Mancherial District News

మంచిర్యాలఅగ్రికల్చర్‌: దేశంలోని ప్రజలందరి ఏకత్వానికి ప్రతిరూపమే జాతీయ ఐక్యత దినోత్సవం అని జిల్లా కలెక్టర్‌ కుమార్‌ దీపక్‌ అన్నారు. శనివారం జాతీయ ఐక్యత దినోత్సవాన్ని పురస్కరించుకుని జిల్లా కలెక్టరేట్‌లో ఏర్పాటు చేసిన కార్యక్రమానికి జిల్లా అదనపు కలెక్టర్లు చంద్రయ్య, రాములు, జిల్లా రెవెన్యూ అధికారి మోతిరామ్‌తో హాజ రై వివిధ శాఖల జిల్లా అధికారులు, సిబ్బందితో జాతీయ ఐక్యతా ప్రతిజ్ఞ కార్యక్రమం ని ర్వహించారు. కలెక్టర్‌ మాట్లాడుతూ దేశ సమగ్రత, సమైక్యతను కాపాడేందుకు ప్రతి ఒక్కరూ బాధ్యతాయుతంగా వ్యవహరించా లని, జాతీయ ఐక్యతా స్ఫూర్తిని పెంపొందించాలని అన్నారు. ఈ కార్యక్రమంలో వివిధ శాఖల జిల్లా అధికారులు, కలెక్టరేట్‌ సిబ్బంది పాల్గొన్నారు.

ఉమ్మడి జిల్లాలోని మోడల్‌ స్కూళ్లు..మంచిర్యాలఅర్బన్‌: తెలంగాణ మోడల్‌స్కూళ్ల రూపురేఖలు మార్చేందుకు ప్రభుత్వం కీలక నిర్ణయం తీసుకుంది. ఇందులో భాగంగా వాటిని టీపీఎస్‌ (తెలంగాణ పబ్లిక్‌ స్కూల్‌)లుగా మార్చేందుకు సన్నాహాలు వేగవంతం చేశారు. ప్రస్తుతం 6వరగతి నుంచి మాత్రమే ప్రవేశాలు ఉండగా రాబోయే విద్యా సంవత్సరం నుంచి 1నుంచి 5 వ తరగతి వరకు కొత్తగా ప్రవేశాలు కల్పించనున్నారు. ఈ నిర్ణయంతో ప్రాథమిక విద్య నుంచే విద్యార్థులకు నాణ్యమైన ఆంగ్ల మాధ్యమ విద్య అందుబాటులోకి రానుంది. కాగా విద్యా సంస్కరణల నేపథ్యంలో జిల్లాలో మొత్తం ఎన్ని మోడల్‌స్కూళ్లు అందుబాటులో ఉన్నాయి. వాటిలో మౌలిక వసతులు, తరగతి గదుల లభ్యత, ఉపాధ్యాయుల వివరాలపై విద్యాశాఖ అధికారులు దృష్టి సారించారు. పూర్తి వివరాలతో నివేదికలను ఉన్నతాధికారులను పంపించినట్లు తెలుస్తోంది. టీపీఎస్‌గా మార్చితే.. ఉమ్మడి ఆదిలాబాద్‌ జిల్లా వ్యాప్తంగా 14 తెలంగా ణ మోడల్‌స్కూళ్లు ఉన్నాయి. ఆరు నుంచి పదో తరగతి వరకు ఒక్కో క్లాస్‌లో 100 మంది చొప్పున ప్రవేశాలు కల్పిస్తున్నారు. ఇంటర్మీడియట్‌ ఎంపీీసీ, సీ ఈసీ, బైపీసీ, ఏసీఈలలో గ్రూపునకు 40 మంది వి ద్యార్థుల చొప్పున ప్రథమ, ద్వితీయ సంవత్సరాల్లో మొత్తం 320 మంది అడ్మిషన్లు పొందుతున్నారు. ఇ ప్పటికే నియోజకవర్గానికి ఒకటి చొప్పున టీపీఎ్‌ సగా మార్చేందుకు పాఠశాలలను ఎంపిక చేశా రు. మంచిర్యాల జిల్లాలోని కాసిపేట్‌, మందమర్రి మో డల్‌స్కూళ్లు ఇందుకు ఎంపికయ్యాయి. జిల్లాలో మి గిలిన మూడు మోడల్‌ స్కూళ్లను సైతం టీపీఎస్‌ గా మార్చనుండడంతో వాటికి మహర్దశ పట ్టనుంది. కార్పొరేట్‌ స్థాయిలో ఉచిత శిక్షణ..గ్రామీణ ప్రాంతాల్లోని ఆదర్శ పాఠశాలల్లో ఇంటర్‌ ఎంపీసీ, బైపీసీ చదువుతున్న విద్యార్థులకు కార్పొరేట్‌ తరహాలో జేఈఈ మెయిన్స్‌, అడ్వాన్స్‌డ్‌, నీట్‌లలో ఉచిత శిక్షణ అందించడానికి ప్రభుత్వం చర్యలు చేపట్టింది. యంగ్‌ ఇండియా ఇనిస్టిట్యూట్‌ ఆఫ్‌ ఎక్సలెంట్‌ కేంద్రాలుగా ఉమ్మడి ఆదిలాబాద్‌ జిల్లాలో 4 పాఠశాలలు ఎంపికయ్యాయి. మంచిర్యాల జి ల్లాలోని మందమర్రి, ఆదిలాబాద్‌లోని జైనథ్‌, నిర్మల్‌లోని కుంటాల, కుమరంభీం ఆసిఫాబాద్‌లో ఎక్స్‌లెన్స్‌ కేంద్రాలు ఏర్పాటు చేశారు. పరీక్షలపై అవగాహన, సందేహాల నివృత్తికి ప్రత్యేక తరగతులు, నమూనా పరీక్షలు, అసైన్‌మెంట్లు నిర్వహించి పరీక్షలకు సన్నద్ధం చేయనున్నారు. తెలంగాణ మోడల్‌ స్కూళ్లు ఏర్పాటుతో వచ్చే ఏడాది నుంచి ఒకటి నుంచి ఐదు తరగతులకు ప్రవేశాలు కల్పించనున్నారు.

కూసుమంచి: ఖమ్మం జిల్లా కూసుమంచి మండలం పాలేరులోని మత్స్య పరిశోధనా కేంద్రంలో మత్స్య రైతులు, మత్స్యకారులకు దేశవాళీ తెల్లచేపల పెంపకంపై ఇస్తున్న మూడు రోజుల శిక్షణ శనివారం ముగిసింది. ఖమ్మం, ఆసిఫాబాద్‌, నల్లగొండ, సూర్యాపేట, ఆదిలాబాద్‌ జిల్లాల మత్స్యకారులు శిక్షణలో పాల్గొనగా, ఏపీ మత్స్య విశ్వవిద్యాలయం ఫార్మర్‌ డీన్‌ డాక్టర్‌ రవీంద్రకుమార్‌రెడ్డి పలు అంశాలపై అవగాహన కల్పించారు. దేశవాళీ చేపల పెంపకంలో యాజమాన్య పద్ధతులు తదితర అంశాలను వివరించారు. అనంతరం శిక్షణ పొందిన వారికి సర్టిఫికెట్లు అందజేశారు. కార్యక్రమంలో పాలేరు పరిశోధనా కేంద్రం ప్రధాన శాస్త్రవేత్త డాక్టర్‌ శ్యాంప్రసాద్‌, శాస్త్రవేత్తలు రవీందర్‌, శాంతన్న, నాగరాజు తదితరులు పాల్గొన్నారు.

చెన్నూర్‌: వచ్చే ఏడాది జూలైలో జరిగే గోదావరి పుష్కరాలను రాష్ట్ర ప్రభుత్వం ప్రతిష్టాత్మకంగా భా విస్తోంది. ఇందులో భాగంగా చెన్నూర్‌, జైపూర్‌ మండలాల్లో పుష్కరాల నిర్వహణకు రూ.70కోట్లు మంజూరు చేసింది. పుష్కరాలకు మరో ఎనిమిది నె లల గడువు ఉండగా.. భక్తుల సౌకర్యార్థం పెద్దయెత్తున పనులు చేపట్టాల్సి ఉంది. ఇప్పటికీ దేవాలయాల అభివృద్ధికి టెండర్లు పూర్తి కాలేదు. ఎనిమిది నెలలు మాత్రమే ఉండడంతో టెండర్లు, సకాలంలో పనులు పూర్తయ్యేనా అనే సందేహం వ్యక్తమవుతోంది. చెన్నూర్‌ గోదావరి పుష్కరఘాట్‌ నిర్మాణానికి రూ.8కోట్లు మంజూరు కాగా పనులు ప్రారంభించా రు. ఏప్రిల్‌ నాటికి పూర్తి చేయాలనే గడువు విధించా రు. జైపూర్‌ మండలం వేలాల పుష్కరఘాట్‌కు రూ. 4.25కోట్లు మంజూరు కాగా.. పనులు చేపట్టలేదు. రోడ్డు పనులకు దిక్కేలేదు..చెన్నూర్‌ మహాంకాళి వాడ నుంచి జాతీయ రహదారి వరకు రూ.3కోట్లు, జాతీయ రహదారి నుంచి పుష్కరఘాట్‌ వరకు రూ.7.50కోట్లు రోడ్ల నిర్మాణానికి మంజూరు కాగా రాష్ట్ర కార్మిక శాఖ మంత్రి గడ్డం వివేక్‌వెంకటస్వామి శంకుస్థాపన చేశారు. రోడ్డు నిర్మాణానికి భూమి స్వాధీనం, మార్కింగ్‌ పూర్తి కాలేదు. రోడ్డుకు ఇరువైపుల పంట చేన్లు ఉండడంతో రైతులు భూమిని అప్పగించాల్సి ఉంది. రెవెన్యూ అధికారులు చొరవ తీసుకుని త్వరితగతిన భూమిని కాంట్రాక్టర్‌కు అప్పగిస్తే పనులు ప్రారంభించే అవకాశం ఉంది.పూర్తి కాని టెండర్లుచెన్నూర్‌, జైపూర్‌ మండలాల్లో పుష్కరాల్లో భాగంగా చెన్నూర్‌ పెద్దచెరువు ఆగస్త్యా గుండానికి రూ.17కోట్లు, మదనం పోచమ్మ ఆలయానికి రూ.2కోట్లు, శివాలయానికి రూ.50 లక్షలు, కత్తరశాల ఆలయానికి రూ.2కోట్లు, జైపూర్‌ మల్లికార్జున ఆలయానికి నిధులు మంజూరయ్యాయి. పనుల టెండర్లు పూర్తి కా లేదని దేవాదాయ శాఖ అధికారులు తెలిపా రు. మంత్రి, ప్రజాప్రతినిధులు ప్రత్యేక చొర వ చూపి పుష్కరాల గడువులోగా పనులు పూర్తయ్యేలా చర్యలు చేపట్టాలని ప్రజలు కోరుతున్నారు. గడువులోగా పూర్తి చేస్తాం చెన్నూర్‌ పుష్కర ఘాట్‌ పనులు వేగవంతంగా సాగుతున్నాయి. ఏప్రిల్‌ చివరి నాటికి గడువు ఉంది. పనులకు కావాల్సి సామగ్రి పూర్తిగా అందుబాటులో ఉంది. గడువులోగా పనులు పూర్తి చేస్తాం. – ప్రీతమ్‌, ఏఈ ఇరిగేషన్‌

రెబ్బెన: స్వచ్ఛమైన, నాణ్యతతో కూడిన స్వదేశీ ఉ త్పత్తులను ప్రతి ఒక్కరూ ప్రోత్సహించాలని బెల్లంపల్లి ఏరియా జీఎం శ్రీరమేశ్‌ అన్నారు. గోలేటి టౌన్‌షిప్‌లోని సీఈఆర్‌ క్లబ్‌లో శనివారం వావిలాల ఖాదీ గ్రామోద్యోగ్‌ ప్రతిష్టాన్‌ వారు ఏర్పాటు చేసిన ఖాదీ మేళా స్టాల్‌ను జీఎం ప్రారంభించారు. ముందుగా మహాత్మాగాంధీ చిత్రపటానికి పూలమాల వే సి నివాళి అర్పించారు. అనంతరం స్టాల్‌లోని వస్త్రాలను పరిశీలించారు. రాయితీ వివరాలు అడిగి తెలు సుకున్నారు. నవంబర్‌ 7వ తేదీ వరకు ప్రతీరోజు ఉదయం 9 గంటల నుంచి రాత్రి 9 గంటల వరకు కొనసాగే ఈ మేళాను సద్వినియోగం చేసుకోవాలని సూచించారు. ఏఐటీయూసీ గోలేటి బ్రాంచి కార్యదర్శి ఎస్‌. తిరుపతి, ఏరియా ఇంజనీరు వీరన్న, డీజీ ఎం ఐఈడీ ఉజ్వల్‌కుమార్‌బెహరా, సీనియర్‌ పర్సనల్‌ అధికారి శ్రీనివాస్‌, ప్రశాంత్‌ నిర్వాహకులు చంద్రమౌళి, రాజేశ్‌, రాజు తదితరులు పాల్గొన్నారు.

● డీసీపీ ఎగ్గడి భాస్కర్‌ ● పోలీసుల ఆధ్వర్యంలో మెగా రక్తదాన శిబిరంమంచిర్యాలక్రైం: ప్రజల రక్షణలో భాగంగా ఎందరో పోలీస్‌ అధికారులు అమరులయ్యారని, వారి త్యాగాలు వెలకట్టలేనివని మంచిర్యాల డీసీపీ ఎగ్గడి భాస్కర్‌ అన్నారు. పోలీస్‌ అమరవీరుల సంస్మరణ వారోత్సవాలను పురస్కరించుకుని శనివారం మంచిర్యాలలోని ఎన్‌ కన్వెన్షన్‌ హాల్‌లో పోలీసుల ఆధ్వర్యంలో మెగా రక్తదానం శిబిరం నిర్వహించారు. పోలీసులు 27 మంది రక్తదానం చేశారు. డీసీపీ మాట్లాడుతూ ప్రజల హక్కుల పరిరక్షణతోపాటు ప్రజల ధన, మాన, ప్రాణాల రక్షణ కోసం పోలీసులు తమ ప్రాణాలను త్యాగం చేశారని కొనియాడారు. రక్తదాతలకు సర్టిఫికేట్లు అందజేశారు. ఈ కార్యక్రమంలో ఏసీపీ ప్రకాష్‌, సీఐ ప్రమోద్‌రావు, ఎస్సైలు మధుసూదన్‌, రామకృష్ణ, రెడ్‌ క్రాస్‌ సొసైటీ చైర్మన్‌ భాస్కర్‌రెడ్డి, మధుసూదన్‌రెడ్డి, మహేందర్‌, లైన్స్‌ క్లబ్‌ ఆఫ్‌ మంచిర్యాల అధ్యక్షుడు వెంకటేశ్వర్లు పాల్గొన్నారు.

మంచిర్యాలరూరల్‌(హాజీపూర్‌): ప్రాథమిక విద్య అభ్యసించే వయస్సులోనే అద్భుత సృజనాత్మకతతో ఔరా అనిపిస్తున్నారు. 4వ, 5వ తరగతి విద్యార్థులు నీతి కథలు రాసి అబ్బురపరిచారు. వారి ఊహాలకు అక్షర రూపం ఇవ్వడంతో అధ్యాపకులు సహకరించి ‘మా తొలిఅడుగులు’ పేరిట పుస్తకంగా ముద్రించారు. మంచిర్యాల నగరంలోని గుడిపేటలో పీఎంశ్రీ కేంద్రీయ విద్యాలయంలో 4వ, 5వ తరగతి చదువుతున్న ఇద్దరు బాలురు, 16మంది బాలికలు 20నీతి కథలు రాశారు. తెలుగు ఉపాధ్యాయుడు నరేశ్‌ ఆచార్య మార్గదర్శకత్వంలో చదువుతూనే కథలపై దృష్టి సారించారు. విద్యార్థులను మరింత ప్రోత్సహించాలనే ఉద్దేశంతో ప్రిన్సిపాల్‌ లోకేశ్‌కుమార్‌ యాదవ్‌ సంకల్పించారు. నీతి, నిజాయితీ, నమ్మకం, కష్టం విలువ, స్నేహం, పెద్దలపట్ల గౌరవం, సహాయం చేయడం, దయాగుణం, పొదుపు ఇలా పలు అంశాలను విద్యార్థులు కథావస్తువుగా ఎంచుకున్నారు. ఈ కథలన్ని ఒకచోట చేర్చి అందమైన చిత్రాలతో ‘మా తొలి అడుగులు’ పుస్తకంగా ముద్రించారు. శుక్రవారం విద్యాలయంలోనే ప్రిన్సిపాల్‌ లోకేశ్‌కుమార్‌ యాదవ్‌, ఉపాధ్యాయుడు నరేశ్‌ ఆచార్య ఆవిష్కరించారు. కథలు చదివిన వారికి నీతితోపాటు ఆనందాన్ని పంచుతుందని కేంద్రియ విద్యాలయంలోని లైబ్రరీలో అందుబాటులో ఉంచారు.

మంచిర్యాలరూరల్‌(హాజీపూర్‌): మంచిర్యాల మున్సిపల్‌ కార్పొరేషన్‌ పరిధిలోని గుడిపేట 13వ ప్రత్యేక పోలీస్‌ బెటాలియన్‌లో మూడు రోజులు సాగుతున్న వార్షిక తనిఖీలు శనివారం ముగిశాయి. తెలంగాణ ప్రత్యేక పోలీస్‌ విభాగం డీఐజీ మురళీకృష్ణ తనిఖీల అనంతరం బెటాలియన్‌ పరిపాలన విభాగం ఆవరణలో మొక్కలు నాటి నీళ్లు పోశారు. ప్రతి ఒక్కరూ మొక్కలు నాటి పర్యావరణ పరిరక్షణలో భాగస్వామ్యం కావాలని తెలిపారు. మోటార్‌ ట్రాన్స్‌పోర్ట్‌ విభాగంలోని వాహనాల నిర్వహణ, భద్రత, ఇంధన పొదుపుపై సూచనలు చేశారు. రికార్డులు, సిబ్బంది హాజరు పరిశీలించారు. పరేడ్‌ మైదానాన్ని పరిశీలించి పోలీసుల నుంచి గౌరవ వందనం స్వీకరించారు. కమాండెంట్‌ వెంకటేశ్వర్లు, అసిస్టెంట్‌ కమాండెంట్లు ఆంజనేయరెడ్డి, నాగభూషణం, వీరరాజు, యూనిట్‌ మెడికల్‌ అధికారి డాక్టర్‌ సంతోశ్‌సింగ్‌, పరిపాలనా విభాగం అధికారి గౌస్‌ మోహీయోద్దీన్‌, బెటాలియన్‌ అధికారులు పాల్గొన్నారు.

సాక్షి ప్రతినిధి, మంచిర్యాల: జిల్లాలోని జైపూర్‌ మండలం కిష్టాపూర్‌ డీసీఎంఎస్‌ కేంద్రం–1లో గత ఏడాది యాసంగి సీజన్‌లో జరిగిన రూ.3.28కోట్ల వరకు అక్రమాలపై మరోసారి విచారణ మొదలైంది. ఇప్పటికే ఈ వ్యవహారంపై క్రిమినల్‌ కేసు నమోదు కాగా, తాజాగా సీఐడీ సైతం రంగంలోకి దిగింది. ఈ కేంద్రం నుంచి నకిలీ ట్రక్‌చిట్స్‌తో అక్రమాలకు పాల్పడినట్లు ఫిర్యాదులు అందాయి. దీనిపై పౌరసరఫరాల శాఖ విజిలెన్స్‌ అధికారులు విచారణ చేపట్టి మొదట అక్రమాలేవీ జరగలేదని తేల్చారు. అయితే కిష్టాపూర్‌ రైతు లంబు శివప్రసాద్‌ పౌరసరఫరాల శాఖ కమిషనర్‌ స్టీఫెన్‌ రవీంద్రకు ఫిర్యాదు చేయడమే కాకుండా హైకోర్టులోనూ రిట్‌ పిటిషన్‌ వేశాడు. దీంతో మరోసారి విచారణ చేపట్టి చివరగా ఏడుగురిపై కేసు నమోదు చేస్తూ రూ.37లక్షల వరకు అక్రమాలు జరిగినట్లు గుర్తించారు. ఫిర్యాదు ప్రకారం ఈ కేంద్రంలో 25,604 క్వింటాళ్ల ధాన్యం సేకరణ జరిగింది. రూ.3.28కోట్ల విలువైన 14,300 క్వింటాళ్లు పక్కదారి పట్టినట్లు ఫిర్యాదులో పేర్కొన్నాడు. 28మంది రైతుల పేర్లతో సన్నవడ్లు, 25మంది రైతుల పేర్లతో దొడ్డు వడ్లు కేంద్రానికి రాకున్నా మిల్లులకు పంపి ఆన్‌లైన్‌ నమోదు చేశారు. కేంద్ర నిర్వాహకుడి కుటుంబ సభ్యులు, తెలిసిన వారి పేర్లతోనే రూ.లక్షల్లో చెల్లింపులు జరిగాయి. వీటిపై ఆధారాలతో ఫిర్యాదు చేశాడు. మరోసారి...ధాన్యం కేసులో ఫిర్యాదుదారు ప్రకారం ఈ నకిలీ ట్రక్‌ చిట్స్‌లో మొత్తం 53మంది వరకు ఉన్నారు. అయితే, కేవలం ఏడుగురిపైనే కేసు నమోదు చేశా రు. అంతేగాక ధాన్యం అక్రమాల విలువ తగ్గించి చూపించారంటూ ఆరోపణలు వచ్చాయి. ధాన్యం దించుకున్న మిల్లర్లు, అక్రమంగా బిల్లులు పొందిన రవాణా కాంట్రాక్టర్‌, వ్యవసాయ అధికారుల పాత్ర పై పూర్తి స్థాయిలో విచారణ జరపాలంటూ మరో సారి పౌరసరఫరాల శాఖకు విజ్ఞప్తి చేశారు. ఇటీవల రాష్ట్రంలో పలు చోట్ల సీఐడీ మిల్లర్లపై కేసులు నమో దు చేస్తున్న తరుణంలో కిష్టాపూర్‌ ధాన్యం కేసును సైతం పరిగణనలోకి తీసుకున్నారు. ఈ మేరకు ఇటీవల రైతుల పేర్లతో అమ్మిన వివరాలు, ఆన్‌లైన్‌ భూముల నమోదు ప్రకారం క్షేత్రస్థాయిలోకి వెళ్లి పరిశీలన చేశారు. కొందరు రైతులే ఉండడం, సర్వేయర్‌, వ్యవసాయ అధికారితో విచారణ చేపట్టారు. కేసు నమోదు చేసిన జైపూర్‌ అప్పటి ఎస్సైని సైతం సీఐడీ అధికారులు విచారించారు. కేసు నుంచి కొందరి పేర్లు తప్పించడంపై రాజకీయ ఒత్తిళ్లు ఉన్నట్లు సీఐడీ అధికారులకు చెప్పినట్లు సమాచారం. దీంతో సీఐడీ కేసు నమోదు చేస్తే మరికొందరి పాత్ర బయటపడనుంది.

రెబ్బెన: గోలేటిలోని దుబ్బగూడలో రాజనర్సు అనే వ్యక్తి ఇంటి ఆవరణలో శనివారం 12 ఫీట్ల పొడవైన భారీ కొండచిలువ ప్రత్యక్షమై భయాందోళనకు గురిచేసింది. సమీపంలోని అటవీ ప్రాంతం నుంచి వచ్చిన కొండచిలువ ఇంటి ఆవరణలోని కోళ్ల ఫాంలో దూరి 8 కోళ్లను మింగేసింది. శనివారం ఉదయం పూట రాజనర్సు కోళ్ల ఫాం వద్దకు వెళ్లగా ఒక్కసారిగా భారీ కొండచిలువ కనిపించడంతో వెంటనే ఫారెస్టు అధికారులకు సమాచారం అందించారు. బెల్లంపల్లికి చెందిన స్నేక్‌ క్యాచర్‌ దుర్గం రాజేశ్‌ ఫారెస్టు అధికారుల సమక్ష్యంలో కొండచిలువను పట్టుకున్నారు. ఫారెస్ట్‌ అధికారులు కొండచిలువను చోపిడి అటవీప్రాంతంలో సురక్షితంగా వదిలేశారు. సెక్షన్‌ అధికారి రవి, ఫారెస్టు భీట్‌ అధికారులు మహేశ్‌, అనిల్‌ ఉన్నారు.

కాసిపేట: మండల కేంద్రంలోని ప్రభుత్వ జూని యర్‌ కళాశాలకు చెందిన విద్యార్థులు విశ్వకర్మ, చరణ్‌తేజ్‌, అక్షయ్‌లు రాష్ట్రస్థాయి పోటీలకు ఎంపికై న ట్లు కళాశాల పీడీ బాబురావు తెలిపారు. శనివారం ఆదిలాబాద్‌లో జరుగుతున్న ఉమ్మడి జిల్లా అండర్‌17 అథ్లెటిక్స్‌ పోటీలలో ప్రతిభ కనబరచి సంగారెడ్డిలో జరగనున్న రాష్ట్రస్థాయి పోటీలకు ఎంపికై నట్లు తెలిపారు. ఏంపీసీ ద్వితీయ సంవత్సరం చదువుతున్న విశ్వకర్మ 800మీటర్లలో మొదటిస్థానం, 1500మీటర్లలో ద్వితీయ స్థానం, చరణ్‌తేజ 300మీటర్లు, 1500మీటర్లలో ప్రథమ స్థానంలో నిలిచినట్లు తెలిపారు. 19సంవత్సరాల విభాగంలో అక్షయ్‌ 1500మీటర్లలో తృతీయ స్థానం సాధించినట్లు తెలిపారు. ప్రతిభ కనబరచి రాష్ట్ర స్థాయి పోటీలకు ఎంపికై న విద్యార్థులను మంచిర్యాల డీఐఈవో అంజయ్య, ప్రిన్సిపాల్‌ శంకర్‌, సిబ్బంది అభినందించినట్లు తెలిపారు.

ఆదిలాబాద్‌టౌన్‌: ఆదిలాబాద్‌ జిల్లా కేంద్రంలో బీఆర్‌ఎస్‌ ఆదివారం తలపెట్టిన రైతు గర్జనకు అన్ని ఏర్పాట్లు పూర్తయ్యాయి. రైతాంగం ఎదుర్కొంటున్న సమస్యల పరిష్కారంపై ప్రభుత్వాన్ని నిలదీసేందుకు ఆ పార్టీ పోరాటానికి సిద్ధమైంది. ఇందులో భాగంగానే ఆదిలాబాద్‌లోని ప్రభుత్వ డైట్‌ కళాశాల మైదానంలో భారీ బహిరంగసభ నిర్వహిస్తున్నారు. ఏర్పాట్లను మాజీ మంత్రి జోగు రామన్న, మాజీ ఎమ్మెల్యే బాల్క సుమన్‌తోపాటు ఇటీవల కేటీఆర్‌ సమక్షంలో పార్టీలో చేరిన డీసీసీ మాజీ అధ్యక్షుడు భార్గవ్‌ దేశ్‌పాండే తదితరులు దగ్గరుండి పరిశీలిస్తున్నారు. సభ ప్రాధాన్యత చాటిచెప్పేలా పట్టణాన్ని పూర్తిగా గులాబీమయం చేశారు. ఆదివారం సాయంత్రం ఐదు గంటలకు నిర్వహించనున్న ఈ సభకు పార్టీ వర్కింగ్‌ ప్రెసిడెంట్‌ కేటీఆర్‌, మాజీ మంత్రులు, ఎమ్మెల్యేలు హాజరవుతారు. మధ్యాహ్నం 3గంటలకు నేరడిగొండలో కేటీఆర్‌కు బోథ్‌ ఎమ్మెల్యే అనిల్‌ జాదవ్‌ స్వాగతం పలుకుతారు. ఇటీవల ఆత్మహత్యకు పాల్పడిన తలమడుగులోని రైతు కుటుంబాన్ని పరామర్శిస్తారు. భారీగా జన సమీకరణప్రభుత్వ తీరును ఎండగట్టేందుకు బీఆర్‌ఎస్‌ పార్టీ ఈ సభ ద్వారా ముందుకు సాగుతున్నట్లు తెలుస్తోంది. దాదాపు 20వేల మందిని సభకు తరలించేందు కు ఏర్పాట్లు చేస్తోంది. ఉమ్మడి జిల్లా నుంచి రైతులు, వివిధ వర్గాల ప్రజలను తరలించేలా నియోజకవర్గాల ఇన్‌చార్జీలకు బాధ్యతలు అప్పగించారు. మాజీ ఎమ్మెల్యే బాల్క సుమన్‌ నాలుగు రోజులుగా ఆదిలాబాద్‌లోనే ఉంటూ ఏర్పాట్లను పరిశీలిస్తున్నారు. ఇటీవల పార్టీలో చేరిన భార్గవ్‌ దేశ్‌పాండే తన అనుచరులను పార్టీలో చేర్పించనున్నట్లు తెలుస్తోంది.

శ్రీరాంపూర్‌: శ్రీరాంపూర్‌ ఏరియాలో అక్టోబర్‌ భూ గర్భ గనుల్లో నిర్ధేశించిన ఉత్పత్తి లక్ష్యంలో 105 శాతం నమోదైందని ఏరియా జీఎం ఎం.శ్రీనివాస్‌ తెలిపారు. శనివారం జీఎం కార్యాలయంలోని స మావేశ మందిరంలో విలేకరులకు ఉత్పత్తి వివరాలు వెల్లడించారు. గతంలో ఎన్నడూ లేని విధంగా ఐదు భూగర్భ గనుల్లో నూరు శాతం ఉత్పత్తి సాధించామన్నారు. ఎస్‌ఆర్‌ీపీ ఓసీపీ ఈసారీ నూరు శాతం సాధించిందన్నారు. అర్కే 5 గని 102 శాతం, ఆర్కే 7గని 101 శాతం, ఆర్కే న్యూటెక్‌ 111 శాతం, ఎస్‌ఆర్‌పీ 1 గని 100 శాతం, ఎస్‌ఆర్‌పీ 3, 3ఏ గని 117 శాతం, ఐకే 1ఏ గని 94 శాతం సాధించినట్లు తెలిపారు. ఓసీపీల్లో ఎస్‌ఆర్‌పీ ఓసీపీ 101 శాతం, ఐకే ఓసీపీ 67 శాతం సాధించాయన్నారు. శ్రీరాంపూర్‌ ఏరియా అక్టోబర్‌లో నిర్ధేశించిన బొగ్గు ఉత్పత్తి 5.35 లక్షల టన్నులకు గాను 5.04 లక్షల టన్నులు సాధించి 94 శాతం ఉత్పత్తి లక్ష్యాన్ని న మోదు చేసుకుందని తెలిపారు. ఐకే ఓసీపీలో కూడా వచ్చే నెల నాటికి నూరు శాతం ఉత్పత్తి సాధిస్తామని ధీమా వ్యక్తం చేశారు. సమావేశంలో డీజీఎం(పర్సనల్‌) ఎస్‌. అనిల్‌కుమార్‌, డీజీఎం(ఐఈడీ) రాజన్న, డీవైపీఎం క్రాంతికుమార్‌ పాల్గొన్నారు.

మంచిర్యాలటౌన్‌: జాతీయ ఆరోగ్య మిషన్‌(ఎన్‌హెచ్‌ఎం) పథకం కింద ప్రభుత్వ ఆసుపత్రుల్లో పనిచేస్తున్న వివిధ కేటగిరీల ఉద్యోగులను రెగ్యులరైజ్‌ చేసే వరకు నిరవధిక సమ్మె ఆపేది లేదని ఎన్‌హెచ్‌ఎం జేఏసీ రాష్ట్ర అధ్యక్షుడు డాక్టర్‌ మహేందర్‌ అన్నారు. కలెక్టరేట్‌ ఎదుట 19 రోజులుగా కొనసాగుతున్న సమ్మెకు రాష్ట్ర జేఏసీ నాయకులు శనివారం హాజరై మద్దతు తెలిపారు. ఈ సందర్భంగా రాష్ట్ర జేఏసీ నాయకులు మాట్లాడుతూ ఎన్‌హెచ్‌ఎం కింద 23 ఏళ్లుగా స్వీపర్‌గా పనిచేస్తున్న వారికి నెల జీతం రూ.7 వేలు మాత్రమే రావడం బాధాకరమని, కనీసం రూ.15 వేలు వచ్చేలా ప్రభుత్వంపై ఒత్తిడి తెస్తామని అన్నారు. స్పెషాలిటీ వైద్యుల నుంచి స్వీపర్ల వరకు అందరికీ న్యాయం జరిగే వరకు పోరాటం ఆగదని తెలిపారు.

భీమారం: మండలంలోని దాంపూర్‌ శివారు పత్తి చేనుల్లో శుక్రవారం రాత్రి అడవిపందులు స్వైరవిహారం చేసి 11 ఎకరాల్లో పంటను ధ్వంసం చేశాయి. పత్తి కాయలు వేస్తుండటంతో వాటిని తినేందుకు గత కొన్ని రోజుల నుంచి పందులు పంటలపై దాడులు చేస్తున్నాయని రైతులు పేర్కొన్నారు. పందుల దాడితో పూర్తిగా పంట కోల్పోయినట్లు రైతులు బుక్యా రాజు, మధూకర్‌, ధరావత్‌ శంకర్‌నాయక్‌, రాజు, రమేశ్‌ తెలిపారు. అధికారులు నష్టాన్ని అంచనా వేసి పరిహారం చెల్లించాలని కోరుతున్నారు. పేకాడుతున్న ఐదుగురు అరెస్ట్‌నెన్నెల: మండల కేంద్రంలోని శివారులో పేకాడుతున్న ఐదుగురిని శుక్రవారం అరెస్ట్‌ చేసినట్లు ఎస్సై జగదీశ్వర్‌రెడ్డి తెలిపారు. ఆయన తెలిపిన వివరాల ప్రకారం.. నెన్నెల కాపువాడ శివారులో పేకాట ఆడుతున్నారనే పక్కా సమాచారంతో పోలీసులు దాడులు నిర్వహించగా ఐదుగురు నిందితులు పట్టుబడ్డారు. వారి వద్ద రూ.8395, 4 సెల్‌ఫోన్‌లు, 52 పేక ముక్కలు స్వాధీనం చేసుకున్నారు. కేసు నమోదు చేసుకొని దర్యాప్తు చేస్తున్నట్లు ఎస్సై వివరించారు. రౌడీ షీటర్‌.. ఆదిలాబాద్‌రూరల్‌: మండలంలోని బంగారిగూడ కాలనీకి చెందిన రౌడీషీటర్‌ షేక్‌ సలీమ్‌ను అరెస్ట్‌ చేసినట్లు శనివారం ఎస్సై విష్ణువర్ధన్‌ తెలిపారు. ఎస్సై తెలిపిన వివరాల ప్రకారం.. షేక్‌ సలీమ్‌ ఏఐ అప్లికేషన్‌ ద్వారా ఏకే –47 ఆయుధం పట్టుకున్నట్లు భయానకంగా ఉండే ఫొటోను వాట్సాప్‌ స్టేటస్‌ పెట్టుకున్నాడు. విలాసవంతమైన జీవితం గడపడం కోసం, రియల్‌ ఎస్టేట్‌ సెటిల్మెంట్‌ల పేరుతో సాధారణ ప్రజల నుంచి డబ్బులు వసూలు చేసేందుకు, ప్రజలలో భయాన్ని, భీతిని సృష్టించాలనే దురుద్దేశంతో పెట్టుకున్న ఫొటో వైరల్‌ కావడంతో శాంతి భద్రతలకు విఘాతం కలిగే పరిస్థితి ఏర్పడిందన్నారు. విశ్వసనీయ సమాచారం మేరకు ఆదిలాబాద్‌ రూరల్‌ పోలీస్‌ స్టేషన్‌లో కేసు నమోదు చేసి దర్యాప్తు చేపట్టినట్లు పేర్కొన్నారు. నిందితుడిని అదుపులోకి తీసుకోవడంతో పాటు మొబైల్‌ ఫోన్‌ స్వాధీనం చేసుకున్నామని తెలిపారు. ఉమ్మడి జిల్లా బీసీ సంఘం పరిశీలకుడిగా నర్సాగౌడ్‌నిర్మల్‌టౌన్‌: జాతీయ బీసీ సంక్షేమ సంఘం ఉమ్మడి ఆదిలాబాద్‌ జిల్లా ఎన్నికల పరిశీలకుడిగా రాష్ట్ర ఉపాధ్యక్షుడు అమరవేణి నర్సాగౌడ్‌ను జాతీయ అధ్యక్షుడు జాజుల శ్రీనివాస్‌ గౌడ్‌ శనివారం నియమించారు. ఉమ్మడి ఆదిలాబాద్‌ జిల్లాలో నవంబర్‌ 1 నుంచి 30 వరకు మహాసభలు నిర్వహించి, నూతన జిల్లా కమిటీలను ఎన్నుకోనున్నారు. రాష్ట్రస్థాయి పోటీలకు ఎంపిక దస్తురాబాద్‌: మండలంలోని మున్యాల జెడ్పీ ఉన్నత పాఠశాలలో పదోతరగతి చదువుతున్న వి.భూమేష్‌ శనివారం ఆదిలాబాద్‌ జిల్లా కేంద్రంలో నిర్వహించిన జోనల్‌ స్థాయి అండర్‌17 జావెలిన్‌ త్రోలో ప్రతిభ కనబర్చి రాష్ట్రస్థాయికి ఎంపికై నట్లు ప్రధానోపాధ్యాయులు , వ్యాయామ ఉపాధ్యాయుడు వామనరావ్‌, నవీన్‌ తెలిపారు. ఎంఈవో గంగాధర్‌, ఉపాధ్యాయులు హర్షం వ్యక్తం చేశారు.

ఆదిలాబాద్‌: జిల్లా క్రీడాకారులు జోనల్‌ స్థాయి పోటీల్లో ప్రతిభ కనబర్చడంతో పాటు రాష్ట్ర స్థాయిలోనూ రాణించాలని ఇన్‌చార్జి డీఈవో అశోక్‌ అన్నా రు. జిల్లా కేంద్రంలోని ఇందిరా ప్రియదర్శిని స్టేడియంలో శనివారం అండర్‌ 14, 17, 19 బాలుర ఎస్జీఎఫ్‌ అథ్లెటిక్స్‌ జోనల్‌స్థాయి ఎంపిక పోటీలను డీఐఈవో గణేశ్‌ జాదవ్‌తో కలిసి ఆయన ప్రారంభించారు. ఆయన మాట్లాడుతూ జిల్లాలో ఎంతోమంది ప్రతిభావంతులైన క్రీడాకారులు ఉన్నారన్నారు. వి ద్యార్థులు చదువుతోపాటు క్రీడలపైనా ప్రత్యేక దృష్టి సారించాలని సూచించారు. కార్యక్రమంలో డీవైఎస్‌వో దయానందరెడ్డి, డీటీఎస్వో పార్థసారథి, ఎ స్జీఎఫ్‌ ఆర్గనైజింగ్‌ సెక్రటరీ ఆడె రామేశ్వర్‌, పీడీ రాజేశ్‌, కోచ్‌ వీజీఎస్‌ రాకేశ్‌ పాల్గొన్నారు. సారూ.. ఇదేమి తీరు.. స్టేడియంలో ఎస్‌జీఎఫ్‌ అథ్లెటిక్స్‌ జోనల్‌ ఎంపిక పో టీలను నిర్వహించారు. ఈ పోటీల్లో ఉమ్మడి జిల్లా కు చెందిన బాలురు పాల్గొన్నారు. అయితే పోటీలకు హాజరైన క్రీడాకారులకు సరైన వసతి సౌకర్యాలు కల్పించకపోవడంతో మైదానంలోనే బస చే య డం గమనార్హం. కనీస సౌకర్యాలు కల్పించడంలో నిర్వాహకులు నిర్లక్ష్యం వహిస్తే, క్రీడాకారులు పోటీల్లో ఎలా రాణిస్తారని ప్రశ్నలు తలెత్తుతున్నాయి.

మంచిర్యాలక్రైం: జిల్లా కేంద్రం మంచిర్యాలలోని వికాస్‌నగర్‌, ఒడ్డెర కాలనీ ప్రాంతాల్లో రామగుండం సీపీ అంబర్‌ కిషోర్‌ ఝా శుక్రవారం అర్ధరాత్రి ఆకస్మికంగా పర్యటించారు. గంజాయి కేసుల్లో ఉన్న పాతనేరస్తుల ఇళ్లకు వెళ్లి కౌన్సెలింగ్‌ నిర్వహించారు. ఈ సందర్భంగా సీపీ మాట్లాడుతూ గంజాయి సేవించడం, సరఫరా వంటి నేరాలకు పాల్పడితే కఠిన చర్యలు తప్పవని హెచ్చరించారు. గంజాయి వినియోగం వల్ల కలిగే అనారోగ్యం, నష్టాలు, కుటుంబ సమస్యలు తదితర అంశాలపై వివరించారు. గంజాయి కేసు నమోదైతే ప్రభుత్వ, ప్రైవేటు ఉద్యోగాలు రావని అన్నారు. గంజాయికి బానిసగా మారిన వారిని డీ అడిక్షన్‌ సెంటర్‌ ద్వారా మామూలు మనుషులుగా తీర్చిదిద్దేందుకు సిద్ధంగా ఉన్నామని తెలిపారు. ఈ కార్యక్రమంలో డీసీపీ భాస్కర్‌, ఏసీపీ ప్రకాష్‌, సీఐ ప్రమోద్‌రావు, మహిళా పోలీస్‌స్టేషన్‌ సీఐ సత్యనారాయణ, ఎస్సైలు ఆది మధుసూదన్‌, రామకృష్ణ పాల్గొన్నారు. నగర బహిష్కరణకు పోలీసుల వేట మంచిర్యాలక్రైం: వరుస దాడులు, గొడవల నేపథ్యంలో రౌడీషీట్‌ నమోదైన ఆత్మకూరి సంజీవ్‌, ఆప్రోజ్‌, దీటి సాయితేజ, విశాల్‌, ఎర్రగుంటపల్లి సంపత్‌పై పోలీసులు నగర బహిష్కరణ విధించిన విషయం తెలిసిందే. వీరిలో సంపత్‌కు నగర బహిష్కరణ నోటీస్‌ అందజేశారు. మిగతా నలుగురు నోటీసులు తీసుకోకుండా తప్పించుకు తిరుగుతున్నారు. వారికి నోటీసులు అందజేసేందుకు ఎస్సై మధుసూదన్‌ ప్రత్యేక బృందంతో శనివారం వారి చిరునామా ఆధారంగా ఇళ్లకు వెళ్లి గాలించారు. పక్క వారిని అడిగి తెలుసుకున్నారు. ఎప్పటికై నా నగర బహిష్కరణ వేటు తప్పదని పోలీస్‌ అధికారులు చెబుతున్నారు.

కాసిపేట: కార్మికుల హక్కులు, సమస్యల పరిష్కా రం కోసం ఏఐటీయూసీ సుదీర్ఘకాలంగా పోరాటం చేస్తుందని ఏఐటీయూసీ (ఎస్‌సీడబ్ల్యూయూ) గు ర్తింపు సంఘం అధ్యక్షుడు వాసిరెడ్డి సీతారామయ్య తెలిపారు. శనివారం మందమర్రి ఏరియా కాసిపేట 2గనిపై ఏఐటీయూసీ 107వ ఆవిర్భావ దినోత్సవ వేడుకల్లో జెండావిష్కరించారు. ఆయన మాట్లాడుతూ సింగరేణి బొగ్గు గనుల్లో ఏఐటీయూసీ అత్యంత పురాతనమైన, బలమైన యూనియన్‌ అన్నారు. సింగరేణి బొగ్గు, విద్యుత్‌ను వాడుకుంటున్న రాష్ట్ర ప్రభుత్వం సుమారు రూ.60వేల కోట్ల బకాయిలు సంస్థకు చెల్లించాలన్నారు. కార్మికుల న్యాయమైన సమస్యలు పరిష్కరించకుంటే ఈనెల 4న అన్ని జీఎం కార్యాలయాల ముట్టడి కార్యక్రమం చేపడుతామన్నారు. ఏఐటీయూసీ బెల్లంపల్లి బ్రాంచి కార్యదర్శి దాగం మల్లేష్‌, బ్రాంచి ఇన్‌చార్జి చిప్ప నర్సయ్య, గని ఫిట్‌ కార్యదర్శి గొల్ల శ్రీనివాస్‌, నాయకులు కొండపల్లి నర్సయ్య, బొద్దుల వెంకటేశ్‌, సాగర్‌, కృష్ణమాచారి, రాయలింగు, కొమురయ్య తదితరులు పాల్గొన్నారు.

రెబ్బెన: నిరంతర సాధనతో క్రీడాకారుల్లో నైపుణ్యాలు పెరుగుతాయని గోలేటి సీహెచ్‌పీ హెచ్‌వోడీ కోటయ్య అన్నారు. గోలేటి టౌన్‌షిప్‌లోని భీమన్న స్టేడియంలో శనివారం డబ్ల్యూపీఎస్‌ అండ్‌ జీఏ 93వ వార్షిక క్రీడల్లో భాగంగా అథ్లెటిక్స్‌ పోటీలను ఏర్పాటు చేశారు. పోటీల ప్రారంభోత్సవ కార్యక్రమానికి ముఖ్య అతిథిగా హాజరైన ఆయన మాట్లాడారు. ఉద్యోగ క్రీడాకారులు ప్రతి దినం నైపుణ్యాన్ని పెంపొందించుకుంటూ సమష్టిగా పోటీల్లో పాల్గొని కోల్‌ ఇండియా స్థాయిలో రాణించాలన్నారు. గతంలో పతకాలు సాధించిన సీనియర్‌ క్రీడాకారులను అభినందించారు. కార్యక్రమంలో ఏఐటీయూసీ నాయకులు మారం శ్రీనివాస్‌, సీనియర్‌ పర్సనల్‌ అధికారి శ్రీనివాస్‌, డబ్ల్యూపీఎస్‌అండ్‌ జీఏ గౌరవ కార్యదర్శి ప్రశాంత్‌, స్పోర్ట్స్‌ కోఆర్డినేటర్‌ కిరణ్‌బాబు, జనరల్‌ కెప్టెన్‌ అబ్బాస్‌, క్రీడాకారులు పాల్గొన్నారు.

మంచిర్యాలఅగ్రికల్చర్‌: సన్న బియ్యం ధరలు రోజు రోజు విపరీతంగా పెరుగుతుండడంతో వ్యాపారులు నిల్వ చేస్తున్నారు. దీంతో గురువారం ‘సాక్షి’లో ‘బియ్యం నిల్వలు’ శీర్షికన వార్త ప్రచురితం కావడంతో పౌరసరఫరాల శాఖ అధికారులు స్పందించారు. శుక్రవారం జిల్లా అదనపు కలెక్టర్‌ రాములు తన చాంబర్‌లో పౌరసరఫరాల శాఖ అధికారులతో కలిసి బియ్యం వ్యాపారులు, కిరాణ వర్తకులతో సమావేశం నిర్వహించారు. బియ్యం నిల్వలు, కృత్రిమ కొరత, అధిక ధరలపై చర్యలు తీసుకుంటామని తెలిపారు. స్టాక్‌బోర్డులు ఏర్పాటు చేయాలని ఆదేశించారు. శనివారం జిల్లా పౌరసరఫరాల శాఖ అధికారి వేణుగోపాల్‌ జిల్లా కేంద్రంలోని పలు బియ్యం విక్రయ దుకాణాలను డిప్యూటీ తహసీల్దార్‌, ఆర్‌ఐ, ఎన్‌ఫోర్స్‌మెంటు అధికారులతో ఆకస్మికంగా తనిఖీ చేశారు. బియ్యం గరిష్ట ధరల బోర్డు ఏర్పాటు చేయాలని సూచించారు. బీపీటీ బియ్యం కిలోకు రూ.66, తెలంగాణ సోనా, హెచ్‌ఎంటీ బియ్యం రూ.74, జైశ్రీరామ్‌ రూ.79 మించరాదని తెలిపారు. అధిక ధరలకు విక్రయిస్తే చట్టపరమైన చర్యలు తీసుకుంటామని హెచ్చరించారు.

బెల్లంపల్లి: విద్యార్థులు చదువుతోపాటు క్రీడల్లోనూ రాణించాలని జిల్లా అదనపు కలెక్టర్‌, డీఈవో పి.చంద్రయ్య అన్నారు. శుక్రవారం బెల్లంపల్లిలోని తెలంగాణ ప్రభుత్వ సాంఘిక సంక్షేమ బాలుర గురుకుల సెంటర్‌ ఆఫ్‌ ఎక్స్‌లెన్స్‌(సీఈవో) పాఠశాల/కళాశాలలో జిల్లా స్థాయి పీఎంశ్రీ పాఠశాలల విద్యార్థులకు క్రీడా పోటీలు నిర్వహించారు. ఆయన ముఖ్యఅతి థిగా హాజరై పోటీలను ప్రారంభించారు. ఈ సందర్భంగా ఆయన మాట్లాడుతూ క్రీడలపై చిన్నతనం నుంచే ఆసక్తి పెంచుకోవాలని తెలిపారు. జిల్లా ఎస్‌జీఎఫ్‌ కార్యదర్శి ఎండీ.యాకూబ్‌, సీవోఈ గురుకుల కళాశాల ప్రిన్సిపాల్‌ ఆకిడి విజయ్‌సాగర్‌, ఉపాధ్యాయులు, పీఈటీలు, విద్యార్థులు పాల్గొన్నారు.

మంచిర్యాలరూరల్‌(హాజీపూర్‌): నగర పరిధిలోని గుడిపేటలో ఉన్న పీఎంశ్రీ కేంద్రీయ విద్యాలయం విద్యార్థుల సృజనాత్మకతకు అద్దం పట్టేలా ‘మా తొలి అడుగులు’ అనే నీతికథల పుస్తకాన్ని శుక్రవారం ఘనంగా ఆవిష్కరించారు. ఈ పుస్తకంలో విద్యార్థులు స్వయంగా రచించిన 20 నీతికథలను పొందుపర్చారు. విద్యార్థుల సృజనాత్మకత, ఆలోచనా శక్తి, నైతిక విలువలతోపాటు రచనా నైపుణ్యాన్ని పెంపొందించాలనే ఉద్దేశ్యంతో తెలుగు విభాగం ఆధ్వర్యంలో పుస్తకావిష్కరణ చేపట్టినట్లు కేవీ ప్రిన్సిపాల్‌ లోకేశ్‌కుమార్‌యాదవ్‌ తెలిపారు. ఇలాంటి కార్యక్రమాలు తోటి విద్యార్థుల్లోనూ ఆత్మవిశ్వాసాన్ని, భాషానైపుణ్యాన్ని పెంపొందిస్తాయని అన్నారు. ఈ కార్యక్రమంలో ఉపాధ్యాయులు, విద్యార్థులు పాల్గొన్నారు.

కోటపల్లి: పోలీస్‌ అమరవీరుల సంస్మరణ వారోత్సవాల్లో భాగంగా చెన్నూరు రూరల్‌ సర్కిల్‌ పోలీసుల ఆధ్వర్యంలో కోటపల్లి పోలీస్‌స్టేషన్‌లో శుక్రవారం మెగా రక్తదాన, ఉచిత కంటి పరీక్షల శిబిరం నిర్వహించారు. 134 యూనిట్ల రక్తాన్ని సేకరించారు. సుమారు 100 మందికి కంటి పరీక్షలు చేశారు. డీసీపీ ఎగ్గడి భాస్కర్‌, జైపూర్‌ ఏసీపీ వెంకటేశ్వర్లు ముఖ్య అతిథులుగా హాజరయ్యారు. ఈ సందర్భంగా వారు మాట్లాడుతూ సమాజంలో శాంతిభద్రతలను కాపాడుతూ, ప్రజల ప్రాణాలు, ఆస్తుల రక్షణ కోసం విధి నిర్వహణలో ప్రాణాలను పణంగా పెట్టిన పోలీస్‌ల త్యాగాలు ఎప్పటికీ మరువలేనివని అన్నారు. అనంతరం మహిళలకు చీరలు, గ్రామీణ యువతను వాలీబాల్‌ కిట్లు పంపిణీ చేశారు. డ్రైవర్లు ఉచితంగా డ్రైవింగ్‌ లైసెన్స్‌ పొందేందుకు ప్రత్యేక చొరవ తీసుకున్నారు. ఈ కార్యక్రమంలో చెన్నూరు రూరల్‌ సీఐ ఆర్‌.కృష్ణ, కోటపల్లి ఎస్సై రాజశేఖర్‌, నీల్వాయి ఎస్సై నాగరాజు, రెడ్‌క్రాస్‌ జిల్లా జనరల్‌ సెక్రెటరీ మహేందర్‌, తలసేమియా వెల్ఫేర్‌ సొసైటీ రాష్ట్ర సంయుక్త కార్యదర్శి కాసర్ల రంజిత్‌కుమార్‌, ఉత్తమ్‌, మండల సర్పంచ్‌లు, ప్రజాప్రతినిధులు పాల్గొన్నారు.

బెల్లంపల్లి: బెల్లంపల్లి మున్సిపల్‌ కో ఆప్షన్‌ సభ్యుల ఎంపికకు లెక్క తేలడం లేదు. దీంతో నెలల తరబడి వాయిదా పడుతోంది. ఈ ఏడాది ఫిబ్రవరి 11 మున్సిపల్‌ ఎన్నికలు నిర్వహించి 13న ఫలితాలు ప్రకటించారు. 16న చైర్‌పర్సన్‌, వైస్‌ చైర్మన్‌ ఎన్నిక నిర్వహించి ప్రమాణ స్వీకరించారు. ఇంతవరకు బాగానే సాగిన వ్యవహారం కో ఆప్షన్‌ సభ్యుల ఎన్నికకు వచ్చే సరికి వాయిదా వేస్తున్నారు. నిబంధనల ప్రకారం ఎన్నికలు ముగిసిన మూడు నెలల వ్యవధిలో కో ఆప్షన్‌ ఎన్నిక నిర్వహించాల్సి ఉంటుంది. బల్దియాలో 34వార్డులు ఉండగా నలుగురు కో ఆప్షన్‌ సభ్యులను రిజర్వేషన్‌ ప్రాతిపదికన నిబంధనల మేరకు ఎన్నుకోవాలి. కాలయాపన చేస్తుండడంతో కాంగ్రెస్‌ పార్టీ ఆశావహుల్లో అసంతృప్తి వ్యక్తమవుతోంది. ఔత్సాహికుల నుంచి ఇదివరకు దరఖాస్తులు స్వీకరించి నాన్చివేత ధోరణి అవలంబిస్తున్నారని అంటున్నారు. పార్టీల బలాలు ఇలా.. ఎన్నికల్లో 34వార్డులకు గాను 14 కాంగ్రెస్‌, 14 బీఆర్‌ఎస్‌ సమాంతరంగా గెలుచుకోగా.. ఒక వార్డులో బీజేపీ, ఐదుగురు స్వతంత్రులు విజయం సాధించారు. బీజేపీ, స్వతంత్రులు అధికార పార్టీకి సహకరించి చైర్‌పర్సన్‌, వైస్‌ చైర్మన్‌ ఎన్నికను గట్టెక్కించారు. బీఆర్‌ఎస్‌ పార్టీ కౌన్సిలర్లు ఏకతాటిపై నిలబడ్డారు. కో ఆప్షన్‌ సభ్యుల ఎన్నిక వ్యవహారంలో కాంగ్రెస్‌ పార్టీ శ్రేణుల మధ్య తీవ్ర పోటీ నెలకొంది. సీనియర్లు, మాజీ కౌన్సిలర్లు, అసెంబ్లీ ఎన్నికల ముందు బీఆర్‌ఎస్‌ పార్టీ నుంచి చేరిన వారు కో ఆప్షన్‌ పదవి ఆశిస్తున్నట్లు తెలుస్తోంది. ఎమ్మెల్యే గడ్డం వినోద్‌ ఆశీస్సుల కోసం ప్రయత్నాలు చేస్తున్నారు. ఒకరిద్దరు పావులు కదిపి స్థానాన్ని పదిలం చేసుకున్నారనే ప్రచారం జరుగుతోంది. పోటీ తీవ్రం కావడం, ఎమ్మెల్యే అనుసరిస్తున్న వైఖరిపై సీనియర్లు భగ్గుమంటున్నారు. సీనియర్లను పట్టించుకోవడం లేదని, కొత్తగా పార్టీలోకి వచ్చిన వారికే ప్రాధాన్యం ఇస్తున్నారని ఇటీవల నిర్వహించిన కాంగ్రెస్‌ పార్టీ ముఖ్య కార్యకర్త సమావేశంలో మున్సిపల్‌ మాజీ చైర్మన్‌ సూరిబాబు బాహాటంగా విమర్శలు చేయడం కలకలం రేపింది. ఈ క్రమంలో ఎమ్మెల్యే సీనియర్లు, అసంతృప్తివాదులు, ఔత్సాహికులతో చర్చించడానికి సంప్రదింపులు చేస్తున్నట్లు ప్రచారం సాగుతోంది. ఏ మేరకు సయోధ్య కుదురుతుందనే పార్టీ వర్గాల్లో చర్చనీయాంశంగా మారింది.

మంచిర్యాలక్రైం: జిల్లాలోని దండేపల్లి మండలం తాళ్లపేట, మంచిర్యాల నగరంలో జరుగుతున్న దాడుల ఘటనలపై వాస్తవాల వెలికితీతకు రామగుండం సీపీ అంబర్‌ కిషోర్‌ ఝా సీసీఎస్‌ ఏసీపీ కే.రవీందర్‌ ఆధ్వర్యంలో ప్రత్యేక దర్యాప్తు బృందాన్ని ఏర్పాటు చేశారు. ఈ మేరకు శుక్రవారం ఆయన ఓ ప్రకటన విడుదల చేశారు. ఈ బృందం సంఘటన స్థలాలను క్షేత్రస్థాయిలో పరిశీలించి సంబంధిత వ్యక్తులు, సాక్షులను విచారించడంతోపాటు సాంకేతిక ఆధారాలను సేకరించి విశ్లేషిస్తుంది. తాళ్లపేట గ్రామంలో బతుకమ్మ పండుగ రోజు జరిగిన గొడవ, మరునాడు రెండు వర్గాల పరస్పర దాడి, అనంతరం పాత మంచిర్యాలలో ఘర్షణ వాతావరణం వాస్తవాల ఆధారంగా సంఘటనలు, సంబంధిత వ్యక్తుల పాత్రను నిష్పక్షపాతంగా నిర్ధారిస్తుంది. మంచిర్యాల, దండేపల్లి పోలీసుస్టేషన్ల పరిధిలో ప్రజల భద్రతకు అత్యంత ప్రాధాన్యత ఇస్తూ శాంతిభద్రతలకు విఘాతం కలుగకుండా పోలీసులు 24గంటలు అప్రమత్తంగా ఉంటూ విధులు నిర్వర్తిస్తున్నారు. సామాజిక మాధ్యమాల్లో ఊహాజనిత, నిర్ధారణ కాని అసత్య సమాచారం నమ్మవద్దని సీపీ ప్రకటించారు. వాటి ఆధారంగా ప్రజలు ఆందోళన చెంది అల్లర్లకు పాల్పడవద్దని హెచ్చరించారు. అసత్య ప్రచారం ప్రజల దృష్టికి వస్తే పోలీసులకు సమాచారం అందించి సహకరించాలని తెలిపారు.

మంచిర్యాలఅర్బన్‌: గురుకులాలు, సంక్షేమ వసతిగృహాల్లో నిత్యావసర సరుకుల ధరల నిర్ణయం, ఇండెంట్‌ స్కేలింగ్‌ ప్రక్రియ తీవ్ర గందరగోళంగా మారింది. సరుకులు సరఫరా చేసినప్పుడు ఎంతమేర చేశారనేది బిల్లుల్లో చూపిస్తున్నా ధరలు చూపకపోవడంపై అసంతృప్తి నెలకొంది. సరుకుల ధరల ఫిక్సింగ్‌ పూర్తి కాకుండా, విద్యార్థులకు ఏ మోతాదులో ఆహారం అందించాలో స్పష్టత లేకుండా డైట్‌ మెనూ ఎలా రూపొందించాలని వార్డెన్లు, ప్రిన్సిపా ళ్లు ఆందోళన వ్యక్తం చేస్తున్నారు. సాధారణంగా ప్రతీ విద్యార్థికి రోజుకు అవసరమయ్యే గ్రాముల లెక్కన ప్రోటిన్లు, ప్రొవిజన్స్‌ స్కేలింగ్‌ నిశ్చయించిన తర్వాతే మెనూ, ఖర్చుల నిష్పత్తి తేలుతుంది. సరైన సమయంలో సరుకుల సరఫరా లేకపోగా సెంట్రల్‌ టెండర్‌ విధానంలో రేట్‌ ఫిక్సింగ్‌ నిర్ణయించకపోవడంతో మెనూ కత్తిమీద సాములా మారింది. స్కేలింగ్‌ ప్రాతిపదికన ధరలు తేలితేనే విద్యార్థులకు పూర్తి స్థాయి పోషకాహారం అందనుంది. సెంట్రల్‌ టెండర్‌ సెగ ఎస్సీ, ఎస్టీ, బీసీ, మైనార్టీ వసతిగృహాలు, గురుకులాల్లో సెంట్రల్‌ టెండర్‌(నాకఫ్‌ సంస్థ) సెగ తగులుతుంది. మార్కెట్‌ ధరలకు అనుగుణంగా 2024లో మెస్‌చార్జీలు పెంచారు. మూడు నుంచి ఏడో తరగతికి రూ.1,330, 8నుంచి 10వ తరగతికి 1,540, ఇంటర్‌ నుంచి పోస్టు గ్రాడ్యుయేషన్‌కు రూ.2,100 వరకు పెంచారు. గతంలో జిల్లా స్థాయి టెండర్లు మార్కెట్‌ కంటే తక్కువ ధరకు సరఫరా చేసేవారు. ప్రస్తుతం సరుకులు సరఫరా చేసే నాకాఫ్‌ సంస్థ సరుకుల వివరాలు, పరిమాణం ఇస్తున్నా ధరలు బిల్లుల్లో పొందుపర్చకపోవడంతో అయోమయం నెలకొంది. ఇప్పటికీ సంక్షేమ వసతిగృహాలకు సరుకుల పంపిణీలో జాప్యం జరుగుతోంది. సెంట్రల్‌ టెండర్‌ కావడంతో సరుకులు జిల్లాస్థాయి సరఫరా చేస్తుండగా రాష్ట్రస్థాయిలో బిల్లుల చెల్లింపు నిర్ణయంతో క్షేత్రస్థాయిలో ఏం అర్థంకాని పరిస్థితి ఏర్పడింది. గణనీయంగా పెరుగుదల గురుకుల, సంక్షేమ హాస్టళ్ల నిర్వహణలో కేంద్రీకృత(పీఎంయూ) టెండర్‌ ధరలు జిల్లా టెండర్‌ ధరలతో పోలిస్తే చుక్కలను తాకుతున్నాయి. బహిరంగ మార్కెట్‌, స్థానిక టెండర్‌ ధరలతో సంబంధం లేకుండా పీఎంయూ టెండర్ల పేరిట బడా కాంట్రాక్టర్లకు కట్టబెడుతుండడంతో విద్యార్థుల పోషకాహర బిల్లులకు భారీగా గండిపడుతోంది. గతేడాదితో పోలిస్తే ఈసారి ప్రభుత్వం పీఎంయూ ద్వారా ఖరారు చేసిన టెండర్‌ ధరల్లో ప్రధాన నిత్యావసర సరుకులు, మాసాలా, పప్పు దినుసుల ధరలు గణనీయంగా పెరిగాయి. ఎండు మిరపకాయల ధర రికార్డు స్థాయిలో పెరిగింది. కిలోకు గతంలో రూ.170 ఉండగా రూ.350కి చేరింది. ఈ లెక్కన 105శాతం పెంచారు. ధనియాల పొడి గతేడాది రూ.132 కాగా రూ.198(50.0శాతం), ఎండు కొబ్బరి రూ.155గా రూ.230(48.4శాతం) పెంచారు. కందిపప్పుపై రూ.124నుంచి రూ.159 ధరలు పెరిగాయి. పప్పుధాన్యాలన్నింటిపై సగటున 25శాతం కంటే ఎక్కువ భారం మోపారు. అల్లం–వెల్లుల్లి ధరలు రూ.35కు పెరిగాయి. క్షేత్రస్థాయిలో వార్డెన్లు, ప్రిన్సిపాల్‌, ప్రత్యేక అధికారులకు బిల్లుల వివరాలు అందకపోగా ఆన్‌లైన్‌లో లభ్యమైన డాక్యుమెంట్‌, టెండర్‌ పోలిక పట్టిక ప్రకారం ధరలు పెరిగినట్లు తెలుస్తోంది.

మంచిర్యాలటౌన్‌: పెద్దపల్లి పార్లమెంటు నియోజకవర్గ పరిధిలో రైల్వే అభివృద్ధికి చర్యలు తీసుకోవా లని పెద్దపల్లి ఎంపీ గడ్డం వంశీకృష్ణ కేంద్ర రైల్వే శాఖ మంత్రి అశ్విని వైష్ణవ్‌ను కోరారు. శుక్రవారం ఢిల్లీలో సీఎం రేవంత్‌రెడ్డి, మంత్రి వివేక్‌వెంకటస్వామితో కలిసి ఆయనకు వినతిపత్రం అందజేశారు. రూ.వెయ్యి కోట్లతో మంజూరైన 16 రైల్వే ఓవర్‌ బ్రిడ్జి పనులను యుద్ధప్రాతిపదికన చేపట్టాలని, మంచిర్యాల జిల్లాలో రైల్వే అండర్‌బ్రిడ్జిలు, సబ్‌వేలు, ఫుట్‌ ఓవర్‌ బ్రిడ్జిలు నిర్మించాలని కోరారు. మంచిర్యాల హైటెక్‌సిటీ నుంచి రాజీవ్‌నగర్‌ వరకు, మందమర్రి పరిధిలో నార్లాపూర్‌ నుంచి అందుగుల పేట వరకు ఆర్‌వోబీలు, సబ్‌వేల నిర్మాణం చేపట్టలని పేర్కొన్నారు. హమాలీవాడలో ఫుట్‌ ఓవర్‌ బ్రిడ్జి నిర్మాణంతోపాటు మందమర్రి, రేచిని రోడ్‌ రైల్వేస్టేషన్లలో ఫుట్‌ ఓవర్‌ బ్రిడ్జిల విస్తరణకు నిధులు, అనుమతి మంజూరు చేయాలని కోరారు. మంచిర్యాల, పెద్దపల్లి ప్రజలకు అదనపు రైళ్ల స్టాపేజీలు, మంచిర్యాల రైల్వేస్టేషన్‌లో భగత్‌ కీ కోఠి సూపర్‌ఫాస్ట్‌ ఎక్స్‌ప్రెస్‌, కేరళ ఎక్స్‌ప్రెస్‌, తిరుపతి వైపు వెళ్లే ఎక్స్‌ప్రెస్‌ రైళ్లకు స్టాపేజీలు కల్పించాలని కోరారు. సిర్పూర్‌ కాగజ్‌నగర్‌–హైదరాబాద్‌ మధ్య రైలు సర్వీసులను మెరుగుపరిచి ప్రజలకు ఉపయోగపడేలా చర్యలను తీసుకోవాలని పేర్కొన్నారు.

మంచిర్యాలరూరల్‌(హాజీపూర్‌): జాతీయ రహదారి–63 గ్రీన్‌ఫీల్డ్‌ అలైన్‌మెంట్‌ను బ్రౌన్‌ఫీల్డ్‌గా మార్చి తమకు న్యాయం చేయాలని డిమాండ్‌ చేస్తూ శుక్రవారం హాజీపూర్‌ మండల కేంద్రంలోని జాతీయ రహదారిపై హాజీపూర్‌, లక్సెట్టిపేట మండలాలకు చెందిన పలువురు రాస్తారోకో చేశారు. గ్రీన్‌ఫీల్డ్‌ నుంచి బ్రౌన్‌ఫీల్డ్‌ మార్పులో పెట్టుబడిదారులు, కొందరు దళారుల ప్రమేయం ఉన్నట్లు తెలుస్తోందని అన్నారు. ఎంపీ, ఎమ్మెల్యేలు కలిసి జరిగే నష్టంపై వివరించడం ద్వారా అలైన్‌మెంట్‌ మారే అవకాశం ఉంటుందని పేర్కొన్నారు. ప్రజాభిప్రాయం లేకుండా గెజిట్‌ ఎలా విడుదల చేస్తారని ప్రశ్నిస్తూ వెంటనే గెజిట్‌ రద్దు చేయాలని అన్నారు. మంత్రులు, ఎంపీలు, ఎమ్మెల్యేలు, కలెక్టర్‌, నేషనల్‌ హైవే అధికారులు తమ ఆవేదనను పట్టించుకోవడం లేదని, పెద్ద ఎత్తున ఆందోళనలు చేపడుతామని తెలిపారు. హాజీపూర్‌ ఎస్సై కిరణ్‌కుమార్‌ ఆందోళన విరమింపజేశారు.

మంచిర్యాలరూరల్‌(హాజీపూర్‌): నగరంలోని గుడిపేటలో ఉన్న 13వ ప్రత్యేక పోలీస్‌ బెటాలియన్‌లో తెలంగాణ ప్రత్యేక పోలీస్‌ విభాగం డీఐజీ మురళీకృష్ణ రెండో రోజు శుక్రవారమూ వార్షిక తనిఖీలు నిర్వహించారు. బెటాలియన్‌ భద్రత ప్రమాణాలు, సిబ్బంది సంక్షేమం, మౌలిక వసతులు పరిశీలించారు. అవుట్‌ పోస్ట్‌ విధుల్లో సిబ్బంది పనితీరు తెలుసుకున్నారు. బెటాలియన్‌ వెల్ఫేర్‌ కాంప్లెక్స్‌, ఈసీసీ, సీపీఎస్‌ క్యాంటీన్‌, స్టోర్‌ తనిఖీ చేసి పోలీస్‌ కుటుంబాలకు నిత్యావసర సరుకులు, వస్తువులు సక్రమంగా అందుతున్నాయా లేదా అని ఆరా తీశారు. యూనిట్‌ మెడికల్‌ ఆస్పత్రిలో అత్యాధునిక వైద్య పరికరాలు పరిశీలించి వైద్య సేవలపై తెలుసుకున్నారు. బెటాలి యన్‌లో ఆపద మిత్ర కింద శిక్షణ పొందుతున్న అభ్యర్థులతో సమావేశం అయ్యారు. అసిస్టెంట్‌ కమాండెంట్లు ఆంజనేయరెడ్డి, నాగభూషణం, యూనిట్‌ మెడికల్‌ అధికారి డాక్టర్‌ సంతోశ్‌సింగ్‌, బెటాలియన్‌ అధికారులు, సిబ్బంది పాల్గొన్నారు.

కై లాస్‌నగర్‌/ఇంద్రవెల్లి: ఉమ్మడి ఆదిలాబాద్‌లో తెలంగాణ రక్షణ సేన (టీఆర్‌ఎస్‌) బలోపేతం దిశగా ఆ పార్టీ చీఫ్‌ కల్వకుంట్ల కవిత దృష్టి సారించారు. ఆదిలాబాద్‌ జిల్లా ఇంద్రవెల్లి వేదికగా శుక్రవారం నిర్వహించిన పాంచజన్య సభలో ఆయా నియోజకవర్గాల నేతలను జనానికి పరిచయం చేస్తూ, రాష్ట్రంలో కొత్త పార్టీ ఆవశ్యకతను వివరించారు. ముందుగా ముత్నూర్‌లోని కుమురంభీం విగ్రహానికి నివాళులర్పించారు. అక్కడి నుంచి ప్రత్యేక వాహనంలో పార్టీ శ్రేణులతో కలిసి ఇంద్రవెల్లి అమరవీరుల స్తూపాన్ని సందర్శించారు. అనంతరం నిర్వహించిన సభలో ఇంద్రవెల్లి పుణ్యభూమికి పాదాభివందనమంటూ తన ప్రసంగాన్ని ప్రారంభించారు. కాంగ్రెస్‌, బీఆర్‌ఎస్‌లపై ధ్వజం.. కవిత తన ప్రసంగంలో ఉమ్మడి జిల్లా వెనుకబాటును ప్రస్తావిస్తూ ఇన్నేళ్లు పాలించిన కాంగ్రెస్‌, బీఆర్‌ఎస్‌లపై మండిపడ్డారు. అధికారంలోకి వచ్చాక రెండు నెలలకోసారి జిల్లాకు వస్తానన్న ముఖ్యమంత్రి మూడేళ్లలో కేవలం రెండుసార్లు మాత్రమే వచ్చారన్నారు. ప్రజలకు ఇచ్చిన హామీలను సైతం నిలబెట్టుకోలేదని విమర్శించారు. ఇక బీఆర్‌ఎస్‌ పదేళ్ల పాలనలోనూ ఈ ప్రాంతానికి ఒరిగిందేమీ లేదన్నారు. యూనివర్సిటీ హామీని కేసీఆర్‌ విస్మరించారని, కనీసం ఇంజినీరింగ్‌ కాలేజ్‌ కూడా ఇవ్వలేదన్నారు. దీనిపై కేటీఆర్‌ జిల్లా ప్రజలకు సమాధానం చెప్పాలని డిమాండ్‌ చేశారు. ఆదిలాబాద్‌లో సీసీఐని తెరిపించకుండా చేసిన పాపం బీఆర్‌ఎస్‌, కాంగ్రెస్‌, బీజేపీలదేనని ఆరోపించారు. నాగోబా తల్లి దయతో మా పార్టీ తొలి జెండా ఇక్కడ నుంచే ఎగురుతుందని ధీమా వ్యక్తం చేశారు. కాగా, సభ సక్సెస్‌తో శ్రేణుల్లో ఉత్సాహం నింపింది. కార్యక్రమంలో మాజీ మంత్రి బోడ జనార్దన్‌, మాజీ ఎమ్మెల్యే రాథోడ్‌ బాపూరావు, సభ రాష్ట్ర పరిశీలకులు పడిగపాటి విక్రాంత్‌రెడ్డి, నియోజకవర్గ ఇన్‌చార్జీలు మేస్రం దయాకర్‌, వేణుగోపాల్‌, కావేటి సబిత, కాదాసీ గీత, డాక్టర్‌ చంద్రప్రకాశ్‌, కె.వినోద్‌చారి, నిర్మల్‌ జిల్లా అధ్యక్షుడు లోకిని రాము, పార్లమెంట్‌ ఇన్‌చార్జి మడావి బాపురావు తదితరులు పాల్గొన్నారు.

మంచిర్యాలక్రైం: వరుస తనిఖీలతో పోలీసులు హడలెత్తిస్తున్నారు. ఈ నెల 29న అర్ధరాత్రి స్థానిక ఏసీపీ ప్రకాశ్‌ ప్రత్యేక పోలీసులతో కలిసి జిల్లా కేంద్రంలోని స్మోకింగ్‌ జోన్లు, టీ పాయింట్ల వద్ద ఆకస్మిక తనిఖీలు నిర్వహించారు. రోడ్లపై ఏ పనీ లేకుండా తిరుగుతున్న వారిని అదుపులోకి తీసుకున్నారు. అర్ధరాత్రి వరకు నిర్వహిస్తున్న టీ పాయింట్ల యజమానులను మందలించారు. స్మోకింగ్‌ చేసేందుకు వచ్చిన యువకుల వివరాలు, వారి సెల్‌ నంబర్లు సేకరించి కౌన్సెలింగ్‌ నిర్వహించారు. మరోసారి అర్ధరాత్రి రోడ్ల మీద కనిపిస్తే క్రిమినల్‌ కేసులు నమోదు చేసి జైలుకు పంపిస్తామని హెచ్చరించారు. సీఐ ప్రమోద్‌రావు, మహిళా పోలీస్‌స్టేషన్‌ సీఐ సత్యనారాయణ, ఎస్సైలు రామకృష్ణ, మధుసూదన్‌, సిబ్బంది పాల్గొన్నారు.

మంచిర్యాలఅర్బన్‌: కాకతీయ యూనివర్సిటీ పరి ధిలో మూడు జిల్లాల అంతర కళాశాలల సాఫ్ట్‌బాల్‌ పోటీల్లో మిమ్స్‌ డిగ్రీ కళాశాల విద్యార్థులు గోల్డ్‌ మెడల్‌ సాధించారు. ఈనెల 27, 28, 29 తేదీల్లో హన్మకొండలో నిర్వహించిన ఫైనల్‌ పోటీల్లో కేడీసీ డిగ్రీ కాలేజీపై 4–3 తేడాతో మిమ్స్‌ కళాశాల జట్టు విజయం సాధించి స్వ ర్ణపతకాన్ని కైవసం చే సుకుంది. వచ్చే నెలలో పంజాబ్‌ యూనివర్సిటీలో నిర్వహించనున్న ఆల్‌ ఇండియా సాఫ్ట్‌బాల్‌ పోటీలకు కాకతీయ యూనివర్సిటీ తరఫున ఆడేందుకు ప్రదీప్‌, అఖిల్‌, సాయిప్రభాస్‌, శ్రీకర్‌, అభిరామ్‌ ఎంపికయ్యారు. వీరిని కరస్పాండెంట్‌ శ్రీనివాస్‌రాజు, ప్రిన్సిపాల్‌ ఉపేందర్‌రెడ్డి, వైస్‌ ప్రిన్సిపాల్‌ శ్రీధర్‌రావు, డైరెక్టర్‌ వి జయ్‌కుమార్‌, పీడీ శ్రీనివాస్‌ అభినందించారు.

డిసెంబర్‌లో పూత దశబెల్లంపల్లి: మామిడిని చీడపీడలు, తెగుళ్లు ఆశించకుండా, అ ధిక దిగుబడి సాధించేలా రైతులు యాజమాన్య పద్ధతులు పా టించాలి. నిర్లక్ష్యం చేస్తే తోట లు నిర్జీవంగా తయారు కావడంతోపాటు దిగుబడి పడిపో యి తీవ్రంగా నష్టపోవాల్సిన ప రిస్థితులు ఉంటాయని బెల్లంపల్లి క్లస్టర్‌ ఉద్యానవన శాఖ అధికారి అర్చన తెలిపారు. ఆమె మాటల్లో మామిడి తోటల్లో యాజమాన్య పద్ధతులు ఇలా.. చీడపీడలు, నియంత్రణ చర్యలుతేనె మంచు పురుగు: మామిడిని ప్రధానంగా తేనె మంచు పురుగు ఆశిస్తే 20నుంచి 100శాతం వరకు నష్టం కలుగుతుంది. ఈ పురుగు లేత ఆకులు, పుష్పగుచ్చాలు, పూలు, పిందెలను చేరి రసాన్ని పీలుస్తాయి. ఇది విసర్జించిన తేనెలాంటి తీయని పదార్థంతో మసిమంగు ఆశిస్తుంది. మంచు పురుగు ప్రభావంతో పూత, కాతలేని సమయంలో చెట్ల బెరడులోని పగుళ్లు, చెట్టు కాండంపై దాక్కొని ఉంటాయి. ఈ పురుగు రసం పీల్చడంతో పూత పూర్తిగా మాడిపోయి పిందె కట్టదు. నియంత్రణ: తేనె మంచు పురుగు నియంత్రణకు త యోమెథొక్సం 0.5 గ్రాములు లీటర్‌ నీటికి లేదా లా ంబ్డా సహైలోత్రిన్‌ 0.5 మిల్లీ లీటర్లను లీటర్‌ నీటిలో కలిపి కాండం మొత్తం తడిసేలా పిచికారీ చేయాలి. తామర పురుగు: తామర పురుగు మామిడికి నష్టం కలిగిస్తుంది. చెట్లకు కొత్త చిగురు వచ్చే దశలో ఆకులపై అసంఖ్యాకంగా చేరి గోకి రసాన్ని పీలుస్తాయి. దీంతో ఆకులు చిన్నవిగా ఉండి రాలిపోతాయి. పుష్పగుచ్చం, పిందెలపై చర్మం గీకి రసం పీల్చడంతో రాతి మంగు ఏర్పడి కాయ నాణ్యత తగ్గుతుంది. నియంత్రణ: తామర పురుగు నివారణకు ఫిప్రోనిల్‌ 1.5 మిల్లీ లీటర్‌ లేదా ఆసిఫేట్‌ 1.5 గ్రాములు లీటర్‌ నీటిలో కలుపుకొని పిచికారీ చేయాలి. ఆకు జల్లెడ గూడు పురుగు: ఈ పురుగు ఆకుల ఈనెల మధ్య ఉన్న కణజాలాన్ని పూర్తిగా తినేసి ఆకుల్ని జల్లెడ లాగా చేసి ఆ తర్వాత ఆకుల్ని దగ్గరకు చేర్చి గూడు ఏర్పరుచుకుంటుంది. పూత దశలో పూలు, మొగ్గలను ఆశించి పూగుత్తులను గూడుగా ఏర్పాటు చేసుకుంటుంది. నియంత్రణ: ఆకు జల్లెడ పురుగు నియంత్రణకు పురుగుల గూళ్లను ముందుగా వెదురు కర్రలతో దులిపి క్లోరిఫైరిఫోస్‌ 2మిల్లీ లీటర్లను లీటర్‌ నీటిలో కలిపి పిచికారీ చేయాలి. బూడిద తెగులు: బూడిద తెగులు కూడా మామిడిని కోలుకోకుండా చేయడంలో కీలకంగా వ్యవహరిస్తుంది. ఆకులు, పూరెమ్మల మీద బూడిదలాంటి తెల్లని పదార్థం వ్యాపించి పూత, పిందె రాలి పోయి నష్టం కలిగిస్తుంది. నియంత్రణ: బూడిద తెగులు నివారణకు కారేథేన్‌ ఒక మిల్లీ లీటర్‌ లేదా హెక్సాకోనోజెల్‌ ఒక మిల్లీ లీటర్‌ను లీటరు నీటిలో కలిపి పిచికారీ చేయాలి. పక్షి కన్ను తెగులు: ఆ శిలీంద్రం ఆకులపై మచ్చ తెగులునే కాక చిగురు మాడు, పూత మాడు తెగుళ్లను కూడా కలిగిస్తుంది. గాలిలో అధిక తేమ, అకాల వర్షం అధికంగా కురిసినప్పుడు ఈ తెగులు కాయలను ఆశిస్తుంది. నియంత్రణ: పక్షి కన్ను తెగులు నియంత్రణకు కాపర్‌ ఆక్సీక్లోరైడ్‌ 3 గ్రాములు లీటర్‌ నీటిలో లేదా కార్బెండిజ్‌ ఒక గ్రామును లీటర్‌ నీటిలో కలిపి పిచికారీ చేసుకోవాలి. పురుగు మందులను చల్లని వేళలో అనగా ఉదయం లేదా సాయంత్రం పూట పిచికారీ చేయాలి. పురుగు మందులను మార్చి వాడాలి. ఒకే మందును అనేకసార్లు వాడితే పురుగులు ఆ మందులకు అలవాటు పడిపోయి నశించవు.అక్టోబర్‌, నవంబర్‌ మాసాల్లో మామిడి చెట్లు నిద్రావస్థ దశలో ఉంటాయి. ఈ రెండు నెలలు చెట్లకు ఎట్టి పరిస్థితుల్లోనూ నీటితడులు అందించవద్దు. మామిడి చెట్లకు పూ మొగ్గలు అన్ని ఒకేసారి విచ్చుకోవడం, కాయలు కూడా ఒకేసారి కట్టడం కోసం పొటాషియం నైట్రేట్‌ను 10 గ్రాములు నీటిలో కలిపి పిచికారీ చేయాలి. అక్టోబర్‌లో పిచికారీ చేయలేని పరిస్థితుల్లో నవంబర్‌లో చేసుకోవాలి. డిసెంబర్‌లో పూత మొదలై జనవరిలో పాచిపూతదశ లేదా పూత వికసించే దశ మొదలవుతుంది.

జన్నారం: అనారోగ్యంతో తల్లిదండ్రులు మృతి చెందగా అనాథలుగా మారిన ఇద్దరు పిల్లలకు గల్ఫ్‌ కార్మికుల సంక్షేమ సంఘం ఆపన్నహస్తం అందించింది. మండలంలోని రాంపూర్‌ గ్రామానికి చెందిన ఓరుగంటి లింగయ్య మూడేళ్ల క్రితం, దివ్య నెల క్రి తం అనారోగ్యంతో మృతి చెందారు. వీరికి అ మూల్య, స్పందన అనే కూతుళ్లున్నారు. తల్లిదండ్రుల మృతితో అనాథలుగా మారారు. విషయం తెలుసుకున్న తెలంగాణ గల్ఫ్‌ కార్మికుల సంక్షేమ సంఘం రాష్ట్ర కన్వీనర్‌ సుదర్శన్‌, గ్రామ కమిటీ అధ్యక్షుడు వెంకటేశ్‌ సంఘం దృష్టికి తీసుకెళ్లి సహాయం అందించారు. సంఘం ఆధ్వర్యంలో రూ.93,200 పోగు చేసి ఇద్దరు పిల్లల పేరిట ఫిక్స్‌డ్‌ డిపాజిట్‌ చేయించినట్లు వ్యవస్థాపక రాష్ట్ర అధ్యక్షుడు కల్లెడ భూమ య్య తెలిపారు. శుక్రవారం డిపాజిట్‌ బాండ్లను సర్పంచ్‌ నూతి రామయ్య చేతుల మీదుగా పిల్లలకు ఇచ్చినట్లు పేర్కొన్నారు. ఈ సందర్భంగా గల్ఫ్‌ కార్మికుల ఔదార్యాన్ని సర్పంచ్‌ అభినందించారు.

నెన్నెల: దళితులను కులం పేరిట దూషించిన గొల్లపల్లి గ్రామానికి చెందిన ఇందూరి రామ్మోహన్‌కు ఆదిలాబాద్‌ సెక్షన్‌ కోర్టు స్పెషల్‌ జడ్జి బి.శశికుమార్‌ ఆరునెలల జైలు శిక్ష, రూ.2వేల జరిమానా విధిస్తూ శుక్రవారం తీర్పు చెప్పినట్లు నెన్నెల ఎస్సై జగదీశ్వర్‌రెడ్డి తెలిపారు. ఆయన తెలిపిన వివరాల ప్రకారం.. 2021 జనవరి 31న జరిగిన భూ తగాదాలో అదే గ్రామానికి చెందిన పోతురాజుల సురేశ్‌తో పాటు మరికొంత మంది దళితులను రామ్మోహన్‌ కులం పేరిట దూషించాడు. బాధితుడి ఫిర్యాదు మేరకు అప్పటి ఎస్సై రమాకాంత్‌ నెన్నెల పోలీస్‌స్టేషన్‌లో కేసు నమోదు చేశారు. అప్పటి బెల్లంపల్లి ఏసీపీ ఎం.ఏ.రహ్మన్‌ దర్యాప్తు చేసి చార్జ్‌షీట్‌ దాఖలు చేశారు. ప్రత్యేక పబ్లిక్‌ ప్రాసిక్యూటర్‌ రమణరెడ్డి సాక్ష్యాధారాలను కోర్టులో ప్రవేశపెట్టగా నేరం రుజువు కావడంతో శిక్ష ఖరారు చేశారని ఎస్సై వివరించారు. మహిళపై ఎస్సీ, ఎస్టీ అట్రాసిటీ కేసునెన్నెల: భీమారం గ్రామానికి చెందిన కొత్తపల్లి పోశక్కపై శుక్రవారం ఎస్సీ, ఎస్టీ అట్రా సిటీ కేసు నమోదు చేసినట్లు ఎస్సై జగదీశ్వర్‌రెడ్డి తెలిపారు. కొత్తూర్‌ గ్రామానికి చెందిన ఇస్లావత్‌ మౌనిక అనే గిరిజన మహిళ గ్రామ శివారులోని మక్క చేనులో కలుపు తీస్తుండగా జరిగిన గొడవలో ఆమెను పోశక్క కులం పేరిట దూషించిందని, నానా బూతులు తిట్టిందని చెప్పారు. బాధితురాలి ఫిర్యాదు మేరకు కేసు నమోదు చేసి దర్యాప్తు చేస్తున్నామని ఎస్సై వివరించారు. పోటాపోటీగా జోనల్‌స్థాయి ఎంపిక పోటీలుఆసిఫాబాద్‌రూరల్‌: జిల్లా కేంద్రంలోని గిరిజన క్రీడా పాఠశాలలో జోనల్‌ స్థాయి అథ్లెటిక్స్‌ ఎంపిక పోటీలు పోటాపోటీగా జరిగాయి. పోటీలను డీఈవో సచ్చిదానందచారి ప్రారంభించారు. ఈ సందర్భంగా ఆయన మాట్లాడుతూ.. జోనల్‌ స్థాయి అండర్‌–14, 17, 19 ఎస్‌జీఎఫ్‌ బాలికల అథ్లెటిక్స్‌ పోటీల్లో 100, 200, 400, 800, 1,500, 3వేల మీటర్ల రన్నింగ్‌, లాగ్‌ జంప్‌, హై జంప్‌, షాట్‌ఫుట్‌, జావెలిన్‌ త్రో పోటీలకు ఉమ్మడి జిల్లా నుంచి 200 మంది క్రీడాకారులు పాల్గొన్నారని ఎస్‌జీఎఫ్‌ జిల్లా కార్యదర్శి రామ్మోన్‌రావు తెలిపారు. వీరిలో ప్రతిభ కనబర్చిన 80మందిని రాష్ట్ర స్థాయికి ఎంపిక చేసినట్లు అథ్లెటిక్స్‌ కోచ్‌ విద్యాసాగర్‌ పేర్కొన్నారు. ఎస్వో శ్రీనివాస్‌, నోడల్‌ అధికారి మీనారెడ్డి, పీడీలు, పీఈటీలు లక్ష్మణ్‌, రవి తదితరులున్నారు.

దండేపల్లి: రాష్ట్రంలోనే ఏకైక ఆలయంగా ప్రసిద్ధి గాంచిన మండలంలోని గుడిరేవు గోదావరి ఒడ్డునగల ఆదివాసీల ఆరాధ్య దైవం శ్రీపద్మల్‌పురి కాకో ఆలయంలో దండారీ సంబురాలు మొదలయ్యాయి. శుక్రవారం వివిధ ప్రాంతాల నుంచి వచ్చిన ఆదివాసీ గిరిజనులు కాకోను దర్శించుకుని మొక్కులు చెల్లించుకున్నారు. ఆలయ ఆవరణలో ఆదివాసీ గిరిజనులు గుస్సాడీ వేషాలతో నృత్యాలు చేయడం ఆకట్టుకుంది. జాతీయస్థాయి పోటీలకు ఎంపికనిర్మల్‌టౌన్‌: అండర్‌–17 ఎస్‌జీఎఫ్‌ బాలుర క్రికెట్‌లో నిర్మల్‌కు చెందిన జాదవ్‌ ఉమేశ్‌ జా తీయస్థాయి పోటీలకు ఎంపికయ్యాడు. ఇటీవల గద్వాల్‌లో నిర్వహించిన రాష్ట్రస్థాయి పో టీల్లో ప్రతిభ కనబరిచి తెలంగాణ జట్టులో చోటు సంపాదించాడు. వచ్చే నెలలో మధ్యప్రదేశ్‌లోని గువాహటిలో నిర్వహించనున్న జాతీయస్థాయి పోటీల్లో తెలంగాణ తరఫున పాల్గొననున్నాడు. నిర్మల్‌ శివారు కొండాపూర్‌లోని లక్కీ క్రికెట్‌ అకాడమీలో కోచ్‌ సుదర్శన్‌ వద్ద బ్యాటింగ్‌లో శిక్షణ పొందిన ఉమేశ్‌ జాతీయస్థాయికి ఎంపిక కాగా అకాడమీ నిర్వాహకులు, కోచ్‌ హర్షం వ్యక్తం చేశారు.

మంచిర్యాలరూరల్‌(హాజీపూర్‌): బెల్లంపల్లిలోని తెలంగాణ సాంఘిక సంక్షేమ గురుకుల బాలుర జూనియర్‌ కళాశాలలో ఎస్‌జీఎఫ్‌ ఆధ్వర్యంలో నిర్వహించిన పీఎంశ్రీ పాఠశాలల జిల్లా స్థాయి స్పోర్ట్స్‌ మీట్‌లో మంచిర్యాల మున్సిపల్‌ కార్పొరేషన్‌లోని గుడిపేట మహాత్మా జ్యోతిబా ఫూలే గురుకుల బా లుర పాఠశాల ఖోఖో, కబడ్డీ జట్లు మొదటి స్థానంలో నిలిచాయి. ఈ జట్ల క్రీడాకారులు రాష్ట్ర స్థాయి పోటీలకు ఎంపికయ్యారు. నవంబర్‌ 4న హైదరాబాద్‌లోని పోలీస్‌ అకాడమీలో నిర్వహించనున్న రాష్ట్రస్థాయిలో పీఎంశ్రీ పాఠశాలల స్పోర్ట్స్‌ మీట్‌లో వీరు పాల్గొంటారని పాఠశాల ప్రిన్సిపల్‌ శిరీష తె లిపారు. ఈ సందర్భంగా ప్రిన్సిపల్‌తో పాటు స్కూ ల్‌ గేమ్స్‌ సెక్రటరీ యాకూబ్‌, పీడీ సురేశ్‌, పీఈటీ నగేశ్‌, అధ్యాపకులు వీరిని అభినందించారు.

బోథ్‌: చేతిలో చిల్లిగవ్వ లేక, ఫీజులు చెల్లించలేక ఆగిపోవాల్సిన ఎంబీబీఎస్‌ ప్రవేశం.. సమాజం చాటిన అపార మానవత్వంతో చిగురించింది. తల్లిదండ్రుల చేతులు పట్టుకుని, వారి కళ్లలోని ఆనంద భాష్పాలను తుడుస్తూ బోథ్‌ మండల కేంద్రానికి చెందిన నిరుపేద విద్యార్థి సాయిచరణ్‌ కామారెడ్డి ప్రభుత్వ వైద్య కళాశాలలోకి శుక్రవారం సగర్వంగా అడుగుపెట్టాడు. నీట్‌లో మంచి ర్యాంక్‌ సాధించినా ఆర్థిక స్తోమత లేక సాయిచరణ్‌ ఎదుర్కొంటున్న దీనస్థితిని వివరిస్తూ అక్టోబర్‌ 4న ‘సాక్షి’ దినపత్రికలో ప్రచురితమైన ‘డాక్టర్‌ కలకు పేదరికం అడ్డు’ కథనం అక్షరాలకే చలనం తెచ్చింది. సమాజంలోని మానవత్వాన్ని తట్టిలేపింది. గాంధీ పూర్వ విద్యార్థుల చేయూత కథనానికి చలించిన గాంధీ మెడికల్‌ కాలేజీ పూర్వ విద్యార్థులు డాక్టర్‌ రోహిణి వంగ (అమెరికా), డాక్టర్‌ విక్రమ్‌రెడ్డి, స్థానిక బోథ్‌ సామాజిక ఆరోగ్యకేంద్రం సూపరింటెండెంట్‌ రవీంద్రప్రసాద్‌ స్పందించారు. సాయిచరణ్‌ ఎంబీబీఎస్‌ పూర్తి చేయడానికి అవసరమయ్యే సుమారు రూ.5 లక్షల వ్యయాన్ని భరిస్తామని ప్రకటించి, తక్షణ సాయంగా రూ.50వేల చెక్కు అందజేశారు. రైస్‌ మిల్లు గుమా స్తా రాజా లక్ష్మణ్‌ దాస్‌ రూ.2,151 ఆర్థికసాయాన్ని అందించి మానవత్వాన్ని చాటారు. తమ బిడ్డ వైద్య విద్యకు తోడ్పాటునందించిన ‘సాక్షి’తోపాటు దాతలకు సాయిచరణ్‌ తల్లిదండ్రులు రమేశ్‌, విజయ కృతజ్ఞతలు తెలిపారు.

ఉట్నూర్‌రూరల్‌: వివిధ శాఖల భాగస్వామ్యంతో వీబీ జీరామ్‌జీ లక్ష్యాలను గడువులోపు సాధించాలని ఐటీడీఏ పీవో మంద మకరందు సూచించారు. గ్రామీణ ప్రాంతాల్లో ఉపాధి అవకాశాలు మెరుగుపరచడం, వివిధ ప్రభుత్వ శాఖల మధ్య సమన్వయాన్ని బలోపేతం చేయడం, వీబీ జీరామ్‌జీ పథకాన్ని అత్యంత సమర్థవంతంగా అమలు చేయడమే లక్ష్యంగా ఉమ్మడి జిల్లాలోని ఎంపీడీవోలు, జిల్లా గ్రామీణాభివృద్ధి అధికారులతో గూగుల్‌ మీట్‌ ద్వారా సమన్వయ సమావేశం నిర్వహించారు. గ్రామస్థాయిలో చేపట్టాల్సిన అభివృద్ధి పనులు, పథకం అమలుకు సంబంధించిన విధివిధానాలపై సమగ్రంగా చర్చించారు. పథకం అమలును అధికారులు నిరంతరం పర్యవేక్షిస్తూ, అర్హులైన ప్రతీ లబ్ధిదారుకు ప్రయోజనం చేకూరేలా చర్యలు తీసుకోవాలని సూచించారు. క్షేత్రస్థాయిలో ఎదురవుతున్న చిన్నపాటి ఇబ్బందులను పరస్పర సమన్వయంతో పరిష్కరించుకోవాలని, ఎప్పటికప్పుడు పురోగతి నివేదికలను అందించాలని ఆదేశించారు. ఈ సమావేశం ద్వారా వివిధ శాఖల మధ్య సమన్వయం మరింత బలపడి, గ్రామీణ ప్రాంతాల సర్వతోముఖాభివృద్ధికి బాటలు వేయాలని నిర్ణయించారు.

తాండూర్‌: ముక్కు పచ్చలారని ఓ బాలుడు తన తండ్రికి తలకొరివి పెట్టిన హృదయ విదారక ఘటన తాండూరు మండలం మాదారం టౌన్‌న్‌షిప్‌లో చోటు చేసుకుంది. వివరాల్లోకి వెళ్తే.. మాదారం టౌన్‌షిప్‌కు చెందిన పుట్ట రాజేంద్రప్రసాద్‌ (35) అనారోగ్యంతో గురువారం మృతి చెందాడు. ఆయన కుటుంబంలో తీవ్ర విషాదం నెలకొంది. ఐదేళ్ల కుమారుడు దేవాన్‌న్ష్‌ తండ్రి అంత్యక్రియల సమయంలో కుండ పట్టుకుని పాడె ముందు నడిచాడు. చితిపై కట్టెలు పేర్చి మృతదేహానికి నిప్పంటించాడు. పసివయసులోనే తండ్రికి తలకొరివి పెట్టాల్సిన పరిస్థితి రావడం అక్కడికి వచ్చిన వారందరినీ కన్నీటి పర్యంతం చేసింది. దేవాన్ష్‌, అతని సోదరుడు (మూడేళ్ల చిన్నారి) చూసిన స్థానికులు తీవ్ర విచారం వ్యక్తం చేశారు. ఆ కుటుంబానికి తమ ప్రగాఢ సానుభూతిని తెలియజేశారు.

మంచిర్యాలఅర్బన్‌: జిల్లా కేంద్రమైన మంచిర్యాల మోడల్‌స్కూల్‌లో గురువారం పీఎంశ్రీ జిల్లాస్థాయి బాలికల క్రీడాపోటీలను అదనపు కలెక్టర్‌ చంద్రయ్య ప్రారంభించారు. కబడ్డీ పోటీల్లో ఎంతో ఉత్సాహంతో కూతపెడుతూ విద్యార్థినులతో తలపడ్డారు. ఈ సందర్భంగా ఆయన మాట్లాడుతూ విద్యార్థులు చదువుతోపాటు క్రీడల్లో రాణించాలని సూచించారు. జిల్లాలో 25 పీఎంశ్రీ పాఠశాలల నుంచి 500 మంది విద్యార్థినులు ఈపోటీల్లో ఉత్సాహంగా పాల్గొన్నారు. కబడ్డీ, ఖోఖో, వాలీబాల్‌తోపాటు అథ్లెటిక్‌ పోటీలు నిర్వహిస్తున్నారు. ఎంఈవో మాళవిదేవి, సెక్టోరల్‌ అధికారి సత్తయ్య, మోడల్‌స్కూల్‌ ప్రిన్సిపాల్‌ బుచ్చన్న, ఎస్జీఎఫ్‌ కార్యదర్శి యాకుబ్‌, పీఎంశ్రీ పాఠశాలల ఫిజికల్‌ డైరెక్టర్లు ఉపాధ్యాయులు పాల్గొన్నారు.

మందమర్రిరూరల్‌: మందమర్రి ఏరియాలోని పాత సీఎస్పీ వద్ద జరుగుతున్న రైల్వే సైడింగ్‌ అభివృద్ధి పనులను జీఎం (ఈఅండ్‌ఎం) శ్రీనివాసులు పరిశీలించారు. గురువారం ఏరియా జీఎం రాధాకృష్ణతో కలిసి పనుల పురోగతిని అధికారులను అడిగి తెలుసుకున్నారు. ఏమైనా సాంకేతిక సమస్యలుంటే తమ దృష్టికి తీసుకురావాలన్నారు. ఏరియాలో ఉత్పత్తి చేసిన బొగ్గును రవాణా చేసేందుకు పూర్తి సౌకర్యాలు కల్పిస్తున్నట్లు వివరించారు. ఏరియా ఇంజనీర్‌ బాలాజీ భగవతి ఝా, డీజీఎం (కార్పొరేట్‌) ఎస్‌కే ఖరీముల్లా, కేకే ఓసీ పీవో రాంబాబు, డీజీఎం అశోక్‌, తదితరులు ఉన్నారు.

మంచిర్యాలరూరల్‌(హాజీపూర్‌): మంచిర్యాల నగరంలోని గుడిపేటలో ఉన్న 13వ పోలీసు బెటాలి యన్‌ను తెలంగాణ ప్రత్యేక పోలీసు విభాగం డీఐజీ మురళీకృష్ణ గురువారం తనిఖీ చేశారు. మూడు రోజుల వార్షిక తనిఖీల్లో భాగంగా వచ్చిన ఆయనకు బెటాలియన్‌ కమాండెంట్‌ వెంకటేశ్వర్లు స్వాగతం పలికారు. బెటాలియన్‌ పోలీసుల గౌరవ వందనం స్వీకరించారు. పరిసర ప్రాంతాలు, పరి పాలన విభాగాలు, పోలీసు క్వార్టర్లు, తదితర మౌలిక వసతులు పరిశీలించారు. అధికారులతో ప్రత్యేక సమీక్ష నిర్వహించి పలు కీలక అంశాలపై చర్చించారు. శాంతిభద్రతల పర్యవేక్షణలో ప్రత్యేక పోలీస్‌ బలగాల పాత్ర కీలకమని తెలిపారు. బెటా లియన్‌ అధికారులు, సిబ్బంది జీవన స్థితిగతులు, క్షేత్రస్థాయి సమస్యలు తెలుసుకున్నారు. విధి నిర్వహణలో సిబ్బంది ఎదుర్కొంటున్న ఇబ్బందుల పరిష్కారానికి చర్యలు తీసుకోవాలని కమాండెంట్‌కు సూచించారు. అసిస్టెంట్‌ కమాండెంట్లు వీరరాజు, ఆంజనేయరెడ్డి, నాగభూషణం, పరిపాలనాధికారి గౌస్‌ మోహీయుద్దీన్‌ పాల్గొన్నారు.

మంచిర్యాలఅగ్రికల్చర్‌: ప్రభుత్వ భూముల క్రమబద్ధీకరణ నిబంధనల ప్రకారం చేపట్టాలని జిల్లా కలెక్టర్‌ కుమార్‌ దీపక్‌ అన్నారు. గురువారం కలెక్టర్‌ చాంబర్‌లో జీవో 59, 76 అమలుపై జిల్లా అటవీ అధికారి రాహుల్‌ కిషన్‌ జాదవ్‌, జిల్లా అదనపు కలెక్టర్లు పి.చంద్రయ్య, వి.రాములు, బెల్లంపల్లి సబ్‌ కలెక్టర్‌ మనోజ్‌తో కలిసి జిల్లా అధికారులతో సమీక్ష నిర్వహించారు. కలెక్టర్‌ మాట్లాడుతూ ప్రభుత్వ, సింగరేణి భూముల క్రమబద్ధీకరణకు ప్రత్యేక బృందాలు ఏర్పాటు చేసినట్లు చెప్పారు. జీవో నం.59 ప్రకారం 500 చదరపు గజాల్లో విస్తీర్ణంలో ఉన్న ఆక్రమణల క్రమబద్ధీకరణకు నిబంధనలు, అర్హతలను పరిశీలించి చర్యలు తీసుకోవాలని సూచించారు. జీవో నం.76కు సంబంధించి తహసీల్దార్లు, సింగరేణి అధికారులు సమన్వయంతో క్రమబద్ధీకరణ ప్రక్రియ కొనసాగించాలని, సింగరేణి ఉద్యోగులు కాని వారు క్వార్టర్లలో నివాసం ఉంటే ఖాళీ చేయించాలని తెలిపారు.

దండేపల్లి: దసరాతో మొదలైన దండారీ ఉత్సవాలు, దండేపల్లి మండలం గుడిరేవు గోదావరి ఒడ్డున గల ఆదివాసీల ఆరాధ్యదైవం శ్రీపద్మల్‌పురికాకో ఆలయంలో భక్తుల సందడి నెలకొంది. గురువారం ఆదిలాబాద్‌ జిల్లాకు చెందిన పలువురు ప్రత్యేక వాహనాల్లో ఆలయానికి కుటుంబ సమేతంగా తరలివచ్చారు. మొక్కులు చెల్లించి, ప్రత్యేక పూజలు చేశారు. నైవేద్యాలు సమర్పించారు. అనంతరం అక్కడే వంటలు వండుకుని సహపంక్తి భోజనాలు చేశారు. ఓవైపు భక్తుల రాక మొదలైనప్పటికీ, మరోవైపు ఆలయ ఆవరణలో అభివృద్ధి పనులతో చుట్టూ ప్రదక్షణలు చేసే వీలు లేకుండా పోయింది. దసరాకు ముందే అభివృద్ధి పనులు పూర్తయితే ఇబ్బంది లేకుండా ఉండేదని పలువురు అభిప్రాయం వ్యక్తం చేస్తున్నారు.

దండేపల్లి: దండేపల్లి శివారులో అడవిపందుల దాడిలో వరి పంట ధ్వంసమైంది. బొలిశెట్టి దత్తయ్య సుమారు మూడెకరాల వరి సాగు చేశాడు. గురువారం తెల్లవారుజామున సుమారు ఎకరంన్నరకు పైగా వరిని అడవిపందులు తొక్కి ధ్వంసం చేశాయి. కొన్నిరోజుల్లో పంట చేతికందే సమయంలో పంటను ధ్వంసం చేయడంతో బాధిత రైతు తీవ్రంగా నష్టపోయాడు. అటవీ అధికారులు తనకు పరిహారం ఇప్పించాలని వేడుకుంటున్నాడు. ఏసీబీకి చిక్కిన జీపీవో ఆసిఫాబాద్‌క్రైమ్‌: కుమురంభీం ఆసిఫాబా ద్‌ జిల్లా కాగజ్‌నగర్‌ తహసీల్దార్‌ కార్యాలయంలో ఓ గ్రామ పాలన అధికారి(జీపీవో ) లంచం తీసుకుంటూ ఏసీబీకి చిక్కా డు. ఆదిలాబాద్‌ రేంజ్‌ అవినీతి నిరోధక శా ఖ డీఎస్పీ మధు వెల్లడించిన వివరాల ప్రకా రం.. కాగజ్‌నగర్‌ మండలం మోసం గ్రా మానికి చెందిన ఓ వ్యక్తి తండ్రి పేరుతో ఉ న్న వ్యవసాయ భూమిని తనతోపాటు సో దరుడి పేరుతో వారసత్వ పట్టా చేసేందుకు జీపీవో డోంగ్రి శ్రీనివాస్‌ను సంప్రదించా డు. ఉన్నతాధికారులకు నివేదిక పంపించేందుకు శ్రీనివాస్‌ మొదట రూ.50వేలు డి మాండ్‌ చేసి, ఆ తర్వాత రూ.22వేలకు ఒ ప్పందం కుదుర్చుకున్నాడు. దీంతో బాధితుడు ఏసీబీని ఆశ్రయించారు. గురువారం మధ్యాహ్నం 2.10గంటలకు బాధితుడి నుంచి జీపీవో నగదు తీసుకుంటుండగా ఏసీబీ అధికారులు దాడి చేసి పట్టుకున్నా రు. నిందితుడి నుంచి నగదు స్వాధీనం చే సుకుని అరెస్టు చేసినట్లు డీఎస్పీ మధు తె లిపారు. కరీంనగర్‌లోని ఏబీసీ కేసుల ప్ర త్యేక న్యాయమూర్తి సమక్షంలో హాజరుపరుస్తామని తెలిపారు. అలాగే కార్యాలయంలో ఇతర రికార్డులను సైతం పరిశీలించిన ట్లు పేర్కొన్నారు. ఏసీబీ సీఐ లు కిరణ్‌కుమార్‌, రవీందర్‌, సిబ్బంది ఉ న్నారు. పేకాడుతున్న ఐదుగురి అరెస్ట్‌బెజ్జూర్‌: బెజ్జూర్‌లో పక్కాసమాచారంతోనే ఎస్సై కె.రమేశ్‌ ఆధ్వర్యంలో గురువారం పే కాటస్థావరంపై దాడి నిర్వహించారు. పేకా డుతున్న ఐదుగురిని అరెస్టు చేసి 52 పేక ముక్కలు, రూ.2,500 నగదు, రెండు సెల్‌ఫోన్లు స్వాధీనం చేసుకున్నారు. ఈమేరకు కేసు నమోదు చేసినట్లు పేర్కొన్నారు.

మంచిర్యాలక్రైం: జిల్లా కేంద్రం మంచిర్యాలలో బుధవారం అర్ధరాత్రి డీసీపీ భాస్కర్‌ సిబ్బందితో కలిసి రౌడీషీటర్ల ఇళ్లలో ఆకస్మిక సోదాలు చేశారు. నగరంలో పోలీసులు వరుస తనిఖీలతో హడలెత్తిస్తున్నారు. ఈ నెల 27న రామగుండం సీపీ అంబర్‌ కిషోర్‌ ఝా, 28న డీసీపీ భాస్కర్‌ తనిఖీలు నిర్వహించారు. ఇళ్లలో లేని వారికి వీడియో కాల్‌ చేసి ఎక్కడున్నారు, ఏం చేస్తున్నారనే వివరాలు ఆరా తీశారు. తిలక్‌నగర్‌, హమాలీవాడ రౌడీషీటర్లు, పాత నేరస్తులను పిలిపించి కౌన్సెలింగ్‌ నిర్వహించారు. ప్రస్తుత జీవన విధానం, స్థితిగతులు, కార్యకలాపాలపై అడిగి తెలుసుకున్నారు. అనంతరం డీసీపీ మాట్లాడుతూ రౌడీషీటర్లు సత్ప్రవర్తన కలిగి జీవించిన వారి పేర్లు రౌడీషీట్‌ నుంచి తొలగిస్తామని తెలిపారు. బైండోవర్‌ ఉల్లంఘించినా, నేరాలకు పాల్పడినా పీడీ యాక్ట్‌ నమోదు చేస్తామని, నగర బహిష్కరణ విధిస్తామని హెచ్చరించారు. ఏసీపీ ప్రకాష్‌, సీఐ ప్రమోద్‌రావు, ఎస్సైలు రామకృష్ణ, మధుసూదన్‌ పాల్గొన్నారు.

జన్నారం: వ్యవసాయానికి నాణ్యమైన విద్యుత్‌ సరఫరా చేస్తున్నామని మంచిర్యాల ఎస్‌ఈ రాజన్న తెలిపారు. ‘విద్యుత్‌ కోత.. కాలువ నీటి కొరత’ శీర్షికన గురువారం ‘సాక్షి’లో ప్రచురితమైన కథనానికి ఆయన స్పందించారు. డీఈ ఖైజర్‌తో కలిసి మండలంలోని కలమడుగు, ధర్మారం గ్రామాల్లో పర్యటించారు. రైతులను కలిసి మాట్లాడారు. కరెంటు కోతలు, వరి పంటపై తెలుసుకున్నారు. కోతలు లేకుండా విద్యుత్‌ సరఫరాకు కృషి చేస్తున్నామని అన్నారు. రైతుల కోసం పగటి పూట విద్యుత్‌ సరఫరా చేస్తున్నామని, సమస్యలుంటే స్థానిక విద్యుత్‌ సిబ్బంది దృష్టికి తీసుకెళ్లి పరిష్కరించుకోవాలని సూచించారు. మండలంలో విద్యుత్‌ మోటార్ల కింద వరి పంట ఎక్కడా ఎండిపోవడం లేదని తెలిపారు. ఏడీ తిరుపతి, విద్యుత్‌ సిబ్బంది పాల్గొన్నారు.

భైంసాటౌన్‌: పట్టణంలోని అల్ఫోర్స్‌ పాఠశాల విద్యార్థులు జాతీయస్థాయి రోప్‌ స్కిప్పింగ్‌ పోటీల్లో పాల్గొననున్నారు. గతనెలలో హైదరాబాద్‌లో జరిగిన పోటీల్లో ప్రతిభ కనబర్చిన రితుశ్రీ, రీతిక, అనన్య, శ్రీనిధి, అద్విత, హ్రిదిత్య, అలోక్‌ ఈమేరకు జాతీయ స్థాయి పోటీలకు ఎంపికయ్యారు. ఉత్తరాఖండ్‌లోని డెహ్రాడూన్‌లో ఈనెల 30 నుంచి నవంబర్‌ 4 వరకు జరిగే జాతీయస్థాయి పోటీల్లో పాల్గొననున్నారు. ఈ సందర్భంగా విద్యాసంస్థల చైర్మన్‌ డాక్టర్‌ వి.నరేందర్‌రెడ్డి విద్యార్థులను అభినందించినట్లు ప్రిన్సిపాల్‌ చంద్రశేఖర్‌ తెలిపారు.

కుంటాల: ఆదర్శ పాఠశాలల్లో ఇంటర్‌ విద్యార్థులకు కార్పొరేట్‌ స్థాయి తరహాలో ఉచిత శిక్షణ ఇవ్వనున్నారు. ఎంపీసీ, బైపీసీ చదివే విద్యార్థులకు యంగ్‌ ఇండియా ఇనిస్టిట్యూట్‌ ఆఫ్‌ ఎక్సలెన్స్‌ పేరిట కేంద్రాలు ఏర్పాటు చేసి ఉదయం, సాయంత్రం శిక్షణ తరగతులు నిర్వహించనున్నారు. ఇందులో భాగంగా ఉమ్మడి ఆదిలాబాద్‌ జిల్లాలో జైనథ్‌, కుంటాల, ఆసిఫాబాద్‌, మందమర్రి ఆదర్శ పాఠశాలలను ఎంపిక చేశారు. పోటీపరీక్షలకూ.. ఇంటర్‌ మొదటి, ద్వితీయ సంవత్సరం చదివే విద్యార్థులకు ఎంసెట్‌, ఐఐటీ, జేఈఈ, మెయిన్స్‌, నీట్‌ వంటి పోటీ పరీక్షలకు ఎక్సలెన్స్‌ పాఠాలు బోధించనున్నారు. నవంబర్‌ 1 నుంచి శిక్షణ తరగతులు నిర్వహించనున్నారు. ఉదయం 8 నుంచి 9, సాయంత్రం 4 నుంచి 5 గంటల వరకు శిక్షణ ఇస్తారు. మ్యాథ్స్‌, కెమిస్ట్రీ, జువాలజీ, బాటని, ఫిజిక్స్‌లో అనుభవజ్ఞులైన ఉపాధ్యాయుల ప్రక్రియ కొనసాగుతుంది. విద్యార్థులు సీట్లు సాధించేలా ప్రత్యేక చర్యలు చేపట్టనున్నారు. ప్రతీ విద్యార్థికి సామగ్రి కోసం రూ.1200 కేటాయిస్తారు. విద్యార్థులకు ప్రయోజనం ఆదర్శ పాఠశాలల్లో జేఈఈ, మెయిన్స్‌, ఐఐటీ, నీట్‌పై కార్పొరేట్‌ స్థాయిలో విద్యార్థులకు శిక్షణనివ్వడం ఎంతో ప్రయోజనం చేకూరుతుంది. వీటిని సద్వినియోగం చేసుకుని భవిష్యత్‌ కోసం బాటలు వేసుకోవాలి. – ఎత్రాజ్‌ రాజు, ప్రిన్సిపాల్‌, ఆదర్శ పాఠశాల, కుంటాల

శ్రీరాంపూర్‌: గత బీఆర్‌ఎస్‌ దారిలోనే కాంగ్రెస్‌ ప్రభుత్వం కూడా పనిచేస్తోదని సీఐటీయూ రాష్ట్ర ప్రధాన కార్యదర్శి తుమ్మల రాజారెడ్డి తెలిపారు. గురువారం ఆర్కే 7 గనిపై కార్మికులను కలిసి మాట్లాడారు. గతప్రభుత్వ మాదిరిగా నేడు రాజకీయ జోక్యం పెరిగిందన్నారు. సింగరేణిలో ప్రతీనెల మెడికల్‌ బోర్డు నిర్వహిస్తామని సాక్షాత్తు ఉప ముఖ్యమంత్రి హామీ ఇచ్చిన కూడా నెరవేరలేదన్నారు. బోర్డు జాప్యంతో చాలామంది కార్మికులు డ్యూటీలు చేయలేక డిస్మిస్‌కు దగ్గరవుతున్నారని తెలిపారు. సొంతింటి కల అమలు చేయాలని డిమాండ్‌ చేశారు. బీజేపీ ఎమ్మెల్యేలు, ఎంపీలకు చిత్తశుద్ధి ఉంటే కేంద్ర ప్రభుత్వంతో మాట్లాడి బొగ్గు కని కార్మికుల 12వ వేతన కమిటీని ఏర్పాటు చేయించాలని కోరారు. సింగరేణికి రాష్ట్ర ప్రభుత్వం నుండి రావాల్సిన బకాయిలను వెంటనే చెల్లించాలని డిమాండ్‌ చేశారు. యూనియన్‌ ఫిట్‌ సెక్రెటరీ యెల్లం శ్రీధర్‌, సెక్రెటరీ సమ్మయ్య తదితరులు పాల్గొన్నారు.

సాక్షి ప్రతినిధి, మంచిర్యాల: ప్రత్యేక సమగ్ర పరిశీలన(ఎస్‌ఐఆర్‌)లో ఓటర్ల తుది ఓటరు జాబితా సిద్ధమవుతోంది. జిల్లాలో అన్‌మ్యాపింగ్‌, అనామలీస్‌ ఓటర్ల పరిశీలన చివరి దశకు చేరింది. మంచిర్యాల, బెల్లంపల్లి, చెన్నూర్‌ నియోజకవర్గాల పరిధిలో 747మంది బీఎల్‌వోలతోపాటు అదనంగా కేటాయించిన రెవెన్యూ, పంచాయతీరాజ్‌, మున్సిపల్‌, మహిళా సంఘాలు, వాలంటీర్ల భాగస్వామ్యంతో సమగ్ర ఓటరు పరిశీలన సాగుతోంది. జిల్లాలో 1.36లక్షల అనామలీస్‌తోపాటు 33వేల అన్‌మ్యాపింగ్‌ ఓటర్ల వివరాలు సమగ్రంగా పరిశీలన చేశారు. మొత్తం 1.70లక్షల మంది ఓటర్లకు నోటీసులు ఇవ్వగా, ఎంపిక చేసిన తేదీల్లో విచారణ నిర్వహించారు. ఓటర్లు తమ వద్ద ఉన్న ధ్రువీకరణ పత్రాలు అధికారులకు అందజేశారు. దీంతో చాలా చోట్ల ఓటర్లు తుది జాబితాలో చేరుతున్నారు. మొదట ధ్రువపత్రాల పరిశీలనలో ఓటర్లు, అధికారులకు ఇబ్బందులు ఎదురైనప్పటికీ చివరగా ధ్రువీకరణ పత్రాల్లో వెసులుబాటు కల్పించడంతో అనేకమంది ఓటర్లకు ఊరట కలుగుతోంది. డబుల్‌, మృతుల ఓట్లు ఔట్‌ గత జూన్‌లో సమగ్ర ఓటరు పరిశీలనలో మొదటి దశలో ఓటర్ల ఇంటింటికి వెళ్లి కుటుంబ సభ్యులతో మ్యాపింగ్‌ చేశారు. ఆ సమయంలో 33వేలకుపైగా ఓటర్లు మ్యాపింగ్‌ కాలేదు. వీటనింటినీ నో మ్యాపింగ్‌ కేటగిరీలో చేర్చారు. మ్యాపింగ్‌ పూర్తయిన ఓట్లతో ముసాయిదా జాబితా విడుదల చేశాక ఫిర్యాదులు, అభ్యంతరాలు స్వీకరించారు. ఎన్యూమరేషన్‌ ఫాంలో వివరాల నమోదులో తప్పిదాలు జరిగినవి సరి చేశారు. ఈ నెల 5న అభ్యంతరాల వరకు పరిష్కరించారు. తుది జాబితా సిద్ధం చేస్తున్నారు. ముసాయిదా జాబితా తర్వాత ఓటర్ల పేర్లు, చిరునామా ఇతర వివరాల్లో తప్పులు, ఇతర సమస్యలు ఉన్నవి అనామలీస్‌లో సరి చేశారు. అయితే నో మ్యాపింగ్‌ ఉన్న ఓట్లు మాత్రం తొలగిపోనున్నాయి. ఈ కేటగిరీలో ఉన్న ఓట్లన్నీ రెండేసి ఓట్లు, మృతులు, శాశ్వత వలస వెళ్లిన వారివే అధికంగా ఉన్నాయి. ఈ ఓట్లను తుది జాబితాలో చేర్చరు. ఇవి కాకుండా అనామలీస్‌లో మాత్రం తుదిగా జిల్లాలో 500లోపు ఓటర్లు తుది జాబితాకు దూరమయ్యే అవకాశం ఉంది. ఒక వేళ వీరిలోనూ తగిన రుజువులు చూపిస్తూ కొత్తగా ఓటుకు దరఖాస్తు చేసుకుంటే కూడా అవకాశం ఉంటుంది. తగిన ధ్రువీకరణలు తప్పనిసరి. ఈ క్రమంలో వచ్చే నెల 9న తుది జాబితా విడుదల చేయనున్నారు. ఈ క్రమంలో ఇప్పటికే జిల్లాలో ఎంత మంది ఓటర్లు తొలగిస్తారనేది స్పష్టత వచ్చింది.జిల్లా కేంద్రం మంచిర్యాలలో అనామలీస్‌ ఓటర్లను పరిశీలిస్తున్న బీఎల్‌వోలు(ఫైల్‌)

శ్రీరాంపూర్‌: యాజమాన్యంతో తాము కుదుర్చుకున్న ఒప్పందాలు అమలు చేయాలని డిమాండ్‌ చేస్తూ వచ్చేనెల 4న కంపెనీ వ్యాప్తంగా అన్ని జీఎం కార్యాలయాల ఎదుట ధర్నా చేయనున్నట్లు గుర్తింపు సంఘం ఏఐటీయూసీ అధ్యక్షుడు వీ సీతారామయ్య తెలిపారు. గురువారం నస్పూర్‌ కాలనీలోని ప్రెస్‌క్లబ్‌లో నిర్వహించిన సమావేశంలో ఆయన మాట్లాడారు. మెడికల్‌ ఫిట్‌ అయిన 210 మంది డిపెండెంట్లకు వెంటనే నియామకపత్రాలు ఇవ్వాలని డిమాండ్‌ చేశారు. గతంలో జీఎం కార్యాలయాల్లో ఇచ్చే ఈ నియామకాలను నేడు డిప్యూటీ సీఎం చేతుల మీదుగా ఇప్పించడం కోసం జాప్యం చేస్తున్నారని తెలిపారు. ప్రతీనెల ఏరియాస్పత్రుల్లోనే మెడికల్‌ బోర్డు నిర్వహిస్తామని చెప్పిన కూడా గత నెల చేపట్టలేదన్నారు. గుర్తింపు సంఘం ఎన్నికలు నాలుగేళ్లు ఉండాలన్నారు. గతంలో ఉన్న పద్ధతినే అనుసరించాలన్నారు. సింగరేణికి రాష్ట్ర ప్రభుత్వం నుంచి రావాల్సిన రూ. 60 వేల కోట్లను వెంటనే విడుదల చేయాలన్నారు. సొంతింటి పథకం, పెర్క్స్‌పై ఆదాయ పన్ను మాఫీ వంటి ఒప్పందాలు అమలు చేయిస్తామన్నారు. సమావేశంలో యూనియన్‌ డిప్యూటీ ప్రధాన కార్యదర్శి కే.వీరభద్రయ్య, బ్రాంచి కార్యదర్శి షేక్‌బాజీసైదా, నాయకులు అఫ్రోజ్‌ఖాన్‌, సుధాకర్‌, పెద్దన్న, నారాయణ, కోడి వెంకటేశ్‌, రాజ్‌కుమార్‌, రాకేశ్‌ పాల్గొన్నారు.

మంచిర్యాలఅర్బన్‌/ఆదిలాబాద్‌: ఆర్టీసీ డ్రైవర్లు, కండక్టర్లకు అసిస్టెంట్‌ డిపో కంట్రోలర్‌ (ఏడీసీ) ప్రమోషన్‌ ప్రక్రియ ప్రారంభమైంది. ఇందులోభాగంగా ఉమ్మడి జిల్లావ్యాప్తంగా అర్హులైన ఉద్యోగులకు గురువారం రీజియన్‌ కార్యాలయంలో కౌన్సెలింగ్‌ నిర్వహించారు. మంచిర్యాల డిపోకు చెందిన ఆరుగురు కండక్టర్లు, ముగ్గురు డ్రైవర్లకు ప్రమోషన్లు లభించాయి. సుదీర్ఘకాలానికి ప్రమోషన్లు లభించడంతో వారు హర్షం వ్యక్తం చేశారు. ఆదిలాబాద్‌ రీజియన్‌ వారీగా 41 ప్రమోషన్లు లభించగా మంచిర్యాల డిపో నుంచి టీవీ ప్రసాద్‌, మణి, జీఎస్‌నారాయణ, ఎంఎస్‌రెడ్డి, టి.వెంకటి, నాగేశ్వరావు, వి.భీమేశ్వరావు, సునీల్‌కు ఏడీసీ, కంట్రోలర్‌గా ప్రమోషన్‌ పొందారు. వీరితోపాటు ప్రమోషన్లు పొందిన మరో ఆరుగురిని మంచిర్యాల డిపోకే కేటాయించారు.

శ్రీరాంపూర్‌: సింగరేణిలో గెలిచిన సంఘాలు కార్మి కుల సమస్యల పరిష్కారంలో విఫలమయ్యాయని టీబీజీకేఎస్‌ అధ్యక్షుడు మిరియాల రాజిరెడ్డి తెలి పారు. బుధవారం రాత్రి నస్పూర్‌ కాలనీలోని ప్రెస్‌ క్లబ్‌లో బ్రాంచి ఉపాధ్యక్షుడు బండి రమేశ్‌ అ ధ్యక్షతన నిర్వహించిన ఏరియా కార్యవర్గ సమావేశంలో మాట్లాడారు. ఎన్నికల్లో కార్మికులకు అనేక హామీలు ఇచ్చి ఏఐటీయూసీ, ఐఎన్‌టీయూసీ గెలి చాయన్నారు. నేడు కార్మికులకు కనీసం రక్షణ పరికరాలు ఇప్పించడం లేదన్నారు. గనుల్లో పనిముట్ల కొరత తీవ్రంగా ఉందన్నారు. సంఘాలు సొంత పనులు, పైరవీలకే పరిమితమయ్యారని ఆరోపించారు. ఇటీవల మృతిచెందిన యూనియన్‌ మాజీ నేత పీటీ స్వామికి నివాళులర్పించారు. యూని యన్‌ ప్రధాన కార్యదర్శి కేతిరెడ్డి సురేందర్‌రెడ్డి, వర్కింగ్‌ ప్రెసిడెంట్‌ మాదాసు రాంమూర్తి, డిప్యూటీ ప్రధాన కార్యదర్శి పెట్టం లక్ష్మణ్‌, కేంద్ర కమిటీ నా యకులు పానుగంటి సత్తయ్య, పొగాకు రమేశ్‌, అన్వేశ్‌రెడ్డి, ఎండీ లాల, గడ్డం వెంకట్‌రెడ్డి పాల్గొన్నారు.

శ్రీరాంపూర్‌: రగ్బీ క్రీడలో రాణించాలని రగ్బీ డెవలప్మెంట్‌ ఆఫీసర్‌ శేషు గుప్తా తెలిపారు. గురువారం శ్రీరాంపూర్‌లోని ప్రగతి మైదానంలో ఖేలో ఇండియా అస్మిత అండర్‌–15 బాలికల రగ్బీ జిల్లాస్థాయి పోటీలు నిర్వహించారు. 8 పాఠశాలల క్రీడాకారులు పాల్గొన్నారు. ఈ సందర్భంగా విజేతలకు ఆయన బహుమతి ప్రదానం చేసి మాట్లాడారు. జిల్లా క్రీడాకారులు రాష్ట్ర, జాతీయ స్థాయిలో రాణించాలని సూచించారు. పోటీల్లో ప్రథమ బహుమతి శ్రీ చైతన్య హైస్కూల్‌ (మంచిర్యాల) ద్వితీయ బహుమతి శ్రీ చైతన్య హైస్కూల్‌ (మందమర్రి), తృతీయ బహుమతి రేడియంట్‌ హైస్కూల్‌ (సీసీసీ)లు గెలుచుకున్నాయి. కార్యక్రమంలో రగ్బీ అసోసియేషన్‌ జిల్లా కార్యదర్శి ఆవునూరు మహేశ్‌, యూత్‌ కాంగ్రెస్‌ పట్టణ అధ్యక్షుడు భీమిని రాజేష్‌, క్రీడాకారులు దుంపటి మాధవ్‌, సుర మహేందర్‌, దుర్గం దినేష్‌ కుమారస్వామి, సాయిరాం తదితరులు పాల్గొన్నారు.

ఖాకీ కొలువే లక్ష్యం..!మంచిర్యాలక్రైం: ఖాకీ చొక్కా వేసుకుంటే ఆ హుందాతనమే వేరు. ప్రజలకు సేవలతోపాటు సర్కారు కొలువు పోలీసు ఉద్యోగం సాధించాలనే లక్ష్యంతో నిరుద్యోగ యువతీ, యువకులు శిక్షణ పొందుతున్నారు. జిల్లాలో రెండు నెలలుగా పోలీసు శాఖ, కలెక్టర్‌ సమన్వయంతో ఒకటి, స్థానిక ఎమ్మెల్యే కే.ప్రేమ్‌సాగర్‌రావు, కార్మిక శాఖ మంత్రి వివేక్‌వెంకటస్వామి, బెల్లంపల్లి ఎమ్మెల్యే వినోద్‌, సేవా భారత్‌ సంస్థ ఆధ్వర్యంలో బీజేపీ రాష్ట్ర ఉపాధ్యక్షుడు రఘునాథ్‌రావు వేర్వేరుగా ఉచిత శిక్షణ శిబిరాలు నిర్వహిస్తున్నారు. ఆయా కేంద్రాల్లో రెండు వేల మందికి పైగా శిక్షణ పొందుతున్నారు. నిష్ణాతులైన అధ్యాపకులు శిక్షణ ఇస్తున్నారు. మధ్యాహ్న భోజన వసతితోపాటు ప్రిలిమ్స్‌లో అర్హత సాధించేందుకు అర్థమెటిక్‌, జియాగ్రఫి, పాలిటిక్స్‌, తెలంగాణ చరిత్ర, బయాలజీ, ఫిజిక్స్‌, కెమిస్ట్రీ, ఇండియన్‌ హిస్టరీ ప్రత్యేక స్టడీ మెటీరియల్‌ అందజేశారు. పది రోజులకోసారి మాక్‌ టెస్ట్‌ నిర్వహిస్తూ ప్రతిభను పరిశీలిస్తున్నారు. ప్రిలిమినరీలో అర్హత సాధించిన అభ్యర్థులకు శారీరక దారుఢ్య పరీక్షలకు ఉచిత శిక్షణకు పోలీసు శాఖ ఏర్పాట్లు చేస్తోంది. నవంబర్‌ 29న ఎస్సై, డిసెంబర్‌ 20న కానిస్టేబుల్‌ ఉద్యోగాలకు ప్రిలిమినరీ రాత పరీక్షను ప్రభుత్వం నిర్వహించనుంది. ఎలాగైనా ఉద్యోగం సాధించాలనే లక్ష్యంతో అభ్యర్థులు ఎస్సై, కానిస్టేబుల్‌ పరీక్షల్లో అర్హత సాధించేందుకు పుస్తకాలతో కుస్తీ పడుతున్నారు.

కెరమెరి: నేపాల్‌లో వచ్చేఏడాది మే నెలలో నిర్వహించే ఎవరెస్టు శిఖరం ఽఅధిరోహణకు ఆర్థికసాయం అందిస్తానని ఐటీడీఏ పీవో మంద మకరందు అన్నారు. ఇటీవల మౌంట్‌ ఎవరెస్ట్‌ బేస్‌ క్యాంపును అధిరోహించిన కెరమెరి మండలం భీమన్‌గోంది గ్రామానికి చెందిన మడావి కన్నిబాయికి బుధవారం రాత్రి ఉట్నూర్‌ పీఎంఆర్‌సీలో పీవో ఆమెను సన్మానించారు. నేపాల్‌ ప్రభుత్వం అందజేసే సర్టిఫికెట్‌, జ్ఞాపికను అందించారు. ప్రతి ఒక్కరూ కన్నిబాయిని స్ఫూర్తిగా తీసుకుని ముందుకు సాగాలన్నారు. క్‌లైంబింగ్‌కు అయ్యే ఖర్చంతా తానే భరిస్తానని పీవో హామీ ఇచ్చారు. ఏపీవో వంసంత్‌రావు, డీడీలు, ఏటీడీవోలు ఉన్నారు.

మంచిర్యాలఅర్బన్‌: ప్రభుత్వ పాఠశాలల్లో విద్యార్థులకు అల్పాహారం, మధ్యాహ్న భోజనం అందుతున్నాయి. అదే విద్యార్థులు హాస్టళ్లలో ఉంటుండడంతో అల్పాహారం, మధ్యాహ్న భోజనం బిల్లులు క్లెయిమ్‌ చేస్తుండడంతో ప్రభుత్వ ధనం వృథా అవుతోంది. ఈ నేపథ్యంలో ఎస్సీ ప్రీమెట్రిక్‌ హాస్టళ్ల మెస్‌చార్జీలపై ప్రభుత్వం మార్గదర్శకాలు విడుదల చేసింది. అల్పాహారం, మధ్యాహ్న భోజనం చేస్తున్న విద్యార్థులకు హాస్టల్‌ మెస్‌చార్జీలను రాత్రి భోజనానికే పరిమితం చేయాలని పేర్కొంది. పాఠశాలల పథకాలకు, హాస్టల్‌ మెస్‌చార్జీలకు డబుల్‌ బిల్లులు రాకుండా ఖర్చులను నియంత్రించాలని సూచించింది. అల్పాహారం, భోజనం అమలవుతున్న పాఠశాలల్లో చదువుతూ ప్రీమెట్రిక్‌ హాస్టళ్లలో ఉంటున్న విద్యార్థులను విద్యాశాఖ అధికారుల సమన్వయంతో గుర్తించాలని డిప్యూటీ డైరెక్టర్లు, డీఎస్‌సీడీవోలను ఆదేశించారు. మెస్‌చార్జీలపై స్పష్టత ఏది..? జిల్లాలో 17 ఎస్సీ ప్రీమెట్రిక్‌ హాస్టళ్లలో 1,289మంది, 8 పోస్టుమెట్రిక్‌ హాస్టళ్లలో 1,005మంది విద్యార్థులు ఉన్నారు. ఎస్సీ ప్రీమెట్రిక్‌ హాస్టల్‌ విద్యార్థులకు రోజుకు రూ.50చొప్పున నెలకు రూ.1,500 ప్రభుత్వం డైట్‌చార్జీలు చెల్లిస్తుంది. మూడు నుంచి 10వ తరగతి వరకు పాఠశాల స్థాయి వసతిగృహంలో ఉదయం అల్పాహారం, మధ్యాహ్నం పాఠశాలలో భోజనం, సాయంత్రం స్నాక్స్‌, రాత్రి డిన్నర్‌ అమలు చేస్తున్నారు. ఆదివారం, రెండో శనివారం, ఇతర సెలవు రోజుల్లో మధ్యాహ్న భోజనం వసతిగృహంలో అందిస్తున్నారు. వారానికి ఐదుసార్లు పండ్లు, ఐదుసార్లు కోడిగుడ్లు, రెండుసార్లు చికెన్‌ కర్రీతో భోజనం వడ్డిస్తున్నారు. పాఠశాలల్లో అల్పాహారం, మధ్యాహ్న భోజనం అందుతున్న విద్యార్థులకు హాస్టల్‌ మెస్‌చార్జీలను రాత్రి భోజనానికే పరి మితం చేయాలనే ఉత్తర్వుల జారీతో గందరగోళం నెలకొంది. వారంతపు సెలవులు, విద్యార్థి అనారో గ్యం కారణంగా బడికి వెళ్లకుండా హాస్టల్‌లోనే ఉన్న రోజుల్లో అల్పాహారం, మధ్యాహ్న భోజనం బిల్లులు ఎలా క్లెయిమ్‌ చేయాలనే దానిపై మార్గదర్శకాల్లో లేకపోవడంతో వార్డెన్లను అయోమయానికి గురి చేస్తోంది. ఉదయం 7గంటలకు రాగిజావ, పాలు, అరటిపండు అందిస్తున్నారు. సాయంత్రం బిస్కెట్‌ ప్యాకెట్‌, శనగ మొలకలు, పల్లిపట్టి, నువ్వుల చిక్కి, సేమియా, బబ్బెర్లుపై స్పష్టత లేదు. ఎస్సీ ప్రీమెట్రిక్‌ హాస్టళ్లకేనా..! ఎస్సీ అభివృద్ధి శాఖ సర్క్యులర్‌ కేవలం స్కూల్‌ బ్రేక్‌ఫాస్ట్‌, మిడ్‌డే మీల్స్‌ పథకాలు అమలు అవుతున్న పాఠశాలల్లో చదివే ప్రీ మెట్రిక్‌ హాస్టల్‌ విద్యార్థులకే పరిమితం అవుతుందా..? పోస్టుమెట్రిక్‌ విద్యార్థులకు వర్తిస్తుందా అనేది తెలియడం లేదు. కళాశాలల్లోనూ బ్రేక్‌ఫాస్ట్‌, మధ్యాహ్న భోజనం అమల్లోకి వచ్చింది. ఆ విద్యార్థులకు హాస్టల్‌ మెస్‌చార్జీలపై సర్క్యులర్‌లో స్పష్టత లేదు. భవిష్యత్‌లో ప్రీమెట్రిక్‌(బీసీ, ఎస్టీ), పోస్టుమెట్రిక్‌ ఎస్సీ, ఎస్టీ, బీసీ హాస్టళ్లకు కూడా ఇదే తరహా నిబంధనలు వర్తింపజేస్తారా అనే చర్చ సాగుతోంది.సెంట్రల్‌ కిచెన్‌ ద్వారా రాత్రి భోజనం అందిస్తే.. సెంట్రల్‌ కిచెన్‌ ద్వారా పాఠశాలలకు బ్రేక్‌ఫాస్ట్‌, కళాశాలలకు అల్పాహారం, లంచ్‌ అందిస్తున్నట్లే హాస్టళ్లలో రాత్రి భోజనం అందించే ఏర్పాట్లు చేస్తే విద్యార్థులకు ఎంతో సౌకర్యంగా నాణ్యమైన పోషకాహారం అందుతుంది. హాస్టళ్లలో వంట నిర్వహణ భారం, సిబ్బంది సమస్యలు తొలగిపోతాయి. ఆహారాన్ని నాణ్యత ప్రమాణాలతో సరఫరా చేయడం సులభం అవుతుంది.

చెన్నూర్‌: చెన్నూర్‌ పట్టణంలో వానర మూకలు రెచ్చిపోతున్నాయి. దాడులతో ప్రజల్లో దడ పుట్టిస్తున్నాయి. రెండ్రోజుల వ్యవధిలో ఐదుగురిపై దాడి చేయగా ఇద్దరికి తీవ్ర గాయాలయ్యాయి. ఏడో వార్డుకు చెందిన నగీషా కోతులకు భయపడి పక్క భవనంపై దూకడంతో కాలు విరిగింది. 15వ వార్డు కౌన్సిలర్‌ జయలక్ష్మి భర్త కొమ్మెర బ్రహ్మయ్యపై కోతులు దాడి చేయడంతో తీవ్ర గాయాలయ్యాయి. గత పది నెలల కాలంలో 309మంది కోతుల దాడిలో గాయపడ్డట్లు ఆస్పత్రి రికార్డుల ద్వారా తెలుస్తోంది. గత ఏప్రిల్‌లో కౌన్సిల్‌ సమావేశంలో కోతులు, కుక్కల నియంత్రణకు రూ.6లక్షలు కేటాయించారు. అప్పటి నుంచి ఇప్పటివరకు కోతులను పట్టుకోలేదు. నిధులు కేటాయించి అధికారులు, పాలకవర్గ సభ్యులు చేతులు దులిపేసుకున్నారని ప్రజలు ఆరోపిస్తున్నారు. నిత్యం ఇద్దరు ముగ్గురిపై దాడి చేసి గాయపరుస్తున్నా ప్రేక్షక పాత్ర పోషిస్తున్నారని విమర్శిస్తున్నారు. ఇళ్లలో దూరి దాడులు చేస్తున్నా పట్టించుకోవడం లేదని ఆవేదన వ్యక్తం చేస్తున్నారు. కోతుల నియంత్రణకు చర్యలు తీసుకోవాలని కోరుతున్నారు. చిన్నారులకు బయటకు పంపాలంటే భయపడే పరిస్థితి నెలకొంది. కోతులను పట్టే ప్రత్యేక బృందాలను రప్పించి బంధించి ఇతర ప్రాంతాలకు తరలించాలని ప్రజలు కోరుతున్నారు. గతంలో కోతులు పెద్ద సంఖ్యలో పట్టామని, 300 వరకు మాత్రమే ఉన్నాయని అధికారులు ప్రకటించారు. ఒక్కో గుంపులో వందకు పైగా సంచరిస్తున్నాయని పట్టణ వాసులు అంటున్నారు. ఈ ఏడాదిలో దాడుల వివరాలు.. నెల సంఖ్య జనవరి 27 ఫిబ్రవరి 19 మార్చి 30 ఏప్రిల్‌ 27 మే 27 జూన్‌ 27 జూలై 35 ఆగస్టు 58 సెప్టెంబర్‌ 39 అక్టోబర్‌ 20 మొత్తం 309చికిత్స చేయించుకోవాలికోతులు గాయపరిస్తే చికిత్స చేయించుకోవాలి. నెలకు 20కి పైగా మంకీ బైట్స్‌ నమోదు అవుతున్నాయి. కోతి దాడి చేసిన 48 గంటల్లో చికిత్స పొందాలి. నిర్లక్ష్యం చేస్తే ప్రమాదం ఉంటుంది. కోతులతో రేబీస్‌ లాంటి వింత లక్షణాలు ఉంటాయి. – సత్యనారాయణ, ఏరియా ఆసుపత్రి సూపరింటెండెంట్‌ప్రత్యేక బృందాలను రప్పిస్తాంకోతులు పట్టే ప్రత్యేక బృందం ఒక్కటే ఉంది. దసరా పండుగకు స్వగ్రామం వెళ్లారు. పది రోజుల్లో వస్తాం అన్నారు. ప్రత్యేక బృందం సభ్యులు వచ్చిన వెంటనే కోతులను పట్టిస్తాం. కోతుల బెడద తీవ్రంగా ఉందన్న విషయం నా దృష్టికి వచ్చింది. – మారుతిప్రసాద్‌, మున్సిపల్‌ కమిషనర్‌ చెన్నూర్‌

మంచిర్యాలఅగ్రికల్చర్‌: భూదాన్‌ భూములు, రీ సర్వే, భూభారతి పెండింగ్‌ దరఖాస్తుల పరిష్కారం వేగవంతం చేయాలని భూ పరిపాలన ప్రధాన కమిషనర్‌ లోకేష్‌కుమార్‌ అన్నారు. బుధవారం హైదరాబాద్‌లోని భూ పరిపాలన ప్రధాన కమిషనర్‌ కార్యాలయం నుంచి వీడియో కాన్ఫరెన్స్‌ ద్వారా జిల్లా అదనపు కలెక్టర్‌(రెవెన్యూ), కలెక్టరేట్‌ పరిపాలన అధికారులతో భూదాన్‌ భూములు, రీ సర్వే ప్రక్రియ, కోర్టు కేసులు, భూ సేకరణ, జీఓ నం 59, 76, 118 సంబంధిత పెండింగ్‌ దరఖాస్తులు, భూభారతి పెండింగ్‌ దరఖాస్తులు, విజిలెన్స్‌, ఇంటెలిజెన్స్‌ కేసులపై సమీక్ష నిర్వహించారు. జిల్లా అదనపు కలెక్టర్‌(రెవెన్యూ) వి.రాములు మాట్లాడుతూ జిల్లాలో ఎంపిక చేసిన గ్రామాల్లో రీ సర్వే పనులు సమర్థవంతంగా కొనసాగుతున్నాయని తెలిపారు. భూభారతి పెండింగ్‌ దరఖాస్తులు నిర్ణీత గడువులోగా పరిష్కరిస్తామని అన్నారు. ఈ కార్యక్రమంలో సర్వే అండ్‌ ల్యాండ్‌ రికార్డ్స్‌ ఏడీ శ్రీనివాస్‌, కలెక్టరేట్‌ ఏవో శ్రీనివాసరావు దేశ్‌పాండే, బీ, డీ సెక్షన్ల సూపరింటెండెంట్లు పాల్గొన్నారు.

చెన్నూర్‌: జిల్లాలో దసలి పట్టు కాయల పెంపకంలో ఆదివాసీ గిరిజన రైతులకు అడ్డంకులు ఎదురవుతున్నాయి. యధావిధిగా పెంపకానికి ప్రభుత్వం గత నెల 5న జీవో 83 విడుదల చేసినా అటవీ అధికారుల ఆంక్షలతో ముందుకు సాగని పరిస్థితులు నెలకొన్నాయి. చెన్నూర్‌ మండలం కిష్టంపేట, లింగంపల్లి ప్రాంతాల్లో సాగుకు అనుమతి ఇచ్చినా అడుగడుగునా అడ్డుకుంటున్నారు. ఇటీవల కోటపల్లి మండలం కొత్తపల్లి గ్రామంలో దసలిపట్టు రైతుపై దాడి నేపథ్యంలో రాష్ట్ర కార్మికశాఖ మంత్రి గడ్డం వివేక్‌వెంకటస్వామిని రైతులు, సెరికల్చర్‌ అధికారులు కలిసి సమస్య విన్నవించారు. సానుకూలంగా స్పందించిన ఆయన కలెక్టర్‌కు ఫోన్‌ చేసి రైతులను ఇబ్బంది పెట్టకుండా సాగుకు అనుమతి ఇవ్వాలని ఆదేశించారు. అయినా అటవీ అధికారులు నిత్యం రైతులను అడ్డుకుంటున్నారు. 80ఏళ్లుగా సాగు చెన్నూర్‌ పట్టు పరిశ్రమ పరిధిలో చెన్నూర్‌, కోటపల్లి, వేమనపల్లి, నెన్నెల మండలాల్లోని ఆదివాసీ గిరిజన రైతులు 80ఏళ్లుగా పట్టుకాయలు పండిస్తూ జీవనం సాగిస్తున్నారు. ఇన్నేళ్లుగా లేని ఇప్పుడు ఆంక్షలు విధిస్తూ ఉపాధి లేకుండా చేస్తున్నారని రైతులు ఆవేదన వ్యక్తం చేస్తున్నారు. గుంట భూమి కూడా లేని గిరిజన ఆదివాసీ కుటుంబాలకు జీవనోపాధిని అటవీశాఖ అడ్డుకుంటోందని వాపోతున్నారు. టస్సార్‌ను ప్రోత్సహించాలని జీవోలో ప్రభుత్వం పేర్కొన్నా నిర్వీర్యం చేసేందుకు అటవీశాఖ ప్రయత్నిస్తోందని ఆరోపిస్తున్నారు. దేశంలోని 13రాష్ట్రాలతోపాటు రాష్ట్రంలోని కుమురంభీం ఆసిఫాబాద్‌, జయశంకర్‌ భూపాలపల్లి, ములుగు జిల్లాల్లో నల్ల మద్ది చెట్లపై దసలి పట్టు కాయలు పండిస్తుండగా ఎక్కడా ఆంక్షలు లేవని సెరికల్చర్‌ అధికారులు అంటున్నారు. దసలి పురుగులు ఆకులు తిన్న తర్వాత కొమ్మలు తొలగించి వేరే చెట్టుకు వేయాల్సి ఉంటుంది. కొమ్మలను తొలగించకుండా దసలిపట్టు కాయలు ఎలా తయారవుతాయని ప్రశ్నిస్తున్నారు.రోడ్డుపై రైతుల నిరసనచెన్నూర్‌రూరల్‌: మండలంలోని కిష్టంపట గ్రామ సమీపంలో చెన్నూర్‌–మంచిర్యాల రహదారిపై దసిలి పట్టు పురుగుల పెంపకం రైతులు బుధవారం నిరసన వ్యక్తం చేశారు. అటవీ ప్రాంతంలో పట్టు పురుగుల పెంపకం అడ్డుకుంటున్నారని, వెళ్లకుండా దారి మూసి వేశారని తెలిపారు. జీవనోపాధికి ఇబ్బందులు ఎదురవుతున్నాయని తెలిపారు. కలెక్టర్‌ వచ్చి సమస్య పరిష్కరించాలని డిమాండ్‌ చేశారు. పోలీసులు నచ్చజెప్పి ఆందోళన విరమింపజేశారు. జీవో ప్రకారం అనుమతించాంరైతులకు పట్టు పరిశ్రమ శాఖ శిక్షణ ఇవ్వాలి. పెద్ద కొమ్మలు కొట్టి అడవికి నష్టం జరగకుండా చూడాలి. కాయలు పండించే ప్రాంతాల్లో ఫీల్డ్‌ సూపర్‌వైజర్లను ఏర్పాటు చేసుకోవాలి. కిష్టంపేట అటవీ పరిధి లింగంపల్లిలో దసలిపట్టు కాయలు పండించేందుకు అనుమతి ఇచ్చాం. ఉన్నతాధికారుల ఆదేశాల మేరకు నిలువరిస్తున్నాం. మైక్రోప్లాన్‌ ప్రకారం దసలి పట్టు కాయలను పండిస్తామని సీసీఎఫ్‌ను కలిసి అనుమతి తీసుకుంటే ఆదేశాలను పాటిస్తాం. – రాంమూర్తి ఫారెస్ట్‌ డివిజనల్‌ అధికారి చెన్నూర్‌చిన్న కొమ్మలు కొట్టకుంటే కాయ చేతికి రాదుదసలి పురుగు పెద్దది అవుతున్న కొద్దీ ఆ కొమ్మను కత్తిరించి పురుగులు వేరే చెట్టుకు వేయాల్సిందే. కొమ్మలను తెంచితే మూడు నెలల్లో చెట్టు గుబురుగా వస్తుంది. రెండో మూడో పంట కాయలు సైతం అవే చెట్లపై పండిస్తారు. పెద్ద కొమ్మలు కొడుతున్నారని అటవీ అధికారులు అడ్డుకోవడం బాధగా ఉంది. – పర్వతి రాథోడ్‌, సెరికల్చర్‌ ఏడీ

జన్నారం: మండలంలో కడెం కాలువ, బావులు, చెరువుల కింద సుమారు ఎనిమిది వేల ఎకరాల్లో వరి సాగు చేశారు. కరెంటు కోతలు.. కాలువ నీరందక మండలంలో పంటలు ఎండిపోతున్నాయి. వరి పొట్ట, గింజ పాలు పోసుకునే దశలో ఉండగా నీరందక పొలాలు పగుళ్లు బారుతున్నాయి. కాలువ కింద జోన్‌వారీగా నీటి విడుదలతో చివరి ఆయకట్టు పొలాలు ఎండుతున్నాయి. కలమడుగు గ్రామంలో నీటి విడుదల విషయమై ఇరిగేషన్‌ అధికారులు, రైతుల మధ్య బుధవారం వాగ్వాదం జరిగింది. మరో నాలుగు తడులు ఇస్తే పంట చేతికొస్తుందని కోరుతున్నారు. సాగునీటిని సక్రమంగా సరఫరా చేయకపోవడంతో వరి పంటలు ఎండిపోయే ప్రమాదం ఉందని కలమడుగుకు చెందిన రైతు కళ్యాణపు పోషన్న, మరికొందరు రైతులు ఆవేదన వ్యక్తం చేస్తున్నారు.

లక్సెట్టిపేట: లక్సెట్టిపేట మున్సిపాలిటీ పరిధిలోని ఇటిక్యాల గ్రామానికి చెందిన రాజ్‌ కుమార్‌ (42) అనే వ్యక్తి మద్యానికి బానిసై మృతి చెందినట్లు స్థానిక ఎస్సై గోపతి సురేశ్‌ తెలిపారు. వివరాల ప్రకారం మృతుడు గత కొద్దిరోజుల నుంచి మద్యానికి బానిసయ్యాడు. ఈనెల 27వ తేదీన సాయంత్రం పాత బస్టాండ్‌లోని వైన్స్‌ షాప్‌ వద్ద అతిగా మద్యం తాగి కిందపడడంతో గాయాలై మృతి చెందాడు. అతడికి భార్య, కూతురు ఉన్నారు. భార్య రమాదేవి ఫిర్యాదు మేరకు కేసు నమోదు చేసి దర్యాప్తు జరుపుతున్నామని ఎస్సై పేర్కొన్నారు.

కాసిపేట: కేకే ఓపెన్‌కాస్టులో సర్వేనంబర్‌ 146, 147లలో నష్టపోయిన రైతులకు నష్టపరిహారం చెల్లించాలని బుధవారం భూనిర్వాసిత రైతులు ధర్నా చేసి వాహనాలను అడ్డుకున్నారు. ఈసందర్భంగా మాజీ సర్పంచ్‌, అల్‌ఇండియా బంజారా సంఘం జిల్లా అధ్యక్షుడు సఫాట్‌ శంకర్‌ మాట్లాడుతూ సర్వేనంబర్‌ 146లో 28 ఎకరాల భూమి కోర్టు కేసు నడుస్తుండగానే సింగరేణి అధికారులు దౌర్జన్యంగా కంచె వేసి చేనులో నుంచి నిర్మిస్తున్న రోడ్డును ఆపివేశారన్నారు. 150ఎకరాల భూమికి గత సంవత్సరం బెల్లంపల్లి సబ్‌ కలెక్టర్‌ ఆధ్వర్యంలో సర్వే జరిగిందని, గ్రామసభ నిర్వహించి ఎంజాయ్‌మెంట్‌ చేయనున్నట్లు సబ్‌కలెక్టర్‌ హమీ ఇచ్చారన్నారు. సర్వే చేయకుండా పరిహారం ఇవ్వకుండా పనులు చేపడుతున్నారని అధికారులను ప్రశ్నించి పనులు అడ్డుకున్నట్లు తెలిపారు. కాసిపేట ఎస్సై శ్రావణ్‌కుమార్‌, కేకే ఓసీపీ పీవో రాంబాబు రైతులతో చర్చించి కాసిపేట తహసీల్దార్‌తో ఫోన్‌లో మాట్లాడించారు. కార్యాలయానికి గురువారం రావాలని సమస్యపై చర్చిస్తానని చెప్పడంతో ఆందోళన విరమించారు. నిర్వాసిత రైతులు, తదితరులు పాల్గొన్నారు.

ఉట్నూర్‌రూరల్‌: గొండ్వానా భూభాగంలో అత్యంత పవిత్రమైన ఎత్మసార్‌ ఉత్సవాలు, గుస్సాడి –పద్మల్‌పూరి కాకో దేవత పోస్టర్‌ను ఐటీడీఏ కార్యాలయంలో పీవో మంద మకరందు ఆవిష్కరించారు. నిర్వాహకులు మాట్లాడుతూ.. నవంబర్‌ 5న పద్మల్‌పూరి కాకో దేవస్థానంలో ప్రత్యేక దర్బార్‌ నిర్వహించనున్నట్లు తెలిపారు. నవంబర్‌ 1 నుంచి 12 వరకు ఘనంగా గుస్సాడి –దండారి ఉత్సవాలు జరగనున్నాయన్నారు. ఈ పవిత్ర వేడుకలకు ప్రజలు, నాయకులు పెద్ద సంఖ్యలో భారీ ఎత్తున హాజరు కావాలని వారు కోరారు. పద్మపూరి కాకో వైస్‌ చైర్మన్‌ కుమ్ర లింగారావు, రాజ్‌ గోండు సేవా సమితి రాష్ట్ర ప్రధాన కార్యదర్శి మంగం విషంరావు, రాష్ట్ర నాయకులు తొడాసం భీంరావు, నిర్మల్‌ జిల్లా అధ్యక్షులు ఆత్రం రాజేశ్వర్‌, రాజ్‌ విద్యార్థి సంఘం నిర్మల్‌ జిల్లా అధ్యక్షులు ఆత్రం భగవంత్‌ రావు, పెందోర్‌ శ్రీనివాస్‌, ఆదివాసీ సేన మండల అధ్యక్షులు ఆత్రం జలపాత్‌ పటేల్‌ తదితరులు పాల్గొన్నారు.

మంచిర్యాలటౌన్‌: ప్రజలు, యువత మత్తు పదార్థాలకు దూరంగా ఉండాలని జిల్లా అదనపు కలెక్టర్‌ చంద్రయ్య అన్నారు. నషాముక్త్‌ భారత్‌ అవగాహన ర్యాలీని బుధవారం మంచిర్యాల ప్రభుత్వ జనరల్‌ ఆసుపత్రి వద్ద జిల్లా అదనపు కలెక్టర్‌, జిల్లా వైద్య, ఆరోగ్య శాఖ అధికారి డాక్టర్‌ నరేందర్‌ రాథోడ్‌ ప్రారంభించారు. ఈ సందర్భంగా జిల్లా అదనపు కలెక్టర్‌ మాట్లాడుతూ నషాముక్త్‌ భారత్‌ కార్యక్రమంలో భాగంగా నవంబర్‌ 14వరకు జిల్లాలో అవగాహన కార్యక్రమాలు నిర్వహిస్తామని తెలిపారు. ఈ కార్యక్రమంలో జిల్లా ఉప వైద్యాధికారి డాక్టర్‌ సుధాకర్‌ నాయక్‌, ప్రోగ్రాం ఆఫీసర్‌ డాక్టర్‌ శ్రీధర్‌, డాక్టర్‌ అనిల్‌ కుమార్‌, డాక్టర్‌ సునిల్‌, డెమో బుక్క వెంకటేశ్వర్‌, ఇంటర్‌మీడియేట్‌ బోర్డు అధికారి అంజయ్య, రెడ్‌క్రాస్‌ జిల్లా చైర్మన్‌ కంకణాల భాస్కర్‌రెడ్డి, వైస్‌ చైర్మన్‌ చందూరి మహేందర్‌ పాల్గొన్నారు.

మందమర్రిరూరల్‌: కాంగ్రెస్‌ ప్రభుత్వం ఎన్నికల ముందు ఇచ్చిన హామీల అమలుపై దృష్టి సారించాలని బీజేపీ రాష్ట్ర ఉపాధ్యక్షుడు వెరబెల్లి రఘునాథ్‌ అన్నారు. బుధవారం స్థానికంగా ఆయన విలేకరులతో మాట్లాడారు. హామీలు అమలు చేయలేక ఓటు చోరీ అంటూ కాంగ్రెస్‌ ప్రజాప్రతినిధులు ప్రజలను మోసం చేస్తున్నారని విమర్శించారు. మంత్రి వివేక్‌, పెద్దపల్లి ఎంపీ వంశీకృష్ణ వారి నియోజకవర్గాల్లో కనీసం ఒక్క ఓటైనా తొలగించినట్లు నిరూపించాలని సవాల్‌ విసిరారు. రాష్ట్రంలో విద్యుత్‌ కోతలు, నిరుద్యోగం పెరిగి ప్రజలు అల్లాడిపోతున్నారని, ప్రశ్నించిన వారిపై అక్రమ కేసులు బనాయిస్తున్నారని ధ్వజమెత్తారు. ఈ సమావేశంలో పార్టీ జిల్లా అధ్యక్షుడు నగునూరి వెంకటేశ్వర్‌గౌడ్‌, మీడియా ఇంచార్జి ఆంజనేయులు, కార్యవర్గ సభ్యుడు దుర్గం అశోక్‌, మాజీ ఎ మ్మెల్యే శ్రీదేవి, జిల్లా ఉపాధ్యక్షుడు వెంకటకృష్ణ, నాయకులు అక్కల రమేష్‌, దీక్షితులు, సంతోష్‌, సంజీవరావు, తదితరులు పాల్గొన్నారు.

రామకృష్ణాపూర్‌: చరిత్రకు సాక్ష్యాలుగా నిలిచే శి ల్పసంపద.. ఆధ్యాత్మికతను చాటిచెప్పే ఆలయాలు.. నాటి పాలకుల నిర్మాణ వైభవాన్ని గుర్తుచేసే కోటగోడలు.. కొండల నడుమ కనువిందు చేసే ప్రకృతి అందాలు.. ఇలా ఎన్నో ప్రత్యేకతలకు నిలయమైన గాంధారి ఖిల్లా పర్యాటక ప్రాంతంగా అభివృద్ధికి నోచుకోవడం లేదు. మంచిర్యాల జిల్లా మందమర్రి మండలం బొక్కలగుట్ట శివారులో ఉన్న ఈ చారిత్రక ప్రాంతం తగిన గుర్తింపు, అభివృద్ధి కోసం ఎదురుచూస్తోంది. గతంలోనే పర్యాటక ప్రాంతంగా తీర్చిదిద్దాలనే ప్రతిపాదనలు తెరపైకి వచ్చినప్పటికీ, అవి కార్యరూపం దాల్చలేదు. ఇటీవల పెద్దపల్లి ఎంపీ గడ్డం వంశీకృష్ణ రామగిరి ఖిల్లాకు రోప్‌వే సదుపాయం కల్పించే దిశగా కృషి చేస్తున్న నేపథ్యంలో.. అదే తరహాలో గాంధారి ఖిల్లా అభివృద్ధిపైనా దృష్టి సారించాలని స్థానికులు కోరుతున్నారు. అడుగడుగునా చరిత్ర ఆనవాళ్లు.. గాంధారి ఖిల్లా ప్రాంతంలో జైన, బౌద్ధ సంప్రదాయాలతో పాటు కాకతీయులు, రెడ్డి రాజుల కాలానికి చెందినవిగా భావించే చారిత్రక ఆనవాళ్లు ఉన్నాయి. ఖిల్లాపై ఉన్న శిల్పాలు, శిలాశాసనాలు, ఆలయ నిర్మాణాలు ఈ ప్రాంత ప్రాచీన చరిత్రపై ఆసక్తిని రేకెత్తిస్తున్నాయి. ఖిల్లాకు చేరుకోవాలంటే గాంధారివనం నుంచి బొక్కలగుట్ట మీదుగా వెళ్లాల్సి ఉంటుంది. ఖిల్లా ప్రవేశ ద్వారం నుంచి కొండపైకి వెళ్తున్నా కొద్దీ కనిపించే పురాతన నిర్మాణాలు సందర్శకులను ఆకట్టుకుంటాయి. కాలభైరవుడి విగ్రహం, గాంధారి మైసమ్మ ఆలయంతో పాటు అష్టబైరవుల విగ్రహాలు, ఏడు తలల ఆదిశేషుడి శిల్పం, వీరాంజనేయ స్వామి విగ్రహం, శివాలయం, విష్ణుమూర్తి ఆలయ ఆనవాళ్లు ఈ ప్రాంత ప్రత్యేకతను చాటుతున్నాయి. గౌతమబుద్ధుడి ధ్యానమండపంగా భావించే నిర్మాణ ఆనవాళ్లు, రెడ్డి రాజుల కాలానికి చెందినదిగా పేర్కొనే శిలాశాసనం ఈ ప్రాంత చరిత్రను మరింత అధ్యయనం చేయాల్సిన అవసరాన్ని సూచిస్తున్నాయి. నాటి నిర్మాణ నైపుణ్యానికి నిదర్శనాలు.. తాగునీటి అవసరాల కోసం ఖిల్లాపై భాగంలో నిర్మించిన కోనేరు, పలు బావులు, పెద్ద బావి ఇప్పటికీ ఈ ప్రాంతంలో కనిపిస్తుండటం విశేషం. గుర్రాలు, ఏనుగుల అవసరాల కోసం ఉపయోగించేవిగా స్థానికులు చెబుతున్న రాతితొట్లు కూడా ఇక్కడ ఉన్నాయి. ఖిల్లాకు ఆనుకుని ఉన్న మెడి చెరువు, నీటి నిల్వకు అనుసంధానించినట్లు చెబుతున్న రాతి నిర్మాణాలు, కొండను తొలచి ఏర్పాటు చేసినట్లు చెప్పే సొరంగ మార్గం నాటి నిర్మాణ నైపుణ్యంపై ఆసక్తిని కలిగిస్తున్నాయి. జీడికోట.. ధ్యానానికి ప్రకృతి ఒడి..గాంధారి ఖిల్లా కొండల మధ్య ఉన్న జీడికోట ప్రాంతం ప్రకృతి ప్రేమికులకు, ఆధ్యాత్మిక సాధకులకు అనువైన ప్రదేశంగా నిలుస్తోంది. ప్రశాంతమైన వాతావరణం, స్వచ్ఛమైన గాలి, చెట్లతో కూడిన ప్రకృతి పరిసరాలు ఈ ప్రాంతానికి ప్రత్యేక ఆకర్షణ. గతంలో ఇక్కడ పంటలు పండించేవారని స్థానికులు చెబుతున్నారు. ఈ ప్రాంతాన్ని పర్యావరణ పరిరక్షణకు ప్రాధాన్యమిస్తూ ధ్యాన కేంద్రంగా అభివృద్ధి చేయాలని సూచిస్తున్నారు. గాంధారి ఖిల్లా ప్రాధాన్యాన్ని గుర్తించిన అటవీశాఖ అధికారులు ఇప్పటికే ఈ ప్రాంతంలో జంగిల్‌ సఫారీ, మారథాన్‌ వంటి కార్యక్రమాలు నిర్వహించారు. మరోవైపు ప్రతీ ఆదివారం ట్రెక్కింగ్‌ చేపడుతున్నారు. ఈ ప్రాంతాన్ని పర్యాటక ప్రాంతంగా తీర్చిదిద్దేందుకు రాష్ట్ర కార్మిక శాఖ మంత్రి వివేక్‌ వెంకటస్వామి, పెద్దపల్లి ఎంపీ వంశీకృష్ణ చొరవ చూపాలని స్థానికులు విజ్ఞప్తి చేస్తున్నారు.అభివృద్ధికి కృషి చేస్తా గాంధారి ఖిల్లాను పర్యాటక కేంద్రంగా అభివృద్ధి చేసేందుకు తప్పక కృషి చేస్తా. ఖిల్లా అభివృద్ధికి సంబంధించి ఇప్పటికే లేఖ కూడా రాశాను. త్వరలో గాంధారి ఖిల్లాను సందర్శించి చారిత్రక ప్రాధాన్యం, పర్యాటక అభివృద్ధికి ఉన్న అవకాశాలను పరిశీలిస్తా. రామగిరి ఖిల్లా తరహాలో గాంధారి ఖిల్లాకు కూడా గుర్తింపు తీసుకువచ్చి, పర్యాటక కేంద్రంగా తీర్చిదిద్దేందుకు సంబంధిత శాఖల అధికారులతో మాట్లాడుతా. – గడ్డం వంశీ కృష్ణ, ఎంపీ, పెద్దపల్లి

సాక్షి ప్రతినిధి, మంచిర్యాల: మంచిర్యాల నియోజకవర్గంపై రాష్ట్ర పోలీస్‌ బాస్‌ డీజీపీ సీవీ.ఆనంద్‌ ప్రత్యేక దృష్టి సారించారు. ఇటీవల జరుగుతున్న పరిణామాలతో శాంతిభద్రతల నిర్వహణ తీరును ప్రత్యేకంగా గమనిస్తున్నారు. ఈ నెల 24న బీజేపీ రాష్ట్ర ఉపాధ్యక్షుడు వెరబెల్లి రఘునాథ్‌రావు మల్టీ జోన్‌ ఐజీ చంద్రశేఖర్‌రెడ్డిని కలిసి ఫిర్యాదు చేశారు. ఈ నెల 25న కాంగ్రెస్‌ నాయకుడు జగన్‌మోహన్‌రావు డీజీపీని కలిసి సద్దుల బతుకమ్మ, దసరా పండుగ రోజు దండేపల్లి మండలం తాళ్లపేటలో జరిగి న ఘటనలపై ఫిర్యాదు చేశారు. కొందరు పోలీసులు ఏకపక్షంగా వ్యవహరిస్తున్నారంటూ ఆరోపించారు. ఈ మేరకు డీజీపీ జిల్లా కేంద్రంతో సహా నియోజకవర్గంలో ఇటీవల జరిగిన ఘటనలపై నివేదికలు తెప్పించుకున్నట్లు తెలుస్తోంది. రామగుండం పోలీసు కమిషనర్‌ అంబర్‌ కిషోర్‌ ఝాతో సహా డీసీపీ భాస్కర్‌, మంచిర్యాల ఏసీపీ, ఇద్దరు సీఐలతోనూ నేరుగా మాట్లాడారు. ఇక్కడి పరిస్థితులను తెలుసుకోవడంతోపాటు విధి నిర్వహణలో నిష్పక్షపాతంగా పని చేయాలని సూచించినట్లు తెలిసింది. కుమ్ములాటలో ‘ఖాకీ’లకు సవాళ్లు కాంగ్రెస్‌ పార్టీలోని అంతర్గత కుమ్ములాటలతో శాంతిభద్రతల నిర్వహణలో పోలీసులకు సవాళ్లు ఎదురవుతున్నాయి. ఒకే పార్టీలో మంత్రి వివేక్‌, ఎంపీ వంశీకృష్ణ, జగన్‌మోహన్‌రావు ఓ వైపు.. ఎమ్మెల్యే ప్రేమ్‌సాగర్‌రావు మరోవైపు అన్నట్లుగా నడుస్తోంది. దీంతో కేసుల నమోదు, విచారణలో రాజకీయ ఒత్తిళ్లు వస్తున్నాయి. గత కొద్ది రోజులుగా నియోజకవర్గంలో జరుగుతున్న వర్గ విభేదాలు పీసీసీ దృష్టికి వెళ్లాయి. అయితే గాంధీ భవన్‌ నుంచి ఇంకా ఎలాంటి చర్యలు తీసుకోనట్లు తెలుస్తోంది. నాయకుల మధ్య పాత కక్షలు, రాజకీయ గ్రూపులుగా మారడంతో వర్గ విభేదాలకు దారి తీస్తున్నాయి. మరోవైపు కాంగ్రెస్‌ సర్కారు హయాంలోనే మంచిర్యాలలో శాంతిభద్రతలు అదుపు తప్పుతున్నాయంటూ బీఆర్‌ఎస్‌, బీజేపీ నాయకులు తీవ్ర స్థాయిలో విమర్శలు గుప్పిస్తున్నారు. నిఘా వర్గాల నివేదికలు మంచిర్యాల నియోజకవర్గ పరిణామాలపై ఎప్పటికప్పుడు ఇంటెలిజెన్స్‌ వర్గాలు నివేదికలు అందజేస్తున్నాయి. అధికార పార్టీలో జరుగుతున్న వ్యవహారాలు, శాంతిభద్రతల నిర్వహణపై ఎప్పటికప్పుడు ఉన్నతాధికారులకు చేరుతున్నాయి. దండేపల్లి మండలం తాళ్లపేటలో గొడవ, దసరా మరునాడు కాంగ్రెస్‌ నాయకుడు జగన్‌మోహన్‌రావు ఇంటిపై దాడులు జరిగే అవకాశం ఉందంటూ ఆ రోజంతా భారీగా పోలీసుల మోహరింపు వరుస ఘటనలు జరిగాయి. తర్వాత లక్షెట్టిపేట మండలం వెంకట్రావ్‌పేటలో జిల్లా ఆర్టీఏ కమిటీ సభ్యుడు అంకతి శ్రీనివాస్‌ ఇంటిపై దాడి, పాత మంచిర్యాలలో ఇరువర్గాల్లో గొడవ జరిగి కేసులు నమోదయ్యాయి. రంగంలోకి సీపీహైదరాబాద్‌కు రావాలని డీజీపీ పిలుపు త ర్వాత రంగంలోకి దిగిన సీపీ అంబర్‌ కిషోర్‌ ఝా జిల్లా కేంద్రంలో మంగళవారం అర్ధరాత్రి గస్తీ చేశారు. ఏసీపీ ప్రకాష్‌, సీఐ ప్రమోద్‌రావు, రూరల్‌ సీఐ రవీందర్‌తో కలిసి నడుస్తూ.. బైక్‌పై వెళ్తూ మూడు గంటలపాటు నగరాన్ని జల్లెడ పట్టారు. బ్లూ కోల్ట్స్‌, పెట్రోకార్‌ సిబ్బందికి పెట్రోలింగ్‌పై ఆదేశాలు ఇచ్చారు. నగరంలో మరింత గస్తీ పెంచాలని, సమస్యాత్మక ప్రాంతాల్లో నిత్యం అప్రమత్తంగా ఉండాలని సూచించారు. పాత నేరస్తుల కదలికలపై ఆరా తీస్తూ వివరాలు సేకరించారు. శాంతి భద్రతలకు విఘాతం కలిగించే వారు ఎంతటి వారైనా ఉపేక్షించేది లేదని స్పష్టం చేశారు. ఇప్పటికే జిల్లా కేంద్రంలో పలు కేసుల్లో ఉన్న 44మందిని గుర్తించి బైండోవర్‌ చేశారు. రెండు వర్గాల్లో చురుగ్గా ఉండే యువకులపై, లాడ్జీలు, హోటళ్లలో స్థానికుల రాక, సంచారంపై నిఘా పెంచారు.

మంచిర్యాలటౌన్‌: మంచిర్యాలలో శాంతి భద్రతలు పూర్తిగా ఓం శాంతి అయిపోయాయని, అసలు లా అండ్‌ ఆర్డర్‌ ఉందా అని బీఆర్‌ఎస్‌ పార్టీ రాష్ట్ర నాయకుడు నడిపెల్లి విజిత్‌కుమార్‌ ప్రశ్నించారు. మంచిర్యాలలోని మాజీ ఎమ్మెల్యే నడిపెల్లి దివాకర్‌రావు నివాసంలో బుధవారం ఆయన విలేకరులతో మాట్లాడారు. కొద్ది రోజులుగా అధికార పార్టీ నాయకులు కొట్టుకుంటూ ఈ ప్రాంతాన్ని నాశనం చేస్తున్నా పోలీసులు పట్టించుకోవడం లేదన్నారు. ఎమ్మెల్యేగా ప్రేమ్‌సాగర్‌రావు గెలిచిన రోజు నుంచి గొడవలు జరుగుతున్నాయని, పాతమంచిర్యాలలో గతంలో బీఆర్‌ఎస్‌ నాయకులను కొట్టించారని అన్నారు. ఎమ్మెల్యే, జగన్‌మోహన్‌రావు కలిసి ఉన్నా, విడిపోయినా మంచిర్యాలలో దాడులు జరుగుతున్నాయని, కలిసి ఉంటే ప్రతిపక్షంపై, విడిపోతే స్వపక్షంపై దాడులు జరుగుతున్నాయని ఆరోపించారు. డబుల్‌ బెడ్‌రూం ఇళ్లకు 17వేల మంది దరఖాస్తు చేసుకుంటే కేవలం 804 మందిని ఎలా ఎంపిక చేసి డ్రా నిర్వహిస్తారని ప్రశ్నించారు. మంచిర్యాలలో ఐటీపార్కు, ఇండస్ట్రియల్‌ పార్కు అని చెప్పిన చోట రాత్రి పగలు తేడా లేకుండా మట్టిని ఎత్తుకెళ్తున్నారని, మైనింగ్‌ మాఫియాపై ఎందుకు చర్యలు తీసుకోవడం లేదని ప్రశ్నించారు. బీఆర్‌ఎస్‌ నాయకులు పాల్గొన్నారు.

మంచిర్యాలక్రైం: సిద్దిపేట సమీపంలో జరిగిన రోడ్డు ప్రమాదంలో మంచిర్యాల ఆర్టీసీ బస్సు డిపో డ్రైవర్‌ సదాల శ్రీనివాస్‌(57) మృతిచెందాడు. కుటుంబ సభ్యులు, తోటి సిబ్బంది తెలిపిన వివరాల ప్రకారం.. బెల్లంపల్లికి చెందిన సదాల శ్రీనివాస్‌ మంచిర్యాల ఆర్టీసీ బస్సు డిపోలో డ్రైవర్‌గా పని చేస్తున్నాడు. ఆరోగ్యం సహకరించడం లేదని, రాత్రి డ్యూటీ వల్ల నిద్ర ఆగడం లేదని గత కొంతకాలంగా ఆర్టీసీ డీఎంకు లేఖ దరఖాస్తు చేశాడు. హైదరాబాద్‌ నైట్‌డ్యూటీలు వద్దని, లోకల్‌ డ్యూటీలు వేయాలని కోరాడు. మంగళవారం రాత్రి సూపర్‌లగ్జరీ బస్సుపై డ్యూటీ వేయడంతో బెల్లంపల్లి నుంచి హైదరాబాద్‌కు బయల్దేరాడు. మార్గమధ్యంలోని సిద్దిపేట సమీపంలో సుమారు రెండు గంటల ప్రాంతంలో రహదారిపై ముందు వెళ్తున్న లారీని నిద్రమత్తులో ఢీకొట్టడంతో తీవ్రంగా గాయపడ్డాడని తెలిపారు. స్థానికులు సిద్దిపేట ఆస్పత్రికి తరలించగా.. మెరుగైన వైద్యం కోసం హైదరాబాద్‌ గాంధీ ఆస్పత్రికి తరలించారు. అక్కడ చికిత్స పొందుతూ పరిస్థితి విషమించడంతో శ్రీనివాస్‌ చనిపోయాడు. ఆయనకు భార్య అరుణ, కూతురు సుశ్రుత, కుమారులు అభిజిత్‌, రిశ్వేష్‌ ఉన్నారు. శ్రీనివాస్‌ మృతితో మంచిర్యాల ఆర్టీసీ డిపో డ్రైవర్లు, కండక్టర్లు, సిబ్బంది దిగ్భ్రాంతికి గురయ్యారు.

శ్రీరాంపూర్‌: శ్రీరాంపూర్‌ ఏరియా బీసీ లైజన్‌ అధికారిగా ఏరియా ఎస్‌ఓటు జీఎం బీ.కృష్ణప్రసాద్‌ బుధవారం జీఎం కార్యాలయంలో బాధ్యతలు స్వీకరించారు. ఏరియా జీఎం ఎం.శ్రీనివాస్‌, అధికారులు, బీసీ, ఎస్సీ, ఎస్టీ సంఘాల నేతలు ఆయనను శాలువాతో సత్కరించారు. ఈ సందర్భంగా ఆయన మాట్లాడుతూ బీసీ ఉద్యోగుల సమస్యల పరిస్కారం కోసం కంపెనీకి, ఉద్యోగులకు మధ్య వారధిగా వ్యవహరిస్తానన్నారు. డీజీఎం(పర్సనల్‌) అనిల్‌కుమార్‌, ఎస్సీ లైజన్‌ అధికారి కే.ఆనంద్‌కుమార్‌, ఎస్టీ లైజన్‌ అధికారి ఆరే గుండేరావు, డీజీఎం(ఐఈడీ) రాజన్న, అకౌంట్స్‌ అధికారి రవి, డీవైసీఎంఓ డాక్టర్‌ రమేశ్‌బాబు, పర్జేస్‌ అధికారి చంద్రశేఖర్‌, బీసీ ఉద్యోగుల సంఘం ఉపాధ్యక్షులు శ్రీనివాస్‌ తదితరులు పాల్గొన్నారు.

కాగజ్‌నగర్‌టౌన్‌: దీపావళి పండుగ సందర్భంగా ప్రయాణికుల రద్దీని దృష్టిలో పెట్టుకొని (06073) తిరువంతపురం నార్తబ –హజరత్‌ నిజాముద్దీన్‌ వయా వరంగల్‌ మీదుగా ప్రత్యేక రైలును నవంబర్‌ 2 నుంచి నవంబర్‌ 19 వరకు నడుపనున్నట్లు దక్షిణమధ్య రైల్వే అధికారులు బుధవారం ఒక ప్రకటనలో తెలిపారు. ఈ రైలు సామాన్య, మధ్య తరగతి ప్రయాణికులకు అనుకూలంగా త్రీటైర్‌ ఎకానమీ, స్లీపర్‌ కోచ్‌లు అందుబాటులో ఉండనున్నాయి. ఈ రైలు కేరళలోని వర్కాల శివగిరి, కొల్లం జంక్షన్‌, కాయంకుళం, మావెలికర, చెంగనూరు, తిరువల్లా, చంగనాసేరి, కొట్టాయం, ఎర్నాకులం టౌన్‌, అల్వా, త్రినూర్‌, తమిళనాడు కర్ణాటక సరిహద్దులోని పాలక్కాడ్‌, పోడనూర్‌, తిరుపూర్‌, ఈరోడ్‌, సేలం, జోలార్‌ పేటాయి, కాట్పాడ్‌, ఆంధ్రప్రదేశ్‌లోని రేణిగుంట, నెల్లూరు, ఒంగులు, చీరాల, విజయవాడ, తెలంగాణలోని ఖమ్మం, వరంగల్‌, మంచిర్యాల, సిర్పూర్‌ కాగజ్‌నగర్‌, మహారాష్ట్రలోని బల్లార్షా, నాగ్‌పూర్‌ ఇటార్సీ, రాణికమలాపతి, వీరాంగన లక్ష్మిబాయి ఝాన్సీ జంక్షన్‌, గ్వాలియర్‌, అగ్ర, మధుర స్టేషన్లలో స్టాప్‌ సౌకర్యం కల్పించారు. కాగజ్‌నగర్‌లో హాల్టింగ్‌ ఉండడంతో ఈ ప్రాంత ప్రజల దీర్ఘకాల డిమాండ్‌ నెరవేరినట్లయింది.

బెల్లంపల్లి: బెల్లంపల్లి ప్రభుత్వ సాంఘిక సంక్షేమ బాలుర గురుకుల సెంటర్‌ ఆఫ్‌ ఎక్స్‌లెన్స్‌(సీవోఈ) పాఠశాల/కళాశాల విద్యార్థి జాతీయ స్థాయి సాప్ట్‌బాల్‌ పోటీలకు ఎంపికయ్యాడు. 6వ తరగతి విద్యార్థి వేల్పుల రిషి ఈ నెల 16, 17న హన్మకొండ ఎల్‌బీ కళాశాల మైదానంలో జరిగిన 11వ తెలంగాణ రాష్ట్రస్థాయి అండర్‌–13 విభాగం పోటీల్లో అత్యుత్తమ ప్రతిభ కనబరిచాడు. బెస్ట్‌ ఆల్‌ రౌండ్‌ ప్లేయర్‌గా నిలువడంతో జాతీయస్థాయి పోటీలకు ఎంపిక చేశారని సీవోఈ ప్రిన్సిపల్‌ ఆకిడి విజయసాగర్‌ తెలిపారు. ఈ నెల 29, 30, 31న మహారాష్ట్రలోని సంజీవని యూనివర్సిటీ కోపర్గాన్‌లో జరిగే పోటీల్లో పాల్గొంటాడని తెలిపారు. రిషిని ప్రత్యేకంగా అభినందించారు. ఈ కార్యక్రమంలో వైస్‌ ప్రిన్సిపాల్‌ తన్నీరు గోపి, జూనియర్‌ వైస్‌ ప్రిన్సిపాల్‌ దుర్గం రమాదేవి, కమలాకర్‌, శ్రీనివాసరావు, వ్యాయామ ఉపాధ్యాయులు ముచ్చ కుర్తి రాజశేఖర్‌, ఆలూరి వామన్‌ పాల్గొన్నారు. బాస్కెట్‌బాల్‌ ఎంపిక పోటీలుమంచిర్యాలఅర్బన్‌: స్కూల్‌ గేమ్స్‌ ఫెడరేషన్‌ ఆధ్వర్యంలో జిల్లా కేంద్రంలోని జెడ్పీ బాయ్స్‌ హైస్కూల్‌ ప్రాంగణంలో అండర్‌ –17, అండర్‌ –14 బాలబాలికల జిల్లా స్థాయి బాస్కెట్‌బాల్‌ ఎంపిక పోటీలు బుధవారం ఘనంగా ప్రారంభమయ్యాయి. పోటీల్లో పాల్గొనేందుకు జిల్లా నలుమూలల నుంచి దాదాపు 200మంది క్రీడాకారులు హాజరయ్యారు. కార్యక్రమంలో పాఠశాల ప్రధానోపాధ్యాయుడు బండి రమేశ్‌, పోటీల నిర్వాహకులు రాజయ్య, బెల్లం శ్రీనివాస్‌, విజయ్‌ తదితరులు పాల్గొన్నారు. పులి దాడిలో ఆవు మృతిమంచిర్యాలరూరల్‌(హాజీపూర్‌): లక్సెట్టిపే ట అటవీ రేంజ్‌ పాతమంచిర్యాల అటవీ సెక్షన్‌ పరిధిలో ర్యాలీ అటవీ శివారు ప్రాంతంలో ఈ నెల 23న పులి దాడిలో ఓ ఆవు మృత్యువాకు గురైంది. ర్యాలీ గ్రామానికి చెందిన ఆత్రం భీంరావుకు చెందిన ఆవు మే తకు వెళ్లగా పులి దాడి చేసింది. పులి అడుగులు గుర్తించిన అధికారులు పులి ఏ వైపుగా వె ళ్లి ఉంటుందని క్షేత్రస్థాయిలో పర్యటించినా గుర్తించలేకపోయారు. కాగా పులిదాడిలో మృత్యువాతకు గురైన ఆవుకు నష్టపరి హార ం ఇప్పించేలా నివేదిక తయారు చేసిన ట్లు అటవీ రేంజ్‌ అధికారి సంతోష్‌ తెలిపారు. ఒకరి అదృశ్యంఆదిలాబాద్‌టౌన్‌: ఆదిలాబాద్‌ పట్టణంలోని క్రాంతినగర్‌కు చెందిన మోహన్‌ అనే యువకుడు అదృశ్యమైనట్లు టూటౌన్‌ ఎస్సై అఖిల్‌ తెలిపారు. ఈనెల 23న పెయింటింగ్‌ పనుల కోసం నిజామాబాద్‌ వెళ్తున్నానని ఇంట్లో చె ప్పి వెళ్లాడు. 25న ఆయనకు ఫోన్‌ చేస్తే కలవ డం లేదని, స్విచ్‌ ఆఫ్‌ వస్తుందని కుటుంబీకులు తెలిపారు. వారి ఫిర్యాదు మేరకు బుధవారం కేసు నమోదు చేసినట్లు పేర్కొన్నారు.

కడెం కాలువ కింద ఎకరం పొలం పండిస్తున్న. మరో నాలుగు తడులు ఇస్తే పంట చేతికొస్తుంది. ఇరిగేషన్‌ అధికారులు విడతల వారీగా నీరిస్తామని చెబుతున్నారు. ఇలా ఇవ్వడంతో ఇప్పటికే వరి పంట సగం ఎండింది. ఆపకుండా నీరిచ్చిఆదుకోవాలి. – జక్కుల గౌరయ్య, కలమడుగుజోన్లుగా విభజించి ఇస్తున్నాంఎల్‌నినో ప్రభావంతో కడెం ప్రాజెక్టులో నీరు తగ్గుతోంది. నీటి వృథాను అరికట్టేందుకు రెండు జోన్లుగా ఏర్పాటు చేసి నీరందిస్తున్నాం. 1 నుంచి 12డిస్ట్రిబ్యూటరీలు ఏ జోన్‌, 13నుంచి 20 డిస్ట్రిబ్యూటరీలు బీ జోన్‌గా విభజించాం. రైతులు నీరు వృథా చేయకుండా కాపాడుకోవాలి. పంట చేతికొచ్చే వరకు నీరందిస్తాం. – శ్రావణ్‌, ఇరిగేషన్‌ ఏఈ

జైపూర్‌: ౖజెపూర్‌ మండల కేంద్రంలోని సింగరే ణి థర్మల్‌ పవర్‌ ప్లాంటు(ఎస్టీపీపీ) యూనిట్‌– 1(600మెగావాట్ల) బుధవారం షట్‌డౌన్‌ అ యి ంది. విద్యుత్‌ ఉత్పత్తికి ప్రధానమైన బాయిలర్‌లో ట్యూబ్స్‌ లీకేజీ కారణంగా ఉత్పత్తి నిలి పివేశారు. మరమ్మతు పనులు చేపడుతున్నారు. ఆక్టోపస్‌ మాక్‌ డ్రిల్‌ ఎస్టీపీపీలో బుధవారం రామగుండం పోలీస్‌ కమిషనర్‌ అంబర్‌ కిషోర్‌ ఝా పర్యవేక్షణలో ఆక్టోపస్‌ యాంటీ టెర్రరిస్ట్‌ స్క్వాడ్‌ ఆధ్వర్యంలో మాక్‌ డ్రిల్‌ నిర్వహించారు. సర్వీస్‌ బిల్డింగ్‌లో పోలీసులు, సీఐఎస్‌ఎఫ్‌ సంయుక్తంగా మాక్‌ డ్రిల్‌ చేశారు. అత్యవసర పరిస్థితుల్లో ఉగ్రదాడులను సమర్థవంతంగా ఎదుర్కోవడం, భద్రతా లోపాలను గుర్తించడం, పోలీసులు, సీఐఎస్‌ఎఫ్‌ సిబ్బంది మధ్య సమన్వయంపై ప్రత్యేక కార్యక్రమం చేపట్టారు. అనంతరం ఎస్టీపీపీలో కంట్రోల్‌ రూమ్‌ ద్వారా విద్యుత్‌ ఉత్పత్తి ప్రక్రియను పరిశీలించగా ఈడీ చిరంజీవి వివరించారు. ఈ కార్యక్రమంలో డీసీపీ భాస్కర్‌, ఏసీపీ వెంకటేశ్వర్‌, సీఐ నీవన్‌కుమార్‌, ఎస్సై భూమేశ్‌, తదితరులు పాల్గొన్నారు.

తాండూర్‌: గిరి పుత్రిక పెంద్రం శిరీష వైద్య విద్యకు దాతలు అండగా నిలుస్తున్నారు. బుధవారం ‘సాక్షి’ దినపత్రికలో ‘డాక్టర్‌ కల నెరవేరేది ఎలా’ శీర్షికన కథనం ప్రచురితం కాగా పలువురు దాతలు స్పందించారు. కాంగ్రెస్‌ పార్టీ జిల్లా ఉపాధ్యక్షుడు సూ రం రవీందర్‌రెడ్డి దంపతులు నర్సాపూర్‌లోని పెంద్రం శిరీష ఇంటికి వెళ్లి రూ.5 వేల ఆర్థిక సహాయాన్ని అందించారు. పార్టీ పరంగా, ప్రభుత్వ పరంగా మరింత భరోసా అందించేలా చొరవ తీసుకుంటా మని వారు హామీ ఇచ్చారు. నిర్మల్‌ జిల్లా కడెం మండలం లింగాపూర్‌ జిల్లా పరిషత్‌ ఉన్నత పాఠశాలలో జీవశాస్త్ర ఉపాధ్యాయుడిగా పని చేస్తున్న వాల్‌గోట్‌ కిషన్‌ రూ.5 వేల ఆర్థిక సాయం చేశారు. దీంతోపాటు మరికొంత మంది దాతలు ముందుకొ చ్చారు.

జైపూర్‌: రక్తదానం ప్రాణదానంతో సమానమని రామగుండం పోలీస్‌ కమిషనర్‌ అంబర్‌ కిషోర్‌ ఝా తెలిపారు. పోలీస్‌ అమరవీరుల సంస్మరణ వారోత్సవాల్లో భాగంగా బుధవారం జైపూర్‌ పోలీస్‌స్టేషన్‌లో నిర్వహించిన రక్తదాన శిబిరాన్ని సీపీ అంబర్‌ కిషోర్‌ ఝా మంచిర్యాల డీసీపీ భాస్కర్‌, జైపూర్‌ ఏసీపీ వెంకటేశ్వర్‌తో కలిసి సందర్శించారు. రక్తదాతలకు సర్టిఫికేట్లు అందజేశారు. రక్తదానం చేసిన ఎస్సై భూమేశ్‌, పోలీసులు, యువకులను అభినందించారు. ఈ కార్యక్రమంలో సీఐ నవీన్‌కుమార్‌, పోలీసులు, సర్పంచ్‌లు పాల్గొన్నారు.

మంచిర్యాలటౌన్‌: ప్రతీ ఒక్కరికి ఓటు హక్కు రాజ్యాంగం కల్పించిన హక్కు అని, ఈవీఎంలతో ఎన్నికలు నిర్వహించొద్దని, బ్యాలెట్‌ పేపర్‌తోనే నిర్వహించాలని ఏఐసీసీ పరిశీలకులు మరియప్ప అన్నారు. జిల్లా కాంగ్రెస్‌ పార్టీ ఆధ్వర్యంలో బుధవారం స్థానిక శుభం కన్వెన్షన్‌ హాల్‌లో నిర్వహించిన సమావేశంలో ఆయన మాట్లాడారు. ఓటు హక్కు పరిరక్షణకు కాంగ్రెస్‌ పార్టీ పోరాడుతోందని అన్నారు. ప్రధాన ఎన్నికల కమిషనర్‌ నియామకం, ఎన్నికల సంఘం తప్పిదాలకు శిక్షలు పడకుండా చట్టాలు రూపొందించారని మండిపడ్డారు. జీవనోపాధి కోసం వలస వెళ్లే సాధారణ ప్రజల ఓట్లు తొలగించడం దుర్మార్గమైన చర్య అన్నారు. ఈవీఎంలకు బదులుగా బ్యాలెట్‌ పేపర్లతో ఎన్నికలు నిర్వహించేలా చట్టం తీసుకురావాలని డిమాండ్‌ చేశారు. నవంబర్‌ 1న ఢిల్లీలోని రామ్‌లీలా మైదానంలో నిర్వహించే బహిరంగ సభకు దేశవ్యాప్తంగా కాంగ్రెస్‌ ప్రజాప్రతినిధులు, కార్యకర్తలు తరలివచ్చి విజయవంతం చేయాలని పిలుపునిచ్చారు. ఈ సమావేశంలో డీసీసీ అధ్యక్షుడు పిన్నింటి రఘునాథ్‌రెడ్డి, మంచిర్యాల మేయర్‌ ధర్ని మధుకర్‌, నగర కాంగ్రెస్‌ పార్టీ అధ్యక్షుడు, కార్పొరేటర్‌ తూముల నరేష్‌, మంచిర్యాల మార్కెట్‌ కమిటీ చైర్మన్‌ రామగిరి బానేష్‌, జిల్లా ఆర్జీపీఆర్‌ఎస్‌ అధ్యక్షుడు గడ్డం త్రిమూర్తి, హాజీపూర్‌ మండల అధ్యక్షుడు తోట రవి, లక్సెట్టిపేట పట్టణ అధ్యక్షుడు సయ్యద్‌ షాహిద్‌ అలీ, మార్కెట్‌ కమిటీ వైస్‌ చైర్మన్లు జాలే రాయలింగు, చాతరాశి రాజేశ్‌, డాక్టర్‌ సెల్‌ అధ్యక్షురాలు చందన, కాంగ్రెస్‌ ప్రజాప్రతినిధులు, నాయకులు పాల్గొన్నారు.

లక్సెట్టిపేట: మండలంలోని జెండావెంకటాపూర్‌ గ్రామానికి చెందిన తిప్పని శేఖర్‌(28) చికిత్స పొందుతూ మృతి చెందినట్లు ఎస్సై గోపతి సురేశ్‌ తెలిపారు. ఆయన తెలిపిన వివరాల ప్రకారం గ్రామ పంచాయతీ కార్యాలయంలో ఎలక్ట్రీషియన్‌గా విధులు నిర్వహిస్తున్న శేఖర్‌ కొద్ది కాలంగా కిడ్నీ వ్యాధితో బాధపడుతున్నాడు. ఆసుపత్రికి వెళ్లినా నయం కాకపోవడంతో మనస్తాపానికి గురై ఈనెల 23న ఇంటి వద్ద పురుగుల మందు తాగాడు. గమనించిన కుటుంబ సభ్యులు వెంటనే స్థానిక ప్రభుత్వ ఆసుపత్రికి తరలించి మెరుగైన చికిత్స కోసం కరీంనగర్‌ తీసుకెళ్లారు. అక్కడే చికిత్స పొందుతూ మంగళవారం రాత్రి మృతి చెందినట్లు ఎస్సై తెలిపారు. తల్లి వజ్రమ్మ ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు ఎస్సై పేర్కొన్నారు.

పాతమంచిర్యాల/చెన్నూర్‌రూరల్‌: ఇంటికో ఇంకుడుగుంత, ఊరికో ఊటకుంట, పొలానికో పంటకుంట నినాదంతో రాష్ట్ర ప్రభుత్వం చేపట్టిన జలసిరి కార్యక్రమం జిల్లాలో ముమ్మరంగా సాగుతోంది. భవిష్యత్‌లో ఎదురయ్యే నీటి కొరతను ఎదుర్కోవడానికి వీబీజీరాంజీ పథకం కింద జలసిరి కార్యక్రమం చేపట్టింది. జిల్లాలో 7,355 ఇంకుడుగుంతలు, 612 బోర్‌వెల్‌ రీచార్జ్‌పాయింట్లు, 1,408 ఫారంపాండ్‌ల నిర్మాణం లక్ష్యంగా నిర్ణయించారు. గత జూలై నుంచి పనులు చేపడుతుండగా అక్టోబర్‌ నాటికి 956 ఇంకుడుగుంతలు, 19బోర్‌వెల్‌ రీచార్జ్‌ పాయింట్లు, 286ఫారంపాండ్‌ల నిర్మించారు. మిగతా వాటి పనులు కొనసాగుతున్నాయి. ఎల్‌నినో ప్రభావంతో నీటి కొరత ఏర్పడనుందని భూగర్భ శాస్త్రవేత్తల సూచనల మేరకు జిల్లాలో నీటి కొరతను అధిగమించడానికి జల సంరక్షణ పనులు చేపడుతున్నారు. కొత్త జాబ్‌కార్డులు వర్షాభావ పరిస్థితులతో వ్యవసాయ పనులు తగ్గి పోతున్న నేపథ్యంలో గ్రామీణ ప్రాంత కూలీలకు ఉపాధి కల్పించడంపై ప్రభుత్వం దృష్టి సారించింది. కొత్తగా ఉపాధి కోరుకునే కూలీలకు జాబ్‌కార్డులు జారీ చేసి పనులు కల్పించాలని పంచాయతీరా జ్‌, గ్రామీణాభివృద్ధి శాఖలను ఆదేశించింది. దరఖాస్తు చేసుకున్న 15రోజుల్లోగా కార్డులు జారీ చేసి ఉపాధి కల్పించాలని సూచించింది. ప్రతీ గ్రామంలో వంద నుంచి 150మంది కూలీలకు ఉపాధి కల్పించనున్నారు. 18ఏళ్లు నిండిన గ్రామీణులు నిర్ణీత దరఖాస్తు ఫారాన్ని పూరించి ఆధార్‌కార్డు జిరాక్స్‌, ఫొటో జత చేసి గ్రామ పంచాయతీ కార్యదర్శికి అందజేయాలి. పని లక్ష్యం మంజూరు పూర్తయినవి ఇంకుడుగుంతలు 7355 4150 956 బోర్‌వెల్‌ రీచార్జ్‌ పాయింట్లు 612 218 19 ఫారంపాండ్‌లు 1408 654 286అర్హులందరికీ పని కల్పిస్తాం వర్షాభావ పరిస్థితుల నేపథ్యంలో గ్రామీణ ప్రాంత కూలీలకు వీబీజీ రాంజీ ద్వారా పనుల కల్పనకు చర్యలు తీసుకుంటున్నాం. కొత్తగా దరఖాస్తు చేసుకున్న వారికి అర్హత, నిబంధన ల ప్రకారం జాబ్‌కార్డులు జారీ చేస్తున్నాం. గ్రామాల్లో అవసరమైన పనులు గుర్తించి కూలీలకు పని కల్పిస్తాం. కూలీలు అవకాశాన్ని సద్వినియోగం చేసుకోవాలి. – గంగాభవాని, వీబీజీరాంజీ ఏపీవో, చెన్నూర్‌భూగర్భ జలాల పెంపు లక్ష్యంనీటి కొరతను అధిగమించడానికి జలసిరి పనుల నిర్వహణ సాగుతోంది. వర్షాభావం వల్ల ఏర్పడిన కరువు నివారణకు కూలీలకు గ్రామాల్లో పనులు కల్పించి వలసలు నిరోధిస్తాం. ప్రతీ గ్రామ పంచాయతీలో 60మందికి తగ్గకుండా కూలీలకు పని కల్పిస్తున్నాం. ప్రతీ రోజు జిల్లాలో 12వేల మంది కూలీలు పనులకు హాజరవుతున్నారు. – ఎస్‌.కిషన్‌, డీఆర్డీఓ

మంచిర్యాలటౌన్‌: మంచిర్యాలకు చెందిన హస్వి మురికి అమెరికాలోని యూనివర్సిటీ ఆఫ్‌ నార్త్‌ కరోలినా ఎట్‌ చాపెల్‌ హిల్‌ (యూఎన్‌సీ)లో మోర్‌ హెడ్‌ కెయిన్‌ స్కాలర్‌గా ఎంపికై నట్లు ఆమె తల్లిదండ్రులు సత్యనారాయణ, మాధవి తెలిపారు. అమెరికాలో అత్యంత ప్రతిష్టాత్మక మెరిట్‌ స్కాలర్‌షిప్‌ కార్యక్రమంలో మోర్‌హెడ్‌–కెయిన్‌ ఒకటి కాగా, ఈ ఏడాది సోఫోమోర్‌ సెలక్షన్‌ ద్వారా 18మంది విద్యార్థులు ఎంపిక కాగా, భారత దేశం నుంచి ఎంపికై న ఏకై క విద్యార్థిగా ఆమె నిలిచారు. హస్వి అమెరికాలో ఎకనామిక్స్‌, డేటా సైన్స్‌ చదువుతుండగా, ఎంటర్‌ ప్రెన్యూర్‌షిప్‌ ఆమె మైనర్‌ సబ్జెక్టు. అనాథ, గిరిజన పిల్లలకు విద్యావకాశాలను అందించేందుకు ‘సమున్నతి’ అనే స్వచ్ఛంద సంస్థను స్థాపించడంతో పాటు గట్‌ఈజ్‌ అనే ధరించగలిగే చికిత్సా పరికరాన్ని రూపొందించారు. ప్రపంచ రికార్డు సాధించిన పర్వతారోహకురాలిగా గుర్తింపు పొందగా, స్పోర్ట్స్‌లోనూ రాణిస్తున్నారు.

రామగిరి: సింగరేణి అడ్రియాల లాంగ్‌వాల్‌ ప్రాజెక్ట్‌ గనిని సెంట్రల్‌ మైన్‌ ప్లానింగ్‌ అండ్‌ డిజైన్‌ ఇనిస్టిట్యూట్‌ (సీఎంపీడీఐ) జనరల్‌ మేనేజర్‌ శంభుశరణ్‌ నేతృత్వంలోని బృందం మంగళవారం సందర్శించింది. సభ్యులు పమేంద్ర కుమార్‌సింగ్‌, పవన్‌కుమార్‌, రాఘవేంద్ర ప్రతాప్‌సింగ్‌ గనిలోని నాలుగో ప్యానెల్‌లో ఏర్పాటు చేస్తున్న సపోర్టింగ్‌ చాక్‌లను క్షుణ్ణంగా పరిశీలించారు. ప్యానెల్‌కు అనుమతుల మంజూరు ప్రక్రియలో భాగంగా తనిఖీ చేపట్టారు. గనిలో భద్రతా ప్రమాణాలు, సాంకేతిక ఏర్పాట్లు, సపోర్టింగ్‌ వ్యవస్థల పనితీరు పరిశీలించి పరిస్థితులను సమీక్షించారు. అడ్రియాల ప్రాజెక్ట్‌ ఏరియా జనరల్‌ మేనేజర్‌ నాగేశ్వరరావు, భూగర్భ గనుల విభాగం జనరల్‌ మేనేజర్‌ యాదయ్య, ఎస్‌వోటూ జీఎం సత్యనారాయణ, ఏరియా ఇంజినీర్‌ దూప్‌ సింగ్‌, ప్రాజెక్ట్‌ ఆఫీసర్‌ జనార్దన్‌, ఇంజినీర్‌ బాలరా జు, మేనేజర్‌ పెంచలయ్య, జెన్‌కో అధికారులు నరసింహం, శ్రీధర్‌, రంజిత్‌ తదితరులు పాల్గొన్నారు.

జన్నారం: ప్రమాదవశాత్తు కడెం 13 డిస్ట్రీబ్యూటరీ కాలువలో పడి వృద్ధుడు మృతి చెందిన ఘటన మండలంలోని రేండ్లగూడలో చోటు చేసుకుంది. ఎస్సై ఉదయ్‌కిరణ్‌, మృతుడి కుటుంబ సభ్యులు తెలిపిన వివరాల ప్రకారం.. రేండ్లగూడకు చెందిన అల్లం రాజలింగు (65) రోజులాగే మంగళవారం తెల్లవారుజామున 4.30 గంటల ప్రాంతంలో వాకింగ్‌కు వెళ్లాడు. 6గంటల వరకు ఇంటికి తిరిగి రాకపోవడంతో కొడుకు వెంకట్రాజం వెతకగా కాలువ నీటిలో మృతదేహం కనిపించింది. కుడి చెవి పక్కన బలమైన గాయముంది. వాకింగ్‌ చేసే క్రమంలో కాలువలో జారిపడి బలమైన గాయం కావడంతో నీటిలో మునిగి మృతి చెందినట్లు అనుమానం వ్యక్తం చేస్తున్నారు. వెంకట్రాజం ఫిర్యాదు మేరకు కేసు దర్యాప్తు చేస్తున్నట్లు ఎస్సై తెలిపారు. పొనకల్‌ సింగిల్‌ విండో చైర్మన్‌ అల్లం రవి, రేండ్లగూడ సర్పంచ్‌ అల్లం మాధవి, కాంగ్రెస్‌ మండలాధ్యక్షుడు అజ్మీర నందునాయక్‌ తదితరులు మృతుడి కుటుంబ సభ్యులను పరామర్శించారు.

మంచిర్యాలటౌన్‌: రైతుల సమస్యల పరిష్కారం కోసం నిరంతరం పోరాడాలని బీజేపీ రాష్ట్ర ఉపాధ్యక్షుడు రఘునాథ్‌ వెరబెల్లి అన్నారు. జిల్లా కేంద్రంలోని పార్టీ కార్యాలయంలో మంగళవారం జిల్లా అధ్యక్షుడు నగునూరి వెంకటేశ్వర్‌గౌడ్‌తో కలిసి జిల్లా కిసాన్‌ మోర్చా కమిటీ, కిసాన్‌ మోర్చా మండల అధ్యక్షులను నియమించారు. కిసాన్‌ మోర్చా జిల్లా అధ్యక్షుడు గోపతి రాజయ్యతో కలిసి నియామక పత్రాలు అందజేశారు. ఈ సందర్భంగా రఘునాథ్‌ మాట్లాడుతూ నూతన కమిటీ సభ్యులు జిల్లాలో రైతులు ఎదుర్కొంటున్న సమస్యల పరిష్కారానికి కృషి చేయాలని అన్నారు. ప్రధానమంత్రి ఫసల్‌ బీమా యోజన రాష్ట్రంలోని రైతులకు అమలు చేసే వరకు పోరాటం చేయాలని పిలుపునిచ్చారు. ఈ కార్యక్రమంలో మాదవరపు రమణారావు, ఎనగందుల కృష్ణమూర్తి, పట్టి వెంకటకృష్ణ, సంజీవ్‌రావు, వైద్య శ్రీధర్‌ తదితరులు పాల్గొన్నారు.

మంచిర్యాలటౌన్‌: మంచిర్యాల నగరంలోని రాజీవ్‌నగర్‌లో నిర్మించిన డబుల్‌ బెడ్రూం ఇళ్ల కోసం లబ్ధిదారులు ఎదురు చూడాల్సి వస్తోంది. గత ప్రభుత్వం నగరంలోని పేదల కోసం 650 డబుల్‌ బెడ్రూం ఇళ్ల నిర్మాణాన్ని చేపట్టి.. 360 నిర్మాణాలు పూర్తి చేసింది. ఇళ్ల నిర్మాణానికి సేకరించిన ప్రభుత్వ భూమిలో 30 కుటుంబాలు ఎంతో కాలంగా నివాసం ఉంటుండడంతో వారికి ఇళ్లు కేటాయించింది. 2023 మార్చి 17న నాటి కలెక్టర్‌ ఆధ్వర్యంలో 330 ఇళ్లకు డ్రా పద్ధతిలో లబ్ధిదారులను ఎంపిక చేశారు. అనర్హులు ఉన్నారనే ఫిర్యాదుల మేరకు అధికారులు విచారణ చేపట్టి వారిలో 261మందిని అర్హులుగా గుర్తించారు. వారికీ ఇళ్లు పంపిణీ చేయడంలో తాత్సారం చేయడం, ప్రభుత్వం మారడంతో ఆ ప్రక్రియ నిలిచిపోయింది. ఇటీవల మరో 344 ఇళ్లకు లక్కీడ్రాఇళ్ల నిర్మాణానికి సంబంధించిన పథకం గడువు ముగుస్తుండడంతో గత నెల 28న 344 ఇళ్లకు గాను ప్రజాపాలన, డబుల్‌ బెడ్రూం ఇళ్ల కోసం స్వీకరించి న 17,100 దరఖాస్తుల్లో కొందరిని అర్హులుగా గు ర్తించి లాటరీ పద్ధతిన ఇళ్లు కేటాయించారు. ఎస్సీల కు 60, ఎస్టీలకు 21, మైనార్టీలకు 42, బీసీ, ఓసీలకు 21ఇళ్లను కేటాయించి లబ్ధిదారులను ఎంపిక చేశారు. హమాలీవాడ రోడ్డు విస్తరణలో ఇళ్లు కోల్పోయిన ఐదు కుటుంబాలకు ఇళ్లు కేటాయించగా, మరో వంద మంది పేర్లు బఫర్‌లో తీసి ఉంచారు. 344మంది లబ్ధిదారులను డ్రాలో ఎంపిక చేసినా రాజీవ్‌నగర్‌లో ఇళ్ల నిర్మాణం జరగకపోవడంతో ఇప్పట్లో కేటాయించే అవకాశం లేదు. నిర్మించిన వాటికి సంబంధించి డ్రా పూర్తయినా లబ్ధిదారులకు కేటాయింపుపై అధికారులు స్పష్టత ఇవ్వడం లేదు. నివేదికలతోనే సరి.. డబుల్‌ బెడ్‌రూం ఇళ్లు చాలా కాలంగా ఖాళీగా ఉండడంతో మందుబాబులు, పశువులకు అడ్డాగా మారి నివాసం ఉండలేని స్థితికి చేరా యి. కిటికీల అద్దాలు పగిలిపోగా, కరెంటు వైర్లు తొలగించారు. నల్లాలు, తలుపులు విరగ్గొటి ఫ్లోర్‌ను ధ్వంసం చేశారు. డ్రెయినేజీలు నిర్మించకపోవడంతో ఇళ్లలోని నీరు బయటకు వెళ్లలేని పరిస్థితి. పరిసరాలు పిచ్చి మొక్కలతో నిండిపోయాయి. దీంతో ప్రస్తుతం ఉన్న ఇళ్లను లబ్ధిదారులకు అందించిన తర్వా త మ రమ్మతులు చేయించేందుకు హౌజింగ్‌ శాఖ అధికా రులు జిల్లా కలెక్టర్‌కు గతంలోనే నివేదిక అందజేశా రు. కానీ నేటికీ మరమ్మతులు ప్రారంభం కాలేదు.

మంచిర్యాలఅర్బన్‌: ఆర్టీసీకి దసరా కలిసొచ్చింది. బతుకమ్మ, దసరా పండుగలకు ఉమ్మడి జిల్లా నుంచి హైదరాబాద్‌కు వేసిన స్పెషల్‌ బస్సుల ద్వారా సంస్థకు మంచి ఆదాయం వచ్చింది. అక్టోబర్‌ 10 నుంచి 23వ తేదీ వరకు విద్యాసంస్థలకు సెలవులు ప్రకటించిన నేపథ్యంలో ప్రయాణికుల రాకపోకలు భారీగా పెరిగాయి. ఉద్యోగరీత్యా, చదువులు నిమి త్తం హైదరాబాద్‌లో ఉంటున్నవారంతా పండుగకు సొంతూళ్లకు వచ్చి వెళ్లారు. ప్రయాణికుల రద్దీ దృష్ట్యా వారి సౌకర్యార్థం ఆర్టీసీ సరిపడా ప్రత్యేక బస్సులు నడిపింది. ఈ ఏడాది దసరా సందర్భంగా అధికారులు రోజువారీ బస్సులతో పాటు రీజియన్‌వారీగా 533 స్పెషల్‌ బస్సులు తిప్పారు. దసరాకు వెళ్లిన వారిలో ఎక్కువ మంది బస్సుల్లో ప్రయాణించటంతో ఆదాయం గణనీయంగా సమకూరింది సాధారణ చార్జీలకంటే అధికంగా.. దసరా, బతుకమ్మ పండుగల రోజుల్లో ప్రధాన రూట్లలో ఆర్టీసీ అధికారులు ఆయా డిపోల నుంచి 533 బస్సులు నడిపారు. ప్రధానంగా జేబీఎస్‌ నుంచి ఎక్కువ సర్వీసుల్ని తిప్పారు. ప్రత్యేక బస్సుల్లో సాధారణ చార్జీల కంటే అదనంగా వసూలు చేశారు. సాధారణ రోజుల్లో కంటే ఒకటిన్నర చొప్పున అదనంగా చార్జీలు వసూలు చేయటం ద్వారా ఆర్టీసీకి మంచి ఆదాయం సమకూరినా ప్రయాణికులు తీవ్ర అసంతృప్తికి గురయ్యారు. ముందంజలో నిర్మల్‌ డిపో దసరా సందర్భంగా నడిపిన ప్రత్యేక బస్సుల ద్వారా రీజియన్‌ పరిధిలో సంస్థకు రూ.25.45 కోట్ల ఆదాయం సమకూరింది. రాబడి సాధించటంలో నిర్మల్‌ డిపో ముందు వరుసలో నిలిచింది. 11.06 లక్షల కిలోమీటర్లు బస్సులు తిప్పటం ద్వారా రూ.6.51 కోట్లు వసూలు చేసి ప్రథమ స్థానం దక్కించుకుంది. మంచిర్యాల డిపో 10.50లక్షల కిలోమీటర్ల ప్రయాణంతో రూ.5.90కోట్లు ఆర్జించి ద్వితీయ స్థానంలో నిలిచింది. ఆక్యుపెన్సీ రేషియో (ఓఆర్‌) 90శాతం సాధించి బైంసా డిపో టాప్‌లో నిలవగా, ఉట్నూర్‌ 89శాతం, నిర్మల్‌ 87శాతం సాధించాయి. రోజువారీ సగటు ఆదాయం రూ.1.41 కోట్లు నమోదు కాగా, బస్సుల ఆక్యుపెన్సీ నిష్పత్తి 86శాతం సాధించింది. 18రోజులు.. రూ.25.45కోట్లుదసరా వేళ ఉమ్మడి జిల్లా వ్యాప్తంగా టీజీఎస్‌ ఆర్టీసీ అత్యుత్తమ రాబడి సాధించింది. అక్టోబర్‌ 9నుంచి 26వ తేదీ వరకు ప్రత్యేక ఆపరేషన్లలో రీజియన్‌ పరధిలో 533 బస్సులు నడిపింది. మంచిర్యాల డిపో నుంచి 154బస్సులు, నిర్మల్‌ నుంచి 144, ఆదిలాబాద్‌ నుంచి 130, ఆసిఫాబాద్‌ నుంచి 62, భైంసా నుంచి 31, ఉట్నూర్‌ డిపో నుంచి 31బస్సులు తిప్పింది. ఈ స్పెషల్‌ బస్సులు మొత్తం 44.53 లక్షల కిలోమీటర్లు ప్రయాణించగా సంస్థకు రూ.25.45 కోట్ల పండుగ రాబడి వచ్చింది.

సాక్షి ప్రతినిధి, మంచిర్యాల: గత రెండేళ్లుగా టెండర్‌ ఖరారు కాక పెండింగ్‌లో ఉన్న జాతీయ రహదారి–63 నాలుగు వరుసల నిర్మాణానికి ముందడుగు పడింది. భోపాల్‌కు చెందిన బన్సల్‌ కన్‌స్ట్రక్షన్‌ కంపెనీ 12 సంస్థలతో పోటీ పడి తక్కువకు బిడ్‌ దాఖలు చేసి కాంట్రాక్టు దక్కించుకుంది. ఆర్మూర్‌ నుంచి జగిత్యాల, జగిత్యాల నుంచి మంచిర్యాల రెండు సెక్షన్ల పనులు పొందింది. అదాని, డీబీఎల్‌ తదితర కంపెనీలు కాంట్రాక్టు కోసం పోటీ పడినప్పటికీ తక్కువ కోట్‌ చేసిన సంస్థకు పనులు దక్కాయి. ఆర్మూర్‌–జగిత్యాల సెక్షన్‌ 63కి.మీ ఎన్‌హెచ్‌ఏఐ రూ.1348.09కోట్ల ప్రాజెక్టు ఖర్చుకు రూ.1236.36కోట్లకు, జగిత్యాల–మంచిర్యాల 68కి.మీ సెక్షన్‌కు రూ.1573ప్రాజెక్టు ఖర్చుకు రూ.1520కోట్లకే బన్సల్‌ కంపెనీ బిడ్‌ వేసింది. రెండు సెక్షన్లు కలిపి మొత్తం 160కిలోమీటర్ల రోడ్డు నిర్మాణ పనులు ఈ సంస్థకే దక్కాయి. ఎన్‌హెచ్‌ఏఐ పర్యవేక్షణలో కొద్ది రోజుల్లోనే పనులు ప్రారంభించనుంది. ఒప్పందం పూర్తయి(అపాయింట్‌మెంటు డే) రోజు నుంచి వచ్చే రెండేళ్ల ఐదు నెలల్లో మొత్తం రోడ్డు పూర్తి చేయాల్సి ఉంది. హ్యామ్‌(హైబ్రిడ్‌ యాన్యుటీ మోడ్‌) పద్ధతిలో నిర్మిస్తున్న ఈ రోడ్డుకు నిధులు 60ః40 వాటాలుగా ఎన్‌హెచ్‌ఏఐ, కాంట్రాక్టు సంస్థ ఖర్చు చేస్తాయి. రోడ్డు నిర్మాణం పూర్తయ్యాక కాంట్రాక్టరు చేసిన ఖర్చును నాలుగు వరుసల దారిపై ఏర్పాటు చేయనున్న రెండు టోల్‌ వసూళ్లు నిర్ణీత కాలంలో చెల్లిస్తారు. భూ నిర్వాసితుల పోరాటంఎన్‌హెచ్‌–63లో రెండు సార్లు మంచిర్యాల కార్పొరేషన్‌ పరిధిలో అలైన్‌మెంట్ల మార్పులపై ఇప్పటికీ భూ నిర్వాసితులు పోరాటం చేస్తున్నారు. లక్షెట్టిపేట, హాజీపూర్‌ మంచిర్యాల కార్పొరేషన్‌ పరిధిలో క్యాతనపల్లి శివారు కుర్మపల్లి క్రాస్‌ వరకు నిర్మిస్తున్న రోడ్డులో బైపాస్‌ను మార్చి పాత పద్ధతిలోనే నిర్మించాలని డిమాండ్‌ చేస్తున్నారు. ప్రజాప్రతినిధులు, అధికారులకు విన్నవించడంతోపాటు హైకోర్టును ఆశ్రయించారు. అయితే 3డీ(భూ సేకరణలో చివరి దశ) పూర్తయినందున తాము జోక్యం చేసుకోలేమని కోర్టు చెబుతూ అటవీ అనుమతులపై నోటీసులు ఇచ్చింది. ఇంకా విచారణ జరుగుతోంది. అయితే ఎన్‌హెచ్‌ఏఐ మాత్రం కోర్టులో తమ వాదనలు వినిపిస్తూనే రోడ్డు పనులు మొదలు పెట్టేందుకు సిద్ధమవుతోంది. జగిత్యాల–మంచిర్యాల సెక్షన్‌ 68.295కిలోమీటర్లుపూర్తి చేయాల్సిన గడువు 2.5ఏళ్లుఎన్‌హెచ్‌–63 వివరాలుఎట్టకేలకు పనులు షురూగత నాలుగేళ్లుగా నాలుగు వరసల దారి నిర్మాణంలో జాప్యం జరుగుతోంది. మూడు రాష్ట్రాల అనుసంధానానికి కీలకంగా ఉన్న ఎన్‌హెచ్‌–44, ఎన్‌హెచ్‌–363తో కలుపుతూ కొత్తగా చేపట్టబోయే ఆర్మూర్‌– జగిత్యాల వయా మంచిర్యాల వరకు అధునాతనమైన ఫోర్‌లైన్‌ నిర్మితం కానుంది. ఇప్పటికే అందుబాటులో ఉన్న జైపూర్‌, కోటపల్లి మీదుగా మహారాష్ట్ర సిరొంచ, ఆపై ఛత్తీస్‌గఢ్‌లోని జగ్దల్‌పూర్‌ వరకు అనుసంధానం కానుంది. ఈ రోడ్డుతో మూడు రాష్ట్రాల రోడ్డు రవాణా మరింత మెరుగుపడడంతోపాటు ఈ ప్రాంత అభివృద్ధికి కీలకం కానుంది. పలు కారణాలతో గత రెండేళ్లుగా బిడ్‌ దశలోనే జాప్యం జరిగింది. చివరికి ఇటీవల కేంద్ర ఆర్థిక శాఖ సైతం ఆమోదం తెలపడం, టెండరు ఖరారు కావడంతో పనులకు మోక్షం కలుగనుంది. ఇప్పటికే భూ సేకరణ జరిగిన చోట్ల నిర్వాసితులకు పరిహారం(అవార్డు) చెల్లింపులు జరుగుతున్నాయి. వివాదాలు లేని చోట్ల పనులు ప్రారంభించేందుకు కాంట్రాక్టు సంస్థ సిద్ధమవుతున్నట్లు తెలుస్తోంది.

జైపూర్‌: అడవుల్లోకి గొర్లను తోలుకెళ్లే గొర్లకాపరులపై అటవీశాఖ అధికారుల దాడులు సహించబోమని అఖిల భారత బహుజన జాతీయ అధ్యక్షుడు అంబర్‌పేట శ్రీనివాస్‌ అ న్నారు. గొల్లకుర్మ డోలుదెబ్బ రాష్ట్ర కమిటీ ఆధ్వర్యంలో మంగళవారం మండలంలోని ఇందారం గ్రామంలో సంచార జీవనం సాగి స్తున్న గొల్లకుర్మల జీవన విధానం, సమస్యల పై తెలుసుకున్నారు. ఈ సందర్భంగా ఆయన మాట్లాడుతూ ఎలాంటి ఆంక్షలు లేకుండా జీవాలు అడవుల్లో మేతకు వెళ్లే విధంగా అవకాశం కల్పించాలని తెలిపారు. క్షేత్రస్థాయిలో గొల్లకుర్మలు ఎదుర్కొంటున్న సమస్యలను ప్రభుత్వం దృష్టికి తీసుకెళ్లి పరిష్కారానికి కృషి చేస్తామని తెలిపారు. గతంలో ఇచ్చిన 559, 1016జీవోలు అమలు చేయాలని డి మాండ్‌ చేశారు. ఈ కార్యక్రమంలో గొల్లకుర్మ డోల్‌దెబ్బ రాష్ట్ర అధ్యక్షుడు బెల్లి చంద్రశేఖర్‌యాదవ్‌, రాష్ట్ర ప్రధాన కార్యదర్శి బత్తుల శ్రీనివాస్‌యాదవ్‌, అఖిలభారత బహుజన సేన రాష్ట్ర అధ్యక్షుడు అచ్చుల శ్రీనివాస్‌, నా యకులు పున్నం యాదవ్‌, మల్లేశ్‌, జైనోద్దీన్‌, తదితరులు పాల్గొన్నారు.

మంచిర్యాలఅర్బన్‌: విద్యార్థి జీవితంలో అత్యంత కీలకమైన పదో తరగతి పరీక్షల్లో మెరుగైన ఫలితాల సాధన కోసం విద్యాశాఖ సమాయత్తం అవుతోంది. ప్రభుత్వ పాఠశాలల్లో శతశాతం ఉత్తీర్ణత సాధించడమే లక్ష్యంగా ప్రత్యేక ప్రణాళిక రూపొందించింది. విద్యార్థులకు నవంబర్‌ 2నుంచి జనవరి 9వరకు ప్రత్యేక తరగతులు నిర్వహిస్తారు. నవంబర్‌లో 29 రోజులు, డిసెంబర్‌లో 31రోజులు, జనవరిలో 9రో జులు తరగతులు ఉంటాయి. క్రిస్మస్‌, నూతన సంవత్సర సెలవులు మినహాయించారు. విద్యార్థులను ఎట్టి పరిస్థితుల్లోనూ పాఠశాల వెలుపల, వరండాల్లో కూర్చోబెట్టరాదని డీఈవో చంద్రయ్య ఉత్తర్వులు జారీ చేశారు. నిర్ణయించిన షెడ్యూల్‌ ప్రకారం జనవరి 9నాటికి సిలబస్‌ పూర్తి చేయాలని ఆదేశించారు. జిల్లాలోని 281 ప్రభుత్వ, ప్రైవేటు పాఠశాలల్లో 10,363మంది విద్యార్థులు పదో తరగతి చదువుతున్నారు. 170 ప్రభుత్వ పాఠశాలల్లో 6,560మంది పదో తరగతి విద్యార్థులు ఉన్నారు. వీరిలో 3,176 మంది బాలురు, 3,384 మంది బాలి కలు ఉన్నారు. పక్కా ప్రణాళికతో విద్యాశాఖ ప్రతీ రోజు సాయంత్రం 4.15గంటల నుంచి 5.15గంట ల వరకు ప్రత్యేక తరగతులు నిర్వహించనుంది. మొదటి 20నిమిషాలు ఆ రోజు అంశంపై ముఖ్యమై న విషయాలు వివరించాలి. మిగతా 40నిమిషాలు విద్యార్థులతో సాధన చేయించాలి. సోమవారం నుంచి శనివారం వరకు రోజుకో సబ్జెక్టు చొప్పున వరుసగా తరగతులు జరుగుతాయి. సిలబస్‌లోని కీలకమైన చాప్టర్లు, క్లిష్టమైన విషయాలను వివరంగా బోధించి సందేహాలను నివృత్తి చేయాల్సి ఉంటుంది. విద్యార్థుల అకాడమిక్‌ ప్రతిభను మెరుగుపరిచి ఫలితాల్లో మెరుగైన ఉత్తీర్ణత శాతం సాధించా లి. ప్రతీ విద్యార్థిపై వ్యక్తిగత శ్రద్ధ చూపాలి. రోజు వారీ ప్రత్యేక తరగతుల రికార్డును నిర్వహించాలి.

మంచిర్యాలఅగ్రికల్చర్‌: యాసంగి సాగు సీజన్‌ పక్షం రోజుల్లో ప్రారంభం కానుంది. దీంతో వ్యవసాయ శాఖ సాగుకు అనుగుణంగా విత్తనాలు, ఎరువుల ప్రణాళిక రూపొందించి ప్రభుత్వానికి అందజేసింది. ఎల్‌నినో ప్రభావంతో ఉష్ణోగ్రతలు తీవ్రంగా ఉంటాయని, జలాశయాల నుంచి తాగునీటికి తప్ప సాగునీరు అందించే పరిస్థితి లేదని ప్రభుత్వం తేల్చి చెప్పింది. ఉన్న నీటిని, విద్యుత్‌ను పొదుపుగా వాడుకోవాలని సూచిస్తోంది. ఎట్టి పరిస్థితుల్లోనూ వరి సాగు చేయొద్దని హెచ్చరిస్తోంది. రానున్న రోజుల్లో ఎండల తీవ్రత, నీటి లభ్యతను దృష్టిలో ఉంచుకుని వరి సాగు తగ్గించాలని, మొక్కజొన్న, జొన్న, పెసలు, మినుములు, శనగ, కుసుమ, నువ్వులు, వేరుశనగ, కూరగాయలు తదిర పంటలు సాగు చేసుకోవాలని వ్యవసాయ అధికారులు ఇప్పటికే సూచిస్తున్నారు. జిల్లాలో 1,42,496 ఎకరాల్లో పంటల సాగు విస్తీర్ణం ఉంటుందని, ఇందులో వరి సాగు గతంలో కంటే 47,329 ఎకరాలు తగ్గనుందని, నీటి సౌకర్యం ఉన్న రైతులు వద్దన్నా వరి సాగు చేస్తారని అంచనా వేశారు. విత్తనాలు, ఎరువులు మొక్కజొన్న 280 క్వింటాళ్లు, మినుము 180 క్వింటాళ్లు, పెసలు 30 క్వింటాళ్లు, కంది 19 క్వింటాళ్లు, ఇతర విత్తనాలు 16 క్వింటాళ్లు అవసరమని ప్రతిపాదనలు సిద్ధం చేశారు. ఈ రబీకి 5,350 మెట్రిక్‌ టన్నుల యూరియా, 1,800 మెట్రిక్‌ టన్నుల డీఏపీ, 1,300 మెట్రిక్‌ టన్నుల పొటాష్‌, కాంప్లెక్స్‌ ఎరువులు 2,600 మెట్రిక్‌ టన్నులు అవసరమని నివేదిక పంపించారు. యాసంగి ఆలస్యంఈ ఏడాది ఖరీఫ్‌ జూలై నెలాఖరులో కురిసిన భారీ వర్షాలతో జలాశయాలు నిండాయి. వరి నారు పోసుకుని ఆగస్టు నెలాఖరు వరకు ఆలస్యంగా నాట్లు వేశారు. నెల రోజుల వ్యవధిలో ఆలస్యంగా దిగుబడి వచ్చే అవకాశం ఉంది. సరైన సమయంలో వర్షాలు కురిసి నాట్లు వేసి ఉంటే అక్టోబర్‌ మొదటి వారం నుంచే దిగుబడి రావాల్సి ఉంది. కానీ నాట్లు ఆలస్యం కావడంతో నవంబర్‌లో దిగుబడి రానుంది. దీంతో యాసంగి సాగు ఆలస్యమవుతుంది. రైతులు వెనక్కి తగ్గేనా..!యాసంగిలో వరి సాగు వద్దని ప్రభుత్వం సూచిస్తున్నా రైతులు వెనక్కి తగ్గుతారా అనేది ప్రశ్నార్థకంగానే మారింది. ఏళ్ల తరబడి వరి సాగు చేస్తున్న రైతులు ఇతర పంటలు సాగు చేసే పరిస్థితిలో లేరు. రాష్ట్రంలోని ఇతర జిల్లాలతో పోల్చి చూస్తే వానాకాలం సాధారణ వర్షపాతం నమోదు కావడంతో జలాశయాలు నిండాయి. బోరుబావుల్లోనూ నీటి నిల్వలు పెరిగాయి. ఈశాన్య రుతుపవనాలు, అల్పపీడన, తుపాన్‌ ప్రభావంతో ఒకట్రెండు వర్షాలు కురిస్తే వరి సాగుకు మొగ్గు చూపే అవకాశం ఉంది. గత ప్రభుత్వ హయాంలో 2021–22 సమయంలో వరి సాగు చేయొద్దని, ధర రాక నష్టపోవాల్సి వస్తుందని సూచించినా 75శాతం వరి సాగు చేశారు. ఆ సమయంలో మద్దతు ధర కంటే ధాన్యం డిమాండ్‌ పెరగడంతో వరి సాగు చేయని రైతులు నష్టపోయామనే ఆవేదన చెందారు. ప్రస్తుత పరిస్థితుల్లోనూ మార్కెట్‌లో బియ్యానికి డిమాండ్‌ విపరీతంగా పెరగడంతో నీటి సౌకర్యం ఉన్న రైతులు వరి సాగుకే మొగ్గు చూపే అవకాశాలున్నాయి. ఇతర పంటలు సాగు చేస్తే అటవీ జంతువులు, అకాల వర్షాలతో నష్టపోవాల్సి వస్తుందని, మార్కెట్‌ సౌకర్యం లేదని వాపోతున్నారు. ఒకట్రెండు వర్షాలు కురిస్తే వరి సాగు సైతం ఉంటుందని వ్యవసాయ శాఖ అంచనా వేసింది.

మంచిర్యాలఅగ్రికల్చర్‌: జిల్లాలో ఆహార భద్ర త చట్టం–2006 అమలుకు అధికారుల సమన్వయంతో సమర్థవంతమైన చర్యలు చేపట్టా లని జిల్లా అదనపు కలెక్టర్‌ రాములు అన్నా రు. మంగళవారం అదనపు కలెక్టర్‌ చాంబర్‌ నుంచి ఆహార భద్రత అధికారి వాసురామ్‌తో కలిసి ఆహార భద్రత ప్రమాణాల చట్టం– 2006పై నిర్వహించిన ఆన్‌లైన్‌ శిక్షణ కార్యక్రమానికి హాజరయ్యారు. అదనపు కలెక్టర్‌ మాట్లాడుతూ ఈ శిక్షణ ద్వారా ఆహార భద్రత చట్టంలోని నిబంధనలు, ఆహార నాణ్యత ప్ర మాణాలు, ప్రజారోగ్య పరిరక్షణకు తీసుకో వాల్సిన చర్యలు, చట్టం అమలు అంశాలపై అవగాహన కల్పించినట్లు తెలిపారు.

వేమనపల్లి: ఉపాధి కూలి కోసం మండలంలోని సుంపుటం గ్రామానికి చెందిన కూలీలు మంగళవారం పనులు బహిష్కరించి నిరసనకు దిగారు. గ్రామానికి చెందిన సుమారు 120 మంది కూలీలు అటవీ ప్రాంతంలో సాసర్‌ కందకాల పనులకు వెళ్లినట్లు తెలిపారు. చేసిన పనులు, కూలి డబ్బులు ఆన్‌లైన్‌లో కనిపిస్తున్నా ఖాతాల్లో డబ్బులు జమ కావడం లేదని వాపోయారు. ఎన్నిసార్లు అధికారులకు మొరపెట్టుకున్నా ఫలితం లేదని ఆరోపించారు. డబ్బులెప్పుడు వస్తాయో ఎంపీడీవో స్పష్టత ఇవ్వడంలేదని తెలిపారు. ఉన్నతాధికారులు స్పందించి కూలి ఇప్పించాలని కోరారు.

పాతమంచిర్యాల: జిల్లాను కరువు ప్రాంతంగా ప్రకటించి రైతులు, వ్యవసాయ కూలీలు, గ్రామీణ పేదలను ఆదుకోవడానికి తక్షణమే కరువు సహాయక చర్యలు చేపట్టాలని అఖిల భారత రైతు కూలీ సంఘం(ఏఐకేఎంఎస్‌) రాష్ట్ర సహాయ కార్యదర్శి ఏ.లాల్‌కుమార్‌ డిమాండ్‌ చేశారు. జిల్లాను కరువు ప్రాంతంగా ప్రకటించాలని డిమాండ్‌ చేస్తూ ఏఐకేఎంఎస్‌ ఆధ్వర్యంలో మంగళవారం కలెక్టరేట్‌ ఎదు ట ధర్నా నిర్వహించారు. ఈ సందర్భంగా ఆయన మాట్లాడుతూ వ్యవసాయం పంట సాగు మాత్రమే పరిమితం కాదని, రైతులు, కూలీలు, గ్రామీణ వృత్తిదారులు, చిన్న వ్యాపారుల జీవితాలతో ముడిప డి ఉందని తెలిపారు. ప్రభుత్వం రైతు సమస్యలపై ప్రకటనలకే పరిమితం కాకుండా క్షేత్రస్థాయిలో పంటలు నష్టపోయిన రైతులను ఆదుకోవడానికి చర్యలు తీసుకోవాలని డిమాండ్‌ చేశారు. అనంతరం జిల్లా అదనపు కలెక్టర్‌ రాములుకు వినతిపత్రం అందజేశారు. ఈ కార్యక్రమంలో ఏఐకేఎంఎస్‌ జిల్లా ఉపాధ్యక్షుడు డి.ప్రభాకర్‌, ఐఎఫ్‌టీయూ జిల్లా అధ్యక్షుడు శ్రీనివాస్‌, ఉపాధ్యక్షుడు బ్రహ్మనందం, పీవోడబ్ల్యూ రాష్ట్ర ప్రధాన కార్యదర్శి అందె మంగ, జిల్లా అధ్యక్షురాలు జ్యోతి తదితరులు పాల్గొన్నారు.

మంచిర్యాలరూరల్‌(హాజీపూర్‌): విపత్తుల వేళ ప్రాణ, ఆస్తి నష్టాల నివారణలో యువత పాత్ర చాలా కీలకమని గుడిపేట 13వ ప్రత్యే క పోలీసు బెటాలియన్‌ కమాండెంట్‌ కే.వెంకటేశ్వర్లు అన్నారు. మంగళవారం బెటాలియన్‌లో స్టేట్‌ డిజాస్టర్‌ రెస్పాన్స్‌ ఫోర్స్‌(ఎస్‌డీఆర్‌ఎఫ్‌) ఆధ్వర్యంలో కరీంగనర్‌ ప్రభుత్వ డిగ్రీ కళాశాల విద్యార్థులకు ఏర్పాటు చేసిన యువ ఆపదమిత్ర ప్రత్యేక శిక్షణను ఆయన ప్రారంభించారు. ప్రత్యేక శిక్షణ కిట్‌ బ్యాగులు అందజేశారు. అనంతరం ఆయన మాట్లాడుతూ ముందస్తు రక్షణ చర్యలపై అవగాహన కల్పించడం ద్వారా సమాజంలో భారీ ప్రాణ, ఆస్తి నష్టాలను నివారించవచ్చని తెలిపారు. వర్సి టీకి చెందిన 66 మంది బాలురు, 36 మంది బాలికలు శిక్షణలో పాల్గొన్నారు. వరదల్లో చిక్కుకున్న వారిని రక్షించడం, అగ్నిప్రమాదా ల నియంత్రణ, లైఫ్‌ జాకెట్లు, బోట్ల వినియోగంలో మెలకువలు, భవనాలు కూలినప్పు డు, భారీ ప్రమాదాలు జరిగినప్పుడు రెస్క్యూ ఆపరేషన్ల నిర్వహణ తదితర అంశాలపై ఎస్‌ డీఆర్‌ఎఫ్‌ మాస్టర్‌ ట్రైనర్లు శిక్షణ ఇస్తున్నారు. ఈ కార్యక్రమంలో అసిస్టెంట్‌ కమాండెంట్లు వీరరాజు, ఆంజనేయరెడ్డి, నాగభూషణం, యూనిట్‌ మెడికల్‌ అధికారి డాక్టర్‌ సంతోశ్‌సింగ్‌, అడ్మినిస్ట్రేటీవ్‌ అధికారి గౌస్‌మొహీయుద్దీన్‌, ఎస్‌డీఆర్‌ఎఫ్‌ ఆర్‌ఐ ఎం.అశోక్‌ పాల్గొన్నారు.

మంచిర్యాలఅగ్రికల్చర్‌: జనాభా గణన కార్యక్రమంలో వివరాలను ఎలాంటి పొరపాట్లకు తావు లేకుండా స్పష్టంగా నమోదు చేయాలని జిల్లా కలెక్టర్‌ కుమార్‌ దీపక్‌ అన్నారు. మంగళవారం కలెక్టరేట్‌లో సీపీవో పాపయ్య, డైరెక్టరేట్‌ ఆఫ్‌ సెన్సెస్‌(ఆపరేషన్‌) రాష్ట్ర కన్సల్టెంట్‌ కే.కృష్ణయ్య, మాస్టర్‌ ట్రైనర్‌ శరణ్యతో కలిసి జిల్లా అదనపు చార్జ్‌, మండల స్థాయి చార్జ్‌ అధికారుల శిక్షణ కార్యక్రమానికి హాజరయ్యారు. కలెక్టర్‌ మాట్లాడుతూ 2వ దశలో జనాభా గణనను కచ్చితత్వంతో పారదర్శకంగా నిర్వహించాలని తెలిపారు. జనగణనకు సంబంధించి అన్ని అంశాలపై చార్జ్‌ అధికారులు పూర్తి అవగాహన కలిగి ఉండాలని అన్నారు. 16వ ఆర్థిక సంఘం నిధులు గ్రామ పంచాయతీలు, మున్సిపాలిటీలకు కేటాయింపులపై ప్రభావం చూపే అవకాశం ఉన్నందున సమాచార సేకరణలో అత్యంత జాగ్రత్తగా వ్యవహరించాలని తెలిపారు. ఈ కార్యక్రమంలో డీవైఎస్‌ఓ రాజేందర్‌, తహసీల్దార్లు, ఎంపీడీవోలు పాల్గొన్నారు. ప్రమాదాల నివారణకు చర్యలు మంచిర్యాలఅగ్రికల్చర్‌: జిల్లాలో రోడ్డు ప్రమాదాల నివారణకు పటిష్టమైన చర్యలు చేపట్టాలని కలెక్టర్‌ కుమార్‌ దీపక్‌ అన్నారు, మంగళవారం కలెక్టరేట్‌లో రోడ్డు భద్రత సమావేశంలో బెల్లంపల్లి సబ్‌ కలెక్టర్‌ మనోజ్‌, మంచిర్యాల ఆర్డీవో శ్రీనివాస్‌రావు, బెల్లంపల్లి, జైపూర్‌ ఏసీపీలు, జాతీయ రహదారుల అధి కారులతో సమీక్ష నిర్వహించారు. కలెక్టర్‌ మాట్లాడుతూ జాతీయ రహదారి–363పై వాహనాల వేగం నియంత్రణకు స్పీడ్‌గన్‌లు ఏర్పాటు చేయాలని తెలి పారు. పాఠశాల బస్సుల ఫిట్‌నెస్‌ను తనిఖీ చేయాలని, ఫిట్‌నెస్‌ లేని వాహనాలు నడిపే వారిపై చర్యలు తీసుకోవాలని, బీమా లేకుండా తిరిగే వాహనాలపై జరిమానాలు విధించాలని తెలిపారు.

శ్రీరాంపూర్‌: సింగరేణిలో అవినీతి, అక్రమాలకు వి జిలెన్స్‌ విభాగం అడ్డుకట్ట వేస్తోంది. సంస్థలో ఎంతో కీలకంగా ఉన్న ఈ విభాగం మున్ముందు మరి న్ని సవాళ్లు ఎదుర్కోవడానికి సిద్ధం కావాల్సి ఉంది. విజిలెన్స్‌ ప్రాముఖ్యతను చాటుతూ ఈ ఏడాది నిజాయితీ–సమృద్ధి నినాదంతో గనులు, డిపార్ట్‌మెంట్లపై అధికారులు ఈ నెల 26నుంచి నవంబర్‌ 1వరకు అవగాహన వారోత్సవాలు నిర్వహిస్తున్నా రు. సింగరేణిలో కారుణ్య ఉద్యోగాలతో ఉన్నత వి ద్యావంతులు ఎక్కువ కాగా, ఫిర్యాదుల సంఖ్య పె రిగింది. కంపెనీకి ప్రయోజనం కంటే వ్య క్తిగత వైషమ్యాలు, కక్ష పూర్వకమైన ఫిర్యాదులు ఇటీవల ఎ క్కువగా వస్తున్నాయి. గతేడాది సుమారు 211 ఫి ర్యాదులు ఇలాంటివి వచ్చాయి. విజిలెన్స్‌ శాఖకు ఫి ర్యాదు చేయాలంటే తప్పనిసరిగా సరైన వివరాలు, చిరునామా, ఫోన్‌ నంబర్లుండాలి. ఫిర్యాదుదారుల పేర్లు కొన్ని సందర్భాల్లో గోప్యంగా ఉంచుతారు. గతేడాది సరైన చిరునామా, అసంపూర్తిగా ఉండడంతో సుమారు 96 ఫిర్యాదులు పక్కన పెట్టారు. 10 మంది డిస్మిస్‌ సింగరేణిలో ఎక్కువగా కారుణ్య ఉద్యోగాల్లో అవినీ తి జరుగుతోందనే ఆరోపణలున్నా అధికారులు ట్టి పారేస్తున్నారు. ఇప్పటివరకు మెడికల్‌ బోర్డులో అన్‌ఫిట్‌ చేయిస్తామని డబ్బులు వసూలు చేయడం, తప్పుడు పత్రాలు సృష్టించిన కేసుల్లో విచారణ చేసి 10మంది కంపెనీ ఉద్యోగులను డిస్మిస్‌ చేశారు. మరికొందరు దళారులపై సివిల్‌ పోలీసు కేసులు నమోదు చేయించినట్లు అధికారులు తెలిపారు. త్రిముఖ వ్యూహంతో.. అవినీతిని కరికట్టడం, పరిపాలన పారదర్శకంగా, నిష్పక్షపాతంగా జరగడం కోసం విజిలెన్స్‌ విభాగం త్రిముఖ వ్యూహాన్ని అనుసరిస్తోంది. నిర్మాణాత్మక విజిలెన్స్‌: అవినీతి, అక్రమాలు ఎక్క డ జరిగే అవకాశం ఉందో అక్కడ ముందే అధికారులు కట్టుదిట్టమైన ఏర్పాట్లు చేస్తున్నారు. అధికార దుర్వినియోగం కాకుండా లోపాలు సరిచేస్తున్నారు. భాగస్వామ్య విజిలెన్స్‌: ప్రతీ ఉద్యోగి తన విధులను చిత్తశుద్ధి, నిజాయితీతో నిర్వహించడమే కాకుండా తన చుట్టూ జరిగే అవినీతి, అక్రమాలు అధికార దుర్వినియోగంపై స్పందించి సాక్ష్యాధారాలతో ఫిర్యాదులు అందేలా చూస్తున్నారు. ఈ దిశగా విజిలెన్స్‌ అధికారులు తమకున్న వేగులతో ఈ పనులు చేయిస్తున్నారు. శిక్షాపరమైన విజిలెన్స్‌: అవినీతి, అక్రమాలు, అధి కార దుర్వినియోగానికి పాల్పడ్డారని వచ్చిన ఫిర్యాదులపై తక్షణమే స్పందించి విచారణ చేసి వారిపై నిర్ణీత కాలవ్యవధిలో క్రమశిక్షణ చర్యలు తీసుకుంటున్నారు. దీంతో ఇతరులెవరైనా ఇలాంటి పనులు చేయాలంటే భయపడేలా కేసులను లోతుగా దర్యా ప్తు చేసి శిక్షలు వేస్తున్నామని అధికారులు పేర్కొంటున్నారు. కింది స్థాయిలోనే చర్యలా? విజిలెన్స్‌ విభాగంపైనా ఆరోపణలున్నాయి. కొన్ని కేసుల్లో కింది స్థాయి ఉద్యోగులు, అధికారులపై చ ర్యలు తీసుకుంటూ పైస్థాయి అధికారులపై చర్యలు తీసుకోవడంలో విఫలమవుతున్నారని కార్మిక సంఘాల నేతలు ఆరోపిస్తున్నారు. దురుద్దేశ పూర్వకంగా విధానపర నిర్ణయాలతో కంపెనీకి నష్టం చేస్తే ఉ న్నత స్థాయి అధికారులపై చర్యలు ఉండటం లే దని, నాసిరకం పనిముట్లు, ఓబీ కాంట్రాక్టర్ల మా యాజాలం, యంత్ర పరికరాల కొనుగోళ్లలో అవినీ తిపై లోతైన దర్యాప్తు చేపట్టాలని కోరుతున్నారు. ప్రస్తుత పరిస్థితిల్లో సింగరేణిని రక్షించుకోవాలంటే రాజకీయ జోక్యంతో జరిగే అధికార దుర్వినియో గం, డబ్బుల దుబారాపై విజిలెన్స్‌ జోక్యం చేసుకోవా లని పలువురు డిమాండ్‌ చేస్తున్నారు. దీని కోసం విజిలెన్స్‌ విభాగానికి మరింత స్వయం ప్రతిపత్తి కల్పించాల్సిన అసవరం ఎంతైనా ఉంది.

మంచిర్యాలరూరల్‌(హాజీపూర్‌): పండుగలు, సంతోషాలు వదిలి నిత్యం విధుల్లో ఉండే వారితోపాటు విధుల్లో అమరులవుతున్న పోలీస్‌ల త్యాగాలు వెలకట్టలేనివని గుడిపేట 13వ ప్రత్యేక పోలీసు బెటాలియన్‌ కమాండెంట్‌ వెంకటేశ్వర్లు అన్నారు. పోలీస్‌ అమర వీరుల సంస్మరణ వారోత్సవాల్లో భాగంగా మంగళవారం బెటాలియన్‌ ఆవరణలో కమాండెంట్‌ వెంకటేశ్వర్లు జెండా ఊపి ర్యాలీ ప్రారంభించారు. గుడిపేట గ్రామ, జాతీయ రహదారులపై మంచిర్యాల ఐబీ మీదుగా బెల్లంపల్లి చౌరస్తా నుంచి నగర పుర వీధుల గుండా ఐబీ వరకు ర్యాలీ సాగింది. అమరవీరులకు జోహార్లు తెలియజేస్తూ బైక్‌ ర్యాలీ చేపట్టి ఘన నివాళులు అర్పించారు. అసిస్టెంట్‌ కమాండెంట్‌ నాగభూషణం, ఆంజనేయరెడ్డి, వీరరాజు, హాజీపూర్‌ ఏఎస్సైలు చాంద్‌పాషా, పెద్దిరెడ్డి, ఆర్‌ఐలు, ఏఆర్‌ఎస్సైలు, సిబ్బంది పాల్గొన్నారు.

కైలాస్‌నగర్‌: పీఏసీఎస్‌ల అభివృద్ధికి పకడ్బందీ చర్యలు చేపట్టాలని ఆదిలాబాద్‌ కలెక్టర్‌ రాజర్షిషా సూచించారు. ఆదిలాబాద్‌ జిల్లా కేంద్రంలోని డీసీసీబీ ప్రధాన కార్యాలయ సమావేశ మందిరంలో మంగళవారం 99వ మహాజన సభ నిర్వహించారు. కలెక్టర్‌, బ్యాంక్‌ ప్రత్యేకాధికారి అధ్యక్షతన సాగిన సమావేశంలో జిల్లాలోని సొసైటీల అభివృద్ధి, రుణాలు, ప్రభుత్వ పథకాల అమలుపై సుదీర్ఘంగా చర్చించారు. అనంతరం కలెక్టర్‌ మాట్లాడుతూ.. ఇచ్చోడ, గుడిహత్నూర్‌, తాంసి, బజార్‌హత్నూర్‌ సొసైటీల పరిధిలో కనీసం మూడెకరాల భూసేకరణను పూర్తి చేసి మార్కెట్‌ యార్డులు, గోదాముల నిర్మాణానికి తగిన చర్యలు తీసుకోవాలని ఆదేశించారు. సోలార్‌ విద్యుత్‌ కేంద్రాలను ఏర్పాటు చేయడం ద్వారా అదనపు ఆదాయం సమకూరుతుందని సూచించారు. అలాగే, ప్రైవేట్‌ సంస్థలు, ఆసక్తిగల వ్యక్తుల భాగస్వామ్యంతో పీఎం కుసుమ్‌ సోలార్‌ పంపు సెట్ల పథకాన్ని సమర్థవంతంగా అమలు చేయాలని తెలిపారు. సొసైటీల్లో డిపాజిట్లను పెంచడంతో పాటు ఎన్‌సీడీసీ ద్వారా తక్కువ వడ్డీకి లభించే రుణాలను సద్వినియోగం చేసుకోవాలని కోరారు. జిల్లా స్థాయి ఎగ్జిక్యూటివ్‌ కమిటీ సమావేశంలో పెండింగ్‌లో ఉన్న చిన్నచిన్న సమస్యలను త్వరలోనే పరిష్కరిస్తామని తెలిపారు. అర్హులైన ప్రతి ఒక్కరికీ మేలు జరిగేలా అధికారులు సమన్వయంతో పనిచేయాలని స్పష్టం చేశారు. అదనపు కలెక్టర్‌ ఆర్‌.ఎస్‌.చిత్రూ, ఆదిలాబాద్‌, మంచిర్యాల, కుమురంభీం ఆసిఫాబాద్‌ జిల్లాల సహకార అధికారులు సత్యనారాయణ, కరుణాకర్‌, నాబార్డు డీడీఎం అబ్దుల్‌ రౌఫ్‌, బ్యాంక్‌ సీఈవో చండీ, విశ్వేశ్వర్‌, సొసైటీల అధ్యక్షులు, బ్యాంక్‌ అధికారులు, సిబ్బంది పాల్గొన్నారు.

కాసిపేట: గ్రామీణ ప్రాంతాల అభివృద్ధికి సింగరేణి యాజమాన్యం కృషి చేస్తోందని మందమర్రి ఏరియా జీఎం రాధాకృష్ణ తెలిపారు. మంగళవారం మండలంలోని పలు గ్రామాల్లో ఆర్‌పీ అండ్‌ ఎన్‌సీఆర్‌ఏపీ పథకం ద్వారా మంజూరైన రూ.63.50లక్షలతో ఆర్వో ప్లాంట్లు, సోలార్‌ స్ట్రీట్‌ లైట్లు, డ్రైనేజీలు, కల్వర్టులు, ఓపెన్‌జిమ్‌ తదితర అభివృద్ధి పనులను ప్రారంభించారు. రూ.30లక్షల వ్యయంతో కాసిపేట, ముత్యంపల్లి, చిన్నధర్మారం, అశోక్‌నగర్‌ గ్రామాల్లో ఆర్వో వాటర్‌ప్లాంట్లు, రూ.10లక్షలతో సోలార్‌ స్ట్రీట్‌ లైట్లు, రూ.16లక్షలతో మూడు కల్వర్టులు, డ్రైనేజీ నిర్మాణాలు చేపట్టినట్లు తెలిపారు. ఈ సందర్భంగా ఆయన మాట్లాడుతూ.. ఎల్‌నినో నేపథ్యంలో నీటిని వృథా చేయవద్దని సూచించారు. సంస్థ బొగ్గు ఉత్పత్తితో పాటు పరిసర ప్రాంతాల అభివృద్ధి, జీవన ప్రమాణాల మెరుగుదలకు కృషి చేస్తోందని చెప్పారు. డీసీసీ ప్రధాన కార్యదర్శి పూస్కూరి విక్రమ్‌రావు, ఏఐటీయూసీ బెల్లంపల్లి బ్రాంచ్‌ కార్యదర్శి దాగం మల్లేశ్‌, బెల్లంపల్లి మార్కెట్‌ కమిటీ చైర్మన్‌ రత్నం సుకుమారి, ఆత్మ చైర్మన్‌ రౌతు సత్తయ్య, డీజీఎం మదీనా భాష, ఎన్విరాన్‌మెంట్‌ అధికారి వెంకటరెడ్డి, సర్పంచులు నీల రాంచందర్‌, భూక్య స్వప్న, చాకటి సుగుణ, ఉపసర్పంచులు రమేశ్‌, సందీప్‌ పాల్గొన్నారు.

తాండూర్‌: గిరి పుత్రికకు సరస్వతీ కటాక్షం దక్కినా లక్ష్మీ కటాక్షం లేకుండా పోయింది. మారుమూల గిరిజన గ్రామంలో మెరిసిన ఈ ఆణిముత్యం ఎంబీబీఎస్‌ సీటు సాధించింది. డాక్టర్‌ కల నెరవేరకుండా ఆ కుటుంబం ఎదుర్కొంటున్న కడు పేదరికం అడ్డుగా నిలుస్తోంది. ఎంబీబీఎస్‌ అడ్మిషన్‌ ఫీజు కూడా చెల్లించలేని దయనీయ స్థితిలో ఆ కుటుంబం కొట్టుమిట్టాడుతోంది. దీంతో ఆ సరస్వతీ పుత్రిక వైద్య విద్యకు దూరమయ్యే దుర్భర పరిస్థితులు నెలకొన్నాయి. వివరాల్లోకి వెళ్తే.. మంచిర్యాల జిల్లా తాండూర్‌ మండలం నర్సాపూర్‌ గ్రామానికి చెందిన పెంద్రం మోతీరాం– రత్నాబాయి దంపతుల ముగ్గురు సంతానంలో రెండో కూతురు శిరీష పదో తరగతి వరకు కుమురంభీం ఆసిఫాబాద్‌ జిల్లా ట్రైబల్‌ వెల్ఫేర్‌ హాస్టల్‌లో చదివింది. ఇంటర్మీడియట్‌ వికారాబాద్‌ జిల్లా పరిగి ట్రైబల్‌ వెల్ఫేర్‌ హాస్టల్‌లో పూర్తి చేసింది. మొదటిసారి నీట్‌ రాసినప్పటికీ నిరాశే ఎదురైంది. మళ్లీ ఉచిత లాంగ్‌టర్మ్‌ శిక్షణలో శ్రమించి సత్తా చాటింది. నీట్‌ ఫలితాల్లో మంచి ర్యాంక్‌ కై వసం చేసుకుని కొడంగల్‌ ప్రభుత్వ వైద్య కళాశాలలో ఎంబీబీఎస్‌ సీటు దక్కించుకుంది. కానీ, రోజువారీ కూలీ పనులు చేసుకుంటేనే గాని కుటుంబం గడవని పరిస్థితి వారిది. ఈ స్థితిలో అడ్మిషన్‌, హాస్టల్‌ తదితర ఫీజులన్నీ కలిపి రూ.70వేల నుంచి రూ.లక్ష వరకు అవసరమవుతాయి. ఇంత మొత్తం వెచ్చించాలంటే మోతీరాంకు తలకు మించిన భారమే. దీంతో ఈ సరస్వతీ పుత్రికకు వైద్య విద్యాభ్యాసం అందని ద్రాక్షగా మారింది. ప్రజాప్రతినిధులు, దాతలు ఆపన్నహస్తం అందిస్తేనే ఈ గిరి ఆణిముత్యం విద్యాభ్యాసం కొనసాగించే పరిస్థితి ఉంది. వైద్య విద్యను పూర్తి చేసి మారుమూల గిరిజన ప్రాంత ప్రజలకు ఉచిత నాణ్యమైన వైద్యసేవలు అందించడంతో పాటు మెరుగైన సమాజం కోసం పాటుపడాలనుకునే సంకల్పంతో ఉన్న శిరీష విద్యాభ్యాసం కోసం దాతలు ముందుకు వచ్చి 6303853225 నంబర్‌లో సంప్రదించి ఆపన్న హస్తం అందించాలని పేద కుటుంబీకులు కోరుతున్నారు.

తాండూర్‌: స్కూల్‌ గేమ్స్‌ ఫెడరేషన్‌ రాష్ట్ర స్థాయి ఫుట్‌బాల్‌ పోటీలకు మండలంలోని రేచిని జిల్లా పరిషత్‌ ఉన్నత పాఠశాల విద్యార్థిని గిరుగుల అక్షర ఎంపికై నట్లు పీడీ సంతోష్‌కుమార్‌ తెలిపారు. అక్షర ఈ నెల 29నుంచి 31వ తేదీ వరకు మేడ్చల్‌లో నిర్వహించనున్న పోటీల్లో పాల్గొననుందని పేర్కొన్నారు. పోటీల్లో అత్యుత్తమ ప్రతిభకనబర్చి జిల్లాకు మంచి పేరు తేవాలని ప్రధానోపాధ్యాయుడు ప్రదీప్‌, సర్పంచ్‌ రాంబాయి ఆకాంక్షించారు. లక్సెట్టిపేట: మండలంలోని జెండావెంకటాపూర్‌ గ్రామ ప్రభుత్వ పాఠశాలలో తొమ్మిదో తరగతి చదువుతున్న దేవహర్ష రాష్ట్రస్థాయి ఫుట్‌బాల్‌ పోటీలకు ఎంపికై నట్లు ప్రధానోపాధ్యాయురాలు యశోదర తెలిపారు. ఈనెల 4వ తేదీన బెల్లంపల్లిలో నిర్వహించిన అండర్‌–14 విభాగం నుంచి జోనల్‌ స్థాయి పోటీల్లో పాల్గొని ఉత్తమ ప్రతిభ కనబర్చి రాష్ట్రస్థాయికి ఎంపికై నట్లు పేర్కొన్నారు. ఈనెల 29వ తేదీన మేడ్చల్‌లో నిర్వహించనున్న పోటీల్లో దేవహర్ష పాల్గొంటాడని తెలిపారు. విద్యార్థిని ఉపాధ్యాయులు అభినందించారు.

మంచిర్యాలఅగ్రికల్చర్‌: ప్రజావాణిలో వివిధ గ్రామాల ప్రజల నుంచి వచ్చిన అర్జీలు పెండింగ్‌లో ఉంచకుండా సత్వరమే పరిష్కరించాలని జిల్లా అదనపు కలెక్టర్‌ చంద్రయ్య అన్నారు. సోమవారం కలెక్టరేట్‌ సమావేశ మందిరంలో అదనపు కలెక్టర్‌ రాములు, జిల్లా రెవెన్యూ అధికారి మోతిరాంతో కలిసి అర్జీదారుల నుంచి ఫిర్యాదులు స్వీకరించారు. భూ సమస్యలు, పరిహారం, తదితర సమస్యలపై దరఖాస్తులు అందించారు. ఈ సందర్భంగా ఆయన మాట్లాడుతూ అర్జీలు పూర్తి స్థాయిలో పరిశీలించి ఆలస్యం చేయకుండా పరిష్కరించాలని ఆయా శాఖల అధికారులను ఆదేశించారు.

ఆదిలాబాద్‌టౌన్‌: వాట్సాప్‌ ద్వారా నకిలీ లింక్‌లు పంపిస్తూ బ్యాంక్‌ ఖాతాలు, క్రెడిట్‌కార్డుల నుంచి రూ.4,20,210 కాజేసిన అంతర్రాష్ట్ర సైబర్‌ నేరగాడిని అరెస్ట్‌ చేసినట్లు ఎస్పీ అఖిల్‌ మహాజన్‌ తెలి పారు. జిల్లాకేంద్రంలోని పోలీస్‌ హెడ్‌క్వార్టర్స్‌లో సోమవారం కేసు వివరాలు వెల్లడించారు. బేల పోలీస్‌స్టేషన్‌ పరిధిలోని సాంగిడి గ్రామానికి చెంది న అనురాగ్‌రెడ్డికి గుర్తుతెలియని నంబర్‌ నుంచి వా ట్సాప్‌లో వచ్చిన ఓ లింక్‌ను ఓపెన్‌ చేయగా ఫోన్‌పే ద్వారా రూ.2,200 చెల్లించాలనే సందేశం కనిపించింది. అది నిజమని నమ్మి డబ్బులు చెల్లించాడు. అనంతరం అతని క్రెడిట్‌ కార్డులకు సంబంధించిన ఖాతాల నుంచి 16 లావాదేవీల ద్వారా మొత్తం రూ.4,20,210 కట్‌ అయ్యాయి. బాధితుడి ఫిర్యాదుతో బేల పోలీస్‌స్టేషన్‌లో కేసు నమోదు చేసి ద ర్యాప్తు చేపట్టారు. సెల్‌నంబర్లు, ఆన్‌లైన్‌ లావాదేవీ లు, సాంకేతిక ఆధారాలతో రాజస్థాన్‌లోని ఉదయ్‌ పూర్‌ జిల్లా దగర్‌ గ్రామానికి చెందిన దినేష్‌ పటేల్‌ ను నిందితుడిగా గుర్తించి పోలీసులు అదుపులోకి తీ సుకున్నారు. అతని నుంచి మూడు సెల్‌ఫోన్లు, ఒక మినీ ఐప్యాడ్‌, ఒక హెచ్‌పీ ల్యాప్‌టాప్‌ను స్వాధీనం చేసుకున్నారు. మోసపోయిన బాధితుడికి కోర్టు ద్వారా రూ.2 లక్షలను తిరిగి అందించినట్లు ఎస్పీ తెలిపారు. సైబర్‌నేరాలపై అప్రమత్తంగా ఉండాలిసైబర్‌నేరాలపై ప్రజలు అప్రమత్తంగా ఉండాలని ఎస్పీ సూచించారు. అపరిచితులు పంపే వాట్సాప్‌, ఇన్‌స్ట్రాగామ్‌ లింక్‌లు ఓపెన్‌ చేయొద్దని, బ్యాంక్‌ ఖా తాలు, క్రెడిట్‌, డెబిట్‌ కార్డుల వివరాలు, ఓటీపీల ను ఇతరులతో పంచుకోవద్దని తెలిపారు. అనుమానాస్పద లావాదేవీలు జరిగిన వెంటనే బ్యాంక్‌ను సంప్రదించి, సైబర్‌ హెల్ప్‌లైన్‌ నంబర్‌ 1930కు, www.cybe rcrime.gov.in వెబ్‌సైట్‌లో ఫిర్యా దు చేయాలని పేర్కొన్నారు. సమావేశంలో ఆదిలా బాద్‌ డీఎస్పీ ఎల్‌.జీవన్‌రెడ్డి, జైనథ్‌ సీఐ జి.శ్రావణ్‌ కుమార్‌, బేల ఎస్సై మధుకృష్ణ, సైబర్‌ క్రైమ్‌ ఆర్‌ఎస్సై గోపికృష్ణ తదితరులు పాల్గొన్నారు. దేశవ్యాప్తంగా 220, తెలంగాణలో 20 కేసులునిందితుడు ఇతరుల గుర్తింపు పత్రాలతో సిమ్‌కార్డులు సేకరించేవాడని విచారణలో వెల్లడైందని ఎస్పీ తెలిపారు. ఇన్‌స్ట్రాగామ్‌లో నకిలీ ఎస్కార్ట్‌, కాల్‌గర్ల్‌ సేవల వెబ్‌సైట్‌ లింక్‌లు ప్రచారం చేసి, వాటిని నమ్మి సంప్రదించిన వారితో టెలిగ్రామ్‌, వాట్సాప్‌ ద్వారా మాట్లాడేవాడని, వివిధ రకాల సేవలందిస్తామని చెప్పి ముందుగా డబ్బులు వసూలు చేస్తున్నట్లు పేర్కొన్నారు. ఆ డబ్బులను ఇతరుల బ్యాంక్‌ఖాతాల ద్వారా మళ్లిస్తూ క్రెడిట్‌కార్డుల ద్వారా చెల్లించిన సందర్భాల్లో ఆమెజాన్‌, ఫ్లిప్‌కార్ట్‌ వంటి ఆన్‌లైన్‌ వేదికల నుంచి గిఫ్ట్‌కార్డులు కొనుగోలు చేసి వస్తువులు పొందేవాడని తెలిపారు. దేశవ్యాప్తంగా నిందితుడిపై 220, తెలంగాణలో 20 కేసులు నమోదైనట్లు వివరించారు. హైదరాబాద్‌లోని ఉస్మానియా యూనివర్సిటీ, వనస్థలిపురం, నార్సింగి పోలీస్‌స్టేషన్ల పరిధిలో మోసాలకు పాల్పడినట్లు విచారణలో తేలిందన్నారు.

శ్రీరాంపూర్‌: ప్రతీ ఉద్యోగి, అధి కారి విధి నిర్వహణలో నిజాయితీగా పనిచేయాలని శ్రీరాంపూర్‌ ఏరియా ఇన్‌చార్జి జీఎం ఏవీ రెడ్డి తెలిపారు. విజిలెన్స్‌ వారో త్సవాల్లో భాగంగా సోమవారం శ్రీరాంపూర్‌ జీఎం కార్యాలయంలో విజిలెన్స్‌పై అవగాహ న కార్యక్రమాన్ని నిర్వహించారు. ఈ సందర్భంగా ఆయన ముఖ్యఅతిథిగా హాజరై ప్రతిజ్ఞ చేయించారు. ఈ సంవత్సరం సంస్థలో ’నిజాయితీతో సంవృద్ధి’అనే నినాదంతో వారోత్సవాలు నిర్వహిస్తున్నట్లు తెలిపారు. ఈ వారోత్సవాలు నవంబర్‌ 1 వరకు కొసాగుతాయన్నారు. ప్రతి ఒక్కరూ అవినీతికి వ్యతిరేకంగా పనిచేయాలన్నారు. కరపత్రాలు పంపిణీ చేశారు. ఏరియా ఎస్‌ఓటూ జీఎం కృష్ణప్రసాద్‌, గుర్తింపు సంఘం బ్రాంచి కార్యదర్శి బాజీసైదా, అధికారుల సంఘం ప్రతినిధి పద్మ, ఏజీఎం(ఫైనాన్స్‌) శ్రీధర్‌, డీజీఎం(ఐఈడీ) రాజన్న, లా ఆఫీసర్‌ మల్లేశ్‌, పర్చేస్‌ అధికారి చంద్రశేఖర్‌ తదితరులు పాల్గొన్నారు.జీఎం ఆఫీస్‌ ఆవరణలో.. మందమర్రిరూరల్‌: మందమర్రి ఏరియాలోని జీఎం ఆఫీస్‌ ఆవరణలో సోమవారం విజిలెన్స్‌ వారోత్సవాల్లో భాగంగా అవగాహన కార్యక్రమం నిర్వహించారు. ఏరియా ఎస్వో టూ జీఎం లలితేంద్రప్రసాద్‌ హాజరై ఉద్యోగులతో ప్రతిజ్ఞ చేయించారు. ఏరియా డీజీఎం(పర్సనల్‌) అశోక్‌, ఆఫీస్‌ సూపరింటెండెంట్‌ రాజలింగు, సీనియర్‌ పీవో సత్యనారాయణ, ఏఐటీయూఏసీ బ్రాంచి కార్యదర్శి సత్యనారాయణ, మల్లేశ్‌, అధికారులు, ఆఫీస్‌ సిబ్బంది పాల్గొన్నారు.

● రాష్ట్ర కార్మిక శాఖ మంత్రి గడ్డం వివేక్‌ వెంకటస్వామి చెన్నూర్‌: చెన్నూర్‌లో గోదావరి పుష్కరాలకు రూ.70 కోట్ల నిధులతో భక్తులకు మెరుగైన సౌకర్యాలు కల్పిస్తున్నామని రాష్ట్ర కార్మిక శాఖ మంత్రి గడ్డం వివేక్‌ వెంకటస్వామి అన్నారు. సోమవారం చెన్నూర్‌ మున్సిపాలిటీ పరిధిలో రూ.5.50 కోట్ల నిధులతో అంబేడ్కర్‌ జంక్షన్‌ నుంచి పెద్ద చెరువు రావిచెట్టు వరకు రోడ్డు విస్తరణ, రూ.70 కోట్లతో మహంకాళి వాడ నుంచి జాతీయ రహదారి వరకు, నేషనల్‌ హైవే నుంచి పుష్కర ఘాట్‌ వరకు రోడ్డు విస్తరణ, హైమాస్‌ లైట్ల నిర్మాణం పనులకు శంకుస్థాపన చేశారు. ముందుగా మార్నింగ్‌ వాక్‌ చేసి ప్రజా సమస్యలు తెలుసుకున్నారు. ఈ సందర్భంగా మంత్రి మాట్లాడుతూ గోదావరి పుష్కరాలకు వచ్చే భక్తులకు ఆధ్యాత్మికతతో పాటు, ఆహ్లాదకరమైన వాతావరణం కల్పించే విధంగా పనులు చేపడుతామన్నారు. చెన్నూర్‌ ప్రాంతానికి ప్రాచీన చరిత్ర ఉండడంతో లక్షలాది మంది భక్తులు వచ్చే అవకాశం ఉందన్నారు. నిర్ణీత గడువులోగా నాణ్యతతో పనులు పూర్తి చేయాలని అధికారులను ఆదేశించారు. కార్యక్రమంలో కలెక్టర్‌ కుమార్‌ దీపక్‌, మున్సిపల్‌ కమిషనర్‌ మారుతి ప్రసాద్‌, చైర్‌ పర్సన్‌ పెద్దింటి పద్మ, వైస్‌ చైర్మన్‌ వినయ్‌కుమార్‌, కౌన్సిలర్లు సుంకరి శిరీష, అంబటి శంకర్‌, తదితరులు పాల్గొన్నారు.

దర్బార్‌ కార్యక్రమంలో ఆదివాసీ సంఘాల నాయకులు తమ సమస్యలను ఏకరువు పెట్టారు. కుమురం భీం నినదించిన జల్‌, జంగల్‌, జమీన్‌ ఆశయం నేటికీ నెరవేరలేదన్నారు. చాలా గ్రామాల్లో తాగునీరు, రోడ్డు సౌకర్యాలు లేవని ఆవేదన వ్యక్తం చేశారు. ఇళ్ల నిర్మాణానికి ఇసుక, పందిరి వేసేందుకు వెదురు తెచ్చుకోవడానికి కూడా అడ్డుపడుతున్నారని బాధలు వినిపించారు. కాంగ్రెస్‌ ప్రభుత్వం వచ్చాక గిరిజనులకు వందశాతం ఇందిరమ్మ గృహాలు ఇస్తామని ఇచ్చిన మాటను సీఎం రేవంత్‌రెడ్డి నిలబెట్టుకోలేదని పేర్కొన్నారు. కలెక్టర్‌ హరిత మాట్లాడుతూ ప్రతీ గిరిజన గ్రామానికి నిరంతరం తాగునీరు అందించేందుకు సావర్‌ఖెడా సమీపంలో రూ.60 కోట్లతో ఇంటెక్‌వెల్‌ నిర్మిస్తున్నామని తెలిపారు. యువత మత్తు పదార్థాలకు దూరంగా ఉండాలని ఎస్పీ నితిక పంత్‌ సూచించారు. పిల్లలను బాగా చదివించాలని, గ్రామాభివృద్ధిలో ప్రజలు భాగస్వాములు కావాలని పిలుపునిచ్చారు.సమస్యల ఏకరువుకెరమెరి/ఆసిఫాబాద్‌అర్బన్‌: పోరుగడ్డ జోడేఘాట్‌ పులకించింది. ఆదివాసీ ముద్దుబిడ్డ, గోండు బెబ్బు లి కుమురంభీంకు నివాళులర్పించేందుకు మంత్రులు, ప్రజాప్రతినిధులు, అధికారులతో పాటు ఉమ్మ డి జిల్లా నుంచి ప్రజానీకం తరలివచ్చింది. అమరుడికి గిరిజన సంప్రదాయం ప్రకారం నివాళులర్పించి ప్రత్యేక పూజలు చేశారు. కుమురంభీం ఆసిఫా బాద్‌ జిల్లా కెరమెరి మండలం జోడేఘాట్‌లో సోమవారం కుమురంభీం 86 వర్ధంతి ఘనంగా నిర్వహించారు. గిరిజన సంక్షేమశాఖ మంత్రి అడ్లూరి లక్ష్మణ్‌కుమార్‌, మహిళా శిశు సంక్షేమశాఖ మంత్రి సీతక్క హాజరయ్యారు. వారికి గుస్సాడీ నృత్యంతో స్వాగతం పలికారు. అనంతరం ఆదివాసీలు, భీం వారసులతో కలిసి సంప్రదాయ పూజలు చేశారు. కుమురం భీంతోపాటు కొలాం వీరుడు కుమురం సూరుకు నివాళులర్పించారు. అంతకుముందు నాలుగు గోత్రాల జెండాలు ఆవిష్కరించారు. ఆకట్టుకున్న కార్యక్రమాలు జోడేఘాట్‌లో వివిధ సాంస్కృతిక కార్యక్రమాలు ఆకట్టుకున్నాయి. గోండ్‌గూడ అంగన్‌వాడీ కేంద్రం చిన్నారులు, గుస్సాడీలు చేసిన నృత్యాలు అలరించాయి. వివిధ శాఖల స్టాల్స్‌ ప్రత్యేక ఆకర్షణగా నిలిచాయి. ఐటీడీఏ పీవో మంద మకరందు ధోవ తి, రుమాలు కట్టుకుని గోండి భాషలో మాట్లాడా రు. ఆరుగురు గిరిజనులకు ఆర్‌వోఎఫ్‌ఆర్‌ పట్టా లు అందించారు. ఉన్నత విద్యనభ్యసిస్తున్న మడావి దత్తు, కోట్నాక్‌ సంజీవనిలకు ల్యాప్‌టాప్‌లు అంది ంచారు. భీం మనుమడు సోనేరావు, ఇతర వారసులకు దుస్తులు అందించి సత్కరించారు. కార్యక్రమంలో ఆసిఫాబాద్‌ ఎమ్మెల్యే కోవ లక్ష్మి, సిర్పూర్‌ ఎమ్మెల్యే పాల్వాయి హరీశ్‌బాబు, ఖానాపూర్‌ ఎమ్మె ల్యే వెడ్మ బొజ్జు పటేల్‌, మహిళా శిశు సంక్షేమ శాఖ కమిషనర్‌ దివ్య దేవరాజన్‌, అదనపు కలెక్టర్‌ యువరాజ్‌ మర్మాట్‌, కాగజ్‌నగర్‌ సబ్‌ కలెక్టర్‌ హర్ష్‌చౌదరి, డీఎస్పీ అశోక్‌, అదనపు ఎస్పీ చిత్తరంజన్‌, డీటీడబ్ల్యూవో అంబాజీ, డీఎంహెచ్‌వో నాగేంద్ర, ఎస్‌ఈ ఉత్తమ్‌ జాడె, డీసీసీ అధ్యక్షురాలు ఆత్రం సుగుణ, మాజీ ఎమ్మెల్యే సక్కు, బీజేపీ రాష్ట్ర కార్యవర్గ సభ్యుడు అరిగెల నాగేశ్వర్‌రావు, తుడుందెబ్బ రాష్ట్ర అధ్యక్షుడు కోట్నాక విజయ్‌, జిల్లా అధ్యక్షుడు కోవ విజయ్‌, ఉత్సవ కమిటీ చైర్మన్‌ పెందూర్‌ రాజేశ్వర్‌, సీపీఎం మాజీ కేంద్ర కమిటీ సభ్యుడు పుల్లూరి ప్రసాదరావు, చంద్రన్న, శంకరన్న పాల్గొన్నారు.

చెన్నూర్‌రూరల్‌: మండలంలోని సుబ్బరాంపల్లిలో గ్రామోద్యోగు వికాస్‌లో భాగంగా కుమ్మరులకు కుమ్మరి సారె నైపుణ్యాభివృద్ధి శిక్షణ సోమవారం ముగిసింది. ఈ కార్యక్రమానికి టెక్నీషియన్‌ డైరెక్టర్‌ సంజీవరావు హాజరై మాట్లాడారు. శిక్షణ పూర్తి చేసుకున్న వారికి ఉచితంగా ఎలక్ట్రికల్‌ వీల్స్‌ అందజేస్తామని తెలిపారు. ఈ కార్యక్రమంలో చెన్నూర్‌ మున్సిపల్‌ చైర్‌పర్సన్‌ పెద్దింటి పద్మ, శ్రీనివాస్‌, కత్తెరసాల సర్పంచ్‌ చేతెల్లి పద్మ, మోహన్‌రెడ్డి, కుమ్మరి సంఘం జిల్లా అద్యక్షుడు గంగాధరి తిరుపతి, రాష్ట్ర ఉపాద్యక్షుడు నాంపల్లి శ్రీనివాస్‌, ప్రధాన కార్యదర్శి సలిగంటి చంద్రయ్య, జిల్లా నాయకులు శనిగారపు తిరుపతి, అక్కెపల్లి గ్రామ ఉప సర్పంచ్‌ రాతిపల్లి రమేష్‌, కత్తెరసాల ఉప సర్పంచ్‌ రాతిపల్లి మల్లేష్‌, మాస్టర్‌ ట్రైనర్‌ రాతిపల్లి నగేష్‌ పాల్గొన్నారు.

చెన్నూర్‌రూరల్‌: కుమ్మరి సారె కళ తప్పుతోంది. మట్టి పాత్రలకు క్రమంగా ఆదరణ తగ్గుతోంది. ఫలితంగా వృత్తినే నమ్ముకున్న కుమ్మరులు ఉపాధికి దూరమవుతున్నారు. దీపావళి వచ్చిందంటే ఒకప్పుడు మట్టి ప్రమిదలకు డిమాండ్‌ ఉండేది. కుమ్మరుల ఇళ్లకు వచ్చి ప్రమిదల కోసం ఆర్డర్లు ఇచ్చేవా రు. ప్రస్తుతం ఇతర ప్రాంతాల నుంచి వివిధ ఆకృతుల్లో రెడీమేడ్‌ మట్టి పాత్రలు, ప్రమిదలు దిగుమ తి అవుతుండగా కుమ్మరులకు కష్టాలు మొదలయ్యాయి. కుమ్మరులు తయారు చేసిన ప్రమిదలు డజన్‌కు రూ.40 మాత్రమే ధర పలుకుతుండగా రెడీమేడ్‌ ప్రమిదలు ఇంతకంటే తక్కువకే వస్తుండడంతో జనాలు వాటివైపే మొగ్గుచూపుతున్నారు. జిల్లాలో 8వేల మంది కుమ్మరులుండగా, ఇందులో 2వేల మంది కులవృత్తినే నమ్ముకుని జీవిస్తున్నారు. కుండలు, ప్రమిదలు, వివిధ పాత్రలు తయారు చేసి జీవనోపాధి కొనసాగిస్తున్నారు. ప్రస్తుతం తా ము తయారు చేసిన మట్టి పాత్రలకు ఆదరణ తగ్గి ఉపాధికి దూరమవుతున్నామని వారు ఆందోళన వ్యక్తం చేస్తున్నారు.

నిరుపేద ఆదివాసీ గిరిజనులమైన మేము ఇంటిస్థలం లేక పది మంది కుటుంబ సభ్యులతో 30 ఏళ్లుగా ఇరిగేషన్‌ స్థలంలో గుడిసెలు వేసుకుని నివాసం ఉంటున్నాం. గుడిసెలు తొలగించేందుకు ఇరిగేషన్‌ అధికారులు ఇటీవల నోటీసులు అందించారు. మేము ఎక్కడ బతికేది. మాకు ఇంటి నిర్మాణం కోసం స్థలం కేటాయించి ఆదుకోవాలి. – ముడితే ఎల్లవ్వ, కర్ణపేట, దండేపల్లి చెరువు కబ్జాపై విచారణ చేపట్టాలితుమ్మల చెరువుకు తాతల కాలం నుంచి నీరటిగా పనిచేస్తున్నాం. ఈ చెరువును ప్రభుత్వం పూర్తిగా తమ ఆధీనంలోకి తీసుకుని మిషన్‌ కాకతీయ పథకంలో భాగంగా పునరుద్ధరణ పనులు చేపట్టి ఆయకట్టు కింద భూములకు సాగునీరు అందిస్తోంది. ఇటీవల ఈ చెరువు కబ్జాకు గురికావడంతో నీరు తగ్గి పంటలకు సాగు నీరందడం లేదు. దీనిపై విచారణ చేపట్టి చర్యలు తీసుకోవాలి. – చెండిక తిరుపతి, ధర్మారం, భీమారం

మంచిర్యాలటౌన్‌: ప్రధాని మోదీ ‘నషా ముక్త్‌ యువ ఫర్‌ వికసిత్‌ భారత్‌ సంకల్ప్‌’పేరుతో వంద వారాల ప్రత్యేక ప్రచార కార్యక్రమాన్ని చేపట్టిన సందర్భంగా గవర్నర్‌ శివప్రతాప్‌ శుక్లా ఆదేశాలతో మాదక ద్రవ్యాలపై విద్యార్థులు, ప్రజలకు అవగాహన కల్పించాలని రెడ్‌క్రాస్‌ సభ్యులు కోరారు. సోమవారం అదనపు కలెక్టర్‌ చంద్రయ్యకు రెడ్‌క్రాస్‌ సొసైటీ చైర్మన్‌ భాస్కర్‌రెడ్డి, మధుసూదన్‌రెడ్డి వినతిపత్రం అందజేశారు. విద్యాసంస్థలు, ఎన్జీవోలు, ఆధ్యాత్మిక సంస్థల సహకారంతో ప్రచార కార్యక్రమాలు నిర్వహించేలా చూడాలని కోరారు. డ్రగ్స్‌ బారినపడిన వారికి కౌన్సెలింగ్‌, వైద్యపరీక్షలు, డీ అడిక్షన్‌ కేంద్రాల ద్వారా మెరుగైన చికిత్స అందించడమే ఈ కార్యక్రమం ఉద్దేశమని తెలిపారు. ఈనెల 28న హైదరాబాద్‌లో రాష్ట్ర గవర్నర్‌ అధికారికంగా ఈ కార్యక్రమాన్ని ప్రారంభిస్తారని, జిల్లాలో నవంబర్‌ 14వ తేదీ వరకు అవగాహన సదస్సులు, ర్యాలీలు, రక్తదాన శిబిరాలు నిర్వహించేలా చూడాలని కోరారు.

జన్నారం: ఎకో సెన్సిటివ్‌ జోన్‌ పరిధిపై మండల ప్రజల్లో ఆందోళన వ్యక్తమవుతోంది. అభివృద్ధి పనులకు నిబంధనలు ఆటంకంగా మారుతున్నాయనే వ్యతిరేకత ఏర్పడుతోంది. 2012లో కవ్వాల్‌ టైగర్‌జోన్‌ ఏర్పాటు కాగా 892 చదరపు కిలోమీటర్లు కోర్‌ ఏరియా, 1123 చదరపు కిలోమీటర్లు బఫర్‌ ఏరియా వ్యాపించి ఉంది. టైగర్‌జోన్‌ నిబంధనలకు తోడుగా ఎకో సెన్సిటివ్‌ జోన్‌ కూడా ఏర్పాటు చేసి కోర్‌ ఏరియా నుంచి పది కిలోమీటర్ల దూరం వరకు పరిధిని కేటాయించారు. కొన్నేళ్లుగా నిబంధనలు అమలులో ఉన్నా ఆరు నెలలుగా కఠినంగా అమలు చేస్తున్నారు. దీంతో అభివృద్ధిలో మండలం వెనుకబడుతోందని, ఎకోసెన్సిటివ్‌ జోన్‌తోపాటు టైగర్‌జోన్‌ ఎత్తి వేయాలని డిమాండ్‌ పెరిగింది. ఈ క్రమంలో సామాజిక వేత్త శ్రీరాముల భూమాచారి రెండు నెలలుగా రిలే నిరాహార దీక్ష కొనసాగిస్తున్నారు. ఆయన దీక్షకు మండలంలోని అన్ని వర్గాల ప్రజలు మద్దతు లభిస్తోంది. ఆయా రాష్ట్రాల భౌగోళిక, సామాజిక పరిస్థితులను బట్టి నిబంధనల్లో మినహాయింపులు ఇవ్వొచ్చని 2006లో సుప్రీంకోర్టు స్పష్టం చేసినట్లు చెబుతున్నారు. అటవీ శాఖ ఉన్నత అధికారులు పునరాలోచించి ఎకో సెన్సిటివ్‌ జోన్‌ పరిధిని తగ్గించాలని కోరుతున్నారు. నిబంధనలు అమలుకొన్ని నెలలుగా అటవీ అధికారులు ఎకో సెన్సిటివ్‌ జోన్‌ నిబంధనలు కఠినంగా అమలు చేస్తున్నారు. జన్నారం మండల పరిసర ప్రాంతాల్లో సమీప గోదావరి తీరప్రాంతాల నుంచి ఇసుక తీసుకెళ్లడానికి అనుమతి నిరాకరిస్తున్నారు. దీంతో ఇసుక, మ ట్టి కొరతతో ఇందిరమ్మ ఇళ్ల నిర్మాణం, ఇతర అభివృద్ధి పనులు, గ్రామాల్లో సీసీ రోడ్ల నిర్మాణం నిలిచి పోతున్నాయని సర్పంచులు పేర్కొంటున్నారు. ప్రజల నుంచి ఒత్తిడి పెరగడంతో టైగర్‌జోన్‌ పరిధిలోని నాలుగు జిల్లాల అటవీశాఖ అధికారులు నిబంధనల సడలింపుపై ప్రభుత్వానికి నివేదిక పంపించారు. ప్రస్తుతం పది కిలోమీటర్లు ఉన్న ఎకో సెన్సిటివ్‌ జోన్‌ పరిధి కిలోమీటరుకు తగ్గించాలని పేర్కొన్నారు. నిర్ణయం ప్రభుత్వం చేతిలో ఉంది.అభివృద్ధి నిలిచిందిఎత్తివేసే వరకు దీక్ష

తాండూర్‌: మండలంలోని అచ్చలాపూర్‌ జెడ్పీ ఉన్నత పాఠశాలలో పదో తరగతి చదువుతున్న చౌళ్ల హర్షిత రాష్ట్రస్థాయి కబడ్డీ పోటీలకు ఎంపికై నట్లు పీడీ సాంబమూర్తి తెలిపా రు. ఆదివారం మంచిర్యాలలో నిర్వహించిన ఉమ్మడి ఆదిలాబాద్‌ జోనల్‌ స్థాయి స్కూల్‌ గేమ్స్‌ ఫెడరేషన్‌ కబడ్డీ పోటీల్లో మంచిర్యాల జిల్లా జట్టు ప్రథమ స్థానంలో నిలిచి గోల్డ్‌మెడల్‌ కై వసం చేసుకుంది. అత్యుత్తమ ప్రతిభకనబర్చిన చౌళ్ల హర్షిత రాష్ట్రస్థాయి పోటీలకు ఎంపికై ంది. నవంబర్‌లో మహబూబ్‌నగర్‌లో జరిగే రాష్ట్రస్థాయి పోటీల్లో పాల్గొననుంది. పాఠశాల హెచ్‌ఎం ఉమాదేవి, సర్పంచ్‌ మారి శెట్టి స్రవంతి, ఉపసర్పంచ్‌ గట్టు సంతోష్‌కుమార్‌, ఉపాధ్యాయులు ఈ సందర్భంగా హర్షితను అభినందించారు.

మంచిర్యాలక్రైం: రామగుండం పోలీస్‌ కమిషనరేట్‌ కార్యాలయంలో మహర్షి వాల్మీకి జయంతి వేడుకలను సోమవారం ఘనంగా నిర్వహించారు. ఈ సందర్భంగా సీపీ అంబర్‌ కిషోర్‌ ఝా మాట్లాడుతూ మహర్షి వాల్మీకి చరిత్ర, ఆయన రచించిన రామాయణం ప్రపంచం ఉన్నంత కాలం చిరస్థాయిగా నిలిచిపోతాయని అన్నారు. ఈ కార్యక్రమంలో అదనపు డీసీపీ(అడ్మిన్‌) కే.శ్రీనివాస్‌, ఇన్‌స్పెక్టర్లు గోపి, రాజేంద్రప్రసాద్‌, చంద్రశేఖర్‌గౌడ్‌, శ్రీనివాస్‌, ఆర్‌ఐలు దామోదర్‌, శేఖర్‌, రమేష్‌, సీసీ సందీప్‌, ఎస్సైలు ఉపేందర్‌, సంతోష్‌, పోలీస్‌ సిబ్బంది పాల్గొన్నారు. స్మగ్లింగ్‌కు పాల్పడిన ఒకరి రిమాండ్‌ జన్నారం: బైక్‌పై టేకు దుంగలను స్మగ్లింగ్‌ చేస్తూ పట్టుబడిన వ్యక్తిని సోమవారం రిమాండ్‌కు తరలించినట్లు తాళ్లపేట రేంజ్‌ అధికారి వికాస్‌ తెలిపారు. ఆయన తెలిపిన వివరాల ప్రకారం..జన్నారం అటవీ డివిజన్‌ తాళ్లపేట రేంజ్‌ పరిధిలో తాళ్లపేటకు చెందిన గోపతి అంజన్న, ఈనెల 24న బైక్‌పై టేకు దుంగలను తరలిస్తుండగా డీఆర్వో సాగరిక, బీట్‌ అధికారులు రహీమోద్దీన్‌, పద్మజరాణి పట్టుకున్నారు. కేసు నమోదు చేసి లక్సెట్టిపేట కోర్టులో హాజరుపర్చగా న్యాయమూర్తి 14 రోజులు రిమాండ్‌ విధించినట్లు తెలిపారు.

బెల్లంపల్లి: రైల్వే ర న్నింగ్‌ స్టాఫ్‌ ఎదుర్కొంటున్న సమస్యలు పరిష్కరించాలని, పెండింగ్‌లో ఉన్న అన్ని హ్యాండిక్యాప్డ్‌, పైలట్‌ సెక్షన్లకు ఆ మోదం కల్పించాలని డిమాండ్‌ చేస్తూ ద. మ రైల్వే మజ్దూర్‌ యూనియన్‌ సికింద్రాబాద్‌ డివిజన్‌ ఆఽ ద్వర్యంలో సోమవా రం నిర్వహించిన ని రాహార దీక్షకు బెల్లంపల్లి నుంచి రైల్వే కా ర్మికులకు తరలివెళ్లారు. సికింద్రాబాద్‌లోని సంచలన్‌ భవన్‌ వద్ద ఉదయం 8 నుంచి సాయంత్రం 6 గంటల వరకు దీక్ష నిర్వహించారు. మజ్దూర్‌ యూనియన్‌ నాయకులు, కార్యకర్తలు, రైల్వే కార్మికులు హాజరై సంఘీభావం ప్రకటించారు. సమస్యలు పరిష్కరించకపోతే ఆందోళనలు తీవ్రతరం చేస్తామని హెచ్చరించారు. యూనియన్‌ జనరల్‌ సెక్రెటరీ సీహెచ్‌.శంకర్రావు, సికింద్రాబాద్‌ డివిజనల్‌ సెక్రెటరీ పి.రవీందర్‌, అధ్యక్షుడు ఖాజాబాబా, బెల్లంపల్లి బ్రాంచి సెక్రెటరీ సాంబశివుడు పాల్గొన్నారు.

వైన్‌షాపుల్లో సిట్టింగ్‌ రూంలు, బెల్ట్‌ షాపులతో బార్లు నడవక తీవ్రంగా నష్టపోతున్నాం. నాణ్యత ప్రమాణాలు పాటించకుండా (ఎఫ్‌ఎస్‌ఎస్‌ఏఐ)లైసన్స్‌ నిబంధనలు లేకపోగా తినుబండారాలు, మాంసాహార వంటకాల విక్రయాలు, కూల్‌డ్రింక్స్‌, తదితర అన్నీ బార్‌షాపు మాదిరి వైన్‌షాపులో సిట్టింగ్‌ రూం నడుపుతున్నారు. దీంతో పాటు 24 గంటలు బెల్ట్‌ షాపులు తెరిచి ఉంచుతున్నారు. దీనికి తోడు ప్రభుత్వం బార్‌ ఫీజులు పెంచుతుండడంతో తీవ్ర నష్టాలు ఎదుర్కొంటున్నాం. సిట్టింగ్‌, బెల్ట్‌ షాపులను అరికట్టాలి. – జిల్లా బార్‌షాపుల నిర్వాహకులు సమస్యలు పరిష్కరించాలినాకాప్‌ కాంట్రాక్ట్‌ రద్దు చేయాలి. సంక్షేమ గురుకులాలు, హాస్టళ్లలో నిత్యావసరాల సరఫరా సంక్షోభాన్ని పరిష్కరించాలి. ఎఫ్‌ఆర్‌ఎస్‌ పేరుతో ఎస్సీ, ఎస్సీ, బీసీ వసతి గృహాల మూసివేత కుట్ర విరమించుకోవాలి. సంక్షేమ వసతి గృహాల్లో విద్యార్థులు ఎదుర్కొంటున్న సమస్యలు సత్వరమే పరిష్కరించాలి. – శ్రీకాంత్‌, సికిందర్‌, కార్తీక్‌, పీడీఎస్‌యూ నాయకులు

కుంటాల: సంతలోకి హార్వెస్టర్‌ దూసుకెళ్లిన ఘటన ఆదివారం కుంటాలలో చోటు చేసుకుంది. అంబకంటి నుంచి కుంటాల వైపు వస్తున్న హార్వెస్టర్‌(వరికోత మిషన్‌) సంతలోకి కూరగాయలు కొనుగోలు చేసేందుకు వచ్చిన ద్విచక్రవాహనాలు, పలువురిపై దూసుకెళ్లింది. అంబకంటి గ్రామానికి చెందిన నార మనోహర్‌, కుంటాలకు చెందిన జక్కుల గంగవ్వ, దౌనెల్లి పంచాయతీ పరిధిలోని దౌనెల్లితండాకు చెందిన ఆడె రవీందర్‌కు తీవ్ర గాయాలయ్యాయి. వీరిని చికిత్స నిమిత్తం నిర్మల్‌, భైంసా ఏరియాస్పత్రికి తరలించారు. ఇదే ఘటనలో భైంసా మండలంలోని పేండ్‌పెల్లి గ్రామానికి చెందిన బైండ్ల హరీశ్‌, కుంటాల మండలం సూర్యాపూర్‌ గ్రామానికి చెందిన సంతోశ్‌, ఓలా గ్రామానికి చెందిన నవనిత, అందకూర్‌కు చెందిన బోయిడి వంశీలకు చెందిన ద్విచక్రవాహనాలపై హార్వెస్టర్‌ దూసుకెళ్లడంతో నుజ్జునుజ్జయ్యాయి. డ్రైవర్‌ కోమటి రాజు తప్పిదం వల్లే ప్రమాదం చోటు చేసుకుందని ప్రత్యక్ష సాక్షులు పేర్కొన్నారు. బాధితుల ఫిర్యాదుతో కేసు నమోదు చేసినట్లు ఎస్సై నరేశ్‌ తెలిపారు.

జోడేఘాట్‌లో ప్రజలు కూర్చునేందుకు వీలుగా వేసిన టెంట్లుకెరమెరి: ఆదివాసీ ముద్దుబిడ్డ కుమురంభీం 86వ వర్ధంతికి కెరమెరి మండలంలోని జోడేఘా ట్‌ ముస్తాబైంది. భీం విగ్రహంతోపాటు మ్యూ జియం, జెండాలను అందంగా తీర్చిదిద్దారు. ప్రజల కోసం టెంట్లు ఏర్పాటు చేస్తున్నారు. ప్ర ముఖుల కోసం హెలిప్యాడ్‌ సిద్ధం చేశారు. గిరి జన సంప్రదాయం ప్రకారం సోమవారం ఉద యం 8 గంటలకు జెండాలు ఆవిష్కరించనున్నా రు. 9 గంటలకు సమాధి వద్ద పూజలు చేసి 10 గంటలకు శ్రద్ధాంజలి ఘటిస్తారు. మధ్యాహ్నం గిరిజనులతో ప్రత్యేక దర్బార్‌ ఏర్పాటు చేయనున్నారు. ఈ కార్యక్రమానికి రాష్ట్ర శిశుసంక్షేమశాఖ మంత్రి సీతక్క, గిరిజన సంక్షేమ శాఖ మంత్రి అడ్లూరి లక్ష్మణ్‌తోపాటు ఉమ్మడి జిల్లాకు చెందిన ప్రజాప్రతినిధులు, అధికారులు, ఆదివాసీలు హాజరు కానున్నారు. కాగా, ఉమ్మడి జిల్లా ఇన్‌చార్జి మంత్రి జూపల్లి కృష్ణారావు వ్యక్తిగత కారణాలతో హాజరుకావడం లేదని తెలుస్తోంది. హాజరుకానున్న ప్రముఖులు.. రాష్ట్ర శిశు సంక్షేమశాఖ మంత్రి సీతక్క, గిరిజన సంక్షేమశాఖ మంత్రి అడ్లూరి లక్ష్మణ్‌తోపాటు ఆదిలాబాద్‌ ఎంపీ గోడం నగేశ్‌, ఆసిఫాబాద్‌, ఖానాపూర్‌ ఎమ్మెల్యేలు కోవ లక్ష్మి, వెడ్మ బొజ్జు, ఇతర ప్రజాప్రతినిధులు, అధికారులు హాజరు కానున్నారు. ఎలాంటి ఆటంకాలు లేకుండా ఏర్పాట్లు చేయాలని కలెక్టర్‌ కె.హరిత, ఐటీడీఏ పీవో మంద మకరందు ఆదేశాలు జారీ చేశారు. మంత్రి సీతక్క బేగంపేట నుంచి ఉదయం బయలుదేరి మధ్యాహ్నం 12 గంటలకు జోడేఘాట్‌ చేరుకోనున్నారు. అలాగే మరో మంత్రి అడ్లూరి లక్ష్మణ్‌ ఉదయం 8 గంటలకు జగిత్యాల జిల్లా ధర్మపురి నుంచి నుంచి 11 గంటలకు జోడేఘాట్‌కు వస్తారు. వీరు దర్బార్‌తోపాటు ఇతర కార్యక్రమాల్లో మంత్రులు పాల్గొననున్నారు. 12 వేల మంది అంచనా.. భీం వర్ధంతికి 12 వేల మందికిపైగా హాజరవుతారని అధికారుల అంచనా. ఆసిఫాబాద్‌ డిపో నుంచి పది ప్రత్యేక బస్సులు నడపనున్నారు. హట్టి నుంచి ఉచిత ప్రయాణ సౌకర్యం కల్పించారు. ప్రత్యేకంగా వచ్చే ప్రైవేట్‌ వా హనాలకు పార్కింగ్‌ స్థలాలు ఏర్పాటు చేశారు. 20 వేల మంది వరకు భోజన ఏర్పాట్లు చేస్తున్నారు.

మంచిర్యాలఅగ్రికల్చర్‌: జిల్లా సమీకృత కలెక్టరేట్‌ అవరణలో వాహనాలు ఎండకు ఎండుతూ, వానాకు తడుస్తున్నాయి. అదే పక్కజిల్లా ఆసిఫాబాద్‌ కుమురంభీం జిల్లా సమీకృత కలెక్టరేట్‌ ఆవరణలో మాత్రం షెడ్డు నీడలో ఉంటున్నాయి. జిల్లా అన్ని శాఖల కార్యాలయాలు ఒకే చోటలో ఉండేలా సమీకృత కలెక్టరేట్‌ నిర్మించారు. కాని వాహనాలకు షెడ్డు నీడ మాత్రం ఏర్పాటు చేయలేదు. ఉద్యోగుల ద్విచక్రవాహనాలు, కార్లు వానొస్తే తడుస్తూ, ఎండలో గంటల తరబడి ఉంటున్నాయి. కార్యాలయాలకు వచ్చే ప్రజల వాహనాల పరిస్థితి అలాగే ఉంది. ఎండకు పదుల సంఖ్యలో వాహనాలు పాడైపోతున్నాయని, పెట్రోల్‌ అవిరి అవుతుందని పలువురు పేర్కొంటున్నారు.

మంచిర్యాలరూరల్‌(హాజీపూర్‌): ముదిరాజ్‌లు అన్నిరంగాల్లో రాణించాలని పెద్దపల్లి ఎంపీ గడ్డం వంశీకృష్ణ అన్నారు. జిల్లాలో ముదిరాజ్‌ భవన నిర్మాణానికి రూ. 25 లక్షలు తన ఎంపీ నిధుల నుంచి కేటాయిస్తానని హామీ ఇచ్చారు. ఆదివారం మంచిర్యాల మున్సిపల్‌ కార్పొరేషన్‌ పరిధిలోని వేంపల్లి పద్మావతి గార్డెన్స్‌లో ఏర్పాటు చేసిన ముదిరాజ్‌ సింహగర్జన సభలో ఆయన మాట్లాడుతూ ముదిరా జ్‌ సమాజ అభివృద్ధికి తనవంతు సహకారం అంది స్తానన్నారు. మంత్రి వివేక్‌ వెంకటస్వామి మాట్లాడుతూ ముదిరాజ్‌ భవన నిర్మాణానికి అవసరమైన స్థల కేటాయింపు త్వరితగతిన జరిగేలా చూస్తానన్నారు. కార్యక్రమంలో మాజీ ఎమ్మెల్యే నడిపెల్లి దివాకర్‌రావు, ముదిరాజ్‌ మహాసభ రాష్ట్ర అధ్యక్షు డు బండ ప్రకాశ్‌, జిల్లా అధ్యక్షుడు గరిగంటి కొమురయ్య, ముదిరాజ్‌ కులబాంధవులు పాల్గొన్నారు. మంత్రి, ఎంపీ పరామర్శకాసిపేట: మండల కేంద్రానికి చెందిన సింగిల్‌ విండో మాజీ చైర్మన్‌ పూస్కూరి వంశీకృష్ణరావు తల్లి రేఖారాణి ఇటీవల మృతి చెందగా బాధిత కుటుంబాన్ని ఆదివారం మంత్రి గడ్డం వివేక్‌ వెంకటస్వామి, పెద్దపల్లి ఎంపీ గడ్డం వంశీకృష్ణ పరామర్శించారు. మృతి పట్ల సంతాపం వ్యక్తం చేసి ప్రగాడ సానుభూతి తెలిపారు.

పత్తి చేనులో గంజాయిబోథ్‌: పత్తి పంట మాటున గుట్టుచప్పుడు కాకుండా సాగు చేస్తున్న గంజాయి దందా గుట్టును బోథ్‌ పోలీసులు రట్టు చేశారు. మండలంలోని పట్నాపూర్‌ శివారులో శని వారం నిర్వహించిన దాడుల్లో రెండు వేర్వే రు పత్తి చేల నుంచి రూ.3.30 లక్షల విలు వైన 33 గంజాయి మొక్కలను స్వాధీనం చేసుకున్నారు. ఇద్దరు నిందితులపై కేసులు నమోదు చేశారు. ఆదిలాబాద్‌ డీఎస్పీ ఎల్‌.జీవన్‌రెడ్డి తెలిపిన వివరాల ప్రకారం.. పట్నాపూర్‌ శివారు వ్యవసాయ భూముల్లో అంతర పంటగా గంజాయి సాగు చేస్తున్నారన్న సమాచారంతో బోథ్‌ ఎస్సై వి. పురుషోత్తం సిబ్బందితో కలిసి శనివారం తనిఖీలు చేపట్టారు. గ్రామానికి చెందిన కొమ్రం రాములు (37) తన పత్తి చేనులో సాగు చేసిన 3 నుంచి 5 అడుగుల ఎత్తు గల 17 గంజాయి మొక్కలను గుర్తించి సీజ్‌ చేశారు. వీటి విలువ సుమారు రూ.1.70 లక్షలు ఉంటుందని అంచనా. అదేరోజు మధ్యాహ్నం పట్నాపూర్‌ శివారు మరో పత్తి చేనులో పోలీసులు దాడులు నిర్వహించారు. గుడిహత్నూర్‌ మండలం తాకిగూడకు చెందిన సిదం చిత్రు (50) ప్రస్తుతం పట్నాపూర్‌లో ఉంటూ తన బంధువు భూమిని కౌలుకు తీసుకుని సాగు చేస్తున్నాడు. గంజాయి తాగే అలవాటున్న చిత్రు.. సులభంగా డబ్బు సంపాదించాలనే ఆశతో పత్తి చేను మధ్యలో గంజాయి సాగు చేయడం ప్రారంభించాడు. 4 నుంచి 5 అడుగుల ఎత్తు పెరిగిన 16 గంజాయి మొక్కలను (విలువ రూ.1.60 లక్షలు) స్వాధీనం చేసుకున్నారు. గంజాయి స్వాధీనంకుభీర్‌: మండలంలోని నందపాడ్‌ సమీపంలో చేను పందిరిపై ఎండబెట్టిన గంజాయిని ఆదివారం స్వాధీనం చేసుకున్నట్లు ఎస్సై క్రిష్ణారెడ్డి తెలిపారు. సుమారు 350 గ్రాములు గంజాయి ఉంటుందన్నారు. అడిషనల్‌ ఎస్పీ సాయికుమార్‌, సీఐ ప్రవీణ్‌కుమార్‌ అక్కడికి చేరుకుని పరిశీలించారు. గంజాయి ఎవరిది అనేది నిర్ధారణ జరగలేదని కేసు దర్యాప్తు చేస్తున్నట్లు ఎస్సై తెలిపారు. షార్ట్‌ సర్క్యూట్‌తో అగ్నిప్రమాదంనర్సాపూర్‌(జి): మండల కేంద్రంలో షార్ట్‌ సర్క్యూట్‌తో ఆదివారం అగ్నిప్రమాదం సంభవించింది. సింధె గంగాధర్‌కు చెందిన రేకులషెడ్డులో నిల్వ ఉంచిన గడ్డికట్టలు అ గ్నికి ఆహుతయ్యాయి. షార్ట్‌ సర్క్యూట్‌తో మంటలు చెలరేగడంతో గడ్డి కట్టలు కాలిపోయాయి. సమాచారం అందుకున్న ఫైర్‌ సిబ్బంది అక్కడికి చేరుకుని మంటలార్పి వేశారు. ప్రమాదంలో సుమారు.25 వేల నష్టం వాటిల్లిందని బాధితుడు తెలిపాడు.

పెంబి: మండలంలోని ఇటిక్యాల్‌ గ్రామానికి చెందిన పాముల ర వి దుబాయ్‌లో వారం క్రితం మృతిచెందగా మృతదేహన్ని స్వ గ్రామానికి రప్పించేందుకు చర్యలు ప్రారంభమయ్యాయి. బీజేపీ జిల్లా అధ్యక్షుడు రితేష్‌ రాథోడ్‌ విన్నపం మేరకు నిర్మల్‌ ఎమ్మెల్యే మహేశ్వర్‌రెడ్డి స్పందించి కలెక్టర్‌ భవేశ్‌ మిశ్రా ప్రభుత్వానికి విజ్ఞప్తి చేయించారు. ఈమేరకు శనివారం అధికార వైర్‌లెస్‌ సందేశాన్ని జారీ చేసింది. దుబాయ్‌లోని భారత కాన్సులేట్‌ జనరల్‌, కేంద్ర విదేశాంగ మంత్రిత్వ శాఖతో సమన్యయం చేసుకుంటూ, స్థానిక అధి కారుల సహకారంతో రవి మృతదేహన్ని స్వగ్రామానికి తీసుకువచ్చేలా చర్యలు తీసుకుంటున్నారు. స్వగ్రామానికి త్వరగా తీసుకువచ్చేలా అధికారులు ప్రయత్నిస్తున్నారని బీజేపీ మండల అధ్యక్షుడు వెంకటేశ్‌ తెలిపారు.

1901లో ఆసిఫాబాద్‌ మండలం రౌటసంకెపల్లి గ్రామంలో కుమురం చిన్ను, సోంబాయి దంపతులకు కుమురంభీం జన్మించారు. నిజాం కాలంలో పెత్తందార్లు, అటవీ అధికారుల అకృత్యాలను చూసిన భీంకు స్నేహితుడి వేళ్లు నరికిన ఘటన, ఆదివాసీ మహిళలపై జరిగిన అకృత్యాలు తీవ్ర కోపం కలిగించాయి. తండ్రి మరణం తర్వాత సోదరులతో కెరమెరి మండలం సుర్దాపూర్‌కు వెళ్లారు. అక్కడ సిద్దిక్‌ జాగీర్దార్‌ భూములు తనవని ప్రకటించి ఆ తర్వాత గొడవలో మరణించాడు. ఆ ఘటన తర్వాత భీం బల్లార్షా మీదుగా చాందాకు, తర్వాత అస్సాం వెళ్లి తేయాకు తోటల్లో ఐదేళ్లు పనిచేసి తిరిగి వచ్చారు. జోడేఘాట్‌లో గెరిల్లా పోరాటం జోడేఘాట్‌ కేంద్రంగా సూరు, వెడ్మ రాముతో కలిసి భీం గెరిల్లా యుద్ధం ప్రారంభించారు. విల్లంబులు, బాణాలు, నాటు తుపాకులతో యువకులకు శిక్షణ ఇచ్చారు. పన్నులు చెల్లించవద్దని ప్రజలకు పిలుపునిచ్చారు. అధికారులు, వ్యాపారులపై దాడులు సాగించి బాబేఝరి చుట్టూ 12 గ్రామాలు నెలకొల్పారు. ఇవి పోరు గ్రామాలుగా ప్రసిద్ధికెక్కాయి. హైదరాబాద్‌లో నవాబును కలవాలని వెళ్లినా అవమానం పాలై తిరిగి వచ్చి స్థానిక అటవీ అధికారులను తరిమికొట్టారు. ప్రతీ ఇంటి నుంచి పోరాటయోధుడు కావాలని పిలుపునిచ్చి ప్రత్యేక సాయుధ దళం ఏర్పాటు చేశారు.పౌర్ణమి రోజు వీరమరణంసబ్‌ కలెక్టర్‌తో సాగిన చర్చల్లో 12 గ్రామాలపై రాజ్యాధికారం కోరిన భీం ప్రతిపాదనలను తిరస్కరించారు. దీంతో నిజాం సైన్యంతో ఏడు నెలల పాటు పోరు సాగించాడు. అనుచరుడు మడావి కొద్దు ఇచ్చిన సమాచారంతో 1940 అక్టోబర్‌ 10న ఆశ్వయుజ పౌర్ణమి రోజు ఐదు గంటలకు కుమురంభీం వీరమరణం పొందారు. నాలుగు దశాబ్దాలుగా కెరమెరి మండలం జోడేఘాట్‌లో వర్ధంతి నిర్వహిస్తున్నారు. తెలంగాణ ఏర్పాటు తర్వాత సీఎం కేసీఆర్‌ హాజరై రూ.25 కోట్లు మంజూరు చేశారు. స్మారక చిహ్నం, స్మృతివనం, గిరిజన మ్యూజియం నిర్మించారు. ఐటీడీఏ ఆధ్వర్యంలో సోమవారం 86వ వర్ధంతిని సంప్రదాయబద్ధంగా నిర్వహించనున్నారు. బ్రిటీష్‌ ప్రభుత్వం దేశంలోని సహజ సంపదను స్వాధీనం చేసుకోవడం ప్రారంభించిన కాలం అది. నిజాం రాజు హైదరాబాద్‌ ప్రాంతాన్ని పాలిస్తున్నాడు. ఉమ్మడి జిల్లా పరిధిలోని గిరిజనులపై దౌర్జన్యాలు నిత్యకృత్యంగా మారాయి. బ్రిటీష్‌ పాలకుల దురాగతాలు, దోపిడీకి వ్యతిరేకంగా స్వాతంత్య్ర ఉద్యమంలో దూకిన ఎందరో విప్లవకారులు దేశం కోసం ప్రాణాలర్పించారు. అదే కోవలో హైదరాబాద్‌ నిజాం, బ్రిటీష్‌ పాలకులకు వ్యతిరేకంగా జల్‌, జంగల్‌, జమీన్‌ నినాదంతో పోరుబాట పట్టాడు గోండు బెబ్బులి కుమురం భీం. సొంత గెరిల్లా సైన్యంతో రజాకార్లపై యుద్ధం చేశాడు. దట్టమైన అడవుల్లో ఆదివాసీలను పోగుచేసి సైన్యాన్ని ముప్పుతిప్పలు పెట్టాడు. చివరకు అనుచరుడి వెన్నుపోటుతో వీరమరణం పొందాడు. తమ హక్కులు, మనుగడ కోసం ప్రాణాలర్పించిన భీం ఇప్పటికీ ఆదివాసీల ఆరాధ్యదైవంగా పూజలందుకుంటున్నాడు. సోమవారం భీం వర్ధంతి సందర్భంగా ప్రత్యేక కథనం. – ఆసిఫాబాద్‌

మంచిర్యాలఅర్బన్‌: ఎస్జీఎఫ్‌ ఆధ్వర్యంలో ఆదివారం పట్టణంలోని ట్రినిటీ హైస్కూల్‌లో అండర్‌–17 బాలబాలికల ఉమ్మడి జిల్లాస్థాయి కబడ్డీ ఎంపిక పోటీలు అట్టహాసంగా ప్రారంభమయ్యాయి. దాదాపు 300 మంది క్రీడాకారులు పోటీల్లో పాల్గొన్నారు. డిప్యూటీ మేయర్‌ సల్ల రమ్య క్రీడాకారులను పరిచయం చేసుకుని పోటీలు ప్రారంభించారు. కార్యక్రమంలో ఎస్జీఎఫ్‌ సెక్రటరీ యాకూబ్‌, నిర్మల్‌ జిల్లా సెక్రటరీ లక్ష్మణ్‌, పెటా టీఎస్‌ అధ్యక్ష, ప్రధాన కార్యదర్శులు రాజయ్య, శ్రీనివాస్‌, నిర్వాహక కార్యదర్శులు రవీందర్‌, సామిత్‌, వైస్‌ ప్రిన్సిపాల్‌ బిజుకురువిల్లా, తదితరులు పాల్గొన్నారు.

కరీంనగర్‌క్రైం: యూనిక్‌ మెర్కంటైల్‌ ఇండియా ప్రైవేట్‌ లిమిటెడ్‌, స్వయం మల్టీస్టేట్‌ మల్టీపర్పస్‌ కోఆపరేటివ్‌ సొసైటీ పేర్లతో పెట్టుబడుల మోసానికి పాల్పడినట్లు నమోదైన కేసులో ఐదుగురిని కరీంనగర్‌ సీసీఎస్‌ పోలీసులు అరెస్టు చేశారు. ప్రధాన నిందితుడు రాజ్‌కుమార్‌ కై లాష్‌ రాయ్‌ను ఆదిలాబాద్‌ పోలీసులు ఇప్పటికే జైలుకు పంపగా.. హైదరాబాద్‌కు చెందిన గుడిపాటి గాంధీ, మాకలసోంపల్లి కరియప్ప, ఉల్లిగడ్డల సంగప్ప, నిజామాబాద్‌కు చెందిన కొమిరె భూమాగౌడ్‌, పెద్దపల్లికి చెందిన యేదెళ్ల రమేశ్‌ను ఆదివారం కరీంనగర్‌ పోలీసులు అరెస్టు చూపారు. వీరు నెలవారీ పెట్టుబడి పథకాలు, ఫిక్స్‌డ్‌ డిపాజిట్లు, రియల్‌ ఎస్టేట్‌, హోటల్‌ వెకేషన్‌ ప్యాకేజీల పేరుతో అధిక ఆర్థిక ప్రయోజనాలు కల్పిస్తామని నమ్మించి ప్రజల నుంచి పెట్టుబడులు సేకరించినట్లు విచారణలో తేల్చారు. కరీంనగర్‌, జగిత్యాల, పెద్దపల్లి, మంచిర్యాల, ఆదిలాబాద్‌ జిల్లాలతోపాటు ఇతర ప్రాంతాల్లో ఏజెంట్లు, ప్రాంతీయ ఇన్‌చార్జీల ద్వారా పెట్టుబడులు సేకరించినట్లు తెలిపారు. పథకాల గడువు 2019లో ముగిసినప్పటికీ సొమ్ము తిరిగి చెల్లించలేదని, కోవిడ్‌ కారణంగా నష్టాలు వచ్చాయని పేర్కొంటూ 2020లో సంస్థ కార్యకలాపాలు నిలిపివేసినట్లు పేర్కొన్నారు. కరీంనగర్‌ జిల్లాలో బాధితులకు సుమారు రూ.26 కోట్ల నుంచి రూ.28 కోట్ల వరకు నష్టం జరిగినట్లు దర్యాప్తులో తేల్చారు.

మంచిర్యాలటౌన్‌: మంచిర్యాల ఎమ్మెల్యే ప్రేమ్‌సాగర్‌రావు, మంత్రి వివేక్‌ వర్గీయుల మధ్య జరుగుతున్న దాడులతో జిల్లాలో శాంతి భద్రతలకు విఘాతం కలుగుతుందని బీజేపీ రాష్ట్ర ఉపాధ్యక్షుడు రఘునాథ్‌ వెరబెల్లి అన్నారు. ఆదివారం ఏర్పాటు చేసిన విలేకరుల సమావేశంలో ఆయన మాట్లాడుతూ మూడేళ్లుగా జిల్లాలో ప్రతిపక్ష పార్టీల నాయకులు, వ్యాపారులపై దాడులు జరుగుతున్నా సీఎం, పోలీస్‌ యంత్రాంగం పట్టించుకోలేదన్నారు. కనీసం ప్రజాప్రతినిధి కూడా కాని వ్యక్తికి వారం రోజులుగా 300ల మంది పోలీస్‌ బలగాలతో ఎవరి అండతో రక్షణ ఏర్పాటు చేశారో ముఖ్యమంత్రి జవాబు చెప్పాలన్నారు. ముఖ్యమంత్రి రేవంత్‌రెడ్డి అండతోనే మంచిర్యాల ఎమ్మెల్యే అరాచకాలు సృష్టిస్తున్నారని, ఎమ్మెల్యేతో పాటు, దాడికి పాల్పడుతున్న కాంగ్రెస్‌ నాయకులపై తక్షణమే చర్యలు తీసుకోవాలని డిమాండ్‌ చేశారు. సమావేశంలో మంచిర్యాల మున్సిపల్‌ కార్పొరేషన్‌ బీజేపీ ఫ్లోర్‌ లీడర్‌ గాజుల ముఖేశ్‌ గౌడ్‌ పాల్గొన్నారు.

సాత్నాల: మండలంలోని జామిని, దుబ్బగూడా, ఖరా, సైద్పూర్‌, దుబ్బగూడా, టెమ్రి గూడ గ్రామాల్లో 45 రోజులు దండారీ నిర్వహిస్తున్నారు. ఆదివా సీ సంస్కృతి సంప్రదాయాలకు దండారీ పండుగ అద్దం పడుతోంది. తరతరాలుగా వస్తున్న ఆచార వ్యవహారాలు కొనసాగిస్తూ, ఆటాపాటలు, సంప్రదాయ నృత్యాలతో గిరిజనులు ఈ వేడుకను ప్రత్యేకంగా నిర్వహిస్తారు. ఆదివాసీల జీవన విధానం, ఐక్యమత్యం, కళా వైభవాన్ని చాటి చెప్పే దండారీ సాంస్కృతిక వారసత్వానికి ప్రతీకగా నిలుస్తోంది. సంప్రదాయ నృత్యాలు సంప్రదాయ వేషధారణ, డప్పులు, ఇతర వాయిద్యాల నడుమ గిరిజనులు చేసే నృత్యాలు ప్రత్యేక ఆకర్షణగా నిలుస్తాయి. యువకులు, పెద్దలు బృందాలుగా ఏర్పడి పాటలు పాడుతూ లయబద్దంగా నృత్యలు చేస్తారు. గ్రామాల మధ్య పరస్పర సందర్శనలు, సామూహిక వేడుకతో పండగ వాతావరణం నెలకొంటుంది. ఒక్కో గిరిజన తెగకు ప్రత్యేక ఆచారాలు, కళారూపాలు ఈ వేడుకల్లో ప్రతిబింబిస్తాయి. భావితరాలకు అందించాలి ఆధునికత ప్రభావంతో సంప్రదాయ కళలు కనుమరుగకుండా కాపాడుకోవాల్సిన అవసరం ఉంది. యువత దండారీ నృత్యాలు, పాటలు, ఆచారాల విశిష్టత తెలుసుకుని భావితరాలకు అందించాలని గిరిజన సంస్కృతి పరిరక్షకులు ఆకాంక్షిస్తున్నారు. ఆదివాసీ ప్రత్యేక గుర్తింపును చాటిచెప్పే దండారీ పండుగకు ప్రోత్సాహం అందిస్తే గిరిజన కలలు సంప్రదాయాలు మరింతగా వెలుగులోకి వచ్చే అవకాశం ఉంది.

సాక్షి ప్రతినిధి, మంచిర్యాల: మహిళా సమాఖ్య ఆధ్వర్యంలో నిర్వహిస్తున్న ఆసిఫాబాద్‌లోని కుమురంభీం బెలూన్‌ థియేటర్‌ ప్రైవేట్‌ సంస్థ చేతుల్లోకి వెళ్లింది. నష్టాల సాకుతో జిల్లా మహిళా సమాఖ్య నిర్వహణ బాధ్యతల నుంచి తప్పుకుని పిక్చర్‌ టైం సంస్థకు అప్పగించింది. ఇందుకు ఏడాదికి ఆ సంస్థ రూ.4.50 లక్షలు జిల్లా మహిళా సమాఖ్యకు ఇచ్చేలా ఒప్పందం కుదిరింది. దీంతో వారం రోజులుగా ఆ సంస్థ థియేటర్‌ నిర్వహణ చూస్తోంది. రాష్ట్రంలోనే తొలిసారిగా మహిళా సమాఖ్య ఆధ్వర్యంలో 2022 మార్చి 8న కుమురంభీం ఆసిఫాబాద్‌ జిల్లా కేంద్రంలోని జన్కాపూర్‌లో గల సర్కారు స్థలంలో దీనిని ఏర్పాటు చేశారు. ఇందుకు మహిళా సమాఖ్య రూ.30 లక్షలు, పిక్చర్‌ టైం రూ.20 లక్షలు పెట్టుబడి పెట్టారు. 120 సీట్ల సామర్థ్యం గల ఎయిర్‌ బెలూన్‌, పోర్టబుల్‌ కంటైనర్‌, ఇన్‌ప్లేటబుల్‌ టెంట్‌ టెక్నాలజీతో థియేటర్‌ ఏర్పాటు చేశారు. ఇందులో మహిళా సమాఖ్య నుంచి నలుగురితోపాటు పిక్చర్‌ టైం వాళ్లూ పనిచేసేవారు. బెలూన్‌ థియేటర్‌ కొత్త అనుభూతిని ఇవ్వడంతో రెండేళ్ల క్రితం వరకు లాభాలు వచ్చాయి. క్రమంగా ప్రేక్షకుల ఆదరణ తగ్గడం, నిర్వహణ సరిగా లేకపోవడం, సినిమా పంపిణీదారులకు చెల్లించే మొత్తం పెంచడంతో ఆర్నెళ్ల క్రితం మూతబడింది. రూ.5 లక్షల వరకు విద్యుత్‌ బిల్లు పేరుకుపోయింది. దీనిపై థియేటర్‌ ఇన్‌చార్జి కుర్ర రాజ్‌కుమార్‌ను వివరణ కోరగా నష్టాలు రావడంతోనే ప్రైవేట్‌కు అప్పగించాల్సి వచ్చిందని తెలిపారు.

ఉన్న ఊరిలో ఉపాధి లేక.. తమ బంధువులు ఉంటున్న కోల్‌బెల్ట్‌ ఏరియాలో బతుకుదెరువు వెతుక్కుందామని వచ్చిన ఓ కుటుంబంలో ముగ్గురిని నీటికుంట మృత్యువై కబళించింది. ఉపాధి కోసం వచ్చి 24 గంటలు కూడా గడవక ముందే వలస కుటుంబంలో తీవ్ర విషాదం నింపింది. జైపూర్‌ మండలం ఇందారం గ్రామంలో పున్నంకుంట చెరువు సమీపంలోని నీటి కుంట వద్దకు బట్టలు ఉతుక్కునేందుకు వెళ్లిన మోటం మనియమ్మ(24), మోటం కీర్తన(16), మదేని కావ్య(10) ప్రమాదవశాత్తు అందులో పడి మృతి చెందారు. దీంతో వలస జీవుల రోదనలు మిన్నంటాయి. – జైపూర్‌వివరాలు మెయిన్‌లో..మృతుల కుటుంబాలకు ఎంపీ పరామర్శజైపూర్‌: మండలంలోని ఇందారంలో ఆదివారం నీటి గుంతలో పడి ముగ్గురు వలస కూలీలు మృతి చెందిన బాధిత కుటుంబాన్ని పెద్దపల్లి ఎంపీ వంశీకృష్ణ పరామర్శించారు. ఇలాంటి ఘటనలు పునరావృతం కాకుండా ప్రమాదకర గుంతలు, చెరువుల వద్ద హెచ్చరిక బోర్డులు, రక్షణ కంచెలు ఏర్పాటు చేయాలని అధికారులను ఆదేశించారు. బాధిత కుటుంబాలకు ప్రభుత్వం తరుపున అన్నివిధాలుగా అండగా ఉంటామని హామీ ఇచ్చారు.

పాతమంచిర్యాల: ఆదిలాబాద్‌ జిల్లా ఇంద్రవెల్లిలో ఈ నెల 30న నిర్వహించనున్న పాంచజన్య సంకల్పసభకు అధికసంఖ్యలో తరలిరావాలని తెలంగాణ రక్షణ సేన జిల్లా అధ్యక్షుడు డాక్టర్‌ ఉదారి చంద్రమోహన్‌గౌడ్‌ పిలుపు నిచ్చారు. ఆదివారం జిల్లా కేంద్రంలో పాంచజన్య సంకల్ప సభ సన్నాహక సమావేశం నిర్వహించారు. కార్యక్రమంలో తెలంగాణ రక్షణ సేన బెల్లంపల్లి ఇన్‌చార్జి బోడ జనార్దన్‌, పెద్దపల్లి పార్లమెంట్‌ ఇన్‌చార్జి తిప్పర్తి సారన్న, రాష్ట్ర ప్రధాన కార్యదర్శి రియాజ్‌ అహ్మద్‌, జిల్లా ప్రధాన కార్యదర్శి అరుణ్‌ కుమార్‌, యువజన అధ్యక్షుడు ఐత ప్రశాంత్‌, జిల్లా మహిళా అధ్యక్షురాలు పొలసాని హారికారావు, ప్రధాన కార్యదర్శి సంధ్యారాణి, తదితరులు పాల్గొన్నారు.

ఖానాపూర్‌: పట్టణాల్లో మల్టీప్లెక్స్‌ తరహా సినిమా థియేటర్లు ఇప్పుడు పల్లె ప్రాంతంలోనూ అందుబాటులోకి వచ్చింది. ఖానాపూర్‌ మండలం మస్కాపూర్‌ గ్రామంలో ఇగ్లూ మోడల్‌లో ఏర్పాటు చేసిన థియేటర్‌ ప్రత్యేక ఆకర్షణగా నిలుస్తోంది. ఖానాపూర్‌–మెట్‌పల్లి ప్రధాన రహదారి పక్కన ఉన్న థియేటర్‌ సినీప్రియులకు సరికొత్త అనుభూతిని అందిస్తోంది. సుమారు 30 గుంటల స్థలంలో రూ.కోటికి పైగా వ్యయంతో 100 మంది కూర్చునే సామర్థ్యంతో ఏర్పాటు చేశారు. ఏసీ, ఆధునిక సౌండ్‌ సిస్టమ్‌, సౌకర్యవంతమైన సీటింగ్‌ వంటి వసతులు కల్పించారు. నాలుగు షోలు..ఆన్‌లైన్‌ బుకింగ్‌ రోజుకు నాలుగు షోలు, ప్రతీ ప్రేక్షకుడికి వీక్షణ అనుభూతి కలిగేలా సీటింగ్‌ ఏర్పాటు చేశారు. క్యాంటీన్‌, ఆహ్లాద వాతావరణంతోపాటు ఆన్‌లైన్‌లో టికెట్లు బుక్‌ చేసుకునే సౌకర్యం ఉంది. బర్త్‌డేలు, మ్యారేజ్‌ డేలు, ఇతర కార్యక్రమాల కోసం థి యేటర్‌ను బుక్‌ చేసుకునే అవకాశం కల్పించారు. ప్రేక్షకులను అలరిస్తూ,.. పట్టణంలోని థియేటర్‌ 2019లో మూతపడటంతో స్థానికులు నిర్మల్‌, మెట్‌పల్లికి వెళ్లాల్సి వచ్చేది. మస్కాపూర్‌లో 2023లో ఇగ్లూ థియేటర్‌ అందుబాటులోకి వచ్చింది. మెగాస్టార్‌ చిరంజీవి నటించిన ‘భోళా శంకర్‌’సినిమాతో ప్రదర్శనలు ప్రారంభమయ్యాయి. ప్రస్తుతం ‘ఇరుముడి’సినిమాతో ప్రేక్షకులను అలరిస్తోంది. ఖానాపూర్‌, కడెం, పెంబి, దస్తురాబాద్‌, మామడ మండలాలతోపాటు జగిత్యాల జిల్లా మల్లాపూర్‌ మండలాల ప్రజలకు స్థానికంగానే సినిమా వినోదం అందుబాటులోకి వచ్చింది.

మంచిర్యాలఅగ్రికల్చర్‌: మండే ఎండలో సీతఫలానికి కొంగు నీడ, గొడుగునీడే అండగా మారింది. జిల్లాలో ఎండలు మండుతున్నాయి. ఎల్‌నినో ప్రభావంతో ఉష్ణోగ్రతలు 36 నుంచి 38 డిగ్రీలు నమోదవుతున్నాయి. మధ్యాహ్న సమయంలో జనం బయటకు వెళ్లలేని పరిస్థితి. మంచిర్యాల ఐబీ చౌరస్తాలో జగిత్యాల, పెద్దపెల్లి జిల్లా నుంచి వ్యాపారులు సీతఫలాలు తీసుకువచ్చి విక్రయిస్తున్నారు. పండ్లు, కాయలు పాడవకుండా గొడుగులు, కొంగునీడ, తడిగుడ్డలు వేసుకుని కాపాడుకుంటున్నారు. ఉదయం, సాయంత్రం సమయంలో గిరాకీ ఉంటుందని, రెండు, మూడు రోజులు ఎండ తీవ్రతతో కాయలు నలుపు రంగులోకి మారిపోతున్నాయని వాపోతున్నారు.

సాత్నాల: జాతీయస్థాయి ట్రాక్‌ సైక్లింగ్‌ పోటీల్లో క్రీడాకారులు ప్రతిభ కనబర్చాలని రాష్ట్ర సైక్లింగ్‌ సంఘం అధ్యక్షుడు పి.మల్లారెడ్డి పే ర్కొన్నారు. ఈనెల 30 నుంచి నవంబర్‌ 4వ తేదీ వరకు జార్ఖండ్‌ రాష్ట్రం రాంచీలో నిర్వహించనున్న 78వ సీనియర్‌, 55 వ జూనియర్‌, 41 వ సబ్‌ జూనియర్‌ జాతీయ స్థాయి ట్రాక్‌ సైక్లింగ్‌ పోటీల్లో పాల్గొనే రాష్ట్ర బాల, బాలికల జట్టుకు హైదరాబాద్‌లో ఆదివారం సైక్లింగ్‌ అసోసియేషన్‌ తరపున జెర్సీలు అందజేశారు. మాజీ సాట్స్‌ డిప్యూటీ డైరెక్టర్‌ జి. చంద్రారెడ్డి, ఇంటర్నేషనల్‌ సైక్లిస్ట్‌ మ్యాక్స్వెల్‌ ట్రివర్‌, సైక్లింగ్‌ రాష్ట్ర ప్రధాన కార్యదర్శి విజయ్‌ కాంత్‌రావు, కోచ్‌లుపాల్గొన్నారు.

మంచిర్యాలటౌన్‌: ప్రపంచ పోలియో నివారణ దినోత్సవం సందర్భంగా శనివారం జిల్లా వై ద్యారోగ్యశాఖ కార్యాలయంలో డీఎంహెచ్‌వో డాక్టర్‌ నరేందర్‌ రాథోడ్‌ పోలియో నివారణ అవగాహన పోస్టర్‌ను రెడ్‌క్రాస్‌ సొసైటీ, లయ న్స్‌ క్లబ్‌ సభ్యులతో కలిసి ఆవిష్కరించారు. ఈ సందర్భంగా ఆయన మాట్లాడుతూ.. ఐదేళ్లలోపు చిన్నారులకు తప్పనిసరిగా పోలియో చుక్కలు వేయించాలని తెలిపారు. మంచిర్యా లను పోలియో రహిత జిల్లాగా మార్చాలని సూచించారు. కార్యక్రమంలో జిల్లా టీకాల అధికారి, ఉప వైద్యాధికారి సుధాకర్‌ నాయక్‌, జిల్లా మాస్‌ మీడియా అధికారి వెంకటేశ్వర్‌, ఎండీ రషీద్‌, సీహెచ్‌వో వెంకటేశ్వర్లు, రెడ్‌క్రాస్‌ సొసైటీ జిల్లా చైర్మన్‌ భాస్కర్‌రెడ్డి, మహేందర్‌రెడ్డి, మధుసూదన్‌రెడ్డి తదితరులున్నారు.

భీమా.. పూరి గుడిసెల పాటగూడపెద్దపట్నాపూర్‌: 25 కుటుంబాల్లో 183 మంది జనాభా ఉన్నారు. పాఠశాల, అంగన్‌వాడీ కేంద్రం లేకపోవడంతో చిన్నారులు ఇబ్బంది పడుతున్నారు. మిషన్‌ భగీరథ నీరు వచ్చిన రోజు ఇబ్బంది ఉండదు. రానిరోజు ఇబ్బంది తప్పదు. 18 మందికి పీఎం జన్‌మన్‌ గృహాలు మంజూరయ్యాయి. టోకెన్‌మోవాడ్‌: 20 కుటుంబాల్లో 96 మంది జనాభా ఉన్నారు. కొందరికి పట్టాలు లేకపోవడంతో రైతుబంధు రావడం లేదు. బ్యాంకు రుణాలు అందడం లేదు. గ్రామంలో ఒక్కరికి మాత్రమే ఇందిరమ్మ ఇళ్లు మంజూరైంది. పీఎం జన్‌మన్‌ పథకం కింద 10 మందికి ఇళ్లు మంజూరయ్యాయి.

ఇంద్రవెల్లి: గ్రామీణ ప్రాంతాల్లో అందుబాటులో ఉన్న వనరులను సద్వినియోగం చేసుకొని గిరిజన కుటుంబాలకు మెరుగైన ఉపాధి అవకాశాలు కల్పించడమే లక్ష్యంగా పనిచేయాలని ఐటీడీఏ పీవో మంద మకరందు అన్నారు. శనివారం ముందుగా మండల కేంద్రంలో నూతనంగా ఏర్పాటు చేసిన కుమురంభీం విగ్రహానికి పూలమాలలు వేసి నివాళులర్పించారు. అనంతరం మండలంలోని మల్లాపూర్‌ గ్రా మాన్ని సందర్శించారు. ఈ సందర్భంగా ఆయ న మాట్లాడుతూ గ్రామంలో విస్తారంగా లభించే సీతాఫలాలను సద్వినియోగం చేసుకొని మహిళా సంఘాల ఆధ్వర్యంలో ప్రాసెసింగ్‌ యూనిట్లు ఏ ర్పాటు చేసేందుకు ప్రణాళిక తయారు చేయాలని అధికారులకు సూచించారు. సీతాఫలల నిల్వ, ప్రాసెసింగ్‌, మార్కెటింగ్‌పై మహిళాలకు ప్రత్యేక శిక్షణ అందిస్తే అదనపు ఆదాయం పొందడంతో పాటు ఆర్థికంగా బలోపేతం కావడానికి అవకాశం ఉందన్నారు. ఈ కార్యక్రమంలో తహసీల్దార్‌ ప్రవీణ్‌కుమార్‌, పీవీటీజీ ఏపీవో ఆత్రం భాస్కర్‌, ఆదివాసీ సంఘాల నాయకులు మెస్రం నాగ్‌నాథ్‌, గేడం భరత్‌, మల్లాపూర్‌ సర్పంచ్‌ కనక అనుసాయ, రైతులు పాల్గొన్నారు.

బొగ్గుగని వార్తలుశ్రీరాంపూర్‌: ఖాదీ దుస్తులను ధరించాలని శ్రీరాంపూర్‌ జీఎం ఎం.శ్రీనివాస్‌ అన్నారు. నస్పూర్‌ కాలనీలోని మనోరంజన్‌ సముదాయంలో వావిలాల ఖాదీ గ్రామోద్యోగ్‌ ప్రతిష్టాన్‌ వారి ఆధ్వర్యంలో శనివారం ఖాదీ మేళా ఏర్పాటు చేశారు. జీఎం మాట్లాడుతూ ఖాదీ వస్త్రాలపై ప్రత్యేక డిస్కౌంట్‌ అందిస్తున్నారన్నారు. సింగరేణి ఉద్యోగులు వాయిదా పద్ధతిలో వస్త్రాలు కొనుగోలు చేసుకోవచ్చన్నా రు. వీటిని కార్మికుల వేతనాల్లోంచి ఐదు వాయిదా లలో చెల్లించే వీలు కల్పించామన్నారు. డీజీఎం (పర్సనల్‌) అనిల్‌ కుమార్‌, డీవైపీఎం కే క్రాంతి కుమార్‌, నిర్వాహకులు రాజేశ్‌, రామ్‌రాజ్‌ పాల్గొన్నారు.

కాగజ్‌నగర్‌టౌన్‌: బతుకమ్మ, దసరా పండుగలను పురస్కరించుకుని దక్షిణ మధ్య రైల్వే సికింద్రాబాద్‌ డివిజన్‌ ఆధ్వర్యంలో సికింద్రాబాద్‌–సిర్పూర్‌ కాగజ్‌నగర్‌ మధ్య ఈ నెల 9 నుంచి నడుపుతున్న ప్రత్యేక ఎక్స్‌ప్రెస్‌ రైలు (07711/12) సేవలు నేటితో ముగియనున్నాయి. సికింద్రాబాద్‌ నుంచి కాగజ్‌నగర్‌ ఎగువ, దిగువ మార్గాల్లో 34 ట్రిప్పులు పూ ర్తికానున్నాయి. సికింద్రాబాద్‌–కాగజ్‌నగర్‌ మధ్య నడిచిన ఈ రైలుకు విశేష స్పందన లభించింది. మధ్యాహ్న సమయంలో కాజీపేట్‌–కాగజ్‌నగర్‌ మార్గంలో రైళ్ల కొరత తీవ్రంగా ఉంది. ఈ సమయంలో సికింద్రాబాద్‌ దానాపూర్‌ ఎక్స్‌ప్రెస్‌, భాగ్యనగర్‌ ఎక్స్‌ప్రెస్‌ రైలు తర్వాత మరో రైలు లేదు. మధ్యలో నాగ్‌ఫూర్‌ వందేభారత్‌ రైలు ఉన్నప్పటికీ టికెట్‌ధర ఎక్కువగా ఉండటంతో సామాన్యులు, వి ద్యార్థులు, ఉద్యోగులు దీనిని ఆశ్రయించడంలేదు. కాజీపేట్‌ నుంచి మధ్యాహ్నం 2:30నుంచి 3 గంటల మధ్య బయలుదేరే బతుకమ్మ స్పెషల్‌ రైలుతో విద్యార్థులు, ఉద్యోగులు, సామాన్య ప్రయాణికులకు వరంగా మారింది. బస్సు కన్నా చౌక.. వేగం.. పెద్దపల్లి నుంచి కాగజ్‌నగర్‌కు బస్సులో వెళ్తే 3:30 గంటలు పడుతుంది. చార్జీ రూ.200 పైనే అవుతాయి. అదే ఈ ఎక్స్‌ప్రెస్‌ రైలులో అయితే కేవలం గంటన్నరలోనే కాగజ్‌నగర్‌కు చేరుకోవచ్చు. చార్జీ కూడా కేవలం రూ.64 మాత్రమే.అందుకే వరంగల్‌, కాజీపేట్‌ నుంచి పెద్దపల్లి, రామగుండం, మంచిర్యాల, బెల్లంపల్లి, ఆసిఫాబాద్‌, కాగజ్‌నగర్‌ వెళ్ళే ప్రయాణికులు ఈ రైలుకు ప్రాధాన్యత ఇస్తున్నారు. రద్దీని, ప్రయాణికుల అవసరాన్ని దృష్టిలో ఉంచుకుని స్పెషల్‌ రైలును శాశ్వతంగా కొనసాగించాలని డిమాండ్‌ చేస్తున్నారు. రెగ్యులర్‌గా కొనసాగించాలి దసరా, బతుకమ్మ పండుగలకు ప్రత్యేక రైలును రెగ్యులర్‌గా కొనసాగించాలి. మధ్యాహ్నం కాజీపేట నుంచి పెద్దపల్లి, రామగుండం, మంచిర్యాల, బెల్లంపల్లి నుంచి ప్రతీరోజు ఉద్యోగులు, విద్యార్థులకు ఎంతో సౌకర్యవంతంగా ఉంది. – జాన్‌వెస్లీ, పెద్దపల్లి, ఉత్తర తెలంగాణ రైల్వే ఫోరం సభ్యుడు రేక్‌ షేరింగ్‌ తొలగించాలి ప్రత్యేక రైలును బీదర్‌ వెళ్లే ఇంటర్‌ సిటీతో రేక్‌ షేరింగ్‌ తొలగించాలి. రేక్‌షేరింగ్‌ కారణంగా ఇంటర్‌ సిటీ ఆలస్యంగా నడుస్తోంది. ఈ రైలును ప్రతీ రోజు నడిపించి సూపర్‌ఫాస్ట్‌ ఎక్స్‌ప్రెస్‌గా అప్‌గేడ్ర్‌ చేయాలి. – విఘ్నేష్‌, మంచిర్యాల, ఉత్తర తెలంగాణ రైల్వే ఫోరం సభ్యుడు

మంచిర్యాలఅర్బన్‌/మంచిర్యాలటౌన్‌: పుష్కర పనులతో పాటు ఆలయ అభివృద్ధి పనుల్లో నాణ్య త పాటించి నిర్ణీత గడువులోపు పూర్తి చేయాలని దే వాదాయశాఖ కమిషనర్‌ హన్మంతరావు ఆదేశించా రు. శనివారం కలెక్టర్‌ కుమార్‌దీపక్‌తో కలిసి జిల్లా కేంద్రంలోని విశ్వనాథస్వామి ఆలయ పునర్నిర్మాణ, పుష్కరఘాట్‌ పనులను క్షేత్రస్థాయిలో పరిశీలించారు. మొదటి విడతలో రూ.5కోట్లతో ఆలయ పు నర్నిర్మాణం చేపట్టనున్నట్లు వెల్లండించారు. 2027 లో నిర్వహించనున్న గోదావరి పుష్కరాల నేపథ్యంలో చేపట్టిన విశ్వనాథస్వామి, గూడెం సత్యనారా యణస్వామి ఆలయాల పునర్నిర్మాణ పనులు కొనసాగుతున్నాయని పేర్కొన్నారు. భక్తులకు మెరుగైన సౌకర్యాలు కల్పించేందుకు ప్రభుత్వం చర్యలు చేపట్టిందని తెలిపారు. ఆలయానికి సంబంధించిన న మూనా పటాన్ని పరిశీలించారు. చేపట్టనున్న పను ల గురించి తెలుసుకున్నారు. పుష్కర ఘాట్‌ నిర్మాణ పనుల పురోగతిని ప్రత్యక్షంగా తనఖీ చేసి పలు సూచనలు చేశారు. అంతకుముందు విశ్వనాథస్వామి ఆలయంలో పూజలు చేశారు. జిల్లా కేంద్రంలోని గోదావరి తీరాన నిర్మించిన మహాప్రస్థానాన్ని సందర్శించారు. ఆర్డీవో శ్రీనివాస్‌, ఎండోమెంట్‌ అ సిస్టెంట్‌ కమిషనర్‌ సుదర్శన్‌, నగర మేయర్‌ ధర్ని మధుకర్‌, మార్కెట్‌ కమిటీ చైర్మన్‌ రామగిరి భానేశ్‌, ఆలయ ఈవో ముక్తారవి, చాంబర్‌ ఆఫ్‌ కామర్స్‌ చైర్మన్‌ గుండ సుధాకర్‌, కార్పొరేటర్లు పాల్గొన్నారు. కాల భైరవుడికి పూజలు కోటపల్లి: రత్నాచలకొండ స్వయంభూ శ్రీకాల భైరవస్వామిని దేవాదాయ శాఖ కమిషనర్‌ హన్మంతరావు దర్శించుకుని పూజలు చేశారు. అసిస్టెంట్‌ కమిషనర్‌ సుదర్శన్‌, ఈవోలు రవి, రమేశ్‌, నాగభూషణం, కాళేశ్వర ముక్తేశ్వరస్వామి దేవస్థానం ధర్మకర్త శ్యాంసుందర్‌ తదితరులున్నారు.

చెన్నూర్‌: చెన్నూర్‌ ఏరియాస్పత్రిలో రక్త పరీక్షల ఫలితాల్లో తేడాలు వస్తున్నట్లు రోగులు తెలిపిన సమాచారం మేరకు ఈ నెల 18న ‘రాంగ్‌ రిపోర్ట్‌’ శీర్షికన ‘సాక్షి’లో ప్రచురించిన కథనానికి జిల్లా ప్రధాన ఆస్పత్రి సూపరింటెండెంట్‌ కోటేశ్వర్‌రావు స్పందించారు. చెన్నూర్‌ ప్రభుత్వ ఆస్పత్రిలోని ల్యాబ్‌లో రక్త పరీక్షలకు అవసరమైన రసాయనాలు లేక రోగులను టీహబ్‌కు పంపిస్తున్నట్లు తెలిపారు. సిస్టంలో టెక్నికల్‌ సమస్య కారణంగా పరీక్షల ఫలితాల్లో తేడాలు రావచ్చని పేర్కొన్నారు. చెన్నూర్‌ ఆస్పత్రిలో రక్త పరీక్షలు నిర్వహించేందుకు అవసరమైన రసాయనాల కోసం కలెక్టర్‌ కుమార్‌ దీపక్‌ నిధులు మంజూరు చేశారని వైద్యుడు సత్యనారాయణ తెలిపారు. త్వరలోనే రక్త పరీక్షలు ప్రారంభిస్తామని పేర్కొన్నారు.

లక్డీకాపూల్‌: తెలంగాణలో ముఖ్యమంత్రి రేవంత్‌రెడ్డి ప్రభుత్వం చంద్రబాబు కనుసైగల్లో.. రాక్షస పాలనను కొనసాగిస్తుందని కాంగ్రెస్‌ పార్టీ ఆదిలాబాద్‌ జిల్లా మాజీ అధ్యక్షుడు భార్గవ్‌ దేశ్‌పాండే తీవ్రంగా విమర్శించారు. సోమాజిగూడ ప్రెస్‌క్లబ్‌లో శనివారం విలేకరుల సమావేశంలో ఆయన మాట్లాడారు. దివంగత ముఖ్యమంత్రి వైఎస్‌ రాజశేఖర్‌రెడ్డిని చూసి ఆనాడు కాంగ్రెస్‌ పార్టీకి ఆకర్షితుడినయ్యానని గుర్తు చేశారు. కానీ ప్రస్తుత పాలకులు అవినీతి, అక్రమాలతో బిల్డర్లు, వ్యాపారస్తులు, మిల్లర్లతో పాటు హైడ్రా కూల్చివేతలతో పేదల ఆస్తులను దోచుకుంటున్నారని ఆరోపించారు. దేశవ్యాప్తంగా రాహుల్‌ గాంధీ... ఆర్‌ఎస్‌ఎస్‌, బీజేపీ సిద్ధాంతాలకు వ్యతిరేకంగా పోరాడుతుంటే, తెలంగాణలో అందుకు భిన్నంగా ఉండటాన్ని ప్రశ్నించాలన్నారు. అవినీతి, కుంభకోణాలకు సంబంధించి వస్తున్న ఆరోపణలపై పారదర్శక విచారణ జరిపి ప్రజలకు వాస్తవాలు వెల్లడించాలని డిమాండ్‌ చేశారు. డైరెక్షన్‌ లెస్‌ సీఎం.. సెన్స్‌లెస్‌ ప్రభుత్వ విధానాలతో రాష్ట్రంలో కాంగ్రెస్‌ పార్టీ భవిష్యత్తు అంధకారమేనన్నారు. ఆదిలాబాద్‌ ప్రజల ప్రయోజనాలు, తెలంగాణ యువత ఆకాంక్షలు, తన వెంట నిలిచిన కార్యకర్తల ఆత్మగౌరవాన్ని దృష్టిలో ఉంచుకుని బీఆర్‌ఎస్‌లో చేరాలని నిర్ణయించుకున్నట్లు ప్రకటించారు. తెలంగాణ అభివృద్ధి, ప్రజా సమస్యలపై పోరాటం కోసం కేసీఆర్‌ నాయకత్వంలో పని చేయనున్నట్లు తెలిపారు.

దండేపల్లి: ఎల్‌నినో ప్రభావంతో రోజురోజుకూ ఉ ష్ణోగ్రతలు పెరుగుతున్నాయి. ప్రాజెక్టుల్లో నీటి మ ట్టం తగ్గుతోంది. ముందస్తు అవసరాలను దృష్టిలో ఉంచుకుని ప్రాజెక్టుల్లోని నీటి నిల్వలను అధికారులు ఎప్పటికప్పుడు పరిశీలిస్తూ కాపాడుతున్నారు. కడెం ప్రాజెక్టులో ప్రస్తుతం 695 అడుగుల నీటి ని ల్వ ఉంది. దీంతో ప్రస్తుత వానాకాలం సాగుకు క డెం ఆయకట్టు కింద చివరి దాకా నీరందడం కొద్ది గా ఇబ్బందిగా మారింది. దీంతో ఆయకట్టు రైతులను వానాకాలం సాగునుంచి గట్టెక్కించేందుకు మంచిర్యాల ఎమ్మెల్యే ప్రేమ్‌సాగర్‌రావు చొరవ తీసుకున్నారు. ఎల్లంపల్లి ప్రాజెక్టు అధికారులతో మాట్లాడి కడెం చివరి ఆయకట్టు రైతులకు సాగునీటి ఇబ్బందులు తలెత్తకుండా గూడెం ఎత్తిపోతల నుంచి నీళ్లివ్వాలని కోరారు. దీంతో శుక్రవారం సా యంత్రం నుంచి గూడెం ఎత్తిపోతల ద్వారా అధికారులు నీటిని విడుదల చేశారు. గూడెం లిఫ్ట్‌ నీటిని డీ–30 నుంచి 42వరకు.. మరో రెండు తడుల నీటితో వానాకాలం పంట చేతికి రానుంది. దీంతో కడెం ఆయకట్టు కింద పంటల సాగుకు రైతులకు ఇబ్బంది లేకుండా ఉండేందుకు అధికారులు చర్యలు చేపట్టారు. ఆయకట్టు కింద వానాకాలంలో సుమారు 53వేల ఎకరాలకు పైగా పంటలు సాగు చేశారు. కడెం ప్రాజెక్టు పరిధిలో 42 డిస్ట్రిబ్యూటరీ కాలువలు ఉండగా, ప్రస్తుత పరిస్థితుల్లో చివరి ఆయకట్టుకు సాగు నీరందడం కొంత ఇబ్బందిగా మారింది. రైతులను సాగునీటి ఇబ్బందుల నుంచి గట్టెక్కించేందుకు డీ–1 నుంచి డీ–28 వరకు కడెం ప్రాజెక్టు నీటిని, డీ–30 నుంచి 42 వరకు గూడెం ఎత్తిపోతల నీటిని అందిస్తున్నారు. దీంతో కడెం ఆయకట్టు కింద వానాకాలం సాగు నుంచి రైతులు గట్టెక్కనున్నారు.పొదుపుగా వాడుకోవాలిఎల్‌నినో ప్రభావంతో ప్రస్తుత పరిస్థితుల్లో రైతులు సాగునీటిని వృథా చేయకుండా పొదుపుగా వాడుకోవాలి. ప్రస్తుతం కడెం ఆయకట్టు చివరిదాకా ప్రాజెక్టు నీరు అంద డం ఇబ్బందిగా మారింది. ఈ పరిస్థితుల్లో రైతులకు వానాకాలం సాగుకు ఇబ్బంది లేకుండా కడెం నీటిని డీ–1 నుంచి డీ–28 వరకు అందిస్తుండగా, గూడెం ఎత్తిపోతల నీటిని డీ–30నుంచి 42వరకు అందిస్తున్నాం. – ప్రవీణ్‌, కడెం ప్రాజెక్ట్‌ ఈఈ

మంచిర్యాలఅగ్రికల్చర్‌: పీఎం రహత్‌ పథకం ద్వా రా రోడ్డు ప్రమాద బాధితులకు రూ.1.50 లక్షల వ రకు ఉచిత చికిత్స అందించనున్నట్లు రాష్ట్ర ప్రభుత్వ ప్రధాన కార్యదర్శి సంజయ్‌ జాజు తెలిపారు. శని వారం హైదరాబాద్‌ నుంచి ఉన్నతాధికారులతో కలి సి వీడియో కాన్ఫరెన్స్‌ ద్వారా కలెక్టర్‌ కుమార్‌ దీప క్‌, అదనపు కలెక్టర్‌, పోలీస్‌ ఉన్నతాధికారులతో స మీక్ష నిర్వహించారు. ఈ సందర్భంగా ఆయన మా ట్లాడుతూ.. పథకం అమలులో జాతీయ ఆరోగ్య ప్రాధికార సంస్థ, రోడ్డు రవాణా, రహదారుల మంత్రిత్వ శాఖ, పోలీస్‌శాఖ, ఆస్పత్రులు, జనరల్‌ ఇ న్సూరెన్స్‌ కౌన్సిల్‌ తదితర వ్యవస్థలు సమన్వయంతో పనిచేస్తాయని పేర్కొన్నారు. పథకం అమలును పర్యవేక్షించేందుకు జిల్లా స్థాయిలో సంబంధిత అధి కారులు చర్యలు తీసుకుంటారని తెలిపారు. వీడి యో కాన్ఫరెన్స్‌ అనంతరం కలెక్టర్‌ కుమార్‌ దీపక్‌ అధికారులతో మాట్లాడారు. పీఎం రహత్‌ పథకం అమలు విధానంపై సంబంధిత డేటా ఎంట్రీ ఆపరేటర్లకు సమగ్ర శిక్షణ అందించాలని అధికారులను ఆదేశించారు. పథకానికి సంబంధించిన విధివిధానాలు, బాధితుల వివరాల నమోదు, సంబంధిత శాఖల మధ్య సమన్వయం తదితర అంశాలపై అవగాహన కలిగి ఉండాలని పేర్కొన్నారు. పథకం అ మలులో లోపాలు లేకుండా నిర్దేశించిన విధానాల ను కచ్చితంగా పాటించాలని సూచించారు. డీసీపీ భాస్కర్‌, జిల్లా వైద్యారోగ్యశాఖ అధికారి నరేందర్‌ రాథోడ్‌, జిల్లా రవాణాధికారి, ఆరోగ్యశ్రీ జిల్లా మేనేజర్‌ సత్యనారాయణ, జైపూర్‌ ఏసీపీ వెంకటేశ్వర్లు, ఈడీఏఆర్‌ జిల్లా మేనేజర్‌ శ్రీనివాస్‌ పాల్గొన్నారు.

ఆసిఫాబాద్‌రూరల్‌: జిల్లా కేంద్రంలోని గిరిజన ఆద ర్శ క్రీడా పాఠశాల మైదానంలో శనివారం ఉమ్మడి జిల్లాస్థాయి జూనియర్‌ బాలికల హ్యాండ్‌బాల్‌ పోటీలు పోటా పోటీగా సాగాయి. ఆదిలాబాద్‌, మంచి ర్యాల, ఆసిఫాబాద్‌ జిల్లాల నుంచి 80 మంది క్రీడాకారులు పోటీలో పాల్గొనగా ఉత్తమ ప్రతిభ కనబర్చిన 18 మందిని రాష్ట్రస్థాయికి ఎంపిక చేసినట్లు అసోసియేషన్‌ ఉమ్మడి జిల్లా అధ్యక్షుడు శ్యాంసుందరావు తెలిపారు. ఈ నెల 30 వరకు జిల్లా కేంద్రంలోని గిరిజన ఆదర్శ క్రీడా పాఠశాలలో శిక్షణ ఇవ్వనున్నట్లు తెలిపారు. 31 నుంచి నవంబర్‌ 2 వరకు ఖమ్మంలో జరిగే రాష్ట్రస్థాయి పోటీల్లో పాల్గొంటారని కోచ్‌ అరవింద్‌ తెలిపారు. అసోసియేషన్‌ జిల్లా ప్రధాన కార్యదర్శి రమేశ్‌, నోడల్‌ అధికారి మీనారెడ్డి, ఏసీఎంవో ఉద్దవ్‌, జీసీడీవో శకుంతల, హెచ్‌ఎం లింబరావు, పీడీ పీఈటీలు పాల్గొన్నారు.

మంచిర్యాలరూరల్‌(హాజీపూర్‌): కార్మికులకు నష్టం చేకూర్చే లేబర్‌ కోడ్స్‌ను రద్దు చేస్తూ హమాలీలకు సంక్షేమ బోర్డు ఏర్పాటు చేయాలని సీఐటీయూ జిల్లా కార్యదర్శి దుంపల రంజిత్‌కుమార్‌ డిమాండ్‌ చేశారు. శనివారం మంచిర్యాల మున్సిపల్‌ కార్పొరేషన్‌ పరిధిలోని గుడిపేటలోగల లిక్కర్‌ గోదాం వద్ద బేవరేజెస్‌ హమాలీ వర్కర్స్‌ యూనియన్‌ ఆధ్వర్యంలో ఈ నెల 26న తలపెట్టిన ‘చలో హైదరాబాద్‌’ పోస్టర్‌ ఆవిష్కరించారు. ఈ సందర్భంగా ఆయన మాట్లాడుతూ.. ప్రభుత్వాలకు ఆదాయాన్ని తీసుకువచ్చే హమాలీలకు కేంద్ర, రాష్ట్ర ప్రభుత్వాలు కనీస వేతనాలు ఇవ్వకుండా మోసం చేస్తున్నాయని ఆరోపించారు. కేంద్రం తీసుకువచ్చిన నాలుగు లేబర్‌ కోడ్‌లను రాష్ట్ర ప్రభుత్వం అమలు చేయాలని చూడటం సరికాదని పేర్కొన్నారు. హమాలీలకు నెలకు రూ.9వేల పెన్షన్‌, రూ.25లక్షల ప్రమాద బీమా కల్పించాలని డిమాండ్‌ చేశారు. కేంద్ర, రాష్ట్ర ప్రభుత్వాలు అనుసరిస్తున్న ఉద్యోగ, కార్మిక వ్యతిరేక విధానాలకు నిరసనగా హక్కుల సాధనకు 26న హైదరాబాద్‌లోని ఇందిరాపార్కు వద్ద తలపెట్టిన మహాధర్నాలో జిల్లాలోని అన్ని రకాల హమాలీ కార్మికులు అధికసంఖ్యలో పాల్గొని విజయవంతం చేయాలని కోరారు. యూనియన్‌ అధ్యక్ష, కార్యదర్శులు పూదరి శ్రీనివాస్‌, బైరి రమేశ్‌, కోశాధికారి సల్ల మహేందర్‌ పాల్గొన్నారు.

కౌటాల: ప్రాణహిత ప్రాజెక్టు నిర్మించాలని కోరుతూ ప్రభుత్వ తీరుపై నిరసన వ్యక్తం చేయగా నమోదైన కేసులో సిర్పూర్‌ ఎమ్మెల్యే పాల్వాయి హరీశ్‌బాబు శనివారం నాంపల్లి కోర్టులో హాజరయ్యారు. 2018 జులై 8న ఎమ్మెల్యే హరీశ్‌బాబు, నైనాల గోవర్థన్‌, కె.వి ప్రతాప్‌, ఇతర నాయకులు కౌటాల మండలంలోని తుమ్మిడిహేటి వద్ద ప్రాణహిత నదిలో నిరసన తెలిపారు. ప్రాణహిత నదిపై ప్రాజెక్టు నిర్మించడంలో అప్పటి ప్రభుత్వ తీరును నిరసిస్తూ పిండ ప్రదానం చేశారు. కార్యక్రమానికి అనుమతి లేకపోవడంతో అప్పటి ఏఎస్సై హన్మాండ్లు ఫిర్యాదుతో కౌటాల పోలీస్‌స్టేషన్‌లో కేసు నమోదైంది. విచారణలో భాగంగా శనివారం హియరింగ్‌కు హాజరైనట్లు ఎమ్మెల్యే తెలిపారు.

మంచిర్యాలటౌన్‌: మంచిర్యాల నియోజకవర్గంలో కాంగ్రెస్‌ గ్రూపు గొడవలను అరికట్టి శాంతి భద్రతలను పరిరక్షించాలని కోరుతూ ఎమ్మెల్సీ అంజిరెడ్డి, బీజేపీ రాష్ట్ర ఉపాధ్యక్షుడు రఘునాథ్‌ వెరబెల్లి శనివారం హైదరాబాద్‌లో కాళేశ్వరం మల్టీజోన్‌–1 ఐజీకి వినతిపత్రం ఇచ్చారు. ఈ సందర్భంగా వారు మాట్లాడుతూ.. కొద్దిరోజులుగా మంచిర్యాల ఎమ్మెల్యే కొక్కిరాల ప్రేమ్‌సాగర్‌రావు, మంత్రి గడ్డం వివేక్‌ కాంగ్రెస్‌లో వర్గాలుగా ఏర్పడి నియోజకవర్గంలో అలజడులకు కారణమవుతున్నారని ఆరోపించారు. ప్రజలను భయబ్రాంతులకు గురిచేస్తూ శాంతి భద్రతలకు విఘాతం కలిగిస్తున్న కాంగ్రెస్‌ నాయకులపై చ ర్యలు తీసుకోవాలని, జిల్లాలో శాంతిభద్రతలను కాపాడాలని కోరారు. బతుకమ్మ పండుగ రోజు న దండేపల్లి మండలం తాళ్లపేట గ్రామంలో జరిగిన గొడవ, దసరా రోజున లింగాపూర్‌లో జరిగిన ఘటనతో జిల్లాలో పోలీస్‌ పహారాను పెంచి ప్రజలకు ఇబ్బందులు సృష్టించారని, దీనిపై సమగ్ర విచారణ చేపట్టి బాధ్యులపై చర్యలు తీసుకోవాలని విజ్ఞప్తి చేశారు. మరోసారి ఇలాంటి ఘటనలు పునరావృతం కాకుండా చర్యలు తీసుకోవాలని కోరారు. వారి వెంట మంచిర్యాల మున్సిపల్‌ కార్పొరేషన్‌ బీజేపీ ఫ్లోర్‌ లీడర్‌ గాజుల ముఖేశ్‌గౌడ్‌ ఉన్నారు.

పాతమంచిర్యాల: అగ్రిగోల్డ్‌ బాధితులను ప్ర భుత్వం ఆదుకోవాలని, సంస్థ బాండ్ల వెరి ఫికేషన్‌ సెంటర్‌ను జిల్లా కేంద్రంలో ఏర్పాటు చే యాలని బాధితుల సంఘం రాష్ట్ర అధ్యక్షురా లు పశ్య పద్మ డిమాండ్‌ చేశారు. శనివారం జి ల్లా కేంద్రంలోని సీపీఐ కార్యాలయంలో మా ట్లాడారు. ఉమ్మడి ఆంధ్రప్రదేశ్‌తోపాటు ఎని మిది రాష్ట్రాల్లో 32లక్షల మంది అగ్రిగోల్డ్‌ బాధితులున్నారని తెలిపారు. సంస్థ మూసేసిన త ర్వాత చాలామంది కస్టమర్లు, ఏజెంట్లు ఆత్మహత్య చేసుకున్నారని పేర్కొన్నారు. డిపాజిట్‌ దారులను ఆదుకోవడానికి జిల్లాలో సీఐడీ వెరి ఫికేషన్‌ సెంటర్‌ ఏర్పాటు చేసి బాధితులను ఆ దుకోవాలని ప్రభుత్వాన్ని డిమాండ్‌ చేశారు. ఈ సందర్భంగా అగ్రిగోల్డ్‌ కస్టమర్స్‌ అండ్‌ ఏ జెంట్స్‌ అసోసియేషన్‌ కమిటీని ఎన్నుకున్నారు. సీపీఐ జిల్లా కార్యదర్శి రామడుగు లక్ష్మణ్‌, జి ల్లా సమితి సభ్యుడు పోచన్న పాల్గొన్నారు.

చెన్నూర్‌: పట్టణంలోని అంబేడ్కర్‌ చౌరస్తా నుంచి పెద్ద చెరువు రావి చెట్టు వరకు రోడ్డు వెడల్పు పనులకు మోక్షం కలగడంలేదు. రోడ్డు విస్తరణలో భా గంగా భవనాల కూల్చివేత నత్తనడకన సాగుతోంది. రోడ్డు నిర్మాణానికి రూ.5.50 కోట్ల పుష్కర నిధులు మంజూరు కాగా, టెండర్‌ ప్రక్రియలో కాంట్రాక్టర్లు సిండికేట్‌ అయినట్లు ప్రచారం సాగుతోంది. గత నెలలో టెండర్‌ ప్రక్రియ పూర్తి కావాల్సి ఉండగా నేటికీ ఆ ఊసే లేదు. భవనాల కూల్చివేత ప నులు ప్రారంభించి ఆరు నెలలవుతుండగా వ్యాపారులు, పట్టణ ప్రజలు ఇబ్బందులు పడుతున్నారు. పనుల్లో తీవ్ర జాప్యం ఇరువైపులా భవనాలు కూల్చి వేయడంతో రోడ్డుపై నే నేటికీ విద్యుత్‌ స్తంభాలున్నాయి. టెండర్‌ ప్రక్రి య పూర్తయ్యాక స్తంభాలు అడ్డుగా ఉన్నాయని కాంట్రాక్టర్‌ పనులు మరింత ఆలస్యం చేసే అవకాశముంది. మున్సిపల్‌ అధికారులు, పాలకవర్గ సభ్యులు స్తంభాలు తొలగించేలా చర్యలు చేపడితే రోడ్డు నిర్మాణ పనులు సాఫీగా జరిగే అవకాశముంటుంది. రోడ్డును 55 ఫీట్లు విస్తరించాలని నిర్ణయించడంతో 95శాతం మంది వ్యాపారులు షాపులను స్వ చ్ఛందంగా తొలగించారు. మరో 2శాతం పెద్ద భవనాలు కూల్చివేయడంలో జాప్యం చేస్తుండడంతో ప్రజలు అసహనం వ్యక్తం చేస్తున్నారు. పెద్ద వ్యాపారులకు ఒక న్యాయం.., చిరు వ్యాపారులకు ఒక న్యాయమా? అని అధికారులను ప్రశ్నిస్తున్నారు. ప నులు పూర్తి కాకపోవడంతో వ్యాపారాలు కుంటుపడుతున్నాయని వాపోతున్నారు. అధికారులు, ప్రజా ప్రతినిధులు చొరవ చూపి రోడ్డు విస్తరణ పనులు ప్రారంభించేలా చూడాలని కోరుతున్నారు.