Kumuram Bheem District Latest News

ఇంధన వనరులు రోజురోజుకూ తగ్గిపోతున్నందున ఈ శక్తిని ఆదా చేయాలనే ఉద్దేశంతో స్వయం చాలకంగా వెలిగే స్మార్ట్‌ వీధి దీ పాలను వాంకిడి హైస్కూల్‌ విద్యార్థులు అ ఖిల్‌, ప్రజ్ఞన్‌ రూపొందించారు. కరెంట్‌ను ఆదా చేసి భావితరాలకూ విద్యుత్‌ కొరత లే కుండా ఉండాలనే ఉద్దేశంతో దీనిని తయారు చేసినట్లు వారు తెలిపారు. వాహనాల కదలి కను గుర్తించి వీధి దీపాలు వెలుగుతాయని, నిర్ణీత సమయం తర్వాత ఆఫ్‌ అవుతాయని పేర్కొన్నారు. దీనితో విద్యుత్‌ వినియోగం త గ్గించడం, రహదారిపై దృశ్యమానతను మెరుగుపరచడం జరుగుతుందని వివరించారు.

ఆసిఫాబాద్‌రూరల్‌: జిల్లాలో పీఎంశ్రీకి ఎంపికై న పాఠశాలల్లో అన్ని వసతులుండాలని కలెక్టర్‌ హరిత సూచించారు. శనివారం కలెక్టరేట్‌లో పీఎంశ్రీ పాఠశాలల ప్రధానోపాధ్యాయులతో జిల్లా విద్యాధికారి సచ్చిదానందచారితో కలిసి సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ.. జిల్లాలో 18 పాఠశాలలు పీఎంశ్రీకి ఎంపికై నట్లు తెలిపారు. ఆయా పాఠశాలలకు వచ్చిన నిధులను విద్యార్థులకు అవసరమైన వసతుల కోసం ఖర్చు చేయాలని సూచించారు. విద్యార్థులకు కరాటే, యోగా, కంప్యూటర్‌ తరగతులు నిర్వహించాలని పేర్కొన్నారు. అవసరానికి అనుగుణంగా పిల్లలను విజ్ఞాన, పారిశ్రామిక యాత్రలకు తీసుకెళ్లాలని సూ చించారు. పాఠశాలల్లో చేపట్టే కార్యక్రమాలు పు రోగతి సాధించాలని, నిర్లక్ష్యం వహించే ప్రధానోపాధ్యాయులపై చర్యలు తీసుకుంటామని హెచ్చరించారు. ఎస్వో శ్రీనివాస్‌, అబిద్‌ అలీ పాల్గొన్నారు. రుణాలు రీషెడ్యూల్‌ చేయాలి ఆసిఫాబాద్‌అర్బన్‌: ఎల్‌నినో ప్రభావంతో తక్కువ వర్షపాతం నమోదైన ఐదు మండలాల్లో రైతులకు ఖరీఫ్‌లో ఇచ్చిన బ్యాంక్‌ రుణాలను రీ షెడ్యూల్‌ చేయాలని కలెక్టర్‌ హరిత సూచించారు. కలెక్టరేట్‌లో కరువు సహాయ చర్యలపై ఎల్‌డీఎం జనార్దన్‌, జిల్లా వ్యవసాయాధికారి వెంకటితో కలిసి బ్యాంకర్లతో సమీక్ష నిర్వహించారు. ఈ సందర్భంగా కలెక్టర్‌ మాట్లాడుతూ.. వ్యవసాయ అనుబంధ రుణాలను కూడా రీషెడ్యూల్‌ చేయాలని తెలిపారు. అర్హులైన ఆర్వోఎఫ్‌ఆర్‌ పట్టాలు కలిగిన రైతులకు రుణాలు ఇవ్వాలని, రైతులను బ్యాంకుల చుట్టూ తిప్పించుకోకూడదని సూచించారు. బ్యాంక్‌ మేనేజర్లు, సంబంధిత శాఖల అధికారులు పాల్గొన్నారు. దళారులను నమ్మి మోసపోవద్దు జిల్లా మహిళా, శిశు సంక్షేమ శాఖ జాతీయ ఆరోగ్య మిషన్‌ కింద పొరుగు సేవల ప్రాతిపదికన చేపట్టను న్న అంగన్‌వాడీ టీచర్లు, ఆయా పోస్టులు, వైద్యారోగ్యశాఖలో భర్తీ ప్రక్రియ పారదర్శకంగా, ప్రభు త్వ నిబంధనలకు అనుగుణంగా నిర్వహించనున్న ట్లు కలెక్టర్‌ హరిత ఓ ప్రకటనలో తెలిపారు. ఉద్యోగాలిప్పిస్తామంటూ ఆశ చూపే దళారులు, మధ్యవర్తుల మాటలు నమ్మి మోసపోవద్దని సూచించారు.

కెరమెరి: ఆదివాసీ సంస్కృతి సంప్రదాయానికి ప్రతీకగా నిలిచే దండారీ ఉత్సవాలకు ప్రభుత్వం నుంచి తగిన ప్రోత్సాహం అందడం లేదు. వీటి నిర్వహణకు గిరిజనులకు భారంగా మారాయి. గతంలో రూ.50 వేలతో ముగిసే ఉత్సవాలకు నేడు రూ.లక్ష దాటుతుంది. ఒక్కో దండారీకి ప్రభుత్వం అందించే రూ.15 వేల అరకొర సాయం ఎటు సరిపోక అప్పుల ఊబిలోకి కూరుకుపోతున్నారు. కనీసం రూ. 50 వేలకు పెంచాలని నిర్వాహకులు, ఆదివాసీ సంఘాల నాయకులు, పెద్దలు కోరుతున్నారు. ఆతిథ్యం ప్రధానందీపావళి వేళ పదిరోజుల పాటు సాగే దండారీ ఉత్సవాల్లో పరస్పర ఆతిథ్యానిదే ప్రధానం. ఒక గూడెం దండారీ బృందం మరో గూడేనికి అతిథులుగా వెళ్లి కాళ్లు కడిగి సాదరంగా ఆహ్వానించడం ఆనవాయితీ. పొరుగు గ్రామం నుంచి వచ్చే దండారీకి టీ, టిఫిన్‌, రెండు పూటలు భోజన వసతికి రూ.20 వేల నుంచి 30 వేలు ఖర్చవుతుంది. అతిథులు పెరిగితే వ్యయం రెట్టింపవుతుంది. ఒక్కో గ్రామానికి రెండు, మూడు బృందాలు వస్తే రూ. 50 వేలు దాటుతాయి. గిరిజన ఆచార ప్రకారం అతిథులను దైవ సమానంగా చూసుకోవాల్సిందే తప్ప, ఖర్చులకు వెనకాడడానికి వీల్లేదు. ఏత్మాసూర్‌ ఉన్న ఇంటికే భారంగూడెంలో ఎవరి ఇంట్లో ‘ఏత్మాసూర్‌’దేవత ప్రతిష్ట అయి ఉంటుందో ఆ కుటుంబమే దండారీ నిర్వహణ భారం మోయాల్సి ఉంటుంది. ఏడాదంతా ఎండనక, వాననక కష్టపడి పండించిన పాడి పంటల ద్వారా వచ్చిన కొద్ది ఆదాయం పది రోజుల పండుగకే ఖర్చులకు సరిపోతుందని పలువురు నిర్వాహకులు పేర్కొంటున్నారు. వివరాలుజిల్లా దండారీల ఆదిలాబాద్‌ 641 కుమురంభీం 247 మంచిర్యాల 34 నిర్మల్‌ 78 గుస్సాడీ వేషధారణకు రూ.వేలల్లో ఖర్చుగుస్సాడీ వేషధారణకు సమకూర్చుకోవాల్సిన ప్రతి వస్తువు ఖరీదైనది. నెమలిపింఛాల టోపీ, రకరకాల పూసల మాలలు, జింక చర్మం, నడుముకు, కాళ్లకు కట్టే భారీ గజ్జెలకు రూ.20 వేలకు పైగా వెచ్చించాల్సి వస్తుంది. లయబద్ధంగా శబ్దాలు చేసే సంప్రదాయ డప్పు ఒక్కొక్కటి తయారీకి రూ. 3 వేలు ఖర్చవుతుంది. పాత వాటికి సరిచేయిస్తే మరో రూ.వెయ్యి అవుతోంది. బృందంలో నృత్యం చేసే పోరీల(వేషధారణ) ఆభరణాల కోసం ఒక్కొక్కరికి దాదాపు రూ. 5 వేలు వరకు వెచ్చించాలి. పూజలు జరిగే వేదిక నృత్యాలు చేసే టెంట్‌ మండపం డెకరేషన్‌కు మరో రూ. 20 వేల వరకు ఖర్చు వస్తుంది.

రెబ్బెన: ప్రజాపాలన ప్రభుత్వం అమలు చేస్తున్న ఇందిరమ్మ ఇళ్ల పథకంతో పేదోడి సొంతింటి కల సాకారమైందని ఆర్టీఏ జిల్లా సభ్యుడు లావుడ్య రమేశ్‌ పేర్కొన్నారు. శనివారం రాత్రి సింగల్‌గూడలో ఇందిరమ్మ లబ్ధిదారు అజ్మీరా స్వప్న, సాయికుమార్‌తో కలిసి కాంగ్రెస్‌ నాయకులు దీపాలు వెలి గించి, టపాసులు కాల్చి వేడుకలు జరుపుకొన్నారు. ఈ సందర్భంగా రమేశ్‌ మాట్లాడుతూ.. ప్రజాపాల న ప్రభుత్వంతోనే ఇందిరమ్మ లబ్ధిదారులు సొంతింటిని నిర్మించుకోగలిగారని చెప్పారు. ఈ సందర్భంగా లబ్ధిదారు కాంగ్రెస్‌ నాయకులను శాలువాలతో సన్మానించారు. జెడ్పీటీసీ మాజీ సభ్యుడు దుర్గం సోమయ్య, గౌడ సంఘం జిల్లా అధ్యక్షుడు మోడెం సుదర్శన్‌గౌడ్‌, కాంగ్రెస్‌ జిల్లా కార్యదర్శి దుర్గం దేవాజీ, పట్టణ మాజీ అధ్యక్షుడు మురళి, ఇంది రమ్మ ఇళ్ల కమిటీ సభ్యులు రాజేంద్రప్రసాద్‌గౌడ్‌, అన్నాజీ, నాయకులు శాంతికుమార్‌గౌడ్‌, నగేశ్‌, అజ్మీరా గోపి, రవి తదితరులు పాల్గొన్నారు.

కౌటాల(సిర్పూర్‌(టి): సిర్పూర్‌(టి) ఐసీడీఎస్‌ ప్రాజెక్ట్‌ కార్యాలయంలో శనివారం పెంచికల్‌పేట్‌ అంగన్‌వాడీ టీచర్‌ దరఖాస్తుదారు ల ధ్రువపత్రాలను సీడీపీవో హేమలత పరిశీ లించారు. పెంచికల్‌పేట్‌ మండలంలో ఒక టీ చర్‌ పోస్టుకు గాను 16మంది దరఖాస్తు చేసుకున్నట్లు తెలిపారు. నాలుగు రోజులుగా సి ర్పూర్‌(టి), బెజ్జూర్‌, కౌటాల, చింతలమానెపల్లి, పెంచికల్‌పేట్‌ మండలాలకు చెందిన అ భ్యర్థుల ఒరిజినల్‌ ధ్రువపత్రాలను పరిశీలించినట్లు పేర్కొన్నారు. త్వరలో ఫీల్డ్‌ వెరిఫికేషన్‌ చేస్తామని తెలిపారు. కార్యక్రమంలో సూ పర్‌వైజర్లు పద్మ, శంకరమ్మ, అలేఖ్య, కరుణ, హాసీనా, సీనియర్‌ అసిస్టెంట్‌ ఖాళీమ్‌, జూని యర్‌ అసిస్టెంట్‌ అర్జున్‌ తదితరులున్నారు.

ప్రస్తుత కాలంలో చాలామంది వివిధ రోగాల బారిన పడి నిత్యం మందులు వాడుతున్నా రు. బిజీ లైఫ్‌లో ఒక్కోసారి మందులు వేసుకోవడం మరిచిపోతుంటారు. ఈ సమస్యకు చెక్‌ పెట్టేలా కాగజ్‌నగర్‌ విశ్వశాంతి హైస్కూ ల్‌ విద్యార్థినులు భవిత, ప్రతిభ సమయానికి మందులు వేసుకునేలా అలర్ట్‌ చేసే ఆటోమేటిక్‌ మెడిసిన్‌ రిమైండర్‌ ప్రాజెక్ట్‌ను రూపొందించారు. ముందుగా ఆడియో ప్రోగ్రాం త యారు చేశాక టైమర్‌ లేదా ఆర్‌టీసీ మాడ్యు ల్‌ సహాయంతో ఇది సమయాన్ని గుర్తిస్తుంది. మనం సెట్‌ చేసిన మందులు వేసుకునే సమ యం వచ్చినప్పుడు బజర్‌ మోగుతుంది. ఎల్‌ఈడీ లైట్‌ వెలుగుతుంది. దీంతో మందులు వేసుకునే సమయం వచ్చిందని మనకు తెలుస్తుంది. బజర్‌, ఎల్‌ఈడీ సహాయంతో ఇది మనల్ని అలర్ట్‌ చేస్తుందని దీనిని రూపొందించిన విద్యార్థినులు వివరించారు.

ఆసిఫాబాద్‌అర్బన్‌: దీపం జ్ఞానానికి ప్రతీక. ఏ శుభకార్యం జరిగినా జ్యోతి ప్రజ్వలనతోనే ప్రా రంభిస్తాం. దీపావళి నాటి వెలుగులు జగమంతా కాంతిమయం చేస్తాయి. ప్రతీ వ్యక్తికి జీ వితంలో దీపావళి ఓ మరువలేని పండుగ. పండుగరోజు బొమ్మల పండుగ నిర్వహిస్తారు. ఇళ్లలో బొమ్మల కొలువు ఏర్పాటు చేసి ప్రత్యేక కార్యక్రమాలు జరుపుకొంటారు. వ్యాపారులు దీపావళి రోజు లక్ష్మీపూజలు నిర్వహించనుండగా దుకాణాలను రంగురంగుల విద్యుద్దీపాలతో అలంకరించారు. పండుగ సందర్భంగా మా ర్కెట్లు, వ్యాపార సముదాయాలు, పటాకుల దుకాణాలు సందడిగా మారాయి. వేడుక ప్రశాంతంగా జరుపుకోవాలి : కలెక్టర్‌జిల్లా ప్రజలు దీపావళి పండుగను ఆనందోత్సాహాల మధ్య జరుపుకోవాలని కలెక్టర్‌ హరిత ఓ ప్రకటనలో సూచించారు. జిల్లా ప్రజలకు శుభా కాంక్షలు తెలిపారు. పండుగ అందరి జీవితాల్లో వెలుగులు నింపాలని, సుఖఃసంతోషాలు, ఆయురారోగ్యాలు, ఐశ్వర్యం కలగాలని ఆకాంక్షించారు. ప్రతీ ఇంట్లో సంతోషం, ఆనందం వెల్లివిరియాలని కోరారు. ప్రజలు పర్యావరణ పరిరక్షణను దృష్టిలో పెట్టుకుని కాలుష్యాన్ని తగ్గించేలా పండుగ జరుపుకోవాలని, పటాకులు కాల్చేటపుడు చిన్న పిల్లలు, మహిళలు తగిన జాగ్రత్తలు తీసుకోవాలని సూచించారు. రద్దీగా మారిన జిల్లా కేంద్రంలోని మార్కెట్‌ పటాకులు కొనుగోలు చేస్తున్న ప్రజలు జోరుగా బంతిపూల విక్రయంకాగజ్‌నగర్‌టౌన్‌: దీపావళి సందర్భంగా మా ర్కెట్లో బంతి పూల అమ్మకాలు జోరుగా సా గుతున్నాయి. శనివారం ఉదయం నుంచే మండలంలోని వివిధ గ్రామాల నుంచి రైతులు, చిరువ్యాపారులు పూలు తీసుకువచ్చి పట్టణంలోని మార్కెట్లో రోడ్లపై అమ్మకాలు చేపట్టారు. బంతి పూల ధర గతేడాదితో పో లిస్తే ఈసారి తక్కువగా ఉంది. కిలో రూ.40 నుంచి రూ.50 వరకు విక్రయించారు.

కెరమెరి: ఉద్యోగ, ఉపాధ్యాయులకు జూలై 2023 నుంచి రావాల్సిన వేతన సవరణను (పీఆర్‌సీ) ప్రభుత్వం వెంటనే విడుదల చే యాలని పీఆర్టీయూ టీఎస్‌ జిల్లా అధ్యక్షుడు ఆడే ప్రకాశ్‌ కోరారు. శనివారం సిర్పూర్‌ (యు) మండల కేంద్రంలో ఉపాధ్యాయులతో నిర్వహించిన సమావేశంలో ఆయన మాట్లాడారు. 20 ఏళ్ల నుంచి విధులు నిర్వహిస్తున్న సమగ్రశిక్ష ఉద్యోగులు, కేజీబీవీల్లో పని చేస్తున్న సిబ్బంది సమస్యలు వెంటనే పరిష్కరించాలని డిమాండ్‌ చేశారు. వీరికి మినిమం టైంస్కేల్‌ ప్రకటించడంతో పాటు సమ్మెకాలపు వేతనాన్ని చెల్లించాలని కోరారు. కేజీ బీవీల్లో వేసవి సెలవుల్లో పని చేయించుకుని వేతనాల్లో కోత విధించడం అన్యాయమని పేర్కొన్నారు. ఉపాధ్యాయులకు రావాల్సిన అన్ని రకాల పెండింగ్‌ బిల్లులను ప్రభుత్వం తక్షణమే మంజూరు చేయాలని కోరారు. స ర్వీస్‌లో ఉన్న ఉపాధ్యాయులకు టెట్‌ నుంచి మినహాయింపు ఇవ్వాలని, సీపీఎస్‌ను రద్దుచేసి ఓపీఎస్‌ను పునరుద్ధరించాలని డిమాండ్‌ చేశారు. నాయకులు రాథోడ్‌ శ్రీనివాస్‌, భూమున్న, ఆత్రం దత్తు తదితరులున్నారు.

ఆసిఫాబాద్‌రూరల్‌: విద్యార్థి దశలోనే శాసీ్త్రయ ఆలోచనలు పెంపొందించే దిశగా విద్యాశాఖ అనేక కార్యక్రమాలు చేపడుతోంది. భావి శాస్త్రవేత్తలుగా తీర్చిదిద్దాలనే లక్ష్యంతో పాఠశాల స్థాయిలోనే విద్యార్థులను సంసిద్ధులను చేస్తోంది. జిల్లా వ్యాప్తంగా నుంచి వివిధ పాఠశాలకు చెందిన 72మంది విద్యార్థులు శనివారం జిల్లా కేంద్రంలోని బాలికల ఉన్నత పాఠశాలలో వ్యర్థాల నిర్వహణ, ఇంధన సంరక్షణ, నీటి వనరుల పరిరక్షణ, ఆహార వ్యవసాయం, ఆరోగ్యం, భారతీయ జ్ఞాన వ్యవస్థల ద్వారా సుస్థిర జీవనం తదితర అంశాలపై ప్రాజెక్టులు రూపొందించి న్యాయ నిర్ణేతల ముందు ప్రదర్శించారు. 36 ప్రాజెక్టులకు గాను ఉత్తమ ప్రదర్శన ఇచ్చిన మూడింటిని న్యాయనిర్ణేతలు రాష్ట్ర స్థాయి బాలల సైన్స్‌ కాంగ్రెస్‌ పోటీలకు ఎంపిక చేశారు. ప్రతిభావంతులకు డీఈవో సచ్చిదానందచారి ప్ర శంసాపత్రాలు, బహుమతులు అందించారు. ఈ సందర్భంగా డీఈవో మాట్లాడుతూ.. సైన్స్‌ కాంగ్రెస్‌ విద్యార్థుల్లో శాసీ్త్రయ దృక్పథాన్ని, పరిశోధనా ఆసక్తిని, సృజనాత్మక ఆలోచనా విధానాన్ని పెంచడానికి ఎంతగానో దోహదపడుతుందని చెప్పారు. విద్యార్థులు తమ చుట్టూ ఉన్న సమస్యలను శాసీ్త్ర య దృష్టితో పరిశీలించి, వాటికి పరిష్కారాలు కనుగొనే దిశగా కృషి చేయాలని సూచించారు. జిల్లా సైన్స్‌ అధికారి మధుకర్‌ తదితరులు పాల్గొన్నారు.

● ఆలస్యంగా వెలుగులోకి.. ఆసిఫాబాద్‌రూరల్‌/తిర్యాణి: ఆసిఫాబాద్‌ మండలం కోసార పంచాయతీ పరిధిలోని ఒకరిని హత్య చేసిన ఘటన ఆలస్యంగా వె లుగులో వచ్చింది. సీఐ రవి తెలిపిన వివరాల ప్రకారం..తిర్యాణి మండలా నికి చెందిన ప్రసాద్‌ (34), సాగర్‌, చందులు కర్ర బొంగులతో వివిధ రకా ల పనులు చేయడానికి మండలంలోని మాలన్‌గొంది గ్రామానికి గతనెల 30న వచ్చారు. ఈనెల 5న ఆసిఫాబాద్‌కు వచ్చి నిత్యావసర సరుకులు తీ సుకుని వెళ్తున్నారు. కోసర పంచాయతీ పరిధిలో మద్యం సేవించారు. సా గర్‌ వెళ్లిపోగా చందు, ప్రసాద్‌ మద్యం తాగి గొడవపడ్డారు. ఈక్రమంలో ప్రసాద్‌ తలపై బండతో కొట్టి చంపి సమీపంలో వాగులో పడేశారు. జరిగి న విషయాన్ని చందు సాగర్‌కు చెప్పాడు. భార్య ఉషారాణి పోలీసులకు సమాచారం అందించారు. అనంతరం కోసార వాగులో మృతదేహాన్ని గుర్తించారు. భార్య ఫిర్యాదుతో కేసు దర్యాప్తు చేస్తున్నట్లు సీఐ తెలిపారు. కాంట్రాక్టర్‌ ఇంటి ఎదుట మృతదేహంతో ఆందోళనతిర్యాణికి చెందిన ప్రసాద్‌ను పనిలోకి తీసుకెళ్లిన సదరు కాంట్రాక్టర్‌ నష్టపరిహారం చెల్లించాలని మృతుడి కుటుంబ సభ్యులు,బంధువులు డిమాండ్‌ చేశారు. మృతదేహంతో కాంట్రాక్టర్‌ ఇంటి ఎదుట ఆందోళన చేపట్టారు. చనిపోయిన సమాచారం ఇవ్వకుండా కాంట్రాక్టర్‌ నిర్లక్ష్యంగా వ్యవహరించారని, రూ.10 లక్షల పరిహారం ఇస్తేనే ఆందోళన విరమిస్తామన్నారు.

రెబ్బెన: గోలేటి టౌన్‌షిప్‌ లోని సింగరేణి పాఠశాల మైదానంలో శనివారం ఉమ్మడి జిల్లా సెపక్‌తక్రా జోనల్‌స్థాయి స్కూల్‌ గే మ్స్‌ అండర్‌–14, 17, 19 బాలబాలికల ఎంపిక పోటీలు నిర్వహించారు. ఈ పోటీల్లో పలువురు ప్రతిభ కనబర్చి రాష్ట్ర స్థాయి పోటీలకు ఎంపికయ్యారు. జనగామ జిల్లాలో ఈనెల 12 నుంచి 14 వరకు జరిగే రాష్ట్రస్థాయి పోటీల్లో పాల్గొంటారని ఉమ్మడి జిల్లా సెపక్‌తక్రా అసోసియేషన్‌ ఉపాధ్యక్షుడు తిరుపతి, రాష్ట్రస్థాయి కార్యవర్గ సభ్యులు భాస్కర్‌, మల్లేశ్‌ వివరించారు. అనంతరం వారు మాట్లాడుతూ పట్టుదలతో ఆడి జిల్లా క్రీడాకారులు రాష్ట్ర స్థాయి పోటీల్లో పతకాలు సాధించాలన్నారు. కార్యక్రమంలో గోలేటి సర్పంచ్‌ అజ్మీర బాబురావు, సెపక్‌తక్రా రాష్ట్ర సంయుక్త కార్యదర్శి శిరీష, రాష్ట్ర కార్యవర్గ సభ్యులు కుమ్మరి మల్లేష్‌, జిల్లా ప్రధాన కార్యదర్శి సత్యనారాయణ, పంచాయతీ కార్యదర్శి పోశం, పీడీ వశీం ఖాన్‌, శారద, స్వప్న, పీఈటీ రవి తదితరులు పాల్గొన్నారు. ఎంపికై న అండర్‌–14 జట్టుఅండర్‌–14 బాలుర జట్టులో సీహెచ్‌ హరీశ్‌, జె.అభిషేక్‌, డి.శివప్రణీత్‌, కె.కేశవరావు, కె.సాయి శ్రీరాం, సీహెచ్‌ అంకిత్‌, జె.ప్రణీత్‌. బాలికల జట్టుకు కె.దర్శిని, ఎం.యాసశ్రీ, జి.అక్షయ, జి.స్వరూప, డి.వైష్ణవి, ఎ.సహస్విని, పి.ప్రితి ఎంపికయ్యారు. క్రీడా నైపుణ్యాలు పెంచుకోవాలి రెబ్బెన: సింగరేణిలో పనిచేసే ఉద్యోగ క్రీడాకారులు క్రీడా నైపుణ్యాలు పెంచుకుంటూ పోటీల్లో రాణించాలని బెల్లంపల్లి ఏరియా ఎస్వోటూ జీఎం స్వామిరాజు అన్నారు. శనివారం గోలేటి టౌన్‌షిప్‌లోని భీమన్న స్టేడియంలో డబ్ల్యూపీఎస్‌ అండ్‌ జీఏ 93వ వార్షిక క్రీడల్లో భాగంగా నియర్‌ బై అథ్లెటిక్స్‌ పోటీలను ప్రారంభించారు. ఈ సందర్భంగా ఆయన మాట్లాడుతూ బెల్లంపల్లి, మందమర్రి ఏరియాల ఉద్యోగ క్రీడాకారులు సమిష్టిగా పాల్గొని కోలిండియా పోటీల్లో పతకాలు సాధించాలన్నారు. ఏఐటీయూసీ బ్రాంచి కార్యదర్శి ఎస్‌.తిరుపతి, డీజీఎం పర్సనల్‌ దేవరకొండ కిరణ్‌బాబు, డబ్ల్యూపీఎస్‌ అండ్‌ జీఏ గౌరవ కార్యదర్శి ప్రశాంత్‌, స్పోర్ట్స్‌ సూపర్‌వైజర్‌ అశోక్‌, కోఆర్డినేటర్‌ కిరణ్‌బాబు, జన రల్‌ కెప్టెన్‌ అబ్బాస్‌, ఏఐటీయూసీ నాయకులు మారం శ్రీనివాస్‌, రాజేష్‌ తదితరులు పాల్గొన్నారు.

ఆసిఫాబాద్‌అర్బన్‌: గంజాయి వ్యసనాన్ని వదిలి పెట్టాలని, గతాన్ని పాఠంగా తీసుకుని భవిష్యత్తును కాపాడుకోవాలని ఎస్పీ నితిక పంత్‌ సూచించారు. నషా ముక్త్‌ భారత్‌ కార్యక్రమంలో భాగంగా ఈగల్‌ ఫోర్స్‌ సహకారంతో శుక్రవారం ఆసిఫాబాద్‌ పోలీ సు స్టేషన్‌లో గంజాయి వినియోగించే వారికి ప్రత్యే క కౌన్సెలింగ్‌ నిర్వహించారు. ఈ సందర్భంగా వారి తో నేరుగా మాట్లాడి గంజాయి వినియోగానికి కారణాలు, కుటుంబ నేపథ్యం, ప్రస్తుత జీవన పరిస్థితులు, ఆర్థిక స్థితిగతులు, కుటుంబ పోషణ బాధ్యతలు తదితర వివరాలను తెలుసుకున్నారు. డీఎస్పీ అశోక్‌ గంజాయి వినియోగంతో కలిగే అనర్థాలపై అవగాహన కల్పించారు. శారీరక, మానసిక ఆరోగ్య సమస్యలు, వ్యక్తిగత జీవితంపై పడే ప్రతికూల ప్ర భావాలు, కుటుంబ సమస్యలు, ఇబ్బందులు, ఆర్థి క నష్టాలను వివరించారు. కాగజ్‌నగర్‌, ఈస్‌గాం ప్రాంతాలతోపాటు మహారాష్ట్ర సరిహద్దు ప్రాంతా లు, చంద్రాపూర్‌, రాజూరా తదితర ప్రాంతాల నుంచి గంజాయి అక్రమ రవాణా జరిగే అవకాశం ఉ న్నందున ప్రత్యేక నిఘా ఏర్పాటు చేస్తున్నట్లు ఎస్పీ తెలిపారు. వ్యసనానికి అలవాటుపడిన వ్యక్తులు స్వచ్ఛందంగా గంజాయిని విడిచిపెట్టాలన్నారు. కు టుంబ సభ్యులు కూడా వారికి అండగా నిలిచి, సా ధారణ జీవనంలోకి తిరిగి వచ్చేలా సహకరించాలని కోరారు. ఆరోగ్యకరమైన సమాజ నిర్మాణం కోసం డ్రగ్స్‌కు దూరంగా ఉండాలని, ‘సే నో టు డ్రగ్స్‌– సే ఎస్‌ టు లైఫ్‌’ అనే సందేశాన్ని ప్రతిఒక్కరూ పాటించాలని పిలుపునిచ్చారు. కార్యక్రమంలో పట్టణ సీఐ నీలం రవి, సిబ్బంది పాల్గొన్నారు.

రెబ్బెన: బొగ్గు ఉత్పత్తి, రక్షణలో ఖైరిగూర ఓసీపీ ఆదర్శంగా నిలుస్తోందని బెల్లంపల్లి ఏరియా జీఎం శ్రీరమేశ్‌ అన్నారు. 2024–25 ఆర్థిక సంవత్సరంలో ఖైరిగూర ఓసీపీ జాతీయ స్థాయిలో 5 స్టార్‌ రేటింగ్‌ సాధించిన నేపథ్యంలో శుక్రవారం ఓసీపీపై సంబురాలు నిర్వహించారు. జీఎం మాట్లాడుతూ పనితీరు, రక్షణ చర్యలు, నిర్వహణ, సౌకర్యాలు, పర్యావరణ హిత చర్యలు, కార్మిక సంక్షేమం వంటి 84 అంశాల్లో జాతీయ స్థాయిలో 100 మార్కులకు 91కి పైగా మార్కులతో ఖైరిగూర ఓసీపీ ఉత్తమంగా నిలిచిందన్నారు. అధికారులు, ఉద్యోగులు సమష్టిగా పనిచేస్తుండడంతోనే 5 స్టార్‌ రేటింగ్‌ సాధ్యమైందన్నారు. అనంతరం అత్యవసర సమయంలో సీపీఆర్‌ చేసే విధానంపై రెస్క్యూ సిబ్బంది అవగాహన కల్పించారు. కార్యక్రమంలో ఏఐటీయూసీ గోలేటి బ్రాంచి కార్యదర్శి ఎస్‌.తిరుపతి, ప్రాజెక్టు అధికారి ఎం.నరేందర్‌, ఎస్వోటూ జీఎం స్వామిరాజు, ఏరియా ఇంజినీర్‌ వీరన్న, ప్రాజెక్టు మేనేజర్‌ శంకర్‌, ఫిట్‌ కార్యదర్శి మారం శ్రీనివాస్‌, ఇన్‌చార్జి పీఈ ఎస్‌.రాజు, సేఫ్టీ అధికారి గౌతమ్‌ రాజేష్‌ రెడ్డి, ఇతర అధికారులు, ఉద్యోగులు పాల్గొన్నారు.

కౌటాల: జిల్లాలోని రైతుల భూ సమస్యల పరిష్కారానికి చర్యలు తీసుకుంటున్నామని కాగజ్‌నగర్‌ సబ్‌ కలెక్టర్‌ హర్ష్‌ చౌదరి అన్నా రు. కౌటాల మండల కేంద్రంలోని రైతు వేదికలో శుక్రవారం ఏర్పాటు చేసిన రెవెన్యూ సదస్సులో మాట్లాడారు. భూ సమస్యలు ఎప్పటికప్పుడు పరిష్కరించేందుకు రెవెన్యూ సదస్సులు ఏర్పాటు చేస్తున్నామని తెలిపారు. స మస్యలున్న రైతులు దరఖాస్తులు చేసుకోవా లని, అధికారులు పరిశీలించి క్షేత్రస్థాయిలో సమాచారంతో పరిష్కారానికి చర్యలు తీసుకుంటారన్నారు. ప్రజాసేతు యాప్‌ను సద్వి నియోగం చేసుకోవాలని సూచించారు. ఇంటి వద్ద నుంచే క్యూఆర్‌ కోడ్‌తో దరఖాస్తు చేసుకోవచ్చని పేర్కొన్నారు. అనంతరం దరఖా స్తులు పరిశీలించి, పరిష్కరించాలని అధికారులను ఆదేశించారు. తహసీల్దార్‌ ప్రమోద్‌కుమార్‌, రెవెన్యూ సిబ్బంది పాల్గొన్నారు.

తిర్యాణి: జిల్లాలో వ్యవసాయ పనుల సీజన్‌ కొనసాగుతున్న వేళ వీబీ జీ రాంజీ(ఉపాధిహామీ) పనులు సైతం జోరందుకున్నాయి. సాధారణంగా డిసెంబర్‌ చివరి వారం నుంచి ప్రారంభమయ్యే పనులు.. ఈసారి ఎల్‌నినో ప్రభావంతో ముందే మొదలయ్యాయి. ఓ వైపు పత్తితీత పనులు కొనసాగుతున్నా వేతనాలు త్వరగా అందుతాయనే ఆశతో కూలీలు ఉపాధి బాట పడుతున్నాయి. గతంలో ఇదే సీజన్‌లో కేవలం 4 వేల నుంచి 5 వేల మంది మాత్రమే హాజరుకాగా, ప్రస్తుతం ఆ సంఖ్య రెండింతలైంది. ఏకంగా 10 వేలకు చేరువగా హాజరు నమోదవుతోంది. ఈ నెల 4వ తేదీన రికార్డు స్థాయిలో 10,045 మంది కూలీలు పనులకు హాజరయ్యారు. నిత్యం దాదాపు 9 వేలకు పైగా కూలీలు పనులకు వెళ్తున్నారు. ముఖ్యంగా దహెగాం మండలంలో రోజుకు 1000 మందికి పైగా కూలీలు హాజరవుతూ అగ్రభాగాన నిలవగా, అత్యల్పంగా సిర్పూర్‌(యు)లో 350 మంది కూలీలు వెళ్తున్నారు. మరోవైపు జిల్లా వ్యాప్తంగా భూగర్భ జలాల పెంపు లక్ష్యంగా జలసిరి కార్యక్రమం కింద నీటి సంరక్షణ కుంటలు, ఇంకుడు గుంతలు, ఫాంపాండ్లు వంటి దీర్ఘకాలిక ప్రయోజనకరమైన పనులపై అధికార యంత్రాంగం ప్రత్యేక దృష్టి సారించింది. పత్తితీత పనులు పూర్తయితే రానున్న రోజుల్లో కూలీల సంఖ్య మరింత పెరిగే అవకాశం ఉంది. ఇందుకు తగినట్లుగా అధికారులు ఎస్టిమేషన్లు సిద్ధం చేస్తున్నారు. సెమీ స్కిల్డ్‌ వర్కర్లుగా మేట్లు..మహాత్మా గాంధీ జాతీయ ఉపాధి పథకం నుంచీ మేట్లు కూలీలకు పనులు కల్పించడంలో కీలకంగా వ్యవహరిస్తున్నారు. కూలీల హాజరు నమోదు, పనులు చేయిస్తున్నా అన్‌స్కిల్డ్‌ లేబర్లుగానే పరిగణించేవారు. కానీ నూతనంగా వచ్చిన వీబీజీ రామ్‌జీ పథకంలో మేట్లను సెమీ స్కిల్డ్‌ వర్కర్లుగా గుర్తిస్తూ ఇటీవల కేంద్ర ప్రభుత్వం సర్క్యులర్‌ జారీ చేసింది. తద్వారా పని దినాలతో సంబంధం లేకుండా మేట్‌ సంవత్సరం అంతా (365 రోజులపాటు) పనికి వెళ్లేందుకు అవకాశం ఉంటుంది. అంతేకాకుండా గతంలో మాదిరి కూలీలతో కలిసి పనిచేయాల్సిన అవసరం ఉండదు. ఒక్కో మేటు 20 నుంచి 40 మంది కూలీలతో పని చేయించడం, కూలీల హాజరు నమోదు చేయడం, కొలతలు ఇవ్వడం వంటివి చేయాలి. ప్రస్తుతం జిల్లాలో 2,126 మంది మేట్లు ఈ పథకంలో పనిచేస్తున్నారు. గరిష్టంగా 40 మంది కూలీలకు ఒక్కో మేట్‌ అవసరం ఉండటంతో మేట్ల సంఖ్య పెరిగే అవకాశం ఉంది. వీబీజీ రామ్‌జీలో నూతనంగా కొన్ని పనులు ప్రవేశపెట్టగా, ఆన్‌లైన్‌ హాజరు లాంటి అంశాలపై గ్రామీణాభివృద్ధి శాఖ అధికారులు క్షేత్రస్థాయిలో మేట్లకు ప్రత్యేక శిక్షణ తరగతులు నిర్వహిస్తున్నారు. శిక్షణ తరగతులు నిర్వహిస్తున్నాం వీబీజీ రామ్‌జీలో భాగంగా చేపట్టబోయే పనులు, ఆన్‌లైన్‌ హాజరు నమోదు అంశాలపై క్షేత్రస్థాయిలో మేట్లకు శిక్షణ తరగతులు నిర్వహిస్తున్నాం. రానున్న నెలల్లో కూలీల సంఖ్య మరింత పెరిగే అవకాశం ఉన్నందున ఇప్పటికే పలు పనులకు సంబంధించిన ఎస్టిమేషన్లు పూర్తి చేశాం. ఈసారి ఎక్కువగా నీటి సంరక్షణకు సంబంధించిన పనులు చేపడుతున్నాం. – షాకీర్‌ ఉస్మాని, అడిషనల్‌ ప్రాజెక్ట్‌ ఆఫీసర్‌, వీబీ జీ రామ్‌జీ ‘జలసిరి’పై ప్రత్యేక ఫోకస్‌...జిల్లాలో మొత్తం 1.23 లక్షల జాబ్‌కార్డులు ఉండగా, ఇందులో 2.45 లక్షల కూలీలు ఉన్నారు. అయితే యాక్టీవ్‌ జాబ్‌కార్డులు 86 వేలు ఉండగా, 1.57 లక్షల యాక్టీవ్‌ కూలీలు నమోదయ్యారు. జిల్లాలో సరాసరి కూలీ రేటు రూ.281 ఉండటంతోపాటు, దాదాపుగా వేతనాలు పనిచేసిన 15 రోజుల్లోనే పడుతున్నాయి. ప్రస్తుతం వీబీజీ రామ్‌జీ పథకంలో నడుస్తున్న పనులను పరిశీలిస్తే అధికశాతం జలసిరి కార్యక్రమానికి సంబంధించిన పనులే ఉన్నాయి. నీటి సంరక్షణ కుంటలు, సామూహిక ఇంకుడు గుంతలు, వ్యక్తిగత ఇంకుడు గుంతలు, ఫాంపాండ్లు, చిన్న ఊట కుంటలు, నేల సంరక్షణ పనులు, పశువుల నీటి తొట్టీలు, పశువుల షెడ్లు, కందకాలు వంటి పనులకు అధిక ప్రాధాన్యమిస్తున్నారు. మరో నెలరోజుల్లో జిల్లాలో పత్తితీత పనులు పూర్తి కానుండగా, గతంలో కంటే ఈసారి ఎక్కువ మంది పనులకు హాజరయ్యే అవకాశం ఉంది. ఇందుకు తగ్గట్లు అధికారులు ఇప్పటి నుంచే నూతన పనులకు సంబంధించిన ముందస్తు ప్రణాళిక సిద్ధం చేస్తున్నారు.

ఆసిఫాబాద్‌అర్బన్‌: ఎల్‌నినో ప్రభావంతో వలసలు నివారించేందుకు వీబీజీ రాంజీ పథకం ద్వారా కూలీలకు 125 రోజుల పనిదినాలు కల్పించాలని రాష్ట్ర ప్రభుత్వ ప్రధాన కార్యదర్శి సంజయ్‌ జాజు ఆదేశించారు. శుక్రవారం హైదరాబాద్‌ నుంచి కలెక్టర్లు, అదనపు కలెక్టర్లతో ప్రభుత్వ సంక్షేమ పథకాలు, వాటి పురోగతిపై వీడియో కాన్ఫరెన్స్‌ నిర్వహించారు. ఆయన మాట్లాడుతూ వీబీజీ రాంజీ పథకం ద్వారా పంచాయతీ, అంగన్‌వాడీ భవనాలు, జలసిరి పథకం కింద ఊట కుంటలు, ఇంకుడు గుంతలు, పశువులకు తాగునీటి వనరులను కల్పించాలన్నారు. చేయూత పింఛన్‌ దరఖాస్తుల పరిశీలన పూర్తి చేయాలని, రెండో విడత ఇందిరమ్మ ఇళ్ల మంజూరు పనులు గ్రౌండింగ్‌ చేయాలని ఆదేశించారు. పీఎం ఆవాస్‌ యోజన కింద గ్రామీణ, పట్టణ ప్రాంతాల్లో ఇళ్ల మంజూరుకు చర్యలు తీసుకోవాలని సూచించారు. తాగునీటికి ఇబ్బందులు లేకుండా ప్రత్యామ్నాయ ఏర్పాట్లు చేయాలన్నారు. జిల్లా కేంద్రంలోని కలెక్టరేట్‌ నుంచి కలెక్టర్‌ కె.హరిత మాట్లాడారు. ప్రభుత్వం చేపట్టే ప్రాజెక్టులు, సంక్షేమ పథకాల అమలు, పాఠశాలల్లో వసతుల కల్ప న, వీబీజీ రాంజీ పథకం అమలుకు చర్యలు తీసుకుంటున్నామని వివరించారు. సమావేశంలో అదనపు కలెక్టర్‌ యువరాజ్‌ మర్మాట్‌, కాగజ్‌నగర్‌ సబ్‌ కలెక్టర్‌ హర్ష్‌ చౌదరి, ఆర్డీవో లోకేశ్వర్‌రావు, ఆయా శాఖల అధికారులు పాల్గొన్నారు. ఓటు నమోదుకు మరో అవకాశంఆసిఫాబాద్‌అర్బన్‌: ఎస్‌ఐఆర్‌ ప్రక్రియలో భాగంగా ఆబ్సెంట్‌, వలస, మరణం, డూప్లికేట్‌ జాబితాలో గుర్తించిన ఓటర్లకు మరోసారి ఓటు నమోదుకు ఎన్నికల సంఘం మరో అవకాశం కల్పించిందని జిల్లా ఎన్నికల అధికారి, కలెక్టర్‌ కె.హరిత తెలిపారు. జిల్లాలోని ఎన్నికల రిజిస్ట్రేషన్‌ అధికారులు, సూజర్‌వైజర్లు, బూత్‌ అధికారులు సమన్వయంతో ఓటు నమోదు చేపట్టాలని ఆదేశించారు. ఏఎస్‌డీడీ జాబితాలోని అర్హులైన ఓటర్లను అప్రమత్తం చేసి, అవగాహన కల్పించాలన్నారు. అర్హులు నిర్ణీత విధానంలో ఫారం నింపి బూత్‌స్థాయి అధికారులకు అందించాలని సూచించారు.

ఆసిఫాబాద్‌అర్బన్‌: కనీస వేతనంగా రూ.18 వేలు చెల్లించాలని, ఉద్యోగ భద్రత కల్పించా లని డిమాండ్‌ చేస్తూ డిసెంబర్‌ 15 నుంచి సమ్మెలోకి వెళ్తున్నట్లు జిల్లా కేంద్రంలోని డీఎంహెచ్‌వో కార్యాలయంలో శుక్రవారం ఆశవర్కర్లు సమ్మె నోటీసు అందించారు. సీఐ టీయూ జిల్లా కార్యదర్శి రాజేందర్‌ మాట్లాడు తూ ప్రభుత్వం ఆశవర్కర్లతో వెట్టిచాకిరీ చే యించుకుంటూ ఉద్యోగ భద్రత కల్పించడంలో విఫలమవుతుందన్నారు. తగిన గుర్తింపు, గౌరవం, వేతనాలు ఇవ్వడం లేదని ఆవేదన వ్యక్తం చేశారు. డిసెంబర్‌ 15 నుంచి చేపట్టే నిరవధిక సమ్మెలో జిల్లాలోని ఆశవర్కర్లు అధి క సంఖ్యలో పాల్గొని విజయవంతం చేయాల ని పిలుపునిచ్చారు. కార్యక్రమంలో ఆశ వర్క ర్స్‌ యూనియన్‌ జిల్లా అధ్యక్షురాలు స్వరూ ప, నాయకులు నవీన, కవిత, లలిత, నిర్మల, అర్చన, వాణి తదితరులు పాల్గొన్నారు.

ఇటీవల చోటుచేసుకున్న రెండు ఘటనలు ఈ నిర్ణయానికి ప్రధాన కారణంగా నిలిచాయి. అక్టోబర్‌ 28న పట్టణంలోని లారీ నుంచి డీజిల్‌ లీకై రోడ్డుపై పడటంతో సుమారు 35 నుంచి 40 మంది వాహనదారులు అదుపుతప్పి జారిపడి గాయపడ్డారు. అంతకు ముందు అక్టోబర్‌ 19న మిల్లు పార్కింగ్‌ ప్రదేశంలో కర్ర లారీ టైరు తలపై ఎక్కడంతో ఓ వ్యక్తి అక్కడికక్కడే దుర్మరణం చెందిన విషయం తెలిసిందే. అదే రోజు ‘పొంచి ఉన్న ప్రమాదం– కర్ర లారీల రాకపోకలపై ప్రజల ఆందోళన’ అనే శీర్షికన ‘సాక్షి’లో ప్రచురితమైన కథనాన్ని సైతం ఉత్తర్వుల్లో ప్రస్తావించారు. లారీలు రోడ్డు ప్రయాణానికి అనువైన స్థితిలో ఉండాలని, డిజిల్‌ ట్యాంకుల్లో లీకేజీలు లేకుండా చూసుకోవాలని అధికారులు స్పష్టం చేశారు. డ్రైవర్లు ట్రాఫిక్‌ నిబంధనలు, వేగ పరిమితులు తప్పనిసరిగా పాటించాల్సి ఉంటుంది. ప్రమాదవశాత్తు డీజిల్‌, ఇతర పదార్థాలు రోడ్డుపై పడితే వెంటనే శుభ్రం చేయించి ప్రజలకు ఇబ్బందులు కలగకుండా చర్యలు తీసుకోవాలని ఉత్తర్వుల్లో పేర్కొన్నారు.

ఆసిఫాబాద్‌అర్బన్‌: ఆసిఫాబాద్‌ సెగ్మెంట్‌ పరి ధిలో పనిచేస్తున్న మిషన్‌ భగీరథ కార్మికులకు ఎస్‌ఎస్‌ఆర్‌ ప్రకారం వేతనాలు చెల్లించకుండా వారి శ్రమను దోచుకుంటున్న ఐదు ఏజెన్సీలపై చర్యలు తీసుకోవాలని శుక్రవారం జిల్లా కేంద్రంలోని డివిజన్‌ కార్యాలయంలో డీఈ పృథ్వీరాజ్‌కు వినతిపత్రం అందించా రు. ఏఐటీయూసీ జిల్లా ప్రధాన కార్యదర్శి ఉపేందర్‌ మాట్లాడుతూ పదేళ్ల నుంచి తక్కు వ వేతనాలు చెల్లిస్తున్న ఏజెన్సీలను తక్షణమే బ్లాక్‌ లిస్టులో పెట్టాలని డిమాండ్‌ చేశారు. కనీస వేతనం రూ.26వేలు చెల్లించాలని పలు మార్లు విన్నవించినా పట్టించుకోవడం లేదని మండిపడ్డారు. చర్యలు తీసుకోకపోతే ఆందో ళనలు ఉధృతం చేస్తామని హెచ్చరించారు. కార్యక్రమంలో నాయకులు ఆత్మకూరి చిరంజీవి, జయకృష్ణ, షబాజ్‌, రాజేశ్వర్‌, వేణు, శ్రీకాంత్‌, హరీశ్‌ తదితరులు పాల్గొన్నారు.

దండేపల్లి: మండలంలోని గుడిరేవు గోదావరినది ఒడ్డున గల ఆదివాసీల ఆరాధ్యదైవం శ్రీపద్మల్‌పురి కాకో ఆలయంలో దండారీ సంబురాలు అంబరాన్నంటాయి. గురువారం ఉమ్మడి ఆదిలాబాద్‌ జిల్లాతోపాటు పలు జిల్లాలు, మహారాష్ట్ర నుంచి తరలివచ్చిన భక్తులతో ఆలయ ప్రాంగణం సందడిగా మారింది. ముందుగా గోదారమ్మకు శాంతి పూజలు చేశారు. అనంతరం కాకోను దర్శించుకుని మొక్కులు చెల్లించుకున్నారు. ఆ తర్వాత అక్కడే వంటకాలు చేసుకుని సహపంక్తి భోజనాలు చేశారు. దప్పుల దరువు, గుస్సాడీల నృత్యాలు, గిరిజన మహిళల సంప్రదాయ, కోలాట నృత్యాలు పలువురిని ఎంతగానో ఆకట్టుకున్నాయి. ఆదిలాబాద్‌ ఎంపీ నగేశ్‌, ఖానాపూర్‌ ఎమ్మెల్యే బొజ్జుపటేల్‌, మాజీ ఎంపీ బాపురావు, మంచిర్యాల డీసీసీ మాజీ అధ్యక్షురాలు సురేఖ పలువురు ప్రముఖులు కాకోను దర్శించుకున్నారు. భక్తుల కోసం మంచిర్యాల ఎమ్మెల్యే ప్రేంసాగర్‌రావు అన్నదానం చేశారు.

కాగజ్‌నగర్‌రూరల్‌: మండలంలోని కోసిని, చింతగూడ, కోయవాగు గ్రామాల ప్రజలకు తహసీల్దార్‌ గురువారం నోటీసులు జారీ చేశారు. సర్‌సిల్క్‌ మిల్లుకు సంబంధించిన భూముల్లో ఆక్రమణలు చేపట్టిన వారు ఏడురోజుల్లో ఖాళీ చేయాలని ఆదేశంతో భయాందోళనకు గురవుతున్నారు. ఏళ్లుగా సర్‌సిల్క్‌ భూముల్లో గుడిసెలు వేసుకుని ఉంటున్న తమను ఒక్కసారిగా మమ్మల్ని ఆక్రమణదారులు అంటే ఎలా అని ప్రశ్నిస్తున్నారు. ఏడు రోజుల్లో ఖాళీ చేయాలని లేకపోతే బలవంతంగా తొలగిస్తామని అధి కారులు చెప్పడంతో గ్రా మస్తులు ఏం చేయాలో చర్చించుకుంటున్నారు.

పాతమంచిర్యాల: దసలి రైతులపై అటవీ అధి కారులు దౌర్జన్యాలు ఆపాలని తెలంగాణ ఆది వాసీ గిరిజన సంఘం రాష్ట్ర కార్యదర్శి పూనం సచిన్‌ అన్నారు. జిల్లా కేంద్రంలో గురువారం నిర్వహించిన ముఖ్యకార్యకర్తల సమావేశంలో ఆయన మాట్లాడారు. తాతల కాలం నుంచి ఆ దివాసీ రైతులు పట్టు పరిశ్రమపై ఆధారపడి జీ విస్తున్నారని తెలిపారు. దసలి సాగు చేస్తున్న రై తులపై అధికారుల దాడులు చేయడం సరికా దన్నారు. దసలి పంటలకు ప్రభుత్వాలు రక్షణ కల్పించాలని లేకపోతే జిల్లాలో ఆందోళనలు చే పడతామన్నారు. సమావేశంలో జిల్లా కార్యదర్శి ఎర్మ పున్నం, జిల్లా కమిటీ సభ్యులు సుమల త, కర్పేత గణేశ్‌, బోగారం మల్లేశ్‌, మహేశ్వరి, శడంక రజిత, కొరితే రమ పాల్గొన్నారు.

భీమారం: విద్యుత్‌ షాక్‌తో ఒకరు మృతిచెందినట్లు ఎస్సై రాజేందర్‌ తెలిపారు. ఆయన తెలిపిన వివరాల ప్రకారం.. మండలకేంద్రంలోని మైసమ్మవాడకి చెందిన మంచాల మల్లేశ్‌ (45) బుధవారం అర్ధరాత్రి పత్తి చేను వద్ద కాపలా ఉన్నాడు. అక్కడ విద్యుత్‌ తీగకు తగలి అక్కడిక్కడే మృతిచెందాడు. పోస్ట్‌మార్టం నిమిత్తం మృతదేహాన్ని చెన్నూరు ప్రభుత్వ ఆసుపత్రికి తరలించినట్లు ఎస్సై తెలిపారు. భార్య భారతి ఫిర్యాదుతో కేసు దర్యాప్తు చేస్తున్నారు. పాముకాటుతో రైతు మృతిలక్సెట్టిపేట: రైతు పాముకాటుతో మృతి చెందినట్లు ఎస్సై గోపతి సురేష్‌ తెలిపారు. ఆయన తెలిపిన వివరాల ప్రకారం.. మండలంలోని బలరావుపేట గ్రామానికి చెందిన మండె పోచయ్య(46) తనకు ఉన్న ఎకరంలో వరి సాగు చేసుకుంటున్నాడు. రోజు మాదిరిగా గురువారం ఉదయం నీరు పెట్టేందుకు వెళ్లగా పాముకాటేసంది. గమనించిన స్థానికులు వెంటనే మంచిర్యాల ప్రభుత్వాసుపత్రికి తీసుకెళ్లారు. చికిత్సపొందుతు మృతి చెందాడు. భార్య కళావతి ఫిర్యాదు మేరకు కేసు దర్యాప్తు చేస్తున్నట్లు ఎస్సై పేర్కొన్నారు. మృతుడికి ఇద్దరు కుమారులు ఉన్నారు. దైవదర్శనానికి వచ్చి కానరాని లోకాలకు.. దండేపల్లి: మహారాష్ట్ర నుంచి దైవదర్శనానికి వచ్చిన భక్తుడు గోదావరిలో నీటి మునిగి మృతిచెందాడు. దండేపల్లి మండలంలోని గుడిరేవు గోదావరి నది వద్ద ఈ ఘటన చోటు చేసుకుంది. పోలీసులు, మృతుడి కుటుంబీకులు తెలిపిన వివరాల ప్రకారం..మహారాష్ట్రలోని చంద్రాపూర్‌ జిల్లా రాజూరా తాలూక గెర్రిగూడకు చెందిన పెందూర్‌ దివాకర్‌ (24) దండారీ ఉత్సవాల్లో భాగంగా బుధవారం రాత్రి కుటుంబ సభ్యులతో కలిసి పద్మల్‌పురి కాకో ఆలయానికి వచ్చారు. గురువారం మధ్యాహ్నం గోదావరి నదిలో స్నానానికి దిగాడు. ఈత రాక నీట మునిగాడు. గమనించిన పలువురు భక్తులు అతన్ని బయటకు తీశారు. అక్కడేఉన్న పోలీసులు సీపీఆర్‌ చేసినప్పటికీ ప్రాణాలు దక్కలేదు. పోస్టుమార్టం నిమిత్తం లక్సెట్టిపేట ప్రభుత్వ ఆసుపత్రికి తరలించారు. మృతుడి భార్య స్నేహ ఫిర్యాదు మేరకు కేసు దర్యాప్తు చేస్తున్నట్లు ఎస్సై రాజవర్ధన్‌ తెలిపారు.

మంచిర్యాలఅర్బన్‌: ఉమ్మడి ఆదిలాబాద్‌ జిల్లా అంతర్‌ క్రికెట్‌ పోటీల్లో సీవీరామన్‌ డిగ్రీ కళాశాల జట్టు విజేతగా నిలిచింది. గురువారం స్థానిక సీవిరామన్‌ డిగ్రీ కళాశాల ఆధ్వర్యంలో కేయూ పరిధిలోని ఉమ్మడి ఆదిలాబాద్‌ జిల్లా అంతర్‌ కళాశాల క్రికెట్‌ పోటీలు నిర్వహించారు. ఉమ్మడి జిల్లాలోని పలు కళాశాలల క్రికెట్‌ జట్లు పాల్గొన్నాయి. ఉత్కంఠ సా గిన పోటీల్లో సీవీరామన్‌ డిగ్రీ కళాశాల జట్టు విజేతగా నిలవగా మిమ్స్‌ కళాశాల జట్టు రన్నరప్‌గా నిలిచింది. విజేతలకు బహుమతులు అందజేశారు. కార్పొరేటర్‌ వెంకటేశ్వరావు, సీవీరామన్‌ కళాశాల పిన్సిపాల్‌ నర్సయ్య, డిగ్రీ కళాశాల యాజమాన్య సంఘం అధ్యక్షుడు రమణ పాల్గొన్నారు.

చెన్నూర్‌: దీపావళి వేడుకలను మూడురోజులు ఘనంగా నిర్వహించేందుకు మార్వాడీలు సిద్ధమవుతున్నారు. శుక్రవారం ధంతేరస్‌ (ధన త్రయోదశి) రోజున బంగారం, వెండి నగలు, కొత్త వాహనాలు కొనుగోలు చేయడంతో అదృష్టం కలిసి వస్తుందని వారి నమ్మకం. సాయంత్రం లక్ష్మీ, కుబేరుని పూజలు నిర్వహించి 13 దీపాలు వెలిగిస్తారు. దేవుని వద్ద రెండు, తులసి వద్ద ఒకటి, వ్యాపారసంస్థల ఎదుట పది దీపాలు ఏర్పాటు చేస్తారు. లక్ష్మీ, కుబేరుల ప్రార్థించడం వారికి ఆనాదిగా వస్తున్న ఆచారం. శనివారం నరక చతుర్ధశిని చిన్న దీపావళి పండుగ నిర్వహిస్తారు. సాయంత్రం వేళలో పూజలు చేసి 14 దీపాలు వెలిగిస్తారు. పూజ గదిలో కొన్ని, ఇళ్ల ముంగిట్లో పది దీపాలు ఏర్పాటు చేస్తారు. ఆదివారం అమావాస్య రోజున దీపావళి, లక్ష్మీ పూజలు, ఇళ్ల ముందు దీపాలు వెలిగిస్తారు. బాణాసంచా కాల్చి ఆనందోత్సవాలతో జరుపుకొంటారు. లక్ష్మీ కటాక్షం కలగాలని రాత్రి జాగరణ ఉండడం అనవాయితీగా వస్తోం. సోమవారం నోము దీపావళి అనంతరం సోమవారం మధ్యాహ్నం వర కు అమావాస్య ఉండడంతో సాయంత్రం నోము చేసుకుంటారు. బ్రాహ్మణులు ఉదయం నోము పూజలు నిర్వహిస్తారని వేదపండితులు తెలిపారు. మంగళవారం గోవర్థన పూజ ఆవుపేడతో వాకిలి చల్లి తులసిచెట్టు వద్ద గోవర్థన పూజ చేస్తారు. అనంతరం బాయ్‌దూజ్‌ అంటే అక్కాచెల్లెళ్లు, అన్నలకు రాఖీలు కట్టి ఆశీర్వాదం తీసుకుంటారు.

బెల్లంపల్లి: తెలంగాణ ప్రభుత్వ సాంఘిక సంక్షేమ బెల్లంపల్లి బాలుర గురుకుల సెంటర్‌ ఆఫ్‌ ఎక్స్‌లెన్స్‌ (సీవోఈ) పాఠశాల/కళాశాలకు చెందిన ఐదుగురు విద్యార్థులు రాష్ట్రస్థాయి సాఫ్ట్‌బాల్‌ పోటీలకు ఎంపికయ్యారు. ఎస్జీఎఫ్‌ ఆధ్వర్యంలో అండర్‌–19 సాఫ్ట్‌బాల్‌ పోటీల్లో పాల్గొననున్నారు. గతనెల 1న బెల్లంపల్లి కేంద్రంగా జరిగిన జోనల్‌స్థాయి పోటీల్లో బి.వినయ్‌ కుమార్‌, ఆర్‌.ప్రణవ్‌ (ఎంపీసీ, సెకండియర్‌), టి.రాజేష్‌, వి.విగ్నేష్‌ (బైపీసీ), కె.సిద్ధార్థ (ఎంపీసీ, ఫస్టియర్‌)లు ప్రతిభ కనబర్చారని ప్రిన్సిపాల్‌ ఆకిడి విజయ్‌సాగర్‌ తెలిపారు. సికింద్రాబాద్‌లో ఈనెల 6 నుంచి 8వ తేది వరకు జరిగే రాష్ట్రస్థాయిపోటీల్లో వీరు పాల్గొనున్నారు. గురువారం కళాశాలలో నిర్వహించిన కార్యక్రమంలో విద్యార్థులను ప్రిన్సిపాల్‌, ఉపాధ్యాయులు అభినందించారు. వైస్‌ ప్రిన్సిపాల్‌ తన్నీరు గోపి ఉపాధ్యాయులు కమలాకర్‌, మల్లికార్జున్‌, అఖిల్‌, జ్యోతి, శివ తేజస్విని, వ్యాయామ ఉపాధ్యాయులు అల్లూరి వామన్‌, ముచ్చకుర్తి రాజశేఖర్‌ పాల్గొన్నారు.

కాగజ్‌నగర్‌టౌన్‌: కళ్లు మూసినా ప్రపంచాన్ని చూడొచ్చని నిరూపిస్తున్నారు కాగజ్‌నగర్‌లోని ఏకలవ్య రెసిడెన్షియల్‌ మోడల్‌ స్కూల్‌ విద్యార్థులు. పాఠశాలలో గత ఆగస్టు 12 నుంచి 12 రోజుల పా టు థర్డ్‌ ఐ యాక్టివిటీపై ప్రత్యేక శిక్షణ జరిగింది. క ర్ణాటక నుంచి ప్రత్యేక నిపుణులు ఎంపిక చేసిన 100 మంది విద్యార్థులకు అవగాహన కల్పించారు. దీంతో వారికి కళ్లకు గంతలు కట్టుకుని వస్తువు వాసన బట్టి వస్తువు పేరు, కలర్‌ చెప్పడం. చేతితో తాకి రంగులను అంకెలు, కళ్లు మూసుకుని పేర్లను మనుషులను గుర్తించడం, పుస్తకాలు చదవడం వంటి అంశాలపై శిక్షణ అందజేశారు. మొదట్లో భయపడిన విద్యార్థులు 12 రోజుల్లో అద్భుతాలు చేసి చూపించారు. చదువుతోపాటు క్రీడల్లో రాణిస్తున్న ఈఎంఆర్‌ఎస్‌ విద్యార్థులు ఇప్పుడు థర్డ్‌ ఐ యాక్టివిటీలోనూ అదుర్స్‌ అనిపిస్తున్నారు. వీరి ప్రతిభ చూసి జిల్లావ్యాప్తంగా అందరూ ఆశ్చర్యపోతున్నారు.

● ఒక్కటైన ప్రేమజంట దండేపల్లి: మండలంలోని లింగాపూర్‌ గ్రామానికి చెందిన అక్షర, మహేందర్‌ పదేళ్లుగా ప్రేమించుకుంటున్నారు. పెళ్లి విషయమై మహేందర్‌ పట్టించుకోకపోవడంతో, న్యాయం కోసం అక్షర మూడురోజుల పాటు అతని ఇంటి ఎదుట దీక్ష చేపట్టిన విషయం తెలిసిందే. పోలీసుల కౌన్సెలింగ్‌, పెద్ద మనుషులు ఇరు కుటుంబాలవారికి నచ్చజెప్పారు. ఎట్టకేలకు ప్రేమజంటకు గురువారం కన్నెపల్లిలోని సదానందర హరి ఆలయంలో పెళ్లి జరిపించి ఒక్కటి చేశారు. దీంతో వారి ప్రేమకథ సుఖాంతమైంది. తక్కువ ధరకు బస్సుల అద్దెమంచిర్యాలఅర్బన్‌: కార్తీకమాసం పురస్కరించుకు ని ఈనెలలో శుభకార్యాలు, పర్యాటక స్థలాలు, టూ ర్లు, ఆలయాల సందర్శనకు వెళ్లే భక్తులు, ప్రజల కో సం బస్సులు తక్కువ ధరకు అద్దెకు ఇస్తున్నట్లు డిపో మేనేజర్‌ నరేశ్‌కుమార్‌ ఓ ప్రకటనలో తెలిపా రు.ఆర్డినరీ,ఎక్స్‌ప్రెస్‌, సూపర్‌ లగ్జ రీ, రాజధాని, లహరి ఏసీ బస్సులను కేటగిరీల వారీగా, గంటల ప్రాతిపదికన తక్కువ ధరకు అద్దె ప్రాతిపదికన అందిస్తున్నట్లు తెలిపారు. ఈ అవకాశాన్ని వినియోగించుకోవాలని కోరారు. వివరాలకు 9959 226004, 9063414569లో సంప్రదించాలని సూచించారు.

దండేపల్లి: ఆదివాసీల సంస్కృతి, సంప్రదాయాలు ఎంతో గొప్పవని ఆదిలాబాద్‌ ఎంపీ గోడం నగేష్‌ అన్నారు. దండేపల్లి మండలం గుడిరేవు గోదావరి నది ఒడ్డున గల శ్రీపద్మల్‌పురి కాకో ఆలయంలో గురువారం గుస్సాడీ దర్బార్‌ నిర్వహించారు. ఈ సందర్భంగా ఆయన మాట్లాడుతూ పద్మల్‌పురి కాకో ఆలయానికి ఎంతో చరిత్ర ఉందన్నారు. ఆలయ అభివృద్ధికి ఎమ్మెల్యే ప్రేంసాగర్‌రావు కృషి చేస్తున్నారన్నారు. ఖానాపూర్‌ ఎమ్మెల్యే వెడ్మ బొజ్జు పటేల్‌ మాట్లాడుతూ ఏటా దండారీ ఉత్సవాలతో పాటు, మిగతా సమయాల్లోనూ భక్తులు కాకో ఆలయానికి వస్తుంటారన్నారు. భక్తుల సౌకర్యార్థం గోదావరి నది వద్ద పుష్కర ఘాట్లు, మరుగుదొడ్లు నిర్మించాలని ఐటీడీఏ అధికారులతో మాట్లాడామన్నారు. మంచిర్యాల ఎమ్మెల్యే దృష్టికి తీసుకెళ్తామన్నారు. కార్యక్రమంలో మాజీ ఎంపీ బాపురావు, డీసీసీ మాజీ అధ్యక్షురాలు కొక్కిరాల సురేఖ, గిరి జన కార్పొరేషన్‌ మాజీ చైర్మన్‌ కోట్నాక తిరుపతి, ఆర్‌జీపీఆర్‌ఎస్‌ జిల్లా అధ్యక్షుడు గడ్డం త్రిమూర్తి, సర్పంచ్‌ కళావతి, రాయిసెంటర్‌ జాతీయ అధ్యక్షుడు అర్జు, తుడుందెబ్బ మండల అధ్యక్షుడు జంగు, ఆదివాసీ సంఘాల నాయకులు జలపతి, జంగు తదితరులు పాల్గొన్నారు. అధికారుల గైర్హాజర్‌గుస్సాడీ దర్బార్‌కు ఏ ఒక్క అధికారి కూడా హాజరు కాకపోవడంతో ఆదివాసీ సంఘాల నాయకులు అసంతృప్తి వ్యక్తం చేశారు. దర్బార్‌ వేళ ఆదివాసీలు అందరూ ఒక్కచోట కలుస్తారు. సమస్యలను విన్నవించేందుకు నిర్వహించిన కార్యక్రమానికి అధికారులు హాజరు కాకపోవడం గమనార్హం.

ఆసిఫాబాద్‌అర్బన్‌: కరువు జిల్లాగా ప్రకటించి ప్రజలను ఆదుకోవాలని సీపీఎం రాష్ట్ర కమిటీ సభ్యుడు, జిల్లా ఇన్‌చార్జి భూపాల్‌ డిమాండ్‌ చేశారు. జిల్లా కేంద్రంలోని పార్టీ కార్యాలయంలో గురువారం నిర్వహించిన సమావేశంలో మాట్లాడారు. జిల్లాలో కేవలం ఐదు కరువు మండలాలను ప్రకటించారని, మిగిలి న పది మండలాలను సైతం కరువు ప్రాంతాలుగా ప్రకటించాలన్నారు. ఎల్‌నినో ప్రభావంతో నిత్యావసర వస్తువుల ధరలు భారీగా పెరుగుతున్నాయని తెలిపారు. వర్షాభావ పరిస్థితుల నేపథ్యంలో వ్యాపారులు కృత్రిమ బియ్యం కొరత సృష్టించి లాభాలు పొందేందుకు ప్రయత్నిస్తున్నారని ఆరోపించారు. ఎస్పీఎం కార్మికులతోపాటు సంఘటిత, అసంఘటిత కార్మికుల సమస్యలు పరిష్కరించాలన్నారు. రానున్న రోజుల్లో సీపీఎం ఆధ్వర్యంలో దశలవారీ ఆందోళనలు చేపడతామని తెలిపారు. సమావేశంలో జిల్లా కార్యదర్శి రాజన్న, కార్యదర్శి వర్గ సభ్యుడు దుర్గం దినకర్‌, నాయకులు శ్రీనివాస్‌, రాజేందర్‌, టీకానంద్‌, కార్తీక్‌ పాల్గొన్నారు.

ఆసిఫాబాద్‌క్రైం: కాగజ్‌నగర్‌ పట్టణంలోని రైల్వేస్టేషన్‌లో 21 రోజులుగా కొనసాగుతున్న లైఫ్‌లైన్‌ ఎక్స్‌ప్రెస్‌ వైద్యసేవలు గురువారం ముగిశాయి. ముగింపు కార్యక్రమంలో అదనపు కలెక్టర్‌ యువరాజ్‌ మర్మాట్‌, కాగజ్‌నగర్‌ సబ్‌ కలెక్టర్‌ హర్ష్‌ చౌదరి, ఎమ్మెల్యే పాల్వాయి హరీశ్‌బాబు మాట్లాడారు. మొత్తం 5,500 మందికి వైద్య సేవలు అందించగా.. 427 మందికి కంటి ఆపరేషన్లు, 55 మందికి చెవి, ముక్కు, గొంతు ఆపరేషన్లు, 12 మందికి ప్లాస్టిక్‌ సర్జరీలు, ఐదుగురికి ఎముకల సర్జరీలు, 500 మందికిపైగా పంటి చికిత్సలు అందించినట్లు తెలిపారు. 2,124 మందికి ఉచితంగా కళ్లద్దాలు పంపిణీ చేసినట్లు పేర్కొన్నారు. ఇంపాక్ట్‌ ఇండియా ఫౌండేషన్‌ సేవలు మరువలేనివని కొనియాడారు. రోగులు, అటెండర్లు సుమారు ఆరు వేల మందికి ప్రజాబంధు ఫౌండేషన్‌ ఆధ్వర్యంలో 21 రోజులపాటు భోజన సౌకర్యం కల్పించామని ఎమ్మెల్యే తెలిపారు. అనంతరం ఉచిత వైద్య శిబిరంలో సేవలందించిన వారికి ప్రశంసాపత్రాలు అందించారు. కార్యక్రమంలో డీఎంహెచ్‌వో నాగేంద్ర, డీసీహెచ్‌ఎస్‌ డాక్టర్‌ అవినాష్‌, డాక్టర్‌ సీతారాం, ఎస్పీఎం జీఎం శ్రీమన్నారాయణ, కౌన్సిలర్లు, ఫౌండేషన్‌ ప్రతినిధులు తదితరులు పాల్గొన్నారు.

Iచర్యలు అంతంతే! కెరమెరి మండలంలో వీబీజీ రామ్‌జీ పథకం సామాజిక తనిఖీలు, గ్రామసభలు గురువారం ముగిశాయి. శుక్రవారం 14వ విడత ‘ప్రజావేదిక’ నిర్వహించనున్నారు. IIIలోuవాతావరణం పొడిగా ఉంటుంది. పగటి ఉష్ణోగ్రతలు సాధారణంగా నమోదవుతాయి. రాత్రి ఉష్ణోగ్రత స్వల్పంగా తగ్గుతుంది. చలి ప్రభావం పెరుగుతుంది. నేడే ధంతేరస్‌ దీపావళి వేడుకలు నిర్వహించేందుకు మార్వాడీలు సిద్ధమయ్యారు. శుక్రవారం ధంతేరస్‌ రో జున బంగారం, వెండి నగలు కొనుగోలు చేస్తే కలిసి వస్తుందని నమ్ముతారు. IIలోuశుక్రవారం శ్రీ 6 శ్రీ నవంబర్‌ శ్రీ 2026

పెంచికల్‌పేట్‌: గ్రామీణ ప్రాంతాల్లో నాటుసారా త యారీ, అమ్మకాలపై ఈ నెల 4న ‘సాక్షి’లో ప్రచురి తమైన ‘గుడుంబా మత్తులో పల్లెలు’ అనే కథనానికి ఎకై ్సజ్‌ శాఖ అధికారులు స్పందించారు. పెంచికల్‌పేట్‌ మండలం దరోగపల్లి గ్రామంలోని నాటుసారా స్థావరాలపై గురువారం దాడి చేశారు. పత్తి చేలలో నాటుసారా తయారీకి సిద్ధంగా ఉంచిన 400 లీటర్ల బెల్లం పానకం, ప్లాస్టిక్‌ డ్రమ్ములను ధ్వంసం చేశారు. గుడుంబా విక్రయిస్తున్నారనే అనుమానంతో పలువురి ఇళ్లలో సోదాలు చేశారు. గ్రామంలో నాటుసారా తయారు చేసినా, విక్రయించినా కేసులు నమోదు చేస్తామని హెచ్చరించారు. దాడుల్లో ఎస్సైలు మాన్‌సింగ్‌, సందీప్‌కుమార్‌, సిబ్బంది పాల్గొన్నారు.

కాగజ్‌నగర్‌టౌన్‌: చదువు మాత్రమే కాకుండా క్రీడలు కూడా భవిష్యత్తుకు బాటలు వేస్తాయని నిరూపిస్తున్నారు కాగజ్‌నగర్‌ ఏకలవ్య మోడల్‌ రెసిడెన్షియల్‌ స్కూల్‌(ఈఎంఆర్‌ఎస్‌) విద్యార్థులు. చదువుతోపాటు క్రీడల్లోనూ రాణిస్తూ రాష్ట్ర, జాతీయస్థాయి పోటీల్లో ప్రతిభ చాటుతున్నారు. పాఠశాలలో కోచ్‌లు, ఉపాధ్యాయలు అందిస్తున్న ప్రోత్సాహాన్ని సద్వినియోగం చేసుకుంటున్నారు. అక్టోబర్‌ 29 నుంచి 31 వరకు మేడ్చల్‌లో జరిగిన రాష్ట్రస్థాయి పోటీల్లో ఈఎంఆర్‌ఎస్‌ విద్యార్థులు సత్తా చాటారు. స్కూల్‌ గేమ్స్‌ ఫెడరేషన్‌ ఆఫ్‌ ఇండియా ఆధ్వర్యంలో జరిగే జాతీయస్థాయి పోటీలకు ఎంపికయ్యారు. క్రీడాకారులను ప్రిన్సిపాల్‌ రమేశ్‌, ఉపాధ్యాయులు అభినందించారు. క్రీడాపోటీల్లో సత్తా చాటిన విద్యార్థులు తమ అనుభవాలు, భవిష్యత్తు లక్ష్యాలు గురించి ‘సాక్షి’కి వివరించారు.. విద్యార్థులను ప్రోత్సహిస్తున్నాం ఏకలవ్య మోడల్‌ స్కూల్‌లో చదువుతున్న విద్యార్థులకు చదువుతోపాటు క్రీడల్లో ప్రొత్సహిస్తున్నాం. క్రీడలతో ఆత్మవిశ్వాసం, క్రమశిక్షణ, నాయకత్వ లక్షణాలు మెరుగుపడతాయి. సాయంత్రం గ్రౌండ్‌లో సాధన చేయిస్తున్నాం. క్రీడాకారుల విజయం వెనక కోచ్‌ కష్టం ఉంది. – రమేశ్‌, ప్రిన్సిపాల్‌, ఈఎంఆర్‌ఎస్‌, కాగజ్‌నగర్‌

ఆసిఫాబాద్‌రూరల్‌: జిల్లాలో తాగునీటి సమస్యలు తలెత్తకుండా ఈ నెల 16 నుంచి డిసెంబర్‌ 31 వరకు ప్రత్యేక డ్రైవ్‌ నిర్వహిస్తున్నట్లు కలెక్టర్‌ కె.హరి త తెలిపారు. జిల్లా కేంద్రంలోని కలెక్టరేట్‌లో గురువారం పంచాయతీరాజ్‌, మిషన్‌ భగీరథ, ఎంపీడీవోలు, వివిధ శాఖల అధికారులతో సమీక్ష సమావేశం నిర్వహించారు. గ్రామాల్లో నీటి సమస్యలు రాకుండా మరమ్మతులు పూర్తి చేయాలన్నారు. నీటి మట్టం తగ్గిపోయి సమస్యలు ఎదురయ్యే గ్రామాలను గుర్తించి, ట్యాంకుల ద్వారా నీటిని సరఫరా చేసేందుకు సిద్ధం కావాలని ఆదేశించారు. ఎలాంటి ఇబ్బందులు ఉన్నా టోల్‌ ఫ్రీ నంబర్‌ 1916కు సమాచారం ఇవ్వాలని సూచించారు. తాగునీటి సరఫరా, పశుగ్రాసం పెంపకం కోసం సర్పంచులు, కార్యదర్శులకు ప్రత్యేక సమావేశం నిర్వహించాలని సూ చించారు. సమావేశంలో డీపీవో భిక్షపతి, మిషన్‌ భగీరథ ఈఈలు రాకేష్‌, సిద్దిక్‌, వివిధ శాఖల అధికారులు పాల్గొన్నారు. విద్యార్థులకు వ్యాసరచన పోటీలు నిర్వహించాలిఆసిఫాబాద్‌రూరల్‌: విద్యార్థులకు ప్రతినెలా ఎలక్ట్రోరల్‌ లిటరసీపై వ్యాసరచన పోటీలు నిర్వహించాల ని కలెక్టర్‌ కె.హరిత అన్నారు. గురువారం హైదరా బాద్‌ నుంచి రాష్ట్ర ముఖ్య ఎలక్ట్రోరల్‌ అధికారి సుదర్శన్‌రెడ్డి కలెక్టర్లు, అధికారులతో వీడియో కాన్ఫరెన్స్‌ ద్వారా సమీక్షించారు. విద్యార్థులకు వ్యాసరచన, క్విజ్‌ పోటీలు నిర్వహించాలని ఆదేశించారు. కలెక్టరేట్‌లో కలెక్టర్‌ కె.హరిత మాట్లాడారు. జిల్లాలోని ఉన్నత పాఠశాలలు, ఇంటర్‌, డిగ్రీ విద్యార్థులకు ప్రతినెలా ఓటర్ల జాబితా, ఓటు వేయడం, ప్రాముఖ్యతపై వ్యాసరచన పోటీలు నిర్వహించాలన్నారు. వ్యాస రచనలో 50 ప్రశ్నలు ఉండాలని, జిల్లావ్యాప్తంగా విద్యార్థులను ఎంపిక చేసి సర్టిఫికెట్లు అందించాలన్నారు. సమావేశంలో అదనపు కలెక్టర్‌ డేవిడ్‌, ఆర్డీవో లోకేశ్వర్‌రావు పాల్గొన్నారు. పోర్టల్‌తో పారదర్శకంగా సేవలుఆసిఫాబాద్‌రూరల్‌: ఈ– హెఆర్‌ఎంఎస్‌ పోర్టల్‌ ద్వారా ఉద్యోగులకు పారదర్శకంగా ఆర్థిక సేవలు అందిస్తున్నట్లు కలెక్టర్‌ హరిత తెలిపారు. జిల్లా కేంద్రంలోని కలెక్టరేట్‌లో గురువారం ఏర్పాటు చేసిన శిక్షణ కార్యక్రమానికి హాజరై సూచనలు చేశారు. రాష్ట్ర ఆర్థిక శాఖ, జిల్లా ఖాజానా శాఖ ఆధ్వర్యంలో నూతనంగా ఈ– హెచ్‌ఆర్‌ఎంఎస్‌ సేవలు అందుబాటులోకి తెచ్చినట్లు తెలిపారు. ఉద్యోగుల సర్వీస్‌ వివరాలు, క్రమబద్ధీకరణ, ఇంక్రిమెంట్‌ అర్జిత సెలవుల వంటి సేవలను ఉద్యోగుల వ్యక్తిగత లాగిన్‌తో పొందవచ్చని పేర్కొన్నారు.

వాంకిడి: ఎల్‌నినోతో జిల్లాలో నెలకొన్న వర్షాభావ పరిస్థితులతో అనేక రంగాలు దెబ్బతింటున్నాయి. లోటు వర్షపాతంతో చెరువులు, రిజర్వాయర్లు నిండకపోవడంతో రాష్ట్రవ్యాప్తంగా కరువు పరిస్థితులు నెలకొన్నాయి. ఈ ప్రభావం చేప పిల్లల పెంపకంపైనా పడింది. చెరువులు, కుంటలు నిండకపోవడం.. తాగు, సాగు నీటికి ఇబ్బందులు ఎదురవుతాయనే అంచనాల నేపథ్యంలో చేప పిల్లల పంపిణీని ఇప్పటికీ ప్రాంరంభించలేదు. జూలై, ఆగస్టులోనే చేప వి త్తనం అందించాల్సి ఉండగా, ప్రస్తుత పరిస్థితుల్లో అసలు పంపిణీ ఉంటుందా.. లేదా.. అనే దానిపై స్పష్టత కరువైంది. ఈ నేపథ్యంలో చేపపిల్లలకు బదులుగా నగదు చెల్లిస్తే కొంత ఉపయోగకరంగా ఉంటుందని మత్స్య సహకార సంఘాల సభ్యులు అభిప్రాయం వ్యక్తం చేస్తున్నారు. జిల్లాలో 276 జలాశయాలుజిల్లాలో మొత్తం 276 జలాశయాలు ఉండగా.. అందులో చిన్న చెరువులు(ఆరు నెలలు సరిపడా నీటి నిల్వ ఉండే చెరువులు) 261, పెద్ద చెరువులు 11, రిజర్వాయర్లు 4(కుమురంభీం, వట్టివాగు, ఎన్టీఆర్‌, పీపీరావు ప్రాజెక్టులు) ఉన్నాయి. రిజర్వాయర్లతో పాటు కొన్ని పెద్ద చెరువుల నుంచి సాగు నీటిని విడుదల చేయడంతోపాటు చేపలు పెంచుతుంటారు. గతేడాది 1.44 కోట్ల చేప పిల్లల పెంపకం లక్ష్యంగా పెట్టుకోగా.. 135 చెరువుల్లో 1.9 కోట్ల చేప విత్తనాలు పంపిణీ చేశారు. చిన్న చెరువుల్లో 35– 40 మి.మీ.ల సైజు పిల్లలు, పెద్ద చెరువులు, రిజర్వాయర్లలో 80– 100 మి.మీ.ల సైజు పిల్లలను విడుదల చేశారు. ఈ ఏడాది సైతం అదే లక్ష్యంతో అధికారులు ప్రణాళికలు రూపొందించారు. కానీ ప్రస్తుత పరిస్థితులు అధికారులు, ప్రభుత్వాన్ని సందిగ్ధంలోకి నెట్టేశాయి. ఇరిగేషన్‌ అధికారుల సూచనల ప్రకారం నీరు నిలకడగా ఉన్న పెద్ద చెరువులు 11, నాలుగు రిజర్వాయర్లలో దాదాపు 78 లక్షల సీడ్‌ వదిలే అవకాశాలు ఉన్నట్లు అధికారులు చెబుతున్నారు. చిన్నచెరువులు ఎండిపోయే ప్రమాదంజిల్లాలోని 81 మత్స్య సహకార సంఘాల్లో 3400 మందికి పైగా సభ్యులు ఉన్నారు. చేపలు పట్టడమే జీవనాధారంగా బతుకు సాగిస్తున్నారు. ఎల్‌నినో ప్రభావంతో వీరి జీవితాలు ప్రశ్నార్థకంగా మారాయి. వర్షాలు లేక చేప విత్తనాలు ఇప్పటివరకు పంపిణీకి నోచుకోలేదు. మరికొన్ని నెలల్లోనే చిన్న చెరువులు ఎండిపోయే ప్రమాదం ఉంది. ఇప్పుడు విత్తన పంపిణీ చేస్తే ఎంత వరకు ఎదుగుదల ఉంటుందోనని అధికారులు యోచిస్తున్నారు. ఎండలు పెరిగితే చెరువులు నీరు అడుగంటి మత్స్యకారులు తీవ్రంగా నష్టపోతారు. నగదు బదిలీ చేస్తే..ఎండలతో చేపల ఎదుగుదల దిగుబడిపై తీవ్ర ప్రభావం పడే అవకాశం ఉన్నందున మత్స్యకారుల్లో ఆందోళన మొదలైంది. ఈ నెలలో విత్తనాలు పంపిణీ చేసినా అవి ఎదగాలంటే కనీసం 6 నుంచి 8 నెలల సమయం పడుతుంది. వేసవి నాటికే చెరువులు పూర్తిగా ఎండిపోయే ప్రమాదం ఉంది. చేప పిల్లల పంపిణీకి బదులు కార్మికులకు నగదు బదిలీ చేస్తే కొంత మేలు జరుగుతుందని కొందరు మత్స్య సహకార సంఘాల సభ్యులు అభిప్రాయపడుతున్నారు. అధికారులు ఈ విషయాన్ని ప్రభుత్వం దృష్టికి తీసుకెళ్లి అండగా నిలవాలని కోరుతున్నారు.

రెబ్బెన: వర్షాభావ పరిస్థితులు ఇప్పటికే వ్యవసాయ రంగాన్ని కుదేలు చేయగా, దాని ప్రభావం సామా న్య, మధ్యతరగతి ప్రజలపై పడుతోంది. వానాకా లంలో ఇప్పటికే వరి సాగు విస్తీర్ణం తగ్గగా, యాసంగిలోనూ ఇదే పరిస్థితి కొనసాగనుంది. ఈ నేపథ్యంలో కొన్ని రోజులుగా బియ్యం ధరలకు రెక్కలు వ స్తున్నాయి. రెండు నెలల క్రితం ఉన్న ధరలకు ప్రస్తు తం విక్రయిస్తున్న ధరలకు పొంతన లేకుండా పో యింది. రోజురోజుకూ ధరలు ఆకాశన్నంటుతుండటంతో సామాన్య, మధ్యతరగతి ప్రజలు బియ్యం కొని తినలేని పరిస్థితులు తలెత్తుతున్నాయి. దీంతో ప్రభుత్వం ధరల కట్టడికి చర్యలు ప్రారంభించింది. అధికార యంత్రాంగాన్ని రంగంలోకి దించింది. పౌర సరఫరాల శాఖ అధికారులు విస్తృతంగా తనిఖీలు చేపడుతున్నారు. వ్యాపారులకు అవగాహనప్రభుత్వమే రకాలను బట్టి బియ్యం ధరలను నిర్ణయించింది. బీపీటీ క్వింటాల్‌కు రూ.6,400, హెచ్‌ఎంటీ, సోనా రకం బియ్యానికి రూ.7,400, జై శ్రీరామ్‌ రూ.7,900గా ధర నిర్ణయించింది. రంగంలోకి దిగిన జిల్లా సివిల్‌ సప్లై అధికారులు స్పెషల్‌ డ్రైవ్‌ చేపట్టారు. మిల్లర్లు, హోల్‌సేల్‌ వ్యాపారులతో సమావేశం నిర్వహిస్తూ నిబంధనలను వివరిస్తున్నారు. ప్రభుత్వం నిర్ణయించిన ధరలను వివరిస్తూ పోస్టర్‌ సైతం అందజేశారు. ధరల పట్టికను షాపుల వద్ద ఏర్పాటు చేయాలని సూచించారు. నిర్దేశించిన ధరలకే బియ్యం విక్రయించాలి ప్రస్తుతం ఉన్న పరిస్థితుల్లో బియ్యం ధరలను నియంత్రించేందుకు ప్రభుత్వం తీసుకున్న నిర్ణయాలను రైస్‌మిల్లర్లు, రైస్‌ డిపోలు, దుకాణదారులకు తెలియజేస్తున్నాం. రైస్‌మిల్లర్లు, హోల్‌సేల్‌ వ్యాపారులతో సమావేశం నిర్వహించాం. నిర్దేశించిన ధరల ప్రకారమే బియ్యం విక్రయించాలని ఆదేశించాం. ధరల పట్టికతో కూడిన పోస్టర్లను సైతం అందజేశాం. నిబంధనలు ఉల్లంఘిస్తే కఠిన చర్యలు తీసుకుంటాం. – వాజిద్‌ అలీ, జిల్లా పౌర సరఫరాల అధికారిరూ.10వేలకు చేరిన ‘జైశ్రీరామ్‌’ గతంలో ఎన్నడూ లేనివిధంగా బియ్యం ధరలు రికార్డుస్థాయిలో పెరిగాయి. రెండు నెలల క్రితం క్వింటాల్‌కు రూ.6,000 నుంచి రూ.6,500 లోపే ఉన్న జైశ్రీరామ్‌ బియ్యం ప్రస్తుతం రూ.10 వేలకు అమ్ముతున్నారు. రానున్న రోజుల్లో మరింత పెరిగే అవకాశం ఉందని వ్యాపారులు చెబుతున్నారు. జైశ్రీరామ్‌ బియ్యం బాటలోనే బీపీటీ, సోనా, హెచ్‌ఎంటీ బియ్యం ధరలు పరుగెడుతున్నాయి. బియ్యం ధరల పెరుగుదలకు ప్రభుత్వం కళ్లెం వేసే చర్యలు చేపట్టినప్పటికీ వ్యాపారుల వాదన అందుకు విరుద్ధంగా ఉంది. రైస్‌ మిల్లర్లు, హోల్‌సేల్‌గా అధిక ధరలకు విక్రయిస్తుంటే.. తాము మాత్రం ప్రభుత్వం నిర్ణయించిన ధరలకు ఎలా విక్రయించాలని ప్రశ్నిస్తున్నారు. మిల్లుల వద్ద నిర్ణీత ధరలకు బియ్యం లభించనప్పుడు చిల్లర వ్యాపారులు తక్కువ ధరలకు విక్రయించడం ఎలా సాధ్యపడుతుందని ఆందోళన వ్యక్తం చేస్తున్నారు. ప్రభుత్వం మాత్రం ఈ విషయంలో సీరియస్‌గా ముందుకు సాగుతోంది. నిర్ణయించిన ధర కంటే అధిక రేటుకు విక్రయిస్తే నిత్యావసర వస్తువుల చట్టం–1955 ప్రకారం చర్యలు తీసుకుంటామని హెచ్చరిస్తోంది. ఇదిలా ఉంటే, అధికారులు తనిఖీలకు వచ్చిన సమయంలో బియ్యం ధరలు అధికంగా పెరిగినందున విక్రయించడం లేదని చెప్పాలని మిల్లర్లు దుకాణదారులకు చెప్పడం గమనార్హం.. క్వింటాల్‌ బియ్యం ధరలు(రూ.లలో)రకం రెండు ప్రస్తుతం ప్రస్తుతం నెలల క్రితం (పాతవి) (కొత్తవి) బీపీటీ 4,100 8,000 7,000 సోనా, హెచ్‌ఎంటీ 5,500 8,000 7,000 జైశ్రీరాం 6,200 10,000 8,000

చింతలమానెపల్లి: పోలీసులు ప్రజలకు మెరుగైన సేవలందించాలని ఎస్పీ నితిక పంత్‌ అన్నారు. మండల కేంద్రంలోని పోలీస్‌ స్టేషన్‌ను బుధవారం ఆకస్మికంగా తనిఖీ చేశారు. రికార్డులు, పెండింగ్‌ కేసుల వివరాలు, కేసుల దర్యాప్తు, పురోగతి, స్టేషన్‌ నిర్వహణ తదితర అంశాలను పరిశీలించారు. ఫిర్యాదుదారుల సమస్యలను ఓపికతో విని చట్టపరిధిలో పరిష్కారానికి కృషి చేయాలన్నారు. పెండింగ్‌ కేసులపై దృష్టి సారించాలని ఆదేశించారు. గుడుంబా, గంజాయి, బెట్టింగ్‌, పేకాట, అక్రమ రవాణాలపై నిరంతర నిఘా ఉండాలని, నిత్యం తనిఖీలు నిర్వహించాలన్నారు. కార్యక్రమంలో సీఐ సంతోష్‌ కుమార్‌, ఎస్సై కమలాకర్‌, సిబ్బంది పాల్గొన్నారు.

ఆసిఫాబాద్‌అర్బన్‌: ప్రత్యేక అవసరాలు గల పిల్లల అభ్యున్నతి, విద్యాభివృద్ధి, వారిలో ఆత్మవిశ్వాసం పెంపొందించేందుకు ప్రతిఒక్కరూ కృషి చేయాలని అదనపు కలెక్టర్‌ యువరాజ్‌ మర్మాట్‌ అన్నారు. జిల్లా కేంద్రంలో బుధవారం ప్రత్యేక అవసరాలు గల పిల్లల అభ్యున్నతి, హక్కులు, ప్రభుత్వ సంక్షేమ పథకాలపై అవగాహన కల్పించేందుకు జిల్లాస్థాయి ప్రత్యేక కార్యక్రమానికి డీఈవో సచ్చిదానంద చారి, అధికారులతో కలిసి హాజరయ్యారు. అదనపు కలెక్టర్‌ మాట్లాడుతూ ప్రత్యేక అవసరాలు గల పిల్లల కోసం ప్రభుత్వం విద్య, ఉపాధి రంగాల్లో రిజర్వేషన్లు, సంక్షేమ పథకాలను సద్వినియోగం చేసుకోవాలన్నారు. సమాజంలో సముచిత స్థానం, గౌరవం కల్పించడంతోపాటు వారి అభివృద్ధికి సహకరించాలని సూచించారు. పిల్లలపై వివక్ష చూపకుండా, ప్రతిభను గుర్తించి ప్రోత్సహించాలన్నారు.

ఆసిఫాబాద్‌రూరల్‌: జిల్లా కేంద్రంలోని బాలికల ఉన్నత పాఠశాలలో బుధవారం డీఈవో సచ్చిదానంద చారి చెకుముకి పోటీల పోస్టర్‌ ఆవిష్కరించారు. ఆయన మాట్లాడుతూ ఈ నెల 12న పాఠశాల స్థాయి, 21న మండల స్థాయి, 28న జిల్లాస్థాయి చెకుముకి టాలెంట్‌ టెస్ట్‌ పోటీలు నిర్వహిస్తున్నట్లు తెలిపారు. విద్యార్థుల్లో సృజనాత్మకత, సైన్స్‌ నైపుణ్యాలు పెంచేందుకు ఈ పోటీలు ఎంతో ఉపయోగపడతాయన్నారు. ప్రధానోపాధ్యాయులు తమ పాఠశాలల విద్యార్థులు పాల్గొనేలా ప్రోత్సహించాలని సూచించారు. కార్యక్రమంలో ఎస్‌వో శ్రీనివాస్‌, ఎంఈవో సుభాష్‌, జిల్లా పరీక్షల నిర్వహణ అధికారి జనార్దన్‌, జన విజ్ఞాన వేదిక జిల్లా కన్వీనర్‌ రాజేశ్‌ తదితరులు పాల్గొన్నారు.

ఆసిఫాబాద్‌అర్బన్‌: జల్‌, జంగల్‌, జమీన్‌ కోసం ప్రాణత్యాగం చేసిన కుమురంభీం 86వ స్మారక జెండా పూజను బుధవారం జిల్లా కేంద్రంలోని కుమురంభీం చౌక్‌ వద్ద ఘనంగా నిర్వహించారు. ట్రైబల్‌ వెల్ఫేర్‌ డిప్యూటీ డైరెక్టర్‌ అంబాజీ, డీసీసీ అధ్యక్షురాలు ఆత్రం సుగుణ, మాజీ ఎమ్మెల్యే ఆత్రం సక్కు, ఐటీడీఏ మాజీ చైర్మన్‌ సిడాం అర్జు ముఖ్య అతిథులుగా హాజరై భీంకు నివాళులర్పించారు. కుమురంభీం పోరాటం, త్యాగాలను ఆదర్శంగా తీసుకుని అభివృద్ధి దిశగా సాగాలని సూచించారు. అంతకు ముందు భీం విగ్రహానికి పూలమాలలు వేసి నినాదాలు చేశారు. కార్యక్రమంలో కుమురంభీం కుటుంబ సభ్యులు సీతారం, వెంకటేశ్‌, లచ్చు, నాయకులు మడావి శ్రీనివాస్‌, సుధాకర్‌, మోతీరాం, మారుతి, రఘు, బాదిరావు, మన్కు, వెంకటేశ్‌, బాపురావు తదితరులు పాల్గొన్నారు.

రెబ్బెన: ప్రతినెలా మెడికల్‌ బోర్డు నిర్వహించి, వైద్య పరీక్షల్లో అనర్హులుగా నిర్ధారించిన కార్మికులకు తగిన ఉద్యోగాలు ఇవ్వాలని ఏఐటీయూసీ గోలేటి బ్రాంచి కార్యదర్శి ఎస్‌.తిరుపతి డిమాండ్‌ చేశారు. ఏఐటీయూసీ సెంట్రల్‌ కమిటీ పిలుపు మేరకు బుధవారం గోలేటి టౌన్‌షిప్‌లోని జీఎం కార్యాలయం ఎదుట ధర్నా నిర్వహించారు. పలు డిమాండ్లతో కూడిన పత్రాన్ని జీఎం శ్రీ రమేశ్‌కు అందించారు. ఆయన మాట్లాడుతూ సింగరేణిలో మారుపేర్ల సమస్యను పరిష్కరించాలని, డిపెండెంట్‌ అభ్యర్థులకు నియామక పత్రాలు ఇవ్వాలని డిమాండ్‌ చేశారు. అర్హులైన కార్మికులకు సొంతింటి పథకం అమలు చేయాలని కోరారు. భద్రతను దృష్టిలో ఉంచుకుని కార్మికులకు బూట్లు, హెల్మెట్లు, బిట్లు, డ్రిల్‌ రాడ్లు, ఎస్‌డీఎల్‌, ఎల్‌హెచ్‌డీ యంత్రాలు, స్పేర్‌ పార్ట్స్‌, టైర్లు తదితర పరికరాలను తక్షణమే సరఫరా చేయాలన్నారు. టీజీ టీజీ జెన్‌కో, టీజీ ట్రాన్స్‌కో సంస్థల నుంచి సింగరేణికి రావాల్సిన సుమారు రూ.59వేల కోట్ల బకాయిలను రాష్ట్ర ప్రభుత్వం జోక్యం చేసుకుని ఇప్పించాలన్నారు. కార్యక్రమంలో బ్రాంచి ఉపాధ్యక్షుడు బయ్య మొగిళి, ఆర్గనైజింగ్‌ కార్యదర్శులు జగ్గయ్య, రాజేశ్‌, చంద్రశేఖర్‌, షమీ, ఫిట్‌ కార్యదర్శి అశోక్‌, ఓదెలు, షిఫ్ట్‌ ఇన్‌చార్జీలు అంజయ్య, వసీం, నాయకులు గోపాల్‌, శ్రీనివాస్‌, రమేశ్‌ తదితరులు పాల్గొన్నారు.

ఆసిఫాబాద్‌అర్బన్‌: జిల్లాలో తాగునీటి సమస్యలు రానీయొద్దని, ఇందుకోసం అధికారులు ముందస్తు చర్యలు తీసుకోవాలని కలెక్టర్‌ కె.హరిత అన్నారు. జిల్లా కేంద్రంలోని కలెక్టరేట్‌లో బుధవారం మిషన్‌ భగీరథ, పంచాయతీరాజ్‌ శాఖల అధికారులతో సమీక్ష సమావేశం నిర్వహించారు. కలెక్టర్‌ మాట్లాడుతూ జిల్లాలోని ఏ గ్రామంలో కూడా నీటి సమస్య తలెత్తకుండా ముందస్తు జాగ్రత్తలు తీసుకోవాలన్నారు. ఈ నెల 16 నుంచి డిసెంబర్‌ 31 వరకు ప్రత్యేక డ్రైవ్‌ చేపట్టాలని ఆదేశించారు. బోర్లు, సింగిల్‌ ఫేజ్‌ మోటర్లు, ఓవర్‌ హెడ్‌ ట్యాంకులు, గ్రిడ్‌ పైప్‌లైన్లకు మరమ్మతులు చేయాలన్నారు. సమావేశంలో డీపీవో భిక్షపతి, మిషన్‌ భగీరథ ఈఈలు రాకేశ్‌, సిద్దిక్‌ తదితరులు పాల్గొన్నారు. అధికారులకు అవగాహన ఉండాలి ఆసిఫాబాద్‌అర్బన్‌: రాష్ట్ర ఆర్థిక శాఖ నూతనంగా ప్రవేశపెట్టిన ఈహెచ్‌ఆర్‌ఎంఎస్‌ ఈ– సాంక్షన్‌పై అన్ని శాఖల డీడీవోలకు అవగాహన ఉండాలని కలెక్టర్‌ కె.హరిత అన్నారు. జిల్లా కేంద్రంలోని కలెక్టరేట్‌లో బుధవారం ప్రభుత్వ శాఖల డీడీవోలకు శిక్షణ నిర్వహించారు. కలెక్టర్‌ మాట్లాడుతూ ఈహెచ్‌ఆర్‌ఎంఎస్‌ ఈ– సాంక్షన్‌ విభాగాల ద్వారా కాగితరహిత కార్యకలాపాలను పారదర్శకంగా నిర్వహించేందుకు చర్యలు తీసుకోవాలన్నారు. విభాగాల నిర్వహణపై అందిస్తున్న శిక్షణను సద్వినియోగం చేసుకోవాలని సూచించారు. 6న అందరికీ అవగాహన కల్పిస్తామని తెలిపారు. ఈ సమావేశంలో జిల్లా ఖజానా శాఖ అధికారి హమీద్‌ షాఖాన్‌ తదితరులు పాల్గొన్నారు.

ఆసిఫాబాద్‌అర్బన్‌: తెలంగాణ ఫ్యాషన్‌ ఈవెంట్స్‌ ఆధ్వర్యంలో నిర్వహిస్తున్న తెలంగాణ స్పార్క్‌ బిగ్గెస్ట్‌ మోడలింగ్‌ ఈవెంట్‌ ఇన్‌ తెలంగాణ పోటీల్లో ఆసిఫాబాద్‌కు చెందిన దుర్గం స్వాతి ప్రతిభ చూపారు. మిస్టర్స్‌ కేటగిరీలో ఫైనలిస్టుగా నిలిచారు. ఈ సందర్భంగా జిల్లా కేంద్రంలోని తన నివాసంలో ఎమ్మెల్యే కోవ లక్ష్మి బుధవారం దుర్గం స్వాతిని ప్రత్యేకంగా అభినందించారు. ఎమ్మెల్యే మాట్లాడుతూ మారుమూల ప్రాంతమైన ఆసిఫాబాద్‌ నుంచి రాష్ట్రస్థాయి అందాల పోటీల్లో ఫైనల్‌కు చేరడం గర్వకారణమన్నారు. గ్రాండ్‌ ఫినాలేలో విజేతగా నిలవాలని ఆకాంక్షించారు.

ఆసిఫాబాద్‌రూరల్‌: ఉత్తమ ఫలితాలు సాధించే దిశగా పదో తరగతి విద్యార్థులకు ప్రత్యేక తరగతులు ప్రారంభమయ్యాయి. ఈ మేరకు రాష్ట్ర విద్యాశాఖ డీఈవోలకు ఆదేశాలు జారీ చేసింది. విద్యార్థి జీవితంలో అత్యంత కీలకమైన పదో తరగతి పరీక్షల్లో రాణించేలా జనవరి 9 వరకు ఈ ప్రత్యేక తరగతులు కొనసాగనున్నాయి. సాయంత్రం రోజుకొక సబ్జెక్టు చొప్పున నిర్వహిస్తారు. 7,518 మంది ‘పది’ విద్యార్థులు..జిల్లాలో ప్రభుత్వ, ప్రైవేట్‌ యాజమాన్యాల కింద 173 ఉన్నత పాఠశాలలు కొనసాగుతున్నాయి. ఇందులో 7,518 మంది విద్యార్థులు పదో తరగతి చదువుతున్నారు. పదో తరగతి విద్యార్థులకు ప్రతిరోజూ సాయంత్రం 4:45 నుంచి 5:15 గంటల వరకు ప్రత్యేక తరగతులు కొనసాగుతున్నాయి. మొదటి 20 నిమిషాలు ఆ రోజు బోధించిన అంశంపై ముఖ్యమైన విషయాలు వివరిస్తుండగా, మిగతా 40 నిమిషాలు విద్యార్థులతో సాధన చేయించాలి. సోమవారం నుంచి శనివారం వరకు రోజుకో సబ్జెక్టు చొప్పున వరుసగా తరగతులు జరుగుతాయి. సిలబస్‌లోని కీలకమైన చాప్టర్లు, క్లిష్టమైన విషయాలను వివరంగా బోధించి విద్యార్థుల సందేహాలను నివృత్తి చేయాల్సి ఉంటుంది. విద్యార్థుల అకడమిక్‌ ప్రతిభను మెరుగుపరిచి ఫలితాల్లో ఉత్తీర్ణత శాతం సాధించాలి. రోజువారీ ప్రత్యేక తరగతుల రికార్డు నిర్వహించాలి. ప్రణాళిక ఆదేశాలు ఇవి..పదో తరగతిలో వంద శాతం ఉత్తీర్ణతతో పాటు విద్యార్థులు ఉత్తమ మార్కులు సాధించడంపై పాఠశాల విద్యాశాఖ దృష్టి సారించింది. ఈ మేరకు ఎనిమిది అంశాలను అమలు చేయాలని జిల్లా విద్యాధికారులకు ఆదేశాలు జారీ చేసింది. ప్రత్యేక దృష్టి సారించాలి పదో తరగతిలో వందశాతం ఉత్తీర్ణత, ఉత్తమ ఫలితాలు సాధించేలా ఈ నెల మొదటి వారం నుంచి జనవరి 9 వరకు ప్రత్యేక తరగతులు నిర్వహిస్తాం. ప్రతిఒక్కరూ ఉత్తీర్ణత సాధించేలా వెనుకబడిన విద్యార్థులపై ఉపాధ్యాయులు ప్రత్యేక దృష్టి సారించాలి. – సచ్చిదానందచారి, జిల్లా విద్యాధికారిజిల్లాలో పదో తరగతి విద్యార్థుల వివరాలుమేనేజ్‌మెంట్‌ పాఠశాలలు బాలురు బాలికలు మొత్తం ప్రభుత్వ 7 169 166 335 కేజీబీవీ 15 0 625 625 సోషల్‌ వెల్ఫేర్‌ 5 142 225 367 ట్రైబల్‌ వెల్ఫేర్‌ 5 114 300 414 ఆశ్రమాలు 39 616 760 1,376 లోకల్‌బాడీ 53 1,511 1,020 2,531 ఎయిడెడ్‌ 1 30 14 44 ప్రైవేట్‌ 36 604 485 1,089 మోడల్‌ స్కూళ్లు 2 111 89 200 బీసీ వెల్ఫేర్‌ 5 118 213 331 మైనారిటీ వెల్ఫేర్‌ 4 88 58 146 టీడబ్ల్యూ ఈఎంఆర్‌ఎస్‌ 1 33 27 60 మొత్తం 173 3,536 3,982 7,518

ఆసిఫాబాద్‌క్రైమ్‌: కాగజ్‌నగర్‌ పట్టణంలోని ప్రధాన మార్కె ట్‌, బజార్‌ ఏరియా తదితర ప్రాంతాల్లో బుధవారం జిల్లా పౌర సరఫరాల శాఖ, తూని కల కొలతల శాఖ, రెవెన్యూ ఎన్‌ఫోర్స్‌మెంట్‌ శాఖల అధికా రులు సంయుక్తంగా తనిఖీలు నిర్వహించారు. జిల్లా పౌర సరఫరాల శాఖ అధికారి వాజి ద్‌ అలీ, లీగల్‌ మెట్రాలజీ ఇన్‌స్పెక్టర్‌ అజీజ్‌ పాషా, రెవెన్యూ ఎన్‌ఫోర్స్‌మెంట్‌ డిప్యూటీ తహసీల్దార్‌ రాజ్‌కుమార్‌ తదితరులు ఈ తనిఖీ ల్లో పాల్గొన్నారు. నిబంధనలు పాటించకుండా కొలతల్లో వ్యత్యాసాలు, తూకం హెచ్చుతగ్గులకు పాల్పడుతూ వినియోగదారులను మోసం చేసే వారిని గుర్తించారు. ఈ సందర్భంగా నలుగురు రైస్‌ ట్రేడర్స్‌ దుకాణాలు, కిరాణా షాపుల యజమానులపై కేసులు నమోదు చేశారు. జిల్లా పౌర సరఫరాల శాఖ జిల్లా అధికారి వాజిద్‌ అలీ మాట్లాడుతూ దుకాణాల్లోని బస్తాల్లో 26 కిలోల బియ్యం ఉండాలని, కొన్ని దుకాణాల్లో 25 కిలోల బియ్యం మాత్రమే ఉన్నట్లు గుర్తించామని తెలిపారు. ప్రభుత్వం నిర్దేశించి ధరలకే విక్రయాలు చేపట్టాలన్నారు. వస్తువులపై తయారీ, గడువు ముగింపు తేదీలు, తయారీ సంస్థ చిరునామా వంటి అంశాలను స్పష్టంగా ముద్రించాలని సూచించారు. అధిక ధరలకు వస్తువులు విక్రయించే వ్యాపారులు, తూకంలో మోసం చేసే వారిని గుర్తించి అధికారులకు ఫిర్యాదు చేయాలని విజ్ఞప్తి చేశారు.

ఖమ్మం స్పోర్ట్స్‌: రాష్ట్రస్థాయి పాఠశాలల అండర్‌ –17 అథ్లెటిక్స్‌ పోటీలు ఖమ్మంలోని పోలీస్‌ పరేడ్‌ మైదానంలో బుధవారం ప్రారంభమయ్యాయి. ఈసందర్భంగా డీఈవో వాసంతి క్రీడా పతాకాన్ని ఎగురవేసిన అనంతరం మాట్లాడుతూ విద్యార్థుల్లో క్రీడా ప్రతిభను మరింత మెరుగుపరుచుకునేందుకు పోటీలు దోహదం చేస్తాయని తెలిపారు. అనంతరం డీవైఎస్‌ఓ టి.సునీల్‌రెడ్డి మాట్లాడుతూ తొలిరోజు 1,500 మీటర్ల పరుగు పందెం పోటీ నిర్వహించామన్నారు. ఇందులో బాలుర విభాగం నుంచి ఎం.గణేశ్‌(నల్లగొండ) ఎం.చరణ్‌ తేజ(ఆదిలాబాద్‌), వి.గణేశ్‌(రంగారెడ్డి), బాలికల విభాగంలో ఎం.డీ.ఆస్మిన్‌(కరీంనగర్‌), ఎం.రాజేశ్వరి(ఆదిలాబాద్‌), పి.నక్షత్ర(రంగారెడ్డి) మొదటి మూడు స్థానాలు కై వసం చేసుకున్నారు.

మందమర్రిరూరల్‌: సమస్యల పరిష్కారానికి ఆగస్టు లో జరిగిన ఒప్పందం మేరకు హామీలు అమలు చేయాలని ఏఐటీయూసీ బ్రాంచ్‌ కార్యదర్శి సత్యనారాయణ డిమాండ్‌ చేశారు. బుధవారం ఏరియాలోని గనులు, డిపార్టమెంట్‌లపై నిరసన కార్యక్ర మం చేపట్టిన నాయకులు అధికారులకు వినతిపత్రాలు అందజేశారు. లేబర్‌ కమిషనర్‌ సమక్షంలో జరిగిన ఒప్పందాన్ని అమలు చేయడంలో యాజ మాన్యం ఎందుకు జాప్యం చేస్తుందని ప్రశ్నించారు. ఏరియాలోని కార్మిక సమస్యలు కూడా పరిష్కరించాలని, ప్రతి నెలా క్రమం తప్పకుండా మెడికల్‌ బోర్డు నిర్వహించాలని, సొంతింటి పథకాన్ని అమలు చేయాలని తదితర డిమాండ్‌లను వెంటనే పరిష్కరించాలని డిమాండ్‌ చేశారు. యూనియన్‌ నాయకులు, ఫిట్‌ కార్యదర్శులు ఉన్నారు.

బోథ్‌: మండలంలోని సొనాల గ్రామంలో విద్యా వాతావరణం రోజురోజుకూ బలపడుతోంది. గతంలో గ్రామం నుంచి ఉన్నత చదువుల్లో స్థిరపడిన వా రిని స్ఫూర్తిగా తీసుకుని, నేటి తరం విద్యార్థులు వై ద్య వృత్తిని తమ జీవిత ఆశయంగా ఎంచుకుంటున్నారు. సరైన మార్గదర్శకత్వం, పరస్పర సహకా రం, గ్రూప్‌ స్టడీస్‌తో కఠినమైన నీట్‌ పరీక్షను ఛేదించి విజయకేతనం ఎగురవేశారు. గ్రామానికి చెందిన పలువురు విద్యార్థులు సత్తా చాటి ప్రతిష్టాత్మక మెడికల్‌ కళాశాలల్లో ఎంబీబీఎస్‌ సీట్లు దక్కించుకున్నా రు. పట్టుదల, క్రమశిక్షణతో చదివి తెల్లకోటు ధరించి కళాశాలల్లో తొలి అడుగు వేసిన ఈ యువకిరణా లు ఉమ్మడి జిల్లాకు గర్వకారణంగా నిలుస్తున్నారు. మెరిసిన ఆణిముత్యాలు..

నెన్నెల: మండలంలోని జంగాల్‌పేటలో గల ఇంటి ఆవరణలో అక్రమంగా పెంచుతున్న గంజాయి మొక్కలను స్వాధీనం చేసుకున్నట్లు ఎస్సై జగదీశ్వర్‌రెడ్డి బుధవారం తెలిపారు. జంగాల్‌పేటకు చెందిన కోట సత్తయ్య అనే రైతు తన ఇంటికి ఆనుకొని ఉన్న పెరడులో గంజాయి మొక్కలు పెంచుతున్నట్లు అందిన సమాచారం మేరకు దాడులు చేసి పట్టుకున్నారు. వ్యవసాయ శాఖ అధికారులు, పంచాయతీ కార్యదర్శి సమక్షంలో తనిఖీ చేయగా ఏడు అడుగుల రెండు గంజాయి మొక్కలు, మూడు అడుగుల గంజాయి మొక్క, రెండు అడుగుల గంజాయి మొక్కలు లభించాయి. వాటి విలువ సుమారు రూ.40 వేలుగా అంచనా వేశారు. నిందితుడిని అదుపులోకి తీసుకున్నారు. దాడిలో సిబ్బంది విజయ్‌, ప్రసాద్‌, వంశీ, రామ్‌రాజ్‌, ఏఈవో తిరుపతి, పంచాయతీ కార్యదర్శి దేవేందర్‌, జీపీవో ప్రసన్న ఉన్నారు.

మంచిర్యాలఅర్బన్‌: టీజీఎస్‌ఆర్టీసీ బస్సులలో ప్రయాణికుల భద్రతను నిర్ధారించేందుకు యాజమాన్యం చర్యలు తీవ్రతరం చేసింది. అన్ని బస్సుల్లో ప్యాసింజర్‌ డోర్లు మూసివేసి వాహనాలు నడపాలని ఆదేశించింది. డిపో పరిధిలోని అన్ని బస్సుల్లో డోర్లు సరిగ్గా పనిచేస్తున్నాయా..? పరిశీలించి తలుపులు మూసి నడిపేలా చర్యలు చేపట్టాలని, ఈప్రక్రియపై నవంబర్‌ 7లోపు నివేదిక ఇవ్వాలని డిప్యూటీ రీజనల్‌ మేనేజర్లను ఉన్నతాధికారులు ఆదేశించారు. ప్రమాదాల నివారణకు.. బస్సులకు డోర్లు ఉన్నప్పటికీ తెరిచి ఉంచి నడపటం వల్ల ప్రమాదాలు జరిగే అవకాశం ఉండడంతో డోర్లు మూసిన తర్వాతే బస్సును స్టార్ట్‌ చేయాలని ఉన్నతాధికారులు పేర్కొంటున్నారు. ఆదిలాబాద్‌ రీజియన్‌లో మొత్తం 647 బస్సులు నడుస్తున్నాయి. ఎక్స్‌ప్రెస్‌, డీలక్స్‌, సూపర్‌ లగ్జరీ, రాజధాని, లహరి స్లీపర్‌ కోచ్‌ బస్సులన్నింటికీ తలుపులున్నాయి. పల్లెవెలుగుల్లో కొన్నింటికి డోర్లు అందుబాటులో ఉన్నా తలుపులు వేయకుండానే నడుపుతుండడంతో ప్రమాదాలు జరుగుతున్నాయని యాజమాన్యం ఆందోళన వ్యక్తం చేసింది. తమ పరిధిలోని బస్సుల్లో ప్యాసింజర్‌ డోర్లు సరిగా పని చేస్తున్నాయో లేదో తనిఖీ చేసి తలుపులు మూసిన తర్వాత బస్సులు ప్రారంభించాలని సూచించింది. పల్లె వెలుగులో సాధ్యమేనా..? హైదరాబాద్‌ దూర ప్రాంతాలకు వెళ్లే లహరీ, లగ్జరీ, ఎక్స్‌ప్రెస్‌, డీలక్స్‌ బస్సుల్లో డోర్లు మూసి బస్సులు నడపటం మాటేలా ఉన్నా.. పల్లె వెలుగుల్లో సాధ్యమేనా అన్న ప్రశ్న తలెత్తుతోంది. రాష్ట్రంలో మహల క్ష్మీ ఉచిత బస్సు ప్రయాణ పథకం అమలులోకి వ చ్చిన్నప్పటి నుంచి ఆర్టీసీ బస్సుల్లో మహిళా ప్రయాణికుల సంఖ్య రెట్టింపైంది. గ్రామీణ ప్రాంతాలకు రాకపోకలు సాగించే పల్లెవెలుగు బస్సుల్లో ప్రయాణికుల రద్దీ నియంత్రించలేనంతగా పెరిగిపోయింది. ప్రయాణికులకు సరిపడా బస్సులు లేకపోవడంతో ఉన్న బస్సులతోనే సరిపెట్టుకోవాల్సి వస్తోంది. చాలా రూట్లలో ప్రయాణికులు ఫుట్‌బోర్డ్‌లపై, తలు పుల వద్ద ప్రమాదకరంగా నిలబడి ప్రయాణిస్తుంటారు. 55 సీట్ల సామర్థ్యం ఉన్న పల్లె వెలుగులో ప్ర యాణికుల సంఖ్య 80 నుంచి 100కు పైగా ఉంటోంది. బస్సు లోపల ఖాళీ లేక తలుపుల వద్దే ఊగులాడుతుంటారు. ఈ పరిస్థితుల్లో సిబ్బంది తలుపులు మూయడం సాధ్యమేనా అనేది తేలాల్సి ఉంది. అదనపు బస్సు సర్వీసులతో.. కేవలం నిబంధనలు కఠినతరం చేయడమే కాకుండా పెరిగిన రద్దీకి అనుగుణంగా రూట్ల వారీగా మరిన్ని అదనపు పల్లెవెలుగు బస్సులను అందుబాటులోకి తేవాలని ప్రయాణికులు కోరుతున్నారు. ఫిజికల్‌ డోర్ల కంటే డ్రైవర్‌ నియంత్రించే ఆటోమెటిక్‌ డోర్‌ సిస్టమ్‌ను ప్రవేశపెట్టి డోర్‌ మూస్తే తప్ప బస్సు ముందుకు కదలని సాంకేతికతను తీసుకురావాలని సూచిస్తున్నారు. బస్సు నిండిన తర్వాత సురక్షితంగా డోర్లు మూసి ప్రయాణం కొనసాగించేలా డ్రైవర్లు, కండక్టర్లకు ప్రయాణికులు కూడా సహకరించాల్సిన అవసరం ఉంది.ఆదిలాబాద్‌ రీజియన్‌లో బస్సుల వివరాలు..

మంచిర్యాలరూరల్‌(హాజీపూర్‌): మంచిర్యాల మున్సిపల్‌ కార్పొరేషన్‌ పరిధిలోని గుడిపేటలో ఈనెల 2న లగిశెట్టి దేవక్క మెడలోంచి గొలుసు చోరీ చేసిన ఇద్దరిని అరెస్టు చేసినట్లు ఏసీపీ ప్రకాశ్‌ తెలిపారు. బుధవారం విలేకరుల సమావేశంలో వివరాలు వెల్లడించారు. గుడిపేటకు చెందిన దేవక్క సోమవారం ఉదయం తన ఇంటి ముందు ఉండగా ములుగు జిల్లా వెంకటాపూరం మండలానికి చెందిన ముత్యబోయిన ప్రేమ్‌చంద్‌, మంచిర్యాల జిల్లా బెల్లంపల్లి మండలం దుగినేపల్లికి చెందిన డోలే చంద్రకాంత్‌ స్కూటీపై వచ్చి ఆమె మెడలోంచి బంగారు మంగళసూత్రం లాక్కుని కిందకు తోసేసి పారిపోయారు. బాధితురాలు ఫిర్యాదు మేరకు కేసు దర్యాప్తులో భాగంగా మంచిర్యాల బైపాస్‌ రోడ్‌లో చేపట్టిన తనిఖీల్లో ఇద్దరు దొంగలు పట్టుబడ్డారు. విచారణలో మంచిర్యాల నగరంలోని అనిల్‌కుమార్‌ అనే స్వర్ణకారుడికి గొలుసు కరిగించి ఇస్తే డబ్బులు ఇస్తామని చెప్పడంతో మంచిర్యాల ఆర్‌పీ రోడ్‌లోని వాటర్‌ ట్యాంక్‌ సమీపంలో ఉన్న తన వర్క్‌షాప్‌కు తీసుకువెళ్లి బంగారు గొలుసును మూడు ముద్దలుగా చేసి ముగ్గురూ పంచుకున్నారు. ప్రేమ్‌చంద్‌ పరారీలో ఉండగా చంద్రకాంత్‌, స్వర్ణకారుడు అనిల్‌కుమార్‌ను రిమాండ్‌కు తరలించనున్నట్లు తెలిపారు. నిందితుల వద్ద నుంచి రెండు బంగారు ముద్దలు, స్కూటీ, రెండు మోబైల్‌ ఫోన్‌లు, బంగారం కరిగించడానికి వినియోగించిన పనిముట్లు స్వాధీనం చేసుకున్నట్లు తెలిపారు.

మంచిర్యాలఅర్బన్‌: పట్టణంలోని ప్రభుత్వ ఆశ్రమ బాలికల ఉన్నత పాఠశాల ఆవరణలో రెండు రోజుల పాటు జరుగనున్న ప్రభుత్వ ఆశ్రమ పాఠశాలల డివిజన్‌ స్థాయి క్రీడాపోటీలు బుధవారం ప్రారంభమయ్యాయి. జిల్లా గిరిజన అభివృద్ధి అధికారి సురేష్‌ ఆధ్వర్యంలో పోటీలు నిర్వహించగా మొదటి రోజు ఆరు పాఠశాలల విద్యార్థులు వాలీబాల్‌, కబడ్డీ, ఖోఖో, టెన్నికాయిట్‌, రన్నింగ్‌, లాంగ్‌జంప్‌, హైజంప్‌ పోటీల్లో పాల్గొన్నారు. ఏసీఎంవో లక్ష్మయ్య, హెచ్‌డబ్ల్యూవో స్వప్న, డీఎస్‌వో ధనలక్ష్మి, మాజీ డీఎస్‌వో జీవరత్నం పీడీ, పీఈటీలు గంగాభవాని, హరికుమార్‌, లక్ష్మణ్‌, రవీందర్‌, తదితరులు పాల్గొన్నారు.

నెన్నెల: మండలంలోని నందులపల్లి శ్రీలక్ష్మీ శ్రీనివాస రైస్‌ మిల్లును విజిలెన్స్‌, ఎన్‌ఫోర్స్‌మెంట్‌ అధికారులు తనిఖీ చేసి బుధవారం సీజ్‌ చేసినట్లు కరీంనగర్‌ విజిలెన్స్‌ ఇన్‌స్పెక్టర్‌ ప్రశాంత్‌రావు, జిల్లా సివిల్‌ సప్లయ్‌ మేనేజర్‌ కె.శ్రీకళ తెలిపారు. విలువైన ధా న్యాన్ని ప్రభుత్వానికి అప్పగించకుండా రైస్‌ మిల్లు నిర్వాహకులు మోసగించారనే ఆరోపణల మేరకు మిల్లులోని ధాన్యం నిల్వలను పరిశీలించి పంచనామా నిర్వహించారు. ధా న్యానికి సంబంధించిన వివరాలు మిల్లింగ్‌ చేసిన ధాన్యం లెక్కలు, నిల్వలకు సంబంధించిన వివరాలు సేకరించి నివేదిక రూ పొందించారు. నివేదికను ఉన్నతాధికారులకు సమర్పించినట్లు అధికారులు తెలిపా రు. ఉన్నతాధికారులు తదుపరి ఆదేశాల మేరకు చర్యలు తీసుకోనున్నట్లు వెల్లడించా రు. తహసీల్దార్‌ పిప్పిరి శ్రీనివాస్‌, సివిల్‌ సప్ల య్‌ డీటీ కె.శ్రీనివాస్‌, సివిల్‌ సప్లయ్‌ ఇన్‌స్పెక్టర్‌ భూమేశ్‌, ఆర్‌ఐ సులోచన, జీపీఓ రజిత, సుజాత, పంచాయతీ కార్యదర్శి సరి త ఉన్నారు. గూడ్స్‌ రైలు ఢీకొని యువకుడు మృతిమంచిర్యాలక్రైం: జిల్లా కేంద్రంలోని రైల్వేస్టేషన్‌లో ఒకటో నంబర్‌ ప్లాట్‌ఫాం నుంచి రెండో నంబర్‌ ప్లాట్‌ఫాంకు వెళ్లడానికి పట్టాలు దాటుతుండగా గూడ్స్‌ రైలు ఢీ కొని యువకుడు బుధవారం మృతి చెందినట్లు జీఆర్‌పీ ఎస్సై మహేందర్‌ తెలిపారు. దండెపల్లి మండలం నెల్కివెంకటాపూర్‌కు చెందిన బీరెళ్లి మురళి, పుష్పలత దంపతుల కుమారుడు శ్రీధర్‌ (46) పని మీద రైల్వే స్టేషన్‌కు వచ్చి రైలు పట్టాలు దాటుతుండగా గూడ్స్‌ రైలు ఢీకొనడంతో అక్కడికక్కడే మృతి చెందాడు. లోకో పైలెట్‌ ఇచ్చిన సమాచారం ఆధారంగా బాధితుల ఫిర్యాదు మేరకు దర్యాప్తు జరుపుతున్నామన్నారు. చీటింగ్‌ కేసులో ఆరుగురికి మూడేళ్ల జైలుజైపూర్‌: జైపూర్‌ పోలీస్‌స్టేషన్‌ పరిధిలో 2016లో సింగరేణి వారసత్వ ఉద్యోగం పేరిట డబ్బులు వసూలు చేసిన ఆరుగురికి మంచిర్యాల జిల్లా సెషన్స్‌ కోర్టు జడ్జి ఏ.వీరయ్య మూడేళ్ల జైలుశిక్ష విధిస్తూ బుధవారం తీర్పునిచ్చారు. రామకృష్ణాపూర్‌కు చెందిన ఎడ్ల రాజిరెడ్డి అలియాస్‌ గంగారాం, కొత్తగూడెంకు చెందిన గుండేటి ప్రశాంత్‌కుమార్‌, ఎల్లూరి వెంకట నిర్మల్‌కుమార్‌, కొత్త వెంకటయ్య, మురళ హర్షవర్థన్‌రావు, పెద్దపల్లి జిల్లా బేగంపేటకు చెందిన ఒజ్జ కొమురయ్యపై గతంలో చెన్నూర్‌ జేఎఫ్‌సీఎం కోర్టు మూడేళ్ల కఠిన కారాగార శిక్ష, ఒక్కొక్కరికి రూ.5వేల జరిమానా విధించింది. ఈ తీర్పుపై దాఖలైన అప్పీల్‌ను విచారించిన మంచిర్యాల జిల్లా సెషన్స్‌ కోర్టు మూడేళ్ల జైలుశిక్ష విధించినట్లు స్థానిక ఎస్సై భూమేశ్‌ తెలిపారు.

జన్నారం: అప్పుల బాధతో ఆటో డ్రైవర్‌ పురుగుల మందు తాగి ఆత్మహత్యకు పాల్పడిన ఘటన జన్నారం పోలీస్‌స్టేషన్‌ పరిధిలో చోటు చేసుకుంది. బుధవారం ఎస్సై ఉదయ్‌కిరణ్‌ తెలిపిన వివరాల ప్రకారం.. జన్నారం మండలం చింతగూడ గ్రామానికి చెందిన బాదావత్‌ రాజ్య నాయక్‌ (42) ఆటో నడుపుకుంటూ కుటుంబాన్ని పోషిస్తున్నాడు. అతని ఆటోకు రిపేర్‌ రావడంతో అప్పులు చేసి మరో రెండు ఆటోలు కొనుగోలు చేశాడు. కాగా నెల క్రితం ఒక ఆటో బోల్తా పడింది. దెబ్బతిన్న ఆటోను బాగు చేసుకోలేక, చేసిన అప్పులు తీర్చలేక మనస్తాపానికి గురై ఈనెల 3న పురుగులమందు తాగి చింతగూడ గ్రామ శివారు గోదావరి ఒడ్డున పడి ఉండగా కుటుంబ సభ్యులు జన్నారంలోని ప్రైవేట్‌ ఆసుపత్రికి, మెరుగైన చికిత్స కోసం జగిత్యాల ప్రభుత్వ ఆసుపత్రికి తరలించారు. అక్కడే చికిత్స పొందుతూ బుధవారం మృతి చెందినట్లు ఎస్సై తెలిపారు. రాజ్యనాయక్‌ భార్య కవిత ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. కాగా ఎల్‌వీ ప్రసాద్‌ ఐ ఇన్‌స్టిట్యూట్‌కు ఆయన కళ్లను దానం చేశారు.

చెన్నూర్‌: భారత ప్రజాస్వామ్యంపై ప్రతిపక్షాలు దాడికి ప్రయత్నిస్తున్నాయని బీజేపీ రాష్ట్ర ఉపాధ్యక్షుడు రఘునాధ్‌ వెరబెల్లి అన్నారు. బుధవారం స్థానిక ఫంక్షన్‌ హాల్‌లో సిటిజన్స్‌ ఫర్‌ డెమోక్రసీ ఆధ్వర్యంలో మేధావులు, వివిధ సంఘాలతో ఏర్పాటు చేసిన సమావేశంలో మాట్లాడారు. దేశాన్ని విచ్ఛిన్నం చేసేందుకు అరాచక శక్తులు పన్నిన కుట్రలో మనదేశ ప్రతిపక్ష పార్టీలు భాగస్వామ్యం అయి ఉద్యమాల పేరుతో దేశాన్ని అబాసుపాలు చేసేందుకు ప్రయత్నం చేస్తున్నాయని ఆరోపించారు. ప్రజాస్వామ్యవాదులు, జాతీయవాదులు ఏకతాటిపై నిలిచి ఈ ఆరాచక శక్తుల కుట్రలను తిప్పికొట్టాల్సిన సమయం ఆసన్నమైందన్నారు. కార్యక్రమంలో బీజేపీ జిల్లా ఉపాధ్యక్షుడు నగునూరి వెంకటేశ్వర్‌గౌడ్‌, రాష్ట్ర కార్యవర్గ సభ్యులు దుర్గం ఆశోక్‌, ప్రధాన కార్యదర్శి వెంకటేశ్వర్‌రావు, జిల్లా ఉపాధ్యక్షులు కృష్ణమూర్తి, అక్కల రమేశ్‌, పట్టి కృష్ణ, తదితరులు పాల్గొన్నారు.

నస్పూర్‌: సింగరేణిలో పెండింగ్‌లో ఉన్న పలు సమస్యలను వెంటనే పరిష్కరించాలని ఏఐటీయూసీ డీప్యూటీ ప్రధాన కార్యదర్శులు కందికట్ల వీరభద్రయ్య, ముస్కె సమ్మయ్య, బ్రాంచి కార్యదర్శి ఎస్‌కే బాజీ సైదాలు డిమాండ్‌ చేశారు. బుధవారం శ్రీరాంపూర్‌ ఏరియా జీఎం కార్యాలయం ఎదుట ధర్నా కార్యక్రమం నిర్వహించి జీఎం శ్రీనివాస్‌కు వినతి పత్రం సమర్పించారు. నాయకులు మాట్లాడుతూ సింగరేణి యాజమాన్యంతో ఆగస్టు 8న కుదిరిన ఒప్పందాలను వెంటనే అమలు చేయాలన్నారు. పెండింగ్‌లో ఉన్న డిపెండెంట్లకు నియామక పత్రాలు అందజేయాలని, మెడికల్‌ బోర్డు ప్రతీ నెల నిర్వహించాలని, మారుపేర్ల సమస్య పరిష్కరించాలని, ఉద్యోగ అర్హత వయస్సు 45 సంవత్సరాలకు పెంచాలని పేర్కొన్నారు. బ్రాంచి సంయుక్త కార్యదర్శి రాచర్ల చంద్రమోహన్‌, ఏరియా కార్యదర్శి సంపత్‌, జిల్లా కార్యదర్శి అఫ్రోజ్‌ఖాన్‌, నాయకులు నర్సయ్య, గండి సతీశ్‌, సురేశ్‌, నర్సింగరావు, సారయ్య, లచ్చన్న, నవీన్‌రెడ్డి తదితరులు పాల్గొన్నారు.

నస్పూర్‌: ప్రతీ సింగరేణి రిటైర్డ్‌ ఉద్యోగి లైఫ్‌ సర్టిఫికెట్‌ను రెన్యూవల్‌ చేసుకోవాలని శ్రీరాంపూర్‌ జీఎం మునిగంటి శ్రీనివాస్‌ అన్నారు. బుధవారం ఆయన శ్రీరాంపూర్‌ జీఎం కార్యాలయం వద్ద సింగరేణి రిటైర్డ్‌ ఉద్యోగులు, కోల్‌మైన్స్‌ పెన్షనర్ల సౌకర్యార్థం సీఎంపీఎంఎఫ్‌ గోదావరి ఖని రీజియన్‌ ఆధ్వర్యంలో ఏర్పాటు చేసిన డిజిటల్‌ లైఫ్‌ సర్టిఫికెట్‌పై అవగాహన కార్యక్రమం ప్రారంభించారు. జీఎం మాట్లాడుతూ శ్రీరాంపూర్‌ జీఎం కార్యాలయం వద్ద ఈ నెల 4, 5 తేదీలలో డిజిటల్‌ లైఫ్‌ సర్టిఫికెట్‌ క్యాంపెయిన్‌ నిర్వహించనున్నట్లు పేర్కొన్నారు. కార్యాలయం వద్ద ప్రత్యేకంగా ఏర్పాటు చేసిన కౌంటర్ల ద్వారా విశ్రాంత ఉద్యోగులకు డిజిటల్‌ లైఫ్‌ సర్టిఫి కెట్లు అందజేశారు. సీఎంపీఎఫ్‌ గోదావరిఖని రీజి నల్‌ కమిషనర్‌ గోవర్ధన్‌, గుర్తింపు సంఘం బ్రాంచి కార్యదర్శి బాజీసైదా, డీజీఎం (పర్సనల్‌) అనిల్‌కుమార్‌, డీవైపీఎం క్రాంతికుమార్‌, అన్ని గనుల సంక్షేమ అధికారులు, సీఎంపీఎంఎఫ్‌ సిబ్బంది, విశ్రాంత ఉద్యోగులు తదితరులు పాల్గొన్నారు.

ఆసిఫాబాద్‌అర్బన్‌: ఎల్‌ఆర్‌ఎస్‌ దరఖాస్తులు పెండింగ్‌ ఉంచకుండా త్వరగా పరిష్కరించాలని అదనపు కలెక్టర్‌ యువరాజ్‌ మర్మాట్‌ అన్నారు. జిల్లా కేంద్రంలోని కలెక్టరేట్‌ సమావేశ మందిరంలో మంగళవారం ఎంపీడీవో లు, పంచాయతీ కార్యదర్శులు, గిర్దావర్లు, నీటిపారుదల శాఖ ఇంజినీరింగ్‌ అధికారులతో ఎల్‌ఆర్‌ఎస్‌ పెండింగ్‌ దరఖాస్తుల పరి ష్కారంపై సమీక్ష సమావేశం నిర్వహించారు. అదనపు కలెక్టర్‌ మాట్లాడుతూ ఎల్‌ఆర్‌ఎస్‌ పథకంలో ఇళ్ల స్థలాల క్రమబద్ధీకరణ కోసం అందిన దరఖాస్తులను క్షేత్రస్థాయిలో విచారణ చేపట్టాలన్నారు. ప్రభుత్వ భూములు, నీటిపారుదల శాఖ భూములను క్షుణ్ణంగా పరిశీలించాలని ఆదేశించారు. సమావేశంలో డీపీవో భిక్షపతిగౌడ్‌, కాగజ్‌నగర్‌ డీఎల్‌పీవో హరిప్రసాద్‌, పట్టణ ప్రణాళిక అధికారి య శ్వంత్‌, సంబంధిత అధికారులు పాల్గొన్నారు.

రెబ్బెన: పిల్లల్లో విద్యాభివృద్ధికి ఉపాధ్యాయులతో పాటు తల్లిదండ్రుల భాగస్వామ్యం కీలకమని కలెక్ట ర్‌ కె.హరిత అన్నారు. మండల కేంద్రంలోని రెబ్బెన ఎస్సీ కాలనీ ఎంపీపీఎస్‌ ఉపాధ్యాయుల వ్యవహార శైలిపై ఫిర్యాదులు అందిన నేపథ్యంలో మంగళవారం పాఠశాలను ఆకస్మికంగా తనిఖీ చేశారు. క్షేత్రస్థాయిలో పరిస్థితులను పరిశీలించి వివరాలు తెలుసుకున్నారు. విద్యాబోధన తీరుతోపాటు వి ద్యార్థుల అభ్యసన సామర్థ్యాలను స్వయంగా పరి శీలించారు. పాఠ్యాంశాలకు సంబంధించిన ప్రశ్నలు అడిగారు. విద్యార్థులు చక్కగా చదవడం, ఉపాధ్యాయులు వారికి అర్థమయ్యే రీతిలో పాఠ్యాంశాలను బోధించడంపై సంతృప్తి వ్యక్తం చేశారు. కంప్యూటర్‌ తరగతులను పరిశీలించారు. కలెక్టర్‌ మాట్లాడుతూ నాణ్యమైన విద్యనందించడంతోపాటు ప్రభుత్వం నిర్దేశించిన బాధ్యతలు సమర్థవంతంగా నిర్వహిస్తున్న ఉపాధ్యాయుల కృషి అభినందనీయమన్నారు. విద్యార్థుల ఆరోగ్యం, పోషకాహారంపై ప్రత్యేక శ్రద్ధ వహించాలని సూచించారు. అనంతరం విద్యార్థుల తల్లిదండ్రులను పాఠశాలకు పిలిపించి వారితో మాట్లాడారు. విద్యాబోధన, ఉపాధ్యాయుల పనితీరు, సౌకర్యాలపై అభిప్రాయాలు తెలుసుకున్నారు. భూసమస్యల పరిష్కారానికి చర్యలుదహెగాం: జిల్లాలో భూ సమస్యల పరిష్కారానికి చర్యలు తీసుకుంటున్నామని కలెక్టర్‌ కె.హరిత తెలిపారు. మండల కేంద్రంలోని తహసీల్దార్‌ కార్యాలయ ఆవరణలో మంగళవారం నిర్వహించిన భూ భారతి దరఖాస్తుల సమస్యల పరిష్కార సదస్సుకు కాగజ్‌నగర్‌ సబ్‌ కలెక్టర్‌ హర్ష్‌ చౌదరితో కలిసి హాజరయ్యారు. కలెక్టర్‌ మాట్లాడుతూ దహెగాం మండలంలోని భూ సమస్యలను త్వరగా పరిష్కరిస్తామని, రైతులు దరఖాస్తులు చేసుకుంటే అధికారులు క్షేత్రస్థాయిలో పరిశీలిస్తారని తెలిపారు. ప్రజాసేతు యాప్‌ను సద్వినియోగం చేసుకోవాలని సూచించారు. యాప్‌ ద్వారా ఇంటి వద్ద నుంచే క్యూఆర్‌ కోడ్‌ ద్వారా దరఖాస్తు చేసుకోవచ్చన్నారు. ఈ సందర్భంగా హత్తిని గ్రామానికి చెందిన పెద్దల బాణక్క అనే మహిళా రైతుకు మీసేవలో స్లాట్‌ బుక్‌ చేసుకోవడానికి డబ్బులు లేకపోవడంతో కలెక్టర్‌ రూ.1500 నగదు అందించారు. ఈ సందర్భంగా ఆయా గ్రామాలకు చెందిన రైతుల నుంచి 41 దరఖాస్తులు స్వీకరించారు. కార్యక్రమంలో తహసీల్దార్‌ మునావార్‌ షరీఫ్‌, రెవెన్యూ సిబ్బంది పాల్గొన్నారు.

ఈ ఫొటోలో కనిపిస్తున్నది పెంచికల్‌పేట్‌ మండలం దరోగపల్లి సర్పంచ్‌ కృష్ణవేణితోపాటు గ్రామ మహిళలు. అక్రమంగా వెలసిన నాటుసారా తయారీ స్థావరాలపై ఎకై ్సజ్‌, పోలీసుశాఖ అధికారులు దాడులు చేసి నిర్వాహకులపై చర్యలు తీసుకోవాలని ఈ నెల 2వ తేదీన కలెక్టరేట్‌లో ఫిర్యాదు చేశారు. కూలీలు, యువకులు గుడుంబాకు బానిసలుగా మారి అనారోగ్యం బారిన పడుతున్నారని, కుటుంబాలు ఆర్థికంగా బలహీన పడుతున్నాయని ఆవేదన వ్యక్తం చేశారు. పెంచికల్‌పేట్‌: జిల్లాలోని మారుమూల పల్లెల్లో గుడుంబా గుప్పుమంటోంది. తయారీదారులు ప్రత్యేకంగా నీటి వసతి ఉన్న ప్రాంతాలను ఎంచుకుని నాటుసారా తయారీ చేసి దుకాణాలకు సరఫరా చేస్తున్నారు. కూలీ పనులు చేసే కుటుంబాలు బానిసలుగా మారడంతో కుటుంబాలు రోడ్డున పడుతున్నాయి. అనారోగ్యానికి గురై ప్రాణాలు కోల్పోతున్నారు. తమ గ్రామంలో గుడుంబా నిషేధించాలని కోరుతూ పెంచికల్‌పేట్‌ మండలంలోని దరోగపల్లి సర్పంచ్‌ బొట్టుపల్లి కృష్ణవేణి స్థానిక మహిళలతో కలిసి సోమవారం కలెక్టరేట్‌లో ప్రజావాణిలో ఫిర్యాదు చేయడం గుడుంబా తయారీ, విక్రయాల తీవ్రతకు అద్దం పడుతోంది. గుట్టుగా రవాణా..గ్రామీణ మండల కేంద్రాల నుంచి నిత్యం బొలేరో వాహనాలు పట్టణ ప్రాంతాలకు వాణిజ్యపరంగా రాకపోకలను సాగిస్తున్నాయి. ఈ క్రమంలో కొందరు వ్యాపారులు పట్టణాల నుంచి గుట్టుచప్పుడు కాకుండా నాటుసారా తయారీకి వినియోగించే న ల్లబెల్లం, చక్కెర, పటిక, యూరియా పెద్దఎత్తున తరలిస్తున్నారు. అక్కడి నుంచి మారుమూల ప్రాంతాల్లో గడుంబా తయారీదారులకు విక్రయిస్తున్నారు. బెల్లం అమ్మకాలపైన నిఘా పెరగడంతో వ్యాపారులు చక్కెర దిగుమతిపై దృష్టిసారించారు.దుకాణాలే అడ్డాలు..హానికరమైన పదార్థాలతో తయారు చేస్తున్న గుడుంబాను ప్యాకెట్ల రూపంలో కిరాణా దుకాణాలకు సరఫరా చేస్తున్నారు. ప్రతిరో జూ వేలాది లీటర్ల విక్రయాలు సాగుతున్నా యి. బెల్టుషాపులు, కొన్ని కిరాణాలు ఇందుకు అడ్డాలుగా మారాయి. నాటుసారా విక్రయాలను వృత్తిగా మార్చుకున్న కొంతమంది ప్రజ ల ప్రాణాలతో చెలగాటం ఆడుతున్నారు. అమ్మోనియా, యూరియా వంటి రసాయనాలతో అనారోగ్యం బారిన పడి ప్రజలు ప్రాణాలను కోల్పోతున్నారు. పెద్దదిక్కును కోల్పోవడంతో కుటుంబాలు రోడ్డున పడుతున్నాయి. సంబంధిత శాఖ అధికారులు, పోలీసులు అడపాదడపా దాడులను చేస్తూ కేసులను నమోదు చేస్తున్నా తయారీ, విక్రయాలు ఆగడం లేదు. అధికారులు స్పందించి గ్రామాల్లో నాటుసారా విక్రయాలను అరికట్టాలని ప్రజలు డిమాండ్‌ చేస్తున్నారు. కేసులు 472 నేరస్తులు 404 పట్టుకున్న నాటుసారా 1,612 లీటర్లు బెల్లం 112 కిలోలు పటిక 80 కిలోలు సీజ్‌ చేసిన వాహనాలు 39 ధ్వంసం చేసిన బెల్లం పానకం 8000 లీటర్లు బైండోవర్‌ చేసిన వ్యక్తులు 117 కేసులు నమోదు చేస్తున్నాం గ్రామాల్లో గుడుంబా తయారీ, విక్రయాలను అరికట్టడానికి ప్రత్యేక చర్యలు తీసుకుంటున్నాం. గ్రామాల్లో పక్కా సమాచారంతో దాడులు చేసి తయారీ, విక్రయదారులపై కేసులు నమోదు చేస్తున్నాం. గ్రామాల్లోని తయారీ స్థావరాల గురించి ప్రజలు సమాచారం అందించాలి. ఇప్పటికే ప్రజలకు అవగాహన సదస్సులను నిర్వహిస్తున్నాం. గుడుంబా నియంత్రణకు ఆబ్కారీ శాఖకు సహకరించాలి. – లక్ష్మానాయక్‌, జిల్లా ఎకై ్సజ్‌ శాఖ అధికారి

తిర్యాణి: మండల కేంద్రంలోని ఆశ్రమ పాఠశాలలో మంగళవారం జోనల్‌స్థాయి వాలీబా ల్‌ ఎంపిక పోటీలు నిర్వహించారు. ఈ పోటీల్లో కుమురంభీం ఆసిఫాబాద్‌, మంచిర్యాల, ఆదిలాబాద్‌, నిర్మల్‌ జిల్లాల క్రీడాకారులు హోరాహోరీగా తలపడ్డారు. గిరిజన ప్రాంతా ల్లోని విద్యార్థుల్లో దాగి ఉన్న క్రీడాప్రతిభను వెలికితీసేందుకు ఇలాంటి పోటీలు ఎంతో దోహదపడతాయని జిల్లా గిరిజన క్రీడల అధికారి మడావి శేకు తెలిపారు. బుధవారం క్రీడాకారులను ఎంపిక చేయనున్నారు. కార్యక్రమంలో జిల్లా వాలీబాల్‌ అసోసియేషన్‌ అధ్యక్షుడు బ్రహ్మం, ఆర్గనైజింగ్‌ సెక్రెటరీ కుర్సెంగ శ్రీనివాస్‌, పీడీలు గుండం లక్ష్మణ్‌, మీనారెడ్డి, సుభాశ్‌ తదితరులు పాల్గొన్నారు.

కెరమెరి: ‘ఆన్‌డ్యూటీ’(ఓడీ)లపై జిల్లా విద్యాశాఖ దృష్టి సారించింది. అదనపు కలెక్టర్‌ ఆదేశాలతో 2026 జనవరి నుంచి సెప్టెంబర్‌ 30 వరకు నమోదైన ఫేషియల్‌ రికగ్నేషన్‌ సిస్టం(ఎఫ్‌ఆర్‌ఎస్‌) ఓడీ వివరాలపై విస్తృత స్థాయి విచారణ మొదలైంది. బోధన, బోధనేతర ఉద్యోగులు నమోదు చేసిన ఓడీల వెనుక నిజానిజాలు తేల్చేందుకు ప్రత్యేక ఫార్మాట్‌తో నివేదికలు సిద్ధం చేయాలని ఆదేశాలు జారీ చేశారు. మండల స్థాయిలో ఉద్యోగులు బుధవారం సాయంత్రం వరకు ఓడీ వివరాలను ఎమ్మార్సీల్లో సమర్పించాల్సి ఉండగా, గురువారం మండల విద్యాధికారులు జిల్లా కేంద్రానికి హార్డ్‌ కాపీలను పంపించనున్నారు. క్యూఆర్‌ కోడ్‌తో లొకేషన్‌..జిల్లాలో ప్రభుత్వ పాఠశాలలు 720, కస్తూరిబా గాంధీ విద్యాలయాలు 15 ఉండగా, ఆసిఫాబాద్‌లో అర్బన్‌ రెసిడెన్షియల్‌ స్కూల్‌ ఉంది. ఆయా స్కూళ్లలో టీచింగ్‌, నాన్‌ టీచింగ్‌ సిబ్బంది 2,865 మంది విధులు నిర్వర్తిస్తున్నారు. గతంలో కాగితాల మీద రాసిచ్చిన అనుమతులతో తప్పించుకునేవారికి సాంకేతికత ఇప్పుడు చుక్కలు చూపిస్తోంది. ఎంఈవోలకు చేరిన పీడీఎఫ్‌ ఫైళ్లలో ప్రతిరోజూ నమోదు చేసిన ఓడీ పక్కనే క్యూఆర్‌ కోడ్‌ ముద్రించారు. ఆ క్యూఆర్‌ కోడ్‌ను స్కాన్‌ చేయగానే సదరు ఉద్యోగి ఆ సమయంలో ఏ ప్రాంతంలో(లొకేషన్‌) ఉన్నారనే విషయాన్ని స్పష్టంగా చూపిస్తోంది. అధికారిక పని మీద జిల్లా కేంద్రం, ప్రభుత్వ కార్యాలయానికి వెళ్లారా? లేక సొంత పనుల్లో ఉంటూ ఓడీ కొట్టారా అన్నది స్పష్టమవుతుంది. నివేదికలో ఉద్యోగితోపాటు కాంప్లెక్స్‌ హెచ్‌ఎం, ఎంఈవో సంతకం, అధికారిక స్టాంపు తప్పనిసరి చేయడంతో అధికారులు కూడా సంబంధిత రికార్డులను నిశితంగా పరిశీలిస్తున్నారు. ఉపాధ్యాయుల్లో భిన్నస్వరం..అయితే ఈ తనిఖీలపై ఉపాధ్యాయులు భిన్నంగా స్పందిస్తున్నారు. శాఖపరమైన శిక్షణలు, క్రీడాపోటీలు, కాంప్లెక్స్‌ సమావేశాలు, ఎన్నికల సంబంధిత విధులు, అధికారిక డాక్యుమెంట్ల సమర్పణ కోసం పై అధికారుల ఆదేశాలతో బడులు వదిలి వెళ్లామని కొందరు చెబుతున్నారు. అధికారులు స్వయంగా పంపించి ఇప్పుడు ఆధారాలు అందించాలంటే ఎలా అని క్షేత్రస్థాయిలో బాధ్యతలు నిర్వహించిన ఉపాధ్యాయులు ప్రశ్నిస్తున్నారు. పాత కాగితాలు, అనుమతి పత్రాలు ఫైల్‌ చేయడం తమకు పరీక్షలా మారిందని వాపోతున్నారు. మరోవైపు ఎలాంటి రాతపూర్వక అనుమతులు లేకుండా, కేవలం మౌఖిక అనుమతుల పేరుతో వ్యక్తిగతంగా వెళ్లిన కొందరు ఉద్యోగుల్లో మాత్రం వణుకు మొదలైంది. సర్వీస్‌కు ఎక్కడ మచ్చ వస్తుందోనని ఆందోళన చెందుతున్నారు. హెచ్‌ఎంలు, ఎంఈవోల చుట్టూ ప్రదక్షిణలు చేస్తూ.. రికార్డులను సర్దుబాటు చేసే పనిలో కొందరు తలమునకలైనట్లు సమాచారం.2,518 పెండింగ్‌..జిల్లాలో 15 మండలాలు ఉండగా, ప్రతీ ఎమ్మార్సీ పరిధిలో వేల సంఖ్యలో ఆన్‌డ్యూటీలు నమోదయ్యాయి. కాగజ్‌నగర్‌ మండలంలో అత్యధికంగా 10,032 ఓడీలు నమోదు కాగా, లింగాపూర్‌లో అత్యల్పంగా 1,737 నమోదయ్యాయి. ఎఫ్‌ఆర్‌ఎస్‌ పోర్టల్‌ ప్రకా రం జిల్లావ్యాప్తంగా ఏకంగా 2,158 ఓడీ ఎంట్రీలు ఆమోదం లేదా తిరస్కరణకు నోచుకో కుండా ఓడీ అప్రూవ్‌/నాట్‌ అప్రూవ్‌ విభాగంలో నిలిచిపోయాయి. దీనికి రెండు ప్రధాన కారణాలు ఉండవచ్చని భావిస్తున్నారు. ఉపాధ్యాయులు నిజంగానే ఎన్నికల విధులు, స్పాట్‌ వాల్యూయేషన్‌, సమావేశాలు, శిక్షణ తదితర అధికారిక విధులకు హాజరైనప్పటికీ సంబంధిత ఎంఈవోలు లేదా కాంప్లెక్స్‌ హెచ్‌ఎంలు వాటిని సకాలంలో పరిశీలించి ఆమోదించకపోవడం.. లేదా ముందస్తు అనుమతులు కాని, ఎలాంటి అధికారిక ఉత్తర్వులు కాని లేకుండానే పోర్టల్‌లో సొంతంగా ‘ఓడీ’గా నమోదు చేసుకుని పాఠశాలలకు హాజరు కాకపోవడం అని తెలుస్తోంది. సంబంధిత ఉద్యోగి సంతకం, రిమార్కులతో కూడిన పీడీఎఫ్‌ ఫారాలను ఎమ్మార్సీల్లో భద్రపర్చనుండగా, నివేదికలను ఎక్సెల్‌ ఫార్మాట్‌లో డీఈవో కార్యాలయానికి అందించనున్నారు. మండలాల వారీగా వివరాలుమండలం ఓడీలు కాగజ్‌నగర్‌ 10,032 ఆసిఫాబాద్‌ 8,141 రెబ్బెన 6,125 వాంకిడి 6,035 కెరమెరి 6,015 సిర్పూర్‌(టి) 5,291 చింతలమానెపల్లి 5,036 కౌటాల 4,788 దహెగాం 3,968 బెజ్జూర్‌ 3,717 జైనూర్‌ 2,915 తిర్యాణి 2,902 సిర్పూర్‌(యు) 2,005 పెంచికల్‌పేట్‌ 1,839 లింగాపూర్‌ 1,737

ఆసిఫాబాద్‌రూరల్‌: ఆదివాసీల హక్కులు, అభివృద్ధి, సంక్షేమానికి అటవీశాఖ కృషి చేస్తుందని డీఎఫ్‌వో బాలామణి అన్నారు. జిల్లా కేంద్రంలోని అటవీశాఖ కార్యాలయంలో మంగళవారం ఆదివాసీ గిరిజన సంఘాల నాయకులతో సమావేశం నిర్వహించారు. గిరిజనులు ఎదుర్కొంటున్న రహదారుల నిర్మాణం, ఆర్‌వోఆర్‌ పట్టాల మంజూరు, ఇందిరమ్మ ఇళ్ల నిర్మాణం, తదితర సమస్యలను సంబంధిత శాఖల అధికారులతో సమన్వయం చేసుకుంటూ పరిష్కరిస్తామన్నారు. అడవులను కాపాడుకోవడం అందరి బాధ్యత అని, ఆదివాసీలు సైతం అటవీ సంరక్షణలో భాగస్వాములు కావాలని కోరారు. కార్యక్రమంలో టీఏజీఎస్‌ జిల్లా నాయకులు మాలశ్రీ, అశోక్‌, దామోదర్‌, బక్కన్న తదితరులు పాల్గొన్నారు.

నిర్మల్‌: ‘ఛత్రపతి శివాజీ వారసులకు, కత్తిలాంటి కార్యకర్తలకు జన్మనిచ్చిన నిర్మల్‌గడ్డకు దండాలు’ అంటూ కేంద్రమంత్రి బండి సంజయ్‌ జోష్‌ నింపారు. ‘నిర్మల్‌ జిల్లా నలుమూలల నుంచి వేలాది గా తరలివచ్చిన కార్యకర్తలు, ప్రజలను చూస్తుంటే వచ్చేది మన ప్రభుత్వమే అని స్పష్టమవుతోంది’ అని ఎంపీ ఈటల రాజేందర్‌ ఉత్సాహాన్ని పెంచా రు. ‘వర్షాన్ని సైతం లెక్కచేయకుండా వెంట నడిచి న కుటుంబ సభ్యులందరికీ పేరుపేరునా హృదయపూర్వక ధన్యవాదాలు’ అంటూ స్థానిక ఎమ్మెల్యే, బీజేఎల్పీనేత మహేశ్వర్‌రెడ్డి అన్న మాటలు కార్యకర్తలను ఆకట్టుకున్నాయి. ఓట్‌ చోరీ అంటూ అటు కాక్రోచ్‌ పార్టీ, ఇటు కాంగ్రెస్‌ పార్టీ చేస్తున్న ఆరోపణలను తిప్పికొట్టేందుకు, ప్రజల్లోకి తమ వాదనను తీసుకెళ్లేందుకు ఉత్తర తెలంగాణలో బీజేపీ నిర్వహించిన తొలి మహాపాదయాత్ర విజయవంతమైంది. నిర్మల్‌ జిల్లా కేంద్రంలో మంగళవారం దాదాపు నాలుగు గంటలపాటు సాగిన కార్యక్రమంలో భారీగా కార్యకర్తలు, అభిమానులు పాల్గొన్నారు. రెండు గంటలు నడిచి..కలెక్టరేట్‌ రోడ్డు హెలిప్యాడ్‌ వద్దకు మధ్యాహ్నం 12 గంటల తర్వాత బీజేపీ రాష్ట్ర ఇన్‌చార్జి సునీల్‌బన్సల్‌ చేరుకున్నారు. నేతలందరూ శాంతినగర్‌ చౌరస్తాకు చేరుకున్నారు. అక్కడి నుంచి.. బీజేఎల్పీ నేత మహేశ్వర్‌రెడ్డి అధ్యక్షతన సునీల్‌బన్సల్‌, రాష్ట్ర అధ్యక్షుడు రాంచందర్‌రావు, రాష్ట్ర సహ ఇన్‌చార్జీలు రేఖాశర్మ, అభయ్‌పాటిల్‌, కేంద్రమంత్రి బండి సంజయ్‌, ఆదిలాబాద్‌, మల్కాజ్‌గిరి ఎంపీలు గోడం నగేశ్‌, ఈటల రాజేందర్‌, ముధోల్‌, ఆదిలాబాద్‌, సిర్పూర్‌, ఆర్మూర్‌, నిజామాబాద్‌ ఎమ్మెల్యేలు రామారావుపటేల్‌, పాయల్‌ శంకర్‌, పాల్వాయి హరీశ్‌, రాకేశ్‌రెడ్డి, ధన్‌పాల్‌ సూర్యనారాయణగుప్తా, ఎమ్మెల్సీలు అంజి రెడ్డి, మల్క కొమురయ్య, జిల్లా అధ్యక్షుడు రితేశ్‌రాథోడ్‌, సీనియర్‌ నాయకులు, కార్యకర్తలతో కలిసి మహాపాదయాత్ర ప్రారంభించారు. శాంతినగర్‌ చౌరస్తా నుంచి శివాజీచౌక్‌, చైన్‌గేట్‌, జయశంకర్‌ సర్కిల్‌ మీదుగా వివేక్‌చౌక్‌ వరకు దాదాపు రెండు గంటలు పాదయాత్ర చేశారు. వివేక్‌చౌక్‌లో ఏర్పాటు చేసిన వేదికపై నుంచి ఎంపీలు, ఎమ్మెల్యేలు, ఎమ్మెల్సీలు మాట్లాడారు. సభలో మాట్లాడని సునీల్‌ బన్సల్‌.. బీజేపీ మహాపాదయాత్రలో తెలంగాణతోపాటు బెంగాల్‌, ఒడిశా రాష్ట్రాల ఇన్‌చార్జి, జాతీయ ప్రధాన కార్యదర్శి సునీల్‌ బన్సల్‌తోపాటు రాష్ట్ర సహ ఇన్‌చార్జిలు రేఖాశర్మ, అభయ్‌పాటిల్‌ పాల్గొన్నారు. సభలో ముందుగా రేఖాశర్మ మాట్లాడారు. కానీ.. సునీల్‌ బన్సల్‌ మాట్లాడలేదు. దీనిపై పార్టీ సీనియర్‌ నేతలను సంప్రదించగా, ఆయన పార్టీ సంస్థాగత బాధ్యుడని, బహిరంగసభలలో మాట్లాడరని పేర్కొన్నారు.

రెబ్బెన: సింగరేణిలో పనిచేసే ఉద్యోగ క్రీడాకారులు క్రీడల్లో ప్రతిభ చూపాలని బెల్లంపల్లి ఏరియా డీజీఎం(పర్సనల్‌) దేవరకొండ కిరణ్‌బాబు అన్నారు. గోలేటి టౌన్‌షిప్‌లోని శ్రీభీమన్న స్టేడియంలో డబ్ల్యూపీఎస్‌ అండ్‌ జీఏ 93వ వార్షిక క్రీడల్లో భాగంగా సోమవారం నియర్‌ బై క్రికెట్‌ పోటీలు నిర్వహించారు. ఆయన మాట్లాడుతూ బెల్లంపల్లి, మందమర్రి ఏరియాల క్రీడాకారులు సమష్టిగా ప్రతిభ చూపాలన్నారు. శ్రమతో బొగ్గు ఉత్పత్తిలో ప్రతిభ చూపుతున్న సింగరేణి ఉద్యోగులు క్రీడానైపుణ్యాన్ని ప్రదర్శించి సత్తా చాటాలని సూచించారు. కోలిండియా పోటీల్లో పతకాలను సాధించేలా నైపుణ్యాలు మెరుగుపర్చుకోవాలని అన్నారు. కార్యక్రమంలో ఏఐటీయూసీ నాయకులు మారం శ్రీనివా స్‌, వర్క్‌షాప్‌ హెచ్‌వోడీ జ్ఞానేశ్వర్‌, డబ్ల్యూపీఎస్‌ అండ్‌ జీఏ గౌరవ కార్యదర్శి ప్రశాంత్‌, స్పోర్ట్స్‌ సూపర్‌వైజర్‌ అశోక్‌, కోఆర్డినేటర్‌ కిరణ్‌బాబు, జనరల్‌ కెప్టెన్‌ అబ్బాస్‌ తదితరులు పాల్గొన్నారు.

ఆసిఫాబాద్‌అర్బన్‌: ప్రజల సమస్యల పరిష్కారంలో అధికారులు అలసత్వం ప్రదర్శించొద్దని కలెక్టర్‌ కె.హరిత అన్నారు. దరఖాస్తులు ఎట్టి పరిస్థితుల్లోనూ పెండింగ్‌ ఉంచొద్దన్నారు. జిల్లా కేంద్రంలోని కలెక్టరేట్‌లో సోమవారం అదనపు కలెక్టర్లు యువరాజ్‌ మర్మాట్‌, డేవిడ్‌, డీఆర్‌వో దాసరి వేణుతో కలిసి అర్జీలు స్వీకరించారు. ఈ సందర్భంగా చింతలమానెపల్లి మండలం డబ్బా గ్రామానికి చెందిన రవీంద్ర ప్రకాశ్‌ తన తండ్రి పేరిట ఉన్న పట్టా భూమిని ఇతరులు పట్టా మార్పు చేసుకున్నారని, విచారణ చేపట్టి న్యాయం చేయాలని దరఖాస్తు చేసుకున్నాడు. ఇందిరమ్మ ఇల్లు మంజూరు చేయాలని రెబ్బెన మండలం నంబాల గ్రామానికి చెందిన రత్నం శాంత దరఖాస్తు అందించింది. పట్టా భూమి భూభారతి పోర్టల్‌లో ‘మిస్సింగ్‌’ ఉందని, వెంటనే సవరించాలని రెబ్బెన మండలం రాంపూర్‌ గ్రామానికి చెందిన రాజేంద్ర ప్రసాద్‌ అర్జీ అందించాడు. మైనార్టీ గురుకులంలో డిప్యూటీ వార్డెన్‌ పోస్టు ఇప్పించాలని సిర్పూర్‌–టి మండల కేంద్రానికి చెందిన షఫీ బుబారఖ్‌ దరఖాస్తు చేసుకున్నాడు. తన భూమిలో ఇతరులు ఇందిరమ్మ ఇల్లు నిర్మించుకుంటున్నారని కాగజ్‌నగర్‌ పట్టణం పోచమ్మ బస్తీకి చెందిన దుర్గం మొండి ఫిర్యాదు చేశాడు. కాగజ్‌నగర్‌ మండలం రాస్పెల్లికి చెందిన ప్రజలు తమ గ్రామంలోని జెడ్పీ ఉన్నత పాఠశాల ఎదుట రోడ్డుపై స్పీడ్‌ బ్రేకర్లు ఏర్పాటు చేయాలని కోరారు. కేజీబీవీలో వాచ్‌ఉమెన్‌ పోస్టు ఇప్పించాలని సిర్పూర్‌–యు మండల కేంద్రానికి చెందిన చిట్యాల రాజామణి విన్నవించింది. దివ్యాంగ పింఛన్‌ మంజూరు చేయాలని కాగజ్‌నగర్‌ మండలం చింతగుడ గ్రామానికి చెందిన యముల మల్లయ్య అర్జీ చేసుకున్నాడు.

ఆసిఫాబాద్‌క్రైమ్‌: కాగజ్‌నగర్‌ పట్టణంలో సోమవా రం పౌరసరఫరా శాఖ అధికారులు బియ్యం దుకా ణాలు, పలు రైస్‌ మిల్లుల్లో విస్తృతంగా తనిఖీలు చేపట్టారు. రాష్ట్ర ప్రభుత్వం సన్నబియ్యం గరిష్ట ధరలను నిర్ణయించిన నేపథ్యంలో అధిక ధరలకు విక్రయాలు జరిపే మిల్లర్లు, రైస్‌ ట్రేడర్స్‌పై చర్యలు తీసుకోవాలని ప్రభుత్వం ఆదేశించిన నేపథ్యంలో ఈ తనిఖీలు ప్రాధాన్యం సంతరించుకున్నాయి. డీఎస్‌వో ఎండీ వాజిద్‌ అలీ ఆధ్వర్యంలో సహాయ పౌర సరఫరాల శాఖ అధికారి ఎండీ సాదిక్‌ హుస్సే న్‌, ఎన్‌ఫోర్స్‌మెంట్‌ డిప్యూటీ తహసీల్దార్‌ రాజ్‌కుమార్‌ తదితరులు ప్రధాన మార్కెట్‌తోపాటు పలు రైస్‌ మిల్లుల్లో స్టాక్‌ పరిశీలించారు. అనంతరం స్థానికంగా బియ్యం వ్యాపారులతో సమావేశం ఏర్పాటు చేశారు. ప్రభుత్వం నిర్ణయించి ధరలకే సన్న బియ్యం విక్రయించాలని ఆదేశించారు. కృత్రి మ కొరత సృష్టిస్తే చర్యలు తీసుకుంటామని హెచ్చరించారు. బీపీటీ/కేఎన్‌ఎం రకం రూ.66, తెలంగా ణ సోనా రూ.74, హెచ్‌ఎంటీ/జేఎస్‌ఆర్‌ రకం బియ్యం ధర రూ.79గా నిర్ణయించినట్లు తెలిపారు. ప్రతీ రైస్‌ ట్రేడర్స్‌ రేటు బోర్డులు ప్రదర్శించాలని స్పష్టం చేశారు. నిబంధనలు అతిక్రమించే వారిపై ప్రజలు ఫిర్యాదు చేయాలని సూచించారు.

దహెగాం: జిల్లాలో పత్తితీత పనులు మొదలయ్యా యి. కూలీలకు డబ్బులు చెల్లించడం, విత్తనాలు, ఎరువులు, పురుగుమందుల కోసం తెచ్చిన అప్పులు కట్టడం, ఇతర వ్యక్తిగత అవసరాల కోసం కొందరు రైతులు తొలివిడతలో కొన్ని క్వింటాళ్ల వరకు పంటను అమ్ముకుంటున్నారు. అయితే కొనుగోళ్లుకు సీసీఐ కేంద్రాలు అందుబాటులో ఉన్నా అన్నదాతలు మాత్రం ప్రైవేట్‌కే మొగ్గు చూపుతున్నారు. జిల్లాలో సీసీఐ కేంద్రాల్లో పంటను విక్రయించేందుకు ఇప్పటికీ ఒక్క స్లాట్‌ కూడా బుకింగ్‌ కాకపోవడం గమనార్హం. సీసీఐలో నిల్‌జిల్లాలో 3.77 ఎకరాల్లో పత్తి సాగైంది. జిల్లావ్యాప్తంగా జిన్నింగ్‌ మిల్లుల్లో సీసీఐ ఆధ్వర్యంలో 24 కొనుగోలు కేంద్రాలు ఏర్పాటు చేశారు. ప్రైవేట్‌లో మరో 10 జిన్నింగ్‌ మిల్లులో కొనుగోళ్లు చేపడుతున్నారు. దీనికి తోడు ప్రైవేట్‌ వ్యాపారులు గ్రామాల్లో తిరుగుతూ రైతుల నుంచి నేరుగా కొనుగోలు చేస్తున్నారు. ప్రభుత్వం పత్తి పంటకు క్వింటాల్‌కు రూ.8,667 మద్దతు ధర ప్రకటించింది. ప్రైవేట్‌లో ఏకంగా రూ.9వేల పైబడి పలుకుతోంది. వ్యాపారులు అధిక ధర చెల్లిస్తుండటం, మరోవైపు ఇళ్ల వద్దకు వచ్చి కొనుగోలు చేస్తుండటంతో రైతులకు వాహన కిరాయి ఖర్చులు మిగులుతున్నాయి. ఇప్పటివరకు జిల్లావ్యాప్తంగా ఒక్క రైతు కూడా సీసీఐ కేంద్రాల్లో విక్రయించడానికి ‘కపాస్‌ కిసాన్‌’ యాప్‌లో స్లాట్‌ బుక్‌ చేసుకోలేదు. మరోవైపు కౌలు రైతులకు యాప్‌లో స్లాట్‌ బుకింగ్‌కు వీలుండదు. ప్రైవేట్‌ ధర తక్కువగా ఉంటే యజమాని పట్టా పాసుపుస్తకం, ఫోన్‌ నంబర్‌తో స్లాట్‌ బుక్‌ చేసుకునేవారు. కానీ ప్రస్తుతం బయట ఆశించిన ధర ఉండటంతో వారు కూడా ప్రైవేట్‌ వ్యాపారులకే అమ్ముకుంటున్నారు. ధర ఉన్నా.. దిగుబడేది..?వర్షాభావ పరిస్థితులు ఉన్నా జిల్లాలో గణనీయంగా పత్తి పంటను రైతులు సాగు చేశారు. కానీ కీలక స మయాల్లో వర్షాలు లేకపోవడంతో దిగుబడిపై ప్ర భావం చూపింది. పూత, కాత సమయంలో నేలలో తేమ లేకుండా పోయింది. సాధారణంగా ఎకరానికి 10 క్వింటాళ్లకు దిగుబడి ఉండగా, ప్రస్తుతం 5 నుంచి 7 క్వింటాళ్లు మించే అవకాశం లేదని అన్నదాతలు ఆవేదన వ్యక్తం చేస్తున్నారు. మరోవైపు మబ్బులు అన్నదాతలను కలవర పెడుతున్నాయి. నాలు గు రోజుల క్రితం అర్నబ్‌ తుపాను ప్రభావంతో ప లు ప్రాంతాల్లో జల్లులు కురిశాయి. ఇప్పుడు ముర సు తుపాను ప్రభావంతో వర్షాలు పడితే పగిలిన పత్తి నల్లబడి నష్టపోతామని, ప్రైవేట్‌ వ్యాపారులు ధర తగ్గిస్తారని రైతులు ఆందోళన చెందుతున్నారు.ప్రైవేటు కొనుగోళ్ల జిన్నింగ్‌ మిల్లులు 10గతేడాది సీసీఐ కొనుగోళ్లు 13.58 లక్షల క్వింటాళ్లు ఈ ఏడాది ప్రైవేటు కొనుగోళ్లు 2 వేల క్వింటాళ్లుఈ ఏడాది సీసీఐ కొనుగోళ్లు నిల్‌ గతేడాది ప్రైవేటు కొనుగోళ్లు 88 వేల క్వింటాళ్లు స్లాట్‌ బుక్‌ చేసుకోవడం లేదు జిల్లాలో పత్తి కొనుగోళ్లకు 24 సీసీఐ కేంద్రాలను ఇదివరకే ప్రారంభించాం. అన్ని కేంద్రాల్లో సాఫ్ట్‌వేర్‌ ఇన్‌స్టాల్‌ చేశాం. ప్రైవేటులో అధిక ధర ఉండటంతో రైతులు సీసీఐలో పత్తి విక్రయించడానికి స్లాట్‌ బుకింగ్‌ చేసుకోవడం లేదు. ప్రైవేటులో ఇప్పటివరకు సుమారు 2 వేల క్వింటాళ్ల వరకు కొనుగోలు చేశారు. రైతులు సీసీఐ కేంద్రాలకు వస్తే పంట కొనుగోలు చేస్తాం. – అశ్వక్‌ అహ్మద్‌, జిల్లా మార్కెటింగ్‌ అధికారిజిల్లాలో పత్తి కొనుగోళ్ల వివరాలుసీసీఐ కేంద్రాలు 24

ఆసిఫాబాద్‌అర్బన్‌: న్యాయమైన డిమాండ్లు నెరవేర్చాలని ఎన్‌హెచ్‌ఎం ఉద్యోగులు జిల్లా కేంద్రంలోని కలెక్టరేట్‌ ఎదుట చేపట్టిన సమ్మె 21 రోజుకు చేరింది. సోమవారం ఉద్యోగులు నల్లరంగు దుస్తులు ధరించి నిరసన తెలిపా రు. జేఏసీ నాయకులు మాట్లాడుతూ 21 రో జులుగా నిరసన తెలుపుతున్నా ప్రభుత్వం పట్టించుకోకపోవడం బాధాకరమన్నారు. సు దీర్ఘకాలం వైద్య సేవలందిస్తున్నా తమ జీవి తాలు చీకటిమయంగా మారాయని ఆవేదన వ్యక్తం చేశారు. ఇతర రాష్ట్రాల మాదిరిగా తెలంగాణలోనూ సమాన పనికి సమాన వేత నం చెల్లిస్తూ ఉద్యోగ భద్రత కల్పించి రెగ్యులరైజ్‌ చేయాలని కోరారు. సమస్యలు పరిష్కారమయ్యే వరకు సమ్మె కొనసాగుతుందని స్పష్టం చేశారు.

ఆసిఫాబాద్‌అర్బన్‌: జిల్లాలో మంగళవారం నుంచి ఈ నెల 15 వరకు జనజాతి గౌరవ దివస్‌ నిర్వహించేందుకు జిల్లాస్థాయి కార్యాచరణ రూపొందించిన ట్లు కలెక్టర్‌ కె.హరిత తెలిపారు. జిల్లా కేంద్రంలోని కలెక్టరేట్‌లో జిల్లా అధికారులతో కలిసి సోమవారం పోస్టర్‌ ఆవిష్కరించారు. అనంతరం మాట్లాడుతూ గిరిజనుల చరిత్ర, సంస్కృతి, సంప్రదాయాలు, భారత స్వాతంత్య్ర పోరాటంలో గిరిజనుల పాత్రలను ప్రజలకు తెలియజేయడంతోపాటు బిర్సా ముండా వంటి సమరయోధుల త్యాగాలను స్మరించుకోవడం, విద్యార్థులు, యువతలో గిరిజన వారసత్వంపై అవగాహన కల్పించనున్నట్లు వెల్లడించా రు. ఇందులో భాగంగా మంగళవారం గిరిజనుల చరిత్ర, వారసత్వం, స్వాతంత్ర పోరాటంలో వారి పాత్రపై పాఠశాలలు, కళాశాలలు, గిరిజన వసతి గృహా ల్లో అవగాహన కార్యక్రమాలు, 4న గిరిజన వారసత్వంపై చిత్రలేఖనం, నినాదాల పోటీలు, 5న వ్యాసరచన, కథారచన, కవితా పోటీలు, 6న గిరి జన సంప్రదాయ కళలు, చేతి వృత్తులు, సంగీతం, నృత్యాలపై శిక్షణ శిబిరాలు, 7న గిరిజన కళలు, సంప్రదాయ చేతి వృత్తులు, సంగీత వాయిద్యాలు, విజ్ఞాన సంపదపై డాక్యుమెంటేషన్‌, ప్రదర్శనలు, 9న గిరిజన స్వాతంత్య్ర సమరయోధులు, భాషలు, సంస్కృతి, వారసత్వంపై క్విజ్‌ పోటీలు, 10న ఆరో గ్యం, పోషకాహారం, సంక్షేమ పథకాలపై గిరిజన గ్రామాల్లో కార్యక్రమాలు, 11న మొక్కలు నాట డం, పరిశుభ్రత, పర్యావరణ పరిరక్షణ, 12న గిరి జన రంగాల్లో విశేష ప్రతిభ కనబర్చిన ప్రముఖులు, విద్యావేత్తలు, కళాకారులు, సమాజానికి ఆదర్శంగా నిలిచిన వ్యక్తులకు సన్మానం, 13న గిరిజన సాంస్కృతిక కార్యక్రమాలు, సంప్రదాయ నృత్యాలు, జానపద సంగీతం, నాటకాలు, వీధి నాటకాలు, 14న గిరిజన వారసత్వం, ఫొటో ప్రదర్శనలు, చేతివృత్తుల ప్రదర్శనలు, 15న జనజాతి గౌరవ దివస్‌ సందర్భంగా భగవాన్‌ బిర్సా ముండా, ఇతర గిరిజన స్వాతంత్య్ర సమరయోధులకు పుష్పాంజలి ఘటించడం, స్మారక కార్యక్రమాలు, గిరిజన సాంస్కృతిక ప్రదర్శనలు చేపడుతున్నట్లు పేర్కొన్నారు. రాష్ట్రస్థాయి వేదికతో పాటు ఐటీడీఏ సంస్థలు, పాఠశాలలు, వసతి గృహాలు, రెసిడెన్షియల్‌ విద్యాసంస్థల్లో నిర్వహించాలని ఆదేశించారు. అధికారులు, విద్యాసంస్థలు, గిరిజన సంఘాలు, ప్రజాప్రతినిధులు, యువత, ప్రజలు భాగస్వాములై విజయవంతం చేయాలని పిలుపునిచ్చారు.

ఆసిఫాబాద్‌అర్బన్‌: ఆసిఫాబాద్‌, కాగజ్‌నగర్‌ ము న్సిపాలిటీల్లో ఆస్తి పన్నులు, బకాయిల వసూలు వేగవంతం చేయాలని అదనపు కలెక్టర్‌ యువరాజ్‌ మర్మాట్‌ అన్నారు. జిల్లా కేంద్రంలోని కలెక్టరేట్‌లో సోమవారం రెండు మున్సిపాలిటీల కమిషనర్లు అంజయ్య, తిరుపతి, రెవెన్యూ ఇన్‌స్పెక్టర్లు, బిల్‌ కలెక్టర్లు, సిబ్బందితో ఆస్తి పన్ను వసూళ్ల పురోగతిపై ప్రత్యేక సమీక్ష సమావేశం నిర్వహించారు. ఆయన మాట్లాడుతూ మున్సిపాలిటీల సమగ్ర అభివృద్ధి, పట్టణ పరిధిలో వసతుల కల్పనకు ఆస్తి పన్ను సేకరణ కీలకమన్నారు. బిల్‌ కలెక్టర్లు, రెవెన్యూ సిబ్బంది క్షేత్రస్థాయిలో వార్డుల వారీగా పర్యటించి వందశాతం పన్ను వసూలు పూర్తి చేయాలని ఆదేశించా రు. దీర్ఘకాలికంగా బకాయిలు ఉన్న వాణిజ్య సముదాయాలు, ప్రభుత్వ కార్యాలయాలు, మొత్తం బకా యిదారులను గుర్తించి ప్రత్యేక డ్రైవ్‌ నిర్వహించాలన్నారు. పట్టణ ప్రజలు కార్యాలయాల చుట్టూ తిరగకుండా సీడీఎంఏ పోర్టల్‌, డిజిటల్‌ మాధ్యమాలతో సులభంగా పన్ను చెల్లించేలా అవగాహన కల్పించాలని సూచించారు. నూతనంగా నిర్మించిన భవనాలు, విలీన ప్రాంతాల్లో నిబంధనల ప్రకారం వెంటనే ఆస్తి పన్ను అసెస్మెంట్‌ పూర్తి చేయాలన్నారు. అలసత్వం వహించే అధికారులు, సిబ్బందిపై చర్యలు తప్పవని హెచ్చరించారు.

వాంకిడి: కుంరం సూరు స్ఫూర్తితో హక్కుల సాధనకు ఐక్యంగా ముందుకు సాగుదామని పీవీటీజీ ఐక్య వేదిక రాష్ట్ర అధ్యక్షుడు ఆత్రం భీంరావు, కొలాం సేవా సంఘం జిల్లా అధ్యక్షుడు ఆత్రం తిరుపతి, కార్యనిర్వాహక అధ్యక్షుడు సిడాం అన్నిగా పిలుపునిచ్చారు. మండల కేంద్రంలో సోమవారం కుంరం సూరు 29వ వర్ధంతి ఘనంగా నిర్వహించారు. ఆయన విగ్రహానికి పూలమాలలు వేసి ఘన నివాళులర్పించారు. అనంతరం మాట్లాడుతూ కొలాం యువత చదువుపై ప్రత్యేక దృష్టి సారించాలన్నారు. మద్యం, గంజాయి వంటి చెడు వ్యసనాలకు దూరంగా ఉండాలని కోరారు. హక్కుల సాధనకు సూరును ఆదర్శం తీసుకోవాలని సూచించారు. కార్యక్రమంలో రాజ్‌ గోండ్‌ సేవా సమితి రాష్ట్ర కార్యదర్శి పెందుర్‌ సుధాకర్‌, నాయకులు గేడం తుకారాం, కుంరం పగ్గు, మాధురావు, దొడ్డిగూడ సర్పంచ్‌ మడావి నాగోరావు, ఉప సర్పంచ్‌ దీపక్‌ ముండె, భీంరావు, రాము, జల్పత్‌రావు తదితరులు పాల్గొన్నారు.

ఆసిఫాబాద్‌అర్బన్‌: ప్రజల సమస్యలు నేరుగా తెలుసుకుని, ఫిర్యాదులు చట్టప్రకారం పరి ష్కరించాలనే ఉద్దేశంతో పోలీసు ప్రజావాణి నిర్వహిస్తున్నట్లు ఎస్పీ నితిక పంత్‌ తెలిపారు. జిల్లా కేంద్రంలో సోమవారం ప్రజావాణి కా ర్యక్రమంలో వివిధ ప్రాంతాల నుంచి వచ్చిన ప్రజల సమస్యలు తెలుసుకున్నారు. అధికా రులతో మాట్లాడి చర్యలు తీసుకోవాలని ఆదేశించారు. బాధితులకు న్యాయం జరిగేలా ఫిర్యాదులపై నిర్లక్ష్యం చేయకుండా నిర్ణీత సమయంలో పరిష్కరించాలన్నారు. ప్రజలు పోలీసు ప్రజావాణి కార్యక్రమాన్ని సద్విని యోగం చేసుకోవాలని సూచించారు. 30 పోలీసు యాక్టు కొనసాగింపుఆసిఫాబాద్‌అర్బన్‌: జిల్లాలో శాంతిభద్రతల రక్షణకు ఈ నెలాఖరు వరకు 30 పోలీసు యా క్టు 1861 కొనసాగిస్తున్నట్లు ఎస్పీ నితిక పంత్‌ ఒక ప్రకటనలో తెలిపారు. సబ్‌ డివిజన్‌ పోలీ సు అధికారి లేదా ఉన్నతాధికారుల అనుమతి లేకుండా పబ్లిక్‌ సమావేశాలు, ఊరేగింపులు, ధర్నాలు నిర్వహించొద్దన్నారు. నిబంధనలు ఉల్లంఘిస్తే శిక్షార్హులవుతారని, ప్రజలు పోలీ సుశాఖకు సహకరించాలని కోరారు.

7అందని ‘ఆయుర్వేదిక్‌’! కౌటాల మండలం గురుడుపేట ఆయుర్వేదిక్‌ ప్రభుత్వ వైద్యశాలలో వైద్యుడి పోస్టు ఖాళీగా ఉంది. మందుల సరఫరా నిలిచిపోయింది. రోగులు కూడా రావడం లేదు. 9లోu ఆకాశం పూర్తిగా మేఘావృతమై ఉంటుంది. జిల్లాలోని పలు ప్రాంతాల్లో ఉరుములు, మెరుపులతో మోస్తరు వర్షం కురిసే అవకాశం ఉంది. రాత్రి చలి తగ్గుతుంది.ఇంటర్‌ సిటీకి జర్మన్‌ హంగులు హైదరాబాద్‌ –సిర్పూర్‌ కాగజ్‌నగర్‌ –బీదర్‌ ఇంటర్‌ సిటీ ఎక్స్‌ప్రెస్‌ రైలు కొత్త హంగులు సంతరించుకోనుంది. ఈ నెల 3 నుంచి ఎల్‌హెచ్‌బీ బోగీలతో నడువనుంది. 8లోu సోమవారం శ్రీ 2 శ్రీ నవంబర్‌ శ్రీ 2026

ఆసిఫాబాద్‌రూరల్‌: సమస్యలు పరిష్కరించడంలో కాంగ్రెస్‌ ప్రభుత్వం విఫలమైందని బీజేవైఎం రాష్ట్ర ఉపాధ్యక్షుడు ప్రవీణ్‌రెడ్డి అన్నారు. జిల్లా కేంద్రంలోని బీజేపీ కార్యాలయంలో ఆదివారం బీజేవైఎం జిల్లా అధ్యక్షుడు సుచిత్‌ ఆధ్వర్యంలో సమావేశం నిర్వహించారు. ఈ సందర్భంగా బీజేపీ జిల్లా అధ్యక్షుడు శ్రీశైలం ఆదేశాలతో 34 మందితో యువ మోర్చా జిల్లా నూతన కార్యవర్గాన్ని ప్రకటించారు. జిల్లా ఉపాధ్యక్షులుగా మండోకర్‌ వికాస్‌, బాలక్రిష్ణ, అజయ్‌గౌడ్‌, సాయికిరణ్‌, తిరుపతి, సాయిచరణ్‌, ప్రధాన కార్యదర్శులుగా అరుణ్‌, బనర్కార్‌ సాయికిరణ్‌ ఇతర కార్యవర్గ సభ్యులను ఎన్నుకున్నారు. బీజేవైఎం రాష్ట్ర ఉపాధ్యక్షుడు ఎన్నికల సమయంలో అనేక హామీలు ఇచ్చిన కాంగ్రెస్‌ అధి కారంలోకి వచ్చిన తర్వాత నిరుద్యోగులను పట్టించుకోవడం లేదన్నారు. యువతకు ఉపాధి అవకాశాలు, ఫీజు రీయింబర్స్‌మెంట్‌ నిధుల విడుదల, విద్యాసంస్థల్లో వసతుల కల్పన వంటి హామీలు నెరవేర్చాలన్నారు.

తాంసి: కాంగ్రెస్‌ ప్రభుత్వం అధికారంలోకి వచ్చాక రైతులను పట్టించుకోకపోవడంతో రాష్ట్రంలో ఇప్పటివరకు వెయ్యికి పైగా రైతు ఆత్మహత్యలు జరిగాయని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ అన్నారు. తలమడుగు మండలంలో ఇటీవల ఆత్మహత్య చేసుకున్న రైతు కుటుంబాలను బోథ్‌ ఎమ్మెల్యే అనిల్‌ జాదవ్‌తో కలిసి ఆదివారం పరామర్శించారు. ముందుగా రైతు కాడె లస్మన్న ఇంటికి వెళ్లి కుటుంబ సభ్యులను ఓదార్చారు. అనంతరం మండల కేంద్రంలో ఏర్పాటు చేసిన సమావేశంలో లస్మన్నతో పాటు ఇటీవల బలవన్మరణాలకు పాల్పడిన రైతులు ప్రతాప్‌రెడ్డి, ప సుల ఆశన్న, బద్దం రాజేశ్వర్‌ రెడ్డి చిత్రపటాల వద్ద నివాళులర్పించారు. బాధిత కుటుంబాలకు పార్టీ తరఫున రూ.2లక్షల చొప్పున చెక్కులు అందజేశారు. అనంతరం ఖోడద్‌లో బస్సు షెల్టర్‌ను ప్రారంభించారు. నాయకులు తుల శ్రీనివాస్‌, సంజీవ్‌రెడ్డి, శ్రీనివాస్‌రెడ్డి, తదితరులున్నారు.

ఆదిలాబాద్‌టౌన్‌/కై లాస్‌నగర్‌: రైతాంగ సమస్యల పరిష్కారం కోసం ప్రభుత్వంపై ఒత్తిడి తెచ్చేందుకు ఆదిలాబాద్‌లో బీఆర్‌ఎస్‌ నిర్వహించిన రైతుగర్జన సభ సక్సెస్‌ అయ్యింది. జిల్లా కేంద్రంలోని డైట్‌ మైదానంలో ఆదివారం నిర్వహించిన ఈ సభ గులాబీ శ్రేణుల్లో జోష్‌ నింపింది. పార్టీ వర్కింగ్‌ ప్రెసిడెంట్‌ కేటీఆర్‌ నిర్ణీత సమయం కంటే గంటన్నర ఆలస్యంగా వచ్చినప్పటికీ ప్రజలు ఓపిగ్గా ఎదురుచూశారు. రైతులు, యువకులు, మహిళలు భారీగా తరలిరావడంతో సభా ప్రాంగణం కిక్కిరిసి పోయింది. జై తెలంగాణ.. జై బీఆర్‌ఎస్‌ నినాదాలతో మార్మోగింది. సాయంత్రం 6.40 గంటలకు సభాస్థలికి చేరుకున్న కేటీఆర్‌కు బీఆర్‌ఎస్‌ నాయకులు ఆదివాసీ సంప్రదాయ దండారీ నృత్యాలు, బాణసంచా నడుమ ఘన స్వాగతం పలికారు. వేదికపై పార్టీ ముఖ్య నేతలతో కలిసి కేటీఆర్‌ అభివాదం చేయడం ప్రత్యేక ఆకర్షణగా నిలిచింది. కేటీఆర్‌ ప్రసంగిస్తున్నంత సేపు పార్టీ శ్రేణులు గులాబీ జెండాలు, ఫ్లెక్సీలను ప్రదర్శిస్తూ హర్షం వ్యక్తం చేశారు. కార్యక్రమంలో జగిత్యాల ఎమ్మెల్యే డాక్టర్‌ సంజయ్‌, మాజీ ఎమ్మెల్యేలు బాల్క సుమన్‌, జీవన్‌రెడ్డి, హన్మంత్‌ శిండే, గంప గోవర్ధన్‌, జాజుల సురేందర్‌, క్రాంతి కిరణ్‌, దుర్గం చిన్నయ్య, నడిపెల్లి దివాకర్‌ రావు, జెడ్పీ మాజీ చైర్మన్‌ రాథోడ్‌ జనార్దన్‌, ఖానాపూర్‌ నియోజకవర్గ ఇన్‌చార్జి భుక్యా జాన్సన్‌ నాయక్‌ తదితరులు పాల్గొన్నారు. ఉత్సాహం నింపిన కేటీఆర్‌ ప్రసంగం.. కేటీఆర్‌ ప్రసంగం పార్టీ శ్రేణులతో పాటు సభకు వచ్చిన వారిలో ఉత్సాహం నింపింది. ప్రధానంగా సీఎం రేవంత్‌రెడ్డి, ప్రధాని నరేంద్రమోదీ, ఆదిలాబాద్‌ ఎంపీ, ఎమ్మెల్యేలపై తీవ్ర స్థాయిలో విమర్శలు గుప్పించారు. కేంద్ర, రాష్ట్ర ప్రభుత్వాలు దొంగచాటుగా చీకటి ఒప్పందం కుదుర్చుకొని ఒకరికొకరు సహకరించుకుంటున్నాయని ఆరోపించారు. డబుల్‌ ఇంజిన్‌ సర్కార్‌ అంటూ చెప్పే మోదీ ఆదిలాబాద్‌లో ఎంపీ, ఎమ్మెల్యే ఇద్దరూ బీజేపీ వారే ఉన్నప్పటికీ రైతాంగ సమస్యలపై ఏ ఒక్కరోజు నోరు మెదపలేదన్నారు. ఎన్నికల అనంతరం సీసీఐని తెరిపిస్తామని అమిత్‌షా ప్రకటించగా, తుక్కు కింద విక్రయిస్తున్నా వారు ఎందుకు మౌనం వీడటం లేదని ప్రశ్నించారు. ఎమ్మెల్యే శంకర్‌కు ఇండస్ట్రీయల్‌ కారిడార్‌, ఎయిర్‌పోర్టు కమీషన్లపై ఉన్న శ్రద్ధ రైతుల సమస్యలపై లేదన్నారు. కోర్టా–చనాఖా ప్రాజెక్ట్‌ను తాము పూర్తి చేస్తే కనీసం కాలువలు తవ్వే సోయి ఈ ప్రభుత్వానికి లేదని విమర్శించారు. అంతకు ముందు కళాకారుల సాంస్కృతిక కార్యక్రమాలు ఆకట్టుకున్నాయి. అనంతరం వివిధ పార్టీలకు చెందిన పలువురు నాయకులు, కార్యకర్తలు కేటీఆర్‌ సమక్షంలో బీఆర్‌ఎస్‌లో చేరారు. ఇటీవల రిమ్స్‌లో జరిగిన అగ్ని ప్రమాదఘటనలో మృతి చెందిన ఐదుగురు పసికందుల కుటుంబ సభ్యులకు రూ.లక్ష చొప్పున ఆర్థికసాయం అందజేశారు. అన్నం పెట్టే రైతన్నకు అడుక్కునే పరిస్థితి వచ్చిందికోరి తెచ్చుకున్న తెలంగాణ రాష్ట్రంలో కేసీఆర్‌ మాట వినకుండా కాంగ్రెస్‌కు ఓటు వేసినందుకు దేశానికి అన్నం పెట్టే రైతన్న చెయ్యి పట్టి అడుక్కునే పరిస్థితి ఏర్పడింది. వారం రోజుల్లో బోథ్‌ నియోజకవర్గంలో నలుగురు అన్నదాతలు ఆత్మహత్యకు పాల్పడ్డారు. రైతు బంధు, రుణమాఫీ ఇవ్వని ప్రభుత్వ అసమర్థత, చేసిన అప్పులు తీర్చే అవకాశం లేకనే రైతులు ప్రాణాలు తీసుకుంటున్నారు. ఏడాది ఓపిక పడితే చాలు.. వచ్చేది కేసీఆర్‌ ప్రభుత్వమే. రైతులు అధైర్య పడకుండా ఉండాలి. ఆత్మహత్యలు చేసుకోవద్దు. కాంగ్రెస్‌ను తరిమే రోజులు దగ్గర పడ్డాయ్‌. – అనిల్‌ జాదవ్‌, బోథ్‌ ఎమ్మెల్యే

కెరమెరి: విద్యార్థులు, ఉపాధ్యాయుల హాజరుపై రాష్ట్ర విద్యాశాఖ దృష్టి సారించింది. కొన్నేళ్లుగా ఆన్‌లైన్‌ హాజరు నమోదు ఆశాజనకంగా ఉంటున్నా.. వాస్తవ పరిస్థితుల్లో వ్యత్యాసాలు ఆందోళన కలిగిస్తున్నాయి. ఈ నేపథ్యంలో సమగ్ర శిక్ష విభాగం సరికొత్త కార్యాచరణ సిద్ధం చేసింది. ఇందులో భాగంగా నవంబర్‌ నెలను ‘ప్రత్యేక హాజరు మాసోత్సవం– 100 శాతం అటెండెన్స్‌ డ్రైవ్‌’గా ప్రకటిస్తూ సమగ్ర శిక్ష రాష్ట్ర ప్రాజెక్టు డైరెక్టర్‌ నవీన్‌ నికోలస్‌ ఉత్తర్వులు జారీ చేశారు. ఈ నెలాఖరు వరకు సాగే ఈ డ్రైవ్‌ ప్రభుత్వ పాఠశాలల స్థితిగతులను మార్చే అవకాశం ఉంది. జవాబుదారీతనం తప్పనిసరిజిల్లాలో ప్రభుత్వ పాఠశాలలు 720, కస్తూరిబా గాంధీ విద్యాలయాలు 15, ఆసిఫాబాద్‌లో అర్బన్‌ రెసిడెన్షియల్‌ స్కూల్‌ ఉంది. ఆయా స్కూళ్లలో టీచింగ్‌, నాన్‌ టీచింగ్‌ సిబ్బంది 2,135 మంది ఉండగా, విద్యార్థులు 41,218 మంది చదువుకుంటున్నారు. పాఠశాలల్లో హాజరులో జవాబుదారీతనాన్ని తప్పనిసరి చేశారు. గతంలో కాగితాలకే పరిమితమైన ఫేషియల్‌ రికగ్నేషన్‌ సిస్టం(ఎఫ్‌ఆర్‌ఎస్‌)ను తప్పనిసరి చేశారు. రెసిడెన్షియల్‌, నాన్‌ రెసిడెన్షియల్‌ పాఠశాలల్లో విద్యార్థులతోపాటు బోధన, బోధనేతర సిబ్బంది ముఖ గుర్తింపు హాజరు నమోదు చేయాల్సిందేనని తాజా ఉత్తర్వుల్లో పేర్కొన్నారు. ‘జీరో నాట్‌ క్యాప్చర్‌ విధానం అమలు చేస్తుంది.. ఏ పాఠశాలల్లో కూడా హాజరు నమోదు కాలేదు’ అనే కేటగిరీలు కనిపించడానికి వీలుండదు. ‘నెట్‌వర్క్‌ లేదు. పరికరం పనిచేయలేదు...’ వంటి సాంకేతిక కారణాలకు సమయ పరిమితి విధించారు. డివైస్‌, నెట్‌వర్క్‌, ఎన్‌రోల్‌మెంట్‌ సమస్యలను 48 గంటల్లో పరిష్కరించాలని ఆదేశించారు. అలాగే అధికారిక పనులపై వెళ్లే ఉపాధ్యాయుల ఆన్‌డ్యూటీ(ఓడీ) వివరాలను 24 గంటల వ్యవధిలోనే నమోదు చేయాలి. నిరంతరం పర్యవేక్షణఉపాధ్యాయులు సక్రమంగా పాఠాలు చెప్పినా.. విద్యార్థులు బడికి వస్తేనే విద్యా ప్రమాణాలు మెరుగుపడతాయి. ఇందుకు పనిదినాల్లో వందశాతం వాస్తవ హాజరు సాధించడమే లక్ష్యంగా వారం వారం ప్రగతి సాధించాలి. నవంబర్‌లో ప్రత్యేక డ్రైవ్‌ నేపథ్యంలో జిల్లా, మండలస్థాయి అధికారులు నిరంతరం హాజరుపై ప్రత్యేక పర్యవేక్షణ చేపడతారు. జిల్లా విద్యాధికారితోపాటు ఎంఈవోలు, కాంప్లెక్స్‌ ప్రధానోపాధ్యాయులు సమన్వయంతో పనిచేయాలని ఆదేశాల్లో పేర్కొన్నారు. సమీక్షలు నిర్వహించి ఏ పాఠశాలల్లో తక్కువ హాజరు ఉంటే అక్కడ తక్షణ దిద్దుబాటు చర్యలు చేపడతారు. నిర్లక్ష్యం చేయొద్దు ఈ నెలాఖరు వరకు హాజ రుపై ప్రత్యేక డ్రైవ్‌ కొనసాగుతుంది. ఎంఈవోలు, క్లస్ట ర్‌ ప్రధానోపాధ్యాయులు నిర్లక్ష్యం చేయకుండా ప్రతి రోజూ పర్యవేక్షించాలి. అటెండెన్స్‌పై ప్రతీవారం సమీక్షలు చేపట్టాలి. వందశాతం హాజరు లక్ష్యం సాధించేందుకు ఉపాధ్యాయులు సహకరించాలి. – సచ్చిదానందచారి, డీఈవోఉపాధ్యాయుల ‘హోం విజిట్‌’గ్రామీణ, పట్టణ ప్రాంతాల్లో కుటుంబ, వ్యవసాయ పనులతోపాటు నిర్లక్ష్యంతోనూ విద్యార్థులు పాఠశాలలకు దూరమవుతున్నారు. ఇక నుంచి వరుసగా ఐదు రోజులు, అంతకంటే ఎక్కువ కాలం పిల్లలకు బడికి దూరమైతే వారి జాబితా రూపొందించాలి. కేవలం తల్లిదండ్రులకు ఫోన్‌ చేసి వదిలేయకుండా ఉపాధ్యాయులు విద్యార్థులకు ఇళ్లను సందర్శించాలి. గైర్హాజరుకు కారణాలను తెలుసుకోవాలి. చదువు ప్రాధాన్యతను వివరించి, పిల్లలకు బడిబాట పట్టేలా అవగాహన కల్పించాలి. జిల్లాలోని అనేక గ్రామాలు ఏజెన్సీ ప్రాంతాల్లో ఉన్నాయి. గుస్సాడీ దండారీ ఉత్సవాలు ప్రారంభమవుతున్న నేపథ్యంలో గిరిజన విద్యార్థులకు పాఠశాలకు దూరమయ్యే అవకాశం ఉంది. ఇలాంటి సమయంలో వందశాతం హాజరు సాధించడం ఉపాధ్యాయులకు తలకు మించిన భారంగా మారనుంది.

రెబ్బెన మండలానికి చెందిన ఓ వ్యక్తి ఇటీవల తన కుమార్తె లేట్‌ బర్త్‌ సర్టిఫికెట్‌ కోసం అవసరమైన నాన్‌ అవైలబులిటీ సర్టిఫికెట్‌ దరఖాస్తు చేయాలనుకున్నాడు. దీనికి ఇద్దరు గెజి టెడ్‌ అధికారుల సంతకాలు అవసరం కావడంతో జిల్లా కేంద్రంలోని ఓ ఆస్పత్రిలో గెజిటె డ్‌ హోదా కలిగిన వైద్యుడి వద్దకు వెళ్లాడు. అక్కడ ఒక్క సంతకం కోసం ఆస్పత్రి సిబ్బంది రూ.100 డిమాండ్‌ చేశారు. చేసేదేమీ లేక డబ్బులు ఇచ్చి సంతకం చేయించుకున్నాడు. వాంకిడి మండలానికి చెందిన ఓ వ్యక్తి గత నెలలో కల్యాణలక్ష్మి దరఖాస్తుకు సంబంధించిన గెజిటెడ్‌ సంతకం కోసం జిల్లా కేంద్రంలోని అదే ఆస్పత్రికి వెళ్లాడు. రూ.500 తీసుకుని గెజిటెడ్‌ సంతకం చేశారు. ఇక్కడ విచిత్రం ఏంటంటే సదరు వైద్యుడు ఆస్పత్రిలో అందుబాటులో లేకున్నా హాస్పిటల్‌ సిబ్బంది స్టాంప్‌ వేసి వైద్యుడి సంతకం ఫోర్జరీ చేశారు. దీంతో సదరు ఆస్పత్రికి ఏ సమయంలో వెళ్లినా పని అవుతుందనే ఉద్దేశంతో గ్రామీణ ప్రాంతాలకు చెందిన ప్రజలు గెజిటెడ్‌ సంతకాల కోసం క్యూకడుతున్నారు. ఈ రెండు ఘటనలు మాత్రమే కాదు.. జిల్లాలోని మెజారిటీ ప్రాంతాల్లో ఇదే తంతు కొనసాగుతోంది. తిర్యాణి: సాధారణంగా పలు సర్టిఫికెట్ల జారీ, పథకాల అమలు, ఉద్యోగాల భర్తీ సమయంలో సంబంధిత అభ్యర్థులు అందించే ధ్రువపత్రాల్లోని సమాచారం సరైనదని నిర్ధారణ చేసుకునేందుకు ప్రభుత్వం గెజిటెడ్‌ సంతకాలు కోరుతుంది. అభ్యర్థులు, విద్యార్థుల ఈ అవసరాన్ని ఆసరాగా చేసుకుని జిల్లాలోని కొంతమంది గెజిటెడ్‌ ఉద్యోగులు అక్రమ సంపాదనకు తెరతీస్తున్నారు. గతంలో గెజిటెడ్‌ సంతకాల విషయంలో దరఖాస్తుదారుల నుంచి కేవలం ఒక పెన్ను కొనుకుని రమ్మని చెప్పేవారు. కానీ ప్రస్తుతం ట్రెండ్‌ మార్చారు. సర్టిఫికెట్‌ స్థాయికి అనుగుణంగా ఒక్కో సంతకానికి రూ.100 మొదలుకుని రూ.500 వరకు వసూళ్లకు పాల్పడుతున్నారు. జిల్లా కేంద్రంలోని కొందరు గెజిటెడ్‌ అధికారులు రోజుకు 10 నుంచి 20 వరకు సంతకాలు పెడుతూ రోజుకు రూ.2000 వరకు అదనపు ఆదాయం అర్జిస్తున్నారు. నూతనంగా ఏర్పాటు చేసిన సిర్పూర్‌(యు), లింగాపూర్‌ మండలాల్లో కేవలం ఒక్కరిద్దరు మాత్రమే గెజిటెడ్‌ అధికారులు ఉన్నారు. అక్కడి ప్రజలు గెజిటెడ్‌ సంతకాల కోసం జైనూర్‌ మండల కేంద్రానికి రావడం తప్పడం లేదు. అక్కడ ఓ ప్రభుత్వ వైద్యుడు సంతకానికి రూ.100 పైనే వసూలు చేస్తున్నట్లు సమాచారం. దీంతో ఆదివాసీ మండలాల ప్రజలు ప్రయాణ, సంతకాల ఖర్చుల భారం మోయాల్సి వస్తోంది. అక్రమాలకు ఆస్కారం కుల ధ్రువీకరణ, లేట్‌ బర్త్‌, డెత్‌ సర్టిఫికెట్లు, కల్యాణలక్ష్మి, షాదీముబారక్‌, స్కాలర్‌షిప్‌ లు, ఉద్యోగాల భర్తీ సమయంలో సమర్పించే జిరాక్స్‌లను ధ్రువీకరించేందుకు గెజిటెడ్‌ సంతకాలు అవసరమవుతాయి. గెజిటెడ్‌ హో దా కలిగిన ఉద్యోగులు ఒరిజినల్‌ సర్టిఫికెట్లు సరిచూసి ధ్రువీకరించుకుని సంతకాలు చేస్తారు. కానీ కొంతమంది ఉద్యోగులు వివరాలు క్షేత్రస్థాయిలో సరిచూడకుండానే డ బ్బులకు కక్కుర్తిపడి సంతకాలు అమ్ముకుంటున్నారు. దీంతో అక్రమాలకు ఆస్కారం ఏర్పడుతోంది. సర్టిఫికెట్లలో వివరాలు అనుకూలంగా తారుమారు చేసుకునే వీలుంటుంది. ఇప్పటికై నా ఉన్నతాధికారులు గెజిటెడ్‌ సంతకాలు చేస్తున్న అధికారులపై దృష్టి సా రించి, అనర్హులు ధ్రువపత్రాలు పొందకుండా కట్టడి చేయాలని ప్రజలు కోరుతున్నారు.

ప్రశాంతంగా ఎన్‌ఎంఎస్‌ఎస్‌ పరీక్ష ఆసిఫాబాద్‌రూరల్‌: జిల్లా కేంద్రంలో ఆదివా రం నేషనల్‌ కం మెరిట్‌ స్కాలర్‌షిప్‌(ఎన్‌ఎంఎంఎస్‌) అర్హత పరీక్ష ప్రశాంతంగా నిర్వహించినట్లు జిల్లా పరీక్షల నిర్వహణ అధికారి జనార్దన్‌ తెలిపారు. జిల్లా కేంద్రంలోని బాలు ర, బాలికల ఉన్నత పాఠశాలలో పరీక్ష కేంద్రం ఏర్పాటు చేశారు. మొత్తం 396 మంది విద్యార్థులకు 373 మంది హాజరు కాగా, 23 మంది గైర్హాజరైనట్లు ఆయన తెలిపారు. భీం ఆశయ సాధనకు కృషి కౌటాల: పోరాటయోధుడు కుమురంభీం ఆశ య సాధనకు ప్రతిఒక్కరూ కృషి చేయాలని మన్నెవార్‌ సేవా సంఘం జిల్లా అధ్యక్షుడు డబ్బా బాపు పిలుపునిచ్చారు. మండల కేంద్రంలోని ఆదివాసీ భవనంలో ఆదివారం కుమురం భీం 86వ వర్ధంతి ఘనంగా నిర్వహించారు. ఆదివాసీలు మండల కేంద్రంలో ర్యాలీ నిర్వహించారు. స్థానిక కుమురం భీం విగ్రహానికి పూలమాలలు వేసి నివాళులర్పించారు. అనంతరం ఆయన మాట్లాడుతూ కు మురం భీం జల్‌, జంగల్‌, జమీన్‌ నినాదాంతో గిరిజనుల విముక్తి కోసం నిరంకుశ పాలకులకు వ్యతిరేకంగా అలుపెరగని పోరాటం చేశారని గుర్తు చేశారు. ఆదివాసీల సంస్కృతి, సంప్రదాయాలను ప్రతిబింబించే దండారీ సందడి మొదలైంది. ఉమ్మడి జిల్లాలోని 1000 గూడేల్లో ప్రత్యేక ఉత్సవాలు కొనసాగనున్నాయి.పాఠశాలలకు పార్ట్‌– 2 పాఠ్యపుస్తకాలు ఆలస్యం! ఆసిఫాబాద్‌రూరల్‌: రెండో తరగతి నుంచి పదో తరగతి విద్యార్థులకు అందించాల్సిన పార్ట్‌– 2 పాఠ్యపుస్తకాలు ఇంకా పలు మండలాల్లోని ప్రభుత్వ పాఠశాలలకు చేరలేదు. దసరా సెలవుల తర్వాత పాఠశాలల పునః ప్రారంభం రోజే పాఠ్యపుస్తకాలు జిల్లా కేంద్రంలోని బుక్‌ డిపో నుంచి అన్ని మండలాల కు పంపిణీ చేసి.. అక్కడి నుంచి పాఠశాలల కు అందించాలి. సెలవులు ముగిసి వారం గడుస్తున్నా నేటికీ బెజ్జూర్‌, వాంకిడి, రెబ్బెన, పెంచికల్‌పేట్‌, సిర్పూర్‌(టి), దహెగాం మండలాలకు సరఫరా కాలేదు. జిల్లా కేంద్రంలో ని బుక్‌ గోదాంకు ఆలస్యంగా పుస్తకాలు రావ డం, అక్కడి నుంచి పంపిణీలో జాప్యం జరగడంతో విద్యార్థులు ఇబ్బందులు పడుతున్నారు. గతేడాది పుస్తకాల రవాణా చార్జీలు ఇప్పటివరకు చెల్లించకపోవడంతో మండల విద్యాధికారులు పాఠ్యపుస్తకాలు తీసుకెళ్లేందు కు ఆలస్యం చేస్తున్నట్లు తెలుస్తోంది.

కాగజ్‌నగర్‌టౌన్‌: ఎన్నో పోరాటాలు, తాగ్యాలతో సాధించుకున్న 44 కార్మిక చట్టాలను యథావిధిగా కొనసాగించాలని ఏఐటీయూసీ జిల్లా ప్రధాన కార్యదర్శి బోగె ఉపేందర్‌ డిమాండ్‌ చేశారు. కేంద్రంలోని బీజేపీ ప్రభుత్వం కార్పొరేట్లకు ఊడిగం చేస్తూ కార్మిక వ్యతిరేక విధానాలను అమలు చేస్తోందని ఆరోపించారు. ఏఐటీయూసీ ఆవిర్భావ దినోత్సవం సందర్భంగా శనివారం పట్టణంలోని ఎమ్మెల్యేస్‌ పాయింట్‌లో యూనియన్‌ జెండా ఆవిష్కరించారు. ఈ సందర్భంగా ఆయన మాట్లాడుతూ.. 1920లో ఆవిర్భవించిన ఏఐటీయూసీ ఈ దేశానికి పూర్తి స్వాతంత్య్రం కావాలని పోరాటం చేసిన మొదటి యూనియన్‌ అని గుర్తు చేశారు. ప్రభుత్వ రంగ సంస్థల్లో పని చేస్తున్న కాంట్రాక్ట్‌, ఔట్‌సోర్సింగ్‌ సిబ్బందిని రెగ్యులరైజ్‌ చేయాలని, కనీస వేతనం రూ.26వేలుగా నిర్ణయించి అమలు చేయాలని, 8 గంటల పనిదినాన్ని అమలు పరచాలని పీఎఫ్‌, ఈఎస్‌ఐ, గ్రాట్యూటీపై ఉన్న సీలింగ్‌ను ఎత్తివేయాలని, కనీస పెన్షన్‌ రూ.10వేలు ఇవ్వాలని డిమాండ్‌ చేశారు. కార్యక్రమంలో నాయకులు సత్యనారాయణ, కుమార్‌, సురేశ్‌, రాజు, సుధాకర్‌ తదితరులు పాల్గొన్నారు.

సమన్వయ లోపం.. పెంచికల్‌పేట్‌: ప్రభుత్వ అవసరాలకు వినియోగించాల్సిన ప్రభుత్వ భూమి రెవెన్యూ, అటవీశాఖల అధికారుల మధ్య సమన్వయ లోపంతో నిరుపయోగంగా మారుతోంది. మండలంలోని ఎల్కపల్లి శివారులోని సర్వే నంబర్‌ 61లో 1,223 ఎకరాల ప్ర భుత్వ భూమి ఉన్నట్లు అధికారిక రికార్డులు చెబుతున్నాయి. అయితే, ప్రభుత్వ భూమికి హద్దుల నిర్ధారణ, భూమి కొలతలు శాసీ్త్రయంగా నిర్ధారించకపోవడంతో భూసర్వే ప్రక్రియ ముందుకు సాగడం లేదు. రెవెన్యూ, అటవీశాఖల మధ్య నెలకొన్న వివాదంతో జాప్యం జరుగుతోంది. ఫలితంగా ప్రభుత్వ కార్యాలయాల భవనాల నిర్మాణానికి అవసరమైన భూ మి గుర్తించడం సవాల్‌గా మారింది. ఎల్కపల్లి శివా రులో సంయుక్తంగా జాయింట్‌ సర్వే నిర్వహించాల ని అఖిలపక్షం ఆధ్వర్యంలో జిల్లా ఉన్నతాధికారులకు వినతిపత్రాలు ఇవ్వడంతో సర్వే బృందాలు జాయింట్‌గా ఒక్కరోజు సర్వే నిర్వహించాయి. అధికారులు సర్వే నంబర్‌ 61కి రెండు హద్దులు మాత్రమే ఏర్పాటు చేసి చేతులు దులుపుకొన్నారు. దీంతో భూ సర్వేపై నీలినీడలు కమ్ముకున్నాయి. ప్రక్రియలో ఆలస్యంప్రజలకు మెరుగైన సేవలందించాలనే సంకల్పంతో ప్రభుత్వం పెంచికల్‌పేట్‌ మండలాన్ని ఎల్కపల్లి కేంద్రంగా 2016లో ఏర్పాటు చేసింది. ఇప్పటివరకు మండల కేంద్రంలో పోలీస్‌స్టేషన్‌, కస్తూర్బా పాఠశాల, మండల విద్యావనరుల కేంద్రం, రైతు వే దిక భవనాలను మాత్రమే నిర్మించింది. ఎల్కపల్లి లో అధిక విస్తీర్ణంలో ప్రభుత్వ భూములున్నాయి. ఎల్కపల్లి శివారులోని ప్రభుత్వ భూములు అటవీ శాఖకు చెందినవని అటవీశాఖ అధికారులు వాదిస్తున్నారు. దీంతో సదరు భూముల్లో ప్రభుత్వ కార్యాలయాల నిర్మాణాలకు అనుమతులు ఇవ్వడం లేదు. ప్రధాన రహదారికి అవతలి వైపు ఉన్న భూముల్లో నిర్మాణాలకు ఆంక్షలు విధిస్తుండడంతో మండల కేంద్రంలో భూముల కొరత ఏర్పడింది. అభివృద్ధి పనులు, కార్యాలయాల భవన నిర్మాణాలకు భూమి లేక తాత్కాలిక భవనాల్లో తహసీల్‌, ఎంపీడీవో, ఇతర కార్యాలయాలు నిర్వహిస్తూ సేవలందిస్తున్నారు. ప్రభుత్వం ఇటీవల మంజూరు చేసిన ఇంటిగ్రేటెడ్‌ పాఠశాల భవన నిర్మాణానికి స్థలం కేటాయించాలని ఆయా పార్టీలకు చెందిన నాయకులు ప్రజావాణిలో వినతిపత్రాలు అందజేశారు. ఉమ్మడిగా సర్వే చేస్తేనే..రెవెన్యూ, అటవీశాఖల అధికారులు ఉమ్మడిగా సర్వే నిర్వహించి హద్దులు నిర్ధారించాల్సి ఉంది. ఉన్నతాధికారుల ఆదేశాలతో ఏటా నామమాత్రంగా సర్వే నిర్వహిస్తున్నారు. ఇరు శాఖలకు చెందిన అధికారులు సంబంధిత రికార్డులతో హాజరుకాకపోవడంతో సర్వే ప్రక్రియ ముందుకు సాగడం లేదు. అక్టోబర్‌ మొదటి వారంలో సర్వే బృందం ఎల్లూర్‌, ఎల్కపల్లి శివారులో హద్దులు ఏర్పాటు చేసింది. తిరిగి సర్వే ప్రక్రియ ప్రారంభం కాకపోవడంతో సమస్య పరిష్కారమయ్యే అవకాశం లేదని గ్రామస్తులు వాపోతున్నారు. ఇప్పటికై నా అధికారులు స్పందించి సర్వే చేపట్టి ప్రభుత్వ భూమికి పకడ్బందీగా హద్దులు ఏర్పాటు చేయాలని కోరుతున్నారు.

ఆసిఫాబాద్‌అర్బన్‌: అత్యవసర సమయాల్లో మన రక్తం మరొకరికి ప్రాణాధారం అవుతుందని ఎస్పీ నితిక పంత్‌ పేర్కొన్నారు. పోలీసు అమరవీరుల సంస్మరణ వారోత్సవాల్లో భాగంగా శనివారం జిల్లా కేంద్రంలోని పోలీస్‌ కార్యాలయంలో రక్తదాన శిబి రం నిర్వహించారు. ఈ సందర్భంగా ఎస్పీ మాట్లాడుతూ.. పోలీస్‌ శాఖ శాంతిభద్రతల పరిరక్షణకే పరిమితం కాకుండా, సామాజిక బాధ్యతలో భాగంగా సేవా కార్యక్రమాల్లోనూ ముందుంటుందని తెలి పారు. శిబిరంలో రక్తదానం చేసిన యువత, పోలీస్‌ సిబ్బంది, విద్యార్థులు, స్వచ్ఛంద సంస్థల ప్రతినిధులు, జర్నిలిస్టులను ఎస్పీ అభినందించారు. శిబిరంలో 400 మంది రక్తదానం చేశారు. వీరి నుంచి సేక రించిన 400 యూనిట్ల రక్తాన్ని ఆసిఫాబాద్‌ ప్రభుత్వ జనరల్‌ ఆస్పత్రి, ఆదిలాబాద్‌ రిమ్స్‌ ఆస్పత్రులకు అందజేసినట్లు అధికారులు తెలిపారు.

ఆసిఫాబాద్‌రూరల్‌: భారతదేశ ఐక్యత, సమగ్రతకు ప్రతి ఒక్కరూ భాగస్వాములు కావాల ని కలెక్టర్‌ హరిత పేర్కొన్నారు. శనివారం కలెక్టరేట్‌లో సర్దార్‌ వల్లభ భాయ్‌ పటేల్‌ జయంతిని పురస్కరించుకుని జాతీయ ఐక్యతా దినోత్సవం సందర్భంగా అధికా రులు, ఉద్యోగులతో ప్రతిజ్ఞ చేయించారు. ఈ సందర్భంగా ఆమె మాట్లాడారు. ఇండియా విభిన్న భా షలు, విభిన్న సంస్కృతులు కలిగిన దేశమని పేర్కొన్నారు. ప్రతి ఒక్కరూ దేశ సమగ్రత, ఐక్యతకు సమష్టిగా కృషి చేయాలని కోరారు. జిల్లా అటవీశాఖ కా ర్యాలయ ఆవరణలో ఉద్యోగులతో డీఎఫ్‌వో బాలా మణి ఆధ్వర్యంలో అటవీ రేంజ్‌ అధికారి గోవింద్‌ చంద్‌ సర్దార్‌ అధ్యక్షతన ఐక్యత ప్రతిజ్ఞ చేశారు. అదనపు కలెక్టర్‌ డేవిడ్‌, జిల్లా రెవెన్యూ అధికారి వేణు, అధికారులు, ఉద్యోగులు పాల్గొన్నారు. ఉపకరణాలు వినియోగించుకోవాలిఆసిఫాబాద్‌అర్బన్‌: జిల్లాలోని దివ్యాంగులు ఉచిత సహాయ ఉపకరణాలను సద్వినియోగం చేసుకోవా లని కలెక్టర్‌ హరిత సూచించారు. కలెక్టరేట్‌ సమావేశ మందిరంలో కాగజ్‌నగర్‌ సాయి స్వస్థ వెల్నెస్‌ సెంటర్‌ ఆధ్వర్యంలో జైపూర్‌ ఫుట్‌ క్యాంపు ప్రచార పోస్టర్‌ ఆవిష్కరించారు. ఈ సందర్భంగా కలెక్టర్‌ మాట్లాడుతూ.. అవసరమైన దివ్యాంగులు కృత్రిమ కాళ్లు, కృత్రిమ చేతులు, ఊత కర్రలు, నడక సహా యకాలు, ఆర్థోపెడిక్‌ బూట్లు, సహాయ బెల్టులు, వి నికిడి పరికరాలు, ఇతర సహాయ పరికరణాలు తీ సుకోవాలని సూచించారు. సాయి స్వస్థ వెల్నెస్‌ సెంటర్‌ ప్రతినిధులు, సంబంధిత అధికారులున్నారు.

కెరమెరి: బాలల హక్కుల పరిరక్షణ, భద్రత అందరి సామాజిక బాధ్యత అని జిల్లా న్యాయమూర్తి అనూష స్పష్టం చేశారు. జిల్లా న్యాయ సేవాధికార సంస్థ ఆధ్వర్యంలో లీగల్‌ లిటరసీ క్యాంపులో భాగంగా ‘సురక్షిత్‌ బచ్చన్‌ అభియాన్‌’ కార్యక్రమాన్ని శనివారం మండలంలోని జోడేఘాట్‌, మోడి ఆశ్రమ ఉన్నత పాఠశాలలు, కెరమెరి జిల్లా పరిషత్‌ ఉన్నత పాఠశాలల్లో నిర్వహించారు. విద్యార్థులకు న్యాయ అవగాహన సదస్సులు నిర్వహించి చట్టా లపై అవగాహన కల్పించారు. ఈ సందర్భంగా న్యాయమూర్తి మాట్లాడుతూ.. విద్యార్థులు తమ వ్యక్తగత భద్రతపై అప్రమత్తంగా ఉండాలని సూ చించారు. గుడ్‌ టచ్‌–బ్యాడ్‌ టచ్‌పై అవగాహన కలి గి ఉండాలని, ఎవరైనా అసభ్యంగా ప్రవర్తిస్తే తల్లి దండ్రులు, ఉపాధ్యాయులకు లేదా నమ్మకమైన పెద్దలకు తెలుపాలని పిలుపునిచ్చారు. బాలికలపై జరిగే లైంగిక వేధింపులు, దాడులను అరికట్టేందు కు 2012 పోక్సో చట్టం ఎంతో రక్షణ కల్పిస్తుందని తెలిపారు. విద్యార్థులకు సురక్షిత వాతావరణం కల్పించినప్పుడే సురక్షిత సమాజ నిర్మాణం సాధ్యమవుతుందని పేర్కొన్నారు. నేరాలకు పాల్పడే వా రికి శిక్ష తప్పదని, నేరాలను అరికట్టేందుకు పోలీసులు ముందుంటారని, సమస్యలు ఎదురైనప్పుడు దాచిపెట్టకుండా తమను ఆశ్రయించాలని ఎస్సై రాజు సూచించారు. ఎంఈవో ప్రకాశ్‌, హెచ్‌ఎంలు చంద్రశేఖర్‌, ప్రేందాస్‌ తదితరులున్నారు. విద్యార్థినులకు చట్టాలపై అవగాహనఆసిఫాబాద్‌ క్రైమ్‌: కాగజ్‌నగర్‌ పట్టణంలోని వివిధ పాఠశాలల్లో షీ టీం ఆధ్వర్యంలో బాలికలు, మహిళల భద్రతపై అవగాహన కల్పించారు. జిల్లా సీనియర్‌ సివిల్‌ జడ్జి సాంకేత్‌ మిత్ర పాల్గొని న్యాయ సంబంధిత విషయాలపై విద్యార్థినులకు అవగాహన కల్పించారు. ఈ సందర్భంగా ఆయన మాట్లాడుతూ.. చట్టాలపై అవగాహన పెంచుకోవాలని సూచించారు. షీ టీం ఏఎస్సై సునీత మాట్లాడుతూ.. ఎలాంటి వేధింపులెదురైనా తక్షణమే షీ టీంకు సమాచారం ఇవ్వాలని లేదా 8712670565 నంబర్‌కు వాట్సాప్‌లోనూ ఫిర్యాదు చేయవచ్చని తెలిపారు. ఆపద సమయంలో 100, 112 నంబర్లనూ వినియోగించాలని సూచించారు.

ఆదిలాబాద్‌టౌన్‌: ఆదిలాబాద్‌ జిల్లా కేంద్రంలో బీఆర్‌ఎస్‌ ఆదివారం తలపెట్టిన రైతు గర్జనకు అన్ని ఏర్పాట్లు పూర్తయ్యాయి. రైతాంగం ఎదుర్కొంటున్న సమస్యల పరిష్కారంపై ప్రభుత్వాన్ని నిలదీసేందుకు ఆ పార్టీ పోరాటానికి సిద్ధమైంది. ఇందులో భాగంగానే ఆదిలాబాద్‌లోని ప్రభుత్వ డైట్‌ కళాశాల మైదానంలో భారీ బహిరంగసభ నిర్వహిస్తున్నారు. ఏర్పాట్లను మాజీ మంత్రి జోగు రామన్న, మాజీ ఎమ్మెల్యే బాల్క సుమన్‌తోపాటు ఇటీవల కేటీఆర్‌ సమక్షంలో పార్టీలో చేరిన డీసీసీ మాజీ అధ్యక్షుడు భార్గవ్‌ దేశ్‌పాండే తదితరులు దగ్గరుండి పరిశీలిస్తున్నా రు. సభ ప్రాధాన్యత చాటిచెప్పేలా పట్టణాన్ని పూర్తిగా గులాబీమయం చేశారు. ఆదివారం సా యంత్రం ఐదు గంటలకు నిర్వహించనున్న ఈ సభకు పార్టీ వర్కింగ్‌ ప్రెసిడెంట్‌ కేటీఆర్‌, మాజీ మంత్రులు, ఎమ్మెల్యేలు హాజరవుతారు. మధ్యాహ్నం 3గంటలకు నేరడిగొండలో కేటీఆర్‌కు బోథ్‌ ఎమ్మెల్యే అనిల్‌ జాదవ్‌ స్వాగతం పలుకుతారు. ఇటీవల ఆత్మహత్యకు పాల్పడిన తలమడుగులోని రైతు కుటుంబాన్ని పరామర్శిస్తారు. భారీగా జన సమీకరణప్రభుత్వ తీరును ఎండగట్టేందుకు బీఆర్‌ఎస్‌ పార్టీ ఈ సభ ద్వారా ముందుకు సాగుతున్నట్లు తెలుస్తోంది. దాదాపు 20వేల మందిని సభకు త రలించేందుకు ఏర్పాట్లు చేస్తోంది. ఉమ్మడి జిల్లా నుంచి రైతులు, వివిధ వర్గాల ప్రజలను తరలించేలా నియోజకవర్గాల ఇన్‌చార్జీలకు బాధ్యతలు అప్పగించారు. మాజీ ఎమ్మెల్యే బాల్క సుమన్‌ నాలుగు రోజులుగా ఆదిలాబాద్‌లోనే ఉంటూ ఏర్పాట్లను పరిశీలిస్తున్నారు. ఇటీవల పార్టీలో చేరిన భార్గవ్‌ దేశ్‌పాండే తన అనుచరులను పార్టీలో చేర్పించనున్నట్లు తెలుస్తోంది.

7జల సంరక్షణకు ‘మహిళా’ శక్తి పల్లెల్లో నీటి కష్టాలు తీర్చేందుకు భూగర్భ జలాల పర్యవేక్షణలో ప్రభుత్వం మహిళలను భాగస్వాములను చేస్తోంది. ‘సుజలాం శక్తి’ బృందాల ఏర్పాటుకు సిద్ధమైంది. 9లోu ‘ఆదర్శ’లో ప్రాథమిక విద్య! తెలంగాణ మోడల్‌స్కూళ్ల రూపురేఖలు మార్చేందుకు రాష్ట్ర ప్రభుత్వం కీలక నిర్ణ యం తీసుకుంది. వీటిని టీపీఎస్‌లుగా ఏర్పా టు చేసేందుకు సన్నాహాలు చేస్తోంది. 8లోu సాధారణ ఉష్ణోగ్రతలు నమోదవుతాయి. ఆకాశం పాక్షికంగా మేఘావృతమవుతుంది. వాతావరణం చల్ల బడుతుంది.ఆదివారం శ్రీ 1 శ్రీ నవంబర్‌ శ్రీ 2026

కాగజ్‌నగర్‌టౌన్‌: కాగజ్‌నగర్‌ రైల్వేస్టేషన్‌ వద్ద ఇంపాక్ట్‌ ఇండియా ఆధ్వర్యంలో లైఫ్‌లైన్‌ ఎక్స్‌ప్రెస్‌లో ఆది, సోమవారాల్లో ఉచిత కంటి పరీక్షలు నిర్వహించనున్నట్లు సిర్పూర్‌ ఎమ్మెల్యే పాల్వాయి హరీశ్‌బాబు తెలిపారు. శనివారం ఆయన స్థానికంగా మాట్లాడుతూ.. దసరా సందర్భంగా కంటి పరీక్షలు నిర్వహించడంతో చాలామంది సేవలు సద్వినియో గం చేసుకోలేకపోయారని పేర్కొన్నారు. దీంతో మరో రెండ్రోజులపాటు కంటి పరీక్షలు నిర్వహించడానికి లైఫ్‌లైన్‌ ఎక్స్‌ప్రెస్‌ నిర్వాహకులు ఏర్పాట్లు చేశారని తెలిపారు. కంటి పరీక్షలు అవసరమైన వా రు, చూపు మందగించినవారు ఈ అవకాశాన్ని త ప్పనిసరిగా వినియోగించుకోవాలని సూచించారు. ఆసిఫాబాద్‌రూరల్‌: ఆది, సోమవారాల్లో కాగజ్‌నగర్‌ రైల్యేస్టేషన్‌లో లైఫ్‌లైన్‌ ఎక్స్‌ప్రెస్‌ ద్వారా ఉచిత కంటి వైద్య పరీక్షలు నిర్వహించనున్నట్లు డీఎంహెచ్‌వో నాగేంద్ర శనివారం ఓ ప్రకటనలో తెలిపారు. కంటి సమస్యలున్నవారు ఈ అవకాశాన్ని సద్విని యోగం చేసుకోవాలని సూచించారు.

ఆసిఫాబాద్‌రూరల్‌: పుస్తకాల పరిజ్ఞానమే కా కుండా విద్యార్థులకు నైపుణ్య ఆధారిత విద్య ను అందించాలని జిల్లా విద్యాశాఖ క్వాలిటీ కోఆర్డినేటర్‌ శ్రీనివాస్‌ సూచించారు. శనివా రం జిల్లా కేంద్రంలోని తెలంగాణ మోడల్‌ స్కూల్‌లో నిర్వహించిన ఫ్రీ వొకేషనల్‌ ఎడ్యుకేషన్‌, కౌశల్‌ బోధ్‌ ముగింపు కార్యక్రమానికి హాజరై పలు సూచనలు చేశారు. ఈ సందర్భంగా ఆయన మాట్లాడుతూ.. జాతీ య విద్యా విధానం–2020 లక్ష్యాలకు అనుగుణంగా పాఠశాల స్థాయి నుంచే విద్యార్థుల్లో వృత్తి విద్య, పనిపై గౌరవం, స్వయం ఉపాధి ఆలోచన, సృజనాత్మకత, సమస్యలు పరిష్కరించే సామర్థ్యాన్ని పెంచాల్సిన అవసరముందని చెప్పారు. మూడ్రోజుల శిక్షణలో నేర్చుకు న్న అంశాలను పాఠశాలల్లో సమర్థవంతంగా అమలు చేయాలని సూచించారు. ప్రిన్సిపాల్‌ మహేశ్వర్‌, రిసోర్స్‌ పర్సన్లు సదానందం, సందీప్‌, సతీశ్‌, జయశ్రీ తదితరులున్నారు.

కాగజ్‌నగర్‌టౌన్‌: జిల్లాలోని ప్రభుత్వ జూనియర్‌ కళాశాలల్లో ప్రథమ సంవత్సరం ప్రవేశాల సంఖ్య గతం కంటే గణనీయంగా పెరిగింది. ప్రవేశ గడువు అక్టోబర్‌ 29కి ముగియగా జిల్లాలోని 11 ప్రభుత్వ జూనియర్‌ కళాశాలల్లో 2,885 మంది విద్యార్థులు అడ్మిషన్లు పొందారు. ప్రైవేట్‌, కార్పొరేట్‌ కళాశాలలకు దీటుగా ప్రభుత్వ కళాశాలల్లో సౌకర్యాలు కల్పిస్తుండడంతో వీటిలో చేరేందుకు విద్యార్థులు ఆసక్తి చూపుతున్నారు. ప్రభుత్వ కళాశాలల్లో విద్యార్థులకు ఉచిత పాఠ్యపుస్తకాలు, యూనిఫాంలు, మధ్యాహ్న భోజనం, స్కాలర్‌షిప్‌లు ఇస్తుండడం, డిజిటల్‌ తరగతులు నిర్వహిస్తుండడం, అన్ని సౌకర్యాలు కల్పిస్తూ నాణ్యమైన విద్య అందిస్తుండడంతో మెరుగైన ఫలితాలు వస్తున్నాయి. దీంతో విద్యార్థులను తల్లిదండ్రులు ప్రభుత్వ కళాశాలల్లో చేర్పించేందుకు మొగ్గు చూపుతున్నారని అధికారులు చెబుతున్నారు. మొదటి విడత జూనియర్‌ కళాశాలల్లో ప్రవేశాల గడువు జూలై 15వరకు ముగిసింది. మూడుసార్లు గడువు పొడిగించడంతో గతేడాది కంటే ఎక్కువ సంఖ్యలో అడ్మిషన్లు వచ్చాయి. కాగజ్‌నగర్‌, ఆసిఫాబాద్‌, రెబ్బెన, సిర్పూర్‌(టి), జైనూర్‌ తదితర మండలాల్లోని ప్రభుత్వ జూనియర్‌ కళాశాలల్లో విద్యార్థుల సంఖ్య గణనీయంగా పెరిగింది. అత్యధికంగా కాగజ్‌నగర్‌ ప్రభుత్వ జూనియర్‌ కళాశాలలో 530 మంది, దహెగాంలో 77మంది ప్రథమ సంవత్సరంలో అడ్మిషన్లు పొందారు. పబ్లిక్‌ పరీక్షల ఫీజు గడువు ఇలా..తెలంగాణ రాష్ట్ర ఇంటర్మీడియట్‌ బోర్డు మార్చి 2027లో నిర్వహించనున్న ఇంటర్మీడియట్‌ పబ్లిక్‌ పరీక్షలకు సంబంధించిన పరీక్ష ఫీజు చెల్లింపు గడు వు తేదీలను విడుదల చేసింది. అక్టోబర్‌ 26నుంచి నవంబర్‌ 9వ తేదీ వరకు అపరాధ రుసుము లేకుండా పరీక్ష ఫీజు చెల్లించవచ్చు. రూ.100 ఆలస్య రుసుముతో నవంబర్‌ 11నుంచి 20నవంబర్‌ వరకు, రూ.500 ఆలస్య రుసుముతో నవంబర్‌ 22నుంచి 29వరకు, రూ.వెయ్యి అపరాధ రుసుముతో డిసెంబర్‌ 1నుంచి 7వరకు, రూ.2వేల ఆలస్య రుసుముతో డిసెంబర్‌ 9నుంచి 14వరకు ఫీజు చెల్లించే అవకాశాన్ని బోర్డు కల్పించింది. ఇక ఫీజు చెల్లింపు గడువు పొడిగింపు ఉండదని ఇంటర్‌ బోర్డు స్పష్టం చేసింది. 2016నుంచి అమలు చేస్తున్నట్లే ఆన్‌లైన్‌ విధానంలోనే పరీక్ష ఫీజు టీజీబీఐఈ ఖాతాకు జమ చేయాలని ఆదేశించింది.గతేడాది కంటే మెరుగు జిల్లాలోని 11 ప్రభుత్వ జూనియర్‌ కళాశాలల్లో గతేడాది కంటే ఈ ఏడాది అడ్మిషన్లు పెరిగాయి. కళాశాలల్లో మెరుగైన విద్యాబోధన అందించడంతో మెరుగైన ఫలితాలు వస్తున్నాయి. అడ్మిషన్లు పెరిగేందుకు ఇదే కారణం. సిర్పూర్‌(టి), కౌటాల, కాగజ్‌నగర్‌లో గతేడాది కంటే విద్యార్థులు ఎక్కువ సంఖ్యలో అడ్మిషన్లు పొందారు. విద్యార్థులు నవంబర్‌ 9వరకు అపరాధ రుసుము లేకుండా ఇంటర్‌ పరీక్ష ఫీజు చెల్లించాలి. – కల్యాణి, డీఐఈవో

తిర్యాణి: వెడ్మ రాము ఆశయ సాధనకు ప్రతి ఒక్కరూ కృషి చేయాలని ఐటీడీఏ పీవో మంద మకరందు సూచించారు. వెడ్మ రాము 39వ వర్ధంతి సందర్భంగా మండలంలోని ఎదులపహడ్‌ గ్రామంలో ఆయన విగ్రహానికి పూలమాలలు వేసి నివాళులర్పించారు. ఈ సందర్భంగా పీవో మాట్లాడుతూ.. గిరిజన గ్రామాలాభివృద్ధికి ఐటీడీఏ నిరంతరం పని చేస్తోందని చెప్పారు. ప్రభుత్వం అమలు చే స్తున్న సంక్షేమ పథకాల ద్వారా అర్హులైన గిరి జనులు లబ్ధి పొందేలా చూడాల్సిన బాధ్యత అధికారులు, ప్రజాప్రతినిధులపై ఉందని తెలిపారు. గ్రామస్తులతో మాట్లాడి సమస్యలు తెలుసుకుని పరిష్కారానికి కృషి చేస్తానని హామీ ఇచ్చారు. అనంతరం మండల కేంద్రంలోని ఆశ్రమ బాలుర పాఠశాలను సందర్శించారు. విద్యార్థులతో కలిసి భోజనం చేశారు. విద్యార్థులకు మెనూ ప్రకారం నాణ్యమైన పోషకాహారం అందించాలని సిబ్బందిని ఆదేశించారు. వర్ధంతి నిర్వహణ కమిటీ అధ్యక్షుడు ఆత్రం సంతోష్‌, నాయకులు వెడ్మ తిరుపతి, దస్రు తదితరులు పాల్గొన్నారు.

చింతలలమానెపల్లి: భూ సమస్యలు, భూభా రతి దరఖాస్తుల పరిష్కారంలో నిర్లక్ష్యం చేయొద్దని కాగజ్‌నగర్‌ సబ్‌ కలెక్టర్‌ హర్ష్‌ చౌదరి అన్నారు. మండల కేంద్రంలోని తహసీల్దార్‌ కార్యాలయంలో శుక్రవారం భూభా రతి, రెవెన్యూ సదస్సు దరఖాస్తులను పరిశీ లించారు. మండలంలో ఎక్కువ సంఖ్యలో దరఖాస్తులు పరిష్కారానికి నోచుకోకపోవడంతో స్వయంగా పరిశీలన చేపట్టారు. రాత్రి 8గంటల వరకు కార్యాలయంలోనే ఉన్నారు. అధికారులు, సిబ్బంది తీరుపై ఆగ్రహం వ్యక్తం చేశారు. పరిష్కరించగలిగిన వాటిని సైతం పెండింగ్‌లో ఉంచడం సరికాదన్నారు. భూములకు సంబంధించిన విషయాలు ప్రజలకు కీలకమైనవని అధికారులు జాప్యం చేయొద్దని సూచించారు. తహసీల్దార్‌ గొడం ప్రకాశ్‌, డిప్యూటీ తహసీల్దార్‌ మడావి దౌలత్‌, రెవెన్యూ సిబ్బంది పాల్గొన్నారు. మాట్లాడుతున్న సబ్‌ కలెక్టర్‌ హర్ష్‌ చౌదరి

ఆసిఫాబాద్‌అర్బన్‌: ‘ఓట్‌ బచావో– దేశ్‌ బచావో’ మెగా ర్యాలీ పాల్గొనేందుకు జిల్లా కేంద్రంలోని డీసీసీ కార్యాలయం నుంచి కాంగ్రెస్‌ నాయకులు శుక్రవారం ఢిల్లీ బయలుదేరి వెళ్లారు. ఈ సందర్భంగా బస్సును డీసీసీ అధ్యక్షురాలు ఆత్రం సుగుణ, డీసీసీ మాజీ అధ్యక్షుడు విశ్వప్రసాద్‌రావు జెండా ఊపి ప్రారంభించారు. వారు మాట్లాడుతూ ఓటుహక్కు పరిరక్షణ, ప్రజాస్వామ్య విలువ సంరక్షణ లక్ష్యంగా ఆదివారం ఢిల్లీలో చేపడుతున్న ఈ కార్యక్రమంలో జిల్లా నాయకులు, కార్యకర్తలు భాగస్వాములు కావడం సంతోషకరమన్నారు. ఈ కార్యక్రమంలో మాజీ ఎమ్మెల్యే ఆత్రం సక్కు, ఎంపీపీ బాలేశ్వర్‌గౌడ్‌, నాయకులు రాపర్తి మురళి, ఇమ్రాన్‌, కళావతి తదితరులు పాల్గొన్నారు.

ప్రవాహం లేని పారిగాం వాగు కళ తప్పిన ముత్తంపేట వాగు పూర్తిగా ఎండిపోయిన టోంకిని వాగు అడుగంటిన పెద్దవాగు వర్షాభావ పరిస్థితులతో వేసవికి ముందే నీటి వనరులు ఎండిపోతున్నాయి. ఏటా సంక్రాంతి వరకు వరదతో ఉండే వాగులు కళ తప్పుతున్నాయి. కౌటాల, సిర్పూర్‌(టి) మండలాల పరిధిలోని పెద్దవాగు, టోంకిని, పారిగాం, ముత్తంపేట వాగుల్లో నీటి ప్రవాహం అక్టోబర్‌లోనే అడుగంటిపోవడంతో స్థానికులు ఆందోళన చెందుతున్నారు. రానున్న వేసవిలో పరిస్థితులు మరింత దుర్భరంగా మారే అవకాశం ఉందని భయపడుతున్నారు. రాష్ట్ర ప్రభుత్వం జిల్లాలోని మండలాలను తీవ్ర కరువు ప్రాంతాలుగా గుర్తించి, అన్నదాతలను ఆదుకోవాలని కోరుతున్నారు. – కౌటాల

ఆసిఫాబాద్‌రూరల్‌: జిల్లా కేంద్రంలోని తెలంగాణ మోడల్‌ స్కూల్‌లో శుక్రవారం అండర్‌–18 బాలబాలికల జిల్లాస్థాయి టెన్నికాయిట్‌ ఎంపిక పోటీలు నిర్వహించారు. మొత్తం 30 మంది క్రీడాకారులు హాజరు కాగా, ప్రతిభ చూపిన ఎనిమిది మందిని రాష్ట్రస్థాయికి ఎంపిక చేశామని టెన్నికాయిట్‌ అసోసియేషన్‌ జిల్లా అధ్యక్షుడు రమేశ్‌ తెలిపారు. నవంబర్‌ 1న హైదరాబాద్‌లో జరిగే రాష్ట్రస్థాయి పోటీల్లో రవీందర్‌, మణిదీప్‌, సందీప్‌, సాగర్‌తో పాటు గాయత్రి, సంజన, అన్నపూర్ణ, సాయిమేఘన పాల్గొంటారని పేర్కొన్నారు. కార్యక్రమంలో ప్రిన్సిపాల్‌ మహేశ్వర్‌, మల్లేశ్‌, పీడీలు, పీఈటీలు తిరుపతి, రవి, సువర్ణ, స్వప్న తదితరులు పాల్గొన్నారు.

ఆసిఫాబాద్‌అర్బన్‌: సాగునేల సంరక్షణకు రైతుల బాధ్యత అని జిల్లా వ్యవసాయశాఖ అధికారి వెంకట్‌ తెలిపారు. జిల్లా కేంద్రంలోని జన్కాపూర్‌ రైతు వేదికలో శుక్రవారం ఏర్పాటు చేసిన ‘ఖేత్‌ బచావో అభియాన్‌’కు హాజరై మాట్లాడారు. రైతులు సహజ వ్యవసాయ, సేంద్రియ పద్ధతులు పాటించాలన్నారు. కోతల అనంతరం వరి కొయ్యలను కాల్చకుండా భూమిలో కలియదున్నాలని సూచించారు. పత్తి కట్టెను తగలబెట్టకుండా ముక్కలుగా చేసి చేలలో కలియదున్నడం ద్వారా సేంద్రియ కర్బన శాతం పెరుగుతుందని వివరించారు. కార్యక్రమంలో ఆసిఫాబాద్‌ సహాయ వ్యవసాయ సంచాలకులు మిలింద్‌కుమార్‌, ఏఈవోలు ముత్యం తిరుపతి, చిరంజీవి, రాము, హరీశ్‌ పాల్గొన్నారు.

ఆసిఫాబాద్‌అర్బన్‌: జిల్లాలో అడవుల సంరక్షణ అందరి బాధ్యత అని జిల్లా అటవీశాఖ అధికారి బాలామణి అన్నారు. జిల్లా కేంద్రంలోని అటవీశాఖ కార్యాలయంలో శుక్రవారం తుడుందెబ్బ ముఖ్య నాయకులతో సమావేశమయ్యారు. ఏజెన్సీ ప్రాంతాల్లో అటవీశాఖ నిబంధనలు, ఆదివాసీల హక్కులు, ఎదురవుతున్న సమస్యలు, అటవీ సంరక్షణపై సుదీర్ఘంగా చర్చించారు. తుడుందెబ్బ నాయకులు పలు కీలక అంశాలను డీఎఫ్‌వో దృష్టికి తీసుకెళ్లారు. ఏజెన్సీ ప్రాంతాల్లో అధికారులు 1/70 చట్టం, పెసా చట్టాలను గుర్తించాలని, అభివృద్ధి పనులకు ఆటంకం కలగకుండా సీ సీ రోడ్లు, ఇందిరమ్మ ఇళ్లు నిర్మాణ పనులను నిబంధనల పేరుతో అడ్డుకోవద్దని కోరారు. ఆదివాసీలకు అన్యాయం జరగనంతవరకు అటవీశాఖ అధికారులకు తుడుందెబ్బ సంపూర్ణ సహకారం అందిస్తుందని తెలిపారు. పర్యావరణం, అడవులను కాపాడటంలో ఆదివాసీలు సైతం బాధ్యతాయుతంగా వ్యవహరించాలని డీఎఫ్‌వో సూచించారు. సమావేశంలో తుడుందెబ్బ జాతీయ అధ్యక్షుడు కోట్నాక విజయ్‌, జిల్లా అధ్యక్షుడు కోవ విజయ్‌కుమార్‌, నాయకులు ప్రభాకర్‌, మా రుతి, రాంశావ్‌, భగవంత్‌రావు, నాగోరావు, ప్రకాశ్‌, పురుషోత్తం, వినేష్‌, శ్రీనాథ్‌ తదితరులు పాల్గొన్నారు.

కైలాస్‌నగర్‌/ఇంద్రవెల్లి: ఉమ్మడి ఆదిలాబాద్‌లో తెలంగాణ రక్షణ సేన (టీఆర్‌ఎస్‌) బలోపేతం దిశగా ఆ పార్టీ చీఫ్‌ కల్వకుంట్ల కవిత దృష్టి సారించారు. ఆదిలాబాద్‌ జిల్లా ఇంద్రవెల్లి వేదికగా శుక్రవారం నిర్వహించిన పాంచజన్య సభలో ఆయా నియోజకవర్గాల నేతల ను జనానికి పరిచయం చేస్తూ, రాష్ట్రంలో కొత్త పార్టీ ఆవశ్యకతను వివరించారు. ముందుగా ముత్నూర్‌లోని కుమురంభీం విగ్రహానికి నివాళులర్పించారు. ప్రత్యేక వాహనంలో పార్టీ శ్రేణులతో కలిసి ఇంద్రవెల్లి అమరవీరుల స్తూపాన్ని సందర్శించారు. అనంతరం సభలో ఇంద్రవెల్లి పుణ్యభూమికి పాదాభివందనమంటూ తన ప్రసంగాన్ని ప్రారంభించారు. కాంగ్రెస్‌, బీఆర్‌ఎస్‌లపై ధ్వజం .. కవిత తన ప్రసంగంలో ఉమ్మడి జిల్లా వెనుకబాటు ను ప్రస్తావిస్తూ ఇన్నేళ్లు పాలించిన కాంగ్రెస్‌, బీఆర్‌ఎస్‌లపై మండిపడ్డారు. అధికారంలోకి వచ్చాక రెండు నెలలకోసారి జిల్లాకు వస్తానన్న ముఖ్యమంత్రి మూడేళ్లలో కేవలం రెండుసార్లు మాత్రమే వచ్చారన్నారు. ప్రజలకు ఇచ్చిన హామీలను సైతం నిలబెట్టుకోలేదని విమర్శించారు. ఇక బీఆర్‌ఎస్‌ పదేళ్ల పాలనలోనూ ఈ ప్రాంతానికి ఒరిగిందేమీ లేదన్నారు. యూనివర్సిటీ హామీని కేసీఆర్‌ విస్మరించారని, కనీసం ఇంజినీరింగ్‌ కాలేజ్‌ కూడా ఇవ్వలేదన్నారు. దీనిపై కేటీఆర్‌ జిల్లా ప్రజలకు సమాధానం చెప్పాలని డిమాండ్‌ చేశారు. ఆదిలాబాద్‌లో సీసీ ఐని తెరిపించకుండా చేసిన పాపం బీఆర్‌ఎస్‌, కాంగ్రెస్‌, బీజేపీలదేనని ఆరోపించారు. నాగోబా తల్లి దయతో మా పార్టీ తొలి జెండా ఇక్కడ నుంచే ఎగురుతుందని ధీమా వ్యక్తం చేశారు. కాగా, సభ సక్సెస్‌తో శ్రేణుల్లో ఉత్సాహం నింపింది. కార్యక్రమంలో మాజీ మంత్రి బోడ జనార్దన్‌, మాజీ ఎమ్మెల్యే రాథోడ్‌ బాపూరావు, సభ రాష్ట్ర పరిశీలకులు పడిగపాటి విక్రాంత్‌రెడ్డి, నియోజకవర్గ ఇన్‌చార్జీలు మేస్రం దయాకర్‌, వేణుగోపాల్‌, కావేటి సబిత, కాదాసీ గీత, డాక్టర్‌ చంద్రప్రకాశ్‌, కె.వినోద్‌చారి, నిర్మల్‌ జిల్లా అధ్యక్షుడు లోకిని రాము, పార్లమెంట్‌ ఇన్‌చార్జి బాపురావు తదితరులు పాల్గొన్నారు.

తిర్యాణి: జల్‌, జంగల్‌, జమీన్‌ కోసం కుమురంభీంతో కలిసి వెడ్మ రాము చేసిన పోరాటం మరువలేనిదని ఎమ్మెల్యే కోవ లక్ష్మి అన్నారు. వెడ్మ రాము 39వ వర్ధంతి నేపథ్యంలో తిర్యాణి మండలం ఎదులపహాడ్‌ గ్రామంలోని ఆయన విగ్రహానికి శుక్రవారం పూలమాలలు వేసి నివాళులర్పించారు. అనంతరం ఏర్పాటు చేసిన సమావేశంలో ఎమ్మెల్యే మాట్లాడారు. ఆదివాసీ సంస్కృతి, సంప్రదాయాలు చాలా గొప్పవని, వాటిని కాపాడుకుంటూ ముందుకు సాగాలని పిలుపునిచ్చారు. ఎదులపహాడ్‌లో వెడ్మ రాము నిలువెత్తు కాంస్య విగ్రహంతోపాటు కమ్యూనిటీ హాల్‌, మ్యూజియం ఏర్పాటు చేయాలని ప్రభుత్వాన్ని డిమాండ్‌ చేశారు. వర్ధంతి సభకు ఏటా ఐటీడీఏ ద్వారా రూ.10లక్షలు కేటాయించాలని, ప్రత్యేక జీవో విడుదల కోసం అసెంబ్లీలో ప్రస్తావిస్తానన్నారు. అలాగే వచ్చే వర్ధంతి లోగా విజయనగరం నుంచి ఎదులపహాడ్‌ వరకు బీటీ రోడ్డు నిర్మిస్తామని హామీ ఇచ్చారు. కార్యక్రమంలో ఐటీడీఏ ఏపీవో భాస్కర్‌, ఏజెన్సీ డీఈవో చందన్‌, జీసీడీవో శకుంతల, బీఆర్‌ఎస్‌ పార్టీ మండల అధ్యక్షుడు హన్మండ్ల జగదీశ్‌, పీఏసీఎస్‌ చైర్మన్‌ చుంచు శ్రీనివాస్‌, మాజీ జెడ్పీటీసీ ఆత్రం చంద్రశేఖర్‌, వెడ్మ కమల, స్థానిక సర్పంచ్‌ మడావి పార్వతి, వర్ధంతి నిర్వహణ కమిటీ అధ్యక్షుడు ఆత్రం సంతోష్‌, నాయకులు మర్సుకోల తిరుపతి, దస్రు, వెడ్మ తిరుపతి తదితరులు పాల్గొన్నారు.

ఆసిఫాబాద్‌రూరల్‌: జిల్లా విద్యార్థులు క్రీడారంగంలో ఉన్నతస్థాయికి ఎదగాలని కలెక్టర్‌ కె.హరిత అన్నారు. జిల్లా కేంద్రంలోని గిరిజన ఆదర్శ క్రీడాపాఠశాల విద్యార్థినులకు సీఎస్‌ఆర్‌ ఫండ్స్‌, రవి ఫుడ్స్‌, చీప్‌ టు గ్రిడ్‌, త్రీఎఫ్‌ ఇండసీ్ట్రస్‌ లిమిటెడ్‌ సహకారంతో ట్రాక్‌సూట్స్‌, ష్యూ, టీషర్టులు, షార్టులతో కూడిన కిట్లను డీటీడీవో అంబాజీతో కలిసి అందించారు. కలెక్టర్‌ మాట్లాడుతూ విద్యార్థులను రాష్ట్ర, జాతీయ, అంతర్జాతీయ స్థాయి క్రీడాకారులుగా తీర్చిదిద్దాల్సిన బాధ్యత కోచ్‌లు తీసుకోవాలని సూచించారు. కార్యక్రమంలో డీఎస్‌వో షేకు, నోడల్‌ అధికారి మీనారెడ్డి, హెచ్‌ఎం లింబారావు, కోచ్‌లు విద్యాసాగర్‌, తిరుమల్‌, అరవింద్‌, ఎస్‌జీఎఫ్‌ జిల్లా కార్యదర్శి రామ్మోహన్‌రావు పాల్గొన్నారు. అనంతరం క్రీడాపాఠశాలలో వంటగదిని పరిశీలించారు. విద్యార్థులకు మెనూ ప్రకారం పౌష్టికాహారం అందించాలని ఆదేశించారు. దరఖాస్తుల ఆహ్వానం ఆసిఫాబాద్‌అర్బన్‌: జాతీయ ఆయుష్‌ మిషన్‌ పరిధిలోని వివిధ కార్యాలయాల్లో ఖాళీగా ఉన్న ఔట్‌సోర్సింగ్‌ పోస్టుల భర్తీకి అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు కలెక్టర్‌ కె.హరిత శుక్రవారం ఒక ప్రకటనలో తెలిపారు. మల్టీపర్పస్‌ వర్కర్స్‌ పోస్టుల కోసం దరఖాస్తు చేసుకున్న అభ్యర్థులకు నవంబర్‌ 3న ఉదయం 11 గంటలకు జిల్లా కేంద్రంలోని కలెక్టరేట్‌లో రాత పరీక్ష నిర్వహించనున్నట్లు పేర్కొన్నారు. అభ్యర్థులు సకాలంలో చేరుకోవాలని సూచించారు.

కాగజ్‌నగర్‌టౌన్‌: జిల్లా కేంద్రంలోని కలెక్టరేట్‌ ఎదుట నేషనల్‌ హెల్త్‌ మిషన్‌ ఉద్యోగులు చేపట్టిన సమ్మె కొనసాగుతోంది. 19 రోజులుగా వారు విధులను బహిష్కరించడంతో వైద్య సేవలపై ప్రభావం చూపుతోంది. ముఖ్యంగా వ్యాక్సినేషన్‌ సేవలకు అంతరాయం ఏర్పడుతోంది. జిల్లా ప్రభుత్వ ఆస్పత్రితోపాటు జిల్లావ్యాప్తంగా 17 ప్రాథమిక ఆరోగ్య కేంద్రాలు, 108 సబ్‌ సెంటర్లు, సామాజిక ఆరోగ్య కేంద్రాలు 5, ఏరియా ఆసుపత్రి, టీ హబ్‌లో ఎన్‌హెచ్‌ఎం ఉద్యోగులను నియమించారు. కాంట్రాక్టు, ఔట్‌సోర్సింగ్‌ విధానంలో పనిచేస్తున్న డాక్టర్లు, ఫార్మసిస్టులు, ఆయుష్‌ వైద్యులు, ఎంఎల్‌హెచ్‌పీలు, ఏఎన్‌ఎం, సెకండ్‌ ఏఎన్‌ఎంలు, ల్యాబ్‌ టెక్నీషియన్లు, డేటా ఎంట్రీ ఆపరేటర్లు 327 మందికి పైగా విధులు బహిష్కరించారు. రెగ్యులర్‌ సిబ్బందితో సమానంగా పనిచేస్తున్నా వేతనాలు తక్కువగా ఉన్నాయని ఆవేదన వ్యక్తం చేస్తున్నారు. దీంతో ప్రభుత్వ ఆస్పత్రులు, పీహెచ్‌సీల్లో వ్యాక్సినేషన్‌, ఏఎంసీ సేవలు, గర్భిణులు, చిన్నారులు ఇబ్బందులు పడుతున్నారు. ఏఎన్‌ఎం, ఏఎంసీ సేవలందించే వారు లేకపోవడంతో టీకాలు, చిన్నారులకు వేయాల్సిన రోటీన్‌ వ్యాక్సినేషన్‌(పోలియో, పెంటా, బీసీజీ)లు వాయిదా వేసుకోవాల్సి వస్తోంది. మరోవైపు ప్రాథమిక ఆరోగ్య కేంద్రాల్లో ఓపీ తగ్గి ఆశవర్కర్లపై భారం పడుతోంది. గ్రామీణ ప్రాంతాల్లోని ప్రజలు తప్పనిసరి పరిస్థితుల్లో ప్రైవేటు ఆస్పత్రులను ఆశ్రయిచాల్సి వస్తోంది. వ్యాక్సినేషన్‌కు అవస్థలు జిల్లావ్యాప్తంగా ఆస్పత్రుల్లో పిల్లలకు వ్యాక్సిన్లు వేయించేందుకు తల్లిదండ్రులు ఇబ్బంది పడుతున్నారు. కాగజ్‌నగర్‌ పట్టణంలోని నౌగాంబస్తీ అర్బన్‌ హెల్త్‌సెంటర్‌, కాగజ్‌నగర్‌ పీహెచ్‌సీలు ఒకేచోట ఉన్నాయి. ఆయా సెంటర్ల పరిధిలోని తల్లిదండ్రులు పిల్లలకు వ్యాక్సినేషన్‌ కోసం బుధవారం ఆస్పత్రికి వచ్చారు. అయితే వ్యాక్సినేషన్‌ సమయమైపోయిందని, భట్టుపల్లి పీహెచ్‌సీకి వెళ్లాలని, లేదా సర్‌సిల్క్‌లో వెళ్లాలని సిబ్బంది సూచించారు. నౌగాంబస్తీ పీహెచ్‌సీలో ఒక స్టాఫ్‌ నర్సు, సూపర్‌వైజర్‌, సర్‌సిల్క్‌లో ఒక ఎల్టీ, వైద్యురాలు మాత్రమే ఉన్నారు. అవసరమైన సిబ్బంది అందుబాటులో లేకపోవడంతో ఇబ్బందులు ఎదురయ్యాయి. ఈ విషయంపై అర్బన్‌ హెల్త్‌ సెంటర్‌ వైద్యురాలు అఫ్సానాను వివరణ కోరగా.. నేషనల్‌ హెల్త్‌ మిషన్‌లో విధులు నిర్వర్తింహించే సిబ్బంది సమ్మెలో ఉన్నందున ఇబ్బందులు తలెత్తినట్లు తెలిపారు.

కౌటాల: ప్రభుత్వ కార్యాలయాలు ప్రజలకు సేవ చేయడానికి బదులు అవినీతి పుట్టలుగా మారుతున్నాయి. నిరుపేదలు, సామాన్యుల కష్టాలను ఆసరాగా చేసుకుని కొంతమంది అధికారులు అక్రమ సంపాదనకు అలవాటు పడుతున్నారు. తాజాగా జిల్లాలో వెలుగు చూసిన రెండు వేర్వేరు ఘటనలు ఈ దుస్థితికి అద్దం పడుతున్నాయి. జిల్లా పశుసంవర్ధక శాఖ జిల్లా అధికారి అవినీతి వ్యవహారం జాతీయ ఎస్టీ కమిషన్‌ వరకు వెళ్లగా.. మరోవైపు కాగజ్‌నగర్‌లో ఏకంగా భూమి విరాసత్‌ కోసం లంచం డిమాండ్‌ చేసిన గ్రామ రెవెన్యూ అధికారి(జీపీవో) ఏసీబీకి రెడ్‌హ్యాండెడ్‌గా చిక్కారు. కేవలం నగదు రూపంలోనే కాకుండా యూపీఐ పేమెంట్లు, బినామీ అకౌంట్ల ద్వారా డిజిటల్‌ లంచాలకు తెరలేపుతున్న అవినీతి అధికారుల బాగోతం తీవ్ర చర్చనీయాంశమవుతోంది. ఏసీబీ నిఘా కఠినతరం చేస్తున్నా క్షేత్రస్థాయిలో లంచగొండుల ఆగడాలకు అంతులేకుండా పోతోంది. ఫిర్యాదుకు వెనుకాడొద్దు.. రెవెన్యూ, పోలీసు, గనులు, విద్యుత్‌, రిజిస్ట్రేషన్లు తదితర శాఖల్లోనే ఎక్కువగా అక్రమాలు వెలుగు చూస్తున్నాయి. గ్రామీణులకు సరైన అవగాహన లేకఫిర్యాదులకు ముందుకు రావడం లేదు. చాలా వ రకు ఫిర్యాదులు అందిన సమయంలోనే ఏసీబీ దా డులు చేస్తోంది. అయితే ఇటీవల అవినీతి నిరోధక శాఖకు అధికంగా ఫిర్యాదులు అందడం అశించదగ్గ పరిణామం. అయినా కొందరు ఉద్యోగులు తమ వక్రబుద్ధి వీడటం లేదు. సామాన్యులు పని కోసం ప్రభుత్వ కార్యాలయానికి వస్తే పైసల కోసం వేధిస్తున్నారు. ఒక్కో పనికి ఒక్కో రేటు ఫిక్స్‌ చేస్తున్నారు. మున్సిపల్‌, ఎకై ్సజ్‌, విద్యుత్‌, ఇంజనీరింగ్‌, రెవెన్యూ, ఆర్టీఏ, మైనింగ్‌, అటవీ, విద్య, వైద్యం.. ఇలా ఏ శాఖలోనైనా పనుల కోసం లంచం అడిగితే ప్రజలకు వెనుకాడకుండా టోల్‌ ఫ్రీ నంబర్‌ 1064 లేదా వాట్సాప్‌ నంబర్‌ 94404 46106కు ఫిర్యాదు చేయాలని ఏసీబీ అధికారులు సూచిస్తున్నారు.

డిసెంబర్‌లో పూత దశబెల్లంపల్లి: మామిడిని చీడపీడలు, తెగుళ్లు ఆశించకుండా, అ ధిక దిగుబడి సాధించేలా రైతులు యాజమాన్య పద్ధతులు పా టించాలి. నిర్లక్ష్యం చేస్తే తోట లు నిర్జీవంగా తయారు కావడంతోపాటు దిగుబడి పడిపో యి తీవ్రంగా నష్టపోవాల్సిన ప రిస్థితులు ఉంటాయని బెల్లంపల్లి క్లస్టర్‌ ఉద్యానవన శాఖ అధికారి అర్చన తెలిపారు. ఆమె మాటల్లో మామిడి తోటల్లో యాజమాన్య పద్ధతులు ఇలా.. చీడపీడలు, నియంత్రణ చర్యలుతేనె మంచు పురుగు: మామిడిని ప్రధానంగా తేనె మంచు పురుగు ఆశిస్తే 20నుంచి 100శాతం వరకు నష్టం కలుగుతుంది. ఈ పురుగు లేత ఆకులు, పుష్పగుచ్చాలు, పూలు, పిందెలను చేరి రసాన్ని పీలుస్తాయి. ఇది విసర్జించిన తేనెలాంటి తీయని పదార్థంతో మసిమంగు ఆశిస్తుంది. మంచు పురుగు ప్రభావంతో పూత, కాతలేని సమయంలో చెట్ల బెరడులోని పగుళ్లు, చెట్టు కాండంపై దాక్కొని ఉంటాయి. ఈ పురుగు రసం పీల్చడంతో పూత పూర్తిగా మాడిపోయి పిందె కట్టదు. నియంత్రణ: తేనె మంచు పురుగు నియంత్రణకు త యోమెథొక్సం 0.5 గ్రాములు లీటర్‌ నీటికి లేదా లా ంబ్డా సహైలోత్రిన్‌ 0.5 మిల్లీ లీటర్లను లీటర్‌ నీటిలో కలిపి కాండం మొత్తం తడిసేలా పిచికారీ చేయాలి. తామర పురుగు: తామర పురుగు మామిడికి నష్టం కలిగిస్తుంది. చెట్లకు కొత్త చిగురు వచ్చే దశలో ఆకులపై అసంఖ్యాకంగా చేరి గోకి రసాన్ని పీలుస్తాయి. దీంతో ఆకులు చిన్నవిగా ఉండి రాలిపోతాయి. పుష్పగుచ్చం, పిందెలపై చర్మం గీకి రసం పీల్చడంతో రాతి మంగు ఏర్పడి కాయ నాణ్యత తగ్గుతుంది. నియంత్రణ: తామర పురుగు నివారణకు ఫిప్రోనిల్‌ 1.5 మిల్లీ లీటర్‌ లేదా ఆసిఫేట్‌ 1.5 గ్రాములు లీటర్‌ నీటిలో కలుపుకొని పిచికారీ చేయాలి. ఆకు జల్లెడ గూడు పురుగు: ఈ పురుగు ఆకుల ఈనెల మధ్య ఉన్న కణజాలాన్ని పూర్తిగా తినేసి ఆకుల్ని జల్లెడ లాగా చేసి ఆ తర్వాత ఆకుల్ని దగ్గరకు చేర్చి గూడు ఏర్పరుచుకుంటుంది. పూత దశలో పూలు, మొగ్గలను ఆశించి పూగుత్తులను గూడుగా ఏర్పాటు చేసుకుంటుంది. నియంత్రణ: ఆకు జల్లెడ పురుగు నియంత్రణకు పురుగుల గూళ్లను ముందుగా వెదురు కర్రలతో దులిపి క్లోరిఫైరిఫోస్‌ 2మిల్లీ లీటర్లను లీటర్‌ నీటిలో కలిపి పిచికారీ చేయాలి. బూడిద తెగులు: బూడిద తెగులు కూడా మామిడిని కోలుకోకుండా చేయడంలో కీలకంగా వ్యవహరిస్తుంది. ఆకులు, పూరెమ్మల మీద బూడిదలాంటి తెల్లని పదార్థం వ్యాపించి పూత, పిందె రాలి పోయి నష్టం కలిగిస్తుంది. నియంత్రణ: బూడిద తెగులు నివారణకు కారేథేన్‌ ఒక మిల్లీ లీటర్‌ లేదా హెక్సాకోనోజెల్‌ ఒక మిల్లీ లీటర్‌ను లీటరు నీటిలో కలిపి పిచికారీ చేయాలి. పక్షి కన్ను తెగులు: ఆ శిలీంద్రం ఆకులపై మచ్చ తెగులునే కాక చిగురు మాడు, పూత మాడు తెగుళ్లను కూడా కలిగిస్తుంది. గాలిలో అధిక తేమ, అకాల వర్షం అధికంగా కురిసినప్పుడు ఈ తెగులు కాయలను ఆశిస్తుంది. నియంత్రణ: పక్షి కన్ను తెగులు నియంత్రణకు కాపర్‌ ఆక్సీక్లోరైడ్‌ 3 గ్రాములు లీటర్‌ నీటిలో లేదా కార్బెండిజ్‌ ఒక గ్రామును లీటర్‌ నీటిలో కలిపి పిచికారీ చేసుకోవాలి. పురుగు మందులను చల్లని వేళలో అనగా ఉదయం లేదా సాయంత్రం పూట పిచికారీ చేయాలి. పురుగు మందులను మార్చి వాడాలి. ఒకే మందును అనేకసార్లు వాడితే పురుగులు ఆ మందులకు అలవాటు పడిపోయి నశించవు.అక్టోబర్‌, నవంబర్‌ మాసాల్లో మామిడి చెట్లు నిద్రావస్థ దశలో ఉంటాయి. ఈ రెండు నెలలు చెట్లకు ఎట్టి పరిస్థితుల్లోనూ నీటితడులు అందించవద్దు. మామిడి చెట్లకు పూ మొగ్గలు అన్ని ఒకేసారి విచ్చుకోవడం, కాయలు కూడా ఒకేసారి కట్టడం కోసం పొటాషియం నైట్రేట్‌ను 10 గ్రాములు నీటిలో కలిపి పిచికారీ చేయాలి. అక్టోబర్‌లో పిచికారీ చేయలేని పరిస్థితుల్లో నవంబర్‌లో చేసుకోవాలి. డిసెంబర్‌లో పూత మొదలై జనవరిలో పాచిపూతదశ లేదా పూత వికసించే దశ మొదలవుతుంది.

మంచిర్యాలరూరల్‌(హాజీపూర్‌): బెల్లంపల్లిలోని తెలంగాణ సాంఘిక సంక్షేమ గురుకుల బాలుర జూనియర్‌ కళాశాలలో ఎస్‌జీఎఫ్‌ ఆధ్వర్యంలో నిర్వహించిన పీఎంశ్రీ పాఠశాలల జిల్లా స్థాయి స్పోర్ట్స్‌ మీట్‌లో మంచిర్యాల మున్సిపల్‌ కార్పొరేషన్‌లోని గుడిపేట మహాత్మా జ్యోతిబా ఫూలే గురుకుల బా లుర పాఠశాల ఖోఖో, కబడ్డీ జట్లు మొదటి స్థానంలో నిలిచాయి. ఈ జట్ల క్రీడాకారులు రాష్ట్ర స్థాయి పోటీలకు ఎంపికయ్యారు. నవంబర్‌ 4న హైదరాబాద్‌లోని పోలీస్‌ అకాడమీలో నిర్వహించనున్న రాష్ట్రస్థాయిలో పీఎంశ్రీ పాఠశాలల స్పోర్ట్స్‌ మీట్‌లో వీరు పాల్గొంటారని పాఠశాల ప్రిన్సిపల్‌ శిరీష తె లిపారు. ఈ సందర్భంగా ప్రిన్సిపల్‌తో పాటు స్కూ ల్‌ గేమ్స్‌ సెక్రటరీ యాకూబ్‌, పీడీ సురేశ్‌, పీఈటీ నగేశ్‌, అధ్యాపకులు వీరిని అభినందించారు.

నెన్నెల: దళితులను కులం పేరిట దూషించిన గొల్లపల్లి గ్రామానికి చెందిన ఇందూరి రామ్మోహన్‌కు ఆదిలాబాద్‌ సెక్షన్‌ కోర్టు స్పెషల్‌ జడ్జి బి.శశికుమార్‌ ఆరునెలల జైలు శిక్ష, రూ.2వేల జరిమానా విధిస్తూ శుక్రవారం తీర్పు చెప్పినట్లు నెన్నెల ఎస్సై జగదీశ్వర్‌రెడ్డి తెలిపారు. ఆయన తెలిపిన వివరాల ప్రకారం.. 2021 జనవరి 31న జరిగిన భూ తగాదాలో అదే గ్రామానికి చెందిన పో తురాజుల సురేశ్‌తో పాటు మరికొంత మంది దళితులను రామ్మోహన్‌ కులం పేరిట దూ షించాడు. బాధితుడి ఫిర్యాదు మేరకు అ ప్పటి ఎస్సై రమాకాంత్‌ నెన్నెల పోలీస్‌స్టేషన్‌లో కేసు నమోదు చేశారు. అప్పటి బెల్లంపల్లి ఏసీపీ ఎం.ఏ.రహ్మన్‌ దర్యాప్తు చేసి చార్జ్‌షీట్‌ దాఖలు చేశారు. ప్రత్యేక పబ్లిక్‌ ప్రాసిక్యూటర్‌ రమణరెడ్డి సాక్ష్యాధారాలను కోర్టులో ప్రవేశపెట్టగా నేరం రుజువు కావడంతో శిక్ష ఖరారు చేశారని ఎస్సై వివరించారు. మహిళపై ఎస్సీ, ఎస్టీ అట్రాసిటీ కేసునెన్నెల: భీమారం గ్రామానికి చెందిన కొత్తపల్లి పోశక్కపై శుక్రవారం ఎస్సీ, ఎస్టీ అట్రా సిటీ కేసు నమోదు చేసినట్లు ఎస్సై జగదీశ్వర్‌రెడ్డి తెలిపారు. కొత్తూర్‌ గ్రామానికి చెందిన ఇస్లావత్‌ మౌనిక అనే గిరిజన మహిళ గ్రామ శివారులోని మక్క చేనులో కలుపు తీస్తుండగా జరిగిన గొడవలో ఆమెను పోశక్క కులం పేరిట దూషించిందని, నానా బూతులు తిట్టిందని చెప్పారు. బాధితురాలి ఫిర్యాదు మేరకు కేసు నమోదు చేసి దర్యాప్తు చేస్తున్నామని ఎస్సై వివరించారు. పోటాపోటీగా జోనల్‌స్థాయి ఎంపిక పోటీలుఆసిఫాబాద్‌రూరల్‌: జిల్లా కేంద్రంలోని గిరిజన క్రీడా పాఠశాలలో జోనల్‌ స్థాయి అథ్లెటిక్స్‌ ఎంపిక పోటీలు పోటాపోటీగా జరిగాయి. పోటీలను డీఈవో సచ్చిదానందచారి ప్రారంభించారు. ఈ సందర్భంగా ఆయన మాట్లాడుతూ.. జోనల్‌ స్థాయి అండర్‌–14, 17, 19 ఎస్‌జీఎఫ్‌ బాలికల అథ్లెటిక్స్‌ పోటీల్లో 100, 200, 400, 800, 1,500, 3వేల మీటర్ల రన్నింగ్‌, లాగ్‌ జంప్‌, హై జంప్‌, షాట్‌ఫుట్‌, జావెలిన్‌ త్రో పోటీలకు ఉమ్మడి జిల్లా నుంచి 200 మంది క్రీడాకారులు పాల్గొన్నారని ఎస్‌జీఎఫ్‌ జిల్లా కార్యదర్శి రామ్మోన్‌రావు తెలిపారు. వీరిలో ప్రతిభ కనబర్చిన 80మందిని రాష్ట్ర స్థాయికి ఎంపిక చేసినట్లు అథ్లెటిక్స్‌ కోచ్‌ విద్యాసాగర్‌ పేర్కొన్నారు. ఎస్వో శ్రీనివాస్‌, నోడల్‌ అధికారి మీనారెడ్డి, పీడీలు, పీఈటీలు లక్ష్మణ్‌, రవి తదితరులున్నారు.

ఉట్నూర్‌రూరల్‌: వివిధ శాఖల భాగస్వామ్యంతో వీబీ జీరామ్‌జీ లక్ష్యాలను గడువులోపు సాధించాలని ఐటీడీఏ పీవో మంద మకరందు సూచించారు. గ్రామీణ ప్రాంతాల్లో ఉపాధి అవకాశాలు మెరుగుపరచడం, వివిధ ప్రభుత్వ శాఖల మధ్య సమన్వయాన్ని బలోపేతం చేయడం, వీబీ జీరామ్‌జీ పథకాన్ని అత్యంత సమర్థవంతంగా అమలు చేయడమే లక్ష్యంగా ఉమ్మడి జిల్లాలోని ఎంపీడీవోలు, జిల్లా గ్రామీణాభివృద్ధి అధికారులతో గూగుల్‌ మీట్‌ ద్వారా సమన్వయ సమావేశం నిర్వహించారు. గ్రామస్థాయిలో చేపట్టాల్సిన అభివృద్ధి పనులు, పథకం అమలుకు సంబంధించిన విధివిధానాలపై సమగ్రంగా చర్చించారు. పథకం అమలును అధికారులు నిరంతరం పర్యవేక్షిస్తూ, అర్హులైన ప్రతీ లబ్ధిదారుకు ప్రయోజనం చేకూరేలా చర్యలు తీసుకోవాలని సూచించారు. క్షేత్రస్థాయిలో ఎదురవుతున్న చిన్నపాటి ఇబ్బందులను పరస్పర సమన్వయంతో పరిష్కరించుకోవాలని, ఎప్పటికప్పుడు పురోగతి నివేదికలను అందించాలని ఆదేశించారు. ఈ సమావేశం ద్వారా వివిధ శాఖల మధ్య సమన్వయం మరింత బలపడి, గ్రామీణ ప్రాంతాల సర్వతోముఖాభివృద్ధికి బాటలు వేయాలని నిర్ణయించారు.

బోథ్‌: చేతిలో చిల్లిగవ్వ లేక, ఫీజులు చెల్లించలేక ఆగిపోవాల్సిన ఎంబీబీఎస్‌ ప్రవేశం.. సమాజం చాటిన అపార మానవత్వంతో చిగురించింది. తల్లిదండ్రుల చేతులు పట్టుకుని, వారి కళ్లలోని ఆనంద భాష్పాలను తుడుస్తూ బోథ్‌ మండల కేంద్రానికి చెందిన నిరుపేద విద్యార్థి సాయిచరణ్‌ కామారెడ్డి ప్రభుత్వ వైద్య కళాశాలలోకి శుక్రవారం సగర్వంగా అడుగుపెట్టాడు. నీట్‌లో మంచి ర్యాంక్‌ సాధించినా ఆర్థిక స్తోమత లేక సాయిచరణ్‌ ఎదుర్కొంటున్న దీనస్థితిని వివరిస్తూ అక్టోబర్‌ 4న ‘సాక్షి’ దినపత్రికలో ప్రచురితమైన ‘డాక్టర్‌ కలకు పేదరికం అడ్డు’ కథనం అక్షరాలకే చలనం తెచ్చింది. సమాజంలోని మానవత్వాన్ని తట్టిలేపింది. గాంధీ పూర్వ విద్యార్థుల చేయూత కథనానికి చలించిన గాంధీ మెడికల్‌ కాలేజీ పూర్వ విద్యార్థులు డాక్టర్‌ రోహిణి వంగ (అమెరికా), డాక్టర్‌ విక్రమ్‌రెడ్డి, స్థానిక బోథ్‌ సామాజిక ఆరోగ్యకేంద్రం సూపరింటెండెంట్‌ రవీంద్రప్రసాద్‌ స్పందించారు. సాయిచరణ్‌ ఎంబీబీఎస్‌ పూర్తి చేయడానికి అవసరమయ్యే సుమారు రూ.5 లక్షల వ్యయాన్ని భరిస్తామని ప్రకటించి, తక్షణ సాయంగా రూ.50వేల చెక్కు అందజేశారు. రైస్‌ మిల్లు గుమా స్తా రాజా లక్ష్మణ్‌ దాస్‌ రూ.2,151 ఆర్థికసాయాన్ని అందించి మానవత్వాన్ని చాటారు. తమ బిడ్డ వైద్య విద్యకు తోడ్పాటునందించిన ‘సాక్షి’తోపాటు దాతలకు సాయిచరణ్‌ తల్లిదండ్రులు రమేశ్‌, విజయ కృతజ్ఞతలు తెలిపారు.

దండేపల్లి: రాష్ట్రంలోనే ఏకైక ఆలయంగా ప్రసిద్ధి గాంచిన మండలంలోని గుడిరేవు గోదావరి ఒడ్డునగల ఆదివాసీల ఆరాధ్య దైవం శ్రీపద్మల్‌పురి కాకో ఆలయంలో దండారీ సంబురాలు మొదలయ్యాయి. శుక్రవారం వివిధ ప్రాంతాల నుంచి వచ్చిన ఆదివాసీ గిరిజనులు కాకోను దర్శించుకుని మొక్కులు చెల్లించుకున్నారు. ఆలయ ఆవరణలో ఆదివాసీ గిరిజనులు గుస్సాడీ వేషాలతో నృత్యాలు చేయడం ఆకట్టుకుంది. జాతీయస్థాయి పోటీలకు ఎంపికనిర్మల్‌టౌన్‌: అండర్‌–17 ఎస్‌జీఎఫ్‌ బాలుర క్రికెట్‌లో నిర్మల్‌కు చెందిన జాదవ్‌ ఉమేశ్‌ జా తీయస్థాయి పోటీలకు ఎంపికయ్యాడు. ఇటీవల గద్వాల్‌లో నిర్వహించిన రాష్ట్రస్థాయి పో టీల్లో ప్రతిభ కనబరిచి తెలంగాణ జట్టులో చోటు సంపాదించాడు. వచ్చే నెలలో మధ్యప్రదేశ్‌లోని గువాహటిలో నిర్వహించనున్న జాతీయస్థాయి పోటీల్లో తెలంగాణ తరఫున పాల్గొననున్నాడు. నిర్మల్‌ శివారు కొండాపూర్‌లోని లక్కీ క్రికెట్‌ అకాడమీలో కోచ్‌ సుదర్శన్‌ వద్ద బ్యాటింగ్‌లో శిక్షణ పొందిన ఉమేశ్‌ జాతీయస్థాయికి ఎంపిక కాగా అకాడమీ నిర్వాహకులు, కోచ్‌ హర్షం వ్యక్తం చేశారు.

జన్నారం: అనారోగ్యంతో తల్లిదండ్రులు మృతి చెందగా అనాథలుగా మారిన ఇద్దరు పిల్లలకు గల్ఫ్‌ కార్మికుల సంక్షేమ సంఘం ఆపన్నహస్తం అందించింది. మండలంలోని రాంపూర్‌ గ్రామానికి చెందిన ఓరుగంటి లింగయ్య మూడేళ్ల క్రితం, దివ్య నెల క్రి తం అనారోగ్యంతో మృతి చెందారు. వీరికి అ మూల్య, స్పందన అనే కూతుళ్లున్నారు. తల్లిదండ్రుల మృతితో అనాథలుగా మారారు. విషయం తెలుసుకున్న తెలంగాణ గల్ఫ్‌ కార్మికుల సంక్షేమ సంఘం రాష్ట్ర కన్వీనర్‌ సుదర్శన్‌, గ్రామ కమిటీ అధ్యక్షుడు వెంకటేశ్‌ సంఘం దృష్టికి తీసుకెళ్లి సహాయం అందించారు. సంఘం ఆధ్వర్యంలో రూ.93,200 పోగు చేసి ఇద్దరు పిల్లల పేరిట ఫిక్స్‌డ్‌ డిపాజిట్‌ చేయించినట్లు వ్యవస్థాపక రాష్ట్ర అధ్యక్షుడు కల్లెడ భూమ య్య తెలిపారు. శుక్రవారం డిపాజిట్‌ బాండ్లను సర్పంచ్‌ నూతి రామయ్య చేతుల మీదుగా పిల్లలకు ఇచ్చినట్లు పేర్కొన్నారు. ఈ సందర్భంగా గల్ఫ్‌ కార్మికుల ఔదార్యాన్ని సర్పంచ్‌ అభినందించారు.

మంచిర్యాలక్రైం: వరుస తనిఖీలతో పోలీసులు హడలెత్తిస్తున్నారు. ఈ నెల 29న అర్ధరాత్రి స్థానిక ఏసీపీ ప్రకాశ్‌ ప్రత్యేక పోలీసులతో కలిసి జిల్లా కేంద్రంలోని స్మోకింగ్‌ జోన్లు, టీ పాయింట్ల వద్ద ఆకస్మిక తనిఖీలు నిర్వహించారు. రోడ్లపై ఏ పనీ లేకుండా తిరుగుతున్న వారిని అదుపులోకి తీసుకున్నారు. అర్ధరాత్రి వరకు నిర్వహిస్తున్న టీ పాయింట్ల యజమానులను మందలించారు. స్మోకింగ్‌ చేసేందుకు వచ్చిన యువకుల వివరాలు, వారి సెల్‌ నంబర్లు సేకరించి కౌన్సెలింగ్‌ నిర్వహించారు. మ రోసారి అర్ధరాత్రి రోడ్ల మీద కనిపిస్తే క్రిమినల్‌ కేసులు నమోదు చేసి జైలుకు పంపిస్తామని హెచ్చరించారు. సీఐ ప్రమోద్‌రావు, మహిళా పోలీస్‌స్టేషన్‌ సీఐ సత్యనారాయణ, ఎస్సైలు రామకృష్ణ, మధుసూదన్‌ పాల్గొన్నారు. గిరిజన సంక్షేమశాఖ అధికారులతో సమీక్షఉట్నూర్‌రూరల్‌: తెలంగాణ రాష్ట్ర గిరిజన సంక్షేమ శాఖ సంచాలకుడు సంతోష్‌కుమార్‌ ఆధ్వర్యంలో ఐటీడీఏ ప్రాజెక్ట్‌ అధికారులు, సహాయ ప్రాజెక్ట్‌ అధికారులు, డిప్యూటీ డైరెక్టర్లు, జిల్లా గిరిజన అభివృద్ధి అధికారులు, ఇంజినీరింగ్‌ అధికారులతో వీసీ ద్వారా ఉన్నత స్థాయి సమీక్షా సమావేశం నిర్వహించారు. సమావేశానికి ఉట్నూర్‌ ఐటీడీఏ పీవో మంద మకరందు హాజరయ్యారు. సమావేశంలో డైట్‌ బిల్లులు, కాస్మొటిక్‌, అద్దె చార్జీల చెల్లింపులు, పాఠశాలలు–వసతి గృహాల నిర్వహణ, విద్యార్థులకు నాణ్యమైన ఆహా రం సరఫరా, యూనిఫాంల పంపిణీ, ఉపకార వేతనాల మంజూరు తదితర అంశాలపై చర్చించారు. ధర్తీ ఆబా జనజాతీయ గ్రామ ఉత్కర్ష్‌ అభియాన్‌, పీఎం–జన్‌మన్‌ పథకాల పనుల పురోగతి, జీసీసీ బిల్లుల రీకన్సిలియేషన్‌, ట్రైకార్‌ ద్వారా నైపుణ్యాభివృద్ధి కార్యక్రమాలపై సమీక్ష నిర్వహించారు. ఐదుగురిపై నగర బహిష్కరణ వేటుమంచిర్యాలక్రైం: జిల్లాలో వరుస గొడవలు, దాడులను పోలీస్‌ యంత్రాంగం సీరియస్‌ గా తీసుకుంది. ఐదుగురు రౌడీ షీటర్లపై నగ ర బహిష్కరణ వేటుకు రంగం సిద్ధం చేసింది. ఇందులో ఇదివరకే నగర బహిష్కరణకు గురైన ఎర్రగుంటపల్లి సంపత్‌కు మరోసారి నగర బహిష్కరణ నోటీస్‌ శుక్రవారం జారీ చేశారు. మరో నలుగురిలో ఆత్మకూరి సంజీ వ్‌, దీటి సాయితేజ, ఆఫ్రోజ్‌, విశాల్‌ ఉన్నా రు. వీరికి నోటీసులు అందజేసేందుకు రంగం సిద్ధం చేసినట్లు సమచారం. కాగా, సంజీవ్‌, సాయితేజ, ఆఫ్రోజ్‌లు పరారీలో ఉన్నా రు. విశాల్‌కు నోటీసులు అందినట్లు సమాచారం. ఇటీవల వరుసగా అర్ధరాత్రి రౌడీ షీ టర్ల ఇళ్లలో దాడులు, ఆకస్మిక తనిఖీలు నిర్వహించడం, పైగా ఇదివరకే అనుమానాస్పద వ్యక్తులను, ఇటీవల 44మంది యువకులను ఆర్టీవో ఎదుట బైండోవర్‌ చేసింది తెలిసిందే. నగరంపై నిరంతర నిఘా వరుస ఘటనల నేపథ్యంలో నగరంపై రామగుండం సీపీ అంబర్‌ కిషోర్‌ ఝా నిరంతర నిఘా ఏర్పాటు చేశారు. 24/7 పెట్రోలింగ్‌, గస్తీ పెంచారు. జిల్లాలో లాడ్జీలు, శివారు ప్రాంతాల కాలనీలపై ప్రత్యేక నిఘా పెట్టా రు. సీపీ, డీసీపీ ప్రత్యక్షంగా అర్ధరాత్రి నుంచి తెల్లవారుజాము వరకు అ నుమానిత ప్రాంతాలు, రౌడీ షీటర్ల కదలికలపై కన్నేశారు. జిల్లా కేంద్రంలో బైపాస్‌ రోడ్‌, వైశ్యాభవన్‌, లక్ష్మి టాకీస్‌ వరకు, స్థానిక ఎమ్మెల్యే నివాస పరిసర ప్రాంతాలు, తిలక్‌నగర్‌, లాడ్జీలు, ప్రైవేట్‌ హాస్టళ్లలో జల్లెడ పడుతున్నారు.

ఆసిఫాబాద్‌క్రైమ్‌: జిల్లాలోనే అతి పెద్దదైన కాగజ్‌నగర్‌ రైల్వే స్టేషన్‌లో కనీస సౌకర్యాలు కరువయ్యాయి. వివిధ ప్రాంతాలకు చెందిన ప్రజలు ఇక్కడి నుంచి వివిధ రాష్ట్రాలకు రాకపోకలు సాగిస్తుంటారు. ముఖ్యంగా మూడో ప్లాట్‌ఫాంపై నిలువ నీడ లేకుండా పోతోంది. కనీసం అత్యవసర సమయంలో వెళ్లేందుకు మూత్రశాలలు, మరుగుదొడ్లు కూడా నిర్మించలేదు. నిత్యం వేలాది మంది రాకపోకలు సాగించే స్టేషన్‌లో ఆశించిన స్థాయిలో సౌకర్యాలు కల్పించకపోవడంపై ప్రయాణికులు మండిపడుతున్నారు. ఎండలోనే నిరీక్షణప్రతిరోజూ మధ్యాహ్నం మూడో నంబర్‌ ప్లాట్‌ఫామ్‌పై వందల సంఖ్యలో ప్రయాణికులు వస్తుండగా, వారికి నిలబడేందుకు ఆశించిన స్థాయిలో షెడ్లు, కుర్చీలు లేవు. రైలు వచ్చే వరకు ఎండ, వానలోనే నిలబడాల్సిన పరిస్థితి. ప్రధానంగా వృద్ధులు, రోగులు, మహిళలు, చిన్నారులు మరింత అవస్థలు పడాల్సి వస్తోంది. ప్రస్తుతం కేవలం 4, 5 చిన్న షెడ్లు ఉన్నాయి. అందులో ఓ షెడ్డు కింద 10 నుంచి 15 మందికే స్థలం సరిపోతుంది. మరోవైపు మూత్రశాలలు, మరుగుదొడ్లు కూడా అందుబాటులో లేకపోవడం సమస్యలను మరింత తీవ్రతరం చేస్తోంది. దూర ప్రయాణాలు చేసే వారు ఈ విషయంలో తీవ్ర అసౌకర్యానికి గురవుతున్నారు. బుకింగ్‌కు ఇబ్బందులే..మరో వైపు మూడో నంబర్‌ ప్లాట్‌ఫామ్‌పై టికెట్‌ బుకింగ్‌ కౌంటర్‌ లేకపోవడంతో ప్రయాణికుల బాధలు వర్ణణాతీతంగా మరాయి. ఒకటో నంబర్‌ ప్లాట్‌ఫామ్‌పైనే బుకింగ్‌ కౌంటర్లు ఉన్నాయి. ప్రయాణికులు మూడో నంబర్‌ నుంచి ఫుట్‌ఓవర్‌ బ్రిడ్జి ఎక్కి, దిగిన తర్వాత టికెట్‌ తీసుకొని తిరిగి అదే మార్గంలో మూడో ప్లాట్‌ఫామ్‌కు చేరుకోవాలి. ఇందుకోసం ప్రయాణికుల సమయం, శ్రమ వెచ్చించాల్సి వస్తోంది. ఈ విషయంలో దక్షిణ మధ్య రైల్వే డివిజనల్‌ రైల్వే మేనేజర్‌ (సికింద్రాబాద్‌)ను గోపాలకృష్ణను ఫోన్‌ ద్వారా సంప్రదించగా అందుబాటులోకి రాలేదు.స్టేషన్‌లో కీలకంకాగజ్‌నగర్‌ స్టేషన్‌లో మూడో నంబర్‌ ప్లాట్‌ఫామ్‌ అత్యంత ముఖ్యమైంది. ఈ ప్లాట్‌ఫాం మీదుగా పలు రైళ్లు అందుబాటులో ఉన్నాయి. కాగజ్‌నగర్‌ నుంచి వయా సికింద్రాబాద్‌ బీదర్‌ వరకు రైలు నంబర్‌ : 17011–12 (ఇంటర్‌సిటీ బీదర్‌ ఎక్స్‌ప్రెస్‌), కాగజ్‌నగర్‌ నుంచి సికింద్రాబాద్‌ వరకు రైలు నంబర్‌ : 12757–58 (కాగజ్‌నగర్‌ ఎక్స్‌ప్రెస్‌), కాగజ్‌నగర్‌ నుంచి సికింద్రాబాద్‌ వరకు రైలు నంబర్‌: 17233–34 (భాగ్యనగర్‌ ఎక్స్‌ప్రెస్‌), కాగజ్‌నగర్‌ నుంచి సికింద్రాబాద్‌ వరకు రైలు నంబర్‌: 07711–12 (కాగజ్‌నగర్‌ స్పెషల్‌ ఎక్స్‌ప్రెస్‌) నిత్యం రాకపోకలు సాగిస్తున్నాయి. ఈ నాలుగు రైళ్ల నుంచి ప్రతిరోజూ వేలాది మంది ప్రయాణికులు సికింద్రాబాద్‌ నుంచి కాగజ్‌నగర్‌ వైపు, కాగజ్‌నగర్‌ నుంచి సికింద్రాబాద్‌ వైపు ప్రయాణాలు చేస్తున్నారు. కాగజ్‌నగర్‌ రైల్వే స్టేషన్‌ నుంచి వెళ్లేవారిలో దాదాపు 40 శాతం ప్రయాణికులు ప్లాట్‌ఫామ్‌ నంబర్‌–3లో వచ్చే నాలుగు రైళ్ల సేవలనే వినియోగించుకుంటారు.

ఆసిఫాబాద్‌అర్బన్‌: సమాజంలో శాంతి విస్తరణకు బుద్ధుడి బోధనలు అవసరమని బౌద్ధ వక్తలు పేర్కొన్నారు. జిల్లా కేంద్రంలోని దీక్షా భూమిలో గురువారం 70వ ధమ్మచక్ర పరివర్తన్‌ దివస్‌ ఘనంగా నిర్వహించారు. జిల్లాతోపాటు మహారాష్ట్ర నుంచి వచ్చిన అంబేడ్కరిస్టులు, నాయకులు, భారతీయ బౌద్ధ సంఘం, ఇతర సంఘాల నాయకులు ర్యాలీ నిర్వహించి అంబేడ్కర్‌ విగ్రహానికి పూలమాలలు వేశారు. అలాగే స్థానిక లుంబిని దీక్షాభూమిలో పంచశీల జెండా ఆవిష్కరించారు. ఈ సందర్భంగా చిన్నారుల నృత్యాలు ఆకట్టుకున్నాయి. రాత్రిపూట కవ్వాలి కార్యక్రమం ఏర్పాటు చేశారు. కార్యక్రమానికి ముఖ్య అతిథులుగా ఎమ్మెల్యే కోవ లక్ష్మి, భారత రక్షణ దళం వ్యవస్థాపకుడు రెంజర్ల రాజేష్‌, నాయకులు శ్యాంనాయక్‌, సిద్దార్థ రామ్మూర్తి, భాస్కర్‌, అశోక్‌ మహాల్కర్‌, ప్రశాంత్‌, దుర్గం ప్రశాంత్‌, తుకారాం, దుర్గం శ్యాంరావు తదితరులు హాజరయ్యారు.

ఆసిఫాబాద్‌అర్బన్‌: జిల్లాలో రహదారి ప్రమాదాల నివారణకు చర్యలు తీసుకోవాలని కలెక్టర్‌ కె.హరిత అన్నారు. జిల్లా కేంద్రంలోని కలెక్టరేట్‌లో గురువారం జిల్లాస్థాయి రహదారి భద్రత కమిటీ సమావేశానికి ఎస్పీ నితిక పంత్‌, అదనపు కలెక్టర్‌ యువరాజ్‌ మర్మాట్‌, సబ్‌ కలెక్టర్‌ హర్ష్‌ చౌదరి, ఆర్డీవో లోకేశ్వర్‌రావుతో కలిసి హాజరయ్యారు. కలెక్టర్‌ మాట్లాడుతూ జాతీయ రహదారిపై తరచూ ప్రమాదాలు జరిగే ప్రాంతాలను గుర్తించి రక్షణ చర్యలు చేపట్టాలన్నారు. క్షతగాత్రులకు పీఎం రహత్‌ పథకం కింద ఉచితంగా చికిత్స అందించే అవకాశం ఉందన్నారు. రహదారులపై గుంతలు పూడ్చాలని, మూలమలుపుల వద్ద చెట్ల కొమ్మలు, చెట్లు తొలగించాలని ఆదేశించారు. విద్యాసంస్థల్లో రహదారి భద్రతపై అవగాహన కల్పించాలన్నారు. మున్సిపాలిటీలు, మండల కేంద్రాల్లో రోడ్లపై పశువులు సంచరించకుండా యజమానులకు నోటీసులు జారీ చేయాలన్నారు. ఎస్పీ మాట్లాడుతూ నెలరోజుల వ్యవధిలో రోడ్డు ప్రమాదాల్లో ఏడుగురు ప్రాణాలు కోల్పోయారని తెలిపారు. వాహనదారులు నిబంధనలు పాటిస్తూ సురక్షితంగా గమ్యస్థానాలకు చేరాలని సూచించారు. సమావేశంలో డీఎస్పీ అశోక్‌, సంబంధిత అధికారులు పాల్గొన్నారు. గంజాయి సాగు, రవాణా అరికట్టాలిజిల్లాలో మాదకద్రవ్యాల వినియోగం, గంజాయి సాగు, రవాణాను అరికట్టాలని కలెక్టర్‌ కె.హరిత అన్నారు. కలెక్టరేట్‌లో గురువారం మాదక ద్రవ్యాల నియంత్రణపై నిర్వహించిన సమావేశానికి ఎస్పీ నితిక పంత్‌, అదనపు కలెక్టర్‌ యువరాజ్‌ మర్మాట్‌, సబ్‌ కలెక్టర్‌ హర్ష్‌ చౌదరి, ఆర్డీవో లోకేశ్వర్‌రావుతో కలిసి సమీక్షించారు. హోటళ్లు, దాబాల్లో తనిఖీలు చేపట్టాలని, మందుల షాపుల్లో నిషేధిత, అధిక మోతాదు మందులను పరిశీలించాలని ఆదేశించారు. వైద్య ఆరోగ్యశాఖ ఆధ్వర్యంలో గ్రామాల్లోని ప్రజలకు, నషా ముక్త్‌ భారత్‌ అభియాన్‌లో భాగంగా పాఠశాలు, కళాశాలల్లో అవగాహన సదస్సులు నిర్వహించాలన్నారు. ఎస్పీ మాట్లాడుతూ అక్టోబర్‌లో గంజాయి సాగు, రవాణాపై తనిఖీలు చేపట్టి 16 కేసులు నమోదు చేసినట్లు తెలిపారు. ఈ సమావేశంలో ఆసిఫాబాద్‌ డీఎస్పీ అశోక్‌, జిల్లా పంచాయతీ అధికారి భిక్షతిగౌడ్‌, డీటీడీవో అంబాజీ, జిల్లా వైద్యాధికారి నాగేంద్ర, జిల్లా మాధ్యమిక విద్యాధికారి కళ్యాణి తదితరులు పాల్గొన్నారు.

ఆసిఫాబాద్‌అర్బన్‌: జిల్లాలో అటవీ విస్తీర్ణం పెంచడమే తమ లక్ష్యమని జిల్లా అటవీశాఖ అధికారి బాలామణి తెలిపారు. జిల్లా కేంద్రంలోని అటవీ శాఖ కార్యాలయంలో గురువారం ఎఫ్‌డీవో అప్పయ్యతో కలిసి ఏర్పాటు చేసిన విలేకరుల సమావేశంలో మాట్లాడారు. గతంలో జిల్లావ్యాప్తంగా ఆరు లక్షలకు పైగా ఎకరాల్లో అటవీ భూమి ఉండేదని తెలిపారు. ఇప్పటివరకు 33వేల హెక్టార్లకు అటవీ హక్కుపత్రాలు అందించారని, దీనికంటే ఎక్కువగా 38 వేల హెక్టార్లలో అక్రమ పోడు సాగు ఉన్నట్లు గుర్తించామని పేర్కొన్నారు. కొన్నేళ్లుగా దాదాపు 2 వేల హెక్టార్ల భూమిని స్వాధీనం చేసుకుని మొక్కలు పెంచినట్లు తెలిపారు. తద్వారా సిర్పూర్‌ ప్రాంతంలో పులులు, ఇతర జంతువుల సంచారం పెరిగిందని స్పష్టం చేశారు. కెరమెరి, లింగాపూర్‌ వంటి కోర్‌ ఏరియాలో భూములను స్వాధీనం చేసుకుని ప్రజలకు ఉపయోగపడేలా చెట్లు పెంచనున్న ట్లు వివరించారు. ఇప్పటివరకు అటవీ ప్రాంతాల్లో 456 కిలోమీటర్ల మేర అక్రమంగా వేసిన విద్యుత్‌ వైర్లు గుర్తించామన్నారు. అడవుల గుండా వెళ్లే తీగల కు రబ్బర్‌ తొడుగులు వేసేందుకు విద్యుత్‌ శాఖతో సమన్వయం చేసుకుంటున్నామని తెలిపారు. నాలుగేళ్లలో వేర్వేరు అటవీ ప్రాంతాల్లో విద్యుత్‌ వైర్లకు 27 జంతువులు, 29 మంది మనుషులు బలైనట్లు వె ల్లడించారు. వీరికి రూ.85లక్షల పరిహారం అందించామని తెలిపారు. సింగరేణికి అప్పగించే భూములకు సైతం ఆ సంస్థ ఇతర చోట్ల అడవులు పెంచి అప్పగిస్తుందని పేర్కొన్నారు.

కెరమెరి: విద్యార్థుల భవిష్యత్తుకు సంబంధించిన ప్రణాళికలు పక్కాగా రూపొందించాలంటే పాఠశాలల్లో వారి సమగ్ర వివరాలు ఉండాలి. ఎంతమంది విద్యార్థులు చదువుతున్నారు? ఏయే తరగతుల్లో ఎందరు ఉన్నారు? పాఠశాలల్లో అందుబాటులో ఉన్న సదుపాయాలు ఏంటి..? తదితర అంశాలపై స్పష్టమైన సమాచారం ఉంటేనే విద్యావ్యవస్థను బ లోపేతం చేసేందుకు వీలుంటుంది. ఈ నేపథ్యంలో పాఠశాలలకు సంబంధించి సమగ్ర సమాచారాన్ని ఆన్‌లైన్‌లో నమోదు చేసే యూడైస్‌ ప్లస్‌ వివరాలపై విద్యాశాఖ దృష్టి సారించింది. విద్యార్థుల సమాచా రంలో తప్పులు సరిదిద్దుకునేందుకు ఈ నెల 31 వరకు అవకాశం కల్పించింది. జిల్లాలోని ప్రధానో పాధ్యాయులు, సంబంధిత అధికారులు అప్రమత్త మై వివరాలను మరోసారి పరిశీలిస్తున్నారు. 1,209 పాఠశాలలుజిల్లాలో ప్రభుత్వ, ప్రైవేటు తదితర యాజమాన్యాలకు చెందిన 1,262 పాఠశాలలు ఉన్నాయి. ఆయా పాఠశాలల్లో 1,02,632 మంది విద్యార్థులు చదువుకుంటున్నారు. జిల్లావ్యాప్తంగా భారీ సంఖ్యలో ఉన్న విద్యార్థుల సమాచారాన్ని ఆన్‌లైన్‌లో నమోదు చేయడం కీలకమైన ప్రక్రియ. విద్యార్థుల వివరాల నుంచి స్కూళ్లకు చెందిన సమాచారం వరకు ప్రతీ అంశం సక్రమంగా ఉండాలి. ఇప్పటికే నమోదైన వివరాలను పాఠశాలల రికార్డులతో సరిపోల్చుకోవాల్సిన ఉంటుంది. జిల్లాలోని సగం పాఠశాలల్లో 10 నుంచి 15 మంది విద్యార్థుల వివరాలను సవరణ చేయాల్సి ఉంటుంది. నమోదు చేసే సమయంలో..యూడైస్‌ ప్లస్‌లో విద్యార్థులకు సంబంధించిన వివరాలు నమోదు చేసే సమయంలో అక్షర దోషాలు, సమాచారంలో తేడాలు, తరగతులు లేదా ఇతర వివరాల్లో పొరపాట్లు జరిగే అవకాశం ఉంటుంది. అలాగే పాఠశాలల వివరాల్లోనూ తప్పులు ఉంటే వాటిని గుర్తించి సరిచేయాలి. ఇందుకోసం సంబంధిత రికార్డులను పరిశీలించి ఆన్‌లైన్‌లో నమోదైన సమాచారాన్ని ధ్రువీకరించుకోవాలి. విద్యార్థుల సంఖ్య, పాఠశాల వివరాల్లో ఎలాంటి వ్యత్యాసాలు లేకుండా చూడాలి. ఒకసారి నమోదు చేసిన వివరాలను పదేపదే పరిశీలించకుండా వదిలేస్తే తప్పులు అలాగే కొనసాగే అవకాశం ఉంటుంది. అందుకే సవరణలకు ఇచ్చిన గడువును సద్వినియోగం చేసుకోవాలి. విద్యాప్రమాణాలకు కీలకంయూడైస్‌ ప్లస్‌ ద్వారా సేకరించిన సమాచారం విద్యాశాఖకు పాఠశాలల పరిస్థితిని అంచనా వేయడానికి ఉపయోగపడుతుంది. విద్యార్థుల సంఖ్య, పాఠశాలల నిర్వహణ, మౌలిక సదుపాయాలు తదితర అంశాలకు సంబంధించిన గణంకాలు విద్యా ప్రణాళికల రూపకల్పనలో ప్రాధాన్యం కలిగి ఉంటాయి. సమాచారం కచ్చితంగా ఉంటే అవసరాలను గుర్తించడం, వనరుల కేటాయింపుపై నిర్ణయాలు తీసుకోవడం సులభమవుతుంది. ఈ నేపథ్యంలో పాఠశాలల నుంచి అందే వివరాల్లో తప్పులు లేకుండా చూడడం అత్యంత ప్రధానం.

ఆసిఫాబాద్‌రూరల్‌: వర్షాభావ పరిస్థితుల నేపథ్యంలో జిల్లా ప్రజల తాగునీటి అవసరాలకు కుమురంభీం(అడ) ప్రాజెక్టు కీలకంగా మారనుంది. ప్రజల కు ఇబ్బందులు లేకుండా తాగునీటి సరఫరాకు అంతరాయం లేకుండా సంబంధిత అధికారులు ముందస్తు ప్రణాళికతో సిద్ధమవుతున్నారు. ప్రస్తుతం ప్రాజెక్టులో ఆరు టీఎంసీల నీటి నిల్వ ఉండగా, ఏ డాదికి రెండు టీఎంసీలు వినియోగించే అవకాశం ఉంది. వర్షాలు ఆలస్యమైనా ఇబ్బందులు తలెత్తకుండా జాగ్రత్తలు తీసుకుంటున్నారు. జిల్లాతోపా టు ఆదిలాబాద్‌, మంచిర్యాల జిల్లాలోని కొన్ని ప్రాంతాలకు ప్రాజెక్టు నుంచే నీటిని సరఫరా చేస్తున్న విషయం తెలిసిందే. 1,876 గ్రామాలకు భగీరథ నీరుఎల్‌నినో ప్రభావంతో రాష్ట్రవ్యాప్తంగా కరువు పరిస్థితులు ఏర్పడే అవకాశం ఉందని, ముందస్తు చర్యల కు సిద్ధంగా ఉండాలని ఇటీవల ముఖ్యమంత్రి మంత్రివర్గ సమావేశంలో వెల్లడించిన విషయం తెలిసిందే. తాగునీటికి ఇబ్బందులు రాకుండా ప్రణాళికలు సిద్ధం చేయాలని అధికారులను ఆదేశించారు. ఈ నేపథ్యంలో జిల్లాలో తాగునీటికి అడ ప్రాజెక్టు కీలకంగా మారనుంది. జిల్లా కేంద్రంలోని అడ ప్రాజెక్టు నుంచి ప్రతిరోజూ 135 ఎంఎల్‌డీ వాటర్‌ను మానిక్‌గూడ భగీరథ వాటర్‌ బెడ్‌లో శుద్ధి చేసి మూడు జిల్లాల పరిధిలోని 27 మండలాల పరిధిలోని 1,876 గ్రామాలకు సరఫరా చేస్తున్నారు. ప్రస్తుతం ప్రాజెక్టులో ఆరు టీఎంసీల నీరు నిల్వ ఉంది. జిల్లావ్యాప్తంగా భగీరథ ద్వారా ఏడాదిపాటు తాగునీరు అందించేందుకు రెండు టీఎంసీలు సరిపోతాయని అధికార వర్గాలు చెబుతున్నాయి. ఏటా ఎండకాలంలో నీటిమట్టం తగ్గిపోయి తాగునీటి సమస్యలు తలెత్తే 122 గ్రామాలను గుర్తించారు. ఆయా గ్రామాలకు ఎలాంటి సమస్య రాకుండా ముందస్తు జాగ్రత్తలు చేపడుతున్నారు. తాగునీటి సమస్య తలెత్తితే 24 గంటల్లోగా పరిష్కరించేలా కార్యాచరణ సిద్ధం చేస్తున్నట్లు అధికారులు వెల్లడించారు. ఇతర జిల్లాలకు సైతం..ఆసిఫాబాద్‌ మండలంలోని మానిక్‌గూడ భగీరథ వాటర్‌ గ్రిడ్‌ నుంచి కుమురం భీం ఆసిఫాబాద్‌ జిల్లాతోపాటు ఆదిలాబాద్‌, మంచిర్యాల జిల్లాలోని కొన్ని గ్రామాలకు నీటిని సరఫరా చేస్తున్నారు. ఆదిలాబాద్‌ జిల్లాలోని ఐదు మండలాలకు ఇక్కడి నుంచి 220 కిలోమీటర్ల మేర పైప్‌లైన్‌ ఉంది. మంచిర్యాల జిల్లాలోని ఏడు మండలాలకు 120 కిలోమీటర్ల మేర పైప్‌లైన్‌ ఉంది. ఇక కుమురం భీం ఆసిఫాబాద్‌ జిల్లాలోని 15 మండలాలకు 100 కిలోమీటర్ల వరకు పైప్‌లైన్‌ ద్వారా ప్రతిరోజూ 135 మిలియన్‌ లీటర్ల వాటర్‌ ట్రీట్‌మెంట్‌ ప్లాంట్‌ ద్వారా భగీరథ నీటిని అందిస్తున్నారు.సమస్య రాకుండా చర్యలు వర్షాభావ పరిస్థితులతో ప్రజలకు తాగునీటి సమస్య రాకుండా ముందస్తు చర్యలు తీసుకుంటున్నాం. భగీరథ ద్వారా నిరంతరం తాగునీరు అందించేందుకు పటిష్ట ఏర్పాట్లు చేశాం. ఎల్‌నినో ప్రభావాన్ని సమర్థవంతంగా ఎదుర్కొనేందుకు సిద్ధంగా ఉన్నాం. – రాజేశ్‌, భగీరథ గ్రిడ్‌ ఈఈ

ఆసిఫాబాద్‌అర్బన్‌: రాష్ట్రంలోని అధికార కాంగ్రెస్‌, ప్రతిపక్ష బీఆర్‌ఎస్‌ పార్టీల వైఫల్యాలను ఎత్తి చూపేందుకే ఇంద్రవెల్లి సభ నిర్వహిస్తున్నట్లు టీఆర్‌ఎస్‌ బెల్లంపల్లి ఇన్‌చార్జి, మాజీ మంత్రి బోడ జనర్దన్‌ అన్నారు. జిల్లా కేంద్రంలోని ఆ పార్టీ కార్యాలయంలో గురువారం జిల్లా అధ్యక్షుడు కిరిమిల్ల వినోద్‌ అధ్యక్షతన నిర్వహించిన సమావేశంలో మాట్లాడారు. ఇంద్రవెల్లి సభలో పీసీసీ అధ్యక్షుడి హోదాలో రేవంత్‌రెడ్డి ఇచ్చిన ఒక్క హామీ నెరవేరలేదన్నారు. ఆసిఫాబాద్‌– ఆదిలాబాద్‌ రహదారి, ఘాట్‌రోడ్డు కనీస అభివృద్ధికి నోచుకోలేదని పేర్కొన్నారు. ఇంత జరుగుతున్నా బీఆర్‌ఎస్‌ ప్రశ్నించకపోవడం విడ్డూరంగా ఉందని తెలి పారు. ఇంద్రవెల్లిలో శుక్రవారం నిర్వహించే పాంచజన్య సభకు ప్రజలు హాజరై విజయవంతం చేయాలని పిలుపునిచ్చారు. సిర్పూర్‌ నియోజకవర్గ ఇన్‌చార్జి కావేటి సబిత, జిల్లా ప్రధాన కార్యదర్శి అశోక్‌, ఆర్గనైజింగ్‌ సెక్రెటరీ మనోహర్‌, నాయకులు కిషన్‌నాయక్‌, శ్యాంరావు తదితరులు పాల్గొన్నారు.

ఆసిఫాబాద్‌రూరల్‌: జిల్లా కేంద్రంలోని ప్రభు త్వ జూనియర్‌ కళాశాల విద్యార్థినులు రాష్ట్రస్థాయి జూనియర్‌ బాలికల హ్యాండ్‌బాల్‌ పోటీలకు ఎంపికయ్యారని డీఎస్‌వో షేకు, ప్రిన్సిపాల్‌ రాందాస్‌ తెలిపారు. కళాశాల ఆవరణలో గురువారం కోచ్‌లు అరవింద్‌, తిరుమల్‌, రాకేశ్‌, వైస్‌ ప్రిన్సిపాల్‌ శ్రీనివాస్‌తో కలిసి అభినందించారు. ఉమ్మడి జిల్లాస్థాయి పోటీల్లో ప్రతిభ చూపిన కవిత, నందిని, శిరీ ష, లక్ష్మి, జ్యోతికళ, ధనలక్ష్మి, అనూష రాష్ట్రస్థా యికి ఎంపికయ్యారని తెలిపారు. వీరు ఈ నెల 31 నుంచి నవంబర్‌ 2 వరకు ఖమ్మంలో జరిగే రాష్ట్రస్థాయి పోటీల్లో పాల్గొంటారన్నా రు. కాగా, ఈ విద్యార్థినులు ప్రభుత్వ కళాశాలలో చదువుతూ గిరిజన పోస్ట్‌మెట్రిక్‌ హాస్టల్‌లో ఉంటున్నారు. ఆదర్శ క్రీడాపాఠశాల కోచ్‌ల వద్ద శిక్షణ తీసుకుంటున్నారు.

ఆసిఫాబాద్‌అర్బన్‌: ఎల్‌నినో ప్రభావంతో ఏర్పడుతున్న కరువు పరిస్థితులను ఎదుర్కోవడంలో కాంగ్రెస్‌ విఫలమైందని సీపీఎం రాష్ట్ర కార్యదర్శి జాన్‌ వెస్లీ ఆరోపించారు. జిల్లా కేంద్రంలోని రోజ్‌గార్డెన్‌లో గురువారం ఏర్పాటు చేసిన సమావేశంలో మాట్లాడారు. రాష్ట్రం మొత్తాన్ని కరువు ప్రాంతంగా ప్రకటించి రైతులకు పంట నష్ట పరిహారం అందించాలని డిమాండ్‌ చేశారు. కేంద్రం నుంచి నిధులు సాధించేందుకు అఖిల పక్షాన్ని ప్రభుత్వం ఢిల్లీకి తీసుకెళ్లాలని సూచించారు. బీజేపీ కేంద్ర మంత్రులు, ఎమ్మెల్యేలు స్పందించాలన్నారు. సీపీఎం రాష్ట్ర నాయకులు భూపాల్‌ మాట్లాడుతూ ఎస్పీఎం కా ర్మికులు 130 రోజులుగా సమ్మె చేస్తున్నా యాజమాన్యం, ప్రభుత్వం స్పందించడం లేదన్నారు. సమావేశంలో సీపీఎం జిల్లా కార్యదర్శి కూశన రాజన్న, నాయకులు బండారు రవికుమార్‌, దుర్గం దినకర్‌, శ్రీనివాస్‌, కార్తీక్‌, రాజేందర్‌, ఆనంద్‌, కృష్ణమాచారి, టీకానంద్‌ తదితరులు పాల్గొన్నారు.

రెబ్బెన: సింగరేణిలో బెల్లంపల్లి ఏరియా గోలేటి సీహెచ్‌పీకి ప్రత్యేక స్థానం ఉందని జనరల్‌ మేనేజర్‌ శ్రీ రమేశ్‌ తెలిపారు. సీహెచ్‌పీలో గురువారం (స్వచ్ఛత) స్పెషల్‌ కాంపెయిన్‌ 6.0 కార్యక్రమాన్ని నిర్వహించారు. అధికారులు, ఉద్యోగులతో కలిసి సీహెచ్‌పీ ఆవరణలో మొక్కలు నాటారు. అనంతరం ఆ యన మాట్లాడుతూ జాతీయ రహదారి మీదుగా పర్యవరణ హితంగా బొగ్గు రవాణా సాగుతుందన్నారు. అత్యధిక రేకుల బొగ్గు రవాణా చేసిన రికా ర్డు, స్వచ్ఛతలో దేశవ్యాప్తంగా గోలేటి సీహెచ్‌పీ ఉత్త మ అవార్డులు సొంతం చేసుకోవడం గర్వకారణమ ని పేర్కొన్నారు. సీహెచ్‌పీ ఆవరణను మరింత ప చ్చదనంతో తీర్చిదిద్దేందుకు అధికారులకు సూచనలు చేశారు. ఏఐటీయూసీ నాయకులు అదం సమీ, ఏరియా ఇంజినీర్‌ వీరన్న, ఎస్వోటూజీఎం స్వామి రాజు, సీహెచ్‌పీ హెచ్‌వోడీ కోటయ్య, సీనియర్‌ పర్సనల్‌ అధికారి శ్రీనివాస్‌, ఏఐటీయూసీ ఫిట్‌ కార్యదర్శి రామయ్య, ఎన్విరాన్‌మెంట్‌ అధికారి జైపాల్‌ యాదవ్‌, ఫారెస్టు అధికారి సుష్మలక్ష్మి, వర్క్‌మెన్‌ ఇన్‌స్పెక్టర్‌ సంతోష్‌కుమార్‌ పాల్గొన్నారు.

ఆసిఫాబాద్‌రూరల్‌: ఉపాధ్యాయుల ఆన్‌డ్యూటీ(ఓడీ)ల వివరాలను అడగడం సరికాదని, సంబంధిత ఆదేశాలను వెంటనే ఉపసంహరించుకోవాలని పీఆర్‌టీయూ నాయకులు కోరారు. ఈ మేరకు జిల్లా కేంద్రంలో బుధవారం డీఈవో సచ్చిదానంద చారికి వినతిపత్రం అందించారు. ఆ సంఘం జిల్లా అధ్యక్షుడు ప్రకాశ్‌ మాట్లాడుతూ జిల్లాలో పనిచేస్తున్న ఉపాధ్యాయులు, ప్రధానోపాధ్యాయులు శిక్షణ తరగతులు, సమావేశాలు, ఇతర పనులకు వెళ్లిన సమయంలో ఎఫ్‌ఆర్‌ఎస్‌ ఆన్‌డ్యూటీగా నమోదు చేస్తారని తెలిపారు. తర్వాత హెచ్‌ఎంలు, డీడీవోలు పరిశీలించి ధ్రువీకరిస్తారని స్పష్టం చేశారు. కానీ రాష్ట్రంలో ఎక్కడా లేనివిధంగా 300 మంది టీచర్ల ఓడీ వివరాలు ఇవ్వాలని విద్యాశాఖ ఆదేశించడం సరికాదన్నారు. కార్యక్రమంలో నాయకులు రమేష్‌, చారి, అనిల్‌కుమార్‌ తదితరులు పాల్గొన్నారు.

దహెగాం: ఆయిల్‌పాం సాగుతో రైతులు అధి క లాభాలు పొందవచ్చని ఉద్యానవన శాఖ అధికారి సుప్రజ అన్నారు. మండలంలోని ఐనం గ్రామ శివారులో కొత్తగా నాటిన ఆయిల్‌పాం మొక్కలను బుధవారం పరిశీలించారు. ఉద్యానవన శాఖ ఆధ్వర్యంలో ఆయిల్‌పాం మొక్కలను 90 శాతం సబ్సిడీతో అందిస్తున్నామని తెలిపారు. మొక్కలు నాటిన నాలుగేళ్ల వరకు ఎకరానికి రూ.4,200 నిర్వహణ ఖర్చులు అందిస్తామన్నారు. ఈ సందర్భంగా రైతులకు మొక్కల సంరక్షణ చర్యలను వివరించారు. కార్యక్రమంలో వాల్యూ ఆయిల్‌ ఏరియా మేనేజర్‌ గౌతమ్‌ రమేశ్‌, ఫినోలిక్‌ ఇరిగేషన్‌ జిల్లా కోఆర్డినేటర్‌ కిరణ్‌, ఫీల్డ్‌ ఎక్సిక్యూటివ్‌ ఫరూక్‌ ఉన్నారు.

కౌటాల: వర్షాభావ పరిస్థితుల నేపథ్యంలోని జిల్లాలోని ఐదు మండలాలను రాష్ట్ర ప్రభుత్వం మధ్యస్థ కరువు మండలాలుగా గుర్తిస్తూ ఉత్తర్వులు జారీ చేసింది. అయితే ఏ ఒక్క మండలాన్ని తీవ్ర కరువు ప్రాంతంగా గుర్తించకపోవడంతో రైతులకు నేరుగా సాయం అందే అవకాశాలు లేకుండా పోయాయి. ప్రత్యామ్నాయ పంటల ప్రణాళిక, వీబీ జీరామ్‌ జీ పనిదినాల పెంపు, ఇతర తాత్కాలిక ఉపశమన చర్యలు చేపట్టే అవకాశం ఉంది. కనీసం లోటు వర్షపాతం నమోదై, పంటలు ఎండుతున్న ప్రాంతాలనైనా కరువు మండలాలుగా ప్రకటించాలని రైతులు డిమాండ్‌ చేస్తున్నారు. జిల్లాలో ఈ వానాకాలం సీజన్‌లో ఇప్పటివరకు 1103.5 మిల్లీమీటర్ల వర్షపాతం నమోదు కావాల్సి ఉండగా 1019.9 మీటర్ల వర్షం కురిసింది. మూడు మండలాల్లో లోటు వర్షపాతం ఉండగా, జిల్లాలోని 15 మండలాల్లో కేవలం ఐదు మండలాలను మధ్యస్థ కరువు మండలాలుగా ప్రకటించడం గమనార్హం. అడుగంటుతున్న నీటి వనరులు ప్రస్తుతం జిల్లాలోని వార్దా, పెద్దవాగు, వైన్‌గంగ, పెన్‌గంగ నదుల్లో నీటిమట్టాలు అడుగంటుతున్నాయి. చెరువులు సైతం ఎండుతున్నాయి. చివరిదశలో ఉన్న పంటలను కాపాడుకునేందుకు రైతులు ముప్పుతిప్పలు పడుతున్నారు. పలు ప్రాంతాల్లో వరికి సాగు నీరందక ఎండిపోతోంది. యాసంగి సీజన్‌లో పంటలు సాగునీటి విడుదల ఉండదని ప్రభుత్వం స్పష్టం చేసింది. ఈ నేపథ్యంలో జిల్లా అధికారులు ప్రత్యామ్నాయంగా మక్క, శనగ, మినుము, సోయా, జొన్న, కంది తదితర ఆరుతడి పంటలు సాగు చేసేలా రైతులను సిద్ధం చేస్తున్నారు. కౌటాల మండలం తాటిపల్లి వద్ద ఎండిపోయిన వార్దా నది జిల్లాలోని మధ్యస్థ కరువు మండలాలు కౌటాల,చింతలామనెపల్లి బెజ్జూర్‌, జైనూర్‌,సిర్పూర్‌(యు)జూన్‌ నుంచి అక్టోబర్‌ 28 వరకు వర్షపాతం(మి.మీ.లలో) మండలం కురవాల్సింది కురిసింది శాతం(స్థితి) జైనూర్‌ 1168.5 1180.2 1.0 సాధారణం సిర్పూర్‌(యు) 1060.2 1077.9 –7 సాధారణం లింగాపూర్‌ 1106.8 1153.5 4 సాధారణం తిర్యాణి 1001.7 1013.7 1.0 సాధారణం రెబ్బెన 955.9 937.1 – 2 సాధారణం ఆసిఫాబాద్‌ 993.7 960.8 – 3 సాధారణం కెరమెరి 992.1 1163.2 17 సాధారణం వాంకిడి 1049.9 928.0 – 12 సాధారణం కాగజ్‌నగర్‌ 1013.5 882.7 – 13 సాధారణం సిర్పూర్‌(టి) 1150.0 893.1 – 22.0 లోటు కౌటాల 1150.0 862.1 – 27.0 లోటు చింతలమానెపల్లి 1191.9 884.5 – 26.0 లోటు బెజ్జూర్‌ 1255.6 1197.3 – 5 సాధారణం పెంచికల్‌పేట్‌ 1161.5 1160.8 00 సాధారణం దహెగాం 1164.8 1002.6 – 14 సాధారణంసాయం కష్టమేనా..! కరువు ప్రాంతాలను గుర్తించేందుకు అధికారులు మొదట శాటిలైట్‌ మ్యాపులు, వర్షపాతం, నీటి వనరుల్లో జలాలు, క్షేత్రస్థాయిలో పరిశీలన చేశారు. ఈ అంశాల ఆధారంగా కౌటాల, బెజ్జూర్‌, చింతలమానెపల్లి, జైనూర్‌, సిర్పూర్‌(యు) మండలాలను మధ్యస్థ కరువు మండలాలుగా ప్రతిపాదించింది. తీవ్రమైన కరువు మండలాలకే సాయం అందే అవకాశాలు ఉన్నాయి. తద్వారా జిల్లా రైతులకు నిరాశే ఎదురుకానుంది. 13 మండలాల్లో సాధారణ వర్షపాతం నమోదు కాగా.. కౌటాల, చింతలమానెపల్లి, సిర్పూర్‌(టి) మండలాల్లో లోటు ఉంది. మధ్యస్థ కరువు మండలాల్లో వ్యవసాయశాఖ చేపట్టే యాక్షన్‌ ప్లాన్‌ వివరాల కోసం డీఏవో బి.వెంకట్‌ను ‘సాక్షి’ సంప్రదించగా ఆయన స్పందించలేదు.

ఆసిఫాబాద్‌అర్బన్‌: సహ చట్టంలోని ప్రతీ సెక్షన్‌పై ప్రజా సమాచార అధికారులు, సహాయ ప్రజాసమాచార అధికారులు, అప్పిలేట్‌ అధికారులకు పూర్తి అవగాహన అవసరమని రాష్ట్ర సమాచార హక్కు చట్టం ప్రధాన కమిషనర్‌ డా.జి.చంద్రశేఖర్‌రెడ్డి అన్నారు. జిల్లా కేంద్రంలోని కలెక్టరేట్‌ సమావేశ మందిరంలో బుధవారం రాష్ట్ర సమాచార కమిషనర్లు పీవీ శ్రీనివాస్‌రావు, మోసిన పర్వీన్‌, దేశాల భూపాల్‌, బోరెడ్డి అయోధ్యరెడ్డి, వైష్ణవి మెర్ల, కలెక్టర్‌ కె.హరిత, అదనపు కలెక్టర్లు యువరాజ్‌ మర్మాట్‌, డేవిడ్‌, అదనపు ఎస్పీ చిత్తరంజన్‌, కాగజ్‌నగర్‌ సబ్‌ కలెక్టర్‌ హర్ష్‌ చౌదరితో కలిసి అవగాహన కార్యక్రమం నిర్వహించారు. ఆయన మాట్లాడుతూ ప్రతీ అంశంపై అవగాహన ఉన్నప్పుడే ఆర్‌టీఐ దరఖాస్తుదారులకు నిర్ణీత గడువులోగా సమాచారం అందించవచ్చని తెలిపారు. సమాచారం పూర్తి పారదర్శకంగా, సరళీకృతంగా ఉండేలా చూడాలన్నారు. ఎలాంటి ఆందోళన, భయం లేకుండా ఇవ్వాల్సిన సమాచారాన్ని అందించాలని సూచించారు. ఉద్యోగుల వ్యక్తిగత సమాచారం ఇవ్వొద్దన్నారు. ప్రపంచంలో 132 దేశాల్లో సహ చట్టం పకడ్బందీగా అమలవుతుందని పేర్కొన్నారు. సంస్థ విధులు, బాధ్యతలు అధికారులు, ఉద్యోగులు బాధ్యతలు, నిర్ణయ ప్రక్రియ, పర్యవేక్షణ, జవాబుదారీతనంతో వ్యవహరించాలని కోరారు. కలెక్టర్‌ కె.హరిత మాట్లాడుతూ సహ చట్టం కమిషనర్ల సలహాలు, సూచనలు పరిగణనలోకి తీసుకుని అప్పిలేట్‌ అధికారులు, ప్రజా సమాచార అధికారులు, సహాయ ప్రజా సమాచార అధికారులు సెక్షన్లపై అవగాహన పెంచుకోవాలన్నారు. దరఖాస్తుదారులు, పౌరులకు సకాలంలో సమాచారం అందించడం, ప్రభుత్వ కార్యాలయాల్లో పారదర్శకతను పెంపొందించడం, అధికారులు, ప్రభుత్వ ఉద్యోగులలో జవాబుదారీతనాన్ని బలోపేతం చేయడానికి చర్యలు తీసుకుంటామని వివరించారు.

రెబ్బెన/కౌటాల: ఆరుగాలం కష్టపడి పండించిన పంటలు చేతికందే దశలో రైతులను అర్నబ్‌ తుపాను కలవరపెడుతోంది. తీవ్ర వర్షాభావ పరిస్థితులతో ఈసారి పంటల్లో దిగుబడి అంతంత మాత్రంగా ఉంది. కనీసం పెట్టుబడులు కూడా వచ్చే పరిస్థితులు కనిపించడం లేదు. తుపాన్‌ ప్రభావం జిల్లాపైనా ఉంటుందనే అంచనా నేపథ్యంలో రైతుల కంటిమీద కునుకు లేకుండా పోయింది. పలు ప్రాంతాల్లో చేలు ఎండుతున్నాయి. కానీ ఈ పరిస్థితిలో వర్షం పడితే ఆశాజనకంగా ఉన్న పంటలకు తీవ్ర నష్టం జరుగుతుందని అన్నదాతలు ఆందోళన చెందుతున్నారు. జిల్లాలోని 1.26 లక్షల మందికి పైగా రైతులు జిల్లావ్యాప్తంగా 4.40 ఎకరాల్లో వానాకాలం సీజన్‌లో పంటలు సాగు చేశారు. అత్యధికంగా 3.50 లక్షల ఎకరాల్లో పత్తి, 54 వేల ఎకరాల్లో వరి సాగైంది. పత్తి రైతుల అయోమయం తీవ్ర వర్షాభావ పరిస్థితులతో పంటలో పూత నిలిచినా చోట కూడా కాయల సంఖ్య గణనీయంగా తగ్గింది. ఎకరానికి 6 నుంచి 8 క్వింటాళ్ల వరకు సగటు దిగుబడి ఉండగా ఈసారి పరిస్థితి మరీ అధ్వానంగా మారనుంది. ఎకరానికి 3 క్వింటాళ్ల వరకు రావడమే కష్టతరంగా మారింది. పెట్టుబడులు కూడా వచ్చే పరిస్థితి కనిపించడం లేదు. జిల్లా రైతులు అయోమయ పరిస్థితుల్లో పడ్డారు. ఓ వైపు చేలు ఎండిపోతున్నా.. తుపాను ప్రభావంతో వర్షం పడితే పత్తి నల్లబడుతుందని ఆందోళన చెందుతున్నారు. 80 శాతం పంట మొదట దశ ఏరేందుకు సిద్ధమైంది. కూలీల కొరత కారణంగా ఇంకా పనులు ప్రారంభం కాలేదు. వర్షం పడితే చేతికందే దశలోని పంట చెట్టుపైనే తడిసి నాణ్యత దెబ్బతింటుంది. కొనుగోలు చేసేందుకు సీసీఐ కేంద్రాలతోపాటు జిన్నింగ్‌ మిల్లుల యజమానులు, వ్యాపారులు సైతం ఆసక్తి చూపరు. వరి పంటదీ అదే పరిస్థితి రెబ్బెన మండలంలో యాసంగి సాగుకు వీలుగా వానాకాలం ముందస్తుగానే వరినాట్లు వేసుకున్నారు. అందుబాటులో సాగునీటి వసతి ఉన్న ఇందిరానగర్‌, గంగాపూర్‌, నంబాల, కొమురవెళ్లి తదితర ప్రాంతాల్లో ప్రస్తుతం కోతదశకు చేరుకుంది. హార్వెస్టర్‌ యంత్రాల కొరతతో కోతలు ముందుకు సాగడం లేదు. కొందరు ఇప్పటికే కోతలు పూర్తి చేసుకున్నారు. ఈ సారి సన్నరకం వరి ధాన్యానికి రికార్డు స్థాయిలో ధర పలుకుతుండంతో కాస్త లాభాలను చూస్తామని ఆశించిన రైతులకు అర్నబ్‌ తుపాన్‌ గుబులు పుట్టిస్తోంది. కోసేందుకు సిద్ధంగా ఉన్న ఈ సమయంలో వర్షానికి తోడు చిన్నపాటి గాలి వీచినా పంటంతా నేలకొరి తీవ్ర నష్టాన్ని కలిగిస్తుంది.

ఆసిఫాబాద్‌అర్బన్‌: వర్షాభావ పరిస్థితుల నేపథ్యంలో ఇతర ప్రాంతాలకు వలస వెళ్లకుండా రైతులు, ప్రజలకు వీబీ జీ రామ్‌జీ పథకం కింద స్థానికంగానే ఉపాధి పనులు కల్పించాలని రాష్ట్ర పంచాయతీరాజ్‌ శాఖ మంత్రి సీతక్క అన్నారు. హైదరాబాద్‌ నుంచి బుధవారం పంచాయతీరాజ్‌ శాఖ ప్రత్యేక కార్యదర్శి దాన కిశోర్‌, సెర్ప్‌ సీఈవో దివ్య దేవరాజన్‌తో కలిసి వీడియో కాన్ఫరెన్స్‌ ద్వారా కలెక్టర్లు, డీఆర్‌డీవోలు, ఎంపీడీవోలతో వీబీ జీ రామ్‌జీ పథకం అమలు, ఎల్‌నినో ప్రభావాన్ని తగ్గించేందుకు తీసుకోవాల్సిన చర్యలపై సమీక్ష సమావేశం నిర్వహించారు. మంత్రి మాట్లాడుతూ రైతులు పశువులకు అవసరమైన పచ్చిగడ్డి సాగు చేసేలా చర్యలు తీసుకోవాలన్నారు. వీబీ జీ రామ్‌జీ పథకం కింద అనుమతించిన 375 రకాల పనులపై సర్పంచులకు అవగాహన కల్పించి, పనిదినాలు పెరిగేలా చూడాలని ఆదేశించారు. ఆదర్శ గ్రామంగా ఎంపికైతే కేంద్ర ప్రభుత్వం రూ.కోటి చెల్లిస్తుందని తెలిపారు. రైతులు, గ్రామ సంఘాల ఆధ్వర్యంలో పశుగ్రాసం సాగు చేస్తే ఎకరానికి రూ.14వేల ఆర్థికసాయం అందిస్తామని ప్రకటించారు. జిల్లా కేంద్రంలోని కలెక్టరేట్‌ నుంచి అదనపు కలెక్టర్‌ యువరాజ్‌ మర్మాట్‌ మాట్లాడారు. జిల్లాలోని చెరువులు, కాలువల్లో పూడికతీత పనులు చేపట్టేందుకు చర్యలు తీసుకుంటున్నామని తెలిపారు. ఇప్పటికే ప్రారంభించిన గ్రామ సంఘాల భవనాలు, అదనపు గదులు, అంగన్‌వాడీ కేంద్రాలు, పంచాయతీ భవనాలు గడువులోగా పూర్తి చేస్తామని వివరించారు. వీబీ జీ రామ్‌ జీ పథకం కింద పనిదినాలు పెంచేందుకు తగిన సంఖ్యలో మేట్లను నియమిస్తామని పేర్కొన్నారు. నీటి తొట్లు ఏర్పాటు చేయడంతోపాటు పశుగ్రాసం సాగు ప్రోత్సహిస్తామని, నీటి సంరక్షణలో భాగంగా వ్యక్తిగత, సామూహిక ఇంకుడు గుంతల నిర్మాణానికి చర్యలు తీసుకుంటామని తెలిపారు. సమావేశంలో డీఆర్‌డీవో దత్తారావు, జెడ్పీ సీఈవో లక్ష్మీనారాయణ, డీపీవో భిక్షపతిగౌడ్‌, డీఎల్‌పీవో ఉమర్‌ హుస్సేన్‌, అధికారులు పాల్గొన్నారు.

ఆసిఫాబాద్‌అర్బన్‌: ఓటుహక్కు, ప్రజాస్వామ్య పరిరక్షణ లక్ష్యంగా నవంబర్‌ 1న ఢిల్లీలో కాంగ్రెస్‌ పార్టీ ఆధ్వర్యంలో ఓట్‌ బచావో– దేశ్‌ బచావో కార్యక్రమం చేపడుతున్నట్లు ఏఐసీసీ పర్యవేక్షక్షుడు మరియప్పన్‌ తెలిపారు. జిల్లా కేంద్రంలోని డీసీసీ కార్యాలయంలో బుధవారం డీసీసీ అధ్యక్షురాలు ఆత్రం సుగుణ అధ్యక్షతన ముఖ్య నాయకులు, కార్యకర్తలతో నిర్వహించిన సమావేశానికి కోర్డినేటర్‌ శ్రావణ్‌కుమార్‌తో కలిసి హాజరయ్యారు. ఆయన మాట్లాడుతూ ఢిల్లీలో నిర్వహించే ఓట్‌ బచావో– దేశ్‌ బచావో కార్యక్రమం ప్రాధాన్యతను ప్రజల్లోకి తీసుకెళ్లాలని పిలుపునిచ్చారు. ఎమ్మెల్సీ దండె విఠల్‌, డీసీసీ అధ్యక్షురాలు ఆత్రం సుగుణ మాట్లాడుతూ ఓటరు జాబితాలో అక్రమాలు, అవకతవకలు జరగకుండా కాంగ్రెస్‌ పార్టీ నాయకులు, కార్యకర్తలు అప్రమత్తంగా ఉండాలని సూచించారు. నవంబర్‌ 1న తేదీన ఢిల్లీలో నిర్వహించే కార్యక్రమాన్ని విజయవంతం చేయాలని కోరారు. సమావేశంలో నియోజకవర్గ ఇన్‌చార్జి శ్యాంనాయక్‌, డీసీసీ మాజీ అధ్యక్షుడు విశ్వప్రసాద్‌రావు, మాజీ ఎమ్మెల్యే ఆత్రం సక్కు, జిల్లా గ్రంథాలయ చైర్మన్‌ అనిల్‌కుమార్‌, ఏఎంసీ చైర్‌పర్సన్‌ ఇరుకుల్ల మంగ, కాగజ్‌నగర్‌ మార్కెట్‌ చైర్మన్‌ దేవయ్య, నాయకులు గణపతి, బాలేష్‌గౌడ్‌, రాపర్తి మురళి, ఇమ్రాన్‌, వివిధ మండలాల అధ్యక్షులు, అనుబంధ సంఘాల నాయకులు పాల్గొన్నారు.

ఆసిఫాబాద్‌రూరల్‌: జిల్లా కేంద్రంలోని తెలంగాణ మోడల్‌ స్కూల్‌లో బుధవారం 18 పీఎం పాఠశాలల విద్యార్థులకు నిర్వహించిన ఖోఖో, కబడ్డీ, వాలీబాల్‌, అథ్లెటిక్స్‌ పోటీలు రసవత్తరంగా సాగాయి. డీఈవో సచ్చిదానంద చారి మాట్లాడుతూ ఆటలతో విద్యార్థులు శారీరకంగా, మానసికంగా ఆరోగ్యంగా ఉంటారని తెలిపారు. పిల్లల్లో పోటీతత్వం పెరుగుతుందన్నారు. కాగా, బాలుర విభాగంలో కబడ్డీలో బాబాపూర్‌, ఖోఖోలో తెలంగాణ మోడల్‌ స్కూల్‌, వాలీబాల్‌ పోటీల్లో సిర్పూర్‌ (యు) జట్లు విజేతలుగా నిలిచాయి. బాలి కల విభాగంలో ఖోఖోలో గిరిజన బాలికల పాఠశాల, కబడ్డీలో సిర్పూర్‌(టి) జట్లు మొద టి బహుమతులు కైవసం చేసుకున్నాయి. ఎస్‌జీఎఫ్‌ జిల్లా ప్రధాన కార్యదర్శి రామ్మోన్‌రావు, ఎస్‌వో శ్రీనివాస్‌, ప్రిన్సిపాల్‌ మహేశ్వర్‌, పీడీలు, పీఈటీలు తిరుపతి, రమేశ్‌, రవి తదితరులు పాల్గొన్నారు.

కాగజ్‌నగర్‌టౌన్‌: పట్టణంలోని సిర్పూర్‌ పేపర్‌ మిల్లుకు సోమవారం లోడ్‌ నిమిత్తం వచ్చిన ఓ లారీ ఈఎస్‌ఐ మూలమలుపు వద్ద ఉన్న డివైడర్‌కు తగలడంతో దాపి డీజిల్‌ ట్యాంక్‌ పగిలిపోయింది. ఈఎస్‌ఐ మూలమలుపు నుంచి లారీ చౌరస్తా వరకు బీటీరోడ్డుపై ఇంధనమంతా పడిపోయింది. ఈ విష యం తెలియక ద్విచక్ర వాహనదారులు పలువురు అదుపుతప్పి రోడ్డుపై కింద పడగా గాయాలపాలయ్యారు. కొందరు స్థానికులు గమనించి రాకపోకలను మళ్లించారు. అయితే లారీ ట్యాంక్‌ పగిలి డీజిల్‌ రోడ్డుపై పారుతున్నా సంబంధిత డ్రైవర్‌ పట్టించుకోకుండా వెళ్లిపోయాడని స్థానికులు తెలిపారు. మున్సిపల్‌, పోలీసు సిబ్బంది చర్యలు తీసుకోకపోవడంపై విమర్శలు వస్తున్నాయి. కనీసం ఇసుక కూడా చల్లలేదని, భారీ ప్రమాదాలు జరిగితే ఎవరు బాధ్యత వహిస్తారని ప్రశ్నిస్తున్నారు.

ఆసిఫాబాద్‌అర్బన్‌: ఆసిఫాబాద్‌ మున్సిపాలిటీ పరిధిలో అద్దె వ్యాపారం గాడితప్పుతోంది. కొంద రు యజమానులు మున్సిపల్‌కు తక్కువ అద్దె చెల్లి స్తూ ఇతరులకు ఎక్కువ మొత్తానికి అద్దెకు ఇస్తున్నా రు. ఓ వైపు వారు అదనపు ఆదాయం పొందుతుండగా, మున్సిపాలిటి ఆదాయానికి మాత్రం గండిపడుతోంది. మరికొందరు ఏకంగా మున్సిపల్‌ స్థలా ల్లోనే టేలాలు వేసి అద్దెకు ఇస్తూ ఆదాయం అర్జిస్తున్నారు. ఈ లెక్కన బల్దియాకు నెలకు సుమారు రూ.లక్ష వరకు వరకు నష్టం జరుగుతోంది. నిబంధనల ప్రకారమైతే అద్దె తీసుకున్న దుకాణాలు నిర్వహించలేని పరిస్థితులు ఉంటే తిరిగి అప్పగించాలి. అధికారులు వాటికి మళ్లీ టెండర్లు నిర్వహిస్తారు. కానీ కొందరు వ్యాపారులు మాత్రం దుకాణాలను బినామీలకు అప్పగిస్తున్నారు. వారి నుంచి కొంత అద్దె వసూలు చేస్తున్నారు. జిల్లా కేంద్రంలో ఇలా.. ఆసిఫాబాద్‌ మున్సిపల్‌ పరిధిలో మూడు దుకాణ సముదాయాలు ఉన్నాయి. ఇందులో 41 గదులు అద్దె ప్రాతిపదికన కొనసాగుతున్నాయి. నెలకు రూ.1.90 లక్షల వరకు అద్దె బల్దియాకు సమకూరుతోంది. అలాగే 200కు పైగా టేలాలు మున్సిపల్‌ స్థలాల్లోనే కొనసాగుతున్నాయి. వీటి ద్వారా నెలకు రూ.1.50 లక్షల వరకు ఆదాయం వస్తోంది. మున్సిపల్‌ అద్దె నామమాత్రంగా రూ.500 నుంచి రూ.600 వరకే ఉంది. కానీ మున్సిపల్‌ నుంచి అద్దెకు తీసుకున్న వారు చాలా మంది ఇతరులకు రూ.4వేల నుంచి రూ.10వేల వరకు అధిక ధరకు మళ్లీ రెంట్‌కు ఇచ్చినట్లు ఆరోపణలు ఉన్నాయి. అధికారులు స్పందించి చర్యలు తీసుకోవాలని పట్టణ ప్రజలు కోరుతున్నారు. నోటీసులు జారీ చేస్తాం మున్సిపల్‌ సముదాయంలో సబ్‌ లీజుల వ్యవహారం మా దృష్టికి వచ్చింది. త్వరలోనే వారికి నోటీసులు జారీ చేస్తాం. బినామీలను తొలగించి అర్హులైన అందించేందుకు చర్యలు చేపడతాం. అక్రమాలు జరిగితే అధికారుల దృష్టికి తీసుకురావాలి. – అంజయ్య, ఆసిఫాబాద్‌ మున్సిపల్‌ కమిషనర్‌

తిర్యాణి: ఆదివాసీలు ఆర్ధికాభివృద్ధి సాధించాలని సెర్ప్‌ సీఈవో దివ్య దేవరాజన్‌ అన్నారు. తిర్యాణి మండలం సుంగాపూర్‌ పంచాయతీ పరిధిలోని కొలంగూడలోని 55 కుటుంబాలకు గతంలో తెలంగాణ సమ్మిళిత జీవనోపాధి కార్యక్రమం(టీజీఐఎల్‌పీ)లో భాగంగా వివిధ సామగ్రి అందించగా, మంగళవారం లబ్ధిదారులతో ఐటీడీఏ పీవో మంద మకరందు, అదనపు కలెక్టర్‌ యువరాజ్‌ మర్మాట్‌తో కలిసి ప్రత్యేక సమావేశం నిర్వహించారు. పథకం అమలు తీరు, ఎదురువుతున్న సమస్యల గురించి తెలుసుకున్నారు. స్వయం ఉపాధి కల్పించేందుకు టీజీఐఎల్‌పీ పథకం రూపొందించినట్లు తెలిపారు. ఎల్‌నినోను దృష్టిలో ఉంచుకుని నీటిని పొదుపుగా వాడుకోవడంతోపాటు జల సంరక్షణకు ఇంకుడు గుంతలు నిర్మించాలని సూచించారు. ఈ సందర్భంగా గ్రామంలోని సమస్యలపై స్థానికులు వినతిపత్రం అందించారు. అలాగే గుడిపేట శివారులో ఓ సంస్థ ఆధ్వర్యంలో నిర్మించిన సోలార్‌ పంప్‌ సెట్‌ను పరిశీలించారు. గిన్నెదరి గ్రామంలో నిర్మించిన మైకెల్‌ యార్క్‌ గ్రంథాలయ భవనాన్ని ప్రారంభించారు. టీజీఐఎల్‌పీ పథకం అమలుపై కోచ్‌లు, అధికారులతో మండల కేంద్రంలోని ఐకేపీ కార్యాలయంలో సమీక్షించారు. ఆయా కార్యక్రమాల్లో డీఆర్‌డీవో దత్తారావు, డీపీవో భిక్షపతి, తహసీల్దార్‌ శ్రీనివాస్‌, ఎంపీడీవో నాగేశ్‌ తదితరులు పాల్గొన్నారు.

ఆసిఫాబాద్‌రూరల్‌: ఇటీవల జరిగిన రాష్ట్రస్థాయి ఖోఖో పోటీల్లో ప్రథమ స్థానంలో నిలిచిన ఉమ్మడి జిల్లా జట్టు క్రీడాకారులను మంగళవారం జిల్లా కేంద్రంలోని కలెక్టరేట్‌లో కలెక్టర్‌ కె.హరిత అభినందించారు. ఉమ్మడి ఆదిలాబాద్‌ జిల్లా జట్టులో గిరిజన ఆదర్శ క్రీడాపాఠశాలకు చెందిన పది మంది విద్యార్థులు ఉండటం గర్వకారణమన్నారు. రాను న్న రోజుల్లో అత్యుత్తమ ప్రతిభ చూపాలని, రాష్ట్ర, జాతీయస్థాయి పతకాలు సాధించాలని ఆకాంక్షించారు. కార్యక్రమంలో డీటీడీవో అంబాజీ, నోడల్‌ అధికారి మీనారెడ్డి, కోచ్‌ తిరుమల్‌ తదితరులు పాల్గొన్నారు.

ఆసిఫాబాద్‌అర్బన్‌: జిల్లాలోని పేదల జీవితాల్లో మార్పు తీసుకురావాలని సెర్ప్‌ సీఈవో దివ్య దేవరాజన్‌ అన్నారు. జిల్లా కేంద్రంలోని కలెక్టరేట్‌లో మంగళవారం కలెక్టర్‌ కె.హరిత, అదనపు కలెక్టర్లు యువరాజ్‌ మర్మాట్‌, డేవిడ్‌, డీఎఫ్‌వో బాలామణితో కలిసి తెలంగాణ సమగ్ర జీవనోపాధి కార్యక్రమం(టీజీఐఎల్‌పీ), వీబీజీ రామ్‌ జీ పథకంలో చేపట్టాల్సిన పనులపై సమీక్ష సమావేశం నిర్వహించా రు. సెర్ప్‌ సీఈవో మాట్లాడుతూ జిల్లాలోని తిర్యా ణి, లింగాపూర్‌ మండలాల్లో టీజీఐఎల్‌పీ కింద మూడు వేల అత్యంత పేద కుటుంబాలను గుర్తించినట్లు తెలిపారు. జిల్లాలో 1,22,633 జాబ్‌ కార్డులు ఉన్నాయని, వీబీ జీరామ్‌జీ కింద అర్హులైన కుటుంబాలకు 125 రోజులు పని కల్పించాలన్నారు. ఈ ప థకం ద్వారా పంచాయతీ భవనాలు, అంగన్‌వాడీ, మహిళా సమాఖ్య భవనాలు, గిడ్డంగుల నిర్మాణం వంటి 375 రకాల పనులు చేపట్టవచ్చని పేర్కొన్నా రు. జలసిరి పథకం ద్వారా పంట కుంటలు, ఊట కుంటలు, నీటి కుంటలు, ఇంకుడుగుంతల నిర్మాణంతో భూగర్భ జలాలు పెరిగే అవకాశం ఉందన్నా రు. కలెక్టర్‌ హరిత మాట్లాడుతూ టీజీఐఎల్‌పీ ప్రా జక్టు, వీబీ జీరామ్‌జీ పథకం పకడ్బందీగా అమలు చేస్తామని తెలిపారు. పెద్దఎత్తున కూలీలకు పనులు కల్పించే విధంగా అధికారుల సమన్వయంతో చర్యలు తీసుకుంటామని వివరించారు. అనంతరం కమిషనర్‌ను శాలువాతో సన్మానించారు. సమావేశంలో అధికారులు, శిక్షకులు పాల్గొన్నారు.

పెంచికల్‌పేట్‌: జిల్లాలో ఆశించిన స్థాయిలో వర్షాలు లేకపోవడంతో ప్రస్తుతం ఖరీఫ్‌ పంటల సాగుపై తీవ్ర ప్రభావం పడింది. మరోవైపు యాసంగి సాగుపైనా నీలినీడలు కమ్ముకున్నాయి. అధిక నీటి అవసరం ఉన్న వరి సాగు చేస్తే ఇబ్బందికర పరిస్థితులు ఎదురయ్యే అవకాశం ఉన్నందున ప్రభుత్వం ప్ర త్యామ్నాయ మార్గాలపై దృష్టి సారించింది. నీటి లభ్యత లేని ప్రాంతాల్లో ఆరుతడి పంటలు సాగు చేయాలని అవగాహన కల్పిస్తున్నారు. రైతువేదికల్లో అవగాహన సదస్సులు సైతం నిర్వహిస్తున్నారు. అన్నదాతలను ఆరుతడి పంటల వైపు మళ్లించడానికి ప్రతీ వారం నిర్వహించే రైతు నేస్తం కార్యక్రమాల్లోనూ అధికారులు అవగాహన కల్పిస్తున్నారు. అవగాహన సదస్సులుజిల్లాలో వానాకాలం సీజన్‌లో 1103 మిల్లీమీటర్ల సాధారణ వర్షానికి 1019 మిల్లిమీటర్ల వర్షపాతం నమోదైంది. మారిన పరిస్థితులు, పొడి వాతావరణంతో జలవనరులు ఎండిపోతున్నాయి. పంటలకు సరిపడా సాగునీరు లేక అన్నదాతలు కలవరపడుతున్నారు. వ్యవసాయ శాఖ అధికారులు రైతులను యాసంగిలో ప్రత్యామ్నాయ పంటల సాగువైపు మళ్లించడానికి అవగాహన సదస్సులు నిర్వహిస్తున్నారు. తక్కువ నీటితో పండే కంది, జొన్న, పెసర్లు, శనగలు, పప్పు ధాన్యాలు, ఇతర చిరుధాన్యాల పంటలు సాగు చేయాలని సూచిస్తున్నారు. నీటి లభ్యత, విత్తనాల ఎంపిక, స్వల్పకాలిక పంటల సాగుతో మెరుగైన దిగుబడులు సాధించవచ్చిన వ్యవసాయశాఖ అధికారులు సూచిస్తున్నారు. అందుబాటులో విత్తనాలుగతేడాది యాసంగి సీజన్‌లో మొత్తం 57,598 విస్తీర్ణంలో పంటలు సాగు చేశారు. అప్పుడు 23,992 ఎకరాల్లో వరి పండించగా, ఈసారి కేవలం 8500 ఎకరాల్లో సాగు చేసే అవకాశం ఉన్నట్లు అధికారులు అంచనా వేశారు. ఆరుతడి పంటల వైపు రైతులను ప్రోత్సహించేందుకు ఇప్పటికే 75క్వింటాళ్ల శనగ, 30 క్వింటాళ్ల పెసర్ల విత్తనాలను అందుబాటులో ఉంచేందుకు ఏర్పాట్లు చేశారు.గతేడాది యాసంగి సాగుపంట ఎకరాలు వరి 23,992 మొక్కజొన్న 9,101 గోధుమ 972 ఆయిల్‌పామ్‌ 330 ఇతర పంటలు 22,765ఆరుతడి పంటలు వేయాలి వర్షాభావ పరిస్థితుల నేపథ్యంలో రైతులు సంప్రదాయ పంటలు సాగు చేయొద్దు. తక్కువ నీటితో మెరుగైన దిగుబడులు వచ్చే జొన్న, కంది, పెసర్లు, మినుములు, మొక్కజొన్న ఇతర చిరుధాన్యాలు సాగు చేయాలి. ఇప్పటికే రైతులకు గ్రామాల్లో అవగాహన సదస్సులు నిర్వహిస్తున్నాం. యాసంగిలో ఆరుతడి పంటలనే వేయాలి. – జాడి వెంకట్‌, డీఏవో

కాగజ్‌నగర్‌టౌన్‌: జిల్లా పరిధిలోని ఖాళీగా ఉన్న అంగన్‌వాడీ పోస్టుల భర్తీ ప్రక్రియ వేగవంతమైంది. జిల్లాలో ఆసిఫాబాద్‌, జైనూర్‌, కాగజ్‌నగర్‌, సిర్పూర్‌(టి), వాంకిడి ఐసీడీఎస్‌ ప్రాజెక్టులు ఉన్నాయి. ఆయా ప్రాజెక్టుల పరిధిలో 153 అంగన్‌వాడీ టీచర్‌, 280 ఆయా పోస్టుల భర్తీకి అక్టోబర్‌ 9 నుంచి 23వ తేదీ వరకు ఆన్‌లైన్‌ ద్వారా దరఖాస్తులు స్వీకరించా రు. గడువు ముగిసిన తర్వాత అంగన్‌వాడీ టీచర్‌ పోస్టులకు 2,384 దరఖాస్తులు, ఆయా పోస్టులకు 1470 దరఖాస్తులు వచ్చాయి. ఈ నేపథ్యంలో సంబంధిత అధికారులు ధ్రువపత్రాల పరిశీలన చేపట్టేందుకు సిద్ధమయ్యారు. ధ్రువపత్రాల వెరిఫికేషన్‌ ఇలా..కలెక్టర్‌ ఆదేశాల మేరక ఆన్‌లైన్‌లో దరఖాస్తు చేసుకున్న అభ్యర్థులకు ధ్రువపత్రాల పరిశీలన నిర్వహించనున్నారు. నవంబర్‌ 4 నుంచి 7 వరకు ఉదయం 10.30 గంటల నుంచి సాయంత్రం 5 గంటల వరకు సంబంధిత సీడీపీవో, ఐసీడీఎస్‌ కార్యాలయాల్లో వెరిఫికేషన్‌ ప్రక్రియ కొనసాగుతుంది. అందించాల్సిన సర్టిఫికెట్లు ఇవే..అభ్యర్థులు ఆన్‌లైన్‌ దరఖాస్తు ప్రతిని తప్పనిసరిగా తీసుకురావాలి. అలాగే దరఖాస్తులో పేర్కొన్న అన్ని ఒరిజినల్‌ సర్టిఫికెట్లు పరిశీలనకు అందించాలి. అలాగే అన్ని ధ్రువపత్రాల రెండు జతల జిరాక్స్‌ కాపీలను గెజిటెడ్‌ అటెస్టేషన్‌తో కార్యాలయాల్లో సమర్పించాలి. విద్యార్హత, వయస్సు, స్థానికత, కులం, ఇతర పత్రాలతో ఆయా ఐసీడీఎస్‌ ప్రాజెక్టుల పరిధిలో నిర్ణయించిన తేదీల్లో సంబంధిత సీడీపీవో కార్యాలయంలో హాజరు కావాలి.జిల్లాలో అంగన్‌వాడీ పోస్టుల ఖాళీలు, దరఖాస్తుల వివరాలుప్రాజెక్టు టీచర్‌ పోస్టులు దరఖాస్తులు ఆయా పోస్టులు దరఖాస్తులు ఆసిఫాబాద్‌ 49 714 75 337 జైనూర్‌ 39 619 124 659 కాగజ్‌నగర్‌ 4 88 7 21 సిర్పూర్‌(టి) 9 270 19 182 వాంకిడి 52 693 55 271 మొత్తం 153 2,384 280 1,470

బెజ్జూర్‌: విద్యార్థులు క్రమశిక్షణతో చదువుకుని, జీవితంలో ఉన్నత శిఖరాలకు చేరుకోవాలని జిల్లా సీనియర్‌ జడ్జి అనూష అన్నారు. మండల కేంద్రంలోని గిరిజన బాలికల ఆశ్రమ పాఠశాలలో మంగళవారం చట్టాలపై అవగాహన కల్పించారు. విద్యార్థులు తల్లిదండ్రులు, ఉపాధ్యాయులను గౌరవించా లన్నారు. హక్కులు తెలుసుకోవడంతోపాటు విధులు బాధ్యతాయుతంగా నిర్వర్తించాలని సూచించా రు. విద్యార్థులకు అవసరమైన న్యాయ సహాయం అందించేందుకు లీగల్‌ సర్వీసెస్‌ అథారిటీ అండగా ఉంటుందని భరోసా ఇచ్చారు. ఇబ్బందులకు గురి చేస్తే భయపడకుండా షీటీమ్స్‌ను ఆశ్రయించాలని సూచించారు. అలాగే 15100, 1098 హెల్ప్‌లైన్‌ నంబర్లకు ఫిర్యాదు చేయవచ్చని తెలిపారు. ఎల్‌నినో పరిస్థితులను దృష్టిలో ఉంచుకుని నీటిని, ఆహారా న్ని వృథా చేయకుండా పొదుపుగా వినియోగించాలని సూచించారు. కార్యక్రమంలో ఆశ్రమ పాఠశాల ప్రధానోపాధ్యాయురాలు జి.మారుబాయి, బెజ్జూర్‌ ఎస్సై కె.రమేశ్‌, టీచర్లు పాల్గొన్నారు.

రెబ్బెన: ఎల్‌నినోతో ఏర్పడిన తీవ్ర వర్షాభావ పరిస్థితులు పంటలను తీవ్రంగా దెబ్బతిస్తున్నాయి. కొన్ని ప్రాంతాల్లో చేతిదాక వచ్చిన పంటలు నీళ్లు లేక ఎండిపోతున్నాయి. అయితే సాగునీటి వసతి ఉన్న ప్రాంతాల్లో సాగు చేసిన సన్నరకం ధాన్యానికి ఊ హించని ధర పలుకుతోంది. ఇప్పటికే బియ్యం ధరలు ఆకాశన్నంటుతుండటంతో సన్నరకం వరిధాన్యం కొనుగోలు చేసేందుకు మిల్లర్లు ఎగబడుతున్నారు. గతంలో ఎన్నడూ లేనివిధంగా రికార్డు స్థా యిలో ధర చెల్లిస్తూ కల్లాల వద్ద నుంచే తీసుకెళ్తున్నా రు. తేమ, తప్ప, తాలు వంటి ఎలాంటి కొర్రీలు పె ట్టకుండానే కొంటున్నారు. తూకం, రవాణా చార్జీల ను సైతం వారే భరిస్తున్నారు. ఈసారి బియ్యానికి ఉన్న డిమాండ్‌ దృష్ట్యా ఎలాంటి నిబంధనలు లేకుండా పచ్చివడ్లకే అధిక ధర చెల్లిస్తున్నారు. జిల్లాలో మొత్తం సన్నాలే..వానాకాలం సీజన్‌ ప్రారంభంలో రాష్ట్ర ప్రభుత్వం వరి ఏడు సన్నరకాలకు మాత్రమే బోనస్‌ చెల్లిస్తామని ప్రకటించింది. దీనిపై వ్యవసాయ శాఖ అధికారులు విస్తృతంగా ప్రచారం చేశారు. దీంతో జిల్లాలోని రైతులు దాదాపు ఈ రకాలనే ఎంచుకుని వరిసాగు చేపట్టారు. ఈసారి వానాకాలంలో జిల్లాలో సుమారు 50వేల ఎకరాల వరకు వరిసాగు చేసినట్లు వ్యవసాయ శాఖ లెక్కించింది. గతేడాది పోల్చితే సాగు విస్తీర్ణం తగ్గింది. వర్షాభావ పరిస్థితుల నేపథ్యంలో చాలామంది రైతులు వరిసాగు వదులుకుని ఇతర పంటలను పండిస్తున్నారు. నెలరోజుల్లో వరికోతల జోరుజిల్లాలో వరికోతలు మరో నెలల్లో జోరందుకోనున్నాయి. ముందస్తుగా నాట్లు వేసిన వారు ఇప్పటికే కోతలను పూర్తి చేశారు. ఆలస్యంగా నాట్లు వేసిన వారికి కొంత ఇబ్బందులు ఉన్నాయి. వినాయక చవితి నుంచి వర్షాలు ముఖం చాటేయడంతో పాటు ఎండల తీవ్రతకు భూగర్భ జలాలు అడుగంటుతున్నాయి. చెరువులు, కుంటల్లో నీరు ఇంకిపోతుండటంతో చివరి తడులు అందించేందుకు తంటాలు పడుతున్నారు. ఆయిల్‌ ఇంజిన్లు, ట్రాక్టర్‌ ఇంజిన్లకు మోటర్లు బిగించి కుంటల్లో అడుగంటిన నీటిని తోడి పారిస్తున్నారు. ఒక్క తడి అందితే పంట చేతికందే అవకాశం ఉంటుందని చెబుతున్నారు.నంబాల శివారులో కోతకు సిద్ధంగా వరిపొలం జిల్లాలో ఇప్పటికే ముందస్తు వరికోతలను పూర్తి చేసుకున్న రైతుల వద్ద నుంచి ప్రైవేటు వ్యక్తులు క్వింటాల్‌కు రూ.3,200 నుంచి రూ.3,400 వర కు చెల్లిస్తున్నారు. ఇక తినేందుకు అనుకూలమైన జైశ్రీరాం, హెచ్‌ఎంటీ వంటి రకాలకు రూ.3800 వరకు చెల్లించేందుకు సిద్ధమవుతున్నారు. ప్రస్తు తం మార్కెట్‌లో బియ్యం ధరలు రూ.8,000 నుంచి రూ.9,500 వరకు ఉండటంతో సన్నరకం ధాన్యానికి డిమాండ్‌ పెరిగింది. గతేడాది తెలంగాణ సోనా రకం ధాన్యానికి రూ.2,000 నుంచి రూ.2,100 వరకు చెల్లించగా ఈసారి ఏకంగా రూ.3200పైనే చెల్లిస్తున్నారు. రైతుల వద్దకే వచ్చి పచ్చి వడ్లనే అధిక ధరకు కొనుగోలు చేసేందుకు ప్రైవేటు వ్యక్తులు పోటీ పడుతున్నారు.

ఆసిఫాబాద్‌అర్బన్‌: వైద్యరోగ్యశాఖ పరిధిలోని ఎన్‌హెచ్‌ఎం కింద వివిధ విభాగాల్లో పనిచేస్తున్న ఉద్యోగులు డిమాండ్లు నెరవేర్చాలని చేపడుతున్న సమ్మెకు బీజేపీ అండగా ఉంటుందని ఎమ్మెల్యే పాల్వాయి హరీశ్‌బాబు స్పష్టం చేశారు. జిల్లా కేంద్రంలోని కలెక్టరేట్‌ ఎదుట ఉద్యోగులు చేపట్టిన సమ్మె మంగళవారం 15వ రోజుకు చేరింది. బీజేపీ రాష్ట్ర కార్యవర్గ సభ్యుడు అరిగెల నాగేశ్వర్‌రావు, జిల్లా ప్రధాన కార్యదర్శి మల్లికార్జున్‌తో కలిసి దీక్ష శిబిరాన్ని సందర్శించారు. ఎమ్మెల్యే మాట్లాడుతూ కరోనా వంటి విపత్కర పరిస్థితుల్లో ప్రాణాలకు తెగించి సేవలందించిన ఉద్యోగులపై రాష్ట్ర ప్రభుత్వం నిర్లక్ష్యంగా వ్యవహరించడం సరికాదన్నారు. దేశంలోని 14 రాష్ట్రాల్లో కాంట్రాక్ట్‌ సిబ్బందికి ఉద్యోగ భద్రత కల్పించగా, తెలంగాణలో ఎందుకు సాధ్యం కాదని ప్రశ్నించారు. ప్రభుత్వం ఇప్పటికై నా మొండి వైఖరి వీడాలని హితవు పలికారు. కార్యక్రమంలో బీజేపీ నాయకులు, ఎన్‌హెచ్‌ఎం జేఏసీ నాయకులు, సిబ్బంది పాల్గొన్నారు.

బజార్‌హత్నూర్‌: మండలంలోని మంజరంతండా గ్రామానికి చెందిన గర్భిణి నిస్తే దివ్యకు సోమవారం పురిటినొప్పులు వచ్చాయి. కుటుంబ సభ్యులు అందించిన సమాచారంతో అంబులెన్స్‌ సిబ్బంది అక్కడికి చేరుకున్నారు. ఆమెను బజార్‌హత్నూర్‌ పీహెచ్‌సీకి తీసుకువచ్చారు. అక్కడి నుంచి ఆదిలాబాద్‌ రిమ్స్‌కు తీసుకెళ్తుండగా మార్గమధ్యంలో పురిటినొప్పులు ఎక్కువ అయ్యాయి. పైలట్‌ మహేశ్‌ అంబులెన్స్‌ను రోడ్డు పక్కన నిలిపారు. ఈఎంటీ సతీశ్‌ ఈఆర్‌సీపీ డాక్టర్‌ చక్రవర్తిని ఫోన్‌లో సంప్రదించి పురుడుపోయగా పండంటి ఆడబిడ్డకు జన్మనిచ్చింది. రిమ్స్‌లో తల్లీబిడ్డ ఆరోగ్యంగా ఉన్నారని వైద్యులు తెలిపారు.

ఆదిలాబాద్‌రూరల్‌: చెట్టెక్కి ఆత్మహత్యకు యత్నించిన ఒకరిని డయల్‌ 100 కానిస్టేబుల్‌ భుజంగ్‌ స్పందించి ప్రాణాలు కాపాడారు. మావల పీఎస్‌ ఎస్‌హెచ్‌వో ప్రేమ్‌కుమార్‌ తెలిపిన వివరాల ప్రకారం.. మావల పోలీసుస్టేషన్‌ పరిధి కేఆర్కే కాలనీకి చెందిన ఒక వ్యక్తి కుటుంబ సమస్యల కారణంగా మనస్తాపం చెంది గురై చెట్టుకు తాడు కట్టుకుని సోమవారం ఆత్మహత్యకు యత్నిస్తున్నట్లు డయల్‌ 100కు సమాచారం అందింది. విధుల్లో ఉన్న కానిస్టేబుల్‌ భుజంగ్‌ వెంటనే స్పందించి ఘటనస్థలానికి చేరుకున్నాడు. చెట్టెక్కి తాడును తొలగించి బాధితుడిని కిందకు దించాడు. ఎస్పీ అఖిల్‌ మహాజన్‌ కానిస్టేబుల్‌ను అభినందించారు.

ఆదిలాబాద్‌టౌన్‌: వాట్సాప్‌ ద్వారా నకిలీ లింక్‌లు పంపిస్తూ బ్యాంక్‌ ఖాతాలు, క్రెడిట్‌కార్డుల నుంచి రూ.4,20,210 కాజేసిన అంతర్రాష్ట్ర సైబర్‌ నేరగాడిని అరెస్ట్‌ చేసినట్లు ఎస్పీ అఖిల్‌ మహాజన్‌ తెలిపారు. జిల్లాకేంద్రంలోని పోలీస్‌ హెడ్‌క్వార్టర్స్‌లో సోమవారం కేసు వివరాలు వెల్లడించారు. బేల పోలీస్‌స్టేషన్‌ పరిధిలోని సాంగిడి గ్రామానికి చెందిన అనురాగ్‌రెడ్డికి గుర్తుతెలియని నంబర్‌ నుంచి వాట్సాప్‌లో వచ్చిన ఓ లింక్‌ను ఓపెన్‌ చేయగా ఫోన్‌పే ద్వారా రూ.2,200 చెల్లించాలనే సందేశం కనిపించింది. అది నిజమని నమ్మి డబ్బులు చెల్లించాడు. అనంతరం అతని క్రెడిట్‌ కార్డులకు సంబంధించిన ఖాతాల నుంచి 16 లావాదేవీల ద్వారా మొత్తం రూ.4,20,210 కట్‌ అయ్యాయి. బాధితుడి ఫిర్యాదుతో బేల పోలీస్‌స్టేషన్‌లో కేసు నమోదు చేసి దర్యాప్తు చేపట్టారు. సెల్‌నంబర్లు, ఆన్‌లైన్‌ లావాదేవీలు, సాంకేతిక ఆధారాలతో రాజస్థాన్‌లోని ఉదయ్‌పూర్‌ జిల్లా దగర్‌ గ్రామానికి చెందిన దినేష్‌ పటేల్‌ను నిందితుడిగా గుర్తించి పోలీసులు అదుపులోకి తీసుకున్నారు. అతని నుంచి మూడు సెల్‌ఫోన్లు, ఒక మినీ ఐప్యాడ్‌, ఒక హెచ్‌పీ ల్యాప్‌టాప్‌ను స్వాధీనం చేసుకున్నారు. మోసపోయిన బాధితుడికి కోర్టు ద్వారా రూ.2 లక్షలను తిరిగి అందించినట్లు ఎస్పీ తెలిపారు. దేశవ్యాప్తంగా 220, తెలంగాణలో 20 కేసులు నిందితుడు ఇతరుల గుర్తింపు పత్రాలతో సిమ్‌కార్డులు సేకరించేవాడని విచారణలో వెల్లడైంద ని ఎస్పీ తెలిపారు. ఇన్‌స్ట్రాగామ్‌లో నకిలీ ఎస్కా ర్ట్‌, కాల్‌గర్ల్‌ సేవల వెబ్‌సైట్‌ లింక్‌లు ప్రచారం చేసి, వాటిని నమ్మి సంప్రదించిన వారితో టెలిగ్రామ్‌, వాట్సాప్‌ ద్వారా మాట్లాడేవాడని, వివిధ రకాల సేవలందిస్తామని చెప్పి ముందుగా డబ్బులు వసూలు చేస్తున్నట్లు పేర్కొన్నారు. ఆ డబ్బులను ఇతరుల బ్యాంక్‌ఖాతాల ద్వారా మళ్లిస్తూ క్రెడిట్‌కార్డుల ద్వారా చెల్లించిన సందర్భాల్లో ఆమెజాన్‌, ఫ్లిప్‌కార్ట్‌ వంటి ఆన్‌లైన్‌ వేదికల నుంచి గిఫ్ట్‌కార్డులు కొనుగోలు చేసి వస్తువులు పొందేవాడని తెలిపారు. దేశవ్యాప్తంగా నిందితుడిపై 220, తెలంగాణలో 20 కేసులు నమోదైనట్లు వివరించారు. హైదరాబాద్‌లోని ఉస్మానియా యూనివర్సిటీ, వనస్థలిపురం, నార్సింగి పోలీస్‌స్టేషన్ల పరిధిలో మోసాలకు పాల్పడినట్లు విచారణలో తేలిందన్నారు. సైబర్‌నేరాలపై అప్రమత్తంగా ఉండాలి సైబర్‌నేరాలపై ప్రజలు అప్రమత్తంగా ఉండాలని ఎస్పీ సూచించారు. అపరిచితులు పంపే వాట్సాప్‌, ఇన్‌స్ట్రాగామ్‌ లింక్‌లు ఓపెన్‌ చేయొద్దని, బ్యాంక్‌ ఖాతాలు, క్రెడిట్‌, డెబిట్‌ కార్డుల వివరాలు, ఓటీపీలను ఇతరులతో పంచుకోవద్దని తెలిపారు. అనుమానాస్పద లావాదేవీలు జరిగిన వెంటనే బ్యాంక్‌ను సంప్రదించి, సైబర్‌ హెల్ప్‌లైన్‌ నంబర్‌ 1930కు, www. cybercrime. gov. in వెబ్‌సైట్‌లో ఫిర్యాదు చేయాలని పేర్కొన్నారు. సమావేశంలో ఆదిలాబాద్‌ డీఎస్పీ ఎల్‌. జీవన్‌రెడ్డి, జైనథ్‌ సీఐ జి.శ్రావణ్‌కుమార్‌, బేల ఎస్సై మధుకృష్ణ, సైబర్‌ క్రైమ్‌ ఆర్‌ఎస్సై గోపికృష్ణ తదితరులు పాల్గొన్నారు.

జన్నారం: ఎకో సెన్సిటివ్‌ జోన్‌ పరిధిపై మండల ప్రజల్లో ఆందోళన వ్యక్తమవుతోంది. అభివృద్ధి పనులకు నిబంధనలు ఆటంకంగా మారుతున్నాయనే వ్యతిరేకత ఏర్పడుతోంది. 2012లో కవ్వాల్‌ టైగర్‌జోన్‌ ఏర్పాటు కాగా 892 చదరపు కిలోమీటర్లు కోర్‌ ఏరియా, 1123 చదరపు కిలోమీటర్లు బఫర్‌ ఏరియా వ్యాపించి ఉంది. టైగర్‌జోన్‌ నిబంధనలకు తోడుగా ఎకో సెన్సిటివ్‌ జోన్‌ కూడా ఏర్పాటు చేసి కోర్‌ ఏరియా నుంచి పది కిలోమీటర్ల దూరం వరకు పరిధిని కేటాయించారు. కొన్నేళ్లుగా నిబంధనలు అమలులో ఉన్నా ఆరు నెలలుగా కఠినంగా అమలు చేస్తున్నారు. దీంతో అభివృద్ధిలో మండలం వెనుకబడుతోందని, ఎకోసెన్సిటివ్‌ జోన్‌తోపాటు టైగర్‌జోన్‌ ఎత్తి వేయాలని డిమాండ్‌ పెరిగింది. ఈ క్రమంలో సామాజిక వేత్త శ్రీరాముల భూమాచారి రెండు నెలలుగా రిలే నిరాహార దీక్ష కొనసాగిస్తున్నారు. ఆయన దీక్షకు మండలంలోని అన్ని వర్గాల ప్రజలు మద్దతు లభిస్తోంది. ఆయా రాష్ట్రాల భౌగోళిక, సామాజిక పరిస్థితులను బట్టి నిబంధనల్లో మినహాయింపులు ఇవ్వొచ్చని 2006లో సుప్రీంకోర్టు స్పష్టం చేసినట్లు చెబుతున్నారు. అటవీ శాఖ ఉన్నత అధికారులు పునరాలోచించి ఎకో సెన్సిటివ్‌ జోన్‌ పరిధిని తగ్గించాలని కోరుతున్నారు. నిబంధనలు అమలుకొన్ని నెలలుగా అటవీ అధికారులు ఎకో సెన్సిటివ్‌ జోన్‌ నిబంధనలు కఠినంగా అమలు చేస్తున్నారు. జన్నారం మండల పరిసర ప్రాంతాల్లో సమీప గోదావరి తీరప్రాంతాల నుంచి ఇసుక తీసుకెళ్లడానికి అనుమతి నిరాకరిస్తున్నారు. దీంతో ఇసుక, మ ట్టి కొరతతో ఇందిరమ్మ ఇళ్ల నిర్మాణం, ఇతర అభివృద్ధి పనులు, గ్రామాల్లో సీసీ రోడ్ల నిర్మాణం నిలిచి పోతున్నాయని సర్పంచులు పేర్కొంటున్నారు. ప్రజల నుంచి ఒత్తిడి పెరగడంతో టైగర్‌జోన్‌ పరిధిలోని నాలుగు జిల్లాల అటవీశాఖ అధికారులు నిబంధనల సడలింపుపై ప్రభుత్వానికి నివేదిక పంపించారు. ప్రస్తుతం పది కిలోమీటర్లు ఉన్న ఎకో సెన్సిటివ్‌ జోన్‌ పరిధి కిలోమీటరుకు తగ్గించాలని పేర్కొన్నారు. నిర్ణయం ప్రభుత్వం చేతిలో ఉంది.అభివృద్ధి నిలిచిందిఎత్తివేసే వరకు దీక్ష

రాష్ట్రంలో సద్దుల సంబురాన్ని ఒక్కో ప్రాంతంలో ఒక్కో రకంగా జరుపుకుంటుంటారు. కరీంనగర్‌, జగిత్యాల, వరంగల్‌ వంటి ప్రాంతాల్లో దసరాకు ముందే బతుకమ్మలను సాగనంపుతారు. ఆదిలాబాద్‌లో మాత్రం కోజాగిరి పౌర్ణమి వరకు వేడుకలు కొనసాగించడం ఆనవాయితీ. చంద్రుడిని పాలలో చూసిన అనంతరం బతుకమ్మలను నిమజ్జనానికి తీసుకువెళ్తారు. ఇందులో భాగంగా జిల్లాకేంద్రంలో ఆదివారం రాత్రి రేయిరాజు(చంద్రుడి)ను దర్శించుకుని, జాబిలి వెలుగులో అర్ధరాత్రి వరకు మహిళలు బతుకమ్మ వేడుకల్లో ఉత్సాహంగా పాల్గొన్నారు. – ఆదిలాబాద్‌

బాసర: కూతురు కుటుంబానికి భారం కాకూడదని భావించిన వృద్ధ దంపతులు ఆత్మహత్య చేసుకోవాలని నిర్మల్‌ జిల్లా బాసరకు చేరారు. సెల్‌ఫోన్‌ సిగ్నల్‌ ఆధారంగా పోలీసులు సకాలంలో స్పందించడంతో ఇద్దరి ప్రాణాలు కాపాడారు. పోలీసులు తెలి పిన వివరాల ప్రకారం.. సిద్దిపేట జిల్లా చిన్నకోడూరు మండలం విఠలాపూర్‌ గ్రామానికి చెందిన సత్యనారాయణచారి(86), భార్య గోవిందమ్మ(81) దంపతులకు ఒకే కూతురు రేణుక ఉంది. ఆమె భర్తతో కలిసి బెంగళూరులో ఉండేది. తరచూ తల్లిదండ్రులను చూసుకోవడానికి గ్రామానికి వస్తుండడంతో భార్యాభర్తల మధ్య మనస్పర్థలు వచ్చాయి. దీంతో కొన్నిరోజులుగా రేణు క తల్లిదండ్రుల వద్దనే ఉంటూ బాగోగులు చూసుకుంటోంది. తమ కారణంగానే కూతురు, అల్లుడి మధ్య మనస్పర్థలు వచ్చాయని, తాము లేకపోతే వాళ్లు కలిసి ఉంటారని భావించిన సత్యానారాయణచారి దంపతులు కూతురుకు చెప్పకుండా ఆదివారం ఇంటి నుంచి బయల్దేరి సోమవారం ఉదయం బాసరకు చేరారు. కుమార్తెను మరింత ఇబ్బంది పెట్టడం ఇష్టం లేక ఇద్దరూ కలిసి ఆత్మహత్య చేసుకోవాలని నిర్ణయించుకున్నారు. వెంట పాయిజన్‌ తెచ్చుకున్నారు. లొకేషన్‌ ఆధారంగా పట్టుకున్న పోలీసులు.. తల్లిదండ్రులు కనిపించకపోవడంతో రేణుకు చిన్నకోడూరు పోలీసులకు ఫిర్యాదు చేసింది. సత్యనారాయణచారి సెల్‌ఫోన్‌ సిగ్నల్స్‌ ఆధారంగా ఆచూకీ గుర్తించారు. భైంసా ఏఎస్పీకి సమాచారం ఇచ్చారు. దంపతులు బాసరలోని టీటీడీ వసతి గదుల్లోని 122 నంబర్‌ గదిలో ఉన్నట్లు గుర్తించారు. పోలీసులను పంపించారు. ఉదయం ఆత్మహత్య కోసం వారు ముందే కొనుగోలు చేసి బ్యాగులో దాచుకున్న పాయిజన్‌ సీసాలను స్వాధీనం చేసుకున్నారు. పోలీస్‌స్టేషన్‌లో వృద్ధ దంపతులకు కౌన్సెలింగ్‌ అనంతరం కుమార్తెకు అప్పగించారు. ఇద్దరి ప్రాణాలు కాపాడిన పోలీసులను స్థానికులు, ఉన్నతాధికారులు అభినందించారు.

ఆదిలాబాద్‌టౌన్‌: రిమ్స్‌లో పనిచేస్తున్న నర్సింగ్‌ ఆఫీసర్‌పై చెట్టు కొమ్మ పడడంతో సోమవారం గాయాలపాలైంది. తలతో పాటు వెన్నుపూస భాగంలో దెబ్బలు తగిలాయి. రిమ్స్‌లో సీసీ రోడ్ల నిర్మాణంలో భాగంగా చెట్లకొమ్మలు తొలగిస్తున్నారు. ఈక్రమంలో ఉదయం స్కూటీపై సిమ్మి కుమారి వెళ్తుండగా ఈ ఘటన చోటుచేసుకుంది. వెంటనే సిబ్బంది ఆమెను ఆస్పత్రిలో చేర్పించారు. సిటీ స్కాన్‌, తదితర వైద్య పరీక్షలు చేయించారు. ఇదిలా ఉండగా, రిమ్స్‌ క్యాంపస్‌లో ప్రైవేట్‌ కాంట్రాక్టర్‌ చెట్ల కొమ్మలు తొలగించే సమయంలో ఎలాంటి భద్రత చర్యలు, హెచ్చరిక బోర్డులు చేపట్టకపోవడంతోనే ఈ ప్రమాదం జరిగిందని సిబ్బంది పేర్కొన్నారు. ఆమె భర్త టూటౌన్‌లో కాంట్రాక్టర్‌పై ఫిర్యాదు చేశారు.

బోథ్‌: మండలకేంద్రంలోని ఫ్రెండ్స్‌ క్లబ్‌ ఆవరణలో సోమవారం కొండచిలువ కలకలం రేపింది. క్లబ్‌ మైదానంలో కొందరు యువకులు వాలీబాల్‌ ఆడిన అనంతరం, అక్కడే నిర్మిస్తున్న భవనంలో మాట్లాడుకుంటుండగా ఒక్కసారిగా కనిపించింది. వారంతా భయపడి పరుగులు తీశారు. కొండచిలువను కొందరు సెల్‌ఫోన్లలో ఫొటోతీశారు. కాసేపటికే అది సమీపంలోని పొదల్లోకి వెళ్లి కనిపించకుండా పోయింది. అయితే, ఫ్రెండ్స్‌ క్లబ్‌ వెనుక భాగంలో నివాస గృహాలు ఉన్నాయని, అటవీ అధికారులు కొండచిలువను బంధించి అడవిలో వదిలిపెట్టాలని స్థానికులు కోరుతున్నారు.

భైంసాటౌన్‌: పట్టణంలోని ఖేలో ఇండియా వుషూ కేంద్రం క్రీడాకారులు ఇద్దరు జాతీయస్థాయి వుషూ పోటీలకు ఎంపికయ్యారు. ఈనెల 24, 25 తేదీల్లో మంచిర్యాలలో అమెచ్యూర్‌ వుషూ అసోసియేషన్‌ ఆఫ్‌ తెలంగాణ ఆధ్వర్యంలో జరిగిన రాష్ట్రస్థాయి పోటీల్లో ఖేలో ఇండియా వుషూ సెంటర్‌ నుంచి ముగ్గురు క్రీడాకారులు పాల్గొన్నారు. మృణాళిని, జ్ఞానతేజ బంగారు పతకాలు సాధించి జాతీయస్థాయికి ఎంపికయ్యారని కోచ్‌ శ్రీరాముల సాయికృష్ణ తెలిపారు. డిసెంబర్‌లో అరుణాచల్‌ ప్రదేశ్‌లోని ఈటానగర్‌లో జరిగే 35వ జాతీయస్థాయి పోటీల్లో వీరు పాల్గొంటారని వెల్లడించారు. ఈనెల 28 నుంచి నవంబర్‌ 2 వరకు చైన్నెలో జరిగే 25వ జాతీయస్థాయి వుషూ పోటీల్లో జిల్లా ఖేలో ఇండియా క్రీడాకారులు గోర అనన్య, నార్వాడే ఆయుష్‌, సల్ల రామ్‌చరణ్‌ పాల్గొంటున్నట్లు చెప్పారు. జాతీయ స్థాయికి ఎంపికై న క్రీడాకారులను జిల్లా క్రీడలశాఖ అధికారి శ్రీకాంత్‌రెడ్డి, జిల్లా మార్షల్‌ ఆర్ట్స్‌ అధ్యక్షుడు తేజేందర్‌సింగ్‌ భాటియా అభినందించారు. జాతీయస్థాయికి ఎంపికై న మృణాళిని, జ్ఞానతేజ

భైంసారూరల్‌: మండలంలోని మాంజ్రి గ్రామ శివారులో సోమవారం జరిగిన రోడ్డు ప్రమాదంలో యువకుడు మృతి చెందినట్లు ఎస్సై సుప్రియ తెలిపారు. స్థానికులు తెలిపిన వివరాల ప్రకారం.. భైంసా పట్టణానికి చెందిన కిరణ్‌ (19) బైక్‌పై మాంజ్రి వైపు వెళ్తున్నాడు. ఈక్రమంలో ట్రాక్టర్‌ ఢీ కొట్టడంతో అక్కడికక్కడే మృతిచెందాడు. పోలీసులు ఘటనస్థలానికి చేరుకుని మృతదేహాన్ని పోస్టుమార్టం నిమిత్తం భైంసా ఏరియాస్పత్రికి తరలించారు. ప్రమాదానికి కారణమైన నిందితుడిని అరెస్టు చేసినట్లు ఎస్సై పేర్కొన్నారు. మృతుడి తండ్రి నర్సయ్య ఫిర్యాదుతో కేసు దర్యాప్తు చేస్తున్నట్లు తెలిపారు.

పెంచికల్‌పేట్‌: జీవో 49పై కేంద్ర, రాష్ట్ర ప్రభుత్వాలు స్పష్టమైన వైఖరి ప్రకటించాలని తుడుందెబ్బ రాష్ట్ర అధ్యక్షుడు గోడం గణేష్‌ డిమాండ్‌ చేశారు. మండలంలోని కమ్మర్‌గాం గ్రామంలో ఆదివారం ఆయన మాట్లాడారు. అడవుల పరిరక్షణ పేరుతో ప్రభుత్వం తీసుకువచ్చిన జీవోతో అదివాసీల మనుగడకు ప్రమాదం పొంచి ఉందన్నారు. గతంలో ఎన్న డూ లేనివిధంగా అటవీ అధికారులు ఆదివా సీలపై జులుం ప్రదర్శిస్తున్నారని ఆరోపించా రు. ప్రభుత్వం మంజూరు చేసిన ఇందిరమ్మ ఇళ్ల నిర్మాణాలను కూడా రిజర్వు ఫారెస్టు పేరుతో అడ్డుకుంటున్నారని తెలిపారు. రాష్ట్ర ఉపాధ్యక్షుడు సోయం చిన్నయ్య, రాష్ట్ర కార్యదర్శులు గంట సత్యం, అర్క శేషారావు, జిల్లా అధ్యక్షుడు తలండి మధుకర్‌, మురళీ గూడ సర్పంచ్‌ వెంకటేశ్‌, మడే మల్లేశ్‌ ఉన్నారు.