Suryapet District Latest News

ఫ మట్టి ప్రమిదలే మన సంప్రదాయం ఫ బాణసంచా కాల్చి కాలుష్యాన్ని పెంచొద్దు దీపావళి పర్వదినమంటే కేవలం బాణసంచా కాల్చడమనే అపోహ నుంచి ముందు బయటకురావాలని పర్యావరణ హితులు అంటున్నారు. దీపావళి పర్వదినానికి అసలైన అర్థం దీపాలను వెలిగించి చీకటి ప్రారదోలడమని అవగాహన కల్పించాలి. మట్టి ప్రమిదలతోపాటు సహజమైన నూనెలను వాడడం వల్ల కాలుష్యాన్ని 90 శాతం తగ్గించవచ్చు. మార్కెట్‌లో దొరుకుతున్న బాణసంచాలో పర్యావరణంతోపాటు మానవుల ఆరోగ్యానికి హాని కలిగించే 10 రకాలలైన విషపూరిత రసాయనాలు వాడుతున్నారు. వీటికి ప్రత్యామ్నయంగా సీఎస్‌ఐఆర్‌ గుర్తింపు పొందిన ‘గ్రీన్‌ కాకర్స్‌’ (హరిత బాణసంచా) వాడడాన్ని ప్రోత్సహించాల్సిన అవసరం ఉందని ప్రకృతి ప్రేమికులు అంటున్నారు. దీపావళి పర్వదినం సందర్భంగా చిన్నారులు ఒకరికొకరు గ్రీన్‌గిఫ్టస్‌ (మొక్కలు) ఇచ్చుకొనే విధంగా చూడాలి. దీనివల్ల పండుగరోజు మొక్కలు నాటిన సంతోషంతోపాటు పర్యావరణ పరిరక్షణపైనా అవగాహన కలుగుతుందని పర్యావరణ వేత్తలు అంటున్నారు. బాణసంచా వల్ల పెంపుడు జంతువులకు కలిగే హాని చిన్నారులకు వివరిస్తే చాలా వరకు వాటిపై వారికి ఉండే ప్రేమ వల్ల బాణసంచా కాల్చకుండా ఉంటారని వారంటున్నారు. పెద్దలకు, ప్రముఖులకు దీపావళి కానుకగా ఇండోర్‌ప్లాంట్స్‌ బహుమతులుగా ఇచ్చే సంప్రదాయాన్ని ప్రోత్సహించాల్సిన అవసరం ఉంది. బాణసంచా కాల్చడం వల్ల ప్రకృతిపై రసాయన దాడి జరుగుతుంది. టపాసులు కాల్చినప్పుడు సల్పర్‌ డయాకై ్సడ్‌, కార్బన్‌మెనాకై ్సడ్‌ భారీగా విడుదల అవుతాయి. దీనికితోడు ఆకుపచ్చ రంగు రావడానికి బేరియం, ఎరుపురంగు కోసం స్ట్రాంటియం, తెల్లని మెరుపుల కోస అల్యూమినియం, సీసం వంటి భారీ లోహాలను వాడుతున్నారు. వీటిని పేల్చినప్పుడు 140 డెసిబుల్స్‌కు పైగా శబ్దం వస్తుంది. వీటివల పక్షులు తమ గూళ్లను వదిలిపారిపోతాయి. టపాసుల వ్యర్ధాలు నీటి వనరుల్లో కలవడం వల్ల జల, భూ కాలుష్యం ఏర్పడుతుంది. వాతావరణంలోకి చేరి తీవ్ర శ్వాసకోస వ్యాధుల బారినపడే ప్రమాదం పొంచి ఉంది. బాణసంచా కాల్చడం వల్ల పర్యావరణానికి తీవ్ర హాని జరుగుతుంది. ప్రకృతిని కాపాడుకుంటూనే దీపావళి పర్వదినాన్ని సంతోషంగా జరుపుకొనేలా అవగాహన కల్పించాలి. మట్టి ప్రమిదలతో దీపాలను వెలిగించుకోవాలి. చిన్నారులకు మొక్కలను పండుగ బహుమతిగా ఇచ్చి వాటిని నాటేలా చూడాలి. – కొల్లు లక్ష్మీనారాయణ, పర్యావరణ ప్రేమికుడు, కోదాడ ఎల్‌నినో ప్రభావంతో నిత్యావసర వస్తువులతోపాటు అన్నిరకాల ధరలు ఆకాశాన్నంటే అవకాశం ఉంది. దీనికితోడు ఉపాధి అవకాశాలు కూడా తగ్గిపోతాయి. వీటిని దృష్టితో పెట్టుకొని ఈ పండుగ నుంచే దుబారా ఖర్చులను తగ్గించుకోవాలి. ఈ సమస్యను ధైర్యంగా ఎదుర్కొవడానికి పొదుపే తారక మంత్రంగా వాడుకోవాలి. ఆర్భాటపు వేడుకలకు దూరంగా ఉండాలి. కొత్త నిర్ణయాలతో తారాజువ్వలా దూసుకుపోదాం కోదాడ : శ్రీకృష్ణుడు నరకాసురుడనే రాక్షసుడితో పోరాడుతూ పడిపోతాడు.. ఆ సమయంలో సత్యభామ బాణం ఎక్కుపెట్టి నరకాసురుడిని సంహరించడంతోనే చీకట్లు పోయి వెలుగుల పండుగ దీపావళి వచ్చిందని చరిత్రకారులంటున్నారు. సత్యభామ పోరాటస్పూర్తితో ప్రస్తుతం మానవ మనగడకు ముప్పుగా మారుతున్న ఎల్‌నినోపై పోరాటం సాగించాలి. ముంచుకొస్తున్న ముప్పును సమర్థవంతంగా ఎదుర్కొని విజయం సాధించాలంటే ఆత్మ విశ్వాసంతో ముందుకెళ్లి జీవితాల్లో వెలుగులు నింపుకోవాలి. ఎల్‌నినో ప్రభావంతో తాగునీటికి కటకట ఏర్పడే అవకాశం ఉందని శాస్త్రవేత్తలు హెచ్చరిస్తున్నందున ఉన్న కొద్దిపాటి తాగునీటి వనరులను జాగ్రత్తగా సంరక్షించుకోవాలి. చుక్క నీటిని కూడా వృథా చేయవద్దు. ఇంట్లో నల్లాల లీకేజీలు లేకుండా చూసుకోవాలి. వాహనాలను కడగడం, సిమెంట్‌ రోడ్లపై రోజు నీరు చల్లడం మానుకోవాలి. జల సంరక్షణపై పిల్లలకు అవగాహన కల్పించాలి. ఎల్‌నినో ప్రభావంతో రానున్న రోజుల్లో విద్యుత్‌కు తీవ్ర కొరత ఏర్పడుతుంది. అందుకోసం ఇప్పటి నుంచే విద్యుత్‌ పొదుపు పాటించాల్సిన అవసరం ఎంతైనా ఉంది. చీకట్లు కమ్ముకోక ముందే వెలుగుల కోసం జాగ్రత్త పడాలి. అవసరం లేని చోట విద్యుత్‌ దుబారాను తగ్గించాలి.

ఫ సుందరీకరణ దిశగా కోదాడ పెద్దచెరువు కట్ట ఫ ఇరువైపులా సీసీ గోడల నిర్మాణం ఫ మూడోసారి ప్రజారోగ్య శాఖ ఆధ్వర్యంలో పనులు కొనసాగింపు కోదాడ : కోదాడ పెద్దచెరువు ట్యాంక్‌ బండ్‌ పనులు ముమ్మరంగా సాగుతున్నాయి. రూ.8 కోట్ల అంచనా వ్యయంతో చేపట్టిన ఈ పనులను మొదట పదేళ్ల క్రితం నీటిపారుదల శాఖ ఆధ్వర్యంలో ప్రారంభించి మధ్యలో వదిలేశారు. ఆ తరువాత మున్సిపల్‌ శాఖ అధికారులు కొన్ని పనులు చేపట్టి వారూ వదిలేశారు. తాజాగా మూడోసారి ప్రజారోగ్య శాఖ ఆధ్వర్యంలో పనులు శరవేగంగా కొనసాగుతున్నాయి. కట్ట రెండువైపులా గోడలు పెద్దచెరువు మట్టి కట్టను ప్రస్తుతం ఉన్న 2.4 మీటర్ల నుంచి 6.25 మీటర్లు మేర వెడల్పు చేశారు. పట్టణం వైపు ఉన్న అలుగు నుంచి ఖానాపురం వరకు ఉన్న అలుగు వరకు 1,250 మీటర్ల పొడవునా వెడల్పు చేస్తున్నారు. దీంతో పాటు కట్టకు ఇరువైపులా అడుగున్నర వెడల్పు, మూడు అడుగుల ఎత్తులో సీసీ గోడ నిర్మాణం చేస్తున్నారు. దీంతోపాటు అనంతగిరి రోడ్డు నుంచి కట్టమైసమ్మ దేవాలయం వరకు సీసీ అప్రోచ్‌రోడ్డు నిర్మాణం కూడా చేయనున్నారు. కట్టపై హైమాస్ట్‌ లైట్లు, రైయిలింగ్‌తో కూడిన ఫుట్‌పాత్‌ను ఏర్పాటు చేసి సుందరీకరణకు మొక్కలు నాటనున్నారు. అంతే కాకుండా పెద్దచెరువు వ్యూ పాయింట్‌ను కూడా అభివృద్ది చేయనున్నారు. పాతవి పీకేసి.. కొత్తవి పెడతారట! ఐదేళ్ల క్రితం కోదాడ మున్సిపాలిటీ ఆధ్వర్యంలో రూ.22 లక్షలు ఖర్చుచేసి పెద్దచెరువుపై సింగిల్‌హర్మ్‌ లైట్లు, బేంచీలను ఏర్పాటు చేయడంతో పాటు మొక్కలను కూడా నాటారు. రూ.5లక్షల ఖర్చుతో అప్రోచ్‌ రోడ్డును వేశారు. ట్రాన్స్‌ఫార్మర్‌ లేక ఈ లైట్లు ఏనాడూ వెలిగింది లేదు. తాజాగా ఈ సింగిల్‌హర్మ్‌ లైట్లను తీసేసి వాటి స్ధానంలో హైమాస్ట్‌ లైట్లను ఏర్పాటు చేస్తామని నాడునాటిన మొక్కలు తొలగించి మళ్లీ నాటుతామని అధికారులు చెబుతుండడం కాస్త విడ్డూరంగా ఉందని ప్రజలు అంటున్నారు. కోదాడ చెరువు కట్ట అభివృద్ధి పనుల్లో అధికారుల తీరు తీవ్ర విమర్శలకు తావిస్తోంది. పట్టణం వైపు ఉన్న చెరువు కట్టపై పలువురు ఇళ్లను నిర్మించుకున్నారు. ఇక్కడ కట్ట బలహీనంగా ఉంది. అధికారులు ఇక్కడ దాదాపు 500 మీటర్ల మేర కట్టను అభివృద్ధి చేస్తే పట్టణం నుంచి నేరుగా చెరువు కట్టపైకి వెళ్లవచ్చు. ఇక రాఘవాపురం వైపు కూడా మూడవ అలుగు నుంచి ప్రస్తుతం పబ్లిక్‌ క్లబ్‌ భవనం ఉన్న వైపు చెరువు కట్టను కూడా అధికారులు అభివృద్ధి చేయకుండా వదిలేశారు. కేవలం మధ్యలో పనులు చేసి మమ అనిపిస్తున్నారని పలువురు ఆరోపిస్తున్నారు.

ఫ మాజీ మంత్రి జగదీష్‌రెడ్డి సూర్యాపేటటౌన్‌ : చీకటిని పారదోలే వెలు గుల పండుగ దీపావళి అని.. దీపాల కాంతులవలె తెలంగాణలోని ప్రతి ఇంటా వెలుగులు నిండాలని మాజీ మంత్రి, సూర్యాపేట ఎమ్మె ల్యే గుంటకండ్ల జగదీష్‌రెడ్డి పేర్కొన్నారు. దీపావళి పండుగ సందర్భంగా ప్రజలందరికీ శుభాకాంక్షలు తెలియజేశారు. నరకాసుర వదతో దీపావళి పండుగ జరిగినట్లు.. మన తెలంగాణలోనూ చీకట్లు తొలగి మళ్లీ అభివృద్ధితో వెల్లివిరియాలని ఆకాంక్షించారు. బాణసంచా పేల్చేటప్పుడు తగిన జాగ్రత్తలు తీసుకోవాలని ప్రజలకు సూచించారు. ఎస్పీ శుభాకాంక్షలు.. దీపావళి పండుగ సందర్భంగా జిల్లా ప్రజలందరికీ జిల్లా పోలీస్‌ శాఖ తరఫున ఎస్పీ నరసింహ శుభాకాంక్షలు తెలిపారు. దీపావళి పర్వదినం ప్రతి ఒక్కరి జీవితాల్లో వెలుగులు నింపాలని ఆకాంక్షించారు. బాణాసంచా విక్రయించే వ్యాపారులు సంబంధిత శాఖల నుంచి తప్పనిసరిగా అనుమతులు పొందాలని కోరారు. మిల్లర్ల సిండికేట్‌పై చర్యలు తీసుకోవాలిభానుపురి (సూర్యాపేట) : సిండికేట్‌గా మారి ప్రభుత్వ మద్దతు ధర కంటే తక్కువకు ధాన్యాన్ని కొనుగోలు చేస్తూ రైతులను నిలువు దోపిడీ చేస్తున్న జిల్లాలో రైస్‌ మిల్లర్లపై చర్యలు తీసుకోవాలని రైతు సంఘం జిల్లా అధ్యక్షుడు మల్లు నాగార్జున రెడ్డి డిమాండ్‌ చేశారు. ఈ మేరకు శనివారం రైతు సంఘం జిల్లా కమిటీ ఆధ్వర్యంలో కలెక్టరేట్‌లో అదనపు కలెక్టర్‌ హరిసింగ్‌కు వినతిపత్రం అందించి మాట్లాడారు. కార్యక్రమంలో సీపీఎం, రైతుసంఘం నాయకులు కందాల శంకర్‌రెడ్డి, మట్టిపల్లి సైదులు, కోట గోపి, వి.రవి, జె.నరసింహారావు పాల్గొన్నారు. రాష్ట్రస్థాయి పురస్కారాలకు దరఖాస్తుల ఆహ్వానంభానుపురి (సూర్యాపేట) : అంతర్జాతీయ దివ్యాంగుల దినోత్సవాన్ని పురస్కరించుకుని మహిళా, శిశు దివ్యాంగుల వయోవృద్ధుల శాఖ ఆధ్వర్యంలో డిసెంబర్‌ 3న రాష్ట్ర ప్రభుత్వం అందించే రాష్ట్రస్థాయి పురస్కారాలకు దరఖాస్తుల ఆహ్వానిస్తున్నట్లు జిల్లా సంక్షేమ అధికారి నరసింహారావు శనివారం ఒక ప్రకటనలో తెలిపారు. దివ్యాంగుల అభ్యున్నతికి, సాధికారతకు విశేష కృషిచేసిన ఉత్తమ వ్యక్తులు, స్వచ్ఛంద సంస్థలకు హైదరాబాద్‌లో నిర్వహించి వేడుకల్లో రాష్ట్ర స్థాయి అవార్డులను ప్రదానం చేస్తారని తెలిపారు. దరఖాస్తు నమూనా, పూర్తి మార్గదర్శకాలను అధికారిక వెబ్‌సైట్‌ https://depwdsctgp.telangana.gov.in నుంచి డౌన్‌లోడ్‌ చేసుకోవాలని కోరారు.

నాగారం : ఫణిగిరి క్షేత్రంలోని బౌద్ధ సంపదను కాపాడుకోవాల్సిన బాధ్యత అందరిపై ఉందని హైదరాబాద్‌కు చెందిన రిటైర్డ్‌ ఐఏఎస్‌ అధికారి వాడ్రేవు చినవీరభద్రుడు, ఎన్‌ఆర్‌ఐ జీడిగుంట విజయసారథి, చిట్టగాంగ్‌ విప్లవ వనితలు పుస్తక రచయిత, సాహిత్య అకాడమీ యువ పురస్కార గ్రహీత పింగళి చైతన్య అన్నారు. శనివారం వారు ఫణిగిరి బౌద్ధ మ్యూజియాన్ని సందర్శించారు. ఈ సందర్భంగా వారు మాట్లాడుతూ ఫణిగిరి బౌద్ధ క్షేత్రంలో లభించిన శిల్పాలు ప్రపంచంలోనే ప్రత్యేకమైనవని కొనియాడారు. నేలకొండపల్లి, ఫణిగిరిని బౌద్ధక్షేత్రాలను కలిసి బౌద్ధారామం కారిడార్‌గా మార్చాలని అన్నారు. అనంతరం మ్యూజియంలో ప్రాచీన బౌద్ధ సంపద, స్థూపచైత్యాలు, శిల్పాలు, మహాస్థూపాలు, విహారగదులు, శిలాస్థావరాలు, బుద్ధుడి జాతక కథలను పరిశీలించారు. కార్యక్రమంలో పురావస్తుశాఖ సిబ్బంది గట్టు వీరయ్య, యాకయ్య, కార్తీక్‌ తదితరులు పాల్గొన్నారు.

శుక్రవారం రాత్రి నుంచి శనివారం ఉదయం వరకు సూర్యాపేట జిల్లా కేంద్రంతోపాటు పలు మండలాల్లో 6.6 మిల్లీమీటర్ల వర్షపాతం నమోదైంది. ఉరుములు మెరుపులతో కూడిన వర్షం రావడంతో జిల్లా రైతులు ఆందోళన చెందారు. అత్యధికంగా నూతనకల్‌ మండలంలో 45.3 మిల్లీమీటర్ల వర్షం కురిసింది. తుంగతుర్తి లో 15.7, మద్దిరాల 25.1, జాజిరెడ్డిగూడెం 13.4, సూర్యాపేట 13.1, ఆత్మకూరు 27.5, మోతె 1.5, మేళ్లచెరువు 4.5, చింతలపాలెం 2.9 మిల్లీ మీటర్ల వర్షపాతం నమోదైంది. నాగారం, చివ్వెంల, అనంతగిరి, గరిడేపల్లి మండలాల్లోనూ చిరుజల్లులు కురిశాయి. భానుపురి (సూర్యాపేట) : తుపానులు ముప్పుతిప్పలు పెడుతున్నాయి. మొన్నటి అర్నబ్‌ తుపాను నుంచి మొదలుకొని నిన్నటి మురసు తుపాను వరకు వ్యవసాయ పనులకు ఆటంకంగా మారాయి. దీంతో కొందరు రైతులు వరికోతలు, రెండో విడత పత్తితీత పనులు ఆపేశారు. మరికొందరు వరికోతలు కోసినా ధాన్యం తడుస్తుండడంతో ఆందోళన చెందుతున్నారు. ఈ వర్షం కారణంగా జిల్లాలోని ఏ చెరువుల్లోకి చుక్కనీరు చేరిన దాఖలాలు లేవు. మూడు రోజులుగా జిల్లాలోని పలు మండలాల్లో మోస్తరు వర్షాలు కురుస్తున్నాయి. శనివారం ఎనిమిది మండలాల్లో 6.6 మిల్లీమీటర్ల వర్షపాతం నమోదైంది. అర్నబ్‌ తుపాను నుంచి.. జిల్లాలో గతనెల 29 నుంచి వాతావరణం మారిపోయింది. నాటినుంచి తుపాను కారణంగా పలుచోట్ల చిరుజల్లులు, మోస్తరు వర్షాలు కురవడం మొదలయ్యాయి. ఈ తుపాను మూడు నాలుగు రోజులపాటు జిల్లాలో రైతాంగాన్ని పరుగులు పెట్టించింది. కొందరు రైతులు పొలాలు ఆగం అవుతాయని చెప్పి పచ్చిధాన్యాన్ని మార్కెట్లో తరలించి తక్కువ ధరకు అమ్ముకోవాల్సిన పరిస్థితి వచ్చింది. ఆ వెంటనే మురసు తుపాను రూపంలో మళ్లీ రెండు రోజులపాటు ముసురు పెట్టింది. ఈ రెండు తుపాన్లు వెళ్లిపోయిన తర్వాత కూడా జిల్లాను వర్షం వీడడం లేదు. నిలిచిపోయిన వ్యవసాయ పనులు వరుసగా కురుస్తున్న వర్షాల కారణంగా చెరువులు, కుంటల్లోకి ఏమాత్రం వరద నీరు చేరడం లేదు. భూగర్భ జలాలు సైతం పెరగడం లేదు. అయినా జిల్లా రైతాంగానికి వ్యవసాయ పనులు మందగించాయి. ప్రధానంగా కోతకు వచ్చిన పరిపొలాలను ఈ వర్షం కారణంగా నిలిపివేయాల్సిన పరిస్థితి నెలకొంది. అలాగే రెండోసారి పత్తి తీత పనులు ఆగిపోయాయి. పలుచోట్ల పత్తితీత ముందుకు సాగక పోవడంతో తడిసి చెట్టుపై నుంచి పత్తి కింద పడేలా తయారైంది. ఇదిలా ఉంటే పలుచోట్ల రైతులు సాగుచేసిన వేరుశనగ, పెసర, మినుము లాంటి ఆరుతడి పంటలకు ఈ వర్షాలు అనుకూలంగా మారాయి. ఆత్మకూర్‌ పరిధిలో వర్షం కారణంగా కోయకుండా వదిలేసిన వరిపొలం సూర్యాపేట సమీపంలో చేలులోనే తడిసి ఉన్న పత్తి ఫ ‘మురసు’ ప్రభావంతో మూడు రోజులుగా మోస్తరు వర్షాలు ఫ ఇప్పటికే ముంచిన అర్నబ్‌ తుపాను ఫ పత్తితీత పనులకు ఆటంకం ఫ అక్కడక్కడా నిలిచిన వరికోతలు ఫ ఆందోళనలో రైతాంగం

మఠంపల్లి : మట్టపల్లి క్షేత్రంలో గల శివాలయంలో శనివారం శ్రీపార్వతీరామలింగేశ్వరస్వామి వారి మాస కల్యాణాన్ని ఘనంగా నిర్వహించారు. ఈ సందర్భంగా గణపతి పూజ, రక్షాబంధనం, రుత్వి గ్వరణం, పుణ్యాహవచనం, మధుఫర్కపూజ చేశారు. శని త్రయోదశిని పురస్కరించుకుని భక్తులు శివాలయంలో తెల్లవారుజామునే ప్రదక్షిణలు గావించి నవగ్రహాలకు, ప్రత్యేకంగా శనీశ్వరునికి తైలాభిషేకాలు నిర్వహించారు. స్వామివారిని సందర్శించుకున్న భక్తులకు అన్నదానం చేశారు. అంతకుముందు శ్రీలక్ష్మీనరసింహస్వామి నిత్య కల్యాణం నిర్వహించి స్వామి అమ్మవార్లను గరుడ వాహనంపై ఆలయ తిరుమాడ వీధుల్లో ఊరేగించారు. భక్తులకు తీర్థప్రసాదాలు అందజేశారు. ఈ సందర్భంగా రెండు తెలుగు రాష్ట్రాల్లోని వివిధ ప్రాంతాలను నుంచి భక్తులు భారీ సంఖ్యలో తరలి వచ్చి స్వామివారిని దర్శించుకుని మొక్కులు తీర్చుకున్నారు. ఈ కార్యక్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, విజయ్‌కుమార్‌, ఈఓ చలపతిరావు, అర్చకులు పాల్గొన్నారు.

హుజూర్‌నగర్‌ : పాఠశాలల్లో అభివృద్ధి పనులను ఈనెల 20లోపు పూర్తిచేయాలని కలెక్టర్‌ తేజస్‌ నంద్‌లాల్‌ పవార్‌ అన్నారు. శనివారం హుజూర్‌నగర్‌ పట్టణంలోని బాలికల ఉన్నత పాఠశాలను ఆయన సందర్శించి అక్కడ జరుగుతున్న పనులను పరిశీలించారు. 9వ తరగతి విద్యార్థుల వద్దకు వెళ్లి వారిని చదివించి ప్రశ్నలు అడిగి వారి నుంచి జవాబులు రాబట్టారు. అనంతరం ఏరియా ఆసుపత్రిని తనిఖీ చేశారు. వివిధ విభాగాల పనితీరు, రోగులకు అందిస్తున్న సౌకర్యాలను అడిగి తెలుసుకున్నారు. సిబ్బందితో సమావేశమై పలు సూచనలు చేశారు. ఈ సందర్భంగా ఆయా చోట్ల కలెక్టర్‌ మాట్లాడుతూ ప్లే గ్రౌండ్‌ లెవల్‌ చేయించి బేస్‌బాల్‌, వాలీబాల్‌ కోర్టును తయారు చేయాలని సూచించారు. డీసీహెచ్‌ఎస్‌ డాక్టర్‌ వెంకటేశ్వర్లు విజ్ఞప్తి మేరకు ఆసుపత్రిలో సిబ్బంది కొరతను త్వరలోనే పరిష్కరిస్తామన్నారు. అనంతరం రామస్వామి గట్టు సమీపంలో సింగిల్‌ బెడ్‌రూమ్‌ల కాలనీ గురించి ఆర్‌డీఓ, తహసీల్దార్‌లతో సమావేశం నిర్వహించారు. కార్యక్రమంలో ఆర్‌డీఓ శ్రీనివాసులు, తహసీల్దార్‌ కత్తుల నాగేందర్‌, డాక్టర్స్‌ నక్క రవి, యోగేందర్‌, హెచ్‌ఎం దాడి నర్సిరెడ్డి, డీఈ రమేష్‌, ఉపాధ్యాయులు, వైద్యసిబ్బంది పాల్గొన్నారు. ఓటు కోల్పోయిన వారికి మరో అవకాశంభానుపురి (సూర్యాపేట) : సర్‌ ముసాయిదాలో పేర్లు నమోదు కాని వారికి తుది ఓటరు జాబితాలో తమ పేరు చేర్చుకునేందుకు ఎన్నిక సంఘం మరో అవకాశం కల్పించిందని కలెక్టర్‌, జిల్లా ఎన్నికల అధికారి తేజస్‌ నంద్‌లాల్‌ పవార్‌ శనివారం ఒక ప్రకటనలో తెలిపారు. ఓటు కోల్పోయిన వారు 96,307 మంది ఉన్నారని పేర్కొన్నారు. వీరంతా ఎన్యుమరేషన్‌ ఫారం పూర్తిచేసి సమర్పిస్తే సరిపోతుందని, ఇందుకు రాజకీయ పార్టీలు సహకరించాలని కోరారు. ఫ కలెక్టర్‌ తేజస్‌ నంద్‌లాల్‌ పవార్‌

చిలుకూరు : దళిత నిరుపేదలకు స్వేరోస్‌ అండగా ఉంటుందని ఆ సంస్థ చైర్మన్‌ ఆర్‌ఎస్‌ ప్రవీణ్‌కుమార్‌ అన్నారు. చిలుకూరు హరిజనవాడకు చెందిన నిరుపేద కందుకూరి గురవయ్య ఇటీవల అనారోగ్యంతో మృతి చెందాడు. అతని కుటుంబానికి స్వేరోస్‌ ఆధ్వర్యంలో నిర్మించనున్న ఇంటి నిర్మాణ పనులకు శుక్రవారం ఆయన శంకుస్థాపన చేశారు. అనంతరం ఆయన మాట్లాడుతూ రాష్ట్ర వ్యాప్తంగా దళిత కుటుంబాలను స్వేరోస్‌ ఆదుకుంటుందని, ఇప్పటి వరకు చాలా కుటుంబాలకు ఇళ్లు నిర్మించి ఇచ్చామని చెప్పారు. అనంతరం స్వేరోస్‌ ప్రతిజ్ఞ చేశారు. కార్యక్రమంలో స్వేరోస్‌ రాష్ట్ర అధ్యక్షుడు బత్తిని వీరయ్య, జిల్లా అధ్యక్షుడు పడిమర్తి దశరథ, జిల్లా ప్రధాన కార్యదర్శి జిల్లపల్లి శివకృష్ణ, ఈసీ మెంబర్‌ కందుకూరి ఉపేందర్‌, స్వేరోస్‌ సభ్యులు పాల్గొన్నారు.ఫ సంస్థ చైర్మన్‌ ఆర్‌ఎస్‌ ప్రవీణ్‌కుమార్‌

తుంగతుర్తి : మహిళలకు ఉద్యోగ అవకాశాలు కల్పించేందుకు ‘లక్ష్యం’ స్వచ్ఛంద సంస్థ ద్వారా శిక్షణ అందిస్తున్నట్లు నాబార్డ్‌ జిల్లా అధికారి రవీందర్‌ అన్నారు. స్థానిక ఎంపీడీఓ కార్యాలయంలో లక్ష్యం స్వచ్ఛంద సంస్థ ఆధ్వర్యంలో నాబార్డ్‌ సహకారంతో 15 రోజులపాటు మహిళలకు నిర్వహించిన చైల్డ్‌ కేర్‌ గారియాట్రిక్‌ కేర్‌ శిక్షణ శుక్రవారం ముగిసింది. శిక్షణ తీసుకున్న 35 మంది మహిళలకు ఆయన సర్టిఫికెట్లను అందించారు. అనంతరం మాట్లాడుతూ చిన్నారులు, వృద్ధుల సంరక్షణకు సంబంధించిన కోర్సుల్లో శిక్షణ ఇచ్చి మహిళలకు ఉపాధి అవకాశాలు కల్పించనున్నట్లు చెప్పారు. శిక్షణలో ప్రతిభ కనబరిచిన 8 మందిని ఇంద్రాణి సర్వీసెస్‌ ద్వారా నెలకు రూ.20వేల వేతనంతో ఉద్యోగం కల్పించినట్లు చెప్పారు. కార్యక్రమంలో ఎంపీడీవో చలపతి, స్థానిక సర్పంచ్‌ మల్లెపాక సాయిబాబా, లక్ష్యం ఎన్జీఓ చైర్మన్‌ శంకర్‌, సెక్రెటరీ లత, ట్రెజరర్‌ అభినయ్‌, వెలుగు సీసీ రమేష్‌ పాల్గొన్నారు.

సూర్యాపేట(భానుపురి): రాష్ట్రంలో కాంగ్రెస్‌ పార్టీకి దీర్ఘకాల భవిష్యత్‌ ఉందని, ప్రజల ఆశీర్వాదంతో కాంగ్రెస్‌ ప్రభుత్వం పదేళ్ల పాటు కొనసాగుతుందని రాష్ట్ర ఇరిగేషన్‌, సివిల్‌ సప్లయ్‌ శాఖ మంత్రి నల్లమాద ఉత్తమ్‌కుమార్‌రెడ్డి అన్నారు. కాంగ్రెస్‌ కుటుంబం నుంచి వచ్చిన దామన్న కుమారుడు సర్వోత్తమ్‌రెడ్డిని ఎమ్మెల్సీ ఎన్నికల్లో భారీ మెజారిటీతో గెలిపించాలని పిలుపునిచ్చారు. శుక్రవారం జిల్లా కేంద్రంలోని రవి మహల్‌లో డీసీసీ అధ్యక్షుడు గుడిపాటి నర్సయ్య అధ్యక్షతన నిర్వహించిన నల్లగొండ, ఖమ్మం, వరంగల్‌ పట్టభద్రుల ఎమ్మెల్సీ ఎన్నికల సన్నాహక సమావేశంలో ఆయన మాట్లాడారు. అర్హత గల పట్టభద్రుడిని ఓటరుగా నమోదు చేయించాలని సూచించారు. సూర్యాపేట జిల్లా నుంచి అత్యధిక మెజారిటీ రావాలన్నారు. నల్లగొండ, భువనగిరి ఎంపీలు కుందూరు రఘువీర్‌రెడ్డి, చామల కిరణ్‌కుమార్‌రెడ్డి మాట్లాడుతూ గ్రామస్థాయిలో ఉన్న పట్టభద్రులను గుర్తించి ఓటర్లుగా నమోదు చేయించాల్సిన బాధ్యత కాంగ్రెస్‌ నాయకులు, కార్యకర్తలు తీసుకోవాలన్నారు. తుంగతుర్తి ఎమ్మెల్యే మందుల సామేల్‌ మాట్లాడుతూ 2023 అసెంబ్లీ ఎన్నికల్లో గెలిచిన విధంగానే ఎమ్మెల్సీ స్థానాన్ని కూడా బంపర్‌ మెజార్టీతో గెలిపించుకోవాల్సిన అవసరం ఉందన్నారు. కాంగ్రెస్‌ పార్టీ గెలువకుంటే దెబ్బతింటామన్నారు. కోదాడ ఎమ్మెల్యే పద్మావతి మాట్లాడుతూ ఓటర్లుగా నమోదు చేయించుకునేందుకు అవకాశం ఉందని, దీనిని వినియోగించుకోవాలని సూచించారు. పట్టభద్రుల వాయిస్‌గా ఉంటా : సర్వోత్తమ్‌రెడ్డి కాంగ్రెస్‌ పార్టీ ఎమ్మెల్సీ అభ్యర్థి రాంరెడ్డి సర్వోత్తమ్‌రెడ్డి మాట్లాడుతూ తనను గెలిపిస్తే పట్టభద్రుల సమస్యలపై శాసనమండలిలో వాయిస్‌ వినిపిస్తానన్నారు. 196 మండలాలు తిరిగి ప్రతి పట్టభద్రుడిని కలిసే ఓపిక, శక్తి తనకుందని పేర్కొన్నారు. సూర్యాపేట పట్టణం అన్ని రంగాల్లో మరింత అభివృద్ధి చెందాలంటే రైల్వే లైన్‌ అత్యవసరమని, 60 ఫీట్ల రోడ్డు నుంచి కలెక్టరేట్‌ వరకు కనెక్టింగ్‌ రోడ్డు ఏర్పాటు చేయాలని మంత్రి ఉత్తమ్‌, ఎంపీలను ఆయన కోరారు. సమావేశంలో ఎమ్మెల్సీ కేతావత్‌ శంకర్‌నాయక్‌, వ్యవసాయ, రైతు సంక్షేమ కమిషన్‌ సభ్యుడు చెవిటి వెంకన్నయాదవ్‌, టూరిజం కార్పొరేషన్‌ మాజీ చైర్మన్‌ పటేల్‌ రమేష్‌రెడ్డి, ఎస్సీ కార్పొరేషన్‌ మాజీ చైర్మన్‌ ప్రీతమ్‌, కాంగ్రెస్‌ సీనియర్‌ నాయకులు పోతు భాస్కర్‌, పీసీసీ ప్రధాన కార్యదర్శి చకిలం రాజేశ్వరరావు, మహిళా కాంగ్రెస్‌ జిల్లా అధ్యక్షురాలు అనురాధ, గ్రంథాలయ సంస్థ చైర్మన్‌ వంగవీటి రామారావు, మున్సిపల్‌ చైర్‌పర్సన్‌ మొరిశెట్టి నివేదిత లక్షాది, మార్కెట్‌ చైర్మన్‌ కొప్పుల వేణారెడ్డి, వైస్‌ చైర్మన్‌ గట్టు శ్రీనివాస్‌, గోరెంట్ల సర్పంచ్‌ రామ్మూర్తి, కాంగ్రెస్‌ పార్టీ నాయకులు, కార్యకర్తలు పాల్గొన్నారు. ఫొటో వివాదం సమావేశంలో ఫొటో వివాదం చర్చకు దారితీసింది. మంత్రి ఉత్తమ్‌తో పాటు ఎంపీ రఘువీరారెడ్డి వేదికపైకి వచ్చే సమయంలో సూర్యాపేట మార్కెట్‌ కమిటీ చైర్మన్‌ కొప్పుల వేనారెడ్డి ఫొటోను ఫ్లెక్సీపై పెట్టలేదని ఆయన అనుచరులు నినాదాలు చేశారు. వేదిక వద్దకు దూసుకు వచ్చే ప్రయత్నం చేయగా పోలీసులు అడ్డుకున్నారు. మంత్రి ఉత్తమ్‌కుమార్‌రెడ్డి వారిపై ఆగ్రహం వ్యక్తం చేశారు.ఫ సర్వోత్తమ్‌రెడ్డిని భారీ మెజారిటీతో గెలిపించాల్సిన బాధ్యత అందరిది ఫ మంత్రి ఎన్‌.ఉత్తమ్‌కుమార్‌రెడ్డి

సూర్యాపేట : యువత వివేకానందుడిని ఆదర్శంగా తీసుకొని ఉన్నత స్థానానికి ఎదగాలని కలెక్టర్‌ తేజస్‌ నంద్‌లాల్‌పవార్‌ అన్నారు. శుక్రవారం స్వామి వివేకానంద జయంతి సందర్భంగా కలెక్టరేట్‌లోని సమావేశ మందిరంలో నిర్వహించిన యువజనోత్సవాలను ఆయన ప్రారంభించారు. అనంతరం ఆయన మాట్లాడుతూ యువత విద్యతో పాటు ఇతర రంగాలలో కూడా రాణించాలన్నారు. ఈ సందర్భంగా యువ కళాకారులకు జానపద నృత్యం, పాటలు, పెయింటింగ్‌, వీధి నాటకం, కవిత్వం వంటి అంశాలలో పోటీలు నిర్వహించారు. విజేతలకు బహుమతులు అందించారు. కార్యక్రమంలో అదనపు కలెక్టర్‌ బి.హరిసింగ్‌, డీఆర్వో డి. ప్రేమ్‌రాజ్‌, జిల్లా యువజన, క్రీడల అధికారి వెంకట్‌రెడ్డి, మై భారత్‌ యూత్‌ ఆఫీసర్‌ గౌతమ్‌రెడ్డి పాల్గొన్నారు. విజేతలకు బహుమతులుగ్రూప్‌ జానపద నృత్యం పోటీల్లో కోదాడ కేఆర్‌ఆర్‌ జూనియర్‌ కళాశాల ఎన్‌ఎస్‌ఎస్‌ విద్యార్థులు ప్రథమ, ద్వితీయ బహుమతిని జెడ్పీహెచ్‌ఎస్‌ సూర్యాపేట, తృతీయ బహుమతిని ఇమాంపేట టీజీటీడబ్ల్యూఆర్‌జేసీ విద్యార్థులు గెలుచుకున్నారు. , జానపద పాటల్లో ప్రథమ టీటీడబ్ల్యూఆర్‌డీసీ గ్రూప్‌ సూర్యాపేట, ద్వితీయ టీజీఎస్‌డబ్ల్యూఆర్‌జేసీ గ్రూప్‌, ఇమాపేంట, తృతీయ తుంగతుర్తి టీజీటీడబ్ల్యూఆర్‌జేసీ, వీధి నాటకంలో ప్రథమ ఆర్‌డీఆర్‌డీ గ్రూప్‌ తుంగుర్తి, ద్వితీయ టీజీటీడబ్ల్యూఆర్‌జేసీ తుంగతుర్తి, తృతీయ టీజీటీడబ్ల్యూఆర్‌జేసీ చివ్వెంల గెలుచుకున్నారు.ఫ కలెక్టర్‌ తేజస్‌ నంద్‌లాల్‌ పవార్‌

ఏళ్ల తరబడి రేషన్‌ సరుకుల కోసం ఇబ్బందులు పడుతున్నాం. మా తండా కొత్త పంచాయతీగా ఏర్పడినా.. ప్రతి నెలా బండరామారం వెళ్లి సరుకులు తెచ్చుకోవాల్సి వస్తున్నది. అధికారులు వెంటనే తండాలో రేషన్‌ దుకాణం ఏర్పాటు చేయాలి. – యాకునాయక్‌, సూర్యతండా మాజీ సర్పంచ్‌ మా తండాలో రేషన్‌ దు కాణం లేకపోవడంతో 5 కిలోమీటర్ల దూరంలో ఉన్న గొట్టిపర్తికి వెళ్లి సరుకులు తెచ్చుకుంటున్నాం. దుకాణం ఏర్పాటు చేయాలని అధికారులకు వినతులు ఇచ్చినా చర్యలు లేవు. ఇప్పటికై నా రేషన్‌ దుకాణం ఏర్పాటు చేయాలి. – బికోజి, బాపన్‌ బావితండా మాజీ సర్పంచ్‌

తుంగతుర్తి : నూతనంగా ఏర్పాటైన గ్రామ పంచాయతీల్లో ప్రజలకు రేషన్‌ కష్టాలు తప్పడం లేదు. 2019లో 500 జనాభా ఉన్న గ్రామాలు, తండాలను ప్రభుత్వం గ్రామ పంచాయతీలుగా మార్చిన ప్రభుత్వం.. ప్రతి పంచాయతీకి ఒక రేషన్‌ షాపు ఏర్పాటు చేస్తామని అప్పట్లో ప్రకటించింది. కానీ ఏళ్లు గడుస్తున్నా ఆ హామీ అమలుకు నోచుకోవడం లేదు. దాంతో కొత్త గ్రామపంచాయతీల ప్రజలు ప్రతి నెలా రేషన్‌ సరుకుల కోసం పక్క ఊర్లకు వెళ్లి తెచ్చుకోవాల్సిన దుస్థితి నెలకొంది. తండాలకు సరైన రవాణా వ్యవస్థలేక సరుకులను ఇంటికి చేర్చేందుకు అవస్థలు పడుతున్నారు. ఆరు పంచాయతీల్లో.. తుంగతుర్తి మండలంలో 24 గ్రామ పంచాయతీలు ఉండగా.. వీటిలో 18 పంచాయతీలలో మాత్రమే రేషన్‌ దుకాణాలు ఉన్నాయి. మరో 6 గ్రామ పంచాయతీల ప్రజలు రేషన్‌ సరుకులు తెచ్చుకునేందుకు పక్క గ్రామాలకు వెళ్తున్నారు. మండలంలోని సూర్యతండా, మంచ్చాతండా, బాపన్‌ బావితండా, కాశి తండా, కేశవాపురం, దేవుని గుట్టతండా గ్రామాలలో రేషన్‌ దుకాణాలు లేవు. దాంతో ఆయా తండాల ప్రజలు పక్కన ఉన్న గ్రామాలకు వెళ్లి సరుకులు తెచ్చుకోవడానికి అవస్థలు పడుతున్నారు. అదనపు ఖర్చు రేషన్‌ దుకాణాలు లేని గ్రామాల ప్రజలు ప్రతినెలా 2 నుంచి 5 కిలోమీటర్ల దూరం వెళ్లి సరుకులు తెచ్చుకుంటున్నారు. పక్క గ్రామానికి వెళ్లి రేషన్‌ తెచ్చుకోవాలంటే రాను పోను చార్జీలు రూ. 50 నుంచి 100 వరకు ఖర్చు చేయాల్సిన పరిస్థితి. రేషన్‌ దుకాణానికి వెళ్లిన సందర్భంలో అక్కడ సిగ్నల్స్‌ లేకపోయినా, వేలిముద్రలు పడకపోయినా బియ్యం ఇవ్వడం లేదని, మరుసటి రోజు మళ్లీ వెళ్లాల్సి వస్తుందని ప్రజలు వాపోతున్నారు. దాంతో రెండు రోజుల పాటు పని మానేసి తిరగాల్సి వస్తున్నదని ఆందోళన వ్యక్తం చేస్తున్నారు. ప్రభుత్వం స్పందించి నూతన గ్రామ పంచాయతీల్లో రేషన్‌ దుకాణాలు ఏర్పాటు చేయాలని ఆయా గ్రామాల ప్రజలు కోరుతున్నారు. కొత్త గ్రామపంచాయతీల్లో రేషన్‌ దుకాణాలు లేక అవస్థలు ఫ పక్క గ్రామాలకు వెళ్లి బియ్యం తెచ్చుకోవాల్సిన దుస్థితి ఫ సర్వర్‌ సమస్యలతో రోజుల తరబడి తిరగాల్సిన పరిస్థితి ఫ అధికారులు స్పందించాలని వేడుకోలు

ప్రజలు అధీకృత, లైసెన్స్‌ కలిగిన దుకాణాల్లోనే బాణసంచా కొనుగోలు చేయాలి. ఇంటి వద్ద పొడి, చల్లటి ప్రదేశంలో నిల్వ చేయాలి. పిల్లలకు అందుబాటులో ఉంచకూడదు. బహిరంగ ప్రదేశాలలో, పెద్దల పర్యవేక్షణలోనే మాత్రమే బాణసంచా కాల్చాలి. కాటన్‌ దుస్తులు, పాదరక్షలు ధరించాలి. ఒక సారికి ఒకటికి మించి బాణసంచ వెలిగించ వద్దు, వెలిగించడానికి పొడవాటి అగరబత్తి లేదా కొవ్వొత్తిని ఉపయోగించాలి. రాకెట్లు, పైకి ఎగిరే వాటిని కాల్చేటప్పుడు అవి ఇళ్లు, కిటికీలు, తలుపులు, వాహనాల వైపు వెళ్లకుండా జాగ్రత్త పడాలి. ఇరుకై న సందులు, గుడిసెలు, నివాస ప్రాంతాల సమీపంలో బాణసంచా కాల్చకూడదు. చేతిలో పెట్టుకొని వెలిగించడం, ఇతరులపైకి విసరడం, పేలని బాణసంచాను వెంటనే ముట్టుకోవడం చేయకూడదు. సింథటిక్‌, వదులుగా ఉండే దుస్తులు ధరించి బాణసంచా కాల్చడం ప్రమాదకరం.సూర్యాపేటటౌన్‌ : బాణసంచా దుకాణాలు ఏర్పా టు చేసేందుకు వ్యాపారులు తప్పనిసరిగా లైసెన్స్‌ పొందాలని జిల్లా అగ్నిమాపకశాఖ అధికారి కృష్ణారెడ్డి అన్నారు. దీపావళి సందర్భంగా బాణసంచా విక్రయించేందుకు జిల్లాలోని మూడు ఫైర్‌ స్టేషన్ల పరిధిలో 112 తాత్కాలిక దుకాణాలను ఏర్పాటుకు అనుమతులు ఇచ్చే ప్రక్రియ కొనసాగుతోందన్నారు. దీపావళి పండుగను పురస్కరించుకొని శుక్రవారం ఆయన సాక్షి ఇంటర్వ్యూలో పలు అంశాలను వివరించారు. ఆ వివరాలు ఆయన మాటల్లోనే.. దీపావళి సందర్భంగా దుకాణాలు ఏర్పాటు చేసుకునే వారు నిబంధనలు తప్పకుండా పాటించాలి. ఒక దుకాణానికి మరో దానికి మధ్య కనీసం మూడు మీటర్ల దూరం ఉండాలి. విద్యుత్‌ సరఫరా కోసం నాణ్యమైన వైర్లను మాత్రమే వినియోగించాలి. విద్యుత్‌ షార్ట్‌ సర్క్యూట్‌ వల్ల ప్రమాదాలు జరగకుండా తగిన జాగ్రత్తలు తీసుకోవాలి. దుకాణాల వద్ద అగ్ని ప్రమాదాలు జరగకుండా వ్యాపారులు ముందస్తు భద్రతా చర్యలు చేపట్టాలి. ప్రజల భద్రత దృష్ట్యా ప్రతి దుకాణం వద్ద మంటలను ఆర్పే రెండు సిలిండర్లు, నీటితో నింపిన డ్రమ్ములు, నో స్మోకింగ్‌ బోర్డులు తప్పనిసరిగా అందుబాటులో ఉంచాలి. నిబంధనలను ఉల్లంఘించే దుకాణాదారులపై చర్యలు తీసుకుంటాం. 18 ఏళ్లు పైబడిన వారినే బాంబుల షాపులో పనిలో పెట్టుకోవాలి. గాయాలైతే.. బాణసంచా కాల్చే సమయంలో అగ్ని ప్రమాదం సంభవిస్తే వెంటనే నీటితో మంటలను ఆర్పేందుకు ప్రయత్నించాలి. కాలిన గాయాలైతే ఆ ప్రాంతంపై చల్లటి నీటిని ధారగా పోయాలి. క్రీములు, నూనెలు వంటివి రాయకూడదు. గాయాలు తీవ్రంగా ఉంటే వెంటనే సమీప ఆసుపత్రికి తరలించాలి. కంటికి గాయమైతే స్వచ్ఛమైన నీటితో కడిగి వైద్య సహాయం పొందాలి. శ్వాసకోశ సమస్యలున్న వారు బాణసంచా కాల్చే ప్రదేశాలకు దూరంగా ఉండాలి.అగ్ని ప్రమాదం జరిగినప్పుడు ప్రజలు ఆందోళన చెందకుండా వెంటనే 101 లేదా 9949991101 నంబర్‌కు సమాచారం అందించాలి. సూర్యాపేట ఫైర్‌ స్టేషన్‌ 8712699328, కోదాడ స్టేషన్‌ 8712699330, హుజూర్‌నగర్‌ స్టేషన్‌ 8712699332 నంబర్లకు సమాచారం అందిచవచ్చు. ప్రమాదం జరిగిన ప్రదేశం, చిరునామా వివరాలను స్పష్టంగా తెలుపాలి. ప్రజ లు, వ్యాపారులు భద్రతా నిబంధనలను పాటించి పండుగను సురక్షితంగా జరుపుకోవాలి.ఫ భద్రతా ప్రమాణాలు పాటించకుంటే చర్యలు ఫ ప్రజలు సైతం తగిన జాగ్రత్తలు తీసుకోవాలి ఫ అగ్నిప్రమాదం సంభవిస్తే వెంటనే ఫైర్‌ స్టేషన్‌కు ఫోన్‌ చేయాలి ఫ జిల్లా ఫైర్‌ ఆఫీసర్‌ కృష్ణారెడ్డి

హుజూర్‌నగర్‌(నేరేడుచర్ల): జిల్లాలోని మూడు వ్యవసాయ మార్కెట్‌ల పరిధిలో అభివృద్ధి పనులకు రూ.8.18 కోట్లు మంజూరైనట్లు జిల్లా మార్కెటింగ్‌ అధికారి పి.దామోదర్‌ తెలిపారు. శుక్రవారం ఆయన నేరేడుచర్ల వ్యవసాయ మార్కెట్‌ను సందర్శించారు. అనంతరం మాట్లాడుతూ సూర్యాపేట మార్కెట్‌కు రూ. 3.75 కోట్లు, హుజూర్‌నగర్‌కు రూ.4 కోట్లు, నేరేడుచర్ల మార్కెట్‌కు రూ.43 లక్షల నిధులు మంజూరైనట్లు పేర్కొన్నారు. జిల్లాలో సీసీఐ ద్వారా చింతలపాలెంలో 2, సూర్యాపేటలో ఒకటి, తిరుమలగిరిలో 3 పత్తి కొనుగోలు కేంద్రాలు ఏర్పాటు చేశామన్నారు. పత్తిని విక్రయించే రైతులు స్లాట్‌ బుక్‌ చేసుకొని కేంద్రాలకు వెళ్లాలని సూచించారు. ఆయన వెంట నేరేడుచర్ల మార్కెట్‌ కమిటీ కార్యదర్శి సన్ని, సిబ్బంది ఉన్నారు. లక్ష్మీనరసింహుని నిత్యకల్యాణంమఠంపల్లి : మట్టపల్లిలోని రాజ్యలక్ష్మి, చెంచులక్ష్మీ సమేత ప్రహ్లాద యోగానంద లక్ష్మీనరసింహస్వామి నిత్య కల్యాణాన్ని శుక్రవారం అర్చకులు విశేషంగా నిర్వహించారు. ఈ సందర్భంగా ఆలయంలో సుప్రభాత సేవ, నిత్యహోమ, మూలవిరాట్‌కు పంచామృతాభిషేకం చేపట్టారు. అనంతరం పట్టు వస్త్రాలతో స్వామి అమ్మవార్లను వధూవరులుగా అలంకరించి ఎదుర్కోళ్ల మహోత్సవం చేపట్టారు. కల్యాణోత్సవం అనంతరం స్వామి అమ్మవార్లను గరుడవాహనంపై ప్రతిష్ఠించి ఆలయ తిరుమాడ వీధులలో ఊరేగింపు నిర్వహించారు. కార్యక్రమంలో ఆలయ అనువంశిక ధర్మకర్తలు, అర్చకులు, అధిక సంఖ్యలో భక్తులు పాల్గొన్నారు. అధ్యాపకులు ఏఐని వినియోగించాలినల్లగొండ టూటౌన్‌ : ప్రాజెక్టు రూపకల్పనలో ఏఐని వినియోగించాలని ఎంజీయూ వైస్‌ చాన్స్‌లర్‌ ప్రొఫెసర్‌ ఖాజా అల్తాఫ్‌ హుస్సేన్‌ అధ్యాపకులకు సూచించారు. ఆయన శుక్రవారం నల్లగొండలోని ఎంజీ యూనివర్సిటీలో ఇంజినీరింగ్‌, కంప్యూటర్‌ సైన్స్‌ అధ్యాపకుల కోసం నిర్వహించిన ఫ్యాకల్టీ డెవలప్‌మెంట్‌ ప్రోగ్రామ్‌ (ఎఫ్‌డీపీ) ముగింపు సభలో మాట్లాడారు. మెషీన్‌ లెర్నింగ్‌ మోడళ్లు, ఏజెంటిక్‌ ఏఐ వంటి అంశాలను విద్యార్థులకు ప్రత్యేక అధ్యయన రంగాలుగా పరిచయం చేసి, ఆయా విభాగాల్లో శిక్షణ ఇవ్వాలన్నారు. కార్యక్రమంలో విభాగ అధిపతి జయంతి, ప్రిన్సిపాల్‌ హరీష్‌కుమార్‌, రేఖ, ఇన్‌ఫ్రాస్ట్రక్చర్‌ డెవలప్మెంట్‌ డైరెక్టర్‌ ఆకుల రవి, అధ్యాపకులు పాల్గొన్నారు. రైతులకు తక్షణ పరిహారం అందించాలిసూర్యాపేట(సూర్యాపేటఅర్బన్‌): ఎల్‌నినో తో ఏర్పడిన కరువు నేపథ్యంలో పంటలు ఎండిపోయి నష్టపోయిన రైతులకు కేంద్ర, రాష్ట్ర ప్రభుత్వాలు పరిహారం అందించాలని సీపీఐ జిల్లా కార్యదర్శి బెజవాడ వెంకటేశ్వర్లు డిమాండ్‌ చేశారు. శుక్రవారం జిల్లా కేంద్రంలోని ధర్మ భిక్షం భవనంలో నిర్వహించిన పార్టీ ముఖ్య నాయకుల సమావేశంలో ఆయన మాట్లాడారు. మురసు తుపాను ప్రభావంతో వరి పంటలు నేలకొరిగి రైతులకు నష్టం వాటిల్లిందన్నారు. ప్రభుత్వం స్పందించి రైతులకు ఎకరాకు వరి ధాన్యానికి రూ.30 వేలు, మిర్చి, పత్తి రైతులకు రూ.50 వేలు, ఇతర పంటలకు రూ. 20వేల చొప్పున అందించాలని కోరారు. రైతుల పక్షాన ఈ నెల 10న కలెక్టరేట్‌ ఎదుట సీపీఐ ఆధ్వర్యంలో ధర్నా నిర్వహించనున్నట్లు తెలి పారు. సమావేశంలో పార్టీ జిల్లా కార్యవర్గ సభ్యులు ఎల్లావుల రాములు, బూర వెంకటేశ్వర్లు, మాజీ కౌన్సిలర్‌ అనంతుల మల్లేశ్వరి, ఏఐవైఎఫ్‌ జిల్లా అధ్యక్షుడు శ్రీకాంత్‌ పాల్గొన్నారు.

సూర్యాపేట : ఎల్‌ఐసీ 1996 బ్యాచ్‌ ఉద్యోగుల పాత పెన్షన్‌ విధానాన్ని అమలు చేయాలని ఆల్‌ ఇండియా ఇన్సూరెన్స్‌ ఎంప్లాయిస్‌ అసోసియేషన్‌ సికింద్రాబాద్‌ డివిజన్‌ అధ్యక్ష కార్యదర్శులు గుణశేఖర్‌, రఘు అన్నారు. ఇన్సూరెన్స్‌ కార్పొరేషన్‌ ఎంప్లాయిస్‌ యూనియన్‌ సూర్యాపేట బ్రాంచ్‌ అధ్యక్షుడు మోహన్‌ సింగ్‌ అధ్యక్షతన గురువారం సూర్యాపేట ఎల్‌ఐసీ బ్రాంచ్‌ కార్యాలయంలో ఐసీఈయూ సూర్యాపేట, కోదాడ శాఖల వార్షిక సర్వసభ్య సమావేశం నిర్వహించారు. ఈసందర్భంగా గుణశేఖర్‌, రఘు మాట్లాడుతూ.. 1996 నోటిఫికేషన్‌ ద్వారా 2012, 2013లో ఉద్యోగంలో చేరామని ఇంతవరకు కేంద్ర, రాష్ట్ర ప్రభుత్వాలు పాత పెన్షన్‌ విధానాన్ని అమలు చేయలేదన్నారు. ఏఐఐఈఏకు 70 ఏళ్ల చరిత్ర ఉందని ఎన్ని సవాళ్లు ఎదురైనా ఉద్యోగుల పక్షాన అండగా ఉంటుందని భరోసా కల్పించారు. కార్యక్రమంలో ఏఐఐఈఏ ఉమ్మడి నల్లగొండ జిల్లా జనరల్‌ సెక్రెటరీ బాలస్వామి, నాయకులు నవీన్‌ బాబు, జావిద్‌, ఐసీఈయూ సూర్యాపేట బ్రాంచ్‌ అధ్యక్షుడు మోహన్‌ సింగ్‌, కార్యదర్శి ప్రభాకర్‌, వైస్‌ ప్రెసిడెంట్‌ సంజీవయ్య, డివిజన్‌ కౌన్సిల్‌ సభ్యుడు రామయ్య, కోదాడ బ్రాంచ్‌ అధ్యక్షుడు విజయ్‌ శంకర్‌, కార్యదర్శి సాయిహరి, డివిజన్‌ కౌన్సిల్‌ మెంబర్‌ కన్నయ్య, డెవలప్‌మెంట్‌ ఆఫీసర్లు తదితరులు పాల్గొన్నారు.

సూర్యాపేట(సూర్యాపేటటౌన్‌) : శాంతిభద్రతల పరిరక్షణ దృష్ట్యా జిల్లాలో ఎలాంటి అసాంఘిక కార్యక్రమాలు, అవాంఛనీయ సంఘటనలు చోటు చేసుకోకుండా, ముందస్తు జాగ్రత్త చర్యల్లో భాగంగా జిల్లాలో ఈనెల 30 వరకు పోలీస్‌ యాక్ట్‌ 30 అమలులో ఉంటుందని ఎస్పీ నరసింహ గురువారం ఒక ప్రకటనలో తెలిపారు. ఈ యాక్ట్‌ అమలులో ఉన్నందున డీఎస్పీ లేదా ఆపై స్థాయి అధికారుల నుంచి ముందస్తు అనుమతి లేకుండా ఎలాంటి ప్రజా సమావేశాలు, ఊరేగింపులు, ధర్నాలు, బహిరంగ సభలు, ప్రజలు గుమి గుడి ఉండేవిధంగా కార్యక్రమాలు నిర్వహించరాదని, సన్నాహాలు చేయరాదని పేర్కొన్నారు. ఆయుధాలు, కత్తులు, కర్రలు, తుపాకులు, పేలుడు పదార్థాలు కలిగి ఉండొద్దని పేర్కొన్నారు. సమస్యలు పరిష్కరించాలి సూర్యాపేట(సూర్యాపేటటౌన్‌) : రాష్ట్రవ్యాప్తంగా మోడల్‌ స్కూల్స్‌ ఉపాధ్యాయుల సమస్యలను పరిష్కరించాలని డిమాండ్‌ చేస్తూ ఎంఎస్‌ జేఏసీ ఇచ్చిన పిలుపు మేరకు గురువారం కలెక్టర్‌ తేజస్‌నంద్‌లాల్‌ పవార్‌, డీఈఓ శ్రీనివాసరావులకు వినతి పత్రాలు అందజేశారు. ఈసందర్భంగా వారు మాట్లాడుతూ.. గ్రాంట్‌ ఇన్‌ ఎయిడ్‌ విధానానికి బదులుగా 010 పద్దు ద్వారా వేతనాలు చెల్లించాలని, ఉపాధ్యాయులు మరణిస్తే.. బాధిత కుటుంబ సభ్యులకు కారుణ్య నియామకాలు చేపట్టాలన్నారు. అదేవిధంగా డెత్‌ గ్రాట్యుటీ, ఫ్యామిలీ పెన్షన్‌ అమలు చేయాలని విజ్ఞప్తి చేశారు. పెండింగ్‌లో ఉన్న డీఏ వెంటనే చెల్లించాలని, మోడల్‌ స్కూల్స్‌ ఉపాధ్యాయులకు ఈహెచ్‌ఎస్‌ ఆరోగ్య పథకాన్ని అమలు చేయాలని డిమాండ్‌ చేశారు. వినతిపత్రం అందజేసిన వారిలో ఎంఎస్‌ జేఏసీ నాయకులు భూతం యాకమల్లు, క్రాంతి, రాజయ్య, బాబు, రమేష్‌, వీరారెడ్డి, కరుణాకర్‌, శ్రీను, శ్రీధర్‌, సుధాకర్‌, తిరుమలేష్‌, వీరశేఖర్‌, సంతోష్‌ తదితరులున్నారు. నీటి ఎద్దడిని తట్టుకునే పంటలు సాగుచేయాలి కోదాడరూరల్‌ : ఎల్‌నినో నేపథ్యంలో రైతులు నీటి ఎద్దడిని తట్టుకునే ఆరుతడి పంటలను సాగు చేయాలని తెలంగాణ రైతు విజ్ఞాన కేంద్ర శాస్త్రవేత్తలు చంద్రశేఖర్‌, శివప్రసాద్‌ అన్నారు. రైతు పొలాల్లో ఆవిష్కరణలు కార్యక్రమంలో భాగంగా గురువారం కోదాడ మండలంలోని కాపుగల్లు రైతు వేదికలో ప్రొఫెసర్‌ జయశంకర్‌ తెలంగాణ వ్యవసాయ విశ్వవిద్యాలయం ఆధ్వర్యంలో రైతులకు పెసర, మినుము విత్తనాలను పంపిణీ చేసి మాట్లాడారు. రైతులు తక్కువ నీటితో సాగయ్యే కూరగాయలతో పాటు పెసర, మినుము, బొబ్బెర పంటలను సాగు చేసి అఽధిక ఆదాయం పొందాలన్నారు. అదే విధంగా నత్రజనిని స్థిరీకరించే సూక్ష్మజీవుల మిశ్రమాన్ని పంపిణీ చేసి వాటి ఉపయోగాలను రైతులకు వివరించారు. పంట మార్పిడి తప్పనిసరిగా చేయాలని దీంతో పంట దిగుబడులు పెరగడంతో పాటు చీడపీడలు తగ్గుతాయని తెలిపారు. పరిహారం అందేలా చూస్తాం హుజూర్‌నగర్‌ : దేవస్ధాన భూములకు సంబంధించి నష్ట పరిహారం వచ్చే విధంగా పైఅధికారులతో మాట్లాడుతామని హౌసింగ్‌ సీఈ చైతన్య కుమార్‌, పీడీ జబ్బర్‌ అహ్మద్‌ అన్నారు. గురువారం హుజూర్‌నగర్‌ పరిధిలోని ఫణిగిరి సీతారామచంద్ర స్వామి దేవస్థానాన్ని వారు సందర్శించారు. అనంతరం వారు మాట్లాడుతూ.. దేవస్థానానికి రావాల్సిన భూముల పరిహారానికి సంబంధించి మిగిలిన 20 శాతం నగదు వీలైనంత త్వరగా మంజూరయ్యేలా చర్యలు తీసుకుంటామన్నారు. వారి వెంట దేవస్థాన ఫౌండర్‌ ట్రస్టీ ముడుంబ జగన్నాథాచార్యులు, హౌసింగ్‌ శాఖ డీఈ జగన్‌, కాంట్రాక్టర్‌ రవీందర్‌ రావు, వెంకటప్రసాద్‌ ఉన్నారు.

మఠంపల్లి: మట్టపల్లి దేవాలయంలో రాజ్యలక్ష్మీ చెంచులక్ష్మీ సమేత ప్రహ్లాద యోగానంద శ్రీలక్ష్మీనరసింహస్వామి నిత్య కల్యాణాన్ని గురువారం అర్చకులు విశేషంగా నిర్వహించారు. ఆలయంలో సుప్రభాత సేవ, నిత్యహోమం, మూలవిరాట్‌కు పంచామృతాభిషేకం జరిపించారు. అనంతరం నూతన పట్టు వస్త్రాంలకరణతో స్వామి అమ్మవార్లను వధూవరులుగా అలంకరించి ఎదుర్కోళ్ల మహోత్సవం చేపట్టారు. కల్యాణతంతు, విష్వక్సేనారాధన, పుణ్యాహవచనం, రక్షాబంధనం, రుత్విగ్వరణం, మధుఫర్కపూజ, మాంగల్యధారణ పూర్తిగావించారు. అనంతరం శ్రీస్వామి అమ్మవార్లను గరుడవాహనంపై ప్రతిష్టించి ఆలయ తిరుమాడ వీధుల్లో ఊరేగించారు. మహానివేదన గావించి భక్తులకు తీర్థ ప్రసాదాలు పంపిణీ చేశారు. కార్యక్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, విజయ్‌కుమార్‌, ఈఓ చలపతిరావు, అర్చకులు శ్రీనివాసాచార్యులు, పద్మనాభాచార్యులు, లక్ష్మీనరసింహమూర్తి, ఆంజనేయాచార్యులు, భక్తులు పాల్గొన్నారు.

సూర్యాపేట (భానుపురి) : జిల్లాలో ఎక్కడా తాగునీటి సమస్యలు తలెత్తకుండా అధికారులు ముందస్తు చర్యలు తీసుకోవాలని కలెక్టర్‌ తేజస్‌ నంద్‌లాల్‌ పవార్‌ ఆదేశించారు. గురువారం కలెక్టరేట్‌లో అధికారులతో సమీక్ష సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ.. నీటి ఎద్దడి ఎదుర్కొంటున్న గ్రామాలను గుర్తించి సమస్యలను పరిష్కరించాలన్నారు. తాగునీటి సరఫరాతో పాటు నీటి శుద్ధి, క్లోరినేషన్‌పై ప్రత్యేక దృష్టి పెట్టాలన్నారు. గ్రామాలు, ఆవాసాల వారీగా తాగునీటి పరిస్థితిని అంచనా వేసి గ్రీన్‌, ఎల్లో, రెడ్‌ కేటగిరీలుగా విభజించాలని తెలిపారు. గ్రామాలు, మున్సిపాలిటీల వారీగా తాగునీటి సరఫరా పరిస్థితిపై ప్రత్యేక ప్రొఫార్మా ద్వారా వివరాలు సేకరించినట్లు కలెక్టర్‌ పేర్కొన్నారు. మిషన్‌ భగీరథ గ్రిడ్‌, ఇంట్రా వ్యవస్థల ద్వారా నీటి సరఫరా, స్థానిక నీటి వనరుల పరిస్థితిని అంచనా వేయాలన్నారు. మండలాలు, గ్రామాల వారీగా అవసరమైన పనులు, వాటి అంచనా వ్యయాలతో కూడిన నివేదికను వారం రోజుల్లో సిద్ధం చేయాలని ఆదేశించారు. ఎస్సీ, ఎస్టీ, బీసీ, మైనారిటీ సంక్షేమ హాస్టళ్లు, రెసిడెన్షియల్‌ పాఠశాలలకు 15 రోజుల్లోగా మిషన్‌ భగీరథ కనెక్షన్లు అందించాలని స్పష్టం చేశారు. పాఠశాలలు, అంగన్‌వాడీ కేంద్రాలకు తాగునీరు అందేలా అధికారులు సమన్వయంతో పనిచేయాలన్నారు. మిషన్‌ భగీరథ ద్వారా సరఫరా అవుతున్న నీటిలో సుమారు 20 నుంచి 25 శాతం వరకు వృథా అవుతున్నట్లు గుర్తించామని, క్షేత్రస్థాయిలో పరిశీలన చేసి వాస్తవ పరిస్థితిని వారం రోజుల్లో నివేదించాలని కోరారు. భూగర్భ జలాల పరిస్థితిపై ప్రతి 15 రోజులకు ఒకసారి నివేదిక ఇవ్వాలని గ్రౌండ్‌ వాటర్‌ అధికారులకు సూచించారు. సమావేశంలో అదనపు కలెక్టర్‌ హరిసింగ్‌, డీఆర్డీఓ సన్యాసయ్య, జెడ్పీ సీఈఓ శిరీష, డీపీఓ యాదగిరి, మిషన్‌ భగీరథ ఈఈ అరుణాకర్‌ రెడ్డి, డీడబ్ల్యూఓ నరసింహారావు, ఇతర జిల్లా అధికారులు పాల్గొన్నారు. రుణాలను రీషెడ్యూల్‌ చేయాలి సూర్యాపేట (భానుపురి) : కరువు మండలాల్లో బ్యాంకర్లు వ్యవసాయ రుణాలను రీ షెడ్యూల్‌ చేయాలని కలెక్టర్‌ తేజస్‌ నంద్‌లాల్‌ పవార్‌ అన్నారు. గురువారం కలెక్టరేట్‌లో జిల్లా స్థాయి బ్యాంకర్ల సమన్వయ కమిటీ సమావేశం నిర్వహించారు. ఈసందర్భంగా లీడ్‌ బ్యాంక్‌ మేనేజర్‌ వెంకటనాగప్రసాద్‌ రుణాల లక్ష్యాలను కలెక్టర్‌కు వివరించారు. జిల్లా వార్షిక ప్రణాళికలో వార్షిక బడ్జెట్‌ 13336.67 కోట్లను లక్ష్యంగా పెట్టుకుంటే గడిచిన ఆరు నెలల కాలంలో 8209.78 కోట్ల వృద్ధి సాధించినట్లు తెలిపారు. సమావేశంలో డీఆర్‌డీఓ సన్యాసయ్య, జనరల్‌ మేనేజర్‌ భారతి, బీసీ సంక్షేమ అధికారి విశాల్‌ ధార, ఎస్సీ సంక్షేమ అధికారి లత, ఈడీ ఎస్సీ కార్పొరేషన్‌ ఉపేందర్‌ రావు పాల్గొన్నారు. కలెక్టర్‌ తేజస్‌ నంద్‌లాల్‌ పవార్‌

సూర్యాపేటటౌన్‌ : పట్టణ ప్రజలకు మెరుగైన తాగునీటి సౌకర్యం కల్పించాలనే లక్ష్యంతో కేంద్ర ప్రభుత్వం చేపట్టిన అమృత్‌ 2.0 పథకం పనులు సూర్యాపేటలో నత్తనడకన సాగుతున్నాయి. రూ.30 కోట్ల వ్యయంతో మున్సిపాలిటీ పరిధిలో చేపట్టిన ఐదు వాటర్‌ ట్యాంకుల నిర్మాణాల్లో ఇప్పటివరకు రెండు మాత్రమే తుదిదశకు చేరుకోగా, మిగతా మూడు ట్యాంకుల నిర్మాణాలు సగం కూడా పూర్తి కాలేదు. 2024లో ప్రారంభమైన ఈ పనులకు మార్చి 2027 వరకు గడువు ఉన్నప్పటికీ, నిర్మాణాల పురోగతి ఆశించిన స్థాయిలో లేదు. సంబంధిత పబ్లిక్‌ హెల్త్‌, మున్సిపల్‌ అధికారుల పర్యవేక్షణ లోపించడమే ఈ జాప్యానికి ప్రధాన కారణమనే ఆరోపణలు వ్యక్తమవుతున్నాయి. ఐదు ప్రాంతాల్లో నిర్మాణాలు.. సూర్యాపేట పట్టణంలోని పిల్లలమర్రి సమీపంలో, హనుమాన్‌నగర్‌, గాంధీనగర్‌, బీబీగూడెం, ఆర్‌కే గార్డెన్‌ ప్రాంతాల్లో అమృత్‌ ట్యాంకుల నిర్మాణ పనులు చేపట్టారు. ఈ ట్యాంకుల ద్వారా 15 కిలోమీటర్ల మేర నూతన పైపులైన్లు ఏర్పాటు చేసి, 1,800 కుటుంబాలకు తాగునీటి నల్లా కనెక్షన్లు అందించాలనేది ప్రధాన లక్ష్యం. పిల్లలమర్రి సమీపంలో, గాంధీనగర్‌లో చేపట్టిన ట్యాంకుల నిర్మాణాలు తుదిదశకు చేరుకున్నాయి. బీబీగూడెం, ఆర్కే గార్డెన్‌, హనుమాన్‌నగర్‌ వంటి ప్రాంతాల్లో నిర్మాణాలు ఇప్పటికీ పిల్లర్ల దశలోనే ఉన్నాయి. పనులు ప్రారంభించి రెండేళ్లు దాటుతున్నా ట్యాంకుల నిర్మాణాలు సగం కూడా పూర్తికాకపోవడం అధికా రుల పనితీరుపై ప్రశ్నలు రేకెత్తిస్తోంది. తాగునీటి కొరతకు మోక్షమెప్పుడు.. సూర్యాపేట పట్టణంలోని పలు కాలనీల్లో ఇప్పటికే వేసవి రాకముందే తాగునీటి కొరత వేధిస్తోంది. కొత్త ట్యాంకుల నిర్మాణాలు పూర్తయి, పైపులైన్లు, నల్లా కనెక్షన్లు అందుబాటులోకి వస్తే ప్రజలకు పూర్తిస్థాయిలో తాగునీరు అందుతుంది. కానీ పనుల్లో జాప్యం వల్ల ఆ ఫలితం ప్రజలకు అందడం లేదు. నిర్ణీత గడువైన మార్చి 2027 నాటికై నా ఈ పనులు పూర్తవుతాయా లేదా అనే అనుమానాలు వ్యక్తమవుతున్నాయి. అధికారులు తక్షణమే స్పందించి పనుల్లో వేగం పెంచాలని స్థానికులు కోరుతున్నారు. సూర్యాపేట మున్సిపాలిటీ పరిధిలో పూర్తికాని వాటర్‌ ట్యాంకుల నిర్మాణాలు రెండేళ్లు గడిచినా మూడు ట్యాంకులు ఇంకా పిల్లర్ల దశలోనే.. తీవ్రమవుతున్న తాగునీటి ఎద్దడి పనులు వేగవంతం చేయాలని వేడుకోలు

సూర్యాపేటటౌన్‌: సూర్యాపేట నుంచి జనగామ వెళ్లే ప్రధాన రహదారితో పాటు విజయవాడ – హైదరాబాద్‌ జాతీయ రహదారుల వెంట ఉన్న పలు దాబాలు, కిరాణా దుకాణాలు అక్రమ మద్యం విక్రయాలకు అడ్డాలుగా మారుతున్నాయి. రాత్రి వేళల్లో వాహనదారులు దాబాల వద్ద ఆగి మద్యం సేవించి, అదే మత్తులో వాహనాలు నడుపుతుండటంతో రోడ్డు ప్రమాదాల ముప్పు పొంచి ఉందనే ఆందోళన వ్యక్తమవుతోంది. మద్యం మత్తులో స్టీరింగ్‌ పట్టి వాహనాలు నడుపుతుండటంతో ప్రమాదాలు జరిగి, సదరు డ్రైవర్లతో పాటు ఎదురుగా వచ్చే ఇతర వాహనదారులు, ప్రయాణికుల ప్రాణాలు కూడా గాల్లో దీపాల్లా మారుతున్నాయి. దాబాలే కాకుండా కిరాణా దుకాణాల్లోనూ.. రహదారుల వెంట కేవలం దాబాలే కాకుండా కొన్ని కిరాణా దుకాణాల్లో సైతం మద్యం విక్రయాలు జోరుగా సాగుతున్నాయి. బయటకు సాధారణ కిరాణా షాపులుగా కనిపిస్తున్నా.. లోపల మాత్రం ఎలాంటి అనుమతులు లేకుండా బెల్ట్‌ దుకాణాలు నిర్వహిస్తున్నారు. ముఖ్యంగా రాత్రి వేళల్లో ఈ విక్రయాలు మరీ తీవ్రమవుతున్నాయని స్థానికులు ఆరోపిస్తున్నారు. కొన్ని దాబాల్లోనైతే ఏకంగా ఓపెన్‌గానే ఫ్రిజ్‌లలో బీర్లు ఉంచి అమ్ముతున్నట్లు సమాచారం. తనిఖీలు శూన్యం మద్యం సేవించి వాహనాలు నడపడం ప్రాణాంతకమని పోలీసులు ఒకవైపు అవగాహన కల్పిస్తున్నప్పటికీ, మరోవైపు రహదారుల పక్కనే సులభంగా మద్యం అందుబాటులో ఉంచడం గమనార్హం. దాబాల్లో మద్యం విక్రయాలకు ఎవరు అనుమతిస్తున్నారు? కిరాణా దుకాణాల మాటున బెల్ట్‌ షాపులు ఎలా కొనసాగుతున్నాయి? అని ప్రజలు ప్రశ్నిస్తున్నారు. సంబంధిత శాఖల అధికారులు వెంటనే స్పందించి రాత్రి వేళల్లో ప్రత్యేక తనిఖీలు చేపట్టాలని, అక్రమ విక్రయాలకు అడ్డుకట్ట వేయడంతో పాటు మద్యం తాగి వాహనాలు నడిపే వారిపై కఠిన చర్యలు తీసుకోవాలని కోరుతున్నారు. సూర్యాపేట పరిధిలోని హైవేలపై అక్రమంగా మద్యం విక్రయాలు తాగి స్టీరింగ్‌ పడుతున్న డ్రైవర్లతో పొంచి ఉన్న రోడ్డు ప్రమాదాలు దాబాలు, కిరాణా దుకాణాల్లో మద్యం విక్రయిస్తే సహించేది లేదు రహదారుల వెంట ఉన్న దాబాల్లో మద్యం విక్రయాలు చేస్తే సంబంధిత యజమానులపై కేసులు నమోదు చేసి కఠిన చర్యలు తీసుకుంటాం. దాబాల్లో ఎలాంటి మద్యం విక్రయాలు జరపకూడదు. అలాగే రాత్రి వేళల్లో కిరాణా దుకాణాలు లేదా బెల్టు షాపుల్లో మద్యం విక్రయించినా సహించేది లేదు. – నరసింహ, ఎస్పీ

వినియోగదారులపై ట్రూఅప్‌ చార్జీల పేరిట అదనపు భారంకోదాడ: జిల్లావ్యాప్తంగా ఉన్న విద్యుత్‌ వినియోగదారులపై ఈనెల నుంచి ‘ట్రూఅప్‌ చార్జీల’ పేరుతో అదనపు భారం పడుతోంది. విద్యుత్‌ పంపిణీ సంస్థలు (డిస్కంలు) 2022–23 ఆర్థిక సంవత్సరంలో ఇంధన కొనుగోలు, పంపిణీల వల్ల తమపై పడిన అదనపు వ్యయాన్ని వినియోగదారుల నుంచి వసూలు చేసుకోవడానికి తెలంగాణ విద్యుత్‌ నియంత్రణ మండలి అనుమతి ఇచ్చింది. దీంతో నవంబర్‌ బిల్లులోనే ట్రూఅప్‌ పేరుతో అదనపు మొత్తాన్ని చేర్చి వినియోగదారుల నుంచి వసూలు చేస్తున్నారు. గృహజ్యోతి పథకం కింద నెలకు 200 యూనిట్ల లోపు విద్యుత్‌ను వినియోగిస్తున్న నిరుపేద, మధ్యతరగతి కుటుంబాలకు ఈ చార్జీల నుంచి ఊరట లభించింది. వ్యవసాయ రంగానికి ఉచిత విద్యుత్‌ వాడుతున్న రైతులకు కూడా ట్రూఅప్‌ చార్జీల నుంచి మినహాయింపునిచ్చారు. ఈనెలలో 4 కోట్లు.. డిసెంబర్‌లో 7 కోట్లుజిల్లాలో మొత్తం 3,06,885 గృహ విద్యుత్‌ కనెక్షన్లు ఉండగా.. అందులో 1,79,929 కనెక్షన్లు గృహజ్యోతి కింద ఉన్నాయి. మిగిలిన 1,26,956 సాధారణ గృహ వినియోగదారులు సగటున నెలకు రూ.100 నుంచి రూ.150 వరకు ట్రూఅప్‌ పేరిట అదనంగా చెల్లించాల్సి వస్తోంది. దీనిభారం సుమారు రూ.1.50 కోట్ల వరకు ఉంది. ఇక జిల్లాలోని 30,995 కమర్షియల్‌ కనెక్షన్లదారులు నెలకు రూ.400 నుంచి రూ.500 వరకు చెల్లించాల్సి రాగా, ఇది మరో రూ.1.25 కోట్ల వరకు భారమవుతోంది. జిల్లాలోని 2,812 పరిశ్రమల యజమానులపై నెలకు రూ.2వేల నుంచి రూ.5వేల చొప్పున సుమారు రూ.కోటి వరకు భారం పడుతోంది. నవంబర్‌ నెలలో యూనిట్‌కు 30 పైసల చొప్పున వసూలు చేయడంతోనే జిల్లావ్యాప్తంగా అన్ని వర్గాలపై రూ.4 కోట్ల భారం పడుతోంది. డిసెంబర్‌ నుంచి ఈ చార్జీని యూనిట్‌కు 50 పైసలకు పెంచనుండటంతో పడే అదనపు భారం ఏకంగా నెలకు రూ.7 కోట్ల వరకు చేరుతుందని విద్యుత్‌ శాఖ అధికారులు స్పష్టం చేస్తున్నారు. ఈ బాదుడు ఇంకో నెల రోజులతో ఆగకుండా ఏకంగా 29 నెలల పాటు సాగనుంది. కమర్షియల్‌ దుకాణాల్లో కిరికిరి విద్యుత్‌ ట్రూఅప్‌ చార్జీల వసూలు కమర్షియల్‌ దుకాణాలు, వ్యాపార సముదాయాల్లో కొత్త వివాదాలకు దారితీస్తోంది. 2022–23లో వేరేవాళ్లు వ్యాపారం చేసి ఖాళీ చేయగా, కొత్తగా దుకాణాలను అద్దెకు తీసుకున్న ప్రస్తుత వ్యాపారులు.. గతంలో వాడుకున్న విద్యుత్‌కు ఇప్పుడు తామెందుకు ట్రూఅప్‌ చార్జీలు కట్టాలని ప్రశ్నిస్తున్నారు. కోదాడలోని ఒక బహుళ అంతస్తుల భవనాన్ని గతంలో ఒక షోరూమ్‌ వారు అద్దెకు తీసుకుని భారీగా విద్యుత్‌ వినియోగించారు. ఏడాది క్రితం వారు ఖాళీ చేసి వెళ్లపోగా ప్రస్తుతం ఆ భవనం ఖాళీగానే ఉంది. అయితే ఈ నెలలో సదరు భవన యజమానికి గతంలో వాడుకున్న ట్రూఅప్‌ చార్జీల పేరుతో వేల రూపాయల బిల్లు రావడంతో ఆ యజమాని లబోదిబోమంటున్నాడు. ప్రస్తుతం యూనిట్‌కు 30 పైసలు.. డిసెంబర్‌ నుంచి 50 పైసలకు పెంపు 29 నెలల పాటు కట్టాల్సిందే గృహజ్యోతి, వ్యవసాయ వినియోగదారులకు మినహాయింపుజిల్లాలో విద్యుత్‌ కనెక్షన్‌లు ఇలా.. మొత్తం గృహ విద్యుత్‌ కనెక్షన్‌లు : 3,06,885 ఉచిత విద్యుత్‌ పొందుతున్న గృహ కనెక్షన్లు : 1,79,929 వ్యాపార కనెక్షన్లు : 30,995 పరిశ్రమ కనెక్షన్లు : 2,812 ఉచిత వ్యవసాయ విద్యుత్‌ కనెక్షన్లు : 1,54,220

భానుపురి (సూర్యాపేట) : జిల్లా మత్స్యశాఖ అవినీతి, అక్రమాలకు నిలయంగా మారింది. జిల్లా ఏర్పడిన నాటి నుంచి ఇక్కడ పనిచేసిన ప్రతి అధికారిపైనా ఏదో ఒక రీతిలో అవినీతి ఆరోపణలు వస్తూనే ఉన్నాయి. ఇతర ఏ శాఖలోనూ ఈ స్థాయిలో వరుస ఫిర్యాదులు, ఆరోపణలు వచ్చిన దాఖలాలు లేవు. మత్స్య సొసైటీలలో సభ్యత్వాల నమోదు నుంచి మొదలుకొని చేపల వేటకు అనుమతుల వరకు ప్రతి పనిలోనూ ఈ శాఖ అధికారులు, సిబ్బంది అక్రమాలకు పాల్పడుతున్నారనే విమర్శలు వ్యక్తమవుతున్నాయి. కేవలం ఆరోపణలకే పరిమితం కాకుండా నేరుగా ఏసీబీకి చిక్కడం, సస్పెన్షన్‌కు గురికావడం పరిపాటిగా మారింది. ఇటీవల జిల్లా ఇన్‌చార్జ్‌ మత్స్య శాఖ అధికారి ఆంజనేయస్వామి సస్పెండ్‌ కావడంతో ఈ శాఖ పనితీరుపై మరోసారి తీవ్ర చర్చ మొదలైంది. ఫిర్యాదులు ఎన్నో.. జిల్లా మత్స్య శాఖపై వచ్చిన ఫిర్యాదులు, జరిగిన ఆందోళనలు అన్నీఇన్నీ కావు. జిల్లా ఏర్పడిన ప్రారంభంలో జిల్లా అధికారిగా పనిచేసిన సౌజన్యపై అప్పట్లో పెద్దఎత్తున ఆరోపణలు వచ్చాయి. అర్హతలు లేకున్నా సభ్యత్వాలు ఇస్తున్నారని మత్స్యకారులు నిత్యం కార్యాలయం ఎదుట ఆందోళనలు చేసేవారు. ఆ తర్వాత వచ్చిన రూపేందర్‌ సింగ్‌ కారా్యాలయ సిబ్బంది సహకారంతో అక్రమాలకు పాల్పడుతూ, లంచం తీసుకుంటూ ఏసీబీకి చిక్కారు. అనంతరం వచ్చిన అధికారి సైతం గతంలో ఏసీబీకి చిక్కిన చరిత్ర ఉన్నవారే కావడం గమనార్హం. ఇక సాధారణ బదిలీల్లో భాగంగా ఇన్‌చార్జ్‌ బాధ్యతలు స్వీకరించిన ఆంజనేయస్వామి.. 2024లో ఖమ్మం డీఎఫ్‌ఓగా పనిచేస్తూ అక్రమ సభ్యత్వాల నమోదు, పునరుద్ధరణకు పాల్పడినట్లు రుజువు కావడంతో ఉన్నతాధికారులు ఇటీవల ఆయనను సస్పెండ్‌ చేశారు. ఇలా జిల్లాలో పనిచేసిన అధికారులపై ఆరోపణలు రావడం, ఏసీబీకి చిక్కడం, ఇతర జిల్లాలో పనిచేసిన సమయంలోనూ ఇలాంటి ధోరణి ఉండడంతో సూర్యాపేట మత్స్య శాఖకు శరాఘాతంగా మారింది. ప్రధానంగా జిల్లా మత్స్య శాఖ కార్యాలయంలో పనిచేసే సిబ్బంది ఇక్కడికి వచ్చి అధికారికి అండగా ఉంటూ.. తలా ఇంత వెనకేసుకుంటున్నట్లు తెలుస్తోంది. జిల్లా మత్స్య శాఖలో వెల్లువెత్తుతున్న అవినీతి, అక్రమాల ఆరోపణలు సభ్యత్వాల నమోదు, ఉచిత చేప పిల్లల టెండర్లలో రూ.లక్షల వసూళ్లు గతంలో ఏసీబీకి చిక్కిన డీఎఫ్‌ఓ ఇటీవల సస్పెన్షన్‌కు గురైన మరో అధికారి అక్రమాలు జరుగుతున్నాయిలా.. తెలంగాణ రాష్ట్రం ఏర్పడిన తర్వాత మత్స్యకారులకు ఆర్థిక భరోసా కల్పించేందుకు అప్పటి ప్రభుత్వం ఉచిత చేప పిల్లల పంపిణీ పథకాన్ని ప్రవేశపెట్టింది. అలాగే మత్స్యకారులు చేపలను విక్రయించుకునేందుకు మోపెడ్ల నుంచి టాటా ఏస్‌ వాహనాల వరకు సబ్సిడీపై అందించింది. ఈ క్రమంలో మత్స్య సొసైటీల్లో సభ్యులుగా ఉన్న వారికే ప్రభుత్వ సాయం పొందే అవకాశం ఉండటంతో సభ్యత్వాలకు తీవ్ర డిమాండ్‌ పెరిగింది. దీన్ని ఆసరాగా చేసుకుని ఒక్కో సభ్యత్వానికి రూ.10 వేల వరకు వసూలు చేశారనే విమర్శలున్నాయి. అంతేకాకుండా చేపలు పట్టుకునేందుకు అవసరమైన అనుమతులకు సైతం సొసైటీల నుంచి పెద్ద ఎత్తున వసూళ్లు చేస్తున్నారు. ఉచిత చేప పిల్లల పంపిణీ టెండర్ల ఖరారు నుంచి చెరువుల్లో చేపలను వదిలే వరకు అంతా అక్రమాలే రాజ్యమేలుతున్నాయి. ఇందుకు జిల్లా అధికారులు, కార్యాలయ సిబ్బంది అండదండలు పుష్కలంగా ఉన్నాయనే ఆరోపణలు ఉన్నాయి.

కోదాడ: మిల్లర్లు ప్రభుత్వానికి అప్పగిస్తున్న సీఎంఆర్‌ బియ్యం నాణ్యత విషయంలో అధికారులు ఏమాత్రం రాజీపడొద్దని కలెక్టర్‌ తేజస్‌ నంద్‌లాల్‌ పవార్‌ అధికారులను ఆదేశించారు. బుధవారం కోదాడలోని స్టేట్‌వేర్‌ హౌసింగ్‌ బఫర్‌ గోదాములను ఎస్పీ నరసింహతో కలిసి పరిశీలించారు. ఈ సందర్భంగా బియ్యం శాంపిల్స్‌ తీయించి, నాణ్యత పరీక్షలు చేయించారు. గోదాముల్లో సన్న బియ్యం నిల్వ విషయంలో గోదాం ఇన్‌చార్జి, టెక్నికల్‌ అసిస్టెంట్‌ జాగ్రత్తగా వ్యవహరించాలన్నారు. గోదాముల్లో హమాలీలతో మాట్లాడారు. వారు తమకు లేబర్‌కార్డులను ఇవ్వాలని కోరగా కలెక్టర్‌ సానుకూలంగా స్పందించారు. కలెక్టర్‌ వెంట సివిల్‌ సప్లయ్‌ మేనేజర్‌ శ్రీధర్‌రెడ్డి, ఆర్డీఓ సూర్యనారాయణ, తహసీల్దార్‌ సంతోష్‌కిరణ్‌, గోదాము మేనేజర్‌ సందీప్‌, టెక్నికల్‌ అసిస్టెంట్లు భాస్కర్‌రెడ్డి, అరుణ ఉన్నారు. జలసిరి పనులు వేగవంతం చేయాలి మునగాల: వీబీజీ రామ్‌జీ పథకం కింద చేపట్టిన జలసిరి పనులను వేగవంతం చేయాలని కలెక్టర్‌ తేజస్‌ నంద్‌లాల్‌ పవార్‌ మండల స్థాయి అధికారులను ఆదేశించారు. బుధవారం మునగాల మండలంలోని ఆకుపాముల గ్రామపంచాయతీ పరిధిలో చేపట్టిన జలసిరి పనులను ఆయన తనిఖీ చేశారు. గ్రామంలో నిర్మించిన కమ్యూనిటీ సోక్‌పిట్‌, మ్యాజిక్‌ డ్రైన్స్‌ పనులతో పాటు స్థానిక జెడ్పీ ఉన్నత పాఠశాలలోని రూఫ్‌టాప్‌ ఇంకుడు గుంతల పనులను పరిశీలించారు. మధ్యాహ్న భోజన నాణ్యత, టాయిలెట్ల నిర్వాహణ, పరిశుభ్రతను పరిశీలించి పలు సూచనలు చేశారు. కలెక్టర్‌ వెంట కోదాడ ఆర్డీఓ సూర్యనారాయణ, ఇన్‌చార్జి ఎంపీడీఓ నరేష్‌, తహసీల్దార్‌ సరిత, సర్పంచ్‌ విలాసకవ వసుంధర, ఉపసర్పంచ్‌ నాగేశ్వరరావు, పాఠశాల హెచ్‌ఎం వెంకటేశ్వర్లు ఉన్నారు. ఫ కలెక్టర్‌ తేజస్‌ నంద్‌లాల్‌ పవార్‌

కోదాడ: రాష్ట్రంలోని గ్రామీణ ప్రాంత వాలీబాల్‌ క్రీడాకారులను గుర్తించి ప్రోత్రహించేందుకు ఖేలో ఇండియా బాధ్యులు కృషి చేయాలని ఖేలో ఇండియా వాలీబాల్‌ రాష్ట్ర ఇన్‌చార్జి, అర్జున అవార్డు గ్రహీత రవికాంత్‌రెడ్డి కోరారు. బుధవారం కోదాడకు వచ్చిన ఆయన పలువురు క్రీడాకారులను కలిసి మాట్లాడారు. గ్రామీణ ప్రాంతాల్లో ప్రతిభ ఉన్న క్రీడాకారులు ఎంతో మంది ఉన్నారని, వారిని గుర్తించి తగిన శిక్షణ ఇస్తే పోటీల్లో రాణిస్తారన్నారు. దానికి కావాల్సిన సహాయ సహకారాలను అందించడానికి తాము సిద్ధంగా ఉన్నామన్నారు. కార్యక్రమంలో చందా సుధాకర్‌రెడ్డి, సాజియా, ప్రమోద్‌రెడ్డి, శ్రీలత, శ్రీదేవి, వేణుగోపాల్‌రెడ్డి, శ్రీకాంత్‌రెడ్డి తదితరులు పాల్గొన్నారు. లక్కీ డ్రాల నిర్వహణ చట్టవిరుద్ధం : ఎస్పీ సూర్యాపేటటౌన్‌ : జిల్లాలో ఎలాంటి అనుమతులు లేకుండా లక్కీ డ్రాలు, బహుమతుల పేరుతో డబ్బులు వసూలు చేసే కార్యక్రమాలను నిర్వహించడం చట్టవిరుద్ధమని ఎస్పీ నరసింహ బుధవారం ఒక ప్రకటనలో హెచ్చరించారు. కొంతమంది వ్యక్తులు తక్కువ మొత్తంలో డబ్బులు చెల్లిస్తే విలువైన బహుమతులు, ద్విచక్ర వాహనాలు, కార్లు, బంగారు ఆభరణాలు, ఇతర వస్తువులు గెలుచుకోవచ్చంటూ ప్రజలను ఆకర్షిస్తూ లక్కీ డ్రాల పేరుతో డబ్బులు వసూలు చేస్తున్నట్లు పోలీసుల దృష్టికి వచ్చిందని తెలిపారు. ఇలాంటి పథకాలు ప్రజల ఆర్థిక భద్రతకు తీవ్ర నష్టం కలిగిస్తాయని పేర్కొన్నారు. ప్రభుత్వ అనుమతులు, చట్టబద్ధమైన విధానాలు లేకుండా లక్కీ డ్రాలు, ప్రైజ్‌ చిట్స్‌, అదృష్ట పథకాలు నిర్వహించడం నేరమని, ఇలాంటి వ్యవహారాలపై ప్రైజ్‌ చిట్స్‌ అండ్‌ మనీ సర్క్యూలేషన్‌ స్కీమ్స్‌ యాక్ట్‌, చిట్‌ ఫండ్స్‌ చట్టాల ప్రకారం విచారణ జరిపి కేసులు నమోదు చేస్తామని స్పష్టం చేశారు. ఇది కేవలం ఆర్థిక లావాదేవీలకు సంబంధించిన విషయం మాత్రమే కాదని.. ప్రజల నమ్మకాన్ని ఆసరాగా చేసుకుని వారి కష్టార్జిత సొమ్మును దోచుకునే సామాజిక, ఆర్థిక నేరమని పేర్కొన్నారు.

అర్వపల్లి: జల సంరక్షణకు ప్రతి ఒక్కరూ పాటు పడాలని మండలంలోని పర్సాయపల్లి సర్పంచ్‌ బానోతు సైదులు కోరారు. బుధవారం పర్సాయపల్లి గ్రామంలో నిర్వహించిన హర్‌ ఘర్‌ జల్‌ కార్యక్రమంలో భాగంగా జల్‌ జీవన్‌ మిషన్‌ ఆధ్వర్యంలో ప్రజలకు నీటి పొదుపుపై అవగాహన కల్పించారు. అనంతరం ఆయన మాట్లాడుతూ గ్రామంలో ప్రతి ఇంటికి స్వచ్ఛమైన నీటిని అందిస్తున్నట్లు చెప్పారు. ఈ సందర్భంగా ర్యాలీ నిర్వహించారు. కార్యక్రమంలో ఉపసర్పంచ్‌ రామదాసు, కార్యదర్శి స్రవంతి, వార్డు సభ్యులు, మహిళలు పాల్గొన్నారు.

ఫ బినామీల పేరుతో భారీగా కొత్త రైస్‌మిల్లుల ఏర్పాటు ఫ మంతనాలకు కోదాడలో కార్యాలయం ఏర్పాటు చేసుకున్న అధికారి మిల్లర్లకు సీఎంఆర్‌ కేటాయించే సమయంలో జిల్లా సివిల్‌ సప్లయ్‌ అధికారి, జిల్లా మేనేజర్‌, స్థానిక తహసీల్దార్‌, మిల్లర్‌తో కలిసి ఒక కమిటీ ఏర్పాటవుతుంది. కేటాయించిన ధాన్యం పక్కదారి పట్టకుండా, అక్రమాలకు పాల్పడితే ఎన్‌ఫోర్స్‌మెంట్‌ టాస్క్‌ఫోర్స్‌ కమిటీ పర్యవేక్షించాల్సి ఉంటుంది. అయితే జిల్లా స్థాయి అధికారులతో పాటు ఎన్‌ఫోర్స్‌మెంట్‌ టాస్క్‌ ఫోర్స్‌ సభ్యులు కూడా మిల్లర్లతో కుమ్మక్కవడంతో కిందిస్థాయి అధికారులు పట్టించుకోవడం మానేశారు. ఈ అక్రమాలపై ఫిర్యాదులు వెల్లువెత్తడంతో ఇటీవల రంగంలోకి దిగిన విజిలెన్స్‌ అధికారులు.. జిల్లాలో 43 మిల్లుల్లో దాదాపు రూ.660 కోట్ల వరకు సీఎంఆర్‌ బకాయిలు ఉన్నట్లు గుర్తించి, మిల్లర్లకు సహకరించిన అధికారులపై చట్టపరమైన చర్యలకు రంగం సిద్ధం చేస్తున్నారు. కోదాడ: ప్రభుత్వం రైతుల నుంచి సేకరించి ఇచ్చిన వందల కోట్ల రూపాయల కస్టమ్‌ మిల్లింగ్‌ ధాన్యం (సీఎంఆర్‌) మాయం చేసిన డిఫాల్టు మిల్లర్లు సరికొత్త దందాకు తెరలేపారు. ఒక జిల్లాలో డిఫాల్టర్‌గా మారిన మిల్లర్‌.. పక్క జిల్లాలో బినామీల పేరుతో భారీఎత్తున కొత్త మిల్లులను ఏర్పాటు చేయడమే కాకుండా, సిక్‌ ఇండస్ట్రీస్‌ను లీజుకు తీసుకుంటూ దందాను మళ్లీ మొదలుపెట్టారు. సివిల్‌ సప్లయ్‌ శాఖలో పనిచేస్తున్న అధికారులతో ఉన్న పాత పరిచయాలను అడ్డుపెట్టుకుని మరోసారి కోట్ల రూపాయల సీఎంఆర్‌ ధాన్యాన్ని కేటాయింపు చేసుకున్నారు. ఇందుకోసం అధికారులకు లక్షల రూపాయలు ముడుపుల రూపంలో చెల్లించినట్లు ఇటీవల విజిలెన్స్‌ అధికారులు చేసిన దాడుల్లో బయటపడడం ఆందోళన కలిగిస్తోంది. సంవత్సరాల తరబడి సీఎంఆర్‌ ధాన్యాన్ని పక్కదారి పట్టిస్తున్న మిల్లర్లకు తిరిగి ధాన్యం కేటాయించడంలో ఇంటిదొంగల హస్తం స్పష్టంగా ఉంది. ఈ వ్యవహారంలో కీలకంగా వ్యవహరించిన సివిల్‌ సప్లై శాఖకు చెందిన ఓ అధికారి కోదాడలోనే ప్రైవేట్‌ కార్యాలయాన్ని ఏర్పాటు చేసుకుని చక్రం తిప్పినట్లు విజిలెన్స్‌ అధికారులు గుర్తించారు. ఒక్కడే ఎనిమిది మిల్లుల్లో భాగస్వామి కోదాడ పట్టణంలో భారీగా సీఎంఆర్‌ బకాయిలు పడ్డ మిల్లర్‌కు చెందిన బంధువులు, బినామీల పేరుతో యాదాద్రి భువనగిరి జిల్లాలో నాలుగు మూతపడ్డ మిల్లులను లీజుకు తీసుకున్నారు. అధికారులతో ఉన్న పరిచయాలతో మరోసారి భారీగా సీఎంఆర్‌ ధాన్యం కేటాయింపులు పొందారు. గతంలో సూర్యాపేట జిల్లాలో పనిచేసిన సదరు అధికారి ప్రస్తుతం యాదాద్రి జిల్లాలో పనిచేస్తుండటంతో అక్కడ తన బినామీల ద్వారా దందా నడిపించినట్లు తోటి మిల్లర్లే బహిరంగంగా చర్చించుకుంటున్నారు. ఈ విషయాన్ని ఎన్‌ఫోర్స్‌మెంట్‌ టాస్క్‌ఫోర్స్‌ అధికారులు గుర్తించినప్పటికీ, వారినీ ప్రసన్నం చేసుకుంటూ తన దందాను కొనసాగిస్తున్నారు. పది రోజుల క్రితం విజిలెన్స్‌ దాడుల్లో ఈ అక్రమాలన్నీ ఒక్కటొకటిగా వెలుగు చూశాయి. అనుమతులు లేకున్నా రూ.కోట్లలో కేటాయింపులు కోదాడ మండల పరిధిలోని ఓ గ్రామంలో రైస్‌మిల్లు ఏర్పాటు చేసిన వ్యాపారికి ఏకంగా రూ.34 కోట్ల ధాన్యాన్ని అధికారులు కేటాయించారు. సదరు వ్యాపారి ఆ ధాన్యాన్ని బహిరంగ మార్కెట్‌లో విక్రయించేశాడు. ఆలస్యంగా గుర్తించిన అధికారులు నామమాత్రపు ఫిర్యాదులు చేసి చేతులు దులుపుకున్నారు. పోలీసులు సైతం అతను ముందస్తు బెయిల్‌ తెచ్చుకునే వరకు అరెస్ట్‌ చేయకుండా సహకరించారనే ఆరోపణలున్నాయి. మిల్లు ఆస్తులపై బ్యాంకు లోన్‌ ఉండటంతో బ్యాంక్‌ అధికారులు మిల్లును స్వాధీనం చేసుకున్నారు. అయితే, ఇదే మిల్లర్‌ మరికొందరితో కలిసి తిరిగి అదే మండల పరిధిలో మరో భారీ రైస్‌మిల్లును ఏర్పాటు చేయగా, అధికారులు మళ్లీ భారీగా సీఎంఆర్‌ ధాన్యం కేటాయించడం గమనార్హం. అదేవిధంగా హుజూర్‌నగర్‌ నియోజకవర్గ పరిధిలోని మేళ్లచెరువులో ఉన్న ఓ రైస్‌మిల్లుకు జిల్లాకు చెందిన సివిల్‌ సప్లయ్‌ అధికారి ఏకంగా రూ.87 కోట్ల విలువైన సీఎంఆర్‌ ధాన్యం కేటాయించారు. వాస్తవానికి ఆ మిల్లుకు అంత సామర్థ్యం లేకున్నా.. సదరు అధికారి భారీగా దండుకుని నిబంధనలను తుంగలో తొక్కి ధాన్యం కట్టబెట్టాడని విజిలెన్స్‌ గుర్తించి, కేసులు నమోదు చేసి అరెస్ట్‌ చేశారు.

జై కిసాన్‌ నల్లగొండలో జరగనున్న ఏఐకేఎంఎస్‌ జాతీయ మహాసభల సందర్భంగా సూర్యాపేటలో తెలంగాణ రైతు సంఘం జిల్లా కమిటీ ఆధ్వర్యంలో 36 ట్రాక్టర్లతో భారీ ర్యాలీ నిర్వహించారు. కొత్త బస్టాండ్‌ సమీపంలోని బాలాజీ రైస్‌ మిల్‌ నుంచి ప్రారంభమైన ర్యాలీ కొత్త బస్టాండ్‌, శంకర్‌ విలాస్‌ సెంటర్‌, వాణిజ్య భవన్‌, పొట్టి శ్రీరాములు సెంటర్‌, పూల సెంటర్‌, పోస్ట్‌ ఆఫీస్‌ మీదుగా ఎన్టీఆర్‌ పార్క్‌ వరకు సాగింది. సూర్యాపేటలో నిర్వహించిన ట్రాక్టర్ల ర్యాలీలో ఐద్వా రాష్ట్ర ప్రధాన కార్యదర్శి మల్లు లక్ష్మి, రైతు సంఘం నాయకులు సూర్యాపేట (భానుపురి) : ఆర్టీసీ ఉద్యోగులపై దాడులు చేయడం హేయమైన చర్య అని తెలంగాణ వర్కర్స్‌ యూనియన్‌ రాష్ట్ర కార్యదర్శి సుంకరి శ్రీనివాస్‌ అన్నారు. ఓ ప్రయాణికురాలు బస్సులో నుంచి తోసివేసిన ఘటనలో గాయపడిన మహిళా కండక్టర్‌ గుండ్ల ప్రవళిక చికిత్స పొందుతూ మంగళవారం రాత్రి మృతి చెందగా.. బుధవారం జిల్లా కేంద్రంలోని ఆర్టీసీ డిపో గేటు ఎదుట నల్ల బ్యాడ్జీలతో నిరసన తెలిపారు. ఈ సందర్భంగా సుంకరి శ్రీనివాస్‌ మాట్లాడుతూ.. ఆర్టీసీ బస్సుల్లో ప్రయాణిస్తున్న ప్రయాణికుల రద్దీకి అనుగుణంగా బస్సుల సంఖ్య పెంచాలన్నారు. ఆర్టీసీ సిబ్బందిపై దాడి చేసిన వారికి కఠిన శిక్షలు పడేలా రాష్ట్ర ప్రభుత్వం చర్యలు తీసుకోవాలన్నారు. మహిళా కండక్టర్‌ ప్రవళిక కుటుంబానికి 5 ఎకరాల భూమి, రూ.ఐదు కోట్ల ఎక్స్‌గ్రేషియా అందజేయాలన్నారు. ఎస్‌డబ్ల్యూఎఫ్‌ నల్లగొండ రీజియన్‌ కార్యదర్శి బత్తుల సుధాకర్‌ మాట్లాడుతూ.. ఆర్టీసీ ఉద్యోగులకు రక్షణ కరువవుతుందని, ప్రభుత్వం రక్షణ చర్యలు చేపట్టాలని డిమాండ్‌ చేశారు. కార్యక్రమంలో తెలంగాణ వర్కర్స్‌ యూనియన్‌ నల్లగొండ రీజియన్‌ జాయింట్‌ సెక్రెటరీ బుచ్చయ్య, సూర్యాపేట డిపో కార్యదర్శి మాచర్ల భాస్కర్‌, సూర్యాపేట డిపో చైర్మన్‌ ఎండీ అబ్దుల్‌ గని, ఎంఆర్‌ స్వామి, ఆర్‌ఆర్‌ రావు, మాచర్ల లచ్చయ్య, సేవియా, మంజుల, పుష్పలత, సుస్మిత, జీవిత, ఇందిర పాల్గొన్నారు. ఫ తెలంగాణ వర్కర్స్‌ యూనియన్‌ రాష్ట్ర కార్యదర్శి సుంకరి శ్రీనివాస్‌

నడిగూడెం : నడిగూడెం మండల పరిధిలోని నాగార్జునసాగర్‌ ఎడమ కాల్వ కట్టల నిర్వహణ కరువై అధ్వానంగా మారాయి. పలు చోట్ల పెద్ద ఎత్తున గుంతలు ఏర్పడి, కట్టకు ఇరువైపులా కంప చెట్లు విపరీతంగా పెరిగాయి. దీంతో స్థానిక ప్రజలు, రైతుల రాకపోకలకు తీవ్ర విఘాతం కలుగుతోంది. నీటి పారుదల శాఖ అధికారులు ఎప్పటికప్పుడు మరమ్మతులు చేపడుతున్నామని చెబుతున్నా క్షేత్రస్థాయిలో పరిస్థితులు అందుకు భిన్నంగా ఉన్నాయి. గుంతలమయం.. రాకపోకలు నరకప్రాయం నడిగూడెం మండల కేంద్రం సమీపంలోని కృష్ణానగర్‌ డీప్‌కట్‌ నుంచి రామాపురం, చాకిరాల, సిరిపురం గ్రామాల మీదుగా జిల్లా సరిహద్దులోని కాగితరామచంద్రాపురం వరకు నాగార్జున సాగర్‌ ఎడమ కాల్వ విస్తరించి ఉంది. కాల్వకు ఇరువైపులా కట్టలు ఉండగా.. ఈ మార్గాల్లో అనేక చోట్ల లోతైన గుంతలు ఏర్పడ్డాయి. సిరిపురం డీప్‌కట్‌ సమీపంలో కాల్వ కట్టపై పలు చోట్ల రైతు మోటార్ల నీరు ప్రవహిస్తుండటంతో బుంగలు పడి రహదారి గుల్లగా మారింది. చిన్న వర్షం పడినా కట్టంతా బురదమయంగా మారుతోంది. దీనికితోడు కాల్వ ఎడమ కట్ట వైపు రహదారికి ఇరువైపులా కంపచెట్లు దట్టంగా అల్లుకుపోయాయి. కృష్ణానగర్‌ డీప్‌కట్‌ నుంచి రామాపురం వరకు, చాకిరాల నుంచి సిరిపురం వరకు రహదారి దెబ్బతిని గుంతలు, బురదతో నిండిపోవడంతో ద్విచక్రవాహనాలు, ఎడ్లబండ్లు, ట్రాక్టర్లతో వెళ్లే రైతులు తీవ్ర అవస్థలు పడుతున్నారు. ఇప్పటికై నా సంబంధిత అధికారులు స్పందించి కట్టపై శాశ్వత మరమ్మతులు చేపట్టి, ముళ్లకంపలను తొలగించాలని స్థానిక రైతులు కోరుతున్నారు. ఫ నడిగూడెం పరిధిలో గుంతలమయంగా సాగర్‌ ఎడమ కాల్వ కట్ట ఫ చాకిరాల సమీపంలో వంతెన ధ్వంసం

5-11-2026రోడ్డుపై గుంత.. బస్తాతో గుర్తు సూర్యాపేట నుంచి దంతాలపల్లి వెళ్లే ప్రధాన రహదారిలోని కుడకుడ రోడ్డుపై ఏర్పడిన భారీ గుంత ప్రమాదకరంగా మారింది. నిత్యం వందలాది వాహనాలు రాకపోకలు సాగించే ఈ రోడ్డులో ఏర్పడిన గుంతను పూడ్చాల్సింది పోయి అధికారులు పట్టించుకోకపోవడంతో.. స్థానికులే స్వయంగా బస్తాను గుర్తుగా పెట్టారు. ప్రమాదం జరగకముందే సంబంధిత అధికారులు స్పందించి గుంతను పూడ్చాలని వాహనదారులు, స్థానిక ప్రజలు విజ్ఞప్తి చేస్తున్నారు. – సాక్షి స్టాఫ్‌ ఫొటోగ్రాఫర్‌, సూర్యాపేట

సూర్యాపేట (భానుపురి) : మురసు తుఫాన్‌ ప్రభావంతో భారీ వర్షాలు కురిసే అవకాశం ఉందని కలెక్టర్‌ తేజస్‌ నంద్‌లాల్‌ పవార్‌ తెలిపారు. మంగళవారం కలెక్టరేట్‌లో వివిధ శాఖల అధికారులతో సమీక్ష సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ.. జిల్లావ్యాప్తంగా ప్రజలు అప్రమత్తంగా ఉండాలని సూచించారు. ముఖ్యంగా కోదాడ, హుజూర్‌నగర్‌ డివిజన్లలో భారీ వర్షాలు పడే అవకాశం ఉందన్నారు. వర్షాల నేపథ్యంలో ప్రజలు అత్యవసరమైతే తప్ప బయటకు రావొద్దని సూచించారు. అవసరం లేని ప్రయాణాలను వాయిదా వేసుకోవాలన్నారు. వాతావరణ పరిస్థితులను దృష్టిలో పెట్టుకొని ప్రజలు జాగ్రత్తలు పాటించాలని, అధికారుల సూచనలను అనుసరించాలని కలెక్టర్‌ విజ్ఞప్తి చేశారు. సమావేశంలో అదనపు కలెక్టర్‌ హరిసింగ్‌, డీఆర్‌ఓ ప్రేమ్‌ రాజు, డీపీఓ యాదగిరి, డీఎస్‌ఓ మోహన్‌బాబు పాల్గొన్నారు. టెట్‌ మాక్‌ టెస్ట్‌కు ఐదు కేంద్రాలు సూర్యాపేట (సూర్యాపేటటౌన్‌) : టీజీ టెట్‌ ఇన్‌ సర్వీస్‌ టీచర్స్‌ పరీక్షకు దరఖాస్తు చేసుకున్న ఉపాధ్యాయులకు కంప్యూటర్‌ ఆధారిత పరీక్ష (సీబీటీ) విధానంపై అవగాహన కల్పించడంతో పాటు ప్రాక్టీస్‌ కోసం జిల్లా విద్యాశాఖ ఆధ్వర్యంలో ఈనెల 5 నుంచి 10 వరకు మాక్‌ టెస్ట్‌ నిర్వహించనున్నట్లు జిల్లా విద్యాశాఖ అధికారి చావా శ్రీనివాసరావు తెలిపారు. జిల్లాలో ఐదు పరీక్షా కేంద్రాలను ఏర్పాటు చేసినట్లు పేర్కొన్నారు. పీఎంశ్రీ జెడ్పీహెచ్‌ఎస్‌ కోదాడ, శ్రీ గురుకులం హుజూర్‌నగర్‌, స్వామి నారాయణ హైస్కూల్‌ దురాజ్‌పల్లి, ఎమ్మెస్సార్‌ హైస్కూల్‌ దురాజ్‌పల్లి, జెడ్పీహెచ్‌ఎస్‌ ఈటూరు కేంద్రాల్లో మాక్‌ టెస్ట్‌ నిర్వహించనున్నట్లు వివరించారు. ఉపాధ్యాయులు ఈ ఐదు కేంద్రాల్లో తమకు అనుకూలమైన ఏదో ఒక కేంద్రాన్ని సందర్శించి మాక్‌ టెస్ట్‌ రాయొచ్చని తెలిపారు. ఇందుకు సంబంధించిన వివరాలు తెలంగాణ పాఠశాల విద్యాశాఖ వెబ్‌సైట్‌ https://schoo ledu.telangana.gov.in లో అందుబాటులో ఉంటాయని పేర్కొన్నారు. విద్యుత్‌ సమస్యల పరిష్కారానికి కృషిసూర్యాపేట అర్బన్‌ : విద్యుత్‌ వినియోగదారులు ఎదుర్కొంటున్న దీర్ఘకాలిక సమస్యలకు పరిష్కారం చూపేందుకు కృషి చేస్తామని సూపరింటెండెంట్‌ ఇంజనీర్‌ ఆపరేషన్‌ సర్కిల్‌ యాదగిరి అన్నారు. మంగళవారం జిల్లా కేంద్రంలోని జమ్మిగడ్డ విద్యుత్‌ శాఖ సర్కిల్‌ కార్యాలయంలో ఏర్పాటు చేసిన విద్యుత్‌ వినియోగదారుల సమస్యల పరిష్కార వేదికలో వినియోగదారుల నుంచి ఫిర్యాదులు స్వీకరించి మాట్లాడారు. తమ దృష్టికి వచ్చిన ప్రతి ఫిర్యాదును నమోదు చేసుకుని నేరుగా ఫిర్యాదుదారునికి సమాధానం తెలియజేస్తామని తెలిపారు. ఎల్‌నినో ప్రభావం దృష్ట్యా విద్యుత్‌ను పొదుపు చేసుకోవాల్సిన ఆవశ్యకత ఉందన్నారు. కొత్తగా ట్రాన్స్‌ఫార్మర్లు, కరెంటు స్తంభాలు ఏర్పాటు చేయాలని, గృహాల్లో సమస్య ఉందని వినియోగదారులు ఫిర్యాదులు అందజేశారని, ఉన్నతాధికారుల దృష్టికి తీసుకెళ్లి సమస్య పరిష్కారానికి కృషి చేస్తామని చెప్పారు. కార్యక్రమంలో డివిజన్‌ టెక్నికల్‌ ఇంజనీర్‌ ఆపరేషన్‌ సూర్యాపేట అధికారి వెంకటకృష్ణ, ఎస్‌ ఏఓ సత్యనారాయణ, ఏడీఈ శ్రీనివాస్‌, ఏఈలు, లైన్‌మెన్లు, సిబ్బంది, విద్యుత్‌ వినియోగదారులు పాల్గొన్నారు. విశేషంగా లక్ష్మీనారసింహుడి నిత్యకల్యాణంమఠంపల్లి: మట్టపల్లి దేవాలయంలో రాజ్యలక్ష్మి చెంచులక్ష్మి సమేత లక్ష్మీనరసింహస్వామి నిత్య కల్యాణాన్ని మంగళవారం అర్చకులు వేదమంత్రాలతో విశేషంగా నిర్వహించారు. ఈసందర్భంగా ఆలయంలో సుప్రభాత సేవ, నిత్యహోమం, మూలవిరాట్‌కు పంచామృతాభిషేకం జరిపించారు. అనంతరం నూతన పట్టు వస్త్రాంలకరణతో స్వామి అమ్మవార్లను అలంకరించి ఎదుర్కోళ్ల మహోత్సవం నిర్వహించారు. కల్యాణతంతు, విష్వక్సేనారాధన, పుణ్యాహవచన, రక్షాబంధనం, రుత్విగ్వరణం, మధుఫర్కపూజ, మాంగల్యధారణ పూర్తిగావించారు. అనంతరం శ్రీస్వామి అమ్మవార్లను గరుడవాహనంపై ప్రతిష్టించి ఆలయ తిరుమాడ వీధుల్లో ఊరేగించారు.

కోదాడ : కోదాడ పట్టణంలో కోట్ల రూపాయల విలువైన ప్రభుత్వ స్థలాలు ఆక్రమణకు గురవుతున్నా యి. ఈ వ్యవహారంపై స్థానికులు ఫిర్యాదులు చేస్తు న్నా మున్సిపల్‌ అధికారులు ఎలాంటి చర్యలు తీసుకోవడం లేదనే ఆరోపణలు వినిపిస్తున్నాయి. ప్రభు త్వ స్థలాలు ఆక్రమణకు గురికాకుండా కాపాడాలని కలెక్టర్‌ స్వయంగా ఆదేశించినా కోదాడలో మున్సి పల్‌, రెవెన్యూ అధికారులు పట్టించుకోకపోవడంలో ఆంతర్యమేమిటో అర్థంకాని పరిస్థితి నెలకొంది. రూ.5కోట్ల స్థలం ఆక్రమించినా.. కోదాడ పట్టణం నడిబొడ్డున ఆజాద్‌ నగర్‌లో ప్రస్తుత ప్రాథమిక సహకార సంఘం భవనం సమీపంలో కోదాడ వ్యవసాయ శాఖకు 500 గజాల స్థలం ఉంది. ప్రస్తుతం ఇక్కడ గజం స్థలం రూ.లక్షకుపైగానే పలుకుతోంది. దీనిలో 50 ఏళ్ల క్రితం వ్యవసాయ శాఖ అధికారులు గోదాము నిర్మించి దానిలో విత్తనాలను నిల్వ చేసేవారు. కాలక్రమేణా పట్టణం విస్తరించడంతోపాటు ఈ గోదాము శిథిలావస్థకు చేరడంతో వాడకుండా వదిలేశారు. ఇదే అదునుగా కొందరు గోదాము ముందు చిన్నచిన్న దుకాణాలు ఏర్పాటు చేసుకొని వ్యాపారం చేసుకొనేవారు. ఆ తర్వాత గోదాములో కొంత భాగాన్ని కూల్చివేసి పక్కా నివాసాన్ని ఏర్పాటు చేసుకున్నారు. దీనికి మున్సిపాలిటీ పన్ను కట్టించుకుంటుండగా, విద్యుత్‌ శాఖ కనెక్షన్‌ ఇచ్చింది. వీటిని పట్టుకొని సదరు ఆక్రమణదారులు స్థలం మాదేనని చెప్పుకుంటున్నారు. ఇటీవల దీనిపై ఆరోపణలు రావడంతో విచారించి స్థలాన్ని స్వాధీనం చేసుకోవాలని, అవసరమైతే దానికి విద్యుత్‌ కనెక్షన్‌ తొలగించి, నీటిసరఫరా ఆపివేయాలని ఆదేశించారు. కానీ, స్థానిక అధికారులు కనీస చర్యలు తీసుకున్న దాఖలాలు లేవు. ఫ కోదాడలో ప్రభుత్వ స్థలాల్లో అక్రమార్కుల పాగా ఫ కలెక్టర్‌ ఆదేశాలిచ్చినా చర్యలు తీసుకోని అధికారులు ఫ ప్రజా ఫిర్యాదులూ బుట్టదాఖలు ఈ ఫొటోలో కనిపిస్తున్నది కోదాడ పట్టణంలోని యాదవ బజార్‌లో ఉన్న పాత గ్రంథాలయ స్థలం. గ్రంథాలయ భవనం శిథిలావస్థకు చేరడంతో పదేళ్ల క్రితం కూల్చివేశారు. అప్పటి నుంచి ఆ స్థలం ఖాళీగా ఉంటుండడంతో ఈ ఏడాది మే నెలలో స్థానిక ఓ ప్రజాప్రతినిధి భారీ డబ్బా కొట్టును తీసుకొచ్చి సదరు స్థలంలో పెట్టాడు. ఈ స్థలాన్ని ఆక్రమించడానికే చూస్తున్నాడని ఆ వార్డుకు చెందిన పలువురు మున్సిపల్‌ అధికారులకు ఫిర్యాదు చేసి ఆరు నెలలవుతుంది. అయినా మున్సిపల్‌ అధికారులు నేటికీ ఆ డబ్బా కొట్టును తొలగించలేదు. దీంతో ఆక్రమణకు అధికారులు ఆమోదముద్ర వేశారని ఆరోపణలు వినిపిస్తున్నాయి. కోదాడలో వ్యవసాయ శాఖ డివిజన్‌ కార్యాలయం ఉంది. ఇక్కడ ఏడీఏతోపాటు ఏఓలు, ఏఏఓలు ఉన్నారు. వీరికి కనీస కార్యాలయం లేదు. గతేడాది వరకు కోదాడ పశువుల సంత వద్ద ఉన్న రైతు విశ్రాంతి భవనంలో ఈ కార్యాలయం కొనసాగింది. ఇది శిథిలావస్థకు చేరడంతో సంవత్సరం క్రితం గుడిబండ రోడ్డులో ఉన్న రెవెన్యూ గెస్ట్‌హౌస్‌లోకి మార్చారు. పట్టణ నడిబొడ్డున ఉన్న తమ విలువైన స్థలాన్ని ఇతరులు ఆక్రమిస్తున్నా పట్టించుకోకుండా వదిలేసిన వ్యవసాయ శాఖ అధికారులు ఇతరశాఖల కార్యాలయాల్లో కాలం వెల్లదీస్తున్నారు. పట్టణ నడిబొడ్డున ఉన్న ఈ స్థలాన్ని స్వాధీనం చేసుకొని అక్కడ కార్యాలయాన్ని నిర్మించుకుంటే ప్రజలకు అందుబాటులో ఉండడంతో పాటు ప్రభుత్వ స్థలం కాపాడుకున్నట్లు అవుతుందని పలువురు అంటున్నారు.

తుంగతుర్తి: నల్లగొండలో ఈనెల 15 నుంచి 18 వరకు నిర్వహించనున్న అఖిల భారత రైతు సంఘం జాతీయ మహాసభలను విజయవంతం చేయాలని తెలంగాణ రైతు సంఘం రాష్ట్ర ఉపాధ్యక్షుడు మల్లు నాగార్జున రెడ్డి పిలుపునిచ్చారు. మంగళవారం మండల పరిధిలోని అన్నారం గ్రామంలో మహాసభల ప్రచార కార్యక్రమంలో పాల్గొని మాట్లాడారు. 15న నిర్వహించే భారీ బహిరంగ సభకు పార్టీలకు అతీతంగా రైతులు, వ్యవసాయ కార్మికులు, అన్ని అనుబంధ సంఘాల ప్రజలు వేలాదిగా తరలిరావాలని విజ్ఞప్తి చేశారు. వ్యవసాయాన్ని కార్పొరేట్‌ శక్తులకు కట్టబెట్టే కుట్రలపై రైతులంతా ఐక్యంగా పోరాడాలన్నారు. అప్పుల ఊబిలో ఉన్న రైతులకు ఏకకాలంలో పూర్తి రుణమాఫీ చేసి, నూతన రుణాలు అందించాలని కోరారు. వ్యవసాయానికి నాణ్యమైన ఉచిత విద్యుత్‌తో పాటు సకాలంలో ఎరువులు, విత్తనాలు సబ్సిడీపై సరఫరా చేయాలన్నారు. ప్రకృతి వైపరీత్యాలతో నష్టపోయిన రైతులకు తక్షణమే పంట బీమా నష్టపరిహారం చెల్లించాలని డిమాండ్‌ చేశారు. రైతాంగ వ్యతిరేక విధానాలపై చర్చించి, భావి ఉద్యమ కార్యాచరణ రూపొందించడానికి ఈ మహాసభలు వేదిక కానున్నాయని నాగార్జున రెడ్డి తెలిపారు. కార్యక్రమంలో రైతు సంఘం రాష్ట్ర కమిటీ సభ్యుడు కొలిశెట్టి యాదగిరిరావు, సీపీఎం మండల కార్యదర్శి బుర్ర శ్రీనివాస్‌, రైతు సంఘం జిల్లా నాయకుడు పల్లా సుదర్శన్‌, సీపీఎం గ్రామ కార్యదర్శి పాలబిందెల జానయ్య, బంధు సోమయ్య, కందుకూరి చంద్రయ్య పాల్గొన్నారు. ఫ రైతు సంఘం రాష్ట్ర ఉపాధ్యక్షుడు మల్లు నాగార్జున రెడ్డి

సూర్యాపేట అర్బన్‌: సూర్యాపేటను కరువు జిల్లాగా ప్రకటించాలని సీపీఐ జాతీయ కార్యదర్శి పల్లా వెంకట్‌రెడ్డి అన్నారు. మంగళవారం జిల్లా కేంద్రంలో ధర్మ భిక్షం భవనంలో సీపీఐ జిల్లా కార్యవర్గ సమావేశంలో ఆయన మాట్లాడారు. ప్రభుత్వం కొన్ని మండలాలనే కరువు ప్రాంతాలుగా ప్రకటించి చేతులు దులుపుకుందన్నారు. కరువు జిల్లాగా ప్రకటించాలని డిమాండ్‌ చేస్తూ.. ఈనెల 10న కలెక్టరేట్‌ ఎదుట ధర్నాకు సన్నద్ధం కావాలని పిలుపునిచ్చారు. ఎమ్మెల్సీ నెల్లికంటి సత్యం మాట్లాడుతూ.. కేంద్ర ప్రభుత్వం కరువు జిల్లాలకు నిధులను తక్షణం అందించాలని, నష్టపోయిన రైతాంగానికి పరిహారం అందించాలన్నారు. బియ్యం ధరలను అదుపులో ఉంచాలన్నారు. ఎల్లావుల రాములు అధ్యక్షతన నిర్వహించిన సమావేశంలో సీపీఐ రాష్ట్ర కార్యవర్గ సభ్యులు బొమ్మగాని ప్రభాకర్‌, బెజవాడ వెంకటేశ్వర్లు, రాష్ట్ర కమిటీ సభ్యులు ఉస్తెల నారాయణరెడ్డి, ధూళిపాల ధనంజయ నాయుడు, జిల్లా కార్యవర్గ సభ్యులు మేకల శ్రీనివాస్‌ రావు, మండవ వెంకటేశ్వర్లు, ఎల్లంల యాదగిరి, కంబాల శ్రీనివాస్‌, ఎస్కే లత్తు, బద్దం కష్ణారెడ్డి, హనుమంతరావు, బూర వెంకటేశ్వర్లు, గుండు వెంకటేశ్వర్లు, సాయి బెల్లి తదితరులు పాల్గొన్నారు. ఫ సీపీఐ జాతీయ కార్యదర్శి పల్లా వెంకట్‌రెడ్డి

కుట్టు మిషన్ల మంజూరు కోసం మున్సిపల్‌ కమిషనర్లు, ఎంపీడీఓల ఆధ్వర్యంలో జిల్లావ్యాప్తంగా దరఖాస్తులు స్వీకరించాం. ప్రభు త్వ మార్గదర్శకాల ప్రకారం ప్రత్యేక కమిటీ ఆధ్వర్యంలో ఎంపిక ప్రక్రియ జరుగుతుంది. ప్రభుత్వం ఆమోదించిన అనంతరం లబ్ధిదారులకు కుట్టు మిషన్లు పంపిణీ చేస్తాం. – విశాల్‌ ధారా, జిల్లా బీసీ సంక్షేమ అధికారి సూర్యాపేట అర్బన్‌: జిల్లాలోని వెనుకబడిన తరగతులకు (బీసీ) చెందిన పేద మహిళలకు సొంతంగా జీవనోపాధి కల్పించే దిశగా రాష్ట్ర ప్రభుత్వం అడుగులు వేస్తోంది. అందులో భాగంగా బీసీ కార్పొరేషన్‌ సమర్పించిన ప్రతిపాదనలను ఆమోదించి ఇందిరమ్మ కుట్టు మిషన్ల పేరిట మహిళల నుంచి దరఖాస్తులు స్వీకరించింది. ప్రభుత్వ మార్గదర్శకాల ప్రకారం పారదర్శకంగా అర్హులైన లబ్ధిదారుల ఎంపిక ప్రక్రియను పూర్తి చేసి త్వరలోనే కుట్టుమిషన్లు పంపిణీ చేసేందుకు జిల్లా యంత్రాంగం సన్నాహాలు చేస్తోంది. ప్రత్యేక కమిటీ ఆధ్వర్యంలో దరఖాస్తుల వడపోత అర్హులైన లబ్ధిదారులను ఎంపిక చేసేందుకు ప్రభుత్వం జిల్లా స్థాయిలో ఎనిమిది మంది సభ్యులతో ప్రత్యేక కమిటీని ఏర్పాటు చేసింది. కలెక్టర్‌ చైర్మన్‌గా, డీఆర్‌డీఓ కన్వీనర్‌గా నియమితులయ్యారు. పరిశ్రమల శాఖ జీఎం, జిల్లా బీసీ సంక్షేమ శాఖ అధికారి, దివ్యాంగుల శాఖ ఏడీ, లీడ్‌ బ్యాంక్‌ మేనేజర్‌ (ఎల్‌బీఎమ్‌) తదితరులు సభ్యులుగా వ్యవహరిస్తున్నారు. ఈ కమిటీ ఆధ్వర్యంలో దరఖాస్తుల వడపోత పూర్తి చేసి నివేదికను ప్రభుత్వానికి పంపనున్నారు. ప్రభుత్వం జాబితాను ఆమోదించి యూనిట్లు మంజూరు చేయగానే పంపిణీ చేపడతారు. 14,926 మంది దరఖాస్తు రూ.12 వేల విలువైన ఆటోమేటిక్‌ కుట్టు మిషన్ల మంజూరు కోసం జిల్లాలోని నాలుగు నియోజకవర్గాల నుంచి మొత్తం 14,926 మంది మహిళలు పోటీ పడుతున్నారు. అత్యధికంగా సూర్యాపేట నియోజకవర్గం నుంచి 4,254 మంది, అత్యల్పంగా కోదాడ నుంచి 3,420 మంది, హుజూర్‌నగర్‌ నుంచి 3563, తుంగతుర్తి నియోజకవర్గం నుంచి 3689 మంది దరఖాస్తు చేసుకున్నారు. ప్రభుత్వం ఒక్కో నియోజకవర్గానికి 1,000 చొప్పున జిల్లాలోని నాలుగు నియోజకవర్గాలకు కలిపి మొత్తం 4,000 కుట్టు మిషన్లను మంజూరు చేయనుంది. ఎంపిక అర్హతలు ఇవే.. ఫ దరఖాస్తుదారులు తప్పనిసరిగా బీసీ వర్గానికి చెందిన నిరుద్యోగ మహిళలై ఉండాలి. ఫ వయోపరిమితి 18 నుంచి 55 సంవత్సరాల లోపు ఉండాలి. ఫ ఆహార భద్రత (రేషన్‌) కార్డు కలిగి ఉండాలి. ఫ గ్రామీణ ప్రాంతాల వారికి వార్షిక ఆదాయం రూ.1.50 లక్షలు, పట్టణ ప్రాంతాల వారికి రూ.2.00 లక్షలలోపు ఉండాలి. ఫ ఒక కుటుంబం నుంచి ఒక్కరికి మాత్రమే ఇందిరమ్మ కుట్టు మిషన్‌ మంజూరు చేస్తారు. ఫ ఉచిత కుట్టు మిషన్ల పంపిణీకి 14,926 మంది దరఖాస్తులు ఫ అర్హులైన వారి ఎంపికకు ప్రత్యేక కమిటీ ఏర్పాటు

20 ఎకరాలు కౌలుకు తీసుకొని పత్తి పంట వేశాను. దసరా పండుగకు ముందే పత్తి చేను ఏరడానికి సిద్ధమైనా కూలీలు దొరక్క పత్తిని ఏరలేకపోయాము. ఇప్పుడు తుఫాను వస్తుండటంతో పత్తి దెబ్బతింటుందేమోనని భయంగా ఉంది. – శంకర్‌, కౌలు రైతు, తిరుమలగిరి తిరుమలగిరి (తుంగతుర్తి) : వర్షాభావ పరిస్థితులతో పత్తి దిగుబడి క్షీణించగా.. మరోవైపు కూలీల కొరత రైతులను ఇబ్బందులకు గురిచేస్తోంది. తిరుమలగిరి, తుంగతుర్తి పరిసర ప్రాంతాల్లో చేలల్లో పత్తి ఏరడానికి సిద్ధంగా ఉన్నప్పటికీ కూలీలు దొరకడం లేదు. తుంగతుర్తి, సూర్యాపేట నియోజకవర్గాల్లో పత్తిని అధికంగా వేశారు. ఇప్పుడు జిల్లా వ్యాప్తంగా ఒకేసారి పత్తి ఏరివేతకు రావడంతో తీవ్రమైన కూలీల కొరత ఏర్పడింది. ఇతర ప్రాంతాల నుంచి వాహనాల్లో కూలీలను తీసుకురావాల్సి వస్తుండటంతో.. పత్తి ఏరినందుకు కేజీకి రూ.13 నుంచి రూ.14 వరకు చెల్లించాల్సి వస్తోంది. దీనికి అదనంగా ఆటో కిరాయిలు రైతులే భరించాల్సి వస్తోంది. గత నాలుగైదు రోజులుగా తుఫాన్‌ ప్రభావంతో చేలల్లోని పత్తి రాలిపోతోందని, వర్షం పడితే సరుకు నల్లబడి మరింత నష్టం వాటిల్లుతుందని రైతులు ఆందోళన చెందుతున్నారు.

ఫ తుంగతుర్తి నియోజకవర్గం మినహా అంతటా చిరుజల్లులు ఫ నేలకొరిగిన వరిచేలు ఫ మొక్కలపైనే నానిపోతున్న పత్తిభానుపురి (సూర్యాపేట) : మురసు తుఫాను కారణంగా జిల్లాలో ముసురు పట్టింది. మంగళవారం తెల్లవారుజాము నుంచి చిరుజల్లులతో మొదలై పలుచోట్ల మోస్తరు వర్షం కురిసింది. జిల్లాలో సరాసరి 1.0 మిల్లీమీటర్ల వర్షపాతం నమోదైంది. తుఫాన్‌ కారణంగా వరిచేలు నేలకొరిగాయి. బలమైన గాలులతో కూడిన భారీ వర్షాలు నమోదయ్యే అవకాశం ఉందన్న వాతావరణ శాఖ అంచనాలతో మంగళవారం విద్యాసంస్థలకు కలెక్టర్‌ తేజస్‌ నంద్‌లాల్‌ పవార్‌ సెలవు ప్రకటించారు. మరో రెండు రోజులపాటు వర్షాలు కొనసాగనున్నట్లు వాతావరణ శాఖ పేర్కొనడంతో సూర్యాపేట వ్యవసాయ మార్కెట్‌ యార్డ్‌కు బుధవారం సెలవు ప్రకటిస్తూ మార్కెట్‌ కమిటీ నిర్ణయం తీసుకుంది. తెల్లవారుజాము నుంచి.. మురసు ప్రభావంతో ఈనెల 3, 4వ తేదీల్లో జిల్లా వ్యాప్తంగా భారీ వర్షాలు నమోదు అవుతాయని వాతావరణ శాఖ రెడ్‌ అలర్ట్‌ జారీ చేసింది. మంగళవారం తెల్లవారుజాము నుంచి జిల్లాలోని పలు మండలాల్లో చిరుజల్లులతో వర్షం మొదలైంది. తుంగతుర్తి నియోజకవర్గం మినహా అంతటా ముసురు పట్టింది. అత్యధికంగా మేళ్లచెరువులో 3.1 మిల్లీమీటర్ల వర్షం కురిసింది. సూర్యాపేటలో 1.4 మిల్లీ మీటర్లు, ఆత్మకూర్‌ 1.5, మోతె 1.2, చివ్వెంల 1.0, పెన్‌ పహాడ్‌ 0.4, మునగాల 0.8, నడిగూడెం 1.4, అనంతగిరి 0.7, కోదాడ 1.1, చిలుకూరు 1.4, గరిడేపల్లి 1.4, నేరేడుచర్ల 1.0, పాలకీడు 0.5, మఠంపల్లి 1.4, హుజూర్‌నగర్‌ 1.9, చింతలపాలెం 1.9 మిల్లీమీటర్ల చొప్పున వర్షపాతం నమోదైంది. నేడు వ్యవసాయ మార్కెట్‌కు సెలవుతుఫాను ప్రభావంతో బుధవారం జిల్లాలో వర్షాలు కురిసే అవకాశం ఉన్న నేపథ్యంలో వ్యవసాయ మార్కెట్‌ యార్డుకు సెలవు ప్రకటిస్తూ సూర్యాపేట మార్కెట్‌ కమిటీ చైర్మన్‌ కొప్పుల వేనారెడ్డి, తిరుమలగిరి వ్యవసాయ మార్కెట్‌ చైర్మన్‌ ఎల్సోజు చామంతి నరేష్‌ ప్రకటించారు. కాగా.. మంగళవారం సైతం మార్కెట్‌ యార్డుకు సెలవు ప్రకటించగా రైతులను ధాన్యం తీసుకువచ్చేలా సహకరించిన 30 మంది కమిషన్‌ దారులకు షోకాసు నోటీసులు జారీ చేసినట్లు ఉన్నత శ్రేణి కార్యదర్శి ఫసియుద్దీన్‌ తెలిపారు.

పాలకవీడు: గ్రామీణ పేదలకు ఉపాధి కల్పించి వారి జీవన ప్రమాణాలను మెరుగుపరచాలనే లక్ష్యంతో ప్రభుత్వం అమలు చేస్తున్న ఉపాధి హామీ పథకం (వీబీజీ రాంజీ) పాలకవీడు మండలంలో దారితప్పుతోంది. మండల ఉపాధి హామీ అధికారులు, సిబ్బంది నిర్లక్ష్యంతో కూలీలు తీవ్ర ఇబ్బందులు పడుతున్నారు. జాబ్‌ కార్డుల జారీ, పని దినాల నమోదు, వేతనాల చెల్లింపుల్లో సిబ్బంది ఇష్టారాజ్యంగా వ్యవహరిస్తున్నారని కూలీలు ఆరోపిస్తున్నారు. జాబ్‌కార్డుల జారీలో జాప్యం.. అడిగిన ప్రతి ఒక్కరికీ జాబ్‌ కార్డు మంజూరు చేసి పనులు కల్పించాలని రాష్ట్ర పంచాయతీరాజ్‌, గ్రామీణాభివృద్ధి శాఖ మంత్రి సీతక్క స్పష్టమైన ఆదేశాలు జారీ చేశారు. అయినా స్థానిక అధికారులు ఉదాసీనంగా వ్యవహరిస్తున్నారు. పాలకవీడు మండలంలో జాన్‌పహాడ్‌కు చెందిన ఇద్దరు మహిళలు జాబ్‌ కార్డు కోసం దరఖాస్తు చేసుకుని 20 రోజులు గడుస్తున్నా.. నేటికీ మంజూరు చేయలేదు. ఈ విషయమై ఏపీఓను సంప్రదించినా సరైన సమాధానం ఇవ్వడం లేదని వారు ఆవేదన వ్యక్తం చేస్తున్నారు. వేతనాల చెల్లింపులో వ్యత్యాసం పనులు పూర్తి చేసిన కూలీలకు వేతనాల చెల్లింపుల్లోనూ భారీ వ్యత్యాసాలు ఉంటున్నాయి. ఒకే తరహా పని చేసినప్పటికీ.. కొందరి ఖాతాల్లో ఎక్కువ, మరికొందరి ఖాతాల్లో తక్కువ మొత్తం జమ అవుతోందని కూలీలు వాపోతున్నారు. తాము చేసిన పని దినాలు, వేతనాల గురించి తెలుసుకునేందుకు కంప్యూటర్‌ ఆపరేటర్‌ను సంప్రదిస్తే.. నిర్లక్ష్యంగా మాట్లాడుతున్నారని ఆరోపిస్తున్నారు. ఉపాధి హామీ చట్టం అమలుపై అసంతృప్తి పథకం అమలులో కీలక బాధ్యతలు నిర్వహించాల్సిన ఏపీఓ, టెక్నికల్‌ అసిస్టెంట్‌, కంప్యూటర్‌ ఆపరేటర్ల తీరుపై ప్రజలు తీవ్ర అసంతృప్తి వ్యక్తం చేస్తున్నారు. ఉన్నతాధికారులు స్పందించి పెండింగ్‌లో ఉన్న జాబ్‌ కార్డులను జారీ చేయాలని, వేతనాల వ్యత్యాసంపై విచారణ చేపట్టాలని కోరుతున్నారు. ఫ 20 రోజులైనా జారీ కాని జాబ్‌కార్డులు ఫ వేతనాల చెల్లింపుల్లో తీవ్ర వ్యత్యాసాలు

భానుపురి (సూర్యాపేట) : బంగాళాఖాతంలో ఏర్పడుతున్న మురసు తుపాను ప్రభావం జిల్లాపై ఉండే అవకాశం ఉన్నందున హై అలర్ట్‌ ప్రకటించినట్టు కలెక్టర్‌ తేజస్‌ నంద్‌లాల్‌ పవార్‌ తెలిపారు. జిల్లా, డివిజన్‌, మండల స్థాయి అధికారులు, క్షేత్రస్థాయి సిబ్బందితో కలెక్టర్‌ సోమవారం అత్యవసర వెబెక్స్‌ సమావేశం నిర్వహించారు. జిల్లాలో భారీ నుంచి అతిభారీ వర్షాలు కురిసే అవకాశం ఉందని ఐఎండీ అంచనా వేసిన నేపథ్యంలో ప్రజలంతా అప్రమత్తంగా ఉండాలని సూచించారు. బలమైన గాలులకు అవకాశం జిల్లాలో సోమవారం మధ్యాహ్నం నుంచి మంగళవారం మధ్యాహ్నం వరకు 40 నుంచి 80 కిలోమీటర్ల వేగంతో బలమైన ఈదురుగాలులు వీచే అవకాశం ఉందని కలెక్టర్‌ వివరించారు. తుపాను తీరం దాటే అవకాశం ఉన్నందున కోదాడ, హుజూర్‌నగర్‌ ప్రాంతాల్లో అప్రమత్తంగా ఉండాలన్నారు. సాయంత్రం 4 నుంచి ప్రయాణాలు వద్దుతుపాను ప్రభావం నేపథ్యంలో అత్యవసరమైతే తప్ప ప్రజలు ప్రయాణాలు చేయొద్దని కలెక్టర్‌ సూచించారు. సాయంత్రం 4 గంటల నుంచి మరుసటి రోజు మధ్యాహ్నం 12 గంటల వరకు ద్విచక్ర వాహనాలు, కార్లు, భారీ వాహనాల రాకపోకలను వీలైనంత వరకు నిలిపివేయాలన్నారు. లోతట్టు ప్రాంతాలపై ప్రత్యేక నిఘాలోతట్టు ప్రాంతాలు, వరద ముంపు గ్రామాలు, బలహీనమైన భవనాలను గుర్తించి అక్కడి ప్రజలను సురక్షిత ప్రాంతాలకు తరలించాలని అధికారులను ఆదేశించారు. ప్రతి గ్రామంలో ఎత్తైన ప్రాంతంలో ఉన్న ప్రభుత్వ భవనాన్ని సురక్షిత ఆశ్రయ కేంద్రంగా గుర్తించాలని సూచించారు. వాగులు, వంకలు, బ్రిడ్జిలు, కాజ్‌వేలపై వరద ప్రవాహం ఉంటే ప్రజలు, వాహనాల రాకపోకలను నిలిపివేయాలని చెప్పారు. స్కూళ్లకు ముందస్తు ఆదేశాలువిద్యార్థుల భద్రత దృష్ట్యా సోమవారం మధ్యాహ్న భోజనం తర్వాత స్కూళ్లకు సెలవు ప్రకటించి పిల్లలను ఇళ్లకు పంపించినట్టు కలెక్టర్‌ తెలిపారు. ప్రభుత్వ, ప్రైవేట్‌ విద్యాసంస్థలతో పాటు టీచర్లు కూడా ఇంటికి వెళ్లాలని సూచించారు. అంగన్‌వాడీ కేంద్రాల్లోని పిల్లలను సురక్షితంగా ఇళ్లకు చేర్చాలన్నారు. 24 గంటలు అందుబాటులో అధికారులుజిల్లాలోని అన్ని ప్రభుత్వ శాఖల అధికారులు, సిబ్బంది సమన్వయంతో పనిచేయాలని కలెక్టర్‌ తేజస్‌ నంద్‌లాల్‌ పవార్‌ ఆదేశించారు. రిజర్వాయర్లు, చెరువులు, కట్టలు, కాల్వల నీటిమట్టాలను ఇరిగేషన్‌ అధికారులు నిరంతరం పర్యవేక్షించాలన్నారు. విద్యుత్‌ అంతరాయాలు ఏర్పడితే వెంటనే పునరుద్ధరించేందుకు ప్రత్యేక బృందాలను సిద్ధంగా ఉంచాలని సూచించారు. ఫైర్‌, డిజాస్టర్‌ రెస్పాన్స్‌, ఇతర బృందాలు కూడా 24 గంటల పాటు అందుబాటులో ఉండాలని చెప్పారు. గంటకు 80 కిలోమీటర్ల వేగంతో ఈదురుగాలులు వీచే అవకాశం రేపు మధ్యాహ్నం వరకు ప్రయాణాలు వద్దు అధికారులతో అత్యవసర వెబెక్స్‌ సమావేశంలో కలెక్టర్‌ ప్రజలు అప్రమత్తంగా ఉండాలని సూచననేడు మార్కెట్‌కు సెలవు తుపాన్‌ నేపథ్యంలో సూర్యాపేట వ్యవసాయ మార్కెట్‌ యార్డుకు మంగళవారం సెలవు ప్రకటిస్తు మార్కెట్‌ కమిటీ అధ్యక్షుడు కొప్పుల వేణారెడ్డి, మార్కెట్‌ ఉన్నత శ్రేణి కార్యదర్శి ఫసీయుద్దీన్‌ ఒక ప్రకటన విడుదల చేశారు. కమీషన్‌దారులు సెలవు విషయాన్ని రైతులకు వివరించి ధాన్యం తేకుండా చూసుకోవాలని కోరారు.

మఠంపల్లి : మఠంపల్లిలో సోమవారం క్రైస్తవులు ఆత్మల పండుగను భక్తిశ్రద్ధలతో జరుపుకున్నారు. చనిపోయిన వారి ఆత్మలకు శాంతి చేకూరాలని వారి సమాధులను పూలతో అలంకరించి కొవ్వొత్తులు వెలిగించారు. ఈ సందర్భంగా శుభవార్త చర్చి రెవరెండ్‌ ఫాదర్‌ రాజిరెడ్డి సమాధుల వద్ద, అనంతరం చర్చిలో ప్రత్యేక ప్రార్థనలు చేశారు. ఈ కార్యక్రమంలో విచారణ గురువులు, చర్చి కమిటీ సభ్యులు, గ్రామ పెద్దలు తదితరులు పాల్గొన్నారు.పూలతో అలంకరించిన సమాధుల వద్ద ప్రత్యేక ప్రార్థనలు చేస్తున్న క్రైస్తవులు

సూర్యాపేటటౌన్‌ : విద్యార్థుల హాజరు శాతాన్ని పెంచి బడులకు దూరమవుతున్న చిన్నారులను తిరిగి పాఠశాలలకు రప్పించేందుకు విద్యాశాఖ ప్రత్యేక కార్యాచరణకు శ్రీకారం చుట్టింది. నవంబర్‌ నెలను ‘ప్రత్యేక హాజరు నెల– వందశాతం హాజరు డ్రైవ్‌’గా ప్రకటించింది. ఈ మేరకు నవంబర్‌ 1 నుంచి 30వ తేదీ వరకు రాష్ట్రంలోని అన్ని పాఠశాలల్లో ప్రత్యేక కార్యక్రమాలు నిర్వహించాలని సమగ్ర శిక్ష తెలంగాణ రాష్ట్ర ప్రాజెక్ట్‌ డైరెక్టర్‌ ఆదేశాలు జారీ చేశారు. విద్యార్థులతోపాటు ఉపాధ్యాయుల హాజరును కూడా ఫేషియల్‌ రికగ్నిషన్‌ సిస్టమ్‌ (ఎఫ్‌ ఆర్‌ఎస్‌) ద్వారా ప్రతిరోజూ నమోదు చేయాలని స్పష్టం చేశారు. ఒక్క పాఠశాలలోనూ హాజరు నమోదు కాకుండా ఉండకూడదని ఆదేశించారు. జిల్లాలో 950 ప్రభుత్వ పాఠశాలలు ఉండగా 50వేల మంది విద్యార్థులు విద్యనభ్యసిస్తున్నారు. 4200 మంది ఉపాధ్యాయులు ఉన్నారు. గైర్హాజరైతే ఇంటికే వెళ్లి..పాఠశాలలకు వరుసగా ఐదు రోజులు లేదా అంతకంటే ఎక్కువ రోజులు గైర్హాజరయ్యే విద్యార్థులపై ప్రత్యేక దృష్టి సారించనున్నారు. అలాంటి విద్యార్థులను గుర్తించి తొలుత తల్లిదండ్రులకు ఫోన్‌చేసి కారణాలు తెలుసుకోవాలి. అవసరమైతే ఉపాధ్యాయులు నేరుగా వారి ఇళ్లకు వెళ్లి పరిస్థితిని పరిశీలించాలి. విద్యార్థులు బడికి రాకపోవడానికి గల కారణాలను తెలుసుకుని తల్లిదండ్రులకు అవగాహన కల్పించాలి. చదువు ప్రాధాన్యతను వివరించి తిరిగి పాఠశాలకు వచ్చేలా చర్యలు తీసుకోవాలి. పనిదినాల్లో సాధ్యమైనంత ఎక్కువ మంది విద్యార్థులు హాజరయ్యేలా, ప్రతి వారం హాజరు శాతాన్ని మెరుగుపరుచుకునేలా లక్ష్యాలను నిర్దేశించారు. సాంకేతిక సమస్యలకు చెక్‌హాజరు నమోదులో ఎదురయ్యే సాంకేతిక సమస్యలను కూడా వెంటనే పరిష్కరించాలని విద్యాశాఖ ఆదేశించింది. పెండింగ్‌లో ఉన్న ఓడీ ఎంట్రీలను 24 గంటల్లోగా క్లియర్‌ చేయాలి. ఎఫ్‌ఆర్‌ఎస్‌ పరికరాలు, నెట్‌వర్క్‌, హాజరు నమోదుకు సంబంధించిన సమస్యలను 48 గంటల్లో పరిష్కరించాలి. జిల్లా, మండల, క్లస్టర్‌ స్థాయిల్లో అధికారులు రోజువారీ హాజరును పర్యవేక్షించడంతో పాటు వారానికోసారి సమీక్షలు నిర్వహించాలి. ఎక్కడైనా హాజరు శాతం తగ్గితే అందుకు గల కారణాలను విశ్లేషించి తగిన చర్యలు తీసుకోవాలి. ప్రశంసాపత్రాలతో సత్కారంవిద్యార్థుల హాజరు పెంపులో తల్లిదండ్రులను భాగస్వాములను చేయనున్నారు. పేరెంట్స్‌, పాఠశాల నిర్వహణ కమిటీ సమావేశాలు నిర్వహించి విద్యార్థుల క్రమబద్ధమైన హాజరుపై అవగాహన కల్పించాలి. గ్రామాల్లోనూ ప్రచారం చేపట్టి సమాజ భాగస్వామ్యంతో బడికి వచ్చే పిల్లల సంఖ్యను పెంచాలి. ఈ కార్యక్రమంలో ఉత్తమ పనితీరు కనబరిచిన పాఠశాలలు, ఉపాధ్యాయులు, విద్యార్థులు వందశాతం హాజరు సాధించిన ప్రధానోపాధ్యాయులను ప్రశంసాపత్రాలతో సత్కరించనున్నారు. నవంబర్‌ను ప్రత్యేక హాజరు నెలగా ప్రకటించిన విద్యాశాఖ స్కూల్‌కు వరుసగా ఐదు రోజులు గైర్హాజరైతే ఇంటికెళ్లి ఆరా.. తల్లిదండ్రులతో మాట్లాడి బడికి రప్పించేలా ప్రణాళిక ఎఫ్‌ఆర్‌ఎస్‌ హాజరుపై రోజూ పర్యవేక్షణ..వారానికోసారి సమీక్షపనితీరుపై నెలాఖరులో సమీక్ష నవంబర్‌ 22 నుంచి 30వ తేదీ వరకు జిల్లా స్థాయి పనితీరును క్రోడీకరించి తుది సమీక్ష నిర్వహించనున్నారు. నెల రోజుల పాటు చేపట్టిన కార్యక్రమాల ఫలితాలను విశ్లేషించి, హాజరు శాతం పెంపులో సాధించిన పురోగతిని అంచనా వేస్తారు. నవంబర్‌ నెలతోనే ఈ కార్యక్రమాన్ని పరిమితం చేయకుండా విద్యా సంవత్సరం మొత్తం ఇదే విధానాన్ని కొనసాగించేలా ప్రణాళిక రూపొందించనున్నారు.

సూర్యాపేటటౌన్‌ : ప్రజా ఫిర్యాదులను సత్వరమే పరిష్కరిస్తూ బాధితులకు భరోసానివ్వాలని ఎస్పీ నరసింహ అన్నారు. సూర్యాపేటలోని జిల్లా పోలీస్‌ కార్యాలయంలో సోమవారం పోలీస్‌ ప్రజావాణిలో ఆయన మాట్లాడారు. ప్రజలు గొడవలు, తగాదాలకు దూరంగా ఉండాలని, సమస్యలు వచ్చినప్పుడు దాడులకు పాల్పడకుండా ఇరువర్గాలు పెద్దల సమక్షంలో సామరస్యపూర్వకంగా, చట్ట పరిధిలో పరిష్కరించుకోవాలన్నారు. తుపానుతో అప్రమత్తంగా ఉండాలిబంగాళాఖాతంలో అల్పపీడనం వల్ల ఏర్పడిన మురసు తుపాను ప్రభావం జిల్లాపై ఉండే అవకాశం ఉన్నందున ప్రజలు, రైతులు అప్రమత్తంగా ఉండాలని ఎస్పీ నరసింహ ఒక ప్రకటనలో సూచించారు. అత్యవసర పరిస్థితుల్లో పోలీ సుల సహాయం కోసం డయల్‌ 112కు కాల్‌ చేయాలని కోరారు. ఎమ్మెల్సీ ఎన్నికల్లో కాంగ్రెస్‌దే విజయంతిరుమలగిరి (తుంగతుర్తి) : నల్లగొండ–ఖమ్మం–వరంగల్‌ పట్టభద్రుల నియోజకవర్గ ఎమ్మెల్సీ ఎన్నికల్లో కాంగ్రెస్‌ పార్టీ అభ్యర్థి రాంరెడ్డి సర్వోత్తమ్‌రెడ్డి అత్యధిక మెజార్టీతో విజయం సాధిస్తారని కాంగ్రెస్‌ పార్టీ జిల్లా కమిటీ అధ్యక్షులు గుడిపాటి నర్సయ్య ధీమా వ్యక్తం చేశారు. సోమవారం తిరుమలగిరి మున్సిపాలిటీలో ఓటరు నమోదు సహాయక కేంద్రాన్ని పరిశీలించారు. అనంతరం పార్టీ నాయకులతో నిర్వహించిన సమావేశంలో మాట్లాడారు. ఈ నెల 6 వరకు గడువు ఉందని, అర్హులైన ప్రతి ఒక్కరూ ఓటు నమోదు చేసుకునేలా చూడాలని కోరారు. కార్యక్రమంలో పాలకుర్తి రాజయ్య, ఎల్సోజు నరేష్‌, కౌన్సిలర్లు మల్లయ్య, బత్తుల శ్రీను, అంజి, ఎర్ర యాదగిరి, కందుకూరి లక్ష్మయ్య, బోయపల్లి కిషన్‌, ప్రేమ్‌ప్రసాద్‌, బర్ల సోమనర్సయ్య, నర్సింహ తదితరులు పాల్గొన్నారు. ఆరుతడి పంటలను ఎంపిక చేసుకోవాలిపెన్‌పహాడ్‌ : ప్రస్తుత పరిస్థితుల్లో రైతులు ఆరుతడి పంటలను ఎంపిక చేసుకోవాలని కేవీకే శాస్త్రవేత్త పి.అక్షిత్‌సాయి అన్నారు. సోమవారం ఖేత్‌ అభియాన్‌ కార్యక్రమంలో భాగంగా పెన్‌పహాడ్‌ మండలం చీదెళ్లలోని రైతు వేదికలో నిర్వహించిన సదస్సులో మాట్లాడారు. రైతులు యాసంగి పంటల ప్రణాళికను ముందుగానే సిద్ధం చేసుకోవాలన్నారు. ఎల్‌నినో ప్రభావం కారణంగా వర్షపాతం సాధారణం కంటే తక్కువగా నమోదయ్యే పరిస్థితులు ఏర్పడితే భూగర్భ జలాలపై మరింత ఒత్తిడి పెరిగేవకాశం ఉందని తెలిపారు. ఈ నేపథ్యంలో పెసర, మినుము, బొబ్బెర, శనగ, వేరుశనగ వంటి పంటలను సాగు చేయాలన్నారు. పలు సూచనలు చేశారు. సదస్సులో ఏఓ అనిల్‌కుమార్‌, ఏఈఓ రాకేష్‌, సర్పంచ్‌ వరికల్లు పద్మ శ్రీనివాస్‌, రైతులు గుర్రం అమృతారెడ్డి, శ్రీనివాసరెడ్డి, లింగారెడ్డి పాల్గొన్నారు.

తిరుమలగిరి (తుంగతుర్తి) : తిరుమలగిరి వ్యవసాయ మార్కెట్‌లో వారం రోజుల తరువాత సోమవారం ధాన్యం కొనుగోళ్లు ప్రారంభమయ్యాయి. టోకెన్‌ పద్ధతిన రైతులు ధాన్యాన్ని తీసుకొచ్చినట్లు మార్కెట్‌ కార్యదర్శి శంషేర్‌ తెలిపారు. మార్కెట్‌ యార్డుకు 14,967 బస్తాల ధాన్యం వచ్చిందని, సన్న ధాన్యం 12,145 బస్తాలు రాగా క్వింటాకు గరిష్టంగా రూ.3,090, కనిష్టంగా రూ.2,300, దొడ్డు ధాన్యం 2,620 బస్తాలు రాగా క్వింటాకు గరిష్టంగా రూ.2,269, కనిష్టంగా రూ.2061 ధర పలికింది. నేడు వ్యవసాయ మార్కెట్‌కు సెలవుతుపాను కారణంగా భారీ వర్షాలు రావడానికి అవకాశం ఉండటంతో మంగళవారం మార్కెట్‌కు సెలవు ప్రకటించినట్లు మార్కెట్‌ కార్యదర్శి శంషేర్‌ ఒక ప్రకటనలో తెలిపారు.

భానుపురి (సూర్యాపేట) : ప్రజావా ణి కార్యక్రమంలో ప్రజలు ఇచ్చిన అర్జీల పరిష్కారంపై సంబంధిత శాఖల అధికారులు ప్రత్యేక దృష్టిసారించాలని కలెక్టర్‌ తేజస్‌ నంద్‌లాల్‌ పవార్‌ ఆదేశించారు. సోమవారం సూర్యాపేట కలెక్టరేట్‌లో నిర్వహించిన ప్రజావాణిలో ప్రజల నుంచి 104 అర్జీలు స్వీకరించారు. అనంతరం జిల్లా అధికారులతో నిర్వహించిన సమీక్షా సమావేశంలో ఆయన మాట్లాదారు. ప్రజావాణికి జిల్లా స్థాయి అధికారులు తప్పనిసరిగా హాజరు కావాలన్నారు. కొత్తగా అందుతున్న దరఖాస్తులను ఎప్పటికప్పుడు పోర్టల్‌లో నమోదు చేయాలని సూచించారు. కార్యక్రమంలో అదనపు కలెక్టర్‌ బి.హరిసింగ్‌, డీఆర్‌ఓ ప్రేమ్‌రాజ్‌, జెడ్పీ సీఈఓ శిరీష, డీఆర్‌డీఓ సన్యాసయ్య, డీఈఓ శ్రీనివాసరావు, డీఎస్‌ఓ మోహన్‌బాబు, డీడబ్ల్యూఓ నరసింహారావు, డీఎంహెచ్‌ఓ వెంకటరమణ, సీపీఓ కిషన్‌, సీఎఫ్‌ఓ దామోదర్‌రెడ్డి, శ్రీనివాసరావు, డీఐఈఓ సులోచన రాణి, ఎస్సీ కార్పొరేషన్‌ ఈడీ ఉపేందర్‌, సూర్యాపేట మున్సిపల్‌ కమిషనర్‌ హనుమంతరెడ్డి తదితరులు పాల్గొన్నారు. ప్రభుత్వం నిర్దేశించిన ధరలకే బియ్యం విక్రయించాలి ప్రభుత్వం నిర్దేశించిన ధరలకే జిల్లాలో బియ్యం విక్రయించాలని, నిబంధనలు అతిక్రమించే వ్యాపారులపై చట్టప్రకారం చర్యలు తీసుకుంటామని కలెక్టర్‌ తేజస్‌ నంద్‌లాల్‌ పవార్‌ స్పష్టం చేశారు. సోమవారం కలెక్టరేట్‌లో సూర్యాపేట, హుజూర్‌నగర్‌, కోదాడ రైస్‌ మిల్లర్స్‌ అసోసియేషన్‌ ప్రతినిధులు, సూర్యాపేట జిల్లా హోల్‌సేల్‌ రైస్‌ డీలర్లతో నిర్వహించిన సమావేశంలో ఆయన మాట్లాడారు. జిల్లాలో బియ్యం ధరలను నియంత్రిస్తూ వినియోగదారులకు తక్కువ ధరలకు బియ్యం అందుబాటులో ఉండేలా రైస్‌ మిల్లర్లు, హోల్‌సేల్‌ డీలర్లు సహకరించాలని సూచించారు. ఈ సమావేశంలో అడిషనల్‌ కలెక్టర్‌ బి.హరిసింగ్‌, జిల్లా పౌరసరఫరాల శాఖ అధికారి మోహన్‌బాబు, డీఎం శ్రీధర్‌రెడ్డి, సిబ్బంది, జిల్లాలోని రైస్‌ మిల్లర్లు, హోల్‌సేల్‌ రైస్‌ డీలర్లు పాల్గొన్నారు. కలెక్టర్‌ తేజస్‌ నంద్‌లాల్‌ పవార్‌

మఠంపల్లి : మట్టపల్లి క్షేత్రంలో సోమవారం శ్రీరాజ్యలక్ష్మీ చెంచులక్ష్మీ సమేత శ్రీ ప్రహ్లాద యోగానంద శ్రీలక్ష్మీనరసింహస్వామి నిత్య కల్యాణాన్ని అర్చకులు వైభవంగా నిర్వహించారు. ముందుగా ఆలయంలో సుప్రభాతసేవ, నిత్యహో మం, పంచామృతాభిషేకం చేపట్టారు. స్వామి అమ్మవార్లకు ఎదుర్కోలు మహోత్సవం, నిత్య కల్యాణతంతు పూర్తిచేశారు. అనంతరం శ్రీస్వామి అమ్మవార్లను గరుడవాహనంపై ప్రతిష్టించి ఆలయ తిరుమాడ వీధుల్లో ఊరేగించారు. భక్తులకు తీర్థ ప్రసాదాలు పంపిణీ చేశారు. అలాగే క్షేత్రంలోని శివాలయంలో శ్రీపార్వతీరామలింగేశ్వరస్వామికి ఏకాదశ మహారుద్రాభిషేకం నిర్వహించారు. ఈ కార్యక్రమంలో ధర్మకర్తలు మట్టపల్లిరావు, విజయ్‌కుమార్‌, ఈఓ చలపతిరావు, అర్చకులు శ్రీనివాసాచార్యులు, పద్మనాభాచార్యులు, లక్ష్మీనరసింహమూర్తి, ఆంజనేయాచార్యులు పాల్గొన్నారు.

సూర్యాపేటటౌన్‌ : అమృత్‌ 2.0 పథకం కింద సూర్యాపేట మున్సిపాలిటీలో చేపట్టిన అండర్‌ గ్రౌండ్‌ డ్రెయినేజీ (యూజీడీ) నిర్మాణ పనులు అస్తవ్యస్తంగా సాగుతున్నాయి. ఎక్కడ చూసినా తవ్వకాలు, అధ్వానంగా మారిన రోడ్లతో వాహనదారులు, స్థానికులు రాకపోకలకు తీవ్ర ఇక్కట్లకు గురవుతున్నారు. 240 కిలోమీటర్ల మేర చేపట్టిన పనులను రూ.316 కోట్ల వ్యయంతో 2024 డిసెంబర్‌లో ప్రారంభించారు. దాదాపు రెండేళ్ల నుంచి ఇప్పటివరకు 70 శాతం పనులు పూర్తయినట్లు అధికారులు చెబుతున్నారు. రోడ్ల నిర్మాణంలో నిర్లక్ష్యంఅండర్‌ గ్రౌండ్‌ డ్రెయినేజీ పైపులైన్ల కోసం ప్రధాన రహదారులతోపాటు అంతర్గత వీధుల్లోనూ భారీగా తవ్వకాలు చేపట్టారు. పైపులైన్లు ఏర్పాటు చేసిన తర్వాత తవ్విన ప్రాంతాలను పూడ్చి రహదారులను పూర్వస్థితికి తీసుకురావాల్సి ఉన్నా నిర్లక్ష్యంగా వ్యవహరిస్తున్నారు. పలు ప్రాంతాల్లో రోడ్ల నిర్మాణాలు, మరమ్మతులు అసంపూర్తిగా కనిపిస్తున్నాయి. వర్షం కురిస్తే తవ్విన వీధులు బురదమయంగా మారుతున్నాయి. నడిచేందుకు కూడా వీలులేని పరిస్థితులు నెలకొంటున్నాయి. దీంతో దీంతో వాహనదారులు తీవ్ర ఇబ్బందులు ఎదుర్కొంటున్నారు. మ్యాన్‌హోళ్ల నిర్మాణంలోనూ నాణ్యత కరువు డ్రెయినేజీ వ్యవస్థలో కీలకమైన మ్యాన్‌హోళ్ల నిర్మాణం కూడా స్థానికంగా చర్చనీయాంశంగా మారుతోంది. కొన్ని ప్రాంతాల్లో మ్యాన్‌హోళ్లు రహదారి స్థాయికి అనుగుణంగా లేకపోవడం, నిర్మాణ నాణ్యతపై సందేహాలు వ్యక్తమవుతున్నాయి. రోడ్లపై ఎత్తుపల్లాలు ఏర్పడటంతో వాహనాల రాకపోకలకు ఆటంకం కలుగుతోంది. కోట్లాది రూపాయల ప్రజాధనంతో చేపడుతున్న పనుల్లో నాణ్యతా ప్రమాణాలు పాటించడం లేదని పట్టణవాసులు ఆరోపిస్తున్నారు. పనుల వివరాలు ఇలా.. ప్రాజెక్టు వ్యయం రూ.316కోట్లు పనులు ప్రారంభం డిసెంబర్‌ 2024 నిర్మాణ నిడివి 240 కి.మీ. పూర్తయిన పనులు 70 శాతం గడువు మార్చి 2027‘పేట’లో రెండేళ్లుగా అండర్‌ గ్రౌండ్‌ డ్రెయినేజీ పనులు ఎక్కడచూసినా తవ్వకాలతో రోడ్లు గుంతలమయం వర్షమొస్తే రాకపోకలకు ఆటంకం ఇబ్బందుల్లో పట్టణ వాసులువ్యాపారులు, నివాసితులకూ ఇక్కట్లు తవ్వకాల కారణంగా దుకాణాల వద్దకు వినియోగదారులు చేరుకోలేని పరిస్థితి ఏర్పడుతోంది. దుమ్ము, బురదతో వ్యాపారాలు దెబ్బతింటున్నాయని వ్యాపారులు ఆవేదన వ్యక్తం చేస్తున్నారు. మరోవైపు రహదారులు సరిగా లేక వృద్ధులు, చిన్నారులు, మహిళలు ఇబ్బందులు పడుతున్నారు. అత్యవసర సమయాల్లో అంబులెన్సులు, ఇతర వాహనాల రాకపోకలకూ ఇబ్బందులు తలెత్తుతున్నాయి. పనులు పూర్తయిన ప్రాంతాల్లో వెంటనే నాణ్యమైన రోడ్లు వేయాలని, మ్యాన్‌హోళ్లను ప్రమాణాలకు అనుగుణంగా నిర్మించాలని ప్రజలు కోరుతున్నారు.అండర్‌ గ్రౌండ్‌ డ్రెయినేజీ పనులను మార్చి 2027 నాటికి పూర్తిచేస్తాం. ఇప్పటివరకు సుమారు 70శాతానికిపైగా పనులు పూర్తయ్యాయి. మిగిలిన పనులను నిర్ణీత గడువులోగా పూర్తిచేసేందుకు చర్యలు తీసుకుంటున్నాం. రోడ్లు పూర్తిగా దెబ్బతిన్న చోట కొత్తవి వేయిస్తున్నాం. – అనిల్‌, పబ్లిక్‌ హెల్త్‌ ఏఈ

కోదాడ : ప్రభుత్వం రైతుల నుంచి సేకరించి మిల్లులకు సరఫరా చేసిన కోట్ల రూపాయల విలువైన సీఎంఆర్‌ ధాన్యం మాయం కావడం వెనుక ఇంటిదొంగల హస్తం ఉన్నట్లు ఉన్నతాధికారులకు ఫిర్యాదులు అందుతున్నాయి. అర్హతలేని మిల్లులకు ధాన్యం కేటాయింపులు చేయడానికి జిల్లాలోని పౌరసరఫరాల శాఖ అధికారులే ప్రధాన కారణమని ఇటీవల జిల్లా వ్యాప్తంగా దాడులు నిర్వహించిన విజిలెన్స్‌ అధికారులు నిర్ధారించి సదరు అధికారులపై చర్యలు తీసుకోవాలని ఉన్నతాధికారులకు నివేదించినట్లు సమాచారం. తాము కోరినట్లు ధాన్యం కేటాయించడంతో ఏకంగా ఒక జిల్లా స్ధాయి అధికారికి మిల్లర్లు రూ.22 లక్షల విలువైన ఇన్నోవా కారును బహుమతిగా ఇచ్చారని విజిలెన్స్‌ అధికారులు గుర్తించారు. ఓ జిల్లాస్ధాయి అధికారి కుమార్తెకు కోదాడలో పెళ్లి జరిగితే అన్ని ఖర్చులు మిల్లర్లే పెట్టుకున్నట్లు తెలుసుకున్నారు. సదరు అధికారి ఇటీవలే ఏసీబీకి పట్టుబడ్డ విషయం తెలిసిందే. రాష్ట్రంలో ఏ జిల్లాలో లేని విధంగా సూర్యాపేట జిల్లాలోని 43 మిల్లుల నుంచి ఏకంగా రూ.660 కోట్ల విలువైన సీఎంఆర్‌ బకాయిలు పేరుకుపోవడానికి మిల్లర్లతో అధికారులు కుమ్మక్కు కావడమే కారణమని ఉన్నతాధికారులు భావిస్తూ చర్యలకు ఉపక్రమిస్తున్నారు. ఆ ఒక్క కారణంతోనే సులువుగా బెయిల్‌!కోట్ల రూపాయల ప్రభుత్వ ధాన్యాన్ని పక్కదారి పట్టించిన మిల్లర్లపై విజిలెన్స్‌ అధికారులు పకడ్బందీగా కేసులు నమోదు చేసి కోర్టులకు రిమాండ్‌ చేస్తున్నారు. అయినా వారికి సులువుగా బెయిల్‌ వస్తుండడంపై విజి లెన్స్‌ ఆరా తీయగా పౌరసరఫరాల శాఖ అధికారులే కారణమని గుర్తించారు. 2022 –23 యాసంగి, వానాకాలం సీజన్లలో అధికారులు మిల్లుల కెపాసిటీకి మించి ధాన్యం సరఫరా చేశారు. ఈ క్రమంలో ముందస్తు దురాలోచన ఉన్న మిల్లర్లు తమ మిల్లుకు ధాన్యం దిగుమతి కాగానే వెంటనే తమ లెటర్‌హెడ్‌ మీద తమకు కేటాయించిన ధాన్యం బాగోలేదని, వెంటనే వెనక్కి తీసుకెళ్లాలని వినతిపత్రం ఇవ్వడంతోపాటు, దానిపై అధి కారుల సంతకం తీసుకుంటున్నారు. కొన్ని నెలల తర్వాత సీఎంఆర్‌ బియ్యం ఇవ్వాలని అధికారులు అడగగానే తాము అప్పుడే ధాన్యం బాగోలేదని లిఖిత పూర్వకంగా చెప్పినా అధికారులు పట్టించుకోలేదని తామిచ్చిన వినతిపత్రాలను కోర్టులకు చూపి ఈ ఒక్క కారణంతోనే సులువుగా బెయిల్‌ తెచ్చుకుంటున్నారు. మిల్లర్లు ధాన్యం సరిగా లేదని చెప్పిన సమయంలో అధికారులు ఎలా అంగీకరించారన్నదే ఇప్పుడు అసలు ప్రశ్న.సీఎంఆర్‌ ధాన్యం మాయం చేయడంలో ఇంటిదొంగల హస్తం కేటాయింపుల సమయంలోనే భారీగా నజరానాలు కేసులు నమోదైతే బెయిల్‌ పొందడానికీ సాయం 43 మిల్లుల్లో రూ.660 కోట్ల సీఎంఆర్‌ బకాయిలు శాఖ అంతర్గత విచారణలో అక్రమాలు బహిర్గతంకోదాడ పరిధిలోని బాలాజీనగర్‌లో ఉన్న రంగనాయక రైస్‌మిల్లుకు పౌరసరఫరాల శాఖ అధికారులు 2022–23 యాసంగిలో సీఎంఆర్‌ ధాన్యం కేటాయిస్తే బియ్యం ఇవ్వలేదు. దీంతో ఈ మిల్లులో ఉన్న రూ.3.35కోట్ల విలువైన 1,499.480 టన్నుల ధాన్యాన్ని ప్రభుత్వం వేలం వేసినా వేలందారుకు కూడా ఇవ్వకుండా మిల్లు యజమానులు మాయం చేసినట్టు అధికారులు నిర్ధారించారు. ఇదే మిల్లుకు 2024–25 యాసంగి, 2025–26 వానాకాలం సీజన్లలో ధాన్యం కేటాయిస్తే రూ.13.35 కోట్ల విలువైన 3237.236 మెట్రిక్‌ టన్నుల ధాన్యాన్ని మాయం చేసినట్టు విజిలెన్స్‌ దాడుల్లో తేల్చి మిల్లు యజమానులపై కేసు పెట్టి అరెస్ట్‌ చేశారు. కొందరు అధికారులు లంచాలు పుచ్చుకొని ధాన్యం కేటాయించారని విజిలెన్స్‌ నివేదిక ఇచ్చింది. ఇలా నిబంధనలకు విరుద్ధంగా చాలా మిల్లులకు సీఎంఆర్‌ ధాన్యం కేటాయించారు.కొల్లగొట్టిన డబ్బుతో ఇతర వ్యాపారాలు కోదాడ పట్టణ పరిధిలోని సూర్యాపేట రోడ్డులో ఉన్న ఓ రైస్‌మిల్లు యజమాని 2022–23 సీజన్‌లోనే ఏకంగా రూ.65 కోట్ల విలువైన సీఎంఆర్‌ ధాన్యం మాయం చేశాడు. దీనిపై విచారణ చేసిన అధికారులు సదరు మిల్లును సీజ్‌ చేసి మిల్లు యాజమాన్యంపై కేసు నమోదు చేశారు. రెవెన్యూ రికవరీ యాక్ట్‌ కూడా ప్రయోగిస్తామని తెలిపారు. దీంతో మిల్లు యజమాని కోర్టుకు వెళ్లి బెయిల్‌ తెచ్చుకున్నాడు. ఆర్‌ఆర్‌ యాక్ట్‌ అమలు చేయకుండా నాలుగేళ్లుగా ఉపశమనం పొందుతూనే ఉన్నాడు. ఇలా సీఎంఆర్‌ ధాన్యం కొల్లగొట్టిన డబ్బుతో పదుల సంఖ్యలో మిల్లర్లు ఇతర వ్యాపారాలు చేసుకుంటున్నారు.

మఠంపల్లి : మట్టపల్లి దేవాలయంలో ఆది వారం శ్రీరాజ్యలక్ష్మీ చెంచులక్ష్మీ సమేత శ్రీప్రహ్లాద యోగానంద లక్ష్మీనరసింహస్వామి నిత్య కల్యాణాన్ని అర్చకులు శాస్త్రోక్తంగా నిర్వహించారు. ముందుగా ఆలయంలో సుప్రభాత సేవ, నిత్యహోమం, పంచామృతాభిషేకం చేపట్టారు. స్వామి అమ్మవార్ల ఎదుర్కోలు అనంతరం నిత్య కల్యాణ తంతు పూర్తిచేసి ఉత్సవమూర్తులను గరుడ వాహనంపై ప్రతిష్టించి ఆలయ తిరుమాడ వీధుల్లో ఊరేగించారు. ఆలయ ప్రవేశం అనంతరం నీరాజన మంత్ర పుష్పాలతో మహానివేదన గావించి భక్తులకు తీర్థ ప్రసాదాలు పంపిణీ చేశారు. ఈ కార్యక్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, విజయ్‌కుమార్‌, ఈఓ చలపతిరావు, అర్చకులు శ్రీనివాసాచార్యులు, పద్మనాభాచార్యులు, లక్ష్మీనరసింహమూర్తి, ఆంజనేయాచార్యులు, భక్తులు పాల్గొన్నారు. రేషన్‌ డీలర్ల సంఘం రాష్ట్ర ఆర్గనైజింగ్‌ సెక్రటరీగా ఫయాజ్‌కోదాడ : రేషన్‌ డీలర్ల సంక్షేమ సంఘం రాష్ట్ర ఆర్గనైజింగ్‌ సెక్రటరీగా కోదాడకు చెందిన డీలర్‌ ఎస్‌కె.ఫయాజ్‌ ఎన్నికయ్యారు. ఆది వారం హైదరాబాద్‌లోని పౌరసరఫరాల శాఖ భవనంలో జరిగిన డీలర్ల సంఘం సమావేశంలో తనను ఏకగ్రీవగా ఎన్నుకున్నట్లు ఆయన తెలిపారు. ఈ సందర్భంగా ఫయాజ్‌ మాట్లాడుతూ రాష్ట్ర వ్యాప్తంగా రేషన్‌ డీలర్లు ఎదుర్కొంటున్న సమస్యల పరిష్కారానికి తనవంతు కృషి చేస్తానని పేర్కొన్నారు. తన ఎన్నికకు సహకరించిన సంఘం రాష్ట్ర అధ్యక్షుడు నాయి కోటేరాజు, ఉపాధ్యక్షుడు ఖాజామోహినొద్దీన్‌లకు కృతజ్ఞతలు తెలిపారు. సూర్యక్షేత్రంలో ప్రత్యేక పూజలుఅర్వపల్లి : జాజిరెడ్డిగూడెం మండలం తిమ్మాపురంలోని అఖండజ్యోతి స్వరూప సూర్యనారా యణస్వామి క్షేత్రానికి ఆదివారం భక్తుల తాకిడి పెరిగింది. ఈ సందర్భంగా క్షేత్రంలో తెల్లవారుజామున ఉషాపద్మిని ఛాయాసమేత సూర్యనారాయణస్వామిని అలంకరించి అభిషేకాలు జరిపారు. యజ్ఞశాలలో మహాసౌరహోమం నిర్వహించారు. మాలధారులు తరలివచ్చి పూజలు చేశారు. కార్యక్రమంలో క్షేత్ర వ్యవస్థాపకులు కాకులారపు రజితజనార్దన్‌స్వామి, గణపురం నరేష్‌, ఇంద్రారెడ్డి, అర్చకులు భీంపాండే, అంకిత్‌పాండే పాల్గొన్నారు.

కట్టంగూర్‌ : ప్రభుత్వ విద్యారంగం బలోపేతానికి ఉపాధ్యాయులు సమష్టిగా కృషిచేయాలని మాజీ ఎమ్మెల్సీలు అలుగుబెల్లి నర్సిరెడ్డి, ప్రొఫెసర్‌ నాగేశ్వర్‌ అన్నారు. ఆదివారం నల్లగొండ జిల్లా కట్టంగూర్‌లోని నిర్వహించిన టీఎస్‌ యూటీఎఫ్‌ జిల్లా 7వ మహాసభల్లో వారు మాట్లాడారు. దేశం ఆర్థికంగా అభివృద్ధి చెందితున్నప్పటికీ ఆ ఫలాలు సామాన్య, మధ్య తరగతి ప్రజలకు చేరాలన్నారు. దేశ జీడీపీ వృద్ధి రేటు పెరుగుతున్నా..యువతలో నిరుద్యోగ, నిరాశ ఎందుకో పెరుగుతున్నాయో పాలకులు ఆలోచించాలని పేర్కొన్నారు. ఉపాధ్యాయులు కేవలం విద్యార్థులకు పాఠ్యాంశాలు బోధించే వారే కాకుండా సమాజానికి దిశా నిర్ధేశకులుగా ఎదగాలని సూచించారు. ప్రభుత్వ పాఠశాలల్లో విద్యార్థుల సంఖ్య పెంచేందుకు కృషి చేయాలన్నారు. ప్రభుత్వ పాఠశాలల్లో మౌలిక వసతులతో పాటు బస్సు సౌకర్యం కల్పిస్తే విద్యార్థుల నమోదు పెరుగుతుందన్నారు. టీఎస్‌యూటీఎప్‌ రాష్ట్ర అధ్యక్షుడు చావ రవి మాట్లాడుతూ రాష్ట్రంలో విద్యారంగం అనేక సమస్యలను ఎదుర్కొంటుదన్నారు. ఇన్‌చార్జి అదపు కలెక్టర్‌ ప్రేమ్‌కరణ్‌రెడ్డి మాట్లాడుతూ పేద విద్యార్థులకు నాణ్యమైన విద్య అందించేందుకు ఉపాధ్యాయులు కృషి చేయాలన్నారు. అనంతరం వారు యూటీఎఫ్‌ మేళాను ప్రారంభించారు. కార్యక్రమంలో టప్రా రాష్ట్ర ప్రధాన కార్యదర్శి పాలకుర్తి కృష్ణమూర్తి, టీఎస్‌ యూటీఎఫ్‌ జిల్లా అధ్యక్షుడు బక్కా శ్రీనివాసచారి, రాష్ట్ర ఉపాధ్యక్షుడు ముదిరెడ్డి రాజశేఖర్‌రెడ్డి, రాష్ట్ర కార్యదర్శులు పెరుమాళ్ల వెంకటేశం, సోమయ్య, తుమ్మల వీరారెడ్డి, మిట్టపల్లి మురళయ్య, సర్పంచ్‌ ముక్కాముల శ్యామలశేఖర్‌, ఎడ్ల సైదులు, బడుగు అరుణ, నర్రా శేఖర్‌రెడ్డి, రాజు, సరళ, కొమ్ము శ్రీనివాస్‌, అరుణ తదితరులు పాల్గొన్నారు. మాజీ ఎమ్మెల్సీలు నర్సిరెడ్డి, నాగేశ్వర్‌

ఆత్మకూర్‌ (ఎస్‌)(సూర్యాపేట) : హైదరాబాద్‌లోని మర్రి చెన్నారెడ్డి మానవ వనరుల అభివృద్ధి సంస్థలో స్పెషల్‌ ఫౌండేషన్‌ కోర్స్‌లో శిక్షణ పొందుతున్న ట్రైన్‌ ఐఏఎస్‌ అధికారుల బృందం ఆదివారం ఆత్మకూర్‌ (ఎస్‌)మండలం ఏపూరు గ్రామపంచాయతీని సందర్శించింది. ఈ బృందానికి సూర్యాపేట డీఎల్‌పీఓ నారాయణరెడ్డి, ఎంపీఓ ప్రియాంక, ఏపూరి సర్పంచ్‌ కల్లేపల్లి చంద్రమోహన్‌, ఉప సర్పంచ్‌ చింతరెడ్డి మంజుల, కార్యదర్శి లింగయ్యలు స్వాగతం పలికి సన్మానించారు. ఈ బృందం గ్రామంలో అమలవుతున్న పథకాల తీరును మూడు రోజులపాటు పరిశీలించనుంది.

సూర్యాపేటటౌన్‌ : పోలీస్‌ శాఖలో ఎన్నో ఏళ్లపాటు సేవలందించి పదవీ విరమణ పొందిన అధికారులు, సిబ్బంది సమాజంలో గౌరవప్రదంగా జీవనం సాగించేందుకు అండగా ఉంటామని ఎస్పీ నరసింహ అన్నారు. ఆదివారం జిల్లా కేంద్రంలోని కుడకుడలోని కోమటికుంటకు వెళ్లే మార్గంలో రిటైర్డ్‌ పోలీస్‌ ఆఫీసర్స్‌ ఎంప్లాయీస్‌ వెల్ఫేర్‌ అసోసియేషన్‌ కార్యాలయ భవన నిర్మాణానికి ఆయన భూమిపూజ చేసి మాట్లాడారు. పదవి విరమణ పొందినప్పటికీ పోలీసుల మధ్య ఉన్న అనుబంధం ఎప్పటికీ కొనసాగాలని, ఒకరికొకరు అండగా ఉంటూ సమస్యలను పరిష్కరించుకోవాలని ఆకాంక్షించారు. అసోసియేషన్‌ సభ్యుల సంక్షేమ కార్యక్రమాలకు తనవంతు సహకారం ఉంటుందని తెలిపారు. కార్యక్రమంలో రిటైర్డ్‌ పోలీస్‌ ఆఫీసర్స్‌ అసోసియేషన్‌ వ్యవస్థాపకులు కృష్ణారెడ్డి, అధ్యక్షుడు దామోదర్‌రెడ్డి, కార్యదర్శి పి.పుల్లయ్య, వైస్‌ ప్రెసిడెంట్‌ శంకర్‌గౌడ్‌, జిల్లా పోలీస్‌ వైస్‌ ప్రెసిడెంట్‌ శంకర్‌ నాయక్‌, జనరల్‌ సెక్రటరీ వై.కిరణ్‌ పాల్గొన్నారు. ఆర్థిక మోసగాళ్లతో అప్రమత్తంగా ఉండాలి అధిక వడ్డీలు చెల్లిస్తామనే ఆకర్షణీయమైన హామీలు ఇచ్చే ఆర్థిక మోసగాళ్లతో ప్రజలు అప్రమత్తంగా ఉండాలని ఎస్పీ కె.నరసింహ ఆదివారం ఒక ప్రకటనలో తెలిపారు. జిల్లాలో కొందరు వ్యక్తులు అధిక వడ్డీల ఆశ చూపి ప్రజల నుంచి డిపాజిట్లు సేకరిస్తున్నారని, ఇలాంటి వడ్డీ హామీల వెనుక మోసపూరిత ఉద్దేశాలు ఉంటాయని పేర్కొన్నారు. ఇలాంటి పథకాల్లో డబ్బులు పెట్టి మోసపోయిన బాధితులు పోలీస్‌ స్టేషన్లలో ఫిర్యాదు చేయాలని సూచించారు. ఇలాంటి మోసపూరిత కార్యకలాపాలకు సంబంధించిన సమాచారం తెలిసిన వారు కూడా పోలీసులకు తెలియజేయాలని విజ్ఞప్తి చేశారు. ఎస్పీ నరసింహమార్కెటింగ్‌ మోసాలతో జాగ్రత్త మల్టీ లెవల్‌, చైన్‌ మార్కెటింగ్‌ల పేరుతో జరుగుతున్న ఆర్థిక మోసాలతో అప్రమత్తంగా ఉండాలని ఎస్పీ కె.నరసింహ ఆదివారం ఒక ప్రకటనలో సూచించారు. తక్కువ సమయంలో ఎక్కువ డబ్బు సంపాదించవచ్చనే ఆశతో, సరైన వివరాలు తెలుసుకోకుండా ఇలాంటి పథకాలలో పెట్టుబడులు పెట్టి నష్టపోవద్దని హెచ్చరించారు. కొంతమంది వ్యక్తులు వివిధ వాహనాలు, ఇతర వస్తువుల పేరుతో చేస్తున్న మల్టీ లెవల్‌ మార్కెటింగ్‌తో మోసపోవద్దని పేర్కొన్నారు. సభ్యత్వం తీసుకుని మరికొందరు సభ్యులను చేర్పిస్తే భారీ మొత్తంలో కమిషన్లు వస్తాయని ప్రచారం చేస్తూ ప్రజలను ఆకర్షిస్తున్నారని, ఇలాంటి వారి పట్ల జాగ్రత్తగా ఉండాలని పేర్కొన్నారు.

సూర్యాపేటటౌన్‌ : సూర్యాపేట పట్టణంలో పారిశుద్ధ్య నిర్వహణ అస్తవ్యస్తంగా మారింది. ఎక్కడ చూసినా చెత్త కుప్పలే దర్శనమిస్తున్నాయి. వీటి వల్ల దుర్వాసన వస్తుండడంతో పట్టణంలోని వివిధ కాలనీల ప్రజలు తీవ్ర ఇబ్బందులు ఎదుర్కొంటున్నారు. ఇళ్ల నుంచి చెత్త సేకరించేందుకు రావాల్సిన మున్సిపల్‌ వాహనాలు సమయానికి రాకపోవడంతో గృహ యజమానులు విధిలేని పరిస్థితుల్లో చెత్తను రోడ్ల పక్కన పడేస్తున్నారు. దీంతో వివిధ కాలనీలు, ప్రధాన రహదారుల వెంట చెత్త కుప్పలు పేరుకుపోతున్నాయి. చాలా వార్డుల్లో ఇలాగే.. సూర్యాపేట మున్సిపాలిటీలో 48 వార్డులు ఉండగా, చాలా వార్డుల్లో చెత్త సేకరణ సక్రమంగా జరగడం లేదని కాలనీవాసులు ఆరోపిస్తున్నారు. కొన్ని ప్రాంతాల్లో వారానికి ఒకటి రెండుసార్లు కూడా చెత్త సేకరణ వాహనాలు రావడం లేదని వాపోతున్నారు. రోజూ ఇంట్లో పోగయ్యే చెత్తను ఎక్కడ వేయాలో తెలియక రోడ్ల పక్కన పడేస్తున్నామని పట్టణ ప్రజలు ఆవేదన వ్యక్తం చేస్తున్నారు. రోజుల తరబడి పేరుకుపోతున్న చెత్త కుప్పల్లో దోమలు వృద్ధి చెందడంతో పాటు పందులు సంచరిస్తున్నాయి. చెత్త నుంచి వెలువడే దుర్వాసనతో తట్టుకోలేకపోతున్నామని ప్రజలు అంటున్నారు.ఏ వీధిలో చూసినా చెత్తకుప్పలే.. అస్తవ్యస్తంగా పారిశుద్ధ్య నిర్వహణ ప్రతిరోజూ రాని చెత్త సేకరణ వాహనాలు చాలా కాలనీల్లో దుర్వాసనమయం భరించలేక పోతున్నామని ప్రజల ఆవేదన అన్ని వార్డుల్లోనూ రోజువారీగా చెత్తను తరలించాలని వేడుకోలుతీరని సమస్యగా..వర్షాకాలం ముగిసినా పారిశుద్ధ్య సమస్యలు మాత్రం తగ్గడం లేదు. చెత్త కుప్పల కారణంగా దోమలు పెరిగి విషజ్వరాలు ప్రబలే ప్రమాదం ఉందని ప్రజలు భయాందోళన చెందుతున్నారు. పట్టణాన్ని పరిశుభ్రంగా ఉంచాల్సిన మున్సిపల్‌ యంత్రాంగం చెత్త సేకరణపై నిరంతర పర్యవేక్షణ చేపట్టడం లేదనే విమర్శలు వినిపిస్తున్నాయి. ప్రతి వార్డులో రోజువారీ చెత్త సేకరణ జరిగేలా చర్యలు తీసుకోవాలని పట్టణ ప్రజలు కోరుతున్నారు. ఇప్పటికై నా అధికారులు స్పందించి పారిశుద్ధ్య సమస్య తలెత్తకుండా చూడాలని ప్రజలు విజ్ఞప్తి చేస్తున్నారు.

సూర్యాపేట అర్బన్‌ : సూర్యాపేట జిల్లా కేంద్రంలోని కొనసాగుతున్న కోహెనన్స్‌ ఫార్మా ఫ్యాక్టరీని జనావాసాలకు దూరంగా తరలించాలని, లేదంటే శాశ్వతంగా మూసివేయాలని సీపీఐ, సీపీఐ (ఎంఎల్‌) మాస్‌లైన్‌ జిల్లా కార్యదర్శులు బెజవాడ వెంకటేశ్వర్లు, కొత్తపల్లి శివకుమార్‌ డిమాండ్‌ చేశారు. యాజమాన్యం నిర్లక్ష్యం వల్లే ఇటీవల ఫ్యాక్టరీలో రియాక్టర్‌ పేలి కార్మికుడు చనిపోయాడని ఆరోపిస్తూ ఆదివారం ఫ్యాక్టరీ గేటు ఎదుట ధర్నా నిర్వహించి మాట్లాడారు. కోహెన్స్‌ ఫ్యాక్టరీ నాసిరకం మెటీరియల్‌ దిగుమతి చేసుకొని, ఉత్పత్తిని కొనసాగిస్తున్నందున, రియాక్టర్లు, బాయిలర్స్‌ పేలిపోయి కార్మికుల ప్రాణాలతో చలగాటమాడుతున్న యాజ మాన్యాన్ని అరెస్టు చేయాలన్నారు. మృతి చెందిన కార్మికుల కుటుంబాలకు రూ.5 కోట్లు నష్టపరిహారం చెల్లించాలని ప్రభుత్వాన్ని డిమాండ్‌ చేశారు. ఈ ధర్నాలో పీఓడబ్ల్యూ జిల్లా అధ్యక్ష కార్యదర్శులు కొత్తపల్లి రేణుక, మారసాని చంద్రకళ, పీడీఎస్‌యూ రాష్ట్ర ఉపాధ్యక్షుడు ఎర్ర అఖిల్‌ కుమార్‌, సీపీఐ(ఎం.ఎల్‌) మాస్‌లైన్‌ తుంగతుర్తి డివిజన్‌ కార్యదర్శి పేర్ల నాగయ్య, సీపీఐ పట్టణ కార్యదర్శి బూర వెంకటేశ్వర్లు, స్థానిక 6వ వార్డు కౌన్సిలర్‌ సునీల్‌రెడ్డి, సక్రూ నాయక్‌, శివరామ్‌, శేషగిరి, సమీప తండాల వాసులు పాల్గొన్నారు.

నల్లగొండ ఆర్టీసీ డిపోలో జేబీఎం ఎలక్ట్రిక్‌ బస్సు డ్రైవర్లు శనివారం ఉదయం 4 గంటలకు సమ్మెకు దిగారు.- 8లోవృత్తిపై అంకితభావం, దాతృత్వం తోడైతే సమాజానికి ఎంత మేలు జరుగుతుందో కోదాడకు చెందిన పశువైద్యుడు పెంటయ్య నిరూపిస్తున్నారు. ప్రాణాపాయస్ధితిలో ఉన్న ఏ జంతువునైనా ఆయన దగ్గరకు చికిత్స కోసం తీసుకువస్తే దానికి పునర్జన్మ లభించినట్లే. కనీస వసతులు లేకున్నా క్లిష్టమైన శస్త్రచికిత్సలను చేస్తూ మూగజీవాలకు ప్రాణం పోస్తూ మందులు సైతం ఉచితంగా అందిస్తున్నాడు. రాష్ట్రం నలుమూలల నుండే కాకుండా ఆంధ్రప్రదేశ్‌ నుంచి కూడా తమ జంతువుల చికిత్స కోసం కోదాడకు వస్తున్నారు. కుక్కలకు శస్త్రచికిత్స చేస్తున్న డాక్టర్‌ పెంటయ్య

● జూలకంటి రంగారెడ్డి సూర్యాపేట : నల్లగొండ జిల్లా కేంద్రంలో నిర్వహించనున్న అఖిలభారత కిసాన్‌ సభ (ఏఐకేఎస్‌) 36వ జాతీయ మహాసభలను జయప్రదం చేయాలని అఖిలభారత కిసాన్‌ సభ కేంద్ర కమిటీ సభ్యుడు జూలకంటి రంగారెడ్డి పిలుపునిచ్చారు. శనివారం సూర్యాపేట జిల్లా కేంద్రంలోని స్టార్‌ ఫంక్షన్‌ హాల్‌లో జరిగిన రైతు సంఘం జిల్లా స్థాయి సమావేశంలో ఆయన మాట్లాడారు. ఈనెల 15న నల్లగొండలోని ఎన్జీ కళాశాల మైదానంలో నిర్వహించే భారీ బహిరంగ సభకు లక్షలాదిగా తరలి రావాలని కోరారు. రైతుల సమస్యల పరిష్కారానికి ప్రభుత్వాలు సమగ్ర విధానాలను అమలు చేయాలని డిమాండ్‌ చేశారు. రైతు సంఘం జిల్లా అధ్యక్షుడు మల్లు నాగార్జున్‌రెడ్డి అధ్యక్షతన జరిగిన ఈ సమావేశంలో ఐద్వా రాష్ట్ర ప్రధాన కార్యదర్శి మల్లు లక్ష్మి, సోషల్‌ మీడియా రాష్ట్ర కన్వీనర్‌ పిట్టల రవి, సీఐటీయూ జిల్లా ప్రధాన కార్యదర్శి నెమ్మాది వెంకటేశ్వర్లు, రైతు సంఘం జిల్లా ఉపాధ్యక్షుడు కొలిశెట్టి యాదగిరిరావు, ప్రధాన కార్యదర్శి కందాల శంకర్‌రెడ్డి, వ్యవసాయ కార్మిక సంఘం జిల్లా అధ్యక్ష కార్యదర్శులు ములకలపల్లి రాములు, మట్టిపల్లి సైదులు, వృత్తి సంఘాల నాయకులు నాగారపు పాండు, కేవీపీఎస్‌ జిల్లా ప్రధాన కార్యదర్శి కోట గోపి, శ్రామిక మహిళ జిల్లా కన్వీనర్‌ చెరుకు ఏకలక్ష్మి, కల్లు గీత కార్మిక సంఘం రాష్ట్ర ప్రధాన కార్యదర్శి బెల్లంకొండ వెంకటేశ్వర్లు తదితరులు పాల్గొన్నారు.

తిరుమలగిరి (తుంగతుర్తి) : ప్రభుత్వ పాఠశాలల్లోనే నాణ్యమైన విద్య అందుతుందని జిల్లా విద్యా శాఖ అధికారి (డీఈఓ) సీహెచ్‌.శ్రీనివాసరావు అన్నారు. శనివారం తిరుమలగిరి మండల కేంద్రంలోని ఎంపీపీఎస్‌ పాఠశాలను తనిఖీ చేశారు. ఈ సందర్భంగా విద్యార్థులు చదవడం, రాయడం ప్రక్రియను పరిశీలించారు. సెల్‌ఫోన్‌లో వీడియో పాఠాలను స్వయంగా విద్యార్థులకు చూపించారు. ఈ సందర్భంగా ఆయన మాట్లాడుతూ విద్యార్థులు కష్టపడి చదివి ఉన్నత శిఖరాలకు చేరుకోవాలని కోరారు. పాఠశాలలో మౌలిక వసతులపై ఆరా తీశారు. మధ్యాహ్న భోజనం పరిశీలించారు. ఈ కార్యక్రమంలో మండల విద్యాధికారి ఐ.శాంతయ్య, పాఠశాల ప్రధానోపాధ్యాయుడు కె.అశోక్‌రెడ్డి, ఉపాధ్యాయులు కవిత, సత్యనారాయణరెడ్డి, వెంకటరామనర్సయ్య, సౌమ్యాబాయి, గిరి, సీఆర్‌పీ నరేష్‌ పాల్గొన్నారు. బియ్యం దుకాణాల్లో అధికారుల తనిఖీలుసూర్యాపేట : ఉన్నతాధికారుల ఆదేశాల మేరకు శనివారం జిల్లా లీగల్‌ మెట్రాలజీ అధికారి ఆధ్వర్యంలో సూర్యాపేట పట్టణంలోని పలు బియ్యం దుకాణాల్లో తనిఖీలు నిర్వహించారు. ఈ సందర్భంగా ఆయన మాట్లాడుతూ 14 కేసులు నమోదు చేసినట్లు లీగల్‌ మెట్రాలజీ ఇన్‌స్పెక్టర్‌ పి.నాగేశ్వరరావు తెలిపారు. బియ్యం తూకం సరిగా ఉండేలా చూసుకోవాలని వ్యాపారులకు సూచించారు. తక్కువ తూకంతో వినియోగదారులను మోసం చేస్తే చర్యలు తప్పవని హెచ్చరించారు. సమస్యలపై స్పందించకుంటే మహాధర్నా చేపడతాం సూర్యాపేటటౌన్‌ : తమ దీర్ఘకాలిక సమస్యలను ప్రభుత్వం వెంటనే పరిష్కరించాలని డిమాండ్‌ చేస్తూ మోడల్‌ స్కూల్స్‌ టీచర్లు జిల్లాలో రెండో రోజు నిరసనలు కొనసాగించారు. ఉమ్మడి నల్లగొండ జిల్లాలోని 33 మోడల్‌ స్కూల్స్‌లో ఉపాధ్యాయులు శనివారం మధ్యాహ్న భోజన విరామ సమయంలో నల్లబ్యాడ్జీల ధరించి, ప్లకార్డులు ప్రదర్శిస్తూ ఆందోళన చేపట్టారు. ఈ సందర్భంగా తెలంగాణ మోడల్‌ స్కూల్స్‌ టీచర్స్‌ అసోసియేషన్‌ రాష్ట్ర అధ్యక్షుడు భూతం యాకమల్లు మాట్లాడుతూ రెండున్నరేళ్లుగా ఉపాధ్యాయుల సమస్యల పరిష్కారానికి ప్రభుత్వానికి పలుమార్లు వినతిపత్రాలు సమర్పించినా ఫలితం లేకుండా పోయిందన్నారు. గతనెల 8న మోడల్‌ స్కూల్స్‌ జేఏసీ ఆధ్వర్యంలో ప్రభుత్వానికి నోటీసు అందజేసినప్పటికీ స్పందన రాకపోవడంతో రాష్ట్రవ్యాప్తంగా ఆందోళనలకు శ్రీకారం చుట్టామన్నారు. దీంట్లో భాగంగా ఈ నెల 17న హైదరాబాద్‌లో రాష్ట్రస్థాయి మహా ధర్నా నిర్వహించనున్నామని పేర్కొన్నారు. ఈ ధర్నాకు మోడల్‌ స్కూల్స్‌ అసోసియేషన్‌ ప్రతినిధులు, మోడల్‌ స్కూళ్లలో పనిచేస్తున్న టీచర్లు పెద్ద సంఖ్యలో తరలిరావాలని పిలుపునిచ్చారు.

తిరుమలగిరి (తుంగతుర్తి) : తిరుమలగిరి వ్యవసాయ మార్కెట్‌లో ధాన్యం కొనుగోళ్లకు సోమవారం నుంచి టోకెన్‌ విధానం అమలు చేస్తున్నట్లు మార్కెట్‌ కమిటీ చైర్‌పర్సన్‌ ఎల్సోజు చామంతినరేష్‌ వెల్లడించారు. శనివారం ఆమె తిరుమలగిరి వ్యవసాయ మార్కెట్‌ కార్యాలయంలో విలేకరుల సమావేశంలో మాట్లాడారు. ప్రతిరోజూ 15 వేల బస్తాలకు టోకెన్లను కమీషన్‌దారుల ద్వారా రైతులు పొందాలన్నారు. టోకెన్‌లు పొందిన రైతులు మాత్రమే మార్కెట్‌కు ధాన్యం తీసుకొని రావాలని కోరారు. టోకెన్‌ దొరకని రైతులు మార్కెట్‌కు ధాన్యం తీసుకు రావొద్దని, మరుసటి రోజు టోకెన్‌ తీసుకొని రావాలన్నారు. అపరాలకు, మొక్కజొన్నలకు ఎలాంటి టోకెన్‌లు అవసరం లేదని తెలిపారు. అనంతరం హమాలీ యూనియన్‌ నేతలతో అధికారులు, మార్కెట్‌ పాలక వర్గం సమావేశమైంది. మార్కెట్‌లో ధాన్యానికి గోనె సంచులను వినియోగించడంపై నవంబర్‌ 7వ తేదీ వరకు పాత విధానమే (గోనె సంచులు, ప్లాస్టిక్‌ బస్తాలు రెండు రకాలు ఇవ్వడం)అమలులో ఉంటుందని చైర్‌పర్సన్‌ తెలిపారు. ఈ కార్యక్రమంలో జిల్లా మార్కెటింగ్‌ అధికారి దామోదర్‌, పీఏసీఎస్‌ చైర్మన్‌ పాలెపు చంద్రశేఖర్‌, డీఏఓ హరిప్రసాద్‌, తహసీల్దార్‌ వినోద్‌కుమార్‌, హమాలీ యూనియన్‌ గౌరవ అధ్యక్షులు గాజుల శ్రీనివాస్‌, మార్కెట్‌ సెక్రెటరీ శంషేర్‌, సంకెపల్లి కొండల్‌రెడ్డి, రాపాక సోమేష్‌, దామెర కృష్ణమూర్తి, సామ ఆంజనేయులు, సుధాకర్‌, ఉప్పలయ్య, భాస్కర్‌రెడ్డి తదితరులు పాల్గొన్నారు. సోమవారం నుంచి అమలు తిరుమలగిరి మార్కెట్‌ కమిటీ చైర్‌పర్సన్‌ చామంతినరేష్‌ వెల్లడి

కోదాడ పట్టణంలోని ప్రాంతీయ పశువైద్యశాలలో అసిస్టెంట్‌ డైరెక్టర్‌(ఏడీ)గా పనిచేస్తున్న పెంటయ్య అందిస్తున్న సేవలకు మంచి గుర్తింపు వచ్చింది. పశువులకు, పెంపుడు జంతువులకు క్లిష్టమైన శస్త్రచికిత్సలు చేస్తున్నారు. కాళ్లు విరిగిన, ప్రమాదంలో గాయపడి వెన్నెముక విరిగిన జంతువులకు ఆయన ప్రత్యేక శస్త్రచికిత్సలు చేస్తాడు. ప్రాణాపాయస్థితిలో ఉన్న జంతువులకు చికిత్స అందించి వాటి ప్రాణాలు కాపాడుతున్నారు. మహబూబ్‌నగర్‌కు చెందిన పలువురు కాపరులు సైతం తమ గొర్రెలను చికిత్స కోసం కోదాడకు తీసుకురావడం విశేషం. నిత్యం 70 నుంచి 80 పశువులకు ఇక్కడ చికిత్స అందిస్తున్నారు. హైదరాబాద్‌, విజయవాడ, ఖమ్మం నుంచి సైతం పశువులు, పిల్లులు, కుక్కలను చికిత్స కోసం ఇక్కడకు తీసుకొస్తుంటారు.

కర్ణాటక రాష్ట్ర రాజధాని బెంగళూరుకు కారులో గంజాయి తరలిస్తున్న ఇద్దరిని పోలీసులు పట్టుకున్నారు.- 8లోచట్టాలపై అవగాహన అవసరంచివ్వెంల(సూర్యాపేట): విద్యార్థులు చట్టాలపై అవగాహన కలిగి ఉండడం చాలా అవసరమ ని జిల్లా న్యాయసేవాధికార సంస్థ కార్యదర్శి, జడ్జి కె.భవ్య అన్నారు. శని వారం సూర్యాపేటలో నిర్వహించిన అఖిల భారత పాఠశాల అవగాహన–సురక్షిత్‌ బచ్చన్‌ అభియాన్‌ సదస్సులో ఆమె మాట్లాడారు. కార్యక్రమంలో డీఎల్‌ఎస్‌ఏ నామినేటేడ్‌ సభ్యులు గుంటూరు మధు, నల్లపాటి మమత, డిఫెన్స్‌ కౌన్సిల్‌ సభ్యులు బొల్లెద్దు వెంకటరత్నం, బి.ప్రవీణ్‌ కుమార్‌, టీచర్లు పాల్గొన్నారు.

ప్రస్తుతం పశువులను మేత కోసం బయటకు తీసుకెళ్లకపోవడం వల్ల వాటిలో మినరల్స్‌ లోపం ఏర్పడి పాల దిగుబడి తగ్గుతోంది. దీన్ని గమనించిన డాక్టర్‌ పెంటయ్య.. రైతులకు తక్కువ ఖర్చుతో కాల్షియం, మినరల్స్‌తో కూడిన పోషకాహారం అందించాలని సంకల్పించారు. బహిరంగ మార్కెట్‌లో కిలో రూ.1,250 వరకు ఉండే ఈ మిశ్రమాన్ని.. హైదరాబాద్‌లోని ఓ వర్సిటీతో మాట్లాడి కేవలం రూ.250కే కోదాడకు తెప్పించి పంపిణీ చేస్తున్నారు. దాతల విరాళాలు, ప్రభుత్వ రివాల్వింగ్‌ ఫండ్‌తో దీన్ని విజయవంతంగా అమలు చేస్తున్నారు. ఈ పోషకాహారంతో ఈనిన మూడు నెలలకే గేదెలు మళ్లీ చూడికి వస్తుండడంతో రైతులకు మేలు జరుగుతోంది.

● ఏమిస్తారో మీరే తేల్చుకోండి ● డిఫాల్ట్‌ మిల్లర్లకు పౌర సరఫరాల శాఖ ఆదేశాలు భానుపురి (సూర్యాపేట) : ప్రస్తుతం ఎల్‌నినో పరిస్థితుల్లో ధాన్యం నిల్వలను పెంచుకునే దిశగా ప్రభుత్వం చర్యలు చేపట్టింది. వానాకాలంతో పాటు యాసంగి సీజన్లలో సేకరించే ధాన్యం తక్కువ మొత్తంలో ఉండనున్న ఈ నేపథ్యంలో ప్రభుత్వానికి మిల్లర్లు బకాయి పడిన ధాన్యాన్ని రాబట్టేందుకు పౌరసరఫరాల శాఖ ప్రయత్నాలను ముమ్మరం చేసింది. ఇందులో భాగంగా జిల్లాలో ప్రభుత్వానికి సీఎంఆర్‌ బకాయిపడిన మిల్లర్లకు ప్రభుత్వం 45 రోజుల గడువు ఇచ్చింది. పలు సీజన్లలో సీఎంఆర్‌ ఇవ్వకుండా బకాయి పడినవారు బియ్యం ఇస్తారా..? లేదంటే డబ్బులు ఇస్తారా..? అన్నది మీరే తేల్చుకోవాల్సిందిగా ఆదేశించింది. 43 మిల్లుల నుంచి.. ప్రత్యేక రాష్ట్రం ఏర్పడిన 2014 నుంచి 2024–25 యాసంగి సీజన్‌ వరకు ప్రభుత్వం నుంచి ధాన్యాన్ని పొంది సీఎంఆర్‌ ఇవ్వని మిల్లుల నుంచి బకాయిలు రాబట్టాలని పౌరసరఫరాల శాఖ ప్రయత్నిస్తోంది. జిల్లాలో 43 మిల్లుల నుంచి ప్రభుత్వానికి రూ.660 కోట్ల విలువచేసే సీఎంఆర్‌ రావాల్సి ఉన్నట్లు అధికారులు లెక్కలు తేల్చారు. ఈ మిల్లర్ల నుంచి 45 రోజుల్లోగా సన్నబియ్యాన్ని సేకరించాలని లక్ష్యంగా పెట్టుకున్నారు. ఇప్పటికే మిల్లుల్లో విస్తృత తనిఖీలు చేపడుతున్న అధికారులు.. మిల్లు యాజమానులతోపాటు కుటుంబ సభ్యుల ఆస్తులను సైతం గుర్తిస్తున్నారు. 45 రోజుల గడువు విధింపు రూ.660 కోట్ల విలువైన సీఎంఆర్‌ బకాయి పడిన 43 మిల్లులు సన్న బియ్యం సేకరణకు అధికారుల ప్రయత్నాలు

యాదగిరిగుట్ట : యాదగిరిగుట్ట పుణ్యక్షేత్రం వేద అధ్యయన కేంద్రంగా ఎదిగేందుకు అపార అవకాశాలు ఉన్నాయని గవర్నర్‌ శివప్రతాప్‌ శుక్లా అన్నారు. యాదగిరి శ్రీలక్ష్మీనరసింహస్వామి వారిని శనివారం గవర్నర్‌ దంపతులు దర్శించుకున్నారు. ఆలయ అర్చకులు వారికి పూర్ణకుంభ స్వాగతం పలికారు. గర్భాలయంలోని ప్రత్యేక పూజలు చేసిన గవర్నర్‌ యాదగిరి దేవస్థానం 2027 నూతన క్యాలెండర్‌ను ఆవిష్కరించారు. అనంతరం యాదగిరి శ్రీలక్ష్మీనరసింహస్వామి వారి దేవస్థానం, తిరుమల తిరుపతి దేవస్థానం సౌజన్యంతో కొండకు దిగువన దీక్షాపరుల మండపంలో జరుగుతున్న 26వ తెలంగాణ వేద విద్వన్మహాసభలో గవర్నర్‌ శివ ప్రతాప్‌ శుక్లా పాల్గొని ప్రసంగించారు. వేద విద్యా సంస్థలు, విద్వత్‌ సభలు గురుకులాలకు మరింత ప్రోత్సాహం అందించాలని కోరారు. ఈ సారి వర్షాలు కాస్త తక్కువగా ఉండటంతో ప్రజలంతా నీటిని పొదుపుగా కాపాడుకోవాలన్నారు. ఐటీ శాఖ మంత్రి దుద్దిళ్ల శ్రీధర్‌బాబు మాట్లాడుతూ వేద విద్వన్మహా సభలు నిర్వహిస్తున్న తరుణంలో వేద సభలకు సంబంధించిన పరీక్షలు రాస్తున్న విద్యార్థుల సంఖ్య మెరుగుపర్చాలన్నారు. ప్రభుత్వ విప్‌ బీర్ల ఐలయ్య మాట్లాడుతూ వేద విద్య జ్ఞానాన్ని, ఏకాగ్రత శక్తిని పెంపొందిస్తుందన్నారు. అనంతరం గవర్నర్‌ దంపతులకు వేద ఆశీర్వచనం చేసి సన్మానించారు. ఆయా కార్యక్రమాల్లో జనార్దనా సరస్వతి స్వామి సంస్కృతి ట్రస్ట్‌ చైర్మన్‌ సాయినాథ్‌ శర్మ, గవర్నర్‌ స్పెషల్‌ సీఎస్‌ దాన కిషోర్‌, ధార్మిక సలహాదారు గోవింద్‌ హరి, దేవాదాయ శాఖ కమిషనర్‌ హనుమంతరావు, కలెక్టర్‌ అనురాగ్‌ జయంతి, ఎస్పీ అక్షాంశ్‌ యాదవ్‌, ఽవైటీడీ ధర్మకర్తల మండలి సభ్యులు లక్ష్మీనారాయణ నాయక్‌, దేవస్థానం కార్యనిర్వహణాధికారి భవానీశంకర్‌ పాల్గొన్నారు. గవర్నర్‌ శివప్రతాప్‌ శుక్లా

సూర్యాపేటటౌన్‌ : ఉక్కు మనిషి సర్దార్‌ వల్లభబాయ్‌ పటేల్‌ ఆశయానికనుగుణంగా యువత దేశాభివృద్ధికి పాటుపడాలని ఎస్పీ నరసింహ కోరారు. పటేల్‌ జయంతి, జాతీయ ఐక్యతా దినో త్సవాన్ని పురస్కరించుకొని శనివారం సూర్యాపేటలో రన్‌ ఫర్‌ యూనిటీ నిర్వహించారు. సద్దుల చెరువు వద్ద పటేల్‌ చిత్రపటానికి ఎస్పీ నివాళులర్పించి మాట్లాడారు. కార్యక్రమంలో డీఎస్పీలు ప్రసన్నకుమార్‌, నరసింహాచారి, పట్టణ ఇన్‌స్పెక్టర్‌ వెంకటయ్య, రూరల్‌ ఇన్‌స్పెక్టర్‌ రాజశేఖర్‌, సైబర్‌ సెక్యూరిటీ ఇన్‌స్పెక్టర్‌ శివ కుమార్‌, ఎస్‌ఐలు, పోలీస్‌ అధికారులు, సిబ్బంది, యువత, విద్యార్థులు పాల్గొన్నారు.

భానుపురి (సూర్యాపేట) : ఇందిరమ్మ పథకం లబ్ధిదారులు వారం రోజుల్లో ఇళ్ల నిర్మాణ పనులు ప్రారంభించాలని కలెక్టర్‌ తేజస్‌ నంద్‌లాల్‌ పవార్‌ అన్నారు. శనివారం సూర్యాపేటలో నిర్వహించిన ఇందిరమ్మ ఇళ్ల పట్టాల పంపిణీ కార్యక్రమంలో ఆయన మాట్లాడారు. వంద రోజుల్లో నిర్మాణాలు పూర్తిచేసి వచ్చే జనవరి 26 నాటికి గృహప్రవేశాలు చేసుకోవాలన్నారు. కార్యక్రమంలో మున్సిపల్‌ చైర్‌పర్సన్‌ మొరిశెట్టి నివేదిత, టూరిజం శాఖ కార్పొరేషన్‌ మాజీ చైర్మన్‌ పటేల్‌ రమేష్‌రెడ్డి, ఏఐసీసీ సభ్యుడు సర్వోత్తమ్‌రెడ్డి, ఏఎంసీ చైర్మన్‌ వేణారెడ్డి, హౌసింగ్‌ పీడీ జబ్బర్‌, మున్సిపల్‌ కమిషనర్‌ హనుమంత్‌రెడ్డి, మున్సిప ల్‌ వైస్‌ చైర్మన్‌ షఫిఉల్లా, ఏఎంసీ వైస్‌ చైర్మన్‌ గట్టు శ్రీను, మున్సిపల్‌ ఫ్లోర్‌ లీడర్‌ వేణుగోపాల్‌, వెలుగు వెంకన్న, కౌన్సిలర్లు పాల్గొన్నారు. బాధ్యతాయుతంగా నిర్వహించాలిజనగణనను తప్పులు లేకుండా బాధ్యతాయుతంగా నిర్వహించాలని కలెక్టర్‌ తేజస్‌ నంద్‌లాల్‌ పవార్‌ అన్నారు. శనివారం కలెక్టరేట్‌లో చార్జ్‌ ఆఫీసర్స్‌, అదనపు చార్జ్‌ ఆఫీసర్స్‌, జిల్లా అధికారులకు నిర్వహించిన శిక్షణలో మాట్లాడారు. దేశ సమగ్రతను కాపాడాలిదేశ సమగ్రతను కాపాడేందుకు ప్రతిఒక్కరూ కృషిచేయాలని కలెక్టర్‌ పిలుపునిచ్చారు. శనివారం కలెక్టరేట్‌లో భారత తొలి ఉప ప్రధాని సర్దార్‌ వల్లభబాయ్‌ పటేల్‌ జయంతిని పురస్కరించుకొని జాతీయ ఐక్యత దినోత్సవాన్ని నిర్వహించారు. పటేల్‌ చిత్రపటానికి పూలమాల వేసి నివాళలర్పించి మాట్లాడారు. కార్యక్రమంలో డీఆర్‌ఓ ప్రేమ్‌రాజ్‌, జెడ్పీ సీఈఓ శిరీష, డీఎస్‌ఓ మోహన్‌బాబు, ఆర్డీఓలు శ్రీనివాసులు, సూర్యనారాయణ, అధికారులు పాల్గొన్నారు. కలెక్టర్‌ తేజస్‌ నంద్‌లాల్‌ పవార్‌

భానుపురి(సూర్యాపేట) : వర్షాభావంతో జిల్లా కరువు కోరల్లో చిక్కుకుంది. అధికారికంగా అన్ని మండలాలను కరువు ప్రాంతాలుగా ప్రకటించినా.. సహాయం, నష్టపరిహారం చెల్లింపుపై ప్రభుత్వ నుంచి స్పష్టత లేకపోవడంతో అన్నదాతలు ఆందోళన చెందుతున్నారు. కేవలం కొన్ని మండలాలకే పరిహారం పరిమితమవుతుందా లేక అందరికీ న్యాయం జరుగుతుందా అనే దానిపై రైతుల్లో సందిగ్ధత నెలకొంది. పది మండలాల్లో తీవ్రంగానే..సూర్యాపేట జిల్లాలో సాధారణ వర్షపాతం 571.8 మిల్లీమీటర్లు కాగా, ఈ సీజన్‌లో కేవలం 439.1 మిల్లీమీటర్ల వర్షపాతమే కురిసింది. అన్ని గ్రామాల్లోనూ జలాశయాలు అడుగంటాయి. మొత్తం 23 మండలాలకు గాను 14 మండలాల్లో లోటు వర్షపాతం నమోదుకాగా.. సగానికి పైగా మండలాల్లో భూగర్భ జలాలు అత్యంత లోతులోకి వెళ్లాయి. అయినప్పటికీ, రాష్ట్ర ప్రభుత్వం కేంద్ర మార్గదర్శకాలకు అనుగుణంగా కేవలం నాలుగు మండలాల్లోనే తీవ్రమైన కరువు ఉన్నట్లు ప్రకటించింది. మిగతా చోట్ల మధ్యస్థ కరువు ఉన్నట్లు పేర్కొన్నప్పటికీ.. దాదాపు మరో 10 మండలాల్లోనూ తీవ్ర కరువు నెలకొని ఉన్నట్లు స్థానిక పరిస్థితుల ద్వారా తెలుస్తోంది. నోటిఫికేషన్‌ ఆరునెలల పాటు అమలు..జిల్లాలో కరువు పరిస్థితులపై ప్రభుత్వం నోటిఫికేషన్‌ జారీ చేసింది. ఈ నోటిఫికేషన్‌ ఆరు నెలల పాటు అమల్లో ఉండనుంది. ఈ సమయంలో ప్రజలకు తక్షణ సహాయ చర్యలు చేపట్టాలని పేర్కొన్నారు. జిల్లాలోని అన్ని మండలాల్లోనూ కరువు పరిస్థితులు ఉండగా, ప్రభుత్వం పరిహారం ఇస్తే కేవలం తీవ్రమైన కరువు ఉన్న మండలాలకే పంపిణీ చేస్తుందా.. మధ్యస్థ కరువు ప్రాంతాలకు పరిహారాన్ని వర్తింపజేస్తుందా అనేది రైతుల్లో నెలకొన్న ప్రధాన సందేహం. ఈ పరిహారం కేవలం పంటలు సాగు చేసి నష్టపోయిన వారికే ఇస్తారా.. లేదంటే వర్షాభావం కారణంగా కనీసం పంటలను సాగు చేయని రైతులను సైతం గుర్తించి పరిహారం వర్తింపజేస్తారా.. అనే చర్చ మొదలైంది. ప్రధానంగా తీవ్ర వర్షాభావం కారణంగా 4.90 లక్షల ఎకరాల్లో సాగు కావాల్సిన వరి.. కేవలం 3.70 లక్షల ఎకరాలకే పరిమితమైంది. తగ్గిన వరి విస్తీర్ణం స్థానంలో కొందరు ఆరుతడి పంటలు సాగుచేసినా అవి కేవలం పది నుంచి 20 వేల ఎకరాలలోపే ఉంటాయి. మిగిలిన విస్తీర్ణంలో నీరు అందుబాటులో లేక రైతులు పంటలను సాగు చేయలేని పరిస్థితి నెలకొంది. మరి వీరికి పరిహారం అందుతుందా అని రైతులు ఆందోళన చెందుతున్నారు.నేరుగా లబ్ధి అంతంత మాత్రమే..! తీవ్రమైన కరువు ఉన్న మండలాల్లోనే 33 శాతం పంట నష్టపోయిన రైతులకు నేరుగా పరిహారం ప్రభుత్వం అందజేస్తుందనే అభిప్రాయాలు వ్యక్తమవుతున్నాయి. కేంద్ర ప్రభుత్వం నుంచి సహాయం అందిన నెల రోజుల్లో పరిహారం అందే అవకాశం ఉంది. ఈ క్రమంలో జిల్లాలోని 23 మండలాలకు గాను కేవలం నాలుగు మండలాల్లోనే తీవ్ర కరువు ఉన్నందున ఇక్కడి రైతులకు మాత్రమే నేరుగా లబ్ధి చేకూరే అవకాశం ఉంటుంది. ఇక ఉపాధి హామీ పనులు కల్పించడం, పశుగ్రాసం కొరత లేకుండా చూడడం, తాగునీటి ఇబ్బందులు తలెత్తకుండా తీసుకునే చర్యలతోనే ప్రభుత్వం సరిపెడుతుందా అనేది వేచి చూడాల్సిందే.జిల్లాలోని అన్ని మండలాల్లోనూ కరువు రైతాంగానికి నష్టపరిహారంపై లేని స్పష్టత ప్రకటనతోనే సరిపెడతారా.. ఆందోళనలో జిల్లా రైతాంగం

కోదాడ : ప్రభుత్వ పాఠశాలల్లో చదివే ప్రతిభావంతులైన పేద విద్యార్థులను గుర్తించి, వారిని ప్రోత్సహించడానికి కేంద్ర ప్రభుత్వం ప్రవేశపెట్టిన నేషనల్‌ మీన్స్‌ కమ్‌ మెరిట్‌ స్కీం (ఎన్‌ఎంఎంఎస్‌) ప్రవేశ పరీక్షలో కొందరు స్వార్థపరులు మాస్‌ కాపీయింగ్‌కు తెరతీస్తున్నారు. ప్రతి సంవత్సరం ఈ పరీక్ష నిర్వహణలో వారికే కీలక బాధ్యతలు అప్పగిస్తుండడంతో కావాల్సిన వారికి సాయమందిస్తున్నారనే విమర్శలు వెల్లువెత్తుతున్నాయి. అసలేం జరుగుతుందంటే...ప్రభుత్వ పాఠశాలల్లో చదువుతూ ఆర్థికంగా వెనుకబడిన విద్యార్థులను ప్రోత్సహించడానికి 8వ తరగతి విద్యార్థులకు ప్రతి సంవత్సరం నవంబర్‌ నెలలో కేంద్ర ప్రభుత్వం ఎన్‌ఎంఎంఎస్‌ పరీక్షను నిర్వహిస్తుంది. ఈ పరీక్షలో ప్రతిభ చూపిన విద్యార్థులకు కేంద్ర ప్రభుత్వం 9 నుంచి 12వ తరగతి వరకు ప్రతి సంవత్సరం రూ.12 వేల చొప్పున అందిస్తుంది. ఈ పరీక్షను కోదాడతో పాటు జిల్లా కేంద్రంలోని కొన్ని సెంటర్లలో నిర్వహిస్తారు. ఈ పరీక్ష నిర్వహణకు ప్రభుత్వ పాఠశాలల్లో పనిచేసే హెచ్‌ఎంలను డిపార్టుమెంట్‌ ఆఫీసర్లు (డీఓ)లుగా నియమిస్తుంటారు. పరీక్ష జరిగే సెంటర్‌ హెచ్‌ఎంలు చీఫ్‌ సూపరింటెండెంట్లు (సీఎస్‌)లుగా వ్యవహరిస్తారు. ఈ పరీక్షల్లో కీలకమైన ఈ ఇద్దరు అధికారులను ప్రసన్నం చేసుకొని తమ పాఠశాల విద్యార్థులు, తమకు కావాల్సిన వారు ఎక్కువ మంది ఎంపికయ్యేలా చేయాలనే దురుద్దేశంతో కొందరు హెచ్‌ఎంలు అక్రమాలకు తెరతీస్తున్నారనే ఆరోపణలు వినిపిస్తున్నాయి. డ్యూటీల కోసం కొందరు పోటీ ఎన్‌ఎంఎంఎస్‌ పరీక్ష నిర్వహణ డ్యూటీల కోసం కొందరు ఉపాధ్యాయులు పోటీ పడుతున్నారని ఆరోపణలున్నాయి. సాధారణంగా సబ్జెక్ట్‌ టీచర్లకు డ్యూటీలు వేయకుండా ఇతరులకు డ్యూటీలు వేయాల్సి ఉంటుంది. కానీ డీఓలు, సీఎస్‌లు తమకు అనుకూలంగా వ్యవహరించే వారికి ఇన్విజిలేటర్లుగా డ్యూటీలు వేసుకుంటారు. తెలివైన విద్యార్థి రాసే జవాబులను తమకు కావాల్సిన విద్యార్థులకు అందించడం వీరి పని. కలెక్టరు స్పందించి, ప్రతిభావంతులకు న్యాయం జరిగేలా ఈ పరీక్షను నిర్వహించడానికి చర్యలు తీసుకోవాలని విద్యార్థుల తల్లిదండ్రులు కోరుతున్నారు. ఎన్‌ఎంఎంఎస్‌ పరీక్షలో అక్రమాలు సూత్రధారులుగా కొందరు టీచర్లు పకడ్బందీగా నిర్వహించాలని విద్యార్థుల తల్లిదండ్రుల వేడుకోలునవంబర్‌ 1 జరిగే ఎన్‌ఎంఎంఎస్‌ పరీక్షను పకడ్బందీగా నిర్వహించడానికి అన్ని చర్యలు తీసుకుంటున్నాం. మాస్‌ కాపీయింగ్‌ ఆరోపణల్లో వాస్తవం లేదు. ఇన్విజిలేటర్లుగా సబ్జెక్ట్‌ టీచర్లను వేయం. బోధనతో సంబంధం లేనివారినే నియమిస్తాం. – సలీం షరీఫ్‌, మండల విద్యాధికారి, కోదాడ.

సూర్యాపేటటౌన్‌ : జిల్లా స్థాయిలో నిర్వహించిన రోల్‌ప్లే పోటీల్లో సూర్యాపేట మండలం ఇమాంపేట మోడల్‌ స్కూల్‌ విద్యార్థులు ప్రతిభ చాటారు. గురువారం జిల్లా బాలభవన్‌లో నిర్వహించిన జిల్లా స్థాయి రోల్‌ప్లే పోటీల్లో ఇమాంపేట మోడల్‌ స్కూల్‌ విద్యార్థులు ‘మాదక ద్రవ్యాల దుర్వినియోగ నివారణ, యాజమాన్యం’ అనే అంశంపై ప్రదర్శించిన రోల్‌ప్లే విశేషంగా ఆకట్టుకుంది. దీంతో వీరు జిల్లా స్థాయిలో ప్రథమ బహుమతి సాధించి, రాష్ట్రస్థాయి పోటీలకు ఎంపికయ్యారు. నవంబర్‌ మొదటి వారంలో జరగనున్న రాష్ట్రస్థాయి పోటీల్లో వీరు పాల్గొననున్నారు. ఈ పోటీల్లో ఇమాంపేట పాఠశాలకు చెందిన గుగులోతు శ్రేయసి, కట్ట అక్షర, సమీక్ష, రేకల మాథ్యూ కుమార్‌, సలిగంటి తరుణ్‌సాయిలు పాల్గొన్నారు. దండెం రవికుమార్‌ గైడ్‌ టీచర్‌గా వ్యవహరించారు. ఈ సందర్భంగా విద్యార్థులను డీఈఓ చావా శ్రీనివాసరావు అభినందించారు. లైంగిక నేరాలపై అవగాహన ఉండాలి ● సీనియర్‌ సివిల్‌ జడ్జి ఫర్హీన్‌ కౌసర్‌ చివ్వెంల(సూర్యాపేట) : విద్యార్థులు లైంగిక నేరాల పట్ల అవగాహన కలిగి ఉండాలని జిల్లా కోర్టు సీనియర్‌ సివిల్‌ జడ్జి ఫర్హీన్‌ కౌసర్‌ అన్నారు. శుక్రవారం సూర్యాపేట పట్టణంలోని బాలికల ప్రభుత్వ ఉన్నత పాఠశాలలో నిర్వహించిన ‘సురక్షిత బచ్‌పన్‌ అభియాన్‌’, ‘లైంగిక నేరాల చట్టం’ (పోక్సో) అవగాహన కార్యక్రమంలో ఆమె పాల్గొని మాట్లాడారు. పిల్లలు చెడు వ్యసనాలకు, చెడు స్నేహాలకు దూరంగా ఉండాలని సూచించారు. గుడ్‌ టచ్‌, బ్యాడ్‌ టచ్‌లపై విద్యార్థులకు వివరించారు. బాధిత పిల్లలకు జిల్లా న్యాయ సేవాధికార సంస్థ ద్వా రా ఉచితంగా న్యాయసలహాలు, అందజేస్తామని తెలిపారు. అనంతరం ప్రొజెక్టర్‌ ద్వారా లైంగిక నేరాల తీరుతెన్నులపై అవగాహన కల్పించారు. కార్యక్రమంలో డీఎల్‌ఎస్‌ఏ నామినేటెడ్‌ సభ్యులు గుంటూరు మధు, నమమత, ప్రిన్సిపాల్‌ నాగరాణి పాల్గొన్నారు. నారసింహుడి నిత్య కల్యాణంమఠంపల్లి : మట్టపల్లి ఆలయంలో శ్రీరాజ్యలక్ష్మీ, చెంచులక్ష్మీ సమేత శ్రీ ప్రహ్లాద యోగానంద శ్రీలక్ష్మీనరసింహస్వామి నిత్య కల్యాణాన్ని శుక్రవారం శాస్త్రోక్తంగా నిర్వహించారు. నూతన పట్టు వస్త్రాలతో స్వామి, అమ్మవార్లను వధూవరులుగా అలంకరించి ఎదుర్కోళ్ల మహోత్సవం నిర్వహించారు. కల్యాణ తంతును విష్వక్సేన ఆరాధన, మధుపర్క పూజ, మాంగల్యధారణ, తలంబ్రాలతో వైభవంగా పూర్తిచేశారు. అనంతరం స్వామి, అమ్మవార్లను గరుడ వాహనంపై ఆలయ తిరుమాడ వీధుల్లో ఊరేగించారు. కార్యక్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, విజయ్‌కుమార్‌, ఈఓ చలపతిరావు, అర్చకులు శ్రీనివాసాచార్యులు, పద్మనాభాచార్యులు, లక్ష్మీనరసింహమూర్తి, ఆంజనేయాచార్యులు, భక్తులు పాల్గొన్నారు.

హుజూర్‌నగర్‌, చివ్వెంల : కాంగ్రెస్‌ పార్టీ చేవెళ్లలో ప్రకటించిన గిరిజన డిక్లరేషన్‌ను ఇప్పటికీ అమలు చేయకపోవడం సిగ్గుచేటని సేవాలాల్‌ సేన రాష్ట్ర అధ్యక్షుడు బానోతు హుస్సేన్‌ నాయక్‌ విమర్శించారు. ఆ సంఘం ఆధ్వర్యంలో చేపట్టిన ‘గిరిజన గళం– తండాలో నిద్ర’ యాత్ర శుక్రవారం జిల్లాలోని హుజూర్‌నగర్‌, చివ్వెంల మండలాలకు చేరింది. హుజూర్‌నగర్‌, బద్యా తండాల్లో ఏర్పాటు చేసిన విలేకరుల సమావేశాల్లో ఆయన మాట్లాడారు. గిరిజనుల ఓట్లతోనే గెలిచామన్న సీఎం రేవంత్‌ రెడ్డి.. నేడు తండాల అభివృద్ధిని పూర్తిగా విస్మరించారని ఆయన ఆరోపించారు. లంబాడీలకు మంత్రి పదవి ఇవ్వడంతో పాటు నామినేటెడ్‌ పదవుల్లో తగిన ప్రాధాన్యత కల్పించాలని కోరారు. రాష్ట్ర రాజధానిలో సేవాలాల్‌ మహారాజ్‌ మందిరాన్ని నిర్మించడంతో పాటు ‘గోర్‌ ట్రైబల్‌ మ్యూజియం’ ఏర్పాటు చేయాలని డిమాండ్‌ చేశారు. ఆయా కార్యక్రమాల్లో సేవాలాల్‌ సేన రాష్ట్ర ఉపాధ్యక్షుడు ధరావతు రాజేష్‌ నాయక్‌, జిల్లా ప్రధాన కార్యదర్శి భూక్యా నాగు నాయక్‌, గిరిజన నాయకులు, సర్పంచ్‌లు నగేష్‌ రాథోడ్‌, వెంకట్రాం, రవి, రవీందర్‌, రాజేశ్‌, బాలు, శివరాం, చక్రు, కృష్ణ, శ్రీను, నాగరాజు, నరసింహ, సైదా నాయక్‌, భానోతు కిషన్‌, నాగులు, వీరన్న, చందు, హేమ్లా, రాముడు, భాష్య, చిరంజీవి, సురేష్‌, లక్ష్మణ్‌ పాల్గొన్నారు. సేవాలాల్‌ సేన రాష్ట్ర అధ్యక్షుడు బానోతు హుస్సేన్‌ నాయక్‌

భానుపురి(సూర్యాపేట) : జిల్లాలోని పరిశ్రమల అవసరాలకు అనుగుణంగా నిరుద్యోగ యువతకు నైపుణ్యాభివృద్ధి శిక్షణ ఇచ్చి, ఉపాధి అవకాశాలు కల్పించేందుకు చర్యలు తీసుకుంటున్నట్లు కలెక్టర్‌ తేజస్‌ నంద్‌లాల్‌ పవార్‌ తెలిపారు. శుక్రవారం కలెక్టరేట్‌లోని వీడియో కాన్ఫరెన్స్‌ హాల్‌లో జిల్లా స్కిల్‌ డెవలప్‌మెంట్‌ కమిటీ సమీక్ష సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ.. జిల్లాలోని పరిశ్రమలకు అవసరమైన నైపుణ్యాలను సర్వే ద్వారా గుర్తించి, వాటికి అనుగుణంగా ప్రత్యేక శిక్షణ కోర్సులు రూపొందించాలని అధికారులను ఆదేశించారు. ఎన్‌ఐఈఎల్‌ఐటీ, ఆర్సెట్టి, సీఐటీడీ, టాస్క్‌ సంస్థల సమన్వయంతో యువతకు శిక్షణ, ధ్రువీకరణ అందించి ఉద్యోగ అవకాశాలు కల్పించాలన్నారు. టాస్క్‌ సమన్వయంతో జిల్లాలో స్కిల్‌ డెవలప్‌మెంట్‌ సెంటర్‌ ఏర్పాటు పనులు వేగంగా కొనసాగుతున్నాయని తెలిపారు. ఈ సమావేశంలో డీఆర్‌ఓ డి.ప్రేమ్‌ రాజు, జిల్లా పరిశ్రమల శాఖ జీఎం ఎం.ఎ.భారతి, అసిస్టెంట్‌ కమిషనర్‌ ఆఫ్‌ లేబర్‌ సత్యనారాయణ రెడ్డి, ఎన్‌ఐఈఎల్‌ఐటీ ప్రతినిధి డాక్టర్‌ లక్ష్మణ్‌, ఎన్‌ఎస్‌డీసీ ప్రతినిధి ప్రతాప్‌ చారి, ఎస్‌బీఐ ప్రతినిధి వాల్యా నాయక్‌, సూర్యాపేట పాలిటెక్నిక్‌ కళాశాల సీనియర్‌ లెక్చరర్‌ వజ్రయ్య, హుజూర్‌నగర్‌ ఐటీఐ ప్రిన్సిపాల్‌ ఎన్‌.వెంకటేశ్వరరావు తదితరులు పాల్గొన్నారు.పట్టభద్రుల ఓటరు నమోదుకు 6 చివరి తేదీ శాసనమండలి పట్టభద్రుల నియోజకవర్గ ఓటరు జాబితాలో పేరు నమోదు చేసుకునేందుకు నవంబర్‌ 6 చివరి తేదీ అని జిల్లా ఎన్నికల అధికారి, కలెక్టర్‌ తేజస్‌ నందలాల్‌ పవార్‌ తెలిపారు. అర్హులైన పట్టభద్రులు నిర్ణీత గడువులోగా ఫారం–18 ద్వారా దరఖాస్తు చేసుకోవాలని సూచించారు. పట్టభద్రులు తెలంగాణ ముఖ్య ఎన్నికల అధికారి వెబ్‌సైట్‌ https://ceotelangana.nic.in ద్వారా ఆన్‌లైన్‌లో దరఖాస్తు చేసుకోవచ్చని తెలిపారు. కలెక్టర్‌ తేజస్‌ నంద్‌లాల్‌ పవార్‌

సూర్యాపేటటౌన్‌: పోలీసు అమరవీరుల సంస్మరణ దినోత్సవం (పోలీస్‌ ఫ్లాగ్‌ డే) సందర్భంగా శనివారం రాత్రి జిల్లా పోలీసు కార్యాలయంలో కొవ్వొత్తుల ర్యాలీ నిర్వహించారు. కార్యక్రమంలో ఎస్పీ నరసింహ పాల్గొని కొవ్వొత్తులు వెలిగించి అమరులకు ఘనంగా నివాళులర్పించారు. డీఎస్పీ ప్రసన్న కుమార్‌, ఆర్మ్‌డ్‌ డీఎస్పీ నరసింహాచారి, పట్టణ ఇన్‌స్పెక్టర్‌ వెంకటయ్య, సైబర్‌ సెక్యూరిటీ ఇన్‌స్పెక్టర్‌ శివ కుమార్‌, రిజర్వ్‌ ఇన్‌స్పెక్టర్‌ ప్రవీణ్‌ కుమార్‌, ఆర్‌ఎస్‌ఐలు, పోలీసు సంఘం అధ్యక్షుడు రమేష్‌, సిబ్బంది పాల్గొన్నారు.కొవ్వొత్తుల ర్యాలీ నిర్వహిస్తున్న పోలీసులు

కోదాడ : అధికారుల నిర్లక్ష్యం, భవన యజమానుల స్వార్థం కోదాడ పట్టణ ప్రజలకు తీవ్రమైన పార్కింగ్‌ కష్టాలను తెచ్చిపెడుతున్నాయి. నిబంధనల ప్రకారం బహుళ అంతస్తుల భవనాల నిర్మాణ సమయంలో పార్కింగ్‌ కోసం సెల్లార్లను కేటాయించాలి. కానీ, యజమానులు ఆ సెల్లార్లలో సైతం దుకాణాలను ఏర్పాటు చేసి అద్దెకు ఇస్తుండడంతో.. షాపింగ్‌ కోసం వచ్చే వినియోగదారులు స్థలం లేక తమ వాహనాలను రోడ్లపైనే నిలపాల్సిన దుస్థితి ఏర్పడుతోంది. ఆక్రమణలను అడ్డుకోవాల్సిన మున్సిపల్‌ టౌన్‌ప్లానింగ్‌ విభాగం నిద్రావస్థలో ఉండగా.. పోలీసులు సమస్య మూలాలను వదిలేసి, కేవలం రోడ్డుపై నిలిపిన వాహనాలకు జరిమానాలు వేయడమే తమ పని అన్నట్లు వ్యవహరిస్తున్నారు. 80 వేలకు పైగా జనాభా ఉన్న కోదాడ పట్టణంలో ఒక్కటంటే ఒక్క పబ్లిక్‌ పార్కింగ్‌ స్థలం కూడా లేదంటే పరిస్థితి ఎంత దారుణంగా ఉందో అర్థం చేసుకోవచ్చు. కుచించుకుపోయిన రోడ్డు.. కోదాడ పట్టణంలోని రంగా థియేటర్‌ పక్కన ఉన్న ఆజాద్‌నగర్‌ ప్రధాన రహదారి వాస్తవానికి 40 అడుగుల వెడల్పు ఉండాలి. పట్టణంలోని సగం మంది ప్రజలు ఈ రోడ్డు నుంచే రాకపోకలు సాగిస్తుంటారు. కానీ, ఆక్రమణలు పెరిగిపోవడంతో ప్రస్తుతం ఈ రోడ్డు 25 అడుగులకు కుచించుకుపోయింది. దీనికితోడు రోడ్డు ప్రారంభంలో రంగా థియేటర్‌కు చెందిన వాణిజ్య సముదాయంలో ఏర్పాటు చేసిన ఒక హోటల్‌ వల్ల తీవ్ర ట్రాఫిక్‌ సమస్య ఏర్పడుతోంది. రంగా థియేటర్‌ నుంచి బాలికల పాఠశాల వరకు రోడ్డుపైనే పార్కింగ్‌ చేస్తుండడంతో బడికి వెళ్లే విద్యార్థినులు సైతం తీవ్ర ఇబ్బందులు పడుతున్నారు. భవనాల సెల్లార్లను అద్దెకిస్తున్న యజమానులు కోదాడలో తీవ్రమవుతున్న పార్కింగ్‌ కష్టాలు చోద్యం చూస్తున్న టౌన్‌ప్లానింగ్‌ అధికారులు జరిమానాలతో సరిపెడుతున్న పోలీసులుకోదాడ పట్టణంలో పార్కింగ్‌ సమస్యను పరిష్కరించడానికి మున్సిపల్‌, పోలీస్‌ శాఖలు సమన్వయంతో పనిచేయాలి. ముందుగా గల్లీ రోడ్లలో ఆక్రమణలు తొలగించాలి. ప్రధాన రహదారిపై ఏర్పాటు చేసిన దుకాణాలు, బ్యాంకుల ఎదుట వాహనాలు నిలపకుండా కఠిన చర్యలు తీసుకోవాలి. – నాళం రాజన్న, న్యాయవాది, కోదాడ ప్రతిచోటా ఇదే పరిస్థితి.. ప్రధాన రహదారి నుంచి లోపలికి వెళ్లే గల్లీ రోడ్ల మూలమలుపుల వద్ద డబ్బా కొట్లను ఏర్పాటు చేస్తుండడంతో రాకపోకలకు ఆటంకం కలుగుతోంది. కల్లూరి రాములు వీధి, రంగా థియేటర్‌ ఎదురు వీధి, సాయిబాబా థియేటర్‌ రోడ్డు, బొడ్రాయి బజార్‌, యాదవ బజార్‌, అనంతగిరి రోడ్డు, ఎస్సీ కళాశాల రోడ్డు.. ఇలా ప్రతిచోటా ట్రాఫిక్‌ కష్టాలే దర్శనమిస్తున్నాయి. ఆయా రోడ్లలోని బహుళ అంతస్తుల భవనాల్లో ఉన్న బ్యాంకులు, ఇతర వ్యాపార సంస్థలకు వచ్చేవారు పార్కింగ్‌ స్థలం లేక రోడ్లపైనే వాహనాలు నిలుపుతున్నారు. ఇటీవల కోదాడ ప్రభుత్వ వైద్యశాల సమీపంలో ప్రధాన రహదారిపై భారీ వస్త్ర దుకాణాలను ఏర్పాటు చేశారు. వాటికి సైతం సరైన పార్కింగ్‌ సౌకర్యం లేకపోవడంతో ఆ ప్రాంతంలోనూ ట్రాఫిక్‌ స్తంభిస్తోంది.

పెన్‌పహాడ్‌ : సార్వత్రిక టీకాల పెంపు లక్ష్యంగా నిర్వహిస్తున్న ఇంటెన్సిఫైడ్‌ మిషన్‌ ఇంద్రధనుష్‌ స్పెషల్‌ డ్రైవ్‌ వ్యాక్సీకరణ సెషన్లను వంద శాతం విజయవంతం చేయాలని జిల్లా వైద్య, ఆరోగ్య శాఖ అధికారి డాక్టర్‌ పెండెం వెంకటరమణ ఆరోగ్య సిబ్బందిని ఆదేశించారు. గురువారం పెన్‌పహాడ్‌ మండల కేంద్రంలోని ప్రాథమిక ఆరోగ్య కేంద్రంలో సిబ్బందితో ఆయన సమీక్ష సమావేశం నిర్వహించారు. ఈ సందర్భంగా పీహెచ్‌సీ పరిధిలోని 10 ఆరోగ్య ఉపకేంద్రాల వారీగా నిర్దేశించిన ఇమ్యూనైజేషన్‌ లక్ష్యాలు ఎంత, ఇప్పటివరకు సాధించిన ప్రగతి ఎంత అనే వివరాలపై సబ్‌సెంటర్ల వారీగా సమీక్షించారు. అర్హులైన చిన్నారులు, గర్భిణులు ఎవరూ టీకాలకు దూరం కాకుండా చూడాలని ఆదేశించారు. ఈ సమావేశంలో జిల్లా వ్యాధి నిరోధక టీకాల అధికారి డాక్టర్‌ కోటిరత్నం, జిల్లా ఉప మాస్‌ మీడియా అధికారి సంజీవరెడ్డి, జిల్లా కార్యాలయ సూపరింటెండెంట్‌ శ్రీనివాస్‌, వైద్యాధికారి రాజేష్‌, కమ్యూనిటీ హెల్త్‌ ఆఫీసర్‌ సైదమ్మ, పబ్లిక్‌ హెల్త్‌ నర్సింగ్‌ ఆఫీసర్‌ బెల్లంకొండ పద్మ, ఆరోగ్య విస్తరణ అధికారులు శ్రీనివాసులు, ప్రభాకర్‌, ఆరోగ్య సిబ్బంది తదితరులు పాల్గొన్నారు. డీఎంహెచ్‌ఓ డాక్టర్‌ పెండెం వెంకటరమణ

భానుపురి (సూర్యాపేట): సూర్యాపేట జిల్లాను బాలల స్నేహపూర్వక జిల్లాగా తీర్చిదిద్దడమే లక్ష్యంగా జిల్లా యంత్రాంగం ముందడుగు వేస్తోందని కలెక్టర్‌ తేజస్‌ నంద్‌ లాల్‌ పవార్‌ అన్నారు. గురువారం జిల్లా కలెక్టరేట్‌ సమావేశ మందిరంలో పిల్లల హక్కుల పరిరక్షణ, వారి స్వేచ్ఛ, అభిరుచులు, ఆలోచనా విధానంపై అవగాహన కల్పించేందుకు యూనిసెఫ్‌ సంస్థతో జిల్లా యంత్రాంగం అవగాహన ఒప్పందం కుదుర్చుకుంది. ఎస్పీ నరసింహ, మహిళా శిశు సంక్షేమ శాఖ అధికారులతో కలిసి కలెక్టర్‌ ఈ కార్యక్రమంలో పాల్గొన్నారు. అనంతరం కలెక్టర్‌ మాట్లాడుతూ.. బాలలు తమ హక్కులను, స్వేచ్ఛను పూర్తిస్థాయిలో అనుభవించేలా చూడాల్సిన బాధ్యత అందరిపై ఉందన్నారు. ఈ అవగాహన ఒప్పందం సూర్యాపేటను ఆదర్శ బాలల స్నేహపూర్వక జిల్లాగా తీర్చిదిద్దేందుకు దోహదపడుతుందని ఆశాభావం వ్యక్తం చేశారు. కార్యక్రమంలో యూనిసెఫ్‌ ప్రతినిధి ఫిలిప్స్‌, జిల్లా సంక్షేమ అధికారి నరసింహారావు, జిల్లా రెవెన్యూ అధికారి ప్రేమ్‌రాజు, జిల్లా వైద్య ఆరోగ్య శాఖ అధికారి వెంకటరమణ, ట్రైనీ డిప్యూటీ కలెక్టర్లు రవితేజ, అనూష, జిల్లా బాలల పరిరక్షణ అధికారి బి.రవికుమార్‌, ఐసీడీఎస్‌ సూపర్‌వైజర్‌ ఉపేంద్ర, సీడీపీవోలు, సంక్షేమ శాఖ సిబ్బంది పాల్గొన్నారు. కలెక్టర్‌ తేజస్‌ నంద్‌ లాల్‌ పవార్‌

సూర్యాపేట టౌన్‌ : విద్యార్థుల్లో సామాజిక అంశాలపై అవగాహన పెంపొందించడంతో పాటు, వారిలోని సృజనాత్మకత, ఆత్మవిశ్వాసం, వ్యక్తీకరణ నైపుణ్యాలను వెలికితీసేందుకు ‘రోల్‌ప్లే’ పోటీలు ఎంతగానో దోహదపడతాయని జిల్లా విద్యాధికారి శ్రీనివాసరావు అన్నారు. గురువారం జిల్లా కేంద్రంలోని బాలభవన్‌లో నిర్వహించిన జిల్లా స్థాయి రోల్‌ప్లే పోటీల్లో ఆయన పాల్గొని మాట్లాడారు. జిల్లా స్థాయిలో నిర్వహించిన ఈ పోటీల్లో వివిధ పాఠశాలలకు చెందిన 9వ తరగతి విద్యార్థులు పాల్గొన్నారు. ఆరోగ్యకరమైన ఎదుగుదల, భావోద్వేగ శ్రేయస్సు, మానసిక ఆరోగ్యం, వ్యక్తుల మధ్య సంబంధాలు, లింగ సమానత్వం, పోషకాహారం, పరిశుభ్రత, మాదకద్రవ్యాల నివారణ, ఆరోగ్యకరమైన జీవనశైలి, హెచ్‌ఐవీ నివారణ, ఇంటర్నెట్‌, గాడ్జెట్ల సురక్షిత వినియోగం వంటి అంశాలపై విద్యార్థులు తమ ప్రదర్శనలతో ఆకట్టుకున్నారు. పోటీల్లో ప్రతిభ కనబరిచినవారికి డీఈఓ శ్రీనివాసరావు బహుమతులు, ప్రశంసా పత్రాలు అందజేశారు. కార్యక్రమంలో డీఎస్‌ఓ ఎల్‌.దేవరాజ్‌, బాలభవన్‌ సూపరింటెండెంట్‌ బండి రాధాకృష్ణ, జ్యూరీ సభ్యులు అనిల్‌, శ్రీధర్‌ పాల్గొన్నారు. డీఈఓ శ్రీనివాసరావు

కోదాడ రూరల్‌ : ఆంధ్రప్రదేశ్‌లో ప్రళయం సృష్టించిన తుపాను బాధితులకు అండగా నిలిచేందుకు సూర్యాపేట జిల్లా విద్యుత్‌ సిబ్బంది గురువారం భీమవరం బయలుదేరారు. ఏపీలో తుపానుతో అతలాకుతలమైన ప్రాంతాల్లో విద్యుత్‌ పునరుద్ధరణ పనుల కోసం మన రాష్ట్ర ప్రభుత్వ ఆదేశాల మేరకు 100 మంది సిబ్బంది అక్కడికి వెళ్లారు. జిల్లా నుంచి 10 మంది ఏఈలు, కాంట్రాక్టర్లు, కార్మికులు, ఇతర విద్యుత్‌ సిబ్బందితో పాటు 10 వర్కింగ్‌ ట్రాక్టర్లు బయలుదేరి వెళ్లాయి. ఈ వాహనాలను జిల్లా విద్యుత్‌ శాఖ ఎస్‌ఈ యాదగిరి జెండా ఊపి ప్రారంభించారు. కార్యక్రమంలో టెక్నికల్‌ డీఈ వెంకటకృష్ణయ్య, ఎంఆర్‌టీ డీఈ జ్యోతికుమార్‌, ఏడీఈలు వెంకన్న, ఆనంద్‌, మధు, బాలకృష్ణ, విద్యుత్‌ సిబ్బంది తదితరులు పాల్గొన్నారు.

సూర్యాపేట టౌన్‌ : జిల్లా పోలీస్‌ శాఖలో నిరుపయోగంగా ఉన్న వివిధ రకాల వస్తువులను బహిరంగ వేలం ద్వారా విక్రయించనున్నట్లు ఎస్పీ కె.నరసింహ గురువారం ఒక ప్రకటనలో తెలిపారు. టెంట్‌ సామగ్రి, ఫైబర్‌ ప్లాస్టిక్‌, ఇనుప సామగ్రి, ఎలక్ట్రానిక్‌ పరికరాలు విక్రయిస్తున్నట్లు తెలిపారు. నవంబర్‌ 4న ఉదయం 11 గంటలకు జిల్లా కేంద్రంలోని ఇందిరమ్మ కాలనీ సమీపంలో ఉన్న పాత ఎస్పీ కార్యాలయంలో బహిరంగ వేలం నిర్వహించనున్నట్లు వెల్లడించారు. ఆసక్తి గలవారు వేలం ప్రక్రియలో పాల్గొని, నిబంధనల ప్రకారం వస్తువులను కొనుగోలు చేయవచ్చని సూచించారు. వివరాలకు రిజర్వ్‌ ఇన్‌స్పెక్టర్‌ ప్రవీణ్‌ కుమార్‌ను సెల్‌ నంబర్‌ 87126 86018 సంప్రదించవచ్చని తెలిపారు. చిన్నారులను సెల్‌ఫోన్‌కు దూరంగా ఉంచండిచివ్వెంల(సూర్యాపేట) : చిన్నారులను తల్లిదండ్రులు సెల్‌ఫోన్‌లకు దూరంగా ఉంచాలని జిల్లా మొదటి అదనపు న్యాయమూర్తి డాక్టర్‌ పి.శివరామ్‌ ప్రసాద్‌ సూచించారు. జిల్లా న్యాయసేవాధికార సంస్థ ఆధ్వర్యంలో గురువారం చివ్వెంల పీఎంశ్రీ జిల్లా పరిషత్‌ ఉన్నత పాఠశాలలో నిర్వహించిన ‘సురక్షిత్‌ బచ్‌పన్‌ అభియాన్‌’ కార్యక్రమంలో ఆయన పాల్గొని మాట్లాడారు. ఈ సందర్భంగా బాలలపై లైంగిక నేరాల నిరోధక చట్టం (పోక్సో)–2012 పై విద్యార్థులకు అవగాహన కల్పించారు. ప్రస్తుతం కోర్టుల ముందుకు వస్తున్న కేసుల్లో అత్యధికంగా 18 సంవత్సరాలలోపు పిల్లలకు సంబంధించినవే ఉంటున్నాయని తెలిపారు. ఫేస్‌బుక్‌, వాట్సాప్‌, ఇన్‌స్ట్రాగామ్‌ అతిగా ఉపయోగించడం వల్లే ఇటువంటి సమస్యలు తలెత్తుతున్నాయని వివరించారు. కార్యక్రమంలో డీఎల్‌ఎస్‌ఏ నామినేటెడ్‌ సభ్యుడు గుంటూరు మధు, ప్రిన్సిపాల్‌ జి.పద్మ, సిబ్బంది పాల్గొన్నారు. నూతన పెన్షన్ల పరిశీలనచివ్వెంల(సూర్యాపేట): చివ్వెంల మండల పరిధిలోని వట్టిఖమ్మంపహాడ్‌ గ్రామంలో నూతనంగా మంజూరైన పింఛనుదారుల వివరాలను డీఆర్‌డీవో సన్యాసయ్య గురువారం పరిశీలించారు. అదేవిధంగా గ్రామంలో చేపడుతున్న ఉపాధి హామీ పనులను పరిశీలించి, కూలీలకు పలు సూచనలు చేశారు. కార్యక్రమంలో ఎంపీడీఓ) సీహెచ్‌.సంతోష్‌ కుమార్‌, ఏపీఎం వెంకటయ్య, సర్పంచ్‌ గోగుల ఈదయ్య, పంచాయతీ కార్యదర్శి రమేష్‌ నాయక్‌, సీసీ చందు నాయక్‌ పాల్గొన్నారు. జిల్లా ఆదర్శ రైతుగా మూల వెంకటరెడ్డిమునగాల : మునగాల మండల పరిధిలోని నారాయణగూడెం గ్రామానికి చెందిన మూల వెంకటరెడ్డికి అరుదైన గౌరవం దక్కింది. వ్యవసాయ రంగంలో ఆయన అందిస్తున్న సేవలు, ఆధునిక సాగు పద్ధతులను అనుసరిస్తున్నందుకు గాను వెంకటరెడ్డిని సూర్యాపేట జిల్లా ఆదర్శ రైతుగా ఎంపిక చేశారు. కిసాన్‌ మహారాజా అవార్డ్స్‌–2026 పేరిట వైస్‌ టీవీ డిజిటల్‌ ఆధ్వర్యంలో జిల్లాల వారీగా ఆదర్శ రైతులను ఎంపిక చేశారు. ఇందులో భాగంగా గురువారం హైదరాబాద్‌లోని హైటెక్‌ సిటీ శి ల్పకళావేదికలో నిర్వహించిన కార్యక్రమంలో వెంకటరెడ్డికి ఆదర్శ రైతు అవార్డును ప్రదానం చేశారు. బీజేపీ రాష్ట్ర అధ్యక్షుడు రామచంద్రరావు, కామారెడ్డి ఎమ్మెల్యే వెంకటరమణారెడ్డి, వైస్‌ టీవీ యాంకర్‌ రాములమ్మ తదితరులు వెంకటరెడ్డిని పూలమాలలు, శాలువాలతో సత్కరించి షీల్డు అందజేశారు.

భానుపురి (సూర్యాపేట): జిల్లాలో వానాకాలం వరి కోతలు ముమ్మరమైనా ప్రభుత్వ ధాన్యం కొనుగోలు కేంద్రాలు ప్రారంభం కాకపోవడంతో రైతులు తీవ్ర ఇబ్బందులు ఎదుర్కొంటున్నారు. ఇదే అదునుగా ప్రైవేటు వ్యాపారులు మద్దతు ధర కంటే తక్కువకే ధాన్యాన్ని కొనుగోలు చేస్తూ రైతులకు గిట్టుబాటు ధర దక్కకుండా చేస్తున్నారు. ఇప్పటివరకు బహిరంగ మార్కెట్‌లో దొడ్డు, సన్న రకాలకు మంచి ధర ఉండగా.. నాలుగైదు రోజులుగా దొడ్డు రకం ధాన్యం ధరను వ్యాపారులు అమాంతం తగ్గించేశారు. ప్రభుత్వ మద్దతు ధరకై నా ధాన్యాన్ని అమ్ముకుందామనుకుంటే ఇప్పటివరకు జిల్లాలో ఒక్క సెంటర్‌ కూడా ప్రారంభానికి నోచుకోలేదు. దీంతో చేసేదేమీ లేక రైతులు ప్రైవేటు వ్యాపారులకే తక్కువ ధరకు అమ్ముకోవాల్సిన దుస్థితి నెలకొంది. తెరుచుకోని కేంద్రాలు..జిల్లా వ్యాప్తంగా వానాకాలం సీజన్‌లో 3.71 లక్షల ఎకరాల్లో రైతులు వరి సాగు చేశారు. సుమారు 10 లక్షల మెట్రిక్‌ టన్నుల దిగుబడి వస్తుందని, ఇందులో 3 లక్షల మెట్రిక్‌ టన్నుల మేర ధాన్యాన్ని పౌరసరఫరాల శాఖ ద్వారా రైతుల నుంచి సేకరించాలని జిల్లా యంత్రాంగం భావించింది. ఇందుకుగాను అన్ని మండలాల్లోనూ కలిపి 334 ధాన్యం కొనుగోలు కేంద్రాలను ఏర్పాటు చేయాలని అధికారులు ప్రణాళికలు సిద్ధం చేశారు. అయినప్పటికీ, ఇప్పటివరకు జిల్లాలో ఒక్క కొనుగోలు సెంటర్‌ను కూడా ప్రారంభించిన దాఖలాలు లేవు. 25 రోజులుగా వరి కోతలు..జిల్లాలోని తిరుమలగిరి, సూర్యాపేట, హుజూర్‌నగర్‌, కోదాడ నియోజకవర్గాల పరిధిలో 25 రోజులుగా వరి కోతలు జరుగుతున్నాయి. బోరుబావుల కింద రోహిణి కార్తెలో నాటు వేసిన పొలాలు ముందుగా కోతకు వచ్చాయి. ఇందులో సన్న, దొడ్డు రకాల ధాన్యం ఉండగా.. ప్రారంభంలో రెండింటికీ ప్రభుత్వ మద్దతు ధర కంటే ఎక్కువ ధర లభించింది. సన్న ధాన్యానికి రూ.4,400, దొడ్డు రకానికి రూ.2,400 వరకు ధర పలికింది. మిల్లుల్లోనే కాకుండా సూర్యాపేట, తుంగతుర్తి వ్యవసాయ మార్కెట్‌ యార్డుల్లోనూ మంచి ధర ఉండడంతో రైతులు నేరుగా బహిరంగ మార్కెట్లోనే అమ్మకానికి మొగ్గు చూపారు. ధర తగ్గింపుతో ఆందోళన..గత నాలుగైదు రోజులుగా జిల్లా వ్యాప్తంగా దొడ్డు, సన్న రకాల వడ్లకు వ్యాపారులు క్వింటాకు రూ.400 వరకు ధర తగ్గించారు. మిల్లులతో పాటు వ్యవసాయ మార్కెట్‌ యార్డుల్లోనూ తక్కువ ధర చెల్లిస్తుండడంతో రైతులు ఆందోళన చెందుతున్నారు. ఈ క్రమంలోనే రెండు రోజులుగా సూర్యాపేట, తిరుమలగిరి మార్కెట్‌ యార్డుల్లో రైతులు ధరల తగ్గింపుపై ధర్నాలు కూడా చేపట్టారు. మరోవైపు ప్రభుత్వం ఏర్పాటు చేయాల్సిన కొనుగోలు కేంద్రాలు అందుబాటులోకి రాకపోవడం రైతులకు మరిన్ని కష్టాలు తెచ్చిపెట్టింది. సన్న రకం ధాన్యానికి బహిరంగ మార్కెట్‌లో మద్దతు ధరకు మించే లభిస్తున్నప్పటికీ, దొడ్డు రకానికి మాత్రం వ్యాపారులు రూ.1,700 నుంచి రూ.1,900 మాత్రమే చెల్లిస్తున్నారు. ప్రభుత్వ కొనుగోలు సెంటర్లు తెరిస్తే మద్దతు ధరకు అమ్ముకునేవారమని, కానీ ఇప్పటివరకు ప్రభుత్వం సెంటర్లను ప్రారంభించకపోవడం వల్ల తమకు తీరని నష్టం జరుగుతోందని రైతులు ఆవేదన వ్యక్తం చేస్తున్నారు. వరి కోతలు మొదలైనా తెరుచుకోని కేంద్రాలు ఇదే అదునుగా ధర తగ్గిస్తున్న వ్యాపారులు దొడ్డు రకం క్వింటాకు రూ.1,700లకే కొనుగోలు తీవ్రంగా నష్టపోతున్న రైతులుపేట మార్కెట్లో రైతుల ఆందోళనసూర్యాపేట వ్యవసాయ మార్కెట్‌ యార్డులో గురువారం రైతులు ఆందోళనకు దిగారు. వ్యాపారులంతా ఏకమై ధాన్యానికి గిట్టుబాటు ధర కల్పించడం లేదని ఆరోపించారు. మూడు రోజులుగా మార్కెట్లో ధాన్యం కొనుగోలు చేయకుండా తాత్సారం చేశారని, గురువారం పెద్ద మొత్తంలో ధాన్యం రాగానే వివిధ సాకులు చెబుతూ ధర తగ్గించారంటూ అధికారులపై ఆగ్రహం వ్యక్తం చేశారు. పది రోజుల క్రితం అన్ని రకాల ధాన్యానికి మద్దతు ధరకు మించి ధర పెట్టిన వ్యాపారులు.. రైతులంతా మార్కెట్‌కు వస్తుండడంతో, వచ్చిన రైతులు వేరేచోటికి పోలేరు అనే ధీమాతో ధరలు తగ్గిస్తున్నారని మార్కెట్‌ కార్యాలయం ఎదుట ఆందోళన చేపట్టారు. విషయం తెలుసుకున్న మార్కెట్‌ అధికారులు పోలీసులను రంగంలోకి దించి రైతులతో చర్చలు జరిపారు. ఎవరికీ అన్యాయం జరగకుండా తగిన ధర ఇప్పిస్తామని హామీ ఇవ్వడంతో రైతులు ఆందోళన విరమించారు. కాగా, గురువారం ఒక్కరోజే మార్కెట్‌కు 44 వేల బస్తాల ధాన్యం అమ్మకానికి వచ్చింది.

భానుపురి(సూర్యాపేట) : అర్నబ్‌ తుపాన్‌తో రైతులు ఆందోళన చెందుతున్నారు. తుపాన్‌ కారణంగా రెండు రోజుల పాటు జిల్లాలో వర్షాలు పడే అవకాశం ఉందని వాతావరణ శాఖ ప్రకటించింది. ఈ నేపథ్యంలో కోత దశలో ఉన్న వేలాది ఎకరాల వరి పంట దెబ్బతినే అవకాశం ఉందని రైతులు ఆందోళన చెందుతున్నారు. తుపాను భయంతో మంగళవారం పెద్ద ఎత్తున రైతులు వరి పైరులు కోసి వడ్లను ట్రాక్టర్లలో మిల్లులు, మార్కెట్‌కు తరలించారు. మార్కెట్‌కు సెలవు కావడంతో కొనుగోళ్లు జరక్క ధాన్యం అలాగే ఉండడంతో రైతులు దిక్కు తోచని స్థితిలో ఉన్నారు. ఈదురు గాలులతో నష్టం తుపాను ప్రభావంతో జిల్లాలో వాతావరణం పూర్తిగా మారిపోయింది. మంగళవారం నుంచి బలమైన గాలులు వీస్తున్నాయి. బుధవారం గాలులతో పాటు చిరు జల్లులు కురిశాయి. గాలులకు కోదాడ, హుజూర్‌నగర్‌ ప్రాంతాల్లోని పలు మండలాల్లో కోత దశలో ఉన్న వరి పొలాలు నేల వాలాయి. చల్లటి గాలులు వీస్తుండడంతో పాఠశాలలకు వెళ్లే విద్యార్థులు, వివిధ పనులమీద బయటకు వెళ్లే వారు, ఇళ్లలో ఉన్న వృద్ధులు సైతం వణికిపోయారు. వ్యవసాయ కూలీలు పనులు లేక ఇళ్లకు పరిమితమయ్యారు. భిన్న పరిస్థితులు పంట చేతికి వచ్చిన సమయంలో వర్షాలు వస్తే రైతులకు ఇబ్బందే. కానీ జిల్లా వ్యాప్తంగా కరువు పరిస్థితులు నెలకొన్న నేపథ్యంలో ఈ తుపాను ప్రభావంతో భారీ వర్షాలు పడితే చెరువులు, కుంటల్లోకి కొంత మేర నీరు చేరుతుందని కొందరు రైతులు ఆశపడుతున్నారు. ఇదే సమయంలో పంట కోత దశలో ఉన్న రైతులు తమ పంటచేలు ఆగమవుతాయని ఆందోళన చెందుతున్నారు. అర్నబ్‌ తుపాన్‌తో జిల్లాలోని కొన్ని ప్రాంతాల్లో భారీ వర్షాలు కురిసే అవకాశం ఉందని వాతావరణ శాఖ ప్రకటించింది. బుధవారం తెల్లవారుజాము నుంచి జిల్లా వ్యాప్తంగా చిరుజల్లులు మొదలయ్యాయి. దాంతో వరి కోతలు ముందుకు సాగలేదు. గాలులకు పొలాలు నేలవాలి వరి పైరు దెబ్బతింటుందేమోనని రైతులు ఆందోళన చెందుతున్నారు. పత్తితీత పనులు సైతం నిలిచిపోయాయి. సూర్యాపేట వ్యవసాయ మార్కెట్‌ యార్డులో కొనుగోలు జరిగి ఎగుమతి కాక ఉండి పోయిన ధాన్యంతో పాటు రైతులు విక్రయానికి తెచ్చిన ధాన్యం కొంతమేర తడిసింది. చాలామంది రైతులు పట్టాలను కప్పుకొని ధాన్యం రాశులు తడవకుండా జాగ్రత్త పడ్డారు. ఫ తుపాను ప్రభావంతో జిల్లాలోని పలు ప్రాంతాల్లో చిరుజల్లులు ఫ రెండు రోజుల్లో భారీ వర్షాలకు అవకాశం ఫ కోత దశలో వేలాది ఎకరాల వరి ఫ మార్కెట్లో తడుస్తున్న రైతుల ధాన్యం ఫ గాలులకు నేలవాలుతున్న వరిపైరు

భానుపురి (సూర్యాపేట) : జిల్లాలోని సంక్షేమ వసతి గృహాలు, గురుకులాలు, ఇతర రెసిడెన్షియల్‌ విద్యాసంస్థల్లో విద్యాప్రమాణాలు పెంచడంతో పాటు విద్యార్థులకు మెరుగైన వసతులు కల్పించడం, ఆరోగ్యం, భద్రతకు ప్రత్యేక చర్యలు చేపట్టాలని కలెక్టర్‌ తేజస్‌ నంద్‌లాల్‌ పవార్‌ అధికారులను ఆదేశించారు. బుధవారం కలెక్టరేట్‌లో సంబంధిత అధికారులతో నిర్వహించిన సమీక్షా సమావేశంలో ఆయన మాట్లాడారు. రెసిడెన్షియల్‌ విద్యాసంస్థల్లో విద్యార్థులు, ఉపాధ్యాయులు, ఇతర సిబ్బంది హాజరును ప్రతిరోజూ పర్యవేక్షించాలని, వివరాలను సేకరించి, ప్రతి రోజు మధ్యాహ్నం 12 గంటలలోగా కలెక్టరేట్‌లోని పర్ఫార్మెన్స్‌ మానిటరింగ్‌ సిస్టమ్‌ బృందానికి నివేదించాలని ఆదేశించారు. జిల్లాలో కరువు పరిస్థితుల నేపథ్యంలో వసతి గృహాలు, గురుకులాల్లో నీటి వసతిపై ముందస్తు కార్యాచరణ ప్రణాళికలు సిద్ధం చేయాలన్నారు. నవంబర్‌ 5న సమగ్ర క్షేత్రస్థాయి సమీక్ష నిర్వహించనున్నట్లు కలెక్టర్‌ తెలిపారు. ఇందులో సంస్థల వారీగా అన్ని విషయాలు పరిశీలించనున్నట్లు పేర్కొన్నారు. సమావేశంలో జిల్లా విద్యాశాఖ అధికారి శ్రీనివాస్‌, బీసీ వెల్ఫేర్‌ అధికారి విశాల్‌, డీఎస్‌సీడీఓ లత, ట్రైనీ డిప్యూటీ కలెక్టర్‌ రవితేజ, అనూష పాల్గొన్నారు. ఫ కలెక్టర్‌ తేజస్‌ నంద్‌లాల్‌ పవార్‌

జిల్లాలోని కొందరు మిల్లర్లు ధాన్యాన్ని పక్కదారి పట్టించి ప్రభుత్వానికి ఎగ్గొట్టిన ధాన్యం విలువ రూ. 500 కోట్ల వరకు ఉంటుందని అధికారులు ప్రాథమికంగా అంచనా వేశారు. సకాలంలో బియ్యం ఇవ్వకుండా డీఫాల్టర్‌లుగా మారిన మిల్లులో అధికారుల తనిఖీల సమయంలో పెద్ద ఎత్తున అవినీతి, అక్రమాలు వెలుగులోకి వచ్చాయి. దీనికి తోడు ఇటీవల ప్రభుత్వం విజిలెన్‌న్స్‌ అండ్‌ ఎన్‌ఫోర్స్‌మెంట్‌ అధికారులతో దాడులు చేయించగా దాదాపు 16 మిల్లులో సుమారు 1.29 లక్షల మెట్రిక్‌ టన్నుల బియ్యం పక్కదారి పట్టినట్లు గుర్తించారు. రాష్ట్రంలోనే అత్యధికంగా బియ్యం పక్కదారి పట్టిన జిల్లాగా ఇప్పటివరకు సూర్యాపేట ఉన్నట్లు సమాచారం. భానుపురి(సూర్యాపేట) : జిల్లాలో అక్రమాలకు పాల్పడిన మిల్లర్లకు సీఐడీ దడ పట్టుకుంది. కస్టమ్‌ మిల్లింగ్‌ రైస్‌ ధాన్యం పక్కదారి పట్టించడం, సన్న బియ్యానికి బదులు దొడ్డు బియ్యం సరఫరా చేయడం వంటి అక్రమాలపై విజిలెన్స్‌ ఎన్‌్‌ ఫోర్స్‌మెంట్‌, సీఐడీ అధికారులు రాష్ట్ర వ్యాప్తంగా కఠిన చర్యలకు ఉపక్రమించారు. జిల్లాలోనూ సన్న బియ్యం బదులు దొడ్డు బియ్యం ఇచ్చిన ఆరుగురు రైస్‌ మిల్లర్లపై కేసులు నమోదు చేశారు. వారిని సీఐడీ అధికారులు విచారిస్తున్నారు. ఈ నేపథ్యంలో అక్రమాలకు పాల్పడిన మిల్లర్లకు సీఐడీ అధికారుల దడ పట్టుకుంది. వీరికి సహకరించిన అధికారులు సైతం ఇదే టెన్షన్‌లో ఉన్నారు. సకాలంలో ఇవ్వకుండా.. ప్రభుత్వం వానాకాలం, యాసంగి సీజన్లలో రైతుల నుంచి సేకరించిన ధాన్యాన్ని మిల్లులకు కేటాయించి వారి నుంచి బియ్యాన్ని తీసుకుంటుంది. ప్రభుత్వ నిబంధనల మేరకు తిరిగి అప్పగించాల్సిన బియ్యాన్ని మిల్లర్లు పక్కదారి పట్టిస్తున్నారు. ప్రభుత్వం కేటాయించిన ధాన్యానికి బదులు బియ్యాన్ని తిరిగి ఇవ్వకుండా సొంత వ్యాపారం చేస్తూ కోట్లది రూపాయలు కూడగడుతున్నారు. ప్రభుత్వం గడువు పెంచుతున్నా తిరిగి అప్పగించకుండా ఇబ్బందులకు గురి చేస్తున్నారు. సీఐడీ అధికారుల సోదాలు రాష్ట్ర వ్యాప్తంగా విజిలెన్స్‌ అధికారుల దాడుల్లో అక్రమాలు వెలుగు చూసిన మిల్లులను సీఐడీ అధికారులు తిరిగి తనిఖీ చేస్తున్నారు. మిల్లుల యజమానులను అదుపులోకి తీసుకొని విచారిస్తున్నారు. ఈ నేపథ్యంలో జిల్లాలోని పలువురు మిల్లర్లను సీఐడీ అధికారులు విచారించినట్లు సమాచారం. కొందరు మిల్లర్లు సన్నబియ్యానికి బదులుగా దొడ్డు బియ్యాన్ని పాలిష్‌ చేసి కొంతమేర సీఎంఆర్‌ బకాయిలను పూడ్చుకున్నట్లు విచారణలో వెలుగు చూసింది. దీనిని సీరియస్‌గా తీసుకున్న అధికారులు బియ్యం ఇవ్వకుండా పక్కదారి పట్టించడం, సన్నబియ్యానికి బదులుగా దొడ్డు బియ్యాన్ని ఇస్తున్న మిల్లర్లపై ఉక్కు పాదం మోపుతున్నారు. దాంతో ఎప్పుడు ఏం జరుగుతుందో అనే ఆందోళన మిల్లర్లలో నెలకొంది. అక్రమాలకు పాల్పడే మిల్లర్లకు సహకరిస్తున్న అధికారులకు సైతం ఇదే టెన్షన్‌ పట్టుకుంది. కేవలం కిందిస్థాయి సిబ్బందిపై చర్యలు తీసుకొని జిల్లాలో అక్రమాలకు సహకరించే అధికారులను వదిలేశారన్న విమర్శలు సైతం వ్యక్తం అవుతున్నాయి. సీఐడీ అధికారుల రంగప్రవేశంతో వారిని సైతం విచారించే అవకాశం ఉంది. ఫ పలు మిల్లుల్లో భారీగా అక్రమాలు వెలుగులోకి ఫ రంగంలోకి సీఐడీ అధికారులు ఫ విచారణతో పాటు మిల్లర్ల అరెస్టులు ఫ మిల్లర్లు, అధికారుల్లోనూ భయాందోళన

నేరేడుచర్లకు చెందిన మారయ్యగౌడ్‌ మూడెకరాల పొలాన్ని కౌలుకు తీసుకొని వరి సాగు చేశాడు. వర్షాభావ పరిస్థితులను ఎదుర్కొని తన పంటను కాపాడుకుంటూ వచ్చాడు. ప్రస్తుతం వరి చేను కోతదశలో ఉండగా బుధవారం అర్నబ్‌ తుపాన్‌ కారణంగా భారీగా వీచిన గాలులకు మూడు ఎకరాల వరి పంట నేలవాలింది. దాంతో దిగుబడిపై తీవ్ర ప్రభావం పడే అవకాశం ఉందని రైతు ఆందోళన చెందుతున్నాడు. అప్పులు తెచ్చి సాగు చేసిన పంటచేను చేతికి అందే దశలో వర్షం కారణంగా నష్టపోవాల్సి వచ్చిందని, ప్రభుత్వం ఆదుకోవాలని కోరుతున్నాడు.

సూర్యాపేట టౌన్‌ : ఆర్ముడ్‌ రిజర్వ్‌లో కానిస్టేబుల్స్‌గా పని చేస్తున్న రాంబాబు, రామారావు, అశోక్‌, బషీర్‌లు ఏఆర్‌ హెడ్‌ కానిస్టేబుల్స్‌గా ఉద్యోగోన్నతి పొందారు. బుధవారం జిల్లా పోలీసు కార్యాలయంలో ఎస్పీ నరసింహ వారికి ప్రమోషన్‌ ఉత్తర్వులు అందజేశారు. ఈ సందర్భంగా ఎస్పీ మాట్లాడుతూ ప్రమోషన్‌తో పాటుగా బాధ్యతలు పెరుగుతాయని, అందుకు అనుగుణంగా విధుల నిర్వహణలో అప్రమత్తంగా ఉండి ప్రజలకు ఉత్తమ సేవలు అందించాలని సూచించారు. కార్యక్రమంలో అదనపు ఎస్పీ రవీందర్‌రెడ్డి, ఆర్ముడ్‌ డీఎస్పీ నరసింహాచారి, ఆర్‌ఐ ప్రవీణ్‌కుమార్‌, పోలీస్‌ సంఘం అధ్యక్షుడు రమేష్‌, కార్యదర్శి కిరణ్‌, సిబ్బంది పాల్గొన్నారు.

గరిడేపల్లి : రైతులు యాసంగిలో కూరగాయల సాగు చేపట్టడం ద్వారా తక్కువ నీటితో అధిక ఆదాయం పొందే అవకాశం ఉందని గడ్డిపల్లి కృషి విజ్ఞాన కేంద్రం ఉద్యాన శాస్త్రవేత్త సీహెచ్‌ నరేష్‌ అన్నారు. కేవీకే ఆధ్వర్యంలో గిరిజన రైతులకు బుధవారం యాసంగిలో కూరగాయల పెంపకం, మిరప సాగుపై ప్రత్యేక శిక్షణ కార్యక్రమం నిర్వహించారు. ఐసీఏఆర్‌, ఏటీఏఆర్‌ఐ, జోన్‌ 10 సహకారంతో గిరిజన ఉప ప్రణాళిక కింద ఆత్మకూరు ఎస్‌ మండలం బొట్యతండాకు చెందిన 20 మంది గిరిజన రైతులకు ఉచితంగా కూరగాయల, మిరప నారును పంపిణీ చేశారు. అనంతరం ఆయన మాట్లాడుతూ ఎల్‌నినో ప్రభావంతో వర్షపాతం తగ్గిందన్నారు. దీనిని దృష్టిలో పెట్టుకొని రైతులు బిందు సేద్యం, మల్చింగ్‌ పద్ధతులను అవలంభించాలని సూచించారు. గిరిజన రైతులకు శాసీ్త్రయ సాగు పద్ధతులపై అవగాహన కల్పించడంతో పాటు కూరగాయలు, మిరప సాగుపై ప్రోత్సహిస్తున్నట్లు తెలిపారు. కార్యక్రమంలో కృషి విజ్ఞాన కేంద్రం సస్యరక్షణ శాస్త్రవేత్త ఈ ఆదర్శ్‌, గృహ విజ్ఞాన విభాగం సహాయకురాలు ఎన్‌ సుగంధి, కెవికె సిబ్బంది తదితరులు పాల్గొన్నారు.

రోడ్డు ప్రమాద బాధితులకు సకాలంలో వైద్యం అందించడం ద్వారా ప్రాణాలను కాపాడవచ్చు. కేంద్ర ప్రభుత్వం అమలు చేస్తున్న పీఎం రాహత్‌ పథకం బాధితులకు ఎంతో ఉపయోగకరంగా ఉంటుంది. ప్రమాదం జరిగిన వెంటనే బాధితులను సమీపంలోని ఎంపిక చేసిన ఆసుపత్రులకు తరలించి అత్యవసర వైద్య సేవలు అందించాలి. జిల్లాలోని 38 ఆస్పత్రుల్లో ఈ పథకం కింద వైద్య సేవలు అందుబాటులో ఉన్నాయి. క్షతగాత్రులను ఆసుపత్రికి తరలించేందుకు ప్రజలు ముందుకు రావాలి. – డాక్టర్‌ పెండెం వెంకటరమణ, డీఎంహెచ్‌ఓ సూర్యాపేటటౌన్‌ : రోడ్డు ప్రమాదంలో గాయపడిన వారికి తక్షణ వైద్యసాయం అందించేందుకు కేంద్రం ప్రభుత్వం పీఎం రహత్‌ పథకం అమలు చేస్తున్నది. ప్రమాదం జరిగినప్పుడు అత్యంత కీలకమైన తొలిగంటలోనే వైద్యం అందించి ప్రాణాలు రక్షించడంతో పాటు బాధిత కుటుంబంపై చికిత్స ఖర్చుల భారం తగ్గించేందుకు ఈ పథకం దోహద పడుతోంది. ఇందులో భాగంగా ప్రభుత్వ, ప్రైవేటు ఆస్పత్రుల్లో నగదు రహిత వైద్యం అందించనున్నారు. జిల్లాలో 38 ఆసుపత్రుల్లో జిల్లాలోని 38 ప్రభుత్వ, ప్రైవేట్‌ ఆసుపత్రుల్లో ఈ పథకం కింద వైద్య సేవలు అందుబాటులో ఉన్నాయి. రోడ్డు ప్రమాదంలో గాయపడిన బాధితులకు గరిష్ఠంగా రూ.1.50 లక్షల వరకు, ఏడు రోజులపాటు నగదు రహిత వైద్యం అందిస్తారు. ప్రమాదం జరిగిన వెంటనే బాధితులను సమీపంలోని ఆస్పత్రికి తరలిస్తే చాలు అతడికి ఈ పథకం కింద అత్యవసర చికిత్స అందిస్తారు. ప్రమాదం జరిగిన క్షణం నుంచి ఏడు రోజు వరకు అయ్యే అన్ని రకాల అత్యవసర వైద్య ఖర్చులను ప్రభుత్వమే భరిస్తుంది. ఆర్థిక ఇబ్బందుల కారణంగా బాధితులకు ఆసుపత్రులు వైద్యం నిరాకరించకూడదన్నదే ఈ పథకం ముఖ్య ఉద్దేశం. 112 నంబర్‌తో తక్షణ సాయం.. ప్రమాదం జరిగిన వెంటనే బాధితులు, లేదా స్థానికులు 112 హెల్ప్‌లైన్‌ నంబర్‌కు ఫోన్‌ చేసి సమీపంలోని నెట్‌వర్క్‌ ఆస్పత్రుల వివరాలతో పాటు అంబులెన్స్‌ సదుపాయాన్ని పొందవచ్చు. పీఎం రహత్‌ పథకం అమలు మొత్తం డిజిటల్‌ ప్రక్రియలో జరుగుతుంది. ఆస్పత్రిలో చేరినప్పటి నుంచి డిశ్చార్జ్‌ అయ్యేవరకు అంతా ఆన్‌లైన్‌లో పారదర్శకంగా సాగుతుంది. రాష్ట్ర ఆరోగ్య సంస్థ ఆమోదం తెలిపిన పది రోజుల్లోనే ఆయా ఆసుపత్రలకు రోగి తాలూకు బిల్లులు వస్తాయి. ఫ రూ.1.50 లక్షల వరకు ఉచితంగా వైద్యచికిత్స ఫ జిల్లాలోని 38 ఆస్పత్రుల్లో నగదు రహిత వైద్యం

చివ్వెంల(సూర్యాపేట) : జిల్లాలో ఇండియన్‌ అసోసియేషన్‌ ఆఫ్‌ లాయర్స్‌ (ఐఏఎల్‌) సభ్యత్వ నమోదును వేగవంతం చేయాలని సంఘం జిల్లా అధ్యక్షుడు బొమ్మగాని శ్రీనివాస్‌ కోరారు. బుధవారం సూర్యాపేట కోర్టు ప్రాంగణంలో నిర్వహించిన సంఘం సమావేశంలో ఆయన మాట్లాడారు. న్యాయవాదుల సమస్యల పరిష్కారానికి, న్యాయవాదుల సంక్షేమానికి, భద్రత కల్పించేందుకు సంఘం కృషి చేస్తుందన్నారు. సమావేశంలో సంఘం జిల్లా కార్యదర్శి తొగటి మురళి, గౌరవ అధ్యక్షుడు నాతి సవీందర్‌కుమార్‌, వర్కింగ్‌ ప్రెసిడెంట్‌ తాళ్లపల్లి సత్యనారాయణ, గట్ల నర్సింహారావు, కంచర్ల సతీష్‌కుమార్‌, దోరపల్లి రమేష్‌, పెండెం వాణి, యరగాని వెంకటేశ్వర్లు, దయాకర్‌రావు, తదితరులు పాల్గొన్నారు. అర్వపల్లి దర్గా ఉర్సుకు ఏర్పాట్లుఅర్వపల్లి: అర్వపల్లిలోని హజ్రత్‌ సయ్యద్‌ ఖాజా నసీరుద్దీన్‌ బాబా దర్గా ఉర్సు ఉత్సవాలకు అన్ని ఏర్పాట్లు చేస్తున్నట్లు వక్ఫ్‌బోర్డు రాష్ట్ర అసిస్టెంట్‌ కార్యదర్శి అమీర్‌ హైమద్‌, జిల్లా ఇన్‌స్పెక్టర్‌ మహ్మద్‌ దస్తగిరి తెలిపారు. వచ్చే నెల 6, 7 తేదీల్లో జరిగే ఉర్సు ఉత్సవాలకు చేపడుతున్న ఏర్పాట్లను బుధవారం వారు పరిశీలించారు. దర్గా దారికి తాత్కాలిక మరమ్మతులు చేపడుతున్నట్లు చెప్పారు. ఉర్సు ఉత్సవాల విజయవంతానికి అన్ని శాఖల అధికారులు సహకరించాలని కోరారు. వారి వెంట వక్ఫ్‌బోర్డు సూపరింటెండెంట్‌ మహ్మద్‌ ఫయాజ్‌ అలీ, సోఫీ, దర్గా సిబ్బంది ఉన్నారు. విద్యార్థులు చెడు వ్యసనాలకు దూరంగా ఉండాలిచివ్వెంల(సూర్యాపేట) : విద్యార్థులు చెడు వ్యసనాలకు దూరంగా ఉండాలని జిల్లా కోర్టు ప్రిన్సిపల్‌ జూనియర్‌ సివిల్‌ జడ్జి గోపు రజిత అన్నారు. బుధవారం జిల్లా కేంద్రంలోని జీజేఎం పాఠశాలలో నిర్వహించిన శ్రీసురక్షిత్‌ బచ్‌పన్‌ అభియాన్‌శ్రీ కార్యక్రమంలో ఆమె మాట్లాడారు. విద్యార్థులు లైంగిక నేరాల పట్ల అవగహన కలిగి ఉండాలన్నారు. క్రమశిక్షణ, పట్టుదలతో చదవాలని సూచించారు. ఎలాంటి ఇబ్బందులు ఎదురైనా తల్లిదండ్రులకు, ఉపాధ్యాయులకు చెప్పాలన్నారు. కార్యక్రమంలో డీఎల్‌ఎస్‌ఏ నామినేటేడ్‌ సభ్యులు గుంటూరు మధు, డిఫెన్స్‌ కౌన్సిల్‌ సభ్యురాలు కె.ప్రియదర్శిని, ఉపాధ్యాయులు పాల్గొన్నారు. ప్రభుత్వం ఎల్‌ఆర్‌ఎస్‌పై స్పష్టత ఇవ్వాలి సూర్యాపేట : ఎల్‌ఆర్‌ఎస్‌ కోసం రూ.10 వేలు చెల్లించిన దరఖాస్తులపై రాష్ట్ర ప్రభుత్వం స్పష్టత ఇవ్వాలని, రియల్‌ ఎస్టేట్‌ వ్యాపారులు, ప్లాట్ల కొనుగోలుదారుల సమస్యలను పరిష్కరించాలని రియల్‌ ఎస్టేట్‌ వ్యాపారుల అసోసియేషన్‌ రాష్ట్ర అధ్యక్షుడు పంతంగి వీరస్వామిగౌడ్‌ కోరారు. బుధవారం సూర్యాపేటలో విలేకరులతో మాట్లాడారు. పాత వెంచర్లలోని ప్లాట్ల రిజిస్ట్రేషన్లకు అనుమతించాలని విజ్ఞప్తి చేశారు. వ్యవసాయ భూములను నాలా కన్వర్షన్‌ ద్వారా ప్లాట్లుగా రిజిస్ట్రేషన్‌ చేసుకునేలా జీవో జారి చేయాలన్నారు. ఈ అవకాశం లేక రియల్‌ ఎస్టేట్‌ రంగంపై ఆధారపడిన వ్యాపారులు, చిన్న ప్లాట్లు కొనుగోలు చేసిన పేదలు ఇబ్బందులు పడుతున్నారని పేర్కొన్నారు. ధరణిలో భూ వివరాల సమస్యలను పరిష్కరించడంతోపాటు రాష్ట్రంలోని సబ్‌రిజిస్ట్రార్‌ కార్యాలయాలకు సొంత భవనాలు నిర్మించాలని కోరారు. ఆయన వెంట అసోసియేషన్‌ జిల్లా అధ్యక్షుడు జలగం సత్యంగౌడ్‌, నాయకులు దేవత్‌ కిషన్‌నాయక్‌, అమరవాది శ్రావణ్‌, వెన్న శ్రీనివాస్‌రెడ్డి తదితరులు ఉన్నారు.

పెన్‌పహాడ్‌ : గ్రామాల్లో జల సంరక్షణ పనులను వేగవంతం చేయాలని డీఆర్‌డీఓ సన్యాసయ్య సూచించారు. బుధవారం మండలంలోని సింగారెడ్డిపాలెంలో వీబీ జీరామ్‌జీ పనులను ఆయన తనిఖీ చేశారు. ఈ సందర్భంగా ఆయన మాట్లాడుతూ వర్షపు నీటిని ఒడిసి పట్టడం, భూగర్భ జలాలను పెంపొందించడం లక్ష్యంగా ఫాంపాండ్లు, ఇంకుడు గుంతలు, రూఫ్‌టాప్‌ వాటర్‌ హార్వెస్టింగ్‌, బోర్‌వెల్‌ రీచార్జ్‌ పనులను చేపడుతున్నట్లు చెప్పారు. కూలీలకు కొలతల ప్రకారం పనిచేసి పూర్తి వేతనం పొందేలా చూడాలని సూచించారు. ఆయన వెంట ఏపీఓ రవి, ఈసీ మహేష్‌, పంచాయతీ కార్యదర్శి అఖిల్‌, టీఏ ఏకస్వామి, ఫీల్డ్‌ అసిస్టెంట్‌ జ్యోతి ఉన్నారు.

తిరుమలగిరి (తుంగతుర్తి) : తిరుమలగిరి వ్యవసాయ మార్కెట్‌కు తాము తీసుకొచ్చిన ధాన్యానికి ధర తగ్గించి కొనుగోలు చేస్తున్నారంటూ రైతులు మంగళవారం మార్కెట్‌ ఎదుట నిరసన తెలిపారు. అనంతరం సూర్యాపేట– జనగామ ప్రధాన రహదారిపై బైఠాయించి ఆందోళన చేపట్టారు. సోమవారం రైతులు రాస్తారోకో చేయడంతో మార్కెట్‌ చైర్‌పర్సన్‌ ఏమోజు చామంతి నరేష్‌ రైతులతో మాట్లాడి క్వింటాకు రూ.50 అదనంగా చెల్లిస్తామని హామీ ఇచ్చారు. అయితే మంగళవారం మళ్లీ ధర తగ్గించారంటూ రైతులు ఆందోళన నిర్వహించారు. మార్కెట్‌ చైర్‌పర్సన్‌తో పాటు మార్కెటింగ్‌ శాఖ అధికారులు, నాగారం సీఐ నాగేశ్వరరావు, ఎస్‌ఐ వెంకట్‌రెడ్డి రైతులతో మాట్లాడారు. క్వింటాకు రూ.50 అదనంగా ఇప్పిస్తామని హామీ ఇవ్వడంతో వారు ఆందోళన విరమించారు.

కోదాడ: ఈ నెల 28 నుంచి 30 వరకు ఖమ్మం జిల్లా సత్తుపల్లిలో జరిగే రాష్ట్ర స్థాయి సీనియర్‌ మహిళా కబడ్డీ పోటీలలో పాల్గొనే జిల్లా జట్టును ఎంపిక చేసినట్లు జిల్లా కబడ్డీ అసోసియేషన్‌ అధ్యక్ష, కార్యదర్శులు అల్లం ప్రభాకర్‌రెడ్డి, నామ నరసింహారావు మంగళవారం ఒక ప్రకటనలో తెలిపారు. జట్టు కెప్టెన్‌గా శ్రీజ, సభ్యులుగా త్రివేణి, దివ్య, దీప్తి, అమూల్య, సంధ్య, అంజలి, సోని, సుష్మ, మౌనిక, హర్షిత, వర్షిణి, తేజతో పాటు స్టాండ్‌బైగా ప్రసన్న, కావ్యను ఎంపిక చేసినట్లు ప్రకటించారు. జట్టుకు కోచ్‌గా శ్రీను వ్యవహరిస్తారని తెలిపారు. ఎంపికై నా క్రీడాకారులకు మున్సిపల్‌ ఫ్లోర్‌లీడర్‌ కందుల కోటేశ్వరరావు క్రీడా దుస్తులు అందించారు. విత్తన డిక్లరేషన్‌ వెనక్కి తీసుకోవాలి హుజూర్‌నగర్‌ : ప్రభుత్వం విత్తన డిక్లరేషన్‌ను వెంటనే వెనక్కి తీసుకోవాలని సీపీఎం జిల్లా కార్యదర్శి మల్లు నాగార్జునరెడ్డి డిమాండ్‌ చేశారు. మంగళవారం హుజూర్‌నగర్‌లోని అమరవీరుల స్మారక భవనంలో నిర్వహించిన సీపీఎం నియోజకవర్గస్థాయి సమావేశంలో ఆయన మాట్లాడారు. ప్రభుత్వం క్రాప్‌ హాలిడే ప్రకటిస్తే ఎకరానికి రూ.30 వేలు ముందుగా చెల్లించాలన్నారు. కేంద్ర ప్రభుత్వం అనుసరిస్తున్న విధానాల వల్లే రైతులు తీవ్ర ఇబ్బందులు ఎదుర్కొంటున్నారని, వ్యవసాయ రంగం సంక్షోభంలో కూరుకు పోతోందని విమర్శించారు. నల్లగొండలో నవంబర్‌ 15 నుంచి 18 వరకు నిర్వహించే అఖిలభారత రైతు సంఘం మహాసభలలో రైతాంగ సమస్యలపై సమరశంఖం పూరించనున్నట్లు ఆయన తెలిపారు. పల్లె వెంకటరెడ్డి అధ్యక్షతన జరిగిన సమావేశంలో పార్టీ జిల్లా కార్యదర్శివర్గ సభ్యులు ఎన్‌. పాండు, రైతు సంఘం జిల్లా ప్రధాన కార్యదర్శి కె. శంకర్‌, నాయకులు అనంత ప్రకాష్‌, నగేష్‌, యాకూబ్‌, సైదులు, బ్రహ్మం, తదితరులు పాల్గొన్నారు. నీటిని పొదుపుగా వాడుకోవాలినడిగూడెం : ప్రస్తుతం ఎల్‌నినో ప్రభావం కారణంగా వర్షాలు కురవడం లేదని, ఉన్న కొద్దిపాటి నీటిని పొదుపుగా వాడుకోవాలని జడ్పీ సీఈఓ శిరీషా సూచించారు. మంగళవారం మండలంలోని నడిగూడెం, వల్లాపుర, సిరిపురం, బృందావనపురం, వేణుగోపాలపురం గ్రామాల్లో జరుగుతున్న వీబీ జీరాంజీ పనులను, చేయూత పెన్షన్‌ వెరిఫికేషన్‌ ప్రక్రియను పరిశీలించారు. అనంతరం ఆమె మాట్లాడుతూ ప్రస్తుతం వర్షాభావ పరిస్థితుల దృష్ట్యా భూగర్భ జలాలు అడుగంటుతున్నా యని, రైతులు యాసంగిలో తక్కువ నీటితో సాగయ్యే పంటలను మాత్రమే వేసుకోవాలన్నారు. కూలీలకు పనులు కల్పించాలన్నారు. ఆమె వెంట ఎంపీడీఓ ఎల్‌.మల్సూర్‌, ఎంపీఓ వీరాంజనేయులు, ఈసీ శ్రీనివాస్‌, పంచాయతీ కార్యదర్శి మల్లారెడ్డి ఉన్నారు.

చివ్వెంల (సూర్యాపేట) : విద్యార్థులకు లైంగిక నేరాలపై అవగాహన కలిగి ఉండాలని సూర్యాపేట జిల్లా కోర్టు మొదటి అదనపు జూనియర్‌ సివిల్‌ జడ్జి ఎన్‌. అపూర్వ రవళి అన్నారు. మంగళవారం జిల్లా కేంద్రంలోని ఎంఏఎం పాఠశాలలో నిర్వహించిన అఖిల భారత పాఠశాల అవగహన సురక్షిత బచ్‌పన్‌ అభియాన్‌ కార్యక్రమంలో ఆమె మాట్లాడారు. విద్యార్థులు చెడు వ్యసనాలకు దూరంగా ఉండాలన్నారు. గుడ్‌ టచ్‌, బ్యాడ్‌ టచ్‌పై వివరించారు. విద్యార్థులకు జిల్లా న్యాయ సేవాధికార సంస్థ ఆధ్వర్యంలో ఉచిత న్యాయం అందించనున్నట్లు తెలిపారు. కార్యక్రమంలో డీఎల్‌ఎస్‌ఏ నామినేటెడ్‌ సభ్యుడు గుంటూరు మధు. నల్లపాటి మమత, డిఫెన్స్‌ కౌన్సిల్‌ సభ్యులు బొల్లెద్దు వెంకటరత్నం, బట్టిపల్లి ప్రవీణ్‌కుమార్‌, ఉపాధ్యాయులు పాల్గొన్నారు. ఫ జిల్లా కోర్టు మొదటి అదనపు జూనియర్‌ సివిల్‌ జడ్జి అపూర్వ రవళి

సూర్యాపేటటౌన్‌ : గ్రామీణ ప్రాంత ప్రజలకు మెరుగైన వైద్య సేవలు అందించాల్సిన ప్రాథమిక ఆరోగ్య కేంద్రాలు నిధుల కొరతతో నీరసిస్తున్నాయి. మూడేళ్లుగా హాస్పిటల్‌ డెవలప్‌మెంట్‌ సొసైటీ (హెచ్‌డీఎస్‌) నిధులు నిలిచిపోవడంతో ఆసుపత్రుల్లో మౌలిక సదుపాయాలు, పరికరాలకు మరమ్మతులు, పారిశుద్ధ్య నిర్వహణ వంటివి అటకెక్కాయి. చిన్న చిన్న మరమ్మతులు చేయించేందుకు కూడా నిధులు లేకపోవడంతో వైద్యులు, సిబ్బంది ఇబ్బందులు ఎదుర్కొంటున్నారు. అత్యవసరంగా చేయాల్సిన పనులు సైతం వాయిదా పడుతుండటంతో రోగులు సైతం అవస్థలు పడాల్సి వస్తున్నది. జిల్లాలో 23 పీహెచ్‌సీలు జిల్లాలో 23 పీహెచ్‌సీలతో పాటు మూడు అర్బన్‌న్‌ హెల్త్‌ సెంటర్లు ఉన్నాయి. ఒక్కో ప్రాథమిక ఆరోగ్య కేంద్రానికి ప్రతి ఏడాది రూ.1.75 లక్షల చొప్పున హెచ్‌డీఎస్‌ నిధులు కేటాయించాల్సి ఉంది. ఆసుపత్రుల్లో చిన్నపాటి మరమ్మతులు, విద్యుత్‌ పరికరాల నిర్వహణ, తాగునీటి సౌకర్యం, పారిశుద్ధ్య పనులకు ఈ నిధులను వినియోగించే వారు. మూడేళ్లుగా నిధులు విడుదల కాకపోవడంతో ఆయా పనులకు ఆటంకాలు ఎదురవుతున్నాయి. పీహెచ్‌సీలకు వచ్చే రోగులకు సైతం మౌళిక వసతులు కల్పించలేక పోవడంతో ఇబ్బందులు ఎదురవుతున్నాయి. మూలన పడుతున్న పరికరాలు ప్రాథమిక ఆరోగ్య కేంద్రంలో వినియోగించే ప్రింటర్లు, కంప్యూటర్లు, వాటర్‌ ఫిల్టర్లు మరమ్మతులకు గురైతే వాటిని బాగు చేయించేందుకు నిధులు లేక పోవడంతో పరికరాలు మూలనపడుతున్నాయి. పరీక్షల అనంతరం రోగులకు అందించాల్సిన నివేదికలను ప్రింట్‌ తీసి ఇవ్వాల్సి ఉంటుంది. అయితే పరికరాలు సరిగా పనిచేయక పోవడంతో రోగుల సెల్‌ఫోన్లకు వాట్సాప్‌కు పంపిస్తున్నారు. స్మార్ట్‌ ఫోన్లు లేని వారికి ఇబ్బందులు ఎదురవుతున్నాయి. ఫ్యాన్లు కాలిపోయినా, స్విచ్‌బోర్డులు పని చేయకున్నా, నల్లాలు పాడైనా మరమ్మతులు చేయించడం కష్టంగా మారుతోంది. పేరుకుపోతున్న సమస్యలు... కొన్ని పీహెచ్‌సీల ఆవరణలో పిచ్చిమొక్కలు పెరిగి అపరిశుభ్ర వాతావరణం నెలకొంటోంది. దాంతో విషసర్పాలు, కీటకాల సంచారం అధికమవుతోందని సిబ్బంది, రోగులు వాపోతున్నారు. ఆసుపత్రుల గోడల రంగులు వెలిసిపోవడం, సూచిక బోర్డులు దెబ్బతినడం వంటి సమస్యలు కనిపిస్తున్నాయి. తాగునీటి పైపులైన్లు, మోటార్లు మరమ్మతులకు గురైన చోట నీటి సరఫరాకు ఆటంకం ఏర్పడుతోంది. కొన్ని సందర్భాల్లో వైద్యులు, సిబ్బంది సొంత డబ్బులు వెచ్చించి మరమ్మతులు చేయించుకోవాల్సి వస్తోందని వాపోతున్నారు. పీహెచ్‌సీలకు అభివృద్ది నిధులు రాకపోవడం వాస్తవమే. నిధులు లేక పీహెచ్‌సీల్లో చిన్న చిన్న పనులు చేయలేని పరిస్థితి నెలకొంది. ఈ విషయాన్ని ఉన్నతాధికారుల దృష్టికి తీసుకెళ్లాం. నిధులు విడుదలైతే ఆసుపత్రుల్లోని సమస్యలను వెంటనే పరిష్కరించే అవకాశం ఉంటుంది. –డాక్టర్‌ పెండెం వెంకటరమణ, డీఎంహెచ్‌ఓ ఫ మూడేళ్లుగా హెచ్‌డీఎస్‌ నిధులకు బ్రేక్‌ ఫ పీహెచ్‌సీల్లో మౌలిక వసతులు కరువు ఫ మరమ్మతులకు నోచని పరికరాలు ఫ ఇబ్బంది పడుతున్న ఆస్పత్రికి వచ్చే రోగులు, సిబ్బంది

చివ్వెంల(సూర్యాపేట) : లింగమంతుల స్వామి (పెద్దగట్టు) జాతరను రాష్ట్ర పండుగగా గుర్తించాలని కోదాడ మాజీ ఎమ్మెల్యే బొల్లం మల్లయ్య యాదవ్‌ డిమాండ్‌ చేశారు. మంగళవారం మండలంలోని దురాజ్‌పల్లి లింగమంతుల స్వామి ఆలయ ఆవరణలో యాదవ సంఘాల ఐక్య వేదిక ఆధ్వర్యంలో నిర్వహించిన సమావేశంలో ఆయన మాట్లాడారు. ఫిభ్రవరిలో జరగనున్న జాతరకు ముందే మంత్రివర్గ ప్రత్యేక సమావేశం నిర్వహించి, జాతరకు సబంధించిన కీలక నిర్ణయాలు తీసుకోవాలని డిమాండ్‌ చేశారు. పెద్దగట్టు పాలన బాధ్యతలు యాదవుల చేతుల్లో ఉండే విధంగా చర్యలు తీసుకోవాలని, తగిన బడ్జెట్‌ కేటాయించి, శాశ్వత పనులు చేపట్టాలని డిమాండ్‌ చేశారు. తగుల్ల జనార్దన్‌ అధ్యక్షతన జరిగిన సమావేశంలో బీసీ సంఘం రాష్ట్ర నాయకుడు వట్టె జానయ్య యాదవ్‌, నాయకులు వజ్జె వీరయ్య యాదవ్‌, మతకాల చలపతిరావు, మద్ది శ్రీనివాస్‌ యాదవ్‌, నారబోయిన వెంకట్‌ యాదవ్‌, తదితరులు పాల్గొన్నారు. ఫ మాజీ ఎమ్మెల్యే మల్లయ్య యాదవ్‌

బుధవారం శ్రీ 28 శ్రీ అక్టోబర్‌ శ్రీ 2026భానుపురి (సూర్యాపేట) : సూర్యాపేట జిల్లాను కరువు కమ్మేసింది. దాదాపు జిల్లా అంతటా కరువు పరిస్థితులు నెలకొన్నాయి. ఎల్‌నినోతో వర్షాభావ, ప్రతికూల వాతావరణ పరిస్థితులు, భూగర్భ జలాలు పడిపోవడం, సాగునీటి కొరత, భారీగా పంటలు ఎండిపోవడంతో ఆయా ప్రాంతాలను రాష్ట్ర ప్రభుత్వం మంగళవారం కరువు మండలాలుగా ప్రకటించింది. జిల్లాలోని నాలుగు మండలాల్లో తీవ్ర కరువు నెలకొందని పేర్కొంది. ఈ జాబితాలో కోదాడ నియోజకవర్గంలోని అనంతగిరి, చిలుకూరు, హుజూర్‌నగర్‌ నియోజకవర్గంలోని పాలకీడు, చింతలపాలెం మండలాలు ఉన్నాయి. మిగతా 19 మండలాల్లోనూ మోస్తరు కరువు ఉన్నట్లు ప్రభుత్వం ప్రకటించింది. కేంద్ర ప్రభుత్వ మార్గదర్శకాల మేరకే.. కేంద్ర ప్రభుత్వ కరువు నిర్వహణ మార్గదర్శకాల మేరకు వర్షపాతం, పంటల సాగు విస్తీర్ణం, భూగర్భ జలాలు, క్షేత్రస్థాయి పరిశీలన, ఉపగ్రహాల సంకేతాల ఆధారంగా రాష్ట్ర ప్రభుత్వం కరువు మండలాలను ప్రకటించింది. ఇందులో 14 మండలాల్లో లోటు వర్షపాతం నమోదైంది. సుదీర్ఘ కాలం పాటు వర్షాలు కురవకుండా పొడి వాతావరణం ఏర్పడిన మండలాలను ఎంపిక చేసింది. సాధారణ సాగు విస్తీర్ణంతో పోల్చితే వానాకాలం సీజన్‌లో ఏయే మండలాల్లో సాగు విస్తీర్ణం తగ్గిందనే లెక్కలను సైతం ప్రభుత్వం సేకరించింది. దీనికి తోడు భూగర్భ జలాలు, తేమశాతం తదితర అంశాల ఆధారంగా జిల్లాలో నాలుగు మండలాల్లో తీవ్ర కరువు ఉన్నట్లు ప్రభుత్వం గుర్తించింది. చింతలపాలెం మండలంలో లోటు వర్షపాతం 40 శాతం ఉండగా.. భూగర్భజలాలు అత్యంత లోటులో 18.51 మీటర్ల లోతులో ఉన్నాయి. పాలకీడులో 53 శాతం లోటు వర్షాపాతం ఉండగా.. చిలుకూరులో 40 శాతం, అనంతగిరిలో 30 శాతం లోటు వర్షపాతం నమోదైంది. భూగర్భ జలాలు 8.09 మీటర్ల లోతులో ఉన్నాయి. మిగతా మండలాల్లోనూ కరువే.. ఎల్‌నినో పరిస్థితుల కారణంగా సెప్టెంబర్‌ చివరి నాటికే 14 మండలాల్లో లోటు వర్షపాతం నమోదైంది. ఈ క్రమంలో 4 మండలాల్లో తీవ్ర కరువు ఉండగా.. మిగతా 19 మండలాల్లోనూ కరువు స్పష్టంగా ఉన్నట్లు జాబితాలో పేర్కొన్నారు. ఇందులో తుంగతుర్తి, సూర్యాపేట నియోజకవర్గాలోని అన్ని మండలాలు ఉన్నాయి. ఆయా ప్రాంతాల్లో లోటు వర్షపాతమే కాకుండా భూగర్భ జలాలు సైతం అడుగంటాయి. పంటలు ఎండిపోవడం, రానున్న వేసవిలో పంటల సాగుకు అనుకూల వాతావరణం లేకపోవడంతో ఈ మేరకు కరువు మండలాల జాబితాలో చేర్చింది. మొత్తంగా జిల్లా అంతటా కరువు నెలకొనడంతో వ్యవసాయ రంగం సంక్షోభంలో పడింది. రానున్న రోజుల్లో అన్ని రంగాలపై కరువు ఛాయలు ప్రభావం చూపనున్నాయి. ఫ 4 మండలాల్లో తీవ్రం.. 19 చోట్ల సాధారణం ఫ జాబితా ప్రకటించిన రాష్ట్ర ప్రభుత్వం ఫ తక్షణ సహాయక చర్యలకు ఆదేశం కరువు ప్రభావిత మండలాల్లో తక్షణమే సహాయక చర్యలను ప్రారంభించాలని రాష్ట్ర ప్రభుత్వం జిల్లా కలెక్టర్లను ఆదేశించింది. ఇందులో భాగంగా ప్రత్యక్ష ప్రయోజన బదిలీ ద్వారా ఇన్‌ పుట్‌ సబ్సిడీని అందించాలని, తాగునీటి సరఫరాను పెంచాలని పేర్కొంది. అవసరమైన చోట పశుగ్రాసం ఏర్పాట్లతోపాటు, పశువుల శిబిరాలు నిర్వహించాలని పేర్కొంది. వీబీ జీరాంజీ కింద ఉపాధి కల్పనకు చర్యలు చేపట్టాలని పేర్కొంది. ఆర్‌బీఐ మార్గదర్శకాల మేరకు వ్యవసాయ రుణాల పునర్‌వ్యవస్థీకరణ, బలవంతపు రుణ వసూళ్లను నిలిపివేయడం వంటి చర్యలు చేపట్టాలని ఆదేశించింది.

భానుపురి (సూర్యాపేట) : జనగణనలో తప్పులు దొర్లకుండా జాగ్రత్తలు తీసుకోవాలని కలెక్టర్‌ తేజస్‌ నంద్‌లాల్‌ పవార్‌ అన్నారు. మంగళవారం కలెక్టరేట్‌ సమావేశ మందిరంలో జిల్లా, డివిజనల్‌ స్థాయి అధికారులు, చార్జ్‌ ఆఫీసర్లు, అదనపు చార్జ్‌ ఆఫీసర్లకు నిర్వహించిన శిక్షణా తరగతులను కలెక్టర్‌ ప్రారంభించి మాట్లాడారు. ఈ సందర్భంగా కలెక్టర్‌ మాట్లాడుతూ జన గణన రెండో దశ నిర్వహణకు సంబంధించిన షెడ్యూల్‌, విధివిధానాలు, అధికారుల బాధ్యతలను వివరించారు. రెండో దశను 2027, జనవరి 10 నుంచి ఫిబ్రవరి 28 వరకు నిర్వహించనున్నట్లు చెప్పారు. జనవరి 10 నుంచి 24 వరకు స్వీయ గణన, జనవరి 25 నుంచి ఫిబ్రవరి 28 వరకు ప్రతి ఇంటికి వెళ్లి గణన, ఫిబ్రవరి 28న ఇళ్లులేని వారిని గణించనున్నట్లు చెప్పారు. రివిజనల్‌ రౌండ్‌ మార్చి ఒకటో తేదీ నుంచి 5 వరకు ఉంటుందని తెలిపారు. జన గణనలో భాగంగా ఎన్యుమరేటర్లు ఇంటి యజమానిని కలిసి 40 ప్రశ్నలకు సంబంధించిన వివరాలను సేకరిస్తారని, ప్రజలు సరైన సమాచారాన్ని అందించి సహకరించాలని కోరారు. సమావేశంలో అదనపు కలెక్టర్‌ బి. హరిసింగ్‌, సీపీఓ కిషన్‌, జడ్పీ సీఈఓ శిరీష, ఆర్డీఓలు వేణుమాధవ్‌, శ్రీనివాసులు,సూర్యనారాయణ, ట్రైనర్లు ఓబులాల్‌, జంగయ్య తదితరులు పాల్గొన్నారు. వరి కోతలు వాయిదా వేసుకోండి భానుపురి (సూర్యాపేట) : ఆర్నాబ్‌ తుపాన్‌ ప్రభావంతో జిల్లాలో భారీ వర్షాలు కురిసే అవకాశం ఉన్నందున రైతులు మూడు రోజుల పాటు వరి కోతలు వాయిదా వేసుకోవాలని కలెక్టర్‌ తేజస్‌ నంద్‌లాల్‌ పవార్‌ మంగళవారం ఒక ప్రకటనలో సూచించారు. కోసిన ధాన్యం తడిస్తే తేమ శాతం పెరిగి నాణ్యత దెబ్బతినడంతో పాటు ఆర్థికంగా నష్టపోయే ప్రమాదం ఉందని పేర్కొన్నారు. వాతావరణ పరిస్థితులు అనుకూలించే వరకు కోతలు చేపట్టవద్దని కోరారు. ఇప్పటికే వరి కోతలు పూర్తిచేసిన రైతులు ధాన్యాన్ని సురక్షిత ప్రదేశాల్లో ఉంచి, టార్పాలిన్లు, ఇతర కవర్లతో కప్పి ధాన్యం తడవకుండా జాగ్రత్తలు తీసుకోవాలని సూచించారు. రైతులు తీసుకోవాల్సిన జాగ్రత్తలపై అధికారులు అవగాహన కల్పిస్తు న్నారని తెలిపారు. రైతులు వాతావరణ పరిస్థితులను గమనిస్తూ వ్యవసాయశాఖ అధికారుల సూచనలు పాటించి పంట నష్టాన్ని నివారించుకోవాలని కలెక్టర్‌ కోరారు. ఫ కలెక్టర్‌ తేజస్‌ నంద్‌లాల్‌ పవార్‌

భానుపురి (సూర్యాపేట) : సూర్యాపేట జిల్లాకు ప్రభుత్వం వెంటనే నిధులు మంజూరు చేసి సహాయక చర్యలు చేపట్టాలని అఖిల భారత రైతు కూలీ సంఘం రాష్ట్ర గౌరవాధ్యక్షుడు వి. కోటేశ్వరరావు డిమాండ్‌ చేశారు. ఈ మేరకు మంగళవారం సూర్యాపేట కలెక్టరేట్‌ ఎదుట సంఘం ఆధ్వర్యంలో ధర్నా నిర్వహించారు. ఈ సందర్భంగా ఆయన మాట్లాడుతూ ఎల్‌నినో ముప్పుపై కొంతకాలంగా వాతావరణశాఖ, శాస్త్రవేత్తలు హెచ్చరిస్తున్నప్పటికీ ప్రభుత్వ తీరు చేతులు కాలాక ఆకులు పట్టుకున్న చందంగా ఉందని విమర్శించారు. జిల్లాలో సాధారణం కంటే తక్కువ వర్షపాతం నమోదైనట్లు అధికారిక నివేదికలు చెబుతున్నప్పటికీ ముందస్తు చర్యలు చేపట్టడంలో ప్రభుత్వం విఫలమైందన్నారు. కరువుపై రైతులు, వ్యవసాయ కూలీలు తీవ్ర ఆందోళన చెందుతున్నారని, ప్రభుత్వం వారికి భరోసా కల్పించాలన్నారు. ఉపాధి పనులను కొనసాగించాలని, ప్రతి ఒక్కరికీ 200 రోజుల పని కల్పించాలని, కూలి రూ.800 ఇవ్వాలని డిమాండ్‌ చేశారు. వర్షాభావంతో పంటలు నష్టపోయిన రైతులకు ఎకరానికి రూ.50వేల పరిహారం అందించాలని డిమాండ్‌ చేశారు. అనంతరం జిల్లా రెవెన్యూ అధికారికి వినతిపత్రం అందించారు. కార్యక్రమంలో ఏఐకేఎంఎస్‌ జిల్లా అధ్యక్ష, కార్యదర్శులు కునుకుంట్ల సైదులు, బొడ్డు శంకర్‌, నాయకులు అలుగుబెల్లి వెంకటరెడ్డి, మేకల కనకారావు, నాగయ్య, సంజీవరెడ్డి, లింగయ్య, శ్రీనివాస్‌రెడ్డి, మైబెల్లి, పోరెండ్ల దశరథ, జిల్లేరు, కోట మధుసూదన్‌, ఐఎప్టీయూ జిల్లా ప్రధానకార్యదర్శి గంటా నాగయ్య, పోలెబోయిన కిరణ్‌, మధు, నల్లగొండ నాగయ్య, పుల్లూరి సింహాద్రి, బొల్లె వెంకన్న పాల్గొన్నారు.

సూర్యాపేటటౌన్‌ : పోలీసు అమరుల త్యాగాలను ప్రతి ఒక్కరూ స్మరించుకోవాలని ఎస్పీ నరసింహ అన్నారు. పోలీసు అమరవీరుల సంస్మరణ వారోత్సవాల్లో భాగంగా మంగళవారం జిల్లా కేంద్రంలోని ఖమ్మం చౌరస్తా నుంచి ఎస్వీ ఇంజనీరింగ్‌ కళాశాల చౌరస్తా వరకు బైక్‌ ర్యాలీ నిర్వహించారు. కార్యక్రమాన్ని ఎస్పీ ప్రారంభించి ర్యాలీలో పాల్గొన్నారు. ఎస్వీ కళాశాల వద్ద పోలీసు అమరవీరులకు నివాళులర్పించారు. అనంతరం ఆయన మాట్లాడుతూ పోలీసు అమరవీరుల త్యాగాలను ప్రజలకు తెలియజేసేందుకు ఈ కార్యక్రమాలను నిర్వహిస్తున్నట్లు చెప్పారు. కార్యక్రమంలో అదనపు ఎస్పీ రవీందర్‌రెడ్డి, అర్ముడ్‌ డీఎస్పీ నరసింహాచారి, సీఐలు రాజశేఖర్‌, వెంకటయ్య, రామారావు, శివ కుమార్‌, ఆర్‌ఐలు నారాయణరాజు, ప్రవీణ్‌కుమార్‌, జానయ్య, ఆర్‌ఎస్‌ఐ సురేష్‌, ఎస్‌ఐలు పాల్గొన్నారు. సైబర్‌ మోసాలపై అవగాహన సూర్యాపేటటౌన్‌ : సైబర్‌ మోసగాళ్ల పట్ల ప్రజలు అప్రమత్తంగా ఉండాలని ఎస్పీ నరసింహ సూచించారు. సైబర్‌ నేరాలపై జిల్లా పోలీస్‌ శాఖ ఆధ్వర్యంలో మంగళవారం జిల్లా కేంద్రంలోని ఎస్‌వీ డిగ్రీ కళాశాలలో విద్యార్థులకు నిర్వహించిన అవగాహన సదస్సులో ఆయన మాట్లాడారు. ప్రజల అత్యాశను ఆసరాగా చేసుకుని సైబర్‌ నేరగాళ్లు మోసాలకు పాల్పడుతున్నారన్నారు. తక్కువ సమయంలో, కొద్దిపాటి పెట్టుబడితో ఎక్కువ మొత్తంలో లాభాలు వస్తాయని ఎవరైనా ఆశ చూపితే వాటిని నమ్మవద్దని సూచించారు. సులభంగా డబ్బు సంపాదించవచ్చని చెప్పే ఆఫర్ల వెనుక మోసాలు ఉండే అవకాశం ఉందని హెచ్చరించారు. కార్యక్రమంలో సైబర్‌ సెక్యూరిటీ సెల్‌ ఇన్‌స్పెక్టర్లు వెంకటయ్య, శివకుమార్‌, ఎస్‌ఐ సందీప్‌, కళాశాల ప్రిన్సిపాల్‌ వెంకటేశ్వర్లు, సిబ్బంది పాల్గొన్నారు.

భానుపురి (సూర్యాపేట) : ప్రజావాణి ద్వారా వచ్చిన అర్జీలను సత్వరమే పరిష్కరించాలని కలెక్టర్‌ తేజస్‌ నంద్‌లాల్‌ పవార్‌ అధికారులను ఆదేశించారు. సోమవారం సూర్యాపేట కలెక్టరేట్‌లో నిర్వహించిన ప్రజావాణిలో ప్రజల నుంచి దరఖాస్తులు స్వీకరించారు. ప్రజావాణిలో మొత్తం 101 దరఖాస్తులు వచ్చాయని, వాటిని వివిధ శాఖలకు పంపినట్లు తెలిపారు. అనంతరం జిల్లా అధికారులతో నిర్వహించిన సమీక్ష సమావేశంలో కలెక్టర్‌ మాట్లాడారు. ప్రతి సోమవారం జరిగే ప్రజావాణికి జిల్లా స్థాయి అధికారులు తప్పనిసరిగా హాజరు కావాలన్నారు. ప్రభుత్వ ఆదేశాల మేరకు జిల్లా, మండల స్థాయి ప్రజావాణి దరఖాస్తులను తప్పనిసరిగా ఆన్‌లైన్‌ పోర్టల్‌లో నమోదు చేయాలని స్పష్టం చేశారు. రాష్ట్ర ప్రజావాణిలో పెండింగ్‌ దరఖాస్తులను తక్షణమే పరిష్కరించేలా సంబంధిత శాఖల అధికారులు ప్రత్యేక చొరవ చూపాలన్నారు. కార్యక్రమంలో అదనపు కలెక్టర్‌ బి.హరిసింగ్‌, డీఆర్‌ఓ ప్రేమ్‌ రాజ్‌, డీఎంహెచ్‌ఓ వెంకటరమణ, సీపీఓ కిషన్‌, ఎస్సీ కార్పొరేషన్‌ ఈడీ ఉపేందర్‌, మున్సిపల్‌ కమిషనర్‌ హనుమంత్‌రెడ్డి, జిల్లా అధికారులు పాల్గొన్నారు. తక్షణ వైద్యసేవలు అందించడమే లక్ష్యంరోడ్డు ప్రమాద బాధితులకు సత్వర వైద్యసేవలు అందించి ప్రాణాలను కాపాడటమే లక్ష్యంగా కేంద్ర ప్రభుత్వం ప్రవేశపెట్టిన పీఎం రహత్‌, పీఎం రహవీర్‌ పథకాన్ని సమర్థవంతంగా అమలు చేయాలని కలెక్టర్‌ తేజస్‌ నంద్‌లాల్‌ పవార్‌ అధికారులను ఆదేశించారు. సోమవారం కలెక్టరేట్‌లో ఎస్పీ నరసింహతో కలిసి పీఎం రహత్‌, పీఎం రహవీర్‌ పథకాలపై జిల్లా అధికారులతో పాటు గుర్తించిన ప్రభుత్వ, ప్రైవేటు ఆసుపత్రుల వైద్యులు, యాజమాన్యాలతో నిర్వహించిన సమీక్ష సమావేశంలో కలెక్టర్‌ మాట్లాడారు. పలు సూచనలు చేశారు. ఎస్పీ నరసింహ మాట్లాడుతూ జిల్లాలో రోడ్డు ప్రమాదాల నివారణకు పోలీస్‌ శాఖ ప్రత్యేక చర్యలు చేపడుతోందన్నారు. సమావేశంలో అదనపు కలెక్టర్‌ బి.హరిసింగ్‌, డీఆర్‌ఓ ప్రేమ్‌రాజ్‌, ఆర్‌టీఓ పురుషోత్తంరెడ్డి, డీపీఓ యాదగిరి, డీఎంఎంహెచ్‌ఓ వెంకటరమణ, ఆర్‌డీఓలు శ్రీనివాసులు, సూర్యనారాయణ, ట్రైనీ డిప్యూటీ కలెక్టర్లు రవితేజ, అనూష, జీజీహెచ్‌ సూపరింటెండెంట్‌ శ్రవణ్‌ పాల్గొన్నారు. జ్ఞానంతోనే మనిషి జీవితంలో మార్పుజ్ఞానంతోనే మనిషి జీవితంలో గొప్ప మార్పు సాధ్యమవుతుందని కలెక్టర్‌ తేజస్‌ నంద్‌లాల్‌ పవార్‌ అన్నారు. సోమవారం సూర్యాపేట కలెక్టరేట్‌లో మహర్షి వాల్మీకి జయంతి వేడుకలను నిర్వహించారు. ఈ సందర్భంగా వాల్మీకి చిత్రపటానికి పూలమాల వేసి నివాళులర్పించి మాట్లాడారు. మహర్షి వాల్మీకి జీవితం ప్రతి ఒక్కరికీ ఆదర్శమని పేర్కొన్నారు. సాధారణ జీవితం నుంచి ఉన్నత స్థాయికి ఎదగడానికి జ్ఞానం ఎంతో అవసరమని కలెక్టర్‌ చెప్పారు. మహర్షి వాల్మీకి జీవితం నుంచి కరుణ, దయ వంటి గొప్ప విలువలను నేర్చుకోవాలని సూచించారు. కార్యక్రమంలో అదనపు కలెక్టర్‌ బి.హరిసింగ్‌, జిల్లా రెవెన్యూ అధికారి ప్రేమ్‌రాజ్‌, బీసీ వెల్ఫేర్‌ అధికారి విశాల్‌, డీఎంహెచ్‌ఓ పి.వెంకటరమణ, జిల్లా అధికారులు పాల్గొన్నారు. కలెక్టర్‌ తేజస్‌ నంద్‌లాల్‌ పవార్‌

భానుపురి (సూర్యాపేట) : జాతీయ స్థాయి క్రికెట్‌ పోటీలకు ఎంపికై న జిల్లా క్రీడాకారిణి మనిమద్దె పల్లవిని సోమవారం సూర్యాపేట కలెక్టరేట్‌లో కలెక్టర్‌ తేజస్‌ నంద్‌లాల్‌ పవార్‌, ఎస్పీ నరసింహ శాలువా కప్పి ఘనంగా సన్మానించి అభినందించారు. ‘బేటీ బచావో.. బేటీ పడావో’ లోగో క్రీడా దుస్తులు, క్రికెట్‌ బూట్లను అందజేశారు. ఈ సందర్భంగా వారు మాట్లాడుతూ గ్రామీణ ప్రాంతం నుంచి జాతీయ స్థాయి పోటీలకు పల్లవి ఎంపిక కావడం జిల్లాకే గర్వకారణమన్నారు. పల్లవి మరిన్ని విజయాలు సాధించాలని ఆకాంక్షించారు. మహిళా, శిశు సంక్షేమ శాఖ పరిధిలోని మహిళా సాధికారత కేంద్రం ఆధ్వర్యంలో జరిగిన ఈ కార్యక్రమంలో మహిళా, శిశు సంక్షేమ శాఖ అధికారి నరసింహారావు, మహిళా సాధికారత కేంద్రం జిల్లా సమన్వయకర్త చైతన్య, పాఠశాల హెచ్‌ఎం రమణ, ఫిజికల్‌ డైరెక్టర్‌ మీసాల కిరణ్‌, స్కూల్‌ అసిస్టెంట్‌ ప్రతాప్‌, పల్లవి కుటుంబీకులు పాల్గొన్నారు.

తుంగతుర్తి : భూసార పరిరక్షణ చాలా ముఖ్యమని, తద్వారానే భవిష్యత్తు తరాలకు సారవంతమైన నేల అందుతుందని గడ్డిపల్లి కేవీకే శాస్త్రవేత్త డాక్టర్‌ కిరణ్‌ అన్నారు. సోమవారం తుంగతుర్తి మండలం గొట్టిపర్తి గ్రామ రైతు వేదికలో ఖేత్‌ బచావో అభియాన్‌లో భాగంగా నేల ఆరోగ్య పరిరక్షణ, భూసారం పెంపు, సమతుల్య ఎరువుల వినియోగం, ఎల్‌నినోతో వాతావరణ మార్పుల ప్రభావాలపై రైతులకు నిర్వహించిన అవగాహన కార్యక్రమంలో ఆయన మాట్లాడారు. సేంద్రియ పదార్థాల వినియోగం ద్వారా భూసారాన్ని కాపాడుకోవాలని సూచించారు. రైతులు భూసార పరీక్షలు చేయించుకుని, వాటి ఫలితాల ఆధారంగా పంటలకు అవసరమైన పోషకాలను సమతుల్యంగా అందించాలన్నారు. ఎల్‌నినో ప్రభావాన్ని ఎదుర్కొనేందుకు యాసంగిలో వరిసాగుకు బదులు నూనె గింజలు, పప్పు ధాన్యాలు, ఉద్యాన పంటలు సాగుచేయాలన్నారు. కార్యక్రమంలో తుంగతుర్తి వ్యవసాయ మార్కెట్‌ కమిటీ వైస్‌ చైర్మన్‌ చింతకుంట్ల వెంకన్న, వ్యవసాయ అధికారి దేవప్రసాద్‌, వ్యవసాయ విస్తరణ అధికారి జ్యోత్స్న, హార్టికల్చర్‌ అధికారి ఎం.రాజు, పంచాయతీ కార్యదర్శి శ్రీధర్‌, రైతులు పాల్గొన్నారు. శివయ్యకు పుష్పార్చనమేళ్లచెరువు : మండలకేంద్రంలోని శ్రీఇష్టకామేశ్వరీ సమేత శ్రీ స్వయంభు శంభులింగేశ్వర స్వామి దేవాయలంలో సోమవారం ప్రత్యేక పూజలు నిర్వహించారు. ఈ సందర్భంగా శివలింగానికి ప్రత్యేకంగా అలంకరించి పుష్పార్చన, ఇతర పూజలు జరిపారు. ఈ కార్యక్రమంలో ఈఓ శంభిరెడ్డి, అర్చకులు విష్ణువర్ధన్‌శర్మ, ధనుంజయశర్మ, భక్తులు పాల్గొన్నారు. ‘పది’లో ఉత్తమ ఫలితాల సాధనకు కృషి అర్వపల్లి : టెన్త్‌ వార్షిక పరీక్షల్లో విద్యార్థులు ఉత్తమ ఫలితాల సాధనకు టీచర్ల కృషిచేయాలని డీఈఓ చామ శ్రీనివాసరావు అన్నారు. అర్వపల్లిలోని పీఎంశ్రీ జెడ్పీహెచ్‌ఎస్‌లో సోమవారం వందేమాతరం ఫౌండేషన్‌ ఆధ్వర్యంలో పదో తరగతి విద్యార్థులకు నిర్వహిస్తున్న స్టడీ అవర్స్‌ను పరిశీలించారు. ఇంగ్లిష్‌ సబ్జెక్టుకు సంబంధించి విద్యార్థులను చదివించి సంతృప్తి వ్యక్తం చేశారు. అలాగే పాఠశాలలోని సైన్స్‌ల్యాబ్‌, ఏటీఎల్‌ ల్యాబ్‌, కంప్యూటర్‌ ల్యాబ్‌, స్కిల్‌ డెవలప్‌మెంట్‌ విభాగం, క్రీడా విభాగాలను పరిశీలించి హెచ్‌ఎం, ఉపాధ్యాయులను అభినందించారు. అనంతరం కేజీబీవీ కళాశాలను కూడా తనిఖీ చేశారు. ఈ సందర్భంగా జెడ్పీహెచ్‌ఎస్‌లో డీఈఓను సన్మానించారు. ఆయన వెంట హెచ్‌ఎం పి.మల్లేష్‌, ఉపాధ్యాయులు శ్రీదేవి, విమల ఉన్నారు.

సూర్యాపేటటౌన్‌ : ఆరోగ్యవంతమైన యువత రక్తదానం చేసి ప్రాణదాతలు కావాలని ఎస్పీ నరసింహ అన్నారు. పోలీసు అమరవీరుల సంస్మరణ మాసోత్సవాల్లో భాగంగా పోలీసు అమరవీరుల త్యాగాల జ్ఞాపకార్థం సోమవారం సూర్యాపేటలోని జిల్లా పోలీస్‌ కార్యాలయంలో ఎస్పీ ఆధ్వర్యంలో రక్తదాన శిబిరం నిర్వహించారు. ఈ శిబిరంలో ఎస్పీ మొదటగా రక్తదానం చేసి కార్యక్రమాన్ని ప్రారంభించారు. డీఎస్పీ నరసింహాచారి, సీఐలు నాగేశ్వరరావు, రామారావు, శివకుమార్‌, ఆర్‌ఐలు ప్రవీణ్‌, జానయ్య, ఎస్‌ఐలు, సిబ్బంది మొత్తం 150 మందికిపైగా రక్తదానం చేశారు. ఈ సందర్భంగా ఎస్పీ మాట్లాడుతూ పోలీస్‌ అమరవీరుల త్యాగాల స్మారకంగా ఈ రక్తదాన శిబిరాన్ని ఏర్పాటు చేశామన్నారు. ఈ కార్యక్రమంతో ఖమ్మంకు చెందిన తలసేమియా, సికిల్‌ సెల్‌ సొసైటీ వారు వ్యాధితో బాధపడుతున్న పిల్లల కోసం రక్తాన్ని సేకరించారు. కార్యక్రమంలో అదనపు ఎస్పీ రవీందర్‌రెడ్డి, డీఎస్పీతోపాటు సీఐలు, ఎస్‌ఐలు, ఆర్‌ఐలు, పోలీస్‌ సంఘం అధ్యక్షులు రమేష్‌, శంకర్‌ నాయక్‌, కార్యదర్శి కిరణ్‌, సభ్యులు, స్థానికులు పాల్గొన్నారు. నేడు బైక్‌ ర్యాలీ పోలీస్‌ అమరవీరుల సంస్మరణ (పోలీస్‌ ఫ్లాగ్‌ డే) కార్యక్రమాల్లో భాగంగా మంగళవారం ఉదయం 10 గంటలకు సూర్యాపేట జిల్లా కేంద్రంలో బైక్‌ ర్యాలీని నిర్వహించనున్నట్లు ఎస్పీ నరసింహ సోమవారం ఒక ప్రకటనలో తెలిపారు. ఈ కార్యక్రమంలో జిల్లాలోని ప్రజలు, యువకులు పెద్ద ఎత్తున పాల్గొని విజయవంతం చేయాలని పిలుపునిచ్చారు. పోలీస్‌ సేవలు వేగవంతం చేయాలిప్రజా ఫిర్యాదులపై పోలీస్‌ సేవలు వేగవంతం చేస్తామని ఎస్పీ నరసింహ అన్నారు. జిల్లా పోలీస్‌ కార్యాలయంలో సోమవారం పోలీసు ప్రజావాణి కార్యక్రమం నిర్వహించారు. జిల్లా నలుమూలల నుంచి వివిధ సమస్యలపై వచ్చిన ఫిర్యాదుదారులతో ఎస్పీ మాట్లాడి వారి సమస్యలను తెలుసుకుని, వినతులను పరిశీలించారు. బాధితులకు భరోసా కల్పించాలని అధికారులకు సూచించారు. ప్రజారక్షణలో పోలీస్‌ శాఖ ఎల్లప్పుడూ అందుబాటులో ఉంటుందన్నారు. ఎస్పీ నరసింహ

ఆత్మకూర్‌.ఎస్‌(సూర్యాపేట) : కాలం కలిసి రాకపోవడం, విద్యుత్‌ సక్రమంగా అందకపోవడంతో వరిం పంట ఎండిపోగా ఆ పంటను రైతు తగలబెట్టిన సంఘటన సోమవారం ఆత్మకూరు(ఎస్‌) మండల కేంద్రంలో చోటుచేసుకుంది. ఆత్మకూరు(ఎస్‌) గ్రామానికి చెందిన యాతాకుల మల్లయ్య నాలుగు ఎకరాల భూమిని కౌలుకు తీసుకొని వరి సాగు చేశాడు. వర్షాలు లేకపోవడం, కరెంటు కోతల కారణంగా పంట చేతికి వచ్చే దశలో మూడు ఎకరాల వరిపైరు ఎండిపోయింది. దీంతో పంటకు నిప్పు పెట్టి ప్రభుత్వ తీరు పట్ల నిరసన వ్యక్తం చేశాడు. కౌలు ఎట్లా కట్టాలి, పెట్టుబడి ఎట్లా ఎళ్లాలి, కుటుంబం ఎట్లా గడవాలి అని ఆవేదనను వ్యక్తం చేశాడు. ప్రభుత్వం నష్టపరిహారం చెల్లించి తనలాంటి రైతులను ఆదుకోవాలని వేడుకుంటున్నాడు.

తిరుమలగిరి (తుంగతుర్తి) : ప్రజావాణిలో వచ్చే దరఖాస్తులను పెండింగ్‌లో పెట్టకుండా త్వరితగతిన పరిష్కరించాలని రాష్ట్ర నోడల్‌ అధికారి విద్యాసాగర్‌ అధికారులను ఆదేశించారు. సోమవారం తిరుమలగిరి మండల పరిషత్‌ కార్యాలయంలో జరుగుతున్న ప్రజావాణి కార్యక్రమాన్ని ఆయన తనిఖీ చేశారు. అనంతరం మండల స్థాయి అధికారులతో నిర్వహించిన సమీక్ష సమావేశంలో ఆయన మాట్లాడారు. ఫిర్యాదులను ప్రాధాన్యత క్రమంలో పరిశీలించి నిబంధనల మేరకు పరిష్కరించేందుకు అన్ని శాఖల అధికారులు సమన్వయంతో పనిచేయాలన్నారు. కార్యక్రమంలో మండల ప్రజావాణి నోడల్‌ అధికారి బి.లాజర్‌, తహసీల్దార్‌ వినోద్‌కుమార్‌, ఎంపీఓ భీమ్‌సింగ్‌, మండల విద్యాధికారి ఐ.శాంతయ్య తదితరులు పాల్గొన్నారు.

అత్యధికంగా బీపీటీమార్కెట్‌కు రైతులు తీసుకొచ్చిన ధాన్యంలో బీపీటీ (సాంబ మసూరి) రకం వడ్లే 80 శాతం మేర ఉన్నాయి. సాంబ మసూరి 58,210 (37, 836 క్వింటాలు) బస్తాలు రాగా క్వింటాకు గరిష్ట ధర రూ.3,259, కనిష్ట ధర రూ.2,069 చొప్పున పడింది. జైశ్రీరామ్‌ 676 బస్తాలకు రాగా క్వింటాకు గరిష్ట ధర రూ.3,729, కనిష్ట ధర రూ.2,769, ఐఆర్‌–64 12,148 బస్తాలకు రాగా క్వింటాకు గరిష్ట ధర రూ.2,109 కనిష్టంగా రూ.1,939, హెచ్‌ఎంటీ వడ్లు 736 బస్తాలకు రాగా క్వింటాకు గరిష్ట ధర రూ.3,991, కనిష్టంగా రూ.2,569 చొప్పున ధర పడింది. వారం రోజులతో పోల్చితే శనివారం నుంచి సూర్యాపేట వ్యవసాయ మార్కెట్‌ యార్డులో ధాన్యం ధరలను వ్యాపారులు తగ్గించేశారు. దొడ్డురకం ధాన్యాన్ని గతంలో తక్కువలో తక్కువ క్వింటా రూ.రెండు వేలకు కొనుగోలు చేయగా ప్రస్తుతం రూ.1,500కు పరిమితం చేయడంతో రైతులు నిరుత్సాహపడుతున్నారు. కొందరు రైతులు చేసేదేమీ లేక ఎంతో కొంతకు తెగనమ్ముకుంటున్నారు. అయితే ధాన్యం భారీగా రావడంతో ఎగుమతుల నిమిత్తం మంగళవారం మార్కెట్‌కు సెలవు ప్రకటించారు.భానుపురి (సూర్యాపేట) : సూర్యాపేట వ్యవసాయ మార్కెట్‌ యార్డు సోమవారం ధాన్యపు రాశులతో కిక్కిరిసింది. జిల్లాలో వరికోతలు ముమ్మరంగా సాగుతున్న నేపథ్యంలో రికార్డు స్థాయిలో ధాన్యం అమ్మకానికి వచ్చింది. మార్కెట్‌ చరిత్రలోనే ఎన్నడూ లేనంతగా సోమవారం ఒక్కరోజే 71,954 బస్తాల (46,768 క్వింటాల) ధాన్యం రావడంతో మార్కెట్‌ యార్డు నిండిపోయింది. మార్కెట్‌ అంతా ఎటుచూసినా ధాన్యం రాశులతో కళకళలాడింది. ఆదివారం సెలవు కావడంతో..వానాకాలం సీజన్‌కు సంబంధించి సూర్యాపేట, తుంగతుర్తి ప్రాంతాల్లో వరికోతలు జోరుగా సాగుతున్నాయి. ఈనెల 28 నుంచి తుపాను ప్రభావం జిల్లాపై ఉండే అవకాశం ఉందన్న సమాచారంతో రైతులు కోతలను ముమ్మరం చేశారు. అత్యధికంగా సన్న రకాలను రైతులు సాగు చేయడంతో ప్రైవేట్‌ వ్యాపారులకు విక్రయించేందుకు తీసుకొస్తున్నారు. ఈనెల 24న శనివారం పేట మార్కెట్‌కు రైతులు 35,802 బస్తాల ధాన్యం తీసుకొచ్చారు. ఆదివారం మార్కెట్‌కు సెలవు కావడంతో సోమవారం రైతులు భారీ ఎత్తున ధాన్యాన్ని తీసుకొచ్చారు. ఇందులో దొడ్డు రకం ధాన్యాన్ని సైతం రైతులు పేట మార్కెట్‌కు తీసుకొస్తున్నారు. సూర్యాపేట మార్కెట్‌కు రికార్డు స్థాయిలో వడ్లు సోమవారం ఒక్కరోజే 71 వేల బస్తాల ధాన్యం రాక మార్కెట్‌కు నేడు సెలవు

సూర్యాపేటటౌన్‌ : ప్రభుత్వ జూనియర్‌ కళాశాలల్లో చదివే విద్యార్థులకు అల్పాహారం, మధ్యాహ్న భోజనం అందిస్తామన్న ప్రభుత్వ హామీ ప్రకటనలకే పరిమితమైంది. దీంతో విద్యార్థులు మధ్యాహ్నం పస్తులు ఉంటూ అర్ధాకలితో చదవాల్సిన పరిస్థితులు నెలకొన్నాయి. ఉదయాన్నే కళాశాలలకు బయలుదేరే విద్యార్థులు.. మధ్యాహ్నం వరకు ఖాళీ కడుపుతోనే తరగతి గదుల్లో గడపాల్సి వస్తోంది. ముఖ్యంగా గ్రామీణ ప్రాంతాల నుంచి వచ్చే పేద, మధ్యతరగతి విద్యార్థులు తీవ్ర ఇబ్బందులు ఎదుర్కొంటున్నారు. ఆకలితో చదువుపై ఏకాగ్రత కోల్పోతున్నా.. ఎవరూ పట్టించుకోవడంలేదనే విమర్శలు వినిపిస్తున్నాయి. విద్యాసంవత్సరం ప్రారంభంలోనే పథకం అమలుపై ఆశలు రేకెత్తించిన ప్రభుత్వం నేటికీ అమలు చేయడం లేదు. భోజనం లేక ఇబ్బందులుజిల్లాలో ఎనిమిది ప్రభుత్వ జూనియర్‌ కళాశాలలు ఉండగా.. సుమారు 3 వేల మంది విద్యార్థులు విద్యనభ్యసిస్తున్నారు. వీరిలో గ్రామీణ ప్రాంతాల నుంచి వచ్చే విద్యార్థుల సంఖ్య ఎక్కువ ఉంటుంది. ఉదయాన్నే రావడంతో చాలామంది ఇంటి వద్ద అల్పాహారం తీసుకోకుండానే కళాశాలలకు వస్తున్నారు. మధ్యాహ్న భోజనానికి ఇంటికి వెళ్లే అవకాశం లేకపోవడంతో సాయంత్రం వరకు ఆకలితోనే ఉండాల్సిన పరిస్థితి నెలకొంటోంది. మరికొందరు భోజనం కోసం ఇంటికి వెళ్లి తిరిగి కళాశాలలకు రాకపోవడంతో హాజరు తగ్గుతోంది. కళాశాలలకు వచ్చే పేద విద్యార్థులకు భోజనం కొనుక్కునే స్థోమత లేకపోవడంతో పస్తులుంటున్నారు. ఆకలితో ఏకాగ్రత కరువుఉదయం నుంచి మధ్యాహ్నం వరకు ఖాళీ కడుపుతో తరగతుల్లో కూర్చోవడం విద్యార్థుల చదువుపై ప్రభావం చూపుతోంది. ఆకలి, నీరసం, అలసటతో పాఠాలపై దృష్టి సారించలేకపోతున్నామని విద్యార్థులు వాపోతున్నారు. గ్రామీణ ప్రాంతాల నుంచి దూర ప్రయాణం చేసి వచ్చే విద్యార్థులకు అల్పాహారం, మధ్యాహ్న భోజనం అందితే హాజరు పెరగనుందని విద్యావేత్తలు అంటున్నారు.ఇంటర్‌ విద్యార్థులకు అందని మధ్యాహ్న భోజనం పథకం అమలు ప్రకటనలకే పరిమితం జిల్లావ్యాప్తంగా ఎనిమిది ప్రభుత్వ జూనియర్‌ కళాశాలలు ఎదురుచూపుల్లో మూడు వేల మంది విద్యార్థులుప్రకటనలు సరే.. అమలేదీ? ప్రభుత్వ పాఠశాలల్లో అమలవుతున్న తరహాలో ప్రభుత్వ జూనియర్‌ కళాశాలల్లోనూ అల్పాహారం, మధ్యాహ్న భోజనం అందిస్తామని ప్రభుత్వం ప్రకటించడంతో విద్యార్థులు, తల్లిదండ్రులు హర్షం వ్యక్తం చేశారు. ప్రవేశాల ప్రచార సమయంలోనూ ఈ పథకం గురించి వివరించడంతో విద్యార్థుల్లో ఆశలు పెరిగాయి. అయితే పథకం అమలుకు సంబంధించి స్పష్టమైన మార్గదర్శకాలు, నిధుల కేటాయింపు, ఆహార సరఫరా విధానంపై స్పష్టత లేకపోవడంతో ఆచరణలోకి రావడం లేదు. ప్రభుత్వం స్పందించి మధ్యాహ్న భోజన పథకం అమలుకు మార్గదర్శకాలను విడుదల చేసి, నిధులు కేటాయించి, కళాశాలల వారీగా భోజన సరఫరా ఏర్పాట్లు చేపట్టాలని విద్యార్థులు, వారి తల్లిదండ్రులు విజ్ఞప్తి చేస్తున్నారు.

ఫ దసరా నుంచి వ్యాపారుల సిండికేట్‌ ఫ అన్నిరకాల వడ్లపై క్వింటాకు రూ.400 వరకు తగ్గించి కొనుగోలు ఫ ధాన్యం దండిగా రావడమే కారణం ఫ గిట్టుబాటు కావట్లేదని రైతుల ఆవేదన భానుపురి (సూర్యాపేట) : ధాన్యం వ్యాపారుల దగా మొదలైంది. ఇంతకాలం అక్కడక్కడా వరికోతలు ప్రారంభం కావడంతో అధిక ధరలు వెచ్చించి ధాన్యాన్ని కొన్నారు. ప్రస్తుతం జిల్లాలోని అన్ని ప్రాంతాల్లో వరికోతలు ముమ్మరంగా కావడంతో మార్కెట్లు, మిల్లులకు ధాన్యం దిగుబడి వెల్లువలా తరలి వస్తోంది. దీంతో వ్యాపారులు సిండికేట్‌గా మారి ధరలు తగ్గించి ధాన్యం కొనుగోలు చేస్తున్నారు. తీవ్ర వర్షాభావంతో కొంతమేర పంటను నష్టపోయి చేతికొచ్చిన దిగుబడికై నా ధర పడుతుందని ఆశపడిన రైతులకు ఎంతకాలం సంతోషం నిలువకుండా పోయింది. ముమ్మరంగా వరికోతలు జిల్లాలో 3.70 లక్షల ఎకరాల్లో వరి సాగైంది. ఇందులో 90 శాతం మేర రైతులు సన్నరకం వడ్ల సాగు చేశారు. రోహిణి కార్తెలో నార్లు పోస్తున్న రైతుల పొలాలు ఇప్పటికే నూర్పిడి అయ్యాయి. 20 రోజులుగా ఈ వరికోతలు సాగగా.. దసరా పండుగ వరకు కూడా పెద్దగా వరికోతలు జరగలేదు. అక్కడక్కడా కోసిన వడ్లను తిరుమలగిరి, సూర్యాపేట మార్కెట్లతోపాటు చుట్టుపక్కల మిల్లులకు రైతులు తరలించారు. ఈ సమయంలో ఒక్కో మిల్లుకు రెండు నుంచి మూడు ట్రాక్టర్లు మాత్రమే వడ్ల లోడుతో వెళ్లాయి. తుపాను భయంతోపాటు పొలాలు సైతం చేతికి రావడంతో ముమ్మరంగా వరికోతలు సాగుతున్నాయి. దసరా నుంచి తగ్గిస్తూ.. దసరా పండుగకు ముందు వరకు కూడా సూర్యాపేట, తిరుమలగిరి మార్కెట్‌లే కాకుండా ప్రైవేటు వ్యాపారులు, మిల్లర్లు సైతం దొడ్డు రకం ధాన్యానికి క్వింటాకు రూ.2,400 వరకు చెల్లించి ధాన్యాన్ని కొనుగోలు చేశారు. సన్న రకంలో సాంబ మసూరి క్వింటాకు రూ.3,500 వరకు, చింట్ల రకానికి క్వింటాకు రూ.4,400 నుంచి రూ.5,000 వరకు కూడా ధర పెట్టారు. కొందరు వ్యాపారులు నేరుగా రైతుల వద్దకు వెళ్లి అక్కడే ఈ మేరకు ధరలను చెల్లించి కొనుగోలు చేశారు. ఇక వరికోతలు ముమ్మరమై మార్కెట్‌కు ధాన్యం పెద్ద ఎత్తున వస్తుండడంతో వ్యాపారులు తమ సిండికేట్‌ అవతారాన్ని బయటకు తీశారు. అన్ని రకాల వడ్లకు క్వింటాకు రూ.100 నుంచి రూ.400 వరకు తగ్గించి కొంటున్నారు. వర్షాభావానికి తోడు కరెంటు కోతల కారణంగా వరిపంటను పండించేందుకు అన్నదాతలు అష్టకష్టాలు పడ్డారు. రాత్రి పగలు అంటూ తేడా లేకుండా బోరుబావుల వద్దకు పరుగులు తీసి వచ్చిరాని కరెంటుకు మోటార్లు, ట్రాన్స్‌ఫార్మర్లు కాలిపోతున్న పెట్టుబడులు పెట్టి పంటలు దక్కించుకున్నారు. కొందరు వేలాది రూపాయలు వెచ్చించి జనరేటర్లు సైతం నడిపించి నీరందించడం ద్వారా పంటను కాపాడుకున్నారు. ఈ నేపథ్యంలో అంతర్జాతీయంగా వడ్లకు ఉన్న డిమాండ్‌ దృష్ట్యా ధర వస్తుండగా.. దీన్ని తగ్గిస్తే తాము నష్టపోతామని రైతులు వాపోతున్నారు. వ్యాపారులు తమ కష్టనష్టాలను చూసి ధరను తగ్గించకుండా మార్కెట్‌ డిమాండ్‌ దృష్ట్యా మంచి ధర పెట్టాలని రైతులు వేడుకుంటున్నారు.

కోదాడలో విలువైన ప్రభుత్వ భూములను ఇతరులకు అప్పగించడంలో స్థానిక రెవెన్యూ అధికారుల పాత్రపై ఉన్నతాధికారులు సమగ్ర విచారణ జరపాలి. ఆస్పత్రి, ఎన్‌ఎస్‌పీ, బీఎస్‌ఎన్‌ఎల్‌ స్థలాలను కోర్టు, సర్వేల పేరుతో పరులపాలు చేస్తున్నారు. అక్రమార్కులకు కొమ్ముకాస్తున్న అధికారులపై కఠిన చర్యలు తీసుకోవాలి. – కుదరవెళ్లి బసవయ్య, కోదాడ కోదాడ : కోదాడ కేంద్రంగా ప్రభుత్వ భూముల పరాధీన దందా కొనసాగుతుండగా.. ఓ విశ్రాంత రెవెన్యూ ఉద్యోగి ఈ వ్యవహారంలో చక్రం తిప్పుతున్నట్లు ఆరోపణలున్నాయి. కొంత కాలం క్రితం వరకు కోదాడ ఆర్డీఓ కార్యాలయంలో పని చేసిన ఆయన ఇటీవలే రిటైర్డ్‌ అయ్యారు. అయినా దందా మాత్రం ఆగడం లేదు. ప్రభుత్వ ఆస్తులను కావాడాల్సిన సదరు గవర్నమెంట్‌ కార్యాలయపు స్టీరింగ్‌ సదరు విశ్రాంత ఉద్యోగి చేతిలోనే ఉన్నట్లు విమర్శలు వెల్లువెత్తుతున్నాయి. ప్రజావాణిలో కలెక్టర్‌కు వచ్చే ఫిర్యాదులపై విచారణ జరిపి వాస్తవాలు తేల్చాల్సిన అధికారులే.. అక్రమార్కులతో చేతులు కలిపి వారికి అనుకూలంగా నివేదికలు ఇస్తున్నారనే ఆరోపణలు ఉన్నాయి. ఇది నయా దందాకోదాడ కేంద్రంగా నయాదందా నడుస్తున్నది. ఇందులో కొందరు రెవెన్యూ అధికారులే కీలకంగా వ్యవహరిస్తున్నారనే ఆరోపణలు వినిపిస్తున్నాయి. మొదట 50 నుంచి 60 సంవత్సరాల క్రితం ప్రభుత్వం సేకరించని భూమిలో తమకు ఇంకా కొంత భూమి ఉందని, దానిని తమకు అప్పగించాలని భూమిని అమ్మిన వారి వారసులు మొదట కోర్టులో కేసులు వేస్తారు. దీనిపై విచారణ సాకుగా చేసుకొని స్ధానిక రెవెన్యూ అధికారులు తప్పుడు సర్వేలతో మిగులు భూమిని చూపి దానిని ఫిర్యాదు దారుడికి అప్పగిస్తున్నారనే ఆరోపణలు ఉన్నాయి. మచ్చుకు కొన్ని.. కోదాడ ప్రభుత్వ ఆస్పత్రికి దాత ఇచ్చిన 2 ఎకరాల స్థలంలో నిర్మాణాలు చేపట్టారు. కానీ కాంపౌండ్‌ లోపల రెండు ఎకరాలకంటే ఎక్కువ స్థలం ఉందని దాత వారసులు కోర్టులో కేసు వేయగా.. మిగులు భూమి ఉందంటూ తప్పుడు సర్వే సృష్టించి, ఆ మిగులు స్థలాన్ని దాత వారసులకు ధారాదత్తం చేసేలా సదరు విశ్రాంత ఉద్యోగి నివేదిక ఇప్పించినట్లు సమాచారం. ఈ వ్యవహారంపై ఫిర్యాదులు వెల్లువెత్తడంతో.. ఇటీవల జిల్లా కలెక్టర్‌ రీ–సర్వే చేయించారు. అందులో రెండు ఎకరాలకు బదులు అర ఎకరం తక్కువగా ఉన్నట్లు తేలడం గమనార్హం. కోదాడకు చెందిన ఓ ఇంజనీరింగ్‌ కళాశాల యాజమాన్యం ఆర్డీఓ సంతకాన్ని ఫోర్జరీ చేసి తప్పుడు నాలా సర్టిఫికెట్‌ పొందిందని కలెక్టర్‌కు ఫిర్యాదు అందింది. దీనిపై విచారణ చేసిన ఆర్డీఓ కార్యాలయ అధికారులు.. ఆ కళాశాలకు క్లీన్‌ చిట్‌ ఇచ్చారు. అయితే, నివేదికలో కోదాడ కళాశాల పేరుకు బదులు వరంగల్‌లోని ‘కిట్స్‌ కళాశాల’ అని గుడ్డిగా టైప్‌ చేసి సంతకాలు పెట్టి మరీ కలెక్టర్‌కు పంపారు. పైగా ఈ విచారణ నివేదిక కాపీని ఏకంగా ఆరోపణలు ఎదుర్కొంటున్న వారికే పంపడం విడ్డూరం. కోదాడ పట్టణంలోని అత్యంత విలువైన ఎన్‌ఎస్‌పీ స్థలం పరాధీనం అవుతున్న విషయంపై కలెక్టర్‌ విచారణకు ఆదేశించగా.. వాస్తవాలను పక్కనబెట్టి ఆక్రమణదారులకే అనుకూలంగా నివేదిక ఇచ్చారు. తాజాగా కోట్ల విలువైన బీఎస్‌ఎన్‌ఎల్‌ స్థలాన్ని కూడా ఇదే విధంగా ఇతరులకు అప్పగించేందుకు రెడీ అయ్యారని సమాచారం. తమ్మరబండపాలెంలోని సర్వే నంబర్‌ 39లో కోట్ల విలువైన ప్రభుత్వ భూమి ఆక్రమణకు గురైందని కనగాల జనార్దన్‌రావు అనే వ్యక్తి కలెక్టర్‌కు ఫిర్యాదు చేశారు. దీనిపై విచారణ చేసిన రెవెన్యూ అధికారులు ప్రైవేట్‌ వ్యక్తులకు అనుకూలంగా రిపోర్ట్‌ ఇచ్చినట్లు తెలిసింది. కొమరబండ వై–జంక్షన్‌ వద్ద ఆక్రమణకు గురైన ప్రభుత్వ భూమి చుట్టూ రూ.70 వేలు వెచ్చించి అధికారులు ఫెన్సింగ్‌ వేశారు. కానీ, కొద్ది రోజులకే ఆక్రమణదారులు దాన్ని పీకేసినా అధికారులు కనీస చర్యలు తీసుకోకుండా.. ‘కోర్టులో కేసు ఉంది’ అంటూ దాటవేస్తున్నారు. కాసులిచ్చే వారికి అనుకూలంగా నివేదిక చక్రం తిప్పుతున్న ఆర్డీఓ కార్యాలయ రిటైర్డ్‌ ఉద్యోగి తప్పుడు సర్వేలతో ప్రైవేట్‌ వ్యక్తులకు కోట్ల విలువైన భూములురిటైర్‌ అయినా పెత్తనం.. ఇటీవలే పదవీ విరమణ పొందిన ఓ ఉద్యోగి ఇంకా అదే కార్యాలయంలో పెత్తనం చెలాయిస్తున్నాడని, ఇక్కడ జరిగే కీలక విచారణ నివేదికలన్నీ ఆయనే తయారు చేస్తున్నాడనే విమర్శలు ఉన్నాయి. ఆరోపణలు ఎదుర్కొంటున్న వారు సదరు ఉద్యోగిని ప్రసన్నం చేసుకుంటే చాలు వాస్తవాలను పక్కదోవ పట్టిస్తూ క్షణాల్లో వారికి అనుకూలంగా రిపోర్ట్‌ సిద్ధమవుతోందని స్థానికులు చెబుతున్నారు.

సూర్యాపేట(భానుపురి) : కేంద్రంలోని బీజేపీ ప్రభుత్వం అనుసరిస్తున్న ఓట్‌ చోరీ విధానానికి వ్యతిరేకంగా కాంగ్రెస్‌ పార్టీ నవంబర్‌ ఒకటో తేదీన ఢిల్లీలోని రామ్‌ లీలా మైదానంలో చేపడుతున్న శ్రీఓట్‌ బచావో– దేశ్‌ బచావో కార్యక్రమాన్ని విజయవంతం చేయాలని ఏఐసీసీ పరిశీలకుడు రాంభూపాల్‌రెడ్డి పిలుపునిచ్చారు. ఆదివారం జిల్లా కేంద్రంలోని కాంగ్రెస్‌ పార్టీ కార్యాలయంలో ఏర్పాటు చేసిన సమావేశంలో పట్టభద్రుల ఎమ్మెల్సీ అభ్యర్థి రామ్‌రెడ్డి సర్వోత్తమ్‌రెడ్డి, డీసీసీ అధ్యక్షుడు గుడిపాటి నర్సయ్యతో కలిసి మాట్లాడారు. దేశంలో ప్రజాస్వామ్యం ప్రమాదంలో ఉందన్నారు. ఎల్లకాలం అధికారంలో ఉండాలనే ఉద్దేశంతో ప్రధాని మోదీ ఓట్లను తొలగించే కుట్రకు తెరలేపారన్నారు. ఇందుకు ఎన్నికల కమిషన్‌ను తన చెప్పు చేతల్లో ఉంచుకుంటున్నారని పేర్కొన్నారు. బీజేపీ, ఎన్నికల కమిషన్‌ అనుసరిస్తున్న విధానాలను చాలాకాలంగా రాహుల్‌ గాంధీ ఎండగడుతూ ఆధారాలను ప్రజల ముందు ఉంచుతున్నారన్నారు. ఎన్నికల సంఘంలోని ఇద్దరు కమిషనర్లు ప్రధాన ఎన్నికల కమిషనర్‌కు వ్యతిరేకంగా ప్రవేశపెట్టిన పలు తీర్మానాలు బహిర్గతం కావడంతో రాహుల్‌ గాంధీ ఆరోపణలు నిజమనే అభిప్రాయం ప్రజల్లో కలుగుతున్నదన్నారు. రాష్ట్రపతి, భారత ప్రధాన న్యాయమూర్తి, ప్రధానమంత్రికి సైతం లేని విధంగా పదవిలో ఉండగా, పదవి నుంచి దిగిపోయాక కూడా ఎలాంటి క్రిమినల్‌ కేసులు నమోదు చేయకుండా ఎన్నికల కమిషనర్‌కు రక్షణ కల్పిస్తూ బీజేపీ ప్రభుత్వం నిర్ణయం తీసుకుందన్నారు. అందుకే కేంద్ర ఎన్నికల ప్రధాన కమిషనర్‌ బీజేపీ ప్రభుత్వానికి అనుకూలమైన విధానాలు అమలు చేస్తున్నారని చెప్పారు. సమావేశంలో వడ్డెర కార్పొరేషన్‌ చైర్మన్‌ గుంజ రేణుక, కాంగ్రెస్‌ పార్టీ రాష్ట్ర నాయకుడు పోతు భాస్కర్‌, వ్యవసాయ, రైతు సంక్షేమ కమిషన్‌ సభ్యుడు చెవిటి వెంకన్న యాదవ్‌, మున్సిపల్‌ చైర్‌పర్సన్‌ మొరిశెట్టి నివేదిత లక్షాది, పార్టీ పట్టణ అధ్యక్షుడు వెలుగు వెంకన్న, మున్సిపల్‌ ఫ్లోర్‌ లీడర్‌ కుమ్మరికుంట్ల వేణుగోపాల్‌, పార్టీ మండల అధ్యక్షుడు కోతి గోపాల్‌రెడ్డి, నాయకులు ధరావత్‌ వీరన్న నాయక్‌, ముస్కు రాంచంద్రరెడ్డి, వేములపల్లి వాసుదేవరావు, అబ్దుల్‌ రహీం, మహిళా కాంగ్రెస్‌ అధ్యక్షురాలు అనురాధ పాల్గొన్నారు. ఏఐసీసీ పరిశీలకుడు రాంభూపాల్‌రెడ్డి

ఆలేరురూరల్‌ : తెలంగాణ సంస్కృతి, సంప్రదాయాలకు ప్రతీక అలయ్‌ బలయ్‌ కార్యక్రమం అని హర్యానా మాజీ గవర్నర్‌ బండారు దత్తాత్రేయ అన్నారు. యాదాద్రి భువనగిరి జిల్లా ఆలేరులో ఆదివారం బండ్రు ఫౌండేషన్‌ ఆధ్వర్యంలో రాష్ట్ర మహిళా సహకార అభివృద్ధి సంస్థ చైర్‌పర్సన్‌ బండ్రు శోభారాణి నేతృత్వలో నిర్వహించిన అలయ్‌ బలయ్‌ కార్యక్రమానికి ఆయన ముఖ్యఅతిథిగా హాజరై మాట్లాడారు. కుల, మత, రాజకీయాలకు అతీతంగా ప్రజలంతా ఒకచోట చేరి ఆత్మీయతను పంచుకోవడం, పరస్పర స్నేహభావాన్ని పెంపొందించుకోవడమే అలయ్‌ బలయ్‌ అని పేర్కొన్నారు. ఎంపీ చామల కిరణ్‌కుమార్‌రెడ్డి, ప్రభుత్వ విప్‌, ఎమ్మెల్సీ అద్దంకి దయాకర్‌, ఆర్టీఐ కమిషనర్‌ బోరెడ్డి అయోధ్యరెడ్డి, మాజీ మంత్రి మోత్కుపల్లి నర్సింహులు, మాజీ ఎమ్మెల్యే గొంగిడి సునీత మాట్లాడుతూ తెలంగాణ సంస్కృతి సంప్రదాయాలను భావితరాలకు అందిచాల్సిన అవసరం ఉందని పేర్కొన్నారు. అరుణోదయ విమలక్క మాట్లాడుతూ ప్రజల జీవన విధానం, సంస్కృతి, కళలను ప్రతిబింబించే ఇలాంటి వేడుకలను ప్రాధాన్యం ఇవ్వాలన్నారు. బండ్రు శోభారాణి మాటాడుతూ వివిధ పార్టీల నాయకులు, ప్రముఖుల భాగస్వామ్యంతో ఆలేరులో నిర్వహించిన ఈ వేడుకలు సామాజిక ఐక్యత, సోదరభావానికి ప్రతీకగా నిలిచాయన్నారు. ఈ కార్యక్రమంలో రాష్ట్ర మహిళా కాంగ్రెస్‌ అధ్యక్షురాలు స్వర్ణక్క, నల్లగొండ గద్దర్‌ నర్సిరెడ్డి, వివిధ పార్టీ నాయకులు, కాసం వెంకటేశ్వర్లు, కల్లూరి రామచంద్రారెడ్డి, ఎంఏ రహీమ్‌, నీలం పద్మ పాల్గొన్నారు.ఫ హర్యానా మాజీ గవర్నర్‌ బండారు దత్తాత్రేయ ఫ ఆలేరులో బండ్రు ఫౌండేషన్‌ ఆధ్వర్యంలో కార్యక్రమం ఫ హాజరైన వివిధ పార్టీల ప్రముఖులు

సూర్యాపేట(భానుపురి) : సూర్యాపేటకు బుల్లెట్‌ ట్రైన్‌ కనెక్టివిటీ కల్పించాలని కోరుతూ రాజ్యసభ సభ్యుడు వేం నరేందర్‌రెడ్డిని అఖిలపక్ష నాయకులు కోరారు. రాష్ట్ర పర్యాటక అభివృద్ధి సంస్థ మాజీ చైర్మన్‌ పటేల్‌ రమేష్‌రెడ్డితో పాటు బుల్లెట్‌ ట్రైన్‌ సాధన సమితి అఖిలపక్ష నాయకులు ఆదివారం హైదరాబాద్‌లో ఎంపీని మర్యాద పూర్వకంగా కలిశారు. ఈ సందర్భంగా సూర్యాపేటకు బుల్లెట్‌ ట్రైన్‌ కనెక్టివిటీ కల్పించే అంశంపై ఆయనతో చర్చించారు. సూర్యాపేట జిల్లా అభివృద్ధి, ఆధునిక రవాణా సౌకర్యాల విస్తరణ, ప్రజలకు వేగవంతమైన ప్రయాణ సదుపాయాలు అందుబాటులోకి తీసుకు రావాల్సిన అవసరాన్ని ఆయన దృష్టికి తీసుకెళ్లారు. ఈ మేరకు కృషి చేయాలని కోరారు. కార్యక్రమంలో జేఏసీ కన్వీనర్‌ ప్రొఫెసర్‌ జానకిరామ్‌రెడ్డి, కాంగ్రెస్‌ పార్టీ రాష్ట్ర అధికార ప్రతినిధి వెంకన్ననాయక్‌, నాయకులు పెద్దిరెడ్డి రాజా, ధర్మార్జున్‌రెడ్డి, తండు శ్రీనివాస్‌, రమణాచారి, చల్లమల్ల నర్సింహ, అనంతుల మధు, డేవిడ్‌ కుమార్‌, బూర వెంకటేశ్వర్లు, వనితక్క, భూపతి రాములు, నేరెళ్ల మధుగౌడ్‌, అఖిల్‌, తదితరులు పాల్గొన్నారు.

హుజూర్‌నగర్‌ (నేరేడుచర్ల) : ఉద్యోగ, ఉపాధ్యాయులకు వెంటనే పీఆర్‌సీని అమలు చేసి ప్రభుత్వం ఇచ్చిన మాటను నిలుపుకోవాలని టీఎస్‌ యూటీఎఫ్‌ జిల్లా ప్రధాన కార్యదర్శి సిరికొండ అనిల్‌కుమార్‌ డిమాండ్‌ చేశారు. ఆదివారం నేరేడుచర్లలోని అంజలి హైస్కూల్‌లో జరిగిన సంఘం నేరేడుచర్ల, పాలకీడు, గరిడేపల్లి మండలాల మహాసభలో ఆయన మాట్లాడారు. 2024లో అధికారంలోకి వచ్చిన కాంగ్రెస్‌ ప్రభుత్వం 15 రోజుల్లోనే పెండింగ్‌ డీఏలు, పీఆర్‌సీని అమలు చేస్తామని ఇచ్చిన హామీని నేటికీ నిలుపుకోలేక పోయిందన్నారు. నాలుగు నెలల కరువు భత్యం ఇవ్వలేదన్నారు. కొత్త బడుల ఏర్పాటుకు బదులుగా ఉన్న పాఠశాలను అభివృద్ధి చేసి మౌళిక వసతులు కల్పించాలని కోరారు. సమావేశంలో సంఘం జిల్లా కార్యదర్శి బాల సైదిరెడ్డి, జిల్లా అడిట్‌ కమిటీ కన్వీనర్‌ ఎన్‌.సాంబయ్య, ఆయా మండలాల అధ్యక్షులు శ్రీనయ్య, బి.నాగేశ్వర్‌రావు, పి.వెంకటేశ్వర్లు, నాయకులు అక్కయ్యబాబు, ఎల్‌. శ్రీనివాసరావు, తదితరులు పాల్గొన్నారు.

హుజూర్‌నగర్‌ : హుజూర్‌నగర్‌లోని ప్రభుత్వ జూని యర్‌ కళాశాలలో ఇంటర్‌ చదువుతున్న హర్షవర్ధన్‌ ఉమ్మడి నల్లగొండ జిల్లా వాలీబాల్‌ టీం కెప్టెన్‌గా ఎంపికై నట్లు ఎన్‌ఎస్‌పీ క్యాంప్‌ హైస్కూల్‌ పీడీ దేవిశెట్టి రవి తెలిపారు. ఆదివారం మిర్యాలగూడలో జరిగిన ఖేలో ఇండియా 18 ఏళ్ల లోపు బాలుర ఉమ్మడి నల్లగొండ జిల్లా స్థాయి వాలీబాల్‌ జట్టు ఎంపిక పోటీలో హర్షవర్ధన్‌ను కెప్టెన్‌గా ఎంపిక చేశారు. ప్రస్తుతం అతను సిద్దిపేటలోని వాలీబాల్‌ అకాడమీలో శిక్షణ పొందుతున్నాడు. ఎల్‌నినోపై అవగాహనసూర్యాపేట(సూర్యాపేటటౌన్‌) : ఎల్‌నినో కారణంగా ప్రస్తుతం వాతావరణంలో వస్తున్న మార్పులు, రైతులు, ప్రజలు పాటించాల్సిన జాగ్రత్తలపై మద్దిరాల మండలం గోరంట్ల జెడ్పీహెచ్‌ఎస్‌ ఉపాధ్యాయుడు, సామాజిక కార్యకర్త రాచకొండ ప్రభాకర్‌ ఆదివారం పట్టణంలో అవగాహన కల్పించారు. రైతు వేషధారణలో ఎల్‌నినోపై ఫ్లెక్సీ ప్రదర్శిస్తూ ఎల్‌నినో వల్ల వ్యవసాయంతో పాటు ఇతర రంగాలపై పడే ప్రభావాన్ని ప్రజలకు వివరించారు. రైతులు, ప్రజలు ముందస్తు జాగ్రత్తలు తీసుకోవాలని సూచించారు. నేడు పోలీస్‌ కార్యాలయంలో రక్తదాన శిబిరం సూర్యాపేట(సూర్యాపేటటౌన్‌) : పోలీస్‌ అమరవీరుల వారోత్సవాల్లో భాగంగా సోమవారం జిల్లా పోలీస్‌ కార్యాలయంలో రక్తదాన శిబిరం నిర్వహించనున్నట్లు ఎస్పీ నరసింహ ఆది వారం ఒక ప్రకటనలో తెలిపారు. పౌరులు, యువత స్వచ్ఛందంగా పాల్గొని రక్తదానం చేయాలని పిలుపునిచ్చారు. సమాజంలో రక్తదానంపై అవగాహన పెంపొందించడం, అత్యవసర పరిస్థితుల్లో రక్తం అవసరమైన వారికి అందించాలనే లక్ష్యంతో ఈ శిబిరం నిర్వహిస్తున్నట్లు పేర్కొన్నారు. ప్రతి ఒక్కరూ సామాజిక బాధ్యతగా రక్తదానానికి ముందుకు రావాలని ఆయన పిలుపునిచ్చారు. లక్ష్మీనరసింహుని నిత్యకల్యాణంమఠంపల్లి : మట్టపల్లిలోని రాజ్యలక్ష్మి, చెంచులక్ష్మీ సమేత లక్ష్మీనరసింహస్వామి ఆలయంలో ఆదివారం అర్చకులు స్వామివారి నిత్య కల్యాణాన్ని అత్యంత వైభవంగా నిర్వహించారు. మొదట ఆలయంలో సుప్రభాతసేవ, నిత్యహోమం, మూలవిరాట్‌కు పంచామృతాభిషేకం చేపట్టారు. అనంతరం స్వామి అమ్మవార్లను వధూవరులుగా అలంకరించి ఎదుర్కోళ్ల మహోత్సవం నిర్వహించారు. కార్యక్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, విజయ్‌కుమార్‌, ఈఓ చలపతిరావు, అర్చకులు పాల్గొన్నారు.

ఉమ్మడి జిల్లాలో 50 మండలాలు కరువు ప్రాంతాలుగా గుర్తింపుసాక్షి ప్రతినిధి, నల్లగొండ : ఉమ్మడి జిల్లాను కరువు కమ్మేసింది. జిల్లాలోని 73 మండలాలకుగాను 50 మండలాలు కరువు బారిన పడి విలవిలలాడుతున్నాయి. వీటిలో 18 మండలాలు తీవ్ర కరువు, మరో 32 మండలాలు మోస్తరు కరువు ప్రభావానికి గురైనట్లు ప్రభుత్వ గణాంకాలు చెబుతున్నాయి. మూడు జిల్లాల పరిధిలో అదనంగా మరో 18 మండలాలను కరువు జాబితాలో చేర్చేందుకు అధికారులు ప్రతిపాదనలు చేశారు. ప్రతిపాదిత మండలాల్లో పంట నష్టం 40 నుంచి 60 శాతం వరకు ఉన్నట్లు అంచనా వేశారు. నల్లగొండలో 20 నల్లగొండ జిల్లాలో 20 మండలాలను కరువు ప్రభావిత ప్రాంతాలుగా గుర్తించారు. వీటిలో 13 మండలాలను తీవ్ర కరువు, ఏడు మండలాలను మోస్తరు కరువు ప్రభావిత ప్రాంతాలుగా వర్గీకరించారు. వీటికి అదనంగా మరో 8 మండలాల్లో 40 నుంచి 60 శాతం పంటనష్టం వాటిల్లినట్లు తేల్చారు. వాటిని కూడా కరువు జాబితాలో చేర్చే అవకాశం ఉంది. ప్రతిపాదిత మండలాల్లో దేవరకొండ, చందంపేట, కనగల్‌, మునుగోడు, నార్కట్‌పల్లి, శాలిగౌరారం, తిప్పర్తితో పాటు మరొక మండలం ఉన్నాయి. అయితే, ఇందులో 7 మండలాల్లో పంటలు తీవ్రంగా దెబ్బతినగా, ఒక మండలంలో ఒక మోస్తారుగా దెబ్బతిన్నట్లు అధికారులు తేల్చారు. యాదాద్రిలో 11 మండలాలు.. యాదాద్రి భువనగిరి జిల్లాలోనూ కరువు ప్రభావం కనిపిస్తోంది. అక్కడ ఒక మండలంలో తీవ్ర కరువు పరిస్థితులు నెలకొనగా 10 మండలాల్లో కరువు పరిస్థితులు ఉన్నట్లుగా ప్రభుత్వం అంచనా వేసింది. అదనంగా ఆరు మండలాల్లో 40 నుంచి 48 శాతం పంటలు దెబ్బతిన్నట్లు లెక్కలు వేసింది. వాటిని కరువు ప్రభావిత జాబితాలో చేర్చే అవకాశం ఉంది. అందులో అడ్డగూడూరు, ఆలేరు, ఆత్మకూరు(ఎం), చౌటుప్పల్‌, గుండాల, నారాయణపూర్‌ మండలాలు ఈ జాబితాలో ఉన్నాయి. వర్షాభావ పరిస్థితులు, పంటల ఎదుగుదలలో ఆటంకాలు, సాగు ఖర్చులు పెరగడం రైతులను ఆందోళనకు గురిచేస్తున్నాయి. సూర్యాపేటలో 19 మండలాల్లో కరువు పరిస్థితులు.. 19 మండలాల్లో కరువు నెలకొంది. అందులో 4 మండలాల్లో తీవ్ర కరువు పరిస్థితులు నెలకొనగా, 15 మండలాల్లో సాధారణ కరువు ఉన్నట్లుగా అధికారులు లెక్కలు తేల్చారు. మరో నాలుగు మండలాల్లో 40 నుంచి 50 శాతం పంట నష్టం జరిగినట్లు తేల్చారు. వాటిని కూడా కరువు మండలాల జాబితాలో చేర్చేందుకు ప్రతిపాదనలు చేసినట్లు వివరాలు వెల్లడిస్తున్నాయి. మేళ్లచెరువు, తుంగతుర్తి, మద్దిరాల, మట్టంపల్లి మండలాలు ఈ జాబితాలో ఉన్నాయి. ఎండుతున్న పంటలు.. పెరుగుతున్న నష్టాలు వానాకాలం ప్రారంభంలో ఆశలు పెట్టుకున్న రైతులకు వర్షాభావ పరిస్థితులు నిరాశ మిగిల్చాయి. వర్షాలు సకాలంలో కురవకపోవడం, సాగునీటి లభ్యత తగ్గడం, భూగర్భ జలాలపై ఆధారపడిన పంటలకు తగినంత నీరు అందకపోవడంతో దిగుబడులపై ప్రభావం పడుతోంది. పెట్టుబడుల కోసం అప్పులు చేసిన రైతులు పంటలు దెబ్బతినడంతో ఆర్థిక ఇబ్బందులు ఎదుర్కొంటున్నారు. ఈ నేపథ్యంలో కరువు ప్రభావిత మండలాల గుర్తింపు, అదనపు మండలాల ప్రతిపాదనలపై రైతుల్లో ఆశలు నెలకొన్నాయి. పంట నష్టాన్ని అంచనా వేసి, రైతులకు పరిహారం అందించాలని కోరుతున్నారు. తుది జాబితాపైనే ఆశలు.. రాష్ట్రవ్యాప్తంగా అదనంగా 43 మండలాలను కరువు జాబితాలో చేర్చేందుకు ప్రతిపాదనలు రావడంతో కరువు ప్రభావిత ప్రాంతాల పరిధి మరింత పెరిగే అవకాశం ఉంది. ఉమ్మడి జిల్లాలో ఇప్పటికే 50 మండలాలను చేర్చగా మిగతా 18 మండలాలను చేర్చితే ఉమ్మడి జిల్లా 93.15 శాతం కరువు మండలాలే కానున్నాయి. అయితే, ప్రతిపాదిత మండలాలన్నింటికీ అధికారిక ఆమోదం లభించకపోవచ్చు. తుది జాబితా, పంట నష్టం అంచనాలు, రైతులకు అందించే సాయంపై ప్రభుత్వం తీసుకునే నిర్ణయాల కోసం అన్నదాతలు ఎదురుచూస్తున్నారు. ఫ 18 మండలాల్లో తీవ్రంగా.. 32 మండలాల్లో మోస్తరుగా.. ఫ మరో 18 మండలాలను కూడా కరువు జాబితాలో చేర్చేందుకు ప్రతిపాదన ఫ మొత్తంగా 68 మండలాల్లో కరువు ఛాయలు.. ఫ ఇప్పటికే ఎండిపోయిన పంటలు.. తగ్గిపోయిన దిగుబడులు

సూర్యాపేట అర్బన్‌ : వర్షాభావ పరిస్థితులు నెలకొన్న ప్రస్తుత పరిస్థితిలో రైతులు సాగు చేసిన వరి పంటలు ఎండిపోకుండా వ్యవసాయానికి నాణ్యమైన విద్యుత్‌ సరఫరా చేసేందుకు విద్యుత్‌శాఖ ప్రత్యేక ప్రణాళిక రూపొందిస్తున్నదని టీజీ ఎస్పీడీసీఎల్‌ డైరెక్టర్‌ ఆపరేషన్స్‌ వి.శివాజీ అన్నారు. శుక్రవారం సూర్యాపేట మండలం రాయన్‌గూడెం గ్రామంలో రైతుల పంట పొలాలను పరిశీలించారు. రైతులతో మాట్లాడి సమస్యలను అడిగి తెలుసుకున్నారు. విద్యుత్‌ సరఫరాలో అంతరాయం లేకుండా చర్యలు చేపట్టాలని అధికారులకు సూచించారు. ఆయన వెంట సూర్యాపేట సూపరింటెండింగ్‌ ఇంజనీర్‌ పి.యాదగిరి, డీఈ ఎన్‌. వెంకటకృష్ణయ్య, టౌన్‌ ఆపరేషన్స్‌ ఏడీఈ ఎల్‌. శ్రీనివాసరావు, రూరల్‌ ఏడీఈ వి. రాములునాయక్‌, పట్టణ, రూరల్‌ విద్యుత్‌ సిబ్బంది ఉన్నారు.

సూర్యాపేటటౌన్‌ : పదో తరగతి, వృత్తివిద్యా కోర్సుల వార్షిక పరీక్షల ఫీజు చెల్లింపు గడువును పరీక్షల సంచాలకుల కార్యాలయం ప్రకటించినట్లు డీఈఓ సీహెచ్‌. శ్రీనివాసరావు శుక్రవారం ఒక ప్రకటనలో తెలిపారు. మార్చి 2027లో నిర్వహించనున్న వార్షిక పరీక్షలకు ఈ నెల 30 నుంచి నవంబర్‌ 16 వరకు అపరాధ రుజుము లేకుండా ఫీజు చెల్లించవచ్చని పేర్కొన్నారు. ఆ తరువాత రూ.50, రూ.200, రూ.500 ఆలస్య రుసుముతో ఫీజు చెల్లించేందుకు అవకాశం కల్పించినట్లు తెలిపారు. పదో తరగతి వార్షిక పరీక్ష ఫీజు రూ.125, వృత్తి విద్యా కోర్సుల విద్యార్థులు అదనంగా రూ.60 చెల్లించాలని సూచించారు. ఫీజును www. bre. telangana.gov.in వెబ్‌సైట్‌ ద్వారా పాఠశాల లాగిన్‌తో ఆన్‌లైన్‌లోనే చెల్లించాలని సూచించారు. ఈ మేరకు విద్యార్థులకు సమాచారం అందించి ఫీజుల చెల్లింపు, నామినల్‌ రోల్స్‌ సమర్పణను సకాలంలో పూర్తి చేయాలని ప్రధానోపాధ్యాయులను కోరారు. పోలీసు అమరుల సేవలు చిరస్మరణీయంసూర్యాపేటటౌన్‌ : ప్రజల రక్షణకోసం ప్రాణత్యాగం చేసిన పోలీసు అమవీరుల సేవలు చిరస్మరణీయమని అదనపు ఎస్పీ రవీందర్‌రెడ్డి అన్నారు. పోలీసు ఫ్లాగ్‌ డే వారోత్సవాలు, పోలీసు అమరవీరుల సంస్మరణ కార్యక్రమాల్లో భాగంగా శుక్రవారం పట్టణంలో ఉన్న పోలీసు అమరుడు హెడ్‌ కానిస్టేబుల్‌ బడే సాహెబ్‌ ఇంటికి వెళ్లి కుటుంబ సభ్యులను పరామర్శించారు. బడే సాహెబ్‌ చిత్రపటానికి నివాళులర్పించారు. ఈ సందర్భంగా ఏఎస్పీ మాట్లాడుతూ 2వేల సంవత్సరంలో తిరుమలగిరి పోలీస్‌ స్టేషన్‌పై నక్సలైట్లు దాడి చేసిన సమయంలో విధుల్లో ఉన్న హెడ్‌ కానిస్టేబుల్‌ బడే సాహెబ్‌ వారితో వీరోచితంగా పోరాడి అమరుడయ్యాడని గుర్తుచేశారు. కార్యక్రమంలో పట్టణ ఇన్‌స్పెక్టర్‌ వెంకటయ్య, పోలీస్‌ అసోసియేషన్‌ అధ్యక్షుడు రమేష్‌, కార్యదర్శి కిరణ్‌ పాల్గొన్నారు. ఇంటర్‌లో ఉత్తమ ఫలితాల సాధనే ధ్యేయంసూర్యాపేటటౌన్‌ : ఉత్తమ ఫలితాల సాధనే ధ్యేయంగా బోధన సాగాలని జిల్లా ఇంటర్మీడియట్‌ అధికారి సులోచనారాణి అన్నారు. అధ్యాపకులు అంకితభావంతో పని చేయాలని సూచించారు. శుక్రవారం జిల్లా కేంద్రంలోని ప్రభుత్వ జూనియర్‌ కళాశాలను ఆమె తనిఖీ చేశారు. విద్యా కార్యక్రమాల అమలు తీరును పరిశీలించి అధ్యాపకులకు దిశానిర్దేశం చేశారు.కళాలల్లో విద్యార్థుల సంఖ్యను పెంచేందుకు కార్యాచరణ రూపొందించాలని, విద్యార్థుల హాజరు శాతాన్ని మెరుగుపరిచేందుకు తగిన చర్యలు తీసుకోవాలని సూచించారు. ఆమె వెంట ప్రిన్సిపాల్‌ పెరుమాళ్ల యాదయ్య, అధ్యాపకులు, సిబ్బంది ఉన్నారు. గెస్ట్‌ ఫ్యాకల్టీ కోసం ఇంటర్వ్యూలు సూర్యాపేట : జిల్లా కేంద్రంలోని తెలంగాణ గిరిజన సంక్షేమ మహిళా డిగ్రీ కళాశాలలో ఫిజిక్స్‌, కంప్యూటర్‌ సైన్స్‌, ఎకనామిక్స్‌ సబ్జెక్టులు బోధించేందుకు గెస్ట్‌ ఫ్యాకల్టీ అవసరమై ఉన్నట్లు కళాశాల ప్రిన్సిపాల్‌ డాక్టర్‌ డి.శ్రీవాణి శుక్రవారం ఒక ప్రకటనలో తెలిపారు. సంబంధిత సబ్జెక్టుల్లో విద్యార్హతలు కలిగిన అభ్యర్థులు ఈ నెల 28న కళాశాలలో నిర్వహించే డెమో, ఇంటర్వ్యూలో పాల్గొనాలని ఆమె సూచించారు. అభ్యర్థులు తమ విద్యార్హతల ధ్రువపత్రాలు, సెట్‌/నెట్‌ అర్హత లేదా పీహెచ్‌డీ సర్టిఫికెట్‌, బయోడేటాతో ఉదయం 10 గంటలకు కళాశాలలో హాజరుకావాలని ఆమె కోరారు.

కోదాడ : నిత్యం ట్రాఫిక్‌తో సతమతమవుతున్న పట్టణ ప్రజలు.. రోడ్డు విస్తరణతో కొంత ఊరట లభిస్తుందని భావించారు. కానీ అధికారుల తీరుతో వారు అయోమయ స్థితిని ఎదుర్కొంటున్నారు. రూ.30 కోట్ల ఎండీఆర్‌ నిధులతో చేపట్టిన కోదాడ–అనంతగిరి రోడ్డు విస్తరణలో అధికారుల తీరుపై సర్వత్రా విస్మయం వ్యక్తమవుతోంది. ట్రాఫిక్‌ సమస్య తీవ్రంగా ఉన్న నాగార్జున సెంటర్‌ నుంచి శ్మశానవాటిక వరకు ముందుగా రోడ్డు వెడల్పు పనులు చేపట్టాల్సి ఉండగా.. అధికారులు మాత్రం రద్దీ అంతగా లేని రంగని గుడి ప్రాంతంలో పనులు ప్రారంభించడంపై స్థానికులు ఆగ్రహం వ్యక్తం చేస్తున్నారు. ఇరుకు రోడ్డుతో ఇక్కట్లుకోదాడలోని నాగార్జున సెంటర్‌ నుంచి పబ్లిక్‌ క్లబ్‌ వరకు అనంతగిరి రోడ్డు ఇరుకుగా మారింది. 40 అడుగులు ఉండాల్సిన రోడ్డు ఆక్రమణలతో 25 అడుగులకు కుంచించుకు పోయింది. వ్యాపార సంస్థల బోర్డులు సైతం రోడ్డు మీదికి రావడంతో ఎదురెదురుగా రెండు వాహనాలు వస్తే దారిలేని పరిస్థితి నెలకొంది. రెండు మండలాల ప్రజలతో పాటు నయానగర్‌ వాసులు ఈ రోడ్డు గుండానే ప్రయాణిస్తుంటారు. దాంతో పాటు రెండు ఇంజనీరింగ్‌ కళాశాలలు, పదికి పైగా పాఠశాలల బస్సులు, వందల సంఖ్యలో ఇతర వాహనాలు ఇదే రోడ్డు గుండా రాకపోకలు సాగిస్తుండటంతో ఉదయం, సాయంత్రం వేళల్లో ట్రాఫిక్‌తో స్థానికులు సతమతమవుతున్నారు. రోడ్డును విస్తరిస్తే తప్ప సమస్య పరిష్కారం కాదంటూ ట్రాఫిక్‌ పోలీసులు సైతం చేతులెత్తేయడంతో ప్రయాణికులకు అవస్థలు తప్పడం లేదు. విస్తరణపై స్పష్టత కరువుజాతీయ రహదారి నుంచి అనంతగిరి మండల కేంద్రం వరకు 6.6 కిలోమీటర్ల మేర డబుల్‌ రోడ్డు నిర్మాణ పనులకు ఈ ఏడాది జూలై 11న కోదాడ ఎమ్మెల్యే పద్మావతి శంకుస్థాపన చేశారు. నాగార్జున సెంటర్‌ నుంచి శ్మశానవాటిక వరకు రోడ్డును విస్తరించాలంటే పలు భవనాలను పాక్షికంగా తొలగించాల్సి ఉంటుంది. కోదాడ మాజీ ఎమ్మెల్యే చందర్‌రావు, కాంగ్రెస్‌ నాయకుడు లక్ష్మీనారాయణరెడ్డి తమ భవనాలను తొలగించేందుకు స్వచ్ఛందంగా ముందుకొచ్చారు. కానీ, రోడ్డును ఎంత వెడల్పు చేస్తారు? భవనాలను ఏ మేరకు తొలగిస్తారు? అన్నదానిపై అధికారులు ఇప్పటి వరకు స్పష్టత ఇవ్వడం లేదు. కనీస సమాచారం ఇవ్వకుండా నాలుగు నెలలుగా నాన్చుతుండటంతో.. ఆయా భవనాల యజమానులు, వ్యాపారులు తీవ్ర ఆందోళన చెందుతున్నారు. అధికారుల తీరుతో ఆయా ప్రాంతాల్లో కొత్త భవనాలు నిర్మించుకునే వారు సైతం ఇబ్బంది పడుతున్నారు.కోదాడ – అనంతగిరి రోడ్డు విస్తరణలో విచిత్ర స్థితి అవసరం ఉన్నచోట వదిలేసి.. రద్దీ లేనిచోట పనులు ప్రారంభం నాగార్జున సెంటర్‌ నుంచి క్లబ్‌ వరకు ట్రాఫిక్‌తో నిత్యం నరకయాతన మార్కింగ్‌ వేయక పోవడంతో అయోమయంలో భవన యజమానులుఅనంతగిరి రోడ్డులో మాకు స్థలం ఉంది. కొత్త భవనం నిర్మించుకుందామంటే రోడ్డు విస్తరణ ఎంతవరకు ఉంటుందో తెలియక ఆగిపోయాం. అధికారులు ముందుగా ఈ రోడ్డులోని భవన యజమానులతో సమావేశం ఏర్పాటు చేసి పూర్తి సమాచారం ఇవ్వాలి. ఆ తర్వాతే భవనాలకు మార్కింగ్‌ చేయాలి. విస్తరణ పనులు పట్టణం వైపు నుంచి చేపడితే ప్రజలకు ఉపయోగకరంగా ఉంటుంది. – కొల్లు వెంకటేశ్వరరావు, కోదాడ

భానుపురి (సూర్యాపేట) : రేషన్‌ కార్డుదారులకు ప్రభుత్వం త్వరలో శుభవార్త అందించనుంది. చౌకధరల దుకాణాల ద్వారా ప్రస్తుతం అందిస్తున్న బియ్యానికి తోడు ఆరు రకాల నిత్యవసర వస్తువులను అందించేలా ప్రణాళికలను రూపొందిస్తోంది. రాష్ట్ర వ్యాప్తంగా నెలకొన్న తీవ్ర వర్షాభావ పరిస్థితుల్లో.. పెరిగిన నిత్యావసరాల ధరలతో ప్రజలు పడుతున్న ఇబ్బందులను దృష్టిలో ఉంచుకొని నిత్యావసర సరుకులు అందిస్తే ఏ మేరకు ఆర్థిక భారం పడుతుందనే వివరాలను సేకరిస్తున్నది. ప్రభుత్వం ఆరు రకాల నిత్యవసర సరుకులను అందిస్తే జిల్లాలో 3.70 లక్షల రేషన్‌ కార్డుదారులకు లబ్ధి చేకూరనుంది. పెరిగిన ధరలు..! ప్రస్తుతం దేశవ్యాప్తంగా ఎల్‌నినో పరిస్థితులతో వర్షాభావం కారణంగా అన్ని రకాల పంటల దిగుబడి తగ్గిపోయింది. ఇదే అదనుగా వ్యాపారులు నిత్యావసర సరుకుల కృత్రిమ కొరత సృషి్‌ూట్స్త వాటి ధరలను అమాంతం పెంచుతున్నానరు. ఇప్పటికే కిలో బియ్యం వంద రూపాయలకు చేరువలో ఉంది. దాంతో పాటు కూరగాయలు, చక్కెర, పప్పులు, ఇతర వంట సామాగ్రి ధరలు కూడా భగ్గుమంటున్నాయి. రానున్న రోజుల్లో వీటి ధరలు మరింత పెరిగే అవకాశం ఉంది. ఆరు రకాల వస్తువులు ప్రస్తుత పరిస్థితుల్లో పేద ప్రజలపై భారం పడకుండా రాష్ట్ర ప్రభుత్వం చర్యలు చేపడుతోంది. ఇందులో భాగంగా రేషన్‌ దుకాణాల ద్వారా ప్రస్తుతం ఇస్తున్న సన్న బియ్యంతో పాటు నిత్యావసర సరుకులను కూడా ఇవ్వాలని ప్రభుత్వం యోచిస్తోంది. ఈ విషయమై ప్రణాళికలు రూపొందించాలని సంబంధిత శాఖ మంత్రి ఉత్తంకుమార్‌రెడ్డి ఇటీవల అధికారులను ఆదేశించారు. బియ్యంతో పాటు గోధుమపిండి, కందిపప్పు, పామాయిల్‌, చక్కెర, చింతపండు, కారంపొడి వంటి నిత్యవసర సరుకులను సబ్సిడీ ధరకు అందించేందుకు అధికారులు ప్రణాళికలు రూపొందిస్తున్నారు. దీంతో ప్రభుత్వంపై పడే ఆర్థిక భారం, ప్రజలకు చేకూరే లబ్ధి వివరాలను అధికారులు సేకరిస్తున్నారు.ముందస్తు నిల్వలపై దృష్టి ఇటీవల మంత్రి ఉత్తంకుమార్‌రెడ్డి చేపట్టిన సమీక్ష సమావేశంలో సరుకుల సేకరణ, పంపిణీ విధానంపై అధికారులను నివేదిక కోరినట్లు తెలుస్తున్నది. దాదాపు 14 నెలలకు సరిపడా నిత్యావసర సరుకులు సేకరించాలని ప్రభుత్వం భావిస్తున్నది. వీటి సేకరణతో ప్రస్తుతం మార్కెట్లో పెరుగుతున్న ధరల నుంచి పేద, మధ్యతరగతి కుటుంబాలకు ఉపశమనం కలగనుంది. ఎల్‌నినో ప్రభావంతో ఏర్పడే ఆహార కొరతను సైతం అధిగమించేందుకు ఈ విధానం ఉపయోగపడుతుందని ప్రభుత్వం భావిస్తోంది.చౌకధరల దుకాణాల ద్వారా అందించేందుకు ప్రభుత్వం కసరత్తు బియ్యంతో పాటు ఆరు రకాల సరుకులు ఎల్‌నినో నేపథ్యంలో ప్రజలపై భారం పడకుండా ఉండేందుకే.. జిల్లాలో 3.70 లక్షల రేషన్‌ కార్డులు

చివ్వెంల(సూర్యాపేట) : ఆయిల్‌పామ్‌ సాగుపై రైతులు దృష్టి సారించాలని జిల్లా ఉద్యానవన శాఖ అధికారి టి.నాగయ్య అన్నారు. శుక్రవారం మండలంలోని కుడకుడ క్లస్టర్‌ పరిధిలోని గాయంవారిగూడెం రైతు వేదికలో నిర్వహించిన సాగుభూముల సంరక్షణ కార్యక్రమంలో ఆయన మాట్లాడారు. రైతులు భూసారాన్ని కాపాడుకుంటూ, నీటి వనరులను సమర్థవంతంగా వినియోగించుకోవాలని సూచించారు. ప్రస్తుత వాతావారణ పరిస్థితుల్లో నీటి లభ్యత తక్కువగా ఉన్నందున రైతులు ఆయిల్‌పామ్‌, కూరగాయల సాగు చేపట్టాలని సూచించారు. ఎకరా వరిసాగుకు అవరమయ్యే నీటిలో మూడు ఎకరాల కూరగాయలు సాగు చేయవచ్చన్నారు. కార్యక్రమంలో మండల వ్యవసాయ అధికారి డి.వెంకటేశ్వర్లు, కేవీకే గడ్డిపల్లి శాస్త్రవేత్త కిరణ్‌, ఏఈఓలు, రైతులు పాల్గొన్నారు.

హుజూర్‌నగర్‌ : హుజూర్‌నగర్‌లో ఆధునిక సదుపాయాలతో నూతన కోర్టు భవనం, న్యాయమూర్తుల నివాస గృహ సముదాయాల నిర్మాణానికి 10 ఎకరాల ప్రభుత్వ భూమిని కేటాయించాలని రాష్ట్ర బార్‌ కౌన్సిల్‌ చైర్మన్‌ సాముల రాంరెడ్డి జిల్లా కలెక్టర్‌ను కోరారు. శుక్రవారం స్థానిక బార్‌ అసోసియేషన్‌ అధ్యక్షుడు నారపరాజు శ్రీనివాసరావుతో కలిసి కలెక్టర్‌ తేజస్‌ నంద్‌లాల్‌ పవార్‌ను కలిసి ఈ మేరకు వినతి పత్రం అందించారు. ఈ సందర్భంగా ఆయన మాట్లాడుతూ ప్రస్తుత కోర్టు భవనం జూనియర్‌ సివిల్‌ జడ్జి కోర్టు కోసమే నిర్మించారని, ప్రస్తుతం అందులో ప్రధాన జూనియర్‌ సివిల్‌ జడ్జి, అదనపు జూనియర్‌ సివిల్‌ జడ్జి, సీనియర్‌ సివిల్‌ జడ్జి, రెండవ అదనపు జిల్లా కోర్టులు కొనసాగుతున్నాయని తెలిపారు. దాంతో కక్షిదారులు, న్యాయవాదులు, న్యాయమూర్తులు, సిబ్బంది సమస్యలను ఎదుర్కొంటున్నారని చెప్పారు. ప్రస్తుతం పని చేస్తున్న నాలుగు కోర్టులకు తోడుగా మరో మూడు అదనపు జూనియర్‌ సివిల్‌ జడ్జి కోర్టులు హుజూర్‌నగర్‌కు మంజూరైట్లు తెలిపారు. ఆయన వెంట న్యాయవాదులు అంబటి శ్రీనివాస్‌రెడ్డి, నట్టే సత్యనారాయణ, ఉప్పల గోపాలకృష్ణమూర్తి, ఏజీపీ సురేష్‌కుమార్‌ ఉన్నారు. రాష్ట్ర బార్‌ కౌన్సిల్‌ చైర్మన్‌ సాముల రాంరెడ్డి

మార్కెట్‌ ఇరుకుగా తిరుమలగిరి (తుంగతుర్తి) : తిరుమలగిరి వ్యవసాయ మార్కెట్‌ను స్థలం కొరత వేధిస్తోంది. జిల్లాలోనే సూర్యాపేట తర్వాత రెండవ అతిపెద్ద మార్కె ట్‌ కావడంతో సంవత్సరం పొడవునా ఇక్కడకు ధాన్యం, వేరుశనగ, అపరాలు, మొక్కజొన్న ఉత్పత్తులను రైతులు అమ్మకానికి తీసుకొస్తుంటారు. 1973లో సూర్యాపేట మార్కెట్‌ కింద ఏర్పడిన దీన్ని 1993లో సూర్యాపేట–జనగామ ప్రధాన రహదారిలోని వారసంత స్థలం పక్కన ఉన్న తొమ్మిదిన్నర ఎకరాల్లో నెలకొల్పారు. ఇందులో రైతు విశ్రాంతి భవనం, మార్కెట్‌, ఈనామ్‌ కార్యాలయాలు నిర్మించారు. వీటితోపాటు గోదాములు, వర్షం వస్తే ధాన్యం తడవకుండా ఉండేందుకు తొమ్మిది షెడ్లు నిర్మించారు. 4 ఎకరాల్లో గదులు, గోదాములు, షెడ్లు పోను మిగతా ఐదున్నర ఎకరాల్లో ఓపెన్‌ ప్లాట్‌ఫామ్‌ కూడా ఉంది. ప్రతి సీజన్‌లోనూ 30 వేల ధాన్యం బస్తాలు ప్రతి సీజన్‌లో రోజూ ఈ మార్కెట్‌కు సూర్యాపేట జిల్లాలోని పలు మండలాల నుంచే కాకుండా యాదాద్రి భువనగిరి, జనగామ, మహబూబాబాద్‌ జిల్లాల నుం10 వేల నుంచి 30 వేల ధాన్యం బస్తాలతో పాటు ఇతర పంటలు క్రయవిక్రయాలు సాగుతున్నాయి. 20 వేల బస్తాల కంటే ధాన్యం అధికంగా వస్తే మార్కెట్‌లో స్థలం సరిపోక లోపలికి వెళ్లే రెండు గేట్ల దారుల్లో రాశులు పోస్తున్నారు. ప్రస్తుతం మార్కెట్‌కు భారీగా ధాన్యం రావడంతో ఒక్కరోజు మార్కెట్‌ నడిస్తే కాంటాలు, ఎగుమతులు ఆలస్యం అవుతుంటాయి. దీంతో రెండు రోజులు సెలవులు ఇస్తుండడంతో రైతులు ఇబ్బందులు పడుతున్నారు. వ్యవసాయ మార్కెట్‌లోనే ‘ఇంటిగ్రేటెడ్‌’ తిరుమలగిరి వ్యవసాయ మార్కెట్‌లోనే ఎకరం స్థలంలోనే ఇంటిగ్రేటెడ్‌ మార్కెట్‌ నిర్మాణం పనులు ప్రారంభించారు. దీంతో వ్యవసాయ మార్కెట్‌కు స్థలం సరిపోక ఇరుకుగా మారి ధాన్యం పోసుకోవడానికి ఇబ్బందులు తప్పడం లేదు. తాజాగా శనివారం 30 వేల నుంచి 40 వేల బస్తాల ధాన్యం, ఇతర సరుకులు కూడా వచ్చాయి. ఈ సమయాల్లో మార్కెట్‌లో స్థలం సరిపోక తీవ్ర ఇబ్బందులు పడాల్సిన దుస్థితి. పట్టణంలో ట్రాఫిక్‌ జామ్‌ అయ్యింది. మార్కెట్‌కు ధాన్యం ఉత్పత్తుల రద్దీ దృష్ట్యా 20 నుంచి 30 ఎకరాల స్థలాన్ని కొనుగోలు చేసి కొత్త మార్కెట్‌ను నిర్మించాలని రైతులు, వ్యాపారులు కోరుతున్నారు. తిరుమలగిరి మార్కెట్‌ యార్డులో స్థలం కొరత ఫ ఇందులోనే ఇంటిగ్రేటెడ్‌ మార్కెట్‌ నిర్మాణం ఫ వడ్ల సీజన్‌ వచ్చిందంటే గేట్ల వద్దా రాశులు ఫ ఇబ్బందులు పడుతున్న రైతులు

చిట్యాల మండలంలోని పెద్దకాపర్తి, వెలిమినేడు, గుండ్రాంపల్లి, నేరడ గ్రామాలకు చెందిన పలువురు రైతులు, చిరు వ్యాపారులు కూరగాయల విక్రయాలకు ఆన్‌లైన్‌ ప్రచారాన్ని వాడుకుంటున్నారు. సొంతంగా పండించిన కూరగాయలతో పాటు ఇతర ప్రాంతాల నుంచి కొనుక్కొచ్చిన కూరగాయలను ప్రజలకు అందుబాటులో ఉంచుతున్నారు. ఏయే కూరగాయలు ఉన్నాయి? వాటి ధరలు ఎంత? ఎక్కడ విక్రయిస్తున్నారు? తదితర వివరాలతో ఏఐ ద్వారా రూపొందించిన పోస్టర్లను సోషల్‌ మీడియాలో పోస్ట్‌ చేస్తున్నారు. దీంతో వినియోగదారులకు ముందే సమాచారం అందుతుండగా.. వ్యాపారులకు సైతం కొనుగోళ్లు వేగవంతంగా జరిగిపోతున్నాయి.

సూర్యాపేట అర్బన్‌ : క్రియాశీలక ఉద్యమాలతోనే సూర్యాపేటకు బుల్లెట్‌ రైలు, రైల్వే కారిడార్‌ సాధించుకోగలుగుతామని పీఓడబ్ల్యూ జిల్లా ప్రధాన కార్యదర్శి కామ్రేడ్‌ కొత్తపల్లి రేణుక అన్నారు. శనివారం సూర్యాపేట జిల్లా కేంద్రంలో బుల్లెట్‌ రైలు సాధన కోసం చేపట్టిన రిలే నిరాహార దీక్ష శిబిరం వద్ద బతుకమ్మ ఆడారు. ఈ సందర్భంగా ఆమె మాట్లాడారు. దీక్షకు పలువురు నాయకులు సంఘీభావం తెలియజేశారు. కార్యక్రమంలో సంఘం జిల్లా అధ్యక్షురాలు మారసాని చంద్రకళ, ఉపాధ్యక్షురాలు సూరం రేణుక, కోశాధికారి జయమ్మ, ఐతరాజు పద్మ, కట్టా కల్పన, అనసూయ, లక్ష్మి పాల్గొన్నారు. మొదటి అలైన్‌మెంట్‌కు బీజేపీ కట్టుబడి ఉంది సూర్యాపేట : కేంద్ర ప్రభుత్వం మంజూరు చేసిన బుల్లెట్‌ రైలు మొదటి అలైన్‌మెంట్‌కే బీజేపీ కట్టుబడి ఉందని, అపోహలు నమ్మవద్దని మల్కాజ్‌గిరి ఎంపీ, కేంద్ర రైల్వే మంత్రిత్వ శాఖ స్టాండింగ్‌ కమిటీ సభ్యుడు ఈటెల రాజేందర్‌ అన్నారు. సూ ర్యాపేట బుల్లెట్‌ రైలు సాధన అఖిలపక్ష పోరాట, బీజేపీ జిల్లా కమిటీలు శనివారం హైదరాబాద్‌లో రాజేందర్‌ను కలిసి సూర్యాపేటకు బుల్లెట్‌ ట్రైన్‌, కారిడార్‌ ఏర్పాటుకు సహకరించాలని వినతి పత్రం అందజేశారు. ఈ సందర్భంగా ఆయన హామీ ఇచ్చినట్టు నేతలు తెలిపారు. ఈటల రాజేందర్‌ను కలిసిన వారిలో బుల్లెట్‌ ట్రైన్‌ సాధన కన్వీనర్‌ ప్రొఫెసర్‌ ఆరుట్ల జానకిరెడ్డి, మల్లు నాగార్జున రెడ్డి, ధర్మార్జున్‌, వెలుగు వనిత, బూర వెంకటేశ్వర్లు, జర్నలిస్టు భూపతి రాములు, బీజేపీ జిల్లా అధ్యక్షురాలు చల్ల శ్రీలతారెడ్డి, కడియం రామచంద్రయ్య, తుక్కాని మన్మథరెడ్డి తదితరులు పాల్గొన్నారు.

అర్హులందరికీ న్యాయ సహాయం అందిస్తామని రాష్ట్ర న్యాయ సేవాధికార సంస్థ సెక్రటరీ పంచాక్షరి అన్నారు. - IIలోఇన్‌స్పైర్‌లో విజేతకు అభినందనలుసూర్యాపేట : న్యూ ఢిల్లీలో ఈ నెల 12 నుంచి 14 వరకు జరిగిన ఇన్‌స్పైర్‌ మనక్‌లో ప్రతిభ కనబర్చిన ఎంఎస్‌ఆర్‌ సెంట్రల్‌ స్కూల్‌ విద్యార్థి కొల్లు మహీధర్‌ను శనివారం సూర్యాపేటలో డీఈఓ సీహెచ్‌.శ్రీనివాసరావు అభినందించారు. ఈ కార్యక్రమంలో జిల్లా సైన్స్‌ అధికారి దేవరాజ్‌, సెక్టోరియల్‌ అధికారి శ్రావణ్‌ పాల్గొన్నారు.

కోదాడరూరల్‌ : ఎల్‌నినో పరిస్థితుల దృష్ట్యా రైతులు యాసంగిలో నీటి అవసరం తక్కువగా ఉన్న ఆరుతడి పంటలు మాత్రమే సాగుచేసుకోవాలని వ్యవసాయ శాఖ ప్రిన్సిపల్‌ సెక్రటరీ సురేంద్రమోహన్‌ సూచించారు. శనివారం కోదాడ మండలం గుడిబండలో సాగవుతున్న పంటలను పరిశీలించి మాట్లాడారు. వర్షాభావ పరిస్థితులు, కరెంటు ఉత్పత్తి తక్కువగా ఉన్నందున రానున్న రోజుల్లో కూరగాయలకు డిమాండ్‌ పెరుతుందని, రైతులు వాటి సాగుకు ప్రాధాన్యత ఇవ్వాలన్నారు. అదేవిధంగా పశువుల మేతకోసం పశుగ్రాసాలను కూడా సాగు చేసుకోవా లన్నారు. కొంతమేర నీటి వసతి ఉన్న రైతులు నీటిని పొదుపుగా వాడుకుంటూ పెసర, కంది, జొన్న వంటి పంటలు సాగుచేయాలన్నారు. రైతులకు కావాల్సిన డ్రిప్‌, స్ప్రింక్లర్లను అందజేయాలని ఉద్యానవనశాఖ అధికారులను ఆదేశించారు. ఈ సందర్భంగా రైతులు సబ్సిడీపై విత్తనాలను అందజేయాలని కోరగా ప్రభుత్వంతో మాట్లాడి అందించేందుకు కృషిచేస్తానని తెలిపారు. కార్యక్రమంలో ఏఓ పాలెం రజిని, హార్టికల్చల్‌ అధికారి అనిత, ఏఓ రాజు, కోదాడ పీఏసీఎస్‌ చైర్మన్‌ ఓ.శ్రీనివాసరెడ్డి, ఏఈఓలు మహేష్‌, నగేష్‌, పిచ్చయ్య, ఇస్మాయిల్‌, రైతులు ఖాజామియా, రఫి, గౌసుద్దీన్‌ తదితరులు పాల్గొన్నారు. ఫ వ్యవసాయ శాఖ ప్రిన్సిపల్‌ సెక్రటరీ సురేంద్రమోహన్‌

సూర్యాపేటటౌన్‌ : రాష్ట్ర అవతరణ దినోత్సవ వేడుకలు–2026 సందర్భంగా ప్రభుత్వం ప్రకటించిన ప్రతిభా పురస్కారాల్లో సూర్యాపేట జిల్లా అదనపు ఎస్పీ రవీందర్‌రెడ్డికి పోలీస్‌ ఉత్తమ సేవా పతకం లభించింది. శనివారం హైదరాబాద్‌లో డీజీపీ సీవీ ఆనంద్‌ తన కార్యాలయంలో రవీందర్‌రెడ్డికి పతకం అందించి అభినందించారు. సుదీర్ఘ సేవలకు గుర్తింపు.. అదనపు ఎస్పీ రవీందర్‌రెడ్డి 1992లో సబ్‌ ఇన్‌స్పెక్టర్‌గా పోలీస్‌ శాఖలో నియామకమై, పెద్దకొత్తపల్లి పోలీస్‌ స్టేష్‌న్‌లో తొలి పోస్టింగ్‌ తీసుకున్నారు. అనంతరం 2007లో సర్కిల్‌ ఇన్‌స్పెక్టర్‌గా పదోన్నతి పొందారు. ఎస్‌ఐ, సీఐ హోదాల్లో ఉమ్మడి మహబూబ్‌నగర్‌ జిల్లాలోని పలు ప్రాంతాల్లో సేవలందించారు. 2017లో డీఎస్పీగా పదోన్నతి పొందిన అనంతరం సీఐడీ విభాగంలో విధులు నిర్వహించారు. 2021లో అదనపు ఎస్పీగా పదోన్నతి పొంది వికారాబాద్‌ జిల్లాలో అదనపు ఎస్పీగా బాధ్యతలు నిర్వహించారు. హైదరాబాద్‌ నగరంలో ట్రాఫిక్‌ డీసీపీగా, నిజామాబాద్‌లో, సికింద్రాబాద్‌ రైల్వే విభాగంలోనూ వివిధ హోదాల్లో సేవలందించారు. పోలీస్‌ శాఖలో మూడు దశాబ్దాలకు పైగా అందించిన నిస్వార్థ సేవలకు గుర్తింపుగా ఆయనకు పోలీస్‌ ఉత్తమ సేవా పతకం లభించడం పట్ల ఎస్పీ నరసింహతోపాటు జిల్లా పోలీస్‌ సిబ్బంది హర్షం వ్యక్తం చేశారు.

చివ్వెంల(సూర్యాపేట) : సూర్యాపేట పోక్సో కోర్టు స్పెఫల్‌ పీపీ రఘురామయ్యను శనివారం ఎస్పీ నరసింహ జిల్లా కేంద్రంలోని తన కార్యాలయంలో పుష్పగుచ్ఛం అందజేసీ, శాలువా కప్పి సన్మానించారు. ఇటీవలే పలు పోక్సో కేసుల్లో తన వాదనలు వినిపించి నిందితులకు శిక్ష పడేటట్లు చేసినందుకు పీపీని సన్మానించారు. ఈ కార్యక్రమంలో లైజన్‌ ఆఫీసర్‌ గంపల శ్రీకాంత్‌ పాల్గొన్నారు. రచయితల సంఘం జిల్లా అధ్యక్షుడిగా పెద్దిరెడ్డి గణేష్‌ సూర్యాపేట : జిల్లా కేంద్రంలో శనివారం జరిగిన రచయితల సంఘం సమావేశంలో జిల్లా కమిటీని ఏకగ్రీవంగా ఎన్నుకున్నారు. జిల్లా రచయితల సంఘం అధ్యక్షుడిగా పెద్దిరెడ్డి గణేష్‌, ప్రధాన కార్యదర్శిగా శీలా అవిలేను ఎన్నికయ్యారు. అలాగే, గౌరవ అధ్యక్షుడిగా ఆలేటి శంకర్‌, గౌరవ సలహాదారులుగా బెల్లంకొండ శ్రీరాములు, గడ్డం నర్సయ్య, తుమ్మ రాజా, ఉపాధ్యక్షులుగా ధర్మూరి వెంకటేశ్వర్లు, పుప్పాల కృష్ణమూర్తి, ఎర్ర హరికిషన్‌, సంయుక్త కార్యదర్శులుగా గొడితాల వెంకటేశ్వర్లు, వేముల వెంకటేశ్వర్లు, సరికొండ నరసింహారాజు, ప్రచార కార్యదర్శిగా పబ్బతి వెంకటేశ్వర్లు, కార్యవర్గ సభ్యులుగా ముక్కామల జానకి రాములు, ఏబెల్‌ శశి, ఎన్‌సీ.రోజా, పూసోజు పద్మ, పోతుగంటి వీరాచారి, జిల్లేపల్లి జానయ్య, కొరప్రిడత శ్రీనివాస్‌, లింగాల శ్రీనివాస్‌, కొండా లింగారావులను ఎన్నుకున్నారు. ఈ సందర్భంగా అధ్యక్షుడు పెద్దిరెడ్డి గణేష్‌ మాట్లాడుతూ సాహిత్య సాంస్కృతిక రంగంలో కవులు రచయితలను ఒక తాటిపై నడిపేందుకే ఈ సంఘాన్ని ఏర్పాటు చేశామన్నారు. ఈ కార్యక్రమంలో కవులు, రచయితలు తదితరులు పాల్గొన్నారు. శాస్త్రోక్తంగా నిత్య కల్యాణం మఠంపల్లి : మట్టపల్లి క్షేత్రంలో శనివారం శ్రీరాజ్యలక్ష్మీ చెంచులక్ష్మీ సమేత శ్రీలక్ష్మీనరసింహస్వామి నిత్య కల్యాణాన్ని అర్చకులు శాస్త్రోక్తంగా నిర్వహించారు. ఆలయంలో ముందుంగా శ్రీస్వామి వారికి ప్రత్యేక పూజలు అర్చనలు చేసి మూలవిరాట్‌కు పంచామృతాభిషేకం గావించారు. ఎదుర్కోలు మహోత్సవం అనంతరం నిత్య కల్యాణం జరిపించారు. ఆ తర్వాత నీరాజన మంత్రపుష్పాలతో మహానివేదన గావించి భక్తులకు తీర్థ ప్రసాదాలు పంపిణీ చేశారు. అంతేగాక భక్తులకు అన్నదానం చేశా రు. రెండు తెలుగు రాష్ట్రాలకు చెందిన భక్తులు తెల్లవారుజాముననే కృష్ణానది స్నానం చేసి స్వామివారిని దర్శించుకుని మొక్కలు తీర్చుకున్నారు. పూజా కార్యక్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, విజయ్‌కుమార్‌, ఈఓ చలపతిరావు, అర్చకులు తూమాటి శ్రీనివాసాచార్యులు, పద్మనాభా చార్యులు, లక్ష్మీనరసింహమూర్తి, ఆంజనేయాచార్యులు, బ్రహ్మాచార్యులు, వంశీకృష్ణమాచార్యులు, భక్తులు పాల్గొన్నారు. వైద్యంలో నర్సుల పాత్ర కీలకంనార్కట్‌పల్లి : అత్యవసర వైద్యంలో నర్సుల పాత్ర కీలకమని తెలంగాణ నర్సింగ్‌ కౌన్సిల్‌ డిప్యూటీ డైరెక్టర్‌, ఇన్‌చార్జి రిజిస్ట్రార్‌ డాక్టర్‌ విద్యుల్లత అన్నారు. శనివారం నార్కట్‌పల్లి కామినేని వైద్య కళాశాలలో నర్సింగ్‌ విభాగం ఆధ్వర్యంలో శ్రీఎమర్జెన్సీ నర్సింగ్‌ కేర్‌శ్రీ అనే అంశంపై నిర్వహించిన రాష్ట్రస్థాయి కాన్ఫరెన్స్‌కు ఆమె ముఖ్యఅతిథిగా హాజరై మాట్లాడారు. ప్రమాదాలతో, రోగాలతో ఆసుపత్రిలో చేరిన రోగికి సంబంధించిన పూర్తి సమాచారం నర్సులు సేకరించాలన్నారు. ప్రమాదాలలో గాయపడిన రోగులకు మొదటి గంట అనేది గోల్డెన్‌ అవర్‌గా పరిగణించాలని, ఆ సమయాన్ని వృథా చేయొద్దన్నారు. కార్యక్రమంలో మెడికల్‌ కాలేజీ ప్రిన్సిపాల్‌ డాక్టర్‌ బాబాసాహెబ్‌ లక్ష్మణ్‌సింగ్‌, కిమ్స్‌ మెడికల్‌ సూపరిండెంట్‌ డాక్టర్‌ పివి.రామ్మోహన్‌, ఆర్గనైజింగ్‌ చైర్‌పర్సన్‌, కిమ్స్‌ నర్సింగ్‌ సూపరింటెండెంట్‌ డాక్టర్‌ సునీత, ఆర్గనైజింగ్‌ సెక్రటరీ శైలజ, సైంటిఫిక్‌ కమిటీ మెంబర్‌ డాక్టర్‌ గోపాల్‌రెడ్డి తదితరులు పాల్గొన్నారు.

కోదాడ : కోదాడ కేఆర్‌ఆర్‌ ప్రభుత్వ డిగ్రీ కళాశాల వ్యవస్థాపక సభ్యుడు, రిటైర్డ్‌ ప్రిన్సిపాల్‌ మదాల వెంకటేశ్వరరావు అలియాస్‌ కెమిస్ట్రీ వెంకటేశ్వరరావు (81) శుక్రవారం తెల్లవారుజామున అనా రోగ్యంతో మృతి చెందారు. 1968లో ఏర్పాటైన కేఆర్‌ఆర్‌ కళాశాల వ్యవస్థాపక సభ్యుడిగా ఉన్న ఆయన, అదే కళాశాలలో కెమిస్ట్రీ అధ్యాపకుడిగా, ప్రిన్సిపాల్‌ గా 33 ఏళ్ల పాటు పని చేశారు. 2003లో ఉద్యోగ విరమణ అనంతరం ప్రైవేట్‌ జూనియర్‌ కళాశాలను స్థాపించి అందులోనూ అధ్యాపకుడిగా సేవలందించారు. వెంకటేశ్వరరావుకు కుమారుడు, కుమార్తె ఉన్నారు. ఆయన మృతికి పలువురు ప్రముఖులు, విద్యావేత్తలు సంతాపం వ్యక్తం చేశారు. బీఎల్‌ఓల గౌరవ వేతనం విడుదల చేయాలిసూర్యాపేట(భానుపురి) : సర్‌ ప్రక్రియలో భాగంగా ఓటరు జాబితా సవరణలో బీఎల్‌ఓలుగా విధులు నిర్వహించిన అంగన్‌వాడీ టీచర్లకు చెల్లించాల్సిన గౌరవ వేతనాన్ని వెంటనే విడుదల చేయాలని ఏఐటీయూసీ రాష్ట్ర కార్యదర్శి మేకల శ్రీనివాస్‌రావు డిమాండ్‌ చేశారు. శుక్రవారం కలెక్టరేట్‌లో డీఆర్వో ప్రేమ్‌ రాజుకు ఈ మేరకు వినతిపత్రం అందించారు. కేంద్ర రాష్ట్ర ప్రభుత్వాలు బీఎల్‌ఓలకు శ్రమకు తగిన ఫలితం ఇవ్వాలని, రానున్న రోజుల్లో అంగన్‌వాడీ టీచర్లను బీఎల్‌ఓ డ్యూటీల నుంచి మినహాయింపు ఇవ్వాలని కోరారు. ఆయన వెంట సంఘం జిల్లా నాయకులు శ్యామల, అశోక్‌, దంతాల రాంబాబు, సీపీఐ పట్టణ కార్యదర్శి బూర వెంకటేశ్వర్లు, అంగన్‌వాడీ టీచర్స్‌ యూనియన్‌ సభ్యులు ఆర్‌. స్వప్న, అశ్విని, అనిత, పుష్ప, హేమలత, భాగ్య పాల్గొన్నారు. డ్రగ్స్‌ నిర్మూలనే లక్ష్యంగా ఈగల్‌ టీమ్‌ ర్యాలీసూర్యాపేట టౌన్‌ : మాదకద్రవ్యాల నిర్మూలన, జాతీయ ఐక్యత, సమగ్రత పరిరక్షణే లక్ష్యంగా ఆంధ్రప్రదేశ్‌కు చెందిన ఈగల్‌ టీమ్‌ చేపట్టిన చైతన్య ర్యాలీ శుక్రవారం సూర్యాపేట జిల్లా కేంద్రానికి చేరుకుంది. జాతీయ ఐక్యతా దినోత్సవాన్ని పురస్కరించుకుని ప్రజల్లో మత్తు పదార్థాల దుష్ప్రభావాలపై అవగాహన కల్పించడంతో పాటు దేశ సమైక్యతను చాటేందుకు ఈ బృందం గుజరాత్‌కు యాత్ర చేపట్టగా శుక్రవారం సూర్యాపేటకు చేరుకుంది. ఈగల్‌ టీమ్‌ పోలీసు బృందానికి సూర్యాపేట డీఎస్పీ ప్రసన్న కుమార్‌, పట్టణ పోలీస్‌ ఇన్‌స్పెక్టర్‌ వెంకటయ్య ఘనంగా స్వాగతం పలికారు. ఈ ర్యాలీలో భాగంగా ఈగల్‌ టీమ్‌ గుజరాత్‌లోని సబర్మతి నది తీరంలో ఈ నెల 31న నిర్వహించనున్న జాతీయ ఐక్యతా దినోత్సవ కార్యక్రమాల్లో పాల్గొననున్నట్లు తెలిపారు.

సూర్యాపేటటౌన్‌ : పోగొట్టుకున్న, చోరీకి గురైన మొబైల్‌ ఫోన్లను ఆధునిక సాంకేతిక పరిజ్ఞానంతో గుర్తించి రికవరీ చేస్తున్నట్లు ఎస్పీ కె.నరసింహ తెలిపారు. సీఈఐఆర్‌ పోర్టల్‌ ద్వారా రికవరీ చేసిన రూ.20 లక్షల విలువైన 105 మొబైల్‌ ఫోన్లను శుక్రవారం జిల్లా పోలీస్‌ కార్యాలయంలో బాధితులకు అందించారు. ఈ సందర్భంగా ఎస్పీ మాట్లాడుతూ 100కు పైగా ఫోన్లను ఒకేసారి అందజేయడం ఇది 15వ సారి అన్నారు. కొన్ని ఫోన్లు ఇతర రాష్ట్రాలు, సుదూర ప్రాంతాలకు వెళ్లినప్పటికీ సైబర్‌ వారియర్స్‌ సాంకేతిక విశ్లేషణతో వాటిని గుర్తించి స్వాధీనం చేసుకున్నారని పేర్కొన్నారు. మొబైల్‌ ఫోన్లలో వ్యక్తిగత సమాచారం, ఫొటోలు, ముఖ్య మైన పత్రాలు ఉంటాయని, వాటిని కోల్పోయిన బాధితుల ఇబ్బందులను గుర్తించి పోలీసులు ప్రత్యే క దృష్టి సారిస్తున్నారని తెలిపారు. ఆన్‌లైన్‌ పెట్టుబడి పథకాలను నమ్మవద్దని, అనుమానాస్పద లింక్‌లను క్లిక్‌ చేయవద్దని, ఓటీపీ, పిన్‌, బ్యాంక్‌ ఖాతా వివరాలు ఇతరులకు వెల్లడించవద్దని సూచించారు. సైబర్‌ మోసానికి గురైతే వెంటనే 1930 హెల్ప్‌లైన్‌కు ఫిర్యాదు చేయాలన్నారు. ఫ 105 ఫోన్లు పోగొట్టుకున్న బాధితులకు అందజేత

సూర్యాపేట : జిల్లాలో వరి కోతలు ప్రారంభం కావడంతో మార్కెట్‌కు ధాన్యం రాక మొదలైంది. సూర్యాపేట వ్యవసాయ మార్కెట్‌కు శుక్రవారం 13,479 బస్తాల (8,762 క్వింటాళ్ల) ధాన్యం వచ్చింది. గురువారం 3600 బస్తాల ధాన్యం మాత్ర మే రాగా ఒక్క రోజులోనే 10 వేల బస్తాలకు పైగా ధాన్యం పెరిగింది. దాంతో మార్కెట్‌కు ధాన్యంతో కళకళలాడింది. సూర్యాపేట, కోదాడ నియోజకవర్గాల్లో రెండు రోజుల క్రితం నుంచి వరి కోతలు కొనసాగుతుండడంతో రైతులు సూర్యాపేట మార్కెట్‌కు ధాన్యాన్ని తీసుకొస్తున్నారు. ఈ నెల 12వ తేదీన 1,021 బస్తాల ధాన్యం రాగా 13న 1,265 బస్తాలు, 14న 2,846 బస్తాలు, 15న 3,600 బస్తాల ధాన్యాన్ని రైతులు తీసుకొచ్చారు. శుక్రవారం అత్యధి కంగా బీపీటీ 9,655 బస్తాలు వచ్చింది. అన్నిరకాలకు క్వింటాకు రూ.3వేలకు పైగా దర పడింది. ఐఆర్‌ –64 రకానికి క్వింటాకు రూ.2,273 గరిష్ఠ ధర పడింది. అపరాలు సైతం సూర్యాపేట మార్కెట్‌కు ధాన్యం మాత్రమే కాకుండా అపరాలు సైతం అమ్మకానికి వచ్చాయి. కంది 57 బస్తాలు (37 క్వింటాళ్లు) రాగా గరిష్ఠ ధర రూ.10,022, కనిష్ఠ ధర క్వింటాకు రూ.3,338 పడింది. పెసర్లు 97 బస్తాలు (58 క్వింటాళ్లు) రాగా గరిష్ఠ ధర రూ.7,632, కనిష్ఠ రూ.5,873, వేరుశనగ 63 బస్తాలు (21 క్వింటాళ్లు) రాగా గరిష్ఠ ధర క్వింటాకు రూ.8,409, కనిష్ఠ ధర క్వింటాకు రూ.4,256ల చొప్పున ధర పడింది. ఫ సూర్యాపేట మార్కెట్‌కు 13,479 బస్తాల ధాన్యం రాక

సూర్యాపేట : జిల్లాలో ఎల్‌నినో ప్రభావం దృష్ట్యా తాగునీటికి అత్యంత ప్రాధాన్యత ఇవ్వాలని, రానున్న జూలై వరకు ప్రతి ఇంటికి తాగునీరు ఇచ్చేలా సూక్ష్మస్థాయి ప్రణాళికలు రూపొందించాలని కలెక్టర్‌ తేజస్‌ నంద్‌లాల్‌ పవార్‌ అధికారులను ఆదేశించారు. శుక్రవారం కలెక్టరేట్‌ సమావేశ మందిరంలో ఆర్డీఓలు, తహసీల్దార్లు, ఎంపీడీఓలతో పాటు అన్ని శాఖల జిల్లా, మండల స్థాయి అధికారులతో ఆయన సమీక్ష సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ వాతావరణశాఖ అంచనా ప్రకారం జిల్లాలోని 19 మండలాలలో సాధారణం కంటే తక్కువగా వర్షపాతం నమోదైందన్నారు. తిరుమలగిరి, మద్దిరాల, మట్టపల్లి, మేళ్లచెరువులో మాత్రమే సాధారణ వర్షపాతం కురిసిందన్నారు. ఎల్‌నినో ప్రభావం భూగర్భ జలాలు, తాగునీరు, వ్యవసాయంపై ఎక్కువగా ఉందన్నారు. రైతులు వరి కాకుండా ఉద్యాన పంటలు, పెసర్లు, కందులు వేసేలా అవగాహన కల్పించాలన్నారు. డిసెంబర్‌ చివరి నాటికి ఎల్‌నినో ప్రభావం తారస్థాయికి చేరే అవకాశం ఉందని ఆందోళన వ్యక్తం చేశారు. తాగునీటికి మొదటి ప్రాధాన్యత ఇవ్వాలని, గ్రామ, మున్సిపాలిటీలు, పట్టణాలలో ప్రజలకు వాస్తవ పరిస్థితులను వివరించి నీటిని పొదుపుగా వినియోగించుకునేలా అవగాహన కల్పించాలని సూచించారు. సమావేశంలో అదనపు కలెక్టర్‌ బి.హరిసింగ్‌, డీఆర్వో ప్రేమ్‌రాజ్‌, జడ్పీ సీఈఓ శిరీష, డీఆర్డీఓ సన్యాసయ్య, డీఏఓ శ్రీధర్‌రెడ్డి, డీఎంహెచ్‌ఓ వెంకటరమణ, డీఈఓ శ్రీనివాస్‌, ఇరిగేషన్‌, విద్యుత్‌, మిషన్‌ భగీరథ అధికారులు పాల్గొన్నారు. ఫ కలెక్టర్‌ తేజస్‌ నంద్‌లాల్‌ పవార్‌

డెంగీ నివారణలో ప్రజలు భాగస్వామ్యం కావాలి. ప్రతి ఒక్కరూ తమ ఇల్లు, పరిసరాలను పరిశుభ్రంగా ఉంచుకోవాలి. వారా నికి రెండుసార్లు నీరు నిల్వ ఉండే ప్రదేశాలను పరిశీలించి శుభ్రం చేయాలి. పారిశుద్ధ్య చర్యలకు సహకరిస్తూ దోమల ఉత్పత్తికి అవకాశం లేకుండా చూడాలి. ప్రజలు అప్రమత్తంగా ఉంటే వ్యాధి వ్యాప్తిని అరికట్టవచ్చు. పెండెం వెంకటరమణ, డీఎంహెచ్‌ఓ ఫ వారంరోజుల్లో ఆరు కేసులు నమోదు ఫ ఈ ఏడాది ఇప్పటి వరకు 76 కేసులు ఫ వర్షాలు లేకున్నా విజృంభిస్తున్న దోమలు ఫ అప్రమత్తమైన వైద్యఆరోగ్య శాఖ సూర్యాపేటటౌన్‌ : జిల్లాలో డెంగ్యూ జ్వర పీడితుల సంఖ్య పెరుగుతుండడం కలవర పెడుతోంది. వర్షాలు కురియక పోయినా దోమల సంఖ్య పెరుగుతోంది. వారంలోనే సూర్యాపేట జిల్లాలో ఐదు డెంగ్యూ కేసులు నమోదవడం ఆందోళన కలిగిస్తోంది. ఈ ఏడాది ఇప్పటి వరకు 76 కేసులు నమోదయ్యాయి. గతేడాది మొత్తంగా 151 కేసులు నమోదయ్యాయి. గతేడాదితో పోలిస్తే డెంగ్యూ బాధితుల సంఖ్య తక్కువగా ఉన్నప్పటికీ, కొత్త కేసులు వెలుగు చూస్తుండటంతో వైద్య ఆరోగ్యశాఖ అధికారులు నివారణ చర్యలపై దృష్టి సారించారు. బాధితుల ఇళ్ల పరిసరాల్లో సర్వే జిల్లాలో వారం రోజుల్లో ఆరు డెంగ్యూ కేసులు నమోదయ్యాయి. మద్దిరాల మండలం పోలుమల్ల గ్రామంలో ఒకటి, హుజూర్‌నగర్‌లో, నేరేడుచర్ల మండలం సోమవారం, అనంతగిరి మండలం న్యూగోల్‌తండా, చింతలపాలెం మండలం నక్కగూడెం, అడ్లూరులో ఒక్కో కేసు చొప్పున నమోదయ్యాయి. దాంతో వైద్యారోగ్యశాఖ అధికారులు అప్రమత్తమయ్యారు. డెంగ్యూ వచ్చిన వారి ఇంటి చుట్టుపక్కల ఉన్న 50 ఇళ్ల పరిధిలో వైద్య సిబ్బంది జ్వర సర్వే నిర్వహిస్తున్నారు. ఆయా ఇళ్లలో ఎవరికై నా జ్వరం, ఇతర అనారోగ్య లక్షణాలు ఉన్నాయా అని ఆరా తీస్తున్నారు. లక్షణాలున్న వారిని గుర్తించి అవసరమైన వైద్య పరీక్షలు చేయించేందుకు చర్యలు తీసుకుంటున్నారు. వారి నుంచి రక్త నమూనాలు సేకరిస్తున్నారు. వ్యాధి వ్యాప్తిని తొలిదశలోనే గుర్తించి నియంత్రించేందుకు ప్రయత్నిస్తున్నారు. ప్రైవేట్‌ ఆసుపత్రులకు బాధితులు.. జిల్లాలో 23 పీహెచ్‌సీలు, నాలుగు ప్రభుత్వ ఏరియా ఆసుపత్రులు ఉన్నాయి. జ్వర పీడితులు ఆయా ఆస్పత్రులకు వచ్చినప్పుడు రక్త పరీక్షలు నిర్వహించి డెంగ్యూ కేసులను నిర్ధారిస్తున్నారు. దాంతో పాటు జిల్లాలోని ప్రైవేట్‌ ఆసుపత్రులను సైతం చాలా మంది జ్వర పీడితులు ఆశ్రయిస్తున్నారు. డెంగ్యూ వచ్చిన వారిలో అధిక మంది ప్రైవేట్‌ ఆస్పత్రలకు వెళ్తున్నట్లు సమాచారం. ఇదే అదనుగా ప్రైవేటు ఆస్పత్రుల వారు వేలల్లో ఫీజులు వసూలు చేస్తున్నారు. ప్రభుత్వ ఆస్పత్రుల్లోనూ అన్ని రకాల ముందులు ఉన్నాయని, రక్త పరీక్షలు కూడా ఎప్పటికప్పుడు చేస్తున్నామని వైద్యాధికారులు చెబుతున్నారు. వారంలో రెండు రోజులు డ్రైడే... ఈ సంవత్సరం వర్షాలు కురవక పోయినా దోమల సంఖ్య పెరుగుతూనే ఉంది. దోమల వృద్ధిని అరికట్టేందుకు వైద్య ఆరోగ్యశాఖ సిబ్బంది గ్రామాల్లో ప్రతి మంగళవారం, శుక్రవారం డ్రైడే కార్యక్రమాలు నిర్వహిస్తున్నారు. ఇళ్లలో, పరిసరాల్లో పాత్రలు, పాత టైర్లు, కొబ్బరి చిప్పలు, కూలర్లు, పూలకుండీలు, ఇతర పనికిరాని వస్తువుల్లో నీరు నిల్వ ఉండకుండా చూడాలని సూచిస్తున్నారు. నీటి తొట్టెలను శుభ్రం చేయడంతోపాటు వాటిని మూతలతో కప్పి ఉంచాలని ప్రజలకు అవగాహన కల్పిస్తున్నారు. తీవ్రమైన జ్వరం, తలనొప్పి, కళ్ల వెనుక నొప్పి, ఒళ్లు నొప్పులు, వికారం వంటి లక్షణాలు కనిపిస్తే వెంటనే వైద్యులను సంప్రదించాలని వైద్యారోగ్యశాఖ అధికారులు సూచిస్తున్నారు. వైద్యుల సలహా లేకుండా మందులు వాడవద్దని, డెంగ్యూ అనే అనుమానం ఉన్నవారు ఆలస్యం చేయకుండా వైద్యపరీక్షలు చేయించుకోవాలని పేర్కొంటున్నా రు. పరిసరాల పరిశుభ్రత, దోమల నియంత్రణలో భాగస్వామ్యం కీలకమని చెబుతున్నారు.

నకిరేకల్‌(శాలిగౌరారం): కాంగ్రెస్‌ ప్రభుత్వ నిర్లక్ష్యం వల్లే రాష్ట్రంలో కరెంట్‌ కొరత ఏర్పడి పంటలు ఎండిపోతున్నాయని తుంగతుర్తి మాజీ ఎమ్మెల్యే గాదరి కిశోర్‌కుమార్‌ అన్నారు. శాలిగౌరారం మండలం రామగిరిలో సర్పంచ్‌ చాడ చంద్రకళ నివాసంలో శుక్రవారం ఏర్పాటు చేసిన విలేకరుల సమావేశంలో ఆయన మాట్లాడారు. సింగరేణిలో 72 మిలియన్‌ టన్నుల బొగ్గు నిల్వలు ఉన్నా రాష్ట్ర ప్రభుత్వం థర్మల్‌ విద్యుత్‌ కేంద్రాలకు బొగ్గు సరఫరా చేయలేకపోయిందన్నారు. దాంతో థర్మల్‌ విద్యుత్‌ కేంద్రాలలో విద్యుత్‌ ఉత్పత్తి నిలిచిపోయిందన్నారు. అప్రకటిత విద్యుత్‌ కోతలు విధించి రైతుల పంటలను ఎండబెట్టిన పాపం సీఎం రేవంత్‌రెడ్డిదే అన్నారు. ముఖ్యమంత్రి, ఉపముఖ్యమంత్రి కనుసన్నల్లోనే బొగ్గు రవాణా పేరుతో రూ.800 కోట్ల స్కాం జరిగిందన్నారు. కాళేశ్వరం నుంచి నీటిని ఎత్తిపోసి రిజర్వాయర్లు, ప్రాజెక్టులు నింపి పంటలకు సాగునీరందించే అవకాశం ఉన్నా, కేసీఆర్‌కు మంచి పేరు వస్తుందనే దుర్మార్గపు ఆలోచనలతో తెలంగాణను ఏడారిగా మార్చారని విమర్శించారు. ఎల్‌నినో ప్రభావం ఉండబోతుందన్న విషయం 18 నెలల క్రితమే శాస్త్రవేత్తలు తేల్చిచెప్పారని, అయినా ప్రభుత్వం నిర్లక్ష్యంగా వ్యవహరించిందన్నారు. ఎల్‌నినోను అధిగమించే వనరులు తెలంగాణకు ఉన్నా రేవంత్‌రెడ్డి పాలనా వైఫల్యంతోనే ఈ పరిస్థితి వచ్చిందన్నారు. ప్రజా సమస్యలపై ఒక్కరోజైనా సమీక్షా నిర్వహించని ఘనత కాంగ్రెస్‌ ప్రభుత్వానిదే అన్నా రు. సమావేశంలో బీఆర్‌ఎస్‌ మండల అధ్యక్షుడు అయితగోని వెంకన్న, ప్రధాన కార్యదర్శి చాడ హతీష్‌రెడ్డి, నాయకులు పాల్గొన్నారు. ఫ మాజీ ఎమ్మెల్యే గాదరి కిశోర్‌కుమార్‌

భానుపురి (సూర్యాపేట) : ఈ సారి సద్దుల బతుకమ్మకు మహిళా సంఘాల సభ్యులకు చీరలు అందేలా కనిపించడం లేదు. బతుకమ్మ పండుగ నాటికి పంపిణీ చేయాలని ప్రభుత్వం మొదటగా భావించినప్పటికీ అనివార్య కారణాలతో అందించడం లేదు. నవంబర్‌ 19న ఇందిరాగాంధీ జయంతిని పండుగ వాతావరణంలో నిర్వహించాలని నిర్ణయించిన ప్రభుత్వం అదేరోజు మహిళా సంఘాల సభ్యులకు చీరలు పంపిణీ చేసి.. కొన్ని సంక్షేమ పథకాలను ప్రారంభించాలనే ఆలోచన చేస్తున్నట్లు సమాచారం. ఈ నేపథ్యంలో బతుకమ్మ నాటికి ఇవ్వాల్సిన చీరల పంపిణీ ఆలస్యం అవుతోంది. బతుకమ్మ కానుకగా ప్రారంభమై.. తెలంగాణ రాష్ట్రం ఏర్పడిన తర్వాత రాష్ట్ర ప్రభుత్వం బతుకమ్మ పండుగను వైభవంగా నిర్వహిస్తోంది. ఈ క్రమంలో మహిళలకు కానుకగా ప్రభుత్వమే బతుకమ్మ చీరలను పంపిణీ చేయాలని భావించి.. రేషన్‌ కార్డులో 18 ఏళ్లు నిండిన ప్రతి మహిళకు చీరె అందిస్తూ వచ్చింది. దాంతో పాటు రాష్ట్రంలోని చేనేత కార్మికులకు ఉపాధి అవకాశాలు సైతం కల్పించేందుకు చీరల తయారీ ఆర్డర్లు ఇచ్చింది. ప్రభుత్వం ఒక్కో చీరకు ఇచ్చే కూలి తక్కువగా ఉండడంతో నాణ్యత, డిజైన్లు సైతం సరిగా లేకపోవడంతో ప్రభుత్వం క్రమం తప్పకుండా బతుకమ్మ నాటికి మహిళలకు పంపిణీ చేసినా అందరు మహిళలు వీటిని ధరించేందుకు ఇష్టపడలేదు. మహిళా సంఘాలకే పరిమితం మూడేళ్ల క్రితం అధికారంలోకి వచ్చిన కాంగ్రెస్‌ ప్రభుత్వం బతుకమ్మ చీరలను అందరికి కాకుండా మహిళా సంఘాల్లో సభ్యులుగా ఉన్న వారికి మాత్రమే ఇవ్వడం ప్రారంభించింది. వారికిచ్చే చీరను నాణ్యతతో తయారు చేసేలా డిజైన్లలో మార్పులు చేసింది. నాటి నుంచి జిల్లాలో బతుకమ్మ పండుగ నాటికి మహిళా సంఘాల సభ్యులకు చీరలు పంపిణీ చేసే ఆనవాయితీ మారుతూ వస్తోంది. గతేడాది కూడా చీరల పంపిణీ ఆలస్యమైంది. ఈ సంవత్సరం సద్దుల పండుగ నాటికి మహిళా సంఘాల సభ్యులకు చీరలు ఇవ్వాలని భావించినా.. సమయానికి అందకపోవడంతో గతేడాది పరిస్థితే పునరావృతమవుతోంది. సూర్యాపేట జిల్లాలో 2.17 లక్షల మంది మహిళా సంఘాల సభ్యులు ఉన్నారు. ఇందిరాశక్తి పథకం కింద వారికి చీరలను పంపిణీ చేస్తున్నారు. ఇప్పటి వరకు జిల్లాకు 1,09,142 చీరలు చేరాయి. జిల్లాలోని హుజూర్‌నగర్‌, కోదాడ నియోజకవర్గాల పరిధిలో ఉన్న గోదాముల్లో వీటిని భద్రపర్చారు. మరో 1,07,858 చీరలు రావాల్సి ఉంది. ఇప్పటికే జిల్లాకు చేరిన చీరలు అనుకున్న సమయానికి కంటే ముందుగానే వచ్చినా.. చివరి విడత చీరలు రాకుండా పోయాయి. సద్దుల పండుగ నాటికి చీరలు అందే పరిస్థితి లేకపోవడంతో ప్రభుత్వం ఇందిరాగాంధీ జయంతిని పండుగ వాతావరణంలో జరిపి అదేరోజు చీరలు అందించాలని భావిస్తున్నట్లు సమాచారం. దాంతో బతుకమ్మ నాటికి జిల్లాలోని మహిళా సంఘాల సభ్యులకు చీరలు అందకుండా పోతున్నాయి. ఫ జిల్లాకు పూర్తిస్థాయిలో చేరని చీరలు ఫ దాంతో పంపిణీని వాయిదా వేసినట్లు సమాచారం ఫ ఇందిరాగాంధీ జయంతి రోజున పంపిణీ చేసే యోచనలో ప్రభుత్వం

నల్లగొండ : ఎల్‌నినో ప్రభావంతో రానున్న రోజుల్లో తాగునీరు, వ్యవసాయం, విద్యుత్‌ తదితర రంగాల్లో సమస్యలు తలెత్తకుండా ముందస్తు కార్యాచరణ సిద్ధం చేసి అప్రమత్తంగా ఉండాలని రాష్ట్ర కార్మిక, ఉపాధి కల్పన, శిక్షణ శాఖ కార్యదర్శి, ఉమ్మడి నల్లగొండ జిల్లా ప్రత్యేక అధికారి దాసరి హరిచందన ఆదేశించారు. శుక్రవారం నల్లగొండ కలెక్టరేట్‌లో నల్లగొండ, సూర్యాపేట, యాదాద్రి భువనగిరి జిల్లాల కలెక్టర్లు, వివిధ శాఖల అధికారులతో ఎల్‌నినో ప్రభావంపై నిర్వహించిన సమీక్ష సమావేశంలో ఆమె మాట్లాడారు. జిల్లాల్లో ఇప్పటికే కరువు పరిస్థితులు నెలకొన్నాయని, డిసెంబర్‌ చివ రి నాటికి ఎల్‌నినో ప్రభావం తీవ్రస్థాయికి చేరి వ్యవసాయం, భూగర్భజలాలు, తాగునీరు, విద్యు త్‌ రంగాలపై పడే అవకాశం ఉన్నందన్నారు. ప్రతి ఇంటికీ తాగునీరు అందేలా చూడాలి ఎల్‌నినో పరిస్థితుల్లో తాగునీటికి అత్యధిక ప్రాధాన్యం ఇవ్వాలని హరిచందన స్పష్టం చేశారు. నాలుగైదు నెలలపాటు ప్రతి గ్రామంలో ప్రతి ఇంటికీ తాగునీరు అందేలా సూక్ష్మస్థాయి ప్రణాళికలు రూపొందించాలని కలెక్టర్లకు సూచించారు. భూగ ర్భజలాల లభ్యత, బోర్లలో నీటి పరిస్థితి, గ్రామాల్లో ఉన్న నీటి ట్యాంకులు, వాటి పనితీరును అంచనా వేసి నీటిని పొదుపుగా వినియోగించుకునేలా ప్రజలకు అవగాహన కల్పించాలన్నారు. ప్రత్యామ్నాయ పంటలు మేలు రబీ సీజన్‌లో రైతులు వరికి బదులుగా తక్కువ నీటితో పండించే పెసర్లు, ఉలవలు, కందులు, ఉద్యాన పంటలు సాగుచేసేలా వ్యవసాయ శాఖ అధికారులు అవగాహన కల్పించాలని సూచించారు. నీరు, విద్యుత్‌ పొదుపునకు సూక్ష్మ సేద్యం కింద బిందు, తుంపర సేద్య పద్ధతులను ప్రోత్సహించేలా కార్యాచరణ రూపొందించాలని చెప్పా రు. పశువులకు తాగునీరు, పశుగ్రాసం కొరత రాకుండా వనరులను గుర్తించాలని ఆదేశించారు. నీటి సంరక్షణ చాలా అవసరం భూగర్భ జలాలను పెంపొందించేందుకు వీబీజీ రాంజీ పథకం కింద పెద్ద ఎత్తున నీటి సంరక్షణ పనులు చేపట్టడం చాలా అవసరమని ఆమె అన్నారు. ప్రతి గ్రామంలో మ్యాజిక్‌ సోక్‌పిట్లు, కమ్యూనిటీ సోక్‌పిట్లు, నీటి నిల్వ నిర్మాణాలు చేపట్టాలని తెలిపారు. విద్యుత్‌ వినియోగం, నష్టాలను తగ్గించేందుకు సోలార్‌ విద్యుత్‌, సోలార్‌ బ్యాటరీలు, సోలార్‌ మోటార్లు, సూర్యఘర్‌ వంటి పథకాలపై రైతులకు, ప్రజలకు అవగాహన కల్పించాలని సూచించారు. కూలీలకు వసతులు కల్పించండి ఉపాధి పనులు జరిగే ప్రాంతాల్లో కూలీలకు తాగునీరు, ఓఆర్‌ఎస్‌ ప్యాకెట్లు, ప్రథమ చికిత్స సౌకర్యాలు, నీడ కల్పించాలన్నారు. మండల ప్రత్యేకాధికా రులు ప్రతివారం పరిస్థితులను సమీక్షించి ప్రణాళికలు రూపొందించాలని స్పష్టం చేశారు. సమావేశంలో సూర్యాపేట కలెక్టర్‌ తేజస్‌ నంద్‌లాల్‌ పవార్‌, యాదాద్రి భువనగిరి కలెక్టర్‌ అనురాగ్‌ జయంతి తమ జిల్లాల్లో వ్యవసాయం, భూగర్భ జలాలు, విద్యుత్‌, తాగునీరు, పశుగ్రాసం, సాగునీటి పరిస్థితులను వివరించారు. సమావేశంలో మూడు జిల్లాల అదనపు కలెక్టర్లు, వివిధ శాఖల అధికా రులు, తదితరులు పాల్గొన్నారు.ఫ తాగునీటి సరఫరాకు తొలి ప్రాధాన్యం ఫ రబీలో వరికి బదులు ప్రత్యామ్నాయ పంటలు సాగుచేయాలి ఫ నల్లగొండలో జరిగిన సమీక్షలో ఉమ్మడి జిల్లా ప్రత్యేక అధికారి దాసరి హరిచందన

ఫ కోదాడ సంతలో కనిపించని కనీస సౌకర్యాలు ఫ తాగునీరు లేదు.. మరుగుదొడ్లు, మూత్రశాలల నిర్వహణ అధ్వానంకోదాడ: కోదాడ వ్యవసాయ మార్కెట్‌లో కనీస వసతులు కరువయ్యాయి. ప్రతి ఆదివారం ఇక్కడ జరిగే పశువుల సంతకు రాష్ట్రంలోని వివిధ ప్రాంతాల నుంచి వేలాది మంది రైతులు, వ్యాపారులు వస్తుంటారు. కానీ వారికి కనీసం తాగడానికి మంచినీరు కూడా అందించలేని పరిస్థితి నెలకొంది. మరుగుదొడ్లు, మూత్రశాలల నిర్వహణ మరీ అధ్వానంగా తయారైంది. కొనుగోళ్లు శూన్యం కోదాడ వ్యవసాయ మార్కెట్‌లో అన్ని సౌకర్యాలు ఉన్నప్పటికీ గింజ ధాన్యాన్ని మాత్రం కొనుగోలు చేయరు. ఇది కేవలం పశువుల సంతగా మారిపోయింది. ప్రతి ఆదివారం జరిగే ఈ సంతకు పాడి, వ్యవసాయ పశువులతో పాటు మేకలు, గొర్రెలను విక్రయించడానికి, కొనుగోలు చేయడానికి దూర ప్రాంతాల నుంచి వస్తుంటారు. వారు సేదతీరడానికి కనీస వసతి లేదు. గతంలో ఉన్న రైతు విశ్రాంతి భవనాన్ని వ్యవసాయ శాఖకు ఇవ్వగా, అది కూడా ప్రస్తుతం శిథిలావస్థకు చేరడంతో ఖాళీ చేసి వెళ్లారు. దీంతో ఎండలో ఎండుతూ, వానకు తడుస్తూ వ్యాపారం చేసుకోవాల్సి వస్తోందని రైతులు ఆవేదన వ్యక్తం చేస్తున్నారు. వీరి నుంచి రహదారి పన్నుల పేరుతో డబ్బులు వసూలు చేస్తున్న అధికారులు, సౌకర్యాలను మాత్రం విస్మరించారు. తాగడానికి ఒకేఒక మంచినీటి నల్లాను ఏర్పాటు చేయగా, అక్కడ నిలబడి నీరు తాగడం కూడా కష్టంగా మారింది. కోట్ల రూపాయల ఆదాయం ఉన్నా.. వ్యవసాయ మార్కెట్‌కు ప్రతి ఏటా సుమారు రూ.5 కోట్ల నుంచి రూ.6 కోట్ల ఆదాయం వస్తుంది. మార్కెట్‌ నిర్వహణకు 15 మందితో కూడిన పాలకవర్గం కూడా ఉంది. విశాలమైన ఆవరణ, గోదాములు, ధాన్యం కొనుగోలు షెడ్లు అన్నీ అందుబాటులో ఉన్నప్పటికీ, అధికారులు, పాలకవర్గంలో చిత్తశుద్ధి లేకపోవడంతో అనేక ఏళ్లుగా ఇక్కడ ధాన్యం కొనుగోలు చేసిన దాఖలాలు లేవు. రైతుల సంక్షేమాన్ని దృష్టిలో ఉంచుకుని మార్కెట్‌ సేవలను పూర్తిస్థాయిలో అందుబాటులోకి తీసుకురావాలని కోరుతున్నారు.కోదాడ వ్యవసాయ మార్కెట్‌ను రైతులకు ఉపయోగపడే విధంగా పాలకవర్గం చర్యలు తీసుకోవాలి. సంతకు వచ్చే రైతులకు, వ్యాపారులకు సౌకర్యాలు కల్పించాలి. మార్కెట్‌ ఆదాయంతో గ్రామీణ లింక్‌రోడ్లకు మరమ్మతులు చేయించాలి. – వాచేపల్లి వెంకటేశ్వరరెడ్డి, రైతు, గుడిబండ

వాట్సాప్‌ సందేశాలతో సైబర్‌ నేరగాళ్ల కొత్త ఎత్తుగడ ఈ ఏడాదిలో ఇప్పటివరకు సైబర్‌ క్రైంలో నమోదైన కేసులు : 939 మోసానికి గురైన మొత్తం డబ్బు : రూ. 3,58కోట్లు ఫ్రీజ్‌ చేసిన మొత్తం : రూ. కోటిపైగా రిఫండ్‌ అయింది : రూ. 23లక్షలు ఫ బ్యాంకు ఖాతా నుంచి డబ్బులు డెబిట్‌ అయ్యాయంటూ నకిలీ మెసేజ్‌లు ఫ ‘నో’ అని రిప్లై ఇవ్వాలంటూ మోసపూరిత ప్రయత్నాలు ఫ అనుమానాస్పద లింకులు, ఫైళ్లతో అప్రమత్తం సూర్యాపేటటౌన్‌ : పండుగ సందడి.. కొనుగోళ్ల హడావుడి.. ఆన్‌లైన్‌ లావాదేవీలతో అందరూ బిజీగా ఉండే సమయం. ఇదే అదనుగా సైబర్‌ నేరగాళ్లు కొత్త ఎత్తుగడలతో ప్రజలను బురిడీ కొట్టించేందుకు సిద్ధమవుతున్నారు. పండుగ వేళ ప్రజల దృష్టి మరల్చి బ్యాంకు ఖాతాల్లోని నగదును కొల్లగొట్టేందుకు వాట్సాప్‌ను వేదికగా చేసుకుంటున్నారు. ‘మీ బ్యాంకు ఖాతా నుంచి నగదు డెబిట్‌ అయింది.. ఈ లావాదేవీ మీరు చేయకపోతే వెంటనే నో అని రిప్లై ఇవ్వండి’ అంటూ గుర్తుతెలియని నంబర్ల నుంచి సందేశాలు పంపుతున్నారు. ఖాతాలో డబ్బులు పోయాయన్న ఆందోళనతో బాధితులు వెంటనే స్పందించేలా చేసి, సైబర్‌ ఉచ్చులోకి లాగేందుకు ప్రయత్నిస్తున్నారు. ఇలాంటి సందేశాల పట్ల ఏమాత్రం నిర్లక్ష్యం వహించినా వ్యక్తిగత సమాచారం, మొబైల్‌ భద్రతకు ముప్పు ఏర్పడే అవకాశం ఉందని పోలీసులు హెచ్చరిస్తున్నారు. రాష్ట్రంలో పలు చోట్ల ఇలాంటి ఘటనలు జరుగుతున్నట్లు పోలీసులు చెబుతున్నారు. ‘నో’ అంటే మోసపోయినట్టే.. సైబర్‌ నేరగాళ్లు పంపే సందేశాలు అచ్చం బ్యాంకు నుంచి వచ్చినట్లుగా ఉండటంతో చాలామంది నిజమని నమ్ముతున్నారు. వెంటనే నో అని స్పందించాలని కోరుతూ గందరగోళానికి గురిచేస్తున్నారు. మరికొన్ని సందేశాలతోపాటు అనుమానాస్పద లింకులు, ఫైళ్లను పంపుతున్నారు. వాటిని తెరవడం, తెలియని యాప్‌లను డౌన్‌లోడ్‌ చేయడం, ఇన్‌స్టాల్‌ చేయడం వల్ల ఫోన్‌ భద్రతకు ముప్పు ఏర్పడవచ్చు. అయితే కేవలం నో అని రిప్లై ఇచ్చినంత మాత్రాన ఖాతా ఖాళీ అవుతుందని చెప్పలేమని, అసలు ప్రమాదం అనుమానాస్పద లింకులు, ఫైళ్లు, వాటి ద్వారా జరిగే మోసపూరిత చర్యల్లోనే ఉంటుందని గుర్తించాలి. అందుకే గుర్తుతెలియని నంబర్ల నుంచి వచ్చే సందేశాలకు స్పందించకుండా అప్రమత్తంగా ఉండాలని పోలీసులు సూచిస్తున్నారు. ఆందోళన చెందొద్దు బ్యాంకు ఖాతా నుంచి నగదు డెబిట్‌ అయిందంటూ సందేశం వచ్చిన వెంటనే ఆందోళన చెందొద్దు. ముందుగా బ్యాంకు అధికారిక మొబైల్‌ యాప్‌ లేదా నెట్‌ బ్యాంకింగ్‌లో లావాదేవీల వివరాలను పరిశీలించాలి. అనుమానం ఉంటే బ్యాంకు అధికారిక వెబ్‌సైట్‌, యాప్‌ లేదా పాస్‌బుక్‌, కార్డు వెనుక ఉన్న ధ్రువీకరించిన కస్టమర్‌ కేర్‌ నంబర్‌ ద్వారానే సంప్రదించాలి. బ్యాంకు వివరాలు, పాస్‌వర్డ్‌లు, పిన్‌, ఓటీపీలు ఎవరికీ చెప్పకూడదు. సైబర్‌ మోసానికి గురై డబ్బులు కోల్పోతే వెంటనే జాతీయ సైబర్‌ హెల్ప్‌లైన్‌ 1930కు ఫోన్‌ చేయాలి. లేదా www.cybercrime.gov.in వెబ్‌సైట్‌లో ఫిర్యాదు చేయాలి. వీలైనంత త్వరగా ఫిర్యాదు చేయడం ద్వారా మోసపోయిన నగదును నిలిపివేసేందుకు, తిరిగి పొందేందుకు అవకాశాలు మెరుగుపడవచ్చు. అనుమానాస్పద నంబర్లను బ్లాక్‌ చేసి, వాటి నుంచి వచ్చిన సందేశాలను తొలగించాలి. పండుగ వేళ సైబర్‌ నేరగాళ్ల వలలో చిక్కుకోకుండా ప్రతి ఒక్కరూ అప్రమత్తంగా ఉండాలి. – నరసింహ, ఎస్పీ

సూర్యాపేట అర్బన్‌: ఎల్‌నినో నేపథ్యంలో భూగర్భ జలాలు తగ్గుతుండడంతో పట్టణ ప్రాంతాల్లో నీటి సంరక్షణపై మున్సిపాలిటీలు ప్రత్యేక దృష్టి సారించాయి. ఇందులో భాగంగా అధికారులు నీటి వృథాను అరికట్టే చర్యలను ప్రారంభించారు. సూర్యాపేట, హుజూర్‌నగర్‌, కోదాడ, తిరుమలగిరి, నేరేడుచర్ల మున్సిపాలిటీల్లో ఇప్పటికే అక్కడక్కడ తాగునీటి సమస్య తలెత్తుతోంది. ప్రస్తుతం కొంతమేర నీటి సరఫరా అవుతుండడంతో అది తీవ్రంగా కనిపించడం లేదు. మున్ముందు ఇబ్బందులు తీవ్రమయ్యే పరిస్థితి ఉందని అధికారులు అంచనా వేస్తున్నారు. పట్టణాల్లో సరఫరా చేస్తున్న తాగునీటిలో గణనీయమైన భాగం వినియోగానికంటే ముందే వృథా అవుతుంది. ఈ వృథాను అరికడితే దాదాపు సగభాగం నీటిని ఆదా చేసినట్లు అవుతుందని అంచనా వేస్తున్నారు. లీకేజీలపై ప్రత్యేక దృష్టి ఇళ్ల ముందు వీధుల్లో ఏర్పాటు చేసిన నల్లాల పరిస్థితిపై సిబ్బంది తనిఖీలు చేస్తున్నారు. ప్రతి వార్డు పరిధిలో లీకేజీలను గుర్తించి మరమ్మతు చేపట్టేందుకు అధికారులు ప్రణాళిక సిద్ధం చేశారు. మున్సిపాలిటీల్లో నల్లాలకు బిరడాలు లేకుండా ఉన్న వాటిని గుర్తించి అమరుస్తున్నారు. పైప్‌లైన్‌ లీకేజీలు లేకుండా చర్యలు తీసుకుంటున్నారు. ఇళ్లలో నుంచి ట్యాంకులు నిండిన వెంటనే మోటార్లు ఆఫ్‌ చేయడం, అవసరం లేని సమయంలో నల్లాను బంద్‌ చేయాలని, వృథా నీటిని ఇంకుడు గుంతల్లోకి వెళ్లేలా చర్యలు తీసుకోవాలని సూచిస్తున్నారు. వేసవి తీవ్ర రూపం దాల్చేలోపే నీటి వృథాను అరికడితే తాగునీటి ఇబ్బందులను కొంతవరకు అధిగమించే అవకాశం ఉందని అధికారులు భావిస్తున్నారు. ఫ మున్సిపాలిటీలో నీటి సరఫరాపై ప్రత్యేక దృష్టి ఫ నీటి వృథా, లీకేజీలను గుర్తించి సరిచేస్తున్న అధికారులు మున్సిపాలిటీల్లో నల్లా కనెక్షన్లు సూర్యాపేట 26,500 కోదాడ 9,749 హుజూర్‌నగర్‌ 6,200 నేరేడుచర్ల 2,446 తిరుమలగిరి 4,350

సూర్యాపేట (సూర్యాపేటటౌన్‌) : సైబర్‌ మోసాలు అరికట్టేందుకు ప్రజలను ఎప్పటికప్పుడు అప్రమత్తం చేయాలని, పోలీసు సేవలు అందించడంలో ఆలస్యం చేయొద్దని ఎస్పీ నరసింహ పోలీస్‌ అధికారులకు సూచించారు. బుధవారం సూర్యాపేట జిల్లా పోలీస్‌ కార్యాలయంలో కోదాడ డివిజన్‌ పరిధిలోని పోలీస్‌ అధికారులతో నెలవారీ సమీక్ష సమావేశం నిర్వహించారు. ఈ సందర్భంగా శాంతిభద్రతల పరిరక్షణ, నేరాల నియంత్రణ, సైబర్‌ నేరాల నివారణ, రోడ్డు ప్రమాదాల నియంత్రణ, కేసుల దర్యాప్తు, నేరస్తులకు శిక్షలు పడేలా తీసుకోవాల్సిన చర్యలపై సమీక్షించారు. ఎస్పీ నరసింహ మాట్లాడుతూ.. ప్రతి పోలీస్‌ అధికారి, సిబ్బంది సమర్థవంతంగా పనిచేస్తూ బాధితులకు సత్వర న్యాయం అందించాలని, పోలీస్‌ సేవలు అందించడంలో ఎలాంటి ఆలస్యం చేయొద్దని సూచించారు. సామాజిక అంశాలపై ప్రజలకు ఎప్పటికప్పుడు అవగాహన కల్పిస్తూ సైబర్‌ నేరాల బారిన పడకుండా అప్రమత్తం చేయాలన్నారు. కేసుల దర్యాప్తులను ఆలస్యం చేయకుండా నిర్ణీత గడువులో పూర్తి చేసి, నిర్దేశించిన సమయంలోనే కోర్టులకు పంపించాలని సూచించారు. సమీక్ష సమావేశంలో అదనపు ఎస్పీ రవీందర్‌ రెడ్డి, కోదాడ డీఎస్పీ శ్రీనివాస్‌ రెడ్డి, డీసీఆర్బీ డీఎస్పీ రవి, డీసీఆర్బీ ఇన్‌స్పెక్టర్‌ మగ్దుం అలీ, సైబర్‌ సెక్యూరిటీ ఇన్‌స్పెక్టర్‌ శివకుమార్‌, క్లూస్‌ టీం ఇన్‌స్పెక్టర్‌ నవీన్‌ కుమార్‌, సీఐలు, ఎస్‌ఐలు తదితరులు పాల్గొన్నారు. ఫ ఎస్పీ నరసింహ

భానుపురి (సూర్యాపేట) : రైస్‌మిల్లుల్లో ధాన్యం, బియ్యం నిల్వల మాయాజాలానికి ఇక బ్రేక్‌ పడనుంది. ధాన్యం కేటాయింపు నుంచి మిల్లింగ్‌, బియ్యం నిల్వలు, సీఎంఆర్‌ (కస్టమ్‌ మిల్లింగ్‌ రైస్‌) సరఫరా వరకు ప్రతి దశను పకడ్బందీగా పర్యవేక్షించేందుకు పౌరసరఫరాల శాఖ ఫిజికల్‌ వెరిఫికేషన్‌ (పీవీ) యాప్‌ను అందుబాటులోకి తెచ్చింది. మరోవైపు సీఎంఆర్‌ ధాన్యాన్ని తీసుకొని, బదులుగా ఇవ్వాల్సిన బియ్యాన్ని అప్పగించడంలో నిర్లక్ష్యం వహించే మిల్లర్లపై రెవెన్యూ రికవరీ చట్టం అమలు చేసేందుకు పౌరసరఫరాల శాఖ అధికారులు సిద్ధమయ్యారు. ఎలాంటి పొరపాట్లకు తావులేకుండా ప్రత్యేక డ్రైవ్‌ ద్వారా ధాన్యం బకాయిలు వసూలు చేసేందుకు ప్రణాళికలు రూపొందించారు. ఇందులోభాగంగా క్షేత్రస్థాయి అధికారులకు ప్రత్యేక శిక్షణ ఇచ్చారు. పీవీ యాప్‌తో ఆకస్మిక తనిఖీలు గతంలో మిల్లుల్లో తనిఖీలకు వెళ్లే విషయం ముందుగానే లీకయ్యే అవకాశం ఉండడంతో, మిల్లర్లు అప్రమత్తమై నిల్వలను సర్దుబాటు చేసుకునేవారనే విమర్శలు ఉండేవి. కొత్త విధానంలో అక్రమాలకు అడ్డుకట్ట వేసేందుకు ర్యాండమైజేషన్‌ విధానాన్ని అమలు చేస్తున్నారు. ఏ మిల్లును ఏ అధికారి తనిఖీ చేయాలన్నది ముందుగా నిర్ణయించకుండా యాప్‌ ద్వారానే కేటాయిస్తారు. తనిఖీకి వెళ్లే అధికారికి సైతం ఆ మిల్లు వివరాలు సుమారు 12 గంటల ముందు మాత్రమే ఎస్‌ఎంఎస్‌ ద్వారా అందనున్నాయి. మిల్లుకు కేటాయింపులు చేసిన ధాన్యం నుంచి ఇప్పటివరకు ఎంత సీఎంఆర్‌ తిరిగి అప్పగించారనే పూర్తి వివరాలు ఈ యాప్‌లోనే ఉంటాయి. క్షేత్రస్థాయికి వెళ్లే అధికారులు యాప్‌లోని వివరాలను, మిల్లులోని వాస్తవ నిల్వలతో పోల్చి వెంటనే ఆన్‌లైన్‌లో నమోదు చేయాల్సి ఉంటుంది. ఇప్పటికే అధికారులకు శిక్షణ ఈ ప్రత్యేక డ్రైవ్‌లో ఎలాంటి పొరపాట్లు జరగకుండా, ప్రభుత్వానికి రావాల్సిన బకాయిలను నష్టం లేకుండా రాబట్టే విధానంపై ఇప్పటికే డిప్యూటీ తహసీల్దార్లకు శిక్షణ పూర్తి చేశారు. జిల్లా నుంచి ఇద్దరు డిప్యూటీ తహసీల్దార్లు ఈ శిక్షణకు హాజరుకాగా, త్వరలోనే అసిస్టెంట్‌ సివిల్‌ సప్లయ్‌ అధికారులకు కూడా శిక్షణ ఇవ్వనున్నట్లు తెలుస్తోంది.ఫ ధాన్యం నిల్వల సర్దుబాటుకు ఇక ఛాన్స్‌ లేదు ఫ ధాన్యం నుంచి సీఎంఆర్‌ దాకా.. డిజిటల్‌ నిఘా ఫ అందుబాటులోకి ‘ఫిజికల్‌ వెరిఫికేషన్‌’ యాప్‌ ఫ డిఫాల్టర్ల ఆస్తుల జప్తునకు రంగం సిద్ధం తనిఖీల్లో రైస్‌మిల్లుల వద్ద ఉండాల్సిన ధాన్యం, బియ్యం నిల్వల్లో లోటు కనిపిస్తే వెంటనే షోకాజ్‌ నోటీసులు జారీ చేయనున్నారు. ఏడు రోజుల గడువులోగా వివరణ ఇవ్వాల్సి ఉండగా.. సరైన సమాధానం ఇవ్వకపోయినా, బకాయిలు చెల్లించకపోయినా తదుపరి దశలో రెవెన్యూ రికవరీ చట్టం కింద కఠిన చర్యలు తీసుకోనున్నారు. బకాయిలు చెల్లించని మిల్లర్ల యంత్రాలు, వాహనాలు, ఇతర చరాస్తులతో పాటు బ్యాంకు ఖాతాలను జప్తు చేయనున్నారు. ఒకవేళ ఈ ప్రక్రియ ద్వారా ప్రభుత్వానికి జరిగిన నష్టం పూర్తిస్థాయిలో పూడకపోతే, మిల్లర్ల భూములు, ఇళ్లు వంటి స్థిరాస్తులను సైతం జప్తు చేసి బహిరంగ వేలం ద్వారా బకాయిలు రాబట్టాలని నిర్ణయించారు.

సూర్యాపేట (భానుపురి) : తల్లులు, పిల్లల ఆరోగ్య పరిరక్షణకు ప్రాధాన్యతనిస్తూ వారికి అవసరమైన రక్త పరీక్షలు నిర్వహించాలని కలెక్టర్‌ తేజస్‌ నంద్‌లాల్‌పవార్‌ అన్నారు. బుధవారం ఢిల్లీ నుంచి జాతీయ ఎయిడ్స్‌ నియంత్రణ సంస్థ (నాకో) డైరెక్టర్‌ జనరల్‌, భారత ప్రభుత్వ ఆరోగ్య, కుటుంబ సంక్షేమ మంత్రిత్వ శాఖ అదనపు కార్యదర్శి డాక్టర్‌ రాకేష్‌ గుప్తా అన్ని జిల్లాల కలెక్టర్లతో హెచ్‌ఐవీ, ఎయిడ్స్‌ నియంత్రణకు సంబంధించి దేశవ్యాప్తంగా చేపడుతున్న కార్యక్రమాలపై వీడియో కాన్ఫరెన్స్‌ ద్వారా సమీక్ష సమావేశం నిర్వహించారు. ఈ సందర్భంగా సూర్యాపేట కలెక్టరేట్‌ నుంచి కలెక్టర్‌ తేజస్‌ నంద్‌లాల్‌పవార్‌ హాజరయ్యారు. అనంతరం సంబంధిత అధికారులతో సమావేశం ఏర్పాటు చేశారు. ఆయన మాట్లాడుతూ.. జిల్లాలో రక్తదాన శిబిరాలను విస్తృతంగా నిర్వహిస్తూ, రక్త పరీక్షల సంఖ్యను మరింత పెంచాలన్నారు. ప్రజల్లో రక్తదానం, రక్త పరీక్షల ప్రాధాన్యతపై అవగాహన కల్పించాలని సూచించారు. అర్హులైన వారికి సకాలంలో వైద్య పరీక్షలు అందేలా చర్యలు తీసుకోవాలని స్పష్టం చేశారు. సమావేశంలో డీఎంహెచ్‌ఓ వెంకటరమణ, ప్రోగ్రామింగ్‌ అధికారి, వైద్యాధికారులు పాల్గొన్నారు. నేడు, రేపు ఓటరు నమోదు క్యాంపు సూర్యాపేట (భానుపురి) :అర్హులైన ప్రతి పౌరుడికి ఓటు హక్కు కల్పించడమే లక్ష్యంగా ఈనెల 15, 16వ తేదీల్లో అన్ని పోలింగ్‌ కేంద్రాల్లో ప్రత్యేక ఓటరు నమోదు క్యాంపులు నిర్వహిస్తున్నట్లు కలెక్టర్‌ తేజస్‌ నంద్‌లాల్‌ పవార్‌ బుధవారం తెలిపారు. ఇటీవల ప్రచురించిన డ్రాఫ్ట్‌ ఓటర్ల జాబితాలో పేర్లు లేని వారు, నూతనంగా ఓటు హక్కు పొందబోయే యువత ఈ అవకాశాన్ని సద్వినియోగించుకోవాలని పేర్కొన్నారు. ప్రత్యేక క్యాంపు రోజుల్లో ఉదయం నుంచే సంబంధిత బూత్‌ లెవెల్‌ అధికారులు, గుర్తింపు పొందిన రాజకీయ పార్టీల ప్రతినిధులు పోలింగ్‌ కేంద్రాల్లో స్థానికంగా అందుబాటులో ఉంటారని తెలిపారు. ఫ కలెక్టర్‌ తేజస్‌ నంద్‌లాల్‌పవార్‌

సూర్యాపేట (సూర్యాపేటటౌన్‌) : సమాచార హక్కు చట్టం అమలులో సూర్యాపేట జిల్లా రాష్ట్రస్థాయిలో ఉత్తమ పనితీరు కనబరిచినందుకుగాను హైదరాబాద్‌లోని రవీంద్రభారతిలో నిర్వహించిన కార్యక్రమంలో గవర్నర్‌ శివ ప్రతాప్‌ శుక్లా చేతులమీదుగా కలెక్టర్‌ తేజస్‌ నంద్‌ లాల్‌ అవార్డు అందుకున్నారు. సందర్భంగా కలెక్టర్‌ను బుధవారం ఆయన కార్యాలయంలో ఎస్పీ నరసింహ మర్యాద పూర్వకంగా కలిసి అభినందనలు తెలిపారు. ఐటీఐ, ఏటీసీలో వాక్‌ఇన్‌ అడ్మిషన్లుహుజూర్‌నగర్‌ : హుజూర్‌నగర్‌లోని ప్రభుత్వ ఐటీఐ, ఏటీసీలో వివిధ ట్రేడ్‌లలో ఖాళీగా ఉన్న సీట్ల భర్తీకి గురువారం 5వ విడత వాక్‌ఇన్‌ అడ్మిషన్లు నిర్వహిస్తున్నట్లు ప్రిన్సిపాల్‌ వెంకటేశ్వరరావు బుధవారం తెలిపారు. ఆసక్తి గల విద్యార్థులు ఉదయం 9 గంటల నుంచి మధ్యాహ్నం 1గంట వరకు నేరుగా హాజరు కావాలని పేర్కొన్నారు. అభ్యర్థులు ముందుగా www.iti.telanga na.gov.in వెబ్‌సైట్‌లో తమ ఒరిజనల్‌ సర్టిఫికెట్లలో ఆన్‌లైన్‌లో లేదా తమ కళాశాలకు వచ్చి రిజిస్ట్రేషన్‌ చేసుకోవచ్చని ఆయన పేర్కొన్నారు. అడ్మిషన్‌ కోసం వచ్చే అభ్యర్థులు అన్ని ఒరిజినల్‌ సర్టిఫికెట్లు (ఎస్‌ఎస్‌సీ మెమో, 1 నుంచి 10 వరకు బోనఫైడ్‌ సర్టిఫికెట్‌, క్యాస్ట్‌, టీసీ, ఆధార్‌ కార్డు, పాస్‌ ఫొటోలు 3) రెండు సెట్ల జీరాక్స్‌ కాపీలు తీసుకురావాలని వివరించారు. మరిన్ని వివరాలకు 82475 06920, 91602 84139, 84990 84414 నంబర్లను సంప్రదించాలని కోరారు. అర్హులందరికీ చేయూత పింఛన్లుసూర్యాపేట (పెన్‌పహాడ్‌): అర్హులందరికీ చేయూత పింఛన్లు అందుతాయని డీఆర్‌డీఓ సన్యాసయ్య అన్నారు. బుధవారం పెన్‌పహాడ్‌ మండల పరిధిలోని ధర్మాపురం, మహ్మదాపురం, రంగయ్యగూడెం, భక్తాళాపురం, గాజులమల్కాపురం, చినసీతారాంతండా, చెట్లముకుందాపురం, తంగెళ్లగూడెం గ్రామాల్లో చేయూత పింఛన్ల దరఖాస్తుదారుల ఇళ్లకు వెళ్లి ప్రత్యక్షంగా పరిశీలించారు. ఆయన వెంట ఎంపీడీఓ జానయ్య, ఎంపీఓ రాజేశ్వర్‌, ఏపీఎం అంజయ్య, ఏపీఓ రవి, సర్పంచ్‌లు, పంచాయతీ కార్యదర్శులు ఉన్నారు.

సూర్యాపేట (సూర్యాపేటటౌన్‌) : సూర్యాపేట పట్టణంలోని చింతలచెరువు కాలనీలో బుధవారం రాత్రి పోలీసులు కార్డెన్‌ సెర్చ్‌ నిర్వహించారు. డీఎస్పీ ప్రసన్నకుమార్‌ ఆధ్వర్యంలో 80 మంది పోలీసు సిబ్బంది ప్రతి ఇంటిని తనిఖీ చేశారు. సరైన పత్రాలు, నంబర్‌ ప్లేట్లు లేని 52 ద్విచక్ర వాహనాలు, 5 ఆటోలు, ఒక కారును గుర్తించారు. ఈ సందర్భంగా డీఎస్పీ మాట్లాడుతూ.. కాలనీల్లో సీసీటీవీ కెమెరాలు ఏర్పాటు చేసుకోవాలని, అనుమానాస్పద వ్యక్తుల కదలికలపై పోలీసులకు సమాచారం అందించాలన్నారు. యువత గంజాయి, బెట్టింగ్‌ యాప్‌లకు దూరంగా ఉండాలని తెలిపారు. సైబర్‌ నేరగాళ్లకు ఓటీపీలు, బ్యాంకు వివరాలు వెల్లడించవద్దని సూచించారు. నేరాల నియంత్రణకు ప్రజలు సహకరించాలని కోరారు.

సూర్యాపేట (ఆత్మకూర్‌.ఎస్‌) : బాలికా విద్యతోనే సమాజ అభివృద్ధి సాధ్యమని డీఈఓ శ్రీనివాసరావు అన్నారు. మంగళవారం మండల కేంద్రంలో నిర్వహించిన అంతర్జాతీయ బాలికల దినోత్సవంలో ఆయన మాట్లాడారు. ఆడపిల్లలపై అఘాయిత్యాలు, బాల్య వివా హాలను అరికట్టందుకు ప్రతి ఒక్కరూ చొరవ చూపాలన్నారు. ఆడపిల్లలకు ఆత్మస్ధైర్యంతో పాటు ఆత్మరక్షణ కోసం కరాటే వంటి విద్యలను నేర్పించాలని సూచించారు. కార్యక్రమంలో ఎంవీ ఫౌండేషన్‌ రాష్ట్ర కోఆర్డినేటర్‌ భాస్కర్‌, తహసీల్దార్‌ అమీన్‌సింగ్‌, మండల వైద్యాధికారి రమ్య, చైతన్య, శ్రీలక్ష్మి, లలిత తదితరులు పాల్గొన్నారు. రైతులు ఉద్యాన పంటలు సాగు చేయాలికోదాడ (నడిగూడెం) : మారుతున్న వాతావరణానికి అనుగుణంగా నీటి వసతి ఉన్న రైతులు ఉద్యానవన పంటలను సాగు చేసుకొని అధిక లాభాలు పొందవచ్చని జిల్లా ఉద్యాన వనశాఖ అధికారి టి.నాగయ్య అన్నారు. మంగళవారం మండలంలోని చెన్నకేశ్వాపురంలో తంగెళ్ల చంద్రయ్య వ్యవసాయ క్షేత్రంలో సిరి ఫౌండేషన్‌, కేవీకే గడ్డిపల్లి, ఉద్యానవనశాఖ ఆధ్వర్యంలో నిర్వహించిన నిమ్మ తోటలపై సమగ్ర యాజమాన్య పద్ధతులపై రైతులకు శిక్షణ కార్యక్రమం నిర్వహించారు. కేవీకే ఉద్యానవన విభాగం శాస్త్రవేత్త సీహెచ్‌.నరేష్‌, కేవీకే మృత్తికా విభాగం శాస్త్రవేత్త ఏ.కిరణ్‌ నిమ్మతోటలో చేపట్టాల్సిన సస్యరక్షణ చర్యలపై రైతులకు అవగాహన కల్పించారు. కార్యక్రమంలో కోదాడ ఉద్యానవనశాఖ అధికారి అనిత, మండల వ్యవసాయాధికారి గోలి మల్సూర్‌, గ్రామ సర్పంచ్‌ గోసుల రాజేష్‌, సిరి ఫౌండేషన్‌ వ్యవస్థాపకుడు మొలుగూరి గోపయ్య పాల్గొన్నారు. అర్హులకే చేయూత పింఛన్లుసూర్యాపేట (పెన్‌పహాడ్‌) : ప్రభుత్వం మంజూరు చేయనున్న చేయూత పింఛన్లకు అర్హులనే ఎంపిక చేస్తామని డీఆర్‌డీఓ సన్యాసయ్య అన్నారు. మంగళవారం పెన్‌పహాడ్‌, అనంతారం, మాచారం, అన్నారం, దూపహాడ్‌, దోసపహాడ్‌, దుబ్బగూడెం, పొట్లపహాడ్‌ గ్రామాల్లో దరఖాస్తుదారుల ఇళ్లకు వెళ్లి విచారణ చేపట్టారు. ఈ సందర్భంగా ఆయన మాట్లాడుతూ మండలంలో మొత్తం 851 దరఖాస్తులు రాగా ఇప్పటి వరకు 24 దరఖాస్తుల పరిశీలన పూర్తిచేసినట్లు తెలిపారు. ప్రభుత్వ మార్గదర్శకాలకు అనుగుణంగా లబ్ధిదారులను ఎంపిక చేస్తామన్నారు. ఆయన వెంట ఎంపీడీఓ జానయ్య, ఎంపీఓ రాజేశ్వర్‌, ఏపీఎం అంజయ్య, ఏపీఓ రవి, సర్పంచ్‌లు, పంచాయతీ కార్యదర్శులు ఉన్నారు. లక్ష్మీనరసింహుని నిత్య కల్యాణంమఠంపల్లి : మట్టపల్లిలోని రాజ్యలక్ష్మి, చెంచులక్ష్మీ సమేత లక్ష్మీనరసింహస్వామి ఆలయంలో మంగళవారం అర్చకులు స్వామివారి నిత్య కల్యాణాన్ని వైభవంగా నిర్వహించారు. ఆలయంలో స్వామి వారికి ప్రత్యేక పూజలు, అర్చనలు, మూలవిరాట్‌కు పంచామృతాభిషేకం చేశారు. కల్యాణోత్సవం అనంతరం స్వామి, అమ్మవార్లను గరుడ వాహనంపై ఆలయ తిరుమాడ వీధులలో ఊరేగింపు చేపట్టారు. క్షేత్రపాలకుడైన వీరాంజనేయస్వామికి నాగవల్లీ దళా లతో అర్చనలు చేశారు. అనువంశిక ధర్మకర్తలు చెన్నూరు మట్టపల్లిరావు, విజయ్‌కుమార్‌, ఈఓ చలపతిరావు, అర్చకులు పాల్గొన్నారు.

సూర్యాపేట (సూర్యాపేటటౌన్‌) : దసరా పండుగకు స్వగ్రామాలకు, ఇతర ప్రాంతాలకు వెళ్లే వారు ఇళ్ల భద్రతపై జాగ్రత్తలు తీసుకోవాలని ఎస్పీ నరసింహ సూచించారు. మంగళవారం జిల్లా పోలీస్‌ కార్యాలయంలో నిర్వహించిన సమీక్షా సమావేశంలో ఆయన మాట్లాడారు. ఇంటికి తాళం వేసి వెళ్లేవారు స్థానిక పోలీసులకు సమాచారం ఇవ్వాలని, నమ్మకమైన ఇరుగు, పొరుగు వారికి ఇంటి బాధ్యతలు అప్పగించాలన్నారు. కిటికీలు మూసి ఉంచాలని, తలుపులకు పటిష్టమైన తాళం వేయాలని, ఇంట్లో సీసీ కెమెరాలు, అలారం వ్యవస్థలు ఏర్పాటు చేసుకోవాలని సూచించారు. ఇంట్లో నగదు, బంగారు ఆభరణాలు ఉంచవద్దని, ప్రయాణ వివరాలను సోషల్‌ మీడియాలో వెల్లడించ వద్దన్నారు. అనుమానాస్పద వ్యక్తులు, వాహనాలు కనిపిస్తే వెంటనే పోలీసులకు సమాచారం ఇవ్వాలని కోరారు. పెండింగ్‌ కేసులు, ఎస్సీ, ఎస్టీ, పోక్సో కేసుల దర్యాప్తును వేగవంతం చేయాలని ఆదేశించారు. సమావేశంలో అదనపు ఎస్పీ రవీందర్‌రెడ్డి, డీఎస్పీలు ప్రసన్నకుమార్‌, రవి, సీఐలు, ఎస్‌ఐలు, అధికారులు పాల్గొన్నారు.అన్‌నోన్‌ మెసేజ్‌లకు స్పందించొద్దు గుర్తు తెలియని నంబర్ల నుంచి వాట్సాప్‌కు వచ్చే మెసేజ్‌లు, బ్యాంకు లావాదేవీల సందేశాల పట్ల అప్రమత్తంగా ఉండాలని ఎస్పీ కె.నరసింహ మంగళవారం ఒక ప్రకటనలో సూచించారు. ‘మీ ఖాతా నుంచి డబ్బులు డెబిట్‌ అయ్యాయి.. మీరు చేయకపోతే నో అని రిప్లై ఇవ్వండి’ అంటూ సైబర్‌ నేరగాళ్లు సందేశాలు పంపిస్తున్నారని హెచ్చరించారు. ఇలాంటి సందేశాలకు స్పందించవద్దని, అనుమానాస్పద లింకులు క్లిక్‌ చేయవద్దని సూచించారు. ఖాతాలో లావాదేవీలను బ్యాంకు అధికారిక యాప్‌లోనే తనిఖీ చేసుకోవాలని, ఓటీపీ, పిన్‌, పాస్‌వర్డ్‌లను ఎవరికీ చెప్పవద్దని స్పష్టం చేశారు. సైబర్‌ మోసానికి గురైతే వెంటనే 1930 హెల్ప్‌లైన్‌కు ఫోన్‌ చేయాలని లేదా www.cybercrime.gov.in లో ఫిర్యాదు చేయాలని కోరారు. ఎస్పీ నరసింహ

సాక్షి ప్రతినిఽధి, నల్లగొండ : వరంగల్‌–ఖమ్మం–నల్లగొండ పట్టభద్రుల ఎమ్మెల్సీ ఎన్నికపై కాంగ్రెస్‌ పార్టీ ప్రత్యేక దృష్టి సారించింది. ఎన్నికల ప్రక్రియలో కీలకమైన పట్టభద్రుల ఓటర్ల నమోదుతో పాటు ప్రచార కార్యక్రమాలు చేపట్టేందుకు సన్నద్ధమవుతోంది. ఇందులో భాగంగా ప్రతి నియోజకవర్గానికి ఒక కోఆర్డినేటర్‌ను నియమిస్తూ తెలంగాణ ప్రదేశ్‌ కాంగ్రెస్‌ కమిటీ (టీపీసీసీ) అధ్యక్షుడు బొమ్మ మహేష్‌కుమార్‌గౌడ్‌ ఉత్తర్వులు జారీచేశారు. ఇందులో మంత్రులు, ఎంపీలు, ఎమ్మెల్సీలు, ఎమ్మెల్యేలకు బాధ్యతలు అప్పగించారు. నియమితులైన వారంతా తమ పరిధిలోని జిల్లాల్లో సంబంధిత నాయకుల సమన్వయంతో పట్టభద్రుల ఓటర్ల నమోదు, ప్రచార కార్యక్రమాలు సజావుగా జరిగేలా చూడాలని ఆదేశించారు. ఈ ఉత్తర్వులు తక్షణమే అమల్లోకి వస్తాయని స్పష్టం చేశారు. పట్టభద్రుల ఓటర్ల నమోదు ప్రక్రియలో అర్హులకు అవగాహన కల్పించడం, పార్టీ నాయకులతో సమన్వయం చేసుకోవడం, నమోదు కార్యక్రమం సమర్థవంతంగా సాగేలా పర్యవేక్షించడం వంటి బాధ్యతలను కోఆర్డినేటర్లు చూస్తారు. దాంతో పాటు క్షేత్ర స్థాయిలో అవసరమైన ప్రచార కార్యక్రమాల రూపకల్పన, నిర్వహణ బాధ్యతలను పీసీసీ అప్పగించింది. ఉమ్మడి నల్లగొండ జిల్లాతోపాటు ఉమ్మడి వరంగల్‌, ఖమ్మం జిల్లాల్లోనూ అసెంబ్లీ నియోజకవర్గాల వారీగా కోఆర్డినేటర్లను నియమించారు. 12 మందికి బాధ్యతలు ఉమ్మడి నల్లగొండ జిల్లాలోని 11 అసెంబ్లీ నియోజకవర్గాలకు మంత్రులు, ఎమ్మెల్యేలను, మరొక చోట అభ్యర్థిని కోఆర్డినేటర్లుగా నియమించింది. నల్లగొండకు మంత్రి కోమటిరెడ్డి వెంకట్‌రెడ్డి, హుజూర్‌నగర్‌కు మంత్రి నలమాద ఉత్తమ్‌కుమార్‌రెడ్డి, నకిరేకల్‌కు వేముల వీరేశం, కోదాడకు నలమాద పద్మావతిరెడ్డి, తుంగతుర్తికి మందుల సామేల్‌, భువనగిరికి కుంభం అనిల్‌కుమార్‌రెడ్డి, మునుగోడుకు కోమటిరెడ్డి రాజగోపాల్‌రెడ్డి, నాగార్జునసాగర్‌కు కుందూరు జైవీర్‌రెడ్డి, ఆలేరుకు బీర్ల ఐలయ్య, మిర్యాలగూడకు బత్తుల లక్ష్మారెడ్డి, దేవరకొండకు నేనావత్‌ బాలునాయక్‌, సూర్యాపేటకు రాంరెడ్డి సర్వోత్తమ్‌రెడ్డిని నియమించింది.ఫ నియోజకవర్గాల వారీగా నియామించిన పీసీసీ ఫ మంత్రులు, ఎంపీలు, ఎమ్మెల్సీలు, ఎమ్మెల్యేలకు బాధ్యతలు

మోతె : ప్రభుత్వం వ్యవసాయానికి నాణ్యమైన విద్యుత్‌, సాగర్‌ ఎడమ కాల్వ ద్వారా సాగునీరు అందించి ఎండుతున్న రైతుల పంటలు కాపాడాలని కోదాడ మాజీ ఎమ్మెల్యే బొల్లం మల్లయ్య యాదవ్‌ ప్రభుత్వాన్ని డిమాండ్‌ చేశారు. మంగళవారం మండలంలోని రాఘవాపురం ఎక్స్‌రోడ్డు వద్ద ఎండుతున్న పంట పొలాలను బీఆర్‌ఎస్‌ కార్యకర్తలతో కలిసి ఆయన పరిశీలించారు. లాల్‌తండా సబ్‌స్టేషన్‌ను సందర్శించి లాగ్‌ బుక్‌ను పరిశీలించారు. ఈ సందర్భంగా ఆయన మాట్లాడుతూ సాగునీరందక ఎండుతున్న పంటలు చూసి రైతులు కన్నీళ్లు పెడుతున్నారని ఆవేదన వ్యక్తం చేశారు. వ్యవసాయానికి నాణ్యమైన విద్యుత్‌ అందించడంలో ప్రభుత్వం పూర్తిగా విఫలమైందన్నారు. జిల్లాకు చెందిన ఉత్తమ్‌కుమార్‌రెడ్డి మంత్రిగా ఉన్నా రైతుల కష్టాలు పట్టించుకోవడం లేదన్నారు. ఆయన వెంట బీఆర్‌ఎస్‌ మండల అధ్యక్షుడు శీలం సైదులు, నాయకులు ఏలూరి వెంకటేశ్వరరావు, మిక్కిలినేని సతీశ్‌బాబు, మద్ది మధుసూదన్‌రెడ్డి, బానోతు శంకర్‌, కాకి సురేందర్‌రెడ్డి, దేవ్లా నాయక్‌, శ్రీనివాసరెడ్డి, రైతులు పాల్గొన్నారు.

సూర్యాపేట : కేంద్ర ప్రభుత్వం సూర్యాపేట మీదుగా మంజూరు చేసిన బుల్లెట్‌ ట్రైన్‌ అలైన్‌మెంట్‌ను రాష్ట్ర ప్రభుత్వం కుట్రపూరితంగా అడ్డుకుంటున్నదని, అలైన్‌మెంట్‌ మార్పును వెంటనే ఉపసంహరించుకోవాలని మాజీ ఎమ్మెల్యే సంకినేని వెంకటేశ్వర్‌రావు డిమాండ్‌ చేశారు. బుల్లెట్‌ ట్రైన్‌ సాధనకోసం జిల్లా కేంద్రంలో జరుగుతున్న రిలే నిరాహార దీక్షలో మంగళవారం ఆయన పాల్గొని మద్దతు తెలిపి మాట్లాడారు. అభివృద్ధి చెందుతున్న సూర్యాపేటకు ఇప్పటివరకు రైల్వే కనెక్టివిటీ లేదన్నారు. దీనిని గుర్తించే కేంద్ర ప్రభుత్వం బుల్లెట్‌ ట్రైన్‌ స్టేషన్‌ మంజూరు చేస్తే రాష్ట్ర ప్రభుత్వం రూట్‌ మార్పునకు ప్రయత్నిస్తున్నదన్నారు. కార్యక్రమంలో మున్సిపల్‌ మాజీ చైర్మన్‌ జుట్టుకొండ సత్యనారాయణ, బీజేపీ జిల్లా ప్రధాన కార్యదర్శి చల్లమల్ల నరసింహ, మైనారిటీ మోర్చా రాష్ట్ర కార్యదర్శి ఎండీ.అబీద్‌, అసెంబ్లీ కన్వీనర్‌ కర్నాటి కీషన్‌, నాయకులు పాల్గొన్నారు. మాజీ ఎమ్మెల్యే సంకినేని

నేను తిరుమలగిరి మార్కెట్‌కు 50 క్వింటాళ్ల సన్నధాన్యం తీసుకొచ్చాను. క్వింటాకు రూ.3509 చొప్పన ధర వచ్చింది. కొనుగోలు కేంద్రం వద్ద అమ్ముకోవాలంటే చాలా రోజులు వేచి చూడాల్సి వచ్చేది. ఇప్పుడు వచ్చిన వెంటనే మంచి ధరతో కొనుగోలు చేశారు. – ధరావత్‌ మోతీలాల్‌, రైతు, మొండ్రాయి115 బస్తాల ధాన్యం తీసుకొచ్చాను.. తిరుమలగిరి వ్యవసాయ మార్కెట్‌కు ఈ రోజు 115 బస్తాల ధాన్యం తీసుకొచ్చా ను. క్వింటా ధర రూ. 3,611 పలికింది. గతంలో ఎన్నడూ లేని విధంగా సన్న ధాన్యానికి మంచి ధర వచ్చింది. మార్కెట్‌లో కూడా వేచి చూడాల్సిన అవసరం లేకుండానే కొనుగోలు చేశారు. – మల్లేష్‌, రామవరం, జనగామ జిల్లా

సూర్యాపేటటౌన్‌ : జిల్లా కేంద్రంలో కొందరు ఫుట్‌పాత్‌లను ఆక్రమించి వ్యాపారాలు నిర్వహిస్తుండడంతో పాదచారులు నడిచేందుకు దారిలేకుండా పోతోంది. పట్టణంలో ఇప్పటికే వాహనాల రద్దీ అధికమవగా, రోడ్‌సైట్‌ స్థలాలను ఆక్రమించుకుంటుండడంతో ట్రాఫిక్‌ సమస్య మరింత జఠిలమవుతోంది. ప్రమా దాలు కూడా పెరుగుతున్నాయి. ఈ విషయమై సంబంధిత అధికారులెవరూ పట్టించుకోక పోవడంతో ప్రజ లు, వాహన దారులు ఇబ్బందులు పడుతున్నారు. రోడ్లపైకి వచ్చి మరీ వ్యాపారంజిల్లాలోని వివిధ ప్రాంతాల నుంచి నిత్యం వేలాది మంది ప్రజలు పలు పనులు నిమిత్తం సూర్యాపేటకు వస్తుంటారు. దాంతో అన్ని దారులూ రద్దీగా ఉంటాయి. దానికి తోడు కొందరు రోడ్డుపైకి వచ్చి మరీ వ్యాపారాలు సాగిస్తుండడంతో తరచూ ట్రాఫిక్‌ సమస్య ఏర్పడుతోంది. పట్టణంలోని శంకర్‌విలాస్‌ నుంచి కొత్త బస్టాండ్‌ రోడ్డు, పూల సెంటర్‌ రోడ్డుతో పాటు పలు ప్రధాన కూడళ్లలో ఫుట్‌పాత్‌లపై దుకాణాలు ఏర్పాటు చేశారు. దానికి తోడు షాపుల ముందు సరుకులు పెట్టడం వల్ల పాదచారులకు దారి లేకుండా పోతోంది. దాంతో వారు రోడ్డుపైకి రావాల్సి వస్తోంది. ఈ క్రమంలో వాహనాల రాకపోకలకు అంతరాయం ఏర్పడటంతో పాటు ప్రమాదాలు చోటు చేసుకుంటున్నాయి. తనిఖీలు లేకపోవడంతో.. ఫుట్‌పాత్‌లను పాదచారులకు అందుబాటులోకి తీసుకురావడం, ట్రేడ్‌ లైసెన్సులపై ప్రత్యేక తనిఖీలు, నిబంధనలు ఉల్లంఘించే దుకాణా దారులపై చర్యలు వంటి విషయాలను మున్సిపల్‌ అధికారులు పట్టించుకోక పోవడంతోనే ఎవరికిష్టమైన ప్రాంతంలో వారు దుకాణాలు ఏర్పాటు చేసుకుంటున్నారని స్థానికులు చెబుతున్నారు. ఖమ్మం రోడ్డులో మెప్మా ఆధ్వర్యంలో నిర్మించిన దుకాణాలు సైతం ఖాళీగా ఉన్నాయి. రోడ్లపై ఉన్న వారిని అటువైపు మళ్లించినా సమస్య పరిష్కారమయ్యే అవకాశం ఉంటుంది. ట్రేడ్‌ లైసెన్స్‌ల విషయంలో అధికారులు తనిఖీలు నిర్వహించాలని, ఫుట్‌పాత్‌లు, రోడ్లపై వ్యాపారాలు నిర్వహించే వారిపై చర్యలు తీసుకోవాలని స్థానికులు కోరుతున్నారు. మున్సిపాలిటీ ఆదాయానికి గండి ఫుట్‌పాత్‌లపై దుకాణాలు ఏర్పాటు చేసుకుంటున్న వారి నుంచి వెనుక ఉన్న దుకాణా దారులు అద్దె వసూలు చేసుకుంటున్నారు. మరి కొన్ని ప్రాంతాల్లో కొందరు ఫుట్‌పాత్‌లపై డబ్బాలు, తోపుడు బండ్లు ఏర్పాటు చేసి ఆక్రమించి మరీ ఇతరులకు అద్దెకు ఇస్తున్నట్లు సమాచారం. ఫలి తంగా మున్సిపాలిటీ ఆదాయం ఇతరులు కొట్టేస్తున్నారు. అధికారులు పట్టించుకోక పోవడంతో మున్సిపాలిటీ ఆదాయం కోల్పోతోంది. మున్సి పాలిటీ పరిధిలో ఫుట్‌పాత్‌లపై దుకాణాలు ఏర్పాటు చేసుకున్న 6,537 మంది ట్రేడ్‌ లైసెన్స్‌ తీసుకోగా.. లైసెన్స్‌ లేకుండా వ్యాపారాలు నిర్వహిస్తున్న దుకాణాలు అనేకం ఉన్నాయి. యథేచ్ఛగా ఫుట్‌పాత్‌లపైనే వ్యాపారాలు ప్రమాదాలకు గురవుతున్న పాదచారులు పలు ప్రాంతాల్లో రోడ్లను ఆక్రమించడంతో తరచూ ట్రాఫిక్‌ జామ్‌ఫుట్‌పాత్‌లపై దుకాణాలు ఏర్పాటు చేసుకున్న వారు ఖచ్చితంగా ట్రేడ్‌ లైసెన్స్‌లు తీసుకోవాలి. ట్రాఫిక్‌కు, ప్రజలకు ఇబ్బంది కలిగేలా రోడ్డుపై వ్యాపారాలు నిర్వహిస్తే షాపులు తీయించేస్తాం. ఖమ్మం రోడ్డులో మెప్మా ఆధ్వర్యంలో పండ్ల వ్యాపారుల కోసం దుకాణాలు ఏర్పాటు చేశారు. అవి కూడా వినియోగంలోకి వచ్చేలా చర్యలు తీసుకుంటాం. – సీహెచ్‌.హన్మంతరెడ్డి, మున్సిపల్‌ కమిషనర్‌

తిరుమలగిరి (తుంగతుర్తి) : సామాజిక తెలంగాణ సాధన కోసం ఆడతానని, పాడతానని, అవసరమైతే మళ్లీ గజ్జె కడతానని ప్రముఖ కవి, గాయకుడు డాక్టర్‌ ఏపూరి సోమన్న అన్నారు. ఏపూరి సోమన్న జన్మదిన వేడుకలను సోమవారం స్థానిక ఫంక్షన్‌హాల్లో నిర్వహించారు. ఈ సందర్భంగా స్థానిక చౌరస్తాలో అంబేద్కర్‌, పూలే విగ్రహాలకు పూల మాల వేసి కళాకారుల బృందంతో కలిసి భారీ ర్యాలీ నిర్వహించారు. అభిమానుల మధ్య కేక్‌ కట్‌ చేసిన అనంతరం ఆయన మాట్లాడుతూ తెలంగాణ ఉద్యమంలో కవులు, గాయకుల పాత్ర గొప్పదని కొనియాడారు. కవులు, గాయకులు కూడా చట్ట సభల్లోకి వెళ్లాల్సిన అవసరం ఉందన్నారు. ఏపూరి ఫౌండేషన్‌ ద్వారా నియోజకవర్గంలోని అన్ని గ్రామాల్లో సామాజిక సేవా కార్యక్రమాలు చేపడతానని తెలిపారు. మునుగోడు ఎమ్మెల్యే రాజగోపాల్‌రెడ్డితో తన ప్రయాణం కొనసాగుతుందని తెలిపారు. ఏపూరి ఫౌండేషన్‌ నియోజకవర్గ చైర్మన్‌గా తీగల కరుణశ్రీని నియమిస్తున్నట్లు ఆయన ప్రకటించారు. ఈ సందర్భంగా కళాకారులు పాడిన పాటలు అలరించాయి. కార్యక్రమంలో తుంగతుర్తి మార్కెట్‌ చైర్మన్‌ తీగల గిరిధర్‌రెడ్డి, ప్రభాకర్‌, శాగంటి రాములు, స్టాలిన్‌, అనుదీప్‌, శ్రీధర్‌, లింగం, శివ, లావణ్య, రవి, రమేష్‌, జాని, తదితరులు పాల్గొన్నారు. కవి, గాయకుడు ఏపూరి సోమన్న

సూర్యాపేట : కాంగ్రెస్‌ ప్రభుత్వం ఎన్నికల మేనిఫెస్టోలో దివ్యాంగులకు ఇచ్చిన హామీలను అమలు చేయాలని వికలాంగుల సమితి రాష్ట్ర అధ్యక్షుడు షేక్‌ నయీమ్‌ డిమాండ్‌ చేశారు. సోమవారం వివిధ సంఘాల నాయకులతో కలిసి జిల్లా కేంద్రంలోని కొత్త బస్టాండ్‌ వద్ద బైఠాయించి నిరసన తెలిపారు. ఈ సందర్భంగా ఆయన మాట్లాడుతూ దివ్యాంగుల పింఛన్‌ను రూ.6 వేలకు, తీవ్ర వైకల్యం ఉన్నవారికి రూ.15వేలకు పెంచాలని, డబుల్‌ బెడ్రూం ఇళ్లు మంజూరు చేయాలని డిమాండ్‌ చేశారు. ఆర్టీసీ బస్సులో పూర్తిగా ఉచిత ప్రయాణం కల్పించాలని, ప్రభుత్వ శాఖల్లోని బ్యాక్‌లాగ్‌ పోస్టులను వెంటనే భర్తీ చేయాలని డిమాండ్‌ చేశారు. లేని పక్షంలో ఉద్యమాన్ని మరింత ఉధృతం చేస్తామని హెచ్చరించారు. కార్యక్రమంలో సంఘం నాయ కులు ఎండీ.జహీర్‌ బాబా, జయకృష్ణ, కురి నాగయ్య, నల్లగొండ నాగయ్య, ఏలె జానయ్య, వీరమల్ల యాదగిరి, ఎరుకల రవి, అఖిల్‌, ధరావత్‌ రవి, సుశీల, వీరమ్మ, అక్కమ్మ, సరిత, నాగమణి, తదితరులు పాల్గొన్నారు.

చిలుకూరు : చిలుకూరు గ్రామానికి చెందిన అల్లి వీరబాబు అదే గ్రామానికి చెందిన రైతు వద్ద 9 ఎకరాల భూమి కౌలుకు తీసుకొని వరి సాగు చేస్తున్నాడు. ఇన్ని రోజులు పొలంలో ఉన్న రెండు బోర్లతో సాగునీటిని అందించాడు. అయితే వారం రోజుల క్రితం ట్రాన్స్‌ఫార్మర్‌ కాలిపోవడంతో నీరందక సుమారు సగం పొలం ఎండిపోయే దశకు చేరింది. చివరకు అష్టకష్టాలు పడి ట్రాన్స్‌ఫార్మర్‌ రిపేరు చేయించినా కరెంటు కోతలతో నీరందని పరిస్థితి నెలకొంది. దాంతో జనరేటర్‌ను కిరాయికి తీసుకొచ్చి బోర్లు నడిపిస్తున్నాడు. జనరేటర్‌కు రోజుకు రూ.3500 అద్దె, డీజిల్‌కు రోజుకు రూ.2500 చొప్పున రూ.6 వేలు ఖర్చు వస్తుందని రైతు తెలిపాడు. ఇప్పటికే వేల రూపాయాలు పెట్టుబడులు పెట్టినానని, తీరా పొట్ట దశకు చేరిన పొలం కళ్ల ముందే ఎండిపోతుంటే చూడలేక జనరేటర్‌ ఏర్పాటు చేసినట్లు చెప్పాడు.