India vs Pakistan

హాంకాంగ్‌ సిక్సెస్‌ 2026 టోర్నీకి పాకిస్తాన్‌ క్రికెట్‌ బోర్డు (పీసీబీ) శుక్రవారం తమ జట్టును ప్రకటించింది. ఏడుగురు సభ్యులతో కూడిన ఈ జట్టుకు అనుభవజ్ఞుడైన బౌలింగ్‌ ఆల్‌రౌండర్‌ అబ్బాస్‌ ఆఫ్రిదిని కెప్టెన్‌గా ఎంపిక చేసింది.నాలుగు గ్రూపులుకాగా మోంగ్‌ కాక్‌ వేదికగా అక్టోబరు 30 నుంచి నవంబరు 1 మధ్య హాంకాంగ్‌ సిక్సెస్‌ తాజా ఎడిషన్‌ నిర్వహణకు షెడ్యూల్‌ ఖరారైంది. గ్రూప్‌-‘ఎ’ నుంచి ఆస్ట్రేలియా, హాంకాంగ్‌-చైనా... ఇంగ్లండ్‌.. గ్రూప్‌-‘బి’ నుంచి శ్రీలంక, బంగ్లాదేశ్‌, స్కాట్లాండ్‌.. గ్రూప్‌- ‘సి’ నుంచి భారత్‌, పాకిస్తాన్‌, యూఏఈ.. గ్రూప్‌-‘డి’ నుంచి సౌతాఫ్రికా, అఫ్గానిస్తాన్‌, ఒమన్‌ తలపడనున్నాయి.ఇరుజట్లు ఆరు ఓవర్ల పాటు బ్యాటింగ్‌ చేసే ఈ టోర్నీకి అంతర్జాతీయ క్రికెట్‌ మండలి (ICC) గుర్తింపు కూడా ఉంది. ఈ నేపథ్యంలో ఈ ఈవెంట్లో పాల్గొనే అన్ని దేశాలు తమ జట్టులోకి ఉత్తమ ఆటగాళ్లను ఎంపిక చేస్తాయి. పాక్‌ ఈసారి డిఫెండింగ్‌ చాంపియన్‌గా బరిలోకి దిగుతోంది.భారత జట్టు సారథిగా భువీఇక ఈసారి హాంకాంగ్‌ సిక్సెస్‌ టోర్నీలో భారత జట్టుకు వెటరన్‌ పేసర్‌ భువనేశ్వర్‌ కుమార్‌ సారథిగా ఎంపికయ్యాడు. అయితే, టీమిండియా పునరాగమనం, న్యూజిలాండ్‌తో సిరీస్‌ నేపథ్యంలో భువీ ఈ టోర్నీ నుంచి తప్పుకొనే అవకాశం ఉంది. ఇదిలా ఉంటే.. గ్రూప్‌-‘సి’ మ్యాచ్‌లో భాగంగా భారత్‌- పాక్‌ అక్టోబరు 30న తలపడనున్నాయి. కాగా గత ఎడిషన్‌లో పాక్‌ విజేతగా నిలిచింది.హాంకాంగ్‌ సిక్సెస్‌-2026 టోర్నీకి పాకిస్తాన్‌ జట్టుమహ్మద్‌ అబ్బాస్‌ ఆఫ్రిది (కెప్టెన్‌), అబ్దుల్‌ సమద్‌, అహ్మద్‌ దనియాల్‌, ముహమ్మద్‌ ఇర్ఫాన్‌ ఖాన్‌, ఖవాజా నఫే, ముహమ్మద్‌ షాజాద్‌, సాద్‌ మసూద్‌.చదవండి: సెలక్టర్లతో మాట్లాడాను.. టీమిండియాలో అతడి రీఎంట్రీ కష్టమే!

పాకిస్తాన్‌ సూపర్‌ లీగ్‌ మరోసారి ఇండియన్‌ ప్రీమియర్‌ లీగ్‌తో పోటీపడనుంది. ఐపీఎల్‌ జరిగే సమయంలోనే మరోసారి పీఎస్‌ఎల్‌ను ప్లాన్‌ చేశారు పాకిస్తాన్‌ క్రికెట్‌ బోర్డు అధికారులు. గతేడాది కూడా ఇలాంటి పరిస్థితే ఏర్పడింది. దీంతో కొంతమంది విదేశీ ఆటగాళ్లు పీఎస్‌ఎల్‌ ఒప్పందాల నుంచి తప్పుకుని ఐపీఎల్‌లో చేరారు.ఈ చేదు అనుభవం చవిచూశాక కూడా పీఎస్‌ఎల్‌ ఐపీఎల్‌తో ఢీకొట్టేందుకు ప్రణాళిక సిద్దం చేసింది. పీఎస్‌ఎల్‌ 2027 సీజన్‌కు సంబంధించిన తేదీలను లీగ్‌ నిర్వహకులు ఇవాళ ప్రకటించారు. ఈ టోర్నీలో వచ్చే ఏడాది మార్చి 18 నుంచి మే 2 వరకు జరుగనుంది.మరోవైపు ఐపీఎల్‌ 2027 సీజన్‌కు సంబంధించి తేదీలు ఖరారు కానప్పటికీ.. ఇంచుమించు పీఎస్ఎ‌ల్‌ జరిగే సమయంలోనే ఐపీఎల్‌ కూడా జరుగుతుంది. ప్రస్తుతమున్న సమాచారం​ ప్రకారం ఐపీఎల్‌ 2027 మార్చి మధ్యలో మొదలవుతుంది.ఐపీఎల్‌, పీఎస్‌ఎల్‌ మరోసారి క్లాష్‌ కానున్న నేపథ్యంలో మరోసారి విదేశీ ఆటగాళ్ల కోసం రెండు లీగ్‌ల మధ్య పోటీ తప్పకపోవచ్చు. గత సీజన్‌లో క్వెట్టా గ్లాడియేటర్స్‌కు డైరెక్ట్ సైనింగ్‌గా ఎంపికైన స్పెన్సర్ జాన్సన్.. వ్యక్తిగత కారణాలు సాకుగా చూపి పీఎస్‌ఎల్‌ నుంచి వైదొలిగి చెన్నై సూపర్ కింగ్స్‌లో చేరాడు.శ్రీలంక ఆటగాడు దసున్‌ షనక లాహోర్ ఖలందర్స్ డీల్‌ను కాదనుకొని రాజస్తాన్ రాయల్స్‌లో చేరాడు. బ్లెస్సింగ్ ముజారబాని ఇస్లామాబాద్ యునైటెడ్‌తో ఒప్పందం రద్దు చేసుకొని కోల్‌కతా నైట్ రైడర్స్‌లో చేరాడు. దీంతో ముజారబానిపై PSL రెండేళ్ల నిషేధం విధించింది.ఇదీ చదవండి: సుందర్‌కు రూ. 75 లక్షల చెక్కును అందజేసిన తమిళనాడు సీఎం విజయ్‌

భారత్‌, పాకిస్తాన్‌ జట్లు మరోసారి ఎదురెదురుపడనున్నాయి. పురుషుల సీనియర్‌ టీ20 జట్లు ఇటీవల ఏషియన్‌ గేమ్స్‌లో గోల్డ్‌ మెడల్‌ కోసం తలపడగా.. త్వరలో అండర్‌-19 జట్లు ఆసియా కప్‌ 2026లో పోటీపడనున్నాయి.ఈ టోర్నీకి సంబంధించిన షెడ్యూల్‌ ఇవాళే వెలువడింది. ఒమన్‌ ఆతిథ్యమివ్వనున్న ఈ టోర్నీ నవంబర్ 5 నుంచి 14 వరకు జరుగనుంది. మొత్తం ఎనిమిది జట్లు పాల్గొంటున్న ఈ టోర్నీలో పాకిస్తాన్‌ డిఫెండింగ్‌ ఛాంపియన్‌ హోదాలో బరిలోకి దిగనుంది. గత ఎడిషన్‌ ఫైనల్లో పాక్‌ భారత్‌ను 191 పరుగుల తేడాతో ఓడించి టైటిల్‌ను సొంతం చేసుకుంది.ఆ ఓటమికి ప్రతీకారం​ తీర్చుకునేందుకు భారత్‌కు అవకాశం వచ్చింది. నవంబర్‌ 8న జరిగే మ్యాచ్‌లో పాక్‌ భారత్‌ను ఢీకొంటుంది. ఈ మ్యాచ్‌ భారతకాలమానం ప్రకారం ఉదయం 10:30 గంటలకు ప్రారంభమవుతుంది. టోర్నీలోని అన్ని మ్యాచ్‌లు ఇదే సమయంలో ప్రారంభమవుతాయి.రెండు గ్రూపులుగా ఎనిమిది జట్లుటోర్నీలో పాల్గొనే ఎనిమిది జట్లను రెండు గ్రూపులుగా విభజించారు. గ్రూప్-ఏలో భారత్, పాకిస్తాన్, యూఏఈ, నేపాల్ జట్లు ఉండగా.. గ్రూప్-బి శ్రీలంక, బంగ్లాదేశ్, ఆప్ఘనిస్తాన్, మలేషియా జట్లు పోటీపడతాయి.గ్రూప్‌ దశలో ప్రతి జట్టు తమ గ్రూప్‌లోని మిగిలిన మూడు జట్లతో తలపడుతుంది. రెండు గ్రూపుల్లోనూ టాప్-2 జట్లు సెమీఫైనల్స్‌కు అర్హత సాధిస్తాయి.సెమీఫైనల్స్ రెండూ నవంబర్ 12న జరగనున్నాయి. నవంబర్ 14న ఫైనల్ నిర్వహిస్తారు. టోర్నీలోని మొత్తం 15 మ్యాచ్‌లు 50 ఓవర్ల ఫార్మాట్‌లోనే జరుగుతాయి. నవంబర్‌ 5న జరిగే తొలి మ్యాచ్‌లో శ్రీలంక, మలేషియా జట్లు తలపడతాయి. ఇదీ చదవండి: శ్రీలంక జట్టుకు కొత్త కెప్టెన్‌.. ప్రకటన విడుదల

టీమిండియా చేతిలో ఓటమిని ఇప్పటికీ జీర్ణించుకోలేకపోతున్నానని పాకిస్తాన్‌ బ్యాటర్‌ హసన్‌ నవాజ్‌ అన్నాడు. పటిష్ట భారత జట్టును ఎదుర్కోవడం తేలికేమీ కాదని.. అయినప్పటికీ విజయం కోసం తాను శాయశక్తులా కృషి చేశానని పేర్కొన్నాడు. అయితే, చిన్న చిన్న తప్పిదాల వల్ల ఓటమి రూపంలో భారీ మూల్యమే చెల్లించాల్సి వచ్చిందని నవాజ్‌ విచారం వ్యక్తం చేశాడు.మరోసారి భారత్‌కు స్వర్ణంజపాన్‌ వేదికగా ఇటీవల ఆసియా క్రీడలు-2026 పురుషుల టీ20 టోర్నీ ఫైనల్లో భారత్‌- పాకిస్తాన్‌ తలపడ్డ సంగతి తెలిసిందే. హోరాహోరీగా సాగిన టైటిల్‌ పోరులో టీమిండియా 19 పరుగుల తేడాతో గెలిచి మరోసారి స్వర్ణ పతకాన్ని ముద్దాడగా.. పాక్‌ రజతంతో సరిపెట్టుకుంది.హసన్‌ నవాజ్‌ మెరుపులు వృథాఈ మ్యాచ్‌లో భారత్‌ విధించిన 212 పరుగుల లక్ష్యాన్ని ఛేదించే క్రమంలో సహచర ఆటగాళ్లంతా విఫలమైనప్పటికీ.. నాలుగో నంబర్‌ బ్యాటర్‌ హసన్‌ నవాజ్‌ ఒంటరి పోరాటం చేశాడు. కేవలం 51 బంతుల్లోనే ఐదు ఫోర్లు, ఏడు సిక్సర్ల సాయంతో 96 పరుగులు చేశాడు. అయితే, శివం దూబే అద్భుత బంతితో అతడిని బోల్తా కొట్టించి.. సెంచరీకి దూరం చేయడంతో పాటు భారత్‌ విజయానికి బాటలు వేశాడు.నా ప్రదర్శన పట్ల సంతృప్తిగానే ఉన్నానుఈ నేపథ్యంలో భారత్‌ చేతిలో ఓటమిపై హసన్‌ నవాజ్‌ తాజాగా స్పందించాడు. మీడియాతో మాట్లాడుతూ.. ‘‘తీవ్ర నిరాశకు లోనయ్యాను. నా మనసు గాయపడింది. ఇప్పటికీ నేను ఆ ఓటమిని జీర్ణించుకోలేకపోతున్నా. మేము కొన్ని చిన్న చిన్న తప్పులు చేశాము.వాటి వల్లే ఓటమి రూపంలో భారీ మూల్యమే చెల్లించాము. ఏదేమైనా నా ప్రదర్శన పట్ల సంతృప్తిగానే ఉన్నాను. మేము గెలుస్తామనే అనుకున్నా. కానీ ఆఖర్లో అలా జరిగిపోయింది. పరిస్థితికి తగ్గట్లుగానే నేను బ్యాటింగ్‌ చేశాను. బుమ్రాకు ఒక్క ఓవర్‌ మాత్రమే మిగిలి ఉన్న సమయంలో మా విజయం తథ్యమనే అనుకున్నా.మేము తప్పులు చేస్తూనే ఉంటాముకానీ అలా జరగలేదు. ఏదేమైనా కష్టకాలంలో జట్టు కోసం పరుగులు చేసి.. పోటీలోకి తీసుకురావడం నాకు సంతృప్తినిచ్చింది. మళ్లీ మ్యాచ్‌లు జరుగుతాయి. మేము తప్పులు చేస్తూనే ఉంటాము. అయితే, టీమిండియాను ఓడించాలంటే తప్పుల నుంచి పాఠాలు నేర్చుకుని ఇంకాస్త గొప్పగా ఆడాల్సి ఉంటుంది. భారత్‌ నంబర్‌ వన్‌ టీమ్‌ అని అందరికీ తెలుసు. అలాంటి జట్టు మీద బాగా ఆడటం వల్ల నాలో ఆత్మవిశ్వాసం రెట్టింపు అయింది.’’ అని 24 ఏళ్ల హసన్‌ నవాజ్‌ చెప్పుకొచ్చాడు. చదవండి: అప్పుడు ఐదెకరాల భూమి.. ఇప్పుడు 3 ఖరీదైన అపార్టుమెంట్లు కొన్న విరుష్కIf you're one of the rare sports fan who missed out on yesterday's Gold Medal Match between India & Pakistan, we've got you covered ✅ Watch the 20th Asian Games Aichi-Nagoya 2026 LIVE on Sony Sports Network TV channels & Sony LIV. #SonySportsNetwork #SonyLIV #AsianGames #AichiNagoya2026 #BaarBaarBharatHarBaarBharat— Sony Sports Network (@SonySportsNetwk) October 4, 2026

ప్రతిష్టాత్మక ఆసియా క్రీడల్లో భారత్, పాకిస్తాన్‌ టి20 క్రికెట్‌ ఫైనల్‌ మ్యాచ్‌ను అత్యధిక మంది వీక్షించారని నిర్వాహకులు తెలిపారు. ఇరు దేశాల పురుషుల హాకీ జట్ల మధ్య జరిగిన సెమీఫైనల్‌కూ రికార్డు స్థాయి వీక్షణలు నమోదయ్యాయి. ఏషియన్‌ గేమ్స్‌ చరిత్రలోనే భారత్, పాకిస్తాన్‌ టి20 ఫైనల్‌ మ్యాచ్‌ను అత్యధిక మంది వీక్షించినట్లు ఆసియా ఒలింపిక్‌ కౌన్సిల్‌ (ఓసీఏ) వెల్లడించింది.‘ఈసారి ఆసియా క్రీడలకు మునుపెన్నడూ లేనంత అత్యధిక వీక్షణలు లభించాయి. దీనికి ప్రధాన కారణంగా ఆ రెండు పెద్ద మ్యాచ్‌లే. శనివారం భారత్, పాకిస్తాన్‌ మధ్య జరిగిన టీ20 ఫైనల్‌ అత్యధిక వీక్షకులను ఆకర్షించగా... అంతకుముందు భారత్, పాకిస్తాన్‌ పురుషుల హాకీ సెమీఫైనల్‌ను కూడా చాలా మంది చూశారు’ అని ఓసీఏ కోఆర్డినేషన్‌ కమిటీ అధ్యక్షుడు తయ్యబ్‌ ఇక్రామ్‌ తెలిపారు.టీమిండియా ఘన విజయంకాగా నగోయా వేదికగా జరిగి ఫైనల్ మ్యాచ్‌లో పాకిస్తాన్‌పై 19 పరుగుల తేడాథక్షభారత్ విజయం సాధించింది. తద్వారా టీమిండియా వరుసగా రెండోసారి స్వర్ణ పతకాన్ని ముద్దాడింది. ఈ తుది పోరులో తొలుత బ్యాటింగ్ చేసిన భారత్ నిర్ణీత 20 ఓవర్లలో 6 వికెట్ల నష్టానికి 211 పరుగుల భారీ స్కోరు సాధించింది. ఓపెనర్ అభిషేక్ శర్మ (28 బంతుల్లో 3 ఫోర్లు, 7 సిక్సర్లతో 61), తిలక్ వర్మ (22 బంతుల్లో 3 ఫోర్లు, 4 సిక్సర్లతో 51 నాటౌట్) హాఫ్ సెంచ‌రీలతో మెరిశారు. అనంత‌రం భారీ ల‌క్ష్య చేధ‌న‌లో పాకిస్తాన్ జ‌ట్టు 6 వికెట్లు కోల్పోయి 192 పరుగులకే పరిమితమైంది. హసన్ నవాజ్ (51 బంతుల్లో 5 ఫోర్లు, 7 సిక్సర్లతో 96) ఒక్క‌డే వీరోచిత పోరాటం చేశాడు. అత‌డికి స‌హ‌చ‌రుల నుంచి మ‌ద్ద‌తు ల‌భించ‌క‌పోవ‌డంతో పాక్ ఓట‌మి పాలైంది.

వరల్డ్ ఛాంపియన్‌షిప్ ఆఫ్ లెజెండ్స్ (WCL) మూడో సీజన్ నుంచి పాకిస్తాన్ ఛాంపియన్స్ జట్టు వైదొలిగింది. ఈ టోర్నీలో పాల్గొనే ఆటగాళ్లకు పాకిస్తాన్ క్రికెట్ బోర్డు (PCB) నో అబ్జెక్షన్ సర్టిఫికేట్ (NOC) ఇచ్చేందుకు నిరాకరించడంతోనే ఈ నిర్ణయం తీసుకోవాల్సి వచ్చింది. వాస్తవానికి షెడ్యూల్ ప్రకారం పాకిస్తాన్ జట్టు అక్టోబర్ 3న బంగ్లాదేశ్ ఛాంపియన్స్‌తో తమ తొలి మ్యాచ్‌ ఆడాల్సి ఉంది. అయితే అనివార్య కారణాల వల్ల ఆ మ్యాచ్ వాయిదా పడినట్లు డబ్ల్యూసీఎల్ యాజమాన్యం ప్రకటించింది. అయితే పాక్ బోర్డు నుంచి ఎన్ఓసీ రాకపోవడమే ఆ మ్యాచ్ నిలిచిపోవడానికి అసలు కారణమని ఇప్పుడు స్పష్టమైంది. ఇప్పటికే పాకిస్తాన్ ఛాంపియన్స్ జట్టుకు చెందిన పలువురు ఆటగాళ్లు యూఏఈకి చేరుకున్నప్పటికీ, బోర్డు నుంచి అనుమతి పత్రాలు లభించకపోవడంతో వారు బరిలోకి దిగలేకపోయారు. అంతేకాకుండా, టోర్నీ కెప్టెన్ల సమావేశానికి, ట్రోఫీ ఆవిష్కరణ కార్యక్రమానికి కూడా పాక్ కెప్టెన్ షాహిద్ అఫ్రిది గైర్హాజరయ్యాడు. గత సీజన్‌లో చోటుచేసుకున్న కొన్ని పరిణామాల నేపథ్యంలో పీసీబీ ఈ కఠిన నిర్ణయం తీసుకున్నట్లు తెలుస్తోంది. గత ఎడిషన్‌లో పహల్గామ్ ఉగ్రదాడి కారణంగా భారత జట్టు పాకిస్తాన్‌తో ఆడటానికి రెండుసార్లు నిరాకరించింది. దాంతో ఘోర అవమానంగా భావించిన పాకిస్తాన్ క్రికెట్ బోర్డు.. ఈసారి తమ ఆటగాళ్లకు ఎన్ఓసీ ఇచ్చేందుకు సుముఖత చూపలేదు.కాగా ఈ సీజన్‌లో అక్టోబర్ 10న భారత్-పాకిస్తాన్ మధ్య హైవోల్టేజ్ మ్యాచ్ జరగాల్సి ఉంది. అయితే ఇప్పుడు పాక్ టోర్నీ నుంచి వైదొలగడంతో దాయాదుల పోరు చూడాలనుకున్న అభిమానులకు తీవ్ర నిరాశ మిగిలింది.చదవండి: IND vs AUS: ఆసీస్‌తో వ‌న్డే సిరీస్‌.. టీమిండియాకు భారీ షాక్‌!

ఆసియా క్రీడ‌లు-2026 క్రికెట్ టోర్నీని భారత్ ఘనంగా ముగించింది. శ‌నివారం జ‌రిగిన ఉత్కంఠభరిత ఫైన‌ల్ మ్యాచ్‌లో చిరకాల ప్రత్యర్థి పాకిస్తాన్‌పై 19 ప‌రుగుల తేడాతో విజయం సాధించి, వ‌రుస‌గా రెండోసారి ప‌సిడి ప‌త‌కాన్ని సొంతం చేసుకుంది. టీమిండియా ఛాంపియ‌న్‌గా నిలిచినప్పటికీ, యువ లెగ్ స్పిన్న‌ర్ ర‌వి బిష్ణోయ్ మాత్రం బౌలింగ్‌లో తీవ్రంగా నిరాశపరిచాడు.ఈ మ్యాచ్‌లో గ‌ల్లీ బౌల‌ర్ కంటే దారుణంగా బౌలింగ్ చేస్తూ పాక్ బ్యాట‌ర్ల‌కు సులువుగా ప్యాంట్ అయ్యేలా పరుగులు ఇచ్చాడు. రాజ‌స్తాన్‌కు చెందిన ఈ 26 ఏళ్ల స్పిన్న‌ర్ 3 ఓవర్లు బౌలింగ్ చేసి 14.70 ఎకానమీతో ఏకంగా 44 ప‌రుగులు స‌మ‌ర్పించుకున్నాడు. ఈ నేపథ్యంలో బిష్ణోయ్‌ బౌలింగ్ తీరుపై భారత మాజీ క్రికెట‌ర్ క్రిష్ణ‌మాచారి శ్రీకాంత్ తన యూట్యూబ్ ఛానెల్‌ వేదికగా తీవ్రస్థాయిలో ధ్వజమెత్తాడు."ఈ టోర్నీలో కోరోగి స్పోర్ట్స్ పార్క్ మైదానం స్పిన్న‌ర్ల‌కు ఎంతగానో అనుకూలించింది. పేసర్ల కంటే స్పిన్నర్లే అక్కడ పండుగ చేసుకున్నారు. కానీ మన స్పిన్నర్ బిష్ణోయ్ మాత్రం దారుణ ప్రదర్శన చేశాడు. స్పిన్‌కు అనుకూలించే వికెట్‌పై కూడా బంతిని తిప్పకలేకపోతే అతడేం స్పిన్నరో నాకు అర్థం కావడం లేదు.బౌలింగ్ వేసే సమయంలో అతడి శరీరం తప్ప బంతి మాత్రం అస్సలు తిరగదు. లెగ్-స్పిన్నర్ అయి ఉండి కూడా ట‌ర్న్‌ లభించే పిచ్‌పై బంతిని తిప్పలేకపోవడం బిష్ణోయ్‌కే సాధ్యమైంది. అది కూడా ఒక కళే! కొంతమంది అతనికి అనవసరంగా హైప్ ఇస్తుంటారు, గొప్ప బౌలర్ అని ఆకాశానికెత్తుతారు.పది మ్యాచ్‌ల్లో విఫలమైనా ఏదో ఒక మ్యాచ్‌లో రాణిస్తే చాలు మళ్లీ ఫామ్‌లోకి వచ్చేశాడని పొగుడుతారు. లెగ్-స్పిన్నర్ అంటే ముందు బంతిని టర్న్ చేయడం నేర్చుకోవాలి. పాకిస్థాన్ సాధారణ స్పిన్నర్లు, చివరకు మన పార్ట్-టైమ్ స్పిన్నర్ అభిషేక్ శర్మ కూడా బంతిని చక్కగా స్పిన్ చేయగలిగారు" అని శ్రీకాంత్ విమర్శించాడు.చదవండి: IND vs AUS: యువ‌రాజ్ విధ్వంసం.. ఆసీస్‌ను చిత్తు చేసిన భార‌త్‌

ఏషియన్‌ గేమ్స్ 2026లో భారత క్రికెట్ జట్లు అదరగొట్టాయి. పురుషుల, మహిళల విభాగాల్లో స్వర్ణ పతకాలు సాధించాయి. మహిళల జట్టు ఫైనల్లో శ్రీలంకను ఓడించి స్వర్ణ పతకం నిలబెట్టుకోగా.. పురుషుల జట్లు ఫైనల్లో చిరకాల ప్రత్యర్థి పాకిస్తాన్‌ను చిత్తు చేసి గోల్డ్ మెడల్‌ను డిఫెండ్‌ చేసుకుంది.పురుషుల జట్టు ఫైనల్లో పాక్‌ను ఓడించి స్వర్ణం సాధించిన అనంతరం బీసీసీఐ అధ్యక్షుడు మిథున్ మన్హాస్ ఘాటు వ్యాఖ్యలు చేశాడు. అంతర్జాతీయ క్రికెట్‌లో భారత్‌కు, పాకిస్తాన్‌కు మధ్య అంతరం స్పష్టంగా కనిపిస్తోందని అన్నాడు.“పాకిస్తాన్ మన చిరకాల ప్రత్యర్థి. కానీ ప్రస్తుతం వాళ్లు పెద్దగా పోటీ ఇవ్వడం లేదు. ఒత్తిడితో కూడిన పరిస్థితులను మా జట్టు ఎదుర్కొన్న తీరు అద్భుతం. ప్రపంచంలోని మరే జట్టు కూడా ఇంత సమర్థంగా ఒత్తిడిని ఎదుర్కోలేదని అనిపిస్తోంది. ఏషియన్‌ గేమ్స్‌లో భారత జట్టే అత్యుత్తమం. మా ఆటగాళ్ల ప్రదర్శన అభినందనీయం” అని మన్హాస్ వ్యాఖ్యానించాడు.తిలక్, అభిషేక్‌పై ప్రశంసలుఫైనల్లో పాక్‌పై అద్భుతంగా బ్యాటింగ్‌ చేసిన అభిషేక్‌ శర్మ, తిలక్‌ వర్మపై మన్హాస్‌ ప్రశంసల వర్షం కురిపించాడు. “ఇది జట్టు ఆట. తిలక్ వర్మ అద్భుతంగా బ్యాటింగ్ చేశాడు. అభిషేక్ శర్మ మ్యాచ్‌కు మంచి పునాది వేశాడు. ఓపెనర్ల పని ఇన్నింగ్స్‌కు మంచి ఆరంభం ఇవ్వడం. ఆ తర్వాత మిడిల్ ఆర్డర్ దాన్ని పూర్తి చేయాలి” అని మన్హాస్ వివరించాడు.కాగా, నిన్న జరిగిన ఏషియన్‌ గేమ్స్‌ పురుషుల క్రికెట్‌ ఫైనల్స్‌లో భారత్‌ పాక్‌పై విజయం సాధించి స్వర్ణ పతకం నిలబెట్టుకుంది. ఈ మ్యాచ్‌లో తొలుత బ్యాటింగ్‌ చేసిన టీమిండియా 211 పరుగుల భారీ స్కోరు చేసింది. అనంతరం పాకిస్తాన్‌ను 192/6కే పరిమితం చేసి 19 పరుగుల తేడాతో విజయం సాధించింది.ఇదీ చదవండి: 21 స్వర్ణాలు... 27 రజతాలు... 37 కాంస్యాలు

ఆసియా క్రీడలు-2026 పురుషుల క్రికెట్ టోర్నీ విజేతగా భారత జట్టు నిలిచింది. శనివారం జరిగిన ఉత్కంఠభరిత ఫైనల్‌లో చిరకాల ప్రత్యర్థి పాకిస్తాన్‌పై 19 పరుగుల తేడాతో విజయం సాధించిన భార‌త్‌.. వ‌రుస‌గా రెండో సారి ప‌సిడి ప‌త‌కాన్ని ముద్దాడింది. అయితే ఈ చారిత్ర‌త్మ‌క విజ‌యంలో హైదరాబాదీ స్టార్ బ్యాటర్ తిలక్ వర్మది కీల‌క పాత్ర‌. 23 ఏళ్ల తిలక్‌ అద్భుతమైన ఇన్నింగ్స్‌తో మరోసారి హీరోగా నిలిచాడు.విమర్శకుల నోళ్లు మూయించిన తిలక్‌ఇటీవలి కాలంలో తన ఫామ్‌పై వస్తున్న విమర్శలకు తిలక్ వర్మ తన బ్యాట్‌తోనే సమాధానమిచ్చాడు. ఆరో స్థానంలో బ్యాటింగ్‌కు వచ్చిన సమయంలో భారత్ వరుసగా వికెట్లు కోల్పోయి ఒత్తిడిలో పడింది. మొదట్లో కాస్త ఆచితూచి ఆడిన తిలక్.. తొలి 11 బంతుల్లో 13 పరుగులు మాత్రమే చేశాడు. ఆ సమయంలో టీమిండియా 200 పరుగుల స్కోరునైనా అందుకోగలదా అనే సందేహాలు వ్యక్తమయ్యాయి.అయితే ఆ తర్వాత తిలక్ వర్మ తన అసలు రూపం చూపించాడు. చివరి 3 ఓవర్లలో పాకిస్తాన్ బౌలర్లను ఉతికారేస్తూ ఏకంగా 38 పరుగులు పిండుకున్నాడు. మొత్తంగా కేవలం 22 బంతుల్లో 3 ఫోర్లు, 4 సిక్సర్లతో 51 పరుగులు సాధించి ఆఖరి వరకు అజేయంగా నిలిచాడు. అతడి విధ్వంసకర ముగింపుతో భారత్ నిర్ణీత 20 ఓవర్లలో 6 వికెట్ల నష్టానికి 211 పరుగుల భారీ స్కోరు సాధించగలిగింది. మలుపు తిప్పిన తిలక్ ఇన్నింగ్స్ పాకిస్తాన్ ఛేజింగ్‌లో చివరివరకు పోరాడి 20 ఓవర్లలో 192 పరుగులు చేసి ఓటమి పాలైంది. పాక్ తమ విజయానికి కేవలం 19 పరుగుల దూరంలో ఆగిపోయింది. అయితే తిలక్ చివరి ఓవర్లలో సాధించిన ఆ కీలక పరుగులే భారత్‌కు స్వర్ణ పతకాన్ని తెచ్చి పెట్టాయి. ఒకవేళ తిలక్ దూకుడుగా పరుగులు సాధించపోయింటే పరిస్థితి మరో విధంగా ఉండేది.పాక్ అంటే పూనకాలేకాగా హైదరాబాదీ తిలక్ వర్మకు పాకిస్తాన్‌తో మ్యాచ్ అంటే పూనకాలే. గతేడాది జరిగిన ఆసియా కప్ ఫైనల్లో కూడా తిలక్ (69 నాటౌట్) ఒంటరి పోరాటం చేసి జట్టును గెలిపించాడు. ఇప్పుడు ఆసియా క్రీడల ఫైనల్లోనూ మరోసారి మ్యాచ్ విన్నింగ్ నాక్‌తో భారత్‌కు పసిడి పతకాన్ని అందించాడు.

ఆసియా క్రీడలు-2026 పురుషుల టీ20 టోర్నీలో డిఫెండింగ్‌ చాంపియన్‌ టీమిండియా మరోసారి సత్తా చాటింది. జపాన్‌ వేదికగా పాకిస్తాన్‌తో శనివారం నాటి ఫైనల్లో 19 పరుగుల తేడాతో గెలిచి వరుసగా రెండోసారి స్వర్ణ పతకం కైవసం చేసుకుంది.ఈ విజయంలో ఓపెనర్‌ అభిషేక్‌ శర్మ (28 బంతుల్లో 61), వైస్‌ కెప్టెన్‌ తిలక్‌ వర్మ (22 బంతుల్లో 51 నాటౌట్‌), ఆల్‌రౌండర్‌ శివం దూబే (15 బంతుల్లో 27) కీలక పాత్ర పోషించారు. ఇక చాంపియన్‌గా నిలిచిన భారత జట్టుకు అంతర్జాతీయ క్రికెట్‌ మండలి (ICC) చైర్మన్‌ జై షా బంగారు పతకాలను ప్రదానం చేశారు.𝐆𝐎𝐋𝐃 𝐈𝐍 𝐇𝐀𝐍𝐆𝐙𝐇𝐎𝐔. 𝐆𝐎𝐋𝐃 𝐈𝐍 𝐀𝐈𝐂𝐇𝐈-𝐍𝐀𝐆𝐎𝐘𝐀. 🥇The Men in Blue successfully defend their Asian Games crown and keep India’s cricketing gold streak alive. ✨ Watch the 20th Asian Games Aichi-Nagoya 2026, LIVE on Sony Sports Network TV channels & Sony… pic.twitter.com/8pmI2fo8AH— Sony Sports Network (@SonySportsNetwk) October 3, 2026ప్రతీ ఆటగాడి మెడలో స్వర్ణ పతకంనిజానికి ఆసియా క్రికెట్‌ మండలి (ACC) అధ్యక్షుడు, పాకిస్తాన్‌ క్రికెట్‌ బోర్డు చైర్మన్‌, పాక్‌ మంత్రి మోసిన్‌ నక్వీ మెడల్‌ అందించేందుకు వస్తారనే ప్రచారం జరిగింది. అయితే, నక్వీ ఈ కార్యక్రమానికి దూరంగా ఉన్నారు. దీంతో జై షా టీమిండియాలోని ప్రతీ ఆటగాడి మెడలో స్వర్ణ పతకం వేశారు.అయితే, పాకిస్తాన్‌ ఆటగాళ్లకు రజత పతకాలు అందించేందుకు మాత్రం జై షా నిరాకరించినట్లు తెలుస్తోంది. దీంతో ఫైనల్‌ మ్యాచ్‌కు వేదికైన నిశిన్‌ సిటీ మేయర్‌ పాక్‌ జట్టుకు వెండి పతకాలు అందజేశారు. పాకిస్తాన్‌ సూపర్‌ లీగ్‌ సీఈఓ సల్మాన్‌ నాజర్‌.. ఆటగాళ్లకు మస్కట్‌ అందించారు. మరోవైపు.. కాంస్యం గెలిచిన శ్రీలంక జట్టుకు శ్రీలంక ఒలింపిక్‌ కమిటీ ఉపాధ్యక్షుడు పతకాలు ప్రదానం చేశారు. నాటి నుంచి.. నేటి దాకాకాగా పహల్గాం ఉగ్రదాడి తర్వాత భారత్‌- పాకిస్తాన్‌ మధ్య దౌత్య సంబంధాలు దెబ్బతిన్న సంగతి తెలిసిందే. ఈ నేపథ్యంలో ప్రధాన టోర్నీల్లోనూ పాక్‌ ఆటగాళ్లతో భారత జట్టు కరచాలనాన్ని నిరాకరిస్తూ వస్తోంది.తీరు మారని నక్వీతాజాగా శనివారం కూడా ఇదే ఘటన మరోసారి పునరావృతమైంది. ఇదిలా ఉంటే.. ఆసియా టీ20 కప్‌-2025లో టీమిండియా చాంపియన్‌గా నిలిచిన తర్వాత.. ఏసీసీ అధ్యక్షుడు నక్వీ చేతుల మీదుగా ట్రోఫీ అందుకోవడానికి నిరాకరించిన సంగతి తెలిసిందే. ఈ నేపథ్యంలో నక్వీ ట్రోఫీని తనతో పాటే తీసుకువెళ్లి ఇంత వరకు టీమిండియాకు అందనివ్వలేదు.ఇదే తేడాఇటీవల ఆసియా కప్‌ టోర్నీలో చాంపియన్‌గా నిలిచిన భారత మహిళల జట్టు విషయంలోనూ ఇదే జరిగింది. అయితే, ఆసియా క్రీడల్లో భారత్‌కు చెందిన జై షా.. పాక్‌ ఆటగాళ్లకు పతకాలు అందజేయడానికి నిరాకరించినప్పటికీ.. వారికి మెడల్స్‌ అందేలా చర్యలు తీసుకోవడం గొప్ప విషయం అంటూ నెటిజన్లు కామెంట్లు చేస్తున్నారు. ‘పాకిస్తాన్‌కు భారత్‌కు ఉన్న తేడా ఇదే’ అంటూ నక్వీ తీరును మరోసారి ట్రోల్‌ చేస్తున్నారు.చదవండి: చరిత్ర సృష్టించిన అభిషేక్‌ శర్మAn unforgettable show 🤩Courtesy - Sharma Ji & Verma Ji 🔥Watch the 20th Asian Games Aichi-Nagoya 2026, LIVE on Sony Sports Network TV channels & Sony LIV.#SonySportsNetwork #SonyLIV #AsianGames #AichiNagoya2026 #BaarBaarBharatHarBaarBharat pic.twitter.com/K2RUY0anA8— Sony Sports Network (@SonySportsNetwk) October 3, 2026

ఏషియ‌న్ గేమ్స్‌-2026 క్రికెట్ టోర్నీ విజేత‌గా టీమిండియా నిలిచింది. శ‌నివారం జ‌రిగిన ఫైన‌‌ల్లో పాకిస్తాన్‌పై 19 ప‌రుగుల తేడాతో విజ‌యం సాధించిన భార‌త్‌.. వ‌రుస‌గా రెండో స్వ‌ర్ణ ప‌త‌కాన్ని కైవ‌సం చేసుకుంది. ఈ తుది పోరులో మొద‌ట బ్యాటింగ్ చేసిన టీమిండియా నిర్ణీత 20 ఓవ‌ర్ల‌లో 6 వికెట్ల న‌ష్టానికి 211 ప‌రుగుల భారీ స్కోరు సాధించింది. భారత బ్యాటర్లలో అభిషేక్‌ శర్మ (61), తిలక్‌ వర్మ (51) అద్భుతమైన అర్ధ శతకాలతో (హాఫ్ సెంచరీ) మెరిశారు. అనంతరం భారీ లక్ష్య ఛేదనలో పాక్‌ యువ ఆటగాడు హసన్‌ నవాజ్‌ (51 బంతుల్లో 5 ఫోర్లు, 7 సిక్సర్లతో 96) వీరోచిత పోరాటం చేసినప్పటికీ జట్టును గెలిపించలేకపోయాడు. పాక్‌ జట్టు నిర్ణీత ఓవర్లలో 6 వికెట్ల నష్టానికి 192 పరుగులు మాత్రమే చేసి ఓటమి పాలైంది.వైభవ్ అరుదైన ఘనతఈ మ్యాచ్ అనంతరం విజేతలైన భారత ఆటగాళ్లకు ఐసీసీ చైర్మన్ జై షా స్వర్ణ పతకాలను అందజేశారు. ఈ క్రమంలో టీమిండియా యువ సంచలనం, 15 ఏళ్ల వైభవ్ సూర్యవంశీ అరుదైన ఘనత సాధించాడు. ఆసియా క్రీడల చరిత్రలో స్వర్ణ పతకం సాధించిన యంగెస్ట్ భారత అథ్లెట్‌గా వైభవ్ రికార్డులకెక్కాడు.అంతకుముందు ఈ రికార్డు షూటర్ సౌరభ్ చౌదరి పేరిట ఉండేది. 2018 జకార్తా ఆసియా క్రీడలలో పురుషుల 10 మీటర్ల ఎయిర్ పిస్టల్ విభాగంలో 16 ఏళ్ల వయస్సులో సౌరభ్ స్వర్ణ పతకాన్ని గెలుచుకున్నాడు. ఇప్పుడు వైభవ్ సూర్యవంశీ కేవలం 15 ఏళ్ల వయస్సులోనే పసిడి పతకం సాధించి సౌరభ్ రికార్డును బ్రేక్ చేశాడు.చదవండి: IND vs WI: రోహిత్‌ శర్మ ప్రపంచ రికార్డు

ఏషియన్‌ గేమ్స్‌ 2026 పురుషుల క్రికెట్‌లో భారత్‌ స్వర్ణం నిలబెట్టుకుంది. డిఫెండింగ్‌ ఛాంపియన్‌ హోదాలో బరిలోకి దిగిన టీమిండియా అజేయ జట్టుగా ఫైనల్‌కు చేరి, తుది సమరంలో పాక్‌పై 19 పరుగుల తేడాతో విజయం సాధించింది.- Ruturaj Gaikwad & his team in 2023.- Shreyas Iyer & his team in 2026.TWO GOLDS IN TWO ASIAN GAMES IN MENS CRICKET - Time for Gold in LA 2028 😍❤️ pic.twitter.com/BLruOeaqh0— Johns. (@CricCrazyJohns) October 3, 2026ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన భారత్‌ నిర్ణీత 20 ఓవర్లలో 6 వికెట్ల నష్టానికి 211 పరుగులు చేసింది. ఓపెనర్‌ అభిషేక్‌ శర్మ (28 బంతుల్లో 3 ఫోర్లు, 7 సిక్సర్ల సాయంతో 61 పరుగులు) ఆరంభంలో చెలరేగగా.. ఆఖర్లో తిలక్‌ వర్మ (22 బంతుల్లో 51 నాటౌట్‌; 3 ఫోర్లు, 4 సిక్సర్లు) బ్యాట్‌ ఝులిపించాడు.Dube ne kar diya dhamaal, Sundar ne catch pakda kamaal 🔥Watch 𝐓𝐡𝐞 𝐁𝐢𝐠𝐠𝐞𝐬𝐭 𝐌𝐚𝐭𝐜𝐡 𝐨𝐟 𝐭𝐡𝐞 𝐘𝐞𝐚𝐫 - #INDvPAK in the #AsianGames2026 Gold Medal Match - LIVE NOW on #SonyLIV & #SonySportsNetwork pic.twitter.com/VgTJEXeU37— Sony LIV (@SonyLIV) October 3, 2026మరో ఓపెనర్‌ వైభవ్‌ సూర్యవంశీ (9 బంతుల్లో 15) వరుసగా రెండు సిక్సర్లు బాది జోరు ప్రదర్శించినా, అనవసర షాట్‌ ఆడి వికెట్‌ పారేసుకున్నాడు. వన్‌డౌన్‌లో వచ్చిన సంజూ శాంసన్‌ (4 బంతుల్లో 2) మరోసారి నిరాశపరిచాడు.𝐀𝐛𝐡𝐢 toh party shuru hui hai! 🔥Watch 𝐓𝐡𝐞 𝐁𝐢𝐠𝐠𝐞𝐬𝐭 𝐌𝐚𝐭𝐜𝐡 𝐨𝐟 𝐭𝐡𝐞 𝐘𝐞𝐚𝐫 - #INDvPAK in the #AsianGames2026 Gold Medal Match - LIVE NOW on #SonyLIV & #SonySportsNetwork 💙 pic.twitter.com/GRRvqSgWZK— Sony LIV (@SonyLIV) October 3, 2026కెప్టెన్‌ శ్రేయస్‌ అయ్యర్‌ 24 బంతుల్లో 21 పరుగులు (2 ఫోర్లు), ఇషాన్‌ కిషన్‌ 18 బంతుల్లో 20 పరుగులు (3 ఫోర్లు) చేశారు. ఆఖర్లో తిలక్‌కు జతగా శివమ్‌ దూబే (15 బంతుల్లో 27; 2 ఫోర్లు, 2 సిక్సర్లు) కూడా బ్యాట్‌ ఝులిపించాడు.పాక్‌ బౌలర్లలో అరాఫత్‌ మిన్హాస్‌, అహ్మద్‌ దానియల్‌ తలో 2, సైమ్‌ అయూబ్‌, అబ్రార్‌ అహ్మద్‌ చెరో వికెట్‌ తీశారు.భారీ లక్ష్య ఛేదనలో పాక్‌ ఆదిలోనే తడబడింది. 33, 36, 39 పరుగుల వద్ద మూడు వికెట్లు కోల్పోయి ఓటమిని ఖరారు చేసుకుంది. హసన్‌ నవాజ్‌ (96) వీరోచితంగా పోరాడినా, లక్ష్యం మరీ పెద్దది కావడంతో పాక్‌ గెలుపుకు కావాల్సిన పరుగులు చేయలేకపోయింది. నిర్ణీత ఓవర్లలో ఆ జట్టు 6 వికెట్లు కోల్పోయి 192 పరుగులకే పరిమితమైంది.పాక్‌ ఇన్నింగ్స్‌లో సైమ్‌ అయూబ్‌ 29, మాజ్‌ సదాకత్‌ 23, కెప్టెన్‌ సాహిబ్‌జాదా ఫర్హాన్‌ 10, ఉస్మాన్‌ ఖాన్‌ 3, అబ్దుల్‌ సమద్‌ 9, సాద్‌ మసూద్‌ 12 (నాటౌట్‌) పరుగులు చేశారు.భారత బౌలర్లలో అక్షర్‌ పటేల్‌, సుందర్‌, దూబే తలో 2 వికెట్లు పడగొట్టారు. ఈ మ్యాచ్‌లో ఓడినా పాక్‌ రజతం సాధించింది. ఫైనల్‌కు ముందు జరిగిన మ్యాచ్‌లో శ్రీలంక బంగ్లాదేశ్‌ను ఓడించి కాంస్యం గెలిచింది. ఇదీ చదవండి: అత్యంత అరుదైన ఘనత సాధించిన ఇషాన్‌ కిషన్‌

ఆసియా క్రీడలు- 2026 టీ20 టోర్నీలో భాగంగా పాకిస్తాన్‌తో ఫైనల్లో టీమిండియా ఓపెనర్‌ అభిషేక్‌ శర్మ అద్భుత ప్రదర్శన కనబరిచాడు. ఆసియా టీ20 కప్‌-2025 నాటి మ్యాచ్‌ను గుర్తు చేస్తూ పాక్‌ బౌలింగ్‌ను మరోసారి చితక్కొట్టాడు.ఈ క్రమంలో పాకిస్తాన్‌పై టీ20లలో తన పేరిట ఉన్న ఫాస్టెస్ట్‌ హాఫ్‌ సెంచరీ రికార్డును అభిషేక్‌ శర్మ సవరించాడు. ఆసియా కప్‌ 2025 మ్యాచ్‌లో పాక్‌పై 24 బంతుల్లో ఫిఫ్టీ బాదిన ఈ లెఫ్టాండర్‌ బ్యాటర్‌.. తాజాగా శనివారం నాటి ఫైనల్లో కేవలం 20 బంతుల్లోనే అర్ధ శతకం పూర్తి చేసుకున్నాడు.చరిత్ర సృష్టించిన అభిషేక్‌ శర్మఈ మ్యాచ్‌లో మొత్తంగా 28 బంతులు ఎదుర్కొని 61 పరుగులు సాధించాడు అభిషేక్‌ శర్మ. అతడి ఇన్నింగ్స్‌లో మూడు ఫోర్లు, ఏడు సిక్సర్లు ఉన్నాయి. ఈ క్రమంలో అభిషేక్‌ శర్మ మరో సరికొత్త చరిత్ర సృష్టించాడు. టీ20 ఫార్మాట్లో అత్యంత వేగంగా 400 సిక్సర్లు బాదిన భారత బ్యాటర్‌గా నిలిచాడు.UNSTOPPABLE ABHI! ⚡Abhishek Sharma brings up a stunning 20-ball fifty with a six as India are building up the lead against Pakistan! 🔥Watch Pakistan vs India in the 20th Asian Games Gold Medal Match, LIVE NOW on Sony Sports Network TV channels & Sony LIV.… pic.twitter.com/v6Ig2hxV6e— Sony Sports Network (@SonySportsNetwk) October 3, 2026గతంలో ఈ రికార్డు మరో టీ20 ఓపెనర్‌ సంజూ శాంసన్‌ పేరిట ఉండేది. సంజూ 317 ఇన్నింగ్స్‌లో 400 సిక్సర్లు బాదగా.. 26 ఏళ్ల అభిషేక్‌ శర్మ కేవలం 208 ఇన్నింగ్స్‌లోనే ఈ మైలురాయిని అందుకున్నాడు.మరో క్రేజీ రికార్డుఅంతేకాదు.. ఓ క్యాలెండర్‌ ఇయర్‌లో అతి తక్కువ బంతుల్లోనే టీ20 క్రికెట్‌లో వంద సిక్సర్లు బాదిన రెండో క్రికెటర్‌గా అభిషేక్‌ శర్మ నిలిచాడు. ఈ జాబితాలో వెస్టిండీస్‌ దిగ్గజం ఆండ్రీ రసెల్‌ ముందు వరుసలో ఉన్నాడు. రసెల్‌ 2019లో 589 బంతుల్లో వంద టీ20 సిక్సర్లు బాదగా.. అభిషేక్‌ ఈ ఏడాది 651 బంతుల్లో ఈ ఫీట్‌ అందుకున్నాడు.ఇక పాకిస్తాన్‌తో ఫైనల్లో అభిషేక్‌ శర్మతో పాటు తిలక్‌ వర్మ విధ్వంసకర హాఫ్‌ సెంచరీ సాధించాడు. కేవలం 22 బంతుల్లోనే తిలక్‌ మూడు ఫోర్లు, నాలుగు సిక్సర్లు బాది 51 పరుగులతో అజేయంగా నిలిచాడు. వీరిద్దరి మెరుపుల కారణంగా టీమిండియా నిర్ణీత 20 ఓవర్లలో ఆరు వికెట్ల నష్టానికి కఠినమైన పిచ్‌పై ఏకంగా 211 పరుగులు చేసింది. అనంతరం పాక్‌ను 192 పరుగులకే పరిమితం చేసి స్వర్ణం గెలిచింది.చదవండి: పాక్‌తో ఫైనల్లో వైభవ్‌ విఫలం.. అభిషేక్‌ రియాక్షన్‌ వైరల్‌

పాకెట్‌ డైనమైట్‌ ఇషాన్‌ కిషన్‌ టీ20 అంతర్జాతీయాల్లో అత్యంత అరుదైన ఘనత సాధించాడు. ఓ క్యాలెండర్‌ ఇయర్‌లో 1000 పరుగులు చేసిన రెండో భారత బ్యాటర్‌గా రికార్డుల్లోకెక్కాడు. 2026లో ఇషాన్‌ ఈ ఘనత సాధించాడు. ఏషియన్‌ గేమ్స్‌ 2026లో భాగంగా పాకిస్తాన్‌తో జరుగుతున్న ఫైనల్లో ఈ ఫీట్‌ను అందుకున్నాడు.గతంలో భారత్‌ తరఫున మాజీ కెప్టెన్‌ సూర్యకుమార్‌ యాదవ్‌ మాత్రమే ఈ ఘనత సాధించాడు. 2022లో స్కై 31 ఇన్నింగ్స్‌ల్లో 1164 పరుగులు చేయగా.. ఇషాన్‌ ఈ ఏడాది ఇప్పటివరకు ఆడిన 29 ఇన్నింగ్స్‌ల్లో 1005 పరుగులు చేశాడు.ఓవరాల్‌గా టీ20ల్లో ఇప్పటివరకు ఏడుగురు మాత్రమే ఓ క్యాలెండర్‌ ఇయర్‌లో 1000 పరుగులు పూర్తి చేశారు. వీరిలో ఆస్ట్రియాకు చెందిన కరణ్‌బీర్‌ సింగ్‌ అత్యధికంగా 32 ఇన్నింగ్స్‌ల్లో 1488 పరుగులు చేశాడు. పాక్‌ వికెట్‌కీపర్‌ బ్యాటర్‌ మహ్మద్‌ రిజ్వాన్‌ (1326) ఈ జాబితాలో రెండో స్థానంలో ఉన్నాడు. ఈ జాబితాలో స్కై నాలుగో స్థానంలో ఉండగా.. ఇషాన్‌ ఏడో స్థానంలో కొనసాగుతున్నాడు. ఈ ఏడాది ఇంకా సమయం మిగిలి ఉండటంతో ఫామ్‌లో ఉన్న ఇషాన్‌ టాప్‌ ప్లేస్‌కు చేరవచ్చు.ఓ క్యాలెండర్‌ ఇయర్‌లో భారత్‌ తరఫున అత్యధిక టీ20I పరుగులు1164 – సూర్యకుమార్‌ యాదవ్‌ (2022)1005 – ఇషాన్‌ కిషన్‌ (2026)859 – అభిషేక్‌ శర్మ (2025)811 – అభిషేక్‌ శర్మ (2026)781 – విరాట్‌ కోహ్లీ (2022)భారత్‌-పాకిస్తాన్‌ ఏషియన్‌ గేమ్స్‌ 2026 ఫైనల్స్‌ విషయానికొస్తే.. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన భారత్‌ నిర్ణీత 20 ఓవర్లలో 6 వికెట్ల నష్టానికి 211 పరుగులు చేసింది. ఓపెనర్‌ అభిషేక్‌ శర్మ (28 బంతుల్లో 3 ఫోర్లు, 7 సిక్సర్ల సాయంతో 61 పరుగులు) ఆరంభంలో చెలరేగిపోగా.. ఆఖర్లో తిలక్‌ వర్మ (22 బంతుల్లో 51 నాటౌట్‌; 3 ఫోర్లు, 4 సిక్సర్లు) బ్యాట్‌ ఝులిపించాడు.అనంతరం ఛేదన ప్రారంభించిన పాకిస్తాన్‌ వికెట్లు కోల్పోవమే కాకుండా నిదానంగా ఆడుతూ ఓటమి దిశగా పయనిస్తుంది. 8 ఓవర్ల తర్వాత ఆ జట్టు స్కోర్‌ 52-3గా ఉంది. హసన్‌ నవాజ్‌ (4), సైమ్‌ అయూబ్‌ (10) క్రీజ్‌లో ఉన్నారు. ఈ మ్యాచ్‌లో పాక్‌ గెలవాలంటే 72 బంతుల్లో 160 పరుగులు చేయాలి. ఇది అంత ఈజీగా జరిగే పని కాదు.ఇదీ చదవండి: Asian Games Finals: వైభవ్‌కు ఎగతాళి చేసిన పాక్‌ బౌలర్‌

పాకిస్తాన్‌తో ఇవాళ జరుగుతున్న ఏషియన్‌ గేమ్స్‌ 2026 పురుషుల క్రికెట్‌ ఫైనల్స్‌లో టీమిండియా భారీ స్కోర్‌ చేసింది. టాస్‌ గెలిచి తొలుత బ్యాటింగ్‌ చేసిన భారత జట్టు నిర్ణీత 20 ఓవర్లలో 6 వికెట్ల నష్టానికి 211 పరుగులు చేసి పాక్‌ ముందు భారీ లక్ష్యాన్ని ఉంచింది. ఓపెనర్‌ అభిషేక్‌ శర్మ విధ్వంసకర అర్ద సెంచరీతో (28 బంతుల్లో 3 ఫోర్లు, 7 సిక్సర్ల సాయంతో 61 పరుగులు) చెలరేగిపోయాడు. మరో ఓపెనర్‌ వైభవ్‌ సూర్యవంశీ (9 బంతుల్లో 15) వరుసగా రెండు సిక్సర్లు బాది జోరు ప్రదర్శించినా, అనవసర షాట్‌ ఆడి వికెట్‌ పారేసుకున్నాడు. వన్‌డౌన్‌లో వచ్చిన సంజూ శాంసన్‌ (4 బంతుల్లో 2) మరోసారి నిరాశపరిచాడు. అభిషేక్‌ ఔటైన తర్వాత భారత్‌ స్కోర్‌ నిదానించింది.కెప్టెన్‌ శ్రేయస్‌ అయ్యర్‌ 24 బంతుల్లో 21 పరుగులు (2 ఫోర్లు), ఇషాన్‌ కిషన్‌ 18 బంతుల్లో 20 పరుగులు (3 ఫోర్లు) చేశారు. ఆఖర్లో తిలక్‌ వర్మ (22 బంతుల్లో 51 నాటౌట్‌; 3 ఫోర్లు, 4 సిక్సర్లు), శివమ్‌ దూబే (15 బంతుల్లో 27; 2 ఫోర్లు, 2 సిక్సర్లు) బ్యాట్‌ ఝులిపించడంతో భారత్‌ భారీ స్కోర్‌ చేసింది. పాక్‌ బౌలర్లలో అరాఫత్‌ మిన్హాస్‌, అహ్మద్‌ దానియల్‌ తలో 2, సైమ్‌ అయూబ్‌, అబ్రార్‌ అహ్మద్‌ చెరో వికెట్‌ తీశారు.ఇదీ చదవండి: Asian Games Finals: వైభవ్‌కు ఎగతాళి చేసిన పాక్‌ బౌలర్‌

భారత్‌-పాకిస్తాన్‌ మధ్య ఇవాళ జరుగుతున్న ఏషియన్‌ గేమ్స్‌ 2026 పురుషుల క్రికెట్‌ ఫైనల్స్‌లో ఓ ఆసక్తికర ఘటన చోటు చేసుకుంది. టీమిండియా చిచ్చరపిడుగు వైభవ్‌ సూర్యవంశీని (15) ఔట్‌ చేసిన తర్వాత పాక్‌ బౌలర్‌ సైమ్‌ అయూబ్‌ ఓవరాక్షన్‌ చేశాడు. బేబీ సిట్టింగ్‌ గెశ్చర్‌తో వైభవ్‌ను ఆటపట్టించాడు.HMM...THAT’S SOME CELEBRATION! 🤨 🍼Saim Ayub knows how BIG BOSS BABY's wicket was 🙆 Watch Pakistan vs India in the Men's Cricket Final at the 20th Asian Games Aichi-Nagoya 2026, LIVE NOW on Sony Sports Network TV channels & Sony LIV.#SonySportsNetwork #SonyLIV #AsianGames… pic.twitter.com/eUGsSMrIOo— Sony Sports Network (@SonySportsNetwk) October 3, 2026ఈ విషయాన్ని సీరియస్‌గా తీసుకున్నట్లు కనిపించిన వైభవ్‌ సహచరుడు అభిషేక్‌ సైమ్‌పై ప్రతీకారం తీర్చుకున్నాడు. వైభవ్‌ను ఔట్‌ చేసిన ఓవర్‌లోనే సిక్సర్‌, వరుసగా రెండు బౌండరీలు బాదాడు. ఈ తంతు ఇన్నింగ్స్‌ మూడో ఓవర్‌లో జరిగింది. సైమ్‌ అప్పటికే వరుసగా రెండు సిక్సర్లు బాదిన వైభవ్‌ను తొలి బంతికే బోల్తా కొట్టించాడు. వైభవ్‌ అనవసరమైన రివర్స్‌ స్వీప్‌ ఆడి వికెట్‌ పారేసుకున్నాడు. దీనిపై అభిషేక్‌ కూడా అసహనం వ్యక్తం చేశాడు.వైభవ్‌ ఔటైన తర్వాత గేర్‌ మార్చిన అభిషేక్‌ 20 బంతుల్లోనే అర్ద సెంచరీ పూర్తి చేశాడు. ఈ మధ్యలో సంజూ శాంసన్‌ (2) ఔటయ్యాడు. మొత్తంగా 28 బంతులు ఎదుర్కొన్న అభిషేక్‌ 3 ఫోర్లు, 7 సిక్సర్ల సాయంతో 61 పరుగులు చేసి అరాఫత్‌ మిన్హాస్‌ బౌలింగ్‌లో స్టంపౌట్‌ అయ్యాడు. 11 ఓవర్లు ముగిసే సమయానికి భారత్‌ స్కోర్‌ 120-3గా ఉంది. ఇషాన్‌ కిషన్‌ (17), కెప్టెన్‌ శ్రేయస్‌ అయ్యర్‌ (15) క్రీజ్‌లో ఉన్నారు. ఈ మ్యాచ్‌లో భారత్‌ టాస్‌ గెలిచి బ్యాటింగ్‌ ఎంచుకుంది.ఇదీ చదవండి: Asian Games Finals, IND VS PAK: అభిషేక్‌ శర్మ విధ్వంసం

ఆసియా క్రీడలు- 2026 పురుషుల టీ20 క్రికెట్‌ టోర్నమెంట్‌ ఫైనల్లో పాకిస్తాన్‌తో మ్యాచ్‌లో టాస్‌ గెలిచిన భారత్‌ తొలుత బ్యాటింగ్‌కు దిగింది. పసిడి పతక పోరులోనూ ఓపెనర్లుగా అభిషేక్‌ శర్మ- వైభవ్‌ సూర్యవంశీ జోడీని యాజమాన్యం కొనసాగించింది.తొలి ఓవర్‌లో కష్టంగాకాగా జపాన్‌లోని నిశిన్‌ పిచ్‌పై స్పిన్‌ తీవ్ర ప్రభావం చూపుతున్న సంగతి తెలిసిందే. ఈ నేపథ్యంలో స్పిన్‌ ఆల్‌రౌండర్‌ సయీబ్‌ ఆయుబ్‌తో పాక్‌ తమ బౌలింగ్‌ ఎటాక్‌ ఆరంభించింది. ఈ క్రమంలో తొలి ఓవర్లో వైభవ్‌ రెండు సింగిల్స్‌ తీయగా.. అభిషేక్‌ ఒక్క పరుగు మాత్రమే రాబట్టాడు. వైడ్‌ రూపంలో ఒక పరుగు వచ్చింది.Vaibhav Sooryavanshi started off with a Bossy SIX 💥 Watch Pakistan vs India in the Men's Cricket Final at the 20th Asian Games Aichi-Nagoya 2026, LIVE NOW on Sony Sports Network TV channels & Sony LIV.#SonySportsNetwork #SonyLIV #AsianGames #AichiNagoya2026… pic.twitter.com/NrxD0MIGKR— Sony Sports Network (@SonySportsNetwk) October 3, 2026వరుసగా రెండు సిక్సర్లుఅయితే, రెండో ఓవర్లో వైభవ్‌ గేరు మార్చాడు. సాద్‌ మసూద్‌ బౌలింగ్‌లో రెండు, మూడు బంతుల్లో వరుసగా రెండు సిక్సర్లు బాదాడు. ఇలా భారీ షాట్లతో అలరించిన ఈ లెఫ్టాండర్‌ బ్యాటర్‌ మూడో ఓవర్లో తొలి బంతికే సయీమ్‌ ఆయుబ్‌ బౌలింగ్‌లో.. వికెట్‌ కీపర్‌ ఉస్మాన్‌ ఖాన్‌కు క్యాచ్‌ ఇచ్చి అవుటయ్యాడు.ANOTHER ONE! ⚡Vaibhav pulls it high over mid wicket giving a blazing start to India's innings. 🔥Watch Pakistan vs India in the Men's Cricket Final at the 20th Asian Games Aichi-Nagoya 2026, LIVE NOW on Sony Sports Network TV channels & Sony LIV.#SonySportsNetwork #SonyLIV… pic.twitter.com/HdMpOdL5fS— Sony Sports Network (@SonySportsNetwk) October 3, 2026 ఏంటిది వైభవ్‌?పాక్‌తో ఫైనల్లో మొత్తంగా 9 బంతులు ఎదుర్కొన్న వైభవ్‌ సూర్యవంశీ రెండు సిక్సర్ల సాయంతో 15 పరుగులు చేసి పెవిలియన్‌ చేరాడు. వైభవ్ అనవసరమైన రవర్స్‌ స్వీప్‌ షాట్‌ ఆడి‌ అవుటైన నేపథ్యంలో మరో ఓపెనర్‌ అభిషేక్‌ శర్మ తీవ్ర నిరాశకు గురయ్యాడు. ‘ఏంటిది వైభవ్‌?’ అన్నట్లుగా అతడు ఇచ్చిన రియాక్షన్‌ వైరల్‌గా మారింది.ఇక వైభవ్‌ స్థానంలో వన్‌డౌన్‌లో వచ్చిన సంజూ శాంసన్‌ (2) కూడా నిరాశపరచగా.. అభిషేక్‌ మాత్రం విధ్వంసకర ఇన్నింగ్స్‌తో పాక్‌ బౌలర్లపై విరుచుకుపడ్డాడు. ఇరవై బంతుల్లోనే హాఫ్‌ సెంచరీ సాధించిన ఈ లెఫ్టాండర్‌.. మొత్తంగా 28 బంతుల్లో 3 ఫోర్లు, 7 సిక్సర్లు బాది 61 పరుగులు సాధించాడు. అరాఫత్‌ మిన్హాస్‌ బౌలింగ్‌లో స్టంపౌట్‌గా వెనుదిరిగాడు. చదవండి: IND vs WI: శ్రేయస్‌ అయ్యర్‌దే తుది నిర్ణయం కావాలి!

పాకిస్తాన్‌తో జరుగుతున్న ఏషియన్‌ గేమ్స్‌ 2026 పురుషుల క్రికెట్‌ ఫైనల్స్‌లో టీమిండియా విధ్వంసకర ఓపెనర్‌ అభిషేక్‌ శర్మ చెలరేగిపోయాడు. కేవలం 20 బంతుల్లో 3 ఫోర్లు, 6 సిక్సర్ల సాయంతో అర్ద సెంచరీ పూర్తి చేశాడు. ఈ మ్యాచ్‌లో భారత్‌ టాస్‌ గెలిచి తొలుత బ్యాటింగ్‌ ఎంచుకుంది. మరో ఓపెనర్‌ వైభవ్‌ సూర్యవంశీ 9 బంతుల్లో 2 సిక్సర్ల సాయంతో 15 పరుగులు చేసి ఔట్‌ కాగా.. సంజూ శాంసన్‌ (4 బంతుల్లో 2) మరోసారి నిరాశపరిచాడు. 6 ఓవర్లు ముగిసే సమయానికి జట్టు స్కోర్‌ 85-2గా ఉంది. అభిషేక్‌ 54, కెప్టెన్‌ శ్రేయస్‌ అయ్యర్‌ 5 పరుగులతో క్రీజ్‌లో ఉన్నారు. పాక్‌ బౌలర్లలో సైమ్‌ అయూబ్‌ (వైభవ్‌), అహ్మద్‌ దానియల్‌ (సంజూ) తలో వికెట్‌ తీశారు.కాగా, భారత్‌ సెమీస్‌లో శ్రీలంకను.. పాకిస్తాన్‌ సెమీస్‌లో బంగ్లాదేశ్‌ను ఓడించి ఫైనల్స్‌కు చేరిన విషయం తెలిసిందే. సెమీస్‌లో ఓడిన బంగ్లాదేశ్‌, శ్రీలంక కొద్ది సేపటి క్రితమే కాంస్య పతకం మ్యాచ్‌లో పోటీపడ్డాయి. ఈ మ్యాచ్‌లో శ్రీలంక విజేతగా నిలిచి కాంస్యం సొంతం చేసుకుంది. ఇదీ చదవండి: Asian Games 2026: స్వర్ణం కైవసం చేసుకున్న భారత గోల్ఫర్‌

ఆసియా క్రీడలు-2026 పురుషుల టీ20 టోర్నమెంట్‌ ఫైనల్లో టీమిండియా- పాకిస్తాన్‌ అమీతుమీ తేల్చుకునేందుకు బరిలోకి దిగాయి. జపాన్‌లోని నిశిన్‌ వేదికగా టాస్‌ గెలిచిన భారత్‌ తొలుత బ్యాటింగ్‌ ఎంచుకుంది. భారత్‌ భారీ స్కోరు ఓపెనర్‌ అభిషేక్‌ శర్మ విధ్వంసకర అర్ధ శతకం (28 బంతుల్లో 61) బాదగా.. ఆఖర్లో తిలక్‌ వర్మ, శివం దూబే మెరుపులు మెరిపించారు. దూబే 15 బంతుల్లో 27 పరుగులు చేయగా.. తిలక్‌ వర్మ 21 బంతుల్లోనే అర్ధ శతకం సాధించాడు. మొత్తంగా 22 బంతులు ఎదుర్కొని 51 పరుగులు చేశాడు. ఫలితంగా నిర్ణీత 20 ఓవర్లలో భారత్‌ ఆరు వికెట్ల నష్టానికి 211 పరుగులు చేసింది. ఈ క్రమంలో లక్ష్య ఛేదనకు దిగిన పాకిస్తాన్‌.. ఆఖరి ఓవర్‌ వరకు పట్టుదలగా పోరాడి.. చివరికి 19 పరుగుల తేడాతో ఓడిపోయింది. హసన్‌ నవాజ్‌ ఒంటరి పోరాటం (51 బంతుల్లో 96) చేశాడు. ఇన్నింగ్స్‌ ఆఖరి బంతికి శివం దూబే బౌలింగ్‌లో అవుటై సెంచరీకి నాలుగు పరుగుల దూరంలో నిలిచిపోయాడు. ఫలితంగా పాక్‌ నిర్ణీత 20 ఓవర్లలో ఆరు వికెట్ల నష్టానికి 192 పరుగులకు పరిమితమైంది. భారత బౌలర్లలో అక్షర్‌ పటేల్‌, వాషింగ్టస్‌ సుందర్‌, శివం దూబే తలా రెండు వికెట్లు కూల్చారు.మరోసారి స్వర్ణంఆసియా క్రీడల్లో టీమిండియా వరుసగా రెండోసారి స్వర్ణం గెలిచింది. గత ఎడిషన్‌లో అఫ్గానిస్తాన్‌తో ఫైనల్‌ వర్షంవల్ల రద్దు కాగా రుతురాజ్‌ సేన పసిడి పతకాన్ని ముద్దాడింది. ఇక తాజాగా దాయాది పాకిస్తాన్‌ను ఓడించి మరోసారి బంగారు పతకం గెలిచి అభిమానులకు అసలైన మజా అందించింది. పాక్‌ రజతంతో సరిపెట్టుకుంది.UPDATES:👉19 పరుగుల తేడాతో టీమిండియా జయభేరి 👉భయపెట్టిన నవాజ్‌👉19.6: దూబే బౌలింగ్‌లో నవాజ్‌ అవుట్‌👉19.4: దూబే బౌలింగ్‌లో సిక్సర్‌ బాదిన నవాజ్‌👉వైడ్‌ వేసిన దూబే👉19.1: దూబే బౌలింగ్‌లో ఫోర్‌ బాదిన హసన్‌ నవాజ్‌పందొమ్మిది ఓవర్లలో పాక్‌ స్కోరు: 179-5👉విజయానికి ఆఖరి ఓవర్లో 33 పరుగులు కావాలి 👉18.3: బుమ్రా బౌలింగ్‌లో సిక్సర్‌ బాదిన సాద్‌ మసూద్‌పాక్‌ ఐదో వికెట్‌ డౌన్‌👉17.6: ఆఖరి బంతికి సిక్సర్‌ బాదిన సాద్‌ మసూద్‌.. విజయానికి 12 బంతుల్లో 44 పరుగులు కావాలి.👉17.3: పాకిస్తాన్‌ ఐదో వికెట్‌ కోల్పోయింది. 9 పరుగులు చేసిన అబ్దుల్‌ సమద్‌.. వాషింగ్టన్‌ సుందర్‌ బౌలింగ్‌లో ఔటయ్యాడు. పాక్‌ 👉విజయానికి ఇంకా 14 బంతుల్లో 50 పరుగులు కావాలి. పదిహేడు ఓవర్లలో పాక్‌ స్కోరు: 160-4👉విజయానికి 19 బంతుల్లో 54 పరుగులు కావాలి👉దూబే 16 పరుగులు సమర్పించుకున్నాడు.👉16.4: ఈసారి అబ్దుల్‌ సమద్‌ ఫోర్‌ బాదాడు👉16.2: మరో ఫోర్‌ బాదిన నవాజ్‌👉16.1: దూబే బౌలింగ్‌లో ఫోర్‌ బాదిన నవాజ్‌పదహారు ఓవర్లలో పాక్‌ స్కోరు: 144-4👉విజయానికి 24 బంతుల్లో 68 పరుగులు కావాలి👉ఈ ఓవర్లో పద్నాలుగు పరుగులు ఇచ్చిన అక్షర్‌ పటేల్‌👉హసన్‌ నవాజ్‌ 68, అబ్దుల్‌ సమద్‌ మూడు పరుగులతో ఉన్నారు.👉15.1: అక్షర్‌ పటేల్‌ బౌలింగ్‌లో సిక్స్‌ కొట్టిన నవాజ్‌పదిహేను ఓవర్లలో పాక్‌ స్కోరు: 130-4👉విజయానికి 31 బంతుల్లో 82 పరుగులు కావాలి👉ఈ ఓవర్లో కేవలం నాలుగు పరుగులే ఇచ్చి వికెట్‌ తీసిన శివం దూబే👉హసన్‌ నవాజ్‌ 60, అబ్దుల్‌ సమద్‌ 2 పరుగులతో ఉన్నారు.నాలుగో వికెట్‌ కోల్పోయిన పాకిస్తాన్‌👉14.1: శివం దూబే బౌలింగ్‌లో వాషింగ్టన్‌ సుందర్‌కు క్యాచ్‌ ఇచ్చి అవుటైన సయీమ్‌ (22 బంతుల్లో 29). అబ్దుల్‌ సమద్‌ క్రీజులోకి రాగా.. హసన్‌ 58 పరుగులతో ఉన్నాడు.పద్నాలుగు ఓవర్లలో పాక్‌ స్కోరు: 126-3👉విజయానికి 36 బంతుల్లో 86 పరుగులు కావాలి👉సయీమ్‌ , హసన్‌ నవాజ్‌ పరుగులతో ఉన్నారు.👉13.6: బుమ్రా బౌలింగ్‌లో ఫోర్‌ బాదిన హసన్‌ నవాజ్‌👉కాస్త పొదుపుగా బౌలింగ్‌ చేసి ఈ ఓవర్లో కేవలం తొమ్మిది పరుగులు ఇచ్చిన బుమ్రాపదమూడు ఓవర్లలో పాక్‌ స్కోరు: 117-3👉సయీమ్‌ 24 , హసన్‌ నవాజ్‌ 54 పరుగులతో ఉన్నారు.👉ఈ ఓవర్లో ఏకంగా 20 పరుగులు ఇచ్చిన రవి బిష్ణోయి👉12.6: ఫోర్‌ బాదిన నవాజ్‌👉12.2: బిష్ణోయి బౌలింగ్‌లో సిక్సర్‌ బాదిన హసన్‌ నవాజ్‌.. హాఫ్‌ సెంచరీ పూర్తిపన్నెండు ఓవర్లలో పాక్‌ స్కోరు: 97-3👉సయీమ్‌ 24, హసన్‌ నవాజ్‌ 34 పరుగులతో ఉన్నారు.👉ఈ ఓవర్లో 8 పరుగులు ఇచ్చిన వాషింగ్టన్‌ సుందర్‌పదకొండు ఓవర్లలో పాక్‌ స్కోరు: 89-3👉సయీమ్‌ 22, హసన్‌ నవాజ్‌ 28 పరుగులతో ఉన్నారు.👉ఈ ఓవర్లో 13 పరుగులు ఇచ్చిన అభిషేక్‌ శర్మ👉10.5: వరుసగా రెండో ఫోర్‌ బాదిన సయీమ్‌👉10.4: అభిషేక్‌ బౌలింగ్లో ఫోర్‌ బాదిన సయీమ్‌ పది ఓవర్లలో పాక్‌ స్కోరు: 76-3👉విజయానికి 60 బంతుల్లో 136 పరుగులు కావాలి👉సయీమ్‌ 12, హసన్ 26‌ పరుగులతో ఉన్నారు. 👉ఈ ఓవర్లో 14 పరుగులు ఇచ్చిన రవి బిష్ణోయి👉9.4: మరో సిక్సర్‌ బాదిన హసన్‌👉9.2: రవి బిష్ణోయి బౌలింగ్‌లో సిక్స్‌ కొట్టిన హసన్‌ నవాజ్‌తొమ్మిది ఓవర్లలో పాక్‌ స్కోరు: 62-3👉సయీమ్‌ 11, హసన్‌ 13 పరుగులతో ఉన్నారు. 👉ఈ ఓవర్లో పది పరుగులు ఇచ్చుకున్న అభిషేక్‌👉8.4: అభిషేక్‌ శర్మ బౌలింగ్‌లో సిక్సర్‌ బాదిన హసన్‌ఎనిమిది ఓవర్లలో పాక్‌ స్కోరు: 52-3 👉సయీమ్‌ 10, హసన్‌ 4 పరుగులతో ఉన్నారు. ఈ ఓవర్లో 10 పరుగులు👉7.4: రవి బిష్ణోయి బౌలింగ్‌లో సిక్సర్‌ బాదిన సయీమ్‌ ఆయుబ్‌ఏడు ఓవర్లలో పాక్‌ స్కోరు: 42-3👉ఈ ఓవర్లో కేవలం మూడు పరుగులు ఇచ్చి.. వికెట్‌ తీసిన అక్షర్‌👉సయీబ్‌ ఆయుబ్‌, హసన్‌ నవాజ్‌ చెరో రెండు పరుగులతో ఉన్నారు.మూడో వికెట్‌ కోల్పోయిన పాక్‌👉6.1: అక్షర్‌ బౌలింగ్‌లో వాషింగ్టన్‌కు క్యాచ్‌ ఇచ్చి అవుటైన సదాకత్‌ (18 బంతుల్లో 23) Brilliant catch from Washington Sundar as Pakistan go deep in trouble in the chase 🔥Watch Pakistan vs India in the 20th Asian Games Gold Medal Match, LIVE NOW on Sony Sports Network TV channels & Sony LIV.#SonySportsNetwork #SonyLIV #AsianGames #AichiNagoya2026… pic.twitter.com/pXbXHTJwiI— Sony Sports Network (@SonySportsNetwk) October 3, 2026పవర్‌ ప్లేలో పాక్‌ స్కోరు: 39-2 (ఆరు ఓవర్లు)👉పొదుపుగా బౌలింగ్‌ చేసిన వాషీ.. కేవలం మూడు పరుగులే ఇచ్చాడు.ఐదు ఓవర్లలో పాక్‌ స్కోరు: 36-2👉హసన్‌ నవాజ్‌ 0, సదాకత్‌ 22 పరుగులతో ఉన్నారు.పాక్‌ రెండో వికెట్‌ డౌన్‌👉4.5: అక్షర్‌ పటేల్‌ బౌలింగ్‌లో దూబేకు క్యాచ్‌ ఇచ్చి ఉస్మాన్‌ ఖాన్‌ అవుట్‌ (6 బంతుల్లో 3). BAPU BREAKTHROUGHS ARE PERMANENT🔥Axar into the attack and the wickets just keep coming💪Watch Pakistan vs India in the 20th Asian Games Gold Medal Match, LIVE NOW on Sony Sports Network TV channels & Sony LIV.#SonySportsNetwork #SonyLIV #AsianGames #AichiNagoya2026… pic.twitter.com/7VqSfbguRV— Sony Sports Network (@SonySportsNetwk) October 3, 2026నాలుగు ఓవర్లలో పాక్‌ స్కోరు: 34-1👉విజయానికి ఇంకా 178 పరుగులు కావాలి👉ఉస్మాన్‌ 1, సదాకత్‌ 21 పరుగులతో క్రీజులో ఉన్నారు.తొలి వికెట్‌ కోల్పోయిన పాక్‌👉3.4: వాషీ బౌలింగ్‌లో అక్షర్‌కు క్యాచ్‌ ఇచ్చి తొలి వికెట్‌గా వెనుదిరిగిన ఫర్హాన్‌ (11 బంతుల్లో 10)👉3.3: ఫోర్‌ బాదిన ఫర్హాన్‌👉3.1: వాషింగ్టన్‌కు ఫోర్‌తో ఆహ్వానం పలికిన సదాకత్‌మూడు ఓవర్లలో పాక్‌ స్కోరు: 24-0👉పొదుపుగా బౌలింగ్‌ చేసిన బుమ్రా.. కేవలం మూడు పరుగులే ఇచ్చాడు.రెండు ఓవర్లలో పాక్‌ స్కోరు: 21-0👉అక్షర్‌ పటేల్‌ 10 పరుగులు ఇచ్చుకున్నాడు. ఫర్హాన్‌ 6, సదాకత్‌ 13 పరుగులతో ఉన్నారు.రెండు నోబాల్స్‌ వేసిన బుమ్రా👉భారత బౌలింగ్‌ అటాక్‌ ఆరంభించిన ప్రధాన పేసర్‌ జస్‌ప్రీత్‌ బుమ్రా.. తొలి బంతినే నోబాల్‌గా వేశాడు. అతడి బౌలింగ్‌లో ఐదో బంతి కూడా నోబాల్‌ కాగా.. మాజ్‌ సదాకత్‌ ఫోర్‌ బాదాడు. మొత్తానికి తొలి ఓవర్లో బుమ్రా 11 పరుగులు ఇచ్చుకున్నాడు. పాక్‌ స్కోరు: 11-0. ఫర్హాన్‌ 1, సదాకత్‌ 8 పరుగులతో ఉన్నారు. భారత్‌ స్కోరు: 211- 6 (20).. పాక్‌ లక్ష్యం 212👉19.6: సింగిల్‌ తీసిన తిలక్‌👉19.5: రెండు పరుగులు తీసి.. 21 బంతుల్లో హాఫ్‌ సెంచరీ చేసిన తిలక్‌ వర్మ👉19.4: బ్యాక్‌వర్డ్‌ స్వ్కేర్‌ లెగ్‌ మీదుగా మరో సిక్సర్‌ బాదిన తిలక్‌👉19.3: దనియాల్‌ బౌలింగ్‌లో ఫైన్‌ లెగ్‌ మీదుగా సిక్సర్‌ బాదిన తిలక్‌ వర్మTilak Varma clearly enjoys batting against Pakistan. Here’s the proof! 😮‍💨 Watch Pakistan vs India in the 20th Asian Games Gold Medal Match, LIVE NOW on Sony Sports Network TV channels & Sony LIV. #SonySportsNetwork #SonyLIV #AsianGames #AichiNagoya2026… pic.twitter.com/jCZu7ZAREJ— Sony Sports Network (@SonySportsNetwk) October 3, 2026ఆరో వికెట్‌ కోల్పోయిన భారత్‌👉19.1: అహ్మద్‌ దనియాల్‌ బౌలింగ్‌లో మాజ్‌ సదాకత్‌కు క్యాచ్‌ ఇచ్చి ఆరో వికెట్‌గా వెనుదిరిగిన శివం దూబే (15 బంతుల్లో 27; రెండు ఫోర్లు, రెండు సిక్స్‌లు). అక్షర్‌ పటేల్‌ క్రీజులోకి వచ్చాడు.పందొమ్మిది ఓవర్లలో భారత్‌ స్కోరు: 195-5👉తిలక్‌ వర్మ 18 బంతుల్లో 36 , దూబే 14 బంతుల్లో 27 పరుగులతో ఉన్నారు. 29 బంతుల్లో 62 పరుగుల భాగస్వామ్యం👉18.5: ఈసారి ఫోర్‌ బౌండరీ బాదిన తిలక్‌ వర్మ👉18.3: ఫోర్‌ కొట్టిన దూబే👉18.2: ఈసారి లాంగాన్‌ మీదుగా సిక్సర్‌ బాదిన దూబే👉18.1: సయీమ్‌ ఆయుబ్‌ బౌలింగ్‌లో లాంగాఫ్‌ మీదుగా సిక్స్‌ కొట్టిన శివం దూబేపద్దెనిమిది ఓవర్లలో భారత్‌ స్కోరు: 172-5👉తిలక్‌ వర్మ 30, దూబే 10 పరుగులతో ఉన్నారు.👉17.6: మరో సిక్సర్‌ బాదిన తిలక్‌ వర్మ👉17.5: సూఫియాన్‌ బౌలింగ్‌లో డీప్‌ మిడ్‌ వికెట్‌ మీదుగా సిక్సర్‌ బాదిన తిలక్‌ వర్మ👉17.1: సూఫియాన్‌ బౌలింగ్‌లో లాంగాఫ్‌ మీదుగా ఫోర్‌ బాదిన తిలక్‌ వర్మపదిహేడు ఓవర్లలో భారత్‌ స్కోరు: 154-5👉తిలక్‌ వర్మ 13, దూబే తొమ్మిది పరుగులతో ఉన్నారు.👉16.5: బ్యాక్‌వర్డ్‌ స్క్వేర్‌ లెగ్‌ మీదుగా ఫోర్‌ బాదిన దూబే👉16.1: అబ్రార్‌ బౌలింగ్‌లో డీప్‌ స్క్వేర్‌ లెగ్‌ మీదుగా ఫోర్‌ బాదిన తిలక్‌పదహారు ఓవర్లలో భారత్‌ స్కోరు: 142-5👉తిలక్‌ వర్మ ఏడు, దూబే నాలుగు పరుగులతో ఉన్నారు.పదిహేను ఓవర్లలో భారత్‌ స్కోరు: 137-5👉తిలక్‌ వర్మ నాలుగు, దూబే రెండు పరుగులతో ఉన్నారు.ఐదో వికెట్‌ కోల్పోయిన భారత్‌👉14.1: అబ్రార్‌ అహ్మద్‌ బౌలింగ్‌లో సాహిబ్‌జాదా ఫర్హాన్‌కు క్యాచ్‌ ఇచ్చి శ్రేయస్‌ అయ్యర్‌ (24 బంతుల్లో 21) ఐదో వికెట్‌గా వెనుదిరిగాడు. శివం దూబే క్రీజులోకి వచ్చాడు.పద్నాలుగు ఓవర్లలో భారత్‌ స్కోరు: 133-4👉శ్రేయస్‌ 21, తిలక్‌ వర్మ రెండు పరుగులతో ఉన్నారు.నాలుగో వికెట్‌ కోల్పోయిన భారత్‌👉13.1: అరాఫత్‌ బౌలింగ్‌లో ఇషాన్‌ కిషన్‌ బౌల్డ్‌ (18 బంతుల్లో 20; మూడు ఫోర్లు). తిలక్‌ వర్మ క్రీజులోకి వచ్చాడు.పదమూడు ఓవర్లలో భారత్‌ స్కోరు: 128-3👉శ్రేయస్‌ 19, ఇషాన్‌ 20 పరుగులతో ఉన్నారు.పన్నెండు ఓవర్లలో భారత్‌ స్కోరు: 124-3👉శ్రేయస్‌ 17, ఇషాన్‌ 18 పరుగులతో ఉన్నారు.పదకొండు ఓవర్లలో భారత్‌ స్కోరు: 120-3👉ఇషాన్‌ 17, శ్రేయస్‌ 15 పరుగులతో ఉన్నారు.పది ఓవర్లలో టీమిండియా స్కోరు: 114-3👉ఇషాన్‌ 12, అయ్యర్‌ 15 పరుగులతో ఉన్నారు.👉9.4: సూఫియాన్‌ బౌలింగ్‌లో ఫోర్‌ బాదిన శ్రేయస్‌ అయ్యర్‌. Sarpanch Saab bringing the class to the big stage! 👌Watch Pakistan vs India in the 20th Asian Games Gold Medal Match, LIVE NOW on Sony Sports Network TV channels & Sony LIV. #SonySportsNetwork #SonyLIV #AsianGames #AichiNagoya2026 #BaarBaarBharatHarBaarBharat pic.twitter.com/4Ajc8UbF4b— Sony Sports Network (@SonySportsNetwk) October 3, 2026తొమ్మిది ఓవర్లలో భారత్‌ స్కోరు: 103-3👉8.6: డీప్‌ ఎక్స్‌ట్రా కవర్‌ మీదుగా బౌండరీ బాదిన శ్రేయస్‌ అయ్యర్‌.. సెంచరీ కొట్టిన టీమిండియా👉8.1: అబ్రార్‌ అహ్మద్‌ బౌలింగ్‌లో ఫోర్‌ బదిన ఇషాన్‌ ఎనిమిది ఓవర్లలో భారత్‌ స్కోరు: 94-3మూడో వికెట్‌ కోల్పోయిన భారత్‌👉7.5: అరాఫత్‌ బౌలింగ్‌లో స్టంపౌట్‌గా వెనుదిరిగిన అభిషేక్‌ శర్మ (28 బంతుల్లో 61; మూడు ఫోర్లు, ఏడు సిక్సర్లు). ఇషాన్‌ క్రీజులోకి వచ్చాడు.👉7.4: అరాఫత్‌ బౌలింగ్‌లో లాంగాన్‌ మీదుగా సిక్సర్‌ బాదిన అభిషేక్‌ శర్మఏడు ఓవర్లలో భారత్‌ స్కోరు: 85-2👉అభిషేక్‌ 24 బంతుల్లో 54, అయ్యర్‌ ఆరు బంతుల్లో 5 పరుగులతో ఉన్నారు.పవర్‌ ప్లేలో భారత్‌ స్కోరు: 81-2 (6 ఓవర్లు)👉అభిషేక్‌ 52, అయ్యర్‌ 3 పరుగులతో ఉన్నారు.అభిషేక్‌ శర్మ మెరుపు అర్ధ శతకం👉5.6: దనియాల్‌ బౌలింగ్‌లో డీప్‌ ఎక్స్‌ట్రా కవర్‌ మీదుగా సిక్సర్‌ బాది అర్ధ శతకం పూర్తి చేసుకున్న అభిషేక్‌. 20 బంతుల్లో 52. 👉5.3: వైడ్‌.. ఫోర్‌.. ఐదు పరుగులు👉5.1 ఓవర్‌: దనియాల్‌ బౌలింగ్లో డీప్‌ మిడ్‌ వికెట్‌ మీదుగా సిక్సర్‌ బాదిన అభిషేక్‌ఐదు ఓవర్లలో భారత్‌ స్కోరు: 53-2👉అభిషేక్‌ 40, అయ్యర్‌ 3 పరుగులతో ఉన్నారు.👉4.1 ఓవర్‌: అరాఫత్‌ మిన్హాస్‌ బౌలింగ్‌లో డీప్‌ స్క్వేర్‌ లెగ్‌ మీదుగా సిక్సర్‌ బాదిన అభిషేక్‌UNSTOPPABLE ABHI! ⚡Abhishek Sharma brings up a stunning 20-ball fifty with a six as India are building up the lead against Pakistan! 🔥Watch Pakistan vs India in the 20th Asian Games Gold Medal Match, LIVE NOW on Sony Sports Network TV channels & Sony LIV.… pic.twitter.com/v6Ig2hxV6e— Sony Sports Network (@SonySportsNetwk) October 3, 2026 నాలుగు ఓవర్లలో భారత్‌ స్కోరు: 52-2👉అభిషేక్‌ 32, అయ్యర్‌ సున్నా పరుగులతో ఉన్నారు.రెండో వికెట్‌ కోల్పోయిన భారత్‌👉3.5 ఓవర్‌: దనియాల్‌ బౌలింగ్‌లో అరాఫత్‌కు క్యాచ్‌ ఇచ్చి పెవిలియన్‌ చేరిన సంజూ (2). శ్రేయస్‌ అయ్యర్‌ క్రీజులోకి వచ్చాడు.👉3.2 ఓవర్‌: అహ్మద్‌ దనియాల్‌ బౌలింగ్‌లో లాంగాన్‌ మీదుగా సిక్సర్‌ బాదిన అభిషేక్‌.. టీమిండియా హాఫ్‌ సెంచరీమూడు ఓవర్లలో భారత్‌ స్కోరు: 43-1👉అభిషేక్‌ 9 బంతుల్లో 25 పరుగులతో, సంజూ ఒక పరుగుతో ఉన్నారు.👉2.6 ఓవర్‌: లాంగాఫ్‌ మీదుగా ఫోర్‌ బాదిన అభిషేక్‌👉2.5 ఓవర్‌: లాంగాన్‌ మీదుగా ఫోర్‌ బాదిన అభిషేక్‌👉2.4 ఓవర్‌: సయీబ్‌ ఆయుబ్‌ బౌలింగ్‌లో మిడ్‌ వికెట్‌ మీదుగా సిక్సర్‌ బాదిన అభిషేక్‌ శర్మవైభవ్‌ అవుట్‌👉2.1 ఓవర్‌: సయీమ్‌ ఆయుబ్‌ బౌలింగ్‌లో వైభవ్‌ ఉస్మాన్‌ ఖాన్‌కు క్యాచ్‌ ఇచ్చి అవుటయ్యాడు. మొత్తంగా తొమ్మిది బంతులు ఎదుర్కొని రెండు సిక్సర్ల సాయంతో 15 పరుగులు చేసి అవుటైన వైభవ్‌. సంజూ క్రీజులోకి వచ్చాడు.రెండు ఓవర్లలో భారత్‌ స్కోరు: 28-0👉అభిషేక్‌ 11, వైభవ్‌ 15 పరుగులతో ఉన్నారు.👉ఆరో బంతి నోబాల్‌ కాగా.. ఫ్రీ హిట్‌ను ఫోర్‌గా మలిచిన అభిషేక్‌ అభిషేక్‌ భారీ సిక్సర్‌👉ఐదో బంతికి సిక్సర్‌ బాదిన అభిషేక్‌వైభవ్‌ వరుస సిక్సర్లు👉రెండో ఓవర్‌ రెండో బంతికి సాద్‌ మసూద్‌ బౌలింగ్‌లో సిక్సర్‌ బాదిన వైభవ్‌👉మూడో బంతిని కూడా సిక్సర్‌గా మలిచిన వైభవ్‌తొలి ఓవర్లో భారత్‌ స్కోరు: 4-0సయీబ్‌ ఆయుబ్‌ బౌలింగ్‌లో వైభవ్‌ రెండు సింగిల్స్‌, అభిషేక్‌ ఒక సింగిల్‌ తీశారు. వైడ్‌ రూపంలో ఒక పరుగు వచ్చింది.నో షేక్‌హ్యాండ్‌తొలి సెమీ ఫైనల్లో బంగ్లాదేశ్‌ను పాకిస్తాన్‌.. రెండో సెమీస్‌ మ్యాచ్‌లో శ్రీలంకను టీమిండియా ఓడించి పసిడి పతక పోరుకు అర్హత సాధించాయి. ఇక టాస్‌ సందర్భంగా ఆసియా కప్‌-2025, టీ20 ప్రపంచకప్‌-2026 నాటి ఘటనే పునరావృతమైంది. టీమిండియా‌ కెప్టెన్‌ శ్రేయస్ అయ్యర్‌ పాక్‌ సారథి సాహిబ్‌జాదా ఫర్హాన్‌తో కరచాలనం చేయలేదు.ఇదిలా ఉంటే.. శ్రీలంకతో సెమీ ఫైనల్లో ఆడిన తుదిజట్టులో మార్పులు లేకుండా భారత్‌ బరిలోకి దిగింది. ఫలితంగా చిచ్చర పిడుగు వైభవ్‌ సూర్యవంశీకి ప్లేయింగ్‌ ఎలెవన్‌లో మరోసారి చోటు దక్కింది. కఠినమైన పిచ్‌నిశిన్‌ పిచ్‌పై స్పిన్‌ ప్రభావం ఎక్కువగా ఉంటుందని.. బ్యాటింగ్‌ అంత తేలిక కాదని గత మ్యాచ్‌ల ద్వారా ఇప్పటికే నిరూపితమైంది. అయితే, సెమీస్‌లో భారత పేసర్‌ బుమ్రా కూడా ఇక్కడ రాణించడం సానుకూల అంశం. ఇక తుదిజట్టులోస్పిన్‌ బౌలింగ్‌ ఆల్‌రౌండర్లు అక్షర్‌ పటేల్‌, వాషింగ్టన్‌ సుందర్‌, స్పెషలిస్టు రవి బిష్ణోయితో పాటు అభిషేక్‌ శర్మ, తిలక్‌ వర్మ వంటి పార్ట్‌టైమ్‌ స్పిన్నర్లు కూడా ఉన్నారు.తుదిజట్లుభారత్‌వైభవ్‌ సూర్యవంశీ, అభిషేక్‌ శర్మ, సంజూ శాంసన్‌ (వికెట్‌ కీపర్‌), శ్రేయస్‌ అయ్యర్‌ (కెప్టెన్‌), ఇషాన్‌ కిషన్‌, తిలక్‌ వర్మ, శివం దూబే, అక్షర్‌ పటేల్‌, వాషింగ్టన్‌ సుందర్‌, రవి బిష్ణోయి, జస్‌ప్రీత్‌ బుమ్రా.పాకిస్తాన్‌సాహిబ్‌జాదా ఫర్హాన్‌ (కెప్టెన్‌), మాజ్‌ సదాకత్‌, ఉస్మాన్‌ ఖాన్‌ (వికెట్‌ కీపర్‌), సయీమ్‌ ఆయుబ్‌, హసన్‌ నవాజ్‌, అబ్దుల్‌ సమద్‌, అరాఫత్‌ మిన్హాస్‌, అహ్మద్‌ దనియాల్‌, సాద్‌ మసూద్‌, అబ్రార్‌ అహ్మద్‌, సూఫియాన్‌ మొకీమ్‌.

భారత క్రికెట్‌లో ఇవాళ (అక్టోబర్‌ 3) అత్యంత అరుదైన ఘటన చోటు చేసుకోబోతుంది. 28 ఏళ్ల తర్వాత రెండు వేర్వేరు సీనియర్‌ పురుషుల క్రికెట్‌ జట్లు ఒకే రోజు బరిలోకి దిగబోతున్నాయి. ఇలాంటి ఘటన తొలిసారి 1998లో జరిగింది. నాడు కామన్వెల్త్‌ గేమ్స్‌, సహారా కప్‌ టోర్నీల్లో రెండు వేర్వేరు భారత సీనియర్‌ పురుషుల క్రికెట్‌ జట్లు ఒకే రోజు బరిలోకి దిగాయి.కామన్వెల్త్‌ గేమ్స్‌లో భారత జట్టు అజయ్‌ జడేజా నేతృత్వంలో.. సహారా కప్‌లో భారత జట్టు మొహమ్మద్‌ అజహరుద్దీన్‌ కెప్టెన్సీలో బరిలోకి దిగాయి. 28 ఏళ్ల తర్వాత మళ్లీ రెండు వేర్వేరు భారత జట్లు ఒకే రోజు రెండు టోర్నీల్లో పాల్గొంటున్నాయి. శ్రేయస్‌ అయ్యర్‌ నేతృత్వంలోని భారత జట్టు ఏషియన్‌ గేమ్స్‌ ఫైనల్లో పాకిస్తాన్‌తో తలపడుతుండగా.. శుభ్‌మన్‌ గిల్‌ కెప్టెన్సీలోని టీమిండియా ద్వైపాక్షిక సిరీస్‌లో భాగంగా విండీస్‌తో తలపడనుంది.జపాన్‌లోని నిస్సిన్‌ నగరంలో ఏషియన్‌ గేమ్స్‌ ఫైనల్‌ జరుగనుండగా.. భారత్‌లోని న్యూ ఛండీఘడ్‌లో విండీస్‌ మ్యాచ్‌ జరుగనుంది. ఈ రెండు మ్యాచ్‌ల్లో భారత్‌ తమ అత్యుత్తమ జట్లనే బరిలోకి దించింది. టీ20 ఫార్మాట్‌లోని టాప్‌ జట్టు ఆసియా క్రీడల్లో, వన్డే ఫార్మాట్లోని అత్యుత్తమ జట్టు విండీస్‌తో వన్డేలో తలపడనుంది.పాక్‌తో ఏషియన్‌ గేమ్స్‌ ఫైనల్‌ మ్యాచ్‌ భారతకాలమానం ప్రకారం ఉదయం 10 గంటలకు ప్రారంభం కానుండగా.. విండీస్‌తో వన్డే మధ్యాహ్నం రెండు గంటలకు మొదలవుతుంది.ఇదీ చదవండి: Asian Games Men's Cricket: శ్రీలంక జట్టుకు కాంస్యం

ఆసియా గేమ్స్‌లో భాగంగా రేపు జ‌ర‌గ‌నున్న ఫైన‌ల్లో భార‌త్, పాకిస్తాన్‌లు స్వ‌ర్ణ ప‌త‌క పోరు కోసం అమీతుమీ తేల్చుకోనున్నాయి. ఆట ప‌రంగా చూస్తే పాకిస్తాన్ కంటే భార‌త్ అన్నింటిలో మెరుగ్గా క‌నిపిస్తుంది. వ‌రుస‌గా రెండోసారి స్వ‌ర్ణం చేజేక్కించుకోవాల‌ని టీమిండియా భావిస్తుండ‌గా, టీమిండియాకు ప‌సిడి క‌ల‌ను దూరం చేయాల‌నే ప‌ట్టుద‌ల‌తో పాక్ బ‌రిలోకి దిగుతోంది. ఐసీసీ స‌హా మేజ‌ర్ టోర్నీల్లో ఎక్క‌డ చూసుకున్నా పాకిస్తాన్‌పై భార‌త్‌దే స్ప‌ష్ట‌మైన ఆధిప‌త్యం. ముఖ్యంగా ఐసీసీ ఈవెంట్ల‌లో టీమిండియాను పాక్‌ ఓడించిన సంద‌ర్భాలు వేళ్ల మీద లెక్క‌పెట్టొచ్చు. గ‌తేడాది ఆసియా క‌ప్ ఫైన‌ల్ సంద‌ర్భాగా ఈ రెండు జ‌ట్లు ఫైన‌ల్లో త‌ల‌ప‌డ‌గా, టీమిండియా విజ‌యం సాధించింది. ఈ నేప‌థ్యంలో ఈసారి భారత్‌ను ఓడించి సొంతం చేసుకోవాల‌న్న పాకిస్తాన్ గోల్డ్ క‌ల‌ను భ‌గ్నం చేయ‌గ‌ల ముగ్గురు భార‌త స్టార్ల గురించి ఒక‌సారి చ‌ర్చిద్దాం.అభిషేక్ శ‌ర్మ‌..ఏడాది క్రిత‌మే తొలిసారి పాకిస్తాన్‌తో ఆడిన అభిషేక్ శ‌ర్మ ఆ జ‌ట్టుకు భ‌యాన్ని పుట్టించాడు. పాక్‌పై ఆడిన గత రెండు మ్యాచ్‌ల్లో అత‌డు త‌క్కువ స్కోరుకే వెనుదిరిగిన‌ప్ప‌టికీ, ఉన్నంత‌సేపు పాక్ బౌల‌ర్ల‌ను దంచికొట్టాడు. ఈ నేప‌థ్యంలో రేపు జ‌ర‌గ‌నున్న ఫైన‌ల్లో అభిషేక్ శ‌ర్మ వీరవిహారం చేస్తే మాత్రం పాక్‌కు క‌ష్టాలు త‌ప్ప‌వు. పాక్‌తో నాలుగు మ్యాచ్‌లు ఆడిన అభిషేక్ శ‌ర్మ 177.41 స్ట్రైక్‌రేట్‌తో 110 ప‌రుగులు చేశాడు. గ‌తేడాది సెప్టెంబ‌ర్‌లో దుబాయ్ వేదిక‌గా పాకిస్తాన్‌తో జ‌రిగిన మ్యాచ్‌లో అభిషేక్ శ‌ర్మ 39 బంతుల్లోనే 74 ప‌రుగులు చేసి పాక్ విధించిన భారీ టార్గెట్‌ను భార‌త్ సునాయాసంగా ఛేదించ‌డంలో స‌హాయ‌ప‌డ్డాడు. అయితే గ‌త రెండు ఇన్నింగ్స్‌ల్లో మాత్రం వ‌రుస‌గా ఐదు, సున్నా స్కోర్ల‌కే ప‌రిమిత‌మైన‌ప్ప‌టికీ, మ్యాచ్‌లో నిల‌దొక్కుకుంటే మాత్రం అభిషేక్ శ‌ర్మ డేంజర్ ఇన్నింగ్స్ ఆడ‌గ‌ల‌డు.జ‌స్‌ప్రీత్ బుమ్రా..పాకిస్తాన్‌పై బౌలింగ్‌లో టీమిండియా స్టార్ జ‌స్‌ప్రీత్ బుమ్రాకు మంచి రికార్డు ఉంది. 2023-24 మ‌ధ్య కాలంలో జ‌రిగిన రెండు వేర్వేరు ప్ర‌పంచ‌క‌ప్పుల్లో బుమ్రా 'ప్లేయ‌ర్ ఆఫ్ ది మ్యాచ్' అవార్డులు సొంతం చేస‌కున్నాడు. అంతేకాదు ఈ ఏడాది ఆరంభంలో శ్రీలంక‌లో జ‌రిగిన టీ20 ప్ర‌పంచ‌క‌ప్ 2026లో కూడా పాక్‌తో మ్యాచ్‌లో బుమ్రా తాను వేసిన తొలి రెండు ఓవ‌ర్ల‌లోనే పాక్ ప‌తనాన్ని శాసించాడు. ఇప్ప‌టివ‌ర‌కు బుమ్రా పాకిస్తాన్‌పై 8 మ్యాచ్‌ల్లో 11 వికెట్లు తీశాడు. తాను ఆడిన 8 మ్యాచ్‌ల్లో రెండుసార్లు మాత్ర‌మే వికెట్ తీయ‌డంలో విఫ‌ల‌మైన బుమ్రా, మిగిలిన ఆరు సంద‌ర్భాల్లో మాత్రం టీమిండియా విజ‌యం సాధించ‌డంలో కీల‌క‌పాత్ర పోషించాడు.తిల‌క్‌వ‌ర్మ‌..టీమిండియా వైస్ కెప్టెన్ తిల‌క్ వ‌ర్మ‌కు పాకిస్తాన్‌పై అమోఘ‌మైన రికార్డు ఉంది. గ‌తేడాది జ‌రిగిన ఆసియా క‌ప్ ఫైన‌ల్లో బ్యాటింగ్‌కు క‌ష్టంగా ఉన్న పిచ్‌పై తిల‌క్ వ‌ర్మ (53 బంతుల్లో 69 నాటౌట్‌) అజేయ ఇన్నింగ్స్ ఆడి భార‌త్‌ను గెలిపించాడు. అంతేకాదు ఈ ఏడాది టీ20 ప్ర‌పంచ‌క‌ప్‌లోనూ తిల‌క్ వ‌ర్మ 25 ప‌రుగుల కీల‌క ఇన్నింగ్స్ ఆడాడు. ఆ మ్యాచ్‌లో టీమిండియా 61 ప‌రుగుల తేడాతో విజ‌యాన్ని అందుకుంది. ఇప్ప‌టివ‌ర‌కు పాకిస్తాన్‌పై 4 మ్యాచ్‌లు ఆడిన తిల‌క్ వ‌ర్మ 155 ప‌రుగులు చేశాడు.ఇదీ చదవండి: Asian Games 2026: రెజ్లింగ్‌లో భార‌త్‌కు తొలి స్వ‌ర్ణం

క్రికెట్ అభిమానులు ఎంతగానో ఎదురుచూస్తున్న ఐసీసీ వన్డే ప్రపంచకప్‌-2027 షెడ్యూల్‌ వచ్చేసింది. దక్షిణాఫ్రికా, జింబాబ్వే, నమీబియా వేదికలుగా జరగనున్న ఈ మెగా టోర్నీ 2027 అక్టోబర్ 2న ప్రారంభమై, నవంబర్ 21న జరిగే ఫైనల్ మ్యాచ్‌తో ముగియనుంది.ఈ టోర్నమెంట్‌లో టీమిండియా హాట్ ఫేవరేట్‌గా బరిలోకి దిగుతోంది. గత ప్రపంచకప్‌లో తృటిలో చేజారిన ట్రోఫీని ఈసారి ఎలాగైనా సొంతం చేసుకుని 16 ఏళ్ల నిరీక్షణకు తెరదించాలని భారత జట్టు పట్టుదలతో ఉంది. ఈ మెగా ఈవెంట్‌లో భారత్.. పాకిస్తాన్‌‌, అఫ్గానిస్తాన్‌, ఆస్ట్రేలియా, జింబాబ్వేలతో కలిసి గ్రూప్-ఎలో ఉంది.టీమిండియా పూర్తి షెడ్యూల్శుబ్‌మన్ గిల్ నాయకత్వంలోని భారత జట్టు తమ తొలి మ్యాచ్‌లోనే బలమైన ఆస్ట్రేలియాను ఢీకొట్టనుంది. లీగ్ స్టేజ్ మ్యాచ్‌ల తర్వాత సూపర్‌-7 దశ పోరు ప్రారంభమవుతుంది.అక్టోబర్ 7: భారత్ vs ఆస్ట్రేలియా (కేప్‌టౌన్)అక్టోబర్ 10: భారత్ vs పాకిస్తాన్ (జోహాన్నిస్‌బర్గ్ - వాండరర్స్)అక్టోబర్ 14: భారత్ vs అఫ్గానిస్థాన్ (ట్ష్వానే)అక్టోబర్ 17: భారత్ vs క్వాలిఫైయర్-ఎ (బ్లూమ్‌ఫోంటైన్)అక్టోబర్ 24: భారత్ vs జింబాబ్వే (విక్టోరియా ఫాల్స్)కాగా ఈ ప్రపంచకప్‌కు ముందు ఆతిథ్య సౌతాఫ్రికాతో 6 వన్డేల సిరీస్‌లో భారత్ తలపడనున్నట్లు తెలుస్తోంది. జోహన్స్‌బర్గ్‌, కేప్‌టౌన్‌, సెంచూరియన్ వేదికల్లో ఈ మ్యాచ్‌లు జరగనున్నట్లు ఇండియన్ ఎక్స్ ప్రెస్ కథనం పేర్కొంది.

దుబాయ్‌: వచ్చే ఏడాది జరిగే అంతర్జాతీయ క్రికెట్‌ మండలి (ఐసీసీ) వన్డే ప్రపంచకప్‌ షెడ్యూల్‌ విడుదలైంది. కొత్త ఫార్మాట్‌లో జరగనున్న ఈ ప్రతిష్టాత్మక టోర్నమెంట్‌ వివరాలను ఐసీసీ గురువారం విడుదల చేసింది. జాతిపిత మహాత్మా గాంధీ జయంతిని పురస్కరించుకొని వచ్చే ఏడాది అక్టోబర్‌ 2న 14వ వన్డే వరల్డ్‌కప్‌ ప్రారంభం కానుంది. ఈ మెగా టోరీ్నకి దక్షిణాఫ్రికా, జింబాబ్వే, నమీబియా సంయుక్తంగా ఆతిథ్యమిస్తున్నాయి. భారత్‌ తమ తొలి మ్యాచ్‌ను అక్టోబర్‌ 7న డిఫెండింగ్‌ చాంపియన్‌ ఆ్రస్టేలియాతో ఆడనుంది. అనంతరం చిరకాల ప్రత్యర్థి పాకిస్తాన్‌తో భారత జట్టు అక్టోబర్‌ 10న తలపడనుంది. మొత్తం 12 జట్లను రెండు గ్రూప్‌లుగా విభజించారు. గ్రూప్‌ ‘ఎ’లో అఫ్గానిస్తాన్, ఆస్ట్రేలియా, పాకిస్తాన్, జింబాబ్వేతో కలిసి భారత్‌ బరిలోకి దిగనుంది. మరో జట్టును క్వాలిఫయింగ్‌ టోర్నీ ద్వారా ఎంపిక చేయనున్నారు. గ్రూప్‌ ‘బి’లో బంగ్లాదేశ్, ఇంగ్లండ్, దక్షిణాఫ్రికా, శ్రీలంక, న్యూజిలాండ్, క్వాలిఫయర్‌ ‘బి’ జట్లు ఉన్నాయి. రౌండ్‌ రాబిన్‌ లీగ్‌ తరహాలో జరిగే గ్రూప్‌ దశలో మొత్తం 30 మ్యాచ్‌లు నిర్వహించనున్నారు. ఆ్రస్టేలియా, పాకిస్తాన్‌లతో మ్యాచ్‌ల అనంతరం టీమిండియా వరుసగా అఫ్గానిస్తాన్‌ (అక్టోబర్‌ 14), క్వాలిఫయర్‌ ‘ఎ’ (అక్టోబర్‌ 17), జింబాబ్వే (అక్టోబర్‌ 24)లతో తలపడుతుంది. ఒక్కో గ్రూప్‌లో మెరుగైన ప్రదర్శన చేసిన మూడు జట్లతో పాటు రెండు గ్రూప్‌ల్లో కలిపి ఆ తర్వాతి అత్యుత్తమ జట్టు ‘సూపర్‌–7’ దశకు చేరుతుంది. ఇందులోనూ ఒక్కో జట్లు మిగిలిన అన్నీ జట్లతో రౌండ్‌ రాబిన్‌ లీగ్‌ తరహాలో పోటీపడాల్సి ఉంటుంది. టాప్‌–4 జట్లు సెమీఫైనల్‌కు చేరనున్నాయి. నవంబర్‌ 17, 18న సెమీఫైనల్స్‌ నిర్వహిస్తారు. నవంబర్‌ 21న జొహన్నెస్‌బర్గ్‌లోని వాండరర్స్‌ మైదానంలో జరగనున్న ఫైనల్‌తో టోర్నమెంట్‌ ముగుస్తుంది.

ఆసియా క్రీడలు-2026 టోర్నీలో భారత పురుషుల హాకీ జట్టు అద్భుత విజయం సాధించింది. పాకిస్తాన్‌తో గురువారం నాటి సెమీ ఫైనల్లో ఆఖరి నిమిషంలో గోల్‌ కొట్టి ఫైనల్‌కు దూసువెళ్లింది. దాయాదిని 4-3 గోల్స్‌ తేడాతో చిత్తు చేసిన డిఫెండింగ్‌ చాంపియన్‌ భారత్‌.. స్వర్ణ పతక ఆశల్ని సజీవం చేసుకుంది. ఆదిలో ఆధిపత్యంజపాన్‌ వేదికగా పాక్‌తో సెమీస్‌లో... కెప్టెన్‌, పెనాల్టీ కార్నర్‌ స్పెషలిస్టు హర్మన్‌ప్రీత్‌ సింగ్‌ తొలి గోల్‌ కొట్టడంతో భారత్‌ ఖాతా తెరిచింది. హర్మన్‌ మరోసారి విజృంభించి తొలి క్వార్టర్‌ ముగిసేసరికి భారత్‌ ఆధిక్యాన్ని 2-0కు తీసుకువెళ్లాడు.మారిన సీన్‌ఇక సుఖ్‌జీత్‌ సింగ్‌ మూడో గోల్‌ కొట్టగా భారత్‌ 3-0తో ముందంజ వేసింది. అయితే, ఆ తర్వాత పాకిస్తాన్‌ కెప్టెన్‌ అబూ మహమూద్‌ గోల్‌ కొట్టి జట్టును తిరిగి పోటీలో నిలిపాడు. దీంతో రెండో అర్ధ భాగం మొదలయ్యేసరికి స్కోరు 3-1గా మారింది. ఆ తర్వాత హనన్‌ షాహిద్‌ భారత డిఫెన్స్‌ను బోల్తా కొట్టించి తెలివిగా గోల్‌ కొట్టాడు.తీవ్రమైన ఒత్తిడిఅనంతరం వహీద్‌ రాణా కూడా గోల్‌ కొట్టగా స్కోరు 3-3తో సమమైంది. దీంతో భారత శిబిరం తీవ్ర ఒత్తిడిలో కూరుకుపోయింది. ఈ క్రమంలో గోల్‌ కీపర్‌ మోహిత్‌ను తప్పించి.. అతడి స్థానంలో సూరజ్‌ కర్కేరాను తీసుకువచ్చింది. ఇలాంటి దశలో పాక్‌కు రెండు పెనాల్టీ కార్నర్‌లు లభించినా వాటిని గోల్‌గా మలచలేకపోయింది. దీంతో భారత జట్టు ఊపిరి పీల్చుకుంది.ఆఖరి నిమిషంలో అద్భుతం ఈ క్రమంలో ఆటకు ఇంకా నలభై సెకండ్ల వ్యవధి మాత్రమే ఉన్న సమయంలో అభిషేక్‌ అనూహ్య రీతిలో గోల్‌ కొట్టి భారత్‌కు చిరస్మరణీయ విజయాన్ని అందించాడు. దీంతో భారత్‌ పాక్‌ను 4-3తో ఓడించి టైటిల్‌ పోరుకు అర్హత సాధించింది.ఇదిలా ఉంటే.. భారత మహిళా హాకీ జట్టు కూడా ఫైనల్‌కు చేరిన సంగతి తెలిసిందే. ఆసియా క్రీడల్లో ఇలా ఒకే ఎడిషన్‌లో భారత హాకీ మహిళల, పురుషుల జట్లు ఫైనల్‌కు చేరడం 1998 తర్వాత ఇదే తొలిసారి.

క్రికెట్‌ అభిమానులు ఎంతగానో వేచి చూస్తున్న దాయాదుల సమరానికి రంగం సిద్ధమైంది. ఆసియా క్రీడలు-2026 పురుషుల టీ20 క్రికెట్‌ టోర్నీ ఫైనల్లో టీమిండియా- పాకిస్తాన్‌ అమీతుమీ తేల్చుకునేందుకు సిద్ధమయ్యాయి.వర్షం వల్ల రద్దైన మ్యాచ్‌లుజపాన్‌ వేదికగా జరుగుతున్న ఈ టోర్నీలో ఐసీసీ ర్యాంకింగ్స్‌ ఆధారంగా భారత్‌, పాకిస్తాన్‌, బంగ్లాదేశ్‌, శ్రీలంక నేరుగా క్వార్టర్‌ ఫైనల్లో అడుగుపెట్టిన సంగతి తెలిసిందే. అయితే, వర్షం కారణంగా క్వార్టర్‌ ఫైనల్‌ మ్యాచ్‌లన్నీ టాస్‌ కూడా పడకుండానే రద్దైపోయాయి.నేరుగా సెమీ ఫైనల్‌కుఈ క్రమంలో ర్యాంకింగ్స్‌ ఆధారంగా టీమిండియా, పాకిస్తాన్‌, బంగ్లాదేశ్‌, శ్రీలంక నేరుగా సెమీ ఫైనల్‌కు అర్హత సాధించాయి. ఇందులో భాగంగా గురువారం తెల్లవారుజామున జరిగిన తొలి సెమీస్‌ మ్యాచ్‌లో పాకిస్తాన్‌- బంగ్లాదేశ్‌ తలపడ్డాయి. వర్షం అంతరాయం కలిగించిన కారణంగా మ్యాచ్‌ను పదమూడు ఓవర్లకు కుదించారు.బంగ్లాను ఓడించి పాక్‌ నిశిన్‌ వేదికగా టాస్‌ గెలిచిన పాక్‌ తొలుత బౌలింగ్‌ ఎంచుకోగా.. బంగ్లాదేశ్‌ బ్యాటింగ్‌కు దిగింది. నిర్ణీత 13 ఓవర్లలో ఏడు వికెట్ల నష్టానికి 111 పరుగులు చేసింది. ఈ క్రమంలో లక్ష్య ఛేదనలో పాకిస్తాన్‌ 11.3 ఓవర్లలో కేవలం నాలుగు వికెట్లు నష్టపోయి పని పూర్తి చేసింది. తద్వారా ఫైనల్‌కు దూసుకువెళ్లింది.లంకపై గెలిచి భారత్‌ఇక ఇదే వేదికపై గురువారం నాటి రెండో సెమీ ఫైనల్లో టీమిండియా- శ్రీలంక తలపడ్డాయి. టాస్‌ గెలిచిన శ్రీలంక తొలుత బౌలింగ్‌ ఎంచుకోగా.. టీమిండియా నిర్ణీత 20 ఓవర్లలో ఏడు వికెట్ల నష్టానికి 169 పరుగులు సాధించింది. ఇక టార్గెట్‌ ఛేదించే క్రమంలో శ్రీలంక బ్యాటింగ్‌ ఆర్డర్‌ పేకమేడలా కుప్పకూలింది.BAPU's DOUBLE STRIKE! ⚡A double blow from Axar Patel leaves Sri Lanka searching for answers in the Semi-Final! 🔥Watch India vs Sri Lanka, Men’s Cricket Semi-Final 2, LIVE NOW on Sony Sports Network TV channels & Sony LIV.#SonySportsNetwork #SonyLIV #AsianGames… pic.twitter.com/GpIdHRjDT9— Sony Sports Network (@SonySportsNetwk) October 1, 2026భారత బౌలర్ల ధాటికి 9.5 ఓవర్లలో కేవలం 45 పరుగులు చేసి ఆలౌట్‌ అయింది. ఫలితంగా శ్రేయస్‌ అయ్యర్‌ సేన 124 పరుగుల తేడాతో ఘన విజయం సాధించి.. ఫైనల్లో అడుగుపెట్టింది.ఈ ఏడాది రెండోసారి భారత్‌ వర్సెస్‌ పాకిస్తాన్‌తొలి సెమీ ఫైనల్లో బంగ్లాదేశ్‌ను ఓడించి పాకిస్తాన్‌.. రెండో సెమీస్‌ మ్యాచ్‌లో శ్రీలంకపై గెలిచి భారత్‌.. టైటిల్‌ పోరులో తలపడేందుకు సిద్ధమయ్యాయి.చిరకాల ప్రత్యర్థులు చివరగా టీ20 ప్రపంచకప్‌-2026 టోర్నీలో భాగంగా శ్రీలంక వేదికగా ఈ ఏడాది ఫిబ్రవరి 15న తలపడ్డాయి. ఈ మ్యాచ్‌లో టీమిండియా పాక్‌ను 61 పరుగుల తేడాతో చిత్తు చేసింది.ఆసియా క్రీడలు-2026 ఫైనల్‌ వేదిక, షెడ్యూల్‌, జట్లు, లైవ్‌ స్ట్రీమింగ్‌ వివరాలు👉గోల్డ్‌ మెడల్‌ మ్యాచ్‌: భారత్‌ వర్సెస్‌ పాకిస్తాన్‌👉తేది: అక్టోబరు 3 (శనివారం)👉వేదిక: కొరొగి స్పోర్ట్స్‌ పార్కు, నిశిన్‌, జపాన్‌👉ప్రత్యక్ష ప్రసారం: సోనీ స్పోర్ట్స్‌ నెట్‌వర్క్‌ (టీవీ), సోనీ లివ్‌ (డిజిటల్‌)👉మ్యాచ్‌ ఆరంభ సమయం: భారత కాలమానం ప్రకారం ఉదయం 10 గంటలకు మొదలు👉ఇదే రోజు కాంస్యం కోసం బంగ్లాదేశ్‌- శ్రీలంక మధ్య ఉదయం ఐదున్నర గంటలకు మ్యాచ్‌ ఆరంభంజట్లుటీమిండియాసంజు శాంసన్ (వికెట్‌ కీపర్‌), అభిషేక్ శర్మ, ఇషాన్ కిషన్, శ్రేయస్ అయ్యర్(కెప్టెన్‌), తిలక్ వర్మ, శివమ్ దూబే, అక్షర్ పటేల్, అర్ష్‌దీప్‌ సింగ్, రవి బిష్ణోయ్, జస్ప్రీత్ బుమ్రా, వాషింగ్టన్ సుందర్, యశ్ ఠాకూర్, వైభవ్ సూర్యవంశీ, విప్రజ్ నిగమ్.పాకిస్తాన్‌సాహిబ్‌జాదా ఫర్హాన్(కెప్టెన్‌), సయీమ్ అయూబ్, ఉస్మాన్ ఖాన్ (వికెట్‌ కీపర్‌), హసన్ నవాజ్, హైదర్ అలీ, అబ్దుల్ సమద్, మొహమ్మద్ వసీం జూనియర్, అబ్రార్ అహ్మద్, సుఫ్యాన్ మొకిమ్, అహ్మద్ డానియాల్, అకిఫ్ జావేద్, అరాఫత్ మిన్హాస్, సాద్ మసూద్, మాజ్ సదాకత్, అలీ రెజా.చదవండి: చరిత్ర సృష్టించిన ఇషాన్‌ కిషన్‌

ఏషియన్‌ గేమ్స్‌ 2026 పురుషుల క్రికెట్‌లో టీమిండియా ఫైనల్‌కు చేరింది. ఇవాళ జరిగిన రెండో సెమీఫైనల్లో భారత జట్టు శ్రీలంకను 124 పరుగుల తేడాతో చిత్తు చేసి, అక్టోబర్‌ 3న జరిగే (ఉదయం 10 గంటలకు ప్రారంభం) తుది పోరుకు అర్హత సాధించింది. ఫైనల్లో భారత్‌ తమ చిరకాల ప్రత్యర్ది పాకిస్తాన్‌తో తలపడుతుంది. ఆ మ్యాచ్‌లో గెలిస్తే భారత్‌ స్వర్ణ పతకం సాధిస్తుంది. ఓడిన జట్టు రజతంతో సరిపెట్టుకోవాల్సి ఉంటుంది.మ్యాచ్‌ విషయానికొస్తే.. టాస్‌ ఓడి తొలుత బ్యాటింగ్‌ చేసిన భారత్‌, ఇషాన్‌ కిషన్‌ (80 నాటౌట్‌) చెలరేగిపోవడంతో నిర్ణీత 20 ఓవర్లలో 7 వికెట్ల నష్టానికి 169 పరుగులు చేసింది. భారత ఇన్నింగ్స్‌లో వైభవ్‌ సూర్యవంశీ (38) కూడా మెరుపు ఇన్నింగ్స్‌ ఆడాడు. వీరు మినహా మిగతా బ్యాటర్లు ఎవరూ రాణించలేదు. అభిషేక్‌ శర్మ, సంజూ శాంసన్‌ తలో 7, శ్రేయస్‌ అయ్యర్‌ 13, అక్షర్‌ పటేల్‌ 8, తిలక్‌ వర్మ 2, శివమ్‌ దూబే 3, వాషింగ్టన్‌ సుందర్‌ 7 (నాటౌట్‌) పరుగులు చేశారు.45 పరుగులకే కుప్పకూలిన శ్రీలంక170 పరుగుల లక్ష్య ఛేదనలో భారత బౌలర్లు చెలరేగిపోయారు. బుమ్రా, అక్షర్‌ పటేల్‌, అభిషేక్‌ శర్మ తలో 2, వాషింగ్టన్‌ సుందర్‌ ఓ వికెట్‌ తీయడంతో శ్రీలంక 9.5 ఓవర్లలో 45 పరుగులకే కుప్పకూలింది. లంక ఇన్నింగ్స్‌లో ఏకంగా ఐదుగురు డకౌట్‌ కాగా.. నువనిదు ఫెర్నాండో (15) ఒక్కడే రెండంకెల స్కోర్‌ చేశాడు. కఠినమైన పిచ్‌పై భారత బౌలర్లను ఎదుర్కోవడం లంక ఆటగాళ్ల వల్ల కాలేదు. ఆ జట్టు ఇన్నింగ్స్‌ పేకమేడలా కూలింది. కాంస్యం కోసం బంగ్లాదేశ్‌, శ్రీలంక పోటీసెమీఫైనల్స్‌లో ఓడిన బంగ్లాదేశ్‌, శ్రీలంక జట్లు అక్టోబర్‌ 3నే జరిగే పోటీలో కాంస్య పతకం కోసం​ పోటీపడతాయి. ఆ మ్యాచ్‌ భారతకాలమానం ప్రకారం​ ఆ రోజు ఉదయం 5:30 గంటలకు ప్రారంభవుతుంది. ఇదీ చదవండి: Asian Games Men's Cricket: ఫైనల్స్‌కు పాకిస్తాన్‌

ఏషియన్‌ గేమ్స్ 2026లో 12వ రోజు (అక్టోబర్‌ 1) భారత్‌కు మిశ్రమ ఫలితాలు ఎదురయ్యాయి. వాలీబాల్‌, ఆర్చరీ, స్క్వాష్‌లో భారత అథ్లెట్లు నిరాశపరిచారు. సెపక్‌తక్రాలో మాత్రం భారత్‌కు పతకం ఖాయమైంది.పాకిస్తాన్ చేతిలో ఓటమిపురుషుల వాలీబాల్ క్వార్టర్‌ఫైనల్లో భారత్‌ పాకిస్తాన్ చేతిలో పరాజయంపాలైంది. 20-25, 27-29, 15-25 వరుస సెట్లలో ఓడి 0-3తో మ్యాచ్‌ను చేజార్చుకుంది. ఈ పరాజయంతో భారత్ టోర్నీ నుంచి నిష్క్రమించగా.. పాక్‌ సెమీఫైనల్‌కు చేరుకుంది.ఆర్చరీలో నిరాశమహిళల వ్యక్తిగత కాంపౌండ్ ఈవెంట్ క్వార్టర్‌ఫైనల్లో భారత్‌కు చెందిన చికితా తనిపర్తి ఓటమి చవిచూసింది. ఇండోనేషియాకు చెందిన నురిసా దియాన్ అష్రిఫా చేతిలో 143-144 తేడాతో ఓడిపోయింది. టీమ్ ఈవెంట్లలో ఇప్పటికే రెండు స్వర్ణ పతకాలు సాధించిన చికితా వ్యక్తిగత విభాగంలో ముందుకు వెళ్లలేకపోయింది.స్క్వాష్‌లో షాక్స్క్వాష్‌లోనూ భారత్‌కు షాక్ తగిలింది. మహిళల టీమ్ సెమీఫైనల్లో అనాహత్ సింగ్‌కు నిరాశ ఎదురైంది. హాంకాంగ్‌తో జరిగిన పోరులో ఆమె ఓటమి పాలైంది. దీంతో ఈ విభాగంలో భారత స్వర్ణ పతక ఆశలకు ఎదురుదెబ్బ తగిలింది.సెపక్‌తక్రాలో పతకం ఖాయంసెపక్‌తక్రాలో భారత్ చారిత్రాత్మక ప్రదర్శన చేసింది. పురుషుల క్వాడ్రంట్ గ్రూప్-ఏ మ్యాచ్‌లో వియత్నాంపై భారత్ 2-0తో విజయం సాధించి సెమీఫైనల్‌కు చేరుకుంది. సెమీఫైనల్ బెర్త్ ఖరారు కావడంతో భారత్‌కు ఈ విభాగంలో కనీసం ఒక పతకం ఖాయమైంది.కాగా, ఇవాళ పతకాల ఖాతా తెరవని భారత్‌, ఇప్పటివరకు సాధించిన 60 పతకాలతో (10 గోల్డ్‌, 21 సిల్వర్‌, 29 బ్రాంజ్‌) పట్టికలో ఎనిమిదో స్థానంలో కొనసాగుతుంది. ఇదీ చదవండి: గురితప్పని బంగారు బాణం

ఆసియా గేమ్స్‌లో పురుషుల క్రికెట్ విభాగంలో క్వారర్ ఫైనల్ మ్యాచ్‌లన్నీ వరుసగా వర్షార్పణమయ్యాయి. భారత్ వర్సెస్‌ అఫ్గానిస్తాన్‌, నేపాల్ వర్సెస్‌ శ్రీలంక, పాకిస్తాన్ వర్సెస్ హాంకాంగ్‌, బంగ్లాదేశ్ వర్సెస్ మలేషియా మధ్య జరగాల్సిన క్వార్టర్ ఫైనల్స్ వర్షంతో రద్దయ్యాయి. దీంతో ర్యాంకుల ఆధారంగా భారత్‌, శ్రీలంక, పాకిస్తాన్‌, బంగ్లాదేశ్‌లు సెమీస్‌కు అర్హత సాధించాయి. గురువారం జరగనున్న సెమీఫైనల్స్‌లో పాకిస్తాన్‌తో బంగ్లాదేశ్‌, భారత్‌తో శ్రీలంక తలపడనున్నాయి. జపాన్‌లోని కొరోగొ అథ్లెటిక్ పార్క్ ఆతిథ్యమిమ్వనున్న మ్యాచ్‌లకు కూడా 60 శాతం వర్షం ముప్పు పొంచి ఉన్నట్లు తెలుస్తోంది. ఒకవేళ సెమీస్ మ్యాచ్‌లు కూడా వర్షంతో రద్దయితే.. మెరుగైన ర్యాంక్ కారణంగా భారత్‌, పాకిస్తాన్ ఫైనల్లో అడుగుపెట్టనున్నాయి. శ‌నివారం జరగనున్న ఫైనల్ మ్యాచ్ కూడా వర్షంతో రద్దయితే అప్పుడు పరిస్థితి ఏంటి.. ఏ జట్టుకు ఏ పతకం ఇస్తారనేది ఆసక్తికరంగా మారింది. వర్షంతో ఫైనల్ రద్దయితే సాధారణంగా రెండు జట్లలో మెరుగైన ర్యాంకులో ఉన్న జట్టుకు స్వర్ణ పతకం దక్కుతుంది. ఈ లెక్కన వన్డేల్లో నంబర్‌వన్ ర్యాంకులో కొనసాగుతున్న టీమిండియాకు మరోమారు స్వర్ణం.. పాక్‌కు రజతం దక్కుతుందని అంతా భావిస్తున్నారు. 2023లో జరిగిన హాంగ్జౌ ఆసియా గేమ్స్‌లో ఫైనల్ వర్షార్పణం కావడంతో భారత్ పసిడి, ఆఫ్గన్ రజతం గెలుచుకున్నాయి. కానీ ఈసారి గేమ్స్‌లో మాత్రం చిన్న ట్విస్ట్ దాగుంది. ఒకవేళ క్రికెట్ ఫైనల్ మ్యాచ్ వర్షంతో రద్దయితే మాత్రం భారత్‌తో పాటు పాకిస్తాన్ కూడా స్వర్ణం పతకం అందుకోనుంది. వర్షం అంతరాయంతో మ్యాచ్‌ రద్దయితే, మెరుగైన ర్యాంకులో ఉన్న జట్టుకు స్వర్ణం అందిస్తే, మరో జట్టుకు అన్యాయం జరిగినట్లవుతుందనే ఉద్దేశంతోనే ఈ నిర్ణయం తీసుకున్నట్లు ఆసియా గేమ్స్‌ నిర్వాహకులు వెల్లడించారు. ఒకవేళ ఇది జరిగితే మాత్రం భారత్‌, పాకిస్తాన్‌లు ఒకే వేదికపై పడిసి పతకం అందుకోనుండడం చారిత్రక ఘట్టంగా మిగిలిపోనుంది. ఇదే ఆసియా గేమ్స్‌లో ఇప్పటికే భారత మహిళల జట్టు స్వర్ణం సాధించిన సంగతి తెలిసిందే. హర్మన్‌ప్రీత్ కౌర్ నేతృత్వంలోని టీమిండియా ఫైనల్లో శ్రీలంకను 147 పరుగుల తేడాతో చిత్తు చేసి స్వర్ణం దక్కించుకుంది.ఇదీ చదవండి: దిగ్గ‌జాల విష‌యంలో త‌మిళ‌నాడు క్రికెట్ కీల‌క నిర్ణ‌యం

ఆసియా క్రీడలు-2026 పురుషుల హాకీ పోటీల్లో భారత జట్టు జైత్రయాత్ర కొనసాగుతోంది. సోమవారం బంగ్లాదేశ్‌తో జరిగిన పూల్-ఎ చివరి లీగ్ మ్యాచ్‌లో టీమిండియా 10-0 తేడాతో విజయాన్ని అందుకుంది. ఇప్పటికే సెమీఫైనల్‌కు చేరుకున్న భారత జట్టు.. ఆఖరి మ్యాచ్‌లోనూ విజృంభించింది. ఏకపక్షంగా సాగిన మ్యాచ్‌లో భారత ఆటగాళ్లు గోల్స్ వర్షం కురిపించారు. కెప్టెన్ హర్మన్‌ప్రీత్ సింగ్ (27, 40, 45వ నిమిషాల్లో) హ్యాట్రిక్ గోల్స్‌తో చెలరేగగా, లక్రా శిలానంద్ (44, 45వ నిమిషాల్లో) రెండు గోల్స్ సాధించాడు. అలాగే అభిషేక్, జుగ్‌రాజ్ సింగ్, సుఖ్‌జీత్ సింగ్, సంజయ్ మరియు మన్‌దీప్ సింగ్ తలా ఒక గోల్ చేసి భారత్ భారీ విజయంలో భాగమయ్యారు. ఈ విజయంతో పూల్-ఎ విభాగంలో ఆడిన అన్ని మ్యాచ్‌ల్లోనూ గెలిచి పాయింట్ల పట్టికలో అగ్రస్థానంలో నిలిచింది. కాగా, అక్టోబర్ 1న జరగనున్న తొలి సెమీఫైనల్ పోరులో చిరకాల ప్రత్యర్థి పాకిస్తాన్‌తో భారత్ తలపడనుంది. భారత జట్టు జోరును బట్టి చూస్తే దాయాది జట్టుపై విజయం సాధించి ఫైనల్‌కు దూసుకెళ్లడం ఖాయంగా కనిపిస్తోంది.

జపాన్‌ వేదికగా ఆసియా క్రీడలు-2026లో పురుషుల టీ20 క్రికెట్‌ టోర్నమెంట్‌కు గురువారం (సెప్టెంబరు 24) తెరలేచింది. గ్రూప్‌ దశలో భాగంగా తొలి మ్యాచ్‌లో అఫ్గానిస్తాన్‌ జపాన్‌పై 48 పరుగుల తేడాతో గెలిచి బోణీ కొట్టింది. రెండో మ్యాచ్‌లో హాంకాంగ్‌ను మలేషియా ఎనిమిది వికెట్ల తేడాతో చిత్తు చేసింది.నేరుగా క్వార్టర్‌ ఫైనల్‌కుఇదిలా ఉంటే.. ఐసీసీ ర్యాంకింగ్స్‌ ఆధారంగా టీమిండియా, పాకిస్తాన్‌, శ్రీలంక, బంగ్లాదేశ్‌ నేరుగా క్వార్టర్‌ ఫైనల్లో అడుగుపెట్టాయి. ఈ నేపథ్యంలో చిరకాల ప్రత్యర్థులు భారత్‌- పాక్‌ మ్యాచ్‌ కోసం అభిమానులు ఆసక్తిగా ఎదురుచూస్తున్నారు.అయితే, క్వార్టర్‌ ఫైనల్‌ లేదంటే సెమీస్‌లో ఈ దాయాదుల పోరును చూసే అవకాశం లేదు. టోర్నీ విధానం ప్రకారం భారత్‌- పాక్‌ రెండు వేర్వేరు పూల్స్‌లో ఉన్నాయి. కాబట్టి ఫైనల్‌ లేదంటే.. కాంస్య పతక పోరు కోసం జరిగే మ్యాచ్‌లలో మాత్రమే చిరకాల ప్రత్యర్థులు పోటీ పడే అవకాశం ఉంది.ప్రతీ మ్యాచ్‌ మాకు ముఖ్యమైనదేఈ నేపథ్యంలో పాకిస్తాన్‌ కెప్టెన్‌గా వ్యవహరిస్తున్న సాహిబ్‌జాదా ఫర్హాన్‌ మీడియాతో మాట్లాడుతూ కీలక వ్యాఖ్యలు చేశాడు. ‘‘మా దృష్టి కేవలం టీమిండియాతో మ్యాచ్‌పై మాత్రమే లేదు. టోర్నమెంట్లో ప్రతీ మ్యాచ్‌ మాకు ముఖ్యమైనదే. ప్రతీ మ్యాచ్‌లోనూ గెలవడానికి మా శాయశక్తులా కృషి చేస్తాము.స్వర్ణం గెలవడానికి అన్ని జట్లను ఓడిస్తాంకేవలం టీమిండియా మ్యాచ్‌ కోసం మాత్రమే మేము సన్నద్ధం కావడం లేదు. ముందుగా చెప్పినట్లు ప్రతీ మ్యాచ్‌ మాకు కీలకమే. ఎవరిని ఓడించాలనుకుంటున్నాం.. ఎవరిపై గెలవాలనుకుంటున్నాం అన్న విషయాల గురించి ఇప్పుడు మాట్లాడాల్సిన అవసరం లేదు. స్వర్ణ పతకం సాధించడమే లక్ష్యం. అందుకు అన్ని జట్లను ఓడించాల్సి ఉంటుంది’’ అని సాహిబ్‌జాదా ఫర్హాన్‌ చెప్పుకొచ్చాడు. కాగా ఇప్పటి వరకు టీమిండియా- పాకిస్తాన్‌ 17 టీ20 మ్యాచ్‌లలో తలపడగా.. భారత్‌ పద్నాలుగుసార్లు గెలుపొందింది. కాగా గత ఆసియా క్రీడల ఎడిషన్‌లో రుతురాజ్‌ గైక్వాడ్‌ సారథ్యంలో భారత్‌ పసిడి పతకం గెలిచింది.చదవండి: విండీస్‌తో తొలి వన్డే.. చరిత్రకు అడుగుదూరంలో కోహ్లి

భారత మహిళా, పురుష క్రికెట్‌ జట్లకు మరోసారి ‘నక్వీ గండం’ ఎదురయ్యే అవకాశం ఉంది. ఆసియా కప్‌ తర్వాత ఆసియా క్రీడలు-2026 టోర్నీలోనూ అతడి చేతుల మీదుగానే ట్రోఫీ అందుకోవాల్సి వస్తే పరిస్థితి ఏమిటనే చర్చ మొదలైంది. కాగా ఆసియా క్రికెట్‌ మండలి (ACC) అధ్యక్షుడిగా పాకిస్తాన్‌ అంతర్గత వ్యవహారాల శాఖా మంత్రి, పాక్‌ క్రికెట్‌ బోర్డు చైర్మన్‌ మోసిన్‌ నక్వీ కొనసాగుతున్న సంగతి తెలిసిందే.రెండుసార్లు నిరాకరణఅయితే, భారత్‌- పాక్‌ మధ్య ఉద్రిక్తతల నేపథ్యంలో ఆసియా టీ20 కప్‌-2025లో విజేతగా నిలిచిన భారత పురుషుల జట్టు, ఇటీవల 2026లో ఆసియా కప్‌ టైటిల్‌ను సొంతం చేసుకున్న భారత మహిళల జట్టు నక్వీ చేతుల మీదుగా ట్రోఫీ అందుకునేందుకు నిరాకరించాయి. దీంతో ఇంతవరకు ట్రోఫీలు భారత్‌కు అందకుండా నక్వీ పావులు కదుపుతున్నాడు.హాట్‌ ఫేవరెట్‌గా భారత జట్లుఈ నేపథ్యంలో ఆసియా క్రీడల్లోనూ ఇదే తరహా పరిస్థితి తలెత్తే అవకాశం ఉంది. జపాన్‌ వేదికగా ఈ టోర్నీ జరుగుతున్న సంగతి తెలిసిందే. క్రికెట్‌ విభాగంలో టీ20 ఫార్మాట్లో మ్యాచ్‌లు నిర్వహిస్తుండగా.. డిఫెండింగ్‌ చాంపియన్లు టీమిండియా, భారత మహిళా జట్టు హాట్‌ ఫేవరెట్‌గా ఉన్నాయి.ఇక్కడా అదే గండం.. నిరాకరిస్తే కష్టమే!ప్రస్తుతం అత్యంత పటిష్టంగా ఉన్న ఇరుజట్లు దాదాపు స్వర్ణం గెలవడం ఖాయమే. ఈ నేపథ్యంలో ఆసియా ఒలింపిక్‌ మండలి (OCA)లో భాగమైన నక్వీకి గనుక పతకాలు ప్రదానం చేసే అవకాశం వస్తే.. భారత జట్లు తప్పక అతడి చేతుల మీదుగానే మెడల్స్‌ స్వీకరించాల్సి ఉంటుంది. లేనిపక్షంలో ఆసియా క్రీడలనే అవమానించినట్లుగా అవుతుంది. తద్వారా పతకాలు నిరాకరించిన జట్లపై క్రమశిక్షణా చర్యలు చేపట్టే అవకాశం ఉంటుంది.స్పందించిన బీసీసీఐఈ విషయంపై భారత క్రికెట్‌ నియంత్రణ మండలి (BCCI) కార్యదర్శి దేవజిత్‌ సైకియా తాజాగా స్పందించారు. ‘‘ముందుగా మ్యాచ్‌లు గెలవడంపైనే మా దృష్టి ఉంది. భారత జట్లు స్వర్ణ పతకం గెలిచి పోడియం వద్దకు వెళ్లాలి. అప్పుడే మేము దీని గురించి నిర్ణయం తీసుకుంటాము.ప్రస్తుతం మా దృష్టి మొత్తం మ్యాచ్‌లు గెలవడం మీదే ఉంది. బోర్డు, ఆటగాళ్లకు ఇదే మొదటి ప్రాధాన్యం. ఇప్పటి వరకు జరగని దాని గురించి పెద్దగా స్పందించాల్సిన అవసరం లేదు’’ అని సైకియా పేర్కొన్నారు.నిబంధనలు ఇవేకాగా ఆసియా ఒలింపిక్‌ మండలి నియావళిలోని ఆర్టికల్‌ 66 ప్రకారం.. ‘విజయాలు, పతకాల ప్రదానోత్సం’లో భాగంగా విజేతలకు OCA అధ్యక్షుడు నేరుగా మెడల్‌ ప్రదానం చేయవచ్చు. లేదంటే.. మండలిలో భాగమైన ఇతర సభ్యులకు ఆ బాధ్యతను అప్పగించవచ్చు. ఇక్కడ ఎలాంటి రాజకీయ, మతపరమైన, వాణిజ్యపరమైన అంశాలకు తావు ఉండదు.చదవండి: నేను ఎదుర్కొన్న కఠినమైన భారత బ్యాటర్‌ అతడే: కమిన్స్‌

క్రికెట్‌ అభిమానులు ఆసక్తిగా ఎదురుచూస్తున్న వరల్డ్‌ చాంపియన్‌షిప్‌ ఆఫ్‌ లెజెండ్స్‌ (డబ్ల్యూసీఎల్‌)-2026 షెడ్యూల్‌ తాజాగా విడుదలైంది. అక్టోబరు 3 నుంచి అక్టోబరు 17 మధ్య ఈ మెగా ఈవెంట్‌ను నిర్వహించనున్నారు.షార్జా క్రికెట్‌ స్టేడియం, దుబాయ్‌ అంతర్జాతీయ స్టేడియం ఇందుకు వేదికలు. ఇక 2026 సీజన్‌ ఆరంభ మ్యాచ్‌లో భాగంగా అక్టోబరు 3 భారత్‌ చాంపియన్స్‌- ఆస్ట్రేలియా చాంపియన్స్‌ తలపడనుండగా.. అదే రోజు పాకిస్తాన్‌ చాంపియన్స్‌- బంగ్లాదేశ్‌ చాంపియన్స్‌ అమీతుమీ తేల్చుకోనున్నాయి.భారత్‌- పాక్‌ మ్యాచ్‌ ఆరోజేఇక క్రికెట్‌ ప్రపంచం ఆసక్తిగా చూసే భారత్‌- పాకిస్తాన్‌ మ్యాచ్‌కు అక్టోబరు 10న ముహూర్తం ఖరారైంది. భారత కాలమానం ప్రకారం రాత్రి తొమ్మిది గంటలకు ఈ మ్యాచ్‌ ఆరంభం కానుంది. దుబాయ్‌ ఇంటర్నేషనల్‌ స్టేడియం ఇందుకు వేదిక.కాగా అంతర్జాతీయ క్రికెట్‌కు వీడ్కోలు పలికిన ఆటగాళ్లు WCLలో ఆడుతున్న సంగతి తెలిసిందే. టీ20 ఫార్మాట్లో నిర్వహించే ఈ టోర్నీలో భారత్‌, పాకిస్తాన్‌, సౌతాఫ్రికా, ఆస్ట్రేలియా, బంగ్లాదేశ్‌, ఇంగ్లండ్‌, వెస్టిండీస్‌ జట్లు టైటిల్‌ కోసం బరిలో నిలిచాయి. కాగా గత ఎడిషన్‌లో ఇరుదేశాల మధ్య ఉద్రిక్తతల నేపథ్యంలో భారత జట్టు పాక్‌తో ఆడేందుకు విముఖత వ్యక్తం చేసింది. సెమీస్‌లోనూ తలపడాల్సి రావడంతో దేశ పౌరుల మనోభావాలకు విలువనిస్తూ టోర్నీ నుంచే నిష్క్రమించింది. ఇక ఈసారీ యువరాజ్‌ సింగ్‌ కెప్టెన్‌గా వ్యవహరించే అవకాశం ఉంది.PC: WCL XWCL-2026 ‍జట్లలో కీలక ఆటగాళ్లుఇండియా చాంపియన్స్‌యువరాజ్‌ సింగ్‌, సురేశ్‌ రైనా, హర్భజన్‌ సింగ్‌, ఇర్ఫాన్‌ పఠాన్‌, యుసఫ్‌ పఠాన్‌, అంబటి రాయుడుపాకిస్తాన్‌ చాంపియన్స్‌షాహిద్‌ ఆఫ్రిది, షోయబ్‌ అక్తర్‌, మిస్బా ఉల్‌ హక్‌, అబ్దుల్‌ రజాక్‌, కమ్రాన్‌ అక్మల్‌.సౌతాఫ్రికా చాంపియన్స్‌ఏబీ డివిలియర్స్‌, డేల్‌ స్టెయిన్‌, హషీం ఆమ్లా, జాక్వెస్‌ కలిస్‌, ఇమ్రాన్‌ తాహిర్‌.ఆస్ట్రేలియా చాంపియన్స్‌బ్రెట్‌ లీ, షేన్‌ వాట్సన్‌, బ్రాడ్‌ హాడిన్‌, నాథన్‌ లియోన్‌, కాలమ్‌ ఫెర్గూసన్‌.ఇంగ్లండ్‌ చాంపియన్స్‌కెవిన్‌ పీటర్సన్‌, ఇయాన్‌ మోర్గాన్‌, అలిస్టర్‌ కుక్‌, జొనాథన్‌ ట్రాట్‌, మాంటీ పనేసర్‌వెస్టిండీస్‌ చాంపియన్స్‌క్రిస్‌ గేల్‌, బ్రియాన్‌ లారా, డ్వేన్‌ బ్రావో, రామ్‌నరేశ్‌ శర్వాణ్‌, ఫిడెల్‌ ఎడ్‌వర్డ్స్‌కాగా బంగ్లాదేశ్‌ చాంపియన్స్‌ మాత్రం ఇప్పటి వరకు జట్టును ప్రకటించలేదు.చదవండి: ఏడెకరాల భూమి.. ఫామ్‌హౌజ్‌.. విలువ ఎంతంటే?

మహిళల జూనియర్‌ ఆసియా కప్‌ టోర్నీలో భారత హాకీ జట్టు సంచలన విజయం సాధించింది. దాయాది పాకిస్తాన్‌ను ఏకంగా 19-0 గోల్స్‌ తేడాతో మట్టికరిపించింది. తద్వారా ఆసియా కప్‌ టోర్నీ సెమీ ఫైనల్‌కు దూసుకువెళ్లింది. ఆది నుంచే భారత్‌ ఆధిపత్యంచైనాలోని మోకీ వేదికగా గురువారం నాటి క్వార్టర్‌ ఫైనల్‌ మ్యాచ్‌లో భారత్‌- పాక్‌ యువ జట్లు తలపడ్డాయి. ఆట మొదలైన ఏడో నిమిషంలోనే పూజా సాహూ గోల్‌ కొట్టడంతో భారత్‌ ఖాతా తెరిచింది. ఆ తర్వాత రోషిణి ఐంద్‌, తనుశ్రీ దినేశ్‌ కదూ, సుఖ్‌వీర్‌ కౌర్‌, సనికా చంద్రకాంత్‌ మనే కూడా గోల్స్‌ సాధించారు.దీంతో ఆది నుంచే భారత్‌ ఆధిపత్యం కొనసాగించింది. ఇక 23వ నిమిషంలో మనే తన రెండో గోల్‌ కొట్టగా.. తనూజ తొప్పూ, పూజా మాలిక్‌, పూర్ణిమా యాదవ్‌ కూడా గోల్స్‌ సాధించారు. ఫలితంగా ఆట తొలి అర్ధ భాగంలోనే భారత్‌ 10-0తో తిరుగులేని ఆధిక్యం సంపాదించింది.ఇక రెండో అర్ధ భాగంలోనూ భారత మహిళా జట్టు జోరు కొనసాగించింది. మాలిక్‌ హ్యాట్రిక్‌ గోల్స్‌తో దుమ్ములేపగా.. సుప్రియా రెండుసార్లు గోల్‌ కొట్టింది. క్రిష్ణా శర్మ, బినిమా ధన్‌, రోషిణి కూడా అద్భుత ఆట తీరు కనబరుస్తూ పాకిస్తాన్‌ను మరింత కష్టాల్లోకి నెట్టారు. ఏకపక్ష విజయంఆఖరి నిమిషంలో రోషిణి మరోసారి గోల్‌ కొట్టడంతో భారత్‌ పాక్‌పై 19-0 గోల్స్‌ తేడాతో ఏకపక్ష విజయం సాధించింది. తద్వారా భారత మహిళా హాకీ జూనియర్‌ జట్టు ఆసియా కప్‌ సెమీ ఫైనల్లోకి దూసుకువెళ్లింది. కాగా మహిళల జూనియర్‌ హాకీ ఆసియా కప్‌ 2023, 2024 ఎడిషన్లలో భారత జట్టు విజేతగా నిలిచింది. తాజా ఎడిషన్‌లోనూ చాంపియన్‌గా నిలిచి హ్యాట్రిక్‌ కొట్టాలనే పట్టుదలతో ఉంది. కాగా తాజా సెమీ ఫైనల్లో భారత్‌... సౌత్‌ కొరియా- మలేషియా మధ్య మ్యాచ్‌ విజేతతో తలపడుతుంది. ఇక గ్రూప్‌ దశలో భారత్‌ ఇప్పటికే జపాన్‌, మలేషియా, సౌత్‌ కొరియాలను ఓడించి టాపర్‌గా నిలిచింది.పాకిస్తాన్‌తో మ్యాచ్‌లో గోల్స్‌ కొట్టిన భారత ప్లేయర్లుపూజా సాహూ (7వ నిమిషం), రోషిణి ఐంద్‌ (9, 60+ నిమిషం), తనుశ్రీ దినేశ్‌ కదూ (11వ నిమిషం), సుఖ్‌వీర్‌ కౌర్‌ (13వ నిమిషం), సనికా చంద్రకాంత్‌ మనే (13, 23వ నిమిషం), మధూ సిదార్‌ (16, 39వ నిమిషం), గీతా యాదవ్‌ 18వ (నిమిషం), తనూజ తొప్పూ (25వ నిమిషం), పూజా మాలిక్‌ (27, 49, 51వ నిమిషం), పూర్ణిమా యాదవ్‌ (33వ నిమిషం), సుప్రియ (40, 54వ నిమిషం), క్రిష్ణ శర్మ (48వ నిమిషం), బినిమా ధన్‌ (55వ నిమిషం).చదవండి: చరిత్ర సృష్టించిన ఇషాన్‌ కిషన్‌!

పాకిస్తాన్‌లో వచ్చే ఏడాది జరగనున్న సౌత్ ఏషియన్ ఫెడరేషన్ (SAF) గేమ్స్‌కు భారత్ తమ బృందాన్ని పంపేందుకు సమ్మతి తెలిపినట్లు ఆ దేశ మీడియా చెప్పుకుంటుంది. భారత్-పాక్‌ మధ్య ఉద్రిక్త పరిస్థితులు కొనసాగుతున్న నేపథ్యంలో ఈ వార్త చర్చనీయాంశంగా మారింది.గతేడాది పహల్గామ్ ఉగ్రదాడి తర్వాత భారత్‌-పాకిస్తాన్ మధ్య సంబంధాలు మరింత దెబ్బతిన్న విషయం తెలిసిందే. ఇలాంటి పరిస్థితుల్లో పాకిస్తాన్‌లో జరిగే క్రీడా పోటీలకు భారత బృందం నిజంగానే వెళ్తుందా అని భారతీయులు చర్చించుకుంటున్నారు.SAF గేమ్స్‌లో పాల్గొనేందుకు భారత ప్రభుత్వం గ్రీన్‌ సిగ్నల్‌ ఇచ్చిందని పాకిస్తాన్ ఒలింపిక్ అసోసియేషన్ సెక్రటరీ జనరల్ ఖాలిద్ మెహమూద్ వెల్లడించినట్లు 'ది న్యూస్‌ పాకిస్తాన్‌' అనే వార్తా సంస్థ పేర్కొంది.ది న్యూస్‌ పాకిస్తాన్‌ కథనం ప్రకారం.. దక్షిణాసియా ఒలింపిక్ అసోసియేషన్‌కు సంబంధించిన ఉన్నతస్థాయి సమావేశంలో భారత్‌కు ప్రాతినిధ్యం ఉందని మెహమూద్ తెలిపారు. భారత్ నుంచి ఎంత మంది క్రీడాకారులు పోటీల్లో పాల్గొంటారు.. ఏయే క్రీడాంశాల్లో బరిలోకి దిగుతారు.. అనే వివరాలు వచ్చే ఏడాది జనవరిలో వెల్లడించే అవకాశం ఉందని ఆయన అన్నారు.SAF గేమ్స్‌లో క్రికెట్‌, హాకీ సహా 28 క్రీడాంశాలు ఉంటాయి. భారత హాకీ జట్టు చివరిగా 2006లో పాక్‌లో పర్యటించగా.. భారత క్రికెట్‌ జట్టు చివరిగా 2008లో పాక్‌లో పర్యటించింది. చదవండి: టీమిండియా ప్లేయర్‌పై పాక్ అభిమానుల అభ్యంతరకర వ్యాఖ్యలు

మహిళల ఆసియా కప్‌ 2026లో భాగంగా శనివారం జరిగిన భారత్‌-పాకిస్తాన్‌ గ్రూప్‌ స్టేజీ మ్యాచ్‌ మరో వివాదానికి దారితీసింది. ఈ మ్యాచ్‌లో టీమిండియా యువ పేసర్‌ క్రాంతి గౌడ్‌పై పాక్‌ అభిమానులు లింగ వివక్షతో కూడిన అభ్యంతరకర వ్యాఖ్యలు చేసినట్లు తెలుస్తోంది. దీనికి సంబంధించిన ఓ వీడియో సోషల్‌మీడియాలో వైరల్‌ అవుతుంది.The people are a reflection of the country 🤡 pic.twitter.com/4WzNwWfy96— Out Of Context Cricket (@GemsOfCricket) September 6, 2026టీమిండియా ఫీల్డింగ్‌ చేస్తున్న సమయంలో బౌండరీ లైన్‌ వద్ద ఉన్న క్రాంతి గౌడ్‌ను ఉద్దేశించి కొందరు ప్రేక్షకులు (పాకిస్తాన్‌కు చెందిన వారుగా అనుమానం) ఆమె లింగం, రూపురేఖలపై అవమానకరమైన వ్యాఖ్యలు చేస్తున్నట్లు వినిపించింది. ఈ వీడియో చూసిన నెటిజన్లు, ఇలాంటి చెత్త ప్రవర్తన పాకిస్తాన్‌ అభిమానులకు మాత్రమే సాధ్యమని అంటున్నారు. మహిళా క్రీడాకారిణులపై ఇలాంటి వ్యాఖ్యలు ఎవరు చేసినా ఆమోదయోగ్యం కాదని కొందరు మండిపడుతున్నారు.ఇదిలా ఉంటే, ఆసియా కప్‌ మ్యాచ్‌లో టీమిండియా పాకిస్తాన్‌ 7 వికెట్ల తేడాతో చిత్తుచిత్తుగా ఓడించింది. తొలుత బ్యాటింగ్‌ చేసిన పాక్‌ జట్టు భారత స్పిన్నర్ల ధాటికి 18.1 ఓవర్లలో 55 పరుగులకే కుప్పకూలింది. అనంతరం స్వల్ప లక్ష్యాన్ని భారత్ 8.4 ఓవర్లలో మూడు వికెట్లు మాత్రమే కోల్పోయి సునాయాసంగా ఛేదించింది. చదవండి: షఫాలీ పట్ల దురుసు ప్రవర్తన.. మూల్యం చెల్లించుకున్న పాక్‌ కెప్టెన్‌

మహిళల ఆసియా కప్‌ 2026లో భాగంగా భారత్‌తో జరిగిన గ్రూప్‌ మ్యాచ్‌లో పాకిస్తాన్‌ కెప్టెన్‌ ఫాతిమా సనా ఓవరాక్షన్‌ చేసింది. భారత ఓపెనర్ షఫాలీ వర్మను ఔట్ చేసిన తర్వాత పెవిలియన్‌కు దారి చూపిస్తూ దురుసుగా ప్రవర్తించింది.దీనిపై ఐసీసీ సీరియస్‌గా స్పందించింది. ఫాతిమా కోడ్ ఆఫ్ కాండక్ట్ ఉల్లంఘనకు పాల్పడినట్లు నిర్దారించి మ్యాచ్ ఫీజులో 10 శాతం జరిమానా విధించింది. అలాగే ఆమె ఖాతాలో ఒక డీమెరిట్ పాయింట్‌ను కూడా జత చేసింది.ఐసీసీ కోడ్ ఆఫ్ కండక్ట్‌లోని ఆర్టికల్ 2.5 ప్రకారం, బ్యాటర్ ఔటైన తర్వాత అతడిని లేదా ఆమెను అవమానించేలా ప్రేరేపించే భాష, చర్యలు, సంజ్ఞలు చేయడం నిబంధనల ఉల్లంఘనగా పరిగణిస్తారు. ఈ నిబంధన కింద ఫాతిమాపై లెవల్-1 ఉల్లంఘన నమోదైంది.ఇది గత 24 నెలల్లో ఫాతిమా చేసిన రెండో నేరంగా ఐసీసీ పేర్కొంది. దీంతో ఆమె డీమెరిట్ పాయింట్ల సంఖ్య రెండుకు చేరింది. 2025 ఆగస్టు 6న డబ్లిన్‌లో ఐర్లాండ్‌తో జరిగిన టీ20 మ్యాచ్‌లోనూ ఆమెకు ఒక డీమెరిట్ పాయింట్ లభించింది.కాగా, శనివారం జరిగిన ఈ మ్యాచ్‌లో షఫాలీ వర్మ దూకుడుగా ఇన్నింగ్స్‌ను ప్రారంభించింది. అయితే ఫాతిమా సనా వేసిన రెండో ఓవర్‌ మూడో బంతికి షఫాలీ ఆమెకే తిరిగి క్యాచ్ ఇచ్చి ఔటైంది. క్యాచ్ పట్టిన అనంతరం ఫాతిమా షఫాలీ ఓవరాక్షన్‌ చేసింది. ఫాతిమా ఎంత రెచ్చగొట్టేలా ప్రవర్తించినా, షఫాలీ స్పందించకపోవడం కొసమెరుపు. ఆ మ్యాచ్‌లో పాక్‌ భారీ ఓటమిని ఎదుర్కొన్నప్పటికీ, ఫాతిమా బంతితో రాణించి మూడు వికెట్లు పడగొట్టింది.ఇదిలా ఉం​టే, ఆసియా కప్‌లో పాక్‌కు ఇవాళ హాంగగ్‌కాంగ్‌ చైనాతో తలపడాల్సి ఉంది. ఈ మ్యాచ్‌ గెలిస్తే, ఆ జట్టు సెమీస్‌కు అర్హత సాధిస్తుంది. గ్రూప్‌-ఏ నుంచి భారత్‌ ఆడిన మూడు మ్యాచ్‌ల్లోనూ గెలిచి ఇదివరకే సెమీస్‌కు చేరింది. గ్రూప్‌-బి నుంచి శ్రీలంక సైతం ఇదిరకే సెమీస్‌ బెర్త్‌ ఖరారు చేసుకుంది. మరో బెర్త్‌ కోసం బంగ్లాదేశ్‌, యూఏఈ పోటీపడుతున్నాయి. చదవండి: 250 రిటైర్డ్‌ హర్ట్‌.. చరిత్రలో మూడో బ్యాటర్‌గా ఇషాన్‌ కిషన్‌

భారత మాజీ క్రికెటర్‌ అంజుమ్‌ చోప్రాపై టీమిండియా స్టార్‌ స్మృతి మంధాన అభిమానులు ఆగ్రహం వ్యక్తం చేస్తున్నారు. ఒక్క మ్యాచ్‌లో విఫలమైనంత మాత్రాన స్మృతి వంటి ప్లేయర్‌ను విమర్శించడం సరికాదని మండిపడుతున్నారు. జట్టు కోసం ఇప్పటికే ఈ ఓపెనింగ్‌ బ్యాటర్‌ ఎంతో చేసిందని.. ఆమె వల్లే జట్టు గెలిచిన సందర్భాలను మర్చిపోవద్దని హితవు పలుకుతున్నారు.రెండు ప్రపంచ రికార్డులుఆసియా మహిళల టీ20 కప్‌-2026లో భాగంగా హాంకాంగ్‌తో మ్యాచ్‌లో స్మృతి మంధాన అదరగొట్టిన సంగతి తెలిసిందే. విధ్వసంకర శతకంతో చెలరేగిన ఆమె.. తద్వారా మహిళల అంతర్జాతీయ క్రికెట్‌లో అత్యధిక సెంచరీలు బాదిన క్రికెటర్‌గా నిలిచింది. అంతేకాదు... మొత్తంగా అత్యధిక పరుగులు చేసిన ప్లేయర్‌గా మిథాలీ రాజ్‌ ఆల్‌టైమ్‌ వరల్డ్‌ రికార్డును బద్దలు కొట్టింది.పాక్‌తో మ్యాచ్‌లో విఫలం అయితే, ఆ తర్వాత పాకిస్తాన్‌తో శనివారం జరిగిన మ్యాచ్‌లో మాత్రం స్మృతి మంధాన విఫలమైంది. పాక్‌ విధించిన 56 పరుగుల నామమాత్రపు లక్ష్యాన్ని ఛేదించే క్రమంలో.. భారత ఓపెనర్లు షఫాలీ వర్మ (12), స్మృతి మంధాన (9).. వన్‌డౌన్‌ బ్యాటర్‌ ప్రతికా రావల్‌ (4) దారుణంగా విఫలమయ్యారు.దీంతో భారత్‌ 29 పరుగులకే మూడు వికెట్లు కోల్పోయి కష్టాల్లో పడగా.. కెప్టెన్‌ హర్మన్‌ప్రీత్‌ కౌర్‌ (18), దీప్తి శర్మ (12) అజేయంగా నిలిచి జట్టును విజయతీరాలకు చేర్చారు. ఇదిలా ఉంటే.. పాక్‌తో మ్యాచ్‌లో ఎదుర్కొన్న తొలి బంతికే స్మృతి అవుటయ్యే పరిస్థితి (క్యాచ్‌ అవుట్‌) వచ్చింది. అయితే, అంపైర్‌ నిర్ణయంతో ఆమెకు లైఫ్‌ లభించింది.ఈ నేపథ్యంలో స్మృతి దంచికొడుతుందనుకుంటే.. 11 బంతులు ఎదుర్కొని తొమ్మిది పరుగులే చేసి నిష్క్రమించింది. పాక్‌ కెప్టెన్‌ సనా ఫాతిమా బౌలింగ్‌లో వికెట్ల ముందు దొరికిపోయి పెవిలియన్‌ చేరింది. ఈ క్రమంలో కామెంటేటర్‌గా ఉన్న అంజుమ్‌ చోప్రా స్మృతిని ఉద్దేశించి ఘాటు వ్యాఖ్యలు చేసింది.అంజుమ్‌ విమర్శలు‘‘గత మ్యాచ్‌లో సెంచరీ చేసిన ప్లేయర్‌ (స్మృతి) ఈసారి తొలి బంతికే అవుటయ్యేది. అంపైర్‌కు స్పష్టత లేకపోవడం వల్ల బతికిపోయింది. కానీ నిజానికి ఆమె అప్పుడే అవుటయ్యేది. కామెంట్రీ బాక్సులో స్టంప్‌ మైకు ఆడియోలో బంతి బ్యాట్‌ను తాకిన శబ్దాన్ని మనం స్పష్టంగా విన్నాము కదా’’ అని అంజుమ్‌ చోప్రా పేర్కొంది.అదే విధంగా.. ‘‘ఈ విషయాన్ని కాస్త పక్కనపెడితే.. ఆ తర్వాత కూడా ఆమె తనకు వచ్చిన అవకాశాన్ని సద్వినియోగం చేసుకోలేదు. 56 పరుగుల లక్ష్య ఛేదనలో షఫాలీ వర్మ కూడా త్వరగా పెవిలియన్‌ చేరింది. ప్రతీసారీ కెప్టెన్‌ వచ్చి పరుగులు చేయాలా?’’ అని అంజుమ్‌ చోప్రా టాపార్డర్‌ను విమర్శించింది. ఈ నేపథ్యంలో స్మృతి అభిమానులు అంజుమ్‌ చోప్రా తీరును విమర్శిస్తున్నారు. ఒక్క మ్యాచ్‌లో విఫలమైనంత మాత్రాన స్మృతి లాంటి దిగ్గజాన్ని తక్కువ చేసి చూపాల్సిన అవసరం లేదంటూ హితవు పలుకుతున్నారు.చదవండి: టీమిండియాపై విజయం.. పాక్‌ క్రికెట్‌కు శాపంగా మారింది!

పాకిస్తాన్ పురుషుల క్రికెట్ జట్టు ప్రస్తుతం తీవ్ర సంక్షోభాన్ని ఎదుర్కొంటోంది. స్వదేశంతో పాటు విదేశాల్లోనూ వరుస ఓటములతో తీవ్ర విమర్శలపాలవుతోంది. ఈ నేపథ్యంలో పాక్ దిగ్గజ క్రికెటర్‌, మాజీ కెప్టెన్ మహమ్మద్ యూసుఫ్ చేసిన ఆసక్తికర వ్యాఖ్యలు సోషల్ మీడియాలో వైరల్‌గా మారాయి.జట్టు ప్రస్తుత పతనానికి 2021 టీ20 ప్రపంచకప్‌లో భారత్‌పై సాధించిన విజయమే ప్రధాన కారణమని యూసుఫ్ అభిప్రాయపడ్డాడు. ఆ చారిత్రత్మక విజయంతో పాక్ జట్టులో తీవ్రమైన నిర్లక్ష్యం, అతి విశ్వాసం పెరిగిపోయాయని అతడు అన్నాడు.కాగా దుబాయ్ వేదికగా జరిగిన టీ20 ప్రపంచకప్‌లో టీమిండియాపై 10 వికెట్ల తేడాతో పాక్ గెలుపొందింది. 152 పరుగుల లక్ష్యాన్ని పాక్ జట్టు ఒక్క వికెట్ కూడా కోల్పోకుండా చేధించింది. ఓపెనర్లు బాబర్ ఆజం, మహ్మద్ రిజ్వాన్‌లను అజేయంగా నిలిచి మ్యాచ్‌ను ఫినిష్ చేశారు. టీ20 ప్రపంచకప్‌లలో పాక్‌పై భారత్‌కు అదే తొలి విజయం కావడం గమనార్హం."2021లో భారత్‌పై మనం గెలిచిన ఆ ఒక్క మ్యాచ్ ఈ రోజు మనల్ని దెబ్బతీసింది. ఎందుకంటే ఆ విజయం తర్వాత తాము ఏదో గొప్ప విజయం సాధించేశామని మనోళ్లు ఫీలయ్యారు. అందువల్ల భవిష్యత్ ప్లానింగ్, ఆటను మెరుగుపరుచుకోవడంపై శ్రద్ధ పెట్టలేకపోయారు. మనం అత్యుత్తమంగా రాణిస్తున్న సమయంలో ఎంతో వినయంగా ఉండాలి. అహంకారంతో ప్రవర్తిస్తూ, ఇతరుల పట్ల అగౌరవంగా ఉంటే సమస్యలు వాటంతట అవే వెతుక్కుంటూ వస్తాయి. ప్రస్తుతం పాకిస్తాన్ క్రికెట్‌లో సరిగ్గా అదే జరుగుతోంది అని యూసఫ్ పేర్కొన్నాడు.అదేవిధంగా కెప్టెన్సీ మార్పు గురుంచి ఈ లెజెండరీ క్రికెటర్ మాట్లాడాడు. జట్టులోని ప్రతి ఒక్కరూ పాకిస్తాన్ కెప్టెన్ కావాలని ప్రయత్నించేవారు. ఇది కూడా పాక్ జట్టు ప్రస్తుత పరిస్థితికి గల ఒక కారణం. మన జట్టు గత కొంతకాలంగా దారుణ ప్రదర్శన చేస్తోంది. పీసీబీ మద్దతు ఇచ్చినా, కోచ్‌లు మారినా ఆటగాళ్లలో బాధ్యతారాహిత్యం మారలేదు" అని అతడు చెప్పుకొచ్చాడు.చదవండి: శుభ్‌మ‌న్ గిల్ మెరుపులు.. ఒక్క ప‌రుగు తేడాతో విజ‌యం

మహిళల ఆసియా కప్ 2026లో భారత మహిళా క్రికెటర్ శ్రీ చరణి తన ప్రదర్శనతో అదరగొడుతుంది. శనివారం పాకిస్తాన్‌తో జరిగిన మ్యాచ్‌లో 4 ఓవర్లు వేసిన శ్రీ చరణి కేవలం ఏడు పరుగులు మాత్రమే ఇచ్చి మూడు కీలక వికెట్లు తీసింది. మ్యాచ్‌లో చేసిన ప్రదర్శనకు గానూ శ్రీ చరణి ‘ప్లేయర్ ఆఫ్ ది మ్యాచ్‌’ అవార్డు దక్కించుకుంది. అవార్డు తీసుకున్న అనంతరం శ్రీ చరణి మాట్లాడింది. ‘నా ప్రదర్శన పట్ల సంతృప్తిగా ఉన్నా. మహిళల క్రికెట్ ఆడుతూ దేశానికి సేవ చేయడం గొప్ప విషయంగా భావిస్తున్నా. అయితే ప్రతీ మ్యాచ్‌కు జట్టులోని స్పిన్నర్లమంతా ఒక మీటింగ్ ఏర్పాటు చేసుకుంటాం. నాతో పాటు ప్రేమ రావత్‌, దీప్తి శర్మ, రాధా యాదవ్ కలిసి మ్యాచ్‌లో ఎలా బౌలింగ్ చేయాలనేది చర్చించుకుంటాం. దీప్తి, రాధా దీదీలు చెప్పే ప్రతి సలహాను మైదానంలో అమలు చేయడానికి ప్రయత్నిస్తాం. 50 వికెట్ల మార్క్‌కు ఒక్క వికెట్ దూరంలోఎ ఉన్నప్పటికీ, వాటిని నేను పట్టించుకోను. బౌలింగ్‌పైనే నా దృష్టంతా పెట్టాలనుకుంటున్నా. ఇక నాతో పాటు బౌలింగ్‌లో వికెట్లు తీసిన ప్రేమ రావత్‌కు కూడా మంచి భవిష్యత్తు ఉంది. ఆమెది సహజమైన ప్రతిభ. ఫీల్డింగ్‌, బ్యాటింగ్‌, బౌలింగ్ అన్నీ సమానంగా ఉంటాయి. బౌలర్లకు సహకరించే వికెట్‌పై సుమారు 120 పరుగులు అనేది మంచి స్కోరు కింద లెక్కే. ఇకపై కూడా నా ప్రదర్శనను ఇలాగే కొనసాగించాలనుకుంటున్నా’ అని చెప్పుకొచ్చింది.మ్యాచ్ విషయానికొస్తే పాకిస్తాన్‌పై భారత మహిళల జట్టు 7 వికెట్ల తేడాతో విజయం సాధించింది. తొలుత బ్యాటింగ్ చేసిన పాకిస్తాన్ 18.1 ఓవర్లలో 55 పరుగులకు ఆలౌటైంది. మునీబా అలీ (13), షావల్ జుల్ఫికర్ (14) మినహా మిగతా బ్యాటర్లంతా సింగిల్ డిజిట్‌కే పరిమితమయ్యారు. శ్రీ చరణి, ప్రేమ రావత్‌లు చెరో 3 వికెట్లు తీయగా, దీప్తి శర్మ రెండు వికెట్లు పడగొట్టింది. అనంతరం భారత జట్టు 8.4 ఓవర్లలో 3 వికెట్లు కోల్పోయి 57 పరుగులు చేసి విజయాన్ని అందుకుంది. హర్మన్ ప్రీత్ (18 నాటౌట్‌), దీప్తి శర్మ (12 నాటౌట్‌) జట్టును విజయతీరాలకు చేర్చారు. పాక్ కెప్టెన్ ఫాతిమా సనా 3 వికెట్లు పడగొట్టింది.Read: ఏంటి వైస్ కెప్టెన్.. ఇంత స్లోగా ఆడుతున్నావ్?

మ‌హిళ‌ల ఆసియాక‌ప్‌-2026లో పాకిస్తాన్‌కు తొలి ఓట‌మి ఎదురైంది. శ‌నివారం దుబాయ్ అంత‌ర్జాతీయ స్టేడియం వేదిక‌గా భార‌త్‌తో జ‌రిగిన మ్యాచ్‌లో 7 వికెట్ల తేడాతో పాక్ ఘోర ప‌రాజ‌యం పాలైంది. మ‌రోసారి దాయాది జ‌ట్టుపై హ‌ర్మ‌న్ సేన ఆధిప‌త్యం చెలాయించింది. టాస్ గెలిచిన తొలుత బ్యాటింగ్‌కు దిగిన పాకిస్తాన్‌కు భార‌త బౌల‌ర్లు ఆది నుంచే చుక్క‌లు చూపించారు. ముఖ్యంగా పాక్ బ్యాట‌ర్లు భార‌త స్పిన్న‌ర్ల ఉచ్చులో చిక్కుకుని విల‌విల్లాడారు. శ్రీచ‌రణి, ప్రేమా రావ‌త్ త‌లా మూడు వికెట్లు పడ‌గొట్టి ప్ర‌త్య‌ర్ధి జ‌ట్టును దెబ్బ‌తీశారు. వీరిద్ద‌రితో పాటు దీప్తి శ‌ర్మ రెండు, షెఫాలీ వ‌ర్మ ఓ వికెట్ సాధించారు. పాక్ బ్యాట‌ర్ల విష‌యానికి వ‌స్తే.. ఓపెన‌ర్లు మునీబా(13), షవాల్ జుల్ఫికర్(14) మిన‌హా మిగితా బ్యాట‌ర్లంతా సింగిల్ డిజిట్ స్కోర్ల‌కే ప‌రిమిత‌మ‌య్యారు.బ్యాటింగ్‌లో విఫ‌ల‌మైన కెప్టెన్ ఫాతిమా స‌నా.. బౌలింగ్‌లో మాత్రం మూడు వికెట్లు ప‌డ‌గొట్టింది. అయిన‌ప్ప‌టికి ఈ స్వ‌ల్ప ల‌క్ష్యాన్ని భార‌త్ మూడు వికెట్లు కోల్పోయి 8.4 ఓవ‌ర్ల‌లో చేధించింది. ఇక ఈ ఓట‌మిపై మ్యాచ్ అనంత‌రం కెప్టెన్ ఫాతిమా స్పందించింది. బ్యాటింగ్ వైఫ‌ల్యం కార‌ణంగానే ఓడిపోయామ‌ని స‌నా చెప్పుకొచ్చింది."ఈ ఓటమి మమ్మల్ని ఎంతగానో బాధించింది. మ్యాచ్‌లో కనీసం ఒక్క భాగస్వామ్యం కూడా నెలకొల్పలేకపోయాం. ఇన్నింగ్స్ ఆరంభం నుండి ముగిసే వరకు పరుగులు సాధించడానికి తీవ్రంగా ఇబ్బంది పడ్డాం. కొత్త పిచ్ కావడంతో టాస్ గెలిచి ముందుగా బ్యాటింగ్ ఎంచుకున్నాం. బోర్డుపై మంచి స్కోరు ఉంచి, మా బౌలింగ్ బలాన్ని వాడుకోవాలనుకున్నాం.కానీ మా ప్రణాళికలను మైదానంలో అమలు చేయడంలో పూర్తిగా విఫలమయ్యాం. నేను బౌలింగ్‌లో రాణించినా, జట్టు ఓడిపోయినప్పుడు ఆ ప్రదర్శనకు ఏ విలువా ఉండదు. అదే జట్టు గెలిచి ఉంటే ఆ సంతోషం వేరుగా ఉండేది. ఈ ఓటమి నుంచి చాలా పాఠాలు నేర్చుకున్నాం. మా తదుపరి మ్యాచ్‌లో ఖచ్చితంగా గెలిచి సెమీఫైనల్‌కు అర్హత సాధిస్తామని" పోస్ట్ మ్యాచ్ ప్రెజెంటేషన్‌లో సనా పేర్కొంది. కాగా పాక్ తమ తదుపరి మ్యాచ్‌లో సెప్టెంబర్ 7న హాంకాంగ్‌తో తలపడనుంది.చదవండి: IND vs PAK: ఆడింది చాలు పో!.. పాక్ కెప్టెన్‌ ఓవ‌రాక్ష‌న్‌?

మహిళల ఆసియా కప్‌ 2026లో భాగంగా నిన్న జరిగిన గ్రూప్‌ మ్యాచ్‌లో భారత్‌ పాకిస్తాన్‌ను 7 వికెట్ల తేడాతో చిత్తుగా ఓడించింది. ఈ మ్యాచ్‌లో టీమిండియా ఓపెనర్‌ షఫాలీ వర్మ చరిత్ర సృష్టించింది. ఈ మ్యాచ్‌లో 6 బంతుల్లో ఫోర్‌, సిక్సర్‌ సాయంతో 12 పరుగులు చేసిన ఆమె.. మహిళల అంతర్జాతీయ టీ20ల్లో అత్యంత వేగంగా 3000 పరుగులు (2182 బంతులు) పూర్తి చేసిన బ్యాటర్‌గా నిలిచింది. ఈ రికార్డు ఆస్ట్రేలియా మాజీ కెప్టెన్ అలిస్సా హీలీ పేరిట ఉండేది.22 ఏళ్ల 220 రోజుల వయసులో 3000 టీ20 పరుగులు పూర్తి చేసిన షఫాలీ, ఈ ఘనత సాధించిన అతి పిన్న వయస్కురాలిగా కూడా రికార్డు సృష్టించింది. పై రెండు ప్రపంచ రికార్డులే.2019లో అంతర్జాతీయ టీ20 అరంగేట్రం చేసిన షఫాలీ, 3000 పరుగులు పూర్తి చేసిన మూడో భారత మహిళా క్రికెటర్‌గానూ నిలిచింది. ఆమెకు ముందు హర్మన్‌ప్రీత్ కౌర్, స్మృతి మంధాన ఈ ఘనత సాధించారు.భారత్ ఘన విజయందుబాయ్‌ వేదికగా జరిగిన మ్యాచ్‌లో టాస్‌ ఓడి తొలుత బౌలింగ్‌ చేసిన టీమిండియా పాక్‌ను 18.1 ఓవర్లలో 55 పరుగులకే కుప్పకూల్చింది. అనంతరం స్వల్ప లక్ష్యాన్ని భారత్‌ కేవలం 8.4 ఓవర్లలో 3 వికెట్లు కోల్పోయి ఆడుతూపాడుతూ ఛేదించింది. ఈ గెలుపుతో భారత్ గ్రూప్ దశలో మూడు మ్యాచ్‌ల్లో మూడు విజయాలు సాధించి అజేయంగా సెమీఫైనల్‌కు చేరింది.చెలరేగిన స్పిన్నర్లుఈ మ్యాచ్‌లో భారత స్పిన్నర్లు శ్రీచరణి (4-0-7-3), ప్రేమా రావత్‌ (4-0-9-3), దీప్తి శర్మ (3.1-0-5-2), షఫాలీ వర్మ (3-0-10-1) చెలరేగిపోయారు. చదవండి: శ్రీ చ‌ర‌ణి ప్ర‌పంచ రికార్డు.. 55 ప‌రుగుల‌కే పాక్‌ ఆలౌట్‌

దుబాయ్‌: శ్రీచరణి, ప్రేమ రావత్, దీప్తి శర్మ...భారత స్పిన్‌ బౌలింగ్‌ దెబ్బకు పాకిస్తాన్‌ చేతులెత్తేసింది. చిరకాల ప్రత్యర్థిపై తమ స్థాయిని మరోసారి ప్రదర్శిస్తూ 55 పరుగులకే కుప్పకూల్చిన హర్మన్‌ సేన అలవోక విజయాన్ని అందుకుంది. ఆసియా కప్‌లో ఆధిపత్యాన్ని కొనసాగిస్తూ లీగ్‌ దశలో అజేయంగా నిలిచింది. శనివారం జరిగిన గ్రూప్‌ ‘ఎ’ మ్యాచ్‌లో భారత్‌ 7 వికెట్ల తేడాతో పాక్‌ మహిళలను ఓడించింది. టాస్‌ గెలిచి ముందుగా బ్యాటింగ్‌కు దిగిన పాకిస్తాన్‌ 18.1 ఓవర్లలో 55 పరుగులకే కుప్పకూలింది. టి20ల్లో పాక్‌ మహిళలకు ఇదే అత్యల్ప స్కోరు. ఓపెనర్లు షవాల్‌ (14), మునీబా (13) మాత్రమే రెండంకెల స్కోరు చేయగలిగారు. ఆరంభంలో 27/0తో నిలిచిన పాక్‌ 28 పరుగుల వ్యవధిలో 10 వికెట్లు కోల్పోయింది! భారత నలుగురు స్పిన్నర్లే అన్ని వికెట్లూ పంచుకోవడం విశేషం. ఆంధ్రప్రదేశ్‌ అమ్మాయి, ‘ప్లేయర్‌ ఆఫ్‌ ద మ్యాచ్‌’ శ్రీచరణి రెడ్డి (3/7), ప్రేమ రావత్‌ (3/9) చెరో 3 వికెట్లు పడగొట్టగా... దీప్తి 2, షఫాలీ ఒక వికెట్‌ తీశారు. అనంతరం భారత్‌ 8.4 ఓవర్లలో 3 వికెట్లకు 57 పరుగులు చేసి విజయాన్నందుకుంది. భారత్‌ 16 పరుగుల తేడాతో తొలి 3 వికెట్లు చేజార్చుకున్నా... హర్మన్‌ప్రీత్‌ కౌర్‌ (18 నాటౌట్‌), దీప్తి శర్మ (12 నాటౌట్‌) కలిసి ఉత్కంఠకు తావు లేకుండా గెలిపించారు. టపటపా... తొలి 26 బంతులు... ఇక్కడి వరకు మాత్రమే పాకిస్తాన్‌ జట్టు కొంత పట్టుదలగా ఆడినట్లు కనిపించింది. ఆ తర్వాత మొదలైన పతనం వేగంగా సాగిపోయింది. ఓపెనింగ్‌ జోడీని షఫాలీ విడగొట్టగా, తన తొలి ఓవర్లోనే 2 వికెట్లు తీసిన శ్రీచరణి... తన తర్వాతి ఓవర్లో మరో వికెట్‌ పడగొట్టింది. అనంతరం ప్రేమ ఒక్కో ఓవర్లో ఒక్కో వికెట్‌ తీయడంతో పాక్‌ నిలవలేకపోయింది. ఛేదనలో ఇన్నింగ్స్‌ తొలి బంతికే సిక్సర్‌ బాదిన షఫాలీ (12)తో పాటు ప్రతీక రావల్‌ (4)ను సనా తన తొలి ఓవర్లోనే వెనక్కి పంపించింది. ఆమె రెండో ఓవర్లోనే స్మృతి మంధాన (9) కూడా అవుటైంది. అయితే హర్మన్, దీప్తి ప్రత్యర్థికి ఎలాంటి అవకాశం ఇవ్వలేదు. 9వ ఓవర్లో వరుసగా 4, 6తో హర్మన్‌ మ్యాచ్‌ను ముగించింది. 150 భారత టి20 కెప్టెన్‌గా హర్మన్‌ప్రీత్‌ కౌర్‌కు ఇది 150వ మ్యాచ్‌.స్కోరు వివరాలు పాకిస్తాన్‌ ఇన్నింగ్స్‌: మునీబా (బి) షఫాలీ 13; షవాల్‌ (ఎల్బీ) (బి) శ్రీచరణి 14; ఫెరోజా (సి) నందని (బి) శ్రీచరణి 0; ఆయేషా (సి) హర్మన్‌ప్రీత్‌ (బి) శ్రీచరణి 2; సదఫ్‌ (బి) ప్రేమ 3; సనా (ఎల్బీ) (బి) దీప్తి 0; ఫాతిమా (రనౌట్‌) 5; ఉమ్‌ ఎ హానీ (సి) నందని (బి) ప్రేమ 6; తుబా (స్టంప్డ్‌) రిచా (బి) దీప్తి 9; నష్రా (సి) రిచా (బి) ప్రేమ 0; సాదియా (నాటౌట్‌) 0; ఎక్స్‌ట్రాలు 3; మొత్తం (18.1 ఓవర్లలో ఆలౌట్‌) 55. వికెట్ల పతనం: 1–27, 2–28, 3–29, 4–32, 5–35, 6–35, 7–45, 8–48, 9–54, 10–55. బౌలింగ్‌: క్రాంతి 2–0–9–0, నందని 2–0–14–0, షఫాలీ 3–0–10–1, శ్రీచరణి 4–0–7–3, దీప్తి 3.1–0–5–2, ప్రేమ 4–0–9–3. భారత్‌ ఇన్నింగ్స్‌: షఫాలీ (సి) అండ్‌ (బి) సనా 12; స్మృతి (ఎల్బీ) (బి) సనా 9; ప్రతీక (సి) మునీబా (బి) సనా 4; హర్మన్‌ప్రీత్‌ (నాటౌట్‌) 18; దీప్తి (నాటౌట్‌) 12; ఎక్స్‌ట్రాలు 2; మొత్తం (8.4 ఓవర్లలో 3 వికెట్లకు) 57. వికెట్ల పతనం: 1–13, 2–18, 3–29. బౌలింగ్‌: సాదియా 3–0–16–0, ఫాతిమా సనా 3–0–17–3, నష్రా 1.4–0–19–0, ఉమ్‌ ఎ హానీ 1–0–4–0. చదవండి: శ్రీ చ‌ర‌ణి ప్ర‌పంచ రికార్డు.. 55 ప‌రుగుల‌కే పాక్‌ ఆలౌట్‌

మ‌హిళ‌ల ఆసియా క‌ప్ టోర్నీలో తెలుగు క్రికెట‌ర్ శ్రీ చ‌ర‌ణి మ‌రోసారి త‌న బౌలింగ్‌తో మెరిసింది. దుబాయ్ వేదిక‌గా చిర‌కాల ప్ర‌త్యర్థి పాకిస్తాన్‌తో జ‌రుగుతున్న మ్యాచ్‌లో శ్రీ చ‌ర‌ణి (4-0-7-3) త‌న కెరీర్‌లోనే బెస్ట్ బౌలింగ్ ప్ర‌ద‌ర్శ‌న న‌మోదు చేసింది. తాను వేసిన తొలి ఓవ‌ర్లోనే శ్రీ చ‌ర‌ణి రెండు వికెట్లు ప‌డ‌గొట్టింది. ఆ త‌ర్వాత మ‌రో వికెట్ త‌న ఖాతాలో వేసుకున్న శ్రీ చ‌ర‌ణి ఒక అరుదైన రికార్డును త‌న పేరిట లిఖించుకుంది. 2026 ఏడాదిలో భార‌త మ‌హిళ‌ల క్రికెట్‌లో టీ20ల్లో అత్య‌ధిక వికెట్లు తీసిన బౌల‌ర్‌గా శ్రీచ‌ర‌ణి రికార్డులకెక్కింది. పాక్‌తో మ్యాచ్‌లో మూడు వికెట్లు తీయ‌డం ద్వారా శ్రీ చ‌ర‌ణి 34వ వికెట్‌ను ఖాతాలో వేసుకుంది. త‌ద్వారా 2026 ఏడాదిలో భార‌త్ త‌ర‌ఫున అత్య‌ధిక వికెట్లు తీసిన బౌల‌ర్‌గా శ్రీ చ‌ర‌ణి నిలిచింది. రెండో స్థానంలో ఆల్‌రౌండ‌ర్ దీప్తి శ‌ర్మ 23 వికెట్లతో కొన‌సాగుతుండ‌గా, నంద‌ని శ‌ర్మ 12 వికెట్లు, అరుంధ‌తీ రెడ్డి 11 వికెట్లు, శ్రేయాంక పాటిల్ 9 వికెట్ల‌తో వ‌రుస‌గా మూడు, నాలుగు, ఐదు స్థానాల్లో కొన‌సాగుతున్నారు. ఓవ‌రాల్ జాబితాలో పూన‌మ్ రౌత్ 2018లో 35 వికెట్ల‌తో అగ్ర‌స్థానంలో కొన‌సాగుతోంది.కుప్పకూలిన పాక్‌ఇక మ్యాచ్ విష‌యానికొస్తే భార‌త బౌల‌ర్ల ధాటికి పాకిస్తాన్ 18.1 ఓవ‌ర్ల‌లో 55 ప‌రుగుల‌కే కుప్ప‌కూలింది. షావ‌ల్ జుల్ఫిక‌ర్ (14), మునీబా అలీ (13) మిన‌హా మిగ‌తా 8 మంది బ్యాట‌ర్లంతా సింగిల్ డిజిట్‌కే ప‌రిమిత‌మ‌య్యారు. భార‌త బౌల‌ర్ల‌లో శ్రీ చ‌ర‌ణి, ప్రేమా రావ‌త్‌లు చెరో 3 వికెట్ల తీసి పాకిస్తాన్ ప‌త‌నాన్ని శాసించ‌గా.. దీప్తి శ‌ర్మ రెండు వికెట్లు పడగొట్టింది.టాస్ గెల‌వ‌డం ఒక్క‌టే పాకిస్తాన్‌కు ఊర‌ట అని చెప్పొచ్చు. బ్యాటింగ్‌కు దిగిన కాసేప‌టికే పాక్‌కు భారత బౌల‌ర్లు బొమ్మ చూపించారు. శ్రీ చ‌ర‌ణి ఆరంభంలోనూ మూడు వికెట్లు తీసి ఒత్తిడిలోకి నెట్టేయ‌గా, ఆ త‌ర్వాత స్పిన్న‌ర్ ప్రేమా రావ‌త్ బాధ్య‌త‌లు తీసుకుంది. భార‌త బౌల‌ర్లు క‌ట్టుదిట్టంగా బంతులేయ‌డంతో పాక్ బ్యాట‌ర్లు ప‌రుగులు చేయ‌లేక నానా అవ‌స్థ‌లు ప‌డ్డారు.Innings Break!An outstanding bowling performance from #TeamIndia! 🙌 🙌3️⃣ wickets each for Sree Charani & Prema Rawat2️⃣ wickets for Deepti Sharma1️⃣ wicket for Shafali VermaStay tuned for India's chase! ⌛️Scorecard ▶️ https://t.co/1WHHWPMe2o#WomensAsiaCup pic.twitter.com/e27WuNsSL0— BCCI Women (@BCCIWomen) September 5, 2026 Shree Charani strikes twice in her very first over! 💥 3 wickets in 3 overs.3-0-6-3.Match winning performance by Charani.#INDvPAK #ShreeCharani #Dubai #T20 #TeamIndia #PakistanCricket #AsiaCup #WomensCricket pic.twitter.com/PVEQQBZlf1— lightningspeed (@lightningspeedk) September 5, 2026Read: మాన‌వ్ సుతార్ జోరు.. కౌంటీలో ఇరగదీస్తున్న భారత ఆటగాళ్లు

మహిళల ఆసియా కప్ టోర్నీ-2026లో భాగంగా దుబాయ్ వేదికగా చిరకాల ప్రత్యర్థులు భారత్‌, పాకిస్తాన్ మధ్య మ్యాచ్ మొదలయ్యింది. టాస్ గెలిచిన పాకిస్తాన్ బ్యాటింగ్ ఎంచుకుంది. థాయ్‌లాండ్‌, హాంకాంగ్‌లపై విజయాలతో భారత్ ఇప్పటికే సెమీస్‌కు చేరుకుంది. ఈ మ్యాచ్‌లోనూ విజయం సాధించి అజేయంగా నిలవాలని టీమిండియా భావిస్తోంది. ఈ నేపథ్యంలో భారత కెప్టెన్ హర్మన్‌ప్రీత్ కౌర్ అరుదైన ఫీట్ సాధించింది. మహిళల టీ20 క్రికెట్‌లో అత్యధిక మ్యాచ్‌లకు కెప్టెన్‌గా వ్యవహరించిన జాబితాలో హర్మన్ తొలి స్థానంలో నిలిచింది. హర్మన్‌కు కెప్టెన్‌గా ఇది 150వ మ్యాచ్ కావడం విశేషం. పురుషుల, మహిళల క్రికెట్‌లో అత్యధిక మ్యాచ్‌ల్లో కెప్టెన్‌గా వ్యహరించిన రికార్డు హర్మన్ పేరిటే ఉంది. ఈ జాబితాలో చమేరీ ఆటపట్టు 121 మ్యాచ్‌లతో రెండో స్థానంలో ఉండగా, ఆస్ట్రేలియాకు చెందిన మెగ్ లానింగ్ (100 మ్యాచ్‌లు), హెథర్ నైట్ (96 మ్యాచ్‌లు, ఇంగ్లండ్‌) తర్వాతి స్థానాల్లో కొనసాగుతున్నారు. మ్యాచ్‌లో భారత్, పాకిస్తాన్‌ ఎలాంటి మార్పులు చేయలేదు. భారత మహిళలు (ప్లేయింగ్ XI): స్మృతి మంధాన, షఫాలీ వర్మ, ప్రతీకా రావల్, హర్మన్‌ప్రీత్ కౌర్(కెప్టెన్‌), భారతీ ఫుల్మాలి, రిచా ఘోష్(వికెట్ కీపర్‌), దీప్తి శర్మ, ప్రేమ రావత్, నందనీ శర్మ, శ్రీ చరణి, క్రాంతి గౌడ్.పాకిస్థాన్ మహిళలు (ప్లేయింగ్ XI): మునీబా అలీ(వికెట్ కీపర్‌), షావాల్ జుల్ఫికర్, గుల్ ఫిరోజా, అయేషా జాఫర్, సదాఫ్ షమాస్, ఫాతిమా సనా(కెప్టెన్‌), ఉమ్-ఎ-హనీ, ఈమాన్ ఫాతిమా, తుబా హసన్, నష్రా సంధు, సాదియా ఇక్బాల్.🚨 𝗠𝗶𝗹𝗲𝘀𝘁𝗼𝗻𝗲 𝗠𝗼𝗺𝗲𝗻𝘁, 𝗠𝗼𝗻𝘂𝗺𝗲𝗻𝘁𝗮𝗹 𝗠𝗼𝗺𝗲𝗻𝘁 🚨Harmanpreet Kaur becomes the first cricketer to captain a side in 1️⃣5️⃣0️⃣ T20Is. 👏 👏Updates ▶️ https://t.co/1WHHWPMe2o#TeamIndia | #WomensAsiaCup | @ImHarmanpreet pic.twitter.com/WrdFlp7kcH— BCCI Women (@BCCIWomen) September 5, 2026 🚨 Toss and Playing XI Update #TeamIndia will bowl first and here's our line-up for the match 🔽Updates ▶️ https://t.co/1WHHWPMe2o#WomensAsiaCup pic.twitter.com/69Jmw9YgUu— BCCI Women (@BCCIWomen) September 5, 2026Read: వైరలవుతున్న అల్క‌రాజ్ బ‌నియ‌న్‌ .. ఇదేం కర్మరా దేవుడా!

మహిళల ఆసియా కప్-2026లో అసలు సిసలైన పోరుకు సమయం ఆసన్నమైంది. ఈ టోర్నీలో భాగంగా శనివారం దుబాయ్ వేదికగా భారత్-పాకిస్తాన్ జట్లు తలపడనున్నాయి. ఈ హైవోల్టేజ్ మ్యాచ్‌కు ముందు టీమిండియా స్టార్ ఓపెనర్, వైస్ కెప్టెన్ స్మృతి మంధానను ఓ అరుదైన రికార్డు ఊరిస్తోంది.మంధాన మరో 78 పరుగులు సాధిస్తే, మహిళల టీ20 అంతర్జాతీయ క్రికెట్‌లో అత్యధిక పరుగులు చేసిన ప్లేయర్‌గా చరిత్ర సృష్టిస్తుంది. ప్రస్తుతం ఈ ప్రపంచ రికార్డు న్యూజిలాండ్ దిగ్గజం సూజీ బేట్స్ (4,758 పరుగులు) పేరిట ఉంది. మంధాన ఇప్పటివరకు 167 మ్యాచ్‌లలో 30.79 సగటుతో 4,681 పరుగులు చేసింది.ప్రస్తుత టోర్నీలో మంధాన దుమ్ములేపుతోంది. దుబాయ్ వేదికగా హాంకాంగ్‌తో జరిగిన మ్యాచ్‌లో మెరుపు సెంచరీతో సత్తా చాటిన ఆమె, కేవలం రెండు మ్యాచ్‌లలోనే 143 పరుగులు చేసి లీడింగ్ రన్‌స్కోరర్‌గా నిలిచింది. ఆమె ఉన్న జోరు చూస్తుంటే బేట్స్ రికార్డును అధిగమించడం పెద్ద కష్టమేమీ కాకపోవచ్చు.అదే ఫామ్‌ను చిరకాల ప్రత్యర్థి పాకిస్తాన్‌పై కూడా కొనసాగించాలని స్మృతి ఉవ్విళ్లూరుతోంది. హర్మన్‌ ప్రీత్‌ కౌర్‌ సారధ్యంలోని భారత జట్టు కూడా పాక్‌ను చిత్తు చేసి తమ సెమీస్‌ బెర్త్‌ను ఖరారు చేసుకోవాలనే పట్టుదలతో ఉంది. పాకిస్తాన్‌పై భారత్‌కు మంచి ట్రాక్‌ రికార్డు ఉంది. మరోసారి దాయాది జట్టుకు టీమిండియా చేతిలో ఓటమి ఖాయమనే చెప్పాలి.మహిళల టీ20ల్లో అత్యధిక పరుగులు చేసిన ప్లేయర్లు వీరేసుజీ బేట్స్: 4758స్మృతి మంధాన: 4681హర్మన్‌ప్రీత్ కౌర్: 4231చమరి అతపత్తు: 4094సోఫీ డివైన్: 3817

భారత మాజీ ఆల్‌రౌండర్‌ ఇర్ఫాన్‌ పఠాన్‌ను ఉద్దేశించి పాకిస్తాన్‌ బౌలింగ్‌ దిగ్గజం వసీం అక్రం ఆసక్తికర వ్యాఖ్యలు చేశాడు. కెరీర్‌ తొలినాళ్లలో అతడికి ఎన్నో సలహాలు ఇచ్చానని.. ఇర్ఫాన్‌ బౌలింగ్‌ శైలి తన యాక్షన్‌ మాదిరే ఉండేదని పేర్కొన్నాడు.రాద్దాంతం ఎందుకు?అయితే, ఇర్ఫాన్‌ పఠాన్‌ ఎల్లప్పుడూ పాకిస్తాన్‌ క్రికెట్‌ గురించి ఏదో ఒక కామెంట్‌ చేస్తూ ఉంటాడని.. అందుకు తమ అభిమానులు కూడా గట్టిగానే బదులిస్తారని పేర్కొన్నాడు. అదే విధంగా భారత్‌- పాక్‌ మ్యాచ్‌లను కూడా సాధారణ మ్యాచ్‌లలాగే చూడాలని.. అనవసరంగా రాద్దాంతం చేయొద్దని ఫ్యాన్స్‌కు వసీం అక్రం విజ్ఞప్తి చేశాడు.కాగా అంతర్జాతీయ క్రికెట్‌లో పాక్‌ తరఫున 460 మ్యాచ్‌లలో కలిపి వసీం అక్రం 916 వికెట్లు కూల్చాడు. తద్వారా చరిత్రలో తనకంటూ ప్రత్యేక స్థానాన్ని సంపాదించాడు ఈ లెఫ్టార్మ్‌ పేసర్‌. ఆ తర్వాత అతడికి ధీటుగా రాణించిన బౌలర్ల సంఖ్య చాలా తక్కువ. అయితే, ఇర్ఫాన్‌ పఠాన్‌ తన శైలిలో వసీం అక్రంను గుర్తు చేసేవాడు.ఆస్ట్రేలియాతో సిరీస్‌ సందర్భంగా టీమిండియా తరఫున 2003లో టెస్టుల్లో అడుగుపెట్టాడు ఇర్ఫాన్‌ పఠాన్‌. ఆ సమయంలో కామెంటేటర్‌గా ఉన్న వసీం అక్రంను కలిశాడు. తాజాగా ఓ పాడ్‌కాస్ట్‌ సందర్భంగా ఈ విషయాన్ని గుర్తుచేసుకున్న వసీం అక్రం.. ఇర్ఫాన్‌ పఠాన్‌ ఆట తనకు నచ్చేదని తెలిపాడు.నా అభిమాని‘‘2003-2004లో ఇర్ఫాన్‌ తొలిసారి ఆస్ట్రేలియా పర్యటనకు వచ్చాడు. అప్పుడే అతడిని కలిశాను. అప్పుడు నేను కామెంటేటర్‌గా ఉన్నాను. నాకు పెద్ద అభిమానిని అని చెప్పాడు. మా ఆటను చూస్తూ పెరిగానన్నాడు. అతడికి నేను కొన్ని సలహాలు, సూచనలూ ఇచ్చాను.అతడి కెరీర్‌ ఆరంభం నుంచే గొప్పగా సాగింది. అతడి బౌలింగ్‌ శైలి అచ్చం నా యాక్షన్‌ మాదిరే ఉండేది. అతడు బ్యాటర్లను తికమకపెట్టేవాడు. ఇర్ఫాన్‌ మంచివాడు. ఇప్పటికీ నన్ను కలుస్తూనే ఉన్నాడు.పాకిస్తాన్‌కు వ్యతిరేకంగా ట్వీట్లు చేస్తుంటాడుఅయితే, పాకిస్తాన్‌ గురించి, పాకిస్తాన్‌కు వ్యతిరేకంగా అతడు ఎల్లప్పుడూ ఏదో ఒక ట్వీట్‌ చేస్తూ ఉంటాడు. అందుకు మా అభిమానులు కూడా సిద్ధంగానే ఉంటారు. అతడికి తమకు నచ్చిన రీతిలో బదులిస్తూ ఉంటారు. అయినా ఇప్పుడు చాలా మంది ఖాళీగానే ఉంటున్నారు.వారికి పెద్దగా పనిలేదనిపిస్తోంది. క్రికెట్‌ ఒక ఆట మాత్రమే. ఇద్దరిలో ఒకరు గెలుస్తారు.. మరొకరు ఓడిపోతారు. దాని గురించి పొట్లాటలు అవసరం లేదు. ఖాళీ మెదడు దెయ్యాల కొంప అంటారు కదా. అందుకే ఇలాంటివన్నీ వస్తాయి’’ అని వసీం అక్రం చెప్పుకొచ్చాడు. చదవండి: అతడిని ఎందుకు తప్పించారో అర్థం కావడం లేదు

2019లో జరిగిన వైమానిక ఘర్షణలో పాకిస్తాన్‌కు చెందిన ఓ శత్రు విమానాన్ని కూల్చివేసిన మాజీ భారత వైమానిక దళం గ్రూప్ కెప్టెన్, వీర్ చక్ర అవార్డు గ్రహీత అభినందన్ వర్ధమాన్ కొత్త కెరీర్‌ను ప్రారంభించారు. ఆయన గోవాకు చెందిన ప్రాంతీయ విమానయాన సంస్థ FLY91లో పైలట్‌గా చేరినట్లు వార్తాలు వస్తున్నాయి. అభినందన్ గత నెలలోనే FLY91లో చేరినట్లు సమాచారం. FLY91 ప్రస్తుతం ATR 72-600 విమానాలను నడుపుతోంది. గోవా, హైదరాబాద్‌లలో FLY91కు రెండు బేస్‌లు ఉన్నాయి.2019 ఫిబ్రవరి 27న పాకిస్తాన్‌తో జరిగిన వైమానిక ఘర్షణలో అభినందన్ మిగ్-21 బైసన్‌ను నడిపారు. ఆయన విమానం కూలిపోవడంతో పాకిస్తాన్ భూభాగంలో దిగిన ఆయనను పాక్ బలగాలు అదుపులోకి తీసుకున్నాయి. మూడు రోజుల తర్వాత ఆయన భారత్‌కు తిరిగి వచ్చారు. ఈ ఘటనలో చూపిన ధైర్యసాహసాలకు అభినందన్ వర్ధమాన్‌ 2021లో వీర్ చక్ర పురస్కారం అందుకున్నారు.అభినందన్‌ మిగ్-21 ఫైటర్ జెట్ నుంచి ATR-72 ప్యాసింజర్ విమానం వైపు అడుగులు మార్చడం ఆసక్తికరంగా మారింది. అందుబాటులో ఉన్న తాజా సమాచారం ప్రకారం, ఆయన ATR విమానంపై అవసరమైన శిక్షణ పొందుతున్నారని, శిక్షణ మరియు నియంత్రణ అనుమతులు పూర్తయ్యాక వాణిజ్య విమాన సర్వీసుల్లోకి రావచ్చు.చదవండి: ఢిల్లీలో వైఎస్సార్‌ అవార్డ్స్‌-2026 ప్రదానోత్సవం

దాయాదులు భారత్‌- పాకిస్తాన్‌ మ్యాచ్‌ అంటే కేవలం ఆట మాత్రమే కాదు.. ఇరుదేశాల అభిమానుల భావోద్వేగాలతో ముడిపడిన అంశం. ప్రపంచకప్‌ కంటే కూడా చిరకాల ప్రత్యర్థిపై తమ జట్టు గెలవడాన్నే ఫ్యాన్స్‌ గొప్పగా చూస్తారు. కాబట్టి ఈ ప్రభావం మైదానంలోనూ కనిపించడం సహజమే.అందుకే టీ20 ప్రపంచకప్‌-2026 టోర్నీలో పాక్‌తో మ్యాచ్‌లో కుల్దీప్‌ యాదవ్‌ క్యాచ్‌ జారవిడవగానే.. అప్పటి కెప్టెన్‌ సూర్యకుమార్‌ యాదవ్‌ కోపంతో ఊగిపోయాడు. బహిరంగంగానే అతడిపై అసంతృప్తి వెళ్లగక్కాడు. తాజాగా ఈ విషయం గురించి సూర్య మరోసారి గుర్తు చేసుకున్నాడు.భారీ తేడాతో గెలుపుకాగా స్వదేశంలో ఈ ఏడాది వరల్డ్‌ ఆడిన భారత జట్టు.. దాయాది పాకిస్తాన్‌ కోసం తటస్థ వేదికైన శ్రీలంకలో మ్యాచ్‌లు ఆడింది. ఈ క్రమంలో గ్రూప్‌-ఎలో భాగంగా కొలంబో వేదికగా ఫిబ్రవరి 15న భారత్‌- పాక్‌ తలపడ్డాయి. టాస్‌ గెలిచిన పాకిస్తాన్‌ తొలుత బౌలింగ్‌ ఎంచుకోగా.. టీమిండియా బ్యాటింగ్‌కు దిగింది.ఓపెనర్‌ ఇషాన్‌ కిషన్‌ దంచికొట్టడం (40 బంతుల్లో 77)తో.. భారత్‌ నిర్ణీత 20 ఓవర్లలో ఏడు వికెట్ల నష్టానికి 175 పరుగులు చేసింది. అనంతరం లక్ష్య ఛేదనకు దిగిన పాకిస్తాన్‌ 114 పరుగులకే కుప్పకూలడంతో టీమిండియా 61 పరుగుల భారీ తేడాతో జయభేరి మోగించింది.అయితే, ఈ మ్యాచ్‌ సందర్భంగా భారత స్పిన్నర్‌ కుల్దీప్‌ యాదవ్‌పై ఆల్‌రౌండర్‌ హార్దిక్‌ పాండ్యా, కెప్టెన్‌ సూర్య అసంతృప్తి వ్యక్తం చేసిన దృశ్యాలు వైరల్‌ అయ్యాయి. ఈ విషయం గురించి భారత మాజీ క్రికెటర్‌ ఆకాశ్‌ చోప్రాకు ఇచ్చిన ఇంటర్వ్యూలో సూర్య మరోసారి స్పష్టతనిచ్చాడు.బౌలింగ్‌ ఇవ్వమని పేచీ‘‘మ్యాచ్‌ మొదలైనప్పటి నుంచి కుల్దీప్‌ యాదవ్‌కు పెద్దగా బౌలింగ్‌ చేసే అవకాశం రాలేదు. దీంతో అతడు నిరాశ చెందాడు. నిజానికి తనకు బౌలింగ్‌ చేయాలని ఉంది. అయితే, నేను అక్షర్‌ పటేల్‌ బౌలింగ్‌ పూర్తైన తర్వాత తిలక్‌ వర్మ, వరుణ్‌ చక్రవర్తి, హార్దిక్‌ పాండ్యాలను బరిలోకి దించాను.అప్పుడు కుల్దీప్‌.. ‘నాకెందుకు బౌలింగ్‌ చేసే అవకాశం ఇవ్వడం లేదు’ అన్నట్లుగా ముఖం మాడ్చుకున్నాడు. నిజానికి హార్దిక్‌ పాండ్యా బౌలింగ్‌లో షాహిన్‌ ఆఫ్రిది బంతిని గాల్లోకి లేపినపుడు.. లాంగాన్‌లో కుల్దీప్‌ సులువుగానే ఆ క్యాచ్‌ పట్టేయొచ్చు.అందుకే నాకు కోపం వచ్చిందిఅతడికి ఆ నైపుణ్యం ఉంది. కానీ కుల్దీప్‌ క్యాచ్‌ జారవిడిచాడు. అప్పుడు నాకు బాగా కోపం వచ్చింది. ప్రయత్నం చేసిన తర్వాత కూడా బంతి చేజారి ఉంటే నేనేమీ అనకపోయేవాడిని. కానీ అతడు క్యాచ్‌ అందుకునే ప్రయత్నం కూడా చేయలేదు. అందుకే నాకు కోపం వచ్చింది.ఆ రీల్‌తో..‘మ్యాచ్‌ తర్వాత మేమిద్దరం ఒకరిని ఒకరం కోపంగా చూసుకున్నాం. అతడు ముఖం కందగడ్డలా ఎర్రగా మారిపోయింది. నేను కూడా అతడిని తీక్షణంగా చూశాను’ అన్నట్లుగా స్క్రీన్‌ మీది దృశ్యాలు చూసి అంతా ఊహించుకున్నారు. నిజానికి మేము కోపం తగ్గిన తర్వాత సరదాగా అలా చేశాము.అహ్మదాబాద్‌కు రాగానే కుల్దీప్‌తో కలిసి రీల్‌ చేయాలనే ఆలోచన వచ్చింది. కొన్నిసార్లు ఉద్వేగాల్ని చల్లార్చడానికి ఇలాంటి ఆలోచనలు ఉపకరిస్తాయి’’ అని సూర్యకుమార్‌ యాదవ్‌ గుర్తుచేసుకున్నాడు. కాగా ఆ ‘గొడవ’ తర్వాత సూర్య కుల్దీప్‌ను ఉద్దేశించి.. ‘జర కోపం వదిలెయ్‌ భాయ్‌’ అంటూ రీల్‌ విడుదల చేశాడు. దీంతో అప్పటి వరకు ఇద్దరి మధ్య పెద్ద గొడవే జరిగిందంటూ ఆందోళన పడిన అభిమానులు రీల్‌ చూసి ఊపిరి పీల్చుకున్నారు. ఈ మ్యాచ్‌లో కుల్దీప్‌ మూడు ఓవర్లు వేసి 14 పరుగులు ఇచ్చి ఒక వికెట్‌ తీశాడు. అయితే, 17.2 ఓవర్లో హార్దిక్‌ పాండ్యా బౌలింగ్‌లో షాహిన్‌ ఆఫ్రిది సిక్స్‌కు ప్రయత్నించగా కుల్దీప్‌ క్యాచ్‌ జారవిడిచాడు.చదవండి: సారథ్య బాధ్యతల నుంచి తప్పించడంపై సూర్యకుమార్‌ స్పందన View this post on Instagram A post shared by Surya Kumar Yadav (SKY) (@surya_14kumar)

ఏషియన్‌ గేమ్స్ 2026లో క్రికెట్ పోటీల షెడ్యూల్ విడుదలైంది. సెప్టెంబర్ 17 నుంచి అక్టోబర్ 3 వరకు ఈ మ్యాచ్‌లు జరగనున్నాయి. పురుషుల విభాగంలో 10 జట్లు.. మహిళల విభాగంలో 8 జట్లు ఈ పోటీల్లో పాల్గొంటున్నాయి.పురుషుల విభాగం విషయానికొస్తే.. గ్రూప్‌-ఏలో ఆఫ్ఘనిస్తాన్‌, జపాన్‌, నేపాల్‌ జట్లు.. గ్రూప్‌-బిలో హాంగ్‌కాంగ్‌-చైనా, మలేషియా, ఒమన్‌ జట్లు పోటీపడనున్నాయి. సీడెడ్‌ జట్లైన భారత్, పాకిస్తాన్, బంగ్లాదేశ్, శ్రీలంక జట్లు నేరుగా క్వార్టర్‌ఫైనల్స్‌కు అర్హత సాధించాయి.భారత్, పాకిస్తాన్ జట్లు తమ తమ క్వార్టర్‌ ఫైనల్‌ మ్యాచ్‌ల్లో గెలుపొందితే అక్టోబర్ 1న జరిగే సెమీఫైనల్లో తలపడే అవకాశం ఉంది.పురుషుల క్రికెట్ షెడ్యూల్క్వాలిఫయర్స్‌సెప్టెంబర్ 24- ఆఫ్ఘనిస్తాన్ వర్సెస్‌ జపాన్ హాంకాంగ్-చైనా వర్సెస్‌ మలేషియా సెప్టెంబర్ 25- హాంకాంగ్-చైనా వర్సెస్‌ ఒమన్ఆఫ్ఘనిస్తాన్ వర్సెస్‌ నేపాల్ సెప్టెంబర్ 26- జపాన్ వర్సెస్‌ నేపాల్ మలేషియా వర్సెస్‌ ఒమన్ క్వార్టర్‌ఫైనల్స్ సెప్టెంబర్ 28 (తొలి క్వార్టర్‌ ఫైనల్‌)- పాకిస్తాన్‌ వర్సెస్‌ గ్రూప్‌-బిలో రెండో స్థానంలో నిలిచే జట్టుసెప్టెంబర్‌ 28 (రెండో క్వార్టర్‌ ఫైనల్‌)- భారత్‌ వర్సెస్‌ గ్రూప్‌-ఏలో రెండో స్థానంలో నిలిచే జట్టుసెప్టెంబర్‌ 29 (మూడో క్వార్టర్‌ ఫైనల్‌)- శ్రీలంక వర్సెస్‌ గ్రూప్‌-ఏ విన్నర్‌సెప్టెంబర్‌ 29 (నాలుగో క్వార్టర్‌ ఫైనల్‌)- బంగ్లాదేశ్‌ వర్సెస్‌ గ్రూప్‌-బి విన్నిర్‌అక్టోబర్ 1- సెమీఫైనల్స్ అక్టోబర్ 3- కాంస్య పతక మ్యాచ్, ఫైనల్ |మహిళల విభాగం విషయానికొస్తే.. భారత్‌, జపాన్, బంగ్లాదేశ్, పీపుల్స్ రిపబ్లిక్ ఆఫ్ చైనా ఒక గ్రూపులో.. పాకిస్తాన్‌, శ్రీలంక, మలేషియా, థాయ్‌లాండ్‌ మరో గ్రూప్‌లో ఉన్నాయి. ఈ పోటీలు నేరుగా క్వార్టర్‌ ఫైనల్స్‌తో మొదలవుతాయి.సెప్టెంబర్‌ 17- క్వార్టర్‌ ఫైనల్‌ 1- బంగ్లాదేశ్‌ వర్సెస్‌ పీపుల్స్ రిపబ్లిక్ ఆఫ్ చైనా క్వార్టర్‌ ఫైనల్‌ 2- పాకిస్తాన్‌ వర్సెస్‌ థాయ్‌లాండ్‌సెప్టెంబర్‌ 18- క్వార్టర్‌ ఫైనల్‌ 3- శ్రీలంక వర్సెస్‌ మలేషియాక్వార్టర్‌ ఫైనల్‌ 4- భారత్‌ వర్సెస్‌ జపాన్‌సెప్టెంబర్‌ 20- సెమీఫైనల్స్‌ (1,2)సెప్టెంబర్‌ 22- కాంస్య పతకం మ్యాచ్‌, ఫైనల్స్‌చదవండి: బ్రెజిల్‌కు ముందు మరో ప్రపంచకప్ జట్టుతో భారత్‌ మ్యాచ్‌

భారత్–పాకిస్తాన్ పురుషుల హాకీ వరల్డ్‌కప్‌ మ్యాచ్‌ సందర్భంగా పలు ఆసక్తికర సన్నివేశాలు చోటు చేసుకున్నాయి. ఈ మ్యాచ్‌లో మైదానంలో తీవ్రమైన పోటీ కనిపించినప్పటికీ.. మ్యాచ్‌కు ముందు, తర్వాత ఆటగాళ్లు ప్రదర్శించిన క్రీడాస్ఫూర్తి ప్రత్యేకంగా నిలిచింది. భారత్ 5-3తో పాకిస్తాన్‌ను ఓడించి ప్రపంచకప్‌లో తదుపరి రౌండ్‌కు దూసుకెళ్లింది. పాకిస్తాన్ టోర్నీ నుంచి నిష్క్రమించింది.🇮🇳 India and 🇵🇰 Pakistan hockey players shake hands after their World Cup match. 🤝Sirf cricket mein hi kyun draamebaazi kerte hein phir? pic.twitter.com/nNTc8bo0ak— Abdul Wasey Naik (@WaseyNaik) August 19, 2026మ్యాచ్‌కు ముందు ఇరు జట్ల ఆటగాళ్లు సంప్రదాయ హ్యాండ్‌షేక్‌కు బదులుగా హై-ఫైలు ఇచ్చుకున్నారు. ఇరు దేశాల మధ్య ఇటీవలి రాజకీయ ఉద్రిక్తతల నేపథ్యంలో ఈ దృశ్యం ఆసక్తిని రేకెత్తించింది. ముఖ్యంగా క్రికెట్‌లో భారత్–పాకిస్తాన్ జట్ల మధ్య హ్యాండ్‌షేక్ అంశం చర్చనీయాంశంగా మారిన నేపథ్యంలో హాకీ ఆటగాళ్ల వైఖరి భిన్నంగా కనిపించింది.మ్యాచ్ ముగిసిన తర్వాత ఇరు జట్ల ఆటగాళ్లు పరస్పరం హ్యాండ్‌షేక్ చేసుకున్నారు. విజయం, ఓటమిని పక్కనపెట్టి ప్రత్యర్థి ఆటగాళ్లను గౌరవిస్తూ వారు ఒకరినొకరు అభినందించుకున్నారు. మ్యాచ్ అనంతరం కనిపించిన ఈ దృశ్యాలు సోషల్ మీడియాలో వైరల్‌గా మారాయి.భారత్ ఘన విజయంమ్యాచ్‌లో భారత్ ఆరంభం నుంచే ఆధిపత్యం ప్రదర్శించింది. కెప్టెన్ హర్మన్‌ప్రీత్ సింగ్ రెండు గోల్స్ చేయగా, అభిషేక్ కూడా రెండు గోల్స్ సాధించాడు. హార్దిక్ సింగ్ మరో గోల్‌తో భారత్ స్కోరును 5కు చేర్చాడు. పాకిస్తాన్ తరఫున హన్నన్ షాహిద్ రెండు, సుఫ్యాన్ ఖాన్ ఒక గోల్ చేశారు.పాకిస్తాన్ మూడు గోల్స్‌తో పునరాగమనానికి ప్రయత్నించినా, భారత్ చివరి వరకు ఆధిక్యాన్ని కాపాడుకుని 5-3 విజయాన్ని నమోదు చేసింది. ఈ గెలుపుతో భారత్ తదుపరి రౌండ్‌కు చేరగా, పాకిస్తాన్ ప్రపంచకప్ ప్రయాణాన్ని ముగించింది.

పురుషుల హాకీ ప్రపంచకప్ 2026లో భారత్‌ తిరిగి గెలుపు బాట పట్టింది. ఆమ్‌స్టల్‌వీన్ వేదిక‌గా చిరకాల ప్రత్యర్ది పాకిస్తాన్‌తో జరిగిన పూల్-డి కీలక మ్యాచ్‌లో 5-3 తేడాతో టీమిండియా ఘన విజయం సాధించింది. ఈ అద్భుత విజయంతో భారత్ రెండవ రౌండ్‌కు అర్హత సాధించగా.. పాకిస్తాన్ టోర్నీ నుంచి నిష్క్రమించింది.ఈ మ్యాచ్‌ ఆరంభం నుంచే భారత జట్టు దూకుడు ప్రదర్శించింది. కెప్టెన్ హర్మన్‌ప్రీత్ సింగ్, ఫార్వర్డ్ అభిషేక్ చెరో రెండు గోల్స్‌తో చెలరేగారు. దీంతో మ్యాచ్ రెండో క్వార్టర్ పూర్తయ్యేసరికి భారత్ 3-0 ఆధిక్యంలోకి వెళ్లి మ్యాచ్‌పై పూర్తి పట్టు సాధించింది.ఆ తర్వాత మూడో క్వార్టర్‌లో పాక్‌ పుంజుకుని రెండు గోల్స్‌ సాధించినప్పటికి.. భారత్ వెంటనే మరో గోల్ కొట్టి 4-2 ఆధిక్యాన్ని కొనసాగించింది. చివరి క్వార్టర్‌లో పాక్‌ మరో గోల్‌ కొట్టి కమ్‌బ్యాక్‌ ఇచ్చేందుకు ప్రయత్నించినప్పటికి.. భారత డిఫెండర్లు మాత్రం బలంగా నిలిచారు. దీంతో దాయాది జట్టు మూడు గోల్స్‌కు పరిమితమై ఓటమి చవిచూడాల్సి వచ్చింది.చదవండి: IND vs SL: ఓటమి బాధలో ఉన్న శ్రీలంకకు మరో భారీ షాక్‌

పురుషుల హాకీ ప్రపంచకప్‌లో భారత జట్టు కీలక పోరుకు సిద్ధమైంది. పూల్‌-డిలో భాగంగా బుధవారం సాయంత్రం 6.30 గంటలకు భారత్‌ చిరకాల ప్రత్యర్థి పాకిస్తాన్‌తో తలపడనుంది. తొలి మ్యాచ్‌లో వేల్స్‌పై గెలిచిన హర్మన్‌ప్రీత్ సేన.. ఇంగ్లండ్ చేతిలో అనూహ్య ఓటమి చవిచూసింది. దీంతో పాక్‌తో మ్యాచ్ భారత్‌కు డూ ఆర్ డైగా మారింది. పాక్‌పై మ్యాచ్ గెలవడం లేదంటే డ్రా చేసుకుంటేనే తదుపరి దశకు అర్హత సాధిస్తుంది. ఒకవేళ పాక్ చేతిలో ఓడితే మాత్రం ఇంటిబాట పట్టాల్సిందే. ఇక చివరిసారి 2016లో జరిగిన చాంపియన్స్ ట్రోఫీలో ఈ రెండు జట్లు తలపడగా, పాకిస్తాన్ విజయం సాధించింది. ప్రపంచకప్‌లో చివరిసారి ఇరుజట్ల మధ్య 2010లో మ్యాచ్ జరగ్గా.. ఆ మ్యాచ్‌లో మాత్రం భారత్ 4-1 తేడాతో నెగ్గింది. మ్యాచ్‌కు వేదిక కానున్న వాగ్నర్ స్టేడియం సామర్థ్యం పదివేలు కాగా, టికెట్లన్నీ ఇప్పటికే అమ్ముడయ్యాయి. 10వేల మంది సమక్షంలో భారత్ గెలుస్తుందా లేక నిరాశపరుస్తుందా అనేది చూడాలి.తెరపైకి హ్యాండ్‌షేక్ వివాదంభారత్‌, పాక్ మధ్య ఎలాంటి మ్యాచ్ జరిగినా అది ఆసక్తికరమే. ఈ చిరకాల ప్రత్యర్థులు తలపడుతున్నాయంటే రెండు దేశాల అభిమానులతో పాటు ప్రభుత్వాలు కూడా ప్రతిష్టాత్మకంగా తీసుకుంటాయి. అయితే పహల్గా ఉగ్రదాడి తర్వాత భారత్‌, పాక్ సంబంధాలు పూర్తిగా దెబ్బతిన్నాయి. అప్పటినుంచి ఎలాంటి మేజర్ టోర్నీలు జరిగినా, అందులో భారత్‌, పాక్ తలపడిన ప్రతీసారి మన ఆటగాళ్లు పాక్ ఆటగాళ్లతో కరచాలనం చేయలేదు. పురుషుల, మహిళల క్రికెట్‌లో నో హ్యాండ్‌షేక్ కొనసాగుతూ వస్తోంది. తాజాగా హాకీ ప్రపంచకప్‌లో దాయాదుల సమరం సందర్భంగా హ్యాండ్‌షేక్ వివాదం మరోసారి తెరపైకి వచ్చింది. కానీ హాకీలో మాత్రం హ్యాండ్‌షేక్ వివాదం లేదు. ఎందుకంటే తాము క్రికెట్ మార్గాన్ని అనుసరించబోమని, దానికి బదులుగా ఒలింపిక్ చార్టర్, అంతర్జాతీయ హాకీ సమాఖ్య (FIH) జారీ చేసిన మార్గదర్శకాలకే కట్టుబడి ఉంటామని హాకీ ఇండియా గత ఏడాది నవంబర్‌లో తేల్చి చెప్పింది. ఈసారి ప్రపంచకప్‌లో ఇరుజట్ల ఆటగాళ్లు కరచాలనం చేస్తారా లేదా అనేది పక్కనబెడితే, ఇటీవలే ఎఫ్‌ఐహెచ్ ప్రొ లీగ్ సహా జూనియర్ స్థాయిలో భారత్, పాక్ తలపడ్డ ప్రతీసారి ఇరుజట్ల ఆటగాళ్లు హై-ఫై ఇచ్చుకోవడం గమనించాం.భారత్‌దే పైచేయిఇక రెండు దేశాల మధ్య వైరం పక్కనబెడితే, హాకీలో ఇరుజట్ల మధ్య గత రికార్డులు పరిశీలిద్దాం. ఇప్పటివరకు భారత్‌, పాకిస్తాన్‌లు హాకీలో 185 మ్యాచ్‌ల్లో తలపడ్డాయి. వాటిలో భారత్ 73 గెలిస్తే.. పాకిస్తాన్ 84 విజయాలు సాధించగా, మరో 28 మ్యాచ్‌లు డ్రాగా ముగిశాయి. ఇక హాకీ ప్రపంచకప్‌ల విషయానికి వస్తే.. భారత్ 3-2తో పాక్‌పై పైచేయిలో కొనసాగుతోంది.Read: లంకతో తొలి టెస్టు.. మంజ్రేకర్‌, మురళీ కార్తిక్ మధ్య వాగ్వాదం!

భారత్‌-పాకిస్తాన్‌ క్రికెట్‌ జట్ల మధ్య ఈసారి జరుగబోయే మ్యాచ్‌ సాధారణ మ్యాచ్‌గా ఉండదని క్రిక్‌బజ్‌ ఓ నివేదికలో తెలిపింది. ఇరు జట్లు త్వరలో జరుగబోయే ఏషియన్‌ గేమ్స్‌లో తలపడాల్సి ఉండగా.. అది పతక పోరే ఉంటుందని సదరు క్రికెట్‌ వెబ్‌సైట్‌ అంచనా వేస్తుంది. 2026 ఏషియన్‌ గేమ్స్‌లో భారత్-పాక్‌ మ్యాచ్ లీగ్ లేదా గ్రూప్ దశలో ఉండదు.పురుషుల విభాగంలో భారత్, పాక్‌ టాప్-2 సీడెడ్ జట్లుగా నేరుగా క్వార్టర్‌ఫైనల్‌కు అర్హత సాధించాయి. భారత్ క్వార్టర్‌ఫైనల్-2లో, పాక్‌ క్వార్టర్‌ఫైనల్-1లో సెప్టెంబర్ 28న బరిలోకి దిగనున్నాయి.క్వార్టర్‌ఫైనల్‌లో గెలిచిన భారత్ అక్టోబర్ 1న క్వార్టర్‌ఫైనల్-3 విజేతతో సెమీఫైనల్ ఆడుతుంది. పాక్‌ క్వార్టర్‌ఫైనల్-4 విజేతతో సెమీస్‌లో తలపడుతుంది. ఈ డ్రా ప్రకారం భారత్, పాక్‌ సెమీఫైనల్లో ఎదురుపడే అవకాశం లేదు.ఇరు జట్లు ఫైనల్‌కు చేరితే అక్టోబర్ 3న బంగారు పతకం కోసం పోటీ జరుగుతుంది. ఒకవేళ సెమీఫైనల్లో ఓడితే అదే రోజు కాంస్య పతకం కోసం జరిగే మూడో స్థానం మ్యాచ్‌లో ఇరు జట్లు తలపడే అవకాశం ఉంటుంది.మహిళల క్రికెట్‌లోనూ దాదాపు ఇదే పరిస్థితి. భారత్ టాప్ సీడ్‌గా, పాక్‌ నాలుగో సీడ్‌గా ఉన్నాయి. భారత్ క్వార్టర్‌ఫైనల్లో జపాన్‌తో, పాక్‌ థాయ్‌లాండ్‌తో తలపడనున్నాయి. ఈ విభాగంలోనూ భారత్-పాక్‌ మ్యాచ్ జరిగితే అది ఫైనల్ లేదా కాంస్య పతక పోరులోనే ఉండే అవకాశం ఉంది.ఈసారి ఆసియా క్రీడలు సెప్టెంబర్ 19 నుంచి అక్టోబర్ 4 వరకు నాగోయాలో జరగనున్నాయి. క్రికెట్ పోటీలు మాత్రం సెప్టెంబర్ 17 నుంచే ప్రారంభం కానున్నాయి. అన్ని మ్యాచ్‌లు టీ20 ఫార్మాట్‌లో నిర్వహించనున్నారు.భారత పురుషుల జట్టుకు శ్రేయాస్ అయ్యర్, మహిళల జట్టుకు హర్మన్‌ప్రీత్ కౌర్ నాయకత్వం వహించనున్నారు.

మహిళల ఆసియా కప్‌ 2026లో భారత్‌-పాకిస్తాన్‌ క్రికెట్‌ సమరం ఖరారైంది. దుబాయ్‌ ఇంటర్నేషనల్‌ క్రికెట్‌ స్టేడియంలో సెప్టెంబర్‌ 5న ఇరు జట్లు తలపడనున్నాయి. ఆసియా క్రికెట్‌ కౌన్సిల్‌ గురువారం ఈ టోర్నీ పూర్తి షెడ్యూల్‌ను ప్రకటించింది.ఆగస్టు 28న టోర్నీ ప్రారంభం కానుండగా.. తొలి మ్యాచ్‌లో థాయ్‌లాండ్‌-హాంకాంగ్‌ జట్లు తలపడతాయి. ఈసారి టోర్నీలో మొత్తం 8 జట్లు పాల్గొంటున్నాయి.భారత్‌, పాక్‌ ఒకే గ్రూప్‌లోభారత్‌, పాకిస్తాన్‌ జట్లు గ్రూప్‌-Aలో ఉన్నాయి. వీటితో పాటు థాయ్‌లాండ్‌, హాంకాంగ్‌, చైనా కూడా ఇదే గ్రూప్‌లో ఉన్నాయి. గ్రూప్‌-Bలో శ్రీలంక, బంగ్లాదేశ్‌, యూఏఈ, ఇండోనేషియా జట్లు ఉన్నాయి. ప్రతి గ్రూప్‌లో టాప్‌-2లో నిలిచిన జట్లు సెమీఫైనల్‌కు అర్హత సాధిస్తాయి. సెప్టెంబర్‌ 13న ఫైనల్‌ జరగనుంది.దుబాయ్‌లోనే అన్ని మ్యాచ్‌లుఈసారి మొత్తం మ్యాచ్‌లను దుబాయ్‌ ఇంటర్నేషనల్‌ స్టేడియంలోనే నిర్వహించనున్నారు. అన్ని మ్యాచ్‌లు ఫ్లడ్‌లైట్ల వెలుతురులో జరగనున్నాయి.ఇది టీ20 ఫార్మాట్‌లో జరుగుతున్న ఆరో మహిళల ఆసియా కప్‌. భారత్‌-పాక్‌ మ్యాచ్‌ టోర్నీలోనే అత్యంత ఆసక్తికరమైన పోరుగా నిలవనుంది.

మహిళల క్రికెట్‌లో మరో ఆసక్తికర సమరానికి రంగం సిద్ధమవుతోంది. ఆసియా కప్‌ 2026 టోర్నీకి సంబంధించిన తేదీలను ఆసియా క్రికెట్‌ కౌన్సిల్‌ (ACC) సభ్య దేశాలకు అంతర్గతంగా తెలియజేసినట్లు సమాచారం. ఈ టోర్నీ ఆగస్టు 28 నుంచి సెప్టెంబర్‌ 13 వరకు జరిగే అవకాశం ఉంది.ఈసారి టోర్నీకి యూఏఈ ఆతిథ్యం ఇవ్వనున్నట్లు తెలుస్తోంది. అయితే వేదికలు, పూర్తి షెడ్యూల్‌, మ్యాచ్‌ల వివరాలను ACC ఇంకా అధికారికంగా ప్రకటించాల్సి ఉంది.భారత్‌-పాక్‌ పోరుటోర్నీలో భారత్‌, పాకిస్థాన్‌తో పాటు శ్రీలంక, బంగ్లాదేశ్‌, నేపాల్‌, మలేసియా, థాయ్‌లాండ్‌, యూఏఈ జట్లు పాల్గొనే అవకాశం ఉంది.దీంతో క్రికెట్‌ అభిమానులకు మరోసారి భారత్‌-పాకిస్థాన్‌ మహిళల మ్యాచ్‌ చూసే అవకాశం లభించనుంది. అయితే ఈ రెండు జట్లు ఎప్పుడు తలపడతాయనే విషయం పూర్తి షెడ్యూల్‌ విడుదలైన తర్వాతే స్పష్టమవుతుంది.సభ్య దేశాలకు పంపిన సమాచార ప్రకారం, జట్లు ఆగస్టు 27న యూఏఈకి చేరుకోవాల్సి ఉంటుంది. సెప్టెంబర్‌ 13న ఫైనల్‌ నిర్వహించేలా విండోను నిర్ణయించినట్లు తెలుస్తోంది.షెడ్యూల్‌ ఎందుకు ఆలస్యం..?టోర్నీ తేదీలను సభ్య దేశాలకు తెలియజేసినా, ACC నుంచి అధికారిక ప్రకటన ఇంకా రాలేదు. టోర్నీ వేదికకు సంబంధించిన తుది నిర్ణయం, పరిపాలనా అనుమతులు పూర్తికాకపోవడమే ఇందుకు కారణంగా తెలుస్తోంది.ఇదే కారణంగా భారత మహిళల ఆసియా కప్‌ జట్టు ప్రకటనను కూడా BCCI తొలుత ప్రకటించి, ఆ తర్వాత వెనక్కి తీసుకున్నట్లు సమాచారం.భారత్‌దే ఆధిపత్యం2004లో ప్రారంభమైన మహిళల ఆసియా కప్‌ తొలుత వన్డే ఫార్మాట్‌లో జరిగింది. 2012 నుంచి టీ20 ఫార్మాట్‌లో కొనసాగుతోంది.భారత్‌ ఈ టోర్నీలో అత్యంత విజయవంతమైన జట్టుగా కొనసాగుతోంది. ఇప్పటివరకు ఏడు టైటిళ్లు గెలిచింది. అయితే 2024లో జరిగిన చివరి ఎడిషన్‌లో శ్రీలంక ఫైనల్లో భారత్‌ను ఓడించి టైటిల్‌ సాధించింది.

మ్యాచ్ ఏదైనా భార‌త్‌, పాకిస్తాన్ మ‌ధ్య పోరు అంటే ఆ మ‌జానే వేరుగా ఉంటుంది. ఇప్పుడంటే ఎక్కువ‌గా వ‌న్‌సైడ్ ఫ‌లితాలు వ‌స్తున్నాయి కానీ ద‌శాబ్దం కింద‌ట టీమిండియా, పాకిస్తాన్‌లు త‌ల‌ప‌డుతున్నాయంటే ఎంతో థ్రిల్లింగ్ ఉండేది. ఆఖ‌రి దాకా నువ్వా నేనా అన్న‌ట్లుగా మ్యాచ్‌లు సాగేవి. తాజాగా భార‌త్‌, పాకిస్తాన్ మ‌ధ్య హైవోల్టేజ్ మ్యాచ్ జ‌ర‌గ‌నుంది. అదేంటి.. ఇప్పుడు ఎలాంటి ఐసీసీ మేజ‌ర్ టోర్నీలు జ‌ర‌గ‌డం లేదు క‌దా? చిర‌కాల ప్ర‌త్య‌ర్థుల మధ్య మ్యాచ్ అంటారేంటి అనుకుంటున్నారా? అక్క‌డికే వ‌స్తున్నాం.ఏషియన్ లెజెండ్స్ లీగ్ 2026 టోర్నీలో భాగంగా ఆదివారం (ఆగస్టు 2) భార‌త్‌, పాకిస్తాన్ త‌ల‌ప‌డుతున్నాయి. ఇండియన్ రాయల్స్, పాకిస్థాన్ పాంథర్స్ జట్ల మధ్య జరిగే ఈ ఆరో మ్యాచ్ జాంబియాలోని లుసాకా నగరంలో ఉన్న లోటస్ స్పోర్ట్స్ క్లబ్ గ్రౌండ్లో జరగనుంది. భారత కాలమానం ప్రకారం ఈ హై-వోల్టేజ్ పోరు సాయంత్రం 4:00 గంటలకు ప్రారంభమవుతుంది. ఇండియన్ రాయల్స్ జట్టును మాజీ ఆట‌గాడు శిఖర్ ధావన్ న‌డిపించ‌నుండ‌గా.. దినేష్ కార్తీక్, సురేష్ రైనా, హర్భజన్ సింగ్, యూసుఫ్ పఠాన్, అంబటి రాయుడు, రిషి ధావన్, స్టువర్ట్ బిన్ని వంటి స్టార్ ఆటగాళ్లతో బ‌లంగా క‌నిపిస్తోంది. ఇక‌ తమ తొలి మ్యాచ్‌లో గ‌బ్బ‌ర్ సేన‌ బంగ్లాదేశ్ టైగర్స్ జట్టును 19 పరుగుల తేడాతో ఓడించి మంచి ఫామ్‌లో ఉంది. మరోవైపు.. మహమ్మద్ హఫీజ్ సారథ్యంలో ఉమర్ అక్మల్, షోయబ్ మాలిక్, వహాబ్ రియాజ్, సోహైల్ తన్వీర్, స‌యీద్ అజ్మల్ వంటి వెటరన్ ఆటగాళ్లతో కూడిన పాకిస్థాన్ పాంథర్స్ జట్టు తమ మొదటి మ్యాచ్‌లో ఏషియన్ స్టార్స్ చేతిలో 85 పరుగుల భారీ తేడాతో పరాజయం పాలైంది. దీంతో మ్యాచ్‌లో భార‌త జ‌ట్టు ఫెవ‌రెట్‌గా క‌నిపిస్తోంది. ఆసియా ఖండానికి చెందిన రిటైర్డ్ దిగ్గజ క్రికెటర్లు పాల్గొంటున్న ఎషియన్ లెజెండ్స్ లీగ్ సీజన్-2 జూలై 30న ప్రారంభమై ఆగస్టు 10న ముగియనుంది. ఈ టోర్నమెంట్లో మొత్తం 19 టీ20 మ్యాచ్‌లు జరగనున్నాయి. గతేడాది జరిగిన తొలి సీజన్‌లో భారత్ ఫైనల్ చేరుకుని రన్నరప్ నిలిచింది. మొత్తంగా మ్యాచ్‌లు లేక జుట్టు పీక్కుంటున్న క్రికెట్‌ అభిమానులకు భార‌త్‌, పాక్ పోరు ఫుల్ మీల్స్ అందించ‌నుంది.Read: మేరీ కోమ్‌ స్ఫూర్తి.. కామన్‌వెల్త్‌లో పాకిస్తాన్‌కు తొలి పతకం

ఎఫ్‌ఐహెచ్ యూత్ హాకీ5స్ ఆసియా చాంపియన్‌షిప్‌లో భారత సబ్‌జూనియర్ బాలుర జట్టు చిరకాల ప్రత్యర్థి పాకిస్తాన్‌పై 7-3 తేడాతో ఘన విజయం సాధించింది. ఇదే రోజు ఆతిథ్య ఒమాన్‌ను 10-1తో చిత్తు చేసి వరుస విజయాలతో అదరగొట్టింది.పాకిస్తాన్‌తో జరిగిన మ్యాచ్‌లో రోమిత్ పాల్, కరణ్ గౌతమ్, కెప్టెన్ కేతన్ కుష్వాహా తొలి అర్ధభాగంలోనే గోల్స్ చేసి భారత్‌కు 3-0 ఆధిక్యం అందించారు. అనంతరం ప్రహ్లాద్ రాజ్‌భర్, షారుఖ్ అలీ, రాహుల్ యాదవ్, కేతన్ కుష్వాహా మరోసారి గోల్స్ చేయడంతో భారత్ సునాయాసంగా విజయం సాధించింది.అంతకుముందు ఒమాన్‌తో జరిగిన మ్యాచ్‌లో కేతన్ కుష్వాహా నాలుగు గోల్స్‌తో మెరవగా, షారుఖ్ అలీ, కరణ్ గౌతమ్, ప్రహ్లాద్ రాజ్‌భర్ తలో రెండు గోల్స్ చేసి భారత్‌కు 10-1 తేడాతో భారీ విజయాన్ని అందించారు.మరోవైపు బాలికల ఎలైట్ పూల్ మ్యాచ్‌లో భారత సబ్‌జూనియర్ జట్టు చైనాతో పోరాడినా 3-6 తేడాతో ఓటమి పాలైంది. తొలి అర్ధభాగం ముగిసే సమయానికి స్కోరు 3-3తో సమంగా ఉన్నప్పటికీ, రెండో అర్ధభాగంలో చైనా ఆధిపత్యం చెలాయించి విజయాన్ని అందుకుంది.ఈ టోర్నీ ద్వారా ప్రారంభ ఎఫ్‌ఐహెచ్ యూత్ హాకీ5స్ ప్రపంచకప్‌కు ఆసియా జట్ల ఎంపిక కూడా జరగనుంది.

ప్ర‌తిష్టాత్మ‌క 2026 ఆసియా గేమ్స్‌కు సంబంధించి క్రికెట్‌ షెడ్యూల్ విడుద‌లైంది. ఏక‌కాలంలో పురుషుల, మ‌హిళ‌ల క్రికెట్‌మ్యాచ్‌ల షెడ్యూల్‌ను ప్ర‌క‌టించారు. రెండు విభాగాల్లో టెస్టు స‌భ్య‌త్వం క‌లిగిన నాలుగు దేశాలు (భార‌త్‌, పాకిస్తాన్‌, శ్రీలంక‌, బంగ్లాదేశ్‌) నేరుగా క్వార్ట‌ర్ ఫైన‌ల్స్‌​కు అర్హత సాధించాయి. కాగా ఆసియా గేమ్స్‌ జపాన్‌ వేదికగా సెప్టెంబర్‌ 19 నుంచి అక్టోబర్‌ 4 వరకు జరగనున్నాయి.అయితే క్రికెట్ అభిమానులు ఎంత‌గానో ఎదురుచూస్తున్న భార‌త్‌, పాకిస్తాన్ మ్యాచ్ అటు పురుషుల.. ఇటు మ‌హిళ‌ల క్రికెట్‌లో ఫైన‌ల్ లేదా సెమీస్‌లోనే త‌ల‌ప‌డే అవ‌కాశాలే ఎక్కువ‌గా క‌నిపిస్తున్నాయి. మ‌హిళ‌ల విభాగంలో క్వార్ట‌ర్ ఫైన‌ల్లో భార‌త్ త‌మ మ్యాచ్‌ను జ‌పాన్‌తో ఆడ‌నుంది. ఇక పురుషుల క్రికెట్‌లో మాత్రం టీమిండియా పాక్‌తో నేరుగా సెమీస్ లేదా ఫైన‌ల్ పోరులో త‌ల‌ప‌డే అవ‌కాశాలే ఎక్కువ‌గా ఉన్నాయి.పురుషుల క్రికెట్‌లో ఇలా..పురుషుల టోర్నీ విష‌యానికొస్తే టెస్టు స‌భ్య‌త్వం క‌లిగిన భార‌త్‌, పాకిస్తాన్‌, శ్రీలంక‌, బంగ్లాదేశ్‌లు నేరుగా క్వార్ట‌ర్ ఫైన‌ల్స్ ఆడ‌నున్నాయి. క్వార్ట‌ర్స్‌లో మిగిలిన నాలుగు స్థానాల కోసం ఆరుజ‌ట్ల మ‌ధ్య లీగ్ ద‌శ మ్యాచ్‌లు నిర్వ‌హించ‌నున్నారు. ఈ లీగ్ ద‌శ‌లో గ్రూప్‌-ఏ నుంచి అఫ్గానిస్తాన్‌, జ‌పాన్, నేపాల్ ఉండ‌గా; గ్రూప్‌-బి నుంచి చైనా, మ‌లేషియా, ఓమ‌న్ ఉన్నాయి. లీగ్ ద‌శ‌లో రెండు గ్రూప్‌ల్లో నుంచి టాప్‌-2లో నిలిచిన జ‌ట్లు క్వార్ట‌ర్స్ చేరుకోనున్నాయి. క్వార్ట‌ర్స్‌లో గెలిచిన నాలుగు జ‌ట్లు సెమీస్‌లో త‌ల‌ప‌డ‌నున్నాయి. సెమీస్‌లో గెలిచిన జ‌ట్లు స్వ‌ర్ణం కోసం ఫైన‌ల్ మ్యాచ్ ఆడ‌నుండ‌గా, ఓడిన జ‌ట్లు కాంస్య ప‌తక పోరు కోసం త‌ల‌ప‌డ‌నున్నాయి. టెస్టు స‌భ్య‌త్వం క‌లిగిన‌ప్ప‌టికీ అఫ్గానిస్తాన్ ప్రిలిమిన‌రీ మ్యాచ్‌లు ఆడాల్సి ఉంటుంది.గ్రూప్‌-ఏ: అఫ్గానిస్తాన్‌, జ‌పాన్, నేపాల్గ్రూప్‌-బి నుంచి చైనా, మ‌లేషియా, ఒమ‌న్‌జపాన్‌తో హర్మన్‌ సేన అమీతుమీ..మ‌హిళ‌ల విభాగంలోనూ ఇవే జ‌ట్లు పోటీలో ఉన్న‌ప్ప‌టికీ ఇక్క‌డ మాత్రం నేరుగా క్వార్ట‌ర్ ఫైన‌ల్‌మ్యాచ్‌లే నిర్వ‌హించ‌నున్నారు. క్వార్ట‌ర్ ఫైన‌ల్లో భార‌త్‌తో జ‌పాన్‌, థాయ్‌లాండ్‌తో పాకిస్తాన్‌, చైనాతో బంగ్లాదేవ్‌, శ్రీలంక‌తో మ‌లేషియా అమీతుమీ తేల్చుకోనున్నాయి. క్వార్ట‌ర్స్‌లో గెలిచిన జ‌ట్లు సెమీస్‌లో అడుగుపెట్ట‌నున్నాయి. సెమీస్‌లో గెలిచిన జ‌ట్ల మ‌ధ్య స్వ‌ర్ణ ప‌త‌క పోరు జ‌ర‌గ‌నుంది.మహిళల క్రికెట్‌లో క్వార్టర్స్‌ షెడ్యూల్‌భారత్‌ vs జపాన్‌బంగ్లాదేశ్ vs చైనాశ్రీలంక vs మలేషియాపాకిస్తాన్ vs థాయిలాండ్సెమీ-ఫైనల్స్భారత్/జపాన్ vs బంగ్లాదేశ్/చైనాశ్రీలంక/మలేషియా vs పాకిస్తాన్/థాయిలాండ్2022లో డబుల్‌ స్వర్ణాలు..2022 హాంగ్జౌ ఆసియా గేమ్స్‌లో భార‌త పురుషుల‌, మ‌హిళ‌ల జ‌ట్లు స్వ‌ర్ణ ప‌త‌కాలు కైవ‌సం చేసుకున్నాయి. ఆనాడు టీమిండియా పురుషుల కెప్టెన్‌గా రుతురాజ్ వ్య‌వ‌హ‌రించాడు. వ‌ర్షంతో ఫ‌లితం రాక‌పోవ‌డంతో అత్య‌ధిక విజ‌యాలు సాధించిన భార‌త్‌కు గోల్డ్ మెడ‌ల్ ఇవ్వ‌గా, అఫ్గానిస్తాన్ వెండిని గెలుచుకుంది. ఇక హ‌ర్మ‌న్‌ప్రీత్ సార‌థ్యంలోని మ‌హిళ‌ల జ‌ట్టు ఫైన‌ల్లో శ్రీలంక‌ను ఓడించి బంగారు ప‌త‌కాన్ని అందుకుంది. ఈ గేమ్స్‌లో పాకిస్తాన్ రెండు విభాగాల్లోనూ నాలుగో స్థానానికే ప‌రిమితం కావ‌డం గ‌మ‌నార్హం.Read: గోళీలాట మాదిరే లాన్‌ బౌల్స్‌.. కాని చిన్న ట్విస్ట్‌!

భార‌త రెజ్లింగ్ దిగ్గ‌జం, మిక్స్ మార్ష‌ల్ ఆర్ట్స్ ఫైట‌ర్ సంగ్రామ్ సింగ్ త‌న కెరీర్‌లోనే కీల‌క పోరుకు సిద్ధ‌మ‌వుతున్నాడు. ప్ర‌తిష్టాత్మ‌క స్ట్రైక్‌ ఆసియా చాంపియ‌న్‌షిప్ టైటిల్ కోసం పాకిస్తాన్ రెజ్ల‌ర్ అబిద్ అలీతో త‌ల‌ప‌డ‌నున్నాడు. రెండు దేశాలు ఎంతో ఆస‌క్తిగా ఎదురుచేస్తున్న ఈ పోరు భార‌త కాల‌మ‌నా ప్ర‌కారం సాయంత్రం 7 గంట‌లకు ప్రారంభం కానుంది. PC: MMA Twitterఈ టైటిల్ ఫైట్ కంబాట్ క్రీడా వ‌ర్గాల్లో భారీగా అంచ‌నాల‌ను రేకెత్తిస్తోంది. ఈ ఫైట్‌లో గెలిచిన వారికి స్ట్రైక్ ఆసియా చాంపియ‌న్ కిరీటం ద‌క్క‌నుంది. 40 ఏండ్ల వయసులో ప్రొఫెష‌న‌ల్ రెజ్ల‌ర్ నుంచి మిక్స్‌డ్ మార్ష‌ల్ ఆర్ట్స్ (ఎంఎంఏ) ప్లేయ‌ర్‌గా మారిన సంగ్రామ్ సింగ్ ఇప్ప‌టివ‌ర‌కు తన అన్ని కంబాట్స్‌లోనే గెలిచి అజేయంగా నిలిచాడు. ఎంఎంఏ కెరీర్ ఆరంభించిన త‌ర్వాత జార్జియాలో జ‌రిగిన త‌న అరంగేట్రం మ్యాచ్‌లో పాకిస్తాన్‌కు చెందిన అలీ ర‌జా నాసిర్‌ను కేవ‌లం 90 సెకన్ల‌లో ఓడించి ప్ర‌పంచ వేదిక‌పై త‌న ఉనికిని ఘ‌నంగా చాటుకున్నాడు. ఆ త‌ర్వాత నెద‌ర్లాండ్స్‌లో ట్యూనీషియాకు చెందిన హ‌కీమ్ ట్రాబెల్సీపై, అర్జెంటీనాలో ఫ్రాన్స్‌కు చెందిన ఫ్లోరియ‌న్ కౌడియ‌ర్‌పై వ‌రుస విజ‌యాలు న‌మోదు చేశాడు. అర్జెంటీనా గ‌డ్డ‌పై ప్రొఫెష‌న‌ల్ ఎంఎంఏ బౌట్‌లో గెలిచిన తొలి భార‌తీయుడిగా సంగ్రామ్ సింగ్ రికార్డుల‌కెక్కాడు. దీంతో అత‌డి అజేయ ప్రొఫెష‌న‌ల్ రికార్డు 3-0కి విస్త‌రించింది. PC: MMA Twitterకాగా టైటిల్ పోరుకు ముందు సంగ్రామ్ సింగ్ మాట్లాడుతూ.. 'నేను కేజ్‌లోకి అడుగుపెట్టిన ప్ర‌తీసారి నాకోసం ఆడ‌ను. 140 కోట్ల మంది భార‌తీయుల కోసమే పోరాడ‌తాను. క్రీడ ఏదైనా స‌రే, భార‌త్‌, పాకిస్తాన్ మ‌ధ్య పోరు ఎప్పుడు ప్ర‌త్యేకంగానే ఉంటుంది. టైటిల్ కైవ‌సం చేసుకోవాల‌ని ప‌ట్టుద‌ల‌తో ఉన్నా' అని సంగ్రామ్ సింగ్ పేర్కొన్నాడు. ఆదివారం జ‌ర‌గ‌నున్న పోరులో సంగ్రామ్ గెలిస్తే స్ట్రైక్ ఆసియా చాంపియ‌న్ టైటిల్‌ను కైవ‌సం చేసుకోవ‌డంతో పాటు భార‌త్ నుంచి ప్ర‌పంచ‌ మిక్స్‌డ్ మార్ష‌ల్ ఆర్ట్స్‌లో త‌న స్థానాన్ని మ‌రింత సుస్థిరం చేసుకోనున్నాడు.

పురుషుల వన్డే, టీ20 ప్రపంచకప్‌ ఫార్మాట్లలో ఐసీసీ భారీ మార్పులు ప్రకటించింది. టోర్నీల్లో పోటీ స్థాయిని పెంచడం, ప్రతి మ్యాచ్‌కు మరింత ప్రాధాన్యం కల్పించడం, అభిమానులకు మరింత ఆసక్తికర అనుభవాన్ని అందించడమే ఈ మార్పుల ప్రధాన ఉద్దేశమని వెల్లడించింది.వన్డే ప్రపంచకప్‌లో ఇలా..!2027 వన్డే ప్రపంచకప్‌లో మొత్తం 14 జట్లు బరిలోకి దిగనున్నాయి. 2019, 2023 ప్రపంచకప్‌ల్లో 10 జట్లు మాత్రమే పాల్గొనగా, 2015 తర్వాత మళ్లీ 14 జట్లతో టోర్నీ నిర్వహించనున్నారు.కొత్త ఫార్మాట్‌లో ముందుగా ర్యాంకింగ్స్‌లో 12, 13, 14 స్థానాల్లో ఉన్న మూడు జట్లు తొలి దశలో పోటీ పడతాయి. వీటిలో అగ్రస్థానంలో నిలిచిన జట్టు ప్రధాన టోర్నీకి అర్హత సాధిస్తుంది.ఆ తర్వాత 12 జట్లను రెండు గ్రూపులుగా విభజిస్తారు. ప్రతి గ్రూపులో ఆరు జట్లు ఉంటాయి. రెండు గ్రూపుల నుంచి తొలి మూడు స్థానాల్లో నిలిచిన జట్లతో పాటు, రెండు గ్రూపుల్లో అత్యుత్తమంగా నిలిచిన మరో జట్టు 'సూపర్-7' దశకు చేరుకుంటుంది.గతంలో ఉన్న'సూపర్-6' స్థానంలో ఇప్పుడు 'సూపర్-7' దశను ప్రవేశపెట్టారు. ఈ దశలో అగ్ర నాలుగు జట్లు సెమీఫైనల్‌కు అర్హత సాధిస్తాయి. సెమీఫైనల్లో తొలి స్థానం జట్టు నాలుగో స్థాన జట్టుతో, రెండో స్థాన జట్టు మూడో స్థాన జట్టుతో తలపడుతుంది.టీ20 ప్రపంచకప్‌లో 'సూపర్-10'2028 టీ20 ప్రపంచకప్ ఫార్మాట్‌లో కూడా ఐసీసీ మార్పులు చేసింది. మొత్తం 20 జట్లను ఐదు గ్రూపులుగా విభజిస్తారు. ప్రతి గ్రూపులో నాలుగు జట్లు ఉంటాయి. ప్రతి గ్రూప్ నుంచి తొలి రెండు జట్లు రెండో దశకు చేరుకుంటాయి.గతంలో అమల్లో ఉన్న 'సూపర్-8' స్థానంలో ఇప్పుడు 'సూపర్-10' దశను ప్రవేశపెట్టారు. ఇందులో 10 జట్లను రెండు గ్రూపులుగా విభజిస్తారు.ప్రతి గ్రూపులో అగ్రస్థానంలో నిలిచిన జట్టు నేరుగా సెమీఫైనల్‌కు చేరుకుంటుంది. రెండో, మూడో స్థానాల్లో నిలిచిన జట్లు ఐపీఎల్ తరహాలో ఎలిమినేటర్ మ్యాచ్‌లు ఆడతాయి. ఎలిమినేటర్ విజేతలు సెమీఫైనల్‌కు అర్హత సాధిస్తారు. అనంతరం సెమీఫైనల్, ఫైనల్‌తో టోర్నీ ముగుస్తుంది.అర్హత విధానంలోనూ మార్పులు2028 టీ20 ప్రపంచకప్ అర్హత విధానంలో కూడా ఐసీసీ సవరణలు చేసింది. స్కాట్లాండ్‌కు యూరప్ రీజినల్ ఫైనల్‌కు నేరుగా ప్రవేశం కల్పించారు. మిగిలిన జట్లు గ్లోబల్ క్వాలిఫయర్ ద్వారా అర్హత సాధించాల్సి ఉంటుంది. వివిధ ప్రాంతీయ టోర్నీల నుంచి జట్లు ఎంపికై ప్రపంచకప్‌కు చేరతాయి.పై మార్పులకు ఐసీసీ డెవలప్‌మెంట్, చీఫ్ ఎగ్జిక్యూటివ్స్ కమిటీ ఇప్పటికే ఆమోదం తెలిపినా, ఈ ఏడాది నవంబర్‌లో జరిగే ఫైనాన్స్ అండ్ కమర్షియల్ అఫైర్స్ కమిటీ సమీక్ష అనంతరం తుది ఆమోదం లభించనుంది.భారత్-పాక్ మ్యాచ్‌లు పెరిగే అవకాశంకొత్త ఫార్మాట్‌తో భారత్, పాకిస్థాన్ ఒకే గ్రూపులో ఉంటే గ్రూప్ దశలో ఒకసారి తలపడే అవకాశం ఉంది. అనంతరం రెండు జట్లు సూపర్-7కు (వన్డే) చేరితే మరోసారి ముఖాముఖి అయ్యే అవకాశం ఉంటుంది. దీంతో ప్రపంచకప్‌లో ఈ చిరకాల ప్రత్యర్థుల మధ్య కనీసం రెండు మ్యాచ్‌లు జరిగే అవకాశాలు పెరుగుతాయి.

పాకిస్తాన్‌ మాజీ పేసర్లు షోయబ్ అక్తర్, మహ్మద్ ఆసిఫ్‌పై భారత మాజీ కేంద్ర హోంశాఖ అధికారి ఆర్‌వీఎస్ మణి సంచలన ఆరోపణలు చేశారు. భారత్‌లో పర్యటించిన సమయంలో అక్తర్‌, ఆసిఫ్‌ మాదకద్రవ్యాల అక్రమ రవాణాకు పాల్పడ్డారంటూ బాంబు పేల్చారు.ఓ ఇంటర్వ్యూలో మాట్లాడిన ఆయన.. "భారత్‌లో క్రికెట్ ఆడేందుకు వచ్చిన ప్రతిసారి పాకిస్తాన్ బృందంలోని కొందరు డ్రగ్స్‌ను అక్రమంగా తీసుకొచ్చేవారు. షోయబ్ అక్తర్, మహ్మద్ ఆసిఫ్ భారత్‌కు డ్రగ్స్ తీసుకొచ్చినట్లు పాకిస్తాన్ హైకమిషనర్ ఎదుట ఒప్పుకున్నారు. ఆ తర్వాత వారిని వెనక్కి పంపించారు" అని అన్నారు.మాజీ పాక్ కోచ్ బాబ్ వూల్మర్ మరణాన్ని కూడా ఈ వ్యవహారంతో ముడిపెట్టారు ఆర్‌వీఎస్ మణి. పాకిస్తాన్ జట్టులో జరుగుతున్న డ్రగ్ స్మగ్లింగ్ విషయాన్ని బయటపెట్టాలని వూల్మర్ ప్రయత్నించారని, అందుకే ఆయన అనుమానాస్పద పరిస్థితుల్లో మరణించారని ఆరోపించారు.మణి చేసిన ఈ ఆరోపణలు ప్రస్తుతం క్రికెట్‌ సర్క్సిల్స్‌లో దుమారం రేపుతున్నాయి. మణి 2006 నుంచి 2010 వరకు కేంద్ర హోంశాఖ అంతర్గత భద్రత విభాగంలో అండర్ సెక్రటరీగా పనిచేశారు. అనంతరం 2013లో స్వచ్ఛంద పదవీ విరమణ చేశారు.భారత్‌-పాక్‌ ద్వైపాక్షిక సిరీస్‌ల విషయానికొస్తే.. 2003-04 నుంచి 2007 వరకు ఇరు దేశాల మధ్య పరస్పర సిరీస్‌లు జరిగాయి. అయితే 2008 ముంబై ఉగ్రదాడుల తర్వాత ఈ సిరీస్‌లు పూర్తిగా నిలిచిపోయాయి. ప్రస్తుతం భారత్, పాకిస్తాన్ జట్లు ఐసీసీ లేదా ఏసీసీ టోర్నమెంట్లలో మాత్రమే తలపడుతున్నాయి.

ఆసియా కప్‌-2025 ముగిసి దాదాపు తొమ్మిది నెలలు పూర్తైంది. అయినప్పటికీ చాంపియన్‌గా నిలిచిన టీమిండియా చేతికి ట్రోఫీ ఇంకా రానేలేదు. ఇప్పటికీ ఆసియా క్రికెట్‌ మండలి (ACC) ఈ విషయంపై ఎలాంటి స్పష్టతా ఇవ్వలేదు.కాగా గతేడాది టీ20 ఫార్మాట్లో నిర్వహించిన ఆసియా కప్‌ టోర్నీలో సూర్యకుమార్‌ సేన విజేతగా నిలిచిన సంగతి తెలిసిందే. దుబాయ్‌ వేదికగా జరిగిన ఫైనల్లో పాకిస్తాన్‌ను ఐదు వికెట్ల తేడాతో ఓడించి టీమిండియా ట్రోఫీని గెలుచుకుంది.టీమిండియా నిరాకరణఅయితే, నాడు పహల్గామ్‌ ఉగ్రదాడి.. అందుకు బదులుగా ఆపరేషన్‌ సింధూర్‌ జరిగిన నేపథ్యంలో భారత్‌- పాక్‌ మధ్య ఉద్రిక్తతలు తీవ్రమైన సంగతి తెలిసిందే. ఈ నేపథ్యంలో ఏసీసీ అధ్యక్షుడు, పాక్‌ మంత్రి అయిన మొహ్సిన్‌ నక్వీ చేతుల మీదుగా ట్రోఫీ అందుకునేందుకు టీమిండియా నిరాకరించింది.దీంతో నక్వీ ట్రోఫీని తనతో పాటు పాకిస్తాన్‌కు ఎత్తుకెళ్లిపోయాడనే వార్తలు వచ్చాయి. అంతేకాదు.. తన అనుమతి లేకుండా ఏసీసీ కార్యాలయంలోకి ఎవరినీ అనుమతించవద్దని.. ట్రోఫీ ఎవరికీ ఇవ్వద్దని అతడు ఆదేశించినట్లు సమాచారం. దీంతో తొమ్మిది నెలల కాలం గడిచినా ట్రోఫీ ఇంకా టీమిండియాకు చెంతకు చేరనేలేదు.నక్వీని అడిగినా ఇవ్వడం లేదుఈ విషయంపై భారత క్రికెట్‌ నియంత్రణ మండలి (BCCI) ఉపాధ్యక్షుడు రాజీవ్‌ శుక్లా తాజాగా స్పందించారు. పీటీఐతో మాట్లాడుతూ.. ‘‘ఆసియా కప్‌ ట్రోఫీ ఇంత వరకు మా చేతికి రాలేదు. ఈ విషయం గురించి మేము ఆసియా క్రికెట్‌ మండలి చైర్మన్‌ (నక్వీ), డైరెక్టర్లతో కూడా మాట్లాడాము. ట్రోఫీ మాకు ఇవ్వాల్సిందిగా అభ్యర్థించాము.కానీ ఇప్పటికీ వారి నుంచి ఎలాంటి స్పందనా లేదు. మేము వాళ్లతో మాట్లాడినా ఫలితం కనిపించలేదు. అయినా ట్రోఫీ ఉంటేనే మేము గెలిచినట్లు కాదు కదా!.. మా విజయాన్ని ప్రపంచం మొత్తం చూసింది. అయినా సరే ట్రోఫీ మాకు ముఖ్యం. మేము గెలుచుకున్నది ఎప్పటికైనా మాకే సొంతము’’ అని రాజీవ్‌ శుక్లా పేర్కొన్నారు.చదవండి: వైభవ్‌ను అందుకే ఆడిస్తున్నాం: గంభీర్‌

పాకిస్తాన్‌ క్రికెట్‌ జట్టు హెడ్‌కోచ్‌ మైక్‌ హసన్‌ టీమిండియాపై ప్రశంసలు కురిపించాడు. ప్రపంచంలోనే అత్యంత పటిష్టమైన ఈ జట్టును ఓడించడం అంతతేలికేమీ కాదన్నాడు. పాకిస్తాన్‌తో పాటు ఇతర జట్లు కూడా టీమిండియాను ఓడించేందుకు విఫలయత్నం చేస్తున్నాయని మైక్‌ హసన్‌ పేర్కొన్నాడు.కాగా ఐసీసీ పురుషుల వన్డే వరల్డ్‌కప్‌ 2027లో జరుగనున్న సంగతి తెలిసిందే. సౌతాఫ్రికాతో పాటు జింబాబ్వే, నమీబియా సంయుక్తంగా ఆతిథ్యం ఇస్తున్న ఈ మెగా ఈవెంట్‌ నిర్వహణకు అక్టోబరు 4- నవంబరు 21 మధ్య షెడ్యూల్‌ ఖరారైంది.టీమిండియాతో ప్రతి జట్టుకూ అదే సమస్యఈ నేపథ్యంలో క్రిక్‌ఇన్ఫోతో మాట్లాడిన పాక్‌ హెడ్‌కోచ్‌ మైక్‌ హసన్‌ టీమిండియా ప్రస్తుతం ప్రపంచంలోనే అత్యంత దుర్భేద్యమైన జట్టుగా కనిపిస్తోందన్నాడు. ‘‘గతేడాది ఆసియా కప్‌ టోర్నీలో టీమిండియాపై తప్ప మేము అన్ని మ్యాచ్‌లూ గెలిచాము.నిజానికి పాక్‌ ఒక్కటే కాదు... ప్రపంచంలోని ఇతర జట్లు కూడా ప్రస్తుతం టీమిండియాను ఓడించేందుకు తీవ్రంగా కష్టపడాల్సి వస్తోంది. మళ్లీ అదే మాట చెప్పేందుకు నేను వెనకాడను. పాక్‌ జట్టుకు మాత్రమే కాకుండా ప్రతి జట్టుకూ ఇదే సమస్య. కేవలం అత్యుత్తమ జట్టు మాత్రమే కాదుతప్పో.. ఒప్పో.. ప్రతి ఒక్కరు ఇండియాతో మ్యాచ్‌ ఫలితంతోనే పాకిస్తాన్‌ జట్టుపై ఓ నిర్ణయానికి వస్తారు. ప్రస్తుతం టీమిండియా ప్రపంచంలోని అత్యుత్తమ జట్టు మాత్రమే కాదు.. అంతకంటే ఓ మెట్టుపైనే ఉందనడంలో అతిశయోక్తి లేదు’’ అని మైక్‌ హసన్‌ గిల్‌ సేనపై ప్రశంసల వర్షం కురిపించాడు.టీమిండియా సంపూర్ణ ఆధిపత్యంకాగా పాకిస్తాన్‌ చివరగా 2017లో చాంపియన్స్‌ ట్రోఫీ రూపంలో ఐసీసీ టైటిల్‌ సాధించింది. ఇక 2022 టీ20 ప్రపంచకప్‌లో ఫైనల్‌ చేరిన పాక్‌.. ఆ తర్వాత ఈ టోర్నీలో కనీసం సెమీస్‌ కూడా చేరలేక చతికిలపడింది.మరోవైపు.. వన్డే ఫార్మాట్లోనూ 2011 తర్వాత పాకిస్తాన్‌ కనీసం సెమీస్‌ కూడా చేరలేదు. ఇక టీమిండియా ఇటీవల వరుసగా మూడు ఐసీసీ టైటిళ్లు గెలిచింది. 2024 టీ20 ప్రపంచకప్‌, 2025 చాంపియన్స్‌ ట్రోఫీ, 2026 టీ20 ప్రపంచకప్‌ ట్రోఫీలను కైవసం చేసుకుంది.ఇదిలా ఉంటే.. వన్డేల్లో ముఖాముఖి పోరులో మాత్రం పాకిస్తాన్‌దే పైచేయిగా ఉంది. ఓవరాల్‌గా టీమిండియా పాకిస్తాన్‌ ఇప్పటికి 136 వన్డేల్లో తలపడగా.. పాక్‌ 73, ఇండియా 58 మ్యాచ్‌లు గెలిచాయి. ఐదింటిలో ఫలితం తేలలేదు. అయితే, వరల్డ్‌కప్‌ టోర్నీలో మాత్రం ఇరుజట్లు ఎనిమిదిసార్లు తలపడగా.. టీమిండియా 8-0తో దాయాదిపై సంపూర్ణ ఆధిపత్యం కొనసాగిస్తోంది. చదవండి: చరిత్ర సృష్టించిన రొనాల్డో

భారత్‌తో క్రికెట్‌ మ్యాచ్‌లకు సంబంధించి పాక్‌ ఫాస్ట్‌ బౌలర్‌ హసన్‌ అలీ సంచలన వ్యాఖ్యలు చేశాడు. ఇరు జట్ల మధ్య మ్యాచ్‌ జరిగిన ప్రతిసారి అతడి భార్య టీమిండియానే గెలవాలని కోరుకుంటుందని చెప్పాడు. ఈ వ్యాఖ్యలు సోషల్‌ మీడియాలో వైరలవుతున్నాయి.హసన్‌ అలీ భార్య సమియా అర్జూ భారత్‌లో (హర్యానా) జన్మించిందన్న విషయం చాలామందికి తెలీదు. ఆమె ఫరీదాబాద్‌లోని మానవ్‌ రచనా యూనివర్సిటీలో ఏరోనాటికల్‌ ఇంజినీరింగ్‌ చదివింది. అనంతరం దుబాయ్‌లోని ఎమిరేట్స్‌ ఎయిర్‌లైన్స్‌లో ఫ్లైట్‌ ఇంజినీర్‌గా పని చేసింది. అక్కడే హసన్‌ అలీతో పరిచయం ఏర్పడి ప్రేమగా మారింది. 2019లో వీరిద్దరూ దుబాయ్‌లో వివాహం చేసుకున్నారు. ప్రస్తుతం వారికి ఇద్దరు కుమార్తెలు ఉన్నారు.నేను కూడా బాగా ఆడాలని కోరుకుంటుంది..!‘పాక్‌ ప్యాషన్‌’కు ఇచ్చిన ఇంటర్వ్యూలో హసన్‌ అలీకి ఓ సరదా ప్రశ్న ఎదురైంది. "మీ భార్య భారతీయురాలు కాబట్టే పాకిస్తాన్‌ భారత్‌పై గెలవకూడదని కోరుకుంటుందా? అందుకే పాక్‌ జట్టు ఓడిపోతుందా?" అని ప్రశ్నించగా ఆయన నవ్వుతూ సమాధానం ఇచ్చాడు.తన భార్య సమియా అర్జూ భారతీయురాలు కావడంతో సహజంగానే భారత జట్టుకు మద్దతు ఇస్తుందని, అయితే అదే సమయంలో తాను పాకిస్తాన్‌‌ తరఫున బాగా ఆడాలని కూడా కోరుకుంటుందని తెలిపాడు."ఆమె నాకు ఎప్పుడూ మద్దతుగా ఉంటుంది. కానీ ఆమె భారతీయురాలు కాబట్టి భారత్‌ గెలవాలని కూడా కోరుకుంటుంది. అందులో ఆశ్చర్యపడాల్సిన అవసరం లేదు" అని హసన్‌ అలీ వ్యాఖ్యానించాడు.అదే భారత్‌ విజయ రహస్యంభారత్‌ వరుసగా పాకిస్తాన్‌పై ఆధిపత్యం చెలాయించడానికి అసలు కారణం ఏమిటన్న ప్రశ్నకు హసన్‌ అలీ మరింత ఆసక్తికర సమాధానం ఇచ్చాడు. భారత క్రికెట్‌ వ్యవస్థ ప్రస్తుతం సరైన దిశలో సాగుతోందని, ముఖ్యంగా ఐపీఎల్‌, దేశీయ క్రికెట్‌ వ్యవస్థ ఆటగాళ్లకు ఏడాది పొడవునా నాణ్యమైన పోటీని అందిస్తున్నాయని పేర్కొన్నాడు. అదే భారత జట్టు ప్రపంచ క్రికెట్‌లో ఆధిపత్యం చెలాయించడానికి ప్రధాన కారణమని అభిప్రాయపడ్డాడు.ఇదిలా ఉంటే, హసన్‌ అలీ ప్రస్తుతం ఇంగ్లండ్‌లో కౌంటీ క్రికెట్‌లో యార్క్‌షైర్‌ తరఫున ఆడుతున్నాడు. గత కొంతకాలంగా పాకిస్తాన్‌ జట్టులో స్థానం కోసం తీవ్ర పోటీని ఎదుర్కొంటున్నాడు. వన్డేలు, టీ20ల్లో అవకాశాలు తగ్గిపోవడంతో మళ్లీ జాతీయ జట్టులో స్థిర స్థానం సంపాదించేందుకు కృషి చేస్తున్నాడు.

లండన్‌ వేదికగా జరిగిన ఎఫ్‌ఐహెచ్ ప్రో లీగ్‌ మ్యాచ్‌లో భారత సీనియర్‌ పురుషుల హాకీ జట్టు పాకిస్తాన్‌ టీమ్‌పై 4-3 గోల్స్‌ తేడాతో గెలుపొందింది. ఉత్కంఠగా సాగిన ఈ మ్యాచ్‌లో భారత్‌ సమిష్టి ప్రదర్శనతో విజయం సాధించింది. భారత్ తరఫున అభిషేక్‌, రాజిందర్‌, నీలకంఠ, సుఖ్‌జీత్‌ గోల్స్‌ చేశారు.మంచి ఫామ్‌ను కొనసాగించిన భారత్ఈ మ్యాచ్‌కు ముందు భారత్ నెదర్లాండ్స్‌పై 3-2తో అద్భుత విజయం సాధించి ఆత్మవిశ్వాసంతో బరిలోకి దిగింది. యూరప్‌ లెగ్‌లో తొలి ఓటమి తర్వాత జట్టు గణనీయంగా పుంజుకుని జర్మనీ, నెదర్లాండ్స్‌లాంటి బలమైన జట్లపై విజయాలు నమోదు చేసింది.క్రెయిగ్‌ ఫుల్టన్‌ శిక్షణలో భారత జట్టు రక్షణ, దాడి విభాగాల్లో మెరుగైన ప్రదర్శన కనబరుస్తోంది. ముఖ్యంగా చివరి కొన్ని మ్యాచ్‌ల్లో భారత ఆటగాళ్లు అవకాశాలను సద్వినియోగం చేసుకుంటూ మంచి ఫలితాలు రాబడుతున్నారు.పాక్‌కు మరో నిరాశఇప్పటికే టోర్నీలో వరుస ఓటములతో ఇబ్బంది పడుతున్న పాక్‌కు ఇది మరో ఎదురుదెబ్బగా మారింది. ఈ సీజన్‌లో ఇప్పటివరకు ఆడిన అన్ని మ్యాచ్‌ల్లోనూ ఓడిన ఆ జట్టు.. పట్టికలో చివరి స్థానంలో కొనసాగుతోంది. పాక్‌ రెలిగేషన్‌ ప్రమాదం నుంచి బయటపడాలంటే మిగిలిన మ్యాచ్‌ల్లో తప్పక విజయాలు సాధించాలి.మిగిలిన మ్యాచ్‌లుఈ టోర్నీలో భారత్‌ మరోసారి పాక్‌తో తలపడాల్సి ఉంది. అలాగే ఇంగ్లండ్‌తో రెండు మ్యాచ్‌లు ఆడాల్సి ఉంది. ఈ మ్యాచ్‌ల్లోనూ భారత్‌ మెరుగైన ఫలితాలు సాధించి సీజన్‌ను సానుకూలంగా ముగించాలని లక్ష్యంగా పెట్టుకుంది.

పాకిస్తాన్‌ మహిళా క్రికెట్‌ జట్టుకు అంతర్జాతీయ క్రికెట్‌ మండలి (ఐసీసీ) షాకిచ్చింది. మ్యాచ్‌ ఫీజులో ఐదు శాతం మేర కోత విధించింది. ఇంగ్లండ్‌ వేదికగా ఐసీసీ మహిళల టీ20 ప్రపంచకప్‌-2026 టోర్నమెంట్‌ జూన్‌ 12న మొదలైన సంగతి తెలిసిందే.భారత్‌ ఘన విజయంపన్నెండు జట్లు పాల్గొంటున్న ఈ టోర్నీలో.. ఆయా జట్లను గ్రూప్‌-‘ఎ’, గ్రూప్‌-‘బి’గా విభజించారు. గ్రూప్‌- ‘ఎ’లో ఉన్న భారత్‌- పాకిస్తాన్‌ తమ తొలి మ్యాచ్‌లో ముఖాముఖి తలపడ్డాయి. బర్మింగ్‌హామ్‌ వేదికగా ఆదివారం జరిగిన ఈ మ్యాచ్‌లో భారత్‌ పాక్‌పై 64 పరుగుల తేడాతో ఘన విజయం సాధించింది.ఈ మ్యాచ్‌లో టాస్‌ గెలిచిన భారత జట్టు తొలుత బ్యాటింగ్‌కు దిగి.. నిర్ణీత 20 ఓవర్లలో ఆరు వికెట్ల నష్టానికి 170 పరుగులు చేసింది. భారత బ్యాటర్లలో ఓపెనర్‌ స్మృతి మంధాన అర్ధ శతకం (68) సాధించగా.. రిచా ఘోష్‌ మెరుపులు (17 బంతుల్లో 34) మెరిపించింది.పాక్‌ బౌలర్లలో కెప్టెన్‌ ఫాతిమా సనా, సైదా ఇక్బాల్‌ రెండేసి వికెట్లు తీయగా.. తస్మియా రుబాబ్‌, రమీన్‌ షమీమ్‌ తలా ఒక వికెట్‌ పడగొట్టారు. అనంతరం లక్ష్య ఛేదనకు దిగిన పాక్‌ మహిళా జట్టు 17 ఓవర్లలో 106 పరుగులకే ఆలౌట్‌ అయింది.దీప్తి శర్మ ఐదు వికెట్లు కూల్చిభారత ఆల్‌రౌండర్‌ దీప్తి శర్మ ఐదు వికెట్లు కూల్చి పాక్‌ బ్యాటింగ్‌ ఆర్డర్‌ పతనాన్ని శాసించగా.. శ్రీచరణి మూడు, షఫాలీ వర్మ ఒక వికెట్‌ పడగొట్టారు. అయితే, ఈ మ్యాచ్‌లో స్లో ఓవర్‌ రేటు మెయింటెన్‌ చేసినందుకు గానూ ఐసీసీ పాక్‌ జట్టుకు శిక్ష విధించింది.జరిమానా విధించిన ఐసీసీనిర్ణీత సమయంలో బౌలింగ్‌ కోటా పూర్తి చేయనందున ఐసీసీ ప్రవర్తనా నియమావళిలోని ఆర్టికల్‌ 2.22 ప్రకారం.. జరిమానా వేసింది. ఒక ఓవర్‌ ఆలస్యంగా వేసినందున మ్యాచ్‌ ఫీజులో ఐదు శాతం కోతతో సరిపెట్టింది. కాగా పాకిస్తాన్‌ తమ తదుపరి మ్యాచ్‌లో సౌతాఫ్రికా జట్టును ఎదుర్కోనుంది. గ్రూప్‌-ఎలో భాగంగా బుధవారం జరిగే ఈ మ్యాచ్‌కు బర్మింగ్‌హామ్‌ వేదిక.చదవండి: వైభవ్‌ వివాదం.. స్పందించిన బీసీసీఐ

ఐసీసీ మహిళల టీ20 ప్రపంచకప్‌-2026 టోర్నీలో భారత జట్టు శుభారంభం అందుకుంది. బర్మింగ్‌హామ్‌ వేదికగా ఆదివారం నాటి తొలి మ్యాచ్‌లో.. దాయాది పాకిస్తాన్‌ను 64 పరుగుల తేడాతో చిత్తు చేసింది. ఆల్‌రౌండ్‌ ప్రదర్శనతో రాణించి చిరకాల ప్రత్యర్థిని ఏ దశలోనూ కోలుకోనివ్వకుండా చేసి జయభేరి మోగించింది.ఇండియా గెలుస్తుందని ముందే తెలుసుఈ నేపథ్యంలో హర్మన్‌ప్రీత్‌ కౌర్‌ సేనపై ప్రశంసలు కురుస్తుండగా.. ఇంగ్లండ్‌ మాజీ కెప్టెన్‌ నాసిర్‌ హుస్సేన్‌ మాత్రం భిన్నంగా స్పందించాడు. ఈ మ్యాచ్‌లో భారత్‌ గెలుస్తుందని తనకు ముందుగానే తెలుసునని.. పాక్‌ కంటే భారత జట్టుకు ‘అన్‌ఫేర్‌’ అడ్వాంటేజ్‌ ఉందంటూ అక్కసు వెళ్లగక్కాడు.ఇది అన్యాయంభారత్‌- పాక్‌ మ్యాచ్‌కు కామెంటేటర్‌గా వ్యవహరించిన నాసిర్‌ హుసేన్‌ తాజా స్కై స్పోర్ట్స్‌ పాడ్‌కాస్ట్‌లో మాట్లాడాడు. ఈ సందర్భంగా.. ‘‘మ్యాచ్‌ ఆరంభానికి ముందే ఇండియా గెలుస్తుందని నాకు తెలుసు. ఇండియా- పాక్‌ మధ్య పోటీ అన్యాయం. పాక్‌తో పోలిస్తే ఇండియాకు అదనపు ప్రయోజనాలు ఎన్నో ఉన్నాయి.రెండూ సమతూకమైన జట్లు కావు. ఇండియా ప్లేయర్లు ఎక్కువగా ఫ్రాంఛైజీ క్రికెట్‌ ఆడుతున్నారు. తద్వారా రోజురోజుకీ మరింత మెరుగుపడుతున్నారు. ఆ అనుభవంతో జాతీయ జట్టు తరఫునా రాణిస్తున్నారు. కానీ పాకిస్తాన్‌లో ఆ పరిస్థితి లేదు.బంగ్లా, పాక్‌ ప్లేయర్లు అద్భుతం.. కానీ పాపంబంగ్లాదేశ్‌కు చెందిన మరుఫా అక్తర్‌, పాక్‌ ప్లేయర్‌ ఫాతిమా సనా అత్యద్భుతమైన క్రికెటర్లు. కానీ వాళ్లకు ఫ్రాంఛైజీ క్రికెట్‌ ఆడే అవకాశం లేదు. బంగ్లాదేశ్‌, పాకిస్తాన్‌ ప్లేయర్లకు అన్యాయం జరుగుతోంది. ది హండ్రెడ్‌ వంటి లీగ్‌లలో వీరిని ఆడించాలి. తద్వారా ప్రపంచవ్యాప్తంగా ఆడిన అనుభవం ఐసీసీ ఈవెంట్లలోనూ పనికివస్తుంది’’ అని నాసిర్‌ హుసేన్‌ చెప్పుకొచ్చాడు.అదే లాజిక్‌ ఇక్కడ వర్తించదా? ఈ నేపథ్యంలో పురుషుల క్రికెట్‌లో మీ వైఖరి ఏమిటి అంటూ టీమిండియా అభిమానులు నాసిర్‌ హుసేన్‌ను సోషల్‌ మీడియా వేదికగా ప్రశ్నిస్తున్నారు. ‘భారత క్రికెటర్లు కేవలం ఐపీఎల్‌లోనే ఆడతారు.పాక్‌ ఆటగాళ్లు మాత్రం PSLతో పాటు, బిగ్‌బాష్‌ లీగ్‌, ది హండ్రెడ్‌ తదితర విదేశీ లీగ్‌లలోనూ ఆడతారు. మరి వాళ్లెందుకు టీమిండియా చేతిలో ఓడిపోతున్నారు? మీ లాజిక్‌ ప్రకారం ఫ్రాంఛైజీ క్రికెట్‌ ఎక్కువగా ఆడే పాక్‌ ప్లేయర్లే పైచేయి సాధించాలి కదా!’ అంటూ కౌంటర్లు ఇస్తున్నారు.చదవండి: వైభవ్‌ సూర్యవంశీ.. నువ్విక ఇంటికి వెళ్లవచ్చు!

ఆర్టిఫిషియ‌ల్ ఇంట‌లిజెన్స్ (ఏఐ) వ‌చ్చాకా ఏది నిజ‌మో, ఏది అబ‌ద్ధ‌మో తెలియ‌కుండా పోతుంది. ముఖ్యంగా సోష‌ల్ మీడియాలో కొంద‌రు ఏఐను త‌ప్పుడు సంకేతాల‌కు వాడ‌డం అల‌వాటుగా మార్చుకున్నారు. తాజాగా మ‌హిళ‌ల టీ20 ప్ర‌పంచ‌క‌ప్‌లో భాగంగా ఆదివారం భార‌త్‌, పాకిస్తాన్ మ‌ధ్య హైవోల్టేజ్ మ్యాచ్ జ‌రిగింది. ఈ మ్యాచ్‌లో భార‌త్ ఘ‌న విజ‌యం సాధించింది. ఈ సంగ‌తి ప‌క్క‌న‌బెడితే మ్యాచ్‌కు సంబంధించిన ఒక ఫేక్ వీడియో సోష‌ల్ మీడియాలో చ‌క్క‌ర్లు కొడుతుంది. భార‌త ఇన్నింగ్స్ స‌మ‌యంలో కెప్టెన్‌ హ‌ర్మ‌న్‌ప్రీత్ వ‌ద్ద‌కు వ‌చ్చిన పాక్ ప్లేయ‌ర్ క‌వ్వింపు చ‌ర్య‌ల‌కు పాల్ప‌డింది. దీంతో చిర్రెత్తుకొచ్చిన హ‌ర్మ‌న్‌ప్రీత్ ఆమె గొంతు ప‌ట్టుకొని నెట్టేసింది. దీంతో అంపైర్లు, ఇత‌ర ఆట‌గాళ్లు జోక్యం చేసుకొని ఇద్ద‌రిని విడ‌దీయ‌డం వీడియోలో క‌న్పించింది. ఇది చూసిన కొంత‌మంది అభిమానులు మ్యాచ్‌లో ఇంత పెద్ద గొడ‌వ ఎప్పుడు జ‌రిగిందా అని రిప్లేల మీద రిప్లేలు చూశారు. నిజానికి మ్యాచ్‌లో ఎక్క‌డా గొడ‌వ జ‌రిగిన దాఖ‌లాలు లేవు. అయితే కొంద‌రు ఆక‌తాయిలు ఏఐ మాయ‌తో పాత వీడియో క్లిప్పింగ్‌ల‌ను జ‌త చేర్చి ఈ ఫేక్ వీడియోను సోష‌ల్ మీడియాలో వ‌దిలారు. ఇదీ అస‌లు సంగ‌తి. అయితే ఐసీసీ ఈ ఫేక్ వీడియోపై ఆగ్ర‌హం వ్య‌క్తం చేసింది. ఇలాంటి ఫేక్ వీడియోల వ‌ల్ల ఆట‌కు ఉండే క్రీడాస్ఫూర్తి దెబ్బ‌తింటుంద‌ని, ఇలాంటి చ‌ర్య‌లు ఉపేక్షించ‌బోమ‌ని క‌ఠినంగా హెచ్చ‌రించింది. అయితే భార‌త ఇన్నింగ్స్ స‌మ‌యంలో జెమీమా రోడ్రిగ్స్ ఔటైన స‌మ‌యంలో మాత్రం పాక్ ప్లేయ‌ర్లు కాస్త ఓవరాక్ష‌న్ చేశారు. త‌స్మియా రుబాబ్ బౌలింగ్‌లో రోడ్రిగ్స్‌ మిడాన్ దిశ‌గా షాట్ ఆడింది. అయితే అక్క‌డే ఉన్న‌ న‌టాలియా పెర్వాయిజ్ క్యాచ్ అందుకుంది. ఈ క్ర‌మంలో పాక్ ఫీల్డ‌ర్ శ్రుతి మించి రోడ్రిగ్స్ న‌డుచుకుంటూ వెళుతున్న త‌రుణంలో ఆమెను చూస్తే బంతిని బ‌లంగా నేల‌కేసి కొట్ట‌డం వివాదంగా మారింది. ప‌హ‌ల్గాం ఉగ్ర‌దాడి ఘ‌ట‌న త‌ర్వాత పాక్ ఆట‌గాళ్ల‌తో క‌ర‌చాల‌నం చేయ‌కూడద‌ని నిర్ణ‌యించిన బీసీసీఐ నిన్న‌టి మ‌హిళ‌ల మ్యాచ్‌లోనూ దానిని కంటిన్యూ చేసింది. మ్యాచ్ విష‌యానికొస్తే తొలుత బ్యాటింగ్ చేసిన ఇండియా వుమెన్ 20 ఓవ‌ర్ల‌లో 6 వికెట్ల న‌ష్టానికి 170 ప‌రుగులు చేసింది. మంధాన (68), రిచా (34), హ‌ర్మ‌న్ ప్రీత్ (36) రాణించారు. అనంత‌రం పాకిస్తాన్ 17 ఓవ‌ర్ల‌లో 106 ప‌రుగుల‌కే కుప్ప‌కూలింది. ఆల్‌రౌండ‌ర్ దీప్తి శ‌ర్మ ఐదు వికెట్ల‌తో పాక్ ప‌తనాన్ని శాసించింది.చదవండి: ట్యునీషియాపై విజ‌యం.. సంబ‌రాలు చేసుకోని స్వీడ‌న్‌!

ఐసీసీ మహిళల టీ20 ప్రపంచకప్‌లో భారత జట్టు శుభారంభం చేసింది. ఆదివారం పాకిస్తాన్‌తో జరిగిన మ్యాచ్‌లో భారత్ 64 పరుగుల తేడాతో విజయం సాధించింది. అయితే విజయంలో దీప్తి శర్మ కీలకపాత్ర పోషించింది. బ్యాటింగ్‌లో విలువైన పరుగులు, బౌలింగ్‌లో ఐదు వికెట్లు సహా ఫీల్డింగ్‌లో ఒక రనౌట్ చేసి ఆల్‌రౌండర్ పాత్రకు న్యాయం చేసింది. తద్వారా చిరకాల ప్రత్యర్థిపై విజయంలో దీప్తి శర్మ కర్త, కర్మ, క్రియగా నిలిచింది. ఈ నేపథ్యంలో దీప్తి శర్మ ఒక అరుదైన రికార్డు సాధించింది. మహిళల టీ20 క్రికెట్‌లో అత్యధిక వికెట్లు తీసిన బౌలర్‌గా దీప్తి శర్మ అగ్రస్థానంలో నిలిచింది. పాక్‌తో మ్యాచ్‌లో ఐదు వికెట్లు తీయడం ద్వారా 166 వికెట్లతో తొలి స్థానంలో కొనసాగుతుంది. థాయ్‌లాండ్‌కు చెందిన తిపాట్చా పుత్తావాంగ్ (165 వికెట్లు) రెండో స్థానంలో ఉండగా, వాండాకు చెందిన హెన్రిట్టే ఇష్విమే (160 వికెట్లతో) మూడో స్థానంలో, ఆస్ట్రేలియాకు చెందిన మేగన్ షట్ (152 వికెట్లు), థాయ్‌లాండ్‌కు చెందిన ఒన్నిచా కమ్‌చోఫూ (148 వికెట్లు) వరుసగా నాలుగు, ఐదు స్థానాల్లో కొనసాగుతున్నారు. ఇక అంతర్జాతీయంగా అన్ని ఫార్మాట్లు కలిపి దీప్తి శర్మ ఇప్పటివరకు 354 వికెట్లు పడగొట్టింది. తద్వారా అన్ని ఫార్మాట్లు కలిపి అత్యధిక వికెట్లు తీసిన బౌలర్ల జాబితాలో రెండో స్థానానికి చేరుకుంది. తొలి స్థానంలో భారత్‌కు చెందిన మాజీ బౌలర్ జులన్ గోస్వామి (355 వికెట్లు) ఉండగా, ఇంగ్లండ్‌కు చెందిన కేథరిన్ బ్రంట్ (335 వికెట్లు), ఆస్ట్రేలియాకు చెందిన ఎలీస్ పెర్రీ (332 వికెట్లు), ఇంగ్లండ్‌కు చెందిన సోఫీ ఎసల్‌స్టోన్ (327 వికెట్లు) వరుసగా మూడు, నాలుగు, ఐదు స్థానాల్లో కొనసాగుతున్నారు.భారత్ తరఫున అత్యుత్తమ బౌలింగ్ గణాంకాల్లోనూ దీప్తి శర్మ అరుదైన రికార్డు సాధించింది.5/10 – దీప్తి శర్మ vs పాకిస్తాన్, బర్మింగ్‌హామ్, 2026, 5/11 – జులన్ గోస్వామి vs ఆస్ట్రేలియా, విశాఖపట్నం, 20125/15 – రేణుకా సింగ్ vs ఇంగ్లాండ్, గ్కెబెర్హా, 20235/16 – ప్రియాంక రాయ్ vs పాకిస్థాన్, టౌంటన్, 20095/19 – దీప్తి శర్మ vs దక్షిణాఫ్రికా, జోహన్నెస్‌బర్గ్, 202628 ఏళ్ల ఆమె మహిళల టీ20 ప్రపంచ కప్ మ్యాచ్‌లో భారతదేశం తరఫున అత్యుత్తమ బౌలింగ్ గణాంకాలను నమోదు చేయగా, టోర్నమెంట్ చరిత్రలో ఏ బౌలర్ అయినా సాధించిన గణాంకాలలో ఇది మూడవ అత్యుత్తమ ప్రదర్శనగా నిలిచింది.మహిళల టీ20 ప్రపంచ కప్‌లలో అత్యుత్తమ బౌలింగ్ గణాంకాలు:5/5 – డియాండ్రా డాటిన్ (వెస్ట్ ఇండీస్) వర్సెస్‌ బంగ్లాదేశ్, ప్రొవిడెన్స్, 20185/8 – సునే లూస్ (దక్షిణాఫ్రికా) వర్సెస్‌ ఐర్లాండ్, చెన్నై, 20165/10 – దీప్తి శర్మ (భారతదేశం) వర్సెస్‌ పాకిస్తాన్, బర్మింగ్‌హామ్, 2026, ఈరోజు*5/12 – ఆష్లీ గార్డనర్ (ఆస్ట్రేలియా) వర్సెస్‌ న్యూజిలాండ్, పార్ల్, 20235/15 – రేణుకా సింగ్ (భారత్) వర్సెస్ ఇంగ్లండ్, గ్వేబెర్హా, 2023ఇక మ్యాచ్‌లో ప్లేయర్ ఆఫ్ ది మ్యాచ్ అవార్డు అందుకున్న తర్వాత దీప్తి మాట్లాడుతూ ఈ ఘనత మొత్తం జట్టుకే చెందుతుందని చెప్పింది. తన విజయానికి హనుమాన్ జీ ఆశీస్సులు కూడా కారణమని పేర్కొంది. ఐసీసీ టోర్నమెంట్లు తనకు ప్రత్యేకమైనవని, అలాంటి వేదికలపై ఆడటం ఎప్పుడూ ఆనందంగా ఉంటుందని తెలిపింది. స్పిన్నర్లకు అనుకూలమైన పిచ్లపై బౌలింగ్ చేయడం తనకు ఎంతో ఇష్టమని, ప్రతి బంతికి వేగం మారుస్తూ సరైన ప్రాంతాల్లో బంతులు వేయడమే తన విజయ రహస్యమని వివరించింది.BIG NEWS 🚨 India Women Team defeats Pakistan by 64 runs in #T20WC2026 opener!Deepti Sharma wins Player of the Match.She picked up a career-best 5/10 with the ball to restrict Pakistan to 106."Special Thanks to Hanuman ji" - DEEPTI 🔥 pic.twitter.com/h4VZqnXtgJ— News Algebra (@NewsAlgebraIND) June 14, 2026

మ‌హిళ‌ల టీ20 ప్ర‌పంచ‌క‌ప్‌లో భార‌త జ‌ట్టు శుభారంభం చేసింది. ఆదివారం ఎడ్జ్‌బాస్ట‌న్ వేదిక‌గా పాకిస్తాన్‌తో జ‌రిగిన మ్యాచ్‌లో టీమిండియా 64 ప‌రుగుల తేడాతో విజ‌యాన్ని అందుకుంది. దీప్తిశ‌ర్మ ఆల్‌రౌండ్ ప్ర‌ద‌ర్శన‌కు తోడు మంధాన‌, హ‌ర్మ‌న్ మెరుపుల‌తో పాక్‌పై భార‌త్ ఆధిప‌త్యం ప్ర‌ద‌ర్శించింది. కాగా మ్యాచ్ విజ‌యం అనంత‌రం హ‌ర్మ‌న్‌ప్రీత్ మాట్లాడింది. 'మ్యాచ్ విజ‌యంతో చాలా సంతోషంగా ఉన్నా. ముందుగా మ్యాచ్ చూసేందుకు వ‌చ్చిన అభిమానులంద‌రికీ మ‌న‌స్ఫూర్తిగా కృత‌జ్ఞ‌త‌లు. మ్యాచ్ విజ‌యంలో (స్మృతి మంధాన‌, దీప్తి శ‌ర్మ‌) ఆ ఇద్ద‌రిదే కీల‌క‌పాత్ర‌. జ‌ట్టుకు అవ‌స‌ర‌మైన‌ప్పుడ‌ల్లా వారు ముందుంటారు. ఇవాళ వాళ్లిద్ద‌రూ ఆడిన తీరు చూసి సంతోషంగా అనిపించింది. పిచ్ బ్యాటింగ్‌కు అనుకూలంగా ఉంది. అయితే ఆరంభంలో వికెట్లు ప‌డ‌డంతో కాస్త ఇబ్బంది ఎదుర్కొన్నాం. అయితే పిచ్‌పై అవ‌గాహ‌న వ‌చ్చిన త‌ర్వాత‌ మంధాన‌, నేను స్వేచ్ఛ‌గా ఆడాం. రిచా ఘోష్‌కు బ్యాటింగ్ ఆర్డర్‌లో ప్రమోషన్ ఇవ్వొచ్చు. కానీ ఆమె ఏ స్థానంలోనైనా బ్యాటింగ్ చేసేందుకు సిద్ధమని చెప్పింది. ఇవాళ ఆమె తన పాత్రకు న్యాయం చేసింది. ధనాధన్‌ ఇన్నింగ్స్‌తో అభిమానులను అలరించింది. ఇక ఫీల్డింగ్‌లో కొన్ని తప్పులున్నాయి. రాబోయే మ్యాచ్‌ల్లో వాటిని సరిచేసుకుంటాం. నెట్ రన్‌రేట్ అనేది కీలకం కాబట్టి మరింత వేగంగా ఆడేందుకు ప్రయత్నిస్తాం.' అని చెప్పుకొచ్చింది.మ్యాచ్‌ విషయానికొస్తే.. టాస్‌ గెలిచి మొదట బ్యాటింగ్‌ చేసిన టీమిండియా నిర్ణీత 20 ఓవర్లలో 6 వికెట్ల నష్టానికి 170 పరుగులు చేసింది. వైస్‌ కెప్టెన్‌ స్మృతి మంధాన (44 బంతుల్లో 68; 9 ఫోర్లు, 2 సిక్స్‌లు) అర్ధశతకంతో విజృంభించింది. కెప్టెన్‌ హర్మన్‌ప్రీత్‌ కౌర్‌ (35 బంతుల్లో 36; 4 ఫోర్లు) రాణించింది. చివర్లో రిచా ఘోష్‌ (17 బంతుల్లో 34; 5 ఫోర్లు, 1 సిక్స్‌) దంచికొట్టింది. పాకిస్తాన్‌ బౌలర్లలో సాదియా, ఫాతిమా సనా చెరో రెండు వికెట్లు పడగొట్టారు. అనంతరం భారీ లక్ష్యఛేదనలో పాకిస్తాన్‌ 17 ఓవర్లలో 106 పరుగులకు ఆలౌటైంది. ఓపెనర్‌ మునీబా అలీ (35 బంతుల్లో 41; 5 ఫోర్లు) టాప్‌ స్కోరర్‌ కాగా... మిగిలిన వాళ్లు చెప్పుకోదగ్గ స్కోరు చేయలేకపోయారు.

మహిళల టీ20 ప్రపంచకప్‌ 2026లో భాగంగా పాకిస్తాన్‌తో ఇవాళ జరిగిన మ్యాచ్‌లో టీమిండియా 64 పరుగుల తేడాతో ఘన విజయం సాధించింది. ఎడ్జ్‌బాస్టన్‌ వేదికగా జరిగిన ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన భారత్‌ నిర్ణీత 20 ఓవర్లలో 6 వికెట్ల నష్టానికి 170 పరుగులు చేసింది. ఓపెనర్‌ స్మృతి మంధాన (68) బాధ్యతాయుతమైన అర్ద సెంచరీతో రాణించగా.. కెప్టెన్‌ హర్మన్‌ప్రీత్‌ (36) మంధనకు సహకరించింది. ఆఖర్లో రిచా ఘోష్‌ (34 నాటౌట్‌) మెరుపు ఇన్నింగ్స్‌తో అలరించింది. మిగతా బ్యాటర్లలో దీప్తి శర్మ 12 (నాటౌట్‌), షఫాలీ వర్మ 6, జెమీమా రోడ్రిగ్స్‌ 1, భారతి ఫుల్మాలి 1, శ్రేయాంక పాటిల్‌ 1 (నాటౌట్‌) పరుగు చేశారు. పాక్‌ బౌలర్లలో కెప్టెన్‌ ఫాతిమా సనా, సదియా ఇక్బల్‌ తలో 2 వికెట్లు తీయగా.. తస్మియా రుబాబ్‌, రమీన్‌ షమీమ్‌ చెరో వికెట్‌ పడగొట్టారు.దీప్తి మాయాజాలంఅనంతరం 171 పరుగుల లక్ష్యాన్ని ఛేదించేందుకు బరిలోకి దిగిన పాక్‌.. దీప్తి శర్మ మాయాజాలానికి (4-0-10-5) కుదేలైంది. ఆమె శ్రీ చరణి (4-0-21-3), షఫాలీ వర్మ (3-0-22-1) కూడా తోడవ్వడంతో పాక్‌ 17 ఓవర్లలో 106 పరుగులకే చాపచుట్టేసింది. ఆ జట్టు తరఫున ఓపెనర్‌ మునీబా అలీ (41) మాత్రమే ఓ మోస్తరు స్కోర్‌ సాధించింది. మిగతా ప్లేయర్లలో గుల్‌ ఫెరోజా (12), ఆయేషా జాఫర్‌ (2), ఆలియా రియాజ్‌ (18) అతికష్టం మీద రెండంకెల స్కోర్లు సాధించగా.. సైరా జబీన్‌ (2), నతాలియా పర్వేజ్‌ (7), రమీన్‌ షమీమ్‌ (4), నష్రా సంధు (4) సింగిల్‌ డిజిట్‌ స్కోర్లకే పరిమితమయ్యారు. ఫాతిమా సనా, తస్మియా రుబాబ్‌ డకౌట్లయ్యారు. ఈ గెలుపుతో భారత్‌ తమ ప్రపంచకప్‌ ప్రయాణాన్ని విజయవంతంగా ప్రారంభించినట్లైంది.

ఐసీసీ మహిళల టీ20 ప్రపంచకప్‌ 2026లో భాగంగా ఇవాళ (జూన్‌ 14) బిగ్‌ ఫైట్‌ జరుగుతుంది. ఎడ్జ్‌బాస్టన్‌ వేదికగా భారత్‌-పాక్‌ తలపడుతున్నాయి. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన భారత్‌ నిర్ణీత 20 ఓవర్లలో 6 వికెట్ల నష్టానికి 170 పరుగుల గౌరవప్రదమైన స్కోర్‌ చేసింది.ఓపెనర్‌ స్మృతి మంధాన (68) బాధ్యతాయుతమైన అర్ద సెంచరీతో రాణించగ.. ఆమెకు కెప్టెన్‌ హర్మన్‌ప్రీత్‌ (36) సహకరించింది. ఆఖర్లో రిచా ఘోష్‌ (34 నాటౌట్‌) మెరుపు ఇన్నింగ్స్‌తో అలరించింది. మిగతా బ్యాటర్లలో దీప్తి శర్మ 12 (నాటౌట్‌), షఫాలీ వర్మ 6, జెమీమా రోడ్రిగ్స్‌ 1, భారతి ఫుల్మాలి 1, శ్రేయాంక పాటిల్‌ 1 (నాటౌట్‌) పరుగు చేశారు. పాక్‌ బౌలర్లలో కెప్టెన్‌ ఫాతిమా సనా, సదియా ఇక్బల్‌ తలో 2 వికెట్లు తీయగా.. తస్మియా రుబాబ్‌, రమీన్‌ షమీమ్‌ చెరో వికెట్‌ పడగొట్టారు. చరిత్ర సృష్టించిన హర్మన్‌ ఈ మ్యాచ్‌లో హర్మన్‌ ఓ ప్రత్యేక రికార్డును బద్దలు కొట్టింది. భార‌త్ త‌ర‌ఫున టీ20 ప్ర‌పంచ‌క‌ప్‌లో అత్య‌ధిక ప‌రుగులు (762) చేసిన బ్యాట‌ర్‌గా అవతరించింది. ‌ఇప్పటివ‌ర‌కు ఈ రికార్డు మిథాలీరాజ్ ( 726) పేరిట ఉండింది. ఈ రికార్డుకు సంబంధించిన జాబితాలో హ‌ర్మ‌న్, మిథాలీ త‌ర్వాతి స్థానాల్లో స్మృతి మంధాన (592), జెమీమా రోడ్రిగ్స్ (408), పూనమ్ రౌత్ (375) ఉన్నారు.

మహిళల టీ20 ప్రపంచకప్‌లో భారత కెప్టెన్ హర్మన్‌ప్రీత్ ఒక అరుదైన రికార్డు సాధించింది. భార‌త్ త‌ర‌ఫున టీ20 ప్ర‌పంచ‌క‌ప్‌లో అత్య‌ధిక ప‌రుగులు చేసిన బ్యాట‌ర్‌గా హ‌ర్మ‌న్ నిలిచింది. మ‌హిళ‌ల టీ20 ప్ర‌పంచ‌క‌ప్‌లో భార‌త్ త‌ర‌ఫున ఇప్ప‌టివ‌ర‌కు ఈ రికార్డు మిథాలీరాజ్ పేరిట ఉంది. మిథాలీరాజ్ 40.33 స‌గ‌టుతో 726 ప‌రుగులు సాధించింది. తాజాగా హ‌ర్మ‌న్‌ప్రీత్ ఇన్నింగ్స్ నాలుగో ఓవ‌ర్లో బౌండ‌రీ కొట్ట‌డం ద్వారా మిథాలీరాజ్ రికార్డును బ‌ద్ద‌లుకొట్టి అగ్ర‌స్థానంలో నిలిచింది. ఇక హ‌ర్మ‌న్, మిథాలీ రాజ్ త‌ర్వాత స్మృతి మంధాన 524 ప‌రుగుల‌తో మూడో స్థానంలో ఉండ‌గా, జెమీమా రోడ్రిగ్స్ 407 పరుగులతో నాలుగో స్థానంలో, పూనమ్ రౌత్ 375 పరుగులతో ఐదో స్థానంలో కొనసాగుతున్నారు. మ్యాచ్ విషయానికొస్తే టాస్ గెలిచిన టీమిండియా బ్యాటింగ్ ఎంచుకుంది. 16 ఓవర్లు ముగిసేసరికి భారత్ 4 వికెట్ల నష్టానికి 122 పరుగులు చేసింది. హర్మన్‌ప్రీత్ (36), రిచా ఘోష్ (7) పరుగులతో ఆడుతున్నారు. అంతకముందు ఓపెనర్ స్మృతి మంధాన 68 పరుగులు చేసింది.చదవండి: బాస్కెట్‌బాల్‌ చ‌రిత్రలో సంచ‌ల‌నం.. 53 ఏళ్ల నిరీక్ష‌ణ‌కు తెర‌!

పాక్‌ను చిత్తుగా ఓడించిన భారత్‌మహిళల టీ20 ప్రపంచకప్‌ 2026లో భాగంగా పాకిస్తాన్‌తో ఇవాళ జరిగిన మ్యాచ్‌లో టీమిండియా 64 పరుగుల తేడాతో ఘన విజయం సాధించింది. టాస్‌ గెలిచి తొలుత బ్యాటింగ్‌ చేసిన భారత్‌ 6 వికెట్ల నష్టానికి 170 పరుగులు చేయగా.. దీప్తి శర్మ (4-0-10-5) మాయాజాలానికి పాక్‌ 106 పరుగులకే చాపచుట్టేసింది. భారత్‌ తరఫున బ్యాటింగ్‌లో మంధాన (68) రాణించగా.. ఆఖర్లో రిచా ఘోష్‌ (34 నాటౌట్‌) మెరుపు ఇన్నింగ్స్‌తో అలరించింది. ఓటమి దిశగా పాక్‌75 పరుగుల వద్ద నాలుగు పరుగుల వ్యవధిలో 3 వికెట్లు కోల్పోయిన పాక్‌.. ఓటమి దిశగా సాగుతోంది. 75 పరుగుల వద్ద మునీబా అలీని (41) దీప్తి శర్మ అద్భుతమైన డైరెక్ట్‌ త్రోతో రనౌట్‌ చేయగా.. 77 పరుగుల వద్ద ఫాతిమా సనాను (0) షఫాలీ, 79 పరుగుల వద్ద నతాలియాను (7) శ్రీ చరణి ఔట్‌ చేశారు. 13 ఓవర్ల తర్వాత పాక్‌ స్కోర్‌ 83-6గా ఉంది. ఆలియా రియాజ్‌ (4), రమీన్‌ షమీమ్‌ (1) క్రీజ్‌లో ఉన్నారు. మూడో వికెట్‌ కోల్పోయిన పాక్‌7.4వ ఓవర్‌- 58 పరుగుల వద్ద పాక్‌ మూడో వికెట్‌ కోల్పోయింది. శ్రీచరణి బౌలింగ్‌లో హర్మన్‌ప్రీత్‌కు క్యాచ్‌ ఇచ్చి సైరా జబీన్‌ (2) ఔటైంది. రెండో వికెట్‌ కోల్పోయిన పాక్‌6.3వ ఓవర్‌- 53 పరుగుల వద్ద పాక్‌ రెండో వికెట్‌ కోల్పోయింది. దీప్తి శర్మ బౌలింగ్‌లో స్మృతి మంధనకు క్యాచ్‌ ఇచ్చి అయేషా జాఫర్‌ (12) ఔటైంది.ఇండియాకు తొలి బ్రేక్‌171 పరుగుల లక్ష్య ఛేదనలో పాక్‌కు మెరుపు ఆరంభం​ లభించింది. 4.4 ఓవర్లలో ఆ జట్టు ఓపెనర్లు మునీబా అలీ (24), గుల్‌ ఫెరోజా (12) 38 పరుగులు చేశారు. అయితే 4.5వ ఓవర్‌లో భారత్‌కు తొలి బ్రేక్‌ లభించింది. ఫెరోజాను దీప్తి శర్మ ఇంటిదారి పట్టించింది. భారతి ఫుల్మలి అద్భుతమైన క్యాచ్‌ పట్టడంతో ఇది జరిగింది. గౌరవప్రదమైన స్కోర్‌ సాధించిన టీమిండియాటాస్‌ గెలిచి తొలుత బ్యాటింగ్‌ చేసిన భారత్‌ నిర్ణీత 20 ఓవర్లలో 6 వికెట్ల నష్టానికి 170 పరుగుల గౌరవప్రదమైన స్కోర్‌ చేసింది. ఓపెనర్‌ స్మృతి మంధాన (68) బాధ్యతాయుతమైన అర్ద సెంచరీతో రాణించింది. ఆమెకు కెప్టెన్‌ హర్మన్‌ప్రీత్‌ (36) సహకరించింది. ఆఖర్లో రిచా ఘోష్‌ (34 నాటౌట్‌) మెరుపు ఇన్నింగ్స్‌తో అలరించింది. మిగతా బ్యాటర్లలో దీప్తి శర్మ 12 (నాటౌట్‌), షఫాలీ వర్మ 6, జెమీమా రోడ్రిగ్స్‌ 1, భారతి ఫుల్మాలి 1, శ్రేయాంక పాటిల్‌ 1 (నాటౌట్‌) పరుగు చేశారు. ఆపఖ​ బౌలర్లలో కెప్టెన్‌ ఫాతిమా సనా, సదియా ఇక్బల్‌ తలో 2 వికెట్లు తీయగా.. తస్మియా రుబాబ్‌, రమీన్‌ షమీమ్‌ చెరో వికెట్‌ పడగొట్టారు. ఐదో వికెట్‌ కోల్పోయిన భారత్‌16.2వ ఓవర్‌- 123 పరుగుల వద్ద భారత్‌ ఐదో వికెట్‌ కోల్పోయింది. ఫాతిమా సనా బౌలింగ్‌లో నతాలియాకు క్యాచ్‌ ఇచ్చి హర్మన్‌ప్రీత్‌ (36) ఔటైంది. 👉 సాదియా ఇక్బాల్‌ బౌలింగ్‌లో భారతీ ఫుల్మలీ (1) స్టంప్‌ ఔట్‌ కావడంతో 110 పరుగుల వద్ద భారత్‌ నాలుగో వికెట్‌ కోల్పోయింది.మంధాన (68) ఔట్‌.. మూడో వికెట్‌ డౌన్‌ధాటిగా ఆడుతున్న మంధాన (68) రూపంలో టీమిండియా 109 పరుగుల వద్ద మూడో వికెట్‌ కోల్పోయింది. రమీన్‌ సమీమ్‌ బౌలింగ్‌లో భారీ షాట్‌కు యత్నించిన మంధాన ఫాతిమా సనాషేక్‌కు క్యాచ్‌ ఇచ్చి వెనుదిరిగింది. హాఫ్‌ సెంచరీ బాదిన మంధానపాక్‌తో మ్యాచ్‌లో ఓపెనర్‌ స్మృతి మంధాన హాఫ్ సెంచరీతో చెలరేగింది. 34 బంతుల్లో ఫిఫ్టీ మార్క్ సాధించిన మంధాన ఇన్నింగ్స్‌లో 8 ఫోర్లు, ఒక సిక్సర్ ఉన్నాయి. 12 ఓవర్లు ముగిసేసరికి భారత్ 2 వికెట్ల నష్టానికి 85 పరుగులు చేసింది. మంధాన (55), హర్మన్‌ప్రీత్ (21) పరుగులతో ఆడుతున్నారు.9 ఓవర్ల తర్వాత భారత్‌ స్కోర్‌ ఎంతంటే..?18 పరుగులకే 2 వికెట్లు కోల్పోయిన భారత్‌ మరో వికెట్‌ పడకుండా జాగ్రత్తగా ఆడుతుంది. ‍స్మృతి మంధన (28), కెప్టెన్‌ హర్మన్‌ప్రీత్‌ (17) ఇన్నింగ్స్‌ను చక్కదిద్దుతున్నారు. 9 ఓవర్ల తర్వాత జట్టు స్కోర్‌ 54-2గా ఉంది. రెండో వికెట్‌ కోల్పోయిన టీమిండియా3.2వ ఓవర్‌- 18 పరుగుల వద్ద టీమిండియా రెండో వికెట్‌ కోల్పోయింది. తస్మియా రుబాబ్‌ బౌలింగ్‌లో నతాలియా పర్వేజ్‌ క్యాచ్‌ పట్టడంతో జెమీమా రోడ్రిగ్స్‌ (1) పెవిలియన్‌కు చేరింది. తొలి బంతికే సిక్సర్‌.. ఐదో బంతికి వికెట్‌టాస్‌ గెలిచి తొలుత బ్యాటింగ్‌ ఎంచుకున్న భారత్‌కు మెరుపు ఆర​ంభం లభించింది. ఇన్నింగ్స్‌ తొలి బంతికే సదియా ఇక్బాల్‌ బౌలింగ్‌లో షఫాలీ వర్మ సిక్సర్‌ కొట్టింది. అయితే అదే ఓవర్‌ ఐదో బంతికి మునీబా అలీకి క్యాచ్‌ ఇచ్చి పెవిలియన్‌కు చేరింది. టాస్‌ గెలిచి బ్యాటింగ్‌ ఎంచుకున్న భారత్‌ఐసీసీ మహిళల టీ20 ప్రపంచకప్‌ 2026లో ఇవాళ (జూన్‌ 14) బిగ్‌ ఫైట్‌ జరుగనుంది. దాయాదులు భారత్‌, పాకిస్తాన్‌ ఎడ్జ్‌బాస్టన్‌ వేదికగా అమీతుమీ తేల్చుకోనున్నాయి. ఈ మ్యాచ్‌లో భారత కెప్టెన్‌ హర్మన్‌ప్రీత్‌ కౌర్‌ టాస్‌ గెలిచి బ్యాటింగ్‌ ఎంచుకుంది. ఈ మ్యాచ్‌లోనూ భారత, పాక్‌ కెప్టెన్లు నో హ్యాండ్‌ షేక్‌ ఆనవాయితీని కొనసాగించారు. తుది జట్లు:భారత్‌: స్మృతి మంధాన, షఫాలీ వర్మ, జెమీమా రోడ్రిగ్స్, హర్మన్‌ప్రీత్ కౌర్ (సి), భారతీ ఫుల్మాలి, రిచా ఘోష్ (w), దీప్తి శర్మ, అరుంధతి రెడ్డి, శ్రేయాంక పాటిల్, శ్రీ చరణి, క్రాంతి గౌడ్పాకిస్తాన్‌: గుల్ ఫిరోజా, మునీబా అలీ(w), అయేషా జాఫర్, సైరా జబీన్, అలియా రియాజ్, నటాలియా పర్వైజ్, ఫాతిమా సనా(c), రమీన్ షమీమ్, నష్రా సంధు, తస్మియా రుబాబ్, సదియా ఇక్బాల్

ఇంగ్లండ్ వేదికగా జరుగుతున్న మహిళల టీ20 ప్రపంచకప్‌లో ఆదివారం భారత్‌, పాకిస్తాన్ మధ్య హైవోల్టేజ్ మ్యాచ్ జరగనుంది. మ్యాచ్ ప్రారంభానికి కొన్ని గంటలే మిగిలి ఉన్న సమయంలో ఇరుజట్ల కెప్టెన్లు ప్రెస్ కాన్ఫరెన్స్‌కు హాజరయ్యారు. ఈ నేపథ్యంలో టీమిండియా కెప్టెన్ హర్మన్‌ప్రీత్ కౌర్ తన మాటలతో అగ్గి రాజేసింది. పాకిస్తాన్ ఆటగాళ్లతో కరచాలనం చేస్తారా అని ఒక రిపోర్టర్ అడిగిన ప్రశ్నకు హర్మన్ తనదైన స్టైల్‌లో సమాధానమిచ్చింది. తాము ఇక్కడికి క్రికెట్ ఆడడానికి మాత్రమే వచ్చామని, ఎవరితో చేతులు కలపడానికి కాదని ఘాటుగా వ్యాఖ్యానించింది. హర్మన్ మాట్లాడుతూ.. ‘నాకు తెలిసి మేము ఇక్కడికి క్రికెట్ ఆడేందుకు వచ్చాము. కేవలం క్రికెట్ గురించి మాత్రమే మాట్లాడుకుందాం. క్రికెట్ మినహా అనవసర విషయాల గురించి మాట్లాడదలచుకోలేము. అయినా నేను క్రికెట్ తప్ప దేని గురించి ఆలోచించడం లేదు. మొదటి రోజు నుంచి ఇప్పటిదాకా క్రికెట్ అనేది మా కల. దాని గురించే మాట్లాడుకుంటాం. మీరు హైవోల్టేజ్ మ్యాచ్ అని చెబుతున్న ప్పటికీ నా దృష్టిలో మాత్రం పాకిస్తాన్‌తో మ్యాచ్‌ను ఒక సాధారణ గేమ్‌గానే చూస్తున్నాను. అయితే పాక్‌తో ఆడేటప్పుడు ఒత్తిడి కచ్చితంగా ఉంటుంది. ఈ విషయాన్ని నేను అంగీకరిస్తాను. పాక్ ఒక్కటే కాదు తాము ఆడబోయే ప్రతీ మ్యాచ్‌లోనూ ఒ‍త్తిడి సహజం. కానీ దానిని జయిస్తేనే విజయం మనల్ని వరిస్తుంది. ఎవరితో మ్యాచ్ అయినా మేము అత్యుత్తమ క్రికెట్ ఆడాలని అనుకుంటాము.’ అని చెప్పుకొచ్చింది.పహల్గాం ఉగ్రదాడి తర్వాత భారత్‌, పాకిస్తాన్ మధ్య సంబంధాలు పూర్తిగా క్షీణించాయి. అప్పటివరకు ఐసీసీ టోర్నీల్లో ఇరుజట్లు తలపడితే ఆటగాళ్లు షేక్ హ్యాండ్ ఇచ్చుకునేవారు. కానీ పహల్గాం ఘటన తర్వాత పాక్‌తో ఆడే ఎలాంటి మ్యాచ్ అయినా సరే ఆటగాళ్లు షేక్ హ్యాండ్ ఇవ్వకూడదని భారత ప్రభుత్వం నిర్ణయించింది. బీసీసీఐ కూడా భారత ప్రభుత్వ నిర్ణయాన్ని గౌరవిస్తూ ఆసియా కప్ నుంచి పాక్ ఆటగాళ్లతో కరచాలనం చేయడానికి ముందుకు రాలేదు. మహిళల వన్డే ప్రపంచకప్ సమయంలోనూ హర్మన్ సేన పాక్ ఆటగాళ్లతో కరచాలనం చేయలేదు. కాబట్టి నేటి మ్యాచ్‌లోనూ భారత మహిళా ఆటగాళ్లు పాక్ ఆటగాళ్లతో కరచాలనం చేసే అవకాశం లేదు. సొంతగడ్డపై జరిగిన మహిళల వన్డే ప్రపంచకప్‌ను తొలిసారి సొంతం చేసుకున్న హర్మన్‌ప్రీత్ సేన తాజాగా టీ20 ప్రపంచకప్‌లోనూ అదే జోరును కనబరచాలని ఉవ్విళ్లూరుతోంది. 2009లో మొద‌లైన టీ20 ప్రపంచ‌క‌ప్ టోర్నీలో భార‌త్ కేవ‌లం ఒక్క‌సారి మాత్ర‌మే ఫైన‌ల్ చేరింది. 2020 ఎడిష‌న్‌లో ఫైన‌ల్ చేరిన‌ప్ప‌టికీ ర‌న్న‌ర‌ప్‌తోనే స‌రిపెట్టుకుంది. 𝘛𝘩𝘦 𝘸𝘰𝘳𝘭𝘥 𝘳𝘦𝘮𝘦𝘮𝘣𝘦𝘳𝘴 𝘾𝙝𝙖𝙢𝙥𝙞𝙤𝙣𝙨 𝘧𝘰𝘳 𝘸𝘩𝘢𝘵 𝘵𝘩𝘦𝘺 𝘥𝘪𝘥 𝘰𝘯𝘤𝘦…𝙂𝙧𝙚𝙖𝙩 𝙏𝙚𝙖𝙢𝙨 𝘢𝘳𝘦 𝘳𝘦𝘮𝘦𝘮𝘣𝘦𝘳𝘦𝘥 𝘧𝘰𝘳 𝘸𝘩𝘢𝘵 𝘵𝘩𝘦𝘺 𝘥𝘰 𝘯𝘦𝘹𝘵 🏆⏳The #WomenInBlue are #T20WorldCup ready 💪 #TeamIndia pic.twitter.com/7fWJN6ootJ— BCCI Women (@BCCIWomen) June 14, 2026చదవండి: ఇండియా-ఏకు భారీ షాక్‌.. వైభ‌వ్ సూర్య‌వంశీకి గాయం!

మ‌హిళ‌ల టీ20 ప్ర‌పంచ‌క‌ప్‌-2026లో హైవోల్టేజ్ మ్యాచ్‌కు రంగం సిద్ద‌మైంది. ఆదివారం ఎడ్జ్‌బాస్ట‌న్ వేదిక‌గా గ్రూపు-ఎ మ్యాచ్‌లో భాగంగా భార‌త్‌-పాకిస్తాన్ జ‌ట్లు త‌ల‌ప‌డ‌నున్నాయి. ఈ మ్యాచ్‌కు ముందు పాక్ టీమ్‌కు భారీ షాక్ త‌గిలింది. శ‌నివారం ప్రాక్టీస్ సెష‌న్‌లో ఆ జ‌ట్టు కెప్టెన్ ఫాతిమా సనా గాయ‌ప‌డింది. నెట్స్‌లో బౌలింగ్ ప్రాక్టీస్ చేస్తుండ‌గా, యువ బ్యాట‌ర్ ఆయేషా జాఫ‌ర్ కొట్టిన షాట్ నేరుగా ఫాతిమా సనా కుడి మోకాలికి త‌గిలింది. దీంతో ఆమె తీవ్ర‌మైన నొప్పితో విలవిల్లాడింది. వెంట‌నే ఫిజియో వ‌చ్చి స‌నాకు చికిత్స అందించాడు. ఆ త‌ర్వాత ఆమె నెట్స్ నుంచి వెళ్లిపోయింది. ఫాతిమా తిరిగి ప్రాక్టీస్‌కు రాలేదు. కానీ దాదాపు గంట త‌ర్వాత ఫాతిమా అటు ఇటు న‌డుస్తూ మైదానంలో క‌నిపించింది. అయితే ప్రీ మ్యాచ్ కాన్ఫ‌రెన్స్‌లో పాల్గొన్న ఫాతిమా స‌నాకు త‌న గాయం గురుంచి విలేకరులు ప్ర‌శ్నించారు."ఇది అనుకోకుండా జ‌రిగిన సంఘ‌ట‌న మాత్ర‌మే. ఆయేషా ఆడిన షాట్ నా మోకాలికి తగిలింది. ఇప్పుడు కొంచెం నొప్పి త‌గ్గింది. రేపటికల్లా పూర్తిగా కోలుకుంటానని ఆశిస్తున్నాను" అని ఫాతిమా పేర్కొంది. ఒక‌వేళ భార‌త్‌తో మ్యాచ్‌కు ఫాతిమా దూర‌మైతే వికెట్ కీప‌ర్‌ మునీబా అలీ జ‌ట్టును న‌డిపించే అవ‌కాశ‌ముంది. కాగా టీ20ల్లో భార‌త్‌పై పాక్ అంత‌మంచి రికార్డు లేదు. భారత్, పాకిస్తాన్ జట్లు ఇప్పటివరకు 16 సార్లు తలపడ్డాయి. భారత్‌ 16 మ్యాచ్‌లు విజయం సాధించగా.. పాక్‌ కేవలం మూడింట మాత్రమే గెలుపొందింది. ఇరు జట్ల మధ్య చివరి టీ20 మ్యాచ్‌ 'మహిళల ఆసియా కప్ 2024'లో జరిగింది. ఇప్పుడు ఫాతిమా కూడా జ‌ట్టులో లేక‌పోతే పాక్‌కు పూర్తిగా గెలిచే అవ‌కాశ‌మే ఉండ‌దు. టీ20 ప్ర‌పంచ‌క‌ప్‌-2026 నుంచి పాక్ జ‌ట్టులో ఫాతిమా కీల‌క ప్లేయ‌ర్‌గా కొన‌సాగుతోంది.చదవండి: FIFA World Cup: ఆఖరి క్షణంలో అద్భుతం.. సుదీర్ఘ నిరీక్షణకు తెర

క్రికెట్‌ ప్రపంచంలోనే అత్యంత హైవోల్టేజ్‌ మ్యాచ్‌కు కౌంట్‌డౌన్ ప్రారంభమైంది. మహిళల టీ20 ప్రపంచకప్‌-2026లో భాగంగా ఆదివారం ఎడ్జ్‌బాస్టన్‌ వేదికగా భారత్‌-పాకిస్తాన్‌ జట్లు అమీతుమీ తెల్చుకోనున్నాయి. రాజకీయ కారణాల వల్ల ఇరు దేశాల మధ్య ద్వైపాక్షిక సిరీస్‌లు జరగకపోవడంతో ఇరు జట్లు కేవలం ఐసీసీ టోర్నీలతో పాటు ఏసీసీ ఈవెంట్లలో మాత్రమే తలపడుతున్నాయి.దీంతో చిరకాల ప్రత్యర్థులు ఎప్పుడు తలపడతారా? ఆతృతగా ఎదురు చూస్తున్నారు. ఇక గతేడాది స్వదేశంలో జరిగిన వన్డే ప్రపంచ కప్‌ను గెలుచుకుని అద్భుతమైన ఫామ్‌లో ఉన్న హర్మన్‌ప్రీత్ కౌర్ సేన.. అదే జోరుతో ఈ టీ20 ప్రపంచ కప్‌లోనూ బోణీ కొట్టాలని చూస్తోంది. ఈ క్రమంలో ఇరు జట్లు బలాబాలాలపై ఓ లుక్కేద్దాం.డేంజరస్‌ బ్యాటింగ్‌ లైనప్‌దాయాది పాకిస్తాన్‌తో పోలిస్తే భారత జట్టు అన్ని విభాగాల్లోనూ మెరుగ్గా కనిపిస్తోంది. ముఖ్యంగా భారత బ్యాటింగ్‌ విభాగం చాలా బలంగా ఉంది. స్మృతి మంధాన, షఫాలీ వర్మ, జెమిమా రోడ్రిగ్స్, హర్మన్‌ప్రీత్ కౌర్, రిచా ఘోష్‌లతో టాప్, మిడిలార్డర్‌ పటిష్టంగా ఉంది. భారతి ఫుల్మాలి వంటి ఫినిషర్‌ కూడా ఉండడం జట్టుకు కలిసొచ్చే ఆంశంగా చెప్పుకోవాలి. ఈ టోర్నీకి ముందు జరిగిన వార్మాప్‌ మ్యాచ్‌లలో ఫుల్మాలి దుమ్ములేపింది. అంతేకాకుండా అనుభవజ్ఞురాలైన దీప్తి శర్మ జట్టుకు అదనపు బలాన్ని చేకూరుస్తోంది.బ్యాటింగ్‌ పరంగా భారత్‌ బలంగా ఉన్నప్పటికి బౌలింగ్‌లో మాత్రం కాస్త బలహీనంగా ఉందనే చెప్పాలి. ఈ టోర్నీకి ముందు ఇంగ్లండ్‌తో జరిగిన టీ20 సిరీస్‌లో భారత బౌలర్లు తేలిపోయారు. వార్మాప్‌ మ్యాచ్‌లలో కూడా తమ స్ధాయికి తగ్గ ప్రదర్శన చేయలేకపోయారు. కానీ ప్రధాన టోర్నీలో మాత్రం తమ బౌలర్లు మెరుగ్గా రాణిస్తారని భారత కెప్టెన్‌ హర్మన్‌ ప్రీత్‌ కౌర్‌ ధీమా వ్యక్తం చేసింది.మరోవైపు జట్టులోని నలుగురు ఆటగాళ్లు (భారతి ఫుల్మాలి, నందిని శర్మ, శ్రీ చరణి, క్రాంతి గౌడ్) మొదటిసారిగా టీ20 ప్రపంచకప్‌ వంటి మెగా టోర్నీలో ఆడుతున్నారు. ఉమెన్స్‌ ప్రీమియర్‌ లీగ్‌-2026లో అద్భుతంగా రాణించినప్పటికి, ప్రపంచకప్‌ వంటి ఈవెంట్‌లో ఒత్తిడిని తట్టుకుని ఎలా రాణిస్తారో వేచి చూడాలి. శ్రేయాంక పాటిల్, రాధా యాదవ్, శ్రీ చరణిల త్రయంతో పాటు దీప్తి శర్మ వంటి అద్బుతమైన స్పిన్నర్లు కూడా జట్టులో ఉన్నారు. వీరు మాత్రం బంతిని తిప్పితే ప్రత్యర్థులకు కష్టాలు తప్పవు. పేస్‌ బౌలింగ్‌ విభాగంలో సీనియర్‌ పేసర్‌ రేణుకా సింగ్‌ ఠాకూర్‌తో పాటు నందని శర్మ, అరుంధతి రెడ్డి యువ పేసర్లు ఉన్నారు.ఫామ్‌లో లేని పాక్‌పాకిస్తాన్‌ మహిళల జట్టు ప్రస్తుతం వరుస ఓటములతో సతమతమవుతోంది. ఈ టోర్నీకి ముందు ఐర్లాండ్‌ వేదికగా జరిగిన ట్రైసిరీస్‌లో పాక్‌ ఒక్క మ్యాచ్‌లో కూడా విజయం సాధించలేకపోయింది. ఆ తర్వాత వార్మాప్‌ మ్యాచ్‌లు రెండింటిలోనూ ఉమెన్‌ ఇన్‌ గ్రీన్‌ ఓటమి పాలైంది. ఇప్పుడు తొలి మ్యాచ్‌లోనే పటిష్టమైన భారత్‌తో తలపడనుంది. ప్రస్తుతం పరిస్థితుల బట్టి చూస్తే భారత్‌ చేతిలో పాక్‌కు మరో ఓటమి ఖాయమన్పిస్తోంది.పాక్‌ జట్టులో ఓపెనర్లు మునీబా ఆలీ, గుల్ ఫెరోజా, కెప్టెన్‌ ఫాతిమా సనా మినహా మిగితా ప్లేయర్లు ఎవరు ఫామ్‌లో లేరు. బౌలింగ్‌ విభాగంలో డయానా బేగ్, నష్రా సంధు, రమీన్ షమీ, సాదియా ఇక్బాల్ వంటి అద్భుతమైన బౌలర్లు ఉన్నప్పటికి ఏ మాత్రం ప్రభావం చూపలేకపోతున్నారు.భారత్‌దే పై చేయిమహిళల టీ20 క్రికెట్ చరిత్రలో భారత్, పాకిస్తాన్ జట్లు ఇప్పటివరకు 16 సార్లు తలపడ్డాయి. భారత్‌ 16 మ్యాచ్‌లు విజయం సాధించగా.. పాక్‌ కేవలం మూడింట మాత్రమే గెలుపొందింది. ఇరు జట్ల మధ్య చివరి టీ20 మ్యాచ్‌ 'మహిళల ఆసియా కప్ 2024'లో జరిగింది.

పొట్టి క్రికెట్‌ మహా సంగ్రామానికి సమయం ఆసన్నమైంది. ఇంగ్లండ్‌ వేదికగా జూన్‌ 12- జూలై 5 మధ్య ఐసీసీ మహిళల టీ20 ప్రపంచకప్‌-2026 టోర్నీకి షెడ్యూల్‌ ఖరారైంది. ఎడ్జ్‌బాస్టన్‌ వేదికగా ఇంగ్లండ్‌- శ్రీలంక మధ్య శుక్రవారం ఈ మెగా ఈవెంట్‌కు తెరలేవనుంది.ఇక భారత మహిళా జట్టు తమ తొలి మ్యాచ్‌లోనే దాయాది పాకిస్తాన్‌ను ఎదుర్కోనుంది. ఎడ్జ్‌బాస్టన్‌లో ఆదివారం (జూన్‌ 14) ఇరుజట్లు ముఖాముఖి తలపడనున్నాయి. ఈ నేపథ్యంలో టీమిండియా మాజీ అసిస్టెంట్‌ కోచ్‌ అభిషేక్‌ నాయర్‌ పాక్‌తో తలపడే భారత తుదిజట్టుపై తన అంచనా తెలియజేశాడు.‘‘ఓపెనర్‌గా షఫాలీ వర్మనే సరైన ఆప్షన్‌. ఆమెకు తోడుగా వైస్‌ కెప్టెన్‌ స్మృతి మంధాన ఉండనే ఉంది. యస్తికా భాటియా కూడా అద్భుతంగా ఆడుతోంది. మూడో స్థానంలో ఆమెను ఆడించాలి. నాలుగో స్థానంలో జెమీమా రోడ్రిగ్స్‌, ఐదో స్థానంలో కెప్టెన్‌ హర్మన్‌ప్రీత్‌ కౌర్‌ ఆడుతుంది.రిచా ఘోష్‌ ఆరో స్థానంలో పవర్‌ హిట్టర్‌గా సేవలు అందించగలదు. భారతి పుల్మాలిని ఎంపిక చేయాలనే ఉంది. కానీ రాధా యాదవ్‌తో పోలిస్తే ఆమె కాస్త వెనుబడి ఉన్నట్లు అనిపిస్తోంది. కాబట్టి ఫినిషర్‌గా రాణించగల లెఫ్టార్మ్‌ స్పిన్నర్‌ రాధా యాదవ్‌నే నేను ఎంచుకుంటాను.ఆ తర్వాతి స్థానంలో దీప్తి శర్మ ఉంటుంది. క్రాంతి గౌడ్‌, అరుంధతి రెడ్డి, శ్రీచరణి బౌలింగ్‌ విభాగంలో సేవలు అందిస్తారు’’ అని అభిషేక్‌ నాయర్‌ స్టార్‌ స్పోర్ట్స్‌ షోలో తన అభిప్రాయాలు పంచుకున్నాడు.పాకిస్తాన్‌తో మ్యాచ్‌కు అభిషేక్‌ నాయర్‌ ఎంచుకున్న భారత తుదిజట్టుషఫాలీ వర్మ, స్మృతి మంధాన, యస్తికా భాటియా, జెమీమా రోడ్రిగ్స్‌, హర్మన్‌ప్రీత్‌ కౌర్‌, రిచా ఘోష్‌, రాధా యాదవ్‌, దీప్తి శర్మ, అరుంధతి రెడ్డి, శ్రీచరణి, క్రాంతి గౌడ్‌.

ఆసియా క్రీడలు-2026 టోర్నమెంట్‌కు పాకిస్తాన్‌ క్రికెట్‌ బోర్డు (పీసీబీ) తమ జట్టును ప్రకటించింది. సల్మాన్‌ ఆఘాను తప్పించి అతడి స్థానంలో సాహిబ్‌జాదా ఫర్హాన్‌కు సారథిగా పగ్గాలు అప్పగించింది.స్టార్లు లేకుండానే...ఆసియా క్రీడల్లో పాల్గొనే పదిహేను మంది సభ్యులతో కూడిన ఈ జట్టులో స్టార్‌ ఆటగాళ్లు బాబర్‌ ఆజం, షాహిన్‌ షా ఆఫ్రిది, షాదాబ్‌ ఖాన్‌ తదితరుల పేర్లు కనిపించలేదు. సల్మాన్‌ సహా వీరందరికీ విశ్రాంతినివ్వాలని బోర్డు నిర్ణయించినట్లు సమాచారం.కొత్త ముఖాలకు చోటుఈ క్రమంలోనే పాక్‌ ఫర్హాన్‌ కెప్టెన్సీలో ద్వితీయ శ్రేణి జట్టును ఆసియా క్రీడలకు పంపనుంది. ఈ ఈవెంట్లో ఫర్హాన్‌కు డిప్యూటీగా అబ్దుల్‌ సమద్‌ వ్యవహరించనున్నాడు. ఇక ఇంతవరకు అంతర్జాతీయ టీ20లలో అరంగేట్రం చేయని ఆకిఫ్‌ జావేద్‌, అలీ రెజా, మాజ్‌ సదాకత్‌, సాద్‌ మసూద్‌లకు కూడా సెలక్టర్లు ఆసియా క్రీడల జట్టులో చోటిచ్చారు.పీసీబీ ఇలా.. బీసీసీఐ అలామరోవైపు.. భారత క్రికెట్‌ నియంత్రణ మండలి (బీసీసీఐ) మాత్రం ఆసియా క్రీడలకు పూర్తిస్థాయి జట్టును పంపేందుకు సిద్ధమైంది. శ్రేయస్‌ అయ్యర్‌ సారథ్యంలో అనుభవజ్ఞులైన ఆటగాళ్లతో కూడిన జట్టును ఇటీవలే ప్రకటించింది. ప్రధాన పేసర్‌ జస్‌ప్రీత్‌ బుమ్రాను కూడా ఈ జట్టుకు ఎంపిక చేసింది.ముఖాముఖి పోరు ఉంటుందా?కాగా లీగ్‌ దశలో భారత్‌- పాకిస్తాన్‌ తలపడే పరిస్థితి లేకపోవచ్చు. అయితే, సెమీస్‌ లేదంటే ఫైనల్లో దాయాదులు ముఖాముఖి ఎదురుపడే అవకాశం ఉంది. ఇటీవల ఆసియా కప్‌-2026, టీ20 ప్రపంచకప్‌-2026 టోర్నీల్లో భారత్‌ చేతిలో పాక్‌ మరోసారి భంగపడ్డ సంగతి తెలిసిందే.ఆసియా కప్‌లో ఫైనల్‌ చేరినప్పటికీ.. వరల్డ్‌కప్‌ టోర్నీలో కనీసం సెమీస్‌ కూడా చేరకుండానే పాక్‌ టోర్నీ నుంచి నిష్క్రమించింది. ఈ నేపథ్యంలో ఆసియా క్రీడల్లో పూర్తిస్థాయి జట్టును కాకుండా ద్వితీయ శ్రేణి జట్టును పీసీబీ రంగంలోకి దించడం విశేషం.తొలిసారి సారథిగాఇదిలా ఉంటే.. 30 ఏళ్ల సాహిబ్‌జాదా ఫర్హాన్‌ ఇప్పటి వరకు పాకిస్తాన్‌ తరఫున 46 టీ20 మ్యాచ్‌లు ఆడాడు. రెండు శతకాలు, పది అర్ధ శతకాల సాయంతో 1305 పరుగులు సాధించాడు. ఆసియా క్రీడల సందర్భంగా తొలిసారిగా పాక్‌ జట్టు కెప్టెన్‌గా వ్యవహరించబోతున్నాడు.కాగా సెప్టెంబరు 19- అక్టోబరు 4 వరకు జపాన్‌ వేదికగా ఆసియా క్రీడలు- 2026 జరుగనున్నాయి. ఇక క్రికెట్‌ పోటీలను టీ20 ఫార్మాట్లో నిర్వహించనున్నారు. కాగా 2023లో బీసీసీఐ తొలిసారిగా పురుష, మహిళా జట్లను ఆసియా క్రీడలకు పంపగా.. రుతురాజ్‌ గైక్వాడ్‌, హర్మన్‌ప్రీత్‌ కౌర్‌ల సారథ్యంలో భారత్‌ రెండు విభాగాల్లోనూ పసిడి పతకాలు సాధించింది.ఆసియా క్రీడలకు పాక్‌ జట్టుసాహిబ్‌జాదా ఫర్హాన్ (కెప్టెన్‌), అబ్దుల్ సమద్ (వైస్‌ కెప్టెన్‌), అబ్రార్ అహ్మద్, అహ్మద్ డానియాల్, అకీఫ్ జావేద్, అలీ రజా, అరాఫత్ మిన్హాస్, హైదర్ అలీ, హసన్ నవాజ్, మాజ్ సదాకత్, సల్మాన్ మీర్జా, సాద్ మసూద్, సైమ్ అయూబ్, ఉస్మాన్ ఖాన్ (వికెట్‌ కీపర్‌), సుఫీయాన్ ముకీమ్‌.చదవండి: ‘అతడు పేరుకే ఆల్‌రౌండర్‌.. జట్టులో దండగ’

కాకమిగహారా (జపాన్‌): ఆసియా కప్‌ అండర్‌–18 హాకీ టోర్నమెంట్‌లో భారత పురుషుల జట్టు శుక్రవారం చిరకాల ప్రత్యర్థి పాకిస్తాన్‌ జట్టును ‘ఢీ’కొంటుంది. సెమీఫైనల్లో స్థానం కోసం ఈ రెండు జట్లు నేడు జరిగే క్వార్టర్‌ ఫైనల్లో తలపడనున్నాయి. ఐదు జట్లున్న పూల్‌ ‘ఎ’లో భారత జట్టు తొమ్మిది పాయింట్లతో రెండో స్థానంలో నిలిచింది. నాలుగు జట్లున్న పూల్‌ ‘బి’లో పాకిస్తాన్‌ ఆరు పాయింట్లతో ‘టాపర్‌’గా నిలిచింది. జపాన్‌ వేదికగా తొలుత కజకిస్తాన్‌పై 13-0తో ఏక పక్ష విజయం సాధించిన భారత్‌.. ఆతిథ్య జట్టు చేతిలో 4-2 తేడాతో ఓడిపోయింది. అనంతరం కొరియాతో మ్యాచ్‌లో తిరిగి పుంజుకున్న భారత జట్టు.. 4-1 తేడాతో గెలిచింది. ఆ తర్వాత చైనీస్‌ తైపీపై 13-1 తేడాతో గెలుపొందింది.మరోవైపు.. భారత మహిళా హాకీ యువ జట్టు సైతం సెమీస్‌కు చేరుకుంది. తొలుత మలేషియాపై 2-1తో గెలిచిన భారత్‌.. కొరియాపై 3-1, సింగపూర్‌పై 25-0తో జయభేరి మోగించింది. సెమీ ఫైనల్లో భాగంగా భారత మహిళల జట్టు శుక్రవారం చైనాతో తలపడనుంది.

మ‌హిళల క్రికెట్ చరిత్రలో మరో అత్యుత్తమ సమరానికి తెరలేవబోతోంది. జూన్ 12 నుంచి అత్యంత ప్రతిష్టాత్మకమైన మహిళల టీ20 ప్రపంచ కప్ టోర్నమెంట్ ప్రారంభం కానుంది. ఈ మెగా ఈవెంట్ కోసం ప్రపంచవ్యాప్తంగా ఉన్న క్రికెట్ అభిమానులు ఎంతగానో ఎదురుచూస్తున్నారు. ఈ నేప‌థ్యంలో టీమిండియా వైస్‌కెప్టెన్ స్మృతి మంధాన సంచ‌ల‌న వ్యాఖ్య‌లు చేసింది. ప్ర‌పంచ‌క‌ప్ లాంటి మెగాటోర్నీ జ‌రుగుతున్నా భార‌త్‌-పాక్ మ‌ధ్య మ్యాచ్‌కు మాత్ర‌మే హైప్ ఉంద‌ని, మిగిలిన టోర్నీకి కూడా అదే స్థాయిలో ఆద‌ర‌ణ చూపాల‌ని అభిమానుల‌కు విజ్ఞ‌ప్తి ఆస‌క్తి క‌లిగించింది. భారత్, పాకిస్తాన్ మ్యాచ్‌కు ఉండే క్రేజ్, హైప్ సహజమైనదే అయినప్పటికీ.. కేవలం ఆ ఒక్క మ్యాచ్‌కే పరిమితం కాకుండా టోర్నీ మొత్తానికి భారీ స్థాయిలో ప్రచారం కల్పించాలని ఆమె కోరారు. మహిళల క్రికెట్ ప్రస్తుతం ప్రపంచవ్యాప్తంగా విపరీతమైన ఆదరణ పొందుతోందని, ప్రతి జట్టులోనూ అద్భుతమైన ప్రతిభావంతులైన ఆటగాళ్లు ఉన్నారని ఆమె గుర్తుచేశారు. అభిమానులు, క్రీడా విశ్లేషకులు, మీడియా సంస్థలు కేవలం భారత్-పాక్ పోరుపైనే కాకుండా, టోర్నమెంట్లో జరిగే మిగిలిన అన్ని మ్యాచ్లపై కూడా అంతే శ్రద్ద పెట్టాలని, అప్పుడే మహిళల క్రికెట్కు నిజమైన గుర్తింపు దక్కుతుందని మంధాన అభిప్రాయపడ్డారు. పురుషుల క్రికెట్‌తో స‌మానంగా తాము అద్భుతాలు చేస్తున్న‌ప్ప‌టికీ మ‌హిళ‌ల క్రికెట్‌పై ఇంకా చిన్న‌చూపేన‌ని పేర్కొన్నారు. స్మృతి మంధాన చేసిన వ్యాఖ్యలు ఇప్పుడు క్రీడా లోకంలో హాట్ టాపిక్ గా మారాయి. ఈ టోర్నీ విజయవంతం కావడానికి సోషల్ మీడియా పాత్ర కూడా ఎంతో కీలకమని, ప్రతీ మ్యాచ్ గురించి చర్చ జరగాలని క్రీడా వర్గాలు భావిస్తున్నాయి. మంధాన చెప్పిన‌ట్లుగా కేవలం ఒకే ఒక్క హై-వోల్టేజ్ మ్యాచ్ టోర్నీని ముగించకుండా, ప్రతీ లీగ్ మ్యాచ్‌ను, ప్రతీ జట్టు ప్రదర్శనను హైలైట్ చేయడం వల్ల మహిళల క్రీడలకు మరింత వాణిజ్య పరమైన ఆదరణ, స్పాన్సర్షిప్‌ లభించే అవకాశం ఉంది. వ‌ర‌ల్డ్‌క‌ప్‌లో అందరి దృష్టిని ఆకర్షించే అత్యంత కీలకమైన భారత్, పాకిస్తాన్ జట్ల మధ్య మ్యాచ్ జూన్ 14న జరగనుంది. ఇక ప్రపంచకప్‌లో పాల్గొంటున్న అన్ని జట్లు టైటిల్ గెలవడమే లక్ష్యంగా శిక్షణ తీసుకున్నాయి. ముఖ్యంగా ఆస్ట్రేలియా, ఇంగ్లండ్‌, న్యూజిలాండ్ వంటి బలమైన జట్లతో పాటు భారత్, శ్రీలంక, పాకిస్తాన్ జట్లు కూడా తీవ్రంగా శ్రమిస్తున్నాయి. హర్మన్ ప్రీత్ కౌర్ సారథ్యంలోని భారత జట్టు ఈసారి ఎలాగైనా ప్రపంచకప్ ట్రోఫీని ముద్దాడాలనే పట్టుదలతో ఉంది. గత కొన్ని సిరీస్‌లుగా భారత మహిళల జట్టు అద్భుతమైన ఫామ్లో కొనసాగుతోంది. బ్యాటింగ్, బౌలింగ్, ఫీల్డింగ్ ఇలా అన్ని విభాగాల్లోనూ సమతూకంతో కనిపిస్తోంది. ముఖ్యంగా యువ ఆటగాళ్లు జట్టులోకి రావడం జట్టు బలాన్ని మరింత పెంచింది.చదవండి: ఎన్నాళ్లకెన్నాళ్లకు.. బౌలింగ్‌లో మెరిసిన టీమిండియా స్టార్‌!

క్రికెట్‌ అభిమానులకు శుభవార్త. భారత్‌-పాక్‌ మధ్య టెస్ట్‌ మ్యాచ్‌లు మళ్లీ మొదలుకానున్నాయని ప్రచారం జరుగుతుంది. ఈ దిశగా ఐసీసీ అడుగులు వేస్తున్నట్లు తెలుస్తుంది. త్వరలో ఐసీసీ నిర్వహించబోయే కీలక సమావేశాల్లో ఈ అంశంపై స్పష్టత వచ్చే అవకాశం ఉంది.వరల్డ్ టెస్ట్ ఛాంపియన్‌షిప్‌ భవిష్యత్‌ నిర్మాణంపై చర్చించేందుకు ఐసీసీ ఈ నెలాఖర్లో (మే 30, 31) అహ్మదాబాద్‌లో బోర్డు సమావేశాలు నిర్వహించనుంది. ఈ సమావేశాల్లో టెస్టు క్రికెట్ విస్తరణతో పాటు భారత్‌, పాక్‌ మధ్య ద్వైపాక్షిక టెస్టు సిరీస్ పునరుద్ధరణ అంశం ప్రధాన చర్చగా మారే అవకాశముంది. ఈ సమావేశాలకు బీసీసీఐ, పీసీబీ అధ్యక్షులు హాజరవుతారు. పీసీబీ చీఫ్‌ నఖ్వీ ఈ మీటింగ్‌కు వర్చువల్‌గా అటెండ్‌ అవుతాడని తెలుస్తుంది.కాగా, భారత్‌, పాక్‌ మధ్య మళ్లీ టెస్టు సిరీస్ జరగొచ్చన్న చర్చ ఇరు దేశాల క్రికెట్‌ అభిమానుల్లో ఆసక్తి రేపుతోంది. ఇటీవల బంగ్లాదేశ్ పర్యటనలో నక్వీ మాట్లాడుతూ.. తదుపరి ఫ్యూచర్ టూర్స్ ప్రోగ్రామ్‌లో అన్ని దేశాలతో టెస్టులు ఆడేందుకు సిద్ధంగా ఉన్నామని వ్యాఖ్యానించారు. దీంతో భారత్‌తో టెస్టు సిరీస్‌పై ఊహాగానాలు మరింత పెరిగాయి.భారత్‌, పాక్‌ చివరిసారిగా 2007-08లో టెస్టు సిరీస్ ఆడాయి. ఆ తర్వాత రెండు దేశాల మధ్య రాజకీయ ఉద్రిక్తతల కారణంగా ద్వైపాక్షిక టెస్టు క్రికెట్ పూర్తిగా నిలిచిపోయింది. ప్రస్తుతం ఐసీసీ సమావేశాల్లో దీనిపై ప్రత్యక్ష నిర్ణయం వచ్చే అవకాశం లేకపోయినా, భవిష్యత్ చర్చలకు ఇది బాటలు వేయొచ్చని క్రికెట్ వర్గాలు భావిస్తున్నాయి.12 జట్లుటెస్టు క్రికెట్ భవిష్యత్‌పై అధ్యయనం చేసేందుకు ఐసీసీ గతేడాదే మాజీ న్యూజిలాండ్ క్రికెటర్‌ రోజర్‌ ట్వోస్‌ ఆధ్వర్యంలో ప్రత్యేక వర్కింగ్ గ్రూప్‌ను ఏర్పాటు చేసింది. ఈ కమిటీ వరల్డ్ టెస్ట్ ఛాంపియన్‌షిప్‌ను ప్రస్తుతం ఉన్న 9 జట్ల నుంచి 12 జట్లకు విస్తరించాలని సూచించినట్లు సమాచారం. ఈ ప్రతిపాదనకు ఆమోదం లభిస్తే ఆఫ్ఘనిస్తాన్‌, జింబాబ్వే, ఐర్లాండ్‌ వంటి జట్లకు కూడా డబ్ల్యూటీసీలో చోటు దక్కే అవకాశం ఉంటుంది.ఒకే టెస్ట్‌తో సిరీస్‌ఈ సమావేశాల్లో ఒకే టెస్టుతో సిరీస్ నిర్వహించే ప్రతిపాదన కూడా చర్చకు వచ్చే అవకాశం ఉంది. ప్రస్తుతం ప్రతి డబ్ల్యూటీసీ సిరీస్‌లో కనీసం రెండు టెస్టులు తప్పనిసరి. అయితే చిన్న క్రికెట్ బోర్డుల ఆర్థిక భారం తగ్గించేందుకు, మరిన్ని జట్లకు టెస్టు అవకాశాలు కల్పించేందుకు ఒకే టెస్టు సిరీస్ మోడల్‌పై ఐసీసీ ఆలోచిస్తున్నట్లు సమాచారం.

ఆసియా టీ20 కప్‌-2025 సందర్భంగా చోటుచేసుకున్న ‘నో షేక్‌హ్యాండ్‌’ వివాదంపై.. పాకిస్తాన్‌ కెప్టెన్‌ సల్మాన్‌ ఆఘా తాజాగా స్పందించాడు. ఆరోజు తాను ఎప్పటిలాగే గడుస్తుందని భావించానన్నాడు. అయితే, టాస్‌ సమయంలోనే తనకు నిజం తెలిసిందన్నాడు.తారస్థాయికి ఉద్రిక్తతలుమ్యాచ్‌ ముగిసిన తర్వాత అయినా టీమిండియా ఆటగాళ్లు తమతో కరచాలనం చేసేందుకు రాకపోవడం ఆశ్చర్యపరిచిందని ఆఘా పేర్కొన్నాడు. కాగా పహల్గామ్‌ ఉగ్రదాడి తర్వాత భారత్‌- పాక్‌ మధ్య ఉద్రిక్తతలు తారస్థాయికి చేరిన సంగతి తెలిసిందే. ఉగ్రమూకకు బుద్ధి చెప్పే క్రమంలో భారత సైన్యం ఆపరేషన్‌ సింధూర్‌ చేపట్టగా.. పాక్‌ ఆర్మీ ఎదురుదాడి చేసింది. ఇందుకు భారత సైన్యం గట్టిగానే బదులిచ్చింది.కరచాలనానికి నిరాకరణఈ పరిణామాల క్రమంలో తొలిసారి దాయాదులు టీమిండియా- పాక్‌ (IND vs PAK) ఆసియా కప్‌-2025 సందర్భంగా ముఖాముఖి తలపడ్డాయి. అయితే, టాస్‌ సమయంలో పాక్‌ కెప్టెన్‌ సల్మాన్‌ ఆఘాతో కరచాలనానికి టీమిండియా సారథి సూర్యకుమార్‌ యాదవ్‌ నిరాకరించాడు.ఇక ఈ మ్యాచ్‌లో పాక్‌పై టీమిండియా గెలిచిన సంగతి తెలిసిందే. అయితే, పాక్‌ ఆటగాళ్లతో షేక్‌హ్యాండ్‌కు నిరాకరిస్తూ మ్యాచ్‌ ముగించిన సూర్య, శివం దూబే మైదానాన్ని వీడారు. మిగతా ఆటగాళ్లు సైతం డ్రెసింగ్‌రూమ్‌లోనే ఉండిపోయారు. దీంతో పాక్‌ జట్టు అవమానభారంతో మైదానాన్ని వీడింది.షాకిచ్చిన ఐసీసీఈ విషయం గురించి పాక్‌ క్రికెట్‌ బోర్డు ఐసీసీకి ఫిర్యాదు చేసింది. మ్యాచ్‌ రిఫరీ ఆండీ పైక్రాఫ్ట్‌ ముందుగా నో షేక్‌హ్యాండ్‌ గురించి తమకు సమాచారం ఇవ్వలేదని పేర్కొంది. కాబట్టి అతడిపై వేటు వేయాలని పట్టుబట్టింది. అయితే, ఐసీసీ ఇందుకు నిరాకరించింది. రిఫరీ నిబంధనలు ఉ‍ల్లంఘించారనేందుకు ఎలాంటి ఆధారం లేదని కొట్టిపారేసింది.ఇక బీసీసీఐ సైతం.. ఆటగాళ్లు కచ్చితంగా కరచాలనం చేసుకోవాలన్న నిబంధన ఏమీ లేదని గుర్తు చేస్తూ టీమిండియాను సమర్థించింది. నాటి ఈ ఘటనపై సల్మాన్‌ ఆఘా తాజాగా మరోసారి గుర్తుచేసుకున్నాడు.కరచాలనం చేయాలనే ఆసక్తి ఏమీ లేదు‘‘మ్యాచ్‌కు ముందు మీడియా సమావేశం.. ట్రోఫీ ఫొటోషూట్‌ జరిగింది. అక్కడ కూడా షేక్‌హ్యాండ్‌ ఇచ్చుకోవాల్సి ఉంటుంది. ఇక టాస్‌ సమయంలో నేను మైదానంలోకి వెళ్లినపుడు.. అంతా సాధారణంగానే ఉంటుందని భావించాను.అయితే, అంతలోనే పరిస్థితులు భిన్నంగా ఉన్నాయని నాకు అర్థమై పోయింది. అప్పుడే రిఫరీ నన్ను పక్కకు తీసుకువెళ్లి.. ‘ఫ్రెండ్‌.. ఇక్కడ షేక్‌హ్యాండ్‌ ఉండదు. కాబట్టి దయచేసి ఈ విషయాన్ని గుర్తుపెట్టుకోండి’ అని నాతో చెప్పారు.అప్పుడు నేను.. ‘నాకు కూడా కరచాలనం చేయాలనే ఆసక్తి ఏమీ లేదు’ అని చెప్పాను. టాస్‌ సమయంలో ముందుగానే నో షేక్‌హ్యాండ్‌ గురించి చెప్పారు. అయితే, మ్యాచ్‌ ముగిసిన తర్వాత పెవిలియన్‌కు చేరే సమయంలోనూ వాళ్లు (టీమిండియా) కరచాలనం చేసేందుకు ముందుకు రాలేదు’’ అని సల్మాన్‌ ఆఘా చెప్పుకొచ్చాడు. ఓవరాక్షన్‌ ఎందుకు?తద్వారా నాడు ఈ విషయంలో మ్యాచ్‌ రిఫరీ తమకు ముందుగానే సందేశం ఇచ్చాడని ఆఘా స్పష్టంచేశాడు. దీంతో పాక్‌ బోర్డు ఫిర్యాదుపై ఐసీసీ సరైన విధంగానే స్పందించిందనే అభిప్రాయాలు వ్యక్తమవుతున్నాయి. కాగా ఆసియా కప్‌-2025 ఫైనల్లో టీమిండియా పాక్‌ను ఓడించి ట్రోఫీ గెలిచింది.చదవండి: Heinrich Klaasen: 'క్షమించండి.. అది సాధ్యం కాదు'

ఆసియాకప్‌-2025 సందర్భంగా ఓ పాకిస్తానీ టీవీ క్రికెట్ షో అతిథిగా భారత క్రికెట్ దిగ్గజం సునీల్ గవాస్కర్ పాల్గొన్న సంగతి తెలిసిందే. ఐసీసీ, ఏసీసీ కామెంటరీ ప్యానెల్‌లో గవాస్కర్ ఉండడంతో ఆ క్రికెట్ షోకు హాజరు కావాల్సి వచ్చింది. అయితే అప్పటిలో ఈ విషయాన్ని ఎవరూ తప్పు బట్టలేదు.కానీ ఇటీవల ది హాండ్రెడ్ లీగ్ వేలంలో పాకిస్తాన్ స్పిన్నర్ అబ్రార్ అహ్మద్‌ను సన్‌గ్రూప్ యాజమాన్యంకు చెందిన సన్‌రైజర్స్ లీడ్స్ ఫ్రాంచైజీ కొనుగోలు చేయడాన్ని గవాస్కర్ విమర్శించాడు. పాక్ క్రికెటర్లకు ఫీజు చెల్లించడమంటే భారత సైనికులు, పౌరుల మరణానికి దోహదపడటమేనని వ్యాఖ్యానించాడు.ఈ క్రమం‍లో పాకిస్తాన్ టీవీ ఛానల్ డిబేట్‌లో మీరు పాల్గొన్నారని గవాస్కర్‌ను కొంత మంది ప్రశ్నించారు. తాజగా తనపై వచ్చిన విమర్శలపై గవాస్కర్ స్పందించారు. కామెంటరీ ప్యానల్‌లో ఉన్నందున మాత్రమే ఆ క్రికెట్ షోలో పాల్గొనాల్సి వచ్చింది అని లిటిల్ మాస్టర్ అన్నారు."నేను ఐసీసీ, ఏసీసీ వ్యాఖ్య‌త‌ల ప్యానెల్‌లో ఉన్నాను. ఈ టోర్నీలో పాల్గోన్న అన్ని దేశాల‌కు ఆసియా క్రికెట్ కౌన్సిల్ నుంచి ఆదాయం వెళ్తుంది. అంతే త‌ప్ప ఏ భార‌తీయ సంస్థ నుంచి కూడా పాక్‌కు ఆదాయం వెళ్ల‌డం లేదు. అదేవిధంగా నేను కూడా ఆ దేశానికి ఎలాంటి డబ్బులు చెల్లించడం లేదు.కాబ‌ట్టి నేను పాకిస్తాన్‌కు స‌హ‌క‌రిస్తున్నాను అన‌డంలో అర్ధం లేదు. కేవలం భారత్ నుంచి పాకిస్తాన్‌కు నగదు సాయం చేయడం ఆపాలని మాత్రమే కోరుకుంటున్నాను. గత కొన్ని దశాబ్దాలుగా పాకిస్తాన్ నుంచి ఒక్క రూపాయి కూడా భారత్‌కు రాలేదు" అని ముంబై మిర్రర్‌కు ఇచ్చిన ఇంటర్వ్యూలో సన్నీ పేర్కొన్నారు. కాగా హాండ్రెడ్ లీగ్ వేలంలో అబ్రార్‌ను రూ. 2.35 కోట్లు భారీ ధ‌ర వెచ్చించి మ‌రి కొనుగోలు చేసింది. చదవండి: ‘ఐసీసీ మా యాజమాని కాదు’

ఐసీసీ టోర్న‌మెంట్ల‌లో పాకిస్తాన్‌పై భార‌త జ‌ట్టు తిరుగులేని ఆధిపత్యం చలాయిస్తోంది. 1992 వ‌న్డే ప్ర‌పంచ‌క‌ప్ నుంచి ఇటీవ‌ల ముగిసిన టీ20 ప్ర‌పంచ‌క‌ప్-2026 వ‌ర‌కు దాయాదిపై భార‌త్‌దే పై చేయి. అయితే తాజాగా ఓ ఇంట‌ర్వ్యూలో 2011 వన్డే ప్రపంచకప్‌లో భార‌త్‌తో జ‌రిగిన సెమీఫైన‌ల్ మ్యాచ్‌ను అప్ప‌టి పాక్ కెప్టెన్ షాహిద్ అఫ్రిది గుర్తు చేసుకున్నాడు. మొహాలీ స్టేడియంలోని ప్రేక్షకుల ధాటికి తమ ఆటగాళ్లు ఎలా భ‌య‌ప‌డ్డారో అఫ్రిది వివ‌రించాడు."వ‌న్డే ప్ర‌పంచ‌క‌ప్‌-2011లో మొహాలీలో భార‌త్‌తో జ‌రిగిన సెమీఫైన‌ల్ మ్యాచ్‌ను నేను ఎప్ప‌టికీ మ‌ర్చిపోలేను. ఆ మ్యాచ్‌లో మేము చాలా అద్భుతంగా ఇన్నింగ్స్ మొదలుపెట్టాం. మహ్మద్ హఫీజ్, కమ్రాన్ అక్మల్ తొలి వికెట్‌కు 90 పరుగుల భాగ‌స్వామ్యాన్ని అందించారు. దీంతో టీమిండియాను ఓడించడం ఖాయమని చాలా రిలాక్స్‌గా డ్రెస్సింగ్ రూమ్‌లో కూర్చునున్నాను.కానీ తొలి వికెట్ పడగానే సీన్ మారిపోయింది. స్టేడియంలోని అభిమానులు భార‌త జ‌ట్టును ఉత్సాహపరిచిన తీరు అమోఘం. ఆ కేరింత‌లు, అరుపుల మ‌ధ్య భార‌త్ తిరిగి అద్భుతంగా పుంజుకుంది. దెబ్బ‌కు మైదానంలో మా బ్యాటర్లు వణికిపోవ‌డం నేను చూశాను. హఫీజ్ అవుట్ అయిన తర్వాత, మా ప్లేయర్లు వ‌రుస క్ర‌మంలో పెవిలియ‌న్‌కు చేరారుప్ర‌తీ బంతికి ఇబ్బంది పడ్డారు. స్టేడియంలో విపరీతమైన గోల మ‌ధ్య‌ మా ప్లేయ‌ర్లు తీవ్ర ఒత్తిడిలోకి వెళ్లారు. కనీసం నిలదొక్కుకోలేకపోయారు" అని అఫ్రిది పేర్కొన్నాడు. కాగా ఆ మ్యాచ్‌లో పాక్‌పై 29 ప‌రుగుల తేడాతో భార‌త్ విజ‌యం సాధించింది. 260 ప‌రుగుల ల‌క్ష్య చేధ‌న‌లో పాక్ 231 ప‌రుగులకు ఆలౌటైంది. 85 ప‌రుగులు చేసిన స‌చిన్ టెండూల్క‌ర్ ప్లేయ‌ర్ ఆఫ్‌ది మ్యాచ్‌గా నిలిచాడు.చదవండి: రిచాకు రూ. 61 లక్షలుదీప్తికి రూ. 34 లక్షలు

ఐసీసీ ఈవెంట్లో పాకిస్తాన్‌ మరోసారి నిరాశపరిచింది. టీ20 ప్రపంచకప్-2026 టోర్నీ‌లో‌ పేలవ ప్రదర్శనతో ‘సూపర్‌–8’ దశలోనే ఇంటిబాట పట్టింది. ఈ నేపథ్యంలో ఆటగాళ్ల చెత్త ప్రదర్శనపై విమర్శల వర్షం కురుస్తోంది. ముఖ్యంగా పాకిస్తాన్‌‌ క్రికెట్‌ బోర్డు (PCB) సీనియర్లపై గుర్రుగా ఉంది.ఈ నేపథ్యంలో ఆటగాళ్ల పారితోషికాలు, మ్యాచ్‌ ఫీజుల్లో కోత విధించేందుకు పీసీబీ సిద్ధమైందని వార్తలు వస్తున్నాయి. ‘‘ఈ విషయంలో బోర్డు తుది నిర్ణయం తీసుకోలేదు. కానీ ఫీజుల్లో కోత విధించే అంశాన్ని తీవ్రంగా పరిశీలిస్తోంది. ఆటగాళ్ల చెత్త ప్రదర్శనకు ఈ విధంగా మూల్యం చెల్లించుకోవాల్సి వుంటుంది’’ అని పీసీబీ ఉన్నతాధికారి ఒకరు వెల్లడించారు.చిల్లర.. సంకుచిత బుద్ధిఈ విషయంపై పాకిస్తాన్‌ మాజీ కెప్టెన్‌ షాహిద్‌ ఆఫ్రిది (Shahid Afridi) ఘాటుగా స్పందించాడు. పీసీబీ విధించే జరిమానా చిల్లరలా ఉందని.. ఇంత సంకుచిత స్వభావం పనికిరాదంటూ బోర్డు తీరును విమర్శించాడు. చెత్తగా ఆడి దేశం పరువు తీసిన వాళ్లకు ఇంతకంటే కఠినమైన శిక్షలు విధించాలంటూ పాక్‌ జట్టు తీరుపై మండిపడ్డాడు.‘‘ఇది చాలా చిన్న మొత్తం. యాభై లక్షల రూపాయలతో మీరేం చేస్తారు? ఇది అసలు జరిమానాలా అనిపించడమే లేదు. ఇంత సంకుచిత బుద్ధి పనికిరాదు. సరిగ్గా ఆడని క్రికెటర్లపై కఠిన చర్యలు తీసుకోవాలి.రెండేళ్లు పక్కన పెట్టండిఫస్ట్‌క్లాస్‌ క్రికెట్‌ ఆడమని చెప్పాలి. జట్టులో ‘ఇంకొందరు మహానుభావులు’ ఉన్నారు. వాళ్లనైతే మరో రెండేళ్లపాటు జాతీయ జట్టుకు ఎంపిక చేయకూడదు. వాళ్లకు ఇలాంటి శిక్ష అయితేనే సరిగ్గా ఉంటుంది’’ అని షాహిద్‌ ఆఫ్రిది ఘాటు వ్యాఖ్యలు చేశాడు. కాగా బాగా ఆడని ఆటగాళ్లకు పాకిస్తాన్‌ కరెన్సీలో రూ. 50 లక్షలు (భారత కరెన్సీలో దాదాపు రూ. 16 లక్షలు) జరిమానా వేయనున్నట్లు వార్తలు వచ్చాయి. అయితే, ఆఫ్రిది అన్నట్లు పాక్‌ ఆటగాళ్లకు ఇదేమీ చిన్నమొత్తం కాదు. వార్షిక కాంట్రాక్టులలో గ్రేడ్‌ సి, డిలలో ఉన్న వాళ్లకు పాక్‌ కరెన్సీలో కేవలం రూ. 10- 17 లక్షల పారితోషికం మాత్రమే ఉంటుంది.నానాటికీ తీసికట్టుగాఇదిలా ఉంటే.. మేజర్‌ టోర్నీల్లో పాకిస్తాన్‌ ప్రదర్శన నానాటికీ తీసికట్టుగా తయారవుతోంది. ఐసీసీ ఈవెంట్లలో కనీసం సెమీస్‌ కూడా చేరకుండా జట్టు నిష్క్రమించడం వరుసగా ఇది నాలుగోసారి.ఈ నేపథ్యంలో బోర్డు కఠిన నిర్ణయాలకు వెనుకాడటం లేదు. మరోవైపు.. ప్రపంచకప్‌ మ్యాచ్‌లన్నీ శ్రీలంకలోనే ఆడిన పాకిస్తాన్‌ ఆదివారం రాత్రి కొలంబో నుంచి నేరుగా లాహోర్‌ చేరుకుంది. విమానాశ్రయం నుంచి ఆటగాళ్లంతా గప్‌చుప్‌గా ఇంటిబాట పట్టారు. కాగా వరల్డ్‌కప్‌ టోర్నీలో సల్మాన్‌ ఆఘా కెప్టెన్సీలో పాక్‌.. గ్రూప్‌ దశలో పసికూనలు నెదర్లాండ్స్‌, అమెరికా, నమీబియాలపై గెలిచింది. టీమిండియా చేతిలో మాత్రం చిత్తుగా ఓడింది. సూపర్‌-8 దశలో న్యూజిలాండ్‌తో ఆడాల్సిన మ్యాచ్‌ వర్షం వల్ల రద్దు కాగా.. తదుపరి ఇంగ్లండ్‌ చేతిలో ఓడింది. ఆఖరిగా శ్రీలంకపై గెలిచినా నెట్‌ రన్‌రేటు పరంగా వెనుకబడి సెమీస్‌ చేరకుండానే ఇంటిబాట పట్టింది. చదవండి: అతడిని సెలక్ట్‌ చేసింది ఎవరు?.. BCCI గ్రీన్‌ సిగ్నల్‌!

పాకిస్తాన్‌ క్రికెట్‌ బోర్డు (పీసీబీ) సంచలన నిర్ణయం తీసుకుంది. టీ20 ప్రపంచకప్‌-2026 టోర్నమెంట్లో విఫలమైన కారణంగా ఆటగాళ్లకు ఊహించని షాకిచ్చినట్లు సమాచారం. బాగా ఆడినపుడు రివార్డులు తీసుకున్నట్లే.. చెత్త ప్రదర్శన కనబరిచినప్పుడు జరిమానా కట్టాల్సిందేనని అల్టిమేటం జారీ చేసినట్లు తెలుస్తోంది.టీమిండియా చేతిలో చిత్తుటీ20 వరల్డ్‌కప్‌ టోర్నీలో గ్రూప్‌-ఎ నుంచి భారత్‌, అమెరికా, నమీబియా, నెదర్లాండ్స్‌ జట్లతో కలిసి పోటీపడింది పాకిస్తాన్‌. గ్రూప్‌ దశలో నెదర్లాండ్స్‌, అమెరికా, నమీబియా జట్లపై గెలిచిన సల్మాన్‌ ఆఘా బృందం.. దాయాది టీమిండియా చేతిలో చిత్తుగా ఓడిపోయింది.అయితే, మిగిలిన జట్లపై విజయాల కారణంగా భారత్‌తో కలిసి సూపర్‌-8లో అడుగుపెట్టింది పాకిస్తాన్‌. సెమీస్‌ చేరాలంటే కీలకంగా మారిన ఈ దశలో న్యూజిలాండ్‌తో ఆడాల్సిన తొలి మ్యాచ్‌ వర్షం వల్ల టాస్‌ పడకుండానే రద్దై పోయింది. అనంతరం ఇంగ్లండ్‌ చేతిలో పాక్‌ ఓటమిపాలైంది.లంకపై గెలిచినా..సూపర్‌-8లో ఆఖరిదైన మ్యాచ్‌లో శ్రీలంకతో తలపడి గెలిచినప్పటికీ నెట్‌ రన్‌రేటు కారణంగా వెనుకబడి.. పాక్‌ సెమీస్‌ చేరకుండానే నిష్క్రమించింది. గ్రూప్‌-2 నుంచి ఇంగ్లండ్‌, న్యూజిలాండ్‌ సెమీ ఫైనల్‌ చేరగా.. శ్రీలంకతో కలిసి పాకిస్తాన్‌ ఇంటిబాట పట్టింది.అపుడు లీగ్‌ దశలోనేఇక గత ఎడిషన్‌లోనూ పాక్‌ సెమీస్‌ చేరకుండా లీగ్‌ దశలోనే నిష్క్రమించిన విషయం తెలిసిందే. ఈసారి సూపర్‌-8కు చేరినా.. సెమీస్‌ రేసులో మాత్రం వెనుబడిపోయి తీవ్రంగా నిరాశపరిచింది. ఈ నేపథ్యంలో పీసీబీ చీఫ్‌ మొహ్సిన్‌ నక్వీ సల్మాన్‌ ఆఘా బృందంపై తీవ్ర అసంతృప్తితో ఉన్నట్లు సమాచారం.భారీ జరిమానా!ఈ నేపథ్యంలోనే విఫలమైన ఆటగాళ్లకు భారీ పనిష్‌మెంట్‌ ఇచ్చేందుకు పీసీబీ సిద్ధమైనట్లు తెలుస్తోంది. ఎక్స్‌ప్రెస్‌ ట్రిబ్యూన్‌ కథనం ప్రకారం.. పాక్‌ జట్టులోని ఆటగాళ్లకు ఒక్కొక్కరికి పాక్‌ కరెన్సీలో యాభై లక్షల రూపాయలు (భారత కరెన్సీలో దాదాపు 16.28 లక్షలు) జరిమానా విధించనున్నట్లు సమాచారం.టీమిండియా చేతిలో ఓడిపోయిన తర్వాత ఈ మేరకు పీసీబీ నుంచి పాక్‌ ఆటగాళ్లకు సమాచారం అందినట్లు తెలుస్తోంది. ‘‘మెరుగైన ప్రదర్శనలు ఇచ్చినపుడు రివార్డులు తీసుకునే ఆటగాళ్లు.. చెత్త ప్రదర్శనలకు పెనాల్టీ కట్టాల్సిందేనని అధికారులు స్పష్టం చేశారు’’ అని సదరు కథనం పేర్కొంది. ముఖ్యంగా పీసీబీ వార్షిక కాంట్రాక్టులో అత్యధిక వేతనం అందుకుంటున్న ఆటగాళ్లకు జరిమానా ఇంకాస్త ఎక్కువే ఉండవచ్చని తెలిపింది.టీ20 ప్రపంచకప్‌-2026లో పాల్గొన్న పాకిస్తాన్‌ జట్టుసయీబ్‌ అయూబ్, సాహిబ్జాదా ఫర్హాన్, సల్మాన్ ఆఘా (కెప్టెన్‌), బాబర్ ఆజం, ఉస్మాన్ ఖాన్ (వికెట్‌ కీపర్‌), షాదాబ్ ఖాన్, మహ్మద్ నవాజ్, ఫహీమ్ అష్రఫ్, షాహీన్ అఫ్రిది, సల్మాన్ మీర్జా, అబ్రార్ అహ్మద్, ఫఖర్‌ జమాన్‌, ఖవాజా నఫాయ్‌, నసీం షా, ఉస్మాన్‌ తారిఖ్‌.చదవండి: అతడొక వరల్డ్‌క్లాస్‌ ప్లేయర్‌.. అందుకే మద్దతు: గంభీర్‌

టీ20 ప్రపంచకప్‌ 2026లో సెమీస్‌కు చేరబోయే జట్లపై ఓ అవగాహణ ఏర్పడింది. గ్రూప్‌-1 నుంచి సౌతాఫ్రికా ఇప్పటికే ఫైనల్‌-4కు అర్హత సాధించగా.. రెండో బెర్త్‌ కోసం వెస్టిండీస్‌, భారత్‌ మధ్య తీవ్ర పోటీ నెలకొని ఉంది. గ్రూప్‌-2 నుంచి ఇంగ్లండ్‌ ఇప్పటికే సెమీస్‌ బెర్త్‌పై కర్చీఫ్‌ వేసుకొని కూర్చోగా.. రెండో బెర్త్‌ కోసం న్యూజిలాండ్‌, పాక్‌ పోటీపడనున్నాయి.సెమీస్‌ బెర్త్‌లపై ఓ క్లారిటీ రావడంతో ఇప్పుడు అభిమానుల దృష్టంతా ఏ జట్టు ఎవరితో తలపడనుందనే అంశంపై కేంద్రీకృతమైంది. నిన్న (ఫిబ్రవరి 26) జింబాబ్వేపై ఘన విజయం సాధించిన భారత్‌ గ్రూప్‌-1 నుంచి విండీస్‌కు ప్రధాన పోటీదారుగా మారగా.. గ్రూప్‌-2లో రెండో బెర్త్‌ న్యూజిలాండ్‌కు దాదాపుగా ఫిక్స్‌ అయ్యింది. అలాగని పాక్‌ అవకాశాలను తీసిపారేయడానికి వీళ్లేదు.మిగతా జట్ల మాట ఎటున్నా, భారత క్రికెట్‌ అభిమానులు మాత్రం ప్రస్తుత ప్రపంచకప్‌లోనే మరోసారి భారత్‌, పాక్‌ మ్యాచ్‌ కోరుకుంటున్నారు. ఇరు జట్లు సెమీస్‌లో తలపడాలని వారు ఆకాక్షిస్తున్నారు. ఇది కష్టసాధ్యమైన ప్రక్రియే అయినప్పటికీ.. అసాధ్యం మాత్రం కాదు. కొన్ని అద్భుతాలు జరిగితే తప్పక సెమీస్‌లో భారత్‌-పాక్‌ మ్యాచ్‌ జరుగుతుంది. అదెలా అంటే..ముందుగా భారత్‌ విషయానికి వద్దాం.. జింబాబ్వేపై గెలుపుతో భారత్‌ సెమీస్‌ బెర్త్‌పై క్లియర్‌ పిక్చర్‌ ఏర్పడింది. తదుపరి మ్యాచ్‌లో విండీస్‌ గెలిస్తే టీమిండియా సెమీస్‌ బెర్త్‌ ఖరారవుతుంది. ఓడినా లేక మ్యాచ్‌ రద్దైనా మెరుగైన రన్‌రేట్‌ కలిగిన విండీస్‌కే సెమీస్‌ బెర్త్‌ దక్కుతుంది.సెమీస్‌లో పాక్‌తో తలపడాలంటే భారత్‌ విండీస్‌పై నామమాత్రపు విజయం సాధిస్తే సరిపోదు. ఆ మ్యాచ్‌లో భారత్‌ మంచి రన్‌ రేట్‌తో భారీ విజయం సాధించాలి. అలాగే ప్రస్తుతం టేబుల్‌ టాపర్‌గా ఉన్న సౌతాఫ్రికా తమ చివరి మ్యాచ్‌లో జింబాబ్వే చేతిలో చిత్తుగా ఓడాలి. అప్పుడు భారత్‌, సౌతాఫ్రికా తలో 4 పాయింట్లతో ఉంటాయి. ఇక్కడ ప్లేసింగ్‌ విషయంలో రన్‌రేట్‌ కీలకమవుతుంది. విండీస్‌పై భారత్‌ భారీ తేడాతో గెలుస్తుంది కాబట్టి రన్‌రేట్‌ కూడా భారీగా పెరుగుతుంది. మరోవైపు సౌతాఫ్రికా జింబాబ్వే చేతిలో చిత్తుగా ఓడితే ఆ జట్టు రన్‌రేట్‌ భారత్‌ కంటే తక్కువై పోతుంది. అప్పుడు గ్రూప్‌ 1 టాపర్‌గా భారత్‌.. రెండో స్థానంలో సౌతాఫ్రికా ఉంటాయి.గ్రూప్‌-1లో అగ్రస్థానంలో నిలిచే జట్టు గ్రూప్‌-2లో రెండో స్థానంలో నిలిచే జట్టును సెమీస్‌లో ఢీకొంటుంది. సెమీస్‌లో భారత్‌-పాక్‌ మ్యాచ్‌ జరగాలి​ అంటే, పాక్‌ గ్రూప్‌-2 నుంచి రెండో స్థానంలో నిలివాలి. ఆ జట్టుకు ప్రస్తుతం అగ్రస్థానికి వెళ్లే ఛాన్స్‌లు లేవు. భారత్‌=పాక్‌ సెమీస్‌లో తలపడాలంటే టీమిండియానే గ్రూప్‌-1లో టాప్‌ ప్లేస్‌లో ఉండాలి.ఇక పాక్‌ గ్రూప్‌-2లో రెండో స్థానానికి ఎలా చేరుకునే అవకాశం ఉందంటే.. ఈ గ్రూప్‌ నుంచి ఇంగ్లండ్‌ సెమీస్‌ బెర్త్‌ ఖరారైపోయింది. పాక్‌కు సెమీస్‌ బెర్త్‌ దక్కాలంటే వారి చివరి మ్యాచ్‌లో శ్రీలంకపై అతి భారీ తేడాతో గెలిచి మంచి రన్‌రేట్‌ కూడగట్టుకోవాలి. ఇలా జరిగితే పాక్‌ ఖాతాలో 3 పాయింట్లు చేరతాయి. సెమీస్‌ బెర్త్‌ కోసం పాక్‌కు పోటీదారుగా ఉన్న న్యూజిలాండ్‌ ఇప్పటికే 3 పాయింట్లు ఖాతాలో కలిగి ఉండి, భారీ రన్‌రేట్‌ను కూడా సొంతం చేసుకుంది. న్యూజిలాండ్‌ తమి చివరి మ్యాచ్‌లో ఇంగ్లండ్‌ చేతిలో సాధారణంగా ఓడినా, రెండో స్థానంలో సెమీస్‌కు చేరుకుంటుంది. కానీ, సెమీస్‌లో మనకు భారత్‌-పాక్‌ మ్యాచ్‌ కావాలంటే న్యూజిలాండ్‌పై ఇంగ్లండ్‌ అతి భారీ తేడాతో గెలవాలి. అప్పుడు న్యూజిలాండ్‌ నెట్‌ రన్‌రేట్‌ బాగా తగ్గిపోతుంది. అప్పటికే శ్రీలంకపై అతి భారీ తేడాతో గెలిచి మంచి రన్‌రేట్‌తో ఉన్న పాకిస్తాన్‌ గ్రూప్‌-2 నుంచి రెండో జట్టుగా సెమీస్‌కు చేరుతుంది.అప్పుడు గ్రూప్‌-1 టాపర్‌ భారత్‌.. గ్రూప్‌-2లో రెండో స్థానంలో నిలిచే పాకిస్తాన్‌ సెమీస్‌ ఫైనల్లో అమీతుమీ తేల్చుకుంటాయి. లెక్కల వరకు ఇది బాగానే ఉంది కానీ, ఇలా జరగడం చాలా కష్టం. భారత్‌ అష్టకష్టాలు పడి గ్రూప్‌-1లో టాప్‌ ప్లేస్‌కు రాగలదేమో కానీ, ఏదైనా మహాద్భుతం జరిగితేనే పాక్‌కు సెమీస్‌ బెర్త్‌ దక్కుతుంది.

మ‌హిళ‌ల టీ20 ప్ర‌పంచ‌క‌ప్‌-2026 షెడ్యూల్‌ను ఐసీసీ మంగ‌ళ‌వారం ప్ర‌క‌టించింది. ఇంగ్లండ్ ఆతిథ్య‌మిస్తున్న ఈ మెగా టోర్నీ జూన్ 12 నుంచి ప్రారంభం కానుంది. తొలి మ్యాచ్‌లో బర్మింగ్‌హామ్ వేదిక‌గా ఇంగ్లండ్‌-శ్రీలంక జ‌ట్టు త‌ల‌ప‌డ‌నున్నాయి. ఈ పొట్టి ప్ర‌పంచ‌క‌ప్‌లో మొత్తం మొత్తం 12 జట్లు పాల్గొంటున్నాయి.ఆస్ట్రేలియా, భారత్, పాకిస్థాన్, దక్షిణాఫ్రికా, ఇంగ్లండ్, న్యూజిలాండ్, వెస్టిండీస్, శ్రీలంక జ‌ట్లు నేరుగా అర్హ‌త సాధించ‌గా.. క్వాలిఫైయర్ మ్యాచ్‌ల ద్వారా బంగ్లాదేశ్, ఐర్లాండ్, స్కాట్లాండ్, నెదర్లాండ్స్ త‌మ స్ధానాల‌ను ఖాయం చేసుకున్నాయి.భార‌త్‌-పాక్ మ్యాచ్ ఎప్పుడంటే?ఈ మెగా టోర్నీ గ్రూపు-ఎలో ఉన్న భార‌త్‌-పాకిస్తాన్ జ‌ట్లు జూన్ 14న ఎడ్జ్‌బాస్ట‌న్ వేదిక‌గా అమీతుమీ తెల్చుకోనున్నాయి. భార‌త్‌కు ఇదే తొలి మ్యాచ్ కావ‌డం గ‌మ‌నార్హం. గ్రూపు-ఎలో భార‌త్‌, పాక్‌తో పాటు ఆస్ట్రేలియా, దక్షిణాఫ్రికా, బంగ్లాదేశ్‌, నెద‌ర్లాండ్స్ ఉన్నాయి. ఈ టోర్నీ ఫైనల్ మ్యాచ్ జూలై 5న లండన్‌లోని చారిత్రాత్మక లార్డ్స్ మైదానంలో జరగనుందిభారత్ మ్యాచ్‌ల షెడ్యూల్ జూన్ 14 - పాకిస్తాన్‌తో.. ఎడ్జ్‌బాస్ట‌న్జూన్ 17- నెద‌ర్లాండ్స్‌తో.. లీడ్స్‌జూన్ 21-సౌతాఫ్రికాతో.. మాంచెస్ట‌ర్‌జూన్ 25- బంగ్లాదేశ్‌తో.. మాంచెస్ట‌ర్‌జూన్ 28- ఆస్ట్రేలియాతో.. లార్డ్స్‌

టీ20 ప్ర‌పంచ‌క‌ప్‌-2026 లీగ్ స్టేజీలో అజేయంగా నిలిచిన టీమిండియా.. కీల‌కమైన సూప‌ర్‌-8లో మాత్రం త‌మ జోరును కొన‌సాగించ‌లేక‌పోయింది. ఈ మెగా టోర్నీలో భాగంగా ఆదివారం అహ్మ‌దాబాద్ వేదిక‌గా ద‌క్షిణాఫ్రికాతో జ‌రిగిన సూప‌ర్‌-8 మ్యాచ్‌లో 76 ప‌రుగుల తేడాతో భార‌త్ ఘోర ఓట‌మి చ‌విచూసింది.సూర్య‌కుమార్ నాయ‌క‌త్వంలోని భార‌త జ‌ట్టు బౌలింగ్‌లో కాస్త ఫ‌ర్వాలేద‌న్పించిన‌ప్ప‌టికి బ్యాటింగ్‌లో మాత్రం దారుణంగా విఫ‌ల‌మైంది. 188 పరుగుల ల‌క్ష్యంతో బ‌రిలోకి దిగిన టీమిండియా 111 పరుగులకే ఆలౌట్ అయ్యింది. దక్షిణాఫ్రికా బౌలర్ మార్కో జాన్సెన్ 4 వికెట్లు తీసి టీమిండియాను దెబ్బ తీశాడు.భార‌త బ్యాట‌ర్ల‌లో శివ‌మే దూబే(42) ఒక్క‌డే రాణించాడు. ఈ ఓట‌మితో భార‌త్ సెమీస్ అవ‌కాశాల‌ను సంక్లిష్టం చేసుకుంది. మిగిలిన రెండు మ్యాచ్‌ల్లోనే భారీ విజ‌యం సాధిస్తేనే టీమిండియా సెమీస్ రేసులో ఉంటుంది. ఈ ఘోర ఓట‌మితో టీమిండియా ర‌న్‌రేట్‌(-3.800) భారీగా ప‌డిపోయింది. ఈ నేప‌థ్యంలో టీమిండియా ప్ర‌ద‌ర్శ‌న‌పై పాకిస్తాన్ మాజీ పేసర్ మహ్మద్ అమీర్ ఘాటు వ్యాఖ్యలు చేశాడు."ఈ మ్యాచ్‌లో భారత బ్యాటింగ్ అస‌లు రూపం బట్టబయలైంది. ఈ టోర్నీలో భారత్ ఛేజింగ్‌కు దిగడం ఇదే మొదటిసారి. ల‌క్ష్యాన్ని చేధించే క్ర‌మంలో టీమిండియా ఒత్తిడి త‌ట్టుకోలేక చిత్తైంది. ఛేజింగ్‌లో భార‌త్ త‌డ‌బ‌డుతుంద‌ని నాకు ముందే తెలుసు. ముఖ్యంగా విరాట్ కోహ్లి వంటి సీనియ‌ర్ ఆట‌గాడు లేని లోటు స్ప‌ష్టంగా క‌న్పిస్తోంది"అని జియో న్యూస్‌కు వ‌చ్చిన ఇంట‌ర్వ్యూలో అమీర్ పేర్కొన్నాడు. కాగా టోర్నీకి ముందే భారత్ సెమీఫైనల్‌ చేరడం కష్టమని అమీర్ జోస్యం చెప్పిన సంగ‌తి తెలిసిందే. అదేవిధంగా ఈ టోర్నీలో భార‌త ఓపెన‌ర్ అభిషేక్ శ‌ర్మ కూడా అట్ట‌ర్ ప్లాప్ అవుతాడ‌ని అమీర్ ఇటీవ‌ల చాలా ఇంట‌ర్వ్యూలలో చెప్పుకొచ్చాడు. అందుకు త‌గ్గ‌ట్టే అభిషేక్ దారుణ ప్ర‌ద‌ర్శ‌న క‌న‌బ‌రుస్తున్నాడు. ఇప్పుడు మ్యాచ్ ఫ‌లితం కూడా అతడు అంచ‌నా వేసిన‌ట్లే రావ‌డం అత‌డు టౌక్ ఆఫ్‌ది టౌన్‌గా మారాడు. భార‌త్‌-సౌతాఫ్రికా మ్యాచ్ అనంత‌రం అమీర్ జియో న్యూస్ చానల్‌లో జరిగిన చర్చలో పాల్గొన్నాడు. యాంకర్ అతడిని జ్యోతిష్యుడు అంటూ పరిచయం చేయగానే అమీర్ ప‌గ‌ల‌బ‌డి నవ్వుతూ “దేవుడా నన్న క్షమించు, నాకు ఏంటి ఇది” అంటూ స్పందించాడు. దీంతో అత‌డికి భార‌త్ అభిమానులు గ‌ట్టిగా కౌంట‌రిస్తున్నారు. టీమిండియా వ‌రుస‌గా రెండు మ్యాచ్‌ల‌లో గెలిచి సెమీస్‌కు క‌చ్చితంగా వ‌స్తుంద‌ని పోస్టులు పెడుతున్నారు. కాగా టీమిండియా త‌మ త‌దుప‌రి మ్యాచ్‌లో గురువారం జింబాబ్వేతో త‌ల‌ప‌డ‌నుంది.

టీమిండియా స్టార్‌ ఆల్‌రౌండర్‌ హార్దిక్‌ పాండ్యా ప్రేమలో మునిగితేలుతున్నాడు. భార్య నటాషా స్టాంకోవిక్‌తో విడిపోయిన ఈ బరోడా క్రికెటర్‌కు మహీక శర్మ రూపంలో కొత్త ప్రేమ దొరికింది. గతేడాది తమ బంధాన్ని బహిర్గతం చేసిన హార్దిక్‌- మహీక అప్పటి నుంచి రొమాంటిక్‌ పోస్టులతో సోషల్‌ మీడియాను నింపేస్తున్నారు.ప్రస్తుతం హార్దిక్‌ పాండ్యా టీ20 ప్రపంచకప్‌-2026 టోర్నమెంట్‌తో బిజీగా ఉన్నాడు. ఆల్‌రౌండ్‌ ప్రతిభతో రాణిస్తూ టీమిండియా విజయాల్లో తన వంతు పాత్ర పోషిస్తున్న హార్దిక్‌.. ప్రియురాలు మహీక పుట్టినరోజును ఇటీవల ఘనంగా సెలబ్రేట్‌ చేశాడు.నా రాజకుమారికి హ్యాపీ బర్త్‌డేపాకిస్తాన్‌తో మ్యాచ్‌ కోసం తనతో పాటు మహీకను శ్రీలంకకు తీసుకువెళ్లిన హార్దిక్.. అక్కడ ఓ స్విమింగ్‌ పూల్‌లో ప్రియురాలితో సన్నిహితంగా ఉన్న ఫొటోను పంచుకున్నాడు. ‘‘నా రాజకుమారికి హ్యాపీ బర్త్‌డే’’ అంటూ విషెస్‌ తెలిపాడు. ‘‘25 ఏళ్ల క్రితం ఈ ప్రపంచంలోకి వచ్చినందుకు ధన్యవాదాలు.నాకు తెలిసిన అత్యంత అద్భుతమైన వ్యక్తివి నువ్వే. నిన్ను నేను ప్రేమిస్తూనే ఉంటాను’’ అని హార్దిక్‌ పాండ్యా గర్ల్‌ఫ్రెండ్‌పై ప్రేమను కురిపించాడు. ఇందుకు మహీక శర్మ సైతం తనదైన శైలిలో బదులిచ్చింది. నా వాడు.. ప్రపంచంలో అందరికంటే లక్కీ గర్ల్‌ నేనేహార్దిక్‌తో కలిసి దిగిన ఫొటోలు పంచుకుంటూ.. ‘‘ఐ లవ్‌ మై మ్యాన్‌. నా జీవితంలో ఇప్పటి వరకు ఇదే అత్యుత్తమైన పుట్టినరోజు. థాంక్యూ బేబీ. ఈ ప్రపంచంలో అందరికంటే అదృష్టవంతురాలైన అమ్మాయిని నేనే’’ అంటూ హార్దిక్‌తో దిగిన ఫొటోలను షేర్‌ చేసింది.కొడుకు సమక్షంలో మరోసారి పెళ్లికాగా సెర్బియా మోడల్‌ నటాషాను ప్రేమించిన హార్దిక్‌ పాండ్యా.. 2020లో సన్నిహితుల నడుమ ఆమెను పెళ్లిచేసుకున్నాడు. అప్పటికే నటాషా గర్భవతి. అదే ఏడాది ఈ జంట కుమారుడు అగస్త్యకు జన్మనిచ్చింది. అనంతరం హిందూ, క్రిస్టియన్‌ సంప్రదాయాల్లో ఘనంగా వివాహం చేసుకున్నారు. అయితే, కొంతకాలానికే హఠాత్తుగా విడాకుల బాంబు పేల్చారు. 2025 జూలైలో తాము విడిపోతున్నట్లు ప్రకటించారు.ఆ తర్వాత కొన్నాళ్లకే మహీకతో 32 ఏళ్ల హార్దిక్‌ తన ప్రేమ బంధాన్ని చాటుకుంటూ విహారయాత్రలలో దిగిన ఫొటోలు షేర్‌ చేయడం మొదలుపెట్టాడు. కాగా మహీక ఫిబ్రవరి 19న 25వ వసంతంలో అడుగుపెట్టింది. ఈ సందర్భంగా ఆమె ధరించిన డ్రెస్‌ ధర అక్షరాలా రెండు లక్షలు ఉండటం గమనార్హం. కాగా మహీక ఓ మోడల్‌ అన్న సంగతి తెలిసిందే. చదవండి: ఆయన ముసలోడు!.. వాడికి పెళ్లి వయసు రాలేదు!

పాకిస్తాన్‌ మాజీ క్రికెటర్‌ మొహమ్మద్‌ ఆమిర్‌ సంచలన వ్యాఖ్యలు చేశాడు. టీ20 ప్రపంచకప్‌-2026 టోర్నీలో టీమిండియా సెమీస్‌ చేరే అవకాశాలు లేవంటూ అక్కసు వెళ్లగక్కాడు. కాగా వరల్డ్‌కప్‌ ఈవెంట్లో గ్రూప్‌-ఎ నుంచి భారత్‌, పాకిస్తాన్‌ టాపర్లుగా సూపర్‌-8కు చేరుకున్నాయి.లీగ్‌ దశలో అమెరికా, నమీబియా, పాకిస్తాన్‌, నెదర్లాండ్స్‌లను ఓడించి టీమిండియా అజేయంగా నిలవగా.. పాక్‌ నెదర్లాండ్స్‌, అమెరికా, నమీబియాలపై గెలిచినా భారత్‌ చేతిలో మరోసారి ఓటమిపాలైంది. ఈ క్రమంలో టీ20 ప్రపంచకప్‌ టోర్నీలో పాక్‌పై భారత్‌ ఆధిపత్యం 8-1కు పెరిగింది.పాక్‌కు పోటీనిచ్చిన అమెరికాఇదిలా ఉంటే.. గ్రూప్‌ దశలో నమీబియా సులువుగానే లొంగినా.. అమెరికా, నెదర్లాండ్స్‌ మాత్రం భారత్‌, పాకిస్తాన్‌లకు మంచి పోటీనిచ్చాయి. ముఖ్యంగా అమెరికా.. ఈ దాయాది జట్లకు కఠిన సవాలు విసిరింది. ఇక పాకిస్తాన్‌కు అయితే సూపర్‌-8 చేరే క్రమంలో గట్టిపోటీదారుగా నిలిచింది. ఏదేమైనా గాయాల బెడద వేధించినా టీమిండియా ఆఖరి వరకు అజేయంగా నిలవగా.. పాక్‌ ఎలాగోలా గట్టెక్కి ఊపిరి పీల్చుకుంది.ఇక సూపర్‌-8లో భారత్‌.. దక్షిణాఫ్రికా, జింబాబ్వే, వెస్టిండీస్‌లతో తలపడనుండగా.. పాకిస్తాన్‌ న్యూజిలాండ్‌, ఇంగ్లండ్‌, శ్రీలంక జట్లను ఢీకొట్టనుంది. ఈ నేపథ్యంలో మొహమ్మద్‌ ఆమిర్‌ పాక్‌ స్థానిక మీడియాలో మాట్లాడుతూ..ఆ రెండు జట్లు సెమీస్‌కి‘‘పాకిస్తాన్‌తో మ్యాచ్‌లో తప్ప లీగ్‌ దశలో ప్రతి మ్యాచ్‌లోనూ టీమిండియా బ్యాటింగ్‌ లైనప్‌ కుప్పకూలింది. కాబట్టి ఆ జట్టుకు అవకాశాలు లేవు. మరోవైపు.. సౌతాఫ్రికా, వెస్టిండీస్‌ మాత్రం అద్భుతంగా ఆడుతున్నాయి. ఏ జట్టునైనా ఓడించగల సత్తా ఆ జట్లకు ఉంది. కాబట్టి సెమీస్‌ చేరే అవకాశాలు వీటికే ఉన్నాయి’’ అని పేర్కొన్నాడు.మీ సంగతి చూసుకోండిదీంతో ఆమిర్‌ వ్యాఖ్యలపై టీమిండియా అభిమానులు మండిపడుతున్నారు. ‘‘భారత్‌ తిరుగులేని జట్టు.. సూర్యసేనను కించపరిచాలని చూస్తే ఊరుకునేది లేదు’’ అని హెచ్చరిస్తున్నారు. ‘‘ముందు మీ జట్టు (పాక్‌) సంగతి చూసుకోండి.. గత ఎడిషన్‌లో అమెరికా చేతిలో ఓడి లీగ్‌ దశలోనే ఇంటిబాట పట్టిన విషయం మర్చిపోవద్దు’’ అంటూ ఆమిర్‌కు చురకలు అంటిస్తున్నారు.కాగా సూపర్‌-8లో గ్రూప్‌-1 నుంచి భారత్‌, జింబాబ్వే, సౌతాఫ్రికా, వెస్టిండీస్‌ పోటీ పడుతుండగా.. గ్రూప్‌-2 నుంచి న్యూజిలాండ్‌, ఇంగ్లండ్‌, శ్రీలంక, పాకిస్తాన్‌ బరిలో ఉన్నాయి. ఇక 2024లో టీ20 ప్రపంచకప్‌ గెలిచిన టీమిండియా.. ఆ తర్వాత ద్వైపాక్షిక సిరీస్‌లలోనూ వరుస విజయాలు సాధించింది. డిఫెండింగ్‌ చాంపియన్‌ హోదాలో 2026 వరల్డ్‌కప్‌ టోర్నీలో హాట్‌ ఫేవరెట్‌గా రంగంలోకి దిగింది.చదవండి: T20 WC: ఆసీస్‌ను మేమూ చిత్తుగా ఓడిస్తాం: ఒమన్‌ కెప్టెన్‌

అంతర్జాతీయ క్రికెట్‌ మండలి (ఐసీసీ) నిర్వహించే ప్రపంచకప్‌ టోర్నీలో ఆడటం ప్రతీ క్రికెటర్‌ చిరకాల స్వప్నం. ఒక్కసారి వరల్డ్‌కప్‌ టోర్నీలో ఆడినా తమ కెరీర్‌ పరిపూర్ణమైందని భావించే ఆటగాళ్లు ఎందరో ఉంటారు. అయితే, బంగ్లాదేశ్‌ ప్రభుత్వం మొండిపట్టు కారణంగా ఆ దేశ క్రికెటర్లు ఈసారి టీ20 ప్రపంచకప్‌-2026 టోర్నీకి దూరమయ్యారు.ఇందుకు ప్రధాన కారణం పాకిస్తాన్‌ క్రికెట్‌ బోర్డు (PCB) చైర్మన్‌ మొహ్సిన్‌ నక్వీ అని బంగ్లాదేశ్‌ క్రికెట్‌ బోర్డు (BCB) మాజీ అధికారి సయ్యద్‌ అష్రాఫుల్‌ హక్‌ (Syed Ashraful Haque) ఆరోపించారు. వరల్డ్‌కప్‌ నుంచి అవుట్‌కాగా బంగ్లాదేశ్‌ గత కొంతకాలంగా భారత్‌తో కయ్యానికి కాలుదువుతున్న విషయం తెలిసిందే. ఈ నేపథ్యంలో ఇరు దేశాల మధ్య ఉద్రిక్తతలు పెరగగా.. ఐపీఎల్‌ నుంచి బంగ్లా ఆటగాడు ముస్తాఫిజుర్‌ రహమాన్‌ను తొలగించారు.ఈ నేపథ్యంలో భారత్‌లో తమకు భద్రత లేదని.. వరల్డ్‌కప్‌ టోర్నీ ఆడేందుకు అక్కడకు వెళ్లమని బంగ్లాదేశ్‌ బోర్డు ఐసీసీకి తెలిపింది. మరో వేదికైన శ్రీలంకలో తమ మ్యాచ్‌లు నిర్వహించాలని కోరగా.. ఐసీసీ ఇందుకు నిరాకరించింది. భారత్‌లో బంగ్లా ఆటగాళ్లకు ముప్పులేదని హామీ ఇచ్చింది. అయినప్పటికీ బంగ్లా పట్టువీడకపోడంతో టోర్నీ నుంచి తప్పించింది.ఈ క్రమంలో బంగ్లాదేశ్‌కు మద్దతుగా భారత్‌తో మ్యాచ్‌ బహిష్కరిస్తామని చెప్పిన పీసీబీ.. ఐసీసీ జోక్యంతో యూటర్న్‌ తీసుకుంది. వరల్డ్‌కప్‌లో దాయాదితో ఆడి.. మరోసారి ఓడిపోయింది. ఈ పరిణామాలపై ఆసియా క్రికెట్‌ మండలి (ACC) మాజీ సీఈవో, బీసీబీ మాజీ జనరల్‌ సెక్రటరీ సయ్యద్‌ అష్రాఫుల్‌ హక్‌ స్పందించారు. రెవ్‌స్పోర్ట్స్‌తో మాట్లాడుతున్న క్రమంలో ‘బంగ్లాదేశ్‌ నిర్ణయం వెనుక పాకిస్తాన్‌ ఉందా?’ అన్న ప్రశ్నకు బదులిస్తూ..నక్వీ రెచ్చగొట్టగానే..‘‘ఇందుకు అవకాశం ఉంది. అయితే, నేను ఇక్కడ రాజకీయాల గురించి మాట్లాడదలచుకోలేదు. ఒ​క క్రికెట్‌ అడ్మినిస్ట్రేటర్‌గా నేను ఎల్లప్పుడు ఆట పట్ల నిబద్ధత కలిగి ఉంటాను. అయితే, మా చీఫ్‌ అమినుల్‌ ఇస్లాంకు అనుభవం, ఆలోచన లేకుండా పోయాయి.అందుకే ఏసీసీ ప్రస్తుత అధ్యక్షుడు మొహ్సిన్‌ నక్వీ మాటలు ఆయనపై ప్రభావం చూపాయి. నక్వీ రెచ్చగొట్టగానే ఇస్లాం అందుకు తగినట్లు స్పందించారు. ఆఖరికి ఎవరు గెలిచారు?ఏదేమైనా బంగ్లాదేశ్‌ ప్రభుత్వం ఇలాంటి నిర్ణయం తీసుకోకుండా ఉండాల్సింది. క్రీడా శాఖ సలహాదారు ఆసిఫ్‌ నజ్రుల్‌ తొందరపడ్డారు. ముస్తాఫిజుర్‌ రహమాన్‌ను ఐపీఎల్‌ నుంచి తొలగించినంత మాత్రాన ప్రపంచకప్‌ టోర్నీ నుంచి తప్పుకునేంత పెద్ద నిర్ణయం తీసుకోకూడదు.బీసీసీఐతో ఆయన మాట్లాడాల్సింది. లేదంటే భారత ప్రభుత్వంతో చర్చలకు ప్రయత్నించాల్సింది. ఐసీసీ నిర్వహించే టోర్నీకి భద్రత కట్టుదిట్టంగా ఉంటుంది. ఒకవేళ మనం కోరితే వారు అదనపు భద్రతా ఏర్పాట్లు చేసే అవకాశం కూడా ఉంటుంది.ఈ విషయాలను అర్థం చేసుకోవడంతో నజ్రుల్‌ విఫలమయ్యారు. అంతర్జాతీయ క్రికెట్‌లో ఎలా వ్యవహరించాలో ఆయనకు తెలియకుండా పోయింది. ఎవరో (నక్వీ) పన్నిన వ్యూహంలో ఆయన చిక్కుకున్నారు. జాతికి గొప్ప ఆస్తులైన క్రికెటర్లను కాపాడాల్సింది పోయి.. ప్రభుత్వాన్ని ప్రసన్నం చేసుకోవాలనే ఆలోచనలో ఉండిపోయారు.నష్టపోయాములిటన్‌ దాస్‌, ముస్తాఫిజుర్‌, నజ్ముల్‌ షాంటో మూడు పదుల వయసు దాటేశారు. సీనియర్లు ఇలా వరల్డ్‌కప్‌ ఆడే అవకాశం పోగొట్టుకోవడం అన్యాయం. భారత్‌ తర్వాత బంగ్లాదేశ్‌లోనే క్రికెట్‌కు ఆదరణ ఎక్కువ. వరల్డ్‌కప్‌ నుంచి తప్పుకోవాలనే నిర్ణయంతో అభిమానులను కూడా మోసం చేశారు’’ అని అష్రాఫుల్‌ పేర్కొన్నారు. నక్వీ రెచ్చగొట్టడం వల్లే నజ్రుల్‌ అలా వ్యవహరించారని.. ఫలితంగా తమ ఆటగాళ్లు, అభిమానులు నష్టపోయారని విమర్శించారు.చదవండి: పాకిస్తాన్‌ క్రికెటర్లకు భారీ షాక్‌!

ఐసీసీ పురుషుల టీ20 ప్రపంచకప్‌-2028 టోర్నమెంట్‌కు సంబంధించి అంతర్జాతీయ క్రికెట్‌ మండలి కీలక ప్రకటన చేసింది. ఆతిథ్య దేశాలైన ఆస్ట్రేలియా, న్యూజిలాండ్‌ నేరుగా ఈ మెగా టోర్నీకి అర్హత సాధించినట్లు తెలిపింది.అదే విధంగా.. బంగ్లాదేశ్‌ కూడా ఈ ఈవెంట్లో పాల్గొంటుందని ఐసీసీ పరోక్షంగా స్పష్టం చేసింది. కాగా ఫిబ్రవరి 7న భారత్‌- శ్రీలంక వేదికగా టీ20 వరల్డ్‌కప్‌ 2026 ఎడిషన్‌ మొదలైన సంగతి తెలిసిందే. మొత్తంగా ఇరవై జట్లు పాల్గొన్న ఈ టోర్నీలో నాలుగు గ్రూపుల నుంచి టాప్‌-2 జట్లు సూపర్‌-8కు అర్హత సాధించాయి.సూపర్‌-8 చేరిన జట్లు ఇవేగ్రూప్‌-ఎ నుంచి టీమిండియా, పాకిస్తాన్‌.. గ్రూప్‌-బి నుంచి శ్రీలంక, జింబాబ్వే... గ్రూప్‌-సి నుంచి వెస్టిండీస్‌, ఇంగ్లండ్‌... గ్రూప్‌-డి నుంచి సౌతాఫ్రికా, న్యూజిలాండ్‌ సూపర్‌-8లో అడుగుపెట్టాయి. మాజీ చాంపియన్‌ ఆస్ట్రేలియాను ఓడించి జింబాబ్వే అనూహ్య రీతిలో అర్హత సాధించింది.ఈ నేపథ్యంలో.. నిబంధనల ప్రకారం టీ20 ప్రపంచకప్‌-2026 ఎడిషన్‌లో సూపర్‌-8 చేరిన జట్లన్నీ ఆటోమేటిక్‌గా 2028 టోర్నీకి నేరుగా అర్హత సాధిస్తాయి. ఆస్ట్రేలియా ఈసారి విఫలమైనా.. 2028 టోర్నీకి ఆతిథ్య దేశంగా ఉన్నందున ఆ జట్టు కూడా క్వాలిఫై అయింది.బంగ్లాదేశ్‌, అఫ్గన్‌, ఐర్లాండ్‌ కూడా నేరుగాతద్వారా మొత్తంగా ఇప్పటికే తొమ్మిది జట్లు 2028 టోర్నీకి అర్హత సాధించగా.. ర్యాంకింగ్స్‌ ఆధారంగా మిగిలిన జట్లను చేర్చే క్రమంలో టాప్‌-12లో బంగ్లాదేశ్‌, అఫ్గనిస్తాన్‌, ఐర్లాండ్‌ కూడా తమ బెర్తును ఖరారు చేసుకున్నాయి. తదుపరి పెద్దగా టీ20 సిరీస్‌లు లేనందున ఈ ర్యాంకింగ్స్‌లో పెద్దగా మార్పు ఉండదు కాబట్టి.. ఈ మూడు జట్లు అర్హత సాధించినట్లు ఐసీసీ పేర్కొంది. ఇక ఈ పన్నెండు పోను మిగిలిన ఎనిమిది బెర్తులను రీజినల్‌ క్వాలిఫికేషన్‌ ద్వారా ఎంపిక చేస్తారు.కాగా ఐసీసీ టీ20 ర్యాంకింగ్స్‌లో టీమిండియా అగ్రస్థానంలో ఉండగా.. ఇంగ్లండ్‌, ఆస్ట్రేలియా, న్యూజిలాండ్‌, సౌతాఫ్రికా, పాకిస్తాన్‌, వెస్టిండీస్‌, శ్రీలంక, బంగ్లాదేశ్‌, అఫ్గనిస్తాన్‌, జింబాబ్వే, ఐర్లాండ్‌, నెదర్లాండ్స్‌, స్కాట్లాండ్‌, నమీబియా, యూఎస్‌ఏ, యూఏఈ, నేపాల్‌, కెనడా, ఒమన్‌ టాప్‌-20లో కొనసాగుతున్నాయి.ఈసారి వేటు పడిందిలా!టీ20 ప్రపంచకప్‌-2026 టోర్నీలో గ్రూప్‌-సి నుంచి బంగ్లాదేశ్‌ పోటీపడాల్సింది. అయితే, టోర్నీకి ఆతిథ్యం ఇస్తున్న భారత్‌లో తమకు భద్రత లేదని.. తమకు కూడా పాక్‌ మాదిరి శ్రీలంకనే తటస్థ వేదికగా ఏర్పాటు చేయాలని బంగ్లాదేశ్‌ ఐసీసీని కోరింది. అయితే, ఐసీసీ బంగ్లా వాదనలో నిజం లేదని కొట్టిపారేసింది. టోర్నీలో కొనసాగాలనుకుంటే షెడ్యూల్‌ ప్రకారం భారత్‌లో ఆడాలని సూచించింది.అయితే, తమ ప్రభుత్వ నిర్ణయం ప్రకారం టోర్నీ నుంచి తప్పుకునేందుకైనా సిద్ధమే కానీ.. భారత్‌లో ఆడమని బంగ్లా బోర్డు ఐసీసీకి తెలిపింది. దీంతో బంగ్లాదేశ్‌ను తప్పించి ఆ స్థానంలో స్కాట్లాండ్‌ను చేర్చింది ఐసీసీ. ఈ నేపథ్యంలో పాకిస్తాన్‌ బంగ్లాదేశ్‌కు మద్దతుగా నిలవగా.. బంగ్లాదేశ్‌పై ఎటువంటి కఠిన చర్యలు చేపట్టమని ఐసీసీ హామీ ఇచ్చింది. కాగా భారత్‌- బంగ్లాదేశ్‌ మధ్య గత కొన్ని నెలలుగా ఉద్రిక్త పరిస్థితులు నెలకొన్నాయి. ఈ నేపథ్యంలో ఐపీఎల్‌ నుంచి బంగ్లాదేశ్‌ ఫాస్ట్‌బౌలర్‌ ముస్తాఫిజుర్‌ రహమాన్‌ను తప్పించగా.. బంగ్లా వరల్డ్‌కప్‌ టోర్నీ ఆడేందుకు భారత్‌ రాకూడదని నిర్ణయించుకుంది.చదవండి: విధ్వంసకర ఓపెనర్‌ కాదు!.. ‘డకౌట్ల’ అభిషేక్‌.. గావస్కర్‌ కీలక వ్యాఖ్యలు

టీ20 ప్రపంచకప్‌ 2026 గ్రూప్‌ స్టేజీ మ్యాచ్‌లో భారత్‌ చేతిలో ఘోర పరాభవాన్ని ఎదుర్కొన్న పాక్‌ జట్టుపై ఆ దేశ దిగ్గజ ఆటగాడు, మాజీ కెప్టెన్‌ మొహమ్మద్‌ యూసఫ్‌ సంచలన వ్యాఖ్యలు చేశాడు. 2021 టీ20 వరల్డ్‌కప్‌లో భారత్‌ను తొలిసారి ఓడించిన తర్వాత స్టార్లుగా చెప్పుకునే కొందరు పాక్‌ ఆటగాళ్లకు అహంకారం పెరిగిందని ఆయన అన్నాడు. వారి అతి విశ్వాసమే పాక్‌ పతనానికి దారి తీసిందని అభిప్రాయపడ్డాడు. ఒక్క విజయంతోనే కళ్లు నెత్తికెక్కితే పరిస్థితి ఇలానే ఉంటుందంటూ పరోక్షంగా బాబర్‌ ఆజమ్‌, షాహీన్‌ అఫ్రిదిని ఉద్దేశిస్తూ చురకలంటించాడు.ప్రస్తుత పాక్‌ జట్టు దుస్థితిపై యూసఫ్‌ స్పందిస్తూ.. 2021లో భారత్‌పై గెలిచిన తర్వాత చాలా మంది ఆటగాళ్లు మేము ఎవరికీ తగ్గం అనే భావనలో మునిగిపోయారు. కోచ్ మాట్లాడుతున్నప్పుడు ఫోన్‌లో గేమ్స్ ఆడటం వంటి నిర్లక్ష్యపు ప్రవర్తన అప్పటి నుంచి మొదలైంది. స్టార్లుగా చెప్పుకునే కొందరి అహంకారం వల్లే పాక్‌ క్రికెట్‌ నష్టపోతుందని అన్నాడు.యూసుఫ్ రాజీనామా వెనుక కారణం ఇదేనేమో..!యూసఫ్‌ 2025లో కేవలం మూడు నెలల పాటు పాక్‌ బ్యాటింగ్‌ కోచ్‌గా వ్యవహరించాడు. ఆతర్వాత అనూహ్యంగా ఆ పదవి నుంచి వైదొలిగాడు. అప్పట్లో యూసఫ్‌ తన అనూహ్య రాజీనామాకు గల కారణాలు వెల్లడించలేదు. తాజా వ్యాఖ్యలను బట్టి చూస్తే, జట్టులో స్టార్లుగా చెప్పుకునే కొందరి ప్రవర్తన అతనికి నచ్చలేదన్న విషయం బయటపడింది. ఇదే అతని ఆకస్మిక రాజీనామాకు కారణమై ఉండొచ్చనే భావన కలుగుతోంది.కాగా, టీమిండియా చేతిలో తాజా పరాభవం తర్వాత పాక్‌ జట్టుపై ఆ దేశాని​కి చెందిన చాలామంది మాజీలు దుమ్మెత్తిపోస్తున్నారు. షోయబ్‌ అక్తర్‌, షాహిద్‌ అఫ్రిది వంటి వారైతే కొందరు పాక్‌ ఆటగాళ్లపై తీవ్రపదజాలంతో విరుచుకుపడ్డారు. ప్రస్తుత పాక్‌ జట్టు దుస్థితికి స్టార్లుగా చెప్పుకునే ఒకరిద్దరు ఆటగాళ్లే కారణమన్నది వారి అభిప్రాయం కూడా. భారత్‌ చేతిలో వరుస పరాభవాల నేపథ్యంలో పాక్‌ అభిమానులు కూడా పాక్‌ జట్టుపై విసుగెత్తిపోయారు. ఇన్నాళ్లు వెనకేసుకొచ్చిన నోళ్లతో దుర్భాషలాడుతున్నారు. భారత్‌ చేతిలో తాజా పరాభవం తర్వాత పాక్‌ జట్టుకు ఇంట కూడా మర్యాద లేకుండా పోయింది. పాక్‌ దుస్థితికి స్టార్‌ ఆటగాళ్లు కారణమని కొందరంటుంటే, మరికొందరేమో పాక్‌ క్రికెట్‌ బోర్డు అధ్యక్షుడు నఖ్వీ కారణమని ఆరోపిస్తున్నారు. నఖ్వీ పాక్‌ క్రికెట్‌ను సర్వనాశనం చేశాడన్న అభిప్రాయం చాలామంది పాక్‌ జాతీయుల్లో ఉన్నట్లు తెలుస్తుంది.

టీ20 ప్రపంచకప్‌-2026 టోర్నీలో ఇప్పటికే ఏడు జట్లు సూపర్‌-8 బెర్తులను ఖరారు చేసుకున్నాయి. గ్రూప్‌-బి నుంచి శ్రీలంక, జింబాబ్వే.. గ్రూప్‌-సి నుంచి వెస్టిండీస్‌, ఇంగ్లండ్‌ సూపర్‌-8లో అడుగుపెట్టగా.. గ్రూప్‌-డి నుంచి సౌతాఫ్రికా, న్యూజిలాండ్‌ అర్హత సాధించాయి.పోటీలో అమెరికా, పాక్‌ ఇక గ్రూప్‌-ఎ నుంచి డిఫెండింగ్‌ చాంపియన్‌, ఆతిథ్య భారత్‌ హ్యాట్రిక్‌ విజయాలతో సూపర్‌-8కు చేరుకోగా.. ఇదే గ్రూపు నుంచి రెండో బెర్తు కోసం అమెరికా, పాకిస్తాన్‌ పోటీలో ఉన్నాయి. గ్రూప్‌-ఎ టాపర్‌ టీమిండియా ఖాతాలో ఆరు పాయింట్లు ఉండగా.. నెట్‌రన్‌రేటు (+3.050).రెండో స్థానంలో ఉన్న అమెరికా నాలుగు మ్యాచ్‌లు పూర్తి చేసుకుని రెండు గెలిచి 4 పాయింట్లతో ఉంది. నెట్‌రన్‌రేటు (+0.787). ఇక నమీబియా ఆడిన మూడింటికి మూడు ఓడి ఎలిమినేట్‌ కాగా.. పాక్‌ మూడింట రెండు గెలిచి నాలుగు పాయింట్లు సాధించిది. అమెరికాతో సమానంగా పాయింట్లు ఉన్నా నెట్‌రన్‌రేటు (-0.403) పరంగా వెనుకబడి ప్రస్తుతానికి మూడో స్థానంలో నిలిచింది.వర్షం పడితే.. ఈ క్రమంలో గ్రూప్‌ దశలో తమ చివరి మ్యాచ్‌లో భాగంగా పాకిస్తాన్‌ బుధవారం నమీబియాతో తలపడాల్సి ఉంది. కొలంబోలోని సింహళీస్‌ స్పోర్ట్స్‌ క్లబ్‌ ఇందుకు వేదిక. ఇదిలా ఉంటే.. శ్రీలంకలో వర్షాలు పడుతున్న విషయం తెలిసిందే.పల్లెకెలెలో వాన వల్ల జింబాబ్వే- ఐర్లాండ్‌ మధ్య మంగళవారం జరగాల్సిన మ్యాచ్‌ టాస్‌ పడకుండానే రద్దైపోయింది. దీంతో జింబాబ్వే సూపర్‌-8కు చేరగా.. ఆస్ట్రేలియా నిష్క్రమించింది. ఇక పాక్‌- నమీబియా మ్యాచ్‌కు కూడా వాన ముప్పు పొంచి ఉంది.ఆక్యూవెదర్‌ నివేదిక ప్రకారం.. కొలంబోలో బుధవారం వర్షం పడేందుకు 67 శాతం అవకాశాలు ఉన్నాయి. రాత్రికి 55 శాతం వాన పడే అవకాశాలు తగ్గినా.. పాక్‌- నమీబియా మ్యాచ్‌ మధ్యాహ్నం మూడు గంటలకే మొదలుకావాల్సి ఉంది.సంతోషంలో పాక్‌ జట్టు అభిమానులుఒకవేళ వర్షం వల్ల ఈ మ్యాచ్‌ గనుక రద్దైతే పాకిస్తాన్‌కు పండుగే. వాన వల్ల మ్యాచ్‌ సాగకపోతే పాక్‌, నమీబియాలకు చెరో పాయింట్‌ వస్తుంది. తద్వారా పాక్‌ ఖాతాలోని పాయింట్ల సంఖ్య ఐదుకు చేరి.. సూపర్‌-8కు నేరుగా అర్హత సాధిస్తుంది. దీంతో అమెరికా నిష్క్రమించాల్సి ఉంటుంది.ఒకవేళ మ్యాచ్‌ జరిగినా పాక్‌ నమీబియాపై తప్పక గెలవాలి. నమీబియా పసికూనే అయినా పాక్‌ నిలకడలేమితనం ఆ జట్టు అభిమానుల్లో ఆందోళనకు కారణమైంది. అయితే, మ్యాచ్‌కు వాన ముప్పు ఉందని తెలిసి వారు ఊపిరి పీల్చుకుంటున్నారు.చదవండి: కెప్టెన్‌ నిర్ణయం... జట్టు పాలిట శాపం!

పాకిస్తాన్‌ క్రికెట్‌ బోర్డు (పీసీబీ) గత కొంతకాలంగా వార్తల్లో నిలుస్తోంది. టీ20 ప్రపంచకప్‌-2026 టోర్నీలో ఆది నుంచి పాక్‌ బోర్డు రచ్చ చేయడమే ఇందుకు కారణం.ఈ ఐసీసీ ఈవెంట్‌కు భారత్‌ ఆతిథ్యం ఇస్తుండగా.. ఒప్పందం ప్రకారం పాకిస్తాన్‌ మ్యాచ్‌ల కోసం శ్రీలంకను తటస్థ వేదికగా ఏర్పాటు చేశారు. అయినప్పటికీ బంగ్లాదేశ్‌కు మద్దతుగా ఉంటామంటూ భారత్‌తో మ్యాచ్‌ను బహిష్కరిస్తామని పాక్‌ ప్రగల్భాలు పలికింది. ఆ దేశ ప్రధాని షెబాజ్‌ షరీఫ్‌ స్వయంగా ఈ విషయం గురించి ప్రకటన చేశారు.మరోసారి చిత్తుగా ఓడి..అయితే, అందరూ ఊహించినట్లుగానే పాక్‌ మాట మార్చింది. ఐసీసీ జోక్యంతో పాటు.. శ్రీలంక, యూఏఈ, బంగ్లాదేశ్‌ బోర్డుల నుంచి ఒత్తిడి రావడంతో టీమిండియాతో మ్యాచ్‌ (IND vs PAK) ఆడతామని ప్రకటించింది. కొలంబోలో ఆదివారం భారత్‌తో తలపడి మరోసారి చిత్తుగా ఓడింది.ఈ నేపథ్యంలో పీసీబీ చీఫ్‌ మొహ్సిన్‌ నక్వీ (Mohsing Naqvi) ముందుగానే స్టేడియం నుంచి వెళ్లిపోవడం గమనార్హం. ఇదిలా ఉంటే.. తాము భారత్‌తో మ్యాచ్‌ ఆడటంలో శ్రీలంక అధ్యక్షుడు అనురా కుమార దిస్సనాయకేదే కీలక పాత్ర అని నక్వీ చేసిన వ్యాఖ్యలు వైరల్‌గా మారాయి.అసలైన హీరో మీరేదిస్సనాయకేతో సమావేశంలో నక్వీ మాట్లాడుతూ.. ‘‘పాకిస్తాన్‌ అధ్యక్షుడు అసిఫ్‌ అలీ జర్దారీ, ప్రధాని షెబాజ్‌ షరీఫ్‌ తరఫున మీకు శుభాభినందనలు. నిన్నటి మ్యాచ్‌ (ఆదివారం టీమిండియాతో మ్యాచ్‌) జరగడానికి ముఖ్య కారణం మీరే.ఈ మ్యాచ్‌ సజావుగా సాగడంలో మీదే కీలక పాత్ర. మీరే హీరో. దాదాపు రెండు బిలియన్ల మంది ప్రేక్షకులు మీ కారణంగా వినోదం పొందగలిగారు. కేవలం మీ చొరవ వల్లే ఈ మ్యాచ్‌ జరిగింది.టీమిండియాతో ఆడకూడదని మేము నిర్ణయించుకున్నాం. వారితో మాకు ఎన్నో సమస్యలు ఉన్నాయి. అయితే, మా ప్రధానికి మీరు ఎప్పుడైతే ఫోన్‌ చేశారో.. ఆయన వెంటనే నాకు ఫోన్‌ చేసి.. ‘ఇకపై ఎలాంటి సమస్యా లేదు.. మనం టీమిండియాతో మ్యాచ్‌ ఆడుతున్నాం అంతే’ అని అన్నారు. మీకు ధన్యవాదాలు’’ అని పేర్కొన్నాడు.ఉగ్రదాడిని గుర్తు చేస్తూ లంక లేఖకాగా శ్రీలంక జట్టుపై పాక్‌లో గతంలో ఉగ్రదాడి జరిగిన సంగతి తెలిసిందే. అదే విధంగా గతేడాది సైతం బాంబుల మోత నడుమ లంక పాక్‌తో ద్వైపాక్షిక సిరీస్‌ పూర్తి చేసింది. ఈ రెండు అంశాలను ప్రధానంగా ప్రస్తావిస్తూ లంక బోర్డు పాక్‌ బోర్డుకు లేఖ రాసింది. పాక్‌లో తమపై ఉగ్రదాడి జరిగినా తిరిగి ఆ దేశంలో పర్యటించామని గుర్తు చేసింది.అలాంటిది వరల్డ్‌కప్‌ టోర్నీలో భారత్‌- పాక్‌ మ్యాచ్‌ కోసం అన్ని రకాల ఏర్పాట్లు చేసిన తర్వాత రద్దు చేసుకుంటామనడం సరికాదని హెచ్చరించింది. మరోవైపు.. ఐసీసీ సైతం కఠిన చర్యలకు ఉపక్రమిస్తామనే సందేశం ఇచ్చింది. ఈ క్రమంలో యూటర్న్‌ తీసుకున్న పాక్‌ టీమిండియాతో మ్యాచ్‌ ఆడింది. చదవండి: గంభీర్‌కు గోల్డెన్‌ ఆఫర్‌!.. హెడ్‌కోచ్‌ పదవికి గుడ్‌బై?

భారత జట్టులోకి పునరాగమనం చేసిన యువ బ్యాటర్‌ ఇషాన్‌ కిషన్‌ ఇరగదీస్తున్నాడు. టీ20 ప్రపంచకప్‌-2026 టోర్నమెంట్లో ఓపెనర్‌గా బరిలోకి దిగి సత్తా చాటుతున్నాడు. ముఖ్యంగా పాకిస్తాన్‌తో మ్యాచ్‌లో టీమిండియా గెలవడంలో ఈ వికెట్‌ కీపర్‌ బ్యాటర్‌దే కీలక పాత్ర.విధ్వంసకర ఓపెనర్‌గా పేరొందిన అభిషేక్‌ శర్మ డకౌట్‌ అయినా.. ఇషాన్‌ (Ishan Kishan) బాధ్యతాయుత ఇన్నింగ్స్‌తో స్కోరు బోర్డును పరుగులు పెట్టించాడు. కేవలం 40 బంతుల్లోనే 10 ఫోర్లు, మూడు సిక్స్‌లు బాది 77 పరుగులు సాధించాడు.ఇక ఈ మ్యాచ్‌లో టీమిండియా 61 పరుగుల తేడాతో పాక్‌ (IND Beat PAK)ను చిత్తు చేయగా.. ఇషాన్‌ కిషన్‌కు ‘ప్లేయర్‌ ఆఫ్‌ ది మ్యాచ్‌’ అవార్డు దక్కింది. ఇదిలా ఉంటే.. వరల్డ్‌కప్‌ ముగిసిన తర్వాత ఈ జార్ఖండ్‌ డైనమైట్‌ పెళ్లి పీటలు ఎక్కబోతున్నాడంటూ ఇషాన్‌ తాతయ్య అనురాగ్‌ పాండే ANIతో పేర్కొన్న విషయం తెలిసిందే.అదితి వాడి గర్ల్‌ఫ్రెండ్‌‘‘ఇషాన్‌ ఎవరిని ఎంచుకున్నా ఆ అమ్మాయితోనే అతడి వివాహం జరిపించేందుకు మాకు ఎలాంటి అభ్యంతరం లేదు. అదితి వాడి గర్ల్‌ఫ్రెండ్‌. ఆమె ఒక మోడల్‌. పిల్లలు కోరుకున్నది అందించడంలోనే పెద్దలకు సంతృప్తి, సంతోషం లభిస్తాయి’’ అని అనురాగ్‌ పాండే పేర్కొన్నారు. దీంతో ఇషాన్‌ త్వరలోనే పెళ్లి బంధంలో అడుగుపెట్టనున్నాడనే వార్తలు వైరల్‌ అయ్యాయి.#WATCH | Aurangabad, Bihar | Grandfather of Indian Cricketer Ishan Kishan, Anurag Pandey says, "...We are ready to accept whoever Ishan Kishan wants to marry. Aditi is his girlfriend...She is a model...One should accept what makes children happy..." (14.03) pic.twitter.com/narb5aZHtx— ANI (@ANI) February 14, 2026ఆయన ముసలివారు!.. వాడికి పెళ్లి వయసు రాలేదు!ఈ విషయంపై ఇషాన్‌ కిషన్‌ తల్లి సుచిత్రా దేవి స్పందించారు. ఇషాన్‌ వివాహం గురించి వస్తున్న వార్తల్లో నిజం లేదన్నారు. ఈ మేరకు IANSతో మాట్లాడుతూ.. ‘‘ఇది పెళ్లి చేసుకునే సమయం కాదు. ఆటపై మరింతగా దృష్టి పెట్టాల్సిన తరుణం. తనకు ఇంకా పెళ్లి వయసు రాలేదు.వాళ్ల తాతయ్య ముసలివారు అవుతున్నారు కదా!.. వృద్ధులకు మనుమల విషయాల పట్ల ఉత్సుకత కాస్త ఎక్కువగానే ఉంటుంది. సోషల్‌ మీడియాలో వస్తున్న వాటిని చూసే ఆయన అలా మాట్లాడారు. అంతకు మించి ఏమీలేదు’’ అని సుచిత్రా దేవి కొట్టిపారేశారు.కష్టపడి.. రీఎంట్రీకాగా 27 ఏళ్ల ఇషాన్‌ కిషన్‌ క్రమశిక్షణారాహిత్యం వల్ల దాదాపు మూడేళ్లు జాతీయ జట్టుకు దూరమయ్యాడు. ఈ క్రమంలో దేశవాళీ క్రికెట్‌లో సత్తా చాటి ఇటీవలే టీమిండియాలో రీఎంట్రీ ఇచ్చాడు. ఓపెనర్‌, వికెట్‌ కీపర్‌గా భారత టీ20 జట్టులో సంజూ శాంసన్‌ స్థానాన్ని భర్తీ చేసి.. అతడికి చెక్‌ పెట్టాడు.ఇదిలా ఉంటే.. ఇషాన్‌ కిషన్‌.. అదితి హుండియా అనే మోడల్‌తో ప్రేమలో ఉన్నట్లు గత కొంతకాలంగా వార్తలు వస్తున్నాయి. ఆమె రాజస్తాన్‌కు చెందిన వారని సమాచారం. ఇక వరల్డ్‌కప్‌ టోర్నీలో టీమిండియా ఇప్పటికే సూపర్‌-8 చేరిన విషయం తెలిసిందే. Patna, Bihar: On India beating Pakistan by 61 runs in the ICC Men’s T20 World Cup 2026 match, Indian cricketer Ishan Kishan's mother, Suchitra Devi says, "Many congratulations to the Indian cricket team on their victory. Heartfelt congratulations to the entire team for such a… pic.twitter.com/luxVYzbd7H— IANS (@ians_india) February 15, 2026చదవండి: IND vs NED: అతడిపై వేటు!.. భారత తుదిజట్టు ఇదే!

ఐసీసీ తాజాగా ప్రకటించిన మహిళల టీ20 ర్యాంకింగ్స్‌లో భారత్‌ ప్లేయర్లకు మిశ్రమ అనుభవాలు ఎదురయ్యాయి. బౌలింగ్‌ ర్యాంకింగ్స్‌లో స్టార్‌ స్పిన్నర్‌ దీప్తి శర్మ అగ్రస్థానాన్ని కోల్పోయి రెండో స్థానానికి పడిపోయింది. టాప్‌ ప్లేస్‌కు పాక్‌ స్పిన్నర్‌ సదియా ఇక్బాల్‌ ఎగబాకింది. గత వారం ర్యాంకింగ్స్‌లో మూడో స్థానంలో ఉండిన సదియా రెండు స్థానాలు మెరుగుపర్చుకుంది. సదియా (743), దీప్తి శర్మ (729) మధ్య పాయింట్ల వ్యత్యాసం 14 పాయింట్లు మాత్రమే. ఆసీస్‌ పర్యటన తొలి టీ20లో పెద్దగా ప్రభావం (2-0-19-1) చూపకపోవడంతో దీప్తి టాప్‌ ర్యాంక్‌ను కోల్పోవాల్సి వచ్చింది. మరోవైపు సదియా సౌతాఫ్రికాతో తాజాగా జరిగిన మూడు మ్యాచ్‌ల టీ20 సిరీస్‌లో 5.82 ఎకానమీతో 5 వికెట్లు తీసి టాప్‌ ర్యాంక్‌కు చేరుకుంది.టాప్‌-10లోకి దూసుకొచ్చిన రేణుకా సింగ్‌తాజా ర్యాంకింగ్స్‌లో భారత స్టార్‌ పేసర్‌ రేణుకా సింగ్‌ టాప్‌-10లోకి దూసుకొచ్చింది. ఆసీస్‌పై తొలి టీ20లో అద్భుత ప్రదర్శన (4-1-14-2) కనబర్చడంతో ఆరు స్థానాలు మెరుగుపర్చుకొని ఐదో స్థానానికి ఎగబాకింది.అరుంధతి అదుర్స్‌ఇదే మ్యాచ్‌లో ఆకాశమే హద్దుగా (4-0-22-4) చెలరేగిన మరో భారత పేసర్‌ అరుంధతి రెడ్డి ఏకంగా 19 స్థానాలు మెరుగుపర్చుకొని 17వ స్థానానికి ఎగబాకింది. ఇదే మ్యాచ్‌లో రాణించిన స్పిన్నర్‌ శ్రీచరణి (3-0-14-2) ఎనిమిది స్థానాలు మెరుగుపర్చుకొని 39వ స్థానానికి ఎగబాకింది.బ్యాటర్ల ర్యాంకింగ్స్‌ విషయానికొస్తే.. ఈ వారం పెద్దగా మార్పుల్లేవు. బెత్‌ మూనీ, హేలీ మాథ్యూస్‌, స్మృతి మంధన టాప్‌-3లో కొనసాగుతున్నారు. భారత బ్యాటర్లలో షఫాలీ వర్మ ఆరో స్థానాన్ని నిలబెట్టుకోగా.. జెమీమా రోడ్రిగ్స్‌, హర్మన్‌ప్రీత్‌ కౌర్‌ తలో స్థానాన్ని మెరుగుపర్చుకొని 11, 12 స్థానాలకు ఎగబాకారు. పాక్‌ కెప్టెన్‌ ఫాతిమా సనా ఏకంగా 31 స్థానాలు మెరుగుపర్చుకొని 29వ స్థానానికి ఎగబాకింది. మిగతా చెప్పుకోదగ్గ మార్పుల్లో సౌతాఫ్రికా బ్యాటర్‌ అనెరీ​ డెర్క్‌సన్‌ 13 స్థానాలు మెరుగుపర్చుకొని 76కు.. ఆసీస్‌ బ్యాటర్‌ జార్జియా వేర్హమ్‌ 9 స్థానాలు మెరుగుపర్చుకొని 90వ స్థానానికి ఎగబాకారు.ఆల్‌రౌండర్ల విభాగంలోనూ పెద్దగా మార్పుల్లేవు. హేలీ మాథ్యూస్‌, అమేలియా కెర్‌, దీప్తి శర్మ టాప్‌-3లో కొనసాగుతుండగా.. పాక్‌ కెప్టెన్‌ ఫాతిమా సనా మాత్రం 5 స్థానాలు మెరుగుపర్చుకొని ఆరో స్థానానికి చేరింది.

బ్యాంకాక్‌ వేదికగా జరుగుతున్న ఏసీసీ మహిళల ఆసియా కప్‌ రైజింగ్‌ స్టార్స్‌ 2026 టోర్నీలో చిరకాల ప్రత్యర్ధులు భారత్‌, పాకిస్తాన్‌ సెమీఫైనల్‌కు చేరాయి. ఇవాళ (ఫిబ్రవరి 17) జరిగిన మ్యాచ్‌ల్లో భారత-ఏ జట్టు నేపాల్‌పై.. పాకిస్తాన్‌-ఏ జట్టు యూఏఈపై ఘన విజయాలు సాధించి, ఫైనల్‌ ఫోర్‌లోకి ప్రవేశించాయి. సెమీస్‌లో భారత్‌, పాక్‌ ఎదుర్కోబోయే ప్రత్యర్ధులు ఎవరో రేపు జరుగబోయే బంగ్లాదేశ్‌-ఏ, మలేషియా.. శ్రీలంక-ఏ, థాయ్‌లాండ్‌ మ్యాచ్‌లతో తెలుస్తుంది.ఈ టోర్నీలో భారత్‌, పాక్‌ ఒకే గ్రూప్‌లో (ఏ) ఉన్నాయి. ఈ గ్రూప్‌ నుంచి భారత్‌, పాక్‌ మొదటి రెండు స్థానాల్లో నిలిచి సెమీస్‌కు అర్హత సాధించాయి. ఈ గ్రూప్‌లో యూఏఈ.. భారత్‌, పాక్‌కు గట్టి పోటీనిచ్చింది. ఆ జట్టు కూడా భారత్‌, పాక్‌తో సమానంగా మూడింట రెండు మ్యాచ్‌లు గెలిచింది. ఇవాల్టి మ్యాచ్‌లో పాక్‌ చేతిలో ఓటమితో యూఏఈ టోర్నీ నుంచి నిష్క్రమించింది. గ్రూప్‌-ఏలో మరో జట్టు నేపాల్‌, ఆడిన 3 మ్యాచ్‌ల్లో పరాజయాలు ఎదుర్కొని ఖాతా తెరవకుండానే టోర్నీ నుంచి వైదొలిగింది. గ్రూప్‌-బిలో బంగ్లాదేశ్‌-ఏ సెమీస్‌ బెర్త్‌ ఇదివరకే ఖరారైనప్పటికీ.. సెమీస్‌లో వారు ఎదుర్కోబోయే ప్రత్యర్ది ఎవరో మలేషియా మ్యాచ్‌ ఫలితంతో తెలుస్తుంది. ఎందుకంటే గ్రూప్‌-బిలో ఆ జట్టు స్థానాన్ని (1,2) మలేషియా మ్యాచ్‌ ఫలితం డిసైడ్‌ చేస్తుంది. గ్రూప్‌-బిలో మరో సెమీస్‌ బెర్త్‌ కోసం శ్రీలంక-ఏ, థాయ్‌లాండ్‌ పోటీపడుతున్నాయి. ఇరు జట్ల మధ్య రేపటి మ్యాచ్‌లో ఏ జట్టు గెలిస్తే, ఆ జట్టుకే సెమీస్‌ బెర్త్‌ దక్కుతుంది. ప్రస్తుతం శ్రీలంక-ఏ, థాయ్‌లాండ్‌ ఆడిన రెండు మ్యాచ్‌ల్లో చెరో మ్యాచ్‌ గెలిచి బంగ్లాదేశ్‌-ఏ తర్వాత రెండు, మూడు స్థానాల్లో ఉన్నాయి. ఈ గ్రూప్‌లో మలేషియా ఆడిన 2 మ్యాచ్‌ల్లో ఓడి నాలుగో స్థానంలో ఉంది.ఫిబ్రవరి 20న జరిగే వేర్వేరు సెమీఫైనల్స్‌లో భారత్‌, పాక్‌ పోటీపడతాయి. సెమీస్‌లో ఈ రెండు జట్లు గెలిస్తే.. ఫైనల్లో ఎదురెదురుపడతాయి. ఈ మ్యాచ్‌ ఫిబ్రవరి 22న జరుగనుంది.నేపాల్‌ మ్యాచ్‌లో భారత బౌలర్లు చెలరేగిపోయారు. తనూజా కన్వర్‌ 4, మిన్నూ మణి 3, కెప్టెన్‌ రాధా యాదవ్‌ 2 వికెట్లతో సత్తా చాటడంతో నేపాల్‌ 18 ఓవర్లలో 78 పరుగులకే కుప్పకూలింది. నేపాల్‌ ఇన్నింగ్స్‌లో సమ్జానా ఖడ్కా (22) టాప్‌ స్కోరర్‌గా నిలిచింది. అనంతరం స్వల్ప లక్ష్యాన్ని భారత్‌ 7.5 ఓవర్లలో 3 వికెట్లు కోల్పోయి సునాయాసంగా ఛేదించింది. వ్రిందా దినేశ్‌ 39 పరుగులతో అజేయంగా నిలిచి భారత్‌ను విజయతీరాలకు చేర్చింది.మరో మ్యాచ్‌లో తొలుత బ్యాటింగ్‌ చేసిన యూఏఈని పాక్‌ 17.2 ఓవర్లలో 79 పరుగులకే కుప్పకూల్చింది. అనంతరం స్వల్ప లక్ష్యాన్ని పాక్‌ 11 ఓవర్లలో వికెట్‌ మాత్రమే కోల్పోయి ఛేదించింది.

టీ20 ప్రపంచకప్‌-2026 నేపథ్యంలో పాకిస్తాన్‌ వరుస ‘యూటర్న్‌’లతో వార్తల్లో నిలుస్తోంది. బంగ్లాదేశ్‌కు మద్దతుగా తాము టోర్నీనే బహిష్కరిస్తామని పాకిస్తాన్‌ క్రికెట్‌ బోర్డు (PCB) తొలుత సంకేతాలు ఇచ్చిన విషయం తెలిసిందే.మాట మార్చడమే పనిఆ తర్వాత మొదటికే మోసం వస్తుందని భావించి.. కేవలం టీమిండియాతో మ్యాచ్‌ మాత్రమే బాయ్‌కాట్‌ చేస్తామని ఏ​కంగా పాకిస్తాన్‌ ప్రధాని షెబాజ్‌ షరీఫ్‌ ప్రకటన చేశారు. అయితే, అంతర్జాతీయ క్రికెట్‌ మండలి (ICC) రంగంలోకి దిగడంతో ఈ విషయంలోనూ పాక్‌ మాట మార్చింది.ఐసీసీతో పాటు పాక్‌ భద్రతా కారణాల గురించి మాట్లాడటంతో శ్రీలంక సైతం తమపై గతంలో పాక్‌లో జరిగిన ఉగ్రదాడి గురించి ప్రస్తావిస్తూ లేఖ రాసింది. యూఏఈ కూడా పాకిస్తాన్‌ తమ నిర్ణయాన్ని మార్చుకోవాలని కోరింది. ఆఖరికి బంగ్లాదేశ్‌ సైతం భారత్‌తో మ్యాచ్‌ ఆడాలని పాకిస్తాన్‌కు విజ్ఞప్తి చేసింది.ఈ నేపథ్యంలో ఐసీసీతో పాటు శ్రీలంక, యూఏఈ, బంగ్లాదేశ్‌ ఒత్తిళ్ల కారణంగా టీమిండియాతో మ్యాచ్‌ ఆడతామంటూ పాక్‌ అతి పెద్ద యూటర్న్‌ తీసుకుంది. అన్నట్లుగానే కొలంబో వేదికగా పటిష్ట భారత్‌తో తలపడ్డ పాకిస్తాన్‌ 61 పరుగుల తేడాతో చిత్తుగా ఓడింది. తద్వారా సూపర్‌-8 అవకాశాలను సంక్లిష్టం చేసుకుంది.నాలుక మడతేసిన అక్తర్‌ఈ క్రమంలో పాకిస్తాన్‌ మాజీ ఫాస్ట్‌ బౌలర్‌ షోయబ్‌ అక్తర్‌ పీసీబీ చైర్మన్‌ , మంత్రి మొహ్సిన్‌ నక్వీపై ఆగ్రహం వ్యక్తం చేశాడు. అసమర్థ వ్యక్తులను అందలం ఎక్కిస్తే ఫలితాలు ఇలాగే ఉంటాయంటూ మండిపడ్డాడు. సీనియర్‌ ప్లేయర్లు బాబర్‌ ఆజం, షాహిన్‌ ఆఫ్రిది, షాదాబ్‌ ఖాన్‌ వరుసగా విఫలమవుతున్నా.. ఎందుకు ఆడిస్తున్నారని ప్రశ్నించాడు.ఆట పట్ల అవగాహన లేని వ్యక్తి చైర్మన్‌ అయితే ఇలాగే ఉంటుందంటూ నక్వీని ఉద్దేశించి అక్తర్‌ వ్యాఖ్యానించాడు. ఈ కామెంట్స్‌ వైరల్‌ కాగా అక్తర్‌పై విమర్శలు వచ్చాయి. దీంతో అతడు కూడా యూటర్న్‌ తీసుకున్నాడు. తాను నక్వీ భాయ్‌ను ఉద్దేశించి.. ‘‘చదువులేని వాడు, అసమర్థుడు’’ అని అనలేదంటూ మాట మార్చాడు.‘‘నేను నక్వీ భాయ్‌ను ఉద్దేశించి ఎలాంటి వ్యాఖ్యలూ చేయలేదు. ఆయనను అగౌరవపరచాలనే ఉద్దేశమే నాకు లేదు. అంతర్జాతీయ స్థాయిలో పాక్‌ క్రికెట్‌ దిగజారుతున్న తీరుపైనే నేను ఆవేదన వ్యక్తం చేశాను.నక్వీ భాయ్‌ మంచి వ్యక్తిఅసమర్థులైన వ్యక్తులు వ్యవస్థను నాశనం చేస్తారు అని మాత్రమే అన్నాను. అయితే, అది నక్వీ భాయ్‌ను ఉద్దేశించి మాత్రం కాదు. కానీ నా వ్యాఖ్యలను వక్రీకరించారు. అదే కార్యక్రమంలో నేను నక్వీ భాయ్‌ మంచి వ్యక్తి అని చెప్పాను. కానీ ఆ మాటలను ప్రసారం చేయలేదు.అయితే, ఒక విషయంలో మాత్రం నక్వీ భాయ్‌పై నాకు నిజంగానే కోపం వచ్చింది. టీమిండియాతో ఆడమని ఆయన నిర్ణయం తీసుకున్నారు. కానీ ఆ మాట మీద నిలబడలేదు. మేమంతా ఆయనతోనే ఉన్నాం. మీకసలు సిగ్గుందా?అయినా సరే యూటర్న్‌ తీసుకోవడం నచ్చలేదు. ఈ విషయంలో పునరాలోచన చేసే ముందు నన్ను సంప్పదించాల్సింది’’ అని అక్తర్‌ తాను కూడా మాట మార్చేశాడు. ఈ నేపథ్యంలో ‘‘యూటర్న్‌ల మీద యూటర్న్‌లు.. మీకసలు సిగ్గుందా?’’ అంటూ నెటిజన్లు పీసీబీ, అక్తర్‌కు చివాట్లు పెడుతున్నారు.చదవండి: గంభీర్‌కు గోల్డెన్‌ ఆఫర్‌!.. హెడ్‌కోచ్‌ పదవికి గుడ్‌బై?

టీ20 ప్రపంచకప్‌ 2026లో భారత్‌ చేతిలో ఘోర ఓటమి ఎదురైన తర్వాత పాకిస్తాన్‌ క్రికెట్‌ బోర్డు (పీసీబీ) కఠిన నిర్ణయాలు తీసుకున్నట్లు తెలుస్తుంది. నిన్న (ఫిబ్రవరి 15) మ్యాచ్‌ ముగిసిన వెంటనే పీసీబీ అర్దరాత్రి వేల అత్యవసర సమావేశాన్ని నిర్వహించి ఇద్దరు స్టార్‌ ఆటగాళ్లపై వేటు వేయాలని నిర్ణయించినట్లు సమాచారం. ఆ స్టార్‌ ఆటగాళ్ల పేర్లు బాబర్‌ ఆజమ్‌, షాహీన్‌ అఫ్రిది అని తెలుస్తుంది.వీరిద్దరిని తక్షణమే జట్టు నుంచి తప్పించాలని కొలొంబోలో ఉన్న దేశ ప్రతినిధులకు పీసీబీ అల్టిమేటం​ జారీ చేసినట్లు సమాచారం. పాక్‌ తదుపరి ఆడబోయే నమీబియా మ్యాచ్‌లో బాబర్‌, అఫ్రిది స్థానాల్లో సల్మాన్‌ మీర్జా, నసీం షా, ఫకర్‌ జమాన్‌, ఖ్వాజా నఫాయ్‌ పేర్లు పరిశీలించాలని సిఫార్సు చేసినట్లు తెలుస్తుంది.భారత్‌ మ్యాచ్‌లో జట్టు ప్రదర్శనపై పాక్ ప్రభుత్వం సైతం ఆగ్రహంగా ఉన్నట్లు కథనాలు వెలువడుతున్నాయి. స్టార్‌ ఆటగాళ్లను తప్పించే విషయంలో పీసీబీ కంటే పాక్‌ ప్రభుత్వ జోక్యమే అధికంగా ఉన్నట్లు తెలుస్తుంది. భారత్‌ చేతిలో తాజా పరాభవం తర్వాత పాక్‌ ప్రభుత్వంపై కూడా ఆ దేశ ప్రజలు ఆగ్రహంగా ఉన్నారట. ముందుగా భారత్‌తో మ్యాచ్‌ ఆడమని ప్రకటించడమెందుకు, ఆతర్వాత తిరిగి ఆడటమెందుకని దుమ్మెత్తిపోస్తున్నారట. దేశ ప్రజల నుంచి ఒత్తిడి అధికం కావడంతో బాబర్‌, అఫ్రిది సహా మరికొంత మంది ఆటగాళ్లపై వేటు వేయాలని పాక్‌ ప్రభుత్వం పీసీబీకి సిఫార్సు చేసినట్లు వినికిడి.పాక్‌ ప్రజలు పీసీబీ అధ్యక్షుడు మొహిసిన్‌ నఖ్వీపై కూడా తీవ్ర స్థాయిలో ధ్వజమెత్తుతున్నట్లు తెలుస్తుంది. టీమిండియా విషయంలో నఖ్వీ మొదటి నుంచి ఓవరాక్షన్‌ చేస్తున్నాడని మెజార్జీ పాక్‌ క్రికెట్‌ అభిమానులు అనుకుంటున్నట్లు సమాచారం. నఖ్వీని పీసీబీ అధ్యక్ష హోదాతో పాటు మంతివర్గం నుంచి కూడా బహిష్కరించాలని పాక్‌లో ప్రతిపక్షాలు డిమాండ్‌ చేస్తున్నాయట. నఖ్వీ భారత్‌ చేతిలో ఓటమి తర్వాత తన లోపాలను కప్పిపుచ్చుకునేందుకు పలువురు పాక్‌ ఆటగాళ్లతో పాటు హెడ్‌ కోచ్‌ మైక్‌ హెస్సన్‌ను కూడా పరుష పదజాలంతో మందలించాడని తెలుస్తుంది.కాగా, భారత్‌తో మ్యాచ్‌లో పాక్‌ బ్యాటింగ్, బౌలింగ్ విభాగాల్లో దారుణంగా విఫలమై 61 పరుగుల తేడాతో చిత్తైంది. ఈ టోర్నీలో నెదర్లాండ్స్‌, యూఎస్‌ఏపై అతికష్టం మీద గెలిచిన పాక్‌.. గ్రూప్‌-ఏ పాయింట్ల పట్టికలో యూఎస్‌ఏ తర్వాత మూడో స్థానంలో ఉంది. ఫిబ్రవరి 18న నమీబియాతో మ్యాచ్‌ ఆటుఇటైతే పాక్‌ ప్రపంచకప్‌ నుంచి నిష్క్రమిస్తుంది. అదే జరిగితే భారత్‌తో పాటు యూఎస్‌ఏ సూపర్‌-8కు చేరుకుంటుంది.

టీమిండియా స్టార్‌ ఆల్‌రౌండర్‌ హార్దిక్‌ పాండ్యాకు లగ్జరీ వాచ్‌ల పట్ల ఉన్న పిచ్చి గురించి ప్రత్యేకించి చెప్పక్కర్లేదు. ఈ బరోడా ఆటగాడు ప్రపంచంలో దొరికే దాదాపు అన్ని ఖరీదైన వాచ్‌లు తన కలెక్షన్‌లో కలిగి ఉన్నాడు. తాజాగా హార్దిక్‌ ధరించిన మరో లగ్జరీ వాచ్‌ ప్రస్తుతం నెట్టింట వైరలవుతోంది. నిన్న (ఫిబ్రవరి 15) టీ20 ప్రపంచకప్‌ 2026లో భాగంగా దాయాది పాకిస్తాన్‌తో జరిగిన మ్యాచ్‌లో హార్దిక్‌ Jacob & Co. Epic X Chrono 44mm Titanium వాచ్‌ ధరించి అందరి దృష్టిని ఆకర్శించాడు. ఈ వాచ్ ధర భారత మార్కెట్లో రూ. 29 లక్షల నుంచి రూ. 34 లక్షల వరకు ఉంటుందని అంచనా. సోషల్ మీడియాలో వైరల్ అవుతున్న వీడియోల ప్రకారం.. వాచ్ డయల్‌పై శివుడి ప్రతిమ చెక్కబడినట్లు తెలుస్తుంది. నిన్న శివరాత్రి కావడంతో హార్దిక్‌ తన భక్తిని ఈరకంగా చాటుకున్నాడని నెటిజన్లు అనుకుంటున్నారు.హార్దిక్‌ వాచ్‌ల కలెక్షన్‌హార్దిక్‌ వాచ్‌ల కలెక్షన్‌ గురించి గతంలో చాలా విషయాలు విన్నాం. అతని వద్ద రూ. 100 కోట్ల విలువ గల లగ్జీర వాచ్‌ల కలెక్షన్‌ ఉంటుందని అంచనా. గతంలో హార్దిక్‌ ధరించిన అతి ఖరీదైన వాచ్‌లపై ఓ లుక్కేద్దాం.- Richard Mille RM 27-04 – ధర ₹20 కోట్లు (2025 ఆసియా కప్ ట్రైనింగ్ సమయంలో ధరించాడు) - Richard Mille RM 27-02 – ధర ₹7 కోట్లు (2026 ప్రారంభంలో కనిపించాడు). - Richard Mille RM 56-03 Blue Sapphire – ధర ₹53–54 కోట్లు (ప్రపంచంలో ఈ వాచ్‌లు కేవలం మూడు మాత్రమే తయారు చేశారు). - Rolex Daytona Rainbow – ధర ₹4–5 కోట్లు (సఫైర్లు, డైమండ్లతో అలంకరించిన వాచ్).- Audemars Piguet Royal Oak – ధర ₹3.25 కోట్లు (డబుల్ బ్యాలెన్స్ వీల్ ఓపెన్‌వర్క్డ్ & పర్పెచువల్ క్యాలెండర్ (18K రోజ్ గోల్డ్). - Rolex Eye of the Tiger – ధర ₹2–2.5 కోట్లు (ప్రత్యేకమైన Rolex Cosmograph Daytona)భారత్‌-పాక్‌ మ్యాచ్‌ విషయానికొస్తే.. ఈ మ్యాచ్‌ హార్దిక్‌ బ్యాట్‌తో ప్రభావం​ చూపించలేకపోయినా, బంతితో సత్తా చాటాడు. 3 ఓవర్లలో కేవలం 16 పరుగులిచ్చి 2 వికెట్లు తీశాడు. ఇందులో ఓ మెయిడిన్‌ (తొలి ఓవరే) కూడా ఉంది. ఈ మ్యాచ్‌లో అతను ఓ క్యాచ్‌ కూడా పట్టాడు. బ్యాట్‌తో రాణించకపోయినా, బంతితో మెరిసి హార్దిక్‌ భారత గెలుపులో తనవంతు పాత్ర పోషించాడు. ఈ మ్యాచ్‌లో భారత్‌ పాక్‌పై 61 పరుగుల తేడాతో ఘన విజయం సాధించి, సూపర్‌-8కు అర్హత సాధించింది. ఓపెనర్‌ ఇషాన్‌ కిషన్‌ (40 బంతుల్లో 77; 10 ఫోర్లు, 3 సిక్సర్లు) విధ్వంసకర ఇన్నింగ్స్‌ కారణంగా తొలుత బ్యాటింగ్‌ చేసిన భారత్‌ 7 వికెట్ల నష్టానికి 175 పరుగులు చేసింది. అనంతరం భారత బౌలర్లు కలిసికట్టుగా రాణించి పాక్‌ను 18 ఓవర్లలో 114 పరుగులకే కుప్పకూల్చారు. భారత గెలుపులో ప్రధానపాత్ర పోషించిన ఇషాన్‌ కిషన్‌కు ప్లేయర్‌ ఆఫ్‌ ద మ్యాచ్‌ అవార్డు లభించింది.

టీమిండియా పాకెట్‌ డైనమైట్‌ ఇషాన్‌ కిషన్‌ త్వరలో పెళ్లి పీటలెక్కబోతున్నాడని తెలుస్తుంది. ప్రస్తుతం టీ20 ప్రపంచకప్‌తో బిజీగా ఉన్న అతను.. మెగా టోర్నీ ముగిసాక తన ప్రేయసి అదితి హుండియాను మనువాడబోతున్నాడని సమాచారం. ఈ విషయాన్ని ఇషాన్‌ తాత అనురాగ్‌ పాండే స్వయంగా వెల్లడించారు. ఏఎన్‌ఐతో ఆయన మాట్లాడుతూ.. ఇషాన్‌ ఎవరిని పెళ్లి చేసుకోవాలనుకున్నా, తాము అంగీకరించేందుకు సిద్దంగా ఉన్నాము. ఇషాన్‌ గర్ల్‌ ఫ్రెండ్‌ పేరు అదితి. ఆమె ఓ మోడల్‌. పిల్లలను సంతోషపెట్టే వాటిని పెద్దలు అంగీకరించాలని అన్నాడు.#WATCH | Aurangabad, Bihar | Grandfather of Indian Cricketer Ishan Kishan, Anurag Pandey says, "...We are ready to accept whoever Ishan Kishan wants to marry. Aditi is his girlfriend...She is a model...One should accept what makes children happy..." (14.03) pic.twitter.com/narb5aZHtx— ANI (@ANI) February 14, 2026ఇషాన్‌కు సంబంధించిన ఈ వార్త ప్రస్తుతం సోషల్‌మీడియాలో వైరలవుతోంది. ఇషాన్‌ నిన్న (ఫిబ్రవరి 15) టీ20 ప్రపంచకప్‌ 2026లో భాగంగా పాకిస్తాన్‌పై చెలరేగిపోయాడు. కేవలం 40 బంతుల్లో 10 ఫోర్లు, 3 సిక్సర్ల సాయంతో 77 పరుగులు చేశాడు. ఈ ఇన్నింగ్స్‌ ప్రధాన కారణంగా భారత్‌ పాక్‌ను 61 పరుగుల తేడాతో చిత్తు ఓడించింది. తన విధ్వంసకర ప్రదర్శనకు గానూ ఇషాన్‌ ప్లేయర్‌ ఆఫ్‌ ద ​మ్యాచ్‌ అవార్డు కూడా గెలుచుకున్నాడు. టీ20 ప్రపంచకప్‌ జట్టులోకి అనూహ్యంగా వచ్చిన ఇషాన్‌ అంచనాలకు మించి రాణిస్తూ.. భారత క్రికెట్‌ అభిమానుల మనసుల్లో చెరగని ముద్ర వేస్తున్నాడు.పాక్‌పై వీరబాదడు తర్వాత ఇషాన్‌ పెళ్లి ప్రస్తావన రావడం అభిమానులకు జోష్‌నిస్తుంది. వాస్తవానికి ఇషాన్‌-అదితి బంధంపై చాలా రోజులుగా సోషల్‌మీడియాలో రకరకాల ఊహాగానాలు వినిపిస్తుండేవి. కొందరు వీరిని ప్రేమికులంటే, మరికొందరు కేవలం స్నేహితులు మాత్రమేనని అన్నారు. ఇషాన్‌ తాత తాజా ప్రకటనతో ఇషాన్‌-అదితి బంధం బహిర్గతమైపోయింది. పెళ్లిపై ఇషాన్‌ కాని, అదితి కాని ఎలాంటి అధికారిక​ ప్రకటన చేయకపోయినా, ఇరు కుటుంబాల్లో పెళ్లి చర్చలు మొదలయ్యాయనే విషయం సుస్పష్టమైంది.ఎవరీ అదితి హుండియా..?ఇషాన్‌ పెళ్లి చేసుకోబోయే అమ్మాయిగా చెప్పుకుంటున్న అదితి హుండియా జైపూర్‌కు చెందిన ఓ ప్రముఖ మోడల్‌. ఈ అమ్మాయి 1997 జనవరి 15న జన్మించింది. ప్రస్తుతం ఆమె వయసు 29 సంవత్సరాలు. అదితి జైపూర్‌లోని ప్రముఖ వ్యాపార కుటుంబంలో జన్మించింది. అదితి పాఠశాల విద్యను ఇండియా ఇంటర్నేషనల్‌ స్కూల్‌ ఆఫ్‌ జైపూర్‌లో అభ్యసించింది. జైపూర్‌లోని సెయింట్‌ జేవియర్‌ ఇన్‌స్టిట్యూట్‌లో కాలేజీ విద్యను పూర్తి చేసింది. అదితికి మోడలింగ్‌ అంటే పిచ్చి. ఆమె 2016లో ఎలైట్‌ మిస్‌ రాజస్థాన్‌ రన్నరప్‌గా నిలిచింది. ఆతర్వాత 2018 మిస్‌ దివా కిరీటాన్ని కైవసం చేసుకుంది. 2017 ఫెమినా మిస్‌ ఇండియా పోటీల్లో ఫైనలిస్ట్‌గా నిలిచింది. 2018లో మిస్‌ సుప్రానేషనల్‌ ఇండియా టైటిల్‌ను గెలుచుకుంది. అదితికి ఫ్యాషన్ రంగంలోనూ మంచి గుర్తింపు ఉంది. ఆమెకు సోషల్ మీడియాలో 2.7 లక్షలకుపైగా ఫాలోవర్లు ఉన్నారు. అదితి మోడల్‌గా, ఇన్‌ఫ్లూయెన్సర్‌గా నెటిజన్లకు సుపరిచితురాలు. అదితి 2019లో Pehla Wargi అనే వీడియో ఆల్బమ్‌లోనూ నటించింది.ఇషాన్‌-అదితి మధ్య బంధం 2019 ఐపీఎల్‌ సమయంలో బయటపడింది.అప్పటి నుంచి ఆమె తరుచూ ఇషాన్‌తో కనిపించేది. తాజాగా పెళ్లి ప్రస్తావన రావడంతో అదితి ఎవరనే విషయాన్ని క్రికెట్‌ అభిమానులు గూగుల్‌ చేయడం మొదలుపెట్టారు.

టీ20 ప్రపంచకప్‌ టోర్నీలో పాకిస్తాన్‌పై తమదే పైచేయి అని టీమిండియా మరోసారి నిరూపించింది. కొలంబో వేదికగా ఆదివారం నాటి మ్యాచ్‌లో సల్మాన్‌ ఆఘా బృందాన్ని 61 పరుగుల తేడాతో చిత్తు చేసింది. తద్వారా తాజా ఎడిషన్‌లో వరుసగా మూడో విజయం నమోదు చేసిన టీమిండియా.. గ్రూప్‌-ఎ నుంచి సూపర్‌-8కు చేరుకున్న తొలి జట్టుగా నిలిచింది.తదుపరి నెదర్లాండ్స్‌తో బుధవారం నాటి నామమాత్రపు మ్యాచ్‌లో టీమిండియా తలపడుతుంది. మరోవైపు.. గ్రూప్‌-ఎ నుంచి రెండో బెర్తు కోసం పాకిస్తాన్‌తో అమెరికా పోటీ పడుతోంది. కాగా లీగ్‌ దశలో అమెరికా నాలుగు మ్యాచ్‌లు పూర్తి చేసుకుంది.పటిష్ట స్థితిలో అమెరికాఇందులో భారత్‌, పాకిస్తాన్‌ చేతిలో ఓడిన అమెరికా జట్టు.. నెదర్లాండ్స్‌, నమీబియా జట్లపై గెలుపొందింది. తద్వారా నాలుగు పాయింట్లు సాధించింది. నెట్‌రన్‌రేటు +0.787గా ఉంది. ఇక టీమిండియా చేతిలో భారీ తేడాతో పాక్‌ ఓడిపోవడంతో అమెరికా సూపర్‌-8 ఆశలు సజీవమయ్యాయి.ఈ నేపథ్యంలో అమెరికాను దాటి సూపర్‌-8కు చేరాలంటే పాకిస్తాన్‌ తమ తదుపరి మ్యాచ్‌లో తప్పక గెలవాలి. కొలంబో వేదికగా నమీబియాపై పాక్‌ గెలిస్తేనే సూపర్‌-8కు చేరుతుంది. అయితే, ఇరుజట్లలో పాక్‌ పటిష్టమైనదే అయినా.. అత్యంత నిలకడలేని జట్టుగా పాకిస్తాన్‌కు చెడ్డపేరు ఉంది.పాక్‌ సూపర్‌-8 చేరాలంటే?మరోవైపు.. ఈ టోర్నీలో అమెరికా, జింబాబ్వే, ఇటలీ, నేపాల్‌ వంటి పసికూన జట్లు పటిష్ట జట్లకు సవాల్‌ విసిరిన సంగతి తెలిసిందే. అమెరికా టీమిండియాకు గట్టి పోటీనివ్వగా.. జింబాబ్వే మాజీ చాంపియన్‌ ఆస్ట్రేలియాను మట్టికరిపించింది. నేపాల్.. రెండుసార్లు చాంపియన్‌ అయిన ఇంగ్లండ్‌ను వణికించగా.. తొలిసారి వరల్డ్‌కప్‌ ఆడుతున్న ఇటలీ నేపాల్‌ను చిత్తు చేసింది.కాబట్టి నమీబియాతో మ్యాచ్‌లో పాక్‌ జాగ్రత్తగా ఆడితేనే సజావుగా సూపర్‌-8కు చేరుతుంది. లేదంటే.. గత ఎడిషన్‌ మాదిరే ఈసారి లీగ్‌ దశలోనే నిష్క్రమించాల్సి ఉంటుంది. కాగా పాక్‌ తమ తొలి రెండు మ్యాచ్‌లలో నెదర్లాండ్స్‌, అమెరికాలను ఓడించి నాలుగు పాయింట్లు సంపాదించింది. నెట్‌రన్‌రేటు -0.403.నెట్‌రన్‌రేటు పరంగాకాబట్టి నమీబియాతో మ్యాచ్‌లో నెగ్గితేనే ఆరు పాయింట్లతో పాక్‌ అమెరికాను దాటి సూపర్‌-8లో అడుగుపెట్టగలదు. ఒకవేళ నమీబియా చేతిలో ఓడితే గనుక అమెరికాతో సమానంగా నాలుగు పాయింట్లు ఉన్నా నెట్‌రన్‌రేటు పరంగా యూఎస్‌ మెరుగ్గా ఉంది. కాబట్టి అక్కడా పాకిస్తాన్‌కు ప్రమాదమే పొంచి ఉంటుంది. ఇదిలా ఉంటే.. ఇప్పటికి వెస్టిండీస్‌, టీమిండియా మాత్రమే సూపర్‌-8 బెర్తులను అధికారికంగా ఖరారు చేసుకున్నాయి.చదవండి: అభిషేక్‌ శర్మ ఫెయిల్‌.. రవిశాస్త్రి కీలక వ్యాఖ్యలు

టీమిండియా చేతిలో ఓడినా పాకిస్తాన్‌ సరికొత్త చరిత్ర సృష్టించింది. టీ20 ప్రపంచకప్‌ టోర్నీలో రెండుసార్లు 18 ఓవర్లపాటు స్పిన్‌ బౌలింగ్‌నే ప్రయోగించిన తొలి జట్టుగా నిలిచింది.స్పిన్‌ దళంపైనే నమ్మకంటీ20 వరల్డ్‌కప్‌-2026 టోర్నీలో భాగంగా కొలంబో వేదికగా పాకిస్తాన్‌ ఆదివారం టీమిండియాతో తలపడిన విషయం తెలిసిందే. టాస్‌ గెలిచి తొలుత బౌలింగ్‌ ఎంచుకున్న పాక్‌.. తమ స్పిన్‌ దళంపైనే ఎక్కువగా ఆధారపడింది. స్పెషలిస్టు స్పిన్నర్లలో ఉస్మాన్‌ తారిఖ్‌ నాలుగు ఓవర్ల కోటా పూర్తి చేసి 24 రన్స్‌ ఇచ్చి ఒక వికెట్‌ తీయగా.. అబ్రార్‌ అహ్మద్‌ మూడు ఓవర్లు వేసి 38 పరుగులు ఇచ్చుకున్నాడు.ఇక బ్యాటింగ్‌ ఆల్‌రౌండర్లు సల్మాన్‌ ఆఘా రెండు ఓవర్లు వేసి 10 పరుగులిచ్చి ఒక వికెట్‌ తీయగా.. నాలుగు ఓవర్ల కోటాలో సయీమ్‌ ఆయుబ్‌ మూడు వికెట్లతో సత్తా చాటాడు. మరోవైపు షాదాబ్‌ ఖాన్‌ ఒక ఓవర్‌ వేసి 17 రన్స్‌, మొహమ్మద్‌ నవాజ్‌ 4 ఓవర్లలో 28 రన్స్‌ ఇచ్చి ఒక్క వికెట్‌ కూడా తీయలేకపోయారు.షాహిన్‌ ఆఫ్రిది విఫలంఇలా నిర్ణీత 20 ఓవర్లలో 18 ఓవర్లు పాక్‌ స్పిన్నర్లే వేయగా.. ఏకైక పేసర్‌ షాహిన్‌ ఆఫ్రిది రెండు ఓవర్లు వేసి ఏకంగా 31 పరుగులు సమర్పించుకుని ఒక్క వికెట్‌ కూడా తీయలేకపోయాడు. కాగా పాక్‌ ఇలా స్పిన్‌ దళాన్నే నమ్ముకోవడం ఇదే తొలిసారి కాదు. 2012 టీ20 వరల్డ్‌కప్‌ టోర్నీలో ఆస్ట్రేలియా మీద కూడా ఇదే తరహాలో ఇదే వేదికపై స్పిన్‌ అస్త్రాన్ని ప్రయోగించింది పాక్‌.తద్వారా పొట్టి వరల్డ్‌కప్‌ ఈవెంట్లో అత్యధికంగా రెండుసార్లు 18 ఓవర్లు స్పిన్‌ వేయించిన తొలి జట్టు పాకిస్తాన్‌ నిలిచింది. కాగా కొలంబో పిచ్‌ స్పిన్‌కు అనుకూలం అన్న సంగతి తెలిసిందే. ఇక భారత్‌తో మ్యాచ్‌లో పాక్‌ 61 పరుగుల తేడాతో ఓడిపోయింది.టీమిండియా ఇలాఈ మ్యాచ్‌లో పాక్‌ ప్రధానంగా స్పిన్‌ను నమ్ముకుంటే.. టీమిండియా పేసర్లకు కూడా ప్రాధాన్యం ఇచ్చింది. భారత పేసర్లలో ఆల్‌రౌండర్‌ హార్దిక్‌ పాండ్యా మూడు ఓవర్లు వేసి కేవలం 16 పరుగులు ఇచ్చి రెండు వికెట్లు తీశాడు. ప్రధాన పేసర్‌ జస్‌ప్రీత్‌ బుమ్రా రెండు ఓవర్లలో 17 పరుగులు ఇచ్చి రెండు వికెట్లు కూల్చాడు.ఇక స్పిన్నర్లలో ఆల్‌రౌండర్‌ అక్షర్‌ పటేల్‌ నాలుగు ఓవర్లు వేసి రెండు వికెట్లు తీయగా.. వరుణ్‌ చక్రవర్తి మూడు ఓవర్లలోనే రెండు వికెట్లు పడగొట్టాడు. కుల్దీప్‌ యాదవ్‌ మూడు ఓవర్లు వేసి ఒక వికెట్‌ పడగొట్టగా.. పార్ట్‌టైమ్‌ స్పిన్నర్లు తిలక్‌ వర్మ రెండు ఓవర్లు వేసి ఒక వికెట్‌ తీయగా.. రింకూ సింగ్‌ ఒక ఓవర్లో 9 పరుగులు సమర్పించుకున్నాడు.ఇదిలా ఉంటే.. తాజా వరల్డ్‌కప్‌ ఎడిషన్‌లో పాకిస్తాన్‌ యూఎస్‌ఏతో మ్యాచ్‌లో కూడా ఏకంగా 16 ఓవర్లు స్పిన్‌ బౌలింగ్‌ వేయించడం గమనార్హం.చదవండి: అభిషేక్‌ శర్మ ఫెయిల్‌.. రవిశాస్త్రి కీలక వ్యాఖ్యలు

భారీ అంచనాల నడుమ టీ20 ప్రపంచకప్‌-2026 టోర్నీలో అడుగుపెట్టిన భారత ఓపెనర్‌ అభిషేక్‌ శర్మ తీవ్రంగా నిరాశపరుస్తున్నాడు. విధ్వంసకర బ్యాటర్‌గా పేరొందిన అభిషేక్‌.. వరల్డ్‌కప్‌ టోర్నీలో ఇప్పటికి ఆడిన రెండు మ్యాచ్‌లలో పరుగుల ఖాతా తెరవనే లేదు.అగ్రస్థానంలో అభిషేక్‌పసికూన అమెరికాతో మ్యాచ్‌లో గోల్డెన్‌ డకౌట్‌ అయిన అభిషేక్‌ శర్మ (Abhishek Sharma).. తాజాగా పాకిస్తాన్‌తో ఆదివారం నాటి మ్యాచ్‌లో నాలుగు బంతులు ఎదుర్కొని సున్నా చుట్టాడు. పాక్‌ కెప్టెన్‌ సల్మాన్‌ ఆఘా (Salman Agha) బౌలింగ్‌లో షాహిన్‌ ఆఫ్రిదికి క్యాచ్‌ ఇచ్చి పెవిలియన్‌ చేరాడు. ఐసీసీ టీ20 ర్యాంకింగ్స్‌లో అగ్రస్థానంలో కొనసాగుతున్న అభిషేక్‌ శర్మ ఇలా విఫలం కావడం అభిమానులకు ఆగ్రహం తెప్పిస్తోంది.అయితే, టీ20 వరల్డ్‌కప్‌లో టీమిండియా హ్యాట్రిక్‌ విజయాలతో సూపర్‌-8కు దూసుకెళ్లడంతో అభిషేక్‌ వైఫల్యాలపై పెద్దగా చర్చ జరగడం లేదు. లేదంటే అతడిపై తీవ్ర స్థాయిలో విమర్శలు వెల్లువెత్తేవి. ఈ నేపథ్యంలో టీమిండియా మాజీ హెడ్‌కోచ్‌ రవిశాస్త్రి అభిషేక్‌ను ఉద్దేశించి ఆసక్తికర వ్యాఖ్యలు చేశాడు.రవిశాస్త్రి సూచనలు‘‘అతడి నుంచి స్థాయికి తగ్గ ప్రదర్శన రావాల్సి ఉంది. అందుకు ఇంకొంత సమయం పట్టవచ్చు. ఆటగాడి కెరీర్‌లో ఇలాంటివి సహజమే. అయితే, ఇందుకోసం ముందుగా అతడు తన పొరపాట్లు సరిచేసుకోవాలి.క్రీజులో నిలదొక్కుకునేందుకు కాస్త సమయం తీసుకోవాలి. వ్యూహాలను పక్కాగా అమలు చేయాలి. ఎందుకంటే.. డాట్‌ బాల్స్‌ను బౌండరీలు, సిక్సర్లుగా మలచడం అతడికి కొత్తేమీ కాదు. ఇందుకు అతడు కష్టపడాల్సిన అవసరం కూడా లేదు.ఏదేమైనా క్రీజులో కుదురుకున్న తర్వాతే పని మొదలుపెట్టాలి’’ అని రవిశాస్త్రి అభిషేక్‌ శర్మకు సూచనలు ఇచ్చాడు. ఇదిలా ఉంటే.. పాక్‌పై టీమిండియా 61 పరుగుల తేడాతో ఘన విజయం సాధించి.. సూపర్‌-8లో అడుగుపెట్టింది.అంతకు ముందు తొలుత అమెరికా.. అనంతరం నమీబియా జట్లపై టీమిండియా గెలిచిన విషయం తెలిసిందే. ఇదిలా ఉంటే.. కడుపు నొప్పి కారణంగా నమీబియాతో మ్యాచ్‌కు అభిషేక్‌ శర్మ దూరమయ్యాడు. పాక్‌తో మ్యాచ్‌ సందర్భంగా రీఎంట్రీ ఇచ్చి డకౌట్‌ అయి నిరాశపరిచాడు ఈ లెఫ్టాండర్‌ బ్యాటర్‌. కాగా అభిషేక్‌ శర్మ కెరీర్‌లో ఇదే తొలి వరల్డ్‌కప్‌ అన్న సంగతి తెలిసిందే.చదవండి: IND vs PAK: అందుకే ఓడిపోయాం.. ప్రధాన కారణం వాళ్లే: పాక్‌ కెప్టెన్‌

పాకిస్తాన్‌ క్రికెట్‌ బోర్డు (పీసీబీ) చైర్మన్‌ మొహ్సిన్‌ నక్వీ తీరుపై ఆ దేశ మాజీ ఫాస్ట్‌ బౌలర్‌ షోయబ్‌ అక్తర్‌ మండిపడ్డాడు. అసమర్థులైన వ్యక్తులను అందలం ఎక్కిస్తే ఇలాంటి చేదు అనుభవాలే ఎదురవుతాయంటూ ఆగ్రహం వ్యక్తం చేశాడు. ఆట పట్ల కనీస అవగాహన లేని వ్యక్తిని చైర్మన్‌ చేయడం అన్నిటికంటే పెద్ద నేరం అంటూ ఘాటు విమర్శలు చేశాడు.61 పరుగుల తేడాతో చిత్తుకాగా పాకిస్తాన్‌ క్రికెట్‌ జట్టు గత కొంతకాలంగా మిశ్రమ ఫలితాలు అందుకుంటున్న విషయం తెలిసిందే. టీ20 ప్రపంచకప్‌-2026లో పసికూనలు నెదర్లాండ్స్‌, అమెరికాలపై గెలిచిన సల్మాన్‌ ఆఘా బృందం.. టీమిండియా ముందు మరోసారి తలవంచింది. కొలంబో వేదికగా ఆదివారం నాటి మ్యాచ్‌లో 61 పరుగుల తేడాతో చిత్తు ఓడిపోయింది.ఫలితంగా తదుపరి నమీబియాపై భారీ విజయం సాధిస్తేనే సూపర్‌-8 అవకాశాలను పాక్‌ సజీవం చేసుకోగలదు. ఈ నేపథ్యంలో పాక్‌ దిగ్గజ బౌలర్‌ షోయబ్‌ అక్తర్‌ పీసీబీ చైర్మన్‌, మంత్రి మొహ్సిన్‌ నక్వీ (Mohsing Naqvi) విధానాలను ఘాటుగా విమర్శించాడు.పనికిరాని వ్యక్తులు.. వీరిని నమ్ముకుంటే ఇంతే‘‘షాహిన్‌ ఆఫ్రిది (Shaheen Afridi) గంటకు 125 కిలోమీటర్ల వేగంతో బౌలింగ్‌ చేస్తున్నాడు. ఆధునిక క్రికెట్‌లో ఇలాంటి చెత్త టాలెంట్‌ అవసరం లేదు. ఇక ఇంకో ప్లేయర్‌ (బాబర్‌ ఆజం)ను సూపర్‌ స్టార్‌ చేస్తారు. కానీ అతడు మీకోసం ఒక్క మ్యాచ్‌ కూడా గెలవలేడు.ఇంకో వ్యక్తి ఉన్నాడు. ఆయనకు అసలు తాను పాక్‌ క్రికెట్‌ బోర్డు చైర్మన్‌ని అన్న విషయం గుర్తుందో లేదో కూడా తెలియదు. అలాంటి పనికిరాని వ్యక్తులు జట్టును ఎలా రన్‌ చేయగలరు? ఈ ప్రపంచంలో అసమర్థ వ్యక్తిని అందలం ఎక్కించడమే అన్నిటికంటే పెద్ద నేరం. అర్హత లేని వాళ్లకు అధికారం ఇస్తే ఇలాగే ఉంటుంది.ఆయనొక అసమర్థుడు.. ఆట పట్ల ఏమాత్రం అవగాహన లేని వాడు. గత 15-20 ఏళ్లుగా పాక్‌ క్రికెట్‌ను ఎవరూ సరిగ్గా పట్టించుకోవడం లేదు. టీమిండియాను ఓడించడం మనకు ఓ కలగానే మిగిపోయింది’’ అని అక్తర్‌ తీవ్ర స్థాయిలో మండిపడ్డాడు.గతేడాది అలాఅదే విధంగా.. సీనియర్లు బాబర్‌ ఆజం, షాహిన్‌ ఆఫ్రిది, షాదాబ్‌ ఖాన్‌ వరుసగా విఫలమవుతున్నా అవకాశాలు ఇవ్వడం ఏమిటని అక్తర్‌ ప్రశ్నించాడు. కాగా పాక్‌పై గెలుపుతో హ్యాట్రిక్‌ విజయం అందుకున్న టీమిండియా సూపర్‌-8కు చేరగా.. పాక్‌ రాత తదుపరి మ్యాచ్‌ ఫలితంతో తేలుతుంది. కాగా గత వరల్డ్‌కప్‌ ఎడిషన్‌లో పాకిస్తాన్‌ సూపర్‌-8 కూడా చేరకుండానే గ్రూప్‌ దశలోనే నిష్క్రమించిన విషయం తెలిసిందే.చదవండి: నీకసలు బుద్ధి ఉందా?.. కుల్దీప్‌ యాదవ్‌పై హార్దిక్‌, సూర్య ఫైర్"THEY CANNOT PLAY HIM!" 🔥Jasprit Bumrah gets Saim Ayub & Salman Agha out in the same over! Pakistan are 3 down 🥶ICC Men’s #T20WorldCup | #INDvPAK | LIVE NOW 👉https://t.co/SpqYo6n3dL pic.twitter.com/2mVlsnJBqI— Star Sports (@StarSportsIndia) February 15, 2026

టీమిండియా చేతిలో పాకిస్తాన్‌కు మరోసారి పరాభవమే ఎదురైంది. భారత్‌తో మ్యాచ్‌ బహిష్కరిస్తామంటూ గొప్పలకు పోయి.. ఆ తర్వాత దిగివచ్చిన దాయాదికి సూర్య సేన దిమ్మతిరిగేలా షాకిచ్చింది. టీ20 ప్రపంచకప్‌-2026లో పాక్‌ను 61 పరుగుల తేడాతో చిత్తు చేసి మరోసారి ఆధిపత్యాన్ని చాటుకుంది.ప్రధాన కారణం వాళ్లేఈ నేపథ్యంలో పాక్‌ కెప్టెన్‌ సల్మాన్‌ అలీ ఆఘా (Salman Ali Agha) స్పందిస్తూ.. తమ ఓటమికి గల కారణాలు విశ్లేషించాడు. మ్యాచ్‌ ముగిసిన అనంతరం మాట్లాడుతూ.. ‘‘ఈరోజు మా స్పిన్నర్లపైనే నమ్మకం ఉంచాము. కానీ వారు రాణించలేకపోయారు. ప్రణాళికలను అమలు చేయడంలో మా వాళ్లు సఫలం కాలేదు. గత ఆర్నెళ్లుగా వారు విజయవంతమైన దళంగా కొనసాగుతున్నారు.కానీ ఇప్పుడు అనుకున్న ఫలితాన్ని రాబట్టలేకపోయారు. ఇక మా బ్యాటర్లు కూడా విఫలమయ్యారు. పవర్‌ ప్లేలోనే 3-4 వికెట్లు కోల్పోవడం ప్రతికూల ప్రభావం చూపింది. లక్ష్య ఛేదనలో ఆరంభంలోనే వికెట్లు కోల్పోతే ఒత్తిడి మరింత ఎక్కువవుతుంది.పిచ్‌ బౌలర్లకు అనుకూలిస్తుందనే టాస్‌ గెలిచిన తర్వాత నేను బౌలింగ్‌ ఎంచుకున్నాను. బంతిపై గ్రిప్పింగ్‌ కూడా బాగానే ఉంది. కానీ మా వాళ్లు తమ వ్యూహాల్ని అమలు చేయలేకపోయారు. పరిస్థితికి తగ్గట్లు మా వాళ్లు బౌలింగ్‌ చేయలేదు.బ్యాటింగ్‌ ఆర్డర్‌ కూడా విఫలంమా బ్యాటింగ్‌ ఆర్డర్‌ కూడా విఫలమైంది. ఇలాంటి మ్యాచ్‌లలో భావోద్వేగాలు ఎక్కువగా ఉండటం సహజమే. అయితే, మేము ఇప్పటికే ఎంతో క్రికెట్‌ ఆడాము. మాకు ఇలాంటి పరిస్థితులు కొత్తేమీ కాదు. తదుపరి మ్యాచ్‌లో గెలిచి సూపర్‌ 8కు చేరాలని పట్టుదలగా ఉన్నాము’’ అని సల్మాన్‌ ఆఘా చెప్పుకొచ్చాడు. సమిష్టి వైఫల్యం కారణంగానే తాము పరాజయం పాలయ్యామని పొరపాట్లను అంగీకరించాడు.వికెట్లు తీసినా..కాగా కొలంబోలో టాస్‌ గెలిచిన పాక్‌.. తొలుత బౌలింగ్‌ చేయగా.. భారత్‌ నిర్ణీత 20 ఓవర్లలో ఏడు వికెట్ల నష్టానికి 175 పరుగులు చేసింది. పాక్‌ బౌలర్లలో స్పిన్‌ ఆల్‌రౌండర్లు సయీమ్‌ ఆయుబ్‌ మూడు వికెట్లు తీయగా.. సల్మాన్‌ ఆఘా ఒక వికెట్‌ తీశాడు, ఆఫ్‌ స్పిన్నర్‌ ఉస్మాన్‌ తారిఖ్‌, పేసర్‌ , షాహిన్‌ ఆఫ్రిది ఒక్కో వికెట్‌ పడగొట్టారు. అయితే, పాక్‌ స్పిన్నర్లు వికెట్లు తీసినా కూడా పరుగులు కూడా ఎక్కువే ఇచ్చుకోవడం గమనా ర్హం.పెవిలియన్‌కు క్యూ కట్టిన బ్యాటర్లుఇక లక్ష్య ఛేదనలో పాకిస్తాన్‌కు భారత బౌలర్లు చుక్కలు చూపించారు. ఓపెనర్లలో సాహిబ్‌జాదా ఫర్హాన్‌ డకౌట్‌ కాగా.. సయీబ్‌ ఆయుబ్‌ 6.. వన్‌డౌన్‌ బ్యాటర్‌ సల్మాన్‌ ఆఘా 4, తర్వాతి స్థానాల్లో వచ్చిన బాబర్‌ ఆజం 5 పరుగులకే పెవిలియన్‌ చేరారు.BIGGEST WIN FOR INDIA OVER PAKISTAN IN T20Is (61 runs)! 🤯With that, they make it 8-1 in #INDvPAK in the ICC Men's T20 World Cup and qualify for the Super 8! 👏Watch them next in ICC Men's #T20WorldCup | #INDvNED | WED, 18 FEB, 6 PM! pic.twitter.com/na6yc5i7Pz— Star Sports (@StarSportsIndia) February 15, 2026వికెట్‌ కీపర్‌ బ్యాటర్‌ ఉస్మాన్‌ ఖాన్‌ (44) మెరుగ్గా రాణించగా.. షాహిన్‌ ఆఫ్రిది 23 పరుగులతో అజేయంగా నిలిచాడు. మిగిలిన వాళ్లంతా తేలిపోయారు. టీమిండియా బౌలర్లలో స్పిన్నర్లు అక్షర్‌ పటేల్‌, వరుణ్‌ చక్రవర్తి చెరో రెండు, కుల్దీప్‌ యాదవ్‌, తిలక్‌ వర్మ తలా ఒక వికెట్‌ తీశారు. పేసర్లు హార్దిక్‌ పాండ్యా, జస్‌ప్రీత్‌ బుమ్రా చెరో రెండు వికెట్లు కూల్చారు.చదవండి: అతడు అత్యద్భుతం.. ఇది ఇండియా కోసం: సూర్య

టీ20 ప్రపంచకప్‌-2026 టోర్నీలో టీమిండియా హ్యాట్రిక్‌ విజయాలు నమోదు చేసింది. గ్రూప్‌-ఎలో తొలుత అమెరికా.. తర్వాత నమీబియాలను ఓడించిన భారత్‌.. మూడో మ్యాచ్‌లో పాకిస్తాన్‌ చిత్తు చేసింది. దాయాదిపై ఏకంగా 61 పరుగుల తేడాతో నెగ్గి సూపర్‌-8 దశకు అర్హత సాధించింది.తటస్థ వేదికైన కొలంబోలో ఆదివారం నాటి మ్యాచ్‌లో సూర్య సేన ఆద్యంతం ఆధిపత్యం కనబరిచింది. టాస్‌ ఓడి తొలుత నిర్ణీత 20 ఓవర్లలో ఏడు వికెట్లు నష్టపోయి 175 పరుగులు చేసిన టీమిండియా.. పాక్‌ను 114 పరుగులకే ఆలౌట్‌ చేసింది.మొదలుపెట్టి.. తానే ముగించాడుభారత బ్యాటర్లలో ‘ప్లేయర్‌ ఆఫ్‌ ది మ్యాచ్‌’ ఇషాన్‌ కిషన్‌ (40 బంతుల్లో 77) అదరగొట్టగా.. బౌలర్లు సమిష్టిగా రాణించారు. పాక్‌ ఇన్నింగ్స్‌లో వికెట్ల వేట మొదలుపెట్టిన హార్దిక్‌ పాండ్యా (Hardik Pandya)నే.. చివరి వికెట్‌ కూల్చి విజయంతో ముగించాడు. పాక్‌ ఓపెనర్‌ సాహిబ్‌జాదా ఫర్హాన్‌ (0)ను వచ్చీరాగానే వెనక్కి పంపిన హార్దిక్‌.. ఆఖరిగా ఉస్మాన్‌ తారిఖ్‌ (0)ను పెవిలియన్‌కు పంపి టీమిండియాను గెలుపును ఖరారు చేశాడు.క్యాచ్‌లు డ్రాప్‌ చేసిన ఇషాన్‌, కుల్దీప్‌ ఈ క్రమంలో టీమిండియా చైనామన్‌ స్పిన్నర్‌ కుల్దీప్‌ యాదవ్‌ (Kuldeep Yadav)పై హార్దిక్‌ పాండ్యా సీరియస్‌ అయ్యాడు. పాక్‌ ఇన్నింగ్స్‌లో పదిహేడో ఓవర్లో పాండ్యా బౌలింగ్‌కు దిగగా.. తొలి బంతి వైడ్‌ అయింది. అనంతరం షాహిన్‌ ఆఫ్రిది (Shaheen Afridi) ఇచ్చిన క్యాచ్‌ను ఇషాన్‌ డ్రాప్‌ చేశాడు.దీంతో లైఫ్‌ పొందిన ఆఫ్రిది.. హార్దిక్‌ బౌలింగ్‌లో రెండో బంతిని సిక్సర్‌గా మలిచాడు. నిజానికి లాంగాన్‌ వద్ద ఫీల్డింగ్‌ పొజిషన్‌లో ఉన్న కుల్దీప్‌ దానిని జారవిడిచాడు. చేతుల్లో పడిన బంతిని డ్రాప్‌ చేశాడు. దీంతో హార్దిక్‌ పాండ్యా తీవ్ర ఆగ్రహం వ్యక్తం చేశాడు.Hardik pandya didn’t spare Kuldeep yadav after that dropped the catch ! The frustration on Kuldeep yadav face says it all. pic.twitter.com/4qazJi9M1d— Indian First (@MaheshJain68174) February 16, 2026మీకసలు బుద్ధి ఉందా?ఇషాన్‌తో పాటు కుల్దీప్‌ వైపు చూపిస్తూ.. ‘ఏం జరిగినా మీ ఇద్దరే కారణం.. మీకసలు బుద్ధి ఉందా?’ అన్నట్లుగా ఫైర్‌ అయ్యాడు. ఇక ఆ ఓవర్లో ఐదో బంతికి ఆఫ్రిది ఒక పరుగు తీయగా.. ఆఖరి బంతికి పాండ్యా తారిఖ్‌ను బౌల్డ్‌ చేయడంతో పాక్‌ కథ ముగిసిపోయింది. టీమిండియా విధించిన 176 పరుగుల లక్ష్యాన్ని ఛేదించే క్రమంలో 18 ఓవర్లలో కేవలం 114 పరుగులు చేసి ఆలౌట్‌ అయింది.ये गलत है ! Feeling bad for Kuldeep Yadav 😭#IshanKishan #INDvsPAK pic.twitter.com/Z7BfPy85Fc— Amrita Yadav (@AmritaYada60221) February 15, 2026సూర్య సైతంఇక విజయానంతరం కరచాలనం చేసుకునే సమయంలో కెప్టెన్‌ సూర్యకుమార్‌ యాదవ్‌ సైతం కుల్దీప్‌ యాదవ్‌ను గట్టిగానే మందలించాడు. ఈ చైనామన్‌ స్పిన్నర్‌ సులువైన క్యాచ్‌ను వదిలేశాడన్న కోపంతో సూర్య.. అతడిని చులకన చేసి మాట్లాడినట్లు కనిపించింది. ఇందుకు సంబంధించిన దృశ్యాలు నెట్టింట వైరల్‌ అవుతున్నాయి.కాగా పాక్‌తో మ్యాచ్‌లో హార్దిక్‌ పాండ్యా, జస్‌ప్రీత్‌ బుమ్రా, అక్షర్‌ పటేల్‌, వరుణ్‌ చక్రవర్తి తలా రెండు వికెట్లు తీయగా.. కుల్దీప్‌ యాదవ్‌, తిలక్‌ వర్మ చెరో వికెట్‌ పడగొట్టారు. పాక్‌ బ్యాటర్లలో వికెట్‌ కీపర్‌ బ్యాటర్‌ ఉస్మాన్‌ ఖాన్‌ 44 పరుగులతో టాప్‌ రన్‌స్కోరర్‌గా నిలిచాడు.చదవండి: IND vs PAK: తిల‌క్ వ‌ర్మ‌పై గంభీర్ సీరియ‌స్‌

పాకిస్తాన్‌పై టీమిండియా మరోసారి విజయం సాధించింది. టీ20 ప్రపంచకప్‌ టోర్నీలో ఆధిపత్యాన్ని 8-1కు పెంచుకుంది. కొలంబోలో తీవ్రమైన ఒత్తిడిలో కూరుకుపోయి సల్మాన్‌ బృందం చిత్తు కాగా.. సూర్య సేన టీ20 ప్రపంచకప్‌-2026 సూపర్‌-8 దశకు అర్హత సాధించింది.ఇది సార్‌ మా బ్రాండ్‌ఈ నేపథ్యంలో టీమిండియా కెప్టెన్‌ సూర్యకుమార్‌ యాదవ్‌ (Suryakumar Yadav).. దాయాదిపై గెలుపు నేపథ్యంలో ఆసక్తికర వ్యాఖ్యలు చేశాడు. ‘‘ఈ విజయం ఇండియా కోసం. ఈ మ్యాచ్‌లో ఎలా ఆడాలని ప్రణాళికలు రచించామో వాటిని పక్కాగా అమలు చేశాము. మా బ్రాండ్‌ను కొనసాగించాము.అతడు అత్యద్భుతంగా ఆడాడుఈ వికెట్‌ మీద తొలుత బ్యాటింగ్‌ చేయడం మంచిదని అనుకున్నాం. అనుకున్నట్లుగానే టాస్‌ ఓడినా మాకు బ్యాటింగ్‌ చేసే అవకాశమే వచ్చింది. ఇక ఇషాన్‌ గురించి ప్రత్యేకంగా చెప్పనక్కర్లేదు. గత కొంతకాలంగా దేశవాళీ క్రికెట్‌లో నిలకడైన, అద్భుత ప్రదర్శనలతో ఆకట్టుకున్న ఇషాన్‌.. టీమిండియా తరఫునా అదే విధంగా రాణిస్తున్నాడు.ఈరోజు అతడు అత్యద్భుతంగా ఆడాడు. ఊహించని రీతిలో ప్రత్యర్థిపై విరుచుకుపడ్డాడు. తిలక్‌, రింకూ, శివం కూడా తమ వంతు పాత్ర పోషించారు. ఇక్కడ 175 పరుగులు చేయడం మంచి విషయం. చేయాల్సిన దానికంటే ఇంకో 15-20 పరుగులు ఎక్కువే చేశామనుకుంటున్నాం.బౌలర్లు సమిష్టిగా రాణించారుఇక పవర్‌ ప్లేలో అక్షర్‌ పటేల్‌ బాధ్యత తీసుకున్నాడు. వరుణ్‌, కుల్దీప్‌ కూడా రాణించారు. జట్టులోని ప్రతి ఒక్కరు తమ బాధ్యతను చక్కగా నెరవేర్చారు’’ అని జట్టు ప్రదర్శన పట్ల సూర్యకుమార్‌ యాదవ్‌ హర్షం వ్యక్తం చేశాడు.మ్యాచ్‌ విషయానికొస్తే.. గ్రూప్‌-ఎలో భాగంగా భారత్‌- పాక్‌ ఆదివారం కొలంబో వేదికగా తలపడ్డాయి. ఆర్‌.ప్రేమదాస స్టేడియంలో టాస్‌ గెలిచిన పాక్‌ తొలుత బౌలింగ్‌ ఎంచుకుంది. దీంతో బ్యాటింగ్‌కు దిగిన టీమిండియా నిర్ణీత 20 ఓవర్లలో ఏడు వికెట్ల నష్టానికి 175 పరుగులు సాధించింది.ఇషాన్‌ విధ్వంసంఓపెనర్లలో అభిషేక్‌ శర్మ డకౌట్‌ కాగా.. ‘ప్లేయర్‌ ఆఫ్‌ ది మ్యాచ్‌’ ఇషాన్‌ కిషన్‌ మెరుపు అర్ధ శతకం (40 బంతుల్లో 77)తో రాణించాడు. తిలక్‌ వర్మ (25), కెప్టెన్‌ సూర్య (32), శివం దూబే(27) ఫర్వాలేదనిపించారు. ఇక లక్ష్య ఛేదనలో పాక్‌ కేవలం 114 పరుగులు చేసి ఆలౌట్‌ అయింది.భారత బౌలర్లలో స్పిన్నర్లు అక్షర్‌ పటేల్‌, వరుణ్‌ చక్రవర్తి చెరో రెండు వికెట్లు తీయగా.. తిలక్‌ వర్మ, కుల్దీప్‌ యాదవ్‌ తలా ఒక వికెట్‌ తమ ఖాతాలో వేసుకున్నారు. పేసర్లలో బుమ్రా, హార్దిక్‌ పాండ్యా చెరో రెండు వికెట్లు పడగొట్టారు. పాక్‌ను 61 పరుగుల తేడాతో చిత్తు చేసిన భారత్‌ గ్రూప్‌-ఎ నుంచి సూపర్‌-8 చేరిన తొలి జట్టుగా నిలిచింది.చదవండి: IND vs PAK: తిల‌క్ వ‌ర్మ‌పై గంభీర్ సీరియ‌స్‌

ఐసీసీ టోర్నీల్లో పాకిస్తాన్‌పై తమ‌కు తిరుగులేద‌ని భార‌త్ మ‌రోసారి నిరూపించింది. టీ20 ప్ర‌పంచ‌క‌ప్‌-2026లో భాగంగా కొలంబో వేదిక‌గా జ‌రిగిన గ్రూపు-ఎ మ్యాచ్‌లో పాకిస్తాన్‌ను 61 ప‌రుగుల తేడాతో టీమిండియా చిత్తు చేసింది. ఈ హైవోల్టేజ్ మ్యాచ్‌లో తొలుత బ్యాటింగ్ చేసిన భార‌త్ నిర్ణీత 20 ఓవ‌ర్ల‌లో 7 వికెట్ల న‌ష్టానికి 175 ప‌రుగులు చేసింది.ఓపెనర్ అభిషేక్ శర్మ (0) త్వరగానే అవుట్ అయినప్పటికీ.. ఇషాన్ కిషన్ మాత్రం సంచ‌ల‌న ప్ర‌ద‌ర్శ‌న క‌న‌బ‌రిచాడు. కిష‌న్ 40 బంతుల్లో 10 ఫోర్లు, 3 సిక్సర్లతో 77 ప‌రుగులు చేశాడు. అయితే ఇషాన్ ఔట‌య్యాక తిలక్ వర్మ (25), సూర్యకుమార్ యాదవ్ (32) నెమ్మదిగా ఆడటంతో స్కోరు వేగం కాస్త నెమ్మ‌దించింది. కానీ చివ‌రిలో శివం దూబే (27)., రింకూ సింగ్‌(4 బంతుల్లో 11) మెరుపులు మెరిపించారు. ఫ‌లితంగా 170 పైగా భార‌త్ స్కోర్ సాధించ‌గ‌ల్గింది. పాక్ బౌల‌ర్ల‌లో సైమ్ అయూబ్ మూడు వికెట్లు ప‌డ‌గ‌ట్ట‌గా.. స‌ల్మాన్ అఘా, షాహీన్ షా అఫ్రిది, ఉస్మాన్ త‌లా వికెట్ సాధించారు.అద‌ర‌గొట్టిన భార‌త బౌల‌ర్లుఅనంత‌రం 176 ప‌రుగుల‌ ల‌క్ష్యంతో బ‌రిలోకి దిగిన పాక్‌కు భార‌త బౌల‌ర్లు చుక్క‌లు చూపించారు. టీమిండియా బౌల‌ర్ల ధాటికి దాయాది జ‌ట్టు 18 ఓవ‌ర్ల‌లో కేవ‌లం ఓవ‌ర్ల‌లో 114 ప‌రుగుల‌కే కుప్ప‌కూలింది. పాక్ బ్యాట‌ర్ల‌లో ఉస్మాన్ ఖాన్‌(44) ఒక్క‌డే మెరుగ్గా రాణించాడు. మిగితా బ్యాట‌ర్లంతా దారుణంగా విఫ‌ల‌మ‌య్యారు. భార‌త బౌల‌ర్ల‌లో హార్దిక్ పాండ్యా, అక్ష‌ర్ ప‌టేల్‌, వ‌రుణ్ చ‌క్ర‌వ‌ర్తి, బుమ్రా తలా రెండు వికెట్లు సాధించారు. ఈ విజ‌యంతో భార‌త్ సూప‌ర్‌-8కు అర్హ‌త సాధించింది. టీ20 ప్ర‌పంచ‌క‌ప్ చ‌రిత్ర‌లో పాక్‌పై భార‌త్‌కు ఇది 8వ విజ‌యం కావ‌డం విశేషం.

టీ20 ప్ర‌పంచ‌క‌ప్‌-2026లో భాగంగా పాకిస్తాన్‌తో జ‌రుగుతున్న మ్యాచ్‌లో తిల‌క్ వ‌ర్మ త‌న స్ధాయికి త‌గ్గ ప్ర‌ద‌ర్శ‌న చేయ‌లేక‌పోయాడు. తొలి ఓవ‌ర్‌లోనే అభిషేక్ శ‌ర్మ ఔట్ కావ‌డంతో క్రీజులోకి వచ్చిన తిల‌క్ త‌న జిడ్డు బ్యాటింగ్‌తో విసిగించాడు. ఓ వైపు ఇషాన్ కిషన్ దూకుడుగా ఆడుతుంటే తిలక్ మాత్రం నెమ్మ‌దిగా ఆడుతూ హెడ్‌కోచ్ గంభీర్ అగ్ర‌హానికి గుర‌య్యాడు.డ్రింక్స్ బ్రేక్ సమయంలో డగౌట్ నుంచి బయటకు వచ్చిన గంభీర్, తిలక్ వర్మతో చాలా సీరియస్‌గా మాట్లాడాడు. వేగంగా ఆడాల‌ని, టార్గెట్ 170 దాటాలని గంభీర్ గ‌ట్టిగా చెప్పాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది. కాగా ఈ మ్యాచ్‌లో పాక్ స్పిన్న‌ర్ల‌ను ఎదుర్కొవ‌డానికి కాస్త ఇబ్బంది ప‌డ్డాడు. మొత్తంగా 24 బంతుల్లో 104.17 స్ట్రైక్ రేటుతో 25 ప‌రుగులు చేసి ఔట‌య్యాడు.pic.twitter.com/1MeAVMJPtQ— crictalk (@crictalk7) February 15, 2026

టీ20 ప్రపంచకప్ 2026లో టీమిండియా విధ్వంస‌క‌ర ఆట‌గాడు ఇషాన్ కిష‌న్ త‌న సూప‌ర్ ఫామ్‌ను కొన‌సాగిస్తున్నాడు. ఈ మెగా టోర్నీలో భాగంగా కొలంబో వేదిక‌గా పాకిస్తాన్‌తో జ‌రుగుతున్న హైవోల్టేజ్ మ్యాచ్‌లో ఇషాన్ కిషన్ ఆకాశమే హద్దుగా చెలరేగిపోయాడు. ఇన్నింగ్స్ తొలి ఓవ‌ర్‌లో మ‌రో ఓపెన‌ర్ అభిషేక్ శ‌ర్మ వికెట్ కోల్పోయిన‌ప్ప‌టికి.. ఇషాన్ మాత్రం ప్ర‌త్య‌ర్ధి బౌల‌ర్ల‌ను ఉతికారేశాడు.తిల‌క్ వ‌ర్మ‌తో క‌లిసి స్కోర్ బోర్డును ప‌రుగులు పెట్టించాడు. ఈ క్ర‌మంలో ఇషాన్ కేవ‌లం 27 బంతుల్లోనే త‌న హాఫ్ సెంచ‌రీ మార్క్‌ను అందుకున్నాడు. ఓవ‌రాల్‌గా 40 బంతులు ఎదుర్కొన్న కిష‌న్‌.. 10 ఫోర్లు, 3 సిక్స్‌ల‌తో 77 ప‌రుగులు చేసి ఔట‌య్యాడు. కాగా మెరుపు హాఫ్ సెంచ‌రీతో చెల‌రేగిన కిష‌న్ ఓ అరుదైన రికార్డును త‌న ఖాతాలో వేసుకున్నాడు. పాకిస్తాన్‌పై టీ20ల్లో అత్యంత‌వేగవంత‌మైన అర్ధ సెంచరీ సాధించిన భారత బ్యాటర్‌గా చరిత్ర సృష్టించాడు. ఇప్ప‌టివ‌ర‌కు ఈ రికార్డు భార‌త క్రికెట్ దిగ్గ‌జం యువరాజ్ సింగ్ పేరిట ఉండేది. 2012లో అహ్మదాబాద్‌లో పాక్‌పై యువరాజ్ సింగ్ 29 బంతుల్లో హాఫ్ సెంచ‌రీ సాధించాడు. తాజా మ్యాచ్‌లో 27 బంతుల్లోనే ఆర్ధ శ‌త‌కం బాదిన ఇషాన్‌.. 14 ఏళ్ల నాటి యువీ రికార్డును ఇషాన్ బ్రేక్ చేశాడు.కాగా ఈ మ్యాచ్‌లో టాస్ ఓడి తొలుత బ్యాటింగ్ చేసిన టీమిండియా నిర్ణీత 20 ఓవ‌ర్ల‌లో 7 వికెట్ల న‌ష్టానికి 175 ప‌రుగులు చేసింది. కిష‌న్‌తో పాటు సూర్య‌కుమార్ యాద‌వ్‌(32), తిల‌క్ వ‌ర్మ‌(25), శివమ్ దూబే(32) రాణించారు. పాక్ బౌల‌ర్ల‌లో సైమ్ అయూబ్ మూడు వికెట్లు ప‌డ‌గొట్ట‌గా.. స‌ల్మాన్ అఘా, ఉస్మాన్ త‌రీఖ్, అఫ్రిది త‌లా వికెట్ సాధించారు.

టీ20 ప్రపంచకప్‌ 2026లో టీమిండియా విధ్వంసకర ఓపెనర్‌ అభిషేక్‌ శర్మ పలు అవాంఛిత రికార్డులు మూటగట్టుకున్నాడు. పాక్‌తో ఇవాళ (ఫిబ్రవరి 15) జరిగిన హైవోల్టేజీ మ్యాచ్‌లో డకౌటైన అతను.. టీ20 ప్రపంచకప్‌ టోర్నీల్లో మొదటి రెండు మ్యాచ్‌ల్లో డకౌటైన మూడో ఆటగాడిగా చెత్త రికార్డును సొంతం చేసుకున్నాడు. గతంలో టీమిండియా మాజీ పేసర్‌ ఆశిష్‌ నెహ్రా, బంగ్లాదేశ్‌ మాజీ ఆటగాడు ఇమ్రుల్‌ కయేస్‌ ఈ అప్రతిష్ఠను మూటగట్టుకున్నారు. నెహ్రా, కయేస్‌ తమ వరల్డ్‌కప్‌ కెరీర్‌లలో ఒక్క పరుగు కూడా చేయకపోవడం మరో విశేషం.ప్రస్తుత ప్రపంచకప్‌లో యూఎస్‌ఏతో జరిగిన తొలి మ్యాచ్‌లో గోల్డెన్‌ డకౌటైన (తొలి బంతికే) అభిషేక్‌.. ఇవాళ పాక్‌తో జరిగిన మ్యాచ్‌లో నాలుగు బంతులు ఎదుర్కొని కూడా ఖాతా తెరవలేకపోయాడు. పాక్‌ కెప్టెన్ సల్మాన్ ఆఘా రచించిన వూహ్యంలో చిక్కుకున్న అభిషేక్‌ అవాంఛిత ఈ రికార్డును మూటగట్టుకున్నాడు. అభిషేక్‌కు గత ఆరు ఇన్నింగ్స్‌ల్లో ఇది నాలుగో డకౌట్‌ కావడం మరో విశేషం.కోహ్లి రికార్డు సమంపాక్‌పై డకౌట్‌ కావడంతో అభిషేక్‌ మరో చెత్త రికార్డును కూడా సొంతం చేసుకున్నాడు. టీ20 ప్రపంచకప్‌ టోర్నీల్లో భారత్‌ తరఫున రెండో అత్యధిక డకౌట్లైన ఆటగాడిగా విరాట్‌ కోహ్లి, గౌతమ్ గంభీర్, రవీంద్ర జడేజా, శివమ్ దూబే సరసన చేరాడు. వీరంతా మెగా టోర్నీలో తలో రెండు సార్లు డకౌటయ్యారు. ఈ జాబితాలో ఆశిష్‌ నెహ్రా (3) టాప్‌ ప్లేస్‌లో ఉన్నాడు.సంజూతో సమానంగా..!తాజా డకౌట్‌తో అభిషేక్‌ మరో అప్రతిష్ట కూడా మూటగట్టుకున్నాడు. టీ20ల్లో భారత ఓపెనర్లలో రెండో అత్యధిక డకౌట్లైన ఆటగాడిగా సంజూ శాంసన్‌ సరసన చేరాడు. అభిషేక్‌, సంజూ తమ టీ20 కెరీర్‌లలో తలో ఐదు సార్లు డకౌటయ్యారు. ఈ జాబితాలో రోహిత్‌ శర్మ (10) అగ్రస్థానంలో ఉన్నాడు.భారీ స్కోర్‌ దిశగా టీమిండియాపాక్‌తో మ్యాచ్‌లో టీమిండియా భారీ స్కోర్‌ దిశగా సాగుతోంది. టాస్‌ ఓడి పాక్‌ ఆహ్వానం మేరకు తొలుత బ్యాటింగ్‌ చేస్తున్న భారత జట్టు తొలి 14 ఓవర్లలో 2 వికెట్ల నష్టానికి 125 పరుగులు చేసింది. ఇషాన్‌ కిషన్‌ (40 బంతుల్లో 77; 10 ఫోర్లు, 3 సిక్సర్లు) పాక్‌ బౌలర్లను ఊచకోత కోసి ఔటయ్యాడు. అంతకుముందు అభిషేక్‌ డకౌటయ్యాడు. ప్రస్తుతం సూర్యకుమార్‌ (21), తిలక్‌ వర్మ (25) క్రీజ్‌లో ఉన్నారు.

టీ20 ప్ర‌పంచ‌క‌ప్‌-2026లో టీమిండియా విధ్వంస‌క‌ర ఓపెన‌ర్ అభిషేక్ శ‌ర్మ‌ తీవ్ర నిరాశ‌ప‌రుస్తున్నాడు. అమెరికాతో జ‌రిగిన తొలి మ్యాచ్‌లో డ‌కౌటైన అభిషేక్‌.. ఇప్పుడు కొలంబో వేదిక‌గా పాకిస్తాన్‌తో జ‌రుగుతున్న కీల‌క మ్యాచ్‌లో అదే తీరును క‌న‌బ‌రిచాడు. భార‌త ఇన్నింగ్స్ తొలి ఓవ‌ర్ వేసిన పాక్ కెప్టెన్ స‌ల్మాన్ అలీ అఘా బౌలింగ్‌లో చెత్త షాట్ ఆడి అభిషేక్ ఔట‌య్యాడు.అమెరికాతో మ్యాచ్ త‌ర్వాత అభిషేక్ కడుపు ఇన్ఫెక్షన్ గుర‌య్యాడు. దీంతో న‌మీబియాతో మ్యాచ్‌కు దూర‌మ‌య్యాడు. అయితే పూర్తి ఫిట్‌నెస్ పాక్‌తో మ్యాచ్‌కు అందుబాటులోకి వ‌చ్చాడు. దాయాది జ‌ట్టుకు అభిషేక్ చుక్క‌లు చూపిస్తాడు అని భార‌త అభిమానులు భావించారు.కానీ ఈ పంజాబీ బ్యాట‌ర్ త‌న చెత్త బ్యాటింగ్‌తో అంద‌రిని నిరాశ‌ప‌రిచాడు. ఈ మ్యాచ్‌కు ముందు అభిషేక్‌ను ఉద్దేశించి పాక్ కెప్టెన్ స‌ల్మాన్ అఘా కీల‌క వ్యాఖ్య‌లు చేశాడు. అభిషేక్ శ‌ర్మ త్వ‌ర‌గా కోలుకోవాల‌ని, మ్యాచ్‌లో ఆడాల‌ని కోరుకుంటున్న‌ట్లు స‌ల్మాన్ పేర్కొన్నాడు. అందుకు త‌గ్గ‌ట్టే తొలి ఓవ‌ర్ వేసిన సల్మాన్‌.. అభిషేక్‌పై పైచేయి సాధించాడు. దీంతో అభిషేక్‌ను ఔట్ చేసిన అనంత‌రం స‌ల్మాన్ సంబ‌రాల్లో మునిగితేలిపోయాడు.తుది జ‌ట్లుభారత్: అభిషేక్ శర్మ, ఇషాన్ కిషన్(వికెట్ కీప‌ర్‌), తిలక్ వర్మ, సూర్యకుమార్ యాదవ్(కెప్టెన్‌), హార్దిక్ పాండ్యా, శివమ్ దూబే, రింకూ సింగ్, అక్షర్ పటేల్, కుల్దీప్ యాదవ్, వరుణ్ చకరవర్తి, జస్ప్రీత్ బుమ్రాపాకిస్థాన్: సయీమ్ అయూబ్, సాహిబ్జాదా ఫర్హాన్, సల్మాన్ అఘా(కెప్టెన్‌), బాబర్ ఆజం, మహ్మద్ నవాజ్, ఉస్మాన్ ఖాన్(వికెట్ కీప‌ర్‌), షాదాబ్ ఖాన్, ఫహీమ్ అష్రఫ్, షాహీన్ అఫ్రిది, అబ్రార్ అహ్మద్, ఉస్మాన్ తారిఖ్

India vs pakistan Match live Updates: పాకిస్తాన్‌పై భార‌త్ ఘ‌న విజ‌యంకొలంబో వేదిక‌గా పాకిస్తాన్‌తో జ‌రిగిన మ్యాచ్‌లో 61 ప‌రుగుల తేడాతో భార‌త్ ఘ‌న‌విజ‌యం సాధించింది. 176 ప‌రుగుల ల‌క్ష్యంతో బ‌రిలోకి దిగిన పాక్‌.. భార‌త బౌల‌ర్ల దాటికి 18 ఓవ‌ర్ల‌లో 114 ప‌రుగుల‌కే కుప్ప‌కూలింది. పాక్ బ్యాట‌ర్ల‌లో ఉస్మాన్ ఖాన్‌(44) ఒక్క‌డే మెరుగ్గా రాణించాడు. మిగితా బ్యాట‌ర్లంతా దారుణంగా విఫ‌ల‌మ‌య్యారు. భార‌త బౌల‌ర్ల‌లో హార్దిక్ పాండ్యా, అక్ష‌ర్ ప‌టేల్‌, వ‌రుణ్ చ‌క్ర‌వ‌ర్తి, బుమ్రా తలా రెండు వికెట్లు సాధించారు. 👉16వ ఓవ‌ర్ వేసిన వ‌రుణ్ చ‌క్ర‌వ‌ర్తి బౌలింగ్‌లో పాక్ వరుస‌గా రెండు వికెట్లు కోల్పోయింది. 17 ఓవ‌ర్ల‌కు పాక్ స్కోర్‌: 109/7విజ‌యానికి చేరువ‌లో భార‌త్79 ప‌రుగుల వద్ద పాక్ ఏడో వికెట్ కోల్పోయింది. 14 ప‌రుగులు చేసిన షాదాబ్ ఖాన్ తిల‌క్ వ‌ర్మ బౌలింగ్‌లో ఔట‌య్యాడు.పీక‌ల్లోతు క‌ష్టాల్లో పాక్‌78 ప‌రుగుల వ‌ద్ద పాక్ ఆరో వికెట్ కోల్పోయింది. 4 ప‌రుగులు చేసిన మ‌హ్మ‌ద్ నవాజ్‌.. కుల్దీప్ యాద‌వ్ బౌలింగ్‌లో ఔట‌య్యాడు.👉ఉస్మాన్ ఖాన్‌(44) రూపంలో పాకిస్తాన్ ఐదో వికెట్ కోల్పోయింది.ఉస్మాన్ ఖాన్ దూకుడు..9 ఓవ‌ర్లు ముగిసే స‌రికి పాకిస్తాన్ 4 వికెట్ల న‌ష్టానికి 66 ప‌రుగులు చేసింది. ఉస్మాన్ ఖాన్ 40 ప‌రుగుల‌తో దూకుడుగా ఆడుతున్నాడు.పాక్ నాలుగో వికెట్ డౌన్‌34 ప‌రుగుల వ‌ద్ద పాక్ నాలుగో వికెట్ కోల్పోయింది. 5 ప‌రుగులు చేసిన బాబ‌ర్ ఆజం.. అక్ష‌ర్ ప‌టేల్ బౌలింగ్‌లో క్లీన్ బౌల్డ‌య్యాడు. 6 ఓవ‌ర్ల‌కు పాక్ స్కోర్‌: 38/4పాక్ మూడో వికెట్ డౌన్‌13 ప‌రుగుల వద్ద పాకిస్తాన్ మూడో వికెట్ కోల్పోయింది. 4 ప‌రుగులు చేసిన స‌ల్మాన్ అలీ అఘా.. బుమ్రా బౌలింగ్‌లో ఔట‌య్యాడు.పాకిస్తాన్‌కు భారీ షాక్‌176 ప‌రుగుల ల‌క్ష్యంతో బరిలోకి దిగిన పాకిస్తాన్‌కు తొలి ఓవ‌ర్‌లోనే గ‌ట్టి ఎదురు దెబ్బ త‌గిలింది. హార్దిక్ పాండ్యా బౌలింగ్‌లో సాహిబ్జాదా ఫర్హాన్ డ‌కౌట‌య్యాడు. ఆ త‌ర్వాతి ఓవ‌ర్ వేసిన బుమ్రా బౌలింగ్‌లో సైమ్ అయూబ్‌(6) వికెట్ల ముందు దొరికిపోయాడు. దీంతో 6 ప‌రుగుల‌కే పాక్ రెండు వికెట్లు కోల్పోయింది.పాక్ టార్గెట్ ఎంతంటే?కొలంబో వేదిక‌గా పాక్‌తో జ‌రుగుతున్న మ్యాచ్‌లో భార‌త బ్యాట‌ర్లు స‌త్తాచాటారు. టాస్ ఓడి తొలుత బ్యాటింగ్ చేసిన టీమిండియా నిర్ణీత 20 ఓవ‌ర్ల‌లో 7 వికెట్ల న‌ష్టానికి 175 ప‌రుగులు చేసింది. ఓపెన‌ర్ ఇషాన్ కిష‌న్ విధ్వంసం సృష‍్టించాడు. 40 బంతులు ఎదుర్కొన్న కిష‌న్‌.. 10 ఫోర్లు, 3 సిక్స్‌ల‌తో 77 ప‌రుగులు చేసి టాప్ స్కోర‌ర్‌గా నిలిచాడు.అత‌డితో పాటు సూర్య‌కుమార్ యాద‌వ్‌(32), తిల‌క్ వ‌ర్మ‌(25), శివమ్ దూబే(32) రాణించారు. పాక్ బౌల‌ర్ల‌లో సైమ్ అయూబ్ మూడు వికెట్లు ప‌డ‌గొట్ట‌గా.. స‌ల్మాన్ అఘా, ఉస్మాన్ త‌రీఖ్, అఫ్రిది త‌లా వికెట్ సాధించారు.సూర్య కుమార్ ఔట్159 ప‌రుగుల వ‌ద్ద కెప్టెన్ సూర్య‌కుమార్ యాద‌వ్ వికెట్‌ను టీమిండియా కోల్పోయింది. 32 ప‌రుగులు చేసిన సూర్య‌.. ఉస్మాన్ త‌రీఖ్ బౌలింగ్‌లో ఔట‌య్యాడు. 19 ఓవ‌ర్ల‌కు భార‌త్ స్కోర్: 159/5ఒకే ఓవ‌ర్‌లో రెండు వికెట్లుటీమిండియా ఒకే ఓవ‌ర్‌లో రెండు వికెట్లు కోల్పోయింది. 15 ఓవ‌ర్ వేసిన సైమ్ అయూబ్ బౌలింగ్‌లో తిల‌క్ వ‌ర్మ‌(25) రెండో బంతికి వికెట్లు ముందు దొరికిపోగా.. నాలుగో బంతికి హార్దిక్ పాండ్యా డ‌కౌట్‌గా వెనుదిరిగాడు.నిల‌క‌డ‌గా ఆడుతున్న సూర్య‌, తిల‌క్ఇషాన్ కిష‌న్ ఔటైన అనంత‌రం కెప్టెన్ సూర్య‌కుమార్ యాద‌వ్‌(21), తిల‌క్ వ‌ర్మ(25) ఆచితూచి ఆడుతున్నారు. 14 ఓవ‌ర్ల‌కు భార‌త్ స్కోర్: 125/2ఇషాన్ కిష‌న్ ఔట్ఇషాన్ కిష‌న్ ఇన్నింగ్స్‌కు తెర‌ప‌డింది. 40 బంతుల్లో 77 ప‌రుగులు చేసిన కిష‌న్‌.. సైమ్ అయూబ్ బౌలింగ్‌లో క్లీన్ బౌల్డ‌య్యాడు. 9 ఓవ‌ర్ల‌కు భార‌త్ స్కోర్: 89/2చెల‌రేగి ఆడుతున్న ఇషాన్‌పాక్‌తో మ్యాచ్‌లో ఇషాన్ కిష‌న్ చెల‌రేగి ఆడుతున్నాడు. కేవ‌లం 27 బంతుల్లోనే త‌న హాఫ్ సెంచ‌రీ మార్క్‌ను అందుకున్నాడు. ఇషాన్ 72 ప‌రుగులతో త‌న బ్యాటింగ్‌ను కొన‌సాగిస్తున్నాడు. 8 ఓవ‌ర్ల‌కు భార‌త్ స్కోర్: 82/1దూకుడుగా ఆడుతున్న ఇషాన్‌5 ఓవ‌ర్లు ముగిసే స‌రికి భార‌త్ వికెట్ న‌ష్టానికి 41 ప‌రుగులు చేసింది. అభిషేక్ తొలి ఓవ‌ర్‌లోనే వెనుదిరిగిన‌ప్ప‌టికి కిష‌న్ మాత్రం(36) దూకుడుగా ఆడుతున్నాడు.అభిషేక్ శ‌ర్మ డ‌కౌట్‌టాస్ ఓడి తొలుత బ్యాటింగ్‌కు దిగిన భార‌త్‌కు ఆదిలోనే భారీ షాక్ త‌గిలింది. విధ్వంస‌క‌ర ఓపెన‌ర్ అభిషేక్ శ‌ర్మ డ‌కౌట‌య్యాడు. స‌ల్మాన్ అలీ బౌలింగ్‌లో షాహిన్ అఫ్రిదికి క్యాచ్ ఇచ్చి పెవిలియ‌న్‌కు చేరాడు. ఇషాన్ కిష‌న్(12) మాత్రం దూకుడుగా ఆడుతున్నాడు. 2 ఓవ‌ర్ల‌కు భార‌త్ స్కోర్: 16/1బౌలింగ్ ఎంచుకున్న పాక్‌కొలంబో వేదిక‌గా భార‌త్‌తో జ‌రుగుతున్న గ్రూపు-ఎ మ్యాచ్‌లో టాస్ గెలిచిన పాకిస్తాన్ కెప్టెన్ స‌ల్మాన్ అలీ అఘా తొలుత బౌలింగ్ ఎంచుకున్నాడు. ఈ బ్లాక్‌బాస్ట‌ర్ మ్యాచ్‌లో భార‌త్ రెండు మార్పుల‌తో బ‌రిలోకి దిగింది. న‌మీబియాతో మ్యాచ్‌కు దూర‌మైన విధ్వంస‌క‌ర ఓపెన‌ర్ అభిషేక్ శ‌ర్మ తిరిగి జ‌ట్టులోకి వ‌చ్చాడు. దీంతో సంజూ శాంస‌న్‌పై వేటు ప‌డింది. అదేవిధంగా అర్ష్‌దీప్ సింగ్ స్ధానంలో కుల్దీప్ యాద‌వ్‌కు అవ‌కాశం ద‌క్కింది. పాక్ మాత్రం త‌మ తుది జ‌ట్టులో ఎటువంటి మార్పులు చేయ‌లేదు.తుది జ‌ట్లుభారత్: అభిషేక్ శర్మ, ఇషాన్ కిషన్(వికెట్ కీప‌ర్‌), తిలక్ వర్మ, సూర్యకుమార్ యాదవ్(కెప్టెన్‌), హార్దిక్ పాండ్యా, శివమ్ దూబే, రింకూ సింగ్, అక్షర్ పటేల్, కుల్దీప్ యాదవ్, వరుణ్ చకరవర్తి, జస్ప్రీత్ బుమ్రాపాకిస్థాన్: సయీమ్ అయూబ్, సాహిబ్జాదా ఫర్హాన్, సల్మాన్ అఘా(కెప్టెన్‌), బాబర్ ఆజం, మహ్మద్ నవాజ్, ఉస్మాన్ ఖాన్(వికెట్ కీప‌ర్‌), షాదాబ్ ఖాన్, ఫహీమ్ అష్రఫ్, షాహీన్ అఫ్రిది, అబ్రార్ అహ్మద్, ఉస్మాన్ తారిఖ్కాసేపటిలో టాస్‌టీ20 ప్ర‌పంచ‌క‌ప్‌-2026లో భార‌త్ వ‌ర్సెస్ పాకిస్తాన్ మెగా పోరుకు స‌ర్వం సిద్ద‌మైంది. మరి కాసేపటిలో కొలంబోలోని ఆర్.ప్రేమదాస స్టేడియంలో ఈ హైవోల్టేజ్ మ్యాచ్ షూరూ కానుంది. ఇప్ప‌టికే మైదానానికి చేరుకున్న ఇరు జ‌ట్ల ఆట‌గాళ్లు వార్మాప్ అవుతున్నారు.

భారత్‌-పాకిస్తాన్‌ క్రికెట్‌ మ్యాచ్‌లు ఎప్పుడూ మహాసంగ్రామాలను తలపిస్తాయి. ప్రత్యేకించి ప్రపంచకప్‌లో ఈ రెండు జట్ల పోరాటాలు అంతకుమించిన అనుభూతిని కలిగిస్తాయి. మరీ ప్రత్యేకించి, టీ20 ప్రపంచకప్‌లో ఈ రెండు జట్ల పోటీ ప్రళయ వాతావరణాన్ని సూచిస్తుంది.గెలుపోటములు ఎలా ఉన్నా, మ్యాచ్‌ ప్రారంభానికి ముందు నుంచే ఇరు దేశాల అభిమానుల మధ్య వార్‌ మొదలవుతుంది. ఈ పరిస్థితి దాయాదుల సమరానికి మరింత హైప్‌ తెచ్చిపెడుతుంది. ఇరు దేశాల మధ్య రాజకీయ ఉద్రిక్తతలు, అభిమానుల భావోద్వేగాలు ఈ మ్యాచ్‌లను మరింత ప్రత్యేకం చేస్తాయి. ఈ హైప్‌ భారత్‌, పాక్‌ అభిమానులనే కాక, విశ్వవ్యాప్తంగా ఉన్న కోట్లాది మంది క్రికెట్‌ అభిమానుల దృష్టిని ఆకర్షిస్తుంది.భారీ అంచనాల మధ్య టీ20 ప్రపంచకప్‌ 2026లో భాగంగా ఇవాళ (ఫిబ్రవరి 15) భారత్-పాక్‌ తలపడుతున్నాయి. ఈ హైవోల్టేజీ మ్యాచ్‌ కొలంబోని ప్రేమదాస స్టేడియం వేదికగా జరుగనుంది. ఈ మ్యాచ్‌ కోసం యావత్‌ క్రికెట్‌ ప్రపంచం ఆసక్తిగా ఎదురు చూస్తోంది. టోర్నీ ప్రారంభానికి ముందు ఈ మ్యాచ్‌ సాధ్యాసాధ్యాలపై అనేక అనుమానాలు ఉండేవి. బంగ్లాదేశ్‌కు జరిగిన అన్యాయానికి నిరసనగా పాక్‌ ప్రభుత్వం ఈ మ్యాచ్‌ రద్దు చేసుకున్నట్లు అధికారికంగా ప్రకటించింది.అయితే ఐసీసీ మధ్యవర్తిత్వంతో పాక్‌ ఈ మ్యాచ్‌ ఆడేందుకు తిరిగి అంగీకరించింది. జరగదనున్న మ్యాచ్‌ తిరిగి కార్యరూపం దాల్చడం​ ఈ మ్యాచ్‌ హైప్‌ను పీక్స్‌కు చేర్చింది. ఈ భారీ అంచనాల నేపథ్యంలో టీ20 ప్రపంచకప్‌లో భారత్‌-పాక్‌ మ్యాచ్‌ హెడ్‌ టు హెడ్‌ రికార్డులపై ఓ లుక్కేద్దాం. ఈ మెగా టోర్నీలో భారత్‌కు పాక్‌పై స్పష్టమైన ఆధిక్యత ఉంది. ఇరు జట్లు ఇప్పటివరకు 8 సార్లు ఎదురెదురుపడగా.. భారత్‌ ఏకంగా ఏడు సార్లు జయకేతనం​ ఎగురవేసింది. పాక్‌ ఒకే ఒక్క సందర్భంలో మాత్రమే గెలుపొందింది. టీమిండియా ఇవాళ జరుగబోయే మ్యాచ్‌లోనూ గెలిచి పొట్టి ప్రపంచకప్‌లో తమ రికార్డును (8-1 మరింత మెరుగుపర్చుకోవాలని పట్టుదలగా ఉంది.భారత జట్టు ప్రస్తుతమున్న ఫామ్‌ను బట్టి చూస్తే, ఇది అంత కష్టమేమీ కాకపోవచ్చు. గత కొంతకాలంగా టీమిండియా పొట్టి ఫార్మాట్‌లో తిరుగులేని విజయాలు సాధిస్తూ నంబర్‌ వన్‌ స్థానంలో ఉంది. జట్టులోని ప్రతి ఆటగాడు భీకర ఫామ్‌లో ఉన్నారు. ప్రస్తుత పాక్‌ జట్టును టీమిండియా ఆడుతూపాడుతూ చిత్తు చేయవచ్చు. అలాగని ఉదాసీనంగా వ్యవహరిస్తే, 2021 ఎడిషన్‌లో ఎదురైన పరాభవం పునరావృతమయేక్య ప్రమాదం ‍కూడా లేకపోలేదు. కాబట్టి టీమిండియా చిన్నపామునైనా పెద్ద కర్రతో కొట్టాలనే లాజిక్‌ను అమలు చేస్తే బాగుంటుంది. మరో గంటలో (రాత్రి 7 గంటలకు) ప్రారంభమయ్యే ఈ మ్యాచ్‌ కోసం అభిమానులు ఇప్పటి నుంచే టీవీలకు అతుక్కుపోయారు.వరుణుడి భయంఓ పక్క అభిమానులు ఈ మ్యాచ్‌ కోసం ఆసక్తిగా ఎదురు చూస్తుంటే, కొలొంబో వాతావరణం మాత్రం అందరినీ కలవరపెడుతుంది. మ్యాచ్‌ సమయంలో భారీ వర్షం​ పడవచ్చని వాతావరణ శాఖ హెచ్చరికలు జారీ చేసింది. దీంతో మ్యాచ్‌ జరుగుతుందా లేదా అన్ని అభిమానులు ఆందోళన చెందుతున్నారు. మ్యాచ్‌ కొన్ని ఓవర్లు జరిగినా చాలని దేవుళ్లను ప్రార్దిస్తున్నారు.ఒకవేళ మ్యాచ్‌ రద్దైతే మాత్రం భారత్‌, పాక్‌కు చెరో పాయింట్‌ లభిస్తుంది. తద్వారా ఈ రెండు జట్లు సూపర్‌-8కు అర్హత సాధిస్తాయి. భారత అభిమానులు మాత్రం ఈ మ్యాచ్‌ పూర్తిగా జరగాలని కోరుకుంటున్నారు. ఎందుకంటే, భారత జట్టు చాలా పటిష్టంగా ఉంది. ఈ జట్టుతో పాక్‌ సునాయాసంగా చిత్తు చేయవచ్చు. తద్వారా టీ20 ప్రపంచకప్‌లో తమ రికార్డును మరింత మెరుగుపర్చుకోవచ్చు.టీ20 ప్రపంచకప్‌ చరిత్రలో ఇప్పటివరకు జరిగిన భారత్‌-పాక్‌ సమరాలు..తొలి ఘట్టం – 2007 దక్షిణాఫ్రికాలో జరిగిన తొలి టీ20 వరల్డ్‌కప్‌లో భారత్‌-పాక్‌ రెండు సార్లు తలపడ్డాయి. గ్రూప్‌ స్టేజ్‌లో మ్యాచ్‌ టై అయ్యింది, కానీ బౌలౌట్‌లో భారత్‌ గెలిచింది. అదే టోర్నమెంట్‌ ఫైనల్‌లో మళ్లీ తలపడగా, ఎంఎస్‌ ధోని సారథ్యంలోని భారత జట్టు చరిత్రాత్మక విజయం సాధించింది. ఇది భారత్‌-పాక్‌ టీ20 వరల్డ్‌కప్‌ పోరాటాలకు ఆరంభం. భారత్‌ ఆధిపత్యం అనంతరం 2012, 2014, 2016 వరల్డ్‌కప్‌లలో భారత్‌ వరుస విజయాలు సాధించింది. విరాట్‌ కోహ్లీ, రోహిత్‌ శర్మ వంటి బ్యాటర్లు అద్భుత ప్రదర్శనలతో భారత్‌ పాక్‌పై ఆధిపత్యం కొనసాగించింది. పాక్‌ చరిత్రాత్మక విజయం – 2021 దుబాయ్‌లో జరిగిన 2021 వరల్డ్‌కప్‌లో పాక్‌ భారత్‌ను 10 వికెట్ల తేడాతో ఓడించింది. ఇది పాక్‌కి వరల్డ్‌కప్‌ చరిత్రలో భారత్‌పై తొలి విజయం. బాబర్‌ ఆజమ్‌, మహ్మద్‌ రిజ్వాన్‌ అద్భుత బ్యాటింగ్‌తో ఆ మ్యాచ్‌ పాక్‌ అభిమానులకు మరపురాని జ్ఞాపకం అయ్యింది. తిరిగి భారత్‌ ఆధిపత్యం 2022, 2024 వరల్డ్‌కప్‌లలో భారత్‌ మళ్లీ పాక్‌ను ఓడించింది. హార్దిక్‌ పాండ్యా, సూర్యకుమార్‌ యాదవ్‌ వంటి ఆటగాళ్లు ఈ గెలుపుల్లో కీలక పాత్ర పోషించారు.

క్రికెట్ ప్ర‌పంచం ఎంతో ఆతృతగా ఎదురు చూస్తున్న భారత్‌-పాకిస్తాన్ మ్యాచ్‌కు మరి కొన్ని గంటల్లో తెరలేవనుంది. టీ20 ప్రపంచకప్‌-2026లో భాగంగా కొలంబో వేదికగా చిరకాల ప్రత్యర్ధులు అమీతుమీ తెల్చుకోనున్నారు. అయితే ఈ హైవోల్టేజ్ మ్యాచ్‌కు ముందు పాక్ మిస్టరీ స్పిన్నర్ ఉస్మాన్ తారిక్ హాట్ టాపిక్‌గా నిలిచాడు.అత‌డి బౌలింగ్ శైలి భిన్నంగా అందుకు కారణం. బౌలింగ్ చేసే సమయంలో కొన్ని సెకన్లు ఆగి బంతిని విడుదల చేయడం అతడి స్పెషాలిటి. ఇప్పటివరకు భారత బ్యాటర్లు ఒక్కరు కూడా అతడి బౌలింగ్‌ను ఒక్కసారి కూడా ఎదుర్కొలేదు. దీంతో ఈ వరల్డ్‌కప్ మ్యాచ్‌లో అతడిని భారత బ్యాటర్లు ఎలా ఆడుతారో అని అంతా ఆసక్తిగా ఎదురుచూస్తున్నారు.ఉస్మాన్ కోసం టీమిండియా బ్యాటర్లు ప్రత్యేకంగా ప్రాక్టీస్ చేయడం గమనార్హం. ఈ నేపథ్యంలో పాకిస్తాన్ మాజీ కెప్టెన్ మొహమ్మద్ హఫీజ్ కీల‌క వ్యాఖ్య‌లు చేశాడు. మ్యాచ్‌ ప్రారంభానికి ముందే తారిక్‌ భారత్‌పై పైచేయి సాధించాడ‌ని హఫీజ్ అన్నాడు."ఉస్మాన్ తారిక్ ఇప్ప‌టికే భార‌త్‌పై సైకిలాజిక‌ల్‌గా విజ‌యం సాధించాడు. ప్ర‌త్యేక వ్యూహాలు ర‌చిస్తోంది. ప్రస్తుతం, బాబర్ అజామ్ లేదా మరెవరి గురించి ఎవరూ చ‌ర్చించ‌డం లేదు. మీడియా, ఫ్యాన్స్ అంతా తారిఖ్‌ గురించే మాట్లాడుతున్నారు. భారత డ్రెస్సింగ్ రూమ్‌లో కూడా తారిఖ్‌ పట్ల ఒక రకమైన ఆందోళన కనిపిస్తోంది.అతడు పాకిస్తాన్ తరపున నాలుగు మ్యాచ్‌లు మాత్రమే ఆడాడు. అయిన‌ప్ప‌టికి అత‌డిని ఎదుర్కొవ‌డానికి భార‌త్ ప్ర‌త్యేక వ్యూహాలు ర‌చిస్తోంది. ఈ మ్యాచ్‌లో ఉస్మాన్‌ను కెప్టెన్ స‌ల్మాన్ అఘా ఎలా ఉపయోగిస్తాడో చూడాలనుకుంటున్నాను. అత‌డిని 6వ ఓవర్‌లోనే రంగంలోకి దించితే బ్యాట‌ర్ల‌ను క‌ట్ట‌డి చేయ‌వ‌చ్చు" అని తప్మాడ్ అనే ఛాన‌ల్‌కు ఇచ్చిన ఇంట‌ర్వ్యూలో హఫీజ్ పేర్కొన్నాడు.

టీ20 వరల్డ్‌కప్‌ 2026లో భాగంగా ఇవాళ (ఫిబ్రవరి 15) భారత్‌-పాక్‌ మధ్య హైవోల్టేజీ మ్యాచ్‌ జరుగనుంది. కొలంబోని ప్రేమదాస స్టేడియం వేదికగా జరుగనున్న ఈ మ్యాచ్‌ కోసం యావత్‌ క్రికెట్‌ ప్రపంచం ఆసక్తిగా ఎదురు చూస్తోంది. టోర్నీ ప్రారంభానికి ముందు ఈ మ్యాచ్‌ సాధ్యాసాధ్యాలపై అనేక అనుమానాలు నెలకొని ఉండేవి. బంగ్లాదేశ్‌కు జరిగిన అన్యాయానికి నిరసనగా ఈ మ్యాచ్‌ రద్దు చేసుకున్నట్లు పాక్‌ ప్రభుత్వం అధికారికంగా ప్రకటించింది.అయితే ఐసీసీ మధ్యవర్తిత్వంతో పాక్‌ ఈ మ్యాచ్‌ ఆడేందుకు తిరిగి అంగీకరించింది. జరగదనున్న మ్యాచ్‌ తిరిగి కార్యరూపం దాల్చడం​ ఈ మ్యాచ్‌ హైప్‌ను మరింత పెంచింది. ఓ పక్క క్రికెట్‌ అభిమానులు ఈ హైవోల్టేజీ మ్యాచ్‌ కోసం ఆసక్తిగా ఎదురు చూస్తుంటే, కొలొంబో వాతావరణం మాత్రం అందరినీ కలవరపెడుతుంది. మ్యాచ్‌ సమయంలో భారీ వర్షం​ పడవచ్చని వాతావరణ శాఖ హెచ్చరికలు జారీ చేసింది. దీంతో మ్యాచ్‌ జరుగుతుందా లేదా అని అభిమానులు ఆందోళన చెందుతున్నారు. మ్యాచ్‌ కొన్ని ఓవర్లు జరిగినా చాలని దేవుళ్లను ప్రార్దిస్తున్నారు. ఒకవేళ మ్యాచ్‌ రద్దైతే మాత్రం భారత్‌, పాక్‌కు చెరో పాయింట్‌ లభిస్తుంది. తద్వారా ఈ రెండు జట్లు సూపర్‌-8కు అర్హత సాధిస్తాయి. భారత అభిమానులు మాత్రం ఈ మ్యాచ్‌ పూర్తిగా జరగాలని కోరుకుంటున్నారు. ఎందుకంటే, భారత జట్టు చాలా పటిష్టంగా ఉంది. ఈ జట్టుతో పాక్‌ను సునాయాసంగా చిత్తు చేయవచ్చు. తద్వారా టీ20 ప్రపంచకప్‌లో తమ రికార్డును మరింత మెరుగుపర్చుకోవచ్చు (8-1).ఈ మ్యాచ్‌లో భారత్‌ రెండు మార్పులతో బరిలోకి దిగనున్నట్లు తెలుస్తుంది. కడుపు నొప్పితో బాధపడుతూ, నమీబియాతో జరిగిన మ్యాచ్‌కు దూరంగా ఉన్న అభిషేక్‌ శర్మ జట్టులో తిరిగి రానున్నాడని సమాచారం. అభిషేక్‌ రాకతో సంజూ శాంసన్‌ తిరిగి బెంచ్‌కే పరిమితం కావాల్సి వస్తుంది. ప్రేమదాస స్టేడియం పిచ్‌ స్పిన్నర్లకు అనుకూలించనుందన్న సమాచారం ఉండటంతో ఈ మ్యాచ్‌లో భారత్‌ అదనపు స్పిన్నర్‌తో బరిలోకి దిగే అవకాశం​ ఉంది. అప్పుడు అర్షదీప్‌ సింగ్‌పై వేటు పడవచ్చు. అతని స్థానంలో కుల్దీప్‌ యాదవ్‌ ప్లేయింగ్‌ ఎలెవెన్‌లోకి వస్తాడు. ఈ రెండు మార్పులు మినహా మిగతా జట్టు యధాతథంగా కొనసాగుతుంది.అభిషేక్‌, ఇషాన్‌ భారత ఇన్నింగ్స్‌ను ప్రారంభిస్తారు. వన్‌డౌన్‌లో తిలక్‌ వర్మ, నాలుగో స్థానంలో కెప్టెన్‌ సూర్యకుమార్‌, ఐదో ప్లేస్‌లో హార్దిక్‌ పాండ్యా, ఆరో స్థానంలో శివమ్‌ దూబే, ఏడో ప్లేస్‌లో రింకూ సింగ్‌, స్పిన్నర్లుగా కుల్దీప్‌ యాదవ్‌, అక్షర్‌ పటేల్‌, వరుణ్‌ చక్రవర్తి, ఏకైక స్పెషలిస్ట్‌ పేసర్‌గా బుమ్రా బరిలోకి దిగవచ్చు. ఈ మ్యాచ్‌ భారతకాలమానం ప్రకారం రాత్రి 7 గంటలకు ప్రారంభమవుతుంది.

ఏసీసీ మహిళల ఆసియా కప్ రైజింగ్‌ స్టార్స్‌ 2026 టీ20 టోర్నీలో భారత్‌ పాక్‌పై ఘన విజయం సాధించింది. బ్యాంకాక్‌ వేదికగా ఇవాళ (ఫిబ్రవరి 15) జరిగిన గ్రూప్‌ స్టేజీ మ్యాచ్‌లో టీమిండియా పాక్‌ను 8 వికెట్ల తేడాతో చిత్తుగా ఓడించింది. ‌ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన పాక్‌ను భారత బౌలర్లు 93 పరుగులకే (18.5 ఓవర్లలో) కుప్పకూల్చారు. అనంతరం స్వల్ప లక్ష్యాన్ని భారత బ్యాటర్లు సునాయాసంగా (10.1 ఓవర్లలో 2 వికెట్లు కోల్పోయి) ఛేదించారు. ఈ గెలుపుతో భారత్‌ గ్రూప్‌-ఏలో రెండో స్థానానికి చేరింది. దీనికి ముందు మ్యాచ్‌లో భారత అమ్మాయిలకు యూఏఈ చేతిలో ఊహించని పరాభవం ఎదురైంది.తాజా మ్యాచ్‌ విషయానికొస్తే.. ఈ మ్యాచ్‌లో భారత బౌలర్లు చెలరేగిపోయారు. సైమా ఠాకోర్‌ (4-0-14-2), కెప్టెన్‌ రాధా యాదవ్‌ (3-0-11-2), ప్రేమా రావత్‌ (3-0-16-2), జింటిమణి కలిట (3-0-18-1), మిన్నూ మణి (2.5-0-10-1), తనూజా కన్వర్‌ (3-0-19-0) పాక్‌ ప్లేయర్ల భరతం పట్టారు. పాక్‌ ఇన్నింగ్స్‌లో షావల్‌ జుల్ఫికర్‌ (23), గుల్‌ రుఖ్‌ (21), అనోశా నాసిర్‌ (17) మాత్రమే రెండంకెల స్కోర్లు చేయగలిగారు.స్వల్ప లక్ష్య ఛేదనలో భారత్‌ తొలి బంతికే వికెట్‌ (హుమైరా ఖాజీ డకౌట్‌) కోల్పోయినప్పటికీ.. మరో ఓపెనర్‌ వ్రింద దినేశ్‌ (55) అజేయ అర్ద సెంచరీతో సత్తా చాటి భారత్‌ను విజయతీరాలకు చేరింది. వ్రిందకు అనుష్క శర్మ (24), తేజల్‌ హసబ్నిస్‌ (12 నాటౌట్‌) సహకరించారు. పాక్‌ బౌలర్లలో వహీదా అక్తర్‌, మొమినా రియాసత్‌కు తలో వికెట్‌ దక్కింది. భారత్‌ గ్రూప్‌ దశలో తమ తదుపరి మ్యాచ్‌లో నేపాల్‌తో తలపడనుంది. ఈ మ్యాచ్‌ ఫిబ్రవరి 17న జరుగనుంది. ఈ టోర్నీలో భారత్‌, పాక్‌, యూఏఈ, నేపాల్‌ గ్రూప్‌-ఏలో ఉండగా.. థాయ్‌లాండ్‌, బంగ్లాదేశ్‌, శ్రీలంక, మలేసియా గ్రూప్‌-బిలో ఉన్నాయి.

టీ20 ప్రపంచకప్‌-2026 టోర్నీలో ఆసక్తికర సమరానికి సమయం ఆసన్నమైంది. దాయాదులు భారత్‌- పాకిస్తాన్‌ కొలంబో వేదికగా ఆదివారం అమీతుమీ తేల్చుకోనున్నాయి. చిరకాల ప్రత్యర్థుల పోరుకు ఆర్‌.ప్రేమదాస స్టేడియం వేదిక కాగా.. వర్షం పడే ప్రమాదం పొంచి ఉంది.ఇదిలా ఉంటే.. పాకిస్తాన్‌తో మ్యాచ్‌ నేపథ్యంలో భారత తుదిజట్టులో రెండు కీలక మార్పులు చోటు చేసుకోనున్నాయి. ఈ మేరకు టీమిండియా కెప్టెన్‌ సూర్యకుమార్‌ యాదవ్‌ (Suryakumar Yadav) శనివారం నాటి ప్రెస్‌ కాన్ఫరెన్స్‌లో సంకేతాలు ఇచ్చాడు. కాగా టీ20 వరల్డ్‌కప్‌ టోర్నీలో భారత్‌ తొలుత అమెరికాతో తలపడిన సంగతి తెలిసిందే.అభిషేక్‌ శర్మ గోల్డెన్‌ డకౌట్‌ఈ మ్యాచ్‌లో టీమిండియా గెలిచినా.. ఓపెనర్‌ అభిషేక్‌ శర్మ గోల్డెన్‌ డకౌట్‌ అయి తీవ్రంగా నిరాశపరిచాడు. ఇక నమీబియాతో రెండో మ్యాచ్‌కు ఈ వరల్డ్‌ నంబర్‌ వన్‌ బ్యాటర్‌ అందుబాటులో లేకుండా పోయాడు. కడుపు నొప్పితో ఆస్పత్రిలో చేరిన అభిషేక్‌.. కోలుకున్నప్పటికీ యాజమాన్యం అతడికి విశ్రాంతినిచ్చింది.ఇక నమీబియాను చిత్తుగా ఓడించి సూపర్‌-8కు చేరువైన భారత్‌.. దాయాదిపై ఈసారి కూడా ఆధిపత్యం కొనసాగించాలని పట్టుదలగా ఉంది. ఈ నేపథ్యంలో పాక్‌తో ఆడే భారత తుదిజట్టు ఎలా ఉండబోతున్న చర్చ జరుగుతోంది.అతడు ఆడాలని కోరుకుంటున్నాంఇదిలా ఉంటే.. భారత్‌తో మ్యాచ్‌కు ముందు పాక్‌ కెప్టెన్‌ సల్మాన్‌ ఆఘా (Salman Agha) మాట్లాడుతూ.. “అతడు మంచి ప్లేయర్‌. అభిషేక్‌ రేపు ఆడతాడనే అనుకుంటున్నాం. మేము అత్యుత్తమ జట్టుతో పోటీ పడాలి అని అనుకుంటున్నాం. కాబట్టి అతడు కోలుకుని తిరిగి వస్తే బాగుంటుంది’’ అని అభిషేక్‌ శర్మను ఉద్దేశించి పేర్కొన్నాడు.పాక్‌ కోరిక నెరవేరుస్తాంఇదే విషయాన్ని సూర్య వద్ద విలేకరులు ప్రస్తావించగా.. “ఒకవేళ పాకిస్తాన్‌ మేము అభిషేక్‌ శర్మను ఆడించాలని కోరుకుంటే.. వారి కోరిక నెరవేరుతుంది. అతడు రేపు ఆడతాడు’’ అని సమాధానమిచ్చాడు. తద్వారా సంజూ శాంసన్‌పై వేటు వేయడం ఖాయమని చెప్పకనే చెప్పాడు సూర్య.అతడికీ చోటుఇక కొలంబో స్పిన్‌కు అనుకూలించే పిచ్‌ కాబట్టి లెఫ్టార్మ్‌ రిస్ట్‌ స్పిన్నర్‌ కుల్దీప్‌ యాదవ్‌ కూడా తుదిజట్టులో ఉంటాడని సూర్య సంకేతాలు ఇచ్చాడు. “అతడి అవసరం ఉందనుకుంటే కచ్చితంగా ఆడిస్తాము’’ అని కుల్దీప్‌ను ఉద్దేశించి పేర్కొన్నాడు. కాగా అర్ష్‌దీప్‌ సింగ్‌ స్థానంలో కుల్దీప్‌ వచ్చే అవకాశం ఉంది.కాగా గ్రూప్‌-ఎ నుంచి భారత్‌, పాకిస్తాన్‌లతో పాటు అమెరికా, నమీబియా, నెదర్లాండ్స్‌ పోటీ పడుతున్నాయి. అయితే, ఇప్పటికే చెరో రెండు విజయాలతో భారత్‌- పాక్‌ తొలి రెండు స్థానాల్లో ఉండగా.. అమెరికా సైతం సూపర్‌-8 రేసులో నిలిచే ప్రయత్నంలో ఉంది.భారత్‌ వర్సెస్‌ పాకిస్తాన్‌ తుది జట్లు (అంచనా): భారత్‌సూర్యకుమార్‌ (కెప్టెన్ ), అభిషేక్ శర్మ, ఇషాన్‌ కిషన్ (వికెట్‌ కీపర్‌), తిలక్‌ వర్మ, హార్దిక్‌ పాండ్యా, శివం దూబే, రింకూ సింగ్‌, అక్షర్ పటేల్‌, కుల్దీప్ యాదవ్‌, వరుణ్ చక్రవర్తి, జస్‌ప్రీత్‌ బుమ్రాGuess who's back... back again! 💪😈#TeamIndia's Mr.Maximum, #AbhishekSharma, was spotted launching sixes during the training session in Colombo! Watch him next 👉 ICC Men's #T20WorldCup 👉 #INDvPAK | SUN, 15th FEB, 6 PM pic.twitter.com/CEkut5QxpP— Star Sports (@StarSportsIndia) February 14, 2026పాకిస్తాన్‌సల్మాన్‌ ఆఘా (కెప్టెన్ ), సాహిబ్‌జాదా ఫర్హాన్, సయీమ్‌ అయూబ్, బాబర్‌ ఆజమ్, షాదాబ్ ఖాన్‌, ఉస్మాన్ ఖాన్‌ (వికెట్‌ కీపర్‌), మహ్మద్‌ నవాజ్, ఫహీమ్ అష్రఫ్‌, షాహిన్‌ అఫ్రిది, ఉస్మాన్‌ తారిఖ్, అబ్రార్‌ అహ్మద్‌. చదవండి: IND vs PAK: ‘​వర్షం పడాలని దేవుడిని ప్రార్థిస్తున్నా’

పాకిస్తాన్‌తో మ్యాచ్‌లో భారత బౌలర్లు విజృంభించారు. దాయాదిని 93 పరుగులకే ఆలౌట్‌ చేశారు. ఏసీసీ మహిళల ఆసియా కప్‌ రైజింగ్‌ స్టార్‌-2026 టోర్నమెంట్లో ఆదివారం నాటి మ్యాచ్‌లో భారత్‌-ఎ, పాకిస్తాన్‌-ఎ జట్లు తలపడుతున్నాయి.తొలుత బ్యాటింగ్‌బ్యాంకాక్‌లోని టెర్‌థాయ్‌ క్రికెట్‌ మైదానంలో టాస్‌ గెలిచిన పాకిస్తాన్‌ జట్టు తొలుత బ్యాటింగ్‌ ఎంచుకుంది. అయితే, ఆది నుంచే భారత బౌలర్లు పాక్‌ బ్యాటర్లకు చుక్కలు చూపించారు. చుక్కలు చూపించిన భారత బౌలర్లుఓపెనర్లలో యుస్రా ఆమిర్‌ (1)ను సైమా ఠాకూర్‌ అవుట్‌ చేయగా.. వన్‌డౌన్‌ బ్యాటర్‌ ఒమైమా సొహైల్‌ (1)ను జింతిమణి కలిత, కెప్టెన్‌ హఫ్సా ఖలీద్‌ (1)ను ఐమా, హురైనా సజ్జద్‌ (2)ను కెప్టెన్‌ రాధా యాదవ్‌ పెవిలియన్‌కు పంపించారు.Captain Radha Yadav steps up and shows the way! 💙 Watch the Girls in Blue in action vs Pakistan A, LIVE NOW on Sony Sports Network TV channels & Sony LIV. #SonySportsNetwork #GirlsRising | DP World Women’s Asia Cup Rising Stars 2026 pic.twitter.com/kjeq0xl5i8— Sony Sports Network (@SonySportsNetwk) February 15, 2026ఎమాన్‌ నాజర్‌ (4)ను అనుష్క శర్మ రనౌట్‌ చేయగా.. వహీదా అక్తర్‌ (7)ను ప్రేమా రావత్‌, మొమినా రియాసత్‌ (4)ను మిన్ను మణి సింగిల్‌ డిజిట్‌ స్కోర్లకే పరిమితం చేశారు. ఇలాంటి తరుణంలో ఓపెనర్‌ షవాల్‌ జుల్ఫికర్‌ (23)తో పాటు గల్‌ రుఖ్‌ (21) పోరాడే ప్రయత్నం చేయగా.. షవాల్‌కు రాధా యాదవ్‌, గుల్‌కు ప్రేమా రావత్‌ చెక్‌ పెట్టారు.𝐓𝐡𝐫𝐨𝐰 𝐢𝐭 𝐥𝐢𝐤𝐞 𝐀𝐧𝐮𝐬𝐡𝐤𝐚 🎯🔥A direct-hit special sends Eman Naseer back to the pavilion in style 💙Watch the Girls in Blue in action vs Pakistan A, LIVE NOW on Sony Sports Network TV channels & Sony LIV. #SonySportsNetwork #GirlsRising | DP World Women’s… pic.twitter.com/XmUJMqOQIR— Sony Sports Network (@SonySportsNetwk) February 15, 2026 93 పరుగులకే ఆలౌట్‌ఫలితంగా 18.5 ఓవర్లలో కేవలం 93 పరుగులే చేసి పాక్‌-ఎ జట్టు ఆలౌట్‌ అయింది. భారత బౌలర్లలో సైమా ఠాకూర్‌, రాధా యాదవ్‌, ప్రేమా రావత్‌ తలా రెండు వికెట్లు తీయగా.. జింతిమణి కలిత, మిన్ను మణి చెరో వికెట్‌ పడగొట్టారు.కాగా ఆసియా కప్‌ రైజింగ్‌ టీ20 టోర్నీలో గ్రూప్‌-ఎ నుంచి భారత్‌- పాక్‌లతో పాటు యూఏఈ, నేపాల్‌ తలపడుతున్నాయి. తొలి మ్యాచ్‌లో నేపాల్‌ను ఓడించి పాక్‌ అగ్రస్థానానికి చేరగా.. యూఏఈ చేతిలో ఓడిన భారత్‌ మూడో స్థానంలో ఉంది. తాజా మ్యాచ్‌లో పాక్‌ను ఓడించి గెలుపు బోణీ కొట్టాలని భారత జట్టు పట్టుదలగా ఉంది. చదవండి: వైభవ్‌ సూర్యంశీ సంచలన నిర్ణయం!

క్రికెట్‌ ప్రేమికులు ఎప్పుడెప్పుడా అని ఎదురుచూస్తున్న తరుణం రానే వచ్చేసింది. దాయాదులు భారత్‌- పాకిస్తాన్‌ పోరుకు సమయం ఆసన్నమైంది. చిరకాల ప్రత్యర్థుల మధ్య ఆదివారం (ఫిబ్రవరి 15) మ్యాచ్‌ జరుగనుంది. ఇందుకు అన్ని ఏర్పాట్లు పూర్తి కాగా.. వరుణుడి భయం అభిమానులలో ఆందోళన రేకెత్తిస్తోంది.వాన పడొద్దు దేవుడా!కాగా టీ20 ప్రపంచకప్‌-2026 టోర్నీలో గ్రూప్‌-ఎలో ఉన్న భారత్‌- పాక్‌ మధ్య మ్యాచ్‌కు శ్రీలంకలోని కొలంబోలో గల ఆర్‌. ప్రేమదాస స్టేడియం వేదిక. భారత కాలమానం ప్రకారం రాత్రి ఏడు గంటలకు మ్యాచ్‌ ఆరంభం కావాల్సి ఉంది. అయితే, ఆదివారం కొలంబోలో వాన పడే అవకాశాలు 93 శాతం ఉన్నట్లు ఆక్యూవెదర్‌ పేర్కొంది. సాయంత్రానికి వర్షం ముప్పు తగ్గినా అవుట్‌ ఫీల్డ్‌ తడిగా ఉంటే మ్యాచ్‌ సజావుగా సాగే అవకాశాలు సన్నగిల్లుతాయి.ఈ నేపథ్యంలో క్రికెట్‌ అభిమానులంతా వర్షం ప్రభావం ఈ మ్యాచ్‌పై పడకుండా చూడాలంటూ దేవుడిని వేడుకుంటున్నారు. క్రేజీ మ్యాచ్‌ కోసం తామంతా ఎంతో ఆశగా ఎదురుచూస్తున్నామని.. తమ ఆశలపై నీళ్లు చల్లవద్దని వరుణుడిని ప్రార్థిస్తున్నారు. ఇలాంటి తరుణంలో పాకిస్తాన్‌ మాజీ క్రికెటర్‌ బసిత్‌ అలీ (Basit Ali) వింత వ్యాఖ్యలు చేశాడు.వర్షం పడాలని దేవుడిని ప్రార్థిస్తున్నాఓ స్పోర్ట్స్‌ షోలో మాట్లాడుతూ.. "ఆ సర్వాంతర్యామి (దేవుడు) నా ప్రార్థన విని వర్షం పడేలా చేయాలి’’ అని బసిత్‌ అలీ వ్యాఖ్యానించాడు. ఇందుకు హోస్ట్‌.. "మీరు మ్యాచ్‌ మొత్తం చూడాలని అనుకోవడం లేదా?" అని అడుగగా.. "నేను వర్షం పడాలని కోరుకుంటున్నాను (I Want Rain)" అని పునరుద్ఘాటించాడు.అదే జరిగితే మ్యాచ్‌ రద్దుకాగా వరల్డ్‌కప్‌ గ్రూప్‌ దశ మ్యాచ్‌లకు రిజర్వ్‌ డే ఉండదు. ఫలితం కోసం ఇరుజట్లు కనీసం ఐదు ఓవర్లు ఆడాల్సి ఉంటుంది. అదీ కుదరని పక్షంలో మ్యాచ్‌ రద్దైనట్లు అంపైర్లు ప్రకటిస్తారు. ఇరుజట్లకు చెరో పాయింట్‌ కేటాయిస్తారు.ప్రస్తుతం టీ20 వరల్డ్‌కప్‌ టోర్నీలో భారత్‌.. అమెరికా, నమీబియాలపై గెలిచి నాలుగు పాయింట్లు సాధించగా.. పాకిస్తాన్‌ సైతం నెదర్లాండ్స్‌, అమెరికా జట్లను ఓడించి నాలుగు పాయింట్లతో ఉంది. అయితే, నెట్‌రన్‌రేటు పరంగా టీమిండియా (+3.050) పాకిస్తాన్‌ (+0.932) అత్యంత మెరుగ్గా ఉండి అగ్రస్థానాన్ని ఆక్రమించింది.ఇదేం కోరిక?ఒకవేళ దాయాదుల పోరు వర్షం వల్ల రద్దు అయిపోతే.. భారత్‌- పాక్‌ ఐదు పాయింట్లతో సూపర్‌-8 దశకు దాదాపుగా అర్హత సాధించినట్లే. గ్రూప్‌ దశలో అమెరికా, నెదర్లాండ్స్‌లకు చెరో మ్యాచ్‌ మిగిలి ఉండగా.. నమీబియా రెండు మ్యాచ్‌లు ఆడాల్సి ఉంది. అయితే, నెదర్లాండ్స్‌ (-1.352), నమీబియా (-2.884) నెట్‌రన్‌రేటు మైనస్‌లలో ఉండటం గమనార్హం.ఇక గత వరల్డ్‌కప్‌ ఎడిషన్‌లో అనూహ్య రీతిలో పాకిస్తాన్‌ను ఓడించి టీమిండియాతో పాటు అమెరికా సూపర్‌-8కు చేరిన విషయం తెలిసిందే. దీంతో పాక్‌ టోర్నీ నుంచి అవమాన భారంతో నిష్క్రమించింది. ఇక ఇప్పుడు భారత్‌ చేతిలో పాక్‌ గనుక భారీ తేడాతో ఓడితే మళ్లీ అమెరికాతో ప్రమాదం పొంచి ఉండవచ్చు. ఈ నేపథ్యంలోనే భారత్‌- పాక్‌ మ్యాచ్‌ వాన వల్ల చెడిపోవాలని బసిత్‌ అలీ కోరుకుంటున్నాడని నెటిజన్లు ట్రోల్‌ చేస్తున్నారు.IND vs PAK T20 World Cup 2026: భారత్‌ ‘రుద్ర’ రూపంచదవండి: IND vs PAK: పాక్‌తో భారత్‌ మ్యాచ్‌.. మధ్యాహ్నమే!

క్రికెట్‌ ప్రపంచంలో దాయాదులు భారత్‌- పాకిస్తాన్‌ మధ్య జరిగే మ్యాచ్‌లకు ఉన్న ఆదరణ వేరు. ఏ స్థాయిలోనైనా చిరకాల ప్రత్యర్థుల పోరుకు ప్రత్యేకంగా ఫ్యాన్‌ బేస్‌ ఉందనడంలో అతిశయోక్తి లేదు. అలాంటి వీరాభిమానులకు ఆదివారం (ఫిబ్రవరి 15) పండుగే. వారి కోసం భారత్‌- పాక్‌ మ్యాచ్‌ డబుల్‌ ధమాకా ఎదురుచూస్తోంది. సూర్యకుమార్‌ యాదవ్‌ సారథ్యంలోఓ వైపు ఐసీసీ పురుషుల టీ20 ప్రపంచకప్‌-2026లో భాగంగా టీమిండియా- పాకిస్తాన్‌ శ్రీలంక వేదికగా తలపడనున్న విషయం తెలిసిందే. సూర్యకుమార్‌ యాదవ్‌ సారథ్యంలోని భారత్‌- సల్మాన్‌ ఆఘా బృందంతో అమీతుమీ తేల్చుకుంటుంది. మరోవైపు మహిళల ‘ఆసియా కప్‌ రైజింగ్‌ స్టార్స్‌ (ACC Women's Asia Cup Rising Stars 2026)’ టోర్నీలో కూడా ఈ రెండు జట్ల మధ్య నేడు (ఆదివారం) పోరు జరగనుంది.మధ్యాహ్నం 12.30 గంటలకు ఆరంభంభారత కాలమానం ప్రకారం మధ్యాహ్నం 12.30 నిమిషాలకు దాయాది మహిళా జట్ల మధ్య మ్యాచ్‌ మొదలు అవుతుంది. బ్యాంకాక్‌లోని టెర్‌థాయ్‌ క్రికెట్‌ మైదానం ఇందుకు వేదిక. కాగా మహిళ ఆసియా కప్‌ రైజింగ్‌ స్టార్స్‌ టోర్నీలో గ్రూప్‌-ఎ నుంచి భారత్‌-ఎ, పాకిస్తాన్‌-ఎ జట్లతో పాటు యూఏఈ, నేపాల్‌ తలపడుతున్నాయి.అగ్రస్థానంలో పాక్‌ఇక గ్రూప్‌-బి నుంచి ఆతిథ్య థాయ్‌లాండ్‌, బంగ్లాదేశ్‌-ఎ, శ్రీలంక-ఎ, మలేషియా జట్లు పోటీలో ఉన్నాయి. గ్రూప్‌-లో తమ తొలి మ్యాచ్‌లో పాకిస్తాన్‌ నేపాల్‌పై 30 పరుగుల తేడాతో గెలిచింది. మరోవైపు.. భారత్‌-ఎ జట్టు మాత్రం అనూహ్య రీతిలో పసికూన యూఏఈ చేతిలో ఏడు వికెట్ల తేడాతో ఓడిపోయింది.రాధ యాదవ్‌ కెప్టెన్సీలోఫలితంగా గ్రూప్‌-ఎలో ప్రస్తుతానికి పాక్‌, యూఏఈ తొలి రెండు స్థానాల్లో ఉండగా.. భారత్‌, నేపాల్‌ మూడు, నాలుగు స్థానాల్లో ఉన్నాయి. కాగా భారత మహిళల సీనియర్‌ జట్టు‌ సభ్యురాలైన రాధ యాదవ్‌ కెప్టెన్సీలో భారత్‌-ఎ జట్టు ఈ టీ20 టోర్నీ బరిలో దిగింది. మన మహిళల బృందంలో అనుష్క శర్మ, తేజల్‌ హసబ్నిస్, మిన్ను మణి, నందిని శర్మవంటి ఉమెన్‌ ప్రీమియర్‌ లీగ్‌ స్టార్లు కూడా ఉన్నారు.ఎక్కడ చూడాలంటే?ఇదిలా ఉంటే.. టీ20 వరల్డ్‌కప్‌ టోర్నీలో భారత్‌- పాక్‌ మ్యాచ్‌ స్టార్‌ స్పోర్ట్స్‌, జియోహాట్‌స్టార్‌లో ప్రసారం కానుండగా.. మహిళల ఆసియా కప్‌ రైజింగ్‌ స్టార్స్‌ టోర్నీలో దాయాదుల పోరును సోనీ స్పోర్ట్స్‌ టీవీ నెట్‌వర్క్‌, సోనీ లివ్‌ ఇండియాలో వీక్షించవచ్చు.UPDATES: పాక్‌ను చిత్తుగా ఓడించిన భారత్‌T20 World Cup 2026: భారత్‌ ‘రుద్ర’ రూపంచదవండి: T20 WC 2026: పాక్‌తో మ్యాచ్.. భార‌త తుది జ‌ట్టు ఇదే! వారిద్ద‌రిపై వేటు

పాకిస్తాన్‌ ఆఫ్‌ స్పిన్నర్‌ ఉస్మాన్‌ తారిఖ్‌ గురించి టీమిండియా కెప్టెన్‌ సూర్యకుమార్‌ యాదవ్‌ ఆసక్తికర వ్యాఖ్యలు చేశాడు. అతడు వైవిధ్యమైన బౌలర్‌ అన్న మాట వాస్తవమేనని.. అయితే, తాము మాత్రం అతడి ఆటకు లొంగమని పేర్కొన్నాడు. టీ20 ‍ప్రపంచకప్‌-2026 టోర్నీలో భాగంగా చిరకాల ప్రత్యర్థులు భారత్‌- పాకిస్తాన్‌ ఆదివారం ముఖాముఖి తలపడనున్న విషయం తెలిసిందే. శ్రీలంకలోని కొలంబోలో గల ఆర్‌.ప్రేమదాస స్టేడియం ఇందుకు వేదిక.అపుడే చూస్తారుఈ నేపథ్యంలో మీడియాతో మాట్లాడిన భారత జట్టు కెప్టెన్‌ సూర్యకుమార్‌ యాదవ్‌ (Suryakumar Yadav) పలు విషయాలపై స్పందించాడు. ముఖ్యంగా పాక్‌ ఆటగాళ్లతో ఈసారి కరచాలనం చేస్తారా? అన్న ప్రశ్నకు బదులిస్తూ.. ‘‘మేం చక్కటి క్రికెట్‌ ఆడేందుకే ఇక్కడికి వచ్చాం. అది మాత్రమే అత్యంత ముఖ్యం. మిగతావన్నీ అనవసర విషయాలు.షేక్‌ హ్యాండ్‌ ఇచ్చే విషయంపై ఇప్పుడే ఏమీ చెప్పను. మ్యాచ్‌ ప్రారంభమైనప్పుడే మీరు చూస్తారు’’ అని సూర్యకుమార్‌ యాదవ్‌ పేర్కొన్నాడు. సున్నా నుంచి మొదలుఇక టీ20 వరల్డ్‌కప్‌ టోర్నీల్లో పాక్‌పై 7-1తో భారత్‌ ఆధిపత్యం కొనసాగిస్తున్న అంశం ప్రస్తావనకు రాగా.. ‘‘పాక్‌పై పాత రికార్డు ఇక్కడ పనికి రాదు. మళ్లీ సున్నా నుంచి స్కోరు మొదలు పెట్టాల్సిందే’’ అని సూర్య నిజాయితీగా సమాధానం ఇచ్చాడు.అదే విధంగా ఉస్మాన్‌ తారిఖ్‌ (Usman Tariq)నైపుణ్యాల గురించి విలేకరులు ప్రస్తావించగా.. ‘‘పరీక్షలో సెలబస్‌ నుంచి కాకుండా ఇతర అంశాల గురించి ప్రశ్నలు వచ్చినంత మాత్రాన దానిని వదిలివేయలేము కదా!.. అతడి ఆటకు మేము లొంగిపోముఅతడొక వైవిధ్యమైన బౌలర్‌. అయినంత మాత్రాన మేము అతడి ఆట ముందు లొంగిపోము. అతడి బౌలింగ్‌లో ఆడేందుకు మా వాళ్లు ఉత్సాహంతో ఎదురుచూస్తున్నారు’’ అని సూర్య పేర్కొన్నాడు.చకింగ్ ఆరోపణలుకాగా తన వైవిధ్యమైన బౌలింగ్‌ శైలితో పాక్‌ ఆఫ్‌స్పిన్నర్‌ ఉస్మాన్‌ తారిఖ్‌ వార్తల్లో నిలుస్తున్నాడు​. ‘చకింగ్ (సందేహాస్పద బౌలింగ్‌)‌’ చేస్తున్నాడంటూ ఆరోపణలు వినిపించినా...రెండు సార్లు అతడి యాక్షన్‌కు ఐసీసీ అనుమతి ఇచ్చింది. కాబట్టి నిబంధనల ప్రకారం తప్పు లేకపోవచ్చు. ఈ విషయం గురించి పలువురు మాజీ అంపైర్లు కూడా ఇదే చెప్పారు.అయితే బంతి విసిరే ముందు అతను కాస్త ఆగినట్లుగా ఉంటూ (పాజ్‌) వేయడం చర్చకు దారి తీసింది. ఇది బ్యాటర్‌ను గందరగోళంలో పడేయవచ్చని... బ్యాటర్‌ కూడా కాస్త జరిగి షాట్‌ ఆడటమే దీనికి ఉపాయమని అశ్విన్‌ విశ్లేషించాడు. అంత సీన్‌ లేదుఅయితే తారిఖ్‌ యాక్షన్‌ ఎలా ఉన్నా... అతడు సాధారణ ఆఫ్‌స్పిన్నర్‌ మాత్రమేనని మాజీ కెప్టెన్ గంగూలీ అభిప్రాయ పడ్డాడు. భారత బ్యాటర్లు అతడి బౌలింగ్‌లో చెలరేగుతారని ధీమా వ్యక్తం చేశాడు.చదవండి: T20 WC 2026: పాక్‌తో మ్యాచ్.. భార‌త తుది జ‌ట్టు ఇదే! వారిద్ద‌రిపై వేటు

ఫిబ్రవరి 1...టి20 ప్రపంచకప్‌లో భారత్‌తో మ్యాచ్‌ ఆడేందుకు నిరాకరించిన పాకిస్తాన్‌... ఫిబ్రవరి 5...మాకు అవన్నీ తెలీదు...మా కొలంబో ఫ్లయిట్‌ బుక్‌ అయిపోయిందన్న సూర్యకుమార్‌... ఫిబ్రవరి 9...భారత్‌తో మ్యాచ్‌ ఆడేందుకు మేం సిద్ధమంటూ పాకిస్తాన్‌ ప్రభుత్వ ప్రకటన... ఫిబ్రవరి 15...భారత్, పాక్‌ మధ్య కొలంబోలో మ్యాచ్‌కు రంగం సిద్ధం...ప్రపంచకప్‌లో దాయాది జట్ల మధ్య సమరం అంటే ఏ ఫార్మాట్‌లో అయినా కనిపించే ఆసక్తి, ఉత్సాహమే వేరు...1992 నుంచి అభిమానులు ఇది చూస్తూనే వచ్చారు...ఫలితం ఎలా ఉన్నా, ఏకపక్షంగా సాగినా ఈ మ్యాచ్‌కు ఉండే ఆకర్షణ ఏమాత్రం తగ్గడం లేదు. దీనిపై సాగే సుదీర్ఘ వ్యాఖ్యలు, విశ్లేషణల గురించి ప్రత్యేకంగా చెప్పాల్సిన అవసరం లేదు. ఇలాంటి స్థితిలో ఇరు జట్ల మధ్య మ్యాచ్‌ లేదంటే సహజంగానే పెద్ద చర్చే జరిగింది. కానీ ఇప్పుడు అంతా మారిపోయింది...కొలంబో వెళ్లే ఫ్లయిట్‌ టికెట్ల ధరలు ఆకాశాన్నంటుతుంటే హోటళ్లలో ఎంత డబ్బు ఇచ్చేందుకు సిద్ధమైనా ఖాళీ లేదనే సమాధానం వచ్చేస్తోంది. మైదానంలోనే ఉండి జట్టుకు మద్దతుగా నిలవాలనుకునే వేలాది మంది మాత్రమే కాదు...తమ ఇళ్లనుంచి కన్నార్పకుండా ప్రతీ బంతిని చూసే ఫ్యాన్స్‌ సంఖ్యకు లెక్కే లేదు. ఈ నేపథ్యంలో మరో వరల్డ్‌ కప్‌ పోరుకు ఇరు జట్లు సై అంటున్నాయి. ఇటీవల ఆసియా కప్‌లో 3–0తో పాక్‌పై సంపూర్ణ ఆధిపత్యం ప్రదర్శించిన టీమిండియా ఈ సారి ఎలాంటి ప్రదర్శనతో చెలరేగుతుందో చూడాలి. కొలంబో: టి20 వరల్డ్‌ కప్‌లో మరోసారి తాడోపేడో తేల్చుకునేందుకు భారత్, పాకిస్తాన్‌ సిద్ధమయ్యాయి. 2012 నుంచి వరుసగా ప్రతీ టి20 వరల్డ్‌ కప్‌లో తలపడుతున్న ఇరు జట్లు ఈ సారి కూడా తటస్థ వేదికపై తమ సత్తాను పరీక్షించుకోనున్నాయి. ప్రేమదాస స్టేడియంలో నేడు (ఆదివారం) జరిగే గ్రూప్‌ ‘ఎ’ మ్యాచ్‌లో పాకిస్తాన్‌ను భారత్‌ ఎదుర్కొంటుంది. రెండు జట్లూ తమ తొలి రెండు మ్యాచ్‌లు గెలిచి జోరు మీదున్నాయి. దాయాదిపై తమ ఆధిక్యాన్ని నిలబెట్టుకునేందుకు అన్ని అస్త్రాలతో టీమిండియా బరిలోకి దిగుతుండగా...ఇటీవలి వరుస ఓటముల తర్వాత ఈ సారైనా గెలిచి బదులు తీర్చుకోవాలని పాక్‌ భావిస్తోంది. కుల్దీప్‌కు అవకాశం... భారత బ్యాటింగ్‌ లైనప్‌కు సంబంధించి ఎలాంటి ఆందోళన లేదు. ఇషాన్‌ కిషన్, సూర్యకుమార్, పాండ్యా, దూబే తమ దూకుడైన బ్యాటింగ్‌ను ఇప్పటికే ప్రదర్శించారు. రింకూ సింగ్‌కు తగిన అవకాశం రాకపోగా, తిలక్‌ వర్మ కూడా రెండు సార్లు 25 పరుగులకే పరిమితమయ్యాడు. అయితే వీరిలో ఏ ఇద్దరు చెలరేగినా గత మ్యాచ్‌ తరహాలో భారీ స్కోరు ఖాయం. సుదీర్ఘ కాలం తర్వాత తన తొలి ప్రపంచ కప్‌ మ్యాచ్‌ ఆడే అవకాశం దక్కించుకున్న సామ్సన్‌ మాత్రం విఫలమయ్యాడు. అభిషేక్‌ శర్మ అనారోగ్యంనుంచి పూర్తిగా కోలుకుంటే సామ్సన్‌ స్థానంలో తుది జట్టులోకి వచ్చేస్తాడు. అమెరికాపై డకౌట్‌ అయిన అభిషేక్‌ తన స్థాయికి తగినట్లు విజృంభిస్తే పాక్‌ బౌలర్లకు కష్టాలు తప్పవు. ఒంటిచేత్తో అతను అందించే ఆరంభం భారత్‌ భారీ స్కోరుకు పునాది అవుతుంది. బౌలింగ్‌కు సంబంధించి తుది జట్టులో కచ్చితంగా మార్పు ఉండవచ్చు. ఇక్కడి పిచ్‌ను బట్టి చూస్తే భారత్‌ మూడో రెగ్యులర్‌ స్పిన్నర్‌తో బరిలోకి దిగే అవకాశం ఉంది.ఇప్పటికీ ప్రత్యర్థి బ్యాటర్లకు ‘మిస్టరీ’గానే ఉన్న వరుణ్‌ చక్రవర్తి, అక్షర్‌లతో పాటు కుల్దీప్‌ను కూడా ఆడించాలని మేనేజ్‌మెంట్‌ భావిస్తోంది. అర్ష్ దీప్ స్థానంలో అతను ఆడతాడు. పాండ్యా, దూబే కూడా బౌలింగ్‌ భారం పంచుకుంటారు కాబట్టి రెగ్యులర్‌ పేసర్‌గా బుమ్రాకు మాత్రమే అవకాశం ఉంది. ఇటీవలి ఫామ్, బలాబలాలను చూస్తే పాక్‌కంటే టీమిండియా ఎంతో ముందుంది. బాబర్‌ ఆజమ్‌ రాణించేనా... అమెరికాపై భారీ విజయం సాధించిన పాకిస్తాన్‌ జట్టులో ఎలాంటి మార్పులు లేకపోవచ్చు. పాక్‌ ఇప్పటికే ఇద్దరు రెగ్యులర్‌ స్పిన్నర్లు అబ్రార్, తారిఖ్‌లతో పాటు స్పిన్‌ ఆల్‌రౌండర్లు నవాజ్, షాదాబ్‌లతో ఆడుతోంది. అవసరమైతే అయూబ్‌ కూడా స్పిన్‌ బౌలింగ్‌ చేయగలడు. వీరిలో తారిఖ్‌ మినహా మిగతా బౌలర్లందరిపై భారత్‌ గతంలోనే తమ ప్రతాపం చూపించింది. కొత్త తరహా, చర్చనీయాంశమైన యాక్షన్‌తో ఆడే ఆఫ్‌స్పిన్నర్‌ తారిఖ్‌ ఏమాత్రం ప్రభావం చూపుతాడనేది ఆసక్తికరం. భారత్‌ తమ సన్నాహకాల్లో దీనిపై కూడా దృష్టి పెట్టి ఉండవచ్చు. పేసర్‌ షాహిన్‌ అఫ్రిది చాలా కాలంగా ఫామ్‌ కోల్పోయి ఇబ్బంది పడుతున్నాడు. ఈ సారి కూడా భారత బ్యాటర్లను నిలువరించడం అతనికి కష్టం కావచ్చు. లైనప్‌లో టాప్‌–4 మాత్రమే రెగ్యులర్‌ బ్యాటర్లు ఉన్నారు. అయూబ్, కెప్టెన్‌ ఆగా ఆసియా కప్‌లో భారత్‌పై వరుసగా విఫలమవగా, ఫర్హాన్‌ ఒక్కడే రాణించాడు. కెప్టెన్ అయిన తర్వాత సల్మాన్‌ ఇప్పటి వరకు ఏమాత్రం ప్రభావం చూపలేకపోయాడు. తమ జట్టుకు సంబంధించి ఎన్నో ఏళ్లుగా స్టార్‌ బ్యాటర్‌గా గుర్తింపు తెచ్చుకున్న బాబర్‌ ఆజమ్‌ ఒక చెప్పుకోదగ్గ ఇన్నింగ్స్‌ ఆడి చాలా కాలమైంది. అతను తన సత్తాను ప్రదర్శించేందుకు ఇంతకంటే సమయం, వేదిక ఉండవని పాక్‌ అభిమానులు భావిస్తున్నారు. 13 భారత్, పాక్‌ మధ్య ఓవరాల్‌గా 16 మ్యాచ్‌లు జరగ్గా...13 గెలిచిన భారత్‌ 3 ఓడింది.7-1 టి20 ప్రపంచ కప్‌లో భారత్, పాక్‌ మధ్య 8 మ్యాచ్‌లు జరగ్గా... భారత్‌ 7 గెలిచి ఒకటే ఓడింది.పిచ్, వాతావరణం బ్యాటింగ్‌కు అనుకూలమైన పిచ్‌. అయితే బౌలర్లూ ప్రభావం చూపించగలరు. మ్యాచ్‌కు ముందు రోజు మాత్రమే భారత్‌ ఇక్కడ సాధన చేసింది. పాక్‌ జట్టు కొలంబోలోనే ఉన్నా... తమ రెండు మ్యాచ్‌లను ఎస్‌ఎస్‌సీ మైదానంలో ఆడింది కాబట్టి తేడా ఉండకపోవచ్చు. అయితే మ్యాచ్‌ను వాన గండం వెంటాడుతోంది. ఆదివారం వర్షం కురిసే అవకాశాలు చాలా ఎక్కువగా ఉన్నాయి. తుది జట్లు (అంచనా): భారత్‌: సూర్యకుమార్‌ (కెప్టెన్ ), అభిషేక్, ఇషాన్‌ కిషన్, తిలక్‌ వర్మ, పాండ్యా, దూబే, రింకూ, అక్షర్, కుల్దీప్, వరుణ్, బుమ్రా పాకిస్తాన్‌: సల్మాన్‌ ఆగా (కెప్టెన్ ), ఫర్హాన్, అయూబ్, బాబర్‌ ఆజమ్, షాదాబ్, ఉస్మాన్, నవాజ్, ఫహీమ్, షాహిన్‌ అఫ్రిది, తారిఖ్, అబ్రార్‌ టి20 ప్రపంచకప్‌లో నేడువెస్టిండీస్‌ X నేపాల్‌వేదిక: ముంబై; ఉదయం 11 గంటల నుంచిఅమెరికా X నమీబియావేదిక: చెన్నై; మధ్యాహ్నం 3 గంటల నుంచి

టీ20 ప్ర‌పంచ‌క‌ప్‌-2026లో టీమిండియా కీల‌క పోరుకు సిద్ద‌మైంది. ఈ మెగా టోర్నీలో భాగంగా ఆదివారం కొలంబో వేదిక‌గా పాకిస్తాన్‌తో భార‌త్ త‌ల‌ప‌డ‌నుంది. ఇప్పటికే ఆడిన రెండు మ్యాచ్‌ల్లోనూ విజయం సాధించి మంచి ఫామ్‌లో ఉన్న టీమిండియా.. అదే జోరును దాయాది జ‌ట్టుపై కూడా కొన‌సాగించాల‌ని భావిస్తోంది.అయితే ఈ హైవోల్టేజ్ కోసం భార‌త జ‌ట్టులో కీల‌క మార్పులు చోటు చేసుకోనున్న‌ట్లు తెలుస్తోంది. అనారోగ్యం కార‌ణంగా న‌మీబియాతో మ్యాచ్‌కు దూర‌మైన విధ్వంసక‌ర ఓపెన‌ర్ అభిషేక్ శ‌ర్మ.. తిరిగి పాక్‌తో మ్యాచ్‌కు అందుబాటులోకి రానున్న‌ట్లు స‌మాచారం. ఒక‌వేళ ఇదే జ‌రిగితే సంజూ శాంస‌న్‌పై వేటు ప‌డ‌నుంది.గ‌త మ్యాచ్‌లో సంజూకు అవ‌కాశం ల‌భించిన‌ప్ప‌టికి స‌ద్వినియోగ ప‌రుచుకోలేక‌పోయాడు. దూకుడుగా ఆడిన సంజూ 8 బంతుల్లో 22 ప‌రుగులు చేసి ఔట‌య్యాడు. అదేవిధంగా కొలంబో పిచ్‌ స్పిన్‌కు అనుకూలించే అవ‌కాశముండ‌డంతో కుల్దీప్ యాద‌వ్ తుది జ‌ట్టులోకి రానున్న‌ట్లు ప‌లు రిపోర్ట్‌లు పేర్కొంటున్నాయి. న‌మీబియాతో మ్యాచ్‌లో ధారళంగా పరుగులు సమర్పించుకున్న అర్ష్‌దీప్ సింగ్ లేదా రింకూ సింగ్‌లో ఎవ‌రో ఒక‌రిని ప‌క్క‌న పెట్టే అవ‌కాశ‌ముంది. పాక్‌పై కుల్దీప్ యాద‌వ్‌కు అద్భుత‌మైన రికార్డు (3 టీ20ల్లో 8 వికెట్లు) ఉంది. కాబ‌ట్టి అత‌డిని తుది జ‌ట్టులోకి తీసుకోవడం దాదాపు ఖాయంగా కనిపిస్తోంది. కాగా ఈ మ్యాచ్‌కు వ‌ర్షం అంత‌రాయం క‌లిగించే ఛాన్స్ ఉంది.బంగాళాఖాతంలో ఏర్పడిన అల్పపీడనం కారణంగా కొలంబోలో ఆదివారం వర్షం కురిసే అవకాశం 90 శాతం ఉందని వాతావరణ శాఖ హెచ్చరించింది. ఒక‌వేళ మ్యాచ్ ర‌ద్దు అయితే ఇరు జట్లకు చెరో పాయింట్ ద‌క్కుతుంది.పాక్‌తో మ్యాచ్‌కు భార‌త తుది జ‌ట్టు(అంచ‌నా): సంజు శాంసన్/అభిషేక్ శ‌ర్మ‌,ఇషాన్ కిషన్ (వికెట్ కీప‌ర్‌), తిలక్ వర్మ, సూర్యకుమార్ యాదవ్ (కెప్టెన్‌), హార్దిక్ పాండ్యా, శివమ్ దూబే, అక్షర్ పటేల్, కుల్దీప్ యాదవ్, వరుణ్ చక్రవర్తి, అర్ష్‌దీప్ సింగ్, జస్ప్రీత్ బుమ్రా

టీ20 వరల్డ్ కప్ 2026లో భాగంగా ఆదివారం కొలంబో వేదికగా భార‌త్-పాకిస్తాన్ జ‌ట్లు త‌ల‌ప‌డ‌నున్నాయి. హై-వోల్టేజ్ పోరుకు ముందు టీమిండియా మాజీ స్పిన్నర్ హర్భజన్ సింగ్ కీలక వ్యాఖ్యలు చేశాడు. పాక్ స్పిన్న‌ర్ ఉస్మాన్ తారిఖ్‌ను త‌క్కువ‌గా అంచ‌నా వేయ‌వ‌ద్ద‌ని భార‌త జ‌ట్టును భ‌జ్జీ హెచ్చ‌రించాడు.ఈ హై-వోల్టేజ్ మ్యాచ్‌లో భార‌త్ గెలుస్తుంద‌ని నేను అనుకుంటున్నాను. కానీ పాకిస్తాన్ జ‌ట్టులో ఉస్మాన్ తారిక్ లాంటి అద్భుత‌మైన స్పిన్న‌ర్ ఉన్నాడు. అత‌డిని భార‌త బ్యాట‌ర్లు జాగ్ర‌త్త‌గా ఆడాలి. అయితే మ‌న జ‌ట్టుపై పూర్తి న‌మ్మ‌కం నాకు ఉంది. భారత జట్టు ప్రస్తుతం చాలా పటిష్టంగా ఉంది. టీమిండియా ఎప్ప‌టిలాగే ఎటువంటి ఒత్తిడి లేకుండా ఆడి గెలుపు జెండా ఎగ‌ర‌వేస్తార‌ని ఆశిస్తున్నాము అని ఓ ఛాన‌ల్‌కు ఇచ్చిన ఇంట‌ర్వ్యూలో భజ్జీ పేర్కొన్నాడు.కాగా ఉస్మాన్ తారిఖ్ త‌న బౌలింగ్ యాక్ష‌న్‌తో త‌ర‌చూ వార్త‌ల్లో నిలుస్తున్నాడు. అత‌డి బౌలింగ్‌ను ఆర్ధం చేసుకునేందుకు బ్యాట‌ర్లు తెగ ఇబ్బంది ప‌డుతున్నారు. బంతిని విసిరే ముందు కొద్దిసేపు ఆగి డెలివరీ చేసే అతడి బౌలింగ్ శైలి కేదార్ జాదవ్‌ను త‌ల‌పిస్తోంది. అత‌డి బౌలింగ్ యాక్ష‌న్‌పై వివాదాలు త‌లెత్తిన‌ప్ప‌టికి.. ఐసీసీ మాత్రం క్లియ‌రెన్స్ ఇచ్చింది. తారిఖ్ ఇప్ప‌టివ‌ర‌కు కేవ‌లం 4 టీ20 మ్యాచ్‌లు మాత్ర‌మే ఆడి 11 వికెట్లు ప‌డ‌గొట్టాడు. పాక్ జ‌ట్టు కూడా అత‌డిపైనే గంపెడు ఆశ‌లు పెట్టుకుంది.చ‌ద‌వండి: T20 WC 2026: భార‌త ఆట‌గాళ్ల‌తో కరచాలనం చేస్తారా? పాక్ కెప్టెన్ రిప్లై ఇదే

క్రికెట్ అభిమానులు ఆసక్తిగా ఎదురుచూస్తున్న భారత్-పాక్ పోరుకు స‌మయం అస‌న్న‌మైంది. టీ20 ప్ర‌పంచ‌క‌ప్-2026లో భాగంగా ఆదివారం దాయాది జ‌ట్లు తాడోపేడో తెల్చుకోవ‌డానికి సిద్ద‌మ‌య్యాయి. ఇప్ప‌టికే కొలంబోకు చేరుకున్న ఇరు జ‌ట్లు.. శ‌నివారం సాయంత్రం త‌మ ప్రాక్టీస్ సెష‌న్ష్‌లలో పాల్గోనున్నాయి.కాగా ఈ హైవోల్టేజ్ మ్యాచ్‌కు ముందు మీడియా సమావేశంలో పాల్గొన్న పాక్‌ కెప్టెన్ సల్మాన్ అలీ ఆఘా కీల‌క వ్యాఖ్య‌లు చేశాడు. ఆసియాక‌ప్‌లో చోటు చేసుకున్న హ్యాండ్ షేక్ వివాదంపై అఘా మాట్లాడాడు. దేశాల మ‌ధ్య ఎన్ని ఉద్రిక్తతలు ఉన్నా, మైదానంలో మాత్రం క్రీడా స్పూర్తిని ప్ర‌ద‌ర్శించాల‌ని ఆఘా చెప్పుకొచ్చాడు."క్రికెట్ ఎల్ల‌ప్పుడూ క్రీడాస్ఫూర్తితోనే ఆడాలి. క్రీడ‌ల్లో రాజ‌కీయాల‌కు తావులేదు. క్రికెట్ ఒక‌ జెంటిల్‌మ్యాన్ గేమ్. ప్ర‌తీ ఒక్క‌రూ హుందాగా వ్య‌వ‌హ‌రించాలి" సల్మాన్ పేర్కొన్నాడు. అదేవిధంగా రేప‌టి మ్యాచ్‌లో భారత్-పాక్ ఆటగాళ్లు కరచాలనం చేసుకుంటారా అన్న ప్రశ్నకు.. "రేపు మీకే తెలుస్తుంది" అని సల్మాన్ సమాధానమిచ్చాడు. టీమిండియా ఓపెన‌ర్ అభిషేక్ శ‌ర్మ త్వ‌ర‌గా కోలుకోవాలని, రేపటి మ్యాచ్‌లో ఆడాలని తాను కోరుకుంటున్నట్లు అఘా తెలిపాడు.కాగా పెహ‌ల్గ‌మ్ ఉగ్ర‌దాడికి నిర‌స‌న‌గా ఆసియాక‌ప్‌లో పాక్ ఆట‌గాళ్ల‌తో భార‌త్ క‌ర‌చాల‌నం నిర‌కారించింది. ఆ త‌ర్వాత భార‌త మ‌హిళ‌ల జ‌ట్టు, అండ‌ర్‌-19 జ‌ట్టు కూడా అదే బాట‌లో న‌డిచింది. అప్పటి నుంచి ఇప్ప‌టివ‌ర‌కు ఒక్క మ్యాచ్‌లో పాక్ ప్లేయ‌ర్ల‌తో భార‌త్ హ్యాండ్ షేక్ చేయ‌లేదు. ఇప్పుడు పొట్టి ప్ర‌పంచ‌క‌ప్‌లో కూడా అదే సీన్ రిపీట్ అయ్యే అవ‌కాశ‌ముంది.

టీ20 ప్ర‌పంచ‌క‌ప్‌-2026లో కొలంబో వేదిక‌గా ఆదివారం పాకిస్తాన్‌-భార‌త్ జ‌ట్లు త‌ల‌ప‌డ‌నున్నాయి. అయితే ఈ మ్యాచ్‌లో టీమిండియా విధ్వంస‌క‌ర ఓపెన‌ర్ అభిషేక్ శ‌ర్మ ఆడుతాడా లేదా? అన్న‌ది ఇంకా క్లారిటీ లేదు. కడుపులో ఇన్ఫెక్షన్ కారణంగా అభిషేక్ గత మూడు రోజులుగా ఇబ్బంది పడుతున్నాడు. దీంతో న‌మీబియాతో మ్యాచ్‌కు దూర‌మ‌య్యాడు.అయితే ఆస్ప‌త్రి నుంచి అభిషేక్ డిశ్చార్జ్ అయినప్ప‌టికి ఇంకా పూర్తి ఫిట్‌నెస్ సాధించిక‌పోయిన‌ట్లు తెలుస్తోంది. కానీ అభిషేక్ భార‌త జ‌ట్టుతో కలిసి కొలంబోలో అడుగుపెట్టాడు. అత‌డు ప్ర‌స్తుతం బీసీసీఐ వైద్య బృందం పర్యవేక్షణలో ఉన్నాడు.కాగా శనివారం (ఫిబ్రవరి 14) సాయంత్రం జరిగే నెట్ సెషన్‌లో అభిషేక్ పాల్గొనే అవకాశం ఉంది. ఈ ప్రాక్టీస్ తర్వాతే అతను పాకిస్థాన్‌తో మ్యాచ్ ఆడతాడా లేదా అనే దానిపై టీమ్ మేనేజ్‌మెంట్ ఓ నిర్ణ‌యం తీసుకోనుంది. అయితే అనారోగ్యంతో బాధ‌ప‌డుతున్న అభిషేక్‌ను చూసేందుకు అత‌డి త‌ల్లిదండ్రులు కొలంబోకు చేరుకున్నారు. ఒకవేళ అభిషేక్ శర్మ పూర్తిగా కోలుకోకపోతే సంజూ శాంస‌న్ ఓపెన‌ర్‌గా కొన‌సాగ‌నున్నాడు.

అవాంతరాలన్నీ తొలగి భారత్‌- పాకిస్తాన్‌ మ్యాచ్‌ నిర్వహణకు మార్గం సుగమమైంది. అంతర్జాతీయ క్రికెట్‌ మండలి (ICC) జో​క్యంతో దిగివచ్చిన పాకిస్తాన్‌ క్రికెట్‌ బోర్డు (PCB) తాము టీమిండియాతో ఆడతామని ప్రకటించింది. ఈ నేపథ్యంలో దాయాదుల పోరును వీక్షించాలని ఉవ్విళ్లూరుతున్న అభిమానులకు ఓ చేదు వార్త.సాంకేతికంగా మ్యాచ్‌ నిర్వహణకు లైన్‌ క్లియర్‌ అయినా.. వాతావరణం ఇందుకు సహకరించేలా కనిపించడం లేదు. కాగా టీ20 ప్రపంచకప్‌-2026 టోర్నీ ఫిబ్రవరి 7న భారత్‌- శ్రీలంక వేదికగా మొదలైన విషయం తెలిసిందే.అగ్రస్థానంలో టీమిండియామొత్తంగా ఇరవై జట్లు పాల్గొంటున్న ఈ ఐసీసీ ఈవెంట్లో గ్రూప్‌-‘ఎ’ నుంచి భారత్‌, పాకిస్తాన్‌, అమెరికా, నమీబియా, నెదర్లాండ్స్‌ పోటీపడుతున్నాయి. ఇందులో భాగంగా టీమిండియా అమెరికా, నమీబియాలపై గెలుపొందగా.. పాక్‌ జట్టు నెదర్లాండ్స్‌, అమెరికాలపై జయభేరి మోగించింది.ఫలితంగా గ్రూప్‌-ఎ నుంచి చెరో రెండు విజయాలతో భారత్‌- పాక్‌ తొలి రెండు స్థానాల్లో నిలిచాయి. చెరో నాలుగు పాయింట్లతో సమంగా ఉన్నా.. నెట్‌ రన్‌రేటు పరంగా భారత్‌ (+3.050).. పాకిస్తాన్‌ (+0.932) కంటే అత్యంత పటిష్ట స్థితిలో ఉంది. ఈ నేపథ్యంలో ఇరుజట్లు ఫిబ్రవరి 15న తలపడాల్సి ఉంది.వాన పడే అవకాశంశ్రీలంకలోని ​కొలంబోలో గల ఆర్‌.ప్రేమదాస స్టేడియంలో ఆదివారం రాత్రి ఏడు గంటలకు భారత్‌- పాక్‌ (IND vs PAK) మధ్య మ్యాచ్‌ ఆరంభం కానుంది. అయితే, ఈ దాయాదుల పోరుకు వరణుడు ఆటంకం కలిగించే అవకాశం ఉంది. ఆక్యూవెదర్‌ నివేదిక ప్రకారం.. కొలంబోలో ఆదివారం ఉదయం వర్షం కురిసేందుకు 93 శాతం అవకాశం ఉంది.అంతేకాదు.. 26 శాతం ఉరుములు, మెరుపులతో కూడిన భారీ వర్షం పడేందుకు ఆస్కారం ఉంది. అయితే, సాయంత్రానికి పరిస్థితి మెరుగుపడే అవకాశాలూ కూడా ఉన్నాయి. వాన పడే ఛాన్స్‌ 13 శాతానికి తగ్గనుందని ఆక్యూవెదర్‌ వెల్లడించింది.యూటర్న్‌ తీసుకున్న పాక్‌ఇక మ్యాచ్‌ మొదలయ్యే సమయానికి వాన తగ్గే అవకాశం ఉన్నా.. ఒకవేళ రోజంతా వర్షం కురిస్తే అవుట్‌ఫీల్డ్‌ చిత్తడిగా మారే ప్రమాదం ఉంది. ఇది కూడా మ్యాచ్‌పై ప్రతికూల ప్రభావం చూపే అవకాశాలు లేకపోలేదు. ఇదిలా ఉంటే.. టీ20 ప్రపంచకప్‌ టోర్నీల్లో ఇప్పటి వరకు పాక్‌తో ఎనిమిది సార్లు ముఖాముఖి తలపడ్డ భారత్‌ 7-1 (విజయాలు)తో ఆధిపత్యం కొనసాగిస్తోంది. కాగా బంగ్లాదేశ్‌కు మద్దతుగా తాము కూడా టీ20 వరల్డ్‌కప్‌-2026 బహిష్కరిస్తామంటూ పాక్‌ తొలుత ప్రగల్బాలు పలికిన విషయం తెలిసిందే. ఆ తర్వాత కేవలం భారత్‌తో మాత్రమే ఆడమంటూ నాటకాలు ఆడగా.. ఐసీసీ రంగంలోకి దిగడంతో యూటర్న్‌ తీసుకుంది.చదవండి: నిన్ను నాశనం చేస్తా: పాక్‌ మాజీ క్రికెటర్‌పై భజ్జీ ఆగ్రహం

టీ20 ప్ర‌పంచ‌క‌ప్‌-2026లో భార‌త క్రికెట్ జ‌ట్టు ర‌స‌వ‌త్త‌ర పోరుకు సిద్ద‌మైంది. ఈ మెగా టోర్నీలో భాగంగా ఫిబ్ర‌వ‌రి 15న కొలంబో వేదిక‌గా దాయాది పాకిస్తాన్‌తో టీమిండియా త‌ల‌ప‌డ‌నుంది. ఈ హైవోల్టేజ్ మ్యాచ్‌కు ముందు భార‌త జ‌ట్టుకు ఓ గుడ్ న్యూస్ అందింది. కడుపు ఇన్ఫెక్షన్ కారణంగా న‌మీబియాతో మ్యాచ్‌కు దూర‌మైన విధ్వంస‌క‌ర ఓపెన‌ర్ అభిషేక్ శ‌ర్మ‌.. పాక్‌తో పోరు నాటికి పూర్తిగా కోలుకోనున్న‌ట్లు తెలుస్తోంది.అమెరికాతో జరిగిన తొలి మ్యాచ్‌ తర్వాత అభిషేక్‌కు తీవ్రమైన కడుపు సమస్య రావడంతో న్యూఢిల్లీ ఆసుపత్రిలో చేరాల్సి వచ్చింది. అతడు చికిత్స పూర్తి చేసుకొని బుధవారం ఆసుపత్రి నుంచి డిశ్ఛార్జి అయ్యాడు. అయితే న‌మీబియాతో మ్యాచ్‌కు ముందు అభిషేక్ ప్రాక్టీస్ కూడా చేశాడంట‌. ఈ విష‌యాన్ని భార‌త స్పిన్న‌ర్ వ‌రుణ్ చ‌క్ర‌వ‌ర్తి ధ్రువీక‌రించాడు.న‌మీబియాతో మ్యాచ్ అనంత‌రం వ‌రుణ్ మాట్లాడుతూ.. పాకిస్తాన్‌తో మ్యాచ్‌లో అభిషేక్ శ‌ర్మ ఆడుతాడ‌ని నేను అనుకుంటున్నాను. అత‌డు ప్ర‌స్తుతం బాగానే ఉన్నాడు. ఈ రోజు అత‌డు ప్రాక్టీస్ కూడా చేశాడు. తాను కోలుకుంటున్నానని, త్వరలోనే పూర్తి ఫిట్‌నెస్‌ సాధిస్తానని నాతో చెప్పాడ‌ని వ‌రుణ్ అన్నాడు.2 కిలోలు త‌గ్గిన అభిషేక్‌అభిషేక్ శ‌ర్మ కూడా త‌న ఫిట్‌నెస్‌పై అప్‌డేట్ ఇచ్చాడు. కడుపు ఇన్ఫెక్షన్‌తో బాధపడిన అభిషేక్, చికిత్స సమయంలో రెండు కిలోల బరువు తగ్గినట్లు వెల్లడించాడు. ప్ర‌స్తుతం తాను కేవలం పప్పు అన్నం మాత్రమే తింటున్నానని ఓ వీడియోలో అభిషేక్ పేర్కొన్నాడు. ఒక‌వేళ పాక్‌తో మ్యాచ్‌కు అభిషేక్ దూరమైతే, భార‌త ఇన్నింగ్స్‌ను సంజూ శాంస‌న్, ఇషాన్ కిష‌న్ ప్రారంభించ‌నున్నారు.

టీ20 ప్రపంచకప్‌ 2026లో ఇవాళ (ఫిబ్రవరి 12) భారత్‌, నమీబియా మధ్య మ్యాచ్‌ జరుగుతుంది. ఢిల్లీలోని అరుణ్‌ జైట్లీ స్టేడియం వేదికగా జరుగుతున్న ఈ మ్యాచ్‌లో నమీబియా టాస్‌ గెలిచి బౌలింగ్‌ ఎంచుకుంది. టాస్‌ సందర్భంగా టీమిండియా కెప్టెన్‌ సూర్యకుమార్‌ యాదవ్‌ ఓ బాంబు లాంటి విషయాన్ని చెప్పాడు. కడుపు నొప్పితో బాధపడుతున్న విధ్వంసకర ఓపెనర్‌ అభిషేక్‌ శర్మ ఇంకా కోలుకోలేదని తెలిపాడు. అభిషేక్‌ ఒకటి లేదా రెండు మ్యాచ్‌లు మిస్‌ అయ్యే అవకాశముందని అన్నాడు. ఈ లెక్కన అభిషేక్‌ నమీబియా మ్యాచ్‌తో పాటు ఫిబ్రవరి 15న పాకిస్తాన్‌తో జరుగబోయే మ్యాచ్‌కు కూడా అందుబాటులో ఉండడని చెప్పకనే చెప్పాడు.యూఎస్‌ఏ మ్యాచ్‌ సమయంలో కడుపు నొప్పితో ఇబ్బంది పడిన అభిషేక్‌.. సమస్య అధికం కావడంతో కొద్ది రోజుల కిందట ఆసుపత్రిలో చేరాడు. నిన్ననే అభిషేక్‌ డిశ్చార్జ్‌ అయ్యాడని వార్తలు వచ్చినప్పటికీ.. ఇవాళ టీమిండియా కెప్టెన్‌ చెప్పిన మాటలను బట్టి చూస్తే అభిషేక్‌ ఆరోగ్యం ఇం​కా కుదుటపడలేదని స్పష్టంగా తెలుస్తుంది. అభిషేక్‌ పాకిస్తాన్‌తో మ్యాచ్‌కు కూడా దూరమైతే టీమిండయాకు ఎంతోకొంత మైనస్‌ అవుతుంది. అభిషేక్‌ ఇటీవలికాలంలో భారత విజయాల్లో అత్యంత కీలకపాత్ర పోషించాడు. అతడు ఇచ్చే మెరుపు ఆరంభాలే మ్యాచ్‌ ఫలితాన్ని భారత్‌కు అనుకూలంగా మార్చాయి. అలాంటి అభిషేక్‌ ప్రపంచకప్‌లో కీలక మ్యాచ్‌కు అందుబాటులో ఉండకపోతే ఏమైనా జరిగే అవకాశం ఉంది.కాగా, నమీబియాతో మ్యాచ్‌లో అభిషేక్‌ శర్మ స్థానంలో సంజూ శాంసన్‌ జట్టులోకి వచ్చాడు. అలాగే ఈ మ్యాచ్‌ కోసం భారత్‌ మరో మార్పు కూడా చేసింది. గత మ్యాచ్‌లో (యూఎస్‌ఏ) జ్వరం కారణంగా ఆడలేకపోయిన బుమ్రా ఈ మ్యాచ్‌తో తిరిగి వచ్చాడు. సిరాజ్‌ స్థానంలో అతను బరిలో దిగనున్నాడు.గోల్డెన్‌ ఛాన్స్‌ను మిస్‌ చేసుకున్న సంజూఅభిషేక్‌ కడుపు సమస్యతో బాధపడుతుండటంతో నమీబియా మ్యాచ్‌లో అనూహ్యంగా జట్టులోకి వచ్చిన సంజూ శాంసన్‌ అందివచ్చిన గోల్డెన్‌ ఛాన్స్‌ను మిస్‌ చేసుకున్నాడు. తొలి మూడు బంతులను జాగ్రత్తగా ఆడిన సంజూ.. ఆతర్వాత వరుసగా మూడు సిక్సర్లు, ఓ బౌండరీ కొట్టి ఫామ్‌లోకి వచ్చినట్లు కనిపించాడు. అయితే ఆతర్వాతి బంతికే బౌలర్‌ బెన్‌ షికోంగో ఉచ్చులో (స్లో బాల్‌) చిక్కి వికెట్‌ సమర్పించుకున్నాడు. మొత్తంగా సంజూ ఈ ఇన్నింగ్స్‌లో 8 బంతులు ఎదుర్కొని 3 సిక్సర్లు, ఓ బౌండరీ సాయంతో 22 పరుగులు చేసి ఔటయ్యాడు. 3 ఓవర్ల తర్వాత భారత్‌ స్కోర్‌ వికెట్‌ నష్టానికి 35 పరుగులుగా ఉంది. ఇషాన్‌ కిషన్‌ 11, తిలక్‌ వర్మ ఒక్క పరుగుతో క్రీజ్‌లో ఉన్నారు.తుది జట్లు..భారత్‌: సంజు శాంసన్, ఇషాన్ కిషన్(w), తిలక్ వర్మ, సూర్యకుమార్ యాదవ్(c), హార్దిక్ పాండ్యా, శివమ్ దూబే, రింకూ సింగ్, అక్షర్ పటేల్, అర్ష్‌దీప్ సింగ్, వరుణ్ చకరవర్తి, జస్ప్రీత్ బుమ్రానమీబియా: లౌరెన్ స్టీన్‌క్యాంప్, జాన్ ఫ్రైలింక్, జాన్ నికోల్ లాఫ్టీ-ఈటన్, గెర్హార్డ్ ఎరాస్మస్(సి), జేజే స్మిట్, జేన్ గ్రీన్(w), రూబెన్ ట్రంపెల్‌మాన్, మలన్ క్రుగర్, బెర్నార్డ్ స్కోల్ట్జ్, బెన్ షికోంగో, మాక్స్ హీంగో

పాకిస్తాన్‌ మాజీ కెప్టెన్‌ షోయబ్‌ మాలిక్‌పై టీమిండియా అభిమానులు మండిపడుతున్నారు. ‘ఇంతకు మించి దిగజారవు అనుకున్న ప్రతిసారి.. నీ అసలైన నైజాన్ని బయటపెట్టుకుంటూ మరింత దిగజారుతూనే ఉంటావు.. కాస్తైనా సిగ్గుందా?’ అంటూ ఆగ్రహం వ్యక్తం చేస్తున్నారు. ఇలాంటి అబద్ధాలు చెప్పే బదులు ‘అడుక్కుని తినవచ్చు కదా!’ అంటూ ఘాటుగా విమర్శిస్తున్నారు.ఇంతకీ ఏం జరిగిందంటే.. టీ20 ప్రపంచకప్‌-2026 టోర్నీలో టీమిండియాతో మ్యాచ్‌ బహిష్కరిస్తామంటూ పాకిస్తాన్‌ ఓవరాక్షన్‌ చేసిన సంగతి తెలిసిందే. పాక్‌ ప్రధాని షెబాజ్‌ షరీఫ్‌ స్వయంగా ఇందుకు సంబంధించి ప్రకటన చేశాడు.ఎ‍ప్పటిలాగానే పాక్‌ యూటర్న్‌అయితే, అంతర్జాతీయ క్రికెట్‌ మండలి (ICC) జోక్యంతో ఎ‍ప్పటిలాగానే పాక్‌ మాట మార్చింది. భారత్‌తో మ్యాచ్‌ ఆడతామని ప్రకటించింది. దీంతో తమకు యూటర్న్‌లు తీసుకోవడం మామూలేనని మరోసారి నిరూపించి నవ్వులపాలైంది. కానీ పాక్‌ మాజీ క్రికెటర్లు మాత్రం కింద పడినా తమదే పైచేయి అన్నట్లు మేకపోతు గాంభీర్యం ప్రదర్శిస్తున్నారు.బీసీసీఐ పదే పదే అడిగితేనే..ఇందులో భాగంగా మాజీ కెప్టెన్‌ షోయబ్‌ మాలిక్‌ తాను హోస్ట్‌గా ఉన్న ఓ న్యూస్‌ ఛానెల్‌లో ఓ ఫేక్‌ వీడియో ప్రదర్శించాడు. భారత క్రికెట్‌ నియంత్రణ మండలి (BCCI) ఉపాధ్యక్షుడు రాజీవ్‌ శుక్లా మాట్లాడినట్లుగా ఓ వీడియో సృష్టించి.. అందులో ఆయన.. "బీసీసీఐ పదే పదే అభ్యర్థించడం వల్ల ఐసీసీ ప్రతినిధి పాకిస్తాన్‌ను టీమిండియాతో మ్యాచ్‌ ఆడేలా ఒప్పించారు.Pakistani sports show Har Lamha Purjosh hosted by Shoaib Malik, is circulating fake AI video of BCCI VICE PRESIDENT RAJEEV SHUKLA for selling chooran to the Pakistani audience pic.twitter.com/BMLmmD9sUe— Vishal (@Fanpointofviews) February 11, 2026స్పందించిన రాజీవ్‌ శుక్లాక్రికెట్‌ మనుగడకు ఇదే సరైన పరిష్కారం’’ అని అన్నట్లుగా AIతో మాయ చేశారు. ఈ వీడియో నెట్టింట చక్కర్లు కొట్టగా.. రాజీవ్‌ శుక్లా స్వయంగా స్పందించారు. "పాకిస్తాన్‌తో ప్రపంచకప్‌ మ్యాచ్‌ గురించి నేను మాట్లాడినట్లుగా AIతో మాయ చేశారు. నేను అలాంటి వ్యాఖ్యలు చేయలేదు.తప్పుదారి పట్టించే ఈ వీడియోను నమ్మవద్దని ప్రతి ఒక్కరికి విజ్ఞప్తి చేస్తున్నా. ఇలాంటి వీడియోలు మీ ఫీడ్‌లోకి వస్తే రిపోర్టు కొట్టేయండి’’ అని రాజీవ్‌ శుక్లా స్పష్టతనిచ్చారు. కాగా భారత్‌- పాక్‌ మ్యాచ్‌కు మార్గం సుగమమైన వేళ.. "ఐసీసీ చైర్మన్‌ పర్యవేక్షణలో ఐసీసీ ప్రతినిధి సరైన విధంగా స్పందించి లాహోర్‌లో పాకిస్తాన్‌ బోర్డుతో చర్చలు జరిపారు.#WATCH | Delhi | On Pakistan to play against India at T20 cricket World Cup, BCCI Vice-President Rajeev Shukla says, "I am delighted to see the outcome of the deliberations initiated by ICC representative, supervised by the ICC Chairman and the representatives who had gone to… pic.twitter.com/3x9xSDyGMB— ANI (@ANI) February 10, 2026 ఎందుకిలా?బంగ్లాదేశ్‌ బోర్డుతోనూ మాట్లాడి మంచి పరిష్కారం కనుగొన్నారు. క్రికెట్‌ ప్రాధాన్యం, మనుగడకు ఇలాంటి నిర్ణయం సముచితమైనది’’ అని రాజీశ్‌ శుక్లా పేర్కొన్నారు. అయితే, షోయబ్‌ మాలిక్‌ మాత్రం తప్పుడు వీడియోను ప్రదర్శిస్తూ బీసీసీఐ అడుక్కునందు వల్లే పాక్‌ వారితో మ్యాచ్‌ ఆడేందుకు ఒప్పుకొందనే అర్థం వచ్చేలా దిగజారుడు వైఖరి ప్రదర్శించాడు. కాగా కొలంబో వేదికగా భారత్‌- పాక్‌ మ్యాచ్‌ ఫిబ్రవరి 15న జరుగనుంది.కాగా భారత టెన్నిస్‌ దిగ్గజం సానియా మీర్జా షోయబ్‌ మాలిక్‌ను ప్రేమించి పెళ్లి చేసుకున్న సంగతి తెలిసిందే. అయితే, సానియాతో ఉంటూనే నటి, వివాహిత సనా జావెద్‌తో మాలిక్‌ "బంధం’’ కొనసాగించాడు. ఈ క్రమంలో సానియా అతడికి విడాకులు ఇవ్వగా.. సనా సైతం భర్తకు విడాకులు ఇచ్చి మాలిక్‌ను పెళ్లి చేసుకుంది.చదవండి: ENG vs WI: నేపాల్‌ మీదైనా గెలిచాం.. సంతోషం: హ్యారీ బ్రూక్‌

పాకిస్తాన్‌ స్పిన్నర్‌ ఉస్మాన్‌ తారిఖ్‌కు టీమిండియా స్పిన్‌ దిగ్గజం రవిచంద్రన్‌ అశ్విన్‌ అండగా నిలిచాడు. అతడి బౌలింగ్‌ యాక్షన్‌ను పెద్దగా తప్పుబట్టాల్సిన పనిలేదన్నాడు. క్రీజు వద్ద కాస్త ఆగి బంతిని రిలీజ్‌ చేయడంలో తప్పులేదని.. అది అతడి సహజ శైలి అని మద్దతుగా నిలిచాడు.పాకిస్తాన్‌ తరఫున గతేడాది అరంగేట్రం చేసిన ఉస్మాన్‌ తారిఖ్‌ రైటార్మ్‌ ఆఫ్‌ బ్రేక్‌ స్పిన్నర్‌. టీ20 ప్రపంచకప్‌-2026 టోర్నీలో ఆడే పాక్‌ జట్టులో చోటు దక్కించుకున్న అతడు.. మంగళవారం అమెరికాతో మ్యాచ్‌లో పాల్గొన్నాడు. కొలంబో వేదికగా జరిగిన ఈ మ్యాచ్‌లో ఉస్మాన్‌ తారిఖ్‌ నాలుగు ఓవర్ల కోటా పూర్తి చేసి 27 పరుగులే ఇచ్చి మూడు వికెట్లు పడగొట్టాడు.అయితే, ఉస్మాన్‌ ప్రదర్శన కన్నా అతడి బౌలింగ్‌ యాక్షన్‌ తీరే నెట్టింట వైరల్‌గా మారింది. సందేహాస్పద రీతిలో అతడు బౌలింగ్‌ చేశాడంటూ విమర్శలు వెల్లువెత్తుతున్నాయి. ఈ నేపథ్యంలో భారత క్రికెటర్‌ శ్రీవత్స్‌ గోస్వామి ఘాటుగా స్పందించాడు.ఇది కొనసాగకూడదు‘‘పెనాల్టీ రన్‌ అప్‌ సమయంలో ఫుట్‌బాల్‌లో కూడా ఇలాంటివి అనుమతించరు. అతడి బౌలింగ్‌ యాక్షన్‌ ఏవిధంగా సమంజసం? సరే సరిగ్గానే బౌలింగ్‌ చేశాడనుకుందాం. మరి పాజ్‌ (కాసేపు ఆగడం) ఎందుకు ఇచ్చినట్లు? అది కూడా బంతిని రిలీజ్‌ చేసే సమయంలో ఇలా ఎందుకు చేశాడు? ఇది కొనసాగకూడదు’’ అని శ్రీవత్స్‌.. ఉస్మాన్‌ బౌలింగ్‌ చేస్తున్న దృశ్యాన్ని పంచుకున్నాడు. బౌలర్‌ మీదే ఆంక్షలు ఎందుకు?ఇందుకు అశ్విన్‌ స్పందిస్తూ.. ‘‘నిజమే.. ఫుట్‌బాల్‌లో కూడా ఇలాంటివి అనుమతించరు. మరి ఓ బ్యాటర్‌ స్విట్‌ హిట్‌ లేదంటే రివర్స్‌ షాట్‌ ఆడుతున్నపుడు అంపైర్‌ లేదంటే బౌలర్‌కు సమాచారం ఇవ్వకుండానే షాట్లు ఆడతారు కదా.అలాంటపుడు బ్యాటర్‌ మీద లేని ఆంక్షలు బౌలర్‌ మీదే ఎందుకు? నిజం చెప్పాలంటే బౌలర్‌ తన చేతివాటాన్ని మార్చే ముందు కచ్చితంగా అంపైర్‌కు సమాచారం ఇవ్వాల్సి ఉంటుంది. ఈ నిబంధనను తొలుత మార్చాలి.ఏదేమైనా ఉస్మాన్‌ బౌలింగ్‌ యాక్షన్‌ చట్టబద్ధమా? కాదా? అన్నది ఐసీసీ బౌలింగ్‌ యాక్షన్‌ టెస్టింగ్‌ సెంటర్‌లో మాత్రమే తేలుతుంది. అక్కడ మాత్రమే అతడిని పరీక్షించే అవకాశం ఉంటుంది.అతడి సహజశైలి కాబట్టి లీగలేనిబంధన ప్రకారం.. మోచేయిని నిటారుగా చేసి బంతిని రిలీజ్‌ చేయాలి. అయితే, అతడు బంతిని విసురుతున్నాడా? లేదంటే సరిగ్గానే బౌలింగ్‌ చేస్తున్నాడా అన్నది ఆన్‌ఫీల్డ్‌ అంపైర్‌ నిర్ధారించడం అసాధ్యం.ఈ సమస్యకు పరిష్కారం దొరకాలంటే మ్యాచ్‌ జరుగుతున్నపుడు రియల్‌టైమ్‌ టెస్టింగ్‌ టూల్‌ను వాడాలి. కానీ ఇక్కడ సరైన ఆధారం లేకుండా ఒకరిని నిందించడం తప్పు. ఏదేమైనా క్రీజులోకి వచ్చాక అలా పాజ్‌ ఇవ్వడం చట్టబద్ధమో కాదో చెప్పలేము. అయితే, అది అతడి సహజశైలి కాబట్టి లీగలే అని నేను నమ్ముతాను’’ అంటూ అశ్విన్‌ బదులిచ్చాడు.ఈ నేపథ్యంలో శ్రీవత్స్‌కు మద్దతుగా.. అశ్విన్‌ను వ్యతిరేకిస్తూ టీమిండియా అభిమానులు విమర్శిస్తున్నారు. ఉస్మాన్‌ బౌలింగ్‌ చేయకుండా బంతిని విసురుతున్న తీరు కనిపిస్తుంటే అశూ.. అతడికి మద్దతునివ్వడం ఏమాత్రం బాగాలేదంటూ ట్రోల్‌ చేస్తున్నారు.చదవండి: ఛీ.. ఇదేం బుద్ధి?.. ఊహించని ట్విస్ట్‌ ఇచ్చిన బంగ్లాదేశ్Agree football doesn’t allow it!While the batter can be allowed to switch hit or reverse without informing the umpire or bowler, after him/her commits to start batting on one side, why are the restrictions only limited to the bowler?In fact the bowler isn’t allowed to change… https://t.co/AOV4OKhwcL— Ashwin 🇮🇳 (@ashwinravi99) February 11, 2026

శ్రీలంక క్రికెటర్‌ భనుక రాజపక్స వార్తల్లోకెక్కాడు. గతేడాది నవంబరులో చివరగా అంతర్జాతీయ క్రికెట్‌ ఆడాడు ఈ లెఫ్టాండర్‌. పేలవ ప్రదర్శనల కారణంగా టీ20 ప్రపంచకప్‌-2026 శ్రీలంక జట్టులో అతడు చోటు దక్కించుకోలేకపోయాడు.అదనంగా ఓ రబ్బరు పొర అయితే, ఆటతో కాకుండా భారత బ్యాటర్ల గురించి చేసిన వ్యాఖ్యల కారణంగా భనుక రాజపక్స పేరు తెరమీదకు వచ్చింది. స్థానిక మీడియాతో మాట్లాడుతూ.. టీమిండియా ఆటగాళ్లు వాడే బ్యాట్లు మిగతా జట్లు వాడే బ్యాట్ల కంటే ఎంతో మిన్నగా ఉంటాయని అన్నాడు. వారి బ్యాట్లపై అదనంగా ఓ రబ్బరు పొర కూడా ఉంటుందని పేర్కొన్నాడు.ఈ నేపథ్యంలో భనుక రాజపక్స వ్యాఖ్యలను వక్రీకరిస్తూ పాకిస్తాన్‌ జట్టు అభిమానులు నెట్టింట రచ్చ చేశారు. భారత బ్యాటర్ల ఆటను కించపరిచేలా పోస్టులు పెట్టారు. దీంతో భనుక రాజపక్స స్పందించాడు.ప్రశంసించాలని అనుకున్నాతన మాటల్ని వక్రీకరించి ఇష్టారీతిన ప్రచారం చేయడం సరికాదని హితవు పలికాడు. ‘‘అందరికీ హాయ్‌. ఇటీవల ఓ ఇంటర్వ్యూలో నేను చేసిన వ్యాఖ్యలను కొంతమంది వక్రీకరించారు. వారు తోచిన విధంగా మలచుకుని ప్రచారం చేస్తున్నారు. బహుశా అనువాదం చేయడంలో వారు పొరపడి ఉంటారు.నేను భారత బ్యాటర్లను ప్రశంసించే క్రమంలో చేసిన వ్యాఖ్యలను తప్పుగా అర్థం చేసుకున్నారు. భారత క్రికెట్‌ ఎంతో అభివృద్ధి చెందింది. వారి వద్ద అడ్వాన్స్‌డ్‌ సిస్టమ్స్‌, మౌలిక సదుపాయాలు, అత్యున్నత ప్రమాణాలు కలిగిన క్రికెట్‌ పరికరాలు ఉన్నాయి.ముఖ్యంగా టీమిండియా క్రికెటర్ల కోసం బ్యాట్లు తయారుచేసే​ మ్యాన్‌ఫ్యాక్చరర్స్‌ ప్రపంచంలోనే అత్యుత్తమైన వారు. ఈ విషయంలో స్పష్టత వచ్చిందనే అనుకుంటున్నా.కౌంటర్‌ అదుర్స్‌నాకు వారి పట్ల గౌరవం తప్ప ఇంకేమీ లేదు’’ అని భనుక రాజపక్స సోషల్‌ మీడియా వేదికగా క్లారిటీ ఇచ్చాడు. దీంతో షాకవ్వడం పాక్‌ ఫ్యాన్స్‌ వంతైంది. మరోవైపు.. టీమిండియా అభిమానులు సైతం ఈ విషయంపై స్పందిస్తున్నారు. తన వ్యాఖ్యల్ని వక్రీకరించిన వారికి భనుక రాజపక్స మంచి కౌంటర్‌ ఇచ్చాడని పేర్కొంటున్నారు.కాగా టీ20 ప్రపంచకప్‌-2026 టోర్నీకి భారత్‌తో కలిసి శ్రీలంక ఆతిథ్యం ఇస్తోంది. ఇదిలా ఉంటే.. భనుక రాజపక్స తన కెరీర్‌లో 5 వన్డేలు, 45 టీ20 ఆడాడు. 34 ఏళ్ల ఈ వికెట్‌ కీపర్‌ బ్యాటర్‌ ఖాతాలో 89 వన్డే, 744 టీ20 పరుగులు ఉన్నాయి.చదవండి: T20 WC: టీమిండియాకు భారీ షాక్‌!.. ఈసారి..

భారత మాజీ క్రికెటర్లు ముందు నుంచి చెప్పినట్లుగానే పాకిస్తాన్‌ యూటర్న్‌ తీసుకుంది. టీ20 ప్రపంచకప్‌-2026 టోర్నీలో టీమిండియాతో మ్యాచ్‌ ఆడతామని ప్రకటించింది. అంతర్జాతీయ క్రికెట్‌ మండలి (ICC) జోక్యంతో విధిలేని పరిస్థితుల్లో ఇందుకు అంగీకరించింది.అయితే, కిందపడినా తమదే పైచేయి అన్నట్లుగా పాక్‌ ప్రగల్బాలు పలుకుతోంది. పాకిస్తాన్‌ క్రికెట్‌ బోర్డు (PCB) మాజీ చైర్మన్‌ నజామ్‌ సేథి వ్యాఖ్యలే ఇందుకు నిదర్శనం. తమ ముందు ఐసీసీ చిన్నబోయిందని.. వెనక్కి తగ్గి తమతో రాజీకి వచ్చిందని అతడు సంచలన వ్యాఖ్యలు చేశాడు.ఐసీసీ భయపడింది.. అందుకే రాజీ‘‘ఈ విషయంలో ఐసీసీ వెనకడుగు వేసింది. అందుకే పాక్‌ చెప్పినట్లుగా బంగ్లాదేశ్‌ పట్ల సానుకూలంగా స్పందించింది. పాకిస్తాన్‌ బంగ్లాకు మద్దతుగా గొప్ప నిర్ణయం తీసుకుంది. అన్ని కోణాల్లోనూ ఆలోచించిన తర్వాతే.. భారత్‌తో మ్యాచ్‌ బహిష్కరిస్తే తమపై ఐసీసీ ఆంక్షలు విధించలేదని తెలుసుకున్న పాక్‌ ఇంటాబయటా లాయర్లను స​ంప్రదించి బాయ్‌కాట్‌ చేయాలనే నిర్ణయానికి వచ్చింది.ఐసీసీకి కూడా తాము ఈ విషయంలో ఏమీ చేయలేమని తెలుసు. అందుకే ఐసీసీ డిప్యూటీ చైర్మన్‌ ఇమ్రాన్‌ ఖవాజా రంగంలోకి దిగారు. పాకిస్తాన్‌ భారత్‌తో మ్యాచ్‌ ఆడాలని కోరారు. అలా పాకిస్తాన్‌ వల్ల బంగ్లాదేశ్‌కు కూడా న్యాయం జరిగింది.ఐసీసీ మీద ఆధాపడే స్థితిలో లేముమిగతా అన్ని బోర్డుల మాదిరే గతంలో పాక్‌ కూడా ఐసీసీ మీద ఆధారపడేది. కానీ ఇప్పుడు ఆ పరిస్థితి లేదు. పాకిస్తాన్‌ సూపర్‌ లీగ్‌ గ్రాండ్‌ సక్సెస్‌ అయింది. ఐసీసీ నుంచి వచ్చే ఆదాయం కంటే ఈ లీగ్‌ నుంచే ఎక్కువ డబ్బు వస్తోంది. కాబట్టి పాక్‌ తన సొంత వనరులపైనే ఆధారపడుతోంది.కాబట్టి ఐసీసీ చెప్పినట్లు వినాల్సిన పనిలేదు. మార్చిలో పాకిస్తాన్‌కు అనుకూలంగా మరిన్ని నిర్ణయాలు వచ్చే అవకాశం ఉంది’’ అని నజామ్‌ సేథి సంచలన వ్యాఖ్యలు చేశాడు. కాగా పాకిస్తాన్‌కు ప్రధానంగా ఆదాయం ఐసీసీ నుంచే వస్తోంది.అన్నివైపులా ఒత్తిడి అంతేకాదు.. పీఎస్‌ఎల్‌లో అంతర్జాతీయ క్రికెటర్లు ఆడాలన్నా ఆయా సభ్య దేశాల బోర్డుల అనుమతి తప్పనిసరి. ఒకవేళ పాక్‌ భారత్‌తో మ్యాచ్‌ బహిష్కరిస్తే.. సభ్య దేశాలు పాక్‌ లీగ్‌లో ఆడే క్రికెటర్లకు నో ఆబ్జక్షన్‌ లెటర్‌ ఇవ్వకుండా ఆపే అవకాశం ఉందని హెచ్చరించినట్లు వార్తలు వచ్చాయి.అదే విధంగా.. శ్రీలంక క్రికెట్‌ బోర్డు సైతం పాక్‌లో తమపై జరిగిన ఉగ్రదాడిని గుర్తు చేస్తూ లేఖ రాసింది. అయినా సరే తాము పాక్‌తో క్రికెట్‌ సంబంధాలు కొనసాగిస్తున్న తీరును ప్రస్తావించింది. యూఏఈ, బంగ్లాదేశ్‌ కూడా పాకిస్తాన్‌కు భారత్‌తో ఆడాలని విజ్ఞప్తి చేశాయి. అన్నింటికీ మించి గత్యంతరం లేకే భారత్‌తో ఆడలేమని పాక్‌ లేవనెత్తిన అంశం సబబుగా లేదు కాబట్టి.. ఐసీసీ కఠిన చర్యలకు ఉపక్రమించే పరిస్థితి వచ్చింది.మొదటికే మోసం వస్తుందనే భయంఇలాంటి పరిస్థితుల్లో వెనక్కి తగ్గిన పాక్‌.. అయినా సరే తామే గొప్ప అంటూ ఇలా మరోసారి తమ వక్రబుద్ధిని చాటుకుంది. కాగా టీ20 ప్రపంచకప్‌-2026 టోర్నీకి భారత్‌ ఆతిథ్యం ఇస్తుండగా.. పాక్‌ కోసం తటస్థ వేదికగా శ్రీలంకను ఏర్పాటు చేసింది ఐసీసీ. అయితే, బంగ్లాదేశ్‌ కూడా తాము భారత్‌లో కాకుండా శ్రీలంకలో ఆడతామని పట్టుబట్టింది.ఇందుకు ఐసీసీ నిరాకరించగా.. తాము టోర్నీలో ఆడలేమని బంగ్లాదేశ్‌ తప్పుకొంది. దీంతో మధ్యలోకి వచ్చిన పాక్‌.. తాము కూడా బంగ్లాకు మద్దతుగా టోర్నీ ఆడమని తొలుత సంకేతాలు ఇచ్చి బెదిరింపులకు దిగింది. ఐసీసీ కఠిన చర్యలు తీసుకుంటుందనే ఉద్దేశంతో భారత్‌తో మ్యాచ్‌ మాత్రమే ఆడమని నాటకాలు ఆడింది.అయితే, ఈ మ్యాచ్‌ జరుగకపోతే సభ్య దేశాలు ఆర్థికంగా నష్టపోయే ప్రమాదం ఉన్నందున ఐసీసీ పాక్‌కు మరో అవకాశం ఇచ్చింది. లాహోర్‌లో పీసీబీతో చర్చలు జరిపింది. ఈ సందర్భంగా పాక్‌ గొంతెమ్మ కోరికలను తిరస్కరించిన ఐసీసీ.. బంగ్లాదేశ్‌ విషయంలో తాము ముందుగానే నిర్ణయించుకున్నట్లుగా ఆంక్షలు, పెనాల్టీలు విధించబోమని ప్రకటించింది.చదవండి: T20 WC: టీమిండియాకు భారీ షాక్‌!.. ఈసారి..

టీ20 ప్రపంచకప్‌-2026 టోర్నమెంట్లో భారత్‌- పాకిస్తాన్‌ మ్యాచ్‌ యథావిధిగా జరుగనుంది. కొలంబో వేదికగా ఫిబ్రవరి 15న దాయాదులు ముఖాముఖి పోరులో తలపడేందుకు పాక్‌ ప్రభుత్వం అంగీకారం తెలిపింది. అంతర్జాతీయ క్రికెట్‌ మండలి (ICC) జోక్యంతో టీమిండియాతో మ్యాచ్‌ బహిష్కరిస్తామన్న పాకిస్తాన్‌ తమ నిర్ణయాన్ని వెనక్కి తీసుకుంది.థాంక్యూ చెబుతున్నాఈ నేపథ్యంలో భారత క్రికెట్‌ నియంత్రణ మండలి (BCCI) స్పందించిన తీరు వైరల్‌గా మారింది. బీసీసీఐ తరఫున ఉపాధ్యక్షుడు రాజీవ్‌ శుక్లా మంగళవారం విలేకరులతో మాట్లాడారు. ఈ సందర్భంగా ‘‘ఐసీసీ చైర్మన్‌ (జై షా), ఆఫీస్‌ బేరర్లకు ధన్యవాదాలు తెలుపుకొంటున్నాం. ఈ సమస్యకు సరైన పరిష్కారం వెదికినందుకు బీసీసీఐ తరఫున నేను ఐసీసీకి థాంక్యూ చెబుతున్నా.అతిపెద్ద విజయం ఇదిపాకిస్తాన్‌ క్రికెట్‌ బోర్డు, బంగ్లాదేశ్‌ క్రికెట్‌ బోర్డులతో చర్చించి.. అన్ని వర్గాల వాదనలు విని ఐసీసీ సమస్యను పరిష్కరించింది. క్రికెట్‌ మనుగడలో ఇది అత్యంత కీలక నిర్ణయం. ఆట కొనసాగుతూనే ఉండాలి. ప్రపంచకప్‌ విజయవంతం కావాలి. ఐసీసీ సాధించిన అతిపెద్ద విజయం ఇది.బంగ్లాదేశ్‌ బోర్డు కూడా ఐసీసీని ప్రశంసించింది. ప్రతి ఒక్కరి ప్రయోజనాలను దృష్టిలో పెట్టుకునే ఐసీసీ ఈ నిర్ణయం తీసుకుంది. అంతిమంగా క్రికెట్‌ ఒక్కటే అందరికీ ముఖ్యమైనది. ముఖ్యంగా అంతర్జాతీయ క్రికెట్‌ సజావుగా సాగాలి’’ అని రాజీవ్‌ శుక్లా ఐసీసీకి ధన్యవాదాలు తెలిపారు.భద్రతా కారణాలు చూపుతూ బంగ్లాకాగా వరల్డ్‌కప్‌ టోర్నీకి భారత్‌- శ్రీలంక సంయుక్తంగా ఆతిథ్యం ఇస్తున్న విషయం తెలిసిందే. ఫిబ్రవరి 7న మొదలైన ఈ టోర్నీ నుంచి భద్రతా కారణాలు చూపుతూ బంగ్లాదేశ్‌ తప్పుకొంది. భారత్‌లో తాము మ్యాచ్‌లు ఆడలేమంటూ ఈ నిర్ణయం తీసుకుంది. శ్రీలంకలో తమను ఆడించాలన్న అభ్యర్థనను తిరస్కరించడంతో టోర్నీ నుంచి వైదొలిగింది.మధ్యలో ఎంటరైన పాక్‌ఈ నేపథ్యంలో బంగ్లాదేశ్‌కు మద్దతుగా పాకిస్తాన్‌ సైతం తాము టోర్నీ ఆడమని తొలుత సంకేతాలు ఇచ్చి.. ఆ తర్వాత మాట మార్చింది. కేవలం టీమిండియాతో మ్యాచ్‌ను మాత్రమే బహిష్కరిస్తామని పాక్‌ ప్రభుత్వం ప్రకటించింది. క్రికెట్‌ ప్రపంచంలో అత్యంత క్రేజ్‌ ఉన్న ఈ మ్యాచ్‌ జరుగకపోతే ఐసీసీకి భారీ ఆర్థిక నష్టం సంభవించే ప్రమాదం ఉంది.ఈ ప్రభావం బంగ్లా, పాక్‌లతో పాటు అన్ని సభ్య దేశాల మీదా పడుతుంది. ఈ నేపథ్యంలో లాహోర్‌లో పాక్‌, బంగ్లా బోర్డు అధికారులతో చర్చలు జరిపిన ఐసీసీ బృందం.. పాక్‌ భారత్‌తో మ్యాచ్‌ ఆడేలా ఒప్పించింది. ఎప్పటిలాగే ముందు నుంచి మేకపోతు గాంభీర్యం ప్రదర్శించిన పాక్‌.. యూటర్న్‌ తీసుకుని టీమిండియాతో మ్యాచ్‌ ఆడేందుకు సిద్ధమైంది.చదవండి: IND vs PAK: పాక్‌ యూటర్న్‌.. స్పందించిన ఐసీసీ

ఐసీసీ టీ20 ప్రపంచకప్‌-2026 టోర్నమెంట్లో భారత్‌- పాకిస్తాన్‌ మ్యాచ్‌ నిర్వహణకు మార్గం సుగమమైంది. అంతర్జాతీయ క్రికెట్‌ మండలి (ICC)- పాకిస్తాన్‌ క్రికెట్‌ బోర్డు (PCB) మధ్య చర్చలు సఫలమయ్యాయి. ఫలితంగా ఫిబ్రవరి 15న కొలంబో వేదికగా దాయాదులు తలపడటం ఖాయమైంది.ఐసీసీ అధికారిక ప్రకటనఇందుకు సంబంధించి ఐసీసీ అధికారిక ప్రకటన విడుదల చేసింది. “ఐసీసీ, పీసీబీ మధ్య చర్చలు సఫలమయ్యాయి. నిర్మాణాత్మక ఒప్పందాలు, ఐకమత్యంగా ముందుకు సాగటం, క్రికెట్‌ అత్యుత్త ప్రయోజనాలు.. సమగ్రత, నిబద్ధత, పరస్పర సహకారం.. తదితర అంశాల ఆవశ్యకతను గుర్తించిన ఇరుపక్షాల మధ్య ఏకాభిప్రాయం కుదిరింది.టీ20 ప్రపంచకప్‌-2026 టోర్నమెంట్‌ను విజయవంతంగా పూర్తి చేసేందుకు.. ఐసీసీ ఈవెంట్లలో పాల్గొనే నిబంధనల పట్ల అన్ని బోర్డులు గౌరవభావంతో ఉన్నాయి. క్రికెట్‌ స్ఫూర్తితో ముందుకు సాగాలని సభ్య దేశాలు నిర్ణయించాయి. ఇక బంగ్లాదేశ్‌ విషయంలోనూ మా వైఖరి మారలేదు.ఎలాంటి ప్రభావం ఉండదు200 మిలియన్లకు పైగా క్రికెట్‌ అభిమానులు ఉన్న పెద్ద మార్కెట్లో ఆట అభివృద్ధికి ఐసీసీ కట్టుబడి ఉందని పునరుద్ఘాటిస్తున్నాం. ఐసీసీ టీ20 ప్రపంచకప్‌-2026 టోర్నమెంట్‌ నుంచి తప్పుకొన్నందుకు ఆ జట్టుపై దీర్ఘకాలంలో ఎలాంటి ప్రభావం ఉండదని హామీ ఇస్తున్నాం.తగిన ప్రమాణాలు పాటిస్తేనే బంగ్లాకు ఆ ఛాన్స్‌అదే విధంగా బంగ్లాదేశ్‌ క్రికెట్‌ బోర్డుకు ఎలాంటి పెనాల్టీలు విధించడం లేదు. అంతేకాదు.. ఐసీసీ ఈవెంట్ల ఆతిథ్య ప్రక్రియ, అందుకు తగిన ప్రమాణాలు కలిగి ఉంటే.. తప్పక 2031 పురుషుల క్రికెట్‌ వరల్డ్‌కప్‌ కంటే ముందు జరిగే ఐసీసీ టోర్నీకి వేదికగా బంగ్లాదేశ్‌కు అవకాశం ఉంటుంది’’ అని ఐసీసీ తన ప్రకటనలో పేర్కొంది.పాక్‌ ఓవరాక్షన్‌కాగా డిఫెండింగ్‌ చాంపియన్‌ హోదాలో భారత్‌ వరల్డ్‌కప్‌ టోర్నీ-2026కు ఆతిథ్యం ఇస్తుండగా.. పాకిస్తాన్‌ తమ మ్యాచ్‌లన్నీ శ్రీలంకలో ఆడేలా ఒప్పందం కుదిరింది. అయితే, బంగ్లాదేశ్‌కు మద్దతుగా తాము భారత్‌తో మ్యాచ్‌ బహిష్కరిస్తామని పాక్‌ బెదిరింపులకు దిగింది. దీంతో ఐసీసీ- పీసీబీతో చర్చలు జరుపగా యూటర్న్‌ తీసుకుని.. టీమిండియాతో ఆడేందుకు అంగీకరించింది.ఇదిలా ఉంటే.. భారత్‌- బంగ్లాదేశ్‌ మధ్య కొన్నాళ్లుగా దౌత్యపరమైన ఉద్రిక్తతలు నెలకొన్న విషయం తెలిసిందే. ఈ నేపథ్యంలో ఐపీఎల్‌ నుంచి బంగ్లా ఫాస్ట్‌బౌలర్‌ ముస్తాఫిజుర్‌ రెహమాన్‌ను బీసీసీఐ విడుదల చేసింది. దీంతో భారత్‌లో తాము వరల్డ్‌కప్‌ ఆడము అని.. శ్రీలంకలో తమకు ఆడే అవకాశం ఇవ్వాలని బంగ్లా ఐసీసీని కోరింది. అయితే, బంగ్లాదేశ్‌ వాదనలో నిజం లేదని కొట్టిపారేసిన ఐసీసీ.. మరోసారి ఆలోచించాలని సూచించింది.ఫైనల్‌గా యూటర్న్‌కానీ తమ ప్రభుత్వం నిర్ణయం మేరకు టోర్నీ నుంచి తప్పుకొనేందుకైనా సిద్ధమని బంగ్లాదేశ్‌ చెప్పగా.. ఐసీసీ సరేనంది. బంగ్లా స్థానంలో స్కాట్లాండ్‌ను చేర్చించింది. ఈ విషయంలో ఓవరాక్షన్‌ చేసిన పీసీబీ భారత్‌తో మ్యాచ్‌ బహిష్కరణ అని కొత్తరాగం ఎత్తుకుంది. అయితే, శ్రీలంక, యూఏఈ, బంగ్లా బోర్డులు భారత్‌- పాక్‌ మ్యాచ్‌ జరుగకపోతే ఆర్థికంగా భారీగా నష్టపోయే ప్రమాదం ఉందని హెచ్చరిస్తూ లేఖలు రాశాయి. ఐసీసీ సైతం ఈ విషయంలో గట్టిగానే నిలబడింది. దీంతో పాక్‌ మాట మార్చి భారత్‌తో ఆడేందుకు అంగీకరించింది. చదవండి: పాక్‌ కోసం బంగ్లాను ఒప్పించారా?: నీళ్లు నమిలిన పీసీబీ చీఫ్‌

భారత క్రికెట్‌ నియంత్రణ మండలి (BCCI) కీలక నిర్ణయం తీసుకున్నట్లు తెలుస్తోంది. ఆటగాళ్లతో కుటుంబాలను అనుమతించకూడదన్న నిబంధనకు కట్టుబడి ఉండాలని నిర్ణయించుకున్నట్లు సమాచారం.గతంలో అనుమతికాగా నలభై ఐదు రోజుల్లోపు విదేశీ పర్యటనలో భాగంగా క్రికెటర్లు, సహాయక సిబ్బంది తమ కుటుంబ సభ్యులను వారం రోజుల పాటు అక్కడే ఉండేలా బీసీసీఐ గతంలో అనుమతించేది. అయితే, ఆస్ట్రేలియా పర్యటనలో దారుణ ప్రదర్శనతో బోర్డర్‌- గావస్కర్‌ ట్రోఫీలో ఆసీస్‌ చేతిలో 3-1తో టీమిండియా ఓడిపోవడంతో బీసీసీఐ కఠిన నిర్ణయం తీసుకుంది.కొంతమంది ఆటగాళ్లు కుటుంబానికే ఎక్కువ ప్రాధాన్యం ఇస్తూ కొన్నిసార్లు సమావేశాలకు కూడా డుమ్మా కొట్టడంతో.. ఇకపై విదేశీ పర్యటనలకు కుటుంబాన్ని అనుమతించబోమని ప్రకటించింది. అయితే, ఈ విషయంలో బీసీసీఐ తాజా వైఖరి ఏమిటన్న అంశంపై ప్రస్తుత యాజమాన్యం బోర్డును సంప్రదించినట్లు ఇండియన్‌ ఎక్స్‌ప్రెస్‌ వెల్లడించింది.తాజా వైఖరి ఇదే..‘‘టీమిండియా మేనేజ్‌మెంట్‌ బీసీసీఐని సంప్రదించింది. ఆటగాళ్ల భార్యలు, ఫియాన్సీలు వారితో ప్రయాణం చేయవచ్చా? వారితోనే ఉండవచ్చా? అని అడిగింది. ఇందుకు బోర్డు స్పష్టమైన సమాధానం ఇచ్చింది. కుటుంబాలు ఆటగాళ్లతో స్టే చేయవద్దని చెప్పింది.వారి కోసం ప్రత్యేకంగా ఏర్పాట్లు చేస్తామని.. అది కూడా వారు కోరితే మాత్రమే ఈ వెసలుబాటు ఉంటుందని తెలిపింది’’ అని బీసీసీఐ వర్గాలు పేర్కొన్నట్లు వెల్లడించింది. వరల్డ్‌కప్‌ టోర్నీతో బిజీకాగా టీమిండియా ప్రస్తుతం టీ20 ప్రపంచకప్‌-2026 టోర్నీతో బిజీగా ఉంది. భారత్‌- శ్రీలంక ఆతిథ్యం ఇస్తున్న ఈ టోర్నీ లీగ్‌ దశలో సూర్య సేన లీగ్‌ దశలో మూడు మ్యాచ్‌లో సొంతగడ్డపై.. పాకిస్తాన్‌తో ఫిబ్రవరి 15 నాటి మ్యాచ్‌ కొలంబోలో ఆడుతుంది.ఇదిలా ఉంటే.. వరల్డ్‌కప్‌ టోర్నీ ఆసాంతం టీమిండియా ప్రైవేటు చార్టర్‌లోనే ప్రయాణిస్తుందని సమాచారం. అదే విధంగా.. ఆటగాళ్లు తమ వ్యక్తిగత చెఫ్‌లను తీసుకువచ్చేందుకు అనుమతించిన యాజమాన్యం.. ఆటగాళ్లు బస చేసే హోటల్‌కు సమీపంలో వారు ఉండేలా చూసుకోమన్నట్లు తెలుస్తోంది. అక్కడి నుంచే భోజనాన్ని ఆటగాళ్లకు పంపేలా ఏర్పాటు చేసినట్లు సమాచారం. ఇక వరల్డ్‌కప్‌ టోర్నీలో తొలుత అమెరికాతో తలపడ్డ టీమిండియా.. ఐసీసీ ఈవెంట్‌ను విజయంతో ఆరంభించింది. రెండోమ్యాచ్‌లో గురువారం నమీబియాతో భారత్‌ తలపడుతుంది. ఇందుకు ఢిల్లీలోని అరుణ్‌ జైట్లీ మైదానం వేదిక.చదవండి: Bangladesh Cricket: ఐసీసీ మీటింగ్.. బంగ్లాదేశ్‌ క్రికెట్ బోర్డ్‌కి ఉపశమనం

ఊహాగానాలే నిజమయ్యాయి. టీమిండియాతో మ్యాచ్‌ బహిష్కరణ నిర్ణయాన్ని పాకిస్తాన్‌ మార్చుకుంది. క్రికెట్‌ స్ఫూర్తిని కొనసాగించే ఉద్దేశంతో తమ జట్టు భారత్‌తో మ్యాచ్‌ ఆడేందుకు అంగీకరిస్తున్నట్లు పాక్‌ ప్రభుత్వం తెలిపింది.యూటర్న్‌ వెనుక గల కారణాలు?ఈ విషయాన్ని పాకిస్తాన్‌ క్రికెట్‌ బోర్డు (PCB) చైర్మన్‌ మొహ్సిన్‌ నక్వీ సోమవారం ధ్రువీకరించాడు. పాకిస్తాన్‌ సూపర్‌ లీగ్‌ మీడియా సమావేశం సందర్భంగా నక్వీ ‘బాయ్‌కాట్‌’ నిర్ణయాన్ని తాము వెనక్కి తీసుకున్నట్లు ప్రకటించాడు. ఈ నేపథ్యంలో ఓ రిపోర్టర్‌.. యూటర్న్‌ వెనుక గల కారణాలు, అంతర్జాతీయ క్రికెట్‌ మండలి (ICC)తో చర్చల వల్ల పాక్‌కు ప్రయోజనం చేకూరిందా? అని అడిగాడు.శుభవార్తలే అందిస్తాంఇందుకు బదులుగా.. ‘‘కొన్ని నిమిషాల ముందే మా నిర్ణయం మార్చుకున్నాం’’ అని నక్వీ సమాధానమిచ్చాడు. మరి అయితే శుభవార్త ఉందా? అని ఇంటర్వ్యూయర్‌ ప్రశ్నించగా.. ‘‘మేము ఎల్లప్పుడూ శుభవార్తలే అందిస్తాం కదా!.. బంగ్లాదేశ్‌ ఈ విషయంలో ఏం చెప్పిందో అందరూ చూశారు కదాపాకిస్తాన్‌ ఇండియాతో మ్యాచ్‌ ఆడాలని బంగ్లాదేశ్‌ అభ్యర్థించింది. వాళ్ల సమస్యలు తొలగిపోయాయి. అందుకే వాళ్లు మమ్మల్ని భారత్‌తో మ్యాచ్‌ ఆడమని చెప్పారు’’ అని నక్వీ పేర్కొన్నాడు.మన కోసం ఏమీ అడగలేదా?అయితే, మన (పాకిస్తాన్‌) సొంత ప్రయోజనాల కోసం వారు ఈ విషయంలో అంగీకరించేలా చేశామా? అని రిపోర్టర్‌ అడుగగా.. ‘‘కేవలం బంగ్లాదేశ్‌కు మద్దతుగా మాత్రమే మనం నిలబడ్డాం. ఇది వాళ్ల సొంత విషయం. మనకోసం మనం ఏమీ అడగలేదు’’ అని నక్వీ నీళ్లు నమిలాడు.కాగా టీ20 ప్రపంచకప్‌-2026 టోర్నీకి భారత్‌ ఆతిథ్యం ఇస్తుండగా.. పాకిస్తాన్‌ కోసం శ్రీలంకను తటస్థ వేదికగా ఏర్పాటు చేశారు. ఇదిలా ఉంటే.. భారత్‌లో తమకు భద్రత లేదంటూ ఆరోపించిన బంగ్లాదేశ్‌.. తమ వేదికను కూడా లంకకు మార్చాలని ఐసీసీని కోరింది.అయితే, బంగ్లాదేశ్‌ చెప్పినదాంట్లో నిజం లేదని తేల్చిన ఐసీసీ.. ఇందుకు నిరాకరించింది. నిర్ణయం మార్చుకోవాల్సిందిగా గడువు ఇచ్చింది. కానీ బంగ్లా పట్టువీడలేదు. దీంతో ఆ జట్టును టోర్నీ నుంచి తొలగించింది ఐసీసీ.పాకిస్తాన్‌ జోక్యం..ఈ నేపథ్యంలో పాకిస్తాన్‌ జోక్యం చేసుకుంటూ తొలుత తాము బంగ్లాకు మద్దతుగా టోర్నీని బహిష్కరిస్తామని లీకులు ఇచ్చి.. ఆ తర్వాత కేవలం భారత్‌తో మాత్రమే మ్యాచ్‌ ఆడమని మాట మార్చింది. ఒకవేళ భారత్‌- పాక్‌ మ్యాచ్‌ రద్దయితే ఐసీసీతో పాటు సభ్య దేశాలన్నీ ఆర్థికంగా నష్టపోవాల్సి ఉంటుంది.రంగంలోకి లంక బోర్డుఈ క్రమంలో శ్రీలంక బోర్డు సైతం పాక్‌ నిర్ణయం పట్ల ఘాటుగా స్పందించింది. గతంలో పాక్‌ పర్యటనలో తమపై ఉగ్రదాడి జరిగినా.. ఇంకా ఆ దేశంతో సత్సంబంధాలు కొనసాగిస్తూ తమ జట్టు అక్కడ పర్యటించేలా చేస్తున్నామని పేర్కొంది. కానీ ఇప్పుడు తమ దేశంలో భారత్‌తో ఆడే మ్యాచ్‌ను పాక్‌ బహిష్కరిస్తే ఇప్పటికే అన్ని ఏర్పాట్లు పూర్తి చేసినందున భారీగా నష్టపోవాల్సి ఉంటుందని పాక్‌కు లేఖ రాసింది.బంగ్లాకు రిలీఫ్‌యూఏఈ సైతం ఇదే తరహాలో పీసీబీకి లేఖ రాయగా.. బంగ్లాదేశ్‌ సైతం భారత్‌తో మ్యాచ్‌ ఆడాలని కోరింది. ఈ నేపథ్యంలో ఐసీసీ బృందం లాహోర్‌ వెళ్లి పీసీబీ చైర్మన్‌తో చర్చించగా.. బంగ్లాదేశ్‌కు ఊరట లభించింది. టోర్నీ నుంచి తప్పుకొన్నందుకు ఎలాంటి ఆంక్షలు ఉండవని ఐసీసీ పేర్కొంది.ఇదిలా ఉంటే.. పాక్‌ బంగ్లాదేశ్‌ను అడ్డుపెట్టుకుని భారత్‌తో ద్వైపాక్షిక సిరీస్‌ల పునరుద్ధరణ, తమ ఆటగాళ్లతో భారత జట్టు కరచాలనం చేయడం.. తదితర షరతులు పెట్టినట్లు తొలుత వార్తలు వచ్చాయి. ఐసీసీ ఇందుకు నిరాకరించి కేవలం బంగ్లా విషయంలో మాత్రమే సానుకూలంగా స్పందించిందని తెలిసింది. ఈ విషయం నెట్టింట వైరల్‌గా మారగా.. నక్వీ తమ కోసం ఐసీసీని ఏమీ అడగలేదని ప్రత్యేకంగా నొక్కివక్కాణించడం గమనార్హం. కాగా షెడ్యూల్‌ ప్రకారం ఫిబ్రవరి 15న కొలంబో వేదికగా భారత్‌- పాక్‌ తలపడటం ఖాయమైంది.చదవండి: Bangladesh Cricket: ఐసీసీ మీటింగ్.. బంగ్లాదేశ్‌ క్రికెట్ బోర్డ్‌కి ఉపశమనంMohsin Naqvi Statement on India Vs Pakistan match #PAKvIND #Pakistan pic.twitter.com/Mm523Uldb3— Ravish Bisht (@ravishbofficial) February 9, 2026

టి20 వరల్డ్‌ కప్‌లో భాగంగా భారత్‌తో మ్యాచ్‌ ఆడమంటూ మొండికేసిన పాకిస్తాన్‌ జట్టు వెనక్కి తగ్గింది. ఈ నెల 15న కొలంబోలో జరగాల్సిన మ్యాచ్‌లో టీమిండియాతో తలపడాలని ఆ దేశ ప్రభుత్వం పాకిస్తాన్‌ క్రికెట్‌ బోర్డు (పీసీబీ)ను ఆదేశించింది. క్రికెట్‌ స్ఫూర్తిని కొనసాగించే ఉద్దేశంతోనే ఈ నిర్ణయం తీసుకున్నట్లు ప్రభుత్వం స్పష్టం చేసింది. శ్రీలంక, బంగ్లాదేశ్‌లనుంచి వచ్చిన అభ్యర్థనలకు స్పందిస్తూ భారత్‌తో మ్యాచ్‌కు పాక్‌ ప్రధాని షహబాజ్‌ షరీఫ్‌ ఓకే చెప్పారని ప్రభుత్వ వర్గాలు వెల్లడించాయి. అంతక ముందు అంతర్జాతీయ క్రికెట్‌ మండలి (ఐసీసీ), పాకిస్తాన్‌ క్రికెట్‌ బోర్డు (పీసీబీ), బంగ్లాదేశ్‌ క్రికెట్‌ బోర్డు (బీసీబీ) మధ్య జరిగిన చర్చలు సఫలమయ్యాయని ఐసీసీ చీఫ్‌ ఎగ్జిక్యూటివ్‌ సంజోగ్‌ గుప్తా వెల్లడించారు. వరల్డ్‌ కప్‌నుంచి దూరమైన బంగ్లాదేశ్‌కు మద్దతు పలకడంతో పాటు పలు డిమాండ్లను ఐసీసీ ముందు ఉంచింది. వీటిపై ఐసీసీ సానుకూలంగా స్పందించింది. బంగ్లా బోర్డుపై ఎలాంటి జరిమానాలు, ఆంక్షలు విధించమని హామీ ఇవ్వడంతో పాటు 2028 నుంచి 2031 మధ్య ఒక ఐసీసీ ఈవెంట్‌కు బంగ్లా ఆతిథ్యం ఇచ్చేలా ఏర్పాట్లు చేస్తామని కూడా ఐసీసీ చెప్పింది.

టీ20 ప్రపంచకప్‌ 2026లో భాగంగా ఫిబ్రవరి 15న కొలొంబో వేదికగా జరగాల్సిన భారత్‌-పాక్‌ గ్రూప్‌ స్టేజీ మ్యాచ్‌పై అనిశ్చితి కొనసాగుతూనే ఉంది. ఈ మ్యాచ్‌ జరగడానికి మరో ఆరు రోజుల సమయం మాత్రమే ఉన్నా, ఇరు దేశాల క్రికెట్‌ అభిమానులకు సంబంధించి ఎలాంటి సానుకూల ప్రకటన వెలువడలేదు. తాజా పరిస్థితి చూస్తే, ఈ మ్యాచ్‌ దాదాపుగా రద్దైయ్యేట్లే కనిపిస్తుంది. ఇదే జరిగితే పాక్‌ క్రికెట్‌ బోర్డు భారీ పర్యావసనాలు ఎదుర్కోవాల్సి ఉంటుంది.కొద్ది రోజుల కిందట పాక్‌ ప్రభుత్వం ఈ మ్యాచ్‌ను బాయ్‌కాట్‌ చేస్తున్నట్లు ప్రకటించిన విషయం తెలిసిందే. ఈ నేపథ్యంలో ఐసీసీ రంగంలోకి దిగి పాక్‌ క్రికెట్‌ బోర్డుతో ఇవాళ చర్చలు జరిపినట్లు తెలుస్తుంది. అయితే ఈ చర్చలు కొలిక్కి రాలేదని సమాచారం. భారత్‌తో మ్యాచ్‌ ఆడాలంటే పీసీబీ ఐసీసీ ముందు ఐదు గొంతెమ్మ కోర్కెలను ఉంచినట్లు తెలుస్తుంది. వీటిలో ఏ ఒక్క దానికి ఐసీసీ అంగీకరించలేదని సమాచారం. భారతీయ క్రీడా జర్నలిస్ట్‌ విక్రాంత్‌ గుప్తా సోషల్‌మీడియా పోస్ట్‌ ఆధారంగా.. పీసీబీ ఐసీసీ ముందు ఈ ఐదు డిమాండ్లు ఉంచినట్లు తెలుస్తుంది. - బంగ్లాదేశ్‌పై శిక్షలు విధించకూడదు - భారత్–పాకిస్తాన్ ద్వైపాక్షిక సిరీస్ పునరుద్ధరణ - టీమిండియా బంగ్లాదేశ్‌లో పర్యటించాలి - భారత్‌-పాక్‌-బంగ్లాదేశ్‌తో ప్రత్యేక ట్రై-సిరీస్ - అదనపు ఐసీసీ టోర్నమెంట్ కేటాయింపు అయితే, ఈ ఐదు డిమాండ్లను ఐసీసీ తిరస్కరించిందని తెలుస్తుంది. ఈ ఐదు తమ పరిధిలోకి రావని ఐసీసీ తేల్చినట్లు సమాచారం. ఈ ఐదు కాకుండా పాక్‌ క్రికెట్‌ బోర్డు ఐసీసీని ప్రత్యేక ఫండింగ్‌ కోసం కూడా డిమాండ్‌ చేసిందని తెలుస్తుంది. ఈ పాక్‌ డిమాండ్లు సోషల్‌మీడియాలో ప్రచారంలోకి రావడంతో భారత క్రికెట్‌ అభిమానులు మండిపడుతున్నారు. పాక్‌తో మ్యాచ్‌ అవసరం లేదని అంటున్నారు. పాక్‌పై ఐసీసీ శాశ్వత బహిష్కరణ విధించాలని డిమాండ్‌ చేస్తున్నారు. పాక్‌ తమతో మ్యాచ్‌ ఆడకపోతే తమకు కలిగే నష్టమేమీ లేదని అంటున్నారు.కాగా, ముస్తాఫిజుర్‌ రహ్మాన్‌ను ఐపీఎల్‌ నుంచి తొలగించిన తర్వాత బంగ్లాదేశ్‌ క్రికెట్‌ బోర్డు భారత్‌లో జరగాల్సిన తమ ప్రపంచకప్‌ మ్యాచ్‌లను శ్రీలంకకు తరలించాలని ఐసీసీని కోరిన విషయం తెలిసిందే. ఇది సాధ్యపడదని ఐసీసీ చెప్పడంతో బంగ్లాదేశ్‌ ప్రపంచకప్‌ నుంచి వైదొలిగింది. దీంతో ఆ జట్టు స్థానంలో స్కాట్లాండ్‌ వరల్డ్‌కప్‌ ఎంట్రీ ఇచ్చింది. ఈ తతంగం జరుగుతుండగానే పాక్‌ క్రికెట్‌ బోర్డు బంగ్లాదేశ్‌కు కొమ్ముకాస్తూ రంగంలోకి దిగింది. బంగ్లాదేశ్‌ను ప్రపంచకప్‌ నుంచి తప్పించిన తర్వాత పాక్‌ ప్రభుత్వం భారత్‌తో మ్యాచ్‌ ఆడమని ప్రకటించింది.