Mancherial District Latest News

ఉట్నూర్‌రూరల్‌: గొండ్వానా భూభాగంలో అత్యంత పవిత్రమైన ఎత్మసార్‌ ఉత్సవాలు, గుస్సాడి –పద్మల్‌పూరి కాకో దేవత పోస్టర్‌ను ఐటీడీఏ కార్యాలయంలో పీవో మంద మకరందు ఆవిష్కరించారు. నిర్వాహకులు మాట్లాడుతూ.. నవంబర్‌ 5న పద్మల్‌పూరి కాకో దేవస్థానంలో ప్రత్యేక దర్బార్‌ నిర్వహించనున్నట్లు తెలిపారు. నవంబర్‌ 1 నుంచి 12 వరకు ఘనంగా గుస్సాడి –దండారి ఉత్సవాలు జరగనున్నాయన్నారు. ఈ పవిత్ర వేడుకలకు ప్రజలు, నాయకులు పెద్ద సంఖ్యలో భారీ ఎత్తున హాజరు కావాలని వారు కోరారు. పద్మపూరి కాకో వైస్‌ చైర్మన్‌ కుమ్ర లింగారావు, రాజ్‌ గోండు సేవా సమితి రాష్ట్ర ప్రధాన కార్యదర్శి మంగం విషంరావు, రాష్ట్ర నాయకులు తొడాసం భీంరావు, నిర్మల్‌ జిల్లా అధ్యక్షులు ఆత్రం రాజేశ్వర్‌, రాజ్‌ విద్యార్థి సంఘం నిర్మల్‌ జిల్లా అధ్యక్షులు ఆత్రం భగవంత్‌ రావు, పెందోర్‌ శ్రీనివాస్‌, ఆదివాసీ సేన మండల అధ్యక్షులు ఆత్రం జలపాత్‌ పటేల్‌ తదితరులు పాల్గొన్నారు.

కడెం కాలువ కింద ఎకరం పొలం పండిస్తున్న. మరో నాలుగు తడులు ఇస్తే పంట చేతికొస్తుంది. ఇరిగేషన్‌ అధికారులు విడతల వారీగా నీరిస్తామని చెబుతున్నారు. ఇలా ఇవ్వడంతో ఇప్పటికే వరి పంట సగం ఎండింది. ఆపకుండా నీరిచ్చిఆదుకోవాలి. – జక్కుల గౌరయ్య, కలమడుగుజోన్లుగా విభజించి ఇస్తున్నాంఎల్‌నినో ప్రభావంతో కడెం ప్రాజెక్టులో నీరు తగ్గుతోంది. నీటి వృథాను అరికట్టేందుకు రెండు జోన్లుగా ఏర్పాటు చేసి నీరందిస్తున్నాం. 1 నుంచి 12డిస్ట్రిబ్యూటరీలు ఏ జోన్‌, 13నుంచి 20 డిస్ట్రిబ్యూటరీలు బీ జోన్‌గా విభజించాం. రైతులు నీరు వృథా చేయకుండా కాపాడుకోవాలి. పంట చేతికొచ్చే వరకు నీరందిస్తాం. – శ్రావణ్‌, ఇరిగేషన్‌ ఏఈ

శ్రీరాంపూర్‌: శ్రీరాంపూర్‌ ఏరియా బీసీ లైజన్‌ అధికారిగా ఏరియా ఎస్‌ఓటు జీఎం బీ.కృష్ణప్రసాద్‌ బుధవారం జీఎం కార్యాలయంలో బాధ్యతలు స్వీకరించారు. ఏరియా జీఎం ఎం.శ్రీనివాస్‌, అధికారులు, బీసీ, ఎస్సీ, ఎస్టీ సంఘాల నేతలు ఆయనను శాలువాతో సత్కరించారు. ఈ సందర్భంగా ఆయన మాట్లాడుతూ బీసీ ఉద్యోగుల సమస్యల పరిస్కారం కోసం కంపెనీకి, ఉద్యోగులకు మధ్య వారధిగా వ్యవహరిస్తానన్నారు. డీజీఎం(పర్సనల్‌) అనిల్‌కుమార్‌, ఎస్సీ లైజన్‌ అధికారి కే.ఆనంద్‌కుమార్‌, ఎస్టీ లైజన్‌ అధికారి ఆరే గుండేరావు, డీజీఎం(ఐఈడీ) రాజన్న, అకౌంట్స్‌ అధికారి రవి, డీవైసీఎంఓ డాక్టర్‌ రమేశ్‌బాబు, పర్జేస్‌ అధికారి చంద్రశేఖర్‌, బీసీ ఉద్యోగుల సంఘం ఉపాధ్యక్షులు శ్రీనివాస్‌ తదితరులు పాల్గొన్నారు.

మందమర్రిరూరల్‌: కాంగ్రెస్‌ ప్రభుత్వం ఎన్నికల ముందు ఇచ్చిన హామీల అమలుపై దృష్టి సారించాలని బీజేపీ రాష్ట్ర ఉపాధ్యక్షుడు వెరబెల్లి రఘునాథ్‌ అన్నారు. బుధవారం స్థానికంగా ఆయన విలేకరులతో మాట్లాడారు. హామీలు అమలు చేయలేక ఓటు చోరీ అంటూ కాంగ్రెస్‌ ప్రజాప్రతినిధులు ప్రజలను మోసం చేస్తున్నారని విమర్శించారు. మంత్రి వివేక్‌, పెద్దపల్లి ఎంపీ వంశీకృష్ణ వారి నియోజకవర్గాల్లో కనీసం ఒక్క ఓటైనా తొలగించినట్లు నిరూపించాలని సవాల్‌ విసిరారు. రాష్ట్రంలో విద్యుత్‌ కోతలు, నిరుద్యోగం పెరిగి ప్రజలు అల్లాడిపోతున్నారని, ప్రశ్నించిన వారిపై అక్రమ కేసులు బనాయిస్తున్నారని ధ్వజమెత్తారు. ఈ సమావేశంలో పార్టీ జిల్లా అధ్యక్షుడు నగునూరి వెంకటేశ్వర్‌గౌడ్‌, మీడియా ఇంచార్జి ఆంజనేయులు, కార్యవర్గ సభ్యుడు దుర్గం అశోక్‌, మాజీ ఎ మ్మెల్యే శ్రీదేవి, జిల్లా ఉపాధ్యక్షుడు వెంకటకృష్ణ, నాయకులు అక్కల రమేష్‌, దీక్షితులు, సంతోష్‌, సంజీవరావు, తదితరులు పాల్గొన్నారు.

జైపూర్‌: రక్తదానం ప్రాణదానంతో సమానమని రామగుండం పోలీస్‌ కమిషనర్‌ అంబర్‌ కిషోర్‌ ఝా తెలిపారు. పోలీస్‌ అమరవీరుల సంస్మరణ వారోత్సవాల్లో భాగంగా బుధవారం జైపూర్‌ పోలీస్‌స్టేషన్‌లో నిర్వహించిన రక్తదాన శిబిరాన్ని సీపీ అంబర్‌ కిషోర్‌ ఝా మంచిర్యాల డీసీపీ భాస్కర్‌, జైపూర్‌ ఏసీపీ వెంకటేశ్వర్‌తో కలిసి సందర్శించారు. రక్తదాతలకు సర్టిఫికేట్లు అందజేశారు. రక్తదానం చేసిన ఎస్సై భూమేశ్‌, పోలీసులు, యువకులను అభినందించారు. ఈ కార్యక్రమంలో సీఐ నవీన్‌కుమార్‌, పోలీసులు, సర్పంచ్‌లు పాల్గొన్నారు.

చెన్నూర్‌: జిల్లాలో దసలి పట్టు కాయల పెంపకంలో ఆదివాసీ గిరిజన రైతులకు అడ్డంకులు ఎదురవుతున్నాయి. యధావిధిగా పెంపకానికి ప్రభుత్వం గత నెల 5న జీవో 83 విడుదల చేసినా అటవీ అధికారుల ఆంక్షలతో ముందుకు సాగని పరిస్థితులు నెలకొన్నాయి. చెన్నూర్‌ మండలం కిష్టంపేట, లింగంపల్లి ప్రాంతాల్లో సాగుకు అనుమతి ఇచ్చినా అడుగడుగునా అడ్డుకుంటున్నారు. ఇటీవల కోటపల్లి మండలం కొత్తపల్లి గ్రామంలో దసలిపట్టు రైతుపై దాడి నేపథ్యంలో రాష్ట్ర కార్మికశాఖ మంత్రి గడ్డం వివేక్‌వెంకటస్వామిని రైతులు, సెరికల్చర్‌ అధికారులు కలిసి సమస్య విన్నవించారు. సానుకూలంగా స్పందించిన ఆయన కలెక్టర్‌కు ఫోన్‌ చేసి రైతులను ఇబ్బంది పెట్టకుండా సాగుకు అనుమతి ఇవ్వాలని ఆదేశించారు. అయినా అటవీ అధికారులు నిత్యం రైతులను అడ్డుకుంటున్నారు. 80ఏళ్లుగా సాగు చెన్నూర్‌ పట్టు పరిశ్రమ పరిధిలో చెన్నూర్‌, కోటపల్లి, వేమనపల్లి, నెన్నెల మండలాల్లోని ఆదివాసీ గిరిజన రైతులు 80ఏళ్లుగా పట్టుకాయలు పండిస్తూ జీవనం సాగిస్తున్నారు. ఇన్నేళ్లుగా లేని ఇప్పుడు ఆంక్షలు విధిస్తూ ఉపాధి లేకుండా చేస్తున్నారని రైతులు ఆవేదన వ్యక్తం చేస్తున్నారు. గుంట భూమి కూడా లేని గిరిజన ఆదివాసీ కుటుంబాలకు జీవనోపాధిని అటవీశాఖ అడ్డుకుంటోందని వాపోతున్నారు. టస్సార్‌ను ప్రోత్సహించాలని జీవోలో ప్రభుత్వం పేర్కొన్నా నిర్వీర్యం చేసేందుకు అటవీశాఖ ప్రయత్నిస్తోందని ఆరోపిస్తున్నారు. దేశంలోని 13రాష్ట్రాలతోపాటు రాష్ట్రంలోని కుమురంభీం ఆసిఫాబాద్‌, జయశంకర్‌ భూపాలపల్లి, ములుగు జిల్లాల్లో నల్ల మద్ది చెట్లపై దసలి పట్టు కాయలు పండిస్తుండగా ఎక్కడా ఆంక్షలు లేవని సెరికల్చర్‌ అధికారులు అంటున్నారు. దసలి పురుగులు ఆకులు తిన్న తర్వాత కొమ్మలు తొలగించి వేరే చెట్టుకు వేయాల్సి ఉంటుంది. కొమ్మలను తొలగించకుండా దసలిపట్టు కాయలు ఎలా తయారవుతాయని ప్రశ్నిస్తున్నారు.రోడ్డుపై రైతుల నిరసనచెన్నూర్‌రూరల్‌: మండలంలోని కిష్టంపట గ్రామ సమీపంలో చెన్నూర్‌–మంచిర్యాల రహదారిపై దసిలి పట్టు పురుగుల పెంపకం రైతులు బుధవారం నిరసన వ్యక్తం చేశారు. అటవీ ప్రాంతంలో పట్టు పురుగుల పెంపకం అడ్డుకుంటున్నారని, వెళ్లకుండా దారి మూసి వేశారని తెలిపారు. జీవనోపాధికి ఇబ్బందులు ఎదురవుతున్నాయని తెలిపారు. కలెక్టర్‌ వచ్చి సమస్య పరిష్కరించాలని డిమాండ్‌ చేశారు. పోలీసులు నచ్చజెప్పి ఆందోళన విరమింపజేశారు. జీవో ప్రకారం అనుమతించాంరైతులకు పట్టు పరిశ్రమ శాఖ శిక్షణ ఇవ్వాలి. పెద్ద కొమ్మలు కొట్టి అడవికి నష్టం జరగకుండా చూడాలి. కాయలు పండించే ప్రాంతాల్లో ఫీల్డ్‌ సూపర్‌వైజర్లను ఏర్పాటు చేసుకోవాలి. కిష్టంపేట అటవీ పరిధి లింగంపల్లిలో దసలిపట్టు కాయలు పండించేందుకు అనుమతి ఇచ్చాం. ఉన్నతాధికారుల ఆదేశాల మేరకు నిలువరిస్తున్నాం. మైక్రోప్లాన్‌ ప్రకారం దసలి పట్టు కాయలను పండిస్తామని సీసీఎఫ్‌ను కలిసి అనుమతి తీసుకుంటే ఆదేశాలను పాటిస్తాం. – రాంమూర్తి ఫారెస్ట్‌ డివిజనల్‌ అధికారి చెన్నూర్‌చిన్న కొమ్మలు కొట్టకుంటే కాయ చేతికి రాదుదసలి పురుగు పెద్దది అవుతున్న కొద్దీ ఆ కొమ్మను కత్తిరించి పురుగులు వేరే చెట్టుకు వేయాల్సిందే. కొమ్మలను తెంచితే మూడు నెలల్లో చెట్టు గుబురుగా వస్తుంది. రెండో మూడో పంట కాయలు సైతం అవే చెట్లపై పండిస్తారు. పెద్ద కొమ్మలు కొడుతున్నారని అటవీ అధికారులు అడ్డుకోవడం బాధగా ఉంది. – పర్వతి రాథోడ్‌, సెరికల్చర్‌ ఏడీ

తాండూర్‌: గిరి పుత్రిక పెంద్రం శిరీష వైద్య విద్యకు దాతలు అండగా నిలుస్తున్నారు. బుధవారం ‘సాక్షి’ దినపత్రికలో ‘డాక్టర్‌ కల నెరవేరేది ఎలా’ శీర్షికన కథనం ప్రచురితం కాగా పలువురు దాతలు స్పందించారు. కాంగ్రెస్‌ పార్టీ జిల్లా ఉపాధ్యక్షుడు సూ రం రవీందర్‌రెడ్డి దంపతులు నర్సాపూర్‌లోని పెంద్రం శిరీష ఇంటికి వెళ్లి రూ.5 వేల ఆర్థిక సహాయాన్ని అందించారు. పార్టీ పరంగా, ప్రభుత్వ పరంగా మరింత భరోసా అందించేలా చొరవ తీసుకుంటా మని వారు హామీ ఇచ్చారు. నిర్మల్‌ జిల్లా కడెం మండలం లింగాపూర్‌ జిల్లా పరిషత్‌ ఉన్నత పాఠశాలలో జీవశాస్త్ర ఉపాధ్యాయుడిగా పని చేస్తున్న వాల్‌గోట్‌ కిషన్‌ రూ.5 వేల ఆర్థిక సాయం చేశారు. దీంతోపాటు మరికొంత మంది దాతలు ముందుకొ చ్చారు.

సాక్షి ప్రతినిధి, మంచిర్యాల: మంచిర్యాల నియోజకవర్గంపై రాష్ట్ర పోలీస్‌ బాస్‌ డీజీపీ సీవీ.ఆనంద్‌ ప్రత్యేక దృష్టి సారించారు. ఇటీవల జరుగుతున్న పరిణామాలతో శాంతిభద్రతల నిర్వహణ తీరును ప్రత్యేకంగా గమనిస్తున్నారు. ఈ నెల 24న బీజేపీ రాష్ట్ర ఉపాధ్యక్షుడు వెరబెల్లి రఘునాథ్‌రావు మల్టీ జోన్‌ ఐజీ చంద్రశేఖర్‌రెడ్డిని కలిసి ఫిర్యాదు చేశారు. ఈ నెల 25న కాంగ్రెస్‌ నాయకుడు జగన్‌మోహన్‌రావు డీజీపీని కలిసి సద్దుల బతుకమ్మ, దసరా పండుగ రోజు దండేపల్లి మండలం తాళ్లపేటలో జరిగి న ఘటనలపై ఫిర్యాదు చేశారు. కొందరు పోలీసులు ఏకపక్షంగా వ్యవహరిస్తున్నారంటూ ఆరోపించారు. ఈ మేరకు డీజీపీ జిల్లా కేంద్రంతో సహా నియోజకవర్గంలో ఇటీవల జరిగిన ఘటనలపై నివేదికలు తెప్పించుకున్నట్లు తెలుస్తోంది. రామగుండం పోలీసు కమిషనర్‌ అంబర్‌ కిషోర్‌ ఝాతో సహా డీసీపీ భాస్కర్‌, మంచిర్యాల ఏసీపీ, ఇద్దరు సీఐలతోనూ నేరుగా మాట్లాడారు. ఇక్కడి పరిస్థితులను తెలుసుకోవడంతోపాటు విధి నిర్వహణలో నిష్పక్షపాతంగా పని చేయాలని సూచించినట్లు తెలిసింది. కుమ్ములాటలో ‘ఖాకీ’లకు సవాళ్లు కాంగ్రెస్‌ పార్టీలోని అంతర్గత కుమ్ములాటలతో శాంతిభద్రతల నిర్వహణలో పోలీసులకు సవాళ్లు ఎదురవుతున్నాయి. ఒకే పార్టీలో మంత్రి వివేక్‌, ఎంపీ వంశీకృష్ణ, జగన్‌మోహన్‌రావు ఓ వైపు.. ఎమ్మెల్యే ప్రేమ్‌సాగర్‌రావు మరోవైపు అన్నట్లుగా నడుస్తోంది. దీంతో కేసుల నమోదు, విచారణలో రాజకీయ ఒత్తిళ్లు వస్తున్నాయి. గత కొద్ది రోజులుగా నియోజకవర్గంలో జరుగుతున్న వర్గ విభేదాలు పీసీసీ దృష్టికి వెళ్లాయి. అయితే గాంధీ భవన్‌ నుంచి ఇంకా ఎలాంటి చర్యలు తీసుకోనట్లు తెలుస్తోంది. నాయకుల మధ్య పాత కక్షలు, రాజకీయ గ్రూపులుగా మారడంతో వర్గ విభేదాలకు దారి తీస్తున్నాయి. మరోవైపు కాంగ్రెస్‌ సర్కారు హయాంలోనే మంచిర్యాలలో శాంతిభద్రతలు అదుపు తప్పుతున్నాయంటూ బీఆర్‌ఎస్‌, బీజేపీ నాయకులు తీవ్ర స్థాయిలో విమర్శలు గుప్పిస్తున్నారు. నిఘా వర్గాల నివేదికలు మంచిర్యాల నియోజకవర్గ పరిణామాలపై ఎప్పటికప్పుడు ఇంటెలిజెన్స్‌ వర్గాలు నివేదికలు అందజేస్తున్నాయి. అధికార పార్టీలో జరుగుతున్న వ్యవహారాలు, శాంతిభద్రతల నిర్వహణపై ఎప్పటికప్పుడు ఉన్నతాధికారులకు చేరుతున్నాయి. దండేపల్లి మండలం తాళ్లపేటలో గొడవ, దసరా మరునాడు కాంగ్రెస్‌ నాయకుడు జగన్‌మోహన్‌రావు ఇంటిపై దాడులు జరిగే అవకాశం ఉందంటూ ఆ రోజంతా భారీగా పోలీసుల మోహరింపు వరుస ఘటనలు జరిగాయి. తర్వాత లక్షెట్టిపేట మండలం వెంకట్రావ్‌పేటలో జిల్లా ఆర్టీఏ కమిటీ సభ్యుడు అంకతి శ్రీనివాస్‌ ఇంటిపై దాడి, పాత మంచిర్యాలలో ఇరువర్గాల్లో గొడవ జరిగి కేసులు నమోదయ్యాయి. రంగంలోకి సీపీహైదరాబాద్‌కు రావాలని డీజీపీ పిలుపు త ర్వాత రంగంలోకి దిగిన సీపీ అంబర్‌ కిషోర్‌ ఝా జిల్లా కేంద్రంలో మంగళవారం అర్ధరాత్రి గస్తీ చేశారు. ఏసీపీ ప్రకాష్‌, సీఐ ప్రమోద్‌రావు, రూరల్‌ సీఐ రవీందర్‌తో కలిసి నడుస్తూ.. బైక్‌పై వెళ్తూ మూడు గంటలపాటు నగరాన్ని జల్లెడ పట్టారు. బ్లూ కోల్ట్స్‌, పెట్రోకార్‌ సిబ్బందికి పెట్రోలింగ్‌పై ఆదేశాలు ఇచ్చారు. నగరంలో మరింత గస్తీ పెంచాలని, సమస్యాత్మక ప్రాంతాల్లో నిత్యం అప్రమత్తంగా ఉండాలని సూచించారు. పాత నేరస్తుల కదలికలపై ఆరా తీస్తూ వివరాలు సేకరించారు. శాంతి భద్రతలకు విఘాతం కలిగించే వారు ఎంతటి వారైనా ఉపేక్షించేది లేదని స్పష్టం చేశారు. ఇప్పటికే జిల్లా కేంద్రంలో పలు కేసుల్లో ఉన్న 44మందిని గుర్తించి బైండోవర్‌ చేశారు. రెండు వర్గాల్లో చురుగ్గా ఉండే యువకులపై, లాడ్జీలు, హోటళ్లలో స్థానికుల రాక, సంచారంపై నిఘా పెంచారు.

మంచిర్యాలఅగ్రికల్చర్‌: భూదాన్‌ భూములు, రీ సర్వే, భూభారతి పెండింగ్‌ దరఖాస్తుల పరిష్కారం వేగవంతం చేయాలని భూ పరిపాలన ప్రధాన కమిషనర్‌ లోకేష్‌కుమార్‌ అన్నారు. బుధవారం హైదరాబాద్‌లోని భూ పరిపాలన ప్రధాన కమిషనర్‌ కార్యాలయం నుంచి వీడియో కాన్ఫరెన్స్‌ ద్వారా జిల్లా అదనపు కలెక్టర్‌(రెవెన్యూ), కలెక్టరేట్‌ పరిపాలన అధికారులతో భూదాన్‌ భూములు, రీ సర్వే ప్రక్రియ, కోర్టు కేసులు, భూ సేకరణ, జీఓ నం 59, 76, 118 సంబంధిత పెండింగ్‌ దరఖాస్తులు, భూభారతి పెండింగ్‌ దరఖాస్తులు, విజిలెన్స్‌, ఇంటెలిజెన్స్‌ కేసులపై సమీక్ష నిర్వహించారు. జిల్లా అదనపు కలెక్టర్‌(రెవెన్యూ) వి.రాములు మాట్లాడుతూ జిల్లాలో ఎంపిక చేసిన గ్రామాల్లో రీ సర్వే పనులు సమర్థవంతంగా కొనసాగుతున్నాయని తెలిపారు. భూభారతి పెండింగ్‌ దరఖాస్తులు నిర్ణీత గడువులోగా పరిష్కరిస్తామని అన్నారు. ఈ కార్యక్రమంలో సర్వే అండ్‌ ల్యాండ్‌ రికార్డ్స్‌ ఏడీ శ్రీనివాస్‌, కలెక్టరేట్‌ ఏవో శ్రీనివాసరావు దేశ్‌పాండే, బీ, డీ సెక్షన్ల సూపరింటెండెంట్లు పాల్గొన్నారు.

రామకృష్ణాపూర్‌: చరిత్రకు సాక్ష్యాలుగా నిలిచే శి ల్పసంపద.. ఆధ్యాత్మికతను చాటిచెప్పే ఆలయాలు.. నాటి పాలకుల నిర్మాణ వైభవాన్ని గుర్తుచేసే కోటగోడలు.. కొండల నడుమ కనువిందు చేసే ప్రకృతి అందాలు.. ఇలా ఎన్నో ప్రత్యేకతలకు నిలయమైన గాంధారి ఖిల్లా పర్యాటక ప్రాంతంగా అభివృద్ధికి నోచుకోవడం లేదు. మంచిర్యాల జిల్లా మందమర్రి మండలం బొక్కలగుట్ట శివారులో ఉన్న ఈ చారిత్రక ప్రాంతం తగిన గుర్తింపు, అభివృద్ధి కోసం ఎదురుచూస్తోంది. గతంలోనే పర్యాటక ప్రాంతంగా తీర్చిదిద్దాలనే ప్రతిపాదనలు తెరపైకి వచ్చినప్పటికీ, అవి కార్యరూపం దాల్చలేదు. ఇటీవల పెద్దపల్లి ఎంపీ గడ్డం వంశీకృష్ణ రామగిరి ఖిల్లాకు రోప్‌వే సదుపాయం కల్పించే దిశగా కృషి చేస్తున్న నేపథ్యంలో.. అదే తరహాలో గాంధారి ఖిల్లా అభివృద్ధిపైనా దృష్టి సారించాలని స్థానికులు కోరుతున్నారు. అడుగడుగునా చరిత్ర ఆనవాళ్లు.. గాంధారి ఖిల్లా ప్రాంతంలో జైన, బౌద్ధ సంప్రదాయాలతో పాటు కాకతీయులు, రెడ్డి రాజుల కాలానికి చెందినవిగా భావించే చారిత్రక ఆనవాళ్లు ఉన్నాయి. ఖిల్లాపై ఉన్న శిల్పాలు, శిలాశాసనాలు, ఆలయ నిర్మాణాలు ఈ ప్రాంత ప్రాచీన చరిత్రపై ఆసక్తిని రేకెత్తిస్తున్నాయి. ఖిల్లాకు చేరుకోవాలంటే గాంధారివనం నుంచి బొక్కలగుట్ట మీదుగా వెళ్లాల్సి ఉంటుంది. ఖిల్లా ప్రవేశ ద్వారం నుంచి కొండపైకి వెళ్తున్నా కొద్దీ కనిపించే పురాతన నిర్మాణాలు సందర్శకులను ఆకట్టుకుంటాయి. కాలభైరవుడి విగ్రహం, గాంధారి మైసమ్మ ఆలయంతో పాటు అష్టబైరవుల విగ్రహాలు, ఏడు తలల ఆదిశేషుడి శిల్పం, వీరాంజనేయ స్వామి విగ్రహం, శివాలయం, విష్ణుమూర్తి ఆలయ ఆనవాళ్లు ఈ ప్రాంత ప్రత్యేకతను చాటుతున్నాయి. గౌతమబుద్ధుడి ధ్యానమండపంగా భావించే నిర్మాణ ఆనవాళ్లు, రెడ్డి రాజుల కాలానికి చెందినదిగా పేర్కొనే శిలాశాసనం ఈ ప్రాంత చరిత్రను మరింత అధ్యయనం చేయాల్సిన అవసరాన్ని సూచిస్తున్నాయి. నాటి నిర్మాణ నైపుణ్యానికి నిదర్శనాలు.. తాగునీటి అవసరాల కోసం ఖిల్లాపై భాగంలో నిర్మించిన కోనేరు, పలు బావులు, పెద్ద బావి ఇప్పటికీ ఈ ప్రాంతంలో కనిపిస్తుండటం విశేషం. గుర్రాలు, ఏనుగుల అవసరాల కోసం ఉపయోగించేవిగా స్థానికులు చెబుతున్న రాతితొట్లు కూడా ఇక్కడ ఉన్నాయి. ఖిల్లాకు ఆనుకుని ఉన్న మెడి చెరువు, నీటి నిల్వకు అనుసంధానించినట్లు చెబుతున్న రాతి నిర్మాణాలు, కొండను తొలచి ఏర్పాటు చేసినట్లు చెప్పే సొరంగ మార్గం నాటి నిర్మాణ నైపుణ్యంపై ఆసక్తిని కలిగిస్తున్నాయి. జీడికోట.. ధ్యానానికి ప్రకృతి ఒడి..గాంధారి ఖిల్లా కొండల మధ్య ఉన్న జీడికోట ప్రాంతం ప్రకృతి ప్రేమికులకు, ఆధ్యాత్మిక సాధకులకు అనువైన ప్రదేశంగా నిలుస్తోంది. ప్రశాంతమైన వాతావరణం, స్వచ్ఛమైన గాలి, చెట్లతో కూడిన ప్రకృతి పరిసరాలు ఈ ప్రాంతానికి ప్రత్యేక ఆకర్షణ. గతంలో ఇక్కడ పంటలు పండించేవారని స్థానికులు చెబుతున్నారు. ఈ ప్రాంతాన్ని పర్యావరణ పరిరక్షణకు ప్రాధాన్యమిస్తూ ధ్యాన కేంద్రంగా అభివృద్ధి చేయాలని సూచిస్తున్నారు. గాంధారి ఖిల్లా ప్రాధాన్యాన్ని గుర్తించిన అటవీశాఖ అధికారులు ఇప్పటికే ఈ ప్రాంతంలో జంగిల్‌ సఫారీ, మారథాన్‌ వంటి కార్యక్రమాలు నిర్వహించారు. మరోవైపు ప్రతీ ఆదివారం ట్రెక్కింగ్‌ చేపడుతున్నారు. ఈ ప్రాంతాన్ని పర్యాటక ప్రాంతంగా తీర్చిదిద్దేందుకు రాష్ట్ర కార్మిక శాఖ మంత్రి వివేక్‌ వెంకటస్వామి, పెద్దపల్లి ఎంపీ వంశీకృష్ణ చొరవ చూపాలని స్థానికులు విజ్ఞప్తి చేస్తున్నారు.అభివృద్ధికి కృషి చేస్తా గాంధారి ఖిల్లాను పర్యాటక కేంద్రంగా అభివృద్ధి చేసేందుకు తప్పక కృషి చేస్తా. ఖిల్లా అభివృద్ధికి సంబంధించి ఇప్పటికే లేఖ కూడా రాశాను. త్వరలో గాంధారి ఖిల్లాను సందర్శించి చారిత్రక ప్రాధాన్యం, పర్యాటక అభివృద్ధికి ఉన్న అవకాశాలను పరిశీలిస్తా. రామగిరి ఖిల్లా తరహాలో గాంధారి ఖిల్లాకు కూడా గుర్తింపు తీసుకువచ్చి, పర్యాటక కేంద్రంగా తీర్చిదిద్దేందుకు సంబంధిత శాఖల అధికారులతో మాట్లాడుతా. – గడ్డం వంశీ కృష్ణ, ఎంపీ, పెద్దపల్లి

కాసిపేట: కేకే ఓపెన్‌కాస్టులో సర్వేనంబర్‌ 146, 147లలో నష్టపోయిన రైతులకు నష్టపరిహారం చెల్లించాలని బుధవారం భూనిర్వాసిత రైతులు ధర్నా చేసి వాహనాలను అడ్డుకున్నారు. ఈసందర్భంగా మాజీ సర్పంచ్‌, అల్‌ఇండియా బంజారా సంఘం జిల్లా అధ్యక్షుడు సఫాట్‌ శంకర్‌ మాట్లాడుతూ సర్వేనంబర్‌ 146లో 28 ఎకరాల భూమి కోర్టు కేసు నడుస్తుండగానే సింగరేణి అధికారులు దౌర్జన్యంగా కంచె వేసి చేనులో నుంచి నిర్మిస్తున్న రోడ్డును ఆపివేశారన్నారు. 150ఎకరాల భూమికి గత సంవత్సరం బెల్లంపల్లి సబ్‌ కలెక్టర్‌ ఆధ్వర్యంలో సర్వే జరిగిందని, గ్రామసభ నిర్వహించి ఎంజాయ్‌మెంట్‌ చేయనున్నట్లు సబ్‌కలెక్టర్‌ హమీ ఇచ్చారన్నారు. సర్వే చేయకుండా పరిహారం ఇవ్వకుండా పనులు చేపడుతున్నారని అధికారులను ప్రశ్నించి పనులు అడ్డుకున్నట్లు తెలిపారు. కాసిపేట ఎస్సై శ్రావణ్‌కుమార్‌, కేకే ఓసీపీ పీవో రాంబాబు రైతులతో చర్చించి కాసిపేట తహసీల్దార్‌తో ఫోన్‌లో మాట్లాడించారు. కార్యాలయానికి గురువారం రావాలని సమస్యపై చర్చిస్తానని చెప్పడంతో ఆందోళన విరమించారు. నిర్వాసిత రైతులు, తదితరులు పాల్గొన్నారు.

లక్సెట్టిపేట: మండలంలోని జెండావెంకటాపూర్‌ గ్రామానికి చెందిన తిప్పని శేఖర్‌(28) చికిత్స పొందుతూ మృతి చెందినట్లు ఎస్సై గోపతి సురేశ్‌ తెలిపారు. ఆయన తెలిపిన వివరాల ప్రకారం గ్రామ పంచాయతీ కార్యాలయంలో ఎలక్ట్రీషియన్‌గా విధులు నిర్వహిస్తున్న శేఖర్‌ కొద్ది కాలంగా కిడ్నీ వ్యాధితో బాధపడుతున్నాడు. ఆసుపత్రికి వెళ్లినా నయం కాకపోవడంతో మనస్తాపానికి గురై ఈనెల 23న ఇంటి వద్ద పురుగుల మందు తాగాడు. గమనించిన కుటుంబ సభ్యులు వెంటనే స్థానిక ప్రభుత్వ ఆసుపత్రికి తరలించి మెరుగైన చికిత్స కోసం కరీంనగర్‌ తీసుకెళ్లారు. అక్కడే చికిత్స పొందుతూ మంగళవారం రాత్రి మృతి చెందినట్లు ఎస్సై తెలిపారు. తల్లి వజ్రమ్మ ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు ఎస్సై పేర్కొన్నారు.

పాతమంచిర్యాల/చెన్నూర్‌రూరల్‌: ఇంటికో ఇంకుడుగుంత, ఊరికో ఊటకుంట, పొలానికో పంటకుంట నినాదంతో రాష్ట్ర ప్రభుత్వం చేపట్టిన జలసిరి కార్యక్రమం జిల్లాలో ముమ్మరంగా సాగుతోంది. భవిష్యత్‌లో ఎదురయ్యే నీటి కొరతను ఎదుర్కోవడానికి వీబీజీరాంజీ పథకం కింద జలసిరి కార్యక్రమం చేపట్టింది. జిల్లాలో 7,355 ఇంకుడుగుంతలు, 612 బోర్‌వెల్‌ రీచార్జ్‌పాయింట్లు, 1,408 ఫారంపాండ్‌ల నిర్మాణం లక్ష్యంగా నిర్ణయించారు. గత జూలై నుంచి పనులు చేపడుతుండగా అక్టోబర్‌ నాటికి 956 ఇంకుడుగుంతలు, 19బోర్‌వెల్‌ రీచార్జ్‌ పాయింట్లు, 286ఫారంపాండ్‌ల నిర్మించారు. మిగతా వాటి పనులు కొనసాగుతున్నాయి. ఎల్‌నినో ప్రభావంతో నీటి కొరత ఏర్పడనుందని భూగర్భ శాస్త్రవేత్తల సూచనల మేరకు జిల్లాలో నీటి కొరతను అధిగమించడానికి జల సంరక్షణ పనులు చేపడుతున్నారు. కొత్త జాబ్‌కార్డులు వర్షాభావ పరిస్థితులతో వ్యవసాయ పనులు తగ్గి పోతున్న నేపథ్యంలో గ్రామీణ ప్రాంత కూలీలకు ఉపాధి కల్పించడంపై ప్రభుత్వం దృష్టి సారించింది. కొత్తగా ఉపాధి కోరుకునే కూలీలకు జాబ్‌కార్డులు జారీ చేసి పనులు కల్పించాలని పంచాయతీరా జ్‌, గ్రామీణాభివృద్ధి శాఖలను ఆదేశించింది. దరఖాస్తు చేసుకున్న 15రోజుల్లోగా కార్డులు జారీ చేసి ఉపాధి కల్పించాలని సూచించింది. ప్రతీ గ్రామంలో వంద నుంచి 150మంది కూలీలకు ఉపాధి కల్పించనున్నారు. 18ఏళ్లు నిండిన గ్రామీణులు నిర్ణీత దరఖాస్తు ఫారాన్ని పూరించి ఆధార్‌కార్డు జిరాక్స్‌, ఫొటో జత చేసి గ్రామ పంచాయతీ కార్యదర్శికి అందజేయాలి. పని లక్ష్యం మంజూరు పూర్తయినవి ఇంకుడుగుంతలు 7355 4150 956 బోర్‌వెల్‌ రీచార్జ్‌ పాయింట్లు 612 218 19 ఫారంపాండ్‌లు 1408 654 286అర్హులందరికీ పని కల్పిస్తాం వర్షాభావ పరిస్థితుల నేపథ్యంలో గ్రామీణ ప్రాంత కూలీలకు వీబీజీ రాంజీ ద్వారా పనుల కల్పనకు చర్యలు తీసుకుంటున్నాం. కొత్తగా దరఖాస్తు చేసుకున్న వారికి అర్హత, నిబంధన ల ప్రకారం జాబ్‌కార్డులు జారీ చేస్తున్నాం. గ్రామాల్లో అవసరమైన పనులు గుర్తించి కూలీలకు పని కల్పిస్తాం. కూలీలు అవకాశాన్ని సద్వినియోగం చేసుకోవాలి. – గంగాభవాని, వీబీజీరాంజీ ఏపీవో, చెన్నూర్‌భూగర్భ జలాల పెంపు లక్ష్యంనీటి కొరతను అధిగమించడానికి జలసిరి పనుల నిర్వహణ సాగుతోంది. వర్షాభావం వల్ల ఏర్పడిన కరువు నివారణకు కూలీలకు గ్రామాల్లో పనులు కల్పించి వలసలు నిరోధిస్తాం. ప్రతీ గ్రామ పంచాయతీలో 60మందికి తగ్గకుండా కూలీలకు పని కల్పిస్తున్నాం. ప్రతీ రోజు జిల్లాలో 12వేల మంది కూలీలు పనులకు హాజరవుతున్నారు. – ఎస్‌.కిషన్‌, డీఆర్డీఓ

మంచిర్యాలటౌన్‌: మంచిర్యాలలో శాంతి భద్రతలు పూర్తిగా ఓం శాంతి అయిపోయాయని, అసలు లా అండ్‌ ఆర్డర్‌ ఉందా అని బీఆర్‌ఎస్‌ పార్టీ రాష్ట్ర నాయకుడు నడిపెల్లి విజిత్‌కుమార్‌ ప్రశ్నించారు. మంచిర్యాలలోని మాజీ ఎమ్మెల్యే నడిపెల్లి దివాకర్‌రావు నివాసంలో బుధవారం ఆయన విలేకరులతో మాట్లాడారు. కొద్ది రోజులుగా అధికార పార్టీ నాయకులు కొట్టుకుంటూ ఈ ప్రాంతాన్ని నాశనం చేస్తున్నా పోలీసులు పట్టించుకోవడం లేదన్నారు. ఎమ్మెల్యేగా ప్రేమ్‌సాగర్‌రావు గెలిచిన రోజు నుంచి గొడవలు జరుగుతున్నాయని, పాతమంచిర్యాలలో గతంలో బీఆర్‌ఎస్‌ నాయకులను కొట్టించారని అన్నారు. ఎమ్మెల్యే, జగన్‌మోహన్‌రావు కలిసి ఉన్నా, విడిపోయినా మంచిర్యాలలో దాడులు జరుగుతున్నాయని, కలిసి ఉంటే ప్రతిపక్షంపై, విడిపోతే స్వపక్షంపై దాడులు జరుగుతున్నాయని ఆరోపించారు. డబుల్‌ బెడ్‌రూం ఇళ్లకు 17వేల మంది దరఖాస్తు చేసుకుంటే కేవలం 804 మందిని ఎలా ఎంపిక చేసి డ్రా నిర్వహిస్తారని ప్రశ్నించారు. మంచిర్యాలలో ఐటీపార్కు, ఇండస్ట్రియల్‌ పార్కు అని చెప్పిన చోట రాత్రి పగలు తేడా లేకుండా మట్టిని ఎత్తుకెళ్తున్నారని, మైనింగ్‌ మాఫియాపై ఎందుకు చర్యలు తీసుకోవడం లేదని ప్రశ్నించారు. బీఆర్‌ఎస్‌ నాయకులు పాల్గొన్నారు.

మంచిర్యాలక్రైం: సిద్దిపేట సమీపంలో జరిగిన రోడ్డు ప్రమాదంలో మంచిర్యాల ఆర్టీసీ బస్సు డిపో డ్రైవర్‌ సదాల శ్రీనివాస్‌(57) మృతిచెందాడు. కుటుంబ సభ్యులు, తోటి సిబ్బంది తెలిపిన వివరాల ప్రకారం.. బెల్లంపల్లికి చెందిన సదాల శ్రీనివాస్‌ మంచిర్యాల ఆర్టీసీ బస్సు డిపోలో డ్రైవర్‌గా పని చేస్తున్నాడు. ఆరోగ్యం సహకరించడం లేదని, రాత్రి డ్యూటీ వల్ల నిద్ర ఆగడం లేదని గత కొంతకాలంగా ఆర్టీసీ డీఎంకు లేఖ దరఖాస్తు చేశాడు. హైదరాబాద్‌ నైట్‌డ్యూటీలు వద్దని, లోకల్‌ డ్యూటీలు వేయాలని కోరాడు. మంగళవారం రాత్రి సూపర్‌లగ్జరీ బస్సుపై డ్యూటీ వేయడంతో బెల్లంపల్లి నుంచి హైదరాబాద్‌కు బయల్దేరాడు. మార్గమధ్యంలోని సిద్దిపేట సమీపంలో సుమారు రెండు గంటల ప్రాంతంలో రహదారిపై ముందు వెళ్తున్న లారీని నిద్రమత్తులో ఢీకొట్టడంతో తీవ్రంగా గాయపడ్డాడని తెలిపారు. స్థానికులు సిద్దిపేట ఆస్పత్రికి తరలించగా.. మెరుగైన వైద్యం కోసం హైదరాబాద్‌ గాంధీ ఆస్పత్రికి తరలించారు. అక్కడ చికిత్స పొందుతూ పరిస్థితి విషమించడంతో శ్రీనివాస్‌ చనిపోయాడు. ఆయనకు భార్య అరుణ, కూతురు సుశ్రుత, కుమారులు అభిజిత్‌, రిశ్వేష్‌ ఉన్నారు. శ్రీనివాస్‌ మృతితో మంచిర్యాల ఆర్టీసీ డిపో డ్రైవర్లు, కండక్టర్లు, సిబ్బంది దిగ్భ్రాంతికి గురయ్యారు.

మంచిర్యాలటౌన్‌: ప్రజలు, యువత మత్తు పదార్థాలకు దూరంగా ఉండాలని జిల్లా అదనపు కలెక్టర్‌ చంద్రయ్య అన్నారు. నషాముక్త్‌ భారత్‌ అవగాహన ర్యాలీని బుధవారం మంచిర్యాల ప్రభుత్వ జనరల్‌ ఆసుపత్రి వద్ద జిల్లా అదనపు కలెక్టర్‌, జిల్లా వైద్య, ఆరోగ్య శాఖ అధికారి డాక్టర్‌ నరేందర్‌ రాథోడ్‌ ప్రారంభించారు. ఈ సందర్భంగా జిల్లా అదనపు కలెక్టర్‌ మాట్లాడుతూ నషాముక్త్‌ భారత్‌ కార్యక్రమంలో భాగంగా నవంబర్‌ 14వరకు జిల్లాలో అవగాహన కార్యక్రమాలు నిర్వహిస్తామని తెలిపారు. ఈ కార్యక్రమంలో జిల్లా ఉప వైద్యాధికారి డాక్టర్‌ సుధాకర్‌ నాయక్‌, ప్రోగ్రాం ఆఫీసర్‌ డాక్టర్‌ శ్రీధర్‌, డాక్టర్‌ అనిల్‌ కుమార్‌, డాక్టర్‌ సునిల్‌, డెమో బుక్క వెంకటేశ్వర్‌, ఇంటర్‌మీడియేట్‌ బోర్డు అధికారి అంజయ్య, రెడ్‌క్రాస్‌ జిల్లా చైర్మన్‌ కంకణాల భాస్కర్‌రెడ్డి, వైస్‌ చైర్మన్‌ చందూరి మహేందర్‌ పాల్గొన్నారు.

కాగజ్‌నగర్‌టౌన్‌: దీపావళి పండుగ సందర్భంగా ప్రయాణికుల రద్దీని దృష్టిలో పెట్టుకొని (06073) తిరువంతపురం నార్తబ –హజరత్‌ నిజాముద్దీన్‌ వయా వరంగల్‌ మీదుగా ప్రత్యేక రైలును నవంబర్‌ 2 నుంచి నవంబర్‌ 19 వరకు నడుపనున్నట్లు దక్షిణమధ్య రైల్వే అధికారులు బుధవారం ఒక ప్రకటనలో తెలిపారు. ఈ రైలు సామాన్య, మధ్య తరగతి ప్రయాణికులకు అనుకూలంగా త్రీటైర్‌ ఎకానమీ, స్లీపర్‌ కోచ్‌లు అందుబాటులో ఉండనున్నాయి. ఈ రైలు కేరళలోని వర్కాల శివగిరి, కొల్లం జంక్షన్‌, కాయంకుళం, మావెలికర, చెంగనూరు, తిరువల్లా, చంగనాసేరి, కొట్టాయం, ఎర్నాకులం టౌన్‌, అల్వా, త్రినూర్‌, తమిళనాడు కర్ణాటక సరిహద్దులోని పాలక్కాడ్‌, పోడనూర్‌, తిరుపూర్‌, ఈరోడ్‌, సేలం, జోలార్‌ పేటాయి, కాట్పాడ్‌, ఆంధ్రప్రదేశ్‌లోని రేణిగుంట, నెల్లూరు, ఒంగులు, చీరాల, విజయవాడ, తెలంగాణలోని ఖమ్మం, వరంగల్‌, మంచిర్యాల, సిర్పూర్‌ కాగజ్‌నగర్‌, మహారాష్ట్రలోని బల్లార్షా, నాగ్‌పూర్‌ ఇటార్సీ, రాణికమలాపతి, వీరాంగన లక్ష్మిబాయి ఝాన్సీ జంక్షన్‌, గ్వాలియర్‌, అగ్ర, మధుర స్టేషన్లలో స్టాప్‌ సౌకర్యం కల్పించారు. కాగజ్‌నగర్‌లో హాల్టింగ్‌ ఉండడంతో ఈ ప్రాంత ప్రజల దీర్ఘకాల డిమాండ్‌ నెరవేరినట్లయింది.

బెల్లంపల్లి: బెల్లంపల్లి ప్రభుత్వ సాంఘిక సంక్షేమ బాలుర గురుకుల సెంటర్‌ ఆఫ్‌ ఎక్స్‌లెన్స్‌(సీవోఈ) పాఠశాల/కళాశాల విద్యార్థి జాతీయ స్థాయి సాప్ట్‌బాల్‌ పోటీలకు ఎంపికయ్యాడు. 6వ తరగతి విద్యార్థి వేల్పుల రిషి ఈ నెల 16, 17న హన్మకొండ ఎల్‌బీ కళాశాల మైదానంలో జరిగిన 11వ తెలంగాణ రాష్ట్రస్థాయి అండర్‌–13 విభాగం పోటీల్లో అత్యుత్తమ ప్రతిభ కనబరిచాడు. బెస్ట్‌ ఆల్‌ రౌండ్‌ ప్లేయర్‌గా నిలువడంతో జాతీయస్థాయి పోటీలకు ఎంపిక చేశారని సీవోఈ ప్రిన్సిపల్‌ ఆకిడి విజయసాగర్‌ తెలిపారు. ఈ నెల 29, 30, 31న మహారాష్ట్రలోని సంజీవని యూనివర్సిటీ కోపర్గాన్‌లో జరిగే పోటీల్లో పాల్గొంటాడని తెలిపారు. రిషిని ప్రత్యేకంగా అభినందించారు. ఈ కార్యక్రమంలో వైస్‌ ప్రిన్సిపాల్‌ తన్నీరు గోపి, జూనియర్‌ వైస్‌ ప్రిన్సిపాల్‌ దుర్గం రమాదేవి, కమలాకర్‌, శ్రీనివాసరావు, వ్యాయామ ఉపాధ్యాయులు ముచ్చ కుర్తి రాజశేఖర్‌, ఆలూరి వామన్‌ పాల్గొన్నారు. బాస్కెట్‌బాల్‌ ఎంపిక పోటీలుమంచిర్యాలఅర్బన్‌: స్కూల్‌ గేమ్స్‌ ఫెడరేషన్‌ ఆధ్వర్యంలో జిల్లా కేంద్రంలోని జెడ్పీ బాయ్స్‌ హైస్కూల్‌ ప్రాంగణంలో అండర్‌ –17, అండర్‌ –14 బాలబాలికల జిల్లా స్థాయి బాస్కెట్‌బాల్‌ ఎంపిక పోటీలు బుధవారం ఘనంగా ప్రారంభమయ్యాయి. పోటీల్లో పాల్గొనేందుకు జిల్లా నలుమూలల నుంచి దాదాపు 200మంది క్రీడాకారులు హాజరయ్యారు. కార్యక్రమంలో పాఠశాల ప్రధానోపాధ్యాయుడు బండి రమేశ్‌, పోటీల నిర్వాహకులు రాజయ్య, బెల్లం శ్రీనివాస్‌, విజయ్‌ తదితరులు పాల్గొన్నారు. పులి దాడిలో ఆవు మృతిమంచిర్యాలరూరల్‌(హాజీపూర్‌): లక్సెట్టిపే ట అటవీ రేంజ్‌ పాతమంచిర్యాల అటవీ సెక్షన్‌ పరిధిలో ర్యాలీ అటవీ శివారు ప్రాంతంలో ఈ నెల 23న పులి దాడిలో ఓ ఆవు మృత్యువాకు గురైంది. ర్యాలీ గ్రామానికి చెందిన ఆత్రం భీంరావుకు చెందిన ఆవు మే తకు వెళ్లగా పులి దాడి చేసింది. పులి అడుగులు గుర్తించిన అధికారులు పులి ఏ వైపుగా వె ళ్లి ఉంటుందని క్షేత్రస్థాయిలో పర్యటించినా గుర్తించలేకపోయారు. కాగా పులిదాడిలో మృత్యువాతకు గురైన ఆవుకు నష్టపరి హార ం ఇప్పించేలా నివేదిక తయారు చేసిన ట్లు అటవీ రేంజ్‌ అధికారి సంతోష్‌ తెలిపారు. ఒకరి అదృశ్యంఆదిలాబాద్‌టౌన్‌: ఆదిలాబాద్‌ పట్టణంలోని క్రాంతినగర్‌కు చెందిన మోహన్‌ అనే యువకుడు అదృశ్యమైనట్లు టూటౌన్‌ ఎస్సై అఖిల్‌ తెలిపారు. ఈనెల 23న పెయింటింగ్‌ పనుల కోసం నిజామాబాద్‌ వెళ్తున్నానని ఇంట్లో చె ప్పి వెళ్లాడు. 25న ఆయనకు ఫోన్‌ చేస్తే కలవ డం లేదని, స్విచ్‌ ఆఫ్‌ వస్తుందని కుటుంబీకులు తెలిపారు. వారి ఫిర్యాదు మేరకు బుధవారం కేసు నమోదు చేసినట్లు పేర్కొన్నారు.

మంచిర్యాలటౌన్‌: ప్రతీ ఒక్కరికి ఓటు హక్కు రాజ్యాంగం కల్పించిన హక్కు అని, ఈవీఎంలతో ఎన్నికలు నిర్వహించొద్దని, బ్యాలెట్‌ పేపర్‌తోనే నిర్వహించాలని ఏఐసీసీ పరిశీలకులు మరియప్ప అన్నారు. జిల్లా కాంగ్రెస్‌ పార్టీ ఆధ్వర్యంలో బుధవారం స్థానిక శుభం కన్వెన్షన్‌ హాల్‌లో నిర్వహించిన సమావేశంలో ఆయన మాట్లాడారు. ఓటు హక్కు పరిరక్షణకు కాంగ్రెస్‌ పార్టీ పోరాడుతోందని అన్నారు. ప్రధాన ఎన్నికల కమిషనర్‌ నియామకం, ఎన్నికల సంఘం తప్పిదాలకు శిక్షలు పడకుండా చట్టాలు రూపొందించారని మండిపడ్డారు. జీవనోపాధి కోసం వలస వెళ్లే సాధారణ ప్రజల ఓట్లు తొలగించడం దుర్మార్గమైన చర్య అన్నారు. ఈవీఎంలకు బదులుగా బ్యాలెట్‌ పేపర్లతో ఎన్నికలు నిర్వహించేలా చట్టం తీసుకురావాలని డిమాండ్‌ చేశారు. నవంబర్‌ 1న ఢిల్లీలోని రామ్‌లీలా మైదానంలో నిర్వహించే బహిరంగ సభకు దేశవ్యాప్తంగా కాంగ్రెస్‌ ప్రజాప్రతినిధులు, కార్యకర్తలు తరలివచ్చి విజయవంతం చేయాలని పిలుపునిచ్చారు. ఈ సమావేశంలో డీసీసీ అధ్యక్షుడు పిన్నింటి రఘునాథ్‌రెడ్డి, మంచిర్యాల మేయర్‌ ధర్ని మధుకర్‌, నగర కాంగ్రెస్‌ పార్టీ అధ్యక్షుడు, కార్పొరేటర్‌ తూముల నరేష్‌, మంచిర్యాల మార్కెట్‌ కమిటీ చైర్మన్‌ రామగిరి బానేష్‌, జిల్లా ఆర్జీపీఆర్‌ఎస్‌ అధ్యక్షుడు గడ్డం త్రిమూర్తి, హాజీపూర్‌ మండల అధ్యక్షుడు తోట రవి, లక్సెట్టిపేట పట్టణ అధ్యక్షుడు సయ్యద్‌ షాహిద్‌ అలీ, మార్కెట్‌ కమిటీ వైస్‌ చైర్మన్లు జాలే రాయలింగు, చాతరాశి రాజేశ్‌, డాక్టర్‌ సెల్‌ అధ్యక్షురాలు చందన, కాంగ్రెస్‌ ప్రజాప్రతినిధులు, నాయకులు పాల్గొన్నారు.

లక్సెట్టిపేట: లక్సెట్టిపేట మున్సిపాలిటీ పరిధిలోని ఇటిక్యాల గ్రామానికి చెందిన రాజ్‌ కుమార్‌ (42) అనే వ్యక్తి మద్యానికి బానిసై మృతి చెందినట్లు స్థానిక ఎస్సై గోపతి సురేశ్‌ తెలిపారు. వివరాల ప్రకారం మృతుడు గత కొద్దిరోజుల నుంచి మద్యానికి బానిసయ్యాడు. ఈనెల 27వ తేదీన సాయంత్రం పాత బస్టాండ్‌లోని వైన్స్‌ షాప్‌ వద్ద అతిగా మద్యం తాగి కిందపడడంతో గాయాలై మృతి చెందాడు. అతడికి భార్య, కూతురు ఉన్నారు. భార్య రమాదేవి ఫిర్యాదు మేరకు కేసు నమోదు చేసి దర్యాప్తు జరుపుతున్నామని ఎస్సై పేర్కొన్నారు.

జన్నారం: మండలంలో కడెం కాలువ, బావులు, చెరువుల కింద సుమారు ఎనిమిది వేల ఎకరాల్లో వరి సాగు చేశారు. కరెంటు కోతలు.. కాలువ నీరందక మండలంలో పంటలు ఎండిపోతున్నాయి. వరి పొట్ట, గింజ పాలు పోసుకునే దశలో ఉండగా నీరందక పొలాలు పగుళ్లు బారుతున్నాయి. కాలువ కింద జోన్‌వారీగా నీటి విడుదలతో చివరి ఆయకట్టు పొలాలు ఎండుతున్నాయి. కలమడుగు గ్రామంలో నీటి విడుదల విషయమై ఇరిగేషన్‌ అధికారులు, రైతుల మధ్య బుధవారం వాగ్వాదం జరిగింది. మరో నాలుగు తడులు ఇస్తే పంట చేతికొస్తుందని కోరుతున్నారు. సాగునీటిని సక్రమంగా సరఫరా చేయకపోవడంతో వరి పంటలు ఎండిపోయే ప్రమాదం ఉందని కలమడుగుకు చెందిన రైతు కళ్యాణపు పోషన్న, మరికొందరు రైతులు ఆవేదన వ్యక్తం చేస్తున్నారు.

జైపూర్‌: ౖజెపూర్‌ మండల కేంద్రంలోని సింగరే ణి థర్మల్‌ పవర్‌ ప్లాంటు(ఎస్టీపీపీ) యూనిట్‌– 1(600మెగావాట్ల) బుధవారం షట్‌డౌన్‌ అ యి ంది. విద్యుత్‌ ఉత్పత్తికి ప్రధానమైన బాయిలర్‌లో ట్యూబ్స్‌ లీకేజీ కారణంగా ఉత్పత్తి నిలి పివేశారు. మరమ్మతు పనులు చేపడుతున్నారు. ఆక్టోపస్‌ మాక్‌ డ్రిల్‌ ఎస్టీపీపీలో బుధవారం రామగుండం పోలీస్‌ కమిషనర్‌ అంబర్‌ కిషోర్‌ ఝా పర్యవేక్షణలో ఆక్టోపస్‌ యాంటీ టెర్రరిస్ట్‌ స్క్వాడ్‌ ఆధ్వర్యంలో మాక్‌ డ్రిల్‌ నిర్వహించారు. సర్వీస్‌ బిల్డింగ్‌లో పోలీసులు, సీఐఎస్‌ఎఫ్‌ సంయుక్తంగా మాక్‌ డ్రిల్‌ చేశారు. అత్యవసర పరిస్థితుల్లో ఉగ్రదాడులను సమర్థవంతంగా ఎదుర్కోవడం, భద్రతా లోపాలను గుర్తించడం, పోలీసులు, సీఐఎస్‌ఎఫ్‌ సిబ్బంది మధ్య సమన్వయంపై ప్రత్యేక కార్యక్రమం చేపట్టారు. అనంతరం ఎస్టీపీపీలో కంట్రోల్‌ రూమ్‌ ద్వారా విద్యుత్‌ ఉత్పత్తి ప్రక్రియను పరిశీలించగా ఈడీ చిరంజీవి వివరించారు. ఈ కార్యక్రమంలో డీసీపీ భాస్కర్‌, ఏసీపీ వెంకటేశ్వర్‌, సీఐ నీవన్‌కుమార్‌, ఎస్సై భూమేశ్‌, తదితరులు పాల్గొన్నారు.

వేమనపల్లి: ఉపాధి కూలి కోసం మండలంలోని సుంపుటం గ్రామానికి చెందిన కూలీలు మంగళవారం పనులు బహిష్కరించి నిరసనకు దిగారు. గ్రామానికి చెందిన సుమారు 120 మంది కూలీలు అటవీ ప్రాంతంలో సాసర్‌ కందకాల పనులకు వెళ్లినట్లు తెలిపారు. చేసిన పనులు, కూలి డబ్బులు ఆన్‌లైన్‌లో కనిపిస్తున్నా ఖాతాల్లో డబ్బులు జమ కావడం లేదని వాపోయారు. ఎన్నిసార్లు అధికారులకు మొరపెట్టుకున్నా ఫలితం లేదని ఆరోపించారు. డబ్బులెప్పుడు వస్తాయో ఎంపీడీవో స్పష్టత ఇవ్వడంలేదని తెలిపారు. ఉన్నతాధికారులు స్పందించి కూలి ఇప్పించాలని కోరారు.

మంచిర్యాలటౌన్‌: రైతుల సమస్యల పరిష్కారం కోసం నిరంతరం పోరాడాలని బీజేపీ రాష్ట్ర ఉపాధ్యక్షుడు రఘునాథ్‌ వెరబెల్లి అన్నారు. జిల్లా కేంద్రంలోని పార్టీ కార్యాలయంలో మంగళవారం జిల్లా అధ్యక్షుడు నగునూరి వెంకటేశ్వర్‌గౌడ్‌తో కలిసి జిల్లా కిసాన్‌ మోర్చా కమిటీ, కిసాన్‌ మోర్చా మండల అధ్యక్షులను నియమించారు. కిసాన్‌ మోర్చా జిల్లా అధ్యక్షుడు గోపతి రాజయ్యతో కలిసి నియామక పత్రాలు అందజేశారు. ఈ సందర్భంగా రఘునాథ్‌ మాట్లాడుతూ నూతన కమిటీ సభ్యులు జిల్లాలో రైతులు ఎదుర్కొంటున్న సమస్యల పరిష్కారానికి కృషి చేయాలని అన్నారు. ప్రధానమంత్రి ఫసల్‌ బీమా యోజన రాష్ట్రంలోని రైతులకు అమలు చేసే వరకు పోరాటం చేయాలని పిలుపునిచ్చారు. ఈ కార్యక్రమంలో మాదవరపు రమణారావు, ఎనగందుల కృష్ణమూర్తి, పట్టి వెంకటకృష్ణ, సంజీవ్‌రావు, వైద్య శ్రీధర్‌ తదితరులు పాల్గొన్నారు.

మంచిర్యాలఅర్బన్‌: ఆర్టీసీకి దసరా కలిసొచ్చింది. బతుకమ్మ, దసరా పండుగలకు ఉమ్మడి జిల్లా నుంచి హైదరాబాద్‌కు వేసిన స్పెషల్‌ బస్సుల ద్వారా సంస్థకు మంచి ఆదాయం వచ్చింది. అక్టోబర్‌ 10 నుంచి 23వ తేదీ వరకు విద్యాసంస్థలకు సెలవులు ప్రకటించిన నేపథ్యంలో ప్రయాణికుల రాకపోకలు భారీగా పెరిగాయి. ఉద్యోగరీత్యా, చదువులు నిమి త్తం హైదరాబాద్‌లో ఉంటున్నవారంతా పండుగకు సొంతూళ్లకు వచ్చి వెళ్లారు. ప్రయాణికుల రద్దీ దృష్ట్యా వారి సౌకర్యార్థం ఆర్టీసీ సరిపడా ప్రత్యేక బస్సులు నడిపింది. ఈ ఏడాది దసరా సందర్భంగా అధికారులు రోజువారీ బస్సులతో పాటు రీజియన్‌వారీగా 533 స్పెషల్‌ బస్సులు తిప్పారు. దసరాకు వెళ్లిన వారిలో ఎక్కువ మంది బస్సుల్లో ప్రయాణించటంతో ఆదాయం గణనీయంగా సమకూరింది సాధారణ చార్జీలకంటే అధికంగా.. దసరా, బతుకమ్మ పండుగల రోజుల్లో ప్రధాన రూట్లలో ఆర్టీసీ అధికారులు ఆయా డిపోల నుంచి 533 బస్సులు నడిపారు. ప్రధానంగా జేబీఎస్‌ నుంచి ఎక్కువ సర్వీసుల్ని తిప్పారు. ప్రత్యేక బస్సుల్లో సాధారణ చార్జీల కంటే అదనంగా వసూలు చేశారు. సాధారణ రోజుల్లో కంటే ఒకటిన్నర చొప్పున అదనంగా చార్జీలు వసూలు చేయటం ద్వారా ఆర్టీసీకి మంచి ఆదాయం సమకూరినా ప్రయాణికులు తీవ్ర అసంతృప్తికి గురయ్యారు. ముందంజలో నిర్మల్‌ డిపో దసరా సందర్భంగా నడిపిన ప్రత్యేక బస్సుల ద్వారా రీజియన్‌ పరిధిలో సంస్థకు రూ.25.45 కోట్ల ఆదాయం సమకూరింది. రాబడి సాధించటంలో నిర్మల్‌ డిపో ముందు వరుసలో నిలిచింది. 11.06 లక్షల కిలోమీటర్లు బస్సులు తిప్పటం ద్వారా రూ.6.51 కోట్లు వసూలు చేసి ప్రథమ స్థానం దక్కించుకుంది. మంచిర్యాల డిపో 10.50లక్షల కిలోమీటర్ల ప్రయాణంతో రూ.5.90కోట్లు ఆర్జించి ద్వితీయ స్థానంలో నిలిచింది. ఆక్యుపెన్సీ రేషియో (ఓఆర్‌) 90శాతం సాధించి బైంసా డిపో టాప్‌లో నిలవగా, ఉట్నూర్‌ 89శాతం, నిర్మల్‌ 87శాతం సాధించాయి. రోజువారీ సగటు ఆదాయం రూ.1.41 కోట్లు నమోదు కాగా, బస్సుల ఆక్యుపెన్సీ నిష్పత్తి 86శాతం సాధించింది. 18రోజులు.. రూ.25.45కోట్లుదసరా వేళ ఉమ్మడి జిల్లా వ్యాప్తంగా టీజీఎస్‌ ఆర్టీసీ అత్యుత్తమ రాబడి సాధించింది. అక్టోబర్‌ 9నుంచి 26వ తేదీ వరకు ప్రత్యేక ఆపరేషన్లలో రీజియన్‌ పరధిలో 533 బస్సులు నడిపింది. మంచిర్యాల డిపో నుంచి 154బస్సులు, నిర్మల్‌ నుంచి 144, ఆదిలాబాద్‌ నుంచి 130, ఆసిఫాబాద్‌ నుంచి 62, భైంసా నుంచి 31, ఉట్నూర్‌ డిపో నుంచి 31బస్సులు తిప్పింది. ఈ స్పెషల్‌ బస్సులు మొత్తం 44.53 లక్షల కిలోమీటర్లు ప్రయాణించగా సంస్థకు రూ.25.45 కోట్ల పండుగ రాబడి వచ్చింది.

మంచిర్యాలఅగ్రికల్చర్‌: యాసంగి సాగు సీజన్‌ పక్షం రోజుల్లో ప్రారంభం కానుంది. దీంతో వ్యవసాయ శాఖ సాగుకు అనుగుణంగా విత్తనాలు, ఎరువుల ప్రణాళిక రూపొందించి ప్రభుత్వానికి అందజేసింది. ఎల్‌నినో ప్రభావంతో ఉష్ణోగ్రతలు తీవ్రంగా ఉంటాయని, జలాశయాల నుంచి తాగునీటికి తప్ప సాగునీరు అందించే పరిస్థితి లేదని ప్రభుత్వం తేల్చి చెప్పింది. ఉన్న నీటిని, విద్యుత్‌ను పొదుపుగా వాడుకోవాలని సూచిస్తోంది. ఎట్టి పరిస్థితుల్లోనూ వరి సాగు చేయొద్దని హెచ్చరిస్తోంది. రానున్న రోజుల్లో ఎండల తీవ్రత, నీటి లభ్యతను దృష్టిలో ఉంచుకుని వరి సాగు తగ్గించాలని, మొక్కజొన్న, జొన్న, పెసలు, మినుములు, శనగ, కుసుమ, నువ్వులు, వేరుశనగ, కూరగాయలు తదిర పంటలు సాగు చేసుకోవాలని వ్యవసాయ అధికారులు ఇప్పటికే సూచిస్తున్నారు. జిల్లాలో 1,42,496 ఎకరాల్లో పంటల సాగు విస్తీర్ణం ఉంటుందని, ఇందులో వరి సాగు గతంలో కంటే 47,329 ఎకరాలు తగ్గనుందని, నీటి సౌకర్యం ఉన్న రైతులు వద్దన్నా వరి సాగు చేస్తారని అంచనా వేశారు. విత్తనాలు, ఎరువులు మొక్కజొన్న 280 క్వింటాళ్లు, మినుము 180 క్వింటాళ్లు, పెసలు 30 క్వింటాళ్లు, కంది 19 క్వింటాళ్లు, ఇతర విత్తనాలు 16 క్వింటాళ్లు అవసరమని ప్రతిపాదనలు సిద్ధం చేశారు. ఈ రబీకి 5,350 మెట్రిక్‌ టన్నుల యూరియా, 1,800 మెట్రిక్‌ టన్నుల డీఏపీ, 1,300 మెట్రిక్‌ టన్నుల పొటాష్‌, కాంప్లెక్స్‌ ఎరువులు 2,600 మెట్రిక్‌ టన్నులు అవసరమని నివేదిక పంపించారు. యాసంగి ఆలస్యంఈ ఏడాది ఖరీఫ్‌ జూలై నెలాఖరులో కురిసిన భారీ వర్షాలతో జలాశయాలు నిండాయి. వరి నారు పోసుకుని ఆగస్టు నెలాఖరు వరకు ఆలస్యంగా నాట్లు వేశారు. నెల రోజుల వ్యవధిలో ఆలస్యంగా దిగుబడి వచ్చే అవకాశం ఉంది. సరైన సమయంలో వర్షాలు కురిసి నాట్లు వేసి ఉంటే అక్టోబర్‌ మొదటి వారం నుంచే దిగుబడి రావాల్సి ఉంది. కానీ నాట్లు ఆలస్యం కావడంతో నవంబర్‌లో దిగుబడి రానుంది. దీంతో యాసంగి సాగు ఆలస్యమవుతుంది. రైతులు వెనక్కి తగ్గేనా..!యాసంగిలో వరి సాగు వద్దని ప్రభుత్వం సూచిస్తున్నా రైతులు వెనక్కి తగ్గుతారా అనేది ప్రశ్నార్థకంగానే మారింది. ఏళ్ల తరబడి వరి సాగు చేస్తున్న రైతులు ఇతర పంటలు సాగు చేసే పరిస్థితిలో లేరు. రాష్ట్రంలోని ఇతర జిల్లాలతో పోల్చి చూస్తే వానాకాలం సాధారణ వర్షపాతం నమోదు కావడంతో జలాశయాలు నిండాయి. బోరుబావుల్లోనూ నీటి నిల్వలు పెరిగాయి. ఈశాన్య రుతుపవనాలు, అల్పపీడన, తుపాన్‌ ప్రభావంతో ఒకట్రెండు వర్షాలు కురిస్తే వరి సాగుకు మొగ్గు చూపే అవకాశం ఉంది. గత ప్రభుత్వ హయాంలో 2021–22 సమయంలో వరి సాగు చేయొద్దని, ధర రాక నష్టపోవాల్సి వస్తుందని సూచించినా 75శాతం వరి సాగు చేశారు. ఆ సమయంలో మద్దతు ధర కంటే ధాన్యం డిమాండ్‌ పెరగడంతో వరి సాగు చేయని రైతులు నష్టపోయామనే ఆవేదన చెందారు. ప్రస్తుత పరిస్థితుల్లోనూ మార్కెట్‌లో బియ్యానికి డిమాండ్‌ విపరీతంగా పెరగడంతో నీటి సౌకర్యం ఉన్న రైతులు వరి సాగుకే మొగ్గు చూపే అవకాశాలున్నాయి. ఇతర పంటలు సాగు చేస్తే అటవీ జంతువులు, అకాల వర్షాలతో నష్టపోవాల్సి వస్తుందని, మార్కెట్‌ సౌకర్యం లేదని వాపోతున్నారు. ఒకట్రెండు వర్షాలు కురిస్తే వరి సాగు సైతం ఉంటుందని వ్యవసాయ శాఖ అంచనా వేసింది.

సాక్షి ప్రతినిధి, మంచిర్యాల: గత రెండేళ్లుగా టెండర్‌ ఖరారు కాక పెండింగ్‌లో ఉన్న జాతీయ రహదారి–63 నాలుగు వరుసల నిర్మాణానికి ముందడుగు పడింది. భోపాల్‌కు చెందిన బన్సల్‌ కన్‌స్ట్రక్షన్‌ కంపెనీ 12 సంస్థలతో పోటీ పడి తక్కువకు బిడ్‌ దాఖలు చేసి కాంట్రాక్టు దక్కించుకుంది. ఆర్మూర్‌ నుంచి జగిత్యాల, జగిత్యాల నుంచి మంచిర్యాల రెండు సెక్షన్ల పనులు పొందింది. అదాని, డీబీఎల్‌ తదితర కంపెనీలు కాంట్రాక్టు కోసం పోటీ పడినప్పటికీ తక్కువ కోట్‌ చేసిన సంస్థకు పనులు దక్కాయి. ఆర్మూర్‌–జగిత్యాల సెక్షన్‌ 63కి.మీ ఎన్‌హెచ్‌ఏఐ రూ.1348.09కోట్ల ప్రాజెక్టు ఖర్చుకు రూ.1236.36కోట్లకు, జగిత్యాల–మంచిర్యాల 68కి.మీ సెక్షన్‌కు రూ.1573ప్రాజెక్టు ఖర్చుకు రూ.1520కోట్లకే బన్సల్‌ కంపెనీ బిడ్‌ వేసింది. రెండు సెక్షన్లు కలిపి మొత్తం 160కిలోమీటర్ల రోడ్డు నిర్మాణ పనులు ఈ సంస్థకే దక్కాయి. ఎన్‌హెచ్‌ఏఐ పర్యవేక్షణలో కొద్ది రోజుల్లోనే పనులు ప్రారంభించనుంది. ఒప్పందం పూర్తయి(అపాయింట్‌మెంటు డే) రోజు నుంచి వచ్చే రెండేళ్ల ఐదు నెలల్లో మొత్తం రోడ్డు పూర్తి చేయాల్సి ఉంది. హ్యామ్‌(హైబ్రిడ్‌ యాన్యుటీ మోడ్‌) పద్ధతిలో నిర్మిస్తున్న ఈ రోడ్డుకు నిధులు 60ః40 వాటాలుగా ఎన్‌హెచ్‌ఏఐ, కాంట్రాక్టు సంస్థ ఖర్చు చేస్తాయి. రోడ్డు నిర్మాణం పూర్తయ్యాక కాంట్రాక్టరు చేసిన ఖర్చును నాలుగు వరుసల దారిపై ఏర్పాటు చేయనున్న రెండు టోల్‌ వసూళ్లు నిర్ణీత కాలంలో చెల్లిస్తారు. భూ నిర్వాసితుల పోరాటంఎన్‌హెచ్‌–63లో రెండు సార్లు మంచిర్యాల కార్పొరేషన్‌ పరిధిలో అలైన్‌మెంట్ల మార్పులపై ఇప్పటికీ భూ నిర్వాసితులు పోరాటం చేస్తున్నారు. లక్షెట్టిపేట, హాజీపూర్‌ మంచిర్యాల కార్పొరేషన్‌ పరిధిలో క్యాతనపల్లి శివారు కుర్మపల్లి క్రాస్‌ వరకు నిర్మిస్తున్న రోడ్డులో బైపాస్‌ను మార్చి పాత పద్ధతిలోనే నిర్మించాలని డిమాండ్‌ చేస్తున్నారు. ప్రజాప్రతినిధులు, అధికారులకు విన్నవించడంతోపాటు హైకోర్టును ఆశ్రయించారు. అయితే 3డీ(భూ సేకరణలో చివరి దశ) పూర్తయినందున తాము జోక్యం చేసుకోలేమని కోర్టు చెబుతూ అటవీ అనుమతులపై నోటీసులు ఇచ్చింది. ఇంకా విచారణ జరుగుతోంది. అయితే ఎన్‌హెచ్‌ఏఐ మాత్రం కోర్టులో తమ వాదనలు వినిపిస్తూనే రోడ్డు పనులు మొదలు పెట్టేందుకు సిద్ధమవుతోంది. జగిత్యాల–మంచిర్యాల సెక్షన్‌ 68.295కిలోమీటర్లుపూర్తి చేయాల్సిన గడువు 2.5ఏళ్లుఎన్‌హెచ్‌–63 వివరాలుఎట్టకేలకు పనులు షురూగత నాలుగేళ్లుగా నాలుగు వరసల దారి నిర్మాణంలో జాప్యం జరుగుతోంది. మూడు రాష్ట్రాల అనుసంధానానికి కీలకంగా ఉన్న ఎన్‌హెచ్‌–44, ఎన్‌హెచ్‌–363తో కలుపుతూ కొత్తగా చేపట్టబోయే ఆర్మూర్‌– జగిత్యాల వయా మంచిర్యాల వరకు అధునాతనమైన ఫోర్‌లైన్‌ నిర్మితం కానుంది. ఇప్పటికే అందుబాటులో ఉన్న జైపూర్‌, కోటపల్లి మీదుగా మహారాష్ట్ర సిరొంచ, ఆపై ఛత్తీస్‌గఢ్‌లోని జగ్దల్‌పూర్‌ వరకు అనుసంధానం కానుంది. ఈ రోడ్డుతో మూడు రాష్ట్రాల రోడ్డు రవాణా మరింత మెరుగుపడడంతోపాటు ఈ ప్రాంత అభివృద్ధికి కీలకం కానుంది. పలు కారణాలతో గత రెండేళ్లుగా బిడ్‌ దశలోనే జాప్యం జరిగింది. చివరికి ఇటీవల కేంద్ర ఆర్థిక శాఖ సైతం ఆమోదం తెలపడం, టెండరు ఖరారు కావడంతో పనులకు మోక్షం కలుగనుంది. ఇప్పటికే భూ సేకరణ జరిగిన చోట్ల నిర్వాసితులకు పరిహారం(అవార్డు) చెల్లింపులు జరుగుతున్నాయి. వివాదాలు లేని చోట్ల పనులు ప్రారంభించేందుకు కాంట్రాక్టు సంస్థ సిద్ధమవుతున్నట్లు తెలుస్తోంది.

మంచిర్యాలఅగ్రికల్చర్‌: జిల్లాలో ఆహార భద్ర త చట్టం–2006 అమలుకు అధికారుల సమన్వయంతో సమర్థవంతమైన చర్యలు చేపట్టా లని జిల్లా అదనపు కలెక్టర్‌ రాములు అన్నా రు. మంగళవారం అదనపు కలెక్టర్‌ చాంబర్‌ నుంచి ఆహార భద్రత అధికారి వాసురామ్‌తో కలిసి ఆహార భద్రత ప్రమాణాల చట్టం– 2006పై నిర్వహించిన ఆన్‌లైన్‌ శిక్షణ కార్యక్రమానికి హాజరయ్యారు. అదనపు కలెక్టర్‌ మాట్లాడుతూ ఈ శిక్షణ ద్వారా ఆహార భద్రత చట్టంలోని నిబంధనలు, ఆహార నాణ్యత ప్ర మాణాలు, ప్రజారోగ్య పరిరక్షణకు తీసుకో వాల్సిన చర్యలు, చట్టం అమలు అంశాలపై అవగాహన కల్పించినట్లు తెలిపారు.

జైపూర్‌: అడవుల్లోకి గొర్లను తోలుకెళ్లే గొర్లకాపరులపై అటవీశాఖ అధికారుల దాడులు సహించబోమని అఖిల భారత బహుజన జాతీయ అధ్యక్షుడు అంబర్‌పేట శ్రీనివాస్‌ అ న్నారు. గొల్లకుర్మ డోలుదెబ్బ రాష్ట్ర కమిటీ ఆధ్వర్యంలో మంగళవారం మండలంలోని ఇందారం గ్రామంలో సంచార జీవనం సాగి స్తున్న గొల్లకుర్మల జీవన విధానం, సమస్యల పై తెలుసుకున్నారు. ఈ సందర్భంగా ఆయన మాట్లాడుతూ ఎలాంటి ఆంక్షలు లేకుండా జీవాలు అడవుల్లో మేతకు వెళ్లే విధంగా అవకాశం కల్పించాలని తెలిపారు. క్షేత్రస్థాయిలో గొల్లకుర్మలు ఎదుర్కొంటున్న సమస్యలను ప్రభుత్వం దృష్టికి తీసుకెళ్లి పరిష్కారానికి కృషి చేస్తామని తెలిపారు. గతంలో ఇచ్చిన 559, 1016జీవోలు అమలు చేయాలని డి మాండ్‌ చేశారు. ఈ కార్యక్రమంలో గొల్లకుర్మ డోల్‌దెబ్బ రాష్ట్ర అధ్యక్షుడు బెల్లి చంద్రశేఖర్‌యాదవ్‌, రాష్ట్ర ప్రధాన కార్యదర్శి బత్తుల శ్రీనివాస్‌యాదవ్‌, అఖిలభారత బహుజన సేన రాష్ట్ర అధ్యక్షుడు అచ్చుల శ్రీనివాస్‌, నా యకులు పున్నం యాదవ్‌, మల్లేశ్‌, జైనోద్దీన్‌, తదితరులు పాల్గొన్నారు.

మంచిర్యాలరూరల్‌(హాజీపూర్‌): విపత్తుల వేళ ప్రాణ, ఆస్తి నష్టాల నివారణలో యువత పాత్ర చాలా కీలకమని గుడిపేట 13వ ప్రత్యే క పోలీసు బెటాలియన్‌ కమాండెంట్‌ కే.వెంకటేశ్వర్లు అన్నారు. మంగళవారం బెటాలియన్‌లో స్టేట్‌ డిజాస్టర్‌ రెస్పాన్స్‌ ఫోర్స్‌(ఎస్‌డీఆర్‌ఎఫ్‌) ఆధ్వర్యంలో కరీంగనర్‌ ప్రభుత్వ డిగ్రీ కళాశాల విద్యార్థులకు ఏర్పాటు చేసిన యువ ఆపదమిత్ర ప్రత్యేక శిక్షణను ఆయన ప్రారంభించారు. ప్రత్యేక శిక్షణ కిట్‌ బ్యాగులు అందజేశారు. అనంతరం ఆయన మాట్లాడుతూ ముందస్తు రక్షణ చర్యలపై అవగాహన కల్పించడం ద్వారా సమాజంలో భారీ ప్రాణ, ఆస్తి నష్టాలను నివారించవచ్చని తెలిపారు. వర్సి టీకి చెందిన 66 మంది బాలురు, 36 మంది బాలికలు శిక్షణలో పాల్గొన్నారు. వరదల్లో చిక్కుకున్న వారిని రక్షించడం, అగ్నిప్రమాదా ల నియంత్రణ, లైఫ్‌ జాకెట్లు, బోట్ల వినియోగంలో మెలకువలు, భవనాలు కూలినప్పు డు, భారీ ప్రమాదాలు జరిగినప్పుడు రెస్క్యూ ఆపరేషన్ల నిర్వహణ తదితర అంశాలపై ఎస్‌ డీఆర్‌ఎఫ్‌ మాస్టర్‌ ట్రైనర్లు శిక్షణ ఇస్తున్నారు. ఈ కార్యక్రమంలో అసిస్టెంట్‌ కమాండెంట్లు వీరరాజు, ఆంజనేయరెడ్డి, నాగభూషణం, యూనిట్‌ మెడికల్‌ అధికారి డాక్టర్‌ సంతోశ్‌సింగ్‌, అడ్మినిస్ట్రేటీవ్‌ అధికారి గౌస్‌మొహీయుద్దీన్‌, ఎస్‌డీఆర్‌ఎఫ్‌ ఆర్‌ఐ ఎం.అశోక్‌ పాల్గొన్నారు.

పాతమంచిర్యాల: జిల్లాను కరువు ప్రాంతంగా ప్రకటించి రైతులు, వ్యవసాయ కూలీలు, గ్రామీణ పేదలను ఆదుకోవడానికి తక్షణమే కరువు సహాయక చర్యలు చేపట్టాలని అఖిల భారత రైతు కూలీ సంఘం(ఏఐకేఎంఎస్‌) రాష్ట్ర సహాయ కార్యదర్శి ఏ.లాల్‌కుమార్‌ డిమాండ్‌ చేశారు. జిల్లాను కరువు ప్రాంతంగా ప్రకటించాలని డిమాండ్‌ చేస్తూ ఏఐకేఎంఎస్‌ ఆధ్వర్యంలో మంగళవారం కలెక్టరేట్‌ ఎదు ట ధర్నా నిర్వహించారు. ఈ సందర్భంగా ఆయన మాట్లాడుతూ వ్యవసాయం పంట సాగు మాత్రమే పరిమితం కాదని, రైతులు, కూలీలు, గ్రామీణ వృత్తిదారులు, చిన్న వ్యాపారుల జీవితాలతో ముడిప డి ఉందని తెలిపారు. ప్రభుత్వం రైతు సమస్యలపై ప్రకటనలకే పరిమితం కాకుండా క్షేత్రస్థాయిలో పంటలు నష్టపోయిన రైతులను ఆదుకోవడానికి చర్యలు తీసుకోవాలని డిమాండ్‌ చేశారు. అనంతరం జిల్లా అదనపు కలెక్టర్‌ రాములుకు వినతిపత్రం అందజేశారు. ఈ కార్యక్రమంలో ఏఐకేఎంఎస్‌ జిల్లా ఉపాధ్యక్షుడు డి.ప్రభాకర్‌, ఐఎఫ్‌టీయూ జిల్లా అధ్యక్షుడు శ్రీనివాస్‌, ఉపాధ్యక్షుడు బ్రహ్మనందం, పీవోడబ్ల్యూ రాష్ట్ర ప్రధాన కార్యదర్శి అందె మంగ, జిల్లా అధ్యక్షురాలు జ్యోతి తదితరులు పాల్గొన్నారు.

శ్రీరాంపూర్‌: సింగరేణిలో అవినీతి, అక్రమాలకు వి జిలెన్స్‌ విభాగం అడ్డుకట్ట వేస్తోంది. సంస్థలో ఎంతో కీలకంగా ఉన్న ఈ విభాగం మున్ముందు మరి న్ని సవాళ్లు ఎదుర్కోవడానికి సిద్ధం కావాల్సి ఉంది. విజిలెన్స్‌ ప్రాముఖ్యతను చాటుతూ ఈ ఏడాది నిజాయితీ–సమృద్ధి నినాదంతో గనులు, డిపార్ట్‌మెంట్లపై అధికారులు ఈ నెల 26నుంచి నవంబర్‌ 1వరకు అవగాహన వారోత్సవాలు నిర్వహిస్తున్నా రు. సింగరేణిలో కారుణ్య ఉద్యోగాలతో ఉన్నత వి ద్యావంతులు ఎక్కువ కాగా, ఫిర్యాదుల సంఖ్య పె రిగింది. కంపెనీకి ప్రయోజనం కంటే వ్య క్తిగత వైషమ్యాలు, కక్ష పూర్వకమైన ఫిర్యాదులు ఇటీవల ఎ క్కువగా వస్తున్నాయి. గతేడాది సుమారు 211 ఫి ర్యాదులు ఇలాంటివి వచ్చాయి. విజిలెన్స్‌ శాఖకు ఫి ర్యాదు చేయాలంటే తప్పనిసరిగా సరైన వివరాలు, చిరునామా, ఫోన్‌ నంబర్లుండాలి. ఫిర్యాదుదారుల పేర్లు కొన్ని సందర్భాల్లో గోప్యంగా ఉంచుతారు. గతేడాది సరైన చిరునామా, అసంపూర్తిగా ఉండడంతో సుమారు 96 ఫిర్యాదులు పక్కన పెట్టారు. 10 మంది డిస్మిస్‌ సింగరేణిలో ఎక్కువగా కారుణ్య ఉద్యోగాల్లో అవినీ తి జరుగుతోందనే ఆరోపణలున్నా అధికారులు ట్టి పారేస్తున్నారు. ఇప్పటివరకు మెడికల్‌ బోర్డులో అన్‌ఫిట్‌ చేయిస్తామని డబ్బులు వసూలు చేయడం, తప్పుడు పత్రాలు సృష్టించిన కేసుల్లో విచారణ చేసి 10మంది కంపెనీ ఉద్యోగులను డిస్మిస్‌ చేశారు. మరికొందరు దళారులపై సివిల్‌ పోలీసు కేసులు నమోదు చేయించినట్లు అధికారులు తెలిపారు. త్రిముఖ వ్యూహంతో.. అవినీతిని కరికట్టడం, పరిపాలన పారదర్శకంగా, నిష్పక్షపాతంగా జరగడం కోసం విజిలెన్స్‌ విభాగం త్రిముఖ వ్యూహాన్ని అనుసరిస్తోంది. నిర్మాణాత్మక విజిలెన్స్‌: అవినీతి, అక్రమాలు ఎక్క డ జరిగే అవకాశం ఉందో అక్కడ ముందే అధికారులు కట్టుదిట్టమైన ఏర్పాట్లు చేస్తున్నారు. అధికార దుర్వినియోగం కాకుండా లోపాలు సరిచేస్తున్నారు. భాగస్వామ్య విజిలెన్స్‌: ప్రతీ ఉద్యోగి తన విధులను చిత్తశుద్ధి, నిజాయితీతో నిర్వహించడమే కాకుండా తన చుట్టూ జరిగే అవినీతి, అక్రమాలు అధికార దుర్వినియోగంపై స్పందించి సాక్ష్యాధారాలతో ఫిర్యాదులు అందేలా చూస్తున్నారు. ఈ దిశగా విజిలెన్స్‌ అధికారులు తమకున్న వేగులతో ఈ పనులు చేయిస్తున్నారు. శిక్షాపరమైన విజిలెన్స్‌: అవినీతి, అక్రమాలు, అధి కార దుర్వినియోగానికి పాల్పడ్డారని వచ్చిన ఫిర్యాదులపై తక్షణమే స్పందించి విచారణ చేసి వారిపై నిర్ణీత కాలవ్యవధిలో క్రమశిక్షణ చర్యలు తీసుకుంటున్నారు. దీంతో ఇతరులెవరైనా ఇలాంటి పనులు చేయాలంటే భయపడేలా కేసులను లోతుగా దర్యా ప్తు చేసి శిక్షలు వేస్తున్నామని అధికారులు పేర్కొంటున్నారు. కింది స్థాయిలోనే చర్యలా? విజిలెన్స్‌ విభాగంపైనా ఆరోపణలున్నాయి. కొన్ని కేసుల్లో కింది స్థాయి ఉద్యోగులు, అధికారులపై చ ర్యలు తీసుకుంటూ పైస్థాయి అధికారులపై చర్యలు తీసుకోవడంలో విఫలమవుతున్నారని కార్మిక సంఘాల నేతలు ఆరోపిస్తున్నారు. దురుద్దేశ పూర్వకంగా విధానపర నిర్ణయాలతో కంపెనీకి నష్టం చేస్తే ఉ న్నత స్థాయి అధికారులపై చర్యలు ఉండటం లే దని, నాసిరకం పనిముట్లు, ఓబీ కాంట్రాక్టర్ల మా యాజాలం, యంత్ర పరికరాల కొనుగోళ్లలో అవినీ తిపై లోతైన దర్యాప్తు చేపట్టాలని కోరుతున్నారు. ప్రస్తుత పరిస్థితిల్లో సింగరేణిని రక్షించుకోవాలంటే రాజకీయ జోక్యంతో జరిగే అధికార దుర్వినియో గం, డబ్బుల దుబారాపై విజిలెన్స్‌ జోక్యం చేసుకోవా లని పలువురు డిమాండ్‌ చేస్తున్నారు. దీని కోసం విజిలెన్స్‌ విభాగానికి మరింత స్వయం ప్రతిపత్తి కల్పించాల్సిన అసవరం ఎంతైనా ఉంది.

రామగిరి: సింగరేణి అడ్రియాల లాంగ్‌వాల్‌ ప్రాజెక్ట్‌ గనిని సెంట్రల్‌ మైన్‌ ప్లానింగ్‌ అండ్‌ డిజైన్‌ ఇనిస్టిట్యూట్‌ (సీఎంపీడీఐ) జనరల్‌ మేనేజర్‌ శంభుశరణ్‌ నేతృత్వంలోని బృందం మంగళవారం సందర్శించింది. సభ్యులు పమేంద్ర కుమార్‌సింగ్‌, పవన్‌కుమార్‌, రాఘవేంద్ర ప్రతాప్‌సింగ్‌ గనిలోని నాలుగో ప్యానెల్‌లో ఏర్పాటు చేస్తున్న సపోర్టింగ్‌ చాక్‌లను క్షుణ్ణంగా పరిశీలించారు. ప్యానెల్‌కు అనుమతుల మంజూరు ప్రక్రియలో భాగంగా తనిఖీ చేపట్టారు. గనిలో భద్రతా ప్రమాణాలు, సాంకేతిక ఏర్పాట్లు, సపోర్టింగ్‌ వ్యవస్థల పనితీరు పరిశీలించి పరిస్థితులను సమీక్షించారు. అడ్రియాల ప్రాజెక్ట్‌ ఏరియా జనరల్‌ మేనేజర్‌ నాగేశ్వరరావు, భూగర్భ గనుల విభాగం జనరల్‌ మేనేజర్‌ యాదయ్య, ఎస్‌వోటూ జీఎం సత్యనారాయణ, ఏరియా ఇంజినీర్‌ దూప్‌ సింగ్‌, ప్రాజెక్ట్‌ ఆఫీసర్‌ జనార్దన్‌, ఇంజినీర్‌ బాలరా జు, మేనేజర్‌ పెంచలయ్య, జెన్‌కో అధికారులు నరసింహం, శ్రీధర్‌, రంజిత్‌ తదితరులు పాల్గొన్నారు.

మంచిర్యాలఅగ్రికల్చర్‌: జనాభా గణన కార్యక్రమంలో వివరాలను ఎలాంటి పొరపాట్లకు తావు లేకుండా స్పష్టంగా నమోదు చేయాలని జిల్లా కలెక్టర్‌ కుమార్‌ దీపక్‌ అన్నారు. మంగళవారం కలెక్టరేట్‌లో సీపీవో పాపయ్య, డైరెక్టరేట్‌ ఆఫ్‌ సెన్సెస్‌(ఆపరేషన్‌) రాష్ట్ర కన్సల్టెంట్‌ కే.కృష్ణయ్య, మాస్టర్‌ ట్రైనర్‌ శరణ్యతో కలిసి జిల్లా అదనపు చార్జ్‌, మండల స్థాయి చార్జ్‌ అధికారుల శిక్షణ కార్యక్రమానికి హాజరయ్యారు. కలెక్టర్‌ మాట్లాడుతూ 2వ దశలో జనాభా గణనను కచ్చితత్వంతో పారదర్శకంగా నిర్వహించాలని తెలిపారు. జనగణనకు సంబంధించి అన్ని అంశాలపై చార్జ్‌ అధికారులు పూర్తి అవగాహన కలిగి ఉండాలని అన్నారు. 16వ ఆర్థిక సంఘం నిధులు గ్రామ పంచాయతీలు, మున్సిపాలిటీలకు కేటాయింపులపై ప్రభావం చూపే అవకాశం ఉన్నందున సమాచార సేకరణలో అత్యంత జాగ్రత్తగా వ్యవహరించాలని తెలిపారు. ఈ కార్యక్రమంలో డీవైఎస్‌ఓ రాజేందర్‌, తహసీల్దార్లు, ఎంపీడీవోలు పాల్గొన్నారు. ప్రమాదాల నివారణకు చర్యలు మంచిర్యాలఅగ్రికల్చర్‌: జిల్లాలో రోడ్డు ప్రమాదాల నివారణకు పటిష్టమైన చర్యలు చేపట్టాలని కలెక్టర్‌ కుమార్‌ దీపక్‌ అన్నారు, మంగళవారం కలెక్టరేట్‌లో రోడ్డు భద్రత సమావేశంలో బెల్లంపల్లి సబ్‌ కలెక్టర్‌ మనోజ్‌, మంచిర్యాల ఆర్డీవో శ్రీనివాస్‌రావు, బెల్లంపల్లి, జైపూర్‌ ఏసీపీలు, జాతీయ రహదారుల అధి కారులతో సమీక్ష నిర్వహించారు. కలెక్టర్‌ మాట్లాడుతూ జాతీయ రహదారి–363పై వాహనాల వేగం నియంత్రణకు స్పీడ్‌గన్‌లు ఏర్పాటు చేయాలని తెలి పారు. పాఠశాల బస్సుల ఫిట్‌నెస్‌ను తనిఖీ చేయాలని, ఫిట్‌నెస్‌ లేని వాహనాలు నడిపే వారిపై చర్యలు తీసుకోవాలని, బీమా లేకుండా తిరిగే వాహనాలపై జరిమానాలు విధించాలని తెలిపారు.

మంచిర్యాలటౌన్‌: మంచిర్యాలకు చెందిన హస్వి మురికి అమెరికాలోని యూనివర్సిటీ ఆఫ్‌ నార్త్‌ కరోలినా ఎట్‌ చాపెల్‌ హిల్‌ (యూఎన్‌సీ)లో మోర్‌ హెడ్‌ కెయిన్‌ స్కాలర్‌గా ఎంపికై నట్లు ఆమె తల్లిదండ్రులు సత్యనారాయణ, మాధవి తెలిపారు. అమెరికాలో అత్యంత ప్రతిష్టాత్మక మెరిట్‌ స్కాలర్‌షిప్‌ కార్యక్రమంలో మోర్‌హెడ్‌–కెయిన్‌ ఒకటి కాగా, ఈ ఏడాది సోఫోమోర్‌ సెలక్షన్‌ ద్వారా 18మంది విద్యార్థులు ఎంపిక కాగా, భారత దేశం నుంచి ఎంపికై న ఏకై క విద్యార్థిగా ఆమె నిలిచారు. హస్వి అమెరికాలో ఎకనామిక్స్‌, డేటా సైన్స్‌ చదువుతుండగా, ఎంటర్‌ ప్రెన్యూర్‌షిప్‌ ఆమె మైనర్‌ సబ్జెక్టు. అనాథ, గిరిజన పిల్లలకు విద్యావకాశాలను అందించేందుకు ‘సమున్నతి’ అనే స్వచ్ఛంద సంస్థను స్థాపించడంతో పాటు గట్‌ఈజ్‌ అనే ధరించగలిగే చికిత్సా పరికరాన్ని రూపొందించారు. ప్రపంచ రికార్డు సాధించిన పర్వతారోహకురాలిగా గుర్తింపు పొందగా, స్పోర్ట్స్‌లోనూ రాణిస్తున్నారు.

మంచిర్యాలఅర్బన్‌: విద్యార్థి జీవితంలో అత్యంత కీలకమైన పదో తరగతి పరీక్షల్లో మెరుగైన ఫలితాల సాధన కోసం విద్యాశాఖ సమాయత్తం అవుతోంది. ప్రభుత్వ పాఠశాలల్లో శతశాతం ఉత్తీర్ణత సాధించడమే లక్ష్యంగా ప్రత్యేక ప్రణాళిక రూపొందించింది. విద్యార్థులకు నవంబర్‌ 2నుంచి జనవరి 9వరకు ప్రత్యేక తరగతులు నిర్వహిస్తారు. నవంబర్‌లో 29 రోజులు, డిసెంబర్‌లో 31రోజులు, జనవరిలో 9రో జులు తరగతులు ఉంటాయి. క్రిస్మస్‌, నూతన సంవత్సర సెలవులు మినహాయించారు. విద్యార్థులను ఎట్టి పరిస్థితుల్లోనూ పాఠశాల వెలుపల, వరండాల్లో కూర్చోబెట్టరాదని డీఈవో చంద్రయ్య ఉత్తర్వులు జారీ చేశారు. నిర్ణయించిన షెడ్యూల్‌ ప్రకారం జనవరి 9నాటికి సిలబస్‌ పూర్తి చేయాలని ఆదేశించారు. జిల్లాలోని 281 ప్రభుత్వ, ప్రైవేటు పాఠశాలల్లో 10,363మంది విద్యార్థులు పదో తరగతి చదువుతున్నారు. 170 ప్రభుత్వ పాఠశాలల్లో 6,560మంది పదో తరగతి విద్యార్థులు ఉన్నారు. వీరిలో 3,176 మంది బాలురు, 3,384 మంది బాలి కలు ఉన్నారు. పక్కా ప్రణాళికతో విద్యాశాఖ ప్రతీ రోజు సాయంత్రం 4.15గంటల నుంచి 5.15గంట ల వరకు ప్రత్యేక తరగతులు నిర్వహించనుంది. మొదటి 20నిమిషాలు ఆ రోజు అంశంపై ముఖ్యమై న విషయాలు వివరించాలి. మిగతా 40నిమిషాలు విద్యార్థులతో సాధన చేయించాలి. సోమవారం నుంచి శనివారం వరకు రోజుకో సబ్జెక్టు చొప్పున వరుసగా తరగతులు జరుగుతాయి. సిలబస్‌లోని కీలకమైన చాప్టర్లు, క్లిష్టమైన విషయాలను వివరంగా బోధించి సందేహాలను నివృత్తి చేయాల్సి ఉంటుంది. విద్యార్థుల అకాడమిక్‌ ప్రతిభను మెరుగుపరిచి ఫలితాల్లో మెరుగైన ఉత్తీర్ణత శాతం సాధించా లి. ప్రతీ విద్యార్థిపై వ్యక్తిగత శ్రద్ధ చూపాలి. రోజు వారీ ప్రత్యేక తరగతుల రికార్డును నిర్వహించాలి.

మంచిర్యాలటౌన్‌: మంచిర్యాల నగరంలోని రాజీవ్‌నగర్‌లో నిర్మించిన డబుల్‌ బెడ్రూం ఇళ్ల కోసం లబ్ధిదారులు ఎదురు చూడాల్సి వస్తోంది. గత ప్రభుత్వం నగరంలోని పేదల కోసం 650 డబుల్‌ బెడ్రూం ఇళ్ల నిర్మాణాన్ని చేపట్టి.. 360 నిర్మాణాలు పూర్తి చేసింది. ఇళ్ల నిర్మాణానికి సేకరించిన ప్రభుత్వ భూమిలో 30 కుటుంబాలు ఎంతో కాలంగా నివాసం ఉంటుండడంతో వారికి ఇళ్లు కేటాయించింది. 2023 మార్చి 17న నాటి కలెక్టర్‌ ఆధ్వర్యంలో 330 ఇళ్లకు డ్రా పద్ధతిలో లబ్ధిదారులను ఎంపిక చేశారు. అనర్హులు ఉన్నారనే ఫిర్యాదుల మేరకు అధికారులు విచారణ చేపట్టి వారిలో 261మందిని అర్హులుగా గుర్తించారు. వారికీ ఇళ్లు పంపిణీ చేయడంలో తాత్సారం చేయడం, ప్రభుత్వం మారడంతో ఆ ప్రక్రియ నిలిచిపోయింది. ఇటీవల మరో 344 ఇళ్లకు లక్కీడ్రాఇళ్ల నిర్మాణానికి సంబంధించిన పథకం గడువు ముగుస్తుండడంతో గత నెల 28న 344 ఇళ్లకు గాను ప్రజాపాలన, డబుల్‌ బెడ్రూం ఇళ్ల కోసం స్వీకరించి న 17,100 దరఖాస్తుల్లో కొందరిని అర్హులుగా గు ర్తించి లాటరీ పద్ధతిన ఇళ్లు కేటాయించారు. ఎస్సీల కు 60, ఎస్టీలకు 21, మైనార్టీలకు 42, బీసీ, ఓసీలకు 21ఇళ్లను కేటాయించి లబ్ధిదారులను ఎంపిక చేశారు. హమాలీవాడ రోడ్డు విస్తరణలో ఇళ్లు కోల్పోయిన ఐదు కుటుంబాలకు ఇళ్లు కేటాయించగా, మరో వంద మంది పేర్లు బఫర్‌లో తీసి ఉంచారు. 344మంది లబ్ధిదారులను డ్రాలో ఎంపిక చేసినా రాజీవ్‌నగర్‌లో ఇళ్ల నిర్మాణం జరగకపోవడంతో ఇప్పట్లో కేటాయించే అవకాశం లేదు. నిర్మించిన వాటికి సంబంధించి డ్రా పూర్తయినా లబ్ధిదారులకు కేటాయింపుపై అధికారులు స్పష్టత ఇవ్వడం లేదు. నివేదికలతోనే సరి.. డబుల్‌ బెడ్‌రూం ఇళ్లు చాలా కాలంగా ఖాళీగా ఉండడంతో మందుబాబులు, పశువులకు అడ్డాగా మారి నివాసం ఉండలేని స్థితికి చేరా యి. కిటికీల అద్దాలు పగిలిపోగా, కరెంటు వైర్లు తొలగించారు. నల్లాలు, తలుపులు విరగ్గొటి ఫ్లోర్‌ను ధ్వంసం చేశారు. డ్రెయినేజీలు నిర్మించకపోవడంతో ఇళ్లలోని నీరు బయటకు వెళ్లలేని పరిస్థితి. పరిసరాలు పిచ్చి మొక్కలతో నిండిపోయాయి. దీంతో ప్రస్తుతం ఉన్న ఇళ్లను లబ్ధిదారులకు అందించిన తర్వా త మ రమ్మతులు చేయించేందుకు హౌజింగ్‌ శాఖ అధికా రులు జిల్లా కలెక్టర్‌కు గతంలోనే నివేదిక అందజేశా రు. కానీ నేటికీ మరమ్మతులు ప్రారంభం కాలేదు.

జన్నారం: ప్రమాదవశాత్తు కడెం 13 డిస్ట్రీబ్యూటరీ కాలువలో పడి వృద్ధుడు మృతి చెందిన ఘటన మండలంలోని రేండ్లగూడలో చోటు చేసుకుంది. ఎస్సై ఉదయ్‌కిరణ్‌, మృతుడి కుటుంబ సభ్యులు తెలిపిన వివరాల ప్రకారం.. రేండ్లగూడకు చెందిన అల్లం రాజలింగు (65) రోజులాగే మంగళవారం తెల్లవారుజామున 4.30 గంటల ప్రాంతంలో వాకింగ్‌కు వెళ్లాడు. 6గంటల వరకు ఇంటికి తిరిగి రాకపోవడంతో కొడుకు వెంకట్రాజం వెతకగా కాలువ నీటిలో మృతదేహం కనిపించింది. కుడి చెవి పక్కన బలమైన గాయముంది. వాకింగ్‌ చేసే క్రమంలో కాలువలో జారిపడి బలమైన గాయం కావడంతో నీటిలో మునిగి మృతి చెందినట్లు అనుమానం వ్యక్తం చేస్తున్నారు. వెంకట్రాజం ఫిర్యాదు మేరకు కేసు దర్యాప్తు చేస్తున్నట్లు ఎస్సై తెలిపారు. పొనకల్‌ సింగిల్‌ విండో చైర్మన్‌ అల్లం రవి, రేండ్లగూడ సర్పంచ్‌ అల్లం మాధవి, కాంగ్రెస్‌ మండలాధ్యక్షుడు అజ్మీర నందునాయక్‌ తదితరులు మృతుడి కుటుంబ సభ్యులను పరామర్శించారు.

కైలాస్‌నగర్‌: పీఏసీఎస్‌ల అభివృద్ధికి పకడ్బందీ చర్యలు చేపట్టాలని ఆదిలాబాద్‌ కలెక్టర్‌ రాజర్షిషా సూచించారు. ఆదిలాబాద్‌ జిల్లా కేంద్రంలోని డీసీసీబీ ప్రధాన కార్యాలయ సమావేశ మందిరంలో మంగళవారం 99వ మహాజన సభ నిర్వహించారు. కలెక్టర్‌, బ్యాంక్‌ ప్రత్యేకాధికారి అధ్యక్షతన సాగిన సమావేశంలో జిల్లాలోని సొసైటీల అభివృద్ధి, రుణాలు, ప్రభుత్వ పథకాల అమలుపై సుదీర్ఘంగా చర్చించారు. అనంతరం కలెక్టర్‌ మాట్లాడుతూ.. ఇచ్చోడ, గుడిహత్నూర్‌, తాంసి, బజార్‌హత్నూర్‌ సొసైటీల పరిధిలో కనీసం మూడెకరాల భూసేకరణను పూర్తి చేసి మార్కెట్‌ యార్డులు, గోదాముల నిర్మాణానికి తగిన చర్యలు తీసుకోవాలని ఆదేశించారు. సోలార్‌ విద్యుత్‌ కేంద్రాలను ఏర్పాటు చేయడం ద్వారా అదనపు ఆదాయం సమకూరుతుందని సూచించారు. అలాగే, ప్రైవేట్‌ సంస్థలు, ఆసక్తిగల వ్యక్తుల భాగస్వామ్యంతో పీఎం కుసుమ్‌ సోలార్‌ పంపు సెట్ల పథకాన్ని సమర్థవంతంగా అమలు చేయాలని తెలిపారు. సొసైటీల్లో డిపాజిట్లను పెంచడంతో పాటు ఎన్‌సీడీసీ ద్వారా తక్కువ వడ్డీకి లభించే రుణాలను సద్వినియోగం చేసుకోవాలని కోరారు. జిల్లా స్థాయి ఎగ్జిక్యూటివ్‌ కమిటీ సమావేశంలో పెండింగ్‌లో ఉన్న చిన్నచిన్న సమస్యలను త్వరలోనే పరిష్కరిస్తామని తెలిపారు. అర్హులైన ప్రతి ఒక్కరికీ మేలు జరిగేలా అధికారులు సమన్వయంతో పనిచేయాలని స్పష్టం చేశారు. అదనపు కలెక్టర్‌ ఆర్‌.ఎస్‌.చిత్రూ, ఆదిలాబాద్‌, మంచిర్యాల, కుమురంభీం ఆసిఫాబాద్‌ జిల్లాల సహకార అధికారులు సత్యనారాయణ, కరుణాకర్‌, నాబార్డు డీడీఎం అబ్దుల్‌ రౌఫ్‌, బ్యాంక్‌ సీఈవో చండీ, విశ్వేశ్వర్‌, సొసైటీల అధ్యక్షులు, బ్యాంక్‌ అధికారులు, సిబ్బంది పాల్గొన్నారు.

తాండూర్‌: స్కూల్‌ గేమ్స్‌ ఫెడరేషన్‌ రాష్ట్ర స్థాయి ఫుట్‌బాల్‌ పోటీలకు మండలంలోని రేచిని జిల్లా పరిషత్‌ ఉన్నత పాఠశాల విద్యార్థిని గిరుగుల అక్షర ఎంపికై నట్లు పీడీ సంతోష్‌కుమార్‌ తెలిపారు. అక్షర ఈ నెల 29నుంచి 31వ తేదీ వరకు మేడ్చల్‌లో నిర్వహించనున్న పోటీల్లో పాల్గొననుందని పేర్కొన్నారు. పోటీల్లో అత్యుత్తమ ప్రతిభకనబర్చి జిల్లాకు మంచి పేరు తేవాలని ప్రధానోపాధ్యాయుడు ప్రదీప్‌, సర్పంచ్‌ రాంబాయి ఆకాంక్షించారు. లక్సెట్టిపేట: మండలంలోని జెండావెంకటాపూర్‌ గ్రామ ప్రభుత్వ పాఠశాలలో తొమ్మిదో తరగతి చదువుతున్న దేవహర్ష రాష్ట్రస్థాయి ఫుట్‌బాల్‌ పోటీలకు ఎంపికై నట్లు ప్రధానోపాధ్యాయురాలు యశోదర తెలిపారు. ఈనెల 4వ తేదీన బెల్లంపల్లిలో నిర్వహించిన అండర్‌–14 విభాగం నుంచి జోనల్‌ స్థాయి పోటీల్లో పాల్గొని ఉత్తమ ప్రతిభ కనబర్చి రాష్ట్రస్థాయికి ఎంపికై నట్లు పేర్కొన్నారు. ఈనెల 29వ తేదీన మేడ్చల్‌లో నిర్వహించనున్న పోటీల్లో దేవహర్ష పాల్గొంటాడని తెలిపారు. విద్యార్థిని ఉపాధ్యాయులు అభినందించారు.

తాండూర్‌: గిరి పుత్రికకు సరస్వతీ కటాక్షం దక్కినా లక్ష్మీ కటాక్షం లేకుండా పోయింది. మారుమూల గిరిజన గ్రామంలో మెరిసిన ఈ ఆణిముత్యం ఎంబీబీఎస్‌ సీటు సాధించింది. డాక్టర్‌ కల నెరవేరకుండా ఆ కుటుంబం ఎదుర్కొంటున్న కడు పేదరికం అడ్డుగా నిలుస్తోంది. ఎంబీబీఎస్‌ అడ్మిషన్‌ ఫీజు కూడా చెల్లించలేని దయనీయ స్థితిలో ఆ కుటుంబం కొట్టుమిట్టాడుతోంది. దీంతో ఆ సరస్వతీ పుత్రిక వైద్య విద్యకు దూరమయ్యే దుర్భర పరిస్థితులు నెలకొన్నాయి. వివరాల్లోకి వెళ్తే.. మంచిర్యాల జిల్లా తాండూర్‌ మండలం నర్సాపూర్‌ గ్రామానికి చెందిన పెంద్రం మోతీరాం– రత్నాబాయి దంపతుల ముగ్గురు సంతానంలో రెండో కూతురు శిరీష పదో తరగతి వరకు కుమురంభీం ఆసిఫాబాద్‌ జిల్లా ట్రైబల్‌ వెల్ఫేర్‌ హాస్టల్‌లో చదివింది. ఇంటర్మీడియట్‌ వికారాబాద్‌ జిల్లా పరిగి ట్రైబల్‌ వెల్ఫేర్‌ హాస్టల్‌లో పూర్తి చేసింది. మొదటిసారి నీట్‌ రాసినప్పటికీ నిరాశే ఎదురైంది. మళ్లీ ఉచిత లాంగ్‌టర్మ్‌ శిక్షణలో శ్రమించి సత్తా చాటింది. నీట్‌ ఫలితాల్లో మంచి ర్యాంక్‌ కై వసం చేసుకుని కొడంగల్‌ ప్రభుత్వ వైద్య కళాశాలలో ఎంబీబీఎస్‌ సీటు దక్కించుకుంది. కానీ, రోజువారీ కూలీ పనులు చేసుకుంటేనే గాని కుటుంబం గడవని పరిస్థితి వారిది. ఈ స్థితిలో అడ్మిషన్‌, హాస్టల్‌ తదితర ఫీజులన్నీ కలిపి రూ.70వేల నుంచి రూ.లక్ష వరకు అవసరమవుతాయి. ఇంత మొత్తం వెచ్చించాలంటే మోతీరాంకు తలకు మించిన భారమే. దీంతో ఈ సరస్వతీ పుత్రికకు వైద్య విద్యాభ్యాసం అందని ద్రాక్షగా మారింది. ప్రజాప్రతినిధులు, దాతలు ఆపన్నహస్తం అందిస్తేనే ఈ గిరి ఆణిముత్యం విద్యాభ్యాసం కొనసాగించే పరిస్థితి ఉంది. వైద్య విద్యను పూర్తి చేసి మారుమూల గిరిజన ప్రాంత ప్రజలకు ఉచిత నాణ్యమైన వైద్యసేవలు అందించడంతో పాటు మెరుగైన సమాజం కోసం పాటుపడాలనుకునే సంకల్పంతో ఉన్న శిరీష విద్యాభ్యాసం కోసం దాతలు ముందుకు వచ్చి 6303853225 నంబర్‌లో సంప్రదించి ఆపన్న హస్తం అందించాలని పేద కుటుంబీకులు కోరుతున్నారు.

మంచిర్యాలరూరల్‌(హాజీపూర్‌): పండుగలు, సంతోషాలు వదిలి నిత్యం విధుల్లో ఉండే వారితోపాటు విధుల్లో అమరులవుతున్న పోలీస్‌ల త్యాగాలు వెలకట్టలేనివని గుడిపేట 13వ ప్రత్యేక పోలీసు బెటాలియన్‌ కమాండెంట్‌ వెంకటేశ్వర్లు అన్నారు. పోలీస్‌ అమర వీరుల సంస్మరణ వారోత్సవాల్లో భాగంగా మంగళవారం బెటాలియన్‌ ఆవరణలో కమాండెంట్‌ వెంకటేశ్వర్లు జెండా ఊపి ర్యాలీ ప్రారంభించారు. గుడిపేట గ్రామ, జాతీయ రహదారులపై మంచిర్యాల ఐబీ మీదుగా బెల్లంపల్లి చౌరస్తా నుంచి నగర పుర వీధుల గుండా ఐబీ వరకు ర్యాలీ సాగింది. అమరవీరులకు జోహార్లు తెలియజేస్తూ బైక్‌ ర్యాలీ చేపట్టి ఘన నివాళులు అర్పించారు. అసిస్టెంట్‌ కమాండెంట్‌ నాగభూషణం, ఆంజనేయరెడ్డి, వీరరాజు, హాజీపూర్‌ ఏఎస్సైలు చాంద్‌పాషా, పెద్దిరెడ్డి, ఆర్‌ఐలు, ఏఆర్‌ఎస్సైలు, సిబ్బంది పాల్గొన్నారు.

కాసిపేట: గ్రామీణ ప్రాంతాల అభివృద్ధికి సింగరేణి యాజమాన్యం కృషి చేస్తోందని మందమర్రి ఏరియా జీఎం రాధాకృష్ణ తెలిపారు. మంగళవారం మండలంలోని పలు గ్రామాల్లో ఆర్‌పీ అండ్‌ ఎన్‌సీఆర్‌ఏపీ పథకం ద్వారా మంజూరైన రూ.63.50లక్షలతో ఆర్వో ప్లాంట్లు, సోలార్‌ స్ట్రీట్‌ లైట్లు, డ్రైనేజీలు, కల్వర్టులు, ఓపెన్‌జిమ్‌ తదితర అభివృద్ధి పనులను ప్రారంభించారు. రూ.30లక్షల వ్యయంతో కాసిపేట, ముత్యంపల్లి, చిన్నధర్మారం, అశోక్‌నగర్‌ గ్రామాల్లో ఆర్వో వాటర్‌ప్లాంట్లు, రూ.10లక్షలతో సోలార్‌ స్ట్రీట్‌ లైట్లు, రూ.16లక్షలతో మూడు కల్వర్టులు, డ్రైనేజీ నిర్మాణాలు చేపట్టినట్లు తెలిపారు. ఈ సందర్భంగా ఆయన మాట్లాడుతూ.. ఎల్‌నినో నేపథ్యంలో నీటిని వృథా చేయవద్దని సూచించారు. సంస్థ బొగ్గు ఉత్పత్తితో పాటు పరిసర ప్రాంతాల అభివృద్ధి, జీవన ప్రమాణాల మెరుగుదలకు కృషి చేస్తోందని చెప్పారు. డీసీసీ ప్రధాన కార్యదర్శి పూస్కూరి విక్రమ్‌రావు, ఏఐటీయూసీ బెల్లంపల్లి బ్రాంచ్‌ కార్యదర్శి దాగం మల్లేశ్‌, బెల్లంపల్లి మార్కెట్‌ కమిటీ చైర్మన్‌ రత్నం సుకుమారి, ఆత్మ చైర్మన్‌ రౌతు సత్తయ్య, డీజీఎం మదీనా భాష, ఎన్విరాన్‌మెంట్‌ అధికారి వెంకటరెడ్డి, సర్పంచులు నీల రాంచందర్‌, భూక్య స్వప్న, చాకటి సుగుణ, ఉపసర్పంచులు రమేశ్‌, సందీప్‌ పాల్గొన్నారు.

మంచిర్యాలఅగ్రికల్చర్‌: ప్రజావాణిలో వివిధ గ్రామాల ప్రజల నుంచి వచ్చిన అర్జీలు పెండింగ్‌లో ఉంచకుండా సత్వరమే పరిష్కరించాలని జిల్లా అదనపు కలెక్టర్‌ చంద్రయ్య అన్నారు. సోమవారం కలెక్టరేట్‌ సమావేశ మందిరంలో అదనపు కలెక్టర్‌ రాములు, జిల్లా రెవెన్యూ అధికారి మోతిరాంతో కలిసి అర్జీదారుల నుంచి ఫిర్యాదులు స్వీకరించారు. భూ సమస్యలు, పరిహారం, తదితర సమస్యలపై దరఖాస్తులు అందించారు. ఈ సందర్భంగా ఆయన మాట్లాడుతూ అర్జీలు పూర్తి స్థాయిలో పరిశీలించి ఆలస్యం చేయకుండా పరిష్కరించాలని ఆయా శాఖల అధికారులను ఆదేశించారు.

దర్బార్‌ కార్యక్రమంలో ఆదివాసీ సంఘాల నాయకులు తమ సమస్యలను ఏకరువు పెట్టారు. కుమురం భీం నినదించిన జల్‌, జంగల్‌, జమీన్‌ ఆశయం నేటికీ నెరవేరలేదన్నారు. చాలా గ్రామాల్లో తాగునీరు, రోడ్డు సౌకర్యాలు లేవని ఆవేదన వ్యక్తం చేశారు. ఇళ్ల నిర్మాణానికి ఇసుక, పందిరి వేసేందుకు వెదురు తెచ్చుకోవడానికి కూడా అడ్డుపడుతున్నారని బాధలు వినిపించారు. కాంగ్రెస్‌ ప్రభుత్వం వచ్చాక గిరిజనులకు వందశాతం ఇందిరమ్మ గృహాలు ఇస్తామని ఇచ్చిన మాటను సీఎం రేవంత్‌రెడ్డి నిలబెట్టుకోలేదని పేర్కొన్నారు. కలెక్టర్‌ హరిత మాట్లాడుతూ ప్రతీ గిరిజన గ్రామానికి నిరంతరం తాగునీరు అందించేందుకు సావర్‌ఖెడా సమీపంలో రూ.60 కోట్లతో ఇంటెక్‌వెల్‌ నిర్మిస్తున్నామని తెలిపారు. యువత మత్తు పదార్థాలకు దూరంగా ఉండాలని ఎస్పీ నితిక పంత్‌ సూచించారు. పిల్లలను బాగా చదివించాలని, గ్రామాభివృద్ధిలో ప్రజలు భాగస్వాములు కావాలని పిలుపునిచ్చారు.సమస్యల ఏకరువుకెరమెరి/ఆసిఫాబాద్‌అర్బన్‌: పోరుగడ్డ జోడేఘాట్‌ పులకించింది. ఆదివాసీ ముద్దుబిడ్డ, గోండు బెబ్బు లి కుమురంభీంకు నివాళులర్పించేందుకు మంత్రులు, ప్రజాప్రతినిధులు, అధికారులతో పాటు ఉమ్మ డి జిల్లా నుంచి ప్రజానీకం తరలివచ్చింది. అమరుడికి గిరిజన సంప్రదాయం ప్రకారం నివాళులర్పించి ప్రత్యేక పూజలు చేశారు. కుమురంభీం ఆసిఫా బాద్‌ జిల్లా కెరమెరి మండలం జోడేఘాట్‌లో సోమవారం కుమురంభీం 86 వర్ధంతి ఘనంగా నిర్వహించారు. గిరిజన సంక్షేమశాఖ మంత్రి అడ్లూరి లక్ష్మణ్‌కుమార్‌, మహిళా శిశు సంక్షేమశాఖ మంత్రి సీతక్క హాజరయ్యారు. వారికి గుస్సాడీ నృత్యంతో స్వాగతం పలికారు. అనంతరం ఆదివాసీలు, భీం వారసులతో కలిసి సంప్రదాయ పూజలు చేశారు. కుమురం భీంతోపాటు కొలాం వీరుడు కుమురం సూరుకు నివాళులర్పించారు. అంతకుముందు నాలుగు గోత్రాల జెండాలు ఆవిష్కరించారు. ఆకట్టుకున్న కార్యక్రమాలు జోడేఘాట్‌లో వివిధ సాంస్కృతిక కార్యక్రమాలు ఆకట్టుకున్నాయి. గోండ్‌గూడ అంగన్‌వాడీ కేంద్రం చిన్నారులు, గుస్సాడీలు చేసిన నృత్యాలు అలరించాయి. వివిధ శాఖల స్టాల్స్‌ ప్రత్యేక ఆకర్షణగా నిలిచాయి. ఐటీడీఏ పీవో మంద మకరందు ధోవ తి, రుమాలు కట్టుకుని గోండి భాషలో మాట్లాడా రు. ఆరుగురు గిరిజనులకు ఆర్‌వోఎఫ్‌ఆర్‌ పట్టా లు అందించారు. ఉన్నత విద్యనభ్యసిస్తున్న మడావి దత్తు, కోట్నాక్‌ సంజీవనిలకు ల్యాప్‌టాప్‌లు అంది ంచారు. భీం మనుమడు సోనేరావు, ఇతర వారసులకు దుస్తులు అందించి సత్కరించారు. కార్యక్రమంలో ఆసిఫాబాద్‌ ఎమ్మెల్యే కోవ లక్ష్మి, సిర్పూర్‌ ఎమ్మెల్యే పాల్వాయి హరీశ్‌బాబు, ఖానాపూర్‌ ఎమ్మె ల్యే వెడ్మ బొజ్జు పటేల్‌, మహిళా శిశు సంక్షేమ శాఖ కమిషనర్‌ దివ్య దేవరాజన్‌, అదనపు కలెక్టర్‌ యువరాజ్‌ మర్మాట్‌, కాగజ్‌నగర్‌ సబ్‌ కలెక్టర్‌ హర్ష్‌చౌదరి, డీఎస్పీ అశోక్‌, అదనపు ఎస్పీ చిత్తరంజన్‌, డీటీడబ్ల్యూవో అంబాజీ, డీఎంహెచ్‌వో నాగేంద్ర, ఎస్‌ఈ ఉత్తమ్‌ జాడె, డీసీసీ అధ్యక్షురాలు ఆత్రం సుగుణ, మాజీ ఎమ్మెల్యే సక్కు, బీజేపీ రాష్ట్ర కార్యవర్గ సభ్యుడు అరిగెల నాగేశ్వర్‌రావు, తుడుందెబ్బ రాష్ట్ర అధ్యక్షుడు కోట్నాక విజయ్‌, జిల్లా అధ్యక్షుడు కోవ విజయ్‌, ఉత్సవ కమిటీ చైర్మన్‌ పెందూర్‌ రాజేశ్వర్‌, సీపీఎం మాజీ కేంద్ర కమిటీ సభ్యుడు పుల్లూరి ప్రసాదరావు, చంద్రన్న, శంకరన్న పాల్గొన్నారు.

తాండూర్‌: మండలంలోని అచ్చలాపూర్‌ జెడ్పీ ఉన్నత పాఠశాలలో పదో తరగతి చదువుతున్న చౌళ్ల హర్షిత రాష్ట్రస్థాయి కబడ్డీ పోటీలకు ఎంపికై నట్లు పీడీ సాంబమూర్తి తెలిపా రు. ఆదివారం మంచిర్యాలలో నిర్వహించిన ఉమ్మడి ఆదిలాబాద్‌ జోనల్‌ స్థాయి స్కూల్‌ గేమ్స్‌ ఫెడరేషన్‌ కబడ్డీ పోటీల్లో మంచిర్యాల జిల్లా జట్టు ప్రథమ స్థానంలో నిలిచి గోల్డ్‌మెడల్‌ కై వసం చేసుకుంది. అత్యుత్తమ ప్రతిభకనబర్చిన చౌళ్ల హర్షిత రాష్ట్రస్థాయి పోటీలకు ఎంపికై ంది. నవంబర్‌లో మహబూబ్‌నగర్‌లో జరిగే రాష్ట్రస్థాయి పోటీల్లో పాల్గొననుంది. పాఠశాల హెచ్‌ఎం ఉమాదేవి, సర్పంచ్‌ మారి శెట్టి స్రవంతి, ఉపసర్పంచ్‌ గట్టు సంతోష్‌కుమార్‌, ఉపాధ్యాయులు ఈ సందర్భంగా హర్షితను అభినందించారు.

జన్నారం: ఎకో సెన్సిటివ్‌ జోన్‌ పరిధిపై మండల ప్రజల్లో ఆందోళన వ్యక్తమవుతోంది. అభివృద్ధి పనులకు నిబంధనలు ఆటంకంగా మారుతున్నాయనే వ్యతిరేకత ఏర్పడుతోంది. 2012లో కవ్వాల్‌ టైగర్‌జోన్‌ ఏర్పాటు కాగా 892 చదరపు కిలోమీటర్లు కోర్‌ ఏరియా, 1123 చదరపు కిలోమీటర్లు బఫర్‌ ఏరియా వ్యాపించి ఉంది. టైగర్‌జోన్‌ నిబంధనలకు తోడుగా ఎకో సెన్సిటివ్‌ జోన్‌ కూడా ఏర్పాటు చేసి కోర్‌ ఏరియా నుంచి పది కిలోమీటర్ల దూరం వరకు పరిధిని కేటాయించారు. కొన్నేళ్లుగా నిబంధనలు అమలులో ఉన్నా ఆరు నెలలుగా కఠినంగా అమలు చేస్తున్నారు. దీంతో అభివృద్ధిలో మండలం వెనుకబడుతోందని, ఎకోసెన్సిటివ్‌ జోన్‌తోపాటు టైగర్‌జోన్‌ ఎత్తి వేయాలని డిమాండ్‌ పెరిగింది. ఈ క్రమంలో సామాజిక వేత్త శ్రీరాముల భూమాచారి రెండు నెలలుగా రిలే నిరాహార దీక్ష కొనసాగిస్తున్నారు. ఆయన దీక్షకు మండలంలోని అన్ని వర్గాల ప్రజలు మద్దతు లభిస్తోంది. ఆయా రాష్ట్రాల భౌగోళిక, సామాజిక పరిస్థితులను బట్టి నిబంధనల్లో మినహాయింపులు ఇవ్వొచ్చని 2006లో సుప్రీంకోర్టు స్పష్టం చేసినట్లు చెబుతున్నారు. అటవీ శాఖ ఉన్నత అధికారులు పునరాలోచించి ఎకో సెన్సిటివ్‌ జోన్‌ పరిధిని తగ్గించాలని కోరుతున్నారు. నిబంధనలు అమలుకొన్ని నెలలుగా అటవీ అధికారులు ఎకో సెన్సిటివ్‌ జోన్‌ నిబంధనలు కఠినంగా అమలు చేస్తున్నారు. జన్నారం మండల పరిసర ప్రాంతాల్లో సమీప గోదావరి తీరప్రాంతాల నుంచి ఇసుక తీసుకెళ్లడానికి అనుమతి నిరాకరిస్తున్నారు. దీంతో ఇసుక, మ ట్టి కొరతతో ఇందిరమ్మ ఇళ్ల నిర్మాణం, ఇతర అభివృద్ధి పనులు, గ్రామాల్లో సీసీ రోడ్ల నిర్మాణం నిలిచి పోతున్నాయని సర్పంచులు పేర్కొంటున్నారు. ప్రజల నుంచి ఒత్తిడి పెరగడంతో టైగర్‌జోన్‌ పరిధిలోని నాలుగు జిల్లాల అటవీశాఖ అధికారులు నిబంధనల సడలింపుపై ప్రభుత్వానికి నివేదిక పంపించారు. ప్రస్తుతం పది కిలోమీటర్లు ఉన్న ఎకో సెన్సిటివ్‌ జోన్‌ పరిధి కిలోమీటరుకు తగ్గించాలని పేర్కొన్నారు. నిర్ణయం ప్రభుత్వం చేతిలో ఉంది.అభివృద్ధి నిలిచిందిఎత్తివేసే వరకు దీక్ష

బెల్లంపల్లి: రైల్వే ర న్నింగ్‌ స్టాఫ్‌ ఎదుర్కొంటున్న సమస్యలు పరిష్కరించాలని, పెండింగ్‌లో ఉన్న అన్ని హ్యాండిక్యాప్డ్‌, పైలట్‌ సెక్షన్లకు ఆ మోదం కల్పించాలని డిమాండ్‌ చేస్తూ ద. మ రైల్వే మజ్దూర్‌ యూనియన్‌ సికింద్రాబాద్‌ డివిజన్‌ ఆఽ ద్వర్యంలో సోమవా రం నిర్వహించిన ని రాహార దీక్షకు బెల్లంపల్లి నుంచి రైల్వే కా ర్మికులకు తరలివెళ్లారు. సికింద్రాబాద్‌లోని సంచలన్‌ భవన్‌ వద్ద ఉదయం 8 నుంచి సాయంత్రం 6 గంటల వరకు దీక్ష నిర్వహించారు. మజ్దూర్‌ యూనియన్‌ నాయకులు, కార్యకర్తలు, రైల్వే కార్మికులు హాజరై సంఘీభావం ప్రకటించారు. సమస్యలు పరిష్కరించకపోతే ఆందోళనలు తీవ్రతరం చేస్తామని హెచ్చరించారు. యూనియన్‌ జనరల్‌ సెక్రెటరీ సీహెచ్‌.శంకర్రావు, సికింద్రాబాద్‌ డివిజనల్‌ సెక్రెటరీ పి.రవీందర్‌, అధ్యక్షుడు ఖాజాబాబా, బెల్లంపల్లి బ్రాంచి సెక్రెటరీ సాంబశివుడు పాల్గొన్నారు.

● రాష్ట్ర కార్మిక శాఖ మంత్రి గడ్డం వివేక్‌ వెంకటస్వామి చెన్నూర్‌: చెన్నూర్‌లో గోదావరి పుష్కరాలకు రూ.70 కోట్ల నిధులతో భక్తులకు మెరుగైన సౌకర్యాలు కల్పిస్తున్నామని రాష్ట్ర కార్మిక శాఖ మంత్రి గడ్డం వివేక్‌ వెంకటస్వామి అన్నారు. సోమవారం చెన్నూర్‌ మున్సిపాలిటీ పరిధిలో రూ.5.50 కోట్ల నిధులతో అంబేడ్కర్‌ జంక్షన్‌ నుంచి పెద్ద చెరువు రావిచెట్టు వరకు రోడ్డు విస్తరణ, రూ.70 కోట్లతో మహంకాళి వాడ నుంచి జాతీయ రహదారి వరకు, నేషనల్‌ హైవే నుంచి పుష్కర ఘాట్‌ వరకు రోడ్డు విస్తరణ, హైమాస్‌ లైట్ల నిర్మాణం పనులకు శంకుస్థాపన చేశారు. ముందుగా మార్నింగ్‌ వాక్‌ చేసి ప్రజా సమస్యలు తెలుసుకున్నారు. ఈ సందర్భంగా మంత్రి మాట్లాడుతూ గోదావరి పుష్కరాలకు వచ్చే భక్తులకు ఆధ్యాత్మికతతో పాటు, ఆహ్లాదకరమైన వాతావరణం కల్పించే విధంగా పనులు చేపడుతామన్నారు. చెన్నూర్‌ ప్రాంతానికి ప్రాచీన చరిత్ర ఉండడంతో లక్షలాది మంది భక్తులు వచ్చే అవకాశం ఉందన్నారు. నిర్ణీత గడువులోగా నాణ్యతతో పనులు పూర్తి చేయాలని అధికారులను ఆదేశించారు. కార్యక్రమంలో కలెక్టర్‌ కుమార్‌ దీపక్‌, మున్సిపల్‌ కమిషనర్‌ మారుతి ప్రసాద్‌, చైర్‌ పర్సన్‌ పెద్దింటి పద్మ, వైస్‌ చైర్మన్‌ వినయ్‌కుమార్‌, కౌన్సిలర్లు సుంకరి శిరీష, అంబటి శంకర్‌, తదితరులు పాల్గొన్నారు.

ఆదిలాబాద్‌టౌన్‌: వాట్సాప్‌ ద్వారా నకిలీ లింక్‌లు పంపిస్తూ బ్యాంక్‌ ఖాతాలు, క్రెడిట్‌కార్డుల నుంచి రూ.4,20,210 కాజేసిన అంతర్రాష్ట్ర సైబర్‌ నేరగాడిని అరెస్ట్‌ చేసినట్లు ఎస్పీ అఖిల్‌ మహాజన్‌ తెలి పారు. జిల్లాకేంద్రంలోని పోలీస్‌ హెడ్‌క్వార్టర్స్‌లో సోమవారం కేసు వివరాలు వెల్లడించారు. బేల పోలీస్‌స్టేషన్‌ పరిధిలోని సాంగిడి గ్రామానికి చెంది న అనురాగ్‌రెడ్డికి గుర్తుతెలియని నంబర్‌ నుంచి వా ట్సాప్‌లో వచ్చిన ఓ లింక్‌ను ఓపెన్‌ చేయగా ఫోన్‌పే ద్వారా రూ.2,200 చెల్లించాలనే సందేశం కనిపించింది. అది నిజమని నమ్మి డబ్బులు చెల్లించాడు. అనంతరం అతని క్రెడిట్‌ కార్డులకు సంబంధించిన ఖాతాల నుంచి 16 లావాదేవీల ద్వారా మొత్తం రూ.4,20,210 కట్‌ అయ్యాయి. బాధితుడి ఫిర్యాదుతో బేల పోలీస్‌స్టేషన్‌లో కేసు నమోదు చేసి ద ర్యాప్తు చేపట్టారు. సెల్‌నంబర్లు, ఆన్‌లైన్‌ లావాదేవీ లు, సాంకేతిక ఆధారాలతో రాజస్థాన్‌లోని ఉదయ్‌ పూర్‌ జిల్లా దగర్‌ గ్రామానికి చెందిన దినేష్‌ పటేల్‌ ను నిందితుడిగా గుర్తించి పోలీసులు అదుపులోకి తీ సుకున్నారు. అతని నుంచి మూడు సెల్‌ఫోన్లు, ఒక మినీ ఐప్యాడ్‌, ఒక హెచ్‌పీ ల్యాప్‌టాప్‌ను స్వాధీనం చేసుకున్నారు. మోసపోయిన బాధితుడికి కోర్టు ద్వారా రూ.2 లక్షలను తిరిగి అందించినట్లు ఎస్పీ తెలిపారు. సైబర్‌నేరాలపై అప్రమత్తంగా ఉండాలిసైబర్‌నేరాలపై ప్రజలు అప్రమత్తంగా ఉండాలని ఎస్పీ సూచించారు. అపరిచితులు పంపే వాట్సాప్‌, ఇన్‌స్ట్రాగామ్‌ లింక్‌లు ఓపెన్‌ చేయొద్దని, బ్యాంక్‌ ఖా తాలు, క్రెడిట్‌, డెబిట్‌ కార్డుల వివరాలు, ఓటీపీల ను ఇతరులతో పంచుకోవద్దని తెలిపారు. అనుమానాస్పద లావాదేవీలు జరిగిన వెంటనే బ్యాంక్‌ను సంప్రదించి, సైబర్‌ హెల్ప్‌లైన్‌ నంబర్‌ 1930కు, www.cybe rcrime.gov.in వెబ్‌సైట్‌లో ఫిర్యా దు చేయాలని పేర్కొన్నారు. సమావేశంలో ఆదిలా బాద్‌ డీఎస్పీ ఎల్‌.జీవన్‌రెడ్డి, జైనథ్‌ సీఐ జి.శ్రావణ్‌ కుమార్‌, బేల ఎస్సై మధుకృష్ణ, సైబర్‌ క్రైమ్‌ ఆర్‌ఎస్సై గోపికృష్ణ తదితరులు పాల్గొన్నారు. దేశవ్యాప్తంగా 220, తెలంగాణలో 20 కేసులునిందితుడు ఇతరుల గుర్తింపు పత్రాలతో సిమ్‌కార్డులు సేకరించేవాడని విచారణలో వెల్లడైందని ఎస్పీ తెలిపారు. ఇన్‌స్ట్రాగామ్‌లో నకిలీ ఎస్కార్ట్‌, కాల్‌గర్ల్‌ సేవల వెబ్‌సైట్‌ లింక్‌లు ప్రచారం చేసి, వాటిని నమ్మి సంప్రదించిన వారితో టెలిగ్రామ్‌, వాట్సాప్‌ ద్వారా మాట్లాడేవాడని, వివిధ రకాల సేవలందిస్తామని చెప్పి ముందుగా డబ్బులు వసూలు చేస్తున్నట్లు పేర్కొన్నారు. ఆ డబ్బులను ఇతరుల బ్యాంక్‌ఖాతాల ద్వారా మళ్లిస్తూ క్రెడిట్‌కార్డుల ద్వారా చెల్లించిన సందర్భాల్లో ఆమెజాన్‌, ఫ్లిప్‌కార్ట్‌ వంటి ఆన్‌లైన్‌ వేదికల నుంచి గిఫ్ట్‌కార్డులు కొనుగోలు చేసి వస్తువులు పొందేవాడని తెలిపారు. దేశవ్యాప్తంగా నిందితుడిపై 220, తెలంగాణలో 20 కేసులు నమోదైనట్లు వివరించారు. హైదరాబాద్‌లోని ఉస్మానియా యూనివర్సిటీ, వనస్థలిపురం, నార్సింగి పోలీస్‌స్టేషన్ల పరిధిలో మోసాలకు పాల్పడినట్లు విచారణలో తేలిందన్నారు.

చెన్నూర్‌రూరల్‌: కుమ్మరి సారె కళ తప్పుతోంది. మట్టి పాత్రలకు క్రమంగా ఆదరణ తగ్గుతోంది. ఫలితంగా వృత్తినే నమ్ముకున్న కుమ్మరులు ఉపాధికి దూరమవుతున్నారు. దీపావళి వచ్చిందంటే ఒకప్పుడు మట్టి ప్రమిదలకు డిమాండ్‌ ఉండేది. కుమ్మరుల ఇళ్లకు వచ్చి ప్రమిదల కోసం ఆర్డర్లు ఇచ్చేవా రు. ప్రస్తుతం ఇతర ప్రాంతాల నుంచి వివిధ ఆకృతుల్లో రెడీమేడ్‌ మట్టి పాత్రలు, ప్రమిదలు దిగుమ తి అవుతుండగా కుమ్మరులకు కష్టాలు మొదలయ్యాయి. కుమ్మరులు తయారు చేసిన ప్రమిదలు డజన్‌కు రూ.40 మాత్రమే ధర పలుకుతుండగా రెడీమేడ్‌ ప్రమిదలు ఇంతకంటే తక్కువకే వస్తుండడంతో జనాలు వాటివైపే మొగ్గుచూపుతున్నారు. జిల్లాలో 8వేల మంది కుమ్మరులుండగా, ఇందులో 2వేల మంది కులవృత్తినే నమ్ముకుని జీవిస్తున్నారు. కుండలు, ప్రమిదలు, వివిధ పాత్రలు తయారు చేసి జీవనోపాధి కొనసాగిస్తున్నారు. ప్రస్తుతం తా ము తయారు చేసిన మట్టి పాత్రలకు ఆదరణ తగ్గి ఉపాధికి దూరమవుతున్నామని వారు ఆందోళన వ్యక్తం చేస్తున్నారు.

శ్రీరాంపూర్‌: ప్రతీ ఉద్యోగి, అధి కారి విధి నిర్వహణలో నిజాయితీగా పనిచేయాలని శ్రీరాంపూర్‌ ఏరియా ఇన్‌చార్జి జీఎం ఏవీ రెడ్డి తెలిపారు. విజిలెన్స్‌ వారో త్సవాల్లో భాగంగా సోమవారం శ్రీరాంపూర్‌ జీఎం కార్యాలయంలో విజిలెన్స్‌పై అవగాహ న కార్యక్రమాన్ని నిర్వహించారు. ఈ సందర్భంగా ఆయన ముఖ్యఅతిథిగా హాజరై ప్రతిజ్ఞ చేయించారు. ఈ సంవత్సరం సంస్థలో ’నిజాయితీతో సంవృద్ధి’అనే నినాదంతో వారోత్సవాలు నిర్వహిస్తున్నట్లు తెలిపారు. ఈ వారోత్సవాలు నవంబర్‌ 1 వరకు కొసాగుతాయన్నారు. ప్రతి ఒక్కరూ అవినీతికి వ్యతిరేకంగా పనిచేయాలన్నారు. కరపత్రాలు పంపిణీ చేశారు. ఏరియా ఎస్‌ఓటూ జీఎం కృష్ణప్రసాద్‌, గుర్తింపు సంఘం బ్రాంచి కార్యదర్శి బాజీసైదా, అధికారుల సంఘం ప్రతినిధి పద్మ, ఏజీఎం(ఫైనాన్స్‌) శ్రీధర్‌, డీజీఎం(ఐఈడీ) రాజన్న, లా ఆఫీసర్‌ మల్లేశ్‌, పర్చేస్‌ అధికారి చంద్రశేఖర్‌ తదితరులు పాల్గొన్నారు.జీఎం ఆఫీస్‌ ఆవరణలో.. మందమర్రిరూరల్‌: మందమర్రి ఏరియాలోని జీఎం ఆఫీస్‌ ఆవరణలో సోమవారం విజిలెన్స్‌ వారోత్సవాల్లో భాగంగా అవగాహన కార్యక్రమం నిర్వహించారు. ఏరియా ఎస్వో టూ జీఎం లలితేంద్రప్రసాద్‌ హాజరై ఉద్యోగులతో ప్రతిజ్ఞ చేయించారు. ఏరియా డీజీఎం(పర్సనల్‌) అశోక్‌, ఆఫీస్‌ సూపరింటెండెంట్‌ రాజలింగు, సీనియర్‌ పీవో సత్యనారాయణ, ఏఐటీయూఏసీ బ్రాంచి కార్యదర్శి సత్యనారాయణ, మల్లేశ్‌, అధికారులు, ఆఫీస్‌ సిబ్బంది పాల్గొన్నారు.

నిరుపేద ఆదివాసీ గిరిజనులమైన మేము ఇంటిస్థలం లేక పది మంది కుటుంబ సభ్యులతో 30 ఏళ్లుగా ఇరిగేషన్‌ స్థలంలో గుడిసెలు వేసుకుని నివాసం ఉంటున్నాం. గుడిసెలు తొలగించేందుకు ఇరిగేషన్‌ అధికారులు ఇటీవల నోటీసులు అందించారు. మేము ఎక్కడ బతికేది. మాకు ఇంటి నిర్మాణం కోసం స్థలం కేటాయించి ఆదుకోవాలి. – ముడితే ఎల్లవ్వ, కర్ణపేట, దండేపల్లి చెరువు కబ్జాపై విచారణ చేపట్టాలితుమ్మల చెరువుకు తాతల కాలం నుంచి నీరటిగా పనిచేస్తున్నాం. ఈ చెరువును ప్రభుత్వం పూర్తిగా తమ ఆధీనంలోకి తీసుకుని మిషన్‌ కాకతీయ పథకంలో భాగంగా పునరుద్ధరణ పనులు చేపట్టి ఆయకట్టు కింద భూములకు సాగునీరు అందిస్తోంది. ఇటీవల ఈ చెరువు కబ్జాకు గురికావడంతో నీరు తగ్గి పంటలకు సాగు నీరందడం లేదు. దీనిపై విచారణ చేపట్టి చర్యలు తీసుకోవాలి. – చెండిక తిరుపతి, ధర్మారం, భీమారం

మంచిర్యాలటౌన్‌: ప్రధాని మోదీ ‘నషా ముక్త్‌ యువ ఫర్‌ వికసిత్‌ భారత్‌ సంకల్ప్‌’పేరుతో వంద వారాల ప్రత్యేక ప్రచార కార్యక్రమాన్ని చేపట్టిన సందర్భంగా గవర్నర్‌ శివప్రతాప్‌ శుక్లా ఆదేశాలతో మాదక ద్రవ్యాలపై విద్యార్థులు, ప్రజలకు అవగాహన కల్పించాలని రెడ్‌క్రాస్‌ సభ్యులు కోరారు. సోమవారం అదనపు కలెక్టర్‌ చంద్రయ్యకు రెడ్‌క్రాస్‌ సొసైటీ చైర్మన్‌ భాస్కర్‌రెడ్డి, మధుసూదన్‌రెడ్డి వినతిపత్రం అందజేశారు. విద్యాసంస్థలు, ఎన్జీవోలు, ఆధ్యాత్మిక సంస్థల సహకారంతో ప్రచార కార్యక్రమాలు నిర్వహించేలా చూడాలని కోరారు. డ్రగ్స్‌ బారినపడిన వారికి కౌన్సెలింగ్‌, వైద్యపరీక్షలు, డీ అడిక్షన్‌ కేంద్రాల ద్వారా మెరుగైన చికిత్స అందించడమే ఈ కార్యక్రమం ఉద్దేశమని తెలిపారు. ఈనెల 28న హైదరాబాద్‌లో రాష్ట్ర గవర్నర్‌ అధికారికంగా ఈ కార్యక్రమాన్ని ప్రారంభిస్తారని, జిల్లాలో నవంబర్‌ 14వ తేదీ వరకు అవగాహన సదస్సులు, ర్యాలీలు, రక్తదాన శిబిరాలు నిర్వహించేలా చూడాలని కోరారు.

చెన్నూర్‌రూరల్‌: మండలంలోని సుబ్బరాంపల్లిలో గ్రామోద్యోగు వికాస్‌లో భాగంగా కుమ్మరులకు కుమ్మరి సారె నైపుణ్యాభివృద్ధి శిక్షణ సోమవారం ముగిసింది. ఈ కార్యక్రమానికి టెక్నీషియన్‌ డైరెక్టర్‌ సంజీవరావు హాజరై మాట్లాడారు. శిక్షణ పూర్తి చేసుకున్న వారికి ఉచితంగా ఎలక్ట్రికల్‌ వీల్స్‌ అందజేస్తామని తెలిపారు. ఈ కార్యక్రమంలో చెన్నూర్‌ మున్సిపల్‌ చైర్‌పర్సన్‌ పెద్దింటి పద్మ, శ్రీనివాస్‌, కత్తెరసాల సర్పంచ్‌ చేతెల్లి పద్మ, మోహన్‌రెడ్డి, కుమ్మరి సంఘం జిల్లా అద్యక్షుడు గంగాధరి తిరుపతి, రాష్ట్ర ఉపాద్యక్షుడు నాంపల్లి శ్రీనివాస్‌, ప్రధాన కార్యదర్శి సలిగంటి చంద్రయ్య, జిల్లా నాయకులు శనిగారపు తిరుపతి, అక్కెపల్లి గ్రామ ఉప సర్పంచ్‌ రాతిపల్లి రమేష్‌, కత్తెరసాల ఉప సర్పంచ్‌ రాతిపల్లి మల్లేష్‌, మాస్టర్‌ ట్రైనర్‌ రాతిపల్లి నగేష్‌ పాల్గొన్నారు.

మంచిర్యాలక్రైం: రామగుండం పోలీస్‌ కమిషనరేట్‌ కార్యాలయంలో మహర్షి వాల్మీకి జయంతి వేడుకలను సోమవారం ఘనంగా నిర్వహించారు. ఈ సందర్భంగా సీపీ అంబర్‌ కిషోర్‌ ఝా మాట్లాడుతూ మహర్షి వాల్మీకి చరిత్ర, ఆయన రచించిన రామాయణం ప్రపంచం ఉన్నంత కాలం చిరస్థాయిగా నిలిచిపోతాయని అన్నారు. ఈ కార్యక్రమంలో అదనపు డీసీపీ(అడ్మిన్‌) కే.శ్రీనివాస్‌, ఇన్‌స్పెక్టర్లు గోపి, రాజేంద్రప్రసాద్‌, చంద్రశేఖర్‌గౌడ్‌, శ్రీనివాస్‌, ఆర్‌ఐలు దామోదర్‌, శేఖర్‌, రమేష్‌, సీసీ సందీప్‌, ఎస్సైలు ఉపేందర్‌, సంతోష్‌, పోలీస్‌ సిబ్బంది పాల్గొన్నారు. స్మగ్లింగ్‌కు పాల్పడిన ఒకరి రిమాండ్‌ జన్నారం: బైక్‌పై టేకు దుంగలను స్మగ్లింగ్‌ చేస్తూ పట్టుబడిన వ్యక్తిని సోమవారం రిమాండ్‌కు తరలించినట్లు తాళ్లపేట రేంజ్‌ అధికారి వికాస్‌ తెలిపారు. ఆయన తెలిపిన వివరాల ప్రకారం..జన్నారం అటవీ డివిజన్‌ తాళ్లపేట రేంజ్‌ పరిధిలో తాళ్లపేటకు చెందిన గోపతి అంజన్న, ఈనెల 24న బైక్‌పై టేకు దుంగలను తరలిస్తుండగా డీఆర్వో సాగరిక, బీట్‌ అధికారులు రహీమోద్దీన్‌, పద్మజరాణి పట్టుకున్నారు. కేసు నమోదు చేసి లక్సెట్టిపేట కోర్టులో హాజరుపర్చగా న్యాయమూర్తి 14 రోజులు రిమాండ్‌ విధించినట్లు తెలిపారు.

వైన్‌షాపుల్లో సిట్టింగ్‌ రూంలు, బెల్ట్‌ షాపులతో బార్లు నడవక తీవ్రంగా నష్టపోతున్నాం. నాణ్యత ప్రమాణాలు పాటించకుండా (ఎఫ్‌ఎస్‌ఎస్‌ఏఐ)లైసన్స్‌ నిబంధనలు లేకపోగా తినుబండారాలు, మాంసాహార వంటకాల విక్రయాలు, కూల్‌డ్రింక్స్‌, తదితర అన్నీ బార్‌షాపు మాదిరి వైన్‌షాపులో సిట్టింగ్‌ రూం నడుపుతున్నారు. దీంతో పాటు 24 గంటలు బెల్ట్‌ షాపులు తెరిచి ఉంచుతున్నారు. దీనికి తోడు ప్రభుత్వం బార్‌ ఫీజులు పెంచుతుండడంతో తీవ్ర నష్టాలు ఎదుర్కొంటున్నాం. సిట్టింగ్‌, బెల్ట్‌ షాపులను అరికట్టాలి. – జిల్లా బార్‌షాపుల నిర్వాహకులు సమస్యలు పరిష్కరించాలినాకాప్‌ కాంట్రాక్ట్‌ రద్దు చేయాలి. సంక్షేమ గురుకులాలు, హాస్టళ్లలో నిత్యావసరాల సరఫరా సంక్షోభాన్ని పరిష్కరించాలి. ఎఫ్‌ఆర్‌ఎస్‌ పేరుతో ఎస్సీ, ఎస్సీ, బీసీ వసతి గృహాల మూసివేత కుట్ర విరమించుకోవాలి. సంక్షేమ వసతి గృహాల్లో విద్యార్థులు ఎదుర్కొంటున్న సమస్యలు సత్వరమే పరిష్కరించాలి. – శ్రీకాంత్‌, సికిందర్‌, కార్తీక్‌, పీడీఎస్‌యూ నాయకులు

మంచిర్యాలఅర్బన్‌: ఎస్జీఎఫ్‌ ఆధ్వర్యంలో ఆదివారం పట్టణంలోని ట్రినిటీ హైస్కూల్‌లో అండర్‌–17 బాలబాలికల ఉమ్మడి జిల్లాస్థాయి కబడ్డీ ఎంపిక పోటీలు అట్టహాసంగా ప్రారంభమయ్యాయి. దాదాపు 300 మంది క్రీడాకారులు పోటీల్లో పాల్గొన్నారు. డిప్యూటీ మేయర్‌ సల్ల రమ్య క్రీడాకారులను పరిచయం చేసుకుని పోటీలు ప్రారంభించారు. కార్యక్రమంలో ఎస్జీఎఫ్‌ సెక్రటరీ యాకూబ్‌, నిర్మల్‌ జిల్లా సెక్రటరీ లక్ష్మణ్‌, పెటా టీఎస్‌ అధ్యక్ష, ప్రధాన కార్యదర్శులు రాజయ్య, శ్రీనివాస్‌, నిర్వాహక కార్యదర్శులు రవీందర్‌, సామిత్‌, వైస్‌ ప్రిన్సిపాల్‌ బిజుకురువిల్లా, తదితరులు పాల్గొన్నారు.

మంచిర్యాలటౌన్‌: మంచిర్యాల ఎమ్మెల్యే ప్రేమ్‌సాగర్‌రావు, మంత్రి వివేక్‌ వర్గీయుల మధ్య జరుగుతున్న దాడులతో జిల్లాలో శాంతి భద్రతలకు విఘాతం కలుగుతుందని బీజేపీ రాష్ట్ర ఉపాధ్యక్షుడు రఘునాథ్‌ వెరబెల్లి అన్నారు. ఆదివారం ఏర్పాటు చేసిన విలేకరుల సమావేశంలో ఆయన మాట్లాడుతూ మూడేళ్లుగా జిల్లాలో ప్రతిపక్ష పార్టీల నాయకులు, వ్యాపారులపై దాడులు జరుగుతున్నా సీఎం, పోలీస్‌ యంత్రాంగం పట్టించుకోలేదన్నారు. కనీసం ప్రజాప్రతినిధి కూడా కాని వ్యక్తికి వారం రోజులుగా 300ల మంది పోలీస్‌ బలగాలతో ఎవరి అండతో రక్షణ ఏర్పాటు చేశారో ముఖ్యమంత్రి జవాబు చెప్పాలన్నారు. ముఖ్యమంత్రి రేవంత్‌రెడ్డి అండతోనే మంచిర్యాల ఎమ్మెల్యే అరాచకాలు సృష్టిస్తున్నారని, ఎమ్మెల్యేతో పాటు, దాడికి పాల్పడుతున్న కాంగ్రెస్‌ నాయకులపై తక్షణమే చర్యలు తీసుకోవాలని డిమాండ్‌ చేశారు. సమావేశంలో మంచిర్యాల మున్సిపల్‌ కార్పొరేషన్‌ బీజేపీ ఫ్లోర్‌ లీడర్‌ గాజుల ముఖేశ్‌ గౌడ్‌ పాల్గొన్నారు.

పత్తి చేనులో గంజాయిబోథ్‌: పత్తి పంట మాటున గుట్టుచప్పుడు కాకుండా సాగు చేస్తున్న గంజాయి దందా గుట్టును బోథ్‌ పోలీసులు రట్టు చేశారు. మండలంలోని పట్నాపూర్‌ శివారులో శని వారం నిర్వహించిన దాడుల్లో రెండు వేర్వే రు పత్తి చేల నుంచి రూ.3.30 లక్షల విలు వైన 33 గంజాయి మొక్కలను స్వాధీనం చేసుకున్నారు. ఇద్దరు నిందితులపై కేసులు నమోదు చేశారు. ఆదిలాబాద్‌ డీఎస్పీ ఎల్‌.జీవన్‌రెడ్డి తెలిపిన వివరాల ప్రకారం.. పట్నాపూర్‌ శివారు వ్యవసాయ భూముల్లో అంతర పంటగా గంజాయి సాగు చేస్తున్నారన్న సమాచారంతో బోథ్‌ ఎస్సై వి. పురుషోత్తం సిబ్బందితో కలిసి శనివారం తనిఖీలు చేపట్టారు. గ్రామానికి చెందిన కొమ్రం రాములు (37) తన పత్తి చేనులో సాగు చేసిన 3 నుంచి 5 అడుగుల ఎత్తు గల 17 గంజాయి మొక్కలను గుర్తించి సీజ్‌ చేశారు. వీటి విలువ సుమారు రూ.1.70 లక్షలు ఉంటుందని అంచనా. అదేరోజు మధ్యాహ్నం పట్నాపూర్‌ శివారు మరో పత్తి చేనులో పోలీసులు దాడులు నిర్వహించారు. గుడిహత్నూర్‌ మండలం తాకిగూడకు చెందిన సిదం చిత్రు (50) ప్రస్తుతం పట్నాపూర్‌లో ఉంటూ తన బంధువు భూమిని కౌలుకు తీసుకుని సాగు చేస్తున్నాడు. గంజాయి తాగే అలవాటున్న చిత్రు.. సులభంగా డబ్బు సంపాదించాలనే ఆశతో పత్తి చేను మధ్యలో గంజాయి సాగు చేయడం ప్రారంభించాడు. 4 నుంచి 5 అడుగుల ఎత్తు పెరిగిన 16 గంజాయి మొక్కలను (విలువ రూ.1.60 లక్షలు) స్వాధీనం చేసుకున్నారు. గంజాయి స్వాధీనంకుభీర్‌: మండలంలోని నందపాడ్‌ సమీపంలో చేను పందిరిపై ఎండబెట్టిన గంజాయిని ఆదివారం స్వాధీనం చేసుకున్నట్లు ఎస్సై క్రిష్ణారెడ్డి తెలిపారు. సుమారు 350 గ్రాములు గంజాయి ఉంటుందన్నారు. అడిషనల్‌ ఎస్పీ సాయికుమార్‌, సీఐ ప్రవీణ్‌కుమార్‌ అక్కడికి చేరుకుని పరిశీలించారు. గంజాయి ఎవరిది అనేది నిర్ధారణ జరగలేదని కేసు దర్యాప్తు చేస్తున్నట్లు ఎస్సై తెలిపారు. షార్ట్‌ సర్క్యూట్‌తో అగ్నిప్రమాదంనర్సాపూర్‌(జి): మండల కేంద్రంలో షార్ట్‌ సర్క్యూట్‌తో ఆదివారం అగ్నిప్రమాదం సంభవించింది. సింధె గంగాధర్‌కు చెందిన రేకులషెడ్డులో నిల్వ ఉంచిన గడ్డికట్టలు అ గ్నికి ఆహుతయ్యాయి. షార్ట్‌ సర్క్యూట్‌తో మంటలు చెలరేగడంతో గడ్డి కట్టలు కాలిపోయాయి. సమాచారం అందుకున్న ఫైర్‌ సిబ్బంది అక్కడికి చేరుకుని మంటలార్పి వేశారు. ప్రమాదంలో సుమారు.25 వేల నష్టం వాటిల్లిందని బాధితుడు తెలిపాడు.

మంచిర్యాలఅగ్రికల్చర్‌: జిల్లా సమీకృత కలెక్టరేట్‌ అవరణలో వాహనాలు ఎండకు ఎండుతూ, వానాకు తడుస్తున్నాయి. అదే పక్కజిల్లా ఆసిఫాబాద్‌ కుమురంభీం జిల్లా సమీకృత కలెక్టరేట్‌ ఆవరణలో మాత్రం షెడ్డు నీడలో ఉంటున్నాయి. జిల్లా అన్ని శాఖల కార్యాలయాలు ఒకే చోటలో ఉండేలా సమీకృత కలెక్టరేట్‌ నిర్మించారు. కాని వాహనాలకు షెడ్డు నీడ మాత్రం ఏర్పాటు చేయలేదు. ఉద్యోగుల ద్విచక్రవాహనాలు, కార్లు వానొస్తే తడుస్తూ, ఎండలో గంటల తరబడి ఉంటున్నాయి. కార్యాలయాలకు వచ్చే ప్రజల వాహనాల పరిస్థితి అలాగే ఉంది. ఎండకు పదుల సంఖ్యలో వాహనాలు పాడైపోతున్నాయని, పెట్రోల్‌ అవిరి అవుతుందని పలువురు పేర్కొంటున్నారు.

ఉన్న ఊరిలో ఉపాధి లేక.. తమ బంధువులు ఉంటున్న కోల్‌బెల్ట్‌ ఏరియాలో బతుకుదెరువు వెతుక్కుందామని వచ్చిన ఓ కుటుంబంలో ముగ్గురిని నీటికుంట మృత్యువై కబళించింది. ఉపాధి కోసం వచ్చి 24 గంటలు కూడా గడవక ముందే వలస కుటుంబంలో తీవ్ర విషాదం నింపింది. జైపూర్‌ మండలం ఇందారం గ్రామంలో పున్నంకుంట చెరువు సమీపంలోని నీటి కుంట వద్దకు బట్టలు ఉతుక్కునేందుకు వెళ్లిన మోటం మనియమ్మ(24), మోటం కీర్తన(16), మదేని కావ్య(10) ప్రమాదవశాత్తు అందులో పడి మృతి చెందారు. దీంతో వలస జీవుల రోదనలు మిన్నంటాయి. – జైపూర్‌వివరాలు మెయిన్‌లో..మృతుల కుటుంబాలకు ఎంపీ పరామర్శజైపూర్‌: మండలంలోని ఇందారంలో ఆదివారం నీటి గుంతలో పడి ముగ్గురు వలస కూలీలు మృతి చెందిన బాధిత కుటుంబాన్ని పెద్దపల్లి ఎంపీ వంశీకృష్ణ పరామర్శించారు. ఇలాంటి ఘటనలు పునరావృతం కాకుండా ప్రమాదకర గుంతలు, చెరువుల వద్ద హెచ్చరిక బోర్డులు, రక్షణ కంచెలు ఏర్పాటు చేయాలని అధికారులను ఆదేశించారు. బాధిత కుటుంబాలకు ప్రభుత్వం తరుపున అన్నివిధాలుగా అండగా ఉంటామని హామీ ఇచ్చారు.

సాక్షి ప్రతినిధి, మంచిర్యాల: మహిళా సమాఖ్య ఆధ్వర్యంలో నిర్వహిస్తున్న ఆసిఫాబాద్‌లోని కుమురంభీం బెలూన్‌ థియేటర్‌ ప్రైవేట్‌ సంస్థ చేతుల్లోకి వెళ్లింది. నష్టాల సాకుతో జిల్లా మహిళా సమాఖ్య నిర్వహణ బాధ్యతల నుంచి తప్పుకుని పిక్చర్‌ టైం సంస్థకు అప్పగించింది. ఇందుకు ఏడాదికి ఆ సంస్థ రూ.4.50 లక్షలు జిల్లా మహిళా సమాఖ్యకు ఇచ్చేలా ఒప్పందం కుదిరింది. దీంతో వారం రోజులుగా ఆ సంస్థ థియేటర్‌ నిర్వహణ చూస్తోంది. రాష్ట్రంలోనే తొలిసారిగా మహిళా సమాఖ్య ఆధ్వర్యంలో 2022 మార్చి 8న కుమురంభీం ఆసిఫాబాద్‌ జిల్లా కేంద్రంలోని జన్కాపూర్‌లో గల సర్కారు స్థలంలో దీనిని ఏర్పాటు చేశారు. ఇందుకు మహిళా సమాఖ్య రూ.30 లక్షలు, పిక్చర్‌ టైం రూ.20 లక్షలు పెట్టుబడి పెట్టారు. 120 సీట్ల సామర్థ్యం గల ఎయిర్‌ బెలూన్‌, పోర్టబుల్‌ కంటైనర్‌, ఇన్‌ప్లేటబుల్‌ టెంట్‌ టెక్నాలజీతో థియేటర్‌ ఏర్పాటు చేశారు. ఇందులో మహిళా సమాఖ్య నుంచి నలుగురితోపాటు పిక్చర్‌ టైం వాళ్లూ పనిచేసేవారు. బెలూన్‌ థియేటర్‌ కొత్త అనుభూతిని ఇవ్వడంతో రెండేళ్ల క్రితం వరకు లాభాలు వచ్చాయి. క్రమంగా ప్రేక్షకుల ఆదరణ తగ్గడం, నిర్వహణ సరిగా లేకపోవడం, సినిమా పంపిణీదారులకు చెల్లించే మొత్తం పెంచడంతో ఆర్నెళ్ల క్రితం మూతబడింది. రూ.5 లక్షల వరకు విద్యుత్‌ బిల్లు పేరుకుపోయింది. దీనిపై థియేటర్‌ ఇన్‌చార్జి కుర్ర రాజ్‌కుమార్‌ను వివరణ కోరగా నష్టాలు రావడంతోనే ప్రైవేట్‌కు అప్పగించాల్సి వచ్చిందని తెలిపారు.

1901లో ఆసిఫాబాద్‌ మండలం రౌటసంకెపల్లి గ్రామంలో కుమురం చిన్ను, సోంబాయి దంపతులకు కుమురంభీం జన్మించారు. నిజాం కాలంలో పెత్తందార్లు, అటవీ అధికారుల అకృత్యాలను చూసిన భీంకు స్నేహితుడి వేళ్లు నరికిన ఘటన, ఆదివాసీ మహిళలపై జరిగిన అకృత్యాలు తీవ్ర కోపం కలిగించాయి. తండ్రి మరణం తర్వాత సోదరులతో కెరమెరి మండలం సుర్దాపూర్‌కు వెళ్లారు. అక్కడ సిద్దిక్‌ జాగీర్దార్‌ భూములు తనవని ప్రకటించి ఆ తర్వాత గొడవలో మరణించాడు. ఆ ఘటన తర్వాత భీం బల్లార్షా మీదుగా చాందాకు, తర్వాత అస్సాం వెళ్లి తేయాకు తోటల్లో ఐదేళ్లు పనిచేసి తిరిగి వచ్చారు. జోడేఘాట్‌లో గెరిల్లా పోరాటం జోడేఘాట్‌ కేంద్రంగా సూరు, వెడ్మ రాముతో కలిసి భీం గెరిల్లా యుద్ధం ప్రారంభించారు. విల్లంబులు, బాణాలు, నాటు తుపాకులతో యువకులకు శిక్షణ ఇచ్చారు. పన్నులు చెల్లించవద్దని ప్రజలకు పిలుపునిచ్చారు. అధికారులు, వ్యాపారులపై దాడులు సాగించి బాబేఝరి చుట్టూ 12 గ్రామాలు నెలకొల్పారు. ఇవి పోరు గ్రామాలుగా ప్రసిద్ధికెక్కాయి. హైదరాబాద్‌లో నవాబును కలవాలని వెళ్లినా అవమానం పాలై తిరిగి వచ్చి స్థానిక అటవీ అధికారులను తరిమికొట్టారు. ప్రతీ ఇంటి నుంచి పోరాటయోధుడు కావాలని పిలుపునిచ్చి ప్రత్యేక సాయుధ దళం ఏర్పాటు చేశారు.పౌర్ణమి రోజు వీరమరణంసబ్‌ కలెక్టర్‌తో సాగిన చర్చల్లో 12 గ్రామాలపై రాజ్యాధికారం కోరిన భీం ప్రతిపాదనలను తిరస్కరించారు. దీంతో నిజాం సైన్యంతో ఏడు నెలల పాటు పోరు సాగించాడు. అనుచరుడు మడావి కొద్దు ఇచ్చిన సమాచారంతో 1940 అక్టోబర్‌ 10న ఆశ్వయుజ పౌర్ణమి రోజు ఐదు గంటలకు కుమురంభీం వీరమరణం పొందారు. నాలుగు దశాబ్దాలుగా కెరమెరి మండలం జోడేఘాట్‌లో వర్ధంతి నిర్వహిస్తున్నారు. తెలంగాణ ఏర్పాటు తర్వాత సీఎం కేసీఆర్‌ హాజరై రూ.25 కోట్లు మంజూరు చేశారు. స్మారక చిహ్నం, స్మృతివనం, గిరిజన మ్యూజియం నిర్మించారు. ఐటీడీఏ ఆధ్వర్యంలో సోమవారం 86వ వర్ధంతిని సంప్రదాయబద్ధంగా నిర్వహించనున్నారు. బ్రిటీష్‌ ప్రభుత్వం దేశంలోని సహజ సంపదను స్వాధీనం చేసుకోవడం ప్రారంభించిన కాలం అది. నిజాం రాజు హైదరాబాద్‌ ప్రాంతాన్ని పాలిస్తున్నాడు. ఉమ్మడి జిల్లా పరిధిలోని గిరిజనులపై దౌర్జన్యాలు నిత్యకృత్యంగా మారాయి. బ్రిటీష్‌ పాలకుల దురాగతాలు, దోపిడీకి వ్యతిరేకంగా స్వాతంత్య్ర ఉద్యమంలో దూకిన ఎందరో విప్లవకారులు దేశం కోసం ప్రాణాలర్పించారు. అదే కోవలో హైదరాబాద్‌ నిజాం, బ్రిటీష్‌ పాలకులకు వ్యతిరేకంగా జల్‌, జంగల్‌, జమీన్‌ నినాదంతో పోరుబాట పట్టాడు గోండు బెబ్బులి కుమురం భీం. సొంత గెరిల్లా సైన్యంతో రజాకార్లపై యుద్ధం చేశాడు. దట్టమైన అడవుల్లో ఆదివాసీలను పోగుచేసి సైన్యాన్ని ముప్పుతిప్పలు పెట్టాడు. చివరకు అనుచరుడి వెన్నుపోటుతో వీరమరణం పొందాడు. తమ హక్కులు, మనుగడ కోసం ప్రాణాలర్పించిన భీం ఇప్పటికీ ఆదివాసీల ఆరాధ్యదైవంగా పూజలందుకుంటున్నాడు. సోమవారం భీం వర్ధంతి సందర్భంగా ప్రత్యేక కథనం. – ఆసిఫాబాద్‌

ఖానాపూర్‌: పట్టణాల్లో మల్టీప్లెక్స్‌ తరహా సినిమా థియేటర్లు ఇప్పుడు పల్లె ప్రాంతంలోనూ అందుబాటులోకి వచ్చింది. ఖానాపూర్‌ మండలం మస్కాపూర్‌ గ్రామంలో ఇగ్లూ మోడల్‌లో ఏర్పాటు చేసిన థియేటర్‌ ప్రత్యేక ఆకర్షణగా నిలుస్తోంది. ఖానాపూర్‌–మెట్‌పల్లి ప్రధాన రహదారి పక్కన ఉన్న థియేటర్‌ సినీప్రియులకు సరికొత్త అనుభూతిని అందిస్తోంది. సుమారు 30 గుంటల స్థలంలో రూ.కోటికి పైగా వ్యయంతో 100 మంది కూర్చునే సామర్థ్యంతో ఏర్పాటు చేశారు. ఏసీ, ఆధునిక సౌండ్‌ సిస్టమ్‌, సౌకర్యవంతమైన సీటింగ్‌ వంటి వసతులు కల్పించారు. నాలుగు షోలు..ఆన్‌లైన్‌ బుకింగ్‌ రోజుకు నాలుగు షోలు, ప్రతీ ప్రేక్షకుడికి వీక్షణ అనుభూతి కలిగేలా సీటింగ్‌ ఏర్పాటు చేశారు. క్యాంటీన్‌, ఆహ్లాద వాతావరణంతోపాటు ఆన్‌లైన్‌లో టికెట్లు బుక్‌ చేసుకునే సౌకర్యం ఉంది. బర్త్‌డేలు, మ్యారేజ్‌ డేలు, ఇతర కార్యక్రమాల కోసం థి యేటర్‌ను బుక్‌ చేసుకునే అవకాశం కల్పించారు. ప్రేక్షకులను అలరిస్తూ,.. పట్టణంలోని థియేటర్‌ 2019లో మూతపడటంతో స్థానికులు నిర్మల్‌, మెట్‌పల్లికి వెళ్లాల్సి వచ్చేది. మస్కాపూర్‌లో 2023లో ఇగ్లూ థియేటర్‌ అందుబాటులోకి వచ్చింది. మెగాస్టార్‌ చిరంజీవి నటించిన ‘భోళా శంకర్‌’సినిమాతో ప్రదర్శనలు ప్రారంభమయ్యాయి. ప్రస్తుతం ‘ఇరుముడి’సినిమాతో ప్రేక్షకులను అలరిస్తోంది. ఖానాపూర్‌, కడెం, పెంబి, దస్తురాబాద్‌, మామడ మండలాలతోపాటు జగిత్యాల జిల్లా మల్లాపూర్‌ మండలాల ప్రజలకు స్థానికంగానే సినిమా వినోదం అందుబాటులోకి వచ్చింది.

కుంటాల: సంతలోకి హార్వెస్టర్‌ దూసుకెళ్లిన ఘటన ఆదివారం కుంటాలలో చోటు చేసుకుంది. అంబకంటి నుంచి కుంటాల వైపు వస్తున్న హార్వెస్టర్‌(వరికోత మిషన్‌) సంతలోకి కూరగాయలు కొనుగోలు చేసేందుకు వచ్చిన ద్విచక్రవాహనాలు, పలువురిపై దూసుకెళ్లింది. అంబకంటి గ్రామానికి చెందిన నార మనోహర్‌, కుంటాలకు చెందిన జక్కుల గంగవ్వ, దౌనెల్లి పంచాయతీ పరిధిలోని దౌనెల్లితండాకు చెందిన ఆడె రవీందర్‌కు తీవ్ర గాయాలయ్యాయి. వీరిని చికిత్స నిమిత్తం నిర్మల్‌, భైంసా ఏరియాస్పత్రికి తరలించారు. ఇదే ఘటనలో భైంసా మండలంలోని పేండ్‌పెల్లి గ్రామానికి చెందిన బైండ్ల హరీశ్‌, కుంటాల మండలం సూర్యాపూర్‌ గ్రామానికి చెందిన సంతోశ్‌, ఓలా గ్రామానికి చెందిన నవనిత, అందకూర్‌కు చెందిన బోయిడి వంశీలకు చెందిన ద్విచక్రవాహనాలపై హార్వెస్టర్‌ దూసుకెళ్లడంతో నుజ్జునుజ్జయ్యాయి. డ్రైవర్‌ కోమటి రాజు తప్పిదం వల్లే ప్రమాదం చోటు చేసుకుందని ప్రత్యక్ష సాక్షులు పేర్కొన్నారు. బాధితుల ఫిర్యాదుతో కేసు నమోదు చేసినట్లు ఎస్సై నరేశ్‌ తెలిపారు.

మంచిర్యాలరూరల్‌(హాజీపూర్‌): ముదిరాజ్‌లు అన్నిరంగాల్లో రాణించాలని పెద్దపల్లి ఎంపీ గడ్డం వంశీకృష్ణ అన్నారు. జిల్లాలో ముదిరాజ్‌ భవన నిర్మాణానికి రూ. 25 లక్షలు తన ఎంపీ నిధుల నుంచి కేటాయిస్తానని హామీ ఇచ్చారు. ఆదివారం మంచిర్యాల మున్సిపల్‌ కార్పొరేషన్‌ పరిధిలోని వేంపల్లి పద్మావతి గార్డెన్స్‌లో ఏర్పాటు చేసిన ముదిరాజ్‌ సింహగర్జన సభలో ఆయన మాట్లాడుతూ ముదిరా జ్‌ సమాజ అభివృద్ధికి తనవంతు సహకారం అంది స్తానన్నారు. మంత్రి వివేక్‌ వెంకటస్వామి మాట్లాడుతూ ముదిరాజ్‌ భవన నిర్మాణానికి అవసరమైన స్థల కేటాయింపు త్వరితగతిన జరిగేలా చూస్తానన్నారు. కార్యక్రమంలో మాజీ ఎమ్మెల్యే నడిపెల్లి దివాకర్‌రావు, ముదిరాజ్‌ మహాసభ రాష్ట్ర అధ్యక్షు డు బండ ప్రకాశ్‌, జిల్లా అధ్యక్షుడు గరిగంటి కొమురయ్య, ముదిరాజ్‌ కులబాంధవులు పాల్గొన్నారు. మంత్రి, ఎంపీ పరామర్శకాసిపేట: మండల కేంద్రానికి చెందిన సింగిల్‌ విండో మాజీ చైర్మన్‌ పూస్కూరి వంశీకృష్ణరావు తల్లి రేఖారాణి ఇటీవల మృతి చెందగా బాధిత కుటుంబాన్ని ఆదివారం మంత్రి గడ్డం వివేక్‌ వెంకటస్వామి, పెద్దపల్లి ఎంపీ గడ్డం వంశీకృష్ణ పరామర్శించారు. మృతి పట్ల సంతాపం వ్యక్తం చేసి ప్రగాడ సానుభూతి తెలిపారు.

పెంబి: మండలంలోని ఇటిక్యాల్‌ గ్రామానికి చెందిన పాముల ర వి దుబాయ్‌లో వారం క్రితం మృతిచెందగా మృతదేహన్ని స్వ గ్రామానికి రప్పించేందుకు చర్యలు ప్రారంభమయ్యాయి. బీజేపీ జిల్లా అధ్యక్షుడు రితేష్‌ రాథోడ్‌ విన్నపం మేరకు నిర్మల్‌ ఎమ్మెల్యే మహేశ్వర్‌రెడ్డి స్పందించి కలెక్టర్‌ భవేశ్‌ మిశ్రా ప్రభుత్వానికి విజ్ఞప్తి చేయించారు. ఈమేరకు శనివారం అధికార వైర్‌లెస్‌ సందేశాన్ని జారీ చేసింది. దుబాయ్‌లోని భారత కాన్సులేట్‌ జనరల్‌, కేంద్ర విదేశాంగ మంత్రిత్వ శాఖతో సమన్యయం చేసుకుంటూ, స్థానిక అధి కారుల సహకారంతో రవి మృతదేహన్ని స్వగ్రామానికి తీసుకువచ్చేలా చర్యలు తీసుకుంటున్నారు. స్వగ్రామానికి త్వరగా తీసుకువచ్చేలా అధికారులు ప్రయత్నిస్తున్నారని బీజేపీ మండల అధ్యక్షుడు వెంకటేశ్‌ తెలిపారు.

పాతమంచిర్యాల: ఆదిలాబాద్‌ జిల్లా ఇంద్రవెల్లిలో ఈ నెల 30న నిర్వహించనున్న పాంచజన్య సంకల్పసభకు అధికసంఖ్యలో తరలిరావాలని తెలంగాణ రక్షణ సేన జిల్లా అధ్యక్షుడు డాక్టర్‌ ఉదారి చంద్రమోహన్‌గౌడ్‌ పిలుపు నిచ్చారు. ఆదివారం జిల్లా కేంద్రంలో పాంచజన్య సంకల్ప సభ సన్నాహక సమావేశం నిర్వహించారు. కార్యక్రమంలో తెలంగాణ రక్షణ సేన బెల్లంపల్లి ఇన్‌చార్జి బోడ జనార్దన్‌, పెద్దపల్లి పార్లమెంట్‌ ఇన్‌చార్జి తిప్పర్తి సారన్న, రాష్ట్ర ప్రధాన కార్యదర్శి రియాజ్‌ అహ్మద్‌, జిల్లా ప్రధాన కార్యదర్శి అరుణ్‌ కుమార్‌, యువజన అధ్యక్షుడు ఐత ప్రశాంత్‌, జిల్లా మహిళా అధ్యక్షురాలు పొలసాని హారికారావు, ప్రధాన కార్యదర్శి సంధ్యారాణి, తదితరులు పాల్గొన్నారు.

జోడేఘాట్‌లో ప్రజలు కూర్చునేందుకు వీలుగా వేసిన టెంట్లుకెరమెరి: ఆదివాసీ ముద్దుబిడ్డ కుమురంభీం 86వ వర్ధంతికి కెరమెరి మండలంలోని జోడేఘా ట్‌ ముస్తాబైంది. భీం విగ్రహంతోపాటు మ్యూ జియం, జెండాలను అందంగా తీర్చిదిద్దారు. ప్రజల కోసం టెంట్లు ఏర్పాటు చేస్తున్నారు. ప్ర ముఖుల కోసం హెలిప్యాడ్‌ సిద్ధం చేశారు. గిరి జన సంప్రదాయం ప్రకారం సోమవారం ఉద యం 8 గంటలకు జెండాలు ఆవిష్కరించనున్నా రు. 9 గంటలకు సమాధి వద్ద పూజలు చేసి 10 గంటలకు శ్రద్ధాంజలి ఘటిస్తారు. మధ్యాహ్నం గిరిజనులతో ప్రత్యేక దర్బార్‌ ఏర్పాటు చేయనున్నారు. ఈ కార్యక్రమానికి రాష్ట్ర శిశుసంక్షేమశాఖ మంత్రి సీతక్క, గిరిజన సంక్షేమ శాఖ మంత్రి అడ్లూరి లక్ష్మణ్‌తోపాటు ఉమ్మడి జిల్లాకు చెందిన ప్రజాప్రతినిధులు, అధికారులు, ఆదివాసీలు హాజరు కానున్నారు. కాగా, ఉమ్మడి జిల్లా ఇన్‌చార్జి మంత్రి జూపల్లి కృష్ణారావు వ్యక్తిగత కారణాలతో హాజరుకావడం లేదని తెలుస్తోంది. హాజరుకానున్న ప్రముఖులు.. రాష్ట్ర శిశు సంక్షేమశాఖ మంత్రి సీతక్క, గిరిజన సంక్షేమశాఖ మంత్రి అడ్లూరి లక్ష్మణ్‌తోపాటు ఆదిలాబాద్‌ ఎంపీ గోడం నగేశ్‌, ఆసిఫాబాద్‌, ఖానాపూర్‌ ఎమ్మెల్యేలు కోవ లక్ష్మి, వెడ్మ బొజ్జు, ఇతర ప్రజాప్రతినిధులు, అధికారులు హాజరు కానున్నారు. ఎలాంటి ఆటంకాలు లేకుండా ఏర్పాట్లు చేయాలని కలెక్టర్‌ కె.హరిత, ఐటీడీఏ పీవో మంద మకరందు ఆదేశాలు జారీ చేశారు. మంత్రి సీతక్క బేగంపేట నుంచి ఉదయం బయలుదేరి మధ్యాహ్నం 12 గంటలకు జోడేఘాట్‌ చేరుకోనున్నారు. అలాగే మరో మంత్రి అడ్లూరి లక్ష్మణ్‌ ఉదయం 8 గంటలకు జగిత్యాల జిల్లా ధర్మపురి నుంచి నుంచి 11 గంటలకు జోడేఘాట్‌కు వస్తారు. వీరు దర్బార్‌తోపాటు ఇతర కార్యక్రమాల్లో మంత్రులు పాల్గొననున్నారు. 12 వేల మంది అంచనా.. భీం వర్ధంతికి 12 వేల మందికిపైగా హాజరవుతారని అధికారుల అంచనా. ఆసిఫాబాద్‌ డిపో నుంచి పది ప్రత్యేక బస్సులు నడపనున్నారు. హట్టి నుంచి ఉచిత ప్రయాణ సౌకర్యం కల్పించారు. ప్రత్యేకంగా వచ్చే ప్రైవేట్‌ వా హనాలకు పార్కింగ్‌ స్థలాలు ఏర్పాటు చేశారు. 20 వేల మంది వరకు భోజన ఏర్పాట్లు చేస్తున్నారు.

సాత్నాల: మండలంలోని జామిని, దుబ్బగూడా, ఖరా, సైద్పూర్‌, దుబ్బగూడా, టెమ్రి గూడ గ్రామాల్లో 45 రోజులు దండారీ నిర్వహిస్తున్నారు. ఆదివా సీ సంస్కృతి సంప్రదాయాలకు దండారీ పండుగ అద్దం పడుతోంది. తరతరాలుగా వస్తున్న ఆచార వ్యవహారాలు కొనసాగిస్తూ, ఆటాపాటలు, సంప్రదాయ నృత్యాలతో గిరిజనులు ఈ వేడుకను ప్రత్యేకంగా నిర్వహిస్తారు. ఆదివాసీల జీవన విధానం, ఐక్యమత్యం, కళా వైభవాన్ని చాటి చెప్పే దండారీ సాంస్కృతిక వారసత్వానికి ప్రతీకగా నిలుస్తోంది. సంప్రదాయ నృత్యాలు సంప్రదాయ వేషధారణ, డప్పులు, ఇతర వాయిద్యాల నడుమ గిరిజనులు చేసే నృత్యాలు ప్రత్యేక ఆకర్షణగా నిలుస్తాయి. యువకులు, పెద్దలు బృందాలుగా ఏర్పడి పాటలు పాడుతూ లయబద్దంగా నృత్యలు చేస్తారు. గ్రామాల మధ్య పరస్పర సందర్శనలు, సామూహిక వేడుకతో పండగ వాతావరణం నెలకొంటుంది. ఒక్కో గిరిజన తెగకు ప్రత్యేక ఆచారాలు, కళారూపాలు ఈ వేడుకల్లో ప్రతిబింబిస్తాయి. భావితరాలకు అందించాలి ఆధునికత ప్రభావంతో సంప్రదాయ కళలు కనుమరుగకుండా కాపాడుకోవాల్సిన అవసరం ఉంది. యువత దండారీ నృత్యాలు, పాటలు, ఆచారాల విశిష్టత తెలుసుకుని భావితరాలకు అందించాలని గిరిజన సంస్కృతి పరిరక్షకులు ఆకాంక్షిస్తున్నారు. ఆదివాసీ ప్రత్యేక గుర్తింపును చాటిచెప్పే దండారీ పండుగకు ప్రోత్సాహం అందిస్తే గిరిజన కలలు సంప్రదాయాలు మరింతగా వెలుగులోకి వచ్చే అవకాశం ఉంది.

మంచిర్యాలఅగ్రికల్చర్‌: మండే ఎండలో సీతఫలానికి కొంగు నీడ, గొడుగునీడే అండగా మారింది. జిల్లాలో ఎండలు మండుతున్నాయి. ఎల్‌నినో ప్రభావంతో ఉష్ణోగ్రతలు 36 నుంచి 38 డిగ్రీలు నమోదవుతున్నాయి. మధ్యాహ్న సమయంలో జనం బయటకు వెళ్లలేని పరిస్థితి. మంచిర్యాల ఐబీ చౌరస్తాలో జగిత్యాల, పెద్దపెల్లి జిల్లా నుంచి వ్యాపారులు సీతఫలాలు తీసుకువచ్చి విక్రయిస్తున్నారు. పండ్లు, కాయలు పాడవకుండా గొడుగులు, కొంగునీడ, తడిగుడ్డలు వేసుకుని కాపాడుకుంటున్నారు. ఉదయం, సాయంత్రం సమయంలో గిరాకీ ఉంటుందని, రెండు, మూడు రోజులు ఎండ తీవ్రతతో కాయలు నలుపు రంగులోకి మారిపోతున్నాయని వాపోతున్నారు.

సాత్నాల: జాతీయస్థాయి ట్రాక్‌ సైక్లింగ్‌ పోటీల్లో క్రీడాకారులు ప్రతిభ కనబర్చాలని రాష్ట్ర సైక్లింగ్‌ సంఘం అధ్యక్షుడు పి.మల్లారెడ్డి పే ర్కొన్నారు. ఈనెల 30 నుంచి నవంబర్‌ 4వ తేదీ వరకు జార్ఖండ్‌ రాష్ట్రం రాంచీలో నిర్వహించనున్న 78వ సీనియర్‌, 55 వ జూనియర్‌, 41 వ సబ్‌ జూనియర్‌ జాతీయ స్థాయి ట్రాక్‌ సైక్లింగ్‌ పోటీల్లో పాల్గొనే రాష్ట్ర బాల, బాలికల జట్టుకు హైదరాబాద్‌లో ఆదివారం సైక్లింగ్‌ అసోసియేషన్‌ తరపున జెర్సీలు అందజేశారు. మాజీ సాట్స్‌ డిప్యూటీ డైరెక్టర్‌ జి. చంద్రారెడ్డి, ఇంటర్నేషనల్‌ సైక్లిస్ట్‌ మ్యాక్స్వెల్‌ ట్రివర్‌, సైక్లింగ్‌ రాష్ట్ర ప్రధాన కార్యదర్శి విజయ్‌ కాంత్‌రావు, కోచ్‌లుపాల్గొన్నారు.

కరీంనగర్‌క్రైం: యూనిక్‌ మెర్కంటైల్‌ ఇండియా ప్రైవేట్‌ లిమిటెడ్‌, స్వయం మల్టీస్టేట్‌ మల్టీపర్పస్‌ కోఆపరేటివ్‌ సొసైటీ పేర్లతో పెట్టుబడుల మోసానికి పాల్పడినట్లు నమోదైన కేసులో ఐదుగురిని కరీంనగర్‌ సీసీఎస్‌ పోలీసులు అరెస్టు చేశారు. ప్రధాన నిందితుడు రాజ్‌కుమార్‌ కై లాష్‌ రాయ్‌ను ఆదిలాబాద్‌ పోలీసులు ఇప్పటికే జైలుకు పంపగా.. హైదరాబాద్‌కు చెందిన గుడిపాటి గాంధీ, మాకలసోంపల్లి కరియప్ప, ఉల్లిగడ్డల సంగప్ప, నిజామాబాద్‌కు చెందిన కొమిరె భూమాగౌడ్‌, పెద్దపల్లికి చెందిన యేదెళ్ల రమేశ్‌ను ఆదివారం కరీంనగర్‌ పోలీసులు అరెస్టు చూపారు. వీరు నెలవారీ పెట్టుబడి పథకాలు, ఫిక్స్‌డ్‌ డిపాజిట్లు, రియల్‌ ఎస్టేట్‌, హోటల్‌ వెకేషన్‌ ప్యాకేజీల పేరుతో అధిక ఆర్థిక ప్రయోజనాలు కల్పిస్తామని నమ్మించి ప్రజల నుంచి పెట్టుబడులు సేకరించినట్లు విచారణలో తేల్చారు. కరీంనగర్‌, జగిత్యాల, పెద్దపల్లి, మంచిర్యాల, ఆదిలాబాద్‌ జిల్లాలతోపాటు ఇతర ప్రాంతాల్లో ఏజెంట్లు, ప్రాంతీయ ఇన్‌చార్జీల ద్వారా పెట్టుబడులు సేకరించినట్లు తెలిపారు. పథకాల గడువు 2019లో ముగిసినప్పటికీ సొమ్ము తిరిగి చెల్లించలేదని, కోవిడ్‌ కారణంగా నష్టాలు వచ్చాయని పేర్కొంటూ 2020లో సంస్థ కార్యకలాపాలు నిలిపివేసినట్లు పేర్కొన్నారు. కరీంనగర్‌ జిల్లాలో బాధితులకు సుమారు రూ.26 కోట్ల నుంచి రూ.28 కోట్ల వరకు నష్టం జరిగినట్లు దర్యాప్తులో తేల్చారు.

చెన్నూర్‌: చెన్నూర్‌ ఏరియాస్పత్రిలో రక్త పరీక్షల ఫలితాల్లో తేడాలు వస్తున్నట్లు రోగులు తెలిపిన సమాచారం మేరకు ఈ నెల 18న ‘రాంగ్‌ రిపోర్ట్‌’ శీర్షికన ‘సాక్షి’లో ప్రచురించిన కథనానికి జిల్లా ప్రధాన ఆస్పత్రి సూపరింటెండెంట్‌ కోటేశ్వర్‌రావు స్పందించారు. చెన్నూర్‌ ప్రభుత్వ ఆస్పత్రిలోని ల్యాబ్‌లో రక్త పరీక్షలకు అవసరమైన రసాయనాలు లేక రోగులను టీహబ్‌కు పంపిస్తున్నట్లు తెలిపారు. సిస్టంలో టెక్నికల్‌ సమస్య కారణంగా పరీక్షల ఫలితాల్లో తేడాలు రావచ్చని పేర్కొన్నారు. చెన్నూర్‌ ఆస్పత్రిలో రక్త పరీక్షలు నిర్వహించేందుకు అవసరమైన రసాయనాల కోసం కలెక్టర్‌ కుమార్‌ దీపక్‌ నిధులు మంజూరు చేశారని వైద్యుడు సత్యనారాయణ తెలిపారు. త్వరలోనే రక్త పరీక్షలు ప్రారంభిస్తామని పేర్కొన్నారు.

మంచిర్యాలటౌన్‌: ప్రపంచ పోలియో నివారణ దినోత్సవం సందర్భంగా శనివారం జిల్లా వై ద్యారోగ్యశాఖ కార్యాలయంలో డీఎంహెచ్‌వో డాక్టర్‌ నరేందర్‌ రాథోడ్‌ పోలియో నివారణ అవగాహన పోస్టర్‌ను రెడ్‌క్రాస్‌ సొసైటీ, లయ న్స్‌ క్లబ్‌ సభ్యులతో కలిసి ఆవిష్కరించారు. ఈ సందర్భంగా ఆయన మాట్లాడుతూ.. ఐదేళ్లలోపు చిన్నారులకు తప్పనిసరిగా పోలియో చుక్కలు వేయించాలని తెలిపారు. మంచిర్యా లను పోలియో రహిత జిల్లాగా మార్చాలని సూచించారు. కార్యక్రమంలో జిల్లా టీకాల అధికారి, ఉప వైద్యాధికారి సుధాకర్‌ నాయక్‌, జిల్లా మాస్‌ మీడియా అధికారి వెంకటేశ్వర్‌, ఎండీ రషీద్‌, సీహెచ్‌వో వెంకటేశ్వర్లు, రెడ్‌క్రాస్‌ సొసైటీ జిల్లా చైర్మన్‌ భాస్కర్‌రెడ్డి, మహేందర్‌రెడ్డి, మధుసూదన్‌రెడ్డి తదితరులున్నారు.

బొగ్గుగని వార్తలుశ్రీరాంపూర్‌: ఖాదీ దుస్తులను ధరించాలని శ్రీరాంపూర్‌ జీఎం ఎం.శ్రీనివాస్‌ అన్నారు. నస్పూర్‌ కాలనీలోని మనోరంజన్‌ సముదాయంలో వావిలాల ఖాదీ గ్రామోద్యోగ్‌ ప్రతిష్టాన్‌ వారి ఆధ్వర్యంలో శనివారం ఖాదీ మేళా ఏర్పాటు చేశారు. జీఎం మాట్లాడుతూ ఖాదీ వస్త్రాలపై ప్రత్యేక డిస్కౌంట్‌ అందిస్తున్నారన్నారు. సింగరేణి ఉద్యోగులు వాయిదా పద్ధతిలో వస్త్రాలు కొనుగోలు చేసుకోవచ్చన్నా రు. వీటిని కార్మికుల వేతనాల్లోంచి ఐదు వాయిదా లలో చెల్లించే వీలు కల్పించామన్నారు. డీజీఎం (పర్సనల్‌) అనిల్‌ కుమార్‌, డీవైపీఎం కే క్రాంతి కుమార్‌, నిర్వాహకులు రాజేశ్‌, రామ్‌రాజ్‌ పాల్గొన్నారు.

లక్డీకాపూల్‌: తెలంగాణలో ముఖ్యమంత్రి రేవంత్‌రెడ్డి ప్రభుత్వం చంద్రబాబు కనుసైగల్లో.. రాక్షస పాలనను కొనసాగిస్తుందని కాంగ్రెస్‌ పార్టీ ఆదిలాబాద్‌ జిల్లా మాజీ అధ్యక్షుడు భార్గవ్‌ దేశ్‌పాండే తీవ్రంగా విమర్శించారు. సోమాజిగూడ ప్రెస్‌క్లబ్‌లో శనివారం విలేకరుల సమావేశంలో ఆయన మాట్లాడారు. దివంగత ముఖ్యమంత్రి వైఎస్‌ రాజశేఖర్‌రెడ్డిని చూసి ఆనాడు కాంగ్రెస్‌ పార్టీకి ఆకర్షితుడినయ్యానని గుర్తు చేశారు. కానీ ప్రస్తుత పాలకులు అవినీతి, అక్రమాలతో బిల్డర్లు, వ్యాపారస్తులు, మిల్లర్లతో పాటు హైడ్రా కూల్చివేతలతో పేదల ఆస్తులను దోచుకుంటున్నారని ఆరోపించారు. దేశవ్యాప్తంగా రాహుల్‌ గాంధీ... ఆర్‌ఎస్‌ఎస్‌, బీజేపీ సిద్ధాంతాలకు వ్యతిరేకంగా పోరాడుతుంటే, తెలంగాణలో అందుకు భిన్నంగా ఉండటాన్ని ప్రశ్నించాలన్నారు. అవినీతి, కుంభకోణాలకు సంబంధించి వస్తున్న ఆరోపణలపై పారదర్శక విచారణ జరిపి ప్రజలకు వాస్తవాలు వెల్లడించాలని డిమాండ్‌ చేశారు. డైరెక్షన్‌ లెస్‌ సీఎం.. సెన్స్‌లెస్‌ ప్రభుత్వ విధానాలతో రాష్ట్రంలో కాంగ్రెస్‌ పార్టీ భవిష్యత్తు అంధకారమేనన్నారు. ఆదిలాబాద్‌ ప్రజల ప్రయోజనాలు, తెలంగాణ యువత ఆకాంక్షలు, తన వెంట నిలిచిన కార్యకర్తల ఆత్మగౌరవాన్ని దృష్టిలో ఉంచుకుని బీఆర్‌ఎస్‌లో చేరాలని నిర్ణయించుకున్నట్లు ప్రకటించారు. తెలంగాణ అభివృద్ధి, ప్రజా సమస్యలపై పోరాటం కోసం కేసీఆర్‌ నాయకత్వంలో పని చేయనున్నట్లు తెలిపారు.

దండేపల్లి: ఎల్‌నినో ప్రభావంతో రోజురోజుకూ ఉ ష్ణోగ్రతలు పెరుగుతున్నాయి. ప్రాజెక్టుల్లో నీటి మ ట్టం తగ్గుతోంది. ముందస్తు అవసరాలను దృష్టిలో ఉంచుకుని ప్రాజెక్టుల్లోని నీటి నిల్వలను అధికారులు ఎప్పటికప్పుడు పరిశీలిస్తూ కాపాడుతున్నారు. కడెం ప్రాజెక్టులో ప్రస్తుతం 695 అడుగుల నీటి ని ల్వ ఉంది. దీంతో ప్రస్తుత వానాకాలం సాగుకు క డెం ఆయకట్టు కింద చివరి దాకా నీరందడం కొద్ది గా ఇబ్బందిగా మారింది. దీంతో ఆయకట్టు రైతులను వానాకాలం సాగునుంచి గట్టెక్కించేందుకు మంచిర్యాల ఎమ్మెల్యే ప్రేమ్‌సాగర్‌రావు చొరవ తీసుకున్నారు. ఎల్లంపల్లి ప్రాజెక్టు అధికారులతో మాట్లాడి కడెం చివరి ఆయకట్టు రైతులకు సాగునీటి ఇబ్బందులు తలెత్తకుండా గూడెం ఎత్తిపోతల నుంచి నీళ్లివ్వాలని కోరారు. దీంతో శుక్రవారం సా యంత్రం నుంచి గూడెం ఎత్తిపోతల ద్వారా అధికారులు నీటిని విడుదల చేశారు. గూడెం లిఫ్ట్‌ నీటిని డీ–30 నుంచి 42వరకు.. మరో రెండు తడుల నీటితో వానాకాలం పంట చేతికి రానుంది. దీంతో కడెం ఆయకట్టు కింద పంటల సాగుకు రైతులకు ఇబ్బంది లేకుండా ఉండేందుకు అధికారులు చర్యలు చేపట్టారు. ఆయకట్టు కింద వానాకాలంలో సుమారు 53వేల ఎకరాలకు పైగా పంటలు సాగు చేశారు. కడెం ప్రాజెక్టు పరిధిలో 42 డిస్ట్రిబ్యూటరీ కాలువలు ఉండగా, ప్రస్తుత పరిస్థితుల్లో చివరి ఆయకట్టుకు సాగు నీరందడం కొంత ఇబ్బందిగా మారింది. రైతులను సాగునీటి ఇబ్బందుల నుంచి గట్టెక్కించేందుకు డీ–1 నుంచి డీ–28 వరకు కడెం ప్రాజెక్టు నీటిని, డీ–30 నుంచి 42 వరకు గూడెం ఎత్తిపోతల నీటిని అందిస్తున్నారు. దీంతో కడెం ఆయకట్టు కింద వానాకాలం సాగు నుంచి రైతులు గట్టెక్కనున్నారు.పొదుపుగా వాడుకోవాలిఎల్‌నినో ప్రభావంతో ప్రస్తుత పరిస్థితుల్లో రైతులు సాగునీటిని వృథా చేయకుండా పొదుపుగా వాడుకోవాలి. ప్రస్తుతం కడెం ఆయకట్టు చివరిదాకా ప్రాజెక్టు నీరు అంద డం ఇబ్బందిగా మారింది. ఈ పరిస్థితుల్లో రైతులకు వానాకాలం సాగుకు ఇబ్బంది లేకుండా కడెం నీటిని డీ–1 నుంచి డీ–28 వరకు అందిస్తుండగా, గూడెం ఎత్తిపోతల నీటిని డీ–30నుంచి 42వరకు అందిస్తున్నాం. – ప్రవీణ్‌, కడెం ప్రాజెక్ట్‌ ఈఈ

మంచిర్యాలఅర్బన్‌/మంచిర్యాలటౌన్‌: పుష్కర పనులతో పాటు ఆలయ అభివృద్ధి పనుల్లో నాణ్య త పాటించి నిర్ణీత గడువులోపు పూర్తి చేయాలని దే వాదాయశాఖ కమిషనర్‌ హన్మంతరావు ఆదేశించా రు. శనివారం కలెక్టర్‌ కుమార్‌దీపక్‌తో కలిసి జిల్లా కేంద్రంలోని విశ్వనాథస్వామి ఆలయ పునర్నిర్మాణ, పుష్కరఘాట్‌ పనులను క్షేత్రస్థాయిలో పరిశీలించారు. మొదటి విడతలో రూ.5కోట్లతో ఆలయ పు నర్నిర్మాణం చేపట్టనున్నట్లు వెల్లండించారు. 2027 లో నిర్వహించనున్న గోదావరి పుష్కరాల నేపథ్యంలో చేపట్టిన విశ్వనాథస్వామి, గూడెం సత్యనారా యణస్వామి ఆలయాల పునర్నిర్మాణ పనులు కొనసాగుతున్నాయని పేర్కొన్నారు. భక్తులకు మెరుగైన సౌకర్యాలు కల్పించేందుకు ప్రభుత్వం చర్యలు చేపట్టిందని తెలిపారు. ఆలయానికి సంబంధించిన న మూనా పటాన్ని పరిశీలించారు. చేపట్టనున్న పను ల గురించి తెలుసుకున్నారు. పుష్కర ఘాట్‌ నిర్మాణ పనుల పురోగతిని ప్రత్యక్షంగా తనఖీ చేసి పలు సూచనలు చేశారు. అంతకుముందు విశ్వనాథస్వామి ఆలయంలో పూజలు చేశారు. జిల్లా కేంద్రంలోని గోదావరి తీరాన నిర్మించిన మహాప్రస్థానాన్ని సందర్శించారు. ఆర్డీవో శ్రీనివాస్‌, ఎండోమెంట్‌ అ సిస్టెంట్‌ కమిషనర్‌ సుదర్శన్‌, నగర మేయర్‌ ధర్ని మధుకర్‌, మార్కెట్‌ కమిటీ చైర్మన్‌ రామగిరి భానేశ్‌, ఆలయ ఈవో ముక్తారవి, చాంబర్‌ ఆఫ్‌ కామర్స్‌ చైర్మన్‌ గుండ సుధాకర్‌, కార్పొరేటర్లు పాల్గొన్నారు. కాల భైరవుడికి పూజలు కోటపల్లి: రత్నాచలకొండ స్వయంభూ శ్రీకాల భైరవస్వామిని దేవాదాయ శాఖ కమిషనర్‌ హన్మంతరావు దర్శించుకుని పూజలు చేశారు. అసిస్టెంట్‌ కమిషనర్‌ సుదర్శన్‌, ఈవోలు రవి, రమేశ్‌, నాగభూషణం, కాళేశ్వర ముక్తేశ్వరస్వామి దేవస్థానం ధర్మకర్త శ్యాంసుందర్‌ తదితరులున్నారు.

ఇంద్రవెల్లి: గ్రామీణ ప్రాంతాల్లో అందుబాటులో ఉన్న వనరులను సద్వినియోగం చేసుకొని గిరిజన కుటుంబాలకు మెరుగైన ఉపాధి అవకాశాలు కల్పించడమే లక్ష్యంగా పనిచేయాలని ఐటీడీఏ పీవో మంద మకరందు అన్నారు. శనివారం ముందుగా మండల కేంద్రంలో నూతనంగా ఏర్పాటు చేసిన కుమురంభీం విగ్రహానికి పూలమాలలు వేసి నివాళులర్పించారు. అనంతరం మండలంలోని మల్లాపూర్‌ గ్రా మాన్ని సందర్శించారు. ఈ సందర్భంగా ఆయ న మాట్లాడుతూ గ్రామంలో విస్తారంగా లభించే సీతాఫలాలను సద్వినియోగం చేసుకొని మహిళా సంఘాల ఆధ్వర్యంలో ప్రాసెసింగ్‌ యూనిట్లు ఏ ర్పాటు చేసేందుకు ప్రణాళిక తయారు చేయాలని అధికారులకు సూచించారు. సీతాఫలల నిల్వ, ప్రాసెసింగ్‌, మార్కెటింగ్‌పై మహిళాలకు ప్రత్యేక శిక్షణ అందిస్తే అదనపు ఆదాయం పొందడంతో పాటు ఆర్థికంగా బలోపేతం కావడానికి అవకాశం ఉందన్నారు. ఈ కార్యక్రమంలో తహసీల్దార్‌ ప్రవీణ్‌కుమార్‌, పీవీటీజీ ఏపీవో ఆత్రం భాస్కర్‌, ఆదివాసీ సంఘాల నాయకులు మెస్రం నాగ్‌నాథ్‌, గేడం భరత్‌, మల్లాపూర్‌ సర్పంచ్‌ కనక అనుసాయ, రైతులు పాల్గొన్నారు.

మంచిర్యాలటౌన్‌: మంచిర్యాల నియోజకవర్గంలో కాంగ్రెస్‌ గ్రూపు గొడవలను అరికట్టి శాంతి భద్రతలను పరిరక్షించాలని కోరుతూ ఎమ్మెల్సీ అంజిరెడ్డి, బీజేపీ రాష్ట్ర ఉపాధ్యక్షుడు రఘునాథ్‌ వెరబెల్లి శనివారం హైదరాబాద్‌లో కాళేశ్వరం మల్టీజోన్‌–1 ఐజీకి వినతిపత్రం ఇచ్చారు. ఈ సందర్భంగా వారు మాట్లాడుతూ.. కొద్దిరోజులుగా మంచిర్యాల ఎమ్మెల్యే కొక్కిరాల ప్రేమ్‌సాగర్‌రావు, మంత్రి గడ్డం వివేక్‌ కాంగ్రెస్‌లో వర్గాలుగా ఏర్పడి నియోజకవర్గంలో అలజడులకు కారణమవుతున్నారని ఆరోపించారు. ప్రజలను భయబ్రాంతులకు గురిచేస్తూ శాంతి భద్రతలకు విఘాతం కలిగిస్తున్న కాంగ్రెస్‌ నాయకులపై చ ర్యలు తీసుకోవాలని, జిల్లాలో శాంతిభద్రతలను కాపాడాలని కోరారు. బతుకమ్మ పండుగ రోజు న దండేపల్లి మండలం తాళ్లపేట గ్రామంలో జరిగిన గొడవ, దసరా రోజున లింగాపూర్‌లో జరిగిన ఘటనతో జిల్లాలో పోలీస్‌ పహారాను పెంచి ప్రజలకు ఇబ్బందులు సృష్టించారని, దీనిపై సమగ్ర విచారణ చేపట్టి బాధ్యులపై చర్యలు తీసుకోవాలని విజ్ఞప్తి చేశారు. మరోసారి ఇలాంటి ఘటనలు పునరావృతం కాకుండా చర్యలు తీసుకోవాలని కోరారు. వారి వెంట మంచిర్యాల మున్సిపల్‌ కార్పొరేషన్‌ బీజేపీ ఫ్లోర్‌ లీడర్‌ గాజుల ముఖేశ్‌గౌడ్‌ ఉన్నారు.

ఆసిఫాబాద్‌రూరల్‌: జిల్లా కేంద్రంలోని గిరిజన ఆద ర్శ క్రీడా పాఠశాల మైదానంలో శనివారం ఉమ్మడి జిల్లాస్థాయి జూనియర్‌ బాలికల హ్యాండ్‌బాల్‌ పోటీలు పోటా పోటీగా సాగాయి. ఆదిలాబాద్‌, మంచి ర్యాల, ఆసిఫాబాద్‌ జిల్లాల నుంచి 80 మంది క్రీడాకారులు పోటీలో పాల్గొనగా ఉత్తమ ప్రతిభ కనబర్చిన 18 మందిని రాష్ట్రస్థాయికి ఎంపిక చేసినట్లు అసోసియేషన్‌ ఉమ్మడి జిల్లా అధ్యక్షుడు శ్యాంసుందరావు తెలిపారు. ఈ నెల 30 వరకు జిల్లా కేంద్రంలోని గిరిజన ఆదర్శ క్రీడా పాఠశాలలో శిక్షణ ఇవ్వనున్నట్లు తెలిపారు. 31 నుంచి నవంబర్‌ 2 వరకు ఖమ్మంలో జరిగే రాష్ట్రస్థాయి పోటీల్లో పాల్గొంటారని కోచ్‌ అరవింద్‌ తెలిపారు. అసోసియేషన్‌ జిల్లా ప్రధాన కార్యదర్శి రమేశ్‌, నోడల్‌ అధికారి మీనారెడ్డి, ఏసీఎంవో ఉద్దవ్‌, జీసీడీవో శకుంతల, హెచ్‌ఎం లింబరావు, పీడీ పీఈటీలు పాల్గొన్నారు.

చెన్నూర్‌: పట్టణంలోని అంబేడ్కర్‌ చౌరస్తా నుంచి పెద్ద చెరువు రావి చెట్టు వరకు రోడ్డు వెడల్పు పనులకు మోక్షం కలగడంలేదు. రోడ్డు విస్తరణలో భా గంగా భవనాల కూల్చివేత నత్తనడకన సాగుతోంది. రోడ్డు నిర్మాణానికి రూ.5.50 కోట్ల పుష్కర నిధులు మంజూరు కాగా, టెండర్‌ ప్రక్రియలో కాంట్రాక్టర్లు సిండికేట్‌ అయినట్లు ప్రచారం సాగుతోంది. గత నెలలో టెండర్‌ ప్రక్రియ పూర్తి కావాల్సి ఉండగా నేటికీ ఆ ఊసే లేదు. భవనాల కూల్చివేత ప నులు ప్రారంభించి ఆరు నెలలవుతుండగా వ్యాపారులు, పట్టణ ప్రజలు ఇబ్బందులు పడుతున్నారు. పనుల్లో తీవ్ర జాప్యం ఇరువైపులా భవనాలు కూల్చి వేయడంతో రోడ్డుపై నే నేటికీ విద్యుత్‌ స్తంభాలున్నాయి. టెండర్‌ ప్రక్రి య పూర్తయ్యాక స్తంభాలు అడ్డుగా ఉన్నాయని కాంట్రాక్టర్‌ పనులు మరింత ఆలస్యం చేసే అవకాశముంది. మున్సిపల్‌ అధికారులు, పాలకవర్గ సభ్యులు స్తంభాలు తొలగించేలా చర్యలు చేపడితే రోడ్డు నిర్మాణ పనులు సాఫీగా జరిగే అవకాశముంటుంది. రోడ్డును 55 ఫీట్లు విస్తరించాలని నిర్ణయించడంతో 95శాతం మంది వ్యాపారులు షాపులను స్వ చ్ఛందంగా తొలగించారు. మరో 2శాతం పెద్ద భవనాలు కూల్చివేయడంలో జాప్యం చేస్తుండడంతో ప్రజలు అసహనం వ్యక్తం చేస్తున్నారు. పెద్ద వ్యాపారులకు ఒక న్యాయం.., చిరు వ్యాపారులకు ఒక న్యాయమా? అని అధికారులను ప్రశ్నిస్తున్నారు. ప నులు పూర్తి కాకపోవడంతో వ్యాపారాలు కుంటుపడుతున్నాయని వాపోతున్నారు. అధికారులు, ప్రజా ప్రతినిధులు చొరవ చూపి రోడ్డు విస్తరణ పనులు ప్రారంభించేలా చూడాలని కోరుతున్నారు.

పాతమంచిర్యాల: అగ్రిగోల్డ్‌ బాధితులను ప్ర భుత్వం ఆదుకోవాలని, సంస్థ బాండ్ల వెరి ఫికేషన్‌ సెంటర్‌ను జిల్లా కేంద్రంలో ఏర్పాటు చే యాలని బాధితుల సంఘం రాష్ట్ర అధ్యక్షురా లు పశ్య పద్మ డిమాండ్‌ చేశారు. శనివారం జి ల్లా కేంద్రంలోని సీపీఐ కార్యాలయంలో మా ట్లాడారు. ఉమ్మడి ఆంధ్రప్రదేశ్‌తోపాటు ఎని మిది రాష్ట్రాల్లో 32లక్షల మంది అగ్రిగోల్డ్‌ బాధితులున్నారని తెలిపారు. సంస్థ మూసేసిన త ర్వాత చాలామంది కస్టమర్లు, ఏజెంట్లు ఆత్మహత్య చేసుకున్నారని పేర్కొన్నారు. డిపాజిట్‌ దారులను ఆదుకోవడానికి జిల్లాలో సీఐడీ వెరి ఫికేషన్‌ సెంటర్‌ ఏర్పాటు చేసి బాధితులను ఆ దుకోవాలని ప్రభుత్వాన్ని డిమాండ్‌ చేశారు. ఈ సందర్భంగా అగ్రిగోల్డ్‌ కస్టమర్స్‌ అండ్‌ ఏ జెంట్స్‌ అసోసియేషన్‌ కమిటీని ఎన్నుకున్నారు. సీపీఐ జిల్లా కార్యదర్శి రామడుగు లక్ష్మణ్‌, జి ల్లా సమితి సభ్యుడు పోచన్న పాల్గొన్నారు.

కౌటాల: ప్రాణహిత ప్రాజెక్టు నిర్మించాలని కోరుతూ ప్రభుత్వ తీరుపై నిరసన వ్యక్తం చేయగా నమోదైన కేసులో సిర్పూర్‌ ఎమ్మెల్యే పాల్వాయి హరీశ్‌బాబు శనివారం నాంపల్లి కోర్టులో హాజరయ్యారు. 2018 జులై 8న ఎమ్మెల్యే హరీశ్‌బాబు, నైనాల గోవర్థన్‌, కె.వి ప్రతాప్‌, ఇతర నాయకులు కౌటాల మండలంలోని తుమ్మిడిహేటి వద్ద ప్రాణహిత నదిలో నిరసన తెలిపారు. ప్రాణహిత నదిపై ప్రాజెక్టు నిర్మించడంలో అప్పటి ప్రభుత్వ తీరును నిరసిస్తూ పిండ ప్రదానం చేశారు. కార్యక్రమానికి అనుమతి లేకపోవడంతో అప్పటి ఏఎస్సై హన్మాండ్లు ఫిర్యాదుతో కౌటాల పోలీస్‌స్టేషన్‌లో కేసు నమోదైంది. విచారణలో భాగంగా శనివారం హియరింగ్‌కు హాజరైనట్లు ఎమ్మెల్యే తెలిపారు.

భీమా.. పూరి గుడిసెల పాటగూడపెద్దపట్నాపూర్‌: 25 కుటుంబాల్లో 183 మంది జనాభా ఉన్నారు. పాఠశాల, అంగన్‌వాడీ కేంద్రం లేకపోవడంతో చిన్నారులు ఇబ్బంది పడుతున్నారు. మిషన్‌ భగీరథ నీరు వచ్చిన రోజు ఇబ్బంది ఉండదు. రానిరోజు ఇబ్బంది తప్పదు. 18 మందికి పీఎం జన్‌మన్‌ గృహాలు మంజూరయ్యాయి. టోకెన్‌మోవాడ్‌: 20 కుటుంబాల్లో 96 మంది జనాభా ఉన్నారు. కొందరికి పట్టాలు లేకపోవడంతో రైతుబంధు రావడం లేదు. బ్యాంకు రుణాలు అందడం లేదు. గ్రామంలో ఒక్కరికి మాత్రమే ఇందిరమ్మ ఇళ్లు మంజూరైంది. పీఎం జన్‌మన్‌ పథకం కింద 10 మందికి ఇళ్లు మంజూరయ్యాయి.

మంచిర్యాలరూరల్‌(హాజీపూర్‌): కార్మికులకు నష్టం చేకూర్చే లేబర్‌ కోడ్స్‌ను రద్దు చేస్తూ హమాలీలకు సంక్షేమ బోర్డు ఏర్పాటు చేయాలని సీఐటీయూ జిల్లా కార్యదర్శి దుంపల రంజిత్‌కుమార్‌ డిమాండ్‌ చేశారు. శనివారం మంచిర్యాల మున్సిపల్‌ కార్పొరేషన్‌ పరిధిలోని గుడిపేటలోగల లిక్కర్‌ గోదాం వద్ద బేవరేజెస్‌ హమాలీ వర్కర్స్‌ యూనియన్‌ ఆధ్వర్యంలో ఈ నెల 26న తలపెట్టిన ‘చలో హైదరాబాద్‌’ పోస్టర్‌ ఆవిష్కరించారు. ఈ సందర్భంగా ఆయన మాట్లాడుతూ.. ప్రభుత్వాలకు ఆదాయాన్ని తీసుకువచ్చే హమాలీలకు కేంద్ర, రాష్ట్ర ప్రభుత్వాలు కనీస వేతనాలు ఇవ్వకుండా మోసం చేస్తున్నాయని ఆరోపించారు. కేంద్రం తీసుకువచ్చిన నాలుగు లేబర్‌ కోడ్‌లను రాష్ట్ర ప్రభుత్వం అమలు చేయాలని చూడటం సరికాదని పేర్కొన్నారు. హమాలీలకు నెలకు రూ.9వేల పెన్షన్‌, రూ.25లక్షల ప్రమాద బీమా కల్పించాలని డిమాండ్‌ చేశారు. కేంద్ర, రాష్ట్ర ప్రభుత్వాలు అనుసరిస్తున్న ఉద్యోగ, కార్మిక వ్యతిరేక విధానాలకు నిరసనగా హక్కుల సాధనకు 26న హైదరాబాద్‌లోని ఇందిరాపార్కు వద్ద తలపెట్టిన మహాధర్నాలో జిల్లాలోని అన్ని రకాల హమాలీ కార్మికులు అధికసంఖ్యలో పాల్గొని విజయవంతం చేయాలని కోరారు. యూనియన్‌ అధ్యక్ష, కార్యదర్శులు పూదరి శ్రీనివాస్‌, బైరి రమేశ్‌, కోశాధికారి సల్ల మహేందర్‌ పాల్గొన్నారు.

మంచిర్యాలఅగ్రికల్చర్‌: పీఎం రహత్‌ పథకం ద్వా రా రోడ్డు ప్రమాద బాధితులకు రూ.1.50 లక్షల వ రకు ఉచిత చికిత్స అందించనున్నట్లు రాష్ట్ర ప్రభుత్వ ప్రధాన కార్యదర్శి సంజయ్‌ జాజు తెలిపారు. శని వారం హైదరాబాద్‌ నుంచి ఉన్నతాధికారులతో కలి సి వీడియో కాన్ఫరెన్స్‌ ద్వారా కలెక్టర్‌ కుమార్‌ దీప క్‌, అదనపు కలెక్టర్‌, పోలీస్‌ ఉన్నతాధికారులతో స మీక్ష నిర్వహించారు. ఈ సందర్భంగా ఆయన మా ట్లాడుతూ.. పథకం అమలులో జాతీయ ఆరోగ్య ప్రాధికార సంస్థ, రోడ్డు రవాణా, రహదారుల మంత్రిత్వ శాఖ, పోలీస్‌శాఖ, ఆస్పత్రులు, జనరల్‌ ఇ న్సూరెన్స్‌ కౌన్సిల్‌ తదితర వ్యవస్థలు సమన్వయంతో పనిచేస్తాయని పేర్కొన్నారు. పథకం అమలును పర్యవేక్షించేందుకు జిల్లా స్థాయిలో సంబంధిత అధి కారులు చర్యలు తీసుకుంటారని తెలిపారు. వీడి యో కాన్ఫరెన్స్‌ అనంతరం కలెక్టర్‌ కుమార్‌ దీపక్‌ అధికారులతో మాట్లాడారు. పీఎం రహత్‌ పథకం అమలు విధానంపై సంబంధిత డేటా ఎంట్రీ ఆపరేటర్లకు సమగ్ర శిక్షణ అందించాలని అధికారులను ఆదేశించారు. పథకానికి సంబంధించిన విధివిధానాలు, బాధితుల వివరాల నమోదు, సంబంధిత శాఖల మధ్య సమన్వయం తదితర అంశాలపై అవగాహన కలిగి ఉండాలని పేర్కొన్నారు. పథకం అ మలులో లోపాలు లేకుండా నిర్దేశించిన విధానాల ను కచ్చితంగా పాటించాలని సూచించారు. డీసీపీ భాస్కర్‌, జిల్లా వైద్యారోగ్యశాఖ అధికారి నరేందర్‌ రాథోడ్‌, జిల్లా రవాణాధికారి, ఆరోగ్యశ్రీ జిల్లా మేనేజర్‌ సత్యనారాయణ, జైపూర్‌ ఏసీపీ వెంకటేశ్వర్లు, ఈడీఏఆర్‌ జిల్లా మేనేజర్‌ శ్రీనివాస్‌ పాల్గొన్నారు.

కాగజ్‌నగర్‌టౌన్‌: బతుకమ్మ, దసరా పండుగలను పురస్కరించుకుని దక్షిణ మధ్య రైల్వే సికింద్రాబాద్‌ డివిజన్‌ ఆధ్వర్యంలో సికింద్రాబాద్‌–సిర్పూర్‌ కాగజ్‌నగర్‌ మధ్య ఈ నెల 9 నుంచి నడుపుతున్న ప్రత్యేక ఎక్స్‌ప్రెస్‌ రైలు (07711/12) సేవలు నేటితో ముగియనున్నాయి. సికింద్రాబాద్‌ నుంచి కాగజ్‌నగర్‌ ఎగువ, దిగువ మార్గాల్లో 34 ట్రిప్పులు పూ ర్తికానున్నాయి. సికింద్రాబాద్‌–కాగజ్‌నగర్‌ మధ్య నడిచిన ఈ రైలుకు విశేష స్పందన లభించింది. మధ్యాహ్న సమయంలో కాజీపేట్‌–కాగజ్‌నగర్‌ మార్గంలో రైళ్ల కొరత తీవ్రంగా ఉంది. ఈ సమయంలో సికింద్రాబాద్‌ దానాపూర్‌ ఎక్స్‌ప్రెస్‌, భాగ్యనగర్‌ ఎక్స్‌ప్రెస్‌ రైలు తర్వాత మరో రైలు లేదు. మధ్యలో నాగ్‌ఫూర్‌ వందేభారత్‌ రైలు ఉన్నప్పటికీ టికెట్‌ధర ఎక్కువగా ఉండటంతో సామాన్యులు, వి ద్యార్థులు, ఉద్యోగులు దీనిని ఆశ్రయించడంలేదు. కాజీపేట్‌ నుంచి మధ్యాహ్నం 2:30నుంచి 3 గంటల మధ్య బయలుదేరే బతుకమ్మ స్పెషల్‌ రైలుతో విద్యార్థులు, ఉద్యోగులు, సామాన్య ప్రయాణికులకు వరంగా మారింది. బస్సు కన్నా చౌక.. వేగం.. పెద్దపల్లి నుంచి కాగజ్‌నగర్‌కు బస్సులో వెళ్తే 3:30 గంటలు పడుతుంది. చార్జీ రూ.200 పైనే అవుతాయి. అదే ఈ ఎక్స్‌ప్రెస్‌ రైలులో అయితే కేవలం గంటన్నరలోనే కాగజ్‌నగర్‌కు చేరుకోవచ్చు. చార్జీ కూడా కేవలం రూ.64 మాత్రమే.అందుకే వరంగల్‌, కాజీపేట్‌ నుంచి పెద్దపల్లి, రామగుండం, మంచిర్యాల, బెల్లంపల్లి, ఆసిఫాబాద్‌, కాగజ్‌నగర్‌ వెళ్ళే ప్రయాణికులు ఈ రైలుకు ప్రాధాన్యత ఇస్తున్నారు. రద్దీని, ప్రయాణికుల అవసరాన్ని దృష్టిలో ఉంచుకుని స్పెషల్‌ రైలును శాశ్వతంగా కొనసాగించాలని డిమాండ్‌ చేస్తున్నారు. రెగ్యులర్‌గా కొనసాగించాలి దసరా, బతుకమ్మ పండుగలకు ప్రత్యేక రైలును రెగ్యులర్‌గా కొనసాగించాలి. మధ్యాహ్నం కాజీపేట నుంచి పెద్దపల్లి, రామగుండం, మంచిర్యాల, బెల్లంపల్లి నుంచి ప్రతీరోజు ఉద్యోగులు, విద్యార్థులకు ఎంతో సౌకర్యవంతంగా ఉంది. – జాన్‌వెస్లీ, పెద్దపల్లి, ఉత్తర తెలంగాణ రైల్వే ఫోరం సభ్యుడు రేక్‌ షేరింగ్‌ తొలగించాలి ప్రత్యేక రైలును బీదర్‌ వెళ్లే ఇంటర్‌ సిటీతో రేక్‌ షేరింగ్‌ తొలగించాలి. రేక్‌షేరింగ్‌ కారణంగా ఇంటర్‌ సిటీ ఆలస్యంగా నడుస్తోంది. ఈ రైలును ప్రతీ రోజు నడిపించి సూపర్‌ఫాస్ట్‌ ఎక్స్‌ప్రెస్‌గా అప్‌గేడ్ర్‌ చేయాలి. – విఘ్నేష్‌, మంచిర్యాల, ఉత్తర తెలంగాణ రైల్వే ఫోరం సభ్యుడు

చెన్నూర్‌: చెన్నూర్‌ మున్సిపాలిటీలో విద్యార్థులు, యువకులు, వాకర్స్‌ వ్యాయామం కోసం స్థానిక ప్రభుత్వ ఉన్నత పాఠశాల మైదానం, కేసీఆర్‌ పార్క్‌, నాన్‌ వెజ్‌ మార్కెట్‌ సమీపంలో ఓపెన్‌ జిమ్‌లు ఏర్పాటు చేశారు. మూడేళ్లు కావస్తుండగా.. నిర్వహణలోపంతో పరికరాలు ఊడిపోతున్నాయి. ప్రభుత్వ ఉన్నత పాఠశాల ఓపెన్‌ జిమ్‌లో ఉదయం, సాయంత్రం వేళల్లో విద్యార్థులు, నిరుద్యోగ యువకులు వ్యాయామం చేస్తుంటారు. కాళ్లు స్ట్రెచ్‌ చేసే పరికరం ఊడిపోయింది. మరో పరికరం వీల్స్‌ ఊడిపోతుండగా విద్యార్థులు తాళ్లతో కట్టారు. మరమ్మతు చేయిస్తాంనెల రోజుల క్రితమే ఓపెన్‌ జిమ్‌లను బాగు చేయించా. మళ్లీ ఊడిపోయిన విషయం తెలియదు. మున్సిపల్‌ సిబ్బందిని పంపించి ఊడిపోయిన పరికరాలు బాగు చేయిస్తా. విద్యార్థులు, యువకులకు ఇబ్బంది కలుగకుండా చర్యలు చేపడుతా. – మారుతిప్రసాద్‌, మున్సిపల్‌ కమిషనర్‌ చెన్నూర్‌

ఖానాపూర్‌: మండలంలోని కొత్తపేట గ్రామంలో గురువారం రాత్రి చోరీ జరిగింది. గ్రామానికి చెందిన చింతకుంట శంకర్‌ ఇంటికి వేసిన తాళాన్ని పగులగొట్టి లోపలికి చొరబడిన దొంగలు బంగారం, వెండి ఆభరణాలతో పాటు నగదు అపహరించినట్లు బాధితుడు పోలీసులకు ఫిర్యాదు చేశాడు. రెండు తులాల బంగారం, 15 తులాల వెండి పట్టగొలుసులు, రూ.30వేల నగదు చోరీకి గురైనట్లు పేర్కొన్నాడు. భార్య, పిల్లలు బతుకమ్మ సంబరాల కోసం పెంబి మండలం మందపల్లికి వెళ్లగా, శంకర్‌ పని నిమిత్తం వెంకటాపూర్‌కు వెళ్లాడు. ఇదే అదనుగా భావించిన దొంగలు ఇంటి తాళం పగులగొట్టి చోరీకి పాల్పడినట్లు బాధితుడు తెలిపాడు. సమాచారం అందుకున్న పోలీసులు ఘటనా స్థలాన్ని పరిశీలించి విచారణ చేపట్టారు. బాధితుడి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై రాహుల్‌ గైక్వాడ్‌ తెలిపారు.

మంచిర్యాలఅర్బన్‌: మంచిర్యాల, జగిత్యాల జిల్లాల్లోని ఎస్సీ, ఎస్టీ, బీసీ సంక్షేమ రెసిడెన్షియల్‌, హాస్టళ్లు, కేజీబీవీలకు సరుకుల సరఫరా ప్రశ్నార్థకంగా మారింది. దసరా సెలువులు ముగిసి విద్యార్థులు తిరిగి హాస్టళ్లకు చేరుతున్న తరుణంలో వంట సరుకులకు నిర్ధేశించిన గడువు(22నుంచి నవంబర్‌ 5లోపు) సమీపిస్తున్నా క్షేత్రస్థాయిలో సరఫరా నిలిచిపోవడం ఆందోళన కలిగిస్తోంది. సరుకులు నిల్వ చేసే నస్పూర్‌లోని గోదాం మూతపడడంతో సరుకుల రవాణా పూర్తిగా నిలిచిపోయింది. నాకాఫ్‌ నుంచి సరుకులు సరఫరా లేకపోవడం, గోదాంలో అరకొరగా ఉండడంతో ఏం చేయాలో తెలియక మూసి వేసినట్లు తెలుస్తోంది. గోదాం మూసివేతతో కొత్త ఏజెన్సీల ద్వారా సరుకులు పంపిణీ చేస్తారా లేదా అనే సందిగ్ధత నెలకొంది. ఇదివరకు అరకొర సరఫరా చేసిన సరుకులకు సంబంధించిన బిల్లుల పై ధరలు లేకపోవడం అయోమయంలో పడేస్తోంది. నాకాఫ్‌ సంస్థ ప్రతినిధులు, గోదాం ఇన్‌చార్జిలు సరుకుల పంపిణీపై మీనమేషాలు లెక్కిస్తుండడంతో విద్యార్థులకు ఇక్కట్లు ఎదురు కానున్నాయి. పంపిణీపై పర్యవేక్షణ ఏది? వసతిగృహాలు, సంక్షేమ గురుకులాలు, కేజీబీవీలకు సరుకుల పంపిణీపై అధికారుల పర్యవేక్షణ కొరవడింది. జిల్లా స్థాయిలో టెండర్లు పిలిచి సరుకులు సరఫరా చేసే కాంట్రాక్టర్‌పై ఉన్న అధికారుల శ్రద్ధ రెండు నెలలు గడుస్తున్నా సరకుల పంపిణీలో తడబడుతున్న నాకాఫ్‌ సంస్థపై లేకపోవడంపై పెదవి విరుస్తున్నారు. దసరా సెలవుల తర్వాత పాఠశాలలకు తిరిగి వస్తున్న విద్యార్థులకు భోజనం కల్పించడం వసతిగృహ వార్డెన్లు, వసతితో కూడిన విద్యాలయాల ప్రిన్సిపాళ్లు, ప్రత్యేక అధికారులకు తలకు మించిన భారంగా మారుతోంది. అక్టోబర్‌లో పండుగకు ముందు పది రోజులు కోసం పాత కాంట్రాక్టర్‌, దుకాణాల్లో సరుకులు కొనుగోలు చేసి నెట్టుకొచ్చారు. ప్రస్తుతం గోదాం ఇంచార్జి నుంచి సమాధానం లేకపోవడం, శుక్రవారం గోదాం మూసివేయడంతో సరుకులు రాకపోతే విద్యార్థులకు అన్నం ఎలా పెట్టాలని ఆవేదన వ్యక్తం చేస్తున్నారు. నాకాఫ్‌ సంస్థ నుంచి సరుకులు సరఫరా అయ్యే వరకు ప్రత్యామ్నాయంగా పాత కాంట్రాక్టర్‌కు సరుకుల పంపిణీ బాధ్యతలు అప్పగిస్తే కొంతమేర ఊరట కలుగనుంది.

మంచిర్యాలరూరల్‌(హాజీపూర్‌): కర్ణమామిడిలోని కస్తూర్బాగాంధీ బాలికల విద్యాలయం, దొనబండలో ఎస్సీ బాలుర హాస్టల్‌, ముల్కల్లల్లోని సాంఘిక సంక్షేమ గురుకుల కళాశాల, పాఠశాల, నంనూర్‌లోని అర్బన్‌ గురుకుల పాఠశాల, గుడిపేటలోని ఎంజేపీ బాలుర గురుకుల పాఠశాలలను శుక్రవారం డీఆర్‌డీవో కిషన్‌ తనిఖీ చేశారు. వసతులు, తరగతుల శుభ్రత పరిశీలించడంతోపాటు వంట గదులు, విద్యార్థుల భోజన నాణ్యతా వివరాలను ఆరా తీశారు. గుడిపేటలో వీబీజీ–రామ్‌జీ పథకంలో భాగంగా చేపడుతున్న జలసిరి పనులు, దొనబండలో వీఓ భవన నిర్మాణ పనులు పరిశీలించారు. ఏపీవో మల్లయ్య, పంచాయతీ కార్యదర్శులు నరేందర్‌, శ్వేత, విద్యాసంస్థల ప్రిన్సిపాళ్లు ఉన్నారు.

మంచిర్యాలరూరల్‌(హాజీపూర్‌): పోలీసులు ఆపద సమయంలోనూ ప్రాణదాతలుగా నిలిచి ప్రతీ ఒక్కరిలో స్ఫూర్తి నింపేలా ముందుకు రావాలని గుడిపేట 13వ బెటాలియన్‌ కమాండెంట్‌ వెంకటేశ్వర్లు అన్నారు. శుక్రవారం గుడిపేట 13వ ప్రత్యేక పోలీస్‌ బెటాలియన్‌లో పోలీస్‌ అమర వీరుల స్మారక వారోత్సవాల్లో భాగంగా మంచిర్యాల రెడ్‌క్రాస్‌ సొసైటీ సహకారంతో రక్తదాన శిబిరం నిర్వహించారు. పోలీస్‌ అమరవీరుల చిత్రపటాలకు నివాళులు అర్పించారు. వెంకటేశ్వర్లు స్వయంగా రక్తదానం చేసి బెటాలియన్‌ సిబ్బందిలో స్ఫూర్తి నింపారు. కమాండెంట్‌ మాట్లాడుతూ జిల్లాలో తలసేమియా, రక్తహీనతతోపాటు వివిధ ప్ర మాదాల్లో రక్తం అవసరమైన వారికి సకాలంలో అందక ప్రాణాలు కోల్పోతున్నారని తెలిపారు. రక్తదాతలకు ప్రోత్సాహక సర్టిఫికేట్లు అందజేశారు. బెటాలియన్‌ యూనిట్‌ మెడికల్‌ అధికా రి సంతోష్‌సింగ్‌, అసిస్టెంట్‌ కమాండెంట్లు ఆంజనేయరెడ్డి, వీరరాజు, వీరన్న, ఆర్‌ఐలు, ఆర్‌ఎస్సైలు, రెడ్‌క్రాస్‌ సొసైటీ చైర్మన్‌ మహేందర్‌, బ్లడ్‌ బ్యాంక్‌ టెక్నీషియన్లు, బెటాలియన్‌ సిబ్బంది పాల్గొన్నారు.

చింతలమానెపల్లి: మండలంలోని డబ్బా గ్రామ స మీపంలో శుక్రవారం తెల్ల వారుజామున జరిగిన రోడ్డు ప్రమాదంలో గంగాపూర్‌ గ్రామానికి చెందిన జాడి అజయ్‌ (25) మృతి చెందగా, దుర్గం ప్రేమ్‌కుమార్‌కు తీవ్ర గాయాలయ్యాయి. వివరాలు.. గంగాపూర్‌ గ్రామానికి చెందిన వీరు డబ్బా గ్రామంలో నిర్వహించిన బులాయి కార్యక్రమానికి హాజరయ్యారు. తెల్లవారుజామున తిరిగి వెళ్తుండగా డబ్బా, బోదంపల్లి గ్రామాల మధ్యలో మూలమలుపు వద్ద ద్విచక్రవాహనం అదుపుతప్పి రోడ్డు పక్కనున్న చెట్టును ఢీకొట్టింది. ఈ ప్రమాదంలో తీవ్రంగా గాయపడ్డ అజయ్‌ అక్కడికక్కడే మృతి చెందాడు. రోడ్డు కింద పత్తి చేనులో ప్రేమ్‌కుమార్‌ అపస్మారక స్థితిలో ఉండగా గ్రామస్తులు గమనించి చికిత్స కోసం కరీంనగర్‌కు తరలించారు. మృతుడు సోదరుడు విజయ్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై కమలాకర్‌ తెలిపారు. కాగా, మృతుడి తండ్రి రావుజీ గతంలోనే మృతి చెందాడు. రోడ్డు ప్రమాదంలో యువకుడు.. ఆదిలాబాద్‌(బేల): బేల మండలం చప్రా ల గ్రామానికి చెందిన బోల్గోడ్‌ గజాన న్‌ (26) గురువారం అర్ధరాత్రి జరిగిన రోడ్డు ప్రమాదంలో మృతి చెందాడు. స్థానికులు, ఎస్సై మధుకృష్ణ తెలిపిన వివరాల ప్రకా రం.. చప్రాలకు చెందిన గజానన్‌, అదే గ్రామానికి చెందిన పాయల్‌ సాయికి చెందిన బొలెరో పికప్‌ వాహనంలో డోప్టాల గ్రామానికి చెందిన రాజు సోయాబీన్‌ పంటను మహారాష్ట్రలోని వణికి తరలించారు. పంటను అక్కడ అన్‌లోడింగ్‌ చేసి తిరుగు ప్రయాణమయ్యారు. ఈ క్రమంలో గురువారం అర్ధరాత్రి 12గంటల సమయంలో కొబ్బాయి గ్రామం దాటిన తర్వాత పాయ ల్‌ సాయి అతివేగంగా, నిర్లక్ష్యంగా వాహ నం నడపడంతో అదుపుతప్పి రోడ్డు పక్కనున్న కల్వర్టును ఢీకొట్టింది. ఈ ప్రమాదంలో గజానన్‌, పాయల్‌ సాయికి తీవ్ర గా యాలయ్యాయి. సమాచారం అందుకున్న స్థానికులు 108 అంబులెన్స్‌లో వారిని ఆది లాబాద్‌ రిమ్స్‌ ఆస్పత్రికి తరలించారు. గజానన్‌ను పరీక్షించిన వైద్యులు అప్పటికే మృతిచెందినట్లు ని ర్ధారించారు. తీవ్రంగా గాయపడిన పాయల్‌ సాయి ని మెరుగైన చికిత్స కోసం హైదరాబాద్‌కు తరలించారు. కేసు దర్యాప్తు చేస్తున్నట్లు ఎస్సై తెలిపారు. వ్యవసాయ బావిలో పడి వివాహిత.. నేరడిగొండ: మండలంలోని రోల్‌మామడ గ్రామానికి చెందిన గేడం కమలాబాయి (35) వ్యవసాయ బావిలో పడి మృతిచెందింది. మూ డు రోజుల క్రితం అదృశ్యమైన ఆమె మృతదేహం శుక్రవారం గ్రామ సమీపంలోని వ్యవసాయ బావి లో లభ్యమైంది. పోలీసులు తెలిపిన వివరాల ప్రకా రం.. కమలాబాయి బుధవారం వ్యవసాయ పనుల నిమిత్తం చేనుకు వెళ్లి తిరిగి ఇంటికి రాలేదు. దీంతో ఆందోళనకు గురైన కుటుంబ సభ్యులు రెండు రోజు ల పాటు చుట్టుపక్కల గ్రామాల్లో గాలించినా ఆచూ కీ లభించలేదు. ఈ క్రమంలో శుక్రవారం గ్రామ స మీపంలోని వ్యవసాయ బావిలో ఆమె మృతదేహా న్ని గుర్తించారు. ఎస్సై ఇమ్రాన్‌ ఘటనా స్థలానికి చేరుకుని మృతదేహాన్ని పరిశీలించారు. పంచనామా నిర్వహించి కేసు నమోదు చేసుకుని దర్యాప్తు చేస్తున్నట్లు ఎస్సై తెలిపారు. మృతురాలికి భర్త మాణిక్‌రావు, కుమారుడు, కుమార్తె ఉన్నారు.

కెరమెరి: మండలంలోని జోడేఘాట్‌లో ఈ నెల 26 న నిర్వహించే ఆదివాసీ అమరుడు కుమురంభీం వ ర్ధంతికి లోటుపాట్లు లేకుండా ఏర్పాట్లు చేయాలని కె.హరిత అన్నారు. కుమురంభీం ఆసిఫాబాద్‌జిల్లా జోడేఘాట్‌లోని భీం మ్యూజియంలో శుక్రవారం ఎమ్మెల్యే కోవ లక్ష్మి, ఐటీడీఏ ప్రాజెక్టు అధికారి మంద మకరందుతో కలిసి సమావేశం నిర్వహించారు. కలెక్టర్‌ మాట్లాడుతూ మహిళలు, పురుషులకు వేర్వేరుగా భోజనశాలలు ఏర్పాటు చేయాలని, తాగునీటి వసతి కల్పించాలన్నారు. వేలాది మంది తరలి రానున్న నేపథ్యంలో ప్రత్యేక మరుగుదొడ్లు ఏర్పాటు చేయాలని ఆదేశించారు. విద్యుత్‌ సరఫరాలో అంతరాయం లేకుండా అధికారులు చర్యలు చేపట్టాలన్నారు. వైద్యశిబిరాలు నిర్వహించడంతోపాటు 108 వాహనాలను అందుబాటులో ఉంచాలని సూచించారు. ఆసిఫాబాద్‌ డిపో నుంచి పది బస్సులు నడిపించాలన్నారు. ఎలాంటి అవాంఛనీయ ఘటనలకు తావులేకుండా పోలీస్‌శాఖ జాగ్రత్తలు తీసుకోవాలన్నారు. ట్రాఫిక్‌ ఇబ్బందులు రావొద్దని, పార్కింగ్‌ స్థలాలు ఏర్పాటు చేయాలని ఆదేశించారు. అన్నిశాఖల అధికారులు సమన్వయంలో పనిచేసి కార్యక్రమాన్ని విజయవంతం చేయాలని ఆదేశించారు. అనంతరం సభాస్థలితోపాటు హెలిప్యాడ్‌, స్టేజీ, స్మృతివనం, పార్కింగ్‌, భోజనస్థలాలు పరిశీలించారు. అంతకు ముందు కుమురంభీం విగ్రహానికి నివాళులర్పించారు. ఆయన సమాధిపై పూలు చల్లారు. భీం మనుమడు కుమురం సోనేరావు, ఉత్సవ కమిటీ చైర్మన్‌ పెందోర్‌ రాజేశ్వర్‌, ఏపీవో వసంత్‌రావు, డీడీ అంబాజీ, అడిషనల్‌ డీఎంహెచ్‌వో మనోహర్‌, డీఎస్పీ అశోక్‌, సీఐ వేణుగోపాల్‌, అధికారులు పాల్గొన్నారు.

ఇద్దరిని బలిగొన్న లారీ డ్రైవర్‌ నిర్లక్ష్యంనార్నూర్‌/లక్ష్మణచాంద: అనా రోగ్యంతో బాధ పడుతున్న కూతురుతోపాటు ఆమెకు మె రుగైన వైద్యం అందించేందుకు హైదరాబాద్‌కు వెళ్తున్న తల్లిని మృత్యువు రోడ్డు ప్రమాదం రూపంలో కబలించింది. ఈ ఘటన బాధిత కుటుంబంలో తీరని శోకాన్ని మిగిల్చగా ఆదిలాబాద్‌ జిల్లా గాది గూడ మండలం ఝరి గ్రామంలో తీవ్ర విషాదం అలుముకుంది. సోన్‌ ఎస్సై గోపి, బాధిత కుటుంబీకులు తెలిపిన వివరాల ప్రకారం.. ఝరి గ్రామానికి చెందిన మెస్రం సోము పటేల్‌ చెల్లి సరస్వతి (17) కొద్ది రోజులుగా అనారోగ్యంతో బాధపడుతోంది. సరస్వతికి వారం రోజులు ఆదిలాబాద్‌లోని రిమ్స్‌ ఆస్పత్రిలో చికిత్స అందించారు. తల్లి పారుబాయి (70) దగ్గరుండి సరస్వతి బాగోగులు చూ సుకుంది. ఆమె ఆరోగ్య పరిస్థితి మెరుగుపడకపోవడంతో వైద్యుల సూచన మేరకు మెరుగైన వైద్యం కోసం హైదరాబాద్‌లోని ఉస్మానియా ఆస్పత్రికి తరలించాలని కుటుంబీకులు నిర్ణయించారు. ఈ క్ర మంలో గురువారం రాత్రి అంబులెన్స్‌లో సోముపటేల్‌, పారుబాయి సరస్వతిని హైదరాబాద్‌కు తీసుకెళ్తున్నారు. ఈ క్రమంలో నిర్మల్‌ జిల్లా సోన్‌ మండలం కడ్తాల్‌ వై జంక్షన్‌ వద్ద అర్ధరాత్రి లారీని అతివేగంగా, అజాగ్రత్తగా నడిపిన డ్రైవర్‌ రాంగ్‌ రూట్‌లో వీరు ప్రయాణిస్తున్న అంబులెన్స్‌ను ఢీకొట్టాడు. ఈ ప్రమాదంలో తీవ్రంగా గాయపడ్డ పారుబాయి, సరస్వతి అక్కడికక్కడే మృతి చెందారు. అంబులెన్స్‌ డ్రైవర్‌ సాయికిరణ్‌తోపాటు సరస్వతి కుటుంబ స భ్యులైన సోము, గీత, తూమురం సాయిలుకు బలమైన గాయాలయ్యాయి. వీరు ప్రస్తుతం నిర్మల్‌ ప్ర భుత్వ ఆస్పత్రిలో చికిత్స పొందుతున్నారు. మద్యం మత్తులో లారీ డ్రైవర్‌ రాంగ్‌ రూట్‌లో వచ్చి అంబు లెన్స్‌ను ఢీకొట్టినట్లు సమాచారం. మృతురాలి అన్న సోము ఫిర్యాదు మేరకు కేసు నమోదు చేసుకుని, దర్యాప్తు చేస్తునట్లు సోన్‌ ఎస్సై గోపి తెలిపారు. కాసిపేట(బెల్లంపల్లి): మాజీ కౌన్సిలర్‌ తాండ్ర రామకృష్ణపై చేయి చేసుకుని దురుసుగా ప్రవర్తించిన టీపీవో సునిల్‌ను సస్పెండ్‌ చేయాలని శుక్రవారం బీఆర్‌ఎస్‌ కౌన్సిలర్లు, నాయకులు బెల్లంపల్లి మున్సిపల్‌ కార్యాలయం ఎదుట ధర్నా నిర్వహించారు. పట్టణంలో రోడ్డు విస్తరణ పనుల విషయమై టీపీవోను 20వార్డు మాజీ కౌన్సిలర్‌ వివరాలు అడిగితే దురుసుగా ప్రవర్తించి దాడికి పాల్పడ్డాడని ఆరోపించారు. ఉన్నాతాధికారులు, పోలీసులు విచారణ జరిపి చర్చలు తీసుకుని కేసు నమోదు చేయాలని, లేనిపక్షంలో ఆందోళనలు ఉధృతం చేస్తామని హెచ్చరించారు. ఈ కార్యక్రమంలో బీఆర్‌ఎస్‌ కౌన్సిలర్లు, నాయకులు పాల్గొన్నారు.హైదరాబాద్‌ బయలుదేరే ముందు జ్యూస్‌ తాగుతున్న సరస్వతి పోక్సో కేసులో ఒకిరికి పదేళ్ల జైలు భైంసాటౌన్‌: పోక్సో కేసులో పట్టణానికి చెందిన ఒకిరికి నిర్మల్‌ ఫాస్ట్‌ట్రాక్‌ కోర్టు పదేళ్ల కఠిన కారాగార శిక్ష విధించింది. వివరాలిలా ఉన్నా యి.. పట్టణ పోలీస్‌స్టేషన్‌ పరిధిలో 2022లో పఠాన్‌ షారూక్‌పై పోక్సో కేసు నమోదు కాగా, శుక్రవారం నిర్మల్‌ ఫా స్ట్‌ట్రాక్‌ కోర్టులో విచారణకు వచ్చింది. ఈ మేరకు నేరం రుజువు కాగా నిందితుడికి పదేళ్ల కఠిన కారా గార శిక్ష, రూ.3 వేల జరిమానా విధిస్తూ ప్రత్యేక న్యా యస్థానం తీర్పు వెల్లడించింది. దర్యాప్తు అధికారి పోలీస్‌ ఇన్‌స్పెక్టర్‌ ఎం.ప్రవీణ్‌కుమార్‌, ప్రత్యేక పబ్లి క్‌ ప్రాసిక్యూటర్‌ ఎ.సుదర్శన్‌రెడ్డి న్యాయస్థానంలో వాదనలు వినిపించగా, కోర్టు లైజన్‌ ఎస్సై కె.రమేశ్‌, కేడీవో కె.మోహన్‌ కేసు విచారణకు సహకరించారు. బాలికలపై నేరాలకు పాల్పడే వారిపై చట్టరీత్యా కఠి న చర్యలు తీసుకుంటున్నట్లు ఎస్పీ జానకీ షర్మిల స్పష్టం చేశారు. కేసు దర్యాప్తును సమర్థవంతంగా నిర్వహించిన దర్యాప్తు అధికారి, ప్రత్యేక పబ్లిక్‌ ప్రా సిక్యూటర్‌, కోర్టు సిబ్బందిని అభినందించారు. ప్రధాన నిందితుడి అరెస్ట్‌తో హర్షం ఆదిలాబాద్‌టౌన్‌: యూనిక్‌ మర్చంటైల్‌ ఇండియా లిమిటెడ్‌, యూనిక్‌ ఎస్‌ఎంసీఎస్‌ సంస్థల పేరుతో అధిక లాభాల ఆశ చూపి పెట్టుబ డులు, చిట్‌ఫండ్ల ద్వారా ప్రజల నుంచి భారీగా డబ్బులు వసూలు చే సిన కేసులో ప్రధాన నిందితుడు రాజ్‌కుమార్‌ రాయ్‌ను జిల్లా పోలీసులు అరెస్ట్‌ చేసిన విషయం తెలిసిందే. ఈ నేపథ్యంలో నల్గొండ, సూర్యాపేట, నిజామాబాద్‌, మెదక్‌, వరంగల్‌, కామారెడ్డి తదితర జిల్లాలకు చెందిన సుమారు 150మంది బాధితులు గురు వారం రాత్రి ఆదిలాబాద్‌కు చేరుకుని ఎస్పీ అ ఖిల్‌ మహాజన్‌ను శాలువాతో సన్మానించారు. నిందితుడి అరెస్ట్‌తో తమకు న్యాయం జరుగుతుందన్న ఆశాభావం వ్యక్తం చేస్తూ కృతజ్ఞతలు తెలిపారు. గుజరాత్‌లోని అహ్మదాబాద్‌కు చెందిన ప్రధాన నిందితుడి అరెస్ట్‌పై హర్షం వ్యక్తం చేశారు. దేశ వ్యాప్తంగా సుమారు 10వేల మంది డబ్బులు పెట్టి నష్టపోయినట్లు పోలీసులు ప్రాథమికంగా అంచనా వేస్తున్నారు. పెట్టుబ డుల గడువు ముగిసినా డబ్బులు అందక పలు వురు ఆర్థిక ఇబ్బందులు ఎదుర్కొంటున్నారు. ప్రజల నుంచి సేకరించిన డబ్బులు, సంస్థల ఆర్థిక లావాదేవీలు, నిందితులకు సంబంధించిన ఆస్తులపై పోలీసులు దర్యాప్తు కొనసాగిస్తున్నారు. ఈ కేసులో ఇతరుల పాత్ర, బా ధితుల సంఖ్య, పెట్టుబడి మొత్తాలపై వివరాలు సేకరిస్తున్నారు. సేకరించిన నిధులతో నిందితుడు వివిధ రాష్ట్రాల్లో ఫైవ్‌స్టార్‌ హోటళ్లు, హైదరా బాద్‌లో 400 ప్లాట్లు, 200 ఎకరాల భూమి కొ నుగోలు చేసినట్లు పోలీసులు తెలిపారు. వాటి ని కోర్టు ద్వారా జప్తు చేయించేలా నివేదికలు పంపనున్నట్లు పేర్కొన్నారు. మోసానికి గురైనవారు ధైర్యంగా సంబంధిత పోలీస్‌స్టేషన్లలో ఫిర్యాదు చేయాలని ఎస్పీ సూచించారు.

మందమర్రిరూరల్‌: మందమర్రి మున్సిపాలిటీ పరిధిలోని పలు ఓపెన్‌జిమ్‌లు అధికారు ల నిర్లక్ష్యానికి గురై ప్రజలు వినియోగించుకోలేని పరిస్థితి నెలకొంది. ప్లాట్‌ఫామ్‌ పగిలి పోయి విష సర్పాలకు నిలయంగా తయారయ్యాయి. పలు చోట్ల పరికరాలు చెడిపోయినా మరమ్మతులు, వాటి స్థానంలో కొత్తవి ఏర్పాటు చేయడం లేదు. కాలనీల్లోని మరికొ న్ని జిమ్‌ల వద్ద విపరీతంగా పిచ్చి మొక్కలు పెరిగాయి. ఈ విషయమై మున్సిపల్‌ డీఈ సాయికిరణ్‌ను సంప్రదించగా.. పలు జిమ్‌ పరికరాల కోసం మరమ్మతుల కోసం ప్రతి పాదనలు పంపించామని తెలిపారు.

దండేపల్లి: మండలంలోని తాళ్లపేటలో ఈనెల 18న బతుకమ్మ వేడుకల్లో అధికార కాంగ్రెస్‌కు చెందిన రెండు వర్గాల నాయకులు గొడవపడిన విషయం తె లిసిందే. గొడవకు కారణమైన ఇరువర్గాలకు చెందిన సుమారు 21మందికి మంచిర్యాల డీసీపీ భా స్కర్‌, ఏసీపీ ప్రకాశ్‌ దండేపల్లి పోలీస్టేషన్‌లో శుక్రవారం కౌన్సిలింగ్‌ ఇచ్చారు. శాంతి భద్రతలకు వి ఘాతం కలిగించవద్దని సూచించారు. ఇకముందు ఎలాంటి వివాదాలకు పాల్పడకుండా ఉండేందుకు వారందరినీ మంచిర్యాల ఆర్డీవో కార్యాలయానికి తీసుకెళ్లి ఆర్డీవో శ్రీనివాస్‌ ఎదుట బైండోవర్‌ చేశా రు. సీఐ రమణమూర్తి, ఎస్సై రాజవర్ధన్‌ ఉన్నారు.

మంచిర్యాలటౌన్‌: మంచిర్యాల ప్రభుత్వ వైద్య కళాశాలలో ఖాళీ పోస్టుల భర్తీ ప్రక్రియ పారదర్శకంగా నిర్వహిస్తూ, అభ్యర్థుల ప్రతిభ, అర్హతల ఆధారంగా ఎంపిక చేశామని జిల్లా కలెక్టర్‌ కుమార్‌ దీపక్‌ అన్నారు. మంచిర్యాల ప్రభుత్వ వైద్య కళాశాలలో దంత వైద్య విభాగంలో అధ్యాపకుల నియామక ప్రక్రియకు కళాశాల ప్రిన్సిపాల్‌ డాక్టర్‌ దేవోజి మా లోతు, మంచిర్యాల ప్రభుత్వ జనరల్‌ ఆసుపత్రి సూపరింటెండెంట్‌ డాక్టర్‌ అశోక్‌తో కలిసి హాజరయ్యారు. కలెక్టర్‌ మాట్లాడుతూ రాత పరీక్ష, పీజీ, ఇంటర్వ్యూ మార్కులను పరిగణనలోకి అభిషేక్‌ ఎంపికకు కమిటీ నిర్ణయించిందని అన్నారు. ప్రభు త్వ వైద్య కళాశాల మైదానం అభివృద్ధి, క్రీడా వసతుల కల్పన, తాగునీటి సదుపాయం, ఇంటర్నెట్‌ సౌకర్యాల మెరుగుదలకు ప్రతిపాదనలు సిద్ధం చేయాలని ఆదేశించారు. సీఎంఆర్‌ వేగవంతం చేయాలిభీమారం: రైస్‌మిల్లులు వరిధాన్యం లక్ష్యాలను త్వరగా పూర్తి చేసి సీఎంఆర్‌ ప్రక్రియను వేగవంతం చేయాలని కలెక్టర్‌ కుమార్‌ దీపక్‌ తెలిపారు. శుక్రవా రం మండలంలోని అంకూసాపూర్‌లో రైస్‌మిల్లును అధికారులతో కలిసి సందర్శించారు. డిప్యుటీ తహసీల్దార్‌ అంజమ్మతో కలిసి మద్దికల్‌ను సందర్శించారు. గ్రామంలో భూ రీసర్వే ప్రక్రియను ఉదయం సమయాల్లో నిర్వహించేలా అధికారులు చర్యలు తీసుకోవాలని తెలిపారు. తహసీల్దార్‌ కార్యాలయం, ప్రాథమిక ఆరోగ్య కేంద్రం సందర్శించారు.

జైపూర్‌: ఓ వైపు విద్యుత్‌ సరఫరాలో అంతరాయం.. మరోవైపు బోరులో నీరు అడుగంటడంతో చివరి దశలో ఉన్న వరి పంట సంరక్షణకు రైతు భగీరథ ప్రయత్నం చేస్తున్నాడు. మంచిర్యాల జిల్లా జైపూర్‌ మండలంలోని మిట్టపల్లి గ్రామ మాజీ ఎంపీటీసీ రామటెంకి దేవయ్య గ్రామంలో మూడున్నర ఎకరాలు కౌలుకు తీసుకుని వరి సాగు చేశాడు. వరి గింజలు పాలుపోసుకుని చివరి దశకు చేరుతున్న తరుణంలో కరెంటు సరఫరాలో అంతరాయం ఏర్పడుతోంది. భూగర్భ జలాలు అడుగంటుతుండడంతో బోరు సరిగ్గా పోయడం లేదు. ఓ వైపు తడిస్తే మరోవైపు పొలం నెర్రెలు బారుతోంది. పంటను కాపాడుకోవాలని బోరుతోపాటు ట్రాక్టర్‌ ట్యాంకర్‌ ద్వారా నీరు పారిస్తున్నాడు. ట్రాక్టర్‌ ట్యాంకర్‌ రూ.800 చొప్పున శుక్రవారం ఒక్క రోజే 12 ట్రిప్పులు నీరు తెప్పించినట్లు తెలిపాడు.

ఇంద్రవెల్లి: జల్‌.. జంగల్‌.. జమీన్‌ నినాదంతో పోరాటం చేసిన మహనీయుడు కుమురం భీమ్‌ను ఆదర్శంగా తీసుకుని ఐక్య పోరాటాలు చేస్తేనే హక్కులు సాధించుకోవచ్చని ఎంపీ గోడం నగేశ్‌, ఎమ్మెల్యే వెడ్మ బొజ్జు పటేల్‌ పేర్కొన్నారు. ఎస్పీ అఖిల్‌ మహాజన్‌, మాజీ ఎంపీ సోయం బాపూరావ్‌, మాజీ ఎమ్మెల్యే ఆత్రం సక్కు, ఆదివాసీ నాయకులతో కలిసి మండలకేంద్రంలో ఏర్పాటు చేసిన కుమురం భీమ్‌ కాంస్య విగ్రహాన్ని శుక్రవారం ఆవిష్కరించారు. ముందుగా ఉమ్మడి జిల్లా నలుమూలల నుంచి తరలివచ్చిన ఆదివాసీలు అమరవీరుల స్తూపం నుంచి వందల సంఖ్యలో డోలు వాయిద్యాలతో ర్యాలీగా కుమురం విగ్రహాం వద్దకు చేరుకున్నారు. ఎంపీ, ఎమ్మెల్యే, రాయిసెంటర్‌ సార్మెడిలు, ఆదివాసీ పెద్దలతో కలిసి విగ్రహాన్ని ఆవిష్కరించారు. అనంతరం వ్యవసాయ మార్కెట్‌ యార్డులో ఏర్పాటు చేసిన సమావేశంలో ఎంపీ, ఎమ్మెల్యే మాట్లాడారు. ఆదివాసీ గిరిజన సంస్కృతి, సంప్రదాయాలతో పాటు ఆదివాసీ ఆచారాలను పాటిస్తూనే పిల్లల చదువులపై దృష్టి సారించాలని పిలుపునిచ్చారు. ఉన్నత చదువులు, ఉద్యోగాల కోసం పోటీ తత్వంతో ముందుకు సాగాలని సూచించారు. ఆదివాసీ గిరిజనులు ఏ పార్టీలో ఉన్నా జాతి కోసం సమన్వయంతో పని చేసి ఆదివాసీ సమాజాభివృద్ధి కోసం కృషి చేయాలని కోరారు. అనంతరం ఎల్‌నినో ప్రభావంతో జిల్లాలో వర్షాలు కురువక రైతులు వానాకాలంలో సాగు చేసిన పంటలకు నష్టం వాటిల్లిందని, జిల్లా పరిస్థితిని కేంద్ర, రాష్ట్ర ప్రభుత్వాల దృష్టికి తీసుకెళ్లి కరువు జిల్లాగా ప్రకటించేలా కృషి చేయాలని రాయిసెంటర్‌ సార్మెడిలు ఎమ్మెల్యే, ఎంపీకి విజ్ఞప్తి చేశారు. మహారాష్ట్ర ఎమ్మెల్యే రాజు తోడసం, కుమురం భీమ్‌ మనుమడు సోనేరావ్‌, రాయిసెంటర్‌ జిల్లా మేడి తోడసం అమృత్‌రావ్‌, రాయిసెంటర్‌ సార్మెడిలు మెస్రం వెంకట్‌రావ్‌, చిన్ను పటేల్‌, దుర్గు, కొట్నాక్‌ దేవ్‌షావ్‌, కుమురం భీమ్‌ నిర్వహణ కమిటీ చైర్మన్‌ నాగ్‌నాథ్‌, ఆయా సంఘాల రాష్ట్ర నాయకులు మెస్రం మనోహర్‌, ముఖడే విష్ణు, తుడుందెబ్బ నాయకులు గోడం గణేశ్‌, మైపతి అరుణ్‌కుమార్‌, పుర్క బాపురావ్‌, ఆదివాసీ మండల నాయకులు పుర్క చిత్రు, గేడం భరత్‌, జుగ్నాక్‌ భరత్‌, ఆర్క ఖమ్ము తదితరులున్నారు. మార్మోగిన ఇంద్రవెల్లి కుమురం భీమ్‌ విగ్రహావిష్కరణ సందర్భంగా ఆదివాసీల సంప్రదాయ డోలు, పేప్రే, ఖాళి కోం వాయిద్యాలతో ఇంద్రవెల్లి మార్మోగింది. ఉమ్మడి అదిలాబాద్‌ జిల్లా నలుమూలల నుంచి భారీ సంఖ్యలో వచ్చిన ఆదివాసీలు అమరవీరుల స్తూపం నుంచి కుమురం భీమ్‌ విగ్రహాం వరకు వందలాదిగా తీసుకువచ్చిన డోలు వాయిద్యాల మధ్య ర్యాలీగా చేరుకున్నారు. ఆదివాసీ సంప్రదాయం, సంస్కృతి, ఐక్యతను చాటిచెప్పేలా నిర్వహించిన వాయిద్యాల ప్రదర్శన ఆకట్టుకుంది.

నస్పూర్‌: పోలీస్‌ అమరవీరుల సంస్మరణ వారోత్సవాలను పురస్కరించుకుని రామగుండం పోలీస్‌ కమిషనరేట్‌ పరిధిలోని పోలీస్‌ అధికారులు, సిబ్బందికి వ్యాసరచన పోటీలు నిర్వహించారు. శుక్రవారం కమిషనరేట్‌ కార్యాలయంలో అదనపు డీసీపీ(పరిపాలన) కే.శ్రీనివాస్‌ పర్యవేక్షణలో సీసీఆర్‌బీ ఇన్‌స్పెక్టర్‌ గోపి ఆధ్వర్యంలో ‘పౌరుల నుంచి గౌరవం, ఆదరణ, సద్భావన పొందేందుకు పోలీసులు ఎలాంటి కృషి చేయాలి, క్షేత్రస్థాయిలో పోలీసింగ్‌ వ్యవస్థను మరింత బలోపేతం చేయడం ఎలా’ అనే అంశాలపై వ్యాసరచన పోటీలు నిర్వహించారు. పోలీసు సిబ్బందిలో వృత్తిపరమైన నైపుణ్యం, సామాజిక బాధ్యత, ప్రజాసేవపై నిబద్ధతను పెంపొందించడంతోపాటు ప్రజానుకూల పోలీసింగ్‌పై అవగాహన కల్పించడమే ఈ పోటీల ఉద్దేశ్యమని అధికారులు తెలిపారు. ఈ కార్యక్రమంలో కమిషనరేట్‌ పరిధిలోని పలువురు ఏఎస్సైలు, కానిస్టేబుళ్లు పాల్గొన్నారు.

బెల్లంపల్లి: బెల్లంపల్లి మున్సిపాలిటీలో ఓపెన్‌ జిమ్‌ల నిర్వహణ లోపించింది. పర్యవేక్షణ లేకపోవడంతో పరికరాలు ఆకతాయిల చేష్టలకు పాడవుతున్నాయి. రాత్రిపూట మందుబాబులకు అడ్డాగా మారుతున్నాయి. సింగరేణి తిలక్‌ స్టేడియం, పోచమ్మ చెరువు కట్ట కింద, అంబేద్కర్‌ నగర్‌, ఏఎంసీ క్రీడా మైదానం, 65 ఏరియా, రైల్వేస్టేషన్‌ ఏరియా తదితర ప్రాంతాల్లో ఓపెన్‌ జిమ్‌లు ఉన్నాయి. వీటిని నిర్వహణను మున్సిపల్‌ అధికారులు పట్టించుకోవడం లేదు. పరికరాలు రాపిడికి గురి కాకుండా గ్రీస్‌ ఎప్పటికప్పుడు పెట్టించాల్సి ఉన్నా నిర్లక్ష్యంగా వ్యవహరిస్తున్నారని వాకర్స్‌ తెలిపారు.

చెన్నూర్‌: మంచిర్యాల జిల్లా చెన్నూర్‌ నియోజకవర్గ కేంద్రంలో అడ్వాన్స్‌డ్‌ టెక్నాలజీ సెంటర్‌(ఏటీసీ) పనులు ముందుకు సాగడం లేదు. ఇద్దరు రాష్ట్ర మంత్రులు శంకుస్థాపన చేసి తొమ్మిది నెలలు గడుస్తుండగా ఇప్పటికీ పనులు ప్రారంభం కాలేదు. పట్టణంలోని తహసీల్దార్‌ కార్యాలయ సమీపంలో గత జనవరి 19న రూ.47.50కోట్లతో ఏటీసీ నిర్మాణానికి రాష్ట్ర కార్మిక మంత్రి గడ్డం వివేక్‌వెంకటస్వామి, రాష్ట్ర పర్యాటక శాఖ మంత్రి జూపల్లి కృష్ణారావు శంకుస్థాపన చేశారు. దీంతో ఆధునిక సాంకేతిక కేంద్రం ఏర్పాటు అవుతుందని చెన్నూర్‌, కోటపల్లి మండలాల యువతీ, యువకులు సంతోషించారు. తొమ్మిది నెలలు గడుస్తున్నా పనులు ప్రారంభం కాకపోవడంతో అసంతృప్తి వ్యక్తం చేస్తున్నారు. పనులు ప్రారంభిస్తే ఇప్పటివరకు పూర్తయ్యేవి. నిరుద్యోగులకు సాంకేతిక విద్య అందని ద్రాక్షగా మారుతోందని ఆవేదన వ్యక్తం చేస్తున్నారు. రాష్ట్ర కార్మిక శాఖ మంత్రి వివేక్‌వెంకటస్వామి ఏటీసీ కేంద్రం పనులు త్వరితిగతిన ప్రారంభించేలా ప్రత్యేక చొరవ చూపించాలని నిరుద్యోగ యువతీ, యువకులు మహేశ్‌, స్వాతి కోరారు.

మంచిర్యాలఅర్బన్‌: సంక్షేమ గురుకుల పాఠశాలల్లో విద్యార్థులకు ఎడ్యుకేషన్‌ కిట్లు పూర్తి స్థాయిలో పంపిణీ కాలేదు. విద్యాసంవత్సరం ప్రారంభమై నెలలు గడుస్తున్నా కిట్‌లోని అన్ని వస్తువులు అందలేదు. ప్రభుత్వం 21రకాల వస్తువులు అందించాలని నిర్ణయించగా.. ప్రస్తుతం పాఠ్య, నోట్‌ పుస్తకాలు, కార్పెట్‌, ప్లేట్‌, గ్లాస్‌ వంటి వస్తువులు మాత్రమే చేరాయి. ట్రంక్‌బాక్స్‌లు, ట్రాక్‌సూట్‌, నైట్‌డ్రెస్‌లు, పీటీ డ్రెస్‌, బూట్లు, సాక్స్‌, స్కూల్‌ బ్యాగులు, టవల్స్‌ పంపిణీపై స్పష్టత కొరవడింది. ఇంటర్‌ విద్యార్థులకు ఒక్క జత యూనిఫామ్‌ పూర్తిసాయిలో చేరని పరిస్థితి నెలకొంది. 157 పాఠశాలల నమూనా కిట్లు.. ప్రభుత్వ పాఠశాలలు, గురుకులాల విద్యార్థులకు స్టూడెంట్‌ కిట్ల పంపిణీ జూన్‌ 19న అధికారికంగా ప్రారంభించారు. నోట్‌బుక్స్‌, యూనిఫాం, వస్తువులు, ఇతర విద్యాసామగ్రి అందజేశారు. గురుకుల విద్యార్థులకు 21రకాలు, హాస్టల్‌ విద్యార్థులకు 10రకాలు, డేస్కాలర్‌ విద్యార్థులకు 7 నుంచి వివిధ రకాల వస్తువులతో కూడిన కిట్లను ప్రభుత్వం పంపిణీ చేపట్టింది. జూన్‌లో నమూనాల కింద మూడు కేజీబీవీలు, టీబీసీ డబ్ల్యూఆర్‌ఈఐఎస్‌(ఎంజేపీ)కు 19 కిట్లు, టీజీఎస్‌డబ్ల్యూ ఆర్‌ఈఐఎస్‌కు 8కిట్లు, జెడ్పీహెచ్‌ఎస్‌కు 109 కిట్లు, యూఆర్‌ఎస్‌కు 2 కిట్లు, మోడల్‌ స్కూళ్లకు 4, టీజీఎంఆర్‌ఈఐఎస్‌కు 12 కిట్లు చొప్పున పంపిణీ చేశారు. యూనిఫామ్‌ లెక్కల్లో వ్యత్యాసం ప్రభుత్వ పాఠశాలల విద్యార్థులకు నోటుబుక్స్‌, పాఠ్యపుస్తకాలు, షూ సాక్స్‌, బెల్ట్‌లు అందజేశారు. డీఆర్‌డీఏ, విద్యాశాఖ పంపిణీ చేసిన యూనిఫామ్‌లపై విద్యార్థుల సంఖ్య లెక్కల్లో వ్యత్యాసం ఉన్నట్లు తెలుస్తోంది. పాఠశాల ప్రారంభంలో 43,072 మంది విద్యార్థులుండగా బడిబాట, విద్యాధికారుల చొరవతో మరో 3,566 మంది చేరారు. రెండో జతకు వచ్చే సరికి విద్యార్థుల సంఖ్య 46,566కు చేరింది. ఈ లెక్కన విద్యార్థులకు రెండో జత దుస్తులు అందించినా రెండు శాఖల మధ్య సంఖ్యపై పొంతన కుదరడం లేదని తెలుస్తోంది. జూనియర్‌ కళాశాలకు ఆలస్యంగా.. ప్రభుత్వం జూనియర్‌ కళాశాలల విద్యార్థులకు ఉచిత యూనిఫామ్‌ల పంపిణీ నాలుగు నెలల ఆలస్యం తర్వాత ప్రారంభమైంది. జిల్లాలో 10 ప్రభుత్వ కళాశాలల్లో ప్రథమ సంవత్సరంలో 2506, ద్వితీయ సంవత్సరంలో 2158 మంది విద్యార్థులు ఉన్నారు. పాఠశాల, కళాశాల విద్యార్థులకు ఏకకాలంలో ఒక్కో జత యూనిఫాం అందించాలని ప్రభుత్వం లక్ష్యంగా పెట్టుకున్నా క్షేత్రస్థాయిలో పరిస్థితులు భిన్నంగా మారాయి. యూనిఫామ్‌లు అందకపోవటంతో ఇన్నాళ్లూ సాధారణ దుస్తుల్లో కళాశాలకు రావాల్సి వచ్చింది. నాలుగు నెలల నిరీక్షణ తర్వాత ఒకట్రెండు కళాశాలల విద్యార్థులకు యూనిఫాంలు పంపిణీ చేయగా మిగతా విద్యార్థులకు ఎప్పుడు చేరుతుందో తెలియాల్సి ఉంది. రవాణా చార్జీల భారం గురుకులాలతోపాటు కస్తూర్బా గాంధీ బాలిక విద్యాలయాల(కేజీబీవీ) విద్యార్థులకు ఎడ్యుకేషన్‌ కిట్ల పంపిణీ క్షేత్రస్థాయిలో తలనొప్పిగా మారుతోంది. కిట్ల సామగ్రి, పుస్తకాల పంపిణీ సరఫరా అంతా కాంట్రాక్టర్‌ పాఠశాల స్థాయికి చేర్చాల్సి ఉన్నా మండలాలకు పంపిణీ చేసి చేతులు దులిపేసుకుంటున్నారు. గురుకులాలకు ప్రభుత్వం నిర్వహణ ఖర్చుల కింద రూ.లక్ష నుంచి రూ.2లక్షల వరకు నేరుగా బ్యాంకు ఖాతాల్లో జమ చేస్తుండగా కేజీబీవీలకు వెసులుబాటు లేకపోవడంతో సొంత డబ్బులు ఖర్చు చేయాల్సిన దుస్థితి నెలకొంది. కిట్లకు సంబంధించిన వస్తువులు పూర్తిగా ఒకేసారి రాకపోవడం, విడతల వారీగా రావడంతో ఎమ్మార్సీ నుంచి పాఠశాలలకు తెచ్చుకోవడం ప్రధాన సమస్యగా మారింది. నోట్‌పుస్తకాల నుంచి మొదలుకుని యూనిఫామ్‌ల వరకు ఏదైనా సరైన రవాణా నిధులు లేకపోవడంతో సొంత డబ్బులు వెచ్చించాల్సి వస్తోంది. ప్రభుత్వ పాఠశాలలతోపాటు కేజీబీవీలకు ప్రత్యేకంగా నిర్వహణ నిధులను బ్యాంకు ఖాతాలో జమ చేయడం, బియ్యం నుంచి మొదలుకుని ఇతరత్రా సామగ్రిని నేరుగా పాఠశాలలకు చేర్చితే రవాణా భారం తగ్గనుంది.

శ్రీరాంపూర్‌: సింగరేణి సులభ్‌ కాంప్లెక్స్‌లలో పనిచేసే సఫాయి కర్మచారి కాంట్రాక్ట్‌ కార్మికులకు పెండింగ్‌లో ఉన్న డీఏ బకాయిలను వెంటనే విడుదల చేయాలని సింగరేణి కాలరీస్‌ కాంట్రాక్ట్‌ వర్కర్స్‌ యూనియన్‌ నాయకులు డిమాండ్‌ చేశారు. ఈ మేరకు ఆ యూనియన్‌ ఆధ్వర్యంలో నాయకులు శుక్రవారం కొత్తగూడెంలోని సింగరేణి ప్రధాన కార్యాలయంలో జీఎం (పర్సనల్‌) కిరణ్‌కుమార్‌ను కలిసి వినతిపత్రం అందజేశారు. ఈ సందర్భంగా వారు మాట్లాడుతూ.. 35 నెలల డీఏ బకాయిలున్నాయని తెలిపారు. ప్రతీనెల 7వ తేదీన వేతనాలు చెల్లించాలని, చట్ట ప్రకారం కార్మికులకు ఈఎస్‌ఐ, ఈపీఎఫ్‌ అమలు చేయాలని కోరారు. ఇతర కాంట్రాక్ట్‌ కార్మికులకు అమలు చేసినట్లే 8.33 శాతం బోనస్‌ అమలు చేయాలని విజ్ఞప్తి చేశారు. ఆగస్టు 1, 2026న సింగరేణి యాజమాన్యం, సులభ్‌ ఇంటర్నేషనల్‌ సోషల్‌ సర్వీస్‌ ఆర్గనైజేషన్‌ సంస్థ, యూనియన్‌ నాయకులకు మధ్య జరిగిన ఒప్పందాలను అమలు చేయాలని, లేని పక్షంలో లేబర్‌ కోర్టును ఆశ్రయిస్తామని పేర్కొన్నారు. యూనియన్‌ రాష్ట్ర వర్కింగ్‌ ప్రెసిడెంట్‌ బ్రహ్మానందం, ప్రధాన కార్యదర్శి సంజీవ్‌ తదితరులు పాల్గొన్నారు.

మందమర్రిరూరల్‌: సింగరేణిలో నెలకొన్న సమస్యల పరిష్కారానికి ఈ నెల 25న హైదరాబాద్‌లోని ఇందిరాపార్క్‌ వద్ద సీఐటీయూ ఆధ్వర్యంలో భారీ ధర్నా నిర్వహించనున్నట్లు సీఐటీయూ కార్యదర్శి తుమ్మల రాజారెడ్డి పిలుపునిచ్చారు. శుక్రవారం మందమర్రి ఏరియాలోని కేకే–5 గనిపై నిర్వహించిన సమావేశంలో మాట్లాడారు. సింగరేణి సంస్థకు ఉన్న విద్యుత్‌ బకాయిలు వెంటనే చెల్లించాలని కోరారు. గుర్తింపు యూనియన్‌ సింగరేణి సంస్థతో చేసుకున్న ఒప్పందాలు వెంటనే అమలు చేయాలని విజ్ఞప్తి చేశారు. కార్మికుల సొంతింటి కల నెరవేర్చాలని కోరారు. సింగరేణిలో కొత్తగా అమలు చేస్తున్న లేబర్‌ కోడ్స్‌ను రద్దు చేయాలని, సంస్థలో రాజకీయ జోక్యం వద్దని డిమాండ్‌ చేశారు. యూనియన్‌ ఏరియాధ్యక్షుడు వెంకటస్వామి అధ్యక్షతన నిర్వహించిన సమావేశంలో నాయకులు రాజేందర్‌, ఆదర్శ్‌, సత్యనారాయణ, వెంకటేశ్‌ తదితరులున్నారు.

లక్సెట్టిపేట: ఆర్టీఏ మెంబర్‌ అంకతి శ్రీనివాస్‌ను కిడ్నాప్‌ చేసిన వ్యక్తులపై కఠినచర్యలు తీసుకోవాలని మంచిర్యాల నగర మేయర్‌ ధరణి మధుకర్‌ కోరారు. శుక్రవారం మండల కేంద్రంలోని ఐబీ ఆవరణలో విలేకరులతో మాట్లాడారు. ఎమ్మెల్యే ప్రేమ్‌సాగర్‌రావు చేస్తున్న అభివృద్ధిని చూసి ఓర్వలేకే కొందరు కాంగ్రెస్‌ కార్యకర్తలను ఇబ్బందులకు గురిచేస్తున్నారని ఆరోపించారు. స్నేహం పేరిట కొందరు దసరా రోజు శ్రీనివాస్‌కు మద్యం తాగించి కిడ్నాప్‌ చేశారని తెలిపారు. ఈ సమాచారం ఎమ్మెల్యేకు తెలవడంతో వెంటనే స్పందించి శ్రీనివాస్‌ను రక్షించారని పేర్కొన్నారు. ఎమ్మెల్యేపై అనుచిత వ్యాఖ్యలు చేస్తే కాంగ్రెస్‌ కార్యకర్తలు తగిన బుద్ధి చెబుతారని హెచ్చరించారు. శ్రీనివాస్‌ కాంగ్రెస్‌లో కొనసాగుతాడని పేర్కొన్నారు. అనంతరం గాంధీ చౌక్‌ నుంచి పోలీస్‌స్టేషన్‌ వరకు ర్యాలీగా వెళ్లి సీఐ రమణమూర్తి, ఎస్సై సురేశ్‌కు ఫిర్యాదు చేశారు. తనను కిడ్నాప్‌ చేసిన వ్యక్తులపై కఠినచర్యలు తీసుకోవాలని శ్రీనివాస్‌ ఫిర్యాదులో కోరారు. ఏఎంసీ చైర్మన్‌ వెంకటేశ్వర్లు, పీఏసీఎస్‌ చైర్మన్‌ నాగభూషణం, నాయకులు గడ్డం త్రిమూర్తి, నలిమెల రాజు, వెంకటస్వామిగౌడ్‌, సత్యపాల్‌, నర్సయ్య తదితరులున్నారు.

మందమర్రిరూరల్‌: పట్టణంలోని పిల్లలందరికీ క్యాచప్‌ వ్యాక్సినేషన్‌లో భాగంగా ఈ నెల 31వరకు టీకాలు ఇప్పించాలని డీఎంహెచ్‌వో నరేందర్‌ తెలిపారు. శుక్రవారం పట్టణంలోని ఊరుమందమర్రిలోని ఆయుష్మాన్‌ వైద్య ఉపకేంద్రాన్ని డిప్యూటీ డీఎంహెచ్‌వో సుధాకర్‌నాయక్‌తో కలిసి ఆకస్మికంగా సందర్శంచి రికార్డులు పరిశీలించారు. సిబ్బందికి పలు సూచనలు చేశారు. కొత్తగా వచ్చిన, తప్పిపోయిన పిల్లలను గుర్తించి వ్యాక్సినేషన్‌ ఇవ్వాలని, వ్యాధి నిరోధక టీకాలు ఇప్పించడం వల్ల ఆరోగ్యం బాగుంటుందని తెలిపారు. కుష్ఠువ్యాది నివారణ కోసం ప్రతీ ఇంటికి తిరిగి వివరాలు సేకరించాలని, దగ్గు, జలుబు, జ్వరం, దోమల ద్వార సంక్రమించే డెంగీ, చికెన్‌ గున్యా, మలేరియా వంటి వ్యాధులు ప్రబలకుండా మున్సిపాలిటీ, గ్రామ పంచాయతీల్లో పరిశుభ్రత పాటిస్తూ జాగ్రత్తలు తీసుకోవాలని సూచించారు. వైద్యసిబ్బంది, ఆశ వర్కర్లు, ఆరోగ్య కార్యకర్తలు పాల్గొన్నారు.

మంచిర్యాలటౌన్‌: ప్రజలు ఆరోగ్యంగా ఉండేందుకు అందరికీ అందుబాటులో ఉండేలా మంచిర్యాల నగరంలో ఏర్పాటు చేసిన ఓపెన్‌ జిమ్‌లో పరికరాలు విరిగిపోయాయి. దీంతో ప్రజలు వ్యాయామం చేయలేని పరిస్థితులు ఏర్పడ్డాయి. రూ.లక్షలు వెచ్చించి ఏర్పాటు చేసిన ఓపెన్‌జిమ్‌ల్లోని పరికరాల్లో కొన్ని చోరీకి గురవుతున్నాయి. మరికొన్నింటిని ఆకతాయిలు విరగ్గొడుతున్నారు. ప్రజలు ఆహ్లాదంగా, ప్రశాంత వాతావరణంలో వ్యాయం చేసేలా బహిరంగ ప్రదేశాల్లో ఓపెన్‌జిమ్‌లు ఏర్పాటు చేశారు. వాటిని భద్రంగా చూడాల్సిన బాధ్యతను మున్సిపల్‌ కార్పొరేసన్‌ అధికారులు విస్మరించారు. ఫలితంగా రూ.లక్షల విలువైన పరికరాలు పనికి రాకుండా పోతున్నాయి. పరికరాల రక్షణకు ఎలాంటి చర్యలు తీసుకోవడం లేదు. మరమ్మతు చేయకపోవడం, చోరీకి గురైన వాటి స్థానంలో కొత్తవి ఏర్పాటుకు నెలల తరబడి సమయం పడుతోంది. అప్పటి ప్రజలు వ్యాయామానికి దూరం కావాల్సి వస్తోంది.

ఖానాపూర్‌: పుట్టింది తెలంగాణ గడ్డపై.. పెరిగింది అమెరికాలో.. లక్ష్యం అమెరికా సైన్యంలో సేవ చేయడం.. ఆ లక్ష్యాన్ని చేరుకునే దిశగా కఠిన శిక్షణను విజయవంతంగా పూర్తి చేసి తన ప్రతిభను చాటుకున్నాడు నిర్మల్‌ జిల్లా ఖానాపూర్‌ మండలం సింగాపూర్‌ గ్రామానికి చెందిన పన్నెల విశ్వక్‌ తేజ్‌. అమెరికాలో స్థిరపడిన పన్నెల జనార్దన్‌–రూప దంపతుల పెద్ద కుమారుడైన విశ్వక్‌ తేజ్‌.. అమెరికా సైన్యానికి సాంకేతిక సహకారం అందించే విభాగానికి సంబంధించిన శిక్షణ పూర్తి చేసుకుని ప్రత్యేక గుర్తింపు పొందాడు. సుమారు 250 మంది సైనికులతో కూడిన శిక్షణ బృందంలో భారతీయ మూలాలున్న అమెరికన్‌గా విశ్వక్‌ తేజ్‌ ఒక్కరే ఉండటం విశేషం. ఆయన సాధించిన ఈ ఘనతకు కుటుంబ సభ్యులతో పాటు సింగాపూర్‌ గ్రామస్తులు ఆనందం వ్యక్తం చేస్తున్నారు. ఖానాపూర్‌ నుంచి అమెరికా వరకు.. నిర్మల్‌ జిల్లా ఖానాపూర్‌ మండలం సింగాపూర్‌ గ్రామానికి చెందిన పన్నెల జనార్దన్‌–రూప దంపతులు సుమారు 23ఏళ్ల క్రితం ఉద్యోగ, ఉపాధి అవకాశాల కోసం అమెరికాకు వెళ్లి అక్కడే స్థిరపడ్డారు. అయినా స్వగ్రామంతో తమ అనుబంధాన్ని కొనసాగిస్తున్నారు. ఫోక్‌ సింగర్‌గా గుర్తింపు పొందిన జనార్దన్‌ రెండు దశాబ్దాలుగా పలు సామాజిక సేవా కార్యక్రమాలు నిర్వహిస్తూ సేవాభావాన్ని చాటుకుంటున్నారు. తండ్రిని స్ఫూర్తిగా తీసుకుని విశ్వక్‌తేజ్‌ క్రమశిక్షణ, పట్టుదలతో ముందుకు సాగాడు. అమెరికా సైన్యంలో సేవలందించాలనే లక్ష్యంతో అడుగులు వేశాడు. సైన్యానికి సాంకేతిక రంగంలో సహకారం అందించే విభాగానికి సంబంధించిన కఠిన శిక్షణ పూర్తి చేసి అనుకున్న లక్ష్యం సాధించాడు. సుమారు 250 మంది సైనికులతో కూడిన శిక్షణ బృందంలో భారతీయ మూలాలున్న అమెరికన్‌గా విశ్వక్‌ తేజ్‌ ఒక్కరే ఉండటం తమకు గర్వకారణమని ఆయన తల్లిదండ్రులు పేర్కొన్నారు. శిక్షణను విజయవంతంగా పూర్తి చేసిన నేపథ్యంలో జార్జియా రాష్ట్రానికి చెందిన పలువురు ప్రముఖుల నుంచి ప్రశంసలు అందుకుంటున్నట్లు వారు తెలిపారు. కాగా, స్వగ్రామంతో అనుబంధాన్ని కొనసాగిస్తూ విదేశాల్లో తమదైన ముద్ర వేస్తున్న ఈ కుటుంబం సాధించిన విజయంపై సింగాపూర్‌ గ్రామస్తులు హర్షం వ్యక్తం చేస్తున్నారు. యువతకు స్ఫూర్తిదాయకం పట్టుదల, క్రమశిక్షణ, లక్ష్యంపై స్పష్టత ఉంటే ఉన్నత శిఖరాలను చేరుకోవచ్చని విశ్వక్‌ తేజ్‌ ప్రయాణం చాటిచెబుతోంది. ఖానాపూర్‌ మండలానికి చెందిన యువకుడు అమెరికా సైన్యంలో శిక్షణ పూర్తి చేసుకోవడం జిల్లా వాసులకు గర్వకారణంగా నిలిచింది. భవిష్యత్‌లో విశ్వక్‌ తేజ్‌ మరిన్ని విజయాలు సాధించి ఉన్నత స్థాయికి ఎదగాలని కుటుంబ సభ్యులు, బంధుమిత్రులు, గ్రామస్తులు ఆకాంక్షిస్తున్నారు.

కైలాస్‌నగర్‌: ఆదిలాబాద్‌ జిల్లా అభివృద్ధితోపాటు వేలాది మంది కార్మికుల ఉపాధి కల్పనకు తోడ్పడిన ఆదిలాబాద్‌ సిమెంట్‌ కార్పొరేషన్‌ ఆఫ్‌ ఇండియా (సీసీఐ) ఫ్యాక్టరీ పరిశ్రమ శకం ముగిసింది. ఓ వైపు ఫ్యాక్టరీని పునరుద్ధరించాలనే డిమాండ్‌తో ఆందోళన కొనసాగుతుండగా, కేంద్రప్రభుత్వం ఫ్యాక్టరీని తుక్కు కింద విక్రయించేందుకు నిర్ణయించే టెండర్‌ ఆహ్వానించింది. దీంతో కాంట్రాక్టర్లు పరిశ్రమలోని యంత్రాలు, విడిభాగాలు, పరికరాలను తుక్కు కింద విక్రయించేందుకు టెండర్‌ నిర్వహిస్తున్నారు. సీసీఐ పరిశ్రమకు ఐకానికంగా నిలిచిన భారీ యంత్రాన్ని గురువారం నేలమట్టం చేశారు. బాంబుపేలుళ్లతో భారీ గొట్టం యంత్రాలను ధ్వంసం చేశారు.

లక్సెట్టిపేట: రైతుల సమస్యల దృష్ట్యా గూడెం లిఫ్ట్‌ ఇరిగేషన్‌ ద్వారా ఈ నెల 23న సాగునీటిని విడుదల చేయనున్నట్లు ఎమ్మెల్యే ప్రేమ్‌సాగర్‌రావు ప్రకటించారని మార్కెట్‌ కమిటీ చైర్మన్‌ అక్కల వెంకటేశ్వర్లు తెలిపారు. గురువారం మండల కేంద్రంలోని ఐబీ ఆవరణంలో ఆయన విలేకరులతో మాట్లాడారు. ఎల్‌నినో ప్రభావంతో వర్షాలు సరిగా కురువపోవడంతో రైతులు ఇబ్బందులు పడుతున్నారని, సాగునీటిని విడుదల చేసేందుకు సన్నాహాలు చేశామని తెలిపారు. రైతులు ఇబ్బంది పడవద్దని, సాగునీటిని వినియోగించుకోవాలని తెలిపా రు. కడెం ఆయకట్టు చివరి వరకు నీటిని అందిస్తామని, ప్రాజెక్టుల్లో నీటి శాతం తక్కువ ఉండడంతో గూడెం లిఫ్ట్‌ ఇరిగేషన్‌ ద్వారా నీటిని అందిస్తున్నామని అన్నారు. రైతుల పంటలు చేతికి వచ్చే వరకు చేస్తామని హామీ ఇచ్చారు. పీఏసీఎస్‌ చైర్మన్‌ నాగభూషణం, మండల అధ్యక్షుడు రాజు, నాయకులు షాహిద్‌ అలీ, నర్సయ్య, చింత అశోక్‌ పాల్గొన్నారు.

దండేపల్లి: జిల్లాలో ప్రత్యామ్నాయ పంటల సాగులో ఆయిల్‌పామ్‌ ఆశాజనకంగా ఉంది. మరింత విస్తరించేందుకు రాష్ట్ర ప్రభుత్వం రైతులకు రాయితీలు అందిస్తోంది. ఉచితంగా మొక్కల పంపిణీ, అంతర పంటల సాగుకు ఎకరాకు రూ.4200 చొప్పున వరుసగా నాలుగేళ్లపాటు అందించడంతోపాటు డ్రిప్‌ పరికరాలు రాయితీపై అందిస్తోంది. నాలుగేళ్ల తర్వాత పంటలు కోత దశకు చేరాయి. మార్కెటింగ్‌ సౌకర్యం కల్పించడంతోపాటు దిగుబడి సమయంలో అవసరమయ్యే పరికరాలకు రాయితీ ఇవ్వాలని సర్కారు నిర్ణయించింది. ఆయిల్‌ పామ్‌ సాగు చేస్తున్న రైతుల్లో చిన్న, సన్నకారు వెనుకబడిన తరగతుల వారికి 50శాతం, పెద్ద రైతులకు 40శాతం వరకు సబ్సిడీ ఇవ్వనున్నారు. చెట్లు పైకి ఎక్కేందుకు నిచ్చెనలు, గెలలు కోసే పరికరాలు, కిందకు దించేందుకు వైర్‌ మెష్‌, చాప్‌ కట్టర్‌, స్లాషర్‌(గడ్డి కత్తిరించే యంత్రం), క్లస్టర్‌ హైరింగ్‌ సెంటర్‌ కోసం ప్రభుత్వం రాయితీ ఇవ్వనుంది. పంట సాగు చేసి నాలుగేళ్లు దాటిన రైతులందరికీ వీటిని అందించేందుకు అధికారులు ప్రణాళిక సిద్ధం చేస్తున్నారు. ఆయిల్‌ పామ్‌ పంటను కొనుగోలు చేస్తున్న మ్యాట్రిక్స్‌ సంస్థ ఆధ్వర్యంలో పరికరాలు అందజేస్తున్నారు. రాయితీపై పరికరాలు అవసరమైన రైతులు దరఖాస్తు చేసుకోవాలని ఉద్యానశాఖ అధికారులు పేర్కొంటున్నారు. జిల్లాలో వివరాలు..సాగు విస్తీర్ణం 4,212 ఎకరాలు రైతులు సుమారు 360 మంది పంట నాలుగేళ్లు పూర్తయింది 900ఎకరాలు

శ్రీరాంపూర్‌: రక్షణతో కూడిన బొగ్గు ఉత్పత్తి సాధించాలని సింగరేణి డైరెక్టర్‌(పీపీ) కే.వెంకటేశ్వర్లు తెలిపారు. గురువారం ఆయన శ్రీరాంపూర్‌ ఓసీపీని సందర్శించారు. క్వారీ వ్యూ పాయింట్‌ నుంచి మైనింగ్‌ కార్యకలాపాలను సమీక్షించారు. అనంతరం కొత్తగా కొనుగోలు చేసిన 6.5 క్యూబిక్‌ మీటర్ల సామర్థ్యం గల లోడర్‌ను ప్రారంభించారు. ఈ సందర్భంగా మాట్లాడుతూ వార్షిక ఉత్పత్తి లక్ష్యాల సాధన కోసం ప్రత్యేక ప్రణాళికలు సిద్ధం చేసుకోవాలని తెలిపారు. రోజువారీ బొగ్గు ఉత్పత్తి లక్ష్యాలను సాధిస్తూనే లోటును భర్తీ చేయాలని, ఇందుకోసం ఉద్యోగులు, అధికారులు కలిసికట్టుగా పని చేయాలని అన్నారు. ఈ కార్యక్రమంలో ఏరియా ఎస్‌ఓటు జీఎం కృష్ణప్రసాద్‌, ఓసీపీ పీఓ సీహెచ్‌.వెంకటేశ్వర్లు, మేనేజర్‌ ఐ.శ్రీనివాస్‌, ఏరియా ఇంజనీర్‌ ఎస్‌.సురేశ్‌, ప్రాజెక్టు ఇంజనీర్‌ నాగరాజు, సర్వేయర్‌ సంపత్‌రెడ్డి, క్వాలిటీ మేనేజర్‌ శ్రీధర్‌రావు పాల్గొన్నారు.

మంచిర్యాలటౌన్‌: జిల్లా కేంద్రంలోని రాళ్లవాగుపై చేపట్టిన బ్రిడ్జి నిర్మాణ పనులు పూర్తయ్యే వరకు కొంత సమయం పడుతుందని, ఇటీవల కురిసిన వ ర్షాలకు కొట్టుకుపోయిన బ్రిడ్జి వద్ద ప్రజలకు ఇబ్బందులు కలుగకుండా రాకపోకలకు ప్రత్యామ్నాయ మార్గం ఏర్పాటు చేస్తామని మంచిర్యాల ఎమ్మెల్యే కొక్కిరాల ప్రేమ్‌సాగర్‌రావు అన్నారు. రాళ్లవాగుపై నూతన బ్రిడ్జి పనులను గురువారం ఆయన అధి కారులతో కలిసి పరిశీలించారు. రాళ్లవాగు కాజ్‌వే నుంచి ప్రజలు, వాహనదారులు రాకపోకలు సాగించేలా వారం రోజుల్లో ప్రత్యామ్నాయ ఏర్పాట్లు చేయాలని ఆదేశించారు. తాత్కాలికంగా మట్టి రోడ్డు ఏర్పాటు చేయాలని ఆర్‌అండ్‌బీ, మున్సిపల్‌ అధికారులకు సూచించారు. బ్రిడ్జి నిర్మాణం పూర్తయితే నగరానికి ఇదే సెంటర్‌ పాయింట్‌ అవుతుందని, ఆండాళమ్మ కాలనీ నుంచి వంద ఫీట్ల రోడ్డును కలిపేలా బ్రిడ్జి నిర్మాణం జరిగితే విశాలమైన రోడ్లు జిల్లా కేంద్రంలో ప్రజలకు అందుబాటులోకి వస్తాయని అన్నారు. ఈ కార్యక్రమంలో మంచిర్యాల మేయర్‌ దర్ని మధుకర్‌, మంచిర్యాల మున్సిపల్‌ కార్పొరేషన్‌ కాంగ్రెస్‌ పార్టీ అధ్యక్షుడు, కార్పొరేటర్‌ తూముల నరేష్‌, జిల్లా ఆర్జీపీఆర్‌ఎస్‌ అధ్యక్షుడు గడ్డం త్రిమూర్తి, కార్పొరేటర్లు, కాంగ్రెస్‌ పార్టీ నాయకులు పాల్గొన్నారు.

మంచిర్యాలఅగ్రికల్చర్‌: పెత్తందారులు, భూ స్వాములు, జమీందారి వ్యవస్థతోపాటు నిరంకుశ పాలనకు వ్యతిరేకంగా పోరాటం చేసిన తెలంగాణ వీరుడు సాయన్నముదిరాజ్‌ అని జిల్లా అదనపు కలెక్టర్‌ చంద్రయ్య అన్నారు. గురువారం కలెక్టరేట్‌లో పండుగ సాయన్న జయంతి వేడుకలు ఘనంగా నిర్వహించారు. సాయన్న చిత్రపటానికి పూలమాల వేసి నివాళులు అర్పించారు. అదనపు కలెక్టర్‌ మా ట్లాడుతూ సమాజంలో పేదల కష్టాలను గుర్తించి వారి సంక్షేమానికి కృషి చేశారని, ప్రత్యేక సైన్యాన్ని ఏర్పాటు చేసుకుని బడుగు, బలహీన వర్గాల అభ్యున్నతి కోసం సాయన్న సేవలు చిరస్మరణీయమని అన్నారు. మహనీయులు చూపిన మార్గంలో నడుస్తూ సమాజంలో సమానత్వం, సేవాభావం, పేదల పట్ల మానవత్వం పెంపొందించుకోవాలని తెలిపారు. ఈ కార్యక్రమంలో జిల్లా రెవెన్యూ అధికారి మోతి రాం, సంక్షేమశాఖ అధికారులు నీరటి రాజేశ్వరి, దుర్గప్రసాద్‌, జెడ్పీ సీఈవో గణపతి, జిల్లా మత్స్యశాఖ అధికారి అవినాష్‌, ముది రాజ్‌ సంఘం ప్రతినిధులు పాల్గొన్నారు.

పాతమంచిర్యాల: బీసీల ఆత్మగౌరవం, ఐక్యత, రాజ్యాధికార సాధనే లక్ష్యంగా ప్రతియేటా బీసీ అలయి బలయి కార్యక్రమం నిర్వహిస్తున్నామని నేషనల్‌ పొలిటికల్‌ జస్టిస్‌ ఫ్రంట్‌ చైర్మన్‌ వీజీఆర్‌ నారగోని, బీసీ టైమ్స్‌ రాష్ట్ర అధ్యక్షుడు సంగెం సూర్యారావు, ఇండియన్‌ నేషనల్‌ ఫెడరేషన్‌ ఆఫ్‌ ఓబీసీ ప్రెసిడెంట్‌ పొట్లూరీ దేవి అన్నారు. గురువారం జిల్లా కేంద్రంలోని ఎం కన్వెన్షన్‌ హాల్‌లో బీసీ సమాజ్‌ ఉమ్మడి జిల్లా అధ్యక్షుడు నరెడ్ల శ్రీనివాస్‌ అధ్యక్షతన నిర్వహించిన బీసీ అలయి బలయి కార్యక్రమానికి వారు ముఖ్య అతిథులుగా హాజరయ్యారు. అంతకుముందు పండుగ సాయన్న 74వ జయంతి సందర్భంగా చిత్రపటానికి పూల మాలలు వేసి ఘనంగా నివాళులు అర్పించారు. ఈ సందర్భంగా వారు మాట్లాడుతూ ఓబీసీలంతా ఐక్యంగా ఉండి రాజకీయంగా ఎదిగినప్పుడే రాజ్యాధికారం సాధ్యమవుతుందని తెలిపారు. అగ్రవర్ణాల విభజన రాజకీయాలకు తావివ్వకుండా బీసీలు తమ బలం, నాయకత్వాన్ని చాటాలని అన్నారు. ఈ కార్యక్రమంలో మాజీ మార్కెట్‌ కమిటీ చైర్మన్‌ పల్లె భూమేష్‌, పెరిక సంఘం జిల్లా అధ్యక్షుడు బొడ్డు శంకర్‌, సీనియర్‌ నాయకులు డాక్టర్‌ రఘునందన్‌, కర్రె లచ్చన్న, పెరిక సంఘం జిల్లా మహిళా అధ్యక్షురాలు అత్తి సరోజ, యాదవ సంఘం జిల్లా అధ్యక్షుడు సదానందం, కార్పొరేటర్‌ స్వరూప, మున్నూరు కాపు సంఘం జిల్లా అధ్యక్షురాలు జోగుల శ్రీదేవి, బీసీ జేఏసీ జిల్లా కన్వీనర్‌ ఒడ్డేపల్లి మనోహర్‌ పాల్గొన్నారు.

కాసిపేట: మంచిగా చదువుకోవాలని, కళాశాలకు వెళ్లాలని తండ్రి మందలించినందుకు ఇంటర్‌ విద్యార్థి ఆత్మహత్యకు పాల్పడిన ఘటన మండలంలో చోటుచేసుకుంది. కాసిపేట ఎస్సై ఆంజనేయులు, కుటుంబ సభ్యులు తెలిపిన వివరాల ప్రకారం..మండలంలోని ముత్యంపల్లికి చెందిన పాలగాని రాజన్న కుమారుడు విజయ్‌కుమార్‌(17) మండల కేంద్రంలోని తెలంగాణ మోడల్‌స్కూల్‌/ఇంటర్‌ కళాశాలలో ఇంటర్‌ ఫస్టియర్‌ చదువుతున్నాడు. కళాశాలకు సక్రమంగా వెళ్లడం లేదని, చదువుపై శ్రద్ధ పెట్టడం లేదని కుమారుడిని మందలించాడు. మనస్తాపం చెందిన విజయ్‌కుమార్‌ ఈనెల 16న ఇంట్లో చీరతో ఉరేసుకోగా, గమనించిన కుటుంబీకులు ప్రభుత్వ ఆస్పత్రికి అక్కడి నుంచి మంచిర్యాలకు తరలించారు. మెరుగైన వైద్యం కోసం కరీంనగర్‌లోని కెల్వీన్‌ ఆస్పత్రికి పంపించారు. చికిత్స పొందుతూ గురువారం మృతిచెందాడు. తండ్రి ఫిర్యాదుతో కేసు దర్యాప్తు చేస్తున్నట్లు ఎస్సై తెలిపారు.

బెల్లంపల్లి: భూ రీ–సర్వే, భూభారతి దరఖాస్తుల పరిష్కార ప్రక్రియ వేగవంతం చేయాలని జిల్లా కలెక్టర్‌ కుమార్‌ దీపక్‌ అన్నారు. గురువారం మండలంలోని చాకపల్లి గ్రామంలో భూ రీ–సర్వే పనులను అధికారులతో కలిసి క్షేత్రస్థాయిలో పరిశీలించారు. భూ రికార్డుల ప్రక్షాళన, సర్వే ప్రక్రియ అమలు, పనుల్లో పారదర్శకత, కచ్చితత్వం పాటించాలని అన్నారు. రైతులకు ఇబ్బందులు కలగకుండా భూ రీ–సర్వే ప్రక్రియను సమర్థవంతంగా, నిర్ధేశిత సమయంలో పూర్తి చేయాలని ఆదేశించారు. అనంతరం బెల్లంపల్లి సబ్‌ కలెక్టర్‌ కార్యాలయంలో భూ రీ–సర్వే పనుల పురోగతి, భూభారతి పథకం కింద పెండింగ్‌లో ఉన్న దరఖాస్తుల పరిష్కారంపై సమీక్షించారు. బెల్లంపల్లి సబ్‌ కలెక్టర్‌ మనోజ్‌, ట్రైనీ డెప్యూటీ కలెక్టర్‌ విలాయత్‌ అలీ, తాండూర్‌ మండల తహసీల్దార్‌ జ్యోత్స్న పాల్గొన్నారు. పత్తి మద్దతు ధర పొందాలిమంచిర్యాలరూరల్‌(హాజీపూర్‌): కపాస్‌ కిసాన్‌ యాప్‌ ద్వారా మార్కెటింగ్‌ వివరాలు తెలుసుకుని పత్తికి ప్రభుత్వం ప్రకటించిన కనీస మద్దతు ధర పొందాలని వ్యవసాయ శాఖ మంత్రి తుమ్మల నాగేశ్వర్‌రావు అన్నారు. గురువారం ఆయన హైదరాబాద్‌ నుంచి రైతు నేస్తం కార్యక్రమంలో భాగంగా సాగుభూమి సంరక్షణ కార్యక్రమంపై వీడియో కాన్ఫరెన్స్‌ ద్వారా మాట్లాడారు. గుడిపేట రైతు వేదికలో కలెక్టర్‌ కుమార్‌ దీపక్‌, జిల్లా వ్యవసాయ అధికారి సురేఖ, మార్కెట్‌ కమిటీ చైర్మన్‌ బానేశ్‌, ఆత్మ చైర్మన్‌ మురళీ, రైతు ఉత్పత్తిదారుల సంఘం డైరైక్టర్లు పూస్కూరి శ్రీనివాసరావు, బొడ్డు శంకర్‌, బొలిశెట్టి తిరుపతి, రైతులు పాల్గొన్నారు.

మంచిర్యాలటౌన్‌: మంచిర్యాల ప్రభుత్వ మెడికల్‌ కాలేజీకి ఈ ఏడాది 15 మెడికల్‌ పీజీ సీట్ల కేటాయింపుపై ఉత్కంఠ నెలకొంది. ఇప్పటికే ఎంబీబీఎస్‌లో వంద సీట్లతో సొంత భవనంలో కళాశాల నిర్వహిస్తుండగా.. అనుబంధంగా ప్రభుత్వ జనరల్‌ ఆస్పత్రి నూతన భవనం 450 పడకలతో రెండు నెలల్లో అందుబాటులోకి రానుంది. ప్రభుత్వ మెడికల్‌ కాలేజీకి పీజీ సీట్లు కేటాయించాలని గత ఏడాది జాతీయ మెడికల్‌ కౌన్సిల్‌(ఎంఎన్‌సీ)ను అనుమతి కోరారు. ఈ ఏడాది నుంచే పీజీ సీట్లు కేటాయించి మొదటి విడత కౌన్సెలింగ్‌లోనే విద్యార్థులు చేరుతారని అంతా భావించారు. కానీ అనుమతి రాకపోగా మొదటి విడత కౌన్సెలింగ్‌ పూర్తి కావొస్తోంది. రెండో విడతకు ముందుగానే పీజీ సీట్లకు అనుమతి లభిస్తుందనే అభిప్రాయం వ్యక్తమవుతోంది. పీజీ మెడికల్‌ విద్యార్థులకు అవసరమైన అన్ని రకాల మౌలిక వసతులు మంచిర్యాల కళాశాలలో ఏర్పాటు చేస్తున్నారు. నూతన ఆస్పత్రి భవనం పూర్తయితే అన్ని విభాగాల వైద్య సేవలు, శస్త్రచికిత్సలు అందుబాటులోకి వస్తాయి. వైద్య విద్యార్థులకు ఎంతో ఉపయోగకరంగా ఉంటుంది. సీట్ల కేటాయింపుపై గత నెలలోనే ఎంఎన్‌సీ బృందం మంచిర్యాల ఆస్పత్రి, కళాశాలను తనిఖీ చేసింది. రాష్ట్రంలోని కొన్ని కళాశాలల్లో పీజీ సీట్ల కేటాయింపుపై ఎంఎన్‌సీ బృందం తనిఖీ చేయగా, మొదటి విడతలో ఏ ఒక్క కాలేజీకి సీట్లు కేటాయించలేదు. దీంతో రెండో విడతలో సీట్లు కేటాయిస్తారని భావిస్తున్నారు. మూడు విభాగాలు.. మంచిర్యాల ప్రభుత్వ మెడికల్‌ కాలేజీలో మూడు విభాగాల్లో ఐదు పీజీ సీట్ల చొప్పున 15 సీట్లు కేటాయించాలని కళాశాల ఎన్‌ఎంసీకి దరఖాస్తు చేసింది. అందులో జనరల్‌ మెడిసిన్‌, పీడియాట్రిక్స్‌, గైనకాలజీ విభాగాలున్నాయి. ఆయా విభాగాల్లో సరిపడా నిపుణులు అందుబాటులో ఉండడంతోపాటు ప్రభుత్వ జనరల్‌ ఆసుపత్రి, మాతాశిశు ఆరోగ్య కేంద్రాల్లో వైద్య సేవలు మెరుగ్గా అందుతున్నాయని ఎన్‌ఎంసీ బృందం తనిఖీల్లో గుర్తించింది. నూతన ప్రభుత్వ జనరల్‌ ఆసుపత్రి భవనం అందుబాటులోకి వస్తే మిగతా విభాగాల్లోనూ వైద్య సేవలు మెరుగుపడే అవకాశం ఉంది. మెడికల్‌ కాలేజీ నూతన భవనం కావడంతో అన్ని రకాల మౌలిక సదుపాయాలు నిబంధనల మేరకు ఉన్నాయి. తరగతి గదులు, సరిపడా ల్యాబ్‌లు, వైద్య విద్యార్థులకు సరిపడేలా భవన నిర్మాణం, హాస్టల్‌ వసతి వంటివి ఉండడం కలిసొచ్చే అంశం. వీటన్నింటిని పరిగణనలోకి తీసుకుని 15 పీజీ సీట్లను ఈ ఏడాది పీజీ విద్యార్థులకు కేటాయించే అవకాశం ఉన్నట్లు తెలుస్తోంది. నూతన భవనంలో అధునాతనమైన వైద్య పరికరాలు అమర్చేలా, ఆయా విభాగాల్లో అన్ని రకాల వైద్య సేవలు, శస్త్రచి కిత్సలు జరిపేలా ఏర్పాట్లు చేస్తున్నారు. మరో నెల రోజుల్లో రెండో విడత కౌన్సెలింగ్‌ ఉండనుండగా, ఆలోపు అనుమతులు వస్తాయని భావిస్తున్నారు.అనుమతి కోసం చూస్తున్నాంమంచిర్యాల ప్రభుత్వ మెడికల్‌ కాలేజీకి వంద సీట్ల చొప్పున ప్రతీ ఏడాది ఎంబీబీఎస్‌ సీట్లు కేటాయిస్తున్నారు. ఈ ఏడాది నుంచి పీజీ సీట్లు 15 కేటాయించాలని గతేడాది అనుమతి కోరుతూ ఎన్‌ఎంసీకి రాశాం. గత నెలలో ఎన్‌ఎంసీ బృందం కళాశాల, అనుబంధ ఆసుపత్రులను తనీఖీ చేసింది. ప్రస్తుతానికి అనుమతులు రాలేదు. రెండో విడత పీజీ కౌన్సెలింగ్‌ వరకు అనుమతులు వస్తాయని అనుకుంటున్నాం. – డాక్టర్‌ దేవోజి మాలోతు, మంచిర్యాల ప్రభుత్వ మెడికల్‌ కాలేజీ ప్రిన్సిపాల్‌

పెంబి: బతుకుదెరువు కో సం దుబాయ్‌ వెళ్లిన జిల్లా వాసి మృతిచెందాడు. పెంబి మండలం ఇటిక్యాల్‌ గ్రా మానికి చెందిన రవి(22) గత 20 నెలల క్రితం దుబా య్‌ వెళ్లాడు. అక్కడ పని చేస్తుండగా భవనం పైనుంచి కిందపడి సోమవారం మృతి చెందినట్లు ఫోన్‌ వచ్చినట్లు రవి బంధువులు, తల్లిదండ్రులు చిన్నక్క, లింగన్న తెలిపారు. కుమారుడి మృతదేహన్ని స్వగ్రామానికి రప్పించాలని గురువారం నిర్మల్‌ ఎమ్మెల్యే ఏలేటి మహేశ్వర్‌రెడ్డిని కలిసి కోరారు. ఉన్నతాధికారులతో మాట్లాడి త్వరగా తీసుకువచ్చేలా కృషిచేస్తానని తెలిపారు. రవి మృతితో స్వ గ్రామంలో విషాదఛాయలు అలముకున్నాయి.

మంచిర్యాలఅర్బన్‌: దసరా సెలవులు ముగియడంతో విద్యార్థులు గురుకులాలు, సంక్షేమ వసతిగృహాల బాట పడుతున్నారు. నాకాఫ్‌ ద్వారా సరుకులు అరకొరగా అందుతుండడంతో ఇబ్బందులు తప్పేలా లేవు. హాస్టల్‌, గురుకుల విద్యాలయాలకు ఇండెంట్‌ ప్రకారం నిత్యావసర సరుకులు సరఫరా చేయాల్సి ఉన్నా అరకొరగా చేసి దులిపేసుకుంటున్నారు. దీంతో ప్రత్యేక అధికారులు బయట అప్పులు చేసి, సొంత డబ్బులతో కొనుగోలు చేయాల్సి వస్తోంది. కస్తూర్బా, యూఆర్‌ఎస్‌లకు సెప్టెంబర్‌ ఒకటిలోగా సరుకులు సరఫరా చేయాల్సి ఉండగా ఇంకా రాలేదు. మరోవైపు సరుకుల నాణ్యత, సరఫరా విధానం వివాదాస్పదంగా మారింది. గతంలో జిల్లా స్థాయిలో టెండర్‌ దక్కించుకున్న కాంట్రాక్టర్‌ మార్కెట్‌లో లభించే ఆశీర్వాద్‌, స్వస్తిక్‌ వంటి బ్రాండెడ్‌ సరుకులు సరఫరా చేయగా.. ప్రస్తుతం ఎన్నడూ వినని, తెలియని కొత్త కంపెనీల సరుకులు పంపిణీ చేస్తుండడంపై అభ్యంతరాలు వ్యక్తమవుతున్నాయి. తెలంగాణ ప్రభుత్వ గిరిజన సహకార సంస్థ ఆధ్వర్యంలో సేకరించిన ఉత్పత్తులు గిరి నేచర్‌ బ్రాండ్‌ పేరుతో కారం, సాంబర్‌ పొడి ఇతరత్రా కొన్ని అందిస్తుండడం ఊరటనిస్తోంది. జిల్లాలో టీఎస్‌డబ్ల్యూఆర్‌ఈఐఎస్‌ 9, ఎంజేపీటీ బీసీడబ్ల్యూఆర్‌ఎస్‌ 8, టీఎస్‌టీఎంఆర్‌ఈఐఎస్‌లు 1, కేజీబీవీ 8, యూఆర్‌ఎస్‌ 1, బీసీ వసతిగృహాలు 18, ఎస్సీ వసతిగృహాలు 25, ఎస్టీ ఆశ్రమ, పోస్టుమెట్రిక్‌ హాస్టళ్లు 17, టీజీఎంఎస్‌ హాస్టళ్లు 4 ఉన్నాయి. గతంలో జిల్లా స్థాయిలో టెండర్లు పిలిచి సరుకులు పంపిణీ చేసేవారు. కొత్తగా నేషనల్‌ ఫెడరేషన్‌ ఆఫ్‌ ఫార్మర్స్‌ ప్రొక్యూర్‌మెంటు, ప్రాసెసింగ్‌ అండ్‌ రిటైలింగ్‌ కో ఆపరేటివ్స్‌ ఆఫ్‌ ఇండియా(నాకాఫ్‌) సంస్థ సరుకుల పంపిణీ బాధ్యతలు చేపట్టినప్పటి నుంచి సంక్షేమ వసతిగృహాలు, గురుకుల విద్యాలయాలకు సరుకుల కష్టాలు తప్పడం లేదు.పప్పులకు బదులు పెసళ్లు.. మినపప్పులో పుచ్చులు నాకాఫ్‌ సంస్థ సరఫరా చేస్తున్న సరుకుల పంపిణీ గందరగోళంగా మారింది. సరకుల బ్రాండ్లు మారడమే కాకుండా పంపిణీ సరళిలో మార్పులు ఇక్కట్లు తెచ్చి పెడుతున్నాయి. నిత్యం వంటల్లో వాడే మినపప్పు, పుచ్చుళ్లుతో పంపించడంపై అసంతృప్తి వ్యక్తమవుతోంది. పెసరపప్పుకు బదులుగా సాధారణ పెసళ్లు పంపిణీపై పెదవి విరస్తున్నారు. కొన్ని గురుకులాలు, హాస్టళ్లకు కారం, పసుపు, చింతపండు సరఫరాపై కాంట్రాక్టర్‌ నోరు మెదపడం లేదు. 30 రకాలు సరుకులకు బదులు 13, 14 సరకులతో సరి పెడుతున్నారు. జీలకర్ర, ధనియాలు, ఎండు మిర్చి, ఇడ్లీరవ్వ, ఆవాలు, వేరుశెనగ పప్పు వంటి సరుకులు చేరలేదు. నాకాఫ్‌ నుంచి ప్రాథమిక సరుకులు కూడా రావడం లేదు. సొంత డబ్బులు పెట్టి బయట కొందామన్న పాత బిల్లులు రాక అప్పు పుట్టడం లేదని, కాంట్రాక్టర్లు స్టాక్‌ వస్తుందనే చెబుతున్నా క్షేత్రస్థాయిలో ఇబ్బందులపై వసతిగృహ, గురుకులాల నిర్వాహకులు ఆందోళన వ్యక్తం చేస్తున్నారు. పూర్తిస్థాయిలో సరుకులు పంపిణీ, పర్యవేక్షణ, నిత్యావసరాల సరుకుల నాణ్యతపై ఆకస్మిక తనిఖీలు చేపట్టి మోనూ సమర్థవంతగా అమలు జరిగేలా చూస్తే విద్యార్థులకు ప్రయోజనం కలుగుతుంది.

మంచిర్యాలటౌన్‌: జాతీయ ఆరోగ్య మిషన్‌(ఎన్‌హెచ్‌ఎం) పథకం కింద జిల్లాలోని ప్రభు త్వ ఆసుపత్రుల్లో 78 రకాల కేడర్లలో పనిచేస్తున్న 300మంది ఉద్యోగులు డిమాండ్ల సాధన కోసం కలెక్టరేట్‌ ఎదుట చేపట్టిన నిరవధిక సమ్మె గురువారం 10వ రోజుకు చేరింది. ఈ సందర్భంగా దుర్గామాత అవతారంలో చిన్నా రి చేసిన నృత్యం అలరించింది. ఎన్‌హెచ్‌ఎం ఉద్యోగుల డిమాండ్లను మాతా చేతుల రూపంలో ఉంచి నిరసన వ్యక్తం చేశారు. పది రోజు లుగా సమ్మె చేస్తున్నా ప్రభుత్వం తమ డిమాండ్లను పరిష్కరించకపోవడం దారుణమని అన్నారు. ప్రభుత్వం దిగివచ్చే వరకు సమ్మె కొనసాగిస్తామని స్పష్టం చేశారు. స్వీపర్ల నుంచి డాక్టర్ల వరకు ఎన్‌హెచ్‌ఎంలో ఎన్నో ఏళ్లుగా పనిచేస్తున్నా రెగ్యులరైజ్‌ చేయకపోవడం, వేతనాలను తగ్గించడం, ఉద్యోగ భద్రత కల్పించకపోవడం వల్లనే సమ్మెకు దిగామని తెలిపారు.

మందమర్రిరూరల్‌: మందమర్రి ఏరియాను సింగరేణి డైరెక్టర్‌ (ప్లానింగ్‌ అండ్‌ ప్రాజెక్ట్స్‌) వెంకటేశ్వర్లు గురువారం సందర్శించారు. బొగ్గు ఉత్పత్తి లక్ష్య సాధన, చేపట్టిన అభివృద్ధి పనులను జీఎం రాధాకృష్ణను అడిగి తెలుసుకున్నారు. కేకే–ఓసీ గనిలో పని ప్రదేశాలను పరిశీలించారు. ప్రమాదాలు జరుగకుండా బొగ్గు ఉత్పత్తి చేయాలని ఉద్యోగులకు సూచించారు. కేకే–2 గని ఉపరితల భాగంలో ఇటీవల రెండు హెక్టార్ల విస్తీర్ణంలో నాటిన ఆయిల్‌పాం మొక్కలను పరిశీలించారు. పట్టణంలోని ప్రజలకు తాగునీరందించే ఉద్దేశంతో చెత్లాపూర్‌ వద్ద సింగరేణి నిధులతో నూతనంగా ఏర్పాటు చేసిన పంప్‌హౌజ్‌ను జీఎంతో కలసి ప్రారంభించారు. ఎల్‌నినో ప్రభావంతో ప్రజలు నీటిని, విద్యుత్‌ను పొదుపుగా వినియోగించుకోవాలని సూచించారు. ఎస్వో టూ జీఎం లలితేంద్రప్రసాద్‌, ఇంజనీర్‌ బాలాజీ భగవతీఝా, కేకే– ఓసీ పీవో రాంబాబు, కేకే గ్రూపు ఏజెంట్‌ ఖాదిర్‌, శాంతిఖని ఏజెంట్‌ సంతోష్‌కుమార్‌, డీజీఎం (పర్సనల్‌) అశోక్‌, ఏఐటీయూసీ బ్రాంచి కార్యదర్శి సత్యనారాయణ తదితరులు ఉన్నారు.

కలెక్టర్‌ ఆదేశాల మేరకు గిరి గ్రామాల్లో సమగ్ర మోడల్‌ వ్యవసాయ విధానం శ్రీకారం చుట్టాం. 15 గ్రామాల్లో 90 ఎకరాల్లో పైలట్‌ ప్రాజెక్టుగా విజయవంతంగా అమలు చేశాం. పెట్టుబడి ఖర్చులు తగ్గించి, రైతుల ఆదాయం పెంచడమే ప్రధాన లక్ష్యం. ఒక్కో రైతు ఏడాదికి అదనంగా రూ.90 వేల నుంచి రూ.1.50 లక్షల వరకు ఆదాయం పెంచుకునే అవకాశం ఉంది. వారికి అవగాహన కల్పిస్తూ, మరిన్ని గ్రామాలకు ఈ విధానాన్ని విస్తరించేందుకు కృషి చేస్తున్నాం. – నాగెల్లి సాయికుమార్‌, అసోసియేట్‌ ప్రోగ్రామ్‌ మేనేజర్‌, బీఏఐఎఫ్‌, తెలంగాణ

బెల్లంపల్లి: బెల్లంపల్లిలో దుర్గాదేవి నవరాత్రి వేడుకులు, శోభాయాత్ర వైభవంగా నిర్వహించి ఇంటర్నేషనల్‌ వండర్‌ బుక్‌ ఆఫ్‌ రికార్డ్స్‌ సాధించారు. బాబుక్యాంపు బస్తీ వాసవీ పంచాయతన క్షేత్రంలో దుర్గాదేవి నవరాత్రి ఉత్సవ కమిటీ, ఆర్యవైశ్య సంఘం, వాసవీ సంఘం, ఆర్యవైశ్య మహిళా సంఘం ఆధ్వర్యంలో దుర్గామాత నవరాత్రి వేడుకలు వైభవంగా నిర్వహించారు. ఈ నెల 21న దుర్గాదేవి శోభాయాత్రను 500 మంది కోలాటం మహిళా కళాకారులు, 40 మంది ఒగ్గు కళాకారులు, 20 మంది చిరుతల రామాయణం కళాకారులు, పదుల సంఖ్యలో భజన కళాకారులతో పుర వీధుల మీదుగా నిర్వహించి ఆకట్టుకున్నారు. అంతకు ముందు 1,008 మహిళలతో కుంకుమ పూజ చేశారు. దీంతో ఇంటర్నేషనల్‌ వండర్‌ బుక్‌ ఆఫ్‌ రికార్డ్స్‌ నిర్వాహకులు తెలంగాణ రాష్ట్ర కో ఆర్డినేటర్‌ ఎం.రామ్‌ప్రకాష్‌, సభ్యురాలు సుగుణ గురువారం రాత్రి స్థానికంగా నిర్వహించిన ప్రత్యేక కార్యక్రమంలో వండర్‌ బుక్‌ ఆఫ్‌ రికార్డ్స్‌లో పేరు నమోదు చేసి ఆర్యవైశ్య సంఘం, ఉత్సవ కమిటీ నిర్వాహకులకు సర్టిఫికేట్‌ అందజేశారు. దుర్గాదేవి వేడుకలకు ప్రాధాన్యత దక్కడంపై ఉత్సవ కమిటీ అధ్యక్షుడు నల్మాస్‌ సంతోష్‌ హర్షం వ్యక్తం చేశారు.

దండేపల్లి: మండలంలోని తాళ్లపేట గ్రామంలో పోలీస్‌ పహారా గురువారం కొనసాగింది. ఈ నెల 18న సద్దుల బతుకమ్మ పండుగ రోజున కాంగ్రెస్‌ పార్టీలోని రెండు వర్గాల మద్య వివాదం జరిగిన విషయం తెలిసిందే. కాగా పరిస్థితి ఉద్రిక్తంగా ఉండడంతో సోమవారం నుంచి గ్రామంలో భారీ పోలీస్‌ బందోబస్తు ఏర్పాటు చేశారు. అయినప్పటికీ దసరా పండుగా రోజున మళ్లీ దాడులు జరిగాయి. శాంతిభద్రతల పరిరక్షణలో భాగంగా గ్రామంలో అవాంఛనీయ ఘటనలు చోటు చేసుకోకుండా నాలుగు రోజులుగా పోలీస్‌ పహారా కొనసాగిస్తున్నారు. మంచిర్యాల ఏసీపీ ప్రకాశ్‌ పరిస్థితిని ఎప్పటికప్పుడు పర్యవేక్షిస్తున్నారు. గురువారం సాయంత్రం వాహనాలు తనిఖీ చేశారు.

సింగరేణి కాంట్రాక్ట్‌ కార్మికులకు ఆలస్యం చేయకుండా యాజమాన్యం ప్రకటించిన రూ.5,500 లాభాల వాటా వెంటనే చెల్లించాలి. బొగ్గు ఉత్పత్తి, రవాణాలో పర్మినెంట్‌ ఉద్యోగులతోపాటు కాంట్రాక్ట్‌ కార్మికులు కీలక భూమిక పోషిస్తున్నారు. అలాంటి వారికి చెల్లింపులో యాజమాన్యం, కాంట్రాక్టర్లు జాప్యం చేస్తున్నారు. మానవతా దృక్పథంతో యాజమాన్యం ఆలోచించి డబ్బులు జమచేయాలి. – ఎండీ జాఫర్‌, సింగరేణి కాలరీస్‌ కాంట్రాక్ట్‌ వర్కర్స్‌ యూనియన్‌ (ఐఎఫ్‌టీయూ) రీజియన్‌ ప్రెసిడెంట్‌, బెల్లంపల్లి

లక్ష్మణచాంద: తమ కుటుంబానికి అండగా నిలవాలని ఉజ్వల భవిష్యత్‌ నిర్మించుకోవాలని ఎన్నో ఆశలతో ఉపాధి కోసం విదేశాలకు వెళ్లిన ఆ యువకుడు చివరకు విగతజీవిగా స్వగ్రామానికి చేరిన విషాద ఘటన సోన్‌ మండలం మాదాపూర్‌ గ్రామంలో చోటు చేసుకుంది. వివరాలు ఇలా ఉన్నాయి.. మాదాపూర్‌కు చెందిన తోకల తిరుపతి–పద్మ దంపతుల పెద్ద కుమారుడు ఆదిత్య(23) ఐదునెలల క్రితం ఉపాధి నిమిత్తం టర్కీ వెళ్లాడు. అక్కడ భవన పనులు చేస్తుండగా సెప్టెంబర్‌ 14న ప్రమాదవశాత్తు పైనుంచి కిందపడ్డాడు. తీవ్రంగా గాయపడిన అతడిని స్థానిక ఆసుపత్రిలో చేర్చి చికిత్స అందించారు. విషయం తెలుసుకున్న కుటుంబ సభ్యులు తీవ్ర ఆందోళనకు గురయ్యారు. నిర్మల్‌ ఎమ్మెల్యే ఏలేటి మహేశ్వర్‌రెడ్డిని సంప్రదించగా అక్కడి అధికారులతో సంప్రదింపులు జరిపి వైద్యసహాయం అందేలా ప్రయత్నించారు. అయితే మృత్యువుతో పోరాడిన ఆదిత్య ఈనెల 15న చికిత్స పొందుతూ తుదిశ్వాస విడిచాడు. మృతదేహాన్ని స్వగ్రామానికి రప్పించేలా ఎమ్మెల్యే మహేశ్వర్‌ రెడ్డి కేంద్ర విదేశాంగ మంత్రిత్వ శాఖతో సంప్రదించారు. ఎమ్మెల్యే చొరవతో మృతదేహం గురువారం గ్రామానికి చేరుకుంది. కుమారుడి మృతదేహాన్ని చూసిన తల్లిదండ్రులు, కుటుంబ సభ్యులు బోరున విలపించిన తీరు అక్కడున్న వారందరినీ కంటతడి పెట్టించింది.

నార్నూర్‌: సాగులో నూతన పద్ధతులు, అనేక మార్పులు వస్తున్నాయి. ఒకే భూమిలో పలు రకాల పంటలు సాగు చేస్తూ, ఏడాది పొడవునా గిరిజన రైతులకు స్థిరమైన ఆదాయం అందించాలనే లక్ష్యంతో ఆదిలాబాద్‌ జిల్లా నార్నూర్‌ ప్రాంతంలో భారతీయ ఆగ్రో ఇండస్ట్రీయల్‌ ఫౌండేషన్‌ (బీఏఐఎఫ్‌) ఆధ్వర్యంలో హెచ్‌డీఎఫ్‌సీ సౌజన్యంతో సమగ్ర వ్యవసాయ విధానం అమలవుతోంది. పైలట్‌ ప్రాజెక్టుగా 15 గ్రామాల్లో 90 ఎకరాల విస్తీర్ణంలో ప్రయోగాత్మకంగా అమలు చేస్తున్నట్లు అధికారులు వెల్లడించారు. ఈ ప్రాజెక్టు ద్వారా సాగులో కొత్త పద్ధతులు పరిచయం చేయడం, ఆదాయం పెంచుకునే మార్గాలపై వారికి అవగాహన కల్పిస్తున్నారు. ఒకే భూమిలో.. నార్నూర్‌ మండలకేంద్రం, మహాగావ్‌, ఖంపూర్‌, ఖైర్డాట్వా, సుంగాపూర్‌, భీంపూర్‌, కొత్తపల్లి–హెచ్‌, ఉమ్రీ, మాన్కాపూర్‌, గంగాపూర్‌, తాడిహత్నూర్‌, బలాన్‌పూర్‌, గుంజాల, నాగల్‌కొండ, ఏంపల్లి తది తర గిరిజన ప్రాంతాల్లో సమగ్ర వ్యవసాయ విధా నం అమలవుతోంది. ఒకే భూమిలో కూరగాయలు, పండ్ల తోటలు, కలప జాతి మొక్కలను పెంచడంతో రైతులకు అదనపు ఆదాయం లభిస్తోంది. పశుసంవర్ధక కార్యకలాపాలు, వర్షపు నీటి సంరక్షణ, సోలార్‌ ఆధారిత నీటి వినియోగం వంటి అంశాలను జోడించడం వల్ల సాగు ఖర్చులను నియంత్రించేందుకు అవకాశం ఏర్పడుతోంది. ఈ విధానాన్ని అనుసరిస్తున్న రైతుల వార్షిక ఆదాయం రూ.90 వేల నుంచి రూ.1.50 లక్షల వరకు పెరిగినట్లు అధికారులు పేర్కొటున్నారు. అయితే ఈ ఆదాయం భూమి విస్తీర్ణం, పంటల రకాలు, దిగుబడి, మార్కెట్‌ ధరలు, పెట్టుబడి వ్యయాలపై ఆధారపడి మారుతుంది. కలప జాతి మొక్కలతో భరోసా కూరగాయలు, స్వల్పకాలిక పంటలతో పాటు కల ప జాతి మొక్కలను పెంచుకోవడం ద్వారా భవిష్యత్తులో అదనపు ఆదాయాన్ని పొందే అవకాశం ఉంటుంది. టేకు వంటి కలప జాతుల సాగులో మొ క్కల ఎంపిక, పెరుగుదల కాలం, భూమి వినియో గం, సంబంధిత చట్టాలు, అనుమతులపై ముందుగానే అవగాహన ఉండాలి. త్వరగా లాభాలు వస్తాయని భావించి అధికంగా పెట్టుబడి పెట్టకుండా, స్వల్పకాలిక ఆదాయం అందించే పంటలతో దీర్ఘకాలిక పంటలను సమతుల్యం చేసుకోవాలి.పాటించాల్సిన మెలకువలు..

తాండూర్‌: మండలంలోని గోపాల్‌నగర్‌ మూలమలుపు వద్ద జరిగిన రోడ్డు ప్రమాదంలో రేచిని గ్రామానికి చెందిన సింగరేణి రిటైర్డ్‌ కార్మికుడు చామంతుల శంకర్‌(65) మృతిచెందాడు. కుమారుడు మధుకర్‌ తెలిపిన వివరాల ప్రకారం..మంగళవారం తన తండ్రి శంకర్‌ దసరా పండుగ రోజున సామగ్రి కొనుగోలు చేసేందుకు రేచిని నుంచి తన స్కూటీపై ఐబీకి వెళ్లాడు. ఎంత సేపటికి ఇంటికి చేరలేదు. మంగళవారం సాయంత్రం వరకు వెతికిన ఆచూకీ దొరకలేదు. బుధవారం తాండూర్‌ పోలీస్‌స్టేషన్‌లో ఫిర్యాదు చేశాను. గోపాల్‌నగర్‌ మూలమలుపు వద్ద పొలంలో మృతదేహం పడి ఉండటాన్ని గమనించిన యజమాని శ్రీనివాస్‌ స్థానికులకు తెలియజేశాడు. విషయం తెలుసుకున్న కుటుంబీకులు మృతదేహాన్ని పరిశీలించి శంకర్‌దేనని ధ్రువీకరించారు. మూలమలుపు వద్ద స్కూటీ అదుపు తప్పడంతోనే ప్రమాదం జరిగి శంకర్‌ మృతిచెంది ఉంటాడని భావిస్తున్నారు. పోలీసులు పంచనామా నిర్వహించి కేసు నమోదు చేసి దర్యాప్తు చేపట్టారు. చికిత్స పొందుతూ యువకుడు.. నస్పూర్‌: బైక్‌ అదుపుతప్పి డివైడర్‌ను ఢీకొన్న ఘ టనలో తీవ్రంగా గాయపడిన యువకుడు చికిత్సపొందుతూ మృతిచెందినట్లు సీసీసీ నస్పూర్‌ ఎస్సై తహిసినొద్దీన్‌ తెలిపారు. ఆయన తెలిపిన వివరాల ప్రకారం..విలేజ్‌ నస్పూర్‌కు చెందిన శ్రీపతి రా హుల్‌ (22) ఈనెల 20న రాత్రి తన బైక్‌పై మంచిర్యాల వైపు వెళ్తూ నస్పూర్‌ పీహెచ్‌సీ వద్ద జాతీ య రహదారి 63 పై అదుపు తప్పి డివైడర్‌ను ఢీకొట్టాడు. తీవ్రగాయాలైన అతన్ని మంచిర్యాల ప్రభుత్వ ఆసుపత్రికి, మెరుగైన వైద్యం కోసం కరీంనగర్‌లోని ప్రైవేట్‌ ఆస్పత్రికి తరలించారు. చికిత్స పొందుతూ గురువారం తెల్లవారుజామున మృతి చెందాడు. మృతుడి బాబాయ్‌ శ్రీపతి సురేష్‌ ఫిర్యాదుతో కేసు దర్యాప్తు చేస్తున్నట్లు ఎస్సై తెలిపారు. క్షణికావేశం.. ఇద్దరికి ప్రాణపాయంఆసిఫాబాద్‌క్రైం: క్షణికావేశం కారణంగా ఇద్దరు ప్రాణాపాయ స్థితిలోకి వెళ్లిన ఘటన కాగజ్‌నగర్‌లో గురువారం మధ్యాహ్నం చోటుచేసుకుంది. పట్టణ సీఐ ప్రేమ్‌కుమార్‌ తెలిపిన వివరాల ప్రకారం.. ఎస్పీఎం న్యూ కాలనీకి చెందిన సారంగపాణి(37) కుటుంబ కలహాల నేపథ్యంలో మనస్తాపానికి గురై ఒంటిపై పెట్రోల్‌ పోసుకుని నిప్పంటించుకున్నాడు. ఆయన కూతురు (13) మంటలార్పేందుకు ప్రయత్నించింది. ఈక్రమంలో ఆమెకు మంటలు అంటుకోగా ఇద్దరికి తీవ్ర గాయాలయ్యాయి. సమాచారం అందుకున్న పట్టణ ఎస్సై యాదగిరి సిబ్బందితో ఘటన స్థలానికి చేరుకుని సహాయక చర్యలు చేపట్టారు. గాయాలైన తండ్రి, కూతుళ్లను చికిత్స నిమిత్తం వరంగల్‌ ఆసుపత్రికి తరలించారు. ఈమేరకు కేసు నమోదు చేసి దర్యాప్తు చేస్తున్నట్లు సీఐ పేర్కొన్నారు.

దండేపల్లి: మండలంలోని తాళ్లపేట గ్రామంలో మంగళవారం జరిగి దాడి ఘటనలో ఆరుగురు వ్యక్తులపై కేసు నమోదు చేసిన పోలీసులు బుధవారం నలుగురిని అరెస్టు చేశారు. లక్సెట్టిపేట సీఐ రమణమూర్తి బుధవారం తన కార్యాలయంలో ఎస్సైలు రాజవర్ధన్‌, సురేష్‌తో కలిసి వివరాలు వెల్లడించారు. తాళ్లపేట గ్రామానికి చెందిన పేరం రజిత తన సోదరుడు ఆకుల రాజేంద్రప్రసాద్‌, మేనల్లుడు అకిరానందన్‌తో కలిసి మంగళవారం జమ్మీకి వెళ్లే క్రమంలో గ్రామానికి చెందిన ఆకుల కిరణ్‌, రాజేందర్‌, సురేష్‌, విజయ్‌వర్ధన్‌, ముత్తె కుమారస్వామి, ఎర్రం మల్లేష్‌ అక్రమంగా ఇంట్లోకి చొరబడి అసభ్య పదజాలంతో దూషించి కర్రలతో దాడి చేశారని తెలిపారు. రజిత, రాజేంద్రప్రసాద్‌, అకిరానందన్‌కు గాయాలయ్యాయని తెలిపారు. రజిత ఫిర్యాదు మేరకు ఆరుగురిపై దండేపల్లి పోలీసులు కేసు నమోదు చేశారు. ఆకుల కిరణ్‌, సురేష్‌, విజయ్‌వర్ధన్‌, ఎర్రం మల్లేష్‌ బుధవారం అరెస్టు చేసి కోర్టులో హాజరుపర్చి రిమాండ్‌కు తరలించారు. మిగతా ఇద్దరి కోసం గాలిస్తున్నట్లు సీఐ పేర్కొన్నారు.

బాసర: బాసరలోని పవిత్ర గోదావరి నది తీరం బుధవారం దుర్గామాత నిమజ్జన వేడుకలతో భక్తిసంద్రంగా మారింది. దేవీ శరన్నవరాత్రి ఉత్సవాల ముగింపు పురస్కరించుకుని నిజామాబాద్‌ జిల్లాతో పాటు భైంసా పట్టణం, బాసర మండలంలోని పలు గ్రామాల నుంచి భక్తులు భారీ సంఖ్యలో దుర్గాదేవి విగ్రహాలను నిమజ్జనం కోసం ఇక్కడికి తరలించారు. మంగళహారతులు, కోలాటాలు, డీజే చప్పుళ్లు, గులాల్‌ చల్లుకుంటూ భక్తులు అత్యంత ఉత్సాహంగా, శోభాయాత్రగా గోదావరి నది వద్దకు చేరుకున్నారు. మహిళలు అమ్మవారికి ప్రత్యేక పూజలు నిర్వహించి, ఒడిబియ్యం సమర్పించి వీడ్కోలు పలికారు. పత్తి పంటపై అడవి పందుల దాడిబోథ్‌: మండలంలోని బాబెరతాండ గ్రామానికి చెందిన పృథ్వీరాజ్‌ రాథోడ్‌కు చెందిన రెండు ఎకరాల్లో పత్తి పంటను అడవి పందుల దాడి చేసి ధ్వంసం చేశాయి. బుధవారం సర్పంచ్‌ రూప్‌ చంద్‌ జాదవ్‌తో పాటు వ్యవసాయ శాఖ, అటవీ శాఖ అధికారులు పంటను పరిశీలించారు. అధికారులు పంట నష్టాన్ని పరిశీలించి వివరాలు తెలుసుకున్నారు.

భైంసాటౌన్‌: పట్టణంలోని సాత్‌పూల్‌ వంతెన సమీ పంలో జరిగిన రోడ్డు ప్రమాదంలో ఇంటలిజెన్స్‌ విభాగం హెడ్‌కానిస్టేబుల్‌ గడపాలే బాబు(55) మృతిచెందారు. తానూర్‌ మండలం బెంబర్‌ గ్రామానికి చెందిన బాబు విధి నిర్వహణలో భాగంగా మంగళవారం రాత్రి బైక్‌పై సాత్‌పూల్‌ వంతెన మీదుగా భోకర్‌ రోడ్డు వైపు వెళ్తున్నారు. ఈ క్రమంలో ఎదురుగా వస్తున్న రెండు ద్విచక్రవాహనాలు ఆయన బైక్‌ను ఒకదాని వెంట మరొకటి ఢీకొ న్నాయి. దీంతో బాబు కిందపడి గాయాలపాలయ్యాడు. గమనించిన స్థానికులు పట్టణంలోని ప్రభుత్వ ఏరియాస్పత్రికి తరలించగా, అప్పటికే మృతి చెందినట్లు వైద్యులు నిర్ధారించారు. హెడ్‌ కానిస్టేబుల్‌ బైక్‌ను ఢీకొన్నవారిలో ఒకరికి తీవ్రగాయాలు కాగా నిజామాబాద్‌ ఆస్పత్రికి తరలించినట్లు సమాచారం. బాబు మృతి పోలీస్‌ శాఖకు తీరని లోటు.. తానూరు : విధినిర్వహణలో మృతిచెందిన గడపాలే బాబు లేకపోవడం పోలీస్‌ శాఖకు తీరని లోటని ఎస్పీ జానకీ షర్మిల అన్నారు. బుధవారం బెంబరలో అంతక్రియలు నిర్వహించగా ఎస్పీ జానకి షర్మిల, భైంసా ఏఎస్పీ సాయికిరణ్‌, పోలీస్‌ సిబ్బంది ఆయన పార్థివదేహానికి పుష్పాంజలి ఘటించి నివాళులర్పించారు. ముధోల్‌ సీఐ రవీందర్‌, ఎస్సై షేక్‌ జుబేర్‌, పోలీస్‌ అసోసియేషన్‌ ప్రెసిడెంట్‌ దండేకర్‌ సాయికుమార్‌, సిబ్బంది పాల్గొన్నారు.

బోథ్‌: పేద విద్యార్థి వైద్య విద్యకు భరోసా లభించింది. చదువుకు, ప్రతిభకు పేదరికం అడ్డు కాకూడదని భావించిన ముగ్గురు వైద్యులు పేద విద్యార్థి డాక్టర్‌ కావాలనే కలకు అండగా నిలిచారు. మండల కేంద్రానికి చెందిన ఇర్నాల రమేశ్‌– విజయ దంపతుల రెండో కుమారుడు సాయి చరణ్‌ కామారెడ్డి జిల్లాలోని ప్రభుత్వ మెడికల్‌ కళాశాలలో సీటు సాధించినప్పటికీ, ఆర్థిక ఇబ్బందులతో చదువు కొనసాగించలేని పరిస్థితి తెలుపుతూ ఈ నెల 4న సాక్షిలో ‘డాక్టర్‌ కలకు పేదరికం అడ్డు’ శీర్షికన కథనం ప్రచురితమైంది. ఈ కథనానికి స్పందించిన గాంధీ మెడికల్‌ కళాశాల పూర్వ విద్యార్థులు సాయి చరణ్‌ వైద్య విద్యకు పూర్తి ఖర్చు భరించేందుకు ముందుకొచ్చారు. రూ.5 లక్షల ఆర్థిక సాయం.. మండల కేంద్రంలోని ఏరియా ఆసుపత్రి సూపరింటెండెంట్‌ డాక్టర్‌ రవీంద్ర ప్రసాద్‌ సాయి చరణ్‌ కుటుంబ ఆర్థిక పరిస్థితిని గాంధీ వైద్య కళాశాల పూ ర్వ విద్యార్థులు డాక్టర్‌ రోహిణి వంగ (అమెరికా), డాక్టర్‌ విక్రమ్‌ రెడ్డిలతో చర్చించారు. దీంతో స్పందించిన వారు విద్యార్థి భవిష్యత్తుకు భరోసా కల్పించాలని నిర్ణయించుకున్నారు. విడతల వారీగా రూ. 5 లక్షల ఆర్థిక సాయం అందిస్తామని పేర్కొన్నారు. మొదటి విడతగా రూ.50 వేల చెక్కు అందజేత మండల కేంద్రంలోని సాయినగర్‌ కాలనీలో గల దుర్గామాత ఆలయం, శారదాదేవి విగ్రహం వద్ద బుధవారం రూ.50 వేల చెక్కును సాయిచరణ్‌కు డాక్టర్‌ రవీంద్ర ప్రసాద్‌, మాజీ జెడ్పీటీసీ సంధ్యారాణి, ప్రభుత్వ ఉపాధ్యాయులు, రిటైర్ట్‌ ఉపాధ్యాయులు కలిసి అందజేశారు. డాక్టర్‌ రవీంద్ర ప్రసాద్‌, మాజీ జెడ్పీటీసీ సంధ్యారాణి మాట్లాడుతూ సాయి చరణ్‌ వైద్య విద్యను పూర్తి చేసే వరకు అండగా ఉంటామన్నారు.తమ కుమారుడి విద్య ఖర్చును భరించేందుకు ముందుకొచ్చిన వైద్యులకు సాయి చరణ్‌ తల్లిదండ్రులు కృతజ్ఞతలు తెలిపారు. తమ బిడ్డ డాక్టర్‌ కావాలనే కల నెరవేరేందుకు మార్గం సుగమం కావడంతో వారు భావోద్వేగానికి గురయ్యారు. ప్రభుత్వ రిటైర్డ్‌ ఉపాధ్యాయులు, బుడగ జంగం కుల పెద్దలు తదితరులు పాల్గొన్నారు.

బాసర: ప్రసిద్ధ పుణ్యక్షేత్రమైన బాసర జ్ఞాన సరస్వతీ అమ్మవారి సన్నిధికి వచ్చే భక్తుల భద్రతకు అత్యంత ప్రాధాన్యత ఇస్తున్న ఇస్తున్నట్లు నిర్మల్‌ జిల్లా ఎస్పీ జి.జానకిషర్మిల తెలిపారు. సమగ్ర ఆలయ అభివృద్ధి, విస్తరణ పనుల్లో భాగంగా పాత పోలీస్‌స్టేషన్‌ భవనాన్ని తొలగించిన విషయం తెలిసిందే. ఈ నేపథ్యంలో భక్తులు, స్థానిక ప్రజలకు పోలీస్‌ సేవల్లో అంతరాయం కలుగకుండా ప్రత్యామ్నాయంగా ఏర్పాటు చేసిన తాత్కాలిక పోలీస్‌స్టేషన్‌ భవనాన్ని మంగళవారం ఆమె ప్రారంభించారు. ఈ సందర్భంగా ఎస్పీ మాట్లాడుతూ బాసరకు ప్రతీ రోజు వేలాది మంది భక్తులు వస్తుంటారని, భద్రతపరంగా లోటుపాట్లు రాకుండా ముందస్తు చర్యలు చేపట్టామని అన్నారు. అనంతరం స్టేషన్‌లోని వివిధ విభాగాలు, రికార్డు గది, రిసెప్షన్‌ కౌంటర్లను పరిశీలించారు. పోలీస్‌ అధికా రులు, సిబ్బందితో సమీక్షా సమావేశంలో పలు కీలక సూచనలు చేశారు. పొరుగు రాష్ట్రాలు, వివిధ జిల్లాల నుంచి వచ్చే భక్తుల సమస్యలపై తక్షణమే స్పందించాలని ఆదేశించారు. రాబోయే పండుగలు, విశేష పర్వదినాల్లో భక్తుల రద్దీని దృష్టిలోని ట్రాఫిక్‌ సమస్యలు తలెత్తకుండా సమన్వయంతో విధులు నిర్వర్తించాలని స్పష్టం చేశారు. ఈ కార్యక్రమంలో అదనపు ఎస్పీ ఉపేందర్రెడ్డి, భైంసా ఏఎస్పీ సాయి కిరణ్‌, ముధోల్‌ సీఐ రవీందర్‌ నాయక్‌, బాసర ఎస్‌హెచ్‌ఓ దీపక్‌ పాల్గొన్నారు.

మంచిర్యాలక్రైం: ప్రజల రక్షణలో అమరులైన పోలీసుల త్యాగాలు చిరస్మరణీయమని రామగుండం పోలీస్‌ కమిషనర్‌ అంబర్‌ కిషోర్‌ ఝా అన్నారు. కమిషనరేట్‌ కార్యాలయంలో బుధవారం పోలీస్‌ అమరవీరుల సంస్మరణ దినోత్సవాన్ని పురస్కరించుకుని అమర వీరుల స్థూపం వద్ద ప్రజల రక్షణ, దేశం కోసం ప్రాణాలు అర్పించిన వీరులకు ఘనంగా నివాళులు అర్పించారు. ఈ సందర్భంగా సీపీ మాట్లాడుతూ ఇప్పటి వరకు దేశ వ్యాప్తంగా విధి నిర్వహణలో 154మంది ప్రాణాలు అర్పించారని కొనియాడారు. జిల్లా కలెక్టర్‌ కుమార్‌ దీపక్‌ మాట్లాడుతూ ప్రజల ప్రాణాలు, ఆస్తులు కాపాడడంతోపాటు అన్ని విధాల భద్రత కల్పించేది పోలీస్‌ అధికారులేనని, వారి సేవలు అమోఘమని కొనియాడారు. ఎందరో పోలీస్‌ అధికారులు ప్రజల రక్షణలో ప్రాణాలు కోల్పోయారని వారి సేవలు స్ఫూర్తిదాయకమని తెలిపారు. పోలీస్‌ అమవీరుల కుటుంబాలకు పోలీస్‌ శాఖ అండగా ఉంటుందని అన్నారు. ఈ కార్యక్రమంలో అదనపు డీసీపీ శ్రీనివాస్‌, డీసీపీలు భాస్కర్‌, రామ్‌రెడ్డి, ఏసీపీలు, సీఐలు, ఎస్సైలు పాల్గొన్నారు.

దండేపల్లి: మండలంలోని తాళ్లపేట గ్రామంలో కాంగ్రెస్‌ పార్టీ వర్గపోరు రోజు రోజుకు ముదురుతోంది. ఆదివారం బతుకమ్మ వేడుకల్లో రెండు వర్గాల మధ్య మొదలైన వివాదం.. మంగళవారం దసర సంబరాల్లోనూ తలెత్తింది. మంచిర్యాల ఎమ్మెల్యే ప్రేమ్‌సాగర్‌రావు వర్గీయులు, ఎంపీ వంశీకృష్ణ అనుచరుడు జగన్‌మోహన్‌రావు వర్గీయుల మధ్య కొనసాగుతున్న ఆధిపత్య పోరు వరుస వివాదాలతో ఉద్రిక్తంగా మారింది. రెండు మూడు కుటుంబాల మధ్య సాగుతున్న పార్టీ వర్గపోరుతో గ్రామస్తులు ప్రశాంతంగా పండుగ చేసుకోలేని పరిస్థితి ఏర్పడింది. గ్రామానికి చెందిన పేరం రజిత మంగళవారం తన తల్లిగారిల్లు ఆకుల రామయ్య ఇంటికి వెళ్లింది. గ్రామానికి చెందిన ఇద్దరు వ్యక్తులు బతుకమ్మ పండుగ రోజు జరిగిన ఘటనను గుర్తు చేశారు. ఇంతలో పక్క ఇంట్లో ఉండే కిరణ్‌, సురేష్‌ ఇనుపరాడ్‌తో ఆమైపె దాడికి యత్నించారు. రజిత సోదరుడు రాజేంద్రప్రసాద్‌, మేనల్లుడు అఖిరానందన్‌ అడ్డుకోవడంతో వారికి గాయాలయ్యాయి. పోలీసు భద్రత తాళ్లపేటలో రెండు వర్గాల ఘర్షణ నేపథ్యంలో పోలీ సులు మూడు రోజులుగా భారీ భద్రత ఏర్పాటు చేశారు. డీసీపీ, ఏసీపీ పర్యవేక్షణలో ఇద్దరు సీఐలు, ముగ్గురు ఎస్సైలు, సుమారు 50 మంది పోలీసు సి బ్బంది విడతలవారీగా బందోబస్తు నిర్వహిస్తున్నా రు. అయినా మంగళవారం దాడులు జరిగాయి. ప రిస్థితులు చేయిదాటి పోకుండా మంగళవారం అర్ధరాత్రి వరకు మంచిర్యాల డీసీపీ భాస్కర్‌, ఏసీపీ ప్ర కాశ్‌ ఎప్పటికప్పుడు పర్యవేక్షించి, సిబ్బందిని అప్రమత్తం చేశారు.

మంచిర్యాలటౌన్‌: కుష్ఠు వ్యాధిగ్రస్తుల గుర్తింపునకు జిల్లా వైద్య, ఆరోగ్య శాఖ ఇంటింటి సర్వే నిర్వహిస్తోంది. ఈ నెల 22నుంచి నవంబర్‌ 4వరకు వ్యాధిగ్రస్తులను గుర్తించడం, వ్యాధిపై ప్రజలకు అవగాహన కల్పించడం, ఉచితంగా చికిత్స అందించడమే లక్ష్యంగా ప్రత్యేక బృందాలను ఏర్పాటు చేసింది. జిల్లాలో 8,10,542మంది జనాభా ఉండగా, 2,12,503 ఇళ్లు ఉన్నాయి. ఇంటింటి సర్వే కోసం 650 ప్రత్యేక బృందాలు ఏర్పాటు చేశారు. 2027 వరకు కుష్ఠు రహిత దేశంగా తీర్చిదిద్దేందుకు గాను జాతీయ కుష్ఠు వ్యాధి నిర్మూలన కార్యక్రమంలో భాగంగా ఈ సర్వే చేపడుతున్నారు. ప్రతియేటా కుష్ఠువ్యాధి నిర్మూలనకు పలు కార్యక్రమాలు చేపడుతున్నా ప్రజల్లో పూర్తి స్థాయిలో అవగాహన లేకపోవడంతో నిర్మూలన సాధ్యం కావడం లేదు. దీంతో జిల్లా వైద్యారోగ్యశాఖ ప్రజల్లోకి వెళ్తోంది. కుష్ఠు వ్యాధిపై అవగాహన కోసం పోస్టర్లు, కరపత్రాలు, ఫ్లాష్‌కార్డులను గ్రామాలు, పట్టణాల్లో అతికించి అవగాహన కల్పించేలా ఏర్పాట్లు చేశారు. బయటకు చెప్పుకోలేకనే.. జిల్లాలో కుష్ఠువ్యాధిగ్రస్తుల సంఖ్య తగ్గించేందుకు ఎన్నో రకాలుగా చర్యలు చేపడుతున్నా ఎక్కడో ఓ చోట వ్యాధికి గురైన వారిని గుర్తిస్తున్నారు. కేంద్ర, రాష్ట్ర ప్రభుత్వాలు ప్రత్యేక నిధులు కేటాయించి నివారణ చర్యలు చేపడుతున్నా ఆశించిన స్థాయిలో ఫలితాలు రావడం లేదు. గతంలో జిల్లా వ్యాప్తంగా జిల్లా వైద్యారోగ్యశాఖ, కుష్ఠువ్యాధి నిర్మూలన సంస్థలు సంయుక్తంగా ఇంటింటి సర్వేలో వ్యాధిగ్రస్తులను గుర్తించి నివారణ మందులు అందజేశారు. వ్యాధిపై సరైన అవగాహన లేక, బయటకు చెబితే సామాజికంగా దూరమవుతామనే భయంతో బాధితులు కాలం వెళ్లదీస్తున్నారు. తమ కుటుంబ సభ్యులు, సమీపంలో నివసించే వారికి వ్యాధి సోకడానికి కారకులవుతున్నారు. కుష్ఠువ్యాధిపై ప్రజల్లో విస్తృతంగా ప్రచారం చేయించి అవగాహన కల్పిస్తేనే ఒకరి నుంచి మరొకరికి వ్యాపించే అవకాశాలు తగ్గుతాయి. అంటువ్యాధి కావడం, ఒకరి నుంచి మరొకరికి సోకేందుకు ఐదు నుంచి ఏడేళ్లు పట్టనుండడంతో ప్రతియేటా వ్యాధిగ్రస్తుల సంఖ్య పెరుగుతోంది. యండీటీ(బహుళ ఔషధ చికిత్స)తో ఆరు నెలల నుంచి 12 నెలల్లో పూర్తిగా నయం అవుతుంది. కుష్ఠు రోగులు పూర్తి సామాజిక జీవితం గడపవచ్చు. ప్రారంభ దశలో గుర్తించి చికిత్స అందిస్తే అంగవైకల్యానికి దారితీయదు. చికిత్సకు అన్ని ఆరోగ్య కేంద్రాల్లో ఉచితంగా మందులు అందజేస్తారు.

మంచిర్యాలక్రైం: విజయదశమి అందరికీ విజయాలు చేకూర్చాలని రామగుండం పోలీస్‌ కమిషనర్‌ అంబర్‌ కిషోర్‌ ఝా అన్నారు. మంగళవారం విజయదశమి వేడుకలను పురస్కరించుకుని కమిషనరేట్‌ ఆవరణలో దుర్గమాతకు పోలీస్‌ అధికారులతో కలిసి ప్రత్యేక పూజలు చేశారు. ఆయుధ, వాహన పూజ నిర్వహించారు. అనంతరం సీపీ మాట్లాడుతూ పోలీస్‌ సిబ్బంది అన్ని రంగాల్లో ప్రతిభ కనబర్చి విజయాలు సొంతం చేసుకోవాలని అన్నారు. ప్రతీ ఆయుధానికి ఎంతో శక్తి ఉంటుందని అన్నారు. పోలీస్‌ శాఖలో ప్రతీ స్థాయిలోని అధికారులు ప్రజల రక్షణలో ముందుంటూ ఉన్నతాధికారులు, ప్రజల మన్ననలు పొందాలని తెలిపారు. పోలీస్‌ శాఖ గౌరవం మరింత పెరిగే విధంగా ఉండాలని, సమాజంలో శాంతిభద్రతల పరిరక్షణలో ముందుండాలని అన్నారు. అదనపు డీసీపీ శ్రీనివాస్‌ ఏసీపీలు, సీఐలు, ఎస్సైలు పాల్గొన్నారు. మంచిర్యాల పోలీస్‌స్టేషన్‌లో.. విజయదశమిని పురస్కరించుకుని మంచిర్యాల పోలీస్‌స్టేషన్‌లో ఏసీపీ ప్రకాష్‌ ఆధ్వర్యంలో ఆయుధ పూజ నిర్వహించారు. ఈ కార్యక్రమంలో సీఐ ప్రమోద్‌రావు, ఎస్సైలు, సిబ్బంది పాల్గొన్నారు.

దండేపల్లి: దేశంలోనే గొప్ప పుణ్యక్షేత్రంగా మండలంలోని గూడెం సత్యనారాయణస్వామి ఆలయాన్ని తీర్చిదిద్దుతామని మంచిర్యాల ఎమ్మెల్యే ప్రేంసాగర్‌రావు తెలిపారు. మంగళవారం దసరా పండుగ రోజున ఆలయ పునర్నిర్మాణ పనులను ఆయన ప్రారంభించారు. ఈ సందర్భంగా మాట్లాడుతూ ఆలయ పునర్మిర్మాణానికి సీఎం రేవంత్‌రెడ్డి, ఉప ముఖ్యమంత్రి మల్లు భట్టి విక్రమార్క రూ.70 కోట్లు మంజూరు చేశారని, మరిన్ని నిధులు ఇచ్చేందుకు సిద్ధంగా ఉన్నారని తెలిపారు. వచ్చే పుష్కరాల వరకు కొంత మేర పనులు జరుగుతాయని, వీలైనంత త్వరగా పూర్తి చేసి సర్వాంగ సుందరంగా తీర్చిదిద్దుతామని అన్నారు. గోదావరి పుష్కరాలకు వచ్చే భక్తులకు ఇబ్బందులు లేకుండా సౌకర్యాలు కల్పిస్తామని చెప్పారు. డీసీపీ ఎగ్గడి భాస్కర్‌, మంచిర్యాల మేయర్‌ మధుకర్‌, డీసీసీ మాజీ అధ్యక్షురాలు కొక్కిరాల సురేఖ, ఆర్‌జీపీఆర్‌ఎస్‌ జిల్లా అధ్యక్షుడు గడ్డం త్రిమూర్తి, ఏఎంసీ చైర్మన్‌ అక్కల వెంకటేశ్వర్లు, పీఏసీఎస్‌ చైర్మన్‌ ముత్యాల శ్రీనివాస్‌, వైస్‌ చైర్మన్‌ బిల్లకూరి శంకరయ్య, ఆలయ ఈవో శ్రీనివాస్‌, ఆలయ వ్యవస్థాపక కుటుంబ సభ్యులు రఘుస్వామి, సంపత్‌స్వామి, వేదపండితులు నారాయణశర్మ, కాంగ్రెస్‌ నాయకులు పాల్గొన్నారు.

బెల్లంపల్లి: పోలీసు అమరుల త్యాగాలు అజరామరమని మంచిర్యాల డీసీపీ ఎగ్గడి భాస్కర్‌ అన్నారు. బుధవారం బెల్లంపల్లి ఏఆర్‌ పోలీసు హెడ్‌క్వార్టర్స్‌లో పోలీసు అమర వీరుల సంస్మరణ దినోత్సవం నిర్వహించారు. బెల్లంపల్లి ఏసీపీ కిరణ్‌కుమార్‌, పోలీసు అధికారులతో కలిసి అమరుల స్మారక స్థూపం వద్ద శ్రద్ధాంజలి ఘటించారు. ఈ సందర్భంగా డీసీపీ మాట్లాడుతూ శాంతిభద్రతల పరిరక్షణ, దేశ రక్షణలో ఏటా ఎందరో పోలీసులు ప్రాణాలను త్యాగం చేస్తున్నారని అన్నారు. ప్రజల కోసం ప్రాణాలు అర్పిస్తున్న పోలీసులను స్మరించుకోవాల్సిన అవసరం ఉందన్నారు. అంతకుముందు పోలీసు అమరుల జ్ఞాపకార్థం స్మృతి పరేడ్‌ నిర్వహించారు. ఈ కార్యక్రమంలో ఏఆర్‌ ఆర్‌ఐ సంపత్‌, బెల్లంపల్లి వన్‌టౌన్‌, రూరల్‌ సీఐలు కే.శ్రీనివాసరావు, సీ.హెచ్‌.హనోక్‌, టూటౌన్‌ ఎస్సై తిరుపతి, ఆర్‌ ఎస్సై మల్లేశం పాల్గొన్నారు. బాధ్యతగా వ్యవహరించాలి మంచిర్యాలరూరల్‌(హాజీపూర్‌): సమాజంలో పోలీస్‌ అమరవీరుల త్యాగాలు మరవలేనివని, వారి స్ఫూర్తితో విధి నిర్వహణలో ప్రతి ఒక్కరూ బాధ్యతగా వ్యవహరించాలని గుడిపేట 13వ ప్రత్యేక పోలీసు బెటాలియన్‌ కమాండెంట్‌ వెంకటేశ్వర్లు అన్నారు. బుధవారం గుడిపేటలోని బెటాలి యన్‌లో పోలీస్‌ అమరవీరుల సంస్మరణ దినోత్స వం నిర్వహించారు. స్మృతి పరేడ్‌ అనంతరం అమరవీరుల స్థూపం ఎదుట పలు పోలీస్‌ అమరవీరులకు ఘన నివాళులు అర్పించారు. కమాండెంట్‌ వెంకటేశ్వర్లు మాట్లాడుతూ విధుల్లో వారి బాధ్యత, త్యాగాలను స్ఫూర్తిగా తీసుకుని ప్రజా, దేశసేవలో ముందుంటున్నామని తెలిపారు. అసిస్టెంట్‌ కమాండెంట్‌ నాగభూషణం, యూనిట్‌ మెడికల్‌ అధికారి డాక్టర్‌ సంతోశ్‌సింగ్‌, బెటాలియన్‌ అధికారులు, ఆర్‌ఐలు, ఆర్‌ఎస్సైలు, సిబ్బంది పాల్గొన్నారు.

మందమర్రిరూరల్‌: మందమర్రి ఏరియాలోని కోల్‌బెల్ట్‌ రహదారి గుండా బొగ్గు రవాణా చేసే టిప్పర్‌ డోర్‌కు ఉండే లాక్‌ పిన్నులు ఊడిపోయి టిప్పర్‌లోని బొగ్గు కొంత స్థానిక సివిల్‌ కార్మికుల డిస్ట్రిబూషన్‌ పాయింట్‌ ఆఫీస్‌ వద్ద రహదారిపై పడి వాహనదారులకు ఇబ్బందిగా మారింది. బుధవారం రామకృష్ణాపూర్‌ సీఎస్పీ వైపు వెళ్తున్న సింగరేణికి సంబందించిన టిప్పర్‌ పిన్నులు స్పీడ్‌ బ్రేకర్‌ వద్ద ఒక్కసారిగా ఊడిపోవడంతో రోడ్డుపై బొగ్గు పడిపోయింది. విషయాన్ని గమనించిన డ్రైవర్‌ కొంచెం ముందుకు వెళ్లి టిప్పర్‌ను నిలిపివేశారు. టిప్పర్‌ లోడ్‌ చేసిన తర్వాత డోర్‌ పిన్నులు సరిగా పట్టక పోవడంతోనే ఇలా జరిగిందని పలువురు పేర్కొన్నారు.

మంచిర్యాలఅర్బన్‌: జిల్లాలో దసరా సంబరాలు అంబరాన్నంటాయి. మంగళవారం జిల్లాలోని ఆలయాలు భక్తులతో సందడిగా మారాయి. మంచిర్యాలలో విశ్వనాథ ఆలయం నుంచి ఉత్సవ దేవతామూర్తులతో గోదావరిరోడ్డులోని గౌతమేశ్వర ఆలయం వరకు రథోత్సవం నిర్వహించారు. శ్రీదేవి, భూదేవి సహిత వేంకటేశ్వరస్వామి, పార్వతీపరమేశ్వరుల ఉత్సవ విగ్రహాలను నగర వీధులగుండా ఊరేగించారు. గౌతమేశ్వర ఆలయ ఆవరణలో జంబి వృక్షానికి ఎమ్మెల్యే ప్రేమ్‌సాగర్‌రావు, సురేఖ దంపతులు పూజలు నిర్వహించారు. ప్రజలు పూజల అనంతరం జమ్మి అందజేస్తూ అలాయ్‌ బలాయ్‌ తీసుకున్నారు. స్థానిక రాంనగర్‌లో రావణవధ కార్యక్రమానికి భారీ సంఖ్యలో ప్రజలు హాజరయ్యారు. నగర మేయర్‌ ధర్ని మధుకర్‌, డిప్యూటీ మేయర్‌ సల్ల రమ్య, మార్కెట్‌ కమిటీ చైర్మన్‌ రామగిరి బానేష్‌, బీజేపీ రాష్ట్ర ఉపాధ్యక్షుడు రఘునాథ్‌, బీఆర్‌ఎస్‌ నాయకుడు విజిత్‌రావు, కార్పొరేటర్లు పాల్గొన్నారు. ఆలయ పునర్నిర్మాణ పనులు ప్రారంభం విశ్వనాథ స్వామి దేవాలయ పునర్నిర్మాణ పనులకు మంగళవారం ఎమ్మెల్యే ప్రేమ్‌సాగర్‌రావు భూమి పూజ చేశారు. రూ.4.94కోట్ల వ్యయంతో ఆలయాన్ని సౌకర్యవంతంగా తీర్చిదిద్దుతామని తెలిపారు. సప్త వ్యసనాల దిష్టిబొమ్మ దహనం మందమర్రిరూరల్‌: విజయదశమి పర్వదినాన్ని మందమర్రి పట్టణ ప్రజలు మంగళవారం ఘనంగా నిర్వహించారు. సింగరేణి ఆధ్వర్యంలో సింగరేణి హైస్కూల్‌ మైదానంలో సప్త వ్యసనాల దిష్టిబొమ్మ దహనం చేశారు. రాష్ట్ర మంత్రి వివేక్‌వెంకటస్వామి, సరోజ దంపతులు, జిల్లా కలెక్టర్‌ కుమార్‌ దీపక్‌, ఏరియా జీఎం రాధాకృష్ణ, శ్రీవాణి దంపతులు, ఏఐటీయూసీ అధ్యక్షుడు సీతారామయ్య తదితరులు హాజరయ్యారు. అంతకుముందు వేంకకటేశ్వరస్వామి ఆలయం వద్ద అమ్మవారికి ప్రత్యేక పూజలు చేశారు. అమ్మవారి విగ్రహ ప్రతిమను పల్లకిలో హైస్కూల్‌ మైదానంలో ఏర్పాటు చేసి కార్యక్రమం వద్దకు మంత్రి, కలెక్టర్‌, జీఎం, ఏఐటీయూసీ అధ్యక్షుడు తదితరులు మోసుకువచ్చారు. మనిషిలోని సప్త వ్యసనాలను దహించి వేస్తేనే మానవత్వం చేరుతుందనే నమ్మకంతో ప్రతియేడు సింగరేణి ఆధ్వర్యంలో ఈ కార్యక్రమానికి ప్రజలు అధిక సంఖ్యలో హాజరయ్యారు. సీఐ రమేష్‌, ఎస్సై నరేష్‌ ఆధ్వర్యంలో పోలీసులు బందోబస్తు చేపట్టారు.

● రూ.75కోట్లపైనే అన్ని రకాల వ్యాపారం ● గుడిపేట లిక్కర్‌ డిపో పరిధిలో భారీగా మద్యం అమ్మకాలు మంచిర్యాలరూరల్‌(హాజీపూర్‌): దసరా పండుగ జోరుగా సాగింది. జిల్లా వ్యాప్తంగా సంబరాలు అంబరాన్నంటగా రూ.75కోట్లకు పైగానే వ్యాపా రం సాగినట్లు తెలుస్తోంది. నూతన వస్త్రాలు, ఎలక్ట్రానిక్స్‌, వాహనాల కొనుగోళ్లు, మద్యం, మంసానికి భారీగా ఖర్చు చేశారు. జిల్లాలోని గు డిపేట లిక్కర్‌ డిపో పరిధిలో ఈ వారం రోజుల్లో రూ.30కోట్ల విలువైన మద్యం అమ్మకాలు సాగినట్లు తెలుస్తోంది. డిపో పరిధిలో జిల్లాతోపాటు పెద్దపల్లి జిల్లా రామగుండం, మంథని, భూపాలపల్లి జిల్లా కాటారం, జగిత్యాల జిల్లా ధర్మపురి ప్రాంతాల్లోని 135 మద్యం దుకాణాలు, 28 బార్లు ఉన్నాయి. వీటికి ఇక్కడి నుంచే మద్యం నిల్వలు సరఫరా అవుతాయి. లిక్కర్‌, బీర్‌ కేసుల విక్రయాలు రూ.30కోట్లు జరిగాయి. జిల్లాలో 500కు పైగా మాంసం దుకాణాలు ఉన్నాయి. గ్రామాలు, పట్టణాల్లో వేల సంఖ్యలో మేకలు, గొర్రెలు, కోళ్ల విక్రయాలు సాగాయి. జిల్లా వ్యాప్తంగా రూ.15కోట్లకు పైగా వ్యాపారం సాగి నట్లు వ్యాపారుల అంచనా. బట్టల దుకాణాలు, షాపింగ్‌ మాల్స్‌తోపాటు ఎలక్ట్రానిక్స్‌, హోం అప్లయెన్సెస్‌, వాహన కొనుగోళ్లు తదితర వ్యాపారాలు జోరుగా సాగినట్లు తెలుస్తోంది. సద్దుల బతుకమ్మ, దసరా సందర్భంగా రూ.20 కోట్లకు పైగానే వస్త్ర వ్యాపారం జరుగగా.. ఎలక్ట్రానిక్‌, హోం అప్లయెన్స్‌స్‌ దుకాణాలతోపాటు మిఠాయిలు, కూల్‌డ్రింక్స్‌, ద్విచక్ర వాహన, కార్లు, మొబైల్‌ఫోన్ల కొనుగోళ్లు బాగానే జరిగాయి. అన్ని రకాల వ్యాపారాలు రూ.30 కోట్లపైనే సాగినట్లు వ్యాపారులు పేర్కొంటున్నారు.

తగ్గిన డిమాండ్‌..లక్ష్మణచాంద: పేదవాడి ఆపిల్‌గా పిలిచే ఫలం సీతా ఫలం. సీజనల్‌గా లభించే ఈ ఫలంలో మంచి పోషక విలువలు ఉండటంతో, తినడానికి ప్రజలు ఎక్కువగా ఇష్టపడుతారు. సీతాఫలాలకు నిర్మల్‌ జిల్లా లక్ష్మణచాంద మండలంలోని పీచర గ్రామం కేరాఫ్‌గా నిలుస్తోంది. పలు కుటుంబాలకు జీవనోపాధి.. ఉదయం 4 గంటలకే నిద్ర లేచి సీతాఫలాలు బుట్టలలో తీసుకొని గ్రామం నుంచి ప్రత్యేకంగా ఆటోలలో దాదాపు 40 నుంచి 60 మంది నిర్మల్‌ జిల్లా కేంద్రానికి వస్తున్నారు. గ్రామంలోని దాదాపు 90 కుటుంబాల వారు ఈ పండ్లు విక్రయిస్తున్నారు. ఇందులో కొందరికి చెట్లు ఉండగా, మరి కొందరు రైతులకు చెట్ల కోసం డబ్బులు చెల్లించి సీతా ఫలా లు అమ్ముతున్నారు. జిల్లా కేంద్రంలోని పాత బస్టాండ్‌ ప్రాంతంలోని మారుతి మెగా మార్ట్‌ ముందు, మారెమ్మ ఆలయం వద్ద, స్వామి వివేకానం విగ్రహం వద్ద విక్రయిస్తున్నారు. వర్షాలు లేక.. ఈసారి ఎల్‌నినో కారణంగా సరైన వర్షాలు కురువలేదు. దీంతో సీతాఫలాల మొక్కలకు సరైన నీటి వసతి లేకపోవడంతో కాయల పరిమాణం తగ్గింది. ఎక్కువ కాయలేదని కాసిన కాయలు వాడిపోతున్నాయని వారు పేర్కొంటున్నారు. నీటి వసతి ఉన్న వారు కూడా ప్రస్తుతం నీళ్లు ఇచ్చిన ఫలితం లేకుండా పోయిందని వాపోతున్నారు. సీతాఫలంలో మంచి పోషక విలువలు ఉండటంతో ఎక్కువగా డిమాండ్‌ ఉంటుంది. ఈసారి వర్షాలు లేక కాయలు ఎక్కువ కాయలేదని, కాసిన కాయలు కూడా సరిగా ఎదగక పోవడంతో ఫలాలకు డిమాండ్‌ తగ్గిందని రైతులు తెలిపారు. నిర్మల్‌ మార్కెట్‌లో ఒక్కో పండు ధర రూ.10 నుంచి రూ.15 మాత్రమే ఉంది. ఎంత మంచి ఫలాలు అయినా రూ.20 నుంచి రూ.30 వరకు, కొన్నిటికి రూ.100 వరకు ఉందని అమ్మకం దారులు పేర్కొంటున్నారు. గతంలో ఒక బుట్ట ఫలాలు కావాలంటే జిల్లా కేంద్రంలో రూ.1500 నుంచి రూ.2000 చెల్లించాల్సించే వారు. కానీ నేడు బుట్ట పండ్లు కేవలం రూ.400 నుంచి రూ.500 వరకు ఉండగా ఉదయం నుండి సాయంత్రం వరకు ఉన్నా కనీసం రెండు బుట్టలు కూడా అమ్మడం లేదని వాపోతున్నారు.

గతంలో పొద్దున నుంచి సాయంత్రం వరకు కనీసం మూడు, నాలుగు బుట్టల పండ్లు అమ్మెటోల్లం. ఇప్పుడు ఒక్క బుట్ట పండ్లు పోవడం లేదు. పండ్లు చిన్నగా ఉండటంతో కొనడానికి ముందుకు రావడం లేదు. – ప్రమీల, పీచరఏం లాభం లేదు వర్షాలు లేక కాయలు లేవు. కాసిన కాయలు పెద్దవి అవడం లేదు. దీంతో చిన్న పండ్లు కొనడానికి ఎవరూ ఆసక్తి చూపడం లేదు. రూ.1లక్ష 40 వేలు పెట్టి ఎకరంలో చెట్లు పట్టుకున్న. ఇందులో కనీసం రూ.40 వేలు రావడం లేదు. అప్పులు చేసైనా రైతుకు చెల్లించాల్సిందే. – శంకాజీ, పీచరబాగా నష్టం ఏటా తమ ఖర్చులు పోనూ మూడు నెలలకు గాను రూ. 30 నుంచి రూ.40 వేలు వచ్చేవి. ఈసారి కనీసం కూలి కూడా పడటం లేదు. వర్షాలు లేకపోవడంతో బాగా నష్టం వచ్చింది. – మూగ రాజేశ్వర్‌, పీచర