Mahabubabad District News

వీసీలో ఉప ముఖ్యమంత్రి మల్లు భట్టి విక్రమార్క మహబూబాబాద్‌: ప్రభుత్వం ప్రతిష్టాత్మకంగా చేపడుతున్న రూ.5లక్షల ఇందిరమ్మ కుటుంబ ఉచిత జీవిత బీమా పథకాన్ని పకడ్బందీగా అమలు చేయాలని ఉపముఖ్య మంత్రి మల్లు భట్టి విక్రమార్క ఆదేశించారు. శుక్రవారం హైదరాబాద్‌లోని సచివాలయం నుంచి ఉప ముఖ్యమంత్రి భట్టి మల్లు విక్రమార్క.. ప్రభు త్వ ప్రధాన కార్యదర్శి సంజయ్‌జాజుతో కలిసి ఇందిరమ్మ కుటుంబ జీవిత బీమా పథకం అమలుపై అన్ని జిల్లాల కలెక్టర్‌లతో వీడియో కాన్ఫరెన్స్‌ నిర్వహించి సమీక్షించారు. ఈసందర్బంగా మల్లు భట్టి విక్రమార్క మాట్లాడుతూ.. ఈనెల 19నుంచి రాష్ట్ర వ్యాప్తంగా పథకం ప్రారంభమవుతుందని, విస్తృత అవగాహన కల్పించాలన్నారు. ఈనెల 18న గ్రామాల్లో టాంటాం ద్వారా ప్రచారం చేయాలన్నారు. వీసీలో జిల్లా నుంచి కలెక్టర్‌ స్నేహశబరీష్‌, సంబంధిత అదికారులు పాల్గొన్నారు. పెండింగ్‌ పనులు వెంటనే పూర్తి చేయాలి కలెక్టర్‌ స్నేహశబరీష్‌ మహబూబాబాద్‌: డబుల్‌ బెడ్రూం ఇళ్ల పెండింగ్‌ పనులను వెంటనే పూర్తి చేయాలని కలెక్టర్‌ స్నేహశబరీష్‌ సంబంధిత అధికారులను ఆదేశించారు. శుక్రవారం కలెక్టరేట్‌లోని కాన్ఫరెన్స్‌ హాల్‌లో ఇరిగేషన్‌, ఆర్‌అండ్‌బీ, డబుల్‌ బెడ్రూం ఇళ్ల నిర్మాణాలు తదితర అంశాలపై సంబంధిత అఽధికారులతో కలెక్టర్‌ సమీక్ష సమావేశం నిర్వహించారు. కలెక్టర్‌ స్నేహశబరీష్‌ మాట్లాడుతూ.. పూర్తయిన డబుల్‌ బెడ్రూం ఇళ్ల సముదాయాల్లో డ్రెయినేజీ, అంతర్గత రోడ్లు, తాగునీరు ఇతర పనులు త్వరగా పూర్తి చేయాలన్నారు. వసతి గృహాలపై అధికారులు ప్రత్యేక దృష్టి పెట్టాలన్నారు. పిల్లలకు సంబంధించిన విషయాల్లో నిర్లక్ష్యం చేస్తే కఠిన చర్యలు తప్పవని హెచ్చరించారు. సమావేశంలో ఇన్‌చార్జ్‌ అదనపు కలెక్టర్‌ పురుషోత్తం, సంబంధిత అధికారులు పాల్గొన్నారు. నిషేధిత ప్లాస్టిక్‌ను వినియోగించొద్దు మహబూబాబాద్‌: పర్యావరణ పరిరక్షణకు ప్రతీ ఒక్కరు సహకరించాలని, ప్రధానంగా నిషేధిత ప్లాస్టిక్‌ను విక్రయించొద్దని శానిటరీ ఇన్‌స్పెక్టర్‌ కరుణాకర్‌, పర్యావరణ అధికారి గుజ్జు క్రాంతి అన్నారు. మున్సిపాలిటీల్లో విచ్చలవిడిగా ప్లాస్టిక్‌ వినియోగం, ఎలాంటి అనుమతులు లేకుండానే షాపుల ఏర్పాటు, పర్యావరణానికి ముప్పు తదితర విషయాలపై సాక్షి దినపత్రికలో ‘ప్లాస్టిక్‌తో పరేషాన్‌’ అనే శీర్షికన శుక్రవారం ప్రచురితమైన కథనంపై ఇన్‌చార్జ్‌ కమిషనర్‌ ఉపేందర్‌, మేనేజర్‌ అంకూష్‌ స్పందించి తనిఖీలు చేయాలని ఆదేశించారు. దీంతో శానిటరీ ఇన్‌స్పెక్టర్‌ కరుణాకర్‌, పర్యావరణ అధికారి గుజ్జు క్రాంతి, మున్సిపల్‌ సిబ్బంది జిల్లా కేంద్రంలోని సుమారు 8ప్లాస్టిక్‌ విక్రయ, ఇతర షాపులను ముమ్మరంగా తనిఖీలు చేశారు. నిబంధనలకు విరుద్ధంగా నడుస్తున్న షాపులకు జరిమానాలు విధించారు. భక్తులకు అసౌకర్యం కలగొద్దు ఐనవోలు: ప్రజలకు మెరుగైన పోలీస్‌ సేవలందిస్తూ, ఫిర్యాదులపై తక్షణమే స్పందించి బాధితులకు న్యాయం జరిగేలా విధులు నిర్వహించాలని వరంగల్‌ సీపీ శ్వేత ఆదేశించారు. శుక్రవారం ఆమె ఐనవోలు పోలీస్‌స్టేషన్‌ను ఆకస్మికంగా తనిఖీ చేశారు. ముందుగా మల్లన్న ఆలయంలో ప్రత్యేక పూజలు నిర్వహించారు. అనంతరం పోలీస్‌స్టేషన్‌కు చేరుకున్న కమిషనర్‌కు అధికారులు పూల మొక్కలు అందించి స్వాగ తం పలికారు. సిబ్బంది నుంచి ఆమె గౌరవ వందనం స్వీకరించి, స్టేషన్‌ ఆవరణలో కొబ్బరి మొక్క నాటారు. పోలీస్‌ స్టేషన్‌లోని వివిధ రికార్డులు, కేసుల వివరాలు, విచారణ నివేదికలు, స్టేషన్‌ నిర్వహణకు సంబంధించిన రిజిస్ట ర్లు, కిట్‌ ఆర్టికల్స్‌ను సీపీ పరిశీలించారు. ఈసందర్భంగా సీపీ మాట్లాడుతూ.. ఐనవోలు మల్లికార్జునస్వామి దేవాలయం ఉన్నందున, ఇక్కడికి వచ్చే భక్తుల మనోభావాలను, ఆచార సంప్రదాయాలను గౌరవిస్తూ వారికి ఎలాంటి అసౌకర్యం కలగకుండా చూడాలన్నారు. ఈస్ట్‌ జోన్‌ డీసీపీ అంకిత్‌కుమార్‌, మామునూరు ఏసీపీ వెంకటేశ్‌, పర్వతగిరి సీఐ సంతోశ్‌, ఎస్‌ఐలు అశోక్‌, వంశీకృష్ణ పాల్గొన్నారు.

కేయూ క్యాంపస్‌: కాకతీయ యూనివర్సిటీలో రూసా 2.0 పరిశోధనా ప్రాజెక్టులో భాగంగా అభివృద్ధి చేసిన అధునాతన డింగో మొబైల్‌ రోబోను యూనివర్సిటీలోని ఇంజనీరింగ్‌ కళాశాలలో శుక్రవారం ప్రదర్శించారు. లిడార్‌ డిప్త్‌ కెమెరా సాంకేతికతతో పనిచేసే ఈ రోబో.. ఇండోర్‌ పరిసరాల్లో స్వయంచాలకంగా ప్రయాణించడంతో పాటు నిర్దేశించిన వ్యక్తిని అనుసరించే సామర్థాన్ని ప్రదర్శించింది. రూసా కేయూ కోఆర్డినేటర్‌ ప్రొఫెసర్‌ మల్లికార్జున్‌రెడ్డి, సెంటర్‌ డైరెక్టర్‌ ప్రొఫెసర్‌ రమణ, జాయింట్‌ డైరెక్టర్‌ ప్రొఫెసర్‌ బిక్షాలు మార్గదర్శకత్వంలో ఈ ప్రాజెక్టును రూపొందించారు. ఈ ప్రాజెక్టుకు ప్రధాన పరిశోధకుడిగా డాక్టర్‌ పున్నంచందర్‌, పరిశోధన ఫెల్లోగా మునీందర్‌ వ్యవహరిస్తున్నారు. రోబో పనితీరును ఎడ్యూటెక్‌ సంస్థ సీనియర్‌ ఇంజనీర్‌ మురగన్‌, ప్రకాశ్‌ పరిశీలించారు.

మహబూబాబాద్‌: మున్సిపాలిటీల్లోని చెత్త డంపింగ్‌ యార్డుల్లో ఇన్నాళ్లు బయోమైనింగ్‌ మిషనరీ ద్వారా చెత్తశుద్ధి చేశారు. నెల క్రితం దాని టెండర్‌ గడువు ముగిసింది. దీంతో చెత్త క్లీనింగ్‌, రీస్లైకింగ్‌ కోసం ప్రభుత్వం అన్ని మున్సిపాలిటీల్లో ఫ్రెష్‌ వేస్ట్‌ ప్రాసెసింగ్‌ యూనిట్‌లు ఏర్పాటు చేస్తోంది. ఈమేరకు మానుకోట మున్సిపాలిటీకి ఇటీవల సగం మిషనరీ సరఫరా చేశారు. ఆ మిషనరీ ఏర్పాటు కోసం చెత్త డంపింగ్‌ యార్డులో ప్రత్యేకంగా షెడ్డు ఏర్పాటు చేశారు. 2022లో బయోమైనింగ్‌ ఏర్పాటు.. చెత్తశుద్ధి కోసం అన్ని మున్సిపాలిటీల్లో 2022లో బయోమైనింగ్‌ మిషనరీ ఏర్పాటు చేసి డపింగ్‌ యార్డుల్లో ఏళ్లుగా పేరుకుపోయిన చెత్తను శుద్ధి చేశారు. ఆ మిషనరీ గడువు గత సెప్టెంబర్‌లో ముగిసింది. ప్రభుత్వం దాని స్థానంలో సీడీఎంఏ నుంచి రూ.2.50కోట్ల విలువ గల ఫ్రెష్‌వేస్ట్‌ ప్రాసెసింగ్‌ యూనిట్‌ మిషనరీలను సప్లై చేస్తోంది. దీనిలో భాగంగా మానుకోట మున్సిపాలిటీకి వారం క్రితం యూనిట్‌లో ట్రామిల్‌, వెట్‌ వేస్ట్‌ షడ్డర్‌ సప్లై కాగా.. బెయిలింగ్‌ మిషన్‌, వేబ్రిడ్జి, ప్లాస్టిక్‌ బాటిల్‌ షడ్డర్‌ మిషనరీ రావాల్సి ఉంది. ట్రామిల్‌ చెత్తలోని మట్టిని వేరు చేస్తుంది. వెట్‌వేస్ట్‌ షడ్డర్‌ తడి చెత్తను వేరు చేస్తుందని, బెయిలింగ్‌ మిషన్‌ చెత్తను వేరు చేస్తుందని అధికారులు తెలిపారు. ప్లాస్టిక్‌ బాటిల్‌ షడ్డర్‌ బాటిళ్లను ముద్దగా చేస్తుందని అధికారులు పేర్కొన్నారు. మిషనరీ పని విధానం.. మిషన్‌ కన్వేయర్‌ బెల్ట్‌పై చెత్తాచెదారం వేయగానే దానిపై నలుగురు వర్కర్లు కూర్చొని దానిలోని సీసాలు, ప్లాస్టిక్‌, క్లాతులు, అట్టాలు రీస్లైకింగ్‌ చేస్తారు. ఆతర్వాత మిషనరీలో మట్టి వేరు కావడంతో పాటు కవర్లు కూడా వేరు చేయబడుతాయి. తడి చెత్తతో వర్మీ కంపోస్ట్‌ ఎరువు తయారవుతుంది. చెత్త అంతా శుద్ధి అవుతుంది. కాగా, మిషనరీ నిర్వహణపై పూర్తిస్థాయిలో సిబ్బందికి అవగాహన కల్పిస్తారు. ప్రాథమిక సమాచారం మాత్రమే వారికి వివరించారు. మిషనరీ ఏర్పాటు చేసిన తర్వాత దాని నిర్వహణ పని తీరును క్షుణ్ణంగా వివరిస్తారని అధికారులు తెలిపారు. డంపింగ్‌ యార్డులో షెడ్డు ఏర్పాటు.. మానుకోట మున్సిపాలిటీ పరిధి సిగ్నల్‌ కాలనీ సమీపంలోని చెత్త డంపింగ్‌ యార్డులో ఫ్రెష్‌వేస్ట్‌ ప్రాసెసింగ్‌ యూనిట్‌ ఏర్పాటుకు షెడ్డు నిర్మాణం చేశారు. 15వ ఆర్థిక సంఘం నిధులతో పాటు ఇతర గ్రాంట్లు రూ.30.70లక్షలతో షెడ్డుతో పాటు వర్మి కంపోస్ట్‌ ఎరువుకు సంబంధించిన ప్లాట్‌ ఫాం, ఇతర నిర్మాణాలు చేపట్టారు. పనులు 90శాతం పూ ర్తి కాగా.. మిషనరీ ఏర్పాటు చేసిన తర్వాత మిగి లిన పనులు చేయనున్నట్లు అధికారులు తెలిపారు. మిషనరీ ఏర్పాటుతో సీసాలు, అట్టాలు, కవర్ల ద్వారా ఆదాయం రావడంతో పాటు వర్మీకంపోస్ట్‌ ఎరువును నర్సరీల్లో ఉపయోగించవచ్చు. స్థలం వృథా కాదు.. చెత్త ఎప్పటికప్పుడు శుద్ధి అవుతుంది. త్వరలోనే యూనిట్‌ ప్రారంభం ఫ్రెష్‌ వేస్ట్‌ ప్రాసెసింగ్‌ యూనిట్‌ మిషనరీ సగంపైగా సప్లై చేశారు. మిగిలిన మిషనరీ కూడా రెండు మూడు రోజుల్లో వస్తుంది. వాటిని షెడ్డులో ఏర్పాటు చేసిన తర్వాత మిగిలిన పనులు పూర్తి చేస్తాం. చెత్తశుద్ధి ప్రక్రియ పూర్తిగా మున్సిపాలిటీ ఆధ్వర్యంలోనే కొనసాగుతుంది. –సీహెచ్‌.ఉపేందర్‌, మానుకోట మున్సిపాలిటీ ఇన్‌చార్జ్‌ కమిషనర్‌ ఫ్రెష్‌వేస్ట్‌ ప్రాసెసింగ్‌ యూనిట్‌తో చెత్తశుద్ధి యూనిట్‌కు సంబంధించిన పలు మిషనరీల రాక షెడ్డు ఇతర ఏర్పాట్లు చేసిన సిబ్బంది మున్సిపాలిటీ ఆధ్వర్యంలోనే నిర్వహణ

గార్ల: జిల్లాలోని గార్ల పెద్దచెరువు ఆయకట్టు పంట కాల్వలు ఏళ్లుగా మరమ్మతులకు నోచుకోవడం లేదు. దీంతో ఏటా ఆయకట్టు చివరి భూములకు సాగునీరు అందక పంటలు ఎండిపోతున్నాయి. ఈ ఏడాది ఎల్‌నినో ప్రభావంతో పెద్దచెరువు నేటికీ నిండలేదు. దీంతో పంటలు సాగు చేయకపోవడంతో సాగుభూములు బీడుగా మారాయి. ఇదిలా ఉండగా చెరువు కాల్వల్లో పూడిక పేరుకుపోవడంతో పాటు, పిచ్చిమొక్కలు, తూటికాడలు ఏపుగా పెరగడంతో కొన్నిచోట్ల కాల్వలు ఆనవాళ్లు కోల్పోయాయి. కాగా, ఎల్‌నినో ప్రభావంతో ప్రస్తుత యాసంగిలోనూ పంటలు సాగు చేసే వీలు లేదని, ఇప్పుడు కాల్వలు మరమ్మతులు చేస్తే వచ్చే వానాకాలంలో ఉపయోగపడుతాయని ఆయకట్టు రైతులు కోరుతున్నారు. 2,000 ఎకరాల ఆయకట్టు.. పెద్దచెరువు కింద సుమారు 2,000 ఎకరాల ఆయకట్టు ఉంది. ఈ చెరువు కింద మైస్‌ తూము, చింతముత్తిగాని, సంగళ్లు, సున్నం తూములు ఉన్నాయి. ఈ తూముల పంట కాల్వల ద్వారా భూములకు నీటి సరఫరా అవుతుంది. అయితే 20 ఏళ్ల నుంచి ఇరిగేషన్‌ అధికారులు ఈ తూముల పంట కాల్వ లకు మరమ్మతులు చేపట్టకపోవడంతో ప్రతీ ఏటా ఆయకట్టు చివరి వరకు సాగునీరు అందక చేతి కొచ్చే సమయంలో పంటలు ఎండిపోవడంతో రైతులు తీవ్రంగా నష్టపోతున్నారు. రైతులే పూడికతీత.. ప్రతీ ఏటా రైతులు ఎకరాకు కొంత మొత్తంలో డబ్బులు జమ చేసుకొని నామమాత్రంగా పంట కాల్వల పూడికతీత, చెత్తాచెదారం, పిచ్చిమొక్కలను తొలగించుకొని పంటలు పండించుకుంటున్నారు. గతంలో ఉపాధి కూలీల ద్వారా పంట కా ల్వల్లో పూడికతీత పనులు చేపట్టేవారని, రెండేళ్ల నుంచి ఈజీఎస్‌ అధికారులు కూలీల ద్వారా పంట కాల్వల పూడికతీత పనులు చేయించకుండా, చెరువుల్లో ఫిష్‌పాండ్‌ గుంతలు తీయిస్తూ, తమకు ఉపయోగపడని పనులు చేయిస్తున్నారని మండల రైతులు ఆవేదన వ్యక్తం చేస్తున్నారు. ఇప్పటికై నా ఇరిగేషన్‌ అధికారులు స్పందించి కాల్వల్లో పూడికతీత, పిచ్చిమొక్కలను తొలగించాలని రైతులు డిమాండ్‌ చేస్తున్నారు. మరమ్మతులు చేపట్టాలి.. గార్ల పెద్దచెరువు కింద పంట కా ల్వల్లో పూడికతీత పనులు చేపట్టి ఆయకట్టు చివరి భూములకు సాగునీరు అందేలా కృషి చేయాలి. లేకపోతే ప్రతీ ఏటా ఆయకట్టు చివరి భూములకు సక్రమంగా సాగునీరు అందక పంటలు ఎండిపోతున్నాయి. ఇరిగేషన్‌ అధికారులు పంట కాల్వలకు మరమ్మతులు చేపట్టి వానాకాలం పంటలకై నా సాగునీరు అందించాలి. –ముంగి రాములు, రైతు ఏళ్లుగా మరమ్మతులకు నోచుకోని గార్ల పెద్దచెరువు పంట కాల్వలు పేరుకుపోయిన పూడిక.. అల్లుకుపోయిన పిచ్చిమొక్కలు ఏటా చెరువు ఆయకట్టు చివరి పంటలకు అందని సాగునీరు కాల్వలు శుభ్రం చేస్తే వానాకాలంలో సాఫీగా సాగునీరు

గూడూరు: మహబూబాబాద్‌ జిల్లా గూడూరు మండలం దామరవంచ బస్టాండ్‌ సమీపంలోని జాతీయ రహదారిపై జరిగిన రోడ్డు ప్రమాదంలో శుక్రవారం ఓ చుక్కల దుప్పి మృతిచెందినట్లు ఎఫ్‌ఆర్వో ప్రసాదరావు తెలిపా రు. ఆయన తెలిపిన వివరాల ప్రకారం.. దామరవంచ అటవీ ప్రాంతం నుంచి ఓ చుక్కల దుప్పి శుక్రవారం మధ్యాహ్నం 365 జాతీయ రహదారి దాటుతుంది. ఆ సమయంలో అటుగా వేగంగా వచ్చిన ఓ ద్విచక్రవాహనదారుడు దుప్పిని ఢీకొట్టి పడిపోయాడు. ఈ ప్రమాదంలో దుప్పి అక్కడిక్కడే మృతిచెందగా.. వాహనదారుడికి తీవ్రగాయాలయ్యాయి. కాసేపటికి అదేదారితో వచ్చినవారు గుర్తించి 108 అంబు లెన్స్‌కు సమాచారం అందించారు. క్షతగాత్రుడిని ఆస్పత్రికి తరలించారు. సమాచారం అందుకున్న అటవీశాఖ అధికారులు వెంటనే సంఘటన స్థలానికి చేరుకొని చుక్కల దుప్పి కళేబరాన్ని స్వాధీనం చేసుకుని పంచనామా నిర్వహించి, ఉన్నతాధికారుల సూచన మేరకు అటవీ ప్రాంతంలో పూడ్చి పెట్టారు. మహబూబాబాద్‌ జిల్లాలో శిశు విక్రయం?విచారణ చేస్తున్న అధికారులు మహబూబాబాద్‌ రూరల్‌ : నాలుగు నెలల మగశిశువు విక్రయం జరిగిందన్న ప్రచారం మేరకు చైల్డ్‌ వెల్ఫేర్‌ విభాగం అధికారులు విచారణ చేస్తున్నారు. విశ్వసనీయ సమాచారం మేరకు.. మహబూబాబాద్‌ మండలం కొమ్ముగూడెం గ్రామపంచాయతీ పరిధిలోని ఓ తండా కు చెందిన ఓ మహిళ జూలై 12న మహబూ బాబాద్‌ జిల్లాకేంద్రంలోని ఓ ప్రైవేట్‌ ఆస్పత్రి లో మగబిడ్డకు జన్మనిచ్చింది. కొద్దిరోజుల తరువాత ఆ బాబు చనిపోయాడంటూ తల్లి దండ్రులు ప్రచారం చేసినట్లు, తాము వేరే జిల్లాలో ఉంటున్నామని అధికారులకు తప్పు డు సమాచారం ఇచ్చినట్లు ఆరోపణలు ఉన్నా యి. డబ్బుల కోసం శిశువు విక్రయించి ఉంటా రని అనుమానం వ్యక్తం చేస్తూ తండావాసులు చైల్డ్‌ వెల్ఫేర్‌ అధికారులకు సమాచారమిచ్చారు. దీంతో అధికారులు శుక్రవారం తండాకు చేరుకుని విచారణ చేపట్టారు. ఆ బాబు ఎక్కడ ఉన్నాడు.. ఎవరి సంరక్షణలో ఉన్నాడనే కోణాల్లో అధికారులు ఆరా తీస్తున్నారు. ఈ విషయమై ఇన్‌చార్జ్‌ డీడబ్ల్యూఓ శిరీషను వివరణ కోరగా శిశువు విక్రయంపై సమాచారం రాగా విచారణ చేస్తున్నామని, ప్రస్తుతానికి ఏమీ చెప్పలేమని, ఆధారాలు లభ్యమయ్యాక తదుపరి చర్యలు తీసుకుంటామని తెలిపారు.

మహబూబాబాద్‌ రూరల్‌ : మహబూబాబాద్‌ మండల పరిధిలో గుడుంబా స్థావరాలపై ఎకై ్సజ్‌శాఖ హైదరాబాద్‌ ఫ్లయింగ్‌ స్క్వాడ్‌ ఫోర్స్‌ అధికారులు, సిబ్బంది శుక్రవారం విస్తృత దాడులు నిర్వహించారు. జిల్లా ప్రొహిబిషన్‌ అండ్‌ ఎకై ్సజ్‌ అధికారి పోరిక కరంచంద్‌ ఆధ్వర్యంలో బోడగుట్ట తండా, సుందరయ్య నగర్‌, బాబునాయక్‌ తండా, ఆమనగల్‌ బలరాంతండాప్రాంతాల్లో దాడులు నిర్వహించి 7 కేసులు నమోదు చేసి, ముగ్గురిని అదుపులోకి తీసుకున్నారు ఈ దాడుల్లో 23 లీటర్ల నాటుసారా స్వాధీనం చేసుకుని, 450లీటర్ల బెల్లం పానకం ధ్వంసం చేసి, ఒక వాహనాన్ని సీజ్‌ చేశారు. దాడుల్లో ఎకై ్సజ్‌ సీఐ రాంప్రసాద్‌, ఫ్లయింగ్‌ స్క్వాడ్‌ ఫోర్స్‌ అధికారి వెంకటేశ్వర్లు, సిబ్బంది ఉన్నారు.

కేయూ క్యాంపస్‌: యూనివర్సిటీల్లోని కాంట్రాక్టు అసిస్టెంట్‌ ప్రొఫెసర్లను రెగ్యులరైజ్‌ చేశాకే అసిస్టెంట్‌ ప్రొఫెసర్ల నియమకాలు చేపట్టాలని డిమాండ్‌ చేస్తూ కాకతీయ యూనివర్సిటీలోని వివిధ విభాగాల కాంట్రాక్టు అసిస్టెంట్‌ ప్రొఫెసర్లు శుక్రవారం చాక్‌డౌన్‌ చేసి తమ విభాగాలు, వర్సిటీ కాలేజీల్లో తరగతులు బోధించకుండా నిరసన వ్యక్తం చేశారు. క్యాంపస్‌లోని పరిపాలనాభవనం వద్ద నిరసన తెలిపారు. గత సంవత్సరం సీఎం రేవంత్‌రెడ్డి ఇచ్చిన హామీని అమలుచేయాలని డిమాండ్‌ చేశారు. అనంతరం పరిపాలనాభవనంలో కేయూ రిజిస్ట్రార్‌ ఆచార్య రామచంద్రంతో సమావేశమై పలు అంశాలపై మాట్లాడారు. తమను రెగ్యులరైజ్‌ చేస్తారని నమ్మకంతో ఎన్నో ఏళ్లనుంచి కాంట్రాక్టు అసిస్టెంట్‌ ప్రొఫెసర్లుగా పనిచేస్తున్నట్లు చెప్పారు. యూనివర్సిటీల్లో విద్యాబోధన చేస్తున్న తమ పరిస్థితి ఏమిటని ప్రశ్నించారు. నూతన నియమకాలను ప్రభుత్వం చేపట్టబోతున్నందున వెంటనే తమను రెగ్యులరైజ్‌ చేయాలని డిమాండ్‌ చేశారు. అంతేగా కుండా ఉద్యోగ భద్రతతో కూడిన యూజీసీ పేస్కేల్స్‌ను అమలుచేయాలని డిమాండ్‌ చేశారు. కేయూ పాలకమండలిలో కూడా తమ సమస్యను ఏజెండాలో పెట్టి చర్చించాలని మా సమస్యను పరిష్కరించాలన్నారు. అనంతరం పలు డిమాండ్లతో కూడిన వినతిపత్రాన్ని రిజిస్ట్రార్‌ రామచంద్రానికి అందజేశారు. నిరసనలో కేయూ కాంట్రాక్టు ప్రొఫెసర్ల జేఏసీ చైర్మన్‌ డాక్టర్‌ కరుణాకర్‌రావు, టీ ఆక్టా సెక్రటరీ డాక్టర్‌ శ్రీధర్‌కుమార్‌లోథ్‌, కేయూ జేఏసీ కన్వీనర్‌ డాక్టర్‌ సాదు రాజేష్‌, బాధ్యులు సతీష్‌, బైరి నింరజన్‌, రంగారెడ్డి, నాగేశ్వర్‌రావు, చంద్రశేఖర్‌, సూర్యనారాయణ, అరూరి సూర్యం, స్వామి, ప్రవీన్‌, నాగయ్య, వెంకటేష్‌, రాధిక, సాహితి, ప్రణీత, కవిత, భాగ్య, రమ, ప్రియాంక, బెస్సీ తదితరులు పాల్గొన్నారు. కేయూ రిజిస్ట్రార్‌కు వినతిపత్రం అందజేత

కాశిబుగ్గ: వరంగల్‌ కాకతీయ వైద్య కళాశాలలో నిర్వహిస్తున్న ఉత్కర్ష–2026 కార్యక్రమంలో భాగంగా శుక్రవారం ఉదయం ఇంపల్స్‌, సాయంత్రం షార్ట్‌ ఫిల్మ్‌ ఫెస్టివల్‌ ఘనంగా నిర్వహించారు. విద్యార్థుల్లోని ప్రతిభను వెలికితీసే లక్ష్యంతో ఏర్పాటు చేిసిన కార్యక్రమంలో పలువురు మెడికోలు పాల్గొన్నారు. ఈ సందర్భంగా నిర్వహించిన ఇంపల్స్‌ పోటీలను కళాశాల ప్రిన్సిపాల్‌ డాక్టర్‌ దివ్వెల మోహన్‌దాసు పచ్చజెండా ఊపి ప్రారంభించారు. మూడు విభాగాల్లో నిర్వహించిన పోటీల్లో మిస్టర్‌ ఇంపల్స్‌ విభాగంలో గోవింద్‌, మిస్‌ ఇంపల్స్‌ విభాగంలో వర్షిత, టీమ్‌ ఇంపల్స్‌ విభాగంలో వెరోజియన్స్‌ బృందం విజేతలుగా నిలించారు. ఆకట్టుకున్న విద్యార్థుల షార్ట్‌ ఫిల్మ్‌ ఫెస్టివల్‌.. సాయంత్రం కళాశాల ప్రాంగణంలో ఏర్పాటు చేసిన షార్ట్‌ ఫిల్మ్‌ ఫెస్టివల్‌ ఆకట్టుకుంది. వైద్య విద్యార్థులు స్వయంగా చిత్రీకరించిన పలు లఘు చిత్రాలను ప్రదర్శించారు. మెడికోలు, విద్యార్థులు పెద్ద సంఖ్యలో పాల్గొని ఆసక్తిగా తిలకించారు. ఈ సందర్భంగా ఉత్తమ చిత్రాన్ని ప్రదిర్శించిన బృందాన్ని ప్రిన్సిపాల్‌ డాక్టర్‌ మోహన్‌దాస్‌, కమ్యూనిటీ మెడిసిన్‌ విభాగాధిపతి డాక్టర్‌ శ్రీధర్‌, మెడిసిన్‌ ప్రొఫెసర్‌ డాక్టర్‌ మురళీ అభినందించారు. వైద్య విద్యతోపాటు ఇలాంటి సృజనాత్మక కళల్లోనూ ప్రతిభ కలిగి ఉండటం అభినందనీయమని పేర్కొన్నారు. ఉత్సాహంగా పాల్గొన్న వైద్య విద్యార్థులు

మహబూబాబాద్‌: గ్రంథాలయాల అభివృద్ధికి మున్సిపాలిటీలు, గ్రామపంచాయతీల నుంచి రావాల్సిన పన్ను పెండింగ్‌లో ఉంటుంది. దీంతో లైబ్రరీల అభివృద్ధి కుంటుపడుతోంది. జిల్లా కేంద్ర గ్రంథాలయంలో ఇద్దరు లైబ్రేరియన్లు మినహా అన్ని పోస్టులు ఖాళీగానే ఉన్నాయి. మిగిలిన గ్రంథాలయాలకు స్వీపర్లే దిక్కయారు. దీనికి తోడు జిల్లా కేంద్రంలో తప్ప మిగిలిన చోట్ల కనీస సౌకర్యాలు లేక పాఠకులు ఇబ్బందులు పడుతున్నారు. రెండు మినహా అన్ని పోస్టులు ఖాళీ.. జిల్లా కేంద్రంలోని జిల్లా కేంద్ర గ్రంథాలయంలో ఇద్దరు లైబ్రేరియన్లు మాత్రమే ఉన్నారు. ఇన్‌చార్జ్‌ కార్యదర్శి విధులు నిర్వర్తిస్తున్నారు. డిప్యూటీ లైబ్రేరియన్‌, సీనియర్‌ అసిస్టెంట్‌, జూనియర్‌ అసిస్టెంట్‌, అటెండర్‌, వాచ్‌మెన్‌, తోటమాలి పోస్టులు ఖాళీగా ఉన్నాయి. ఇటీవల జీ ప్లేస్‌ టు భవనం అన్ని హంగులతో నిర్మాణం చేశారు. 29,000 రీడింగ్‌ పుస్తకాలు, 3,500 మంది సభ్యులు, ప్రతీ రోజు 400నుంచి 500 మంది పాఠకులు వస్తున్నారు. ఫర్నిచర్‌ సరిపోను ఉంది. వాటర్‌ ప్లాంట్‌, లిఫ్ట్‌ ఇతర సౌకర్యాలు ఉన్నాయి. 2గ్రామ గ్రంథాలయాలు, 11శాఖ గ్రంథాలయాలు.. జిల్లాలోని కేసముద్రం, నెల్లికుదురు, బయ్యారం, మరిపెడ, దంతాలపల్లి, తొర్రూరు, గూడూరు, కొత్తగూడ, ఇనుగుర్తి, డోర్నకల్‌, గార్లలో శాఖ గ్రంథాలయాలు ఉన్నాయి. కురవి మండల కేంద్రం, అదే మండలంలోని రాజోలులో గ్రామ గ్రంథాలయాలు ఉన్నాయి. పక్కా భవనాలు, కనీస సౌకర్యాలు లేక పాఠకులు ఇబ్బందులు పడుతున్నారు. ఆ గ్రంథాలయాల్లో అన్ని పోస్టులు ఖాళీగా ఉన్నాయి. సెస్‌ పెండింగ్‌.. గ్రంథాలయాల అభివృద్ధికి మున్సిపాలిటీలు, గ్రామ పంచాయతీల ఆస్తి పన్నులో 8శాతం చెల్లించాలి. 8శాతం పన్న జిల్లా గ్రంథాలయ సంస్థ ఖాతాలో జమ కావాలి. అయితే సుమారు రూ.3కోట్ల సెస్‌ బకాయిలు పెండింగ్‌లో ఉన్నాయని అధికారులు చెబుతున్నారు. దీంతో అభివృద్ధి కుంటుపడుతోంది. చైర్మన్‌ ప్రత్యేక చొరవ.. ఈ ఏడాది మే 13న జిల్లా గ్రంథాలయ సంస్థ చైర్మన్‌గా శ్రీకాంత్‌రెడ్డి బాధ్యతలు స్వీకరించారు. నాటి నుంచిగ్రంథాలయంలో సౌకర్యాలు కొంత మెరుగుపర్చారు. సమస్యలను ప్రభుత్వం దృష్టికి తీసుకెళ్లారు. సొంత డబ్బులతో స్టడీ మెటీరియల్‌, ఇతర పుస్తకాలు కొనుగోలు చేసి అందజేశారు. సెస్‌ బకాయిల విషయంలో అధికారులతో మాట్లాడారు. సెస్‌ పెండింగ్‌తో కుంటుపడుతున్న గ్రంథాలయాల అభివృద్ధి జిల్లా కేంద్రంలో తప్ప మిగిలిన చోట్ల సౌకర్యాలు నిల్‌ జిల్లాలో 14 గ్రంథాలయాలు.. పోస్టుల ఖాళీతో పాఠకుల అవస్థలు నేటి నుంచి గ్రంథాలయ వారోత్సవాలు

హన్మకొండ కల్చరల్‌: శ్రీరుద్రేశ్వరస్వామి వేయిస్తంభాల దేవాలయంలో కార్తీకమాసోత్సవాల్లో భాగంగా శుక్రవారం నాగులచవితి పూజలు నిర్వహించారు. ఆలయ ప్రధానార్చకుడు గంగు ఉపేంద్రశర్మ ఆధ్వర్యంలో వేదపండితులు మూలగణపతికి నవరాసాభిషేకం, ఆరాధన, రుద్రేశ్వరునికి రుద్రాభిషేకాలు, సామూహిక రుద్రాభిషేకం నిర్వహించారు. నాట్యమండపంలో శ్రీసుబ్రహ్మణ్యస్వామి ఉత్సవమూర్తిని ప్రతిష్ఠించి పుష్పార్చన చేశారు. వందలాది మంది భక్తులు దేవాలయాన్ని సందర్శించారు. దేవాలయ ఆవరణలోని నాగేంద్రస్వామి శిలలు, పుట్టకు పాలు, నైవేధ్యాలు సమర్పించి పుట్టచుట్టూ ప్రదక్షిణలు చేసి మొక్కులు తీర్చుకున్నారు. భక్తులు సాయంత్రం కార్తీకదీపాలు వెలిగించారు.

కమలాపూర్‌: విద్యార్థులు చదువుతోపాటు క్రీడల్లోనూ రాణిస్తూ జాతీయస్థాయి క్రీడాకారులుగా ఎదగాలని మహాత్మా జ్యోతిబా పూలే గురుకుల విద్యాసంస్థల వరంగల్‌ ఉమ్మడి జిల్లా ఆర్సీఓ డాక్టర్‌ శ్రవణ్‌కుమార్‌ పిలుపునిచ్చారు. కమలాపూర్‌ ఎంజేపీ బాలికల గురుకుల పాఠశాలలో ఈ నెల 11 నుంచి ప్రారంభమైన వరంగల్‌ ఉమ్మడి జిల్లా స్థాయి అండర్‌–17 బాలికల క్రీడా పోటీలు శుక్రవారం ముగిశాయి. చివరిరోజు నిర్వహించిన బహుమతుల ప్రదానోత్సవంలో ఆయన పాల్గొన్నారు. ఈ సందర్భంగా ఆయన మాట్లాడుతూ విద్యార్థులు భవిష్యత్‌లోనూ ఇదే స్ఫూర్తితోఅన్ని రంగాల్లో రాణించి జీవితంలో ఉన్నత స్థాయికి ఎదగాలని సూచించారు. అండర్‌–17 బాలికల క్రీడా పోటీల్లో అత్యుత్తమ ప్రతిభ కనబర్చిన నెక్కొండ పాఠశాల ఓవరాల్‌ ఛాంపియన్‌గా నిలిచింది. వ్యక్తిగత విభాగంలోనూ నెక్కొండ పాఠశాలకు చెందిన అమ్ములు ఛాంపియన్‌గా నిలిచి ప్రత్యేక ప్రశంసలు అందుకుంది. అనంతరం నిర్వహించిన సాంస్కృతిక కార్యక్రమాలు ఆకట్టుకున్నాయి. కార్యక్రమానికి సభాధ్యక్షులుగా వై.మనోహర్‌రెడ్డి వ్యవహరించగా.. సర్పంచులు బండి వనజ, పబ్బు సతీశ్‌, ఎంపీడీఓ గుండె బాబు, బాలుర గురుకుల పాఠశాల ప్రిన్సిపాల్‌ డాక్టర్‌ రవీందర్‌, సీనియర్‌ న్యాయవాది బండి కళాధర్‌, వివిధ ఎంజేపీ పాఠశాలల ప్రిన్సిపాళ్లు, వ్యాయామ ఉపాధ్యాయులు, విద్యార్థులు పాల్గొన్నారు. ఆర్సీఓ శ్రవణ్‌కుమార్‌ కమలాపూర్‌లో ముగిసిన అండర్‌–17 బాలికల క్రీడలు ఓవరాల్‌ చాంపియన్‌గా నిలిచిన నెక్కొండ

విద్యారణ్యపురి: జీవిత కాలం ఆదర్శవంతమైన జీవితాన్ని గడపడమే కాకుండా.. సమాజ హితం కోసం కృషి చేసిన కాళోజీ సోదరుల స్ఫూర్తిని నేటితరం కవులు, రచయితలు అందిపుచ్చుకోవాలని కేంద్ర సాహిత్యఅకాడమీ అవార్డు గ్రహీత డాక్టర్‌ అంపశయ్యనవీన్‌ అన్నారు. కాళోజీ నారాయణరావు వర్ధంతి, కాళోజీ సోదరుల యాది సభ సందర్భంగా కాళోజీ ఫౌండేషన్‌ ఆధ్వర్యంలో శుక్రవారం హనుమకొండలోని కాళోజీ విగ్రహానికి పూలమాల వేసి నివాళులర్పించారు. అనంతరం వడ్డెపల్లిలోని పీఆర్‌రెడ్డి భవన్‌లో కాళోజీ ఫౌండేషన్‌ అధ్యక్షుడు నాగిళ్ల రామశాస్త్రి అధ్యక్షతన నిర్వహించిన కాళోజీ సోదరుల యాదిసభలో ఆయన ముఖ్యఅతిథిగా పాల్గొని మాట్లాడారు. వరంగల్‌లో సాహిత్య వాతావారణాన్ని కల్పించి కవులు, రచయితలను ప్రోత్సహించి ఒక నూతన సమాజ నిర్మాణానికి పాటుపడినవారు కాళోజీ సోదరులు అని ఆయన కొనియాడారు. ప్రముఖ కవయిత్రి నెల్లుట్ల రమాదేవి మాట్లాడుతూ.. ప్రజాకవి కాళోజీ నారాయణ రావు తన చివరిశ్వాస వరకు తెలంగాణా ప్రజల వ్యవహారిక భాష, యాసలో కవిత్వం రాశారని, తెలంగాణా సమాజాన్ని చైతన్యవంతం చేసిన గొప్పకవి కాళోజీ అని కొనియాడారు. అన్యాయాన్ని ఎదిరించినవాడే నాకు ఆరాధ్యుడంటూ వెళ్లిపోయిన కాళోజీ వ్యక్తిత్వం జీవితం భవిష్యత్‌ తరాలకు కూడా స్ఫూర్తిదాయకమని ఆమె అభిప్రాయపడ్డారు. ప్రముఖ కవి వీఆర్‌ విద్యార్థి కాళోజీ ఫౌండేషన్‌ నివేదికను సమర్పించారు. ప్రముఖసాహితీవేత్త గండా రామిరెడ్డి కాళోజీ రామేశ్వర్‌రావు షాద్‌ గురించి ప్రసంగించారు. పురస్కారాల ప్రదానం ప్రముఖకవులు పొట్లపెల్లి శ్రీనివాస్‌రావు, పందిళ్ల అశోక్‌కుమార్‌ నిర్వహణలో కాళోజీ రామేశ్వర్‌రావు షాద్‌ పురస్కారాన్ని ప్రముఖ కవయిత్రి ఎలిజబెత్‌ కురియన్‌మోనాకు, ప్రజాకవి కాళోజీ పురస్కారాన్ని ప్రముఖకవి ఉదారి నారాయణకు అందజేశారు. కార్యక్రమంలో ప్రముఖ కవి డాక్టర్‌ ఎన్‌వీఎన్‌చారి, మానవహక్కుల నేత జీవన్‌ కుమార్‌, సాహితీవేత్తలు పిచంద్‌, బిల్లా మహేందర్‌, డాక్టర్‌ బన్న అయిలయ్యి, డాక్టర్‌ కృష్ణారావు, డాక్టర్‌ కర్రెసదాశివ్‌, డాక్టర్‌ ఆగపాటి రాజకుమార్‌, డాక్టర్‌ బానోత్‌ స్వామి, కుందావజ్జుల కృష్ణమూర్తి పాల్గొన్నారు. కేంద్రసాహిత్య అకాడమీ అవార్డు గ్రహీత అంపశయ్య నవీన్‌

మానుకోట పట్టణంలోని జిల్లా గ్రంథాలయంలో 59వ జాతీయ గ్రంథాలయ వారోత్సవాలను ఘనంగా నిర్వహించనున్నట్లు జిల్లా గ్రంథాలయ సంస్థ చైర్మన్‌ వెన్నం శ్రీకాంత్‌రెడ్డి, కార్యదర్శి శ్రీలత శుక్రవారం ఒక ప్రకటనలో పేర్కొన్నారు. వారోత్సవాల సందర్భంగా విద్యార్థుల్లో సృజనాత్మకను, పఠనాసక్తిని పెంపొందించేందుకు వివిధ రకాల పోటీలు నిర్వహించనున్నట్లు ఆయన తెలిపారు. ఈనెల 14న ఉదయం 11గంటలకు వారోత్సవాల సందర్భంగా మానవ జీవన విధానంపై చిత్రలేఖనం పోటీలు నిర్వహిస్తామన్నారు. 15న ప్రత్యేక పుస్తక ప్రదర్శన, 16వ తేదీన 6నుంచి 10వ తరగతి విద్యార్థులకు విద్యాసంస్థల్లో గ్రంథాలయాల ఏర్పాటు ప్రాముఖ్యతపై వ్యాసరచన పోటీ ఉంటుందన్నారు. 17న మానవ జీవితాలపై సోషల్‌ మీడియా ప్రభావంపై ఉపన్యాస పోటీలు, 18వ తేదీన 6నుంచి 10వ తరగతి విద్యార్థులకు దేశభక్తి, సామాజిక స్పృహ కలిగే పాటల పోటీలు ఉంటాయన్నారు. 19న ఆరు నుంచి పదో తరగతి విద్యార్థులకు రంగోళీ పోటీలు ఉంటాయని, 20న వారోత్సవాల ముగింపు కార్యక్రమం ఉంటుందని, విజేతలకు బహుమతులు ప్రదానం చేస్తామన్నారు.

కాజీపేట రూరల్‌: కాజీపేట, వరంగల్‌ రైల్వేస్టేషన్లలో ప్రయాణికుల సౌకర్యార్థం మౌలిక సదుపాయాలు కల్పిస్తున్నట్లు రైల్వే అధికారులు శుక్రవారం తెలిపారు. దక్షిణ మధ్య రైల్వే జీఎం సంజయ్‌కుమార్‌ శ్రీవాస్తవ పర్యవేక్షణలో పండుగల సీజన్లను దృష్టిలో ఉంచుకుని కాజీపేట, వరంగల్‌లో 150 ప్రత్యేక రైళ్లకు హాల్టింగ్‌ కల్పించినట్లు వివరించారు. ప్లాట్‌ఫాంలు, వెయిటింగ్‌ హాళ్లు, టాయ్‌లెట్స్‌లు, టిక్కెట్‌ బుకింగ్‌ కౌంటర్లు, ఇతర ప్రదేశాల్లో ప్రయాణికుల రద్దీని దృష్టిలో ఉంచుకుని ప్రత్యేక ఏర్పాట్లు చేసినట్లు పేర్కొన్నారు. ప్రయాణకుల రాకపోకలు, సజావుగా క్రమబద్దంగా సాగేందుకు రద్దీని నియంత్రించేందుకు టిక్కెట్‌ తనిఖీ సిబ్బంది, ఆర్పీఎఫ్‌ ఫోర్స్‌ను నియమించినట్లు తెలిపారు. ఆటోమెటిక్‌ టికెట్‌ మిషన్లు, క్యూఆర్‌ కోడ్‌లు, రైల్వే టిక్కెట్‌ యాప్‌లను ప్రదర్శించి సిబ్బందిని అప్రమత్తం చేసినట్లు తెలిపారు. రైళ్ల వివరాలు, నంబర్లు, కోచ్‌ల స్థానాల వివరాలను ఎప్పటికప్పుడు మెగా ఫోన్ల ద్వారా ప్రకటిస్తున్నట్లు వివరించారు. ఈ నెల చివరి వరకు పండుగ సీజన్లను దృష్టిలో ఉంచుకొని ప్రయాణికులకు కావాల్సిన సదుపాయాలను బలోపేతం చేస్తున్నట్లు అధికారులు తెలిపారు. కాజీపేట, వరంగల్‌లో 150 ప్రత్యేక రైళ్లకు హాల్టింగ్‌ ఆయా స్టేషన్లలో భద్రత కట్టుదిట్టం

● ఆర్డీఓ రాజేశ్వరి మహబూబాబాద్‌ అర్బన్‌: ఓటు అనేది రాజ్యాంగం కల్పించిన హక్కు అని, విద్యార్థులు భారత ఎన్నికల విధానంపై అవగాహన పెంచుకోవాలని ఆర్డీఓ రాజేశ్వరి అన్నారు. మానుకోట మున్సిపల్‌ పరిధి అనంతారం మోడల్‌ స్కూల్‌లో శుక్రవారం ఎలక్ట్రోరల్‌ లిటరసీ క్లబ్‌ ఆధ్వర్యంలో విద్యార్థులకు క్విజ్‌, వ్యాసరచన పోటీలు నిర్వహించారు. ఈ సందర్భంగా ఆర్డీఓ మాట్లాడుతూ.. పాఠశాల, కళాశాలస్థాయి నుంచే విద్యార్థులకు ప్రజాస్వామ్య విలువలు, ఓటు హక్కుపై అవగాహన పెంచడానికి నియోజకవర్గస్థాయిలో వ్యాసరచన, క్విజ్‌ పోటీలు నిర్వహించామన్నారు. జిల్లాస్థాయికి 10మంది విద్యార్థులు ఎంపికై నట్లు తెలిపారు. కార్యక్రమంలో తహసీల్దార్‌ చంద్రరాజేశ్వర్‌రావు, ఎంఈఓ ఆరుద్ర వెంకటేశ్వర్లు, పాఠశాల ప్రిన్సిపాల్‌ ఉపేందర్‌రావు, అధికారులు, ఉపాధ్యాయులు, విద్యార్థులు పాల్గొన్నారు.

కాజీపేట: పదేళ్ల కాలంలో గత పాలకులు చేయని అభివృద్ధి పనులను మూడేళ్లలో చేశామని ఎమ్మెల్యే నాయిని రాజేందర్‌ రెడ్డి అన్నారు. 61, 63వ డివిజన్లలో రూ.2.33 కోట్ల అంచనా వ్యయంతో చేపట్టిన పలు సీసీ రోడ్డులు, సైడ్‌ డ్రెయినేజీ పనులకు శుక్రవారం శంకుస్థాపన చేశారు. ఈ సందర్భంగా ఏర్పాటు చేసిన సమావేశంలో ఆయన మాట్లాడుతూ సీఎం రేవంత్‌ రెడ్డి సహకారంతో అతి త్వరలో అండర్‌ డ్రెయినేజీ పనులను చేపట్టడంతో పాటు దాదాపు 40 ఏళ్ల వరకు జనాభా అవసరాలను దృష్టిలో పెట్టుకుని కొత్తగా తాగునీటి పైపులైన్లను మార్చనున్నట్లు తెలిపారు. అందుకు ప్రజలు సహకరించాలని కోరారు. కార్యక్రమంలో అజీజ్‌ఖాన్‌, బైరి రవికృష్ణ గౌడ్‌, జి.రమాకాంత్‌ రెడ్డి, మాజీ కార్పొరేటర్లు విజయశ్రీ రజాలీ, గుంటి కుమారస్వామి, సుంచు కృష్ణ, ఎండి అంకూస్‌, అరూరి సాంబయ్య, క్రాంతిభరత్‌, కొండా శివకుమార్‌ తదితరులు పాల్గొన్నారు. ఎమ్మెల్యే నాయిని రాజేందర్‌ రెడ్డి

● వీసీలో సీఎస్‌ సంజయ్‌జాజు మహబూబాబాద్‌: నీటి లభ్యతకు అనుగుణంగా రబీ సాగు ప్రణాళిక రూపొందించాలని రాష్ట్ర ప్రభుత్వ ప్రధాన కార్యదర్శి సంజయ్‌జాజు ఆదేశించారు. శుక్రవారం హైదరాబాద్‌ నుంచి సీఎస్‌ సంజయ్‌జాజు వ్యవసాయ కార్యాచరణ ప్రణాళిక, ధాన్యం కొనుగోలు తదితర అంశాలపై అన్ని జిల్లాల కలెక్టర్‌లతో వీడియో కాన్ఫరెన్స్‌ నిర్వహించి సమీక్షించారు. ఈసందర్భంగా సంజయ్‌ జాజు మాట్లాడుతూ.. ప్రత్యామ్నాయ పంటల సాగువైపు రైతులను ప్రోత్సహించాలన్నారు. ధాన్యం కొనుగోళ్లలో రైతులకు నష్టం వాటిల్లకుండా చర్యలు చేపట్టాలన్నారు. ప్రభుత్వ పాఠశాలల్లో విద్యార్థుల హాజరు శాతం 90శాతానికి పెంచాలని ఆదేశించారు. సాగు నీటి ప్రాజెక్ట్‌ల భూసేకరణ, విద్యా, మౌలిక వసతుల పనులను వేగవంతం చేయాలన్నారు. గ్రామాలు, పట్టణాల్లో వీధి కుక్కల నియంత్రణకు సుప్రీంకోర్టు మార్గదర్శకాల మేరకు చర్యలు తీసుకోవాలన్నారు. వీసీలో జిల్లా నుంచి కలెక్టర్‌ స్నేహశబరీష్‌, అదనపు కలెక్టర్‌ అనిల్‌కుమార్‌, ఇన్‌చార్జ్‌ అదనపు కలెక్టర్‌ పురుషోత్తం, డీఆర్వో నాగలక్ష్మి సంబంధిత అధికారులు పాల్గొన్నారు.

● డీఎల్‌ఎస్‌ఏ సెక్రటరీ స్వాతి మురారి మహబూబాబాద్‌ రూరల్‌ : ఆర్థిక స్థోమతలేక న్యాయవాదిని పెట్టుకోలేని నిరుపేదలు ఏమాత్రం ఆందోళన చెందాల్సిన అవసరం లేదని, వారి కోసం ఉచితంగా న్యాయవాదిని నియమిస్తామని జిల్లా న్యాయ సేవాధికార సంస్థ సెక్రటరీ, సీనియర్‌ సివిల్‌ జడ్జి స్వాతి మురారి అనారు. మానుకోట సబ్‌ జైలును ఆమె శుక్రవారం సందర్శించారు. ఈ సందర్భంగా జడ్జి ఖైదీలకు న్యాయపరమైన భరోసానివ్వడంతో పాటు, అక్కడి ఖైదీలతో ముఖాముఖి మాట్లాడి వారి కేసుల పురోగతిని అడిగి తెలుసుకున్నారు. ముఖ్యంగా విచారణలో ఉన్న రిమాండ్‌ ఖైదీలకు ఊరటనిస్తూ న్యాయవాదిని పెట్టుకోలేని వారు జిల్లా న్యాయ సేవాధికార సంస్థను ఆశ్రయిస్తే ఉచితంగా న్యాయవాదిని నియమిస్తామన్నారు.

సంఘటనలు, ఫిర్యాదుల మొదలుకొని కేసు పరిస్థితిని క్షుణ్ణంగా తెలుసుకొని పారదర్శక పోలీస్‌ వ్యవస్థను నడిపించేందుకు జిల్లాలో ఏర్పాటు చేసిన విధానమే డిజిటల్‌ అవర్‌. ప్రతీ పోలీస్‌ స్టేషన్‌లో కేసుల వివరాలను అక్కడ ఉన్న అధికారి రోజు తెలుసుకోవాలి.. పర్యవేక్షించాలి.. ఆన్‌లైన్‌లో నమో దు చేయాలి. ప్రతీరోజు మధ్యాహ్నం ఒంటిగంట నుంచి రెండు గంటల సమయంలో ఈ పని పూర్తి చేయాలి. ఇందులో ప్రధానంగా 13 అంశాలను పరిశీలించాల్సి ఉంటుంది. జీరో ఎఫ్‌ఐర్‌, కొత్త క్రిమినల్‌ చట్టాలు, చార్జీషీట్‌, ఎఫ్‌ఐఆర్‌, కన్‌జన్షన్‌, ఈ–సాక్షా, ఈ–సమన్లు, మెగ్లిఫల్స్‌, పాఫిస్‌, ఈ–పెట్టీకేసులు, ఈ–చలాన్స్‌, జియో ట్యాగ్స్‌, డయల్‌ 100 కాల్స్‌ రివ్యూ మొదలైనవి ఉన్నాయి. వీటిని రోజు పరిశీలించి వివరాలను మెసేజ్‌ ద్వారా పంపుతారు. మరుసటి రోజు ఉదయాన్నే ఈ విషయాలపై చర్చ జరుగుతుంది. దీంతో కేసుల పర్యవేక్షణ పెగుతుంది. పోలీస్‌లకు డిజిటల్‌ విద్య.. ప్రతీ మనిషి కొత్తదనంతో ముందుకెళ్తేనే చేస్తున్న వృత్తిలో రాణిస్తారు. పోలీస్‌ అయినా.. టీచర్‌ అయినా.. రైతులు అయినా.. ఎవరైనా కొత్త విషయాలు తెలుసుకోవాలి. అలాగే కొత్తగా వచ్చిన చట్టాలు, ఆన్‌లైన్‌ విధానం, డిజిటల్‌ మార్పులపై జిల్లా పోలీస్‌లకు అవగాహన కార్యక్రమాలు నిర్వహిస్తున్నాం. ప్రధానంగా 2018, 2020, 2024 బ్యాచ్‌లలో ఎంపికై న కానిస్టేబుళ్లు, ఎస్సైలకు ఆన్‌లైన్‌ క్లాస్‌లు నిర్వహించి కొత్త విషయాలపై అవగాహన కల్పిస్తున్నాం. నేర్చుకున్న విషయాలను ప్రతీ వారం రివ్యూ చేయడం, అర్థం కాని విషయాలను మళ్లీ చెప్పడం వంటి ప్రక్రియ ముందుకు సాగుతోంది. అదే విధంగా ఏఐ పరిజ్ఞానం, మొదలైన విషయాల్లో తర్ఫీదు ఇస్తున్నాం. కేసుల జాప్యంపై దృష్టి.. పోలీస్‌ స్టేషన్‌కు వచ్చిన ప్రతీ ఫిర్యాదును క్షుణ్ణంగా పరిశీలించడం, సత్వర నాయ్యం అందించడే ధ్యేయంగా ముందుకు వెళ్తున్నాం. ప్రధానంగా కేసుల పెండింగ్‌పై ప్రత్యేక దృష్టి పెట్టి.. ప్రతీ కేసును వీలైనంత త్వరగా నమోదు చయడం, కేసు స్థాయిని బట్టి సీసీటీఎన్‌ఎస్‌ ప్రకారం 60 లేదా 90 రోజుల్లో చార్జీషీట్‌ వేసి కోర్టుకు పంపించే ప్రక్రియ పూర్తి చేయాలని ఆదేశించాం. దీంతో రెండు నెలల క్రితం 1500 కేసులు పెండింగ్‌లో ఉండగా ప్రస్తుతం పెండింగ్‌ కేసుల సంఖ్య 300కు చేరింది. ఇన్వెస్టిగేషన్‌ వేగవంతం చేయాలని చెప్పినా వెనకబడిన వా రిపై ప్రత్యేక దృష్టి పెట్టి జాప్యానికి కారణం తెలుసుకొని పరిష్కారం చూపుతూ ముందుకు వెళ్తున్నాం. నేర పరిశోధనలో టెక్నాలజీ కీలకం అన్ని అంశాలు ఆన్‌లైన్‌లో నమోదు కేసు పరిస్థితిపై ప్రతీరోజు పర్యవేక్షణ ప్రతీ పోలీస్‌స్టేషన్‌లో టెక్‌, క్రైం బృందాలు టెక్నాలజీని అందిపుచ్చుకునేందుకు సిబ్బందికి ట్రైనింగ్‌ ‘సాక్షి’తో ఎస్పీ శబరీష్‌

కేయూ క్యాంపస్‌ : కాకతీయ యూనివర్సిటీ అంతర్‌ కళాశాలల జోనల్‌ క్రికెట్‌ టోర్నమెంట్‌ ఫైనల్‌లో వరంగల్‌ జట్టు విజయం సాధించింది. కేయూ స్పోర్ట్స్‌ బోర్డు ఆధ్వర్యంలో మూడురోజులపాటు నిర్వహించిన ఇంటర్‌ జోనల్‌ పోటీల్లో ఉమ్మడి వరంగల్‌, ఖమ్మం, ఆదిలాబాద్‌ జిల్లాల జట్లు తలపడ్డాయి. ఈక్రమంలో గురువారం నిర్వహించిన ఫైనల్‌లో వరంగల్‌, ఖమ్మం జట్లు తలపడగా వరంగల్‌ విజయం సాఽధించింది. ఖమ్మం జట్టు ద్వితీయ స్థానంలో నిలిచింది. ఈ టోర్నమెంట్‌లో ప్రతిభ చూపిన క్రీడాకారులు తమిళనాడులోని ఎస్‌ఆర్‌ఎం విశ్వవిద్యాలయంలో నిర్వహించనున్న సౌత్‌జోన్‌ ఇంటర్‌ యూనివర్సిటీ క్రికెట్‌ టోర్నమెంట్‌లో పాల్గొంటారని కేయూ స్పోర్ట్స్‌బోర్డు సెక్రటరీ టి. శాస్త్రి తెలిపారు. విజేతలకు షీల్డ్‌తోపాటు ప్రశంస పత్రాలు అందజేశారు. ఇంటర్‌ కాలేజియెట్‌ టోర్నమెంట్స్‌ కమ్‌ సెలక్షన్స్‌ ఇన్‌చార్జ్‌ ఎస్‌. కుమార్‌, ఫిజికల్‌ డైరెక్టర్ల అసోసియేషన్‌ కేయూ అధ్యక్షుడు జె. సోమన్న, ఫిజికల్‌ డైరెక్టర్లు వెంకన్న, గోపికృష్ణ, అస్లాం, శ్రీనివాస్‌, మట్టెడ కుమారస్వామి, అప్జల్‌ కోటి తదితరులు పాల్గొన్నారు. ద్వితీయ స్థానంలో ఖమ్మం జట్టు

మహబూబాబాద్‌ అర్బన్‌: ప్రత్యేక అవసరాల పిల్లలు ఆత్మవిశ్వాసంతో ముందుకు సాగినప్పుడే విజయం సాధిస్తారని జిల్లా విద్యాశాఖ ఏసీజీఈ మందుల శ్రీరాములు అన్నారు. జిల్లా విద్యాశాఖ సీఎంఓ వంగ సురేష్‌ ఆధ్వర్యంలో గురువారం జిల్లా కేంద్రంలోని ప్రభుత్వ జూనియర్‌ కళాశాల గ్రౌండ్‌లో ప్రత్యేక అవసరాల పిల్లలకు జిల్లాస్థాయి క్రీడలు నిర్వహించారు. ఈ సందర్భంగా మందుల శ్రీరాములు హాజరై మాట్లాడారు. ప్రత్యేక అవసరాల పిల్లలకు విద్య, వైద్య, పునరావాస సహాయం అందించేందుకు ప్రభుత్వం కట్టుబడి ఉందన్నారు. వారిని అన్ని రంగాల్లో తీర్చిదిద్దాలన్నారు. కార్యక్రమంలో ఎంఈఓ ఆరుద్ర వెంకటేశ్వర్లు, కళాశాల ప్రిన్సిపాల్‌ గణేష్‌, హైస్కూల్‌ హెచ్‌ఎం సిరినాయక్‌, ఎస్‌జీఎఫ్‌ జిల్లా అసిస్టెంట్‌ సెక్రటరీ శ్రీనివాస్‌, బాస్కెట్‌బాల్‌ కోచ్‌ వెలిశాల కుమారస్వామి, ఫిజికల్‌ డైరెక్టర్లు పిల్లి కాశీనాథ్‌, కమల్‌ కిషోర్‌, జక్కి నాగేశ్వరరావు, రాగం వీరభద్రం, డోలి అరుణ, జిజుల రాజకుమారి, సింధువర్మ, దాక్షినాయక్‌, ఐఆర్పీలు ప్రభాకర్‌, సతీష్‌, కపిల్‌, వీరయ్య, జమున, వీరేందర్‌ తదితరులు పాల్గొన్నారు.

పోచమ్మమైదాన్‌: విద్యార్థులు వైద్యవిద్యతోపాటు కళలు, సాహిత్యంపై మక్కువ కలిగి ఉండాలని కేఎంసీ ప్రిన్సిపాల్‌ దివ్వెల మోహన్‌దాస్‌ అన్నారు. కాకతీయ మెడికల్‌ కళాశాలలో నిర్వహిస్తున్న ‘ఉత్కర్ష’–2026 రెండో రోజు కార్యక్రమంలో భాగంగా గురువారం ‘కళావైభవ్‌’ సాహిత్య, కళాపోటీలు నిర్వహించారు. ఈ సందర్భంగా ఆయన మాట్లాడుతూ వైద్య విద్యార్థుల్లో దాగి ఉన్న సృజనాత్మక ప్రతిభ, కళాత్మక నైపుణ్యాలను ఇలాంటి కార్యక్రమాల ద్వారా వెలికి తీయొచ్చన్నారు. 2022 బ్యాచ్‌ జెంటారియంజ్‌ ఆధ్వర్యంలో నిర్వహించిన పోటీల్లో 300 మంది విద్యార్థులు ఉత్సాహంగా పాల్గొన్నారు. ఈ సందర్భంగా పోటీల విజేతలకు ప్రిన్సిపాల్‌ మోహన్‌దాస్‌, బయోకెమిస్ట్రీ అసోసియేట్‌ ప్రొఫెసర్‌ రమేశ్‌ బహుమతులు అందజేశారు. వివిధ పోటీల విజేతలు వీరే.. గ్లాస్‌ పెయింటింగ్‌ పోటీలో సాయి ప్రతి మ, టోట్‌ పెయింటింగ్‌లో అంజలి, ఫేస్‌ పెయింటింగ్‌లో సుప్రియ, అర్చిశ్రీ, టీ షర్టు పెయిటింగ్‌లో జాగృతి, మండల ఆర్ట్‌లో ప్రణవ్‌నాథ్‌, బోకె మేకింగ్‌లో అఖిల్‌, థీమ్‌ ఆర్ట్‌లో హరిత, క్లే మోడలింగ్‌లో గుణశేఖర్‌ విజేతలుగా నిలిచారు. ఈ పోటీలతో కళాత్మక ప్రతిభ ప్రోత్సహించారని మెడికోలు సంతోషం వ్యక్తం చేశారు. కాకతీయ వైద్య కళాశాల ప్రిన్సిపాల్‌ మోహన్‌దాస్‌ కేఎంసీలో ఘనంగా ‘కళావైభవ్‌’ సాహిత్య పోటీలు

● మాజీ మంత్రి సత్యవతిరాథోడ్‌ కురవి: కార్తీక పౌర్ణమి రోజున నిర్వహించే కందికొండ జాతరలో కనీస సౌకర్యాలను కల్పించలేని దుస్థితిలో కాంగ్రెస్‌ ప్రభుత్వం ఉందని మాజీ మంత్రి సత్యవతిరాథోడ్‌ విమర్శించారు. గురువారం కందగిరి పర్వతం మెట్ల వద్ద పూజలు చేశారు. అనంతరం ఏర్పాటు చేసిన విలేకరుల సమావేశంలో ఆమె మాట్లాడారు. తెలంగాణ ఉద్యమ సమయంలో కేటీఆర్‌ కందికొండ గుట్టను ఎక్కి లక్ష్మీనర్సింహస్వామిని దర్శించుకున్నట్లు తెలిపారు. తాను మంత్రిగా ఉన్నప్పుడు గుట్టకు వచ్చే మార్గాలను కలుపుతూ రోడ్ల నిర్మాణాలకు రూ.9.40కోట్ల నిధులు మంజూరు చేసినట్లు తెలిపారు. అప్పటి ఎమ్మెల్యే రెడ్యానాయక్‌ రూ.3.50 కోట్ల నిధులు బీటీ రోడ్డుకు, రూ.1.50 కోట్లు మెట్లకు వెచ్చించినట్లు వివరించారు. సగం పనులు పూర్తయ్యాయని, పెండింగ్‌ పనులను కాంగ్రెస్‌ ప్రభుత్వం చేపట్టడం లేదని ఆరోపించారు. ఎమ్మెల్యే రాంచంద్రునాయక్‌ కందికొండను పర్యాటక హబ్‌గా మార్చుతామని, రోప్‌ వే ఏర్పాటు చేస్తామని ప్రగల్భాలు పలికారని, కనీసం రోడ్డు వేసే పరిస్థితి లేదని ఎద్దేవా చేశారు. సీఎం రేవంత్‌రెడ్డి కేటీఆర్‌ను విమర్శించడం మానుకోవాలని హితవు పలికారు. ఈ ప్రాంత అభివృద్ధిపై సీఎం నిర్లక్ష్యం వహిస్తున్నారని ఆరోపించారు. ఈ సర్పంచ్‌ ఎడ్ల శ్రీనివాస్‌రెడ్డి, నాయకులు ఐలి నరహరి, బోడశ్రీను, బాదె నాగయ్య, బండి మాదవయ్య, గుగులోత్‌ నెహ్రూనాయక్‌, సురేష్‌, ధల్‌సింగ్‌, మెట్టు ఉప్పలయ్య, బయ్య శ్రీను, బొడ్డు రమేశ్‌, ఉపేందర్‌, నరసింహ, ధరావత్‌ వెంకన్న ఉన్నారు.

స్టేషన్‌ఘన్‌పూర్‌: మల్లన్నగండి ప్రకృతి అందాలను ఆస్వాదించేందుకు వెళ్తున్న ఓ జంటకు చేదు అనుభవం ఎదురైంది. తాము ప్రయాణిస్తున్న కారు బ్యానెట్‌ నుంచి ఒక్కసారిగా పొగలు రావడంతో అప్రమత్తమైన వారు కారును పక్కకు ఆపి కారులోనుంచి దిగగా చూస్తుండగానే కారు పూర్తిగా దగ్ధమైంది. ఈ ఘటన జనగామ జిల్లా స్టేషన్‌ఘన్‌పూర్‌ శివారు కొత్తపల్లి క్రాస్‌రోడ్డు వద్ద జాతీయ రహదారిపై పెట్రోల్‌బంక్‌ సమీపాన గురువారం జరిగింది. బాధితులు, పోలీసులు తెలిపిన వివరాల ప్రకారం.. హనుమకొండ సుబేదారికి ఎండీ.అన్వర్‌ హుస్సేన్‌, అతని భార్య నేహాతన్వీర్‌తో కలిసి నిస్సాన్‌ టెర్రానో కారులో స్టేషన్‌ఘన్‌పూర్‌, చిల్పూరు మండలాల పరిధిలోని మల్లన్నగండి రిజర్వాయర్‌ను చూసేందుకు గురువారం మధ్యాహ్నం బయలుదేరారు. వారు పల్లగుట్ట క్రాస్‌రోడ్డు నుంచి వెళ్లాల్సి ఉండగా గుగూల్‌లో చూస్తూ దారితప్పి కొత్తపల్లి క్రాస్‌రోడ్డు వరకు వచ్చారు. అక్కడ యూ టర్న్‌ చూపించగా తిరిగి పల్లగుట్ట క్రాస్‌రోడ్డు వద్దకు వెళ్లేందుకు కారును యూటర్న్‌ తీసుకున్నారు. ఆ సమయంలో కారు బ్యానెట్‌ నుంచి పొగలు రావడంతో పక్కకు నిలిపి దిగారు. వారు చూస్తుండగానే ఒక్కసారిగా మంటలు చెలరేగాయి. స్థానికుల సమాచారం మేరకు ఫైర్‌ సిబ్బంది వచ్చి మంటలు ఆర్పారు. అప్పటికే కారు పూర్తిగా దగ్ధమైంది. ప్రమాదంలో ఎవరికీ ఎలాంటి గాయాలు కాకపోవడంతో అందరూ ఊపిరి పీల్చుకున్నారు. జాతీయ రహదారిపై ఒక్కసారిగా అగ్నిప్రమాదం జరగడంతో కొత్తపల్లి క్రాస్‌రోడ్డు వద్ద ట్రాఫిక్‌ స్తంభించిపోయింది. సీఐ శ్రీనివాస్‌, ఎస్సై రాజేష్‌ ఆధ్వర్యంలో పోలీసు సిబ్బంది దగ్ధమైన కారును జేసీబీతో పక్కకు తప్పించి ట్రాఫిక్‌ను క్లియర్‌ చేశారు.● దంపతులిద్దరు సేఫ్‌

కున్నాయిగూడెం : ములుగు జిల్లా కన్నాయిగూడెం మండలం తుపాకులగూడెం గ్రామ పంచాయతీ పరిధిలోని సమ్మక్క సాగర్‌ బ్యారేజీ నీటితో నిండు కుండలా కనిపిస్తోంది. బ్యారేజీలో 59 గేట్లు ఉండగా అందులో ఒకటి మాత్రమే ఎత్తి నీటిని దిగువకు వదులుతున్నారు. మిగతా 58 గేట్లను మూసి నీటిని నిల్వ చేస్తున్నట్లు తెలుస్తోంది. దీంతో బ్యారేజీ నిండుకుండలా కనిపిస్తోంది. ప్రస్తుతం బ్యారేజీ వద్ద 77.20 మీటర్ల నీటిమట్టం కొనసాగుతోంది. కాగా, దేవాదుల వద్ద ఉన్న ఎత్తిపోతల వద్ద 10 మోటార్లు ఉండగా ఎనిమిదింటితో 2,129 క్యూసెక్కుల నీటిని దిగువలో ఉన్న భీం ఘనపురం రిజర్వాయర్‌లోకి ఎత్తి పోస్తున్నట్లు ఇంజనీరింగ్‌ అధికారులు తెలుపుతున్నారు. ఎత్తిపోతల వద్ద ప్రస్తుతం 76.8 మీటర్ల నీటి మట్టం కొనసాగుతోంది. కాజీపేట మీదుగా శబరిమల ప్రత్యేక రైళ్లు కాజీపేట రూరల్‌ : శబరిమల పుణ్యక్షేత్రం వెళ్లే అయ్యప్ప మాలధారుల సౌకర్యార్థం కాజీపేట జంక్షన్‌, వరంగల్‌ మీదుగా చర్లపల్లి–కొల్లం–చర్లపల్లి మధ్య ఆరు ప్రత్యేక రైళ్లను నడిపిస్తున్నట్లు దక్షిణ మధ్య రైల్వే సీపీఆర్వో ఎ.శ్రీధర్‌ గురువారం తెలిపారు. ప్రత్యేక రైళ్ల వివరాలు.. డిసెంబర్‌ 30వ తేదీ, 2027 జనవరి 6, 13వ తేదీల్లో (బుధవారం) బయలుదేరే చర్లపల్లి–కొల్లం (07199) శబరిమల ఎక్స్‌ప్రెస్‌ కాజీపేటకు చేరుకుని వెళ్తుంది. అదేవిధంగా 2027, జనవరి 1,8,15వ తేదీల్లో (శుక్రవారం) బయలుదేరే కొల్లం–చర్లపల్లి (07200) శబరిమల ఎక్స్‌ప్రెస్‌ మరుసటి రోజు కాజీపేటకు చేరుకుని వెళ్తుంది. వరంగల్‌ ఉమ్మడి జిల్లా నుంచి శబరిమలకు వెళ్లే అయ్యప్ప మాలధారులకు ఈ ప్రత్యేక రైళ్లు ఎంతో ఉపయోగపడుతాయి. కాజీపేట సబ్‌ డివిజన్‌ పరిధిలో భువనగిరి, జనగామ, కాజీపేట, వరంగల్‌, కేసముద్రం, మహబూబాబాద్‌, డోర్నకల్‌, ఖమ్మం, విజయవాడలో హాల్టింగ్‌ కల్పించారు. కాజీపేట మీదుగా వన్‌వే స్పెషల్‌ ట్రైన్‌.. కాజీపేట జంక్షన్‌ మీదుగా బరౌని–ఎస్‌ఎంవీటీ బెంగళూరు మధ్య వన్‌వే స్పెషల్‌ ట్రైన్‌ నడిపిస్తున్నట్లు దక్షిణ మధ్య రైల్వే సీపీఆర్వో ఎ.శ్రీధర్‌ తెలిపారు. ట్రైన్‌ వివరాలు.. నవంబర్‌ 20వ తేదీన బరౌనిలో బయలుదేరే బరౌని–ఎస్‌ఎంవీటీ బెంగళూరు (05250) ఎక్స్‌ప్రెస్‌ మరుసటి రోజు కాజీపేటకు చేరుకుని వెళ్తుంది. విద్యుత్‌ ఉచ్చులు తాకి అడవి పంది మృత్యువాత ఏటూరునాగారం : ములుగు జిల్లా ఏటూరునాగారం మండలం పాలవాగు సమీపంలో గురువారం వేటగాళ్లు అమర్చిన విద్యుత్‌ ఉచ్చులు తగిలి అడవి పంది మృత్యువాత పడింది. పొలంలోని విద్యుత్‌ ట్రాన్స్‌ఫార్మర్‌ నుంచి అడవిలోకి సుమారు 5 కిలోమీటర్ల మేర విద్యుత్‌ ఉచ్చులు అమర్చినట్లు తెలుస్తోంది. గతంలో ఇలాంటి ఉచ్చులకు తగిలి పలువురు అమాయకులు ప్రాణాలు కోల్పోయారు. ఇప్పటికై నా అధికారులు స్పందించి విద్యుత్‌ ఉచ్చులు అమర్చే వేటగాళ్లపై కఠిన చర్యలు తీసుకోవాలని స్థానికులు కోరుతున్నారు. అటవీ శాఖ రేంజ్‌ అధికారి భాస్కర్‌, ఎఫ్‌బీఓ దయానంద్‌ ఘటనాస్థలికి చేరుకుని పరిశీలించారు.

వరంగల్‌ లీగల్‌: హనుమకొండ హంటర్‌ రోడ్డులోని ‘డీ’కన్వెన్షన్‌ హాల్‌లో ఈనెల 14(రేపు)న జరగనున్న ఇండియన్‌ లీగల్‌ ప్రొఫెషనల్స్‌ అసోసియేషన్‌(ఐఎల్‌పీఏ) తెలంగాణ 6వ రాష్ట్ర సదస్సును జయప్రదం చేయాలని ఐఎల్‌పీఏ రాష్ట్ర ఆర్గనైజింగ్‌ సెక్రటరీ చిల్ల రాజేంద్రప్రసాద్‌ పిలుపునిచ్చారు. ఈమేరకు గురువారం వరంగల్‌ జిల్లా కోర్టు ప్రాంగణంలో నిర్వహించిన సమావేశంలో సదస్సు పోస్టర్‌ను ఆవిష్కరించి మాట్లాడారు. బీఆర్‌ అంబేడ్కర్‌ పిలుపునిచ్చిన ‘పే బ్యాక్‌ టు సొసైటీ’ లక్ష్యంగా బ్లాక్‌ కోట్స్‌ ఫర్‌ బ్ల్యూ రెవెల్యూషన్‌తో ఐఎల్‌పీఏ పనిచేస్తోందన్నారు. ఈ సదస్సు ప్రారంభోత్సవానికి ముఖ్యఅతిథిగా రాష్ట్ర సీనియర్‌ సిటిజన్స్‌ కమిషన్‌ చైర్‌పర్సన్‌, హైకోర్టు రిటైర్డ్‌ జడ్జి జస్టిస్‌ ఈద తిరుమలాదేవి, గౌరవ అతిథులుగా వరంగల్‌ జిల్లా ప్రధాన న్యాయమూర్తి వి.బి.నిర్మలాగీతాంబ, హనుమకొండ జిల్లా ప్రధాన న్యాయమూర్తి ఎంఆర్‌ సునీత హాజరుకానున్నారన్నారు. అదేవిధంగా మధ్యాహ్నం జరిగే ప్రతినిధుల సభకు ముఖ్య అతి థిగా రాష్ట్ర పంచాయతీ రాజ్‌ శాఖ మంత్రి ధనసరి సీతక్క, వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి, కేయూ రిజిస్ట్రార్‌ రామచంద్రం, తెలుగు అకాడమీ చైర్మన్‌ ప్రొఫెసర్‌ వెంకటనారాయణ హాజరై ప్రసంగించనున్నారన్నారు. కార్యక్రమంలో న్యాయవాదులు తీగల జీవన్‌గౌడ్‌, సాయిని నరేందర్‌, విలాసాగరం సురేందర్‌, పులిగిల్ల భిక్షపతి, బండి మొగిలి, షేక్‌ అబ్దుల్‌ నబీ, జన్ను పద్మ, రాజు, అనిల్‌, రాజ్‌కుమార్‌ ,శ్రీనివాస్‌, చంద్రశేఖర్‌ తదితరులు పాల్గొన్నారు. అసోసియేషన్‌ రాష్ట్ర ఆర్గనైజింగ్‌ సెక్రటరీ చిల్ల రాజేంద్రప్రసాద్‌

‘కాలం మారింది.. పరిస్థితులు మారాయి.. నేరాల తీరు కూడా మారింది.. ఈ పరిస్థితికి అనుగుణంగా పోలీసులు కూడా మారాలి. అప్పుడే కేసుల పరిశోధన ముందుకు వెళ్తుంది. శాంతి భద్రతల పరిరక్షణ, ప్రజల ఆస్తులకు రక్షణ ఇవ్వడం సులభతరం అవుతుంది. ఆ దిశగా జిల్లా పోలీస్‌ యంత్రాంగాన్ని ముందుకు తీసుకెళ్తున్నాం’ అని ఎస్పీ శబరీష్‌ పేర్కొన్నారు. క్రైం అండ్‌ క్రిమినల్‌ ట్రాకింగ్‌ నెట్‌వర్క్‌ అండ్‌ సిస్టమ్స్‌(సీపీటీఎన్‌ఎస్‌) అమలు, కేసుల పర్యవేక్షణ కోసం జిల్లాలో నిర్వహిస్తున్న డిజిటల్‌ అవర్‌, మొదలైన వివరాలు తెలిపారు. నూతన టెక్నాలజీ, పోలీస్‌ వ్యవస్థలో చోటుచేసుకున్న మార్పులు తదితర వివరాలను ఎస్పీ ‘సాక్షి’తో పంచుకున్నారు. వివరాలు ఆయన మాటల్లోనే..

మహబూబాబాద్‌: విచ్చలవిడిగా ప్లాస్టిక్‌ వినియోగంతో పర్యావరణానికి ముప్పు వాటిల్లుతోంది. దీంతో పాటు ఆరోగ్య సమస్యలు తలెత్తుతాయి. కవర్లను వినియోగించి రోడ్లు, కాల్వల్లో వేయడం వల్ల పారిశుద్ధ్య సమస్యలు ఉత్పన్నమవుతున్నాయి. ఎలాంటి అనుమతులు లేకుండానే ప్లాస్టిక్‌ విక్రయ షాపులు ఏర్పాటు చేశారు. 120 మైక్రాన్ల కంటే తక్కువ సైజ్‌ కవర్లను విక్రయించొద్దు. కానీ, సంబంధిత అధికారులు తనిఖీలు లేకపోవడంతో వాటి విక్రయాలు, వినియోగం పెరుగుతోంది. మున్సిపాలిటీల్లోనే ఎక్కువగా వినియోగం.. జిల్లాలో ఐదు మున్సిపాలిటీలు ఉన్నాయి. హోల్‌సేల్‌ ప్లాస్టిక్‌ విక్రయ షాపులు ఎక్కువగా ఉన్నాయి. ముఖ్యంగా మానుకోట మున్సిపాలిటీలో 36 వార్డులు ఉండగా 65,712 మంది ఓటర్లు ఉన్నారు. ఉద్యోగ, విద్యా, వ్యాపారం రీత్యా మానుకోటలో నివాసం ఉండే వారితో కలిపితేలక్ష జనాభా దాటుతుంది. మానుకోట మున్సిపాలిటీ పరిధిలో సుమా రు 15 ప్లాస్టిక్‌ విక్రయ షాపులు ఉన్నాయి. చిన్నచిన్నవి 30కి పైగా ఉన్నాయి. ఆ షాపులకు ఎలాంటి అనుమతులు లేకుండానే విక్రయిస్తున్నారు. కూరగాయల వ్యాపారులు అధికంగా.. కూరగాయల వ్యాపారులు, పండ్లు, హోటళ్లు, కర్రీ పాయింట్‌, చికెన్‌, మటన్‌, కిరాణా షాపులు, బేకరీ తదితర షాపులు, చిరు వ్యాపారులు ఎక్కువగా ప్లాస్టిక్‌ కవర్లు వినియోగిస్తున్నారు. ప్రజలు కూడా కవర్లు ఉన్నాయనే ధీమాతో సంచులు తీసుకోకుండానే షాపులకు వెళ్తున్నారు. ఆ షాపుల యజమానులు కవర్లలో వేసి ఇస్తున్నారు. వాటిని ఇంటికి తీసుకెళ్లి తర్వాత కవర్లను రోడ్లపై, కాల్వల్లో, మున్సిపాలిటీ వాహనాల్లో వేస్తున్నారు. పారిశుద్ద్య సమస్య.. ప్లాస్టిక్‌ కవర్లను కాల్వల్లో వేయడం వల్ల మురుగు నిలిచి దోమల సంఖ్య పెరుగుతోంది. అలాగే చెత్తాచెదారం పేరుకుపోయి కార్మికులకు సమస్యగా మారింది. 70శాతం మహిళలు కవర్లను చెత్తాచెదారంతో కలిపి మున్సిపాలిటీ వాహనాల్లో వేస్తున్నారు. మానుకోట మున్సిపాలిటీలో ప్రతీరోజు 33 టన్నుల చెత్త వెలువడుతండగా.. అందులో కవర్లు కనీసం 20శాతం ఉంటున్నాయి. తనిఖీలు కరువు.. ప్లాస్టిక్‌ వినియోగం వల్ల కలిగే అనర్థాలపై ప్రజలకు మున్సిపాలిటీ అఽధికారులు అవగాహన కల్పించాలి. కానీ, ఆరు నెలలుగా ఆ కార్యక్రమాలు లేవు. శానిటరీ ఇన్‌స్పెక్టర్‌, పర్యావరణ అధికారి, వార్డు ఆఫీసర్లు నిరంతరం షాపులను తనిఖీ చేయాలి. స్పెషల్‌ డ్రైవ్‌లు నిర్వహించి ప్లాస్టిక్‌ వినియోగం, విక్రయం అరికట్టాలి. పర్యావరణానికి ముప్పు.. ప్లాస్టిక్‌ వినియోగం వల్ల పర్యావరణానికి ముప్పు వాటిల్లుతుంది. క్యాన్సర్‌ లాంటి ఆరోగ్య సమస్యలు తలెత్తుతాయి. ఇతర ఆరోగ్య సమస్యలు ఉన్నా.. సంబంధిత అధికారులు మాత్రం ఆ విషయంలో నిర్లక్ష్యంగా వ్యవహరిస్తున్నారు. 2022లో పొల్యూషన్‌ కంట్రోల్‌బోర్డు అన్ని మున్సిపాలిటీల్లో స్పెషల్‌ డ్రైవ్‌లు నిర్వహించి భారీ ఎత్తున ప్లాస్టిక్‌ కవర్లు స్వాధీనం చేసుకుంది. మిగిలిన మున్సిపాలిటీల్లో.. మిగిలిన మరిపెడ, డోర్నకల్‌, తొర్రూరు, కేసముద్రం మున్సిపాలిటీల్లో కూడా తనిఖీలు అంతంత మాత్రంగానే చేస్తున్నారు. అక్కడ కూడా విచ్చలవిడిగా ప్లాస్టిక్‌ విక్రయాలు చేస్తున్నారు. ఇదే పరిస్థితి ఉంటే పర్యావరణం పూర్తిగా దెబ్బతింటుంది. మున్సిపాలిటీల్లో విచ్చలవిడిగా వినియోగం ఎలాంటి అనుమతులు లేకుండా విక్రయ షాపుల ఏర్పాటు పర్యావరణానికి ముప్పుతో పాటు ఆరోగ్యంపై ప్రభావం ప్లాస్టిక్‌ కవర్లతో తలెత్తుతున్న పారిశుద్ధ్య సమస్య అధికారుల తనిఖీలు నిల్‌తనిఖీలు చేపడతాం.. ఈ ఏడాది తనిఖీలు పెద్దగా చేయలేదు. ప్లాస్టిక్‌తో పర్యావరణం దెబ్బతినడంతో పాటు ఆరోగ్య సమస్యలు ఉన్నాయి. త్వరలోనే కమిషనర్‌ ఆదేశాలతో తనిఖీలు చేస్తాం. వ్యాపారులు, ప్రజలు అర్థం చేసుకొని ప్లాస్టిక్‌ వాడొద్దు. – గుజ్జు క్రాంతి, మానుకోట మున్సిపాలిటీ పర్యావరణ అధికారి విక్రయ షాపులపై చర్యలు తీసుకోవాలి జిల్లా కేంద్రంలో ప్లాస్టిక్‌ విక్రయ షాపులు పెరుగుతున్నాయి. అధికారులు ఎలాంటి చర్యలు తీసుకోవడం లేదు. తనిఖీలు చేయకపోవడంతో వాటి విక్రయాలు, వినియోగం పెరుగుతోంది. రోడ్లు, కాల్వలు ఇలా ఎక్కడ చూసినా కవర్లు ఎక్కువగా కనిపిస్తున్నాయి. – శ్రీనివాస్‌, మానుకోట

● క్రైం ఏసీపీ సదయ్య కాశిబుగ్గ: విద్యార్థులు ర్యాగింగ్‌కు పాల్పడితే కఠిన చర్యలు తప్పవని వరంగల్‌ క్రైం ఏసీపీ సదయ్య అన్నారు. గురువారం వరంగల్‌ కాకతీయ వైద్య కళాశాలలో యాంటీ ర్యాగింగ్‌, మహిళల భద్రతపై అవగాహన సదస్సు నిర్వహించగా ఆయన ముఖ్య అతిథిగా హాజరై మాట్లాడారు. కళాశాలలో విద్యార్థులు ర్యాగింగ్‌కు దూరంగా ఉండాలని, మహిళల భద్రతకు ప్రతీ ఒక్కరు ప్రాధాన్యం ఇవ్వాలన్నారు. మహిళల భద్రతకు టీ–సేఫ్‌ యాప్‌ ఉపయోగపడుతుందని, దీని ద్వారా మహిళలు తమ భద్రతను ఎలా పొందవచ్చొ వివరించారు. కేఎంసీ ప్రిన్సిపాల్‌ దివ్వెల మోహన్‌దాస్‌ మాట్లాడుతూ కేఎంసీలో ర్యాగింగ్‌ పూర్తిగా నిషేధమన్నారు. విద్యార్థులు స్నేహపూర్వక వాతావరణంలో విద్యనభ్యసించాలన్నారు. మట్టెవాడ సీఐ నడిపల్లి కరుణాకర్‌, పోలీసు సిబ్బంది, అధ్యాపకులు, విద్యార్థులు పాల్గొన్నారు. ఈ సందర్భంగా ‘షీ’ టీం ఎస్సై రావేళ్ల రామారావు యాంటీ ర్యాగింగ్‌, మహిళల భద్రతపై ఆలపించిన పాటలు ఆకట్టుకున్నాయి. కోటగుళ్లలో ‘బబ్లు డబుల్‌ ఎక్సెల్‌’ చిత్రీకరణ

మహబూబాబాద్‌ రూరల్‌ : మహబూబాబాద్‌ వ్యవసాయ మార్కెట్‌ యార్డు ప్రాంగణం మక్కల రాశులతో గురువారం కళకళలాడుతూ కనిపించింది. మానుకోట మండలంతో పాటు చుట్టుపక్కల మండలాలకు చెందిన రైతులు తాము పండించిన మక్కలను విక్రయించేందుకు మార్కెట్‌కు తీసుకొచ్చారు. కాగా, వ్యాపారులు 1,214 క్వింటాళ్లు (2,023 బస్తాలు) కొనుగోలు చేశారు. గరిష్ట ధర క్వింటాకు రూ.3,141, మోడల్‌ ధర రూ.3,085 పలికిందని ఏఎంసీ సెక్రటరీ వేముల వెంకటేశ్వర్లు తెలిపారు. అలాగే 80 క్వింటాళ్ల ఆర్‌ఎన్‌ఆర్‌ ధాన్యం విక్రయం జరగగా గరిష్ట ధర రూ.4,570, కనిష్ట ధర రూ.3,026 పలికింది. 456 క్వింటాళ్ల ఎస్‌ఎం రకం ధాన్యం విక్రయం జరగగా గరిష్ట ధర రూ.3,680, కనిష్ట ధర రూ.2,994 పలికింది. 311 క్వింటాళ్లు (889 బస్తాలు) పత్తి విక్రయం జరగగా గరిష్ట ధర రూ.8,802, మోడల్‌ ధర రూ.8,801, కనిష్ట ధర రూ.7,603 పలికింది. మూడు క్వింటాళ్ల మినుములు విక్రయం జరగగా క్వింటాకు ధర రూ.8,585 పలకగా, నాలుగు క్వింటాళ్ల బొబ్బర్లు విక్రయం జరగగా గరిష్ట ధర రూ.6,780, కనిష్ట ధర రూ.6,380 పలికింది. ఏడు క్వింటాళ్ల పెసళ్లు విక్రయం జరగగా క్వింటా గరిష్ట ధర రూ.7,812, కనిష్ట ధర రూ.5,360 పలికింది.

బయ్యారం: రైతులు రసాయన ఎరువులు, పురుగుమందుల వాడాకాన్ని తగ్గించి ప్రకృతి వ్యవసాయంపై దృష్టి సారించాలని ఏడీఏ అజ్మీరా శ్రీనివాసరావు సూచించారు. మండలంలోని సింగారంలో గురువారం ఖేత్‌ బచావో అభియాన్‌ కార్యక్రమం సర్పంచ్‌ సరస్వతి అధ్యక్షతన నిర్వహించగా ఆయన మాట్లాడారు. వ్యవసాయానికి భూమి ప్రధాన వనరు అని, భూసారాన్ని కాపాడుకోవడం ప్రతీ రైతు బాధ్యత అన్నారు. ప్రస్తుత ఎల్‌నినో పరిస్థితులను దృష్టిలో ఉంచుకొని రైతులు తమ నీటి అవసరాలకు అనుగుణంగా ఆరుతడి పంటలు సాగు చేసుకోవాలన్నారు. కార్యక్రమంలో ఏఓ రాజు, ఉపసర్పంచ్‌ మమత తదితరులు పాల్గొన్నారు. మెరుగైన సేవలు అందించాలి నెహ్రూసెంటర్‌: ప్రభుత్వ ఆస్పత్రికి వచ్చే రోగులకు మెరుగైన వైద్య సేవలు అందించాలని జీజీహెచ్‌ సూపరింటెండెంట్‌ శ్రీనివాసరావు సిబ్బందికి సూచించినట్లు తెలిసింది. ‘సాక్షి’ దినపత్రికలో గురువారం ‘వచ్చిందే టైమ్‌.. చేసిందే డ్యూటీ’అనే శీర్షికన ప్రచురితమైన కథనంపై స్పందించిన ఆస్పత్రి అధికారులు అన్ని విభాగాల వైద్యులు, నర్సులతో సమావేశం నిర్వహించి, నిర్లక్ష్యం వీడాలని సూచించినట్లు సమాచారం. ప్రభుత్వ ఆస్పత్రికి వచ్చే రోగులకు మెరుగైన వైద్య సేవలు అందించేలా చర్యలు తీసుకోవాలని సూచించారు. వ్యక్తిగత శుభ్రత పాటించాలి మహబూబాబాద్‌ అర్బన్‌: బాలికలు వ్యక్తిగత పరిశుభ్రత పాటించాలని జిల్లా ఇన్‌చార్జ్‌ సంక్షేమ అధికారి శిరీష అన్నారు. జిల్లా కేంద్రంలోని ప్రభుత్వ జూనియర్‌ బాలికల కళాశాల ప్రిన్సిపాల్‌ సదానందం అధ్యక్షతన మహిళా సాధికారత కేంద్రం ఆధ్వర్యంలో గురువారం బేటీ బచావో–బేటీ పడావో కార్యక్రమం నిర్వహించారు. ఈ సందర్భంగా శిరీష మాట్లాడుతూ.. బాలికలు వ్యక్తిగత పరిశుభ్రతపై ప్రత్యేక శ్రద్ధ వహించాలని, ఆరోగ్యకరమైన అలవాట్లను పాటించాలని సూచించారు. బాల్యవివాహాల నిషేధ చట్టం, పోక్సో చట్టం, లింగవివక్షత, మహిళా సాధికారత వంటి చట్టాలపై అవగాహన కలిగి ఉండాలన్నారు. కార్యక్రమంలో మహిళా సాధికారత కేంద్రం కోఆర్డినేటర్‌ మహేశ్వరి, జెండర్‌ స్పెషలిస్ట్‌ అరుణ, ఫైనాన్షియల్‌ లిటరసీ స్పెషలిస్ట్‌ సంధ్యారాణి, కళాశాల అధ్యాపకులు, విద్యార్థినులు పాల్గొన్నారు. జిన్నారెడ్డి పద్మజకు నియామక పత్రం అందజేత మహబూబాబాద్‌ రూరల్‌: కాంగ్రెస్‌ పార్టీ జిల్లా మహిళా అధ్యక్షురాలు జిన్నారెడ్డి పద్మజ గురు వారం నియామక పత్రం అందుకున్నారు. హైదరాబాద్‌లోని గాంధీ భవన్‌లో రాష్ట్ర మహిళా కాంగ్రెస్‌ ఆధ్వర్యంలో సమీక్ష సమావేశం నిర్వహి ంచడంతో పాటు నియామక పత్రాలు అందజేశారు. ముఖ్య అతిథిగా అఖిల భారత మహిళా కాంగ్రెస్‌ పార్టీ అధ్యక్షురాలు అల్కలాంబ హాజరై జిన్నారెడ్డి పద్మజకు నియామకపత్రం అందజేశారు. ఈ కార్యక్రమంలో కాంగ్రెస్‌ పార్టీ రాష్ట్ర మహిళా అధ్యక్షురాలు ఎర్రబెల్లి స్వర్ణ, వివిధ జిల్లాల మహిళా అధ్యక్షురాళ్లు, నాయకురాళ్లు పాల్గొన్నారు.

● కలెక్టర్‌ స్నేహ శబరీష్‌ నర్సింహులపేట: ఉపాధ్యాయులు విద్యార్థులకు ఉత్తమ బోధన అందించాలని కలెక్టర్‌ స్నేహ శబరీష్‌ అన్నారు. గురువారం మండలంలోని పెద్దనాగారం, నర్సింహులపేట పీఎస్‌లు, కేజీబీవీ పాఠశాలను కలెక్టర్‌ ఆకస్మికంగా తనిఖీ చేశారు. చదువులో వెనుకబడిన విద్యార్థులను గుర్తించి వారికి ప్రత్యేక తరగతులు నిర్వహించాలని ఉపాధ్యాయులను ఆదేశించారు. అంగన్‌వాడీ కేంద్రంలో చిన్న పిల్లలకు, గర్భిణులకు, బాలింతలకు పౌష్టికాహారం అందించాలన్నారు. పెద్దనాగారం పీఎస్‌లో వర్క్‌బుక్స్‌ పంపిణీ చేయలేదని, విద్యాసామర్థ్యాలు సక్రమంగా లేవని ఉపాధ్యాయులపై ఆగ్రహం వ్యక్తం చేశారు. కేజీబీవీలో పరిసరాలు, వసతులతో పాటు విద్యార్థుల భోజనాన్ని కలెక్టర్‌ తనిఖీ చేశారు. పరిసరా లను పరిశుభ్రంగా ఉంచుకోవాలని సూచించారు. కంప్యూటర్‌ తరగతులను పరిశీలించారు. కార్యక్రమంలో ఏజీసీఈ మందుల శ్రీరాములు, ఏఎంఓ అప్పారావు, ఎంపీడీఓ అంజలి, తహసీల్దార్‌ రమేష్‌బాబు తదితరులు పాల్గొన్నారు. 12,474 కొత్త పింఛన్లు మంజూరు మహబూబాబాద్‌: జిల్లాలో అర్హులైన లబ్ధిదారులను గుర్తించి ప్రభుత్వ నిబంధనల ప్రకారం 12,474 కొత్త పింఛన్లు మంజూరు చేసినట్లు కలెక్టర్‌ స్నేహశబరీష్‌ గురువారం ఒక ప్రకటనలో పేర్కొన్నారు. జిల్లాలోని 18 మండలాలు, 5 మున్సిపాలిటీ పరిధిలో వివిధ కేటగిరీలకు సంబంధిత పింఛన్లు మంజూరు చేశామన్నారు. 7,429 వితంతువు పింఛన్లు, 2,751 దివ్యాంగ, 1,025 కల్లుగీత, 19 చేనేత, 123 అవివాహిత ఒంటరి మహిళ, 11,27 వివాహిత ఒంటరి మహిళా పింఛన్లు మంజూరు చేసినట్లు తెలిపారు. గడువులోగా పనులు పూర్తి చేయాలి గడువులోగా జాతీయ రహదారి పనులు పూర్తి చేయాలని కలెక్టర్‌ స్నేహశబరీష్‌ అధికారులను ఆదేశించారు. కలెక్టరేట్‌లోని మినీ కాన్ఫరెన్స్‌ హాల్‌లో గురువారం ఎన్‌హెచ్‌ భూ సేకరణ పనులపై అధికారులతో సమీక్ష సమావేశం నిర్వహించారు. ఈసందర్భంగా కలెక్టర్‌ స్నేహశబరీష్‌ మాట్లాడుతూ.. భూములు కోల్పోయిన రైతులకు సకాలంలో పరిహారం అందేలా చూడాలన్నారు. ఎలాంటి ఫిర్యాదులకు తావు లేకుండా పారదర్శకంగా వ్యవహరించాలన్నారు. సంబంధిత అధికారులు సమన్వయంతో పని చేయాలన్నారు. అభివృద్ధి పనులకు భూసేకరణలో జాప్యం లేకుండా చూడాలన్నారు. సమావేశంలో అదనపు కలెక్టర్‌ అనిల్‌కుమార్‌, డీఆర్వో నాగలక్ష్మి, సంబంధిత అధికారులు పాల్గొన్నారు.

మహబూబాబాద్‌ రూరల్‌: అప్పుల బాధతో పురుగుల మందుతాగి రైతు బలవన్మరణానికి పాల్పడిన సంఘటన మహబూబాబాద్‌ జిల్లాలో జరిగింది. మహబూబాబాద్‌ రూరల్‌ ఎస్సై పి.రాజు తెలిపిన వివరాల ప్రకారం.. మహబూబాబాద్‌ మండలం ఇస్లావత్‌ తండా (ఎస్‌) గ్రామ పరిధిలోని వెంకట్రాంతండాకు చెందిన రైతు బానోత్‌ రాములు (58)కు రెండు ఎకరాల పైచిలుకు వ్యవసాయ భూమి ఉంది. అందులో మొక్కజొన్న, వరి పంటలు సాగు చేస్తున్నాడు. పంటల సాగు, కుటుంబ అవసరాల నిమిత్తం రాములు రూ.3 లక్షల వరకు అప్పులు తీసుకున్నాడు. ఆ అప్పులు తీర్చలేకపోవడంతో మనస్తాపానికి గురైన ఆయన ఈనెల 10వ తేదీ సాయంత్రం ఇంటివద్ద గడ్డి మందుతాగి ఆత్మహత్యాయత్నానికి పాల్పడ్డాడు. గమనించిన కుటుంబ సభ్యులు అతడిని జిల్లా కేంద్రంలోని ఓ ప్రైవేట్‌ ఆస్పత్రికి తరలించిగా చికిత్స పొందుతూ గురువా రం తెల్లవారుజామున మృతిచెందాడు. మృతుడి కు మారుడు భిక్షపతి ఫిర్యాదు మేరకు కేసు నమోదు చేసి విచారణ చేస్తున్నామని ఎస్సై తెలిపారు. ఆగపేటలో మహిళా రైతు.. నర్మెట : అప్పుల బాధతో ఓ మహిళా రైతు గడ్డి మందు తాగి బలవన్మ రణానికి పాల్పడింది. ఈ ఘటన గురువారం జనగామ జిల్లా నర్మెట మండలం ఆగపేటలో చోటు చేసుకుంది. ఎస్సై చాగర్ల రఘుపతి కథనం ప్రకారం.. గ్రామానికి చెందిన మెట్ల ఉప్పలమ్మ (50) తన భర్త 30 ఏళ్ల క్రితం మృతి చెందగా వ్యవసాయం చేసుకుంటూ ఒంటరిగా జీవిస్తోంది. ఈ క్రమంలో సాగు చేసిన పంటలు ఆశాజనకంగా లేకపోవడంతోపాటు అప్పుల భారం పెరిగిపోవడంతో మనస్తాపానికి గురై బుధవారం ఇంట్లో గడ్డి మందు తాగి ఆత్మహత్యకు యత్నించింది. ఈ విషయం తెలుసుకున్న కుటుంబీకులు జనగామ ఏరియా ఆస్పత్రికి, అక్కడి నుంచి మెరుగైన వైద్యం కోసం వరంగల్‌ ఎంజీఎం తరలించగా చికిత్స పొందుతూ మృతి చెందింది. ఈ ఘటనపై మృతురాలి కుమారుడు నవీన్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

భార్యతో గొడవపడి భర్త.. వర్ధన్నపేట : మద్యం మత్తులో భార్యతో గొడవ పడి భర్త మనస్తాపంతో ఆత్మహత్యకు పాల్పడ్డాడు. ఈ ఘటన వరంగల్‌ జిల్లా వర్ధన్నపేటలో చోటు చేసుకుంది. పోలీసుల కథనం ప్రకా రం.. పట్టణంలోని ఎస్సీ కాలనీకి చెందిన ఒంగూరి గిరిబాబు కుమారుడు శ్రీకాంత్‌(27) వంట పనిచేసుకుంటూ కుటుంబాన్ని పోషించుకుంటున్నాడు. ప్రతీరోజు పనికి వెళ్లి వచ్చిన డబ్బులతో మద్యం తాగి ఇంటికి వచ్చేవా డు. ఈ క్రమంలో బుధవారం కూడా రాత్రి మద్యం తాగి ఇంటికి వచ్చాడు. దీంతో ఇద్దరు ఆడపిల్లలు ఉన్నా ఆలోచించకుండా ప్రతీరోజు తాగి వస్తావా అంటూ భార్య సౌమ్య ప్రశ్నించింది. ఈ విషయమై దంపతుల మధ్య గొడవ జరిగింది. అనంతరం సౌమ్య తమ ఇంటి పక్కన ఉంటున్న కందగట్ల అనిల్‌ ఇంటికి వెళ్లింది. రాత్రి 9 గంటల సమయంలో ఇంట్లో శ్రీకాంత్‌ ఒక్కడే ఉండడంతో వెళ్లి చూడాలని అనిల్‌ను కోరింది. దీంతో అనిల్‌ వెళ్లి చూడగా శ్రీకాంత్‌ ఫ్యాన్‌కు ఉరేసుకున్నాడు. వెంటనే చుట్టు పక్కల వారు, మృతుడి అన్న రాజశేఖర్‌.. శ్రీకాంత్‌ను వర్ధన్నపేట సీహెచ్‌సీ తరలించగా పరీక్షించిన వైద్యులు అప్పటికే మృతిచెందినట్లు నిర్ధారించారు. మద్యం మత్తులో భార్యతో గొడవపడి మనస్తాపంతో తన తమ్ముడు ఉరేసుకుని ఆత్మహత్యకు పాల్పడినట్లు మృతుడి అన్న రాజశేఖర్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. కాగా, మృతుడికి ఇద్దరు కూతుళ్లు ఉన్నారు. కుటుంబ కలహాలతో సోమిడిలో ఆటో డ్రైవర్‌.. కాజీపేట: కుటుంబ కలహాలతో హనుమకొండ జిల్లా కాజీపేట మండలం సోమిడి గ్రామానికి చెందిన ఆటో డ్రైవర్‌ సుంచు నాగ కిషన్‌ (40) ఉరేసుకుని ఆత్మహత్యకు పాల్పడ్డాడు. కుటుంబీకులు, పోలీసుల కథనం ప్రకారం.. నాగ కిషన్‌ దంపతులకు గొడవలు కావడంతో వేర్వేరుగా ఉంటున్నారు. ఈ క్రమంలో బుధవారం రాత్రి ఆటో నడిపి ఇంటికి చేరుకున్న నాగకిషన్‌ జీవితంపై విరక్తి చెంది ఆత్మహత్యకు పాల్పడ్డాడు. మృతుడికి భార్య, ఇద్దరు పిల్లలు ఉన్నారు. పోలీసులు ఘటనాస్థలికి చేరుకుని కేసు నమోదు చేసి దర్యాప్తు చేస్తున్నారు. నడివాడలో యువతి.. మహబూబాబాద్‌ రూరల్‌ : మహబూబాబాద్‌ మండలం నడివాడ గ్రామానికి చెందిన మునిగె కుమారస్వామి, సుక న్య దంపతుల పెద్ద కుమార్తె సుష్మిత (25) గురువారం ఉరేసుకుని ఆత్మహత్యకు పా ల్పడింది. పోలీసుల కథనం ప్రకారం.. తల్లిదండ్రులు ఉదయం ఓ ఫంక్షన్‌కు వెళ్లి సాయంత్రం ఇంటికి రాగా సుష్మిత ఉరేసుకుని ఆత్మహత్యకు పాల్పడి క నిపించింది. వారు వెంటనే పోలీసులకు సమాచా రం తెలుపగా రూరల్‌ ఎస్సై పి.రాజు ఘటనా స్థలికి చేరుకుని విచారణ చేపట్టారు. మృతురాలు సూసైడ్‌ నోట్‌ రాసి బలవన్మరణానికి పాల్పడిందని, ప్రాథమిక సమాచారం మేరకు విచారణ చేపట్టామని పోలీసులు తెలిపారు. సూసైడ్‌ నోట్‌ ఆధారంగా, మృతురాలి కుటుంబీకుల వివరాల ప్రకారం కేసు నమోదు చేసి దర్యాప్తు చేపట్టి వివరాలు వెల్లడిస్తామని పోలీసులు వివరించారు. కాగా, సుష్మిత జిల్లా పోలీస్‌ శాఖ ఆధ్వర్యంలో జిల్లా కేంద్రంలో నిర్వహిస్తున్న ఎస్సై ఉద్యోగ శిక్షణకు హాజరవుతోంది. వేర్వేరు కారణాలతో ఉమ్మడి వరంగల్‌ జిల్లాలో గురువారం ముగ్గురు ఆత్మహత్యలకు పాల్పడ్డారు. దీంతో ఆయా కుటుంబాలతోపాటు గ్రామాల్లో తీరని విషాదం నెలకొంది.

● ఎంజీఎం సూపరింటెండెంట్‌ డాక్టర్‌ రాంకుమార్‌రెడ్డికాశిబగ్గ: వరంగల్‌ ఎంజీఎం ఆస్పత్రిలోని పిల్లల వార్డులో వెంటిలేటర్ల కొరత లేదని సూపరింటెండెంట్‌ డాక్టర్‌ కాటం రాంకుమార్‌రెడ్డి తెలిపారు. గురువారం సూపరింటెండెంట్‌ కార్యాలయంలో తమను కలిసిన మీడియాతో మాట్లాడారు. పిల్లల వార్డులో అవసరమైన వైద్య సదుపాయాలు అందుబాటులో ఉన్నాయని, వెంటిలేటర్ల కొరత ఉన్నట్లు వస్తున్న ఆరోపణలో వాస్తవం లేదని పేర్కొన్నారు. ప్రస్తుతం 12 వెంటిలేటర్లు పనిచేస్తున్నాయని, పిల్లలందరికీ అత్యవసర సేవలు వైద్య సిబ్బంది అందిస్తున్నారని వివరించారు. తగ్గుముఖం పట్టిన జ్వరాలు... ప్రస్తుతం వైరల్‌ ఫీవర్‌ పేషెంట్లు ఎక్కువగా లేరని, అయినా వారి కోసం తగిన ఏర్పాట్లు చేశామని తెలిపారు. జ్వరాలు తగ్గుముఖం పట్టడంతో బెడ్స్‌ కొరత కూడా లేదన్నారు. గత పదిహేను రోజుల క్రితం పలు రకాల జ్వరాలకు సంబంధించిన పేషెంట్లకు నివారణ చికిత్సలు అందించామని పేర్కొన్నారు. ప్రస్తుతం 15 నుంచి 20 వరకు జ్వరాల బాధితులకు చికిత్స అందిస్తున్నట్లు వివరించారు. ఇందులో ఒకటిరెండు డెంగీ కేసులు ఉన్నాయని, వారికి తగిన చికిత్స చేస్తున్నట్లు పేర్కొన్నారు.

లాలాపేట: తెలంగాణ ఉద్యమకారులకు ఇచ్చిన హామీలను వెంటనే అమలు చేయాలని డిమాండ్‌ చేస్తూ కరీంనగర్‌, వరంగల్‌, జనగామ జిల్లాల ఉద్యమకారులు గురువారం తార్నాకలోని గుర్తింపు కమిటీ సభ్యుడు మోతె శోభన్‌రెడ్డి నివాసాన్ని ముట్టడించారు. 1969, 2009 ఉద్యమకారులకు ఇప్పటికీ న్యాయం జరగలేదని, హైకోర్టు ఆదేశించి ఎనిమిది నెలలైనా ప్రభుత్వం కాలయాపన చేస్తోందని వారు ఆగ్రహం వ్యక్తం చేశారు. హామీలు నెరవేర్చకపోతే కమిటీ సభ్యులందరి ఇళ్లను ముట్టడిస్తామని హెచ్చరించి, శోభన్‌రెడ్డికి వినతిపత్రం అందించారు. ఓయూ పోలీసులు పరిస్థితిని అదుపు చేశారు. దీనిపై స్పందించిన శోభన్‌రెడ్డి, ఉద్యమకారుల దరఖాస్తుల స్వీకరణకు వెబ్‌సైట్‌ సిద్ధమైందని తెలిపారు. డిసెంబర్‌ 9న సోనియా గాంధీ జన్మదినం సందర్భంగా సీఎం రేవంత్‌రెడ్డి చేతుల మీదుగా దీనిని ప్రారంభించేందుకు కృషి చేస్తామని హామీ ఇచ్చారు. ఎవరూ ఆవేశపూరిత చర్యలకు పాల్పడొద్దని కోరారు. 22న హనుమకొండలో కేటీఆర్‌ సభ హన్మకొండ : బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ సభను విజయవంతం చేయాలని మాజీ మంత్రి ఎర్రబెల్లి దయాకర్‌ రావు, మాజీ ఎంపీ బోయినపల్లి వినోద్‌ కుమార్‌ పిలుపునిచ్చారు. ఏకశిల విద్యా సంస్థల చైర్మన్‌ తిరుపతి రెడ్డి బీఆర్‌ఎస్‌లో చేరుతు న్న సందర్భంగా ఈ నెల 22న హనుమకొండ కేడీసీ మైదానంలో నిర్వహించనున్న బహిరంగ సభ విజ య వంతంపై హనుమకొండ రాంనగర్‌లోని మాజీ మంత్రి ఎర్రబెల్లి దయాకర్‌ రావు స్వగృహంలో పా ర్టీ ముఖ్య నాయకుల సమీక్ష నిర్వహించారు. ఈ స మావేశంలో కేటీఆర్‌ సభ విజయవంతం చేయడానికి అనుసరించాల్సిన వ్యూహంపై చర్చించారు. ఉ మ్మడి వరంగల్‌ జిల్లాలోని నాయకులు, కార్యకర్తలు ఈ సభ విజయవంతానికి కృషి చేయాలని సూచించారు. మాజీ ఎమ్మెల్యేలు డాక్టర్‌ తాటికొండ రాజ య్య, చల్ల ధర్మా రెడ్డి, నన్నపునేని నరేందర్‌, ‘కుడా’ మాజీ చైర్మన్‌ మర్రి యాదవ రెడ్డి, ఏకశిల విద్యా సంస్థల చైర్మన్‌ తిరుపతి రెడ్డి పాల్గొన్నారు. తునికి పండ్లు తెంపుతూ మృత్యుఒడికి.. నల్లబెల్లి : తునికి పండ్లు తెంపడానికి యత్నించిన ఓ యువకుడు ప్రమాదవశాత్తు కాలుజారి పక్కనే ఉన్న వ్యవసాయ బావిలో పడి మృతి చెందాడు. ఈ ఘటన వరంగల్‌ జిల్లా నల్లబెల్లి మండలం బజ్జుతండాలో చోటుచేసుకుంది. స్థానికుల కథనం ప్రకారం.. బజ్జుతండాకు చెందిన జరుపుల వాల్యా, అంబాలి దంపతుల కుమారుడు వెంకటేష్‌(28) గురువారం ఉదయం తల్లిదండ్రులతో కలిసి వ్యవసాయ బావివద్దకు వెళ్లాడు. మధ్యాహ్నం తండ్రి వాల్యా బావి గట్టున ఉన్న తునికి చెట్టు పండ్లు తెంపి కుమారుడికి ఇచ్చాడు. తండ్రి వెళ్లిన తర్వాత మరికొన్ని పండ్లు తెంపేందుకు వెంకటేష్‌ యత్నించాడు. ఈ క్రమంలో కాలుజారి ప్రమాదవశాత్తు బావిలో పడ్డాడు. ఈ ప్రమాదం మధ్యాహ్నం జరగగా సాయంత్రం వరకు ఎవరూ గమనించలేదు. బావి గట్టుపై వెంకటేష్‌ చెప్పులు ఉండడాన్ని చూసిన స్థానికులు.. వెంటనే తల్లిదండ్రులు, గ్రామస్తులకు సమాచారం అందించారు. మోటార్ల సాయంతో బావిలోని నీటిని తోడగా వెంకటేష్‌ మృతదేహం లభ్యమైంది. అప్పటి వరకు తమ కళ్లెదుటే తిరిగిన కుమారుడు విగతజీవిగా బయటకు రావడంతో తల్లిదండ్రులు గుండెలవిసేలా రోదించారు.● ఉద్యమకారుల గుర్తింపు కమిటీ సభ్యుడు మోతె శోభన్‌రెడ్డి నివాసం ముట్టడి బావిలో పడి యువకుడి మృతి బజ్జుతండాలో ఘటన

హసన్‌పర్తి: పరారీలో ఉన్న నిందితుల ఆచూకీ కోసం ప్రత్యేక బృందాలు ఏర్పాటు చేసి త్వరితగతిన అరెస్ట్‌ చేయాలని వరంగల్‌ పోలీస్‌ కమిషనర్‌ శ్వేత ఆదేశించారు. గురువారం వరంగల్‌ పోలీస్‌ కమిషనరేట్‌ కార్యాలయంలో డీసీపీలు, ఏసీపీల స్థాయి అధికారులతో నెలవారీ సమీక్ష నిర్వహించారు. ఈ సందర్భంగా కమిషనరేట్‌ పరిధిలోని వివిధ పోలీస్‌స్టేషన్‌ల్లో నమోదైన కేసులు, దర్యాప్తులు, నిందితుల అరెస్ట్‌లు, సాక్ష్యాధారాల సేకరణ, కోర్టు కేసుల పురోగతులను సమగ్రంగా సమీక్షించారు. పెండింగ్‌ కేసుల దర్యాప్తు వేగవంతం చేయాలని ఆదేశించారు. మహిళలు, చిన్నారులపై నేరాలు, ఆస్తి వివాదాలు, సైబర్‌నేరా లు, మాదక ద్రవ్యాల కేసులు, తీవ్ర నేరాల దర్యాప్తుపై ప్రత్యేక దృష్టి సారించాలన్నారు. ప్రజలకు త్వరితగతిన న్యాయం అందేలా దర్యాప్తును పారదర్శకంగా చేపట్టాలని ఆదేశించారు. సమావేశంలో డీసీపీలు అంకిత్‌కుమార్‌, దార కవిత, రాజమహేంద్రనాయక్‌, అదనపు డీసీపీలు రాయల ప్రభాకర్‌రావు, ఏసీపీలు మధుసూదన్‌, సదయ్య, డేవిడ్‌ రాజు తదితరులు పాల్గొన్నారు. వరంగల్‌ పోలీస్‌ కమిషనర్‌ శ్వేత

నెహ్రూసెంటర్‌: జిల్లా మత్స్యకారులకు ఎల్‌నినో శాపంగా మారింది. ఈ సంవత్సరం సమృద్ధిగా వర్షాలు కురవకపోవడంతో చెరువుల్లో నీటిమట్టం తగ్గింది. దీంతో ఉచిత చేప పిల్లల పంపిణీ ప్రశ్నార్థకంగా మారింది. టెండర్ల ప్రక్రియ పూర్తి చేసినప్పటికీ అధికారుల నుంచి ఆదేశాలు లేకపోవడంతో చేప పిల్లల పంపిణీపై నీలినీడలు అలుముకున్నా యి. జిల్లాలో 1,240 చెరువు ఉన్నాయి. కాగా, సరిపడా నీటిమట్టం ఉన్న చెరువుల్లో చేప పిల్లలను పోయాలని మత్స్యకారులు కోరుతున్నారు. తప్పని ఎదురుచూపులు.. ప్రతీ ఏడాది చేప పిల్లల పంపిణీ కోసం మత్స్యకారులకు ఎదురుచూపులు తప్పడం లేదు. ఉచిత చేప పిల్లల పంపిణీ ఆలస్యం అవుతుండడంతో వారు నిరాశకు గురవుతున్నారు. చేప పిల్లలకు బదులు సొసైటీలకు నగదు బదిలీ చేయాలని కోరుతున్నారు. చెరువుల నీటిమట్టంపై అధికారుల అంచనా.. తీవ్ర వర్షాభావ పరిస్థితుల వల్ల కొన్ని చెరువుల్లో సరిపడా నీరు లేదు. దీంతో చేప పిల్లలను వదిలేందుకు సరిపడా నీటి మట్టం ఉన్న చెరువులను గుర్తించేందుకు ఇరిగేషన్‌ శాఖ కసరత్తు చేస్తున్నట్లు మత్స్యశాఖ అధికారులు చెబుతున్నారు. ఇరిగేషన్‌ అధికారులు ఇచ్చే సంఖ్య ఆధారంగా ఎన్ని చెరువుల్లో చేప పిల్లలను వదిలేది తెలుస్తుంది. చేప పిల్లల పంపిణీ ఆలస్యం చేయొద్దుఉచిత చేప పిల్లల పంపిణీ ఇప్పటికే ఆలస్యమైంది. వర్షాలు సమృద్ధిగా పడకపోవడంతో కొన్ని చెరువుల్లో నీటిమట్టం తగ్గిపోయింది. అధికారులు నీటిమట్టం ఉన్న చెరువులను గుర్తించి, వాటిలో చేప పిల్లల పంపిణీ పూర్తి చేయాలి. – కొత్తూరు రమేశ్‌, జిల్లా మత్స్యపారిశ్రామిక సహకార సంఘాల చీఫ్‌ ప్రమోటర్‌ ఎల్‌నినో ప్రభావంతో చెరువుల్లో తగ్గిన నీటిమట్టం ఉచిత చేప పిల్లల పంపిణీపై సందిగ్ధం ఇప్పటికే టెండర్ల ప్రక్రియ పూర్తి

‘కొద్ది రోజుల క్రితం అనారోగ్యంతో ఓ వ్యక్తి మహబూబాబాద్‌ ప్రభుత్వ ఆస్పత్రికి వచ్చాడు. పరీక్ష చేసిన డాక్టర్లు అడ్మిట్‌ కావాలని చెప్పి మందులు రాసి ఇచ్చారు. కాగా, సదరు వ్యక్తి ఆరోగ్య పరిస్థితి బాగా లేకపోవడంతో బెడ్‌పైనే మూత్ర విసర్జన చేశాడు. ఇది చూసిన డ్యూటీలో ఉన్న స్టాఫ్‌నర్సు రోగిని ఇష్టమొచ్చినట్లు తిట్టి.. డాక్టర్‌తో చెప్పి డిశ్చార్జ్‌ చీటీ రాయించి ఇంటికి వెళ్లమని చెప్పారు. అయితే రోగి బంధువులు ఆస్పత్రి ఉన్నతాధికారులకు జరిగిన విషయం తెలపడంతో డిశ్చార్జ్‌ లెటర్‌ వెనక్కి తీసుకొని వైద్యం చేసిన విషయం చర్చగా మారింది.’సాక్షి, మహబూబాబాద్‌: మారుమూల మానుకోటను జిల్లా కేంద్రంగా మార్చారు. ఇందులో భాగంగానే 50పడకల ప్రభుత్వ ఆస్పత్రిని 300 బెడ్లకు అప్‌గ్రేడ్‌ చేశారు. ఈమేరకు వందలాది మంది డాక్టర్లు, 300పైగా స్టాఫ్‌ నర్సులను ప్రభుత్వం నియమించింది. ప్రభుత్వ మెడికల్‌ కళాశాల అనుబంధ ఆస్పత్రి కావడంతో... మెడికోలు కూడా వచ్చి వైద్య సేవలు అందిస్తున్నారు. దీంతో గతంలో ప్రతీరోజు 500ఓపీ ఉండగా.. ప్రస్తుతం 700 పైగా చేరింది. ఇన్‌ పేషెంట్లు, ప్రసూతి వార్డులు, ఎమర్జెన్సీ, జనరల్‌ వార్డులు రోగులతో కిక్కిరిసిపోతున్నాయి. కాగా, బెడ్లు, డాక్టర్లు, స్టాఫ్‌ నర్సులు, మెడికోలు.. ఇలా అందరి సంఖ్య పెరిగిందని, సర్వీస్‌ మాత్రం తగ్గుతుందనే ఆరోపణలు వస్తున్నాయి. ఇలా వచ్చి .. అలా వెళ్తున్నారు.. ప్రభుత్వం నుంచి జీతాలు తీసుకుంటూ.. సక్రమంగా డ్యూటీలు చేయాల్సిన స్టాఫ్‌ నర్సులు రోగులతోపాటు ట్రెయినీ విద్యార్థులు, ఇతర కింది స్థాయి సిబ్బందిని బెదిరిస్తున్నట్లు ట్రెయినీ విద్యార్థులు ఆవేదన వ్యక్తం చేస్తున్నారు. కొందరు తమకు నచ్చిన షిఫ్ట్‌లో డ్యూటీ వేయించుకొని ఇలా వచ్చి అలా వెళ్తున్నారని తెలిసింది. పలువురు వరంగల్‌, ఖమ్మం వంటి పట్టణాల నుంచి అప్‌అండ్‌ డౌన్‌ చేయడంతో ౖరైలు టైమ్‌ వారి డ్యూటీ టైమ్‌గా మారిందనే ఆరోపణలు ఉన్నాయి. వారి డ్యూటీలను ఎంపీహెచ్‌ డబ్ల్యూ, ఎంఎల్‌టీ అప్రెంటిష్‌షిప్‌ చేసే వారికి అప్పగించడం.. వారిని బెదిరించడం.. డ్యూటీ సమయానికి ముందుగానే వెళ్లిపోవడం కొందరికి అలవాటుగా మారిందని విమర్శలు ఉన్నాయి. కొందరు ఆస్పత్రి షిఫ్ట్‌ సమయంలో ఇన్‌పంచ్‌ వేసి వెళ్లి.. మళ్లీ డ్యూటీ ముగిసే సమయానికి వచ్చి అవుట్‌పంచ్‌ వేస్తున్నారనే ఆరోపణలు ఉన్నాయి. కాగా, నిర్లక్ష్యంగా వ్యవహరిస్తున్న స్టాఫ్‌నర్సులపై పలువురు రోగులు, వారి బంధువులు ఉన్నతాధికారులకు ఫిర్యాదు చేసిన సంఘటనలు ఉన్నాయి. ఉన్నతాధికారులు హెచ్చరించినా.. కొందరు సిబ్బంది తమ పద్ధతి మార్చుకోవడం లేదని రోగుల బంధువులు ఆరోపిస్తున్నారు. రోగులతో నిర్లక్ష్యంగా వ్యవహరిస్తున్నారని విమర్శలు తమ పని చేయాలని ట్రెయినీ విద్యార్థులకు బెదిరింపులు ఉన్నతాధికారులు హెచ్చరించినా మారని తీరు రోగులపై నిర్లక్ష్యం..ఆస్పత్రికి వచ్చే రోగులకు డాక్టర్‌ చీటీరాసి మందులు, గ్లూకోజ్‌ వంటివి పెట్టాలని స్టాఫ్‌ నర్సులను ఆదేశిస్తారు. కాగా, రోగిని కంటికి రెప్పలా పర్యవేక్షించాల్సిన స్టాఫ్‌ నర్సులు నిర్లక్ష్యంగా వ్యవహరిస్తున్నారనే ఆరోపణలు ఉన్నాయి. ప్రతీ షిఫ్ట్‌లో ఎక్కువ మందికి డ్యూటీలు వేయగా.. ఒకరిద్దరు పనిచేస్తుండగా.. మిగిలినవారు గుంపులు గుంపులుగా ఉండి ముచ్చట్లలో మునిగిపోతున్నారని రోగులు అంటున్నారు. రోగులు ఇబ్బందులు పడినా.. పెట్టిన గ్లూకోజ్‌ ఖాళీ అయినా.. వచ్చి తీసేందుకు కూడా చిరాకు పడుతున్నారు. ఇదేమిటని అడిగిన రోగుల బంధువులతో నిర్లక్ష్యంగా మాట్లాడడం.. కొన్ని సందర్భాల్లో వారిని తిట్టిన సంఘటనలు కూడా ఉన్నాయి.నిర్లక్ష్యం చేస్తే చర్యలు తీసుకుంటాం..పలువురు స్టాఫ్‌ నర్సులు రోగులు, బంధువులపై నిర్లక్ష్యంగా వ్యవహరిస్తున్నారనే ఆరోపణలు వచ్చాయి. పలువురిని పిలిచి పద్ధతి మార్చుకోవాలని హెచ్చరించాం. డాక్టరైనా.. స్టాఫ్‌ నర్సుఅయినా.. కింది స్థాయి ఉద్యోగులు, సిబ్బంది ఎవరైనా రోగులపై సేవాభావంతో మెదలాలి. అలా కాకుండా నిర్లక్ష్యంగా ఉంటే చర్యలు తప్పవు. – శ్రీనివాసరావు, ఆస్పత్రి సూపరింటెండెంట్‌

● ఎస్పీ డాక్టర్‌ శబరీష్‌ మహబూబాబాద్‌ రూరల్‌ : గంజాయి, నల్లబెల్లం, గుడుంబా అక్రమ రవాణా, విక్రయాలపై నిఘా పెంచి కఠిన చర్యలు చేపట్టాలని ఎస్పీ డాక్టర్‌ శబరీష్‌ ఆదేశించారు. మహబూబాబాద్‌ టౌన్‌ పోలీస్‌ స్టేషన్‌ సమావేశ మందిరంలో బుధవారం నేర సమీక్ష సమావేశం నిర్వహించారు. ఈసందర్భంగా ఎస్పీ జిల్లాలోని కేసులపై సమీక్షించి మాట్లాడారు. గుడుంబా తయారీ కేంద్రాలపై నిరంతరం దాడులు నిర్వహించి, బాధ్యులపై కేసులు నమోదు చేయాలని, నల్లబెల్లం, గంజాయి అక్రమ రవాణా, విక్రయాలపై నిఘా పెంచి మరిన్ని కేసులు నమోదు చేయాలన్నారు. దీర్ఘకాలంగా పెండింగ్‌లో ఉన్న కేసులను త్వరితగతిన పరిష్కరించి, నిందితుల అరెస్టులు పూర్తి చేయాలని, నూతన చట్టాల అమలుపై పూర్తి అవగాహనతో విధులు నిర్వహించాలని ఆదేశించారు. సీసీటీఎన్‌ఎస్‌లో కేసుల వివరాలు, దర్యాప్తు పురోగతిని ఎప్పటికప్పుడు అప్‌డేట్‌ చేయాలని, డిజిటల్‌ సాక్ష్యాల సేకరణలో సమర్థత పెంచి, పనితీరు నివేదికలను మెరుగుపరచాలన్నారు. అత్యవసర ఫిర్యాదులపై తక్షణ స్పందన అందించి, రెస్పాన్స్‌ టైంను మెరుగుపరచాలని, జిల్లాలోని అన్ని ముఖ్యమైన కూడళ్లు, ప్రధాన రహదారులు, జనసంచారం ఎక్కువగా ఉండే ప్రాంతాల్లో సీసీ కెమెరాలు ఏర్పాటు చేయాలని సూచించారు. ఇప్పటికే ఉన్న కెమెరాలను నిరంతరం పర్యవేక్షిస్తూ, సక్రమంగా పనిచేసేలా నిర్వహణ, మరమ్మతులు చేపట్టాలన్నారు. పోలీసు స్టేషన్లకు వచ్చే ప్రజా ఫిర్యాదులను నిర్లక్ష్యం చేయకుండా బాధ్యతాయుతంగా స్వీకరించి, ప్రతి ఫిర్యాదుపై చట్టపరమైన చర్యలు తీసుకోవాలని సూచించారు. సమావేశంలో డీఎస్పీలు తిరుపతిరావు, కృష్ణకిషోర్‌, సీఐలు, ఎస్సైలు, పోలీసు సిబ్బంది పాల్గొన్నారు.

మహబూబాబాద్‌ అర్బన్‌: జిల్లా కేంద్రంలోని పత్తిపాక గిరిజన ఆశ్రమ బాలుర పాఠశాలలో సరిపడా తరగతి గదులు లేవు. దీంతో విద్యార్థులు ఇబ్బందులు పడుతూ చదువుతున్నారు. దీనిని దృష్టిలో పెట్టుకుని జిల్లా కేంద్రంలోని పాత కలెక్టర్‌ కార్యాలయం సమీపంలో 2025 మార్చిలో నూతన భవన నిర్మాణానికి ఐటీడీఏ అధికారులు నిధులు మంజూరు చేశారు. అయితే కాంట్రాక్టర్‌ నిర్లక్ష్యం వల్ల పనులు నత్తనడకన సాగుతున్నాయనే ఆరోపణలు వస్తున్నాయి. ఇరుకుగదుల్లో నిర్వహణ.. జిల్లా కేంద్రంలోని పత్తిపాక గిరిజన ఆశ్రమ పాఠశాలలో 3నుంచి 10వ తరగతి వరకు సుమారు 750మంది విద్యార్థులు చదువుతున్నారు. పాఠశాలలో సరిపడా గదులు లేక విద్యార్థులు నిత్యం ఇబ్బందులు పడుతున్నారు. అక్కడ ఎనిమిది గదులు మాత్రమే ఉన్నాయి. అందులోనే హాస్టల్‌, తరగతులు కొనసాగుతున్నాయి. ఉదయం తరగతులు.. రాత్రిపూట అక్కడే నిద్రించాల్సి వస్తోందని విద్యార్థులు వాపోతున్నారు. వసతి సమస్య వల్ల ఏటా విద్యార్థుల అడ్మిషన్లు తగ్గుతున్నాయి. 2024 సంవత్సరంలో 900 మంది విద్యార్థులు ఉండగా.. ప్రస్తుతం 750కి సంఖ్య తగ్గిందని ఉపాధ్యాయులు తెలుపుతున్నారు. కాగా, నూతన భవనాన్ని త్వరగా పూర్తి చేసి అందుబాటులోకి తీసుకురావాలని విద్యార్థులు డిమాండ్‌ చేస్తున్నారు. కాంట్రాక్టర్‌ నిర్లక్ష్యంతో.. నూతన భవనాన్ని ఏడాదిలోపు పూర్తి చేస్తానని కాంట్రాక్టర్‌ హామీ ఇచ్చినట్లు గిరిజన శాఖ అధికారులు తెలిపారు. కాగా, సదరు కాంట్రాక్టర్‌ పనుల్లో నిర్లక్ష్యం వహిస్తూ నాణ్యతా ప్రమాణాలు పాటించడం లేదని ఆరోపించారు. భవనం పనులు పూర్తయినా.. మరుగుదొడ్లు, విద్యుత్‌ వంటి పనులు పెండింగ్‌లో ఉన్నాయని, డైనింగ్‌హాల్‌ పనుల్లో జాప్యం జరుగుతుందని వాపోయారు. కాగా ఇప్పటికై నా పెండింగ్‌ పనులు పూర్తి చేసి భవనాన్ని అప్పగించాలని విద్యార్థులు కోరుతున్నారు. దీనిపై గిరిజన సంక్షేమశాఖ ఏటీడీఓ ఉపేందర్‌ను వివరణ కోరగా కాంట్రాక్టర్‌ పనులు పూర్తి చేసి త్వరలోనే తమకు అప్పగిస్తానని హామీ ఇచ్చినట్లు తెలిపారు. అసంపూర్తిగా గిరిజన ఆశ్రమ బాలుర పాఠశాల భవనం పనుల్లో నిర్లక్ష్యంగా వ్యవహరిస్తున్న కాంట్రాక్టర్‌ ఇరుకుగదుల్లో విద్యార్థుల ఇబ్బందులు పట్టించుకోని గిరిజన సంక్షేమ శాఖ అధికారులు

బయ్యారం: యునైటెడ్‌ అరబ్‌ ఎమిరేట్స్‌(యూఏఈ)లో జరిగిన అండర్‌–15 అకాడమీ లీగ్‌ క్రికెట్‌ మ్యాచ్‌లో బయ్యారం మండలానికి చెందిన 14ఏళ్ల కసిరెడ్డి లోకేష్‌రెడ్డి 109బంతుల్లో 300 పరుగులు చేసి ప్రతిభ చాటాడు. లోకేష్‌రెడ్డి తండ్రి సురేందర్‌రెడ్డి ఉద్యోగరీత్యా దుబాయ్‌లో ఉంటున్నాడు. కాగా, క్రికెట్‌ మ్యాచ్‌లో 28 ఫోర్లు, 23సిక్సర్ల సాయంతో 300 పరుగులు సాధించిన లోకేష్‌రెడ్డిని పలువురు అభినందించారు. ఈ సందర్భంగా లోకేష్‌రెడ్డి ఫోన్‌లో మాట్లాడుతూ.. రాబోయే రోజుల్లో టెస్ట్‌ క్రికెట్‌ ఆడాలన్నదే తన లక్ష్యం అని చెప్పాడు.

మహబూబాబాద్‌ అర్బన్‌: ప్రభుత్వ పాఠశాలల్లో చదువుతున్న విద్యార్థుల అభ్యసన సామర్థ్యాల పెంపునకు ఉపాధ్యాయులు కృషి చేయాలని ఇన్‌చార్జ్‌ డీఈఓ అనిల్‌ కుమార్‌ అన్నారు. మానుకోట మున్సిపాలిటీ పరిధి జమాండ్లపల్లి జెడ్పీ ఉన్నత పాఠశాలను ఆయన బుధవారం సందర్శించారు. విద్యార్థులకు డిజిటల్‌ బోధన, పాఠశాల పరిసరాలను పరిశీలించారు. ఈ సందర్భంగా అధికారి అనిల్‌కుమార్‌ మాట్లాడుతూ.. ఉపాధ్యాయులు ఆధునిక బోధన పద్ధతులు, డిజిటల్‌ సాంకేతిక పరిజ్ఞానాన్ని వినియోగించుకొని విద్యార్థుల్లో విషయ పరిజ్ఞానం, ఆలోచన శక్తిని పెంపొందించాలన్నారు. పరిసరాలు పరిశుభ్రంగా ఉండాలన్నారు. కార్యక్రమంలో ఏసీజీఈ మందుల శ్రీరాములు, జిల్లా సైన్స్‌ అధికారి అప్పారావు, పాఠశాల ప్రిన్సిపాల్‌ వెంకటేశ్వర్లు, ఉపాధ్యాయులు, విద్యార్థులు పాల్గొన్నారు. ఇన్‌చార్జ్‌ డీఈఓ అనిల్‌కుమార్‌

● అన్నాచెల్లెళ్ల అనుబంధానికి ప్రతీకగా పండుగజనగామ : భగిని హస్త భోజనం.. భారతీయ సంస్కృతిలో అన్నదమ్ములు, అక్కాచెల్లెళ్ల ఆత్మీయ అనుబంధానికి ప్రతీక. సోదరుల క్షేమం, ఆయురారో గ్యాలను కాంక్షిస్తూ అక్కాచెల్లెళ్లు తమ ఇళ్లకు ఆ హ్వానించి స్వయంగా భోజనం పెట్టడం ఈ పండుగ ప్రత్యేకత. ఇది కేవలం భోజన కార్యక్రమం మాత్రమే కా దు, కుటుంబ బంధాలను మరింత బలోపేతం చేసే ఆత్మీయ వేడుక. కాలక్రమంలో కు టుంబ సభ్యులు ఉద్యోగాలు, వ్యాపారాలు, ఇతర అవసరాలతో దూర ప్రాంతాల్లో నివసిస్తున్నప్పటికీ ఈ ఆచారం ద్వారా ఒకచోట చేరుతున్నారు. అక్కాచెల్లెళ్ల ఆశీర్వచనాలు తీసుకుంటూ అన్నదమ్ములు వారి పట్ల తమకున్న అభిమానాన్ని చాటుకుంటున్నారు. తరాలుగా కొనసాగుతున్న ఈ సంప్రదాయం కుటుంబ వ్యవస్థలోని అనుబంధాలు, భారతీయ సంస్కృతి గొప్పదనానికి అద్దం పడుతోంది. కాగా, జనగామ జిల్లా వ్యాప్తంగా బుధవారం భగిని హస్త భోజన కార్యక్రమాన్ని అన్నదమ్ములు, అక్కాచెల్లెళ్లు ఘనంగా జరుపుకున్నారు. ఈ సందర్భంగా అక్కాచెల్లెళ్లు తాము స్వయంగా వివిధ రకాల పిండి వంటలు, తీపి పదార్థాలు, ఇతర వంటలు తయారు చేసి సోదరులకు ప్రేమగా వడ్డించి తమ అభిమానం చాటుకున్నారు. క్షతగాత్రులకు తక్షణ వైద్యం అందించాలిఖిలా వరంగల్‌ : రోడ్డు ప్రమాదాల్లో గాయపడిన క్షతగాత్రులకు సకాలంలో వైద్య సహాయం అందించి ప్రాణాలు కాపాడాలని వరంగల్‌ రవాణాశాఖ అ ఽధికారి(డీటీఓ) రంగారావు సూచించారు. బుధవారం వరంగల్‌ రవాణాశాఖ కార్యాలయ ప్రాంగణంలో సీనియర్‌ మోటార్‌ వెహికిల్‌ ఇన్‌స్పెక్టర్‌ (ఎంవీఐ) శోభన్‌కుమార్‌ ఆధ్వర్యంలో పీఎం–రహత్‌, పీఎం–రహవీర్‌ పథకాలపై వాహనదారులకు అవగాహన నిర్వహించారు. ఈ కార్యక్రమానికి డీటీఓ ముఖ్యఅతిథిగా హాజరై మాట్లాడుతూ ప్రమాదం జరిగిన వెంటనే క్షతగాత్రులకు ప్రథమ చికిత్స అందించడమే కేంద్ర ప్రభుత్వం ప్రవేశ పెట్టిన పీఎం–రహత్‌, పీఎం– రహవీర్‌ పథకాల ప్రధాన లక్ష్యమన్నారు. ప్రమాదం జరిగిన వెంటనే ఘటనాస్థలి నుంచి హాస్పిటల్‌కు తరలించడం ద్వారా ప్రాణాలు కాపాడొచ్చని తెలిపారు. క్షతగాత్రులకు సహాయం చేసేందుకు ప్రజలు ముందుకు రావాలన్నారు. ఏఎంవీఐ ఉదయ్‌కుమార్‌, ఎన్‌ఐఎస్‌యూ నుంచి మహేశ్‌, సిబ్బంది పాల్గొన్నారు.కాజీపేట, వరంగల్‌ మీదుగా ప్రత్యేక రైళ్లు కాజీపేట రూరల్‌: ప్రయాణికుల సౌకర్యార్థం కాజీ పేట, వరంగల్‌ రైల్వే స్టేషన్ల మీదుగా గయా–ఎంజీ ఆర్‌ చైన్నె సెంట్రల్‌, ఎస్‌ఎంవీటీ బెంగళూరు–బ రౌని మధ్య ప్రత్యేక రైళ్లను నడిపిస్తున్నట్లు దక్షిణ మ ధ్య రైల్వే సీపీఆర్వో ఎ.శ్రీధర్‌ బుధవారం తెలిపారు. కాజీపేట మీదుగా .. ఈ నెల 9నుంచి 30వ తేదీ వరకు ప్రతీ సోమవారం బయలుదేరే ఎస్‌ఎంవీటీ బెంగళూరు–బరౌని (06587) 4 ఎక్స్‌ప్రెస్‌లు మరుసటి రోజు కాజీపేటకు చేరుకుని వెళ్తాయి. ఈ నెల 12 నుంచి డిసెంబర్‌ 3వ తేదీ వరకు ప్రతీ మంగళవారం బరౌని–బెంగళూరు కాంట్‌ (06588) 4 ఎక్స్‌ప్రెస్‌లు మరుసటి రోజు కాజీపేటకు చేరుకుని వెళ్తాయి. ఈ రైళ్లకు సికింద్రాబాద్‌, కాజీపేట, బల్లార్షా, నాగ్‌పూర్‌లో హాల్టింగ్‌ కల్పించారు. వరంగల్‌ మీదుగా.. ఈ నెల 17న బయలుదేరే గయా–ఎంజీఆర్‌ చైన్నె సెంట్రల్‌ (03689) ఎక్స్‌ప్రెస్‌ మరుసటి రోజు వరంగల్‌కు చేరుకుని వెళ్తుంది. ఈ రైలుకు బల్లార్షా, వరంగల్‌, విజయవాడ, ఒంగోలు, నెల్లూరు స్టేషన్‌లో హాల్టింగ్‌ కల్పించారు.

మహబూబాబాద్‌: జిల్లాలో ఎల్‌నినో ప్రభావంతో భూగర్భజలాలు చాలా వరకు తగ్గాయి. ఈమేరకు తాగునీటి సమస్యను అధిగమించేందుకు యాక్షన్‌ ప్లాన్‌ సిద్ధం చేసుకోవాలని ప్రభుత్వం ఆదేశాలు జారీ చేసింది. దీంతో జిల్లాలోని అన్ని మున్సిపాలిటీల్లో తాగునీటి యాక్షన్‌ప్లాన్‌ తయారు చేస్తున్నా రు. సమస్య ఉన్న వార్డులను గుర్తించి ప్రత్యామ్నా య మార్గాల ద్వారా నీటి సరఫరా, తదితర అంశాలపై దృష్టి పెట్టారు. లక్ష జనాభా.. జిల్లాలో మానుకోట, మరిపెడ, తొర్రూరు, డోర్నకల్‌, కేసముద్రం మున్సిపాలిటీలు ఉన్నాయి. మానుకోట మున్సిపాలిటీలోని 36వార్డుల్లో 65,712 మంది ఓటర్లు ఉన్నారు. విద్యా, ఉద్యోగం, వ్యాపారం నిమిత్తం మానుకోటలో నివాసం ఉండే వారితో కలిపితే లక్ష జనాభా దాటుతుంది. ఈమేరకు తాగునీటి సమస్యను అధిగమిచేందుకు అధికారులు కొద్దిరోజులుగా యాక్షన్‌ ప్లాన్‌పై కసరత్తు చేస్తున్నారు. టౌన్‌ ప్లానింగ్‌ విభాగంలో డీఈ, ఇద్దరు ఏఈలు, వర్క్‌ ఇన్‌స్పెక్టర్‌, ఇద్దరు ఫిట్టర్లు, 30మంది లైన్‌మెన్ల ద్వారా నీటి సరఫరా పనులను పర్యవేక్షిస్తున్నారు. 15,393 నల్లా కనెక్షన్లు.. మానుకోట మున్సిపాలిటీలో 168.62 కిలోమీటర్ల పైపులైన్లు, 15,393 నల్లా కనెక్షన్లు ఉన్నాయి. పట్టణానికి ప్రతీరోజు 13.09ఎంఎల్‌డీ (మిలియన్‌ లీటర్‌ ఫర్‌ డే), విలీన గ్రామాలకు 1.91 ఎంఎల్‌డీ నీరు.. మొత్తం 15 ఎంల్‌డీ తాగు నీరు సరఫరా చేస్తున్నారు. మిషన్‌ భగీరథ నీటితో పాటు మున్నేరువాగులో ఉన్న నీటిని ఫిల్టర్‌ బెడ్‌ ద్వారా 9 వార్డులకు సరఫరా చేస్తున్నట్లు అధికారులు తెలిపారు. మిగిలిన 27 వార్డులకు మాత్రమే మిషన్‌ భగీరథ నీరు సరఫరా చేస్తున్నారు. వార్డుల గుర్తింపు.. గత అనుభవాలను దృష్టిలో పెట్టుకుని పట్టణంలోని 21,22,23,24,25,36వ వార్డుల్లో నీటి సమస్యలు ఉన్నట్లు అధికారులు గుర్తించారు. అన్ని వివరాలు సేరించి యాక్షన్‌ ప్లాన్‌ సిద్ధం చేసేందుకు సన్నద్ధమవుతున్నారు. కౌన్సిల్‌ సమావేశం నిర్వహించి ఆతర్వాత పాలక మండలి తీర్మానంతో యాక్షన్‌ ప్లాన్‌పై చర్యలు తీసుకోనున్నారు. కౌన్సిల్‌ సమావేశంలో కౌన్సిలర్ల సూచనలు, సలహాలు కూడా పరిగణనలోకి తీసుకుని ఆతర్వాత ప్లాన్‌ ఫైనల్‌ చేస్తారు. బావులకు మోటార్లు, రిపేర్లు ఇతర ఏర్పాట్లు చేస్తున్నారు. ప్రత్యామ్నాయ వసరులపై దృష్టి.. చేతిపంపులు, బోర్లు, బావులతో పాటు మున్నేరు వాగులో ఉన్న నీరు, ఈదులపూసపల్లి చెరువు, ఇతర నీటి వనరులపై అధికారులు దృష్టి సారించారు. గతంలో తీవ్ర తాగునీటి సమస్య తలెత్తిన సందర్భాల్లో తీసుకున్న చర్యలు, ఇతర అంశాలపై దృష్టిలో పెట్టుకుని ప్లాన్‌లో అంశాలను నమోదు చేస్తున్నారు. మిగితా మున్సిపాలిటీల్లో కూడా.. మానుకోటతో పాటు మరిపెడ, డోర్నకల్‌, తొర్రూ రు, కేసముద్రం మున్సిపాలిటీల్లో కూడా యాక్షన్‌ ప్లాన్‌పై కసరత్తు చేస్తున్నారు. ఆయా మున్సిపాలిటీల్లో కూడా చేతి పంపులు, బావులు, బోర్లతో పాటు ప్రత్యామ్నాయ వనరులపై దృష్టి సారించారు. యాక్షన్‌ ప్లాన్‌ చర్యలు చేపట్టనున్నారు. ప్లాన్‌ సిద్ధం చేస్తున్నాం.. తాగునీటి సమస్యను అధిగమించేందుకు యాక్షన్‌ ప్లాన్‌ సిద్ధం చేస్తున్నాం. వార్డుల్లో అన్ని వివరాల సేకరణతో పాటు సమస్య ఉన్న వార్డులను గుర్తించాం. గత అనుభవాలను దృష్టిలో పెట్టుకుని ప్లాన్‌ తయారు చేస్తున్నాం. ప్రత్యామ్నాయ వనరులపై దృష్టి పెట్టాం. త్వరలో నిర్వహించే మున్సిపల్‌ కౌన్సిల్‌ సమావేశంలో దానిపై నిర్ణయం తీసుకుంటాం. – ఉపేందర్‌, ఇన్‌చార్జ్‌ కమిషనర్‌, మానుకోట మున్సిపల్‌ వార్డుల్లో తాగునీటి వనరుల వివరాల సేకరణ ప్రత్యామ్నాయాలపై అధికారుల దృష్టి మున్నేరు వాగు ద్వారా పలు వార్డులకు తాగునీటి సరఫరా వనరుల గుర్తింపు.. యాక్షన్‌ ప్లాన్‌లో భాగంగా వార్డుల్లో ఉన్న నీటి వనరులను గుర్తించారు. మొత్తం 340 చేతి పంపులు ఉండగా.. వాటిలో 290 పనిచేస్తున్నాయి. 50మరమ్మతుల బారిన పడ్డాయి. 69 పవర్‌ బోర్లలో 59 పని చేస్తుండగా 10 మరమ్మతుల బారిన పడినట్లు అధికారులు తెలిపారు. 61బావుల్లో 34 బావులను ఉపయోగిస్తున్నారు. 27 బావులు వినియోగంలో లేవు. నాలుగు వాటర్‌ ట్యాంకులు ఉన్నాయి.

మహబూబాబాద్‌ రూరల్‌ : రైతులకు బయో మందులు విక్రయిస్తే లైసెన్స్‌లు రద్దుచేసి శాఖాపరమైన చర్యలు తీసుకుంటామని ఏడీఏ అజ్మీరా శ్రీనివాసరావు హెచ్చరించారు. జిల్లా కేంద్రంలోని సత్యనారాయణ ట్రేడర్స్‌, జగదీష్‌ ఫర్టిలైజర్స్‌, కల్యాణ్‌ ఫర్టిలైజర్స్‌, శ్రీలక్ష్మి ఫర్టిలైజర్స్‌ దుకాణాలను ఏడీఏ బుధవారం ఆకస్మికంగా తనిఖీ చేశారు. ఈ సందర్భంగా పురుగు మందుల డీలర్ల దగ్గర ఉన్న స్టాక్‌ వివరాలు, వాటికి సంబంధించి వ్యవసాయ శాఖ జారీ చేసిన అనుమతి పత్రాలు, స్టాక్‌ రికార్డులు, స్టాక్‌ బోర్డు, స్టాక్‌ రిజిస్టర్లు తనిఖీ చేసి మాట్లాడారు. తెలంగాణ ప్రభుత్వం, వ్యవసాయ శాఖ అనుమతి ఇచ్చిన ఎరువులు, పురుగు మందులు, విత్తనాలను మాత్రమే రైతులకు విక్రయించాలన్నారు. అనుమతిలేని ఎరువులు, పురుగు మందులు, విత్తనాలు విక్రయిస్తే చట్టపరంగా చర్యలు తప్పవన్నారు. ఈ తనిఖీల్లో మండల వ్యవసాయ అధికారి నారెడ్డి తిరుపతిరెడ్డి పాల్గొన్నారు. ప్రతీ నీటిబొట్టును సంరక్షించుకోవాలి గార్ల: ఎల్‌నినో నేపథ్యంలో నీటి పొదుపు కోసం ఇంటింటికీ ఇంకుడు గుంతలు నిర్మించుకోవాలని డీఎల్‌పీఓ స్వరూప సూచించారు. బుధవారం మండలంలోని సీతంపేట, గార్ల, గోపాలపురం పంచాయతీల్లో నిర్మించిన ఇంకుడు గుంతలు, వీఓ భవనాలను ఆమె పరిశీలించి మాట్లాడారు. ఎల్‌నినో ప్రభావంతో భవిష్యత్‌లో భూగర్భ జలాలు అడుగంటి సాగు, తాగునీటికి ఇబ్బందులు తలెత్తే ప్రమాదం ఉందని, ప్రతీ నీటి బొట్టును సంరక్షించుకునేందుకు ప్రతీ ఇంట్లో ఇంకుడు గుంత నిర్మించుకోవాలన్నారు. వీబీజీ రామ్‌జీ పథకం ద్వారా ఉచితంగా ఇంకుడు గుంతలు నిర్మించుకోవచ్చని తెలిపారు. సర్పంచ్‌ గూగులోత్‌ వీర్యానాయక్‌, ఎంపీఓ శ్రీలక్ష్మి, పంచాయతీ కార్యదర్శులు రమేష్‌, మధునాయుడు తదితరులు పాల్గొన్నారు. వీరన్న సన్నిధిలో వేలం పాటలుకురవి: మండల కేంద్రంలోని భద్రకాళీ సమేత వీరభద్రస్వామి ఆలయ మండపంలో బుధవారం షాపింగ్‌ కాంప్లెక్స్‌లకు సంబంధించిన గదులు, ఖాళీ స్థలాలు, భక్తుల ఫొటోలు తీసుకునే హక్కు, మరుగుదొడ్ల నిర్వహణ కోసం వేలం పాటలు జరిగినట్లు ఆలయ ఈఓ సత్యనారాయణ, చైర్మన్‌ కొర్ను రవీందర్‌రెడ్డి తెలిపారు. సీల్డ్‌ టెండర్‌ కమ్‌ బహిరంగ వేలం పాటలు జరిగాయి. పలువురు వ్యాపారులు సీల్డ్‌ టెండర్లను బాక్స్‌లో వేశారు. వేలం పాటల ద్వారా ఆలయానికి రూ.37.62లక్షల ఆదాయం సమకూరినట్లు ఈఓ తెలిపారు. వీరభద్రస్వామి కాంప్లెక్స్‌లోని 28 షాపుల్లో 18 షాపులకు వేలం పాటలు జరగగా.. 10 షాపులకు వాయిదా పడినట్లు తెలిపారు. అలాగే భద్రకాళీ కాంప్లెక్స్‌లోని 19షాపుల్లో 11షాపులకు వేలం పాటలు జరిగాయి. రెండు ఖాళీ స్థలాలు, భక్తులను ఫొటోలు తీసుకునే హక్కు, మరుగుదొడ్ల నిర్వహణ వేలం పాటలు జరిగినట్లు వివరించారు. తూర్పు రాజగోపురం పక్కన ఉన్న ఖాళీ స్థలాలకు వేలం పాటలు జరగలేదు. వేలం పాటలను డివిజన్‌ అధికారి సంజీవరెడ్డి పర్యవేక్షించారు. ఈ కార్యక్రమంలో ఆలయ ధర్మకర్తలు బాలగాని శ్రీనివాస్‌, చిన్నం గణేష్‌, దొంగల జనార్దన్‌రెడ్డి, కుదురుపాక ఉప్పలయ్య, శక్రునాయక్‌, సిబ్బంది తదితరులు పాల్గొన్నారు. జీఈసీఓగా విజయలక్ష్మి బాధ్యతలుమహబూబాబాద్‌ అర్బన్‌: జిల్లా కస్తూర్బాగాంధీ విద్యాలయాల జెండర్‌ ఎడ్యుకేషన్‌ కో ఆర్డినేటర్‌ (జీఈసీఓ)గా విజయలక్ష్మి బుధవారం బాధ్యతలు స్వీకరించారు. ప్రస్తుత జీఈసీఓ గాయత్రి బయ్యారం జెడ్పీహెచ్‌ఎస్‌ బాలికల పాఠశాలకు బదిలీపై వెళ్లారు.

● వీసీలో మంత్రి పొంగులేటి శ్రీనివాస్‌రెడ్డి మహబూబాబాద్‌: భూ రీ సర్వేను వేగవంతం చేయాలని మంత్రి పొంగులేటి శ్రీనివాస్‌రెడ్డి అధికారులను ఆదేశించారు. హైదరాబాద్‌ నుంచి మంత్రి శ్రీనివాస్‌రెడ్డి బుధవారం భూ రీ సర్వే, భూ సమస్యలపై అన్ని జిల్లాల కలెక్టర్‌లతో వీడియో కాన్ఫరెన్స్‌ నిర్వహించి సమీక్షించారు. భూ రీ సర్వే పనులు వేగవంతం చేయాలని ఆదేశించారు. వీసీలో జిల్లా నుంచి కలెక్టర్‌ స్నేహశబరీష్‌, అదనపు కలెక్టర్‌ అనిల్‌కుమార్‌, సంబంధిత అధికారులు ఉన్నారు.

ఎన్‌హెచ్‌ఎం ఉద్యోగుల బాటలో ‘ఆశ’లు.. వైద్య సేవలకు ఆటంకం?హన్మకొండ అర్బన్‌ : జిల్లాలో వైద్యారోగ్య శాఖ సేవలకు ఆందోళనల సెగ తగులుతోంది. ఇప్పటికే జాతీయ ఆరోగ్య మిషన్‌ పరిధిలోని ఉద్యోగులు తమ సమస్యల పరిష్కారం కోసం నిరవధిక ఆందోళన చేపట్టి నవంబర్‌ 11 నాటికి 30 రోజులు పూర్తయ్యాయి. మరోవైపు ఆశ కార్యకర్తలు కూడా డిసెంబర్‌ 15వ తేదీ నుంచి రాష్ట్ర వ్యాప్తంగా నిరవధిక సమ్మెలోకి వెళ్లనున్నట్లు ప్రకటించారు. హనుమకొండ జిల్లాలో 700 ఆశ కార్యకర్తల పోస్టులు ఉండగా, ప్రస్తుతం 690 మంది పనిచేస్తున్నారు. అలాగే, ఎన్‌హెచ్‌ఎం పరిధిలో వైద్యులు మొదలు.. క్షేత్రస్థాయి సిబ్బంది వరకు సుమారు 15 రకాల కేడర్లలో 410 మంది ఉద్యోగులు విధులు నిర్వర్తిస్తున్నారు. ఈ రెండు వర్గాలూ ఆందోళన బాట పట్టడంతో క్షేత్రస్థాయిలో వైద్య సేవల నిర్వహణపై ప్రభావం పడే అవకాశం ఉంది. 30 రోజులుగా ఎన్‌హెచ్‌ఎం ఉద్యోగుల ఆందోళన.. రాష్ట్ర వ్యాప్తంగా సుమారు 17 వేల మంది ఎన్‌హెచ్‌ఎం ఉద్యోగులు 78 కేడర్లలో పనిచేస్తున్నారు. వైద్యులు మొదలు.. క్షేత్రస్థాయి సిబ్బంది వరకు వివిధ కేడర్లకు చెందిన ఉద్యోగులు జాయింట్‌ యాక్షన్‌ కమిటీగా ఏర్పడి తమ సమస్యల పరిష్కారం కోసం అక్టోబర్‌ 13 నుంచి నిరవధిక ఆందోళన కొనసాగిస్తున్నారు. ఉద్యోగాలను క్రమబద్ధీకరించడంతోపాటు ఉద్యోగ భద్రత కల్పించి వేతనాల పెంపు, ఇతర సమస్యలు పరిష్కరించాలని డిమాండ్‌ చేస్తున్నారు. హనుమకొండ కలెక్టరేట్‌ ఎదుట కూడా ఆందోళన చేపడుతున్నారు. నవంబర్‌ 11 నాటికి ఈ నిరసనలకు 30 రోజులు పూర్తయ్యాయి. అయినా ప్రభుత్వం నుంచి సమస్యల పరిష్కారానికి స్పష్టమైన చర్యలు కనిపించడం లేదని ఉద్యోగ సంఘాలు ఆవేదన వ్యక్తం చేస్తున్నాయి. ఇంతకాలం ఎన్‌హెచ్‌ఎం ఉద్యోగుల పనుల్లో అధిక భాగాన్ని ఆశ కార్యకర్తలతోనే చేయిస్తున్న పరిస్థితి ఉంది. ఇప్పుడు వారూ సమ్మెకు సిద్ధమవుతుండడంతో వైద్యారోగ్య శాఖ యంత్రాంగానికి మరింత ఇబ్బందికర పరిస్థితి ఎదురుకానుంది. సీఐటీయూ పరిధిలోని ‘ఆశ’లేనా.. అందరూ వస్తారా? ఎన్‌హెచ్‌ఎం ఉద్యోగులు వివిధ కేడర్లకు చెందిన వారంతా జేఏసీగా ఏర్పడి సమ్మెలో పాల్గొంటుండగా, ఆశ కార్యకర్తల సమ్మెకు సంబంధించి పరిస్థితి భిన్నంగా ఉంది. ప్రస్తుతం సీఐటీయూ అనుబంధ ఆశ వర్కర్స్‌ యూనియన్‌ ఆధ్వర్యంలో సమ్మె నోటీసులు ఇచ్చారు. దీంతో డిసెంబర్‌ 15 నుంచి సమ్మెలో కేవలం సీఐటీయూ అనుబంధంగా ఉన్న ఆశ కార్యకర్తలే పాల్గొంటారా? లేక జిల్లాలోని మొత్తం కార్యకర్తలు ఆందోళనలోకి వస్తారా? అనే అంశంపై వేచి చూడాల్సి ఉంది. ప్రత్యామ్నాయ ఏర్పాట్లు ఎలా? జిల్లాలో ఇప్పటికే ఎన్‌హెచ్‌ఎం ఉద్యోగుల విధులకు ప్రత్యామ్నాయంగా ఇతర సిబ్బందితో పనులు చేయించేందుకు అధికారులు ఇబ్బందులు పడుతున్న పరిస్థితి ఉంది. ఇప్పుడు ఆశ కార్యకర్తలు కూడా సమ్మెకు దిగితే క్షేత్రస్థాయి సేవలను కొనసాగించేందుకు ఎలాంటి ప్రత్యామ్నాయ ఏర్పాట్లు చేస్తారన్నది ప్రశ్నగా మారింది. రెండు వర్గాల ఉద్యోగుల సమస్యల పరిష్కారంపై ప్రభుత్వం స్పందించకపోతే వైద్య సేవల నిర్వహణ మరింత సవాలుగా మారే అవకాశం ఉంది.ఆశ కార్యకర్తలు క్షేత్రస్థాయిలో వైద్యారోగ్య శాఖకు కీలక సేవలు అందిస్తున్నారు. బుధ, శనివారాల్లో నిర్వహించే టీకాల పంపిణీ కార్యక్రమాలు, గర్భిణులు, బాలింతల పర్యవేక్షణ, చిన్నారుల ఆరోగ్య సంరక్షణలో వీరి పాత్ర కీలకం. కేన్సర్‌ స్క్రీనింగ్‌, కుష్ఠు వ్యాధి నివారణతో పాటు పలు జాతీయ ఆరోగ్య కార్యక్రమాలను ప్రజల్లోకి తీసుకెళ్లడంలోనూ ఆశ కార్యకర్తల సేవలు అవసరం. ఇప్పటికే ఎన్‌హెచ్‌ఎం ఉద్యోగుల ఆందోళనతో సిబ్బంది కొరతను ఎదుర్కొంటున్న ఆ శాఖ.. ఆశ కార్యకర్తలు కూడా సమ్మెకు దిగితే ఈ కార్యక్రమాలను ఎలా కొనసాగిస్తారన్నది ప్రశ్నార్థకంగా మారింది. ఇప్పటికే 30 రోజులుగా ఎన్‌హెచ్‌ఎం ఉద్యోగుల ఆందోళనలు డిసెంబర్‌ 15 నుంచి ఆశ కార్యకర్తల నిరవధిక సమ్మె క్షేత్రస్థాయిలో వైద్య సేవలపై ప్రభావం పడే అవకాశంతమకు నెలకు రూ.18 వేల స్థిర వేతనం చెల్లించడంతోపాటు ఈఎస్‌ఐ, పీఎఫ్‌ సౌకర్యాలు కల్పించి పని భారం తగ్గించాలని ఆశ కార్యకర్తలు డిమాండ్‌ చేస్తున్నారు. విధుల్లో చనిపోతే రూ.50 లక్షల బీమా, అంత్యక్రియల ఖర్చుల కింద రూ.50 వేలు ఇవ్వాలని కోరుతున్నారు. ఈ మేరకు సీఐటీయూ, బీఆర్‌టీయూ ఆధ్వర్యంలో జిల్లా వైద్యారోగ్య శాఖాధికారి, జిల్లా రెవెన్యూ అధికారికి సమ్మె నోటీసులు అందజేశారు. సమ్మె సన్నాహాల్లో భాగంగా ఈ నెల 16న జిల్లా కలెక్టరేట్‌ ముట్టడి కార్యక్రమం చేపట్టనున్నట్లు సంఘాల నాయకులు ప్రకటించారు.

● మాజీ మంత్రి దయాకర్‌రావు పాలకుర్తి టౌన్‌: పాలకుర్తి నియోజకవర్గంతో తన అనుబంధం విడదీయలేనిదని, ఈ ప్రాంతాన్ని వదిలిపెట్టే ప్రసక్తే లేదని మాజీ మంత్రి ఎర్రబెల్లి దయాకర్‌రావు అన్నారు. మండల కేంద్రంలో చేపడుతున్న సొంతింటి నిర్మాణ పనులను బుధవారం పరిశీలించిన అనంతరం ఆయన మాట్లాడారు. పాలకుర్తి తనకు కేవలం రాజకీయ వేదిక మాత్ర మే కాదని, ప్రాణంతో సమానమన్నారు. ప్రజల మధ్య ఉంటూ వారి సమస్యలు పరిష్కరిస్తాన్నారు. సమావేశంలో బీఆర్‌ఎస్‌ మండల మాజీ అధ్యక్షులు పసునూరి నవీన్‌, వినయ్‌రావు, అశోక్‌రెడ్డి, నల్ల నాగిరెడ్డి, పాము శ్రీనివాస్‌, మహేందర్‌నాయక్‌, మామిండ్ల శోభన్‌బాబు, అంజయ్య, తదితరులు పాల్గొన్నారు. ఎర్రబెల్లి సమక్షంలో బీఆర్‌ఎస్‌లో చేరిక.. బీఆర్‌ఎస్‌ జిల్లా నాయకుడు ఐలేని సుధాకర్‌రెడ్డి ఆధ్వర్యంలో బుధవారం మాజీ మంత్రి ఎర్రబెల్లి దయాకర్‌రావు సమక్షంలో మండలంలో ని శాతాపురం గ్రామానికి చెందిన కాంగ్రెస్‌ నాయకులు రావుల నర్స య్య, రమేశ్‌, మహేశ్‌, గన్న అజయ్‌రెడ్డి, లాకావత్‌ బుచ్చమ్మ, గన్న నర్సి రెడ్డి కుటుంబాలు బీఆర్‌ఎస్‌లో చేరాయి.

● ముగిసిన రాష్ట్ర స్థాయి ఎస్‌జీఎఫ్‌ అథ్లెటిక్స్‌ పోటీలువరంగల్‌ స్పోర్ట్స్‌ : హనుమకొండలోని జేఎన్‌ స్టేడియంలో రెండు రోజులపాటు నిర్వహించిన 70వ తెలంగాణ రాష్ట్ర స్థాయి ఎస్‌జీఎఫ్‌ అండర్‌–14 బాలబాలికల అథ్లెటిక్స్‌ పోటీలు బుధవారం ముగిశాయి. ఈ పోటీల్లో 50 పాయింట్లతో రంగారెడ్డి జిల్లా ఓవరాల్‌ చాంపియన్‌గా నిలిచింది. బాలుర విభాగంలో 29 పాయింట్లతో ఆదిలాబాద్‌ జిల్లా ప్రథమ, 19 పాయింట్లతో రంగారెడ్డి జిల్లా ద్వితీయ స్థానాలు సాధించాయి. బాలికల విభాగంలో 31 పాయింట్లతో రంగారెడ్డి జిల్లా ప్రథమ, 24 పాయింట్లతో ఖమ్మం జిల్లా ద్వితీయ స్థానంలో నిలిచాయి. ముగింపు కార్యక్రమానికి ముఖ్య అతిథిగా హాజరైన జిల్లా యువజన, క్రీడల అధికారి కొత్త ప్రశాంత్‌ విజేతలకు బహుమతులు, ప్రశంస పత్రాలు అందజేశారు. తెలంగాణ అథ్లెటిక్స్‌ అసోసియేషన్‌ ప్రధాన కార్యదర్శి కె. సారంగపాణి, ఖేలో ఇండియా అథ్లెటిక్స్‌ కోచ్‌ మహమ్మద్‌ గౌస్‌ తదితరులు పాల్గొని క్రీడాకారులను అభినందించారు. కార్యక్రమంలో పీఈటీ అసోసియేషన్‌ అధ్యక్షుడు ఎ. ప్రభాకర్‌ రెడ్డి, ఆర్గనైజింగ్‌ సెక్రటరీ వి. వాసుదేవరావు, పలువురు ఫిజికల్‌ డైరెక్టర్లు పాల్గొన్నారు.

● హనుమకొండ అదనపు కలెక్టర్‌ రవికమలాపూర్‌ : విద్యార్థులు చదువుతో పాటు క్రీడల్లో రాణించాలని హనుమకొండ అదనపు కలెక్టర్‌ ఎన్‌.రవి సూచించారు. బుధవారం మండల కేంద్రంలోని ఎంజేపీ (బాలికల)లో వరంగల్‌ ఉమ్మడి జిల్లాస్థాయి అండర్‌–14, 17, 19 విభాగాల్లో ఎంజేపీ పాఠశాలలు, కళాశాలల బాలికల క్రీడా పోటీలు (కబడ్డీ, ఖోఖో, వాలీబాల్‌, టెన్నికాయిట్‌, చెస్‌, క్యారం్స, అథ్లెటిక్స్‌) ప్రారంభించి మాట్లాడారు. క్రీడలతో క్రమశిక్షణ, నాయకత్వ లక్షణాలు పెంపొందుతాయని, శారీరక, మానసిక వికాసానికి క్రీడలు ఎంతో దోహదపడుతాయన్నారు. కాగా, పోటీల ప్రారంభోత్సవం సందర్భంగా విద్యార్థులు నిర్వహించిన సాంస్కృతిక కార్యక్రమాలు అలరించారు. ఎంజేపీ హనుమకొండ జిల్లా డీసీఓ స్టెల్లా, స్థానిక ఎంజేపీ ప్రిన్సిపాళ్లు సౌజన్య, రవీందర్‌, తహసీల్దార్‌ సురేశ్‌కుమార్‌, ఉమ్మడి జిల్లా డీసీఓలు, వివిధ ఎంజేపీ పాఠశాలలు, కళాశాలల ప్రిన్సిపాళ్లు, పీఈటీలు, అధ్యాపకులు, ఉపాధ్యాయులు పాల్గొన్నారు.

కాశిబుగ్గ: వరంగల్‌లోని కాకతీయ మెడికల్‌ కళాశాలను తెలంగాణ రాష్ట్రంలో అగ్రస్థానంలో నిలుపు తూ పేరు తీసుకురావాలని కాళోజీ నారాయణరావు హెల్త్‌ యూనివర్సిటీ వైస్‌ చాన్స్‌లర్‌ రమేశ్‌రెడ్డి అన్నారు. బుధవారం రాత్రి కేఎంసీలో ‘ఉత్కర్ష’– 2026 వేడుకలు (వార్షిక కళాశాల వేడుకలు) ఘనంగా ప్రారంభమయ్యాయి. ఈ వేడుకలకు ఆయన ముఖ్య అతిథిగా హాజరై మాట్లాడుతూ కాకతీయ మెడికల్‌ కళాశాలకు నాటి నుంచి గొప్ప పేరు ఉందని, ప్రస్తుతం హైదరాబాద్‌ తర్వాత వరంగల్‌ను పెద్ద నగరంగా తీర్చిదిద్దుతున్నారన్నారు. విద్యార్థులు కష్టపడి చదువుతూ ఈ కళాశాల పేరు నిలపాలని సూచించారు. ఈ సందర్భంగా కేఎంసీతో తనకున్న అనుబంధాన్ని గుర్తు చేసుకున్నారు. బిజీ షెడ్యూల్‌ నుంచి కొంత ఉపశమనం కోసం ఉత్కర్ష వేడుకలు ఏడు రోజుల పాటు జరుపుకోవడం ఆనందంగా ఉందన్నారు. సమావేశంలో కేఎంసీ ప్రిన్సిపాల్‌ దివ్వెల మోహన్‌దాస్‌, ఎంజీఎం సూపరింటెండెంట్‌ రాంకుమార్‌రెడ్డి, పలువురు వైద్యులు, కమిటీ సభ్యులు పాల్గొన్నారు. అనంతరం ఉత్కర్ష–2026 లోగోను వీసీ రమేశ్‌రెడ్డి ఆవిష్కరించారు. డ్రగ్స్‌ రహిత సమాజ నిర్మాణానికి కృషి చేయాలి డ్రగ్స్‌ రహిత సమాజ నిర్మాణంలో యువత కీలక పాత్ర పోషించాలని వరంగల్‌ పోలీస్‌ కమిషనర్‌ ఎన్‌. శ్వేత అన్నారు. బుధవారం కాకతీయ వైద్య కళాశాల ఉత్కర్ష–2026 భాగంగా ‘నశా ముక్త్‌ భార త్‌ అభియాన్‌’పై ప్రజల్లో అవగాహన కల్పించడానికి కళాశాల విద్యార్థులు హెల్త్‌ రన్‌, ప్లాష్‌మాబ్‌ నిర్వహించారు. కేఎంసీ నుంచి హనుమకొండ పోలీస్‌ హెడ్‌క్వార్టర్‌ వరకు నిర్వహించిన కార్యక్రమలో సీపీ పాల్గొని మాట్లాడారు. తెలంగాణలో గుర్తింపు పొందిన విద్యాసంస్థ కాకతీయ వైద్య కళాశాల విద్యార్థులు డ్రగ్స్‌ వ్యతిరేక సందేశాన్ని సమాజంలోని అన్ని వర్గాలు, ముఖ్యంగా యువతకు చేరవేయడం అభినందనీయమన్నారు. అనంతరం విద్యార్థులతో ప్రతిజ్ఞ చేయించారు. ఆకట్టుకున్న విద్యార్థుల ప్రదర్శనలు.. కేఎంసీ నుంచి పోలీసు హెడ్‌క్వార్టర్‌ వరకు నిర్వహించిన కార్యక్రమంలో భాగంగా వైద్య కళాశాల విద్యార్థులు నాటక, నృత్య ప్రదర్శనల ద్వారా మాదక ద్రవ్యాల వినియోగంతో కలిగే అనర్థాలను వివరించారు. ఇవి ఆకట్టుకున్నాయి. అనంతరం పోలీసు హెడ్‌క్వార్టర్‌ గ్రౌండ్‌లో ‘సే నో టు డ్రగ్స్‌’ అనే నినాదంతో మానవహారం ఏర్పాటు చేశారు. సెంట్రల్‌ జోన్‌ డీసీపీ దార కవిత, వరంగల్‌ ఇన్‌చార్జ్‌ ఏసీపీ నరసింహారావు, సీఐలు నడిపల్లి కరుణాకర్‌, మచ్చ శివకుమార్‌, డ్రగ్స్‌ కంట్రోల్‌ టీం ఇన్‌స్పెక్టర్‌ సాయి రమణ, కేఎంసీ ప్రిన్సిపాల్‌ డి.మోహన్‌దాస్‌, ప్రవీణ్‌, హెల్త్‌రన్‌ కో ఆర్డినేటర్లు షణ్ముఖ్‌, వసంత్‌, కేఎంసీ, నర్సింగ్‌ కళాశాల విద్యార్థులు పాల్గొన్నారు. కాళోజీ నారాయణరావు హెల్త్‌ యూనివర్సిటీ వీసీ రమేశ్‌ రెడ్డి ‘ఉత్కర్ష’ –2026 వేడుకలు ప్రారంభం

జనగామ రూరల్‌ : జనగామ జిల్లా క్రీడా రంగం మరో ప్రతిష్టాత్మక ఘట్టానికి వేదిక కానుంది. స్కూల్‌ గేమ్స్‌ ఫెడరేషన్‌ ఆధ్వర్యంలో 14 సంవత్సరాల లోపు బాలబాలికలకు సంబంధించిన రాష్ట్రస్థాయి సెపక్‌ తక్రా క్రీడా పోటీలు, ఎంపికలు గురువారం నుంచి ఈ నెల 14వ తేదీ వరకు జిల్లా కేంద్రంలోని ధర్మకంచ మినీ స్టేడియంలో నిర్వహించనున్నారు. ఈ రాష్ట్రస్థాయి పోటీల్లో ఉమ్మడి 10 జిల్లాల నుంచి సుమారు 100 మంది క్రీడాకారులు, 40 మంది కోచ్‌లు, మేనేజర్లు, 15 మంది టెక్నికల్‌ అధికారులతో పాటు స్థానిక పీఈటీలు, పీడీలు పాల్గొననున్నారు. పకడ్బందీ ఏర్పాట్లు.. రాష్ట్రస్థాయి క్రీడా పోటీలు విజయవంతంగా నిర్వహించేందుకు కలెక్టర్‌ సందీప్‌కుమార్‌ ఝా ఆధ్వర్యంలో జిల్లా యంత్రాంగం పకడ్బందీ ఏర్పాట్లు చేపట్టింది. భద్రత, వైద్య సేవలు, తాగునీరు, పారిశుద్ధ్యం, వసతి, రవాణా, క్రీడా ప్రాంగణానికి సంబంధించిన అన్ని సదుపాయాలు సిద్ధం చేశారు. బాలబాలికలకు ప్రత్యేక వసతి.. పోటీల్లో పాల్గొనే బాలికలు, వారితో పాటు వచ్చే మహిళా ఎస్కార్ట్‌ ఉపాధ్యాయుల కోసం ఎంజేపీపెంబర్తి పాఠశాలలో ప్రత్యేక సౌకర్యాలు ఏర్పాటు చేశారు. అదే విధంగా బాలురకు వారితో పాటు వచ్చే పురుష ఎస్కార్ట్‌ ఉపాధ్యాయుల కోసం స్థానిక మైనారిటీ రెసిడెన్షియల్‌ పాఠశాలలో వసతి సౌకర్యాలు కల్పించారు. నేటినుంచి 14వ తేదీ వరకు సెపక్‌ తక్రా పోటీలు ధర్మకంచ మినీ స్టేడియంలో నిర్వహణ హాజరుకానున్న 100 మంది క్రీడాకారులు, 40 మంది కోచ్‌లు

● అదనపు కలెక్టర్‌ అనిల్‌కుమార్‌ మహబూబాబాద్‌: విద్యారంగానికి మౌలానా అబుల్‌ కలాం ఆజాద్‌ చేసిన సేవలు చిరస్మరణీయమని అదనపు కలెక్టర్‌ అనిల్‌కుమార్‌ కొనియాడారు. కలెక్టరేట్‌లోని ప్రధాన సమావేశ మందిరంలో బుధవారం జిల్లా మైనార్టీ సంక్షేమశాఖ ఆధ్వర్యంలో మౌలానా అబుల్‌ కలాం ఆజాద్‌ 138వ జయంతి కార్యక్రమం నిర్వహించారు. ఈసందర్భంగా అనిల్‌కుమార్‌ మాట్లాడుతూ.. విద్యా వైతాళికుడు, భారతదేశ తొలి విద్యాశాఖ మంత్రి ఆజాద్‌ జీవితం నేటి యువతకు ఆదర్శనీయమన్నారు. ఆధునిక విద్యా విధానాలు, విద్యా ప్రణాళికల రూపకల్పనలో ఆయన కీలక పాత్ర పోషించారన్నారు. దేశ అవసరాలకు అనుగుణంగా నూతన విద్యా విధానానికి పునాదులు వేశారన్నారు. విద్యారంగానికి ఆయన చేసిన సేవలు నేటి యువత స్ఫూర్తిగా తీసుకొని చదువుకు ప్రాధాన్యం ఇస్తూ దేశాభివృద్ధిలో భాగస్వాములు కావాలని పిలుపునిచ్చారు. కార్యక్రమంలో డీఆర్వో నాగలక్ష్మి, డీపీఆర్వో రాజేంద్రప్రసాద్‌, సంబంధిత అధికారులు తదితరులు పాల్గొన్నారు. బ్యాంకు గ్యారంటీలు సమర్పించాలిఅర్హత కలిగిన మిల్లర్లు అగ్రిమెంట్‌, బ్యాంకు గ్యారంటీలను వెంటనే సమర్పించాలని అదనపు కలెక్టర్‌ అనిల్‌కుమార్‌ అన్నారు. జిల్లా కేంద్రంలోని కలెక్టరేట్‌లో బుధవారం రైస్‌మిల్లర్లతో సమావేశం నిర్వహించారు. ఈసందర్భంగా అదనపు కలెక్టర్‌ మాట్లాడుతూ.. సీఎంఆర్‌ రోజువారి లక్ష్యాలకు అనుగుణంగా డెలివరీ చేయాలన్నారు. సమావేశంలో డీసీఎస్‌ఓ రమేశ్‌, సివిల్‌ సప్లయీస్‌ ఇన్‌చార్జ్‌ మేనేజర్‌ మనోజ్‌, సంబంఽధిత అధికారులు తదితరులు పాల్గొన్నారు.

మరిపెడ రూరల్‌: మరో నాలుగు రోజుల్లో ఆ ఇంట్లో శుభకార్యం జరగాల్సి ఉండగా, విధి వక్రించింది. కుటుంబంలో ఆనందోత్సాహాలు నింపాల్సిన వేళ మృత్యువు కారు రూపంలో దూసుకొచ్చి దంపతులను బలిగొంది. శుభకార్యానికి అవసరమైన సామగ్రి కొనుగోలు చేసేందుకు బైక్‌పై మరిపెడకు బయలుదేరిన దంపతులు రోడ్డు ప్రమాదంలో ప్రాణాలు కోల్పోయారు. ఈ ఘటన బుధవారం మహబూ బాబాద్‌ జిల్లా మరిపెడ మండలం బాల్నిధర్మారం స్టేజీ సమీపం 365 జాతీయ రహదారిపై చోటు చే సుకుంది. స్థానికులు తెలిపిన వివరాల ప్రకారం.. మరిపెడ మండలం లచ్చతండా జీపీకి చెందిన బానోత్‌ సామా(45), పద్మ (4 3) దంపతులు వ్యవసాయం చేసుకుంటూ జీవనం సాగిస్తున్నారు. వీరికి ఓ కుమార్తె, ఇద్దరు కుమారులు ఉన్నారు. ఈ నెల 16వ తేదీన చిన్నకుమారుడు సుధాకర్‌ నిశ్చితార్థం జరగాల్సి ఉంది. దీంతో శుభకార్యానికి కావాల్సిన సామగ్రి కొనుగోలు నిమిత్తం దంపతులు బైక్‌పై మరిపెడకు బయలుదేరారు. ఈ క్రమంలో సూర్యాపేట నుంచి మహబూబాబాద్‌ వైపునకు వెళ్తున్న కారు బాల్నిధర్మారం స్టేజీ సమీ పంలో ఎదురుగా ఆగి ఉన్న లారీ దాటే క్రమంలో అదుపు తప్పి ఎదురుగా వస్తున్న బైక్‌ను ఢీకొంది. ఈ ప్రమాదంలో సామా, పద్మ దంపతులు ఎగిరి రోడ్డు అవతల పడడంతో తీవ్ర గాయాలై అక్కడికక్కడే దుర్మరణం చెందారు. సమాచారం అందుకున్న ఎస్సై వెంకన్న ఘటనా స్థలికి చేరుకుని ప్రమాదతీరును పరిశీలించి విచారణ చేపట్టారు. కాగా, తల్లిదండ్రులిద్దరు ఒకేసారి మృతి చెందడంతో కుటుంబ సభ్యుల రోదనలు మిన్నంటాయి. పెళ్లి బాజాలు మోగాల్సిన ఇంట్లో చావు డప్పు వినిపించడంతో గ్రామస్తులు కన్నీటిపర్యంతమయ్యారు. రోడ్డు ప్రమాదంలో దంపతుల దుర్మరణం నిశ్చితార్థ వేడుకకు సిద్ధమవుతున్న ఇంట్లో తీరని లోటు

కురవి: అనుమానాస్పద స్థితిలో ఓ వృద్ధురాలు మృతి చెందింది. ఈ ఘటన మహబూబాబాద్‌ జిల్లా కు రవి మండలం నేరడలో బుధవా రం ఆలస్యంగా వెలుగు చూసింది. పోలీసుల కథనం ప్రకారం.. గ్రామానికి చెందిన బు ర్ర యశోద (75)కు ఇద్దరు కుమార్తెలు, ఒక కుమారుడు ఉన్నారు. పెద్ద కుమార్తె సరోజనకు వివాహం కాగా చిన్న కుమార్తె శ్రీలత (మానసిక దివ్యాంగురాలు) ఇంట్లోనే ఉంటుంది. కుమారుడు లింగన్నకు పెళ్లి కాగా ఆ ఇంట్లోనే ఉంటుండగా అతడి భార్య తన తల్లిగారివద్ద ఉంటోంది. ఈక్రమంలో యశోద ను కొంతకాలం క్రితం ఓ వృద్ధాశ్రమంలో చేర్పించా రు. కొన్ని రోజుల క్రితం మళ్లీ నేరడలోని ఇంటికి వచ్చింది. ప్రస్తుతం ముగ్గురు ఒకే ఇంట్లో ఉంటున్నారు. ఈక్రమంలో యశోద ఇంట్లోనే చద్దర్లు కప్పుకుని నిద్రిస్తున్నట్లు చనిపోయి ఉంది. ఈ ఘటన సు మారు పది రోజుల క్రితం జరిగినట్లు కనిపిస్తోంది. మృతదేహం ఇంట్లోనే ఉండగా కుమారుడు, కుమా ర్తె రోజువారీ కార్యక్రమాలు(ఆహారం వండుకోవడంతోపాటు ఇతర పనులు) చేసుకుంటున్నారు. రెండుమూడు రోజుల నుంచి దుర్వాసన వస్తుండడంతో స్థానికులు పరిశీలించారు. నిద్రిస్తున్నట్లు కని పిస్తూ ఎముకలు బయటకు వచ్చాయి. దీంతో వా రు వెంటనే పోలీసులతోపాటు పెద్ద కుమార్తెకు సమాచారమిచ్చారు.ఎస్సై సతీశ్‌, మహబూబాబాద్‌ రూరల్‌ సీఐ అంజలి ఘటనాస్థలికి చేరుకుని పరిస్థితిని సమీక్షించారు. తమ అమ్మను కుమారుడు లింగన్న చంపాడని అనుమానం వ్యక్తం చేస్తూ మృతురాలి పెద్ద కుమార్తె సరోజన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. అస్థిపంజరమైన మృతదేహం ఆలస్యంగా గుర్తింపు

● ఓఎస్‌డీ వెంకట్రామ్‌రెడ్డి కేయూ క్యాంపస్‌: విద్యార్థులు చదువుతోపాటు తమకిష్టమైన క్రీడల్లోనూ రాణించాలని కేయూ ఓఎస్‌డీ బి. వెంకట్రామ్‌రెడ్డి అన్నారు. కాకతీయ యూనివర్సిటీ పరిధిలోని ఉమ్మడి వరంగల్‌, ఆదిలాబాద్‌, ఖమ్మం జిల్లాల్లో ఇటీవల నిర్వహించిన క్రికెట్‌ టోర్నమెంట్‌లలో విజేత జట్లతో ఇంటర్‌ జోనల్‌ పురుషుల క్రికెట్‌ టోర్నమెంట్‌ను మంగళవారం కేయూలోని స్పోర్ట్స్‌ గ్రౌండ్‌లో నిర్వహించారు. ఓఎస్‌డీ బి. వెంకట్రామ్‌రెడ్డి ముఖ్యఅతిథిగా పాల్గొని టోర్నమెంట్‌ను ప్రారంభించి మాట్లాడారు. విద్యార్థుల క్రీడల్లో స్ఫూర్తితో పాల్గొనాలని కోరారు. తొలుత ఉమ్మడి ఆదిలాబాద్‌ జట్టు.. ఉమ్మడి వరంగల్‌ క్రికెట్‌ జట్టుతో తలపడింది. ఇందులో ఉమ్మడి వరంగల్‌ విజయం సాధించింది. బుధవారం కూడా ఈపోటీలు కొనసాగుతాయి. ఇందులో ప్రతిభ చూపిన క్రీడాకారులను సౌత్‌జోన్‌ ఇంటర్‌ యూనివర్సిటీ క్రికెట్‌ టోర్నమెంట్‌కు ఎంపిక చేస్తారని కేయూ స్పోర్ట్స్‌ బోర్డు సెక్రటరీ టి. శాస్త్రి తెలిపారు. ఇంటర్‌కాలేజియెట్‌ క్రీడల ఇన్‌చార్జ్‌ ఎస్‌. కుమార్‌, ఫిజికల్‌ డైరెక్టర్ల అసోసియేషన్‌ కేయూ అధ్యక్షుడు జె. సోమన్న, ఫిజికల్‌ డైరెక్టర్లు వెంకన్న, గోపికృష్ణ, మట్టెడ కుమారస్వామి, అప్జల్‌ అస్లాం, తదితరులు పాల్గొన్నారు.

బుధవారం శ్రీ 11 శ్రీ నవంబర్‌ శ్రీ 20267ఈనెల 21, 22, 23వ తేదీల్లో ఇన్‌స్పైర్‌ పోటీలు ● ఎంపికై న ఒక్కో విద్యార్థి అకౌంట్‌లో రూ.10వేలు జమ ● పలువురు విద్యార్థుల తల్లిదండ్రులు, సైన్స్‌ టీచర్లు వాడుకున్నట్లు ఆరోపణలు ● ఎగ్జిబిట్స్‌ తయారీలో టీచర్స్‌, విద్యార్థుల నిమగ్నంసాక్షి, మహబూబాబాద్‌: విద్యార్థుల్లోని ప్రతిభను గుర్తించి ప్రోత్సాహకం అందిస్తే అద్భుతాలు ఆవిష్కరిస్తారు. ఈమేరకు జిల్లాలోని ప్రభుత్వ పాఠశాలల విద్యార్థులకు ఇన్‌స్పైర్‌ పోటీలు నిర్వహించనున్నారు. ఈనెల 21 నుంచి 23వ తేదీ వరకు మూడు రోజుల పాటు ఎగ్జిబిట్స్‌ ప్రదర్శించనున్నారు. కాగా, జిల్లాలో ఎంపికై న ఒక్కో విద్యార్థి ఖాతాల్లో రూ.10వేలు జమ చేశారు. అయితే ఈ నిధులను పలువురు విద్యార్థుల తల్లిదండ్రులు, సైన్స్‌ టీచర్లు వాడుకున్నట్లు ఆరోపణలు వస్తున్నాయి. ఇదిలా ఉండగా పలువులు ఉపాధ్యాయులు, విద్యార్థులు ఎగ్జిబిట్స్‌ తయారీలో నిమగ్నమై ఉంటే.. మరికొందరు అదేరోజు మొక్కుబడిగా ఎగ్జిబిట్స్‌ తయారు చేసి తెచ్చే అవకాశం ఉందని విమర్శలు వస్తున్నాయి. 72 ఇన్‌స్పైర్‌ ప్రదర్శనలు.. ప్రభుత్వ పాఠశాలల్లో చదివే విద్యార్థులను ఇన్‌స్పైర్‌ ప్రదర్శనలకు ఎంపిక చేశారు. జిల్లాలోని 72 మంది విద్యార్థుల ఖాతాల్లో రూ.10వేల చొప్పున జమ చేశారు. అయితే ఇందులో కొందరు విద్యార్థులు పాఠశాల సైన్స్‌ టీచర్ల సమక్షంలో డబ్బులను డ్రా చేసి కావాల్సిన వస్తువులు, రసాయనాలు, విద్యుత్‌ పరికరాలను కొనుగోలు చేసి ఎగ్జిబిట్స్‌ తయారు చేసే పనిలో ఉన్నారు. మరికొందరు విద్యార్థుల ఖాతాల్లోని డబ్బులు వారి తల్లిదండ్రులు డ్రాచేసినట్లు తెలిసింది. ఇంకొందరి విద్యార్థుల ఖాతాల్లో పడిన డబ్బులను సైన్స్‌ టీచర్లు తీసుకొని వాడుకున్నట్లు ఆరోపణలు వస్తున్నాయి. ఇలాంటి పరిస్థితుల్లో ఎవరు ఎగ్జిబిట్లను తయారు చేసి ప్రదర్శిస్తారో తెలియని పరిస్థితి ఉంది. మూడు ప్రదర్శనలు ఒకేచోట.. ప్రతీ సంవత్సరం ఇన్‌స్పైర్‌, జిల్లా సైన్స్‌ఫెయిర్‌, పీఎం శ్రీ పాఠశాలల సైన్స్‌ఫెయిర్‌ వేరువేరుగా నిర్వహిస్తున్నారు. కానీ, ప్రస్తుతం ఒకేసారి మూడు ప్రదర్శనల నిర్వహణకు అధికారులు సన్నాహాలు చేయడంపై విమర్శలు వస్తున్నాయి. ఏడు రకాల థీమ్స్‌తో సైన్స్‌ఫెయిర్‌ ప్రదర్శనలు తయారు చేయాల్సి ఉంది. ఇందులో ప్రధానంగా మెరుగైన జీవితం కోసం ఏఐ, పర్యావరణ పరిరక్షణ, గణిత నమూనాల రూపకల్పన, ఆరోగ్యం, పరిశుభ్రత, పారిశుద్ధ్యం, స్వదేశీ వ్యవసాయ పద్ధతులు, గ్రామీణ ప్రాంతాల అభివృద్ధికి విజ్ఞానం, విపత్తుల నివారణ మార్గాలపై ప్రదర్శనలు ఉండాలి. అలాగే ఇన్‌స్పైర్‌లో ప్రజల మెరుగైన జీవనం, సమస్యల పరిష్కారానికి వినూత్న ఆలోచనలపై ఎగ్జిబిట్స్‌ తయారు చేయాలి. పీఎం శ్రీ పోటీల్లో కూడా శాస్త్ర విజ్ఞానం ప్రజల అవసరాలు, జీవనం మెరుగు పడేందుకు దోహదపడాలి. అయితే వీటన్నింటిని ఒకేచోట ప్రదర్శిస్తే అంతా గందరగోళంగా ఉంటుందని, న్యాయ నిర్ణేతలు కూడా ఎంపికలో ఇబ్బందులు పడే అవకాశం ఉందని ఉపాధ్యాయులు చెబుతున్నారు. విద్యార్థుల్లో ప్రతిభను వెలికితీయాలివిద్యార్థుల్లో దాగి ఉన్న ప్రతిభను వెలికి తీసేందుకు సైన్స్‌ఫెయిర్‌, ఇన్‌స్పైర్‌ పోటీలు నిర్వహిస్తున్నారు. ఉపాధ్యాయులు మంచి ఎగ్జిబిట్స్‌ ఎంపిక చేసి విద్యార్థులతో చేయించాలి. వారిలోని ప్రతిభకు పదును పెట్టాలి. ఇన్‌స్పైర్‌ డబ్బులను సద్వినియోగం చేయాలి. మొక్కుబడి ప్రదర్శలు తెస్తే ఉపాధ్యాయుడిపై శాఖాపరమైన చర్యలు తీసుకుంటాం. – అనిల్‌ కుమార్‌, అదనపు కలెక్టర్‌(ఇన్‌చార్జ్‌ డీఈఓ)

హసన్‌పర్తి : హనుమకొండ జిల్లా హసన్‌పర్తి మండలం సీతంపేటలో సందడి వాతావరణం నెలకొంది. గ్రామంలో మూడు రోజుల పాటు సాగిన దీపావళి బతుకమ్మ వేడుకలు మంగళవారం భక్తి శ్రద్ధలతో ముగిశాయి. నేతకాని కులస్తులకే ఈ వేడుకలు ప్రత్యేకం. ఉత్సవాల్లో భాగంగా చివరి రోజు బతుకమ్మ వేడుకలు వైభవంగా నిర్వహించారు. తీరొక్క పూలతో బతుకమ్మలు పేర్చి సా యంత్రం మహిళలు, పురుషులు భారీ ప్రదర్శన నిర్వహించారు. గ్రామం నుంచి సాయంత్రం 5 గంటలకు బయలుదేరిన బతుకమ్మల భారీ ప్రదర్శన సాయంత్రం 7 గంటల వరకు సాగింది. ఈ సందర్భంగా యువకులు కోలాటాలు చేస్తూ ముందుకు సాగారు. మళ్లీ రావమ్మ గౌరమ్మ అంటూ భక్తి గీతాలు ఆలపిస్తూ బతుకమ్మలతో మహిళలు ముందుకు సాగారు. అనంతరం స్థానిక చెరువు వద్ద బతుకమ్మ ఆడి అనంతరం నిమజ్జనం చేశారు. హాజరైన ఎమ్మెల్యే, డీసీసీ అధ్యక్షులు, మాజీఎమ్మెల్యేలు కాగా, ఈవేడుకలకు స్థానిక ఎమ్మెల్యే కె.ఆర్‌. నాగరాజు, మాజీ ఎమ్మెల్యే అరూరు రమేశ్‌, డీసీ సీ అధ్యక్షులు ఇనుగాల వెంకట్రాంరెడ్డి, మహ్మద్‌ అయూబ్‌ హాజరయ్యారు. ఈ సందర్భంగా వారు బతుకమ్మలను ఎత్తుకుని మహిళలను అనుసరించారు. అనంతరం మహిళలతో కలిసి బతుకమ్మ ఆడారు. సర్పంచ్‌ మేక రమ్య, మాజీ సర్పంచ్‌ శరత్‌, మాజీ ఎంపీటీసీ సభ్యులు రజిత, గిన్నారపు సుగుణ, పీఏసీఎస్‌ మాజీచైర్మన్‌ తోకల లక్ష్మారెడ్డి, ఎన్‌ఎస్‌యూఐ మాజీ జిల్లా అధ్యక్షుడు వీసం సురేందర్‌రెడ్డి, కాంగ్రెస్‌ డివిజన్‌ అధ్యక్షుడు కిరణ్‌, గాంధీ తదితరులు పాల్గొన్నారు. సీతంపేటలో బతుకమ్మలతో భారీ ప్రదర్శన ముగిసిన ఉత్సవాలు

● మార్కెట్‌లో రైతుల ఆందోళన కేసముద్రం: కేసముద్రం వ్యవసాయ మార్కెట్‌లో ధాన్యం ధరను భారీగా తగ్గించారంటూ రైతులు ఆందోళనకు దిగారు. మంగళవారం మార్కెట్‌కు 3,991 బస్తాల ధాన్యం అమ్మకానికి రాగా, వ్యాపారులు ఇ–నామ్‌ టెండర్లు వేశారు. అయితే పలువురు రైతులకు చెందిన సన్నరకం ధాన్యం క్వింటా ధర రూ.2,500 వరకు పలికింది. దీంతో రైతులు ఆగ్రహం వ్యక్తం చేశారు. క్వింటా పచ్చి వడ్లను రూ.3వేల వరకు ధరపెట్టి కొనుగోలు చేస్తున్నారని, మార్కెట్‌లో ఒక్కసారిగా ధర తగ్గించడం ఏమిటని ఆందోళనకు దిగారు. మార్కెట్‌ కార్యాలయం వద్దకు చేరుకుని కావాలనే తమ ధాన్యానికి తక్కువ ధర పెట్టారని అధికారుల దృష్టికి తీసుకెళ్లారు. కాగా తేమ ఎక్కువ ఉండడంతోనే ధర తక్కువ పడిందని సదరు వ్యాపారి చెప్పుకొచ్చారు. తేమ సాకు చూపుతూ తమ ధాన్యానికి ధరను అమాంతం తగ్గిస్తారా అంటూ మార్కెట్‌ ఎదుట ప్రధాన రహదారిపై రైతులు రాస్తారోకో చేపట్టారు. బుధవారం మరోసారి టెండర్‌ వేయిస్తామని మార్కెట్‌ అధికారులు సర్దిచెప్పడంతో రైతులు శాంతించారు.

కురవి: కార్తీకమాసం ప్రారంభోత్సవం సందర్భంగా మండల కేంద్రంలోని భద్రకాళీ సమే త వీరభద్రస్వామి ఆలయంలో ఆకాశదీప పూ జలను మంగళవారం రాత్రి భక్తిశ్రద్ధలతో నిర్వహించారు. అర్చకుల వేదమంత్రోచ్ఛరణల నడుమ పూజలు జరిగాయి. పూజలో ఆలయ చైర్మన్‌ కొర్ను రవీందర్‌రెడ్డి, ఈఓ సత్యనారా యణ పాల్గొన్నారు. మహిళా భక్తులు అధికంగా పూజల్లో పాల్గొని తమ భక్తిని చాటుకున్నారు. పూజల అనంతరం ఈఓ సత్యనారా యణ ధ్వజస్తంభంపైకి దీపాన్ని లాగారు. ధ్వజస్తంభంపై అఖండదీపం భక్తులకు దర్శనమిచ్చింది. తొలుత ఆలయంలో వీరభద్రస్వామికి సంపూర్ణాభిషేక పూజలు చేశారు. బాపట్ల బీచ్‌కు ఆర్టీసీ ప్రత్యేక యాత్ర బస్సునెహ్రూసెంటర్‌: మహబూబాబాద్‌ ఆర్టీసీ డిపో నుంచి ఈ నెల 14న (శనివారం) ఉదయం 4గంటలకు బాపట్ల బీచ్‌కు ఆర్టీసీ ప్రత్యేక యాత్ర డీలక్స్‌ బస్సు నడపనున్నట్లు డిపో మేనేజర్‌ వి.కల్యాణి మంగళవారం తెలిపారు. బాపట్ల నుంచి తిరిగి అదేరోజు రాత్రి 11 గంటలకు బస్సు డిపోకు చేరుకుంటుందన్నారు. యాత్రలో భాగంగా పెద్దలకు రూ. 1000, పిల్లలకు రూ.500 చార్జీలుగా నిర్ణయించినట్లు తెలిపారు. బుకింగ్స్‌ కోసం 99592 26054, 91216 04919, 99482 14022 నంబర్లను సంప్రదించాలని సూచించారు. పాకాల నుంచి ఎత్తిపోతలకు అధికారుల సర్వేకొత్తగూడ: పాకాల సరస్సు నుంచి మండల పరిధిలోని గ్రామాలకు సాగునీరు అందించేందుకు నీటి పారుదల శాఖ అధికారులు మంగళవారం సర్వే నిర్వహించారు. పాకాల సరస్సు నుంచి మండలంలోని పంటలకు లిఫ్ట్‌ ఇరిగేషన్‌ ద్వారా సాగు నీరు అందించేందుకు చర్యలు తీసుకోవాలని పంచాయతీరాజ్‌ శాఖ మంత్రి సీతక్క ఇటీవల అధికారులకు సూచించారు. ఈమేరకు ఐబీ ఎస్‌ఈ స్వామి, ఈఈ నారాయణ, డీఈఈ రాజు నీటిని తరలించేందుకు అనువైన స్థలాలు, మండలంలోని చెరువుల సామర్ధ్యం పరిశీలించి నీటి అవసరాన్ని గుర్తించారు. అందుకు కావాల్సిన నిధుల అవసరాన్ని సమగ్ర నివేదిక తయారు చేసి ప్రభుత్వానికి సమర్పించనున్నట్లు ఎస్‌ఈ స్వామి తెలిపారు. వారి వెంట కొత్తగూడ సర్పంచ్‌ మల్లెల భాగ్యమ్మ, స్థానిక రైతులు ఉన్నారు. యువత దేశానికి వెన్నెముకమహబూబాబాద్‌ అర్బన్‌: యువత దేశానికి వెన్నెముక అని, మాదకద్రవ్యాలకు అలవాటుపడొద్దని జిల్లా యువజన క్రీడలశాఖ అధికారి ఓలేటి జ్యోతి అన్నారు. జిల్లా కేంద్రంలోని గిరిజన మహిళా డిగ్రీ కళాశాలలో మంగళవారం ‘నషాముక్త్‌’ కార్యక్రమంలో భాగంగా యువజన వేడుకలు నిర్వహించారు. జిల్లా యువజన క్రీడల శాఖ అధికారి జ్యోతి, డీపీఆర్‌ఓ రాజేంద్రప్రసాద్‌, కళాశాల ప్రిన్సిపాల్‌ బిందుమాధురి హాజరై స్వామి వివేకానంద విగ్రహానికి పూలమాల వేసి నివాళులర్పించా రు. ఈ సందర్భంగా అధికారి జ్యోతి మాట్లాడుతూ.. యువత, విద్యార్థులు చెడు వ్యసనాల కు దూరంగా ఉన్నప్పుడే తమ లక్ష్యాలు సాధి స్తారన్నారు. అనంతరం వివిధ పోటీల్లో గెలు పొందిన వారికి బహుమతులు, సర్టిఫికెట్లు అందజేశారు. నేషనల్‌ యూత్‌ అవార్డు గ్రహీత ఆకులపల్లి మధు, యువభారత్‌ సూపరింటెండెంట్‌ దేవీలాల్‌, ఎన్‌ఎస్‌ఎస్‌ ప్రోగ్రాం ఆఫీసర్‌ యాదలక్ష్మి, సీనియర్‌ అధ్యాపకుడు శేషు, అడ్వకేట్‌ మహేందర్‌రెడ్డి, మేరా యువభారత్‌ జల్లా యువజన అధికారి సంజీవ్‌, విద్యార్థులు పాల్గొన్నారు.

మహబూబాబాద్‌ అర్బన్‌: రాష్ట్ర ప్రభుత్వం జిల్లాలో ఏడు మండలాలనే కరువు ప్రాంతాలుగా ప్రకటించి చేతులు దులుపుకుందని, మానుకోట మొత్తాన్ని కరువు జిల్లాగా ప్రకటించాలని సీపీఐ జిల్లా కార్యదర్శి బి.విజయసారథి అన్నారు. జిల్లా కేంద్రంలోని కలెక్టర్‌ కార్యాలయం ఎదుట సీపీఐ నాయకులు మంగళవారం మానుకోటను కరువు జిల్లాగా ప్రకటించాలని నిరసన తెలిపారు. ఈ సందర్భంగా విజయసారథి మాట్లాడుతూ.. జిల్లాలో ఉన్న వ్యవసాయ కూలీలను ప్రభుత్వం ఆదుకోవాలని, ఉపాధి హామీ(వీబీజీ రాంజీ) పనులు కల్పించి ఆర్థిక భరోసా ఇవ్వాలన్నారు. బ్లాక్‌ మార్కెట్‌ను అరికట్టాలని డిమాండ్‌ చేశారు. కార్యక్రమంలో నాయకులు అజయ్‌సారథి, నల్లు సుధాకర్‌రెడ్డి, నాయకులు తదితరులు పాల్గొన్నారు.

● కలెక్టర్‌ స్నేహశబరీష్‌ గూడూరు: ఎల్‌నినో పరిస్థితుల నేపథ్యంలో రైతులు వరి పంట సాగు చేయవద్దని, ఆరుతడి, కూరగాయల పంటలు సాగు చేయాలని కలెక్టర్‌ స్నేహశబరీష్‌ అన్నారు. మండలంలోని భూపతిపేట రైతు వేదికలో మంగళవారం ఉద్యాన, పట్టుపరిశ్రమల శాఖ ఆధ్వర్యంలో ఉద్యాన పంటల యాజమాన్యంపై రైతులకు అవగాహన సదస్సు నిర్వహించారు. ముందుగా వ్యవసాయరంగానికి ప్రభుత్వం ఇస్తున్న విద్యుత్‌ సరఫరాతో ఎంత ఖర్చు అవుతుందో వివరించారు. వీబీజీ రాంజీ పథకం పనులను సద్వినియోగం చేసుకోవాలన్నారు. ప్రతీ రైతు భూగర్భజలాలను ఆదా చేసేందుకు పొలాలలో ఫాంపాండ్‌ కుంటలు ఏర్పాటు చేసుకోవాలని సూచించారు. ఈ పథకం ఉపయోగంపై సర్పంచ్‌లు, కార్యదర్శులు, అధికారులు ప్రజలకు అవగాహన కల్పించాలని కోరారు. ఎల్‌నినో ప్రభావంతో తక్కువ నీటి అవసరం ఉండే కూరగాయల సాగు చేయాలని, దీంతో ఆర్థికాభివృద్ధి సాధించవచ్చని తెలిపారు. రైతు శ్రేయస్సు కోసం ఉద్యాన శాఖ అందిస్తున్న ప్రోత్సాహకాలను సద్వినియోగం చేసుకోవాలని కోరారు. అనంతరం వెంగంపేట జీపీలో రైతులు సాగు చేస్తున్న కూరగాయల సాగు పంటలను పరిశీలించారు. అక్కడ నుంచి భీమునిపాద జలపాతం అభివృద్ధిపై రోడ్డు పరిస్థితిని పరిశీలించారు. ఎఫ్‌ఆర్వో ప్రసాదరావు ద్వారా ఇక్కడ పనిచేస్తున్న కమిటీ వివరాలను తెలుసుకున్నారు. అనంతరం ఎంపీడీఓ కార్యాలయంలో చేయూత పింఛన్‌ దరఖాస్తుల వెరిఫికేషన్‌ ప్రక్రియ ను పరిశీలించి అసంతృప్తి చెందారు. ఉద్యాన, పట్టు పరిశ్రమ శాఖ అధికారి మరియన్న, ప్రత్యేక అధికారి శ్రీనివాసరావు, తహసీల్దార్‌ నాగభవాని, ఎంపీడీఓ టీవీఎల్‌ఎన్‌ శాస్త్రి, ఏఓ అబ్దుల్‌మాలిక్‌, పలు శాఖల ఉన్నతాధికారులు పాల్గొన్నారు. అర్హులందరికీ చేయూత పింఛన్లు.. మరిపెడ: అర్హులందరికీ చేయూత పింఛన్లు అంది స్తామని కలెక్టర్‌ స్నేహశబరీష్‌ అన్నారు. మరిపెడ మున్సిపాలిటీ, ఎంపీడీఓ కార్యాలయాల్లో కొనసాగుతున్న చేయూత పింఛన్‌ దరఖాస్తుల వెరిఫికేషన్‌ ప్రక్రియను మంగళవారం కలెక్టర్‌ పరిశీలించారు. ఈ సందర్భంగా ఆమె మాట్లాడుతూ.. అర్హులకు పింఛన్‌ అందేలా చర్యలు తీసుకోవాలన్నారు. పర్యవేక్షణలో అధికారులు నిర్లక్ష్యం వహిస్తే సంబంధిత అధికారులపై కఠిన చర్యలు తీసుకుంటామన్నారు. మున్సిపల్‌ చైర్‌పర్సన్‌ వీసారపు ప్రగతిశ్రీపాల్‌రెడ్డి, వైస్‌ చైర్‌పర్సన్‌ సునీతరవీందర్‌రెడ్డి ఉన్నారు.

● మార్కెట్‌ షెడ్లలోకి గాలి, వెలుతురు రాక రైతుల ఇబ్బందులు కేసముద్రం: కేసముద్రం వ్యవసాయ మార్కెట్‌ షెడ్లలో మార్క్‌ఫెడ్‌ మక్కలను పూర్తిస్థాయిలో ఎగుమతి చేసినప్పటికీ, వాటి భద్రత కోసం చుట్టూరా ఏర్పా టు చేసిన రేకులను మాత్రం తొలగించలేదు. దీంతో రైతులతో పాటు వ్యాపారులకు ఇబ్బందులు తలెత్తుతున్నాయి. గత ఏడాది యాసంగిలో రైతులు పండించిన మక్కలను మార్క్‌ఫెడ్‌ ఆధ్వర్యంలో కొనుగోలు చేశారు. సేకరించిన మక్కల బస్తాలను మార్కెట్‌ షెడ్‌లలో నిల్వ చేశారు. ఈక్రమంలో మక్కల భద్రత కోసం షెడ్‌ల చుట్టూరా ఇనుప రేకులను ఏర్పాటు చేశారు. అయితే ఇటీవల మక్కల బస్తాలను ఎగుమతి చేయడంతో షెడ్లు ఖాళీ అయ్యాయి. దీంతో రైతులు తమ వ్యవసాయోత్పత్తులను మార్కెట్‌కు అమ్ముకునేందుకు తీసుకువచ్చి, షెడ్లలో రాశులుగా పోసుకుంటున్నారు. అయితే షెడ్లకు చుట్టూరా రేకులు ఉండడంతో గాలి, వెలుతురు రాక రైతులు ఇబ్బందులు పడుతున్నారు. మరోవైపు వ్యాపారులు కొనుగోలు చేసిన సరుకులను తమ మిల్లులకు తరలించడంలో ఇబ్బందులు తలెత్తుతున్నాయి. ఇప్పటికై నా రేకులను తొలగించాలని కోరుతున్నారు.

గార్ల: విద్యార్థులు చదువుతో పాటు క్రీడల్లోనూ రాణించాలని జిల్లా ట్రైబల్‌ వెల్ఫేర్‌ డిప్యూటీ డైరెక్టర్‌ దేశీరాంనాయక్‌ అన్నారు. మంగళవారం గార్లలోని గిరిజన బాలికల ఆశ్రమ పాఠశాల క్రీడామైదానంలో ఏటూరునాగారం ఐటీడీఏ కొత్తగూడ డివిజనల్‌స్థాయి ఆశ్రమ పాఠశాలల విద్యార్థుల క్రీడా పోటీలను సర్పంచ్‌ బానోత్‌ పార్వతి హతీరాంతో కలిసి ఆయన ప్రారంభించారు. క్రీడాపోటీల్లో గంగారం, బయ్యారం, కొత్తగూడ, గూడూరు, గార్ల మండలాల్లోని 12 ఆశ్రమ పాఠశాలల విద్యార్థిని, విద్యార్థులు పాల్గొన్నారు. రెండు రోజుల పాటు అండర్‌–14 నుంచి అండర్‌–17వరకు బాలబాలికలకు కబడ్డీ, వాలీబాల్‌, ఖోఖో, చెస్‌, క్యారమ్స్‌, ఆర్చరీ, అథ్లెటిక్స్‌ పోటీలు నిర్వహిస్తామని దేశీరాంనాయక్‌ వెల్ల డించారు. విద్యార్థులకు స్థానిక ఆశ్రమ పాఠశాలలో భోజన వసతి కల్పించారు. తొలుత విద్యార్థుల నృత్యాలు పలువురిని ఆకట్టుకున్నాయి. క్రీడల ఆర్గనైజింగ్‌ సెక్రటరీ, పీడీ ఈసం పద్మ, తహసీల్దార్‌ శారద, ఎంపీడీఓ మంగమ్మ, ఎంఈఓ వీరభద్రం, ఎస్సై సాయికుమార్‌, కాంగ్రెస్‌ మండల అధ్యక్షుడు తాళ్లపల్లి కృష్ణగౌడ్‌, మాజీ సర్పంచ్‌ గంగావత్‌ లక్ష్మ ణ్‌నాయక్‌, జీసీడీఓ విజయ, ఉపాధ్యాయ సంఘాల నాయకులు మోకాళ్ల రామచంద్రు, ఈరూనాయక్‌, ఉపాధ్యాయులు రాధిక, హనుమంతు, హనుమ, మేఘ్యా, ఎల్లయ్య తదితరులు పాల్గొన్నారు. జిల్లా ట్రైబల్‌ వెల్ఫేర్‌ డిప్యూటీ డైరెక్టర్‌ దేశీరాంనాయక్‌

● సమయస్ఫూర్తితో కాపాడిన పోలీసులు ఖిలా వరంగల్‌ : దంపతుల మధ్య జరిగిన గొడవతో క్షణికావేశానికి లోనైన ఓ యువకుడు(భర్త) రైలు కిందపడి ఆత్మహత్యాయత్నానికి పాల్పడగా జీఆర్‌ పోలీసులు సమయస్ఫూర్తితో స్పందించి అతడిని కాపాడారు. జీఆర్‌పీ ఇన్‌స్పెక్టర్‌ వి.నరేశ్‌కుమార్‌ కథనం ప్రకారం.. వరంగల్‌ రైల్వే స్టేషన్‌లోని ప్లాట్‌ఫాం నంబర్‌–1పై దంపతుల మధ్య గొడవ జరిగింది. దీంతో క్షణికావేశానికి లోనైన భర్త మట్టెవాడకు చెందిన పాక మహేశ్‌ (32) మంగళవారం కేరళ ఎక్స్‌ ప్రెస్‌ రైలు కిందపడి ఆత్మహత్యకు యత్నించాడు. అప్రమత్తమైన జీఆర్‌పీ హెడ్‌ కానిస్టేబు ల్‌ బి.రమేశ్‌, కానిస్టేబుల్‌ఎం.రాకేశ్‌ చాకచక్యంగా వ్యవహరించి మహేశ్‌ను రక్షించారు. అనంతరం ఇన్‌స్పెక్టర్‌ నరేశ్‌కుమార్‌.. దంపతులకు కౌన్సెలింగ్‌ నిర్వహించి మహేశ్‌ను తన తల్లి పూలమ్మకు అప్పగించారు. కాగా, సమయస్ఫూర్తితో స్పందించి మహేశ్‌ను కాపాడిన సిబ్బందిని జీఆర్‌పీ ఇన్‌స్పెక్టర్‌ అభినందించారు.

కాశిబుగ్గ: హోటళ్లలో బిర్యానీ మస్తుగా ఉందని తింటే.. అందులో కృత్రిమ రంగులు, నిల్వ ఉంచిన చికెన్‌, సగం ఉడికిన చికెన్‌ ఆహార పదార్థాలు ఉన్నట్లు అధికారులే గుర్తించారు. ఉదయం నుంచి అర్ధరాత్రి దాటే వరకు నడిచే పలు హోటళ్ల బండారం బయటపెట్టారు. పోలీసులు, ఫుడ్‌ సేఫ్టీ అఽధికారుల వివరాల ప్రకారం.. వరంగల్‌ మండి బజార్‌లోని జాఫ్రాన్‌, ఖుర్షీద్‌ బిర్యానీ హోటళ్లలో టాస్క్‌ఫోర్స్‌ పోలీసులు, ఫుడ్‌ సేఫ్టీ అఽఽధికారులు మంగళవారం దాడులు నిర్వహించారు. ఈ సందర్భంగా ఆయా హోటళ్ల యాజమానులు ఆహార భద్రతా లైసెన్స్‌ ప్రదర్శించకుండా, ఆహార పదార్థాలపై ఈగలు, దోమలు వాలకుండా నివారణ చర్యలు చేపట్టలేదని గుర్తించారు. అలాగే, ఆహార పదార్థాల్లో కృత్రిమ రంగులు వాడుతూ, నిల్వ ఉంచిన చికెన్‌, సగం ఉడికిన చికెన్‌ను కనుగొన్నట్లు పోలీసులు తెలిపారు. అలాగే, హోటళ్లల్లో బొద్దింకలు, సాలేగూళ్లు ఉన్నాయని, నేల, గోడలు అపరిశుభ్రంగా మారాయని, వంటవారికి ఆరోగ్య ధ్రువీకరణ పత్రాలు, పురుగుల నివారణ, నీటి పరీక్ష నివేదికలు లేవని తనిఖీల్లో గుర్తించినట్లు వారు వివరించారు. ఈ ఉల్లంఘనలపై చర్యలు తీసుకోవాలని ఫుడ్‌ సేఫ్టీ అధికారులకు సూచించారు. ఈ తనిఖీల్లో టాస్క్‌ఫోర్స్‌ ఏసీపీ ఎ.మధుసూదన్‌, ఇన్‌స్పెక్టర్లు జి.సుబ్బారెడ్డి, కె.శ్రీధర్‌, రాజగోపాల్‌, బండారి రాజు, ఎస్సైలు బి.ఉప్పలయ్య, కె.సుధాకర్‌, ఫుడ్‌ సేఫ్టీ సీనియర్‌ ఆఫీసర్‌ కృష్ణమూర్తి, జూనియర్‌ ఆఫీసర్‌ మౌనిక పాల్గొన్నారు. కృత్రిమ రంగులు, నిల్వ ఉంచిన, సగం ఉడికిన చికెన్‌ లభ్యం

వరంగల్‌ స్పోర్ట్స్‌ : క్రీడలతో శారీరక, మానసికోల్లా సం కలుగుతుందని హనుమకొండ జిల్లా విద్యాశాఖ అధికారి ఎల్‌.వి గిరిరాజ్‌గౌడ్‌ అన్నారు. జిల్లా ఎస్‌జీఎఫ్‌ ఆధ్వర్యంలో మంగళవారం నగరంలోని జేఎస్‌ఎస్‌లో 70వ తెలంగాణ రాష్ట్ర స్థాయి ఎస్‌ జీఎఫ్‌ అథ్లెటిక్స్‌ మీట్‌ ఉత్సాహంగా ప్రారంభమైంది. ఈ సందర్భంగా బాలుర అండర్‌–14 విభాగంలో నిర్వహించిన 100 మీటర్ల పరుగుపందెం విజేతలకు డీఈఓ మెడల్స్‌, బహుమతులు అందజేశారు. పోటీల్లో వరంగల్‌కు చెందిన వర్సా ప్రదీప్‌ 11.50 సెకన్లలో లక్ష్యం చేరుకుని ప్రథమ స్థానంలో నిలిచి స్వర్ణ పతకం సాధించాడు. హైదరాబాద్‌కు చెందిన ఓం రాజేంద్ర కుంభార్‌ 11.90 సెకన్లతో ద్వితీయ స్థానం, ఆదిలాబాద్‌కు చెందిన షేక్‌ రెహాన్‌ 12.20 సెకన్లతో తృతీయ స్థానం సాధించారు. ఈ సందర్భంగా డీఈఓ మాట్లాడుతూ విద్యార్థులు చదువుతో పాటు క్రీడల్లోనూ రాణించాలన్నారు. రాష్ట్ర, జా తీయ స్థాయిలో ప్రతిభ చాటి జిల్లా, రాష్ట్రానికి పేరు తీసుకురావాలని ఆకాంక్షించారు. కార్యక్రమంలో తెలంగాణ అథ్లెటిక్స్‌ అసోసియేషన్‌ ప్రధాన కార్యదర్శి కె. సారంగపాణి, అసోసియేషన్‌ అబ్జర్వర్‌ డాక్టర్‌ సొలపోగుల స్వాములు, పీఈటీ సంఘం జిల్లా అధ్యక్షుడు ఎ. ప్రభాకర్‌ రెడ్డి, ఫిజికల్‌ డైరెక్టర్లు, పీఈటీలు తదితరులు పాల్గొన్నారు. డీఈఓ గిరిరాజ్‌ గౌడ్‌

బచ్చన్నపేట: తెలంగాణ తల్లి స్ఫూర్తితో రాష్ట్ర సాధనలో ప్రజలు, ఉద్యమకారుల నిర్వహించిన పోరాటాలు చిరస్మరణీయమని మాజీ మంత్రి హరీశ్‌ రావు అన్నారు. ఈమేరకు మంగళవారం జనగామ జిల్లా బచ్చన్నపేట మండలం పోచన్నపేటలో తెలంగాణ తల్లి విగ్రహానికి ఎమ్మెల్యే పల్లా రాజేశ్వర్‌రెడ్డితో కలిసి పూలమాల వేసి నివాళులర్పించి మాట్లాడారు. కాంగ్రెస్‌ ప్రభుత్వం క్రాప్‌ హాలీడే ప్రకటించడం సిగ్గుచేటన్నారు. పదేళ్ల బీఆర్‌ఎస్‌ పాలనలో కేసీఆర్‌ రాష్ట్రాభివృద్ధి, రైతులు, యువత, పేదల సంక్షేమానికి ప్రాధాన్యం ఇచ్చారన్నారు. పెద్దవాగుపై కోట్లాది రూపాయలతో చెక్‌ డ్యామ్‌లు నిర్మించి పంటలకు వేసవిలోనూ గోదావరి జలాలు అందించామన్నారు. కాంగ్రెస్‌ పాలనలో ఏనాడు వ్యవసాయానికి 24 గంటల విద్యుత్‌ అందించలేదని, ప్రజలు గమనిస్తున్నారని తెలిపారు. రానున్నది బీఆర్‌ఎస్‌ ప్రభుత్వమేనని, కేసీఆర్‌ మూడోసారి ముఖ్యమంత్రి కావడం ఖాయమని ధీమా వ్యక్తం చేశారు. మాజీ మంత్రి తన్నీరు హరీశ్‌ రావు

నయీంనగర్‌ : ఇన్నర్‌వీల్‌ క్లబ్‌ వరంగల్‌ స్వర్ణో త్సవం సందర్భంగా తెలంగాణ భాషా సాంస్కృతిక శాఖ సౌజన్యంతో ఈ నెల 12, 13, 14 తేదీల్లో హనుమకొండ పబ్లిక్‌గార్డెన్‌లోని నేరెళ్ల వేణుమాధవ్‌ కళాప్రాంగణంలో బాలల నాటిక పోటీలు నిర్వహిస్తున్నట్టు క్లబ్‌ ఫౌండర్‌ సెక్రటరీ నేరెళ్ల శోభావతి తెలిపారు. మంగళవారం గ్రేటర్‌ వరంగల్‌ ప్రెస్‌క్లబ్‌లో ఆమె విలేకరులతో మాట్లాడుతూ మొత్తం 8 అంశాల్లో నాటిక పోటీలు ఉంటాయని తెలిపారు. సమావేశంలో వనం లక్ష్మీకాంత్‌, జెపి.శైలజ, హరిత, సబిత, అర్చన పాల్గొన్నారు. బాలికను మోసగించిన యువకుడు ● కేసు నమోదు తొర్రూరు రూరల్‌ : ప్రేమ పేరుతో బాలికను మోసం చేసిన ఓ యువకుడిపై కేసు నమోదు చేసినట్లు ఎస్సై మహేందర్‌రెడ్డి తెలిపారు. మహబూబాబాద్‌ జిల్లా తొర్రూరు మండలంలోని ఓ తండాకు చెందిన 17 ఏళ్ల బాలికను ఇదే మండలంలోని ఓ తండాకు చెందిన ఓ యువకుడు ప్రేమ పేరుతో లోబర్చుకున్నాడు. మూడేళ్ల పాటు బాలికతో ప్రేమాయణం సాగించాడు. ఈ క్రమంలో ఇటీవల సదరు బాలిక గర్భం దాల్చగా ఆ యువకుడు మాయ మాటలు చెప్పి అబార్షన్‌ మాత్రలు ఇచ్చాడు. దీంతో తీవ్ర కడుపునొప్పి, రక్తస్రావం కావడంతో బాధిత బాలిక తల్లిదండ్రులకు జరిగిన విషయం తెలిపింది. దీంతో కోపోద్రిక్తులైన బాధిత బాలిక కుటుంబీకులు యువకుడి ఇంటి ఎదుట ధర్నాకు పూనుకున్నారు. దీనిపై సమాచారం అందుకున్న పోలీసులు ఘటనాస్థలికి చేరుకుని వివరాలు సేకరించారు. అనంతరం బాధితురాలి తండ్రి ఫిర్యాదు మేరకు కేసు నమోదు దర్యాప్తు చేస్తున్నట్లు ఎస్సై మహేందర్‌రెడ్డి తెలిపారు. అప్పుల బాధతో యువకుడి ఆత్మహత్య ● కట్టయ్యపల్లిలో ఘటన చెన్నారావుపేట:అప్పుల బాధతో ఓ యువకుడు ఉరేసుకుని ఆత్మహత్యకు పాల్ప డ్డాడు. ఈ ఘటన మంగళవారం వరంగల్‌ జిల్లా చెన్నారావుపేట మండలం అక్కల్‌చెడ గ్రామ శివారు కట్టయ్యపల్లిలో చోటు చేసుకుంది. పోలీసుల కథనం ప్రకారం.. కట్టయ్యపల్లికి చెందిన సూర తిరుపతి(37) ఆటో నడుపుకుంటూ కుటుంబాన్ని పోషించుకుంటున్నాడు. ఇటీవల ఆటోకు సరైన కిరాయి రాక అప్పులు ఎక్కువయ్యాయి. ఆ అప్పులు తీర్చడానికి ఇల్లు తనఖా పెట్టి లోన్‌ తీసుకున్నాడు. ఆ రుణం సైతం సకాలంలో తీర్చకపోవడంతో ఇల్లు తిరుపతి చేజారి పోయింది. దీంతో నిల్వ నీడలేకపోవడంతో మనస్తాపానికి గురై మంగళవారం తెల్లవారు జామున ఉరేసుకుని ఆత్మహత్యకు పాల్పడ్డాడు. మృతుడికి భార్య , కూతురు, కుమారుడు ఉన్నారు. భార్య పూలమ్మ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై గోవర్ధన్‌ తెలిపారు. చికిత్స పొందుతున్న మహిళా ఉద్యోగి మృతి● లారీ డ్రైవర్‌పై కేసు నమోదు ఖిలా వరంగల్‌ : వరంగల్‌–ఖమ్మం జాతీయ రహదారిపై ఇటీవల జరిగిన రోడ్డు ప్రమాదంలో తీవ్రంగా గాయపడిన ప్రభుత్వ ఉద్యోగిని మగ్గిడి అనురాధ (57) హైదరాబాద్‌లోని ఓ ప్రైవేట్‌ ఆస్పత్రిలో చికిత్స పొందుతూ మంగళవారం తెల్లవారుజామున చనిపోయింది. వివరాలు ఇలా ఉన్నాయి. వరంగల్‌ అమ్మవారిపేట సమీపంలోని కొత్తపల్లికి చెందిన ప్రభుత్వ ఉద్యోగి అనురాధ (57) ఈనెల 7న సాయంత్రం నగరంలోని ఓ కార్యాలయంలో విధులు ముగిసిన తర్వాత కుమారుడు వరుణ్‌ బైక్‌పై ఇంటికి బయలుదేరారు. ఉర్సుగుట్ట సమీపాన అమ్మవారిపేటకు వెళ్లే దారిలో రోడ్డుపై పార్క్‌ చేసి ఉన్న లారీని బైక్‌ బలంగా ఽఢీకొట్టింది. దీంతో ఇద్దరికి తీవ్రగాయాలు కాగా ఎంజీఎం తరలించారు. అక్కడినుంచి హైదరాబాద్‌లోని ఓ ప్రైవేట్‌ ఆస్పత్రికి తరలించారు. చికిత్స పొందుతూ మంగళవారం ఉదయం అనురాధ మృతిచెందింది. వరుణ్‌ చికిత్స పొందుతున్నాడు. బాధితురాలి బంధువు శేషాద్రి ప్రసన్నకుమార్‌ ఫిర్యాదు మేరకు లారీ డ్రైవర్‌పై కేసు నమోదు చేసి దర్యాప్తు చేస్తున్నటు మిల్స్‌కాలనీ ఇన్‌స్పెక్టర్‌ స్వామి తెలిపారు.

తెలంగాణ రైతు ఉత్పత్తులకుభీమదేవరపల్లి: తెలంగాణ సహకార రంగానికి తలమానికంగా నిలిచిన ముల్కనూరు సహకార గ్రా మీణ పరపతి, మార్కెటింగ్‌ సంఘం అంతర్జాతీయ వేదికపై మెరిసింది. భారత్‌–దక్షిణ కొరియా దేశాల మధ్య వాణిజ్య, ఆర్థిక సంబంధాలను బలోపేతం చేసేందుకు అసోచామ్‌ ఆధ్వర్యంలో నిర్వహించిన ఉన్నత స్థాయి వ్యాపార ప్రతినిధి బృందం పర్యటనలో సంఘం అధ్యక్షుడు అలిగిరెడ్డి ప్రవీణ్‌ రెడ్డి పాల్గొన్నారు. అక్టోబర్‌ 31 నుంచి ఈ నెల 6వ తేదీ వరకు దక్షిణ కొరియాలో సాగిన ఈ పర్యటనలో భారతీయ వ్యవసాయ ఉత్పత్తుల ఎగుమతులు, ఆహార శుద్ధి సాంకేతికత, అంతర్జాతీయ మార్కెటింగ్‌ అవకాశాలపై ప్రధానంగా దృష్టి సారించారు. ఆధునిక సాంకేతికతపై అధ్యయన పర్యటనలో భాగంగా దక్షిణ కొరియాలోని జాతీయ ఆహార పరిశ్రమల సముదాయం ఫుడ్‌పోలిస్‌, నేషనల్‌ ఫిషరీస్‌ సైన్స్‌ మ్యూజియం, సియోల్‌లో జరిగిన కోయెక్స్‌ ఫుడ్‌ వీక్‌–2026 ప్రదర్శనలను ప్రవీణ్‌ రెడ్డి సందర్శించారు. అనంతరం కొరియాలోని ఇండియన్‌ చాంబర్‌ ఆఫ్‌ కామర్స్‌ చైర్మన్‌ రమేశ్‌ అయ్యర్‌, సియోల్‌లోని భారత రాయబార కార్యాలయ ఐఎఫ్‌ఎస్‌ అధికారి మినిదేవి కుమంలతో సమావేశమై.. సహకార సంస్థల ద్వారా వ్యవసాయ ఉత్పత్తుల ఎగుమతి అవకాశాలపై చర్చించారు. విలువ జోడింపుతోనే రైతు ఆదాయం రెట్టింపు.. ఈ సందర్భంగా అలిగిరెడ్డి ప్రవీణ్‌ రెడ్డి మాట్లాడు తూ రైతుల ఆదాయం పెరగాలంటే ముల్కనూరు సహకార సంఘం తరహాలో సంఘటితమై పనిచేయాలని సూచించారు. కేవలం ముడి పంటల విక్రయానికే పరిమితం కాకుండా, వాటికి విలువ జోడించి (వాల్యు ఎడిషన్‌) అంతర్జాతీయ ప్రమాణాలతో కూడిన ఉత్పత్తులు తయారు చేయాలన్నారు. ఇప్పటికే ముల్కనూరు రైస్‌, ముల్కనూరు సీడ్స్‌ బ్రాండ్లతో మార్కెట్‌లో ప్రత్యేక గుర్తింపు సాధించామని, అమెరికా వంటి దేశాలకు బియ్యం ఎగుమతి చేసే ప్రయత్నాలు ప్రారంభించామని తెలిపారు. దక్షిణ కొరియా పర్యటన ద్వారా లభించిన సాంకేతిక పరిజ్ఞానం, వాణిజ్య పరిచయాలతో ఆధునిక ప్రాసెసింగ్‌ విధానాలు సంఘంలో అమలు చేస్తామన్నారు. తెలంగాణ రైతు ఉత్పత్తులకు ప్రపంచ మార్కెట్లలో ప్రత్యేక గుర్తింపు తీసుకురావడమే తమ లక్ష్యమని స్పష్టం చేశారు. అంతర్జాతీయ వేదికపై మెరిసిన ముల్కనూరు సహకార సంఘం దక్షిణ కొరియాలో ముగిసిన ఉన్నతస్థాయి పర్యటన అసోచామ్‌ ప్రతినిధి బృందంలో సంఘం అధ్యక్షుడు ప్రవీణ్‌ రెడ్డి

హన్మకొండ అర్బన్‌: పేదల సొంతింటి కలను సాకారం చేయడమే ఇందిరమ్మ ఇళ్ల పథకం లక్ష్యమని రాష్ట్ర గృహ నిర్మాణ శాఖ మేనేజింగ్‌ డైరెక్టర్‌ వీపీ గౌతమ్‌ అన్నారు. ఈ మేరకు మంగళవారం హైదరాబాద్‌ నుంచి జిల్లాల అదనపు కలెక్టర్లు, సంబంధిత శాఖల అధికారులతో ఆయన వీడియో కాన్ఫరెన్స్‌ నిర్వహించారు. గ్రేటర్‌ వరంగల్‌ (హనుమకొండ, వరంగల్‌)లో ప్రభుత్వ స్థలాలను కేటాయించి జీ ప్లస్‌ 5 విధానంలో 480 చొప్పున మొత్తం 2,400 ఫ్లాట్లతో ఇందిరమ్మ టవర్స్‌ నిర్మించేందుకు ప్రణాళిక రూపొందించినట్లు తెలిపారు. స్థానిక పరిస్థితులను బట్టి ఒక్కో ఫ్లాట్‌ నిర్మాణ వ్యయాన్ని రూ.8.50 లక్షలుగా అంచనా వేశామని పేర్కొన్నారు. ఇందులో రూ.5 లక్షలు ప్రభుత్వం సబ్సిడీగా అందిస్తుందని, మిగతా రూ.3.50 లక్షలు లబ్ధిదారులు విడతల వారీగా చెల్లించాలన్నారు. అర్హులు మీసేవ కేంద్రాల ద్వారా దరఖాస్తు చేసుకోవాలని, దరఖాస్తుతోపాటు రూ.10 వేల ఎర్నెస్ట్‌ మనీ డిపాజిట్‌ చెల్లించాలన్నారు. లాటరీలో ఫ్లాట్‌ లభించని వారికి ఈ మొత్తాన్ని తిరిగి చెల్లిస్తామని చెప్పారు. లబ్ధిదారుల ఎంపికను పారదర్శకంగా లాటరీ పద్ధతిలో నిర్వహిస్తామని, ఎస్సీ, ఎస్టీ, బీసీ వర్గాలకు రిజర్వేషన్లు కల్పించడంతో పాటు ఔట్‌సోర్సింగ్‌ ఉద్యోగులకు 10 శాతం కోటా ఉంటుందని పేర్కొన్నారు. డిసెంబర్‌ 5లోగా అర్హులు దరఖాస్తు చేసుకోవాలని కోరారు. హనుమకొండ కలెక్టరేట్‌ నుంచి అదనపు కలెక్టర్‌ ఎన్‌.రవి, స్థానిక సంస్థల జిల్లా ఇన్‌చార్జ్‌ అదనపు కలెక్టర్‌ బి.శేషాద్రి, జిల్లా రెవెన్యూ అధికారి కె.శ్రీనివాస్‌, గృహ నిర్మాణ శాఖ ప్రాజెక్టు డైరెక్టర్‌ సిద్ధార్థనాయక్‌ పాల్గొన్నారు.● గ్రేటర్‌ వరంగల్‌లో పైలట్‌ ప్రాజెక్టు ● 2,400 ఇళ్ల నిర్మాణానికి ప్రణాళిక ● వీడియో కాన్ఫరెన్స్‌లో రాష్ట్ర గృహనిర్మాణ శాఖ మేనేజింగ్‌ డైరెక్టర్‌ వీపీ గౌతమ్‌

కేయూ క్యాంపస్‌ : కాకతీయ యూనివర్సిటీలోని మహిళా హాస్టళ్లలో నెలకొన్న సమస్యలు పరిష్కరించాలని డిమాండ్‌ చేస్తూ విద్యార్థినులు మంగళవారం పరిపాలన భవనంలోని కారిడార్‌లో బైఠాయించి ఆందోళన చేపట్టారు. ముఖ్యంగా తాగునీరు, పారిశుద్ధ్యం, మరుగుదొడ్ల నిర్వహణ సక్రమంగా ఉండేలా చర్యలు తీసుకోవాలన్నారు. అలాగే, నాణ్యమైన భోజనం అందించి ఇతర మౌలిక వసతులు కల్పించాలని డిమాండ్‌ చేస్తూ ఆందోళన కొనసాగించారు. ఏబీవీపీ రాష్ట్ర కార్యదర్శి మాచర్ల రాంబాబు వీరికి మద్దతుగా ఆందోళనలో పాల్గొన్నారు. ఈ సందర్భంగా ఆయన మాట్లాడుతూ హాస్టళ్ల ఆఫీస్‌లో అవకతవకలకు పాల్పడిన వారిపై చర్యలు తీసుకోవాలన్నారు. హాస్టళ్లలో ఎన్నిరోజులు తింటే అన్ని రోజులకు మాత్రమే బిల్లులు విధించేలా చర్యలు తీసుకోవాలన్నారు. ఏబీవీపీ స్టేట్‌ యూనివర్సిటీస్‌ ప్రముఖ్‌ అంబాలకిరణ్‌, బాధ్యులు మేకల జ్ఞానేశ్వర్‌, సాయికుమార్‌, సారిక, మధు, నందు, వినోద్‌ తదితరులు పాల్గొన్నారు. అవకతవకలకు పాల్పడే వారిని ఉపేక్షించం.. హాస్టళ్ల నిర్వహణలో అవకతవకలకు పాల్పడిన వారిని ఉపేక్షించబోమని, హాస్టళ్ల విద్యార్థినుల సమస్యలు పరిష్కరిస్తామని వీసీ కె.ప్రతాప్‌రెడ్డి హామీ ఇచ్చారు. ఆందోళన చేస్తున్న విద్యార్థినులతో సెనెట్‌హాల్‌లో సమావేశం నిర్వహించారు. ఈ సందర్భంగా పలువురు విద్యార్థినులు తమ సమస్యలను వీసీ దృష్టికి తీసుకెళ్లారు. విద్యార్థినుల సమస్యల పరిష్కారానికి అధికార యంత్రాంగం అందుబాటులో ఉందని, నేరుగా వారిని సంప్రదించాలని వీసీ సూచించారు. విద్యార్థినులు హాస్టళ్లలో లేని కాలానికి సంబంధించి కనీస హాస్టల్‌ రుసుమును నిర్ణయించే అంశాన్ని కూడా పరిశీలిస్తామన్నారు. రిజిస్ట్రార్‌ వి. రామచంద్రం, పాలకమండలి సభ్యుడు బి. సురేశ్‌లాల్‌, హాస్టళ్ల డైరెక్టర్లు పి. శ్రీనివాస్‌, సుమలత, అభివృద్ధి అధికారి వై. వెంకయ్య పాల్గొన్నారు. విద్యార్థినుల డిమాండ్‌ .. కేయూలో ఆందోళన

సాక్షి ప్రతినిధి, వరంగల్‌: కాజీపేట, వరంగల్‌ మీదుగా రాకపోకలు సాగించే నర్సాపూర్‌–నాగర్‌సోల్‌ సూపర్‌ఫాస్ట్‌ ఎక్స్‌ప్రెస్‌ రైలు హోదా మారనుంది. ఇప్పటివరకు సూపర్‌ఫాస్ట్‌ ఎక్స్‌ప్రెస్‌గా ప్రయాణికులకు సేవలందిస్తున్న ఈ రైలును సాధారణ మెయిల్‌/ఎక్స్‌ప్రెస్‌ రైలుగా మారుస్తూ దక్షిణ మధ్య రైల్వే నిర్ణయం తీసుకుంది. ఈ మేరకు రైలు నంబర్లను సైతం మార్చింది. 2027 జనవరి 3 నుంచి కొత్త నంబర్లు అమల్లోకి రానున్నాయి. ఈ మార్పుతో కాజీపేట, వరంగల్‌ మీదుగా ప్రయాణించే రైలు ప్రయాణికులు కొత్త నంబర్లను గుర్తుంచుకోవాల్సి ఉంటుంది. 12787/88 స్థానంలో 17241/42.. ప్రస్తుతం నర్సాపూర్‌ నుంచి నాగర్‌సోల్‌కు వెళ్లే రైలు 12787 నంబరుతో, నాగర్‌సోల్‌ నుంచి నర్సాపూర్‌కు వచ్చే రైలు 12788 నంబరుతో నడుస్తోంది. సూపర్‌ఫాస్ట్‌ కేటగిరీ నుంచి మెయిల్‌/ఎక్స్‌ప్రెస్‌ కేటగిరీలోకి మారుస్తున్న నేపథ్యంలో ఈ రెండు రైళ్ల నంబర్లను కూడా రైల్వేశాఖ సవరించింది. ఇకపై నర్సాపూర్‌–నాగర్‌సోల్‌ రైలు 17241 నంబరుతో, నాగర్‌సోల్‌–నర్సాపూర్‌ రైలు 17242 నంబరుతో నడవనుంది. జనవరి 3, 2027 నుంచి ఈ మార్పు అమల్లోకి వస్తుందని దక్షిణ మధ్య రైల్వే చీఫ్‌ పబ్లిక్‌ రిలేషన్స్‌ ఆఫీసర్‌ ఎ.శ్రీధర్‌ మంగళవారం విడుదల చేసిన ఒక ప్రకటనలో వెల్లడించారు. రెండు రోజులు మినహా.. ఈ రైలు వారంలో రెండు రోజులు మినహా మిగిలిన రోజుల్లో రాకపోకలు సాగిస్తోంది. నర్సాపూర్‌ నుంచి బయలుదేరి నాగర్‌సోల్‌కు వెళ్లే మార్గంలో ఉమ్మడి వరంగల్‌ ప్రాంతంలోని ప్రయాణికులకు కాజీపేట, వరంగల్‌ రైల్వేస్టేషన్లు కీలకంగా ఉన్నాయి. అలాగే, మహారాష్ట్ర వైపు వెళ్లే ప్రయాణికులకు ఈ రైలు ఉపయోగకరంగా ఉంటోంది. హోదా మార్పుతోపాటు నంబర్ల మార్పు జరగనుండడంతో ప్రయాణికులు ముందుగానే ఈ విషయాన్ని గమనించాల్సి ఉంది. టికెట్‌ బుకింగ్‌లోనూ మార్పు.. రైలు నంబర్ల ఆధారంగా టికెట్లు బుక్‌ చేసుకునే ప్ర యాణికులు జనవరి 3 నుంచి పాత నంబర్లకు బదులు కొత్తవి ఉపయోగించాలి. రైల్వే టికెట్‌ రిజర్వేషన్‌ కేంద్రాలు, ఆన్‌లైన్‌ బుకింగ్‌ సమయంలోనూ ఈ మార్పును పరిగణనలోకి తీసుకోవాల్సి ఉంటుంది. రైలు రాకపోకల సమయాలు, స్టాపేజీలు, ఇతర ప్రయాణ వివరాల్లో మార్పులు ఉన్నాయా లేదా అనే అంశం అధికారిక రైల్వే టైంటేబుల్‌ ద్వారా పరిశీలించుకోవడం అవసరం.సాధారణ ఎక్స్‌ప్రెస్‌గా నర్సాపూర్‌–నాగర్‌సోల్‌ రైలు హోదా తగ్గిస్తూ దక్షిణ మధ్య రైల్వే నిర్ణయం జనవరి 3 నుంచి కొత్త నంబర్లతో రాకపోకలు 12787/88 స్థానంలో 17241/42గా మార్పు కాజీపేట, వరంగల్‌ మీదుగా వెళ్లే రైలుకు కొత్త గుర్తింపు ప్రయాణికులు రైల్వే టైంటేబుల్‌ను గమనించాలని సూచన

జిల్లాలో మూడేళ్లలో నమోదైన కేసులు 18077జిల్లాలో పెరుగుతున్న ప్రమాదాలు ● మూడేళ్లలో 335 కేసుల నమోదు2024 2025 2026 (అక్టోబర్‌)78 తొర్రూరు: చిన్న వయసులోనే బైక్‌లు నడపాలన్న సరదా.. కొందరు తల్లిదండ్రుల నిర్లక్ష్యం వల్ల మైనర్‌ డ్రైవింగ్‌ ప్రమాదకరంగా మారి ఎదుటి వారిని కష్టాల్లో పడేస్తోంది. జిల్లాలో మైనర్ల డ్రైవింగ్‌ రోజురోజుకూ ఆందోళన కలిగిస్తోంది. అతివేగం, అవగాహన లేమి, అజాగ్రత్త కారణంగా ప్రమాదాలు జరుగుతున్నాయి. పోలీసు శాఖ ప్రత్యేక దృష్టి సారిస్తూ కఠిన చర్యలు తీసుకుంటున్నా.. తీరు మారడం లేదు. జిల్లా వ్యాప్తంగా మైనర్‌ డ్రైవింగ్‌తో కలిగే అనర్థాలపై పోలీస్‌ శాఖ అవగాహన కార్యక్రమాలు చేపడుతున్నా పెడచెవిన పెడుతున్నారు. ఈ ఏడాది ఇప్పటి వరకు 77 కేసులు నమోదు కాగా, రూ.37,500 జరిమానా విధించారు. ప్రాణాలు పోతున్నా.. పిల్లల భద్రతపై దృష్టి పెట్టాల్సిన తల్లిదండ్రులు వారి చేతికి బండ్లు ఇవ్వడంతో రహదారులపై ఇష్టారీతిన వెళ్తున్నారు. పోలీసు తనిఖీల్లో అక్కడక్కడా పట్టుబడుతుండగా, పోలీసుల కళ్లుగప్పి తప్పించుకు తిరుగుతున్న మైనర్లు ఎందరో ఉన్నారు. సరదా మాటున పొంచి ఉన్న ప్రమాదాలను గ్రహించలేకపోతున్నారు. కనీస వయసు, పరిణతి లేకుండా వాహనాలు నడుపుతున్న మైనర్ల సంఖ్య జిల్లాలో రోజురోజుకూ పెరుగుతోంది. వీరి నిర్లక్ష్యపు డ్రైవింగ్‌తో తమతో పాటు ఇతరులకు నష్టం కలిగిస్తున్నారు. కొన్ని సందర్భాల్లో తీవ్ర గాయాల పాలై ప్రాణాలు కోల్పోయిన ఘటనలు సైతం ఉంటున్నాయి. పోలీస్‌ శాఖ కఠిన చర్యలు... జిల్లాలో మైనర్‌ డ్రైవింగ్‌పై పోలీసు యంత్రాంగం కఠిన చర్యలు తీసుకుంటోంది. పోలీసు తనిఖీల్లో పట్టుబడిని వారితో పాటు తల్లిదండ్రులకు కౌన్సెలింగ్‌ ఇస్తున్నారు. పోలీసులు హెచ్చరిస్తున్నా.. పదే పదే రహదారులపైకి వస్తున్న ఘటనలు చోటు చేసుకుంటున్నాయి. దీంతో వాహన యజమానులు, వారి తల్లిదండ్రులపై పోలీసులు కేసులు నమోదు చేస్తున్నారు. మైనర్లకు వాహనాలు ఇవ్వడం నేరంమైనర్లకు వాహనాలు ఇవ్వడం చట్టరీత్యా నేరం. రహదారి భద్రత, ట్రాఫిక్‌ నిబంధనలపై ఎలాంటి అవగాహన లేని పిల్లలు వాహనాలను తీసుకుని రోడ్డెక్కితే చాలా నష్టం జరుగుతుంది. ఆ పిల్లల కుటుంబాలే కాకుండా సమాజం కూడా ఆ నష్టాన్ని ఎదుర్కోవాల్సి వస్తోంది. తల్లిదండ్రులు ఈ విషయాన్ని సీరియస్‌గా తీసుకోవాలి. ఎట్టి పరిస్థితుల్లో మైనర్లకు వాహనాలు ఇవ్వకూడదు. – కృష్ణకిశోర్‌, తొర్రూరు డీఎస్పీ చట్ట ప్రకారం శిక్షార్హులు.. మైనర్‌ వాహనం నడిపి ప్రమాదానికి కారణమైతే వాహన యజమానికి లేదా బాలుడి సంరక్షకుడిపై కేసు నమోదు చేస్తారు. మూడేళ్ల వరకు జైలు శిక్ష విధించవచ్చు. రూ.25 వేల వరకు జరిమానా విధిస్తారు. ప్రమాదానికి కారణమైన వాహన రిజిస్ట్రేషన్‌ను 12 నెలల పాటు రద్దు చేయవచ్చు. 18 ఏళ్లు నిండని వారు రోడ్డు ప్రమాదాలకు కారణమైతే 25 ఏళ్ల వయసు వచ్చే వరకు లైసెన్స్‌ మంజూరు చేయొద్దని చట్టం చెబుతోంది.

బైక్‌ను ఢీకొన్న కారు.. యువకుడి దుర్మరణం హసన్‌పర్తి : కారు.. బైక్‌ను ఢీకొన్న ప్రమాదంలో ఓ యువకుడు దుర్మరణం చెందాడు. ఈ ఘటన ఆదివారం అర్ధరాత్రి కాకతీయ యూనివర్సిటీ పోలీస్‌ స్టేషన్‌ పరిధిలోని భీమారం ప్రాంతంలో చోటు చేసుకుంది. పోలీసుల కథనం ప్రకారం.. భీమారానికి చెందిన ఎములపల్లి వెంకట రమణ(26) తండ్రితో కలిసి స్థానిక కిరాణ షాపు నిర్వహిస్తున్నాడు. దీపావళి వేడుకలు కుటుంబీకులతో సంబరంగా నిర్వహించుకున్న అనంతరం బైక్‌పై అల్పాహారం కోసం కేయూసీ జంక్షన్‌ వైపునకు బయలుదేరాడు. ఈ క్రమంలో మార్గమధ్యలోని సాకేత పాఠశాల సమీపంలో పరకాల నుంచి హనుమకొండ వైపునకు వస్తున్న కారు.. బైక్‌ను ఢీకొంది. ఈ ప్రమాదంలో వెంకటరమణ అక్కడికక్కడే దుర్మరణం చెందాడు. సమాచారం అందుకున్న కేయూ ఇన్‌స్పెక్టర్‌ రవికుమార్‌ ఘటనాస్థలికి చేరుకుని పరిస్థితిని సమీక్షించారు. మృతదేహాన్ని పోస్టుమార్టం నిమిత్తం ఎంజీఎం తరలించారు. కాగా, కుటుంబీకుల అనుమతి మేరకు ఎల్‌వీప్రసాద్‌ నేత్ర వైద్య సిబ్బంది వెంకటరమణ కళ్లు సేకరించారు. దంతాలపల్లిలో వ్యక్తి.. దంతాలపల్లి : మహబూబాబాద్‌ జిల్లా దంతాలపల్లి మండలకేంద్రంలో కారు.. బైక్‌ను ఢీకొంది. ఈ ఘటనలో ఓ వ్యక్తి దుర్మరణం చెందాడు. పోలీసుల కథనం ప్రకారం.. నెల్లికుదురు మండలం బ్రాహ్మణకొత్తపల్లి గ్రామానికి చెందిన కోల సోమయ్య(50) ఆదివారం బైక్‌పై దంతాలపల్లికి వచ్చాడు. ఇండియన్‌ ఆయిల్‌ బంక్‌లో బైక్‌లో పెట్రోల్‌ పోయించుకుని రోడ్డు ఎక్కుతున్నాడు. ఈ క్రమంలో చిన్నగూడూరు మండలం మంగోళిగూడెం గ్రామానికి చెందిన లూనావత్‌ సుమన్‌ కారులో హైదరాబాద్‌ నుంచి స్వగ్రామం వస్తున్నాడు. ఈ సమయంలో బంక్‌ నుంచి బయటకు వస్తున్న బైక్‌ను ఢీకొన్నాడు. ఈ ఘటనలో సోమయ్య ఎగిరి రోడ్డుపై పడి అక్కడికక్కడే దుర్మరణం చెందాడు. పండుగ రోజు ఇంటి పెద్దదిక్కును కోల్పోవడంతో కుటుంబ సభ్యుల రోదనలు మిన్నంటాయి. ఈ ఘటనపై మృతుడి కుమారుడు యాకన్న ఫిర్యాదు మేరకు కారు డ్రైవర్‌పై కేసు నమోదు చేసి మృతదేహాన్ని పోస్టుమార్టం నిమిత్తం మహబూబాబాద్‌ ఏరియా ఆస్పత్రికి తరలించారు. మృతుడికి భార్య లక్ష్మి, కుమారుడు యాకన్న, కూతురు సంధ్య ఉన్నారు. కాగా, మృతుడి కుటంబానికి న్యాయం చేయాలని డిమాండ్‌ చేస్తూ గ్రామస్తులు రోడ్డుపై ధర్నా నిర్వహించారు. దీనిపై సమాచారం అందుకున్న పోలీసులు ఘటనాస్థలికి చేరుకుని ఆందోళనకారులకు నచ్చజెప్పి పంపించారు. వడ్డెకొత్తపల్లి శివారులో మరో వ్యక్తి.. పెద్దవంగర: గుర్తు తెలియని వాహనాన్ని ఢీకొని ఓ వ్యక్తి దుర్మరణం చెందాడు. ఎస్సై ప్రమోద్‌కుమార్‌ గౌడ్‌ కథనం ప్రకారం.. మహబూబాబాద్‌ జిల్లా తొర్రూరు పట్టణానికి చెందిన శివరాత్రి నాగవద్దిరాజు (43) హైదరాబాద్‌లో ప్రైవేట్‌ ఉద్యోగం చేసుకుంటూ కుటుంబాన్ని పోషించుకుంటున్నాడు. దీపావళి సందర్భంగా బైక్‌పై సోమవారం రాత్రి స్వగ్రామం బయలు దేరాడు. రాత్రి 12:30 గంటల సమయంలో తొర్రూరు–తిర్మలగిరి ప్రధాన రహదారిపై వడ్డెకొత్తపల్లి గ్రామ శివారులోని విద్యుత్‌ సబ్‌ స్టేషన్‌ వద్ద ముందు వెళ్తున్న గుర్తు తెలియని వాహనాన్ని ఢీకొని తీవ్రంగా గాయపడ్డారు. స్థానికుల సమాచారం మేరకు ఘటనాస్థలికి చేరుకున్న 108 సిబ్బంది క్షతగాత్రుడిని జిల్లా కేంద్రంలోని ప్రభుత్వ ఆస్పత్రికి తరలిస్తుండగా మార్గమధ్యలో మృతి చెందాడు. ఈ ఘటనపై మృతుడి భార్య శివరాత్రి హైమ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు చేస్తున్నట్లు ఎస్సై ప్రమోద్‌కుమార్‌ గౌడ్‌ తెలిపారు. శంభునిపేట నాగమయ్య గుడి కమాన్‌ వద్ద యువకుడు.. ఖిలా వరంగల్‌ : ఓ బైక్‌ రంగ్‌ రూట్‌లో వచ్చి మరో బైక్‌ను ఢీకొంది. ఈ ప్రమాదంలో ఓ యువకుడు మృతి చెందగా.. మరో యువకుడికి తీవ్రగాయాలయ్యాయి. ఈ ఘటన వరంగల్‌–ఖమ్మం జాతీయ రహదారిపై శంభునిపేట నాగమయ్య గుడి కమాన్‌ వద్ద చోటు చేసుకుంది. పోలీసుల కథనం ప్రకారం.. పెద్దపల్లి జిల్లా జేగంపేలు ఎక్స్‌ రోడ్‌ రామగిరి మండలానికి చెందిన మేద కనకరాజు కుమారుడు వంశీ కృష్ణ (24) జెప్టో ఆన్‌లైన్‌ డెలివరీ (నిత్యావసర సరుకులు) కంపెనీలో పనిచేస్తున్నాడు. ఇటీవల వరంగల్‌ బదిలీకాగా.. రంగశాయిపేట నాగమయ్య గుడి సమీపంలో అద్దెకు ఉంటున్నాడు. ఆదివారం రాత్రి 11: 30 గంటల సమయంలో స్నేహితుడు బొంత సునీల్‌ బైక్‌పై ఇద్దరు కలిసి జెప్టో కంపెనీ స్టోర్‌ వైపునకు వెళ్తున్నారు. ఈక్రమంలో నాగమయ్య గుడి కమాన్‌ ఎదురుగా వరంగల్‌–ఖమ్మం జాతీయ రహదారిపై గుర్తుతెలియని వ్యక్తి రంగ్‌ రూట్‌లో అతివేగంగా వచ్చి వంశీకృష్ణ, సునీల్‌ ప్రయాణిస్తున్న బైక్‌ను ఢీకొన్నాడు. దీంతో వంశీ కృష్ణ ఎగిరి డివైడర్‌పై పడి అక్కడికక్కడే దుర్మరణం చెందగా.. సునీల్‌కు తీవ్రగాయాలయ్యాయి. గమనించిన జెప్టో కంపెనీ ప్రతినిధులు హుటాహుటిన 108లో క్షతగాత్రుడిని ఎంజీఎం తరలించారు. వంశీకృష్ణ మృతదేహాన్ని మార్చురీకి తరలించారు. ఈ ఘటనపై మృతుడి తండ్రి మేద కనకరాజు ఫిర్యాదు మేరకు కేసు నమోదు చేసి దర్యాప్తు చేస్తున్నట్లు మిల్స్‌కాలనీ ఇన్‌స్పెక్టర్‌ కర్రె స్వామి తెలిపారు. దీపావళి పండుగ పూట విషాదం నెలకొంది. ఉమ్మడి వరంగల్‌ జిల్లాలో ఆది,సోమవారాల్లో జరిగిన రోడ్డు ప్రమాదాల్లో నలుగురు దుర్మరణం చెందారు. దీంతో ఆయా కుటుంబాలతోపాటు గ్రామాల్లో విషాదఛాయలు అలుముకున్నాయి.

● కలెక్టర్‌ స్నేహశబరీష్‌ మహబూబాబాద్‌: ప్రజావాణిలో ఇచ్చిన వినతుల విషయంలో నిర్లక్ష్యం చేయకుండా వెంటనే పరిష్కరించాలని కలెక్టర్‌ స్నేహశబరీష్‌ సంబంధిత అదికారులను ఆదేశించారు. కలెక్టరేట్‌లోని ప్రధాన సమావేశ మందిరంలో సోమవారం ప్రజావాణి కార్యక్రమం నిర్వహించగా కలెక్టర్‌ స్వయంగా వినతులు స్వీకరించారు. ఈ సందర్భంగా కలెక్టర్‌ మాట్లాడుతూ వినతులపై సంబంధిత అఽధికారులు క్షేత్రస్థాయిలో విచారణ జరిపి బాధితులకు న్యాయం చేయాలన్నారు. పెండింగ్‌ వినతుల విషయంలో నిర్లక్ష్యం చేయకుండా పరిష్కరించాలని, పరిష్కారం కాకపోతే కారణాలతో కూడిన నివేదిక అందించాలన్నారు. గ్రీవెన్స్‌లో మొత్తం 56 వినతులు రాగా ఆయా శాఖల అధికారులకు ఎండార్స్‌ చేశారు. దీపావళి పండుగ కారణంగా వినతుల సంఖ్య తగ్గాయి. ఈ కార్యక్రమంలో డీఆర్వో నాగలక్ష్మి, జిల్లా అధికారులు పాల్గొన్నారు.

జోడెద్దుల ప్రతిమలతో నేతకాని కులస్తులు● సీతంపేటలో ప్రత్యేక దీపావళి బతుకమ్మ వేడుకలు ● కేదారేశ్వరస్వామి వ్రతం విరమణ హసన్‌పర్తి : హనుమకొండ జి ల్లా హసన్‌పర్తి మండలం సీతంపేటలో దీపావళి బతుకమ్మ వేడుకలు ఘనంగా ప్రారంభమయ్యాయి. దీపావళి పర్వదినం నుంచి మూడు రోజుల పాటు ఉత్సవాలు జరుగుతాయి. ఈ సందర్భంగా గ్రామంలో సందడి వాతావరణం నెలకొంది. కార్యక్రమాన్ని పురస్కరించుకుని నేతకాని కులస్తులు ఆదివారం తొలి రోజుచెరువు నుంచి మట్టిని సేకరించారు. ఆ మట్టితో జోడెడ్ల ప్రతిమలు తయారుచేసి వాటిని ప్రత్యేక గదిలో ప్రతిష్టించి పూజలు నిర్వహించారు. ఈ సందర్భంగా పురుషులు కేదారేశ్వరస్వామి వ్రతాన్ని ఆచరించారు. సోమవారం రెండో రోజు గదిలో ప్రతిష్టించి జోడడ్ల ప్రతిమలతో భారీ ప్రదర్శన నిర్వహించారు. ఈ సందర్భంగా యువకులు ప్రదర్శించిన కోలాట ప్రదర్శనలు ఆహుతులను ఆకట్టుకున్నాయి. సుమారు రెండు కిలోమీటర్ల దూరం వరకు ప్రదర్శన నిర్వహించి స్థానిక చెరువులో జోడెడ్ల ప్రతిమలను నిమజ్జనం చేశారు. అనంతరం కేదారేశ్వర వ్రతాన్ని విరమించారు. మాజీ సర్పంచ్‌ శరత్‌, స్థానిక నాయకులు బండారి కుమారస్వామి, గోళ్ల రాజయ్య, గాంధీ, నేతకాని కులస్తులు, తదితరులు పాల్గొన్నారు.

మహబూబాబాద్‌ అర్బన్‌: పేద ప్రజలకు ఉచిత న్యాయ సహాయం అందించే లక్ష్యంతో ప్రజలందరికీ సమానమైన న్యాయ సేవలను అందిస్తుందని చీఫ్‌ లీగల్‌ ఎయిడ్‌ డిఫెన్స్‌ కౌన్సిల్‌ డి.నాగేశ్వరరావు అన్నారు. జిల్లా కేంద్రంలోని గిరిజన ఆశ్రమ బాలికల పాఠశాలలో సోమవారం జిల్లా న్యాయ సేవ అధికార సంస్థ ఆధ్వర్యంలో జాతీయ న్యాయ దినోత్సవం నిర్వహించారు. ఈ సందర్భంగా నాగేశ్వరరావు మాట్లాడుతూ.. 1995 నవంబర్‌ 9న ఉచిత న్యాయం పూర్తిస్థాయిలో అమల్లోకి వచ్చిందని, దీంతో ప్రతి సంవత్సరం 9వ తేదీన జాతీయ సేవల దినోత్సవం నిర్వహిస్తున్నామన్నారు. ఈ కార్యక్రమంలో న్యాయవాదులు చెన్న మాల్లారెడ్డి, వెంకటేష్‌, హెచ్‌ఎం బాబునాయక్‌, ఉపాధ్యాయులు తదితరులు పాల్గొన్నారు.

నేడో రేపో పింఛన్లు అందించేందుకు కసరత్తు● తుది జాబితా సిద్ధం చేస్తున్న అధికారులు ● దివ్యాంగుల సర్టిఫికెట్లు రాక జాప్యం ● వైద్యారోగ్యశాఖ వద్ద పైలేరియా జాబితా ● జిల్లాలో 16,486 దరఖాస్తులుసాక్షి, మహబూబాబాద్‌: కొత్త ఆసరా పింఛన్ల కోసం ఎదురుచూస్తున్న లబ్ధిదారుల ఆశ నెరవేరే రోజు దగ్గర పడుతోంది. దీపావళి కానుకగా ముఖ్యమంత్రి రేవంత్‌రెడ్డి కొత్త పింఛన్లను లాంచనంగా ప్రారంభించిన నేపథ్యంలో అధికారులు జిల్లా జాబితాను సిద్ధం చేసే పనిలో ఉన్నారు. ఉన్నతాధికారులు కూడా జిల్లా జాబితాను సిద్ధం చేయాలని ఆదేశాలు జారీ చేయడంతో జిల్లాలో కొత్త పింఛన్ల ప్రక్రియ వేగవంతమైంది. కొత్తగా 11వేల వరకు అప్రూవల్‌ కొత్త పింఛన్ల కోసం దరఖాస్తు చేసుకున్న వారిలో 11వేల మేరకు అప్రూవల్‌ చేసినట్లు తెలిసింది. అయితే దరఖాస్తుల పరిశీలనకు వెళ్లిన అధికారులు రకరకాల కొర్రీలు పెట్టి కొందరి పెన్షన్లను రిజెక్ట్‌ చేసినట్లు ఆరోపణలు వచ్చాయి. దీనిపై స్పందించిన ఉన్నతాధికారులు మరోసారి ఉన్నతాధికారుల నేతృత్వంలో పరిశీలన చేయించారు. ఇందులో ఒంటరి మహిళ, వితంతు, దివ్యాంగుల్లో కొందరికి అప్రూవల్‌ చేశారు. ఇలా ఇప్పటి వరకు జిల్లాలో 11వేల పింఛన్లు అప్రూవల్‌ అయినట్లు సమాచారం. అదేవిధంగా వెయ్యి మంది మేరకు గీత కార్మికుల పెన్షన్లు పొందేందుకు అర్హత సాధించినా.. తుది జాబితా ప్రకటించాల్సి ఉంది. దివ్యాంగుల్లో ఉత్కంఠ పుట్టకతో కొందరు, ప్రమాదాలు, వ్యాధుల బారినపడి ఇంకొందరు ఇలా దివ్యాంగులుగా మారిన వారు కొత్త పింఛన్‌ ఎప్పుడు ఇస్తారోనని ఎదురుచూశారు. అయితే తీరా పింఛన్‌ దరఖాస్తులు చేసుకునే సమయానికి సదరన్‌ సర్టిఫికెట్‌ కాలపరిమితి ముగియడంతో రెన్యూవల్‌ కోసం మళ్లీ దరకాస్తు చేసుకోవాల్సి వచ్చింది. సదరన్‌ క్యాంపుల్లో ఆలస్యం కావడం, సర్టిఫికెట్‌ జారీ సందర్భంగా గతం కన్నా తక్కువ పర్సంటేజీతో సర్టిఫికెట్‌ జారీ చేయడంతో పింఛన్‌కు అర్హత కోల్పోవాల్సి వస్తుంది. ఇలా సదరన్‌ క్యాంపు పిలుపు రాక కొందరు, సర్టిఫికెట్‌ రాక మరికొందరు, సర్టిఫికెట్‌ వచ్చినా.. తక్కువ పర్సంటేజీతో ఉన్నవారు కొందరు ఉండడంతో తుది జాబితా విడుదలైతే.. తమ పేరు ఉంటుందో లేదో అనే ఉత్కంఠతో ఉన్నారు. ఇందులో వెయ్యి మంది మేరకు తమ సర్టిఫికెట్లు జారీ చేయకపోవడంతో దివ్యాంగుల పింఛన్‌ మంజూరు చేసే అధికారులు వీరి పేర్లు రిజెక్టు చేయకుండా హోల్డ్‌లో పెట్టినట్లు తెలిసింది. వీటిని మళ్లీ పరిశీలించి సర్టిఫికెట్లు వచ్చిన వారికి మంజూరు చేయడం, లేకుంటే హోల్డ్‌లో పెట్టి మరో అవకాశం ఇవ్వనున్నట్లు చర్చ జరుగుతుంది. పైలేరియా బాధితుల్లో ఆందోళన చేయూత పింఛన్‌ దరఖాస్తులతోపాటు పైలేరియా బాధితుల నుంచి కూడా దరఖాస్తులు తీసుకున్నారు. అయితే సదరు డాక్టర్‌ సర్టిఫికెట్‌తోపాటు, జిల్లా వైద్యాధికారి కార్యాలయంలో ప్రత్యేక పరిశీలనా కేంద్రం ఏర్పాటు చేసి అక్కడికి వచ్చిన బాధితులను పరిశీలించారు. ఆన్‌లైన్‌లో నమోదు చేశారు. ఇలా జిల్లాలో 1,320 మేరకు దరఖాస్తులు వచ్చాయి. గ్రామాల్లో చేయూత పింఛన్‌ మంజూరు కోసం విచారణ అధికారులు ఇంటింటికి రావడంతో.. తాము చేసుకున్న దరఖాస్తు ఏమైందని.. తమ వద్దకు విచారణ అధికారులు రావడం లేదని ఆందోళన చెందుతున్నారు. డాక్టర్‌ పరిశీలన పూర్తి అయ్యిందని, నేరుగా పింఛన్‌ మంజూరు అవుతుందని కొందరు చెబుతుండగా.. విచారణకు ఇంటికి వస్తారని మరికొందరు చెబుతున్నారు. దీంతో చివరకు పింఛన్‌ ఏమౌతుందో? అని పైలేరియా బాధితులు ఆందోళన చెందుతున్నారు. తుది జాబితా సిద్ధం కొత్త పింఛన్‌ కోసం దరఖాస్తు చేసుకున్న అన్ని రకాల దరఖాస్తులను పరిశీలన పూర్తి దశకు చేరుకుంది. కలెక్టర్‌ ఆదేశాల మేరకు తుది జాబితా సిద్ధం చేస్తున్నాం. దివ్యాంగుల్లో కొందరికి సర్టిఫికెట్‌ అందలేదని వినతులు వచ్చాయి. వారిని హోల్డ్‌లో పెట్టి సర్టిఫికెట్‌ వచ్చిన తర్వాత పరిశీలించనున్నాం. ఎకై ్సజ్‌ శాఖ నుంచి గీత కార్మికులు, వైద్యారోగ్యశాఖ నుంచి పైలేరియా బాధితుల పింఛన్‌ తుది జాబితా వస్తుంది. – మధుసూదన్‌ రాజు, జిల్లా గ్రామీణాభివృద్ధి అధికారి

● ఎమ్మెల్యే భూక్యా మురళీనాయక్‌ మహబూబాబాద్‌: పేదల సొంతింటి కల నెరవేర్చడానికే ప్రభుత్వం ఇందిరమ్మ ఇళ్ల పథకం ప్రవేశపెట్టిందని ఎమ్మెల్యే భూక్యా మురళీనాయక్‌ అన్నారు. మున్సిపాలిటీ పరిధిలోని 6వ వార్డులోని బేతోల్‌ గ్రామంలో ఆదివారం మా ఇందిరమ్మ ఇంట్లో దీపావళి కార్యక్రమంలో భాగంగా గృహ ప్రవేశంలో పాల్గొని బాణసంచా కాల్చి సంబురాలు నిర్వహించారు. అనంతరం 36వ వార్డు పరిధిలో ఎమ్మెల్సీ తక్కెళ్లపల్లి రవీందర్‌రావుతో కలిసి రోడ్డు నిర్మాణ పనులకు శంకుస్థాపన చేశారు. ఈ కార్యక్రమంలో చైర్‌పర్సన్‌ గుగులోత్‌ జ్యోతి, వెంకన్న, నాయకులు పాల్గొన్నారు. మరిపెడలో.. మరిపెడ: మరిపెడ మున్సిపాలిటీ పరిధిలోని పలు వార్డుల్లో మా ఇందిరమ్మ ఇళ్లల్లో దీపావళి సంబురాల్లో ప్రభుత్వ విప్‌, ఎమ్మెల్యే జాటోతు రాంచంద్రునాయక్‌ పాల్గొన్నారు. లబ్ధిదారులతో కలిసి బాణసంచా కాల్చారు. కాంగ్రెస్‌ ప్రభుత్వం పేదలకు నీడ కల్పించే ఉద్దేశ్యంతో ఇందిరమ్మ ఇళ్ల పథకం ప్రవేశపెట్టిందని ఎమ్మెల్యే తెలిపారు. కార్యక్రమంలో మున్సిపాలిటీ చైర్మన్‌ వీసారపు ప్రగతిశ్రీపాల్‌రెడ్డి, వైస్‌ చైర్మన్‌ కాలం సునీత రవీందర్‌రెడ్డి, కౌన్సిలర్లు నీలాలచ్చిరాం, కుమార్‌, పాష, జానీమియా తదితరులు పాల్గొన్నారు.

కేయూ క్యాంపస్‌: హైదరాబాద్‌లోని ఉమెన్స్‌ యూనివర్సిటీలో ఈనెల 9నుంచి ప్రారంభమై 12వ తేదీ వరకు జరగనున్న సౌత్‌జోన్‌ ఇంటర్‌ యూనివర్సిటీ చెస్‌ టోర్నమెంట్‌లో పాల్గొననున్న కాకతీయ యూనివర్సిటీ మహిళా జట్టును ఎంపిక చేసినట్లు స్పోర్ట్స్‌బోర్డు సెక్రటరీ డాక్టర్‌ టి.శాస్త్రి సోమవారం తెలిపారు. జట్టులో చిలకబత్తిని నవ్య, పూజశ్రీపుప్పాల, మాధురి కర్జ్‌, బచ్చలి నవ్య, కోరం పూజిత, కుర్సమ్‌ సాహిత్య, ఉన్నారు. జట్టుకు టీజీటీ డబ్ల్యూఆర్‌డీసీ(ఖమ్మం) ఫిజికల్‌ డైరెక్టర్‌ బి. రమ్య, కోచ్‌కమ్‌ మేనేజర్‌గా వ్యవహరిస్తారని శాస్త్రి తెలిపారు.

● మేడిగడ్డ వద్ద 9,170 క్యూసెక్కుల ఇన్‌ఫ్లో కాళేశ్వరం: జయశంకర్‌ భూపాలపల్లి జిల్లా మహదేవపూర్‌ మండలం కాళేశ్వరం ప్రాజెక్టు మేడిగడ్డ (లక్ష్మి) బ్యారేజీ వద్ద గోదావరి ప్రవాహం క్రమంగా తగ్గుతోంది. సోమవారం బ్యారేజీకి 9,170 క్యూసెక్కుల వరద వచ్చి చేరుతుండగా అంతే మొత్తంలో దిగువకు విడుదల చేస్తున్నారు. మొత్తం బ్యారేజీలోని 85 గేట్లు తెరిచి ఉంచడంతో గోదావరి నదిలో వరద ఫ్రీ ఫ్లోలో కొనసాగుతోంది. ఎల్‌నినో ప్రభావంతో మరోవైపు కాళేశ్వరం త్రివేణి సంగమం వద్ద కూడా రోజురోజుకూ నీటిమట్టం తగ్గుతుండడంతో స్థానికుల్లో ఆందోళన వ్యక్తమవుతోంది. భర్త మందలించాడని భార్య ఆత్మహత్య ● ఐనవోలులో ఘటన ఐనవోలు: ఇంట్లో పనులు చేయకుండా ఫోన్‌లో ఎందుకు మాట్లాడుతున్నావని భర్త మందలించడంతో మనస్తాపానికి గురైన భార్య ఉరేసుకుని ఆత్మహ్యతకు పాల్పడింది. ఈ ఘటన హనుమకొండ జిల్లా ఐనవోలు మండల కేంద్రంలో చోటు చేసుకుంది. ఎస్సై కొంక అశోక్‌ కథనం ప్రకా రం.. బిహార్‌లోని నలంద జిల్లా మహత్వాన్‌ గ్రామానికి చెందిన గౌతమ్‌ పాశ్వాన్‌, రాధాకుమారి(20) దంపతులు సుమారు నాలుగేళ్ల క్రితం జీవనోపాధి నిమిత్తం మండల కేంద్రానికి వచ్చారు. గౌతమ్‌ పాశ్వాన్‌ ప్రస్తుతం వివిధ యజమానుల వద్ద హమాలీ, కూలీ పనులకు వెళ్తున్నాడు. ఆదివారం సాయంత్రం గౌతమ్‌ పాశ్వాన్‌ కూలీ పనులు ముగించుకుని ఇంటికి వచ్చాడు. ఈ సమయంలో రాధాకుమారి ఫోన్‌లో మాట్లాడుతూ కనిపించింది. దీంతో ఇంట్లో పనులు చేయకుండా ఫోన్‌లో ఎందుకు మాట్లాడుతున్నావని మందలించాడు. దీంతో మనస్తాపానికి గురైన రాధాకుమారి ఇంట్లో ఉరేసుకుని ఆత్మహత్యకు పాల్ప డింది. ఈ ఘటనపై మృతురాలి భర్త గౌతమ్‌ పాశ్వాన్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. క్షణికావేశంలో జాటోత్‌ తండాలో యువకుడు.. సంగెం: భార్యతో గొడవ పడి క్షణికావేశంలో ఓ యువకుడు ఉరేసుకుని ఆత్మహత్యకు పాల్ప డ్డా డు. ఈ ఘటన వరంగల్‌ జిల్లా సంగెం మండలం నర్సానగర్‌ శివారు జాటో త్‌ తండాలో చోటు చేసుకుంది. పోలీసుల కథనం ప్రకారం.. దుగ్గొండి మండలం అడవి రంగాపురం శివారు గోబ్రియతండాకు చెందిన లావుడ్య వెంకన్న(35)కు సంగెం మండలం నర్సానగర్‌ శివారు జాటోత్‌ తండాకు చెందిన అఖిలతో వివాహం జరిగింది. వివాహ అనంతరం వెంకన్న ఇల్లరికం వచ్చి జాటోత్‌ తండాలో వ్యవసాయం చేసుకుంటూ జీవనం కొనసాగిస్తున్నాడు. ఈ క్రమంలో ఈ నెల 7వ తేదీన భార్యతో గొడవ పడ్డాడు. దీంతో క్షణికావేశంలో ఇంట్లో ఎవరూ లేని సమయంలో ఉరేసుకుని ఆత్మహత్యకు పాల్పడ్డాడు. ఈ ఘటనపై మృతుడి తల్లి లావుడ్య బీది ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై వంశీకృష్ణ తెలిపారు. మృతుడికి నాలుగేళ్ల కుమారుడు ఉన్నాడు.

వరంగల్‌ స్పోర్ట్స్‌ : హనుమకొండ జిల్లా పాఠశాలల క్రీడా సమాఖ్య (ఎస్‌జీఎఫ్‌) ఆధ్వర్యంలో నగరంలోని జేఎన్‌ఎస్‌లో ఈనెల 10, 11 తేదీల్లో 70వ తెలంగాణ రాష్ట్రస్థాయి అండర్‌–14 బాలబాలికల అథ్లెటిక్స్‌ పోటీలు నిర్వహించనున్నట్లు హనుమకొండ డీఈఓ, ఎస్‌జీఎఫ్‌ జిల్లా అధ్యక్షుడు ఎల్‌.వి. గిరిరాజ్‌ గౌడ్‌, ఆర్గనైజింగ్‌ సెక్రటరీ వి. వాసుదేవరావు సోమవారం తెలిపారు. మంగళవారం ఉదయం 10 గంటల నుంచి క్రీడాకారుల పేర్ల నమోదు ప్రక్రియ ప్రారంభమవుతుందని, మధ్యాహ్నం 2 గంటల నుంచి పోటీలు నిర్వహించనున్నట్లు పేర్కొన్నారు. రాష్ట్రంలోని అన్ని ఉమ్మడి జిల్లాల నుంచి బాలబాలికలు ఈ పోటీల్లో పాల్గొననున్నారని వివరించారు. అత్యుత్తమ ప్రతిభ కనబరిచిన క్రీడాకారులను జాతీయస్థాయి ఎస్‌జీఎఫ్‌ అథ్లెటిక్స్‌ పోటీలకు తెలంగాణ జట్టు ఎంపిక కోసం పరిగణనలోకి తీసుకుంటామని తెలిపారు.

● చెట్టు పైనుంచి పడి వ్యక్తి మృతి ● మహదేవపూర్‌లో ఘటన కాళేశ్వరం: దీపావళి పండుగ కోసం చెట్టు ఎక్కి ఆకులు కోస్తున్న క్రమంలో జారిపడి ఓ వ్యక్తి మృతి చెందాడు. ఈ ఘటన ఆదివారం జయశంకర్‌ భూపాలపల్లి జిల్లా మహదేవపూర్‌లో చోటుచేసుకుంది. కుటుంబీకుల కథనం ప్రకారం.. మండల కేంద్రానికి చెందిన జైన సదానందం (59) స్థానికంగా ఓ హోటల్‌ నిర్వహిస్తున్నాడు. పండుగ రోజు పూజ నిమిత్తం ఆకులు (మర్రి) సేకరించడానికి అటవీ ప్రాంతంలో ఓ చెట్టు ఎక్కాడు. ప్రమాదవశాత్తు కాలు జారి చెట్టు పైనుంచి పడ్డాడు. ఈ ఘటనలో తీవ్రంగా గాయపడి అక్కడికక్కడే మృతి చెందాడు. పండుగ రోజు ఇంటి పెద్ద దిక్కును కోల్పోవడంతో కుటుంబీకులు, బంధువులు కన్నీరుమున్నీరుగా విలపించారు.

గూడూరు:మండలకేంద్రంలోని చెంద్రుగూడెంలో చెడుపై మంచి సాధించిన విజయానికి ప్ర తీకగా జరుపుకునే నరకాసుర వధ వేడుకలను సత్యభామ యూత్‌ అసోసియేషన్‌ ఆధ్వర్యంలో ఆదివారం ఘనంగా నిర్వహించారు. రెండు గంటల పాటు నిర్వహించిన సాంస్కృతిక కార్యక్రమాల అనంతరం 40 అడుగుల ఎత్తు గల నరకాసురుడి ప్రతిమను మాజీ సర్పంచ్‌ నూనావత్‌ రమేష్‌, ఎంపీటీసీ కత్తి స్వామి, హిందూ ఉత్సవ సమితి అధ్యక్షుడు పింగిళి శ్రీనివాస్‌, యూత్‌క్లబ్‌ ప్రతినిధులు కలిసి దహనం చేశారు. దహనమవుతున్న నరకాసుర ప్రతిమ

● నెలరోజులపాటు శైవక్షేత్రాల్లో ప్రత్యేక పూజలు మహబూబాబాద్‌ రూరల్‌: శివ కేశవులకు అత్యంత ప్రీతికరమైన ‘కార్తీక మాసం’ నేటినుంచి (మంగళవారం) ప్రారంభం కానుంది. పట్టణంలోని శ్రీఉమాచంద్రమౌళీశ్వరాలయం, శ్రీపార్వతి రామలింగేశ్వరాలయం, శ్రీభక్తమార్కండేయ శివాలయం, శ్రీవేంకటేశ్వరస్వామి దేవాలయం, మహాగాయత్రీ దేవాలయంలో నెలరోజుల పాటు కార్తీక మాస పూజలు జరుగనున్నాయి. అలాగే జిల్లాలోని శైవక్షేత్రాల్లో ప్రత్యేక పూజలు జరగనున్నాయి. కార్తీక మాసంలో శివుడికి భక్తులు వివిధ రకాల అభిషేకాలు చేయిస్తే పార్వతీ పరమేశ్వరుల అనుగ్రహం లభిస్తుందని ఆయా దేవాలయాల అర్చకులు తెలిపారు. ప్రతీరోజు ఉదయం, సాయంత్రం శివాలయాల్లో కార్తీక మాస అభిషేకాలు, ప్రత్యేక పూజలు నిర్వహిస్తామన్నారు. 24వ తేదీన కార్తీక పౌర్ణమి సందర్భంగా ఆలయాల్లో లఘున్యాసపూర్వక, మహన్యాసపూర్వక రుద్రాభిషేకాలు జరుగుతాయన్నారు. ఇన్‌చార్జ్‌ కమిషనర్‌గా డీఈ ఉపేందర్‌మహబూబాబాద్‌: మున్సిపాలిటీ డీఈగా పని చేస్తున్న సీహెచ్‌ ఉపేందర్‌ ఈ నెల 6 నుంచి ఇన్‌చార్జ్‌ కమిషనర్‌ బాధ్యతలు అప్పగించారు. కమిషనర్‌ ఎం.వినోద్‌కుమార్‌ ఆరోగ్య రీత్యా ఈనెల 6 నుంచి 13వ తేదీ వరకు సెలవు పెట్టారని అధికారులు పేర్కొన్నారు. దీంతో కలెక్టరేట్‌ నుంచి డీఈ ఉపేందర్‌కు ఇన్‌చార్జ్‌ బాధ్యతలు అప్పగించిన్నట్లు అధికారులు తెలిపారు. పాఠశాల విద్య వరంగల్‌ ఆర్‌జేడీగా వెంకటనర్సమ్మ విద్యారణ్యపురి: పాఠశాల విద్య వరంగల్‌ ఆర్‌జేడీగా (రీజనల్‌ జాయింట్‌ డైరెక్టర్‌) ఫుల్‌ అడిషనల్‌ చార్జి (ఎఫ్‌ఏసీ) బి.వెంకటనర్సమ్మను నియమిస్తూ సోమవారం రాష్ట్ర ప్రభుత్వం ఉత్తర్వులు జారీచేసింది. ప్రస్తుతం వెంకటనర్సమ్మ హైదరాబాద్‌లో పాఠశాల విద్యాశాఖ డైరెక్టరేట్‌లో జాయింట్‌ డైరెక్టర్‌ (సర్వీసెస్‌)గా బాధ్యతలు నిర్వర్తిస్తున్నారు. కొంతకాలం క్రితమే పాఠశాల విద్యాశాఖ డైరెక్టరేట్‌లో జాయింట్‌ డైరెక్టర్‌గా పనిచేస్తున్న విజయలక్ష్మీకి వరంగల్‌కు పోస్టింగ్‌ ఇవ్వగా ఆమె బాధ్యతలు చేపట్టలేదు. సెలవుల్లో కొనసాగుతున్నారు. దీంతో ఆమెస్థానంలో వెంకటనర్సమ్మకు పోస్టింగ్‌ ఇస్తూ ప్రభుత్వం ఉత్తర్వులు జారీచేసింది. రాష్ట్రస్థాయి తైక్వాండో పోటీలకు ప్రభంజన్‌మహబూబాబాద్‌ అర్బన్‌: ఉమ్మడి వరంగల్‌ జిల్లాస్థాయి ఎస్‌జీఎఫ్‌ తైక్వాండో పోటీల్లో ప్రతిభ చాటి రాష్ట్రస్థాయి తైక్వాండో పోటీలకు ప్రభంజన్‌ ఎంపికై య్యాడని లయన్స్‌ తైక్వాండో అకాడమీ కోచ్‌ లావుడ్య రాంబాబు సోమవారం తెలిపారు. ఈ మేరకు గద్వాల్‌ జిల్లాలో ఈ నెల 14 నుంచి 16వ తేదీ వరకు జరిగే రాష్ట్రస్థాయి పోటీల్లో పాల్గొననున్నట్లు తెలిపారు. ప్రభంజన్‌ను ఉపాధ్యాయులు, కోచ్‌తోపాటు తల్లిదండ్రులు అభినందించారు. రాష్ట్ర స్థాయిలో కూడా ప్రతిభ కనబర్చాలని కోరారు. అంగన్‌వాడీ అభ్యర్థుల జాబితా ప్రదర్శన మహబూబాబాద్‌: అంగన్‌వాడీ పోస్టుల కోసం దరఖాస్తు చేసుకున్న అభ్యర్థుల అర్హుల, అనర్హులైన ప్రాథమిక జాబితాను గ్రామాల్లోని గ్రామపంచాయతీ కార్యాలయం, పట్టణాల్లో అయితే మున్సిపాలిటీ కార్యాలయాల్లో ప్రదర్శించినట్లు ఇన్‌చార్జ్‌ డీడబ్ల్యూఓ శిరీష సోమవారం ఒక ప్రకటనలో తెలిపారు. సదరు జాబితాలో తమ పేర్లు లేదా అర్హతలకు సంబంధించి ఏదైనా అభ్యంతరాలు ఉన్న అభ్యర్థులు తగిన ఆధారాలతో సంబంధిత ఐసీడీఎస్‌ ప్రాజెక్ట్‌ కార్యాలయంలో అందించాలన్నారు. ఈ అవకాశాన్ని సద్వినియోగం చేసుకుని అభ్యంతరాలు ఉంటే ఈనెల 13లోగా సమర్పించాలన్నారు. దరఖాస్తుల ఆహ్వానం మహబూబాబాద్‌: డిసెంబర్‌ 3న అంతర్జాతీయ దివ్యాంగుల దినోత్సవం సందర్భంగా దివ్యాంగుల సాధికారత, సంక్షేమం అభివృద్ధి రంగాల్లో విశేష సేవలు అందించిన వ్యక్తులు, సంస్థలను గుర్తించి ప్రోత్సహించడానికి రాష్ట్ర స్థాయి అవార్డులు పురస్కారాలకు దరఖాస్తు చేసుకోవాలని ఇన్‌చార్జ్‌ డీడబ్ల్యూఓ శిరీష సోమవారం ఒక ప్రకటనలో తెలిపారు. అవార్డులకు సంబఽంధించి వ్యక్తి గత విభాగం, సంస్థాగత విభాగాల్లో దరఖాస్తు చేసుకోవచ్చన్నారు. ఆయా రంగాల్లో విశేష సేవలు, విజయాలు సాధించిన అర్హులైన దివ్యాంగులు దరఖాస్తు చేసు కోవాలన్నారు. దరఖాస్తులు ఈనెల 15 లోపు జిల్లా సంక్షేమ కార్యాలయంలో సమర్పించాలన్నారు. పూర్తి వివరాలకు జిల్లా సంక్షేమ శాఖ కార్యాలయంలో సంప్రదించాలన్నారు.

కాశిబుగ్గ: వరంగల్‌లో నిర్మిస్తున్న సూపర్‌ మల్టీ స్పెషాలిటీ ఆస్పత్రి పరిశీలనకు రాష్ట్ర వైద్యారోగ్యశాఖ మంత్రి దామోదర రాజనర్సింహ ఈ నెల 15 వతేదీ వరకు రానున్నట్లు ప్రచారం జరుగుతోంది. ఇప్పటికే రాష్ట్ర మంత్రులు పొంగులేటి శ్రీనివాసరెడ్డి, సీతక్క, రాజ్యసభ సభ్యుడు వేం నరేందర్‌రెడ్డి ఉన్నతాధికారులతో విచ్చేసి ఆస్పత్రిని పరిశీలించారు. దసరా పండుగ రోజు లాంఛనంగా ఓపీ సేవలు ప్రారంభిస్తామని ప్రకటించినా కార్యరూపం దాల్చ లేదు. దీనికి కారణాలేమైనా విజయదశమి రోజు ఓసీ సేవలకు ముహూర్తం ఫలించలేదు. దీంతో మంత్రులు, ఉన్నతాధికారుల ఆదేశాలతో సూపర్‌ ఆస్పత్రి నిర్మాణ పనుల్లో స్పీడ్‌ పెంచారు. ఎల్‌ అండ్‌ టీ కంపెనీ, ఆర్‌ అండ్‌ బీ అఽఽధికారులు, సీఎంఓ అధికారులు, గ్రూప్‌–1 అధికారుల బృందంతో పాటు ఎంజీఎం అధికారులు పనులు వేగవంతం చేశారు. ముఖ్యంగా వరంగల్‌ కలెక్టర్‌ సత్యశారద నిత్యం అధికారులు, కంపెనీ అధికారులను అలర్ట్‌ చేస్తూ నిర్మాణ పనులపై పర్యవేక్షిస్తున్నారు. అలాగే, హనుమకొండ కలెక్టర్‌ చాహత్‌ బాజ్‌పాయ్‌ కూడా ఆస్పత్రి గ్రౌండ్‌లో ఏర్పాట్లు చురుగ్గా జరిగేలా ప్రయత్నం చేస్తున్నారు. ఈ నేపథ్యంలో ఎంజీఎంకు సంబంధించిన ఉద్యోగులు, ఇతర సిబ్బందిని ‘సూపర్‌’కు పిలుస్తూ ట్రయల్స్‌ చేయిస్తున్నట్లు తెలుస్తోంది. ప్రస్తుతం ఓపీ సేవలు ప్రారంభమైతే తీసుకోవాల్సిన పనులు సత్వరంగా పూర్తి అయ్యేలా కృషి చేస్తున్నారు. అయితే ప్రస్తుతం గ్రౌండ్‌తో పాటు ఫస్ట్‌, సెకండ్‌ ఫ్లోర్‌ వరకు పనులు పూర్తి కావొస్తున్నట్లు తెలుస్తోంది. వాషింగ్‌ రూమ్స్‌ పూర్తి చేయాల్సి ఉందని తెలుస్తోంది. 15న వైద్యారోగ్య శాఖ మంత్రి పర్యటన? రాష్ట్ర వైద్యారోగ్యశాఖ మంత్రి దామోదర రాజనర్సింహ ఈనెల 15న వరంగల్‌లో పర్యటించనున్నట్లు తెలుస్తోంది. ఆయన ఇంతవరకు సూపర్‌ స్పెషాలిటీ ఆస్పత్రి నిర్మాణ పనులను స్వయంగా పరిశీలించలేదు. ఇద్దరు మంత్రులు, పలువురు ప్రజాప్రతినిధులు విచ్చేసినప్పటికీ సంబంధిత శాఖ మంత్రి రాలేదని విమర్శలు వచ్చాయి. దీంతో ఆయన వరంగల్‌ పర్యటనలో భాగంగా ప్రత్యేకంగా సూపర్‌స్పెషాలిటీ ఆస్పత్రిని పరిశీలించనున్నట్లు తెలుస్తోంది. ఇక్కడి పనులు, ఏర్పాట్ల గురించి ము ఖ్యమంత్రికి వివరించనున్నట్లు సమాచారం. అలా గే, ఈ నెల 20 వరకు ఓపీ సేవలకు అవసరమైన ఏర్పాట్లను పూర్తి స్థాయిలో చేయాలని ఉన్నతాధికారుల నుంచి ఆదేశాలు వచ్చినట్లు తెలుస్తోంది. సివిల్‌ అసిస్టెంట్‌ సర్జన్లు, ప్రొఫెసర్ల నియామకాలు.. ఇప్పటికే అధికారులు కాంట్రాక్టు పద్ధతిపై సివిల్‌ అసిస్టెంట్‌ సర్జన్లు, అదనపు ఆర్‌ఎంఓలు, అసిస్టెంట్‌ ప్రొఫెసర్లు, అసోసియేట్‌ ప్రొఫెసర్లు, ప్రొఫెసర్ల నియామకం కోసం కసరత్తు ప్రారంభించారు. కేఎంసీ, ఎంజీఎం పరిఽధిలో నలుగురు 8 సివిల్‌ అసిస్టెంట్‌ సర్జన్లను నియమించారు. కేఎంసీ పరిధిలోని ఆస్పత్రుల్లో ప్రొఫెసర్ల నియామకం కోసం నోటిఫికేషన్‌ ఇచ్చారు. అలాగే, ఎంజీఎంలో కాంట్రాక్టు పద్ధతిలో 16 మంది అసిస్టెంట్‌ ప్రొఫెసర్ల నియామకం కోసం ఇంటర్వ్యూ నిర్వహించారు. కాంట్రాక్టు, ఔట్‌ సోర్సింగ్‌ పద్ధతిలో పారా మెడికల్‌, శానిటేషన్‌, పేషెంట్‌ కేర్‌, సెక్యూరిటీ గార్డుల నియామకం కోసం నోటిఫికేషన్‌ ఇచ్చే అవకాశం ఉంది. మంత్రి పర్యటనకు ముందు ‘సూపర్‌’లో ఓపీ ఏర్పాట్లు అయ్యేనా! ఈ నెల 20 వరకు పూర్తి చేయాలని ఆదేశాలు?

సాక్షిప్రతినిధి, వరంగల్‌ : జనాభా లెక్కలకు ముహూర్తం ఖరారైంది. ఇళ్ల గణన ఘట్టం ముగియగా.. ఇప్పుడు వ్యక్తుల గణనకు ప్రభుత్వం సిద్ధమైంది. 2011 తర్వాత దాదాపు 16 ఏళ్ల విరామంతో జరుగుతున్న జనగణన–2027 రెండో విడతకు ప్రభుత్వం తేదీలను ప్రకటించింది. ఈ మేరకు జీఓ నంబర్‌ 155 ద్వారా చీఫ్‌ సెక్రటరీ సంజయ్‌ జాజు సోమవారం ఉత్తర్వులు జారీ చేశారు. వచ్చే ఏడాది జనవరి 10 నుంచి 24 వరకు ప్రజలకు స్వీయ గణనకు అవకాశం కల్పించనుండగా.. జనవరి 25 నుంచి ఫిబ్రవరి 28 వరకు ఎన్యుమరేటర్లు ఇంటింటికీ తిరిగి జనాభా వివరాలు సేకరించనున్నారు. మార్చి 1 నుంచి 5 వరకు సవరణల ప్రక్రియ చేపట్టనున్నారు. ఉమ్మడి వరంగల్‌ జిల్లాలో 2011 జనాభా లెక్కల ప్రకారం మొత్తం జనాభా 38,20,369 ఉండగా, ఇందులో పట్టణ 28,28,036మంది, గ్రామీణ జనాభా 9,92,333 ఉన్నట్లు గణాంకాలు చెబుతున్నాయి. ఈ విడతలో కుటుంబ సభ్యుల వివరాలు.. ఈ క్రమంలో 15 ఏళ్ల విరామం తరువాత జనగణనలో మొదటి విడతగా చేపట్టిన హౌస్‌లిస్టింగ్‌ అండ్‌ హౌసింగ్‌ సెన్సస్‌లో ఇళ్ల నిర్మాణం, నివాస పరిస్థితులు, కుటుంబాలకు ఉన్న సౌకర్యాల వివరాలను సేకరించారు. ఉమ్మడి వరంగల్‌లోని ఆరు జిల్లాలతోపాటు గ్రేటర్‌ వరంగల్‌ పరిధిలోనూ ఈ ప్రక్రియ కొనసాగింది. ఇళ్ల రకం, గోడలు, పైకప్పుల నిర్మాణం, తాగునీరు, విద్యుత్‌, మరుగుదొడ్డి, వంట ఇంధనం, ఇంటర్నెట్‌, స్మార్ట్‌ఫోన్‌, వాహనాలు తదితర వివరాలను డిజిటల్‌ విధానంలో నమోదు చేశారు. రెండో విడతలో కుటుంబ సభ్యుల సంఖ్య, వయసు, లింగం, విద్యార్హతలు, వైవాహిక స్థితి, వత్తి, ఉపాధి తదితర అంశాలపై సమాచారం సేకరిస్తారు. ఈసారి కుల గణనకు సంబంధించిన ప్రశ్నలు కూడా జనగణనలో భాగంగా ఉండనున్నాయి. స్వయంగా నమోదు చేసుకునే అవకాశం.. ప్రజలకు జనవరి 10 నుంచి 24 వరకు సెల్ఫ్‌ ఎన్యుమరేషన్‌ సదుపాయం కల్పిస్తున్నారు. ప్రత్యేక ఆన్‌లైన్‌ పోర్టల్‌ ద్వారా కుటుంబ వివరాలను స్వయంగా నమోదు చేసుకోవచ్చు. అనంతరం ఎన్యుమరేటర్‌ ఇంటికి వచ్చినప్పుడు నమోదు చేసిన వివరాలను ధ్రువీకరించాల్సి ఉంటుంది. ఈ సదుపాయాన్ని వినియోగించుకోని కుటుంబాల వివరాలను సిబ్బంది నేరుగా సేకరిస్తారు. ఉమ్మడి జిల్లాల్లో గ్రామీణ, పట్టణ ప్రాంతాల వారీగా గణన చేపట్టనున్నారు. కలెక్టర్ల పర్యవేక్షణలో సంబంధిత శాఖల సిబ్బందికి బాధ్యతలు అప్పగించనున్నారు. ఉపాధ్యాయులు, ఇతర ప్రభుత్వ ఉద్యోగులను ఎన్యుమరేటర్లుగా నియమించి శిక్షణ ఇచ్చి, ‘గ్రేటర్‌ ’లో వార్డులు, కాలనీలవారీగా గణన చేయనున్నారు. ఇళ్ల గణన పూర్తి.. వ్యక్తుల గణనకు వేళాయె.. 2027, జనవరి 25 నుంచి రెండో విడత ప్రారంభం 10 నుంచి 24 వరకు స్వీయ గణనకు అవకాశం ఉత్తర్వులు జారీ చేసిన ప్రభుత్వం.. గ్రేటర్‌ విస్తరణ.. కొత్త కాలనీల జనాభాపై ఆసక్తిజిల్లా మొత్తం గ్రామీణ పట్టణ హనుమకొండ 10,62,247 4,98,618 5,63,629 వరంగల్‌ 7,37,148 5,10,057 2,27,091 జనగామ 5,34,991 4,63,634 71,357 భూపాలపల్లి 4,16,763 3,74,376 42,387 మహబూబాబాద్‌ 7,74,549 6,98,173 76,376 ములుగు 2,94,671 2,83,178 11,493‘గ్రేటర్‌’జనాభాపై ఆసక్తి.. హనుమకొండ–వరంగల్‌–కాజీపేట ట్రైసిటీ ప్రాంతంలో గత పదహారేళ్లలో పట్టణీకరణ వేగంగా పెరిగింది. కొత్త కాలనీలు, విలీన గ్రామాలు, అపార్ట్‌మెంట్లు, గేటెడ్‌ కమ్యూనిటీలు విస్తరించాయి. దీంతో ఇక్కడి జనాభా ఎంత పెరిగింది? ఏ ప్రాంతాల్లో ఎక్కువ కుటుంబాలు నివసిస్తున్నాయి? అనే అంశాలపై ఆసక్తి నెలకొంది. సు మారుగా 11 లక్షల వరకు ఉంటుందని అంచనా కాగా, తాజా గణాంకాలు వెలువడితే తాగునీరు, రహదారులు, డ్రెయినేజీ, విద్య, వైద్య సదుపాయాల భవిష్యత్‌ ప్రణాళికలకు ఉపయోగపడనున్నాయి. కాగా జనాభా గణనకు 2027, మార్చి 1వ తేదీ అర్ధరాత్రి 00:00 గంటలను ప్రామాణిక సమయంగా నిర్ణయించారు. ప్రధాన గణన అనంతరం మార్చి 1 నుంచి 5 వరకు రివిజనల్‌ రౌండ్‌ నిర్వహించి వివరాల్లో పొరపాట్లు, మినహాయింపులను సరిచూడనున్నారు.

● ప్రభుత్వ విప్‌ డాక్టర్‌ జాటోత్‌ రాంచంద్రునాయక్‌కురవి: జిల్లాలోనే ప్రసిద్ధిగాంచిన కందికొండ గ్రామ శివారు కందగిరి పర్వతంపై జరగబోయే శ్రీలక్ష్మీనర్సింహాస్వామి జాతరను వైభవంగా జరిపేందుకు కృషి చేస్తామని, కందికొండ గుట్టను పర్యాటక కేంద్రంగా తీర్చిదిద్దుతామని ప్రభుత్వ విప్‌ డాక్టర్‌ జాటోత్‌ రాంచంద్రునాయక్‌ అన్నారు. సోమవారం కందికొండ శివారు కందగిరి పర్వతం వద్ద ఈనెల 24న కార్తీక పౌర్ణమి రోజున జరగబోయే లక్ష్మీనర్సింహాస్వామి జాతరను విజయవంతం చేసేందుకు అధికారులతో సమీక్ష సమావేశం నిర్వహించారు. అంతకుముందు గుట్టను పరిశీలించి అధికారులకు పలు సూచనలు చేశారు. అనంతరం ఆయన మా ట్లాడుతూ పురావస్తు శాఖ, పర్యాటక శాఖ, అటవీ శాఖలతో సమన్వయం చేసి గుట్టపైకి చేరేందుకు రోప్‌వే కోసం ప్రతిపాదనల పంపించామని, రూ.5కోట్లతో గుట్టపై ఉన్న పురాతన ఆలయం అభివృద్ధి జరుగుతుందన్నారు. అధికారులు సమన్వయంతో జాతరను విజయవంతం చేయాలని సూ చించారు. కార్యక్రమంలో సర్పంచ్‌ తొడుసు నాగా ర్జున, ఎంపీడీఓ వీరబాబు, తహసీల్దార్లు పున్నంచందర్‌, విజయ, రవీందర్‌రెడ్డి, సుధాకర్‌, బాలగాని శ్రీనివాస్‌, గార్లపాటి వెంకటరెడ్డి, వీరభద్రం, వేణుగోపాల్‌రెడ్డి, నాయకులు పాల్గొన్నారు.

హన్మకొండ కల్చరల్‌: నగరంలోని శ్రీరుద్రేశ్వరస్వామి వారి వేయిస్తంభాల దేవాలయంలో నేటి (మంగళవారం) నుంచి డిసెంబర్‌ 8వతేదీ (మంగళవారం) వరకు కార్తీకమాసోత్సవాలు వైభవంగా నిర్వహించనున్నారు. ఈ మేరకు సంబంధింత అధికారులు ఆలయంలో విస్తృత ఏర్పాట్లు చేశారు. కార్తీకమాసంలో పురాతన శివాలయాల్లో పూజలు నిర్వహించడం ద్వారా శివానుగ్రహం పొందొచ్చని భక్తుల విశ్వాసం. కాకతీయుల కాలంనాటి ఈ దేవాలయంలో కార్తీకమాసోత్సవాల సందర్భంగా పూజలు నిర్వహించడానికి, దీపాలు వెలిగించడానికి తెలంగాణతోపాటు ఆంధ్రప్రదేశ్‌ రాష్ట్రంలోని వివిధ ప్రాంతాల నుంచి భక్తులు లక్షలాదిగా వస్తుంటారు. దీంతో భక్తులకు ఎలాంటి అసౌకర్యం కలగకుండా క్యూలైన్లు, మంచినీరు, తదితర ఏర్పాట్లు చేశామని ఆలయ ఈఓ అనిల్‌కుమార్‌, ప్రధానార్చకుడు గంగు ఉపేంద్రశర్మ తెలిపారు. ఈ మేరకు ఉదయం వరంగల్‌ కలెక్టర్‌ డాక్టర్‌ సత్యశారద పాల్గొని కార్తీకమాసోత్సవాలను ప్రారంభిస్తారని తెలిపారు. ఈ మేరకు సోమవారం ఉదయం గంగు ఉపేంద్రశర్మ ఆధ్వర్యంలో శ్రీరుద్రేశ్వరస్వామి వారికి రుద్రాభిషేకం, సామూహిక రుద్రాభిషేకాలు ప్రత్యేకపూజలు జరిగాయి. ఈ నెల 24న కార్తీక పౌర్ణమి, లక్షదీపోత్సవం10వతేదీన కార్తీక శుద్ధపాఢ్యమి ఉత్సవాలు ప్రారంభం, 13వతేదీన నాగులచవితి, దేవాలయ ప్రాంగణంలో నాగులచవితిపూజలు, 16వతేదీన కార్తీకప్రథమ సోమవారం పూజలు, మహాన్యాసపూర్వక రుద్రాభిషేకాలు, సాయంత్రం ప్రదోషకాల పూజలు, చతుర్వేదసేవ, 23వతేదీన కార్తీకమాస రెండో సోమవారం సామూహికరుద్రాభిషేకాలు, 24వతేదీన కార్తీకపౌర్ణమిని పురస్కరించుకుని ఉదయం మహాన్యాసపూర్వక రుద్రాభిషేకాలు, సామూహికరుద్రాభిషేకాలు ఉదయం 6 నుంచి మధ్యాహ్నం ఒంటి గంట వరకు తిరిగి సాయంత్రం 4 నుంచి రాత్రి 8గంటల వరకు జరుగుతాయి. సాయంత్రం 6గంటల నుంచి లక్షదీపోత్సవం, 30వతేదీ మూడో సోమవారం మహాన్యాసపూర్వక రుద్రాభిషేకాలు, 07వతేదీన నాలుగో సోమవారం మహాన్యాసపూర్వక రుద్రాభిషేకాలు, మాసశివరాత్రి మకరలగ్నంలో ఉదయం 10:35గంటలకు శ్రీశివకల్యాణోత్సవం వైభవంగా నిర్వహించనున్నారు. కల్యాణంలో పాల్గొనే భక్తులు రూ.1,116 చెల్లించి రశీదు పొందాలని ఆలయ ఈఓ అనిల్‌కుమార్‌ తెలిపారు.

భూపాలపల్లి అర్బన్‌ : దీపావళి వేళ జరిగిన అగ్నిప్రమాదం చిరు వ్యాపారుల కుటుంబాల్లో తీరని విషా దాన్ని నింపింది. భూపాలపల్లి ఫారెస్ట్‌ కార్యాల యం ఎదుట జాతీయ రహదారి ఫుట్‌పాత్‌పై తా త్కాలిక షెడ్లు ఏర్పాటు చేసుకుని పూలు, దేవుళ్ల ఫొ టోలు విక్రయించడంతోపాటు వాచ్‌రిపేర్లు చేసుకుంటూ జీవనం సాగిస్తున్న చిరువ్యాపారుల దు కాణాలు ఆదివారం రాత్రి ప్రమాదవశాత్తు మంట ల్లో దగ్ధమయ్యాయి. సమాచారం అందుకున్న ఫైర్‌ సిబ్బంది ఘటనాస్థలికి చేరుకుని మంటలను అదు పు చేశారు. అయితే అప్పటికే దుకాణాల్లోని సామగ్రి, వ్యాపారానికి సమకూర్చుకున్న పెట్టుబడి పూర్తి గా దగ్ధమైంది. ఈ ప్రమాదంలో పర్థం బుమయ్య, వీర్నాల జానీ, వీర్నాల లక్ష్మి, మల్లికార్జున్‌ దుకాణా లు దగ్ధమయ్యాయి. ప్రాథమిక అంచనా ప్రకారం సుమారు రూ.3 లక్షల నుంచి 4 లక్షల వరకు నష్టం వాటిల్లినట్లు బాధితులు వాపోతున్నారు. కళ్లెదుటే బూడిదైన జీవనాధారం.. రోజూ పూలు విక్రయిస్తేనే కుటుంబాలకు పూట గడిచే పరిస్థితి. ఎన్నో ఏళ్లుగా కష్టపడి కూడబెట్టుకు న్న పెట్టుబడితో వ్యాపారం చేసుకుంటున్న తమకు అగ్నిప్రమాదం రూపంలో పెద్ద దెబ్బ తగిలిందని బాధితులు కన్నీరుమున్నీరవుతున్నారు. ఉన్న ఒక్క టే జీవనాధారం కళ్లెదుటే కాలిపోవడంతో బోరున విలపిస్తున్నారు. ప్రభుత్వం, ప్రజాప్రతినిధులు మానవతా దృక్పథంతో స్పందించి ఆర్థిక సాయం అందించడంతో పాటు తిరిగి వ్యాపారం చేసుకునేలా ఆదుకోవాలని వేడుకుంటున్నారు. దగ్ధమైన దుకాణాలను ఆర్‌ఐ రామస్వామి, జీపీఓ కృష్ణమూర్తి పరిశీలించి నష్టాన్ని నమోదు చేశారు. బాధితులకు ఎమ్మెల్యే పరామర్శ అగ్నిప్రమాదంలో దగ్ధమైన వ్యాపార షెడ్లను ఎమ్మె ల్యే గండ్ర సత్యనారాయణరావు సోమవారం పరిశీ లించారు. బాధిత కుటుంబాలను పరామర్శించి ఓదార్చారు. బాధితులకు న్యాయం జరిగేలా కలెక్టర్‌, సంబంధిత అధికారులతో మాట్లాడతానని తెలి పారు. కాంగ్రెస్‌ పార్టీ జిల్లా అధ్యక్షుడు బట్టు కరుణాకర్‌, మున్సిపల్‌ చైర్మన్‌ బుర్ర కొమురయ్య, వైస్‌ చైర్మన్‌ అంబాల శ్రీనివాస్‌, పట్టణ అధ్యక్షుడు శ్రీని వాస్‌, తదితరులు పాల్గొన్నారు. నాలుగు దుకాణాలు దగ్ధం రూ.3 లక్షల నుంచి రూ. 4 లక్షల వరకు ఆస్తి నష్టం

కాశిబుగ్గ: వరంగల్‌ మట్టెవాడ పోలీస్‌స్టేషన్‌ పరిధిలోని బొమ్మలగుడి, కుమ్మరి వీధిలో సాయికుమార్‌ అనే వ్యక్తిపై శ్రీకాంత్‌ అనే వ్యక్తి హత్యాయత్నానికి పాల్పడ్డాడు. సీఐ కరుణాకర్‌ తెలిపిన వివరాల ప్రకారం.. కుమ్మరి వీధిలో నివసిస్తున్న ఓ మహిళ ఏడాదికాలంగా సాయికుమార్‌ను ప్రేమిస్తున్నానంటూ వెంటపడింది. ఈ విషయం తెలుసుకున్న ఆమె భర్త శ్రీకాంత్‌ భార్యతో గొడవ పడిన ప్రతిసారీ సాయికుమార్‌తోనూ గొడవ పడేవాడు. సాయికుమార్‌ పలుమార్లు తనకు సదరు మహిళతో ఎలాంటి సంబంధం లేదని చెప్పినా శ్రీకాంత్‌ పగ పెంచుకున్నాడు. ఇందులో భాగంగా ఆరునెలలుగా సాయికుమార్‌ను చంపడానికి యత్నిస్తున్నాడు. ఈ నేపథ్యంలో సోమవారం మధ్యాహ్నం సాయికుమార్‌ వీధిలో ఒంటరిగా వెళ్తుండగా పథకం ప్రకారం కత్తితో దాడి చేశాడు. గమనించిన సాయికుమార్‌ తల్లి హంసబాయి అడ్డుకోవడానికి యత్నించగా ఆమె దవడపై కొట్టి పక్కకు నెట్టేసి శ్రీకాంత్‌ పరారయ్యాడు. సమాచారం తెలుసుకున్న బ్లూకోల్ట్స్‌ అధికారి ఎం.నరేశ్‌ ఘటనా స్థలికి చేరుకుని గాయపడిన సాయికుమార్‌ను చికిత్స నిమిత్తం ఎంజీఎం తరలించారు. అనంతరం ఎస్సై శ్రీనివాస్‌ ఆస్పతికి వెళ్లి బాధితుడి తల్లి హంసబాయి నుంచి ఫిర్యాదు స్వీకరించి కేసు నమోదు దర్యాప్తు చేస్తున్నట్లు సీఐ కరుణాకర్‌ తెలిపారు. పరారీలో ఉన్న నిందితుడి కోసం గాలిస్తున్నట్లు సీఐ పేర్కొన్నారు. బొమ్మలగుడి ప్రాంతంలో ఘటన

జనగామ: విద్యార్థుల్లో దేశభక్తి, జాతీయ సమైక్యత, దేశసేవా భావం పెంపొందించడంతోపాటు వారి సృజనాత్మకకు పదును పెట్టే లక్ష్యంతో కేంద్ర ప్రభుత్వం చేపట్టిన వీర్‌ గాథ 6.0 కార్యక్రమంలో జనగామ జిల్లా రాష్ట్ర స్థాయిలో ప్రత్యేక గుర్తింపు సాధిస్తోంది. కేవలం పోటీల్లో పాల్గొనడమే కాకుండా విద్యార్థుల్లో జాతీయ భావాలు పెంపొందించడంలోనూ జిల్లా ముందడుగు వేస్తోంది. నవంబర్‌ 7 నాటి గణాంకాల ప్రకారం 128 సబ్మిషన్లు, 113 ఎంట్రీలతో రాష్ట్రంలో ప్రథమ స్థానంలో నిలవగా, 47 రిజిస్ట్రేషన్లతో పాటు 1,351 మంది విద్యార్థుల భాగస్వామ్యంతో ద్వితీయ స్థానం దక్కించుకుంది. విద్యార్థుల్లో అంతర్లీనంగా దాగి ఉన్న సృజనాత్మకతను వెలికితీయడంతోపాటు దేశం కోసం ప్రాణాలర్పించిన సైనికుల త్యాగాలను పరిచయం చేయడం ఈ కార్యక్రమంలోని ప్రధాన అంశం. గ్యాలంట్రీ అవార్డు గ్రహీతల ధైర్యసాహసాలు, క్రమశిక్షణ, అంకితభావం నేటి తరానికి ఆదర్శంగా నిలుస్తాయి. పాఠ్యపుస్తకాలకే పరిమితం కాకుండా చరిత్ర, స్వాతంత్య్ర పోరాటం, దేశ రక్షణలో సైనికుల పాత్రను తెలుసుకునే అవకాశం విద్యార్థులకు కలుగుతోంది. సృజనాత్మకతకు జాతీయ స్ఫూర్తి 3 నుంచి 12వ తరగతి వరకు నాలుగు కేటగిరీల్లో కవితా రచన, వ్యాసరచన, చిత్రలేఖనం, పెయింటింగ్‌ పోటీలు నిర్వహిస్తున్నారు. రాణి లక్ష్మీబాయి స్ఫూర్తి, 1857 తొలి స్వాతంత్య్ర సంగ్రామం, గిరిజన తిరుగుబాట్లు, గ్యాలంట్రీ అవార్డు విజేతల జీవితగాథలు వంటి అంశాలపై విద్యార్థులు తమ ఆలోచనలు ఆవిష్కరించొచ్చు. ఈ నెల 12లోగా పాఠశాల స్థాయిలో పోటీలు పూర్తి చేసి, ప్రతీ కేటగిరీలో మొదటి స్థానంలో నిలిచిన వారి ఎంట్రీలను MyGov పోర్టల్‌లో అప్‌లోడ్‌ చేయాలి. ఈ కార్యక్రమం ద్వారా విద్యార్థుల్లో పోటీ తత్వం, ఆత్మవిశ్వాసం, పరిశోధనాత్మక దృక్పథం, సామాజిక బాధ్యత పెంపొందుతాయి.రాష్ట్ర స్థాయిలో జనగామ జిల్లా సాధించిన ప్రగతిని మరింత పెంచాలి. ప్రతీ పాఠశాల నుంచి విద్యార్థుల భాగస్వామ్యాన్ని విస్తృతం చే యాలి. పోటీల నిర్వహణ, ఎంట్రీల అప్‌లోడింగ్‌లో జాప్యం లేకుండా చూడాలి. వీర్‌ గాథ వంటి కార్యక్రమాలు విద్యార్థుల్లో దేశభక్తి, క్రమశిక్షణ, సేవాభావం, త్యాగనిరతిని పెంపొందిస్తాయి. అన్ని విభాగాల్లో జిల్లాను ప్రథమ స్థానంలో నిలిపి రాష్ట్ర, జాతీయ స్థాయిలో జనగామకు మరింత గుర్తింపు తీసుకురావాలి. – సందీప్‌ కుమార్‌ ఝా, కలెక్టర్‌, జనగామ సబ్మిషన్లు, ఎంట్రీల్లో రాష్ట్రస్థాయిలో ప్రథమ స్థానం విద్యార్థుల భాగస్వామ్యంలో ద్వితీయ స్థానం

హన్మకొండ : టీజీ ఎన్పీడీసీఎల్‌లో విధులు నిర్వర్తిస్తున్న అన్‌మ్యాన్డ్‌ డిస్ట్రిబ్యూషన్‌ వర్కర్‌లు, వారి కుటుంబ సభ్యులకు ఆర్యోగ్య బీమా సౌకర్యం కల్పించాలని యాజమాన్యం నిర్ణయం తీసుకుంది. ఈ మేరకు మెమో జారీ చేసింది. సంస్థలో విధులు నిర్వర్తిస్తున్న ఆర్టిజన్లకు ఇటీవల రెగ్యులర్‌ ఉద్యోగులతో సమానంగా సౌకర్యాలు కల్పిస్తూ ఇటీవల ఉత్తర్వులు జారీ చేసిన టీజీ ఎన్పీడీసీఎల్‌ యాజమాన్యం.. అన్‌మ్యాన్డ్‌ డిస్ట్రిబ్యూషన్‌ కార్మికులకు సంక్షేమ కార్యక్రమం అమలుకు ముందుకొచ్చింది. ఈ క్రమంలో రూ.10 లక్షల గ్రూప్‌ హెల్త్‌ ఇన్సూరెన్స్‌ సౌకర్యం కల్పించాలని నిర్ణయం తీసుకుంది. ఎన్పీడీసీఎల్‌ పరిధిలో 1,450 మంది వర్కర్లు.. ఎన్పీడీసీఎల్‌ పరిధిలో 1,450 మంది వరకు అన్‌మ్యాన్డ్‌ డిస్ట్రిబ్యూషన్‌ వర్కర్‌లు విధులు నిర్వర్తిస్తున్నారు. వీరితో పాటు కుటుంబ సభ్యులకు ఆరోగ్య బీమా ద్వారా భద్రత కల్పించింది. దీని ద్వారా రూ.10 లక్షల వరకు వైద్య సదుపాయం పొందే అవకాశం కలిగింది. ప్రమాదకర పరిస్థితుల్లో విద్యుత్‌ లైన్లు, డిస్ట్రిబ్యూషన్‌ ట్రాన్స్‌ఫార్మర్ల వద్ద విధులు నిర్వర్తించే కార్మికుల ఆరోగ్య భద్రతను దృష్టిలో ఉంచుకుని ఈ నిర్ణయం తీసుకున్నట్లు సీఎండీ వరుణ్‌ రెడ్డి జారీ చేసిన ఉత్తర్వుల్లో పేర్కొన్నారు. ఒక్కో కుటుంబానికి ఏడాదికి రూ.25,024 ప్రీమియం ఈ బీమా పథకం కింద ఒక్కో కుటుంబానికి ఏడాదికి రూ.25, 024 ప్రీమియం చెల్లించాల్సి ఉంటుంది. న్యూ ఇండియా అష్యూరెన్స్‌ కంపెనీ లిమిటెడ్‌ ద్వారా ఒక్కో కుటుంబానికి రూ.10 లక్షల బీమా రక్షణ కల్పించనున్నారు. ఈ సౌకర్యం కార్మికులతోపాటు వారి భార్య లేదా భర్త, పిల్లలకు వర్తించనుంది. ఈ మేరకు అన్ని డివిజన్ల డివిజనల్‌ ఇంజినీర్లు, ఆపరేషన్‌ అధికారులకు సంస్థ ఆదేశాలు జారీ చేసింది. సంబంధిత మ్యాన్‌పవర్‌ ఏజెన్సీల నుంచి ప్రీమియం చెల్లింపులకు సంబంధించిన ప్రొఫార్మా ఇన్వాయిస్‌లు సేకరించి, అవసరమైన ఆర్థిక ప్రక్రియ పూర్తి చేయాలని యాజమాన్యం సూచించింది. ఒక్కో కార్మికుడితోపాటు కుటుంబీకులకు రూ.10 లక్షల ఇన్సూరెన్స్‌ మెమో జారీ చేసిన టీజీ ఎన్పీడీసీఎల్‌ యాజమాన్యం

కొత్తగూడెంఅర్బన్‌: ఆమెకు అప్పటికే వివాహం జరిగి ఓ కుమారుడు ఉండగా, భర్త మృతి చెందాడు. ఆ తర్వాత ఇన్‌స్టాగ్రాంలో పరిచయమైన కానిస్టేబుల్‌ ప్రేమించానని వెంటపడినా ఇద్దరి కులాలు వేర్వేరు కావడంతో పెద్దలు అంగీకరించలేదు. అయినా అందరినీ ఎదురించి పెళ్లి చేసుకున్న ఆయన.. గొడవ పడుతూ చివరికి హతమార్చాడు. ఈమేరకు వివరాలను భద్రాద్రి కొత్తగూడెం జిల్లా ఎస్పీ రోహిత్‌రాజ్‌ కొత్తగూడెం త్రీటౌన్‌ పోలీసుస్టేషన్‌లో శనివారం వెల్లడించారు. ఇన్‌స్టాలో పరిచయం, రెండోపెళ్లి.. ములుగు జిల్లా ఏటూరునాగారానికి చెందిన భవా నీ(30)కి వివాహం జరిగి కుమారుడు జన్మించాక భర్త మృతి చెందాడు. ఇన్‌స్టాగ్రాంలో వీడియోలు పోస్ట్‌ చేసే ఆమెకు భద్రాద్రికొత్తగూడెం జిల్లా టేకులపల్లి మండలం గోలియాతండాకు చెందిన ఏఆర్‌ కానిస్టేబుల్‌ బోడా నరేందర్‌ పరిచయమయ్యాడు. ప్రేమించానని వెంటపడిన ఆయన.. వేర్వేరు కులాలు కావడంతో ఇరు కుటుంబాల పెద్దలు అడ్డు చెప్పినా రెండేళ్ల క్రితం పెళ్లి చేసుకున్నాడు. భవానీకి మొదటి భర్తతో జన్మించిన కుమారుడు ఆమె సోదరి వద్ద ఉంటుండగా, కొత్తగూడెం ప్రగతినగర్‌లోని అద్దె ఇంట్లో నరేందర్‌ దంపతులు కాపురం పెట్టారు. వీరికి తొలి సంతానంగా బిడ్డ జన్మించినా కొన్నాళ్లకే కన్నుమూసింది. ప్రస్తుతం భవానీ నాలుగు నెలల గర్భవతి. అయితే, పెళ్లయి రెండేళ్లు దాటినా కుటుంబీకుల నుంచి అభ్యంతరాలు కొనసాగుతుండడం, భవానీకి రెండో భర్తగా కొనసాగడం ఇష్టం లేని నరేందర్‌ ఆమెను వదిలించుకోవాలని నిర్ణయించుకున్నాడు. ఇందులో భాగంగా 3వ తేదీన రాత్రి ఇంట్లోనే ఆమెను హతమార్చాడు. ఆనవాళ్లు దొరకకుండా గోదావరిలో వేసి.. భవానీని హతమార్చాక మృతదేహాన్ని నరేందర్‌ తొలుత బైక్‌పై స్వగ్రామం గోలియాతండాకు తీసుకెళ్లాడు. అక్కడ పొలంలో మృతదేహాన్ని పెట్టి విషయాన్ని కుటుంబీకులకు చెప్పాడు. అనంతరం 4వ తేదీన రాత్రి 11 గంటలకు తండ్రి హరిలాల్‌ సాయంతో మృతదేహాన్ని తీసుకుని బైక్‌పైనే భద్రాచలం వెళ్లి బ్రిడ్జిపై నుంచి గోదావరి నదిలో వేశాడు. వరదలో కొట్టుకుపోతే ఆనవాళ్లు దొరకవనే భావనతో ఈ పని చేశాడు. ఈక్రమాన భవానీ కనిపించకపోవడం, నరేందర్‌ సరైన సమాధానం చెప్పకపోవడంతో ఆమె సోదరి గుండారపు స్వరూప 6వ తేదీన కొత్తగూడెం త్రీటౌన్‌ పోలీసులకు ఫిర్యాదు చేయడంతో దర్యాప్తు మొదలుపెట్టారు. ఆమె ఫిర్యాదులో నరేందర్‌పై అనుమానాలు వ్యక్తం చేయగా అదుపులోకి తీసుకుని ప్రశ్నించడంతో విషయం బయటపెట్టాడు. దీంతో భద్రాచలం వద్ద గోదావరి నదిలో శుక్రవారం జాలర్ల సాయంతో గాలింపు చేపట్టగా చివరకు బూర్గంపాడు మండలం వద్ద మృతదేహాన్ని గుర్తించారు. ఈమేరకు నరేందర్‌ను కోర్టులో హాజరుపరిచి రిమాండ్‌కు తరలించనుండగా, నేరంలో ఎవరెవరి ప్రమేయం ఉందో తేల్చేందుకు దర్యాప్తు కొనసాగిస్తామని ఎస్పీ తెలిపారు. కేసు విచారణలో కీలకంగా వ్యవహరించిన కొత్తగూడెం డీఎస్పీ ఆదినారాయణ, చుంచుపల్లి, త్రీటౌన్‌, వన్‌ టౌన్‌ సీఐలు ఆర్‌.వెంకటేశ్వర్లు, ఇంద్రసేనారెడ్డి, జితేందర్‌, అన్నపురెడ్డిపల్లి, త్రీటౌన్‌ ఎస్సైలు విజయ్‌సింహారెడ్డి, రమేశ్‌, సిబ్బందిని ఎస్పీ అభినందించారు. భార్యను హతమార్చి మృతదేహాన్ని బైక్‌పై తీసుకెళ్లిన కానిస్టేబుల్‌ నిందితుడి వివరాలు వెల్లడించిన ఎస్పీ రోహిత్‌రాజు

భూపాలపల్లి రూరల్‌ : భూపాలపల్లి మండలం గొల్లబుద్ధారం తండాకు చెందిన అజ్మీరా చందు (36) హత్య కేసులో నిందితులు భార్యతోపాటు ప్రియుడు సంతోష్‌ను అరెస్ట్‌ చేసి కోర్టుకు తరలించినట్లు డీఎస్పీ సంపత్‌రావు తెలిపారు. ఈ మేరకు శనివారం భూపాలపలి పీఎస్‌లో ఏర్పాటు చేసిన విలేకరుల సమావేశంలో వివరాలు వెల్లడించారు. చందు హత్య ఘటనపై మృతుడి తమ్ముడు రాజు ఫిర్యాదు మేరకు పోలీసులు విచారణ చేపట్టారు. ఈ క్రమంలో శుక్రవారం సాయంత్రం సంతోశ్‌, మృతుడి భార్య బైక్‌పై వెళ్తుండగా మల్లంపల్లి క్రాస్‌ వద్ద పోలీసులు పట్టుకుని విచారించగా చందును హత్య చేసినట్లు నేరం అంగీకరించారు. ఆరు నెలల నుంచి మృతుడి భార్య.. గుగులోత్‌ సంతోష్‌తో వివాహేతర సంబంధం కొనసాగిస్తోంది. ఈ క్రమంలో ఈ విషయంపై గురువారం రాత్రి చందు దంపతులు గొడవ పడ్డారు. దీంతో మృతుడి భార్య.. సంతోష్‌కు ఫోన్‌ చేసి పిలువగా అతడు గొడ్డలితో వచ్చాడు. ఈ సమయంలో వెనుక గదిలో నిద్రిస్తున్న చందును అతడి భార్య గుడ్డతో నోరుమూయగా, సంతోష్‌ గొడ్డలితో తలపై మోదాడు. దీంతో చందు మృతి చెందగా సంతోష్‌ తన ఇంటికెళ్లి ఎడ్లబండితో పాటు గోనె సంచి తీసుకొచ్చాడు. అనంతరం మృతదేహాన్ని సంచిలో వేసి జే వైర్‌తో కుట్టి ఎడ్లబండిపై తీసుకుని గొల్లబుద్ధారం శివారు రోడ్డు పక్కన పొలాల్లో వేశారు. బయపడి ఇద్దరు బైక్‌పై హనుమకొండకు వెళ్లి తిరిగి వచ్చారు. ఈ ఘటనపై మృతుడి తమ్ముడు రాజు ఫిర్యాదు మేరకు పోలీసులు కేసు నమోదు చేసి మల్లంపల్లి వద్ద నిందితులను అదుపులోకి తీసుకున్నారు. అనంతరం విచారించగా నేరం అంగీకరించడంతో అరెస్ట్‌ చేసి రిమాండ్‌కు తరలించినట్లు డీఎస్పీ తెలిపారు. సమావేశంలో సీఐ శ్రీనివాస్‌, ఎస్సైలు పవన్‌కుమార్‌, గీత, సిబ్బంది పాల్గొన్నారు. వివరాలు వెల్లడించిన పోలీసులు

హసన్‌పర్తి : ఆర్థిక ఇబ్బందులతో రైలు కింద పడి ఆత్మహత్యకు సిద్ధమైన ఓ వ్యక్తిని బ్లూకోల్ట్స్‌ సిబ్బంది కాపాడారు. అనంతరం పీఎస్‌కు పోలీస్‌స్టేషన్‌కుతరలించి కౌన్సెలింగ్‌ నిర్వహించి కుటుంబీకులకు అప్పగించారు. వివరాలు ఇలా ఉన్నాయి. నగరంలోని గుండ్లసింగారానికి చెందిన ఓ వ్యక్తికి ఆర్థిక ఇబ్బందులు ఎదురవడంతో ఆందోళనకు గురయ్యాడు. దీంతో శుక్రవారం సాయంత్రం ఇంటిలో చెప్పకుండా బయటకు వెళ్లాడు. తిరిగి రాకపోవడంతో కుటుంబీకులు ఆందోళనకు గురై పలుచోట్ల గాలించారు. అయినా ఆచూకీ లభ్యంకాకపోవడంతో వెంటనే పోలీసులకు సమాచారం అందించగా వారు మొబైల్‌ఫోన్‌ లోకేన్‌ ఆధారంగా సదరు వ్యక్తి చింతగట్టు రైల్వే ట్రాక్‌ ప్రాంతంలో ఉన్నట్లు గుర్తించారు. వెంటనే స్పందించిన పోలీస్‌ ఇన్‌స్పెక్టర్‌ రవికుమార్‌, ఎస్సై శ్రావణి అప్రమత్తమై బ్లూకోల్ట్స్‌ సిబ్బందిని ఘటనాస్థలికి పంపించారు. అప్పటికే రైలు సమీపిస్తున్నట్లు గమనించి ప్రమాదకర పరిస్థితుల్లో ఉన్న ఆ వ్యక్తిని బ్లూకోల్ట్స్‌ కాపాడారు. కాగా, వ్యక్తి ప్రాణం కాపాడిన బ్లూకోల్ట్స్‌ సిబ్బంది వీరస్వామి, తరుణ్‌కుమార్‌ను సీపీ శ్వేత అభినందించి నగ దు రివార్డులు అందజేశారు. సెంట్రల్‌ జోన్‌ డీసీపీ ధార కవిత, అదనపు డీసీపీ రాయల ప్రభాకర్‌రావు, కేయూ ఇన్‌స్పెక్టర్‌ రవికుమార్‌ పాల్గొన్నారు. ఆత్మహత్యకు యత్నించిన వ్యక్తిని కాపాడిన బ్లూకోల్ట్స్‌ సిబ్బంది

కాశిబుగ్గ: దీపావళి పండుగ నేపథ్యంలో ప్రజలు తప్పసరిగా జాగ్రత్తలు పా టించాలని జిల్లా ఫైర్‌ ఆఫీ సర్‌ యజ్ఞ నారాయణ తెలి పారు. ఏమాత్రం ఏమరపాటుగా ఉన్న ఇబ్బందులు తప్పవని, టపాసులు కాల్చేటప్పుడు అప్రమత్తంగా ఉండాలని సూచించారు. పండుగ సంతోషంగా జరుపుకోవాలంటే జాగ్రత్తలు పాటించకతప్పవని పేర్కొన్నారు. కాగా, టపాసుల దుకాణాల ఏర్పాటుకు జిల్లా వ్యాప్తంగా 75 మంది దరఖాస్తు చేసుకోగా, 69 షాపులను ఎంపిక చేసినట్లు తెలిపారు. ప్రమాదాలు జరిగితే... ఎక్కడైనా ప్రమాదాలు చోటు చేసుకుంటే వెంటనే సమాచారం అందించాలని జిల్లా అగ్నిమాపక అధికారి యజ్ఞ నారాయణ తెలిపారు. పోలీసు 101, వరంగల్‌ ఫైర్‌ స్టేషన్‌ 87126 99303, నర్సంపేట 87126 99309, వర్ధన్నపేట 87126 99311, గొర్రెకుంట 87126 99313 సెల్‌నంబర్లకు ఫోన్‌ చేసి సమాచారం అందించాలని సూచించారు. టపాసుల షాపులను ఖాళీ గ్రౌండ్‌లో ఏర్పాటు చేసుకోవాలి. షాపుల మధ్య మూడు మీటర్ల దూరం పాటించాలి. ప్రతీ షాపులో అగ్ని నివారణ పరికరాలు, నీటిని నిల్వ ఉంచుకోవాలి. ఇనుప రేకులతో షెడ్డు నిర్మించుకోవాలి. దుకాణాల్లో విద్యుత్‌ వైర్లు జాయింట్‌ లేకుండా, నాణ్యమైన వైర్లను వాడాలి. ఇంటి దగ్గర టపాసులు కాల్చేటప్పుడు ఖాళీ స్థలాన్ని ఎంచుకోవాలి. అధికారుల అనుమతి మేరకు టపాసుల స్టాక్‌ నిల్వ చేసుకోవాలి. టపాసుల షాపులు ఎదురెదురుగా ఉండకూడదు. టపాసుల షాపునకు కనీసం 50 మీటర్ల దూరంలో బాణసంచా కాల్చాలి. పిల్లలు టపాసులు కాల్చుతున్నప్పుడు పెద్దలు పర్యవేక్షణ ఉండాలి. చేతులు, కండ్ల రక్షణకు గ్లౌజులు, కాటన్‌ దుస్తులు ధరించాలి. నీటిని అందుబాటులో ఉంచుకోవాలి.దీపావళి నేపథ్యంతో విరివిగా వెలిసిన టపాసుల షాపులు జాగ్రత్తలు పాటించాలంటున్న అగ్నిమాపక శాఖ

కాశిబుగ్గ: వరంగల్‌ కాకతీయ వైద్య కళాశాలలో ఈన్‌టీ అసోసియేషన్‌ ఆఫ్‌ ఓటోలారింగాల జిస్టస్‌ ఆఫ్‌ ఇండియా (ఎఓఐ) వరంగల్‌ శాఖ ఆధ్వర్యంలో వచ్చే నెల 13న నిర్వహించనున్న ‘ఈన్‌టీ సీఎంఈ–2026’ కార్యక్రమ కరపత్రాలు ఆవిష్కరించారు. శనివారం కేఎంసీ ప్రిన్సిపాల్‌ డి.మోహన్‌దాస్‌, ఎంజీఎం సూపరింటెండెంట్‌ రాంకుమార్‌రెడ్డి, రిటైర్డ్‌ ప్రిన్సిపాల్‌ ఎస్‌.రమేశ్‌కుమార్‌ చేతుల మీదుగా ఆవిష్కరించారు. కేఎంసీ ఆడిటోరియంలో జరగనున్న సీఎంఈ ప్రోగ్రాంలో ఈన్‌టీ విద్యార్థులు, పీజీ వైద్యులు, కన్సల్టెంట్లకు ఆధునిక వైద్య పరిజ్ఞానం, శస్త్ర చికిత్సా నైపుణ్యాలపై నిపుణులతో శిక్షణ, శాసీ్త్రయ చర్చలు నిర్వహిస్తామని ఆర్గనైజర్లు పేర్కొన్నారు. రిటైర్డ్‌ ప్రొఫెసర్లు డి.సత్యనారాయణ, రవికుమార్‌, ఏఓఈ జనరల్‌ సెక్రటరీ సుదీప్‌, కోశాధికారి సోమ శ్రీధర్‌, ఈన్‌టీ విభాగాధిపతి సంపత్‌రావు, ప్రొఫెసర్‌ బి.విజయ్‌కుమార్‌, అసిస్టెంట్‌ ప్రొఫెసర్లు రాజేంద్రప్రసాద్‌, ప్రత్యూష, హుమేరియా ఫాతిమా,తదితరులు పాల్గొన్నారు. యువకుడికి దేహశుద్ధి జనగామ : జిల్లా కేంద్రం ముస్లిం మైనారిటీ కాలనీలో వివాహేతర సంబంధం నేపథ్యంలో ధర్మకంచకు చెందిన ఓ యువకుడికి శనివారం దేహశుద్ధి చేశారు. ఓ వివాహితతో సంబంధం ఉన్నట్లు గుర్తించి, యువకుడిని పట్టుకుని కాలనీలోని విద్యుత్‌ స్తంభానికి కట్టేసి కొట్టాడు. సమాచారం అందుకున్న పోలీసులు ఘటనాస్థలికి చేరుకుని యువకుడిని అంబులెన్స్‌లో జిల్లా ఆస్పత్రికి తరలించారు. ప్రస్తుతం అతడి ఆరోగ్యం నిలకడగా ఉన్నట్లు తెలిసింది. కాగా, యువకుడిపై దాడికి సంబంధించి పోలీస్‌స్టేషన్‌లో ఫిర్యాదు చేస్తానని బాధితులు పోలీసులకు చెప్పినట్లు సమాచారం. పోస్టర్లను ఆవిష్కరించిన వైద్యాధికారులు, ఈన్‌టీ వైద్యులు

రేగొండ: ఆగి ఉన్న లారీని ఆటో ఢీకొంది. ఈ ప్రమాదంలో ఇద్దరు మృతి చెందగా మరో ఇద్దరు తీవ్రంగా గాయపడ్డారు. ఈ ఘటన శనివారం సాయంత్రం జయశంకర్‌ భూపాలపల్లి జిల్లా రేగొండ మండలం భాగిర్థిపేట క్రాస్‌ వద్ద చోటు చేసుకుంది. పోలీసుల కథనం ప్రకారం.. యాదాద్రి భువనగిరి జిల్లా భువనగిరి మండలం గౌస్‌పల్లి గ్రామానికి చెందిన గణేశ్‌, అమరేందర్‌, మహేశ్‌, సాయి ఆటోలో ములుగు జిల్లా ఎస్‌ఎస్‌ తాడ్వాయి మండలం మేడారం వెళ్లారు. తల్లుల దర్శన అనంతరం తిరిగొస్తున్న క్రమంలో భాగిర్థి పేట క్రాస్‌ వద్ద ఆగి ఉన్న లారీని ఢీకొన్నారు. గమనించిన స్థానికులు 108లో వెంటనే ఆస్పత్రికి తీసుకెళ్తుండగా మార్గమధ్యలో సాయి (28), పరకాల ప్రభుత్వ ఆస్పత్రిలో చికిత్స పొందుతూ అమరేందర్‌ (32) మృతి చెందాడు. దీనిపై సమాచారం అందుకున్న పోలీసులు ఘటనాస్థలికి చేరుకుని ప్రమాద వివరాలు సేకరించారు. అనంతరం క్షతగాత్రుడు గణేశ్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై సుధాకర్‌ తెలిపారు. ఆగి ఉన్న లారీని ఢీకొన్న ఆటో ఇద్దరి మృతి.. మరో ఇద్దరికి తీవ్ర గాయాలు భాగిర్థిపేట క్రాస్‌ వద్ద ఘటన

● ధనలక్ష్మీ, కేదారేశ్వర స్వామి వ్రతాలు ఆచరించనున్న భక్తులు ● పండుగ ఏర్పాట్లలో నిమగ్నమైన కుటుంబాలుచెడుపై మంచి సాధించిన విజయానికి గుర్తుగా జిల్లా ప్రజలు భక్తిశ్రద్ధలు, ఆనందోత్సాహాల నడుమ నేడు(ఆదివారం) దీపావళి పండుగ జరుపుకునేందుకు సిద్ధమయ్యారు. ఇందులో భాగంగా మానుకోటలో దీపావళి సందడి కనిపించింది. వేడుకల ఏర్పాట్లలో భాగంగా పూలు, దీపాల ప్రమిదలతోపాటు పూజా సామగ్రి కొనుగోలుతో మానుకోటతోపాటు జిల్లాలోని అన్ని ప్రాంతాలు సందడిగా మారాయి. సంప్రదాయం ప్రకారం భక్తులు తమ ఇళ్లలో ధనలక్ష్మీ, కేదారేశ్వర స్వామివారి వ్రతాలను ఆచరించేందుకు ఏర్పాట్లు చేసుకున్నారు. యువత, చిన్న పిల్లలు బాణాసంచా కొనుగోలు చేశారు. – మహబూబాబాద్‌ రూరల్‌పండుగపూట జర పైలంIIలో..

మహబూబాబాద్‌ రూరల్‌ : నిత్యావసరాలకు వచ్చిన ఓ మహిళ కనిపించని లోకాలకు తరలింది. బైక్‌ ఢీకొని మృతి చెందింది. ఈ ఘటన జిల్లా కేంద్రంలోని గిరిప్రసాద్‌ నగర్‌ కాలనీలో చోటుచేసుకుంది. టౌన్‌ సీఐ రఘుపతిరెడ్డి కథనం ప్రకారం.. గిరిప్రసాద్‌ నగర్‌ కాలనీకి చెందిన ఎడ్ల సరోజన (58) నిత్యావసరాల నిమిత్తం శుక్రవారం సాయంత్రం తమ కాలనీ సమీపంలో గల గాయత్రి గుట్ట వద్దకు వచ్చింది. నడుచుకుంటు వెళ్తుండగా జమాండ్లపల్లి నుంచి మహబూబాబాద్‌ వైపునకు వస్తున్న బైక్‌ ఢీకొంది. దీంతో తీవ్రంగా గాయపడడంతో స్థానికులు వెంటనే జిల్లా కేంద్రంలోని ఓ ప్రైవేట్‌ ఆస్పత్రికి తరలించగా చికిత్స పొందుతూ శనివారం మృతిచెందింది. ఈ ఘటనపై మృతురాలి కుమారుడు వేణు ఫిర్యాదు మేరకు టౌన్‌ ఎస్సై అంజమ్మ కేసు నమోదు చేసి విచారణ చేస్తున్నారని సీఐ తెలిపారు.● బైక్‌ ఢీకొని మహిళ మృతి ● జిల్లా కేంద్రంలో ఘటన

కురవి: మండలంలోని మోద్గూలగూడెం, బలపాల, రాజోలు, నల్లెల, సూర్యతండా జీపీ, తులిస్యాతండా జీపీలతోపాటు గ్రామాల్లో శుక్రవారం రాత్రి కురిసిన భారీ వర్షానికి పత్తి, మిర్చి పంటలు నీటమునిగాయి. శనివారం రైతులు పంటచేల వద్దకు వెళ్లి చూడటంతో పంటలన్ని నీటిలో మునిగిపోవడంతో ఆందోళనకు గురయ్యారు. పత్తి, మిర్చి చేలల్లో నిల్వ ఉన్న వరద నీటిని బయటకు పంపించేందుకు రైతులు నానా అవస్థలు పడ్డారు. మోద్గూలగూడెం గ్రామానికి చెందిన కొత్త మల్లేశానికి చెందిన ఎకరం మిర్చి తోట, సూర్యతండాకు చెందిన తేజావత్‌ మోతిలాల్‌, తేజావత్‌ ప్రేమ్‌కుమార్‌, తేజావత్‌ లక్ష్మీలకు చెందిన ఎకరం చొప్పున మిర్చి తోటలు నీట మునిగిపోయాయి. అలాగే మోద్గూలగూడెం గ్రామానికి చెందిన కొత్త నాగరాజు, కొత్త ఐలయ్య, మల్లయ్య, వెంకన్న, అనబత్తుల నాగయ్య పంటలు సైతం నీటిలో మునిగిపోయాయి. అయితే కురవి–ఖమ్మం వెళ్లే 365/ఏ జాతీయ రహదారి పనుల్లో భాగంగా ఆయా గ్రామాల సమీపంలో మోరిని పూడ్చివేయడమే ఈ వరదకు కారణమని రైతులు ఆవేదన వ్యక్తం చేశారు. నష్టపోయిన రైతులు పూడ్చిన మోరీని తవ్వేందుకు ప్రయత్నంచేశారు. అనంతరం రహదారిపై రైతులు ఆందోళనకు దిగారు. మోరీ పూడ్చడంతో పంటచేలల్లోకి వరద ఆందోళనకు దిగిన రైతులు

దీపావళి టపాసులు కాల్చుతున్నప్పుడు ప్రమాదాలు జరిగే అవకాశం ఉంది. ట పాసుల నిప్పులు కళ్లలో ప డే ప్రమాదం ఉంటుంది. ప్రమాదం జరిగితే వెంటనే చికిత్స చేయించుకోవాలి. కాలిన, పేలని టపాసులను తిరిగి కాల్చవద్దు. కాలిన గాయాలకు దుమ్ము, దూళి, వ్యర్థాలు ఉంటే పైన మాత్రమే పరిశుభ్రం చేయాలి. చర్మం కాలితే ఆయింట్‌మెంట్‌ పూతగా రాయాలి. కంటిపై గాయాలైతే రుద్దవద్దు. నీటితో కూడా కడగొద్దు.. కన్ను కదలకుండా బ్యాండేజ్‌ వేసి, నేత్ర వైద్య నిపుణుడి సలహాలు తీసుకోవాలి. – డాక్టర్‌ రవిశేఖర్‌, ప్రాంతీయ నేత్రవైద్యశాల సూపరింటెండెంట్‌

ఖిలా వరంగల్‌ : చారిత్రక ఖిలా వరంగల్‌ కోటను శనివారం హైదరాబాద్‌లోని మర్రి చెన్నారెడ్డి మానవవనరులు అభివృద్ధి సంస్థలో శిక్షణ పొందుతున్న ట్రెజరీ సీనియర్‌, జూనియర్‌ అధికారులు సందర్శించారు. ఈ సందర్భంగా మధ్యకోటలోని నాలుగు కీర్తి తోరణాల మధ్య శిల్పకళాసంపద ను ఆసక్తిగా తిలకించారు. అనంతరం రాతి, మట్టి కోట, ఖుష్‌మహల్‌ అందాల ను వీక్షించారు. వీరికి కోట గైడ్‌ రవి యాదవ్‌ కాకతీయుల విశిష్టతను వివరించారు. ఏటీఓ శ్రీనివాస్‌రెడ్డి, కోర్సు కోఆర్డినేటర్‌ వై. రాజేశ్వరి, శ్రీనివాస్‌, కేంద్రపురావస్తు, రాష్ట్ర పురా వస్తుశాఖ కోఆర్టినేటర్‌ శ్రీకాంత్‌, టీఎస్‌ టీడీసీ కోట ఇన్‌చార్జ్‌ అజయ్‌ పాల్గొన్నారు.

మహబూబాబాద్‌: సర్‌ –2026 ప్రక్రియలో ముసాయిదా ఓటరు జాబితాలో పేర్లు లేని అర్హులైన ఓటర్లకు తమ పేర్లను తుది ఓటరు జాబితాలో చేర్చుకునేందుకు మరో అవకాశం కల్పించినట్లు రాష్ట్ర ప్రధాన ఎన్నికల అధికారి సుదర్శన్‌రెడ్డి తెలిపారు. శనివారం ఆయన హైదరాబాద్‌ నుంచి అన్ని జిల్లాల కలెక్టర్లతో వీడియో కాన్ఫరెన్స్‌ నిర్వహించారు. సర్‌ ప్రక్రియలో ఎన్యుమరేషన్‌ ఫారాలు సమర్పించని అర్హులైన ఓటర్లకు మరో అవకాశం కల్పించినట్లు తెలిపారు. చిరునామాలో మార్పులు ఇతరత్రా చేసుకునే వెసులుబాటు కల్పించిందన్నారు. ఈ సందర్భంగా జిల్లా ఎన్నికల అధికారి, కలెక్టర్‌ స్నేహశబరీష్‌ మాట్లాడుతూ.. జిల్లాలో పూర్తిస్థాయిలో ఉన్న రెండు నియోజకవర్గాలలో సర్‌ ప్రక్రియలో 47,979 మంది ఓటర్లను ఏఎస్‌డీడీ కేటగిరి కింద గుర్తించామన్నారు. వారిలో మరణించిన వారు 9,359, శాశ్వతంగా నివాసం మారినవారు 28, 979 మంది, డూప్లికేట్‌ 8,879 మంది, వివరాలు తెలియనివారు 634 మంది, ఇతరులు 128 మంది ఉన్నట్లు పేర్కొన్నారు. వీసీలో జిల్లా నుంచి అదనపు కలెక్టర్‌ అనిల్‌కుమార్‌, డీఆర్వో నాగలక్ష్మి, తదితరులు పాల్గొన్నారు. క్రీడాకారులు ప్రతిభ చాటాలి మహబూబాబాద్‌ అర్బన్‌: గిరిజన ఆశ్రమ పాఠశాలలో చదువుతున్న విద్యార్థులు పట్టుదలతో క్రీడలో ప్రతిభ చాటాలని జిల్లా గిరిజన సంక్షేమ డిప్యూటీ డైరెక్టర్‌ గుగులోతు దేశీరాంనాయక్‌ అన్నారు. మానుకోట మండలం రెడ్యాల గిరిజన ఆశ్రమ పాఠశాలలో డివిజన్‌ క్రీడల ముగింపు క్రీడల కార్యక్రమానికి దేశీరాంనాయక్‌ హాజరై ముందుగా క్రీడాకారులకు టీ షర్టులు పంపిణీ చేశారు. ఈ సందర్భంగా ఆయన మాట్లాడుతూ.. క్రమశిక్షణ.. క్రీడాస్ఫూర్తితో ఆటలు ఆడి డివిజన్‌ స్థాయి క్రీడలో రాణించాలన్నారు. అనంతరం క్రీడాకారులతో కాసేపు కబడ్డీ ఆడారు. కార్యక్రమంలో ఏటీడీఓ ఉపేందర్‌, ఏసీఎంఓ రాములు, క్రీడల అధికారి కొమ్మలు, పోరిక అనిల్‌ కుమార్‌, కిషన్‌నాయక్‌, హెచ్‌ఎంలు సక్రు, బాబు, కిషన్‌నాయక్‌, పీడీలు శంకర్‌, రాజన్న, సుదర్శన్‌, సుశీల, భాస్కర్‌, లక్ష్మి, రమేష్‌, నాగేశ్వర్‌రావు, ప్రవీణ్‌, సర్పంచ్‌ లక్ష్మీనారాయణ పాల్గొన్నారు. ఎంజీఎంకు నలుగురు అదనపు ఆర్‌ఎంఓలు కాశిబుగ్గ: వరంగల్‌ ఎంజీఎం ఆస్పత్రికి నలుగురు అదనపు ఆర్‌ఎంఓలు రానున్నారు. అలాగే, కాకతీయ వైద్యకళాశాలకు కూడా నలుగురు సివిల్‌ అసిస్టెంట్‌ సర్జన్ల (మెడికల్‌)ను ఎంపిక చేశారు. ఎంజీఎంకు అదనపు ఆర్‌ఎంఓలతోపాటు వైద్యుల కొరత లేకుండా చూస్తామని ఇటీవల డీఎంఈ డాక్టర్‌ వాణి ఇచ్చిన హామీ నెరవేరడంతో సంతోషం వ్యక్తం చేస్తున్నారు. ఈ నేపథ్యంలో గత నెల 31న కాంట్రాక్టు పద్ధతిన సివిల్‌ అసిస్టెంట్‌ సర్జన్ల నియామకం కోసం కేఎంసీలో ఇంటర్వ్యూలు నిర్వహించారు. ఈ సందర్భంగా నలుగురు సివిల్‌ అసిస్టెంట్‌ సర్జన్లు, మరో నలుగురు ఆర్‌ఎంఓలను ఎంపిక చేశారు. ఈ నేపథ్యంలో కేఎంసీ అనాటమీకి ఇద్దరు, ఎస్‌పీఎం (కమ్యూనిటీ మెడిసిన్‌)కు మరో ఇద్దరిని కేటాయించారు. దీంతో ముగ్గురు సివిల్‌ అసిస్టెంట్‌ సర్జన్లు జాయిన్‌ కాగా మరొకరు సోమవారం జాయిన్‌ కానున్నారు. అలాగే, ఎంజీఎం నలుగురు అదనపు ఆర్‌ఎంఓలు కేటాయించగా ఇద్దరు జాయిన్‌ అయ్యారు. మరో ఇద్దరు సోమవారం విధుల్లో చేరనున్నట్లు తెలుస్తోంది. రామప్పలో రష్యా దేశస్తులు వెంకటాపురం(ఎం): మండల పరిధిలోని చారిత్రక రామప్ప దేవాలయాన్ని రష్యా దేశస్తులు డేనీస్‌ ఎల్డండి, విక్టోరియా మొజా వా శనివారం సందర్శించారు. రామలింగేశ్వర స్వామి వారు దర్శించుకోగా ఆలయ అర్చకులు హరీశ్‌శర్మ, ఉమాశంకర్‌ తీర్థప్రసాదాలు అందజేశారు. అనంతరం దేవా లయం చరిత్ర, శిల్పకళ వైభవాన్ని టూరిజం గైడ్‌ వెంకటేశ్‌ వారికి వివరించగా శిల్పకళ సంపద బాగుందని వారు కొనియాడారు.

అంగన్‌వాడీ కేంద్రాల్లో పెరుగుతున్న చిన్నారుల హాజరు, నమోదుమహబూబాబాద్‌: అంగన్‌వాడీ వ్యవస్థ బలోపేతానికి ప్రభుత్వం పాటుపడుతుంది. ఇందులో భాగంగా ఆ వ్యవస్థలో ఖాళీగా ఉన్న పోస్ట్‌ల భర్తీకి నోటిఫికేషన్‌ విడుదల చేయగా ఆ ప్రక్రియ కొనసాగుతోంది. ఈక్రమంలో కేంద్రాల్లో చిన్నారుల ఆలనాపాలన చూడడంతోపాటు వారికి రోజూవారీగా అందించే ఆహారంతోపాటు తొలిముద్ద పేరుతో అల్పాహారం అందించేందుకు ఏర్పాట్లు చేస్తుంది. ఇందులో భాగంగా రాష్ట్ర వ్యాప్తంగా ఏడు జిల్లాలను ఎంపిక చేసి పైలట్‌ ప్రాజెక్ట్‌గా ఈకార్యక్రమాన్ని చేపట్టగా.. అందులో మానుకోట జిల్లాకు కూడా ప్రభుత్వం స్థానం కల్పించింది. 1,437 కేంద్రాలు జిల్లాలో ఐదు ప్రాజెక్ట్‌లు ఉండగా 1,437 అంగన్‌వాడీ కేంద్రాలు ఉన్నాయి. మానుకోట ప్రాజెక్ట్‌ కింద మానుకోట, కేసముద్రం, ఇనుగుర్తి, బయ్యారం మండలాలు ఉన్నాయి. మరిపెడ ప్రాజెక్ట్‌ కింద చిన్నగూడూరు, దంతాలపల్లి, నర్సింహులపేట, మరిపెడ ఉండలాలు ఉన్నాయి. గూడూరు ప్రాజెక్ట్‌ కింద గంగారం, కొత్తగూడ, గూడూరు మండలాలు, తొర్రూరు ప్రాజెక్ట్‌ కింద పెద్ద వంగర, నెల్లికుదురు. తొర్రూరు, డోర్నకల్‌ ప్రాజెక్ట్‌ కింద గార్ల, కురవి, సీరోలు డోర్నకల్‌ మండలాలు ఉన్నాయి. 35,686 మంది పిల్లలు జీరో నుంచి ఆరు నెలలలోపు పిల్లలు 2,961 మంది, ఏడు నెలల నుంచి మూడు సంవత్సరాలలోపు 16,818 మంది, మూడు సంవత్సరాల నుంచి ఆరు సంవత్సరాలలోపు 15,907 మంది మొత్తం 35,686 మంది ఉన్నారని అధికారులు తెలిపారు. గర్భిణులు 3,677 మంది బాలింతలు 2,893 మంది ఉన్నారు. మూడు సంవత్సరాలలోపు పిల్లలకు టీహెచ్‌ఎస్‌ (ఇంటి వద్దకే రేషన్‌) కింద నెలకు 16 గుడ్లు, ఒక బాలామృతం ప్యాకెట్‌ ఇస్తున్నారు. మూడు నుంచి ఆరు సంవత్సరాల పిల్లలలో నెల రోజుల క్రితం వరకు ప్రతీ రోజు గుడ్డు, మధ్యాహ్నం భోజనం, సాయంత్రం స్నాక్స్‌ ఇస్తున్నారు. ఉదయం 9 గంటల నుంచి సాయంత్రం 4 గంటల వరకు కేంద్రాలు నిర్వహిస్తున్నారు. 1,309 మంది టీచర్లు 1,309 మంది టీచర్లు,న, 957 మంది ఆయాలు, 49 మంది సూపర్‌ వైజర్లు పని చేస్తున్నారు. 475 కేంద్రాలు అద్దె భవనాల్లో, 336 కేంద్రాలు సొంత భవనాల్లో, 626 కేంద్రాలు ఫీరెంటెండ్‌ (అద్దె లేకుండా ప్రభుత్వ పాఠశాలలో) నిర్వహిస్తున్నారు. ఖాళీ పోస్టుల భర్తీకి ఇటీవల నోటిఫికేషన్‌ విడుదల కాగా ఆ ప్రక్రియ కొనసాగుతుంది. అన్ని కేంద్రాల్లో నిర్వహిస్తున్నాం తొలిముద్ద కార్యక్రమాన్ని జిల్లాలోని అన్ని అంగన్‌వాడీ కేంద్రాల్లో నిర్వహిస్తున్నాం. దీంతో హాజరు శాతం, పిల్లల సంఖ్య క్రమంగా పెరుగుతుంది. వారి ఆరోగ్యాన్ని కూడా ప్రభుత్వం దృష్టిలో పెట్టుకుంది. కార్యక్రమాన్ని సీరియస్‌గా తీసుకుని అమలు చేస్తున్నాం. – శిరీష, ఇన్‌చార్జ్‌ డీడబ్ల్యూఓ కేంద్రాలకు రెడీమిక్స్‌ సరఫరా సెప్టెంబర్‌ 25వ తేదీన కలెక్టరేట్‌లో తొలిముద్ద కార్యక్రమంపై టీచర్లు, ఆయాలకు శిక్షణ ఇచ్చారు. ఇందులోభాగంగా ఉక్మా, కిచ్చిడి రెడీమిక్స్‌ను అంగన్‌వాడీ కేంద్రాలకు సరఫరా చేస్తారు. వాటిలో వేడి నీరు పోసి కలిపితే అల్పాహారం తయారుఅవుతుంది. ఈకార్యక్రమాన్ని అక్టోబర్‌ 1న కలెక్టరేట్‌లో ఎమ్మెల్యే భూక్యా మురళీనాయక్‌, కలెక్టర్‌ స్నేహశబరీష్‌ ప్రారంభించారు. ఆతర్వాత రోజు నుంచి అన్ని కేంద్రాల్లో అమలు చేస్తున్నారు. దీంతో పలుకేంద్రాల చిన్నారుల హాజరు శాతం, పిల్లల సంఖ్య కూడా మెరుగుపడినట్టు సమాచారం. హర్షం వ్యక్తం చేస్తున్న పిల్లల తల్లిదండ్రులు పైలట్‌ ప్రాజెక్టుగా జిల్లాలో కొనసాగుతున్న కార్యక్రమం అన్ని కేంద్రాల్లో నిర్వహణ

● పంచాయతీరాజ్‌ శాఖ మంత్రి సీతక్క కొత్తగూడ: ఇందిరమ్మ ఇళ్లతో పేదల జీవితాల్లో ప్రజా ప్రభుత్వం దీపావళి వెలుగులు నింపిందని పంచాయతీరాజ్‌, సీ్త్ర శిశు సంక్షేమ శాఖ మంత్రి సీతక్క అన్నారు. మండలకేంద్రంలో శనివారం జరిగిన ఇందిరమ్మ ఇంటి ప్రవేశ కార్యక్రమంలో ఆమె పాల్గొన్నారు. గత పాలకులు ఏజెన్సీ గ్రామాల్లో ఒక్క ప్రభుత్వ ఇల్లు కూడా ఇవ్వలేదని విమర్శించారు. ప్రస్తుతం కొత్తగూడ, గంగారం మండలాలకు ఎక్కువ మొత్తంలో ఇందిరమ్మ ఇళ్లు మంజూరు చేసినట్లు చెప్పారు. లబ్ధిదారులు త్వరగా పనులు పూర్తి చేయాలని సూచించారు. ఎప్పటికప్పుడు పరిశీలిస్తూ పనులు త్వరగా పూర్తయ్యేలా చూడాలని అధికారులను ఆదేశించారు. బక్కచింతలపల్లిలో నూతనంగా నిర్మించిన పాఠశాల భవనాన్ని సీతక్క ప్రారంభించారు. మండలకేంద్రంలోని రైతు వేదికలో ఏర్పాటు చేసిన సమావేశంలో కొత్తగూడ, గంగారం మండలాల కల్యాణలక్ష్మి లబ్ధిదారులకు చెక్కులు పంపిణీ చేశారు. ఏజెన్సీ రోడ్ల మరమ్మతులకు నిధులు ఏజెన్సీ గ్రామాల రోడ్ల మరమ్మతులకు భారీగా నిధులు మంజూరు చేసినట్లు సీతక్క తెలిపారు. కొత్తగూడ మండలంలో దొరవారివేంపల్లి నుంచి వేలుబెల్లి వరకు రూ.10 కోట్లు, మోకాళ్లపల్లి నుంచి మొండ్రాయిగూడెం వరకు రూ.కోటి, కోనాపురం నుంచి అంకన్నగూడెం వరకు రూ.రెండు కోట్ల యాభై లక్షలు, గుండం నుంచి దబ్బిర్‌పేట వరకు రూ.7కోట్లు, కొత్తపల్లి నుంచి బోటిమీదితండా వరకు రూ.రెండు కోట్ల 50 లక్షలు, నీలంపెల్లి నుంచి దుర్గారం ఎక్స్‌ రోడ్డు వరకు రూ.2కోట్ల 50 లక్షలు, గుండం నుంచి పాకాల ఆర్‌అండ్‌బీ రోడ్డు వరకు రూ.3 కోట్లు, గంగారం మండలం మడగూడెం ఎక్స్‌ రోడ్డు నుంచి పుట్టలభూపతి వరకు రూ.3 కోట్లు, జంగాలపల్లి నుంచి దేవల్లగూడెం వరకు రూ.3 కోట్లు పంచాయతీ రాజ్‌ శాఖ నుంచి మంజూరు చేసినట్లు సీతక్క వివరించారు. కార్యక్రమంలో అదనపు కలెక్టర్‌, హౌసింగ్‌ పీడీ పురుషోత్తం, సంక్షేమ అధికారి శిరీష, డీడీ దేశీరాం, తహసీల్దార్‌ రాజు, ఎంపీడీఓ అనురాధ పాల్గొన్నారు.

మహబూబాబాద్‌ రూరల్‌ : మాదకద్రవ్యాల వినియోగం వ్యక్తి జీవితాన్నే కాకుండా కుటుంబాన్ని, సమాజాన్ని కూడా తీవ్రంగా ప్రభావితం చేస్తుందని ఎమ్మెల్యే భూక్య మురళీనాయక్‌, ఎమ్మెల్సీ తక్కెళ్లపల్లి రవీందర్‌ రావు అన్నారు. మాదకద్రవ్యాల నిర్మూలనపై ప్రజల్లో అవగాహన కల్పించి, ఆరోగ్యవంతమైన సమాజ నిర్మాణమే లక్ష్యంగా జిల్లా పోలీసు శాఖ ఆధ్వర్యంలో శనివారం నిర్వహించిన 5కే రన్‌ విజయవంతంగా ముగిసింది. రన్‌ అగనిస్ట్‌ డ్రగ్స్‌, సే నో టు డ్రగ్స్‌ అనే నినాదంతో ని ర్వహించిన రన్‌ సందర్భంగా ఎమ్మెల్యే మురళీనా యక్‌, ఎమ్మెల్సీ రవీందర్‌ రావు మాట్లాడారు. యు వత చెడు వ్యసనాలకు దూరంగా ఉంటూ విద్య, క్రీడలు, ఉపాధి, లక్ష్య సాధనపై దృష్టి సారించాలని సూచించారు. డ్రగ్స్‌ రహిత సమాజ నిర్మాణం ఒక్క పోలీసు శాఖ బాధ్యత మాత్రమే కాదని, ప్రతీ పౌరుడు భాగస్వామి కావాలని పిలుపునిచ్చారు. ఎస్పీ శబరీష్‌ మాట్లాడుతూ మాదకద్రవ్యాల వినియోగం యువత ఆరోగ్యం, ఆలోచనా విధానం, భవిష్యత్‌పై తీవ్ర ప్రభావం చూపుతుందని తెలిపారు. జిల్లాలో ఎవరైనా గంజాయి వినియోగిస్తున్నా, విక్రయిస్తున్నా, అక్రమంగా రవాణా చేస్తున్నా లేదా మాదకద్రవ్యాల కార్యకలాపాలకు పాల్పడుతున్నట్లు సమాచారం తెలిసినా కంట్రోల్‌ నంబర్‌ 87126 56999 కు ఫోన్‌ చేసి తెలియజేయాలని కోరారు. సమాచారం అందించిన వారి వివరాలను గోప్యంగా ఉంచుతూ చట్టపరమైన చర్యలు తీసుకుంటామని తెలిపారు. ఇదిలా ఉండగా.. 5కే రన్‌ లో భాగంగా నిర్వహించిన జుంబా డ్యాన్స్‌ కార్యక్రమంలో పాల్గొన్నవారిలో ఉత్సాహాన్ని నింపింది. 5కే రన్‌ లో ప్రతిభ కనబరిచిన విజేతలకు ఎస్పీ శబరీష్‌ బహుమతులు అందజేశారు. 1మున్సిపల్‌ చైర్‌ పర్సన్‌ గుగులోత్‌ జ్యోతి, డీఎస్పీ తిరుపతిరావు, జిల్లాలోని సీఐలు, ఎస్సైలు, ప్రజాప్రతినిధులు, యువత, విద్యార్థుల సహా సుమారు వెయ్యి మందికిపైగా 5 కే రన్‌లో పాల్గొన్నారు. ఎమ్మెల్యే మురళీనాయక్‌, ఎమ్మెల్సీ రవీందర్‌ రావు మానుకోటలో 5కే రన్‌

వివాహేతర సంబంధం.. సరస్సు వద్దకు తీసుకెళ్తే.. అక్కాచెళ్లెల్లిద్దరు ఆహ్లాదం అనుకున్నారు.. అమ్మ చేయి పట్టుకుని బుడిబుడి అడుగులు వేశారు. సరదాగా ఆడుకున్నారు. పార్కంతా కలియదిరిగారు. తెల్లవారితే అందరి ఇళ్లలో దీపావళి వెలుగులు.. కానీ, తన భర్త చేసిన మోసంతో జీవితంలో కారు చీకట్లు అలుముకున్నాయి. తన గుండెలో గూడుకట్టుకున్న ఆవేదన, ఆక్రందనలకు మరణమే శరణ్యమనుకుంది. తాను చనిపోతే పిల్లలిద్దరు అనాథలవుతారని భావించి చున్నీతో పిల్లలిద్దరిని నడుముకు కట్టుకుంది. ఏంటమ్మా ఇలా చేస్తున్నావని చిన్నారులు అడిగేలోపే సరస్సులో దూకింది. ముగ్గురూ విగతజీవులయ్యారు. భర్త వివాహేతర సంబంధం మిగిల్చిన పెనువిషాదమిది.ఖానాపురం/గీసుకొండ: కన్నవారిని కాదనుకుంది. సామాజిక వర్గాలు వేరైనా ప్రేమించిన వ్యక్తిని వివాహం చేసుకుంది. తన భర్త మరో మహిళతో వివాహేతర సంబంధం పెట్టుకోవడంతో మనస్తాపం చెందింది. ఇటు తల్లిగారింటికి వెళ్లలేదు. భర్త మోసం తట్టుకోలేక చావే దిక్కనుకుంది. కానీ, పిల్లలు దిక్కులేని వారవుతారనే భావనతో వారితో సహా ఆత్మహత్యకు పాల్పడింది. ఈ హృదయ విదారక ఘటన పాకాలలో చోటుచేసుకుంది. హనుమకొండ జిల్లా బైరాన్‌పల్లి గ్రామానికి చెందిన ఈరెల్లి మమత(30) చిన్నతనం నుంచి వరంగల్‌ జిల్లా గీసుకొండ మండలం ఎలుకుర్తిహవేలిలోని అమ్మ మ్మ ఇంటి వద్ద ఉండి చదువుకుంది. చదువుకునే సమయంలో అదే గ్రామానికి చెందిన సుమన్‌ అనే యువకుడితో ప్రేమలో పడింది. ఇద్దరి సామాజిక వర్గాలు వేరు. పెద్దలకు ఇష్టంలేకపోయినా వారిని వదిలి ఆరేళ్ల క్రితం కులాంతర వివాహం చేసుకుంది. సుమన్‌ ట్రాక్టర్‌ డ్రైవర్‌గా పనిచేస్తుండగా, మెడికల్‌ డిప్లొమా చదివిన మమత నర్సంపేటలోని ఓ ప్రైవేట్‌ ఆస్పత్రిలో పనిచేస్తోంది. వారికి ఇద్దరు కూ తుళ్లు హర్షిణి(4), కావ్య(3) ఉన్నారు. హర్షిణి నర్స రీ చదువుతుండగా.. కావ్య ఇంటివద్దే ఉంటోంది. భర్త మరో మహిళతో వివాహేతర సంబంధం.. వారిద్దరి సంసారం సజావుగా సాగుతుండగా సుమన్‌.. గ్రామంలోని తనఇంటి సమీపంలోని ఓ మహిళతో 6 నెలల నుంచి వివాహేతర సంబంధం పెట్టుకున్నాడు. ఈ విషయం తెలిసిన మమత మానసికంగా కుంగిపోయింది. సొంత వారిని వదులుకుని ఇష్టపడిన వ్యక్తిని ప్రేమ వివాహం చేసుకుంటే భర్త నమ్మించి మోసం చేశాడని ఆవేదన చెందింది. ఈ విషయమై గ్రామంలోని పెద్ద మనుషులు రెండుసార్లు పంచాయితీ పెట్టి సుమన్‌ను హెచ్చరించారు. అతను తీరు మార్చుకోకపోగా ఆ మహిళతో పలుమార్లు ఇంట్లోనుంచి వెళ్లిపోయాడు. పోలీస్‌ కేసు కూడా నమోదైంది. ఈ క్రమంలో సుమన్‌, మమత నర్సంపేట మండలం ముగ్దుంపురంలోని బంధువుల ఇంట్లో ఉంటున్నారు. రెండు రోజుల క్రితం సదరు మహిళతో కలిసి మళ్లీ వెళ్లిపోయాడు. దీంతో మమత ఎలుకుర్తి హవేలిలో తన ఇంటికి వెళ్లింది. శుక్రవారం రాత్రి ఆ మహిళ తరఫు భర్త, బంధువులు తన ఇంటికి వచ్చి తీవ్రంగా దూషించా రు. అవమానంగా భావించిన మమత శనివారం ఉదయం డ్యూటీకి వెళ్తున్నానని చెప్పి ఇద్దరు కూతుళ్లను వెంటబెట్టుకుని పాకాల సరస్సు వద్దకు వచ్చి చున్నీతో నడుముకు కట్టుకుని దూకి ఆత్మహత్య చేసుకుంది. పిల్లలతో కాసేపు గడిపి.. సరస్సు పార్కులో మమత పిల్లలతో కాసేపు గడిపింది. తాను ఆత్మహత్య చేసుకుంటున్నానని హైదరాబాద్‌లో ఉన్న బంధువులకు వాట్సాప్‌ ద్వారా లొకేషన్‌ వివరాలు పంపింది. తన వెంట తెచ్చుకున్న బ్యాగు, సెల్‌ఫోన్‌ బోటింగ్‌ పాయింట్‌ సమీపంలో పెట్టింది. అప్రమత్తమైన బంధువులు గ్రామంలోని కుటుంబ సభ్యులకు తెలిపి వెంటనే మమతకు ఫోన్‌ చేయగా బోటింగ్‌ సిబ్బంది ఫోన్‌ లిఫ్ట్‌ చేశారు. ఇద్దరు పిల్లలతో వచ్చిన మహిళ ఆత్మహత్య చేసుకుంటానని తెలిపింద ని, వెంటనే కాపాడాలని కోరగా.. పార్కు, కట్ట ప్రాంతంలో వెతికి బోటింగ్‌ పాయింట్‌ వద్దకు చేరుకోగా ముగ్గురి మృతదేహాలు నీటిపై తేలాయి. ఎస్సై గుగులోతు రాంమోహన్‌కు సమాచారం తెలియడంతో అక్కడికి చేరుకుని కుటుంబ సభ్యులకు సమాచారం అందించారు. వరంగల్‌ ఈస్ట్‌జోన్‌ డీసీపీ అంకిత్‌కుమార్‌ ఘటనా స్థలానికి చేరుకుని మృతదేహాలను పరిశీలించి వివరాలు సేకరించారు. నర్సంపేట ఏసీపీ రవీందర్‌రెడ్డి, నర్సంపేట, దుగ్గొండి సీఐలు శ్రీనివాస్‌, శంకర్‌రావు వివరాలు సేకరించారు. తహసీల్దార్‌ నంగునూరి రమేశ్‌ సమక్షంలో పంచనామా నిర్వహించి ముగ్గురి మృతదేహాలను పోస్టుమార్టం నిమిత్తం నర్సంపేటకు తరలించారు. తల్లీకూతుళ్ల మృతదేహాలను చూసి బంధువులు, అక్కడికి వచ్చిన ప్రతిఒక్కరూ కంటతడి పెట్టుకున్నారు. సుమన్‌ పరారీలో ఉన్నట్లు తెలుస్తోంది. తల్లి గారింటికి వెళ్లలేక.. భర్త మోసం తట్టుకోలేక తాను చనిపోతే పిల్లలు అనాథలవుతారని భావించి.. ఇద్దరు కూతుళ్లతో కలిసి తల్లి బలవన్మరణం పాకాల సరస్సులో దూకి తనువు చాలించిన వైనం ఘటనా స్థలాన్ని పరిశీలించిన డీసీపీ, అధికారులు

పాలకుర్తి టౌన్‌: తెలంగాణ రాష్ట్ర సాధన ఉద్యమ సమయంలో అరగుండు, అర మీసంతో నిరసన తెలిపి చర్చనీయాంశమైన గాంధీనాయక్‌ మరోసారి విస్నూత నిరసనకు శ్రీకారం చుట్టారు. జనగామ జిల్లా కొడకండ్ల మండలం మొండ్రాయి గ్రామానికి చెందిన ఆయన చెప్పులు లేకుండా టోపి, గూలాబీ శాలువ ధరించి, అర్ధనగ్నంగా గాంధీ వేషధారణలో ఆయన మార్గంలో నిరసన తెలిపేందుకు సిద్ధమయ్యాడు. శుక్రవారం పాలకుర్తిలో సోమేశ్వర లక్ష్మీనర్సింహస్వామి ఆలయంలో పూజలు నిర్వహించి.. కేసీఆర్‌ మళ్లీ సీఎంగా.. ఎర్రబెల్లి దయాకర్‌రావు మంత్రిగా తొలి సంతకం చేసే వరకు తన నిరసన విరమించబోనని స్పష్టం చేశారు. ఈ సందర్భంగా నాయకులు పసునూరి నవీన్‌కుమార్‌, బొబ్బల రమణారెడ్డి, పాము శ్రీనివాస్‌, కమ్మగాని నాగన్న, గుడికుంట తండా సర్పంచ్‌ బానోత్‌ మహేందర్‌ నాయక్‌, రాజు తదితరులు గాంధీనాయక్‌ను సన్మానించి దీక్షకు సంఘీభావం తెలిపారు.

హన్మకొండ: వేసవి డిమాండ్‌ను దృష్టిలో ఉంచుకుని వేసవి ప్రణాళికను సిద్ధం చేయాలని టీజీ ఎన్పీడీసీఎల్‌ చైర్మన్‌, మేనేజింగ్‌ డైరెక్టర్‌ కర్నాటి వరుణ్‌ రెడ్డి అధికారులను ఆదేశించారు. హనుమకొండలోని ఎన్పీడీసీఎల్‌ ప్రధాన కార్యాలయంలో ఆపరేషన్స్‌, ప్రాజెక్ట్స్‌, పీఅండ్‌ ఎంఎం విభాగాల అధికారులతో శుక్రవారం నిర్వహించిన సమీక్ష సమావేశంలో ఆయన మాట్లాడారు. గోదావరి పుష్కరాలకు అన్ని ఏర్పాట్లు చేయాలని సూచించారు. సంస్థ పరిధిలోని 18 సర్కిళ్లలో విద్యుత్‌ అవసరాలను సమగ్రంగా అంచనా వేసి, కొత్త సబ్‌స్టేషన్లు, పవర్‌ ట్రాన్స్‌ఫార్మర్లు, డిస్ట్రిబ్యూషన్‌ ట్రాన్స్‌ఫార్మర్ల అవసరాన్ని గుర్తించి తగిన ఏర్పాట్లు చేయాలని సూచించారు. ప్రస్తుతం పురోగతిలో ఉన్న కొత్త సబ్‌స్టేషన్ల పనులను డిసెంబర్‌ నెలాఖరులోగా పూర్తి చేసి అందుబాటులోకి తీసుకురావాలన్నారు. 33 కేవీ, 11 కేవీ ఓవర్‌లోడ్‌ ఫీడర్లను గుర్తించి, అవసరమైన ప్రాంతాల్లో అదనపు పవర్‌ ట్రాన్స్‌ఫార్మర్లను ఏర్పాటు చేయాలని ఆదేశించారు. విద్యుత్‌ లోడ్‌ అధికంగా ఉండే పట్టణాలు, మున్సిపల్‌ కార్పొరేషన్‌ ప్రాంతాలతో పాటు కొత్తగా నిర్మిస్తున్న సబ్‌స్టేషన్లలో 8 ఎంవీఏ సామర్థ్యం కలిగిన పవర్‌ ట్రాన్స్‌ఫార్మర్లను ఏర్పాటు చేయాలన్నారు. వేసవిలో విద్యుత్‌ వినియోగం అధికంగా ఉండే ప్రాంతాలను ముందుగానే గుర్తించి, ఆయా ప్రాంతాల్లో ట్రాన్స్‌ఫార్మర్లపై ఉండే లోడ్‌ను అంచనా వేసి, అవసరమైన చోట సామర్థ్యాన్ని పెంచాలన్నారు. సమావేశంలో డైరెక్టర్లు వి.మోహన్‌ రావు, టి.మధుసూదన్‌, చీఫ్‌ ఇంజినీర్లు కె.తిరుమల్‌ రావు, అశోక్‌, సురేందర్‌, జనరల్‌ మేనేజర్లు విజేందర్‌ రెడ్డి, అమర్‌నాథ్‌, ప్రభావతి, బాబు రావు, ఎస్‌ఈ (సివిల్‌) వెంకటేశ్వర్లు, డీఈలు నాగరాజు, అనిల్‌ కుమార్‌, భాస్కర్‌ పాల్గొన్నారు. టీజీ ఎన్పీడీసీఎల్‌ సీఎండీ వరుణ్‌ రెడ్డి

కలెక్టర్‌ స్నేహశబరీష్‌ మహబూబాబాద్‌: విద్యార్థుల్లో చదువు సామర్థ్యాలు పెంపొందించడానికి ఉపాధ్యాయులు ప్రత్యేక చర్యలు తీసుకోవాలని కలెక్టర్‌ స్నేహశబరీష్‌ ఆదేశించారు. కలెక్టరేట్‌లోని ప్రధాన సమావేశ మందిరంలో శుక్రవారం విద్యాశాఖపై సంబంధిత అధికారులతో సమీక్ష సమావేశం నిర్వహించారు. ఈసందర్భంగా కలెక్టర్‌ మాట్లాడుతూ.. పిల్లలకు అర్థమయ్యే రీతిలో విద్యా బోధన చేయాలని, అన్ని పారామీటర్లలో జిల్లాను ముందు వరుసలో ఉంచాలన్నారు. పీఎం శ్రీ పాఠశాలల్లో అన్ని రకాల వసతులు కల్పించాలన్నారు. మండలస్థాయిలో విద్యాశాఖ అధికారులు నిత్యం పాఠశాలలను తనిఖీ చేసి విద్యా ప్రమాణాలు, ఎఫ్‌ఎల్‌ఎన్‌ తరగతుల ద్వారా అందిస్తున్న విద్యా బోధనల వివరాలు సేకరించాలన్నారు. కార్యక్రమంలో ఇన్‌చార్జ్‌ డీఈఓ అనిల్‌కుమార్‌, ఏఎంఓ వెంకటేశ్వర్లు తదితరులు పాల్గొన్నారు. కందికొండ జాతరకు నిధులు కేటాయించాలి కురవి: కార్తీక పౌర్ణమిని పురస్కరించుకొని మండలంలోని కందికొండ గ్రామం కందగిరి పర్వతంపై నిర్వహించే జాతరకు నిధులు కేటాయించాలని కోరుతూ హైదరాబాద్‌లోని సచివాలయంలో మంత్రి జూపల్లి కృష్ణారావును శుక్రవారం ప్రభుత్వ విప్‌, డోర్నకల్‌ ఎమ్మెల్యే జాటోత్‌ రాంచంద్రునాయక్‌ మర్యాద పూర్వకంగా కలిశారు. ఈసందర్భంగా కందికొండ జాతర ప్రాముఖ్యత, భక్తుల సౌకర్యార్థం చేపట్టాల్సిన ఏర్పాట్లను మంత్రి దృష్టికి తీసుకెళ్లి, జాతర విజయవంతంగా నిర్వహించేందుకు అవసరమైన నిధులు మంజూరు చేయాలని ప్రభుత్వ విప్‌ విజ్ఞప్తి చేశారు. 14న ఐఎల్‌పీఏ రాష్ట్రస్థాయి సదస్సుమహబూబాబాద్‌ రూరల్‌: ఇండియన్‌ లీగల్‌ ప్రొఫెషనల్‌ అసోసియేషన్‌(ఐఎల్‌పీఏ) 6వ రాష్ట్రస్థాయి సదస్సు ఈనెల 14న హనుమకొండ పట్టణం హంటర్‌రోడ్డులోని డీ కన్వెన్షన్‌ హాల్‌లో జరుగుతుందని సీనియర్‌ న్యాయవాది, ఐఎల్‌పీఏ రాష్ట్ర సెక్రటరీ చిల్లా రాజేంద్రప్రసాద్‌ తెలిపారు. ఐఎల్‌పీఏ కరపత్రాలను బార్‌ అసోసియేషన్‌ ఆధ్వర్యంలో జిల్లా కోర్టు ఆవరణలో శుక్రవారం ఆవిష్కరించారు. ఈసందర్భంగా రాజేంద్రప్రసాద్‌ మాట్లాడుతూ.. సదస్సుకు ముఖ్య అతిథులుగా హైకోర్టు విశ్రాంత న్యాయమూర్తి జస్టిస్‌ తిరుమలదేవి, వరంగల్‌, హనుమకొండ జిల్లాల న్యాయమూర్తులు బి.నిర్మల, ఎం.ఆర్‌.సునీత, రాష్ట్ర మంత్రి ధనసరి సీతక్క, వరంగల్‌ పశ్చిమ ఎమ్మెల్యే నాయిని రాజేందర్‌ రెడ్డి హాజరవుతారన్నారు. మహిళల హక్కులు, సర్‌ ప్రక్రియ, సామాజిక న్యాయం, కొలీజియం సిస్టంపై సెమినార్‌ నిర్వహిస్తారన్నారు. ప్రతీ ఒక్క న్యాయవాది కార్యక్రమానికి హాజరై విజయవంతం చేయాలని కోరారు. ఈ కార్యక్రమంలో బార్‌ అసోసియేషన్‌ అధ్యక్షుడు మామి డాల సత్యనారాయణ, జనరల్‌ సెక్రటరీ జంగం సిద్ధార్థ, ఆరెల్లి శ్రీనివాస్‌, దర్శనం రామకృష్ణ, బాలాజీ, ప్రభాకర్‌ రెడ్డి, శ్రీనివాస్‌, వాసం ఆనంద్‌, రాజమణి మందుల శ్రీనివాస్‌, హరిబాబు తదితరులు పాల్గొన్నారు.

● జిల్లా జడ్జి కె.మురళీమోహన్‌ మహబూబాబాద్‌ రూరల్‌: సమాజంలో మహిళలు, బాలల హక్కుల రక్షణ అత్యంత కీలకమని, వారికి కనీస సౌకర్యాలు కల్పించడం మన బాధ్యత అని జిల్లా జడ్జి కె.మురళీమోహన్‌ అన్నారు. వివిధ కేసుల నిమిత్తం, న్యాయ సేవలు కోసం వచ్చే బాలింతలు, తల్లుల సౌకర్యార్థం జిల్లా కోర్టు ఆవరణలో ఉమెన్‌ ఎంపవర్‌మెంట్‌ హబ్‌ (మహిళా సాధికారత కేంద్రం) ఆధ్వర్యంలో ఏర్పాటు చేసిన ప్రత్యేక మదర్‌ ఫీడింగ్‌ కేంద్రం (తల్లిపాల గది)ను శుక్రవారం ప్రారంభించారు. మహిళలు, పిల్లల రక్షణ, భద్రత కోసం అత్యవసర సమయంలో సంప్రదించాల్సిన అన్ని హెల్ప్‌ లైన్‌ నంబర్లతో కూడిన సమాచార బోర్డును జిల్లా జడ్జి ఆవిష్కరించి మాట్లాడారు. కోర్టు విచారణలు, ఇతర పనుల నిమిత్తం వచ్చే బాలింతలు, తల్లులు తమ పసిబిడ్డలకు ప్రశాంతమైన వాతావరణంలో పాలు పట్టేందుకు ఈ కేంద్రం ఎంతగానో దోహదపడుతుందన్నారు. ప్రతీ బిడ్డకు ఆరోగ్యకరమైన వాతావరణంలో పెరిగే హక్కు ఉందని, న్యాయ సేవాధికార సంస్థల చట్టం 1987లోని సెక్షన్‌ 12(సీ) ప్రకారం మహిళలందరికీ ఉచిత న్యాయ సహాయం పొందే హక్కు ఉందన్నారు. కార్యక్రమంలో సీనియర్‌ సివిల్‌ జడ్జి షాలిని షాకెళ్లి, అదనపు జూనియర్‌ సివిల్‌ జడ్జి అర్వపల్లి కృష్ణతేజ, కోర్టు ముఖ్య పరిపాలన అధికారి శ్రీనివాస్‌, జిల్లా సంక్షేమ అధికారి శిరీష, మహిళా సాధికారత కేంద్రం ప్రతినిధులు మహేశ్వరి, అరుణ, సంధ్యారాణి, కృష్ణవేణి, సఖీ కేంద్రం బాధ్యులు పాల్గొన్నారు.

● పది రోజుల వ్యవధిలో రూ.500 తగ్గింపు ● తేమసాకుతో వ్యాపారుల దోపిడీ ● ఆందోళనలో రైతులుకేసముద్రం: ఆరుగాలం శ్రమించిన పండించిన పంటను మార్కెట్‌లో అమ్ముకుందామంటే రైతులకు ఇబ్బందులు తప్పడంలేదు. కేసముద్రం వ్యవసాయ మార్కెట్‌లో సీజన్‌ ప్రారంభం నుంచి పత్తికి మద్దతుకు మించి అధిక ధర పలికింది. అయితే, కొద్ది రోజులుగా ధర తగ్గుతూ వస్తుండడంతో రైతులు ఆందోళన వ్యక్తం చేస్తున్నారు. పది రోజుల్లోనే.. కేసముద్రం మార్కెట్‌లో ఇటీవల కొత్త పత్తి అమ్మకాలు మొదలయ్యాయి. చుట్టుపక్కల గ్రామాల రైతులు పత్తిని మార్కెట్‌లో, జిన్నింగ్‌ మిల్లుల్లో విక్రయిస్తున్నారు. కాగా, సీజన్‌ ప్రారంభంలో పత్తి క్వింటాకు రూ.9,200 వరకు పలికింది. అయితే పది రోజుల నుంచి క్రమంగా ధర తగ్గుతూ వస్తోంది. అక్టోబర్‌ 27న గరిష్ట ధర రూ.9,177 పలుకగా.. శుక్రవారం మార్కెట్‌కు 405బస్తాల పత్తి అమ్మకాని కి రాగా, గరిష్ట ధర రూ.8,739, కనిష్ట ధర రూ.5,529 పలికినట్లు మార్కెట్‌ అధికారులు తెలి పారు. పదిరోజుల వ్యవధిలో క్వింటాకు సుమారు రూ.500 వరకు ధర తగ్గడంతో రైతులు ఆందోళనకు గురవుతున్నారు. తేమ సాకుతో.. కొద్దిరోజులుగా కురుస్తున్న వర్షాల వల్ల తేమ సాకుగా చూపి వ్యాపారులు ధరలు అమాంతం తగ్గిస్తున్నారని పలువురు రైతులు ఆవేదన వ్యక్తం చేస్తున్నారు. అలాగే మార్కెట్‌కు సెలవులు ఉన్న సమయంలో చుట్టు పక్కల గ్రామాల రైతులు తమ అవసరాల నిమిత్తం పత్తిని అమ్ముకునేందుకు జిన్నింగ్‌ మిల్లులను, పలు దుకాణాలను ఆశ్రయిస్తున్నారు. దీనిని ఆసరాగా చేసుకుని వ్యాపారులు ఇష్టానుసారంగా ధరలు నిర్ణయిస్తూ దోపిడీకి పాల్పడుతున్నట్లు రైతులు వాపోతున్నారు. తేమ లేకున్నా ధర తగ్గించారు.. నాకున్న 3 ఎకరాల్లో పత్తి సాగు చేశా. సరిగా వానలు లేకపోవడంతో ఎకరానికి 8 క్వింటాళ్ల పత్తి మాత్రమే చేతికి వచ్చింది. కూలీలకు డబ్బులు ఇచ్చేందుకు 6 బస్తాల పత్తిని అమ్ముకుందామని మార్కెట్‌కు వచ్చా. క్వింటాకు రూ.8,674 రేటు పెట్టిండ్రు. గింత ధర తగ్గించారని అడిగితే తేమ ఉందని చెప్పారు. తేమ లేకున్నా నేను తీసుకువచ్చిన పత్తికి ధర తగ్గించారు. –మట్టె అశోక్‌, పెద్దకోర్పోలు, నెక్కొండ క్వింటాకు రూ.5,500 పెట్టిండ్రు మొన్నటి వరకు కురిసిన వానకు పత్తి పంట తడిసింది. కూలీలకు డబ్బులు ఇవ్వాల్సి ఉండగా క్వింటా పత్తిని అమ్ముకుందామని కేసముద్రంలోని జిన్నింగ్‌ మిల్లుకు వెళ్లా. అక్కడ పత్తి బాగాలేదని చెప్పి కేవలం క్వింటాకు ధర రూ.5,500లే పెట్టిండ్రు. గింత ధర తగ్గిస్తారా అని అడిగితే, పత్తి మంచిగ లేదు.. అంతే ధర పడుతదని చెప్పిండ్రు. డబ్బులు అవసరం ఉండడంతో అమ్ముకుని నష్టపోయా. – భూక్య రాంజీ, మహముద్‌పట్నం గరిష్ట ధర కనిష్ట ధర

● ఎన్‌హెచ్‌ఎం ఉద్యోగాల భర్తీలో గందరగోళం ● మెరిట్‌, రోస్టర్‌ ప్రక్రియపై స్పష్టత కరువు ● భారీ సంఖ్యలో అభ్యర్థుల దరఖాస్తులు సాక్షి, మహబూబాబాద్‌ : జిల్లా వైద్యారోగ్యశాఖలోని జాతీయ ఆరోగ్య మిషన్‌ పరిధిలో ఇటీవల పోస్టుల భర్తీకి విడుదల చేసిన నియామక ప్రకటన గందరగోళంగా ఉందనే ఆరోపణలు వస్తున్నాయి. నియామకంలో మెరిట్‌, రోస్టర్‌ ప్రక్రియపై అధికారులు స్పష్టత ఇవ్వలేదు. దీంతో తాము అర్హులమో కాదో తెలియకుండానే నిరుద్యోగులు వందలాది రూపాయలు ఖర్చుచేసి, రెండు, మూడు రోజులు కార్యాలయాల చుట్టూ తిరిగి దరఖాస్తు చేసుకున్నారు. ముందే రోస్టర్‌ ప్రకటిస్తే ఏ ఉద్యోగానికి అర్హత ఉంటుందో.. దేనికి ఉండదో తెలుసుకుని దరఖాస్తు చేసుకునే అవకాశం ఉండేదని, అర్హత లేని ఉద్యోగానికి హడావుడి చేసినట్లు నిరుద్యోగులు ఆవేదన వ్యక్తం చేస్తున్నారు. స్పష్టత కరువు.. వైద్యారోగ్యశాఖలో పోస్టుల భర్తీకోసం ప్రకటన చేసిన అధికారులు అందులో మెరిట్‌, రోస్టర్‌ విధానంపై స్పష్టత ఇవ్వలేదని నిరుద్యోగులు ఆరోపిస్తున్నారు. జిల్లా వైద్యాధికారి ప్రకటించిన ప్రకటన ప్రకారం పోస్టుకు సంబంధించిన కోర్సులు పూర్తి చేయాలి. రాష్ట్ర వైద్యారోగ్యశాఖలో సదరు సర్టిఫికెట్‌ రిజిస్టేషన్‌ చేయించుకోవాలి. కోర్సు పాస్‌ అయిన నాటి నుంచి సంవత్సరానికి 0.5శాతం చొప్పున గరిష్టంగా 10శాతం మార్కులు కలుపుతామని ప్రకటించారు. అదే విధంగా మెరిట్‌ ప్రాతిపదికన ఎంపిక ఉంటుందని అన్నారు. అయితే గతంలో నియామకాల్లో రాష్ట్ర ప్రభుత్వ నిబంధనల మేరకు ఎస్సీ, ఎస్టీ, బీసీ, దివ్యాంగులకు రిజర్వేషన్‌ కేటాయింపులు చేశారు. ఇందుకోసం ప్రభుత్వం రూపొందించిన రోస్టర్‌ను అనుసరించారు. అయితే ఇప్పుడు ఈ రోస్టర్‌పై అధికారులు స్పష్టత ఇవ్వడం లేదు. దీంతో ఏ పోస్టు ఎవరికి కేటాయిస్తారో.. ఎలా భర్తీ చేస్తారో అనే గందరగోళం నెలకొంది. వర్తించని పోస్టుకు ఖర్చు.. ఇంతకాలం ప్రైవేట్‌ ఆస్పత్రుల్లో ఉద్యోగాలు చేసిన అభ్యర్థులు పోస్టులు భర్తీ ప్రకటన రాగానే పోటాపోటీగా దరఖాస్తు చేసుకున్నారు. జిల్లాలో మొత్తం 67 పోస్టులు ఉండగా.. అందులో ఎంఎల్‌హెచ్‌పీలు 34, స్టాఫ్‌ నర్సులు 8, ఏఎన్‌ఎంలు 7మినహా మిగిలిన పోస్టులన్నీ నాలుగుకు మించలేదు. కొన్ని పోస్టులు ఒకటి, రెండు కూడా ఉన్నాయి. ఇటువంటి పోస్టులకు రోస్టర్‌ పద్ధతిలో ఏ రిజర్వేషన్‌ వస్తుందో ముందే తెలిపితే.. ఆయా వర్గాల వారు మాత్రమే దరఖాస్తు చేసుకునే వారు. కానీ, ఇప్పుడు ఆ స్పష్టత ఇవ్వలేదు. దీంతో రిజర్వేషన్‌, జనరల్‌ తేడా లేకుండా అందరూ దరఖాస్తు చేసుకున్నారు. ఇలా 67 పోస్టులకు 2,563 మంది దరఖాస్తు చేసుకున్నారు. ఈ దరఖాస్తు కోసం రిజర్వుడ్‌ అభ్యర్థులు రూ. 300, జనరల్‌ అభ్యర్థులు రూ.500 చొప్పున డీడీలు చెల్లించారు. ఆన్‌లైన్‌లో దరఖాస్తు చేయడం, జిరాక్సులు, దూర ప్రాంతాల నుంచి వచ్చి దరఖాస్తు చేసుకునేందుకు ఖర్చు అయ్యింది. ఇలా ఒక్కో అభ్యర్థి రూ.800 నుంచి రూ.1500 వరకు ఖర్చు చేశారు. తమకు వర్తిస్తుందో లేదో తెలియని ఉద్యోగానికి ఇంత ఖర్చు చేసి దరఖాస్తు చేసుకోవాల్సి వచ్చిందని అభ్యర్థులు ఆవేదన వ్యక్తం చేస్తున్నారు. పోస్టులు ఖాళీలు వచ్చిన దరఖాస్తులురిఫ్రిజిరేటర్‌ మెకానిక్‌ 01 12 ల్యాబ్‌ టెక్నీషియన్‌ 04 327 ఎంఎల్‌హెచ్‌పీ 34 409 ఆప్తాలమిక్‌ అసిస్టెంట్‌ 01 36 ఫిజిషియన్‌ 02 30 ఫిజియో థెరపిస్టు 03 71 స్టాఫ్‌ నర్సులు 08 674 ఏఎన్‌ఎం 07 620 ఫార్మసిస్టు 02 220 టీబీ సూపర్‌వైజర్‌ 02 116 పీడియాట్రిషన్‌ 02 14 అకౌంట్‌ ఆఫీసర్‌ 01 34 మొత్తం 67 2,563

రఘునాథపల్లి: ఆర్థిక ఇబ్బందులతో గురువారం ఆత్మహత్యకు పాల్పడిన జనగామ జిల్లా రఘునాథపల్లి మాజీ జెడ్పీటీసీ, బీఆర్‌ఎస్‌ నాయకుడు బొల్లం అజయ్‌ అంతిమ యాత్ర శుక్రవారం ముగిసింది. అజయ్‌ మృతి సమాచారం అందుకున్న ఎమ్మెల్యే కడియం శ్రీహరి, ఎమ్మెల్సీ పోచంపల్లి శ్రీనివాస్‌రెడ్డి, మాజీ మంత్రి ఎర్రబెల్లి దయాకర్‌రావు, మాజీ ఎమ్మెల్యేలు తాటికొండ రాజయ్య, అరూరి రమేష్‌ తదిరులు శుక్రవారం అజయ్‌ నివాసానికి చేరుకొని ఆయన మృతదేహం వద్ద నివాళులర్పించారు. బాధిత కుటుంబ సభ్యులను ఓదార్చి ప్రగాడ సానుభూతి తెలియజేశారు. మృతదేహం వద్ద ఐదు, రెండేళ్ల కుమారులు రోదించిన తీరు పలువురిని కంటతడి పెట్టించింది. పాడె మోసి, డప్పు కొట్టిన రాజయ్య అజయ్‌ అంతిమయాత్రలో పాల్గన్న మాజీ ఎమ్మెల్యే తాటికొండ రాజయ్య.. పాడె మోసి డప్పు కొట్టారు. ఆరు గంటలపాటు సాగిన అంతిమ యాత్రలో జిల్లా వ్యాప్తంగా వేలాది మంది పెద్ద ఎత్తున తరలి వచ్చి అజయ్‌కు తుది వీడ్కోలు పలికారు. నివాళులర్పించిన వారిలో గ్రంథాలయ చైర్మన్‌ మారుజోడు రాంబాబు, గుడి వంశీధర్‌రెడ్డి, లింగాల జగదీశ్‌ చందర్‌రెడ్డి, మాజీ ఎంపీపీ కుమార్‌గౌడ్‌, మాజీ సర్పంచ్‌ పోకల శివకుమార్‌, గాదె మహేందర్‌రెడ్డి, కోళ్ల రవిగౌడ్‌, బొమ్మ వీరస్వామి, వారాల రమేష్‌, ముసిపట్ల విజయ్‌, మేకల నరేందర్‌, కావటి రాజయ్య తదితరులు ఉన్నారు.

ఖిలా వరంగల్‌: వరంగల్‌ ఉర్సు గుట్ట రంగలీలమైదానంలో శుక్రవారం రాత్రి నరకాసుర వధ కార్యక్రమం వైభవంగా జరిగింది. దీపావళి పర్వదినాన్ని పురస్కరించుకుని మైదానంలో ఏర్పాటుచేసిన నరకాసుర ప్రతిమను ఆటోమేటిక్‌ ఎలక్ట్రిక్‌ పరికరం ద్వారా కుడా చైర్‌పర్సన్‌ గుండు సుధారాణి, జిల్లా గ్రంథాలయ చైర్మన్‌ మీసాల ప్రకాశ్‌, నగర కమిషనర్‌ వెంకన్నతో కలిసి మాజీ మంత్రి కొండా సురేఖ స్విచ్‌ ఆన్‌ చేయగా బాణసంచా మోతలతో భారీ నరకాసురుడి ప్రతిమ దహనమైంది. అంతకుముందు వేదికపై సాంస్కృతిక నృత్యాలు అలరించాయి. ఈ అపూర్వ ఘట్టాన్ని తిలకించేందుకు నగరంలోని వివిధ ప్రాంతాలనుంచి పెద్ద సంఖ్యలో ప్రజలు తరలివచ్చారు. వరంగల్‌ పోలీస్‌ కమిషనర్‌ శ్వేత ఆధ్వర్యంలో డీసీపీ దార కవిత నేతృత్వంలో భారీ పోలీస్‌ బందోబస్తు ఏర్పాటు చేశారు. చెడుపై విజయం సాధించడమే దీపావళి : మాజీ మంత్రి, తూర్పు ఎమ్మెల్యే కొండా సురేఖ చెడుపు మంచి విజయం సాధించడమే దీపావళి అని, వేడుకలు జరుపుకోవడం తరతరాలు నుంచి ఆనవాయితీగా వస్తుందని మాజీ మంత్రి, వరంగల్‌ తూర్పు ఎమ్మెల్యే కొండా సురేఖ అన్నారు. రంగలీల మైదానానికి గొప్ప చరిత్ర ఉందని, శ్రీ రంగనాఽథుడి సన్నిధానంలో 100 ఏళ్లుగా దసరా, 20 ఏళ్లుగా నరకాసుర వధ ఉత్సవాలు జరుపుకోవడం సంతోషకరమన్నారు. కార్యక్రమంలో ఉత్సవ కమిటీ అధ్యక్షుడు మరుపల్లి రవి, కాంగ్రెస్‌ నాయకుడు గోపాల నవీన్‌రాజు, తహసీల్దార్‌ ఇక్బాల్‌, ఇన్‌స్పెక్టర్లు కర్రె స్వామి, మంగిలాల్‌, ఉత్సవ కమిటీ ప్రతినిధులు పాల్గొన్నారు. ఆటపాటలు, బాణసంచా మోతలతో దద్దరిల్లిన రంగలీలమైదానం చెడుపై మంచి విజయానికి ప్రతీక.. నరకాసుర వధ : మాజీ మంత్రి కొండా సురేఖ

● వీసీలో సీఎస్‌ సంజయ్‌జాజు మహబూబాబాద్‌: ప్రభుత్వ లక్ష్యాల సాధనలో జిల్లాల పనితీరు మెరుగుపడాలని రాష్ట్ర ప్రధాన కార్యదర్శి సంజయ్‌ జాజు సంబంధిత అధికారులను ఆదేశించారు. హైదరాబాద్‌ నుంచి శుక్రవారం సీఎస్‌ సంజయ్‌జాజు అన్ని జిల్లాల కలెక్టర్‌లతో వీడియో కాన్ఫరెన్స్‌ ద్వారా పింఛన్ల వెరిఫికేషన్‌, తాగునీరు, ఇందిరమ్మ ఇళ్లు, తదితర అంశాలపై సమీక్షించారు. ఈ సందర్భంగా సీఎస్‌ మాట్లాడుతూ.. జనవరి మొదటి వారంలోగా సమగ్ర శిక్ష, పీఎం శ్రీనిధుల వినియోగం వందశాతానికి చేరాలన్నారు. మార్చి చివరి వరకు వీబీజీ రామ్‌జీ ద్వారా 12 కోట్ల పనిదినాల కల్పన లక్ష్యం సాధించాలన్నారు. వేసవి ముగిసే వరకు తాగునీటి సరఫరాకు అత్యంత ప్రాధాన్యం ఇవ్వాలన్నారు. ఇందిరమ్మ ఇళ్ల నిర్మాణం వేగవంతం చేసి లబ్ధిదారులకు ఉచిత ఇసుక, రాయితీ సిమెంట్‌ అందించాలన్నారు. మన ఇసుక–మన వాహనం యాప్‌ను సమర్థవంతంగా వినియోగించాలన్నారు. ఒక్కో సిమెంట్‌ బస్తాను రూ.230 చొప్పున లబ్ధిదారులకు సరఫరా చేయాలన్నారు. వీడియో కాన్ఫరెన్స్‌లో కలెక్టర్‌ స్నేహశబరీష్‌, అదనపు కలెక్టర్‌ అనిల్‌కుమార్‌, సంబంధిత అధికారులు పాల్గొన్నారు.

● ఇంక్రిమెంట్‌ ఇచ్చేందుకు కసరత్తు ● సెలవులపై వెళ్లిన వారి ఫైల్స్‌ పక్కకు.. సాక్షి, మహబూబాబాద్‌: రెండేళ్ల క్రితం నియామకమైన ప్రభుత్వ ఉపాధ్యాయుల ప్రొబేషన్‌ ముగియ డంతో ఇంక్రిమెంట్‌తో పాటు సర్వీస్‌ రెగ్యులరైజేషన్‌ కోసం సిఫారసు చేసేందుకు జిల్లా విద్యాశాఖ అధికారులు కసరత్తు చేస్తున్నారు. కాగా, రెండేళ్లు పనిచేస్తేనే ప్రొబేషన్‌ ముగిసినట్లు లెక్క. ఈమేరకు నియామకం నుంచి ఇప్పటి వరకు వివిధ రకాల సెలవులపై వెళ్లిన వారిని గుర్తించి వారి ఫైల్స్‌ పక్క న పెట్టి.. మిగిలిన వారి జాబితా సిద్ధం చేస్తున్నారు. సర్వీస్‌ బుక్స్‌ పరిశీలన.. 24 అక్టోబర్‌ 2024న డీఎస్సీలో ఎంపికై న ఉపాధ్యాయులు వెంటనే విధుల్లో చేరారు. 9 అక్టోబర్‌ 2026 నాటికి ప్రభుత్వ నిబంధనల ప్రకారం వారి ప్రొబేషన్‌ ముగుస్తుంది. దీంతో ఒక ఇంక్రిమెంట్‌, సర్వీస్‌ క్రమబద్ధీకరించేందుకు సిఫారసు చేయాల్సి ఉంటుంది. జిల్లాలో ఎస్జీటీ, స్కూల్‌ అసిస్టెంట్లు, భాషా పండితులు, పీఈటీలు ఇలా అన్ని విభాగాల ఉపాధ్యాయులు కలిపి మొత్తం 364 మంది ఉన్నారు. అయితే నియామక పత్రం తీసుకొని మాతృత్వం, పితృత్వం, పిల్లల సంరక్షణ, ఆరోగ్య పరిస్థితి, జీత నష్టపు సెలవుల్లో వెళ్లిన వారికి రెండు సంవత్సరాల పని దినాలు పూర్తి కావు. అలాంటి వారిని గుర్తించే పనిలో అధికారులు ఉన్నారు. ఇలా జిల్లాలో 40 మందికి పైగా వివిధ రకాల సెలవులపై వెళ్లిన వారు ఉండే అవకాశం ఉందని, వారు మినహా మిగిలిన వారి ప్రొబేషన్‌ పూర్తి అయినట్లు ప్రకటిస్తామని విద్యాశాఖ అధికారులు చెబుతున్నారు.

కొత్తగూడెం అర్బన్‌/బూర్గంపాడు: ప్రేమించి పెళ్లాడిన భర్తే కాలయముడిగా మారాడు. అనుమానం పెనుభూతంగా మారడంతో పోలీ సు కానిస్టేబుల్‌గా విధులు నిర్వర్తిస్తున్న వ్యక్తి భార్యను హత్య చేసి ఆనవాళ్లు దొరకకుండా సంచిలో మూటగట్టి గోదావరిలో విసిరేసిన ఘటన ఇది. ఇందుకు సంబంధించి భద్రాద్రి కొత్తగూడెం జిల్లా కొత్తగూడెం త్రీటౌన్‌, బూర్గంపాడు పోలీసుల కథనం ప్రకారం వివరాలిలా ఉన్నాయి. ఇన్‌స్టాలో పరిచయం.. భద్రాద్రి జిల్లా టేకులపల్లి మండలానికి చెందిన నరేందర్‌ కొత్తగూడెంలో ఏఆర్‌ కానిస్టేబుల్‌గా విధులు నిర్వర్తిస్తున్నాడు. ఆయనకు ఇన్‌స్టాగ్రామ్‌లో రెండేళ్ల క్రితం ములుగు జిల్లా ఏటూరునాగారానికి చెందిన భవాని(30)తో పరిచయం ఏర్పడగా వేర్వేరు కులాలు కావడంతో పెళ్లికి ఇరువురి కుటుంబాలు అంగీకరించలేదు. దీంతో ఆలయంలో ప్రేమవివాహం చేసుకున్నాక కొత్తగూడెం ప్రగతినగర్‌లో కాపురం పెట్టారు. భవానికి తొలి సంతానంగా జన్మించిన శిశువు కొద్ది రోజులకే అనారోగ్యంతో మృతి చెందింది. ప్రస్తుతం నాలుగు నెలల గర్భిణి. అయితే, ఆమెకు గతంలో ఇతరులతో పరిచయం ఉందంటూ నరేందర్‌ అనుమానం పెంచుకోగా, ఇటీవల ఇన్‌స్టాలో ఇంకొందరితో చాటింగ్‌ చేస్తోందని గొడవ పడినట్లు తెలిసింది. ఈ విషయమై ఇద్దరి మధ్య తరచూ విబేధాలు తలెత్తడంతో 3వ తేదీన రాత్రి ఘర్షణ పడడంతో ఇంట్లోనే ఆమెను హత్య చేసిన నరేందర్‌ తన స్వగ్రామం వెళ్లిపోయాడు. అక్కడ తన కుటుంబీకులకు విషయం చెప్పి ఒకరిని తీసుకుని కొత్తగూడెం వచ్చి భవాని మృతదేహాన్ని మూటగట్టి 4వ తేదీన రాత్రి వాహనంలో తీసుకెళ్లి భద్రాచలం బ్రిడ్జి పైనుంచి గోదావరి నదిలో విసిరేశాడు. అప్పటికే భవాని కుటుంబ సభ్యులు ఆమె కనిపించడం లేదని పోలీసులకు ఫిర్యాదు చేయగా విచారిస్తున్నారు. ఇంతలోనే నరేందర్‌ శుక్రవారం పోలీసులకు లొంగిపోగా హత్య సంఘటన వెలుగులోకి వచ్చింది. బూర్గంపాడు సమీపాన మృతదేహం భవానిని నరేందర్‌ హత్య చేసినట్లు అంగీకరించి పోలీసులకు లొంగిపోవడంతో గాలింపు మొదలుపెట్టారు. కొత్తగూడెం, భద్రాచలం, బూర్గంపాడు పోలీసులు శుక్రవారం ఉదయం నుంచి గజ ఈతగాళ్లతో నదిలో గాలించి బూర్గంపాడు సమీపాన మృతదేహాన్ని గుర్తించారు. ఆ తర్వాత భద్రాచలం ఏరియా ఆస్పత్రి మార్చురీకి తరలించారు. కొత్తగూడెం డీఎస్పీ ఆదినారాయణ, పలు స్టేషన్ల సీఐలు ఇంద్రసేనారెడ్డి, యాసిన్‌, జితేందర్‌ గాలింపును పర్యవేక్షించారు. కాగా, మృతదేహం తరలింపులో నరేందర్‌కు ఎవరు సహకరించారు, అందులో కుటుంబీకులే ఉన్నారా.. భార్యను ఆయన ఎలా హత్య చేశాడన్న తదితర వివరాలు తెలియాల్సి ఉంది. భార్యను హత్య చేసిన ఏఆర్‌ కానిస్టేబుల్‌ ఆపై మృతదేహాన్ని గోదావరి నదిలో వేసిన నిందితుడు బూర్గంపాడు సమీపంలో మృతదేహం లభ్యం మృతురాలు ప్రస్తుతం నాలుగు నెలల గర్భిణి

● డోర్లు ఏర్పాటు చేసినంత మాత్రాన సమస్య సమసిపోదని, వాటిని నిరంతరం మెయింటెన్‌ చేయాలని సూచిస్తున్నారు. ● గ్యారేజీలో ప్రతీరోజు మెకానిక్‌లు డోర్లను తనిఖీ చేసి లోపాలుంటే సరిదిద్దాల్సి ఉంటుంది. మెకానికల్‌ డోర్లు కండక్టర్లు మూసివేయాల్సి ఉంటుందని, ఇది కొంత అసౌకర్యకరంగా ఉంటుందని చెబుతున్నారు. ● ఏసీ, సూపర్‌ లగ్జరీ, ఎలక్ట్రిక్‌ బస్సుల మాదిరిగా ఎయిర్‌ సస్పెన్షన్‌తో పనిచేసే న్యూమాటిక్‌ డోర్లు ఏర్పాటు చేస్తే డ్రైవర్‌ వాటిని ఆపరేట్‌ చేసే అవకాశం ఉంటుంది. కండక్టర్‌ టికెట్లు ఇస్తున్నా.. డ్రైవర్‌ తానే డోర్‌ వేయడం, తెరవడం జరుగుతుంది. ● ఆర్టీసీ యాజమాన్యం అన్ని బస్సులకు న్యూమాటిక్‌ డోర్లు ఏర్పాటు చేసేలా చర్యలు తీసుకోవాలని, అప్పుడే సంస్థ ఆశించిన భద్రత లక్ష్యం నెరవేరుతుందంటున్నారు.

సాక్షి, వరంగల్‌: క్యాన్సర్‌.. పేరు వింటేనే భయం. కానీ ప్రారంభ దశలో గుర్తిస్తే వ్యాధిని జయించే అవకాశాలు మెరుగ్గా ఉంటాయి. అవగాహన లోపం, లక్షణాల నిర్లక్ష్యం, పరీక్షలకు వెనుకాడటంతో చాలామంది వ్యాధి ముదిరిన తర్వాతే ఆస్పత్రుల కు వెళ్తున్నారు. ఉమ్మడి వరంగల్‌ జిల్లాలోనూ క్యా న్సర్‌ కేసుల నమోదు రేటు ఆందోళన కలిగిస్తోంది. అయితే తెలంగాణ క్యాన్సర్‌ అట్లాస్‌–2026 ప్రకారం రాష్ట్రంలో లక్ష జనాభాకు ఏడాదికి సగటున 52 కేసులు నమోదవుతున్నట్లు తేలింది. హనుమకొండలో ఈ సంఖ్య 79గా ఉండగా.. రాష్ట్రంలోనే అత్యధిక నమోదు రేటుగా నిలిచింది. ఉమ్మడి వరంగల్‌ పరిధిలోని వరంగల్‌, జనగామ, జయశంకర్‌ భూపాలపల్లి జిల్లాల్లోనూ లక్ష జనాభాకు 55 నుంచి 59 కేసుల మధ్య నమోదవుతున్నాయి. క్యాన్సర్‌ చికిత్స పొందినవారి లో మహిళలు ఎక్కువగా ఉన్నారు. రొమ్ము, గర్భాశయ ముఖద్వార క్యాన్సర్లు మహిళల్లో ప్రధానంగా కనిపిస్తుండగా.. పురుషుల్లో నోటి, గొంతు, ఊపిరితిత్తుల క్యాన్సర్లు ఎక్కువగా నమోదవుతున్నాయి. పొగా కు, గుట్కా, ఖై నీ, ధూమపా నం అలవాట్లు క్యా న్సర్‌ ముప్పును పెంచుతున్నాయి. ఈనేపథ్యంలో నేడు జాతీయ క్యాన్సర్‌ అవగాహన దినోత్సవం సందర్భంగా ప్రత్యేక కథనం. స్క్రీనింగ్‌పై నిర్లక్ష్యం.. అలవాట్లతో ఆగమాగం.. ఐసీఎంఆర్‌–ఎన్‌సీడీఐఆర్‌ నివేదిక ప్రకారం 30 నుంచి 49 ఏళ్ల మహిళల్లో గర్భాశయ ముఖద్వార క్యాన్సర్‌ పరీక్షలు చేయించుకున్నవారు 3.3 శాతం మాత్రమే. రొమ్ము క్యాన్సర్‌ పరీక్షలు చేయించుకున్నవారు 0.3 శాతమే. నోటి క్యాన్సర్‌ పరీక్షలపైనా అవగాహన తక్కువగా ఉంది. నోటిలో పుండ్లు తగ్గకపోవడం, రొమ్ములో గడ్డలు, అసాధారణ రక్తస్రావం, దీర్ఘకాలిక దగ్గు, కారణం లేకుండా బరువు తగ్గడం వంటి లక్షణాలను నిర్లక్ష్యం చేయకూడదని వైద్యులు చెబుతున్నారు. ఎంజీఎంలోనూ ప్రత్యేక చికిత్సలు.. క్యాన్సర్‌ బాధితులకు మెరుగైన సేవలు అందించేందుకు వరంగల్‌లోని ఎంజీఎం ఆస్పత్రిలో రేడియేషన్‌ అంకాలజీ డిపార్ట్‌మెంట్‌లోని డే కేర్‌ వార్డులో 50 నుంచి 60 వరకు రోజు ఓపీలు ఉండగా, 15 నుంచి 20 మందికి కిమియోథెరపీ చేస్తున్నారు. అదే సమయంలో మెడికల్‌ అంకాలజీ డిపార్ట్‌మెంట్‌లో రోజుకు ఐదు నుంచి ఆరుగురికి కిమియోథెరపీ చేస్తున్నారు. అలాగే అత్యవసరమున్న రోగులను ఆస్పత్రిలో చేర్చుకునేందుకు 15 మెడికల్‌ అంకాల జీ, 15 రేడియేషన్‌ అంకాలజీ బెడ్‌లు అందుబాటులో ఉన్నాయని అంకాలజీ డిపార్ట్‌మెంట్‌ హెచ్‌ఓడీ, అసోసియేట్‌ ప్రొఫెసర్‌ సుధారాణి తెలిపారు. త్వరలోనే 24 అంతస్తుల మల్టీ సూపర్‌ స్పెషాలిటీ అందుబాటులోకి వస్తే అందులో ప్రత్యేక బ్లాక్‌లో అత్యాధునిక వసతులతో కిమియోథెరపీతోపాటు రేడియోథెరపీ సేవలు కూడా అందుబాటులోకి వస్తాయని ఆమె తెలిపారు. పొగాకు, మద్యపానానికి దూరంగా ఉండాలి. ఆకుకూరలు, కూరగాయలు, పండ్లు తీసుకోవాలి. రోజూ కనీసం 30 నిమిషాలు వ్యాయామం చేయాలి. 30 ఏళ్లు దాటినవారు వైద్యుల సూచన మేరకు నోటి, రొమ్ము, గర్భాశయ ముఖద్వార క్యాన్సర్‌ స్క్రీనింగ్‌ చేయించుకోవాలి. హెచ్‌పీవీ, హెపటైటిస్‌–బీ టీకాల గురించి వైద్యులను సంప్రదించాలి. రాష్ట్రంలోనే అత్యధికంగా హనుమకొండలో లక్ష జనాభాకు 79 కేసులు స్క్రీనింగ్‌పై నిర్లక్ష్యం.. ఆలస్యంగా వ్యాధి నిర్ధారణతో ముప్పే జీవనశైలిలో మార్పులు, ముందస్తు పరీక్షలతో ముప్పు తగ్గింపుఎక్కువగానే కేసులు..వరంగల్‌ జిల్లా వైద్యారోగ్య అధికారుల వద్ద ఉన్న సమాచారం మేరకు జిల్లాలో 762 క్యాన్సర్‌ కేసులు గుర్తించారు. వీటిలో 335 ఓరల్‌, 245 బ్రెస్ట్‌, 182 సర్వైకల్‌ క్యాన్సర్‌ ఉన్నట్టుగా తేల్చారు. ఇవీ కేవలం హైదరాబాద్‌లోని ఎంఎన్‌జే క్యాన్సర్‌ ఆస్పత్రి, ఎంజీఎంలోని క్యాన్సర్‌ చికిత్స కేంద్రాల నుంచి వచ్చిన సమాచారం మాత్రమే. అలాగే హనుమకొండ జిల్లాలోనూ 987 కేసులున్నట్టుగా తెలిసింది. ఇక ప్రైవేట్‌ ఆస్పత్రుల్లో చేరిన వారు వందల సంఖ్యలోనే ఉండొచ్చని వైద్యశాఖ అధికారులు చెబుతున్నారు.ఉమ్మడి వరంగల్‌లో ఆందోళన కలిగిస్తున్న కేసుల నమోదు

భూపాలపల్లి రూరల్‌: వివాహేతర సంబంధం ఓ నిండు ప్రాణాన్ని బలిగొన్న ఘటన భూపాలపల్లి మండలంలోని గొల్లబుద్దారం గ్రామంలో శుక్రవారం వెలుగు చూసింది. గ్రామస్తులు, మృతుడి బంధువులు, పోలీసులు తెలిపిన వివరాల ప్రకారం.. భూపాలపల్లి మండలంలోని లంబాడి తండా(బి)కు చెందిన అజ్మీరా చందు(35) భార్య పావని, ఇద్దరు పిల్ల లతో గ్రామంలో కూలీ చేసుకుంటూ జీవిస్తున్నారు. ఈ క్రమంలో భార్య పావని.. ఇదే గ్రామానికి చెంది న దారవత్‌ సంతోష్‌తో వివాహేతర సంబంధం కొనసాగిస్తుంది. దీంతో భార్యాభర్తల మధ్య తర చూ గొడవలు జరగడంతో పెద్దల సమక్షంలో పంచాయతీలు నిర్వహించారు. ఈ క్రమంలో గురువారం రాత్రి పావని–సంతోష్‌ కలిసి ఉండగా చందు చూసినట్లు తెలిసింది. దీంతో తమ వ్యవహారం ఎక్కడ బయటపడుతుందోనని ఇద్దరు కలిసి గొడ్డలి తో చందు తలపై బలంగా కొట్టడడంతో అక్కడికక్కడే మృతి చెందాడు. నేరం తమపైకి రాకుండా ఉండేందుకు శుక్రవారం తెల్లవారుజామున చందు మృతదేహన్ని ఎడ్లబండిపై తీసుకెళ్లి చికెన్‌పల్లి శివారులో రోడ్డు పక్కన పొలం గట్టుపై వేశారు. ఉదయం అటువైపు వెళ్లిన స్థానికులు మృతదేహన్ని గమనించి పోలీసులకు సమాచారం అందించారు. భూపాలపల్లి డీఎస్పీ సంపత్‌రావు, సీఐ శ్రీనివాస్‌, ఎస్సై మహేష్‌ ఘటనాస్థలాన్ని పరిశీలించి మృతదేహన్ని పోస్టుమార్టం నిమిత్తం భూపాలపల్లి ఆస్పత్రికి తరలించారు. చందు తమ్ముడు రాజు ఫిర్యాదు మేరకు కేసు నమోదు చేసి దర్యాప్తు చేస్తున్నట్లు సీఐ శ్రీనివాస్‌ తెలిపారు. అయితే పావనితోపాటు సంతోష్‌ను పోలీసులు అదుపులో తీసుకున్నట్లు స్థానికంగా చర్చ జరుగుతుంది. దిక్కుతోచని స్థితిలో చిన్నారులు.. తండ్రి మృతిచెందడం.. తల్లి పోలీసుల అదుపులో ఉండడంతో చిన్నారులు దిక్కుతోచని స్థితిలో పడ్డారు. గుక్కపెట్టి ఏడుస్తూ తండ్రికి తలకొరివి పెట్టిన తీరును చూసినవారంతా కన్నీరుపెట్టుకున్నారు. వివాహేతర సంబంధాలు పచ్చని కుటుంబాలను చిధ్రం చేస్తున్నా మార్పు రావండలేదని గ్రామస్తులు ఆవేదన వ్యక్తం చేస్తున్నారు. గొల్లబుద్ధారం న్యూ లంబాడి తండాలో ఘటన పోలీసుల అదుపులో నిందితులు..? అనాథలైన ఇద్దరు చిన్నారులు

కేయూ క్యాంపస్‌: శాస్త్రవేత్తలుగా ఆలోచించాలని ప్రయోగాల పరిశీలన, ధ్రువీకరించిన పరిజ్ఞానం ఆధారంగా స్టార్టప్‌లను అభివృద్ధి చేయాలని హైదరాబాద్‌ ఎంటర్‌ప్రెన్యూరాలజీ వ్యవస్థాపకుడు విశాల్‌రెడ్డి సూచించారు. కాకతీయ యూనివర్సిటీలోని కే హబ్‌, హైదరాబాద్‌లోని టీ హబ్‌ సౌజన్యంతో విద్యార్థుల్లో స్టార్టప్‌ ఆలోచనలు, నూతన ఆవిష్కరణలు, వ్యాపార నైపుణ్యాలను పెంపొందించే లక్ష్యంతో ఐడియా టు ప్రోటోటైప్‌ అంశంపై విద్యార్థులకు శుక్రవారం కేయూలోని సెనెట్‌ హాల్‌లో అవగాహన కల్పించారు. ఈ సందర్భంగా విశాల్‌రెడ్డి మాట్లాడుతూ.. స్టార్టప్‌లు కూడా జీవుల మాదిరిగానే నిరంతరం అభివృద్ధి చెందుతూ మార్పులకు అనుగుణంగా ఎదుగుతాయని తెలిపారు. వ్యాపార ఆలోచనలకు విజయవంతమైన ఎంట్రప్రెన్యూరాలజీ ఒక క్రమబద్ధమైన విధానమని వివరించారు. సమావేశంలో కె హబ్‌ డైరెక్టర్‌ ఆచార్య సవితాజ్యోత్స్న, రూసా నోడల్‌ అధికారి ఆచార్య మల్లికార్జున్‌రెడ్డి, కెహబ్‌ కోఆర్డినేటర్లు కిరణ్‌కుమార్‌, సిద్దార్థ తదితరులు పాల్గొన్నారు. డివైడర్‌ను ఢీకొన్న బైక్‌.. విద్యార్థి మృతి బంజారాహిల్స్‌: అతివేగంగా, నిర్లక్ష్యంగా బైక్‌ నడుపుతూ ముందున్న వాహనాలను ఓవర్‌ టేక్‌ చేయబోయి డివైడర్‌ను ఢీకొని విద్యార్థి మృతి చెందాడు. ఈ సంఘటన హైదరాబాద్‌లోని జూబ్లీహిల్స్‌ పోలీస్‌స్టేషన్‌ పరిధిలో జరిగింది. పోలీసులు తెలిపిన వివరాల ప్రకారం.. హనుమకొండ జిల్లా ఐనవోలు మండలం పంథిని గ్రామానికి చెందిన నిఖిల్‌ అలియాస్‌ రాజా (24) ఎస్సార్‌నగర్‌లోని పీజీ హాస్టల్‌లో ఉంటూ చదువుకుంటున్నాడు. తన స్నేహితుడు అజయ్‌తో కలిసి గురువారం రాత్రి తాను ఉండే హాస్టల్‌లో మద్యం తాగారు. అనంతరం రాత్రి 11 గంటల సమయంలో అజయ్‌ బైక్‌పై గండిపేటకు వెళ్లారు. అక్కడ మరోసారి తాగి గచ్చిబౌలి, మాదాపూర్‌ ప్రాంతాల్లో తిరిగి హాస్టల్‌కు బయల్దేరారు. ఈ క్రమంలో జూబ్లీహిల్స్‌ రోడ్డు నంబర్‌–45లోని డైలీ రిచువల్స్‌ సమీప ఫ్లైఓవర్‌ పైకి చేరుకోగానే అజయ్‌ అతివేగంగా, నిర్లక్ష్యంగా బైక్‌ నడుపుతూ ఇతర కార్లను ఓవర్‌టేక్‌ చేసే ప్రయత్నం చేశాడు. ఈ క్రమంలో ముందు వెళ్తున్న గుర్తుతెలియని కారును వెనుక నుంచి ఢీకొట్టడంతో బైక్‌ అదుపుతప్పి డివైడర్‌ను ఢీకొట్టింది. దీంతో బైక్‌పై ఉన్న ఇద్దరూ కిందపడిపోవడంతో తీవ్రంగా గాయపడ్డాడు. స్థానికులు ఉస్మానియా ఆస్పత్రికి తరలించగా చికిత్స పొందుతూ నిఖిల్‌ మృతి చెందాడు. నిఖిల్‌ సోదరుడు వడిచర్ల శ్రవణ్‌కుమార్‌ ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు. స్కూటీ అదుపుతప్పి యువకుడి మృతి చిల్పూరు: జనగామ జిల్లా చిల్పూరు మండలంలోని లింగంపల్లి గ్రామ పంచాయతీ పరిధిలోని కొమ్ముగుట్టకు చెందిన చాతెల్లి హరీశ్‌ (36) గురువారం అర్ధరాత్రి స్కూటీ అదుపుతప్పి కిందపడి మృతి చెందాడు. కుటుంబ సభ్యులు తెలిపిన వివరాల ప్రకారం.. కొమ్ముగుట్టకు చెందిన హరీశ్‌ విందులకు వంటలు చేస్తుంటాడు. అందులో భాగంగా గురువారం చిల్పూరుగుట్ట వద్ద ఓపెళ్లి విందుకు వంటలు వండేందుకు వెళ్లి తిరిగి రాత్రి స్కూటీపై ఇంటికి వస్తుండగా గ్రామ సమీపంలో స్కూటీ ముందు బ్రేకులు పట్టుకోవడంతో ఎగిరి రోడ్డుమీద పడడంతో తీవ్రంగా గాయపడ్డాడు. తన వెంటఉన్నవారు 108 అంబులెన్స్‌లో చికిత్స నిమిత్తం వరంగల్‌లోని ఎంజీఎం ఆస్పత్రికి తరలించగా చికిత్స పొందుతూ శుక్రవారం తెల్లవారు జామున మృతి చెందాడు. హరీశ్‌కు భార్య రజని, ఏడాదిన్నర వయస్సు ఉన్న కుమారుడు, కూతురు ఉన్నారు. భార్య రజని ఫిర్యాదు మేరకు కేసు నమోదు చేసుకున్నట్లు ఎస్సై శ్రవణ్‌కుమార్‌ తెలిపారు.

ఏటూరునాగారం/తాడ్వాయి: అటవీ సంపదను కాపాడుతూ.. వన్యప్రాణుల రక్షణకు చర్యలు చేపట్టాలని రాష్ట్ర పర్యావరణ, అటవీ, శాస్త్ర సాంకేతిక శాఖ ప్రత్యేక ప్రధాన కార్యదర్శి జయేశ్‌ రంజన్‌ అన్నారు. శుక్రవారం ములుగు జిల్లా పర్యటనలో భాగంగా కలెక్టర్‌ బోర్ఖడే హేమంత్‌ సహదేవరావు, ఎస్పీ సుధీర్‌ రాంనాథ్‌ కేకన్‌, జిల్లా అటవీ అధికారి వికాస్‌ మీనాలతో కలిసి తాడ్వాయి అటవీ ప్రాంతం, ఏటూరునాగారం అభయారణ్యం, జలగలంచ, దుర్గం గుట్ట, కొండాయి ఫారెస్ట్‌ వాచ్‌ టవర్‌, గొత్తి కోయ హబిటేషన్‌ ప్రాంతాలను సందర్శించారు. ఈ సందర్భంగా జయేశ్‌ రంజన్‌ మాట్లాడుతూ.. దట్టమైన అడవులు, జీవవైవిధ్యం ములుగు జిల్లాకు ప్రత్యేక గుర్తింపు అని కొనియాడారు. వన్యప్రాణులను వేటాడటం అమానవీయమని పేర్కొన్నారు. ఇటువంటి వారిని గుర్తించి, కారణాలను విశ్లేషించి బాధ్యులపై చట్టప్రకారం చర్య తీసుకోవాలన్నారు. వన్యప్రాణుల రక్షణపై ప్రజలకు అవగాహన కల్పించడంతోపాటు వేటను అరికట్టేందుకు పోలీసు, అటవీ శాఖలు సమన్వయంతో పనిచేయాలన్నారు. అడవిలో అగ్ని ప్రమాదాలు సంభవించకుండా చర్యలు చేపట్టాలన్నారు. వన్యప్రాణుల వేట, అగ్ని ప్రమాదాల నివారణకు అన్ని శాఖల అధికారులు సంయుక్తంగా కార్యాచరణ రూపొందించాలని చె ప్పారు. చింతలమోరి ప్రాంతంలోని గొత్తికోయల గుంపును సందర్శించి వారి జీవన పరిస్థితులు, ఉపాధి అవకాశాలను పరిశీలించినట్లు చెప్పారు. అడవులను నరికివేయకుండా జీవనోపాధి పొందేందుకు వారికి ఎలాంటి ప్రత్యామ్నాయ అవకాశాలు కల్పించవచ్చనే అంశంపై అధికారులతో చర్చించినట్లు తెలిపారు. పర్యటనలో పరిశీలించిన అంశాలపై రాష్ట్ర మంత్రి సీతక్కతో చర్చించి.. ఆమె సూచనలను పరిగణనలోకి తీసుకుంటామని చెప్పారు.ఎల్‌నినోపై ముందస్తు కార్యాచరణ అవసరం.. ఎల్‌నినో ప్రభావాలపై ముందస్తు కార్యాచరణ అవసరమని జయేశ్‌రంజన్‌ జిల్లా అధికారులకు సూచించారు. డిసెంబర్‌లో హైదరాబాద్‌లో నిర్వహించను న్న గ్లోబల్‌ సమ్మిట్‌లో ఈ అంశంపై ప్రత్యేక సదస్సు ఏర్పాటు చేస్తున్నట్లు చెప్పారు. వ్యవసాయం, తాగు , సాగునీరు, అటవీ జీవులతోపాటు అధిక ఉష్టోగ్రతల్లో పనిచేసే కార్మికులు, గిగ్‌ వర్కర్లపై పడే ప్రభావాలను చర్చించనున్నట్లు వివరించారు. గొత్తికోయలకు ప్రత్యామ్నాయ ఉపాధిపై దృష్టి సారించాలి రాష్ట్ర పర్యావరణ, అటవీ, శాస్త్ర సాంకేతిక శాఖ ప్రత్యేక ప్రధాన కార్యదర్శి జయేశ్‌ రంజన్‌రామప్ప శిల్పకళా సంపద అద్భుతం ములుగు: రామప్ప దేవాలయ శిల్పకళ, నిర్మాణ నైపుణ్యం అద్భుతమని జయేశ్‌ రంజన్‌ కొనియాడారు. కలెక్టర్‌ బోర్ఖడే హేమంత్‌ సహదేవరావుతో కలిసి పాలంపేటలోని రామప్ప ఆలయాన్ని శుక్రవారం ఆయన సందర్శించారు. కాకతీయు ల కాలం నాటి నిర్మాణ పద్ధతులు, నీటిలో తేలియాడే ఇటుకలు, సాండ్‌బాక్స్‌ సాంకేతికత, శిల్పకళా విశేషాలను పర్యాటక గైడ్‌ విజయ్‌ కుమార్‌ను అడిగి తెలుసుకున్నారు. అనంతరం ప్రసాద్‌ పథకం కింద చేపడుతున్న అభివృద్ధి పనులు, పర్యాటకులకు కల్పిస్తున్న సదుపాయాలపై అధికారులతో సమీక్షించారు. ఆయన వెంట అటవీ శాఖ అధికారి వికాస్‌ మీనా, ఆలయ ఈఓ ఇమ్మడి భాస్కర్‌ ఉన్నారు.

విమానాశ్రయ పునర్నిర్మాణానికి అడుగులుజాతీయ ఎస్టీ కమిషన్‌ సభ్యుడు జాటోత్‌ హుస్సేన్‌ నాయక్‌మామునూరు: ప్రధాన మంత్రి మోదీ చొరవతో మామునూరు విమానాశ్రయ పునర్నిర్మాణానికి అడగులు పడడం సంతోషకరమని జాతీయ ఎస్టీ కమిష న్‌ సభ్యుడు జాటోత్‌ హుస్సేన్‌ నాయక్‌ అన్నారు. విమానాశ్రయం నిర్మాణానికి సంబంధించి ఎస్సీ, ఎస్టీ వర్గాలకు చెందిన భూ నిర్వాసితుల సమస్యలను త్వరితగతిన పరిష్కరించాలని కలెక్టర్‌ను ఆదేశించారు. గురువారం మామునూరు విమానాశ్రయాన్ని కలెక్టర్‌ సత్యశారద, ఎయిర్‌పోర్టు అథారిటీ అసిస్టెంట్‌ జనరల్‌ మేనేజర్‌ నటరాజ్‌, ఇతర శాఖల అధికారులతో కలిసి సందర్శించారు. ఈ సందర్భంగా రూ. 203.49కోట్లతో రన్‌వే నిర్మాణ పనులకు టెండర్‌, తాజాగా 213.59 కోట్ల అంచనా వ్యయంతో నూతన డొమెస్టిక్‌ టెర్మినల్‌ బిల్డింగ్‌, ఏటీసీ టవర్‌ కం టెక్నికల్‌ బ్లాక్‌, ఎలక్ట్రికల్‌ సబ్‌ స్టేషన్‌, ఫైర్‌ స్టేషన్‌, ఈఅండ్‌ఎం వర్క్‌షాప్‌ వంటి కీల మౌలిక వసతుల కల్పనకు టెండర్ల పురోగతిని సంబంధిత అధికారులను అడిగి తెలుసుకున్నారు. అనంతరం వివిధ శాఖల అధికారులతో సమీక్ష నిర్వహించారు. ఈసందర్భంగా ఆయన మాట్లాడుతూ మామునూరు విమానాశ్రయం వరంగల్‌ ప్రజల చిరకాల ఆకాంక్ష అన్నారు. తెలంగాణలో విమానాశ్రయాల అభివృద్ధి మరింత విస్తరించాల్సి న అవసరం ఉందన్నారు. ఆంధ్రప్రదేశ్‌లో ఆరు ఉండగా.. తెలంగాణలో ప్రస్తుతం ఒకే విమానాశ్రయం ఉందని పేర్కొన్నారు. మామునూరు విమానాశ్రయం అందుబాటులోకి వస్తే వరంగల్‌తోపాటు పరిసర జిల్లాల ప్రజలకు రవాణా సౌకర్యాలు మెరుగుపడి, ప్రాంతీయ అభివృద్ధికి మరింత దోహదపడుతుందని ఆశాభావం వ్యక్తం చేశారు. అనంతరం కలెక్టర్‌ సత్యశారద మాట్లాడుతూ ఎయిర్‌పోర్టులో భూములు కోల్పోయిన వారిలో ఎస్సీ 55, ఎస్టీ1, బీసీలు 214, ఓసీలు 60 మంది ఉన్నట్లు తెలిపారు. ఎస్సీ, ఎస్టీల హక్కుల పరిరక్షణకు ముందు ప్రాధాన్యం ఇస్తామన్నారు. అటవీశాఖ అధికారి నిఖిత, బల్దియా కమిషనర్‌ వెంకన్న, అదనపు కలెక్టర్‌ ఎల్‌.కిశోర్‌కుమార్‌, డీఆర్‌ఓ విజయలక్ష్మి, ఆర్‌అండ్‌బీ ఎస్‌ఈ సురేశ్‌బాబు, విద్యుత్‌ ఎస్‌ఈ ఆనందం, ఆర్డీఓ సుమ, తహసీల్దార్‌ ఇక్బాల్‌, బీజేపీ జిల్లా అధ్యక్షుడు గంట రవికుమార్‌, కిసాన్‌ మోర్చా రాష్ట్ర నేత మల్లాడి తిరుపతిరెడ్డి,బన్న ప్రభాకర్‌ తదితరులు పాల్గొన్నారు.

ఏటూరునాగారం: గిరిజన విద్యార్థుల సంక్షేమానికి ప్రభుత్వం అధిక ప్రాధాన్యమిస్తోందని రాష్ట్ర పంచాయతీరాజ్‌ శాఖ మంత్రి ధనసరి సీతక్క(అనసూయ) తెలిపారు. గురువారం ఏటూరునాగారం ఐటీడీఏ పరిధిలోని విద్యాసంస్థల్లో మౌలిక సదుపాయాల కల్పన, విద్యా ప్రమాణాల పెంపు, విద్యార్థుల సంక్షేమం తదితర అంశాలపై ఐటీడీఏ కార్యాలయంలో పీఓ లెనిన్‌ వత్సల్‌ టొప్పోతో కలిసి సంబంధిత అధికారులతో సమీక్ష నిర్వహించారు.ఈ సందర్భంగా మంత్రి మాట్లాడుతూ గిరిజన విద్యార్థులు ఉన్నత ఫలితాలు సాధించేలా ఉపాధ్యాయులు అంకితభావంతో పనిచేయాలన్నారు. అనంతరం పీఓ లెనిన్‌ వత్సల్‌ టొప్పోతో కలిసి విద్యార్థుల సమస్యలు తెలియజేసేందుకు ఏర్పాటు చేసిన ప్రత్యేక టోల్‌ ఫ్రీ, వాట్సాప్‌ నంబర్ల సేవలను ప్రారంభించి ఆయా నంబర్లతో కూడిన పోస్టర్లను ఆవిష్కరించారు. గురుకులాలు, గిరిజన సంక్షేమ విద్యాసంస్థలు, వసతి గృహాల్లో చదువుతున్న విద్యార్థులు తమ సమస్యలను 1800–425–3369 టోల్‌ ఫ్రీ నంబర్‌కు ఫోన్‌ చేసి లేదా 9493368361 వాట్సాప్‌ నంబర్‌కు సందేశం పంపి తెలియజేయవచ్చన్నారు. ఐటీడీఏ పీఓ లెనిన్‌ వత్సల్‌ టొప్పో మాట్లాడుతూ మంత్రి సూచనల మేరకు విద్యాసంస్థల పనితీరు, విద్యార్థుల సంక్షేమం, ఉపాధ్యాయుల బాధ్యతలు, మౌలిక సదుపాయాల నిర్వహణపై సంబంధిత అధికారులు నిరంతరం పర్యవేక్షించాలన్నారు. జిల్లా గ్రంథాలయ సంస్థ చైర్మన్‌ బానోత్‌ రవిచందర్‌, వ్యవసాయ మార్కెట్‌ కమిటీ చైర్‌పర్సన్‌ రేగా కల్యాణి, డీడీ జనార్దన్‌, ఏపీఓ ప్రతాప్‌, తదితరులు పాల్గొన్నారు. సమస్యల పరిష్కారానికి ప్రత్యేక టోల్‌ ఫ్రీ, వాట్సాప్‌ నంబర్లు రాష్ట్ర పంచాయతీరాజ్‌ శాఖ మంత్రి సీతక్క

ఖిలా వరంగల్‌ : దీపావళి పండుగ సందర్భంగా వరంగల్‌ ఏనుమాముల వ్యవసాయ మా ర్కెట్‌కు మూడు రోజులు సెలవులు ప్రకటించారు. ఈనెల 7 నుంచి 9వ తేదీ వరకు మార్కె ట్‌ బంద్‌ ఉంటుందని మార్కెట్‌ కమిటీ ఉన్నత శ్రేణి కార్యదర్శి శ్రీనివాస్‌ గురువారం ఒక ప్రకటనలో తెలిపారు. ఈనెల 7న నరక చతుర్ధశి, 8న దీపావళి, 9న అమావాస్య సందర్భంగా మార్కెట్‌కు సెలవులు ప్రకటించినట్లు పేర్కొన్నారు. 10వ తేదీన మార్కెట్‌ కార్యకలా పాలు యథావిధిగా ప్రారంభమవుతాయని వెల్లడించారు. సెలవు రోజుల్లో రైతులు తమ వ్యవసాయ ఉత్పత్తులు మార్కెట్‌కు తీసుకొచ్చి ఇబ్బందులకు గురికావొద్దని సూచించారు. మార్కెట్‌ బంద్‌ విషయాన్ని రైతులు, వ్యాపారులు, గుమస్తాలు, దడవాయిలు, కార్మికులు గమనించి సహకరించాలని ఆయన కోరారు. 27.6 కిలోల ఎండు గంజాయి స్వాధీనం ● వివరాలు వెల్లడించిన సీఐ వినయ్‌కుమార్‌ గూడూరు: వాహన తనిఖీలు నిర్వహిస్తుండగా కారులో తరలిస్తున్న 27 కిలోల ఎండుగంజా యి పట్టుకుని నిందితులను అరెస్ట్‌ చేసినట్లు సీ ఐ వినయ్‌కుమార్‌ తెలిపారు. ఆయన వెల్లడించిన వివరాల ప్రకారం.. ఎస్సై రమేశ్‌బాబు సిబ్బందితో కలిసి కోబల్‌తండా క్రాస్‌ రోడ్డు వద్ద వాహనాల తనిఖీ చేపట్టారు. ఆ సమయంలో కారులో ఓ వ్యక్తి మరో మహిళతో కలిసి రాగా.. వాహనాన్ని సోదా చేశారు. అందులో సుమారు 27.6 కిలోల ఎండు గంజాయి లభించింది. వెంటనే వారితోపాటు కారును స్వాధీ నం చేసుకుని స్టేషన్‌కు తరలించి విచారించారు. గూడూరు మండలం భూపతిపేట శివా రు బోడచక్రుతండాకు చెందిన లావుడ్యా దేవి, వరంగల్‌ జిల్లా చెన్నారావుపేట మండలం అమీనాబాద్‌ శివారు కోరంకుంట తండాకు చెందిన భూక్య నవీన్‌ కలిసి కొంతకాలంగా గంజాయి అక్రమ రవాణకు పాల్పడుతున్నట్లు అంగీకరించారు. ఆంధ్రప్రదేశ్‌లోని చింతూరు నుంచి గంజాయి సేకరించి, హైదరాబాద్‌లోని ఓ వ్యక్తికి అందజేసేందుకు కారులో తీసుకెళ్తున్నట్లు విచారణలో తెలిపారు. దీంతో అరెస్ట్‌ చేసి రిమాండ్‌కు తరలిస్తున్నట్లు సీఐ, ఎస్సై తెలి పారు. స్వాధీనం చేసుకున్న గంజాయి విలువ రూ.13,82,700 ఉంటుందని వివరించారు. లారీలకు సీరియల్‌ ఇవ్వడం లేదని..● దంపతుల ఆత్మహత్యాయత్నం భూపాలపల్లి అర్బన్‌ : బొగ్గు రవాణా కోసం లారీలకు లోకల్‌ సీరియల్‌ ఇవ్వడం లేదనే మనస్తాపంతో లారీ యజమాని దంపతులు పెట్రోల్‌ పోసుకుని ఆత్మహత్యాయత్నానికి పాల్పడ్డారు. ఈ ఘటన జయశంకర్‌ భూపాలపల్లి జిల్లా కేంద్రంలో చోటుచేసుకుంది. బాధితులు లారీ యజమాని బి. తిరుపతిరెడ్డి, అనిత దంపతుల కథనం ప్రకారం.. హనుమకొండ జిల్లా ఎల్కతుర్తి మండలం పెంచికల్‌పేటకు చెందిన తిరుపతిరెడ్డి 25 ఏళ్ల క్రితం భూపాలపల్లి మండలం కాసింపల్లి గ్రామానికి చెందిన అనిత వివాహం చేసుకుని ఇల్లరికం వచ్చాడు. రెండు లారీలు కొనుగోలు చేసి బొగ్గు రవాణా చేస్తూ ఉపాధి పొందుతున్నాడు. స్థానిక లారీ అసోసియేషన్‌ నుంచి సభ్యత్వం కూడా తీసుకున్నాడు. ఆ తర్వాత కొద్ది సంవత్సరాలకు ఈ ప్రాంతంలో లారీలకు సరిగా కిరాయి లభించకపోవడంతో వేరే ప్రాంతంలో నడిపించాడు. రెండు నెలల క్రితం తమ లారీలకు భూపాలపల్లి లోకల్‌ సీరియల్‌ ఇవ్వాలని ఆ అసోసియేషన్‌ నాయకులకు దరఖాస్తు చేసుకోగా నిరాకరించారు. ఎందుకు ఇవ్వడం లేదని పలుమార్లు అడిగిన పట్టించుకోవడం లేదు. ఈ క్రమంలో గురువారం లారీ అసోసియేషన్‌ సమావేశం జరుగుతున్న క్రమంలో తి రుపతిరెడ్డి, అనిత దంపతులు వెళ్లారు. మరో సారి లోకల్‌ సీరియల్‌ గురించి అడుగగా ఇవ్వమని యూనియన్‌ నాయకులు తెలిపారు. ఈ ఘటనతో మనస్తాపానికి గురై తమ వెంట తె చ్చుకున్న పెట్రోల్‌ పోసుకుని దంపతులు ఆత్మహత్యయత్నానికి పాల్పడ్డారు. ఈ సమయంలో అక్కడ ఉన్న కొందరు గుమస్తాలు చూసి పెట్రో ల్‌ డబ్బాలు తీసుకున్నారు. దీనిపై సమాచారం అందుకున్న పోలీసులు ఘటనాస్థలికి చేరుకుని దంపతులను పోలీస్‌ స్టేషన్‌కు తీసుకెళ్లారు.

● నాలుగు నెలలుగా ప్రభుత్వ భవనాల పరిశీలనకే పరిమితం ● నిరుద్యోగులు, యువతకు తప్పని ఎదురుచూపులు మహబూబాబాద్‌: నిరుద్యోగ యువతలో నైపుణ్యాల అభివృద్ధితో పాటు ఉపాధి కల్పనకు రాష్ట్ర ప్రభుత్వం జిల్లాలో టాస్క్‌(తెలంగాణ అకాడమీ ఫర్‌ స్కిల్‌ అండ్‌ నాలెడ్జ్‌) సెంటర్‌ ఏర్పాటు చేయాలని ప్రణాళిక సిద్ధం చేసింది. దీనిలో భాగంగా ఈ ఏడాది జూన్‌ నుంచి సెంటర్‌ ఏర్పాటు కోసం కసరత్తు చేస్తున్నారు. నాలుగు నెలలుగా ప్రభుత్వ భవనాల పరిశీలన చేస్తున్నారు. ప్రైవేట్‌ భవనాల్లో ఏర్పాటు చేస్తే ప్రభుత్వం నుంచి అద్దె వచ్చే పరిస్థితి లేదు. ప్రస్తుతం ఉమ్మడి వరంగల్‌ జిల్లా పరిధిలోని హనుమకొడ, ములుగు, జయశంకర్‌ భూపాలపల్లి జిల్లాల్లో సెంటర్లు కొనసాగుతున్నాయి. నైపుణ్యాభివృద్ధే లక్ష్యం.. నిరుద్యోగుల్లో నైపుణ్యాభివృద్ధే టాస్క్‌ సెంటర్‌ లక్ష్యం. ఆర్గనైజేషన్‌ ద్వారా శిక్షణ ఇచ్చిన అనంతరం పలు కంపెనీల ద్వారా ఉద్యోగ అవకాశాలను కల్పిస్తారు. ఆకేంద్రంలో మేనేజర్‌, ట్రైనర్‌ ఉంటారు. ఉదయం 10నుంచి సాయంత్రం 5 గంటల వరకు సెంటర్‌ కొనసాగుతుంది. వారం నుంచి ఆరు నెలల కోర్సులు ఉంటాయి. బ్యాంకింగ్‌, ఐసెట్‌, నెట్‌వర్కింగ్‌, సైబర్‌ సెక్యూరిటీ, డేటా అనలిటిక్స్‌ మార్కెటింగ్‌, ఐటీ కోర్సు, కమ్యూనికేషన్స్‌, డిజిటల్‌ మార్కెటింగ్‌, ఎంఎస్‌ ఆఫీస్‌ డెవలప్‌మెంట్‌, తదితర ప్రవేశపరీక్షలకు శిక్షణ ఇస్తారు. కాగా, సెంటర్‌లో ఫర్నిచర్‌, ఇతర మౌలిక వసతుల కోసం కలెక్టర్‌ స్నేహశబరీష్‌ ఇతర గ్రాంట్‌ నుంచి రూ.30 లక్షలు కేటాయించనున్నట్లు అధికారులు తెలిపారు. రెండు శాఖల సమన్వయంతో.. జిల్లా పరిశ్రమలు, ఉపాధిశాఖల సమన్వయంతో టాస్క్‌ సెంటర్‌ నిర్వహణ కొనసాగుతుంది. ఉపాధి కార్యాలయంలో ఎంప్లాయ్‌మెంట్‌ రిజిస్ట్రేషన్‌ చేసుకున్న వారు 6,536 మంది ఉన్నారు. కాగా, ఈ ఏడాది ఆగస్టులో 6వ తేదీ వరకు 271 మంది శిక్షణ కోసం దరఖాస్తు చేసుకున్నట్లు అధికారులు తెలిపారు. దరఖాస్తు కోసం గూగుల్‌ లింక్‌ కూడా ఏర్పాటు చేశారు. జూన్‌లో అద్దె భవనాల పరిశీలన.. ఈఏడాది జూన్‌ 30వ తేదీన జిల్లా కేంద్రంలోని తొర్రూరు రోడ్డులో, ఈదులపూసపల్లి రోడ్డులోని రెండు భవనాలను టాస్క్‌ రీజినల్‌ మేనేజర్‌ సునీల్‌రెడ్డి, జిల్లా పరిశ్రమల కేంద్రం జనరల్‌ మేనేజర్‌ శ్రీమన్నారాయణరెడ్డి పరిశీలించారు. కానీ, ఆసెంటర్‌ కోసం ప్రభుత్వం నుంచి అద్దె వచ్చే అవకాశం లేదు. దీంతో ప్రభుత్వ భవనాల పరిశీలన చేపట్టారు. పరిశీలనతోనే సరి.. ఈఏడాది జూలై నుంచి సెంటర్‌ కోసం ప్రభుత్వ భవనాల పరిశీలన చేపట్టారు. కాగా, జిల్లా కేంద్రంలోని ప్రభుత్వ డిగ్రీ కళాశాలను సందర్శించి రెండు గదులు కావాలని రిక్వెస్ట్‌ చేయగా.. ఆకళాశాల ప్రిన్సిపాల్‌ తమ వరకే సరిపోతుందని పర్మిషన్‌ ఇవ్వలేదు. ఆతర్వాత ప్రభుత్వ ఐటీఐ కళాశాలతో పాటు పలు భవనాలను పరిశీలించినా అనుకూలంగా లేకపోవడంతో అక్కడితోనే ఆగిపోయారు. అయితే నిరుద్యోగులు టాస్క్‌ సెంటర్‌ ఏర్పాటు కోసం కొన్ని నెలలుగా ఎదురుచూస్తున్నారు. ట్రైనింగ్‌ సెంటర్‌ కోసం ప్రయత్నాలు.. పరిశ్రమల శాఖ నుంచి జిల్లాలో మైక్రో స్మాల్‌ మీడియం ఎంటర్‌ప్రైజెస్‌ ౖట్రైనింగ్‌ సెంటర్‌ కోసం ప్రతిపాదనలు పంపారు. ఈమేరకు ఎంపీ పోరిక బలరాంనాయక్‌ పార్లమెంట్‌లో మాట్లాడారని, దీంతోప్రభుత్వం స్పందించిందని త్వరలో ఏర్పాటు జరుగతుందని పరిశ్రమల శాఖ అధికారులు తెలిపా రు. కాగా, ట్రైనింగ్‌ సెంటర్‌ ఏర్పాటు కోసం మానుకోట మండలంలోని రెడ్యాల గ్రామంలో ట్రైబర్‌ వెల్ఫేర్‌ శాఖకు చెందిన భవనం ఖాళీగా ఉందని గుర్తించారు. త్వరలోనే ౖట్రైనింగ్‌ సెంటర్‌ మంజూరు అవుతుందని, రూ.20 కోట్లు విడుదల అవుతాయని దానిలోనే టాస్క్‌ సెంటర్‌ ఏర్పాటు చేయాలని ఆలోచిస్తున్నట్లు అధికారులు తెలిపారు.

● జిల్లా ప్రధాన న్యాయమూర్తి కె.మురళీమోహన్‌ మహబూబాబాద్‌ రూరల్‌ : విద్యార్థ్ధులు పుస్తక జ్ఞానంతో పాటుగా సామాజిక, చట్టపరమైన అంశాలపై అవగాహన పెంచుకోవాలని జిల్లా ప్రధాన న్యాయమూర్తి కె.మురళీమోహన్‌ అన్నారు. జాతీ య న్యాయ సేవల దినోత్సవాన్ని (నవంబర్‌ 9) పురస్కరించుకుని పాఠశాల విద్యార్థులకు నిర్వహించిన వక్తృత్వ పోటీల విజేతలకు గురువారం బహుమతులు ప్రదానం చేశారు. ఈ సందర్భంగా జిల్లా జడ్జి మాట్లాడుతూ.. ఉజ్వల భవిష్యత్‌ కోసం విద్యార్థులు ధైర్యంగా ముందడుగు వేయాలని పిలుపునిచ్చారు. విద్యార్థులు చదువుకే పరిమితం కాకుండా క్రీడలు, వ్యాసరచన, వక్తృత్వ పోటీల్లో పాల్గొనాలన్నారు. జిల్లా న్యాయ సేవాధికార సంస్థ ఆధ్వర్యంలో బాలలకు ఉచిత, నిర్బంధ విద్యాహక్కు చట్టంపై తయారుచేసిన పోస్టర్లను జిల్లా జడ్జి విద్యార్థులతో కలిసి ఆవిష్కరించారు. ఈ కార్యక్రమంలో జిల్ల న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి స్వాతి మురారి, ఉపాధ్యాయులు, విద్యార్థులు పాల్గొన్నారు.

నీటి సంరక్షణ..విద్యుత్‌ పొదుపు, హన్మకొండ : స్వల్ప మార్పులతో పచ్చని భవిష్యత్‌కు బాటలు వేయొచ్చని, ‘మిషన్‌ లైఫ్‌’తో పర్యావరణహిత జీవనశైలిని ప్రోత్సహించొచ్చని టీజీ రెడ్‌ కో ఉమ్మడి వరంగల్‌ జిల్లా మేనేజర్‌ గంథం రాజేందర్‌ తెలిపారు. పర్యావరణ పరిరక్షణ కేవలం ప్రభుత్వాల బాధ్యత మాత్రమే కాదు.. ప్రతీ పౌరుడి దైనందిన జీవనశైలిలో భాగం కావా ల్సిన సామాజిక బాధ్యత అన్నారు. ‘బ్రిక్స్‌ సస్టేయినబుల్‌ లైఫ్‌స్టైల్‌’ (సుస్థిరమైన జీవన శైలి) వీక్‌ సందర్భంగా గురువారం ఆయన ‘సాక్షి’తో ప్రత్యేకంగా మాట్లాడారు. ఆ వివరాలు ఆయన మాటల్లోనే.. 7వ తేదీ వరకు బ్రిక్స్‌ సుస్థిర జీవనశైలి వారోత్సవాలు.. విద్యుత్‌ను పొదుపుగా వినియోగించడం, నీటి వృథా తగ్గించడం, ప్లాస్టిక్‌ వినియోగం తగ్గించడం, చెత్తను వేరు చేయడం, మొక్కలు పెంచడం వంటి చిన్న చర్యలతోనే పర్యావరణ పరిరక్షణలో ప్రతీ ఒక్కరు భాగస్వాములు కావొచ్చు. ఈ సందేశాన్ని ప్రజల్లోకి విస్తృతంగా తీసుకెళ్లే లక్ష్యంతో మన దేశం ముందడుగు వేసింది. ఇందులో భాగంగా ఈ నెల 1 నుంచి 7వ తేదీ వరకు బ్రిక్స్‌ సుస్థిర జీవనశైలి వారోత్సవాలు నిర్వహిస్తోంది. పర్యావరణ పరిరక్షణ ప్రజల జీవనశైలిలో అంతర్భాగం.. ప్రపంచవ్యాప్తంగా వాతావరణ మార్పులు, పెరుగుతున్న కాలుష్యం, నీటి కొరత, ప్లాస్టిక్‌ వ్యర్థాలు, ఇంధన వినియోగం, ఎలక్ట్రానిక్‌ వ్యర్థాల సమస్యలు తీవ్ర ఆందోళన కలిగిస్తున్నాయి. ఈ నేపథ్యంలో వ్యక్తిగత జీవనశైలిలో మార్పులు తీసుకురావడం ద్వారా పర్యావరణానికి ఎంతో మేలు చేయొచ్చు. దీనిపై అవగాహన కల్పించడమే వారోత్సవాల ప్రధాన ఉద్దేశం. పర్యావరణ పరిరక్షణను ప్రజల జీవనశైలిలో అంతర్భాగం చేయడమే మిషన్‌ లైఫ్‌ లక్ష్యం. రోజువారీ జీవితంలో కొన్ని ముఖ్య అంశాలు తప్పనిసరిగా పాటించాలి ప్రజలు తమ రోజువారీ జీవితంలో కొన్ని ముఖ్య అంశాలను తప్పనిసరిగా పాటించాలి. విద్యుత్‌ పొదుపులో భాగంగా అవసరం లేనప్పుడు లైట్లు, ఫ్యాన్లు, ఇతర విద్యుత్‌ పరికరాలను ఆపి విద్యుత్‌ వృథాను అరికట్టాలి. సంప్రదాయ ఇంధన వనరులపై ఆధారపడడం తగ్గించి సౌరశక్తి వంటి పునరుత్పాదక ఇంధన వనరుల వినియోగాన్ని విస్తృతంగా ప్రోత్సహించాలి. నీటిని వృథా చేయకుండా పొదుపుగా వినియోగించాలి. ప్రభుత్వ శాఖలు, విద్యాసంస్థలు, యువజన సంఘాలు, స్వచ్ఛంద సంస్థలు, ప్రభుత్వ ఉద్యోగులు, ప్రజలు ‘మిషన్‌ లైఫ్‌’లో భాగస్వాములై విద్యుత్‌ పొదుపు, నీటి సంరక్షణ, పర్యావరణ పరిరక్షణ అంశాలను ప్రజా ఉద్యమంగా ముందుకు తీసుకెళ్లాలి. ‘మిషన్‌ లైఫ్‌’తో పర్యావరణ పరిరక్షణకు కృషి చేయాలి బ్రిక్స్‌ పర్యావరణ మంత్రుల సమావేశంలో నిర్ణయం ఈ నెల 1 నుంచి కొనసాగుతున్న వారోత్సవాలు ‘సాక్షి’తో రెడ్‌కో ఉమ్మడి వరంగల్‌ జిల్లా మేనేజర్‌ రాజేందర్‌పర్యావరణ పరిరక్షణ ఒక రోజు, ఒక వారం నిర్వహించే కార్యక్రమాలతో పూర్తయ్యే అంశం కాదు. అది ప్రతీ ఒక్కరి జీవన విధానంలో నిరంతరం కొనసాగాల్సిన బాధ్యత. అవసరం లేని విద్యుత్‌ పరికరాలను బంద్‌ చేయడం, నీటిని పొదుపుగా వినియోగించడం, ప్లాస్టిక్‌కు బదులు పునర్వినియోగ వస్తువులను ఉపయోగించడం, ఆహారాన్ని వృథా చేయకపోవడం, చెత్తను వేరు చేయడం, మొక్కలు నాటడం వంటి చిన్న చర్యలే సమాజంలో పెద్ద మార్పునకు పునాది వేస్తాయి. బ్రిక్స్‌ సుస్థిర జీవనశైలి వారోత్సవాలు–2026 ద్వారా ప్రభుత్వ విధానాలను ప్రజల దైనందిన అలవాట్లతో అనుసంధానించి పర్యావరణ పరిరక్షణను సామూహిక బాధ్యతగా మార్చే ప్రయత్నం జరుగుతోంది.సుస్థిర భవిష్యత్‌కు బాటలు వేయడమే లక్ష్యం.. వ్యక్తిగత బాధ్యత, సామాజిక భాగస్వామ్యం, ప్రభుత్వ సమన్వయం, అంతర్జాతీయ సహకారం అనే నాలుగు అంశాల ఆధారంగా సుస్థిర భవిష్యత్‌కు బాటలు వేయడమే ఈ కార్యక్రమ అంతిమ లక్ష్యం. పర్యావరణాన్ని కాపాడడమంటే మన భవిష్యత్‌ను కాపాడుకోవడమేనని, ప్రతీ పౌరుడు తన జీవనశైలిలో పర్యావరణహిత మార్పులు ఆచరించాలి. ప్రజలందరూ భాగస్వాములై స్వచ్ఛ, ఆరోగ్యకర, పచ్చని సమాజం నిర్మిద్దాం.

ఖమ్మం స్పోర్ట్స్‌: ఖమ్మం జిల్లా కేంద్రంలోని పోలీస్‌ పరేడ్‌ మైదానంలో నిర్వహించిన రాష్ట్రస్థాయి పాఠశాలల అండర్‌–17 బాలబాలికల అథ్లెటిక్స్‌ పోటీలు గురువారం ముగిశాయి. పోటీల్లో బాలబాలికల ఓవరాల్‌ చాంపియన్‌షిప్‌ను వరంగల్‌ జట్లు కై వసం చేసుకున్నాయి. ఇక రెండో స్థానంలో రంగారెడ్డి, మూడో స్థానంలో ఆదిలాబాద్‌ జట్లు నిలిచాయి. బాలుర విభాగంలో రంగారెడ్డి 33 పాయింట్లతో చాంపియన్‌ షిప్‌ దక్కించుకోగా, 32 పాయింట్లతో వరంగల్‌ రెండో స్థానంలో నిలిచింది. బాలికల విభాగంలో 36 పాయింట్లతో కరీంనగర్‌, 29 పాయింట్లతో వరంగల్‌ మొదటి రెండు స్థానాలు దక్కించుకున్నాయి. విజేతలకు డీవైఎస్‌ఓ టి.సునీల్‌రెడ్డి బహుమతులు అందజేశారు. పరుగుపందెం, షాట్‌పుట్‌లో... 5వేల మీటర్ల పరుగులో బాలుర విభాగం నుంచి ఓ.అభినయ్‌, మధుకర్‌ (వరంగల్‌), షాట్‌ఫుట్‌లో పి.రవీంద్ర(మహబూబ్‌నగర్‌), టి.అభిలాష్‌(రంగారెడ్డి), బాలికల విభాగంలో ఏ.వినూత్న తేజ(హైదరాబాద్‌), ఎస్‌.సమ్నావిత(వరంగల్‌) ప్రథమ, ద్వితీయస్థానాలు దక్కించుకున్నారు.

● రూ.41, 23,472 ఆదాయం ఎస్‌ఎస్‌ తాడ్వాయి : ములుగు జిల్లా ఎస్‌ఎస్‌ తాడ్వా యి మండలం మేడారం సమ్మక్క, సారలమ్మ హుండీల ఆదాయం రూ.41,23,472 వచ్చినట్లు ఈఓ వీ రస్వామి తెలిపారు. గురువారం మేడారంలోని డా ర్మెటరీ భవనంలో పూజారులు, దేవాదాయ శాఖ అధికారుల సమక్షంలో హుండీలు లెక్కించారు. ఇందులో సమ్మక్క హుండీలో రూ.20,89,152, సారల మ్మ రూ.17,35,285, గోవిందరాజు రూ.1,2 4,99 0, పగిడిద్దరాజు హుండీలో రూ. 1,74,045 ఆదా యం వచ్చినట్లు ఆయన తెలిపారు. మళ్లీ గద్దెలపై 40 హుండీలను పూజారుల సమక్షంలో ఏర్పాటు చే సినట్లు పేర్కొన్నారు. ఇన్‌స్పెక్టర్‌ అనిల్‌, పూజారుల సంఘం అధ్యక్షుడు సిద్ధబోయిన జగ్గారావు, సూపరింటెండెంట్‌ క్రాంతికుమార్‌, పూజారులు కాక సారయ్య, కిరణ్‌, చందగోపాల్‌రావు పాల్గొన్నారు.

సంగెం: రెవెన్యూ అధికారినని చెప్పి భూమి రిజిస్ట్రేషన్‌ పేరుతో రూ. లక్ష మోసం చేసిన నిందితుడిపై కేసు నమోదు చేసినట్లు ఎస్సై వంశీకృష్ణ తెలి పారు. ఎస్సై కథనం ప్రకారం.. వరంగల్‌ జిల్లా సంగెం మండలం ఎల్గూర్‌స్టేషన్‌ గ్రామానికి చెందిన పాదూరి శారదకు తిమ్మాపూర్‌కు చెందిన వేల్పుల కట్టయ్యతో భూ వివాదాలు ఉన్నాయి. ఈ విషయంపై గత ఆగస్ట్‌, 7వ తేదీన కలెక్టరేట్‌లో నిర్వహించిన ప్రజావాణిలో ఫిర్యాదు చేశారు. అనంతరం అదే నెల 27వ తేదీన వర్ధన్నపేట మండలం నల్లబెల్లికి చెందిన చెందిన జక్కి సందీప్‌.. శారద ఇంటికి వచ్చి తాను ఆర్డీఓ కార్యాలయం నుంచి వచ్చిన రెవెన్యూ అధికారిగా పరిచయం చేసుకున్నాడు. ఆమెకు సంబంధించిన 5 ఎకరాల 20 గంటల భూమిని రిజిస్ట్రేషన్‌ చేయిస్తానని చెప్పి రూ. లక్ష ఖర్చు అవుతుందని తెలుపగా నమ్మిన బాధితురాలు శారద ఫోన్‌పే ద్వారా ఆ డబ్బు చెల్లించింది. అనంతరం భూమి రిజిస్ట్రేషన్‌ విషయం కోసం అతడిని సంప్రదించగా సందీప్‌ అనే వ్యక్తి రెవెన్యూ ఉద్యోగి కాదని తెలుసుకుని మోసపోయానని గ్రహించింది. సందీప్‌ గతంలో కూడా రెవెన్యూ అధికారిగా, పత్రిక విలేకరిగా చెప్పుకుంటూ పలువురి వద్ద డబ్బులు వసూలు చేసి మోసాలకు పాల్పడినట్లు బాధితురాలు పోలీసులకు ఫిర్యాదు చేసింది. దీంతో కేసు నమోదు చేసి దర్యాప్తు చేస్తున్నట్లు ఎస్సై వంశీకృష్ణ వివరించారు. నిందితుడిపై కేసు నమోదు వివరాలు వెల్లడించిన పోలీసులు

● డీఏఓ ఎస్‌.విజయచంద్ర మహబూబాబాద్‌ రూరల్‌: ఎల్‌నినో ప్రభావంతో ఏమైనా పంటనష్టం జరిగితే తెలియజేయాలని డీఏ ఓ విజయచంద్ర అన్నారు. జిల్లా కేంద్రంలోని రైతు వేదికలో వ్యవసాయ శాఖ నిర్వహిస్తున్న వివిధ పథకాలపై గురువారం అధికారులతో సమీక్ష నిర్వహించారు. డీఏఓ మాట్లాడుతూ.. యాసంగిలో పెసర, మినుము, మొక్కజొన్న, నువ్వులు, బొబ్బెర, కుసు మ వంటి ఆరుతడి పంటలు సాగు చేయాలని రైతులకు సూచించాలన్నారు. వ్యవసాయ శాఖ నిర్వహిస్తున్న ఎన్‌ఎఫ్‌ఎస్‌ఎం, ఎన్‌ఎంఈఓ పథకాల ద్వా రా అందజేస్తున్న పెసర, వేరుశనగ, కుసుమ పంటల ప్రదర్శనలు గ్రామాల్లో చేపట్టాలని అధికారులను ఆదేశించారు. ఏడీఏ అజ్మీరా శ్రీనివాసరావు, టెక్నికల్‌ ఏఓ రాంజీ, మండల వ్యవసాయ అధికారి తిరుపతిరెడ్డి, మండలాల వ్యవసాయ అధికారులు, వ్యవసాయ విస్తరణ అధికారులు, డీఏఓ కార్యాలయ పర్యవేక్షకులు శివకుమార్‌, సీనియర్‌ అసిస్టెంట్‌ రాధిక తదితరులు పాల్గొన్నారు.

తొర్రూరు: ఆర్టీసీ బస్సులో ప్రయాణికురాలు మర్చిపోయిన బంగారాన్ని అప్పగించి కండక్టర్‌ నిజాయితీ చాటుకున్నాడు. వివరాలిలా ఉన్నా యి.. యాదాద్రి భువనగిరి జిల్లా అనాజిపురం గ్రామానికి చెందిన భీమగాని శైలజ భువనగిరి వెళ్లేందుకు మోత్కూరులో గురువారం ఉదయం ఆర్టీసీ తొర్రూరు డిపోకు చెందిన బస్సు ఎక్కింది. భువనగిరి చేరుకోగానే ప్రయాణికురాలు తన బ్యాగును మర్చిపోయి బస్సు దిగివెళ్లింది. గమనించిన బస్సు కండక్టర్‌ డీఎన్‌ రావు బ్యాగులో చూడగా.. 4 తులాల బంగారు నెక్లెస్‌, కొంత నగదు కనిపించింది. బ్యాగులో ఉన్న కాగితంపై ఫోన్‌ నంబర్‌ చూసి ప్రయాణికురాలికి సమాచారం అందించాడు. అనంతరం బీబీ నగర్‌ బస్టాండ్‌లో బంగారం, నగదును బాధిత మహిళకు కండక్టర్‌ అందించాడు. దీంతో తొర్రూరు డిపో మేనేజర్‌ ప్రసూనలక్ష్మి కండక్టర్‌ను శాలువాతో సత్కరించారు. 24వ రోజుకు చేరిన ఎన్‌హెచ్‌ఎం ఉద్యోగుల సమ్మె మహబూబాబాద్‌: ఎన్‌హెచ్‌ఎం ఉద్యోగుల జేఏసీ ఆధ్వర్యంలో మానుకోట తహసీల్దార్‌ కార్యాలయం ఎదుట చేపట్టిన నిరవధిక సమ్మె గురువారం 24వ రోజుకు చేరింది. సమ్మెకు ఎల్‌హెచ్‌పీఎస్‌ రాష్ట్ర అధ్యక్షుడు గుగులోత్‌ బీమానాయక్‌ సంఘీభావం తెలిపి మాట్లాడారు. ఉద్యోగుల 16 డిమాండ్లను పరిష్కరించాలని డిమాండ్‌ చేశారు. 24 రోజులుగా సమ్మె చేస్తున్నా ప్రభుత్వం స్పందించకపోవడం దారుణమని ఆవేదన వ్యక్తం చేశారు. కార్యక్రమంలో జేఏసీ నాయకులు ఉమాకర్‌, శ్రీకాంత్‌, త్రివేణి, రూపరాణి, రాజ్‌కుమార్‌, పవన్‌, కిషోర్‌ తదితరులు పాల్గొన్నారు. దళారులకు కొమ్ముకాస్తున్న కేంద్ర ప్రభుత్వం డోర్నకల్‌: కేంద్రంలోని బీజేపీ ప్రభుత్వం దళారులకు కొమ్ము కాస్తోందని సీపీఎం రాష్ట్ర కార్యవర్గ సభ్యుడు జి.నాగయ్య అన్నారు. స్థానిక అశోక్‌భవన్‌లో గురువారం జరిగిన సీపీఎం మండల విస్తృతస్థాయి సమావేశంలో ఆయన మాట్లాడారు. కేంద్రంలోని మోదీ ప్రభుత్వం ప్రభుత్వరంగ సంస్థలను కారుచౌకగా అమ్మి దేశాన్ని ఆర్థికంగా సర్వనాశనం చేస్తోందని ఆరోపించారు. వ్యవసాయ రంగాన్ని అదానీ, అంబానీలాంటి కార్పొరేట్‌ శక్తులకు కట్టబెడుతుందని వాపోయారు. రాష్ట్రంలో కాంగ్రెస్‌ ప్రభుత్వం ఆరు గ్యారంటీలను అమలు చేయకుండా మోసం చేస్తుందని మండిపడ్డారు. రాబోయే రోజుల్లో ప్రజా సమస్యల పరిష్కారం కోసం ప్రజలతో కలిసి ఉద్యమాలు నిర్వహిస్తామని తెలిపారు. ఈ సమావేశంలో సీపీఎం జిల్లా కార్యదర్శి సాదుల శ్రీనివాస్‌, మండల కార్యదర్శి బొమ్మెన అశోక్‌కుమార్‌, జిల్లా కార్యదర్శివర్గ సభ్యులు శెట్టి వెంకన్న, బొబ్బ లక్ష్మి, అన్నెగాని శ్రీనివాస్‌, దాసరి మల్లేశం, మాచర్ల సైదులు, వెంకట్రాములు తదితరులు పాల్గొన్నారు. నిట్‌ వరంగల్‌తో ఎంఓయూ కాజీపేట అర్బన్‌: నిట్‌ వరంగల్‌తో మోసాఫ్ట్‌ (ఎంఓహెచ్‌) టెక్‌ ప్రైవేట్‌ లిమిటెడ్‌ గురువారం పరస్పర ఒప్పందం (ఎంఓయూ) కుదుర్చుకుంది. నిట్‌ డైరెక్టర్‌ బిద్యాధర్‌ సుబుదీ, మోసాఫ్ట్‌ టెక్‌ ప్రైవేట్‌ లిమిటెడ్‌ సీఈఓ, సహ వ్యవస్థాపకురాలు సుభా చాగంటి ఒప్పంద పత్రాలు మార్చుకుని మాట్లాడారు. నిట్‌ వరంగల్‌ ఎంహెచ్‌ సాఫ్ట్‌ టెక్‌తో కమర్షియల్‌ ఎంఓయూను నిట్‌ వరంగల్‌లోని ఫిజిక్స్‌ విభాగం ఆధ్వర్యంలో ఆవిష్కరించిన స్వదేశీ ఓజోన్‌ ఆధారిత క్రిమి సంహారక సాంకేతికతను అందజేసేందుకు ఒప్పందం కుదుర్చుకున్నట్లు నిట్‌ డైరెక్టర్‌ బిద్యాధర్‌ సుబుదీ తెలిపారు. నిట్‌ వరంగల్‌లో ఎంఓయూ కుదుర్చుకోవడం ఆనందంగా ఉందని ఎంఓహెచ్‌ సాఫ్ట్‌టెక్‌ సీఈఓ సుభా చాగంటి తెలిపారు. కాగా, దేశీయ, అంతర్జాతీయ మార్కెట్ల కోసం సాంకేతికత ఆధారిత ఉత్పత్తులను తయారు చేసేందుకు ఎంఓయూ తోడ్పడుతుందని ఎంఓహెచ్‌ సాఫ్ట్‌ టెక్‌ చీఫ్‌ స్ట్రాటజీ ఆఫీసర్‌, సహ వ్యవస్థాపకుడు, నిట్‌ పూర్వ విద్యార్థి శ్యామ్‌ మామిడి తెలిపారు. కార్యక్రమంలో నిట్‌ ఫిజిక్స్‌ డిపార్ట్‌మెంట్‌ ప్రొఫెసర్లు డి.హరనాథ్‌, ఆర్‌.రాకేశ్‌ తదితరులు పాల్గొన్నారు.

మత్స్యశాఖపై ఉన్నతాధికారుల ఆరా..నెహ్రూసెంటర్‌: ప్రైవేట్‌ ఆస్పత్రుల నిర్వాహకులు వైద్య ఆరోగ్యశాఖ నిబంధనలు పాటించకుంటే చర్యలు తప్పవని యూపీహెచ్‌సీ మెడికల్‌ ఆఫీసర్‌ అనిత అన్నారు. ‘సాక్షి’ దినపత్రికలో గురువారం ‘శంకర్‌దాదా ఎంబీబీఎస్‌’ అనే శీర్షికన ప్రచురితమైన కథనంపై వైద్య ఆరోగ్యశాఖ అధికారులు స్పందించారు. జిల్లా కేంద్రంలో ప్రైవేట్‌ ఆస్పత్రిని సందర్శించి రికార్డులు పరిశీలించారు. ఆస్పత్రి నిర్వహణ, రోగులకు సౌకర్యాలు కల్పించాలని సూచించారు. ఆస్పత్రుల్లో అబార్షన్లు చేయడం చట్టరీత్యా నేరమని, నిబంధనలు పాటించకుంటే చట్టపరమైన చర్యలు తీసుకుంటామని హెచ్చరించారు. కార్యక్రమంలో వైద్య ఆరోగ్యశాఖ అధి కారులు, సిబ్బంది పాల్గొన్నారు.

బచ్చన్నపేట : తెలంగాణ రాష్ట్ర సాధన కోసం సుదీర్ఘకాలం పోరాడిన ఉద్యమకారుడు వేముల లక్ష్మణ్‌ గౌడ్‌ మృతి తెలంగాణ ఉద్యమకారులకు తీరని లోటని, ఆయన కుటుంబాన్ని ఆదుకునేలా ప్రభుత్వానికి సిఫార్సు చేస్తామని తెలంగాణ ఉద్యమకారుల ప్రభుత్వ గుర్తింపు కేకే కమిటీ సభ్యులు ప్రొఫెసర్‌ కోదండరాం, మోతె శోభన్‌ రెడ్డి, రాములు నాయక్‌ పేర్కొన్నారు. జనగామ జిల్లా బచ్చన్నపేట మండలం కొన్నే గ్రామానికి చెందిన తెలంగాణ ఉద్యమకారుడు, పీఏసీఎస్‌ డైరెక్టర్‌ వేముల లక్ష్మణ్‌ గౌడ్‌ ఇటీవల ఆత్మహత్య చేసుకున్న నేపథ్యంలో గురువారం ఆయన కుటుంబ సభ్యులను కమిటీ సభ్యులు పరామర్శించారు.ఈ సందర్భంగా లక్ష్మణ్‌ గౌడ్‌ చిత్రపటానికి నివాళులర్పించి, ఆయన కుటుంబ సభ్యులకు ప్రగాఢ సానుభూతి తెలియజేశారు. మృతుడి భార్య, పిల్లలను ఓదార్చి మనోధైర్యం కల్పించారు. కుటుంబం ఎదుర్కొంటున్న ఆర్థిక ఇబ్బందులు, ఇతర సమస్యలను అడిగి తెలుసుకున్నారు. అనంతరం వారు మాట్లాడుతూ తెలంగాణ రాష్ట్ర సాధన ఉద్యమంలో లక్ష్మణ్‌ గౌడ్‌ చురుగ్గా పాల్గొన్నారని గుర్తుచేశారు. తెలంగాణ సాధనలో ఉద్యమకారుల త్యాగాలను ఎప్పటికీ మరువలేమని పేర్కొన్నారు. లక్ష్మణ్‌ గౌడ్‌ కుటుంబాన్ని అన్ని విధాలుగా ఆదుకునేందుకు ప్రభుత్వానికి ప్రత్యేకంగా సిఫార్సు చేస్తామని తెలిపారు. ముఖ్యంగా మృతుడి భార్య స్వప్న బీఫార్మసీ అర్హత మేరకు ఉద్యోగ అవకాశం కల్పించే విషయాన్ని ప్రభుత్వం దృష్టికి తీసుకెళ్లి వచ్చేలా కృషి చేస్తామని హామీ ఇచ్చారు. అదేవిధంగా ఆయన పిల్లల విద్యాభ్యాసానికి ఆటంకం కలగకుండా అవసరమైన సహాయ సహకారాలు అందేలా చర్యలు తీసుకోవాలని ప్రభుత్వాన్ని కోరుతామన్నారు. లక్ష్మణ్‌ గౌడ్‌ కుటుంబం అధైర్యపడవద్దని, ప్రధానంగా తన భూమి పార్ట్‌ బీనుంచి తొలగించడంలో సంబంధించిన అధికారులపై చర్యలు తీసుకునేలా సీఎం దృష్టికి తీసుకెళ్తామని తెలిపారు. మృతుడి భార్యకు ఉద్యోగ అవకాశం కల్పించేందుకు కృషి ఉద్యమకారుల కుటుంబాలకు అండగా ఉంటాం.. ప్రభుత్వ గుర్తింపు కేకే కమిటీ సభ్యులు ప్రొఫెసర్‌ కోదండరాం, మోతె శోభన్‌ రెడ్డి, రాములు నాయక్‌

● కలెక్టర్‌ స్నేహశబరీష్‌ మహబూబాబాద్‌: రుణాలు ఇచ్చి వ్యవసాయ అనుబంధ రంగాలను ప్రోత్సహించాలని కలెక్టర్‌ స్నేహశబరీష్‌ అధికారులను ఆదేశించారు. కలెక్టరేట్‌లోని కాన్ఫరెన్స్‌ హాల్‌లో గురువారం బ్యాంకర్లు, సంబంధిత అఽధికారులతో సమావేశం నిర్వహించారు. కలెక్టర్‌ స్నేహశబరీష్‌ మాట్లాడుతూ.. కరువు పరిస్థితుల్లో అర్హులైన రైతులకు అండగా నిలవాలని సూచించారు. జిల్లాలో ఏడు మండలాలను కరువు ప్రాంతాలుగా ప్రకటించారన్నారు. రైతులతో బాధ్యతాయుతంగా వ్యవహరించాలన్నారు. ప్రభుత్వం నిర్దేశించిన మార్గదర్శకాల ప్రకారం బ్యాంకులు పూర్తిగా సహకారం అందించాలన్నారు. మండలాల వారీగా యాక్షన్‌ ప్లాన్‌ తయారు చేసి రైతు వేదికలు, గ్రామ సభల ద్వారా వ్యవసాయ అధికారుల సమన్వయంతో బ్యాంక్‌లు అందిస్తున్న సేవలను రైతులకు వివరించాలన్నారు. గంగారం, కొత్తగూడ మండలాల్లో కమర్షియల్‌ షెడ్యూల్‌ బ్యాంకుల స్థాపనకు తక్షణమే ప్రతిపాదనలు పంపాలన్నారు. గడువులోగా పరిష్కరించాలి పట్టభద్రుల ఎమ్మెల్సీ ఎన్నికల ఓటరు నమోదు దరఖాస్తులను క్షుణ్ణంగా పరిశీలించి నిర్ణీత గడువులోగా పరిష్కరించాలని కలెక్టర్‌ స్నేహశబరీష్‌ అధికారులను ఆదేశించారు. గురువారం హైదరాబాద్‌ నుంచి రాష్ట్ర ప్రధాన ఎన్నికల అధికారి సుదర్శన్‌రెడ్డి ఎస్‌ఐఆర్‌ ప్రక్రియ, పట్టభద్రుల ఓటరు నమోదుపై అన్ని జిల్లాల కలెక్టర్‌లతో వీడియో కాన్ఫరెన్స్‌ నిర్వహించి సమీక్షించారు. వీసీ అనంతరం కలెక్టరేట్‌లో సంబంధిత అధికారులతో కలెక్టర్‌ సమావేశం నిర్వహించారు. జిల్లాలో 48,887 ఓటరు నమోదు దరఖాస్తులు స్వీకరించి, 22,221 దరఖాస్తులను అమోదించినట్లు చెప్పారు. అదనపు కలెక్టర్‌ అనిల్‌కుమార్‌, డీఆర్వో నాగలక్ష్మి పాల్గొన్నారు.

సాక్షి, మహబూబాబాద్‌: ప్రభుత్వానికి కస్టమ్‌ మిల్లింగ్‌ రైస్‌(సీఎంఆర్‌) పెట్టకుండా జాప్యం చేసిన రైస్‌ మిల్లుల యజమానులపై చర్యలు తీసుకునేందుకు సివిల్‌ సప్లయీస్‌శాఖ సిద్ధమైంది. జిల్లాలోని పలువురు డిఫాల్ట్‌ మిల్లర్లపై చర్యలు తీసుకోనున్నట్లు ప్రచారం జరుగుతోంది. బుధవారం రాష్ట్ర సివిల్‌ సప్లయీస్‌శాఖ టాస్క్‌ఫోర్స్‌ అధికారులు జిల్లా సివిల్‌ సప్లయీస్‌శాఖ మేనేజర్‌ కార్యాలయంలోని ఫైళ్లను పరిశీలించడం ఆశాఖలో చర్చగా మారింది. 16 రైస్‌ మిల్లుల యజమానులపై ఆరా.. ప్రభుత్వ నిబంధనల ప్రకారం మిల్లర్లు ధాన్యం తీసుకొని మరాడించి బియ్యం పెట్టాలి. అయితే జిల్లాలో సీఎంఆర్‌ పెట్టకుండా మొండికేసిన వారు 16 మంది ఉన్నట్లు అధికారులు చెబుతున్నారు. 2017 నుంచి గత ఏడాది వరకు ఖరీఫ్‌, యాసంగిలో ధాన్యం తీసుకున్న మిల్లర్లు మిల్లింగ్‌ చేకుండా బహిరంగ మార్కెట్‌లో అమ్మినట్లు ప్రచారం. దీంతో ఆయా మిల్లుల్లో ధాన్యం నిల్వలు కానీ.. మరాడించిన బియ్యం కానీ లేకపోవడంతో అధికారులు విస్మయానికి గురయ్యారు. ఇలా జిల్లాలో మొత్తం రూ.30కోట్లు విలువచేసే సీఎంఆర్‌ పెట్టాల్సి ఉంది. అలాగే మిల్లర్ల వద్ద ధాన్యం నిల్వలు ఉండడంతో రాష్ట్ర వ్యాప్తంగా టెండర్లు పిలిచి విక్రయించారు. అయితే మిల్లర్లు టెండర్‌దారులకు ధాన్యం ఇవ్వకుండా మొండికేయడం, ధాన్యం లేదని చెప్పడంతో వారిపై కూడా చర్యలకు అధికారులు సిద్ధం అవుతున్నారు. ఈ ధాన్యం విలువ సుమారు రూ.80కోట్లకు పైగా ఉంటుందని అధికారులు చెబుతున్నారు. రికవరీకి పకడ్బందీ ప్రణాళిక.. రైతులు కొనుగోలు కేంద్రాల్లో విక్రయించిన ధాన్యాన్ని ప్రభుత్వం మిల్లర్లకు ఎగుమతి చేసింది. ఇలా 2017–22 మధ్యకాలంలో యాసంగి, వానాకాలం సీజన్‌లలో సీఎంఆర్‌ పెట్టని ఐదు మిల్లుల యజమానులు రూ.15కోట్లు బకాయిలు పడ్డారు. దీంతో ఇప్పటికే వారిపై ఆర్‌ఆర్‌ యాక్ట్‌కింద కేసులు నమోదు చేశారు. 2021–22 సీజన్‌లో ధాన్యం తీసుకున్న 10 రైస్‌మిల్లుల యజమానులు సుమారు రూ.15కోట్ల విలువచేసే బియ్యం పెట్టకుండా అమ్ముకున్నట్లు అధికారులు చెబుతున్నారు. అదేవిధంగా 2022–23 సీజన్‌లో ధాన్యం దిగుమతి చేసుకున్న 21 మిల్లర్లు సీఎంఆర్‌ పెట్టలేదు. ఇలా జిల్లాలో మొత్తం రూ.130కోట్ల విలువచేసే బియ్యం మిల్లర్ల వద్దనుంచి రావాల్సి ఉంది. అదేవిధంగా 2023–24 ఖరీఫ్‌ సీజన్‌లో ధాన్యం తీసుకున్న వారిలో ఐదుగురు మిల్లర్లు సీఎంఆర్‌ సకాలంలో పెట్టలేదు. ఈ మొత్తాన్ని మిల్లర్ల వద్ద నుంచి రీకవరీ చేయించే పనిలో రాష్ట్ర సివిల్‌ సప్లయీస్‌శాఖ అధికారులు ఉన్నారు. ఇప్పటికే పలువురిని అరెస్టు చేయగా ఒక్కరిద్దరు కొంత మేరకు డబ్బులు చెల్లించారు. మిగిలిన వారు మొండికేయడంతో కేసులు పెట్టినా ఫలితం లేదని భావించిన అధికారులు పోలీస్‌, రెవెనూ, సివిల్‌ సప్లయీస్‌ శాఖల సమన్వయంతో రికవరీ చేయించేలా ప్రణాళికలు సిద్ధం చేశారు. ఇందులో భాగంగా మొండి బకాయిలు పడిన వారి ఆస్తులు, వారి కుటుంబ సభ్యుల ఆస్తుల వివరాలు సేకరించి కేసు నమోదు చేయడం, డబ్బులు చెల్లించకుంటే ఆస్తులను స్వాధీనం చేసుకునేందుకు సిద్ధంగా ఉండాలని రాష్ట్ర అధికారులు జిల్లా అధికారులకు సర్క్యూలర్‌ జారీ చేసినట్లు తెలిసింది. డిఫాల్ట్‌ మిల్లర్ల నుంచి సీఎంఆర్‌ రికవరీకి ప్రణాళిక వారితో పాటు కుటుంబ సభ్యుల ఆస్తుల వివరాల సేకరణ వ్యాపారులతో అధికారుల సంబంధాలపై ఆరా రికార్డులను పరిశీలించిన రాష్ట్ర టాస్క్‌ఫోర్స్‌ అధికారులు సహకరించిన అధికారులు ఎవరు..? మిల్లులకు ఎగుమతి చేసిన ధాన్యం సీఎంఆర్‌ పెట్టేందుకు అధికారులు పర్యవేక్షణ చేయాలి. అయితే గతంలో జిల్లాలో పనిచేసిన అధికారులు కనీసం మిల్లులను పరిశీలించడం, ధాన్యం నిల్వలు ఉన్నాయా.. సీఎంఆర్‌ పెడుతున్నారా అనే విషయం కూడా తెలుసుకోలేదా.. తెలిసినా మౌనంగా ఉన్నారా అనేది అనుమానాలకు తావిస్తోంది. దీంతో వందశాతం సీఎంఆర్‌ పెట్టకుండా ధాన్యం అమ్ముకునేందుకు పరోక్షంగా అధికారులు కూడా సహకరించినట్లు స్పష్టమవుతోంది. ఇందుకోసం భారీగా ముడుపులు తీసుకున్నట్లు ప్రచారం. అంటే అక్రమార్కులతోపాటు, వారికి సహకరించిన అధికారులపై కూడా వేటు వేసేందుకు అధికారులు సిద్ధం అవుతున్నారు. అయితే ఇప్పటికే పలువురు అధికారులు జిల్లా నుంచి బదిలీ కాగా.. ఒకరిని ఏసీబీ అధికారులు అరెస్టు చేశారు. ఈ పరిస్థితిలో మిల్లర్లపై కేసులు.. అధికారులపై వేటు పడనుంది.

గార్ల: గార్ల ప్రభుత్వ డిగ్రీ కళాశాలలో చదువుతున్న అజ్మీరా ద్రాక్షవేణి అనే విద్యార్థిని అజీమ్‌ ప్రేమ్‌జీ స్కాలర్‌షిప్‌నకు ఎంపికై నట్లు ప్రిన్సిపాల్‌ రాజు తెలిపారు. రాష్ట్రంలో ఆర్థికంగా వెనుబడిన కుటుంబాలకు చెందిన విద్యార్థులు ఉన్నత విద్యను కొనసాగించేందుకు అజీమ్‌ ప్రేమ్‌జీ ఫౌండేషన్‌ స్కాలర్‌షిప్‌ అందజేస్తోంది. విద్యార్థిని చదువు పూర్తయ్యేంత వరకు 5 ఏళ్లపాటు ఏటా రూ.30,000 ఆర్థికసహాయం అందుతుందని ఆయన పేర్కొన్నారు. కాగా, విద్యార్థిని ద్రాక్షవేణిని కళాశాల ప్రిన్సిపాల్‌, అధ్యాపక బృందం అభినందించింది. స్కూల్‌ బస్సులు, ఆటోలు సీజ్‌ గార్ల: స్సెషల్‌ డ్రైవ్‌లో భాగంగా మండలంలోని ప్రధాన కూడళ్లలో ఆర్టీఓ శంకర్‌నాయక్‌ గురువారం ఆకస్మిక దాడులు నిర్వహించి సరైన పత్రాలు లేని 2 స్కూల్‌ బస్సులు, స్కూల్‌ పిల్లలను తరలించే 2 ఆటోలను సీజ్‌ చేశారు. ఈ సందర్భంగా ఆయన మాట్లాడుతూ.. వాహనాలను నడిపే ప్రతీఒక్కరు విధిగా ప్రభుత్వ అనుమతి పత్రాలు కలిగి ఉండాలని సూచించారు. దాడుల్లో ఏఎంవీఐలు ఖాసీం, విజయశాంతి, వెంకట్‌రెడ్డి, సిబ్బంది పాల్గొన్నారు.

హసన్‌పర్తి: జాతీయ స్థాయిలో ప్రతిభ కనబరిచే పో లీస్‌ క్రీడాకారులకు ఇంక్రిమెంట్స్‌ అందజేస్తామని మల్టీజోన్‌–1 ఐజీ ఎస్‌.చంద్రశేఖర్‌రెడ్డి ప్రకటించారు. వరంగల్‌ పోలీస్‌ కమిషనరేట్‌ ఆధ్వర్యంలో మూడు రోజుల పాటు నిర్వహించిన తెలంగాణ రాష్ట్ర స్థాయి పోలీస్‌ క్రీడా పోటీలు గురువారం ము గిశాయి. ఈ కార్యక్రమానికి చంద్రశేఖర్‌రెడ్డి ముఖ్య అతిథిగా పాల్గొని మాట్లాడారు. విధి నిర్వహణలో శారీరక దృఢత్వం, మానసిక వికాసం, ఉల్లాసం, క్రమశిక్షణ అవసరమన్నారు. ఇలాంటి పోటీలు సిబ్బందిలో ఐక్యమత్యం, క్రీడాస్ఫూర్తి పెంపొందిస్తాయన్నారు. పోలీస్‌ కమిషనర్‌ శ్వేత మాట్లాడుతూ రాష్ట్రంలోని వివిధ ప్రాంతాల నుంచి వచ్చిన పోలీస్‌ క్రీడాకారులు క్రమశిక్షణతో పోటీల్లో పాల్గొని స్ఫూర్తి చాటారని పేర్కొన్నారు. అనంతరం వాలీబాల్‌, బాస్కెట్‌ బాల్‌, ఖో–ఖో, కబడ్డీ, హాకీ, ఫుట్‌బాల్‌, సెపక్‌ తక్రా తదితర క్రీడల్లో ప్రతిభ చాటిన క్రీడాకారులకు మెమోంటో అందజేశారు. కార్యక్రమంలో డీసీపీలు అంకిత్‌కుమార్‌, దార కవిత, రాజమహేంద్రనాయక్‌, అడిషనల్‌ డీసీపీ రాయల ప్రభాకర్‌రావు, తదితరులు పాల్గొన్నారు. మల్టీజోన్‌–1 ఐజీ చంద్రశేఖర్‌రెడ్డి ముగిసిన రాష్ట్ర స్థాయి పోలీస్‌ క్రీడలు

● మున్సిపాలిటీల్లో అమలుకు నోచుకోని కార్యక్రమం ● నిల్వ నీటితో వ్యాధుల ముప్పు ● పట్టింపులేని అధికారులుతొర్రూరు: జిల్లాలోని మున్సిపాలిటీల్లో ప్రతి శుక్రవారం నిర్వహించాల్సిన ఫ్రైడే డ్రై డే కార్యక్రమం అమలుకు నోచుకోవడం లేదు. ఇళ్ల పరిసరాల్లో నీరు నిల్వ ఉండకుండా చూడడం, దోమల ద్వారా వ్యాపించే వ్యాధులపై ప్రజలకు అవగాహన కల్పించడం వంటి చర్యలు చేపట్టాల్సి ఉన్నా క్షేత్రస్థాయిలో కానరావడం లేదు. వర్షాలు, తేమ కారణంగా నీరు నిల్వ ఉంటే దోమలు పెరిగి వ్యాధులు ప్రబలే ప్రమాదం పొంచి ఉంది. ప్రస్తుత ఎల్‌నినో నేపథ్యం, తుపానుల కారణంగా కురుస్తున్న చిరు జల్లులతో పలువురి ఇళ్ల వద్ద నీటి నిల్వలు ఉంటున్నాయి. అధికారుల పర్యవేక్షణ కరువు.. మున్సిపాలిటీల్లో డ్రై డే కార్యక్రమాన్ని మొదట్లో విధిగా నిర్వహించారు. కానీ కొంతకాలంగా జిల్లాలోని మున్సిపాలిటీల్లో విస్మరించారు. మున్సిపల్‌, వైద్య శాఖల సమన్వయంతో ప్రతీ శుక్రవారం ఫ్రైడే డ్రై డే నిర్వహించాలని ప్రభుత్వం ఆదేశించింది. కానీ అధికారుల పర్యవేక్షణ కరువై కార్యక్రమం అమలు కావడం లేదు. ప్రభుత్వ శాఖల మధ్య సమన్వయం కొరవడడం, పాలకవర్గాలు పట్టించుకోకపోవడంతో ఈ పరిస్థితి నెలకొందని విమర్శలు వస్తున్నాయి. నీటి నిల్వతో వ్యాధుల ముప్పు.. ప్రతీ శుక్రవారం నిర్వహించే డ్రైడేలో భాగంగా ఇళ్ల ఆవరణలోని నీటి తొట్లు, పూల కుండీలు, కూలర్లు తదితర వాటిలో నీరు నిల్వ ఉండకుండా అధికారులు, ప్రజాప్రతినిధులు ప్రజలకు అవగాహన కల్పించారు. కౌన్సిలర్లు, వార్డు అధికారులు, మెప్మా సిబ్బంది ఆయా వార్డుల్లో పర్యటించి నీరు నిల్వ ఉండకుండా చర్యలు తీసుకోవాల్సి ఉంది. నిల్వ ఉన్న నీటిలో దోమల లార్వా వృద్ధి చెందకుండా చూడాలి. వంద రోజుల ప్రణాళికలో భాగంగా ప్రజలకు పరిశుభ్రతపై అవగాహన కల్పించడంతో సత్ఫలితాలను ఇచ్చింది. కానీ, దాన్ని కొనసాగించపోవడం, అమలుపై దృష్టి పెట్టకపోవడంతో డ్రై డే లేకుండా పోయింది. కూడళ్లలో, ఖాళీ ప్లాట్లలో కొబ్బరి బొండాలు, టీ కప్పుల్లో, కొన్ని ప్రాంతాల్లో మురుగు కాల్వల్లో సైతం నీరు నిలిచి ఉంటూ వ్యాధులను వ్యాప్తి చెందేలా దర్శనమిస్తున్నాయి. జ్వరాలకు కారణమయ్యే దోమలు వృద్ధి చెందుతున్నాయి. ప్రస్తుత వాతావరణ పరిస్థితుల నేపథ్యంలో ఆసుపత్రుల్లో జ్వర బాధితుల సంఖ్య పెరుగుతోంది. ఇప్పటికై నా పాలకవర్గాలు, అధికారులు స్పందించి డ్రైడే కార్యక్రమాన్ని నిర్వహిస్తే వ్యాధుల ముప్పు తప్పే అవకాశం ఉంటుందని స్థానికులు అభిప్రాయపడుతున్నారు. మున్సిపాలిటీ జనాభా వార్డులుమహబూబాబాద్‌ 68,935 36 తొర్రూరు 25,500 16 డోర్నకల్‌ 14,425 15 మరిపెడ 17,685 15 కేసముద్రం 18,480 16

రఘునాథపల్లి: జనగామ జిల్లా రఘునాథపల్లికి చెందిన బీఆర్‌ఎస్‌ నాయకుడు, మాజీ జెడ్పీటీసీ సభ్యుడు బొల్లం అజయ్‌(40) ఆత్మహత్య చేసుకున్నాడు. స్థానిక పాత ప్రతిభ స్కూల్‌ ఆవరణలో గురువారం చెట్టుకు ఉరి వేసుకొని చనిపోయాడు. ఇంటినుంచి ఉదయం 6 గంటలకు వాకింగ్‌కు వెళ్తున్నానని చెప్పిన ఆయన కొద్ది సేపటి అనంతరం పాఠశాల ఆవరణలో చెట్టుకు వేలాడుతూ విగత జీవిగా కనిపించాడు. పోలీసులు, స్థానికులు తెలిపిన వివరాల ప్రకారం.. అజయ్‌ తెలంగాణ సాధన ఉద్యమంలోనూ చురుగ్గా పాల్గొన్నారు. 2019లో జరిగిన ఎన్నికల్లో రఘునాథపల్లి జెడ్పీటీసీగా ఎన్నికయ్యారు. కొన్నాళ్లుగా ఆర్థికంగా ఇబ్బందులు పడుతున్నాడు. పెద్ద మొత్తంలో అప్పులు చేశాడు. ఈ క్రమంలో జీవితంపై విరక్తి చెందిన అజయ్‌ వారం రోజులుగా బయటకు రాకుండా ఇంటిలోనే గడిపాడు. గురువారం ఉదయం నైలాన్‌ తా డు, సమీపంలో ఉన్న కుర్చీ తీసుకుని ప్రతిభ పాఠశాల ఆవరణలోకి వెళ్లి బాదం చెట్టుకు ఉరి వేసుకుని ఆత్మహత్య చేసుకున్నాడు. స్థానికులు గుర్తించి కుటుంబ సభ్యులు, పోలీసులకు సమాచారం అందించారు. ఘటనాస్థలిని జనగామ రూరల్‌ సీఐ వేణు పరిశీలించారు. పోలీసులు మృతదేహాన్ని పోస్టుమార్టం నిమిత్తం జనగామ ప్రభుత్వ ఆస్పత్రిలో పోస్టుమార్టం నిర్వహించి కుటుంబ సభ్యులకు అప్పగించారు. మృతదేహంపై పడి కుటుంబ సభ్యులు కన్నీరుమున్నీరుగా విలపించారు. మృతుడికి భార్య, ఇద్దరు కుమారులు అభయ్‌రామ్‌, అభిరామ్‌ ఉన్నారు. భార్య అనూష ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు. కాగా, రాజకీయ కార్యక్రమాల నిర్వహణ కోసం ఎక్కువ ఖర్చు చేయడంతో అప్పులయ్యాయని స్థానికులు చెబుతున్నారు. ఆర్థిక ఇబ్బందుల నేపథ్యంలోనే అజయ్‌ ఆత్మహత్య చేసుకున్నాడని పోలీసులు తెలిపారు. పలువురి నివాళి అజయ్‌ మృతి సమాచారం అందుకున్న జనగామ ఎమ్మెల్యే పల్లా రాజేశ్వర్‌రెడ్డి, ఘన్‌పూర్‌ మాజీ ఎమ్మెల్యే తాటికొండ రాజయ్య మృతదేహాన్ని సందర్శించి నివాళులర్పించారు. అదేవిధంగా గ్రంథాలయ చైర్మన్‌ మారుజోడు రాంబాబు, మాజీ ఎంపీపీ వై.కుమార్‌గౌడ్‌, మాజీ సర్పంచ్‌ పోకల శివకుమార్‌, ఇమ్మాన్యుయేల్‌, శివరాజ్‌యాదవ్‌, కీసర దిలీప్‌రెడ్డి, మేకల నరేందర్‌, మంద రమేష్‌, కావటి భాస్కర్‌యాదవ్‌ తదితరులు నివాళులర్పించారు. ఆర్థిక ఇబ్బందులే కారణం.. రఘునాథపల్లిలో ఘటన

● ఎమ్మెల్సీ తక్కెళ్లపల్లి రవీందర్‌రావు మహబూబాబాద్‌: గత సర్కార్‌ హయాంలో చేపట్టిన అసంపూర్తి పనులు త్వరగా పూర్తి చేయాలని, ముఖ్యంగా మున్సిపాలిటీ నూతన భవన నిర్మాణాలను పూర్తి చేయాలని ఎమ్మెల్సీ తక్కెళ్లపల్లి రవీందర్‌రావు అన్నారు. జిల్లా కేంద్రం శివారులోని మున్సిపాలిటీ నూతన భవనాన్ని గురువారం ఎమ్మెల్సీ రవీందర్‌రావుతో పాటు బీఆర్‌ఎస్‌ నాయకులు సందర్శించారు. ఈసందర్భంగా రవీందర్‌రావు మాట్లాడుతూ.. భవనం పనులు 90 శాతం పూర్తి కాగా, మిగిలిన 10శాతం పనులు పూర్తి చేయకుండా ప్రభుత్వం మొండి వైఖరి అవలంబిస్తుందన్నారు. కనీస వసతులు లేని భవనంలో పాలక మండలి, ప్రజలు ఇబ్బందులు పడుతున్నారని ఆవేదన వ్యక్తం చేశారు. మున్సిపాలిటీ భవనం విషయంలో వారం రోజుల్లో జిల్లా అధికారులు, ప్రజాప్రతినిధులు స్పందించాలని, లేని యెడల ధర్నా కార్యక్రమం చేపడుతామని హెచ్చరించారు. కబ్జా జరిగిన భూములను స్వాధీనం చేసుకోవాలన్నారు. కార్యక్రమంలో మానుకోట మున్సిపల్‌ మాజీ చైర్మన్‌ డాక్టర్‌ పాల్వాయి రామ్మోహన్‌రెడ్డి, మాజీ వైస్‌ చైర్మన్‌ మార్నేని వెంకన్న, కౌన్సిలర్లు ముత్యం వెంకన్న, చిట్యాల జనార్దన్‌, నాయకులు గద్దె రవి, రఘు, జెరిపోతుల వెంకన్న, అజయ్‌, కిరణ్‌ తదితరులు పాల్గొన్నారు.

నెల్లికుదురు: కుల మత బేధాలు లేకుండా ఉండేందుకే ప్రభుత్వం యూనిఫామ్‌ అందిస్తుందని, ప్రభుత్వ నిబంధనల ప్రకారం విద్యార్థులు ప్రతీ రోజు యూనిఫామ్‌లోనే పాఠశాలకు వచ్చేలా చర్యలు తీసుకోవాలని కలెక్టర్‌ స్నేహా శబరీష్‌ అధికారులు, ఉపాధ్యాయులను ఆదేశించారు. మండలంలోని నైనాల, పార్వతమ్మగూడెం ప్రాథమికోన్నత పాఠశాలలను బుధవారం ఆమె తనిఖీ చేశారు. పాఠశాలల పరిసరాలు, తరగతి గదులు, మరుగుదొడ్లు, ఉపాధ్యాయులు, విద్యార్థుల హాజరు పట్టికను పరిశీలించారు. తరగతి గదుల్లో పిల్లలతో ఆప్యాయంగా పలకరిస్తూ వారి విద్యా సామర్థ్యాలు, ఎఫ్‌ఎల్‌ఎన్‌ (ఫౌండేషన్‌ లెట్రసీ న్యూమరైజేషన్‌) స్పాట్‌ అసెస్మెంట్‌ను స్వయంగా పరిశీలించారు. నైనాల పాఠశాలలో విద్యార్థుల విద్యాసామర్థ్యాలను పరిశీలిస్తున్న క్రమంలో ఉపాధ్యాయుడిని అడిగిన ప్రశ్నకు సమాధానం చెప్పకపోవడంతో కలెక్టర్‌ ఆగ్రహం వ్యక్తం చేశారు. విద్యార్థులకు నాణ్యమైన భోజనం, వసతి గృహాల్లో కామన్‌ డైట్‌ మెనూ ప్రవేశపెట్టి పక్కాగా అమలు చేస్తున్నట్లు తెలిపారు. పాఠశాలల్లో పిల్లలకు హెల్త్‌ ఎడ్యుకేషన్‌, న్యూట్రిషన్‌, శానిటేషన్‌పై ప్రత్యేక అవగాహన కార్యక్రమాలు నిర్వహిస్తున్నట్లు తెలిపారు. కార్యక్రమంలో ఏసీజీ మందుల శ్రీరాములు, తహసీల్దార్‌ చంద నరేష్‌, ఎంపీడీఓ సింగారపు కుమార్‌, ఎంఈఓ రాందాస్‌, ఏఎంఓ వెంకటేశ్వర్లు, పానెల్‌ ఇన్‌స్పెక్షన్‌ సభ్యుడు యాదగిరి, నైనాల సర్పంచ్‌ యాసం సంధ్య రమేష్‌, ఉపసర్పంచ్‌ ఉపేందర్‌ గౌడ్‌, హెచ్‌ఎంలు నరేందర్‌, రాజు పాల్గొన్నారు. కలెక్టర్‌ స్నేహా శబరీష్‌

పెద్దవంగర: ప్రజలకు మెరుగైన వైద్య సేవలు అందించడమే ప్రభుత్వ లక్ష్యమని ఎమ్మెల్యే మామిడాల యశస్వినిరెడ్డి అన్నారు. 15వ ఆర్థి క సంఘం నిధులు రూ.1.43 కోట్లతో మండల కేంద్రంలో నిర్మించిన నూతన పీహెచ్‌సీ భవనాన్ని, మోత్య తండాలో ఉపాధిహామీ పథ కం నిధులు రూ.20 లక్షలతో నిర్మించిన నూత న గ్రామ పంచాయతీ భవనాన్ని ఆమె బుధవారం ప్రారంభించారు. ఈ సందర్భంగా ఎమ్మెల్యే మాట్లాడుతూ.. గ్రామీణ ప్రజలకు స్థానికంగానే మెరుగైన వైద్య సేవలు అందించేందుకు ప్రభుత్వం ఆరోగ్య రంగంలో మౌలిక సదుపాయాలను బలోపేతం చేస్తుందన్నారు. నూతన పీహెచ్‌సీ భవనంలోని ఆరోగ్య సేవలను ప్రజ లకు సమర్థవంతంగా అందించాలని వైద్యశాఖకు సూచించారు. అలాగే గ్రామ పంచాయతీ భవనా లు గ్రామ పరిపాలనలకు కేంద్రాలుగా నిలుస్తాయని, ప్రభుత్వ సేవలు ప్రజలకు మ రింత చేరువయ్యేల పంచాయతీలు పాలన అందించాలని పేర్కొన్నారు. కార్యక్రమంలో డీఎంహెచ్‌ఓ రవిరాథోడ్‌, సర్పంచ్‌లు ముద్దసాని పారి జాత, గుగులోత్‌ కవిత, కాంగ్రెస్‌ మండల అధ్యక్షుడు రంగు మురళి, జాటోతు నెహ్రూనాయక్‌, బీసు హరికృష్ణ పాల్గొన్నారు. మహబూబాబాద్‌ అర్బన్‌: విద్యార్థుల్లో దాగి ఉన్న సైన్స్‌ సృజనాత్మకతను వెలికితీసి వారిని ప్రోత్సహించాలని జిల్లా సైన్స్‌ అధికారి బి.అప్పారావు అన్నారు. జిల్లా కేంద్రంలోని తెలంగాణ సోషల్‌ వెల్ఫేర్‌ రెసిడెన్షియల్‌ పాఠశాలలో బుధవారం బాలల సైన్స్‌ కాంగ్రెస్‌ పోటీలు నిర్వహించారు. ఈ సందర్భంగా అప్పారావు పలువురు అధికారులు, ఉపాధ్యాయులతో కలిసి విద్యార్థుల సైన్స్‌ ఎగ్జిబిట్‌లను పరిశీలించారు. అనంతరం ఆయన మాట్లాడుతూ.. విద్యార్థులను బాల శాస్త్రవేత్తలుగా తీర్చిదిద్దేందుకు ప్రభుత్వం అనేక కార్యక్రమాలు చేపడుతుందన్నారు. విద్యార్థుల ప్రతిభను వెలికితీసేందుకు పాఠశాల, మండల, జిల్లాస్థాయిలో సుస్థిర భవిష్యత్‌ కోసం బాలల సైన్స్‌ కాంగ్రెస్‌ పోటీలు నిర్వహిస్తుందన్నారు. రాష్ట్రస్థాయికి నాలుగు ఎగ్జిబిట్లు ఎంపికయ్యాయని తెలిపారు. అనంతరం విద్యార్థులకు సర్టిఫికెట్లను అందజేశారు. కార్యక్రమంలో ఎంఈఓ వెంకటేశ్వర్లు, జిల్లా అకడమిక్‌ కోఆర్టినేటర్లు రామ్‌మెహన్‌, ఫిరోజ్‌ఖాన్‌, హేస్సేన్‌, న్యాయ నిర్ణేతలు అప్పారావు, స్రవంతి, గైడ్‌ టీచర్లు, విద్యార్థులు పాల్గొన్నారు. నిధుల జమ మెసేజ్‌లపై ఫిర్యాదు మహబూబాబాద్‌ రూరల్‌ : రైతు భరోసా నిధులు జమ అయినట్లు మెసేజ్‌లు రావడంపై సైబర్‌ క్రైమ్‌ అధికారులకు ఫిర్యాదు చేశామని జిల్లా వ్యవసాయ అధికారి విజయచంద్ర బుధవారం తెలిపారు. జిల్లాలో కొంతమంది రైతులకు రైతు భరోసా నిధులు జమ అయినట్లు మెసేజ్‌లు వచ్చిన విషయంపై వ్యవసాయ శాఖ రాష్ట్ర డైరెక్టర్‌ గోపి స్పష్టత ఇచ్చారని తెలిపారు. ప్రస్తుతం రైతు భరోసా నిధులు ఏమీ విడుదల చేయలేదని, సాంకేతిక సమస్య వల్ల రైతు భరోసా నిధులు జమ అయినట్లు కొంతమంది రైతులకు మెసేజ్‌లు వచ్చాయని తెలిపారు. ఈ విషయంపై సైబర్‌ క్రైమ్‌ అధికారులకు ఫిర్యాదు చేశామని, రైతులు గమనించాలని తెలిపారు. అటవీశాఖలో ఇద్దరు సస్పెన్షన్‌ ?గూడూరు: అక్టోబర్‌ మొదటి వారంలో గూడూరు ఫారెస్ట్‌ రేంజ్‌ దామరవంచ, బ్రాహ్మణపల్లి గ్రామాల పరిధిలోని మామిడి చెట్ల నరికివేత వాల్టా చట్టానికి విరుద్ధంగా జరిగిందని.. అందుకు కారణకులైన ఇద్దరు అధికారులపై జిల్లా అటవీశాఖ అధికారి పంపిన నివేదిక మేరకు సీసీఎఫ్‌ వారిపై చర్యలు చేపట్టి సస్పెన్షన్‌ వేటు వేసినట్లు తెలిసింది. నెల రోజుల క్రితం దామరవంచ, బ్రాహ్మణపల్లి గ్రామాల పరిధి మామిడి చెట్ల నరికివేతలో డీఎఫ్‌ఓ ఇద్దరు బీట్‌ అధికారులను సస్పెన్షన్‌ చేశారు. వారితోపాటు ఆ గ్రామాల పరిధిలోని డీఆర్‌ఓ పిచ్చేశ్వర్‌, మచ్చర్ల ఎఫ్‌ఎస్‌ఓ బి.శ్రీను కారకులంటూ వారిపై చర్యలకు చీఫ్‌ కన్జర్వేటర్‌ ఆఫ్‌ ఫారెస్ట్‌కు నివేదిక పంపినట్లు సమాచారం. డీఎఫ్‌ఓ నివేదిక మేరకు సీసీఎఫ్‌ విచారణ జరిపి ఆ ఇద్దరిపై సస్పెన్షన్‌ వేస్తూ బుధవారం ఉత్తర్వులు జారీచేశారనే సమాచారం సామాజిక మాద్యమాల్లో వైరల్‌గా మారింది. ఈ విషయమై గూడూరు ఎఫ్‌ఆర్వో ప్రసాదరావును వివరణ కోరగా.. తనకు ఎలాంటి ఉత్తర్వులు అందలేదని తెలపడం ప్రశ్నార్థకం.

● అధికారులకు అవినీతి మరకలు ● వరుస సంఘటనలతో బెంబేలు సాక్షి, మహబూబాబాద్‌: తెలంగాణలోని పల్లెల్లోనే సంపద సృష్టించాలి.. ఇందుకోసం మత్స్యశాఖను బలోపేతం చేయాలని ప్రభుత్వం చేపట్టిన పథకాలు ఇక్కడ పనిచేసిన పలువురు అధికారులకు సంపద పెంపునకు దోహదపడుతున్నాయనే ఆరోపణలు ఉన్నాయి. ఇక్కడకు వచ్చిన అధికారులు వక్రమార్గంలో డబ్బులు సంపాదించడంలో ఆరితేరడం, ఇదే తంతును మరో ప్రాంతానికి వెళ్లినా.. కొనసాగించడంతో అక్కడి వారు అవినీతి నిరోధకశాఖ అధికారులకు పట్టించడం వంటి సంఘటనలు చోటు చేసుకుంటున్నాయి. దీంతో ఇక్కడ పనిచేసేందుకు రావాలంటే అధికారులు వణుకుతున్నట్లు ఆ శాఖలో ప్రచారం జరుగుతుంది. కాగా జిల్లాలో చెరువులు 1,264, మత్స్య సొసైటీలు 200, సొసైటీ సభ్యులు 10,942 మంది ఉన్నారు. అసలేం జరుగుతోంది.. జిల్లా మత్స్యశాఖకు అధికారులు వచ్చీరాగానే అవినీతి ముద్ర పడటం, గతంలో చేసిన తప్పుల కు ఇక్కడకి వచ్చిన తర్వాత శిక్షలు పడటం, లేదా .. జిల్లా నుంచి వెళ్లిన తర్వాత వేటు పడటం వంటి సంఘటనల నేపథ్యంలో జిల్లాలో ఏం జరుగుతుందనే ప్రచారం జరుగుతుంది. జిల్లాకు అధికా రి రాగానే కొందరు దళారులు మచ్చిక చేసుకుని పరిచయం ఉన్నట్లు ప్రచారం చేసుకుంటున్నారు. దీనిని ఆసరాగా చేసుకొని కొత్త సొసైటీలు, కొత్త సభ్యత్వాలు ఇప్పిస్తామని డబ్బులు వసూలు చేసి నామ మాత్రం డబ్బులు అధికారులకు ఇప్పించి మచ్చిక చేసుకుంటారని ప్రచారం. ఇందుకోసం ఆ శాఖలో పనిచేసే కొందరు ఉద్యోగులు, జిల్లాలోని కొందరు మత్స్యసొసైటీల్లోని సీనియర్‌ సభ్యులు సహకరించడం సహజంగా మారిందనే ప్రచారం ఉంది. ఇది ఒకెత్తయితే.. ఆ శాఖలో పనిచేసే కొందరు ఉద్యోగులు అంతా తామై నడిపిస్తామని.. వచ్చిన అధికారి చెప్పినట్లు వింటే సరి.. లేకపోతే సభ్యుల ద్వారా ఉన్నతాధికారులకు ఫిర్యాదులు చేయించడం, అధికారిని డమ్మీ చేయించడం పనిగా పెట్టుకుంటున్నారని సమాచారం. దీంతో జిల్లాలో జరిగే ప్రతీ విషయం హైదరాబాద్‌ ఉన్నతాధికారులకు చేరవేయడం.. వంటి ప్రక్రియలతో బెదిరింపులకు పాల్పడం, మంచి అధికారి అయినా అవినీతిపరునిగా మా ర్చడం కోసం ప్రయత్నాలు చేస్తున్నారని తెలిసింది. అందువల్లనే ఇక్కడ పనిచేసిన అధికారులు రకరకాల పరిస్థితిలో సస్పెన్షన్‌ వేటుకు గురవుతున్నారనే ప్రచారం ఉంది. దీంతో ఇక్కడకు వచ్చేందుకు అధికారులు జంకుతున్నట్లు తెలిసింది. నూతనంగా ఏర్పడిన మానుకోట జిల్లాలో మత్స్యశాఖ అధికారులుగా పనిచేసిన పలువురు అధికారులు ఆరోపణలు ఎదుర్కొంటూ.. జిల్లా నుంచి వెళ్లిపోయారు. ఇక్కడ పనిచేసిన బుచ్చి బాబుపై పలు ఆరోపణలు రావడంతో ఆయన బదిలీపై వెళ్లారు. అదే విధంగా జిల్లాకు వచ్చిన అధికారి నాగరాణి గిరిజన, గిరిజనేతర మత్స్యకారులకు చెరువుల కేటాయింపు, నూతన సభ్యత్వాల నమోదులో డబ్బులు అడిగారని పలువురు మత్యకారులు ఉన్నతాధికారులకు ఫిర్యాదు చేసినట్లు ప్రచారం జరిగింది. ఇది జరిగిన కొద్దిరోజులకే ఆమె జనరల్‌ బదిలీల్లో వరంగల్‌ జిల్లాకు బదిలీ అయ్యారు. ఆ జిల్లాలో మత్స్యకారుల నుంచి డబ్బులు తీసుకుంటూ.. ఏసీబీ అధికారులకు పట్టుపడ్డారు. ఆ తర్వాత వచ్చిన వీరన్నపై కూడా పలు గ్రామాల మత్స్య సొపైటీ సభ్యులు ఉన్నతాధికారులకు ఫిర్యాదు చేయగా.. ఆయనపై ఖ మ్మం జిల్లా అధికారులు వచ్చి విచారణ చేపట్టా రు. ఆయన తర్వాత వచ్చిన భాస్కర్‌ కొంత కా లం పనిచేశారు. అయితే మత్స్యశాఖ అకౌంట్‌లో ఉన్న రూ.40 లక్షల మేరకు నిధుల దుర్వినియోగానికి పాల్పడ్డారనే ఆరోపణలపై ఆయనను సస్పెండ్‌ చేశారు. ఆయన తర్వాత వచ్చిన ఆంజనేయ స్వామిపై వివిధ జిల్లాల్లో పనిచేసిన కాలంలో నిధుల దుర్వినియోగానికి పాల్పడ్డారనే ఆరోపణలతో సస్పెన్షన్‌ వేటు పడింది.