంచడాన్ని పంజాబ్, హర్యానా హైకోర్టు అనుమతించింది. అయితే, అధికారులకు ఎటువంటి సమాచారం ఇవ్వకుండా రహస్యంగా మృతదేహాలను భద్రపరచడం చట్టపరమైన సమస్యలకు దారితీసే అవకాశం ఉంది. ఇదీ చదవండి: తల్లి, ఆమె బోయ్‌ఫ్రెండ్‌ హత్య: 18 ఏళ్ల యువతికి 50 ఏళ్ల జైలు శిక్ష

ముంబై మెట్రో స్టేషన్‌లో ఏర్పాటు చేసిన ప్రత్యేక “ఉమ్మి డబ్బా” సామాజిక మాధ్యమాల్లో చర్చకు దారితీసింది. బహిరంగ ప్రదేశాల్లో, ముఖ్యంగా రద్దీగా ఉండే మెట్రో స్టేషన్లలో ఉమ్మివేయడాన్ని నియంత్రించేందుకు ఈ సౌకర్యాన్ని ఏర్పాటు చేసినట్లు కనిపిస్తోంది. దీన్ని కొందరు ప్రయాణికులు ఆచరణాత్మక పరిష్కారం అంటూ స్వాగతించగా, మరికొందరు ఉమ్మివేయడాన్నే అరికట్టాలని అభిప్రాయపడ్డారు. సామాజిక మాధ్యమ యూజర్‌ జోరు భాథేనా ఈ ఫొటోను పంచుకోవడంతో అది వైరల్ అయింది. మహా ముంబై మెట్రో నిర్వహిస్తున్న ఓ స్టేషన్‌లో టచ్‌ చేయడం అవసరం లేని ఉమ్మి డబ్బా కనిపించింది. దాని పైన ముంబై మహానగర ప్రాంత అభివృద్ధి సంస్థ, మహా ముంబై మెట్రో గుర్తులు ఉన్నాయి. “బాధ్యతగా వ్యవహరించండి” అని సూచిస్తూ, ఈ సౌకర్యాన్ని “ప్రపంచంలోనే తొలి నిర్దిష్ట ఉమ్మివేత ప్రదేశం”గా పేర్కొన్నారు. దీనిపై సూచనలు మరాఠీ, ఇంగ్లిష్‌ భాషల్లో ఉన్నాయి. ఈ చిత్రంపై సామాజిక మాధ్యమాల్లో భిన్నాభిప్రాయాలు వ్యక్తమయ్యాయి. కొందరు ఇలాంటి సౌకర్యం అవసరమా? అని ప్రశ్నించగా, మరికొందరు కొందరిలో ఉండే ఒక రకమైన ప్రవర్తనకు సంబంధించిన సమస్యకు తాత్కాలిక పరిష్కారంగా ఉపయోగపడొచ్చని అన్నారు. “భారత్‌కు ఆధునిక సమస్యలు ఉన్నాయి, అందుకే ఉమ్మివేయడానికి తొలి నిర్దిష్ట ప్రదేశం” అని ఓ యూజర్‌ వ్యాఖ్యానించారు. మరో వ్యక్తి బహిరంగంగా ఉమ్మివేయడం వంటి అలవాటే ఉండకూడదని పేర్కొన్నారు. బహిరంగ ప్రదేశాల్లో పరిశుభ్రతను మెరుగుపరిచేందుకు దీర్ఘకాలికంగా ఎలాంటి చర్యలు తీసుకోవాలన్నది ప్రధాన అంశంగా మారింది.My Mumbai Metro Now with dedicated Spitting Zones https://t.co/o8l8sYcbAu— Zoru Bhathena (@zoru75) September 27, 2026

ఏడు నెలల గర్భం.. కడుపులో బిడ్డ.. అయినా పరుగులు, వెయిట్స్‌, బర్పీస్‌, స్లెడ్‌ పుష్‌.. చివరకు హైరోక్స్‌ రేస్‌ను పూర్తి చేసింది ఓ భారతీయ మహిళ. దీంతో ఆమె వీడియోలు సోషల్‌ మీడియాలో వైరల్‌గా మారాయి. కొందరు ప్రశంసలు కురిపిస్తే.. మరికొందరు గర్భంతో ఇంత కఠినమైన వ్యాయామం చేయడంపై అభ్యంతరాలు వ్యక్తం చేశారు. ఇంతకీ ఆమె ఎవరు? గర్భంతోనే ఈ రేస్‌ను ఎలా పూర్తి చేసింది?ఆమె పేరు జెన్నిఫర్‌.. ముద్దుగా జెన్నీ. వయసు 37 ఏళ్లు. కోల్‌కతాలో పుట్టి పెరిగిన ఆమె ప్రస్తుతం చైనాలోని షాంఘైలో నివసిస్తున్నారు. గత 15 ఏళ్లుగా ఫిట్‌నెస్‌ రంగంలో కొనసాగుతున్న జెన్నీ.. షాంఘైలోని HYROXworldలో పనిచేస్తున్నారు. అంతేకాదు Rises Shanghai అనే ఫిట్‌నెస్‌ సెంటర్‌కు ఫౌండర్‌, కోచ్‌గా కూడా వ్యవహరిస్తున్నారు. ఇప్పటివరకు ఐదుసార్లు HYROX రేసుల్లో పాల్గొన్నారు.హైరోక్స్‌ అంటే.. రన్నింగ్‌ రేస్‌ కాదు.. జిమ్‌ వర్కౌట్‌ కూడా కాదు. రెండింటినీ కలిపిన ఇండోర్‌ ఫిట్‌నెస్‌ పోటీ. ఇందులో పోటీదారులు 1 కి.మీ. పరుగెత్తి.. వెంటనే ఒక ఫిట్‌నెస్‌ వ్యాయామం చేయాలి. ఇలా రన్‌, వర్కౌట్‌ చొప్పున మొత్తం 8 రౌండ్లు పూర్తి చేయాలి. అంటే మొత్తం 8 కి.మీ. రన్నింగ్‌తో పాటు 8 రకాల ఫిట్‌నెస్‌ ఛాలెంజ్‌లు ఉంటాయి.వాటిలో స్లెడ్‌ను తోసడం, స్లెడ్‌ను లాగడం, రోయింగ్‌, స్కీ ఎర్గ్‌, బర్పీ బ్రాడ్‌ జంప్స్‌, బరువులు మోసుకుంటూ నడవడం, శాండ్‌బ్యాగ్‌తో లంజెస్‌, వాల్‌ బాల్స్‌ వంటి కఠినమైన వ్యాయామాలు ఉంటాయి. సింపుల్‌గా చెప్పాలంటే: “పరుగెత్తాలి.. వెంటనే బరువులతో వ్యాయామం చేయాలి.. మళ్లీ పరుగెత్తాలి.. మళ్లీ వర్కౌట్‌ చేయాలి” .గర్భంతో రెండోసారి రేస్‌..గర్భం దాల్చిన తర్వాత కూడా ఫిట్‌నెస్‌ను కొనసాగించాలని జెన్నీ నిర్ణయించుకున్నారు. ఈ ఏడాది ఆరంభంలో గర్భం దాల్చిన ఆమె.. వైద్యుల పర్యవేక్షణలో తన శిక్షణను కొనసాగించారు. గర్భం ఐదో నెలలో జపాన్‌లో జరిగిన HYROX రేసులో పాల్గొన్నారు. ఆ తర్వాత సెప్టెంబర్‌లో ముంబైలో జరిగిన మిక్స్‌డ్‌ డబుల్స్‌ రేసులో ఏడో నెల గర్భంతో బరిలోకి దిగి ఫినిషింగ్‌ లైన్‌ చేరుకున్నారు.ఎలా శిక్షణ తీసుకున్నారు?గర్భం తర్వాత తన వ్యాయామ తీవ్రతను తగ్గించినట్లు జెన్నీ తెలిపారు. వారానికి మూడు నుంచి నాలుగు సార్లు తక్కువ నుంచి మోస్తరు తీవ్రతతో రన్నింగ్‌ చేసేవారు. మరో మూడు, నాలుగు శిక్షణ సెషన్లలో కనీసం రెండు సార్లు స్ట్రెంగ్త్‌ ట్రైనింగ్‌ చేసేవారు. అయితే గర్భం తర్వాత స్ప్రింట్లు, ఇంటర్వెల్‌ రన్నింగ్‌ను పూర్తిగా ఆపేశారు. వెయిట్‌ లిఫ్టింగ్‌లోనూ తన గరిష్ఠ సామర్థ్యంలో 70 శాతానికి మించకుండా చూసుకున్నారు. బర్పీస్‌ను కూడా మోకాళ్లు నేలపై ఉంచి చేసేలా మార్చుకున్నారు.డాక్టర్‌ పర్యవేక్షణలోనే..ఇక్కడ జెన్నీ గైనకాలజిస్ట్‌ కూడా ఆమె శిక్షణ గురించి ఎప్పటికప్పుడు పర్యవేక్షించినట్లు తెలిపారు. రక్త పరీక్షలు, స్కాన్లు దాదాపు ప్రతి వారం చేయించుకున్నానని, తన ఆరోగ్య పరిస్థితి బాగుండటంతో వైద్యురాలు వ్యాయామాన్ని ఆపాలని చెప్పలేదని జెన్నీ వెల్లడించారు. అయితే ప్రతి గర్భధారణ ఒకేలా ఉండదని వైద్య నిపుణులు స్పష్టం చేస్తున్నారు. అదే సమయంలో జెన్నీ రేసు సోషల్‌ మీడియాలో వైరల్‌ కావడంతో ప్రశంసలతో పాటు విమర్శలు కూడా వెల్లువెత్తాయి.గర్భంతో ఇంత తీవ్రంగా వ్యాయామం చేయడం వల్ల బిడ్డకు ప్రమాదం కలగొచ్చని కొందరు వ్యాఖ్యానించారు. అయితే తాను తన శరీరాన్ని గమనించుకుంటూ, వైద్యుల సలహాతోనే శిక్షణ కొనసాగించానని జెన్నీ పేర్కొంది. అలాగే తల్లి కాబోయే ముందు తన భాగస్వామితో కలిసి ఒక ప్రత్యేక జ్ఞాపకాన్ని సృష్టించుకోవాలన్నదే లక్ష్యమని అందుకోసమే ఈ సాహాసానికి పూనుకున్నట్లు వెల్లడించింది. View this post on Instagram A post shared by Freedom To Feed (@freedomtofeed) ఇదీ చదవండి: చివరి ట్రైమెస్టర్‌ వరకు వర్కౌట్లు చేయొచ్చా..?! నటి సమంత కూడా..)

సాక్షి,ముంబై : ముంబైలోని బాలీవుడ్ నటి రకుల్ ప్రీత్ సింగ్ అత్తింటివారిపై ఆదాయపన్నుశాఖ దాడులు అలజడి రేపాయి. రకుల్‌ మామ, ప్రముఖ నిర్మాత వాషు భగ్నానీ, పనోరమా స్టూడియోస్‌తో సంబంధం ఉన్న పలు ప్రాంతాల్లో ఆదాయపు పన్ను శాఖ (ఇన్‌కమ్ ట్యాక్స్) సోదాలు కొనసాగుతున్నాయి. సినిమా సంబంధిత నిధులలో జరిగిన అవకతవకలపై జరుగుతున్న విచారణ నేపథ్యంలో, సెప్టెంబర్ 28, సోమవారం ఈ ఆపరేషన్ మొదలైంది.ముంబై ఆదాయపు పన్నుశాఖ నిర్వహిస్తున్న ఈ సోదాలు సినిమా ప్రాజెక్టులకు ఫైనాన్సింగ్ పేరుతో పంపినట్లు ఆరోపణలున్న డబ్బుకు సంబంధించిన ఆర్థిక అవకతవకలతో ముడిపడి ఉన్నట్టు తెలుస్తోంది. ముంబైలోని 12 ప్రదేశాలలో ఈదాడులు మొదలయ్యాయి. అయితే ఆరోపించబడిన లావాదేవీలు, ఇతర వివరాలు ఇప్పటివరకు వెల్లడి కాలేదు. భగ్నానీ కుటుంబం పూజా ఎంటర్‌టైన్‌మెంట్‌తో సంబంధం కలిగి ఉండగా, పనోరమా స్టూడియోస్ సంస్థను కుమార్ మంగత్ నిర్వహిస్తున్నారు. పనోరమా స్టూడియోస్ నిర్మించిన 'దృశ్యం: ది కన్క్లూజన్' చిత్రం అక్టోబర్ 2న విడుదల కానుంది. ఈ సోదాలకు సంబంధించి ఎలాంటి ఆర్థిక లావాదేవీలు జరిగాయి, ఎంత మొత్తం అనే వివరాలను ఐటీ అధికారులు అధికారికంగా వెల్లడించలేదు. ఈ ఆరోపణలపై దర్యాప్తు ఇంకా కొనసాగుతోంది. తాజా దాడులపై మరిన్ని వివరాలు తెలియాల్సి ఉంది.ఇదీ చదవండి: పెళ్లైన 5 నెలలకే టెకీ ఆత్మహత్యనిధుల మళ్లింపు ఆరోపణలుసినిమా ప్రాజెక్ట్‌ల ఫైనాన్సింగ్ పేరుతో నిధులను విదేశాలకు అక్రమంగా తరలిస్తున్నారనే (Funds routed abroad) అనుమానాలతో ముంబై ఐటీ శాఖ అధికారులు 12 ప్రాంతాల్లో ఈ సోదాలు చేపట్టారు. ఐటీ శాఖకు చెందిన పలు బృందాలు డాక్యుమెంట్లు, ఆర్థిక రికార్డులు మరియు విదేశీ లావాదేవీల వివరాలను క్షుణ్ణంగా పరిశీలిస్తున్నాయి.ఇదీ చదవండి: యూనివర్శిటీ విద్యార్థిని మృతి, లవ్‌ జిహాద్‌ ఆరోపణలు కలకలంరకుల్ సోదరుడి డ్రగ్స్ కేసు నేపథ్యంరకుల్ ప్రీత్ సింగ్, వాషు భగ్నానీ కుమారుడైన నిర్మాత జాకీ భగ్నానీని పెళ్లాడారు. కాగా గత ఏడాది డిసెంబర్ 19 న ముంబైలో జరిగిన ఓ డ్రగ్స్ కేసులో రకుల్ ప్రీత్ సింగ్ తమ్ముడు అమన్‌ప్రీత్ సింగ్ ప్రమేయం ఉన్నట్లు ఆరోపణలు వచ్చాయి. ఈ కేసులో ఈగల్ ఫోర్స్, వెస్ట్ జోన్ పోలీసులు ఇద్దరు వ్యాపారులను అరెస్ట్ చేసి, వారి వద్ద నుంచి కొకైన్, ఎండీఎంఏ (MDMA) స్వాధీనం చేసుకున్నారు. అమన్‌ప్రీత్ ఆ డ్రగ్స్ పెడ్లర్ల నుంచి ఐదుసార్లు డ్రగ్స్ కొనుగోలు చేసినట్లు పోలీసులు అనుమానించారు.

ముంబై: ముంబైలో అక్టోబర్ 2న నిర్వహించాలనుకున్న నిరసనకు పోలీసులు అనుమతి నిరాకరించడంతో కాక్రోచ్‌ జనతా పార్టీ (సీజేపీ) వ్యవస్థాపకుడు అభిజీత్ దీప్కే ‘జైల్ భరో ఆందోళన’కు పిలుపునిచ్చారు. శివాజీ పార్క్‌లో నిరసనకు అనుమతి ఇవ్వలేమని ముంబై పోలీసులు స్పష్టం చేసిన నేపథ్యంలో ఆయన ఈ ప్రకటన చేశారు. మహాత్మా గాంధీ జయంతి సందర్భంగా అక్టోబర్ 2న శివాజీ పార్క్‌లో నిరసన చేపట్టాలని సీజేపీ నిర్ణయించింది. అయితే అక్కడ సభ నిర్వహించేందుకు అనుమతి ఇచ్చే అధికారం తమకు లేదని ముంబై పోలీసులు తెలిపారు. బాంబే హైకోర్టు తీర్పు, అనంతరం మహారాష్ట్ర ప్రభుత్వం జారీ చేసిన ఆదేశాలను ఇందుకు కారణాలుగా పేర్కొన్నారు.శివాజీ పార్క్‌లో భారీగా ప్రజలు గుమిగూడితే శబ్ద కాలుష్యం, ట్రాఫిక్ రద్దీ, ప్రజల రాకపోకలకు అంతరాయం ఏర్పడే అవకాశం ఉందని పోలీసులు పేర్కొన్నారు. నిరసన కోసం ముంబైలోని మరో ప్రాంతాన్ని ఎంచుకుని అనుమతి కోరాలని నిర్వాహకులకు సూచించారు. అనుమతి నిరాకరణపై దీప్కే స్పందిస్తూ.. పౌరుల గొంతుకను అణచివేసేందుకు ఇలాంటి చర్యలకు పాల్పడటం ఆమోదయోగ్యం కాదని గతంలో పేర్కొన్నారు. తాజాగా అక్టోబర్ 2న ముంబైలో ‘జైల్ భరో ఆందోళన’ నిర్వహిస్తామని ఎక్స్‌లో ప్రకటించారు. ఈ కార్యక్రమాన్ని ప్రజాస్వామ్య పరిరక్షణకు సంబంధించినదిగా ఆయన అభివర్ణించారు.ప్రధాన ఎన్నికల కమిషనర్ (సీఈసీ) జ్ఞానేశ్ కుమార్ రాజీనామా చేయాలని సీజేపీ డిమాండ్ చేస్తోంది. అలాగే ఓటర్ల జాబితాలపై చేపడుతున్న స్పెషల్ ఇంటెన్సివ్ రివిజన్ (సర్‌)ను నిలిపివేయాలని, ఎన్నికల సంఘానికి సంబంధించిన చట్టపరమైన వ్యవస్థలో మార్పులు చేయాలని కోరుతోంది. ఎన్నికల జాబితాల నిర్ణయాలు, సర్‌ ప్రక్రియకు సంబంధించి ఎన్నికల సంఘంలో అంతర్గత విభేదాలు ఉన్నాయంటూ ఆరోపణలు వచ్చిన నేపథ్యంలో ఈ నిరసనకు పిలుపునిచ్చారు. అయితే ఎన్నికల సంఘం మాత్రం తన పనితీరులో ఎలాంటి మార్పు లేదని స్పష్టం చేసింది. సంస్థలో అభిప్రాయ భేదాలు ఉండటం సాధారణమేనని, కీలక నిర్ణయాలు ఏకగ్రీవంగానే తీసుకున్నామని తెలిపింది.ఇదీ చదవండి: కేదార్‌నాథ్‌లో చిక్కుకుపోయిన ఏపీ యాత్రికులు

నాగ్‌పుర్‌: నాగ్‌పుర్‌ నుంచి ముంబై వెళ్తున్న దురంతో ఎక్స్‌ప్రెస్‌పై రాళ్ల దాడి జరిగింది. శుక్రవారం రాత్రి మహారాష్ట్రలోని బోర్‌ఖేడి స్టేషన్‌ దాటిన తర్వాత రైలు కిటికీపై బయట నుంచి రాయి బలంగా తగలడంతో మూడు బోగీల కిటికీ అద్దాలు పగుళ్లకు గురయ్యాయి. ఈ ఘటనకు సంబంధించిన దృశ్యాలు సామాజిక మాధ్యమాల్లో వైరల్‌గా మారాయి.ప్రయాణికులు కిటికీకి అతి సమీపంలో కూర్చున్న సమయంలో రాయి తగలడంతో అద్దం ముక్కలు లోపలికి ఎగిరిపడ్డాయి. అయితే ఎవరూ గాయపడలేదు. నాగ్‌పుర్‌ నుంచి ముంబై వెళ్తున్న ప్రయాణికులు రైలులో భోజనం చేస్తున్న సమయంలో ఒక్కసారిగా కిటికీ అద్దం పగిలిపోయిందని వీడియోలో ఒక ప్రయాణికుడు చెప్పడం వినిపించింది. రాయి తగిలిన ఘటనలో ఏ-1, బీ-2, బీ-5 బోగీల కిటికీ అద్దాలు దెబ్బతిన్నట్లు రైల్వే అధికారులు తెలిపారు.ఈ ఘటనపై రైల్వే రక్షణ దళం, ప్రభుత్వ రైల్వే పోలీసులు దర్యాప్తు చేపట్టారు. రాత్రి 8.46 గంటలకు సమాచారం అందడంతో బోర్‌ఖేడి-సింధి మార్గంలో 803 నుంచి 796 కిలోమీటర్ల మధ్య ప్రాంతంలో తనిఖీలు నిర్వహించారు. బోర్‌ఖేడి, బ్రాహ్మణి గ్రామాల పరిసర ప్రాంతాలను కూడా పరిశీలించారు. స్థానిక పోలీసు పాటిల్‌, గ్రామస్థులను విచారించినప్పటికీ అనుమానాస్పద వ్యక్తి లేదా ఘటనకు సంబంధించిన స్పష్టమైన ఆధారం లభించలేదు.రైలు ఎస్కార్ట్‌ సిబ్బంది, ప్రయాణికుల సమాచారం ప్రకారం.. రాత్రి 8.27 గంటల సమయంలో బయట నుంచి వచ్చిన రాయి రైలు కిటికీలను తాకింది. అయితే దాన్ని ఎక్కడి నుంచి విసిరారన్నది ఇంకా నిర్ధారణ కాలేదు. ఈ ఘటనపై గుర్తుతెలియని వ్యక్తిపై సెప్టెంబర్‌ 26న తెల్లవారుజామున 2.55 గంటలకు కేసు నమోదు చేశారు. రైల్వే చట్టంలోని సెక్షన్‌ 153 కింద క్రైమ్‌ నంబర్‌ 325/2026గా కేసు నమోదైంది. రాయి విసిరిన కచ్చితమైన ప్రదేశాన్ని గుర్తించేందుకు దర్యాప్తు కొనసాగుతోంది. రైలు ప్రయాణికులకు ఎలాంటి గాయాలు కాలేదు.A stone smashed into an AC coach of the Nagpur–Mumbai Duronto Express like a bullet, injuring 4 passengers. Are we really safe while travelling by train? @RailwaySeva @Central_Railway, passangers safety cannot be taken for granted. https://t.co/vEVJVfh11F— ज़िद्दी नागरिक (@ZiddiNaagrik) September 26, 2026

ముంబైలోని చెంబూర్‌లో ఉన్న ఒక చిన్న చోలే భటూరే రెస్టారెంట్. దీని పేరు ఢిల్లీ సే (Delhi Se). ఇది ఒకప్పుడు దాదాపు రూ. 18 లక్షల అప్పులో కూరుకుపోయి మూతపడటానికి సిద్ధమైంది. కానీ నేడు.. కోట్లు సంపాదిస్తూ బాగా పాపులర్ అయింది. దీనికి కారణం నటి అనుష్క శర్మ చోలే భటూరే ఆర్డర్ చేయడమే. మరిన్ని వివరాలు ఈ కథనంలో చూసేద్దాం.మూతపడే స్థితి నుంచి..జస్పాల్ సింగ్ ఖాల్సా, మహీందర్ సింగ్ ఖాల్సా అనే ఇద్దరు సోదరులు 2021 అక్టోబర్‌లో 'ఢిల్లీ సే'ను ప్రారంభించారు. మొదట అది కేవలం 250 చదరపు అడుగుల చిన్న షాప్ మాత్రమే. అందులో మూడు టేబుళ్లు, తొమ్మిది సీట్లు మాత్రమే ఉండేవి. ప్రారంభంలో.. వ్యాపారం బాగానే ఉన్నప్పటికీ, 2022 జనవరి నుంచి కస్టమర్లు తగ్గడం మొదలైంది. సెప్టెంబర్ నాటికి పరిస్థితి మరింత దారుణంగా మారింది. దాదాపు రూ.18 లక్షల అప్పు పేరుకుపోవడంతో రెస్టారెంట్‌ను మూసేయాలని సోదరులు నిర్ణయించుకున్నారు.అయితే అదే సమయంలో వారి జీవితాన్ని మార్చే ఒక సంఘటన జరిగింది. 2022 సెప్టెంబర్‌లో స్టాండప్ కమెడియన్ అభిషేక్ ఉపమన్యు ఢిల్లీ సేకి వచ్చి చోలే భటూరే తిన్నారు. అప్పట్లో.. ఆయన ఎవరో కూడా సోదరులకు తెలియదు. కానీ.. మరుసటి రోజు నుంచే రెస్టారెంట్‌కు కస్టమర్లు పెరగడం మొదలైంది. తర్వాత వారికి తెలిసింది ఏమిటంటే, అభిషేక్ ఉపమన్యు తన ఇన్‌స్టాగ్రామ్ స్టోరీలో తమ రెస్టారెంట్ గురించి ప్రస్తావించారు అని.అనుష్క శర్మ ఇన్‌స్టా పోస్ట్ఆ తర్వాత ఈ రెస్టారెంట్ గురించి అనుష్క శర్మకు కూడా తెలిసింది. ఆమె భర్త, క్రికెటర్ విరాట్ కోహ్లీకి చోలే భటూరే అంటే చాలా ఇష్టం. ముంబైలో అసలైన ఢిల్లీ రుచిలో చోలే భటూరే కోసం అనుష్క వెతుకుతున్న సమయంలో ఢిల్లీ సే గురించి తెలుసుకున్నారు.ఒక రోజు విరాట్ కోహ్లీ ఇంటి నుంచి రెస్టారెంట్‌కు ఫోన్ వచ్చింది. రెండు ప్లేట్ల చోలే భటూరే జుహూకు పంపాలని అడిగారు. కానీ జస్పాల్‌కు అది నిజమైన ఫోన్ కాల్ అనిపించలేదు. ఎవరో తనను ఆటపట్టిస్తున్నారని అనుకున్నారు. ఎందుకంటే రెండు ప్లేట్ల ధర అప్పట్లో కేవలం రూ.120 మాత్రమే. పైగా చెంబూర్ నుంచి జుహూకు డెలివరీ చేయాలి.ఫోన్ చేసిన వ్యక్తి డెలివరీ ఖర్చు కూడా ఇస్తామని, బ్యాంక్ వివరాలు పంపాలని చెప్పడంతో జస్పాల్‌కు మరింత అనుమానం వచ్చింది. చివరికి ఆమె విరాట్ కోహ్లీ ఇంటి నుంచి ఫోన్ చేస్తున్నానని చెప్పినా ఆయన నమ్మలేకపోయారు. అయినా.. చివరకు ఆర్డర్‌ను తీసుకుని జుహూకు వెళ్లి చోలే భటూరే డెలివరీ చేశారు.ఆ తర్వాత అసలు ట్విస్ట్ వచ్చింది. 'ముంబైలో చివరకు ఢిల్లీ రుచిలో ఉండే చోలే భటూరే దొరికాయని' అనుష్క శర్మ తన ఇన్‌స్టాలో పోస్ట్ చేశారు. ఈ రెస్టారెంట్ గురించి తనకు అభిషేక్ ఉపమన్యు ద్వారా తెలిసిందని కూడా చెప్పారు. ఆ ఒక్క పోస్టుతో ఢిల్లీ సే రెస్టారెంట్ పరిస్థితి పూర్తిగా మారిపోయింది.మారిపోయిన రెస్టారెంట్ పరిస్థితికొద్ది సమయంలోనే రెస్టారెంట్ ముందు భారీగా జనం చేరుకున్నారు. ఫోన్లు ఆగకుండా మోగాయి. కొంతమంది ఆరు, పది ప్లేట్ల చొప్పున ఆర్డర్ చేయడం మొదలుపెట్టారు. రెస్టారెంట్‌లో ఉన్న సరుకులు సరిపోలేదు. పరిస్థితి ఎంతగా పెరిగిందంటే, బయట భారీగా జనం చేరడంతో పోలీసులు కూడా అక్కడికి రావాల్సి వచ్చింది.మొదట రోజుకు కేవలం 8 కిలోల చోలే మాత్రమే తయారు చేసేవారు. కానీ మూడు రోజుల్లోనే అది 100 కిలోలకు చేరింది. సరుకు సరిపోకపోవడంతో చుట్టుపక్కల ఇళ్లవారిని కూడా సహాయం అడిగారు. 'మీ ఇంట్లో చోలే నానబెట్టి పెట్టండి, నేను వచ్చి తీసుకెళ్తాను' అని అడిగేవారు. కొంతమంది కస్టమర్లు రెండు మూడు ప్లేట్ల కోసం కూడా గంటల తరబడి వేచి ఉండాల్సి వచ్చింది.నెలకు రూ.2 కోట్లుఇంతకుముందు నెలకు కేవలం రూ.1 నుంచి 1.5 లక్షల వరకు అమ్మకాలు జరిగే పరిస్థితి నుంచి ఇప్పుడు నెలకు సుమారు రూ.2 కోట్ల అమ్మకాలు జరుగుతున్నాయని సోదరులు చెబుతున్నారు.ఇప్పటికే ఢిల్లీ సేకి చెంబూర్, ములుండ్, అంధేరీ వెస్ట్, వాషీ ప్రాంతాల్లో నాలుగు ఔట్‌లెట్లు ఉన్నాయి. రోజుకు 3,000కు పైగా ప్లేట్ల చోలే భటూరే అమ్ముతున్నామని వారు చెబుతున్నారు. రోజూ సుమారు 125 కిలోల చోలే నానబెడుతున్నారు. ఒకప్పుడు రూ.18 లక్షల అప్పులతో రెస్టారెంట్‌ను మూసేయాలని అనుకున్న ఇద్దరు సోదరులు, ఇప్పుడు కోట్ల రూపాయల వ్యాపారాన్ని నడుపుతున్నారు.ఇదీ చదవండి: బంపరాఫర్.. ఐఫోన్ కొనుగోలుపై రూ.70 వేలు తగ్గింపు!

టీమిండియా మాజీ క్రికెటర్‌ వినోద్‌ కాంబ్లీ మరోసారి వార్తల్లోకి వచ్చాడు. గత కొంతకాలంగా అనారోగ్యంతో బాధపడుతున్న ఈ ముంబైకర్‌ ప్రస్తుతం వృద్ధాశ్రమంలో చేరినట్లు తెలుస్తోంది.వీడియో వైరల్‌థానెలోని ఓ పెద్దల కేర్‌ సెంటర్‌లో ఉన్న వినోద్‌ కాంబ్లీ అక్కడి నుంచి తన అభిమానులతో మాట్లాడుతున్నట్లుగా ఉన్న ఓ వీడియో వైరల్‌గా మారింది. కాగా టీమిండియా దిగ్గజ క్రికెటర్‌ సచిన్‌ టెండుల్కర్‌కు చిన్ననాటి స్నేహితుడైన వినోద్‌ కాంబ్లీ.. ముంబై తరఫున దేశీ క్రికెట్‌ ఆడాడు.ఈ క్రమంలో టీమిండియా తరఫున అరంగేట్రం చేసి 17 టెస్టులు, 104 వన్డేలు ఆడిన కాంబ్లీ.. టెస్టుల్లో 1084, వన్డేల్లో 2477 పరుగులు చేశాడు. టెస్టు క్రికెట్‌లో టీమిండియా తరఫున అత్యంత వేగంగా అంటే కేవలం 14 ఇన్నింగ్స్‌లోనే వెయ్యి పరుగుల మార్కు అందుకున్న ఆటగాడిగా ఇప్పటికీ కొనసాగుతున్నాడు.మాజీ క్రికెటర్ల ఆర్థిక సాయంఅయితే, వ్యక్తిగత దురలవాట్ల వల్ల వినోద్‌ కాంబ్లీ కెరీర్‌ నాశనం కావడంతో పాటు.. గత కొంతకాలంగా ఆరోగ్యం కూడా క్షీణిస్తోంది. ఈ క్రమంలో గతేడాది అతడు మూత్రనాళ ఇన్ఫెక్షన్‌తో పుణెలోని ఆస్పత్రిలో చేరగా.. మాజీ క్రికెటర్లు ఆర్థికంగా సాయం అందించారు. దీంతో మెరుగైన చికిత్స పొందిన కాంబ్లీ.. కోలుకున్న తర్వాత తాను మద్యపానం, ధూమపానం వంటి చెడు అలవాట్లు మానుకున్నట్లు తెలిపాడు.అయితే, ఇప్పటికీ యూరిన్‌ సమస్య ఉందని.. మూత్ర విసర్జనపై అదుపు ఉండటం లేదని కొంతకాలం క్రితం ఓ ఇంటర్వ్యూలో కాంబ్లీ తెలిపాడు. ఈ క్రమంలోనే అతడు థానెలోని ఓ ఎల్డర్లీ కేర్‌ సెంటర్‌లో ఉన్నట్లు వీడియో బయటకు రావడంతో అభిమానులు మరింతగా ఆందోళన చెందుతున్నారు.ఇక్కడ నాకు బాగుందిఇందులో 52 ఏళ్ల వినోద్‌ కాంబ్లీ మాట్లాడుతూ.. ‘‘నేను వినోద్‌ కాంబ్లీ.. ఇప్పుడు నేను నిదాన్‌లో ఉన్నాను. ఇక్కడ నాకు మంచి సౌకర్యాలు కల్పిస్తున్నారు. శుభ్రత విషయంలో ఎలాంటి రాజీ లేదు. ఫస్ట్‌క్లాస్‌ ట్రీట్‌మెంట్‌.ఇంటికి దూరంగా ఉన్నానన్న భావన లేదుఇంటికి దూరంగా ఉన్నానన్న భావన ఏమాత్రం కలగడం లేదు. ఇక్కడ చాలా మంది నన్ను ప్రేమగా చూసుకుంటున్నారు. ఇక్కడ నాతో పాటు చాలా మంది ఉన్నారు’’ అని చెప్పుకొచ్చాడు.ఈ నేపథ్యంలో కొన్నాళ్లపాటు ఈ కేర్‌ సెంటర్‌లో ఉండటానికి వెళ్లాడా? లేదంటే అతడి కుటుంబం శాశ్వతంగా అక్కడే ఉంచబోతుందా? అంటూ అభిమానులు సోషల్‌ మీడియా వేదికగా కామెంట్లు చేస్తున్నారు. మరికొందరేమో పూర్తిగా కోలుకునేంత వరకే కాంబ్లీ అక్కడ ఉంటాడని.. ఆలోపే సదరు కేర్‌ సెంటర్‌ ఈ వీడియో ద్వారా ప్రమోషన్‌ చేసుకుంటోందని విమర్శిస్తున్నారు. కాగా వినోద్‌ కాంబ్లీకి భార్య ఆండ్రియా హెవిట్‌, కుమారుడు జీసన్‌ క్రిస్టియానో కాంబ్లీ, కుమార్తె జొహానా ఉన్నారు. చదవండి: సచిన్‌తో అతడికి పోలికేంటి?: సెహ్వాగ్‌ఇదీ చదవండి: విడాకులకు సిద్ధమైన వినోద్‌ కాంబ్లీ భార్య.. ‘తల్లి’ మనసు కరిగి.. ఇలా...Vinod Kambli’s latest video, he is presently at an elderly care centre in Thane. Praying for his recovery soon. pic.twitter.com/6k1plg1aCl— Abhishek ✨ (@ImAbhishek7_) September 25, 2026

ముంబై: మహానగరం ముంబైలో గణేశ్ ఉత్సవాలు ఘనంగా ముగిశాయి. 12 రోజుల పాటు భక్తుల పూజలు అందుకున్న గణపతి విగ్రహాలు శనివారం ఉదయం నిమజ్జనమయ్యాయి. లాల్‌బాగ్చా రాజా, చించ్‌పోక్లిచా చింతామణి వంటి ప్రసిద్ధ విగ్రహాలకు భక్తులు కన్నీటి వీడ్కోలు పలికారు. శుక్రవారం ఉదయం ప్రారంభమైన నిమజ్జన ఊరేగింపులు రాత్రంతా కొనసాగి 21 గంటలకు పైగా సాగాయి.అరేబియా సముద్రంలో లాల్‌బాగ్చా రాజాభారీ భక్తజనం మధ్య లాల్‌బాగ్చా రాజా విగ్రహాన్ని శనివారం ఉదయం సుమారు 10.50 గంటలకు అరేబియా సముద్రంలో నిమజ్జనం చేశారు. సంప్రదాయ పూజలు, హారతి అనంతరం విగ్రహాన్ని బార్జ్‌పైకి తరలించారు. స్థానిక మత్స్యకారులు, భక్తుల సహకారంతో బార్జ్‌ను సముద్రంలోకి తీసుకెళ్లి నిమజ్జనం నిర్వహించారు.బార్జ్‌పై అనంత్ అంబానీప్రముఖ పారిశ్రామికవేత్త ముకేశ్ అంబానీ కుమారుడు అనంత్ అంబానీ కూడా లాల్‌బాగ్చా రాజా నిమజ్జన కార్యక్రమంలో పాల్గొన్నారు. గణేశ్ ఉత్సవాల సందర్భంగా ఆయన పలుమార్లు లాల్‌బాగ్‌చా రాజా మండపాన్ని సందర్శించారు. శనివారం నిమజ్జన ఊరేగింపులో పాల్గొని, విగ్రహాన్ని తీసుకెళ్లిన బార్జ్‌పై కూడా ఆయన ఉన్నారు.చింతామణికి ఘన వీడ్కోలుముంబైలోని మరో ప్రముఖ గణపతి విగ్రహం చించ్‌పోక్లిచా చింతామణిని ఉదయం సుమారు 10 గంటలకు నిమజ్జనం చేశారు. అనంతరం లాల్‌బాగ్‌లోని బాల గణేశ్ మండల్‌కు చెందిన బల్లాళేశ్వర్ విగ్రహాన్ని సుమారు 11 గంటలకు నిమజ్జనం చేశారు. వీటిని చూసేందుకు భారీ సంఖ్యలో భక్తులు తరలివచ్చారు.21 గంటలకు పైగా సాగిన ఊరేగింపులుఅనంత చతుర్దశి సందర్భంగా శుక్రవారం ఉదయం ముంబైలో గణపతి నిమజ్జన ఊరేగింపులు ప్రారంభమయ్యాయి. వేలాది మంది భక్తులు విగ్రహాలతో కలిసి ఊరేగింపుల్లో పాల్గొన్నారు. రాత్రంతా కొనసాగిన ఈ ప్రక్రియ శనివారం ఉదయం వరకు సాగింది. నగరంలోని చాలా నిమజ్జన కార్యక్రమాలు పూర్తయినప్పటికీ, శనివారం మధ్యాహ్నం వరకు కొన్ని భారీ విగ్రహాలు నిమజ్జనం కోసం వేచి ఉన్నాయని అధికారులు తెలిపారు.24 వేల మంది పోలీసులతో భద్రతముంబైలోని 67 సహజ నిమజ్జన ప్రదేశాలు, 383 కృత్రిమ చెరువుల్లో నిమజ్జనాలను సురక్షితంగా నిర్వహించేందుకు భారీ భద్రతా ఏర్పాట్లు చేశారు. 24 వేలకుపైగా ముంబై పోలీసులను మోహరించారు. బృహన్‌ముంబై మున్సిపల్ కార్పొరేషన్ 25 వేల మంది సిబ్బందిని రంగంలోకి దించింది. లైఫ్‌గార్డులు, వైద్య బృందాలు, భారీ క్రేన్లను కూడా అందుబాటులో ఉంచారు.నిమజ్జన ప్రదేశాల్లో శుభ్రత పనులు12 రోజుల గణేశ్ ఉత్సవాలు ముగియడంతో నిమజ్జన ప్రదేశాలు, ప్రధాన ఊరేగింపు మార్గాల్లో పారిశుద్ధ్య సిబ్బంది శుభ్రత పనులు ప్రారంభించారు. భారీ సంఖ్యలో విగ్రహాలు నిమజ్జనం కావడంతో ఏర్పడిన వ్యర్థాలను తొలగించే పనులు చేపట్టారు. ఇదీ చదవండి: మధుబాల రూ. 500 కానుక.. పూజారి సీన్‌ వైరల్‌!

సముద్రాన్ని చూస్తూ.. వందేళ్లకు పైగా చరిత్రను మోస్తూ.. ముంబై నగరానికి ఓ ప్రత్యేక గుర్తింపుగా నిలిచిన తాజ్‌ మహల్‌ ప్యాలెస్‌ మరోసారి ప్రపంచ దృష్టిని ఆకర్షించింది. 2026లో ప్రపంచంలోని 50 ఉత్తమ హోటళ్ల జాబితాలో 30వ స్థానాన్ని దక్కించుకుంది. గతేడాది 38వ స్థానంలో ఉన్న ఈ చారిత్రక హోటల్‌ ఈసారి ఏకంగా ఎనిమిది స్థానాలు పైకి ఎగబాకింది. 1903లో ప్రారంభమైన ఈ హోటల్‌ నేటికీ తన రాజసాన్ని కోల్పోకుండా ప్రపంచ స్థాయి అతిథులను ఆకట్టుకుంటోంది. వైభవమైన నిర్మాణం, సముద్రతీర దృశ్యం, ఆతిథ్యానికి పేరుగాంచిన సేవలు.. ఇవన్నీ తాజ్‌ ప్రత్యేకతలు. ప్రపంచంలోని ప్రముఖ హోటల్‌ రంగ నిపుణులు, ప్రయాణ రచయితలు, అనుభవజ్ఞులైన ప్రయాణికుల అభిప్రాయాల ఆధారంగా ఈ జాబితా రూపొందింది.ఇదీ చదవండి: స్టూల్‌ మధ్యలో ఆ రంధ్రం ఎందుకో తెలుసా? కారణం తెలిస్తే షాక్‌!

సాక్షి, ముంబై: మహారాష్ట్రలో భారీ అగ్నిప్రమాదం చోటుచేసుకుంది. ముంబై భూలేశ్వర్‌లోని నాలుగు అంతస్థుల భవనంలో పెద్దఎత్తున మంటలు చెలరేగాయి. దీంతో అగ్నిమాపక సిబ్భంది వెంటనే అక్కడికి చేరుకొని మంటలు ఆర్పుతున్నారు. కాగా దురదృష్టవశాత్తు ఈ ప్రమాదంలో భవనంపై ఓ వ్యక్తి చిక్కుకున్నారు. దీంతో సహాయక సిబ్బంది అతనిని కాపాడడానికి తీవ్రంగా యత్నిస్తోంది.

ఎన్నికల సంఘం వ్యవహారంపై వివాదం మరింత ముదిరింది. తాజాగా కాక్రోచ్‌ జనతా పార్టీ ప్రధాన ఎన్నికల కమిషనర్‌ జ్ఞానేశ్‌ కుమార్‌కు విధించిన గడువులో ఒక్కరోజు పూర్తైంది. శనివారం నాటికి ఆయన గనుక రాజీనామా చేయకపోతే తమ ఉద్యమం మొదలవుతుందని హెచ్చరించింది. అందుకు ముహూర్తం కూడా ప్రకటించింది. సీజేపీ వ్యవస్థాపకుడు అభిజీత్‌ దీప్కే ఇవాళ ఎక్స్‌లో ఓ పోస్ట్‌ చేశారు. గాంధీ జయంతి రోజు ముంబై నుంచి దేశవ్యాప్త ఆందోళనలు ప్రారంభిస్తామని ప్రకటించారు. ‘‘జ్ఞానేశ్‌ కుమార్‌ రేపటిలోగా రాజీనామా చేయకపోతే.. అక్టోబర్‌ 2 నుంచి ముంబైలో నిరసన ప్రారంభించి దేశంలోని ఇతర నగరాలకు విస్తరిస్తాం” అని దీప్కే ఎక్స్‌లో పోస్టు చేశారు. గాంధీ జయంతి సందర్భంగా ప్రజాస్వామ్యాన్ని కాపాడేందుకు ప్రతిజ్ఞ చేద్దామని ఆయన పిలుపునిచ్చారు. అంతకు ముందు సీఈసీ రాజీనామాకు 48 గంటల గడువు ఇచ్చి, అవసరమైతే ‘జంతర్‌ మంతర్‌ 2.0’ పేరుతో ఢిల్లీలో మరో ఆందోళన చేపడతామని హెచ్చరించింది. అయితే ఇప్పుడు ముంబైని అందుకు వేదికగా మార్చుకోబోతోంది.సర్‌పై తీవ్ర అభ్యంతరాలు..ఓటర్ల జాబితాల ప్రత్యేక సమగ్ర సవరణ (SIR)లో కోట్లాది పేర్లు డ్రాఫ్ట్‌ జాబితాల నుంచి మినహాయించబడ్డాయని సీజేపీ ఆరోపిస్తోంది. 30 రాష్ట్రాలు, కేంద్ర పాలిత ప్రాంతాల్లో 13 కోట్లకు పైగా పేర్లు డ్రాఫ్ట్‌ ఓటర్ల జాబితాల్లో లేకుండా పోయాయని ఓ జాతీయ మీడియా కథనం ఇచ్చిన నివేదికను ఆధారంగా చేసుకుని ఆ సంస్థ విమర్శలు గుప్పిస్తోంది. మహారాష్ట్ర, ఉత్తరప్రదేశ్‌లో రెండు కోట్లకు పైగా చొప్పున, కర్ణాటకలో సుమారు కోటి, తమిళనాడులో 97 లక్షలు, పశ్చిమ బెంగాల్‌లో 90 లక్షలు, తెలంగాణలో 73 లక్షలు, ఢిల్లీలో 47 లక్షలు, కేరళలో 24 లక్షల మేర పేర్లు తొలగించబడ్డాయని సీజేపీ అంటోందిఇద్దరు కమిషనర్ల అభ్యంతరాలు..‘ది ఇండియన్‌ ఎక్స్‌ప్రెస్‌’ దర్యాప్తు కథనం ప్రకారం.. కేంద్ర ఎన్నికల సంఘంలో సీఈసీకి ఇద్దరు కమిషనర్ల మధ్య గ్యాప్‌ నడుస్తోంది. ఎలక్షన్‌ కమిషనర్లు సుఖ్‌బీర్‌ సింగ్‌ సంధు, వివేక్‌ జోషి గత పది నెలల్లో కనీసం 14సార్లు ఈసీ నిర్ణయాలపై లిఖితపూర్వక అభ్యంతరాలు వ్యక్తం చేశారు. ఓటర్ల పేర్ల చేర్పులు, తొలగింపులు, పునరుద్ధరణ, ఫామ్‌–6 మార్పులు, ఓటర్ల డేటాబేస్‌ కేంద్రీకరణ వంటి అంశాల్లో తమకు సమాచారం లేదంటే అనుమతి లేకుండానే నిర్ణయాలు జరిగాయని వారు ప్రశ్నించినట్లు ఆ కథనం పేర్కొంది.మరోవైపు ఈసీ మాత్రం దీనిపై భిన్నమైన వివరణ ఇచ్చింది. బహుళ సభ్యుల రాజ్యాంగ సంస్థలో భిన్నాభిప్రాయాలు, రాతపూర్వక నోట్లు, అంతర్గత చర్చలు సహజమేనని.. గత ఏడాది తీసుకున్న తుది నిర్ణయాలు ఏకగ్రీవంగానే ఉన్నాయని స్పష్టం చేసింది.‘ఎన్నికల్లో పోటీ చేయొద్దు’..ఇదే సమయంలో సీజేపీ వ్యవస్థాపకుడు అభిజీత్‌ దీప్కే.. ఎన్నికల ప్రక్రియపై అనుమానాలు ఉన్నాయని చెబుతున్న ప్రతిపక్ష పార్టీలపైనా విమర్శలు చేశారు. ఎన్నికలు ‘రిగ్డ్‌’ అవుతున్నాయని భావిస్తే.. అలాంటి ఎన్నికల్లో పోటీ చేయడం ద్వారా వాటికి చట్టబద్ధత కల్పిస్తున్నట్లవుతుందని ఆయన వ్యాఖ్యానించారు. ఎన్నికల్లో పాల్గొనకుండా ఉండటం వల్ల తమ రాజకీయ ఉనికి దెబ్బతింటుందనే భయంతోనే ప్రతిపక్షాలు పోటీ చేస్తున్నాయా? అని ప్రశ్నించారు.

స్టాక్‌ బ్రోకింగ్‌ సంస్థ ఏంజెల్‌ వన్‌ వ్యవస్థాపకుడు, ఛైర్మన్‌, మేనేజింగ్‌ డైరెక్టర్‌ దినేశ్‌ ఠక్కర్‌ మరోసారి వార్తల్లో నిలిచారు. ముంబైలోని అత్యంత ఖరీదైన ప్రాంతాల్లో ఒకటైన జుహూలో ఏకంగా ఓ పూర్తి రెసిడెన్షియల్‌ టవర్‌ను ఆయన కొంటున్నారు. ఎంబసీ డెవలప్‌మెంట్స్‌ లిమిటెడ్‌కు చెందిన ‘ఎంబసీ టెరాజ్జా’ ప్రాజెక్టులోని ఈ టవర్‌ విలువ సుమారు రూ.711 కోట్లు. ఈ డీల్‌ను దేశంలోనే అతిపెద్ద సింగిల్‌ రెసిడెన్షియల్‌ యూనిట్‌ లావాదేవీగా ఎంబసీ డెవలప్‌మెంట్స్‌ పేర్కొంది.భారీ విస్తీర్ణంజుహూ తారా రోడ్డులో ఉన్న ఎంబసీ టెరాజ్జా అల్ట్రా-లగ్జరీ ప్రాజెక్టులో భాగమైన ఈ నివాస టవర్‌ ఎనిమిది అంతస్తులు (G+7) కలిగి ఉంది. దీని కార్పెట్‌ ఏరియా సుమారు 63,000 చదరపు అడుగులు. ఒక్కో అంతస్తులో ఒకే నివాస యూనిట్‌ ఉండేలా ప్రాజెక్టును రూపొందించారు. సముద్రం, సుందర నగరం వీక్షించే సౌకర్యరాతోపాటు ల్యాండ్‌స్కేప్డ్‌ గార్డెన్స్‌, వెల్‌నెస్‌, లైఫ్‌స్టైల్‌ సదుపాయాలు ఇందులో ఉంటాయి.రెండు ఎకరాలకు పైగా విస్తరించిన ఎంబసీ టెరాజ్జాలో సుమారు 50 నివాసాలు, ఐదు టవర్లు ఉన్నాయి. ప్రాజెక్టు మొత్తం గ్రాస్‌ డెవలప్‌మెంట్‌ వ్యాల్యూ (GDV) రూ.3,000 కోట్లకు పైగా ఉంటుందని ఎంబసీ డెవలప్‌మెంట్స్‌ తెలిపింది.ఇంటి పేరు ఇదే..దినేశ్‌ ఠక్కర్‌ ఈ టవర్‌ను తన కుటుంబ నివాసంగా ఉపయోగించుకోనున్నారు. దీనికి ‘ఏంజిలస్‌’ (Angelus) అని పేరు పెట్టనున్నట్లు ఆయన తెలిపారు. కొత్త ఇంటి కోసం వెతుకుతున్నప్పుడు ప్రైవసీ, విశాలమైన స్థలం, సముద్ర వీక్షణం వంటి సౌకర్యాలతో కుటుంబంతో నివసించేందుకు విలాసవంతమైన ఇల్లు తన ప్రధాన ఉద్దేశాలుగా ఉన్నాయని ఠక్కర్‌ వెల్లడించారు.12వ తరగతితోనే చదువు ఆపేసి..దినేశ్‌ ఠక్కర్‌ వ్యాపార ప్రయాణం కూడా ఆసక్తికరమే. ముంబైలోని ములుంద్‌లో వ్యాపార కుటుంబంలో జన్మించిన ఆయన కుటుంబం వస్త్ర వ్యాపారంలో ఉండేది. థానేలోని సెయింట్‌ జాన్‌ ది బాప్టిస్ట్‌ హైస్కూల్‌లో చదివిన ఆయన, అనంతరం ముంబైలోని కిషిన్‌చంద్‌ చెల్లారం కాలేజీలో సైన్స్‌ చదివారు. అయితే 12వ తరగతి తర్వాత ఉన్నత విద్యను కొనసాగించలేదు.కుటుంబ వ్యాపారంలో చేరినప్పటికీ, అక్కడి పరిమితులు తనకు నచ్చక సొంతంగా వ్యాపారం ప్రారంభించాలని నిర్ణయించుకున్నారు. కుటుంబం నుంచి మూలధనం తీసుకుంటే దానితో పాటు కొన్ని పరిమితులు వస్తాయని, అందుకే స్వతంత్రంగా ఉండాలని భావించినట్లు ఆయన ఒక ఇంటర్వ్యూలో చెప్పారు. సుమారు రూ.2.5 లక్షల చిన్న మూలధనంతో తన ప్రయాణాన్ని ప్రారంభించినట్లు వెల్లడించారు.1988లో స్టాక్‌ మార్కెట్‌లోకి..ఠక్కర్‌ 1988లో స్టాక్‌ మార్కెట్‌లోకి ప్రవేశించినప్పుడు ఆయనకు బ్రోకింగ్‌ రంగంపై పెద్దగా అవగాహన లేదు. మొదట్లో లాభాలు వచ్చినప్పటికీ, మార్కెట్‌ పతనంతో పెట్టుబడిలో గణనీయమైన మొత్తాన్ని కోల్పోయారు. అయినప్పటికీ మార్కెట్‌ను విడిచిపెట్టకుండా బ్రోకింగ్‌ వ్యాపారంలోని అవకాశాలను అధ్యయనం చేశారు.1992 హర్షద్‌ మెహతా సెక్యూరిటీస్‌ స్కామ్ ఆయన వ్యాపార ప్రయాణంలో మరో భారీ ఎదురుదెబ్బగా మారింది. ఖాతాదారులు చెల్లింపుల్లో విఫలమవడంతో ఆయనపై ఆర్థిక ఒత్తిడి పెరిగింది. ఆ తర్వాత కూడా వెనక్కి తగ్గకుండా వ్యాపారాన్ని పునర్నిర్మించుకున్నారు.1996లో ఏంజెల్‌ బ్రోకింగ్‌..ఈ అనుభవాల తర్వాత 1996లో ఏంజెల్‌ బ్రోకింగ్‌ను సంప్రదాయ స్టాక్‌ బ్రోకింగ్‌ సంస్థగా ప్రారంభించారు. కంపెనీ అధికారిక సమాచారం ప్రకారం, ఏంజెల్‌ వన్‌ 1996 ఆగస్టు 8న స్థాపించబడింది. తర్వాత సంప్రదాయ బ్రోకింగ్‌ సంస్థ నుంచి డిజిటల్‌-ఫస్ట్‌ ఫైనాన్షియల్‌ సర్వీసెస్‌ కంపెనీగా రూపాంతరం చెందింది. 2019లో కంపెనీ డిజిటల్‌ జర్నీని ప్రారంభించింది.2020 అక్టోబర్‌ 5న ఏంజెల్‌ బ్రోకింగ్‌ షేర్లు స్టాక్‌ మార్కెట్‌లో లిస్ట్‌ అయ్యాయి. ఎన్‌ఎస్‌ఈ రికార్డుల ప్రకారం, కంపెనీ 1996లోనే ప్రారంభమైంది. ప్రస్తుతం దినేశ్‌ ఠక్కర్‌ ఏంజెల్‌ వన్‌ ఛైర్మన్‌, మేనేజింగ్‌ డైరెక్టర్‌గా కొనసాగుతున్నారు.ఇదీ చదవండి: కాబోయే రియల్‌ ఎస్టేట్‌ సామ్రాజ్యాలు!

అమెరికాలో స్థిరపడి, సొంత వ్యాపారం నిర్వహిస్తున్న ఒక ఎన్సారై భారత్‌కు తిరిగి రావాలని నిర్ణయించుకున్నారు. అదీ 23 ఏళ్ల తర్వాత. ముంబైలో మరింత సురక్షితంగా అనిపించడం' వల్ల 23 ఏళ్ల తర్వాత తిరిగి భారత్‌కు వచ్చానని చెప్పిన ఒక ఎన్‌ఆర్‌ఐ (NRI) సోషల్ మీడియాలో అందరి దృష్టిని ఆకర్షించారు. ఒక పోస్ట్ సోషల్ మీడియాలో వైరల్ అవుతోంది. స్వదేశానికి తిరిగి రావాలన్న నిర్ణయం వెనుక అసలు కారణలేంటి?ఆ ఎన్‌ఆర్‌ఐ సోషల్‌ మీడియా పోస్ట్‌ ప్రకారం తన 15వ ఏట అమెరికా వెళ్లిన ఆయన, న్యూయార్క్ నగరంలో చదువు పూర్తి చేసుకుని బయోమెడికల్ ఇంజనీరింగ్‌లో మాస్టర్స్ చేశారు. ఆ తర్వాత ఫార్మాస్యూటికల్ రంగంలో స్థిరపడి, హెచ్-1బి వీసా పొంది, ఐదేళ్ల తర్వాత అమెరికా పౌరసత్వాన్ని పొందారు. సొంతంగా వ్యాపారం ప్రారంభించి విజయవంతం అయ్యారు. మరి ఇండియాకు ఎందుకు తిరిగొచ్చారు.పెళ్లి కాలేదు, ఒక కుక్క, సొంత ఇల్లుతొ అమెరికన్ డ్రీమ్ లాంటి జీవనశైలితో జీవితం హాయిగా గడుస్తోంది. కానీ అప్పటికీ ఆయన తల్లిదండ్రులు 60 ఏళ్ల వయసు దాటి వృద్ధాప్యంలో ఉన్నారు, వారికి అమెరికాకు రావాలనే ఆసక్తి ఏమాత్రం లేదు. ఇంతలో తండ్రికి క్యాన్సర్ నిర్ధారణ అయింది. 70 ఏళ్ల వయసు తండ్రి క్యాన్సర్‌తో మరణించడం, తల్లి ఒంటరిగా ఉండటంతో ఆయనకు భారతదేశానికి తిరిగి వెళ్లాలనే కోరిక బలపడింది. 60 ఏళ్ల పైబడిన తల్లిని చూసుకోవడం, ఆమె వద్దే ఉండాలనే ఉద్దేశంతో ఆయన అమెరికాను వీడాలని నిర్ణయించుకున్నారు.2018, 2020 సంవత్సరాల్లో భారతదేశానికి వచ్చి వెళ్లిన ఆయన, కోవిడ్ మహమ్మారి సమయంలో భారతదేశ వాతావరణానికి, జీవన శైలికి ఆకర్షితులయ్యారు. 2022లో అమెరికాలో తన వ్యాపారాన్ని విక్రయించి, పెన్సిల్వేనియాలోని తన ఇంటిని అమ్మేసి 2023లో ముంబైకి శాశ్వతంగా తిరిగి వచ్చేశారు. ప్రస్తుతం ఆయన భారతీయ కంపెనీలకు కన్సల్టెన్సీ సేవలు అందిస్తున్నారు.ఇదీ చదవండి: 3 రోజుల సమ్మె : బ్యాంకులకు ఆర్థిక మంత్రిత్వ శాఖ కీలక ఆదేశాలుఅమెరికా డ్రీమ్ కంటే స్వదేశమే మిన్నఅమెరికాలోని శుభ్రమైన గాలి, అక్కడి జీవనశైలి కంటే ఇంటి భోజనం, తల్లితో సాయంత్రం వేళల్లో టీ తాగడం, పాత స్నేహితులు, బంధువులతో గడపడంలో లభించే అమూల్యమైన ప్రేమ (అన్‌కండిషనల్ లవ్) ముంబైలో తనకు లభించిందని, అందుకే ఇక్కడే ఎక్కువ భద్రతా భావన కలిగిందని ఆయన పేర్కొన్నారు. ఏది ఏమైనా ఇంటి ఫుడ్‌, తల్లిదండ్రుల చిన్ననాటి కథలు వినడం , స్నేహితులతో సరదాగా గడపడం ఆ నిస్వార్థ ప్రేమ ముందు అన్నీ దిగదుడుపే అని వ్యాఖ్యానించారు.అంతేకాదు అమెరికాకు వెళ్లే ముందు వదిలిపెట్టిన నా చిన్ననాటి స్నేహితులతో ఇప్పటికీ సంబంధాలు కొనసాగిస్తున్నాను. వారు తమ కుటుంబ బాధ్యతల్లో బిజీగా ఉన్నప్పటికీ, తరచుగా కలుస్తుంటాం, కనీసం ఏడాదికి ఒకసారి ట్రిప్పులు లేదా ట్రెక్కింగ్‌లకు వెళ్తుంటామని సంతోషంగా చెప్పారు. సోషల్ మీడియా స్పందనలు చాలామంది నెటిజన్లు ఆయన నిర్ణయాన్ని సమర్థిస్తూ అభినందించారు. జీవితంలో నూటికి నూరుపాట్లు సంతృప్తే ముఖ్యం. ఏదైనా బలమైన కారణం ఉంటే తప్ప మళ్లీ అమెరికాకు వెళ్లకండి. సంతోషంగా ఉండండి అని ఒకరు వ్యాఖ్యానించారు. పౌరసత్వం కేవలం కాగితం ముక్క మాత్రమే భారతదేశం అంత చెడ్డది కాదు. యపలకపి మనలను ఈ స్థాయికి తెచ్చిన కుటుంబానికి అండగా ఉండటమే నిజమైన సంతోషం మరొకరు అభిప్రాయపడ్డారు. భారత్‌లో అమ్మగారితో సమయం గడపండి. ఆ తర్వాత ఇక్కడే ఉండాలా లేక అమెరికా వెళ్ళాలా అన్నది నిర్ణయించుకోవచ్చు అని మరో నెటిజన్ సలహా ఇచ్చారు. ఇదీ చదవండి : పక్కింటి వైఫై సాయం : స్లమ్‌ నుంచి ఢిల్లీ ఐఐటీ దాకా ఎవరీ అభిషేక్‌

ముంబై: ముంబైలో జరుగుతున్న గణేశ్‌ ఉత్సవాల్లో భాగంగా అంధేరీ ఈస్ట్‌లోని సాకినాక్యాచా మహారాజ్ గణపతికి భారీ మోదకాన్ని నైవేద్యంగా సమర్పించారు. ప్రముఖ చెఫ్ హర్ష్ కేడియా, ఆయన బృందం కలిసి ఏకంగా 350 కిలోల బరువున్న, 4.5 అడుగుల ఎత్తైన షుగర్‌ఫ్రీ మోదకాన్ని తయారు చేశారు. 20 గంటలకు పైగా శ్రమించి సిద్ధం చేసిన ఈ భారీ మోదకాన్ని అనంతరం భక్తులకు ప్రసాదంగా పంపిణీ చేశారు.20 గంటల శ్రమతో భారీ మోదకంసాకినాక్యాచా మహారాజ్ గణపతి విగ్రహం వద్ద సమర్పించేందుకు ప్రత్యేకంగా ఈ మోదకాన్ని రూపొందించారు. తయారీ పూర్తయ్యాక ప్రత్యేక ఏర్పాట్లతో మండపానికి తరలించి, నిర్వాహకుల అనుమతితో గణపతి విగ్రహం ముందు ఉంచారు. అనంతరం భక్తులకు ప్రసాదంగా అందజేశారు.చక్కెర లేని ప్రత్యేక తయారీచెఫ్ హర్ష్ కేడియా షుగర్‌ఫ్రీ, ఆరోగ్యాన్ని దృష్టిలో ఉంచుకున్న పండుగ వంటకాలకు ప్రసిద్ధి చెందారు. ఈ భారీ మోదకాన్ని కూడా షుగర్‌ఫ్రీ పద్ధతిలో తయారు చేశారు. దీనిపై భారతదేశంలో పండించిన కోకోతో తయారు చేసిన చాక్లెట్ పొరను ఉపయోగించారు. తయారీ, రవాణా, వేదికపై ఉంచే సమయంలో ఆహార భద్రతకు సంబంధించిన జాగ్రత్తలు పాటించినట్లు కేడియా తెలిపారు.‘ఎంతో భావోద్వేగం’ఈ భారీ మోదకం తయారీ ఓ వంటకానికి సంబంధించిన రికార్డు కాదని కేడియా పేర్కొన్నారు. గణేశుడికి సమర్పించే నైవేద్యం కావడంతో ఇది ఎంతో భావోద్వేగంతో కూడుకున్నదని సోషల్ మీడియా పోస్టులో తెలిపారు. ఎంతో ప్రేమతో మోదకాన్ని తయారు చేసి గణపతి మండపానికి తీసుకొచ్చినట్లు చెప్పారు.భక్తులకు ప్రసాదంగా పంపిణీభారీ మోదకాన్ని కేవలం ప్రదర్శన కోసం తయారు చేయలేదు. గణపతికి నైవేద్యంగా సమర్పించిన తర్వాత నిర్వాహకుల అనుమతితో భక్తులకు ప్రసాదంగా పంచారు. సాకినాక్యాచా మహారాజ్ ముందు ఉంచిన ఈ భారీ మోదకానికి సంబంధించిన ఫొటోలు, వీడియోలు సోషల్ మీడియాలో వైరల్ అవుతున్నాయి.42 అడుగులకు పైగా సాకినాక్యాచా మహారాజ్సాకినాక్యాచా మహారాజ్ గణపతి విగ్రహం 42 అడుగులకు పైగా ఎత్తుతో ఉంది. 2026లో ముంబైలో అత్యంత ఎత్తైన గణేశ విగ్రహంగా గుర్తింపు పొందింది. అయితే ఖేత్వాడిలోని మరో గణేశ మండపం కూడా తమ విగ్రహం 42 అడుగులకు పైగా ఉందని సమాచారం. కాగా షుగర్‌ వ్యాధిగ్రస్తులు నిరభ్యంతరంగా ఈ ప్రసాదం తినవచ్చని నిర్వాహకులు తెలిపారు. ఇదీ చదవండి: బుకర్‌ ప్రైజ్‌ 2026.. తుది జాబితాలో ఆరు నవలలు

Abhishek Sujit Sharma Success story పట్టుదల, కృషి ఉండాలేగానీ అడ్డంకులన్నీ విజయానికి బాటలు వేస్తాయి. ముంబైలోని ఒక మురికివాడ నుంచి ఐఐటీ ఢిల్లీ దాకాఎదిగిన వైనం స్ఫూర్తి దాయకం. జేఈఈ అడ్వాన్స్‌డ్‌లో 199 మార్కులు సాధించి, OBC-NCL కేటగిరీలో 415 ర్యాంక్ (All India Rank 2,456) సాధించాడు. దీని ద్వారా ఐఐటీ ఢిల్లీలో సీటు సంపాదించి, తన కమ్యూనిటీ నుంచి తొలి ఐఐటీయన్‌గా నిలిచిన అభిషేక్ సుజిత్ శర్మ సక్సెస్‌ స్టోరీ ఇది.ముంబైలోని లోకమాన్య తిలక్ నగర్‌లోని హరద్ ఛావుల్‌లో ఒక చిన్న అద్దె గదిలో (నెలకు రూ. 3,000) నలుగురు సభ్యుల కుటుంబంతో అభిషేక్ నివసించేవాడు. అతని తండ్రి ఒక స్టీల్ ఫ్యాబ్రికేషన్ కంపెనీలో కార్మికుడిగా ఉన్నారు. కనీస వసతులు కూడా లేక, అనేక ఆర్థిక ఇబ్బందుల మధ్య అభిషేక్‌ చదువు సాగేది. దీంతో ఖరీదైన కోచింగ్‌లు అన్న ప్రశ్నేలేదు. ఆన్‌లైన్ క్లాసులపైనే ఆధారపడేవాడు. ఇదీ చదవండి: రోజుకు రూ. 50 వేలు : ఈమె వ్యాపారం ఏంటో తెలుసా?మొబైల్ డేటా అయిపోయిన ప్రతిసారీ, పక్కింటి వారి వైఫై (Wi-Fi) కనెక్షన్‌ని ఉపయోగించుకోవడానికి అతను తన ఇంటి టెర్రస్ పైకి ఎక్కేవాడు. ఆ టెర్రసే కొంతకాలం అతనికి క్లాస్‌రూమ్‌లా మార్చుకుని జేఈఈ అడ్వాన్స్‌డ్ (JEE Advanced) ప్రిపేర్‌ అయ్యేవాడు. అభిషేక్‌కు సౌకర్యంగా ఉండాలని అతని తల్లిదండ్రులు నేలపై పడుకుని మంచాన్ని అతనికి కేటాయించారు. చివరికి జేఈఈ అడ్వాన్స్‌డ్‌లో 199 మార్కులు సాధించి, ఓబీసీ-ఎన్‌సీఎల్ విభాగంలో 415వ ర్యాంకును పొందారు. తొలి ఐఐటియన్‌గా తన కుటుంబానికి గర్వంగా నిలవడమే కాడు, తనలాంటి ఎంతోమంది స్ఫూర్తిగా నిలిచాడు.ఇదీ చదవండి: రూ. 2 లక్షల కోట్లు : జపాన్‌కు ధీటుగా హై-స్పీడ్ బుల్లెట్ రైలు

కనుచూపు మేర పరుచుకున్న పచ్చదనం.. చుట్టూ కొండలు.. ఆ పక్కనే వైతరణ సరస్సు.. నగర జీవనానికి దూరంగా ప్రకృతి మధ్యలో ఐదు పడక గదులతో కూడిన ఆధునిక, అందమైన భవనం.. లోపల కళ్లు చెదిరే ఇంటీరియర్‌.. పచ్చటి గడ్డితో కూడిన బాల్కనీ.. ఊహించుకుంటుంటూనే ఎంతో బాగుంది కదా!!PC: Instagram/Youtubeవిలాసవంతమైన విల్లాఈ విలాసవంతమైన బంగ్లా టీమిండియా మాజీ క్రికెటర్‌ అజింక్య రహానేకు సొంతం. మహారాష్ట్రలోని ఇగత్‌పురిలో రహానే, అతడి భార్య రాధికా దోపవ్‌కర్‌ ఈ భవనాన్ని నిర్మించుకున్నారు. ముంబై నుంచి దాదాపు వందకు పైగా కిలోమీటర్ల దూరంలో ఉన్న భవంతికి రాయా ఎస్టేట్‌గా రహానే దంపతులు నామకరణం చేశారు.PC: Instagram/Youtubeపచ్చని ప్రకృతి నడుమసహ్మాద్రి పర్వతావళిలో భాగమైన కొండలు, పచ్చని ప్రకృతి నడుమ ఐదు బెడ్‌రూమ్‌లతో దీనిని నిర్మించారు. రహానే తన కుటుంబ సభ్యులతో కలిసి సెలవు రోజుల్లో పట్టణ జీవితానికి దూరంగా సరదాగా గడిపేందుకు ఈ హాలిడే హోంను కట్టుకున్నారు. ఇందులో ఐదు కింగ్‌సైజ్‌ బెడ్‌రూమ్‌లతో పాటు.. స్విమ్మింగ్‌ పూల్‌, మొదటి అంతస్తులో గార్డెన్‌లో కూర్చుని పరిసరాల అందాలు వీక్షించేందుకు వీలుగా ఓ చిన్న నిర్మాణం ఇక్కడి ప్రత్యేక ఆకర్షణ.ఇక ప్రతీ బెడ్‌రూమ్‌ బాల్కనీతో అనుసంధానమై ఉంటుందట. అక్కడి నుంచి పర్వతాలు, ప్రకృతి అందాలను ఆస్వాదించవచ్చు. కోవిడ్‌ తర్వాత రహానే ఈ భవాన్ని నిర్మించుకున్నాడు.PC: Instagram/Youtubeపిల్లలకు ఆ అనుభూతి ఇచ్చేందుకుతన బాల్యంలో బామ్మ దగ్గరికి వెళ్లి గడిపేవాడినని.. ఇప్పుడు సిటీలో అలాంటి వాతావరణం లేనందున తన పిల్లల కోసమే ఈ హాలిడే స్పాట్‌ను ఎంచుకున్నట్లు రహానే తెలిపాడు. ఇక ఈ భవనంలో ఇంటీరియర్‌ కూడా చక్కగా ఉంది. ఆహ్లాదకరమైన రంగులతో కూడిన సౌకర్యవంతమైన సోఫాలు, రాజసంతో కూడిన కుర్చీలు ప్రత్యేక ఆకర్షణలు.PC: Instagram/Youtubeఇందులో రహానేకు సంబంధించిన రికార్డులు, చిరస్మరణీయ విజయాలకు సంబంధించి విశేషాలతో కూడిన ఫొటోలతో ఓ గదిని నింపేశారు. అయితే, రహానే దీనిని కేవలం తన సొంత అవసరాల కోసం మాత్రమే వాడుకోవడం లేదు. దీనిని అద్దెకు ఇచ్చేందుకు సిద్ధమయ్యాడు. PC: Instagram/Youtubeచాలా కాస్ట్‌లీ గురూ అంటారా?రోజుకు 71,438 రూపాయలు చెల్లిస్తే.. 15 మంది సభ్యులతో కలిసి ఈ లగ్జరీ విల్లాలో స్టే చేయొచ్చు. రెంట్‌కు అదనంగా ఇతర పన్నులు కూడా ఉంటాయి. రహానే ఇలా తన హాలిడే విల్లాను అద్దెకు ఇవ్వడం ద్వారా అదనపు ఆదాయం పొందడంపై గురిపెట్టాడు. కెరీర్‌ సజావుగా సాగుతున్న వేళ.. దీపం ఉండగానే ఇల్లు చక్కబెట్టుకున్న మాదిరి ఈ హాలిడే హోంను రహానే నిర్మించుకున్నాడు.PC: Instagram/Youtubeటెస్టు స్పెషలిస్టు రహానేమహారాష్ట్రకు చెందిన 2011లో అంతర్జాతీయ క్రికెట్‌లో అడుగుపెట్టాడు. టీమిండియా తరఫున 85 టెస్టులు ఆడిన ఈ కుడిచేతి వాటం బ్యాటర్‌.. 5077 పరుగులు సాధించాడు. ఇందులో పన్నెండు శతకాలు ఉన్నాయి. ఇక 90 వన్డేల్లో 2962 పరుగులు చేసిన రహానే, టీ20లలో 375 పరుగులు సాధించాడు.PC: Instagram/Youtubeఅయితే, ఆస్ట్రేలియా గడ్డ మీద టీమిండియా కెప్టెన్‌గా వ్యవహరించి బోర్డర్‌- గావస్కర్‌ ట్రోఫీలో చిరస్మరణీయ విజయం అందించాడు. ఇటీవలే అంతర్జాతీయ క్రికెట్‌కు రహానే వీడ్కోలు పలికాడు. ఇక ఐపీఎల్‌లో ఇప్పటికి 212 మ్యాచ్‌లు ఆడి 5367 పరుగులు సాధించాడు రహానే.చదవండి: ప్రభుత్వం ఇచ్చిన భూమిలో రూ. 7 కోట్ల బంగ్లా

మలాడ్: ముంబైలోని మలాడ్ ప్రాంతంలో ఏర్పాటు చేసిన ఓ గణేశ్ మండపం ఇప్పుడు ప్రత్యేక ఆకర్షణగా మారింది. సాధారణంగా భారీ విగ్రహాలు, భారీ అలంకరణలతో కనిపించే గణేశ్ మండపాలకు బదులుగా.. ఇక్కడ కేవలం ఒక ఇంచి పరిమాణంలో ఉన్న గణేశుడి విగ్రహం భక్తులను ఆకట్టుకుంటోంది. ధన్‌జీవాడీ చా ధన్‌రాజ్ గణపతి మండపంలో ఈ సూక్ష్మ గణేశ విగ్రహాన్ని ఏర్పాటు చేశారు. దీని ప్రత్యేకత ఏమిటంటే.. ఈ చిన్న గణశుడిని ఓ శివలింగం లోపల ఉంచారు. శివుడికి సంబంధించిన అంశాలతో గణేశుడిని అలంకరించడంతోపాటు, ఆయనను నందిపై నిలబెట్టారు.శివలింగంలో ఉన్న చిన్న రంధ్రం ద్వారా మాత్రమే ఈ విగ్రహాన్ని స్పష్టంగా చూడగలం. విగ్రహం అతి చిన్నదిగా ఉండటంతో భక్తులు తమ మొబైల్ ఫోన్లలో 3x డిజిటల్ జూమ్ ఉపయోగించి వినాయకుడని దర్శించుకుంటున్నారు. ఈ చిన్న గణేశుడి చుట్టూ కైలాస పర్వతాన్ని తలపించేలా ప్రత్యేక సెటప్ ఏర్పాటు చేశారు. పత్తితో చేసిన అలంకరణను ఆకాశాన్ని సూచించేలా ఉపయోగించారు. మండపంలో తొలుత వెండి ఆభరణాలతో అలంకరించిన పెద్ద గణేశ విగ్రహం భక్తులకు కనిపిస్తుంది. దాని పక్కనే ప్రత్యేక ఆకర్షణగా సూక్ష్మ గణపతిని పెట్టారు. ఇదీ చదవండి: పాలు.. నేలపాలు.. బకెట్లతో ఎగబడిన జనం!

పాల్ఘర్: మహారాష్ట్రలోని పాల్ఘర్ జిల్లాలో ముంబై-అహ్మదాబాద్ జాతీయ రహదారిపై పాల ట్యాంకర్ బోల్తాపడింది. ట్యాంకర్‌లోని పాలు రోడ్డుపై పెద్దఎత్తున పారడంతో స్థానికులు, అటుగా వెళ్తున్న వాహనదారులు అక్కడికి చేరుకున్నారు. కొందరు బాటిళ్లు, బకెట్లు, ఇతర పాత్రల్లో పాలను సేకరించడం కనిపించింది. ఈ ఘటనలో డ్రైవర్ స్వల్పంగా గాయపడ్డాడు.తావా గ్రామం సమీపంలో సోమవారం మధ్యాహ్నం ఈ ప్రమాదం జరిగింది. ముంబై వైపు వెళ్తున్న పాల ట్యాంకర్ మధ్యాహ్నం 3 గంటల సమయంలో అదుపుతప్పి బోల్తాపడినట్లు సమాచారం. ప్రమాదానికి గల పూర్తి కారణాలపై పోలీసులు దర్యాప్తు చేస్తున్నారు. ట్యాంకర్ బోల్తాపడిన వెంటనే అందులోని పాలు బయటకు వచ్చి హైవేపై ప్రవహించాయి. దీంతో రహదారిలో కొంత భాగం పాలతో నిండిపోయింది. ప్రమాదాన్ని గమనించిన స్థానికులు, అటుగా వెళ్తున్న వాహనదారులు అక్కడికి చేరుకున్నారు. కొందరు బాటిళ్లు, బకెట్లు, ఇతర పాత్రల్లో పాలను తీసుకెళ్లారు.ఈ ప్రమాదంలో ట్యాంకర్ డ్రైవర్ స్వల్పంగా గాయపడినట్లు అధికారులు తెలిపారు. ఇతరులకు ఎలాంటి గాయాలు లేదా ప్రాణనష్టం జరిగినట్లు సమాచారం లేదు. ప్రమాదం జరిగిన వెంటనే అక్కడ కొంతసేపు వాహనాల రాకపోకలకు అంతరాయం ఏర్పడింది. కార్లు, లారీలు సహా పలు వాహనాలు రోడ్డుపై నిలిచాయి.ప్రమాదానికి గురైన ట్యాంకర్‌ను రహదారి నుంచి తొలగించిన అనంతరం వాహనాల రాకపోకలు క్రమంగా సాధారణ స్థితికి వచ్చాయి. ట్యాంకర్ ఎలా అదుపుతప్పింది? ప్రమాదానికి దారితీసిన పరిస్థితులు ఏమిటన్న దానిపై పోలీసులు దర్యాప్తు చేస్తున్నారు. ముంబై-అహ్మదాబాద్ హైవే మహారాష్ట్ర, గుజరాత్‌లను కలిపే కీలక మార్గం కావడంతో ఇక్కడ ప్రతిరోజూ భారీగా ప్రయాణికుల, సరకు వాహనాలు రాకపోకలు సాగిస్తాయి.ఇదీ చదవండి: తేనెను వదిలేసి.. 8,000 తేనెటీగలు చోరీ!

ముంబై: ముంబైలోని ప్రసిద్ధ గణేశ మండపాల్లో ఒకటైన శివ్డీ చా రాజా (Shivdi Cha Raja).. ఈ వినాయక చవితికి 75వ వార్షికోత్సవాన్ని జరుపుకుంటోంది. ఈ సందర్భంగా ప్రత్యేక ఉత్సవాలను నిర్వహిస్తున్నారు. నిర్వాహకులు నీటి అడుగున కొలువైన పురాతన ద్వారకా నగరం థీమ్‌తో భారీ మండపాన్ని ఏర్పాటు చేశారు. గత 75 ఏళ్లుగా ఎన్నో సామాజిక కార్యక్రమాలు చేపట్టిన కమిటీ నిర్వాహకులు ఈ ఏడాది భక్తులకు సరికొత్త అనుభూతిని అందించాలనే సంకల్పంతో ఈ వినూత్న మండపాన్ని తీర్చిదిద్దారు. #WATCH | Mumbai: Immersive visual details of the underwater Dwarka theme created at the 'Shivdi Cha Raja' pandal in Mumbai.Marking its 75th anniversary, the mandal has crafted a unique subaquatic experience featuring the Ganpati idol amidst artificial marine ruins and sea life.… pic.twitter.com/QotxTWc7HK— ANI (@ANI) September 20, 2026గోమతి నది, అరేబియా సముద్రం మధ్య నీటి గర్భంలో మునిగిపోయిన పౌరాణిక ద్వారకా నగరాన్ని తలపించేలా ఈ మండపాన్ని అత్యంత సుందరంగా తీర్చిదిద్దారు. వినాయక విగ్రహంతో పాటు కృత్రిమ సముద్ర జీవులు, జలచరాలు, చారిత్రక శిథిలాల నమూనాలను ఏర్పాటు చేసి నీటి అడుగున ఉన్న వాతావరణాన్ని కళ్లకు కట్లినట్లు ఏర్నాటు చేశారు. స్వామివారిని దర్శించుకోవడంతో పాటు ఈ విభిన్నమైన విజువల్ సెట్టింగ్‌ను ప్రత్యక్షంగా చూసే అవకాశాన్ని ఈ వేదిక భక్తులకు కల్పిస్తోంది.#WATCH | Mumbai: Shivdi Cha Raja Mandal president Shrikant Jadhav said, "This year marks the 75th anniversary of 'Shivdi Cha Raja'. Over these 75 years, through the 'Raja Mandal', we have undertaken numerous social initiatives annually. This year, we decided to do something… https://t.co/0HAxxgXXWR pic.twitter.com/LmsYnaATpv— ANI (@ANI) September 21, 2026శివ్డీ చా రాజా దర్శనంతో పాటు ఈ ప్రత్యేక ద్వారకా నగరం ప్రదర్శనను తిలకించేందుకు మహారాష్ట్రతో పాటు దేశవ్యాప్తంగా వివిధ ప్రాంతాల నుంచి భక్తులు భారీ సంఖ్యలో తరలివస్తున్నారు. సాంప్రదాయబద్ధంగా మొత్తం 11 రోజుల పాటు ఈ వినాయకుడి ప్రతిమ మండపంలోనే పూజలందుకుంటుంది. ద్వారకా నమూనా ప్రత్యేక ప్రదర్శనను ప్రతిరోజూ మధ్యాహ్నం 12:00 గంటల నుండి సాయంత్రం సుమారు 6:00 లేదా 7:00 గంటల వరకు సందర్శకుల కోసం తెరిచి ఉంచుతున్నారు.ఈ నీటి అడుగున ద్వారకా ప్రదర్శన రూపకల్పనకు కమిటీ నిర్వాహకులు ఎంతో కష్టపడ్డారు. ప్లాటినం జూబ్లీ ఉత్సవాల సందర్భంగా దేశం నలుమూలల నుండి వచ్చే భక్తులకు సరికొత్త అనుభూతిని పంచాలన్న పట్టుదలతో ఈ సవాలును స్వీకరించామని, శివ్డీ చా రాజా ఆశీస్సులతో ఈ భారీ ప్రాజెక్ట్ విజయవంతమైందని కమిటీ అధ్యక్షుడు శ్రీకాంత్ జాదవ్ తెలిపారు.ఇదీ చదవండి: ఎల్‌ నినోకు చెక్‌.. గణపయ్యల నిమజ్జనానికి సరికొత్త విధానం!

ముంబై: ముంబై కోస్టల్‌ రోడ్డుపై ఇవాళ (ఆదివారం) తెల్లవారుజామున ఘోర ప్రమాదం జరిగింది. అతివేగంగా దూసుకెళ్లిన బీఎండబ్ల్యూ కారు అదుపుతప్పి బ్రిడ్జి గోడను ఢీకొట్టి కింద పడిపోయింది. ఈ ప్రమాదంలో ముగ్గురు అక్కడికక్కడే మృతి చెందగా.. మరో యువకుడు తీవ్ర గాయాలతో ఆస్పత్రిలో చికిత్స పొందుతున్నాడు.బీఎండబ్ల్యూ కారు మెరైన్‌ డ్రైవ్‌ నుంచి హాజీఅలీ వైపు కోస్టల్‌ రోడ్డుపై వెళ్తుండగా ఈ ఘటన చోటుచేసుకుంది. అతివేగం కారణంగా కారు నడుపుతున్న వ్యక్తి నియంత్రణ కోల్పోయినట్లు పోలీసులు తెలిపారు. కారు ముందుగా బ్రిడ్జి గోడను ఢీకొట్టి.. అక్కడి నుంచి కిందకి పడిపోయింది. ప్రమాదం జరిగిన ప్రాంతంలో కార్ల పార్కింగ్‌ పనులు జరుగుతున్నాయి. ప్రమాదంపై తెల్లవారుజామున 5:20 గంటల సమయంలో కోస్టల్‌ రోడ్‌ కంట్రోల్‌ రూమ్‌కు సమాచారం అందింది. కారులో ఉన్న నలుగురినీ వెంటనే నాయర్‌ ఆస్పత్రికి తరలించారు. అయితే వైద్యులు ముగ్గురు అప్పటికే మృతి చెందినట్లు నిర్థారించారు.మృతులను షనాయ్‌ గజ్జల్‌(21), ధైర్య దర్శన్‌ సేథ్‌(17), ఆదిత్య జకాస్నియా(19)గా గుర్తించారు. తీవ్రంగా గాయపడిన ఆదిత్య కల్పేశ్వర్‌ ఓస్వాల్‌(23)కు ఐసీయూలో చికిత్స అందిస్తున్నారు. అతని పరిస్థితి విషమంగా ఉన్నట్లు వైద్యులు తెలిపారు. ప్రమాదానికి అసలు కారణం ఏమిటన్న దానిపై పోలీసులు దర్యాప్తు చేపట్టారు.Three killed, one injured as speeding BMW crashes on Coastal Road in Mumbai.#Mumbai #BMWcrash pic.twitter.com/Mt0fXslLdN— Ravinder Singh (@ravindraJourno) September 20, 2026ఇదీ చదవండి: హైదరాబాద్‌లో ఒరిగిన భవనం.. ఎలా కూల్చేశారంటే..

ముంబై: గణేశ్‌ ఉత్సవాల వేళ ముంబైలో విషాదకర ఘటన చోటుచేసుకుంది. కాలాచౌకీ ప్రాంతంలోని మహాగణపతి ఉత్సవ మండపం వద్ద విద్యుత్‌ షాక్‌ తగిలి ఓ మహిళ, ఎనిమిదేళ్ల బాలిక ప్రాణాలు కోల్పోయారు. ఈ ఘటనలో మరో నలుగురు అస్వస్థతకు గురయ్యారు. వారిలో 12 ఏళ్ల బాలిక పరిస్థితి విషమంగా ఉండటంతో ఐసీయూలో చికిత్స అందిస్తున్నారు.ఈ ఘటనకు సంబంధించిన వివరాలు ఇలా ఉన్నాయి. కాలాచౌకీ ప్రాంతంలోని మహాగణపతి ఉత్సవ మండపం వద్ద ఆదివారం తెల్లవారుజామున సుమారు 2 గంటల సమయంలో ఈ ఘటన జరిగింది. అక్కడ ఏర్పాటు చేసిన తాత్కాలిక మంచినీటి స్టాల్‌ వద్ద విద్యుత్‌ ప్రవాహం ఉన్నట్లు ముంబై ఫైర్‌ బ్రిగేడ్‌ అధికారులు గుర్తించారు. వెంటనే విద్యుత్‌ సరఫరాను నిలిపివేసి, ముందుజాగ్రత్తగా ఆ ప్రాంతాన్ని మూసివేశారు. గణపతి మండపం వద్ద విద్యుత్‌ షాక్‌ ఘటనలో మొత్తం ఆరుగురు ప్రభావితమయ్యారు. వారిలో సుజాత (33), ఎనిమిదేళ్ల బాలిక మృతి చెందగా.. కిరణ్‌ అక్బర్‌ నాయక్‌ (19), తన్వి నరేశ్‌ హండే (19), సాహిల్‌ సందీప్‌ తారే (19) ఆస్పత్రిలో చికిత్స పొందుతున్నారు. మరో 12 ఏళ్ల బాలిక తీవ్ర పరిస్థితిలో ఐసీయూలో చికిత్స పొందుతోంది. ఆమె పరిస్థితి విషమంగా ఉన్నట్టు వైద్యులు వెల్లడించారు.భారీ రద్దీతో వెనక్కి వచ్చిన కుటుంబంమృతిచెందిన చిన్నారి బంధువు కిష్మతి యాదవ్‌ తెలిపిన వివరాల ప్రకారం.. కుటుంబ సభ్యులు ఆదివారం తెల్లవారుజామున సుమారు 2 గంటలకు మండపం వద్దకు చేరుకున్నారు. అక్కడ భక్తుల రద్దీ ఎక్కువగా ఉండటంతో దర్శనానికి వెళ్లకుండా వెనక్కి వచ్చారు. రద్దీ తగ్గే వరకు వేచి ఉండాలని భావించి మండపం పక్కనే ఉన్న దుకాణం వద్ద ఆగారు. మండపం సమీపంలో విద్యుత్‌ దీపాలు ఏర్పాటు చేశారని, భారీగా భక్తులు వస్తున్నప్పటికీ తగిన భద్రతా చర్యలు తీసుకోలేదని ఆమె ఆరోపించారు. వర్షపు నీరు నిలిచిన ప్రాంతంలో ఏర్పాటు చేసిన కవరింగ్‌ నుంచి నీరు పడటంతో విద్యుత్‌ లైట్‌ కూడా సమీపంలోని వారిపై పడిందని, దీంతో విద్యుత్‌ షాక్‌ తగిలిందని ఆమె పేర్కొన్నారు. ఈ ఘటనలో తన పిల్లలు కల్పన, నేహా విద్యుత్‌ ప్రవాహానికి గురయ్యారని తెలిపారు.VIDEO | Maharashtra: Two persons, including an eight-year-old girl, were killed and several others injured in an electrocution incident near a Ganapati pandal in Mumbai's Lalbaug area early Sunday.The incident occurred near the Kalachowki Vibhag Sarvajanik Ustav Mandal on… pic.twitter.com/Tn1n7kpcxi— Press Trust of India (@PTI_News) September 20, 2026తన పిల్లలను కాపాడేందుకు ప్రయత్నించినప్పుడు తానూ విద్యుత్‌ షాక్‌కు గురైనట్లు కిష్మతి యాదవ్‌ చెప్పారు. మండపం నిర్వాహకులు, సంబంధిత అధికారులు భద్రతా చర్యలు తీసుకోవడంలో నిర్లక్ష్యం వహించారని ఆమె ఆరోపించారు. ఈ ఘటన అనంతరం గణేశ్‌ ఉత్సవాల వేళ తాత్కాలిక విద్యుత్‌ ఏర్పాట్ల భద్రతపై ఆందోళన నెలకొంది. విద్యుత్‌ షాక్‌కు ఖచ్చితమైన కారణం, బాధ్యులపై తదుపరి చర్యలపై అధికారుల దర్యాప్తులో స్పష్టత రావాల్సి ఉంది.మండపాల వద్ద భక్తులు తీసుకోవాల్సిన జాగ్రత్తలు..1. విద్యుత్‌ తీగలు, స్విచ్‌బోర్డులకు దూరంగా ఉండండి. బయటకు కనిపించే వైర్లు, తెగిన తీగలు, తాత్కాలిక విద్యుత్‌ కనెక్షన్లను తాకవద్దు. పిల్లలను వాటి దగ్గరకు వెళ్లనివ్వకండి.2. నీరు నిలిచిన ప్రాంతాల్లో అప్రమత్తంగా ఉండండి. వర్షపు నీరు నిలిచిన చోట్ల, విద్యుత్‌ పరికరాలు లేదా వైర్లు ఉన్న ప్రాంతాల్లోకి వెళ్లవద్దు. తడిసిన వైర్లు, లోహపు స్తంభాలను తాకవద్దు.3. రద్దీ ఎక్కువగా ఉంటే వేచి ఉండండి. మండపంలోకి వెళ్లేందుకు తొందరపడవద్దు. తోపులాట చేయకుండా, నిర్వాహకులు ఏర్పాటు చేసిన క్యూల్లోనే వెళ్లండి. రద్దీ పెరిగితే కొంతసేపు దూరంగా ఉండండి.4. అత్యవసర మార్గాలను ముందే గుర్తించండి. మండపంలోకి వెళ్లినప్పుడు బయటకు వెళ్లే మార్గాలు, అత్యవసర ద్వారాలు ఎక్కడున్నాయో గమనించండి. ప్రవేశ ద్వారాల వద్ద గుమిగూడవద్దు.5. విద్యుత్‌ ప్రమాదం కనిపిస్తే వెంటనే సమాచారం ఇవ్వండి. తీగలు కిందపడటం, స్పార్కులు రావడం లేదా విద్యుత్‌ షాక్‌ తగిలినట్లు కనిపిస్తే వాటిని స్వయంగా సరిచేయడానికి ప్రయత్నించవద్దు. నిర్వాహకులు, విద్యుత్‌ సిబ్బంది లేదా అత్యవసర సేవలకు వెంటనే తెలియజేయండి.ఎవరికైనా విద్యుత్‌ షాక్‌ తగిలితే ఏం చేయాలి?విద్యుత్‌ సరఫరా నిలిపివేసే వరకు బాధితుడిని నేరుగా తాకవద్దు. తడిగా ఉన్న నేలపై నిలబడి బాధితుడిని లాగేందుకు ప్రయత్నించవద్దు. విద్యుత్‌ సరఫరా నిలిపివేయాలని వెంటనే విద్యుత్‌ సిబ్బందికి, అత్యవసర సేవలకు సమాచారం ఇవ్వండి. విద్యుత్‌ సంబంధం పూర్తిగా తెగిందని నిర్ధారించిన తర్వాతే సురక్షితంగా సహాయం చేయాలి. బాధితుడికి వెంటనే వైద్య సహాయం అందించాలి. శ్వాస లేకపోతే, శిక్షణ ఉన్నవారు అత్యవసర సహాయం CPR ప్రారంభించాలి.

ముంబై: ముంబైలోని కోస్టల్ రోడ్డుపై ఆదివారం తెల్లవారుజామున ఘోర రోడ్డు ప్రమాదం చోటుచేసుకుంది. అతివేగంతో వెళ్తున్న బీఎండబ్ల్యూ కారు అదుపుతప్పి వంతెన పైనుంచి కిందకు పడిపోయింది. ఈ దుర్ఘటనలో కారులో ప్రయాణిస్తున్న నలుగురిలో ముగ్గురు అక్కడికక్కడే ప్రాణాలు కోల్పోగా, మరొకరు తీవ్ర గాయాలతో ఆసుపత్రిలో చికిత్స పొందుతున్నారు.ముంబై పోలీసుల సమాచారం మేరకు.. మెరైన్ డ్రైవ్ నుంచి హాజీ అలీ వైపు కోస్టల్ రోడ్డు మీదుగా బీఎండబ్ల్యూ కారు అత్యంత వేగంగా వెళ్తోంది. ఈ క్రమంలో లాలా కాలేజీ ఎదురుగా, లోటస్ జెట్టీ సమీపంలోకి రాగానే వాహనం అదుపుతప్పి వంతెన పైనుంచి ఒక్కసారిగా కిందకు దూసుకెళ్లింది. ఆదివారం ఉదయం 5:20 గంటల ప్రాంతంలో కోస్టల్ రోడ్డు కంట్రోల్ రూమ్‌కు ఈ ప్రమాదంపై సమాచారం అందింది.ప్రమాద తీవ్రతకు కారు నుజ్జునుజ్జవగా, ఘటనా స్థలంలోనే ముగ్గురు మరణించారు. మృతుల్లో 21 ఏళ్ల షనాయ్ గజ్జల్, 17 ఏళ్ల ధిర్యా సేఠ్‌తో పాటు 25 ఏళ్ల గుర్తుతెలియని యువకుడు ఉన్నారు. తీవ్రంగా గాయపడిన మరో 20 ఏళ్ల గుర్తుతెలియని యువకుడిని సమీపంలోని ఆసుపత్రిలోని ట్రామా వార్డుకు తరలించారు. ప్రస్తుతం అతడి పరిస్థితి విషమంగా ఉన్నట్లు వైద్య వర్గాలు వెల్లడించాయి. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు. VIDEO | Maharashtra: Early Sunday, two individuals including an eight-year-old girl—lost their lives and several others sustained injuries after being electrocuted near a Ganapati pandal in Mumbai's Lalbaug area.Morning Visuals from Spot.(Full video available on PTI Videos -… pic.twitter.com/sOe36jnlVl— Press Trust of India (@PTI_News) September 20, 2026మరో ఘటనలో విద్యుదాఘాతంతో ఇద్దరి మృతిముంబైలోని కాలాచౌకీ ప్రాంతంలో ఆదివారం వేకువజామున మరో విషాదం చోటుచేసుకుంది. దత్తారామ్ లాడ్ మార్గ్‌లోని మహాగణపతి ఉత్సవ మండపం ప్రవేశ ద్వారం వద్ద ఏర్పాటు చేసిన తాత్కాలిక తాగునీటి స్టాల్‌లో విద్యుత్ ప్రమాదం చోటుచేసుకుంది. ఈ ఘటనలో ఎనిమిదేళ్ల బాలిక రాగిణి ఘనశ్యామ్ యాదవ్‌తో పాటు మరో వ్యక్తి మృతి చెందగా, నలుగురు తీవ్రంగా గాయపడ్డారు. విద్యుత్ అధికారులు, అగ్నిమాపక సిబ్బంది ఘటనా స్థలానికి చేరుకుని విద్యుత్ సరఫరాను నిలిపివేశారు.ఇదీ చదవండి: వైష్ణోదేవి హెలిపాడ్‌లో మంటలు.. తప్పిన ముప్పు

ముంబై: మహారాష్ట్రలోని ముంబైలోని అత్యంత ప్రసిద్ధ లాల్‌బాగ్చా రాజా గణేష్ మండలికి ఉత్సవాలు ప్రారంభమైన మొదటి మూడు రోజుల్లోనే భక్తుల నుంచి నగదు, బంగారం, వెండి రూపంలో మొత్తం రూ.3.18 కోట్ల విలువైన విరాళాలు అందాయి. ట్రస్ట్ నిర్వాహకుల లెక్కల ప్రకారం, భక్తులు హుండీలో రూ.1.9 కోట్ల నగదుతో పాటు యూఎస్ డాలర్ల వంటి విదేశీ కరెన్సీని కూడా సమర్పించారు.వీటితో పాటు రూ.98.9 లక్షల విలువైన 647.47 గ్రాముల బంగారం, రూ.30.35 లక్షల విలువైన 12,389 గ్రాముల వెండి కానుకలుగా వచ్చాయి. విరాళాల్లో బంగారు గాజులు, గొలుసులు మాత్రమే కాకుండా ప్రత్యేకంగా చెక్కిన వెండి పెన్నులు, వెండి క్రికెట్ బ్యాట్‌లు కూడా ఉన్నాయి. రోజువారీ సేకరణను పరిశీలిస్తే మొదటి రోజున రూ.48.5 లక్షల నగదు, 66.77 గ్రాముల బంగారం, 2,806 గ్రాముల వెండి లభించగా, రెండో రోజైన సెప్టెంబర్ 16న అత్యధికంగా రూ.88.9 లక్షల నగదు, 226.12 గ్రాముల బంగారం, 5,516 గ్రాముల వెండి సమకూరాయి. In the first three days of Ganeshotsav, Mumbai’s iconic Lalbaugcha Raja Ganesh Mandal has received donations worth Rs 3.18 crore in cash, including US dollars, gold, and silver jewellery. 🔗https://t.co/cdXdGhEfS2 https://t.co/wCNQHvBzPy— The Indian Express (@IndianExpress) September 18, 2026ఇక మూడో రోజున రూ.53 లక్షల నగదు, 354.58 గ్రాముల బంగారం, 4,067 గ్రాముల వెండిని లెక్కించారు. రోజూ పూజాదికాలు ముగిసిన అనంతరం బృహన్ ముంబై మున్సిపల్ కార్పొరేషన్ (బీఎంసీ) అధికారులు, బ్యాంక్ ఆఫ్ మహారాష్ట్ర ప్రతినిధులు, ట్రస్ట్ సభ్యుల పర్యవేక్షణలో ఈ లెక్కింపు ప్రక్రియ కొనసాగుతోంది. ఈ విరాళాల మొత్తాన్ని బ్యాంకులో భద్రపరిచి, ట్రస్ట్ ద్వారా ఏడాది పొడవునా నిర్వహించే వివిధ సామాజిక సేవా, ధార్మిక కార్యక్రమాలకు వినియోగించనున్నారు.ఇదీ చదవండి: హైతీల గుప్పిట్లో ‘బాబ్ అల్‌ మందబ్‌’.. చిక్కుల్లో భారత్‌, చైనా!

న్యూఢిల్లీ: టెక్‌ దిగ్గజం యాపిల్‌ ఇటీవల ఆవిష్కరించిన ఐఫోన్‌ 18 ప్రో, ప్రో మ్యాక్స్‌ స్మార్ట్‌ఫోన్లు తాజాగా భారత మార్కెట్లో ఎంట్రీ ఇచ్చాయి. శుక్రవారం నుంచి అమ్మకాలు ప్రారంభం కావడంతో, ముందుగా దక్కించుకునేందుకు యాపిల్‌ స్టోర్స్‌ తెరవడానికి ముందు నుంచే ఫ్యాన్స్‌ బారులు తీరారు. ముంబై, ఢిల్లీ నుంచి బెంగళూరు వరకు చాలా ప్రాంతాల్లో చాంతాడంత క్యూలు కనిపించాయి. పలువురు ఫ్యాన్స్‌ తమ పాత ఐఫోన్లను అప్‌గ్రేడ్‌ చేసుకునేందుకు దూర ప్రాంతాల నుంచి వచ్చారు. ‘మూడు కెమెరాలు, అప్‌గ్రేడ్‌ చేసిన అనేక ఫీచర్లు, మెరుగైన పనితీరుతో పాటు షో ఆఫ్‌ చేయడానికి ఇది చాలా బాగుంటుంది. పైగా యాపిల్‌ అనేది చాలా పెద్ద బ్రాండ్‌ కూడా. సెప్టెంబర్‌ 12 సాయంత్రం ప్రీ–బుక్‌ చేసుకుంటే 18 ఉదయం 8.15 గం.కి మొదటి స్లాట్‌ దొరికింది. మొత్తానికి మొదటి ఫోన్‌ అందుకున్నా‘ అని ఓ కస్టమర్‌ పేర్కొన్నారు. సెప్టెంబర్‌ 9న అమెరికాలో ఆవిష్కరించిన ఐఫోన్‌ 18 ప్రో ధర భారత్‌లో రూ. 1,64,900 నుంచి, 18 ప్రో మ్యాక్స్‌ రేటు రూ. 1,79,900 నుంచి ప్రారంభమవుతుంది. బ్లాక్, సిల్వర్‌ తదితర నాలుగు రంగుల్లో ఇవి లభిస్తాయి. యాపిల్‌ తొలిసారిగా ఫోల్డబుల్‌ స్మార్ట్‌ఫోన్‌ ’డ్యుయో’ని ప్రవేశపెట్టింది. భారత్‌లో దీని ధర రూ. 2,99,900 నుంచి రూ. 4,49,900 వరకు ఉంది.

ముంబై: ముంబై: ప్రముఖ హాలీవుడ్‌ దర్శకుడు క్రిస్టోఫర్‌ నోలన్‌ పేరు చెబితే ప్రపంచవ్యాప్తంగా ఆయన సినిమాలే గుర్తుకొస్తాయి. జూలైలో ముంబైకి వచ్చిన నోలన్‌.. ఓ పాత ఇరానీ కేఫ్‌లో చాయ్‌, బన్‌ మస్కా రుచి చూశారు. అయితే కొద్ది రోజులకే అదే కేఫ్‌ ఆహార భద్రత, పరిశుభ్రతకు సంబంధించిన కారణాలతో వార్తల్లోకి వచ్చింది.ప్రముఖ హాలీవుడ్‌ దర్శకుడు క్రిస్టోఫర్‌ నోలన్‌, నటులు మాట్‌ డేమన్‌, టామ్‌ హాలండ్‌ చాయ్‌, బన్‌ మస్కా తిన్న ముంబైలోని ప్రముఖ ఇరానీ కేఫ్‌ ‘ఒలింపియా కాఫీ హౌస్‌’కు తాజాగా షాక్‌ తగిలింది. కొలాబాలో ఉన్న 108 ఏళ్ల నాటి ఈ కేఫ్‌ ఫుడ్‌ లైసెన్స్‌ను మహారాష్ట్ర ఫుడ్‌ అండ్‌ డ్రగ్‌ అడ్మినిస్ట్రేషన్‌ (FDA) సెప్టెంబర్‌ 16న తక్షణమే సస్పెండ్‌ చేసింది. వినియోగదారుడి ఫిర్యాదు మేరకు ‘సేఫ్‌ ఫుడ్‌ సేఫ్‌ మహారాష్ట్ర’ కార్యక్రమం కింద అధికారులు తనిఖీలు చేపట్టారు. ఈ విషయాన్ని న్యూస్‌18 కూడా తన కథనంలో పేర్కొంది.ఎఫ్‌డీఏ తనిఖీల్లో ఆహార పదార్థాలు నిల్వ చేసే ప్రాంతంలోనే యూరినల్‌ ఉండటం, రిఫ్రిజిరేటర్‌లో మాంసం రక్తపు అవశేషాలు కనిపించడం, కేఫ్‌ పరిసరాల్లో బొద్దింకలు, ఈగల సమస్య ఉండటం వంటి అంశాలు గుర్తించినట్లు తనిఖీ నివేదికలో పేర్కొన్నారు. ఆహార పదార్థాలను నేలపైనే ఉంచి నిర్వహించడం, ఆహార తయారీలో పరిశుభ్రంగా లేని నీటిని ఉపయోగించడం, మాంసాహార–శాకాహార ముడి పదార్థాలను సరిగా వేరు చేయకపోవడం వంటి లోపాలు కూడా ఉన్నట్లు అధికారులు తెలిపారు. అలాగే పరిశుభ్రత లేని చెక్క కటింగ్‌ బోర్డులను ఉపయోగించడం, ఆహారం తయారు చేసే సిబ్బంది రక్షణ దుస్తులు ధరించకపోవడం వంటి అంశాలను కూడా గుర్తించారు.మొత్తం 35 మంది ఆహార సిబ్బందిలో 34 మందికి ఫుడ్‌ సేఫ్టీపై సరైన శిక్షణ లేదని అధికారులు పేర్కొన్నారు. నీటి నాణ్యత పరీక్షలు, పారిశుద్ధ్యానికి సంబంధించిన తప్పనిసరి రికార్డులు కూడా తనిఖీ సమయంలో అందుబాటులో లేవని తెలిపారు. ఈ లోపాలు ఆహార భద్రత, ప్రజారోగ్యానికి ముప్పుగా మారే అవకాశం ఉందని ఎఫ్‌డీఏ పేర్కొంది. దీంతో లోపాలను పూర్తిగా సరిచేసే వరకు కేఫ్‌లో ఆహారం కొనుగోలు, తయారీ, నిల్వ, విక్రయాలు, పంపిణీ నిలిపివేయాలని ఆదేశించింది. మళ్లీ తనిఖీ నిర్వహించి పరిస్థితులు సంతృప్తికరంగా ఉన్నట్లు తేలిన తర్వాతే కేఫ్‌ కార్యకలాపాలు తిరిగి ప్రారంభించేందుకు అవకాశం ఉంటుంది.కాగా, ‘ది ఒడిస్సీ’ ముంబై ప్రీమియర్‌కు ముందు జూలైలో క్రిస్టోఫర్‌ నోలన్‌, మాట్‌ డేమన్‌, టామ్‌ హాలండ్‌ తదితర చిత్ర బృందం అనుకోకుండా ఒలింపియా కాఫీ హౌస్‌కు వెళ్లింది. అక్కడ వారు చాయ్‌, బన్‌ మస్కా తీసుకున్నారు. దీంతో 108 ఏళ్ల చరిత్ర కలిగిన ఈ ఇరానీ కేఫ్‌ మరోసారి అందరి దృష్టిని ఆకర్షించింది. అయితే తాజాగా ఎఫ్‌డీఏ చర్యతో అదే కేఫ్‌ పరిశుభ్రత, ఆహార భద్రత అంశంలో చర్చనీయాంశంగా మారింది. లైసెన్స్‌ సస్పెన్షన్‌పై కేఫ్‌ యాజమాన్యం నుంచి ఇప్పటివరకు అధికారిక స్పందన రాలేదు.ఇదీ చదవండి: వాళ్లు స్టార్‌ హీరోలే కావొచ్చు! కానీ చట్టాన్ని ఉల్లంఘించారు

ముంబై: ముంబైలో గణేశోత్సవం అంటే భారీ విగ్రహాలు, వైభవంగా కనిపించే అలంకరణలు, లక్షలాది భక్తుల సందడే గుర్తుకొస్తుంది. అయితే ఈ వేడుకల మూలాలు మాత్రం నిశ్శబ్దంగా సాగే సామాజిక ఉత్సవాల్లో ఉన్నాయి. నగరంలోని వందేళ్లకు పైబడిన కొన్ని గణేశ మండపాలు ఇప్పటికీ తమ పూర్వీకుల సంప్రదాయాలను కొనసాగిస్తున్నాయి. చిన్న విగ్రహాలు, సంప్రదాయ పూజలు, కుటుంబసభ్యులు, స్థానికులతో కలసి ఉత్సవాలను నిర్వహిస్తున్నాయి. ముంబైలో వందేళ్ల చరిత్ర కలిగిన 32 గణేశ మండపాలు ఉన్నాయని, వాటిలో 24 గిర్‌గావ్‌ పరిసర ప్రాంతాల్లోనే ఉన్నాయని నగరంలో పర్యటనలు నిర్వహించే ‘ఖాకీ టూర్స్‌’ తెలిపింది.గిర్‌గావ్‌లోని వీపీ రోడ్డులో ఉన్న 105 ఏళ్ల అంగ్రేవాడి గణేశోత్సవ మండల్‌లో ఈసారి వేడుకలు నిరాడంబరంగా జరుగుతున్నాయి. నితిన్‌ గాడ్రే, స్వాతి జోషి అనే ఇద్దరు స్థానికులు గత నెల కైలాస మానస సరోవర్‌ యాత్రకు వెళ్లారు. నేపాల్‌లో ఇటీవల సంభవించిన ఆకస్మిక వరదల అనంతరం వారు గల్లంతైన వారిలో ఉన్నట్లు సమాచారం. ఇద్దరూ ఉత్సవాల్లో చురుగ్గా పాల్గొనేవారని కమిటీ సభ్యుడు మిలింద్‌ పోంక్షే తెలిపారు.అంగ్రేవాడిలో గతంలో సుమారు 100 మరాఠీ కుటుంబాలు గణేశోత్సవంలో పాల్గొనేవి. 1971లో నిర్వహించిన స్వర్ణోత్సవాల్లో నాటకాలు, ఆధ్యాత్మిక కార్యక్రమాలు, మంత్ర పఠనాలు, సాంస్కృతిక ప్రదర్శనలు నిర్వహించారు. ప్రస్తుతం అక్కడ 30-40 మరాఠీ కుటుంబాలు మాత్రమే ఉన్నాయి. అయినప్పటికీ 2.5 అడుగుల విగ్రహంతో 10 రోజులపాటు ఉత్సవాలు కొనసాగుతున్నాయి. సాయంత్రం 8-10 మంది పూజారులు మంత్ర పఠనం, హారతి నిర్వహిస్తున్నారు. గణేశుడికి సంస్కృత స్తుతితోపాటు ప్రసాదంగా ఉసల్‌ తయారు చేసే సంప్రదాయం కొనసాగుతోంది.ఖాదిల్‌కర్‌ రోడ్డులోని కేశవ్‌జీ నాయక్‌ చాల్‌లోని శ్రీ సార్వజనిక గణేశోత్సవ సంస్థ 133వ ఏడాదిని జరుపుకొంటోంది. 1901లో లోకమాన్య తిలక్‌ ఈ చాల్‌ను సందర్శించి అక్కడ ఆతిథ్యం స్వీకరించినట్లు కమిటీ సభ్యులు చెబుతున్నారు. ఇక్కడ రెండు అడుగుల విగ్రహాన్ని ప్రతిష్ఠించి, లౌడ్‌స్పీకర్లు లేకుండా వేడుకలు నిర్వహిస్తున్నారు. ఇళ్లలోనే పరిమితమైన గణేశోత్సవాన్ని స్వాతంత్య్ర యోధుడు తిలక్‌ ప్రజా ఉద్యమంగా మార్చారు. బ్రిటిష్‌ పాలనలో రాజకీయ సమావేశాలపై ఆంక్షలు విధించిన సమయంలో, ప్రజలను ఒకచోట చేర్చేందుకు, స్వరాజ్య సందేశాన్ని వ్యాప్తి చేసేందుకు ఈ ఉత్సవాలను నిర్వహించారు.కింగ్స్‌ సర్కిల్‌లో 1925లో ఏర్పడిన దక్షిణీ బ్రాహ్మణవాడి మండల్‌ రెండు రోజుల గణపతి ఉత్సవాన్ని నిర్వహించింది. స్థానికుల నుంచి కొద్దికొద్దిగా ధాన్యం సేకరించి, మహాప్రసాదం ఏర్పాటు చేయడం ఇక్కడి సంప్రదాయం. వివాహం అనంతరం ఈ ప్రాంతం విడిచి వెళ్లిన మహిళలు సైతం పూజల్లో పాల్గొనేందుకు ఇక్కడికి తిరిగి వస్తుంటారు. మరాఠీ నాటకాలు, ఆర్కెస్ట్రా కార్యక్రమాలు కూడా నిర్వహిస్తుంటారు.ఇదీ చదవండి: 471 ఏళ్ల క్రితమే నోస్ట్రడామస్ ‘ఒంటరి మెదడు’ హెచ్చరిక?

కోటీశ్వరుడైన అరుల్‌ తల్లి చావుబతుకుల మధ్య ఉన్నప్పుడు అతడికి ఒక స్వామీజీ.. ‘నలభై ఎనిమిది రోజులు ఎవరికీ తెలియకుండా బిచ్చగాడిగా దీక్ష చేస్తే నీ తల్లి కోలుకుంటుంది’ అని సలహా ఇస్తాడు. స్వామిజీ సలహాను అనుసరించి నలభై ఎనిమిది రోజులు బిచ్చగాడిగా అవతారం ఎత్తి అష్టకష్టాలు పడతాడు అరుల్‌. అయితే ఇది ‘బిచ్చగాడు’ అనే సూపర్‌ హిట్‌ సినిమా కథ. ఇంచుమించు ఇలాంటి ఘటనే ముంబైలో జరిగి సంచలనం సృష్టించింది...మహారాష్ట్రలోని అత్యంత సంపన్న శాసన సభ్యులలో పరాగ్‌ షా ఒకరు. ఈయన ఘాట్‌కోపర్‌ తూర్పు నియోకవర్గ శాసనసభ్యుడు, వ్యాపారవేత్త. జైన సంప్రదాయంలోని ఒక ప్రత్యేక మాసం సందర్భంగా తన ఆధ్యాత్మిక గురువు సూచన మేరకు ముంబైలోని ఘాట్‌కోపర్‌ వీధుల్లో ఒకరోజు బిచ్చగాడి వేషధారణలో గడిపాడు షా. దీని కోసం భద్రతా సిబ్బందిని దూరం పెట్టాడు. ఖరీదైన వస్తువులు, వాహనాలను విడిచి పెట్టాడు. ప్రజలు తనను గుర్తు పట్టకుండా ఉండడానికి ప్రత్యేకంగా మేకప్‌ వేసుకొని రోజంతా భిక్షాటన చేస్తూ గడిపాడు.ఆ బీదలు దయాగుణ సంపన్నులు!‘ సమోసాలు అమ్మే వ్యక్తి పేదవాడు అయినప్పటికీ ఏమాత్రం అసహనం ప్రదర్శించకుండా నాకు సమోసాలు ఇచ్చాడు. ముంబై నగరం ఎలాంటిదంటే ఇక్కడ ప్రజలు ఎప్పుడూ ఒకరికొకరు సహాయం చేసుకోవడానికి సిద్ధంగా ఉంటారు’ అని ఆ అనుభవాన్ని గుర్తు తెచ్చుకున్నాడు షా. కోటీశ్వరుడైన షా భిక్షాటన చేయడమే కాకుండా, రోడ్డు పక్కన కూర్చొని బిచ్చగాడిలాగే తిన్నాడు. ఆ తరువాత తన మేకప్‌ను తీసేసుకొని, తాను ఇంతకు ముందు వెళ్లిన వారి దగ్గరకు వెళ్లాడు. ఆ వ్యక్తులతో మాట్లాడాడు. కృతజ్ఞతలు తెలియజేశాడు. బిచ్చగాడిగా తన అనుభవాలను సన్నిహితులతో, గురువుతో పంచుకున్నాడు. రియల్టర్‌ నుండి రాజకీయ నాయకుడిగా మారిన షా మొదట కార్పొరేటర్‌గా గెలిచాడు.మహారాష్ట్ర అసెంబ్లీ ఎలక్షన్స్‌–2024 కోసం సమర్పించిన అఫిడవిట్‌లో రూ.3,383 కోట్లకు పైగా విలువైన ఆస్తులు తనకు ఉన్నట్లు ప్రకటించాడు. తద్వారా రాష్ట్రంలో అత్యంత సంపన్న అభ్యర్థిగా నిలిచి అందరి దృష్టిని ఆకర్షించాడు.ఇలా అందరూ చేస్తే!బిచ్చగాడిగా షా వీడియో, ఫొటోలు సోషల్‌ మీడియాలో వైరల్‌ అయ్యాయి. నెటిజన్లు రకరకాలుగా స్పందించారు. ‘ఒక్క రోజో, రెండు రోజులో... ప్రతి ఒక్కరు బిచ్చగాడిగా మారితే మనకు కొత్త వెలుగు తప్పకుండా కనిపిస్తుంది’ అని ఒక నెటిజనుడు అభి్రపాయపడ్డాడు. ‘వాస్తవం’ అంటూ అతడితో చాలామంది ఏకీభవించారు.జీవన వాస్తవం‘ఈ అనుభవం నాకు జీవన వాస్తవికతను కళ్లకు కట్టింది. రోజూ కనిపించే గౌరవ మర్యాదలు లేవు. నన్ను కలవడానికి ప్రజలు క్యూ కడతారు. అదే ప్రజల దగ్గరికి నేను వెళ్లినప్పుడు వారు నా కంటే ఉన్నతమైన వారిగా, ఎక్కువ హోదా కలిగిన వారిగా కనిపించారు. అదే జీవనవాస్తవికత. ముంబై ప్రజలలోని సహజ దయాగుణం కూడా తెలిసింది’ అంటున్నాడు షా.ఒక వ్యక్తి షాకు ఇరవై రూపాయలు ఇచ్చి... ‘వెళ్లి భోజనం చెయ్‌ బాబా’ అన్నాడు. ఆ ఇరవై రూపాయలు తీసుకొని సమోసాలు అమ్మే వ్యక్తి దగ్గరకు వెళ్లాడు షా. ‘నా దగ్గర డబ్బులేవీ లేవు’ అని సమోసాలు అమ్మే వ్యక్తికి చె΄్పాడు. ఆయన విసుక్కోకుండా చిరునవ్వుతో సమోసాలు ఇచ్చాడు.

టీమిండియా దిగ్గజం సచిన్‌ టెండుల్కర్ ఇంట వినాయక చవితి వేడుకలు ఘనంగా జరిగాయి. ముంబైలోని సచిన్‌ నివాసంలో అందమైన అలంకరణలో బుజ్జి గణేశుడు కొలువుదీరాడు. ఇందుకు సంబంధించిన ఫొటోలను సచిన్‌ కుమార్తె సారా టెండుల్కర్‌ మంగళవారం సోషల్‌ మీడియాలో షేర్‌ చేసింది.‘‘మోదకాలు, హారతి, నైవేద్యాలు, కుటుంబం, స్నేహితులు.. ఇంట్లో గణపతి బప్పా.. ఇంతకంటే గొప్ప అనుభూతి మరొకటి ఉండదు. అందరికీ గణేశ్‌ చతుర్థి శుభాకాంక్షలు’’ అంటూ సారా తాజాగా ఫొటోలు పంచుకుంది.PC: Instagram View this post on Instagram A post shared by Sara Tendulkar (@saratendulkar)అంబానీ ఇంట పూజఇదిలా ఉంటే... భారతీయ కుబేరుడు ముకేశ్‌ అంబానీ- నీతా అంబానీ దంపతుల ఇంట గణేశ్‌ చతుర్థి వేడుకలు అంగరంగ వైభవంగా జరిగాయి. ముంబైలోని అంబానీల నివాసం యాంటిలియాలో కొలువుదీరిన గణనాథుని పలువురు క్రికెటర్లు, బాలీవుడ్‌ సెలబ్రిటీలు దర్శించుకున్నారు.ఈ సందర్భంగా సచిన్‌ టెండుల్కర్‌ కుటుంబం ప్రత్యేక ఆకర్షణగా నిలిచింది. భార్య అంజలి, కుమార్తె సారా, కుమారుడు అర్జున్‌, కోడలు సానియాతో కలిసి సచిన్‌ అంబానీ నివాసానికి వెళ్లాడు. ఇందుకు సంబంధించిన వీడియోలు అభిమానులను ఆకర్షిస్తున్నాయి.PC: Instagramఇక అంబానీ ఇంట పూజకు అంజలి, సారా, సానియా సంప్రదాయ దుస్తుల్లో హాజరయ్యారు. ముగ్గురూ చీరలు కట్టుకుని ముచ్చటగా కనిపించారు. కాగా అక్క సారా కంటే అర్జున్‌ ముందుగా పెళ్లి పీటలు ఎక్కిన సంగతి తెలిసిందే. ముంబైలోని ప్రముఖ వ్యాపార కుటుంబానికి చెందిన సానియా చందోక్‌ను ఈ ఏడాది మార్చి 5న అర్జున్‌ వివాహమాడాడు. కాగా సానియా- సారా ప్రాణ స్నేహితులు. ఇక సచిన్‌తో పాటు మాజీ స్పిన్నర్‌ హర్భజన్‌ సింగ్‌, టీమిండియా మాజీ కెప్టెన్‌ సూర్యకుమార్‌ యాదవ్‌ తమ సతీమణులతో కలిసి అంబానీ ఇంట పూజకు విచ్చేశారు. చదవండి: ఏడెకరాల భూమి.. ఫామ్‌హౌజ్‌... ఆస్తి విలువ ఎంతంటే? View this post on Instagram A post shared by Pallav Paliwal (@pallav_paliwal)

ముంబై: గణపతి ఉత్సవాల్లో భాగంగా ముంబైలోని ప్రసిద్ధ లాల్‌బాగ్చా రాజా గణేశోత్సవం 93వ సంవత్సరం వేడుకలు సెప్టెంబరు 14న ప్రారంభమయ్యాయి. 12 రోజులపాటు జరిగే ఈ ఉత్సవాల తొలిరోజే లక్షలాది మంది భక్తులు లాల్‌బాగ్‌లోని గణేశ్ మండపానికి తరలివచ్చారు. అర్ధరాత్రి కూడా భక్తుల రాక కొనసాగింది. భారీగా క్యూలు ఏర్పడ్డాయి. ముంబైతోపాటు ఇతర ప్రాంతాల నుంచి వచ్చిన భక్తులు స్వామివారి దర్శనం కోసం గంటల తరబడి వేచి చూశారు.భారీ రద్దీ కారణంగా క్యూలలో తోపులాటలు చోటుచేసుకున్నట్లు పలువురు సామాజిక మాధ్యమాల్లో పేర్కొన్నారు. కొందరు భక్తులు 15-16 గంటలపాటు క్యూలో వేచి ఉన్నట్లు పోస్టులు పెట్టారు. అదే సమయంలో వీఐపీలకు సులభంగా దర్శనం లభిస్తుండటంపై చర్చ మొదలైంది. సాధారణ భక్తులకు కూడా గౌరవప్రదమైన, దర్శన సౌకర్యం కల్పించాలని పలువురు కోరారు. తొలిరోజు కేంద్ర హోంమంత్రి అమిత్‌ షా, మహారాష్ట్ర ఉప ముఖ్యమంత్రి దేవేంద్ర ఫడణవీస్‌ లాల్‌బాగ్చా రాజాను దర్శించుకుని పూజలు చేశారు. భారత్‌లో అమెరికా రాయబారి సెర్జియో గోర్‌ కూడా స్వామివారిని దర్శించుకున్నారు. మాజీ మహారాష్ట్ర ముఖ్యమంత్రి ఉద్ధవ్‌ ఠాక్రే కుటుంబ సభ్యులతో కలిసి మండపానికి వచ్చారు.సాధారణ దర్శనం ఉచితమేనని, భక్తుల కోసం అధికారికంగా ఎలాంటి చెల్లింపు పాస్‌లు లేవని నిర్వాహకులు స్పష్టం చేశారు. రద్దీ నియంత్రణ, భద్రత కోసం మండపం పరిసరాల్లో పోలీసులను మోహరించారు. ఏఐ ఆధారిత కెమెరాలను కూడా వినియోగిస్తున్నారు. మండపానికి రాలేని భక్తుల కోసం 24 గంటల ఆన్‌లైన్‌ ప్రత్యక్ష ప్రసారం అందుబాటులో ఉంది.భారీ రద్దీ నేపథ్యంలో ముంబై పోలీసులు లాల్‌బాగ్‌, కాలాచౌకీ ప్రాంతాల్లో ట్రాఫిక్‌ ఆంక్షలు, మళ్లింపులు అమలు చేస్తున్నారు. సెప్టెంబరు 14 నుంచి 25 వరకు పరిస్థితిని బట్టి అవసరమైన చోట 24 గంటలపాటు రహదారుల మూసివేత కొనసాగనుంది. లాల్‌బాగ్చా రాజా ఉత్సవాలు భక్తుల విశ్వాసానికి ప్రతీకగా నిలుస్తున్నప్పటికీ, భారీ రద్దీని సురక్షితంగా నిర్వహించడం నిర్వాహకులు, అధికారులకు సవాలుగా మారింది.ఇదీ చదవండి: ఆకర్షిస్తున్న ‘గోల్డెన్ మోదక్‌’.. కిలో ఎంతంటే..

ముంబై: గణేశ్ చతుర్థి సందర్భంగా ముంబై మేయర్‌ రితు తావ్డే తన నివాసంలో పర్యావరణహిత మట్టి గణేశుడి విగ్రహాన్ని ప్రతిష్ఠించారు. నగరంలో నిర్వహించే గణేశోత్సవ వేడుకల్లో పర్యావరణ పరిరక్షణకు ప్రాధాన్యమిస్తూ ఈ కార్యక్రమం చేపట్టారు. ఈ విగ్రహాన్ని బృహన్‌ ముంబై మున్సిపల్‌ కార్పొరేషన్‌ (బీఎంసీ)కు చెందిన ప్రభాదేవి మున్సిపల్‌ పాఠశాలలో రెండో తరగతి చదువుతున్న రితిక్‌ పాస్వాన్‌ స్వయంగా తయారు చేశారు.రితిక్‌ తన చేతులతో తయారుచేసిన మట్టి గణేశుడి విగ్రహాన్ని మేయర్‌కు అందించారు. విద్యార్థి కళాత్మక ప్రతిభను, భక్తి భావాన్ని గౌరవిస్తూ తావ్డే ఆ విగ్రహాన్ని తన నివాసంలో ప్రతిష్ఠించారు. గణేశ్‌ పూజకు రితిక్‌, అతని తల్లిని కూడా ఆహ్వానించారు. మేయర్‌ నివాసంలో ఒకటిన్నర రోజుల గణేశోత్సవం సందర్భంగా పండగ వాతావరణం నెలకొంది. పూలు, ఇతర పర్యావరణహిత వస్తువులతో అలంకరణలు చేశారు. ఈ సందర్భంగా తావ్డే మాట్లాడుతూ మహారాష్ట్ర రాష్ట్ర పండుగైన శ్రీ గణేశోత్సవాన్ని పురస్కరించుకుని అందరికీ హృదయపూర్వక శుభాకాంక్షలు తెలిపారు. గణపతి ఆశీస్సులతో ముంబై నగర ప్రజలకు ఆనందం, సౌభాగ్యం, ఆరోగ్యం చేకూరాలని ఆకాంక్షించారు.ఇదీ చదవండి: లండన్‌లో గంగా హారతి.. చరిత్రలో తొలిసారి!

ముంబైలోని కింగ్స్ సర్కిల్‌లో ప్రతిష్ఠించిన జీఎస్‌బీ మహాగణపతి విగ్రహానికి ఈ ఏడాది రూ.703.27 కోట్ల బీమా కల్పించారు. దేశంలోనే అత్యంత సంపన్న గణపతి మండపాల్లో ఒకటిగా పేరున్న జీఎస్‌బీ సేవా మండల్‌ ఈ బీమా తీసుకుంది. గత ఏడాది రూ.474 కోట్ల బీమా తీసుకోగా.. ఈ ఏడాది మొత్తం పెరిగింది.ఈ మహాగణపతి విగ్రహాన్ని 66 కిలోలకు పైగా బంగారం, 335 కిలోల వెండి ఆభరణాలతో అలంకరించారు. విలువైన రత్నాలను కూడా విగ్రహానికి అలంకరించారు. ఈ ఆభరణాల్లో చాలా వరకు భక్తులు, సేవకులు విరాళంగా ఇచ్చినవేనని నిర్వాహకులు తెలిపారు.జీఎస్‌బీ అంటే గౌడ్ సరస్వత్ బ్రాహ్మణ్. ఈ మండల్‌ ఈ ఏడాది 72వ గణేశోత్సవాన్ని నిర్వహిస్తోంది. సెప్టెంబర్ 14 నుంచి 18 వరకు 5 రోజుల పాటు వేడుకలు జరగనున్నాయి. మహాగణపతి విగ్రహాన్ని పర్యావరణహితంగా తయారు చేశారు. ఉత్సవాల్లో ప్రతిరోజూ 40,000 మందికి పైగా అన్నదాన సేవ అందించనున్నట్లు నిర్వాహకులు తెలిపారు. 5 రోజుల వ్యవధిలో 2 లక్షల మందికి పైగా ప్రసాదం అందుకోనున్నట్లు చెప్పారు.వేద సంప్రదాయాలు, శాస్త్రాల ప్రకారం పలు పూజలు, సేవలు నిర్వహించనున్నారు. కాగితపు వృథాను తగ్గించేందుకు సంప్రదాయ ముద్రిత రశీదుల స్థానంలో డిజిటల్ రశీదులను కూడా ప్రవేశపెట్టారు.

ఇద్దరూ భారత్‌లోనే పుట్టారు.. వేర్వేరు కుటుంబాలకు దత్తత వెళ్లారు.. కట్‌ చేస్తే.. నెదర్లాండ్స్‌లో ఒకరికొకరు దగ్గర్లోనే పెరిగారు. టీనేజ్‌లో తొలిసారి కలిసినప్పుడు ఇద్దరి మధ్య ఏదో తెలియని అనుబంధం ఏర్పడింది. ఒకే ముక్కు.. ఒకే నవ్వు.. ఒకే రకమైన హావభావాలు. అందుకే అప్పట్లోనే ఒకరినొకరు సరదాగా ‘సిస్టర్‌’ అని పిలుచుకునేవారు. కానీ వాళ్లు నిజంగానే అక్కాచెల్లెళ్లని మాత్రం దాదాపు 30 ఏళ్ల వరకు ఎవరికీ తెలియదు. చివరకు ఓ డీఎన్‌ఏ టెస్ట్‌ వాళ్ల జీవితాలనే మార్చేసింది.ముంబైలోని వేర్వేరు అనాథాశ్రమాల నుంచి 1980ల ప్రారంభంలో కొన్ని నెలల వ్యవధిలో మీనా గెల్టింక్‌, మినాల్‌ టిజ్సెన్‌ వేర్వేరు డచ్‌ కుటుంబాలకు దత్తత వెళ్లారు. ఇద్దరూ నెదర్లాండ్స్‌లో ఒకరికొకరు సమీపంలో పెరిగారు. టీనేజ్‌లో దత్తత పిల్లల కోసం నిర్వహించిన ఓ కార్యక్రమంలో తొలిసారి కలుసుకున్నారు. అప్పుడు వారి స్నేహితులే ఇద్దరి పోలికలను గుర్తించారు. అద్దంలో చూసుకుంటే ఒకేలా కనిపిస్తున్నారని చెప్పడంతో మీనా ఆశ్చర్యపోయింది. ఒకే ముక్కు, ఒకే నవ్వు ఉండటాన్ని గమనించింది.ఆ పరిచయం క్రమంగా స్నేహంగా మారింది. స్కూల్‌, స్నేహితులు, ప్రేమ, డ్యాన్స్‌, క్రీడలు, సంగీతం.. ఇలా ఎన్నో విషయాలను ఒకరికొకరు లేఖల ద్వారా పంచుకునేవారు. ఇద్దరికీ బ్యాక్‌స్ట్రీట్‌ బాయ్స్‌ అంటే ఇష్టమని కూడా తెలుసుకున్నారు. రక్తసంబంధం ఉందన్న చిన్న అనుమానం కూడా లేకపోయినా.. ఒకరినొకరు ‘సిస్టర్‌’ అని పిలుచుకునేవారు. అయితే సుమారు 15 ఏళ్ల క్రితం ఇద్దరి మధ్య సంబంధం తెగిపోయింది. మినాల్‌ ఫ్రాన్స్‌కు వెళ్లగా.. మీనా తన మొదటి బిడ్డకు తల్లి కావడంతో కుటుంబ బాధ్యతల్లో బిజీ అయిపోయింది.డీఎన్‌ఏ టెస్ట్‌.. ఇంతలో 2017లో మీనా భారత్‌ నుంచి దత్తత తీసుకున్నవారి సమావేశానికి హాజరైనప్పుడు డీఎన్‌ఏ టెస్టింగ్‌ గురించి తెలుసుకుని పరీక్ష చేయించుకుంది. కానీ ఎలాంటి సరిపోలిక కనిపించలేదు. ఈ ఏడాది ఫోన్‌ స్టోరేజ్‌ సమస్యతో ఆమె ఆ యాప్‌ను కూడా డిలీట్‌ చేసింది. ఇంతలో మే 20న మినాల్‌ ఫేస్‌బుక్‌లో మీనాకు మెసేజ్‌ చేసింది. తాను ఏప్రిల్‌లో డీఎన్‌ఏ టెస్ట్‌ చేయించుకున్నానని, ఫలితాల స్క్రీన్‌ షాట్‌ను పంపింది. మీనాకు మొదట నమ్మశక్యం కాలేదు. యాప్‌ను మళ్లీ ఇన్‌స్టాల్‌ చేసి ఫలితాలను చూసిన ఆమెకు షాక్‌ తగిలింది. ఇద్దరి డీఎన్‌ఏ 100 శాతం మ్యాచ్‌ అయింది. వారు కేవలం చిన్ననాటి స్నేహితులు కాదు.. ఒకే తల్లిదండ్రులకు పుట్టిన పూర్తి సోదరీమణులని తేలింది.మినాల్‌కు కూడా తొలుత తన డీఎన్‌ఏ మ్యాచ్‌ ఎవరిదో అర్థం కాలేదు. సోషల్‌ మీడియాలో పాత ఫొటోలు చూసిన తర్వాత విషయం తెలిసింది. చిన్నప్పుడు తనను ఆప్యాయంగా పట్టుకున్న అదే అమ్మాయి మీనా అని గుర్తించింది. దాదాపు 30 ఏళ్ల క్రితం ఏర్పడిన స్నేహం వెనుక ఇంత పెద్ద రక్తసంబంధం ఉందని తెలుసుకుని ఇద్దరూ భావోద్వేగానికి గురయ్యారు. ఆగస్టులో మళ్లీ కలుసుకున్న ఇద్దరూ కన్నీళ్లు, నవ్వులు, కౌగిలింతల మధ్య తమ అనుబంధాన్ని జరుపుకున్నారు. ఇప్పుడు తరచూ ఫోన్‌లో మాట్లాడుకుంటున్నారు. ఒకరి కుటుంబాలను మరొకరు కలుసుకున్నారు. ఇద్దరి మాట తీరు, నడక, హావభావాలు ఇప్పటికీ ఒకేలా ఉన్నాయని కుటుంబ సభ్యులు గుర్తిస్తున్నారు.ముంబై కోరిక.. తమ జీవితాల్లో ఎన్నో సందర్భాల్లో ఒకరి అవసరం మరొకరికి ఉందని మీనా చెబుతోంది. తండ్రిని కోల్పోయినప్పుడు, జీవితంలో కష్టాలు ఎదురైనప్పుడు సోదరి తన పక్కన ఉంటే బాగుండేదని భావోద్వేగానికి గురైంది. ఇప్పుడు ఇద్దరి కోరిక ఒక్కటే.. తమ బంధం మొదలైన ముంబైకి కలిసి వెళ్లి, తాము పుట్టిన నేలను మరోసారి చూడాలని కోరుకుంటున్నారు. దాదాపు 30 ఏళ్లుగా ‘సిస్టర్‌’ అని పిలుచుకున్న ఇద్దరు మహిళలు.. చివరకు డీఎన్‌ఏ ద్వారా తాము నిజంగానే సోదరీమణులమని తెలుసుకున్న ఈ కథ నిజజీవితంలో జరిగిన ఓ సినిమా ట్విస్ట్‌ను తలపిస్తోంది.Çocukluk arkadaşları, yıllar sonra yaptırdıkları DNA testiyle aslında kardeş olduklarını öğrendi! 👯‍♀️💞📌 Bebekken Hindistan'daki yetimhanelere bırakılan ve farklı Hollandalı aileler tarafından evlat edinilen Meena Geltink ile Minal Tijssen, ilk kez 1996 yılında evlat edinilmiş… pic.twitter.com/NyMrp7DBu0— Mynet (@mynet) August 17, 2026Video Credit: Mynet.

ముంబై: ఈ ఏడాది ముంబైలోని ప్రఖ్యాత లాల్‌బాగ్చా గణేశ్‌ మండపం వద్ద ఏర్పడే ప్రసాద వ్యర్థాలు మొత్తం ఇంధనంగా మారనుంది. బాంబే మున్సిపల్‌ కార్పొరేషన్‌ (బీఎంసీ) చేపట్టిన ‘ప్రసాద్‌ టు ఎనర్జీ’ కార్యక్రమంలో భాగంగా ప్రసాదం తయారీ, పంపిణీల సమయంలో పుట్టుకొచ్చే సుమారు 80 టన్నుల వ్యర్థాలను బయోమెథనైజేషన్‌ ద్వారా వంట గ్యాస్‌గా మార్చనున్నారు. ఈ గ్యాస్‌తో ఉత్పత్తి అయ్యే 7700 యూనిట్ల విద్యుత్తును ముంబైలోని నాలుగు మున్సిపల్‌ ఆసుపత్రుల్లో వాడనున్నారు. సెలెబ్రిటీలు సహా పెద్ద సంఖ్యలో భక్తులు హాజరయ్యే లాల్‌బాగ్చా రాజా మండల్‌ సాయంతో తామీ కార్యక్రమం చేపట్టినట్లు బీఎంసీ ప్రకటించింది. సోమవారంతో మొదలై మొత్తం పదకొండు రోజులపాటు జరిగే గణేశ్‌ ఉత్సవాల్లో రోజూ కనీసం 8 నుంచి పది టన్నుల చెత్త ఉత్పత్తి అవుతూంటుందని బీఎంసీ అంచనా వేస్తోంది. ఈ చెత్తను అక్కడికక్కడే వేరు చేసి ప్రత్యేక వాహనాల ద్వారా నాయర్, కస్తూర్బా, జీటీబీ, సియాన్‌ ఆసుపత్రుల్లోని బయోమెథనైజేషన్‌ ప్లాంట్లకు తరలిస్తారు. ఈ ప్లాంట్లు ఒకొక్కటి రోజుకు రెండు టన్నుల వరకూ చెత్తను గ్యాస్‌గా మార్చగలవు. అయితే ఉత్పత్తి అయ్యే విద్యుత్తు మాత్రం చెత్తను బట్టి మారిపోతూంటుంది. ఆసుపత్రుల్లోని విద్యుత్తు దీపాలను వెలిగించేందుకు ఈ ప్లాంట్లలో ఉత్పత్తి అయ్యే విద్యుత్తును వాడతామని బీఎంసీ తెఇపింది. ఈ ప్రాజెక్టు నిర్వహణ బాధ్యతలను ప్రైవేట్‌ కంపెనీకి అప్పగించామని తెలిపింది. తడిచెత్త సాయంతో విద్యుత్తు ఉత్పత్తి చేసి చెత్త సమస్యను పరిష్కరించవచ్చునన్న సందేశాన్ని అందరికీ పంపేందుకే తామీ ప్రాజెక్టు చేపట్టినట్లు తెలిపింది.

ముంబై పశ్చిమ శివారు ప్రాంతాల్లో చేపట్టిన పునరాభివృద్ధి ప్రాజెక్టు కేంద్రంగా ఓ వసూళ్ల కుట్ర జరిగినట్లు ఆరోపణలు వచ్చాయి. ఓ డెవలపర్‌ను హత్య చేస్తామని, ఇతర పరిణామాలు కూడా ఎదుర్కోవాల్సి వస్తుందని బెదిరించి తొలుత రూ.32 కోట్లు చెల్లించాలని డిమాండ్ చేసినట్లు పోలీసులు తెలిపారు. ఆ తర్వాత ఈ మొత్తం రూ.11 కోట్లకు తగ్గినట్లు వెల్లడించారు. ఈ కేసులో ఐదుగురిని అరెస్ట్ చేశారు. మరో ఇద్దరి కోసం ముంబై క్రైమ్ బ్రాంచ్ గాలింపు చేపట్టింది. వీరిలో ఈ కేసుతో సంబంధం ఉన్నట్లు ఆరోపణలు ఎదుర్కొంటున్న ఓ ఎన్జీవో నిర్వాహకుడు కూడా ఉన్నారు.ముంబై క్రైమ్ బ్రాంచ్‌కు చెందిన యాంటీ ఎక్స్‌టార్షన్ సెల్ ఈ వసూళ్ల యత్నంపై దర్యాప్తు చేస్తోంది. పనులు కొనసాగిస్తే డెవలపర్ సిబ్బందికి తీవ్ర పరిణామాలు ఎదురవుతాయని, ప్రభుత్వ సంస్థలు, పౌర అధికారులకు ఫిర్యాదులు చేసి పనులను అడ్డుకుంటామని, చివరకు చంపేస్తామని నిందితులు బెదిరించినట్లు ఆరోపణలు ఉన్నాయి.ఎఫ్‌ఐఆర్‌లో ఎనిమిది మంది నిందితులతో పాటు మరికొందరి పేర్లు ఉన్నాయి. వీరిలో చోటా రాజన్ గ్యాంగ్‌తో సంబంధం ఉన్నట్లు ఆరోపణలు ఎదుర్కొంటున్న రాజ్‌విందర్ సింగ్‌కు చెందిన రాజ్‌లక్ష్మి సంస్థ పేరు ఉంది. ఎన్జీవో నిర్వాహకుడు క్లెమెంటినస్ ఫారో, టోనీ అనే మరో నిందితుడి పేర్లు కూడా ఉన్నాయి. ఫారో, టోనీ ప్రస్తుతం పరారీలో ఉన్నారు. ఈ కేసు బాంద్రా వెస్ట్‌లోని ఓ ఆస్తికి సంబంధించినది. ఈ ఆస్తి బాంబే ఆర్చ్‌డియోసిస్‌కు చెందినది. సుమారు 50 ఏళ్లుగా అక్కడ ఆస్తి ఉంది.ఈ ప‍్రాపర్టీ వల్లే..బాంద్రా వెస్ట్‌లోని పెరీరా రోడ్డులో ఉన్న ఆస్తి పునరాభివృద్ధికి బాంబే ఆర్చ్‌డియోసిస్ టెండర్ ప్రక్రియ ప్రారంభించింది. ఇందులో దిల్‌జయ్ ప్రాపర్టీస్ అత్యధిక ధరను ప్రతిపాదించింది. అవసరమైన నో ఆబ్జెక్షన్ సర్టిఫికెట్, ఛారిటీ కమిషనర్ కార్యాలయం నుంచి అనుమతులు పొందిన తర్వాత ఆర్చ్‌డియోసిస్ యాజమాన్యం ఆస్తిని పునరాభివృద్ధి కోసం దిల్‌జయ్ ప్రాపర్టీస్‌కు అప్పగించింది.సుమారు 50 ఏళ్ల నాటి ఈ ఆస్తి శిథిలావస్థకు చేరుకుంది. 2024లో బృహన్‌ముంబై మున్సిపల్ కార్పొరేషన్ దీనిని సీ-1 కేటగిరీ ప్రమాదకర భవనంగా ప్రకటించింది. సురక్షితంగా కూల్చివేసేందుకు వీలుగా మొత్తం ఆస్తికి విద్యుత్, నీటి సరఫరాను పౌర సంస్థ నిలిపివేసింది.ఎథెల్ స్టీవెన్, డేనియల్ స్టీవెన్, వారి కుటుంబ సభ్యుల్లో కొందరు ఆ ఆస్తిలో అక్రమంగా నివసిస్తున్నట్లు ఆరోపణలు ఉన్నాయి. 2026 జూన్ నాటికి భవనం అత్యంత ప్రమాదకర స్థితికి చేరుకుంది. బీఎంసీ ఉన్నతాధికారులు, పోలీసు సిబ్బంది సమక్షంలో అధికారిక తనిఖీ నిర్వహించారు. దీనిని పంచనామా అంటారు. ఆ తర్వాత కేర్‌టేకర్ ఎథెల్ స్టీవెన్, డేనియల్ స్టీవెన్, టోనీ కుటుంబ సభ్యుల వస్తువులను అక్కడి నుంచి తొలగించారు. నిర్దేశిత విధానాల ప్రకారం ప్రమాదకర భవనాన్ని కూల్చివేశారు.కూల్చివేత తర్వాత బెదిరింపులుభవనం కూల్చివేసిన తర్వాత ఎథెల్, డేనియల్ కుటుంబ సభ్యులు నేర చరిత్ర ఉన్న వ్యక్తులుగా పేర్కొన్న కొందరితో కలిసి తరచూ ఆ ప్రాంతానికి రావడం ప్రారంభించినట్లు ఆరోపణలు ఉన్నాయి. ఫిర్యాదు ప్రకారం.. చోటా రాజన్ గ్యాంగ్‌తో సంబంధం ఉన్నట్లు ఆరోపణలు ఎదుర్కొంటున్న చెంబూర్, కుర్లా ప్రాంతాలకు చెందిన గ్యాంగ్ సభ్యులు వారితో కలిసి వచ్చేవారు. డెవలపర్‌కు చెందిన భద్రతా సిబ్బంది, ఇతర ఉద్యోగులపై దాడి చేసి బెదిరించినట్లు ఆరోపణలు ఉన్నాయి.ఈ ఘటనలపై బాంద్రా పోలీస్ స్టేషన్‌లో ఫిర్యాదులు నమోదయ్యాయి. 2026 జూలై 11న ఎఫ్‌ఐఆర్ నంబర్ 1393, జూలై 29న ఎఫ్‌ఐఆర్ నంబర్ 1564 కింద 2 కేసులు నమోదయ్యాయి. ప్లాట్ వద్ద భద్రతా కంచె ఏర్పాటు పనులు చేపడుతున్న సమయంలోనూ బెదిరింపులు కొనసాగినట్లు ఆరోపణలు ఉన్నాయి. ఎథెల్, డేనియల్ తమ సహచరులతో కలిసి అక్కడికి వచ్చి ఎలాంటి పనిని కొనసాగించనివ్వబోమని బెదిరించినట్లు ఆరోపణలు ఉన్నాయి.రూ.32 కోట్ల డిమాండ్చెంబూర్‌లో చోటా రాజన్ గ్యాంగ్‌తో సంబంధం ఉన్నట్లు ఆరోపణలు ఎదుర్కొంటున్న రాజ్‌విందర్ సింగ్, కుర్లాకు చెందిన అబ్దుల్లా ఖాన్, బాంద్రాకు చెందిన రెమీ, నజీర్‌లతో తమకు సంబంధాలు ఉన్నాయని నిందితులు డెవలపర్‌కు చెప్పినట్లు ఆరోపణలు ఉన్నాయి. వారిలో కొందరితో లేదా అందరితో కలిసి డెవలపర్ ప్రతినిధులను చంపుతామని బెదిరించారు.“పని కొనసాగించి ప్రాణాలు కాపాడుకోవాలంటే మాకు రూ.32 కోట్లు చెల్లించండి” అని నిందితులు డెవలపర్‌కు చెప్పి అక్కడి నుంచి వెళ్లిపోయినట్లు ఆరోపణలు ఉన్నాయి. నిందితులు ఆస్తి వద్దకు పదేపదే వచ్చి బెదిరింపులకు పాల్పడటంతో బాంద్రా పోలీస్ స్టేషన్‌లో మరో ఫిర్యాదు నమోదైంది. 2026 ఆగస్టు 24న నిందితులు కంపెనీ బాంద్రా కార్యాలయానికి వెళ్లి దిల్‌జయ్ ప్రాపర్టీస్ డైరెక్టర్ గగన్ శర్మను కలిసినట్లు ఆరోపణలు ఉన్నాయి. ఇదే తుది హెచ్చరిక అని చెప్పి, చర్చల ద్వారా సమస్యను పరిష్కరించుకోవాలని కంపెనీపై ఒత్తిడి తెచ్చారు.ఆ తర్వాత రూ.11 కోట్లకు ఒప్పందం కుదిరినట్లు తెలుస్తోంది. సెప్టెంబర్ 1న తొలి విడతగా రూ.25 లక్షలు ఇవ్వాలని, మిగిలిన మొత్తాన్ని తదుపరి 4 వారాల్లో చెల్లించాలని నిందితులు డిమాండ్ చేసినట్లు ఆరోపణలు ఉన్నాయి.క్రైమ్ బ్రాంచ్‌ను ఆశ్రయించిన డెవలపర్ఈ వ్యవహారం మరింత తీవ్రమై ప్రాణాలకు ముప్పు ఏర్పడే అవకాశం ఉందని భయపడిన డెవలపర్ ముంబై పోలీస్ క్రైమ్ బ్రాంచ్‌ను ఆశ్రయించాడు. రికార్డింగ్‌లు, ఫొటోలు, గతంలో నమోదైన ఎఫ్‌ఐఆర్‌ల ప్రతులతో అధికారులు ముంబై పోలీస్ క్రైమ్ బ్రాంచ్ జాయింట్ కమిషనర్ అనిల్ కుంభారేను కలిసి అధికారిక ఫిర్యాదు చేశారు. ఆధారాలను పరిశీలించిన పోలీసులు ఈ వ్యవహారాన్ని సున్నితమైన కేసుగా పరిగణించి దర్యాప్తును యాంటీ ఎక్స్‌టార్షన్ సెల్‌కు అప్పగించారు.పోలీసుల వలలో ఐదుగురు సెప్టెంబర్ 1న ఎథెల్, డేనియల్, వారి సహచరులు రూ.25 లక్షల తొలి విడతను తీసుకునేందుకు డెవలపర్ బాంద్రా కార్యాలయానికి వచ్చారు. దీంతో యాంటీ ఎక్స్‌టార్షన్ సెల్ వల పన్ని, డబ్బు తీసుకుంటుండగా వారిని అరెస్ట్ చేసింది. వలలో భాగంగా ఏర్పాటు చేసిన డబ్బులో ఎక్కువ భాగం పిల్లలు ఆడుకునే నకిలీ కరెన్సీ. దీని విలువ రూ.24.95 లక్షలు. దాని పైన అసలైన రూ.500 నోట్లు రూ.5,000 విలువ మేర ఉంచారు.ఆ తర్వాత పోలీసులు ఎథెల్ స్టీవెన్, డేనియల్ స్టీవెన్, నసీర్ షేక్, అబ్దుల్లా ఖాన్, రెమీ ఫెర్నాండెజ్‌లను అరెస్ట్ చేశారు. వల పన్నిన సమయంలో ముగ్గురు నిందితులు పట్టుబడగా, ఆ చర్యకు సంబంధించి మరో ఇద్దరిని తర్వాత అరెస్ట్ చేశారు. ఎన్జీవో నిర్వాహకుడు, మరో నిందితుడి కోసం గాలింపు కొనసాగుతోంది.ఎఫ్‌ఐఆర్‌లో 8వ నిందితుడిగా పేర్కొన్న ఎన్జీవో నిర్వాహకుడు క్లెమెంటినస్ ఫారో, టోనీ కోసం క్రైమ్ బ్రాంచ్ గాలింపు చేపట్టింది. అభివృద్ధి ప్రాజెక్టులో అడ్డంకులు సృష్టిస్తామని బెదిరించి తన ఎన్జీవో కోసం రూ.కోటి వసూళ్లుగా ఫారో డిమాండ్ చేసినట్లు ఆరోపణలు ఉన్నాయి. చోటా రాజన్ గ్యాంగ్‌తో సంబంధం ఉన్నట్లు ఆరోపణలు ఎదుర్కొంటున్న రాజ్‌విందర్ సింగ్‌కు చెందిన రాజ్‌లక్ష్మి సంస్థ పేరు కూడా ఎఫ్‌ఐఆర్‌లో ఉంది. నిందితులకు ఇతర వ్యక్తులు, గ్యాంగ్‌లతో సంబంధం ఉన్నట్లు ఆరోపణలు వస్తున్న సంబంధాలపై పోలీసులు ఇప్పుడు దర్యాప్తు చేస్తున్నారు.

ముంబై: ఇతరుల డ్రెస్‌ వేసుకోవడం, వారి వస్తువులను వాడుకోవడమంటే కొందరికి చెడ్డ చిరాకు. అలాగే, చెప్పకుండానే ఇతరులు తమ డ్రెస్‌ను వేసుకోవడాన్ని, వస్తువులు వాడుకోవడాన్ని ఏమాత్రం సహించలేరు. ముంబైలోని గోరెగావ్‌ ప్రాంతంలో సరిగ్గా ఇలాంటిదే జరిగింది. ఇది ఇద్దరు మిత్రుల మధ్య చిచ్చుపెట్టింది. ఆగ్రహంతో కొట్లాడుకున్నారు. ఒకరు ప్రాణాలు కోల్పోయారు.సూరజ్‌ శంకర్‌ ధోలె(26), బాబా సాహెబ్‌ అలియాస్‌ సుబోధ్‌ భీమ్‌రావ్‌ వాంఘ్మారేలు గోరెగావ్‌లోని ఓ పెట్‌ కేర్‌ సెంటర్‌లో పనిచేస్తున్నారు. ఇద్దరూ ఒకే గదిలో ఉంటున్నారు. అయితే, ధోలె తరచుగా వాంఘ్మారే డ్రెస్‌లు వేసుకోవడం, అతడి వస్తువులను వాడుకోవడం చేస్తున్నాడు. ఇది వాంఘ్మారేకు ఏమాత్రం నచ్చడం లేదు.తన అనుమతి లేకుండానే ధోలె ఇలా చేయడంపై వాంఘ్మారేకు కోపంగా ఉంది. దీనిపై శుక్రవారం ఇద్దరి మధ్య వాగ్వాదం జరిగింది. ఈ సందర్భంగా జరిగిన ఘర్షణలో వాంఘ్మారే చేతిలో ధోలె ప్రాణాలు కోల్పోయాడు. ధోలె తండ్రి శంకర్‌ ఫిర్యాదు మేరకు హత్య కేసు నమోదు చేసిన పోలీసులు..పరారీలో ఉన్న వాంఘ్మారే కోసం గాలింపు చేపట్టారు.ఇదీ చ‌ద‌వండి: గుజ‌రాత్‌కు ఎందుకు త‌ర‌లించారు?

ముంబై: మహానగరం ముంబైలోని ప్రముఖ గణపతి మండపాలకు కార్పొరేట్ సంస్థల సహకారం అంతకంతకు పెరుగుతోంది. ముంబయిలో ప్రసిద్ధి చెందిన లాల్‌బాగ్చా రాజా, చించ్‌పోక్లీచా చింతామణి మండపాలు ఈ వరుసలో ముందున్నాయి. ఈ ఏడాది చించ్‌పోక్లీచా చింతామణికి అదానీ గ్రూప్ సహకారం అందిస్తున్నది. గత ఏడాది అనంత్ అంబానీ లాల్‌బాగ్చా రాజా మండలిలో అధికారికంగా చేరారు. ప్రముఖ మండపాలతో అనుబంధం ద్వారా కార్పొరేట్‌ కంపెనీలు ప్రజలకు దగ్గరయ్యే ప్రయత్నం చేస్తున్నాయి.లాల్‌బాగ్చా రాజా మండపానికి ఉన్న విస్తృత ప్రజాదరణ, ప్రముఖుల సందర్శనలను తమ ప్రచారానికి అనువుగా కార్పొరేట్‌ కంపెనీలు మలచుకుంటున్నాయి. అదానీ గ్రూప్ నుంచి రూ.3.5 కోట్లు పొందిన చింతామణి మండపం మరింత వ్యవస్థీకృత విధానాన్ని అనుసరిస్తోంది. అర కిలోమీటరు పొడవైన ప్రత్యేక ప్రచార ప్రాంతాన్ని ఏర్పాటు చేసి, సొంత మార్కెటింగ్‌ బృందాన్ని నియమించింది. తొలిసారిగా ఎల్‌ఈడీ తెరలను కూడా ఏర్పాటు చేసింది. ఉత్సవానికి ముందే చింతామణి విగ్రహం ఆగమన్‌కు పలువురు ఇన్‌ఫ్లుయెన్సర్లు ప్రచారం చేయడంతో భారీగా జనం తరలివచ్చారు.లాల్‌బాగ్చా రాజా వద్ద సర్దార్‌ హోటల్‌ నుంచి కాలాచౌకీ పోలీస్‌ స్టేషన్‌ వరకు ప్రధాన రహదారులపై బ్రాండింగ్‌ కేంద్రీకృతమైంది. భారీగా భక్తులు వచ్చే ప్రాంతాల్లో స్పాన్సర్ల బ్రాండింగ్‌ను ఏర్పాటు చేశారు. చింతామణి మండపంలో నిర్వాహకులే ప్రచార సందేశాలు, కంటెంట్‌ను నిర్వహిస్తూ భక్తుల భాగస్వామ్యం, స్పాన్సర్లకు కనిపించే స్థాయికి ప్రాధాన్యమిస్తున్నారు. చింతామణితో అనుబంధం తమకు గౌరవప్రదంగా ఉందని అదానీ ప్రతినిధి తెలిపారు. భక్తుల భద్రత, జనసమూహాల నిర్వహణపైనే తమ దృష్టి ఉందని, అదే సమయంలో చింతామణి సంప్రదాయాలను గౌరవిస్తూ, పరిరక్షిస్తున్నామని చెప్పారు.విగ్రహాల వద్దకు వెళ్లే రహదారులు, సందులు కూడా ప్రకటనల స్థలాలుగా మారుతున్నాయి. గణేశోత్సవ సమయంలో లక్షలాది భక్తుల కోసం ప్రత్యేక దర్శన మార్గాలు, బ్యారికేడ్లు, ప్రజలకు అందుబాటులో ఉండే మార్గాలకు అనుమతులు తీసుకుంటారు. ఈ మార్గాల్లోని బ్యారికేడ్లు, స్వాగత తోరణాలు, బ్యానర్లు, దిశానిర్దేశక బోర్డులు తదితరాలు స్పాన్సర్‌షిప్‌లో భాగమవుతున్నాయి. క్యూల్లో గంటల తరబడి వేచి ఉండే భక్తులు ప్రకటనదారులకు ఒకే చోట లభించే వినియోగదారులుగా మారుతున్నారని, జనసందోహం పెరిగే కొద్దీ ఈ ప్రాంతాల వాణిజ్య విలువ కూడా పెరుగుతోందని స్పాన్సర్‌షిప్‌తో సంబంధం ఉన్న వ్యక్తి తెలిపారు.స్పాన్సర్ల ప్రాధాన్యం పెరుగుతుండటంపై ఉత్సవ నిర్వాహకుల్లో చర్చ మొదలైంది. వాణిజ్య భాగస్వామ్యం ఉత్సవ స్వభావాన్ని మార్చడం లేదని, భారీ స్థాయిలో వేడుకలు నిర్వహించేందుకు పెరుగుతున్న ఖర్చులను ఎదుర్కొనేందుకు ఇది అవసరమని నిర్వాహకులు చెబుతున్నారు. అయినప్పటికీ సంప్రదాయానికే మొదటి ప్రాధాన్యం ఉంటుందని, ఆచారాలు, పూజా విధానాలు, ఉత్సవ నిర్ణయాలు సంప్రదాయాలు, విలువల ప్రకారమే కొనసాగుతాయని తెలిపారు.ఇదీ చదవండి: నీమ్‌ కరోలీ బాబా: ఈ నాలుగు బోధనలతో జీవితం ప్రశాంతం

సాక్షి,ముంబై : బాలీవుడ్‌ నటి అమీషా పటేల్ కుటుంబానికి భారీ ఎదురు దెబ్బ తగిలింది. అమీషా పటేల్ తల్లిదండ్రుల చర్చిగేట్ (ముంబై) నివాసం నుండి , బంగారు, వజ్రాల ఆభరణాలు చోరీకి గురయ్యాయి. ఇంటి పనిమనిషే ఈ చోరీకి పాల్పడినట్టు ప్రాథమికంగా పోలీసులు అనుమానిస్తున్నారు. నటి తల్లి ఆశా పటేల్ ఫిర్యాదు మేరకు నిందితురాలు సీమా ఘాటేను అరెస్ట్ చేసిన పోలీసులు విచారణ చేపట్టారు.పోలీసుల కథనం ప్రకారం జనవరి 2026లో ఒక గాజు చోరీకి గురైంది. దీనిపై సీమాను అనుమానించిన ఆశా పటేల్, తప్పు ఒప్పుకుని, పోయిన ఆభరణాన్ని తిరిగి ఇచ్చేయాలని ఆమె కోరారు.అయితే, ఆ గాజును తిరిగి ఇవ్వకపోవడంతో, ఆశా పోలీసులను ఆశ్రయించి అధికారికంగా ఫిర్యాదు చేశారు.దీంతో పాలఘర్‌కు చెందిన 40 ఏళ్ల సీమా ఘాటే అనే ఇంటి పనిమనిషిని మెరైన్ డ్రైవ్ పోలీసులు అదుపులోకి తీసుకున్నారు. చోరీకి గురైన ఆభరణాల విలువ రూ 5 లక్షలకు పైమాటే. వీటిల్లో డైమండ్‌గాజులు కూడా ఉన్నట్టు తెలుస్తోంది. గత ఒకటిన్నర సంవత్సరాలుగా ఆ ఇంట్లో గృహ కార్మికురాలిగా పని చేస్తోంది.ఇదీ చదవండి: కలకలం : భార్య, ముగ్గురు కుమార్తెల్ని హత్య చేసి పరార్‌దీనిపై అమీషా పటేల్ తల్లి ఆశా పటేల్, పనిమనిషి ఘాటేపై అనుమానం వ్యక్తం చేస్తూ మెరైన్ డ్రైవ్ పోలీసులను ఆశ్రయించారు. విచారణ చేపట్టిన పోలీసులు విరార్‌లో ఘాటేను అదుపులోకి తీసుకున్నారు. ఆమె వద్ద నుంచి ఎలాంటి రికవరీ చేయలేదు.నిందితురాలు సీమ నేర చరిత్ర, సహచరులు ప్రాతను పోలీసులు ఎంక్వయిరీ చేస్తున్నారు. మరోవైపు ఆమెకు సెప్టెంబర్ 15 వరకు మూడు రోజుల జ్యుడీషియల్ కస్టడీ విధించింది కోర్టు.ఇదీ చదవండి: కాబోయే భార్యని ఇంప్రెస్‌ చేద్దామని, ఏఐతో ఏకంగా..!

ముంబై: గణేశ్ చతుర్థి వేడుకలకు ముందుగా ముంబైలో ప్రసిద్ధి చెందిన లాల్‌బాగ్చా రాజా 2026 తొలి దర్శనాన్ని శుక్రవారం సాయంత్రం అధికారికంగా ఆవిష్కరించారు. లాల్‌బాగ్చా రాజా గణేశోత్సవ మండల్ ఆధ్వర్యంలో ఈ కార్యక్రమం జరిగింది. దీంతో నగరంలో ఎంతో ఆసక్తిగా ఎదురుచూస్తున్న గణేశోత్సవ వేడుకల సందడి ప్రారంభమైంది. లాల్‌బాగ్చా రాజా ముంబయిలో అత్యంత ప్రసిద్ధి చెందిన గణేశ విగ్రహాల్లో ఒకటి. కళాత్మక నైపుణ్యంతో రూపొందించే ఈ విగ్రహం కేవలం ప్రతిమ మాత్రమే కాకుండా భక్తి, కళా వైభవం, ముంబై ఉత్సాహభరిత స్ఫూర్తికి ప్రతీకగా నిలుస్తోంది. ప్రతి ఏడాది లక్షలాది మంది భక్తులు ఈ మండపాన్ని, గణేశుడిని దర్శించుకుంటారు.2026లో గణేశ్ చతుర్థి వేడుకలు సెప్టెంబర్ 14న ప్రారంభం కానున్నాయి. లాల్‌బాగ్చా రాజా తొలి దర్శనం ముంబై గణేశోత్సవానికి ముందు అత్యంత ఆసక్తిగా ఎదురుచూసే ఘట్టాల్లో ఒకటిగా ఉంది. లాల్‌బాగ్-పరేల్ ప్రాంతంలో ఉన్న ఈ విగ్రహం సింహాసనంపై ఆసీనుడై ప్రశాంతమైన, దయామయమైన, ప్రేమపూర్వక రూపంలో భక్తులకు దర్శనమిస్తోంది. లాల్‌బాగ్చా రాజా గణపతి విగ్రహం పుట్లాబాయి చాల్‌లో ఉన్న లాల్‌బాగ్‌చా రాజా గణేశోత్సవ మండల్‌కు అనుబంధంగా ఉంది. ఈ పూజా స్థలాన్ని 1934లో స్థాపించారు. అప్పటి నుంచి ఇది ముంబయి గణేశ్ చతుర్థి వేడుకల్లో అంతర్భాగంగా మారింది. ఎనిమిది దశాబ్దాలకు పైగా ఈ గణపతి విగ్రహ సంరక్షణ బాధ్యతలను కాంబ్లీ కుటుంబం కొనసాగిస్తోంది. #WATCH | Mumbai, Maharashtra: First look of Lalbaugcha Raja unveiled ahead of Ganesh Chaturthi on September 14. https://t.co/WZurtiJ7wf— ANI (@ANI) September 11, 2026భాద్రపద మాసంలోని శుక్లపక్ష చతుర్థి రోజున ప్రారంభమయ్యే గణేశ్ చతుర్థి ఉత్సవాలు పది రోజుల పాటు జరుగుతాయి. చతుర్థితో ప్రారంభమై అనంత చతుర్దశితో ముగుస్తుంది. వినాయక చతుర్థి, వినాయక చవితి పేర్లతోనూ దీనిని పిలుస్తారు. మహారాష్ట్రలోని అన్ని ప్రాంతాల్లో ఈ వేడుకలను అత్యంత వైభవంగా నిర్వహిస్తారు. భక్తులు ఇళ్లలో గణేశ విగ్రహాలను ప్రతిష్ఠించి, సంప్రదాయ వంటకాలు తయారు చేసి, మండపాలను సందర్శించి పూజలు చేస్తారు. పర్యావరణహిత ప్రత్యామ్నాయాలపైనా దృష్టి పెరుగుతోంది. గత దశాబ్దంగా ముంబైకి చెందిన ఓ కళాకారుడు మట్టి లేదా ప్లాస్టర్ ఆఫ్ పారిస్‌కు బదులుగా పర్యావరణహిత కాగితంతో గణపతి విగ్రహాలను తయారు చేస్తున్నారు.ఇదీ చదవండి: గణేశ్‌ ఉత్సవాల్లో.. అష్టవినాయక యాత్ర అంటే ఏమిటి?

ముంబై: కోరుకున్న విద్యాసంస్థలో ప్రవేశం లభించకపోవడంతో ఓ 17 ఏళ్ల విద్యార్థి ఆత్మహత్య చేసుకున్నాడు. మహారాష్ట్రలోని థానే నగరం, ఘోడ్బందర్‌ రోడ్డులోని హీరానందాని ఎస్టేట్‌లో ఈ ఘటన చోటుచేసుకుంది. కోల్‌కతాలోని ఇండియన్ ఇన్‌స్టిట్యూట్ ఆఫ్ ఇంజినీరింగ్ సైన్స్ అండ్ టెక్నాలజీ, షిబ్‌పూర్‌లో బీఎస్-ఎంఎస్ డ్యుయల్‌ డిగ్రీ చదవాలని అతడు అనుకున్నాడు. ఆ బాలుడు ఇటీవల 12వ తరగతి పరీక్షలు పూర్తి చేసి 95.7% మార్కులు సాధించాడు. అయితే ప్రవేశ పరీక్షలో 10,474 ర్యాంకు రావడంతో తాను కోరుకున్న విద్యాసంస్థలో సీటు పొందలేకపోయాడు.కుటుంబానికి మెసేజ్‌ పంపిన బాలుడుపోలీసులు తెలిపిన వివరాల ప్రకారం.. సెప్టెంబర్ 4న రాత్రి 7.30 గంటల సమయంలో సైకిల్ తొక్కేందుకు వెళ్తున్నానని కుటుంబ సభ్యులకు చెప్పి బాలుడు ఇంటి నుంచి బయటకు వెళ్లాడు. సుమారు 45 నిమిషాల తర్వాత తాను ఆత్మహత్య చేసుకోవాలని భావిస్తున్నట్లు కుటుంబ వాట్సాప్ గ్రూపులో సందేశం పెట్టాడు.కుటుంబ సభ్యులు ఆ సందేశాన్ని గమనించి అతడిని సంప్రదించేందుకు ప్రయత్నించారు. అతడి ఫోన్ స్విచ్ ఆఫ్‌లో ఉండటంతో కాసర్‌వడవలి పోలీసులకు సమాచారం అందించారు. పోలీసులు, కుటుంబ సభ్యులు నివాస సముదాయం పరిసరాల్లో బాలుడి కోసం గాలింపు చేపట్టారు.అయితే కుటుంబ సభ్యులు, పోలీసులు జోక్యం చేసుకునేలోపే నివాస భవనంలోని 22వ అంతస్తు నుంచి బాలుడు కిందకు దూకాడు. తీవ్ర గాయాలతో అపార్ట్‌మెంట్ సమీపంలోని ఫుట్‌పాత్‌పై బాలుడు పడి ఉన్నట్లు తర్వాత గుర్తించారు. పోలీసులు, కుటుంబ సభ్యులు అతడిని థానే సివిల్ ఆసుపత్రికి తరలించారు.ఆసుపత్రికి తీసుకువచ్చే సమయానికే బాలుడు మృతి చెందినట్లు వైద్యులు ప్రకటించారు. తాను కోరుకున్న విద్యాసంస్థలో ప్రవేశం పొందలేకపోవడం వల్ల బాలుడు తీవ్ర విద్యాపరమైన ఒత్తిడికి గురయ్యాడని కుటుంబ సభ్యులు భావిస్తున్నట్లు అధికారులు తెలిపారు.

సాక్షి, ముంబై: బాలీవుడ్ నటి, దివంగత నటి శ్రీదేవి-నిర్మాత బోనీ కపూర్ ల చిన్నకుమార్తె ఖుషీ కపూర్ తన రియల్ ఎస్టేట్ పోర్ట్‌ఫోలియోకు కొత్త ఆస్తిని జోడించింది. ముంబైలోని బాంద్రా వెస్ట్‌లో కొత్త అపార్ట్‌మెంట్ కొనుగోలు చేసింది.CRE మ్యాట్రిక్స్‌కు లభించిన ఆస్తి రికార్డుల ప్రకారం బాలీవుడ్ ప్రముఖులు నివాసముండే పాపులర్‌ ఏరియా, బాంద్రా వెస్ట్‌లోని 25వ రోడ్డులో ఉన్న సమతాదీప్ బిల్డింగ్‌లో ఈ అపార్ట్‌మెంట్ ఉంది. దీని ధర సుమారు రూ. 63 లక్షలు. ఈ లావాదేవీ సెప్టెంబర్ 1 అధికారికంగా రిజిస్టర్ చేయబడింది. ఈ డీల్‌కు స్టాంప్ డ్యూటీ కింద రూ. 3.15 లక్షలు చెల్లించినట్టు సమాచారం.కార్పెట్ ఏరియా 180 చదరపు అడుగులు ఈ ఫ్లాట్‌ను ఫారూఖ్ ఛాగ్లా అనే వ్యక్తి నుంచి ఈ ప్రాపర్టీని ఆమె కొనుగోలు చేసినట్లు పత్రాల ద్వారా తెలుస్తోంది.కాగా 2023లో జోయా అక్తర్ దర్శకత్వం వహించిన 'ది ఆర్చీస్' (The Archies) సినిమాతో బాలీవుడ్‌లోకి అడుగుపెట్టిందిఖుషీకపూర్‌. ఆ తర్వాత ఇబ్రహీం అలీ ఖాన్‌తో కలిసి 'నాదానియాన్', జునైద్ ఖాన్‌తో కలిసి 'లవ్‌యాపా' చిత్రాల్లో నటించారు. తన తల్లి శ్రీదేవి నటించిన హిట్ చిత్రం 'మామ్' (Mom - 2017) కి సీక్వెల్‌గా వస్తున్న 'మామ్ 2' (Mom 2) లో ఖుషీ ప్రధాన పాత్ర పోషిస్తున్నారు. ఈ సినిమాలో జిష్షూ సేన్‌గుప్తా, కరిష్మా తన్నా కీలక పాత్రల్లో నటిస్తున్నారు. ఈ ఎమోషనల్ థ్రిల్లర్‌లో ఖుషీ అత్యంత బలమైన, ఆకట్టుకునే నటనను కనబరచనున్నట్లు సమాచారం.అటు ఖుషీ సోదరి జాన్వీ కపూర్‌కూడా బాలీవుడ్‌, టాలీవుడ్‌ సినిమాల్లో హీరోయిన్‌గా రాణిస్తున్న సంగతి తెలిసిందే. ఇదీ చదవండి: రూ. 6వేలతో మొదలై, రూ.1400 కోట్ల సామ్రాజ్యాన్ని సృష్టించాడుఇదీ చదవండి: రూ. 46 లక్షల జీతాన్ని వదిలేసి, డ్రీమ్‌ జాబ్‌ ఎంచుకున్న టెకీ

ముంబై: సెంట్రల్‌ రైల్వే మార్గంలోని ఛత్రపతి శివాజీ మహారాజ్ టర్మినస్‌ (సీఎస్‌ఎంటీ)–కుర్లా స్టేషన్ల మధ్య నిర్మించనున్న ఐదు, ఆరో లేన్ల ప్రాజెక్టులో స్దలం కొరత కారణంగా భారీ మార్పులు చేయాలని ముంబై రైల్వే వికాస్‌ కార్పొరేషన్‌ (ఎంఆర్‌వీసీ) యోచిస్తోంది. అందుకు సంబంధించిన కొత్త ప్రతిపాదన రూపొందించడం, అధ్యయనం చేసే పనిలో ఎంఆర్‌వీసీ అధికారులు నిమగ్నమయ్యారు.సీఎస్‌ఎంటీ–పరేల్‌ స్టేషన్ల మధ్య మసీద్‌బందర్, శ్యాండ్రస్ట్‌రోడ్, బైకళ, చీంచ్‌పోక్లీ, కరీ రోడ్‌ స్టేషన్లు ఉన్నాయి. కానీ ఇందులో భైకళ మినహా మిగత స్టేషన్లలో ఫాస్ట్‌ మార్గంలో ప్లాట్‌ఫారాలు లేవు. దీంతో కేవలం భైకళ స్టేషన్‌ను మాత్రం భూగర్భంలో నిర్మించాలని ప్రతిపాదించనున్నారు. అధ్యయనం పనులు కోసం జపాన్‌కు చెందిన ఇంజినీర్లను, అలాగే మౌలికసదుపాయాల కోసం ఓ ప్రైవేటు సంస్ధను సలహాదారులుగా నియమించింది. ఇరు కంపెనీలు సాంకేతిక సమస్యలు పరిష్కరించడం తోపాటు ఈ ప్రాజెక్టుకు అయ్యే వ్యయం, భూగర్భ మార్గం, బైకళ స్టేషన్‌ రూపురేఖలపై మ్యాపును రూపొందిస్తాయని అధికార వర్గాలు తెలిపాయి.జపాన్‌ సంస్థకు బాధ్యతలు.. సీఎస్‌ఎంటీ–కల్యాణ్‌ జంక్షన్‌ల మధ్య ఒకప్పుడు నాలుగు రైల్వే లేన్లు ఉండేవి. వీటిలో రెండింటిని స్లో రైళ్లకు, రెండు ఫాస్ట్‌ రైళ్లకు కేటాయించారు. కానీ దూరప్రాంతాల రైళ్లకు ప్రత్యేకంగా లేన్లు లేకపోవడంతో మూడు, నాలుగో ఫాస్ట్‌ మార్గంలోనే రాకపోకలు సాగిస్తున్నాయి. ఈ రెండు లేన్ల మీదుగా ఇటు లోకల్‌ రైళ్లు, అటు దూర ప్రాంతాల రైళ్లు రాకపోకలు సాగించడంవల్ల వాటిపై అదనపు భారం పడుతోంది.కొత్త రైళ్లు ప్రవేశపెట్టేందుకు అవకాశం కూడా లేకపోవడంతో దూరప్రాంతాల రైళ్లు నడిపేందుకు ప్రత్యేకంగా ఐదు, ఆరో రైల్వే లేన్లు వేయాలని సుమారు మూడు దశాబ్ధాల కిందటే ప్రతిపాదన సిద్ధమైంది. స్ధలం అనుకూలంగా ఉన్న కుర్లా–కల్యాణ్‌ మధ్య ఐదు, ఆరో లేన్ల పనులు పూర్తిచేశారు. దీంతో కుర్లా–కల్యాణ్‌ స్టేషన్ల మధ్య మూడు, నాలుగో రైల్వే లేన్లపై పడుతున్న భారం కొంతమేర తగ్గింది. కానీ సీఎస్‌ఎంటీ–కుర్లా స్టేషన్ల మధ్య స్ధలం లేకపోవడంతో ఈ ప్రతిపాదన గత రెండు దశాబ్ధాలుగా పెండింగులో పడిపోయింది.సీఎస్‌ఎంటీ–కుర్లా స్టేషన్ల మధ్య 17.5 కిలోమీటర్ల దూరం ఉంది. ఇందులో పరేల్‌ నుంచి కుర్లా వరకు స్ధలం కొంత అనుకూలంగా ఉంది. కానీ సీఎస్‌ఎంటీ–పరేల్‌ మధ్య స్ధలం కొరత ప్రధాన సమస్య కావడంతో ఐదు, ఆరో రైల్వే లేన్లు వేయడానికి వీలుపడలేదు. ఇప్పుడు కొత్తగా చేపట్టనున్న ప్రాజెక్టులో పెను మార్పులు చేశారు. సీఎస్‌ఎంటీ–పరేల్‌ మధ్య 7.4 కిలోమీటర్ల దూరం ఉంది.ఇదీ చ‌ద‌వండి: భావోద్వేగంతో బ‌స్సుకు వీడ్కోలుఐదు, ఆరో లేన్లు వేయాలంటే పట్టాలకు అనుకుని అనేక నివాస భవనాలు, వ్యాపార సంస్ధలు, స్కూళ్లు, కాలేజీ భవనాలు అడ్డువస్తున్నాయి. వీరందరికి పునరావాసం కల్పించడం, నష్టపరిహారం చెల్లించడం రైల్వేకు పెద్ద సవాలుగా మారనుంది. కానీ ఇప్పుడు కొత్తగా నియమించిన జపాన్‌ ఇంజినీర్లు, ప్రైవేటు సలహదారుల సంస్ధ ఇచ్చే నివేదికపై ఈ ప్రాజెక్టు భవిత ఆదారపడి ఉంది. ఒకవేళ నివేదిక అనుకూలంగా వస్తే ఈ ప్రాజెక్టు పూర్తి చేయాలంటే కొన్ని వేల కోట్ల రూపాయలు ఖర్చవుతాయి. ఈ భారాన్ని భరించే ఆర్ధిక స్థోమత ముంబై లోకల్‌ రైల్వే బోర్డుకు ఉందా అనేది వేచిచూడాల్సిందే.

భారత క్రికెట్‌ నియంత్రణ మండలి (బీసీసీఐ) సమీక్షా సమావేశం గురువారం ముంబైలో జరిగింది. టీమిండియా హెడ్‌కోచ్‌ గౌతం గంభీర్‌, బీసీసీఐ సెంటర్‌ ఆఫ్‌ ఎక్సలెన్స్‌ చీఫ్‌ వీవీఎస్‌ లక్ష్మణ్‌, వన్డే, టెస్టు జట్ల కెప్టెన్‌ శుబ్‌మన్‌ గిల్‌, టీ20 కెప్టెన్‌ శ్రేయస్‌ అయ్యర్‌ ఈ సమావేశానికి హాజరయ్యారు.అయితే, చీఫ్‌ సెలక్టర్‌ అజిత్‌ అగార్కర్‌ మాత్రం మీటింగ్‌కు రాలేదు. కాగా యూకే పర్యటనలో టీమిండియా ఘోర పరాభవాలు చవిచూసిన సంగతి తెలిసిందే. టీ20 సిరీస్‌లలో ఐర్లాండ్‌ చేతిలో 2-0, ఇంగ్లండ్‌ చేతిలో 4-0తో వైట్‌వాష్‌ అయిన భారత జట్టు.. ఇంగ్లండ్‌తో వన్డేల్లోనూ 1-2తో ఓటమిపాలైంది.రోహిత్‌ విషయంలో మరోసారి వదంతులుఈ నేపథ్యంలో జూలైలోనే సమీక్షా సమావేశం నిర్వహించాల్సి ఉండగా.. శ్రీలంక పర్యటన కారణంగా వాయిదా పడింది. అయితే, గురువారం జరిగిన ఈ రివ్యూ మీటింగ్‌లోనే టీమిండియా దిగ్గజం రోహిత్‌ శర్మ భవితవ్యంపై కూడా చర్చ జరుగనుందనే వార్తలు వచ్చాయి. వన్డే వరల్డ్‌కప్‌-2027 టోర్నీకి సెలక్టర్లు అతడి పేరును పరిగణనలోకి తీసుకోవడం లేదనే ఊహాగానాలు వినిపించాయి. రిటై ర్మెంట్‌ తీసుకునేలా అతడిపై ఒత్తిడి పెరిగిందనే రూమర్లు వినిపించాయి.ఆజ్యం పోయాలనుకోవడం లేదుఈ విషయంపై బీసీసీఐ కార్యదర్శి దేవజిత్‌ సైకియా స్పందించారు. సమావేశం అనంతరం మాట్లాడుతూ.. ‘‘రోహిత్‌ శర్మ బాగా ఆడుతున్నాడు. వదంతులకు నేను ఆజ్యం పోయాలనుకోవడం లేదు. అతడు అన్ని మ్యాచ్‌లలోనూ మంచి ప్రదర్శనలు ఇస్తున్నాడు.ఇంతకంటే ఇంకేం కావాలి? చివరగా లార్డ్స్‌లో ఆడిన వన్డేలో అతడు 130-140 పరుగులు సాధించాడు. అయినా ఇంకా ఎందుకీ ప్రచారం? వదంతులు వ్యాప్తి చేసే వారికి నేను ఊతం ఇవ్వాలని అనుకోవడం లేదు’’ అని సైకియా పేర్కొన్నారు. అయితే, వన్డే వరల్డ్‌కప్‌ టోర్నీలో రోహిత్‌ను కచ్చితంగా ఆడిస్తామని మాత్రం సైకియా చెప్పలేకపోయారు. దీంతో యాజమాన్యం తీరుపై అభిమానులలో మరోసారి సందేహాలు రేకెత్తాయి. ఇదిలా ఉంటే.. అజిత్‌ అగార్కర్‌ సమావేశానికి హాజరుకాకపోవడంపై కూడా సైకియా స్పందించారు. మీటింగ్‌ గురించి ముందుగా సమాచారం ఇవ్వలేకపోయామని.. అందుకే అగార్కర్‌ రాలేదని పేర్కొన్నారు. చదవండి: టీమిండియా హెడ్‌కోచ్‌గా వీవీఎస్‌ లక్ష్మణ్‌

Abhishek Agarwal Success story ముంబైకి చెందిన స్టార్టప్ వ్యవస్థాపకుడు అభిషేక్ అగర్వాల్ జీవితంలో ఎదుర్కొన్న తీవ్రమైన ఆర్థిక ఇబ్బందులు, అనుభవించిన కష్టాల గురించి పంచుకున్న వివరాలు నెట్టింట ఆసక్తికరంగా మారాయి.ప్రతీ మనిషి జీవితంలో కష్టాలు అనుభవించి తీరాలనీ, కడుపు మాడే కష్టాల్లోంచే ఎదగాలనే కసి పుట్టుకొస్తుందని, జీవితంలో అట్టడుగు స్థాయికి పడిపోయినప్పుడు మాత్రమే ఒక రకమైన ధైర్యం వస్తుందన్న ఆయన వ్యాఖ్యలు పలువుర్ని ఆలోచింప చేస్తున్నాయి.అభిషేక్ అగర్వాల్ లింక్డ్‌ఇన్ (LinkedIn) పోస్ట్‌లో షేర్‌ చేసిన వివరాల ప్రకారం ఆయన 18 ఏళ్ల వయసులో ఉన్నప్పుడు వరుసగా 7 రోజుల పాటు కనీసం తినడానికి తిండికి డబ్బులు లేని పరిస్థితిని ఎదుర్కొన్నారు. ఆ రోజుల్లో కేవలం బ్రెడ్ తింటూ, నీళ్లు తాగుతూ పొట్ట నింపుకున్న వైనాన్నిగురించి వివరించారు. ప్రతి ఒక్కరూ తమ జీవితంలో కనీసం ఒక్కసారైనా చేతిలో చిల్లిగవ్వలేని పరిస్థితిని ఎదుర్కోవాల్ని ఆయన అభిప్రాయపడ్డారు. ఇక్కడ డబ్బుల్లేకపోవడం అంటే సరదాగా టూర్లకు వెళ్లకపోవడం లేదా షాపింగ్ చేయకపోవడం కాదనీ కనీసతినడానికి కూడా డబ్బులు లేని పేదరికమని స్పష్టం చేశారు.కాలే కడుపు నేర్పిన పాఠంఆ 7 రోజుల ఆకలి కంటే, ఆ సమయంలో కలిగిన 'నిస్సహాయత' తన మనసుపై తీవ్రమైన ముద్ర వేసిందని చెప్పారు. ఒకప్పుడు అత్యంత కష్టకాలంగా భావించిన ఆ రోజులు, ఇప్పుడు వెనక్కి తిరిగి చూసుకుంటే, జీవితం పట్ల తన దృక్పథాన్ని తీర్చిదిద్దిన అనుభవాలలో ఒకటిగా మారాయన్నారు. అయితే జీవితంలో అత్యంత దిగువ స్థాయికి పడిపోయినా, తాను దానిని తట్టుకుని బ్రతకగలననే నమ్మకం, ధైర్యం తనకు ఆ సందర్భంలోనే పుట్టిందన్నారు.ఇదీ చదవండి: ఎర్రకోట పేలుడుకు నిధులిచ్చారంటూ రూ. 30 లక్షలు దోచేశారుఅంతేకాదు ఆ అనుభవం ఇచ్చిన ధైర్యమే ఆ తర్వాత వ్యాపారంలో ఎదురైన నష్టాలు, రిస్కులు, ఓటములను ధైర్యంగా ఎదుర్కొనేలా చేసిందని తెలిపారు. అయితే, కష్టాల నుండి స్థైర్యాన్ని నేర్చుకోవడానికి, పేదరికాన్ని ఆదర్శంగా భావించడానికి మధ్య ఉన్న వ్యత్యాసాన్ని కూడా ఆయన వివరించారు.పేదరికాన్ని లేదా బాధలను గొప్పగా చూపించడం తన ఉద్దేశం కాదని, కానీ జీవితంలో ఎదురయ్యే అతిపెద్ద సవాళ్లను తట్టుకునే శక్తి మనకు ఉందనే విషయం అట్టడుగుకి పడిపోయినప్పుడే తెలుస్తుందని వివరించారు.ఇదీ చదవండి: వారెవ్వా.. డ్రాగన్‌ ఫ్రూట్‌సాగుతో నెలకు రూ. 4 లక్షలునెటిజన్ల స్పందనఅగర్వాల్ పోస్ట్‌పై అనేకమంది నెటిజన్లు స్పందించారు. గొప్ప పోస్ట్. కొన్నిసార్లు అత్యంత కఠినమైన క్షణాలు, విజయం ఎప్పటికీ నేర్పలేని ఒక విషయాన్ని మనకు నేర్పిస్తాయి: మనం అనుకున్నదానికంటే చాలా ఎక్కువ తట్టుకోగలమని ఒకరు, తమ జీవితాల్లో కూడా ఇలాంటి కష్ట సమయాలను ఎదుర్కొన్నామని, ఆ రోజులు ఇచ్చిన ధైర్యమే తమను ఇప్పుడు ఏ సమస్యనైనా ఎదుర్కొనేలా చేస్తోందని మరొకరు కామెంట్స్‌ చేశారు.'దివాలా' అనే పదానికి నిర్వచనాన్ని స్పష్టం చేసినందుకు ధన్యవాదాలు అంటూ మరికొందరు ఫన్నీగా స్పందించారు.ఇదీ చదవండి: సుశాంత్‌ సింగ్‌ మాజీ మేనేజర్‌ దిశ కేసు : సీబీఐకి బాంబే హైకోర్టు ఆదేశాలు

ముంబై: రాబోయే గణేశ్‌ ఉత్సవాల్లో ఆరు అడుగుల కంటే తక్కువ ఎత్తున్న వినాయక విగ్రహాలను తప్పనిసరిగా కృత్రిమ చెరువుల్లోనే నిమజ్జనం చేయాలని బృహన్ముంబై మున్సిపల్ కార్పొరేషన్ (బీఎంసీ).. కోర్టు తీర్పు మేరకు ఆదేశించింది. సెప్టెంబర్ 14 నుంచి పది రోజుల పాటు గణేశ్‌ ఉత్సవాలు జరగనున్నాయి. ప్రభుత్వ అధికారులు, గణేశ్‌ మండపాల ప్రతినిధులు, విగ్రహ తయారీదారుల సమీక్షా సమావేశం అనంతరం బీఎంసీ ఈ వివరాలను వెల్లడించింది.హైకోర్టు గతంలో ఇచ్చిన ఆదేశాలను ప్రజా ప్రయోజన వ్యాజ్యం (పిల్)పై తుది తీర్పు వచ్చే వరకు పాటించాల్సి ఉంటుందని పేర్కొంది. ముంబై వ్యాప్తంగా 281 కృత్రిమ చెరువులు, 44 బీచ్‌లు/జెట్టీలు, 23 సహజ సరస్సులతో కలిపి మొత్తం 348 నిమజ్జన ప్రాంతాలను సిద్ధం చేశారు. కృత్రిమ చెరువుల వివరాలను క్యూఆర్ కోడ్‌లు, గూగుల్ మ్యాప్స్ ద్వారా పౌరులకు అందుబాటులో ఉంచనున్నారు. భద్రత కోసం 1,132 మంది లైఫ్‌గార్డులు, 85 అంబులెన్స్‌లు, 34 క్రేన్లు, 10 మోటార్ బోట్లను రంగంలోకి దించుతున్నారు. వీటితో పాటు 498 చెత్త సేకరణ డబ్బాలు, 326 డంపర్లు, 6,052 ఫ్లడ్‌లైట్లు ఏర్పాటు చేస్తున్నారు.విగ్రహాల రవాణా మార్గాల్లోని 506 రహదారులపై ఉన్న 4,279 గుంతలను, 171 డ్రైనేజీ మూతలను బీఎంసీ మరమ్మతు చేసింది. 281 చోట్ల అడ్డంకిగా ఉన్న కేబుళ్లను తొలగించి, 515 ప్రాంతాల్లో చెట్ల కొమ్మలను కత్తిరించింది. పర్యావరణహిత వేడుకల కోసం తయారీదారులకు 858 టన్నుల మట్టి, 25,400 లీటర్ల ఎకో-ఫ్రెండ్లీ రంగులను ఉచితంగా పంపిణీ చేశారు. ఇప్పటివరకు 1,136 మంది విగ్రహ తయారీదారులకు అనుమతులు మంజూరయ్యాయి.ఉత్సవాల సందర్భంగా ‘శ్రీ గణేశ ఆరోగ్యచ’ పేరిట మండళ్ల వద్ద ఉచిత ఆరోగ్య శిబిరాలను నిర్వహించనున్నట్లు ముంబై మేయర్ రీతు తావ్డే తెలిపారు. వీటిలో సాధారణ ఆరోగ్య, నేత్ర పరీక్షలు, కళ్లద్దాల పంపిణీ, మహిళలకు క్యాన్సర్ స్క్రీనింగ్ చేపడతారు. భక్తులకు పార్కింగ్ ఇబ్బందులు లేకుండా చూడాలని, రద్దీ ఉండే ప్రాంతాల్లో మహిళల కోసం ప్రత్యేక గదులు, మరుగుదొడ్లను నిరంతరం అందుబాటులో ఉంచాలని అధికారులను ఆదేశించారు.ఇది కూడా చదవండి: ‘డాడీ గుర్తొస్తున్నావ్‌..’.. కన్నీటితో తడిపేస్తున్న ఇన్‌స్టా పోస్ట్‌!

మీరు షాపుల్లో కొనుగోలు లేస్, కుర్‌కురే, మ్యాగీ ప్యాకెట్‌పై తయారీ తేదీ, ఎక్స్‌పైరీ తేదీ నిజమేనని నమ్ముతున్నారా? అయితే ఒక్కసారి ఆలోచించాల్సిందే! నవీ ముంబైలో భారీ మోసం వెలుగులోకి వచ్చింది. ప్యాకెట్లపై ఉన్న అసలు తేదీలను చెరిపేసి.. కొత్త తేదీలతో స్టిక్కర్లు అంటించి, గడువు ముగిసిన ఆహార ఉత్పత్తులను విదేశాలకు ఎగుమతి చేయడం కలకలం రేపుతోంది. అధికారుల దాడుల్లో ఏకంగా రూ.75 లక్షలకు పైగా విలువైన సరుకు పట్టుబడింది.మహారాష్ట్ర ఫుడ్ అండ్ డ్రగ్ అడ్మినిస్ట్రేషన్ (FDA), నవీ ముంబై పోలీసు క్రైమ్ బ్రాంచ్ సంయుక్తంగా నిర్వహించిన ఈ ఆపరేషన్‌లో లేస్, కురుకురే, మ్యాగీ, నార్, రసోయ్, హెల్‌మాన్స్, థమ్స్ అప్, లిమ్కా వంటి శీతల పానీయాలను స్వాధీనం చేసుకున్నారు. ఆగస్ట్ 24 నుంచి 29 మధ్య టర్బే పారిశ్రామిక ప్రాంతాలలో సాధనా ఎంటర్‌ప్రైజెస్ ప్రాంగణంలో ఈ దాడులు నిర్వహించారు.ఆహార ప్యాకేజింగ్‌పై ముద్రించిన తేదీలను తొలగించి వాటిపై వేరే తేదీలను ముద్రిస్తున్నారు. అసలు తయారీ సమాచారాన్ని చెరిపివేయడానికి ఇంక్‌జెట్ ప్రింటర్లు, థిన్నర్లు, ప్రత్యేకంగా తయారు చేసిన స్టిక్కర్లను ఉపయోగిస్తున్నట్లు ఎఫ్‌డీఐ అధికారులు గుర్తించారు. పదార్థాలు, పోషకాహార విలువలకు సంబంధించిన వివరాలున్న లేబుళ్లను తొలగించి.. వాటి స్థానంలో కొత్త స్టిక్కర్లను అతికించినట్లు తేలింది. ముంబైతో పాటు ఢిల్లీ, నోయిడాకు చెందిన ఎగుమతి-దిగుమతి కంపెనీలకు కూడా ఈ మోసంలో ప్రమేయం ఉన్నట్లు సమాచారం.

ముంబై: ప్రముఖ సామాజిక కార్యకర్త, గాంధేయవాది అన్నా హజారే తీవ్ర అస్వస్థతకు గురయ్యారు. దీంతో ముంబైలోని ఓ ప్రముఖ ఆస్పత్రికి ఆయన్ని హుటాహుటిన తరలించారు. ప్రస్తుతం ఐసీయూలో ఆయనకు చికిత్స కొనసాగుతుండగా.. హెల్త్‌ బులిటెన్‌ విడుదల కావాల్సి ఉంది.అహింసా పద్ధతుల్లో.. శాంతియుత మార్గాల్లో అన్నా హజారే గతంలో పలు సత్యాగ్రహాలు చేశారు. ఇప్పటిదాకా ఆయన 22 సార్లు నిరాహార దీక్షలు చేపట్టినట్లు తెలుస్తోంది. అయితే అవినీతి వ్యతిరేక ఉద్యమం ఇండియా అగైనెస్ట్‌ కరప్షన్‌ (ఐఏసీ) మాత్రం ఆయనకు బాగా పేరొచ్చింది. ఆ తర్వాత రైతు చట్టాలు సహా అనేక ఉద్యమాలకు ఆయన మద్దతు ప్రకటించారు. ఇటీవలి నీట్‌ నిరసనలపై ఆయన స్పందించారు. ఈ అంశంపై ప్రధాని నరేంద్ర మోదీకి లేఖ రాసి.. విద్యార్థులతో ప్రభుత్వం చర్చలు జరిపి వారి సమస్యలను పరిష్కరించాలని కోరారు. విద్యార్థులకు సంఘీభావంగా జూలై 23న రెండు గంటలపాటు మౌన దీక్ష కూడా చేపట్టారు.89 ఏళ్ల హజారే.. వైరల్‌ ఇన్‌ఫెక్షన్‌, కిడ్నీ సంబంధిత సమస్యలతో.. తీవ్రమైన డీహైడ్రేషన్‌తో బాధపడుతున్నారు. రాలేగావ్‌ సిద్ధిలో స్థానిక ఆస్పత్రిలో చికిత్స పొందుతున్న ఆయన ఆరోగ్యం క్షీణించడంతో మెరుగైన వైద్యం కోసం ముంబైకి తరలించారు. బాంబే ఆస్పత్రిలో వైద్యుడు గౌతమ్‌ భన్సాలీ పర్యవేక్షణలో ఆయనకు చికిత్స కొనసాగుతోంది. హజారే ఆరోగ్య పరిస్థితిని వైద్యులు నిశితంగా పరిశీలిస్తున్నారు. అవసరమైన పరీక్షలు నిర్వహించిన అనంతరం తదుపరి చికిత్సపై నిర్ణయం తీసుకోనున్నారు.కేజ్రీవాల్‌తో కలిసి..2011లో అవినీతికి వ్యతిరేకంగా అన్నా హజారే చేపట్టిన ఉద్యమం దేశవ్యాప్తంగా సంచలనం సృష్టించింది. ఏప్రిల్‌ 5న ఢిల్లీలోని జంతర్‌ మంతర్‌లో జనలోక్‌పాల్‌ బిల్లును బలంగా తీసుకురావాలని డిమాండ్‌ చేస్తూ ఆయన నిరాహార దీక్ష ప్రారంభించారు. నాలుగు రోజులపాటు సాగిన ఈ దీక్షకు దేశవ్యాప్తంగా భారీ మద్దతు లభించడంతో ప్రభుత్వం జనలోక్‌పాల్‌ బిల్లుపై చర్చలకు దిగింది. ఈ ఉద్యమంలో సామాజిక కార్యకర్త అరవింద్‌ కేజ్రీవాల్‌, కిరణ్‌ బేడీ, ప్రశాంత్‌ భూషణ్‌ తదితరులు హజారేకు కీలక సహచరులుగా ఉన్నారు. హజారే ఉద్యమానికి కేజ్రీవాల్‌ బలమైన మద్దతు ఇవ్వడంతో ఇద్దరి పేర్లు అప్పట్లో దేశవ్యాప్తంగా మార్మోగాయి. అనంతరం అదే ఉద్యమం నేపథ్యంలో కేజ్రీవాల్‌ రాజకీయాల్లోకి ప్రవేశించి ఆమ్‌ ఆద్మీ పార్టీని స్థాపించారు.ఇదీ చదవండి: బీజేపీ సర్కార్‌కు ఆరేళ్ల పిల్లాడి వార్నింగ్‌!

ముంబై నగరవాసులకు పాలు మరింత ప్రియం కానున్నాయి. స్థానిక పశువుల షెడ్లు, డెయిరీల నుంచి నేరుగా సరఫరా చేసే ‘టబెలా’ పాల టోకు ధరను పెంచాలని ముంబై మిల్క్‌ ప్రొడ్యూసర్స్‌ అసోసియేషన్‌ (MMPA) నిర్ణయించింది. సెప్టెంబర్‌ 1 నుంచి లీటర్‌ టోకు ధరను ప్రస్తుతం ఉన్న రూ.93 నుంచి రూ.102కు పెంచనుంది. అంటే లీటర్‌పై రూ.9 పెరుగుదల. ఈ ధరలు 2027 ఫిబ్రవరి 28 వరకు అమల్లో ఉంటాయి.టోకు ధర పెరగడంతో వినియోగదారులపై కూడా ప్రభావం పడే అవకాశం ఉంది. ప్రస్తుతం సుమారు రూ.100కు లభిస్తున్న ఈ పాలు.. కొత్త ధరల అమలుతో రిటైల్‌ మార్కెట్‌లో లీటర్‌కు దాదాపు రూ.110 వరకు చేరొచ్చని పలు నివేదికలు పేర్కొంటున్నాయి.ఎందుకు పెంచారంటే..పశువుల పెంపకం, పాల ఉత్పత్తికి సంబంధించిన ఖర్చులు భారీగా పెరగడమే ధరల సవరణకు ప్రధాన కారణమని అసోసియేషన్‌ వెల్లడించింది. పశుదాణాలో ఉపయోగించే ధాన్యాలు, చుని, శనగ చుని, మొక్కజొన్న, నూనెగింజల పిండి (ఆయిల్‌ కేక్స్‌), పచ్చి గడ్డి వంటి వాటి ధరలు గణనీయంగా పెరిగాయని తెలిపింది. కొన్ని దాణా పదార్థాల ధరలు ఏడాది వ్యవధిలో దాదాపు 25 శాతం వరకు పెరిగినట్లు అసోసియేషన్‌ పేర్కొంది. పశువుల నిర్వహణ, రవాణా తదితర ఖర్చులు కూడా పెరగడంతో పాత ధరలకు పాలు విక్రయించడం కష్టంగా మారిందని తెలిపింది.పండుగల వేళ మరింత భారంసెప్టెంబర్‌లో గణేశ్‌ చతుర్థి సహా పండుగల సీజన్‌ ప్రారంభం కానున్న నేపథ్యంలో ఈ ధరల పెంపు రావడం గమనార్హం. ఈ సమయంలో పాలు, పెరుగు, స్వీట్లు, లస్సీ, ఇతర పాల ఉత్పత్తులకు డిమాండ్‌ సాధారణంగా పెరుగుతుంది. దీంతో పాలు మాత్రమే కాకుండా పాల ఆధారిత ఆహార పదార్థాల ధరలపై కూడా ప్రభావం పడే అవకాశం ఉంది.

ముంబైలో ఓ యువతి పదో అంతస్తు నుంచి దూకిన ఘటన తీవ్ర కలకలం రేపింది. ‘చావు తప్పి కన్ను లొట్టపోయినట్టు’ అన్న చందంగా.. నేలను తాకాల్సిన ఆమె భవనం పక్కనే ఉన్న చెట్టుపై పడటంతో ప్రాణాలతో బయటపడింది. ‘బతికితే బలుసాకు తినవచ్చు’ అన్న సామెతను గుర్తు చేసేలా.. మృత్యువు అంచుల వరకు వెళ్లిన ఆమెకు ఆ చెట్టే ప్రాణరక్షకంగా మారింది. దీనికి సంబంధించిన వీడియో సోషల్‌ మీడియాలో చక్కర్లు కొడుతోంది.వివరాల ప్రకారం.. మహారాష్ట్ర ముంబైలోని భాండూప్‌ వెస్ట్‌ తుల్షెట్‌పాడ ప్రాంతంలోని సన్‌షైన్‌ కో-ఆపరేటివ్‌ హౌసింగ్‌ సొసైటీలో బుధవారం ఉదయం ఈ ఘటన చోటుచేసుకుంది. ప్రతీక్ష హివ్రాలే(26) సన్‌షైన్‌ బిల్డింగ్‌లోని పదో అంతస్తు ఫ్లాట్‌ కిటికీ నుంచి దూకినట్లు పోలీసులు తెలిపారు. పదో అంతస్తు నుంచి కిందకు దూకిన ఆమె నేరుగా నేలను తాకకుండా.. భవనం పక్కనే ఉన్న చెట్టుపై పడింది. దీంతో చెట్టుపై సుమారు 20 నుంచి 25 అడుగుల ఎత్తులో చిక్కుకుపోయి వేలాడుతూ కనిపించింది. ఆమె పరిస్థితిని గుర్తించిన స్థానికులు వెంటనే అగ్నిమాపక సిబ్బందికి సమాచారం అందించారు.A woman fell from the 10th floor of a residential building at #Bhandup , #Mumbai, but was miraculously saved as she stuck to a tree. Later on, the fire brigade rescued her safely and had her admitted to a hospital. pic.twitter.com/WdhAiGj80o— Hiren Antani (@HirenAntani) August 26, 2026సమాచారం అందిన వెంటనే ఉదయం 9.32 గంటలకు ముంబై ఫైర్‌ బ్రిగేడ్‌ సిబ్బంది ఘటనా స్థలానికి చేరుకున్నారు. హుక్‌ ల్యాడర్‌ సహాయంతో చెట్టు వద్దకు చేరుకున్న సిబ్బంది.. ఎంతో జాగ్రత్తగా ప్రతీక్షను కిందకు తీసుకొచ్చారు. అనంతరం ఆమెను ప్రైవేట్‌ అంబులెన్స్‌లో ఆసుపత్రికి తరలించారు. వైద్య పరీక్షల్లో ఆమె ఎడమ కాలికి గాయం అయినట్లు తేలింది. అనంతరం మెరుగైన చికిత్స కోసం సియాన్‌ ఆసుపత్రికి తరలించారు. ప్రస్తుతం ఆమె ఎమర్జెన్సీ వార్డులో చికిత్స పొందుతున్నారని, పరిస్థితి విషమంగా ఉందని అధికారులు తెలిపారు.చదవండి: నేపాల్‌కు అత్యవసర సాయం పంపిన భారత్‌పోలీసుల వివరాల ప్రకారం ప్రతీక్షకు నాలుగు నెలల క్రితమే వివాహం జరిగింది. అయితే ఆమె పదో అంతస్తు నుంచి ఎందుకు దూకింది? అసలు ఏం జరిగింది? అన్నది ఇంకా తెలియాల్సి ఉంది. ఆమె ఆరోగ్య పరిస్థితి కారణంగా ప్రస్తుతం పోలీసులు ఆమె వాంగ్మూలాన్ని నమోదు చేయలేకపోయారు. వైద్యుల నుంచి మెడికల్‌ ఎండార్స్‌మెంట్‌ తీసుకున్నారు. ఆమె కోలుకుని స్పృహలోకి వచ్చిన తర్వాత వాంగ్మూలం నమోదు చేసి తదుపరి చర్యలు తీసుకుంటామని పోలీసులు తెలిపారు.

ముంబై: మహారాష్ట్రలోని ధూలే జిల్లాలో జరిగిన ఒక పాఠశాల వేడుకలో సుప్రీంకోర్టు న్యాయమూర్తి జస్టిస్ ప్రసన్న బి. వరాళే ప్రభుత్వ బడ్జెట్ కేటాయింపులపై సంచలన వ్యాఖ్యలు చేశారు. ప్రభుత్వాలు భారీ ప్రాజెక్టులపై వెచ్చించే నిధులలో అత్యంత స్వల్ప భాగం కేటాయిస్తేనే రాష్ట్రంలో మూతపడుతున్న ఎన్నో పాఠశాలలను రక్షించవచ్చని ఆయన హితవు పలికారు.మహారాష్ట్ర ప్రభుత్వం నాసిక్-సింహస్థ (కుంభ్) మేళా కోసం అత్యంత భారీ మొత్తంలో నిధులు కేటాయిస్తోందని గుర్తుచేశారు. ముఖ్యమంత్రి, ఉప ముఖ్యమంత్రులు ఈ కార్యక్రమం కోసం ఏకంగా రూ.32వేల కోట్ల నుంచి రూ.34వేల కోట్ల వరకు ఖర్చు చేస్తున్నట్లు ప్రస్తావించారని తెలిపారు. అలాగే మరో కారిడార్ ప్రాజెక్ట్ నిమిత్తం రూ.11వేల కోట్లు కేటాయించినట్లు పేర్కొన్నారు.అభివృద్ధి కార్యక్రమాలపై తమకు ఎలాంటి అభ్యంతరం లేదని స్పష్టం చేసిన ఆయన.. ఈ భారీ కేటాయింపులలో కేవలం 0.1 శాతం (సుమారు రూ. 32 కోట్లు) విద్యా రంగానికి వెచ్చించినా, రాష్ట్రవ్యాప్తంగా మూతపడే దశలో ఉన్న 100 నుంచి 125 మరాఠీ మీడియం పాఠశాలలను సులభంగా కాపాడగలిగేవాళ్లమని గణాంకాలతో సహా వివరించారు.కాలక్రమేణా విద్యా రంగానికి కేటాయించే బడ్జెట్ కేటాయింపులు తగ్గిపోవడంపై ఆయన తీవ్ర ఆందోళన వ్యక్తం చేశారు.పాఠశాలల్లో విద్యార్థుల సంఖ్య పెరుగుతున్నప్పటికీ, దానికి తగినట్లుగా మౌలిక వసతులు, బడ్జెట్ పెరగకపోవడం గమనించదగ్గ విషయమని పేర్కొన్నారు. గ్రామీణ ప్రాంతాల్లో సరైన సౌకర్యాలు లేక నేల మీద పడుకున్న ముగ్గురు బాలికలు, పాము కాటుకు గురై ప్రాణాలు కోల్పోయిన విషాద ఘటనను ఈ సందర్భంగా ఆయన గుర్తుచేస్తూ.. అధికారుల నిర్లక్ష్యంపై అసంతృప్తి వ్యక్తం చేశారు. విద్యారంగంలో ప్రాథమిక వసతుల కల్పనకు అత్యంత ప్రాధాన్యత ఇవ్వాలని పిలుపునిచ్చారు.

ముంబై: ఐఫోన్ ఈఎంఐ చెల్లించలేకనే మహారాష్ట్రకు చెందిన ఒకే కుటుంబంలోని ముగ్గురు ప్రాణాలు తీసుకున్నారంటూ జరుగుతున్న ప్రచారంలో నిజం లేదని మృతుడు కునాల్ పిన్ని పల్లవి పాటిల్ స్పష్టం చేశారు. ఈ ఘటన వెనుక ఎలాంటి ఫోన్ ఈఎంఐ వ్యవహారం లేదని, దయచేసి తప్పుడు ప్రచారాలు ఆపేయాలని ఆమె విజ్ఞప్తి చేశారు. మహారాష్ట్రలోని ఛత్రపతి శంభాజీనగర్ జిల్లా తీస్‌గావ్‌లో ఆగస్టు 21న ఈ విషాద ఘటన చోటుచేసుకుంది. 18 ఏళ్ల కునాల్ చంద్‌గుడే ఈఎంఐ పద్ధతిలో యాపిల్ ఐఫోన్‌ను కొనుగోలు చేశాడు. అయితే నెలవారీ వాయిదాలు చెల్లించలేక కుటుంబ సభ్యుల సహాయం కోరాడు. ఈ చిన్న విషయమే కుటుంబంలో వివాదానికి దారితీసింది.ఆవేశంతో ఖావడ్యా కొండపైకి వెళ్లిన కునాల్, తాను కొండపై నుంచి దూకేస్తానని బెదిరించాడు. కొండ అంచున ఉన్న కునాల్‌ను కాపాడేందుకు తండ్రి మురళీధర్ ప్రయత్నించగా.. ఇద్దరూ ప్రమాదవశాత్తూ అదుపుతప్పి 400 నుంచి 500 అడుగుల లోయలో పడి ప్రాణాలు కోల్పోయారు. భర్త, కుమారుడు కళ్లెదుటే లోయలో పడిపోవడాన్ని తట్టుకోలేక తల్లి సంగీత కూడా అదే కొండపై నుంచి దూకి ప్రాణాలు తీసుకున్నారు.ఐఫోన్ ప్రచారంపై పిన్ని ఆవేదన కుటుంబ సభ్యుల అస్థికలను ఇంటికి తీసుకొచ్చే సమయంలో పల్లవి పాటిల్ ఒక వీడియో విడుదల చేశారు. ‘ఐఫోన్ ఈఎంఐ చెల్లించలేకనే వారు ప్రాణాలు తీసుకున్నారనేది పూర్తిగా అవాస్తవం. మా కుటుంబం గురించి తప్పుడు కథనాలు ప్రచారం చేసి మమ్మల్ని మరింత వేదనకు గురిచేయవద్దు. వృద్ధులైన మా తల్లిదండ్రులకు ఈ సోషల్ మీడియా ప్రచారాలు తెలిస్తే తట్టుకోలేరు’ అంటూ ఆమె కన్నీటిపర్యమంత అయ్యారు.భార్యాభర్తల మధ్య విభేదాలే కారణమా?మరోవైపు,ఐఫోన్‌ ఈఎంఐ కట్టలేకే కునాల్‌ ప్రాణాలు తీసుకున్నారనే అంశంలో వాస్తవం లేదని పోలీసులు సైతం గుర్తించారు. అందుకు సంబంధించిన ఆధారాల్ని సేకరించారు. ఆ ఆధారాల్లో కునాల్‌ తండ్రి మురళీధర్ ట్రక్ డ్రైవర్‌గా పనిచేస్తుండగా, సంగీత గృహిణి. ఆరేళ్ల క్రితం అనారోగ్యంతో పెద్ద కుమారుడిని కోల్పోవడం వల్ల వీరి కుటుంబంలో మనస్పర్థలు వచ్చాయి. దీంతో వారు విడివిడిగా ఉంటున్నారు. గత మూడు నెలలుగా దూరంగా ఉన్న మురళీధర్.. ఘటనకు రెండు రోజుల ముందే ఇంటికి రావడంతో గొడవలు ప్రారంభమైనట్లు తెలుస్తోంది. ఈ క్రమంలో సంగీతకు సంబంధించిన ఒక పాత వీడియో పోలీసులకు లభించింది. ‘ఆస్తి కోసం నాకు, నా కొడుక్కి దక్కాల్సిన హక్కును నిరాకరించారు. నా సంతోషకరమైన కుటుంబాన్ని నాశనం చేశారు. దీనికి కారణమైనవారు రాబోయే ఏడు తరాలు మూల్యం చెల్లించుకుంటారు’ అంటూ ఆ వీడియోలో ఆమె తీవ్ర ఆవేదన వ్యక్తం చేశారు. ప్రస్తుతం ఆ వీడియోలోని అంతరార్థంపై పోలీసులు దర్యాప్తు ముమ్మరం చేశారు. కునాల్‌ తల్లి సంగీత ఈ వ్యాఖ్యలు ఎవరిని ఉద్దేశించి చేశారో తెలిస్తే.. ఈ కేసు కొలిక్కి వస్తుందని పోలీసులు భావిస్తున్నారు. (👉ఇదీ చదవండి: నీ తల్లికోసమైనా బ్రతకాల్సింది కదరా!)

ముంబై: మహారాష్ట్ర రాజధాని ముంబైలోని మజ్‌గావ్‌ పరిధిలో వినాయక విగ్రహాన్ని తీసుకువస్తున్న క్రమంలో రెండు వర్గాల మధ్య తీవ్ర ఘర్షణ చెలరేగింది. గణపతి మండలి డిప్యూటీ సెక్రటరీ వివేక్ రాణే వివరాల ప్రకారం గణేశుడి ఆగమన శోభాయాత్రను నిర్వహిస్తున్న సమయంలో ఈ ఘటన చోటుచేసుకుంది.మండపం నుంచి సుమారు 30 నుంచి 40 మీటర్ల దూరంలో ఉన్న ఒక భవనం పైనుంచి కొందరు శోభాయాత్రపై గుడ్లు విసిరారు. విగ్రహంపై గుడ్లు పడ్డాయన్న వార్త వ్యాపించడంతో వెంటనే హిందూ సంఘాల ప్రతినిధులు, స్థానికులు పెద్ద ఎత్తున ఆ భవనం ఎదుట గుమిగూడారు. ఈ చర్య అత్యంత అభ్యంతరకరమని, దీనికి బాధ్యులైన వారిపై కఠిన చర్యలు తీసుకోవాలని డిమాండ్ చేశారు.ఈ క్రమంలో ఇరువర్గాల మధ్య ఘర్షణ చెలరేగి, తీవ్ర ఉద్రిక్త పరిస్థితులు ఏర్పడ్డాయి. సమాచారం అందుకున్న వెంటనే పోలీసులు సంఘటనా స్థలానికి చేరుకుని పరిస్థితులను అదుపులోకి తెచ్చేందుకు ప్రయత్నాలు ప్రారంభించారు. అనుమానిత భవనం వద్ద బందోబస్తు ఏర్పాటు చేశారు.ముంబైలో 10,000కు పైగా గణేశ మండపాలుమహారాష్ట్రలో ఈ ఏడాది గణేశ్ ఉత్సవాలు సెప్టెంబర్ 14 నుంచి ప్రారంభం కానున్నాయి. ముంబయిలో సుమారు 10,600 పబ్లిక్ గణేశ్ మండళ్లు ఉండగా, దాదాపు 2,500 మండళ్లు 10 రోజుల ఉత్సవాలకు ఇప్పటికే అనుమతులు పొందాయి. రాష్ట్రవ్యాప్తంగా దాదాపు 28 లక్షల గణేశ్ విగ్రహాలను ప్రతిష్టించనున్నట్లు అంచనా.పండల్ అనుమతుల కోసం ముంబయిలో ఆన్‌లైన్ సింగిల్ విండో వ్యవస్థను ప్రారంభించారు. దీని ద్వారా బీఎంసీతో పాటు స్థానిక పోలీసు, ట్రాఫిక్ విభాగాల నుంచి ఎన్‌వోసీలను ఆన్‌లైన్‌లో పొందవచ్చు. దరఖాస్తులకు సెప్టెంబర్ 13 వరకు గడువు ఉంది. ఈసారి పలు పందిళ్లో ఆకర్షణీయమైన థీమ్‌లను తీర్చిదిద్దుతున్నారు.ఇది కూడా చదవండి: ‘సిల్క్యారా’లో మళ్లీ ప్రమాదం.. 2023ను గుర్తుకు తెస్తూ..

ముంబై నేర చరిత్రలో ఎందరో క్రూరమైన గ్యాంగ్‌స్టర్లు ఉన్నారు. అయితే అండర్‌వరల్డ్ డాన్ దావూద్ ఇబ్రహీం సైతం తలవంచి, కన్నతల్లిలా భావించి భయభక్తులతో నడుచుకున్న ఏకైక మహిళ ఒకరు ఉన్నారు.. ఆమె మాటే దావూద్‌కు వేదవాక్కు.. ముంబై అక్రమ మద్యం సామ్రాజ్యాన్ని శాసించి, పోలీసులతో పాటు అండర్‌వరల్డ్ డాన్‌లందరినీ తన గుప్పిట్లో పెట్టుకున్న ఆ మహిళే ‘జేనాబాయి దారువాలీ’. ప్రముఖ పరిశోధనాత్మక జర్నలిస్ట్ ఎస్. హుస్సేన్ జైదీ రచించిన ‘మాఫియా క్వీన్స్ ఆఫ్ ముంబై’ పుస్తకం ఆధారంగా వెలుగులోకి వచ్చిన ఆమె సంచలనాత్మక జీవిత ప్రస్థానం ఇది.పేదరికం నుంచి స్వతంత్ర సమరం వరకుజేనాబాయి అసలు పేరు జైనబ్. ఆమె 1920లో ముంబైలోని ఒక ముస్లిం మెమన్ హలాయ్ కుటుంబంలో జన్మించారు. తండ్రి విక్టోరియా గుర్రపు బండి నడుపుతూ కుటుంబాన్ని పోషించేవారు. ఆరుగురు తోబుట్టువులతో కలిసి డోంగ్రీ ప్రాంతంలోని ఒక చిన్న గదిలో ఆమె బాల్యం గడిచింది. 14 ఏళ్ల వయసులోనే కలప వ్యాపారి మహమ్మద్ షా దర్వేశ్‌తో వివాహం జరిగింది. 1920-30ల నాటి స్వాతంత్రోద్యమంలో జేనాబాయి.. మహాత్మా గాంధీ సిద్ధాంతాలకు ఆకర్షితురాలై పోరాటాల్లో పాల్గొన్నారు. దేశ విభజనకు ముందు ముంబైలో జరిగిన మత ఘర్షణల్లో హిందువులకు రక్షణగా నిలిచారు. ఈ క్రమంలో ఆమె భర్త చేతిలో దెబ్బలు కూడా తిన్నారు.దేశ విభజన.. ఒంటరి పోరాటం1947లో దేశ విభజన జరిగినప్పుడు జేనాబాయి భర్త దర్వేశ్ పాకిస్థాన్‌కు వెళ్లాలని నిర్ణయించుకున్నారు. ఆమెను కూడా రావాలని ఒత్తిడి చేసినప్పటికీ, జేనాబాయి భారతదేశాన్ని వీడటానికి ససేమిరా అంగీకరించలేదు. తన ఐదుగురు సంతానంతో కలిసి ముంబైలోనే ఉండిపోయారు. కుటుంబ పోషణ కోసం నగరంలో నెలకొన్న తీవ్ర ఆహార కొరతను అవకాశంగా మలుచుకున్నారు. హోల్‌సేల్ వ్యాపారులకు, బ్లాక్ మార్కెట్‌లో విక్రయించే దుకాణదారులకు మధ్య మధ్యవర్తిగా మారి బియ్యం వ్యాపారం ప్రారంభించారు. మెమన్ వర్గానికి చెందినది కావడంతో గుజరాతీ వ్యాపారులతో సులభంగా సంబంధాలు నెరిపారు. అలా ఆమె ‘జేనాబాయి చావలాలీ’గా గుర్తింపు పొందారు.అక్రమ మద్యం సామ్రాజ్యంలోకి ప్రవేశంతదనంతర కాలంలో ఆమె ఇక్బాల్ గాంధీ అనే వ్యక్తిని రెండో వివాహం చేసుకున్నారు. అయినప్పటికీ ఆర్థిక ఇబ్బందులు తొలగకపోవడంతో, పేదలకు సహాయం చేసే వరదరాజన్ ముదలియార్‌ను కలిశారు. ఆ సమయంలో బొంబాయిలో మద్యపాన నిషేధం అమల్లో ఉండటంతో వరదరాజన్ ముఠా అక్రమ మద్యం తయారీలో ఉండేది. వరదా సలహాతో జేనాబాయి మద్యం వ్యాపారంలోకి దిగారు. అనతికాలంలోనే భారీగా మద్యం అమ్ముతూ ‘జేనాబాయి దారువాలీ’గా మారారు. ఈ క్రమంలోనే వరదరాజన్ ద్వారా హాజీ మస్తాన్, కరీం లాలాలతో ఆమెకు బలమైన పరిచయాలు ఏర్పడ్డాయి.దావూద్ కుటుంబంతో బంధంఅక్రమ మద్యం వ్యాపారంతో విపరీతమైన సంపదను ఆర్జించిన జేనాబాయి, అండర్‌వరల్డ్‌లో తిరుగులేని శక్తిగా ఎదిగారు. 1962లో ఆమె ఇంట్లోని వాటర్ ట్యాంక్‌లో మద్యం నిల్వలు దొరకడంతో పోలీసులు ఆమెను అరెస్టు చేశారు. ఆ తర్వాత నాటి ముఖ్యమంత్రి యశ్వంతరావు చవాన్‌ను కలిసి తన పేదరికాన్ని వివరించినట్లు కథనాలు వచ్చాయి. తదనంతరం ఆమె పోలీసులకు కీలక ఇన్ఫార్మర్‌గా మారారు. ఈ క్రమంలోనే పోలీస్ కానిస్టేబుల్ ఇబ్రహీం కాస్కర్, ఆయన భార్య అమీనాలతో జేనాబాయికి సాన్నిహిత్యం పెరిగి కుటుంబ సభ్యురాలిగా మారారు. వారి కుమారుడే దావూద్ ఇబ్రహీం.దావూద్‌ను కాపాడిన మహిళా గాడ్‌మదర్చిన్నతనంలో దావూద్ గ్యాంగ్ వార్స్‌లో తిరుగుతూ తండ్రికి తలనొప్పిగా మారేవాడు. ఒకసారి మనీష్ మార్కెట్‌కు చెందిన గ్యాంగ్‌స్టర్ హమీద్ ‘చూహా’పై దావూద్ తీవ్ర దాడి చేయడంతో అతను ఐసీయూ పాలయ్యాడు. కొడుకు ఆగడాలతో విసిగిపోయిన కానిస్టేబుల్ ఇబ్రహీం కాస్కర్ తీవ్ర ఆగ్రహం వ్యక్తం చేయడంతో దావూద్ వారం రోజుల పాటు ఇంటికి దూరంగా దాక్కున్నాడు. ఆ సమయంలో జేనాబాయి రంగంలోకి దిగి దావూద్ తల్లిదండ్రులను శాంతింపజేయడమే కాకుండా, పోలీసు అధికారులతో మాట్లాడి కేసు నుంచి దావూద్‌ను రక్షించారు. నాటి నుంచి దావూద్ ఆమెను కన్నతల్లిలా గౌరవించేవాడు.రక్తపాతానికి ముగింపు.. గ్యాంగ్‌స్టర్ల మధ్య సంధిదావూద్ ఇబ్రహీంకు, ఇతర ముస్లిం గ్యాంగ్‌లకు మధ్య తీవ్రమైన ఆధిపత్య పోరు నడుస్తున్న సమయంలో జేనాబాయి కీలక మధ్యవర్తిత్వం వహించారు. పఠాన్ గ్యాంగ్ లీడర్ కరీం లాలా, హాజీ మస్తాన్‌లతో దావూద్‌కు సమావేశం ఏర్పాటు చేశారు. జేనాబాయి చొరవతో కరీం లాలా వర్గం, దావూద్, అతని సోదరుడు సాబిర్, మాజిద్ కాలియా, హుస్సేన్ సోమ్జీ తదితరులు చేతులు కలిపారు. పరస్పరం కొట్టుకు చచ్చే ముఠాలన్నింటినీ ఒకే తాటిపైకి తెచ్చి, ముంబై అండర్‌వరల్డ్‌లో సరికొత్త నేర సిండికేట్‌ను నడిపించిన ఘనత జేనాబాయికే దక్కింది.ఇది కూడా చదవండి: బెంగాల్ విభజనకు తావులేకుండా గూర్ఖాలాండ్‌కు పరిష్కారం

భారతీయ రైల్వే రవాణా రంగంలో మరొక అద్భుత ఘట్టం ఆవిష్కృతమైంది. భారతీయ రైల్వే తన మొదటి 1.3 కి.మీ పొడవైన డబుల్-స్టాక్ కంటైనర్ రైలును నడిపింది. సరుకు రవాణా సామర్థ్యాన్ని పెంచడం, లాజిస్టిక్స్ సామర్థ్యాన్ని మెరుగుపరచడమే లక్ష్యంగా ముంబైలోని జవహర్‌లాల్ నెహ్రూ పోర్ట్ ట్రస్ట్ నుంచి గుజరాత్‌లోని వడోదర డివిజన్ పరిధిలో ఉన్న వర్ణామ వరకు రైల్వే శాఖ తొలిసారిగా భారీ 'డబుల్ స్టాక్ లాంగ్ హాల్' కంటైనర్ రైలును విజయవంతంగా నడిపింది.ఈ రైలు ఆగస్టు 21, 2026 రాత్రి 7 గంటలకు జేఎన్‌పీటీ నుంచి బయలుదేరి.. 360 టీఈయూల (కంటైనర్లు) సరుకును మోసుకెళ్ళింది. జీసీటీ టెర్మినల్ చేరుకోవడానికి ఇది సుమారు 422 కి.మీ దూరం ప్రయాణించింది. ఈ చారిత్రాత్మక ఘట్టానికి సంబంధించిన వీడియోను కేంద్ర రైల్వే శాఖ మంత్రి అశ్విని వైష్ణవ్ సామాజిక మాధ్యమం ఎక్స్ వేదికగా పంచుకున్నారు. ఈ రవాణా కోసం రెండు డబల్-స్టాక్ రాక్‌లను కలిపి ఒకే లాంగ్-హాల్ రైలుగా ఏర్పాటు చేశారు. ప్రతి రాక్ 180 టీఈయూలను మోసుకెళ్ళింది. దీంతో రైలు మొత్తం సామర్థ్యం 360 టీఈయూలకు చేరింది.ఇదీ చదవండి: ఆ విషాదానికి ఒక్కరోజు ముందు తల్లి సంచలన వీడియోఈ లాంగ్-హాల్ రైలులో రెండు డబల్-స్టాక్ రాక్‌లు ఉన్నాయి. జెఎన్‌పీటీ నుండి వడోదర వరకు వెళ్లిన ముందు రాక్ 45+1 లోడ్‌ను కలిగి ఉంది, దీనిని 60311 లోకోమోటివ్ లాగింది. దీని బరువు 1,817 టన్నులు. అలాగే జెఎన్‌పీటీ-వడోదర మధ్యే నడిచిన వెనుక రాక్ కూడా 45+1 లోడ్‌ను కలిగి ఉంది. దీనిని 24690 లోకోమోటివ్ లాగింది. ఇది 2,105 టన్నుల బరువును మోసుకెళ్ళింది. ఒకే రైలులో ఎక్కువ కంటైనర్లను రవాణా చేయడం ద్వారా ఓడరేవుల నుండి కంటైనర్లను త్వరగా తరలించడంతో టెర్మినళ్ల వద్ద రద్దీని తగ్గించవచ్చు. 📢 First Long Haul (1.3 km) Double Stack container train on Western Dedicated Freight Corridor JNPT, Mumbai -> Vadodara, Gujarat pic.twitter.com/CY9kWabvrM— Ashwini Vaishnaw (@AshwiniVaishnaw) August 22, 2026డబల్-స్టాక్ రైలు ఆపరేషన్ల ద్వారా కంటైనర్లను ఒకదానిపై ఒకటి ఉంచి రవాణా చేయవచ్చు.. తద్వారా ఒకే ప్రయాణంలో ఎక్కువ సరుకును రవాణా చేయడానికి వీలవుతుంది. ఈ రైలు విద్యుత్ ద్వారా నడుస్తోంది కాబట్టి.. డీజిల్‌తో నడిచే రోడ్డు రవాణాపై ఆధారపడటాన్ని తగ్గించవచ్చు ఒకే లాంగ్-హాల్ డబల్-స్టాక్ కంటైనర్ రైలు భారీ సంఖ్యలో ట్రక్కులు అవసరమయ్యే సరుకును సులభంగా రవాణా చేయగలదని జాతీయ రవాణా సంస్థ ఒక ప్రకటనలో తెలిపింది.

ముంబై: మహానగరం ముంబైలోని భులేశ్వర్ ప్రాంతంలో శనివారం రాత్రి ఘోర ప్రమాదం చోటుచేసుకుంది. ‘భులేశ్వర్‌చా రాజా’ వినాయక విగ్రహ ఆగమన ఊరేగింపులో అపశ్రుతి చోటుచేసుకుంది. భారీ విగ్రహం రోడ్డుపై ఒక్కసారిగా కుప్పకూలింది. ఈ ఘటనలో ఇద్దరు ప్రాణాలు కోల్పోగా, మరో ఐదుగురు తీవ్రంగా గాయపడ్డారని బృహన్‌ముంబయి మున్సిపల్ కార్పొరేషన్ (బీఎంసీ) అధికారులు తెలిపారు.#WATCH | Mumbai, Maharashtra | Two dead and five injured after a massive Ganesh Idol of Bhuleshwar Cha Raja fell during its arrival procession at the Balaram Merchant Road in the Bhuleshwar area. The names of the deceased are Sanket Nevshe, 33 years, and Brijesh Hemant Joshi,… pic.twitter.com/QMOC0Y1oLr— ANI (@ANI) August 22, 2026ప్రాథమిక సమాచారం ప్రకారం.. శనివారం రాత్రి సుమారు 9:51 గంటల సమయంలో భులేశ్వర్‌లోని జై అంబే చౌక్, కబూతర్‌ఖానా సమీపంలో విగ్రహాన్ని తీసుకొస్తుండగా ఈ దుర్ఘటన జరిగింది. కంట్రోల్ రూమ్ నుంచి సమాచారం అందుకున్న వెంటనే బీఎంసీ సిబ్బంది, ముంబై అగ్నిమాపక దళం, పోలీసులు, ట్రాఫిక్ పోలీసులు, 108 అత్యవసర అంబులెన్స్ సిబ్బంది సహాయక చర్యల కోసం ఘటనా స్థలానికి చేరుకున్నారు. క్షతగాత్రులను వెంటనే సమీపంలోని జీటీ ఆస్పత్రికి తరలించారు. అక్కడ వారిని పరిశీలించిన వైద్యులు అప్పటికే ఇద్దరు మృతి చెందినట్లు ధ్రువీకరించారు. మృతులను సంకేత్ నేవ్‌శే (33), బ్రిజేష్ హేమంత్ జోషి (30)గా గుర్తించారు. ఈ ప్రమాదంలో గాయపడిన ఐదుగురిలో ఐదేళ్లు, ఏడేళ్ల వయసున్న ఇద్దరు చిన్నారులు కూడా ఉన్నారు. బాధితులకు ప్రస్తుతం ఆస్పత్రిలో చికిత్స అందుతోంది. వారి ఆరోగ్య పరిస్థితికి సంబంధించిన పూర్తి వివరాలు తెలియాల్సి ఉంది. ‘భులేశ్వర్‌చా రాజా’ వేడుకల కోసం భక్తులు భారీ సంఖ్యలో గుమిగూడిన సమయంలో ఈ విషాదం చోటుచేసుకుంది.ఇది కూడా చదవండి: పర్షియన్ గల్ఫ్‌లో ‘మంటలు’.. యూఎస్ వైఖరిపై ధ్వజం

‘ఇండియన్‌ బర్గర్‌’గా, ‘బాంబే బర్గర్‌’గా పేరుపొందిన ‘వడాపావ్‌’ పుట్టి నేటికి అరవయ్యేళ్లవుతోంది. ముంబైలో పుట్టిన ఈ సత్వరాహార పదార్థం అనతి కాలంలోనే ముంబై ప్రజల ఆహార సంస్కృతిలో భాగంగా మారింది. అంతటితోనే ఆగిపోకుండా, శరవేగంగా ఇతర రాష్ట్రాలకు, ఇతర దేశాలకు కూడా వ్యాపించింది. అసలు వడాపావ్‌ ఆవిష్కరణే ఒక ఆసక్తికరమైన చరిత్ర. అవసరమే ఆవిష్కరణకు పునాదిఎటు చూసినా, నిరంతర జనసమ్మర్దంతో కిటకిటలాడే మహానగరం ముంబై. అరవయ్యేళ్ల కిందట ముంబై కార్మికవర్గం ఎక్కువగా ఉదయం చపాతీలు తినేవారు. చపాతీలతో పాటు ఉడికించిన బంగాళ దుంపలను ముద్దలా చిదిమేసి, కాస్త వేయించి, మసాలాలు కలిపిన కూరను నంజుకునేవారు. హడావుడి పనివేళల్లో వీటిని తినడం కొంత ఇబ్బందిగా ఉండేది. ఈ ఇబ్బందిని అధిగమించడానికి ముంబై నడిబొడ్డులోని దాదర్‌ ప్రాంతానికి చెందిన అశోక్‌ వైద్య అనే పాకనిపుణుడు 1966లో ‘వడాపావ్‌’ను ఆవిష్కరించాడు.బన్‌ రొట్టెను అడ్డంగా చీల్చి, అందులో మసాలాలు దట్టించి, వేపిన బంగాళదుంపల ముద్దను కూరి, నంజుకోవడానికి వేపిన పచ్చిమిరపకాయలు, వెల్లుల్లి చేర్చిన కొబ్బరి చట్నీతో పాటు వడ్డించడం మొదలుపెట్టాడు. ఎక్కడైనా తినడానికి సులువుగా ఉండటమే కాకుండా, అతి రుచిగా ఉండటంతో వడపావ్‌ ముంబై జనాలను ఆకట్టుకుంది. అశోక్‌ వైద్య దాదర్‌ రైల్వేస్టేషన్‌ ఎదుట తన వడాపావ్‌ స్టాల్‌ను ఏర్పాటు చేశాడు. డెబ్బయిల ప్రారంభంలోనే ఇలాంటి స్టాల్స్‌ పదుల సంఖ్యలో ముంబై నలుమూలలా ఏర్పడ్డాయి. ప్రస్తుతం కేవలం ముంబై నగరంలోనే ఏకంగా ఇరవైవేలకు పైగా వడాపావ్‌ స్టాల్స్‌ ఉన్నాయి. వీటికి తోడు స్టార్‌ హోటళ్లు కూడా వడాపావ్‌ను వడ్డిస్తున్నాయి. తొంభైల నాటికి దేశంలోని ప్రధాన నగరాలన్నింటితో పాటు విదేశాల్లోని భారతీయ రెస్టరెంట్లకు కూడా వడాపావ్‌ విస్తరించింది.వడాపావ్‌ ఒక సాంస్కృతిక ప్రతీకఒకప్పుడు ముంబైలో ఎక్కువగా ఉడుపి హోటళ్లు ఉండేవి. ముంబై కార్మికుల్లో ఎక్కువమంది కాటన్‌ మిల్లుల్లో పనిచేసేవారు. అరవైల కాలంలో కాటన్‌ మిల్లులు మూతపడటంతో చాలామంది కార్మికులు ఉపాధి పోగొట్టుకున్నారు. అప్పటి శివసేన అధినేత బాల్‌ ఠాక్రే స్థానికంగా చిరువ్యాపారాలు సొంతగా ప్రారంభించి, ముంబై కార్మికులు ఎదగాలని పిలుపునిచ్చారు. ఆ స్ఫూర్తితోనే అశోక్‌ వైద్య వడాపావ్‌ను ఆవిష్కరించి, సొంత వ్యాపారం ప్రారంభించాడు. అతడి వ్యాపార విజయం స్ఫూర్తితో మరింతమంది ఈ రంగంలోకి వచ్చారు. వడాపావ్‌ ప్రపంచవ్యాప్తంగా ఉనికి చాటుకోవడంతో దీని గౌరవార్థం ఏటా ఆగస్టు 23న ‘ప్రపంచ వడపావ్‌ రోజు’గా జరుపుకోవడాన్ని 2001 నుంచి ప్రారంభించారు.

ముంబై: మహారాష్ట్ర ఆహార, ఔషధాల కమిషనర్‌ తుకారాం ముండే(2005 బ్యాచ్ ఐఏఎస్ అధికారి)కు ప్రజల నుంచి వచ్చిన ప్రశంసలు మరే ఇతర ఎఫ్‌డీఏ కమిషనర్‌కూ ఇ‍ప్పటివరకూ దక్కలేదనే చెప్పుకోవచ్చు. రాష్ట్రవ్యాప్తంగా రెస్టారెంట్లు, ఈటరీ కేంద్రాల్లో అపరిశుభ్రతపై కఠిన చర్యలు తీసుకోవడంతో ఆయన పేరు మారుమోగిపోయింది. నిబంధనలను కఠినంగా అమలు చేసే తీరుతో తరచూ “ఐఏఎస్ సింగం”గా ముండేను పిలుస్తారు. ఎలాంటి మొహమాటం లేకుండా వ్యవహరించే తీరుతో తన కెరీర్‌లో పలువురు రాజకీయ నాయకులతో తరచూ విభేదించారు. ఓ జాతీయ మీడియా నిర్వహించిన కార‍్యక్రమంలో ఆయనకు ఓ ప్రశ్న ఎదురైంది. రాజకీయాల్లోకి వస్తారా? అని ఆయనను అడిగారు. దీనికి కూడా ఆయన నిజాయితీగా, సూటిగా సమాధానం ఇచ్చారు.“అసలు లేదు. దానికి దాని సొంత అవసరాలు ఉంటాయి. నేను సూటిగా మాట్లాడే వ్యక్తిని, చాలా బహిరంగంగా, మనసులో ఉన్నది ఉన్నట్లు మాట్లాడతాను. రాజకీయాలకు ఈ లక్షణాలు నచ్చుతాయో లేదో నాకు తెలియదు” అని ముండే అన్నారు. ప్రజాసేవలో ఉండాల్సిన విధానానికి రాజకీయాల్లో ఎదురయ్యే సవాళ్లు పూర్తిగా భిన్నంగా ఉంటాయని పేర్కొన్నారు.బ్యూరోక్రాట్‌గా తాను అన్ని పనులు చేసినట్టే రాజకీయాల్లోనూ కొత్త ఒరవడిని సృష్టించగలరా? అని ముండేను అడగగా.. ఆయన స్పందిస్తూ.. “నేను ఒక విషయంలో మంచిగా ఉంటే, దానినే కొనసాగించాలి” అని చమత్కరించారు. మహారాష్ట్ర ఎఫ్‌డీఏగా బాధ్యతలు చేపట్టి కేవలం 3 నెలలే అయినా, రాష్ట్రంలోని రెస్టారెంట్లు, గోదాములు, ఆహార దుకాణాలపై కఠిన చర్యలతో ముండే అందరి దృష్టిని ఆకర్షించారు.నాకు నేనే సవాలు విసురుకుంటా.. వంటగదుల్లో బొద్దింకలు, గడువు ముగిసిన ఉత్పత్తులు కనిపించడంతో డొమినోస్, పిజ్జా హట్ కేంద్రాలను తాత్కాలికంగా మూసివేశారు. ముంబైలో చాలా కాలంగా కొనసాగుతున్న ఆహార వ్యాపార సంస్థల లైసెన్సులను కొంతకాలం నిలిపివేశారు. బ్లింకిట్, జెప్టోకు చెందిన డార్క్ స్టోర్లలో నిర్వహించిన దాడుల్లో బల్లులు, బొద్దింకలు, గడువు ముగిసిన ఉత్పత్తులు బయటపడ్డాయి. బాంబే హైకోర్టు క్యాంటీన్లలోనూ తనిఖీలు నిర్వహించడానికి ఆయన వెనుకాడలేదు. జూలై 31 నాటికి తన విభాగం 3,000 తనిఖీలు నిర్వహించిందని, రూ.55 కోట్ల విలువైన వస్తువులను స్వాధీనం చేసుకుందని, 165 సంస్థల లైసెన్సులను నిలిపివేసిందని ముండే తెలిపారు.కఠిన పరిపాలనా నిర్ణయాలు తీసుకునే అధికారిగా ముండేకు ఉన్న పేరుతో 21 ఏళ్లలో ఆయన దాదాపు 25 సార్లు బదిలీ అయ్యారు. సవాళ్లు విసరడం ఇష్టమా? అని ఆయనను అడగగా.. ముండే వెంటనే స్పందిస్తూ.. “నాకు నేనే సవాలు విసురుకుంటాను” అని చెప్పారు.కాగా, బీడ్‌లోని ఓ గ్రామంలో సాధారణ కుటుంబ నేపథ్యం నుంచి ఎదిగి మహారాష్ట్ర ఎఫ్‌డీఏగా బాధ్యతలు చేపట్టే స్థాయికి ముండే చేరుకున్నారు. ఈ ప్రయాణంలో ఆయన పలువురు ముఖ్యమంత్రుల కింద పనిచేశారు. ఎవరైనా తనకు ఇష్టమైన ముఖ్యమంత్రి ఉన్నారా? అని అడగగా ముండే చమత్కరిస్తూ “అందరూ నాకు ఇష్టమైనవారే” అని అన్నారు.ఇదీ చదవండి: ధర్నా విరమించిన రాహుల్‌ గాంధీ, ప్రియాంక గాంధీ

భారతదేశంలోని అత్యంత ముఖ్యమైన ఆర్థిక నగరాల్లో ముంబై ఒకటి. ఈ నగరం ఒకప్పుడు పెరిగినంతగా.. ఇప్పుడు పెరగడానికి కావలసినంత స్థలం లేకుండా పోయింది. భూమి పరిమితంగా ఉంది, ఆస్తుల ధరలు అధికంగా ఉన్నాయి. అంతేకాకుండా.. రోడ్లు, గృహ నిర్మాణం, మౌలిక సదుపాయాలపై ఒత్తిడి పెరుగుతూనే ఉంది. ఈ నేపథ్యంలో ముంబై నగర భవిష్యత్‌ విస్తరణకు మహారాష్ట్ర ప్రభుత్వం కీలక నిర్ణయం తీసుకుంది. 'ముంబై 3.0'గా పిలుస్తున్న కర్నాల-సాయి-చిర్నేర్ (KSC) న్యూ టౌన్‌ను అభివృద్ధి చేయాలని చూస్తోంది.ఈ కొత్త నగరం రాయగఢ్ జిల్లాలోని ఉరాన్, పన్వెల్, పెన్ తాలూకాల్లోని 124 గ్రామాలను కలుపుకుని సుమారు 323.44 చదరపు కిలోమీటర్ల విస్తీర్ణంలో అభివృద్ధి కానుంది. ఈ ప్రాంతానికి 'ముంబై మెట్రోపాలిటన్ రీజియన్ డెవలప్‌మెంట్ అథారిటీ' (MMRDA)ను న్యూ టౌన్ డెవలప్‌మెంట్ అథారిటీగా నియమించారు. అంటే.. ఇది సాధారణంగా ఏర్పడే కొత్త నివాస ప్రాంతం కాదు.. ముందస్తు ప్రణాళికతో నిర్మించే ఒక పెద్ద నగరమన్నమాట.ముంబై 3.0 ఎందుకు అవసరం?ముంబై ఇప్పటికే తన అసలు ప్రాంతాన్ని దాటి విస్తరించింది. ఆ తర్వాత నవి ముంబై ఒక ప్రధాన ప్రత్యామ్నాయ నగరంగా అభివృద్ధి చెందింది. కానీ.. నవి ముంబైలో కూడా భూమికి డిమాండ్ పెరుగుతోంది. అందువల్ల భవిష్యత్తులో పెరిగే జనాభా, ఉద్యోగాలు, పరిశ్రమలు, గృహ అవసరాలను తీర్చడానికి మరో పెద్ద పట్టణ కేంద్రం అవసరమైంది.ముంబై 3.0 ప్రాజెక్టులో కేవలం కొత్త భవనాల నిర్మాణం మాత్రమే కాకుండా.. ఉద్యోగాలు, నివాసాలు, పరిశ్రమలు, విద్య, వైద్యం, టెక్నాలజీ, లాజిస్టిక్స్ వంటి అన్ని రంగాలను ఒకే ప్రాంతంలో అభివృద్ధి చేసి, సమగ్ర నగరంగా రూపొందించాలని భావిస్తున్నారు.ప్రణాళిక ప్రకారం.. సుమారు 104 చదరపు కిలోమీటర్ల ప్రాంతంలో టౌన్‌షిప్‌లు, పారిశ్రామిక కారిడార్లు అభివృద్ధి చెందనున్నట్లు సమాచారం. ఇదే సమయంలో.. గ్రీన్ జోన్లు, అడవులు, గ్రామీణ ప్రాంతాలను కూడా రక్షించడానికి ప్రాధాన్యం ఇవ్వనున్నారు. దీంతో ఆర్థిక అభివృద్ధితో పాటు పర్యావరణ సమతుల్యతను కూడా కాపాడే ప్రయత్నం జరుగుతోంది.ముంబై 3.0కి ప్రధాన బలంఈ కొత్త నగరానికి ఉన్న అతిపెద్ద ప్రయోజనం కనెక్టివిటీ. ముంబై-నవి ముంబై మధ్య ప్రయాణాన్ని వేగవంతం చేసిన అటల్ బిహారీ వాజ్‌పేయీ సెవ్రీ-న్హావా శేవా అటల్ సేతు ఈ ప్రాంత అభివృద్ధికి ఎంతో కీలకం. అదే విధంగా.. నవి ముంబై ఇంటర్నేషనల్ ఎయిర్‌పోర్ట్, పన్వెల్-కర్జత్ రైల్వే కారిడార్, విరార్-అలీబాగ్ మల్టీమోడల్ కారిడార్, ముంబై-పుణే ఎక్స్‌ప్రెస్‌వే వంటి మౌలిక సదుపాయాలు ఈ ప్రాంతాన్ని ముంబై మెట్రోపాలిటన్ రీజియన్‌లోని ఇతర ప్రాంతాలతో అనుసంధానించనున్నాయి.దీని వల్ల భవిష్యత్తులో.. ముంబై 3.0 ప్రాంతం ఐటీ, ఫైనాన్షియల్ సర్వీసెస్, గ్లోబల్ కెపబిలిటీ సెంటర్లు, డేటా సెంటర్లు, ఆరోగ్య సేవలు, విద్య, లాజిస్టిక్స్ వంటి రంగాలకు ఆకర్షణీయంగా మారే అవకాశం ఉంది.రియల్ ఎస్టేట్‌పై ప్రభావంముంబై 3.0 అభివృద్ధి రియల్ ఎస్టేట్ రంగంలో కూడా కొత్త అవకాశాలను సృష్టించే అవకాశం ఉంది. భారీ మౌలిక సదుపాయాల ప్రాజెక్టులు సాధారణంగా వాటి చుట్టుపక్కల కొత్త నివాస, వాణిజ్య ప్రాంతాల అభివృద్ధికి దారితీస్తాయి.అటల్ సేతు, కొత్త విమానాశ్రయం, రైల్వే, మల్టీమోడల్ కారిడార్లు పూర్తిస్థాయిలో పనిచేయడం ప్రారంభిస్తే.. ఈ ప్రాంతంలో కొత్త రియల్ ఎస్టేట్ మైక్రో-మార్కెట్లు ఏర్పడవచ్చు. ఉద్యోగాలు పెరిగితే.. వాటికి అనుగుణంగా ఇళ్లు, కార్యాలయాలు, షాపింగ్ ప్రాంతాలు, పాఠశాలలు, ఆసుపత్రులు, ఇతర సేవలకు కూడా డిమాండ్ పెరుగుతుంది. అయితే.. దీని ప్రయోజనాలు వెంటనే కనిపించవు. ఇలాంటి భారీ నగర ప్రాజెక్టులు పూర్తిగా అభివృద్ధి చెందడానికి అనేక సంవత్సరాలు పడుతుంది. కాబట్టి.. దీనిని తక్షణ రియల్ ఎస్టేట్ బూమ్‌గా కాకుండా దీర్ఘకాలిక నగర అభివృద్ధి ప్రణాళికగా చూడాలి.భారీ పెట్టుబడులుముంబై 3.0 ప్రాజెక్టుకు ప్రభుత్వ స్థాయిలో కూడా గణనీయమైన ప్రాధాన్యం లభిస్తోంది. 2026-27 సంవత్సరానికి MMRDA సుమారు రూ.4,000 కోట్లను కర్నాలా-సాయి-చిర్నేర్ న్యూ టౌన్ అభివృద్ధికి కేటాయించింది.ఇదే సమయంలో భూముల విషయంలో 124 గ్రామాల భూస్వాములతో వ్యవహరించడం కూడా కీలకమైన అంశం. భూస్వాములకు నగదు పరిహారం, డెవలప్‌మెంట్ రైట్స్, ల్యాండ్ పూలింగ్ వంటి వివిధ మార్గాలను ప్రతిపాదిస్తున్నారు. ఇంత పెద్ద ప్రాజెక్టు విజయవంతం కావాలంటే భూసేకరణ, స్థానిక ప్రజల ప్రయోజనాలు, పునరావాసం వంటి అంశాలను జాగ్రత్తగా నిర్వహించాల్సి ఉంటుంది.ముంబై 3.0 భవిష్యత్తుముంబై 3.0 అనేది ఒక్కరోజులో ఏర్పడే నగరం కాదు. ప్రణాళిక, భూమి సంబంధిత ప్రక్రియలు, మౌలిక సదుపాయాల నిర్మాణం, పెట్టుబడులు, పరిశ్రమల రాక వంటి అనేక దశల తర్వాతే ఇది పూర్తిస్థాయి నగరంగా రూపుదిద్దుకుంటుంది. ప్రాజెక్టు తొలి దశ ఈ దశాబ్దం చివరి భాగంలో రూపుదిద్దుకునే అవకాశం ఉన్నప్పటికీ.. మొత్తం నగర వ్యవస్థ అభివృద్ధి చెందడానికి ఇంకా ఎక్కువ సమయం పట్టవచ్చు.

దాదర్‌ (మహారాష్ట్ర): ముంబైకర్లపై త్వరలో ఆటో, ట్యాక్సీ చార్జీల భారం పడనుంది. అందుకు అవసరమైన ప్రతిపాదన సిద్ధమైంది. దీంతో ముంబై మెట్రోపాలిటన్‌ రీజియన్‌ (ఎమ్మెమ్మార్‌) పరిధిలో తిరుగుతున్న ట్యాక్సీ, ఆటో చార్జీలు పెరగనున్నాయి. ట్యాక్సీలకు కనీసం రూ.రెండు లేదా మూడు, ఆటోలకు కనీసం రూపాయి చొప్పున చార్జీలు పెరగనున్నాయి. ఆ ప్రకారం ట్యాక్సీలకు 1.5 కిలోమీటరు దూరానికి ఇదివరకు కనీస చార్జీలు రూ.31 ఉండగా ఇకనుంచి రూ.33 లేదా 34 చొప్పున, అలాగే ఆటోలకు కనీస చార్జీలు రూ.26 ఉండగా ఇక నుంచి రూ.27 చొప్పున పెరిగే అవకాశాలున్నాయి. ఆ తరువాత దూరాన్ని బట్టి అదనంగా చార్జీలు పెరుగుతాయని ఆటో, ట్యాక్సీ చాలక్, మాలక్‌ సంఘటన చీఫ్‌ థంపీ కురియన్‌ చెప్పారు.చార్జీల పెంపు ప్రతిపాదనను ఇటీవలే రవాణాశాఖ కార్యాలయం నుంచి ముంబై మెట్రోపాలిటన్‌ రీజియన్‌ ట్రాన్స్‌పోర్టు అథారిటీ (ఎమ్మెమ్మార్టీఏ)కు పంపించారు. ఎమ్మెమ్మార్టీఏ ఆమోదం లభించగానే కొత్తచార్జీలు అమలులోకి వస్తాయి. అయితే ట్యాక్సీ, ఆటో ఎల్రక్టానిక్‌ మీటర్లను ఆధీకృత మెకానిక్‌ల ద్వారా రీకాలిబ్రేషన్‌ చేయాల్సి ఉంటుంది. అందుకు కొంత సమయం పడుతుంది. ఇందుకోసం ప్రాంతీయ రవాణా కార్యాలయం (ఆర్టీఓ) కొన్ని రోజుల గడువు ఇస్తుంది. ఆ లోపు మీటర్లలో మార్పులు చేసుకోవల్సి ఉంటుంది. లేదంటే ట్యాక్సీ, ఆటో డ్రైవర్లపై చర్యలు తీసుకుంటారు. కొద్ది రోజుల కిందట మహారాష్ట్ర స్టేట్‌ రోడ్‌ ట్రాన్స్‌పోర్టు కార్పొరేషన్‌ (ఎమ్మెస్సార్టీసీ) 14.95 శాతం చార్జీలు పెంచిన విషయం తెలిసిందే. ఇప్పుడు ఆటో, ట్యాక్సీల చార్జీలు కూడా పెరగనున్నాయి. దీంతో ప్రయాణికులపై ఆర్థికభారం మరింత అదనం కానుంది.ఈశాన్య దేశాలలో జరుగుతున్న యుద్దం కారణంగా భారత దేశంలో తరుచూ డీజీల్, పెట్రోల్, కంప్రెస్డ్‌ నేచురల్‌ గ్యాస్‌ (సీఎన్‌జీ) ధరలు పెరుగుతున్నాయి. గత నాలుగైదు నెలల కాలవ్యవధిలో ఏకంగా మూడు, నాలుగుసార్లు ఇంధనం చార్జీలు పెరిగాయి. తరుచూ పెరుగుతున్న సీఎన్‌జీ ధరలతో చార్జీలు పెంచకుండా నడపడం డ్రైవర్లకు, యజమానులకు గిట్టుబాటు కావడం లేదు. దీనికి తోడు రోడ్లన్నీ పాడైపోవడంవల్ల నిర్వహణ భారం కూడా పెరిగిపోయింది. దీంతో ఆటో, ట్యాక్సీల చార్జీలు పెంచుకునేందుకు అనుమతి ఇవ్వాలని యూనియన్‌ ప్రతినిధులు ఆర్టీఓకు వినతి పత్రం సమర్పించారు.చదవండి: పెరగనున్న గణేశ్‌ విగ్రహాల ధరలుదీనిపై విచారించిన ఆర్టీఓ చార్జీల పెంపు ప్రతిపాదనను ఎమ్మెమ్మార్టీయే ఆమోదం కోసం పంపించింది. ఆటో, ట్యాక్సీ డ్రైవర్లకు చార్జీల పెంపునకు అనుమతి ఇవ్వడమే కాదు వారి ప్రవర్తనలో మార్పులు తీసుకురావల్సిన అవసరం ఎంతైనా ఉందని ముంబైకర్లు అంటున్నారు. సమీప కిరాయిలు నిరాకరించడం, ఎక్కువ చార్జీలు వసూలు చేయడం, ప్రయాణికులతో దురుసుగా ప్రవర్తించడం, లోకల్‌ రైల్వే, మెట్రో స్టేషన్ల బయట ఆటోలు, ట్యాక్సీలు ఇష్టమున్నట్లు పార్క్‌చేసి కృత్రిమ ట్రాఫిక్‌ జామ్‌ సృష్టిస్తున్నారు. వీటిన్నిటిని అరికట్టేవిధంగా నియమాల్లో మార్పులు చేయాలని కోరుతున్నారు.

సాక్షి, ముంబై : ముంబైలో విషాదం చోటు చేసుకుంది. దక్షిణ ముంబైలోని నావీ నగర్‌లోని తమ నివాసంలో ఒక ఇండియన్ నావీ నావికుడు (Navy sailor) తన భార్య, ఇద్దరు పిల్లలను చంపి, ఆపై తాను కూడా ఆత్మహత్యకు పాల్పడ్డాడు. అనంతరం వచ్చి మా డెడ్‌బాడీలను తీసుకెళ్లండి అంటూ తల్లికి పంపిన మెసేజ్‌తో ఈ ఘటన వెలుగులోకి వచ్చింది. ఈ ఘటనపై ఇండియన్ నావీ తీవ్ర విచారం వ్యక్తం చేసింది. దర్యాప్తుకు పూర్తి సహకారం అందిస్తున్నట్లు తెలిపింది.పురాన్‌మల్ శంభులాల్ మెహ్రా (30) అనే నావికుడు, భార్య ఓమా (28), మూడేళ్ల కుమారుడు యష్, ,రెండు నెలల పసిపాప ఇంట్లోనే మృతిచెంది కనిపించారు. ప్రాథమిక వివరాల ప్రకారం, మెహ్రా మొదట కుటుంబ భార్యాబిడ్డలకు విషం ఇచ్చి ఆ తర్వాత ఉరివేసుకొని ఆత్మహత్య చేసుకున్నట్లు తెలుస్తోంది.ఆగస్టు 14 రాత్రి దాదాపు 11 గంటలకు మెహ్రా తన తల్లికి వాట్సాప్‌లో "వచ్చి మా మృతదేహాలను తీసుకెళ్లండి" అని సందేశం పంపారు. మరుసటి రోజు ఉదయం తల్లి ఆ సందేశం చూసి కంగారుపడి కుమారుడికి ఫోన్‌ చేసింది. అటు నుంచి సమాధానం రాకపోవడంతో కంగారు పడిన తండ్రి శంభులాల్ మెహ్రా నావీ కంట్రోల్ రూమ్‌ను అప్రమత్తం చేశారు.వెంటనే అక్కడికి చేరుకున్న సిబ్బంది వారి మృతదేహాలను గుర్తించి పోలీసులకు సమాచారం అందించారు.భార్య బిడ్డలను హత్య చేయడానికి ముందు మెహ్రా తన మరియు తన భార్య మొబైల్ ఫోన్ల డేటాను ఫార్మాట్ (డిలీట్) చేశాడు. ఈ సంచలనాత్మక ఘటనకు ముందు, మెహ్రా తన , తన భార్య మొబైల్ ఫోన్‌లను ఫార్మాట్ (డేటా తొలగింపు) చేశాడు. దీంతో అధికారులు అయోమయంలో పడ్డారు.తొలగించిన డేటాను రికవర్ చేయడానికి పోలీసులు సైబర్ నిపుణుల సాయం తీసుకుంటున్నారు. కుటుంబ సభ్యులకు ఎలాంటి విషపదార్థం ఇచ్చారో తెలుసుకోవడానికి పోలీసులు మెడికల్, ఫోరెన్సిక్ నివేదికల కోసం వేచి చూస్తున్నారు. అలాగే సహోద్యోగులు, పొరుగువారి వాంగ్మూలాలను నమోదు చేస్తున్నారు.కుటుంబ కలహాలే కారణమా? రాజస్థాన్‌కు చెందిన మెహ్రా తీవ్రమైన కుటుంబ, ఆర్థిక సమస్యలతో బాధపడుతున్నారని, దంపతుల మధ్య తరచూ గొడవలు జరుగుతుండేవి. అలాగే డిప్రెషన్‌ సమస్యతో ముంబైలోని ఒక ఆసుపత్రిలో చికిత్స పొందుతున్నారని దర్యాప్తులో తేలింది. మృతుల వైద్య, ఫోరెన్సిక్ నివేదికల కోసం వేచి చూస్తున్నారు. ఇదీ చదవండి: 14 ఏళ్ల ఐటీ జాబ్‌ వదిలి వ్యాపారం : ఇపుడు కోట్లలో ఆదాయం

చిన్న వయసులోనే అనారోగ్యం కారణంగా పశ్చిమ బెంగాల్‌లోని ముర్షిదాబాద్ జిల్లా బెల్దంగాకు చెందిన 16 ఏళ్ల బాలుడు ఇక్బాల్‌ జీవితం ఎంతో కష్టంగా మారింది. దాదాపు ఐదేళ్లుగా అతడికి చెరువులో ఉండటమే కొంత ఉపశమనాన్ని ఇచ్చేది. దీంతో సాధారణంగా పిల్లలు గడిపే బాల్యం, కుటుంబంతో ఉండే సమయం అన్నీ అతడికి దూరమయ్యాయి. అనారోగ్యంతో బాధపడుతున్న ఇక్బాల్‌ పరిస్థితి గురించి తెలుసుకున్న తర్వాత అతడి కుటుంబంలోనూ ఆందోళన పెరిగింది.ఇక్బాల్‌ పరిస్థితి గురించి.. విషయం వెలుగులోకి రావడంతో వైద్య నిపుణుల బృందం అతడి కేసును పరిశీలించింది. అతడికి ఉన్న అనారోగ్య పరిస్థితి, ఇప్పటివరకు ఎదుర్కొన్న సమస్యలు, అవసరమైన చికిత్స వంటి అంశాలను నిపుణులు పరిశీలించారు. ప్రత్యేక వైద్య సేవలు అందిస్తే ఇక్బాల్‌కు మెరుగైన చికిత్స అందించే అవకాశం ఉందని భావించారు.ఈ విషయం తెలిసిన అనంతరం అనంత్‌ అంబానీ సూచనలతో ఇక్బాల్‌ను ప్రత్యేక వైద్య చికిత్స కోసం ముంబైకి తరలించే ఏర్పాట్లు చేశారు. అతడిని ఎయిర్‌లిఫ్ట్‌ చేసి సర్‌ హెచ్‌.ఎన్‌. రిలయన్స్‌ ఫౌండేషన్‌ ఆసుపత్రిలో చేర్చారు. అక్కడ వైద్య నిపుణులు అతడి ఆరోగ్య పరిస్థితిని పూర్తిగా అంచనా వేసి, అవసరమైన ప్రత్యేక చికిత్స అందించనున్నారు.ఇప్పటివరకు దాదాపు ఐదేళ్ల పాటు చెరువులోనే ఉపశమనం వెతుక్కుంటూ గడిపిన ఇక్బాల్‌.. ఇప్పుడు దేశంలోని ప్రముఖ వైద్య నిపుణుల పర్యవేక్షణలో చికిత్స పొందుతున్నాడు. అతడి కుటుంబానికి కూడా ఇది పెద్ద ఊరటనిచ్చే విషయం. ఇక్బాల్‌కు మెరుగైన వైద్యం అందడంతో అతడి పరిస్థితి మెరుగుపడుతుందని కుటుంబ సభ్యులు ఆశిస్తున్నారు.After spending 5 years in a pond seeking relief from his debilitating ailment, young Iqbal's case was reviewed. On Anant Ambani’s instructions, he has now been airlifted to Mumbai’s Reliance Foundation Hospital for specialized treatment — bringing new hope for Iqbal & his family. pic.twitter.com/9CrxaIHpgL— Mradubhashi (@mradubhashi1) August 17, 2026

ముంబై: దేశ ఆర్థిక రాజధాని ముంబైలో భారీ అగ్నిప్రమాదం చోటు చేసుకుంది. ఆదాయపు పన్ను శాఖకు చెందిన భవనంలో పెద్దఎత్తున మంటలు చెలరేగాయి. దీంతో విషయం తెలుసుకున్న అగ్నిమాపక సిబ్బంది హుటాహుటీన అక్కడికి చేరుకుంది. 12 ఫైరింజన్లతో మంటలు ఆర్పే యత్నం చేస్తుంది. మంటలు భారీగా ఎగిసిపడుతుండడంతో అగ్నిమాపక సిబ్బంది మంటలార్పడానికి తీవ్రంగా శ్రమిస్తున్నారు. అయితే అగ్నిప్రమాదానికి గల కారణాలు తెలియాల్సి ఉంది.

ముంబై: ముంబైలోని నేవీ నగర్‌లో విషాదకర ఘటన చోటుచేసుకుంది. నావికాదళానికి చెందిన ఒక నావికుడు, అతని భార్య, ఇద్దరు చిన్నారులు తమ నివాసంలో అనుమానాస్పద రీతిలో మృతి చెందడం స్థానికంగా తీవ్ర కలకలం రేపింది. ప్రాథమిక సమాచారం ప్రకారం.. నావికుడు ఉరివేసుకుని ఆత్మహత్య చేసుకుని ఉంటాడని పోలీసులు అనుమానిస్తున్నారు. అదే ఇంట్లో రెండు నెలలు, మూడేళ్ల వయసున్న ఇద్దరు పిల్లల మృతదేహాలు కూడా లభించాయి. ప్రాథమిక పరిశోధనలో పిల్లలు విషప్రయోగం వల్ల మరణించి ఉండవచ్చని పోలీసులు భావిస్తున్నారు. అయితే, పోస్టుమార్టం, ఫోరెన్సిక్ పరీక్షల నివేదికలు వస్తేనే నిజాలు బయటపడతాయని అధికారులు తెలిపారు.ఈ ఘటనపై సమాచారం అందుకున్న వెంటనే పోలీసులు ఘటనా స్థలానికి చేరుకుని దర్యాప్తు ప్రారంభించారు. మృతదేహాలను స్వాధీనం చేసుకుని పోస్టుమార్టం నిమిత్తం ఆసుపత్రికి తరలించారు. ఘటనా స్థలం నుంచి ఫోరెన్సిక్ సాక్ష్యాలను సేకరిస్తున్నారు. కుటుంబ సభ్యులు, చుట్టుపక్కలవారు, ఇతర సాక్షుల నుంచి పోలీసులు వివరాలు సేకరిస్తున్నారు. ఈ దుర్ఘటనకు గల కారణాలు లియాల్సి ఉందని, దర్యాప్తు కొనసాగుతోందని పోలీసు అధికారులు తెలిపారు. ఈ ఘటనపై ఇండియన్ నేవీ ఒక అధికారిక ప్రకటన విడుదల చేసింది. కొలాబాలోని నేవీ నగర్‌లో జరిగిన ఈ దురదృష్టకర సంఘటనలో నావికుడు, అతని భార్య, ఇద్దరు పిల్లలు మృతి చెందారని తెలిపింది. ఈ ఘటనపై పోలీసుల దర్యాప్తునకు నావికాదళం పూర్తిగా సహకరిస్తున్నదని పేర్కొంది.ఇది కూడా చదవండి: కుర్చీలో ఇరుక్కుపోయిన మెడ.. షాకింగ్ వీడియో!

మహిళలుగా మనం సాధించగల దానికి పరిమితి లేదు అని అగ్రరాజ్యం మాజీ అధ్యక్షుడు బరాక్‌ ఒబామా భార్య మిషెల్‌ ఒబామా అని సదా నొక్కి చెబుతుంటారామె. అది నిజం అనేలా..మూసధోరణి పద్ధతులను చేధించి ముందుకు దూసుకుపోతున్న ఎన్నో స్ఫూర్తిదాయక కథలు మన కళ్లముందు కదలాడుతున్నాయి. అలాంటి స్ఫూర్తిదాయ కథే ఈ సింగిల్‌ మదర్‌ స్టోరీ. ఒక ప్రయాణికురాలు, మహిళా క్యాబ్‌ డ్రైవర్‌ మధ్య సాగిన సరదా సంభాషణా వీడియో కాస్తా..శక్తిమంతమైన మహిళా శక్తికి నిర్వచనంగా, స్ఫూర్తిదాయకంగా మారింది. ఈ ఘటన ముంబైలో చోటుచేసుకుంది. ఆ వీడియోని నటి ఆయుషి లాహిరి షేర్‌ చేసుకున్నారు. ఆయుషి ఒక ‍క్యాబ్‌ని బుక్‌ చేసుకోగానే 'హైలైట్ ఆఫ్ ది డే' అనే శీర్షికతో ఒక ప్రముఖ క్యాబ్ డ్రైవర్ ప్రొఫైల్ కనిపిస్తుంది. ఆ ప్రొఫైల్ ప్రకారం, క్యాబ్‌ డ్రైవర్‌ ఒక మహిళ అని ఆశ్చర్యపోతుందామె. ఆ తర్వాత వారి మధ్య సరదాగా సంభాషణ సాగుతుంది. ఆ మహిళ క్యాబ్‌ డ్రైవర్‌ తన పేరు శోభనా అవస్థి అని పరిచయం చేసుకుంటుంది. ఆ తర్వాత ఆయుషి ఎప్పటి నుంచి క్యాబ్ నడుపుతున్నారని ప్రశ్నించగా జూన్‌ నెల నుంచి అని సమాధానమిస్తుంది. అయితే తాను కేవలం క్యాబ్‌ డ్రైవర్‌ని మాత్రమే కాదని తాను ప్రముఖ బ్రైడల్‌ మేకప్‌ ఆర్టిస్ట్‌ని అని కూడా చెబుతుంది. అయితే ప్రతిరోజు మేకప్‌ పని దొరకదని, పైగా తాను ఒంటరి తల్లినని పేర్కొంటుంది. తన కుటుంబాన్ని, పిల్లలను చూసుకునేందుకు ఇలా రెండు వృత్తులు చేస్తున్నట్లు వెల్లడించింది. ఇక తనకు డ్రైవింగ్‌ అంటే మహా ఇష్టమని, తాను 15 ఏళ్ల వయసులోనే తండ్రి వద్ద నేర్చుకున్నానని, చెప్పుకొచ్చింది. ఇప్పటి వరకు బీఎండబ్ల్యూ, మెర్సిడెస్‌, ఎస్‌యూవీలతో సహా సుమారు 80 కార్లను నడిపినట్లు పేర్కొంది. ఆ నటి ఈ హృద్యమైన వీడియోకి "నా రోజులోని ముఖ్యాంశం" అనే క్యాప్షన్‌ని జోడించి ఇన్‌స్టాగ్రామ్‌లో పంచుకుంది. నిజానికి పురుషాధిక్య రంగంలో తమకంటూ ఒక గుర్తింపును సృష్టించుకోవడానికి మహిళలు ఎంతగా కష్టపడగలరో ఈ ఘటన నిరూపిస్తుంది. అందులోనూ ఒక సింగిల్‌ మదర్‌గా అటు మాతృత్యం ఇటు వర్క్‌ని బ్యాలెన్స్‌ చేసుకుంటూ సాగిపోతున్న ఆమె నిజంగా సూపర్‌ విమెన్‌ అంటూ నెటిజన్లు ప్రశంసల వర్షం కురిపిస్తున్నారు. View this post on Instagram A post shared by Aayushi Lahiri (@aayushmatibhava)(చదవండి: 'ఓం'కి ఇంత పవర్‌ ఉందా? గుక్కపెట్టి ఏడుస్తున్న బిడ్డ కాస్తా..)

ముంబై ఫోర్ట్ ప్రాంతంలోని ప్రశాంతమైన హోమి మోడీ వీధిలో కనిపించే నాలుగు అంతస్తుల చారిత్రక భవనం.. బయటకు చూస్తే సాధారణ కార్యాలయ భవనంలానే అనిపిస్తుంది. కానీ అదే ‘బాంబే హౌస్’. దాదాపు శతాబ్ద కాలంగా టాటా గ్రూప్‌ వ్యాపార సామ్రాజ్యానికి ఇది ప్రధాన కార్యాలయం మాత్రమే కాదు.. కీలక నిర్ణయాలకు సాక్షిగా నిలిచిన కార్పొరేట్ చరిత్రకు చిరునామా. ఇప్పుడు టాటా సన్స్ చైర్మన్ ఎన్.చంద్రశేఖరన్ తన పదవి నుంచి వైదొలగనున్నట్లు (2027 ఫిబ్రవరిలో తన ప్రస్తుత పదవీ కాలం ముగిసిన తర్వాత) ప్రకటించడంతో మరోసారి బాంబే హౌస్‌పై ఆసక్తి పెరిగింది.1924లో మొదలైన ప్రయాణంబాంబే హౌస్ కథ 1920లో ప్రారంభమైంది. టాటా సన్స్ రెండో చైర్మన్ సర్ దొరాబ్జీ టాటా.. బాంబే మునిసిపాలిటీ నుంచి ఫోర్ట్ ప్రాంతంలో సుమారు 21,285 చదరపు అడుగుల విస్తీర్ణంలోని రెండు స్థలాలను కొనుగోలు చేశారు. అనంతరం భవనం నిర్మాణ బాధ్యతలను అసోసియేటెడ్ బిల్డింగ్ కంపెనీకి అప్పగించారు.స్కాటిష్ ఆర్కిటెక్ట్ జార్జ్ విట్టెట్ దీనికి రూపకల్పన చేశారు. ముంబైలోని గేట్‌వే ఆఫ్ ఇండియా, ప్రిన్స్ ఆఫ్ వేల్స్ మ్యూజియం (ప్రస్తుతం ఛత్రపతి శివాజీ మహారాజ్ వాస్తు సంగ్రహాలయ) వంటి ప్రముఖ నిర్మాణాల రూపకల్పనతో విట్టెట్ అప్పటికే పేరు సంపాదించారు. బాంబే హౌస్ నిర్మాణం 1924లో పూర్తయి జూలై 1న తలుపులు తెరుచుకుంది.ఈ భవనానికి ‘టాటా హౌస్’ అని పేరు పెట్టకుండా ‘బాంబే హౌస్’ అని పిలవడం వెనుక కూడా ప్రత్యేక భావన ఉంది. టాటా గ్రూప్ ఎదుగుదలకు కేంద్రంగా నిలిచిన బొంబాయి నగరంతో సంస్థకు ఉన్న అనుబంధాన్ని ప్రతిబింబించేలా ఈ పేరు పెట్టారు.ఎడ్వర్డియన్ అందం.. భారతీయ వారసత్వంబాంబే హౌస్ నిర్మాణం ఎడ్వర్డియన్ నియో-క్లాసికల్ శైలిని ప్రతిబింబిస్తుంది. మలాడ్ రాతితో నిర్మించిన ముఖభాగం, సమతుల్య ఆకృతి, పెద్ద జార్జియన్ తరహా కిటికీలు, అలంకార కార్నిస్‌లు ఈ భవనానికి ప్రత్యేక గుర్తింపును ఇచ్చాయి. మొదట భవనం బేస్‌మెంట్, గ్రౌండ్ ఫ్లోర్‌తో పాటు మూడు పై అంతస్తులతో నిర్మించారు. 1941-42లో నాలుగో అంతస్తును చేర్చారు. ప్రస్తుతం ఇదే అంతస్తులో చైర్మన్ కార్యాలయం, బోర్డు రూమ్ ఉన్నాయి.బయటి రూపాన్ని దాదాపు యథాతథంగా కాపాడుకుంటూనే లోపలి భాగాలను కాలానుగుణంగా మార్చుకుంటూ వచ్చారు. పాత కళాఖండాలు, ఫర్నిచర్, జ్ఞాపికలు, చారిత్రక బోర్డు రూమ్ వంటి అంశాలు భవనానికి పాతకాలపు ప్రత్యేకతను కొనసాగిస్తున్నాయి.టాటా సామ్రాజ్యంలోని కీలక నిర్ణయాలకు వేదికబాంబే హౌస్‌లో జరిగిన చర్చలు, తీసుకున్న నిర్ణయాలు టాటా గ్రూప్ చరిత్రలో అనేక మలుపులకు దారి తీశాయి. ఒకప్పుడు టెక్స్‌టైల్స్, హోటళ్లు, ఉక్కు, విద్యుత్ వంటి నాలుగు ప్రధాన వ్యాపారాల కేంద్రంగా ఉన్న ఈ భవనం.. తర్వాత విస్తరిస్తూ వచ్చిన టాటా సామ్రాజ్యానికి నాడీ కేంద్రంగా మారింది.జేఆర్‌డీ టాటా కాలంలో విమానయాన రంగంలో టాటా గ్రూప్ అడుగులు వేయడానికి సంబంధించిన కీలక ఆలోచనలు కూడా ఈ సంస్థాగత వాతావరణంలోనే రూపుదిద్దుకున్నాయి. దశాబ్దాల తర్వాత 2007లో టాటా స్టీల్.. కోరస్‌ను సుమారు 13 బిలియన్ డాలర్లకు కొనుగోలు చేసిన భారీ అంతర్జాతీయ ఒప్పందం వంటి వ్యూహాత్మక నిర్ణయాలకు కూడా బాంబే హౌస్ కీలక కేంద్రంగా నిలిచింది.2017లో చంద్రశేఖరన్ తీసుకున్న కీలక నిర్ణయంబాంబే హౌస్ దాదాపు 94 ఏళ్ల చరిత్రలో 2017 వరకు పెద్ద స్థాయి సమగ్ర పునరుద్ధరణకు దూరంగానే ఉంది. టాటా సన్స్ చైర్మన్‌గా ఎన్. చంద్రశేఖరన్ బాధ్యతలు స్వీకరించిన తర్వాత భవనాన్ని పూర్తిగా ఆధునీకరించాలనే నిర్ణయం తీసుకున్నారు.ఆర్కిటెక్ట్, అర్బన్ కన్జర్వేషన్ నిపుణురాలు బృందా సోమయ్య నేతృత్వంలోని బృందం ఈ ప్రాజెక్టును చేపట్టింది. కేవలం తొమ్మిది నెలల్లో పనులు పూర్తి చేసి 2018 జూలై 29న జేఆర్‌డీ టాటా జయంతి సందర్భంగా బాంబే హౌస్‌ను తిరిగి ప్రారంభించారు. రతన్ టాటా ఈ పునరుద్ధరించిన భవనాన్ని ప్రారంభించారు.పునరుద్ధరణలో భవనం చారిత్రక రూపాన్ని కాపాడుతూ ఆధునిక కార్యాలయ వాతావరణాన్ని తీసుకొచ్చారు. ఓపెన్ వర్క్‌స్పేస్‌లు, సహకార ప్రాంతాలు, డిజిటల్ మీటింగ్ రూమ్‌లు, టాటా ఎక్స్‌పీరియన్స్ సెంటర్ వంటి సదుపాయాలను ఏర్పాటు చేశారు. పాత బోర్డు రూమ్‌కు కూడా ఆధునిక సాంకేతిక సదుపాయాలు జోడించారు.వీధి కుక్కలకు వెల్‌కమ్‌!బాంబే హౌస్ ప్రత్యేకతల్లో అత్యంత ఆసక్తికరమైనది అక్కడి వీధి కుక్కల సంప్రదాయం. దశాబ్దాలుగా భవనానికి వచ్చే కుక్కలను ఉద్యోగులు, సంస్థ ఆహ్వానితుల్లానే ఆదరిస్తున్నారు. 2018 పునరుద్ధరణలో వాటి కోసం ప్రత్యేక కెన్నెల్‌ను కూడా ఏర్పాటు చేశారు. నిద్రించే ప్రదేశం, సౌకర్యవంతమైన వాతావరణం, ఆహారం, వైద్య సంరక్షణ వంటి ఏర్పాట్లు ఇందులో ఉన్నాయి. టాటా గ్రూప్ స్వయంగా పేర్కొన్నట్టుగా, ఈ కుక్కలకు బాంబే హౌస్‌లోకి ప్రవేశించేందుకు ఉద్యోగుల మాదిరిగా యాక్సెస్ కార్డు అవసరం లేదు.నేటికీ అదే చిరునామా2024లో బాంబే హౌస్ తన శతాబ్దిని పూర్తి చేసుకుంది. టాటా గ్రూప్ అధికారిక చరిత్ర ప్రకారం, ఈ భవనం నేటికీ గ్రూప్‌న‌కు గ్లోబల్ హెడ్‌క్వార్టర్స్‌గా కొనసాగుతోంది. వందేళ్లలో టాటా గ్రూప్ నాలుగు ప్రధాన వ్యాపారాల నుంచి అనేక రంగాల్లో విస్తరించిన బహుళజాతి వ్యాపార సమూహంగా మారినా.. దాని సంస్థాగత హృదయం మాత్రం బాంబే హౌస్‌గానే ఉంది. అంతేకాదు, వారసత్వ భవనంగా ఉన్నప్పటికీ సుస్థిరత చర్యలకు గుర్తింపుగా ఇండియన్ గ్రీన్ బిల్డింగ్ కౌన్సిల్ నుంచి ప్లాటినం రేటింగ్ పొందిన తొలి భారతీయ హెరిటేజ్ భవనంగా ఇది నిలిచింది.ఇప్పుడు చంద్రశేఖరన్ తన పదవీకాలం ముగిసిన తర్వాత కొత్త చైర్మన్‌కు బాధ్యతలు అప్పగించేందుకు మార్గం సుగమం చేశారు. దీంతో టాటా గ్రూప్ తదుపరి నాయకత్వం ఎవరి చేతుల్లోకి వెళ్తుందనే ప్రశ్న తెరపైకి వచ్చింది. అయితే ఆ నాయకత్వ మార్పు ఎక్కడి నుంచి సాగుతుంది అంటే.. సమాధానం మాత్రం ఇప్పటికీ అదే.. ముంబైలోని ఈ చారిత్రక ‘బాంబే హౌస్’ నుంచే.

బాలీవుడ్ ప్రముఖ నటి మాధురీ దీక్షిత్, ఆమె భర్త డాక్టర్ శ్రీరామ్ నెనె దేశంలోనే అత్యంత ఖరీదైన ముంబై రియల్ ఎస్టేట్ మార్కెట్‌లో మరోసారి తమ పెట్టుబడి వ్యూహాన్ని చాటుకున్నారు. ముంబైలోని అత్యంత విలాసవంతమైన జుహు ప్రాంతంలో ఉన్న తమ అపార్ట్‌మెంట్‌ను రూ.4.40 కోట్లకు విక్రయించారు. ప్రాపర్టీ రిజిస్ట్రేషన్ డేటా విశ్లేషణ సంస్థ సీఆర్‌ఈ మ్యాట్రిక్స్ అందించిన అధికారిక సమాచారం ప్రకారం జులై 3న ఈ లావాదేవీ నమోదు పూర్తయింది.విక్రయ వివరాలుమిలిటరీ రోడ్‌లోని ‘ది డీప్ వర్షా కో-ఆపరేటివ్ హౌసింగ్ సొసైటీ’ పరిధిలోని ఐరిస్ పార్క్ భవనంలో ఉన్న ఈ ఫ్లాట్ విస్తీర్ణం 774 చదరపు అడుగులు. ఈ ఆస్తిని సచిన్ శేఖర్ శెట్టి అనే కొనుగోలుదారుడు సొంతం చేసుకున్నారు. దీని కొనుగోలు నిమిత్తం స్టాంప్ డ్యూటీ కింద రూ.26.40 లక్షలు, రిజిస్ట్రేషన్ ఛార్జీలుగా రూ.30,000 చెల్లించారు. కాగా, ఈ ఫ్లాట్‌కు సంబంధించిన కార్ పార్కింగ్ స్థలాన్ని వీరు గతేడాది డిసెంబర్‌లోనే వేరే వ్యక్తికి వేరుగా విక్రయించడం గమనార్హం.14 ఏళ్లలో 127 శాతం లాభం2012 జూన్ 4న మాధురి దంపతులు ఈ ఫ్లాట్‌ను రూ.1.94 కోట్లకు కొనుగోలు చేశారు. దాదాపు 14 ఏళ్ల పాటు దీనిని తమ వద్దే ఉంచుకుని ఇప్పుడు రూ.4.40 కోట్లకు విక్రయించడం ద్వారా 127 శాతానికి పైగా క్యాపిటల్ అప్రిసియేషన్ (మూలధన లాభం) సాధించారు.గత ఎనిమిది నెలల్లో మూడో విక్రయంమాధురీ దీక్షిత్ గత ఎనిమిది నెలల కాలంలో ముంబైలో ఆస్తులను విక్రయించడం ఇది మూడోసారి. డిసెంబర్ 2025లో ఇదే జుహు భవనంలో ఉన్న మరొక 780 చ.అడుగుల ఫ్లాట్‌ను రూ.3.90 కోట్లకు విక్రయించారు (99.22% లాభం). జూన్ 2026లో అంధేరి వెస్ట్‌లోని 1,594 చ.అడుగుల కమర్షియల్ ఆఫీస్ స్పేస్‌ను రూ.4.85 కోట్లకు అమ్మేశారు. 18 ఏళ్ల క్రితం రూ.52.5 లక్షలకు కొన్న ఈ ఆఫీసుపై ఏకంగా 824% రాబడి రావడం విశేషం.

బైక్‌ రైడ్‌ అంటే ఆమెకు ఎంతో ఇష్టం. ఆ ఆసక్తితోనే తరచూ సాహస యాత్రలు చేసే ఆమె.. మరో ప్రయాణానికి ఎంతో ఉత్సాహంగా బయలుదేరింది. కానీ ఆ సాహస యాత్ర కాస్తా విషాదాంతంగా మారింది. ఎదురుగా వచ్చిన భారీ ట్రక్కు ఆమె బైక్‌ను ఢీకొట్టి కొంత దూరం ఈడ్చుకెళ్లింది. తీవ్రంగా గాయపడిన ఆమెను ఆస్పత్రికి తరలించినా.. చికిత్స పొందుతూ ప్రాణాలు కోల్పోయింది. ఈ ఘటన బైకింగ్‌ వర్గాల్లో తీవ్ర విషాదాన్ని నింపింది.ముంబైకి చెందిన 24 ఏళ్ల యువ బైకర్‌ రిద్ధి థక్కర్‌(Riddhi Thakkar) ఛత్తీస్‌గఢ్‌లో జరిగిన ఘోర రోడ్డు ప్రమాదంలో ప్రాణాలు కోల్పోయారు. బైక్‌ ప్రయాణాలంటే ఎంతో ఆసక్తి ఉన్న రిద్ధి.. వాటిని వీడియోలు తీస్తూ సోషల్‌ మీడియాలోనూ పాపులారిటీని సంపాదించుకున్నారు. అయితే.. బస్తర్‌ టూర్‌కు వెళ్లిన మహిళా బైకర్ల బృందంలో ఉన్న ఆమె అనూహ్య రీతిలో ప్రాణాలు పొగొట్టుకున్నారు. దీంతో.. బైకింగ్‌ కమ్యూనిటీలో విషాద ఛాయలు అలుముకున్నాయి.ఢీ కొట్టి.. ఆపై ఈడ్చుకెళ్లి..ముంబై కందివలీ వెస్ట్‌కు చెందిన రిద్ధి థక్కర్‌.. దాదాపు 23 మంది మహిళా బైకర్ల బృందంతో ఛత్తీస్‌గఢ్‌లోని బస్తర్‌ ప్రాంతాన్ని సందర్శించేందుకు బయలుదేరారు. రాయ్‌పూర్‌ నుంచి కాంకేర్‌ వైపు వెళ్తుండగా ధమ్తరి జిల్లా మార్కటోలా ఘాట్‌ సమీపంలో ఈ ఘోరం జరిగింది. పోలీసుల తెలిపిన వివరాల ప్రకారం.. బైకర్ల బృందంలోని పలువురు ముందుకు వెళ్లిపోగా, రిద్ధి మరికొందరు వెనుక వస్తున్నారు. ఈ సమయంలో ఎదురుగా వచ్చిన భారీ ట్రైలర్‌ ఆమె బైక్‌ను ఢీకొట్టింది. ప్రమాద తీవ్రతకు రిద్ధి రోడ్డుపై పడిపోయి తీవ్రంగా గాయపడ్డారు.ఆస్పత్రికి తరలించినా దక్కని ప్రాణంప్రమాదాన్ని గమనించిన తోటి బైకర్లు వెంటనే సహాయక చర్యలు చేపట్టారు. అత్యవసర సేవలకు సమాచారం అందించి రిద్ధిని సమీపంలోని ఆస్పత్రికి తరలించారు. పరిస్థితి విషమించడంతో ధమ్తరిలోని ప్రైవేటు ఆస్పత్రికి తీసుకెళ్లగా.. చికిత్స పొందుతూ ఆమె మృతి చెందినట్లు వైద్యులు తెలిపారు.పరారీలో డ్రైవర్‌.. కొనసాగుతున్న దర్యాప్తుప్రమాదం అనంతరం ట్రక్కు డ్రైవర్‌ వాహనంతో అక్కడి నుంచి వెళ్లిపోయినట్లు పోలీసులు తెలిపారు. ఘటనపై కేసు నమోదు చేసి దర్యాప్తు ప్రారంభించారు. ప్రమాద స్థలంలోని సీసీటీవీ ఫుటేజ్‌లను పరిశీలిస్తూ వాహనం, డ్రైవర్‌ను గుర్తించే ప్రయత్నాలు చేస్తున్నారు. రిద్ధి మృతదేహాన్ని పోస్టుమార్టం కోసం ధమ్తరి జిల్లా ఆస్పత్రికి తరలించారు. కుటుంబ సభ్యులకు సమాచారం అందించారు. ఆమెతో కలిసి ప్రయాణించిన ఇతర బైకర్ల నుంచి పోలీసులు వివరాలు సేకరిస్తున్నారు. ప్రమాద విషయం తెలుసుకున్న ధమ్తరి మున్సిపల్‌ కార్పొరేషన్‌ మేయర్‌ ఘటనాస్థలానికి చేరుకుని పరిస్థితిని పరిశీలించారు. అనంతరం యువతి కుటుంబ సభ్యులకు సమాచారం అందించారు. ఈ విషాద సమయంలో కుటుంబానికి అన్ని విధాలా సహకారం అందిస్తామని హామీ ఇచ్చారు.

ముంబైలో ఘోర అగ్నిప్రమాదం చోటుచేసుకుంది. విలే పార్లే వెస్ట్‌లోని ఓ 12 అంతస్తుల నివాస భవనంలో మంగళవారం రాత్రి మంటలు చెలరేగాయి. ఈ ఘటనలో రెండున్నరేళ్ల చిన్నారి సహా ఇద్దరు ప్రాణాలు కోల్పోగా.. మరో ఆరుగురు గాయపడ్డారు.భవనంలోని 11వ అంతస్తులో రాత్రి సమయంలో ఒక్కసారిగా మంటలు వ్యాపించాయి. సమాచారం అందుకున్న ముంబై అగ్నిమాపక సిబ్బంది వెంటనే ఘటనాస్థలానికి చేరుకుని సహాయక చర్యలు చేపట్టారు. రాత్రి 10.02 గంటలకు అగ్నిమాపక శాఖకు సమాచారం అందగా.. తొలుత ప్రమాదాన్ని లెవల్‌-1గా ప్రకటించారు. మంటలు తీవ్రత పెరగడంతో 10.16 గంటలకు లెవల్‌-2కు పెంచారు. దాదాపు అర్ధరాత్రి 1 గంట సమయంలో మంటలను పూర్తిగా అదుపులోకి తీసుకువచ్చారు.విద్యుత్‌ వైరింగ్‌ నుంచి మంటలు?అగ్నిప్రమాదంలో ఇంట్లోని విద్యుత్‌ వైరింగ్‌, ఏసీ యూనిట్‌, ఫర్నిచర్‌, సోఫా, బెడ్‌, ఫాల్స్‌ సీలింగ్‌, వంటగది సామగ్రి భారీగా దెబ్బతిన్నాయి. సుమారు 4 వేల చదరపు అడుగుల విస్తీర్ణంలో మంటలు వ్యాపించినట్లు అధికారులు తెలిపారు. అయితే అగ్నిప్రమాదానికి అసలు కారణం ఇంకా తెలియాల్సి ఉంది.చిన్నారి సహా ఇద్దరి మృతిప్రమాదంలో గాయపడిన ఎనిమిది మందిని ఆసుపత్రులకు తరలించారు. ఇద్దరిని కూపర్‌ ఆసుపత్రికి, మరో ఆరుగురిని నానావతి ఆసుపత్రికి తరలించారు. నానావతి ఆసుపత్రిలో రెండున్నరేళ్ల అబీర్‌, 23 ఏళ్ల అంకిత మృతి చెందినట్లు వైద్యులు ప్రకటించారు.గాయపడిన వారిలో ఫైర్‌మ్యాన్‌ మనోజ్‌ సోనావానే (30), శివమ్‌ ద్వివేది (29) చికిత్స అనంతరం డిశ్చార్జ్‌ అయ్యారు. మరో నలుగురు పార్థ్‌ (32), హిరెన్‌ (64), యశస్వి (33), అభిషేక్‌ ప్రస్తుతం స్థిరంగా ఉన్నట్లు వైద్యులు తెలిపారు. వారిలో యశస్వి, అభిషేక్‌ చికిత్స అనంతరం ఇంటికి వెళ్లారు. ఈ ఘటనపై అధికారులు దర్యాప్తు ప్రారంభించారు. అగ్నిప్రమాదానికి గల కారణాలను గుర్తించే పనిలో నిమగ్నమయ్యారు. Watch: A fire broke out at Shanta Bhavan Building in Mumbai's Vile Parle area. After receiving information about the incident, 10 fire brigade vehicles reached the spot and began efforts to bring the fire under control. No injuries have been reported so far. Firefighters are… https://t.co/PaDkqJiRcZ pic.twitter.com/qvUdBe9Mkn— IANS (@ians_india) August 11, 2026

ముంబై అండర్‌వరల్డ్ చరిత్రలో ఒకప్పుడు భయానక వాతావరణం సృష్టించిన గ్యాంగ్‌స్టర్ అమర్ నాయక్ ప్రస్థానం ఒక కూరగాయల వ్యాపారిగా మొదలయ్యింది. తరువాత అండర్‌వరల్డ్‌ను గడగడలాడించిన దావూద్ ఇబ్రహీం, అరుణ్ గావ్లీ లాంటి ఉద్దండులకే సవాళ్లు విసిరే స్థాయికి చేరింది. ఒక సాధారణ కూరగాయల వ్యాపారి మోస్ట్‌ వాంటెడ్‌ డాన్‌గా మారడం.. తరువాత అథఃపాతాళానికి చేరడం వెనుక ఆసక్తికర కథనం ఉంది. 1980లలో దాదర్ మార్కెట్‌లో ప్రారంభమైన అతని మనుగడ ఎలాంటి సంచలనాలకు తెరలేపిందనేది ఈ కథనంలో చూద్దాం.బలవంతపు వసూళ్లపై తిరుగుబాటుముంబైలోని దాదర్ కూరగాయల మార్కెట్ ఆ కాలంలోనే కోట్లలో వ్యాపారం జరిగే ప్రధాన కేంద్రం. అజిత్ నాయక్ అనే వ్యక్తి అక్కడ కూరగాయల దుకాణం నడిపేవాడు. అజిత్ సోదరుడైన అమర్ నాయక్ చాలా కోపిష్టి, ఎవరికీ తలవంచని స్వభావం కలవాడు. ఆ సమయంలో మార్కెట్‌లో చెలరేగుతున్న ‘పోటియా ముఠా’ వ్యాపారుల నుండి బలవంతంగా వారపు డబ్బులు వసూలు చేసేది. ఈ వసూళ్లను అమర్ నాయక్ తీవ్రంగా వ్యతిరేకించి, ఒక్క పైసా కూడా ఇచ్చేది లేదని తేల్చిచెప్పడంతో అండర్‌వరల్డ్‌తో అసలు పోరు మొదలైంది.అన్నపై దాడితో రగిలిపోయిన అమర్ఒకరోజు పోటియా ముఠా సభ్యులు అమర్ సోదరుడు అజిత్‌పై దాడి చేసి అమర్ ఆచూకీ చెప్పాలని వేధించారు. ఈ విషయం తెలుసుకున్న అమర్ తన మనుషులతో కలిసి వారిపై ఎదురుదాడికి దిగాడు. ఈ భీకర ఘర్షణలో పోటియా ముఠాకు చెందిన ముగ్గురు తీవ్రంగా గాయపడగా, మిగతావారు ప్రాణభయంతో పారిపోయారు. ఈ ఒక్క సంఘటనతో దాదర్ మార్కెట్‌లో అమర్ నాయక్ పేరు మారుమోగడం ప్రారంభమైంది. అతని ఖ్యాతి క్రమంగా పెరుగుతూ వచ్చింది.తమ్ముడి అపహరణ హైడ్రామా.. తన ఆధిపత్యం తగ్గిపోతోందని గ్రహించిన పోటియా ముఠా కుట్ర పన్ని, అమర్ తమ్ముడు అశ్విన్‌ను అపహరించింది. బదులుగా అమర్‌ను తమ ముందుకు తీసుకురావాలని డిమాండ్ చేసింది. దీంతో తీవ్ర ఆగ్రహం చెందిన అమర్ తన బృందాన్ని ఘర్షణలకు సిద్ధం చేశాడు. ఇంతలో అశ్విన్ వారి చెరనుండి చాకచక్యంగా తప్పించుకోగలిగాడు. ఈ ఘటనతో పోటియా ముఠా బలహీనపడింది. అండర్‌వరల్డ్‌లో అమర్ నాయక్ రాజ్యానికి పునాది పడింది.దావూద్, గౌలీలకే ముచ్చెమటలుఅప్పట్లో డాన్ దావూద్ ఇబ్రహీం దుబాయ్ నుండి తన సామ్రాజ్యాన్ని నడిపిస్తూ, ముంబైలో చోటా రాజన్‌ను ఇన్‌చార్జ్‌గా ఉంచాడు. మరోవైపు అరుణ్ గావ్లీ సెంట్రల్ ముంబై నుండి తన గ్యాంగ్‌ను నడిపేవాడు. సరిగ్గా ఇదే ప్రాంతం నుండి అమర్ నాయక్ తన కార్యకలాపాలను సాగిస్తూ వీరిద్దరికీ బలమైన ప్రత్యర్థిగా ఎదిగాడు. ఒకే ప్రాంతంలో ఇద్దరు డాన్‌లు ఉండకూడదనే నియమం ప్రకారం గావ్లీ వర్గానికి, నాయక్ వర్గానికి మధ్య తీవ్రమైన రక్తపాతంతో కూడిన గ్యాంగ్‌వార్ చెలరేగింది.పోలీసుల కళ్లుగప్పి తిరుగుతూ..అమర్ నాయక్ కేవలం ప్రత్యర్థులకే కాదు, పోలీసులకు కూడా సవాల్‌ విసిరాడు. అతని ముఖం ఎలావుంటుందననేది అప్పట్లో ఎవరికీ స్పష్టంగా తెలియదు. విదేశాలకు వెళ్లేందుకు అతనికి ఏకంగా ఐదు వేర్వేరు పాస్‌పోర్ట్‌లు ఉండేవి. ఒకసారి సాక్షాత్తు పోలీసుల ఎదురుగా వచ్చి వారితో సాధారణంగా మాట్లాడి వెళ్లిపోయినా, అది అమర్ నాయక్ అని గుర్తించలేనంత చురుగ్గా, పోలీసుల కంట పడకుండా అతను తన సామ్రాజ్యాన్ని ఏలాడు.క్రూరత్వంతో 'రావణ్' బిరుదుముంబైలోని బట్టల మిల్లులు మూతపడటంతో ఉపాధి కోల్పోయి రోడ్డున పడిన నిరుద్యోగ యువకులను అమర్ నాయక్ తన గ్యాగ్‌లోకి చేర్చుకున్నాడు. తన శత్రువులపట్ల అత్యంత క్రూరంగా వ్యవహరించడం వల్ల అండర్‌వరల్డ్ వర్గాలు అతన్ని ‘రావణ్’ అని పిలవడం మొదలుపెట్టాయి. ముంబైలో సంచలనం సృష్టించిన అనేక హత్యల్లో, ముఖ్యంగా ఖటావ్ మిల్లు యజమాని సునీత్ ఖటావ్ హత్యలో అమర్ నాయక్ పేరు ప్రముఖంగా వినిపించింది.ఎన్‌కౌంటర్ స్పెషలిస్ట్ చేతిలో హతంఅమర్ నాయక్ నేర సామ్రాజ్యం రోజురోజుకూ పెరిగిపోవడంతో ముంబై పోలీసులు అతనిపై ఉక్కుపాదం మోపాలని నిర్ణయించుకున్నారు. అతని కుటుంబ సభ్యులను లక్ష్యంగా చేసుకుని పోలీసులు ఒత్తిడి పెంచారు. ప్రత్యర్థి డాన్ అరుణ్ గావ్లీని అరెస్ట్ చేసి జైలులో పెట్టగా, అతని గ్యాంగ్‌ను నిర్వీర్యం చేశారు. చివరకు 1995లో మదన్‌పురా ప్రాంతంలో ఎన్‌కౌంటర్ స్పెషలిస్ట్ విజయ్ సలాస్కర్ నేతృత్వంలోని పోలీసు బలగాలు అమర్ నాయక్‌ను చుట్టుముట్టాయి. అర్ధరాత్రి జరిగిన భీకర ఎదురుకాల్పుల్లో ‘రావణ్’ హతమవడంతో అతని అండర్‌వరల్డ్ అధ్యాయం ముగిసింది.ఇది కూడా చదవండి: 79 లేక 80?.. స్వాతంత్ర్య దినోత్సవంపై కన్ఫ్యూజన్?

ముంబై: పెరిగిన కూరగాయలు, నిత్యావసర సరుకులు, ఇంధన ధరలతోపాటు ఈసారి గణేశ్‌ విగ్రహాల ధరలు కూడా ఏకంగా 20–30 శాతం పెరిగే అవకాశముండటంతో గణేశ్‌ భక్తులపై అదనపు ఆర్థిక భారం పడనుంది. గణేశోత్సవాలు సమీపిస్తుండటంతో వర్క్‌ షాపుల్లో వినాయకుని విగ్రహాల తయారీ పనులు ఇప్పటికే ప్రారంభమయ్యాయి. ముఖ్మంగా రాయ్‌గడ్‌ జిల్లా పేణ్‌ తాలూకాలో తయారైన చిన్న, పెద్ద విగ్రహాలు విదేశాలకు ఏప్రిల్‌లోనే రవాణా అయ్యాయి. ప్రస్తుతం ముంబై, థానే, న్యూ ముంబై, కల్యాణ్, రాయ్‌గడ్, నాసిక్, పుణే తదితర నగరాలకు అవసరమయ్యే విగ్రహాల తయారీ పనులు జోరందుకున్నాయి. అయితే అనేక కారణాల వల్ల గత సంవత్సరంతో పోలిస్తే ఈ ఏడాది వివిధ రకాల విగ్రహాల ధరలు 30 శాతం వరకు పెంచకతప్పడం లేదని తయారీదారులు చెబుతున్నారు.అదనపు ఆర్థిక భారానికి కారణాలివీ..పర్యావరణానికి జరుగుతున్న హానిని దృష్టిలో ఉంచుకుని ప్లాస్టర్‌ ఆఫ్‌ ప్యారిస్‌ (íపీఓపీ) తో తయారయ్యే విగ్రహాలకు స్వస్తి చెప్పాలని ఇదివరకే ప్రభుత్వం, బృహన్ముంబై మున్సిపల్‌ కార్పొరేషన్‌ (బీఎంసీ) చేశాయి. దీంతో వర్క్‌ షాపు యజమానులు బంక మట్టితో విగ్రహాలు తయారు చేయడానికే ప్రాధాన్యత ఇస్తున్నారు. కానీ మట్టి ధరలు, వర్క్‌ షాపుల్లో పనిచేసే కార్మికులు, శిల్పకారుల వేతనాలు, విగ్రహాల తయారికి వినియోగించే ఇనుప చువ్వలు, రంగులు, షెడ్డు నిర్మాణానికి అవసరమైన వెదురు బొంగులు, ప్లాస్టిక్‌ పేపర్లు, వివిధ రకాల రంగులు, స్ధలం అద్దె, బీఎంసీ అనుమతి చార్జీలు కూడా పెరిగాయి.నీటి కొర‌త‌తో దెబ్బ‌అదేవిధంగా ఈ ఏడాది వర్షాకాలం ప్రారంభమై రెండు నెలలు కావస్తున్నప్పటికీ ఇంతవరకూ ఆశించిన స్థాయి వర్షపాతం లేదు. గత నెలలో మినహా భారీ వర్షాలు మళ్లీ కురవలేదు. వర్షాలు అనుకున్నంతమేర కురవకపోవడంతో అనేక ప్రాంతాల్లో ఇప్పటికీ నీటికోత అమలులోనే ఉంది. కొని చోట్ల రోజు విడిచి రోజు లేదా రెండు రోజులకు ఒకసారి నీటి సరఫరా జరుగుతోంది. దీంతో గణేశ్‌ విగ్రహాలు తయారుచేసే అనేక వర్క్‌షాపులు, షెడ్ల యజమానులు వాటర్‌ ట్యాంకర్లపై ఆధార పడాల్సిన పరిస్ధితి వచ్చింది.ఎండిపోయిన బంక మట్టిని విగ్రహాల తయారీకి అనుగుణంగా మెత్తగా పిసకాలంటే నీటి వినియోగం ఎక్కువ మోతాడులో అవరమైతుంది. దీన్ని అదనుగా చేసుకున్న వాటర్‌ ట్యాంకర్‌ యజమానులు చార్జీలు పెంచేశారు. ఇది కూడా విగ్రహాల తయారీదారులకు అదనపు ఆర్థిక భారంగా పరిణమించింది. ఇలా అనేక కారణాలతో విగ్రహాల ధరలను 20–30 శాతం వరకు పెంచాల్సిన పరిస్ధితి వచ్చిందని తయారీదారులంటున్నారు. ముఖ్యంగా గత నాలుగైదు నెలలుగా పశ్చిమాసియా దేశాలలో జరుగుతున్న యుద్ధం కారణంగా విదేశాల నుంచి దిగుమతి కావల్సిన కొన్ని ముడి సరుకులు సకాలంలో రవాణా కావడం లేదు.చ‌ద‌వండి: ఫడ్నవీస్ ప్ర‌భుత్వంపై మరాఠా ఉద్యమ నేత ఫైర్‌ముఖ్యంగా విగ్రహాలకు అమర్చాల్సిన నకిలీ ముత్యాలు, పగడాలు, రంగురాళ్లు, కిరీటాలు, గిల్టు నగలు సమయానికి అందలేదు. సముద్ర మార్గం మీదుగా సామగ్రి రవాణాకు చాలా తక్కువగా ఖర్చవుతుంది. అదే విమానాల్లో దిగుమతి చేసుకుంటే నాలుగు రెట్లకుపైనే రవాణా చార్జీలు చెల్లించాల్సిఉంటుంది. దీంతో గత్యంతరం లేక ఎక్కువ ధర చెల్లించి విమానాల ద్వారా దిగుమతి చేసుకుంటున్నారు. ఫలితంగా ఖర్చులు పెరగడంతో 20–30 శాతం వరకు ధరలు పెంచాల్సి వచ్చిందని తయారీదారులంటున్నారు.

ముంబై స్టార్‌ బ్యాటర్‌ సర్ఫరాజ్‌ ఖాన్‌ మేజర్‌ టోర్నమెంట్‌కు దూరమయ్యాడు. దేశవాళీ ప్రతిష్టాత్మక రెడ్‌బాల్‌ టోర్నీ దులిప్‌ ట్రోఫీ 2026 సీజన్‌కు అతడు అందుబాటులో ఉండటం లేదు. టీమిండియా నుంచి అకస్మాత్తుగా పిలుపు రావడంతో.. సర్ఫరాజ్‌ ఖాన్‌ వెస్ట్‌ జోన్‌ జట్టును వీడాడు.కాగా దేశవాళీ క్రికెట్‌లో సర్ఫరాజ్‌ ఖాన్‌కు ఉన్న రికార్డు గురించి ప్రత్యేకంగా చెప్పాల్సిన పనిలేదు. ఫస్ట్‌క్లాస్‌క్రికెట్‌లో ఇప్పటికే ఐదు వేలకు పైగా పరుగులు సాధించిన ఈ ముంబైకర్‌.. సుదీర్ఘ నిరీక్షణ తర్వాత 2024లో ఎట్టకేలకు అంతర్జాతీయ క్రికెట్‌లో అడుగపెట్టాడు.2024లో చివరిగా టీమిండియా తరఫునఇప్పటి వరకు టీమిండియా తరఫున ఆరు టెస్టు మ్యాచ్‌లు ఆడిన సర్ఫరాజ్‌ ఖాన్‌.. 371 పరుగులు సాధించాడు. అయితే, అదే ఏడాది చివరగా న్యూజిలాండ్‌తో మ్యాచ్‌ ఆడిన ఈ కుడిచేతి వాటం బ్యాటర్‌కు తర్వాత అవకాశాలు కనుమరుగయ్యాయి. దీంతో ఫిట్‌నెస్‌పై దృష్టి సారించిన సర్పరాజ్‌ ఖాన్‌.. భారీగా బరువు తగ్గి స్లిమ్‌గా తయారయ్యాడు.సాయి సుదర్శన్‌ స్థానంలోదేశీ క్రికెట్‌లోనూ మరోసారి సత్తా చాటాడు. అయినప్పటికీ టీమిండియా సెలక్టర్ల నుంచి సర్ఫరాజ్‌కు పిలుపు రాలేదు. అయితే, శ్రీలంకతో టెస్టు సిరీస్‌కు ఎంపికైన సాయి సుదర్శన్‌ గాయం నుంచి కోలుకోకపోవడం అతడి పాలిట వరంగా మారింది. దీంతో తాజాగా సాయి స్థానాన్ని సర్ఫరాజ్‌తో భర్తీ చేస్తూ సెలక్టర్లు నిర్ణయం తీసుకున్నారు.ఈ నేపథ్యంలో టీమిండియాతో చేరేందుకు సర్ఫరాజ్‌ ఖాన్‌ శ్రీలంకకు పయనమయ్యాడు. ఈ క్రమంలో వెస్ట్‌ జోన్‌ జట్టుకు అతడు దూరం కాగా.. సెలక్టర్లు జై గోహిల్‌కు పిలుపునిచ్చారు. ఈ విషయం గురించి వెస్ట్‌ జోన్‌, ముంబై చీఫ్‌ సెలక్టర్‌ రాజేశ్‌ పవార్‌ టైమ్స్‌ ఆఫ్‌ ఇండియాతో మాట్లాడుతూ.. జై గోహిల్‌కు అవకాశం‘‘సర్ఫరాజ్‌ స్థానంలో గోహిల్‌ను ఎంపిక చేశాము. నిజానికి అతడు స్టాండ్‌ బై ప్లేయర్‌గా ఉండేవాడు. ఇప్పుడు ప్రధాన జట్టులోకి తీసుకున్నాము. రంజీ ట్రోఫీలో సౌరాష్ట్ర తరఫున అతడు అద్భుత ప్రదర్శన కనబరిచాడు’’ అని రాజేశ్‌ పవార్‌ పేర్కన్నాడు.కాగా వెస్ట్‌ జోన్‌ జట్టుకు రుతురాజ్‌ గైక్వాడ్‌ కెప్టెన్‌ కాగా.. షామ్స్‌ ములానీ వైస్‌ కెప్టెన్‌గా ఎంపికయ్యాడు. ఇక ఆగష్టు 23 నుంచి సెప్టెంబరు 10 వరకు దులిప్‌ ట్రోఫీ నిర్వహణకు షెడ్యూల్‌ ఖరారైంది. మరోవైపు.. టీమిండియా- శ్రీలంక మధ్య ఆగష్టు 15 నుంచి తొలి టెస్టు.. ఆగష్టు 23 నుంచి రెండో టెస్టు మొదలుకానుంది.దులిప్‌ ట్రోఫీ 2026 సీజన్‌కు వెస్ట్‌ జోన్‌ జట్టు (అప్‌డేటెడ్‌)రుతురాజ్‌ గైక్వాడ్‌ (కెప్టెన్‌), షామ్స్‌ ములాని (వైస్‌ కెప్టెన్‌), హర్విక్‌ దేశాయ్‌ (వికెట్‌ కీపర్‌), ఉర్విల్‌ పటేల్‌ (వికెట్‌ కీపర్‌), జైమీద్‌ పటేల్‌, పృథ్వీ షా, శివాలిక్‌ శర్మ, సిద్దార్థ్‌ దేశాయ్‌, జై గోహిల్‌, ముషీర్‌ ఖాన్‌, అతీత్‌ షేత్‌, ముకుశ్‌ చౌదరి, తనుశ్‌ కొటియాన్‌, శార్దూల్‌ ఠాకూర్‌, తుషార్‌ దేశ్‌పాండే.చదవండి: నా కాబోయే భర్త అలా ఉండాలి: సారా టెండుల్కర్‌

ముంబై : మహారాష్ట్రలోని ముంబై నగరంలో వినాయక చవితి వేడుకలకు రంగం సిద్ధమైంది. గణేష్ ఆగమన్ వేడుకల ప్రారంభంతో ముంబై వీధులు భక్తిభావంతో నిండిపోతున్నాయి. 2026 సెప్టెంబర్ 14న ఘనంగా గణేష్ చవితి ఉత్సవాలు నిర్వహించేందుకు సన్నాహాలు మొదలయ్యాయి. ముంబైలోని ప్రముఖ లాల్‌బాగ్‌-పరేల్ ప్రాంతంలో ఘన స్వాగత వేడుకలతో నగరమంతా పండుగ వాతావరణం సంతరించుకుంది.సంప్రదాయ వాయిద్యాలు, కాషాయ పతాకాలు, ‘గణపతి బప్పా మోరియా’ నినాదాల మధ్య భక్తులు తొలి ప్రతిమలను అత్యంత వైభవంగా స్వాగతించారు. ఈ ఏడాది ముంబైలో తయారైన పలు వినాయక ప్రతిమలు గుజరాత్‌కు తరలివెళ్తుండటం విశేషం. గుజరాత్‌లోని సూరత్, భరూచ్ తదితర ప్రాంతాలకు చెందిన మండపాల నిర్వాహకులు ముంబై నుంచి విగ్రహాలను తీసుకెళుతుంటారు. ఆగస్టులోని ప్రతి వారాంతంలో ఇలాంటి భారీ ఊరేగింపులు జరుగుతుంటాయి.ఇది కూడా చదవండి: హరిద్వార్-ఢిల్లీ మార్గంలో కన్వర్ యాత్రికుల కోలాహలం!

ఓ భారీ బడ్జెట్‌ చిత్రం విడుదలకు ముందే ఆస్కార్‌ చర్చకు దారితీసింది. ఆ సినిమా అవార్డుల బరిలో నిలవకపోతే తాను నిరాశ చెందుతానంటూ మహారాష్ట్ర ముఖ్యమంత్రి దేవేంద్ర ఫడ్నవీస్‌ చేసిన వ్యాఖ్యలు ఆసక్తి రేపుతున్నాయి. అసలు ఆయన ఆ స్థాయిలో ఎందుకు ప్రశంసించారు? ఆ సినిమాపై ఆయనకున్న అంచనాలు ఏంటి?..ఆ సినిమా మరేదో కాదు.. నితేశ్‌ తివారీ దర్శకత్వంలో తెరకెక్కుతున్న ప్రతిష్ఠాత్మక ‘రామాయణం’. ఈ భారీ బడ్జెట్‌ పౌరాణిక చిత్రం ‘రామాయణం’పై అంచనాలు రోజురోజుకూ పెరుగుతున్నాయి. ఈ సినిమా అంతర్జాతీయ స్థాయిలో గుర్తింపు పొందాలని ఆకాంక్షించిన మహారాష్ట్ర ముఖ్యమంత్రి దేవేంద్ర ఫడ్నవీస్‌.. ఆస్కార్‌ అవార్డులపై కీలక వ్యాఖ్యలు చేశారు.🚨BIG: Maharashtra CM Devendra Fadnavis on #Ramayana "I'll be VERY disappointed if Ramayana doesn't win an Oscar." pic.twitter.com/ylrzro3xE7— Daily Bollywood (@Bollywooz) August 6, 2026ముంబైలో ప్రైమ్‌ ఫోకస్‌ స్టూడియో ప్రారంభోత్సవంలో మాట్లాడిన ఫడ్నవీస్‌.. ‘రామాయణం’కు ఆస్కార్‌ రాకపోతే అకాడమీ జ్యూరీపై తాను నిరాశ చెందుతానని అన్నారు. రణ్‌బీర్‌ కపూర్‌, సాయిపల్లవి, యశ్‌ నటిస్తున్న ఈ చిత్రం “దశాబ్దపు సినిమా కాదు.. సహస్రాబ్దపు చిత్రం” అని ప్రశంసించారు. నిర్మాత నమిత్‌ మల్హోత్రా భారీ సాంకేతిక పరిజ్ఞానంతో రూపొందిస్తున్న ఈ చిత్రం భారతీయ కథలను ప్రపంచ స్థాయికి తీసుకెళ్లే ప్రయత్నమని ఫడ్నవీస్‌ పేర్కొన్నారు. గతంలోనూ ‘రామాయణం’ విజువల్స్‌, సాంకేతిక ప్రమాణాలను ఆయన ప్రశంసించారు.రెండు భాగాలుగా తెరకెక్కుతున్న ఈ సినిమా తొలి భాగం 2026 నవంబర్‌ 6న దీపావళికి ముందు ప్రేక్షకుల ముందుకు రానుంది. రెండో భాగం 2027 దీపావళి సమయంలో విడుదల కానుంది.ఈ చిత్రంలో రణ్‌బీర్‌ కపూర్‌ శ్రీరాముడిగా, సాయిపల్లవి సీతగా, యశ్‌ రావణుడిగా నటిస్తున్నారు. భారతీయ ఇతిహాసాన్ని ప్రపంచ ప్రేక్షకులకు చేరువ చేయడమే లక్ష్యంగా చిత్ర బృందం అత్యాధునిక సాంకేతికతను వినియోగిస్తోంది. మొన్నీమధ్యే అధికారికంగా ట్రైలర్‌ రిలీజ్‌ చేయగా.. విశ్లేషణతో రకరకాల చర్చలు నడిచాయి. తాజాగా ఇంగ్లీష్‌ వెర్షన్‌ ట్రైలర్‌నూ వదిలారు. దీంతో విడుదలకు ముందే ఈ సినిమా అంతర్జాతీయ స్థాయిలో చర్చనీయాంశంగా మారింది.

యాక్షన్‌ సీక్వెన్స్‌కు సిద్ధం అవుతున్నారట సల్మాన్‌ ఖాన్‌. ఆయన హీరోగా వంశీ పైడిపల్లి దర్శకత్వంలో ఓ యాక్షన్‌ ఎంటర్‌టైనర్‌ తెరకెక్కుతున్న సంగతి తెలిసిందే. ఈ చిత్రంలో నయనతార హీరోయిన్‌గా నటిస్తున్నారు. ఓ కీలక పాత్రలో మాధవన్‌ నటిస్తున్నారనే టాక్‌ వినిపిస్తోంది. కాగా, ఈ చిత్రం కొత్త షెడ్యూల్‌ ఈ వారంలో ముంబైలో ప్రారంభం కానుందని సమాచారం. ఈ సినిమా చిత్రీకరణ కోసం ముంబైలోని ఓ ప్రముఖ స్టూడియోలో భారీ సెట్‌ రెడీ చేయిస్తున్నారని, ఈ సెట్‌లోనే సల్మాన్‌ ఖాన్‌–నయనతార పాల్గొనగా ఓ భారీ యాక్షన్‌ సీక్వెన్స్‌ను తీసేందుకు మేకర్స్‌ రెడీ అవుతున్నారని తెలిసింది. యాక్షన్‌తో పాటు కొన్ని కీలక సన్నివేశాలనూ తెరకెక్కించనున్నారట. ఇక ఈ చిత్రం కోసం దాదాపు 16 కేజీల బరువు తగ్గారట సల్మాన్‌ ఖాన్‌. శ్రీ వెంకటేశ్వర క్రియేషన్స్‌ పతాకంపై ‘దిల్‌’ రాజు నిర్మిస్తున్న ఈ చిత్రం వచ్చే ఏడాది రంజాన్‌ సందర్భంగా రిలీజ్‌ కానుందనే టాక్‌ ఫిల్మ్‌నగర్‌ సర్కిల్స్‌లో వినిపిస్తోంది. మరోవైపు సల్మాన్‌ హీరోగా నటించిన తాజా హిందీ చిత్రం ‘మాతృభూమి’ విడుదలకు సిద్ధం అవుతోంది.

సీనియర్ నటుడు ప్రదీప్ రావత్ అంత్యక్రియలు ముగిశాయి. ముంబయిలోని గోరెగావ్‌లో ఆయన అంత్యక్రియలు నిర్వహించారు. ఆయన చివరి యాత్రకు పెద్దఎత్తున సినీతారలు హాజరయ్యారు. ఈ కార్యక్రమానికి అశోక్ పండిట్, అఖిలేంద్ర మిశ్రా, రాజ్ అర్జున్, కరణ్ వి గ్రోవర్, సురేంద్ర పాల్, రుహానికా ధావన్ తదితరులు ఉన్నారు. అంత్యక్రియల సమయంలో రావత్ కుటుంబ సభ్యులు భావోద్వేగానికి గురయ్యారు.కాగా..గత ఐదేళ్లుగా బ్లడ్‌ క్యాన్సర్‌తో పోరాడుతున్న ప్రదీప్ రావత్‌ మంగళవారం సాయంత్రం కన్నుమూశారు. భివండిలోని ఒక ఆసుపత్రిలో చేరిన ఆయన తుదిశ్వాస విడిచారు ఆయన మరణాన్ని 'లగాన్' సహనటుడు యశ్‌పాల్ శర్మ ధృవీకరించారు. ప్రదీప్‌ మృతి పట్ల అఖిల భారత సినీ కార్మికుల సంఘం సంతాపం తెలుపుతూ ఒక ప్రకటన విడుదల చేసింది.రావత్ కెరీర్..కాగా.. హిందీ మూవీ బాఘితో సినీ ఇండస్ట్రీలో అరంగేట్రం చేసిన ప్రదీప్ రావత్.. తెలుగు సినిమాల్లోనే ఎక్కువగా నటించారు. సై మూవీతో టాలీవుడ్ ఎంట్రీ ఇచ్చిన రావత్.. పలు సూపర్ హిట్ చిత్రాల్లో మెప్పించారు. ప్రభాస్ మూవీ ఛత్రపతిలో రాజ్ బిహారీ పాత్రలో ఆకట్టుకున్నారు. ఆ తర్వాత నాయక్, లక్ష్మీ, భద్ర, దేశముదురు, రాజన్న, పూలరంగడు, బాద్‌షా, సౌఖ్యం, సరైనోడు, వీర, అల్లుడుశీను, లయన్‌, నాయక్‌, రగడ, బలదూర్, ఆడవాళ్లు మీకు జోహార్లు చిత్రాలతో టాలీవుడ్ సినీ ప్రియులను అలరించారు. ఆయన చివరిసారిగా తెలుగు చిత్రంలోనే కనిపించారు. తరుణ్ భాస్కర్ నటించిన గాయపడ్డ సింహం చిత్రంలో మెరిశారు.

ముంబైలోని కేల్కర్ కళాశాలలో జరిగిన ఓ సాధారణ పుట్టినరోజు వేడుక సోషల్ మీడియాలో వైరల్‌ అవుతోంది. ఆ విద్యార్థులు చేసుకున్న ఈ వేడుక తమ సహ విద్యార్థి పుట్టినరోజుకి సంబంధించింది కాదు. కాంటీన్‌లో పని చేసే ఉద్యోగికి పుట్టినరోజు వేడుక నిర్వహించి విద్యార్థులు ఆశ్చర్యపరిచారు. ఆ విద్యార్థులకు సోషల్ మీడియాలో ప్రశంసలు వెల్లువెత్తాయి. దయ చూపాలంటే పెద్ద పెద్ద పనులు చేయాల్సిన అవసరం లేదని, చిన్న మంచి పని చేసినా చాలని చాలామంది కామెంట్లు చేశారు. ఈ వీడియో చూసిన పూర్వ విద్యార్థులు కూడా కళాశాల కాంటీన్‌తో తమ జ్ఞాపకాలను గుర్తుచేసుకున్నారు. ఈ వీడియోను ఇన్‌స్టాగ్రామ్‌లో అజింక్య భుజ్‌బల్ అనే యూజర్‌ షేర్‌ చేశారు. "ఎక్కడికి వెళ్లినా ఆనందాన్ని పంచి వస్తాను" అని పేర్కొన్నారు.వీడియోలో కేల్కర్ కళాశాల విద్యార్థులు కాంటీన్ భయ్యా చుట్టూ చేరి చప్పట్లు కొడుతూ "హ్యాపీ బర్త్‌డే" పాట పాడారు. ఊహించని ఈ వేడుక చూసి ఆయన ఆప్యాయంగా చిరునవ్వు చిందించారు. విద్యార్థుల ప్రేమాభిమానాలకు ఆయన భావోద్వేగానికి గురైనట్లు కనిపించారు.వీడియోలో... "మా కాంటీన్ భయ్యా పుట్టినరోజు జరిపాం. #స్ప్రెడ్ లవ్ ఎఫ్‌టీ కేల్కరైట్స్" అని రాసి ఉంది. ఈ వీడియో కింద వచ్చిన కామెంట్లలో విద్యార్థుల ఆలోచనను చాలామంది ప్రశంసించారు. "అందరి ప్రేమను పొందిన వ్యక్తి.. అజాత శత్రువు" అని ఓ యూజర్‌ పేర్కొన్నారు. "భీమ్‌రాజ్ ఎంత ముద్దుగా ఉన్నాడు" అని మరో వ్యక్తి అనన్నారు. "ఈ కాంటీన్‌తో ఎన్నో జ్ఞాపకాలు ఉన్నాయి" అని ఇంకొకరు కామెంట్‌ చేశారు. View this post on Instagram A post shared by Ajinkya Bhujbal (@bhujbal_ajinkya18)

విద్యార్థుల జీవితంలో అత్యంత కీలకమైన ఘట్టమైన కాన్వొకేషన్‌ వేడుక. అలాంటి వేడుకకు దేశ ప్రధాన న్యాయమూర్తి హాజరు కావడంపై వాళ్లు ఒకింత ఎగ్జయిటింగ్‌గా ఫీలయ్యారు. తల్లిదండ్రుల కోసం టికెట్లు.. హోటల్‌ రూమ్స్‌ అన్నీ బుక్‌ చేసుకుని కార్యక్రమానికి సర్వం సిద్ధం చేసుకున్నారు. ఆ సమయంలోనే అనూహ్యంగా కార్యక్రమం వాయిదా పడడంతో వందలాది మంది నిరాశకు లోనయ్యారు.మహారాష్ట్ర ముంబైలోని ప్రతిష్ఠాత్మక టాటా ఇన్‌స్టిట్యూట్‌ ఆఫ్‌ సోషల్‌ సైన్సెస్‌ (TISS) తన 86వ కాన్వొకేషన్‌ వేడుకను ఆకస్మికంగా వాయిదా వేసింది. ఈ కార్యక్రమానికి సుప్రీంకోర్టు ప్రధాన న్యాయమూర్తి జస్టిస్‌ సూర్యకాంత్‌ ముఖ్య అతిథిగా హాజరు కావాల్సి ఉంది. అయితే ఆగస్టు 2న జరగాల్సిన ఈ వేడుకను “అనుకోని పరిస్థితులు” కారణంగా వాయిదా వేస్తున్నట్లు TISS‌ రిజిస్ట్రార్‌ విద్యార్థులకు ఈమెయిల్‌ ద్వారా సమాచారం అందించారు. కొత్త తేదీని త్వరలో ప్రకటిస్తామని తెలిపారు. అయితే ఈ నిర్ణయం వెనుక భద్రతా కారణాలు ఉన్నాయనే చర్చ మొదలైంది.కాక్రోచ్‌ నిరసనల భయమేనా?TISS‌ అధికారికంగా కారణాలను వెల్లడించకపోయినా.. క్యాంపస్‌లో భద్రతాపరమైన ఆందోళనలు, సాధ్యమైన నిరసనలపై వచ్చిన సమాచారంతోనే ఈ నిర్ణయం తీసుకున్నట్లు సమాచారం. ఇటీవల దేశవ్యాప్తంగా చర్చకు దారితీసిన కాక్రోచ్‌ జనతా పార్టీ (CJP) ఉద్యమానికి సంబంధించిన నిరసనలు కాన్వొకేషన్‌ సమయంలో చోటుచేసుకునే అవకాశం ఉందన్న నిఘా సమాచారంతో అధికారులు అప్రమత్తమైనట్లు తెలుస్తోంది. సుప్రీంకోర్టు ప్రధాన న్యాయమూర్తి సహా పలువురు ప్రముఖులు పాల్గొనే కార్యక్రమంలో ఎలాంటి అవాంఛనీయ ఘటనలు జరగకుండా ముందస్తు జాగ్రత్తగా వేడుకను వాయిదా వేసినట్లు సమాచారం.CJIతో పాటు పలువురు ప్రముఖులు.. ఈ కాన్వొకేషన్‌కు జస్టిస్‌ సూర్యకాంత్‌ ముఖ్య అతిథిగా హాజరు కావాల్సి ఉంది. అలాగే బాంబే హైకోర్టు యాక్టింగ్‌ చీఫ్‌ జస్టిస్‌ రవీంద్ర ఘుగే కూడా కార్యక్రమంలో పాల్గొనాల్సి ఉంది. దేశంలోని ప్రముఖ న్యాయవ్యవస్థకు చెందిన ఉన్నతాధికారులు పాల్గొనే కార్యక్రమం కావడంతో భద్రతకు అత్యంత ప్రాధాన్యం ఇచ్చినట్లు తెలుస్తోంది. అయితే కాన్వొకేషన్‌ వాయిదాకు నిరసనలే కారణమని TISS‌ అధికారికంగా ప్రకటించలేదు. భద్రతా పరిస్థితులు, అనుకోని పరిణామాల నేపథ్యంలో తీసుకున్న నిర్ణయమని మాత్రమే సంస్థ వెల్లడించింది.టికెట్లు బుక్‌.. చివరికి వాయిదాకాన్వొకేషన్‌ కోసం విద్యార్థులు, వారి కుటుంబ సభ్యులు ఇప్పటికే భారీగా ఏర్పాట్లు చేసుకున్నారు. కొందరు విమాన టికెట్లు, మరికొందరు రైలు టికెట్లు బుక్‌ చేసుకున్నారు. హోటల్‌ గదులు కూడా రిజర్వ్‌ చేసుకున్నారు. చివరి నిమిషంలో కార్యక్రమం వాయిదా పడటంతో ప్రయాణ ఖర్చులు, వసతి కోసం చేసిన ఖర్చులు వృథా అయ్యాయని పలువురు విద్యార్థులు ఆవేదన వ్యక్తం చేశారు. ఉద్యోగాలు, ఉన్నత విద్య కోసం ఇతర ప్రాంతాలకు వెళ్లాల్సిన విద్యార్థులకు కొత్త తేదీ ఎప్పుడు ప్రకటిస్తారన్న ఆందోళన కూడా నెలకొంది.ఆర్థిక నష్టంపై పరిశీలనవిద్యార్థులు ఎదుర్కొన్న ఇబ్బందులను గుర్తించిన TISS‌.. ఆర్థిక నష్టంపై వచ్చిన అభ్యర్థనలను పరిశీలిస్తామని తెలిపింది. అవసరమైన వారికి తాత్కాలిక ధ్రువపత్రాలు అందిస్తామని, కొత్త కాన్వొకేషన్‌ తేదీని త్వరలో వెల్లడిస్తామని స్పష్టం చేసింది.బొద్దింకల వ్యాఖ్యలతోనే..అప్పట్లో ఓ కేసు విచారణ సందర్భంగా జస్టిస్‌ సూర్యకాంత్‌ కొందరు నిరుద్యోగ యువతను ఉద్దేశిస్తూ “కాక్రోచ్‌లు”, “పరాన్నజీవులు” వంటి పదాలు ఉపయోగించారని ప్రచారం జరిగింది. ఆ వ్యాఖ్యలకు నిరసనగానే.. కాక్రోచ్‌ జనతా పార్టీని మహారాష్ట్రకే చెందిన అభిజిత్‌ దీప్కే ప్రారంభించాడు. అది.. నీట్‌ నిరసన ఉద్యమంతో ఎంత పని చేసిందో అందరికీ తెలిసిందే. అయితే.. తాను యువతను ఉద్దేశించి అలా అనలేదని, నకిలీ డిగ్రీలతో ప్రాక్టీస్‌ చేస్తున్న లాయర్లనే అన్నానని సీజేఐ జస్టిస్‌ సూర్యకాంత్‌ తరచూ వివరణ ఇస్తూ వస్తున్నారు. మీడియాలో తప్పుడు కథనాలు ప్రచురిస్తున్నారంటూ మొన్నీమధ్యే ఆవేదన వ్యక్తం చేశారు. అంతెందుకు.. జంతర్‌ మంతర్‌ నిరసనల పిటిషన్‌ను కూడా ఆయన బెంచే ఇప్పుడు విచారణ జరుపుతుండడం గమనార్హం. ఈ తరుణంలో.. CJI హాజరు కావాల్సిన ప్రతిష్ఠాత్మక కార్యక్రమం అలాంటి నిరసనలు జరుగుతాయనే అనుమానంతో చివరి నిమిషంలో వాయిదా పడటం కొత్త చర్చకు దారితీసింది.

ఎలాంటి ఫలాప్రేక్ష లేకుండా నిస్వార్థంగా చేసేవాళ్లు ఎంతోమంది ఉన్నారు. ఒక్కొక్కరి ఒక్కో పద్ధతి. కొందరు దానధర్మాలు చేస్తే..ఇంకొందు సేవా మార్గం ఎంచుకుంటారు. అలాకాకుండా రోజువారీ సాదాసీదా విషయాల్లో తన వంతుగా సహాయ సహకారాలు అందించాలని భావించడమే గ్రేట్‌ అనుకుంటే..అందుకోసం సమయం కేటాయిస్తూ..నిస్వార్థంగా సేవ చేయడం అంటే మాటలు కాదుకదా..!. అలాంటి సేవతత్పతరతనే అందిస్తున్నాడు ఈ వ్యక్తి.ఆ మహానుభావుడే ముంబైకి చెందిన నరేంద్ర పాటిల్‌. లోకల్‌రైళ్లుపై ఆధారపడే ముంబై వంటి నగరాల్లో రైల్వే స్టేషన్‌లో ఎలాంటి గందరగోళ పరిస్థితి ఉంటుందో చెప్పాల్సిన పనిలేదు. అలాంటి చోట గమ్యం తెలియక ఇబ్బంది పడుతున్నవాళ్లకు దారిచూపుతాడు ఆయన. చాలా ఓపిగ్గా నవ్వుతూ వాళ్లు అడిగే ప్రశ్నలకు సమాధానం ఇస్తూ..మార్గనిర్దేశం చేస్తుంటాడు. సింపుల్‌గా చెప్పాలంటే మానవ సూచికగా అభివర్ణించొచ్చు. ఆయన ప్రతిరోజూ దాదర్‌ వంతెనపై రెండు గంటలు నిలబడి, గందరగోళానికి గురైన రైలు ప్రయాణికులను సరైన ప్లాట్‌ఫారమ్‌లకు మార్గనిర్దేశం చేస్తారు. ముఖ్యంగా ఎక్కడ ఎక్కాలో లేదా మారాలో తెలియని ప్రయాణికులను సురక్షితంగా గమ్యస్థానాలకు చేరేలా సాయం అందిస్తారు. అందుకోసం రోజు రెండు గంటలపాటు అక్కడ ఉంటారు. పాటిల్ ఉదయం 9:30 నుండి 11:30 గంటల మధ్య అక్కడ నిలబడి ప్రయాణికులకు గైడెన్స్‌ ఇస్తుంటారు. ఉదయం రద్దీ తగ్గిన తర్వాత, పాటిల్ కూడా ఎవరినీ ఏమీ అడగకుండా తన పని ప్రదేశానికి వెళ్ళిపోతాడు. ఆయన ఏమి ఆశించకుండా నవ్వుతూ చేస్తారు ఈ పనిని. కొందరు ప్రయాణికులు ఆయన్ను గుర్తుపట్టి చేయి ఊపి వెళ్లిపోతుంటారు కూడా. అందుకు సంబంధించిన వీడియో నెట్టింట వైరల్‌గా మారింది. అలాంటి నిశ్శబ్ద వీరులకు పెద్ద సెల్యూట్ అంటూ ప్రశంసల జల్లు కురిపిస్తూ పోస్టులు పెట్టారు. View this post on Instagram A post shared by Trainmerijaan (@_trainsofindia_) (చదవండి: హ్యాట్సాఫ్ మేడం..! ఆ ఐడియాకి మాటల్లేవ్‌ అంతే..)

ముంబై: ఇటీవల జరిగిన జెన్‌-జీ ప్రొటెస్ట్‌లో ముంబైలో ఆందోళనకారులను తీసుకెళ్తున్న పోలీసు వ్యాన్‌ను అడ్డుకుని నిరసనకు ప్రతీకగా నిలిచిన మోడల్ రియా అహిర్ ఇప్పుడు తనపై ఆన్‌లైన్ వేధింపులు జరుగుతున్నాయని ఆరోపించారు. తాను పోలీసు వ్యాన్‌ను అడ్డుకున్న ఘటన తర్వాతి నుంచి బెదిరింపులు, ట్రోలింగ్ ఎదుర్కొంటున్నానంటూ ఆమె సైబర్ పోలీసులకు ఫిర్యాదు చేశారు.ఎంఐడీసీ పోలీస్ స్టేషన్‌లో ఇచ్చిన ఫిర్యాదులో.. సామాజిక మాధ్యమాల్లో నిరంతరం బెదిరింపులు వస్తున్నాయని, తన పోస్టులపై అసభ్యకర వ్యాఖ్యలు చేస్తున్నారని పేర్కొన్నారు. తనపై విద్వేష ప్రచారం సాగుతోందని, ఇందులో పరువునష్టం, బెదిరింపులు, మహిళలపై ద్వేషపూరిత దూషణలు, డీప్‌ఫేక్ వీడియోలు ఉన్నాయని కూడా ఆరోపించారు.వేధింపులతో తీవ్ర మనోవేదనకు గురైన ఆమె చట్టపరమైన చర్యలు తీసుకోవాలని పోలీసులను ఆశ్రయించారు. పరువునష్టం కలిగించే పోస్టుల స్క్రీన్‌షాట్‌లు, యూఆర్‌ఎల్‌లు, ఇతర ఆధారాలను కూడా సమర్పించారు. ఆమె ఫిర్యాదు ఆధారంగా పోలీసులు కేసు నమోదు చేసి, నిందితులను గుర్తించే పనిలో ఉన్నారు.జూలై 22న ముంబైలోని దాదర్ శివాజీ పార్క్ సమీపంలో రియా అహిర్ పోలీసు వ్యాన్‌ను అడ్డుకున్నారు. నీట్ ప్రశ్నపత్రం లీక్‌పై దేశవ్యాప్తంగా జరిగిన ఆందోళనల్లో భాగంగా ధర్మేంద్ర ప్రధాన్ రాజీనామా కోరుతూ నిరసన వ్యక్తం చేసిన ఆందోళనకారులను ఆ వ్యాన్‌లో తీసుకెళ్తున్నారు.బూడిద రంగు హూడీ ధరించి, పోలీసు వ్యాన్ బానెట్‌పై చేయి ఉంచి ధైర్యంగా నిలబడ్డ ఆమె దృశ్యాలు సామాజిక మాధ్యమాల్లో వైరల్ అయ్యాయి. ఆమెకు ప్రశంసలు వెల్లువెత్తాయి. ఆ సమయంలో తాను సహజసిద్ధంగా స్పందించానని రియా అహిర్ చెప్పారు."పోలీసులు తప్పు చేస్తున్నారని నాకు తెలుసు కాబట్టే నేను అలా చేయగలిగాను. మీ హక్కుల గురించి మీకు తెలుసుండాలి" అని తర్వాత ఇచ్చిన ఇంటర్వ్యూలో తెలిపారు. తనది సహజ స్పందన మాత్రమేనని, కానీ ప్రజలు దాన్ని అసాధారణ ఘటనగా చూడటం ఇప్పటికీ తనకు ఆశ్చర్యంగా ఉందని చెప్పారు.

ముంబై: ప్రాణాంతక హెచ్‌ఐవీ, ఎయిడ్స్‌ వ్యాధిని నిర్ములించేందుకు అనేక విధాలుగా ప్రయత్నిస్తున్నప్పటికీ దేశ వాణిజ్య రాజ‌ధాని ముంబైలో వ్యాధి పీడితులు, మృతుల సంఖ్య రోజురోజుకూ పెరుగుతుండటం ఆరోగ్యశాఖను ఆందోళనకు గురిచేస్తోంది. గడచిన నాలుగేళ్లలో ఎయిడ్స్‌తో మృతిచెందినవారి సంఖ్య గణనీయంగా పెరిగిపోయింది. గత రెండేళ్లలో వేయికిపైగా రోగులు మృతిచెందినట్లు ఆరోగ్య శాఖ నివేదిక వెల్లడించింది.ఆ నివేదిక ప్రకారం కేవలం ముంబైలోనే 2022–23లో 958 మంది మృతి చెందగా, 2023–24లో 986 మంది, 2024–25లో 1,148 మంది, 2025–26లో 1,068 మంది మరణించారు. 2022–23తో పోలిస్తే 2025–26లో ఎయిడ్స్‌తో మృతి చెందిన రోగుల శాతం 19.83గా నమోదైంది. హెచ్‌ఐవీ, ఎయిడ్స్‌ మృతుల సంఖ్యను నియంత్రించేందుకు ఆరోగ్య శాఖ అనేక కార్యక్రమాలు చేపడుతోంది. అవగాహనా, ప్రచార కార్యక్రమాలను ఉధృతం చేసింది. అయినా రోగుల సంఖ్య తగ్గుముఖం పట్టడం లేదని నేషనల్‌ ఎయిడ్స్‌ కంట్రోల్‌ ఆర్గనైజేషన్ (న్యాకో) వెల్లడించింది.అందరి సహకారంతోనే నియంత్రణ సాధ్యం: డా. విజయ్‌ కరంజ్కర్‌ఒకప్పుడు హెచ్‌ఐవీ, ఎయిడ్స్‌ వ్యాధి సోకిందంటే రోగులు ప్రాణాల మీద ఆశ వదులుకునే వారు. ఇక తాము కొద్ది రోజులు మాత్రమే జీవిస్తామనే ధోరణితో బతుకీడుస్తుండేవారు. కానీ ఇప్పుడు అనేక కొత్త కొత్త మందులు మార్కెట్లోకి వచ్చాయి. జీవితాంతం మందులు వాడితే ప్రాణాలు నిలబడతాయి. ఇలాంటి రోగుల్లో మనోధైర్యాన్ని నింపేందుకు అనేక సేవా, స్వయం సేవా సంస్ధలు కృషిచేస్తున్నాయి. ఏఆర్‌టీ కేంద్రం అందులో ఒకటి. ఈ కేంద్రం ఎయిడ్స్‌ రోగులకు ఉచితంగా మందులు పంపిణీ చేస్తుంటుంది. కానీ అనేక నెలలుగా రోగులు పరీక్షలు చేయించుకునేందుకుగాని, మందులు తీసుకునేందుకుగాని ఈ కేంద్రానికి రాలేదు. దీంతో వీరంతా ఎక్కడున్నారు..? ఏమయ్యారు.ఫాలో అప్‌కు ఎందుకు రావడం లేదన్న సందేహంతో గత రెండేళ్లుగా అంటే 2024, 2025 నుంచి ముంబై ఎయిడ్స్‌ నియంత్రణ సొసైటీ ఆధ్వర్యంలో ‘లాస్ట్‌ టూ ఫాలో అప్‌’ పేరిట ప్రత్యేక కార్యక్రమం చేపట్టారు. ఈమేరకు ఫోన్‌ ద్వారా రోగులు లేదా వారి బంధువులతో సంప్రదించడం, స్వయంగా ఇళ్లకు వెళ్లి వారినుంచి వివరాలను సేకరించడంతో రోగుల్లో అనేకమంది మరణించారని, వీరి వివరాలు ఏఆర్‌టీ కేంద్రంలో నమోదు కాలేదని తెలిసింది.చ‌ద‌వండి: ఉత్కంఠ రేపుతున్న కార్పొరేషన్ల ఎన్నికలు ఇలా రెండేళ్లలో మృతిచెందిన వారిగురించి తెలిసిందని ముంబై జిల్లా ఎయిడ్స్‌ నియంత్రణ సొసైటీ ప్రాజెక్టు సంచాలకుడు డా.విజయ్‌ కరంజ్కర్‌ తెలిపారు. ఉచితంగా పరీక్షలు, మందులు పంపిణీ చేసినప్పటికీ హెచ్‌ఐవీ, ఎయిడ్స్‌ రోగులు కేంద్రానికి రాకపోవడం ఆందోళన కలిగిస్తోందని కరంజ్కర్‌ ఆవేదన వ్యక్తం చేశారు. అందరి సహకారం ఉంటేనే ఎయిడ్స్‌ నియంత్రణలోకి వస్తుందని అన్నారు.

దుబాయ్ నుండి ముంబైకి ప్రయాణిస్తున్న ఇండిగో (IndiGo) విమానానికి తృటిలో ప్రమాదం తప్పింది. ఉన్నట్టుండి విమానంలోని కార్గో ఏరియా నుంచి పొగలు రావడంతో, సోమవారం రోజున గుజరాత్‌లోని రాజ్‌కోట్ ఇంటర్నేషనల్ ఎయిర్‌పోర్ట్‌లో అత్యవసరంగా ల్యాండ్‌ చేశారు.మొత్తం 194 మంది సిబ్బందితో దుబాయ్ నుండి ముంబైకి బయలుదేరిన IGO 1452 విమానంలో మధ్యాహ్నం2:45 గంటలకు ఎయిర్‌లైన్ సిబ్బంది పొగను గుర్తించి ఎయిర్ ట్రాఫిక్ కంట్రోల్ (ATC)కి సమాచారం అందించగా, రాజ్‌కోట్ విమానాశ్రయంలో అత్యవసర పరిస్థితి (Emergency) ప్రకటించారు. మధ్యాహ్నం 3:27 గంటలకు విమానం రాజ్‌కోట్ ఎయిర్‌పోర్ట్‌లో సురక్షితంగా ల్యాండ్ అయింది. లోపల ఉన్న 194 మంది ప్రయాణికులు, సిబ్బంది సురక్షితంగా ఉండటంతో అంతా ఊపిరి పాల్చుకున్నారు.రాజ్‌కోట్ విమానాశ్రయ డైరెక్టర్ దిగంత బోరా, ఎయిర్‌పోర్ట్ పోలీస్ స్టేషన్ ఇన్‌స్పెక్టర్ కె.పి. తరేతియా ఈ ఘటనపై స్పందిస్తూ ఈ ఘటనలో ఎవరికీ ఎలాంటి గాయాలు కాలేదనీ విమానం సురక్షితంగా ల్యాండ్ అయిందని వెల్లడించారు.ఇదీ చదవండి: హెయిర్‌ ట్రాన్స్‌ప్లాంటేషన్‌ నా జీవితాన్నే మార్చేసిందిప్రమాదం ఏమీ లేదుముందస్తు జాగ్రత్త చర్యల్లో భాగంగానే పైలట్ అత్యవసర ల్యాండింగ్‌కు అనుమతి కోరారని అధికారులు తెలిపారు. ఇండిగో ఎయిర్‌లైన్స్ టెక్నికల్ టీమ్ వెంటనే విమానాశ్రయానికి చేరుకుని విమానాన్ని తనిఖీ చేసింది. తనిఖీల అనంతరం విమానంలో ఎలాంటి మంటలు (Fire) చెలరేగలేదని స్పష్టం చేశారు. ఇదీ చదవండి : రైల్వే ప్లాట్‌ఫాంమీద పడుకునే స్థాయినుంచి, రూ,1.69 లక్షల కంపెనీ!ఇదీ చదవండి: వీకెండ్‌ క్లాస్‌లో ఐఐఎం ప్రొఫెసర్‌ సర్‌ప్రైజ్‌, నెటిజన్లు ఫిదా

టీమిండియా స్టార్ విరాట్ కోహ్లి- బాలీవుడ్ నటి అనుష్క శ‌ర్మ దంప‌తులు మ‌రోసారి వార్త‌ల్లో నిలిచారు. ఈ జంట ముంబైలోని వర్సోవా ప్రాంతంలో ఓ లగ్జరీ అపార్ట్‌మెంట్‌ను కొనుగోలు చేశారు. రియల్ ఎస్టేట్ ప్లాట్‌ఫారమ్ జాప్‌కీ.కామ్ ప్రకారం.. ఈ ఫ్లాట్ కొనుగోలు చేసేందుకు విరుష్క జోడీ రూ. 18.29 కోట్లు చెల్లించిన‌ట్లు తెలుస్తోంది. ఈ ఫ్లాట్ సుమారు 2,644 చదరపు అడుగుల విస్తీర్ణంలో ఉంది. ప్లాట్‌తో పాటు మూడు కార్ పార్కింగ్ స్లాట్‌లు కేటాయించబడ్డాయి. దీనికి సంబంధించి జూలై 21న‌ రిజిస్ట్రేషన్ జరిగినట్లు సమాచారం. దీని కోసం కోహ్లీ దంపతులు రూ.1.09 కోట్ల స్టాంప్ డ్యూటీతో పాటు రూ. 30,000 రిజిస్ట్రేషన్ ఛార్జీలు చెల్లించారు. కాగా ముంబైలోని వ‌ర్లీలో ఇప్ప‌టికే వీరికి లగ్జరీ అపార్ట్‌మెంట్ ఉన్న విషయం తెలిసిందే. అయితే కోహ్లి ఫ్యామిలీ ఎక్కువ‌గా లండ‌న్‌లో ఉంటుంది. అక్క‌డ కూడా విలాసవంతమైన ఇంటిని కోహ్లి కొనుగోలు చేశాడు.చివరగా ఇంగ్లండ్‌తో వన్డే సిరీస్‌లో భారత తరపున బరిలోకి దిగిన కింగ్‌ కోహ్లి.. ప్రస్తుతం విశ్రాంతి తీసుకుంటున్నాడు. సెప్టెంబర్‌ 27న వెస్టిండీస్‌తో జరగనున్న వన్డేలో కోహ్లి తిరిగి భారత జెర్సీలో కనిపించనున్నాడు.

‘‘ఏదైనా సరిగా లేదు అనిపించింది అనుకోండి.. న్యాయంగా, ధర్మంగా లేవని తోచిందనుకోండి... దానిపై గొంతెత్తాలి. ఏదో ఒకటి మాట్లాడాలి. చేయాలి’’ అమెరికా పౌర హక్కుల నేత, జార్జియా ప్రజాప్రతినిధి (1940– 2020) జాన్‌ లూయిస్‌ చేసిన వ్యాఖ్య ఇది. దీన్ని రియా ఆహిర్‌ అక్షరాలా చేసి చూపించింది. ఆ స్ఫూర్తిని ప్రపంచానికి చాటి చెప్పింది. నీట్‌ ప్రశ్న పత్రాల లీకేజీపై విద్యార్థుల ఉద్యమానికి జంతర్‌ మంతర్‌ కేంద్రబిందువైనప్పటికీ.. జెన్‌–జీ చైతన్యానికి, ఆ మాటకొస్తే ఉద్యమం మొత్తానికి సాక్షిభూతంగా నిలిచింది మాత్రం పోలీసు వ్యాన్‌ను ఆపుతూ నిలిచిన రియా ఆహిర్‌ ఫొటోనే అంటే అతిశయోక్తి కాదు. ఆర్మీ కుటుంబం నుంచి వచ్చిన 27 ఏళ్ల రియా ముంబైకర్‌. మోడల్, ఔత్సాహిక పారిశ్రామికవేత్త కూడా. ముంబైలో నిరసన తెలుపుతున్న విద్యార్థులతో వెళుతున్న వ్యాన్‌కు ఎదురెళ్లి రెండు చేతులతో అడ్డుకోవడం కేవలం ప్రతీకాత్మకమైన విషయం కానేకాదు. తప్పనిపిస్తే ఎవరినైనా నిలదీస్తాం. నిగ్గదీస్తాం అన్న జెన్‌–జీ స్ఫూర్తికి నిలువెత్తు నిదర్శనం! ‘‘కుడోస్‌ రియా ఆహిర్‌’’ – సాక్షి, నేషనల్‌ డెస్క్‌

ఆన్‌లైన్‌ షాపింగ్‌ షాకింగ్‌ అనుభవాన్నిచ్చిన సందర్భాలు చాలా ఉన్నాయి. ఖరీదైన గాడ్జెట్లు ఆర్డర్‌ ఇస్తే.. ఇటుకలు, సోప్‌లు వచ్చిన సంఘటనలు గతంలో అనేకం చూశాం. అయితే జరిగిన మోసం పట్ల సంబంధిత అధికారులకు ఫిర్యాదు చేయడం చాలా మంచిదని చాటి చెప్పే సంఘటన ఇది. అలా ఈ కామర్స్ దిగ్గజం ఫ్లిప్‌కార్ట్‌ (Flipkart) కు భారీ షాక్‌ తగిలింది.అసలు ఏం జరిగిందంటే...ఆన్‌లైన్ ద్వారా ఆపిల్ ఐఫోన్ (Apple iPhone) ఆర్డర్ చేస్తే దానికి బదులుగా Beard Growth Oil పార్శిల్ పంపింది ఫ్లిప్‌కార్ట్‌. ముంబైలోని పవాయ్‌కు చెందిన వినియోగదారుడు 2023 ఏప్రిల్ 22న ఫ్లిప్‌కార్ట్‌లో రూ. 1,11,793 విలువైన 'ఆపిల్ ఐఫోన్ 14 ప్రో (128 GB)'ను నో-కాస్ట్ ఈఎంఐ (No-cost EMI) ద్వారా ఆర్డర్ చేశారు. బాక్స్ ఓపెన్ చేసి చూడగా ఫోన్‌కు బదులుగా గడ్డం పెరిగే నూనె సీసా ఉంది.తొలుత పట్టించుకోని ఫ్లిప్‌కార్ట్ దీనిపై కస్టమర్ కేర్‌కు పదే పదే ఫిర్యాదు చేసినా, అవసరమైన ఆధారాలు అందించినా సమస్య పరిష్కరించకుండానే ఫ్లిప్‌కార్ట్ ఆ కస్టమర్ కంప్లైంట్‌ను రిసాల్వ్డ్‌ అని క్లోజ్ చేస్తూ వచ్చింది. దీంతో చిర్రెత్తుకొచ్చిన కస్టమర్ ఫిర్యాదులను ఏమాత్రం పట్టించుకోకుండా క్లోజ్ చేయడంపై వినియోగదారుల ఫోరమ్‌ను ఆశ్రయించారు. దీన్ని విచారించిన ముంబైలోని డిస్ట్రిక్ట్ కన్స్యూమర్ డిస్ప్యూట్స్ రెడ్రెసల్ కమీషన్ కోర్టు వస్తువు విక్రయించాక ఈ-కామర్స్ ప్లాట్‌ఫారమ్‌లు తమ బాధ్యతల నుంచి తప్పించుకోలేవని తేల్చి చెప్పింది. అతనికి తగిన పరిహారం చెల్లించాలని ఆదేశించింది.పరిహారం ఎంతంటే:ఫోన్ ధర రూ. 1,11,793కు 2023 నుంచి ఏప్రిల్ 22 నుండి 9శాతం వార్షిక వడ్డీతో కలిపి వెనక్కి చెల్లించాలి. అలాగే మానసిక వేదనకు గాను రూ. 50,000 బాధితుడికి చెల్లించాలి. ఇంకా కోర్టుల ఖర్చుల కింద కేసు ఖర్చుల కింద రూ. 20వేలు చెల్లించాలని ఆదేశించింది మొత్తంగా ఫ్లిప్‌కార్ట్ , సెల్లర్ ఉమ్మడిగా రూ. 1.81 లక్షల పైచిలుకు పరిహారాన్ని 45 రోజుల్లోగా చెల్లించాలని తీర్పునిచ్చింది.ఇదీ చదవండి: ధర్మేంద్ర ప్రధాన్‌ను తొలగించేదాకా, చర్చల ప్రసక్తే లేదు : రాహుల్‌ గాంధీఈ కేసులో ఆపిల్ ఇండియా (Apple India) ను కూడా కస్టమర్ బాధ్యులను చేస్తూ చేర్చారు. అయితే, తమ ఉత్పత్తులను స్వతంత్ర డీలర్ల ద్వారా విక్రయిస్తామని, ప్యాకింగ్ లేదా డెలివరీలో తమ పాత్ర ఏమీ ఉండదని ఆపిల్ వాదించింది. ఈ వాదనను అంగీకరించిన వినియోగదారుల ఫోరమ్ ఆపిల్ ఇండియాపై ఉన్న ఫిర్యాదును కొట్టివేసి, లోపమంతా ఫ్లిప్‌కార్ట్, సెల్లర్‌దేనని తీర్పు ఇచ్చింది.ఇదీ చదవండి: నీట్‌ ఆందోళనలకు సుప్రీంకోర్టు లాయర్ల మద్దతు, రాజ్యాంగ ప్రవేశిక పఠనం

సాక్షి, ముంబై: నీట్‌ పేపర్‌ లీక్‌ వ్యవహారంలో కాక్రోచ్‌ జనతా పార్టీ చేపట్టిన ఆందోళన తీవ్ర రూపం దాలుస్తోంది. విద్యాశాఖమంత్రి ధర్మేంద్ర ప్రధాన్‌రాజీనామా, ఆత్మహత్య చేసుకున్న నీట్‌ అభ్యర్థుల కుటుంబాలకు కోటి రూపాయలు నష్టపరిహారం అనే ప్రధాన డిమాండ్లతో సీజేపీ పోరాటానికి రోజు రోజుకు యువత నుంచి ఆదరణ లభిస్తోంది. ఇందులో భాగంగా ఇచ్చిన పిలుపులో భాగంగా ఢిల్లీలోని జంతర్‌ వంతర్‌ వద్ద విద్యార్థుల ఆందోళనపై పోలీసులు లాఠీలతో విరుచుకుపడ్డారు. భాష్ప వాయువు ప్రయోగించిన వైనం దేశవ్యాప్తంగా ఆగ్రహాన్ని రగిలించింది. దీంతో దేశంలోని ప్రధాన నగరాల్లో ధర్నాలు ర్యాలు ఉదృతంగా సాగుతున్నాయి. మహారాష్ట్రలోని ముంబైలోని విద్యార్థులు ఆందోళన చేపట్టారు. శివాజీ పార్క్, చెంబూర్ , ఆజాద్ మైదాన్‌తో సహా నగరంలోని కీలక ప్రాంతాల్లో పెద్ద సంఖ్యలో విద్యార్థులు, పౌరులు నిరసనలు తెలుపుతున్నారు. ఈ సందర్భంగా ముంబై పోలీసులు తీరుపై, ముంబై కాంగ్రెస్ ఎక్స్‌లో పోస్ట్ చేసిన ఒక వీడియో కొత్త వివాదానికి దారితీసింది. దీనికి ప్రకారం ఒక పోలీసు అధికారి నిరసన ప్రదేశం నుండి అదుపులోకి తీసుకున్న విద్యార్థుల బృందాన్ని నిరసనల్లో పాల్గొంటే అక్రమ మాదకద్రవ్యాల కేసులోఇరికిస్తానని బెదిరించడం కనిపిస్తుంది. అంతేకాదు నిరసనకు తిరిగి రావద్దని, మళ్లీ ఇక్కడ కనిపిస్తే, మీ బ్యాగుల్లో 50-50 గ్రాముల పౌడర్ (మాదక ద్రవ్యం) పెడతాను, దాంతో మీ జీవితం నాశనమైపోతుంది అంటూ ఆ పోలీసు అధికారి విద్యార్థులతో అనడం వీడియోలో ఉంది. (కిచిడీ ఫెయిల్‌, అంతరిక్ష వంటకాల్లో మూడింటికే చోటు : ఎందుకో?)ఇదీ చదవండి: రూ. 20 లక్షలు ఖర్చు పెళ్లికి అవసరమా? నెట్టింట తీవ్ర చర్చMumbai Police are threatening students" If you come to Protest again, I will frame you all in drug case and you'll spend your whole life in Jail.I'm a very bad guy,don't test me, I'll throw u all in Jail" This is what goons in uniform look like, Hope the Nation is watching…— 🪳Against Corruption (@akashuchani08) July 23, 2026 ఈ వీడియో వైరల్‌ కావడంతో ఈ అంశాన్ని తీవ్రంగా పరిగణించిన ముంబై పోలీసులు, దీనికి సంబంధించిన వాస్తవాలు, పరిస్థితులపై విచారణను ప్రారంభించారు. విచారణ పూర్తయ్యే వరకు, వీడియోలో యూనిఫాంలో కనిపించిన సదరు అధికారిని ప్రస్తుత విధి నిర్వహణ నుండి తప్పించారు. విచారణలో తేలే అంశాల ఆధారంగా తదుపరి చర్యలు తీసుకుంటామని పోలీసు అధికారులు తెలిపారు. ఇదీ చదవండి: వందే భారత్‌లో నాన్న ఫస్ట్‌ రైడ్‌... ఓ పుత్రుడి ఎమోషనల్‌ స్టోరీ

ఒకప్పుడు సొంత ఇల్లు కొనడం ఓ కల మాత్రమే. చిన్న గదిలో కుటుంబంతో కలిసి జీవించిన ఓ యువ నటుడు.. ఆ తర్వాత నగరంలోని అత్యంత ఖరీదైన ప్రాంతాల్లో ఒకటైన బంగ్లా కొనుగోలు చేశాడు. కానీ ఆ కలల ఇల్లు కొన్నాళ్లకే అతడికి ఆందోళనకు కారణమైంది. వరుస పరాజయాలతో ఆ బంగ్లా తనకు కలిసి రావడం లేదని భావించి వదిలేశాడు. అయితే కాలం గడిచాక అదే ఆస్తి అతడి జీవితంలోనే అతిపెద్ద పెట్టుబడిగా మారింది. ఆ కథ ప్రముఖ నటుడు జీతేంద్రది.ముంబైలోని చాల్‌ జీవితం నుంచి స్టార్‌డమ్‌ వరకు ఎదిగిన జీతేంద్ర.. తన కెరీర్‌ ప్రారంభ దశలోనే ఓ పెద్ద కల నెరవేర్చుకున్నారు. అప్పట్లో ప్రముఖ నటుడు భరత్‌ భూషణ్‌ ఆర్థిక ఇబ్బందుల్లో ఉండటంతో.. పాలి హిల్‌లోని తన బంగ్లాను విక్రయించేందుకు ముందుకొచ్చారు. జీతేంద్ర తండ్రితో చర్చించిన తర్వాత ఆ బంగ్లాను కొనుగోలు చేశారు. ఆ సమయంలో ఆ ఆస్తి ధర కేవలం రూ.4.25 లక్షలు మాత్రమే. 3,450 చదరపు అడుగుల స్థలంతో ఉన్న ఆ బంగ్లా అప్పట్లోనే ఎంతో విలువైన ఆస్తి.కొన్నాకే మొదలైన కష్టాలు..బంగ్లాలోకి మారిన తర్వాత పరిస్థితులు అనుకున్నట్లుగా సాగలేదని జీతేంద్ర గుర్తు చేసుకున్నారు. వరుసగా నాలుగు సినిమాలు బాక్సాఫీస్‌ వద్ద విఫలమయ్యాయి. దీంతో ఆ ఇంటి వల్లే తనకు దురదృష్టం వెంటాడుతోందని ఆయన భావించారు. “భరత్‌ భూషణ్‌ ఈ ఇంటిని వదిలేశారు.. ఇప్పుడు నా వంతు వచ్చినట్లు అనిపించింది. ఇలాగే కొనసాగితే నా కెరీర్‌ మొదలయ్యేలోపే ముగిసిపోతుందేమో అనుకున్నాను” అని జీతేంద్ర గతాన్ని గుర్తు చేసుకున్నారు. దీంతో కుటుంబ సభ్యులతో కలిసి ఆ బంగ్లాను వదిలి వెళ్లాలని నిర్ణయించుకున్నారు.అన్‌లక్కీ అనుకున్నదే అదృష్టంగా మారిందిఏళ్లు గడిచిన తర్వాత అదే ఆస్తి విలువ ఊహించని స్థాయికి చేరుకుంది. ఆ బంగ్లాను పునర్నిర్మించాలని నిర్ణయించిన సమయంలో ఆసక్తికర విషయం బయటపడింది. పాత భవనాన్ని కూల్చినప్పుడు అందులో ఉపయోగించిన బర్మా టీక్‌ కలపకే రూ.11.5 లక్షలు వచ్చాయని జీతేంద్ర తెలిపారు. అంటే.. మొత్తం బంగ్లాను కొనుగోలు చేసిన ధర కంటే కలప ద్వారా వచ్చిన మొత్తం ఎక్కువ కావడం విశేషం.రూ.85కు అమ్మిన ఫ్లాట్లు.. ఇప్పుడు రూ.85 వేల ధరతర్వాత ఆ స్థలంలో జీతేంద్ర గౌతమ్‌ అపార్ట్‌మెంట్స్‌ నిర్మించారు. అయితే అప్పటి పరిస్థితుల్లో భవిష్యత్తుపై సందేహంతో ఫ్లాట్లను చదరపు అడుగుకు కేవలం రూ.85 చొప్పున విక్రయించారు. కానీ అదే ప్రాంతంలో ఇప్పుడు చదరపు అడుగు ధర దాదాపు రూ.85 వేల వరకు చేరిందని ఆయన కుమారుడు తుషార్‌ కపూర్‌ వెల్లడించారు.రూ.4.25 లక్షల ఆస్తి.. రూ.450 కోట్ల విలువఒకప్పుడు దురదృష్టానికి కారణమని భావించిన ఆ బంగ్లా.. ఇప్పుడు జీతేంద్ర జీవితంలో అత్యంత విలువైన ఆస్తిగా మారింది. ప్రస్తుతం ఆ భవనం ఉన్న స్థలం విలువ దాదాపు రూ.450 కోట్ల వరకు ఉంటుందని ఆయన తెలిపారు. ఓ ఆస్తిని చూసే దృష్టి కాలంతో ఎలా మారిపోతుందో జీతేంద్ర బంగ్లా కథ చెబుతోంది. అప్పట్లో భయంతో వదిలేసిన ఇల్లు.. ఇప్పుడు కోట్ల విలువైన సంపదగా మారి అందరినీ ఆశ్చర్యపరుస్తోంది.సినీ తారలకు రియల్‌ ఎస్టేట్‌ కలిసి వచ్చిన ఉదాహరణలు మరెన్నో ఉన్నాయి. తెలుగు సినీ దిగ్గజం శోభన్‌బాబు కూడా సినిమాల ద్వారా వచ్చిన ఆదాయాన్ని రియల్‌ ఎస్టేట్‌లో పెట్టుబడిగా పెట్టి భారీ సంపదను సృష్టించారు. అప్పట్లో భూములపై ముందుచూపుతో పెట్టిన పెట్టుబడులు.. తర్వాత కాలంలో కోట్ల విలువైన ఆస్తులుగా మారాయి. జీతేంద్ర బంగ్లా కథ కూడా ఇలాంటి దూరదృష్టికి మరో ఉదాహరణగా నిలుస్తోంది.

జోరున వర్షం కురుస్తోంది.. చుట్టూ పోలీసులు ఉన్నారు.. ఎదురుగా ఆందోళనకారులను తీసుకెళ్తున్న పోలీస్‌ వ్యాన్‌ నెమ్మదిగా ముందుకు కదులుతోంది. లాఠీ దెబ్బలకు భయపడి యువకులంతా చెల్లాచెదురైపోతున్నారు. హఠాత్తుగా దూసుకొచ్చిన ఓ యువతి.. ఆ వ్యాన్‌కు అడ్డుగా నిలబడింది. ఒక్క అడుగు కూడా వెనక్కి వేయకుండా తన నిరసనను వ్యక్తం చేసింది. ఆ ఒక్క క్షణం.. ఆమె ధైర్యం.. ఇప్పుడు సోషల్‌ మీడియాలో చర్చనీయాంశంగా మారింది.నీట్‌ సహా పోటీ పరీక్షల అవకతవకలకు వ్యతిరేకంగా జరుగుతున్న నిరసనలు.. ఢిల్లీ నుంచి మిగతా రాష్ట్రాలకు విస్తరించాయి. ఈ క్రమంలో ముంబైలో జరిగిన ఆందోళనల్లో ఓ యువతి చూపించిన తెగువ నెట్టింట చర్చనీయాంశంగా మారింది. విమర్శకులను పక్కనపెడితే.. ఆమె చూపిన ధైర్యం పలువురి ప్రశంసలు అందుకుంటోంది. విద్యార్థులను తరలిస్తున్న పోలీస్‌ వాహనానికి అడ్డుగా నిలిచిన ఆమె వీడియో వైరల్‌గా మారింది.“వాళ్లు విద్యార్థులు.. వాళ్ల గొంతు వినాలి”బుధవారం దాదర్‌లోని శివాజీ పార్క్‌ సమీపంలో జరిగిన నిరసనల్లో రిహియా యాదవ్‌ పాల్గొన్నారు. విద్యార్థులను అదుపులోకి తీసుకుని తరలిస్తున్న పోలీస్‌ వ్యాన్‌ను ఆమె వర్షంలో నిలబడి అడ్డుకున్నారు. హూడీ, క్యాప్‌ ధరించిన ఆమె వ్యాన్‌ ముందు నిలబడగా.. చుట్టూ ఉన్న పలువురు ఆమెకు మద్దతుగా నినాదాలు చేశారు.ఈ ఘటనపై రిహియా మాట్లాడుతూ.. ‘‘పోలీసులు తమ బాధ్యతను సరిగా నిర్వర్తించకపోతే.. ప్రజల బాధ్యతను ప్రజలమే తీసుకోవాల్సి వస్తుంది’’ అని వ్యాఖ్యానించారు. తాను విద్యార్థిని కాకపోయినా.. విద్యార్థుల పోరాటానికి మద్దతుగా నిలుస్తున్నానని స్పష్టం చేశారు. ఢిల్లీలో ఆందోళన చేస్తున్న విద్యార్థులపై జరిగిన పోలీసుల చర్య సరైంది కాదని ఆమె అన్నారు.Meet Rhiya Ahir [IG: rhiyaahir]👏One fearless young woman stood in front of a police van during the Mumbai student protests, refusing to back down.Courage can't be bought. Justice can't be silenced. Salute to her. 🫡🫡 pic.twitter.com/c9oAvhQPeq— زماں (@Delhiite_) July 22, 2026ఒక్క అడుగు.. ఓ సందేశంరిహియా చేసిన పని కేవలం ఓ నిరసన చర్యగా మాత్రమే కాకుండా.. మహిళల ధైర్యానికి ప్రతీకగా మారింది. సాధారణంగా ఆందోళనల్లో మహిళల పాత్రపై ఎన్నో చర్చలు జరుగుతుంటాయి. కానీ రిహియా మాత్రం “ప్రశ్నించేందుకు ధైర్యం ఉంటే మార్పు సాధ్యమే” అనే సందేశాన్ని ఇచ్చారు. ఆమె వీడియో వైరల్‌ కావడంతో సోషల్‌ మీడియాలో పలువురు ఆమెను అభినందించారు. కొందరు ఆమెను “ముంబై హీ(షీ)రో”గా అభివర్ణించారు. ప్రముఖ హాస్యనటుడు రోహన్‌ జోషి కూడా ముంబై యువత నిరసన తీరును ప్రశంసిస్తూ పోస్టు చేశారు.ఎవరీ రిహియా యాదవ్‌?రిహియా యాదవ్‌ కేవలం నిరసనకారిణి మాత్రమే కాదు. ఆమె ఓ నటి, మోడల్‌, వ్యాపారవేత్తగా తనకంటూ గుర్తింపు తెచ్చుకున్నారు. ఆమె సోషల్‌ మీడియా ప్రొఫైల్‌ ప్రకారం.. మ్యూజిక్‌ వీడియోల్లో నటించారు. అంతేకాకుండా చేతితో తయారు చేసే దుస్తుల కోసం ‘రిహియాసత్‌’ పేరుతో ఓ వ్యక్తిగత బ్రాండ్‌ను నిర్వహిస్తున్నారు. సృజనాత్మక రంగంలో తనదైన ముద్ర వేస్తూనే.. సామాజిక అంశాలపై కూడా స్పందించడం ఆమె ప్రత్యేకతగా నిలుస్తోంది.మహిళా సాధికారతకు ఓ ప్రతీకగా..మహిళా సాధికారత అంటే కేవలం అవకాశాలు పొందడం మాత్రమే కాదు.. అవసరమైన సమయంలో తన అభిప్రాయాన్ని ధైర్యంగా వ్యక్తం చేయడం కూడా. రిహియా యాదవ్‌ ఘటన అదే విషయాన్ని మరోసారి గుర్తు చేసింది. ఒక మహిళ ముందుకు వచ్చి నిలబడితే.. అది కేవలం ఒక నిరసన కాదు.. మరెందరికో ధైర్యాన్ని ఇచ్చే సందేశంగా మారుతుందనే దానికి రిహియా ఉదాహరణగా నిలించిందనే అభిప్రాయమూ వ్యక్తమవుతోంది.

సినిమా హీరోలు తమ డబ్బులకు ఎక్కువగా రియల్‌ ఎస్టేట్‌ రంగంలో పెడుతుంటారు. పారితోషికంగా సంపాదించిన డబ్బులతో బంగ్లాలు కొనుగోలు చేసి.. విలాసవంతమైన జీవితాన్ని గడుపుతుంటారు. తాజాగా బాలీవుడ్‌ హీరో జాన్‌ అబ్రహం రూ. 84 కోట్లతో విలాసవంతమైన బంగ్లాను ఆయన కొనుగోలు చేశాడు. రియల్ ఎస్టేట్ రికార్డుల ప్రకారం, ఈ ప్రాపర్టీ రిజిస్ట్రేషన్ ప్రక్రియ జూలై 14న పూర్తయింది. ఈ కొనుగోలుకు గాను ఆయన సుమారు రూ. 5.04 కోట్ల రూపాయలను స్టాంప్ డ్యూటీ రూపంలో చెల్లించినట్లు సమాచారం.ఈ ఆస్తి మొత్తం 1,017.60 చదరపు మీటర్ల ఫ్లాట్‌లో విస్తరించి ఉంది. ఇందులో 193.12 చదరపు మీటర్ల నిర్మిత ప్రాంతం కలిగిన బంగ్లాతో పాటు 31.50 చదరపు మీటర్ల అవుట్‌హౌస్ కూడా ఉంది. ముంబైలో ప్రముఖ సినీ తారలు - విఐపిలు నివసించే ప్రైమ్ లొకేషన్లలో బాంద్రా వెస్ట్ ఒకటి. ఇక్కడ స్వంత స్థలంతో ఉన్న బంగ్లాలు దొరకడం అత్యంత అరుదు కావడం వల్ల జాన్ చేసిన ఈ రూ. 84 కోట్ల బిగ్ డీల్ ప్రస్తుతం సినీ, బిజినెస్ వర్గాల్లో వైరల్‌గా మారింది.జాన్ అబ్రహం రియల్ ఎస్టేట్ రంగంలో పెట్టుబడులు పెట్టడం ఇదే మొదటిసారి కాదు. డిసెంబర్ 2023లో కూడా ముంబైలోని ఖార్ ఏరియాలో రూ. 70.83 కోట్ల విలువైన బంగ్లాను ఆయన సొంతం చేసుకున్నారు.ఇక సినీ కెరీర్‌ విషాయానికొస్తే.. ఇటీవల 'ది డిప్లొమాట్', 'తెహ్రాన్' వంటి వైవిధ్యమైన యాక్షన్- పొలిటికల్ థ్రిల్లర్లతో అలరించాడు. ప్రస్తుతం రెండు భారీ ప్రాజెక్టులతో బిజీగా ఉన్నాడు. ముంబై మాజీ పోలీస్‌ కమిషనర్‌ రాకేష్‌ మారియా బయోపిక్‌తో పాటు త‌న‌ కెరీర్‌లో సూపర్ హిట్ అయిన యాక్షన్ ఫ్రాంచైజ్ 'ఫోర్స్' మూడో భాగం -ఫోర్స్ 3 లో నటిస్తున్నాడు. ఈ రెండింటిలోనూ జాన్‌ అబ్రహం పోలీసులు ఆఫీసర్‌గా అలరించబోతున్నాడు.

ముంబై: వైద్యులు, ఇతర సిబ్బందిపై శివసేన( (ఏకనాథ్ షిండే వర్గం) ) కార్పొరేటర్‌ రమేష్ మహాత్రే జరిపిన దాడిని బాంబే హైకోర్టు తీవ్రంగా పరిగణించింది. కార్పొరేటర్‌ రమేష్‌ మహత్రే బెయిల్‌ను రద్దు చేసింది. అదే సమయంలో ఆదివారం సాయంత్రం ఐదు గంటల లోపు పోలీసుల ఎదుట లొంగిపోవాలని ఆదేశించింది బాంబే హైకోర్టు.జూలై 6వ తేదీన డోంబివిలిలోని మున్సిపల్ శాస్త్రి నగర్ ఆసుపత్రిలో ముగ్గురు వైద్యులు, నర్సులపై కార్పొరేటర్‌ రమేష్ మహాత్రే, అతని అనుచరులు తీవ్రంగా దాడి చేశారు. దిగువ కోర్టు తీర్పు: ఈ కేసులో అరెస్టయిన రమేష్‌ మహాత్రేకు జూలై 14న కల్యాణ్ లోని స్థానిక మేజిస్ట్రేట్ కోర్టు బెయిల్ మంజూరు చేసింది. దీనిని సుమోటోగా స్వీకరించిన హైకోర్టు.. వారి బెయిల్‌ రద్దు చేస్తూ తీర్పునిచ్చింది. రమేష్ మహాత్రేపై గతంలో హత్య, హత్యాయత్నం వంటి సుమారు 18 నేరారోపణ కేసులు ఉన్నాయనే విషయాన్ని ఈ సందర్భంగా హైకోర్టు ప్రస్తావించింది. వాటిలో 17 కేసులలో అతను నిర్దోషిగా విడుదలైనప్పటికీ, బెయిల్ ఇచ్చేటప్పుడు అతని నేర చరిత్ర తీవ్రతను మేజిస్ట్రేట్ కోర్టు సరిగ్గా పరిగణనలోకి తీసుకోలేదని ఆక్షేపించింది. ఈ క్రమంలోనే వారి బెయిల్‌ను రద్దు చేసి తిరిగి పోలీసులకు లొంగిపోవాలంటూ ఆదేశించింది. ప్రభుత్వ, మున్సిపల్ ఆసుపత్రుల వైద్యులపై ఇలాంటి దాడులు సమాజంపై తీవ్ర ప్రభావం చూపుతాయని హైకోర్టు ఆందోళన వ్యక్తం చేసింది. రమేష్‌ మహాత్రే నిర్ణీత సమయంలోగా లొంగిపోకపోయినా, పరారైనా ఆయన స్థిరాస్తులను జప్తు చేయడంతో పాటు చట్టపరమైన తదుపరి చర్యలకు తీసుకోవడానికి అధికారులకు పూర్తి స్వేచ్ఛ ఉందని బాంబే హైకోర్టు తన తీర్పులో పేర్కొంది. ఈ ఘటనకు నిరసనగా జూలై 22 నుండి సమ్మెకు పిలుపునిచ్చిన వైద్యులను ఆ సమ్మెను విరమించుకోవాలని కోరింది హైకోర్టు. ప్రజా ప్రయోజనాల దృష్ట్యా తమ సమ్మెను విరమించుకోవాలని కోర్టు విజ్ఞప్తి చేసింది. కాగా, వైద్యులపై దాడికి సంబంధించి జూలై 8వ తేదీన అరెస్టైన సదరు కార్పొరేటర్‌.. జూలై 14వ తేదీన బెయిల్‌పై బయటకొచ్చాడు. దీన్ని నిరసిస్తూ ఇండియన్‌ మెడికల్‌ అసోసియేషన్‌(ఐఎమ్‌ఏ) శుక్రవారం ఓ ప్రకటన విడుదల చేసింది. జూలై 22వ తేదీన మహారాష్ట్ర అంతటా ఆస్పత్రుల్లో 24 గంటల షట్‌డౌన్‌ ఉంటుందని స్పష్టం చేసింది. ఈ సమయంలో అత్యవసర సేవా విభాగాలు మాత్రం యథావిధిగా పనిచేస్తాయని పేర్కొంది.

ముంబైలోని ఓ అపార్ట్‌మెంట్‌లో షాకింగ్‌ ఘటన వెలుగుచూసింది. లిఫ్ట్‌లో పెంపుడు కుక్క కలకలం సృష్టించింది. ముగ్గురు మహిళలపై దాడికి యత్నించింది. ఈ దృశ్యాలు సీసీటీవీ కెమెరాలో రికార్డయ్యాయి. ఈ వీడియో సోషల్ మీడియాలో వైరల్‌గా మారింది. పశ్చిమ ముంబై శివారు ప్రాంతమైన మలాడ్‌లోని 'శేత్ ఐరీన్' టవర్‌లో ఈ ఘటన చోటుచేసుకుంది.లిఫ్ట్‌లో అప్పటికే ముగ్గురు యువతులు ఉండగా.. ఒక మహిళ తన పెంపుడు కుక్కతో కలిసి లోపలికి ప్రవేశించింది. లిఫ్ట్ తలుపులు మూసుకున్న కొద్దిసేపటికే.. ఆ కుక్క మూతికి మాస్క్‌ ఉన్నప్పటికీ.. ఒకస్కారిగా దూసుకెళ్తూ.. వారిపై దాడి చేయడానికి ప్రయత్నించింది. దీంతో వారు తీవ్ర భయాందోళనకు గురయ్యారు.కుక్క ఒక్కసారిగా దాడికి దిగడంతో యజమాని కట్టడి చేయడానికి తీవ్రంగా ప్రయత్నించింది. కానీ, ఆ కుక్క యువతులపైకి దూసుకెళ్లింది. ఈ క్రమంలో లిఫ్ట్ తలుపులు తెరుచుకోగానే యువతులు ప్రాణభయంతో బయటకు పరుగులు తీశారు. అయితే, మరో యువతి మాత్రం లోపలే చిక్కుకుపోయింది. ఆమెపైకి కుక్క మరింత అగ్రెసివ్‌గా దూసుకెళ్లింది.CCTV from Mumbai Malad West lift: Pet dog suddenly lunges aggressively at 3 young girls. Owner struggles to restrain it on leash as kids panic. No serious injuries, but sparks debate on pet control in shared spaces. pic.twitter.com/wvzhIwAM0y— Ghar Ke Kalesh (@gharkekalesh) July 17, 2026చివరకు లిఫ్ట్ నిర్దేశిత ఫ్లోర్‌కు చేరుకోగానే ఆ యువతి కూడా వేగంగా బయటకు వచ్చి తప్పించుకుంది. ఈ ఘటనపై మలాడ్ పోలీసులు స్పందిస్తూ.. ఈ ఘటనలో బాలికలకు ఎలాంటి గాయాలు కాలేదని.. దీనిపై ఇప్పటివరకు ఎలాంటి ఫిర్యాదు అందలేదని తెలిపారు. సదరు నివాసికి తన పెంపుడు జంతువును లిఫ్ట్‌లో తీసుకెళ్లేందుకు అనుమతి ఉందని స్పష్టం చేశారు. అయితే, ఈ సీసీటీవీ వీడియో బయటకు రావడంతో అపార్ట్‌మెంట్ వాసుల్లో తీవ్ర ఆందోళన వ్యక్తమవుతోంది.

సాక్షి,ముంబై: ఇప్పటిదాకామనం అమెరికా వైద్య ఖర్చులు గురించిన కథనాలు చదివాం. ఇపుడు మన దేశంలోనే ఒక మామూలు ఆపరేషన్‌ కోసం ఏకంగా రూ. 11.04 లక్షల బిల్లు గురించి తెలుసుకుంటూ ఔరా అనాల్సిందే. భారతదేశంలోని మెట్రో నగరాల్లో సామాన్యుడికి వైద్యం ఎంత భారంగా మారుతుందో, అలాగే మెడికల్ బిల్లింగ్ విధానంలో పారదర్శకత ఎంత అవసరమో స్పష్టం చేస్తోంది. ముంబైలోని ఒక ప్రముఖ ఆసుపత్రిలో సాధారణ హెర్నియా శస్త్రచికిత్స (Hernia Surgery) చేయించుకున్న ఒక రోగికి ఏకంగా రూ. 11.04 లక్షల బిల్లు రావడం సోషల్ మీడియాలో చర్చకు దారితీసింది. 'నిఖిల్ ఝా' అనే ఎక్స్ యూజర్ షేర్‌ చేసిన వివరాల ప్రకారం ఫాలోవర్ ఒకరు ముంబైలో 'ఇంగువినల్ హెర్నియా' సర్జరీ చేయించుకున్నారని అంటూ దానికి సంబంధించిన ఇన్సూరెన్స్‌ క్లెయిమ్‌ ఇతర వివరాలను పంచుకున్నారు. కేవలం నాలుగు రోజులు(జూలై 6 నుంచి 10 వరకు)ఆసుపత్రిలో ఇన్‌పేషెంట్‌గా ఉన్నారు. ఈ ఆపరేషన్‌ కోసం ఆసుపత్రి బిల్లు అక్షరాలా రూ. 11,04,100. ఇందులో ఇన్సూరెన్స్ సెటిల్‌మెంట్: రూ. 4,64,000 మాత్రమే క్లెయిమ్ వచ్చింది. దీంతో అవాక్కవ్వడం వారి వంతైంది.ఒక చిన్న హెర్నియా సర్జరీకే ఇంత ఖర్చయితే, పెద్ద పెద్ద సర్జరీల పరిస్థితి ఏంటి? ముంబైలో ఆసుపత్రిలో చేరడం నేరమా? అంటూ ప్రశ్నించారు. నాణ్యమైన వైద్యం కేవలం ధనవంతులకు మాత్రమేనా? అటూ నిఖిల్ ఝా సోషల్‌ మీడియా వేదికగా ఆవేదన వ్యక్తం చేశారు. ఇదీ చదవండి: మూడో పెళ్లి : ఫత్వా, లవ్ జిహాద్ ఆరోపణలపై స్పందించిన ఆమీర్‌ A follower messaged us yesterday about their hernia surgery at a top Mumbai hospital.The total cost=11.04LYes, 11.04L for a hernia surgery,We were shocked and stunned by the cost,If this is the cost for a small hernia surgery,What will be the cost for bigger surgeries?… pic.twitter.com/RUfAOy5UVL— Nikhil Jha (@NIKHILLJHA) July 15, 2026నెటిజన్లు ఏమన్నారంటే? ఈ పోస్ట్‌పై నెటిజన్లు, వైద్యులు రకరకాలుగా స్పందించారను. ఒక వైద్యుడు స్పందిస్తూ, "హెర్నియా సర్జరీకి రూ. 11 లక్షలా? ఇందులో ఏమైనా హెలికాప్టర్ పికప్ అండ్ డ్రాప్ సౌకర్యం కూడా ఉందా?" అంటూ వ్యంగ్యంగా వ్యాఖ్యానించారు. సూరత్‌లో రూ. 1.5 లక్షలకే అయ్యే ఈ సర్జరీకి, ముంబైలో రూ. 11 లక్షలు వసూలు చేయడంపై ఒకరు మండిపడ్డారు. మెట్రో నగరాల్లో పెరిగిపోతున్న వైద్య ఖర్చుల వల్ల అందరి హెల్త్ ఇన్సూరెన్స్ ప్రీమియంలు కూడా పెరుగుతున్నాయని ఆవేదన వ్యక్తం చేశారు. మరోవైపు కేవలం ఈ ఒక్క మెసేజ్ చూసి నిర్ధారణకు రాలేమని, రోగికి ఏ రకమైన రూమ్ కేటగిరీ ఇచ్చారు? ఏమైనా కాంప్లికేషన్స్ వచ్చి ఐసీయూలో ఉంచారా? వంటి వివరాలు 'డిశ్చార్జ్ సమ్మరీ' ,'ఆపరేషన్ నోట్స్' చూస్తేనే క్లారిటీ వస్తుందని మరికొందరు అభిప్రాయపడ్డారు.ఇదీ చదవండి: 18 ఏళ్ల ఎన్‌ఆర్ఐ జీవితం నుంచి : మెటా టెకీ ఎమోషనల్‌ పోస్ట్‌ వైరల్‌

సాక్షి, ప్రకాశం: సోషల్‌ మీడియా పరిచయం ఒక నిండు ప్రాణాన్ని బలితీసుకుంది. తాను భర్తగా భావించిన వ్యక్తికి మరో యువతితో నిశ్చితార్థం జరిగిందని మనోవేదనకు గురైన ఓ సాఫ్ట్‌వేర్ ఉద్యోగిని ఆత్మహత్యకు పాల్పడింది. పోలీసులు తెలిపిన వివరాల ప్రకారం.. పాపినేని సాయి సుమంత్‌, కీర్తి అనే ఇద్దరికీ సోషల్‌ మీడియా ద్వారా పరిచయం ఏర్పడింది. సుమంత్‌ దుబాయ్‌లోని ఒక ప్రైవేట్‌ సంస్థలో పనిచేస్తుండగా, కీర్తి ముంబైలోని ఓ ఐటీ కంపెనీలో ఉద్యోగం చేస్తోంది. వీరి పరిచయం కాస్తా ప్రేమగా మారింది. గత ఎనిమిదేళ్లుగా ప్రేమించుకుంటున్న వీరిద్దరూ త్వరలోనే వివాహం చేసుకోవాలని కూడా అనుకున్నారు.అయితే, కీర్తికి తెలియకుండా సుమంత్‌ మరో యువతితో నిశ్చితార్థం చేసుకున్నాడు. ఈ విషయమై కీర్తి అతడిని నిలదీయగా.. సుమంత్‌ నిర్లక్ష్యంగా సమాధానం చెప్పాడు. దాంతో తీవ్ర మనోవేదనకు గురైన కీర్తి ఆత్మహత్య చేసుకుంది. తనువు చాలించే ముందు ఆమె ఒక లేఖ రాసింది. తాను భర్తగా భావించే సాయి సుమంత్ చేతుల మీదుగానే తన అంత్యక్రియలు నిర్వహించాలన్నదే తన ఆఖరి కోరికని ఆ లేఖలో పేర్కొంది.కీర్తి మరణానంతరం ఆమె మృతదేహాన్ని ప్రకాశం జిల్లా టంగుటూరు మండలం పొందూరులోని సాయి నివాసానికి తీసుకువచ్చారు. చనిపోయిన కీర్తి మెడలో సాయి తాళి కట్టాలని, ఆమె అంత్యక్రియలను అతడే జరపాలని బాధితురాలి తల్లిదండ్రులు, బంధువులు అక్కడ ఆందోళనకు దిగారు.ఈ క్రమంలో సాయి సుమంత్‌ తల్లిదండ్రులు కీర్తి కుటుంబ సభ్యులను బెదిరించి, ఇంటికి తాళం వేసి అక్కడి నుంచి పరారయ్యారు. సమాచారం అందుకున్న పోలీసులు సంఘటనా స్థలానికి చేరుకున్నారు. బాధిత కుటుంబ సభ్యుల ఫిర్యాదు మేరకు కేసు నమోదు చేసుకుని పోలీసులు దర్యాప్తు ప్రారంభించారు

హాలీవుడ్ డైరెక్టర్ క్రిస్టోఫర్ నోలన్ చిత్రాలకు ఇండియాలోనూ క్రేజ్ ఉంది. గతంలో ఆయన తెరకెక్కించిన ఓపెన్ హైమర్ ఇండియన్ బాక్సాఫీస్ వద్ద రాణించింది. అదే ఊపులో మరో సినిమాతో ప్రేక్షకుల ముందుకొస్తున్నారు. ఆయన దర్శకత్వలో వస్తోన్న లేటేస్ట్ మూవీ ది ఒడిస్సీ. ఇప్పటికే షూటింగ్ పూర్తయిన ఈ సినిమా జూలై 17న ప్రపంచవ్యాప్తంగా థియేటర్లలో సందడి చేయనుంది.ఈ నేపథ్యంలోనే డైరెక్టర్ క్రిస్టోఫర్ నోలన్ ముంబయిలో సందడి చేశారు. తన టీమ్‌తో కలిసి ముంబయిలో ఏర్పాటు చేసిన ప్రీమియర్ షోకు హాజరయ్యారు. ఈ సందర్భంగా ముంబయి వీధుల్లో క్రిస్టోఫర్ నోలన్ ఎంజాయ్ చేశారు. మ్యాట్ డామన్, టామ్ హాలండ్ నటించిన ఈ మూవీ కోసం ఇండియన్ ఆడియన్స్‌ ఎంతో ఆసక్తిగా ఎదురు చూస్తున్నారు. ఈ మూవీపై అభిమానుల్లో భారీ అంచనాలు నెలకొన్నాయి.భారీగా టికెట్ రేట్లు..అదే సమయంలో ఈ మూవీ క్రేజ్ దృష్ట్యా టికెట్ రేట్లు భారీగా పెంచేశారు. ముంబయిలోని ఐమ్యాక్స్‌, మల్టీప్లెక్స్ థియేటర్లలో రిక్లైనర్ సీట్ రేటు ఏకంగా రూ. 3,100 గా ఫిక్స్ చేశారు. ఇక ఢిల్లీ విషయానికొస్తే పీవీఆర్, సెలెక్ట్ సిటీ వాక్ లాంటి మల్టీప్లెక్సుల్లో రిక్లైనర్ టికెట్ ధరలు ఏకంగా రూ.2,500 వరకు ఉన్నాయి. అదే థియేటర్లలో సాధారణ సీట్స్ కూడా రూ.1,000 నుంచి రూ. 2,100 వరకు రేట్లు నిర్ణయించారు. ఇంతలా భారీ రేట్లు చూసిన ఆడియన్స్ టికెట్లు కొనేందుకు కూడా ఏమాత్రం వెనకాడటం లేదు.చెన్నైలో చాలా తక్కువ..ముంబయి, ఢిల్లీ నగరాలను మినహాయిస్తే బెంగళూరు, చెన్నైలో, కోల్‌కతా, హైదరాబాద్‌లో టికెట్ ధరలు కాస్తా తక్కువగానే ఉన్నాయి. బెంగళూరులోని మల్టీప్లెక్సుల్లో ఒక్కో టికెట్ రూ. 1,200 నుంచి రూ. 1,950 మధ్య ఉండగా.. కోల్‌కతాలో రూ.1,100 - 1,240 వరకు పెంచేశారు. చెన్నైలో మాత్రం ఐమాక్స్‌లో కూడా గరిష్టంగా రూ. రూ.508కే ది ఒడిస్సీ టికెట్లు లభిస్తున్నాయి.

ప్రముఖ హాలీవుడ్ డైరెక్టర్ క్రిస్టోఫర్ నోలన్ మరోసారి ప్రేక్షకుల ముందుకు రానున్నారు. ఆయన దర్శకత్వంలో వస్తోన్న ది ఓడిస్సీ మూవీ జూలై 17న థియేటర్లలో సందడి చేయనుంది. ఈ నేపథ్యంలో దర్శకుడు క్రిస్టోఫర్ నోలన్ ప్రమోషన్లతో బిజీగా ఉన్నారు. ప్రస్తుతం ఆయన ది ఒడిస్సీ ప్రీమియర్ షో కోసం ముంబయికి వచ్చారు. ఈ సందర్భంగా ఆయన టీమ్ ముంబయిలోని ఒలింపియా కాఫీ హౌస్‌లో సందడి చేశారు.ముంబయి నగరంలోని స్థానిక కొలాబాలో ఉన్న 108 ఏళ్ల పురాతనమైన ప్రసిద్ధ ఒలింపియా కాఫీ హౌస్‌కు విచ్చేసిన క్రిస్టోఫర్ నోలన్ టీమ్.. అదే కాఫీ హౌస్‌లో టీ తాగి, బన్ మస్కాను రుచి చూశారు. దీనికి సంబంధించిన వీడియో సోషల్ మీడియాలో వైరల్‌గా మారింది. ఈ వీడియోను యూనివర్సల్ పిక్చర్స్ ఇండియా సోషల్ మీడియా ఖాతాలో షేర్ చేసింది.ఈ సందర్భంగా క్రిస్టోఫర్ నోలన్, టామ్ హాలండ్, మాట్ డామన్‌లను కాఫీ హౌస్‌లో చూడగానే అక్కడున్న వారందరూ ఆశ్చర్యపోయారు. దీంతో అందరూ వెంటనే తమ ఫోన్లు తీసి ఫోటోలు, వీడియోలు తీసేందుకు ఎగబడ్డారు. ఈ హాలీవుడ్ అగ్రతారలు ముంబయిలో బన్ మస్కా ఆస్వాదిస్తూ చాలా సంతోషంగా కనిపించారు. View this post on Instagram A post shared by Universal Pictures India (@universalpicturesindia)

సాక్షి, అమరావతి: ఆంధ్రప్రదేశ్‌ ఉప ముఖ్యమంత్రి, జనసేన అధినేత పవన్‌ కల్యాణ్‌కు శనివారం ముంబైలో విజయవంతంగా శస్త్రచికిత్స జరిగింది. కుడి భుజానికి (రొటేటర్‌ కఫ్‌) జరిగిన ఈ సర్జరీ సుమారు మూడున్నర గంటల పాటు కొనసాగినట్లు వైద్యులు వెల్లడించారు. ప్రస్తుతం పవన్‌ ఆరోగ్యం నిలకడగా ఉందని, ఆయన కోలుకుంటున్నారని వైద్య బృందం తెలిపింది.ఇటీవల నిర్వహించిన వైద్య పరీక్షల్లో పవన్‌ కల్యాణ్‌ రెండు భుజాల కండరాలు (రొటేటర్‌ కఫ్‌) తీవ్రంగా దెబ్బతిన్నట్లు గుర్తించారు. కండరాలు పూర్తిగా చిట్లిపోవడంతో శస్త్రచికిత్స తప్పనిసరి అని వైద్యులు సూచించారు. అయితే రెండు భుజాలకు ఒకేసారి ఆపరేషన్‌ చేస్తే నొప్పి తీవ్రత ఎక్కువగా ఉండే అవకాశం ఉండటంతో, తొలిదశలో కుడి భుజానికే శస్త్రచికిత్స నిర్వహించారు. మరో భుజానికి దాదాపు రెండు నెలల తర్వాత మరో సర్జరీ చేయనున్నట్లు సమాచారం.పవన్‌ కల్యాణ్‌కు ఈ గాయాలు ఒక్కసారిగా ఏర్పడినవి కావని తెలుస్తోంది. దబాంగ్‌ రీమేక్‌ 'గబ్బర్‌ సింగ్‌' సినిమా చిత్రీకరణ సమయంలో ఆయనకు భుజానికి గాయమైంది. అనంతరం 2019లో రాయలసీమ పర్యటనలో, ఎన్నికల టైంలో నిర్వహించిన వారాహి యాత్ర సందర్భంగా కూడా భుజాలపై ఒత్తిడి పెరిగింది. ఈ ఏడాది ఏప్రిల్‌లో ముక్కుకు శస్త్రచికిత్స చేయించుకునే ముందు నిర్వహించిన సమగ్ర వైద్య పరీక్షల్లో రెండు భుజాల్లోనూ రొటేటర్‌ కఫ్‌ సమస్య ఉన్నట్లు వైద్యులు గుర్తించారు.శస్త్రచికిత్స విజయవంతంగా పూర్తికావడంతో పవన్‌ అభిమానులు, జనసేన శ్రేణులు ఊరట వ్యక్తం చేస్తున్నారు. మరోవైపు, ఏపీ ముఖ్యమంత్రి చంద్రబాబు నాయుడు సామాజిక మాధ్యమం 'ఎక్స్‌' వేదికగా స్పందిస్తూ.. పవన్‌ కల్యాణ్‌ త్వరగా పూర్తిస్థాయిలో కోలుకోవాలని ఆకాంక్షించారు. వైద్యుల సూచనల మేరకు పవన్‌ కల్యాణ్‌ కొద్ది వారాల పాటు విశ్రాంతి తీసుకోనున్నారు. అనంతరం ఫిజియోథెరపీతో పాటు పునరావాస చికిత్స కొనసాగనుంది. పూర్తిగా కోలుకున్న తర్వాతే ఆయన తిరిగి అధికారిక కార్యక్రమాల్లో పాల్గొనే అవకాశం ఉందని తెలుస్తోంది. Wishing Hon’ble Deputy Chief Minister Shri Pawan Kalyan garu a full and speedy recovery. I pray for his good health and wish him strength during this time.@PawanKalyan— N Chandrababu Naidu (@ncbn) July 11, 2026