TV
ఖా‘కీ’చకుడిపై సస్పెన్షన్ వేటు
మంచిర్యాలక్రైం: అతనో పోలీస్ ఉద్యోగి... అదే శాఖలో పనిచేస్తున్న అతనికంటే పెద్ద హోదాలో ఉన్న ఓ యువతిని ప్రేమించాడు. ఇద్దరి కులాలు వేరు కావడంతో పెద్దలను ఎదిరించి పెళ్లి చేసుకున్నారు. కొంతకాలం ఇద్దరి దాంపత్య జీవనం సాఫీగానే సాగింది. ఫలితంగా దంపతులకు బాబు జన్మించాడు. స్థానిక రెడ్డికాలనీలో నివాసం ఉంటున్నారు. ఈ నెల 1న అర్ధరాత్రి ఇద్దరి మధ్య జరిగిన గొడవ రోడ్డున పడింది. కానిస్టేబుల్ అర్ధనగ్నంగా (డ్రాయర్పై) ఉండి నడిరోడ్డుపై భార్యను చితకబాదిన వీడియోలు సోషల్ మీడియాలో వైరల్ అయ్యాయి. అతని భార్య ఈ నెల 2న పోలీస్స్టేషన్లో ఫిర్యాదు చేయగా కానిస్టేబుల్ రవిప్రసాద్పై ఎస్సీ, ఎస్టీ కేసు నమోదు చేశారు. కాగా సోషల్ మీడియాలో వైరల్ అయిన దృశ్యాలను పరిశీలించిన రామగుండం పోలీస్ కమిషనర్ అంబర్ కిషోర్ ఝా మంగళవారం రవిప్రసాద్ను సస్పెండ్ చేశారు.
