Mahabubabad District News

కేయూ క్యాంపస్‌ : దేశంలో విద్యా వ్యవస్థను కాషాయీకరణ చేసేందుకు పాలక వర్గాలు కుట్రలు చేస్తున్నాయని సీపీఐ రాష్ట్ర కార్యదర్శి, ఎమ్మెల్యే కూనంనేని సాంబశివరావు పేర్కొన్నారు. సోమవారం అఖిల భారత విద్యార్థి సమాఖ్య (ఏఐఎస్‌ఎఫ్‌) 90వ వార్షికోత్సవం సందర్భంగా కాకతీయ యూనివర్సిటీలోని ఆడిటోరియంలో నిర్వహించిన బహిరంగ సభలో ఆయన ముఖ్యఅతిథిగా పాల్గొని మాట్లాడారు. ఈ సందర్భంగా సాంబశివరావు భగత్‌సింగ్‌ చిత్రపటానికి పూలమాల వేసి నివాళులర్పించారు. దేశంలో మొట్టమొదటి విద్యార్థి సంఘంగా ఏఐఎస్‌ఎఫ్‌ ఆవిర్భవించి 90ఏళ్లు పూర్తి చేసుకుందన్నారు. కమ్యూనిస్టు భావజాలాన్ని పుణికి పుచ్చుకున్న ఏఐఎస్‌ఎఫ్‌ భగత్‌సింగ్‌ వారసత్వంతోనే ఆవిర్భవించిందన్నారు. నాటి ప్రధానులు నెహ్రూ, అటల్‌జీ వంటి వారు కూడా ఈ సంఘంలో పనిచేశారని గుర్తు చేశారు. కేంద్రంలోని బీజేపీ ప్రభుత్వం విద్యారంగంలో కాషాయీకరణను చొప్పిస్తూ మతోన్మాదాన్ని పెంచి పోషిస్తోందని విమర్శించారు. ఒకప్పుడు విద్యాసంస్థల్లో ఎన్నికలు ఉండేవని, నాటి ఆర్‌ఈసీ తదితర సంస్థల్లో ఎంతోమంది విప్లవ నాయకులు ఎదిగి సమాజానికి సేవలను అందించారన్నారు. ఏఐఎస్‌ఎఫ్‌ జాతీయ ప్రధాన కార్యదర్శి దినేష్‌ సిరంగి రాజన్‌ మాట్లాడుతూ.. దేశంలో పాలకవర్గాలు అనుసరిస్తున్న విద్యార్థి వ్యతిరేక విధానాలను మార్చే శక్తి విద్యార్థులకు ఉందని పేర్కొన్నారు. ఈ సభలో ఏఐఎస్‌ఎఫ్‌ జాతీయ మాజీ అధ్యక్షుడు తక్కళ్లపల్లి శ్రీనివాస్‌రావు, సీపీఐ జిల్లా కార్యదర్శి కర్రె భిక్షపతి, ప్రజానాట్యమండలి రాష్ట్ర ప్రధాన కార్యదర్శి పల్లె నర్సింహా, ఏఐఎస్‌ఎఫ్‌ రాష్ట్ర అధ్యక్షుడు కసిరెడ్డి మణికంఠ రెడ్డి, కార్యదర్శి పుట్ట లక్ష్మణ్‌, తెలంగాణ రాష్ట్ర యూనివర్సిటీ ఇన్‌చార్జ్‌ రెహమాన్‌, హనుమకొండ జిల్లా అధ్యక్షుడు ఉట్కూరి ప్రణీత్‌గౌడ్‌, కార్యదర్శి భాషబోయిన సంతోష, వరంగల్‌ జిల్లా అధ్యక్షుడు దిడ్డి పార్దసారథి, కార్యదర్శి లాదెళ్ల శరత్‌తో పాటు తదితరులు పాల్గొన్నారు. వేలాది మంది విద్యార్థులతో భారీ ప్రదర్శన.. ఏఐఎస్‌ఎఫ్‌ 90వ వార్షికోత్సవం సందర్భంగా పబ్లిక్‌ గార్డెన్‌ నుంచి వివిధ కళాశాలలకు చెందిన వేలాది మంది విద్యార్థులతో భారీ ప్రదర్శన నిర్వహించారు. కేయూ ఆడిటోరియం కిక్కిరిసి పోయింది. ఈ సభలో ప్రజానాట్య మండలి కళాకారులు పాటలతో ఆకట్టుకున్నారు. పాట సీడీ ఆవిష్కరణ ఏఐఎస్‌ఎఫ్‌ 90 ఏళ్ల వార్షికోత్సవం సందర్భంగా జాతీయ మాజీ అధ్యక్షుడు, సీపీఐ రాష్ట్ర సహాయ కార్యదర్శి తక్కెళ్లపల్లి శ్రీనివాస్‌రావు రచించిన పాట సీడీని ఎమ్మెల్యే సాంబశివరావు ఆవిష్కరించారు. ఈ పాటను ప్రజానాట్య మండలి రాష్ట్ర ప్రధాన కార్యదర్శి పల్లె నర్సింహ కళాబృందం గానం చేసింది. సాంబశివరావును ఏఐఎస్‌ఎఫ్‌ జాతీయ, రాష్ట్ర నాయకులు సన్మానించారు. మంగళ, బుధవారాల్లో బాలవికాసలో ప్రతినిధుల సభ జరగనుంది. సీపీఐ రాష్ట్ర కార్యదర్శి, ఎమ్మెల్యే కూనంనేని సాంబశివరావు కేయూలో ఏఐఎస్‌ఎఫ్‌ 90వ వార్షికోత్సవ బహిరంగ సభ

ఆత్మకూరు : ఒడిశా నుంచి హైదరాబాద్‌కు తరలిస్తున్న 91కిలోల ఎండు గంజాయిని ఆత్మకూరు పోలీసులు సోమవారం పట్టుకున్నారు. సీఐ బాబులాల్‌ కథనం ప్రకారం.. ఆంధ్రప్రదేశ్‌ రాష్ట్రంలోని అల్లూరిసీతారామరాజు జిల్లా జీకే వీధి మండలం బూసికొండ గ్రామానికి చెందిన వెలుగూరి తాతారావు ట్రాక్టర్‌ డ్రైవర్‌గా పని చేస్తున్నాడు.అదనంగా డబ్బులు సంపాదించాలనే ఉద్దేశంతో అదే జిల్లా చింతూరు మండలం మోతుగూడెనికి చెందిన కిలో గోపాల్‌రావు, కిలో సత్తిబాబుతో కలిసి గంజాయి రవాణా చేసి డబ్బులు సంపాదించాలని భావించాడు. ఈ క్రమంలో వీరంతా ఒడిశా రాష్ట్రం గుంటవాడలో 500 కిలోల గంజాయిని కొనుగోలు చేసి 410 కిలోల గంజాయిని వేరే వాహనంలో పంపించారు. మిగతా 91కిలోల గంజాయిని భద్రాచలం, ఏటూరునాగారం, వరంగల్‌ మీదుగా హైదరాబాద్‌కు వెళ్లే లారీలో తరలిస్తున్నారు. కాగా మండలంలోని గుడెప్పాడ్‌ జంక్షన్‌ వద్ద ఆదివారం రాత్రి ఆత్మకూరు ఎస్సై తిరుపతి ఆధ్వర్యంలో వాహనాలు తనిఖీలు చేస్తుండగా లారీలో నిందితులు గంజాయితో పరారవుతుండగా పోలీసులు వెంబడించి పట్టుకున్నారు. విచారణలో గంజాయిని తరలిస్తున్నట్లు వారు ఒప్పుకున్నారు. పోలీసులు వారిని అదుపులోకి తీసుకొని రూ.45.66 లక్షల విలువ చేసే 91 కిలోల గంజాయిని స్వాధీనం చేసుకున్నారు. నిందితులను సోమవారం కోర్టులో హాజరు పర్చినట్లు సీఐ బాబులాల్‌ తెలిపారు. సీఐ,ఎస్సైతోపాటు సిబ్బంది అనిల్‌కుమార్‌, కరణ్‌, శ్రీనివాస్‌, ప్రసాద్‌, కరుణాకర్‌ ఉన్నారు. అంతర్రాష్ట్ర నిందితుల అరెస్టు, రిమాండ్‌

పాలకుర్తి టౌన్‌ : మండలంలోని తెలంగాణ సాంఘిక సంక్షేమ బాలికల గురుకుల పాఠశాలలో ఈనెల 22న విద్యార్థినులను ఎలుకలు కరిచాయన్న ఘటనపై కలెక్టర్‌ సందీప్‌ కుమార్‌ ఝా స్పష్టతనిచ్చారు. సోమవారం ఆర్డీఓ కిరణ్‌ప్రకాశ్‌తో కలిసి గురుకులాన్ని తనిఖీ చేశారు. అనంతరం కలెక్టర్‌ విద్యార్థినులతో మాట్లాడి ఆరోగ్య పరిస్థితిపై ఆరా తీశారు. భోజనం ఎలా ఉంది? మీకు ఎలుకలు కరిచినప్పుడు వాటిని చూశారా? టీకాలు తీసుకున్నారా? అని ప్రశ్నించారు. ఏ సమయంలో జరిగింది.. అప్పుడు రక్తం వచ్చినట్లు అనిపించిందా.. నొప్పిగా ఏమైనా ఉందా అని వివరాలు తెలుసుకున్నారు. విద్యార్థినుల చేతులు, కాళ్లను పరిశీలించగా ఎలుకలు కరిచిన ఆనవాళ్లు, గీతలు లేవన్నారు. వదంతులు నమ్మొద్దని కలెక్టర్‌ సూచించారు. వంటశాల, భోజన గది, సరుకులు నిల్వ గది, మరుగుదొడ్లు, వసతి గృహాలను పరిశీలించారు. పరిసరాల శుభ్రతపై అసంతప్తి వ్యక్తం చేసి, పనికిరాని వ్యర్థాలను వెంటనే తొలగించాలని పంచాయతీ కార్యదర్శి శ్రీనివాస్‌ రెడ్డిని ఆదేశించారు. నాణ్యమైన పౌషికాహారం, తాజా కూరగాయలతో భోజనం తయారు చేయాలని సూచించారు. అనుమతి లేకుండా బయటి వ్యక్తులను బాలికల గురుకులంలోకి అనుమతించొద్దని స్పష్టం చేశారు. కలెక్టర్‌ తనిఖీ చేసే సమయంలో గురుకుల పాఠశాలలోకి వచ్చిన వార్డు సభ్యుడిపై పోక్సో కేసు నమోదు చేయాలని కలెక్టర్‌ ఆదేశించినట్లు సమాచారం. ఎంపీడీఓ, తహసీల్దార్‌ గురుకుల పాఠశాలను క్రమం తప్పకుండా పర్యవేక్షించాలని సూచించారు. తహసీల్దార్‌ సరస్వతి, ఎంపీడీఓ వేదవతి, ఎంఈఓ పోతుగంటి నర్సయ్య, వైస్‌ ప్రిన్సిపాల్‌ వరలక్ష్మి, ఉపాధ్యాయులు పాల్గొన్నారు. కలెక్టర్‌ సందీప్‌కుమార్‌ ఝా గురుకుల పాఠశాలలో తనిఖీ.. పరిసరాల శుభ్రతపై అసంతృప్తి

సాక్షిప్రతినిధి, వరంగల్‌ : ఓటరు జాబితా ప్రత్యేక సవరణ ప్రక్రియ ఉమ్మడి వరంగల్‌ వ్యాప్తంగా వేగం పుంజుకుంది. ఓటర్ల వివరాల పరిశీలనలో భాగంగా అధికారులు జారీ చేసిన నోటీసుల పంపిణీ దాదాపు తుది దశకు చేరుకుంది. సోమవారం విడుదల చేసిన నివేదిక ప్రకారం ఆరు జిల్లాల్లో కలిపి 6,45,763 నోటీసులు జారీ చేయగా.. 6,28,499 మంది ఓటర్లకు చేరాయి. మరోవైపు ఇప్పటివరకు 4,39,603 విచారణలు పూర్తయ్యాయి. అభ్యంతరాలు, దరఖాస్తులు, రికార్డుల పరిశీలన అనంతరం తుది ఓటర్ల జాబితా ప్రచురణకు అధికారులు కసరత్తు చేస్తున్నారు. నోటీసుల పంపిణీలో జయశంకర్‌ భూపాలపల్లి జిల్లా ముందంజలో ఉంది. జిల్లాలో జారీ చేసిన 32,636 నోటీసులనూ ఓటర్లకు అందజేశారు. అంటే నోటీసుల పంపిణీలో 100 శాతం పూర్తయింది. ఇందులో 32,458 విచారణలు పూర్తయ్యాయి. కేవలం 78 విచారణలు మాత్రమే గడువు దాటినవిగా నమోదయ్యాయి. వరంగల్‌ జిల్లాలో అత్యధికంగా 1,94,395 నోటీసులు జారీ అయ్యాయి. వీటిలో 1,84,448 పంపిణీ కాగా.. ఇంకా 9,947 నోటీసులు పెండింగ్‌లో ఉన్నాయి. ఇప్పటివరకు 90,054 విచారణలు పూర్తయ్యాయి. 18,689 దరఖాస్తులను ధ్రువీకరించగా.. తుది ప్రచురణకు 81,460 ప్రతిపాదనలు ఆమోదం పొందాయి. హనుమకొండ జిల్లాలో 1,32,070 నోటీసులకు గాను 1,31,602 పంపిణీ చేశారు. కేవలం 468 నోటీసులు మాత్రమే పంపిణీ కావాల్సి ఉంది. జిల్లాలో 1,07,163 విచారణలు పూర్తయ్యాయి. 30,401 దరఖాస్తులను ధ్రువీకరించగా.. 95,637 రికార్డులు తుది ప్రచురణకు సిద్ధంగా ఉన్నాయి. జనగామ జిల్లాలో 1,63,890 నోటీసులు జారీ చేసి 1,62,862 పంపిణీ చేశారు. ఇంకా 1,028 నోటీసులు పెండింగ్‌లో ఉన్నాయి. ఇప్పటివరకు 1,21,025 విచారణలు పూర్తయ్యాయి. గడువు దాటిన విచారణలు 42,063గా నమోదయ్యాయి. తుది ప్రచురణకు 1,10,661లు సిద్ధంగా ఉన్నాయి. మహబూబాబాద్‌లో 80,872 నోటీసులకు గాను 76,688 పంపిణీ అయ్యాయి. 60,687 విచారణలు పూర్తయ్యాయి. 56,678 ప్రతిపాదనలు తుది ప్రచురణకు సిద్ధంగా ఉన్నాయి. ములుగులో 41,900 నో టీసులకు గాను 40,263 పంపిణీ చేశారు. 28,216 విచారణలు పూర్తి కాగా.. 24,509లు తుది ప్రచురణకు సిద్ధమయ్యాయి. 6.28 లక్షల నోటీసులు.. 4.39 లక్షల విచారణలు పూర్తి తుది జాబితాకు 3.83 లక్షలు సిద్ధం నివేదిక విడుదల చేసిన అధికారులు

ఖానాపురం : నర్సంపేట మండలంలోని భోజ్యనాయక్‌ తండా శివారు వాగులో సోమవారం మొసలి ప్రత్యక్షమైంది. గమనించిన స్థానిక రైతులు అటవీశాఖ అధికారులకు సమాచారం ఇచ్చారు. ఎఫ్‌ఆర్‌ఓ నరేష్‌ బసవ ఆదేశాలతో వాగు వద్దకు బీట్‌ ఆఫీసర్‌ వెంకన్న, సిబ్బందితో వెళ్లి మొసలిని బంధించి ఖానాపురం మండలంలోని పాకాల సరస్సులో వదిలేశారు. కార్యక్రమంలో బేస్‌ క్యాంప్‌ సిబ్బంది నాగరాజు, విజయ్‌, ప్రకాశ్‌, జగ్గారావు ఉన్నారు. గ్రాడ్యుయేట్‌ ఓటరుగా నమోదు చేసుకోవాలిహన్మకొండ : ఉమ్మడి నల్లగొండ–వరంగల్‌–ఖమ్మం పట్టభద్రుల నియోజకవర్గ ఎమ్మెల్సీ ఎన్నికల నేపథ్యంలో ప్రారంభమైన ఓటరు నమోదు ప్రక్రియను అర్హత ఉన్న పట్టభద్రులు వినియోగించుకోవాలని బీఆర్‌ఎస్‌ రాష్ట్ర నాయకుడు ఏనుగుల రాకేశ్‌ రెడ్డి సోమవారం విజ్ఞప్తి చేశారు. పట్టభద్రుల ఓటరు నమోదు ప్రక్రియ నవంబర్‌ 6వ తేదీతో ముగియనుందని తెలిపారు. అర్హత కలిగిన ప్రతి గ్రాడ్యుయేట్‌ ఈ అవకాశాన్ని వినియోగించుకొని తప్పనిసరిగా ఎమ్మెల్సీ ఓటరుగా నమోదు చేసుకోవాలని ఆయన ఒక ప్రకటనలో కోరారు. ఇది కేవలం ఓటరు నమోదు ప్రక్రియ మాత్రమే కాదని ప్రభుత్వాన్ని ప్రశ్నించడానికి ఒక ఆయుధం.. మన సమస్యలను పరిష్కరించుకోవడానికి ఒక అస్త్రం.. డిమాండ్లను సాధించుకోవడానికి ఒక అవకాశం.. మన కోసం పోరాడే వారికి ప్రజాస్వామ్య పద్ధతిలో మద్దతు తెలియజేయడానికి ఒక మార్గం అని రాకేశ్‌ రెడ్డి పేర్కొన్నారు. పట్టభద్రులందరూ ఈ అవకాశాన్ని నిర్లక్ష్యం చేయకుండా, ఓటరు నమోదు ప్రక్రియను పూర్తి చేసుకోవాలని ఆయన పిలుపునిచ్చారు.

కాజీపేట రూరల్‌ : కాజీపేట రైల్వే ఎంప్లాయీస్‌ సంఘ్‌ కార్యాలయంలో బుధవారం చేపట్టనున్న డివిజనల్‌ లోకో సమ్మెట్‌ను విజయవంతం చేయాలని సంఘ్‌ కేంద్ర కమిటీ సభ్యులు సాధినేని వెంకటనారాయణ, అవారి మధుసూదన్‌రావు పిలుపునిచ్చారు. సోమవారం కాజీపేట అన్ని బ్రాంచ్‌ల సంఘ్‌ నాయకులు, ఆఫీస్‌ బేరర్లు, కార్యకర్తల సమావేశం జరిగింది. ఈ సమావేశంలో వారు మాట్లాడుతూ.. సికింద్రాబాద్‌ డివిజన్‌ స్థాయిలో లోకో రన్నింగ్‌ స్టాప్‌ సమస్యలను తెలుసుకోవడానికి ఎన్‌ఎఫ్‌ఐఆర్‌ జనరల్‌ సెక్రటరీ డాక్టర్‌ ఎం.రాఘవయ్య కాజీపేటకు రానున్నట్లు తెలిపారు. తరగతులు కావడం లేదని.. ● ఫిజికల్‌ ఎడ్యుకేషన్‌ విద్యార్థుల ఆందోళన కేయూ క్యాంపస్‌ : కాకతీయ యూనివర్సిటీలోని ఫిజికల్‌ ఎడ్యుకేషన్‌ కళాశాలలో బీపీఈడీ విద్యార్థులు తమకు క్లాస్‌లు సరిగా జరగడం లేదని నిరసిస్తూ సోమవారం యూనివర్సిటీ పరిపాలన భవనం వద్ద బైఠాయించి ఆందోళనకు దిగారు. యూనివర్సిటీ ఫిజికల్‌ ఎడ్యుకేషన్‌ ప్రిన్సిపాల్‌ కూడా సక్రమంగా తరగతులు జరిగేలా తగిన చర్యలు చేపట్టడం లేదని రిజిస్ట్రార్‌ వి.రామచంద్రం దృష్టికి తీసుకెళ్లారని సమాచారం. ఆందోళన చేస్తున్న బీపీఈడీ విద్యార్థులు రిజిస్ట్రార్‌ చాంబర్‌కు రాగా ఆయన విద్యార్థులతో మాట్లాడారు. వారి సమస్యను వీసీ ప్రతాప్‌రెడ్డి దృష్టికి తీసుకెళ్తానని తెలియజేశారు. అక్కడికి ఫిజికల్‌ ఎడ్యుకేషన్‌ ప్రిన్సిపాల్‌ను కూడా పిలిపించి మాట్లాడారు. ఈ విషయంపై కేయూ రిజిస్ట్రార్‌ రామచంద్రంను వివరణ కోరగా ఫిజికల్‌ ఎడ్యుకేషన్‌ కళాశాలలో రెగ్యులర్‌ అధ్యాపకులు లేరని ప్రస్తుతం నలుగురు అధ్యాపకులే పని చేస్తున్నారని తెలిపారు. 8 మంది అధ్యాపకుల అవసరం ఉందని అధ్యాపకుల కొరతతో బీపీఈడీ విద్యార్థులకు తరగతులు జరగడం లేదని రామచంద్రం వివరణ ఇచ్చారు.గత విద్యా సంవత్సరంలో పేపర్‌ వైజ్‌గా తాత్కాలిక అధ్యాపకులు విధులు నిర్వర్తించారని వారిని ప్రస్తుతానికి విధుల్లోకి తీసుకొని ఈనెల 29నుంచి బీపీఈడీ విద్యార్థులకు తరగతులు యథావిధిగా నిర్వహిస్తామని విద్యార్థులకు తెలియజేసినట్లు పేర్కొన్నారు. దీంతో వారు ఆందోళన విరమించారని రిజిస్ట్రార్‌ వివరణ ఇచ్చారు. వివిధ కారణాలతో ఆ కాలేజీకి సంబంధించి పార్ట్‌టైం అధ్యాపకుల నియమకాలు జరగలేదన్నారు.

● అనుమానాస్పద స్థితిలో యువకుడి మృతి కురవి : గణపతి నిమజ్జనానికి మిత్రుడి ఊరికి వచ్చి అనుమానాస్పదంగా ఓ యువకుడు మృతి చెందాడు. ఈ సంఘటన మండలంలోని గుండ్రాతి మడుగు (విలేజి) శివారులో సోమవారం వెలుగుచూసింది. వివరాలు ఇలా ఉన్నాయి.. మహబూబాబాద్‌ జిల్లాలోని చిన్నగూడూరు మండలం జయ్యారం గ్రామానికి చెందిన ఎల్ది నరేష్‌ (31) హైదరాబాద్‌లో కుటుంబ సభ్యులతో ఉంటున్నాడు. గణనాథుడి నిమజ్జనానికి మండలంలోని గుండ్రాతిమడుగు (విలేజి) గ్రామానికి చెందిన స్నేహితుడి ఇంటికి శుక్రవారం (25వ తేదీ) వచ్చాడు. చర్చి ఎదుట ఏర్పాటు చేసిన గణపతి మండపం నిర్వాహకులతోపాటు స్నేహితుడు హరీష్‌తో కలిసి నిమజ్జన సంబురాల్లో పాల్గొన్నాడు. కాగా నరేష్‌ మద్యం మత్తులో ఉన్నట్లు సమాచారం. అయితే ఇంటికి వెళ్తానని మిత్రుడితో చెప్పడంతో ఇప్పుడొద్దు అన్నం తిని ఇక్కడే పడుకోవాలని ఎంత చెప్పినా వినకుండా బైక్‌పై నరేష్‌ పెద్దతండా వైపు వెళ్లిపోయాడు. కల్వర్టు దాటిన తర్వాత రోడ్డు పక్కన పొలంలో పడిపోయినట్లు తెలుస్తోంది. ఈ క్రమంలో సోమవారం పెద్దతండాకు చెందిన జీపీ ట్రాక్టర్‌లో చెత్తను తీసుకుని వస్తున్న వారికి పొలంలో బైక్‌, ఆ పక్కనే మృతదేహం పడి ఉండడాన్ని చూసి స్థానికులకు వివరించారు. కురవి పోలీసులకు సమాచారాన్ని తెలియచేశారు. మృతుడి జేబులోని సెల్‌ఫోన్‌ ఆధారంగా జయ్యారం గ్రామానికి చెందిన వ్యక్తిగా గుర్తించారు. పోలీసులు సంఘటన స్థలానికి చేరుకుని కుళ్లిపోయిన మృతదేహాన్ని మహబూబాబాద్‌ జనరల్‌ ఆస్పత్రి మార్చురీకి తరలించారు. నరేష్‌ మృతి చెందాడనే విషయాన్ని తెలుసుకున్న కుటుంబ సభ్యులు హైదరాబాద్‌ నుంచి వచ్చారు. రోడ్డు ప్రమాదం జరిగి పొలంలో పడిపోయాడా? ఎవరైనా ఢీకొట్టారా? ఎవరైనా కొట్టిపడేశారా? అనే విషయాలు పోలీసుల విచారణలో తేలాల్సి ఉంది. ఇదే విషయమై కురవి ఎస్సై సతీష్‌ను వివరణ కోరగా ఫిర్యాదు రాలేదని, ఫిర్యాదు వస్తే కేసు నమోదు చేసి దర్యాప్తు చేస్తామని తెలిపారు. మృతుడికి భార్య సంధ్య, కుమారుడు, కుమార్తె ఉన్నారు. విద్యుదాఘాతంతో మహిళ మృతి హన్మకొండ చౌరస్తా : విద్యుదాఘాతంతో మహిళ మృతిచెందిన ఘటన ఆదివారం సాయంత్రం హనుమకొండలోని సుధానగర్‌లో చోటుచేసుకుంది. మృతురాలి కుమార్తె తిగుల్ల యమున కథనం ప్రకారం.. సుధానగర్‌కు చెందిన రుద్రారం లక్ష్మి (58) స్నానం చేసేందుకు వేడి నీటి కోసం బకెట్‌లో హీటర్‌ పెట్టింది. నీరు వేడైనా తర్వాత హీటర్‌ను తీసివేసే క్రమంలో చేయి తగిలి విద్యుత్‌ షాక్‌ గురైంది. గమనించిన కూతురు స్థానికుల సాయంతో ఆస్పత్రికి తీసుకెళ్లగా మృతిచెందింది. యమున ఫిర్యాదు మేరకు హనుమకొండ పోలీసులు కేసు నమోదు చేసి దర్యాప్తు చేస్తున్నారు. ఎక్స్‌ప్రెస్‌ బస్సుల తగ్గింపుతో ప్రమాదం ● బస్సు దిగుతూ ప్రమాదానికి గురైన మహిళ ● టైరు కిందపడి నుజ్జునుజ్జయిన కాలు హన్మకొండ : ఎక్స్‌ప్రెస్‌ బస్సుల తగ్గింపు ప్రమాదాలకు దారి తీస్తుంది. హనుమకొండ జిల్లా బస్‌స్టేషన్‌ నుంచి హైదరాబాద్‌తో పాటు పలు ప్రధాన రూట్లలో ఎక్స్‌ప్రెస్‌ బస్సులు చాలా వరకు తగ్గించింది. దీంతో వచ్చిన బస్సు మహిళా ప్రయాణికులతో కిక్కిరిసి పోతున్నాయి. ఈ క్రమంలో సోమవారం రేగొండ మండలం దమ్మన్నపేటకు చెందిన అత్తకోడలు చుక్క నిర్మల, గౌతమి హైదరాబాద్‌ వెళ్లేందుకు ఎక్స్‌ప్రెస్‌ బస్సు ఎక్కారు. సీటు దొరక్కపోవడంతో పాటు నిలబడేందుకు కాలు పెట్టే స్థలం లేకపోవడంతో నిర్మల బస్సు దిగుతుండగా బస్సు కదలడంతో కింద పడిపోయింది. ఆమె ఎడమ కాలుపై నుంచి టైరు వెళ్లడంతో కాలు నుజ్జునుజ్జయింది. వెంటనే చికిత్స కోసం 108లో ఆస్పత్రికి తరలించారు. ఆర్టీసీ అధికారుల తీరుపై మండిపడ్డారు. కాగా నిర్మల భర్త శ్రీనివాస్‌, కుమారుడు వెంకటేశ్‌ మాట్లాడుతూ..ఈ ప్రమాదానికి ఆర్టీసీ పూర్తి బాధ్యత వహించాలని, వైద్య ఖర్చులు భరించాలని డిమాండ్‌ చేశారు.

ఖిలా వరంగల్‌ : మామునూరు ఎయిర్‌పోర్ట్‌ పనుల్లో మరో అడుగు పడింది. ఇప్పటికే రూ.203.49 కోట్ల అంచనా వ్యయంతో రన్‌వే ఆధునికీకరణ, ట్యాక్సీ వేలు, విమానాల పార్కింగ్‌ ఆప్రాన్‌, టర్మినల్‌కు అనుసంధాన రోడ్లు, గ్రౌండ్‌ సపోర్ట్‌, పలు మౌలిక వసతుల పనులకు టెండర్లు పిలిచిన ఎయిర్‌ఫోర్ట్స్‌ అథారిటీ ఆఫ్‌ ఇండియా(ఏఏఐ) .. తాజాగా మరో రూ.213.59 కోట్లతో నూతన డొమెస్టిక్‌ టెర్మినల్‌ బిల్డింగ్‌, ఏటీసీ టవర్‌ కమ్‌ టెక్నికల్‌ బ్లాక్‌, ఎలక్ట్రికల్‌ సబ్‌ స్టేషన్‌, ఫైర్‌ స్టేషన్‌, ఈ అండ్‌ ఎం వర్క్‌షాప్‌ నిర్మాణానికి టెండర్లు ఆహ్వానించింది. ఈ మొత్తం పనులను 18 నెలల వ్యవధిలో పూర్తి చేసేలా ఏఏఐ గడువు నిర్దేశించింది. దీంతో మామునూరు ఎయిర్‌పోర్టు అభివృద్ధి పనులు మరో కీలక దశలోకి చేరాయి. నవంబర్‌ 3 వరకు బిడ్ల దాఖలు ఈ ప్యాకేజీకి ఆక్టోబర్‌ 6 నుంచి నవంబర్‌ 3వ తేదీ వరకు బిడ్లు దాఖలు చేయడానికి ఆవకాశం కల్పించారు. నవంబర్‌ 9న టెక్నికల్‌ బిడ్లను, అదే నెల 30న ఫైనాన్షియల్‌ బిడ్లను తెరవనున్నట్లు ఏఏఐ అఽ ధికారులు తెలిపారు. టెండర్‌ ప్రక్రియ పూర్తయిన అనంతరం ఎంపికై న సంస్థకు పనులు అప్పగించి, నిర్ణీత కాలవ్యవధిలో పనులు పూర్తి చేయనున్నారు. మామునూరు ఎయిర్‌పోర్ట్‌ సందర్శన మామునూరు విమానాశ్రయాన్ని సోమవారం టెండర్‌దారులతో కలిసి ఏఏఐ ఆధికారులు సందర్శించారు. పాత రన్‌వేతోపాటు ప్రతిపాదిత నిర్మాణ ప్రాంతాలను పరిశీలించారు. అనంతరం హనుమకొండలోని హరిత కాకతీయ హోటల్‌లో నిర్వహించిన ప్రీ– బిడ్‌ సమావేశంలో రూ.213.59 కోట్ల ప్యాకేజీలో చేపట్టనున్న నిర్మాణాలు, సాంకేతిక అంశాలు, టెండర్‌ నిబంధనలపై టెండర్‌ దారులకు అధికారులు వివరించారు. టెండర్‌దారుల సందేహాలను అధికారులు నివృత్తి చేశారు. కార్యక్రమంలో ఏఏఐ ఏజీఎం నాగరాజ్‌, తహసీల్దార్‌ ఇక్బాల్‌, ఇతర శాఖల అధికారులు పాల్గొన్నారు. తాజాగా రూ.213.59 కోట్లతో టెండర్ల ఆహ్వానం అక్టోబర్‌ 6 నుంచి నవంబర్‌ 3వరకు బిడ్ల దాఖలుకు అవకాశం మామునూరు ఎయిర్‌పోర్ట్‌ను సందర్శించిన ఏఏఐ అధికారులు, టెండర్‌దారులు హరిత హోటల్‌లో ప్రీ–బిడ్‌ సమావేశం

ములుగు : పిల్లలు బరువు తగ్గకుండా, పోషకాహార లోపానికి గురికాకుండా ముందస్తుగా సంరక్షించేందుకు ‘తొలిముద్ద’ దోహదపడుతుందని రాష్ట్ర పంచాయతీరాజ్‌, శిశు సంక్షేమ శాఖ మంత్రి ధనసరి సీతక్క పేర్కొన్నారు. సోమవారం ములుగు కలెక్టరేట్‌లో మహిళా, శిశు సంక్షేమ శాఖ ఆధ్వర్యంలో ఏర్పాటు చేసిన కార్యక్రమంలో సీతక్క ముఖ్యఅతిథిగా హాజరై కలెక్టర్‌ బోర్ఖడే హేమంత్‌ సహదేవరావుతో కలిసి ‘తొలిముద్ద’ అల్పాహార కార్యక్రమాన్ని ప్రారంభించారు. ఈ సందర్భంగా మంత్రి సీతక్క మాట్లాడుతూ.. జిల్లాలో చిన్నారులకు పాలను అందిస్తున్నామని, ఇకపై పాలు, గుడ్లు, అల్పాహారం, మధ్యాహ్న భోజనం ద్వారా సంపూర్ణ పోషకాహారం లభిస్తుందని తెలిపారు. కలెక్టర్‌ బోర్ఖడే హేమంత్‌ సహదేవరావు మాట్లాడుతూ.. చిన్నారులకు అల్పాహారం అందించే ‘తొలిముద్ద’ కార్యక్రమానికి ములుగు జిల్లా ఎంపిక కావడం సంతోషకరమన్నారు. అనంతరం అంగన్‌వాడీ టీచర్లకు ‘తొలిముద్ద’ అల్పాహార కిట్లను మంత్రి సీతక్క, కలెక్టర్‌ బోర్ఖడే హేమంత్‌ సహదేవరావుతో కలిసి అందజేశారు. బేటీ బచావో–బేటీ పడావో కార్యక్రమంలో భాగంగా కిశోర బాలికలకు పోషకాహార కిట్లను పంపిణీ చేశారు. అదనపు కలెక్టర్లు మహేందర్‌ జీ, సంపత్‌ రావు, గ్రంథాలయ సంస్థ చైర్మన్‌ బానోత్‌ రవిచందర్‌, మార్కెట్‌ కమిటీ చైర్‌ పర్సన్‌ రేగ కళ్యాణి, మున్సిపల్‌ చైర్‌ పర్సన్‌ చింతనిప్పుల చంద్రకళ, వైస్‌ చైర్‌ పర్సన్‌ ఆసియా షాహిన్‌, ఆత్మ కమిటీ ప్రతినిధులు రఘు, రవీందర్‌ రెడ్డి, అరుణ, ప్రాంతీయ సంయుక్త సంచాలకురాలు కృష్ణవేణి, జిల్లా రెవెన్యూ అధికారి రవికుమార్‌, జిల్లా సంక్షేమ అధికారి ప్రేమలత, సీడీపీఓ శిరీష, ప్రజాప్రతినిధులు, అంగన్‌వాడీ టీచర్లు, సంబంధిత అధికారులు పాల్గొన్నారు. రాష్ట్ర శిశు సంక్షేమ శాఖ మంత్రి సీతక్క

సాక్షిప్రతినిధి, వరంగల్‌ : టీజీఎస్‌ ఆర్టీసీ గుర్తింపు యూనియన్‌ ఎన్నికల ప్రచారం ఊపందుకుంది. అక్టోబర్‌ 9న ఎన్నికలు జరగనున్న నేపథ్యంలో కార్మిక సంఘాలు పోటాపోటీగా ప్రచారం నిర్వహిస్తున్నాయి. ఈ నెల 26న ఎన్నికల గుర్తులు కేటాయించడంతో ప్రచారంలో మరింత జోష్‌ వచ్చింది. షెడ్యూల్‌కు ముందే ప్రధాన యూనియన్లు రీజియన్‌ స్థాయిలో సర్వసభ్య సమావేశాలు నిర్వహించి కార్మికులను ఎన్నికలకు సన్నద్ధం చేశాయి. వరంగల్‌ రీజియన్‌లోని 9 ఆర్టీసీ డిపోలతోపాటు రీజినల్‌మేనేజర్‌ కార్యాలయం, జోనల్‌ స్టాఫ్‌ ట్రైనింగ్‌ కళాశాలలో పనిచేస్తున్న ఉద్యోగులు, కార్మికులు ఓటర్లుగా ఉన్నారు. కార్మికశాఖ ఇప్పటికే డ్రాఫ్ట్‌ ఓటరు జాబితాను విడుదల చేసి ఈనెల 25వరకు అభ్యంతరాల ను స్వీకరించింది. ఓటరు జాబితాను త్వరలోప్రకటించనుంది. మంగళవారం (నేడు) నమూనా బ్యాలెట్‌ను కార్మికశాఖ జారీ చేయనుంది. 12 యూనియన్లు.. రెండు కూటములు.. గుర్తింపు ఎన్నికల బరిలో మొత్తం 12యూనియన్లు ఉన్నాయి. అయితే ప్రధానంగా రెండు కూటముల మధ్యే పోటీ నెలకొంది. తెలంగాణ ఆర్టీసీ వర్కర్స్‌ యూనియన్‌ (అశ్వత్థామరెడ్డి వర్గం), స్టాఫ్‌ అండ్‌ వర్కర్స్‌ ఫెడరేషన్‌ (ఎస్‌డబ్ల్యూఎఫ్‌) ఒక కూటమిగా బరిలో ఉన్నాయి. ఎంప్లాయీస్‌ యూనియన్‌, నేషనల్‌ మజ్దూర్‌ యూనియన్‌ (ఎన్‌ఎంయూ), తెలంగాణ మజ్దూర్‌ యూనియన్‌ (టీఎంయూ–థామస్‌రెడ్డి వర్గం) మరో కూటమిగా పోటీ చేస్తున్నాయి. పొత్తుల ప్రకారం ఎస్‌డబ్ల్యూఎఫ్‌ ఖమ్మం, నల్లగొండ రీజియన్లలో పోటీ చేస్తుండగా.. తెలంగాణ ఆర్టీసీ వర్కర్స్‌ యూనియన్‌ వరంగల్‌తో పాటు రాష్ట్రంలోని ఇతర రీజియన్లు, అనుబంధ వర్క్‌షాపులు, రాష్ట్రస్థాయిలో పోటీ చేస్తోంది. మరో కూటమిలో ఎన్‌ఎంయూ వరంగల్‌ రీజియన్‌లో పోటీ చేస్తుండగా.. మిగతా రీజియన్లలో టీఎంయూ బరిలో ఉంది. క్లాస్‌–3 రాష్ట్రస్థాయి పోటీలో ఎంప్లాయీస్‌ యూనియన్‌ పోటీ చేస్తోంది. రాష్ట్ర, రీజియన్‌స్థాయి.. రెండు ఓట్లు.. గుర్తింపు ఎన్నికల్లో ప్రతీ కార్మికుడు రెండు ఓట్లు వేయాల్సి ఉంటుంది. క్లాస్‌–3లో రాష్ట్రస్థాయికి, క్లాస్‌–6లో రీజియన్‌ స్థాయికి ఓటు వేయనున్నారు. దీంతో రాష్ట్రస్థాయి కూటముల ప్రచారంతో పాటు వరంగల్‌ రీజియన్‌లో స్థానిక యూనియన్ల ప్రచారం కూడా జోరందుకుంది.ఆర్టీసీ గుర్తింపు ఎన్నికల్లో హోరాహోరీ పోరు ‘విల్లు–బాణం’ ‘కాగడ’ మధ్యే సవాల్‌ బరిలో 12 యూనియన్లు.. రెండు కూటములు.. నేడు నమూనా బ్యాలెట్‌ను జారీ చేయనున్న కార్మికశాఖ వరంగల్‌ రీజియన్‌లో క్లాస్‌–6కు ప్రధాన పోటీ తెలంగాణ ఆర్టీసీ వర్కర్స్‌ యూనియన్‌, ఎన్‌ఎంయూ మధ్యే కనిపిస్తోంది. తెలంగాణ ఆర్టీసీ వర్కర్స్‌ యూనియన్‌ ‘విల్లు–బాణం’ గుర్తుతో, ఎన్‌ఎంయూ ‘కాగడ’ గుర్తుతో బరిలో ఉన్నాయి. దీంతో వరంగల్‌ రీజియన్‌లో ఈ రెండు యూనియన్లు కార్మికులను ఆకట్టుకునేందుకు ముమ్మరంగా ప్రచారం చేస్తున్నాయి.కాంగ్రెస్‌ పార్టీ అనుబంధంగా ఉన్న తెలంగాణ ఆర్టీసీ వర్కర్స్‌ యూనియన్‌కు టీపీసీసీ సంపూర్ణ మద్దతు ప్రకటించింది. ఎన్నికల సమన్వయం కోసం టీపీసీసీ ఉపాధ్యక్షుడు బొంతు రామ్మోహన్‌ను ఇన్‌చార్జ్జ్‌గా నియమించింది. పార్టీ నాయకులు, కార్యకర్తలు ఇతర యూని యన్లను ప్రోత్సహించకుండా తెలంగాణ ఆర్టీసీ వర్కర్స్‌ యూనియన్‌కు సహకరించాలని సూచించినట్లు పార్టీ వర్గాలు తెలిపాయి.

● ఎస్పీ శబరీష్‌ కురవి: రోడ్డు ప్రమాదాల నివారణకు చర్యలు తీసుకోవాలని ఎస్పీ శబరీష్‌ ఆదేశించారు. సోమవారం కురవి పోలీస్‌స్టేషన్‌ను ఆయన సందర్శించి తనిఖీ చేశారు. మొక్కలు నాటి నీళ్లు పోశారు. సిబ్బంది యూనిఫామ్‌ పరిశీలించి ఆరోగ్యంపై ప్రత్యేక శ్రద్ధ వహిస్తూ హెల్త్‌ చెకప్‌లు చేయించుకోవాలని సూచించారు. అధికారులు, సిబ్బంది తమ పరిధిలోని గ్రామాలను క్రమం తప్పకుండా సందర్శించి ప్రజల సమస్యలను తెలుసుకోవాలన్నారు. పోలీస్‌ స్టేషన్‌ ను పరిశీలించి పరిశుభ్రంగా ఉండేలా చూసుకోవా లన్నారు. సీజ్‌ చేసిన వాహనాలను క్రమపద్ధతిలో భద్రపరచాలని సూచించారు. స్టేషన్‌లోని లాకప్‌, ఈసీఓపీఎస్‌, రైటర్స్‌రూమ్‌, వివిధ విభాగాలను పరిశీలించారు. సీసీటీఎన్‌ఎస్‌, ఈ సమన్స్‌, ఈ– సాక్ష్యా ఆన్‌లైన్‌ ఇన్వెస్టిగేషన్‌ రిపోర్ట్స్‌, టీజీ–కాప్‌ తదితర పోలీసింగ్‌ వ్యవస్థల అమలుపై సిబ్బందిని అడిగి తెలుసుకున్నారు. రౌటీ షీట్లు, సస్పెక్ట్‌ షీట్లు, గంజాయి నేరస్తులు , సీసీటీవీ సర్వేలైన్స్‌ తదితర అంశాలకు సబంధించిన రికార్డులను పరిశీలించారు. పోలీస్‌ స్టేషన్‌ పరిధిలో తరచూ రోడ్డు ప్రమాదాలు జరిగే ప్రాంతాలను గుర్తించి నివారణ చర్యలు తీసుకోవాలని ఆదేశించారు. మహిళలు, చిన్నారులకు సంబంధించిన ఫిర్యాదులపై స్పందనతోపాటు నిరంతరం పర్యవేక్షణ ఉండేలా చర్యలు తీసుకోవాలన్నారు. గుడుంబా, గంజాయిపై ప్రత్యేక నిఘా, డ్రంకెన్‌ డ్రైవ్‌లు నిర్వహించి నిబంధనలు ఉల్లంఘించే వారిపై చట్టపరమైన చర్యలు తీసుకోవాలని తెలిపారు. అక్రమ రవాణాపై నిఘా కొనసాగించాలని తెలిపారు. గంజాయి వినియోగం, విక్రాయలు, రవాణాకు పాల్పడే వారిపై నిఘా పెంచాలన్నారు. యువతను మాదకద్రవ్యాలకు దూరంగా ఉంచేందుకు గ్రామాలు, విద్యా సంస్థల్లో విస్తృత అవగాహన కల్పించాలన్నారు. పెండింగ్‌ కేసుల దర్యాప్తు వేగం పెంచాలని వివరించారు.

మహబూబాబాద్‌: ప్రజావాణిలో స్వీకరించిన వినతులు వెంటనే పరిష్కరించాలని కలెక్టర్‌ స్నేహశబరీష్‌ అధికారులను ఆదేశించారు. కలెక్టరేట్‌లోని ప్రధాన సమావేశ మందిరంలో సోమవారం ప్రజావాణి కార్యక్రమం నిర్వహించగా కలెక్టర్‌ స్వయంగా వినతులు స్వీకరించారు. ఈసందర్బంగా ఆమె మాట్లాడుతూ.. ప్రజావాణిలో స్వీకరించిన ప్రతీ అర్జీని సంబంధిత శాఖల అధికారులు పరిష్కరించే విధంగా చర్యలు చేపట్టాలన్నారు. ప్రభుత్వ ఉద్యోగులు, అవుట్‌ సోర్సింగ్‌, కాంట్రాక్ట్‌ ఉద్యోగులందరూ ఆన్‌లైన్‌ ముఖచిత్ర హాజరు నమోదు చేసుకోవాలన్నారు. గురుకుల హాస్టళ్లు, ప్రభుత్వ వసతి గృహాల్లో మౌలిక వసతుల కల్పనకు కావాల్సిన ప్రతిపాదనలు సత్వరమే అందజేయాలన్నారు. గ్రాడ్యుయేట్‌ ఎమ్మెల్సీ ఎన్నికల్లో భాగంగా పట్టభద్రులు ఓటరుగా నమోదు చేసుకోవాలన్నారు. కాగా ప్రజావాణిలో 93 వినతులు వచ్చినట్లు అధికారులు తెలిపారు. కార్యక్రమంలో అదనపు కలెక్టర్‌ అనిల్‌కుమార్‌, ఇన్‌చార్జ్‌ అదనపు కలెక్టర్‌ పురుషోత్తం, డీఆర్వో నాగలక్ష్మి, జిల్లాస్థాయి అధికారులు పాల్గొన్నారు. వచ్చిన వినతుల్లో కొన్ని.. కేజీబీవీ ఉద్యోగులను ఇబ్బందులకు గురిచేస్తున్న జీసీడీఓ గాయత్రిని వెంటనే సస్పెండ్‌ చేయాలని కోరుతూ ఎస్‌ఎఫ్‌ఐ జిల్లా కార్యదర్శి మధు, నాయకులు అమీర్‌, నవీన్‌, సాయికుమార్‌ ప్రజావాణిలో వినతిపత్రం అందజేశారు. కాంగ్రెస్‌ ప్రభుత్వం ఇచ్చిన హామీలు అమలు చేయాలని అదనపు కలెక్టర్‌ అనిల్‌కుమార్‌కు బీజేపీ ఆధ్వర్యంలో వినతిపత్రం అందజేశారు. నాయకులు ఎల్ది మల్లయ్య, శ్యాంసుందర్‌శర్మ, రేష్మా, ప్రతాప్‌రెడ్డి, రవినాయక్‌ తదితరులు పాల్గొన్నారు తొర్రూరు మండలం వెలికట్టె గ్రామపంచాయతీ కార్యదర్శిపై చర్యలు తీసుకోవాలని పలువురు వార్డు సభ్యులు వినతి పత్రం అందజేశారు. కలెక్టర్‌ స్నేహశబరీష్‌

పింఛన్‌ వస్తుందో రాదో అని అర్హుల ఆందోళన సాక్షి, మహబూబాబాద్‌: జిల్లాలో అర్హులు చేయూత పింఛన్‌ల కోసం దరఖాస్తు చేసుకున్నారు. కాగా, అధికారులు అర్హుల జాబితాలో పేర్లు వచ్చిన వారి ఇంటికి వెళ్లి సర్టిఫికెట్లు పరిశీలిస్తున్నారు. ఈ క్రమంలో అన్ని అర్హతలు ఉన్నవారిని కూడా ఇబ్బందులు పెడుతున్నట్లు సమాచారం. విచారణకు వచ్చే అధికారుల్లో కొందరు సర్టిఫికెట్లు చూసి ఇవి పనికి రావని, మీరు పింఛన్‌కు అర్హులు కాదని చెబుతుండడంతో అన్ని అర్హతలు ఉన్న దరఖాస్తుదారులు ఆందోళన వ్యక్తం చేస్తున్నారు. దివ్యాంగుల్లో ఉత్కంఠ చేయూత పింఛన్‌ దరఖాస్తుల పరిశీలన ఈనెల 30 వరకు ముగియనుంది. కాగా, ప్రభుత్వం జారీ చేసిన దివ్యాంగ సర్టిఫికెట్‌ కాలపరిమితి ముగిసిన వారు ఉన్నారు. అయితే ఆ సర్టిఫికెట్‌లతోనే పలువురు దివ్యాంగులు చేయూత పింఛన్‌ మంజూరు కోసం దరఖాస్తు చేసుకున్నారు. ప్రస్తుతం అధికారులు వారి ఇంటికి వచ్చి విచారణ చేస్తున్నారు. ఈ క్రమంలో దివ్యాంగ సర్టిఫికెట్‌ కాలపరిమితి ముగిసిందని, రెన్యూవల్‌ చేసుకుంటేనే పింఛన్‌ వస్తుందని అధికారులు చెప్పి వెళ్లిపోయారు. కాగా, రెన్యూవల్‌ కోసం ఽఆన్‌లైన్‌లో దరఖాస్తు చేసుకోవడం, అధికారులు సదరం క్యాంపు పెట్టడం, తర్వాత సర్టిఫికెట్‌ జారీ చేయడం వంటి ప్రక్రియ పూర్తి అయ్యేవరకు సుమారు 20రోజులకు పైగా పడుతుంది. ఈనెల 30వరకు విచారణ గడువు ముగుస్తుంది. ఆలోపు సర్టిఫికెట్‌ రాదని, దీంతో తమ పింఛన్‌ పోతుందని దివ్యాంగులు ఆందోళన చెందుతున్నారు. దివ్యాంగులకు త్వరగా క్యాంపులు పెట్టడం, అర్హులైన వారికి సర్టిఫికెట్‌ ఇచ్చేవరకు అవకాశం కల్పించాలని కోరుతున్నారు. పైలేరియా బాధితుల్లో ఆందోళన.. చేయూత పింఛన్‌ దరఖాస్తులతో పాటు, పైలేరియా బాధితుల నుంచి కూడా దరఖాస్తులు తీసుకున్నారు. కాగా, సదరు డాక్టర్‌ సర్టిఫికెట్‌తో పాటు, జిల్లా వైద్యాధికారి కార్యాలయంలో ప్రత్యేక పరిశీలన కేంద్రం ఏర్పాటు చేసి అక్కడికి వచ్చిన బాధితులను పరిశీలించారు. ఆన్‌లైన్‌లో నమోదు చేశారు. ఇలా జిల్లాలో 1,320 మేరకు దరఖాస్తులు వచ్చాయి. అయితే గ్రామాల్లో చేయూత పింఛన్‌ మంజూరు కోసం విచారణ అధికారులు ఇంటింటికీ రావడంతో.. తాము చేసుకున్న దరఖాస్తు ఏమైందని.. తమ వద్దకు విచారణ అధికారులు రావడం లేదని పైలేరియా బాధితులు ఆందోళన చెందుతున్నారు. అయితే డాక్టర్‌ పరిశీలన పూర్తి అయ్యిందని, నేరుగా పింఛన్‌ మంజూరు అవుతుందని కొందరు చెబుతుండగా.. విచారణకు ఇంటికి వస్తారని మరికొందరు చెబుతున్నారు. దీంతో చివరకు పింఛన్‌ వస్తుందా రాదా అని పైలేరియా బాధితులు ఆందోళన వ్యక్తం చేస్తున్నారు. దరఖాస్తుదారుల సర్టిఫికెట్లు పరిశీలిస్తున్న అధికారులు ధ్రువపత్రాలపై అనుమానం వ్యక్తం చేస్తున్న వైనం చిన్నచిన్న తప్పులు సరిచేయకుండా తిరస్కరణఆందోళన అవసరం లేదుఅర్హులైన లబ్ధిదారులందరికీ పింఛన్‌ మంజూరు చేస్తారు. దరఖాస్తుతో ఇచ్చిన సర్టిఫికెట్ల పరిశీలన, వాస్తవ పరిస్థితి తెలుసుకునేందుకు అధికారులు నేరుగా లబ్ధిదారుడి ఇంటికి వెళ్తున్నారు. ప్రభుత్వం నుంచి వచ్చిన 360 డిగ్రీల యాప్‌ ద్వారా దరఖాస్తుదారుల ఆర్థిక, ఆస్తుల వివరాలు తెలుస్తాయి. అయితే ఇందులో తప్పులు ఉంటే.. వాటిని తిరస్కరించకుండా హోల్డ్‌లో పెట్టమని చెప్పాం. మరోసారి వాటిని పరిశీలించి అర్హులైతే పింఛన్‌ మంజూరు చేస్తారు. – మధుసూదన్‌ రాజు, జిల్లా గ్రామీణాభివృద్ధి అధికారి

వీసీలో సీఎస్‌ సంజయ్‌ జాజు మహబూబాబాద్‌: రెసిడెన్షియల్‌ విద్యాసంస్థల్లో విద్యార్థుల భద్రతకు అత్యంత ప్రాధాన్యం ఇవ్వాలని రాష్ట్ర ప్రభుత్వ ప్రధాన కార్యదర్శి సంజయ్‌ జాజు ఆదేశించారు. హైదరాబాద్‌ నుంచి సోమవారం ఆయన రెసిడెన్షియల్‌ విద్యాసంస్థల నిర్వహణపై అన్ని జిల్లాల కలెక్టర్‌లతో వీడియో కాన్ఫరెన్స్‌ నిర్వహించి సమీక్షించారు. ఈసందర్భంగా సీఎస్‌ సంజయ్‌జాజు మాట్లాడుతూ.. కలెక్టర్లు రెసిడెన్షియల్‌ విద్యాసంస్థలను ఆకస్మికంగా తనిఖీలు నిర్వహించి క్షేత్రస్థాయి పరిస్థితులను పరిశీలించాలన్నారు. ఆహారం, శానిటేషన్‌, మౌలిక వసతులు, ఉపాధ్యాయులు, విద్యార్థుల హాజరుశాతంపై ప్రత్యేక దృష్టి సారించాలన్నారు. ఫుడ్‌ పాయిజన్‌, ఎలుకలు, పాముకాటు ఘటనలు పునరావృతం కాకుండా పటిష్ట చర్యలు చేపట్టాలని ఆదేశించారు. శీతాకాలం దృష్ట్యా వెచ్చని నీరు, దుప్పట్లు ముందుగానే అందుబాటులో ఉంచాలన్నారు. దసరా నాటికి ప్రతీ విద్యార్థికి రెండు జతల యూనిఫామ్‌లు అందేలా చూడాలన్నారు. డ్యాష్‌ బోర్డు, ఇంటిగ్రేటెడ్‌ పోర్టల్‌లో వివరాలు ఎప్పటికప్పుడు నవీకరించాలన్నారు. వీసీలో కలెక్టర్‌ స్నేహశబరీష్‌, ఇన్‌చార్జ్‌ అదనపు కలెక్టక్‌ పురుషోత్తం, సంబంధిత అఽధికారులు పాల్గొన్నారు. ఫార్మర్‌ రిజిస్ట్రేషన్‌ చేసుకోవాలిమహబూబాబాద్‌ రూరల్‌ : రైతులు తప్పనిసరిగా ఫార్మర్‌ రిజిస్ట్రేషన్‌ చేసుకోవాలని జిల్లా వ్యవసాయ అధికారి విజయచంద్ర అన్నారు. మహబూబాబాద్‌ మున్సిపాలిటీ పరిధిలోని బేతోలు గ్రామంలో ఫార్మర్‌ రిజిస్ట్రేషన్‌ ప్రక్రి య కార్యక్రమాన్ని డీఏఓ సోమవారం సందర్శించి పరిశీలించారు. ఈ సందర్భంగా ఆయన మాట్లాడుతూ.. ఎరువుల బుకింగ్‌, పంట కొనుగోలు, పనిముట్లు, విత్తనాలు సబ్సిడీ, పంట రుణాలు పొందాలంటే భూమి కలిగిన ప్రతీ రైతు తప్పనిసరిగా రైతు రిజిస్ట్రీ చేసుకోవాలని సూచించారు. ఇప్పటివరకు నమోదు చేయించుకోని రైతులు వెంటనే ఈ నెల 30వ తేదీ లోగా రిజిస్ట్రేషన్‌ చేసుకోవాలని తెలిపారు. కార్యక్రమంలో మహబూబాబాద్‌ మండల వ్యవసాయ అధికారి తిరుపతిరెడ్డి, మల్యాల క్లస్టర్‌ ఏఈఓ బిట్ల సరిత, రైతులు పాల్గొన్నారు. క్రీడలను ప్రోత్సహిస్తున్న కాంగ్రెస్‌ ప్రభుత్వంమహబూబాబాద్‌ అర్బన్‌ : కాంగ్రెస్‌ ప్రభుత్వం క్రీడలతో పాటు క్రీడాకారులను ప్రోత్సహిస్తోందని ప్రభుత్వ విప్‌ జాటోతు రాంచంద్రునాయక్‌ అన్నారు. జిల్లా కేంద్రంలోని ఎన్టీఆర్‌ స్టేడియంలో సోమవారం ఇన్‌చార్జ్‌ డీఈఓ మందుల శ్రీరాములు అధ్యక్షతను ఎస్‌జీఎఫ్‌ జిల్లాస్థాయి క్రీడలు నిర్వహించారు. ప్రభుత్వ విప్‌ హాజరై మాట్లాడారు. యువత క్రీడల్లో రాణించి ప్రభుత్వ ఉద్యోగాలు సాధించవచ్చన్నారు. నవంబర్‌లో హైదరాబాద్‌లో ఖేలో ఇండియా యూత్‌ క్రీడలు నిర్వహించడానికి అన్ని ఏర్పాట్లు జరుగుతున్నాయని, క్రీడాకారులు అత్యంత ప్రతిభ కనబరించి జాతీయస్థాయిలో రాణించాలన్నారు. అనంతరం ఎమ్మెల్సీ రవీందర్‌రావు, మున్సిపల్‌ చైర్‌పర్సన్‌ జ్యోతి క్రీడలను ప్రారంభించారు. ఎస్‌జీఎఫ్‌ జిల్లా కార్యదర్శి వాసిరెడ్డి ప్రవీణ్‌రెడ్డి, కౌన్సిలర్‌ కాట భాస్కర్‌, డీఎస్పీ తిరుపతిరావు, జిల్లా క్రీడలశాఖ అధికారి ఓలేటి జ్యోతి, పోషకులు జిన్నారెడ్డి వెంకటేశ్వర్లు పద్మ, ఫిజికల్‌ డైరెక్టర్‌ డాక్టర్‌ కొమ్ము రాజేందర్‌, పీఈటీలు శంకర్‌ నాయక్‌, చాంప్లనాయక్‌, నాగిరెడ్డి, వెంకటేశ్వర్లు, కాశీ నాథ్‌, కమల్‌కిషోర్‌, భిక్షపతి, నాగేశ్వర్‌, సురేందర్‌ తదితరులు పాల్గొన్నారు. దివ్యాంగులకు ట్యాబ్‌ల పంపిణీమహబూబాబాద్‌: కలెక్టరేట్‌లోని జిల్లా సంక్షేమశాఖ కార్యాలయంలో సోమవారం డోర్నకల్‌ నియోజకవర్గానికి చెందిన పలువురు దివ్యాంగులకు బ్యాటరీ ట్రైసైకిళ్లు, ట్యాబ్‌లను ప్రభుత్వ విప్‌ రాంచంద్రునాయక్‌ పంపిణీ చేశారు. ఇన్‌చార్జ్‌ డీడబ్ల్యూఓ శిరీష, మరిపెడ మున్సిపల్‌ చైర్‌పర్సన్‌ ప్రగతిరెడ్డి, మార్కెట్‌ కమిటీ చైర్మన్‌ సుధాకర్‌ పాల్గొన్నారు. శివలింగాన్ని తాకిన సూర్యకిరణాలు గూడూరు: మండల కేంద్రంలోని సనాతన శివాల యం గర్భగుడిలో శివలింగాన్ని సోమవారం ఉద యం 6.15నుంచి 6.25గంటల వరకు సూర్యకిరణాలు తాకాయి. ప్రతీ సంవత్సరం ఉత్తరాయణ, దక్షిణాయణ పుణ్యకాలంలో శివలింగాన్ని సూర్యకిరణాలు తప్పకుండా తాకుతాయి.

మహబూబాబాదద్‌ అర్బన్‌: జిల్లాలోని ఎస్సీ, ఎస్టీ, బీసీ, మైనార్టీ గురుకుల పాఠశాలల టీచర్స్‌ అసోసియేషన్‌ జిల్లా కమిటీని ఎన్నుకున్నట్లు ఆ సంఘం రాష్ట్ర ఉపాధ్యక్షుడు వేమిరెడ్డి దిలీప్‌కుమార్‌రెడ్డి అన్నారు. సోమవారం జిల్లా కేంద్రంలోని మైనార్టీ గురుకుల పాఠశాలలో వివిధ గురుకులాల టీచర్లతో సమావేశం నిర్వహించారు. ఈమేరకు జిల్లా అధ్యక్షుడిగా సపావత్‌ వికాస్‌, ప్రధాన కార్యదర్శిగా జె.శ్రీనివాస్‌, ఉపాధ్యక్షురాలిగా నాజియాతసీం, అసోసియేషన్‌ అధ్యక్షురాలిగా ఎస్‌.లత, కార్యదర్శిగా పి.మౌనికను ఎన్నుకున్నారు. కార్యక్రమంలో రాష్ట్ర నాయకులు గుర్రం రమేశ్‌గౌడ్‌, నిర్మలానందం, కమటం నాగేశ్వర్‌రావు, పోనుగోటి విజయ్‌, సంజీవరెడ్డి, నరసింహ తదితరులు పాల్గొన్నారు.

మహబూబాబాద్‌: ప్రధాన ఎన్నికల కమిషనర్‌(సీఈసీ) జ్ఞానేశ్‌కుమార్‌ను వెంటనే విధుల నుంచి తొలగించాలని డీసీసీ అధ్యక్షురాలు భూక్య ఉమ డిమాండ్‌ చేశారు. ఏఐసీసీ పిలుపు మేరకు కాంగ్రెస్‌ పార్టీ జిల్లా కమిటీ ఆధ్వర్యంలో సోమవారం స్థానిక తహసీల్దార్‌ కార్యాలయం నుంచి కలెక్టరేట్‌ వరకు బైక్‌ ర్యాలీ నిర్వహించారు. అనంతరం కలెక్టరేట్‌ ఎదుట ధర్నా నిర్వహించి జ్ఞానేశ్‌కుమార్‌ దిష్టి బొమ్మను దహనం చేశారు. ఈసందర్భంగా డీసీసీ అద్యక్షురాలు మాట్లాడుతూ.. దళితులు, మైనా ర్టీలు, గిరిజనుల ఓట్ల తొలగింపునకు ప్రధాని మో దీ, కేంద్ర హోంశాఖ మంత్రి అమిత్‌ షా కుట్ర చేస్తున్నారని ఆవేదన వ్యక్తం చేశారు. ఎస్‌ఐఆర్‌(సర్‌) పేరుతో ఓట్లను తొలగించడం సరికాదన్నారు. ప్ర జాస్వామ్యంలో ఓటు బ్రహ్మాస్త్రం లాంటిందన్నారు. రాజ్యాంగాన్ని, ప్రజాస్వామ్యాన్ని రక్షించుకోవాలన్నారు. ఓటు హక్కును కాపాడుకోవాలని, అందుకోసం ఉద్యమించాలని పిలుపునిచ్చారు. మోదీ, అమిత్‌ షా కుట్రలను తిప్పి కొట్టాలన్నారు. కార్యక్రమంలో నాయకులు బి. శ్రీనివాస్‌, యాదవరెడ్డి, చలమల నారాయణ, రామగోని రాజు, నీరుటి లక్ష్మీనారాయణ, ఎడ్ల రమేశ్‌, గిరిధర్‌గుప్తా, ఖలీల్‌, తిప్పర్తి శ్రధర్‌, వెంకట్‌, రవికుమార్‌, దిలీప్‌, రాజు, బాస్కర్‌, జ్ఞానేశ్వర్‌, నాళ్ల నర్సింహరావు, శ్రీనివాస్‌ తదితరులు పాల్గొన్నారు. డీసీసీ అధ్యక్షురాలు భూక్య ఉమ కాంగ్రెస్‌ ఆధ్వర్యంలో ర్యాలీ, ధర్నా

న్యూశాయంపేట : రాష్ట్రంలో మైనార్టీ వర్గాల హక్కుల పరిరక్షణ, ఆర్థిక, సామాజిక, రాజకీయ పురోగతి కోసం ఐక్యపోరాటాలే శరణ్యమని తెలంగాణ స్టేట్‌ మైనార్టీ హక్కుల పోరాట సమితి రాష్ట్ర అధ్యక్షుడు మహ్మద్‌ అబ్దుల్‌ వాహబ్‌ అన్నారు. ఆదివారం హనుమకొండ ములుగు రోడ్డులోని ముస్లిం కమ్యూనిటీ సెంటర్‌లో హక్కుల పోరాట సమితి హనుమకొండ, వరంగల్‌ జిల్లాల అధ్యక్షులు మహ్మద్‌ మోహిబుద్దీన్‌, మహ్మద్‌ హామీద్‌ షరీఫ్‌ల అధ్యక్షతన ‘మైనార్టీల ప్రధాన సమస్యలు–పరిష్కార మార్గాలు’ అనే అంశంపై నిర్వహించిన రౌండ్‌ టేబుల్‌ సమావేశంలో ఆయన ముఖ్యఅతిథిగా పాల్గొని మాట్లాడారు. మైనార్టీల సంక్షేమానికి బడ్జెట్‌లో కేటాయిస్తున్న నిధులను కేవలం కాగితాలకే పరిమితం చేయకుండా పూర్తి స్థాయిలో విడుదల చేసి ఖర్చు చేయాలని డిమాండ్‌ చేశారు. అనంతరం ఉమ్మడి వరంగల్‌ జిల్లా మైనార్టీ జాయింట్‌ యాక్షన్‌ కమిటీ(జేఏసీ)ని ఏకగ్రీవంగా ఎన్నుకున్నారు. చైర్మన్‌గా మహ్మద్‌ అబ్దుల్‌ ఖలీఖ్‌ తన్వీర్‌, గ్రేటర్‌ వరంగల్‌ సిటీ అధ్యక్షుడిగా మహ్మద్‌ ఖాదర్‌వలీతో పాటు మరో 21మంది కోచైర్మన్లతో కమిటీని రాష్ట్ర అధ్యక్షుడు ప్రకటించారు. కాంగ్రెస్‌ పార్టీ వరంగల్‌ జిల్లా అధ్యక్షుడు మహ్మద్‌ అయూబ్‌, బీఆర్‌ఎస్‌ సీనియర్‌ నాయకులు సయ్యద్‌ మసూద్‌, డాక్టర్‌ రాజ్‌మహ్మద్‌, సిరాజ్‌ అహ్మద్‌, తాజుద్దీన్‌, నయీముద్దీన్‌, మహ్మద్‌ అలీ తదితరులు పాల్గొన్నారు. టీఎస్‌ఎంహెచ్‌పీఎస్‌ రాష్ట్ర అధ్యక్షుడు అబ్దుల్‌ వాహబ్‌ వరంగల్‌ ఉమ్మడి జిల్లా జేఏసీ ఎన్నిక

కేయూ క్యాంపస్‌ : కాకతీయ యూనివర్సిటీ పరిధిలో ఉమ్మడి వరంగల్‌, ఖమ్మం, ఆదిలాబాద్‌ జిల్లాల్లో ఈనెల 28,30 తేదీల్లో నిర్వహించాల్సిన దూరవిద్య (ఎస్‌డీఎల్‌సీ) పీజీ మూడో సెమిస్టర్‌ పరీక్షలు వాయిదా వేసినట్లు కేయూ పరీక్షల నియంత్రణాధికారి కె. రాజేందర్‌ ఆదివారం తెలిపారు. ‘సెట్‌’ నేపథ్యంలో ఆయా పరీక్షలను వాయిదావేశామని చెప్పారు. మిగతా అన్ని పరీక్షలు టైంటేబుల్‌ ప్రకారం యథావిఽధిగా కొనసాగుతాయని పేర్కొన్నారు. వాయిదాపడిన ఆయా పరీక్షలను ఎప్పుడు నిర్వహించేది తర్వాత ప్రకటిస్తామని తెలిపారు. రోడ్డు ప్రమాదంలో జీపీ ఎలక్ట్రీషియన్‌ మృతి నర్మెట: రోడ్డు ప్రమాదంలో నర్మెట గ్రామ పంచాయతీ (ఎంపీడబ్ల్యూ) ఎలక్ట్రీషియన్‌ గాదెర రత్నం (57) మృతి చెందాడు. పోలీసుల కథనం ప్రకారం.. నిడిగొండకు చెందిన చేరుపల్లి దేవానందరావు కుమారుడు దినేశ్‌ (మైనర్‌) ఆదివారం తనసోదరితో కలిసి బైక్‌పై చిల్పూరు మండలం శ్రీపతిపల్లిలోని బంధువుల ఇంటికి వెళ్తున్నాడు. ఈ క్రమంలో రత్నం బైక్‌పై మండల కేంద్రానికి వస్తున్నాడు. ఈ సమయంలో రెండు బైక్‌లు ఎదురుగా ఢీకొనడంతో రత్నానికి తీవ్ర గాయాలయ్యాయి. దీంతో స్థానికులు వెంటనే జనగామకు తరలిస్తున్న క్రమంలో మృతిచెందాడు. ఈ ఘటనపై మృతుడి కుమారుడు కిరణ్‌ ఫిర్యాదు మేర కేసు నమోదు చేసి దర్యాప్తు చేస్తున్నట్లు ఎస్సై నైనాల నగేశ్‌ తెలిపారు. సీఏఎస్‌ ఆర్‌ఎంఓ పోస్టులకు దరఖాస్తుల ఆహ్వానం కాశిబుగ్గ: వైద్య విద్యా సంచాలకులు (డైరెక్టర్‌ ఆఫ్‌ మెడికల్‌ ఎడ్యుకేషన్‌) హైదరాబాద్‌ నియంత్రణలో కాకతీయ మెడికల్‌ కాలేజీ(కేఎంసీ)లో నాలుగు సీఏఎస్‌ ఆర్‌ఎంఓ పోస్టులకు దరఖాస్తులు స్వీకరిస్తున్నట్లు ప్రిన్సిపాల్‌ మోహన్‌దాస్‌ ఆదివారం ఒక ప్రకటనలో తెలిపారు. పూర్తిగా తాత్కాలిక ప్రాతిపదికన కాంట్రాక్టు పద్ధతిలో మార్చి 31, 2027 వరకు లేదా అవసరం ముగిసేవరకు, లేదా రెగ్యులర్‌ పోస్టులు భర్తీ అయ్యే వరకు ఎంపికై న వైద్యులకు అవకాశం ఉంటుందని పేర్కొన్నారు. ఈ పోస్టులకు ఈనెల 29 నుంచి 31వ తేదీ వరకు దరఖాస్తులు స్వీకరిస్తామన్నారు. అక్టోబర్‌ 5న తాత్కాలిక జాబితా ప్రకటన, 6 నుంచి 7 వరకు అభ్యంతరాలు ప్రకటన, స్వీకరణ, అనంతరం ఎంపిక ప్రక్రియ వివరాలను వెబ్‌ సైట్‌లో ప్రకటిస్తామని ఆయన వివరించారు. పూర్తి వివరాలను www.kmcwgl.com. వెబ్‌సైట్‌లో తెలుసుకోవాలని సూచించారు. రైతు ఆత్మహత్య బచ్చన్నపేట : ఓ రైతు ఆత్మహత్యకు పాల్పడ్డాడు. ఈ ఘటన ఆదివారం జనగామ జిల్లా బచ్చన్నపేటలో చోటు చేసుకుంది. కుటుంబ సభ్యుల కథనం ప్రకారం.. మండల కేంద్రానికి చెందిన పెద్ద చిటి దుర్గారెడ్డి (57) వ్యవసాయ చేసుకుంటూ జీవనం కొనసాగిస్తున్నాడు. ఈక్రమంలో ఏమైందో తెలియదు కానీ పోచన్నపేట రోడ్డులో ఓ చెట్టుకు ఉరేసుకుని ఆత్మహత్యకు పాల్పడ్డాడు. గమనించిన చుట్టు పక్కల రైతుల సమాచారం మేరకు కుటుంబ సభ్యులు ఘటనాస్థలికి చేరుకుని చూడగా దుర్గారెడ్డి అప్పటికే చనిపోయాడు. మృతుడికి భార్య లక్ష్మి, కుమారుడు, కూతురు ఉన్నారు. ఎస్సై శ్రీకాంత్‌ ఘటనాస్థలికి చేరుకుని మృతదేహాన్ని పోస్టుమార్టం నిమిత్తం బచ్చన్నపేట ఏరియా ఆస్పత్రికి తరలించారు. కాగా, దుర్గారెడ్డి ఆత్మహత్యకు గల కారణాలు తెలియాల్సి ఉందని ఎస్సై తెలిపారు.

సభ్యుల సమష్టి కృషి, క్రమశిక్షణ, అంకితభావం, నమ్మకంతోనే ముల్కనూరు సొసైటీ ఇంతటి అభివృద్ధి సాధించింది. రైతుల సంక్షేమమే మా ప్రధాన లక్ష్యం. రైతుకు విత్తనం నుంచి పంట మార్కెటింగ్‌ వరకు అన్ని దశల్లో అండగా ఉండేలా సేవలను విస్తరిస్తున్నాం. భవిష్యత్‌లోనూ రైతు కుటుంబాల ఆర్థిక, సామాజిక అభివృద్ధికి మరిన్ని సంక్షేమ పథకాలు అమలు చేస్తాం అని తెలిపారు. వ్యవస్థాపక అధ్యక్షులు విశ్వనాథ రెడ్డి కలలుగన్న రైతే రాజు నానుడిని నిజం చేస్తున్నాం. – అలిగిరెడ్డి ప్రవీణ్‌రెడ్డి, సొసైటీ అధ్యక్షుడు

సాక్షిప్రతినిధి, వరంగల్‌ : విద్యార్థి ఉద్యమాల చరి త్రకు సాక్షిగా నిలిచిన హనుమకొండ మరో కీలక ఘట్టానికి వేదిక కానుంది. అఖిల భారత విద్యార్థి సమాఖ్య (ఏఐఎస్‌ఎఫ్‌) 90 ఏళ్ల ఉద్యమ ప్రస్థానాన్ని పురస్కరించుకుని నిర్వహిస్తున్న తెలంగాణ రాష్ట్ర స్థాయి వార్షికోత్సవాలకు నగరం ముస్తాబైంది. సోమవారం నుంచి బుధవారం వరకు మూడు రోజులపాటు జరిగే ఈ వేడుకల్లో విద్యార్థుల భారీ ప్రదర్శన, బహిరంగ సభ, మాజీ విద్యార్థి నాయకుల సమ్మేళనం, విద్యారంగంపై సెమినార్‌, రాష్ట్ర ప్రతినిధుల సభ నిర్వహించనున్నారు. రాష్ట్రవ్యాప్తంగా వివిధ జిల్లాల నుంచి విద్యార్థి ప్రతినిధులు, నాయకులు తరలిరానుండడంతో నిర్వాహకులు ఏర్పాట్లు పూర్తి చేశారు. కేయూ ఆడిటోరియంలో బహిరంగ సభ.. వార్షికోత్సవాల్లో భాగంగా తొలిరోజు సోమవారం హనుమకొండలో భారీ విద్యార్థి ప్రదర్శన నిర్వహించనున్నారు. పబ్లిక్‌ గార్డెన్‌ నుంచి కాకతీయ యూనివర్సిటీ వరకు ప్రదర్శన కొనసాగనుంది. అనంతరం కేయూ ఆడిటోరియంలో బహిరంగ స భ నిర్వహిస్తారు. ఈ సభకు సీపీఐ రాష్ట్ర కార్యదర్శి, ఎమ్మెల్యే కూనంనేని సాంబశివరావు, ఏఐఎస్‌ఎఫ్‌ జాతీయ ప్రధాన కార్యదర్శి దినేశ్‌ సిరంగి రాజన్‌, జాతీయ మాజీ అధ్యక్షుడు తక్కళ్లపల్లి శ్రీనివాసరా వు, ఎమ్మెల్సీ నెల్లికంటి సత్యం హాజరుకానున్నారు. రేపు మాజీ నాయకుల సమ్మేళనం.. రెండో రోజు మంగళవారం కాజీపేటలోని బాల వికాస కేంద్రంలో ఏఐఎస్‌ఎఫ్‌ మాజీ ముఖ్య నాయకుల సమ్మేళనం నిర్వహించనున్నారు. మాజీ ఎంపీ బోయినపల్లి వినోద్‌కుమార్‌, సీపీఐ జాతీయ కార్యదర్శి, మాజీ ఎమ్మెల్యే పల్లా వెంకటరెడ్డి, మాజీ ఎంపీ సయ్యద్‌ అజీజ్‌ పాషా తదితరులు పాల్గొననున్నారు. ఏఐఎస్‌ఎఫ్‌లో పనిచేసి వివిధ రంగాల్లో స్థిరపడిన మాజీ నాయకులను ఈ సందర్భంగా ఘనంగా సన్మానించనున్నారు. విద్యార్థి దశలో ఉద్యమాల్లో పాల్గొని అనంతరం రాజకీయాలు, న్యాయ, వైద్య, సాంకేతిక తదితర రంగాల్లో రాణిస్తున్న పూర్వ నాయకులు ఒకే వేదికపైకి రానుండడం ఈ సమ్మేళనానికి ప్రత్యేకతగా నిలవనుంది. విద్యారంగ సవాళ్లపై చర్చ.. విద్యారంగం ఎదుర్కొంటున్న సవాళ్లపై ప్రత్యేక సె మినార్‌ నిర్వహించనున్నారు. ప్రముఖ విశ్లేషకులు మల్లేపల్లి లక్ష్మయ్య, కేయూ వీసీ కె. ప్రతాప్‌రెడ్డి, రి టైర్డ్‌ ప్రొఫెసర్‌ మార్క శంకర్‌ నారాయణ తదితరులు పాల్గొంటారు. ప్రస్తుత విద్యావ్యవస్థలో నెలకొన్న సమస్యలు, విద్యార్థులు ఎదుర్కొంటున్న స వా ళ్లు, విద్యారంగంలో చేపట్టాల్సిన మార్పులపై చ ర్చించనున్నారు. వేడుకల్లో చివరి రోజైన బుధవా రం కాజీపేట బాలవికాస కేంద్రంలో రాష్ట్ర ప్రతిని ధుల సభ నిర్వహిస్తారు. రాష్ట్రవ్యాప్తంగా వచ్చిన ప్రతినిధులు విద్యారంగ సమస్యలపై చర్చించి పరిష్కారానికి కార్యాచరణ రూపొందించనున్నారు. రాష్ట్రవ్యాప్తంగా తరలివస్తున్న ప్రతినిధులు.. ఏఐఎస్‌ఎఫ్‌ 90వ వార్షికోత్సవాల నిర్వహణ కోసం రాష్ట్ర, జిల్లా నాయకులు కొన్ని రోజులుగా ఏర్పాట్లు చేస్తున్నారు. రాష్ట్ర అధ్యక్షుడు కసిరెడ్డి మణికంఠరెడ్డి, కార్యదర్శి పుట్టా లక్ష్మణ్‌, తెలంగాణ రాష్ట్ర యూనివర్సిటీల ఇన్‌చార్జ్‌ రహమాన్‌ తదితరులు ఏర్పాట్లను పర్యవేక్షిస్తున్నారు. రాష్ట్రవ్యాప్తంగా విద్యార్థి నాయకులు, ప్రతినిధులు హాజరుకానున్న నేపథ్యంలో 28, 29,30 తేదీల్లో మూడు రోజులపాటు హనుమకొండలో విద్యార్థి ఉద్యమ సందడి నెలకొననుంది.స్వాతంత్య్రోద్యమ కాలం నుంచి పోరాట ప్రస్థానంఅఖిల భారత విద్యార్థి సమాఖ్య 1936లో ఏర్పాటై దేశ విద్యార్థి ఉద్యమ చరిత్రలో ప్రత్యేక స్థానాన్ని సంపాదించుకుంది. స్వాతంత్య్రోద్యమ కాలం నుంచి విద్యార్థుల హక్కులు, విద్యారంగ సమస్యలపై ఉద్యమాలు చేపట్టిన సంస్థగా గుర్తింపు పొందింది. తొమ్మిది దశాబ్దాల ప్రస్థానాన్ని పురస్కరించుకుని నిర్వహిస్తున్న ఈ వేడుకలు విద్యార్థి ఉద్యమ గతాన్ని గుర్తుచేసుకోవడంతోపాటు, ప్రస్తుత విద్యారంగ సమస్యలపై చర్చించి భవిష్యత్‌ కార్యాచరణ రూపొందించేందుకు వేదిక కానున్నాయి.9 దశాబ్దాల పోరాటం.. నేటినుంచి మూడు రోజుల పండుగ పబ్లిక్‌ గార్డెన్‌ నుంచి కేయూ వరకు భారీ విద్యార్థి ప్రదర్శన ప్రారంభ సభకు ఎమ్మెల్యే కూనంనేని సాంబశివరావు, జాతీయ, రాష్ట్ర నాయకులు

● టీజీ ఎన్పీడీసీఎల్‌ సీఎండీ కర్నాటి వరుణ్‌ రెడ్డి హన్మకొండ: తెలంగాణ రాష్ట్ర ఏర్పాటు కోసం నిస్వార్థంగా పోరాడిన మహా నీయుడు కొండా లక్ష్మణ్‌ బాపూజీ అని టీజీ ఎన్పీడీసీఎల్‌ చైర్మన్‌, మేనేజింగ్‌ డైరెక్టర్‌ కర్నాటి వరుణ్‌ రెడ్డి అన్నారు. ఆదివారం హనుమకొండ నక్కలగుట్టలోని ఎన్పీడీసీఎల్‌ ప్రధాన కార్యాలయంలో కొండా లక్ష్మణ్‌ బాపూజీ జయంతి నిర్వహించారు. ఈ సందర్భంగా బాపూజీ చిత్ర పటానికి సీఎండీ, డైరెక్టర్లు, అధికారులు పూలమాల వేసి నివాళులర్పించారు. అనంతరం ఆయన మాట్లాడుతూ తెలంగాణ రాష్ట్ర కోసం బాపూజీ తన జీవితాన్ని అంకితం చేశారన్నారు. ఆయన త్యాగం, నిబద్ధత ప్రతి ఒక్కరికీ ఆదర్శమన్నారు. రాష్ట్ర సాధనకు కృషి చేసిన మహనీయుల త్యాగాలను స్మరించుకుంటూ వారి ఆశయాలకనుగుణంగా రాష్ట్ర ప్రగతికి ప్రతీ ఒక్కరు తమ వంతు బాధ్యత నిర్వర్తించాలని పిలుపునిచ్చారు. డైరెక్టర్లు వి.మోహన్‌ రావు, సి.ప్రభాకర్‌, చీఫ్‌ విజిలెన్స్‌ ఆఫీసర్‌ బోనాల కిషన్‌, చీఫ్‌ ఇంజనీర్లు వెంకటరమణ, మల్లికార్జున్‌, నాగప్రసాద్‌, కంపెనీ సెక్రటరీ కె.వెంకటేశం, జీఎంలు కళాధర్‌ రెడ్డి, అనిల్‌రెడ్డి పాల్గొన్నారు.

భీమదేవరపల్లి: రైతు సంక్షేమమే ధ్యేయంగా దేశంలోని సహకార సంఘాలకు ఆదర్శంగా నిలిచింది హనుమకొండ జిల్లా భీమదేవరపల్లి మండలంలోని ముల్కనూరు సహకార గ్రామీణ పరపతి, మార్కెటింగ్‌ సొసైటీ. 1956లో కొద్దిమంది రైతులతో ప్రారంభమైన ఈ సొసైటీ నేడు వేలాది మంది రైతులకు విస్తృత సేవలు అందిస్తూ ప్రపంచవ్యాప్తంగా ప్రత్యేక గుర్తింపు పొందింది. రైతు సంక్షేమం, సహకార రంగంలో అందిస్తున్న సేవలకు ముల్కనూరు సొసైటీ రాష్ట్ర, జాతీయ స్థాయిలో పలు అవార్డులు అందుకుంది. సోమవారం 70వ వార్షికోత్సవం సందర్భంగా ‘సాక్షి’ ప్రత్యేక కథనం 7,464 మంది సభ్యులకు సేవలు.. ముల్కనూరు సొసైటీ వ్యవస్థాపక అధ్యక్షుడు దివంగత అలిగిరెడ్డి కాశీ విశ్వనాథరెడ్డి రైతుల సంక్షేమాన్ని లక్ష్యంగా చేసుకుని సొసైటీకి బలమైన పునాది వేశారు. అప్పట్లో రూ.100తో ప్రారంభమైన సంస్థ క్రమంగా అభివృద్ధి చెంది నేడు 42,663 కోట్ల రూపాయల ఆర్థిక లావాదేవీలు నిర్వహించే స్థాయికి చేరుకుంది. సుమారు 144 మంది ఉద్యోగులతో 14 గ్రామాల్లో 7,464 మంది సభ్యులకు సేవలందిస్తోంది. రైతే రాజు.. ఇదే సొసైటీ లక్ష్యంగా.. రైతులకు సొసైటీ పంట రుణాలు, మధ్యకాలిక, దీర్ఘకాలిక రుణాలు అందిస్తోంది. అంతేకాకుండా పంటలకు అవసరమైన ఎరువులు, విత్తనాలు, పురుగుమందులు, విద్యుత్‌ మోటార్లు, పైపులైన్లకు రుణ సాయం అందిస్తోంది. పాడిపశువులు, గొర్రెలు, ట్రాక్టర్ల కొనుగోళ్లకు సైతం ఆర్థిక సహకారం అందిస్తోంది. రైతు పండించిన ధాన్యం, పత్తిని సొసైటీ కొనుగోలు చేస్తోంది. సొసైటీ వ్యాపార కార్యకలాపాల ద్వారా వచ్చే నికర లాభాలు 2026లో సుమారు 7.22 కోట్లు రైతుల సంక్షేమానికి వినియోగించడం ప్రత్యేకతగా నిలిచింది. ఏటా విజ యదశమి సందర్భంగా లాభాల్లో కొంత భాగాన్ని బోనస్‌ రూపంలో సభ్యులకు అందిస్తోంది. ఎరువుల కొరత లేకుండా.. ఖరీఫ్‌, రబీ సీజన్లలో రైతులకు ఎరువుల కొరత రాకుండా సొసైటీ ముందస్తు చర్యలు చేపడుతోంది. ఏటా సుమారు రూ.6 కోట్ల విలువైన ఎరువులను నిల్వ ఉంచి అవసరమైన సమయంలో రైతులకు అందుబాటులో ఉంచుతోంది. సొసైటీ పరిధిలోని గ్రామాల్లో గోదాములు ఏర్పాటు చేసి రైతులకు గ్రామస్థాయిలోనే ఎరువులు, ఇతర వ్యవసాయ ఉత్పాదకాలను అందిస్తోంది. సీడ్‌ బౌల్‌ ఆఫ్‌ తెలంగాణగా సొసైటీ గుర్తింపు సొసైటీ నాణ్యమైన విత్తనాల ఉత్పత్తి, శుద్ధిలోనూ ప్రత్యేక గుర్తింపు పొందింది. 1965లో ప్రారంభమై న విత్తన శుద్ధి కార్యక్రమం క్రమంగా విస్తరించి అ త్యాధునిక విత్తన శుద్ధి కర్మాగారాల స్థాయికి చేరింది. నాణ్యమైన వరితో పాటు మొక్కజొన్న విత్తనాల ను కూడా రైతులకు అందిస్తుంది. తెలుగు రాష్ట్రాలతోపాటు మహారాష్ట్ర, ఛత్తీస్‌గఢ్‌, కర్నాటక ప్రాంతా ల రైతులు సైతం ముల్కనూరులో తయారయ్యే వి త్తనాలు కొనుగోలు చేస్తున్నారు. అందుకే సీడ్‌ బౌల్‌ ఆఫ్‌ తెలంగాణగా ముల్కనూరు సొసైటీని కీర్తిస్తారు. వృద్ధ రైతులకు పింఛన్‌ సౌకర్యం రైతులు వృద్ధాప్యంలోకి చేరినప్పుడు ఆర్థిక భరోసా కల్పించేలా పింఛన్‌ సదుపాయం, ప్రమాదవశాత్తు సభ్యుడు మృతిచెందినప్పుడు కుటుంబానికి ఆర్థిక సాయం, అంత్యక్రియలకు సాయం, పంట రుణాల మాఫీ వంటి సంక్షేమ పథకాలను అమలు చేస్తోంది. విద్య, వైద్య రంగాలకు పెద్దపీట రైతు కుటుంబాల్లో విద్య, వైద్యానికి సొసైటీ ప్రత్యేక ప్రాధాన్యం ఇస్తోంది. సభ్యుల పిల్లలకు పాఠశాల స్థాయి నుంచి ఉన్నత విద్య వరకు ప్రోత్సాహకాలు, ఉపకార వేతనాలు అందిస్తోంది. గ్రామీణ ప్రాంత విద్యార్థుల సౌకర్యార్థం ఏకేవీఆర్‌ రూరల్‌ డెవలప్‌మెంట్‌ సొసైటీ ద్వారా ఏకేవీఆర్‌ జూనియర్‌ అండ్‌ డిగ్రీ కళాశాలను నిర్వహిస్తోంది. 2008 నుంచి 2026 వరకు సుమారు 1200 మంది పైగా విద్యార్థులకు రూ. కోటికి పైగా ఉపకార వేతనాలు అందించినట్లు సొసైటీ వివరించింది. ఉన్నత విద్యలో బీటెక్‌, ఎంబీబీఎస్‌ వంటి కోర్సులు చదువుతున్న విద్యార్థులకు సైతం ఆర్థిక సహాయం అందిస్తోంది. అదేవిధంగా సభ్యులు, వారి కుటుంబాల ఆరోగ్య సంరక్షణకు సొసైటీ ప్రత్యేక కార్యక్రమాలు చేపడుతోంది. సూపర్‌బజార్‌ ఆవరణలో నిర్వహించిన నేత్ర వైద్య శిబిరాల ద్వారా వేలాది మంది సభ్యులకు కంటి పరీక్షలు చేయించి, అవసరమైన వారికి ఉచితంగా కంటి ఆపరేషన్లు చేయించింది. ఇందుకోసం సుమారు రూ.2 కోట్ల వరకు ఖర్చు చేసినట్లు సొసైటీ వివరించింది. ప్రముఖుల సందర్శన.. ముల్కనూరు సొసైటీని ప్రపంచ దేశాల నుంచి పలువురు ప్రముఖులు, ప్రజాప్రతినిధులు, అధికా రులు, శాస్త్రవేత్తలు సందర్శించారు. మాజీ ప్రధానమంత్రి పీవీ నరసింహారావు సొసైటీ ఉపాధ్యక్షుడిగా కొనసాగడంతో పాటు జీవితాంతం సభ్యుడిగా ఉండడం సంస్థ చరిత్రలో ప్రత్యేక గుర్తింపుగా నిలిచింది. ఉమ్మడి ఆంధ్రప్రదేశ్‌ ముఖ్యమంత్రులు ఎన్‌టీ రామారావు, వైఎస్‌ రాజశేఖరరెడ్డి, చంద్రబాబునాయుడు, కిరణ్‌కుమార్‌రెడ్డి, గవర్నర్‌ నరసింహన్‌ సొసైటీని సందర్శించారు. వ్యవస్థాపక అధ్యక్షుడు కాశీ విశ్వనాథరెడ్డి కాంస్య విగ్రహాన్ని అప్పటి గవర్నర్‌ కృష్ణకాంత్‌ ఆవిష్కరించారు. 1956లో రూ.100తో ప్రారంభం.. ఒక ఉద్యోగితో సేవలు 2026లో రూ.42,663 కోట్లకు పైగా లావాదేవీలు నేడు ముల్కనూరు సొసైటీ 70వ వార్షికోత్సవం

హన్మకొండ అర్బన్‌ : రాష్ట్రవ్యాప్తంగా జాతీయ ఆరోగ్య మిషన్‌లో వివిధ విభాగాలు, కేడర్లలో ఏళ్లుగా సేవలందిస్తున్న ఉద్యోగుల సమస్యలు పరిష్కరించాలని డిమాండ్‌ చేస్తూ ఎన్‌హెచ్‌ఎం జేఏసీ పోరుబాట పట్టింది. ఇందులో భాగంగా ఈనెల 28న( సోమవారం) చలో కమిషనరేట్‌ నిర్వహించి సమ్మె నోటీసు అందజేయనున్నట్లు ప్రకటించింది. ప్రభుత్వం స్పందించకపోతే అక్టోబర్‌ 12 నుంచి నిరవధిక సమ్మె చేపట్టనున్నట్లు తెలిపింది. రాష్ట్రవ్యాప్తంగా సుమారు 17 వేల మంది ఎన్‌హెచ్‌ఎం ఉద్యోగులు పనిచేస్తున్నట్లు జేఏసీ తెలిపింది. ప్రభుత్వం దృష్టికి సమస్యలు.. ఉద్యోగుల సమస్యల పరిష్కారం కోసం గత, ప్రస్తు త ప్రభుత్వాలు ఇచ్చిన హామీలను నెరవేర్చకపోగా ఉద్యోగులను మరింత ఇబ్బందులకు గురిచేసే చర్యలు తీసుకుంటున్నాయని, దీంతో తమకు పోరుబాట తప్పడం లేదని ఉద్యోగ సంఘాల జేఏసీ రాష్ట్ర నాయకులు స్పష్టం చేశారు. ఇప్పటికే సమస్యల పరిష్కారం కోసం రాష్ట్ర వ్యాప్తంగా ప్రజాప్రతినిధులందరినీ కలిశామని, ప్రభుత్వం దృష్టికి కూడా సమస్యలు తీసుకెళ్లామన్నారు. అయినా ఎలాంటి హామీ లభించలేదని ఆవేదన వ్యక్తం చేశారు. ఇప్పటికే అధికారులకు వినతిపత్రాలు సోమవారం హైదరాబాద్‌లోని కమిషనరేట్‌ కార్యాలయం వద్ద చలో కమిషనరేట్‌ నిర్వహించి కమిషనర్‌కు సమ్మె నోటీసు అందజేయనున్నామని నాయకులు తెలిపారు. జిల్లాల వారీగా సంబంధిత అధికారులకు ఇప్పటికే వినతిపత్రాలు సమర్పించామన్నారు. కార్యక్రమంలో పాల్గొనేందుకు ఉద్యోగులు సాధారణ సెలవు కోసం అధికారులకు దరఖాస్తులు సమర్పించారని తెలిపారు. ఉద్యోగుల భవిష్యత్‌ కాపాడాలి.. ఎన్నో సంవత్సరాలుగా ప్రభుత్వ ఆరోగ్య వ్యవస్థలో సేవలందిస్తున్న ఎన్‌హెచ్‌ఎం ఉద్యోగులకు ఉద్యోగ భద్రత, హక్కులు, భవిష్యత్‌పై స్పష్టత లేకపోవడంతో ఆందోళన నెలకొందని జేఏసీ తెలిపింది. సమస్యలను సకాలంలో పరిష్కరించకపోవడంతో ఉ ద్యోగులు తీవ్ర ఒత్తిడికి గురవుతున్నారని పేర్కొంది. ప్రజల ఆరోగ్యాన్ని కాపాడుతున్న ఎన్‌హెచ్‌ఎం ఉద్యోగుల భవిష్యత్‌ను ప్రభుత్వం కాపాడాలని, ఏ ళ్ల తరబడి అందిస్తున్న సేవలకు గుర్తింపు, ఉద్యోగ భద్రత, న్యాయమైన హక్కులు కల్పించాలని ఎన్‌హెచ్‌ఎం జేఏసీ నేతలు విజ్ఞప్తి చేస్తున్నారు. శాంతియుత నిరసనకు కదిలిరావాలి నేడు నిర్వహించనున్న చలో కమిషనరేట్‌ కార్యక్రమానికి రాష్ట్రంలోని ఎన్‌హెచ్‌ఎం ఉద్యోగులందరూ శాంతియుతంగా, క్రమశిక్షణతో పెద్ద సంఖ్యలో హాజరై విజయవంతం చేయాలి. ప్రభుత్వం స్పందించే వరకు ఆందోళన విరమించేదిలేదు. ఐక్య ఉద్యమాలతో సమస్యలను పరిష్కరించుకుందాం. – డాక్టర్‌ మహేందర్‌రావు పుట్ట, ఎన్‌హెచ్‌ఎం జేఏసీ రాష్ట్ర అధ్యక్షుడుప్రాణం తీసిన ఈత సరదా ● మున్నేరు వాగులో పడి యువకుడి మృతిడోర్నకల్‌: ఈత సరదా ఒకరిప్రాణం తీసింది. మహబూబాబాద్‌ జిల్లా డోర్నకల్‌ సమీపంలోని మున్నేరువాగులో ఆదివారం ఈతకు వెళ్లి ఓ యువకుడు ప్రా ణం కోల్పోయాడు. ప్రత్యక్ష సాక్షులు, డోర్నకల్‌ సీఐ చంద్రమౌళి తెలిపిన వివరాల ప్రకారం.. కొత్తగూడెం ప్రాంతంలోని రుద్రంపూర్‌ ఏరియా తిలక్‌నగర్‌కు చెందిన గడ్డం మధు అలియాస్‌ బాలరాజు(25) తన మిత్రులు భార్గవ్‌, రాహుల్‌, పర్వేష్‌తో క లిసి శనివారం రాత్రి కారులో కారెపల్లి మండలం క మలాపురంలోని తెలిసిన వారి ఇంటికి వచ్చారు. ఆదివారం ఉదయం డోర్నకల్‌ చేరుకుని సమీపంలోని మున్నేరువాగు వద్దకు వెళ్లారు. మధు ఈత కొ డతానంటూ నీటిలోకి దిగాడు. లోతు ప్రాంతానికి వెళ్లి మునుగుతుండగా సమీపంలోని వారు నీటిలోకి వెళ్లి మధును కాపాడే ప్రయత్నం చేశారు. అప్పటికే నీటిలో పూర్తిగా మునిగిపోయాడు. దీంతో మి త్రులు డయల్‌ 100కు సమాచారం అందించగా సీఐ చంద్రమౌళి, ఫైర్‌ స్టేషన్‌ సిబ్బంది ఘటనాస్థలికి చేరుకున్నారు. మత్స్యకారుడు శ్రీనివాస్‌ సాయంతో ఫైర్‌ సిబ్బంది మధు మృతదేహాన్ని బయటకు తీశా రు. మృతుడు మధు భార్య గర్భవతిగా ఉందని స మాచారం.పోస్టుమార్టం నిమిత్తం మృతదేహాన్ని మ హబూబాబాద్‌ ఏరియా ఆస్పత్రికి తరలించారు.నేడు చలో కమిషనరేట్‌ 12 నుంచి నిరవధిక సమ్మెలో ఎన్‌ హెచ్‌ఎం సిబ్బంది అత్యవసర వైద్య సేవలకు ఇబ్బందులు తలెత్తే అవకాశం

వరంగల్‌ స్పోర్ట్స్‌: వరంగల్‌ జిల్లా అథ్లెటిక్స్‌ అసోసియేషన్‌ ఆధ్వర్యంలో హనుమకొండ జవహర్‌లాల్‌ నెహ్రూ స్టేడియంలో నిర్వహించిన 12వ తెలంగాణ రాష్ట్ర అథ్లెటిక్‌ చాంపియన్‌షిప్‌ పోటీలు ఆదివారం ముగిశాయి. అండర్‌– 14, 16, 18, 20 బాలబాలికలు, మెన్‌ అండ్‌ ఉమెన్‌ విభాగాల్లో జరిగిన పోటీల్లో 1,500 మంది క్రీడాకారులు పాల్గొనగా.. 220 ఈవెంట్లు నిర్వహించినట్లు వరంగల్‌ అథ్లెటిక్స్‌ అసోసియేషన్‌ జిల్లా కార్యదర్శి ఊర యుగేంధర్‌రెడ్డి తెలిపారు. జాతీయ స్థాయిలో సత్తా చాటే అవకాశం కోసం అథ్లెట్లు వారి ప్రతిభకు పదును పెట్టారు. నువ్వానేనా అన్నట్లు పోటీపడగా 111 పాయింట్లతో భద్రాద్రి కొత్తగూడెం ఓవరాల్‌ చాంపియన్‌షిప్‌ను కై వసం చేసుకుంది. బాలికల విభాగం.. అండర్‌–14 విభాగంలో 15 పాయింట్లతో హనుమకొండ అథ్లెట్లు, అండర్‌–16 విభాగంలో 27 పాయింట్లతో హైదరాబాద్‌, అండర్‌–18 విభాగంలో 22 పాయింట్లతో భద్రాద్రి కొత్తగూడెం, అండర్‌–20లో 28 పాయింట్లతో భద్రాద్రి జిల్లా అథ్లెట్లు విజేతలుగా నిలిచారు. కాగా, సీనియర్‌ ఉమెన్‌ కేటగిరీలో 18 పాయింట్లతో ఖమ్మం జిల్లా అథ్లెట్లు విజేత ట్రోఫీని అందుకున్నారు. బాలుర విభాగం.. అండర్‌–14 విభాగంలో 11 పాయింట్లతో ఆదిలాబాద్‌, అండర్‌–16 విభాగంలో 10 పాయింట్లతో హనుమకొండ, అండర్‌–18లో 20 పాయింట్లతో హైదరాబాద్‌, అండర్‌–20 కేటగిరీలో 36 పాయింట్లతో రంగారెడ్డి, సీనియర్‌ మెన్‌ చాంపియన్‌షిప్‌ను 32 పాయింట్లతో ఖమ్మం ట్రోఫీని అందుకుంది. తెలంగాణ అథ్లెటిక్స్‌ సంఘం రాష్ట్ర కార్యదర్శి సారంగపాణి హాజరై విజేతలకు ట్రోఫీతోపాటు సర్టిఫికెట్లు, పతకాలు అందజేశారు. కార్యక్రమంలో తెలంగాణ అథ్లెటిక్స్‌ సంఘం నిర్వహణ కార్యదర్శి వెంకటేశ్వర్‌రెడ్డి, వరంగల్‌ అథ్లెటిక్స్‌ సంఘం అధ్యక్షుడు పుల్యాల కిషన్‌, వరంగల్‌ జిల్లా అథ్లెటిక్స్‌ అసోసియేషన్‌ చైర్మన్‌ గట్టు మహేశ్‌బాబు, కోచ్‌లు శ్రీమన్నారాయణ, దిమ్మిక నాగరాజు, టెక్నికల్‌ అఫీషియల్స్‌, తదితరులు పాల్గొన్నారు. ఓవరాల్‌ చాంపియన్‌షిప్‌ భద్రాద్రి కొత్తగూడెం

● ఇన్‌చార్జ్‌ డీఈఓ మందుల శ్రీరాములు మహబూబాబాద్‌ రూరల్‌ : ప్రతి ఒక్కరూ అక్షరాస్యులుగా మారే లక్ష్యంతో అక్షరాస్యతతో సాధికారత.. విద్యతో అభివృద్ధి స్ఫూర్తితో ఉల్లాస్‌ కార్యక్రమాన్ని విజయవంతం చేయాలని ఇన్‌చార్జ్‌ డీఈఓ మందుల శ్రీరాములు పిలుపునిచ్చారు. మహబూబాబాద్‌ మండలంలోని మాధవాపురం గ్రామంలో ఉల్లాస్‌, నవభారత్‌ సాక్షరత కార్యక్రమంలో భాగంగా నిర్వహిస్తున్న అమ్మకు అక్షరమాల పరీక్ష కేంద్రాన్ని ఆయన ఆదివారం పరిశీలించారు. ఈ సందర్భంగా పరీక్ష నిర్వహణ తీరును, అభ్యాసకులకు కల్పించిన సౌకర్యాలను, పరీక్షకు హాజరైన అభ్యాసకుల వివరాలను పరిశీలించారు. పరీక్షలు పారదర్శకంగా, ప్రశాంత వాతావరణంలో, నిర్దేశిత మార్గదర్శకాల ప్రకారం నిర్వహించాలని నిర్వాహకులకు సూచించారు. ఉల్లాస్‌ కార్యక్రమం ద్వారా అక్షరాస్యతను పొందుతున్న అభ్యాసకులు చదవడం, రాయడం, ప్రాథమిక సంఖ్యా పరిజ్ఞానంలో సాధించిన ప్రగతిని అంచనా వేయ డం జరుగుతుందని తెలిపారు. ముఖ్యంగా మహిళలు, పెద్దలు విద్యను కొనసాగించడం ద్వారా తమ కుటుంబాలతో పాటు సమాజ అభివృద్ధికి దోహదపడతారని పేర్కొన్నారు. ఉల్లాస్‌ అసిస్టెంట్‌ కోఆర్డినేటర్‌ బి.శేషుకుమార్‌. ఐకేపీ ఏపీఎం శంకర్‌ సీసీ సుమలత, సంబంధిత వీఓఏలు కామాక్షి, శైలజ, కల్పన, సుమతి, సాక్షరత కార్యకర్తలు పాల్గొన్నారు.

సోమవారం శ్రీ 28 శ్రీ సెప్టెంబర్‌ శ్రీ 2026చూద్దాం రారండి!సాక్షి, మహబూబాబాద్‌/ నర్సింహులపేట/మరిపెడ/డోర్నకల్‌/చిన్నగూడూరు : వాగుల్లో నీటి నిల్వకోసం చెక్‌ డ్యామ్‌లు నిర్మించారు. దీంతో నీటి నిల్వతో భూగర్భ జలాలు పెరిగి కరువు వచ్చినా.. నీటి ఎద్దడి ఏర్పడేది కాదు. కానీ, రెండేళ్ల క్రితం కురిసిన భారీ వర్షాలకు కొట్టుకుపోయిన చెక్‌డ్యామ్‌లు, కరకట్టలకు నేటికీ మరమ్మతులు చేపట్టలేదు. కొన్నిచోట్ల నాసికరంగా మరమ్మతులు చేపట్టడంతో మళ్లీ తెగిపోయాయి. దీంతో ఒడిసి పట్టాల్సిన నీరు సముద్రం పాలవుతోంది. కరువు కాలంలో కళ్లముందే నీరు సముద్రం పాలు కావడంతో రైతులు చలించిపోతున్నారు. కట్టలు కడితే పంటలు పండేవని ఆవేదన వ్యక్తం చేస్తున్నారు. నర్సింహులపేటలో.. నర్సింహులపేట మండలంలోని కొమ్ములవంచ, జయపురం, కౌసల్యదేవిపల్లి, రామన్నగూడెం, ముంగిమడుగు గ్రామాల మీదుగా ఆకేరు వాగు ప్రవహిస్తోంది. స్వాతంత్య్రం వచ్చిన కొత్తలో వాగుపై కొమ్ములవంచలో ఆనకట్టను నిర్మించారు. తర్వాత జయపురం, ముంగిమడుగు గ్రామాల సమీపంలో రెండు ఆనకట్టలు నిర్మించారు. అయితే రెండు సంవత్సరాల క్రితం కొమ్ముల వంచ ఆనకట్ట షెట్టర్లు లీకేజీ అయ్యాయి. దీంతో నీరు నిల్వ ఉండకుండా కిందికి పోతున్నాయి. అదే విధంగా భారీ వర్షాలకు జయపురం, ముంగిమడుగు చెక్‌డ్యామ్‌లోని పక్కన ఉన్న కట్ట కొట్టుకుపోయింది. రూ. 4లక్షల మేరకు నిధులతో మరమ్మతు చేసినా.. నాసిరకంగా ఉండడంతో మళ్లీ కొట్టుకుపోయింది. చెక్‌డ్యామ్‌ల్లో నీరు నిల్వ ఉంటే 2వేల ఎకరాలకు పైగా భూములు సాగయ్యేవని రైతులు చెబుతున్నారు. మరిపెడలో.. మరిపెడ మండలంలోని తానంచెర్ల రెవెన్యూ పరిధిలోని అజ్మీరాతండా గ్రామపంచాయతీ ఆనకట్టతండా శివారులో పాలేరు వాగుపై ఆటకట్ట నిర్మించారు. మూడేళ్ల క్రితం వరద ధాటికి ఆనకట్ట ధ్వంసమైంది. రెండుచోట్ల గండిపడి నీరు వృథాగా కిందికి పోతుంది. ఈ ఆనకట్ట మహబూబాబాద్‌–సూర్యపేట జిల్లాల సరిహద్దులో నిర్మించి ఉంది. యానకట్ట నిండా నీళ్లు ఉంటే సుమారు 400మంది రైతులు వ్యవసాయం చేస్తారు. మారిన మేడారం.. వాగులపై తెగిన కట్టల మరమ్మతులో అధికారుల తాత్సారం కరువు కాలంలో నిల్వ లేకుండా దిగువకు వరద ప్రవాహం గండి పూడిస్తే నీరు నిల్వ ఉండేది.. భూగర్భ జలాలు పెరిగేవని రైతుల ఆవేదనడోర్నకల్‌లో.. డోర్నకల్‌ పట్టణ సమీపంలోని మున్నేరు వాగు ఆనకట్టకు సంబంధించి చాప్లాతండా వైపు సపోర్టు గోడ రెండున్నర ఏళ్ల క్రితం వరదలకు కొట్టుకుపోయింది. వాగు పొంగితే ఆనకట్టకు గండ్లు పడకుండా ఉండేందుకు చాపలతండా వైపు సపోర్టు గోడ నిర్మించారు. అయితే రెండున్నర ఏళ్ల క్రితం భారీ వరద రావడంతో సపోర్టు గోడ వరదకు కొట్టుకుపోయింది. కాగా, ఇరిగేషన్‌ అధికారులు నేటికీ మరమ్మతులు చేపట్టలేదు. అధికారులు వెంటనే స్పందించి ఆనకట్ట సపోర్టు గోడ పునరుద్ధరించాలని రైతులతో పాటు ఈ ప్రాంత వాసులు కోరుతున్నారు.చిన్నగూడూరులో..చిన్నగూడూరు మండలం ఉగ్గంపల్లి గ్రామ శివారులో 1964లో ఆనకట్ట నిర్మించారు. ఆకేరు నదిపై నిర్మించిన ఈ ఆనకట్ట ద్వారా ప్రత్యక్షంగా, పరోక్షంగా 2,500 ఎకరాలకు సాగునీరు అందుతోంది. రెండేళ్ల క్రితం వచ్చిన భారీ వరదలతో ఉగ్గంపల్లి ఆనకట్ట కుడివైపు ఆనకట్ట, రెయిలింగ్‌ తెగిపోయింది. అయితే ఇప్పటి వరకు మరమ్మతు చేయించలేదు. దీంతో ఆనకట్టలో నిల్వ ఉండాల్సిన నీరు వృథాగా కిందికి వెళ్తోంది. దీంతో ఈ ప్రాంతం నుంచి నిండుగా ఆకేరు ప్రవహించినా.. నీరు లేక పంటలు పండడం లేదు.

కొమ్ములవంచ ఆనకట్ట గేట్ల లీకేజీతో చుక్కనీరు ఆగడం లేదు. వానతో వచ్చిన నీరు లీకేజీతో వృథాగా వెళ్తోంది. మూడు సంవత్సరాలుగా ఎవరు పట్టించుకోవడం లేదు. వర్షంతో ఆనకట్టకు వచ్చిన నీరు వృథాగా పోతుండడంతో రైతులు చాలా ఇబ్బందులు పడుతున్నారు. అధికారులు, పాలకులు పట్టించుకోవడం లేదు. వెంటనే మరమ్మతులు చేపట్టాలి.. –డొనికెన సోమన్న, కొమ్ములవంచ నీరు వృథాగా వెళ్తోంది.. ముంగిమడుగు శివారులో ఆకేరు వాగుపై నిర్మించిన చెక్‌ డ్యామ్‌ తెగిపోయి మూడేళ్లు కావొస్తున్నా.. నేటికీ మరమ్మతులు చేయకపోవడంతో నీరు వృథాగా పోతోంది. భారీ వర్షంతో వాగు ఉధృతంగా ప్రవహించి చెక్‌డ్యామ్‌ తెగిపోవడంతో చుక్కనీరు నిలవడం లేదు. చెక్‌డ్యామ్‌ మరమ్మతులు చేపట్టి నీటినిల్వ చేస్తే రైతులకు సాగునీరు అందుతుంది. రైతులు చాలా ఇబ్బంది పడుతున్నారు. –భూక్య చందూలాల్‌ నాయక్‌, పకీరతండా నాసిరకం పనులతో మళ్లీ తెగింది.. జయపురం చెక్‌డ్యామ్‌ తెగడంతో మళ్లీ నీరు వృథాగా పోతోంది. రెండేళ్ల క్రితం చెక్‌డ్యామ్‌ తెగడంతో ఈ మధ్యకాలంలో సుమారు.5 లక్షలతో తాత్కాలిక మరమ్మతులు చేపట్టారు. ఇటీవల కురిసిన భారీ వర్షంతో ఆకేరువాగు ఉధృతంగా ప్రవహించడంతో చెక్‌ డ్యామ్‌ మళ్లీ తెగడంతో నీరు వృథాగా పోతోంది. అధికారులు నాణ్యతగా పనులు చేపట్టి రైతుల ఇబ్బందులు తీర్చాలి. –మందుల యాకూబ్‌, జయపురం

ఎస్‌ఎస్‌ తాడ్వాయి: మేడారం సమ్మక్క–సారలమ్మను దర్శించుకునేందుకు ఆదివారం భక్తులు వేలాదిగా తరలివచ్చారు. వివిధ ప్రాంతాలకు చెందిన భక్తులు ప్రైవేట్‌ వాహనాల్లో మేడారానికి చేరుకుని జంపన్నవాగులో పుణ్యస్నానాలు ఆచరించారు. కల్యాణకట్టలో భక్తులు అమ్మవార్లకు పుట్టు వెంట్రుకలు సమర్పించుకున్నారు. అనంతరం గద్దెల వద్ద పసుపు, కుంకుమ, చీరసారె, ఎత్తు బంగారం, ఒడి బియ్యం, కానుకలు సమర్పించి మొక్కులు చెల్లించుకున్నారు. యాటలను, కోళ్లను మొక్కుగా సమర్పించారు. అనంతరం మేడారం పరిసరాల్లో చెట్ల కింద వంటావార్పు చేసుకుని సహపంక్తి భోజనాలు చేశారు.

కురవి: మండల కేంద్రంలోని భద్రకాళీ సమేత వీరభద్రస్వామి ఆలయానికి ఆదివారం భక్తులు అధిక సంఖ్యలో పోటెత్తారు. వీరభద్రస్వామిని దర్శించుకునేందుకు బారులుదీరారు. స్వామి వారితో పాటు భద్రకాళీ అమ్మవారిని దర్శించుకుని మొక్కులు చెల్లించుకున్నారు. భక్తులకు ఆలయ అధికారులు సౌకర్యాలు కల్పించారు. కొండా లక్ష్మణ్‌ బాపూజీ త్యాగాలు చిరస్మరణీయం డీఆర్వో నాగలక్ష్మి మహబూబాబాద్‌/మహబూబాబాద్‌ అర్బన్‌: కొండా లక్ష్మణ్‌ బాపూజీ చేసిన త్యాగాలు చిరస్మరణీయమని డీఆర్వో నాగలక్ష్మి కొనియాడారు. కలెక్టరేట్‌లోని ప్రధాన సమావేశ మందిరంలో ఆదివారం వెనుకబడిన తరగతుల అభివృద్ధ్దిశాఖ ఆధ్వర్యంలో కొండా లక్ష్మణ్‌ బాపూజీ జయంతిని ఘనంగా నిర్వహించారు. బాపూజీ చిత్రపటానికి డీఆర్వో నాగలక్ష్మి పూల మాలవేసి నివాళులర్పించారు. ఈసందర్భంగా డీఆర్వో మాట్లాడుతూ.. కొండా లక్ష్మణ్‌ బాపూజీ చూపిన ధైర్య సాహసాలు, స్ఫూర్తిని యువత ఆదర్శంగా తీసుకోవాలన్నారు. కార్యక్రమంలో వెనుకబడిన తరగతుల అభివృద్ధిశాఖ జిల్లా అధికారి సాయి శ్రీజ, జిల్లా అధికారులు, పలు సంఘాల నాయకులు పాల్గొన్నారు. ప్రయాణికుల కోసం ఆర్టీసీ విచారణ నంబర్‌ నెహ్రూసెంటర్‌: మహబూబాబాద్‌ డిపో పరిధిలోని ప్రయాణికుల సౌకర్యార్థం ఆర్టీసీ బస్టాండ్‌ విచారణ నంబర్‌ను అందుబాటులో తీసుకువచ్చినట్లు డిపో మేనేజర్‌ వి.కల్యాణి ఆదివారం తెలిపారు. మహబూబాబాద్‌ బస్టాండ్‌ నుంచి వివిధ రూట్లలో బస్సులు వెళ్లే సమయం, ఆర్టీసీ బస్సులకు సంబందిన వివరాలను ఫోన్‌ చేసి తెలుసుకోవచ్చన్నారు. 85003 24880 నంబర్‌కు ఫోన్‌చేసి బస్సుల వివరాలను పొందవచ్చని, 24 గంటలు బస్సు విచారణ నంబర్‌ అందుబాటులో ఉంటుందని, ప్రయాణికులు సద్వినియోగం చేసుకోవాలని సూచించారు. ‘వెంటనే పీఆర్సీ చెల్లించాలి’మహబూబాబాద్‌ అర్బన్‌: కాలయాపన చేయకుండా వెంటనే పీఆర్సీ చెల్లించాలని టీఎస్‌యూటీఎఫ్‌ రాష్ట్ర కార్యదర్శి సామ మల్లారెడ్డి అన్నారు. జిల్లా కేంద్రంలోని జెడ్పీహెచ్‌ఎస్‌ బాలికల పాఠశాలలో ఆదివారం సమావేశం నిర్వహించారు. ఈ సందర్భంగా మల్లారెడ్డి మా ట్లాడుతూ.. సీఎం రేవంత్‌రెడ్డి ఇచ్చిన హామీ మేరకు పీఆర్సీ రిపోర్ట్‌ తక్షణమే తెప్పించుకొని జూలై 2023 నుంచి అమలు చేయాలన్నారు. రిటైర్డ్‌ అయిన ఉద్యోగ, ఉపాధ్యాయులు దాచుకున్న డబ్బులు ఇవ్వాలని, ప్రాథమిక పాఠశాల ల ఉపాధ్యాయులపై పని ఒత్తిడిని తగ్గించి, తరగతికి ఒక టీచర్‌ను నియమించాలన్నారు. ఉపాధ్యాయుల బదిలీలు, పదోన్నతులను చేపట్టాలన్నారు. కార్యక్రమంలో టీఎస్‌యూటీఎఫ్‌ జిల్లా అధ్యక్షుడు మురళీకృష్ణ, జిల్లా ప్రధాన కార్యదర్శి యాకూబ్‌, జిల్లా ఉపాధ్యక్షుడు వెంకటేశ్వర్లు, కార్యదర్శులు బధ్రునాయక్‌, జనార్దనచారి, హుస్సేన్‌నాయక్‌, మంజుల, హరినాయక్‌, రమేశ్‌, సంజీవ తదితరలు పాల్గొన్నారు. గర్భగుడి మండపం పనులు ప్రారంభం కాళేశ్వరం: కాళేశ్వరం దేవస్థానం పునర్నిర్మాణ పనుల్లో భాగంగా ఆదివారం ప్రధాన ఆలయం గర్భగుడి మండపం పునాది పనులు మొదలయ్యాయి. 12ఫీట్ల మేర లోతుతో మట్టిని తీశారు. శ్రీశుభానందదేవి మండపానికి కూడా మట్టిని తోడారు. గర్భగుడి పునాది పనులు నాలుగు దిక్కులా రాయితో కూలీలు నిర్మాణం చేస్తున్నారు. ఆదివారం ప్రాకారాల పనులకు అందులో వివిధ ఆలయానికి సంబంధించిన సామగ్రి ఉండడంతో నిలిచింది. శివకల్యాణ మండపం రేకుల షెడ్డును పూర్తిగా తొలగించారు.

● జిల్లా ప్రధాన న్యాయమూర్తి మురళీమోహన్‌ మహబూబాబాద్‌ రూరల్‌ : సమాజంలో బలహీనవర్గాలకు న్యాయ సేవాధికార సంస్థ అండగా నిలు స్తుందని జిల్లా ప్రధాన న్యాయమూర్తి మురళీమోహన్‌ అన్నారు. మహబూబాబాద్‌ సబ్‌ జైలును శని వారం ఆయన సందర్శించి విచారణలో ఉన్న ఖైదీలతో ముఖాముఖి నిర్వహించారు. రాజ్యాంగంలోని ఆర్టికల్‌ 21ని ఉటంకిస్తూ చట్టం నిర్దేశించిన విధానం ద్వారా తప్ప ఏ వ్యక్తి ప్రాణాన్ని లేదా వ్యక్తిగత స్వే చ్ఛను హరించే హక్కు ఎవరికీలేదని స్పష్టం చేశారు. రాజ్యాంగం కల్పించిన హక్కులతో అణచివేతకు గురికాకుండా స్వేచ్ఛగా జీవించడమే అసలైన జీవి తమని చెప్పారు. సమాజంలో అభాగ్యులకు సత్వర న్యాయాన్ని అందించేందుకే న్యాయ సేవాధికార సంస్థలు ఏర్పాటయ్యాయని వివరించారు. అనంతరం జైల్లోని అన్ని బ్యారకులు, వంట గది, సరుకుల నిల్వ గదిని పరిశీలించారు. ఆయన వెంట చీఫ్‌ డిఫెన్స్‌ కౌన్సిల్‌ దాసరి నాగేశ్వరరావు, అసిస్టెంట్‌ లీగల్‌ డిఫెన్స్‌ కౌన్సిల్‌ రాజుకృష్ణ, జైలర్‌ మల్లెల శ్రీనివాసరావు, వలంటీర్‌ రాంప్రభు ఉన్నారు.

మహబూబాబాద్‌ రూరల్‌ : చాకలి ఐలమ్మ పోరా టం స్ఫూర్తిదాయకమని ఎస్పీ శబరీష్‌ అన్నారు. జిల్లా పోలీస్‌ కార్యాలయంలో తెలంగాణ వీరవనిత, రైతాంగ పోరాట యోధురాలు చాకలి ఐలమ్మ జయంతి వేడుకలను శనివారం ఘనంగా నిర్వహించారు. ఈ సందర్భంగా ఐలమ్మ చిత్రపటానికి ఎస్పీ పూలమాల వేసి నివాళులర్పించి, మాట్లాడుతూ సామాజిక అన్యాయాన్ని, పెత్తందారీ దోపిడీని ఎదిరిస్తూ ఐలమ్మ ప్రదర్శించిన ధైర్యం, ఆత్మగౌరవ పోరాట పటిమ తెలంగాణ చరిత్రలో చిరస్థాయిగా నిలిచిపోయాయన్నారు. ఆమె త్యాగా న్ని, ధైర్యాన్ని స్మరించుకుంటూ ప్రజాసేవలో మరింత అంకితభావంతో పనిచేయడమే ఆమెకు అందించే నిజమైన నివాళి అని పేర్కొన్నారు. మాదకద్రవ్యాల నిర్మూలనపై దృష్టి కేసముద్రం: మాదకద్రవ్యాల నిర్మూలనపై పోలీసులు ప్రత్యేక దృష్టి సారించాలని ఎస్పీ శబరీష్‌ అన్నారు. శనివారం కేసముద్రం పోలీస్‌స్టేషన్‌ను ఆయన ఆకస్మికంగా సందర్శించి, పరిసరాలు, సిబ్బంది విధుల నిర్వహణ, కేసుల దర్యాప్తు, ప్రజలకు అందుతున్న పోలీస్‌ సేవలను పరిశీలించారు. ఈ సందర్భంగా ఆయన మాట్లాడుతూ.. గంజాయి, ఇతర మాదకద్రవ్యాల అక్రమ రవాణా, విక్రయం, వినియోగంపై నిఘా పెంచాలన్నారు. పోలీస్‌స్టేషన్‌కు వచ్చే ప్రజలకు మధ్యాహ్నం 3 గంటల నుంచి సాయంత్రం 5 గంటల వరకు కలిసే సమయాన్ని పాటించాలని ఆదేశించారు. కార్యక్రమంలో ఎస్సై క్రాంతికిరణ్‌, పోలీస్‌ సిబ్బంది పాల్గొన్నారు. ఎస్పీ శబరీష్‌ చాకలి ఐలమ్మ జయంతి వేడుకలు

జనగామ: గత ప్రభుత్వ హయాంలో వివిధ కారణాలతో మధ్యలోనే నిర్మాణాలు నిలిచిన ఇళ్లను గుర్తించి వాటిని పూర్తి చేసి పేద కుటుంబాలకు అందుబాటులోకి తీసుకురావాల్సిన బాధ్యత ప్రభుత్వంపై ఉందని రాష్ట్ర రెవెన్యూ, గృహ నిర్మాణ, పౌర సంబంధాల శాఖల మంత్రి పొంగులేటి శ్రీనివాస్‌ రెడ్డి తెలిపారు. శనివారం జనగామ జిల్లా కేంద్రంలోని ప్రెస్టన్‌ కళాశాల గ్రౌండ్‌లో ఇందిరమ్మ ఇళ్ల మంజూరు పత్రాల పంపిణీ కార్యక్రమ సభలో మంత్రి ముఖ్యఅతిథిగా పాల్గొన్నారు. భువనగిరి ఎంపీ చామల కిరణ్‌ కుమార్‌రెడ్డి, జనగామ ఎమ్మెల్యే పల్లా రాజేశ్వర్‌రెడ్డి, మున్సిపల్‌ చైర్‌పర్సన్‌ కడకంచి బాలమణి శ్రీనివాస్‌, కలెక్టర్‌ సందీప్‌ కుమార్‌ ఝాతో కలిసి మంత్రి మాట్లాడారు.. ఒక్క జనగామ నియోజకవర్గంలోనే కాకుండా రాష్ట్ర వ్యాప్తంగా గతంలో నిర్మాణాలు పూర్తికాక ఖాళీగా ఉన్న ఇళ్లను గుర్తిస్తున్నామని చెప్పారు. జనగామకు సంబంధించి అసంపూర్తిగా ఉన్న ఇళ్లను పూర్తి చేసేందుకు రూ.2 కోట్లు మంజూరు చేస్తున్నట్లు వెల్లడించారు. జనగామ జిల్లాలో సుమారు 500 కుటుంబాలు పూరి గుడిసెల్లో నివసిస్తున్నాయని, వచ్చే దసరా నాటికి ఇందులో అర్హులైన కుటుంబాలకు రూ.5 లక్షలతో ఇందిరమ్మ ఇళ్లు నిర్మించుకునేలా మంజూరు చేస్తామని ప్రకటించారు. ఆర్థిక పరిస్థితుల కారణంగా మొండి గోడల వద్ద, స్లాబ్‌ స్థాయిలో నిర్మాణాలు నిలిచిపోయిన ఇళ్లను కూడా పరిశీలించి రూ.2లక్షల నుంచి రూ.3 లక్షల వరకు సాయం అందిస్తామని మంత్రి పొంగులేటి తెలిపారు. జనగామ మున్సిపాలిటీ పరిధిలో మౌలిక వసతుల కల్పనకు దసరా నాటికి రూ.25 కోట్లతో అభివృద్ధి పనులు చేపట్టేందుకు నిధులను వెంటనే మంజూరు చేస్తామని మంత్రి హామీ ఇచ్చారు. అనంతరం 500 మంది అర్హులైన లబ్ధిదారులకు ఇందిరమ్మ ఇళ్ల మంజూరు పత్రాలను మంత్రి చేతుల మీదుగా అందించారు. కార్యక్రమంలో డీసీపీ రాజమహేంద్రనాయక్‌, రెవెన్యూ అదనపు కలెక్టర్‌ బెన్‌షాలోమ్‌, మున్సిపల్‌ కమిషనర్‌ రాజశేఖర్‌రెడ్డి, ఏఎంసీ చైర్మన్‌ బనుక శివరాజ్‌ యాదవ్‌, డీసీసీ అధ్యక్షురాలు ధన్వంతి నాయక్‌, వైటీడీఏ సభ్యుడు డాక్టర్‌ లక్ష్మీనారాయణ నాయక్‌ తదితరులు పాల్గొన్నారు. పూరిగుడిసెల కుటుంబాలకు రూ.5 లక్షలతో ఇందిరమ్మ ఇళ్లు జనగామ సభలో మంత్రి పొంగులేటి శ్రీనివాస్‌రెడ్డి

మహబూబాబాద్‌ రూరల్‌ : పర్యాటక ప్రదేశాల అభివృద్ధికి ప్రాధాన్యమివ్వాలని కలెక్టర్‌ స్నేహ శబరీష్‌ అన్నారు. అంతర్జాతీయ పర్యాటక దినోత్సవం సందర్భంగా కంబాలపల్లి పెద్ద చెరువు వద్ద శనివారం నిర్వహించిన కార్యక్రమానికి ఆమె ముఖ్యఅతిథిగా హాజరయ్యారు. మొదటగా పురాతన రాజరాజేశ్వర స్వామివారి శివాలయాన్ని సందర్శించి ప్రత్యేక పూజలు నిర్వహించారు. చెరువు ప్రాంగణంలో మొక్క నాటారు. జిల్లాలోని పర్యటక ప్రదేశాలపై పాఠశాల విద్యార్థులు వేసిన పెయింటింగ్‌, ఫొటో ఎగ్జిబిషన్‌ సందర్శించారు. అనంతరం కలెక్టర్‌ మాట్లాడుతూ కురవి వీరభద్ర స్వామి, కందికొండ లక్ష్మీనరసింహస్వామి, నరసింహులపేట వెంకటేశ్వర స్వామి ఆలయం, బయ్యారం పెద్ద చెరువు, మత్తడి, అనంతరం, భీముని పాదం, గుంజేడు ముసలమ్మ తల్లి ఆలయం, పురాతనమైన ఆలయాలు ఏడు బావులు, కంబాలపల్లి పెద్ద చెరువు, గ్రీన్‌ హిల్స్‌ క్యాంపింగ్‌, పులిమడుగు క్యాంపింగ్‌, బయ్యారం జలపాతం, పర్యటక ప్రాంతాల అభివృద్ధి కోసం ప్రత్యేక కార్యచర్యలతో ముందుకెళ్తున్నట్లు తెలిపారు. జిల్లాలో 49 శాతం అడవి ఉందని అందులో ఎంతో అద్భుతమైన టూరిజం స్పాట్స్‌ ఉన్నాయని తెలిపారు. సంస్కృతిపై క్లుప్తంగా పుస్తకం రాసిన రమేష్‌ను అభినందించారు. టూరిజం నోడల్‌ అధికారి శ్రీమన్నారాయణరెడ్డి, ఇన్‌చార్జ్‌ అదనపు కలెక్టర్‌ పురుషోత్తం, ఫారెస్ట్‌ డివిజనల్‌ అధికారి వెంకటేశ్వర్లు, సర్పంచ్‌ చీరిక వసంతఉపేందర్‌ రెడ్డి, ఉప సర్పంచ్‌ కమటం యాకన్న, మున్సిపల్‌ చైర్‌ పర్సన్‌ గుగులోతు జ్యోతి, మున్సిపల్‌ కమిషనర్‌ వినోద్‌ కుమార్‌, ట్రైనీ డిప్యూటీ కలెక్టర్‌ నితీష్‌, టీఎస్‌ఎస్‌ సారధి కొలిశెట్టి సత్యనారాయణ, పంచాయతీ కార్యదర్శి అభిలాష్‌ పాల్గొన్నారు. ప్రకృతి వ్యవసాయంపై అవగాహన అవసరం కేసముద్రం: ప్రకృతి వ్యవసాయంపై ప్రతీ ఒక్కరూ అవగాహన పెంచుకోవాలని కలెక్టర్‌ స్నేహ శబరీష్‌ అన్నారు. మండలంలోని తాళ్లపూసపల్లిలో జైపాల్‌రెడ్డి అనే రైతు వ్యవసాయ క్షేత్రంలో జాతీయ మిషన్‌ నేచురల్‌ ఫామింగ్‌ ఆధ్వర్యంలో జిల్లాలోని 17 క్లస్టర్‌లకుగాను 34 సీఆర్పీలకు ఐదు రోజుల శిక్షణ కార్యక్రమాన్ని శనివారం ప్రారంభించారు. ఈ సందర్బంగా కలెక్టర్‌ హాజరై మాట్లాడారు. ప్రతీ ఒక్కరు ప్రకృతి వ్యవసాయం వైపు మొగ్గు చూపే విధంగా వ్యవసాయ ఉద్యానవన శాఖ శాస్త్రవేత్తలు, అధికారులు చర్యలు తీసుకోవాలన్నారు. రైతులు, సీఆర్పీలకు ప్రభుత్వాలు అందిస్తున్న కార్యక్రమాల ద్వారా సేంద్రియ ఎరువులు, ప్రకృతి వ్యవసాయంపై శిక్షణ తరగతులు నిర్వహించి, సబ్సిడీ ఇచ్చే విధంగా చర్యలు తీసుకోవాలన్నారు. కార్యక్రమంలో డీఏఓ విజయచంద్ర, ఉద్యానవన శాఖ అధికారి మరి యన్న, శాస్త్రవేత్త, శాస్త్రవేత్త, అధిపతి అడ్లూరి ప్రశాంత్‌కుమార్‌, వెంకట్‌రెడ్డి, రామారావు, నాగేశ్వర్‌రావు, తహసీల్దార్‌ వివేక్‌, ఏఓ వెంకన్న పాల్గొన్నారు. కలెక్టర్‌ స్నేహ శబరీష్‌ ప్రపంచ పర్యాటక దినోత్సవ వేడుకలు

మహబూబాబాద్‌: ఎల్‌నినో ప్రభావంపై అధికారులు ప్రజలకు వివరించాలని, నీటి వినియోగంపై అవగాహన కల్పించాలని ప్రభుత్వవిప్‌ జాటోత్‌ రాంచంద్రునాయక్‌ అన్నారు. జిల్లా కేంద్రంలో ఎల్‌నినో, వీబీజీ రాంజీ పథకంపై పంచాయతీ కార్యదర్శులు, సర్పంచ్‌లకు శనివారం శిక్షణ కార్యక్రమం నిర్వహించారు. ఈ కార్యక్రమంలో రాంచంద్రునాయక్‌ మాట్లాడుతూ.. నీటిని జాగ్రత్తగా వినియోగించుకో వాలన్నారు. వీబీజీ రాంజీ పథకంపై ప్రజలకు అవగాహన కల్పించాలన్నారు. కలెక్టర్‌ స్నేహశబరీష్‌ మాట్లాడుతూ జిల్లాలోని గంగారం, కొత్తగూడ మండలాల్లో భూగర్జజలాలు అడుగంటి పోయాయన్నారు. అందుకు అనుగుణంగా అధికారులు యాక్షన్‌ ప్లాన్‌ సిద్ధం చేసుకోవాలన్నారు. ఇన్‌చార్జ్‌ అదనపు కలెక్టర్‌ పురుషోత్తం, డీపీఓ రేవంత్‌ పాల్గొన్నారు. బ్యాంక్‌లకు నేడు వర్కింగ్‌ డే మహబూబాబాద్‌: బ్యాంక్‌ సిబ్బందికి వారానికి ఐదు రోజుల పనిదినాలు కల్పించాలని ప్రధా న డిమాండ్‌తో అన్ని బ్యాంక్‌ యూనియన్లు సమ్మెకు పిలుపునిచ్చాయి. సమ్మెలో భాగంగా ఈనెల 28, 29, 30 మూడు రోజులపాటు బ్యాంక్‌లు బంద్‌ ఉంటాయి. ఈ నేపథ్యంలో ప్రభుత్వం నేడు (ఆదివారం) పని దినంగా ప్రకటించింది. మెడికల్‌ క్యాంపులు ఏర్పాటు చేస్తాం కొత్తగూడ: మండలంలోని గుంజేడు గ్రామంలో బాలుడికి డెంగీ సోకిన విషయం తెలుసుకు ని డీఎంహెచ్‌ఓ రవిరాథోడ్‌ శనివారం గ్రామంలో పర్యటించారు. ఈసందర్భంగా ఆయన మాట్లాడుతూ దోమల నివారణకు చేపట్టాల్సిన చర్యలను వివరించారు. వ్యాధులు రాకుండా ముందు జాగ్రత్తలు పాటించాలన్నారు. కోర్లిన్‌ చేయించాలని హెల్త్‌ అసిస్టెంట్లు శ్రావణ్‌, రా మును ఆదేశించారు. వైద్య శిబిరాలు ఏర్పాటు చేయాలని డాక్టర్‌ వరుణ్‌తేజ్‌కు చెప్పారు. వివరాలు సమర్పించండి సాక్షి కథనానికి సీఎంఓ స్పందన నెహ్రూసెంటర్‌: ‘పసిపిల్లలు పదిలమేనా’ శీర్షికన ‘సాక్షి దినపత్రిక’లో ఈ నెల 23వ తేదీన ప్రచురితమైన కథనానికి సీఎం కార్యాలయం స్పందించింది. దీనికి సంబంధించిన వివరాలు సమర్పించాలని కోరింది. దీంతో జిల్లా అధికారులు జీజీహెచ్‌ సూపరింటెండెంట్‌ను సంబంధిత వివరాలు సమర్పించాలని ఆదేశించారు. నిధుల కొరత, పరికరాల పనితీరు వంటి అంశాలను సమగ్రంగా అందజేయాలని కోరారు. రెడ్‌క్రాస్‌ జిల్లా చైర్మన్‌గా వెంకట్‌రెడ్డి మహబూబాబాద్‌: జిల్లా రెడ్‌క్రాస్‌ చైర్మన్‌గా మాధవపెద్ది వెంకట్‌రెడ్డి ఏకగ్రీవంగా ఎన్నికై నట్లు అదనపు కలెక్టర్‌ అనిల్‌కుమార్‌ ప్రకటించారు. జిల్లా కేంద్రంలోని లయన్స్‌ క్లబ్‌ భవనంలో రెడ్‌ క్రాస్‌ సొసైటీ ఎన్నికల ప్రక్రియ శనివారం నిర్వహించారు. వైస్‌ చైర్మన్‌గా డాక్టర్‌ బానోత్‌ నెహ్రూ రాథోడ్‌, ట్రైజరర్‌గా వెంకన్న, కమిటీ సభ్యులుగా రావుల రవిచందర్‌రెడ్డిని ఎన్నికయ్యారు. అదనపు కలెక్టర్‌.. నూతన కమిటీతో ప్రమాణ స్వీకారం చేయించారు. ఈ సందర్భంగా నూతన చైర్మన్‌ వెంకట్‌రెడ్డి మాట్లాడుతూ.. తన ఎన్నికకు సహకరించిన ప్రతీ ఒక్కరికి కృతజ్ఞతలు తెలిపారు. కార్యక్రమంలో పర్కాల శ్రీనివాస్‌రెడ్డి, యాళ్ల మురళీధర్‌రెడ్డి, వడ్డెబోయిన శ్రీనివాస్‌ పాల్గొన్నారు. విద్యావ్యవస్థలో సీఆర్పీల పాత్ర కీలకం మహబూబాబాద్‌ అర్బన్‌: విద్యావ్యవస్థలో ఎంఎస్‌ కోఆర్డినేటర్లు, సీఆర్పీల పాత్ర కీలకమని జిల్లా పరీక్షల విభాగ అధిపతి మందుల శ్రీరా ములు అన్నారు. జిల్లా కేంద్రంలోని ఓ ఫంక్షన్‌ హాల్‌లో శనివారం నిర్వహించిన ఓరియంటేష న్‌ కార్యక్రమంలో శ్రీరాములు మాట్లాడారు. ఏక్‌ పేడ్‌ మాకే నామ్‌ను పూర్తి చేయాలని, బడి బయట ఉన్న పిల్లలను గుర్తించి ప్రభుత్వ బడుల్లో చేర్పించాలన్నారు. ఎన్రోల్‌మెంట్‌, అపార్‌, ఆధార్‌లను యూడైస్‌లో అప్‌లోడ్‌ చేయాలన్నా రు. అన్ని మండలాల్లో ఎంఎస్‌ కోఆర్డినేటర్లు, సీఆర్పీలు వారికి కేటాయించిన పాఠశాలలను సందర్శించి, ఉపాధ్యాయులతో సమస్యలను అడిగి తెలుసుకొని విద్యార్థులకు వసతులు కల్పించాలన్నారు. కార్యక్రమంలో డీఎస్‌ఓ అప్పారావు, సీఎంఓ వంగ సురేష్‌, ఏసీఎస్‌ సంతోష్‌కుమార్‌, ఏఎంఓ వెంకటేశ్వర్లు, సీఆర్పీలు, కోఆర్డినేటర్లు తదితరులు పాల్గొన్నారు.

కన్న కలలు ఫలించాయి రఘునాథపల్లి: జనగామ జిల్లా రఘునాథపల్లికి చెందిన నోముల పార్వతి–యాకయ్యలది వ్యవసాయధార కుటుంబం. సమాజంలో విద్య లేకపోతే ఎదురయ్యే ఇబ్బందులను స్వయంగా అనుభవించిన ఆ దంపతులు కూతురిని సమాజానికి ఉపయోగపడే ఉన్నత స్థానంలో చూడాలని కలలు కన్నారు. వారి కాష్టాన్ని, త్యాగాలను అర్దం చేసుకున్న అశ్విని ఆహర్నిశలు శ్రమించి ఏడాది క్రితం వనపర్తి జూనియర్‌ సివిల్‌ జడ్జిగా ఎంపికయ్యారు. విజయవంతంగా బాధ్యతలు నిర్వరిస్తున్నారు. ‘కూతురు న్యాయమూర్తి కావాలన్న మా అశను తను నెరవేర్చింది. ఏడాది కాలంగా జడ్జిగా సేవలు అందిస్తున్న మా బిడ్డను చూస్తేంటే కడుపు నిండిపోతుంది. కూతుర్ల దినోత్సం వేళ ఒక కూతురిగా తను మాకు ఇచ్చిన అతి పెద్ద బహుమతి’అని అశ్విని తల్లిదండ్రులు పార్వతి, యాకయ్య ఎంతో ఆనందంగా తెలిపారు. నా భవిష్యత్‌ను నిర్మించారు మహబూబాబాద్‌ రూరల్‌ : ఈ కుమార్తెల దినోత్సవం సందర్భంగా నా జీవితంలో నాకు అత్యంత ముఖ్యమైన వ్యక్తులైన నా తల్లిదండ్రులు భూక్యా భీమా, మంజుల గురించి కొన్ని మాటలు పంచుకోవాలనుకుంటున్నాను. నా తల్లిదండ్రులకు పాఠశాల విద్యను అభ్యసించే అవకాశం లభించలేదు. అయినప్పటికీ, కష్టపడి పనిచేస్తూ నా భవిష్యత్తు కోసం ఎన్నో త్యాగాలు చేశారు. వారి ప్రోత్సాహం, త్యాగాల వల్లనే నేను హైదరాబాద్లోని సీబీఐటీలో కంప్యూటర్‌ సైన్స్‌ ఇంజినీరింగ్‌ (సీఎస్‌ఈ) పూర్తి చేయగలిగా. అమెరికాకు చెందిన ఒక సాఫ్ట్‌ వేర్‌ కంపెనీలో నాలుగేళ్ల పాటు బిజినెస్‌ అనలిస్టుగా పనిచేశాను. నా తల్లిదండ్రుల పూర్తి మద్దతుతో కార్పొరేట్‌ ఉద్యోగాన్ని వదిలి సివిల్‌ సర్వీసెస్‌ వైపు అడుగులు వేశాను. చివరకు విజయం సాధించి 2017 బ్యాచ్‌ ఇండియన్‌ ఫారెస్ట్‌ సర్వీస్‌ (ఐఎఫ్‌ఎస్‌) అధికారిగా సేవలో చేరాను. మా కుటుంబంలో మొదటి తరం అధికారిగా నిలవడం నాకు ఎంతో గర్వంగా ఉంటుంది. ఈ రోజు కుమార్తెలను గౌరవించే రోజు. కానీ నా విజయానికి సంబంధించిన ప్రతీ గౌరవం నా తల్లిదండ్రులకే చెందుతుంది. – భూక్య లావణ్య, మానుకోట జిల్లా అటవీశాఖ అధికారి తాము చదువుకోలేక ఎదుర్కొన్న కష్టాలు తమ బిడ్డ పడకూడదని ఆ తల్లిదండ్రులు అనుకున్నారు. తాము చిందించిన ప్రతీ చెమట చుక్కను కూతుళ్ల భవిష్యత్తుకు పునాదిగా మార్చారు. మరికొందరు తల్లిదండ్రులు కొడుకు లేడని బాధపడలేదు. కూతుళ్లనే వారు కుమారులుగా భావిస్తూ ఉన్నతస్థానాలకు వెళ్లాలని ఆశపడ్డారు. వారి నమ్మకాన్ని కూతుళ్లు నిలబెట్టారు. ఉన్నతస్థానాలకు ఎదిగి తల్లిదండ్రుల పేరు నిలబెట్టారు. నేడు (ఆదివారం) కూతుళ్ల దినోత్సవం (డాటర్స్‌ డే) సందర్భంగా ఉమ్మడి వరంగల్‌ జిల్లాలో తల్లిదండ్రుల కల నెరవేర్చిన కూతుళ్లు, కూతుళ్ల కోసం కష్టపడిన తల్లిదండ్రులపై ప్రత్యేక కథనాలు. దేవుడిచ్చిన కూతురు.. నా పేరు సుమన్‌. నేను ఈఏడాది మార్చిలో మహబూబాబాద్‌లోని లండన్‌ కిడ్స్‌ పాఠశాలలో ఇన్‌చార్జ్‌గా జాయిన్‌ అయ్యాను. నా పూర్వ విద్యార్థిని ఇప్పుడు అదే పాఠశాలలో టీచర్‌గా విధుల్లో నిర్వర్తిస్తుంది. ఆమె పేరు పావని. జూన్‌ 21 (ఆదివారం) ఫాదర్స్‌ డే నాడు ఉదయమే పావని నాకు ఫోన్‌ చేసింది. సార్‌ స్కూల్‌కు వస్తున్నారా.. అని అడిగింది. వస్తున్నా అన్నాను. స్కూల్‌కి వచ్చేలోగా.. నా బెంచ్‌ మీద కేక్‌.. దాని మీద హ్యాపీ ఫాదర్స్‌ డే నాన్న అని రాసి ఉంది. ఎవరిది ఈ కేక్‌ అనగానే.. మిమ్మల్ని నాన్న అని పిలువచ్చా సార్‌ అంటూ పావని దగ్గరకు వచ్చింది. హ్యాపీగా ఒకే చెప్పాను. ఫ్రెండ్‌షిప్‌ డే, రాఖీ ఇలా అన్ని నాతోనే సెలబ్రేట్‌ చేసుకుంటుంది. బెస్ట్‌ టీచర్‌ అవార్డు అందుకుని నా వద్దకు వచ్చి తన శాలువాను నాకు కప్పి అవార్డు నా చేతిలో పెట్టింది. నా సంతోషానికి హద్దు లేదు. సొంత కూతురు ఉన్నా.. ఇలా చేసేదోకాదో అనిపించింది. సభలో ఉన్న టీచర్స్‌ సుమన్‌ సార్‌ మీకు ఇంత పెద్ద కూతురు ఉందా.. అని అడిగితే అప్పుడు చెప్పాను.. ఉంది.. పావని నాకు దేవుడు ఇచ్చిన కూతురు అని. నలుగురు కుమార్తెలు ఉద్యోగస్తులే.. ఏటూరునాగారం: మాది రైతు కుటుంబం. ఎన్నో కష్టాలు పడి మా తల్లిదండ్రులు నన్ను పెంచి పెద్దచేశారు. ఇంటర్‌ వరకు చదువుకున్నాను. 19 సంవత్సరాలకే జైలు వార్డెన్‌ ఉద్యోగం వచ్చింది. పోలీసులను మావోయిస్టులు చంపుతున్నారని తల్లిదండ్రులు పోలీసులు ఉద్యోగానికి పంపలేదు. నాకు నలుగురు కుమార్తెలు. ప్రభుత్వ పాఠశాలలో చదివించి ఇంటి వద్ద నేనే ట్యూషన్‌ చెప్పేవాడిని. ఆ తర్వాత నా రెండో కుమార్తె ప్రసన్న లక్ష్మీని డిప్లామా అగ్రిలక్చర్‌ చదివించగా ఏఈఓగా ఉద్యోగం వచ్చింది. పెద్ద కుమార్తె పద్మ ఏఎన్‌ఎంగా ములుగు ఏరియా ఆస్పత్రిలో థియేటర్‌ అసిస్టెంట్‌గా ఔట్‌సోర్సింగ్‌లో పనిచేస్తోంది. మూడో కుమార్తె ప్రియాంకకు ములుగు ఏరియా ఆస్పత్రిలో ల్యాబ్‌ అసిస్టెంట్‌గా ప్రభుత్వ ఉద్యోగం వచ్చింది. నాలుగో కుమార్తె రజిత కేంద్ర ప్రభుత్వ ఉద్యోగం రాగా ప్రస్తుతం హైదరాబాద్‌లోని హెడ్‌ క్వార్టర్స్‌లో వెటర్నరీ ల్యాబ్‌ టెక్నిషియన్‌గా ఉద్యోగం చేస్తోంది. నలుగురు కుమార్తైలెనా అధైర్యపడకుండా ప్రయోజకులను చేశా. వారు నా నమ్మకాన్ని నిలబెట్టడం తండ్రిగా ఎంతో సంతృప్తినిచ్చింది. – గోగు నగేశ్‌, ఏటూరునాగారం, ములుగు జిల్లాఇద్దరు ఆడపిల్లలు డాక్టర్లే.. కాశిబుగ్గ: వరంగల్‌ దేశాయిపేటకు చెందిన ఆర్టీసీ రిటైర్డ్‌ ఉద్యోగి గాండ్ల ప్రభాకర్‌–రమాదేవికి ఇద్దరు కుమార్తెలు మౌనిక, మేఘన. ఇద్దరు ఆడపిల్లలు ఉన్నారన్నా చింత లేకుండా వారిని చదివించారు. పెద్దమ్మాయి మౌనిక కేఎంసీలో ఎంబీబీఎస్‌ పూర్తి చేసి, కాకినాడలోని రంగరాయ మెడికల్‌ కాలేజీలో పిడియాట్రిక్స్‌ పూర్తి చేశారు. ప్రస్తుతం ఉస్మానియా పరిధిలోని నీలోఫర్‌ ఆస్పత్రిలో డీఎం నియోనెటాలజీగా పనిచేస్తున్నారు. అదేవిధంగా చిన్నమ్మాయి మేఘన కూడా తానేమి తీసిపోనట్లుగా ఒంగోలులోని రిమ్స్‌లో ఎంబీబీఎస్‌ పూర్తి చేసి, ప్రస్తుతం గుంటూరులోని మెడికల్‌ కాలేజీలో ఆప్తాల్మాజీలో సెకండియర్‌ చదువుతున్నారు. ‘మాకు కొడుకులు లేరన్న చింత లేదు. ఇద్దరు ఆడపిల్లలు పుట్టినా లక్ష్మీదేవిలుగా భావిస్తూ కష్టపడి చదివించాం. డాక్టర్లు కావడంతో మా జన్మ ధన్యమైంది.’అని తల్లిదండ్రులు ప్రభాకర్‌–రమాదేవి సగర్వంగా చెప్పారు. కూతురును చూసి గర్వపడుతున్నాం.. హన్మకొండ : నిన్నుచూసి మేము తల్లి–దండ్రులుగా ఎంతో గర్వపడుచున్నాం. కూతురు సహనా రెడ్డి చిన్ననాటి జ్ఞాపకాలను నెమరు వేసుకుంటా ఆనందం పొందుతున్నాం. విద్య అనేది భవిష్యత్‌ను మార్చే శక్తి అని ధృడంగా నమ్మి మా కూతురును చదివించాం. కాకతీయ యూనివర్సిటీలో బీటెక్‌ పూర్తి చేసి, ఇండియన్‌ స్కూల్‌ ఆఫ్‌ బిజినెస్‌ స్కూల్‌ ఎంబీఏ పూర్తి చేసింది. మల్టీ నేషనల్‌ ఫ్రాంక్లిన్‌ టెంపుల్‌టన్‌ కంపెనీలో ఏడాదికి రూ.75 లక్షల ప్యాకేజీతో ఉద్యోగం చేస్తూ సమాజంలో ఉన్నత స్థాయిలో నిలవడం మాకెంతో గర్వకారణం. మా ఆనందం.. ఆశలకు ప్రతీక అయిన నీవు. భవిష్యత్‌లో మరిన్ని ఉన్నతశిఖరాలను అధిరోహించాలని, నేటి సమాజానికి మార్గదర్శకురాలిగా నిలవాలని కోరుకుంటున్నాం. – గోపు రేణుకారెడ్డి – సమ్మిరెడ్డి, హనుమకొండ వారి ఆశలను వమ్ము చేయకుండా నెరవేర్చిన కూతుళ్లు ఉమ్మడి వరంగల్‌ జిల్లాలో ఉన్నతస్థానాలకు ఎదిగిన పలువురు అమ్మనాన్నల రెక్కల కష్టం.. కూతుళ్ల విజయాల ఆకాశం చదువుకోలేదన్న వెలితిని.. పిల్లల చదువుతో తుడిచేసుకున్న తల్లిదండ్రులు

తొర్రూరు రూరల్‌: సాంకేతిక పరిజ్ఞానాన్ని పెంచుకుంటూ సైబర్‌ నేరాల పట్ల విద్యార్థులు అప్రమత్తంగా ఉండాలని తొర్రూరు జూనియర్‌ సివిల్‌ కోర్టు జడ్జి దామెర ధీరజ్‌కుమార్‌ సూచించారు. శనివారం మండలంలోని వెలికట్ట జిల్లా పరిషత్‌ పాఠశాలలో మండల న్యాయ సేవాధికార సంస్థ ఆధ్వర్యంలో అవగాహన సదస్సును నిర్వహించారు. ముఖ్య అతి థిగా పాల్గొన్న జడ్జి మాట్లాడుతూ విద్యార్థులు సెల్‌ఫోన్ల వినియోగంలో జాగ్రత్తగా ఉండాలని, తెలియ ని వ్యక్తులు ఫోన్లు చేస్తే మాట్లాడొద్దని తెలిపారు. ఓటీపీలు ఇతరులకు చెప్పి మోసపోవద్దని సూచించారు. హెచ్‌ఎం శ్రీనుబాబు, ఉపాధ్యాయులు తదితరులు పాల్గొన్నారు. న్యాయ సేవలు అందేలా చూడాలి మహబూబాబాద్‌ రూరల్‌ : సమాజంలోని మూగ, చెవిటి (బధిరులు) వారిని క్షేత్రస్థాయిలో గుర్తించాల్సిన కీలక బాధ్యత పారా లీగల్‌ వలంటీర్లపై ఉందని జిల్లా న్యాయ సేవాధికార సంస్థ కార్యదర్శి స్వాతి మురారి అన్నారు. ప్రపంచ బధిరుల దినోత్సవం ఆదివారం జరుపుకోనున్న నేపథ్యంలో స్వాతి మురారి పారా లీగల్‌ వలంటీర్లతో శనివారం ప్రత్యేక సమావేశం నిర్వహించారు. ఈ సందర్భంగా ఆమె మాట్లాడుతూ కేవలం మూగ, చెవిటి వారిని గుర్తించడమే కాకుండా జిల్లా న్యాయ సేవాధికార సంస్థ ద్వారా వారికి లభించే ఉచిత న్యాయ సేవలు, సలహాలు, చట్టపరమైన హక్కుల గురించి అవగాహన కల్పించాలన్నారు.

● ఉధృతం కానున్న ప్రచారం హన్మకొండ: టీజీఎస్‌ ఆర్టీసీ యూనియన్‌ ఎన్నికలకు కార్మిక శాఖ శనివారం గుర్తులు కేటాయించింది. దీంతో ఎన్నికల నిర్వహణపై పూర్తి స్పష్టత వచ్చింది. ఇప్పటికే మొదలు పెట్టిన ప్రచారం గుర్తుల కేటాయింపుతో ఉధృతం కానుంది. గతంలో తెలంగాణ మజ్దూర్‌ యూనియన్‌కు కేటాయించిన విల్లు, బాణం గుర్తును తెలంగాణ ఆర్టీసీ వర్కర్స్‌ యూనియన్‌కు కేటాయించారు. ఆర్టీసీ సామాజిక తెలంగాణ మజ్దూర్‌ యూనియన్‌కు బతుకమ్మ, ఆర్టీసీ తెలంగాణ మజ్దూర్‌ యూనియన్‌కు నిచ్చెన, టీఎస్‌ ఆర్టీసీ బహుజన వర్కర్స్‌ యూనియన్‌కు కత్తెర, టీఎస్‌ ఆర్టీసీ ఎంప్లాయీస్‌ యూనియన్‌ బస్‌, టీఎస్‌ ఆర్టీసీ కార్మిక పరిషత్‌కు బస్‌ టైర్‌, టీఎస్‌ ఆర్టీసీ కార్మిక సంఘ్‌కు టైగర్‌, టీఆర్టీసీ బహుజన కార్మిక యూనియన్‌కు ధర్మచక్ర, స్టాఫ్‌ అండ్‌ వర్కర్స్‌ ఫెడరేషన్‌కు నక్షత్రం, నేషనల్‌ మజ్దూర్‌ యూనియన్‌కు కాగడ, స్టాఫ్‌ అండ్‌ వర్కర్స్‌ యూనియన్‌కు తరాజు, తెలంగాణ జాతీయ మజ్దూర్‌ యూనియన్‌కు గధ గుర్తును కార్మిక శాఖ కేటాయించింది. తెలంగాణ ఆర్టీసీ వర్కర్స్‌ యూనియన్‌ సంబరాలు.. తెలంగాణ ఆర్టీసీ వర్కర్స్‌ యూనియన్‌ (అశ్వత్థామ రెడ్డి వర్గం)కు విల్లు, బాణం గుర్తు కేటాయించడంతో ఆ యూ నియన్‌ సంబరాలు చేసుకుంది. గతంలో టీఎంయూగా కొనసాగిన అశ్వత్థామ రెడ్డి వర్గం గుర్తింపు ఎన్నికలో తెలంగాణ ఆ ర్టీసీ వర్కర్స్‌ యూనియన్‌గా పోటీ చేస్తుంది. అయితే గతంలో టీఎంయూ గుర్తుగా కార్మికుల్లోకి విస్తృతంగా ప్రచారంలో ఉన్న విల్లు, బాణం గుర్తు తెలంగాణ ఆర్టీసీ వర్కర్స్‌ యూనియన్‌కు కేటాయించడంతో శనివారం రాత్రి హనుమకొండలోని వరంగల్‌–1, వరంగల్‌–2, హనుమకొండ డిపోల వద్ద బాణసంచా కాల్చి సంబరాలు జరుపుకున్నారు. నాయకులు జితేందర్‌ రెడ్డి, ఎస్‌.కె.వై.పాషా, రాతిపల్లి సాంబయ్య, జి.సత్తయ్య, రమేశ్‌, తదితరులు పాల్గొన్నారు.ఉత్సాహంగా ఎస్‌జీఎఫ్‌ ఎంపికలు వరంగల్‌ స్పోర్ట్స్‌: ఉమ్మడి వరంగల్‌ జిల్లా స్థాయి పాఠశాల క్రీ డల సమాఖ్య అండర్‌– 14, 17 బాలబాలికల ఎంపిక పోటీలు శనివారం ఉత్సాహంగా కొనసాగాయి. వరంగల్‌ జిల్లా ఎస్‌జీఎఫ్‌ ఆధ్వర్యంలో వరంగల్‌ కాశీబుగ్గలోని ఓసిటీ మైదానంలో ఉషు, టంగ్‌తా క్రీడల ఎంపికలు నిర్వహించా రు. అలాగే , హనుమకొండలోని జవహర్‌లాల్‌ నెహ్రూ స్టేడియంలో వెయిట్‌ లిఫ్టింగ్‌, లాన్‌టెన్నీస్‌ క్రీడాంశాల్లో ఎంపికలు నిర్వహించినట్లు ఎస్‌జీఎఫ్‌ వరంగల్‌ జిల్లా కార్యదర్శి పుల్ల అ నిల్‌ తెలిపారు. నాలుగు క్రీడాంశాల్లో జరిగిన ఈ పోటీలకు ఉ మ్మడి జిల్లా నుంచి 400 మంది క్రీడాకారులు ఎంపికై నట్లు చె ప్పారు. పీఈటీల సంఘం వరంగల్‌ జిల్లా అధ్యక్షుడు ఎం. వెంకటేశ్వర్లు, కన్వీనర్లు పి. సుధాకర్‌, జె. సతీశ్‌, బి. రవీనా, సుజాత, జి. ధన్‌రాజ్‌, పీఈటీలు నాగరాజు, సతీశ్‌, పాషా, సమ్మయ్య, పెద్దిరాజ్‌, రఘువీర్‌, తదితరులు పాల్గొన్నారు.

జనగామ: కాంగ్రెస్‌ పార్టీ సంక్షేమ పథకాలు, అభివృద్ధి కార్యక్రమాలు, పార్టీ సమాచారాన్ని ప్రజలకు చేరవేసేందుకు రూపొందించిన ‘సారథి యాప్‌’ను రాష్ట్ర మంత్రి పొంగులేటి శ్రీనివాస్‌రెడ్డి శనివారం ప్రారంభించారు. కాంగ్రెస్‌ పార్టీ జిల్లా కార్యాలయంలో డీసీసీ అధ్యక్షురాలు ధన్వంతి లక్ష్మీనారాయణ లకావత్‌ ఆధ్వర్యంలో ఈ కార్యక్రమం నిర్వహించారు. పార్టీ నాయకులు, కార్యకర్తలు యాప్‌ను విస్తృతంగా వినియోగించి ప్రభుత్వ పథకాలు, అభివృద్ధి కార్యక్రమాల సమాచారాన్ని ప్రజలకు చేరవేయాలని మంత్రి సూచించారు. అనంతరం కాంగ్రెస్‌ పార్టీ జిల్లా ఎస్సీ సెల్‌ ఆధ్వర్యంలో నిర్వహించిన చాకలి ఐలమ్మ జయంతి వేడుకల్లో పాల్గొని ఆమె చిత్రపటానికి పూలమాలలు వేసి నివాళులర్పించారు. కాగా, జిల్లా కాంగ్రెస్‌ పార్టీకి శాశ్వత కార్యాలయం ఏర్పాటుకు స్థలం కేటాయించాలని ధన్వంతి లక్ష్మీనారాయణ లకావత్‌.. మంత్రిని కోరారు. దీనిపై స్పందించిన పొంగులేటి.. తగిన స్థలాన్ని పరిశీలించి కేటాయించాలని కలెక్టర్‌ను ఆదేశించారు. కార్యక్రమంలో నియోజకవర్గ ఇన్‌చార్జ్‌ కొమ్మూరి ప్రతాప్‌రెడ్డి, మున్సిపల్‌ చైర్‌పర్సన్‌ కడకంచి బాలమణి శ్రీనివాస్‌, వైటీడీఏ మెంబర్‌ డాక్టర్‌ లక్ష్మీనారాయణ నాయక్‌, తదితరులు పాల్గొ న్నారు. రాష్ట్ర మంత్రి పొంగులేటి శ్రీనివాస్‌రెడ్డి ‘సారథి’ యాప్‌ ప్రారంభం

ఏటూరునాగారం: ఎగువ ప్రాంతాల్లో కురుస్తున్న భారీ వర్షాలకు గోదావరి నది ఉప్పొంగి ప్రవహిస్తోంది. ములుగు జిల్లా ఏటూరునాగారం మండలం రామన్నగూడెం పుష్కరఘాట్‌ వద్ద శనివారం 13.8 మీటర్ల నీటి మట్టం నమోదైంది. తుపాకులగూడెం నుంచి 6 లక్షల క్యూసెక్కుల నీరు విడుదల చేయడంతో ఏటూరునాగారంలో గోదావరి ప్రవాహం మరింత పెరిగింది. దీంతో ముందస్తుగా ఇరిగేషన్‌ అధికారులు ఏటూరునాగారం ఓడవాడ నుంచి రామన్నగూడెం, రాంనగర్‌, పప్కాపురం వైపు ఉన్న 19 గేట్లను మూసివేశారు. వరద నీరు వచ్చినా గేట్ల ద్వారా గ్రామాల్లోకి వెళ్లకుండా తగు చర్యలు చేపట్టారు. గోదావరి ప్రవాహం మరింత పెరిగినా ఎలాంటి ప్రమాదం లేదని అధికారులు పేర్కొంటున్నారు. కాగా, ఇటీవల నిర్మించిన జియోట్యూబ్స్‌కు వరద నీరు వచ్చి తాకుతోంది. వాజేడు: ఎగువ ప్రాంతాల నుంచి వస్తున్న నీటితో గోదావరి వరద క్రమేపీ పెరుగుతుంది. దీంతో 163 జాతీయ రహదారి ములుగు జిల్లా వాజేడు మండలంలోని టేకులగూడెం, ఇసుక వాగు వద్ద ముంపునకు గురైంది. ఫలితంగా తెలంగాణ, ఛత్తీస్‌గఢ్‌ రా ష్ట్రాల మధ్య రాకపోకలు నిలిచాయి. అదే విధంగా మండల పరిధిలోని పెద్ద గొల్లగూడెం, చీకుపల్లి గ్రా మాల మధ్య ఇసుక వాగు బ్రిడ్జి నిర్మాణ ప్రదేశంలో ఏర్పాటు చేసిన డైవర్షన్‌ రోడ్డు ముంపునకు గురైంది. దీంతో వాగుఅవతలి వైపున ఉన్న 25 గ్రామాల ప్రజలకు రాకపోకలు నిలిచాయి. కొందరు ప్రయాణికులు వరద నీటి నుంచి కాలినడకన వస్తున్నారు. మేడిగడ్డకు 72,270 క్యూసెక్కుల ఇన్‌ఫ్లో.. కాళేశ్వరం: జయశంకర్‌భూపాలపల్లి జిల్లా మహదేవపూర్‌ మండలం కాళేశ్వరం ప్రాజెక్టులోని మేడిగడ్డ బ్యారేజీకి 72,270 క్యూసెక్కుల నీరు తరలి వస్తున్నట్లు ఇంజనీర్లు తెలిపారు. ఎగువన మహారాష్ట్రలో కురుస్తున్న వర్షాలతో శనివారం కాళేశ్వరం త్రివేణి సంగమం వద్ద ప్రాణహిత నది 6.030 మీటర్ల ఎత్తులో నీటిమట్టం ప్రవహిస్తోంది. ఈ వరదంతా దిగువన మేడిగడ్డ బ్యారేజీకి చేరడంతో గేట్లన్నీ ఎత్తారు. దీంతో ఇన్‌ఫ్లో, ఔట్‌ఫ్లో రూపంలో ఒకే స్థాయిలో 72,270 క్యూసెక్కుల నీరు తరలిపోతుందని ఇంజనీర్లు తెలిపారు. సమ్మక్క సాగర్‌లోకి భారీగా వరద.. కన్నాయిగూడెం: నాలుగు రోజుల నుంచి మండలంతోపాటు ఎగువన ఉన్న ఛత్తీస్‌గఢ్‌, మహారాష్ట్రల్లో కురుస్తున్న వర్షాలతో వాగులు, వంకలు పొంగి పొర్లుతున్నాయి. దీంతో వరద నీరు గోదావరిలోకి భారీగా చేరడంతో నది ఉధృతంగా ప్రవహిస్తూ గంటగంటకూ పెరుగుతోంది. ఫలితంగా ములుగు జిల్లా కన్నాయిగూడెం మండలం తుపాకులగూడెం గ్రామ పరిధిలో గోదావరిపై ఉన్న సమ్మక్క సాగర్‌ బ్యారేజీలోకి వరద నీరు భారీగా చేరుతోంది. శుక్రవారం సాయంత్రం వరకు బ్యారేజీలోకి 1,72,300 క్యూసెక్కుల నీరు చేరగా శనివారం సాయంత్రం వరకు క్రమక్రమంగా పెరుగుతూ 7,28,700 క్యూసెక్కుల నీరు చేరుతుంది. అంటే శనివారం సాయంత్రం వరకు అదనంగా ఐదు లక్షల యాబై వేల క్యూసెక్కులకు పైనే చేరి ప్రవహిస్తోంది. దీంతో బ్యారేజీ ప్రాంతమంతా జలమయమై కళకళలాడు తోంది. బ్యారేజీ వద్ద ఉన్న 59 గేట్లను ఎత్తి దిగువకు అదే మోతాదులో నీటిని వదులుతున్నారు. ప్రస్తుతం బ్యారేజీ వద్ద 82.0 మీటర్ల నీటి మట్టం కొనసాగుతోంది. దేవాదుల ఎత్తిపోతల వద్ద 82.20 మీటర్ల నీటి మట్టం కొనసాగుతోంది. కాగా, గోదావరి ప్రవాహం గంటగంటకూ పెరుగుతుండడంతో రైతులు భయాందోళనకు గురవుతున్నారు. వరద ముప్పునకు గురైతే వేలాది రూపాయలు పెట్టుబడితో సాగుచేసిన పంట నష్టపోతామని మిర్చి రైతులు ఆందోళన చెందుతున్నారు. ముందస్తుగా గేట్లు మూసివేత ఎలాంటి ప్రమాదం లేదన్న ఇరిగేషన్‌ శాఖ

తండ్రి స్ఫూర్తితో కూతురువరంగల్‌ స్పోర్ట్స్‌: ఆడపిల్ల పుట్టిందంటే పెళ్లి నాటికి బంగారం, డబ్బులు, ప్లాట్లు సంపాదిస్తే చాలు.. కూతురుకు బంగారు భవిష్యత్‌ అందించొచ్చు. ఇది సగటు సాధారణ తండ్రి ఆలోచన. అందుకు భిన్నంగా ఓ తండ్రి తన కూతురును అంతర్జాతీయ వేదికపై తల ఎత్తి చూడాలని తలచారు. తన లక్ష్యం కోసం కూతురును క్రీడా దిగ్గజంగా మలిచేందుకు పరితపించారు. చూస్తుండగానే తన లక్ష్యానికి కూతురు చేరువయ్యింది. వచ్చే నెల 12 నుంచి 18వ తేదీ వరకు చైనాలో జరగనున్న ఐదో ఏషియా కప్‌ టోర్నమెంట్‌లో అండర్‌–15 బాలికల విభాగంలో భారత జట్టు నుంచి పాల్గొననుంది. హనుమకొండలోని కేఎల్‌ఎన్‌రెడ్డికాలనీ సమీపంలో శాంతినగర్‌కు చెందిన వేల్పుల అనిల్‌ సుబేదారి పోలీస్‌ స్టేషన్‌లో కానిస్టేబుల్‌గా విధులు నిర్వహిస్తున్నారు. అనిల్‌, సుజాత దంపతులకు కూతురు సాయివర్షిణి, కుమారుడు సాయివర్షిత్‌ ఉన్నారు. కూతురు సాయివర్షిణి ఎదిగిన తీరును ‘డాటర్స్‌ డే’ సందర్భంగా తండ్రి అనిల్‌ ‘సాక్షి’తో పంచుకున్నారు. ఆ వివరాలు ఆయన మాటల్లోనే.. ప్రశ్న: సాయివర్షిణికి సాఫ్ట్‌బాల్‌పై ఆసక్తిని ఎప్పుడు గుర్తించారు సాయివర్షిణి పుట్టగానే క్రీడాకారిణిగా తయారు చేయాలని నిశ్చయించుకున్నా. నాలుగో తరగతి చదువుతుండగా ప్రతీ రోజు మైదానానికి తీసుకెళ్లేవాడిని. స్టేడియంలో క్రీడాకారులను చూపుతూ క్రీడలపై ఆసక్తి పెరిగేలా బోధించేవాడిని. కొద్ది రోజులు గమనించాక సాఫ్ట్‌బాల్‌ వైపు సాయివర్షిణి ఆసక్తి చూపెట్టింది. ప్రశ్న: ఎక్కడ శిక్షణ ఇప్పించారు ప్రతీ రోజు జవహర్‌లాల్‌ నెహ్రూ స్టేడియం తీసుకెళ్తున్న క్రమంలో సాఫ్ట్‌బాల్‌ క్రీడ పట్ల ఆసక్తి కనబరిచింది. అక్కడే శిక్షణ ఇస్తున్న కోచ్‌ వినయ్‌ వద్ద జాయిన్‌ చేశా. నాలుగు సంవత్సరాలుగా వినయ్‌ వద్ద శిక్షణ పొందుతోంది. ప్రతీ రోజు రెండు గంటలకు పైగా సాధన చేస్తుంది. ప్రస్తుతం పిచ్చర్‌గా భారత జట్టులో స్థానం దక్కించుకుంది. ప్రశ్న: సాయివర్షిణి చదువు, ఆటపై ఎలా దృష్టి పెడుతున్నారు సాయివర్షిణి చిన్నప్పటి నుంచే ఏదైనా సరే ఒకసారి చెబితే చాలు ఇట్టే పట్టేస్తుంది. ప్రస్తుతం హంటర్‌రోడ్‌లోని గ్రీన్‌వుడ్‌ హైస్కూల్‌లో 8వ తరగతి చదువుతోంది. ఏ రోజు కూడా చదువులో వెనుకంజ వేయలేదు. సాయంత్రం స్టేడియానికి వెళ్లి రాగానే పుస్తకాలు పడుతుంది. ఏ రోజు కూడా అలసిపోయా.. చదువుకోలేను అని చెప్పలేదు. ప్రశ్న: తల్లిదండ్రులుగా కూతురు ఈ స్థాయికి ఎంపిక కావడం ఎలా ఫీలవుతున్నారు నా కూతురుని అంతర్జాతీయ స్థాయిలో ప్రపంచమంతా తల ఎత్తుకుని చూడాలన్న మా ఆశయం, ఆలోచనలను ఒంటబట్టించుకుని భారత జట్టుకు ఎంపిక కావడం మాటల్లో చెప్పలేని సంతృప్తిగా ఉంది. ఈ విషయాన్ని ఎంతో గర్వంగా చెప్పుకుంటున్నా. భవిష్యత్‌లో మరింత స్థాయికి ఎదుగుతుందని ధీమా కలుగుతోంది.దగ్గరుండి సాఫ్ట్‌బాల్‌ క్రీడలో శిక్షణ నా కూతురు సాయివర్షిణి సాఫ్ట్‌బాల్‌ భారత జట్టుకు ఎంపిక సంతృప్తినిచ్చింది.. తండ్రి కానిస్టేబుల్‌ వేల్పుల అనిల్‌

హన్మకొండ: వేసవిలో డిమాండ్‌కు అనుగుణంగా నిరంతరాయంగా నాణ్యమైన విద్యుత్‌ సరఫరా చేసేందుకు అన్ని సర్కిళ్లలో ముందస్తు చర్యలు చేపట్టాలని టీజీ ఎన్పీడీసీఎల్‌ చైర్మన్‌, మేనేజింగ్‌ డైరెక్టర్‌ కర్నాటి వరుణ్‌రెడ్డి ఆదేశించారు. శనివారం హనుమకొండ నక్కలగుట్టలోని టీజీఎన్పీడీసీఎల్‌ ప్రధాన కార్యాలయం నుంచి 18 సర్కిళ్ల ఎస్‌ఈలు, డీఈలు, ఏడీఈలు, ఎస్‌ఏఓలతో వీడియో కాన్ఫరెన్స్‌ నిర్వహించారు. రానున్న వేసవిని దృష్టిలో ఉంచుకుని రూపొందించాల్సిన కార్యాచరణపై సమీక్షించారు. ఈ సమీక్షలో సీఎండీ మాట్లాడుతూ 33 కేవీ, 11 కేవీ ఓవర్‌లోడ్‌ ఫీడర్లను ముందుగానే గుర్తించి అవసరమైన చోట కండక్టర్‌ అప్‌గ్రేడేషన్‌ చేపట్టాలని, కొత్త సబ్‌స్టేషన్ల నిర్మాణం, అదనపు డీటీఆర్‌ల ఏర్పాటు, ట్రాన్స్‌ఫార్మర్ల సామర్థ్య పెంపు పనుల్లో వేగం పెంచాలన్నారు. డీటీఆర్‌లపై లోడ్‌ను నిరంతరం పర్యవేక్షించాలని, 60 శాతానికి పైగా లోడ్‌ ఉన్న డీటీఆర్‌లను ముందుగానే గుర్తించి అవసరమైన చోట సామర్థ్యాన్ని పెంచాలన్నారు. టాంగ్‌ టెస్టర్‌ రీడింగ్‌లను తీసుకుని లోడ్‌ బ్యాలెన్సింగ్‌ చర్యలు చేపట్టాలని సూచించారు. డైరెక్టర్లు వి.మోహన్‌రావు, వి.తిరుపతిరెడ్డి, సి.ప్రభాకర్‌, సీఈలు కె.తిరుమల్‌రావు, అశోక్‌, వెంకటరమణ, సురేందర్‌, నాగప్రసాద్‌, గౌతమ్‌రెడ్డి, మల్లికార్జున్‌, అన్నపూర్ణ, సీజీఎంలు చరణ్‌దాస్‌, కిషన్‌, వేణుబాబు, జీఎంలు కళాధర్‌రెడ్డి, అనిల్‌రెడ్డి, జయరాజ్‌, మధుసూదన్‌, వాసుదేవ్‌, విజేందర్‌రెడ్డి, గోపికృష్ణ, డీఈ కె.అనిల్‌కుమార్‌ పాల్గొన్నారు. టీజీ ఎన్పీడీసీఎల్‌ సీఎండీ వరుణ్‌రెడ్డి

విద్యార్థులను ఎలుకలు కొరికినాపాలకుర్తి టౌన్‌: విద్యార్థులను ఎలుకలు కొరికినా ప్రభుత్వానికి, సీఎం రేవంత్‌రెడ్డికి సోయి లేదని, రా ష్ట్రంలో అసలు విద్యాశాఖ ఉందా అని బీజేపీ రాష్ట్ర అధికార ప్రతినిధి తాడూరు శ్రీనివాస్‌ ప్రశ్నించారు. శనివారం మండల కేంద్రంలోని తెలంగాణ సాంఘి క సంక్షేమ బాలికలను పరామర్శించేందుకు గురుకుల పాఠశాలకు బీజేపీ నాయకులు వెళ్లగా గేటు తాళం తీయలేదు. దీంతో గేటు వద్దే ధర్నా నిర్వహించారు. ఈ సందర్భంగా శ్రీనివాస్‌.. మాజీ ఎమ్మెల్యే ధర్మారావుతో కలిసి మాట్లాడుతూ రాష్ట్రంలో కీసర, భద్రాద్రి కొత్తగూడెం, పాలకుర్తి గురుకుల పాఠశాలతోపాటు కాకతీయ యూనివర్సిటీ క్యాంపస్‌లో విద్యార్థులను ఎలుకలు కొరుకుతున్నా అధికారులకు పట్టింపు లేదని విమర్శించారు. ముఖ్యమంత్రి, విద్యాశాఖ మంత్రిగా ఉన్న రేవంత్‌రెడ్డి వెంటనే రాజీనామా చేయాలని డిమాండ్‌ చేశారు. బీజేపీ రాష్ట్ర నాయకుడు లేగ రామోహ్మన్‌రెడ్డి మాట్లాడుతూ క్యాంపు కార్యాలయం పక్కనే ఉన్న గురుకుల పాఠశాలలో విద్యార్థినులను ఎలుకలు కొరికితే స్థానిక ఎమ్మెల్యే యశస్వినిరెడ్డి కనీసం పరామర్శించలేదని విమర్శించారు. కార్యక్రమంలో రంగు రాములు, దొంగరి మహేందర్‌, పల్లె కుమార్‌, మారం రవికుమార్‌, నిరంజన్‌రెడ్డి,లాకావత్‌ రవి, దేవరాజ్‌ తదితరులు పాల్గొన్నారు. బీజేపీ రాష్ట్ర అధికార ప్రతినిధి శ్రీనివాస్‌

● వరంగల్‌ కలెక్టర్‌ డాక్టర్‌ సత్యశారద మామునూరు : నిర్ణీత ప్రణాళిక ప్రకారం విమానాశ్రయం నిర్మాణ పనుల్లో మరింత వేగం పెంచాలని వరంగల్‌ కలెక్టర్‌ డాక్టర్‌ సత్యశారద సూచించారు. ఈ మేరకు శనివారం వరంగల్‌ మామునూరు విమానాశ్రయాన్ని అదనపు కలెక్టర్‌ ఎల్‌. కిశోర్‌కుమార్‌, ఆర్డీఓ సుమ, ఎయిర్‌పోర్ట్‌ అథారిటీ అధికారి నటరాజ్‌, ఈఈ రాజేందర్‌, ఇతరశాఖల అధికారులతో కలిసి సందర్శిచారు. ఈ సందర్భంగా ఎయిర్‌పోర్ట్‌ పాత రన్‌వే, పరిసరాలు, భూసేకరణ ప్రాంతాన్ని క్షేత్రస్థాయిలో పరిశీలించారు. అనంతరం ఎయిర్‌ పోర్ట్‌ నిర్మాణానికి సంబంధించి చేపట్టాల్సిన పనులు, ఆయా శాఖల పరిధిలోని అంశాలపై ఆయా ఆధికారులతో సమీక్షించారు. ఈ సందర్భంగా కలెక్టర్‌ మాట్లాడుతూ వివిధ శాఖలు సమన్వయంతో పనిచేస్తూ నిర్ణీత ప్రణాళిక ప్రకారం పనులు పూర్తి చేసేలా చర్యలు తీసుకోవాలని అధికారులను ఆదేశించారు. తహసీల్దార్‌ ఇక్బాల్‌, ఆర్‌అండ్‌బీ ఈఈ రాజేందర్‌, ఇరిగేషన్‌ డీఈ సురేశ్‌బాబు, డీఈ మధుసూదన్‌, నేషనల్‌ హైవే డీఈ అమీర్‌పాషా తదితరులు పాల్గొన్నారు.

వరంగల్‌ స్పోర్ట్స్‌: క్రీడలకు ప్రాధాన్యతనిస్తూ ప్రతిభ కలిగిన క్రీడాకారులను ప్రోత్సహించి, గ్రామస్థాయి నుంచే అంతర్జాతీయ స్థాయి క్రీడాకారులను తయారు చేయాలనే లక్ష్యంతో ప్రభుత్వం ముందుకు సాగుతోందని వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి అన్నారు. వరంగల్‌ జిల్లా అథ్లెటిక్స్‌ అసోసియేషన్‌ ఆధ్వర్యంలో హనుమకొండలోని జవహర్‌లాల్‌ నెహ్రూ స్టేడియంలో రెండు రోజులపాటు నిర్వహించనున్న 12వ తెలంగాణ రాష్ట్ర అథ్లెటిక్స్‌ చాంపియన్‌షిప్‌ పోటీలు శనివారం అట్టహాసంగా ప్రారంభమయ్యాయి. ఈ పోటీలకు ముఖ్య అతిథిగా ఎమ్మెల్యే రాజేందర్‌రెడ్డి హాజరై వర్ధన్నపేట ఎమ్మెల్యే కె.ఆర్‌ నాగరాజు, వరంగల్‌ పోలీస్‌ కమిషనర్‌ శ్వేతతో కలిసి ప్రారంభించారు. ఈ సందర్భంగా ఎమ్మెల్యే రాజేందర్‌ రెడ్డి మాట్లాడుతూ భవిష్యత్‌లో వరంగల్‌ను స్పోర్ట్స్‌ హబ్‌గా తీర్చిదిద్దేలా సమగ్ర రూపకల్పన చేస్తున్నామన్నారు. వర్ధన్నపేట ఎమ్మెల్యే కె.ఆర్‌ నాగరాజు మాట్లాడుతూ యువత మత్తు పదార్థాలకు దూరంగా ఉంటూ మైదానాల్లో పోటీ పడాలని సూచించారు. వరంగల్‌ సీపీ శ్వేత మాట్లాడుతూ జేఎన్‌ స్టేడియం క్రీడాకారులకు వరమని, దీనిని సద్వినియోగం చేసుకోవాలన్నారు. క్రీడల్లో విజయం సాధించడం కంటే పాల్గొనడమే గొప్ప విజయమన్నారు. తెలంగాణ అథ్లెటిక్స్‌ అసోసియేషన్‌ రాష్ట్ర కార్యదర్శి కె. సారంగపాణి మాట్లాడుతూ అండర్‌– 14,16,18,20 బాలబాలికలు, మెన్‌ అండ్‌ ఉమెన్‌ విభాగాల్లో జరుగుతున్న పోటీలకు రాష్ట్రంలోని ఆయా జిల్లాల నుంచి 1,500 మంది క్రీడాకారులు పాల్గొనగా, 220 ఈవెంట్లు నిర్వహించనున్నట్లు తెలిపారు. మొదటి రోజు 120 ఈవెంట్లు జరిగినట్లు తెలిపారు. గ్రంథాలయ సంస్థ హనుమకొండ జిల్లా చైర్మన్‌ అజీజ్‌ఖాన్‌, డీవైఎస్‌ఓ ప్రశాంత్‌, వరంగల్‌ జిల్లా అథ్లెటిక్స్‌ అసోసియేషన్‌ చైర్మన్‌ గట్టు మహేశ్‌బాబు, అధ్యక్షుడు పుల్యాల కిషన్‌, కార్యదర్శి ఊర యుగెంధర్‌రెడ్డి, సంఘం రాష్ట్ర బాధ్యుడు వెంకటేశ్వర్‌రెడ్డి, కోచ్‌లు, టెక్నికల్‌ అఫీషియల్స్‌, తదితరులు పాల్గొన్నారు. ఎమ్మెల్యే నాయిని రాజేందర్‌రెడ్డి అట్టహాసంగా రాష్ట్ర స్థాయి అథ్లెటిక్స్‌ పోటీలు

కాశిబుగ్గ: వరంగల్‌లో నిర్మిస్తున్న సూపర్‌ స్పెషాలిటీ ఆస్పత్రి నిర్మాణ పనులను వేగవంతం చేయాలని సీఎంఓ కార్యాలయం ఉన్నతాధికారులు ఆదేశించారు. ఆస్పత్రి నిర్మాణ పనుల పురోగతిని శుక్రవారం వారు క్షేత్రస్థాయిలో పరిశీలించారు. రవాణా, రహదారులు, భవనాల శాఖ ప్రత్యేక ప్రధాన కార్యదర్శి వికాస్‌ రాజ్‌, సీఎంఓ ముఖ్య కార్యదర్శి ఎన్‌.శ్రీధర్‌, కార్యదర్శి కె.మాణిక్‌ రాజ్‌, ఆర్థిక ప్రణాళిక శాఖ కార్యదర్శి డాక్టర్‌ గౌరవ్‌ ఉప్పల్‌ నిర్మాణ ప్రాంగణాన్ని సందర్శించారు. ఈ సందర్భంగా పనుల ప్రస్తుత పరిస్థితి, వివిధ విభాగాల నిర్మాణం, మౌలిక వసతులు, విద్యుత్‌, నీటి సరఫరా అంశాలపై సంబంధిత అధికారులను వివరాలు అడిగి తెలుసుకున్నారు. ఆస్పత్రి, భవన నిర్మాణం పనులను క్షుణ్ణంగా పరిశీలించి, ఇప్పటివరకు పూర్తయిన పనుల నాణ్యతను, చేపట్టాల్సిన పనులను ప్రణాళికబద్దంగా, సమన్వయంతో పూర్తి చేయాలని సూచించారు. నిర్మాణం, నాణ్యత, పనుల పురోగతిని ఎప్పటికప్పుడు పర్యవేక్షించాలని అధికారులను ఆదేశించారు. ఆస్పత్రి అందుబాటులోకి వచ్చిన అనంతరం ఉమ్మడి వరంగల్‌ జిల్లాతో పాటు పరిసర ప్రాంతాల ప్రజలకు అత్యాధునిక వైద్య సేనలు అందేలా అవసరమైన అన్ని ఏర్పాట్లను చేపట్టాలని ఆదేశించారు. కార్యక్రమంలో వరంగల్‌, హనుమకొండ కలెక్టర్లు సత్యశారద, చాహత్‌ బాజ్‌పాయ్‌, ఎంజీఎం సూపరింటెండెంట్‌ డాక్టర్‌ రాంకుమార్‌రెడ్డి, కేంఎసీ ప్రిన్సిపాల్‌ మోహన్‌దాసు, వివిధ శాఖల అధికారులు, నిర్మాణ సంస్థల ప్రతినిధులు పాల్గొన్నారు. ఆస్పత్రి నిర్మాణాన్ని పరిశీలించిన సీఎంఓ ఉన్నతాధికారులు

ఐనవోలు: ఐనవోలు మల్లికార్జున స్వామి దేవాలయంలో శుక్రవారం హుండీ లెక్కించారు. జూన్‌ 19 నుంచి సెప్టెంబర్‌ 24 వరకు 97 రోజులకుగాను హుండీ ద్వారా రూ.7,37,225, వివిధ ఆర్జిత సేవా టికెట్ల ద్వారా రూ.29,69,876.. మొత్తం రూ.37,07,101 నగదు సమకూరినట్లు ఆలయ ఈఓ కందుల సుధాకర్‌ తెలిపారు. హుండీల్లో లభ్యమైన మిశ్రమ వెండి, బంగారాన్ని యథావిధిగా హుండీలోనే వేసి సీల్‌ చేసినట్లు పేర్కొన్నారు. దేవాదాయ ధర్మాదాయ శాఖ వరంగల్‌ డివిజినల్‌ పరిశీలకురాలు నందనం కవిత పర్యవేక్షణలో నిర్వహించిన హుండీ లెక్కింపులో.. ఆలయ ఉపప్రధాన అర్చకులు మధుశర్మ, నరేశ్‌శర్మ, సాయి వరుణ్‌, కానిస్టేబుల్‌ కనకస్వామి, ఒగ్గు పూజారులు మజ్జిగ అశోక్‌, కరీంనగర్‌కు చెందిన శ్రీ వెంకట అన్నమాచార్య సేవా ట్రస్ట్‌ సభ్యులు, అర్చక సిబ్బంది పాల్గొన్నారు.

పాలకుర్తి టౌన్‌: కాంగ్రెస్‌ ప్రభుత్వంలో గురుకుల పాఠశాలల్లో కనీస వసతులు కల్పించడంలేదని మాజీ మంత్రి ఎర్రబెల్లి దయాకర్‌రావు ఆరోపించారు. పాలకుర్తిలోని తెలంగాణ సాంఘిక సంక్షేమ బాలికల గురుకుల పాఠశాలలో 14 మంది విద్యార్థినులను ఎలుకలు కరిచిన విషయం తెలిసందే. దీంతో శుక్రవారం ఎర్రబెల్లి దయాకర్‌రావు గురుకుల పాఠశాల వద్దకు రావడంతో పోలీసులు, సిబ్బంది ఆయనను లోనికి అనుమతించలేదు. దీంతో పాఠశాల గేటు ఎదుట బైఠాయించి నిరసన తెలిపారు. అనంతరం ఇన్‌చార్జి ప్రిన్సిపాల్‌, వార్డెన్‌తో మాట్లాడి విద్యార్థినులకు వసతులు కల్పించడంలో నిర్లక్ష్యంపై ఆగ్రహం వ్యక్తం చేశారు. సాంఘిక సంక్షేమ పాఠశాల కార్యదర్శి శారద, కలెక్టర్‌ సందీప్‌ కుమార్‌ఝాతో ఫోన్‌లో మాట్లాడి పర్థితిని వివరించారు. అనంతరం మీడియాతో మాట్లాడుతూ.. సీఎం రేంవత్‌రెడ్డి, స్ధానిక ఎమ్మెల్యేకి చిత్తశుద్ది ఉంటే ఇప్పటికై న పాఠశాలల ను పట్టించుకుని విద్యార్థినుల భవిష్యత్‌కు భరోసా కల్పించాలని డిమాండ్‌ చేశారు. కార్యక్రమంలో బీఆర్‌ఎస్‌ నాయకులు పసునూరి నవీన్‌, నల్లా నాగిరెడ్డి, పాము శ్రీనివాస్‌, కమ్మగాని విజయ, బొబ్బల అశోక్‌రెడ్డి తదితరులు పాల్గొన్నారు. విద్యార్థినుల భద్రతపై ఆందోళన గురుకులంలో విద్యార్థినులను ఎలుకలు కరిచిన ఘటనపై బీజేపీ, ఎమ్మార్పీఎస్‌, సీపీఎం, ఎస్‌ఎఫ్‌ఐ, ప్రజాసంఘాలు ఆగ్రహం వ్యక్తం చేశాయి. గురుకులం గేటు ఎదుట శుక్రవారం ఆయా పార్టీలు, సంఘాల ఆధ్వర్యంలో ధర్నా నిర్వహించారు. బాధ్యులపై చర్యలు తీసుకోవాలని ఎస్‌ఎఫ్‌ఐ జిల్లా అధ్యక్షుడు లవకుమార్‌, సీపీఎం జిల్లా కమటీ సభ్యుడు చిట్యాల సోమన్న డిమాండ్‌ చేశారు. అనంతరం తహసీల్దార్‌కు వినతి పత్రం అందజేశారు. ఘనటపై చర్యలు తీసుకోవాలని బీజేపీ మండల అధ్యక్షుడు మారం రవికుమార్‌, దొంగరి మహేందర్‌, పాకనాటి దామోదర్‌రెడ్డి డిమాండ్‌ చేశారు. ఎమ్మార్పీఎస్‌ రాష్ట్ర నాయకులు చెరుపెల్లి యాదగిరిస్వామ, ఎడవెల్లి సోమచందర్‌, రామచంద్రం, జలగం నరేష్‌ సైతం నిరసన తెలిపారు. మాజీ మంత్రి ఎర్రబెల్లి దయాకర్‌రావు గురుకులంలో ఎలుకల కరచిన ఘటనపై మాజీ మంత్రి ఆందోళన లోపలికి అనుమతించకపోవడంతో గేటు ఎదుట ధర్నా

● రాజ్యసభ సభ్యుడు వేం నరేందర్‌రెడ్డి కేసముద్రం: మున్సిపాలిటీ పరిధిలో జరుగుతున్న అభివృద్ధి పనులు త్వరితగతిన పూర్తయ్యేలా చూడాలని రాజ్యసభ సభ్యుడు వేం నరేందర్‌రెడ్డి అన్నారు. శుక్రవారం కేసముద్రంలో రోడ్డు విస్తరణలో భాగంగా చేపడుతున్న సెంట్రల్‌ లైటింగ్‌ పనులను ఆయన పరిశీలించి, మాట్లాడారు. దసరా పండుగ లోపు రోడ్డు పనులు, సెంట్రల్‌ లైటింగ్‌ సిస్టం, సైడ్‌ డ్రెయినేజీ పనులు పూర్తయ్యేలా చూడాలని సంబంధిత అధికారులను ఆదేశించారు. అదే విధంగా నూతనంగా నిర్మిస్తున్న ఆస్పత్రి భవనం, అర్పనపల్లిలో బ్రిడ్జి పనులు, పాలిటెక్నిక్‌ కాలేజీ భవనం, డిగ్రీ కాలేజీ, ఉప్పరపల్లిలో సబ్‌స్టేషన్‌ నిర్మాణ పనులు పూర్తి చేయాలన్నారు. అంతకు ముందు వెంకటగిరి గ్రామంలో ఇటీవల అనారోగ్యంతో మృతి చెందిన మాజీ సర్పంచ్‌ మాదారపు సత్యనారాయణరావు, కేసముద్రంస్టేషన్‌లో గొట్టం దామోదర్‌ కుటుంబాలను ఆయన పరామర్శించారు. కార్యక్రమంలో కేసముద్రం మార్కెట్‌ చైర్మన్‌ గంట సంజీవరెడ్డి, మున్సిపల్‌ చైర్‌పర్సన్‌ బానోత్‌ సునీతవెంకన్న, వైస్‌ చైర్‌పర్సన్‌ అల్లం రమనాగేశ్వర్‌రావు, ధన్నసరి, కేసముద్రం పీఏసీఎస్‌ల వైస్‌ చైర్మన్‌లు అల్లం నాగేశ్వర్‌రావు, అంబటి మహేందర్‌రెడ్డి, కాంగ్రెస్‌ మండల అధ్యక్షుడు చిలువేరు సమ్మయ్యగౌడ్‌, ఆర్టీఏ మెంబర్‌ రావుల మురళి, బండారు వెంకన్న, బండారు దయాకర్‌, వేముల శ్రీనివాస్‌రెడ్డి, ఎండి.అయూబ్‌ఖాన్‌, కనుకుల రాంబాబు, వల్లందాసు రవికుమార్‌, శ్రీరాం కిరణ్‌, వివిధ శాఖల అధికారులు తదితరులు పాల్గొన్నారు.

మహబూబాబాద్‌ రూరల్‌: హైదరాబాద్‌లోని రాజేంద్రనగర్‌ పరిధి అత్తాపూర్‌ పోలీస్‌ స్టేషన్‌లో మహిళా న్యాయవాది ఫిజాషా, న్యాయవాది షేక్‌.యాకూబ్‌ అకీబ్‌పై దుర్భాషలాడుతూ కొట్టడానికి వెళ్లిన పోలీసుల వైఖరిని తీవ్రంగా ఖండిస్తున్నామని బార్‌ అసోసియేషన్‌ అధ్యక్షుడు మామిడాల సత్యనారాయణ అన్నారు. ఈమేరకు జిల్లా కోర్టు భవనాల సమదాయం ఎదుట న్యాయవాదులు శుక్రవారం నిరసన చేపట్టారు. ఈ సందర్భంగా ఆయన మాట్లాడుతూ.. న్యావాదులపై దాడులను తీవ్రంగా ఖండిస్తున్నామని, ఈ సంఘటనకు పాల్పడిన పోలీసులపై కఠిన చర్యలు తీసుకోవాలని డిమాండ్‌ చేశారు. బార్‌ అసోసియేషన్‌ కార్యదర్శి జనగాం సిద్ధార్థ, ఉపాధ్యక్షుడు ఉడుగుల హరికృష్ణ, స్పోర్ట్స్‌ సెక్రటరీ బుర్ర శ్రీనివాస్‌ గౌడ్‌, సీనియర్‌, జూనియర్‌ న్యాయవాదులు యాదగిరి, శ్రీనివాస్‌, పుల్లూరు కృష్ణయ్య, చిలకమారి వెంకటేశ్వర్లు, పుల్లఖండం శ్రీనివాసస్వామి, కందునూరి వెంకటేశ్వర్లు, కటుకూరి శ్రీనివాస్‌, రాజమణి, సునీత, దేవి, సంద కృష్ణ, భూక్య మోహన్‌, వాసం ఆనంద్‌, పిన్ని రాము, సతీష్‌, సురేష్‌, వెంకటేష్‌ పాల్గొన్నారు.

సాక్షిప్రతినిఽధి, వరంగల్‌: ఉమ్మడి వరంగల్‌, ఖమ్మం జిల్లాల గ్రామీణ ప్రాంతాలకు రహదారి అనుసంధానంతోపాటు నీటి భద్రత, ఉపాధి అవకాశాలు, శాశ్వత ఆస్తుల సృష్టికి ప్రభుత్వం ప్రాధాన్యం ఇస్తోందని, ఇందులో భాగంగా రెండు పూర్వ జిల్లాల్లో హ్యామ్‌ రోడ్ల పనులను అక్టోబర్‌ 25 నుంచి దశలవారీగా ప్రారంభించేందుకు కార్యాచరణ సిద్ధమైందని రాష్ట్ర పంచాయతీరాజ్‌, గ్రామీణాభివృద్ధి శాఖ మంత్రి ధనసరి సీతక్క (అనసూయ) తెలిపారు. హనుమకొండ కలెక్టరేట్‌లో శుక్రవారం ఉమ్మడి వరంగల్‌, ఖమ్మం జిల్లాల పంచాయతీరాజ్‌, గ్రామీణాభివృద్ధి, గ్రామీణ నీటి సరఫరా, వీబీ జీరామ్‌జీ, ఎల్‌నినో సన్నద్ధత, హ్యామ్‌ రోడ్లపై సంబంధిత అధికారులతో మంత్రి సమీక్ష నిర్వహించారు. అనంతరం ఏర్పాటు చేసిన మీడియా సమావేశంలో వివరాలు వెల్లడించారు. ఉపాధి అంటే కూలీ మాత్రమే కాదు.. ‘జలసిరి’తో నీటి భద్రత ఉపాధి హామీ (వీబీజీ రామ్‌జీ) పనులను పని దినాల కల్పనకే పరిమితం చేయకుండా గ్రామాల్లో శాశ్వత ఆస్తులను సృష్టించేలా మారుస్తున్నట్లు సీతక్క తెలిపారు. జలసిరి కార్యక్రమం కింద ప్రతీ ఇంటికి ఇంకుడు గుంత.. ప్రతీ ఊరికి ఊటకుంట.. ప్రతీ పంటకు పంటకుంట నిర్మించనున్నట్లు తెలిపారు. ఏజెన్సీ గ్రామాల్లో వాగుల వద్ద చెక్‌డ్యామ్‌లు నిర్మించి వర్షపు నీటిని నిల్వ చేయడం, భూగర్భ జలాలను పెంచడం లక్ష్యంగా పెట్టుకున్నట్లు చెప్పారు. గాంధీ జయంతి సందర్భంగా అక్టోబర్‌ 2న గ్రామ సమగ్ర ప్రణాళికలను రూపొందించి ఆవిష్కరించనున్నట్లు సీతక్క తెలిపారు. గ్రామ సర్పంచుల ఆధ్వర్యంలో ఆయా గ్రామాల్లో ఏ పనులు అవసరమో గుర్తించి అభివృద్ధి మ్యాప్‌ తయారు చేస్తామని చెప్పారు. ప్రస్తుతం ఉమ్మడి వరంగల్‌, ఖమ్మం జిల్లాల్లో తాగునీటి అవసరాలకు సరిపడా నీరు అందుబాటులో ఉందని స్పష్టం చేశారు. అయినప్పటికీ వచ్చే వేసవిని దృష్టిలో పెట్టుకుని ఇప్పటి నుంచే ముందస్తు ప్రణాళిక రూపొందించాలని అధికారులను ఆదేశించారు. సమీక్షలో పంచాయతీరాజ్‌ శాఖ స్పెషల్‌ సీఎస్‌ దాన కిషోర్‌, కమిషనర్‌ దివ్య దేవరాజన్‌, హనుమకొండ, వరంగల్‌ జిల్లాల కలెక్టర్లు చాహత్‌ బాజ్‌పాయ్‌, సత్యశారద, స్పెషల్‌ కమిషనర్‌ శ్రీలక్ష్మి, అడిషనల్‌ కమిషనర్‌ రవీందర్‌, మిషన్‌ భగీరథ ఈఎన్‌సీ కృపాకర్‌ రెడ్డి, పంచాయతీరాజ్‌ ఈఎన్‌సీ జగదీశ్వర్‌, వరంగల్‌ బల్దియా కమిషనర్‌ వెంకన్నతో పాటు ఉమ్మడి వరంగల్‌, ఖమ్మం జిల్లాల అడిషనల్‌ కలెక్టర్‌లు, ఆయాశాఖల అధికారులు పాల్గొన్నారు.వరంగల్‌ నుంచి ఖమ్మం వరకు పనుల కదలిక.. ఉమ్మడి వరంగల్‌ జిల్లాలోని గ్రామీణ ప్రాంతాలతోపాటు ఉమ్మడి ఖమ్మం జిల్లాలోనూ పనులను నిర్ణీత షెడ్యూల్‌ ప్రకారం ప్రారంభించాలని అధికారులను ఆదేశించినట్లు మంత్రి సీతక్క చెప్పారు. రెండు ఉమ్మడి జిల్లాల పరిధిలో 445 రహదారులను 1,366 కి.మీ. మేర అభివృద్ధి చేయనున్నట్లు తెలిపారు. ఇందుకోసం సుమారు రూ.1,130 కోట్ల వరకు వ్యయం కానుందని, ఇందులో 90 శాతం మేర ఇప్పటికే ఉన్న రహదారులను అభివృద్ధి చేయనుండగా.. 10 శాతం మేర కొత్త రహదారులు నిర్మించనున్నట్లు వివరించారు. ప్రతీ ఆవాసం నుంచి గ్రామానికి, గ్రామం నుంచి మండల కేంద్రానికి రహదారి సౌకర్యం ఉండాలన్నదే హ్యామ్‌ రోడ్ల లక్ష్యమని పేర్కొన్నారు. ఉపాధి పనులతోపాటు గ్రామాల్లో శాశ్వత ఆస్తుల సృష్టి ఏజెన్సీ గ్రామాల్లో వాగులపై చెక్‌డ్యామ్‌లు అక్టోబర్‌ 2న గ్రామ సమగ్ర ప్రణాళికలకు శ్రీకారం ఉమ్మడి వరంగల్‌, ఖమ్మం అధికారులతో మంత్రి ధనసరి సీతక్క సమీక్ష

● సమ్మక్క సాగర్‌ బ్యారేజీ వద్ద ఉధృతంగా ప్రవాహంకన్నాయిగూడెం: మండలంతోపాటు ఎగువన నాలుగు రోజుల నుంచి కురుస్తున్న వర్షాలతో గోదావరి వరద నీటితో ఉధృతంగా ప్రవహిస్తోంది. దీంతో తుపాకులగూడెంలోని సమ్మక్క సాగర్‌ బ్యారేజీ వద్ద నది ఉప్పొంగి ప్రవహిస్తోంది. బ్యారేజీలోకి 1,72,300 క్యూసెక్కుల నీరు చేరుతుండగా.. బ్యారేజీ గేట్లను ఎత్తి 1,57,400క్యూసెక్కుల నీటిని దిగువకు వదులుతున్నారు. ప్రస్తుతం బ్యారేజీ వద్ద 77.2 మీటర్ల నీటి మట్టం కొనసాగుతుంది. కాగా గుట్టలగంగారం వద్ద ఉన్న దేవాదుల జే.చొక్కారావు ఎత్తిపోతల వద్ద ఉన్న పది మోటార్లలో ఏడు మోటార్లతో 1,837 క్యూసెక్కుల నీటిని పంపింగ్‌ చేస్తున్నారు. ప్రస్తుతం ఎత్తిపోతల వద్ద ఫేజ్‌ వన్‌లో ఒకటి, ఫేజ్‌ టూలో రెండు, ఫేజ్‌ త్రీలో నాలుగు మోటార్లు మొత్తం ఏడు మోటార్లతో నీటిని భీంఘనపుర్‌ రిజర్వాయర్‌లోకి ఎత్తిపోస్తున్నారు. ఎత్తిపోతల వద్ద 76 మీటర్ల నీటి మట్టం కొనసాగుతుంది. మేడిగడ్డ బరాజ్‌కు స్వల్ప వరద కాళేఽశ్వరం: తెలంగాణ, మహారాష్ట్రలో కురుస్తున్న వర్షాల కారణంగా మేడిగడ్డ బరాజ్‌కు వరద తాకి డి స్వల్పంగా పెరుగుతోంది. శుక్రవారం గోదా వరి, ప్రాణహిత నదుల గుండా కాళేశ్వరం చేరుతోంది. అక్కడి నుంచి దిగువకు మేడిగడ్డ బరాజ్‌ వద్ద 52,250 క్యూసెక్కుల ఇన్‌ఫ్లో తరలిరాగా, మొత్తం 85గేట్లు ఎత్తి వచ్చిన వరదను మొత్తం అదేస్థాయిలో కిందకు వదులుతున్నారు.

ప్రతీ తల్లిదండ్రికి తమ కూతుళ్లతో ప్రత్యేక అనుబంధం ఉంటుంది. అల్లారుముద్దుగా పెంచిన కూతురు ఉన్నతస్థానానికి ఎదిగితే ఆ విజయం చూసి మురిసిపోవడంలో ఉన్న ఆనందం మరెక్కడా ఉండదు. కూతురితో గడిపిన ప్రతీ విషయం ఓ తీపి జ్ఞాపకం. మీకూ అలాంటి తీపి జ్ఞాపకాలు, మీ కూతురు గొప్పతనం గురించి డాటర్స్‌ డే (కూతురు దినోత్సవం) సందర్భంగా ‘సాక్షి’తో పంచుకోండి. దీంతోపాటు తల్లిదండ్రి తమ కూతురుతో దిగిన సెల్ఫీఫొటో, మీ పేరు, ప్రాంతం వివరాలను ఈ నెల 26వ తేదీ సాయంత్రం 4గంటల్లోగా కింది వాట్సాప్‌ నంబర్‌కు పంపండి. వచ్చిన వాటిని స్క్రూటినీ చేసి 27వ తేదీ పత్రికలో ప్రచురిస్తాం.నియామకాల్లో అవకతవకలు!సాక్షి, మహబూబాబాద్‌: వైద్యారోగ్యశాఖలో మూడేళ్లక్రితం చేపట్టిన ఎంఎల్‌హెచ్‌పీ నియామకాల్లో అనేక అవకతవకలు జరిగినట్లు ప్రచారం జరుగుతోంది. తనకు అన్యాయం జరిగిందని ఓ నిరుద్యోగి ఇచ్చిన ఫిర్యాదుతో రాష్ట్రస్థాయి అధికారులు స్పందించి పూర్తిస్థాయి విచారణ చేపట్టాలని జిల్లా అధికారులను ఆదేశించడం, విచారణ మొదలు పెట్టడంతో విస్తుపోయే నిజాలు బయటపడుతున్నాయి. మీరు పంపాల్సిన వాట్సాప్‌ నంబర్‌ : 89852 34556కనీస అర్హత లేకపోయినా ఎంఎల్‌హెచ్‌పీ ఉద్యోగాలు మెరిట్‌ అభ్యర్థులను పక్కన పెట్టి ఎంపిక కొనసాగుతున్న డిపార్టుమెంట్‌ విచారణ బయటపడుతున్న విస్తుపోయే నిజాలుమొదటి దశ విచారణ పూర్తి..గ్రామీణ ప్రాంతాల ప్రజలకు ప్రభుత్వ వైద్యం అందుబాటులోకి తీసుకువచ్చేందుకు జిల్లాలో 140 సబ్‌సెంటర్లు ఏర్పాటు చేశారు. ఈ సెంటర్లలో పనిచేసేందుకు మిడ్‌లెవల్‌ నర్సింగ్‌ ప్రొవైడర్స్‌ను నియమించారు. వీరి నియామకం కోసం జీఎన్‌ఎం నుంచి ఎంబీబీఎస్‌ వరకు విద్యార్హతలు పేర్కొన్నారు. ఇందుకోసం మొత్తం 500లకు పైగా నిరుద్యోగులు దరఖాస్తు చేసుకున్నారు. అయితే నియామకం పూర్తయిన తర్వాత 28 మంది వేరే ఉద్యోగాలు రావడంతో వెళ్లిపోయారు. మిగిలిన 112 మంది ఎంఎల్‌హెచ్‌పీల సర్టిఫికెట్లను పరిశీలించారు.

ఎస్‌ఎస్‌తాడ్వాయి: బంధువు అస్థికలను భద్రాచలంలోని గోదావరిలో కలిపి తిరిగి వస్తున్న కుటుంబ సభ్యుల బొలెరో వాహనాన్ని ఆర్టీసీ సూపర్‌ లగ్జరీ బస్సు ఢీకొట్టింది. ములుగు జిల్లా తాడ్వాయి మండలం కొండపర్తి సమీపంలోని మూలమలుపు వద్ద శుక్రవారం జరిగిన ఈ ప్రమాదంలో వరంగల్‌ జిల్లా పర్వతగిరి మండలం అన్నారం పెద్దతండాకు చెందిన దరావత్‌ భద్రు (45) మృతి చెందగా పలువురికి తీవ్ర గాయాలయ్యాయి. తాడ్వాయి ఎస్సై జగదీష్‌ తెలిపిన వివరాల ప్రకారం.. అన్నారం పెద్దతండాకు చెందిన దరావత్‌ భద్రు ఇటీవల మృతి చెందగా అస్థికలను భద్రాచలంలోని గోదావరిలో కల్పిందుకు కుటుంబ సభ్యులు, బంధువులు బొలెరో వాహనంలో ములుగు జిల్లా మల్లంపల్లి మండలంలోని సోమ్లతండాలోని మరికొందరు బంధువులను తీసుకుని ఈనెల 23న భద్రాచలం వెళ్లి ఆస్తికలు కలిపారు. శుక్రవారం తిరిగి వస్తున్న క్రమంలో తాడ్వాయి దాటిన తర్వాత కొండపర్తి సమీపంలోని మూలమలుపు వద్దకు చేరుకోగానే హనుమకొండ నుంచి గుంటూరు వెళ్తున్న ఆర్టీసీ సూపర్‌ లగ్జరీ బస్సు ఎదురుగా వస్తున్న బొలెరో వాహనాన్ని ఢీకొట్టింది. ఈ ప్రమాదంలో దరావత్‌ భద్రు తీవ్రంగా గాయపడి ములుగు ప్రభుత్వ ఆస్పత్రిలో చికిత్స పొందుతూ మృతి చెందాడు. దరావత్‌ సరోజన, దరావత్‌ నెహ్రూ, సక్రు, దరావత్‌ బుజ్జమ్మ, భూక్య జ్యోతి, దరావత్‌ వెంకన్న, దరావత్‌ అనితతోపాటు మరి కొందరు గాయపడ్డారు. క్షతగాత్రులను తాడ్వాయి ఎస్సై జగదీష్‌, సెకండ్‌ ఎస్సై మధుకర్‌ 108 అంబులెన్స్‌లో ములుగు ఆస్పత్రికి తరలించారు. ఈ ప్రమాదంలో ఆర్టీసీ బస్సులో ప్రయాణిస్తున్న పది మంది ప్రయాణికులు సురక్షితంగా బయటపడగా బస్సు కండక్టర్‌ రమేష్‌ తలకు స్వల్ప గాయాలయ్యాయి. మృతుడి కుమారుడు దరావత్‌ నాగేష్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై జగదీష్‌ తెలిపారు.బొలెరో వాహనాన్ని ఢీకొన్న ఆర్టీసీ బస్సు ఒకరి మృతి, పలువురికి తీవ్ర గాయాలు

సాక్షిప్రతినిధి, వరంగల్‌: వరంగల్‌ మామునూరు ఎయిర్‌పోర్టు నిర్మాణానికి అడుగులు వేగంగా పడుతున్న వేళ.. మరో ఆసక్తికర చర్చ మొదలైంది. ఎయిర్‌పోర్టుకు ఏ పేరు పెట్టాలి? అన్న దానిపై పార్టీ అధికారిక ఎక్స్‌ ఖాతాలో సీఎం రేవంత్‌రెడ్డి ప్రజలనుంచి సూచనలు కోరడంతో రోజుకో కొత్త పేరు తెరపైకి వస్తోంది. సినీ ప్రముఖులు, రాజకీయ నాయకులు, ప్రజాప్రతినిధులు, నెటిజన్లు తమకు నచ్చిన పేర్లను సూచిస్తున్నారు. దీంతో మామునూరు ఎయిర్‌పోర్టు పేరు ఇప్పుడు ఓరుగల్లు చరిత్ర, కాకతీయుల వారసత్వం, తెలంగాణ సాంస్కతిక స్ఫూర్తి, ప్రముఖుల సేవల చుట్టూ తిరుగుతోంది. ఇదిలా ఉండగా ఎయిర్‌పోర్టు నిర్మాణశైలి కాకతీయ కళావైభవం ఉట్టిపడేలా ఉండాలని సీఎం సూచించడంతో ఓరుగల్లు సంస్కృతి, కాకతీయ కళావైభవం ప్రపంచానికి మరింత లోతుగా తెలిసే అవకాశం ఉంది. తొలుత సినీ దర్శకుడు సందీప్‌రెడ్డి వంగా స్పందించారు. వరంగల్‌ చారిత్రక వైభవాన్ని ప్రతిబింబించేలా ‘రుద్రమ ఇంటర్నేషనల్‌ ఎయిర్‌పోర్ట్‌ (ఆర్‌ఐఏ)’లేదా ‘కాకతీయ ఇంటర్నేషనల్‌ ఎయిర్‌పోర్ట్‌ (కేఐఏ)’పేర్లను సూచించారు. ఓరుగల్లు వారసత్వం, సంస్కతి, చరిత్రకు తగిన పేరు ఉండాలని పేర్కొన్నారు. ఆయన సూచనపై సీఎం స్పందిస్తూ ‘దట్స్‌ ది స్పిరిట్‌’ అంటూ రియాక్ట్‌ అయ్యారు కూడా. ‘దసర’, ‘ది ప్యారడైజ్‌’ చిత్రాల దర్శకుడు శ్రీకాంత్‌ ఓదెల మరో ప్రతిపాదన చేశారు. మామునూరు ఎయిర్‌పోర్టుకు ‘సమ్మక్క–సారలమ్మ ఇంటర్నేషనల్‌ ఎయిర్‌పోర్ట్‌’అని పేరు పెట్టాలని సూచించారు. నిర్మాత, నటుడు బండ్ల గణేశ్‌ కూడా రాణి రుద్రమదేవి పేరును సూచించారు. ‘రాణి రుద్రమదేవి ఇంటర్నేషనల్‌ ఎయిర్‌పోర్ట్‌, వరంగల్‌’అని పేరు పెట్టడం సముచితమని పేర్కొన్నారు. ఇదే సమయంలో నటుడు విజయ్‌ దేవరకొండ కూడా రుద్రమదేవి, కాకతీయ వారసత్వాన్ని ప్రతిబింబించే పేర్లకు మద్దతుగా స్పందించారు. సినీ నటుడు నితిన్‌ కూడా బుధవారం ‘రాణి రుద్రమదేవి ఇంటర్నేషనల్‌ ఎయిర్‌పోర్టు’పేరును సూచించారు. దీంతో సినీ రంగం నుంచి రుద్రమదేవి పేరుకు వస్తున్న మద్దతులో మరో పేరు చేరింది. అదేవిధంగా పలు దళిత సంఘాల నాయకులు రాజ్యాంగ నిర్మాత డాక్టర్‌ బీఆర్‌ అంబేడ్కర్‌ పేరు పెట్టాలని డిమాండ్‌ చేస్తున్నారు. వరంగల్‌ చరిత్రకు అనుసంధానమైన పేరు ఉండాలని పలువురు నెటిజన్లు, పౌరులు సోషల్‌ మీడియా వేదికగా తమ అభిప్రాయాలను వ్యక్తం చేశారు. మాజీ ప్రధాని పీవీ నరసింహరావు పేరు కూడా ప్రతిపాదనల్లోకి వచ్చింది. సీపీఐ జాతీయ కార్యదర్శి కె.నారాయణ సీఎం పిలుపునకు స్పందిస్తూ మా మునూరు ఎయిర్‌పోర్టుకు పీవీ పేరు పెట్టాలని సూ చించారు. ప్రస్తుత వరంగల్‌ ప్రాంతానికి చెందిన పీ వీ 1991–96 మధ్య ప్రధానమంత్రిగా పనిచేసిన విషయాన్ని ఆయన ప్రస్తావించారు. ఇక పీవీ పేరు పెట్టాలన్న ప్రతిపాదనకు మరికొందరు నా యకులు, ఆయన కుటుంబం/ట్రస్ట్‌కు సంబంధించిన వ ర్గాలు సూచించాయి. ఈ నేపథ్యంలో పీవీ పేరు కూ డా ప్రధాన ప్రతిపాదనల్లో ఒకటిగా మారింది. కాగా పేర్ల చర్చలో తాజాగా మరో ప్రతిపాదన చేరింది. ఎ ంఐఎం అధినేత అసదుద్దీన్‌ ఒవైసీ ఈ నెల 22న సీ ఎం రేవంత్‌రెడ్డికి లేఖ రాస్తూ వరంగల్‌ ఎయిర్‌పోర్టుకు స్వాతంత్య్ర సమరయోధుడు మౌల్వీ సయ్యద్‌ అల్లావుద్దీన్‌ పేరు పెట్టాలని కోరారు. అలావుద్దీన్‌ 1857 తిరుగుబాటు కాలంలో బ్రిటిష్‌ వ్యతిరేక పో రాటంలో పాల్గొన్నారని, అనంతరం శిక్ష అనుభవించారని ఓవైసీ ఆ లేఖలో పేర్కొన్నారు.సోషల్‌ మీడియాలో ‘మామునూర్‌’ హీట్‌ తెరపైకి రోజుకో పేరు.. రుద్రమ.. కాకతీయ.. సమ్మక్క–సారలమ్మ .. పీవీ.. అలావుద్దీన్‌.. అంబేడ్కర్‌! నిర్మాణశైలిలో కాకతీయ కళావైభవం, పరాక్రమం ప్రతిబింబించాలన్న సీఎం ఎవరికి వారుగా సామాజిక మాద్యమాల్లో ఆన్‌లైన్‌ పోల్‌ నిర్వహణసీఎం పిలుపుతో సోషల్‌ మీడియాలోనూ పేర్లపై చర్చ సాగుతోంది. కొందరు రాణి రుద్రమదేవి, మరికొందరు కాకతీయ, సమ్మక్క–సారలమ్మ పేర్లతో ఎయిర్‌పోర్టు గేట్లు, టెర్మినల్‌ డిజైన్లను ఏఐ ద్వారా రూపొందించి షేర్‌ చేస్తున్నారు. పీవీ నరసింహారావు, ఓరుగల్లు, ప్రతాపరుద్ర, ప్రొఫెసర్‌ జయశంకర్‌, సర్వాయిపాపన్నల పేర్లు కూడా చర్చలోకి వచ్చాయి. మరోవైపు కొందరు ఆన్‌లైన్‌ వేదికగా పోల్‌ నిర్వహిస్తున్నారు. ఇవన్నీ ప్రజలు, వివిధ వర్గాలు చేసిన సూచనలు మాత్రమే. తుది పేరు ఇంకా ఖరారు కాలేదు.

గూడూరు: బాలల రక్షణలో ప్రభుత్వ చట్టాలు కీలకమని, బాలికా విద్య కోసం ప్రతీ ఒక్కరు కృషి చేయాలని జిల్లా న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి స్వాతిమురారి అన్నారు. మండలంలోని బ్రాహ్మణపల్లి కస్తూర్బాగాంధీ బాలికల విద్యాలయంలో శుక్రవారం సంస్థ ఆధ్వర్యంలో పోక్సో, బాల్య వివాహ నిషేధ చట్టాలపై నిర్వహించిన అవగాహన సదస్సులో ఆమె ముఖ్య అతిథిగా హాజరై మాట్లాడారు. లింగ భేదాలకు తావులేకుండా 18సంవత్సరాల లోపు వయసున్న బాలబాలికలందరికీ ఈ చట్టాలు పూర్తిగా రక్షణ, చట్టద్ధమైన భద్రత కల్పిస్తాయని తెలిపారు. పోక్సో చట్టం బాలలపై లైంగిక దాడులను అరికట్టడంలో కఠిన చర్యలు తీసుకుంటుందన్నారు. బాలలపై ఎక్కడైనా లైంగిక దాడులు జరిగినట్లు తెలిస్తే పోలీసులకు, చైల్డ్‌లైన్‌ ఫిర్యాదు చేయాలని కోరారు. బాల్య వివాహాలను ప్రోత్సహించొద్దని, చట్టరీత్యా నేరమని అన్నారు. సలహాల కోసం టోల్‌ప్రీ నంబర్‌ 15100కు కాల్‌ చేయాలన్నారు. కార్యక్రమంలో పాఠశాల ప్రత్యేక అధికారి సునీత, అయోధ్యపురం పీహెచ్‌సీ వైద్యుడు పవన్‌కుమార్‌, ఉపాధ్యాయ బృందం, వైద్య సిబ్బంది పాల్గొన్నారు. జిల్లా సీనియర్‌ సివిల్‌ జడ్జి స్వాతిమురారి

● రాష్ట్ర పంచాయతీరాజ్‌ శాఖ మంత్రి సీతక్క వెంకటాపురం(ఎం): కాకతీయుల కళా సంపదకు రామప్ప ఆలయం నిలువెత్తు నిదర్శనమని, ప్రపంచ వారసత్వ కట్టడంగా గుర్తింపు పొందిన రామప్ప వంటి సంపదను పరిరక్షించి భావితరాలకు అందించాలని రాష్ట్ర పంచాయతీరాజ్‌ శాఖ మంత్రి ధనసరి సీతక్క అన్నారు. వరల్డ్‌ టూరిజం డే–2026ను పురస్కరించుకొని శుక్రవారం రామప్ప దేవాలయం ఆవరణలో పర్యాటక శాఖ ఆధ్వర్యంలో కలెక్టర్‌ బో ర్ఖడే హేమంత్‌ సహదేవరావు అధ్యక్షతన హెరిటేజ్‌ వాక్స్‌, తెలంగాణ దర్శిని, కాంపిటేషన్స్‌, కల్చరల్‌ కార్యక్రమాలను నిర్వహించగా మంత్రి సీతక్క ముఖ్యఅతిథిగా హాజరయ్యారు. గొల్లల గుడి నుంచి రామప్ప దేవాలయం వరకు నిర్వహించిన హెరిటేజ్‌ వాక్‌ను ఆమె ప్రారంభించారు. మంత్రి సీతక్క మాట్లాడుతూ రాష్ట్రంలోనే అత్యధిక అటవీ విస్తీర్ణం కలిగిన ములుగు జిల్లాలో అందమైన చెట్లు, గుట్టలు, సెలయేళ్లు, వాగులు, వన్యప్రాణులతో అపారమైన ప్రకృతి సంపద ఉందన్నారు. పర్యాటక రంగంలో ములుగు జిల్లాకు పురస్కారం లభించడం గర్వకారణమని పేర్కొన్నారు. అనంతరం వివిధ సాంస్కృతిక కార్యక్రమాలు, కాంపిటేషన్స్‌లో గెలుపొందిన విద్యార్థులకు బహుమతులు ప్రదా నం చేశారు. చల్వాయి టీజీఎంఎస్‌కు చెందిన శ్రీజ బృందం ప్రథమ బహుమతి, దేవగిరిపట్నం తెలంగాణ మైనారిటీ బాలికల పాఠశాలకు చెందిన శ్రీవల్లి ద్వితీయ బహుమతి, గోవిందరావుపేట బాలికల జిల్లా పరిషత్‌ ఉన్నత పాఠశాలకు చెందిన ఎన్‌.మనస్విని, ఏ.శ్రుతి, ఎం.పావలి తృతీయ బహుమతి అందుకున్నారు. కార్యక్రమంలో ఎస్పీ సుధీర్‌ రాంనాథ్‌ కేకన్‌, అదనపు కలెక్టర్లు మహేందర్‌ జి, సంపత్‌ రావు, పంచాయతీరాజ్‌ శాఖ డైరెక్టర్‌ భగవాన్‌ రెడ్డి, టూరిజం నోడల్‌ అధికారి ధర్మ నాయక్‌, సర్పంచ్‌ రాజు, తదితరులు పాల్గొన్నారు.

మహబూబాబాద్‌ రూరల్‌: ఎల్‌నినో నేపథ్యంలో యాసంగిలో మొక్కజొన్న, పెసర, మినుములు, కూరగాయల పంటల సాగును ఎక్కువగా ప్రోత్సహించాలని జిల్లా వ్యవసాయ అధికారి ఎస్‌.విజయచంద్ర అన్నారు. యాసంగి పంటల ప్రణాళికపై జిల్లా వ్యవసాయ అధికారి కార్యాలయంలో శుక్రవారం సమావేశం నిర్వహించారు. ఈ సందర్భంగా డీఏఓ విజయచంద్ర మాట్లాడుతూ.. రాబోయే యాసంగిలో సాగు చేయాల్సిన పంటలు, పంటల వైవిధ్యం, పంట మార్పిడి, ఉద్యాన పంటలు, పశుగ్రాసం, విత్తనాలు, ఎరువుల లభ్యత అంశాలపై చర్చించారు. యాసంగిలో మొక్కజొన్న, పెసర, మినుములు, కూరగాయలు పంటలను ఎక్కువగా ప్రోత్సహించాలని నిర్ణయించారు. వరి పంటలో నేరుగా విత్తనాలు విత్తే విధానంపై రైతులకు అవగాహన కల్పించాలని, కేంద్ర ప్రభుత్వ పథకాలైన ప్రకృతి వ్యవసాయం, ఆత్మ నిర్భరత పథకాలను అమలు చేయాలని నిర్ణయించారు. సమావేశంలో జిల్లా ఉద్యాన, జిల్లా పశుసంవర్థక, జిల్లా సహకార శాఖల అధికారులు మరియన్న, కిరణ్‌ కుమార్‌, సర్దార్‌ సింగ్‌, మల్యాల కేవీకే ప్రోగ్రాం కోఆర్డినేటర్‌ డాక్టర్‌ దిలీప్‌ కుమార్‌, జేవీఆర్‌ హెచ్‌ఆర్‌ఎస్‌ ప్రధాన శాస్త్రవేత్త డాక్టర్‌ ప్రశాంత్‌ కుమార్‌, ఏడీఏలు మురళి, శ్రీనివాసరావు, టెక్నికల్‌ ఏఓలు జావీద్‌, కార్తీక్‌ తదితరులు పాల్గొన్నారు. ఫార్మర్‌ రిజిస్ట్రీతో ప్రయోజనం డోర్నకల్‌: ఫార్మర్‌ రిజిస్ట్రీతో రైతులకు అన్ని విధాలుగా ప్రయోజనం చేకూరుతుందని జిల్లా వ్యవసాయ అధికారి విజయచంద్ర తెలిపారు. మండలంలోని ముల్కలపల్లి, పెరుమాళ్లసంకీస గ్రామాల్లో శుక్రవారం ఫార్మర్‌ రిజిస్ట్రీ ప్రక్రియను పరిశీలించి రైతులతో మాట్లాడారు. కార్యక్రమంలో మండల వ్యవసాయ అధికారి అనిల్‌కుమార్‌, ఏఈఓ అవినాష్‌ తదితరులు పాల్గొన్నారు. జిల్లా వ్యవసాయ అధికారి ఎస్‌.విజయచంద్ర

గార్ల: ‘బాలుడికి ప్రాణభిక్ష పెట్టండి’ అనే శీర్షికన గురువారం సాక్షి దినపత్రికలో ప్రచురితమైన కథనానికి ఉపాధ్యాయులు స్పందించి రూ.11,000 ఆర్థికసాయం అందజేశారు. మండలంలోని పినిరెడ్డిగూడెం గ్రామానికి చెందిన 14 ఏళ్ల రోహిత్‌కు బ్లడ్‌ కేన్సర్‌ సోకింది. రోహిత్‌ ప్రస్తుతం ఎంఎన్‌జే కేన్సర్‌ ఆస్పత్రిలో చికిత్స పొందుతున్నాడు. దీంతో పినిరెడ్డిగూడెం ప్రాథమికోన్నత పాఠశాలకు చెందిన హెచ్‌ఎం సంతు, ఉపాధ్యాయులు భాస్కర్‌, ఈరా, అనిల్‌, వీరస్వామి, శోభారాణి, కిరణ్‌ కలిసి రూ.11,000 నగదును బాలుడి వైద్యం కోసం శుక్రవారం రోహిత్‌ అక్కకు అందజేశారు. అదే విధంగా మరికొంత మంది ఫోన్‌పే ద్వారా కొంత నగదు పంపించినట్లు బాలుడి తల్లి కుమారి తెలిపారు. సాక్షి కథనానికి స్పందన బాలుడి వైద్య ఖర్చులకు రూ.11,000 అందజేత

● క్వింటాకు రూ.9,100 ● ఏనుమాముల మార్కెట్‌లో కొత్త పెసర్లకు డిమాండ్‌ ఖిలా వరంగల్‌: వరంగల్‌ ఏనుమాముల వ్యవసాయ మార్కెట్‌కు కొత్త పెసర్లు వచ్చాయి. శుక్రవారం యార్డులో జరిగిన కొనుగోళ్లలో పెసర్లకు ఊహించని ధర లభించింది. గతంలో క్వింటాకు రూ.7వేలు ఉన్న ధర ఒక్కసారిగా క్వింటాకు గరిష్టంగా రూ.9,100 పలకడంతో రైతులు హర్షం వ్యక్తం చేశారు. కొత్త పంటకు తొలి రోజే మంచి ధర రావడంతో పెసర్లు సాగు చేసిన రైతుల్లో ఆనందం నెలకొంది. వికారాబాద్‌లో కోణార్క్‌ హాల్టింగ్‌ కాజీపేట రూరల్‌: వరంగల్‌, కాజీపేట మీదుగా ప్రయాణించే కోణార్క్‌ ఎక్స్‌ప్రెస్‌కు వికారాబాద్‌ రైల్వే స్టేషన్‌లో తాత్కాలికంగా హాల్టింగ్‌ సౌకర్యం కల్పించినట్లు దక్షిణ మధ్య రైల్వే సీపీఆర్వో శ్రీధర్‌ శుక్రవారం ఒక ప్రకటనలో తెలిపారు. ఈ నెల 29, 30వ తేదీల వరకు భువనేశ్వర్‌–ముంబాయి (11020) వెళ్లే కోణార్క్‌ ఎక్స్‌ప్రెస్‌కు ఈ హాల్టింగ్‌ అవకాశం కల్పించినట్లు వెల్లడించారు. పోక్సో కేసులో నిందితుడికి జైలు ములుగు రూరల్‌: ములుగు జిల్లా మంగపేట పోలీస్‌ స్టేషన్‌ పరిధిలో నమోదైన పోక్సో కేసులో నిందితుడికి 20 ఏళ్లు కఠిన కారాగార శిక్షను విధిస్తూ కోర్టు తీర్పునిచ్చింది. నిందితుడు మాతూరి రమేష్‌పై నమోదైన కేసులో ములుగు ప్రత్యేక పోక్సో కోర్టు కమ్‌ ప్రిన్సిపల్‌ జిల్లా, సెషన్స్‌ జడ్జి సూర్యచంద్రకళ తీర్పు వెల్ల డించారు. కఠిన కారాగార శిక్షతోపాటు రూ.8,500 జరిమానా, బాధితురాలికి రూ.10 లక్షల పరిహారం చెల్లించాలని కోర్టు ఆదేశించింది. ఈ కేసులో దర్యాప్తు అధికారులైన మమన్‌ భట్‌, సీఐ సూర్య ప్రకాశ్‌, ఎస్‌ఐటీవీఆర్‌ సూరి, కోర్టు మానిటరింగ్‌ అధికారి డీఎస్పీ కిషోర్‌, కో ర్టు లైజనింగ్‌ అధికారి కుమారస్వామి, స్పెషల్‌ పబ్లిక్‌ స్రాసిక్యూటర్‌ రామ్‌ సింగ్‌, సీడీఓలు మౌనిక, మంగీలాల్‌ను ఎస్పీ అభినందించారు. ఆటో డ్రైవర్‌ ఆత్మహత్య కాశిబుగ్గ: వరంగల్‌ ఎల్‌బీ నగర్‌లోని తారకరామ వీధిలో ఓ ఆటో డ్రైవర్‌ ఆర్థిక ఇబ్బందులు భరించలేక ఆత్మహత్యకు పాల్పడ్డాడు. సర్వ సుధాకర్‌(53) ఆటో నడుపుతూ కుటుంబ సభ్యులతో కలిసి జీవనం కొనసాగిస్తున్నాడు. అయితే ఆర్థిక ఇబ్బందులతోపాటు కుమారుడి ఆరోగ్య పరిస్థితి బాగోలేకపోవడంతో నిత్యం ఆస్పత్రి ఖర్చులు భరించలేక ఇంట్లో ఉరి వేసుకుని ఆత్మహత్య చేసుకున్నట్లు భార్య మంజుల ఇంతెజార్‌గంజ్‌ పోలీసులకు ఫిర్యాదు చేసింది. ఆమె ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు. రిషిత కోరిక నెరవేర్చిన మంత్రి సీతక్క హనుమకొండ: వరంగల్‌ పశ్చిమ నియోజకవర్గానికి చెందిన 18 ఏళ్ల నిరుపేద యువతి కొల్లూరి రిషిత తీవ్ర అనారోగ్యంతో బాధపడుతోంది. డీఎండీ వ్యాధి కారణంగా రెండు కాళ్లు పూర్తిగా నడవలేని పరిస్థితిలో ఉన్న రిషితకు రాష్ట్ర మంత్రి ధనసరి సీతక్కతో కలిసి సెల్ఫీ దిగాలనే కోరిక ఉంది. ఈ విషయం సోషల్‌ మీడియా ద్వారా తెలుసుకున్న మంత్రి సీతక్క శుక్రవారం సాయంత్రం రిషిత నివాసానికి వెళ్లి సెల్ఫీ దిగి ఆమె కోరికను నెరవేర్చారు. యువతి కుటుంబ సభ్యులతో మాట్లాడి ఆరోగ్య పరిస్థితిని అడిగి తెలుసుకున్నారు.

● కలెక్టర్‌ స్నేహశబరీష్‌గూడూరు: చదువుకున్న వారికి సమాజంలో ఉన్నత స్థానం, గౌరవం లభిస్తుందని కలెక్టర్‌ స్నేహశబరీష్‌ అన్నారు. మండలంలోని మట్టెవాడ గిరిజన బాలుర ఆశ్రమోన్నత పాఠశాలను శుక్రవారం కలెక్టర్‌ ఆకస్మికంగా తనిఖీ చేశారు. ఈ సందర్భంగా విద్యాబోధన, డైట్‌ మెనూ, యూనిఫామ్‌, పాఠ్యపుస్తకాలు వచ్చాయా అని అడిగి తెలుసుకున్నారు. పిల్లలతో మాట్లాడుతూ వారి విద్యా సామర్థ్యాలను పరిశీలించారు. నాణ్యమైన, రుచికరమైన భోజనం వడ్డించాలన్నారు. క్రమం తప్పకుండా భోజనం తయారీ చేసే వర్కర్లకు వైద్య పరీక్షలు నిర్వహించాలని సూచించారు. ఉపాధ్యాయులు కర్తవ్యదీక్షతో విధులు నిర్వర్తించాలని, విద్యార్థులు వందశాతం హాజరయ్యేలా చూడాలన్నారు. ఇంగ్లిష్‌ బోధనపై ప్రత్యేక శ్రద్ధ చూపాలని, అహారం, వసతి సౌకర్యాలపై నిర్లక్ష్యం వహిస్తే కఠిన చర్యలు తీసుకుంటామని హెచ్చరించారు. కార్యక్రమంలో గిరిజన సంక్షేమ శాఖ అధికారి దేశీరాంనాయక్‌, తహసీల్దార్‌ నాగభవాని పాల్గొన్నారు. ఓటర్ల నమోదు పక్కాగా జరగాలి ఇనుగుర్తి: కేంద్ర ఎన్నికల సంఘం సూచించిన షెడ్యూల్‌ ప్రకారం ఓటరు జాబితాలో మార్పులు, చేర్పులు, కొత్త ఓటర్ల నమోదును పక్కాగా నిర్వహించాలని కలెక్టర్‌ స్నేహ శబరీష్‌ ఆదేశించారు. మండలంలోని చిన్నముప్పారం గ్రామంలో కలెక్టర్‌ స్నేహా శబరీష్‌ శుక్రవారం విస్తృతంగా పర్యటించి, క్షేత్రస్థాయిలో జరుగుతున్న పనులను ఆకస్మికంగా తనిఖీ చేశారు. ఈ సందర్భంగా గ్రామంలో కొనసాగుతున్న ఓటరు జాబితా సవరణ ప్రక్రియ, ప్రత్యేక హియరింగ్స్‌, భూముల రీ–సర్వే పనుల పురోగతిపై తహసీల్దార్‌ సుంకరి శ్రీనివాసులును అడిగి తెలుసుకున్నారు. గ్రామ పరిధిలోని ప్రభుత్వ భూములు, ఆబాది (నివాస స్థలాలు), పట్టా భూముల రీ–సర్వే ప్రక్రియను అత్యంత పారదర్శకంగా పక్కాగా పూర్తి చేయాలని అధికారులకు దిశా నిర్దేశం చేశారు. కార్యక్రమంలో ఎంపీడీఓ పార్థసారథి, సర్పంచ్‌ రాయిలి భవాని, రెవెన్యూ సిబ్బంది, బీఎల్‌ఓలు పాల్గొన్నారు.

● భాంజీపేటలో గ్రామపంచాయతీ తీర్మానం రఘునాథపల్లి: గ్రామంలో విచ్చలవిడిగా కొనసాగుతున్న బెల్ట్‌షాపులను నివారించేందుకు జనగామ జిల్లా రఘునాథపల్లి మండలంలోని భాంజీపేటలో గ్రామస్తులు ఏకమయ్యారు. శుక్రవారం గ్రామ పంచాయతీ కార్యాలయంలో సర్పంచ్‌ గైని శ్రీనివాస్‌గౌడ్‌ అధ్యక్షతన జరిగిన గ్రామసభలో వార్డు సభ్యులు, మాజీ ప్రజా ప్రతినిధులు, గ్రామాఖ్య సంఘాల మహిళలు, యువకులు పాల్గొని అక్టోబర్‌ 2 నుంచి గ్రామంలో మద్య నిషేదం అమలు చేయాలని ఏకగ్రీవంగా తీర్మానించారు. ఎవరైనా గ్రామంలో మద్యం విక్రయిస్తే పింఛన్‌, విద్యుత్‌, రేషన్‌ ఇతర ప్రభుత్వ సంక్షేమ పథకాలు పూర్తిగా నిలిపి వేయాలని గ్రామసభలో తీర్మానం చేశారు. అనంతరం సర్పంచ్‌.. గ్రామ పెద్దలతో కలిసి సీఐ, తహసీల్దార్‌, ఎస్సైలకు తీర్మాన పత్రాలు అందజేసి మద్య నిషేధానికి సహకరించాలని కోరారు. కార్యక్రమంలో ఉప సర్పంచ్‌ చాట్ల శ్రీనివాస్‌, పంచాయతీ కార్యదర్శి కిరణ్‌కుమార్‌, మాజీ ఎంపీటీసీ పగిడిపల్లి కృష్ణ, మాజీ సర్పంచ్‌ గొరిగ ఇస్తారి, వార్డు సభ్యులు పగిడిపల్లి రాజు, కొనేటి శ్రీనివాస్‌, కొంతం మహేందర్‌, ఇందిర, చాట్ల మధు, రమ, వీఓ అధ్యక్షుడు కన్న రాజశ్రీ, కార్యదర్శి కాసర్ల రమ, వీఓఏ అలివేణి, నాయకులు కొమ్మగల్ల శ్రీనివాస్‌, చాట్ల మైసయ్య, రాగీరు కృష్ణ, చెరుకు భాస్కర్‌, నర్సయ్య తదితరులు పాల్గొన్నారు.

వరంగల్‌ స్పోర్ట్స్‌: నేడు (శనివారం) వరంగల్‌ ఓ సిటీలోని మైదానంలో ఉమ్మడి వరంగల్‌ జిల్లా స్థాయి అండర్‌–14, 17 బాలబాలికలకు ఉషు, తంగ్‌తా ఎంపిక పోటీలు నిర్వహిస్తున్నట్లు ఎస్‌జీఎఫ్‌ వరంగల్‌ జిల్లా కార్యదర్శి పుల్ల అనిల్‌ శుక్రవారం ఓ ప్రకటనలో తెలిపారు. అంతేకాకుండా హనుమకొండలోని జేఎన్‌ స్టేడియంలో అండర్‌–14, 17 బాలబాలికలకు లాన్‌టెన్నీస్‌, వెయిట్‌ లిఫ్టింగ్‌ ఎంపికలను నిర్వహించనున్నట్లు పేర్కొన్నారు. ఎంపికలకు హాజరయ్యే క్రీడాకారులు ఆధార్‌, బోనోఫైడ్‌, గత సంవత్సరం ప్రోగ్రెస్‌ కార్డుతో హాజరు కావాలని తెలిపారు. ● క్వింటాకు రూ.8,775 పలికిన ధర ఖిలా వరంగల్‌: వరంగల్‌ ఏనుమాముల వ్యవసాయ మార్కెట్‌ పత్తి యార్డులో 2026–27 సీజన్‌ నూతన పత్తి కోనుగోళ్లు శుక్రవారం ప్రారంభమయ్యాయి. కరీంనగర్‌ జిల్లా నల్లబెల్లి మండలం యం.వి తండాకు చెందిన జి.రమణ పత్తిని మార్కె ట్‌ యార్డుకు తీసుకొచ్చారు. జెండాపాట నిర్వహించి తొలి పత్తి క్వింటాకు రూ.8,775 ధర నిర్ణయించారు. కొత్త సీజన్‌లో కొనుగోళ్లు ప్రారంభం కావడంతో మంచి ధర రావడంతో రైతుల్లో ఆనందం వ్యక్తమైంది. ఈసందర్భంగా మార్కెట్‌ కమిటీ చైర్‌పర్సన్‌ ఎర్ర ప్రియాంకతోపాటు పాలకవర్గ సభ్యులను చాంబర్‌ ఆఫ్‌ కామర్స్‌ అధ్యక్షుడు బొమ్మినేని రవీందర్‌రెడ్డి సన్మానించారు.

హన్మకొండ : బంగాళాఖాతంలో కొనసాగుతున్న తీవ్ర వాయుగుండంతో రాష్ట్రంలో రాబోయే మూడు రోజుల పాటు మోస్తరు నుంచి భారీ, కొన్ని చోట్ల అతి భారీ వర్షాలు కురిసే అవకాశం ఉందని వాతావరణ శాఖ హెచ్చరించింది. ఈ నేపథ్యంలో నార్తర్న్‌ పవర్‌ డిస్ట్రిబ్యూషన్‌ కంపెనీ ఆఫ్‌ తెలంగాణ లిమిటెడ్‌ వర్షాలను ఎదుర్కొనేందుకు పూర్తి సమాయత్తంగా ఉందని అధికారులు తెలిపారు. ఈ క్రమంలో వినియోగదారులు విద్యుత్‌పై అత్యంత అప్రమత్తంగా ఉండాలని సూచించారు. చిన్న నిర్లక్ష్యం కూడా ప్రాణాంతక ప్రమాదాలకు దారి.. విద్యుత్‌పై అప్రమత్తంగా ఉండకపోతే ప్రాణాలకు ముప్పు వాటిల్లుతుంది. ప్రధానంగా వర్షాకాలంలో తరచూ విద్యుత్‌ ప్రమాదాలు సంభవిస్తుంటాయి. తడిదుస్తులు ఆరేస్తూ, మోటార్లు ఆన్‌ చేస్తూ, మరమ్మతుల సమయంలో విద్యుత్‌ తీగలు పట్టుకుని, తెగిన తీగల కారణంగా తరచూ వ్యక్తుల ప్రాణాలు గాలిలో కలుస్తున్నాయి. తెగిన విద్యుత్‌ లైన్లు, టాన్స్‌ఫార్మర్‌ గద్దెలు ఎత్తు తక్కువగా ఉండడంతో పశువులు విద్యుదాఘాతానికి గురై చనిపోతున్నాయి. ఫలితంగా రైతులు లక్షలాది రూపాయలు నష్టపోతున్నారు. విద్యుత్‌ సిబ్బంది భద్రతా చర్యలు పాటించకపోవడంతోపాటు ఎల్‌సీల్లో నిబంధనలు పాటించకపోవడం, నిర్లక్ష్యం కారణంగా విలువైన ప్రాణాలు గాలిలో కలిసిపోతున్నాయి. విద్యుత్‌ సంస్థల యాజమాన్యం హెచ్చరించినా, జాగ్రత్తలు పాటించాలని సూచించినా సిబ్బంది, వినియోగదారులు భద్రతను విస్మరించి విలువైన ప్రాణాలను పోగొట్టకుంటూ కుటుంబాన్ని దుఖఃసాగరంలో ముంచుతున్నారు. చిన్న నిర్లక్ష్యం కూడా ప్రాణాంతక ప్రమాదాలకు దారితీసే అవకాశం ఉంది. ఈ నేపథ్యంలో ప్రతి ఒక్కరూ విద్యుత్‌ భద్రతా నిబంధనలను తప్పనిసరిగా పాటించాలని టీజీ ఎన్పీడీసీఎల్‌ యాజమాన్యం సూచిస్తోంది. దీనిని ఉద్యోగులు, వినియోగదారులు కచ్చితంగా పాటించాల్సిన అవసరం ఉంది. తడిసిన పరికరాలను తాకొద్దు.. ప్రజలందరూ విద్యుత్‌పై అప్రమత్తంగా ఉండాలని అధికారులు సూచిస్తున్నారు. వర్షం సమయంలో తడిసిన విద్యుత్‌ స్తంభాలు, పరికరాలు, స్టే వైర్లు, ట్రాన్స్‌ఫార్మర్లను తాకరాదు, తెగిన లేదా వేలాడుతున్న విద్యుత్‌ తీగలకు దూరంగా ఉండాలి. ఉరుములు, మెరుపులు సంభవించే సమయంలో చెట్ల కింద నిలబడకూడదు. అవసరం లేకుండా బహిరంగ ప్రదేశాల్లో సంచరించొద్దు. తడి చేతులతో స్విచ్‌లు, ప్లగ్‌లు, మీటరు బోర్డులు, మోటార్లు వంటి విద్యుత్‌ పరికరాలను తాకరాదు. సెల్‌ఫోన్‌ చార్జింగ్‌లో ఉండగా మాట్లాడొద్దు. నాణ్యమైన ఎర్తింగ్‌తో పాటు ఐఎస్‌ఐ ప్రమాణాలు కలిగిన విద్యుత్‌ పరికరాలను మాత్రమే ఉపయోగించాలి. పాడైన వైర్లను వెంటనే మార్చాలి. రైతులు వ్యవసాయ మోటార్లను ఆన్‌ చేసే ముందు స్టార్టర్లు, వైర్లు, స్విచ్‌లను పరిశీలించాలి. మోటార్లు, పంపుసెట్లకు సరైన ఎర్తింగ్‌ చేయించాలి. వ్యవసాయ భూముల్లో ఎలక్ట్రిక్‌ ఫెన్సింగ్‌ ఏర్పాటు చట్టవిరుద్ధం. ప్రాణాంతకం.వర్షాకాలంలో విద్యుత్‌ ప్రమాదాలపై జాగ్రత్తగా ఉండాలి భద్రతా నిబంధనలు తప్పనిసరిగా పాటించాలి వినియోగదారులకు టీజీ ఎన్పీడీసీఎల్‌ అధికారుల సూచనలుపిల్లలను విద్యుత్‌ స్తంభాల వద్ద ఆడనీయొద్దు.. పిల్లలను విద్యుత్‌ స్తంభాలు, ట్రాన్స్‌ఫార్మర్లు, మీటరు బోర్డుల వద్ద ఆడనీయొద్దు. పశువులను విద్యుత్‌ స్తంభాలు, ట్రాన్స్‌ఫార్మర్లకు కట్టెయొద్దు. షాక్‌కు గురైన వ్యక్తిని నేరుగా తాకకుండా, విద్యుత్‌ ప్రసారం జరగని వస్తువులతో వేరు చేయాలి. వెంటనే విద్యుత్‌ సరఫరా నిలిపివేసి వైద్య సాయం అందించాలి.

హన్మకొండ: ఆర్టీసీ గుర్తింపు ఎన్నికల్లో ఎంప్లాయీస్‌ యూనియన్‌, నేషనల్‌ మజ్దూర్‌ యూనియన్‌, తెలంగాణ మజ్దూర్‌ యూనియన్‌ (థామస్‌ రెడ్డి వర్గం) కూటమిని గెలిపించాలని ఎంప్లాయీస్‌ యూనియన్‌ రాష్ట్ర ప్రధాన కార్యదర్శి ఈదురు వెంకన్న పిలుపునిచ్చారు. గురువారం వరంగల్‌ భద్రకాళి ఆలయంలో ఎంప్లాయీస్‌ యూనియన్‌ రాష్ట్ర ప్రధాన కార్యదర్శి ఈదురు వెంకన్న, వరంగల్‌ రీజియన్‌ కార్యదర్శి శ్రీనివాస్‌, ఎన్‌ఎంయూ వరంగల్‌ రీజియన్‌ కార్యదర్శి సి.హెచ్‌.యాకస్వామి, నాయకులు పూజలు నిర్వహించి గుర్తింపు ఎన్నికల ప్రచారం ప్రారంభించారు. అనంతరం హనుమకొండలోని వరంగల్‌–1 బస్‌ డిపోకు చేరుకుని ప్రచారం చేశారు. ఇక్కడి నుంచి వరంగల్‌–2 డిపో, వరంగల్‌ రీజినల్‌ మేనేజర్‌ కార్యాల యం, ములుగు రోడ్‌లోని ఆర్టీసీ జోనల్‌ స్టాఫ్‌ ట్రైనింగ్‌ కాలేజీకి చేరుకుని కార్మికులు, ఉద్యోగులను కలిసి కూటమిని గెలిపించాలని కోరారు. ఈ సందర్భంగా వెంకన్న మాట్లాడుతూ కార్మికుల సమస్యల పరిష్కారానికి, హక్కుల సాధనకు ఎంప్లాయీస్‌ యూనియన్‌ పాటుపడుతుందన్నారు. క్లాస్‌–3కి ఎంప్లాయీస్‌ యూనియన్‌కు, క్లాస్‌–6కు ఎన్‌ఎంయుకూ ఓటు వేయాలని కోరారు. రీజియన్‌ చైర్మన్‌ సంకటాల రవికుమార్‌, ప్రెసిడెట్‌ మురళి, నాయకులు వి.కె .స్వామి, ఎం.రాజు, బి.రాజు, మహేందర్‌, విరాట్‌, తదితరులు పాల్గొన్నారు. యూనియన్‌ రాష్ట్ర ప్రధాన కార్యదర్శి ఈదురు వెంకన్న

కేయూ క్యాంపస్‌ : యువశక్తి నాయకత్వ వికాసంలో జాతీయ సేవాపథకం (ఎన్‌ఎస్‌ఎస్‌) కీలకపాత్ర పోషిస్తుందని కాకతీయ యూనివర్సిటీ వీసీ కె. ప్రతాప్‌రెడ్డి అన్నారు. గురువారం కేయూ ఎన్‌ఎస్‌ఎస్‌ ఆవిర్భావ దినోత్సవం క్యాంపస్‌లోని ఆడిటోరియంలో ఘనంగా నిర్వహించారు. వీసీ ముఖ్యఅతిథిగా హాజరై మాట్లాడారు. సామాజిక సేవా, పర్యావరణ పరిరక్షణ, యువత నాయకత్వ వికాసంలో విశిష్టసేవలు అందిస్తూ కేయూ ఎన్‌ఎస్‌ఎస్‌ జాతీయ స్థాయిలో గుర్తింపు పొందిందన్నారు. యూనివర్సిటీ పరిధిలో 356 ఎన్‌ఎస్‌ఎస్‌ యూనిట్లతో 35,600 మంది వలంటీర్లు తమ సేవలు అందిస్తూ రాష్ట్రస్థాయిలో కూడా కేయూ ఎన్‌ఎస్‌ఎస్‌ ప్రథమ స్థానంలో ఉందన్నారు. దేశాభివృద్ధిలో వికసిత్‌భారత్‌, రైజింగ్‌ తెలంగాణ అభివృద్ధిలో యువతశక్తి భాగస్వామ్యమే కీలకమన్నారు. తెలుగు అకాడమీ చైర్మన్‌, కేయూ ఎన్‌ఎస్‌ఎస్‌ పూర్వ కోఆర్డినేటర్‌ కె. వెంకటనారాయణ మాట్లాడుతూ లక్షల మంది భక్తులు పాల్గొనే మేడారం జాతరలోనూ ఎన్‌ఎస్‌ఎస్‌ వలంటీర్లు తమ సేవలను అందిస్తున్నారన్నారు. 50 వసంతాల్లో ఎన్‌ఎస్‌ఎస్‌ వలంటీర్లు అద్భుత సేవలు అందించారని పేర్కొన్నారు. మహబూబాబాద్‌ మాజీ ఎంపీ, ఎన్‌ఎస్‌ఎస్‌ పూర్వపు కోఆర్డినేటర్‌ అజ్మీరా సీతారాంనా యక్‌ మాట్లాడుతూ యువతను తీర్చిదిద్దే ఉద్యమ మే ఎన్‌ఎస్‌ఎస్‌ అన్నారు. కేయూలో ఇంకా ఎన్‌ఎస్‌ ఎస్‌ సేవల విస్తృతికి క్యాంపస్‌లో ఎన్‌ఎస్‌ఎస్‌ భవన నిర్మాణానికి తనవంతుగా కృషిచేస్తానని, అందుకు కొంత స్థలం కూడా కేటాయించాల్సిన అవసరం ఉందన్నారు. కేయూ రిజిస్ట్రార్‌ వి.రామచంద్రం, ఎ న్‌ఎస్‌ఎస్‌ కోఆర్డినేటర్‌ ఈసం నారాయణ, యూని వర్సిటీ కాలేజీ ప్రిన్సిపాల్‌ టి.మనోహర్‌, కేయూ పూర్వ ఎన్‌ఎస్‌ఎస్‌ కోఆర్డినేటర్లు ఎం. కిష్టయ్య, జి. బాలస్వామి, ఆర్ట్స్‌అండ్‌ సైన్స్‌ కళాశాల ప్రిన్సిపాల్‌ ఎస్‌. జ్యోతి, కేయూ పాలకమండలి సభ్యులు బి. సురేశ్‌లాల్‌, చిర్రరాజు, కేయూ ఇంజనీరింగ్‌ కళా శాల ప్రిన్సిపాల్‌ ఎన్‌. రమణ పాల్గొన్నారు. ఆవిర్భావ దినోత్సవంలో కేయూ వీసీ కె. ప్రతాప్‌రెడ్డి

● వివరాలు వెల్లడించిన పోలీసులు మహబూబాబాద్‌ రూరల్‌ : మహబూబాబాద్‌ మున్సిపాలిటీ పరిధి ఈదులపూసపల్లి రోడ్డులోని బీజేపీ కార్యాలయ సమీపంలో ఈనెల 22వ తేదీ (మంగళవారం) రాత్రి జరిగిన రోడ్డు ప్రమాద ఘటనలో మరో యువకుడు చెందినట్లు గుర్తించామని రూరల్‌ ఎస్సై పి.రాజు గురువారం తెలిపారు. ఎస్సై కథనం ప్రకారం.. వరంగల్‌ జిల్లా చెన్నారావుపేట మండలం పాపయ్యపేటకు చెందిన పొన్నాల వెంకన్న బైక్‌పై మంగళవారం సాయంత్రం ఈదులపూసపల్లిలోని తన బంధువు నాగేల్లి ప్రేమ్‌ ఇంటికి వచ్చాడు. అదే రోజు రాత్రి వెంకన్న, ప్రేమ్‌ ఇద్దరు కలిసి తమ బైక్‌పై మహబూబాబాద్‌కు వచ్చారు. అనంతరం తిరిగి ఇంటికి వెళ్తుండగా అదే వాహనంపై ఈదులపూసపల్లికి చెందిన దుంపటి జంపులు అలియాస్‌ జంపయ్య (36) వారితో కలిసి వెళ్లాడు. బీజేపీ జిల్లా కార్యాలయ సమీపంలో కారు.. బైక్‌ను ఢీకొన్న సందర్భంలో వెంకన్న మృతిచెందగా జంపులు ఆచూకీ తెలియలేదు. బుధవారం సాయంత్రం అతడి మృతదేహం ఘటనా స్థలికి కొంతదూరంలో కనిపించగా కుటుంబ సభ్యులు, స్థానికుల సమాచారం మేరకు పోలీసులు ప్రభుత్వ జనరల్‌ ఆస్పత్రికి తరలించారు. ఈ ఘటనపై జంపులు తండ్రి దర్గయ్య ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. విద్యుదాఘాతంతో గొల్లపల్లిలో వ్యక్తి.. గణపురం: చెట్టు కొమ్మలు నరికే క్రమంలో ప్రమాదవశాత్తు విద్యుత్‌ షాక్‌ తగిలి ఓ వ్యక్తి మృతి చెందాడు. ఈ ఘటన గురువారం జయశంకర్‌ భూపాలపల్లి జిల్లా గణపురం మండలం గొల్లపల్లిలో చోటు చేసుకుంది. గ్రామస్తులు, పోలీసుల కథనం ప్రకారం.. గ్రామానికి చెందిన దాసరి రాజు(40) ఇంటి ముందు ఉన్న చెట్టు కొమ్మలు రెండు రోజులుగా కురుస్తున్న వర్షాలతో తన గృహంపై పడ్డాయి. దీంతో రాజు కొమ్మలు నరికే క్రమంలో సమీపంలోని 11 కేవీ విద్యుత్‌ తగిలి షాక్‌కు గురై చెట్టు పైనే మృతి చెందాడు. ఈ ఘటనపై మృతుడి భార్య ఫిర్యాదు మేరకు కేసు నమోదు చేసి మృతదేహాన్ని పోస్టుమార్టం నిమిత్తం భూపాలపల్లి ఏరియా ఆస్పత్రికి తరలించినట్లు పోలీసులు తెలిపారు.

నెహ్రూసెంటర్‌: ప్రైవేట్‌ ఆస్పత్రులు, ల్యాబ్‌ నిర్వాహకులు నిబంధనలు పాటిస్తూ నిర్వహణ చేపట్టాలని డీఎంహెచ్‌ఓ రవిరాథోడ్‌ సూచించారు. జిల్లా కేంద్రంలోని పలు ప్రైవేట్‌ ఆస్పత్రులను గురువారం తనిఖీ చేశారు. ఈ సందర్భంగా డీఎంహెచ్‌ఓ మాట్లాడుతూ.. క్లినికల్‌ ఎస్టాబ్లిష్‌మెంట్‌ చట్టం నిబంధనలు తప్పకుండా పాటించాలని తెలిపారు. ఆస్పత్రుల్లో ఫైర్‌ సేఫ్టీ, బయో మెడికల్‌ వెస్టేజ్‌, పొల్యూషన్‌ కంట్రోల్‌ సంబంధిత పత్రాలను కలిగి ఉండాలన్నారు. ఆస్పత్రి చార్జీల వివరాలు, సిబ్బంది, వైద్యుల వివరాలను ఆస్పత్రి రికార్డులను పరిశీలించారు. రిజిస్ట్రేషన్‌ అనుమతులు లేకుండా ఆస్పత్రులు నిర్వహిస్తే సీజ్‌ చేస్తామని హెచ్చరించారు. ఈ తనిఖీలో డాక్టర్‌ విరాజిత, డెమో రాజ్‌కుమార్‌, అనిల్‌కుమార్‌, ప్రశాంత్‌, సత్య పాల్గొన్నారు. డీఎంహెచ్‌ఓ రవిరాథోడ్‌

హన్మకొండ: టీజీ ట్రాన్స్‌ కో వరంగల్‌ జోన్‌ కన్‌స్ట్రక్షన్‌ డీఈ ఎల్‌.సంపతిరావుపై యాజమాన్యం సస్పెన్షన్‌ వేటు వేసింది. వరంగల్‌ జోన్‌ కార్యాలయంలో చీఫ్‌ ఇంజనీర్‌పై దౌర్జన్యం, దాడి, బెదిరించిన ఘటనలో ఎల్‌.సంపతి రావును సస్పెండ్‌ చేస్తూ టీజీ ట్రాన్స్‌ కో ఫైనాన్స్‌ కమర్షియల్‌, హెచ్‌ఆర్‌డీ డైరెక్టర్‌ శ్రీనివాస్‌లు ఓరుగంటి బుధవారం ఉత్తర్వులు జారీ చేశారు. ట్రాన్స్‌ కో వరంగల్‌ కార్యాలయంలో ఇన్‌చార్జ్‌ బాధ్యతలపై ఈ నెల 18వ తేదీన ఎల్‌.సంపతిరావు బయటి వ్యక్తులను తీసుకొచ్చి దాడి, దౌర్జన్యం చేయడం, బెదిరించడంపై విజిలెన్స్‌ అధికారులు విచారణ జరిపి నివేదిక సమర్పించారు. దీంతో క్రమశిక్షణ చర్య ల కింద సంపతిరావును సస్పెండ్‌ చేసినట్లు ఉత్తర్వుల్లో పేర్కొన్నారు. సస్పెన్షన్‌ ఉత్తర్వులు అమలులో ఉన్నంత కాలం అనుమతి లేకుండా హెడ్‌ క్వార్టర్‌ విడిచి వెళ్లొద్దని ఆదేశించారు. మృతురాలి వివరాలు గుర్తింపు స్టేషన్‌ఘన్‌పూర్‌ : కాజీపేట నుంచి సికింద్రాబాద్‌ వైపున వెళ్తున్న వందేభారత్‌ రైలు కింద పడి ఘన్‌పూర్‌–నష్కల్‌ రైల్వేస్టేషన్ల మధ్య ఆత్మహత్యకు పాల్పడిన యువతిని జనగామ జిల్లా స్టేషన్‌ఘన్‌పూర్‌ మండలం రంగరాయగూడెం గ్రామానికి చెందిన గుండె మానస (20)గా గుర్తించారు. కాజీపేట జీఆర్‌ పోలీసుల కథనం ప్రకారం.. గ్రామానికి చెందిన గుండె రాంచంద్రు, మంజుల దంపతుల కుమార్తె మానస ఇంట్లో జరిగిన గొడవలతో మనస్తాపానికి గురై ఈ నెల 20వ తేదీన ఆత్మహత్యకు పాల్పడింది. ఈ ఘటనపై కేసు నమోదు చేసినట్లు జీఆర్‌ పోలీసులు తెలిపారు. కుటుంబ కలహాలతో యువకుడి ఆత్మహత్య ● హైదరాబాద్‌లో ఘటన.. మృతుడు మల్కాపూర్‌ వాసి చిల్పూరు: కుటుంబ కలహాలతో జనగామ జిల్లా చిల్పూరు మండలం మల్కాపూర్‌ గ్రామానికి చెందిన పుల్యాల మణికంఠరెడ్డి ((37) హైదరాబాద్‌లో ఉరేసుకుని ఆత్మహత్యకు పాల్పడ్డాడు. గ్రామానికి చెందిన రాంరెడ్డి, పుష్ప దంపతుల కుమారుడు మణికంఠ తండ్రి మృతి చెందిన అనంతరం హైదరాబాద్‌లోని ఇస్నాపూర్‌లో ఉంటున్నాడు. కొద్ది రోజులుగా భార్యతో గొడవలు జరుగుతున్నాయి. ఈ క్రమంలో బుధవారం రాత్రి కూడా జరగగా క్షణికావేశంలో ఉరేసుకుని ఆత్మహత్యకు పాల్పడ్డాడు. ఈ ఘటనపై మృతుడి కుటుంబీకుల ఫిర్యాదు మేరకు అక్కడి పోలీసులు కేసు నమోదు చేశా రు. మణికంఠరెడ్డి అంత్యక్రియలు గురువారం స్వగ్రామం మల్కాపూర్‌లో నిర్వహించారు. కులం పేరుతో దూషించారని.. ● వృద్ధురాలి ఆత్మహత్య గూడూరు: దారి వివాదంలో కులం పేరుతో దూషించారని మనస్తాపం చెందిన ఓ వృద్ధురాలు పురుగుల మందు తాగి ఆత్మహత్యకు పాల్పడింది. పోలీసులు కథనం ప్రకారం.. మండలంలోని భూపతిపేటకు చెందిన తేజావత్‌ ద్వాలి (69) తన 12 అడుగుల వెడల్పు గల భూమిని 2022లో జక్కుల ముణేశ్‌ అనే వ్యక్తికి విక్రయించారు. కాగా, ఆ దారి విషయంలో ఇరువురి మధ్య కొద్దికాలంగా వివాదం జరుగుతోంది. ఈ క్రమంలో బుధవారం కూడా ఇదే విషయంపై ఇరువురికి వాగ్వాదం జరిగింది. ఈ సమయంలో ముణేశ్‌ కుటుంబీకురాలు రజిత.. ద్వాలిని కులం పేరుతో దూషించి, అసభ్యకర పదజాలంతో దూర్భాషలాడింది. ఈ ఘటనతో మనస్తాపానికి గురైన ద్వాలి వెంటనే ఇంట్లో ఉన్న పురుగుల మందు తాగి పడిపోయింది. గుర్తించిన కుటుంబ సభ్యులు వెంటనే నర్సంపేట ఆస్పత్రికి తరలించారు. పరిస్థితి విషమించడంతో అక్కడ నుంచి వరంగల్‌ ఎంజీఎంకు తరలించగా చికిత్స పొందుతూ గురువారం తెల్లవారు జామున మృతి చెందింది. ఈ ఘటనపై మృతురాలి మనవడు రంజిత్‌ ఫిర్యాదు మేరకు కేసు నమోదు చేసి దర్యాప్తు చేయనున్నట్లు ఎస్సై సి. హెచ్‌. రమేశ్‌బాబు తెలిపారు.

సాక్షిప్రతినిధి, వరంగల్‌: పార్టీ ఫిరాయింపుల వ్యవహారం ఉమ్మడి వరంగల్‌లో మరోసారి చర్చనీయాంశంగా మారింది. ఖైరతాబాద్‌ ఎమ్మెల్యే దానం నాగేందర్‌పై హైకోర్టు వేసిన అనర్హత వేటు తీర్పును సుప్రీంకోర్టు సమర్థించడంతో స్టేషన్‌ఘన్‌పూర్‌ ఎమ్మెల్యే కడియం శ్రీహరిపై దాఖలైన అనర్హత పిటిషన్‌ వ్యవహారం మళ్లీ తెరపైకి వచ్చింది. బీఆర్‌ఎస్‌ నుంచి ఎమ్మెల్యేగా గెలిచి కాంగ్రెస్‌లో చేరిన వ్యవహారంలో కడియం శ్రీహరితోపాటు దానం నాగేందర్‌పై కూడా అనర్హత పిటిషన్లు దాఖలయ్యాయి. ఇద్దరి విషయంలోనూ విచారణ జరిపి, వారి వాదనలు స్వీకరించిన స్పీకర్‌ గడ్డం ప్రసాద్‌కుమార్‌ గత మార్చి 11న ఇద్దరిపై దాఖలైన అనర్హత పిటిషన్లను కొట్టివేశారు. ఫిరాయింపునకు సంబంధించి తగిన ఆధారాలు లేవని పేర్కొన్నారు. దీంతో కడియం శ్రీహరి వ్యవహారానికి అప్పట్లో తెరపడినట్లయింది. ‘కడియం’పై ఆ ప్రభావం ఎంత? మార్చి 11న స్పీకర్‌ ఇచ్చిన తీర్పును సవాల్‌ చేస్తూ బీజేపీ ఎమ్మెల్యే ఏలేటి మహేశ్వర్‌రెడ్డి, బీఆర్‌ఎస్‌ ఎమ్మెల్యే పాడి కౌశిక్‌రెడ్డి హైకోర్టును ఆశ్రయించారు. విచారణ అనంతరం సెప్టెంబర్‌ 18న తెలంగాణ హైకోర్టు స్పీకర్‌ నిర్ణయాన్ని పక్కనపెట్టి దానం నాగేందర్‌ను అనర్హుడిగా ప్రకటించింది. 2024 ఏప్రిల్‌ 23నుంచి ఆయన అసెంబ్లీ సభ్యత్వం రద్దయినట్లుగా కోర్టు పేర్కొంది. ఖైరతాబాద్‌ అసెంబ్లీ స్థానం ఖాళీ అయినట్లుగా కూడా ప్రకటించింది. దీంతో హైకోర్టు తీర్పును సవాల్‌ చేస్తూ దానం నాగేందర్‌ సుప్రీంకోర్టును ఆశ్రయించగా గురువారం ఆయన పిటిషన్‌ను కొట్టివేసింది. అదే రోజు స్పీకర్‌ కొట్టివేసిన కడియం శ్రీహరి అనర్హత పిటిషన్‌ విషయంలోనూ తదుపరి న్యాయపరమైన పరిణామాలు ఎలా ఉంటాయన్న చర్చ ఉమ్మడి జిల్లా రాజకీయాల్లో మొదలైంది. ‘కడియం’పై చేసిన ఫిర్యాదులేంటి..? 2023, డిసెంబర్‌ అసెంబ్లీ ఎన్నికల్లో స్టేషన్‌ఘన్‌పూర్‌నుంచి కడియం శ్రీహరి బీఆర్‌ఎస్‌ అభ్యర్థిగా గెలిచారు. అనంతరం 2024 మార్చి 31న సీఎం రేవంత్‌రెడ్డి, అప్పటి తెలంగాణ కాంగ్రెస్‌ ఇన్‌చార్జ్‌ దీపాదాస్‌ మున్షీల సమక్షంలో కాంగ్రెస్‌ కండువా కప్పుకున్నట్లు బీఆర్‌ఎస్‌ నేతలు ఫిర్యాదులో పేర్కొన్నారు. అదే సమయంలో ఆయన కుమార్తె కడియం కావ్య కాంగ్రెస్‌ వరంగల్‌ లోక్‌సభ అభ్యర్థిగా బరిలోకి దిగి విజయం సాధించారు. కడియం శ్రీహరి పార్టీ మార్పు, కుమార్తె తరఫున కాంగ్రెస్‌ అభ్యర్థిగా ప్రచారం చేయడం, బీఆర్‌ఎస్‌ కేసీఆర్‌ తదితరులపై చేసిన విమర్శలు కూడా అప్పట్లో బీఆర్‌ఎస్‌ అనర్హత పిటిషన్‌లో ప్రధానంగా ప్రస్తావించిన అంశాల్లో ఉన్నాయి. దానం తర్వాత.. కడియం సంగతేంటి? ఉమ్మడి జిల్లా కాంగ్రెస్‌ వర్గాల్లో హాట్‌టాపిక్‌ దానంపై హైకోర్టు వేటును సమర్థించిన సుప్రీం.. మార్చి 11న ఇద్దరినీ అనర్హత నుంచి తప్పించిన స్పీకర్‌ స్పీకర్‌ తీర్పుతో శ్రీహరికి అప్పట్లో ఊరట.. తాజాగా మళ్లీ చర్చ

బీఆర్‌ఎస్‌ నేతలు, కార్యకర్తలను బారికేడ్లతో అడ్డుకుంటున్న పోలీసులుకేటీపీపీ వద్ద ఆందోళనలో మాట్లాడుతున్న ఎమ్మెల్యే పల్లా రాజేశ్వర్‌రెడ్డి, చిత్రంలో మాజీ మంత్రులు ఎర్రబెల్లి దయాకర్‌రావు, సత్యవతి రాథోడ్‌, మాజీ ఎమ్మెల్యేలు, బీఆర్‌ఎస్‌ నేతలుగణపురం: కాంగ్రెస్‌ అసమర్థ పాలనతోనే రాష్ట్రంలో విద్యుత్‌ సంక్షోభం నెలకొందని.. దీంతో రైతులకు సాగునీరు అందక పంటలు ఎండిపోయి తీవ్రంగా నష్టపోయారని మాజీ మంత్రులు ఎర్రబెల్లి దయాకర్‌రావు, సత్యవతిరాథోడ్‌, జనగామ ఎమ్మెల్యే పల్లా రాజేశ్వర్‌రెడ్డి అన్నారు. జయశంకర్‌ భూపాలపల్లి జిల్లా గణపురం మండలంలోని కాకతీయ థర్మల్‌ విద్యుత్‌ కేంద్రం (కేటీపీపీ)ను గురువారం బీఆర్‌ఎస్‌ ఉమ్మడి వరంగల్‌ జిల్లా మాజీ మంత్రులు, ఎమ్మెల్యేలతోపాటు సీనియర్‌ నేతలు సందర్శించారు. అనంతరం ఏర్పాటు చేసిన విలేకరుల సమావేశంలో వారు మాట్లాడారు. రాష్ట్రంలో అన్ని వనరులు ఉన్నా వినియోగించుకోలేని కాంగ్రెస్‌ ప్రభుత్వం అసమర్థ పాలన చేస్తోందన్నారు. సింగరేణి సంస్థకు జెన్‌కో సంస్థ రూ.52 వేల కోట్ల బకాయి పడిందని.. దీంతో సింగరేణి బొగ్గును ఉత్పత్తి చేయకపోవడంతో విద్యుత్‌ ఉత్పత్తి చేయడం లేదన్నారు. తమ నాయకుడు కేటీఆర్‌ మాట్లాడితే స్పందించిన ముఖ్యమంత్రి రేవంత్‌రెడ్డి ఎంత డబ్బు ఖర్చు అయిన ఇతర ప్రాంతాల నుంచి విద్యుత్‌ కొనుగోలు చేయాలని చెప్పడం సిగ్గు చేటన్నారు. కేటీపీపీలో 1100 మెగావాట్ల విద్యుత్‌ ఉత్పత్తికి గాను కేవలం 500 మెగావాట్ల విద్యుత్‌ ఉత్పత్తి మాత్రమే అవుతుందన్నారు. అధికారులను అడిగితే ఉత్పత్తి తగ్గిన విషయం వాస్తవమే అన్నారని తెలిపారు. రాష్ట్రంలో విద్యుత్‌ ఉత్పత్తిని సరిపడా చేసుకునే ప్లాంట్లు ఉన్నప్పటికీ చేతగానితనంతో ఉత్పత్తి చేయలేకపోతున్నారన్నారు. కాంగ్రెస్‌ ప్రభుత్వం వచ్చినప్పటి నుంచి సింగరేణి సంస్థ 2,900 కోట్ల రూపాయలు నష్టపోయిందన్నారు. జెన్‌కోకు రోజుకు 8వేల టన్నుల బొగ్గును సింగరేణి ఇవ్వాల్సి ఉండగా ఎందుకు ఇవ్వడం లేదన్నారు. తమ ప్రభుత్వ హయాంలో రెండు నెలల బొగ్గు నిల్వలు ఉండేవన్నారు. ఇప్పుడు కనీసం 15 రోజులకు సరిపడా నిల్వలు లేవన్నారు. తమ ప్రభుత్వ పాలనలో 24 గంటల విద్యుత్‌ ఉత్పత్తి చేసి ప్రతీ ఎకరాకు సాగునీరు అందించామన్నారు. దేవాదులనుంచి గోదావరి నీటిని ఎత్తిపోసే తెలివి లేదన్నారు. కార్యక్రమంలో మాజీ ఎమ్మెల్యేలు గండ్ర వెంకటరమణారెడ్డి, తాటికొండ రాజయ్య, అరూరి రమేశ్‌, శంకర్‌ నాయక్‌, నాయకులు కాకులమర్రి లక్ష్మణ్‌ బాబు, బడే నాగజ్యోతి తదితరులు పాల్గొన్నారు. బీఆర్‌ఎస్‌ బృందాన్ని మొదట కేటీపీపీ లోపలికి వెళ్లకుండా బారికేడ్లను ఏర్పాటు చేసి పోలీసులు అడ్డుకున్నారు. దీంతో గంటపాటు ఉద్రిక్తత నెలకొంది. ఆగ్రహానికి గురైన మాజీ మంత్రులు ఎర్రబెల్లి దయాకర్‌ రావు, సత్యవతి రాథోడ్‌, ఎమ్మెల్యే పల్లా రాజేశ్వర్‌రెడ్డి తదితరులు బారికేడ్లను నెట్టివేసి ప్రధాన గేటు వద్ద ఆందోళన చేపట్టారు. స్పందించిన పోలీసులు వారి సొంత పూచికత్తుపై ప్లాంటులోకి అనుమతించారు. ప్లాంటును సుమారు గంటకు పైగా పరిశీలించిన బృందం సభ్యులు అనంతరం అధికారులతో మాట్లాడి వివరాలు తెలుసుకున్నారు. మాజీ మంత్రులు ఎర్రబెల్లి, సత్యవతి రాథోడ్‌, ఎమ్మెల్యే పల్లా కేటీపీపీ సందర్శించిన బీఆర్‌ఎస్‌ బృందం

రాయపర్తి: హైదరాబాద్‌లో గణేశ్‌ నిమజ్జన బందోబస్తుకు వెళ్లి హిట్‌ అండ్‌ రన్‌లో దుర్మరణం చెందిన ఎస్సై కునుసోతు వెంకన్న(57) అంత్యక్రియలు గురువారం అధికార లాంఛనాలతో తన సొంత గ్రామం రాయపర్తి మండలం కిష్టాపురంలో నిర్వహించారు. గ్రామస్తులు, పోలీసులు పెద్దఎత్తున తరలివచ్చారు. గ్రామవీధులగుండా అంతిమయాత్ర నిర్వహించి పోలీసు అధికార లాంఛనాలతో అంత్యక్రియలు నిర్వహించారు. మృతుడికి భార్య హచ్చమ్మ, ఓ కుమార్తె ప్రియాంక, కుమారుడు జితేందర్‌ ఉన్నారు. గ్రామానికి చెందిన ఎస్సై వెంకన్న భద్రాద్రి కొత్తగూడెం జిల్లా కొత్తగూడెంలో విధులు నిర్వర్తిస్తుండగా ఇటీవల మహబూబా బాద్‌కు బదిలీ అయింది. ఈ క్రమంలో హైదరాబా ద్‌లో బుధవారం గణేశ్‌ నిమజ్జన బందోబస్తుకు వెళ్లగా ప్రమాదం జరిగిన విషయం తెలిసిందే. కాగా, ప్రమాదానికి కారణమైన ద్విచక్ర వాహనదారుడి కోసం సైఫాబాద్‌ పోలీసులు గాలిస్తున్నట్లు సమాచారం. కిష్టాపురంలో తీవ్ర విషాదఛాయలు

మహబూబాబాద్‌ అర్బన్‌: జిల్లాకు బతుకమ్మ(ఇందిరమ్మ) చీరలు చేరుకున్నాయి. రేషన్‌ కార్డు కలిగిన 18ఏళ్ల పైబడిన మహిళల జాబితా సిద్ధం చేశారు. జిల్లాలో 1,61,389 మంది మహిళలు ఉన్నారు. వారందరికీ చీరలను పంపిణీ చేయనున్నారు. కాగా, మానుకోటలో 40వేలు, తొర్రూరులో 40వేల చీరలను వ్యవసాయ గోదాంలలో భద్రపరిచారు. వాటిని డోర్నకల్‌, కేసముద్రం, మరిపెడ, తొర్రూరు, మానుకోట మండలాలతో పాటు ఐదు మున్సిపాలిటీలకు అధికారులు తరలించనున్నారు. మిగిలిన చీరలు సరఫరా కాగానే ఇతర మండలాలకు తరలించేలా ఏర్పాట్లు చేస్తున్నారు. అర్హులందరికీ పంపిణీ చేసేలా.. రాష్ట్ర ప్రభుత్వం బతుకమ్మ పండుగను పురస్కరించుకుని జిల్లాలో 18ఏళ్లు నిండిన యువతుల నుంచి వృద్ధ మహిళల వరకు అందరికీ ఇందిరమ్మ చీరలు పంపిణీ చేసేలా అధికారులు సన్నాహాలు చేస్తున్నారు. మొదటి విడతగా జిల్లాకు వచ్చిన 80వేల చీరలను అధికారుల పర్యవేక్షణలో జిల్లాలోని మానుకోట, తొర్రూరు గోదాంలలో భద్రపరిచారు. జిల్లాలో 18 మండలాల్లో 558 రేషన్‌ దుకాణాలు ఉండగా, వాటి పరిధిలో 2,79,089 ఆహార భద్రత కార్డులు కలిగిన కుటుంబాలు ఉన్నాయి. ఈ కార్డుల్లో 18 సంవత్సరాలు నిండిన యువతులు, మహిళలు 1,61,389మంది ఉన్నట్లు గుర్తించారు. వచ్చిన చీరలను బతుకమ్మ పండగ ప్రారంభానికి ముందే ఆడపడుచులకు పంపిణీ చేసేలా అధికారులు సన్నాహాలు చేస్తున్నారు. అక్టోబర్‌ మొదటి వారంలో పంపిణీ.. అక్టోబర్‌ మొదటివారంలో నియోజకవర్గస్థాయిలో ఎమ్మెల్యేల ఆధ్వర్యంలో బతుకమ్మ చీరలు పంపిణీ చేసేందుకు ఏర్పాట్లు చేస్తున్నారు. గ్రామీణ ప్రాంతాల్లో ప్రజాప్రతినిధులు, ఎంపీడీఓలు, పంచాయతీ కార్యదర్శులు, స్వయం సహాయక సంఘాల ఆధ్వర్యంలో, పట్టణ ప్రాంతాల్లో మెప్మా ఆధ్వర్యంలో లబ్ధ్దిదారులకు బతుకమ్మ చీరలు పంపిణీ చేయనున్నారు. ప్రభుత్వం నుంచి వచ్చిన బతుకమ్మ చీరలను గోదాంల్లో భద్రపరుస్తున్నాం. ఈనెలాఖరులో అన్ని మండల కేంద్రాలకు పంపిస్తాం. మొదట స్వయం సహాయక సంఘాల మహిళలకు చీరలు అందజేస్తాం. ఆ తర్వాత 18 సంవత్సరాలు నిండిన యువతులకు, మహిళలకు రేషన్‌కార్డ్‌, ఆధార్‌ కార్డు ఆధారంగా అక్టోబర్‌ మొదటి వారంలోనే చీరల పంపిణీకి ఏర్పాట్లు చేస్తున్నాం. – మధుసూదన్‌రాజు, డీఆర్‌డీఓమండలం మహిళలు బయ్యారం 11,963 చిన్నగూడూరు 3,979 దంతాలపల్లి 7,910 డోర్నకల్‌ 9,861 గంగారం 3,150 గార్ల 9,067 గూడూరు 16,127 కేసముద్రం 12,885 కొత్తగూడ 7,451 కురవి 16,125 మహబూబాబాద్‌ 10,693 మరిపెడ 12,970 నర్సింహులపేట 7,099 నెల్లికుదురు 12,766 పెద్దవంగర 7,288 తొర్రూరు 12,055 మొత్తం 1,61,389 తొర్రూరు, మానుకోటకు చేరిన ఇందిరమ్మ చీరలు ప్రస్తుతం 80వేల చీరలు రాక జిల్లాలో 1,61,389మంది మహిళలు

హన్మకొండ అర్బన్‌: ఉమ్మడి వరంగల్‌, ఖమ్మం జిల్లాల్లో అమలవుతున్న అభివృద్ధి కార్యక్రమాలపై రాష్ట్ర మంత్రి సీతక్క శుక్రవారం సమీక్ష నిర్వహించనున్నారు. మధ్యాహ్నం 1 గంటకు హనుమకొండ ఐఓడీసీలో జరగనున్న ఈ సమావేశంలో ఎల్‌నినో ప్రభావాన్ని ఎదుర్కొనేందుకు గ్రామస్థాయిలో చేపట్టాల్సిన నివారణ, ముందస్తు చర్యలు, కార్యాచరణ ప్రణాళికపై సమీక్షించనున్నారు. గ్రామ పంచాయతీ, వీఓ, అంగన్‌వాడీ, ఇతర భవనాల నిర్మాణ పనుల పురోగతి, పూర్తి స్థితి, పెండింగ్‌ పనులను పూర్తి చేసేందుకు చేపట్టాల్సిన చర్యలపై చర్చించనున్నారు. అధికారులు తమ శాఖల తాజా గణాంకాలు, పురోగతి నివేదికలు, పెండింగ్‌ పనుల వివరాలు, వాటిని పూర్తి చేసేందుకు రూపొందించిన కార్యాచరణ ప్రణాళికతో సమావేశానికి హాజరు కావాలని స్పెషల్‌ సీఎస్‌ దాన కిశోర్‌ ఆదేశించారు. సమన్వయంతో పనిచేయాలి మహబూబాబాద్‌ : రెవెన్యూ, అటవీ భూ సమస్యల పరిష్కారం కోసం అధికారులు సమన్వయంతో పనిచేయాలని ఎమ్మెల్యే డాక్టర్‌ భూక్య మురళీనాయక్‌ అన్నారు. కలెక్టరేట్‌లో మానుకోట నియోజకవర్గ భూ సమస్యలపై సమావేశం నిర్వహించారు. ఎమ్మెల్యే మాట్లాడుతూ భూ సమస్యలను పరిశీలించి తక్షణమే పరిష్కరించాలన్నారు. ప్రతీ నెల సమన్వయ సమావేశం నిర్వహించాలన్నారు. సమావేశంలో కలెక్టర్‌ స్నేహశబరీష్‌, అదనపు కలెక్టర్‌ అనిల్‌కుమార్‌, డీఎఫ్‌ఓ లావణ్య, సంబంధిత శాఖల అధికారులు పాల్గొన్నారు. జాగ్రత్తలు పాటించాలి నెహ్రూసెంటర్‌: భారీ వర్షాల నేపథ్యంలో విద్యుత్‌ ప్రమాదాలు జరగకుండా వినియోగదారులు జాగ్రత్తలు పాటించాలని విద్యుత్‌శాఖ ఎస్‌ఈ దర్శన్‌కుమార్‌ గురువారం తెలిపారు. మూడురోజుల పాటు రాష్ట్రంలో భారీ వర్షాలు కురుస్తాయని వాతావరణశాఖ హెచ్చరించిన నేపథ్యంలో విద్యుత్‌శాఖ అప్రమత్తమై ప్రమాదాలు జరగకుండా ముందస్తు చర్యలు చేపట్టిందని పేర్కొన్నారు. విద్యుత్‌ సిబ్బంది క్షేత్రస్థాయిలో అందుబాటులో ఉంటూ ఎప్పటికప్పుడూ విద్యుత్‌ సరఫరా స్థితిని పరిశీలించాని సూచించారు. విద్యుత్‌ సంబంధిత సమస్యలు ఎదురైతే వెంటనే కంట్రోల్‌ రూం నంబర్‌ 87124 81550 లేదా టోల్‌ ప్రీ నంబర్‌ 1912ను సంప్రదించాలని తెలిపారు. కవి సమ్మేళనం విజయవంతం చేయాలిమహబూబాబాద్‌/నెహ్రూసెంటర్‌: అభ్యుదయ రచయితల సంఘం(అరసం) ఆధ్వర్యంలో ఈనెల 27న జిల్లా కేంద్రంలోని లయన్స్‌ క్లబ్‌ భవనంలో జరిగే కవి సమ్మేళనాన్ని విజయవంతం చేయాలని సంఘం జిల్లా నిర్మాణ బాధ్యుడు కొంపెల్లి రామయ్య పిలుపునిచ్చారు. స్థాక లయన్స్‌ క్లబ్‌ భవనంలో గురువారం అరసం జిల్లా సమావేశం నిర్వహించారు. ఈసందర్భంగా రామయ్య మాట్లాడుతూ.. అభ్యుదయ, సామాజిక భావజాలం ఉన్న రచయితలు అధిక సంఖ్యలో హాజరుకావాలని కోరారు. 70325 04646 నంబర్‌కు ఫోన్‌ చేసి పేర్లు నమోదు చేసుకోవాలన్నారు. కార్యక్రమంలో సీపీఐ మున్సిపల్‌ఫ్లోర్‌ లీడర్‌ అజయ్‌సారథిరెడ్డి, అరసం బాధ్యులు రమేశ్‌, పాండు రంగాచారి, వెంకటేశ్వర్లు, ప్రసాద్‌, సత్యనారాయణ, శ్రీనివాస్‌రెడ్డి పాల్గొన్నారు.

మహబూబాబాద్‌ రూరల్‌ : జిల్లా కేంద్రానికి చెందిన శ్రీమహాలక్ష్మి గణపతి సేవా ట్రస్టు ఆధ్వర్యంలో పూజలందుకున్న గోమయ గణపతి నిమజ్జన వేడుకలను గురువారం భక్తిశ్రద్ధలతో నిర్వహించారు. జిల్లా కేంద్రంలోని శ్రీరామ ఆలయంలో పది రోజులపాటు భక్తులు గోమయ గణపతికి పూజలు నిర్వహించి ఆశీర్వాదాలు స్వీకరించారు. కాగా ట్రస్ట్‌ సభ్యులు శ్రీరంగం రాధిక, ఎస్వీ.నాగేశ్వరరావు, శ్రీరంగం రాజేశ్వరి, రామారావు, సోమ రజిత, శ్రీనివాస్‌, సోమ సింధు, రాంబాబు ఆధ్వర్యంలో జిల్లా కేంద్రం శివారులోని మున్నేరువాగులో గణపతి నిమజ్జనం చేశారు.

మహబూబాబాద్‌: ప్రభుత్వ నిబంధనల ప్రకారం పరిపాలన అనుమతులు మంజూరు చేయాలని కలెక్టర్‌ స్నేహశబరీష్‌ అన్నారు. గురువారం కలెక్టరేట్‌లోని కాన్ఫరెన్స్‌హాల్‌లో జిల్లాస్థాయి అటవీ సంరక్షణ కమిటీ సమీక్ష సమావేశం నిర్వహించారు. కలెక్టర్‌ మాట్లాడుతూ.. జిల్లా అభివృద్ధిలో భాగంగా రో డ్లు, పాఠశాలల భవన నిర్మాణాలు, వీబీజీరామ్‌జీ పథకం ద్వారా జరిగే తదితర పనులకు పరిపాలన అనుమతులు ఇవ్వాలన్నారు. జిల్లాలో అటవీ భూ ముల రక్షణ, వన్యప్రాణాల సంరక్షణ తదితర కార్యక్రమాల అమలులో ఏమాత్రం నిర్లక్ష్యం చేయవద్దన్నారు. జిల్లాలోని అటవీ భూముల సరిహద్దులను రెవెన్యూ, అటవీ శాఖలు సంయుక్తంగా సర్వే చేసి గుర్తించాలన్నారు. ఆక్రమణలు జరిగితే కఠిన చర్యలు తీసుకోవాలన్నారు. అవసరమైతే నాన్‌ బెయిలబుల్‌ కేసులు నమోదు చేయాలని ఆదేశించారు. మరికొన్ని చెక్‌పోస్టుల ఏర్పాటుకు ప్రతిపాదనలు సిద్ధం చేయాలన్నారు. వన్యప్రాణుల వేటను అరికట్టేందుకు గ్రామీణ ప్రాంతాల్లో ప్రత్యేక నిఘా పెట్టాలన్నారు. అదనపు కలెక్టర్‌ అనిల్‌కుమార్‌, ట్రైనీ డిప్యూటీ కలెక్టర్‌ నితీష్‌, డీఎఫ్‌ఓ లావణ్య, ఆర్డీఓలు రాజేశ్వరి, గణేశ్‌ పాల్గొన్నారు. పోస్టర్‌ ఆవిష్కరణ.. అంతర్జాతీయ వృద్ధుల దినోత్సవాన్ని పురస్కరించుకొని వయోవృద్దుల సంక్షేమం, సాధికారత వారోత్సవాల ప్రచార పోస్టర్లను కలెక్టర్‌ స్నేహశబరీష్‌ ఆవిష్కరించారు. కలెక్టర్‌ స్నేహశబరీష్‌

హన్మకొండ అర్బన్‌ : హనుమకొండ ప్రభుత్వ బాలికల సదనంలోని బాలికను గురువారం దత్త త ప్రాధికార సంస్థ ఆదేశాల మేర కు నల్లగొండ జిల్లాకు చెందిన దంపతులకు కలెక్టర్‌ చాహత్‌ బాజ్‌పాయ్‌ తన చాంబర్‌లో దత్తత ఇచ్చారు. కలెక్టర్‌ మాట్లాడుతూ దత్తత తీసుకున్న తల్లిదండ్రులు బాలికను బాగా చ దివించి, భవిష్యత్తులో ఉన్నతంగా ఎదిగేలా చూడాలని కో రారు. జిల్లా సంక్షేమాధికారి ఎం.విశ్వజ, బాల రక్షా భవన్‌ కోఆర్డినేటర్‌ సీహెచ్‌. అవంతి, ప్రభుత్వ బాలికల సదనం సూపరింటెండెంట్‌ ఎం.కల్యాణి, ఇన్‌చార్జి డీసీపీఓ ఎస్‌. ప్రవీణ్‌కుమార్‌, సోషల్‌ వర్కర్‌ సంగి చైతన్య పాల్గొన్నారు.

● రాష్ట్ర పంచాయతీరాజ్‌ శాఖ మంత్రి సీతక్కమంగపేట : మల్లూరు శ్రీ హేమాచల లక్ష్మీనర్సింహాస్వామి దేవస్థానాన్ని ఆధ్యాత్మిక, పర్యాటక కేంద్రంగా సకల సౌకర్యాలతో అభివృద్ధి చేస్తున్నామని రాష్ట్ర పంచాయతీరాజ్‌ శాఖ మంత్రి సీతక్క వెల్లడించారు. ములుగు జిల్లా మంగపేట మండలంలోని మల్లూరు శ్రీ హేమాచల క్షేత్రాన్ని కలెక్టర్‌ బోర్ఖడే హేమంత్‌ సహాదేవరావు, అటవీశాఖ అధికారి వికాస్‌ మీనాతో కలిసి గురువారం సందర్శించి స్వయం భూ లక్ష్మీనర్సింహాస్వామి వారిని దర్శించుకుని ప్రత్యేక పూజలు నిర్వహించారు. అనంతరం ఆలయ అభివృద్ధిలో భాగంగా చేపట్టాల్సిన వివిధ పనులు, ఆలయ ముఖ మండపం నిర్మాణ మాస్టర్‌ ప్లాన్‌పై సమీక్ష నిర్వహించారు. ఈ సందర్భగా మంత్రి మాట్లాడుతూ ఏటా భక్తుల సంఖ్య పెరుగుతున్న నేపథ్యంలో ఆలయాన్ని అభివృద్ధి చేసేందుకు ప్రభుత్వం ప్రత్యేక ప్రణాళికతో ముందుకు సాగుతుందన్నారు. ఇందులో భాగంగా ఇప్పటికే ఆలయ ముఖ మండప నిర్మాణానికి రూ. 3 కోట్లు మంజూరయ్యాయన్నారు. ప్రాంగణంలో కల్యాణ మండపం, భక్తులకు కాటేజీ, నిత్య అన్నదాన నిర్వహణకు డార్మెటరీ నిర్మాణం, సెంట్రల్‌ స్టోర్‌, రోడ్లు తదితర అభివృద్ధి పనులతో పాటు సహజ సిద్ధ కోనేరు, చింతామణి జలపాతం తదితర అభివృద్ధి పనుల కోసం రూ. 30 కోట్లతో అంచనా వేశామన్నారు. అభివృద్ధి పనుల్లో ఆలయ పరిసరాల్లోని సహజత్వానికి ఎలాంటి విఘాతం కలగకుండా చేపట్టాలని సూచించారు. సమావేశానికి ముందు ఆల య గోశాల నిర్మాణ పనులకు మంత్రి భూమిపూజ చేశారు. కార్యక్రమంలో అదనపు కలెక్టర్‌(స్థానిక సంస్థలు) సంపత్‌రావు, డీపీఓ కొండ వెంకయ్య, ములుగు మార్కెట్‌ కమిటీ చైర్‌పర్సన్‌ రేగ కల్యాణి, టీఎస్‌ఈజీ సభ్యుడు గుమ్మడి సోమయ్య, కాంగ్రెస్‌ మండల అధ్యక్షుడు చెట్టుపల్లి వెంకటేశ్వర్లు, హేమాచలక్షేత్రం మాజీ చైర్మన్‌ సురేశ్‌, జిల్లా నాయకులు కర్రి నాగేంద్రబాబు, వల్లెపల్లి శివప్రసాద్‌, మైల జయరాంరెడ్డి, ఇర్సవడ్ల వెంకటేశ్వర్లు, ఇస్సార్‌ఖాన్‌, కొడం బాలకృష్ణ, సి.హెచ్‌ శ్రీనివాస్‌, పచ్చా శేషగిరిరావు తదితరులు పాల్గొన్నారు.

సాక్షి, సిటీబ్యూరో: పుణేకు చెందిన కాస్మోస్‌ సహకార బ్యాంక్‌ తెలంగాణలో మరో రెండు శాఖలను ప్రారంభించింది. హనుమకొండ, వరంగల్‌లో ఏర్పాటైన బ్రాంచ్‌ బ్యాంక్‌కు 194వది కాగా, హైదరాబాద్‌ ఎల్‌బీనగర్‌లో ప్రారంభమైంది 195వది. వరంగల్‌ బ్రాంచ్‌ను బ్యాంక్‌ డైరెక్టర్‌ అజిత్‌ గిజారే, ఎల్‌బీనగర్‌ బ్రాంచ్‌ను చైర్మన్‌ సచిన్‌ ఆప్టే ప్రారంభించారు. కార్యక్రమంలో లా అండ్‌ ఆర్డర్‌ డీజీపీ మహేశ్‌ భగవత్‌ ముఖ్య అతిథిగా పాల్గొన్నారు. తెలంగాణలో బ్యాంక్‌కు ఏడు శాఖలు ఉన్నాయని సచిన్‌ తెలిపారు. దక్షిణ భారత్‌ విస్తరణలో భాగంగా కోయంబత్తూర్‌, విశాఖపట్నం, విజయవాడ, హుబ్లీ, చైన్నె, తిరుప్పూర్‌లో శాఖలు ఏర్పాటు చేయనున్నట్లు వెల్లడించారు. ఈ నవంబర్‌ నాటికి దేశవ్యాప్తంగా 200 శాఖలకు చేరుకోవడమే లక్ష్యమన్నారు. కొంకణ్‌ ప్రాంతంలోనూ శాఖలను ప్రారంభించే ప్రణాళిక ఉందన్నారు. కార్యక్రమంలో బ్యాంక్‌ ఉపాధ్యక్షుడు డా.యశ్వంత్‌ కాసర్‌, ఇతర ఉన్నతాధికారులు, ఖాతాదారులు పాల్గొన్నారు. దక్షిణ భారత్‌లో మరిన్ని శాఖలకు ప్రణాళిక

జనగామ రూరల్‌ : ఈసీని బీజేపీ ఏజెంట్‌ సంస్థగా మార్చిన చీఫ్‌ ఎలక్షన్‌ కమిషనర్‌ జ్ఞానేష్‌ కుమార్‌ను వెంటనే అరెస్ట్‌ చేయాలని యువజన కాంగ్రెస్‌ రాష్ట్ర అధ్యక్షుడు జక్కిడి శివచరణ్‌ రెడ్డి డిమాండ్‌ చేశారు. యువజన కాంగ్రెస్‌ జాతీయ అధ్యక్షులు ఉదయభాను చిబ్‌ ఆదేశాల మేరకు గురువారం జిల్లా కేంద్రంలో నిరసన చేపట్టారు. ఈ సందర్భంగా శివచరణ్‌ రెడ్డి, రాష్ట్ర సహాయ ఇన్‌చార్జ్‌ కె.ఆర్‌. భవ్య మాట్లాడుతూ ఎలక్షన్‌ కమిషన్‌ పేరుతో దాదాపు దేశవ్యాప్తంగా 13 కోట్లకు పైగా ఓటర్ల పేర్లు డ్రాఫ్ట్‌ ఓటరు జాబితా నుంచి తొలగించి బీజేపీ గెలుపునకు పరోక్షంగా సహకరిస్తున్నారని విమర్శించారు. ఈ వ్యవహారంపై ఎన్నికల కమిషన్‌ సభ్యులు అభ్యంతరాలు వ్యక్తం చేసినా జ్ఞానేష్‌ కుమార్‌ బీజేపీ ఏజెంట్‌గా మారి ఓట్లను తొలగిస్తూ లబ్ధి చేకూరుస్తున్నారని మండిపడ్డారు. యువజన కాంగ్రెస్‌ జిల్లా అధ్యక్షుడు క్రాంతి కుమార్‌, యువజన కాంగ్రెస్‌ రాష్ట్ర ప్రధాన కార్యదర్శులు అల్వాల కార్తీక్‌, చంద్రిక గౌడ్‌, ఉపాధ్యక్షులు కమలాకర్‌, జిల్లా ప్రధాన కార్యదర్శులు మహేశ్‌, బాబా, సంపత్‌, నియోజకవర్గాల అధ్యక్షులు రాజేశ్‌ నాయక్‌, సంతోష్‌ రెడ్డి తదితరులు పాల్గొన్నారు. ఎమ్మెల్సీ ఎన్నికల్లో గెలుపే లక్ష్యంగా పనిచేయాలి వరంగల్‌–ఖమ్మం–నల్లగొండ, మహబూబ్‌నగర్‌– హైదరాబాద్‌–రంగారెడ్డి గ్రాడ్యుయేట్‌ ఎమ్మెల్సీ ఎన్నికల్లో పార్టీ అభ్యర్థుల గెలుపే లక్ష్యంగా పనిచేయాలని యువజన కాంగ్రెస్‌ రాష్ట్ర అధ్యక్షుడు జక్కిడి శివచరణ్‌ రెడ్డి పిలుపునిచ్చారు. పట్టణంలో యువజన కాంగ్రెస్‌ జిల్లా అధ్యక్షుడు క్రాంతి కుమార్‌ అధ్యక్షతన ఏర్పాటు చేసి సమావేశంలో శివచరణ్‌ రెడ్డి మాట్లాడారు. యువజన కాంగ్రెస్‌ రాష్ట్ర అధ్యక్షుడు శివచరణ్‌ రెడ్డి

కాజీపేట రూరల్‌ : ప్రయాణికుల సౌకర్యార్థం వరంగల్‌ మీదుగా పొదనూర్‌–బరౌని –పొదనూర్‌ మధ్య పది ప్రత్యేక రైళ్లను నడిపిస్తున్నట్లు రైల్వే అధికారులు గురువారం తెలిపారు. ఈ రైళ్లను అక్టోబర్‌ 4 నుంచి నవంబర్‌ 29వ తేదీ వరకు నడిపించనున్నట్లు పేర్కొన్నారు. ప్రత్యేక రైళ్ల వివరాలు.. అక్టోబర్‌ 4 నుంచి నవంబర్‌ 1వ తేదీ వరకు ప్రయాణించే 5 రైళ్లు పొదనూర్‌–బరౌని (06021) ఎక్స్‌ప్రెస్‌గా ప్రతీ ఆదివారం పొదనూర్‌లో బయలుదేరి మరుసటి రోజు వరంగల్‌కు చేరుకుంటుంది. అక్టోబర్‌ 7 నుంచి నవంబర్‌ 4వ తేదీ వరకు ప్రయాణించే 5 రైళ్లు బరౌని–పొదనూర్‌ (06022) ఎక్స్‌ప్రెస్‌గా బరౌనిలో ప్రతీ బుధవారం బయలుదేరి మరుసటి రోజు వరంగల్‌కు చేరుకుంటుంది. ఈ రైళ్లకు అప్‌ అండ్‌ డౌన్‌లో తిరుపూర్‌, ఈరోడ్‌, సేలం, జోలర్‌పేటయ్‌, కట్‌పాడి, పెరంబూర్‌, గూడూరు, నెల్లూరు, ఒంగోలు, విజయవాడ, ఖమ్మం, వరంగల్‌, సిర్పూర్‌కాగజ్‌నగర్‌, బల్లార్షా, చంద్రాపూర్‌, నాగ్‌పూర్‌, బెతుల్‌, ఇటార్సీ, పిపరియా, గద్వారా, జబల్‌పూర్‌, కట్నీ, మహీర్‌, సంత, మాణిక్‌పూర్‌, ప్రయాగ్‌రాజ్‌, చౌఖీ, చూనార్‌, పండిట్‌ దీన్‌దయాల్‌ ఉపాధ్యాయ, బాక్సర్‌, ఆరా, దానాపూర్‌, పాటలీపుత్ర, సోనాపూర్‌, హజ్‌పూర్‌, షాపూర్‌లో హాల్టింగ్‌ కల్పించారు.

సాక్షి, మహబూబాబాద్‌: సకాలంలో వర్షాలు కురవక.. దాదాపు కరువు ఛాయలు అలముకున్న జిల్లాలో రెండు రోజులుగా కురుస్తున్న వర్షాలు పంటలకు ఊపిరి పోశాయి. ఎడతెరపి లేకుండా వర్షాలు కువరడంతో వరద వస్తోంది. దీంతో జిల్లాలోని వాగులు, వంకలు పొంగుతున్నాయి. జలాశయాల్లోకి నీరు చేరుతోంది. వానదేవుడినే నమ్ముకొని సాగుచేసిన వరి పంటపై పెట్టుకున్న ఆశలు పదిలమని రైతులు చెబుతున్నారు. అదేవిధంగా సాగుచేసిన పత్తికి ఇప్పటి వరకు ఫర్వాలేదు. వర్షాలు మరో రెండు, మూడు రోజులపాటు కురిస్తే పత్తికి నష్టమేనని రైతులు ఆందోళన చెందుతున్నారు. ఉరకలు.. జిల్లాలో బుధవారం సాయంత్రం వర్షం మొదలైంది. ఆ రోజు జిల్లా వ్యాప్తంగా సగటున 82మిల్లీ మీ టర్ల వర్షపాతం నమోదైంది. ఇందులో అత్యధికంగా నెల్లికుదురు మండలంలో 123.6 మిల్లీమీటర్లు, మరిపెడ 122.6, పెద్దవంగర మండలంలో 118.6 మిల్లీ మీటర్లు కురవగా.. అత్యల్పంగా గంగారంలో 34.6 మిల్లీమీటర్లు, కొత్తగూడలో 35.8 మిల్లీ మీటర్లు కురిసింది. అదే విధంగా గురువారం ఉదయం నుంచి సాయంత్రం వరకు గంగారం మండలంలో 15.8 మిల్లీమీటర్లు, కొత్తగూడలో 9.8 మిల్లీమీ టర్లు, తొర్రూరు 9.5 మిల్లీ మీటర్లు మొత్తం జిల్లాలో 69 మిల్లీ మీటర్ల వర్షపాతం నమోదైంది. దీంతో జిల్లాలోని ఆకేరు, మున్నేరు, పాలేరుతోపాటు పలు వాగుల్లో భారీగా నీరు చేరి ప్రవహిస్తోంది. అలాగే జిల్లాలోని చెరువులు, కుంటల్లోకి కూడా నీరు చేరుతోంది. వరికి ఆశలు.. పత్తిపై భయం.. భారీ వర్షాలతో వరి పంటకు మేలు జరుగుతోంది. వర్షాలు ఎక్కువగా కురిస్తే పత్తి పంటలకు నష్టం. జిల్లాలో ప్రస్తుతం 3,28,475 ఎకరాల్లో మాత్రమే సాగుచేశారు. ఇందులో పత్తి 91,916 ఎకరాల్లో సాగుచేయగా.. వరి 1,49,162 ఎకరాలు, మొక్కజొన్న 58,655 ఎకరాలు, 21,585ఎకరాల్లో పెసర సాగుచేశారు. అయితే ఇందులో పత్తి, మొక్కజొన్న పంటలు కాత పూత, పాలకంకి పోసింది. పెసర పంట కోయడం పూర్తి దశకు వచ్చింది. వరి పొట్టదశలో ఉంది. పత్తి పూత, కాత దశలో, మొక్కజొన్న చివరి దశకు చేరుకుంది. ఈ వర్షాలతో వరి పంట వెన్నులు బయటకు వచ్చే అవకాశం ఉంది. పత్తికి ఇప్పటి వరకు ఢోకా లేకున్నా.. వర్షాలు ఇలాగే కొనసాగితే మాత్రం జాలువారిపోయి, పగిలిన పత్తి నల్లబారి నష్టం జరుగుతుంది. పొంగుతున్న వాగులు, ఏర్లు జలాశయాల్లోకి చేరుతున్న నీరు వరి పంటపై ఆశలు పదిలం పత్తిపంటకు పొంచిఉన్న ముప్పు అప్రమత్తంగా ఉండాలని కలెక్టర్‌ ఆదేశంఅప్రమత్తంగా ఉండాలి: కలెక్టర్‌భారీ వర్షాల నేపథ్యంలో అధికారులందరూ అప్రమత్తంగా ఉండాలని కలెక్టర్‌ స్నేహ శబరీష్‌ ఆదేశించారు. జిల్లా అధికారులతో పాటు మండల రెవెన్యూ, పంచాయతీరాజ్‌ అధికారులతో వర్షాలపై సమీక్షించారు. ప్రధానంగా విద్యాసంస్థలు, హాస్టల్స్‌, గురుకులాల్లో పనిచేసే వారు అప్రమత్తంగా ఉండాలని, విద్యార్థులకు వేడి వేడి అన్నం పెట్టాలని ఆదేశించారు. ఇరిగేషన్‌ అధికారులు ప్రమాదకరమైన చెరువుల వద్ద అప్రమత్తంగా ఉండాలన్నారు. పారిశుద్ధ్య పనులు నిర్వహించాలని సూచించారు.

మహబూబాబాద్‌: వలిగొండ నుంచి భద్రాచలం వరకు జాతీయ రహదారి 930–పీ పనులు జిల్లాలో వేగంగా జరుగుతున్నాయి. రెండు సంవత్సరాల గుడువు ఉండగా.. పనుల్లో వేగం పెంచారు. జిల్లాలో 69.08కిలో మీటర్ల మేర నిర్మాణం జరగనుండగా.. ఇప్పటికే 30కిలో మీటర్లలో పనులు జరుగుతున్నాయి. ఒక మైనర్‌ బ్రిడ్జి పనులు చేపడుతున్నారు. రూ.540కోట్లతో జాతీయ రహదారి.. వలిగొండ టు భద్రాచలం జాతీయ రహదారి 930–పీ కోసం ప్రభుత్వం రూ.540 కోట్లు కేటా యించినట్లు అధికారులు తెలిపారు. దీనిలో భాగంగా మానుకోట జిల్లా మీదుగా జాతీయ రహదారి నిర్మాణం జరగనుంది. జిల్లా పరిధిలో 69.08 కిలోమీటర్ల నిర్మాణం చేయనున్నారు. కాగా, ఈ ఏడాది జూలై మాసంలోనే ఆ పనులు చేపట్టారు. జిల్లాలో తొర్రూరు నుంచి ఎన్‌హెచ్‌ మొదలవుతుంది. తొర్రూరు మండలం చిన్న వంగర నుంచి నెల్లికుదురు మండలం రావిరాల వరకు సుమారు 30 కిలోమీటర్ల పనులు వేగంగా జరుగుతున్నాయి. జిల్లా కేంద్రం శివారు బయ్యారం రోడ్డులో పెద్దతండా సమీపంలో మైనర్‌ బ్రిడ్జి నిర్మాణ పనులు కూడా జరుగుతున్నాయి. అండర్‌పాస్‌లు.. నిర్మాణ పనుల్లో భాగంగా బయ్యారం మండల కేంద్రం ప్రధాన రోడ్డుపై రెండు మేజర్‌ బ్రిడ్జిలు, తొర్రూరు, మానుకోట శివారు సాలార్‌తండా వద్ద వెహికిల్‌ అండర్‌ పాస్‌లు (2 వీయూసీలు) నిర్మాణం చేయనున్నారు. మానుకోట శివారు అనంతారం రోడ్డులో నిర్మాణం చేస్తున్న మున్సిపాలిటీ భవనం సమీపంలో రైల్వే ట్రాక్‌పై రైల్వే ఓవర్‌ బ్రిడ్జి (ఆర్వోబీ) నిర్మాణం చేయనున్నట్లు అధికారులు తెలిపారు. గడువులోగా పూర్తి చేసేలా.. రెండేళ్ల గడువులోగా నిర్మాణ పనలు పూర్తి చేసేలా ఎన్‌హెచ్‌ అధికారులు చర్యలు తీసుకుంటున్నారు. పర్యవేక్షణ చేసి పనుల్లో నాణ్యతా ప్రమాణాలు పాటించేలా చూస్తున్నారు. పనులకు అంతరాయం లేకుండా సంబంధిత అధికారులతో సమన్వయంతో ముందుకెళ్తున్నారు. ఎన్‌హెచ్‌ పనులు జిల్లాలో ఇలా.. తొర్రూరు బైపాస్‌ మీదుగా నెల్లికుదురు బైపాస్‌ నుంచి మానుకోట సమీప శనిగపురం గ్రామశివారు బోరింగ్‌ తండా సమీపం నుంచి మెడికల్‌ కాలేజీ వెనుక నుంచి రజాలీపేట సమీపం మీదుగా సాలార్‌ తండా సమీపంలో నిర్మాణం జరగనుంది. సాలార్‌తండా నుంచి కలెక్టరేట్‌ వెనుక నుంచి అనంతారం రోడ్డులో నూతన మున్సిపాలిటీ భవనం సమీపం నుంచి రైల్వే ట్రాక్‌మీదుగా ఆర్వోబీ నిర్మాణం చేసి ఆర్తిగార్డెన్‌ సమీపంలో ఇల్లెందు రోడ్డుకు అనుసంధానం చేస్తారు. మానుకోట శివారు ఇల్లెందు రోడ్డు నుంచి బయ్యారంలోని నామాలపాడు మీదుగా ఇల్లెందు నుంచి కొత్తగూడెం జంక్షన్‌ మీదెగా ఎన్‌హెచ్‌–30కి కలుపుతారు. వలిగొండ టు భద్రాచలం వరకు నిర్మాణం ప్రారంభమైన రెండు నెలల్లోనే 30 కిలోమీటర్ల పనులు

సిద్దిపేటరూరల్‌: ఇళ్లలో చోరీలకు పాల్పడుతున్న దొంగలను చిన్నకోడూరు పోలీసులు అరెస్ట్‌ చేశారు. బుధవారం సిద్దిపేట జిల్లా సిద్దిపేట రూరల్‌ సీఐ కార్యాలయంలో ఏసీపీ రవీందర్‌రెడ్డి కేసు వివరాలు వెల్లడించారు. నారాయణరావుపేట మండల పరిధి లోని జక్కాపూర్‌ గ్రామానికి చెందిన బుచ్చెల్లి అఖి ల ఇంటి తలుపులను పగులగొట్టి దుండగులు ఇంట్లో నుంచి బంగారం, వెండి ఆభరణాలను అపహరించారు. బాధితురాలి ఫిర్యాదు మేరకు పోలీసులు విచారణ చేపట్టారు. సీసీ ఫుటేజీ, పెట్రోల్‌బంక్‌, టో ల్‌ప్లాజా రికార్డులను పరిశీలించారు. ఎరుపు రంగు కారులో వచ్చిన నలుగురు వ్యక్తులను అదుపులోకి తీసుకుని విచారించగా జక్కాపూర్‌లో చోరీతో పా టు ఇతర చోరీలకు పాల్పడినట్లు నేరం ఒప్పకున్నా రు. నిందితులు నలుగురు మహబూబాబాద్‌ జిల్లాలోని వివిధ మండలాలకు చెందిన మాదగాని సురే శ్‌, దాసరి నాగయ్య, కుజా కల్యాన్‌, కట్ల మహేశ్‌, వ రంగల్‌ జిల్లాకు చెందిన ఉండాడి మహేశ్‌ ఉన్నారు. గతంలో వీరిపై కేసులున్నట్లు తెలిపారు. నిందితుల నుంచి కారు, 4 మొబైల్‌ ఫోన్లు, 7 గ్రాముల బంగా రం, 33 తులాల వెండి ఆభరణాలను పోలీసులు స్వాధీనం చేసుకున్నారు. పరారీలో ఉన్న నిందితుడి ప్రమేయంపై దర్యాప్తు కొనసాగుతున్నట్లు తెలి పారు. సీఐ విద్యాసాగర్‌, చిన్నకోడూరు,రాజ్‌గోపాల్‌పేట ఎస్సైలు చంద్రమోహన్‌, వివేక్‌, సిబ్బందిని సీపీ సాధన రష్మీ పెరుమాళ్‌ అభినందించారు. బంగారం, వెండి ఆభరణాల స్వాధీనం వివరాలు వెల్లడించిన ఏసీపీ

గూడూరు: వైద్యులు, సిబ్బంది అందుబాటులో ఉంటూ మెరుగైన వైద్య సేవలు అందించాలని డీఎంహెచ్‌ఓ రవి రాథోడ్‌ అన్నారు. మండల కేంద్రంలోని పీహెచ్‌సీ పరిధిలోని ఆరోగ్య ఉప కేంద్రాన్ని బుధవారం ఆయన ఆకస్మికంగా తనిఖీ చేశారు. ఈ సందర్భంగా ఆస్పత్రి పరిసరాలను పరిశీలించి, మందులు ఉన్నాయా అని అడిగి తెలుసుకున్నారు. అనంత రం 0నుంచి 5 సంవత్సరాలలోపు పిల్లలకు వ్యాధి నిరోధక టీకాలు పూర్తిస్థాయిలో అందేలా చర్యలు తీసుకోవాలన్నారు. తర్వాత రిజిస్టర్లు పరిశీలించారు. నిమజ్జన వేడుకల దృష్ట్యా వైద్యులు, సిబ్బంది అందుబాటులో ఉండాలన్నారు. కార్యక్రమంలో పీహెచ్‌సీ వైద్యుడు పవన్‌కుమార్‌, సిబ్బంది తదితరులు పాల్గొన్నారు. అప్రమత్తంగా ఉండాలి కొత్తగూడ: సీజనల్‌ వ్యాధులు వ్యాప్తిచెందకుండా పీహెచ్‌ిసీ సిబ్బంది అప్రమత్తంగా ఉండాలని డీఎంహెచ్‌ఓ రవిరాథోడ్‌ సూచించారు. మండలకేంద్రంలోని పీహెచ్‌సీని బధవారం ఆకస్మికంగా తనిఖీ చేశారు. ఈసందర్భంగా ఆయన మాట్లాడుతూ.. గ్రామీణ ప్రాంత ప్రజలకు పీహెచ్‌సీలో 24గంటల వైద్యం అందాలని అన్నారు. భారీ వర్షాల నేపథ్యంలో సిబ్బంది అందుబాటులో ఉండాలని, లేదంటే తీవ్ర చర్యలు తీసుకుంటామని హెచ్చరించారు. ఆస్పత్రి పరిసరాలను పరిశీలించారు. రిజిస్టర్లు, మందులను తనిఖీ చేశారు. బాలింతలు, గర్భణుల వివరాలను తెలుసుకున్నారు. ప్రసవాల సంఖ్య పెంచాలని ఆదేశించారు. డీఎంహెచ్‌ఓ రవి రాథోడ్‌

● జనగామ ఎమ్మెల్యే పల్లా రాజేశ్వర్‌రెడ్డి జనగామ: తెలంగాణలోని థర్మల్‌ పవర్‌ స్టేషన్లలో చోటుచేసుకుంటున్న పరిణామాలపై వాస్తవాలను ప్రజలకు తెలియజేయాలనే ఉద్దేశంతో బీఆర్‌ఎస్‌ పార్టీ ఆధ్వర్యంలో ఏర్పాటు చేసిన ఆరు బృందాలు నేడు(గురువారం) రాష్ట్రంలోని వివిధ పవర్‌ స్టేషన్లను సందర్శించనున్నాయని జనగామ ఎమ్మెల్యే పల్లా రాజేశ్వర్‌రెడ్డి బుధవారం తెలిపారు. మాజీ మంత్రులు ఎర్రబెల్లి దయాకర్‌ రావు, సత్యవతి రాథోడ్‌తో కలిసి తాను భూపాలపల్లి జిల్లాలోని కాకతీయ థర్మల్‌ పవర్‌ స్టేషన్‌ను సందర్శించనున్నట్లు చెప్పా రు. పవర్‌ స్టేషన్‌లో ప్రస్తుత పరిస్థితులు, అక్క డ జరుగుతున్న పరిణామాలను స్వయంగా ప రిశీలించి వాస్తవాలు తెలుసుకుంటామని పే ర్కొన్నారు. థర్మల్‌ పవర్‌ స్టేషన్లకు సంబంధించి వెలువడుతున్న వివిధ అంశాలపై క్షేత్రస్థాయిలో పరిశీలన అనంతరం పూర్తి వివరాలను ప్రజల ముందుంచుతామని ఎమ్మెల్యే తెలిపారు. బ్యాంకు అసిస్టెంట్‌ మేనేజర్‌ అరెస్ట్‌ ● బంగారు ఆభరణాల అక్రమ తాకట్టు ● ఆన్‌లైన్‌ బెట్టింగ్‌, వ్యక్తిగత అవసరాలకు వినియోగం మహబూబాబాద్‌ రూరల్‌ : జిల్లా కేంద్రంలోని ఇండియన్‌ బ్యాంకులో ఖాతాదారులు తాకట్టుపెట్టిన బంగారు ఆభరణాలను అక్రమంగా ప్రైవేట్‌ రుణ దాతల వద్ద తాకట్టుపెట్టిన బ్యాంకు అసిస్టెంట్‌ మేనేజర్‌ భూక్యా రాజేశ్‌ను అరెస్ట్‌ చేసి రిమాండ్‌కు తరలించినట్లు మహబూ బాబాద్‌ ఇన్‌చార్జ్‌ టౌన్‌ సీఐ అంజలి తెలిపారు. నిందితుడు గతంలో కర్నాటకలోని గుల్బర్గా ప్రాంతంలో బ్యాంకు విధులు నిర్వహిస్తున్న సమయంలో ఆన్‌లైన్‌ బెట్టింగ్‌కు పాల్ప డి అప్పులు చేసినట్లు విచారణలో వెల్లడైందన్నారు. అప్పుల ఒత్తిడి కారణంగా మహబూబాబాద్‌ ఇండియన్‌ బ్యాంకులో ఖాతాదా రుల బంగారు ఆభరణాలను ప్రైవేట్‌ రుణదా తల వద్ద తాకట్టు పెట్టి వచ్చిన డబ్బును తన అవసరాలు, ఆన్‌ లైన్‌ బెట్టింగ్‌కు వినియోగించినట్లు తెలిపారు. బందోబస్తుకు వెళ్లిన ఎస్‌ఐ దుర్మరణం ● హైదరాబాద్‌లో రోడ్డు ప్రమాదం ● ఇటీవల కొత్తగూడెం నుంచి మహబూబాబాద్‌కు బదిలీ

కేయూ క్యాంపస్‌: కాకతీయ యూనివర్సిటీ పరిధిలోని ఉమ్మడి వరంగల్‌, ఖమ్మం, ఆదిలాబాద్‌ జిల్లాల్లో విస్తరించి ఉన్న జాతీయ సేవాపథం (ఎన్‌ఎస్‌ఎస్‌) విద్యార్థుల్లో సేవాభావం.. వ్యక్తిత్వ వికాసం పెంపొందిస్తోంది. విద్యార్థులు వలంటీర్లుగా వ్యవహరిస్తూ చేపడుతున్న పలు సామాజిక సేవా కార్యక్రమాలు కొనసాగుతున్నాయి. ఈ అంశంలో రాష్ట్రపతి అవార్డు అందుకున్న ఘనత యూనివర్సిటీకి ఉంది. కాగా, మహాత్మాగాంధీ జయంతి సందర్భంగా భారత ప్రభుత్వం 1969లో సెప్టెంబర్‌ 24వ తేదీని జాతీయ సేవాపథం(ఎన్‌ఎస్‌ఎస్‌) ఆవిర్భావ దినోత్సవంగా ప్రకటించి ప్రతీ ఏడాది నిర్వహిస్తోంది. ఈ క్రమంలో నేడు కాకతీయ యూనివర్సిటీలో ఈ వేడుక ఘనంగా నిర్వహించేందుకు ఏర్పాట్లు చేశారు. కేయూ ఆవిర్భావం నుంచి.. కాకతీయ యూనివర్సిటీ 1976, ఆగస్టు 19న ఆవిర్భవించింది. అప్పటినుంచే ఎన్‌ఎస్‌ఎస్‌ కార్యక్రమాలు కొనసాగుతూ వస్తున్నాయి. వర్సిటీ పరిధిలోని 11 జిల్లాల్లో ప్రభుత్వ, ఎయిడెడ్‌, ప్రైవేట్‌ జూనియర్‌, డిగ్రీ, పీజీ కళాశాలల్లో 356 ఎన్‌ఎస్‌ఎస్‌ యూనిట్లు ఉన్నాయి. ఒక్కో యూనిట్‌కు 100మంది చొప్పున మొత్తం 36,500 మంది వలంటీర్లు ఉన్నారు. క్లీన్‌ అండ్‌ గ్రీన్‌, శ్రమదానం, మొక్కలు నాటడం, రక్తదాన శిబిరాలు, సామాజిక చైతన్య కార్యక్రమాలు కొనసాగిస్తూ వస్తున్నారు. కాగా, రక్తదానం చేయడంలో కేయూ ఎన్‌ఎస్‌ఎస్‌ వలంటీర్లు ముందంజలో ఉన్నారు. ఎన్‌ఎస్‌ఎస్‌లో కొత్త కార్యక్రమాలు కూడా.. ఎన్‌ఎస్‌ఎస్‌ సేవల్లో ప్రధానంగా స్వచ్ఛ భారత్‌, మేరా దేశ్‌ మేరా మిట్టి, స్వాభిమాన్‌ స్వచ్ఛత, స్వభావ్‌ స్వచ్ఛత, రాష్ట్రీయ ఏక్తాదివస్‌, రాష్ట్రీయ ఏక్తాదివస్‌, ‘ఏక్‌ భారత్‌ శ్రేష్ట్‌ భారత్‌ దివాళీ మై భారత్‌’ తదితర చైతన్యకార్యక్రమాలతోపాటు యూత్‌, మాక్‌ పార్లమెంట్‌లు, ఆపదపమిత్ర పేరుతో నాయకత్వ లక్షణాలు పెంపొందిస్తున్నారు. డిజాస్టర్‌ మేనేజ్‌మెంట్‌పై కూడా శిక్షణ ఇస్తున్నారు. కేయూ పరిధిలో ఆపద మిత్ర పేరుతో ఇటీవల ప్రారంభమైన కార్యక్రమంలో 600 మంది వలంటీర్లకు శిక్షణ కొనసాగుతోంది. కేయూ ఎన్‌ఎస్‌ఎస్‌కు నిధులు కూడా .. ఈ విద్యాసంవత్సరం 2026–2027 నుంచి కేంద్ర ప్రభుత్వం నుంచే నేరుగా కేయూ పరిధిలోని కళాశాలల ఎన్‌ఎస్‌ఎస్‌ యూనిట్లకు నిధులు విడుదల చేస్తున్నారు. ఒక్కో యూనిట్‌కు రూ. 75, 500 రావాల్సి ఉండగా ఇటీవల అందులో ఒక్కో యూనిట్‌కు ఆయా కళాశాలల అకౌంట్‌లకు నేరుగా 50శాతం నిధులు విడుదల చేశారు. గతంలో రాష్ట్ర ప్రభుత్వానికి విడుదల చేయగా అక్కడి నుంచి యూనివర్సిటీకి, ఆ తర్వాత యూనివర్సిటీ అధికారులు ఎన్‌ఎస్‌ఎస్‌ యూనిట్లకు విడుదల చేసేవారు. ఇప్పుడు మార్పు చేశారు. రెగ్యులర్‌ కార్యక్రమాలకు ప్రస్తుతం ఒక్కో యూనిట్‌కు రూ. 27,500, ప్రత్యేక శిబిరాలకు రూ. 35వేలు, ఎన్‌ఎస్‌ఎస్‌ ప్రోగ్రాం అధికారులకు రూ. 8,500 విడుదల చేస్తున్నారు. ఇటీవల విడుదల చేసిన ఈ నిధులతో కళాశాలల్లోని ఎన్‌ఎస్‌ఎస్‌ యూనిట్లు తమ కార్యక్రమాలను కొనసాగించుకోవచ్చు. కేయూ ఆడిటోరియంలో వేడుకలుకాకతీయ యూనివర్సిటీ గోల్డెన్‌ జూబ్లీ ఉత్సవాల్లో భాగంగా ఎన్‌ఎస్‌ఎస్‌ ఆవిర్భావ దినోత్సవ వేడుకలు క్యాంపస్‌లోని ఆడిటోరియంలో గురువారం ఉదయం 10 గంటలకు నిర్వహించనున్నారు. వేడుకల్లో ముఖ్యఅతిథిగా కేయూ వీసీ కె. ప్రతాప్‌రెడ్డి, గౌరవ అతిథులుగా తెలుగు అకాడమీ చైర్మన్‌ కె. వెంకటనారాయణ, రిజిస్ట్రార్‌ వి. రామచంద్రం, యూనివర్సిటీ కాలేజీ ప్రిన్సిపాల్‌ టి. మనోహర్‌, తదితరులు పాల్గొననున్నారు.నేడు ఎన్‌ఎస్‌ఎస్‌ ఆవిర్భావ దినోత్సవం కేయూ పరిధిలో 256 యూనిట్లు 35,600 మంది వలంటీర్లు

కాశిబుగ్గ: వరంగల్‌లోని సూపర్‌ స్పెషాలిటీ ఆస్పత్రి నిర్మాణ పనులను వేగవంతం చేయడానికి అధికార యంత్రాంగం కసరత్తు చేస్తోంది. సీఎం రేవంత్‌రెడ్డి ఆదేశాలతో వివిధ శాఖల రాష్ట్ర, జిల్లాస్థాయి ఉన్నతాధికారులు కదిలారు. రాష్ట్రస్థాయి అధికారులతోపాటు జిల్లాస్థాయి అధికారులు సమన్వయంతో పని చేస్తూ ముందుకు వెళ్లడానికి తగిన ప్రణాళిక సిద్ధ్దం చేసుకున్నారు. హైదరాబాద్‌లోని సనత్‌నగర్‌ టిమ్స్‌ ఆస్పత్రి మాదిరిగా రాత్రింబవళ్లు ఆస్పత్రి నిర్మాణ పనులు చేస్తున్నారు. ఈ నేపథ్యంలో అక్టోబర్‌ 18న ఓపీ సేవలను ప్రారంభించాలనే ఆలోచనలో ఉన్నట్లు తెలుస్తోంది. డీఎంఈ, కలెక్టర్‌ పర్యవేక్షణలో.. తాజాగా బుధవారం సూపర్‌ స్పెషాలిటీ ఆస్పత్రి నిర్మాణ పనులను పర్యవేక్షించడానికి డీఎంఈ డాక్టర్‌ వాణి అధికారులతో కలిసి వచ్చినట్లు తెలుస్తోంది. సీఎంఓ, డీఏంఈ, హెల్త్‌ డిపార్ట్‌మెంట్‌లోని ఉన్నతాధికారులతో పాటు ఎల్‌అండ్‌టీ, ఆర్‌ అండ్‌ బీ అధికారులు సమన్వయం చేసుకుంటున్నట్లు సమాచారం. వీరు ప్రత్యేక సమావేశం ఏర్పాటు చేస్తూ, కలెక్టర్‌ డాక్టర్‌ సత్యశారద పర్యవేక్షణలో పనులను త్వరితగతిన పూర్తి చేయడానికి సన్నాహాలు చేస్తున్నారు. నిర్మాణపు పనులను క్షేత్రస్థాయిలో పరిశీలించి, ప్రజలకు వైద్యసేవలు త్వరగా అందించేందుకు ముందుకు వెళ్తున్నట్లు సమాచారం. సీఎం రేవంత్‌రెడ్డి ఆదేశాలు పాటిస్తూ.. ఇటీవల హైదరాబాద్‌లో వరంగల్‌ సూపర్‌ స్పెషాలిటీ ఆస్పత్రిపై జరిగిన సమీక్షలో సీఎం రేవంత్‌రెడ్డి అధికారులకు సీరియస్‌గా చెప్పారు. 30 రోజుల్లో 24 గంటలు పనిచేస్తూ వరంగల్‌ సూపర్‌ స్పెషాలిటీ ఆస్పత్రి పనులు పూర్తి చేయాలని ఆదేశాలు జారీ చేశారు. దీంతో రాష్ట్రస్థాయిలోని ఐఏఎస్‌ అధికారులు సైతం టీంలుగా ఏర్పడి పనులను పూర్తి చేయడానికి కంకణం కట్టుకున్నట్లు తెలుస్తోంది. అలాగే, ఇటీవల ఎంజీఎంలో చోటు చేసుకున్న సంఘటనలు, ప్రతిపక్ష పార్టీల ఆందోళనలు, రోగుల ఇబ్బందులను దృష్టిలో ఉంచుకుని సూపర్‌ స్పెషాలిటీ ఆస్పత్రి పనులను సూపర్‌ వేగంతో పూర్తిచేసేందుకు కదిలారు. అయితే, ఎట్టి పరిస్థితుల్లో అక్టోబర్‌ 18న ఓపీ సేవలు ప్రారంభం చేయాలని ఆదేశాలు వచ్చినట్లు తెలుస్తోంది. దసరా కానుకగా రెండు రోజుల ముందు సూపర్‌ స్పెషాలిటీ ఆస్పత్రిని ప్రాథమికంగా ప్రారంభించాలని భావిస్తునట్లు సమాచారం. దీంతో దసరా పండుగ సందర్భంగా పేద ప్రజలకు వైద్య సేవలు అందించినట్లు ఉంటుందని ప్రభుత్వం ఆలోచిస్తున్నట్లు విశ్వసనీయ వర్గాల ద్వారా తెలిసింది. ప్రారంభించేందుకు అధికారుల కసరత్తు దసరా కానుకగా ప్రజలకు వైద్య సేవలు అందించాలని ప్రభుత్వం నిర్ణయం? సీఎం ఆదేశాలతో కదిలిన యంత్రాగం

కురవి : కాలేజీకి వెళ్లమని తల్లిదండ్రులు మందలించడంతో ఓ విద్యార్థి గడ్డి మందుతాగాడు. అనంతరం ఈ విషయం తల్లిదండ్రులకు చెప్పడంతో వారు వెంటనే ఆస్పత్రికి తరలించారు. అయితే ప్రస్తుతం ఆ విద్యార్థి పరిస్థితి విషమంగా ఉంది. ఈ విషయం ఆలస్యంగా బుధవారం వెలుగులోకి వచ్చింది. ఈ ఘటనపై సదరు విద్యార్థి తల్లిదండ్రులు సోషల్‌ మీడియాలో వివరాలు వీడియో రూపంలో పోస్ట్‌ చేశారు. వివరాలు ఇలా ఉన్నాయి. మహబూబాబాద్‌ జిల్లా సీరోలు మండలం రేకుల తండాకు చెందిన తేజావత్‌ కస్నానాయక్‌, కవిత దంపతుల కుమారుడు ప్రసాద్‌ ఇంటర్మీడియట్‌ సెకండ్‌ ఇయర్‌ చదువుతున్నాడు. ఈనెల 18వ తేదీన ప్రసాద్‌ను కాలేజీకి వెళ్లమని తల్లిదండ్రులు మందలించారు. దీంతో ఇంట్లో రూ.500 తీసుకుని కాలేజీకి వెళ్లిన ప్రసాద్‌.. రాత్రి 11 గంటలకు ఇంటికొచ్చాడు. అనంతరం తాను గడ్డిమందు (పారాక్వాట్‌) తాగానని చెప్పడంతో తల్లిదండ్రులు వెంటనే ప్రసాద్‌ను హుటాహుటిన ఖమ్మంలోని ఓ ఆస్పత్రికి తరలించారు. ప్రస్తుతం ప్రసాద్‌ పరిస్థితి విషమంగా ఉంది. కాగా, సీరోలు మండలం చింతపల్లిలోని శ్రీ వీరభద్రస్వామి ఫర్టిలైజర్‌ షాపులో రూ.500కు పారాక్వాట్‌ గడ్డిమందు(నిషేధిత) కొన్నట్లు విద్యార్థి ప్రసాద్‌ తెలిపినట్లు తల్లిదండ్రులు చెప్పారు. షాపునకు చెందిన వీరన్న అనే వ్యక్తి (ప్రస్తుతం చింతపల్లి సర్పంచ్‌) మందు విక్రయించినట్లు వివరించారు. ఈ విషయమై సీరోలు పోలీస్‌ స్టేషన్‌లో ఫిర్యాదు చేశామని తెలిపారు. బాలుడి(విద్యార్థి)కి నిషేధిత గడ్డి మందును ఎలా విక్రయిస్తారని ప్రశ్నించారు. దీనిపై విచారణ జరిపి బాధ్యులపై చర్యలు తీసుకుని తమకు న్యాయం చేయాలని వేడుకున్నారు. ఈ విషయమై ఎస్సై సంతోష్‌ను వివరణ కోరగా విద్యార్థి ప్రసాద్‌ గడ్డి మందు తాగినట్లు అతడి తల్లిదండ్రులు ఈనెల 20వ తేదీన ఫిర్యాదు చేశారని తెలిపారు. మందు అమ్మినట్లు చెబుతున్న వీరన్నను అడిగితే తాను అమ్మలేదని చెప్పాడని తెలిపారు. ఈ ఘటనపై ఎలాంటి కేసు నమోదు చేయలేదని ఎస్సై వివరించారు. గడ్డి మందు తాగిన విద్యార్థి ● పరిస్థితి విషమం ● ఆలస్యంగా వెలుగులోకి ఘటననిషేధిత గడ్డిమందు(పారాక్వాట్‌)ను ఎవరు విక్రయించారనే విషయాన్ని పోలీసులు, వ్యవసాయ శాఖ అధికారులు విచారణ చేయాల్సిన అవసరం ఉంది. మందుల షాపులో నిషేధిత మందు ఎలా వచ్చింది? విద్యార్థికి ఎవరు అమ్మారు? రూ.500కు చింతపల్లిలో కొన్నానని విద్యార్థి ఆస్పత్రిలో చికిత్స పొందుతూ వీడియోలో మాట్లాడడం సంచలనం కలిగిస్తోంది. ఎవరు విక్రయించారనే విషయంపై విచారణ చేసి చర్యలు తీసుకుంటారా? లేదా? కేసు నమోదు చేస్తారా? లేదా? అనే విషయం తెలియాల్సి ఉంది. అధి కార పార్టీకి చెందిన వ్యక్తి షాపులో కొన్నట్లు విద్యార్థి చెబుతుండగా దీనిపై విచారణ చేయాల్సి ఉందని పలువురు పేర్కొంటున్నారు.

జనగామ రూరల్‌ : క్రీడలతో ఉజ్వల భవిష్యత్‌ ఉంటుందని, ఈ సర్టిఫికెట్లతో స్పోర్ట్స్‌ కోటాలో ఉద్యోగం సాధించి జీవితంలో స్థిరపడొచ్చని జిల్లా గిరిజన సంక్షేమ అభివృద్ధి అధికారి గౌసియా బేగం అన్నారు. బుధవారం జనగామలోని తెలంగాణ సోషల్‌ వెల్ఫేర్‌ రెసిడెన్షియల్‌ జూనియర్‌ కళాశాలలో అండర్‌–14, 17 విభాగాల్లో ఉమ్మడి వరంగల్‌ జిల్లా స్థాయి బాలబాలికల ఫుట్‌బాల్‌ క్రీడల ఎంపికలు నిర్వహించారు. సుమారు 250 మంది బాలురు, 150 మంది బాలికలు పాల్గొన్నారు. ఈసందర్భంగా ఆమె మాట్లాడుతూ క్రీడల్లో ఉత్తమ ప్రతిభ కనబరిచి రాష్ట్రస్థాయి ఎంపికలకు ఎంపికై , తమ ప్రాంతం, తల్లిదండ్రులు, వ్యాయామ ఉపాధ్యాయులకు పేరు తీసుకురావాలని ఆకాంక్షించారు. ఈపోటీల్లో ప్రతిభ కనబరిచిన క్రీడాకారులు రాష్ట్రస్థాయిలో నిర్వహించే ఎంపికల్లో పాల్గొంటారని జిల్లా పాఠశాల సమైక్య క్రీడల కార్యదర్శి జాటోత్‌ గోర్‌ సింగ్‌ తెలిపారు. అజ్మీరా కిషన్‌ నాయక్‌, కళాశాల ప్రిన్సిపాల్‌ నరేందర్‌, రవీందర్‌, దాస్రూనాయక్‌, ప్రేమ్‌ కుమార్‌, రవి, బండారి కిరణ్‌ కుమార్‌, లచ్చిరాం, వీర్య నాయక్‌ తదితరులు పాల్గొన్నారు. జిల్లా గిరిజన సంక్షేమ అభివృద్ధి అధికారి గౌసియా బేగం జనగామలో ఉమ్మడి జిల్లా స్థాయి ఫుట్‌బాల్‌ ఎంపికలు

● దక్షిణ మధ్య రైల్వే సీపీఆర్వో శ్రీధర్‌ కాజీపేట రూరల్‌ : కాజీపేట, వరంగల్‌ రైల్వే స్టేషన్లలో నీటి నాణ్యత పర్యవేక్షణ వ్యవస్థను మరింత పటిష్ట పరుస్తున్నట్లు దక్షిణ మధ్య రైల్వే సీపీఆర్వో ఎ.శ్రీధర్‌ బుధవారం తెలిపారు. సెప్టెంబర్‌ 9 నుంచి 15వ తేదీల మధ్య వరంగల్‌, కాజీపేట రైల్వే స్టేషన్లు, రైల్వే కాలనీల నుంచి సేకరించిన మొత్తం 225 నీటి నమూనాలు వినియోగానికి సురక్షితమని నిర్ధారించినట్లు తెలిపారు. భూగర్భ జలం, పురపాలక నీటి సరఫరా, నిల్వు ఉన్న నీరు, క్లోరినేషన్‌ పంపిణీ వ్యవస్థలతో సహా మొత్తం నీటి సరఫరా ఏర్పాట్లను సమీక్షించినట్లు తెలిపారు. కాజీపేట రైల్వేస్టేషన్‌, కాలనీల్లో 149 సాధారణ నీటి నమూనాలను సేకరించి వాటిలో మిగిలిన క్లోరిన్‌ స్థాయిని గుర్తించేందుకు పరీక్షలు నిర్వహించినట్లు తెలిపారు. వరంగల్‌ రైల్వే స్టేషన్‌లో 76 నీటి నమూనాలను సేకరించి వాటిలో మిగిలిన క్లోరిన్‌ స్థాయిపై పరీక్షలు నిర్వహించినట్లు తెలిపారు. దక్షిణ మధ్య రైల్వే జీఎం సంజయ్‌ కుమార్‌ శ్రీవాస్తవ జోన్‌ రైల్వేస్టేషన్లలో సరఫరా చేసే నీటి నాణ్యత ఇండియన్‌ రైల్వేస్‌ మెడికల్‌ మాన్యువల్‌ నిర్ధేశించిన ప్రమాణాలకు అనుగుణంగా ఉండేలా చూసుకోవాలని, ప్రతీ ఒక్కరికి స్వచ్ఛమైన తాగునీటిని అందించాలని అధికారులు, సూపర్‌వైజర్లకు సూచించినట్లు రైల్వే అధికారులు తెలిపారు. కాగా, ఇటీవల నిర్వహించిన ప్రత్యేక తనిఖీలో దక్షిణ మధ్య రైల్వే ప్రిన్సిపల్‌ చీఫ్‌ మెడికల్‌ డైరెక్టర్‌ నిర్మలా రాజారామ్‌ కాజీపేట రైల్వే స్టేషన్‌లో తాగునీటి నాణ్యత పర్యవేక్షణ ఏర్పాట్లను పరిశీలించారు.

● మానుకోటలో ఘటన మహబూబాబాద్‌ రూరల్‌ : రోడ్డు ప్రమాదంలో ఓ యువకుడు దుర్మరణం చెందాడు. ఈ ఘటన మహబూబాబాద్‌ మున్సిపాలిటీ పరిధిలో చోటుచేసుకుంది. రూరల్‌ ఎస్సై పి.రాజు తెలిపిన వివరాల ప్రకారం... వరంగల్‌ జిల్లా చెన్నారావుపేట మండలం పాపయ్యపేట గ్రామానికి చెందిన పొన్నాల వెంకన్న (23) బైక్‌పై మంగళవారం సాయంత్రం మహబూబాబాద్‌ మున్సిపాలిటీ పరిధి ఈదులపూసపల్లిలోని తన బంధువు నాగేల్లి ప్రేమ్‌ ఇంటికి వచ్చాడు. అదే రోజు రాత్రి వెంకన్న, ప్రేమ్‌ ఇద్దరు కలిసి బైక్‌పై మహబూబాబాద్‌ వస్తుండగా బీజేపీ జిల్లా కార్యాలయ సమీపంలో ఎదురుగా వస్తున్న కారు ఢీకొంది. ఈ ప్రమాదంలో వెంకన్న, ప్రేమ్‌ ఇద్దరికి తీవ్రగాయాలుకాగా వాహనదారులు గమనించి 108కు సమాచారం ఇవ్వడంతో పైలట్‌ వీరన్న, ఈఎంటీ నరేశ్‌ ఘటనాస్థలికి చేరుకుని క్షతగాత్రులను ప్రభుత్వ జనరల్‌ ఆస్పత్రికి తరలించారు. వెంకన్న ఆరోగ్య పరిస్థితి విషమంగా ఉండడంతో వరంగల్‌ ఎంజీఎం ఆస్పత్రికి తరలించగా మంగళవారం అర్ధరాత్రి మృతిచెందాడు. ప్రేమ్‌ను మెరుగైన వైద్యం కోసం ఖమ్మంలోని ఓ ప్రైవేట్‌ ఆస్పత్రికి తరలించారు. ఈ ఘటనపై మృతుడి తండ్రి నర్సయ్య ఫిర్యాదు మేరకు రూరల్‌ ఏఎస్సై కిషన్‌ కేసు నమోదు చేసి దర్యాప్తు చేపడుతున్నట్లు ఎస్సై బుధవారం తెలిపారు.

● వేలం పాటలో లడ్డూ దక్కించుకున్న ముస్లిం దంపతులు తొర్రూరు: వినాయక నవరాత్రి ఉత్సవాల్లో మత సామరస్యం వెల్లివిరిసింది. మతాలకు అతీతంగా వినాయక లడ్డూను ముస్లిం దంపతులు వేలం పాటలో దక్కించుకున్నారు. గణేశ్‌ నవరాత్రి ఉత్సవాల ముగింపు సందర్భంగా పట్టణంలోని టీచర్స్‌ కాలనీలో బుధవారం లడ్డూ వేలం పాట నిర్వహించారు. ఈ వేలంలో పాల్గొన్న ముస్లిం దంపతులు షేక్‌ దర్గా హుస్సేన్‌, రజియా బేగం ఏకంగా రూ.85,516 వెచ్చించి లడ్డూను సొంతం చేసుకున్నారు. వినాయక ఉత్సవాల్లో పాల్గొనడంతో పాటు వేలంలో లడ్డూ దక్కించుకుని హిందూ– ముస్లింల ఐక్యతకు నిదర్శనంగా నిలిచారు. వారిని ఉత్సవ కమిటీ ప్రతినిధులు సత్కరించారు. మానుకోట పట్టణంలో.. మహబూబాబాద్‌ అర్బన్‌: తొమ్మిది రోజులపాటు గణేష్‌ మండపాల్లో గణనాథులకు పూజలు నిర్వహించిన నిర్వాహకులు లడ్డూల వేలం పాటలను ఉత్సాహంగా నిర్వహించారు. మానుకోట పట్టణంలోని బీసీ కాలనీలో ఏర్పాటు చేసిన వినాయకుడి సన్నిధిలో నిర్వాహకులు లడ్డూవేలం పాట నిర్వహించగా షేక్‌ అజారుద్దీన్‌ రూ.70,016కు దక్కించుకున్నారు.

మహబూబాబాద్‌ అర్బన్‌: తొమ్మిది రోజులపాటు భక్తుల పూజలందుకున్న గణనాథుడు గంగమ్మ ఒడికి చేరుకున్నాడు. బుధవారం జిల్లావ్యాప్తంగా విఘ్నేశ్వరుడి నిమజ్జనోత్సవాన్ని ఘనంగా నిర్వహించారు. ఓ వైపు వర్షం కురుస్తున్నా.. గణపతి బొప్పా మోరి యా.. బోలో గణేశ్‌ మహరాజ్‌కి జై.. అంటూ భక్తులు పెద్ద ఎత్తున నినాదాలు చేశారు. నవరాత్రి ఉత్సవాల్లో భాగంగా జిల్లాలో మొత్తం 2,380 విగ్రహాలను భక్తులు ఆయా వీధులు, గ్రామాల్లో ఏర్పాటు చేసుకున్నారు. నవరాత్రులు భక్తిశ్రద్ధలతో పూజలు నిర్వహించి వినాయక విగ్రహాలను భక్తులు డప్పు వాయిద్యాల మధ్య ఊరేగింపుగా తీసుకెళ్లి చెరువులు, కుంటలు, వాగుల్లో నిమజ్జనం చేశారు. శోభాయాత్రను ప్రారంభించిన ఎమ్మెల్యే.. జిల్లా కేంద్రంలో సుమారు 200 విగ్రహాలు ఏర్పాటు చేశారు. నిజాం చెరువులో గణేశ్‌ నిమజ్జనోత్సవం నిర్వహించారు. మదర్‌థెరిస్సా సెంటర్‌లోని ఫారెస్ట్‌ ఆఫీస్‌ ప్రాంగణంలో ప్రత్యేకంగా ఏర్పాటు చేసిన స్వాగత వేదిక వద్ద ఎమ్మెల్యే భూక్య మురళీనాయక్‌, ఎమ్మెల్సీ తక్కెళ్లపల్లి రవీందర్‌రావు, మున్సిప ల్‌ చైర్‌పర్సన్‌ జ్యోతి, మున్సిపల్‌ వైస్‌ చైర్మన్‌ సూర్నపు సోమయ్య, మున్సిపల్‌ మాజీ వైస్‌ చైర్మన్‌ మార్నేని వెంకన్న, కౌన్సిలర్లు నిమజ్జనానికి బయలుదేరిన గణనాథులకు పూలమాలలు వేసి, కొబ్బరికాయలు కొట్టి పూజ లు నిర్వహించారు. భారీ బందోబస్తు.. ఎలాంటి అవాంఛనీయ సంఘటనలు జరగకుండా ఎస్పీ శబరీష్‌ ఆధ్వర్యంలో ఇద్దరు డీఎస్పీలు, నలుగురు సీఐలు, 10 మంది ఎస్సైలు, 22 మంది జవాన్లు, 150 మంది పోలీసు సిబ్బంది నిమజ్జన ప్రదేశంలో భారీ పోలీసు బందోబస్తు నిర్వహించారు. నిమజ్జన ఊరేగింపులో భాగంగా పలు వాహనాల్లో తరలిన గణపతి విగ్రహాలను జిల్లా కేంద్రంలోని ఫారెస్ట్‌ ఆఫీస్‌ సెంటర్‌లో కౌన్సి లర్లు, నాయకులు, డీఎస్పీ, టౌన్‌ సీఐ దగ్గరుండి నిమజ్జనానికి సాగనంపారు. ఈ శోభాయాత్ర జిల్లా కేంద్రంలోని రైల్వేస్టేషన్‌ సెంటర్‌ నుంచి చేపల మార్కెట్‌ మీదుగా వివేకానంద సెంటర్‌ నుంచి ఆర్టీసీ బస్టాండ్‌ మీదుగా నిజాం చెరువు వరకు కొనసాగించి భక్తులు వినాయక విగ్రహాలను నిమజ్జనం చేశారు. వేలాది మంది భక్తులు బారులుదీరి శోభాయాత్రను తిలకించారు. కాగా, పోలీసులు మూడు భారీక్రేన్లు ఏర్పాటు చేసి గణపయ్య విగ్రహాలను నిమజ్జనం చేశారు. కార్యక్రమంలో మున్సిపల్‌ కమిషనర్‌ వినోద్‌కుమార్‌, తహసీల్దార్‌ రాజేశ్వర్‌రావు, జిల్లా వైద్యారోగ్య, విద్యుత్‌, అగ్నిమాపక, మత్స్య, ఇరిగేషన్‌, పోలీస్‌ శాఖ, అధికారులు సిబ్బంది పాల్గొన్నారు. కనులపండువగా శోభాయాత్ర పూజలు చేసిన ఎమ్మెల్యే మురళీనాయక్‌, ఎమ్మెల్సీ పోలీసుల భారీ బందోబస్తు వర్షంలో తడిసిముద్దయిన భక్తులు

గార్ల: 2 సంవత్సరాల క్రితం భర్త అనారోగ్యంతో మృతి చెందాడు. దీంతో అప్పటి దాకా గడపదాటని ఆ ఇల్లాలికి కుటుంబ బాధ్యతలు మీదపడ్డాయి. ఫలితంగా కూలీ, ఇతర పనులు చేసుకుంటూ తన ఇద్దరు పిల్లలను పోషించుకుంటోంది. ఉన్నంతలో బతుకున్న ఈ తరుణంలో తన 14 ఏళ్ల బాలుడికి మాయదారి రోగం బ్లడ్‌ క్యాన్సర్‌ సోకింది. ఆ ఆపరేషన్‌ కోసం రూ.8 లక్షలు అవుతుందని వైద్యులు తెలిపారు. ప్రస్తుతం చిల్లిగవ్వ లేని పరిస్థతి. ఈ క్రమంలో దాతలు ఆపన్నహస్తం అందించి తన కుమారుడికి ప్రాణభిక్ష పెట్టాలని ఆ తల్లి వేడుకుంటుంది. వివరాలు ఇలా ఉన్నాయి. మహబూబాబాద్‌ జిల్లా గార్ల మండలం పినిరెడ్డిగూడెం గ్రామానికి చెందిన మాలోత్‌ కుమార్‌, కుమారి దంపతుల కుమారుడు రోహిత్‌ గోపాలపురం జిల్లా పరిషత్‌ హైస్కూ ల్‌లో 9వ తరగతి చదువుతున్నాడు. రోహిత్‌కు జ్వరం రావడంతో ఖమ్మం ఆస్పత్రికి వెళ్లి వైద్య పరీక్షలు నిర్వహించగా బ్లడ్‌ క్యాన్సర్‌ ఉందని తేలింది. బాలుడిని వెంటనే హైదరాబాద్‌ తీసుకెళ్లి వైద్యం చేయించాలని వైద్యులు సూచించారు. దీంతో తల్లి కుమారి బాలుడిని హైదరాబాద్‌ తీసుకెళ్లగా చికిత్స కోసం రూ.8 లక్షలు ఖర్చు అవుతుందని అక్కడి వైద్యులు చెప్పారు. రెక్కాడితే డొక్కాడని స్థితిలో ఉన్న ఆ తల్లి అంత డబ్బు లేకపోవడంతో ఆపన్నహస్తం కోసం ఎదురు చూస్తుంది. దాతలు ఆదుకుని తన కుమారుడికి ప్రాణబిక్ష పెట్టాలని వేడుకుంటోంది. దయార్ధ్ర హృదయులు వారు మానవత్వంతో ఆలోచించి 73968 62419 నంబర్‌కు తమకు తోచిన మేర ఫోన్‌ పే చేసి తన కుమారుడు రోహిత్‌కు ప్రాణం కాపాడాలని విజ్ఞప్తి చేస్తోంది. అలాగే, ప్రభుత్వం, అధికారులు స్పందించి వైద్యఖర్చులు భరించి బాలుడిని బతికించాలని తల్లి వేడుకుంటుంది. దాతలను వేడుకుంటున్న చిన్నారి తల్లి బ్లడ్‌ క్యాన్సర్‌తో బాధపడుతున్న రోహిత్‌ ఆపరేషన్‌కు రూ.8 లక్షలు అవసరం ఆపన్న హస్తం అందించాలని విజ్ఞప్తి

బచ్చన్నపేట : పేద విద్యార్థులు ఆర్థిక ఇబ్బందులతో ఉన్నత విద్య నభ్యసించడానికి అవస్థలు పడకుండా భారతీయ జాతీయ బీమా (ఎల్‌ఐసీ ) సంస్థ అండగా నిలుస్తూ స్కాలర్‌షిప్‌లు అందిస్తోంది. ప్రతీ సంవత్సరం ఒక్కో విద్యార్థికి రూ. 50 వేల వరకు ఆర్థిక సాయం అందిస్తోంది. ఈ క్రమంలో 2026–27 సంవత్సరానికి సంబంధించి గోల్డెన్‌ జూబ్లీ స్కాలర్‌షిప్‌ పథకం కింద అత్యంత ప్రతిభావంత విద్యార్థులకు అందించనున్న ఆర్థిక సాయం కోసం తన అధికారిక వెబ్‌సైట్‌ ద్వారా దరఖాస్తులు ఆహ్వానిస్తుంది. ఈ కేటగిరీ విద్యార్థులు అర్హులు.. ● జనరల్‌ కేటగిరీ విద్యార్థులు ఇంటర్మీడియట్‌ లేదా తత్సమాన పరీక్షలో కనీసం 60 శాతం మార్కులు సాధించి ఉండాలి. 2026–27 విద్యా సంవత్సరంలో డిగ్రీ లేదా ఏదైనా వృత్తి విద్యా కోర్సు మొదటి సంవత్సరంలో ప్రదేశం పొందిన వారు అర్హులుగా పరిగణిస్తారు. ● రిజర్వ్‌డ్‌ కేటగిరీ విద్యార్థులు పదో తరగతిలో కనీసం 60 శాతం మార్కులు సాధించి ఉండాలి. 2026–27 విద్యా సంవత్సరానికి ఐటీఐ, వృత్తి విద్య లేదా డిప్లొమా కోర్సుల్లో చేరిన విద్యార్థులు దీనికి దరఖాస్తు చేసుకోవచ్చు. ఆదాయ వివరాలు.. ● దరఖాస్తు చేసుకునే విద్యార్థుల కుటుంబ వార్షిక ఆదాయం రూ. 4.50 లక్షలు మించకూడదు. ● దరఖాస్తు చివరి తేదీ ఈ నెల 30 వరకు ఉంది.స్కాలర్‌ షిప్‌ ఇచ్చేది ఇలా..ఎంబీబీఎస్‌ బీఏఎంఎస్‌, బీహెచ్‌ఎంఎస్‌, బీడీఎస్‌ విద్యార్థులకు సంవత్సరానికి రూ. 50 వేలు, బీఈ, బీటెక్‌, బీఆర్చ్‌ విద్యార్థులకు సంవత్సరానికి రూ. 40 వేలు, ఇతర డిగ్రీ, డిప్లొమా వారికి రూ. 20 వేలు, ఇంటర్మీడియట్‌, ఒకేషనల్‌ విద్యార్థులకు రూ. 15 వేల చొప్పున స్కాలర్‌ షిప్‌ అందిస్తారు. ప్రతీ సంవత్సరం రెండు విడతలుగా నేరుగా నెఫ్ట్‌ ద్వారా విద్యార్థుల బ్యాంకు ఖాతాల్లో జమ చేస్తారు. ఈ స్కాలర్‌ షిప్‌ పీజీ లేదా తత్సమాన కోర్సు విద్యార్థులకు వర్తించదు. ఈ నెల 30 వరకు దరఖాస్తు గడువు విద్యార్థులు సద్వినియోగం చేసుకోవాలి సూచిస్తున్న కార్పొరేషన్‌ ప్రతినిధులు

హన్మకొండ: గ్రేటర్‌ వరంగల్‌ నగరంలో బుధవారం కురిసిన వర్షం బీభత్సం సృష్టించింది. వినాయక నిమజ్జనానికి ఈదురు గాలులతో కూడిన వర్షం ఆటంకం సృష్టించింది. కాజీపేట బంధం చెరువు వ ద్ద నిమజ్జన ఏర్పాట్లలో భాగంగా విద్యుత్‌ వెలుగుల కోసం ఏర్పాటు చేసిన టవర్లు ఈదురు గాలులకు పడిపోయాయి. అధికారులు వెంటనే విద్యుత్‌ సరఫరా నిలిపేసి టవర్లు పునరుద్ధరించారు. హనుమకొండ సుబేదారిలో ఆర్ట్స్‌ అండ్‌ సైన్స్‌ కళాశాల ప్రాంతంలో, అటవీ శాఖ కార్యాలయ సమీపంలో చెట్లు విరిగి విద్యుత్‌ లైన్లపై పడ్డాయి. వరంగల్‌ ఉర్సుగుట్ట సమీపంలో పెద్ద చెట్టు కొమ్మ విద్యుత్‌ లైన్లపై పడింది. గోపాల్‌పూర్‌ సరస్వతి నగర్‌లో టెంట్‌ ఎగిరి విద్యుత్‌ లైన్‌పై పడింది. పలు చోట్ల ఫ్లెక్సీలు పడడంతో విద్యుత్‌ సరఫరాకు అంతరాయం కలిగింది. హనుమకొండ బస్‌ స్టేషన్‌ ఆవరణలో నీరు నిలవడంతో ప్రయాణికులు ఇబ్బంది పడ్డారు. కాగా, అత్యధికంగా హనుమకొండ జిల్లా నడికూడలో 49.5 మిల్లీమీటర్ల వర్షం కురిసింది. వరంగల్‌ జిల్లా గీసుకొండలో 48 మిలీ ్లమీటర్ల వర్షం కురిసింది. రహదారిపై నిలిచిన నీరు.. కాజీపేట: వర్షం కారణంగా కాజీపేటలోని పలు లోతట్టు ప్రాంతాలు జలమయంగా మారాయి. బాపూజీనగర్‌, జూబ్లీమార్కెట్‌, ప్రశాంత్‌నగర్‌, చైతన్యపురి తదితర కాలనీల్లో వర్షపు నీరు వచ్చి చేరింది. ఎటుచూసినా కాలువలు పొంగిపొర్లాయి. కాజీపేట చౌరస్తా పక్కనున్న జమామాసీద్‌ గల్లీ నీటితో నిండిపోయింది. లోతట్టు ప్రాంతాల ప్రజలు ఇళ్లలోని నీటిని తోడి బయట పోసుకున్నారు. డీజిల్‌కాలనీ ప్రధాన రహదారిపై వర్షం నీరు నిలిచింది. రాత్రి వేళ విద్యుత్‌ సరఫరా నిలిచిపోవడంతో పట్టణవాసులు ఇబ్బంది పడ్డారు. హసన్‌పర్తి: హనుమకొండ–కరీంనగర్‌ ప్రధాన రహదారిలోని హసన్‌పర్తి యూనియన్‌ బ్యాంక్‌ సమీపంలో భారీ వృక్షం నేలకొరిగి రోడ్డుపై పడింది. వివిధ ప్రాంతాల నుంచి పెద్ద చెరువుకు వచ్చే గణేశ్‌ నిమజ్జన వాహనాలు స్తంభించాయి. పోలీస్‌ ఇన్‌స్పెక్టర్‌ మహేందర్‌ ఆధ్వర్యంలో సిబ్బంది సహాయక చర్యలు చేపట్టారు. రోడ్డుపైనుంచి చెట్టును తొలగించి ట్రాఫిక్‌ను క్లియర్‌ చేశారు. గ్రేటర్‌లో వర్షపు నీటితో నిండిన లోతట్టు ప్రాంతాలు ఇబ్బందులు పడిన వాహనదారులు, ప్రజలు

● తెలంగాణ పవర్‌ ఎంప్లాయీస్‌ జేఏసీ రాష్ట్ర సెక్రటరీ జనరల్‌ శ్రీధర్‌ హన్మకొండ : విద్యుత్‌ ఉద్యోగులు, ఆర్టిజన్లు, పెన్షనర్ల సమస్యల పరిష్కారానికి యాజమాన్యం సానుకూలంగా స్పందించిందని తెలంగాణ పవర్‌ ఇంజనీర్స్‌ అసోసియేషన్‌ రాష్ట్ర సెక్రటరీ జనరల్‌ ఇనుగాల శ్రీధర్‌ తెలిపారు. బుధవా రం హైదరాబాద్‌లో యాజమాన్యంతో జేఏసీ ప్రతి నిధులు చర్చలు జరిపినట్లు ఆయన ఒక ప్రకటనలో వివరించారు. ఈ చర్చల్లో ఆర్టిజన్లకు రెగ్యులర్‌ ఉ ద్యోగులతో సమానంగా అన్ని హక్కులు కల్పించేందుకు యాజమాన్యం ఒప్పుకుందని తెలిపారు. త్వ రలో వేతన సవరణ కమిటీ ఏర్పాటు చేస్తామని హా మీ ఇచ్చిందన్నారు. రిటైర్డ్‌ అయిన ఈపీఎఫ్‌ ఉద్యోగులకు వైద్య సౌకర్యం అందించేందుకు అంగీకరించిందని, ఆర్టిజన్లకు ఎపీఎస్‌ఈబీ సర్వీస్‌ రూల్స్‌ అమలుపై కమిటీ వేసి నిర్ణయం తీసుకోనున్నట్లు తె లిపారని వివరించారు. ఈపీఎఫ్‌ టు జీపీఎఫ్‌ సమస్యను ప్రభుత్వం దృష్టికి తీసుకువెళ్లి అతి త్వరలో ప రిష్కరించేందుకు యత్నిస్తామని హామీ ఇచ్చారన్నా రు. సమస్యల పరిష్కారానికి సుముఖత వ్యక్తం చేసిన యాజమాన్యానికి కృతజ్ఞతలు తెలిపారు. గ్రాడ్యుయేట్‌ ఎమ్మెల్సీగా గెలిపించాలి : గోపాల్‌రెడ్డి నయీంనగర్‌ : తనను వరంగల్‌– ఖమ్మం– నల్ల గొండ గ్రాడ్యుయేట్‌ ఎమ్మెల్సీగా గెలిపిస్తే పార్టీలకతీతంగా పనిచేసి వర్కింగ్‌, రిటైర్డ్‌ ఉద్యోగ, ఉపాధ్యాయ, నిరుద్యోగ, పట్టభద్రుల సమస్యలు పరిష్కరిస్తానని తెలంగాణ రాష్ట్ర ప్రభుత్వ విశ్రాంత ఉద్యోగుల సంఘం ఉమ్మడి వరంగల్‌ జిల్లా కోఆర్డినేటర్‌, హనుమకొండ జిల్లా అధ్యక్షుడు కుందూరు గోపాల్‌ రెడ్డి అన్నారు. ఈ మేరకు బుధవారం హనుమకొండలోని గ్రేటర్‌ వరంగల్‌ ప్రెస్‌ క్లబ్‌లో నిర్వహించిన సమావేశంలో ఆయన మాట్లాడారు. ఇంతకుముందు గ్రాడ్యుయేట్‌ ఎమ్మెల్సీగా ఎన్నికై న వారు ఉద్యోగుల సమస్యల పరిష్కారం గురించి పట్టించుకోక తమ సొంత ప్రయోజనాలను నెరవేర్చుకోడానికే పరిమితమయ్యారని మండిపడ్డారు. రాజకీయ పా ర్టీల అభ్యర్థులు తమ పార్టీల ప్రయోజనాలకే పరి మితమై సమస్యల పరిష్కారాన్ని పట్టించుకోరన్నా రు. దీనిపై నియోజకవర్గ గ్రాడ్యుయేట్‌లు ఆలోచించి తనను గెలిపించాలని విజ్ఞప్తి చేశారు. సంఘం నాయకులు కుమారస్వామి, పగడాల సరళ, శేష య్య, వెంకట్‌ రెడ్డి, సదానందచారి, జగదీశ్వర్‌ రెడ్డి, ప్రభాకర్‌ రెడ్డి, రమణారెడ్డి పాల్గొన్నారు.

బుధవారం శ్రీ 23 శ్రీ సెప్టెంబర్‌ శ్రీ 2026జిల్లా ఆస్పత్రిలోని ఎస్‌ఎంసీ వార్డుసాక్షి, మహబూబాబాద్‌: ప్రభుత్వం మాతా, శిశు సంక్షరణకు ప్రత్యేక చొరవ తీసుకుంటోంది. తల్లిగర్భంలో శిశువు ఉన్నప్పటి నుంచి ప్రసూతి, తర్వాత పెరుగుదలపై ప్రత్యేక శ్రద్ధతో సేవలు అందిస్తోంది. ఈమేరకు జిల్లా కేంద్రంలో మాతా, శిశు సంరక్షణ కేంద్రం ఏర్పాటు చేశారు. అయితే గతంతో పోలిస్తే సేవలు రోజురోజుకూ తగ్గుతున్నాయనే ఆరోపణలు వస్తున్నాయి. నిధులకు లేక నీరసం.. మాతాశిశు సంరక్షణ కేంద్రం అనేది ప్రభుత్వ మెడికల్‌ కళాశాల అనుబంధ ఆస్పత్రిలో భాగమైనా.. అది నేషనల్‌ హెల్త్‌మిషన్‌ పరిధిలో ఉంటుంది. అయితే సెంటర్‌ నిర్వహణ, మందులు, పరికరాలు, సిరంజీలు, ఇతర మరమ్మతులకు నిధులు ఎన్‌హెచ్‌ఎం నుంచి రావాల్సి ఉంది. కానీ, గత కొన్ని నెలలుగా నిధులు రావడం లేదని తెలిసింది. దీంతో అక్కడికి కావాల్సిన మందులు, ఇతర వస్తువులను జనరల్‌ ఆస్పత్రి నిధుల ద్వారా కొనుగోలు చేయాల్సి వస్తోంది. ఇవి సరిపడా లేకపోవడంతో పిల్లలకు సరైన వైద్య సేవలు అందడం లేదని తల్లిదండ్రులు చెబుతున్నారు. డాక్టర్ల పర్యవేక్షణ అంతంతే.. శిశుసంరక్షణ కేంద్రంలో గతంలో పనిచేసిన డాక్టర్లల్లో కొంత మంది బదిలీపై వెళ్లారు. మరికొంతమంది రెగ్యులర్‌ ఉద్యోగం రావడంతో వెళ్లారు. అయితే బదిలీపై ఇక్కడికి వచ్చిన ఇన్‌చార్జ్‌ సక్రమంగా డ్యూటీకీ రాకపోవడం, సమయపాలన పాటించడం లేదనే ఫిర్యాదులు ఉన్నాయి. దీంతో ఆయన పర్యవేక్షణ లేకపోవడంతో మిగిలిన డాక్టర్లు కూడా అంతంత మాత్రంగానే సెంటర్‌కు రావడం, కొందరు మొక్కుబడిగా వచ్చి వెళ్తున్నారనే విమర్శలు ఉన్నాయి. అదేవిధంగా ఆస్పత్రిలో స్టాఫ్‌ నర్సులు, ఇతర సిబ్బంది మధ్య అంతర్గత తగాదాలు, పెద్దరికం కోసం పంచాయితీలు తరచూ జరుగుతున్నట్లు తెలిసింది. వెరసి ఈ ప్రభావం సెంటర్‌పై పడుతోంది. ప్రత్యేక పర్యవేక్షణ చేస్తున్నాంమాతా, శిశుసంరక్షణ యూనిట్‌పై ప్రత్యేక శ్రద్ధపెడుతున్నాం. మరమ్మతులు, పరికరాల కొనుగోలు ఎప్పటికప్పుడు చేస్తున్నాం. అక్కడ పనిచేసే డాక్టర్లల్లో ఇద్దరు వెళ్లిపోయారు. ఉన్నవారితోనే సెంటర్‌ నిర్వహిస్తున్నాం. కొత్త డాక్టర్ల నియామకం కోసం జిల్లా ఉన్నతాధికారుల దృష్టికి తీసుకెళ్లాం. ప్రస్తుతానికి ఎస్‌ఎంసీలో ఎటువంటి ఇబ్బందులు లేవు. – శ్రీనివాసరావు, జిల్లా ఆస్పత్రి సూపరింటెండెంట్‌ ●గ్యాస్‌ వినియోగదారులకు ఊరటప్రభుత్వ మెడికల్‌ కళాశాల అనుబంధ ఆస్పత్రి, ఎస్‌ఎంసీల పరిధిలోని పిల్లలకు సేవలు అందించేందుకు మొత్తం 50 పడకల యూనిట్‌ ఉంటుంది. అయితే ఇందులో అత్యవసర చికిత్స, పరిపక్వత చెందని పిల్లలు, కామెర్లు అయిన పిల్లల కోసం ఫొటోతెరపి సెంటర్లు ఉన్నాయి. ఇందులో గతంలో భవనం పైకప్పు కూలిపోయి తృటిలో ప్రమాదం తప్పింది. అప్పుడు తాత్కాలిక మరమ్మతులు చేశారు. అయితే సెంటర్‌లో ఏసీలు, ఇతర మరమ్మతులు చేయలేదు. అదే విధంగా సెంటర్‌లోని కొందరు ఉద్యోగులు పిల్లలను ప్రైవేట్‌ ఆస్పత్రికి పంపించేందుకు తల్లిదండ్రులను బలవంతం చేయడంతో ఇక్కడ పిల్లలు సక్రమంగా ఉండడం లేదని విమర్శలు ఉన్నాయి. ఈ పరిస్థితులో అత్యవసర చికిత్స మినహా మిగిలిన వార్డుల్లో ఒక్కరిద్దరు పిల్లలు ఉండడం లేదు. పని చేయని ఏసీలతో ఇబ్బందులు వేధిస్తున్న నిధుల కొరత కొరవడిన డాక్టర్ల పర్యవేక్షణ ప్రభుత్వ ఆస్పత్రుల్లో తగ్గుతున్న సేవలు

మహబూబాబాద్‌ అర్బన్‌: జిల్లా వ్యాప్తంగా నవరాత్రులు భక్తుల పూజలు అందుకున్న గణనాథుడు బుధవారం గంగమ్మ ఒడికి చేరుకోనున్నాడు. కాగా, జిల్లాలో 2,380 విగ్రహాలను ఏర్పాటు చేశారు. ఇందులో 1,443 విగ్రహాలను ఇప్పటికే నిమజ్జనం చేశారు. మిగిలిన విగ్రహాల నిమజ్జనానికి జిల్లా వ్యాప్తంగా అధికారులు ఏర్పాట్లు చేశారు. అలాగే జిల్లా కేంద్రంలోని నిజాం చెరువులో నిమజ్జనానికి సుమారు 200 మంది అధికారులు, సిబ్బంది విధులు నిర్వర్తించనున్నారు. ఇద్దరికే అనుమతి.. నిజాం చెరువులో విగ్రహాల నిమజ్జనానికి ఉత్సవ కమిటీ సభ్యుల్లో ఇద్దరికి మాత్రమే అనుమతి ఉంది. అక్కడ మున్సిపల్‌ సిబ్బంది మాత్రమే విగ్రహాలను నిమజ్జనం చేస్తారు. ఎలాంటి అవాంఛనీయ సంఘటనలు జరగకుండా గజ ఈతగాళ్లను ఏర్పాటు చేశారు. గతంలో మున్నేరు వాగులో వినాయక నిమజ్జనం చేసే క్రమంలో పలువురు మృతి చెందారు. దీనిని దృష్టిలో ఉంచుకొని అధికారులు మున్నేరు వాగులో నిమజ్జనాలు చేయవద్దని వినాయక భక్త మండలి సభ్యులకు సమాచారం అందించారు. ఏర్పాట్లు చేసిన అధికారులు.. జిల్లా ఉన్నతాధికారులు, పోలీస్‌ శాఖ, మున్సిపాలిటీ అధికారులు నిమజ్జనానికి ఏర్పాట్లు చేశారు. గజఈతగాళ్లు, భారీ క్రేన్లు, ఫైర్‌ వాహనాలు, విద్యు త్‌, వైద్యం అందుబాటులోకి తీసుకువచ్చారు. ఎలా ంటి వాంఛనీయ సంఘటనలు జరగకుండా పోలీ సులు నిరంతరం పర్యవేక్షణ చేస్తారని అధికారులు తెలిపారు. అధికారులు సమన్వయంతో పనిచేయాలని అదనపు కలెక్టర్‌ అధికారులను ఆదేశాలు జారీచేశారు. మున్సిపల్‌ కమిషనర్‌ వినోద్‌ కుమార్‌, డీఎస్పీ తిరుపతిరావు, డీఈ ఉపేందర్‌, తహసీల్దార్‌ రాజేశ్వర్‌ రావు ఏర్పాట్లను పరిశీలించారు. నిజాం చెరువు వద్ద.. మానుకోట మున్సిపాలిటీ పరిధిలోని నిజాం చెరువులో వినాయక విగ్రహాల నిమజ్జనానికి అధికారులు తగిన ఏర్పాట్లు చేశారు. ఈమేరకు పాత, కొత్త బజారుల్లో ఏర్పాటు చేసిన గణపతి ప్రతిమలను నిజాం చెరువులో భక్తులు నిమజ్జనం చేయనున్నారు. కొత్త బజార్‌లో ఏర్పాటు చేసిన గణేశ్‌ విగ్రహాలు మూడుకొట్ల సెంటర్‌, కోర్టు సెంటర్‌ మీదుగా రైల్వే గేటు వైపు నుంచి మదర్‌థెరిస్సా సెంటర్‌ వద్ద ఏర్పాటు చేసిన ఆహ్వాన వేదిక వద్దకు చేరుకుంటాయి. ఈక్రమంలో అధికారులు, ప్రజాప్రతినిధులు ప్రత్యేక పూజలు చేస్తారు. అనంతరం విగ్రహాలను నిజాం చెరువుకు తరలిస్తారు. మరోవైపు విగ్రహాలను నెహ్రూ సెంటర్‌, ప్రభుత్వ జిల్లా ఆస్పత్రి, అండర్‌బ్రిడ్జి నుంచి బంధంచెరువు రోడ్డు, ఫ్లైఓవర్‌ బ్రిడ్జి మీదుగా పూలే జంక్షన్‌, వైఎస్సార్‌ సెంటర్‌, మున్సిపల్‌ కార్యాలయం నుంచి మదర్‌థెరిస్సా సెంటర్‌లోని ఆహ్వాన వేదిక వద్దకు తరలిస్తారు. పూజల అనంతరం చేపల మార్కెట్‌, ఆర్టీసీ బస్టాండ్‌ మీదుగా నిజాం చెరువు వరకు శోభాయాత్ర జరుగుతుంది. జిల్లా వ్యాప్తంగా ఏర్పాట్లు పూర్తి జిల్లా కేంద్రంలోని నిజాం చెరువు వద్ద ఏర్పాట్లు 200 మంది అధికారులు, సిబ్బంది విధులు జిల్లాలో 2,380 గణేష్‌ విగ్రహాల ప్రతిష్ట

తొర్రూరు: పశ్చిమాసియా యుద్ధం కారణంగా ఈ ఏడాది మార్చి నుంచి గ్యాస్‌ రీఫిల్‌ బుకింగ్‌పై కేంద్ర ప్రభుత్వం ఆంక్షలు విధించింది. దీంతో వినియోగదారులు పొదుపుగా గ్యాస్‌ను వినియోగిస్తున్నారు. ఒక సిలిండర్‌ బుక్‌ చేసిన తర్వాత మరొకదాని కోసం పట్టణ ప్రాంతాల వారు 35 రోజులు, గ్రామీణ ప్రాంతాల వారు 45రోజుల అనంతరం బుకింగ్‌ చేసుకోవడానికి పరిమితి విధించారు. అయితే తాజాగా, కేంద్రం 25 రోజులకే గ్యాస్‌ బుకింగ్‌ చేసుకోవడానికి అవకాశం కల్పించడంతో వినియోగదారులు ఊపిరి పీల్చుకుంటున్నారు. ఇబ్బందులు పడ్డ వినియోగదారులు.. సాధారణంగా 30–35 రోజులకు ఒకసారి ఖాళీ అయ్యే సిలిండర్‌ను 45–50 రోజుల వరకు పొదుపుగా వాడుకున్నారు. చాలా మంది కట్టెలు, ఎలక్ట్రిక్‌ పొయ్యిలను వినియోగించి గ్యాస్‌ను ఆదా చేస్తున్నారు. గ్రామీణ ప్రాంతాల్లోని పేద వర్గాలు స్థానికంగా వంట చెరుకును సేకరించి కట్టెల పొయ్యిపైనే వంటలు చేసుకుంటున్న సంఘటనలు ఉన్నాయి. అయితే తాజాగా, కేంద్రం ఆంక్షలు సడలించడంతో మళ్లీ 25రోజుల వ్యవధిలోనే సిలిండర్‌ బుక్‌ చేసుకోవడానికి అవకాశం రావడంతో వినియోగదారులకు ఊరట లభించినట్లయింది. అలాగే కొత్త గ్యాస్‌ కనెక్షన్లను జారీ చేస్తే వేలాది మంది వినియోగదారులకు మేలు జరుగుతుంది. ప్రభుత్వం ఎప్పుడు అనుమతి ఇస్తుందోనని చాలా మంది ఎదురు చూస్తుండడం గమనార్హం. గ్యాస్‌ కంపెనీలు 3ఏజెన్సీలు 11వినియోగదారులు 1,21,131 ఇక 25 రోజులకే బుకింగ్‌ 45 రోజుల బుకింగ్‌ పరిమితి మార్పు

ఇనుగుర్తి: పరిశుభ్రతతోనే ఆరోగ్యకరమైన సమాజం సాధ్యమని, ప్రతీ ఒక్కరు చెత్త నిర్వహణ బాధ్యతలు చేపట్టాలని స్వచ్ఛ భారత్‌ మిషన్‌ జిల్లా కోఆర్డినేటర్‌ రవికుమార్‌ సూచించారు.మండల కేంద్రంలోని సాంఘిక సంక్షేమ బాలికల గురుకుల పాఠశాల, కళాశాలలో మంగళవారం ఘన వ్యర్థాల నిర్వహణపై విద్యార్థినులకు అవగాహన సదస్సు నిర్వహించారు. ముఖ్య అతిథిగా జిల్లా పంచాయతీ అధికారి రేవంత్‌ పాల్గొని పరిసరాల పరిశుభ్రత, చెత్తను వేరు చేయడం తదితర అంశాలపై అవగాహన కల్పించారు. కార్యక్రమంలో ఎంపీడీఓ పార్థసారథి, సర్పంచ్‌ తమ్మడపల్లి కుమార్‌, పంచా యతీ కార్యదర్శి విజయలక్ష్మి, ప్రిన్సిపాల్‌ ఆశ, ఉపాధ్యాయులు, విద్యార్థులు పాల్గొన్నారు. యూపీఐ చార్జీల విధానంతో సామాన్యులపై భారంతొర్రూరు: కేంద్ర ప్రభుత్వం తీసుకొచ్చిన యూపీఐ చార్జీల విధానంతో పరోక్షంగా సామాన్యులపై భారం పడుతుందని సీపీఐ ఎంఎల్‌ మాస్‌లైన్‌ ఉమ్మడి జిల్లా కార్యదర్శి కొత్తపల్లి రవి అన్నారు. ఈ మేరకు డివిజన్‌ కేంద్రంలోని బస్టాండ్‌ సెంటర్‌లో మాస్‌లైన్‌ పార్టీ ఆధ్వర్యంలో మంగళవారం నాయకులు నిరసన తెలిపారు. రవి మాట్లాడుతూ.. వినియోగదారుడిపై చార్జీ లేకుండా వ్యాపారులపై చార్జీ పడుతుందనే కేంద్రం వాదన పసలేనిదని తెలిపారు. అమెరికా ఫైనాన్స్‌ కంపెనీల ఒత్తిడికి తలొగ్గి నగదు లావాదేవీలను తగ్గించాలని ప్రచారం చేసి యూపీఐ చెల్లింపులను అలవాటు చేసిందన్నారు. తీరా ఇప్పుడు చార్జీల పేరిట సామాన్యులపై భారం మోపుతుందన్నారు.నాయకులు ముంజంపల్లి వీరన్న, ఊడుగుల రాములు, జక్కుల యాకయ్య, ఇరుగు అనిల్‌, కేశవులు, బిక్షం పాల్గొన్నారు. దరఖాస్తుల ఆహ్వానంమహబూబాబాద్‌ అర్బన్‌: జిల్లాలోని మైనార్టీ గురుకుల పాఠశాలలు, జూనియర్‌ కళాశాలల్లో ఖాళీగా ఉన్న టీచింగ్‌ పోస్టులను అవుట్‌సోర్సి ంగ్‌ పద్ధతిలో భర్తీ చేయడానికి అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు ఆహాన్‌ ఏజెన్సీ ఇన్‌చార్జ్‌ నాగార్జున మంగళవారం ఒక ప్రకటనలో పేర్కొన్నారు. డోర్నకల్‌ బాలికల పాఠశాల, మహబూబాబాద్‌ బాలుర పాఠశాల, తొర్రూరు బాలికల జూనియర్‌ కళాశాలల్లో పీజీటీ మ్యాథ్స్‌, వార్డెన్‌, డీఈఓ పోస్టులు ఖాళీగా ఉన్నాయన్నారు. ఆసక్తిగల అభ్యర్థులు నేటి నుంచి ఈ నెల 26వ తేదీ వరకు నెహ్రూసెంటర్‌లోని ఆహాన్‌ ఏజెన్సీలో విద్యార్హత సర్టిఫికెట్లతో ఉదయం 11నుంచి సాయత్రం 4గంటల వరకు దరఖాస్తు చేసుకోవాలన్నారు. పూర్తి వివరాలకు 8341712432, 9550473494 ఫోన్‌ నంబర్లను సంప్రదించాలన్నారు. బైక్‌ అదుపు తప్పి వ్యక్తి మృతి కేసముద్రం: బైక్‌ అదుపు తప్పి పంటపొలాల్లోకి దూసుకెళ్లిన ప్రమాదంలో ఓ వ్యక్తి మృతి చెందిన ఘటన మండలంలోని పెనుగొండ గ్రామ సమీపంలో చోటుచేసుకుంది. ఎస్సై క్రాంతికిరణ్‌ కథనం ప్రకారం.. మహబూబాబాద్‌ మండలం రజాలిపేటకు చెందిన అరిగెల శ్రీను(48) బైక్‌పై కూరగాయలు అమ్ముతూ కుటుంబాన్ని పోషించుకుంటున్నాడు. ఈ క్రమంలో మంగళవారం కేసముద్రం మండలం పెనుగొండ గ్రామం మీదుగా గూడూరు మండలం లక్ష్మీపురం వైపునకు వెళ్తుండగా మలుపు వద్ద బైక్‌ అదుపుతప్పి పంట పొలాల్లోకి దూసుకెళ్లింది. ఈ ప్రమాదంలో కిందపడగా తీవ్రగాయాలయ్యాయి. దీంతో స్థానికులు క్షతగాత్రుడిని మానుకోట జిల్లా ఆస్పత్రికి తరలించగా అప్పటికే మృతి చెందినట్లు వైద్యులు నిర్ధారించారు. మృతుడికి భార్య, కూతురు, కుమారుడు ఉన్నా రు. కుమార్తె ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు ఎస్సై తెలిపారు. గణపతి లడ్డూ రూ.3.55లక్షలుకేసముద్రం: కేసముద్రం పట్టణ కేంద్రంలోని రైల్వేస్టేషన్‌ ప్రాంగణంలో ఆదిదేవా వెల్ఫేర్‌ అసోసియేషన్‌ ఆధ్వర్యంలో ఏర్పాటు చేసిన గణేషుడి మండపం వద్ద మంగళవారం రాత్రి లడ్డూ వేలం పాట నిర్వహించారు. కేసముద్రంస్టేషన్‌కి చెందిన మంచన శంకర్‌రావు రూ.3,55,111కు వేలం పాడి లడ్డూను దక్కించుకున్నాడు. జిల్లాలోనే రికార్డు స్థాయిలో లడ్డూకు ధర పలికినట్లు నిర్వాహకులు తెలిపారు.

పోటీకి ఆసక్తి తెలుపుతూ కార్మికశాఖకు లేఖల అందజేతహన్మకొండ: టీజీఎస్‌ ఆర్టీసీ గుర్తింపు ఎన్నికల బిజీలో యూనియన్‌లు తలమునకలయ్యాయి. ఎన్నికల షెడ్యూల్‌లో భాగంగా గుర్తింపు ఎన్నికల్లో పోటీ చేసేందుకు ఆసక్తి ఉన్న 11 యూనియన్‌లు సోమవారం కార్మిక శాఖకు లేఖలు అందించాయి. దీంతో పోటీలో ఉండే యూనియన్‌లపై కార్మికులకు స్పష్టత వచ్చింది. మంగళవారం డిపోల వారీగా డ్రాఫ్ట్‌ ఓటరు జాబితాను డిపో మేనేజర్లు కార్మిక శాఖకు అందించారు. కార్మిక శాఖ తిరిగి యూనియన్‌లకు జాబితా ఇచ్చింది. డ్రాఫ్ట్‌ జాబితా ప్రకారం వరంగల్‌ రీజియన్‌లో మొత్తం 3,096 మంది ఓటర్లు ఉన్నారు. రీజినల్‌ మేనేజర్‌ కార్యాలయంలో 51 మంది ఓటర్లు ఉన్నారు. హనుమకొండ డిపోలో 537, భూపాలపల్లిలో 274, వరంగల్‌–1లో 484, మహబూబాబాద్‌ డిపోలో 250, తొర్రూరులో 303, నర్సంపేటలో 291, జనగామలో 403, పరకాలలో 244 మంది, వరంగల్‌–2 డిపోలో 259 మంది ఓటర్లు ఉన్నారు. ఈ నెల 24 వరకు ఓటరు జాబితాపై అభ్యంతరాలు స్వీకరించి 25న తుది ఓటరు జాబితాను విడుదల చేస్తారు. 26న యూనియన్‌లకు గుర్తులు కేటాయిస్తారు. తదనంతరం ప్రచారం ముమ్మరం కానుంది. లేఖలు ఇచ్చిన సంఘాలు.. గుర్తింపు ఎన్నికల్లో పోటీ చేయనున్నట్లు 11 యూనియన్‌లు కార్మిక శాఖకు సమ్మతి తెలిపాయి. వాటిలో స్టాఫ్‌ అండ్‌ వర్కర్స్‌ ఫెడరేషన్‌, ఎంప్లాయీస్‌ యూనియన్‌, టీఎస్‌ ఆర్టీసీ కార్మిక్‌ సంఘ్‌, తెలంగాణ జాతీయ మజ్దూర్‌ యూనియన్‌, తెలంగాణ ఆర్టీసీ వర్కర్స్‌ యూనియన్‌, ఆర్టీసీ సామాజిక తెలంగాణ మజ్దూర్‌ యూనియన్‌, నేషనల్‌ మజ్దూర్‌ యూనియన్‌, ఆర్టీసీ కార్మిక పరిషత్‌, బహుజన కార్మిక యూనియన్‌, బహుజన వర్కర్స్‌ యూనియన్‌ ఉన్నాయి. రాష్ట్ర, రీజియన్‌ వారీగా పొత్తు ఒప్పందాలు..గెలుపు అవకాశాలను అంచనా వేసిన యూనియన్‌లు కలిసి పోటీ చేయాలని నిర్ణయించుకున్నాయి. ఈ మేరకు క్లాస్‌–3 (రాష్ట్ర), క్లాస్‌–6 (రీజియన్‌) వారీగా ఒప్పందాలు కుదుర్చుకుంటున్నాయి. ఎంప్లాయీస్‌ యూనియన్‌ (ఈయూ), నేషనల్‌ మజ్దూర్‌ యూనియన్‌(ఎన్‌ఎంయూ) మధ్య పొత్తుపై ఒప్పందం కుదిరినట్లు ఆ యూనియన్‌ నాయకులు తెలిపారు. వరంగల్‌, ఖమ్మం రీజియన్‌ (క్లాస్‌–6) ఎన్‌ఎంయూకు, రాష్ట్రంలోని మిగతా రీజియన్‌లు, క్లాస్‌–3కి ఎంప్లాయీస్‌ యూనియన్‌కు మద్దతు ఇచ్చేలా అంగీకారం కుదిరింది. ● తెలంగాణ ఆర్టీసీ వర్కర్స్‌ యూనియన్‌, స్టాఫ్‌ అండ్‌ వర్కర్స్‌ ఫెడరేషన్‌ (ఎస్‌డబ్ల్యూఎఫ్‌) మధ్య అవగాహన కుదిరినట్లు తెలిసింది. క్లాస్‌–6లో ఖమ్మం, నల్లగొండ రీజియన్‌లలో స్టాఫ్‌ అండ్‌ వర్కర్స్‌ ఫెడరేషన్‌, మిగతా రీజియన్‌లు, క్లాస్‌–3లో తెలంగాణ ఆర్టీసీ వర్కర్స్‌ యూనియన్‌ పోటీలో ఉండేలా ఒప్పందం కుదిరినట్లు ఆ యూనియన్‌ వర్గాలు తెలిపాయి. ఈ మేరకు వరంగల్‌ రీజియన్‌లో తెలంగాణ ఆర్టీసీ వర్కర్స్‌ యూనియన్‌కు స్టాఫ్‌ అండ్‌ వర్కర్స్‌ ఫెడరేషన్‌ మద్దతు ఇస్తుంది. ● టీఎంయూ అశ్వత్థామ రెడ్డి వర్గం తెలంగాణ ఆర్టీసీ వర్కర్స్‌ యూనియన్‌గా పోటీ చేయనుంది. వరంగల్‌ రీజియన్‌లో తెలంగాణ ఆర్టీసీ వర్కర్స్‌ యూనియన్‌ (టీఎంయూ అశ్వత్థామ రెడ్డి వర్గం), ఎంప్లాయీస్‌ యూనియన్‌, స్టాఫ్‌ అండ్‌ వర్కర్స్‌ ఫెడరేషన్‌, నేషనల్‌ మజ్దూర్‌ యూనియన్‌లు బలంగా ఉన్నాయి. ● మిగతా యూనియన్‌లు ఉన్నప్పటికీ ప్రభావం చూపకపోవచ్చని కార్మిక వర్గాలు తెలిపాయి. ● ఈ రీజియన్‌లో తెలంగాణ ఆర్టీసీ వర్కర్స్‌ యూనియన్‌, నేషనల్‌ మజ్దూర్‌ యూనియన్‌ మధ్య పోటీ ముఖాముఖిగా జరిగే అవకాశముంది. ఈ నెల 26న గుర్తుల కేటాయింపుతో పోటీపై మరింత స్పష్టత రానుంది. ఆర్టీసీ గుర్తింపు ఎన్నికల బిజీలో యూనియన్‌లు.. రీజియన్‌ పరిధిలో మొత్తం 3,096 మంది ఓటర్లు ఈయూ, ఎన్‌ఎంయూ మధ్య కుదిరిన పొత్తు వరంగల్‌ రీజియన్‌ ఎన్‌ఎంయూకు టీడబ్ల్యూయూతో జత కట్టిన ఎస్‌డబ్ల్యూఎఫ్‌.. వరంగల్‌ రీజియన్‌ టీఆర్టీసీ వర్కర్స్‌ యూనియన్‌కు, ఎస్‌డబ్ల్యూఎఫ్‌కు ఖమ్మం, నల్లగొండ

● బిల్లుల విషయంలో కోర్టును ఆశ్రయించిన కాంట్రాక్టర్‌ ● ఆస్తుల జప్తునకు ఉత్తర్వులు మహబూబాబాద్‌: జిల్లా కేంద్రంలోని నీటి పారుదల శాఖ పర్యవేక్షక ఇంజనీర్‌ కార్యాలయంలో ఫర్నిచర్‌, కంప్యూటర్లు ఇతరత్రా సామగ్రిని మంగళవారం జిల్లా కోర్టు ఫీల్డ్‌ అసిస్టెంట్లు జితేందర్‌రెడ్డి, సత్యనారాయణ జప్తు చేశారు. ఈ సందర్భంగా వారు మాట్లాడుతూ.. హైదరాబాద్‌కు చెందిన కాంట్రాక్టర్‌ వెంకటేశ్వర్లు 1985లో ఎస్సారెస్పీ కాల్వ పనులు చేశారని, అయితే నేటికీ బిల్లులు రాలేదని ఆయన హైదరాబాద్‌ సిటీ సివిల్‌ కోర్టును ఆశ్రయించారడన్నారు. ఈమేరకు జిల్లా కేంద్రంలోని ఇరిగేషన్‌ శాఖ కార్యాలయం ఆస్తులు జప్తు చేయాలని సిటీ సివిల్‌ కోర్టు చీఫ్‌ జడ్జి తీర్పు నిచ్చారన్నారు. ఆ వారెంట్‌ను జిల్లా కోర్టుకు పంపారని, కోర్టు ఆదేశాలతో ఆస్తుల జప్తు చేశామన్నారు. ఈ విషయంపై ఇరిగేషన్‌ శాఖ ఎస్‌ఈ రామకృష్ణ మాట్లాడుతూ.. సంబంధిత కాంట్రాక్టర్‌ హుజూరాబాద్‌ పరిధిలో కాల్వ పనులు చేశారన్నారు. కన్‌స్ట్రక్షన్‌ సివిల్‌ హుజూరాబాద్‌ కిందికి వస్తాయన్నారు. శాఖ రీఆర్గనైజేషన్‌లో హుజూరాబాద్‌ కార్యాలయం సిబ్బంది ఇక్కడి ఎస్‌ఈ కార్యాలయానికి బదిలీ అయ్యారన్నారు. ఆ పనులకు మానుకోటకు సంబంధం లేదన్నారు. ఈ విషయాన్ని ఉన్నతాధికారుల దృష్టికి తీసుకెళ్తామన్నారు.

● ఇన్‌చార్జ్‌ డీఈఓ ముందల శ్రీరాములు కురవి: విద్యార్థుల్లో అభ్యసన సామర్థ్యాలు పెంపొందించి, నాణ్యమైన విద్యను అందించడంలో ఉపాధ్యాయుల పాత్ర కీలకమని ఇన్‌చార్జ్‌ డీఈఓ మందుల శ్రీరాములు అన్నారు. మంగళవారం మండల కేంద్రంలోని హైస్కూల్‌లో కురవి కాంప్లెక్స్‌ సమావేశం జరిగింది. ఈ సందర్భంగా ఆయన మాట్లాడుతూ.. ప్రతీ విద్యార్థి అభ్యసన స్థాయిని నిరంతరం పరిశీలించాలని సూచించారు. ఎఫ్‌ఎల్‌ఎన్‌ కార్యక్రమంలో భాగంగా ప్రతీ విద్యార్థికి చదవడం, రాయడం, అర్థం చేసుకోవడం, ప్రాథమిక గణిత నైపుణ్యాలు తప్పనిసరిగా అలవడేలా కార్యాచరణ రూపొందించుకోవాలని తెలిపారు. ఏఎక్స్‌ఎల్‌ కార్యక్రమంలో విద్యార్థుల అభ్యసన ఫలితాలను మెరుగుపరిచే విధంగా తరగతి గది బోధన చేపట్టాలన్నారు. విద్యార్థుల నాణ్యతా ప్రమాణాలు పెంపొందించేందుకు వినూత్న రీతిలో బోధన పద్ధతులు వినినియోగించుకోవాలని ఆయన సూచించారు. కార్యక్రమంలో కాంప్లెక్స్‌ హెచ్‌ఎం శ్రీధర్‌, సీఎంఓ సురేష్‌, ఆర్‌పీ శ్యామ్‌, ఉపాధ్యాయులు పాల్గొన్నారు.

● కలెక్టర్‌ స్నేహశబరీష్‌ కొత్తగూడ: ప్రజాసేవలో జాప్యం సహించేది లేదని కలెక్టర్‌ స్నేహ శబరీష్‌ హెచ్చరించారు. మంగళవారం మండల కేంద్రంలోని తహసీల్దార్‌ కార్యాలయం, ప్రాథమిక ఉన్నత పాఠశాల, అంగన్‌వాడీ కేంద్రాన్ని ఆకస్మికంగా తనిఖీ చేశారు. తహసీల్దార్‌ కార్యాలయంలో పలు దరఖాస్తులను ఆమె పరిశీ లించి, ఇన్ని దరఖాస్తులు ఎందుకు పెండింగ్‌లో ఉన్నాయని తహసీల్దార్‌ రాజును ప్రశ్నించారు. గ్రీవెన్స్‌లో వచ్చిన దరఖాస్తులు వెంటనే పరిష్కరించాలని ఆదేశించారు. ఎస్‌ఐఆర్‌ ఫిర్యాదులను పరిశీలించి పరిష్కరించాలని సూచించారు. అనంతరం ప్రాథమిక ఉన్నత పాఠశాలలో నిర్వహించిన కాంప్లెక్స్‌ సమావేశానికి హాజరయ్యారు. ఉపాధ్యాయులు ఇంగ్లిష్‌ భాషపై పట్టు పెంచుకోవాలని సూచించారు. డిజిటల్‌ బోధన, ఇతర అంశాలను తెలుసుకున్నారు. ఉపాధ్యాయుల పనితీరుపై ఎప్పటికప్పుడు తనిఖీలు చేయాలని ఎంఈఓ లక్ష్మీనారాయణను ఆదేశించారు. అనంతరం బూరుగుగుంపు అంగన్‌వాడీ కేంద్రాన్ని సందర్శించారు. పౌష్టికాహార వారోత్సవాలను పరిశీలించారు. ఇన్‌చార్జ్‌ డీఈఓ శ్రీరాములు, డీడబ్ల్యూఓ శిరీష, ఎంపీడీఓ అనురాధ తదితరులు పాల్గొన్నారు.

మహబూబాబాద్‌ రూరల్‌: పోగొట్టుకున్న, చోరీకి గురైన మొబైల్‌ ఫోన్లను అధునాతన సాంకేతిక పరిజ్ఞానాన్ని వినియోగించి రికవరీ చేయడంలో జిల్లా పోలీసులు నిరంతరం కృషి చేస్తున్నారు. కేంద్ర ప్రభుత్వ సీఈఐఆర్‌ (సెంట్రల్‌ ఎక్విప్‌మెంట్‌ ఐడెంటిటీ రిజిస్టర్‌) పోర్టల్‌ సేవలను సమర్థవంతంగా వినియోగిస్తూ ఇప్పటివరకు జిల్లా పరిధిలో 2,027 మొబైల్‌ ఫోన్లను రికవరీ చేశారు. ఎస్పీ శబరీష్‌ మార్గదర్శకత్వంలో తాజాగా చేపట్టిన ప్రత్యేక చర్యల్లో 77 మొబైల్‌ ఫోన్లను గుర్తించి రికవరీ చేశారు. రికవరీ చేసిన మొబైల్‌ ఫోన్లను మహబూబాబాద్‌ టౌన్‌ పోలీస్‌ స్టేషన్‌ కాన్ఫరెన్స్‌ హాల్‌లో బాధితులకు ఎస్పీ శబరీష్‌ అందజేశారు. మహబూబాబాద్‌ డీఎస్పీ తిరుపతిరావు, సీసీఎస్‌ సీఐ హతీరాం, ఐటీ సెల్‌ ఎస్సై జీవీ.కృష్ణారెడ్డి, పీసీ సుమన్‌, అన్ని పోలీస్‌ స్టేషన్ల ఎస్‌హెచ్‌ఓలు, సీఈఐఆర్‌ ఆపరేటర్లు కీలక పాత్ర పోషించారు. 77 ఫోన్లు బాధితులకు అందజేత

మహబూబాబాద్‌ రూరల్‌: పోలీసులుగా నటిస్తూ బంగారం వ్యాపారులను ఫోన్‌ ద్వారా బెదిరించి, డిజిటల్‌ అరెస్ట్‌ పేరుతో డబ్బులు వసూలు చేస్తున్న ఇద్దరు సైబర్‌ నేరగాళ్లను జిల్లా పోలీసులు అరెస్ట్‌ చేశారు. జిల్లా కేంద్రంలోని టౌన్‌ పోలీస్‌స్టేషన్‌లో సోమవారం ఏర్పాటు చేసిన విలేకరుల సమావేశంలో ఎస్పీ డాక్టర్‌ శబరీష్‌ నిందితుల వివరాలు వెల్లడించారు. నల్లగొండ జిల్లా నిడమనూరు మండల కేంద్రానికి చెందిన షేక్‌ఇర్ఫాన్‌, చింతలచెరువు ప్రశాంత్‌, చింతలచెరువు రవి, షేక్‌వాజిద్‌, చింతలచెరువు అక్షిత్‌ ఓ ముఠాగా ఏర్పడ్డారు. పోలీస్‌ అధికారిగా నటిస్తూ షేక్‌ఇర్ఫాన్‌ ఫోన్‌ షేక్‌ఇర్ఫాన్‌ పోలీస్‌ యూనిఫాం ధరించి ఫొటో తీసుకుని, దానిని వాట్సాప్‌, ట్రూకాలర్‌ డీపీగా ఉపయోగించాడు. అనంతరం జిలాలోని కేసముద్రం మండలానికి చెందిన బంగారం వ్యాపారి బోగోజు వేణుగోపాలచారి ఫోన్‌ నంబర్‌ను గూగుల్‌లో సేకరించి ఈ నెల 10న అతడికి ఫోన్‌ చేశాడు. తాను వికారాబాద్‌ సమీపంలోని పార్వతీపురం పోలీస్‌ స్టేషన్‌ ఎస్సైని, ఇద్దరు దొంగలను పట్టుకున్నామని తెలిపాడు. వారు దొంగిలించిన బంగారాన్ని నువ్వు కొనుగోలు చేశావు, అందుకు సంబంధించిన రశీదులు తన వద్ద ఉన్నాయని చెప్పి అతడిని బెదిరించాడు. కొనుగోలు చేసిన బంగారాన్ని రికవరీగా ఇవ్వకపోతే అరెస్ట్‌ చేస్తానని భయపెట్టాడు. అనంతరం డబ్బులు పంపించాలని వాట్సాప్‌ ద్వారా క్యూఆర్‌ కోడ్‌ పంపించాడు. ఇలా వేణుగోపాలచారి నుంచి షేక్‌ఇర్ఫాన్‌ రూ.88,026 వసూలు చేశాడు. సాంకేతిక ఆధారాలతో నిందితుల గుర్తింపు.. బాధితుడు జరిగిన ఘటనపై ఫిర్యాదు చేయగా కేసముద్రం ఎస్సై కె.క్రాంతికిరణ్‌ కేసు నమోదు చేశారు. కేసముద్రం సీఐ వై.సత్యనారాయణ దర్యాప్తు చేపట్టారు. సాంకేతిక ఆధారాలతో ఆదివారం సాయంత్రం కేసముద్రంలో షేక్‌ ఇర్ఫాన్‌, చింతలచెరువు ప్రశాంత్‌ను అరెస్ట్‌ చేశారు. మిగిలిన వారు పరారీలో ఉన్నారు. కాగా, నిందితులు గత ఆగస్టు 15 నుంచి ఈ నెల 15 వరకు సుమారు రూ.4.20 లక్షలు వసూళ్లకు పాల్పడినట్లు దర్యాప్తులో వెల్లడైంది. తెలుగు రాష్ట్రాల్లో పలు కేసులు నిందితులపై తెలుగు రాష్ట్రాల్లో పలు కేసులు నమోదయ్యాయి. నల్లగొండ–1 టౌన్‌, ఆదిలాబాద్‌–1 టౌన్‌, ఇచ్చోడ, కట్టంగూర్‌, తిరుమలగిరి, రామగూడెం, బిక్కవోలు పోలీస్‌ స్టేషన్లలో పోలీసులు కేసులు నమోదు చేశారు. ఇర్ఫాన్‌పై 8 కేసులు, ప్రశాంత్‌పై 6 కేసులు ఉన్నాయి. ఆయా కేసుల్లో అరెస్టయి జైలు నుంచి విడుదలైన అనంతరం కూడా నేరాలకు పాల్పడినట్లు పోలీసులు తెలిపారు. పోలీస్‌ యూనిఫాం, మొబైల్‌ ఫోన్‌ స్వాధీనం నిందితుల నుంచి మొబైల్‌ ఫోన్‌, పోలీస్‌ యూనిఫాంను పోలీసులు స్వాధీనం చేసుకున్నారు. అదేవిధంగా రూ.3 లక్షల నగదు నిల్వ ఉన్న పలు బ్యాంకుల ఖాతాలను సీజ్‌ చేశారు. సమావేశంలో డీఎస్పీ ఎన్‌.తిరుపతిరావు, కేసముద్రం సీఐ వై.సత్యనారాయణ, ఎస్సై కె.క్రాంతికిరణ్‌, పోలీస్‌ సిబ్బంది పాల్గొన్నారు. బంగారం వ్యాపారుల వద్ద రూ.4.20 లక్షల వసూళ్లు నల్లగొండ జిల్లాకు చెందిన ఇద్దరు సైబర్‌ నేరగాళ్ల అరెస్ట్‌ వివరాలు వెల్లడించిన ఎస్పీ శబరీష్‌

● ఎస్పీ శబరీష్‌ మహబూబాబాద్‌ అర్బన్‌: వినాయక చవితి సందర్భంగా గణపతి మండపాల వద్ద డీజేలు మార్మోగుతున్నాయి. కాగా, ‘డీజేలతో ప్రాణాలకు ముప్పు’ అనే శీర్షిక సాక్షి దినపత్రికలో సోమవారం ప్రచురితమైన కథనంపై ఎస్పీ శబరీష్‌ స్పందించారు. ఈమేరకు ఆయన మాట్లాడుతూ.. ఈనెల 23న జిల్లా వ్యాప్తంగా జరిగే గణేష్‌ నిమజ్జన కార్యక్రమాలు, ఊరేగింపుల్లో డీజేలు వాడొద్దని హెచ్చరించారు. ఇటీవల డీజే శబ్దాలతో చాలామంది మృతి చెందారని, అలాంటి సంఘటనలు మన జిల్లాలో జరగవద్దన్నారు. భక్తులు, యువకులు ఎలాంటి డీజే ఏర్పాట్లు చేయవద్దన్నారు. నిబంధనలు అతిక్రమిస్తే తగిన చర్యలు తీసుకుంటామన్నారు.

టీపీ జేఏసీ ఆధ్వర్యంలో కలెక్టరేట్‌లో ఆందోళన చేసి వినతిపత్రం అందజేశారు. ఈసందర్భంగా టీపీ జేఏసీ రాష్ట్ర కో కన్వీనర్‌ మైసా శ్రీనివాసులు మాట్లాడుతూ.. మానుకోట మున్సిపాలిటీలోని 13,17,20వ వార్డుల పరిధిలోని ప్రభుత్వ పాఠశాలలకు నూతన భవనాల నిర్మాణం చేయాలని డిమాండ్‌ చేశారు. పత్తిపాక పాఠశాల పూర్తిగా శిథిలావస్థకు చేరుకొని అద్దె భవనంలో కొనసాగుతుందన్నారు. అద్దె భవనంలో కనీస సౌకర్యాలు లేక 55 మంది విద్యార్థులు ఇబ్బందులు పడతున్నారని ఆవేదన వ్యక్తం చేశారు. కార్యక్రమంలో విద్యార్థుల తల్లిదండ్రులు పాల్గొన్నారు.

జనగామ: జిల్లా కేంద్రంలోని తెలంగాణ సోషల్‌ వెల్ఫేర్‌ రెసిడెన్షియల్‌ కళాశాలలో సోమవారం అండర్‌–19 బాల,బాలికల ఉమ్మడి వరంగల్‌ జిల్లా ఫుట్‌బాల్‌ సెలక్షన్స్‌ నిర్వహించారు. ఉమ్మడి వరంగల్‌ జిల్లా నుంచి సుమారు 300 మంది బాల,బాలికలు పాల్గొని తమ క్రీడా ప్రతిభను ప్రదర్శించారు. ప్రతిభ కనబరిచిన క్రీ డాకారులను రాష్ట్రస్థాయి పోటీలకు ఎంపిక చేశారు. ఎంపికై న వారు త్వరలో జరగనున్న రాష్ట్రస్థాయి పోటీల్లో పాల్గొననున్నారు. సెలక్సన్స్‌ను ఎస్‌జీఎఫ్‌ ఉమ్మడి వరంగల్‌ జిల్లా కార్యదర్శి శ్రీధర్‌ పర్యవేక్షించారు. క్రీడాకారులు క్రమశిక్షణతో పాల్గొని ప్రతిభను చాటుకోవడంపై నిర్వాహకులు అభినందనలు తెలిపారు. రాష్ట్రస్థాయి పోటీలకు ఎంపికై న క్రీడాకారులకు శుభాకాంక్షలు తెలియజేస్తూ అక్కడ కూడా రాణించాలని ఆకాంక్షించారు. కార్యక్రమంలో జూనియర్‌ కాలేజీ ప్రిన్సిపాల్‌ నరసింహులు గౌడ్‌, వైస్‌ ప్రిన్సిపాల్‌ నరేందర్‌, రవీందర్‌, కాలేజీ పీడీ కిషన్‌న్‌, స్పోర్ట్స్‌ కో ఆర్డినేటర్‌ శ్రీనివాస్‌, పీడీ ఘన్‌పూర్‌, జె.గోర్‌ సింగ్‌, ఎస్‌జీఎఫ్‌ జిల్లా కార్యదర్శి, కోచ్‌ లింగనాయక్‌, పీఈటీ వేణు, ప్రేమ్‌కుమార్‌, రాజన్న తదితరులు పాల్గొన్నారు.

కేయూ క్యాంపస్‌: కాకతీయ యూనివర్సిటీలోని టీహబ్‌,హైదరాబాద్‌లోని టీహబ్‌ సంయుక్త ఆధ్వర్యంలో రాష్ట్రంలోనే ప్రతిష్టాత్మకంగా అతిపెద్ద హాకథాన్‌ నిర్వహించేందుకు సన్నాహాలు చేస్తున్నారు. కాకతీయ యూనివర్సిటీలోనే కెహబ్‌లో హాక్‌థాన్‌ను ప్రారంభించేందుకు అధికారులు కసర్తు చేస్తున్నారు. ఈమేరకు సోమవారం కాకతీయ యూనివర్సిటీ వీసీ కె.ప్రతాప్‌రెడ్డి, రూసా నోడల్‌ అధికారి ప్రొఫెసర్‌ ఆర్‌. మల్లికార్జున్‌రెడితో కలిసి హైదరాబాద్‌లో టీ హబ్‌ సీఈఓ కవిక్రుత్‌ను కలిశారు. తెలంగాణలోని పది ఉమ్మడి జిల్లాలను భాగస్వామ్యం చేయడం, విద్యార్థులు, యువత, సాంకేతిక నిపుణులకు విస్తృత అవకాశాలు కల్పించడం తదితర అంశాలను చర్చించారు. కాకతీయ యూనివర్సిటీలోని కేహబ్‌లో హాక్‌థాన్‌ను ప్రారంభించాక టీహబ్‌, కేహబ్‌–టీహబ్‌లోని ప్రతినిధులు కలిసి పది ఉమ్మడి జిల్లాల్లోని డిగ్రీ, ఇంటర్‌, హైస్కూళ్ల విద్యార్థుల నూతన ఆలోచనలతో ఆవిష్కరణలకు ముందుకు వచ్చేలా కృషి చేయనున్నారు. అందుకు ప్రతి ఉమ్మడి జిల్లా కేంద్రంలో కార్యక్రమాలు నిర్వహించనున్నారు.

నెహ్రూసెంటర్‌: వినాయక నిమజ్జనం సందర్భంగా విద్యుత్‌ ప్రమాదాలు జరగకుండా ముందస్తు భద్రతా చర్యలు చేపట్టాలని విద్యుత్‌శాఖ జీఎం నోడల్‌ ఆఫీసర్‌ విజయేందర్‌రెడ్డి అన్నారు. నిమజ్జన ప్రాంతాలు, చెరువు కట్టలు, మున్నేరువాగు, వినాయక మండపాలను సోమవారం సందర్శించారు. ఈ సందర్భంగా ఆయన మాట్లాడుతూ... భారీ విగ్రహాలను తరలించే సమయంలో విద్యుత్‌ లైన్ల నుంచి ఎలాంటి ప్రమాదాలు జరగకుండా 8 మీటర్ల విద్యుత్‌ స్తంభాలను తొలగించి 11 మీటర్ల పోల్స్‌ వేసే పనులను వేగవంతం చేయాలని సూచించారు. నిమజ్జన మార్గాల్లో విద్యుత్‌ లైన్ల ఎత్తు, పోల్స్‌ స్థితి, లైన్‌ క్లియరెన్స్‌ అంశాలను ముందుగానే పరిశీలించి అవసరమైన చర్యలు చేపట్టాలని అధికారులకు సూచించారు. ఉత్సవ నిర్వాహకులు, ప్రజలు విద్యుత్‌ ప్రమాదాలకు గురికాకుండా జాగ్రత్తలు తీసుకోవాలని తెలిపారు. కార్యక్రమంలో డీఈ కోటేశ్వర్‌రావు, ఇన్‌చార్జ్‌ ఏడీఈ సంగీత, రూరల్‌ ఏఈ వెంకటేశ్వర్లు, ఏఈ హరీష్‌ పాల్గొన్నారు. విద్యుత్‌శాఖ నోడల్‌ ఆఫీసర్‌ విజయేందర్‌రెడ్డి

మహబూబాబాద్‌: కలెక్టరేట్‌లోని ప్రధాన సమావేశ మందిరంలో సోమవారం ప్రజావాణి ప్రారంభం కాగానే అదనపు కలెక్టర్‌ అనిల్‌కుమార్‌ వినతులు స్వీకరించారు. కాగా, గార్ల మండలం పెద్ద కిష్టాపురం సర్పంచ్‌ గంగావత్‌ రాంసింగ్‌.. గత సర్పంచ్‌ హయాంలో నిధులు దుర్వినియోగం అయ్యాయని, విచారణ చేయాలని వినతిపత్రం అందజేశారు. కాగా, అదనపు కలెక్టర్‌ ఆ వినతిని డీపీఓకు అందజేసి, సమస్యపై స్పందించాలని సూచించారు. దీంతో చాలాసార్లు వినతి ఇస్తే డీపీఓకు అందజేస్తున్నా రని, సమస్య పరిష్కారం కావడం లేదని సర్పంచ్‌ రాంసింగ్‌ వారితో వాగ్వాదం చేశారు. ఈక్రమంలో కలెక్టరేట్‌ ఏఓ పవన్‌ జోక్యం చేసుకోగా.. తాను అదనపు కలెక్టర్‌తో మాట్లాడుతుంటే మధ్యలో నీ జోక్యం ఎందుకు అని ఏఓతో సర్పంచ్‌ తీవ్ర వాగ్వాదం చేశారు. దీంతో పోలీసులు రాంసింగ్‌ను బలవంతంగా బయటికి పంపారు. ఈ సందర్భంగా సర్పంచ్‌ రాంసింగ్‌ మాట్లాడుతూ.. గత సర్పంచ్‌ కాలంలో రూ.8,82,000 నిధులు దుర్వినియోగమైనట్లు నిర్ధారణకావడంతో కార్యదర్శిని సస్పెండ్‌ చేశారన్నారు. కానీ, ఇంత వరకు ఆ నిధుల రికవరీ లేకపోవడంతో ఎంకై ్వరీ రిపోర్ట్‌ ఇవ్వడం లేదని, జాప్యం చేస్తున్నారన్నారు. కిందిస్థాయి అఽధికారుల వద్ద న్యాయం జరగకపోతేనే కలెక్టరేట్‌ ప్రజావాణికి వస్తే ఇక్కడ కూడా న్యాయం జరగడం లేదన్నారు. వినతులపై కలెక్టర్‌ సీరియస్‌గా తీసుకుంటే ప్రజావాణికి న్యాయం జరుగుతుందని ఆయన వేడుకున్నారు. అదనపు కలెక్టర్‌తో వాగ్వాదం చేసిన సర్పంచ్‌ ఆయనను బయటికి పంపిన పోలీసులు

మహబూబాబాద్‌: జిల్లాలో 231 అంగన్‌వాడీ పోస్టుల భర్తీకి గత నెల 25నుంచి ఈనెల 3వ తేదీ వరకు దరఖాస్తుల స్వీకరించారు. అలాగే, ఈనెల 7 నుంచి 19వ తేదీ వరకు అభ్యర్థుల సర్టిఫికెట్ల వెరిఫికేషన్‌ పూర్తి చేశారు. కాగా, పోస్టుల కోసం అభ్యర్థులు తమ కుటుంబ సభ్యుల ద్వారా రాజకీయ నాయకులతో పైరవీలు చేస్తున్నారు. అయితే పూర్తిగా ఆన్‌లైన్‌తో పాటు ఇంటర్వ్యూల ద్వారా పోస్టులు భర్తీ చేయనుండడంతో నాయకులు, ఎమ్మెల్యేలు కూడా ఏమీ చేయలేని పరిస్థితి నెలకొంది. కాగా, మెరిట్‌ ఉండి కొంత అనుకూలంగా ఉండే వారికై నా పోస్టులు ఇప్పించాలని నాయకులు జోరుగా పైరవీలు చేస్తున్నారు. 1,437 కేంద్రాలు.. జిల్లాలో 1,437 అంగన్‌వాడీ కేంద్రాలు ఉన్నాయి. కాగా, 1,309మంది టీచర్లు, 957మంది ఆయాలు, 49మంది సూపర్‌ వైజర్లు పని చేస్తున్నారు. టీచర్లు లేని సెంటర్లను ఇన్‌చార్జ్‌లతో నిర్వహిస్తున్నారు. ఎట్టకేలకు ప్రభుత్వం స్పందించి జిల్లాలో 231 పోస్టుల భర్తీకి గత నెల 24న నోటిఫికేషన్‌ విడుదల చేసింది. దానిలో 101టీచర్‌ పోస్టులు, 130 ఆయా పోస్టులు ఉన్నాయి. గత నెల 25నుంచి ఈనెల 3వరకు స్వీకరణ.. గత నెల 25నుంచి ఈనెల 3వ తేదీ వరకు అభ్యర్థుల నుంచి దరఖాస్తులను స్వీకరించారు. 101 టీచర్‌ పోస్టులకు 2,221 దరఖాస్తులు, 131ఆయా పోస్టులకు 919 దరఖాస్తులు వచ్చాయని అధికారులు తెలిపారు. ముగిసిన వెరిఫికేషన్‌.. ఈనెల 7నుంచి 19వ తేదీ వరకు సర్టిఫికెట్ల వెరిఫికేషన్‌ ప్రక్రియ పూర్తి చేశారు. దాని ప్రకారం టీచర్‌ పోస్టుల కోసం 1623 మంది అభ్యర్థులు వెరిఫికేషన్‌ చేసుకోగా 598 మంది హాజరుకాలేదు. ఆయా పోస్టులకు 747 మంది మాత్రమే వెరిఫికేషన్‌ చేసుకోగా, 172 మంది హాజరులేదు. స్థానికత తప్పనిసరి.. అంగన్‌వాడీ పోస్టుల భర్తీలో స్థానికత ప్రధానం. కానీ, కొందరు స్థానికేతరులు కూడా దరఖాస్తు చేస్తున్నారు. దీంతో దరఖాస్తుల సంఖ్య పెరిగినట్లు అధికారులు భావిస్తున్నారు. ప్రతీ ఒక్కరికి ఫోన్‌ చేస్తున్నారు. గైడ్‌లైన్స్‌ ప్రకారం వెరిఫికేషన్‌ జాబితా సిద్ధం చేస్తున్నారు. ఆ తర్వాత ఫిజికల్‌ వెరిఫికేషన్‌ చేసి జాబితా తయారు చేసి జీపీ కార్యాలయాల్లో ప్రదర్శించి అభ్యంతరాలు స్వీకరిస్తారు. ఆతర్వాత మరో జాబితా తయారు చేసి ఆన్‌లైన్‌ చేస్తారు. ఇంటర్వ్యూల ద్వారానే.. ఇంటర్వ్యూలో కమిటీ చైర్‌పర్సన్‌గా కలెక్టర్‌, మెంబర్లుగా డీఎంహెచ్‌ఓ, ఆర్డీఓ కన్వీనర్‌గా డీడబ్ల్యూఓ వ్యవహరిస్తారు. ఇంటర్‌ మెరిట్‌కు 70శాతం మార్కులు, వితంతువుకు 5శాతం, అనాథకు 10 శాతం, దివ్యాంగులైతే 5 మార్కులు వేస్తారు. అలాగే ఇంటర్వ్యూ మెరిట్‌ ఆధారంగా అభ్యర్థులను ఎంపిక చేస్తారు. ఆన్‌లైన్‌ కావడంతో అభ్యర్థుల వివరాలన్నీ బహిర్గతంగానే ఉంటాయి. ఆవిషయంలో ఎవరూ ఏమీ చేయలేరు. కాగా, అధికార పార్టీ నాయకుల చుట్టూ కొంత మంది అభ్యర్థులు తిరుగుతున్నారు. రూ.లక్ష నుంచి రూ.1.5లక్షల వరకు పెట్టేందుకు అభ్యర్థులు సిద్ధమవుతున్నట్లు సమాచారం. కానీ, ఆన్‌లైన్‌, ఇంటర్వ్యూ పద్ధతిన పోస్టుల భర్తీ చేయనుండడంతో పైరవీ అంతా సులువుగా కనిపించడం లేదు. కలెక్టర్‌ చైర్‌పర్సన్‌ కావడంతో ప్రక్రియ అంతా పారదర్శకంగా జరుగుతుందని అధికారులు చెబుతున్నారు. నాయకులు మాత్రం వారి అభ్యర్థులకు పోస్టులు ఇప్పించేందుకు ప్రయత్నాలు జోరుగా చేస్తున్నారు. ముగిసిన అంగన్‌వాడీ అభ్యర్థుల సర్టిఫికెట్ల వెరిఫికేషన్‌ పకడ్బందీగా కొనసాగుతున్న ప్రక్రియ పారదర్శకంగా భర్తీ చేసేందుకు అధికారుల కసరత్తు

ములుగు: పాఠశాలలకు సెలవులు వచ్చాయంటే చాలు.. పిల్లల ఆటలు తల్లిదండ్రులకు కంటిమీద కునుకు లేకుండా చేస్తున్నాయి. చెరువులు, కుంటలు, ఫాంపాండ్‌లు ప్రమాదకరంగా ఉండడంతో విద్యార్థులు మృత్యువాత పడుతున్నారు. కేవలం 20 రోజుల వ్యవధిలోనే నలుగురు విద్యార్థులు నీటిలో పడి మృతి చెందడం జిల్లాలో కలకలం రేపుతోంది. ఒకే కుటుంబానికి చెందిన ఇద్దరు అక్కాచెల్లెళ్లు ఫాంపాండ్‌లో పడి మృతి చెందగా.. అంతకుముందు గణేశ్‌లాల్‌పల్లిలో అన్నదమ్ములు బహిర్భూమికి వెళ్లి మొండి కుంటలో పడి ప్రాణాలు కోల్పోయారు. చెల్లిని కాపాడబోయి అక్కా, తమ్ముడిని కాపాడబోయి అన్న నీటికుంటలలో పడి మృతిచెందడంతో ఆయా కుటుంబాల్లో విషాదఛాయలు నెలకొన్నాయి. అల్లారుముద్దుగా పెంచుకున్న పిల్లలు కళ్లముందే కన్నుమూయడంతో తల్లిదండ్రులు శోకసముద్రంలో మునిగిపోతున్నారు. జిల్లాలో జరుగుతున్న వరుస విషాదాలతో విద్యార్థుల తల్లిదండ్రులు తీవ్ర భయాందోళనకు గురవుతున్నారు. ఫాంపాండ్‌లో పడి అక్కాచెల్లెళ్లు.. తాజాగా ఆదివారం ములుగు మండలం కాసిందేవిపేటలో మరో విషాదం చోటుచేసుకుంది. గ్రామానికి చెందిన సీపీఐ నాయకుడు మహ్మద్‌ అమ్జద్‌పాషా తన కుటుంబ సభ్యులతో కలిసి పత్తి చేనులో పురుగుల మందు పిచికారీ చేసేందుకు వెళ్లారు. తండ్రి వెంట కుమార్తెలు సమ్యాన్‌ (19), ఆసియా (10) పొలానికి వెళ్లారు. తండ్రి పొలంలో పనిచేస్తుండగా.. సాయంత్రం నాలుగు గంటల సమయంలో ఇద్దరు అక్కాచెల్లెళ్లు సమీపంలోని పంట సాగునీటి నిల్వ కోసం తవ్విన ఫాంపాండ్‌(గుంత) వద్దకు వెళ్లారు. కొద్దిసేపటి తర్వాత వారు కనిపించకపోవడంతో తల్లిదండ్రులు చుట్టుపక్కల వెతికారు. చివరకు ఫాంపాండ్‌ వద్దకు వెళ్లి చూడగా ఇద్దరూ నీటిలో మునిగిపోయినట్లు గుర్తించారు. వెంటనే బయటకు తీసి కాపాడేందుకు ప్రయత్నించినా.. అప్పటికే ఇద్దరూ ప్రాణాలు కోల్పోయారు. కలిసిరాని అదివారం.. రెండు కుటుంబాలు, నలుగురు విద్యార్థులు.. అదివారం సెలవుదినం కావడంతో అమ్మమ్మ ఇంటివద్ద ఉండి ఇద్దరూ.. తండ్రితో పొలం వద్దకు వెళ్లి మరో ఇద్దరూ మృత్యువాత పడ్డారు. వరుస ఘటనలతో జిల్లాలోని తల్లిదండ్రుల్లో ఆందోళన నెలకొంది. ఇప్పటికై నా సంబంధిత ఉన్నతాధికారులు స్పందించి జిల్లాలో ముఖ్యంగా ప్రమాదకర నీటి వనరుల వద్ద హెచ్చరిక బోర్డులు ఏర్పాటు చేయడంతో పాటు.. పాఠశాలల సెలవుల సమయంలో విద్యార్థులకు నీటి ప్రమాదాలపై అవగాహన కల్పించాల్సిన అవసరం ఉంది. ఈ మేరకు కాసిందేవిపేటలో అక్కాచెల్లెళ్ల మృతి విషయాన్ని తెలుసుకున్న మంత్రి సీతక్క ఫోన్‌లో కుటుంబసభ్యులతో మాట్లాడారు. ఇద్దరు పిల్లలను కోల్పోయిన అమ్జద్‌పాషాకు ధైర్యం చెబుతూ కుటుంబానికి అండగా ఉంటానని భరోసా ఇచ్చారు. జిల్లా గ్రంథాలయ సంస్థ చైర్మన్‌ బానోత్‌ రవిచందర్‌, ములుగు ఆస్పత్రిలో ఉన్న పిల్లల మృతదేహాలకు నివాళులర్పించారు.విద్యార్థులను మింగేస్తున్న కుంటలు, చెరువులు 20 రోజుల్లోనే నలుగురు విద్యార్థుల మృత్యువాత ఒకే కుటుంబానికి చెందిన అన్నదమ్ములు, అక్కాచెల్లెళ్లను మింగేసిన నీటికుంటలుఅన్నదమ్ముల మృతితో రెండు గ్రామాల్లో విషాదం ములుగు మున్సిపాలిటీ పరిధిలోని గణేశ్‌లాల్‌పల్లిలో గత నెల ఆగస్టు 30న మొండికుంటలో పడి అన్నదమ్ములు మృతిచెందారు. మంగపేట మండలం కమలాపురం గ్రామానికి చెందిన మాలోతు స్వాతి తమ పిల్లలు వినయ్‌ (15), రాజేశ్‌ (12)లను తీసుకుని గణేశ్‌లాల్‌పల్లిలోని తన సోదరునికి రాఖీ కట్టేందుకు వచ్చింది. వరుసగా సెలవులు ఉండడంతో పిల్లలను అక్కడే ఉన్న అమ్మమ్మ ఇంటి వద్ద ఉంచి స్వగ్రామానికి వెళ్లిపోయింది. ఆగస్టు 30(ఆదివారం సాయంత్రం)న బహిర్భూమికి వెళ్లిన సమయంలో ప్రమాదవశాత్తు కుంటలో పడిన సోదరుడు రాజేశ్‌ను కాపాడబోయి వినయ్‌ సైతం కుంటలో పడిపోయాడు. ఈత రాకపోవడంతో ఇద్దరూ నీటిలో మునిగి ప్రాణాలు కోల్పోయారు.

తొర్రూరు: తొర్రూరు పట్టణంలో కుక్కలు స్వైర విహారం చేస్తున్నాయి. వాటి సంతతి ఇబ్బడిముబ్బ డిగా పెరుగుతోంది. వీధుల్లో సంచరిస్తూ పాదచారులు, వాహనదారుల వెంటపడుతూ హడలెత్తిస్తున్నాయి. మహిళలు, వృద్ధులు, పిల్లలపై దాడి చేసి గాయపరుస్తున్నాయి. ఒంటరిగా వీధుల్లోకి రావాల ంటే పట్టణ ప్రజలు భయపడే పరిస్థితులున్నాయి. వీధి కుక్కల నియంత్రణకు, రేబిస్‌ కేసుల తగ్గింపు కోసం 2023లో గత ప్రభుత్వం తొర్రూరు మున్సిపాలిటీలో రూ.20 లక్షలతో ఎనిమల్‌ బర్త్‌ కంట్రోల్‌ (ఏబీసీ) కేంద్రాన్ని నిర్మించింది. వీటిలో శునకాలకు సంతాన నియంత్రణ శస్త్ర చికిత్సలు చేయాల్సి ఉండగా.. దాన్ని విస్మరించారు. ఏబీసీ సెంటర్‌ నిర్మించిన కొద్ది రోజులకే ఆపరేషన్లు నిలిపివేసి నిరుపయోగంగా మార్చారు. ఫలితంగా శునకాల సంతతి పెరిగిపోయి సమస్య రోజురోజుకూ తీవ్రమవుతోంది. నిరుపయోగంగా.. తొర్రూరులో పశువుల సంత సమీపంలో రూ.20 లక్షలతో ఏబీసీ సెంటర్‌ నిర్మించారు. 2023 ఆగస్టు వరకు సేవలు కొనసాగాయి. 200 కుక్కలకు జనన నియంత్రణ ఆపరేషన్లు చేశారు. ఒక్కో శునకానికి రూ.1,850 చొప్పున.. 200 శునకాలకు రూ.3.70 లక్షలు వెచ్చించినట్లు అధికారుల గణాంకాలు తెలుపుతున్నాయి. పశువైద్యులు అందుబాటులో లేకపోవడంతో ఆపరేషన్లు నిలిచిపోయాయని అధికారులు పేర్కొంటున్నారు. స్థానిక ప్రభుత్వ ఆస్పత్రికి నెలకు సుమారు 50 కుక్క కాటు బాధిత కేసులు వస్తున్నాయి. స్థానిక ప్రభుత్వ ఆస్పత్రికి ఈ ఏడాది జనవరి నుంచి ఆగస్టు వరకు 450 కేసులు వచ్చినట్లు వైద్యాధికారులు తెలిపారు. పలు కారణాలతో మూడేళ్లుగా ఆపరేషన్లు నిలిచిపోవడంతో ఏబీసీ కేంద్రం నిరుపయోగంగా మారింది. గడ్డి, పిచ్చి మొక్కలతో పరిసరాలు అధ్వానంగా మారా యి. పందులు, పశువులకు కేంద్రం ఆవాసంగా మారింది. రాత్రి వేళల్లో మందుబాబులకు, అసాంఘిక కార్యకలాపాలకు కేంద్రం అడ్డాగా మారిందని స్థానికులు ఆరోపిస్తున్నారు. తొర్రూరులో నిత్యం ఏదో ఒక కాలనీలో స్థానికులు కుక్క కాటుకు గురవుతున్నా.. ఏబీసీ సెంటర్‌లో కుక్కలకు శస్త్ర చికిత్సలు జరపడంలో అధికారులు అలసత్వం వహిస్తున్నారు. బాధ్యతే అయినా.. కుక్కల నియంత్రణ బాధ్యత మున్సిపాలిటీది అయినప్పటికీ సిబ్బంది కొరత, ఇతర కారణాలతో పట్టించుకోవడం లేదు. ప్రత్యేక సమయాల్లో ఒప్పంద పద్ధతుల్లో సిబ్బందిని నియమించుకునే ప్రతిపాదన ఉన్నా.. ఆ దిశగా ఎక్కడా ఆలోచించడం లేదు. వాటిని పట్టి తీసుకెళ్లే వాహనాలు సైతం లేవు. సంతాన నియంత్రణ చర్యలు అసలు జరగడం లేదు. శునకాల సమస్య తీవ్రతను బట్టి ఏటా రూ.5 లక్షల వరకు ఖర్చు చేసే వెసులుబాటు ఉంటుంది. ప్రతీ నాలుగు నెలలకు ఒకసారి యాంటీ రేబిస్‌ టీకాలు వేయించాలి. కానీ, ఈ ప్రక్రియ సక్రమంగా జరగకపోవడం ఇబ్బందిగా మారింది. ఆపరేషన్లు చేసేందుకు చర్యలు కుక్కల సంతానోత్పత్తిని తగ్గించేందుకు ఎనిమల్‌ బర్త్‌ కంట్రోల్‌ సెంటర్‌లో కుక్కలకు ఆపరేషన్లు నిర్వహించేలా చర్యలు చేపడతాం. ఇప్పటికే పశు వైద్యశాఖ ఉన్నతాధికారులతో మాట్లాడాం. ఏజెన్సీ ద్వారా ఆపరేషన్లు చేపట్టేందుకు తీర్మానం చేశాం. ఏబీసీ సెంటర్‌ను వినియోగంలోకి తెస్తాం. –వి. శ్యాంసుందర్‌, మున్సిపల్‌ కమిషనర్‌సమాచారం మున్సిపాలిటీ తొర్రూరు వార్డులు 16 ఇళ్లు 6,756 జనాభా 30 వేలు శునకాలు 1200 పెంపుడు శునకాలు 450 కుక్కల్లో సంతాన నియంత్రణ చర్యలు కరువు తొర్రూరులో నిరుపయోగంగా ఏబీసీ సెంటర్‌ పశు వైద్యులు లేరనే సాకు చూపుతున్న మున్సిపాలిటీ శునకాల దాడులతో జనం బెంబేలు

● పశ్చిమ ఎమ్మెల్యే నాయిని రాజేందర్‌రెడ్డి విద్యారణ్యపురి: రాష్ట్రంలో ప్రైవేట్‌ టీచర్లకు ప్రభుత్వం సంక్షేమ పథకాలు వర్తింపజేస్తోందని వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి అన్నారు. తెలంగాణ ఆల్‌ ప్రైవేట్‌ టీచర్స్‌ అసోసియేషన్‌ (టీపీటీఏ) బాధ్యులు హనుమకొండలోని ఓ కన్వెన్షన్‌హాల్‌లో ఉత్తమ ప్రైవేట్‌ ఉపాధ్యాయులకు ఆదివారం సన్మాన కార్యక్రమం నిర్వహించారు. ముఖ్య అతిథిగా ఆయన హాజరై మాట్లాడుతూ ప్రైవేట్‌ ఉపాధ్యాయుల సమస్యలను సీఎం దృష్టికి తీసుకెళ్తానని హామీ ఇచ్చారు. డాక్టర్‌ కూరపాటి రమేశ్‌, డాక్టర్‌ రాధిక మాట్లాడుతూ ఇప్పటికే తమ ఆస్పత్రి నుంచి ప్రైవేట్‌ టీచర్లకు ఉచిత హెల్త్‌కార్డులు ఇచ్చామన్నారు. టీపీటీఏ వ్యవస్థాపక రాష్ట్ర అధ్యక్షుడు చందర్‌లాల్‌నాయక్‌చౌహాన్‌ మాట్లాడుతూ ప్రైవేట్‌ ఉపాధ్యాయులను కూడా ఉపాధ్యాయ దినోత్సవం రోజున సన్మానించాలని కోరారు. అనంతరం తెలంగాణతోపాటు వివిధ రాష్ట్రాలకు చెందిన ఉత్తమ ప్రైవేట్‌ ఉపాధ్యాయులను సన్మానించారు. హనుమకొండ ఎంఈఓ నెహ్రూ, కాజీపేట ఎంఈఓ బి.మనోజ్‌కుమార్‌, సామాజికవేత్త చిలువేరు శంకర్‌, ఏపీ ప్రైవేట్‌ టీచర్స్‌ అసోసియేషన్‌ అధ్యక్షుడు కొదండరామిరెడ్డి, జనరల్‌ సెక్రటరీ చంద్రశేఖర్‌, కన్వీనర్‌ కేటీ నాయుడు, టీపీటీఏ హనుమకొండ జిల్లా అధ్యక్షుడు చందుప్రకాశ్‌, వరంగల్‌ జిల్లా అధ్యక్షుడు ఆ డెపు చంద్రమోహన్‌, రాష్ట్ర ఉపాధ్యక్షుడు వల్లాల ముకుందం, బాధ్యులు మెడి ప్రభాకర్‌, మహిళా అ ధ్యక్షురాలు రాపర్తి సుజాత, కార్యదర్శి ఆస్మబేగం, జిల్లా ఉపాధ్యక్షులు టి.సంపత్‌, రహీంఖాన్‌, అనిశెట్టి నరేశ్‌, మురళి, డోలి రాజు, రమేశ్‌ తదితరులు పాల్గొన్నారు.

● తెలంగాణ ఉద్యమకారుల ఐక్యవేదిక రాష్ట్ర చైర్మన్‌ గుడిమళ్ల రవికుమార్‌హన్మకొండ చౌరస్తా: స్వరాష్ట్ర సాధన కోసం ఎన్నో త్యాగాలు చేసినా, మలిదశ, తొలిదశ ఉద్యమకారుల్లో తెలంగాణ వచ్చిన సంతోషం కొంచెం కూడా కనిపించడం లేదని తెలంగాణ ఉద్యమకారుల ఐక్యవేదిక రాష్ట్ర చైర్మన్‌, ప్రముఖ న్యాయవాది గుడిమళ్ల రవికుమార్‌ ఆవేదన వ్యక్తం చేశారు. హనుమకొండ కాకతీయ కాలనీలోని ఐక్యవేదిక కార్యాలయంలో ఆదివారం ఏర్పాటు చేసిన సమావేశం ఆయన మాట్లాడారు. ఈనెల 17న ఉద్యమకారుల ఓదార్పు యాత్రను ప్రారంభించామన్నారు. ప్రతిరోజు 25 మంది ఉద్యమకారుల కుటుంబాల కలిసి వారి స్థితిగతులను తెలుసుకుంటున్నామని వివరించా రు. ఉద్యమకారుల ఆత్మగౌరవం, అస్తిత్వం కోసమే యాత్ర చేస్తున్నామని, ఏ పార్టీకి తాము వ్యతిరేకం కాదని స్పష్టం చేశారు. ఓదార్పు యాత్ర ముగిసేసరికి ప్రతి ఉద్యమకారుడికి సంక్షేమ పథకాలు అందేలా చూడాలని ప్రభుత్వానికి విజ్ఞప్తి చేశారు.

తొర్రూరు: అది పేదల అవసరాలు తీర్చుతున్న దయగల గోడ. ఒక్క రూపాయి తీసుకోకుండా సేవలు అందిస్తోంది. ఈ గోడ పట్టణంలోని పోలీస్‌ స్టేషన్‌ సమీపంలోని లయన్స్‌క్లబ్‌ భవనం వద్ద ఉంది. సాధారణంగా ఉద్యోగులు, సంపన్న వర్గాల వారు ఇళ్లలో పాత వస్తువులు, సైజు తేడా ఉన్న దుస్తులు తదితరాలను పడవేస్తుంటారు. తొర్రూరు వాసులు మాత్రం అలాంటి వాటిని ‘దయగల గోడ’ వద్ద ఉంచుతున్నారు. వాటిని పేదలు ఉచితంగా తీసుకెళ్తున్నారు. తాజాగా లయన్స్‌క్లబ్‌ ప్రతినిధులు క్లబ్‌ భవనం పక్కన దీనిని ఏర్పాటు చేశారు. ‘ మీకు అవసరమైనవి తీసుకుని వెళ్లండి, మీకు వినియోగం లేనివి ఇక్కడ ఉంచండి’ అని అవగాహన కల్పించే విధంగా రాశారు. ఈ ప్రయత్నం మంచి ఫలితాన్నిస్తోంది. దినసరి కూలీలు, కార్మికులు, ఎలాంటి భరోసా లేని వారికి ఈ గోడ కల్పతరువుగా మారింది.

గీసుకొండ: మద్యం మత్తులో విచక్షణ కోల్పోయిన ఓ అన్న తన సొంత తమ్ముడిని కత్తితో పొడిచి చంపిన ఘటన గ్రేటర్‌ వరంగల్‌ 16వ డివిజన్‌ గరీబ్‌నగర్‌లో శనివారం రాత్రి చోటుచేసుకుంది. గీసుకొండ సీఐ విశ్వేశ్వర్‌ తెలిపిన వివరాల ప్రకారం.. గరీబ్‌నగర్‌కు చెందిన ఏలుబాక రాజయ్య,సుజాత దంపతులకు ముగ్గురు కుమారులు ఉండగా రాజయ్యతో పాటు వారి పెద్ద కుమారుడు గతంలో అనారోగ్యంతో మృతి చెందారు. రెండో కుమారుడు ఎలుబాక ప్రవీణ్‌ వెల్డింగ్‌ పనులు చేస్తూ కీర్తినగర్‌లో ఉంటుండగా అతడి తమ్ముడు ప్రసాద్‌(31) వెల్డింగ్‌ పనులు చేస్తూ గరీబ్‌నగర్‌లో నివాసం ఉంటున్నాడు. నిందితుడు ప్రవీణ్‌ తరచుగా గరీబ్‌నగర్‌కు వెళ్లి తమ్ముడితో గొడవపడేవాడు. తన తమ్ముడి వద్ద ఉంటున్న తల్లి సుజాత వద్దకు వెళ్లి మద్యం తాగడానికి డబ్బులు అడిగే వాడు. అయితే నెలరోజులుగా తమ్ముడు పనికి వెళ్లకుండా ఇంటివద్దే ఉంటున్నాడని, డబ్బులు ఎలా వస్తాయంటూ అతడికి తల్లి నచ్చజెప్పేది. శనివారం రాత్రి ప్రవీణ్‌ అతిగా మద్యం సేవించి తమ్ముడు (ప్రసాద్‌) ఇంటికి వెళ్లి గొడవపడ్డాడు. పనికి ఎందుకు వెళ్లడం లేదంటూ మందలించడమే కాకుండా ఆవేశంతో వెంట తెచ్చుకున్న కత్తితో తమ్ముడి వీపు, ఛాతి ఎడవవైపు, ఎడమ భుజం వద్ద పొడవడంతో తీవ్ర రక్తస్రావమై అక్కడికక్కడే మృతి చెందాడు. ఆదివారం మృతుడి తల్లి సుజాత ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు సీఐ తెలిపారు. నిందితుడు పరారీలో ఉన్నాడని, అతడిని పట్టుకోవడానికి ప్రత్యేకంగా గాలింపు బృందాలను ఏర్పాటు చేసినట్లు సీఐ పేర్కొన్నారు.

సాక్షి ప్రతినిధి, వరంగల్‌: వరుణుడు ముఖం చాటేసినా.. రైతు మాత్రం సాగును వీడలేదు. చినుకు కోసం ఆకాశం వైపు చూస్తూనే.. పంటను కాపాడుకునేందుకు చెమటోడుస్తున్నాడు. వర్షాభావం, కరెంట్‌ కోతలు వెంటాడుతున్నా పంటలు పండుతాయనే ధీమాతో ఉన్నాడు. ప్రతికూల పరిస్థితుల్లో రైతులను కదిలిస్తే చాలు కన్నీళ్లే వస్తున్నాయి. ఉమ్మడి వరంగల్‌లో ఈ వానాకాలం పరిస్థితి దారుణంగా మారింది. వ్యవసాయశాఖ తాజా గణాంకాలు సాగు పరిస్థితి, రైతు పట్టుదలకు అద్దం పడుతోంది. ఆరు జిల్లాల్లో సాధారణ సాగు విస్తీర్ణం 15.93 లక్షల ఎకరాలు కాగా.. గురువారం నాటికి 14.34 లక్షల ఎకరాల్లో పంటలు సాగయ్యాయి. అంటే దాదాపు 90 శాతం సాగు పూర్తయింది. ఇదే సమయంలో సాధారణంగా కురవాల్సిన 4,763.6 మిల్లీమీటర్ల వర్షపాతానికి 3,51 6.9 మిల్లీమీటర్లు మాత్రమే నమోదైంది. మొత్తంగా 26.2 శాతం లోటు వర్షపాతం నెలకొంది. పత్తి వైపే రైతు మొగ్గు జయశంకర్‌ భూపాలపల్లి జిల్లాలో సాధారణ సాగు విస్తీర్ణాన్ని మించి 102 శాతం సాగు నమోదవడం గమనార్హం. ములుగు జిల్లాలో మాత్రం 80 శాతంతో అత్యల్ప సాగు నమోదైంది. వర్షాభావ ప్రభావం వరి సాగుపై స్పష్టంగా కనిపిస్తోంది. ఆరు జిల్లాల్లో వరి సాధారణ సాగు విస్తీర్ణం 9,21,445 ఎకరాలు కాగా.. ఇప్పటివరకు 6,77,538 (73.5 శాతం) ఎకరాల్లోనే సాగైంది. నీటి లభ్యతపై అనిశ్చితి, వర్షాల కొరత కారణంగా వరి సాగు సాధారణ లక్ష్యానికి ఇంకా దూరంగానే ఉంది. సాగునీటి వనరులపై ఎక్కువగా ఆధారపడే పంట కావడంతో నీటి పరిస్థితిని బట్టి రైతులు నిర్ణయాలు తీసుకుంటున్నారు. మరోవైపు పత్తి సాగు మాత్రం సాధారణ లక్ష్యాన్ని దాటింది. ఉమ్మడి వరంగల్‌లో పత్తి సాధారణ సాగు విస్తీర్ణం 5,54,387 ఎకరాలు కాగా.. 5,62, 162 (101.4 శాతం) ఎకరాల్లో సాగైంది. పప్పుధాన్యాల సాధారణ సాగు విస్తీర్ణం 10,18,774 ఎకరాలు కాగా.. ఇప్పటివరకు 8,48,193 (83.3 శాతం) ఎకరాల్లో సాగు నమోదైంది. చినుకు కోసం ఎదురుచూపు.. వర్షాలు ఆశించిన స్థాయిలో లేకపోవడంతో రైతులు వర్షం కోసం ఎదురుచూస్తున్నారు. బోర్లు, బావులు, ఇతర నీటి వనరుల సాయంతో పంటలను కాపాడుకునేందుకు ప్రయత్నిస్తున్నారు. వర్షాభావం అధికంగా ఉన్న హనుమకొండ, వరంగల్‌ జిల్లాల్లో పరిస్థితి మరింత ఆందోళనకరంగా ఉంది. హనుమకొండలో సాధారణ వర్షపాతం 730.1 మిల్లీమీటర్లు కాగా 422.9 మిల్లీమీటర్లు మాత్రమే నమోదై 42.1 శాతం లోటు ఏర్పడింది. వరంగల్‌లో సాధారణ వర్షపాతం 773.6 మిల్లీమీటర్లు కాగా 484 మిల్లీమీటర్లు నమోదై 37.4 శాతం లోటు కనిపించింది. వర్షాభావ ప్రభావం భూగర్భజలాలపైనా కనిపిస్తోంది. ఈ నెల మొదటి పక్షం నాటికి జిల్లాలవారీగా భూగర్భజల మట్టం ఇలా నమోదైంది.. జయశంకర్‌ భూపాలపల్లి జిల్లాలో 10.22 మీటర్ల లోతు కాగా, జనగామలో 9.50 మీటర్లు, హనుమకొండలో 6.83 మీటర్లుగా నమోదైంది. అలాగే, వరంగల్‌లో 6.28 మీటర్లు, ములుగులో 5.13 మీటర్లు, మహబూబాబాద్‌ జిల్లాలో 4.70 మీటర్లుగా భూగర్భ జలమట్టం ఉంది. ఒకవైపు 26.2 శాతం వర్షాభావం.. మరోవైపు 90 శాతానికి చేరిన సాగు. వరి సాగు లక్ష్యానికి ఇంకా దూరంగా ఉన్నా.. పత్తి మాత్రం సాధారణ విస్తీర్ణాన్ని దాటింది. ఇక అప్పుల పాలే..మూడెకరాల భూమిలో వరి పంట సాగు చేశాను. ఇప్పటి వరకు సుమారు రూ.75 వేల పెట్టుబడి పెట్టాను. ప్రస్తుతం వరి పంట కీలకమైన పొట్ట దశకు చేరుకుంది. కరెంట్‌ కోత, వర్షాభావం వల్ల తగినంత నీరు అందడం లేదు. కరెంట్‌ రోజుకు కేవలం 9 గంటలు మాత్రమే సరఫరా అవుతోంది. రెండు బోర్లు నడుస్తున్నా పారడం లేదు. పరిస్థితి ఇలాగే ఉంటే పంట చేతికందక అప్పుల పాలు కావాల్సిందే. – బండారి నరేశ్‌, బచ్చన్నపేట రైతుసాధారణ సాగు90%ఇప్పటివరకు సాగు91%85%89%102%80%3,59,281 3,26,548 2,81,943 2,39,6722,38,964 2,13,435భూపాలపల్లిములుగుజనగామమహబూబాబాద్‌ హనుమకొండ వానాకాలంపై వరుణుడి చిన్నచూపు వర్షాభావం, కరెంట్‌ కోతలతో రైతులు సతమతం ఆరు జిల్లాల్లో 26.2 శాతం వర్షాభావం 14.34 లక్షల ఎకరాల్లో పంటలు ఉమ్మడి వరంగల్‌లో 90 శాతం సాగు3,71,318 3,34,4792,11,670 2,14,9731,29,824 1,04,485

పూల కోసం వెళ్లి బావిలో పడి బాలుడు..ఖానాపురం: వినాయకుడి పూజకు పూలు కోసేందుకు వెళ్లిన 17 ఏళ్ల బాలుడు ప్రమాదవశాత్తు వ్యవసాయ బావిలో పడి మృతి చెందిన విషాద ఘటన ఖానాపురం మండలం చిలుకమ్మతండాలో ఆదివారం చోటు చేసుకుంది. పోలీసులు, కుటుంబ సభ్యులు తెలిపిన వివరాల ప్రకారం.. చిలుకమ్మ తండాకు చెందిన బానోత్‌ రమేశ్‌–సరిత దంపతుల కుమారుడు విజయ్‌(17) కూలి పని చేసుకుంటూ కుటుంబానికి చేదోడువాదోడుగా ఉంటున్నాడు. ఆదివారం తండాలో ఏర్పాటు చేసిన వినాయక మండపం వద్ద అన్నదాన కార్యక్రమంలో పాల్గొన్నాడు. అనంతరం వినాయకుడికి పూలమాల వేసేందుకు పూలు కోసుకురావడానికి స్నేహితుడితో కలిసి తండా శివారులోని ఓ రైతు వ్యవసాయ బావి వద్దకు వెళ్లాడు. బావి ఒడ్డున ఉన్న పూల చెట్టు నుంచి పూలు కోస్తుండగా విజయ్‌ ప్రమాదవశాత్తు అదుపుతప్పి బావిలో పడిపోయాడు. ఇది గమనించిన స్నేహితుడు వెంటనే తండా వాసులకు సమాచారం అందించాడు. వారు అక్కడికి చేరుకుని విజయ్‌ను బావిలో నుంచి బయటకు తీసే సరికి అప్పటికే అతడు మృతి చెందాడు. ఈ విషయం తెలుసుకున్న కుటుంబ సభ్యులు కన్నీరుమున్నీరయ్యారు. విజయ్‌ తండ్రి రమేశ్‌ గతంలోనే మృతి చెందాడు. ఇప్పుడు కుమారుడు విజయ్‌ చనిపోవడంతో ఆ కుటుంబం పెద్ద దిక్కును కోల్పోయింది. దీంతో చిలుకమ్మతండాలో విషాదఛాయలు అలుముకున్నాయి. మృతుడికి తల్లి సరిత, ఒక సోదరి ఉన్నారు. సమాచారం అందుకున్న ఎస్సై రామ్మోహన్‌ సంఘటనా స్థలానికి చేరుకుని ప్రమాదానికి గల కారణాలను స్థానికులను అడిగి తెలుసుకున్నారు. అనంతరం మృతదేహాన్ని పోస్టుమార్టం నిమిత్తం నర్సంపేట ప్రభుత్వ ఆస్పత్రికి తరలించారు. ఈ ఘటనపై మృతుడి కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేయనున్నట్లు ఎస్సై తెలిపారు. ఇంట్లో జారిపడి వ్యక్తి ..లింగాలఘణపురం: జనగామ జిల్లా లింగాల ఘణపురం మండలంలోని నెల్లుట్లలో ఆదివారం గొరిగె శ్రీశైలం (51) ప్రమాదవశాత్తు ఇంట్లో జారిపడి తలకు గాయాలై మృతి చెందినట్లు పోలీసులు తెలిపారు. మృతుడు శ్రీశైలానికి ఇటీవల కాలికి గాయం కావడంతో ఆస్పత్రిలో చికిత్స పొంది ఇంట్లోనే ఉంటున్నాడు. శనివారం రాత్రి బాత్‌రూమ్‌కు వెళ్తూ ఇంట్లో జారిపడ్డాడు. కుటుంబ సభ్యులు లేచి చూడగా తలకు గాయాలై ఉండడంతో జనగామ ఏరియా ఆస్పత్రికి తరలించగా అప్పటికే మృతి చెందినట్లు వైద్యులు చెప్పడంతో వారి రోదనలు మిన్నంటాయి. మృతుడికి భార్య, ఇద్దరు పిల్లలు ఉన్నారు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు జరుపుతున్నారు. అనుమానాస్పద స్థితిలో వ్యక్తి ..కాజీపేట: కాజీపేట పట్టణం బాపూజీనగర్‌ చౌరస్తా సమీపంలో గుర్తు తెలియని వ్యక్తి అనుమానాస్పద స్థితిలో ఆదివారం మృతి చెందినట్లు ఎస్సై శివ తెలిపారు. ఎస్సై కథనం ప్రకారం.. ప్రధాన రహదారి పక్కన సదరు వ్యక్తి మృతి చెంది ఉండగా గుర్తించిన ఎలక్ట్రానిక్‌ రిపేర్‌ షాపు యజమాని కొలువుల లక్ష్మయ్య చూసి పోలీస్‌ స్టేషన్‌లో ఫిర్యాదు చేశాడు. ఘటనా స్థలాన్ని సందర్శించి పోలీసులు కేసు నమోదు చేసినట్లు ఎస్సై తెలిపారు. మృతుడి వయస్సు 60ఏళ్లకు పైబడి ఉంటుందని, తెల్లని అంగీ, తెల్లని పంచె, తెల్లని గడ్డం కలిగి ఉన్నట్లు గుర్తించామన్నారు. మృతదేహాన్ని ఎంజీఎం ఆస్పత్రిలోని మార్చురీకి తరలించి భద్రపర్చినట్లు తెలిపారు. మృతుడికి సంబంధించిన వివరాలు ఎవరికై నా తెలిస్తే 87125–52333 నంబర్‌కు ఫోన్‌ చేయాలని ఆయన కోరారు. చికిత్స పొందుతూ వృద్ధుడు..ఖిలా వరంగల్‌: ఎంజీఎం ఆస్పత్రిలో చికిత్స పొందుతూ వృద్ధుడు మృతి చెందినట్లు వరంగల్‌ జీఆర్పీ ఇన్‌స్పెక్టర్‌ నరేశ్‌కుమార్‌ తెలిపారు. ఆయన కథనం ప్రకారం.. వరంగల్‌ చింతల్‌ ఫ్‌లైఓవర్‌ బ్రిడ్జి సమీపంలో ఈనెల 8న ఉదయం 11.30 గంటలకు ఎలియా (60)ను గూడ్స్‌ రైలు ఢీకొంది. దీంతో ఆతడు తీవ్ర గాయాలతో ఎంజీఎం ఆస్పత్రిలో చికిత్స పొందుతూ శనివారం రాత్రి మృతిచెందాడు. మృతుడి దగ్గర ఎలాంటి ఆధారాలు లభించలేదు. మృతదేహాన్ని ఎంజీఎం మార్చరీలో భద్రపర్చినట్లు, సమాచారం కోసం 9440361941, 8712658627 నంబర్లలో సంప్రదించాలని ఆయన సూచించారు. కేసు నమోదు చేసి దర్యాప్తు చేస్తున్నట్లు జీఆర్పీ ఇన్‌స్పెక్టర్‌ నరేశ్‌కుమార్‌ తెలిపారు. తలసేమియాతో బాలుడు.. గణపురం: తలసేమియా వ్యాధి తో బాధపడుతూ జయశంకర్‌ భూపాలపల్లి జిల్లా గణపురం మండలం మైలారంకు చెందిన ఇండ్ల రజిత,సది దంపతుల కుమారుడు సతీశ్‌కుమార్‌(5) ఆస్పత్రిలో చికిత్స పొందుతూ శనివారం రాత్రి మృతిచెందాడు. కుటుంబ సభ్యుల కథనం ప్రకారం.. ౖగ్రామానికి చెందిన రజిత, సది దంపతులకు కవల పిల్లలు సతీశ్‌కుమార్‌, శ్యాంకుమార్‌ ఉన్నారు. ఇద్దరూ తలసేమియాతో బాధపడుతున్నాడు. నిరుపేద కుటుంబం కావడంతో సతీశ్‌కుమార్‌కు వైద్యం మెరుగైన చేయించలేకపోయాడు. దీంతో శనివారం మృతిచెందాడు. శ్యాంకుమార్‌ కూడా తలసేమియాతోనే బాధపడుతున్నాడని ప్రభుత్వం, దాతలు ఆదుకోవాలని కోరుతున్నారు. ఉమ్మడి వరంగల్‌ జిల్లాలో ఆదివారం వేర్వే రు ఘటనలో ఐదుగురు మృతి చెందారు. ఖానాపురంలో పూలకోసం వెళ్లి బావిలో పడి బాలుడు, జనగామ జిల్లా లింగాలఘ ణపురంలో ఇంట్లో జారి పడి ఒకరు, కాజీ పేట బాపూజీనగర్‌లో అనుమానాస్పద స్థితిలో మరొకరు, వరంగల్‌ ఎంజీఎంలో చికిత్స పొందుతూ ఇంకొకరు, భూపాలపల్లి జిల్లా గణపురంలో బాలుడు మృతి చెందా రు. దీంతో ఆయా ప్రాంతాల్లో విషాద ఛాయలు అలుముకున్నాయి.

● బల్లార్షాలో గంటల తరబడి నిలిచే నందిగ్రామ్‌.. కాజీపేట వరకు నడిపితే.. కరీంనగర్‌ నుంచి ఆసిఫాబాద్‌ వరకు.. ముంబై–నాసిక్‌–షిరిడీకి సౌకర్యం ● కాజీపేటలో సిద్ధమైన పిట్‌లైన్లు.. బల్లార్షా– కాజీపేట మూడో మార్గంసాక్షిప్రతినిధి, వరంగల్‌: రైలు ఉంది.. మార్గం ఉంది.. మౌలిక వసతులు ఉన్నాయి.. కానీ, ప్రయాణికులకు కావాల్సిన కనెక్టివిటీ మాత్రం అందుబాటులో లేదు. బల్లార్షా వరకు వస్తున్న నందిగ్రామ్‌ ఎక్స్‌ప్రెస్‌ను కాజీపేట వరకు పొడిగించాలన్న డిమాండ్‌ చాలాకాలంగా ఉన్నా.. ఇప్పటికీ కార్యరూపం దాల్చలేదు. బల్లార్షాలో రైలు తిరుగు ప్రయాణానికి ముందు దాదాపు 20 గంటలపాటు ఖాళీగా ఉండే సమయాన్ని కాజీపేట వరకు సర్వీస్‌గా వినియోగిస్తే తెలంగాణలోని ఉత్తర ప్రాంత ప్రయాణికులకు ఎంతో ప్రయోజనం చేకూరే అవకాశం ఉంది. ముఖ్యంగా కరీంనగర్‌, పెద్దపల్లి, మంచిర్యాల, ఆసిఫాబాద్‌ ప్రాంతాల నుంచి ముంబై, నాసిక్‌, షిరిడీ తదితర ప్రాంతాలకు వెళ్లే ప్రయాణికులు ప్రస్తుతం పలు మార్గాలు మార్చుకోవాల్సి వస్తోంది. నందిగ్రామ్‌ను కాజీపేట వరకు పొడిగిస్తే ఈ ప్రాంతాల ప్రయాణికులకు నేరుగా ఉత్తర–పడమర మహారాష్ట్రతో రైలు అనుసంధానం ఏర్పడుతుంది. కాజీపేటకు వస్తే.. కరీంనగర్‌ నుంచి ముంబై బాట నందిగ్రామ్‌ ఎక్స్‌ప్రెస్‌ కాజీపేట వరకు వస్తే కరీంనగర్‌–పెద్దపల్లి–మంచిర్యాల–ఆసిఫాబాద్‌ ప్రాంతాల ప్రయాణికులకు ప్రత్యేక ప్రయోజనం కలుగుతుంది. ప్రస్తుతం ముంబయి, నాసిక్‌, షిరిడీ వంటి ప్రాంతాలకు వెళ్లాలంటే బస్సులు, ఇతర రైళ్లు, మార్గమధ్య మార్పులపై ఆధారపడాల్సి వస్తోంది. నేరుగా రైలు అందుబాటులోకి వస్తే విద్యార్థులు, ఉద్యోగులు, వ్యాపారులు, వైద్య సేవల కోసం వెళ్లే వారు, పర్యాటకులు, కుటుంబ ప్రయాణికులకు ప్రయాణం సులభతరం కానుంది. కాజీపేటలో అన్ని వసతులు.. మూడు ప్రాంతాలకు ఒకే కనెక్టివిటీ నందిగ్రామ్‌ వంటి రైలును కాజీపేట వరకు పొడిగించేందుకు అవసరమైన పిట్‌లైన్‌న్‌, రైళ్ల నిర్వహణకు అవసరమైన మౌలిక వసతులు కాజీపేటలో ఉన్నాయి. ఇదే సమయంలో బల్లార్షా–కాజీపేట మధ్య మూడో రైల్వే మార్గం సిద్ధం కావడంతో ఈ మార్గంలో రైళ్ల నిర్వహణ సామర్థ్యం కూడా పెరుగుతోంది. ఈ నేపథ్యంలో కాజీపేట–కరీంనగర్‌–ఆసిఫాబాద్‌ ప్రాంతాలను మహారాష్ట్రలోని బల్లార్షా–నాసిక్‌–ముంబై ప్రాంతాలతో అనుసంధానించేలా నందిగ్రామ్‌ సర్వీసును వినియోగించాలన్నది ప్రధాన డిమాండ్‌. ఇది కేవలం వరంగల్‌ లేదా కాజీపేట ప్రయాణికుల సమస్యగా కాకుండా ఉత్తర తెలంగాణలోని పెద్ద ప్రాంతానికి సంబంధించిన రైల్వే కనెక్టివిటీ అంశంగా చూడాల్సిన అవసరం ఉందని ప్రయాణికులు కోరుతున్నారు. కొత్త రైలును పూర్తిగా ప్రారంభించడంతో పోలిస్తే ఇప్పటికే నడుస్తున్న సర్వీసును అందుబాటులో ఉన్న సమయాన్ని వినియోగిస్తూ పొడిగించే అవకాశాన్ని రైల్వే శాఖ పరిశీలించాలని కూడా వారు కోరుతున్నారు.

బయ్యారం: బయ్యారం పెద్ద చెరువుకు గోదావరి జలాలు వచ్చేంత వరకూ సీపీఐ పోరాడుతుందని ఆ పార్టీ జిల్లా కార్యదర్శి విజయ్‌సారథి అన్నారు. మండలకేంద్రంలో ఆదివారం ఏర్పాటు చేసిన విలేకరుల సమావేశంలో ఆయన మాట్లాడారు. 2016లో బయ్యారం పెద్దచెరువుకు గోదావరి జలాలు అందిస్తామని అప్పటి ప్రభుత్వం రోళ్లపాడులో శంకుస్థాపన చేసినప్పటికీ.. ఆ నీరు దొడ్డిదారిన ఇతర ప్రాంతానికి తరలిస్తున్నారన్నారు. పెద్దచెరువుకు గోదావరి జలాలు అందించాలని తమ వినతికి స్పందించి ఎమ్మెల్యే కూనంనేని సాంబశివరావు అసెంబ్లీలో ప్రస్తావించారన్నారు. పాలకుల నిర్లక్ష్యం వల్ల అనేక సంవత్సరాలుగా బయ్యారం పెద్దచెరువు అభివృద్ధికి నోచుకోవడం లేదన్నారు. బయ్యారం పెద్దచెరువుకు గోదావరి జలాలు తీసుకొస్తే బయ్యారం, గార్ల, డోర్నకల్‌ మండలాల రైతులకు సాగు నీరు, మహబూబాబాద్‌ పట్టణానికి తాగునీరు అందుతుందన్నారు. సమావేశంలో నాయకులు కె.శ్రీనివాసరావు, ఎస్‌, శ్రీనివాస్‌, పద్మ, హరినాయక్‌, రాజు, కళింగరెడ్డి, రాజు తదితరులు పాల్గొన్నారు. మోదీ ప్రభుత్వానికి గుణపాఠం చెప్పాలి మహబూబాబాద్‌ రూరల్‌: నరేంద్ర మోదీ ప్రభుత్వ విధానాలపై యువతలో అవగాహన కల్పిస్తూ, ప్రజా సమస్యలపై నిరంతరం పోరాటాలు నిర్వహించాలని తెలంగాణ రాష్ట్ర యువజన కాంగ్రెస్‌ ఇన్‌చార్జ్‌ జాతీయ కార్యదర్శి ఖలీద్‌ అహ్మద్‌ పిలుపునిచ్చారు. ఆదివారం జిల్లా కేంద్రంలోని ఎమ్మెల్యే క్యాంపు కార్యాలయంలో యువజన కాంగ్రెస్‌ జిల్లా అధ్యక్షుడు అజ్మీరా సురేష్‌ నాయక్‌ అధ్యక్షతన జిల్లా కార్యవర్గ సమావేశం నిర్వహించారు. ముఖ్యఅతిథిగా ఖలీద్‌ అహ్మద్‌ హాజరై మాట్లాడుతూ.. రాబోయే ఎన్నికల్లో ప్రజలకు వాస్తవాలను వివరించి, కేంద్ర ప్రభుత్వ విధానాలకు వ్యతిరేకంగా ప్రజాస్వామ్య పద్ధతిలో బలమైన ప్రజా ఉద్యమాన్ని నిర్మించడమే యువజన కాంగ్రెస్‌ లక్ష్యంగా పనిచేయాలని సూచించారు. ప్రతీ సంవత్సరం రెండు లక్షల ఉద్యోగాలు కల్పిస్తామని హామీ ఇచ్చి అధికారంలోకి వచ్చిన ప్రధాని నరేంద్రమోదీ ప్రభుత్వం అమలులో విఫలమైందని విమర్శించారు. దేశ సంపదను, ప్రభుత్వ రంగ సంస్థలను ప్రైవేటీకరణ చేస్తూ కేంద్ర ప్రభుత్వం అనుసరిస్తున్న విధానాలను యువజన కాంగ్రెస్‌ ప్రజల్లోకి తీసుకెళ్లాలని ఆయన అన్నారు. యువతకు ఉద్యోగాలు, విద్య, ఉపాధి అవకాశాలు కల్పించడంలో కేంద్ర ప్రభుత్వ వైఫల్యాలను ఎండగట్టాలని పిలుపునిచ్చారు. ప్రతీ గ్రామంలో యువతను సంఘటితం చేసి, యువజన కాంగ్రెస్‌ను మరింత బలోపేతం చేయాలని అన్నారు. యువజన కాంగ్రెస్‌ రాష్ట్ర ప్రధాన కార్యదర్శి, జిల్లా ఇన్‌చార్జ్‌ అల్వాల కార్తీక్‌, యువజన కాంగ్రెస్‌ రాష్ట్ర ప్రధాన కార్యదర్శి భూక్య వెంకటేష్‌, జిల్లా ఉపాధ్యక్షుడు జర్పుల విజయ్‌ నాయక్‌, మానుకోట, డోర్నకల్‌ అసెంబ్లీల అధ్యక్షులు గార్లపాటి సాయితేజ, చాగంటి సందీప్‌, జిల్లా ప్రధాన కార్యదర్శులు, జిల్లా కార్యదర్శులు, మండల అధ్యక్షులు, యువజన కాంగ్రెస్‌ నాయకులు, కార్యకర్తలు పాల్గొన్నారు. మెడికల్‌ కాలేజీకి మృతదేహం అప్పగింతనెహ్రూసెంటర్‌: మానుకోట ప్రభుత్వ మెడికల్‌ కళాశాలలో విద్యార్థుల పరీక్షల కోసం మృతదేహం అందజేశారు. జిల్లా కేంద్రానికి చెందిన దర్శనం వెంకటమ్మ(76) శనివారం మృతిచెందగా.. ఆమె కుమారులు న్యాయవాది దర్శనం రామకృష్ణ, ఏఆర్‌ కానిస్టేబుల్‌ నాగార్జున, లయన్స్‌ క్లబ్‌ ఆఫ్‌ మహబూబాబాద్‌ ప్రోత్సాహంతో తమ తల్లి వెంకటమ్మ మృతదేహాన్ని మెడికల్‌ కాలేజీకి అందజేశారు. కళాశాల ప్రిన్సిపాల్‌ అశోక్‌రెడ్డి, అటానమీ హెచ్‌ఓడీ భరత్‌ కుమార్‌కు మృతదేహాన్ని అప్పగించారు. కార్యక్రమంలో లయన్స్‌ క్లబ్‌ పూర్వ కార్యదర్శి పరకాల రవీందర్‌రెడ్డి, సెక్రటరీ పారుపల్లి రమేష్‌బాబు, కేవీపీఎస్‌ రాష్ట్ర కార్యదర్శి తప్పెట్ల స్కైలాబ్‌ బాబు, మా అసోసియేషన్‌ అధ్యక్షుడు లయన్‌ బొడ్డుపల్లి ఉపేందర్‌, బార్‌ అసోసియేషన్‌ అధ్యక్షుడు మామిడాల సత్యనారాయణ తదితరులు పాల్గొన్నారు.

మహబూబాబాద్‌: నిత్యావసర వస్తువుల ధరలతో పాటు కూరగాయల ధరలు ఇతరత్రా విపరీతంగా పెరిగి పేదలపై తీవ్రభారం పడుతోంది. దీనికి తోడు తూనికలు, కొలతల అఽధికారి తూతూ మంత్రంగా తనిఖీలు చేస్తున్నారు. దీంతో వ్యాపారులు ఇష్టారాజ్యంగా వ్యవహరిస్తున్నారు. కొంతమంది వ్యాపారులు బాట్లకు బదులు రాళ్లతో తూకం వేయడంతో పాటు, ఎమ్మార్పీ కంటే ఎక్కువ ధరలకు విక్రయిస్తున్నారు. అలాగే కాలం చెల్లిన వస్తువులు విక్రయిస్తూ ప్రజల ఆరోగ్యాలతో చెలగాటమాడుతున్నారు. జిల్లాలో 1,200కిపైగా కిరాణా షాపులు.. జిల్లాలో సుమారు 1,200వరకు కిరాణా షాపులు, 22 వరకు సూపర్‌ మార్కెట్లు ఉన్నాయని అధికారులు పేర్కొన్నారు. తూనికలు, కొలతల శాఖ పరిధిలో కిరాణా షాపులతో పాటు కూరగాయల షాపులు, బేకరీలు, వేబిడ్జ్రిలు, పెట్రోలు బంకులు, వెండి, బంగారం షాపులు, స్వీట్స్‌, మటన్‌, చికెన్‌షాపులతో పాటు ఇతరత్రా ఉన్నాయి. తూకం, ఎమ్మార్పీ తదితర అంశాలను ఆశాఖ అధికారులు తనిఖీ చేయాల్సి ఉంది. బాట్లకు బదులు రాళ్లు.. కొంతమంది కూరగాయలు, పండ్ల వ్యాపారులు, పలు కిరాణా షాపుల్లో కూడా బాట్లకు బదులు రాళ్లు వినియోగిస్తున్నారు. జిల్లా కేంద్రంలో సగానికి పైగా వ్యాపారులు రాళ్లు వాడుతున్నారంటే.. మండలాల్లో పరిస్థితి ఏ విధంగా ఉంటుందో అర్థం చేసుకోవచ్చు. నిబంధనలకు విరుద్ధంగా.. సూపర్‌ మార్కెట్‌లో తప్పనిసరిగా ఎలక్ట్రానిక్‌ కాంటాలు వాడాలి. కిరాణాషాపుల్లో కూడా వాటినే వాడాలని అఽధికారుల చెబుతున్నారు. కానీ, చాలా మంది వ్యాపారులు మ్యానువల్‌ కాంటాలు వాడుతున్నారు. వాటితో తూకంలో కొంత తేడా ఉంటుంది. వాటిని అరికట్టడంలో అఽధికారులు విఫలమవుతున్నారు. బేకరీ, స్వీట్‌, కిరాణా షాపుల్లో కొంతమంది వ్యాపారులు ఎమ్మార్పీ కంటే అధిక ధరలకు విక్రయిస్తున్నారు. అలాగే బేకరీ, స్వీట్‌ షాపుల్లో కాలంచెల్లిన తినుబండారాలు విక్రయిస్తున్నట్లు ఆరోపణలు వస్తున్నాయి. ముద్రలు అంతంత మాత్రమే.. బాట్లకు రెండేళ్లకోసారి ముద్రలు వేయించాలి. ఎలక్ట్రానిక్‌ కాంటాలు అయితే సంవత్సరానికి ఒకసారి ముద్ర వేసుకోవాలి. కానీ, చాలామంది వ్యాపారులు ఆ నిబంధన పాటించకపోవడంతో తూకంలో తేడాలు వస్తున్నాయి. మటన్‌, చికెన్‌ షాపుల్లో కాంటాలకు ముద్రలు లేకపోవడంతో తూకంలో చాలా తేడా వస్తోంది. పెట్రోలు బంకుల్లో దారుణం.. జిల్లా కేంద్రంలోని పలు పెట్రోల్‌ బంకుల్లో పెట్రోల్‌, డీజిల్‌ తక్కువగా వస్తుందని తరచూ గొడవలు జరుగుతున్నాయి. కల్తీ విక్రయాలు జరుగుతున్నాయని, వాహనాలు పాడైపోతున్నాయని ఇలాంటి అనేక సమస్యలపై వాహనదారులు ఆందోళన చేసి సందర్భాలు చాలా ఉన్నాయి. కొన్ని బంకుల్లో మరుగుదొడ్లు, ఇతర సౌకార్యాలు లేకున్నా అధికారులు చర్యలు తీసుకోవడం లేదు. రెండు జిల్లాలకు ఒక్కరే.. జిల్లాకు రెండు సంవత్సరాలుగా ఇన్‌చార్జ్‌ తూనికలు, కొలతల అధికారి కొనసాగుతున్నారు. హనుమకొండ జిల్లా తూనికలు, కొలతల అధికారి విశ్వేశ్వర్‌ మానుకోట జిల్లా ఇన్‌చార్జ్‌గా ఏడు నెలల నుంచి పని చేస్తున్నారు. వాస్తవానికి ఆశాఖకు ఒక తూనికలు, కొలతల అధికారి, టెక్నికల్‌ అసిస్టెంట్‌, అటెండర్‌ ఉండాలి. అయితే కేవలం టెక్నికల్‌ అసిస్టెంట్‌ మాత్రమే ఉన్నాడు. అటెండర్‌ ఉండగా వరంగల్‌కు డిప్యుటేషన్‌ వేశారు. తనిఖీలు లేకనే.. ప్రతీ నెల తనిఖీలు ఉంటే వ్యాపారుల్లో భయం ఉండేది. కానీ, రెండేళ్లగా తూతూ మంత్రంగా తనిఖీలు చేస్తున్నారు. తనిఖీలు చేసి కేసులు పెట్టి ముద్రలు వేస్తే తూకం సమస్య ఉండదు. తనిఖీ చేసి అసిస్టెంట్‌ కంట్రోలర్‌కు పంపితే వారి ఆదేశాలతో సదరు వ్యాపారులపై చర్యలు తీసుకోవాల్సి ఉంది. ఎవరైనా ఫిర్యాదు చేస్తేనే.. వినియోగదారులు ఫిర్యాదు చేస్తేనే తనిఖీలు నిర్వహిస్తున్నారు. కనీసం నెలకు నాలుగుసార్లు అయినా తనిఖీలు చేసి కేసుల నమోదుతో పాటు జరిమనాలు విధిస్తే దందా చేసే వ్యాపారుల్లో మార్పు వస్తుంది. సంబంధిత అధికారులు స్పందించి నిబంధనలకు విరుద్ధంగా వ్యాపారం చేస్తున్న వారిపై చర్యలు తీసుకోవాలని, తూకం విషయంలో తనిఖీ లు ముమ్మరం చేయాలని ప్రజలు కోరుతున్నారు. తనిఖీలు చేస్తున్నాం.. జిల్లాలో తనిఖీలు చేస్తున్నాం. నిబంధనలకు విరుద్ధంగా ఉంటే కేసులతో పాటు జరిమానా విధిస్తున్నాం. కాంటాలు, బాట్లకు ముద్ర వేసుకోవాలి. లేకుంటే కఠిన చర్యలు తీసుకుంటాం. తూకంలో తేడా ఉన్నా.. ఎమ్మార్పీ కంటే ఎక్కువ ధరకు విక్రయిస్తే చర్యలు తప్పవు. – విశ్వేశ్వర్‌, ఇన్‌చార్జ్‌ తూనికలు, కొలతల అధికారి వ్యాపారుల ఇష్టారాజ్యం బాట్లకు బదులు రాళ్లు.. తూకంలో తేడాలు నష్టపోతున్న వినియోగదారులు రెండేళ్లుగా ఇన్‌చార్జ్‌ తూనికలు, కొలతల అధికారి బాధ్యతలు ఎమ్మార్పీ కంటే అధిక ధరలకు విక్రయాలు

కేయూ క్యాంపస్‌: కాకతీయ యూనివర్సిటీ పరిధిలోని దూరవిద్య (సీడీఓఈ/ఎస్‌డీఎల్‌సీఈ) బీఏ, బీకాం (జనరల్‌ అండ్‌ కంప్యూటర్స్‌), బీబీఏ, బీఎస్సీ ఇయర్‌ వైజ్‌ స్కీం ప్రథమ సంవత్సరం ఎక్స్‌ అభ్యర్థులకు ఈనెల 21 నుంచి పరీక్షలు నిర్వహించనున్నట్లు పరీక్షల నియంత్రణాధికారి కె.రాజేందర్‌, అదనపు పరీక్షల నియంత్రణాధికారి పద్మజ తెలిపారు. అదేవిధంగా ఎంఏ, ఎంకాం, హెచ్‌ఆర్‌ఎం, ఎంఎస్సీ సెకండియర్‌ మొదటి సెమిస్టర్‌ పరీక్షలు రెగ్యులర్‌ 2023–2024 బ్యాచ్‌ విద్యార్థులకు ఈనెల 21 నుంచి పరీక్షలు నిర్వహించనున్నట్ల వారు పేర్కొన్నారు. కేయూ పరిధిలోని దూరవిద్య బీఏ, బీకాం, బీబీఏ, బీఎస్సీ సెకండియర్‌ మొదటి సెమిస్టర్‌ పరీక్షలు (2023–2024 బ్యాచ్‌) ఈనెల 26 నుంచి నిర్వహించనున్నట్లు అధికారులు తెలిపారు. ఆయా పరీక్షలకు సంబంధించిన పూర్తి వివరాలు కాకతీయ యూనివర్సిటీ ఎస్‌డీఎల్‌సీఈ వెబ్‌సైట్‌లో అందుబాటులో ఉన్నాయని పేర్కొన్నారు. ఫిర్యాదు చేసినా ఆగని బెదిరింపులుశాయంపేట: మండల కేంద్రానికి చెందిన కందగట్ల గోపాల్‌ తాను మోసపోయానని పోలీసులకు ఫిర్యాదు చేసినా సైబర్‌ నేరగాళ్ల వేధింపులు ఆగట్లేదు. బాధితుడు గోపాల్‌ తెలిపిన వివరాల ప్రకారం.. ఫేస్‌బుక్‌ మ్యాట్రిమోనియల్‌లో తాను ఓ పోస్ట్‌ పెట్టిన వెంటనే పోలీసులమంటూ హనుమకొండ ఎస్పీ భానుచందర్‌, చిత్తుర్‌ ఎస్పీ అమరనాథ్‌, సీఐ అమర్‌నాథ్‌ పేర్లతో ఫోన్లు వచ్చాయి. వారం రోజుల నుంచి బెదిరింపులకు గురి చేస్తూ కొద్దికొద్దిగా మొత్తం రూ.1.5 లక్షల రూపాయలను ట్రాన్స్‌ఫర్‌ చేయించుకున్నారు. ఇంతటితో ఆగకుండా రూ. 8 వేలు కావాలని అవి ఇస్తే.. ఇప్పటి వరకు తీసుకున్న మొత్తం నగదు ఇస్తామని, లేదంటే కేసు పెట్టి లోపల పడేస్తామని సైబర్‌ నేరగాళ్లు బెదిరింపులకు గురి చేశారు. పోలీస్‌ శాఖ తక్షణమే స్పందించి తనకు న్యాయం చేయాలని ఆయన కోరారు. సైబర్‌ నేరాలపై అప్రమత్తంగా ఉండాలని ఎస్సై జక్కుల పరమేశ్‌ తెలిపారు. రైలుకింద పడి మహిళ ఆత్మహత్య స్టేషన్‌ఘన్‌పూర్‌: కాజీపేట నుంచి సికింద్రాబాద్‌ వైపు వెళ్తున్న వందేభారత్‌ రైలుకింద పడి గుర్తుతెలియని మహిళ (30) ఆత్మహత్య చేసుకున్న సంఘటన ఘన్‌పూర్‌–నష్కల్‌ రైల్వేస్టేషన్ల మధ్య ఆదివారం జరిగింది. కాజీపేట జీఆర్‌పీ హెడ్‌ కానిస్టేబుల్‌ ఓంకార్‌ తెలిపిన వివరాలిలా ఉన్నాయి.. ఘన్‌పూర్‌–నష్కల్‌ రైల్వేస్టేషన్ల మధ్య 306/23–27 కిలోమీటరు నంబర్‌ వద్ద అప్‌లైన్‌లో వందేభారత్‌ రైలుకిందపడి మహిళ ఆత్మహత్యకు పాల్పడిందన్నారు. మహిళకు సంబంధించిన వివరాలు తెలియరాలేదని, మృతురాలి శరీరంపై నీలం రంగు పంజాబ్‌ డ్రెస్‌, తెలుపురంగు చున్నీ ఉన్నాయన్నారు. మృతదేహం ముఖం గుర్తుపట్టలేని విధంగా ఉందని, మృతురాలి ఆచూకీ తెలిస్తే 87125 76424, 99483 48070 నంబర్లలో సంప్రదించాలని తెలిపారు. లారీ ఢీకొని జగ్జీవన్‌రామ్‌ విగ్రహం ధ్వంసం తొర్రూరు రూరల్‌ : అతివేగంగా వచ్చిన లారీ ఢీకొట్టడంతో బాబు జగ్జీవన్‌రామ్‌ విగ్రహం ధ్వంసమైనా సంఘటన మండలంలోని వెలికట్ట శివారు పాలకేంద్రం వద్ద ఆదివారం జరిగింది. స్థానికుల కథనం ప్రకారం.. వరంగల్‌ నుంచి ఖమ్మం వైపు వెళ్తున్న లారీ అతివేగం వచ్చి బాబు జగ్జీవన్‌రామ్‌ గద్దెను ఢీకొట్టడంతో పూర్తిగా ధ్వంసమైంది. నిర్వాహకులు పోలీస్‌స్టేషన్‌లో ఫిర్యాదు చేయగా కేసు నమోదు చేసి సంబంధిత లారీని అదుపులోకి తీసుకోని విచారణ చేస్తున్నట్లు ఎస్సై తెలిపారు.

కాజీపేట అర్బన్‌: నిట్‌ వరంగల్‌లోని అంబేడ్కర్‌ లెర్నింగ్‌ సెంటర్‌ ఆడిటోరియంలో ఆదివారం నిట్‌ 24వ స్నాతకోత్సవ సంబురం అట్టహాసంగా ముగిసింది. పీజీ పట్టాలందుకున్న విద్యార్థులు ఆకాశమే హద్దుగా ఆనందోత్సాహంతో మెడలోని కండువాలు ఎగురవేశారు. పీజీ, పీహెచ్‌డీ పూర్తి చేసుకున్న 1,067 మంది విద్యార్థులు డిగ్రీ పట్టాల ను బోర్డ్‌ ఆఫ్‌ గవర్నర్‌, సియాంట్‌ వ్యవస్థాపకుడు డాక్టర్‌ బీవీఆర్‌ మోహన్‌రెడ్డి చేతుల మీదుగా అందుకున్నారు. తొలిరోజు శనివారం టెక్సాస్‌ ఇన్‌స్ట్రుమెంట్స్‌ ఇండియా మేనేజింగ్‌ డైరెక్టర్‌ సంతోశ్‌కుమార్‌ చేతుల మీదుగా 945 మంది యూజీ విద్యార్థులు అందుకున్నారు. రెండు రోజుల స్నాతకోత్సవంలో మొత్తం 1,997 మంది డిగ్రీ పట్టాలు అందుకున్నారు. నిట్‌ విద్యార్థులు ప్రత్యేకం సమాజంలో నిట్‌ విద్యార్థులు ప్రత్యేకంగా నిలవాలని, పీజీ పూర్తి చేసుకున్న వారి కోసం దేశం ఎదురుచూస్తోందని నిట్‌ బోర్డ్‌ ఆఫ్‌ గవర్నర్‌, సియాంట్‌ వ్యవస్థాపకుడు డాక్టర్‌ బీవీఆర్‌.మోహన్‌రెడ్డి తెలిపారు. నూతన ఆవిష్కరణలకు నాంది పలుకుతూ పరిశ్రమల్లో అనుభవాన్ని సాధించి, స్వయంగా పరిశ్రమలను ఏర్పాటు చేసి తోటి విద్యార్థులకు ఉద్యోగావకాశాలు కల్పించే స్థాయికి ఎదగాలని సూచించారు. బాధ్యత నిర్వర్తించే సమయమిది.. విద్యార్థి దశ పూర్తి చేసుకుని డిగ్రీ పట్టాలందుకున్న విద్యార్థులకు పట్టాలతో తమ తల్లిదండ్రులు కన్న కలల బాధ్యతను నిర్వహించే సమయం వచ్చిందని నిట్‌ డైరెక్టర్‌ బిద్యాధర్‌ సుబుదీ తెలిపారు. నిట్‌లోని అత్యాధునిక బోధన, సౌకర్యాలను సద్వినియోగం చేసుకుని డిగ్రీ పట్టాలను అందుకున్న పీజీ విద్యార్థులు తాము నిట్‌ జెన్‌ జీ అనేలా ఆవిష్కరణలు చేపట్టాలన్నారు. ముగిసిన నిట్‌ 24వ కాన్వొకేషన్‌ పట్టాలు అందుకున్న 1,067 మంది పీజీ విద్యార్థులు డిగ్రీ పట్టాలందించిన నిట్‌ బోర్డ్‌ ఆఫ్‌ గవర్నర్‌ బీవీఆర్‌ మోహన్‌రెడ్డి డైరెక్టర్‌ గోల్డ్‌ మెడల్‌ సాధించిన ఆడెపు అంజలి, జలుమేడి భరణి ఉత్తమ పీహెచ్‌డీ థీసిస్‌, ఉత్తమ ఎంటెక్‌ డిసర్టేషన్‌ గోల్డ్‌ మెడల్స్‌ అందజేత

మరిపెడ రూరల్‌ : షార్ట్‌ సర్క్యూట్‌తో ఇంట్లో అగ్ని ప్రమాదం జరిగి గృహోపకరణాలు, నగదు, విలువైన పత్రాలు కాలిపోయాయి. ఈ ఘటన మరిపెడ మండలం అబ్బాయిపాలెం గ్రామ పంచాయతీ పరిధిలోని బోడతండాలో ఆలస్యంగా ఆదివారం వెలుగుచూసింది. స్థానికులు, బాధితుడి కథనం ప్రకారం.. తండాకు చెందిన బోడ బాలు ఆటో నడుపుతూ జీవనం సాగిస్తున్నాడు. అతడి భార్య కుమార్తెకు అనారోగ్యంతో ఉండడంతో మరో ఊరికి వెళ్లింది. ఈ క్రమంలో బాలు శనివారం ఆటో తీసుకుని బయటకు వెళ్లాడు. సాయంత్రం ఇంటి నుంచి పొగలు రావడాన్ని గమనించిన స్థానికులు బాలుకు సమాచారం అందించారు. వెంటనే ఇంటికి చేరుకున్న బాలు తలుపులు తీసి పరిశీలించగా షార్ట్‌ సర్క్యూట్‌ కారణంగా ఇంట్లో మంటలు చెలరేగి గృహోపకరణాలు దగ్ధమైనట్లు గుర్తించాడు. ఈ ప్రమాదంలో సమారు రూ.50 వేల నగదు, టీవీ, ఇతర విలువైన పత్రాలు కాలిపోయినట్లు బాధితుడు తెలిపాడు. ప్రమాదంతో తీవ్రంగా నష్టపోయిన తన కుటుంబాన్ని అధికారులు ఆదుకోవాలని బాలు కోరారు. సమాచారం అందుకున్న మరిపెడ అదనపు ఎస్సై మెహబూబ్‌బి ఘటనా స్థలాన్ని పరిశీలించారు. రూ.50వేల నగదు, టీవీ, విలువైన పత్రాలు దగ్ధం బోడతండాలో రూ.లక్షల్లో ఆస్తి నష్టం

కాశిబుగ్గ: లర్నర్స్‌ ల్యాండ్‌ స్కూల్‌, తాళ్ల పద్మావ తి విద్యాసంస్థల అధినేత తాళ్ల మల్లేశం శని వారం రాత్రి (73) మృతిచెందారు. కొంతకాలంగా అనారోగ్యంతో బాధపడుతూ వరంగల్‌ చార్‌బౌళిలోని లర్నర్స్‌ల్యాండ్‌ కాలనీలో కన్నుమూశారు. ఆయన మృతికి పలు పాఠశాలల కరస్పాండెంట్లు, కాలనీ వాసులు నివాళులర్పించి, కుటుంబ సభ్యులను పరామర్శించారు. ఆయనకు భార్య ఝాన్సీ, కుమారులు వంశీ, తరుణ్‌ ఉన్నారు. కానిస్టేబుల్‌ భార్య ఆత్మహత్య నయీంనగర్‌ : కుటుంబ కలహాలతో సుబేదారి పోలీస్‌ స్టేషన్‌ పరిధిలోని హనుమకొండ దీన్‌దయాల్‌ నగర్‌లో కానిస్టేబుల్‌ బి.అనిల్‌ భార్య శిరీష (36) శుక్రవారం ఇంట్లో ఉరేసుకుని ఆత్మహత్యకు పాల్పడింది. పోలీసుల కథనం ప్రకారం.. కానిస్టేబుల్‌ బి. అనిల్‌ హనుమకొండ పోలీస్‌ హెడ్‌క్వార్టర్స్‌లో ఫింగర్‌ ప్రింట్‌ విభాగంలో విధులు నిర్వర్తిస్తున్నారు. ఈ క్రమంలో కుటుంబ కలహాలతో మనస్తాపం చెందిన శిరీష మనస్తాపానికి గురై ఆత్మహత్యకు పాల్పడింది. ఈ ఘటనపై మృతురాలి తండ్రి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. కాగా, శిరీషకు ఇద్దరు కూతుళ్లు, కుమారుడు ఉన్నారు.

కురవి : మహిళపై వాటర్‌ బాటిల్‌ విసిరిన ఎంపీడీఓను వెంటనే సస్పెండ్‌ చేయాలని కోరుతూ సీరోలు ఎంపీడీఓ కార్యాలయం ఎదుట బీఎస్పీ, టీఆర్‌పీ నాయకులు శనివారం ధర్నా చేపట్టారు. ఎంపీడీఓపై సీరోలు పోలీసులకు ఫిర్యాదు చేశారు. ఈ సందర్భంగా బీఎస్పీ జిల్లా అధ్యక్షుడు విజయ్‌కాంత్‌, టీఆర్‌పీ నాయకుడు అనిల్‌ మాట్లాడారు. నో డ్యూస్‌ సర్టిఫికెట్‌ కోసం సీరోలు ఎంపీడీఓ కార్యాలయానికి వచ్చి అడిగిన బాధిత మహిళ బాలెం వెంకటమ్మపై వాటర్‌బాటిల్‌ విసిరి గాయపరిచిన ఎంపీడీఓ గౌస్‌ను సస్పెండ్‌ చేయాలన్నారు. ఇంటి పన్ను చెల్లించి నో డ్యూస్‌ సర్టిఫికెట్‌ కోసం సీరోలు ఎంపీడీఓ కార్యాలయానికి వెళ్లిన సమయంలో బాటిల్‌తో వెంకటమ్మపై దాడి చేయడం దారుణమన్నారు. సమగ్ర విచారణ చేపట్టి ఎంపీడీఓను సస్పెండ్‌ చేయాలన్నారు. వెంకటమ్మకు వైద్యం చేయించాలని డిమాండ్‌ చేశారు. కార్యక్రమంలో బీఎస్పీ నాయకులు నవీన్‌కుమార్‌, బొట్ల వినోద్‌, ఆర్‌టీఐ నాయకులు పాల్గొన్నారు. బీఎస్పీ, టీఆర్పీ నాయకుల డిమాండ్‌ పోలీస్‌ స్టేషన్‌లో ఫిర్యాదు

కేయూ క్యాంపస్‌: భారతదేశ అభివృద్ధికి మరిన్ని నూతన ఆవిష్కరణలు అవసరమని, అందుకనుగుణంగా జిజ్ఞాస పెంపొందించుకోవాలని హైదరాబాద్‌లోని సెయింట్‌ టెక్నాలజీస్‌ చైర్మన్‌, పద్మశ్రీ బి.వి మోహన్‌రెడ్డి అన్నారు. శనివారం కాకతీయ యూనివర్సిటీలోని సెనేట్‌హాల్‌లో విద్యార్థుల, వివిధ విభాగాల అధ్యాపకులతో నిర్వహించిన సమావేశంలో ఆయన మాట్లాడారు. భారత దేశంలో ప్రతీ ఏడాది సుమారు కోటిమంది ఉద్యోగ మార్కెట్‌లో ప్రవేశిస్తున్నారన్నారు. దేశానికి ఉన్న డెమోగ్రాఫిక్‌ డివిడెండ్‌ గొప్ప అవకాశమన్నారు. జనాభాలో సుమారు 70శాతం మంది పనిచేసే వయస్సులో ఉండడం దేశానికి బలమన్నారు. ఆధునిక సాంకేతిక పరిజ్ఞానం అత్యంత వేగంగా మారుతుందోన్నారు. దీనివలన ఇప్పటికి ఉన్న వ్యాపార నమూనాలు, ఉద్యోగాల స్వరూపం కూడా మారిపోతోందన్నారు. చాట్‌బాట్‌లు, కృత్రిమ మేధస్సు వంటి సాంకేతిక సాధనాలను ముప్పుగా కాకుండా ఉత్పాదతకంగా వినియోగించుకోవాలని సూచించారు. కేయూ రిజిస్ట్రార్‌ వి. రామచంద్రం, ఓఎస్‌డీ బి. వెంకట్రాంరెడ్డి, రూసా నోడల్‌ అధికారి ఆర్‌. మల్లికార్జున్‌రెడ్డి, తదితరులు పాల్గొన్నారు. హైదరాబాద్‌ సెయింట్‌ టెక్నాలజీస్‌ చైర్మన్‌ పద్మశ్రీ డాక్టర్‌ బి.వి మోహన్‌రెడ్డి

కాజీపేట అర్బన్‌: నిట్‌ వరంగల్‌ 24వ స్నాతకోత్సవ సంబురం అంబరాన్నంటింది. నిట్‌ క్యాంపస్‌లోని అంబేడ్కర్‌ లెర్నింగ్‌ సెంటర్‌ ఆడిటోరియంలో రెండు రోజులపాటు నిర్వహించనున్న కాన్వొకేషన్‌ మహోత్సవంలో తొలిరోజు శనివారం 930 మంది యూజీ, 22 మంది ఎగ్జిట్‌ డిగ్రీ పూర్తి చేసిన విద్యార్థులు పట్టాలు అందుకున్నారు. గౌరవ అతిథిగా నిట్‌ బోర్డ్‌ ఆఫ్‌ గవర్నర్‌, సియాంట్‌ వ్యవస్థాపకుడు డాక్టర్‌ బీవీఆర్‌ మోహన్‌రెడ్డి హాజరై అధికారికంగా స్నాతకోత్సవాన్ని ప్రారంభించారు. టెక్సాస్‌ ఇన్‌స్ట్రుమెంట్స్‌ ఇండియా మేనేజింగ్‌ డైరెక్టర్‌ సంతోశ్‌కుమార్‌ ముఖ్య అతిథిగా హాజరై విద్యార్థులకు గోల్డ్‌మెడల్స్‌, డిగ్రీ పట్టాలు అందించారు. వ్యక్తిత్వానికి దిక్సూచి.. నిట్‌ విద్యార్థులు వ్యక్తిత్వానికి దిక్సూచిగా నిట్‌ విద్యార్థులు నిలవాలని, వ్యక్తిత్వమే భవిష్యత్‌ను నిర్ణయిస్తుందని టెక్సాస్‌ ఇన్‌స్ట్రుమెంట్స్‌ ఇండియా మేనేజింగ్‌ డైరెక్టర్‌ సంతోశ్‌కుమార్‌ తెలిపారు. టెక్నికల్‌ స్కిల్స్‌, డిగ్రీలు, రెజ్యూమ్‌ ఒక వ్యక్తి కెరీర్‌కు సాఫ్ట్‌వేర్‌ వంటివి కాగా, వ్యక్తిత్వం, నిజాయతీ, విశ్వసనీయత హార్డ్‌వేర్‌ వంటి రెండింటినీ బ్యాలెన్స్‌ చేసుకుంటూ జీవనం కొనసాగించాలన్నారు. సెమీ కండక్టర్‌ పరిశ్రమలోని ఈల్డ్‌ను ఉదాహరణగా తీసుకుని వైఫల్యాలను అధిగమించి లక్ష్యాన్ని సాధించాలన్నారు. మైక్రో గ్రిడ్‌, వ్యవసాయ సెన్సార్లు, సురక్షిత తాగునీరు అందించడంలో ఎదురయ్యే సమస్యల పరిష్కారం నూతన ఆవిష్కరణలతోనే సాధ్యమని తెలిపారు. ఏఐ యుగంలోనూ ఇంజనీర్ల పాత్ర కీలకం నేటి ఏఐ యుగంలోనూ ఇంజనీర్ల పాత్ర కీలకమైందని నిట్‌ బోర్డ్‌ ఆఫ్‌ గవర్నర్‌, సియాంట్‌ వ్యవస్థాపకుడు డాక్టర్‌ బీవీఆర్‌.మోహన్‌రెడ్డి తెలిపారు. ‘ద రోల్‌ ఆఫ్‌ ద ఇంజనీర్స్‌ ఇన్‌ ద ఏఐ ఎరా’ అంశంపై మాట్లాడారు. వేగంగా విస్తరిస్తున్న ఆర్టిఫీషియల్‌ ఇంటెలిజెన్స్‌తో ఇంజనీర్ల బాధ్యతలు మరింతగా విస్తరిస్తున్నాయని, సమాజానికి సేవ చేయడానికి నిట్‌ విద్యార్థులు ముందుండాలన్నారు. విద్యార్థుల జీవితాల్లో నూతన అధ్యయనం స్నాతకోత్సవంలో డిగ్రీ పట్టాలను అందుకోవడం విద్యార్థుల జీవితాల్లో నూతన అధ్యాయానికి నాంది అని నిట్‌ డైరెక్టర్‌ బిద్యాధర్‌ సుబుదీ తెలిపారు. నిట్‌ వరంగల్‌లో విద్యార్థులకు 2026–27 విద్యా సంవత్సరంలో క్వాంటమ్‌ టెక్నాలజీ, ఆర్టిఫీషియల్‌ ఇంటెలిజెన్స్‌, ఎలక్ట్రికల్‌ వెహికిల్స్‌, మెటీరియల్‌ సైన్స్‌ అండ్‌ టెక్నాలజీ రంగంలో ఎంటెక్‌ విభాగంలో నూతన కోర్సులు ప్రారంభించినట్లు తెలిపారు. క్యాంపస్‌ సెలక్షన్స్‌లో యూజీ విద్యార్థులు 93.94 శాతం, పీజీ విభాగంలో 80.78 విద్యార్థులు సెలెక్ట్‌ అవుతున్నారని అత్యధిక ప్యాకేజీ రూ.1.27 కోట్లు నమోదైనట్లు తెలిపారు. నేడు పట్టాలందుకోనున్న పీజీ విద్యార్థులు.. స్నాతకోత్సవంలో భాగంగా రెండో రోజు ఆదివా రం పీజీ (బీటెక్‌, ఎంబీఏ, ఎంఎస్సీ)పీహెచ్‌డీ విద్యార్థులు బెస్ట్‌ పీహెచ్‌డీ ఽథీసిస్‌, బెస్ట్‌ ఎంటెక్‌ అవార్డులతో పాటు రోల్‌ ఆఫ్‌ హనర్‌ గోల్డ్‌ మెడల్స్‌ అందుకోనున్నారు. 945 పీజీ, 100 పీహెచ్‌డీ, 22 ఎగ్జిట్‌ డిగ్రీ పట్టాలను అందుకోనున్నారు. నిట్‌లో అంబరాన్నంటిన 24వ స్నాతకోత్సవం పట్టాలందుకున్న 930 యూజీ, 22 ఎగ్జిట్‌ డిగ్రీ విద్యార్థులు నేడు 1,067 మంది పీజీ విద్యార్థులకు ప్రదానం

మరిపెడ/మరిపెడ రూరల్‌: ప్రజలకు న్యాయవస్థను మరింత చేరువ చేయడంతోపాటు పెండింగ్‌ కేసులు పరిష్కారంలో వేగం పెంచడమే లక్ష్యంగా పనిచేయాలని తెలంగాణ హైకోర్టు న్యాయమూర్తి, మహబూబాబాద్‌ జిల్లా పరిపాలన న్యాయమూర్తి జస్టిస్‌ ఈ.వి.వేణుగోపాల్‌ అన్నారు. బార్‌, బెంచ్‌ మధ్య సమన్వయం బలోపేతం అయిప్పుడే కక్షిదారులకు సత్వర న్యాయం అందుతుందని పేర్కొన్నారు. శనివారం మహబూబాబాద్‌ జిల్లా మరిపెడ మండల కేంద్రంలో నూతన జూనియర్‌ సివిల్‌ జడ్జి–కమ్‌ జ్యుడీషియల్‌ మేజిస్ట్రేట్‌ ఆఫ్‌ ఫస్ట్‌ క్లాస్‌ కోర్టు భవనాన్ని జస్టిస్‌ ఈ.వి. వేణుగోపాల్‌, జస్టిస్‌ ఎన్‌. రాజేశ్వర్‌రావు, జస్టిస్‌ బి.ఆర్‌.మధుసూదన్‌రావు ప్రారంభించారు. ఈ సందర్భంగా జస్టిస్‌ ఈ.వి.వేణుగోపాల్‌ మాట్లాడుతూ న్యాయవాదులు కేవలం కక్షిదారుల తరఫున వాదించేవారే కాకుండా ‘ఆఫీసర్‌ ఆఫ్‌ ది కోర్టు’గా వ్యవహరించాల్సిన బాధ్యత ఉందన్నారు. నూతనంగా ఏర్పాటు చేసిన మరిపెడ కోర్టు పరిధిలో ప్రస్తుతం 1,903 కేసులు ఉన్నాయని, మరోమారు తాము కోర్టును సందర్శించే సమయానికి కనీసం 1,000 కేసులు పరిష్కరించేలా పని చేయాలన్నారు. భారత రాజ్యాంగం ప్రతీ పౌరుడికి కల్పించిన ప్రాథమిక హక్కులు, న్యాయ రక్షణలు సమానంగా అందేలా చూడడం న్యాయవ్యవస్థ బాధ్యతని పేర్కొన్నారు. సామాజిక స్పృహతో వ్యవహరించాలి.. నేటి కార్పొరేట్‌ కల్చర్‌ యుగంలో న్యాయవాదులు సామాజిక స్పృహ కలిగి కక్షిదారులకు న్యాయం చేయని హైకోర్టు న్యాయమూర్తి జస్టిస్‌ నామవరపు రాజేశ్వరావు అన్నారు. దేశంలో రోజురోజుకూ కక్షిదారులు పెరిగి పోతున్నారని, నేటికి దేశ వ్యాప్తంగా 5.3 కోట్ల కేసులు కోర్టులో పెండింగ్‌లో ఉన్నాయన్నారు. వీటి సత్వర పరిష్కారానికి మధ్యవర్తిత్వం అత్యంత ఆవశ్యకమన్నారు. మహబూబాబాద్‌ జిల్లాలోని తన స్వగ్రామం సూదనపల్లి వాసిగా మరిపెడతో తనకు ప్రత్యేక అనుబంధం ఉందని, స్వగ్రామ ప్రాంతంలో న్యాయస్థానం ఏర్పాటవడం తనకు చాలా ఆనందంగా ఉందన్నారు. మరిపెడకు తగ్గిన దూరభారం.. మరిపెడ ప్రజలు కోర్టు పేషీల కోసం 45 కిలో మీటర్లు ప్రమాణం, సమయం, ఖర్చు చేసి సుదూర ప్రాంతాలకు వెళ్లాల్సి వచ్చేదని, జస్టిస్‌ వేణుగోపాల్‌ ఆధ్వర్యంలో మరిపెడలో కోర్టు ఏర్పాటు చేయడంతో ఈ ప్రాంత వాసులకు సత్వర సేవలు అందుతాయని హైకోర్టు న్యాయమూర్తి జస్టిస్‌ బి.ఆర్‌. మధుసూదన్‌రావు అన్నారు. ఈ కోర్టు పరిధిలో మరిపెడ, చిన్నగూడూరు, నర్సింహులపేట, సీరోలు మండలాలకు సంబంధించి నాలుగు పోలీస్‌ స్టేషన్లకు చెందిన 2,000 కేసులు జ్యుడీషియల్‌కు కేటాయిస్తారన్నారు. అంతకు ముందు ఆర్‌అండ్‌బీ గెస్ట్‌ హౌస్‌లో హైకోర్టు న్యాయమూర్తులకు ప్రభుత్వ విప్‌, డోర్నకల్‌ ఎమ్మెల్యే జాటోత్‌ రామచంద్రునాయక్‌, కలెక్టర్‌ స్నేహశబరీశ్‌ ఘనస్వాగతం పలికారు. కార్యక్రమంలో ప్రిన్సిపల్‌ అండ్‌ డిస్ట్రిక్ట్‌ అండ్‌ సెషన్స్‌ జడ్జి డి.కె.మురళీమోహన్‌, న్యాయమూర్తులు శాలిని షాకెల్లి, స్వాతిమురారి, కృష్ణతేజ్‌, ధీరజ్‌కుమార్‌, జీవన్‌కుమార్‌, మహతి వైష్ణవి, అఖిల్‌, దిలీప్‌కుమార్‌ నాయక్‌, సూర్యచంద్రకళ, కిరణ్‌లాల్‌, చండేశ్వరీదేవి, జోస్స్న, ఎస్పీ శబరీశ్‌, తొర్రూరు డీఎస్పీ కృష్ణకిశోర్‌, తదితరులు పాల్గొన్నారు. హైకోర్టు న్యాయమూర్తి జస్టిస్‌ ఈ.వి.వేణుగోపాల్‌ మరిపెడలో నూతన సివిల్‌ కోర్టు ప్రారంభం

జనగామ : ఆపరేషన్‌ వికటించి ఓ మహిళ మృతి చెందింది. దీనికి వైద్యుల నిర్లక్ష్యమే కారణమని ఆరోపిస్తూ బంధువులు ఆందోళన చేపట్టారు. ఈ ఘటన జనగామ జిల్లా కేంద్రంలో చోటు చేసుకుంది. మృతురాలి భర్త శ్రీనివాస్‌, కూతురు జ్యోతి, బంధువులు తెలిపిన వివరాలు ఇలా ఉన్నాయి. రఘునాథపల్లి మండలం నక్కబొక్కల తండాకు చెందిన గుగులోత్‌ మంజుల(28)కు ఐదు రోజుల క్రితం కడుపు నొప్పి రావడంతో ఎర్రగొల్లపాడుకు చెందిన ఆర్‌ఎంపీ రమేశ్‌ సూచన మేరకు జనగామలోని సంధ్య ఆస్పత్రికి తీసుకొచ్చారు. వైద్యులు పరీక్షలు నిర్వహించిన అనంతరం గర్భసంచిలో తెల్లటి బుడగలు ఉన్నాయని, ఆపరేషన్‌ చేయాల్సి ఉంటుందని కుటుంబ సభ్యులకు తెలిపారు. వారి అంగీకారంతో ఆపరేషన్‌ నిర్వహించి ఐదు రోజులపాటు ఆస్పత్రిలో ఉంచిన అనంతరం డిశ్చార్జ్‌ చేశారు. ఇంటికి వెళ్లిన మరుసటి రోజే మంజులకు జ్వరం, వాంతులు రావడంతో కుటుంబ సభ్యులు తిరిగి అదే ఆస్పత్రికి తీసుకొచ్చారు. పరీక్షలు నిర్వహించిన అనంతరం పరిస్థితి బాగానే ఉందని చెబుతూనే ఆస్పత్రి యాజమాన్యమే అంబులెన్స్‌ ఏర్పాటు చేసి హైదరాబాద్‌లోని స్పార్క్‌ ఆస్పత్రికి తరలించారు. అక్కడ పరీక్షలు నిర్వహించిన వైద్యులు రక్తంలో ఇన్‌ఫెక్షన్‌ ఉందని చెప్పడంతో పాటు జనగామలో ఎక్కడ, ఎవరు ఆపరేషన్‌ చేశారనే విషయాలను ఆరా తీశారు. సంధ్య ఆస్పత్రి వైద్యుల సూచన మేరకే ఆపరేషన్‌ చేయించినట్లు హైదరాబాద్‌ వైద్యులకు కుటుంబీకులు వివరించారు. ఈ క్రమంలో చికిత్స పొందుతూ శనివారం మంజుల మృతి చెందింది. మృతదేహంతో ఆస్పత్రి ఎదుట ఆందోళన.. మంజుల మృతదేహాన్ని జనగామకు తీసుకొచ్చిన కుటుంబ సభ్యులు, బంధువులు, తండావాసులు సంధ్య ఆస్పత్రి వద్ద ఆందోళన చేపట్టారు. ఆస్పత్రిలోకి మృతదేహాన్ని తీసుకెళ్లి ఫర్నిచర్‌ను ధ్వంసం చేశారు. అప్పటికే ఆస్పత్రిలో ఉన్న వైద్యులు, సిబ్బంది అక్కడి నుంచి వెళ్లిపోయినట్లు కుటుంబీకులు సమాచారం అందుకున్న సీఐ సత్యనారాయణరెడ్డి ఎస్సైలతో కలిసి ఆస్పత్రి వద్దకు చేరుకుని బాధితులతో మాట్లాడే ప్రయత్నం చేశారు. అయితే తమకు న్యాయం చేయాలని డిమాండ్‌ చేస్తూ రోడ్డుపై బైఠాయించారు. ఆపరేషన్‌ చేసిన వైద్యుడిపై చర్యలు తీసుకుని తమకు న్యాయం చేయాలని నినాదాలు చేశారు. ఆస్పత్రి నిర్వహణపై ఆరోపణలు.. సిద్దిపేట రోడ్డులోని ఓ కాంప్లెక్స్‌ మొదటి అంతస్తులో చిన్న గదిలో, సరైన వెంటిలేషన్‌ సదుపాయాలు లేకుండా ఆస్పత్రి నిర్వహిస్తున్నారు. సంధ్య ఆస్పత్రి పేరిట బోర్డుపై ముగ్గురు వైద్యుల పేర్లు ఉన్నప్పటి కీ, ఆపరేషన్‌ విషయంలో అర్హత లేని (ఆపరేషన్‌కు) ఓ విభాగానికి చెందిన వైద్యుడు పాల్గొన్నట్లు కు టుంబ సభ్యులు ఆరోపించారు. ఆస్పత్రి నిర్వహణ, వైద్యుల అర్హతలు, ఆపరేషన్‌ చేసిన వైద్యుడి వివరాలపై విచారణ జరపాలని డిమాండ్‌ చేశారు. కా గా, సదరు వైద్యుడిపై ఇలాంటి విషయంలో ఆరోపణలు సైతం వచ్చినట్లు ప్రచారం జరుగుతోంది. ఆర్‌ఎంపీల రెఫర్‌పై ఆగ్రహం.. కమిషన్ల కోసం పలువురు ఆర్‌ఎంపీలు ఇలాంటి ఆస్పత్రులకు రోగులను రెఫర్‌ చేస్తున్నారని కుటుంబీకులు ఆరోపించారు. అర్హతలు, సదుపాయాలు, అనుమతులపై పరిశీలన లేకుండా ప్రైవేట్‌ ఆస్పత్రుల్లో చికిత్స చేయడంతో పేద కుటుంబాలు నష్టపోతున్నాయని వారు ఆవేదన వ్యక్తం చేశారు. ఇటీవల జనగామలో లింగ నిర్ధారణ పరీక్షల వ్యవహారంలో ఓ మహిళ మృతిచెందిన ఘటనకు సంబంధించి అర్హతలేని ప్రైవేట్‌ ఏఎన్‌ఎం, ఆర్‌ఎంపీ సహా పలువురిపై కేసులు నమోదైన నేపథ్యంలో, తాజాగా మరో మహిళ ప్రైవేట్‌ ఆస్పత్రిలో చికిత్స అనంతరం మృతి చెందడం చర్చనీయాంశంగా మారింది. జనగామలోని ఓ ప్రైవేట్‌ ఆస్పత్రిలో ఘటన మృతదేహంతో బంధువుల ఆందోళన

మరిపెడలో నూతన కోర్టు ప్రారంభోత్సవం సందర్భంగా జ్యోతి ప్రజ్వలన చేస్తున్న హైకోర్టు జడ్జి జస్టిస్‌ ఈవీ వేణుగోపాల్‌, చిత్రంలో న్యాయమూర్తులు జస్టిస్‌ నామవరపు రాజేశ్వరరావు, జస్టిస్‌ బీఆర్‌ మధుసూదన్‌ రావు, జిల్లా జడ్జి మురళీమోహన్‌హైకోర్టు న్యాయమూర్తి జస్టిస్‌ ఈ.వి.వేణుగోపాల్‌ మరిపెడలో నూతన సివిల్‌ కోర్టు ప్రారంభంమహబూబాబాద్‌ జిల్లా మరిపెడ మండల కేంద్రంలో నూతన జూనియర్‌ సివిల్‌ జడ్జి–కమ్‌ జ్యుడీషియల్‌ మేజిస్ట్రేట్‌ ఆఫ్‌ ఫస్ట్‌ క్లాస్‌ కోర్టు భవనాన్ని శనివారం హైకోర్టు న్యాయమూర్తులు జస్టిస్‌ ఈవీ వేణుగోపాల్‌, జస్టిస్‌ ఎన్‌.రాజేశ్వర్‌రావు, జస్టిస్‌ బి.ఆర్‌.మధుసూదన్‌రావు ప్రారంభించారు. ప్రజలకు న్యాయవ్యవస్థను మరింత చేరువ చేయడంతోపాటు పెండింగ్‌ కేసులు పరిష్కారంలో వేగం పెంచడమే లక్ష్యంగా పనిచేయాలని సూచించారు. – మరిపెడ/మరిపెడ రూరల్‌

కలెక్టర్‌ స్నేహశబరీష్‌ మహబూబాబాద్‌ : వసతి గృహాల నిర్వహణపై నివేదికలు ఇవ్వాలని కలెక్టర్‌ స్నేహశబరీష్‌ సంబంధిత అధికారులను ఆదేశించారు. వసతి గృహాల నిర్వహణపై సంబంధిత అధికారులతో శనివారం కలెక్టరేట్‌లో ఆమె సమీక్షా సమావేశం నిర్వహించారు. ఈసందర్భంగా కలెక్టర్‌ స్నేహశబరీష్‌ మాట్లాడుతూ.. ప్రత్యేక అధికా రులు వసతి గృహాలను సందర్శించి విద్యార్థులతో కలిసి భోజనం చేయాలన్నారు. మెనూ ప్రకారం విద్యార్థులకు పౌష్టికాహారం అందించాలని చెప్పారు. షెడ్యూల్‌ ప్రకారం విద్యార్థులకు వైద్యపరీక్షలు చేయించాలన్నారు. ప్రజా పాలన సంక్షేమ వారోత్సవాల యాక్షన్‌ ప్లాన్‌ ప్రకారం.. అన్ని పనులు చేయించాలని ఆదేశించారు. ఫిర్యాదుల పెట్టెలను ఏర్పాటు చేసి తగు చర్యలు చేపట్టాలన్నారు. విధుల్లో నిర్లక్ష్యం చేస్తే చర్యలు తప్పవని హెచ్చరించారు. 23న నిజాం చెరువులో నిమజ్జనం మహబూబాబాద్‌: పురోహితులు, గణేష్‌ ఉత్సవ కమిటీ బాధ్యులు, అధికారులతో చర్చించి ఈనెల 23న వినాయక విగ్రహాల నిమజ్జనానికి నిజాం చెరువు వద్ద ఏర్పాట్లు చేస్తున్నట్లు మున్సిపల్‌ చైర్‌పర్సన్‌ గుగులోత్‌ జ్యోతి తెలిపారు. నిజాం చెరువును పరిసరాలను శనివారం ఆమె.. వైస్‌ చైర్మన్‌ సూర్నపు సోమయ్య, డీఎస్పీ తిరుపతి రావు, కమిషనర్‌ వినోద్‌కుమార్‌తో కలిసి సందర్శించారు. ఈ సందర్భంగా జ్యోతి మాట్లాడుతూ.. నిమజ్జనం విషయంలో ఉత్సవ కమిటీ సభ్యులు, భక్తులు సహకరించాలన్నారు. క్రేన్స్‌, గజ ఈతగాళ్లు అందుబాటులో ఉండేలా చర్యలు చేపడతామన్నారు. కార్యక్రమంలో కౌన్సిలర్‌ చిట్యాల జనార్దన్‌, ఇన్‌చార్జ్‌ టౌన్‌ సీఐ అంజలి, ఏఈ కుమార్‌ తదితరులు పాల్గొన్నారు. ఎండ నుంచి రక్షణగా.. బయ్యారం: సెప్టెంబర్‌ మాసంలోనూ ఎండలు మండిపోతున్నాయి. దీంతో భానుడి భగభగ నుంచి ఉపశమనం పొందేందుకు తలో ఉపాయం ఆలోచిస్తున్నారు. ఈక్రమంలో మండలకేంద్రంలో సెంట్రింగ్‌ పనులు నిర్వహిస్తున్న వజీర్‌ శనివారం ప్రత్యేకంగా తయారు చేసుకున్న గొడుగును తలపై పెట్టుకొని పనులు చేస్తుండడం అందరినీ ఆకర్షించింది. ముగిసిన ఎస్‌జీఎఫ్‌ క్రీడా ఎంపికలు వరంగల్‌ స్పోర్ట్స్‌: హనుమకొండలోని జవహర్‌లాల్‌ నెహ్రూ స్టేడియం వేదికగా రెండు రోజుల పాటు నిర్వహించిన పాఠశాల క్రీడల సమాఖ్య అండర్‌–14, 17, 19 బాలబాలికల క్రీడా ఎంపిక పోటీలు శనివారం ముగిశాయి. ఇందులో ప్రతిభ కనబర్చిన క్రీడాకారులను త్వరలో జరగనున్న రాష్ట్ర స్థాయి పోటీలకు ఎంపిక చేయనున్నట్లు ఎస్‌జీఎఫ్‌ అండర్‌–14, 17 హనుమకొండ జిల్లా కార్యదర్శి వాసుదేవరావు, అండర్‌–19 ఉమ్మడి వరంగల్‌ జిల్లా కార్యదర్శి శ్రీధర్‌ తెలిపారు. వేయిస్తంభాల ఆలయంలో దూర్వాయుగ్మ పూజ హన్మకొండ కల్చరల్‌: వేయిస్తంభాల ఆలయంలో కొనసాగుతున్న ఉత్తిష్ట గణపతి నవరాత్రి మహోత్సవాలు శనివారం ఆరో రోజుకు చేరుకున్నాయి. ఉత్సవాల్లో భాగంగా మూలమహాగణపతిని శ్రీహేరంబగణపతిగా అలంకరించి దూర్వాయుగ్మ పూజ నిర్వహించారు.

● ఆదివారంపేటలో ఘటన గూడూరు: విద్యుదాఘాతంతో ఓ రైతు మృతి చెందాడు. ఈ ఘటన శనివారం మహబూబాబాద్‌ జిల్లా గూడూరు మండలం సీతానగరం శివారు ఆదివారంపేటలో జరిగింది. పోలీసుల కథనం ప్రకారం.. గ్రామానికి చెందిన నూనావత్‌ వాల్యానాయక్‌ (60) తన ఇంటి వద్ద సంపుపై అమర్చిన విద్యుత్‌ మోటారు పై ఉన్న తాడు తీస్తున్నాడు. ఈ సమయంలో ప్రమాదవశాత్తు విద్యుత్‌ షాక్‌ తగిలి అక్కడికక్కడే మృతిచెందాడు. ఈ ఘటనపై మృతుడి పెద్ద కుమారుడు వెంకన్న ఫిర్యాదు మేరకు కేసు నమోదు చేసినట్లు సెకండ్‌ ఎస్సై యాదవరెడ్డి తెలిపారు.

● కేయూ రిజిస్ట్రార్‌ ఉత్తర్వులు జారీ కేయూ క్యాంపస్‌ : కాకతీయ యూనివర్సిటీలో ఆరుగురు సూపరింటెండెంట్లకు అసిస్టెంట్‌ రిజిస్ట్రార్లుగా పదోన్నతి కల్పిస్తూ రిజిస్ట్రార్‌ వి. రామచంద్రం శనివారం ఉత్తర్వులు జారీచేశారు. అలాగే, వారికి పోస్టింగ్‌ ఉత్తర్వులు కూ డా వీసీ కె. ప్రతాప్‌రెడ్డితో కలిసి అందజేశారు. అసిస్టెంట్‌ రిజిస్ట్రార్లుగా పదోన్నతులు పొందిన కె. భూపాల్‌రెడ్డి పరీక్షల విభాగం, ఎం. సునీల్‌ యూనివర్సిటీ ఆర్ట్స్‌ అండ్‌ సైన్స్‌ కళాశాల, ఎం. భాస్కర్‌ క్యాంపస్‌లోని మహిళా ఇంజనీరింగ్‌ కళాశాల, బి. ప్రభాకర్‌ కేయూ హాస్టల్‌ ఆఫీస్‌, కె. శ్రీనివాస్‌ పబ్లికేషన్‌ సెల్‌, జి. సురేశ్‌బాబుకు అకౌంట్స్‌ విభాగంలో పోస్టింగ్‌లు ఇస్తూ ఉత్తర్వులు అందజేశారు. ఇద్దరికి లైబ్రరీ అసిస్టెంట్‌ గ్రేడ్‌ –1గా పదోన్నతి కాకతీయ యూనివర్సిటీలో లైబ్రరీ అసెస్టెంట్‌ గ్రేడ్‌ –2గా పనిచేస్తున్న ఇద్దరికి అసిస్టెంట్‌ గ్రేడ్‌ –1గా పదోన్నతులు కల్పి స్తూ రిజిస్ట్రార్‌ రామచంద్రం ఉత్తర్వులు జారీచేశారు. హనుమకొండలోని యూనివర్సిటీ ‘లా’ కాలేజీలో లైబ్రరీ అసిస్టెంట్‌ గ్రేడ్‌–2గా పనిచేస్తున్న సుమలతకు, యూనివర్సిటీ ఆర్ట్స్‌అండ్‌ సైన్స్‌కళాశాలలో లైబ్రరీ అసిస్టెంట్‌ గ్రేడ్‌ –2గా పనిచేస్తున్న అశోక్‌కు లైబ్రరీ అసిస్టెంట్‌ గ్రేడ్‌ –1గా పదోన్నతి కల్పించారు.అలాగే వారిద్దరికి కాకతీయ యూనివర్సిటీలోని సెంట్రల్‌ లైబ్రరీలో పోస్టింగ్‌ ఉత్తర్వులు అందజేశారు. నలుగురు సీనియర్‌ అసిస్టెంట్‌లకు.. కాకతీయ యూనివర్సిటీలో వివిధ విభాగాల్లో పనిచేస్తున్న నలుగురు సీనియర్‌ అసిస్టెంట్‌లకు సూపరింటెండెంట్లుగా పదోన్నతి కల్పిస్తూ రిజిస్ట్రార్‌ రామచంద్రం శనివారం ఉత్తర్వులు జారీచేశారు. అందులో ముగ్గురికి సీనియర్‌ కోటా కింద, మరొకరికి టెస్ట్‌ కోటాలో పదోన్నతి కల్పించారు. హనుమకొండలోని సుబేదారి యూనివర్సిటీ పీజీ కళాశాలలో సీనియర్‌ అసిస్టెంట్‌ బోథ్‌రాజుకు సూపరింటెండెంట్‌గా పదోన్నతి కల్పిస్తూ క్యాంపస్‌లోని హాస్టల్‌ ఆఫీస్‌లో పోస్టింగ్‌ ఇచ్చారు. వీసీ పేషీలో సీనియర్‌ అసిస్టెంట్‌ సి. రవికి సూపరింటెండెంట్‌గా పదోన్నతి కల్పిస్తూ అక్కడే పోస్టింగ్‌ ఇచ్చారు. అకౌంట్స్‌ విభాగంలో సీనియర్‌ అసిస్టెంట్‌ వినయ్‌కు సూపరింటెండెంట్‌గా పదోన్నతి కల్పించి దూరవిద్య కేంద్రంలో పోస్టింగ్‌ ఇచ్చారు. కోఎడ్యుకేషన్‌ ఇంజనీరింగ్‌ కళాశాలలోని సీనియర్‌ అసిస్టెంట్‌ మదార్‌అలీకి సూపరింటెండెంట్‌గా పదోన్నతి కల్పించిఅదే ఇంజనీరింగ్‌ కళాశాలలో పోస్టింగ్‌ ఇచ్చారు. వీరికి వీసీ ప్రతాప్‌రెడ్డి ,రిజిస్ట్రార్‌ రామచంద్రం ఉత్తర్వులు అందజేశారు. 49మంది పార్ట్‌టైం లెక్చరర్ల నియామకంకాకతీయ యూనివర్సిటీలో 2026–2027విద్యాసంవత్సరానికి వివిధ విభాగాలు, ‘లా’ కళాశాలకు 49మంది పార్ట్‌టైం లెక్చరర్లను ఎంపిక చేశారు. ఈ మేరకు శనివారం రాత్రి రిజిస్ట్రార్‌ వి.రామచంద్రం జాబితా వెల్లడించి నోటీస్‌ బోర్డుపై ప్రదర్శించారు. కొన్నినెలల క్రితం అర్హులైన అభ్యర్థుల నుంచి దరఖాస్తులు స్వీకరించి సెలక్షన్‌ కమిటీల ద్వారా ఇంటర్వ్యూలు నిర్వహించారు. కెమిస్ట్రీ విభాగంలో 9మంది, కంప్యూటర్‌ సైన్స్‌ విభాగం ఏడుగురు, కామర్స్‌అండ్‌ బిజినెస్‌మేనేజ్‌మెంట్‌ విభాగం 14మంది, ఇంగ్లిష్‌ విభాగం ఇద్దరు, జియాలజీ ఒకరు, యూనివర్సిటీ ‘లా’ కాలేజీలో నలుగురు, లైబ్రరీ సైన్స్‌విభాగంలో ఒకరు, ఫిజిక్స్‌లో ఐదుగురు, పొలిటికల్‌ సైన్స్‌లో ఒకరు, సైకాలజీ ఇద్దరు, సొషియాలజీ ఒకరు, తెలుగులో ఒకరు, జువాలజీలో ఒకరిని ఎంపిక చేశారు. వీరికి ఈనెలాఖరులోపు ఆయా విభాగాల అధిపతులు ఉత్తర్వులు ఇవ్వాల్సింటుంది.

● సైబర్‌ సెక్యూరిటీపై అలర్ట్‌ చేస్తూ పోస్టర్ల ఏర్పాటుమహబూబాబాద్‌: జిల్లా వ్యాప్తంగా వివిధ రూపాల్లో వినాయకుడు కొలువుదీరాడు. జిల్లా కేంద్రంలోని పెనుగొండ గోపయ్య బజార్‌లో శ్రీపానిణి పాఠశాల ఎదుట ఏర్పాటు చేసిన మండలంలో మహరాజా మట్టి వినాయక విగ్రహం, డెకరేషన్‌ ఆకర్షనీయంగా ఉన్నాయి. ఇక్కడ శ్రీరామ్‌సేన ఆధ్వర్యంలో 26 సంవత్సరాలుగా వినాయక విగ్రహం ప్రతిష్ఠిస్తున్నారు. సైబర్‌ సెక్యూరిటీపై అవగాహన వినాయక విగ్రహం చేతిలో సైబర్‌ సెక్యూరిటీ సంబంధించిన పోస్టర్లు ఏర్పాటు చేశారు. ఓటీపీలు, లింక్‌లు, ఇతరత్రా అంశాలపై అవగాహన కల్పించేలా ఈ పోస్టర్లు రూపొందించారు. ప్రజలు సైబర్‌ నేరగాళ్ల చేతిలో మోసపోకుండా ఏవిధంగా అప్రమత్తంగా ఉండాలో ఆ పోస్టర్ల ద్వారా అవగాహన కలిగించే ప్రయత్నం చేశారు. దీంతో ఎస్పీ శబరీష్‌ ఆ మండపాన్ని సందర్శించి కమిటీ బాధ్యులు పి.వంశీ, కె.వంశీ, నిఖిల్‌, రవి కిరణ్‌, మురళీ, మహేష్‌, అభినవ్‌ను అభినందించారు. ఇదిలా ఉండగా.. జిల్లా కేంద్రంలో చాలా వరకు మట్టి వినాయక విగ్రహాలను ప్రతిష్ఠించారు. ప్రజల్లో పర్యావరణపై అవగాహన ఉండటంతో మట్టి వినాయక విగ్రహాలకు ప్రాధాన్యం ఇస్తున్నారు. డీజే ల వాడకం వినియోగం సైతం తగ్గింది. అవయవం.. ఆదర్శం● గణపతి అవయవాల విశిష్టతపై ప్రచారం ● వినాయక మండపంలో ఫ్లెక్సీల ఏర్పాటు మహబూబాబాద్‌ రూరల్‌ : మహబూబాబాద్‌ పట్టణంలోని ఏ క్యాబిన్‌ రోడ్డులో ఏజ్‌ లెస్‌ బాయ్స్‌ ఆధ్వర్యంలో కొలువుదీరిన మట్టి సిద్ధి వినాయకుడి సన్నిధిలో గణపతి అవయవాల వెనుక దాగిఉన్న అర్థాలను వివరిస్తూ ఫ్లెక్సీలను ఏర్పాటు చేశారు. ఈ విగ్రహాన్ని కౌన్సిలర్‌ ముత్యం వెంకన్న గౌడ్‌ బహూకరించగా ఉత్సవ కమిటీ నిర్వాహకులు నక్క గౌతమ్‌, ఆగుర్తి పాండిత్య, ఎర్రం శెట్టి సాయినాయుడు, కొప్పు కౌశిక్‌ కుమార్‌, ఆగుర్తి లోకేష్‌, కత్రి సుమంత్‌, జంపాల సాయికుమార్‌, ఆగుర్తి పునీత్‌, వేల్పుల సాకేత్‌, దారావత్‌ సుధీర్‌, కొట్టు సాయి కార్తీక్‌, నూతన్‌ కుమార్‌, ఆగుర్తి దినేష్‌ చెన్నూరి హరి నిర్వహణ బాధ్యుతలు చూసుకుంటున్నారు. ఇందులో భాగంగా గణపతి ఏనుగు తల అపారమైన జ్ఞానం వివేకానికి చిహ్నం అని.., అభయ హస్తం.. భయం వద్దు నేనున్నాను.. అనే రక్షణ వాగ్దానం అని.., మూషిక వాహనం.. కోరికలు, మనసు, చంచలత్వం నియంత్రణలో ఉండాలని సూచిస్తుందని వివరిస్తూ ఫ్లెక్సీలను ఏర్పాటు చేశారు. విరిగిన దంతం త్యాగం, జ్ఞానం కోసం అంకిత భావాన్ని తెలియజేస్తుందని, గణపతి చిన్న కళ్లు ఏకాగ్రత, లక్ష్యంపై పూర్తి దృష్టి సారించాలంటున్నాయని తెలియజేస్తూ ఫ్లెక్లీలు ప్రదర్శించారు. గణపయ్య పెద్ద బొజ్జ.. జీవితంలో మంచి, చెడును సమానంగా స్వీకరించాలని, తొండం బలం, సున్నితత్వం, గణపతి చేతిలోని మోదకం ఆత్మజ్ఞానం, భక్తి సదాచారం ఫలితమే ఆనందం, గణపతి పెద్ద చెవులు ఎక్కువ వినాలి, తక్కువ మాట్లాడాలి అనే సందేశం, గణపతి కూర్చున్న పద్మాసనం స్థిరత్వం, సమతుల్యత ఆధ్యాత్మిక స్థిరమైన జీవనం గురించి తెలియజేస్తుందని వివరిస్తూ ఫ్లెక్సీలు ప్రదర్శించారు.

మహబూబాబాద్‌ అర్బన్‌: విద్యార్థులు ఇష్టంగా చది వి లక్ష్యాన్ని ఛేదించాలని తెలంగాణ గ్రంథాలయ పరిషత్‌ చైర్మన్‌ డాక్టర్‌ రియాజ్‌ అన్నారు. జిల్లా కేంద్రంలోని ప్రభుత్వ బాలికల జూనియర్‌ కళాశాలలో శనివారం ప్రిన్సిపాల్‌ పొక్కుల సదానందం ఆధ్వర్యంలో నిర్వహించిన ఫ్రెషర్స్‌ డే వేడుకల్లో రియాజ్‌ మాట్లాడారు. విద్యార్థులు, యువకులు సెల్‌ ఫోన్‌ మత్తులో పడి విలువైన సమయాన్ని వృథా చేసుకుంటున్నారని అన్నారు. లక్ష్యసాధనలో ఒకసారి అపజయం పొందినప్పుడు కుంగిపోకుండా ధైర్యంగా మళ్లీ ప్రయత్నించాలని సూచించారు. ఇంటర్మీడియట్‌ స్థాయిలో ప్రణాళికతో చదివి ఉత్తమ మార్కులు సాధించాలని తెలిపారు. అనంతరం డీఐఈఓ మధార్‌గౌడ్‌ మాట్లాడుతూ.. ప్రభుత్వ కళాశాలలో నాణ్యమైన విద్య అందుతుందన్నారు. ప్రిన్సిపాల్‌ సదానందం మాట్లాడుతూ.. జిల్లాలో ప్రభుత్వ బాలికల కళాశాల ఉత్తమ ఫలితాలు సాధిస్తుందన్నారు. తమ కళాశాలలో ఎంసెట్‌ కోచింగ్‌, ఉచిత యూనిఫాం, పుస్తకాలు, బ్యాగ్‌, షూస్‌ అందిస్తున్న ట్లు తెలిపారు. కార్యక్రమంలో కౌన్సిలర్‌ బోడ రవినాయక్‌, రిటైర్డ్‌ ప్రిన్సిపాల్‌ వీవీ నాగేందర్‌, ఎన్‌ఎస్‌ఎస్‌ ప్రోగ్రాం ఆఫీసర్‌ చొప్పరి శ్రీనివాస్‌, అధ్యాపకులు సాధిక్‌అలీ, పర్వీన్‌బేగం, రవికిరణ్‌, స్వరూప, సృజన, పూర్ణిమ, భార్గవి, కిరణ్‌, రవి, భాగ్యలక్ష్మి, ఉమ, అక్షర, ప్రభాకర్‌, వెంకన్న, మహమ్మద్‌ బాషాజాని పాల్గొన్నారు. తెలంగాణ గ్రంథాలయ పరిషత్‌ చైర్మన్‌ రియాజ్‌

కాళేశ్వరం: తెలంగాణ రాష్ట్ర ప్రభుత్వం రూ.198 కోట్ల వ్యయంతో చేపడుతున్న జయశంకర్‌ భూపాలపల్లి జిల్లా మహదేవపూర్‌ మండలం కాళేశ్వరం దేవస్థానం పునర్నిర్మాణ పనులు కొనసాగుతున్నాయి. ఇప్పటికే విజయగణపతి, ప్రధాన ఆలయం గర్భగుడి, శ్రీశుభానందాదేవి అమ్మవారి ఆలయం శ్రీసుబ్రహ్మణ్యస్వామి ఆలయానికి పునాది పనులు రాళ్లతో చేపట్టారు. అతి త్వరలో పునాది పనులు పూర్తి కానున్న నేపథ్యంలో ఆంధ్రప్రదేశ్‌లోని చిలకలూరిపేట నుంచి శనివారం 96 టన్నుల కృష్ణశిల కాళేశ్వరానికి చేరుకుంది. ఒక్క రాయి 10 ఫీట్ల పొడవు, మూడు ఫీట్ల వెడల్పు, రెండు ఫీట్ల ఎత్తుతో నాలుగు టన్నుల వరకు బరువు ఉంటుందని సంబంధిత వ్యక్తులు తెలిపారు. ఈ రాతి నిర్మాణం కోసం ఇప్పటికే కూలీలు కాళేశ్వరం చేరుతున్నారు. రాయి అతికేందుకు లైమ్‌, లేదా సిమెంట్‌తో చేయడానికి డిజైన్స్‌ తయారు చేస్తున్నట్లు తెలిసింది. రాతి నిర్మాణం చేసే మేసీ్త్ర ఆంధ్రప్రదేశ్‌కు చెందిన వ్యక్తి కాగా, ఆయన ఇప్పటికే యాదాద్రి, మేడారం తదితర ఆలయాల పనులు చేయడంతో ఆయనకే అప్పగించినట్లు తెలిసింది. దీంతో ఆలయ నిర్మాణ పనులు వచ్చే ఏడాది జూన్‌ 26 నుంచి జూలై 7వ తేదీ వరకు జరగనున్న నేపథ్యంలో ముందస్తుగా పనులు పూర్తి చేసేందుకు ఆర్‌అండ్‌బీ అధికారులు సిద్ధమవుతున్నారు.

● శ్రీమహాలక్ష్మి గణపతి సేవా ట్రస్టు ఆధ్వర్యంలో ఏర్పాటు మహబూబాబాద్‌ రూరల్‌ : జిల్లా కేంద్రంలోని శ్రీమహాలక్ష్మి గణపతి సేవా ట్రస్టు ఆధ్వర్యంలో ఆవు పేడ, గడ్డితో రూపొందించిన గోమయ గణపతి విగ్రహాన్ని తొమ్మిదేళ్లుగా ప్రతిష్ఠిస్తున్నారు. ట్రస్టు సభ్యులు శ్రీరంగం రాధిక, ఎస్‌వీ నాగేశ్వర్‌రావు, శ్రీరంగం రాజేశ్వరి, రామారావు, సోమ రజిత, శ్రీనివాస్‌, సోమ సింధు, రాంబాబు తదితరులు ఉత్సవాలు ఘనంగా నిర్వహిస్తూ సామాజిక చైతన్యం కలిగిస్తున్నారు. ఇందులో భాగంగా 2008 నుంచి 2016 వరకు మట్టి గణపతి విగ్రహాలు, 2017 నుంచి గోమయ వినాయకుడి విగ్రహాలతో ఉత్సవాలు నిర్వహిస్తూ ఆదర్శంగా నిలుస్తున్నారు. పర్యావరణ పరిరక్షణే లక్ష్యంగా.. పర్యావరణ పరిరక్షణే లక్ష్యంగా మహాలక్ష్మి గణపతి సేవా ట్రస్టు ఆధ్వర్యంలో గణపతి ఉత్సవాలు నిర్వహిస్తున్నాం. మట్టి గణపతి విగ్రహాల కంటే గోమయ గణపతి విగ్రహాలను పూజించడం భక్తులకు ఎంతో శుభసూచకం. అందుకే గోమయ గణపతిని ఏర్పాటు చేసి పూజిస్తున్నాం. భవిష్యత్‌ తరాలకు కాలుష్యరహిత సమాజాన్ని అందించాలనేది మా ధ్యేయం. – ఎస్‌వీ నాగేశ్వర్‌రావు, శ్రీ మహాలక్ష్మి గణపతి సేవా ట్రస్టు సభ్యుడు ●

హసన్‌పర్తి: వినాయక నిమజ్జనాన్ని పురస్కరించుకుని గ్రేటర్‌ వరంగల్‌ నగరంలో ఆంక్షలు విధిస్తున్నట్లు పోలీస్‌ కమిషనర్‌ శ్వేత తెలిపారు. శుక్రవారం కమిషనరేట్‌లో నిర్వహించిన విలేకరుల సమావేశంలో ఆమె మాట్లాడుతూ ఈనెల 23వ తేదీ ఉదయం 10 గంటల నుంచి 25వ తేదీ సాయంత్రం 5 గంటల వరకు ఆంక్షలు అమల్లో ఉంటాయని పేర్కొన్నారు. వరంగల్‌, హనుమకొండ, కాజీపేట ట్రైసిటీ పరిధిలో వినాయక నిమజ్జనం సందర్భంగా శోభాయాత్ర కొనసాగుతుండడం వల్ల ప్రయాణికులకు ఎలాంటి ఇబ్బందులు కలగకుండా ఉండేందుకు చర్యలు తీసుకుంటున్నట్లు సీపీ చెప్పారు. భారీ వినాయక విగ్రహాలు నిమజ్జనానికి తరలించే మార్గాల్లో ఎలాంటి ట్రాఫిక్‌ అంతరాయం కలుగకుండా ఉండేందుకు ట్రైసిటీ పరిధిలో వాహనాలకు ట్రాఫిక్‌ ఆంక్షలు విధిస్తున్నట్లు తెలిపారు. భారీ వాహనాల మళ్లింపు ఇలా.. ● ములుగు–భూపాలపల్లి వైపు నుంచి హైదరాబాద్‌కు వెళ్లే భారీ వాహనాలు ఆరెపల్లి రింగ్‌ రోడ్డు నుంచి చింతగట్టు మీదుగా.. ● భూపాలపల్లి – పరకాల నుంచి ఖమ్మం వెళ్లే వాహనాలు ఆరెపల్లి ఔటర్‌ రింగ్‌ రోడ్డు మీదుగా కరుణాపురం వయా వెంకటాపురం, ఐనవోలు మీదుగా.. ● భూపాపల్లి–పరకాల నుంచి నర్సంపేటకు వెళ్లే వాహనాలు కొత్తపేట–రెడ్డిపాలెం మీదుగా.. ● కరీంనగర్‌ – ఖమ్మం వెళ్లే వాహనాలు చింతగట్టు ఓఆర్‌ఆర్‌ మీదుగా కరుణాపురం, వెంకటాపురం మీదుగా.. ● ఖమ్మంనుంచి కరీంనగర్‌–హైదరాబాద్‌ వైపునకు వెళ్లే భారీ వాహనాలు పున్నేలు క్రాస్‌ రోడ్డు, ఐనవోలు, వెంకటాపురం, కరుణాపురం మీదుగా.. ● హైదరాబాద్‌ నుంచి ఖమ్మం వెళ్లే వాహనాలు కరుణాపురం, వెంకటాపురం, ఐనవోలు, పున్నేలు క్రాస్‌రోడ్డు మీదుగా.. ● నగరంలోకి ప్రవేశించే భారీ వాహనాలు సిటీ అవతల నిలిపివేయాలి. నిమజ్జనం సందర్భంగా భారీ వాహనాలకు అనుమతి లేదు. ● హైదరాబాద్‌ నుంచి నర్సంపేటకు వెళ్లే వాహనాలు కరుణాపురం నుంచి ఓఆర్‌ఆర్‌ మీదుగా ఆరెపల్లి వయా ఆత్మకూరు, కటాక్షపూర్‌, మల్లంపల్లి మీదుగా.. ● నర్సంపేట నుంచి వరంగల్‌, హైదరాబాద్‌కు వెళ్లే వాహనాలు వయా మల్లంపల్లి, కటాక్షపూర్‌, ఆత్మకూరు, ఆరెపల్లి ఓఆర్‌ఆర్‌ మీదుగా వెళ్లాలి. సిద్ధేశ్వర గుండంలో నిమజ్జనం అనంతరం న్యూశాయంపేట వైపునకు న్యూశాయంపేట వైపు నుంచి వచ్చే వినాయక విగ్రహాల వాహనాలు హంటర్‌రోడ్డు, అదాలత్‌, హనుమకొండ చౌరస్తా, మీదుగా .. ఎకై ్సజ్‌ కాలనీ, రెవెన్యూ కాలనీ, వడ్డేపల్లి ప్రాంతాల నుంచి వచ్చే వినాయక విగ్రహాలు బంధం చెరువులో నిమజ్జనం చిన్న వడ్డేపల్లి చెరువులో నిమజ్జనం చేసిన వాహనాలు ఏనుమాముల రోడ్డు నుంచి నర్సంపేట రోడ్డు వైపునకు.. శోభాయాత్ర వెళ్లే మార్గాల్లో నిమజ్జనం జరిగే ప్రాంతాల్లో వాహనాలు నిలుపరాదు. ఇందుకు ట్రాఫిక్‌ పోలీసులకు సహకరించాలని సీపీ శ్వేత కోరారు. నిమజ్జన వేళ నగరంలో వాహనాల మళ్లింపు 23 నుంచి 25వ తేదీ వరకు అమలు భారీ వాహనాలకు అనుమతి నిరాకరణ వరంగల్‌ పోలీస్‌ కమిషనర్‌ శ్వేత ములుగు, పరకాల వైపు నుంచి హనుమకొండ వైపునకు వచ్చే ఆర్టీసీ బస్సులు వయా పెద్దమ్మ గడ్డ నుంచి కేయూసీ, సీవీఓ, అంబేడ్కర్‌ సెంటర్‌, ఏషియన్‌ శ్రీదేవి మాల్‌, మీదుగా బస్టాండ్‌ హనుమకొండ బస్టాండ్‌ నుంచి బయల్దేరి ములుగు, కరీంనగర్‌ వైపునకు వెళ్లే బస్సులు వయా ఏషియన్‌ శ్రీదేవిమాల్‌, అంబేడ్కర్‌ సెంటర్‌, సీపీఓ ద్వారా కేయూసీ జంక్షన్‌ మీదుగా.. హనుమకొండ బస్టాండ్‌ నుంచి బయలుదేరి నర్సంపేట, కొత్తగూడెం, భద్రాచలం, తొర్రూ రు, ఖమ్మం వైపు వెళ్లే బస్సులు వయా బాలసముద్రం, అదాలత్‌, హంటర్‌ రోడ్డు మీదుగా.. వరంగల్‌ బస్టాండ్‌ నుంచి హనుమకొండ వైపు వచ్చే బస్సులు చింతల్‌ బ్రిడ్జి నుంచి రంగశాయిపేట మీదుగా నాయుడు పెట్రోల్‌ పంప్‌ సెంటర్‌, ఉర్సుగుట్ట అదాలత్‌, బాలసముద్రం రోడ్డు మీదుగా.. కాజీపేట నుంచి వరంగల్‌ వైపునకు వెళ్లే కార్లు, ఇతర చిన్న వాహనాలు ఫాతిమా జంక్షన్‌, వడ్డేపల్లి చర్చి, కేయూసీ జంక్షన్‌, పెద్దమ్మగడ్డ, ములుగు రోడ్డు, ఎంజీఎం, జెమిని, పోతన జంక్షన్‌, అండర్‌ బ్రిడ్జి, హెడ్‌ పోస్టాఫీస్‌, వరంగల్‌ బస్టాండ్‌, వెంకట్రామ సర్కిల్‌ వరంగల్‌ నుంచి కాజీపేట వైపునకు వెళ్లే కా ర్లు, ఇతర చిన్నవాహనాలు వెంకట్రామ సర్కి ల్‌, వరంగల్‌ బస్టాండ్‌, హెడ్‌ పోస్టాఫీస్‌, అండర్‌ బ్రిడ్జి, పోతనజంక్షన్‌, జెమిని, ఎంజీఎం, ములుగు రోడ్డు, పెద్దమ్మగడ్డ, కేయూసీ, వడ్డేపల్లి చర్చి, ఫాతిమా జంక్షన్‌ మీదుగా వెళ్లాలి.

మహబూబాబాద్‌ అర్బన్‌ : కేంద్ర ప్రభుత్వ సంక్షేమ పథకాలను ప్రజల్లోకి తీసుకెళ్లడంతో పాటు వివిధ సేవా కార్యక్రమాలు చేపట్టాలని బీజేపీ జిల్లా అధ్యక్షుడు వల్లభు వెంకటేశ్వర్లు పేర్కొన్నారు. జిల్లా కేంద్రంలోని బీజేపీ కార్యాలయంలో శనివారం నెల రోజుల సేవా సంకల్ప అభియాన్‌ సమావేశం నిర్వహించారు. ఈ సందర్భంగా వెంకటేశ్వర్లు హాజరై మాట్లాడారు. కార్యక్రమంలో రాష్ట్ర కౌన్సిల్‌ సభ్యులు శ్యాంసుదర్‌శర్మ, జిల్లా ప్రధాన కార్యదర్శి చీకటీ మహేష్‌గౌడ్‌, బీజేవైఎం జిల్లా అధ్యక్షుడు మహేష్‌, బీజేవైఎం ప్రధాన కార్యదర్శులు భరత్‌, రమేష్‌, రిషి, నాయకులు లోకేష్‌, చంద్రశేఖర్‌, నాగరాజు, శ్రీకాంత్‌, చంటి తదితరులు పాల్గొన్నారు.

● హైకోర్టు జడ్జి జస్టిస్‌ ఈవీ వేణుగోపాల్‌ మహబూబాబాద్‌ రూరల్‌ : జిల్లా కోర్టు నూతన భవన నిర్మాణానికి తనవంతు సహకారం అందిస్తానని మహబూబాబాద్‌, జయశంకర్‌ భూపాలపల్లి, ములుగు జిల్లాల పరిపాలనా న్యాయమూర్తి, హైకోర్టు జడ్జి జస్టిస్‌ ఈవీ వేణుగోపాల్‌ అన్నారు. జిల్లా కోర్టు ప్రాంగణంలో ఏర్పాటు చేసిన జ్యుడీషియల్‌ సదస్సుకు హాజరయ్యే క్రమంలో భాగంగా జస్టిస్‌ ఈ.వి.వేణుగోపాల్‌ స్థానిక బార్‌ అసోసియేషన్‌ హాలులో శనివారం న్యాయవాదులను ఉద్దేశించి ప్రసంగించారు. న్యాయవాద వృత్తిలో ఎదురయ్యే సవాళ్లు, ఆరంభంలో న్యాయవాదులుపడే కష్టాలను గుర్తుచేసుకున్నారు. తాను గతంలో సుప్రీం కోర్టులో ప్రాక్టీస్‌ చేస్తున్న రోజుల్లో ఒక కేసు నిమిత్తం మహబూబాబాద్‌ కోర్టుకు న్యాయవాదిగా వచ్చిన సందర్భంలోని పరిస్థితులను నెమరువేసుకున్నారు. ఆ సమయంలో స్థానిక బార్‌ అసోసియేషన్‌ అందించిన ఆత్మీయ ఆతిథ్యాన్ని, గౌరవాన్ని ఆయన ప్రత్యేకంగా ప్రశంసించారు. మహబూబాబాద్‌ జిల్లా కోర్టు నూతన భవన నిర్మాణంపై ఆయన స్పందిస్తూ సంబంధిత ఫైళ్లను త్వరగా ముందుకు తీసుకెళ్లి పనులు వేగవంతమయ్యేలా చూస్తామని హామీ ఇచ్చారు. నూతన భవన నిర్మాణానికి అవసరమైన భూమి సేకరణ, ఇతర ప్రక్రియలను వేగవంతం చేసేందుకు రెవెన్యూ శాఖతో సమన్వయం చేసుకుంటూ జిల్లా కలెక్టర్‌ కూడా పూర్తి సహకారం అందిస్తామన్నారని న్యాయమూర్తి తెలిపారు. అనంతరం బార్‌ అసోసియేషన్‌ ప్రతినిధులు, న్యాయవాదుల క్లర్కులు హైకోర్టు న్యాయమూర్తులు ఈవీ వేణుగోపాల్‌, బీఆర్‌.మధుసూదన్‌ రావును సత్కరించారు. సమావేశంలో మూడు జిల్లాల ప్రధాన న్యాయమూర్తులు కె.మురళీమోహన్‌, ఎస్వీపీ.సూర్యచంద్రకళ, జీవన్‌ కుమార్‌, న్యాయాధికారులు, బార్‌ అసోసియేషన్‌ అధ్యక్షుడు మామిడాల సత్యనారాయణ, కార్యదర్శి జంగం సిద్ధార్ధ, సీనియర్‌, జూనియర్‌ న్యాయవాదులు పాల్గొన్నారు.

సాక్షి, వరంగల్‌: దేశవ్యాప్తంగా సైబర్‌ నేరాలు మ్యూల్‌ ఖాతాల కేంద్రంగా జరుగుతుండడంతో ఈ ఖాతాదారులపై కూడా పోలీసులు కఠినంగా వ్యవహరిస్తున్నారు. చట్టబద్ధంగా చర్యలు తీసుకునేందుకు సిద్ధమవుతున్నారు. దేశంలో 185 సైబర్‌ నేరాలకు సంబంధించి లావాదేవీలు జరిగినట్టుగా పోలీసులు అనుమానిస్తున్న ఖాతాలు వరంగల్‌లో ఉన్నట్టుగా ధ్రువీకరించిన కేసులో ఇప్పటికే వరంగల్‌ సైబర్‌ క్రైమ్‌, టాస్క్‌ఫోర్స్‌, మీల్స్‌ కాలనీ పోలీసులు అరెస్టు చేసిన 22 మంది సభ్యుల్లో ఏజెంట్లతోపాటు మ్యూల్‌ ఖాతాదారులుండడం కలవరానికి గురిచేస్తోంది. ముద్ర లోన్‌, ఇతర రుణాల కోసమంటూ డబ్బు అవసరమున్న విద్యార్థులు, రైతులు, కార్మికులను గుర్తించి బ్యాంక్‌ ఖాతా తెరిచి సంబంధిత పత్రాలు, ఏటీఎం కార్డు ఇస్తే కమిషన్‌ ఇస్తామంటూ నమ్మబలికి ఆ ఖాతాలను సైబర్‌ నేరాల కోసం వినియోగిస్తుండడం సంచలనం రేపుతోంది. దీంతో కమిషన్‌ కోసం కక్కుర్తి పడితే కటకటాలు తప్పవని పోలీసులు హెచ్చరిస్తున్నారు. కమీషన్‌ కోసం ఇతరులకు మీ అకౌంట్‌ ఇచ్చి అది నేరానికి ఉపయోగించినట్లు తేలితే ఏడేళ్ల వరకు జైలు శిక్ష పడే అవకాశం ఉందంటున్నారు. ‘మ్యూల్‌ ఖాతా’ అంటే.. మోసపూరితంగా వచ్చిన డబ్బును సైబర్‌ నేరగాళ్లు నేరుగా తమ ఖాతాల్లోకి తీసుకోకుండా, ఇతరుల పేర్లతో తెరిచిన బ్యాంకు ఖాతాలను ఉపయోగిస్తారు. ఇలాంటి ఖాతాలను ‘మ్యూల్‌ అకౌంట్‌’గా పిలుస్తారు. నేరాల ద్వారా వచ్చిన డబ్బు ఈ ఖాతాల్లోకి చేరిన తర్వాత పలు ఖాతాలకు బదిలీ చేయడం, నగదుగా మార్చడం లేదా ఇతర మార్గాల్లో తరలిస్తారు. ప్రస్తుతం నమోదైన కేసులో కూడా ఇలాంటి ఖాతాలను సైబర్‌ నేరగాళ్లకు అందించే ప్రత్యేక నెట్‌వర్క్‌ ఉన్నట్లు పోలీసుల దర్యాప్తులో వెల్లడైంది. మధ్యవర్తి, ఏజెంట్లుగా వ్యవహరించేవారికి ఖాతాకు రూ.20 వేల నుంచి రూ.25 వేల వరకు వస్తే అసలు ఖాతాదారుడికి రూ.6,000 నుంచి రూ.8,000 మధ్య ఇస్తున్నట్లు సమాచారం. సైబర్‌ ముఠాల మూడంచెల వ్యూహం.. ● ఎర: కేంద్ర ప్రభుత్వ ‘ప్రధానమంత్రి ముద్ర రుణం’ కింద రూ.50,000 ఇప్పిస్తామంటూ నకిలీ పత్రాలతో నమ్మిస్తారు. ● కమీషన్‌: బ్యాంక్‌లో మీతోనే అకౌంట్‌ ఓపెన్‌ చేయించి.. పాస్‌బుక్‌, ఏటీఎం, సిమ్‌ కార్డు తీసుకుని రూ.6,000 నుంచి రూ.8,000 చేతిలో పెడతారు. ● నేరం: ఆ అకౌంట్లను (మ్యూల్‌ ఖాతాలు) దేశవ్యాప్తంగా జరిగే కోట్ల రూపాయల ట్రేడింగ్‌, ఇన్వెస్ట్‌మెంట్‌ మోసాలు, నల్లధనాన్ని మళ్లించడానికి వాడుకుంటారు. ఆశపడి బ్యాంక్‌ ఖాతాలిస్తే నేరమే.. కేసులు, ఆపై జైలుకు తప్పదంటున్న పోలీసులు తాజాగా వరంగల్‌ పోలీసులు ఛేదించిన కేసు చెబుతున్నదిదే..మ్యూల్‌ ఖాతాదారులైతే మూల్యం చెల్లించాల్సిందే..ఏం చేయకూడదు? 1.రూ.50 వేల లోన్‌ ఆశ చూపే లోకల్‌ బ్రోకర్లు, అధికారిక బ్యాంకులనే ఆశ్రయించాలి. 2. కమీషన్‌ వస్తుందని ఆశపడి బ్యాంక్‌ పాస్‌బుక్‌, ఏటీఎం కార్డు, పిన్‌ ఇతరులకు ఇవ్వొద్దు. 3.మీ పేరు మీద తీసుకున్న సిమ్‌ అయిందని అనుమానం వస్తే వెంటనే ఇవ్వొద్దు. 4.నా అకౌంట్‌తో నేనేం మోసం చేయలేదు కదా అని నిర్లక్ష్యంగా ఉండొద్దు.ఏం చేయాలి? 1. రుణాల కోసం నేరుగా గుర్తింపు పొందిన మధ్యవర్తులను నమ్మొద్దు. 2.మీ ఆధార్‌, పాన్‌ కార్డులను దేనికై నా ఇస్తే,వాటిపై ఏ అవసరం కోసం ఇస్తున్నారో పెన్నుతో రాయాలి. 3.మీ ప్రమేయం లేకుండా అకౌంట్‌ ఓపెన్‌ కార్డును ఇతరులకు వాడుకోమని హోమ్‌ బ్రాంచ్‌కు వెళ్లి చెక్‌ చేయాలి. 4.సైబర్‌ మోసానికి గురైతే ఆలస్యం చేయకుండా 1930 హెల్ప్‌లైన్‌ నంబర్‌కు కాల్‌ చేయాలి.

గూడూరు: విద్యాభివృద్ధే లక్ష్యంగా విద్యార్థులకు సేవలందిస్తున్నామని జాతీయ ఎస్టీ కమిషన్‌ సభ్యు డు జాటోతు హుస్సేన్‌నాయక్‌ అన్నారు. గెయిల్‌ ఇండియా లిమిటెడ్‌ కార్పొరేట్‌ సంస్థ అందించిన నిధులతో శుక్రవారం మండల కేంద్రంలోని ప్రభుత్వ పాఠశాలలో 9, 10వ తరగతి విద్యార్థినులకు ఉచితంగా 150 సైకిళ్లు పంపిణీ చేశారు. ఈ సంరద్భంగా హుస్సేన్‌నాయక్‌ మాట్లాడుతూ.. ఇప్పటికీ ఇంకా కొందరు పేద విద్యార్థులు దూర ప్రాంతాల నుంచి నడుచుకుంటూ పాఠశాలలకు వస్తున్నారనే విషయం తెలుసుకొని సైకిళ్లు అందజేయడం ఆనందంగా ఉందన్నారు. విద్యార్థులు ఉన్నత చదువులు చదివి తమ లక్ష్యాలు సాధించాలని సూచించారు. కార్యక్రమంలో గెయిల్‌ సంస్థ ప్రతినిధులు వీర్‌ మురుగన్‌, కటియార్‌, అన్సారీ, మిత్ర హోలిస్టిక్‌ హెల్త్‌ సొసైటీ చైర్మన్‌ లక్ష్మి, ఎంఈఓ ఎ.సుజాత, తహసీల్దార్‌ నాగభవాని, బీజేపీ జిల్లా అధ్యక్షుడు వెంకటేశ్వర్లు, రాసమల్ల వెంకటేశ్వర్లు, మేరెడ్డి సురేందర్‌, గుగులోతు రాంబాబు, ధర్మానాయక్‌ తదితరులు పాల్గొన్నారు. కేసముద్రంలో.. కేసముద్రం: మున్సిపాలిటీ పరిధి కేసముద్రం జెడ్పీహైస్కూల్‌ ఆవరణలో శుక్రవారం గెయిల్‌ ఇండియా లిమిటెడ్‌ కార్పొరేట్‌ సంస్థ సహకారంతో కేసముద్రంస్టేషన్‌, కేసముద్రంవిలేజ్‌, ఉప్పరపల్లి జెడ్పీ హైస్కూల్‌లకు చెందిన 9,10వ తరగతి విద్యార్థినులకు జాతీయ ఎస్టీ కమిషన్‌ సభ్యుడు హుస్సేన్‌నాయక్‌ చేతులమీదుగా ఉచితంగా సైకిళ్లను పంపిణీ చేశారు. ఈ కార్యక్రమంలో గెయిల్‌ ఇండియా ఈడీ ఆర్‌ఎస్‌ వీర్‌మురుగన్‌, జీఎం కటియార్‌, ఆసిఫ్‌, అన్సారీ, సీజీఎం హెచ్‌ఆర్‌ శ్రీదేవ్‌కాంత్‌, మిత్ర హోలిస్టిక్‌ హెల్త్‌ సొసైటీ ప్రతినిధి లక్ష్మి, తహసీల్దార్‌ వివేక్‌, సీఐ సత్యనారాయణ, ఎస్సై క్రాంతికిరణ్‌, ఎంఈఓ కాలేరు యాదగిరి, బీజేపీ జిల్లా అధ్యక్షుడు వెంకటేశ్వర్లు, జిల్లా ఉపాధ్యక్షుడు పొదిల నర్సింహరెడ్డి, పట్టణ కన్వీనర్‌ బోగోజు నాగేశ్వరాచారి, మండల అధ్యక్షుడు ఉప్పునూతల రమేశ్‌, భాస్కర్‌, ఉపాధ్యాయులు తదితరులు పాల్గొన్నారు.

సద్వినియోగం చేసుకోవాలి ప్రభుత్వ పాఠశాలలకు విడుదలైన క్రీడా నిధులను ఆయా పాఠశాలలు సద్వినియోగం చేసుకోవాలి. పరికరాలు కొనుగోలు చేసి పలు క్రీడల్లో రాణించేలా విద్యార్థులను తీర్చిదిద్దాలి. – మందుల శ్రీరాములు, ఇన్‌చార్జ్‌ డీఈఓ మహబూబాబాద్‌ అర్బన్‌: ప్రభుత్వ పాఠశాలల్లో చదువుకుంటున్న విద్యార్థులు క్రీడల్లోనూ రాణించేలా ప్రోత్సహించేందుకు కేంద్ర, రాష్ట్ర ప్రభుత్వాలు జిల్లాకు ఖేలో ఇండియా క్రీడా నిధులు రూ.59.10లక్షలు విడుదల చేశాయి. ఈ నిధులు నేరుగా పాఠశాల యాజమాన్య కమిటీ ఖాతాలో జమ అవుతాయి. ఈ నిధులతో క్రీడా పరికరాలు మాత్రమే కొనుగోలు చేయాలనే ఆదేశాలున్నాయి. ప్రాథమిక పాఠశాలలకు రూ.5వేలు, ప్రాథమికోన్నత, ఉన్నత పాఠశాలలకు రూ.10వేల చొప్పున జమ అవుతా యి. రానున్న రోజుల్లో విద్యార్థులు రాష్ట్ర, కేంద్ర స్థాయిలో జరిగే క్రీడా పోటీల్లో పాల్గొని ఉత్తమ ప్రతిభ కనబరిచేందుకు ఈ నిధులు దోహదపడనున్నాయి. జిల్లాకు రూ.59.10లక్షలు.. జిల్లాలో మొత్తం 742 ప్రభుత్వ పాఠశాలలు ఉండగా.. రూ.59.10లక్షల నిధులు మంజూరయ్యాయి. జిల్లాలోని 360 ప్రాథమిక పాఠశాలలకు రూ.18 లక్షలు, 101 ప్రాథమికోన్నత పాఠశాలలకు రూ.19.10 లక్షలు, 96 ఉన్నత పాఠశాలలకు రూ.24 లక్షలు వచ్చాయి. 9 ప్రభుత్వ జూనియర్‌ కళాశాలకు రూ.2.25 లక్షలు, మోడల్‌, కేజీబీవీ స్కూల్‌, కళాశాలలకు రూ.4.75లక్షలు వచ్చాయి. అదేవిధంగా గ్రౌండ్‌ లేని 56 ప్రాథమిక పాఠశాలలకు రూ.4 వేల చొప్పున రూ.2.24లక్షలు, 13 ప్రాథమిక పాఠశాలలకు రూ.7,000 చొప్పున రూ.91వేలు, 11 ఉన్నత పాఠశాలలకు రూ.1.65లక్షలు, ఒక ప్రభుత్వ కళాశాలకు రూ.19,000 మంజూరయ్యాయి. 742 పాఠశాలలు.. 75 పాఠశాలలకు పీఈటీలు ప్రభుత్వ పాఠశాలల్లో పీఈటీల కొరత తీవ్రంగా వేధిస్తుండడంతో విద్యార్థుల సమగ్ర వికాసానికి, క్రీడా నైపుణ్యాల పెంపుదలకు ఆటంకం ఏర్పడుతోంది. పలు పాఠశాలల్లో పీఈటీ పోస్టులు ఖాళీగా ఉండడం వల్ల మైదానాలు ఉన్నప్పటికీ ఆటలాడించే దిక్కులేక క్రీడా పీరియడ్లు నామమాత్రంగా మారుతున్నాయి. జిల్లాలో 742 పాఠశాలలకు 75 పాఠశాలల్లో మాత్రమే పీఈటీలు ఉండడం గమనార్హం. జిల్లాలోని 10 ప్రభుత్వ జూనియర్‌ కళాశాలల్లో ఒక్క పీడీ కూడా లేరు. అయితే కొన్నేళ్లుగా ప్రభుత్వ పాఠశాలల్లో రెగ్యులర్‌ పీఈటీల రిటైర్మెంట్‌కు అనుగుణంగా కొత్త నియామకాలు జరగకపోవడం, విద్యార్థుల సంఖ్య ఆధారంగా పోస్టులను కేటాయించడం వల్ల చాలా హైస్కూళ్లలో పీఈటీ పోస్టులు రద్దవుతున్నాయి లేదా ఇతర స్కూళ్లకు బదిలీ అవుతున్నాయి. క్షేత్రస్థాయిలో ఖాళీలను భర్తీ చేయకపోతే ప్రభుత్వ పాఠశాలల్లో క్రీడారంగం మరింత వెనుకబడే ప్రమాదం ఉంది. ప్రాథమిక పాఠశాలలకు రూ.5 వేలు.. ప్రాథమికోన్నత, హైస్కూళ్లకు రూ.10 వేలు జిల్లాకు రూ.59.10లక్షలు మంజూరు

నెహ్రూసెంటర్‌: విద్యుత్‌ వినియోగదారులు తమ బిల్లులను సులభంగా, వేగవంతంగా చెల్లించేందుకు విద్యుత్‌శాఖ డిజిటల్‌ చెల్లింపు విధానాలను విస్తృతంగా అందుబాటులోకి తీసుకువచ్చిందని మహబూబాబాద్‌ సర్కిల్‌ సూపరింటెండెంట్‌ దర్శన్‌కుమార్‌ శుక్రవారం తెలిపారు. సాంకేతిక పరిజ్ఞానం అందుబాటులోకి రావడంతో వినియోగదారులు ఇంటి వద్ద నుంచే తమ విద్యుత్‌ బిల్లులు చెల్లించుకోవచ్చని సూచించారు. ప్రస్తుత సాంకేతిక యుగంలో వివిధ యాప్‌ల ద్వారా బిల్లులను చెల్లించుకోవచ్చన్నారు. అందుబాటులో ఉన్న డిజిటల్‌ సౌకర్యాలను వినియోగించుకుని సురక్షితంగా, సులభతరంగా విద్యుత్‌ బిల్లులు చెల్లించాలని వినియోగదారులను కోరారు. కేజీబీవీ టీచర్‌కు షోకాజ్‌ నోటీసుకురవి: మండలంలోని నేరడ కస్తూర్బాగాంధీ బాలికల పాఠశాలకు చెందిన టీచర్‌ సుహాసినికి షోకాజ్‌ నోటీసులు జారీ చేసినట్లు జీసీ ఈఓ గాయత్రి శుక్రవారం తెలిపారు. పాఠశాలలో వినాయక చవితి పర్వదినోత్సవం సందర్భంగా పిల్లలను కొట్టారనే ఆరోపణ నేపథ్యంలో ఇన్‌చార్జ్‌ డీఈఓ ఆదేశాల మేరకు షోకాజ్‌ నోటీసులు అందించినట్లు ఆమె తెలిపారు. హనుమకొండ కోర్టుకు ఎమ్మెల్యే రాంచంద్రునాయక్‌మరిపెడ రూరల్‌: ప్రభుత్వ విప్‌, డోర్నకల్‌ ఎమ్మెల్యే జాటోతు రాంచంద్రునాయక్‌ శుక్రవారం హనుమకొండలోని కోర్టుకు హాజరయ్యారు. ఎన్నికల సమయంలో నమోదైన కేసుకు సంబంధించిన న్యాయ ప్రక్రియలో భాగంగా ఆయన కోర్టుకు హాజరైనట్లు కాంగ్రెస్‌ నాయకులు తెలిపారు. ఎమ్మెల్యే వెంట పలువు రు న్యాయవాదులు, కాంగ్రెస్‌ పార్టీ నాయకులు, కార్యకర్తలు ఉన్నారు. ఉద్యోగ మేళాకు స్పందనమహబూబాబాద్‌ అర్బన్‌: జిల్లా గ్రామీణాభివృద్ధి శాఖ ఆధ్వర్యంలో నిర్వహించిన ఉద్యోగ మేళాకు విశేష స్పందన లభించింది. జిల్లా కేంద్రంలోని నలంద డిగ్రీ కళాశాలలో శుక్రవారం నిర్వహించిన ఉద్యోగ మేళాకు జిల్లా నుంచి 65 మంది అభ్యర్థులు హాజరు కాగా.. ఇంటర్వ్యూ లు, స్కీనింగ్‌ పరీక్షలు నిర్వహించి 35మందిని ఎంపిక చేసినట్లు కళాశాల కరస్పాండెంట్‌ డోలి సత్యనారాయణ తెలిపారు. అభ్యర్థులకు ఐసీసీఐ బ్యాంక్‌ నియామక పత్రాల ఉత్తర్వులు అందజేసినట్లు పేర్కొన్నారు. ఐసీసీఐ బ్యాంక్‌ హెచ్‌ఆర్‌ మేనేజర్‌ సుబ్రియా, కళాశాల ప్రిన్సిపాల్‌ కృష్ణప్రసాద్‌, ఉద్యోగ మేళా మేనేజర్‌ గణేష్‌, అభ్యర్థులు పాల్గొన్నారు. పేదల ఇళ్లను క్రమబద్ధీకరించాలి మహబూబాబాద్‌ రూరల్‌: మహబూబాబాద్‌ మున్సిపాలిటీ పరిధిలో జీఓ 58కింద 50నుంచి 70గజాల స్థలాల్లో నిరుపేదలు నిర్మించుకున్న ఇళ్లను క్రమబద్ధీకరించాలని ఎమ్మెల్యే మురళీనాయక్‌ శుక్రవారం అసెంబ్లీలో ప్రభుత్వాన్ని కోరారు. మున్సిపాలిటీ పరిధిలో గతంలో జీఓ 58 కింద నిరుపేదలు చిన్నచిన్న స్థలాల్లో ఇళ్లు నిర్మించుకుని నివసిస్తున్నారని, వారి ఇళ్లను రెగ్యులరైజ్‌ చేయాలని విజ్ఞప్తి చేశారు. మహబూబాబాద్‌ పట్టణానికి 1,500 ఇందిరమ్మ ఇళ్లు మంజూరు చేయాలని, మున్సిపాలిటీ పరిధిలో పేదలు ఇళ్ల నిర్మాణాని కి తీవ్ర ఇబ్బందులు ఎదుర్కొంటున్నారని ఎ మ్మెల్యే సభ దృష్టికి తీసుకెళ్లారు. ఏజెన్సీ ప్రాంతాల్లో ఇళ్ల నిర్మాణానికి అడ్డంకులు తొలగించా లన్నారు. అసంపూర్తి పంచాయతీ భవనాల కు అదనపు నిధులు మంజూరు చేయాలన్నా రు. ‘చట్టాలు అమలు చేయకపోతే ఉద్యమం’బయ్యారం: ఆదివాసీ ప్రాంతంలో ప్రత్యేక చట్టాలను అమలు చేయకపోతే ఉద్యమం చేస్తామని తుడుందెబ్బ రాష్ట్ర అధ్యక్షుడు మైపతి అరుణ్‌కుమార్‌ అన్నారు. ఐటీడీఏల ద్వారా ఆదివాసీలకు ఉద్యోగాలు ఇవ్వాలని కోరుతూ ఈ నెల 21న తలపెట్టిన భద్రాచలం ఐటీడీఏ ముట్టడి కార్యక్రమం జయప్రదం చేయాలని శుక్రవారం మండలంలోని పలు ఆదివాసీ పల్లెల్లో పోస్టర్‌ ఆవిష్కరణ, సమావేశాలు నిర్వహించారు. బయ్యారంలోని కొమురం భీం విగ్రహం వద్ద ఇటీవల హత్యకు గురైన ఊకే శిరీష మృతికి కొవ్వొత్తులు వెలిగించి సంతాపం తెలిపారు. తుడుందెబ్బ నాయకులు పోలబోయిన వెంకటేశ్వర్లు, ఇల్లందు ఏఎంసీ ఉపాధ్యక్షులు వెంకటేశ్వర్లు, మొట్లతిమ్మాపురం సర్పంచ్‌ సాంబయ్య, బయ్యారం మాజీ సర్పంచ్‌ కవిత తదితరులు పాల్గొన్నారు.

కాజీపేట అర్బన్‌: కీలక ఘట్టం ఆవిష్కృతం కానుంది. ఏళ్ల కల నెరవేరనుంది. విద్యార్థుల శ్రమ, అకుంఠిత దీక్షకు నేడు(శనివారం), రేపు (ఆదివారం) పట్టాభిషేకం జరగనుంది. నిట్‌ వరంగల్‌లోని అంబేడ్కర్‌ లెర్నింగ్‌ సెంటర్‌ ఆడిటోరియంలో 24వ స్నాతకోత్సవం ఘనంగా నిర్వహించేందుకు అన్ని ఏర్పాట్లు చేశారు. క్యాంపస్‌లోని హోమీ బాబా సెమినార్‌హాల్‌లో శుక్రవారం ఏర్పాటు చేసిన విలేకరుల సమావేశంలో నిట్‌ డైరెక్టర్‌ బిద్యాధర్‌ సుబుదీ మాట్లాడుతూ.. విద్యార్థి జీవితంలో డిగ్రీ పట్టాల స్వీకరణ కీలక ఘట్టం అన్నారు. స్నాతకోత్సవం గురించి ఆయన తెలిసిన వివరాల ప్రకారం.. నిట్‌ 24వ కాన్వకేషన్‌–26లో రెండు రోజుల పాటు 1,997 మంది యూజీ, పీజీ విద్యార్థులు పట్టాలు అందుకోనున్నారు. తొలి రోజు శనివారం ఉదయం 10 గంటల నుంచి స్నాతకోత్సవం ప్రారంభం అవుతుంది. యూజీ విద్యార్థులు 930 మంది పట్టాలు స్వీకరిస్తారు. రెండో రోజు ఆదివారం పీజీ, పీహెచ్‌డీ విద్యార్థులు 1,067 మంది పట్టాలు అందుకుంటారు. ముఖ్య అతిథి టెక్సాస్‌ ఇండియా ఎండీ స్నాతకోత్సవానికి ముఖ్య అతిథిగా టెక్సాస్‌ ఇన్‌స్ట్రుమెంట్స్‌ ఇండియా మేనేజింగ్‌ డైరెక్టర్‌ సంతోశ్‌కుమార్‌ హాజరై పట్టాలు అందజేస్తారు. స్నాతకోత్సంలో నిట్‌ చైర్‌పర్సన్‌ సేయాంట్‌ సాఫ్ట్‌వేర్‌ కంపెనీ చైర్మన్‌, డాక్టర్‌ బీవీఆర్‌ మోహన్‌రెడ్డి అధ్యక్షత వహించనున్నారు. ప్రతీ విభాగంలో టాపర్లకు గోల్డ్‌మెడల్‌, ఓవరాల్‌ టాపర్‌కు ఇన్‌స్టిట్యూట్‌ గోల్డ్‌మెడల్‌తో పాటు ఇంజనీరింగ్‌ రంగంలో ప్రత్యేక పరిశోధనలకు ‘ఇన్నోవేటివ్‌ అప్లికేషన్స్‌ ఆఫ్‌ ఆటోమెటిక్‌ కంట్రోల్‌ టెక్నాలజీస్‌ టు ఏవియేషన్‌ అండ్‌ ఏరో స్పేస్‌ ఇంజనీరింగ్‌’ అంశంపై పరిశోధనలకు డాక్టర్‌ పద్మనాభన్‌ కె.మీనన్‌కు, ‘డాక్టర్‌ ఆఫ్‌ సైన్స్‌ డిగ్రీ, అడ్వాన్సింగ్‌ ఇండియాస్‌ సెమీ కండక్టర్‌ అంబీషన్స్‌ త్రూ విజనరీ టెక్నాలజీ లీడర్‌ షిప్‌’ అంశంపై పరిశోధనలకు ఆనంద్‌ రామమూర్తికి గౌరవ డాక్టర్‌ ఆఫ్‌ ఫిలాసఫీ (పీహెచ్‌డీ) పట్టాలు అందజేయనున్నారు. నిట్‌ వరంగల్‌లో నేడు, రేపు పట్టాల అందజేత స్వీకరించనున్న 1,997 మంది విద్యార్థులు విద్యార్థి జీవితంలో కీలక ఘట్టం : నిట్‌ డైరెక్టర్‌ బిద్యాధర్‌ సుబుదీ