అరకొర జీతం.. తిర్యాణి: ఉపాధిహామీ పథకం స్థానంలో వీబీజీ రాం జీ పథకం అమల్లోకి వచ్చిన తర్వాత క్షేత్రస్థాయిలో పనుల సంఖ్య క్రమంగా పెరుగుతోంది. పా రదర్శకతకు అధిక ప్రాధాన్యత ఇస్తూ గ్రామ సభల్లో నే పనులు గుర్తిస్తున్నారు. అయితే పనుల గుర్తింపు, నిర్వహణలో కీలకంగా వ్యవహరించే ఫీల్డ్‌ అసిస్టెంట్లు పనిభారం, అరకొర జీతంతో కుదేలవుతున్నా యి. కూలీలకు పనులు కల్పించడంలో కీలకపాత్ర పోషిస్తున్న వీరు తీవ్ర నిర్లక్ష్యానికి గురవుతున్నారు. రెండు దశాబ్దాలుగా క్షేత్రస్థాయిలో చెమటోడుస్తు న్నా ఉద్యోగ భద్రత లేక అవస్థలు అవస్థలు పడుతున్నారు. ఓ వైపు ధరలు పెరుగుతుండగా వీరు మా త్రం కేవలం రూ.12 వేల జీతం సరిపెట్టుకోవాల్సి వస్తోంది. అది కూడా నెలల తరబడి ఆలస్యంగా ఇస్తుండటంతో కుటుంబ పోషణ భారమవుతోంది. మరోవైపు క్షేత్రస్థాయిలో పోస్టులు ఖాళీగా ఉన్నా నియామకాలు చేపట్టకపోవడంతో ఒకరి పనులు మరొకరిపై పడి పనిభారంతో నలిగిపోతున్నారు. విధుల్లో 160 మంది..జిల్లాలో 335 గ్రామ పంచాయతీలు ఉండగా, ప్రస్తుతం కేవలం 160 మంది(పాత పంచాయతీల వారీగా) మాత్రమే ఫీల్డ్‌ అసిస్టెంట్లు విధులు నిర్వర్తిస్తున్నారు. క్షేత్రస్థాయిలో ప్రతీ పంచాయతీకి ఒక ఫీల్డ్‌ అసిస్టెంట్‌ అవసరం ఉన్నా నూతన నియామకాలు చేపట్టడం లేదు. ఉన్నవారితోనే పనులు చేయిస్తున్నారు. అలాగే ఉపాధి హామీ పథకం ప్రారంభం నుంచి ఇప్పుడు వీబీజీ రామ్‌ జీ పథకం వరకు దాదాపు 20 ఏళ్లుగా గ్రామీణాభివృద్ధి శాఖలో కాంట్రాక్టు పద్ధతిన విధులను నిర్వహిస్తున్న ఫీల్డ్‌ అసిస్టెంట్లకు నేటికీ పదోన్నతులు లేవు. రోజురోజుకూ నిత్యావసర సరుకుల ధరలతోపాటు ఇతర ఖర్చులు పెరుగుతున్నా తమ వేతనాలు మాత్రం పెరగడం లేదని వాపోతున్నారు. ప్రస్తుతం ఫీల్డ్‌ అసిస్టెంట్లకు కేవలం రూ.12 వేల వేతనం మాత్రమే చెల్లిస్తుండగా, అవి కూడా సక్రమంగా అందడం లేదు. వేతనాలు మూడు, నాలుగు నెలలకు ఒకసారి విడుదల చేస్తున్నారు. పనులు చేస్తున్న కూలీలు(ఫైల్‌) కరువైన ఉద్యోగ భద్రత2014లో అప్పటి ముఖ్యమంత్రి కేసీఆర్‌ తమ సమస్యలను పరిష్కరించి, ఉద్యోగ భద్రత కల్పించి ఆదుకుంటామని హామీ ఇవ్వడంతో ఉద్యోగాలు పర్మినెంట్‌ అవుతాయని ఆశపడ్డారు. కానీ నేటికీ హామీ అమలుకు నోచుకోలేదు. ఉద్యోగ భద్రత లేక వచ్చిన అరకొర జీతంతో కాలం వెల్లదీస్తున్నారు. ప్రస్తుతం అధికారంలో ఉన్న కాంగ్రెస్‌ ప్రభుత్వం అయినా తమను క్రమబద్ధీకరించి(రెగ్యులరైజ్‌) సమాన పనికి సమాన వేతనం అమలు చేయాలని వేడుకుంటున్నారు.క్షేత్రస్థాయిలో అనేక విధులు..వీబీజీ రాం జీ పథకం క్షేత్రస్థాయి అమలులో ఫీల్డ్‌ అసిస్టెంట్ల పాత్ర అత్యంత కీలకం. పనులను గుర్తించడం నుంచి మొదలుకుని కూలీలను సమీకరించడం వరకు బాధ్యత ఎఫ్‌ఏలపైనే ఉంటుంది. వచ్చిన కూలీలకు సంబంధించిన మస్టర్‌ రోల్‌ నిర్వహణతోపాటు చేపడుతున్న పని ప్రదేశాన్ని పరిశీలించడం వంటి ముఖ్యమైన పనులు చేపడతారు. పని ప్రదేశంలో నీడ, తాగునీటి సదుపాయం కల్పించాలి. పని కావాలని కోరుతున్న కూలీలకు సంబంధించిన వివరాలను అధికారుల దృష్టికి తీసుకెళ్లి పని కల్పించడం, ఆ పనులకు సంబంధించిన వివిధ రకాల రికార్డులను ఎప్పటికప్పుడు నమోదు చేయాలి. అవే కాకుండా ఇతర అభివృద్ధి పనులను కూడా పర్యవేక్షించాలి.

కౌటాల: కౌటాల గ్రంథాలయానికి నూతన భవనం నిర్మిస్తామని జిల్లా గ్రంథాలయ సంస్థ చైర్మన్‌ కె.అనిల్‌కుమార్‌ హామీ ఇచ్చారు. ఈ నెల 21న ‘సాక్షి’ గ్రంథాలయాల తీరుపై ‘సమస్యల గ్రంథం’ అనే కథనం ప్రచురితం కాగా, గురువారం ఆయన మండల కేంద్రంలోని శాఖ గ్రంథాలయ భవనాన్ని పరిశీలించారు. ఈ సందర్భంగా ఆయన మాట్లాడుతూ పంచాయతీ గది నుంచి లైబ్రరీని వేరే భవనంలో మార్చేందుకు చర్యలు తీసుకుంటామన్నారు. ప్రస్తుత భవనం శిథిలావస్థకు చేరిందని, కొత్త భవనం మంజూరు చేస్తామని తెలిపారు. జిల్లాలోని గ్రంథాలయాల్లో పోటీ పరీక్షల పుస్తకాలు అందుబాటులో ఉంచడంతోపాటు అన్ని సౌకర్యాలు కల్పిస్తామని పేర్కొన్నారు. కన్నెపల్లి గ్రామంలో గ్రంథాలయం ఏర్పాటు చేయాలని సర్పంచ్‌ మోర్లె పార్వతి వినతిపత్రం అందించారు. కార్యక్రమంలో ఎంపీడీవో కోట ప్రసాద్‌, మార్కెట్‌ కమిటీ చైర్మన్‌ సిద్ధల దేవయ్య, సహకార సంఘం చైర్మన్‌ కుమురం మాంతయ్య, సర్పంచ్‌ నక్క శంకర్‌, కాంగ్రెస్‌ జిల్లా ఉపాధ్యక్షుడు దుర్గం జానకీరావు, నాయకులు గట్టయ్య, అనిల్‌, రాంకుమార్‌ తదితరులు పాల్గొన్నారు. ఎఫెక్ట్‌

ఆసిఫాబాద్‌అర్బన్‌: జిల్లా కేంద్రంలోని ఏఆర్‌హెడ్‌ క్వార్టర్స్‌లో ప్రతిష్టించిన గణేశ్‌ నిమజ్జన వేడుకలకు గురువారం ఎస్పీ నితిక పంత్‌ హాజరయ్యారు. ఈ సందర్భంగా గణనాథుడికి ప్రత్యేక పూజలు నిర్వహించారు. జిల్లాలో నిమజ్జనోత్సవాలు ప్రశాంతంగా కొనసాగుతున్నాయని, పోలీసు అధికారులు, సిబ్బంది సమన్వయంతో విధులు నిర్వర్తిస్తున్నారని తెలిపారు. కాగా, ఆసిఫాబాద్‌, కాగజ్‌నగర్‌ పెద్దవాగు వద్ద నిమజ్జన ఏర్పాట్లను ఎస్పీ బుధవారం రాత్రి వర్షంలోనూ క్షేత్రస్థాయిలో పరిశీలించారు. అధికారులు, సిబ్బందికి సూ చనలు చేశారు. వర్షాల నేపథ్యంలో ఎలాంటి అవాంఛనీయ ఘటనలు చోటు చేసుకోకుండా మరింత అప్రమత్తంగా ఉండాలని ఆదేశించారు. నిర్వాహకులు పోలీసుల సూచనలు, భద్రతా నిబంధనలు పాటించాలని కోరారు.

కాగజ్‌నగర్‌టౌన్‌: పట్టణంలోని ఈఎస్‌ఐ గేటు సమీపంలో ఫారెస్ట్‌ కార్యాలయానికి వెళ్లే మా ర్గంలోని రోడ్డుకు అడ్డంగా గేటు ఏర్పాటు విషయంలో ఎస్పీఎం అధికారులు, మున్సిపల్‌ అ ధికారుల మధ్య గురువారం వివాదం చోటుచేసుకుంది. ఎస్పీఎం అధికారులు ప్రజలు రాకపోకలు సాగించే రోడ్డుకు అడ్డంగా గేటు నిర్మించేందుకు ప్రయత్నించడంతో మున్సి పల్‌, రెవెన్యూ అధికారులు అడ్డుకున్నారు. మున్సిపాలిటీ నుంచి అనుమతులు లేకుండా గేటు ఎలా ఏర్పాటు చేస్తున్నారని ప్రశ్నించా రు. పనులను మున్సిపల్‌ అధికారులు నిలిపివేశారు. ఆర్‌ఐ గోపాల్‌, జీపీవో రాజన్న, మున్సిపల్‌, ఎస్పీఎం సిబ్బంది ఉన్నారు.

జైపూర్‌: సీఎం రేవంత్‌రెడ్డి అసమర్థతతో రాష్ట్రంలో రైతులు, ప్రజలు, పరిశ్రమలకు కరెంటు కష్టాలు దాపురించాయని, కేసీఆర్‌ సీఎంగా ఉన్నప్పుడు ఉన్న కరెంటు కాంగ్రెస్‌ ప్రభుత్వం రాగానే మాయమైందని బీఆర్‌ఎస్‌ పార్టీ జిల్లా అధ్యక్షుడు, మాజీ విప్‌ బాల్క సుమన్‌, మాజీ మంత్రి జోగు రామన్న, ఎమ్మెల్యేలు కోవ లక్ష్మి, అనిల్‌ జాదవ్‌ విమర్శించా రు. బీఆర్‌ఎస్‌ పార్టీ పిలుపు మేరకు కరెంటు సమస్యలపై క్షేత్రస్థాయి పరిశీలనలో భాగంగా గురువా రం ఆ పార్టీ నాయకుల బృందం జైపూర్‌లోని సింగరేణి థర్మల్‌ పవర్‌ప్లాంట్‌(ఎస్టీపీపీ)లో పర్యటించింది. పార్టీ శ్రేణులు భారీగా ప్లాంటు ప్రధాన గేటు వద్దకు చేరుకోగా పోలీసులు అడ్డుకున్నారు. ఎస్టీపీపీ అధికారుల సూచనల మేరకు బాల్క సుమన్‌, జోగు రామన్న, ఎమ్మెల్యేలు కోవ లక్ష్మి, అనిల్‌జాదవ్‌, మా జీ ఎమ్మెల్యేలు దుర్గం చిన్నయ్య, కోనేరు కోనప్ప, నాయకులు జాన్సన్‌ నాయక్‌, కౌశికహరిలను ప్లాంటులోకి అనుమతించారు. బస్సులో అడ్మిన్‌ భవన్‌లో విద్యుత్‌ ఉత్పత్తి, బొగ్గు నిల్వలపై ఎస్టీపీపీ ఈడీ చిరంజీవితో మాట్లాడారు. యూనిట్‌–1లో 330 మెగావాట్ల విద్యుత్‌ ఉత్పత్తి చేస్తుండగా యూనిట్‌–2 షట్‌డౌన్‌లో ఉన్నట్లు తెలిపారు. బొగ్గు నిల్వలు, విద్యుత్‌ ఉత్పత్తి సామర్థ్యాల పరిశీలనకు అనుమతించాలని నాయకులు కోరగా.. అధికారులు నిరాకరించారు. అనంతరం ఎస్టీపీపీ ప్రధాన గేటు వద్ద బీఆర్‌ఎస్‌ నాయకులు విలేకరులతో మా ట్లాడారు. రైతాంగానికి కనీసం రోజుకు మూడు గంటలు కరెంటు ఇవ్వడం లేదని విమర్శించారు. సింగరేణి సంస్థకు జెన్‌కో రూ.53వేల కోట్లు బకాయిలు చెల్లించా ల్సి ఉండగా బొగ్గు రవాణా నిలిపి వేయడంతో ఉత్పత్తి తగ్గి కరెంటు కొరత నెలకొందని తెలిపారు. రైతులకు పంట పెట్టుబడి సాయం, సమయానికి ఎరువులు, విత్తనాలు అందించకుండా ప్రభుత్వం రైతులు ఉసురుపోసుకుంటోందని విమర్శించారు. ఎస్టీపీపీలో 1200మెగావాట్ల విద్యుత్‌ ఉత్పత్తి చేయాల్సి ఉండగా 330మెగావాట్లు మాత్రమే ఉత్పత్తి చేస్తున్నారని తెలిపారు. సింగరేణి స్వంత ప్లాంటుకు సైతం బొగ్గు రవాణా జరగడం లేదని ఆరోపించా రు. మాజీ విప్‌ బాల్క సుమన్‌ మాట్లాడుతూ రాష్ట్ర మంత్రి వివేక్‌వెంకటస్వామిపై తీవ్ర స్థాయిలో ధ్వ జమెత్తారు. ఒక్క మూడు గంటలు కరెంట్‌ లేకుండా ఉంటారా అని ప్రశ్నించారు. చెన్నూర్‌ నియోజకవర్గం, ఉమ్మడి ఆదిలాబాద్‌ జిల్లాలో ఏ గ్రామానికై నా పోలీసులు, కాంగ్రెస్‌ కార్యకర్తలు లేకుండా వెళ్లే దమ్ముందా అని ప్రశ్నించారు. ఏ గ్రామంలోనైనా 24 గంటల కరెంట్‌ కాంగ్రెస్‌ ప్రభుత్వం ఇస్తుందని ఏ ఒక్క రైతు చెప్పినా తాను ఈ ప్రాంతంలోనే ఉండనని, రాజకీయ సన్యాసం తీసుకుంటానని ఆయన సవాల్‌ విసిరారు.పోలీసుల భారీ బందోబస్తుజైపూర్‌లో ఓ వైపు రాష్ట్ర కార్మిక శాఖ మంత్రి గడ్డం వివేక్‌వెంకటస్వామి అభివృద్ధి కార్యక్రమాల పర్యటన ఉండగా.. మరోవైపు బీఆర్‌ఎ స్‌ నాయకుల బృందం పర్యటనతో ఉద్రిక్త వా తావరణం ఏర్పడింది. మంచిర్యాల డీసీపీ భాస్కర్‌, జైపూర్‌ ఏసీపీ వెంకటేశ్వర్‌, సీఐలు నవీన్‌కుమార్‌, రమేశ్‌, ఎస్సైలు భూమేశ్‌, రాజేందర్‌, ఆంజనేయులు, సీఐఎస్‌ఎఫ్‌ పోలీ సులు భారీ బందోబస్తు ఏర్పాటు చేశారు.

ఆసిఫాబాద్‌: వీబీ జీ రామ్‌ జీ పథకం కింద పంచాయతీల్లో చేపట్టే అభివృద్ధి పనులకు ప్రణాళికలు సిద్ధం చేయాలని కలెక్టర్‌ కె.హరిత ఆదేశించారు. జిల్లా కేంద్రంలోని కలెక్టరేట్‌లో గురువారం అదనపు కలెక్టర్‌ యువరాజ్‌ మర్మాట్‌తో కలిసి ఎంపీడీవోలు, ఎంపీవోలు, గ్రామీణాభివృద్ధి సంస్థ ఏపీఎంలు, సాంకేతిక సహాయకులు, పంచాయతీ కార్యదర్శులు, సర్పంచులకు అవగాహన కల్పించారు. కలెక్టర్‌ మాట్లాడుతూ పంచాయతీల అభివృద్ధికి గ్రామ సభల ద్వారా తీర్మానం చేయాలన్నారు. వీబీ జీ రామ్‌జీ పథకం కింద 370 రకాల పనులు చేపట్టవచ్చని, అంగన్‌వాడీ, పంచాయతీ భవనాలు, అదనపు గదులు, వీవో భవనాలు, పాఠశాలల్లో మూత్రశాలలు, ప్రహరీలు, మురుగుకాల్వలు నిర్మించాలన్నారు. జలసిరి పథకం ద్వారా నీటి, ఊట, పంట కుంటల పనులు చేపట్టవచ్చని తెలిపారు. ఇప్పటికే మంజూరైన పనులను పూర్తి చేయడంపై సర్పంచులు దృష్టి సారించాలని సూచించారు. కార్యక్రమంలో డీఆర్డీవో దత్తారావు, డీపీవో భిక్షపతి పాల్గొన్నారు. ప్రశాంతంగా నిమజ్జనం నిర్వహించాలిఆసిఫాబాద్‌: జిల్లాలో వినాయక నిమజ్జనం ప్రశాంతంగా నిర్వహించాలని కలెక్టర్‌ కె.హరిత అన్నారు. జిల్లా కేంద్రంలోని పెద్దవాగు వద్ద ఏర్పాట్లను గురువారం ఆర్డీవో లోకేశ్వర్‌ రావు, తహసీల్దార్‌ రియాజ్‌ అలీ, మున్సిపల్‌ కమిషనర్‌ అంజయ్య, మున్సిపల్‌ చైర్మన్‌ మెంగ్రె ఆకాశ్‌తో కలిసి పరిశీలించారు. కలెక్టర్‌ మాట్లాడుతూ విగ్రహాలను తరలించే రహదారి బురదమయంగా మారిందని వెంటనే గుంతలు పూడ్చాలన్నారు. నిమజ్జనం ప్రాంతం వద్ద జనరేటర్‌, గజ ఈతగాళ్లను అందుబాటులో ఉంచాలని సూచించారు. 1 వరకు వయోవృద్ధుల వారోత్సవాలుఆసిఫాబాద్‌: అంతర్జాతీయ వయోవృద్ధుల దినోత్సవం– 2026లో భాగంగా ఈ నెల 24 నుంచి అక్టోబర్‌ 1 వరకు వయోవృద్ధుల సంక్షేమ, సాధికారత వారోత్సవాలు నిర్వహిస్తున్నట్లు కలెక్టర్‌ కె.హరిత తెలిపారు. కలెక్టరేట్‌లో గురువారం వారోత్సవాల పోస్టర్‌ ఆవిష్కరించారు. వికలాంగులు, వయోవృద్ధులు, ట్రాన్స్‌జండర్‌ల సాధికారత శాఖ ఆధ్వర్యంలో సుదీర్ఘ జీవితాల కోసం వ్యవస్థలను పునరాలోచించడం అనే నినాదంతో వివిధ కార్యక్రమాలు నిర్వహిస్తున్నట్లు పేర్కొన్నారు. 25న వయోవృద్ధుల ఆరోగ్యం, శ్రేయస్సు దినోత్సవం, 26న వృద్ధాశ్రమాల కోసం సామర్థ్య నిర్మాణ కార్యక్రమం, 28న సైబర్‌ భద్రత, డిజిటల్‌ అక్షరాస్యత, వృద్ధులపై జరిగే దుర్వినియోగం నుంచి రక్షణపై అవగాహన కార్యక్రమాలు, 29న తరాల మధ్య అనుబంధం, అభ్యాస దినోత్సవం, 30న చురుకై న వృద్ధాప్యం, ఆరోగ్య శ్రేయస్సు, తరాల మధ్య నడక కార్యక్రమం నిర్వహిస్తున్నట్లు వివరించారు. అక్టోబర్‌ 1న వయోవృద్ధుల దినోత్సవం నిర్వహిస్తామని తెలిపారు.

చింతలమానెపల్లి/కౌటాల: కుష్ఠు రహిత సమాజమే లక్ష్యంగా పనిచేయాలని జాతీయ కుష్ఠు వ్యాధి నిర్మూలన కార్యక్రమం కేంద్ర పరిశీలకుడు వీరా కుమార్‌ అన్నారు. జాతీయ కుష్ఠు నిర్మూలన కార్యక్రమం కింద గురువారం చింతలమానెపల్లి మండలం రవీంద్రనగర్‌లోని గంగాపూర్‌–బాబాపూర్‌ పీహెచ్‌సీతోపాటు కౌటాలలో పీహెచ్‌సీని రాష్ట్ర జాయింట్‌ డైరెక్టర్‌ జాన్‌బాబుతో కలిసి తనిఖీ చేశారు. కుష్ఠు రోగులకు చేస్తున్న పరీక్షలు, చికిత్స, ఎండీటీ మందుల లభ్యతపై ఆరా తీవారు. వారు మాట్లాడుతూ కుష్ఠు వ్యాధిని ప్రాథమిక స్థాయిలోనే గుర్తిస్తే సరైన చికిత్స ద్వారా శాశ్వతంగా నయం చేయవచ్చన్నారు. వ్యాధిగ్రస్తులు ఉన్న ప్రాంతాల్లో అవగాహన కార్యక్రమాలు చేపట్టాలని సూచించారు. క్షేత్రస్థాయిలో ఆశ కార్యకర్తలు సర్వే చేపట్టాలని, ఉచిత చికిత్సపై అవగాహన కల్పించాలన్నారు. కార్యక్రమంలో రాష్ట్ర డిప్యూటీ పారా మెడికల్‌ అధికారులు వెంకటేశ్వరచారి, ఎం.శ్రీనివాస్‌, డిప్యూటీ డీఎంహెచ్‌వో సీతారాం, జిల్లా లెప్రసీ అధికారి సుజిత్‌, పీహెచ్‌సీల వైద్యాధికారుల రాజ్‌కుమార్‌, కార్తీక్‌, సిబ్బంది పాల్గొన్నారు.

రెబ్బెన: సింగరేణి ఉద్యోగులు క్రీడాస్ఫూర్తిని చాటుతూ పతకాలు సాధించాలని బెల్లంపల్లి ఏరియా ఫైనాన్స్‌ మేనేజర్‌ రవికుమార్‌ అన్నా రు. డబ్ల్యూపీఎస్‌ వార్షిక క్రీడల్లో భాగంగా గురువారం గోలేటిలోని ఆఫీసర్స్‌ క్లబ్‌లో నియర్‌ బై షటిల్‌ బ్మాడ్మింటన్‌, టేబుల్‌ టెన్ని స్‌ పోటీలు నిర్వహించారు. ఆయన మాట్లాడుతూ బెల్లంపల్లి, మందమర్రి ఏరియాల ఉ ద్యోగ క్రీడాకారులు కోలిండియా స్థాయిలో ప తకాలు సాఽధించాలని ఆకాక్షించారు. క్రీడాకా రులకు క్రమశిక్షణ ఎంతో ముఖ్యమని, తోటి క్రీడాకారులను గౌరవించాలని సూచించారు. అనంతరం క్రీడాకారులను పరిచయం చేసుకుని పోటీలను ప్రారంభించారు. కార్యక్రమంలో ఏఐటీయూసీ నాయకుడు మారం శ్రీనివా స్‌, డీజీఎం పర్సనల్‌ దేవరకొండ కిరణ్‌బాబు, డబ్ల్యూపీఎస్‌ అండ్‌ జీఏ గౌరవ కార్యదర్శి ప్రశాంత్‌, స్పోర్ట్స్‌ సూపర్‌వైజర్‌ అశోక్‌, స్పోర్ట్స్‌ కోఆర్డినేటర్‌ కిరణ్‌బాబు, జనరల్‌ కెప్టెన్‌ అబ్బాస్‌ తదితరులు పాల్గొన్నారు.

ఒకప్పుడు కూతురు భారం అనుకునేవారు..! తరం మారుతున్న కొద్దీ కుమారుల కంటే కూతురేం తక్కువ కాదని తల్లిదండ్రులు ఘంటాపథంగా చెబుతున్నారు. కూతుళ్లు ఏ రంగం ఎంచుకున్నా సరే విజయపథంలో దూసుకెళ్తూ తల్లిదండ్రులకు పేరు తెస్తున్న వారెందరో ఉన్నారు. ఏ చిన్న అవకాశం దొరికినా ఇదీ మా కూతురు గొప్పదనం అంటూ ఉదాహరణలెన్నో చెబుతా రు. ఆ గొప్పదనం మరింత మందితో పంచుకునేలా సాక్షి దినపత్రిక అవకాశం కల్పిస్తోంది. కూతురు గొప్పదనం గురించి నాలుగు వాక్యాలు శనివారం సాయంత్రం 5గంటల వరకు మా వాట్సప్‌ నంబర్‌కు పంపించండి. ఈ నెల 27న కూతుళ్ల దినోత్సవం సందర్భంగా ‘సాక్షి’ లో ప్రచురిస్తాం. మీ కూతురుతో దిగిన సెల్ఫీ ఫొటో పంపించడం మర్చిపోవద్దు. పేర్లు, ఊరు, మండలం వివరాలు ఉండాలి.99515 65393

కౌటాల: రైతులకు నాణ్యమైన అంతరాయం లేని విద్యుత్‌ సరఫరా చేసేందుకు చర్యలు చేపడతామని విద్యుత్‌ శాఖ డీఈ నాగరాజు అన్నారు. గురువారం ‘సాక్షి’లో ప్రచురితమైన ‘అనధికార కోత.. రైతుల వెత..!’ అనే కథనానికి విద్యుత్‌ శాఖ అధికారులు స్పందించారు. కౌటాల మండలం తాటిపల్లి గ్రామ శివారులోని మిర్చి తోటలను వారు పరిశీలించారు. పంటలకు నీటితడులు అందించేందుకు సరిపడా కోతలు లేకుండా విద్యుత్‌ సరఫరా చేయాలని రైతులు కోరారు. త్రీఫేజ్‌ కరెంట్‌ను 12 గంటలకు పైగా సరఫరా చేస్తామని అధికారులు హామీ ఇచ్చారు. అనంతరం గుండాయిపేట సబ్‌స్టేషన్‌ను పరిశీలించారు. ఆయన వెంట విద్యుత్‌శాఖ టెక్నికల్‌ ఏఈ జగన్‌మోహన్‌, ఏడీఈ ఇర్ఫాన్‌, సిబ్బంది ఉన్నారు.

ఆసిఫాబాద్‌అర్బన్‌: జిల్లాలోని అన్ని కోర్టుల్లో ఈ నెల 26న ఉదయం 10.30 గంటలకు ప్రత్యేక లోక్‌అదాలత్‌ నిర్వహిస్తున్నట్లు జిల్లా న్యాయ సేవాధికార సంస్థ కార్యదర్శి అనూష తెలిపారు. జిల్లా కేంద్రంలోని కోర్టు హాల్‌లో గురువారం బ్యాంకర్లు, నాన్‌ బ్యాంకింగ్‌ ఆర్థిక సంస్థల ప్రతినిధులతో సమన్వయ సమావేశం నిర్వహించారు. ఈ సందర్భంగా మాట్లాడుతూ ప్రీ లిటిగేషన్‌, బ్యాంకింగ్‌కు సంబంధించిన అధిక కేసులను పరిష్కరించేందుకు ఈ ప్రత్యేక లోక్‌ అదాలత్‌ నిర్వహిస్తున్నట్లు తెలిపారు. రాజీ మార్గం ద్వారా కేసులు పరిష్కరించుకోవాలన్నారు. సంబంధిత కేసుల జాబితాలు, ప్రతిపాదనలను సిద్ధం చేసి లోక్‌ అదాలత్‌ విజయవంతం చేసేందుకు సహకరించాలని బ్యాంకర్‌లు, ఆర్థిక సంస్థల ప్రతినిధులకు సూచించారు.

చింతలమానెపల్లి: పచ్చని అడవులు, జలపాతాలు, నదులతో ప్రకృతి రమణీయతకు నిలయమైన జిల్లాలోని జలవనరులకు మహర్దశ పట్టనుంది. సహజసిద్ధమైన నీటి వనరులు, జీవవైవిధ్యాన్ని పరిరక్షించే లక్ష్యంతో అధికార యంత్రాంగం ఏడు చెరువులను చిత్తడినేలల కింద ఎంపిక చేసింది. ఆయా చెరువుల అభివృద్ధి, పర్యావరణ, ప్రకృతి సమతుల్యత ఆధారంగా పనులు నిర్వహించేందుకు అటవీ అధికారులు చర్యలు చేపట్టనున్నారు. ఇందుకోసం నిధుల మంజూరుకు ప్రతిపాదనలు సిద్ధం చేశారు. ప్రతిపాదనలు సిద్ధం.. జిల్లాలో ప్రాణహిత, పెన్‌గంగ, పెద్దవాగు, వట్టివాగు తదితర జీవనదులు ఉన్నాయి. నదులు, వాగులపై నిర్మించిన ప్రాజెక్టుల్లో వేసవిలోనూ సమృద్ధిగా నీరు నిల్వ ఉంటోంది. ఈక్రమంలోనే చిత్తడి నేలలుగా అభివృద్ధి చేయడానికి అనువుగా ఉన్న ఏడు చెరువులను ప్రభుత్వం ఎంపిక చేసింది. చిత్తడి నేలలుగా ఎంపిౖకైన కాగజ్‌నగర్‌ మండలం కోర్సిని చెరువు, తిర్యాణి మండలం ఎన్‌టీఆర్‌ సాగర్‌ ప్రతిపాదనలు ఇప్పటికే పూర్తయ్యాయి. చింతలమానెపల్లి మండలం బాబాసాగర్‌ అర్కగూడ చెరువు(33 హెక్టార్లు), పెంచికల్‌పేట్‌ మండలం ఎల్లూర్‌ చెరువు(93 హెక్టార్లు)లో పనులకు అధికారులు ప్రభుత్వానికి ప్రతిపాదనలు పంపించారు. వాంకిడి మండలంలోని నార్లాపూర్‌, రాంజీ చెరువు, నవేఝరి చెరువు పనులకు సంబంధించి ప్రతిపాదనలు సిద్ధం చేస్తున్నారు. అన్ని శాఖల సమస్వయంతో చిత్తడి నేలలకు సంబంధించిన అనుమతులను తీసుకుంటున్నట్లు అధికారులు తెలిపారు. ఆయా శాఖల నుంచి ఎన్‌వోసీ (నిరభ్యంతర పత్రాలు) సేకరిస్తున్నారు. ప్రతిపాదనలు పంపించాం చింతలమానెపల్లి మండలం బాబాసాగర్‌ అర్కగూడ చెరువును ప్రభుత్వం చిత్తడి నేలల కింద ఎంపిక చేసింది. 33 హెక్టార్ల చెరువు స్థలంలో అభివృద్ధి కోసం రూ.2.6 కోట్ల నిధులతో ప్రతిపాదనలు ప్రభుత్వానికి అందించాం. అన్ని శాఖల అనుమతులను ఇప్పటికే తీసుకున్నాం. పనులు పూర్తయితే పర్యావరణ పరంగా ఎంతో మేలు కలుగుతుంది. – సుభాష్‌, ఎఫ్‌ఆర్‌వో, ఖర్జెల్లి అర్కగూడ చెరువు చిత్తడి నేలల ప్రాముఖ్యత పర్యావరణ సమతుల్యతను కాపాడడంలో చిత్తడి నేలలు కీలకపాత్ర పోషిస్తాయి. వీటిని భూమికి జీవం పోసే అవయవాలుగా భావిస్తారు. వర్షపు నీటిని ఒడిసి పట్టి భూగర్భ జలాలను పెంచడమే కాకుండా వరద ఉధృతిని తగ్గించడంలోనూ దోహదపడతాయి. జిల్లాలోని అటవీ ప్రాంతాల్లో ఉన్న చిత్తడి నేలలు దేశ, విదేశీ పక్షులను ఆకర్షిస్తున్నాయి. జలాచరాలకు ఆవాసాలుగా ఉన్నాయి. ఎంపిక చేసిన చెరువులు మండలం చెరువు చింతలమానెపల్లి అర్కగూడ పెంచికల్‌పేట్‌ ఎల్లూర్‌ కాగజ్‌నగర్‌ కోర్సిని తిర్యాణి ఎన్‌టీఆర్‌ సాగర్‌ వాంకిడి నార్లాపూర్‌ వాంకిడి రాంజీ చెరువు వాంకిడి నవేఝరి(గుండాల)చేపట్టే అభివృద్ధి పనులు చెరువుల్లో పూడిక పేరుకుపోవడం, ఆక్రమణలు, నిర్వహణ లేకపోవడంతో చిత్తడి నేలలు రూపు కోల్పోతున్నాయి. దీంతో ప్రభుత్వం ఎంపిక చేసిన చెరువుల వద్ద పలు అభివృద్ధి పనులు చేపట్టనుంది. ప్రధానంగా చెరువుల అభివృద్ధి, పర్యావరణ, ప్రకృతి సమతుల్యత ఆధారంగా పనులు నిర్వహిస్తామని అటవీ అధికారులు చెబుతున్నారు. చెరువుల్లో పూడికతీత ద్వారా నీటి నిల్వ సామర్థ్యాన్ని పెంచడంతోపాటు కట్టలను బలోపేతం చేయడం ద్వారా కోతను నివారించనున్నారు. శాసీ్త్రయ పద్ధతుల్లో నాణ్యమైన చేప పిల్ల లను వదలనున్నారు. చేప పిల్లల పెంపకం ద్వారా స్థానిక మత్స్యకారులు, స్వయం సహాయక సంఘాలకు ఆర్థికంగా ఆదాయాన్ని పొందేందుకు అవకాశం కల్పిస్తారు. పక్షుల ఆవాసాలు, ఆహార లభ్యతను పెంచేందుకు మొక్కలను విస్తృతంగా నాటుతారు. పెంపకం, సంరక్షణకు నిధులను వినియోగిస్తారు. సందర్శకులు, అధికారుల పర్యవేక్షణకు వాచ్‌టవర్లను నిర్మిస్తారు. పచ్చదనం కోసం స్థానిక జాతుల మొక్కలను పెంచడం, పక్షులను ఆకర్షించేందుకు చెరువుల మధ్యలో మట్టి దిబ్బలను ఏర్పాటు చేస్తారు.

కెరమెరి: రెండో బిడ్డ కోసం ఆ తల్లి ఎన్నో ఏళ్లుగా ఎదురుచూసింది. మొదటి బిడ్డ పుట్టిన 16 ఏళ్ల తర్వాత మళ్లీ కడుపు పండడంతో తల్లిదండ్రుల ఆనందా నికి అవధులు లేవు. పురిటి నొ ప్పులు ప్రారంభం కాగానే త మ ఇంటికి మరో బిడ్డ వస్తున్నాడనే ఆనందంతో నొప్పులు భరిస్తూ ఆ తల్లి ఆసుపత్రికి బయలుదేరింది. కానీ పండంటి మగబిడ్డకు జన్మనిచ్చిన మాతృమూర్తి తన పేగుబంధాన్ని చూడకుండానే తిరిగిరాని లోకానికి చేరుకుంది. అమ్మ ఒడిలో సేదతీరాల్సిన పసిబిడ్డ.. పుట్టిన రోజే అమ్మను కోల్పోయిన హృదయవిషాదకర ఘటన కెరమెరి మండలంలోని చిన్న సాకడలో చోటుచేసుకుంది. వివరాల్లోకి వెళ్తే.. మండలంలోని చిన్నసాకడ గ్రామానికి చెందిన కుర్సెంగ తానుబాయి(40) మంగళవారం పురిటి నొప్పులతో బాధపడుతుండగా కుటుంబ సభ్యులు కెరమెరి పీహెచ్‌సీకి తరలించారు. అక్కడి నుంచి మెరుగైన వైద్యం కోసం ఉ ట్నూర్‌.. అక్కడి నుంచి ఆదిలాబాద్‌లోని రిమ్స్‌కు తరలించారు. మంగళవారం సాయంత్రం 6 గంటలకు తానుబాయి మగశిశువుకు జన్మనిచ్చిన అ నంతరం స్పృహ కోల్పోయింది. వైద్యులు రాత్రంతా చికిత్స అందించినప్పటికీ పరిస్థితి మెరుగుపడలేదు. బుధవారం ఉదయం ఆమె మృతి చెందింది. కుటుంబంలో తీవ్ర విషాదం.. ఇంటి ఇల్లాలు మృతితో కుటుంబంలో తీవ్ర విషాదం అలుముకుంది. భార్యను కోల్పోయిన భర్త ఏత్మారావు, తల్లిని కోల్పోయిన పెద్ద కుమారుడు, తల్లి ప్రేమను రుచి చూడని అప్పుడే పుట్టిన బిడ్డను చూసి గ్రామస్తులంతా కన్నీరుమున్నీరవుతున్నారు. తానుబాయికి ఇప్పటికే 16 ఏళ్ల కుమారుడు ఉన్నాడు. ఇది రెండో కాన్పు. ఆమె రక్తహీనతతో బాధపడుతున్నట్లు కుటుంబ సభ్యులు పేర్కొంటున్నారు. ఆమె శరీరంలో హిమోగ్లోబిన్‌ స్థాయి కేవలం ఆరు గ్రాములే ఉండగా, రిమ్స్‌లో వైద్యం అందించడంతో 8 గ్రామాలకు చేరింది. కాగా రెండు రక్తనాళాలు బ్లాక్‌ కావడమే ఆమె మృతికి కారణంగా తెలుస్తోంది. కొద్ది రోజుల క్రితం మృతురాలికి ఐరన్‌ ఇంజెక్షన్‌ ఎక్కించేందుకు ప్రయత్నించగా అనారోగ్యానికి గురైంది. ఎప్పటికప్పుడు వైద్యసలహాలు అందించడంతో పాటు పరీక్షలు చేయించినట్లు ఏఎన్‌ఎం శోభ, ఎంఎల్‌హెచ్‌పీ శ్యాంరావు తెలిపారు. తానుబాయి పురిటి నొప్పులతో కెరమెరి పీహెచ్‌సీకి వచ్చినప్పటి నుంచి ఆమె వెంటే ఉండి ఆరోగ్య పరిస్థితిని ఎప్పటికప్పుడు పరిశీలించినట్లు పేర్కొన్నారు.రక్తహీనతతో..

మంచిర్యాలటౌన్‌: సంపూర్ణ ఆరోగ్యం ఆయుర్వేదంతోనే లభిస్తుందని జిల్లా అదనపు కలెక్టర్‌ పి.చంద్రయ్య అన్నారు. 11వ ఆయుర్వేద దినోత్సవాన్ని పురస్కరించుకుని బుధవారం ఆయుష్‌ శాఖ ఆధ్వర్యంలో జిల్లా కేంద్రంలోని ప్రభుత్వ జనరల్‌ ఆసుపత్రిలో నిర్వహించిన మెగా ఆయుర్వేద వైద్య శిబిరానికి డీఎంహెచ్‌వో డాక్టర్‌ నరేందర్‌ రాథోడ్‌తో కలిసి హాజరయ్యారు. ఈ కార్యక్రమంలో ప్రభుత్వ జనరల్‌ ఆసుపత్రి ఆర్‌ఎంఓ డాక్టర్‌ శ్రీధర్‌, జిల్లా ఆయుర్వేద వైద్యాధికారి నీరజ, జిల్లా ప్రోగ్రాం అధికారి రవీందర్‌ రాథోడ్‌, ఆయుష్‌ వైద్యులు, వైద్య సిబ్బంది, ఆశా కార్యకర్తలు పాల్గొన్నారు.

రామకృష్ణాపూర్‌: చిన్నతనంలో అమెరికా నుంచి మంచిర్యాల జిల్లా రామకృష్ణాపూర్‌కు వచ్చినప్పుడు తాతయ్య చెప్పిన కథలు వింటూ, ఆయనతో కలిసి పల్లెల్లో, వ్యవసాయ పొలాల్లో తిరిగిన ఓ బాలుడు... కాలక్రమేణా అదే తాతయ్య అల్జీమర్స్‌ వ్యాధితో బాధపడటాన్ని గమనించాడు. ఆ అనుభవం అతనిలో ఓ ఆలోచనకు బీజం వేసింది. అల్జీమర్స్‌ను ముందుగానే గుర్తించగలిగితే? వ్యాధి తీవ్రత పెరగకముందే అవసరమైన జాగ్రత్తలు తీసుకునే అవకాశం ఉంటే? అనే ప్రశ్నలకు సమాధానం వెతుకుతూ పరిశోధన ప్రారంభించాడు. మూడేళ్ల తర్వాత అంతర్జాతీయ స్థాయిలో గుర్తింపు పొందాడు. అమెరికాలోని వాషింగ్టన్‌ స్టేట్‌ బెల్లెవ్యూ ప్రాంతానికి చెందిన హైస్కూల్‌ విద్యార్థి శ్రీహిత్‌ చెన్నారెడ్డి(16) 2026 గ్లోరియా బారన్‌ ప్రైజ్‌ ఫర్‌ యంగ్‌ హీరోస్‌కు ఎంపికయ్యాడు. ప్రజలు, సమాజం, పర్యావరణంపై సానుకూల ప్రభావం చూపుతున్న యువ నాయకులను ఈ అవార్డు గుర్తిస్తుంది. ఈ ఏడాది 25 మందిని ఎంపిక చేయగా, వారిలో 15 మంది టాప్‌ విజేతలకు ఒక్కొక్కరికి 10 వేల అమెరికన్‌ డాలర్ల నగదు పురస్కారం అందుతుంది. తక్కువ ఖర్చుతో బహుభాషా ఏఐ.. శ్రీహిత్‌ రూపొందించిన " MConAI' తక్కువ ఖర్చుతో అల్జీమర్స్‌ వ్యాధిని ముందస్తుగా గుర్తించే బహుభాషా ఏఐ వ్యవస్థ. వ్యక్తులు మాట్లాడిన మాటలను టెక్స్‌ట్‌గా మార్చి, అందులోని సూక్ష్మమైన కాగ్నిటివ్‌–లింగ్విస్టిక్‌ బయోమార్కర్లను విశ్లేషిస్తుంది. దీని ఆధారంగా వ్యక్తి మానసికంగా ఆరోగ్యంగా ఉన్నారా, స్వల్పస్థాయి కాగ్నిటివ్‌ సమస్యలున్నాయా లేదా అల్జీమర్స్‌ అభివృద్ధి చెందుతున్న సంకేతాలున్నాయా అనేది గుర్తిస్తుంది. అన్ని భాషల్లో మాట్లాడే వ్యక్తులకు ఉపయోగపడేలా దీన్ని రూపొందించారు. పరిశోధనలో ఇంగ్లిష్‌లో 87 శాతం, ఇతర భాషల్లో 83 శాతం ఖచ్చితత్వం సాధించినట్లు బారన్‌ ప్రైజ్‌ ప్రకటించింది. ఇంగ్లీష్‌కు మాత్రమే పరిమితమైన అనేక ఏఐ ఆధారిత డిమెన్షియా స్క్రీనింగ్‌ సాధనాలతో పోలిస్తే బహుభాషా విధానంలో MConAI ప్రత్యేకంగా నిలిచిందని అవార్డు సంస్థ పేర్కొంది. ఎంఆర్‌ఐ స్థాయి ఫలితాలతో పోలిక శ్రీహిత్‌ పరిశోధనలో వచ్చిన ఫలితాలు ఎంఆర్‌ఐ స్కాన్ల వంటి ఖరీదైన క్లినికల్‌ డిటెక్షన్‌ పద్ధతుల ఖచ్చితత్వంతో పోల్చదగినవిగా ఉన్నట్లు బారన్‌ ప్రైజ్‌ ఓ ప్రకటనలో పేర్కొంది. తక్కువ ఖర్చుతో, పెద్ద సంఖ్యలో ప్రజ లకు అందుబాటులో ఉండే విధంగా ఈ విఽ దానాన్ని మరింత అభివృద్ధి చేయగలిగితే వనరులు పరిమితంగా ఉన్న ప్రాంతాల్లోనూ అల్జీమర్స్‌ స్క్రీనింగ్‌ అందుబాటులోకి వచ్చే అవకాశం ఉందని వివరించారు. అంతర్జాతీయ వేదికలపై ప్రదర్శన శ్రీహిత్‌ తన పరిశోధనను ప్రతిష్టాత్మక అల్జీమర్స్‌ అసోసియేషన్‌ ఇంటర్నేషనల్‌ న్యూరో సైన్స్‌ నెక్స్‌ట్‌ 2026 కాన్ఫరెన్స్‌లో ప్రదర్శించారు. టోక్యోలో జరిగిన ఏసీఎం ఆర్టిఫిషియల్‌ ఇంటెలిజెన్స్‌ అండ్‌ క్లౌడ్‌ కంప్యూటింగ్‌ కాన్ఫరెన్స్‌లోనూ ప్రాజెక్టును వివరించారు. ఆయన పరిశోధన ఏసీఎం డిజిటల్‌ లైబ్రరీ, ఐఈఈఈ ఎక్స్‌ప్లోర్‌లో ప్రచురితమైంది. ప్రస్తుతం స్టోనీ బ్రూక్‌ యూనివర్శిటీ డిపార్ట్‌మెంట్‌ ఆఫ్‌ బయోమెడికల్‌ ఇన్ఫార్మేటిక్స్‌, ఇన్‌స్టిట్యూట్‌ ఫర్‌ సిస్టమ్స్‌ బయాలజీతో కలిసి ఆరోగ్య సేవలను మరింత అందుబాటులోకి తీసుకురావడంపై ఏఐ పరిశోధనను కొనసాగిస్తున్నట్లు బారన్‌ ప్రైజ్‌ తెలిపింది. రామకృష్ణాపూర్‌తో ప్రత్యేక అనుబంధం శ్రీహిత్‌ కుటుంబానికి రామకృష్ణాపూర్‌తో మూడు తరాల అనుబంధం ఉంది. ఆయన తల్లి ప్రసన్న ఇక్కడే విద్యాభ్యాసం చేశారు. తాతయ్య సింగరేణిలో ఏ1 కాంట్రాక్టర్‌గా పనిచేశాడు.తాత అనారోగ్యమే పరిశోధనకు స్ఫూర్తి.. అల్జీమర్స్‌తో బాధపడుతున్న పరిస్థితిని ప్రత్యక్షంగా గమనించిన తర్వాతే ఈ పరిశోధన ప్రారంభించా. ఈ సమయంలో ప్రపంచ వ్యాప్తంగా 50 మిలియన్లకు పైగా ప్రజలు అల్జీమర్స్‌ బారిన పడుతున్న విషయం తెలిసింది. ఈ సమస్యకు సాంకేతిక పరిష్కారం అందించాలనే పట్టుదల మరింత పెరిగింది. పరిశోధన కొనసాగించే కొద్దీ నా పట్టుదల, ప్రత్యేకమైన ఆలోచన విధానం ఒక్కో అంశాన్ని మరో అంశంతో అనుసంధానించేందుకు సహాయపడ్డాయి. చివరకు నా ప్రాజెక్టు విజయవంతమైంది. – శ్రీహిత్‌

చెన్నూర్‌: పట్టణంలోని అభినవపోతన బిరుదాంకితులు వానమామలై వరదార్యులు విగ్రహాన్ని బీజేపీ 18వ వార్డు కౌన్సిలర్‌ ఏతం శివకృష్ణ తొలగించారు. నిబంధనలకు విరుద్ధంగా విగ్రహం తొలగించడంపై కవులు, రచయితలు ఆగ్రహం వ్యక్తం చేస్తున్నారు. వానమామలై వరదాచార్యులు ఎమ్మెల్సీగా పని చేశారు. ఆయనను మాజీ ప్రధాని పీవీ నర్సింహరావు ఘనంగా సన్మానించి కాలికి గండపెండేరాన్ని బహూకరించారు. సంఘటన స్థలాన్ని సీఐ బన్సీలాల్‌, కౌన్సిలర్లు అంబటి శంకర్‌, మార్కెట్‌ కమిటీ చైర్మన్‌ మహేశ్‌ ప్రసాద్‌, కోఆప్షన్‌ సభ్యులు సాధనబోయిన కృష్ణ, మాజీ జెడ్పీటీసీ బెల్లంకొండ కరుణసాగర్‌రావు, సాహీర్‌, కాంగ్రెస్‌ నాయకులు పెద్దింటి శ్రీనివాస్‌, రాజేశ్‌, సంతోశ్‌, బ్రహ్మయ్య, లింగంపల్లి మహేశ్‌, తనులు రవికుమార్‌, చింతల శ్రీనివాస్‌, పాతర్ల నాగరాజు, హిమవంతరెడ్డి పరిశీలించారు. వరదచార్యుల విగ్రహాన్ని పక్కనే ఉన్న మర్రి చెట్టు వద్ద దసరా పండుగ తర్వాత ఏర్పాటు చేస్తానని విగ్రహ కమిటీ, వారి కుటుంబ సభ్యులు, కుల సంఘాల నాయకులకు చెప్పానని కౌన్సిలర్‌ ఏతం శివకృష్ణ తెలిపారు. ఆ తర్వాతే విగ్రహాన్ని జగన్నాథాలయ రథం గదిలో భద్రపర్చానని తెలిపారు. కాగా, మున్సిపల్‌ అధికా రుల అనుమతి లేకుండా విగ్రహాన్ని తొలగించడాన్ని సంఘ విద్రోహ చర్యగా పరిగణించి కేసు నమోదు చేయాలని కాంగ్రెస్‌ నాయకుడు సుద్దపల్లి సుశీల్‌కుమార్‌ డిమాండ్‌ చేశారు. మా టీచర్‌ మాకే కావాలని ఆందోళన తాండూర్‌: మండలంలోని నర్సాపూర్‌ గ్రామంలో విద్యార్థులు, తల్లిదండ్రులు బుధవారం ఆందోళన చేపట్టారు. ప్రాథమిక పాఠశాల ఉపాధ్యాయురాలిని డి ప్యూటేషన్‌పై వేరే చోటికి పంపించడంతో ఆగ్రహం వ్యక్తం చేస్తూ నిరసన వ్య క్తం చేశారు. విద్యార్థులు తరగతులు బహిష్కరించగా, తల్లిదండ్రులు పాఠశాల ఎదుట ఆందోళన చేశారు. పాఠశాలలో 23 మంది విద్యార్థులు ఉండగా ము గ్గురు ఉపాధ్యాయులు పని చేస్తున్నారు. వీరిలో ఉపాధ్యాయురాలు జ్యోతిని డిప్యూటేషన్‌పై బెల్లంపల్లికి పంపించారు. దీంతో బోధన అరకొరగా సాగుతోందని తల్లిదండ్రులు ఆరోపించారు. ఉపాధ్యాయురాలిని ఇక్కడే కేటాయించి మెరుగైన బోధన అందేలా చూడాలని కోరారు. ఆందోళనలో విద్యా కమిటీ చైర్మన్‌ కుర్సింగ భగవంత్‌రావు, స్థానికులు కుర్సింగ గణపతి, ధర్మరావు, కడెం వెంకటేష్‌, పేంద్రం మారుతి, రమేష్‌ తదితరులు పాల్గొన్నారు.

కాసిపేట: పేలుళ్లతో ఇళ్లు కూలుతున్నాయని, న్యాయం చేయాలని మండలంలోని సోమగూడెం(కె), బెల్లంపల్లి మండలం సోమగూడెం(బి) గ్రామపంచాయతీల ప్రజలు బెల్లంపల్లి సబ్‌కలెక్టర్‌ మనోజ్‌ను వేడుకున్నారు. బుధవారం ఆయన సోమగూడెం, ట్యాంక్‌బస్తీ గ్రామాల్లో మందమర్రి జీఏం రాధాకృష్ణతో కలిసి పర్యటించారు. ఓపెన్‌కాస్టు బ్లాస్టింగ్‌లతో పగులు తేలుతున్న ఇళ్లను పరిశీలించారు. ఓసీ వల్ల కలిగే నష్టాలను స్థానికులు సబ్‌ కలెక్టర్‌ దృష్టికి తీసుకువెళ్లారు. ఆర్‌అండ్‌ఆర్‌ ప్యాకేజీ కల్పించి శాశ్వత పరిష్కారం చూపాలని కోరారు. పూర్తిస్థాయిలో విచారణ జరిపి నివేదికను ఉన్నతాధికారులకు అందజేస్తామని తెలిపారు. జీఏం రాధాకృష్ణ మాట్లాడుతూ ఓసీ ప్రాంతంలోని గ్రామాల అభివృద్ధికి సింగరేణి తరఫున సహకారం అందిస్తున్నామని, పేలుళ్ల విషయంలో నిబంధనలు పాటిస్తున్నామని తెలిపారు. ఈ కార్యక్రమంలో ఓసీ పీవో రాంబాబు, సోమగూడెం(కె) సర్పంచ్‌ కున్సోత్‌ చైతన్య, సోమగూడెం(బి) సర్పంచ్‌ పొన్నాల మౌనిక, మాజీ సర్పంచ్‌ సఫాట్‌ శంకర్‌, ఉపసర్పంచ్‌లు మల్యాల స్రవంతి, బూరుగుపల్లి రమేష్‌, సీపీఐ(ఏఎం) జిల్లా కన్వీనర్‌ సంకె రవి, మాజీ ఉపసర్పంచ్‌లు కనుకుల రాకేష్‌, కుక్క రాంచందర్‌, నాయకులు తోడేటి ప్రశాంత్‌, తేండ్రా శ్యాం, వెంకటలక్ష్మి, శ్రీనివాస్‌, వెంకటస్వామి, మధు, రమేష్‌ పాల్గొన్నారు.

ఆదిలాబాద్‌: తమ డిమాండ్ల పరిష్కారం కోసం బ్యాంకు ఉద్యోగులు సమ్మెకు పిలుపునివ్వడంతో బ్యాంకు ఖాతాదారులకు సేవల్లో అంతరాయం ఏర్పడే అవకాశం ఉంది. ఈ నెల 28 నుంచి 30వరకు సమ్మె చేపట్టనున్నట్లు యూఎఫ్‌బీయూ ప్రకటించింది. ఇప్పటికే బ్యాంకు యూనియన్‌ సభ్యులు స్ట్రైక్‌ బ్యాడ్జీలు ధరించి విధులకు హాజరవుతున్నారు. వరుస సెలవులు, సమ్మె కారణంగా బ్యాంకింగ్‌ సేవలకు అంతరాయం కలుగనుంది. ఈ నేపథ్యంలో ఖాతాదారులకు బ్యాంకులు సంక్షిప్త సందేశాలు పంపిస్తున్నాయి. బ్యాంకుల సూచనలివీ..జిల్లా రూరల్‌ సెమి అర్బన్‌ అర్బన్‌ మొత్తం ఆదిలాబాద్‌ 54 17 38 109 ఆసిఫాబాద్‌ 42 15 01 58 మంచిర్యాల 51 77 04 132 నిర్మల్‌ 59 37 04 100 మొత్తం 206 146 47 399 ఉమ్మడి జిల్లాలోని బ్యాంకుల వివరాలు (ఎస్‌ఎల్‌బీసీ ఆధారంగా)

తిర్యాణి: ప్రభుత్వ ఆస్పత్రులకు వచ్చేవారికి మెరుగైన వైద్య సేవలు అందించాలని కలెక్టర్‌ కె.హరిత అన్నారు. తిర్యాణి మండలం గిన్నెధరిలోని పీహెచ్‌సీని బుధవారం తనిఖీ చేశారు. హాజరు పట్టిక, మందుల నిల్వ గది, రికార్డులు పరిశీలించారు. కలెక్టర్‌ మాట్లాడుతూ జ్వర పీడితులతో మర్యాదగా వ్యవహరించాలన్నారు. అనంతరం విజయనగర్‌ గ్రామంలోని జంగుబాయి మండల సమాఖ్య కార్యాలయాన్ని సందర్శించారు. పాఠశాల విద్యార్థులకు కుడుతున్న ఏకరూప దుస్తులను పరిశీలించారు. రెండో జత దుస్తులను త్వరగా సిద్ధం చేయాలని ఆదేశించారు. అలాగే రోంపల్లిలోని ప్రభుత్వ గిరిజన సంక్షేమ ఆశ్రమ పాఠశాలలో కొనసాగుతున్న హియరింగ్‌ ప్రక్రియను పరిశీలించారు. అనామలిస్‌ జాబితాలోని ఓటర్లకు జారీ చేసిన నోటీసులకు సంబంధించి ధ్రువపత్రాల పరిశీలన వేగవంతం చేయాలన్నారు. త్వరగా హియరింగ్‌ పూర్తి చేయాలని ఆదేశించారు. ఆశ్రమ పాఠశాల విద్యార్థులకు అందుతున్న సేవలపై ఆరా తీశారు. తహసీల్దార్‌ శ్రీనివాస్‌, ఎంపీడీవో నగేష్‌, వైద్యులు, ఉపాధ్యాయులు తదితరులు పాల్గొన్నారు.

తాండూర్‌: బెల్లంపల్లి డివిజన్‌ పరిధి లోని పలు గ్రామాల్లో చోరీలకు పాల్పడిన ఆరుగురిని అరెస్ట్‌ చేసినట్లు బెల్లంపల్లి ఏసీపీ కిరణ్‌కుమార్‌ వివరాలు వెల్లడించారు. బుధవారం తాండూర్‌ సర్కి ల్‌ కార్యాలయం వద్ద విలేకరుల సమావేశంలో ఆయన మాట్లాడారు. తాండూర్‌, భీమిని, బెల్లంపల్లి, నెన్నె ల, తాళ్లగురిజా ల, తిర్యాణి, రెబ్బెన పోలీస్‌స్టేషన్‌ల పరిధిలో తాళం వేసి ఉన్న ఇళ్లల్లో చోరీకి పాల్పడమే కాక వ్యవసాయ భూముల్లో ఉన్న ట్రాన్స్‌ఫార్మర్‌లను అపహరించిన ఆరుగురిని అరెస్ట్‌ చేశామన్నారు. తాండూర్‌ మండలం బోయపల్లి బోర్డుకు చెందిన బండి నీలేష్‌, కత్తెర్ల గ్రామానికి చెందిన దూల రాజేశం, మీసాల బిక్షపతి, దూల నవీన్‌, బెల్లంపల్లి మండలం బట్వాన్‌పల్లి గ్రామానికి చెందిన ఈగం రాజేశ్‌, రెబ్బెన మండలం రోడ్ల పహడ్‌ గ్రామానికి చెందిన రెబ్బెన శ్రీకాంత్‌లను అరెస్ట్‌ చేసి వారి వద్ద నుంచి రూ.50 వేల నగదు, రెండు ద్విచ క్ర వాహనాలు, ఐదు సెల్‌ఫోన్‌లు, 10 కిలోల రాగి తీగను స్వాధీనం చేసుకొని నిందితులను కోర్టులో హాజరుపర్చినట్లు పేర్కొన్నారు. నిందితులను చాకచక్యంగా పట్టుకున్న కానిస్టేబుళ్లు రాజేశ్వర్‌, రాము, తిరుపతిరెడ్డి, విజయ్‌కుమార్‌, తిరుపతిలను ఏసీపీ అభినందించి నగదు బహుమతి అందించారు. తాండూర్‌ సీఐ దేవయ్య, తాండూర్‌, భీమిని ఎస్సైలు ప్రసాద్‌రావు, కోటేశ్వర్‌లు పాల్గొన్నారు.

కౌటాల: జిల్లాలో భిన్న వాతావరణ పరిస్థితులు ఉన్నాయి. కొన్నిప్రాంతాల్లో సమృద్ధిగా వర్షాలు కురిసినా ఇంకా కొన్ని మండలాల్లో లోటు కనిపిస్తోంది. గతేడాదితో పోలిస్తే ఇంకా వర్షపాతం సరి పడా లేకపోవడంతో పంటలకు సకాలంలో నీటి త డులు అందడం లేదు. ముఖ్యంగా మిర్చి రైతులను విద్యుత్‌ కోతలు వేధిస్తున్నాయి. బోర్లు, బావుల కింద వేసిన పంటలకు సైతం సక్రమంగా నీటి తడులు అందడం లేదు. త్రీఫేస్‌ విద్యుత్‌ సరఫరాలో అప్రకటిత కోతలు ఇబ్బందులకు గురిచేస్తున్నాయి. ఈ క్రమంలో ఇటీవల 20 గంటలు నిరంతరాయంగా త్రీఫేజ్‌ విద్యుత్‌ సరఫరా చేయాలని ఎమ్మెల్సీ విఠల్‌కు రైతులు వినతిపత్రం అందించారు. రెండు మండలాల్లో లోటు గతేడాదితో పోలిస్తే ఈసారి జిల్లావ్యాప్తంగా మిర్చి సాగు గణనీయంగా పెరిగింది. గతేడాది 1,900 ఎకరాల్లో సాగు చేయగా, ఈసారి దాదాపు 3,200 ఎకరాల్లో సాగు చేశారు. వరి పంటను కేవలం 34,452 ఎకరాల్లోనే పరిమితం చేశారు. గతేడాది వరి 54 వేల ఎకరాల్లో సాగు చేసిన విషయం తెలిసిందే. ఇక ప్రధాన పంట పత్తి 3,77,764 ఎకరాల్లో సాగవుతోంది. జిల్లాలో జూన్‌ 1 నుంచి ఇప్పటివరకు 1009.9 మిల్లీమీటర్ల వర్షపాతం నమోదు కావాల్సి ఉండగా, సెప్టెంబర్‌ 23వ తేదీ వరకు 964.1 మిల్లీమీటర్లు కురిసింది. – 5 శాతం వ్యత్యాసం ఉంది. కౌటాల మండలంలో 24శాతం, చింతలమానెపల్లి మండలంలో 24శాతం లోటు నమోదైంది. మిగిలిన మండలాల్లో సాధారణ వర్షపాతమే ఉన్నా.. కెరమెరిలో 18శాతం, సిర్పూర్‌(టి)లో 18, బెజ్జూర్‌లో 12 శాతం తక్కువ వర్షం కురిసింది. జిల్లాలో కౌటాల మండలంలో ఎక్కువగా మిర్చి సాగువుండగా, ఇక్కడే లోటు వర్షపాతం ఉంది. మరోవైపు విద్యుత్‌ కోతలతో రైతులు పంట చేలకు నీటి తడులు అందించలేకపోతున్నారు. ఫలితంగా బోర్లు, బావులు ఉన్నా మిర్చి మొక్కలు ఎదగడం లేదు. దిగుబడిపై ప్రభావం పడుతుందని అన్నదాతలు ఆవేదన వ్యక్తం చేస్తున్నారు. కౌటాల మండలం తాటిపల్లిలో నెర్రలు బారిన మిర్చి తోట

ఐదెకరాల్లో మిర్చి పంట సాగు చేస్తున్నాను. ఇప్పటివరకు రూ.2లక్షల పెట్టుబడి పెట్టా. ప్రస్తుతం పూత దశలో ఉన్న పంటకు క్రమంగా నీరందిస్తేనే మంచిగా కాత వస్తది. రోజుకు 8 గంటలు కూడా కరెంట్‌ ఉండటం లేదు. వ్యవసాయ బావితోపాటు బోరు ఉన్నా పంటకు నీరు అందించలేకపోతున్నాం. ప్రస్తుత పరిస్థితుల్లో కనీసం 15 గంటలు నాణ్యమైన కరెంట్‌ సరఫరా చేయాలి. – సోయం సురేష్‌, తాటిపల్లి, మం.కౌటాల డిమాండ్‌ పెరిగింది ఎల్‌నినో ఎఫెక్ట్‌ అన్ని రంగాలతోపాటు విద్యుత్‌ శాఖపై కూడా పడింది. అధిక ఉష్ణోగ్రతలతో కొద్ది రోజులుగా డిమాండ్‌ పెరిగింది. గృహాలతో పాటు సాగునీటి మోటార్ల వినియోగం అధికమైంది. విద్యుత్‌ సరఫరాలో కొన్ని సమస్యలు ఎదురవుతున్నాయి. ఉన్నతాధికారుల దృష్టికి ఈ సమస్యను తీసుకెళ్లాం. ఇకపై పంట సాగుకు కోతలు లేకుండా విద్యుత్‌ సరఫరా చేస్తాం. – ఉత్తమ్‌ జాడె, విద్యుత్‌శాఖ ఎస్‌ఈ

కాగజ్‌నగర్‌టౌన్‌: పర్యావరణ దినోత్సవాన్ని పురస్కరించుకుని జిల్లా విద్యాశాఖ ఆధ్వర్యంలో జిల్లా పరిషత్‌ ఉన్నత పాఠశాలలో బుధవా రం నిర్వహించిన జిల్లాస్థాయి డ్యాన్స్‌ పొటీల్లో కాగజ్‌నగర్‌ మండలంలోని కేజీబీవీ విద్యార్థులు ప్రతిభ చూపి రాష్ట్రస్థాయికి ఎంపికయ్యారు. ఈ నేపథ్యంలో బుధవారం ఎమ్మార్సీ భవనంలో ఎంఈవో వాసాల ప్రభాకర్‌ విద్యార్థులను అభినందించి శాలువాతో సన్మానించారు. గైడెన్స్‌ అందించిన ఉపాధ్యాయులను ప్రశంసించారు. కార్యక్రమంలో ఎమ్మార్సీ సిబ్బంది మహేశ్‌, శ్రీకాంత్‌, సతీశ్‌ పాల్గొన్నారు.

కాగజ్‌నగర్‌టౌన్‌: డిగ్రీ కళాశాలల్లో మిగిలి ఉన్న సీట్ల భర్తీ కోసం ప్రభుత్వం గురు, శుక్రవారం స్పాట్‌ అడ్మిషన్లు పొందే అవకాశం కల్పించారు. జిల్లాలోని ప్రభుత్వ, ప్రైవేటు డిగ్రీ కళాశాలల్లో చివరి అవకాశంగా ప్రవేశాలు పొందేందుకు అర్హులైన విద్యార్థులు దరఖాస్తు చేసుకోవాలని ఆయా కాలేజీల ప్రిన్సిపాళ్లు, అధికారులు సూ చిస్తున్నారు. జిల్లాలో కాగజ్‌నగర్‌ ప్రభుత్వ డిగ్రీ కళాశాల, వాంకిడి డిగ్రీ కళాశాల, ట్రైబల్‌ రెసిడెన్షియల్‌ డిగ్రీ మహిళా కళాశాలలతోపాటు ఆరు ప్రైవేటు డిగ్రీ కళాశాలలు ఉన్నాయి. ప్రభుత్వ డిగ్రీ కళాశాలల్లో 397 ఖాళీ సీట్లు ఉన్నాయి. కానీ ప్రైవేటు డిగ్రీ కళాశాలల్లో ఇప్పటివరకు ఏయే గ్రూప్‌ల్లో ఎన్ని అడ్మిషన్లు జరిగాయి.. ఎన్ని సీట్లు ఖాళీగా ఉన్నాయనే విషయంపై ప్రిన్సిపాళ్ల వద్ద సరైన సమాచారం లేదు. ప్రభుత్వ కళాశాలల్లో ఖాళీలు ఇలా.. కాగజ్‌నగర్‌, వాంకిడిలో ప్రభుత్వ డిగ్రీ కళాశాలలతోపాటు ఆసిఫాబాద్‌లో తెలంగాణ ట్రైబల్‌ వెల్ఫేర్‌ డిగ్రీ మహిళా కళాశాలలో 1200 సీట్లకు 803 మంది విద్యార్థులు అడ్మిషన్లు పొందారు. మరో 397 సీట్లు వివిధ గ్రూప్‌లలో ఖాళీగా ఉన్నాయి. ఇంటర్‌ ఉత్తీర్ణులైన విద్యార్థులు స్పాట్‌ అడ్మిషన్లు పొందాలని అధికారులు కోరుతున్నారు. సద్వినియోగం చేసుకోవాలి ఇంటర్‌ ఉత్తీర్ణత సాధించి ఇంకా దోస్త్‌ ద్వారా డిగ్రీలో అడ్మిషన్‌ పొందని విద్యార్థులకు ప్రభుత్వం మరోసారి అవకాశం కల్పించింది. స్పాట్‌ అడ్మిషన్‌ ద్వారా గురువారం నుంచి కళాశాలలో తమ ఒరిజినల్‌ సర్టిఫికెట్లతో వచ్చి దరఖాస్తు చేసుకుని అడ్మిషన్‌ పొందాలి. అర్హులైన విద్యార్థులు అవకాశాన్ని సద్వినియోగం చేసుకోవాలి. – శ్రీదేవి, ప్రభుత్వ డిగ్రీ కళాశాల ప్రిన్సిపాల్‌, కాగజ్‌నగర్‌

మందమర్రిరూరల్‌: మందమర్రి ఏరియాలోని కేకే–ఓసీని సింగరేణి డైరెక్టర్‌(పీఅండ్‌పీ) వెంకటేశ్వర్లు, సీపీ అండ్‌ సీ మనోహర్‌ బుధవారం ఏరియా జీఎం రాధాకృష్ణతో కలసి సందర్శించారు. పనులు పరిశీలించి బొగ్గు ఉత్పత్తి, నాణ్యతా ప్రమాణాలు, రవాణాపై అధికారులను అడిగి తెలుసుకున్నారు. అనంతరం వారు మాట్లాడుతూ ఉద్యోగులు రక్షణ సూత్రాలు పాటిస్తూ సంస్థ నిర్ధేశించిన బొగ్గు ఉత్పత్తి లక్ష్యాన్ని సాధించాలని సూచించారు. ప్రాజెక్ట్‌ ఆఫీసర్‌ రాంబాబు, సేఫ్టీ ఆఫీసర్‌ పైడయ్య, ఏరియా సెక్యూరిటీ ఆఫీసర్‌ వెంకటేశ్వర్‌రెడ్డి, అధికారులు పాల్గొన్నారు. పర్యావరణాన్ని పరిరక్షించాలి శ్రీరాంపూర్‌: పర్యావరణాన్ని పరిరక్షించాలని శ్రీరాంపూర్‌ జీఎం ఎం.శ్రీనివాస్‌ తెలిపారు. బుధవారం శ్రీరాంపూర్‌ ఓపెన్‌ కాస్ట్‌ ప్రాజెక్ట్‌ ఆఫీసర్‌ కార్యాలయం ముందు గల ఖాళీ స్థలంలో మొక్కలు నాటారు. ఈ సందర్భంగా ఆయ న మాట్లాడుతూ హెక్టార్‌ ప్రాంతంలో 5 రకాల 500 మామిడి మొక్కలను నాటుతున్నట్టు తెలిపారు. ఈ కార్యక్రమంలో ఓపెన్‌ కాస్ట్‌ ప్రాజెక్టు అధికారి సీహెచ్‌.వెంకటేశ్వర్లు, ఇందారం ఓపెన్‌ కాస్ట్‌ ప్రాజెక్టు అధికారి ఏవీ రెడ్డి, గుర్తింపు సంఘం ఏఐటీయూసీ బ్రాంచ్‌ సెక్రెటరీ బాజీ సైదా, అధికారుల సంఘం బ్రాంచ్‌ అధ్యక్షుడు లక్కాకుల మహేష్‌ పాల్గొన్నారు.

నిర్మల్‌టౌన్‌: స్కూల్‌ గేమ్స్‌ ఫెడరేషన్‌ ఆధ్వర్యంలో జిల్లా కేంద్రంలోని ఎన్టీఆర్‌ మినీ స్టేడియంలో జిల్లా స్థాయి అండర్‌–14 రగ్బీ బాలబాలికల ఎంపిక పోటీలు బుధవారం నిర్వహించారు. వివిధ పాఠశాలల నుంచి 100 మంది బాలికలు, 120 మంది బాలురు పోటీల్లో పాల్గొన్నారు. ప్రతిభ కనబర్చిన వారిని జోనల్‌ స్థాయికి ఎంపిక చేశారు. జోనల్‌స్థాయి రగ్బీ పోటీలు కూడా నిర్మల్‌లోనే నిర్వహించనున్నట్లు నిర్వాహకులు తెలిపారు. కార్యక్రమంలో ఎస్జీఎఫ్‌ సెక్రెటరీ రాథోడ్‌ లక్ష్మణ్‌, సీనియర్‌ వ్యాయామ ఉపాధ్యాయుడు రమణారావు, టీజీపీఈటీ కార్యదర్శి వన్నెల భూమన్న, కోశాధికారి నచ్చేందర్‌, జాయింట్‌ సెక్రెటరీ పోశెట్టి, వ్యాయామ ఉపాధ్యాయులు సంజీవ్‌, హనుమాన్లు, ముఖేష్‌, ప్రేమలత, గిరి తదితరులు పాల్గొన్నారు. బాసరలో ఆయుర్వేద దినోత్సవం

నెన్నెల: మండల కేంద్రంలో బుధవారం కురిి సన వర్షానికి పత్తి చేనులో పిడుగుపడి తోట శ్రీనుకు చెందిన పత్తి పంట కొంతమేరకు దెబ్బతింది. పంట చేతికి వచ్చే దశలో పిడుగుపడడంతో పత్తి మొక్కలు తీవ్రంగా దెబ్బతి న్నాయి. ఇప్పటికే సాగు పెట్టుబడులు పెరిగి ఇబ్బందులు పడుతున్న సమయంలో ప్రకృతి వైపరీత్యం రూపంలో పిడుగుపాటు తమను మరింత నష్టాల్లోకి నెట్టిందని రైతు వాపోయాడు. దెబ్బతిన్న పత్తి పంటను అధికారులు పరిశీలించి నష్టాన్ని అంచనా వేసి ప్రభుత్వం ద్వారా పరిహారం అందించాలని బాధిత రైతు కోరుతున్నాడు. బొలేరో ఢీకొని ఒకరు మృతిభీమిని: కన్నెపల్లి మండలంలోని సాలీగాం గ్రామ శివారులో బుధవారం బొలేరో వాహ నం స్కూటీని ఢీకొన్న ఘటనలో యువకుడు మృతి చెందాడు. పోలీ సులు, స్థానికులు తెలిపి న వివరాల ప్రకారం కుమురం భీం జిల్లా పెంచికల్‌పేట్‌కు చెందిన నల్గొండ సత్యనారాయణ –లక్ష్మిలకు ఇద్దరు కుమారులు సాగర్‌, శ్రవణ్‌లు ఉన్నారు. వీరిలో శ్రవణ్‌కు వివాహం కాగా మూడేళ్ల బాబు ఉన్నాడు. శ్రవణ్‌ కుటుంబంతో ఉపాధి నిమిత్తం మంచిర్యాలలో ఉంటున్నాడు. బుధవారం వినా యకుని నిమజ్జనం ఉండటంలో స్వగ్రామం పెంచికల్‌పేట్‌కు స్కూటీపై బయలుదేరాడు. దహెగాం నుంచి ఎదురుగా వస్తున్న బొలేరో వాహనం స్కూటీని బలంగా ఢీకొట్టడంతో తలకు తీవ్రగాయాలై అక్కడికక్కడే మృతి చెందాడు. మృతుడి కుటుంబీకుల ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు కన్నెపల్లి ఎస్సై విక్రమ్‌ తెలిపారు. ఉరేసుకొని వృద్ధురాలు ఆత్మహత్యజైపూర్‌: మండల కేంద్రానికి చెందిన కట్కూరి లక్ష్మి(60) అనారోగ్యంతో బాధపడుతూ మంగళవారం రాత్రి ఇంట్లో ఉ రేసుకొని ఆత్మహత్యకు పాల్పడింది. స్థానికులు తెలిపిన వివరాల ప్రకారం.. లింగయ్య –లక్ష్మి దంపతులు కూలీ పని చేస్తూ జీవనం సా గిస్తుండగా ఇద్దరు కొడుకులు హైదరాబాద్‌లో నివాసం ఉంటున్నారు. లింగయ్య 30ఏళ్ల క్రితం ప్రమాదంలో రెండు కాళ్లు కోల్పోయాడు. భార్య లక్ష్మి అతడి ఆలనపాలన చూ సుకుంటుంది. ఆమె కూడా అనారోగ్యానికి గురి కాగా మానసిక వేధనకు గురై ఆత్మహ త్య చేసుకుంది. కొడుకులు శ్రీనివాస్‌, మల్లేశ్‌ల ఫిర్యాదు మేరకు కేసు నమోదు చేసుకున్నట్లు ఎస్సై భూమేశ్‌ తెలిపారు.

జిల్లాలో గణేశ్‌ నిమజ్జనోత్సవాలు బుధవారం ప్రారంభమయ్యాయి. తొమ్మిది రోజులుగా పూజలందుకున్న లంబోదరుడికి ఉదయమే భక్తులు పూజలు చేసిన అనంతరం సన్నాయి వాయిద్యాలు, బ్యాండ్‌ మేళాతో ప్రధాన వీధుల గుండా శోభాయాత్ర నిర్వహించారు. ఆసిఫాబాద్‌ పట్టణంలోని గణేశ్‌ మందిర్‌, శిశుమందిర్‌, వాసవీ విద్యామందిర్‌తోపాటు పలు కాలనీల్లో ఏర్పాటు చేసిన గణనాథులను పెద్దవాగులో నిమజ్జనం చేశారు. వివేకానంద చౌక్‌, గాంధీ చౌక్‌, పొటిశ్రీరాములు చౌక్‌ శివకేశవ మందిర్‌ మీదుగా శోభాయాత్ర అట్టహాసంగా సాగింది. మహిళలు, యువతుల కోలాటం, దాండియా నృత్యాలు ఆకట్టుకున్నాయి. అర్ధరాత్రి వరకు వినాయక నిమజ్జనం కొనసాగింది. అయితే జిల్లా కేంద్రంలో భారీ వర్షం కురవడంతో నిర్వాహకులు కొంత ఇబ్బందులకు గురయ్యారు. ఆయా కార్యక్రమాల్లో మున్సిపల్‌ చైర్మన్‌ ఆకాశ్‌, నాయకులు పాల్గొన్నారు. – ఆసిఫాబాద్‌

● కలెక్టర్‌ కె.హరిత ఆసిఫాబాద్‌రూరల్‌: పుస్తక పఠనంతో ఆలోచ న శక్తి, సృజనాత్మకత మెరుగుపడుతుందని కలెక్టర్‌ కె.హరిత అన్నారు. జిల్లా కేంద్రంలోని తెలంగాణ మోడల్‌ స్కూల్‌లో మంగళవారం జిల్లాస్థాయి పఠన పోటీలు నిర్వహించారు. ఈ పోటీల్లో ప్రథమ బహుమతి వశిష్ట(దహెగాం) సాధించగా, ద్వితీయ బహుమతి ఐశ్వర్య(గొల్లగూడ, రెబ్బెన), తృతీయ బహుమతి సాన్వి(చిన్నరాస్పెల్లి, దహెగాం) సాధించారు. అదనపు కలెక్టర్‌ యువరాజ్‌ మర్మాట్‌తో కలిసి విజేతలకు కలెక్టర్‌ ప్రశంసాపత్రాలు అందించారు. కార్యక్రమంలో జిల్లా గ్రంథాల య చైర్మన్‌ అనిల్‌, రూం టు రీడ్‌ ట్రస్ట్‌ మేనేజర్‌ చారి, క్వాలిటీ కోఆర్డినేటర్‌ శ్రీని వాస్‌, ప్రిన్సిపాల్‌ మహేశ్వర్‌, ఉపాధ్యాయులు పాల్గొన్నారు. విద్యార్థులు పర్యాటక ప్రదేశాలను గుర్తించాలిఆసిఫాబాద్‌రూరల్‌: విద్యార్థులు తమ మండలాల్లోని పర్యాటక ప్రదేశాలను గుర్తించి, వాటి ప్రత్యేకతలు, చారిత్రక నేపథ్యం వివరా లను సేకరించాలని కలెక్టర్‌ కె.హరిత అన్నా రు. ప్రపంచ పర్యాటక దినోత్సవం సందర్భంగా జిల్లా కేంద్రంలోని బాలికల ఉన్నత పాఠశాలలో మంగళవారం విద్యార్థులకు జిల్లాస్థాయి చిత్రలేఖనం, నృత్య పోటీలు నిర్వహించారు. అత్యంత విశిష్టమైన, ప్రాముఖ్యమైన పర్యాటక ప్రదేశాల వివరాలను అందించిన విద్యార్థులకు ప్రోత్సాహక బహుమతులు అందిస్తామని తెలిపారు. అనంతరం విజేతలకు బహుమతులు ప్రదానం చేశారు. కార్యక్రమంలో అదనపు కలెక్టర్‌ యువరాజ్‌ మర్మాట్‌, జిల్లా సైన్స్‌ అధికారి మధుకర్‌ తదితరులు పాల్గొన్నారు. దరఖాస్తుల ఆహ్వానం ఆసిఫాబాద్‌అర్బన్‌: సంక్షేమ పథకాల కోసం అర్హులైన దివ్యాంగులు, వయోవృద్ధులు, ట్రాన్స్‌జెండర్‌ల నుంచి దరఖాస్తులు ఆహ్వానిస్తున్నట్లు జిల్లా సంక్షేమ అధికారి స్వరూప ఒక ప్రకటనలో తెలిపారు. ప్రభుత్వం గుర్తించిన పథకాల ద్వారా అర్హులకు అవసరమైన సహా యం అందించనున్నట్లు పేర్కొన్నారు. వివరాలకు https://wdsc.telangana.go v.inను సంప్రదించాలని కోరారు. హైదరా బాద్‌లోని సంబంధిత కార్యాలయానికి ఈ నెల 26 సాయంత్రం 5 గంటల లోగా దరఖా స్తులు అందేలా చూడాలని సూచించారు.

కాగజ్‌నగర్‌టౌన్‌: కాగజ్‌నగర్‌ పెద్దవాగు సమీపంలోని వినాయక నిమజ్జన ప్రాంతాన్ని కాళేశ్వరం జో న్‌– 1 డీఐజీ అంబర్‌ కిశోర్‌ ఝా మంగళవారం ఎస్పీ నితిక పంత్‌తో కలిసి పరిశీలించారు. ఆయన మాట్లాడుతూ పంప్‌ హౌజ్‌ నుంచి నిమజ్జన స్థలానికి చేరుకునేందుకు రోడ్డుపై గుంతలు లేకుండా మరమ్మతులు చేయాలన్నారు. లైటింగ్‌, ట్రాఫిక్‌ నియంత్రణకు చర్యలు చేపట్టాలని ఆదేశించారు. సిబ్బంది, అధికారులు అప్రమత్తంగా ఉండాలని, ప్రజలు, ఉత్సవ కమిటీ సభ్యులతో సమన్వయంతో పనిచేయాలన్నారు. అంతకు ముందు పట్టణంలోని టౌన్‌ పోలీస్‌ స్టేషన్‌ తనిఖీ చేశారు. రికార్డులు, కేసుల వివరాలను అడిగి తెలుసుకున్నారు. వీరి వెంట కాగజ్‌నగర్‌ డీఎస్పీ వహీదుద్దీన్‌, సీఐలు ప్రేమ్‌ కుమార్‌, కుమారస్వామి, ఎస్సై సందీప్‌, మున్సిపల్‌ కమిషనర్‌ తిరుపతి, శానిటరీ ఇన్‌స్పెక్టర్‌ శంకర్‌, కౌన్సిలర్‌ కావేటి విజయ్‌ కుమార్‌, సిబ్బంది ఉన్నారు. అలాగే సాయంత్రం ఎస్పీ నితిక పంత్‌, కాగజ్‌నగర్‌ సబ్‌ కలెక్టర్‌ హర్ష్‌ చౌదరి పెద్దవాగు వద్ద ఏర్పాట్లను పరిశీలించారు.

ఆసిఫాబాద్‌అర్బన్‌/కాగజ్‌నగర్‌టౌన్‌/కౌటాల: జిల్లాలో బుధవారం నుంచి మూడు రోజులపాటు గణేశ్‌ నిమజ్జనోత్సవాలు కొనసాగనున్నాయి. ఎస్పీ నితిక పంత్‌ ఆధ్వర్యంలో పటిష్ట బందోబస్తు చర్యలు చేపట్టనున్నారు. జిల్లావ్యాప్తంగా 1191 వినాయక విగ్రహాలను ప్రతిష్టించారు. రెండోరోజు నుంచే విగ్రహ నిమజ్జనాలు ప్రారంభించారు. ఇప్పటికే 200 వరకు గణనాథుల నిమజ్జనం పూర్తి చేశారు. 10వ రోజు బుధవారం 379, 11వ రోజు గురువారం 188, 12వ రోజు శుక్రవారం 444 విగ్రహాలను నిమజ్జనం చేయనున్నారు. మొత్తంగా ఆసిఫాబాద్‌లో 464, కాగజ్‌నగర్‌ డివిజన్‌లో 672 విగ్రహాలు నిమజ్జనానికి మిగిలి ఉన్నాయి. 400 మంది పోలీసులను బందోబస్తుకు కేటాయించారు. నిమజ్జన ప్రాంతాల్లో సీసీ కెమెరాలతో పర్యవేక్షించడంతోపాటు బోట్లు, డీడీఆర్‌ఎఫ్‌ బృందం, గజ ఈతగాళ్లను అందుబాటులో ఉంచనున్నారు. భద్రత, అప్రమత్తత ముఖ్యం..కాగజ్‌నగర్‌లో పెద్దవాగు, ఆసిఫాబాద్‌లో పెద్దవాగు ప్రాంతంలో నిమజ్జనోత్సవం కొనసాగుతుండగా, కౌటాలలో వార్దా, ప్రాణహిత నదులు, సిర్పూర్‌(టి)లో పెన్‌గంగ, బెజ్జూర్‌, పెంచికల్‌పేట్‌లోని ప్రాణహిత నది, దహెగాంలోని పెద్దవాగు నదుల్లో విగ్రహాలను నిమజ్జనం చేయనున్నారు. జిల్లాలో రెండేళ్ల క్రితం కాగజ్‌నగర్‌ మండలంలోని పెద్దవాగులో వినాయక నిమజ్జనంలో అపశ్రుతి చోటుచేసుకుంది. క్రేన్‌ సాయంతో వినాయకుడిని ఎక్కించే క్రమంలో టైరు కిందపడి ఇద్దరు మున్సిపల్‌ కాంట్రాక్ట్‌ కార్మికులకు తీవ్ర గాయాలయ్యాయి. శోభాయాత్రలో ప్రధానంగా వాహన డ్రైవర్లు అనుభవజ్ఞులైతే ప్రమాదాలను నివారించవచ్చు. విద్యత్‌ తీగలు, రోడ్లు, వాహనాలు, ప్రజలను పరిశీలించడం ముఖ్యం. డీజేలకు అనుమతి లేదని అధికారులు చెబుతున్నారు. మద్యం షాపులు మూసివేయనున్నారు. కాగజ్‌నగర్‌లో 25న..కాగజ్‌నగర్‌ మున్సిపాలిటీ పరిధిలోని 30 వార్డుల్లో ఈసారి 116 వినాయక విగ్రహాలను ప్రతిష్టించారు. ఈ నెల 25న శుక్రవారం వినాయక నిమజ్జనం నిర్వహించేందుకు హిందూ ఉత్సవ సమితి, అధికారులు, గణేశ్‌ ఉత్సవ కమిటీ ఆధ్వర్యంలో ఏర్పాట్లు చేస్తున్నారు. వినాయక శోభాయాత్ర పట్టణంలోని అంబేడ్కర్‌ చౌరస్తా, తిరందాజ్‌ టాకీస్‌, రాజీవ్‌ గాంధీ చౌరస్తా, లారీ చౌరస్తా, ఈఎస్‌ఐ మూలమలుపు, తెలంగాణ తల్లి చౌరస్తా, పెట్రోల్‌ పంప్‌ మీదుగా కొ నసాగి పెద్దవాగు నిమజ్జన ప్రాంతానికి చేరుకోనుంది. పెద్దవాగులో నిమజ్జనం నిర్వహించే ప్రాంతంలో ప్రస్తుతం నీటి ప్రవాహం లేకపోవడం ఆందోళన కలిగిస్తోంది. గతేడాది భారీ వర్షాలతో వాగు నీటితో కళకళలాడగా ఈసారి తక్కువగా ఉంది. పెద్దవాగు నీటిప్రవాహాన్ని నిమజ్జన ప్రాంతానికి మళ్లించేందు కు ఐదు ఫీట్ల లోతుతో కాలువను ఏర్పాటు చేసేందుకు చర్యలు చేపడుతున్నారు. క్రైన్‌ వెళ్లేందుకు ర్యాంప్‌ ఏర్పాటు చేశారు. దిగువన ఇసుక బస్తాలు నింపి వేశారు. మరోవైపు నిమజ్జన ప్రాంతానికి వెళ్లే పట్టణ రహదారులు గుంతలమయంగా ఉండడంతో వాహనాలు అదుపు తప్పే ప్రమాదం ఉంది.కాగజ్‌నగర్‌ పెద్దవాగులో వేసిన ఇసుక బస్తాలుఆసిఫాబాద్‌ పెద్దవాగు ప్రాంతంలో ఏర్పాట్లుజిల్లా వివరాలుపోలీస్‌స్టేషన్‌ పరిధి మొత్తం నిమజ్జనం విగ్రహాలు చేయాల్సినవి ఆసిఫాబాద్‌ 112 107 వాంకిడి 88 87 కెరమెరి 54 50 జైనూర్‌ 45 31 సిర్పూర్‌–యు 21 12 లింగాపూర్‌ 40 31 రెబ్బెన 99 99 తిర్యాణి 51 47 కాగజ్‌నగర్‌టౌన్‌ 117 115 కాగజ్‌నగర్‌ రూరల్‌ 60 60 దహెగాం 77 75 ఈస్‌గాం 105 105 పెంచికల్‌పేట్‌ 52 50 సిర్పూర్‌–టి 61 60 కౌటాల 80 80 చింతలమానెపల్లి 74 73 బెజ్జూర్‌ 55 54 మొత్తం 1191 1136

తల్లిడిల్లిన గుండెలు నెలలు నిండక ముందే లోకం చేరిన ఆ పసికందులపై విధి కన్నెర్రజేసింది. ఆసుపత్రిలో అర్ధరాత్రి అగ్ని ప్రమాదరూపంలో వారిని కబలించింది. పుట్టి వారం గడవకముందే ఊపిరాడకుండా చేసి తిరిగిరాని లోకాలకు చేర్చింది. పేరు పెట్టకముందే పేగుబంధాన్ని తెంచేసింది. పురిటి నొప్పులు సైతం వీడని ఆ తల్లులకు గుండె కోత.. బాధిత కుటుంబాలకు తీరని శోకం మిగిల్చింది. ఆదిలాబాద్‌ రిమ్స్‌లో చోటుచేసుకున్న ఈ ఘటన రాష్ట్రవ్యాప్తంగా కలకలం రేపింది. ఆదిలాబాద్‌టౌన్‌/కై లాస్‌నగర్‌: నవమాసాలు పూర్తి కాకుండా పుట్టిన కొందరు, చిన్నపాటి రుగ్మతలతో జన్మించిన మరికొందరిని రిమ్స్‌ ఎస్‌ఎన్‌సీయూ వార్మర్‌లో ఉంచారు. వీరి పాలిట ఏసీ మృత్యుపాశంగా మారింది. అప్పటి వరకు తమ చిన్నారులను చూసి మురిసిపోయిన వారంతా అర్ధరాత్రి అకస్మాత్తుగా జరిగిన షార్ట్‌ సర్క్యూట్‌తో హతాశులయ్యారు. దట్టమైన పొగతో ముగ్గురు పసికందుల ప్రాణాలు గాలిలో కలిసిపోయాయి. ఘటన జరిగిన వెంటనే కలెక్టర్‌ రాజర్షి షా, ఎస్పీ అఖిల్‌ మహాజన్‌ హుటాహుటిన అక్కడికి చేరుకున్నారు. ప్రమాదా నికి గురైన చిన్నారులను జిల్లా కేంద్రంలోని ప్రైవేట్‌ ఆసుపత్రులకు తరలించారు. పెను ప్రమాదం తప్పినట్లయింది. ముగ్గురు చిన్నారుల మృత్యువాత ఈ ఘటనలో ముగ్గురు చిన్నారులు మృత్యువాత పడ్డారు. ఇచ్చోడ మండల కేంద్రంలోని సుభాష్‌నగర్‌కు చెందిన సలీంఖాన్‌(ఫీర్‌ఖాన్‌), సబాఖానంకు శుక్రవారం పాప జన్మించింది. ఏడు నెలలకే పుట్టిన పాపను ఎస్‌ఎన్‌సీయూ వార్డులో ఉంచారు. ఊపిరాడక చిన్నారి మృతి చెందింది. ఇంద్రవెల్లి మండలంలోని గిన్నెరకు చెందిన షేకుబాయి– కుమ్ర దినేష్‌ దంపతులకు రెండో సంతానంగా ఆడబిడ్డ జన్మించింది. ఎనిమిది నెలలకే బిడ్డ పుట్టడంతో ఎస్‌ఎన్‌సీయూ వార్డులో ఉంచారు. చికిత్స నిమిత్తం ప్రైవేట్‌ ఆస్పత్రికి తీసుకెళ్లినా ఫలితం లేకుండా పోయింది. తెల్లవారుజామున 4.35 గంటలకు చిన్నారి మృతి చెందింది. అలాగే ఉట్నూర్‌ మండల కేంద్రానికి చెందిన సబా సమ్రిన్‌–తౌఫిక్‌ దంపతులకు రెండో సంతానంగా ఆడబిడ్డ జన్మించింది. బరువు 1100 గ్రాములు ఉండడంతో ఎస్‌ఎన్‌సీయూలో ఉంచా రు. పొగతో ఊపిరాడక చిన్నారి అస్వస్థతకు గురైంది. మొదట జిల్లా కేంద్రంలోని ప్రైవేట్‌ ఆస్పత్రికి త రలించగా, మెరుగైన వైద్యం కోసం నిర్మల్‌, అక్కడి నుంచి నిజామాబాద్‌కు తరలించారు. అక్కడికి చేరుకునే సమయంలోనే చిన్నారి మృతిచెందింది. ప్రైవేట్‌ ఆస్పత్రులకు తరలింపు.. అస్వస్థతకు గురైన చిన్నారులను వెంటనే జిల్లా కేంద్రంలోని ప్రైవేట్‌ చిల్డ్రన్స్‌ ఆస్పత్రులకు తరలించా రు. పట్టణంలోని ఇషా, కేర్‌, సురక్షా, లక్ష్మినర్సింహా ఆస్పత్రులకు తరలించి చికిత్స అందిస్తున్నారు. కలెక్టర్‌, ఎస్పీ మంగళవారం వేకువజామున 4 గంటల వరకు అక్కడే ఉండి సహాయక చర్యలు ముమ్మరం చేశారు. ప్రతి చిన్నారికి సంబంధించి ప్రత్యేక చొరవ చూపారు. రిమ్స్‌ డైరెక్టర్‌ జైసింగ్‌ రాథోడ్‌ ప్రమాదం జరిగినప్పటి నుంచి చిన్నారులను తరలించే వరకు దగ్గరుండి పరిస్థితిని సమీక్షించారు. తెల్లవారుజామున ఆయా ఆస్పత్రులకు వెళ్లి పసికందుల ఆరోగ్య పరిస్థితిని స్వయంగా పరిశీలించారు. మెరుగైన వైద్యం అందించాలని వైద్యులకు సూచించారు. మరో ఇద్దరు శిశువుల పరిస్థితి విషమం ప్రమాదంలో గాయపడ్డ శిశువుల్లో మరో ఇద్దరి పరిస్థితి విషమంగా ఉంది. ఆదిలాబాద్‌ పట్టణంలోని విఘ్నేశ్వర ఆసుపత్రిలో చికిత్స పొందుతున్న శిశువు ఆరోగ్య పరిస్థితి ఆందోళనకరంగా ఉన్నట్లు వైద్యులు చెబుతున్నారు. ఈ పాప 900 గ్రాముల బరువు ఉందని పేర్కొన్నారు. ఈ శిశువు మహారాష్ట్రలోని పాఠన్‌కు చెందినదిగా చెబుతున్నారు. అలాగే రిమ్స్‌లో చికిత్స పొందుతున్న చిన్నారి పరిస్థితి సైతం విషమంగానే ఉన్నట్లుగా పేర్కొంటున్నారు. మరో 22 మంది చిన్నారుల ఆరోగ్య పరిస్థితి ప్రస్తుతం నిలకడగా ఉందని అధికారులు చెబుతున్నారు. వీరంతా జిల్లా కేంద్రంలోని వివిధ ప్రైవేట్‌ ఆసుపత్రుల్లో, రిమ్స్‌లో చికిత్స పొందుతున్నారు. షార్ట్‌ సర్క్యూట్‌లో దెబ్బతిన్న వైద్య పరికరాలుఅసలేం జరిగిందంటే .. ఘటనపై విచారణకు ఆదేశించిన సీఎం ఆదిలాబాద్‌ రిమ్స్‌ ఆసుపత్రిలోని ఎస్‌ఎన్‌సీయూ వార్డులో 27 మంది చిన్నారులు చికిత్స పొందుతున్నారు. సోమవారం అర్ధరాత్రి 11.40 గంటల సమయంలో ఈ సంఘటన జరిగింది. ఆ విభాగంలోని రిసెప్షన్‌ వద్ద ఉన్న ఏసీలో షార్ట్‌సర్క్యూట్‌తో ఒక్కసారిగా పేలుడు సంభవించింది. అందులోని గ్యాస్‌ లీకై దట్టమైన పొగ అలుముకుంది. అక్కడున్న వైద్యులు, సిబ్బంది భయంతో పరుగు తీశారు. ఒక్కసారిగా అక్కడ ఏం జరుగుతుందో తెలియని అయోమయం. తల్లిదండ్రులు, కుటుంబీకులు కొంతమంది సిబ్బంది లోపలకు వెళ్లి చిన్నారులను ఒక్కొక్కరిని బయటకు తీసుకువచ్చారు. తల్లిదండ్రుల రోదనలు, చిన్నారుల ఏడుపులతో వార్డు దద్దరిల్లింది. మిగతా వార్డులో చికిత్స పొందుతున్న రోగుల సహాయకులు, వైద్య సిబ్బంది అక్కడికి చేరుకున్నారు. చిన్నారులను కాపాడే ప్రయత్నం చేశారు. దట్టమైన పొగ కారణంగా పసికందుల శరీరమంతా మసిబారిపోయింది. చిన్నారులను బయటకు తీసుకువచ్చే సమయంలో కొందరు ఊపరాడక ఉక్కిరిబిక్కిరి అయ్యారు. ఓ వైద్యుడు, కొంతమంది సిబ్బంది తమ ప్రాణాలకు తెగించి నవజాత శిశువులను కాపాడారు. అయినప్పటికీ ఓ శిశువు పొగతో ఊపిరాడక తనువు చాలించింది. ప్రమాదతీవ్రత పెరుగవద్దనే ఉద్దేశంతో ఆ వార్డులో విద్యుత్‌ సరఫరాను నిలిపివేశారు. దీంతో ఇంక్యుబేటర్లు పనిచేయడం ఆగిపోయాయి. వెంటిలేటర్లపై ఉన్న నలుగురు చిన్నారులు తీవ్ర అస్వస్థతకు గురయ్యారు. కాగా అదే సమయంలో వార్డుల సందర్శనకు వచ్చిన డైరెక్టర్‌ హుటాహుటిన అక్కడకు చేరుకున్నారు. తాను సైతం పొగలోనూ లోపలకు వెళ్లి చిన్నారులను బయటకు తీసుకువచ్చారు. వెంటనే విషయాన్ని కలెక్టర్‌ రాజర్షి షా, ఎస్పీ అఖిల్‌ మహాజన్‌ దృష్టికి తీసుకెళ్లారు. వారు సైతం 15 నిమిషాల్లోనే అక్కడికి చేరుకున్నారు.

ఆసిఫాబాద్‌: ఆదిలాబాద్‌ రిమ్స్‌ ఆస్పత్రి ఘటనతో జిల్లాలోని ప్రభుత్వ ఆస్పత్రుల్లో భద్రతపై ప్రశ్నలు తలెత్తుతున్నాయి. మంగళవారం జిల్లా కేంద్రంలోని ప్రభుత్వ ఆస్పత్రిని ‘సాక్షి’ విజిట్‌ చేయగా పలు విషయాలు వెలుగులోకి వచ్చాయి. ఏసీల నిర్వహణ అధ్వానంగా మారడంతోపాటు జనరేటర్‌, లిఫ్ట్‌ పని చేయడం లేదు. కొన్నిచోట్ల ప్రమాదకరంగా వైర్లు ఉన్నా.. సరిచేయడం లేదు. రిమ్స్‌ ఘటన నేపథ్యంలో డీఎంఈ ఆదేశాల మేరకు సూపరింటెండెంట్‌ డాక్టర్‌ కిరణ్‌ ఆస్పత్రిలోని పిల్లల వార్డుతో పాటు ఐసీయూ వార్డులను పరిశీలించారు. ముందు జాగ్రత్తలు పాటించాలని సిబ్బందికి దిశానిర్దేశం చేశారు. అధ్వానంగా ఏసీల నిర్వహణజిల్లా ప్రభుత్వ ఆస్పత్రిలో 34 ఏసీలు ఉండగా, 18 పని చేస్తున్నాయి. మరో 16 పనిచేయడం లేదు. కొన్నింటికి స్టెబ్‌లైజర్లు ఉండగా కొన్నింటికి లేవు. లేబర్‌ రూమ్‌, బ్లడ్‌ బ్యాంక్‌, ల్యాబ్‌, డయాలసిస్‌, పిల్లల వార్డులో 24 గంటలపాటు వీటిని వినియోగిస్తున్నాయి. అయినా షెడ్యూల్‌ ప్రకారం సర్వీసింగ్‌ జరగడం లేదు. చెడిపోయినప్పుడు మాత్రమే ప్రైవేట్‌ మెకానిక్‌లతో మరమ్మతులు చేయిస్తున్నారు. భవనాల వారీగా ఎలక్ట్రికల్‌ వైరింగ్‌ మ్యాప్‌, డీబీ బాక్స్‌ వివరాలు, లోడ్‌ డిస్ట్రిబ్యూషన్‌ మ్యాప్‌ అందుబాటులో లేదు. ఒక రెగ్యులర్‌ ఎలక్ట్రీషియన్‌ పోస్టు మంజూరైనా ప్రస్తుతం ఖాళీగానే ఉంది. కొన్నిచోట ప్రమాదకరంగా వైర్లు బయటకు కనిపిస్తున్నాయి. గ్రౌండ్‌, ఫస్ట్‌ ఫ్లోర్లలో ఫైర్‌ అలారం సిస్టం లేదు. ఆటోమెటిక్‌ స్ప్రింక్లర్లు లేవు. ఎమర్జెన్సీ ఎగ్జిట్‌ సైన్‌ బోర్డులు లేవు. ఎవాక్యుయేన్‌ మ్యాప్‌ లేదు. ఓవర్‌ లోడ్‌తో తరచూ ఎంసీబీలు ట్రిప్‌ అవుతున్నట్లు తెలుస్తోంది. ఫైర్‌ సేఫ్టీ కోసం మాక్‌ డ్రిల్‌ ఏడాదిగా నిర్వహించకపోవడం గమనార్హం. పనిచేయని కంప్యూటర్లుప్రభుత్వ ఆస్పత్రికి మంగళవారం చాలామంది రోగులు ఓపీ వద్ద క్యూలైన్‌లో నిలుచున్నారు. కంప్యూటర్‌లో సాంకేతిక ఇబ్బందులు తలెత్తడంతో రెండు గంటల పాటు నిరీక్షించాల్సి వచ్చింది. సమ స్య పరిష్కారం కాకపోవడంతో మ్యానువల్‌ ఓపీ షీ ట్లు అందించారు. హాల్‌లో పేషెంట్లు నిలబడే ప్రాంతంలో ఫ్యాన్లు లేక ఉక్కపోతతో ఇబ్బంది పడ్డారు. జాగ్రత్తలు తీసుకుంటున్నాం రిమ్స్‌ ఘటన నేపథ్యంలో ఆస్పత్రిలో ముందస్తు జాగ్రత్తలు తీసుకుంటున్నాం. సిబ్బందికి సూచనలి చ్చాం. మెకానిక్‌ల నుంచి కొటేషన్‌ తీసుకుని జనరేటర్‌ బాగు చేయిస్తాం. లిఫ్ట్‌ మరమ్మతు కోసం ఉన్నతాధికారులకు నివేదింంచాం. – డాక్టర్‌ కిరణ్‌, ఆస్పత్రి సూపరింటెండెంట్‌ప్రమాదం జరిగితే ఎలా..? సిర్పూర్‌(టి): మండల కేంద్రంలోని ప్రభుత్వ సామాజిక ఆస్పత్రిలో విద్యుత్‌ భద్రత ఏర్పా ట్లు అంతంత మాత్రంగానే ఉన్నాయి. 1999 లో ఆస్పత్రి ప్రారంభించారు. కొత్త జనరేటర్‌ మంజూరు కాకపోవడంతో నేటికీ అప్పటి జ నరేటర్‌నే వినియోగిస్తున్నారు. విద్యుత్‌ షార్ట్‌ సర్క్యూట్‌ జరిగితే మంటలు ఆర్పేందుకు ఏర్పాట్లు లేవు. జనరేటర్‌తోపాటు ప్రమాదా ల నివారణకు తగిన పరికరాలు మంజూరు చేయాలని సిబ్బంది కోరుతున్నారు.

ఈ ఘటనపై ముఖ్యమంత్రి రేవంత్‌రెడ్డి వెంటనే స్పందించారు. ప్రమాదంలో చిన్నారులు మృతిచెందడంపై తీవ్ర దిగ్భ్రాంతి వ్యక్తం చేశారు. క్షేత్రస్థాయిలో పరిస్థితుల పరిశీలనకు రాష్ట్ర వైద్యారోగ్య శాఖ మంత్రి దామోదర రాజనర్సింహాను జిల్లాకు పంపించారు. సీఎం ఆదేశాల మేరకు మంత్రి ప్రత్యేక హెలి క్యాప్టర్‌లో రిమ్స్‌కు చేరుకున్నారు. వైద్యారోగ్య శాఖ ప్రిన్సిపల్‌ సెక్రెటరీ క్రిస్టీనా జడ్‌. చోంగ్తూ, ఆదిలాబాద్‌ ఎమ్మెల్యే పాయల్‌ శంకర్‌ మంత్రితో కలిసి వచ్చారు. రిమ్స్‌లోని ఎస్‌ఎన్‌సీయూతో పాటు పలు వార్డులను పరిశీలించారు. దాదాపు గంటకు పైగా పలువురు రోగులతో మాట్లాడి సంఘటన తీరు, వైద్య సేవలపై ఆరా తీశారు. అనంత రం డైరెక్టర్‌ చాంబర్‌లో ఆస్పత్రి సేవల్లోని లోపాలు, అవసరమైన వసతులు, ప్రమాదానికి దారితీసిన పరిస్థితులపై సమీక్ష నిర్వహించారు. అనంతరం విలేకరులతో మాట్లాడుతూ.. అగ్నిప్రమాద ఘటనపై సమగ్ర విచారణ చేపడుతున్నట్లు పేర్కొన్నారు. ఎలక్ట్రికల్‌, ఫైర్‌, సివిల్‌స్ట్రక్చర్‌ ఆడిట్‌లను నిర్వహించాలని కలెక్టర్‌ను మంత్రి ఆదేశించారు. వారం రోజుల్లో అందే నివేదిక ఆధారంగా తగు చర్యలు చేపడతామని స్పష్టం చేశారు. ప్రత్యేకంగా 150 పడకలతో కూడిన మాతా శిశు సంరక్షణ కేంద్రాన్ని ఏర్పాటు చేసేలా చర్యలు చేపడతామన్నారు. వంద రోజుల్లో రిమ్స్‌ రూపురేఖలు మార్చుతామని పేర్కొన్నారు. ఇలాంటి ఘటనలు రాష్ట్ర వ్యాప్తంగా పునరావృతం కాకుండా చర్యలు చేపడతా మని తెలిపారు. తలసేమియా, సికిల్‌సెల్‌, ఎనిమియా, హిమోఫీలియా వంటి వ్యాధిగ్రస్తులకు చికిత్స అందించేలా రిమ్స్‌లో ప్రత్యేకంగా హెమటాలజీ సేవలను అందుబాటులోకి తెస్తామని పేర్కొన్నారు. మంత్రి వెంట డీఎంఈ పి.వాణి, కలెక్టర్‌ రాజర్షి షా, ఎస్పీ అఖిల్‌ మహాజన్‌, ఐటీడీఏ పీవో మంద మకరందు, డీఎంహెచ్‌వో సాధన, మార్కెట్‌, లైబ్రెరీ, మున్సిపల్‌ చైర్మన్లు శ్రీకాంత్‌ రెడ్డి, నర్సయ్య, అనూష, కాంగ్రెస్‌ ఆదిలాబాద్‌ నియోజకవర్గ ఇన్‌చార్జి కంది శ్రీనివాసరెడ్డి తదితరులున్నారు.

కెరమెరి: విద్యా ప్రమాణాల పెంపుపై ప్రభుత్వం దృష్టి సారించింది. ఇందులో భాగంగా తరగతి గది బోధనలో నూతన మార్పులకు విద్యాశాఖ శ్రీకారం చుట్టింది. ఈ నేపథ్యంలో 2026– 27 విద్యా క్యాలెండర్‌ ప్రకారం సెప్టెంబర్‌లో స్కూల్‌ కాంప్లెక్స్‌ సమావేశాలు నిర్వహించాలని విద్యాశాఖ డైరెక్టర్‌, సమగ్ర శిక్ష ఎస్‌పీడీ నవీన్‌ నికోలస్‌ ఉత్తర్వులు జారీ చేశారు. ఈ నెల 22 నుంచి 29 వరకు ఈ సమావేశాలకు ఉపాధ్యాయులు హాజరు కానున్నారు. లెస్సన్‌ ప్లాన్‌ల అమలు, టీఎల్‌ఎంల తయారీ, పదో తరగతి వార్షిక పరీక్షల ఉత్తమ ఫలితాల కోసం యాక్షన్‌ ప్లాన్‌ తదితర అంశాలను ఇందులో చర్చించనున్నారు. దశల వారీగా నిర్వహణ జిల్లాలో ఉన్నత పాఠశాలలు 60, ప్రాథమికోన్నత 100, ప్రాథమిక పాఠశాలలు 560 ఉండగా, 8100 మంది ఉపాధ్యాయులు విధులు నిర్వర్తిస్తున్నారు. మంగళవారం నుంచి ప్రారంభమయ్యే కాంప్లెక్స్‌ సమావేశాలు ఉదయం 9 గంటల నుంచి సాయంత్రం 4.15 వరకు కొనసాగుతాయి. ప్రాథమిక, ప్రాథమికోన్నత ఉపాధ్యాయులను రెండు విభాగాలు విభజించారు. ఈ నెల 22న 50శాతం మందికి, 24న మిగిలిన వారికి సమావేశం ఉంటుంది. ఉన్నత పాఠశాల ఉపాధ్యాయులకు 26న తెలుగు, ఉర్దూ, గణితం, వ్యాయామ ఉపాధ్యాయులకు, 28న హిందీ, జీవశాస్త్రం, భౌతిక రసాయన శాస్త్రం, 29న ఇంగ్లిష్‌, సాంఘిక శాష్త్రం టీచర్లకు సమావేశాలు నిర్వహిస్తారు. ఉపాధ్యాయులు ఉదయం సమావేశాలకు రాగానే తెలంగాణ స్కూల్‌ ఎడ్యుకేషన్‌ మొబైల్‌ యాప్‌ ద్వారా చెక్‌ఇన్‌ చేయాలి, సాయంత్రం సమావేశం ముగిసిన తర్వాత చెక్‌ అవుట్‌ చేయాలి. మొబైల్‌ యాప్‌ ద్వారా హాజరు నమోదైన ఉపాధ్యాయులకు మాత్రమే ఆన్‌లైన్‌ సర్టిఫికెట్‌ జారీ అవుతుంది. వందశాతం టీచర్ల హాజరు బాధ్యత కాంప్లెక్స్‌ హెచ్‌ఎంలు, ఎంఈవోలదే అని అధికారులు స్పష్టం చేశారు. సమావేశం ముగిసిన వెంటనే మినిట్స్‌ యాప్‌లో అప్‌లోడ్‌ చేయాలి. ఏకోపాధ్యాయ పాఠశాలల్లో విద్యార్థులకు ఇబ్బందులు పడకుండా ప్రత్యామ్నాయ ఏర్పాట్లు చేయనున్నారు. ప్రీ ప్రైమరీకి కొత్త కాంప్లెక్స్‌లు ఈ విద్యా సంవత్సరంలో జిల్లాలోని ప్రీప్రై మరీ ఇన్‌స్ట్రక్టర్లకు కూడా తొలిసారి సమావేశాలు నిర్వహించనున్నారు. సంఖ్య ఆధారంగా ప్రత్యేక కేంద్రాలను గుర్తించనున్నారు. సబ్జెక్టు కాంప్లెక్స్‌ లేని ఉన్నత పాఠశాలలను ప్రీప్రైమరీ కాంప్లెక్స్‌ కేంద్రాలుగా ఎంపిక చేయాలని ఆదేశించారు. ఇన్‌స్ట్రక్టర్లు సమావేశానికి వెళ్లిన రోజున ఆయా పాఠశాలలు మూతపడకుండా పీఎస్‌ హెచ్‌ఎంలు, ఒక ఉపాధ్యాయుడు బాధ్యత తీసుకోవాలి. కార్యకలాపాలను సజావుగా కొనసాగించేందుకు ఏర్పాట్లు చేయాలి. తొలిసారి ప్రీప్రైమరీ బోధకులను ప్రత్యేక కాంప్లెక్స్‌ పరిధిలోకి తీసుకురావడం, ప్రాథమిక స్థాయిలోనే లర్నింగ్‌ కార్నర్‌లు, స్టోరీ కార్డులు, క్యూఆర్‌ కోడ్‌ల వినియోగం అలవాటు చేయడంతో ఫౌండేషన్‌ లర్నింగ్‌ బలపడుతుంది.

ఆసిఫాబాద్‌అర్బన్‌: ప్రజావాణి కార్యక్రమంలో ప్రజల సమస్యల పరిష్కారంపై ప్రధాన దృష్టి సారిస్తామని అదనపు కలెక్టర్‌(స్థానిక సంస్థలు) యువరాజ్‌ మర్మాట్‌ అన్నారు. జిల్లా కేంద్రంలోని కలెక్టరేట్‌లో సోమవారం అదనపు కలెక్టర్‌(రెవెన్యూ) డేవిడ్‌తో కలిసి అర్జీలు స్వీకరించారు. ఈ సందర్భంగా ఇందిరమ్మ ఇల్లు మంజూరు చేయాలని రెబ్బెన మండలం గోలేటి గ్రామానికి చెందిన లావుడ్య మమత దరఖాస్తు చేసుకుంది. పింఛన్‌ మంజూరు చేయాలని జైనూర్‌ మండలం జంగాం గ్రామానికి చెందిన కొడప అనుతారావ్‌, సిర్పూర్‌(టి) మండలం పారిగాం గ్రామానికి చెందిన విశ్వనాథ్‌ వేర్వేరుగా అర్జీ అందించారు. ప్రభుత్వ వైద్య కళాశాలలో పొరుగు సేవల కింద ఉద్యోగావకాశం కల్పించాలని జిల్లా కేంద్రానికి చెందిన కాండ్లే కీర్తికుమార్‌ దరఖాస్తు చేసుకున్నారు. చింతలమానెపల్లి మండలం బాబాసాగర్‌కు పప్పిరే బాబాజీ తన వాటా భూమిని ఇతరులు ఆక్రమించారని చర్యలు తీసుకోవాలని ఫిర్యాదు చేశారు.

ప్రశాంతంగా నిమజ్జనం నిర్వహించాలి ఆసిఫాబాద్‌అర్బన్‌: జిల్లావ్యాప్తంగా వినాయక నిమజ్జనం ప్రశాంతంగా నిర్వహించాలని ఎస్పీ నితిక పంత్‌ అన్నారు. పట్టణంలోని ప్రధాన కూడళ్లతోపాటు పెద్దవాగు వద్ద నిమజ్జన ఏర్పాట్లను సోమవారం పరిశీలించారు. రూట్‌ మ్యాప్‌, నిమజ్జన పాయింట్లు, ఆయా ప్రాంతాల నుంచి నిమజ్జనానికి తరలించే వినాయక విగ్రహాల సంఖ్య తదితర వివరాలు పోలీసు అధికారులను అడిగి తెలుసుకున్నారు. బారికేడ్లు, లైటింగ్‌, ట్రాఫిక్‌ నియంత్రణ, పోలీసు బందోబస్తు, క్రేన్లు, అత్యవసర ఏర్పాట్లపై సమీక్షించారు. మండపాల నిర్వాహకులు, ఉత్సవ కమిటీ సభ్యులతో చర్చించారు. ట్రాఫిక్‌ అంతరాయం లేకుండా ప్రత్యామ్నాయ మార్గాలు, వాహనాల రాకపోకల నియంత్రణ, భక్తుల భద్రతపై ప్రత్యేక దృష్టి సారించాలని అధికారులను ఆదేశించారు. నిరంతరం అప్రమత్తంగా ఉండాలన్నారు. చట్టప్రకారం సమస్యల పరిష్కారం ఆసిఫాబాద్‌రూరల్‌: ప్రజల సమస్యలను చట్ట ప్రకారం పరిష్కరిస్తామని ఎస్పీ నితిక పంత్‌ అ న్నారు. ప్రజావాణి కార్యక్రమంలో భాగంగా సోమవారం ఎస్పీ కార్యాలయంలో ఫిర్యాదులు స్వీకరించారు. సంబంధిత అధికారులతో మాట్లాడి సూచనలు చేశారు. బాధితులకు న్యాయం జరిగేలా ప్రతీ ఫిర్యాదును ప్రాధాన్యతతో పరిశీలించాలని ఆదేశించారు.

వాంకిడి: మండలంలోని ఇందాని జెడ్పీఎస్‌ఎస్‌లో 2025– 26లో పదో తరగతి పూర్తి చేసుకున్న బిశ్వాస్‌ దేబిక నగదు పురస్కారానికి ఎంపికైనట్లు హెచ్‌ఎం, ఎంఈవో శివచరణ్‌ కుమార్‌ తెలిపారు. ప్రభుత్వ పాఠశాలల విద్యార్థులను ప్రోత్సహించేందుకు శ్రీరామ్‌ లైఫ్‌ ఇన్సూరెన్స్‌ కంపెనీ ‘చదువుకో తెలంగాణ’ కార్యక్రమాన్ని చేపడుతుందన్నారు. ఈ క్రమంలో 2025– 26లో పదో తరగతి ఫలితాల్లో 560 మార్కులు సాధించి జిల్లా టాపర్‌గా నిలిచిన బిశ్వాస్‌ దేబికకు హైదరాబాద్‌ నుంచి ఆహ్వానం అందిందని తెలిపారు. ఈ నెల 24న రాష్ట్ర గవర్నర్‌ శివ ప్రతాప్‌ శుక్లా చేతుల మీదుగా రూ.2 లక్షల నగదు పురస్కారం అందుకోనున్నట్లు వెల్లడించారు. ప్రస్తుతం విద్యార్థి నిని మంచిర్యాల జిల్లా మందమర్రిలోని తెలంగాణ మోడల్‌ స్కూల్‌లో చదువుకుంటోంది. డీఈవో సచ్చిదానంద చారి, ఎంఈవో శివచరణ్‌ కుమార్‌, సీఆర్పీ సందీప్‌, ఉపాధ్యాయులు దేబికతోపాటు తల్లిదండ్రులు బిశ్వాస్‌ శంకర్‌, స్వప్నను అభినందించారు.

ఆసిఫాబాద్‌: జిల్లా కేంద్రంలోని ప్రభుత్వాస్పత్రిలో సేవలు మెరుగవుతున్నాయి. గతంలో నామమాత్రంగా రెఫరల్‌ కేంద్రంగా మాత్రమే ఉన్న ఈ ఆస్పత్రి ఇప్పుడు పేదలకు పెద్ద దిక్కుగా మారుతోంది. ఒకప్పుడు గర్భిణులు వస్తే కేవలం సాధారణ ప్రసవాలు మాత్రమే చేయగా, సిజేరియన్‌ అవసరమైన వారు కాగజ్‌నగర్‌, మంచిర్యాలలోని ప్రైవేటు ఆస్పత్రులకు వెళ్లేవారు. ఒక్కో ఆపరేషన్‌కు రూ.50 వేల వరకు చెల్లించాల్సి వచ్చేది. కానీ ఇటీవల అత్యవసర పరిస్థితుల్లోనూ జిల్లా ఆస్పత్రిలో సిజేరియన్‌ కాన్పులు నిర్వహిస్తున్నారు. వైద్యబృందం విజయవంతంగా ఆపరేషన్లు చేస్తూ పేదలకు కొండంత భరోసా కల్పిస్తోంది. డిప్యూటేషన్‌పై వైద్యులు జిల్లాలో అత్యధికంగా ఆదివాసీ గిరిజన, నిరుపేద కుటుంబాలే ఉన్నాయి. గతంలో పూర్తిస్థాయిలో వైద్యులు అందుబాటులో లేకపోవడంతో ఆపరేషన్లు జరిగేవి కావు. దీంతో కాగజ్‌నగర్‌ నుంచి ఒక గైనకాలజిస్టు, ఒక అనస్తీషియా వైద్యుడిని జిల్లా ఆస్పత్రికి డిప్యూటేషన్‌పై పంపించారు. ప్రస్తుతం ఇద్దరు గైనిక్‌ వైద్యులు అందుబాటులో ఉంటూ ప్రసవాలను పర్యవేక్షిస్తున్నారు. సిజేరియన్‌కు కీలకమైన అనస్తీషియా డాక్టర్‌ అందుబాటులోకి రావడంతో ఆపరేషన్లు సాధ్యమవుతున్నాయి. పుట్టిన వెంటనే బిడ్డకు ఎలాంటి ఆరోగ్య సమస్యలు వచ్చినా చూసుకునేందుకు పీడియాట్రిక్‌ వైద్యులు సిద్ధంగా ఉన్నారు. ల్యాబ్‌, బ్లడ్‌ బ్యాంక్‌ సేవలు కూడా మెరుగుపడ్డాయి. గైనకాలజిస్టులు నందిని, దివ్య, అనస్తీషియా వైద్యులు కావ్య, ప్రవీణ్‌, పీడియాట్రిక్‌ వైద్యురాలు ప్రియాంకతో కూడిన వైద్యబృందం అత్యవసర పరిస్థితుల్లో సర్జరీలు చేస్తున్నారు. ఆసిఫాబాద్‌కు చెందిన గర్భిణి రమ్య ఈ నెల 8న పురిటి నొప్పులతో జిల్లా ప్రభుత్వ ఆస్పత్రికి వచ్చింది. వైద్యులు సాధారణ కాన్పు కోసం చికిత్స ప్రారంభించారు. పరిస్థితి కొంత ఇబ్బందికరంగా ఉండడంతో వైద్యబృందం సిజేరియన్‌ చేశారు. ఆపరేషన్‌ విజయవంతం కావడంతో కుటుంబ సభ్యులు ఊపిరి పీల్చుకున్నారు. కాగజ్‌నగర్‌కు చెందిన ఓ గర్భిణి ఈ నెల 19న రాత్రి ఆస్పత్రికి వచ్చింది. బిడ్డ అడ్డం తిరగడంతోపాటు ఉమ్మనీరు తక్కువగా ఉన్నట్లు వైద్యులు గుర్తించారు. గైనకాలజిస్టులు నందిని, దివ్య, అనస్తీషియా వైద్యులు కావ్య, ప్రవీణ్‌, పీడియాట్రిషియన్‌ ప్రియాంక అత్యవసరంగా సిజేరియన్‌ చేశారు. ప్రస్తుతం తల్లీబిడ్డ ఆరోగ్యంగా ఉన్నారు. ప్రసవాలు ఇలా.. జిల్లా కేంద్రంలోని ప్రభుత్వాస్పత్రి మెటర్నిటీ విభాగంలో ఆరు నెలల్లో 3,646 మంది గర్భిణులు రాగా 1,577 మంది ఇన్‌పేషెంట్లుగా చేరారు. మొత్తం 183 కాన్పులు జరిగాయి. ఇందులో 163 సాధారణ కాన్పులు కాగా 20 సిజేరియన్లు నిర్వహించారు. ఏప్రిల్‌ నుంచి జూలై మధ్య నెలకు 20 నుంచి 30 ప్రసవాలు మాత్రమే జరిగేవి. గైనిక్‌, అనస్తీషియా వైద్యులు పూర్తిగా అందుబాటులోకి వచ్చిన అనంతరం ఆగస్టులో ప్రసవాల సంఖ్య 45కు చేరింది. వీటిలో 41 సాధారణ కాన్పులు, నాలుగు సిజేరియన్లు ఉన్నాయి. ఇక సెప్టెంబర్‌లో మొదటి 20 రోజుల్లోనే ఏకంగా తొమ్మిది సిజేరియన్‌ ఆపరేషన్లు విజయవంతంగా చేశారు. సాధారణంగా ప్రైవేటు ఆస్పత్రుల్లో ఒక్కో సిజేరియన్‌ ఆపరేషన్‌కు రూ.50 వేల నుంచి రూ.లక్ష వరకు ఖర్చవుతుంది. కానీ ప్రభుత్వ ఆస్పత్రిలో పూర్తిగా ఉచితంగా చేస్తున్నారు. ఉచిత మందులు, స్కానింగ్‌, పోషకాహారం, కిట్లు అందుతున్నాయి. జిల్లా ప్రభుత్వ ఆస్పత్రిసేవలు మెరుగు జిల్లా కేంద్రంలోని ప్రభుత్వాస్పత్రిలో సేవలు మెరుగుపడ్డాయి. గత ఆరు నెలల్లో 20 సిజేరియన్‌ ఆపరేషన్లు చేశాం. ఆస్పత్రి స్కానింగ్‌ సెంటర్‌లో రేడియాలజిస్టు అందుబాటులో ఉండడంతో ప్రతిరోజూ 70 స్కానింగ్‌లు చేస్తున్నారు. దీంతో పాటు ప్రతిరోజూ 40 మందికి డయాలసిస్‌ సేవలు అందిస్తున్నారు. – డాక్టర్‌ కిరణ్‌, జిల్లా ఆస్పత్రి సూపరింటెండెంట్‌

ఆసిఫాబాద్‌: రాష్ట్రంలో చేపడుతున్న సాగునీటి ప్రాజెక్టులు, కాల్వల నిర్మాణంలో పునరావాస ప్రక్రియ వేగవంతం చేయాలని రాష్ట్ర నీటిపారుదల శాఖ మంత్రి ఉత్తమ్‌కుమార్‌ రెడ్డి అన్నారు. సోమవారం హైదరాబాద్‌లోని సచివాలయం నుంచి రాష్ట్ర మంత్రి పొన్నం ప్రభాకర్‌, ప్రభుత్వ ప్రధాన కార్యదర్శి సంజయ్‌ జాజు, నీటి పారుదల శాఖ కార్యదర్శులతో కలిసి వీడియో కాన్ఫరెన్స్‌ ద్వారా కలెక్టర్లు, అదనపు కలెక్టర్లు, చీఫ్‌ ఇంజినీర్లతో సమీక్ష సమావేశం నిర్వహించారు. మంత్రి ఉత్తమ్‌కుమార్‌ రెడ్డి మాట్లాడుతూ సాగునీటి ప్రాజెక్టుల నిర్మాణంలో భూములు, ఇళ్లు కోల్పోతున్న వారికి మెరుగైన పరిహారం అందించాలన్నారు. కాల్వల నిర్మాణంలో భూములు కోల్పోయిన రైతులకు మార్కెట్‌ ధర ప్రకారం పరిహారం చెల్లించాలని ఆదేశించారు. భూ సేకరణ, పునరావాస కల్పనలో రెవెన్యూ, నీటిపారుదల శాఖల అధికారులు సమన్వయంతో వ్యవహరించాలని ఆదేశించారు. జిల్లా కేంద్రంలోని కలెక్టరేట్‌ వీడియో కాన్ఫరెన్స్‌ హాల్‌ నుంచి అదనపు కలెక్టర్‌ ఎం.డేవిడ్‌, నీటి పారుదల శాఖ ఇంజినీరింగ్‌ అధికారులు తిరుపతి, భద్రయ్య, కేవీ రమణ, వేణుగోపాల్‌, సత్యనారాయణ పాల్గొన్నారు.

కెరమెరి: ఎవరెస్ట్‌ బేస్‌ క్యాంపు యాత్రకు సిద్ధమైన ఆదివాసీ బిడ్డలను రాష్ట్ర పంచాయతీరాజ్‌, గ్రామీణాభివృద్ధి శాఖ మంత్రి సీతక్క అభినందించారు. కుమురంభీం ఆసిఫాబాద్‌ జిల్లా కెరమెరి మండలం భీమన్‌గోందికి చెందిన మడావి కన్నిబాయి, ఆదిలాబాద్‌ జిల్లాకు చెందిన కాత్లె ఆనంద్‌రావు ఈ నెల 23న యాత్రకు బయలుదేరనున్నారు. ఈ క్రమంలో సచివాలయంలో సోమవారం మంత్రిని మర్యాదపూర్వకంగా కలిశారు. మంత్రి ఆర్థికసాయం అందించి జెండా ఊపి యాత్రను ప్రారంభించారు. కొలాం, తోటి తెగలకు చెందిన యువత ఎవరెస్ట్‌ యాత్రకు సిద్ధం కావడం అభినందనీయమని కొనియాడారు. యాత్రను విజయవంతంగా పూర్తి చేసుకుని వచ్చిన అనంతరం సీఎం రేవంత్‌రెడ్డిని కలిసే అవకాశం కల్పించేందుకు ప్రయత్నిస్తామని హామీ ఇచ్చారని కన్నిబాయి తెలిపారు.

ఆసిఫాబాద్‌రూరల్‌: సింగపూర్‌ విద్యావిధానంలో విలువలతో కూడిన విద్యకు అధిక ప్రాధాన్యం ఉంటుందని ఎంఈవో సుభాష్‌, ఉపాధ్యాయురాలు లావణ్య తెలిపారు. సింగపూర్‌ విద్యాపర్యటనలో ఉన్న వారు సోమవా రం పలు విషయాలను అధ్యయనం చేశారు. వారు మాట్లాడుతూ సింగపూర్‌లో విద్యార్థులను కేవలం పుస్తక పరిజ్ఞానానికే పరిమితం చేయకుండా వారిలో సృజనాత్మకత, నాయకత్వ లక్షణాలు, ఆచరణాత్మక నైపుణ్యాలు పెంచడమే లక్ష్యంగా వినూత్న సంస్కరణలు అమలు చేస్తున్నారని తెలిపారు. ఆసక్తి ఉన్న రంగాల్లో నైపుణ్యాలు పెంచుకునేందుకు వృత్తి విద్యాశిక్షణకు ప్రభుత్వం ప్రత్యేక ప్రోత్సాహకం అందిస్తుందని పేర్కొన్నారు.

ఆసిఫాబాద్‌రూరల్‌: జిల్లా కేంద్రంలోని యాదవ సంఘం భవన స్థలంలో జిల్లాస్థాయి కబడ్డీ పోటీలు సోమవారం ముగిశాయి. కబడ్డీ అసోసియేషన్‌ జిల్లా ప్రధాన కార్యదర్శి ధర్మారావు మాట్లాడుతూ జిల్లాస్థాయి జూనియర్‌, సబ్‌ జూనియర్‌ కబడ్డీ పోటీలకు జిల్లా నుంచి 191 మంది క్రీడాకారులు హాజరయ్యారని తెలిపారు. ఉత్తమ ప్రతిభ చూపిన క్రీడాకారులను రెండు జట్లుగా ఎంపిక చేశామన్నారు. ఈ నెల 26 నుంచి 29 వరకు వేములవాడలో జరిగే రాష్ట్రస్థాయి పోటీల్లో వీరు పాల్గొంటారని తెలిపారు. కార్యక్రమంలో పీడీ మీనారెడ్డి, ఖేలో ఇండియా కోచ్‌ రాకేష్‌, పీడీలు, పీఈటీలు పాల్గొన్నారు.

కౌటాల: మండల కేంద్రంలోని గ్రంథాలయం పంచాయతీ భవనంలో కొనసాగిస్తున్నారు. చిన్నపాటి ఒక్క గదిలోనే స్టోర్‌ రూంతో పాటు పాఠకుల కోసం స్థలాన్ని కేటాయించారు. ఈ శాఖా గ్రంథాలయంలో 250 మంది సభ్యులు ఉన్నారు. డిగ్రీ, పీజీ పూర్తి చేసి వివిధ ఉద్యోగాల కోసం పోటీ పరీక్షలు రాసే నిరుద్యోగులు మండలంలో దాదాపు 1000 మందికి పైగా ఉన్నారు. మార్కెట్లోకి రకరకాల కొత్త పుస్తకాలు అందుబాటులోకి వస్తున్నా గ్రంథాలయంలో మాత్రం ఇప్పటికీ పాత పుస్తకాలే దర్శనమిస్తున్నాయి. వర్షాలకు పైకప్పు స్లాబు ఉరుస్తుండటంతో పుస్తకాలు తడుస్తున్నాయి. ఫ్యాన్లు, బీరువాలు సైతం చెడిపోతున్నాయి. పుస్తకాలు చెదలు పడుతున్నాయి. పాఠకులు కూర్చోవడానికి సరి పడా కుర్చీలు లేకపోవడంతో ఎక్కువ మంది వస్తే నిలబడాల్సిందే. ఉన్న రెండు, మూడు కుర్చీలు సైతం విరిగిపోయిన స్థి తిలో ఉన్నాయి. పుస్తకాలు వితరణ చేయడానికి కొందరు సుముఖంగా ఉన్నప్పటికీ వాటిని భద్రపరిచేందుకు అనువైన స్థలం లేకపోవడం గమనార్హం. ఉదయం 8 నుంచి 11.30 గంటల వరకు, సాయంత్రం 4 నుంచి 6.30 గంటల వరకు తెరిచి ఉంటుంది. గతేడాది రాష్ట్ర గ్రంథాలయ చైర్మన్‌ రియాజ్‌ కౌటాల గ్రంథాలయ భవనాన్ని పరిశీలించి సౌకర్యాలు కల్పిస్తామని ఇచ్చిన మాట ఇప్పటికీ హామీగానే మిగిలిపోయింది.

శిథిల భవనంలో నిర్వహణ వాంకిడి: మండల కేంద్రంలో గ్రంథాలయానికి పక్కా భవనం లేకపోవడంతో ప్రమాదకరంగా మారిన పాత ఎంపీడీవో భవనాన్ని కేటాయించారు. కొన్నేళ్లుగా వర్షాకాలంలో భవనం పూర్తిగా ఉరుస్తోంది. దీంతో సమావేశాల నిర్వహణ కోసం వినియోగించే హాల్‌లోనే నిరుద్యోగులు చదువుకుంటున్నారు. అక్కడ సైతం వర్షపు నీరు ఉరుస్తుండటంతో బకెట్లు పెట్టి సర్దుకుంటున్నారు. టాయిలెట్లు వాడుకోలేని విధంగా మారాయి. సమస్యల గ్రంథం!ఆసిఫాబాద్‌రూరల్‌: సాధారణ పాఠకులు, నిరుద్యోగులకు విజ్ఞానం అందించాలనే సంకల్పంతో ఏర్పాటు చేసిన గ్రంథాలయాలు సమస్యలతో కొట్టుమిట్టాడుతున్నాయి. సరైన సౌకర్యాలు, అవసరం మేరకు పుస్తకాలు, పక్కా భవనాలు లేకపోవడంతో ఇబ్బందులు తప్పడం లేదు. ఇటీవల పోలీసు కొలువుల భర్తీకి ప్రకటన విడుదల కావడంతో చాలామంది యువత లైబ్రరీల బాట పడుతున్నారు. కానీ జిల్లాలో కేవలం జిల్లా కేంద్రంలో మాత్రమే లైబ్రరీకి సొంత భవనం ఉంది. మిగతా అన్ని మండలాల్లో తాత్కాలిక భవనాల్లో కొనసాగుతున్నాయి. 15 మండలాల్లో తొమ్మిది గ్రంథాలయాలు ఉన్నాయి. ఆసిఫాబాద్‌ మినహా మిగతా ఎనిమిది గ్రంథాలయాలకు అరకొర వసతులతో ప్రభుత్వ కార్యాలయాల్లో ఏర్పాటు చేశారు. చదువుకోవడానికి వీలుగా టేబుళ్లు, కుర్చీలు, నూతన పుస్తకాలు లేక చాలామంది నిరుద్యోగులు మంచిర్యాల, కరీంనగర్‌, వరంగల్‌, హైదరాబాద్‌ వంటి ప్రధాన నగరాల బాట పడుతున్నారు. జిల్లా కేంద్రంలో కిటకిట.. ఆర్థిక స్థోమత లేని నిరుపేద నిరుద్యోగులు కొంతమంది ఇంటి వద్దే సన్నద్ధమవుతుండగా.. మరికొందరు జిల్లా కేంద్రంలోని గ్రంథాలయానికి వచ్చి పోటీ పరీక్షలకు సిద్ధమవుతున్నారు. గతేడాది జిల్లా కేంద్రంలో రూ.1.50 కోట్లతో నూతన భవనం పూర్తి చేసి సౌకర్యాలు కల్పించారు. ఇందులో 1,628 సభ్యత్వాలు ఉండగా, 18,959 పుస్తకాలు ఉన్నట్లు అధికారులు తెలిపారు. కెరమెరి, వాంకిడి, కాగజ్‌నగర్‌, కౌటాల, తిర్యాణి, బెజ్జూర్‌ తదితర మండలాల నిరుద్యోగులు జిల్లా కేంద్రంలోనే ఉంటూ ఉదయం నుంచి సాయంత్రం వరకు లైబ్రరీలో చదువుకుంటున్నారు. పోలీస్‌ నోటిఫికేషన్‌ రావడంతో లైబ్రరీకి వచ్చే వారి సంఖ్య పెరిగి ప్రస్తుతం ఉన్న నాలుగు గదులు సరిపోవడం లేదు. రెండు గదుల్లో టేబుళ్లు, కుర్చీలు లేక ఇబ్బందులు ఎదురవుతున్నాయి. సౌకర్యాలు కల్పించాలని ఇటీవల అభ్యర్థులు కలెక్టరేట్‌ ఎదుట ముందు నిరసన తెలిపారు. అయినా ఇప్పటివరకు అదనంగా టేబుళ్లు, కుర్చీలు ఏర్పాటు చేయలేదని అభ్యర్థులు ఆవేదన వ్యక్తం చేస్తున్నారు. వేధిస్తున్న ఖాళీల కొరత.. తొమ్మిది గ్రంథాలయాల్లో 48 మంది ఉద్యోగులకు ప్రస్తుతం కేవలం ఆరుగురు మాత్రమే విధులు నిర్వర్తిస్తున్నారు. 42 ఖాళీలు ఉండటంతో ఒక్కొక్కరు రెండు, మూడు లైబ్రరీల బాధ్యతలు చేపట్టారు. మరోవైపు జిల్లా కేంద్రంలోని గ్రంథాలయం జిల్లా లైబ్రరీగా అప్‌గ్రేడ్‌ కాకపోవడంతో ఇక్కడ కేటాయించాల్సిన పది పోస్టులు ఖాళీగానే ఉన్నాయి. సిర్పూర్‌(టి), కౌటాల, రెబ్బెన, కాగజ్‌నగర్‌ మండలాల్లో పనిచేసే గ్రేడ్‌–3 లైబ్రరీ ఉద్యోగులు అక్కడా.. ఇక్కడా పనిచేస్తున్నారు. ఆసిఫాబాద్‌ మినహాయించి వేరే లైబ్రరీల్లో అభ్యర్థులకు అవసరమైన సమయంలో ఎవరూ ఉండటం లేదు. పోటీ పరీక్షలకు అవసరమైన పుస్తకాలను సొంతంగా కొనుక్కొని వెంట తెచ్చుకుంటున్నారు. స్వీపర్లు నిరక్షరాస్యులు కావడంతో ఏ పుస్తకం ఎక్కడ ఉందో ఎవరూ చెప్పలేని పరిస్థితి. కాగజ్‌నగర్‌టౌన్‌: కాగజ్‌నగర్‌ పట్టణం నడిబొడ్డున ఉన్న గ్రంథాలయాన్ని అధికారులు, పాలకులు పట్టించుకోవడం లేదు. సుమారు 1,800 కథలు, నవలలు, ఆధ్యాత్మిక పుస్తకాలు, డిక్షనరీలు, రెఫరెన్స్‌ పుస్తకాలు ఇక్కడ ఉన్నాయి. రెండు గదులు ఉన్నా రీడింగ్‌ గదిలో పాత సామాన్లు, విరిగిపోయిన బెంచీలు, కుర్చీలు ఉంచుతున్నారు. వాటి పక్కనే కూర్చొని చదువుకోవాల్సిన దుస్థితి. ఇక్కడ విధులు నిర్వహించే లైబ్రేరియన్‌కు జిల్లా కేంద్రంలో డ్యూటీ వేస్తుండటంతో ఇక్కడికి వారంలో రెండు రోజులు మాత్రమే వస్తున్నారు. నెలకు కొంత డబ్బులు ఇచ్చి ఒక అటెండర్‌ను ఉంచగా, అతను గ్రంథాలయం తాళం తెరిచి కూర్చుంటున్నాడు. లైబ్రేరియన్‌ లేకపోవడంతో పుస్తకాల గదికి ఎప్పుడూ తాళం వేసే ఉంటుందని పాఠకులు చెబుతున్నారు. ఫలితంగా లైబ్రరీకి ఎవరూ రావడం లేదు. పత్రికల కోసం పాఠకులు కొంతమంది వస్తున్నారు. అయినా కొన్నిపేర్లు విజిటర్స్‌ బుక్‌లో రాసి పెడుతుంటారు. రెండు దశాబ్దాల చరిత్ర కలిగిన ఈ గ్రంథాలయంలో పాత పుస్తకాలే ఉన్నాయి. కొత్తగా అప్‌డేట్‌ చేసిన కరెంట్‌ అఫైర్స్‌, పోటీ పరీక్షలకు సంబంధించిన పుస్తకాలు, మ్యాగజైన్లు లేవు. పోటీ పరీక్షలకు సిద్ధమయ్యే విద్యార్థులు ఇతర ప్రాంతాలకు వెళ్లి చదువుకుంటున్నారు. పాఠకులు రాకపోయినా.. విజిటర్స్‌ బుక్‌లో పేర్లుగ్రంథాలయాల్లో ఖాళీలు ఇలా.. పోస్టు మంజూరు పనిచేస్తున్న ఖాళీలు వారు లైబ్రేరియన్‌ గ్రేడ్‌– 2 2 0 2 లైబ్రేరియన్‌ గ్రేడ్‌– 3 9 5 4 రికార్డ్‌ అసిస్టెంట్‌ 9 1 8 కార్యాలయ సిబ్బంది 9 0 9 వాచ్‌మెన్‌ 9 0 9పట్టించుకోవడం లేదు కాగజ్‌నగర్‌ పట్టణంలోని గ్రంథాలయాన్ని పట్టించుకోవడం లేదు. పోటీ పరీక్షలకు సిద్ధమయ్యే విద్యార్థులకు అవసరమయ్యే పుస్తకాలు లేకపోవడంతో వారు రావడం లేదు. అధికారులు స్పందించి పోటీ పరీక్షలకు అవసరమయ్యే నూతన పుస్తకాలు, కరెంట్‌ అఫైర్స్‌కు సంబంధించిన పుస్తకాలు అందుబాటులో ఉంచాలి. – పొన్న రమేశ్‌, కాగజ్‌నగర్‌ సౌకర్యాలు కల్పించేందుకు కృషి జిల్లా కేంద్రంలో నిర్మించిన గ్రంథాలయంలో అదనపు గదుల నిర్మాణం, మిగతా అన్ని మండలాల్లో సొంత భవనాల ఏర్పాటు కోసం ప్రణాళిక రూపొందిస్తున్నాం. కాగజ్‌నగర్‌లో రూ.50 లక్షలతో లైబ్రరీ ఏర్పాటు పనులు జరుగుతున్నాయి. రానున్న రోజుల్లో నిరుద్యోగ యువతకు ఇబ్బందులు లేకుండా అన్ని సౌకర్యాలు కల్పించేందుకు కృషి చేస్తాం. – అనిల్‌కుమార్‌, జిల్లా గ్రంథాలయ సంస్థ చైర్మన్‌ కొత్త పుస్తకాలు రాలేదు కాగజ్‌నగర్‌ గ్రంథాలయంలో సుమారు 1,800 పుస్తకాలు, నవలలు, చిన్న పిల్లల కథల పుస్తకాలు తదితర పాత పుస్తకాలు మాత్రమే ఉన్నాయి. ప్రభుత్వం నుంచి కొత్త పుస్తకాలు రాలేదు. జిల్లా కేంద్రంలోని లైబ్రరీలో కూడా విధులు నిర్వహించాల్సి రావడంతో ఇక్కడ వారంలో రెండు రోజులు మాత్రమే ఉంటున్నాను. పాఠకులకు కొంత ఇబ్బంది ఏర్పడుతుంది. – కె.ప్రవీణ, లైబ్రేరియన్‌, కాగజ్‌నగర్‌

● కోల్‌బెల్ట్‌ ప్రాంతవాసుల్లో హర్షం బెల్లంపల్లి: కోల్‌బెల్ట్‌ ప్రాంత ప్రజలకు ప్రభుత్వం తీపి కబురు అందించింది. బొగ్గు గని కార్మికులు, కార్మికేతరుల దశాబ్దాల నిరీక్షణకు తెరదించుతూ ఇంటి స్థలాల క్రమబద్ధీకరణకు గ్రీన్‌ సిగ్నల్‌ ఇచ్చింది. జీవో 76 ప్రకారం 45రోజుల్లో ఇళ్ల పట్టాల సమస్యకు పరిష్కారం చూపుతామని రాష్ట్ర రెవెన్యూశాఖ మంత్రి పొంగులేటి శ్రీనివాసరెడ్డి ప్రకటించారు. ఇందుకు సంబంధించి రెవెన్యూశాఖ కార్యదర్శి లోకేశ్‌కుమార్‌ శనివారం ఉత్తర్వులు జారీ చేశారు. ఈ ప్రక్రియతో కోల్‌బెల్ట్‌ప్రాంత ప్రజల్లో ఆశలు చిగురించాయి. జిల్లాలో దాదాపు ఏడువేల ఇళ్ల దరఖాస్తులు ఈపాటికే పెండింగ్‌లో ఉన్నట్లు తెలుస్తోంది. ఇంకా వేలాదిమంది ఇళ్లు కట్టుకుని పట్టాల కోసం నిరీక్షిస్తున్నారు. బెల్లంపల్లి, మందమర్రి, శ్రీరాంపూర్‌, రామకృష్ణాపూర్‌ ఏరియాల్లో డీడీలు కట్టి ఏళ్లుగా పడిగాపులు కాస్తున్నారు. కాగా, ప్రభుత్వ నిర్ణయంతో సింగరేణి కంపెనీకి చెందిన లీజు భూముల్లో దశాబ్దాల క్రితం ఇళ్లు కట్టుకుని నివాసముంటున్న కార్మికులు, పేదలు, రిటైర్డ్‌ కార్మికులకు ప్రయోజనం కలగనుంది. అపరిష్కృతంగా ఉన్న ఇళ్ల పట్టాల పెండింగ్‌ దరఖాస్తులకు మోక్షం కలగనుండగా ఇటీవలి కాలంలో స్థిర నివాసాలు కట్టుకున్న ఇళ్లకూ పట్టాలు ఇవ్వాలనే డిమాండ్‌ వస్తోంది. వైఎస్సార్‌ తెచ్చిన జీవో ఆధారంగానే.. దివంగత ఉమ్మడి ఆంధ్రప్రదేశ్‌ ముఖ్యమంత్రి వైఎస్‌.రాజశేఖరరెడ్డి హయాంలో ఇళ్ల పట్టాల జారీకి ప్రత్యేకంగా జీవో 76 జారీ అయింది. దాని ఆధారంగా స్థిర నివాసాలు ఏర్పాటు చేసుకున్న ప్రజలకు ఇళ్ల పట్టాలు అందజేశారు. అయితే, రాష్ట్రాన్ని పదేళ్లు ఏలిన బీఆర్‌ఎస్‌ ప్రభుత్వం ఇళ్ల పట్టాలు పంపిణీ చేయడానికి సిద్ధపడినప్పటీకీ పూర్తిస్థాయిలో అమలు కాలేదు. ఎన్నికల నోటిఫికేషన్‌ జారీకి కొద్దిరోజుల ముందుగా ఇళ్ల పట్టాలు కొందరికి అందజేసినా ఇంకా అనేక మందికి పంపిణీ జరగలేదు. అప్పటికే ఎన్నికల నోటిఫికేషన్‌ జారీ కావడం ఇతర ప్రతికూల పరిస్థితులు తోడు కావడంతో ఇళ్ల పట్టాల పంపిణీ అసంపూర్తిగా ఉండిపోయింది. ప్రస్తుత కాంగ్రెస్‌ ప్రభుత్వం కూడా వైఎస్సార్‌ తెచ్చిన జీవో 76ను అనుసరించి ఇళ్ల క్రమబద్ధీకరణ చేస్తామని క్లారిటీ ఇచ్చింది. అయితే, కోల్‌బెల్ట్‌ ప్రాంతంలోని భూముల స్వభావం, ప్రభుత్వ, సింగరేణి హక్కులు, ప్రస్తుత నివాస పరిస్థితులు, హైకోర్టు ఆదేశాలు తదితర అంశాలను పరిగణనలోని తీసుకోనున్నారు. తుది నిర్ణయం త్రిసభ్య కమిటీదే.. ఇళ్ల పట్టాల సమస్య పరిష్కారానికి రాష్ట్ర ప్రభుత్వం త్రిసభ్య కమిటీ ఏర్పాటు చేయనుంది. ఇందులో కలెక్టర్‌ చైర్మన్‌గా, సింగరేణి కాలరీస్‌ కంపెనీ ప్రతినిధి, జిల్లా రిజిస్ట్రార్‌ సభ్యులుగా వ్యవహరిస్తారు. ఇళ్ల పట్టాల జారీకి విధి విధానాలను అనుసరించి ఈ కమిటీ తుది నిర్ణయం తీసుకోనుంది. 45 రోజుల డెడ్‌లైన్‌ విధింపు సింగరేణి విస్తరించి ఉన్న ఖమ్మం, భద్రాద్రి కొత్తగూడెం, భూపాలపల్లి, కుమురంభీం ఆసిఫాబాద్‌, మంచిర్యాల, పెద్దపల్లి జిల్లాల పరిధిలో పెండింగ్‌లో ఉన్న ఇళ్ల పట్టాల దరఖాస్తులు, కొత్తగా నిర్మించిన ఇళ్లకు ఏర్పడిన పట్టాల అవరోధాలకు పరిష్కారం చూపనున్నారు. ఆ దరఖాస్తుల పరిశీలన పూర్తి చేయడానికి ప్రభుత్వం డెడ్‌లైన్‌ విధించింది. 45రోజుల వ్యవధిలో పరిష్కరిస్తామని ప్రకటించింది. మంచిర్యాల జిల్లా పరిధిలో శ్రీరాంపూర్‌, రామకృష్ణాపూర్‌, మందమర్రి, బెల్లంపల్లి ప్రాంతాల ప్రజల ఇళ్ల పట్టాలకు మార్గం సుగమం కానుంది. పట్టా జారీ చేసిన వెంటనే 22–ఏ నిషేధిత జాబితా నుంచి తొలగించి రిజిస్ట్రేషన్‌కు అవకాశం కల్పించనున్నట్లు తెలుస్తోంది.కార్మికులు, కార్మికేతరులకూ.. సింగరేణి కార్మికులే కాకుండా కంపెనీ ఖాళీ స్థలాల్లో స్థిర నివాసాలు ఏర్పాటు చేసుకుని దశాబ్దాల నుంచి నివాసముంటున్న కార్మికేతరులకు ఇళ్ల పట్టాలు దక్కనున్నాయి. ముఖ్యంగా పేద, మధ్యతరగతి ప్రజలు, రిటైర్డ్‌ కార్మికులకు ప్రయోజనం కలగనుంది. ఇప్పటివరకు ఇళ్లపట్టాలు లేక కార్మికులు, కార్మికేతరులు అనేక ఇబ్బందులు పడుతున్నారు. ఇంటిపై యాజమాన్యపు హక్కు లేక బ్యాంక్‌ రుణాలు పొందడానికి, ఇళ్ల మరమ్మతులకు ఇక్కట్లు ఎదురవుతున్నాయి. రాష్ట్ర ప్రభుత్వ సానుకూల ప్రకటనతో ఇళ్లకు శాశ్వత పరిష్కారం లభించనుంది.

ఆసిఫాబాద్‌: జిల్లా కేంద్రంలోని ప్రభుత్వ ఆస్పత్రిలో అత్యంత సంక్లిష్టమై సిజేరియన్‌ను వైద్యులు విజయవంతంగా నిర్వహించారు. కాగజ్‌నగర్‌కు చెందిన గర్భిణి మల్లిశెట్టి కవిత శనివారం రాత్రి ఆస్పత్రికి వచ్చింది. బిడ్డ అడ్డం తిరగడంతోపాటు ఉమ్మినీరు పూర్తిగా లేనట్లు వైద్యులు పరీక్షల్లో గుర్తించారు. ఈ క్రమంలో గైనిక్‌, అనస్తీషియా, పీడియాట్రిక్‌ విభాగాల వైద్యులు అత్యవసరంగా సిజేరియన్‌తో ప్రసవం చేశారు. ప్రస్తుతం తల్లీబిడ్డ ఆరోగ్యంగా ఉన్నారని ఆస్పత్రి సూపరింటెండెంట్‌ డాక్టర్‌ కిరణ్‌ వెల్లడించారు. ఈ నెలలో ఇప్పటివరకు ఐదు సిజేరియన్‌ సర్జరీలు నిర్వహించగా, తాజాగా మరొకటి విజయవంతంగా పూర్తి చేశామని పేర్కొన్నారు. ఈ సర్జరీలో గైనకాలజిస్టులు నందిని, దివ్య, అనస్తీషియా వైద్యులు కావ్య, ప్రవీణ్‌, పీడియాట్రిషియన్‌ ప్రియాంక పాల్గొన్నారు. ప్రభుత్వ ఆస్పత్రిలో అత్యవసర పరిస్థితుల్లో సిజేరియన్‌ సర్జరీలు చేస్తున్నామని, ప్రజలు సద్వినియోగం చేసుకోవాలని సూపరింటెండెంట్‌ సూచించారు.

ఆసిఫాబాద్‌అర్బన్‌: గ్రామస్థాయిలో కాంగ్రెస్‌ పార్టీని మరింత బలోపేతం చేయాలని రాజీవ్‌గాంధీ పంచాయతీరాజ్‌ సంఘటన్‌ రాష్ట్ర ఇన్‌చార్జి, జాతీయ సెక్రెటరీ బి.సుభాష్‌ అన్నారు. జిల్లా పర్యటనలో భాగంగా ఆదివారం జిల్లా కేంద్రంలోని డీసీసీ కార్యాలయాన్ని ఆర్‌జీపీఆర్‌ఎస్‌ రాష్ట్ర చైర్మన్‌ రాజేంద్రప్రసాద్‌, డీసీసీ అధ్యక్షురాలు ఆత్రం సుగుణలతో కలిసి సందర్శించారు. పంచాయతీరాజ్‌ వ్యవస్థ బ లోపేతం, గ్రామాల అభివృద్ధి, స్థానిక సంస్థల ఎన్ని కల్లో ప్రజాప్రతినిధుల పాత్ర తదితర అంశాలపై చర్చించారు. పార్టీని బలోపేతం చేసే దిశగా నాయకులు, కార్యకర్తలు కృషి చేయాలని సూచించారు. కార్యక్రమంలో ఆర్‌జీపీఆర్‌ఎస్‌ జిల్లా కోఆర్డి నేటర్‌ కోవ ఇందిర, డీసీసీ ఉపాధ్యక్షులు తారీఖ్‌, మండల అధ్యక్షుడు రాపర్తి మురళీ, నాయకులు హష్మి, విజయ, తిరుపతి, బాను తదితరులు పాల్గొన్నారు. ఆర్‌జీపీఆర్‌ఎస్‌ ప్రతినిధిని సన్మానిస్తున్న డీసీసీ అధ్యక్షురాలు సుగుణ

● గ్రామంలో 20 ఏళ్లుగా ఒకేచోట గణనాథుడు దహెగాం: ప్రస్తుతం వాడవాడలా వినాయకుడిని ప్రతిష్టిస్తున్నారు. చిన్న గ్రామమైనా రెండు, మూడు మండపాలు దర్శనమిస్తున్నా యి. కానీ దహెగాం మండలం మొట్లగూడలో 20 ఏళ్లుగా గ్రామస్తులంతా ఐక్యంగా ఉంటూ ఒకే గణనాథుడిని ప్రతిష్టిస్తూ పూజలు చేస్తున్నారు. మారుమూల ప్రాంతమైన మొట్లగూడలో వందకు పైగా కుటుంబాలు ఉంటాయి. ఇక్కడి వారంతా ప్రధానంగా వ్యవసాయంపైనే ఆధారపడి జీవనం సాగిస్తున్నారు. ఏటా గ్రామస్తులు ఒకేచోట మండలంలో గణనాథుడిని ప్రతిష్టిస్తున్నారు. తొమ్మి ది రోజుల పూజల అనంతరం పెద్దవాగులో నిమజ్జనం చేస్తామని గ్రామస్తులు తెలిపారు.

దహెగాం: వ్యవసాయ రంగంలో విప్లవాత్మక మార్పులకు ప్రభుత్వం చర్యలు చేపడుతోంది. ఇందులో భాగంగా పంటల వివరాలను డిజిట ల్‌ పద్ధతిలో సేకరిస్తూ పక్కాగా నమోదు చేస్తున్నారు. అయితే జిల్లాలో 2026– 27 వానాకా లం సీజన్‌లో క్రాప్‌ సర్వే నెమ్మదిగా సాగుతోంది. ప్రైవేట్‌ వలంటీర్లు రైతుల పొలాల వద్దకు వెళ్లి ఏఏ పంటలు, ఎంత విస్తీర్ణంలో సాగు చేశా రు అనే వివరాలతోపాటు రైతు ఫొటో తీసుకుని అక్కడి నుంచే ఆన్‌లైన్‌లో నమోదు చేస్తున్నారు. రాష్ట్రస్థాయిలో జిల్లా 25వ స్థానంలో ఉంది. జిల్లావ్యాప్తంగా 15 మండలాల్లో 4,52,317 ఎకరాల సాగు విస్తీర్ణం ఉంది. ఇందులో ప్రధానంగా పత్తి 3.77 లక్షల ఎకరాలు, వరి 35,452 ఎకరాల్లో సాగు చేస్తున్నారు. పత్తి పూత, కాత దశలో ఉండగా, ఆశించిన స్థాయిలో వర్షాలు లేకపోవడం, ఎల్‌నినో ప్రభావం గురించి అధికారులు ప్రచారం చేయడంతో వరి సాగు తగ్గింది. సోయా, పెసర, మొక్కజొన్న, మినుముల వంటి ఆరుతడి పంటల సాగు విస్తీర్ణం పెరిగింది. పది రోజులే గడువు.. జిల్లాలోని 414 రెవెన్యూ గ్రామాల్లో డిజిటల్‌ క్రాప్‌ సర్వే చేపట్టాల్సి ఉంది. ఇందుకోసం 368 మంది వలంటీర్లను కేటాయించగా, 285 మంది మాత్రమే సర్వేలో పాల్గొంటున్నారు. ఇంకా 129 మంది రిజిస్టర్‌ చేసుకోలేదు. 2,15,529 వ్యవసాయ క్షేత్రాలను కేటాయించగా ఈ నెల 17 వరకు 64,748 వ్యవసాయ క్షేత్రాలను సర్వే చేశారు. ఇంకా 1,51,781 వ్యవసాయ క్షేత్రాల వివరాలు సేకరించాల్సి ఉంది. సర్వే 30 శాతం పూర్తయినట్లు అధికారులు తెలిపారు. డిజిటల్‌ క్రాప్‌ సర్వే ఈ నెల 1 నుంచి ప్రారంభం కాగా, ఈ నెల 30 వరకు గడువు విధించారు. ఇప్పటికే 20 రోజులు గడిచిపోగా ఇంకా 10 రోజులు మిగిలి ఉన్నాయి. క్షేత్ర స్థాయిలో పంటల వివరాల నమోదు పూర్తయితే జిల్లాలో సాగు విస్తీర్ణం, పంటల పరిస్థితిపై మరింత స్పష్టమైన సమాచారం అందుబాటులోకి రానుంది. సర్వే ఉద్దేశం.. డీసీఎస్‌తో ద్వారా రైతులకు మేలు కలుగుతుందని వ్యవసాయాధికారులు చెబుతున్నారు. రైతుభరోసా, పంటరుణాలు, బీమా పొందే అవకాశాలు ఉంటాయి. అకాల వర్షాలతో పంట నష్టం జరిగితే ఏయే పంట నష్టపోయారనేది సులభంగా తెలుసుకోవచ్చు. దిగుబడులు అమ్ముకోవడానికి ఎలాంటి ఇబ్బందులు ఉండవు. ప్రభుత్వం నుంచి అందించే సబ్సిడీలు సరైన సమయానికి అందుతాయి. ప్రధానంగా దళారీ వ్యవస్థను నిర్మూలించవచ్చు. రైతులు సహకరించాలి డిజిటల్‌ క్రాప్‌ సర్వేకు వ లంటీర్లను నియమించాం. క్షేత్రస్థాయికి సిబ్బంది వచ్చినప్పుడు ఏయే పంటలు ఎన్ని ఎకరాల్లో సాగు చేశారో రైతులు వివరించి సహకరించాలి. జిల్లాలో ఇప్పటివరకు సర్వే 30 శాతం పూర్తయింది. వేగవంతం చేయాలని మండల వ్యవసాయాధికారులను ఆదేశించాం. గడువులోగా వంద శాతం పూర్తి చేస్తాం. – వెంకట్‌, జిల్లా వ్యవసాయాధికారి రెవెన్యూ గ్రామాలు 414సర్వేకు కేటాయించిన వ్యవసాయ క్షేత్రాలు 2,16,529పూర్తయినవి 64,748పెండింగ్‌ 1,51,781నియమించిన వలంటీర్లు 368 మంది పాల్గొంటున్న వారు 285 మంది

ఆసిఫాబాద్‌అర్బన్‌: జిల్లా కేంద్రంలోని పోలీసు ఏఆర్‌ హెడ్‌ క్వార్టర్‌లో ప్రతిష్టించిన గణనాథుడికి ఎస్పీ నితిక పంత్‌ శుక్రవారం సిబ్బందితో కలిసి ప్రత్యేక పూజలు చేశారు. ఐదో రోజు నిర్వహించిన అన్నప్రసాద వితరణలో పాల్గొని భక్తులు, సిబ్బందికి స్వయంగా వడ్డించి వారితో కలిసి భోజనం చేశారు. ఈ సందర్భంగా ఎస్పీ మాట్లాడుతూ పోలీసు సిబ్బంది ఐకమత్యం, అంకిత భావంతో విధులు నిర్వర్తిస్తూ ప్రజలకు మెరుగైన సేవలు అందించాలన్నారు. గణేశ్‌ నవరాత్రి ఉత్సవాలు భక్తిశ్రద్ధలతో శాంతియుత వాతావరణంలో విజయవంతం జరుపుకొందామని పిలుపునిచ్చారు. కార్యక్రమంలో స్పెషల్‌ బ్రాంచ్‌ ఇన్‌స్పెక్టర్‌ సతీష్‌, ఐటీ కోర్‌ ఇన్‌స్పెక్టర్‌ రవీందర్‌, డీసీఆర్బీ ఇన్‌స్పెక్టర్‌ సంపత్‌, ఇన్‌స్పెక్టర్‌ రాజు, రిజర్వ్‌ ఇన్‌స్పెక్టర్‌(అడ్మిన్‌) వామనమూర్తి, రిజర్వ్‌ ఇన్‌స్పెక్టర్‌(ఎంటీవో) అంజన్న, రిజర్వ్‌ ఇన్‌స్పెక్టర్‌(స్పెషల్‌ పార్టీ) శ్రీనివాస్‌, ఆర్‌ఎస్సై లవన్‌కుమార్‌, సిబ్బంది పాల్గొన్నారు.

తిర్యాణి మండలం రొంపెల్లి పంచాయతీ నాయకపూడ గ్రామానికి చెందిన ఈ మేకల కాపరి పేరు దినశంకర్‌. ఈ నెల 3న గ్రామ సమీపంలోని అటవీ ప్రాంతంలో మేకలు మేపుతుండగా మూడు ఎలుగుబంట్లు అతడిపై దాడి చేశాయి. బాధితుడి కేకలు విన్న స్థానికులు ఎలుబంట్లను తరిమికొట్టారు. తీవ్రంగా గాయపడిన బాధితుడిని చికిత్స నిమిత్తం వరంగల్‌ ఆస్పత్రికి తరలించారు. బాధితుడికి మెరుగైన వైద్యం అందించాలని ఆదివాసీ సంఘాల నాయకులు సుమారు నాలుగు గంటల పాటు రోడ్డుపై బైఠాయించారు.పెంచికల్‌పేట్‌ ఎ ల్కపల్లి గ్రామానికి చెందిన దూగుంట నారాయణ గతేడాది పంట చేనులో పనులు చేస్తున్న సమయంలో అడవి పంది దాడి చేసింది. ఈ దాడిలో అతడు తీవ్రంగా గాయపడ్డాడు. కాగజ్‌నగర్‌ పట్టణంలోని ప్రైవేటు ఆస్పత్రిలో చికిత్స తీసుకోగా, సుమారు రూ.30వేల వరకు ఖర్చయ్యింది. ఆస్పత్రి బిల్లుతో పరిహారం కోసం అటవీశాఖ కార్యాలయంలో దరఖాస్తు చేసుకున్నా ఇప్పటికీ చిల్లిగవ్వ అందలేదు. పెంచికల్‌పేట్‌: అడవులకు నెలవైన కుమురంభీం ఆ సిఫాబాద్‌ జిల్లాలో అడవి పందులు, ఎలుగుబంట్లు బెంబేలెతిస్తున్నాయి. ఓ వైపు పంటలను నాశనం చేస్తుండగా, మరో వైపు మనుషులపైనా దాడులకు తెగపడుతున్నాయి. రైతులు పంట చేల రక్షణకు ప్రా ణాలు పణంగా పెట్టాల్సి వస్తోంది. వన్యప్రాణుల దాడుల్లో గాయపడి ఆస్పత్రుల పాలవుతున్నారు. ఇటీవల తిర్యాణి మండలం నాయక్‌పూడ్‌ గ్రామాని కి చెందిన శంకర్‌పై మూడు ఎలుగుబంట్లు దాడి చే యడం కలకలం రేపింది. అటవీ జంతువుల దాడుల్లో గాయపడుతున్న వారికి అటవీశాఖ ఆధ్వర్యంలో పరిహారం అందిస్తున్నామని అధికారులు చెబు తున్నా క్షేత్రస్థాయిలో పరిస్థితి భిన్నంగా ఉంటోంది. ఆస్పత్రుల రూ.వేలు ఖర్చు చేస్తున్నా పరిహారం అందడం లేదని బాధితులు వాపోతున్నారు. గాయపడుతున్న రైతులుజిల్లాలో పెద్దఎత్తున అడవులు విస్తరించి ఉన్నాయి. పెంచికల్‌పేట్‌, బెజ్జూర్‌, దహెగాం, కౌటాల, చింతలమానెపల్లి, కాగజ్‌నగర్‌, సిర్పూర్‌(టి), వాంకిడి, తిర్యాణి మండలాల్లో నిత్యం అడవి పందులు, ఎలుగుబంట్లు రైతులపై దాడులు చేస్తున్నాయి. వరుస దాడులతో రైతులు, కూలీలు పందుల దాడులతో చేలకు వెళ్లేందుకే జంకుతున్నారు. క్షతగాత్రులకు గాయాల తీవ్రత ఆధారంగా పరిహారం చెల్లించాల్సి ఉంటుంది. కానీ చెల్లింపుల్లో జాప్యం జరుగుతుండటంతో బాధితులకు ఎదురుచూపులు తప్పడం లేదు. ఈ ఏడాది ఇప్పటివరకు అడవి జంతువుల దాడులు 14 నమోదు కాగా, బాధితులకు అటవీశాఖ తరుఫున రూ.4.40లక్షల పరిహారం అందించినట్లు అధికారులు చెబుతున్నారు. ఈ ఏడాది జరిగిన ఘటనలువివరాలు అందించాం అడవి పందుల దాడుల్లో గాయపడిన వారి వివరాలను పరిహారం కోసం ఉన్నతాధికారులకు నివేదిక అందించాం. నగదు విడుదల కాగానే బాధితులకు అందిస్తాం. రైతులు, కూలీలు అటవీ ప్రాంతాలు, పంట చేలకు వెళ్లే సమయంలో జాగ్రత్తలు పాటించాలి. అటవీశాఖ ఆధ్వర్యంలో గ్రామీణ ప్రాంతాల్లో అవగాహన కల్పిస్తున్నాం. – అనిల్‌కుమార్‌, ఎఫ్‌ఆర్‌వో, పెంచికల్‌పేట్‌

ఆసిఫాబాద్‌అర్బన్‌: సహకార సంఘాలు సమన్వయంతో పనిచేస్తేనే ఆర్థిక అభివృద్ధి సాధ్యమవుతుందని జిల్లా ప్రాథమిక వ్యవసాయ సహకార సంఘా ల చైర్మన్‌ అలీబిన్‌ అహ్మద్‌ అన్నారు. జిల్లా కేంద్రంలోని సహకార సంఘ కార్యాలయంలో శుక్రవారం ఏడీసీసీ సీఈవో చండీ విశ్వేశ్వర్‌, డీజీఎం భీమేందర్‌, వెంకటస్వామి, డీసీవో కరుణాకర్‌, మేనేజర్‌ సీహెచ్‌ వెంకట్‌ రవీందర్‌తో కలిసి పాలు, గొర్లు, మత్స్య పారిశ్రామిక సహకార సంఘం సభ్యులకు అవగాహన కల్పించారు. ఏడీసీసీ సీఈవో మాట్లాడుతూ వ్యవసాయ సహకార సంఘాల ఆర్థిక లావా దేవీలు పూర్తిగా బ్యాంకుల ద్వారా జరిగేలా చూడాలని కేంద్ర ప్రభుత్వం నిర్దేశించిందన్నారు. నూతనంగా కనక వర్ష, సహకార సురక్ష పేర్లతో రెండు రకాల డిపాజిట్లను తీసుకువచ్చినట్లు తెలిపారు. 444 రోజులకు చేసే డిపాజిట్‌ పథకంలో సాధారణ పౌరులకు 7.60శాతం, సీనియర్‌ సిటిజన్లకు 8.10 శాతం వడ్డీ అందిస్తున్నట్లు వివరించారు. కార్యక్రమంలో సహకార సంఘ సభ్యులు, ఎఫ్‌పీవో సభ్యులు, సిబ్బంది పాల్గొన్నారు.

మంచిర్యాలఅర్బన్‌/ఆదిలాబాద్‌: దాదాపు రెండు దశాబ్దాల తర్వాత ఆర్టీసీలో గుర్తింపు ఎన్నికల నిర్వహణకు ప్రభుత్వం నిర్ణయించింది. ఈ మేరకు తెలంగాణ రాష్ట్ర రోడ్డు రవాణా సంస్థలో ఎన్నికలు నిర్వహించేందుకు రాష్ట్ర కార్మిక శాఖ గ్రీన్‌ సిగ్నల్‌ ఇచ్చింది. ఎన్నికలను పారదర్శకంగా రహస్య బ్యాలెట్‌ విధానంలో నిర్వహించనున్నారు. ఈ నెల 21న పోటీలో పాల్గొనే సంఘాల నుంచి అంగీకార పత్రాలు స్వీకరిస్తారు. 22న సంబంధిత డిపో మేనేజర్లు ముసాయిదా ఓటర్ల జాబితాను సమర్పించాల్సి ఉంటుంది. అక్టోబర్‌ 9న ప్రధాన ఎన్నికలు నిర్వహించనున్నట్లు, 17న ఓట్ల లెక్కింపు ఫలితాలు వెల్లడించనున్నట్లు ప్రకటించారు. చివరిగా ఎన్నికలు ఎప్పుడు జరిగాయంటే..ఆర్టీసీ సంస్థలో 2016లో గుర్తింపు కార్మిక సంఘం ఎ న్నికలు జరిగాయి. గుర్తింపు యూనియన్‌గా ఆర్టీసీ ఎంప్లాయీస్‌ యూనియన్‌(ఈయూ) ఏఐటీయూసీ అనుబంధ సంఘం గెలుపొందింది. తర్వాత సంస్థ పరిరక్షణ, కార్మికుల సమస్యల పరిష్కారం కోసం 2019లో 53రోజుల సమ్మె జరిగింది. జేఏసీగా ఏర్ప డి ఉద్యమాన్ని కొనసాగించారు. అప్పటి ప్రభుత్వం కార్మిక సంఘ ప్రాతినిధ్య సంఘాల సభ్యత్వాన్ని రద్దు చేసింది. ఎన్నికలు నిర్వహించకుండా వెల్ఫేర్‌ కమిటీలను నియమించింది. కమిటీ ఆధ్వర్యంలోనే సమస్యలపై చర్యలు సాగినా కార్మికుల్లో అసంతృప్తి నెలకొంది. ఈ ఏడాది ఏప్రిల్‌లో మూడు రోజుల పాటు జరిగిన సమ్మె సందర్భంలో జరిగిన చర్చల్లో ఆర్టీసీ సంస్థను ప్రభుత్వం విలీనం చేయటం.. ఎన్నికల నిర్వహణ, తదితర సమస్యలపై సానుకూలంగా స్పందించింది. ఈ నేపథ్యంలో ఎన్నికల నిర్వహణకు ప్రభుత్వం అడుగులు వేస్తోంది. రీజియన్‌ పరిధిలో ఉద్యోగులుడిపో ఉద్యోగుల సంఖ్య ఆదిలాబాద్‌ 406 ఆసిఫాబాద్‌ 264 భైంసా 208 మంచిర్యాల 420 నిర్మల్‌ 410 ఉట్నూర్‌ 118 ఆర్‌ఎంఎస్‌ ఆఫీస్‌ 44 మొత్తం 1870 ఎన్నికలు ఇలా..ఆర్టీసీలో అనేక కార్మిక సంఘాలు ఉన్నప్పటికీ ఎన్నికల్లో గెలిచిన సంఘాన్నే అధికారిక గుర్తింపు సంఘంగా పరిగణిస్తారు. రీజియన్‌ స్థా యి, రాష్ట్రస్థాయిలో గుర్తింపు సంఘాలుగా ఉంటాయి. రెండింటికీ వేర్వేరు బ్యాలెట్‌ పత్రాలతో ఎన్నికలు నిర్వహిస్తారు. కార్మికుల వేతనాలు, బోనస్‌, డీఏల నుంచి మొదలుకొ ని సమస్యలపై చర్చలు జరిపే చట్టబద్ధమైన హక్కు ఈ సంఘానికే ఉంటుంది. ఎన్నికల్లో గెలిచిన సంఘాలు కార్మికుల సమస్యపై యా జమాన్యంతో సంప్రదింపులు జరుపుతాయి. డ్రైవర్లు, కండక్టర్లు, ఇతర కార్మికుల సమస్యలపై అధికారుల దృష్టికి తీసుకెళ్లి పరిష్కరిస్తా యి. సంస్థలో పనిచేసే అధికారి స్థాయి వారికి మినహా, మిగిలిన ఆర్టీసీ ఉద్యోగులు, ఆర్టీసీ కార్మికులు అందరికీ ఓటు హక్కు ఉటుంది.

బెల్లంపల్లి: దక్షిణ మధ్య రైల్వే కాజీపేట్‌–బల్లార్షా మధ్య నాలుగో లైన్‌ విస్తరణ కోసం రైల్వేశాఖ పచ్చజెండా ఊపింది. ఈ మేరకు రైల్వేశాఖ కాంపిటెంట్‌ అథారిటీ అధికారులను నియమిస్తూ రెండు రోజుల క్రితం నోటిఫికేషన్‌ జారీ చేసింది. మంచిర్యాల జిల్లా పరిధిలోని తాండూర్‌, బెల్లంపల్లి మండలాలకు కాంపిటెంట్‌ అథారిటీగా బెల్లంపల్లి సబ్‌ కలెక్టర్‌ను, మందమర్రి, మంచిర్యాల మండలాలకు మంచిర్యాల ఆర్డీవోను కాంపిటెంట్‌గా రైల్వేశాఖ నియమించింది. వీరి నియామకాలు తక్షణమే అమల్లోకి వస్తాయని రైల్వేశాఖ వెల్లడించింది. నాలుగో రైల్వేలైన్‌ విస్తరణకు సంబంధించిన సాధ్యాసాధ్యాలను క్షేత్రస్థాయిలో పరిశీలించడానికి ఈ నెల 9, 10 తేదీల్లో దక్షిణ మధ్య రైల్వేజోన్‌, సికింద్రాబాద్‌ డివిజన్‌ అధికారులు సంయుక్తంగా సర్వే నిర్వహించారు. ఆ సర్వే నివేదికను ఈ నెల 15లోపు సమర్పించాలని రైల్వేశాఖ ఆదేశించింది. దీంతో నాలుగో లైన్‌ చేపట్టడానికి అనుకూల పరిస్థితులు ఉన్నట్లు ప్రాథమికంగా నిర్ధారించి ఆ నివేదికను రైల్వేశాఖకు పంపించడంతో ఉన్నతాధికారులు సానుకూలంగా స్పందించినట్లు తెలుస్తోంది. నాలుగో రైల్వేలైన్‌ మహారాష్ట్రలోని బల్లార్షా నుంచి రాష్ట్రంలోని సిర్పూర్‌ కాగజ్‌నగర్‌, బెల్లంపల్లి, మంచిర్యాల, పెద్దపల్లి, కాజీపేట మీదుగా ఆంధ్రప్రదేశ్‌ రాష్ట్రంలోని విజయవాడ, గూడూరు వరకు మొత్తం 744.80కిలోమీటర్ల మేర నిర్మించాలని సూత్రప్రాయంగా రైల్వేశాఖ నిర్ణయం తీసుకోవడం గమనార్హం. ఈ లైన్‌ నిర్మాణంతో రైళ్ల వేగం పెరగడంతోపాటు రవాణా సౌకర్యం ఎంతగానో మెరుగుపడే అవకాశాలు ఉండనున్నాయి.

ఆసిఫాబాద్‌అర్బన్‌: వెదురుతో తయారు చేసిన వస్తువులు వినియోగించడం ద్వారా కాలుష్యాన్ని నివారించి పర్యావరణాన్ని పరిరక్షించుకోవచ్చని కలెక్టర్‌ కె.హరిత అన్నారు. జిల్లా కేంద్రంలోని కలెక్టరేట్‌లో శుక్రవారం వెనుకబడిన తరగతుల సంక్షేమ శాఖ ఆధ్వర్యంలో నిర్వహించిన ప్రపంచ వెదురు దినోత్సవానికి అదనపు కలెక్టర్‌ యువరాజ్‌ మర్మాట్‌తో కలిసి హాజరయ్యారు. కలెక్టర్‌ మాట్లాడుతూ మేదరులు తయారు చేసే వెదురు వస్తువులు చాలా చౌకగా లభిస్తాయని, వాటిని కొనుగోలు చేసి వారి కుటుంబాలకు ఆర్థికంగా తోడ్పాటు అందించాలన్నారు. వెదురు వస్తువులను ప్రోత్సహించి కాలుష్య నియంత్రణలో భాగస్వామ్యులు కావాలని కోరారు. మేదర కులస్తులు నైపుణ్యాలు పెంపొందించుకోవాలని సూచించారు. ప్రతిఒక్కరూ వెదురు మొక్కలు నాటి సంరక్షించాలన్నారు. అనంతరం మేదరులు తయారుచేసిన వస్తువులను పరిశీలించారు. వెదురుతో తయారు చేసిన శ్రీవేంకటేశ్వరస్వామి జ్ఞాపికను కలెక్టర్‌కు అందజేశారు. కార్యక్రమంలో బీసీ సంక్షేమశాఖ అధికారి నదీమ్‌, సీపీవో గురువయ్య, జిల్లా మేదర సంఘం ప్రతినిధులు సులువ కనకయ్య, డీకొండ సత్యనారాయణ తదితరులు పాల్గొన్నారు. దివ్యాంగుల సంక్షేమానికి చర్యలుజిల్లాలోని దివ్యాంగుల సంక్షేమానికి ప్రత్యేక చర్యలు తీసుకుంటామని కలెక్టర్‌ కె.హరిత తెలిపారు. ప్రపంచ చెవిటి దినోత్సవాన్ని పురస్కరించుకుని జిల్లా కేంద్రంలోని కలెక్టరేట్‌లో జిల్లా న్యాయ సేవాధికార సంస్థ ఆధ్వర్యంలో శుక్రవారం దివ్యాంగులకు న్యాయపరమైన సేవలు, చట్టాలపై ఏర్పాటు చేసిన అవగాహన కార్యక్రమానికి జిల్లా న్యాయ సేవాధికార సంస్థ కార్యదర్శి, న్యాయమూర్తి అనూష, అదనపు కలెక్టర్‌ ఎం.డేవిడ్‌తో కలిసి హాజరయ్యారు. కలెక్టర్‌ మాట్లాడుతూ జిల్లా ఆస్పత్రిలో దివ్యాంగ నిర్ధారణ పరీక్షలు నిర్వహిస్తున్నట్లు తెలిపారు. జిల్లా న్యాయ సేవాధికార సంస్థ కార్యదర్శి అనూష మాట్లాడుతూ దివ్యాంగులకు న్యాయ సేవలు, చట్టాలపై అవగాహన ఉండాలన్నారు. కౌశల్‌ వికాస్‌, దివ్యాంగుల రోజార్‌ సేతులో భాగంగా నైపుణ్యాభివృద్ధి శిక్షణ అందించి ఉపాధి అవకాశాలు కల్పించేందుకు చర్యలు తీసుకుంటున్నామని వివరించారు. ఈ కార్యక్రమంలో జిల్లా సంక్షేమ శాఖ అధికారి స్వరూపారాణి, డీఈవో సచ్చిదానంద చారి, డీపీవో రామకృష్ణ తదితరులు పాల్గొన్నారు.

ఆసిఫాబాద్‌: తిర్యాణి ఆకాంక్షిత మండల అభివృద్ధి కార్యక్రమాలకు సీవైడీవో సంస్థతో ఒప్పందం కుదిరినట్లు కలెక్టర్‌ కె.హరిత వెల్లడించారు. జిల్లా కేంద్రంలోని కలెక్టరేట్‌ చాంబర్‌లో అదనపు కలెక్టర్‌ యువరాజ్‌ మర్మాట్‌తో కలిసి గురువారం సీవైడీవో ప్రతినిధులతో ఒప్పందం కుదుర్చుకున్నారు. కలెక్టర్‌ మాట్లాడుతూ ఆకాంక్షిత మండల అభివృద్ధిలో భాగంగా ప్రజల జీవన ప్రమాణాలను మెరుగుపరచడం, మౌలిక వసతులను బలోపేతం చేయడంతో పాటు అభివృద్ధి, సంక్షేమ పథకాలు అర్హులకు అందించనున్నట్లు తెలిపారు. సీవైడీవో సంస్థ ఆధ్వర్యంలో ఎంపికై న 20 గ్రామాల్లో సమగ్ర అభివృద్ధి కార్యక్రమాలు చేపడతామన్నారు. విద్య, వైద్యం, సాగు, తాగునీరు, పోషకాహారం తదితర కీలక రంగాల్లో అవసరాలను గుర్తించి స్థానిక పరిస్థితులకు అనుగుణంగా కార్యక్రమాలు అమలు చేస్తామని వివరించారు. కార్యక్రమంలో సీవైడీవో ఎగ్జిక్యూటివ్‌ డైరెక్టర్‌ ప్రవీణ్‌ జాదవ్‌, జాయింట్‌ డైరెక్టర్‌ డా.నాగేశ్వర్‌, ప్రాజెక్టు మేనేజర్‌ సాయి నితీశ్‌, నీతి ఆయోగ్‌ కోఆర్డినేటర్‌ బాలరాజు రాజారాం పాల్గొన్నారు. ‘ముసాయిదా’పై అభ్యంతరాలు తెలపాలిఆసిఫాబాద్‌: ముసాయిదా ఓటరు జాబితాపై అ భ్యంతరాలు, సవరణలు తెలపాలని జిల్లా ఎన్నికల అధికారి, కలెక్టర్‌ కె.హరిత ఒక ప్రకటనలో తెలిపా రు. జిల్లా కేంద్రంలోని జెడ్పీ కార్యాలయంలో గురువారం ఓటరు జాబితా ప్రదర్శించారు. ఈ నెల 18 సాయంత్రం 5 గంటల లోపు జిల్లా ఎన్నికల అధికా రి, ముఖ్య కార్యనిర్వహణ అధికారి, జెడ్పీ కార్యాలయంలో అభ్యంతరాలు సమర్పించాలని సూచించా రు. ఈ నెల 19న ఓటరు జాబితాను ప్రదర్శిస్తామని కలెక్టర్‌ తెలిపారు.

రెబ్బెన: అధునాతన సాంకేతిక పరిజ్ఞానంతో కూడిన యంత్రాలతో ఉత్పత్తి వేగవంతం చే యాలని ఖైరిగూర ప్రాజెక్టు అధికారి మచ్చగి రి నరేందర్‌ అన్నారు. బెల్లంపల్లి ఏరియాలోని ఖైరిగూర ఓసీపీ వద్ద గురువారం నూతన షావెల్‌ను ప్రారంభించారు. ఆయన మాట్లాడుతూ ఏరియాకు నిర్దేశిత వార్షిక లక్ష్య సాధనకు యంత్రాలను సమర్థవంతంగా ఉపయోగించుకోవాలన్నారు. పూర్తి పని గంటలు వినియోగిస్తే సంస్థపై వ్యయం తగ్గుతుందని తెలిపారు. ఏఐటీయూసీ గోలేటి బ్రాంచి కార్యదర్శి ఎస్‌.తిరుపతి, ఏరియా ఇంజినీర్‌ వీరన్న, ప్రాజెక్టు ఇంజినీర్‌ నరేష్‌, మేనేజర్‌ శంకర్‌, ఏఐటీయూసీ ఫిట్‌ కార్యదర్శి మారం శ్రీనివాస్‌, సంక్షేమ అధికారి రజనికుమార్‌ తదితరులు పాల్గొన్నా రు.

పెంచికల్‌పేట్‌: అడవుల రక్షణకు ప్రత్యేక నిఘా ఏర్పాటు చేయాలని కాగజ్‌నగర్‌ ఎఫ్‌డీవో భార్గవ్‌ అన్నారు. మండలంలోని చేడ్వా యి, ఎల్కపల్లి గ్రామాల్లో అటవీశాఖ భూములను గురువారం పరిశీలించారు. రెవెన్యూ, అ టవీ భూముల హద్దుల వివరాలను అధికారులను అడిగి తెలుసుకున్నారు. చేడ్వాయి నర్సరీని తనిఖీ చేశారు. అటవీ ప్రాంతాల్లో చెట్ల నరికివేత, అటవీ భూముల ఆక్రమణ, వన్యప్రాణుల వేటను అరికట్టేందుకు పకడ్బందీ చర్యలు చేపట్టాలని ఆదేశించారు. అక్రమ కార్యకలాపాలకు పాల్పడే వారిపై నిరంతరం నిఘా ఉంచాలని సూచించారు. ఆయన వెంట ఎఫ్‌ఆర్‌వో అనిల్‌కుమార్‌, ఎఫ్‌ఎస్‌వోలు, ఎఫ్‌బీవోలు, సిబ్బంది ఉన్నారు.

ఆసిఫాబాద్‌అర్బన్‌: సెప్టెంబర్‌ 17 చారిత్రాత్మక ప్రాధాన్యత కలిగిన రోజు అని, నాడు తెలంగా ణ ప్రజలు జరిపిన పోరాటం చిరస్మరణీయమ ని డీసీసీ అధ్యక్షురాలు ఆత్రం సుగుణ అన్నారు. జిల్లా కేంద్రంలోని డీసీసీ కార్యాలయంలో గురువారం జాతీయ జెండా ఆవిష్కరించారు. ప్రజ ల ఆకాంక్షలు, హక్కులు, అభివృద్ధి కోసం కాంగ్రెస్‌ పార్టీ ఎల్లప్పుడు ముందుండి పని చేస్తుంద ని తెలిపారు. ప్రజాస్వామ్య విలువలను కాపాడుతూ ముందుకు సాగాలని పిలుపునిచ్చారు. కార్యక్రమంలో జిల్లా గ్రంథాలయ చైర్మన్‌ అనిల్‌కుమార్‌, నియోజకవర్గ ఇన్‌చార్జి శ్యాంనాయక్‌, మాజీ ఎమ్మెల్యే ఆత్రం సక్కు, ఏఎంసీ చైర్‌పర్స న్‌ మంగ, మండల అధ్యక్షుడు రాపర్తి మురళీ, మాజీ ఎంపీపీ బాలేశ్వర్‌గౌడ్‌, కౌన్సిలర్లు రాపర్తి కార్తీక్‌, భాగ్యలక్ష్మి, సాయి, గోవింద్‌, కృష్ణమ్మ, నాయకులు పాల్గొన్నారు.

భీం పోరాటాన్ని వేదికపై బండ ప్రకాశ్‌, కలెక్టర్‌ హరిత, ఎస్పీ నితిక పంత్‌, అధికారులు, ప్రజాప్రతినిధులుఆసిఫాబాద్‌: జల్‌ జంగల్‌ జమీన్‌ కోసం గర్జించిన ఆదివాసీ పోరాటయోధుడు కుమురం భీం పోరా టాన్ని సగర్వంగా చాటుదామని తెలంగాణ శాసన మండలి డిప్యూటీ చైర్మన్‌ డాక్టర్‌ బండ ప్రకాశ్‌ అన్నారు. అస్తిత్వం కోసం ఉద్యమించి స్వరాష్ట్రంగా అవతరించిన తెలంగాణ నేడు అభివృద్ధిలో ముందంజలో ఉందని చెప్పడానికి సంతోషంగా ఉందన్నారు. జిల్లా కేంద్రంలోని సమీకృత కలెక్టరేట్‌ ఆవరణలో గురువారం ఏర్పాటు చేసిన తెలంగాణ ప్ర జాపాలన దినోత్సవానికి ముఖ్య అతిథిగా హాజరయ్యారు. పోలీసుల గౌరవ వందనం స్వీకరించారు. జాతీయ జెండా ఆవిష్కరించారు. ఎమ్మెల్యే కోవ లక్ష్మి, కలెక్టర్‌ కె.హరిత, ఎస్పీ నితిక పంత్‌, అదనపు కలెక్టర్లు యువరాజ్‌ మర్మాట్‌, ఎం.డేవిడ్‌, డిప్యూటీ కలెక్టర్‌ జాస్తిన్‌ జోయల్‌, కాగజ్‌నగర్‌ సబ్‌ కలెక్టర్‌ హర్ష్‌ చౌదరి, అదనపు ఎస్పీ చిత్తరంజన్‌, ఆర్డీవో లోకేశ్వర్‌రావు, మున్సిపల్‌ చైర్మన్‌ మెంగ్రె ఆకాశ్‌, జిల్లా గ్రంథాలయ సంస్థ చైర్మన్‌ కామ్డె అనిల్‌కుమార్‌, ఏఎంసీ చైర్‌పర్సన్‌ ఇరుకుల్ల మంగ, సింగిల్‌ విండో చైర్మన్‌ అలీబిన్‌ అహ్మద్‌తో కలిసి జాతీయ నాయకులు మహాత్మా గాంధీ, బీఆర్‌ అంబేడ్కర్‌, తెలంగాణ తల్లి చిత్రపటాలకు పూలమాలలు వేసి నివాళులర్పించారు. అనంతరం ఆయన ప్రసంగించారు. 1948 సెప్టెంబర్‌ 17న తెలంగాణ సువిశాల భారతదేశంలో అంతర్భాగంగా మారిందని, రాచరిక పాలన నుంచి ప్రజాస్వామ్య దశలోకి పరివర్తన చెందిన ఈ రోజును తెలంగాణ ప్రజాపాలన దినోత్సవంగా జరుపుకొంటున్నామని తెలిపారు. సీఎం రేవంత్‌రెడ్డి దార్శనిక పాలనలో తెలంగాణ రాష్ట్రం అన్ని రంగాల్లో గణనీయమైన అభివృద్ధిని సాధిస్తూ అనతి కాలంలోనే అనేక సంక్షేమ కార్యక్రమాల అమల్లో ఆదర్శంగా నిలిచిందన్నారు. పేదల వైద్యానికి రూ.21.99 కోట్లుధర్తీ ఆబా జనజాతీయ గ్రామ ఉత్కర్ష్‌ అభియాన్‌ కింద జిల్లాలో 982 షెడ్యూల్డ్‌ తెగలకు చెందిన లబ్ధిదారులకు ఉచితంగా విద్యుత్‌ సౌకర్యం కల్పించామన్నారు. 738 అంగన్‌వాడీ కేంద్రాలకు విద్యుత్‌ సౌకర్యం కల్పించినట్లు తెలిపారు. రాజీవ్‌ ఆరోగ్యశ్రీ పథకం ద్వారా పేదలకు వైద్య పరిమితిని రూ.5 లక్షల నుంచి రూ.10 లక్షలకు పెంచినట్లు వెల్లడించారు. జిల్లాలో 2025– 26లో 8,396 మంది పేదలకు వైద్య చికిత్స అందించి, ఇప్పటివరకు రూ.21.99 కోట్లు ఖర్చు చేసినట్లు వివరించారు. మహాలక్ష్మి పథకం కింద 78,467 కుటుంబాలకు గృహ అవసరాల కోసం ఎల్‌పీజీ గ్యాస్‌ సిలిండర్లను కేవలం రూ.500కే అందజేస్తున్నామన్నారు. రైతుల ఖాతాల్లోకి రూ.250.30 కోట్లురైతు భరోసా పథకం కింద 2025– 26 వానాకాలంలో 1,33,860 మంది రైతుల ఖాతాల్లో రూ.250.30 కోట్లు జమ చేసినట్లు తెలిపారు. రైతుబీమా పథకంలో 74,567 మంది రైతులను నమోదు చేసి, 470 మంది కుటుంబాలకు ఒక్కొక్కరికి రూ.5 లక్షల చొప్పున రూ.23.50 కోట్లు అందించామని వెల్లడించారు. విద్యా వ్యవస్థలో విప్లవాత్మక మార్పులు చేస్తూ ప్రాథమిక పాఠశాలలు మొదలుకుని విశ్వవిద్యాలయాల వరకు నాణ్యమైన విద్యాబోధన, నైపుణ్య శిక్షణ, ఉపాధి కల్పనకు చర్యలు తీసుకుంటున్నామని వివరించారు. ప్రతీ నియోజకవర్గంలో 25 ఎకరాల స్థలంలో రూ.200 కోట్లతో యంగ్‌ ఇండియా ఇంటిగ్రేటెడ్‌ రెసిడెన్సియల్‌ స్కూళ్లు నిర్మిస్తున్నామని తెలిపారు. అధికారులు, ప్రజాప్రతినిధులకు అభినందనవర్షాకాలంలో సీజనల్‌ వ్యాధుల నియంత్రణకు వ్య క్తిగత పరిశుభ్రత ముఖ్యమని, పారిశుద్ధ్యంలో భాగస్వాములైన సిబ్బంది, ప్రజలను అభినందిస్తున్నానని తెలిపారు. ప్రభుత్వ ముందస్తు చర్యలతో జిల్లా అధికార యంత్రాంగం సమన్వయంతో వ్యవహరించి అహర్నిశలు కృషి చేసి వరద విపత్తులో ఎలాంటి ప్రాణనష్టం వాటిల్లకుండా ప్రజలను రక్షించుకుంటున్నామని చెప్పారు. జిల్లాలో ప్రభుత్వ అభివృద్ధి, సంక్షేమ కార్యక్రమాలను సమర్థవంతంగా అమలు చేసేందుకు పూర్తి సహకారం అందిస్తున్న ప్రజాప్రతి నిధులు, అధికారులకు ఈ సందర్భంగా అభినందించారు. ఈ కార్యక్రమంలో వివిధ ప్రభుత్వ శాఖ ల అధికారులు, ప్రజాప్రతినిధులు పాల్గొన్నారు. ఆడబిడ్డల సంక్షేమానికి తొలి ప్రాధాన్యత8,798 ఇందిరమ్మ ఇళ్లు మంజూరుపేదల సొంతింటి కలను సాకారం చేసేందుకు జిల్లాలో నూతన గృహ నిర్మాణ కార్యక్రమాన్ని ప్రారంభించామని తెలిపారు. ఈ పథకం కింద ఈ ఒక్క సంవత్సరంలోనే 4.50 లక్షల ఇళ్లు నిర్మించనున్నట్లు వివరించారు. జిల్లాకు 8,798 ఇళ్లు మంజూరు చేయగా, ఇప్పటివరకు 4,734 మంది గిరిజనులకు మంజూరు చేసినట్లు పేర్కొన్నారు. నిర్మాణ పనులు కొనసాగుతుండగా, ఇప్పటికే 875 ఇళ్లు పూర్తి చేసినట్లు తెలిపారు. ప్రజాపంపిణీ వ్యవస్థ ద్వారా జిల్లాలోని 1,65,258 రేషన్‌ కార్డుల లబ్ధిదారులకు సన్నబియ్యం పంపిణీ చేస్తున్నామని చెప్పారు. సమష్టి కృషితో జిల్లా అభివృద్ధి పథంలో నడుస్తుందని తెలిపారు. తెలంగాణ ఆడబిడ్డల సంక్షేమానికి ప్రభుత్వం తొలి ప్రాధాన్యత ఇస్తుందన్నారు. ఆడపడచులు, ట్రాన్స్‌జెండర్లకు ఆర్టీసీ బస్సుల్లో ఉచిత ప్రయాణ సౌకర్యం అమలు చేస్తున్నామని తెలిపారు. మహిళలు పైసా ఖర్చు లేకుండా రాష్ట్రంలో ఎక్కడికైనా ఉచితంగా ప్రయాణించే సౌలభ్యం కల్పించడంతో జిల్లాలో ఇప్పటివరకు 2.41 కోట్ల మంది మహిళా ప్రయాణికులకు రూ.88.05 కోట్ల లబ్ధి చేకూరిందని తెలిపారు. గృహజ్యోతి పథకం కింద 200 యూనిట్ల ఉచిత విద్యుత్‌ అందించడంతో జిల్లాలో 84,684 కుటుంబాలకు రూ.55.53 కోట్ల రాయితీ కల్పించినట్లు వివరించారు.

ఆసిఫాబాద్‌: కష్టపడే తత్వం, సృజనాత్మకతకు విశ్వకర్మ ప్రతీక అని శాసన మండలి డిప్యూటీ చైర్మన్‌ బండ ప్రకాశ్‌ అన్నారు. జిల్లా కేంద్రంలో ని కలెక్టరేట్‌ ఆవరణలో గురువారం విశ్వకర్మ జయంతి ఘనంగా నిర్వహించారు. ఈ సందర్భంగా ఎమ్మెల్యే కోవ లక్ష్మి, కలెక్టర్‌ కె.హరిత, ఎస్పీ నితిక పంత్‌, అదనపు కలెక్టర్లు యువరాజ్‌ మర్మాట్‌, ఎం.డేవిడ్‌, డిప్యూటీ కలెక్టర్‌ జాస్తిన్‌ జోయల్‌, సబ్‌ కలెక్టర్‌ హర్ష్‌ చౌదరి, అదనపు ఎస్పీ చిత్తరంజన్‌, ఆర్డీవో లోకేశ్వర్‌రావు, ము న్సిపల్‌ చైర్మన్‌ మెంగ్రె ఆకాశ్‌, జిల్లా గ్రంథాల య సంస్థ చైర్మన్‌ కామ్డె అనిల్‌కుమార్‌, ఏఎంసీ చైర్‌పర్సన్‌ ఇరుకుల్ల మంగ, సింగిల్‌ విండో చైర్మన్‌ అలీబిన్‌ అహ్మద్‌తో కలిసి విశ్వకర్మ చిత్రపటానికి పూలమాలలు వేశారు. సాంకేతిక పరి జ్ఞానం అభివృద్ధి చెందని రోజుల్లోనే గొప్ప ని ర్మాణాలు చేసిన విశ్వకర్మ ప్రస్తుత తరానికి కూడా ఆదర్శప్రాయుడని కొనియాడారు. కార్యక్రమంలో కౌన్సిలర్లు చిలువేరు వెంకన్న, భాగ్యలక్ష్మి, విశ్వబ్రాహ్మణ సంఘం జిల్లా అద్యక్షుడు భాస్కరా చారి, కార్యదర్శి తూమోజు సురేశ్‌ చా రి, శ్రీమంతుల వేణుగోపాలాచారి, రాధాకృష్ణ చారి, సంతోష్‌, సభ్యులు పాల్గొన్నారు.

ఆసిఫాబాద్‌రూరల్‌: ఉన్నతి విద్యాప్లస్‌లో అకడమిక్‌ క్యాలెండర్‌ అమలు చేయాలని, తరగతి గదుల్లో ఏఐ ఆధారిత బోధనా పద్ధతులు పాటించాలని అదనపు కలెక్టర్‌ యువరాజ్‌ మర్మాట్‌ అన్నారు. కలెక్టరేట్‌లో గురువారం ఆసిఫాబాద్‌ బాలుర ఉన్నత, తి ర్యాణి ఉన్నత పాఠశాలల ఉపాధ్యాయులతో సమావేశమయ్యారు. పాఠ్యాంశాలు బోధిస్తున్న విధానం తదితర అంశాలపై సమీక్షించారు. ఆయన మాట్లాడుతూ అకడమిక్‌ క్యాలెండర్‌ ప్రకారం సిలబస్‌ను గడువులోగా పూర్తి చేయాలన్నారు. ఆర్టిఫిషియల్‌ ఇంటలిజెన్స్‌ ఆధారిత బోధన సహయక వ్యవస్థను వినియోగించి పాఠ్యాంశాల సారాంశం, వీడియోలు అందుబాటులోకి తెచ్చినట్లు తెలిపారు.

ఆసిఫాబాద్‌అర్బన్‌: అనాదిగా తెలంగాణకు ఘనమైన చరిత్ర, అఖండ వారతస్వం ఉందని ఎస్పీ నితిక పంత్‌ అన్నారు. ప్రజాపాలన దినోత్సవాన్ని పురస్కరించుకుని జిల్లా కేంద్రంలోని పోలీసు కార్యాలయంలో గురువారం జాతీయ జెండా ఆవి ష్కరించారు. ఎస్పీ మాట్లాడుతూ ఆపరేషన్‌ పోలో ద్వారా తెలంగాణ ప్రజలకు నిజమైన స్వాతంత్య్రం లభించిందన్నారు. శాంతిభద్రత పరిరక్షణలో జిల్లా పోలీసు అధికారులు, సిబ్బంది బాధ్యతాయుతంగా పనిచేయాలని సూచించారు. నీతి, నిజాయతీతో విధులు నిర్వర్తిస్తూ జిల్లా పోలీసు శాఖకు పేరు తీసుకురావాలని ఆకాంక్షించారు. కార్యక్రమంలో పోలీసు అధికారులు, సిబ్బంది పాల్గొన్నారు.

ఆసిఫాబాద్‌రూరల్‌: జిల్లా కేంద్రంలోని గిరిజన ఆదర్శ క్రీడా మైదానంలో గురువారం జిల్లా స్థాయి జూనియర్‌ అథ్లెటిక్స్‌ చాంపియన్‌షిప్‌– 2026 పోటీలు హోరాహోరీగా సాగాయి. జిల్లా నలుమూలల నుంచి 200 మంది క్రీడాకారులు హాజరయ్యారు. జిల్లా గ్రంథాలయ సంస్థ చైర్మన్‌ అనిల్‌, డీవైఎస్‌వో అశ్వక్‌ ముఖ్య అతిథులుగా హాజరై ఈ క్రీడా పోటీలను ప్రారంభించారు. అథ్లెటిక్స్‌ విభాగంలో రన్నింగ్‌, షాట్‌పుట్‌, హైజంప్‌, లాంగ్‌జంప్‌లతో పాటు 400, 600, 800 మీటర్ల రన్నింగ్‌ పోటీలు ఆసక్తికరంగా జరిగాయి. ఉత్తమ ప్రతిభ చూపిన 45 మంది క్రీడాకారులను రాష్ట్రస్థాయి అథ్లెటిక్స్‌ పోటీలకు ఎంపిక చేసినట్లు డీవైఎస్‌వో షేకు, అథ్లెటిక్స్‌ జిల్లా అధ్యక్షుడు విజయ్‌, ప్రధాన కార్యదర్శి లక్ష్మణ్‌ తెలిపారు. ఈ నెల 26, 27 తేదీల్లో హనుమకొండలో రాష్ట్రస్థాయి పోటీలు ఉంటాయని వెల్లడించారు. అక్కడ రాణించిన వారికి అసోసియేషన్‌ తరఫున షూ, ట్రాక్‌సూట్లు అందజేస్తామని హామీ ఇచ్చారు. క్రీడలతో పోటీతత్వండీవైఎస్‌వో షేకు మాట్లాడుతూ విద్యార్థులు చదువుతోపాటు క్రీడల్లోనూ రాణించాలన్నారు. క్రీడలతో విద్యార్థుల్లో పోటీతత్వం పెరుగుతుందని, మానసిక ఆరోగ్యంతోపాటు శారీరకంగా ఫిట్‌గా ఉంటారని తెలిపారు. రాష్ట్ర, జాతీయ స్థాయి పోటీల్లో విజయం సాధించి జిల్లాకు పేరు తీసుకురావాలని ఆకాంక్షించారు. కార్యక్రమంలో ఎస్‌జీఎఫ్‌ జిల్లా కార్యదర్శి రామ్మోహన్‌, నోడల్‌ ఆఫీసర్‌ మీనారెడ్డి, మధుసూదన్‌, అథ్లెటిక్స్‌ కోచ్‌ విద్యాసాగర్‌, తిరుమల్‌, రాకేష్‌, పీడీలు, పీఈటీలు తిరుపతి, వెంకటేష్‌, లక్ష్మణ్‌, సుభాష్‌, లక్ష్మి తదితరులు పాల్గొన్నారు.

ఆసిఫాబాద్‌అర్బన్‌: ఆర్థిక స్థోమత లేని ఖైదీల కు ఉచిత న్యాయ సేవలు అందిస్తున్నట్లు జిల్లా న్యాయ సేవాధికార సంస్థ కార్యదర్శి జి. అనుష తెలిపారు. జిల్లా కేంద్రంలోని జైలును గురువారం సందర్శించారు. బ్యారక్‌లు, వంటగది, ఇతర సౌకర్యాలతోపాటు ఖైదీలకు అందుతున్న వైద్య సదుపాయాలను స్వయంగా తనిఖీ చేశారు. ఖైదీలతో మాట్లాడి సమస్యలు తెలుసుకున్నారు. ఆర్థిక స్థోమత లేక న్యాయవాదిని ఏర్పాటు చేసుకోలేని రిమాండ్‌, అండర్‌ ట్రయల్‌ ఖైదీలకు డీఎల్‌ఎస్‌ఏ తరఫున ఉచితంగా లీగల్‌ అండ్‌ కౌన్సిల్‌ను కేటా యిస్తామని తెలిపారు. కార్యక్రమంలో జైలు సూపరింటెండెంట్‌ ప్రేమ్‌కుమార్‌, వెంకటేశ్వర్లు, అంజనీదేవి తదితరులు పాల్గొన్నారు.

కౌటాల: ప్రకృతి వ్యవసాయంతో అధిక దిగుబడి సాధించవచ్చని జిల్లా వ్యవసాయశాఖ అధికారి బి.వెంకట్‌ తెలిపారు. జాతీయ ప్రకృతి వ్యవసాయ మిషన్‌ పథకంలో ఎంపికై న మండలంలోని ముత్తంపేట రైతులకు మంగళవారం కౌటాల రైతువేదికలో అవగాహన కల్పించారు. ఆయన మాట్లాడుతూ బీజామృతం, జీవామృతం, ఘన జీవామృతం, నీమాస్త్రం, అజ్ఞాస్త్రం, దశపర్ణి కషాయం వినియోగంతో పంటలకు సరైన పోషకాలు అందుతాయన్నారు. రైతులందరూ రసాయన ఎరువుల వాడకం తగ్గించి, ప్రకృతి వ్యవసాయం వైపు దృష్టి సారించాలని, సూచించారు. వర్షాలు కురిసిన నేపథ్యంలో పంటల్లో సస్యరక్షణ చర్యలు చేపట్టాలన్నారు. కార్యక్రమంలో ఏఈవోలు ఘన్‌శ్యామ్‌, సాగర్‌, రాజేశ్వర్‌, రేష్మిత, కల్పన పాల్గొన్నారు.

ఆసిఫాబాద్‌అర్బన్‌: బీసీ కులగణన చేస్తామని ప్రకటించినా.. ప్రస్తుతం శాసీ్త్రయ పద్ధతిలో కు లగణన చేపట్టకుండా బీసీలకు కేంద్ర ప్రభుత్వం అన్యాయం చేస్తోందని బీసీ సంక్షేమ సంఘం జిల్లా అధ్యక్షుడు రూప్‌నార్‌ రమేశ్‌ మండిపడ్డారు. కేంద్ర ప్రభుత్వ వైఖరిని నిరసిస్తూ మంగళవారం జిల్లా కేంద్రంలో బీసీ సంక్షేమ సంఘం ఆధ్వర్యంలో దిష్టిబొమ్మ దహనానికి ప్రయత్నించగా పోలీసులు అడ్డుకున్నారు. ఆయన మాట్లాడుతూ ఓబీసీ కుటుంబాలను సమగ్రంగా లెక్కించాలని, ప్రత్యేక బీసీ కాల మ్‌ ఏర్పాటు చేసి, ప్రతీ కులానికి యూనిక్‌ కోడ్‌ ఇవ్వాలని డిమాండ్‌ చేశారు. కార్యక్రమంలో బీసీ యువజన సంఘం జిల్లా అధ్యక్షుడు ఆవిడపు ప్రణయ్‌, విద్యార్థి సంఘం జిల్లా అధ్యక్షుడు లోబడె లహుకుమార్‌, పట్టణ అధ్యక్షుడు సాయికృష్ణ, నాయకులు అసద్‌, జయరాజ్‌, వెంకన్న, ముబీన్‌ తదితరులు పాల్గొన్నారు.

ఆసిఫాబాద్‌రూరల్‌: రాష్ట్రస్థాయి సాఫ్ట్‌బాల్‌ పోటీల్లో గోల్డ్‌ మెడల్‌ సాధించిన జిల్లా కేంద్రంలోని సాంఘిక సంక్షేమ గురుకుల పాఠశాల విద్యార్థులను మంగళవారం కలెక్టరేట్‌లో కలెక్టర్‌ కె.హరిత అభినందించారు. కలెక్టర్‌ మాట్లాడుతూ తాను కూడా సాఫ్ట్‌బాల్‌ ప్లేయర్‌నని, జిల్లా క్రీడాకారులు బంగారు పతకం సాధించడం ఆనందంగా ఉందన్నారు. జాతీ యస్థాయిలోనూ రాణించాలని ఆకాక్షించారు. కాగా, ఈ నెల 11 నుంచి 13 వరకు జరిగిన రాష్ట్రస్థాయి పోటీల్లో పాఠశాలకు చెందిన ఆరుగురు విద్యార్థులు హర్షిత్‌, జైశ్రీరాం, అనికేత్‌, సంకేత్‌, సూర్యవంశీ ఆదర్శ్‌, రాష్టపాల్‌ పాల్గొన్నారని ప్రిన్సిపాల్‌ రహీం తెలిపారు. జాతీ యస్థాయికి ఎంపికైన రాష్టపాల్‌ ఈ నెల 28, 29 తేదీల్లో జరిగే పోటీల్లో పాల్గొననున్నట్లు పేర్కొన్నారు. కార్యక్రమంలో పీడీలు యాదగిరి, ప్రసాద్‌, వైస్‌ ప్రిన్సిపాల్‌ రాజేంద్రప్రసాద్‌, ఖేలో ఇండియా కోచ్‌ రాకేశ్‌ తదితరులు పాల్గొన్నారు.

ఆసిఫాబాద్‌: లైంగిక నేరాల నుంచి బాలలను రక్షించేందుకు ప్రత్యేక చర్యలు తీసుకోవాలని.. లైంగిక వేధింపులు పాల్పడే వారిపై, అశ్లీల చిత్రాల కోసం పిల్లలను ఉపయోగించే వారిని గుర్తించి పోక్సో చట్టం కింద కేసులు నమోదు చేయాలని కలెక్టర్‌ కె.హరిత అన్నారు. జిల్లా కేంద్రంలోని కలెక్టరేట్‌లో మంగళవారం పోలీస్‌, రెవెన్యూ, శిశు సంక్షేమ, వైద్యారోగ్య, విద్య, పంచాయతీరాజ్‌ అధికారులతో సమీక్ష సమావేశం నిర్వహించారు. కలెక్టర్‌ మాట్లాడుతూ జిల్లాలో బాల్య వివాహాల నిషేధిత చట్టాన్ని పకడ్బందీగా అమలు చేయాలన్నారు. మిషన్‌ వాత్సల్య కార్యక్రమం కింద బాల్య వివాహాల నిషేధిత చట్టం, పోక్సో చట్టాన్ని అమలు చేసేందుకు అధికారులు సమన్వయంతో పని చేయాలన్నారు. ప్రజలతోపాటు పాఠశాలలు, కళాశాలల్లో బాల్య వివాహాల నివారణపై విద్యార్థులకు అవగాహన కల్పించాలని సూచించారు. గ్రామ, మండల స్థాయిలో కమిటీలు ఏర్పాటు చేయాలని, సర్పంచులు, స్వయం సహాయక సంఘాల మహిళలను భాగస్వాములు చేయాలని ఆదేశించారు. పోషణ మాసం అమలుపై సమీక్షజిల్లా కేంద్రంలోని కలెక్టరేట్‌లో మన అంగన్‌వాడీ– మన బాధ్యత కార్యక్రమంలో భాగంగా పోషణ మాసంపై కలెక్టర్‌ అధికారులతో సమీక్షించారు. వచ్చే నెల 8 వరకు కార్యక్రమాలు పకడ్బందీగా నిర్వహించాలన్నారు. కేంద్రాల్లో పోషకాహారం అందించాలని, మూడేళ్లలోపు పిల్లలు విధిగా అంగన్‌వాడీ కేంద్రాలకు హాజరయ్యేలా చర్యలు తీసుకోవాలన్నారు. ఈ సందర్భంగా పోషణ మాసానికి సంబంధించిన పోస్టర్‌ ఆవిష్కరించారు. సమావేశంలో జిల్లా సంక్షేమ అధికారి స్వరూపారాణి, డీపీవో భిక్షపతి, డీఐఈవో రాందాస్‌, డీడీపీవోలు, సఖి, బాలల రక్షణ సిబ్బంది పాల్గొన్నారు.

ఆసిఫాబాద్‌: పల్లెల్లో గంజాయి సాగు ఘటనలు వెలుగులోకి వస్తున్నాయి. కొందరు రైతులు అత్యాశతో పత్తి, ఇతర పంటల్లో అంతర పంటగా సాగు చేస్తున్నారు. నియంత్రణకు పోలీసులు కఠినంగా వ్యవహరిస్తున్నా సాగుదారుల తీరు మాత్రం మారడం లేదు. ఈ నెల 13న జైనూర్‌ మండలం పాట్నాపూర్‌లో పోలీసులు రూ.1.50 కోట్ల విలువైన 1245 మొక్కలను స్వాధీనం చేసుకున్నారు. ముందస్తు సమాచారం మేరకు స్థానిక పోలీసులు పాట్నాపూర్‌ మెయిన్‌ రోడ్డు వద్ద తనిఖీలు నిర్వహిస్తుండగా అంబురే పుండలిక్‌ వద్ద 11 గ్రాముల ఎండు గంజాయి లభ్యమైంది. పోలీసులు లోతుగా విచారించగా కొడుకు రమేశ్‌తో కలిసి పత్తిలో అంతర పంటగా గంజాయి సాగు చేస్తున్నట్లు ఒప్పుకున్నాడు. గంజాయి మొక్కలను వేర్లతో సహ పీకి స్వాధీనం చేసుకుని, నిందితులపై కేసు నమోదు చేశారు. గడిచిన మూడేళ్లలో జిల్లాలో 150 కేసులు నమోదు కాగా, రూ.80,39,327 విలువ చేసే 326.2605 కిలోల గంజాయిని స్వాధీనం చేసుకున్నారు. అలాగే రూ.3,18,80,000 విలువైన 2,995 మొక్కలు పట్టుకున్నారు. మొత్తంగా 296 మందిని అదుపులోకి తీసుకున్నారు. ఇందులో తొమ్మిది మంది మైనర్లు ఉండటం గమనార్హం. ఈ ఏడాది ఇప్పటివరకు రూ.1.50 లక్షల విలువ చేసే ఎండు గంజాయి, 1600 మొక్కలు స్వాధీనం చేసుకుని 68 మందిని అరెస్టు చేశారు. ఇటీవల నమోదైన కేసులుపెరుగుతున్న సాగుసాగు చేస్తే కఠిన చర్యలు జిల్లాలో గంజాయి సాగు చేస్తే కఠిన శిక్షలు తప్పవు. మాదక ద్రవ్యాల అక్రమ సాగు, రవాణా, విక్రయాలకు పాల్పడితే చట్ట ప్రకారం కఠిన చర్యలు తీసుకుంటాం. మత్తు పదార్థాల నిర్మూలనకు ప్రజలు పోలీసులకు సహకరించాలి. గంజాయి సాగు, క్రయవిక్రయాలు, వినియోగం గురించి తెలిస్తే వెంటనే పోలీసులకు సమాచారం ఇవ్వాలి. – నితిక పంత్‌, ఎస్పీగంజాయి నియంత్రణలో భాగంగా పోలీసు, ఎకై ్సజ్‌శాఖ ఆధ్వర్యంలో నిత్యం తనిఖీలు, అవగాహన కార్యక్రమాలు కొనసాగుతున్నాయి. పట్టుబడిన రైతులకు ప్రభుత్వ సంక్షేమ పథకాలు రద్దు చేయడంతోపాటు పీడీ యాక్టు నమోదు, పట్టాలు రద్దు చేస్తామని పోలీసులు ప్రకటించారు. గతంలో 46 మందికి రైతు బంధు పథకం సైతం నిలిపివేశారు. కానీ కొందరు రైతులు జిల్లాలోని ఏజెన్సీ గ్రామాల్లో గంజాయి మొక్కలను అంతర పంటగా గుట్టుగా సాగు చేస్తున్నారు. తక్కువ వ్యవధిలో అధిక లాభాలు గడించవచ్చనే అత్యాశతో మొక్కలు పెంచుతున్నారు. ఫలితంగా జిల్లాలో ఇంకా గంజాయి సాగు కొనసాగుతూనే ఉంది.

ఆసిఫాబాద్‌/కెరమెరి: రాష్ట్ర ప్రభుత్వం ఓట్ల కోసం కొన్నివర్గాలకు కొమ్ముకాయకుండా అధికారికంగా తెలంగాణ విమోచన దినం నిర్వహించాలని ఎమ్మెల్యే పాల్వాయి హరీశ్‌బాబు డిమాండ్‌ చేశారు. సేవా సంకల్‌ అభియాన్‌లో భాగంగా జిల్లా కేంద్రంలో మంగళవారం ఏర్పాటు చేసిన సమావేశంలో బీజేపీ జిల్లా అధ్యక్షుడు దోని శ్రీశైలం, ప్రధాన కార్యదర్శులు అరిగెల మల్లికార్జున్‌, కొట్నాక విజయ్‌కుమార్‌, రాష్ట్ర స్పోక్స్‌ పర్సన్‌ మహేశ్‌తో కలిసి మాట్లాడారు. విమోచన దినం సందర్భంగా ఈ నెల 17న దీపాలంకరణతో ప్రత్యేక కార్యక్రమాలు ప్రారంభిస్తామని తెలిపారు. అక్టోబర్‌ 7 వరకు పాఠశాలల్లో పలు కార్యక్రమాలు నిర్వహిస్తామన్నారు. పీవీ నరసింహారావు వంటి కాంగ్రెస్‌ నాయకులు రజాకార్ల అకృత్యాలపై పోరాడారని, కానీ రాష్ట్రంలో అధికారంలో ఉన్న కాంగ్రెస్‌ ప్రభుత్వం విమోచన దినం నిర్వహించేందుకు భయపడుతుందన్నారు. రజాకార్లు మైనారీర్టలను సైతం ఇబ్బందులకు గురిచేశారని, అప్పటి జర్నలిస్టు షోయబుల్లా ఖాన్‌ను హతమార్చినట్లు గుర్తు చేశారు. కేసీఆర్‌ జాతీయ సమైక్యతా దినోత్సవం, కాంగ్రెస్‌ ప్రజాపాలన దినోత్సవం పేరుతో నిర్వహించడం విడ్డూరంగా ఉందన్నారు. తాము అధికారంలోకి వస్తే అధికారికంగా వేడుకలు నిర్వహిస్తామని హామీ ఇచ్చారు. పార్టీ జిల్లా అధ్యక్షుడు శ్రీశైలం మాట్లాడుతూ ప్రధాని మోడీ 25 ఏళ్ల ప్రస్థానానికి గుర్తుగా సేవా సంకల్ప్‌ అభియాన్‌ నిర్వహిస్తున్నట్లు తెలిపారు. అంతకు ముందు కెరమెరి మండలం జోడేఘాల్‌కు వెళ్లి కుమురంభీం విగ్రహానికి పూలమాలలు వేసి నివాళులర్పించారు. భీం సమాధిపై పూలు చల్లి పూజలు చేశారు. ఆయా కార్యక్రమాల్లో నాయకులు కోవ విజయ్‌, సెడ్మకి తుకారాం, ఖండ్రె విశాల్‌, ఆకుల సంతోష్‌, రవీందర్‌, పెంటయ్య తదితరులు పాల్గొన్నారు.

● జిల్లాలో పెట్రేగిపోతున్న కామాంధులు ● కఠిన శిక్షలున్నా మార్పు కరువు ● వరుస ఘటనలతో ఆందోళనకౌటాల: ఏఐ యుగంలోనూ మహిళలు, చిన్నారుల భద్రత ఇప్పటికీ ప్రశ్నార్థకంగానే మిగిలింది. పాఠశాలల నుంచి పని ప్రదేశాలు, పట్టణాల నుంచి గ్రామీణ ప్రాంతాల వరకు అతివలపై అఘాయిత్యాలు సాగుతూనే ఉన్నాయి. చట్టాలు, శిక్షలు అమలు అవుతున్నా కామాంధుల్లో భయం కరువైంది. ఓ వైపు గంజాయి.. మరోవైపు సినిమాలు, సోషల్‌ మీడియా, అశ్లీల వెబ్‌సైట్ల ప్రభావంతో నేరగాళ్లు రెచ్చిపోతున్నారు. జిల్లాలో చిన్నారులపైనా పైశాచికత్వానికి తెగబడుతున్న వరుస ఘటనలు ఆందోళన కలిగిస్తున్నాయి. వీటిలో కొన్ని వెంటనే వెలుగులోకి వస్తుండగా.. మరికొన్ని ఇతర కేసుల విచారణ సమయంలోనో.. బాధితులు అనారోగ్యానికి గురైనప్పుడో వెలుగు చూస్తున్నాయి. పరువు పోతుందన్న భయంతో కొందరు తల్లిదండ్రులు విషయం దాచిపెడుతున్నారు. నిందితులు తెలిసినవారై ఉండటం, పోలీసుల దృష్టికి తీసుకెళ్తే వేధింపులు ఇంకా పెరుగుతాయనే అభద్రత భావంతో చాలామంది ఫిర్యాదు కూడా వెనుకాడుతున్నారు. ప్రశ్నార్థకంగా భద్రతజిల్లాలో చిన్నారులపై అఘాయిత్యాలు పెరుగుతుండటం ఆందోళన కలిగిస్తోంది. జిల్లాలో 2024లో 24 లైంగిక దాడులు, 27 పోక్సో కేసులు నమోదు కాగా, గతేడాది లైంగిక దాడులు 22, పోక్సో కేసులు 18 నమోదయ్యాయి. ఈ ఏడాది జిల్లాలో పలు కేసులు వెలుగులోకి వచ్చినా అధికారికంగా వివరాలు వెల్లడించేందుకు పోలీసులు వెనుకాడుతున్నారు. ఇటీవల కాగజ్‌నగర్‌ పట్టణంలో సొంత మేనమామ అమ్మమ్మ ఇంటికి వచ్చిన ఐదేళ్ల చిన్నారిపై అఘాయిత్యానికి పాల్పడిన ఘటన జిల్లావ్యాప్తంగా సంచల నం సృష్టించిన విషయం తెలిసిందే. బాలిక ఆనా రోగ్యానికి గురై వైద్యుల వద్దకు వెళ్లేవరకు విషయం వెలుగులోకి రాలేదు. అలాగే ఈ ఏడాది ఫిబ్రవరిలో సిర్పూర్‌ నియోజకవర్గంలోని ఓ మండలంలో ఖాళీగా జులాయిగా తిరిగే 16 ఏళ్ల బాలుడు ఆరేళ్లు, తొమ్మిదేళ్ల వయసున్న ఇద్దరు చిన్నారుల లైంగిక దాడికి ఒడిగట్టాడు. ఇలా చాలా నేరాల్లో బాలికలకు తెలిసినవారే అఘాయిత్యానికి పాల్పడుతున్నారు. తల్లిదండ్రులు నిత్యం పిల్లలను గమనిస్తుండాలని నిపుణులు సూచిస్తున్నారు. విచారణ వేగవంతం చేసి నిందితులకు కఠిన శిక్షలు పడేలా చర్యలు తీసుకోవాలని తల్లిదండ్రులు కోరుతున్నారు.కఠిన శిక్షలు తప్పవు 18 ఏళ్లలోపు పిల్లలపై లైంగిక దాడులు, వేధింపులపై ప్రత్యేక దృష్టి సారించాం. బాధితులకు అండగా నిలుస్తూ పోక్సో కేసులు నమోదు చేస్తున్నాం. బాలికలపై వేధింపులకు కనీసం మూడేళ్లకు తగ్గని జైలు శిక్ష, అత్యధికంగా జీవిత ఖైదు విధిస్తారు. సీఐడీ నుంచి మానిటర్‌ చేయడంతోపాటు ప్రత్యేక కోర్టుల ద్వారా కేవలం 60 రోజుల్లో కఠిన శిక్షలు పడేలా చూస్తాం. మహిళల రక్షణ చట్టాలపై కళాశాలలు, పాఠశాలల్లో అవగాహన కల్పిస్తున్నాం. మహిళలు, యువతులు, బాలికలు ఎవరైనా వేధించినా, ఇబ్బందులకు గురిచేసినా వెంటనే షీ టీమ్‌, డయల్‌ 112కు సమాచారం అందించాలి. – వహీదుద్దీన్‌, డీఎస్పీ, కాగజ్‌నగర్‌

7డీజే నిర్వాహకులపై కేసు ఉమ్మడి ఆదిలాబాద్‌ జిల్లా పరిధిలో అనుమతి లేకుండా నిబంధనలకు విరుద్ధంగా ఏర్పాటు డీజేలు ఏర్పాటు చేసిన నిర్వాహకులపై పోలీసులు కేసు నమోదు చేశారు. వాహనాలు స్వాధీనం చేసుకున్నారు. 8లోuఆకాశం పాక్షికంగా మేఘావృతమై ఉంటుంది. సాధారణ ఉష్ణోగ్రతలు నమోదవుతాయి. కొన్ని ప్రాంతాల్లో తేలికపాటి వర్షం కురిసే అవకాశం ఉంది.గిరిజనపల్లెల్లో అక్షర దీపం కాసిపేట మండలం వందశాతం అక్షరాస్యత సాధించింది. ఇటీవల ఢిల్లీలో నిర్వహించిన కార్యక్రమంలో వలంటీర్లు, వయోజనులను సత్కరించారు. 8లోu బుధవారం శ్రీ 16 శ్రీ సెప్టెంబర్‌ శ్రీ 2026

రెబ్బెన: క్రీడలతో మానసిక ప్రశాంతత చేకూరుతుందని, ప్రతిఒక్కరూ సాధనకు సమయం కేటాయించాలని ఖైరిగూర ప్రాజెక్టు అధికారి మచ్చగిరి నరేందర్‌ అన్నారు. డబ్ల్యూపీఎస్‌ అండ్‌ జీఏ వార్షిక క్రీడల్లో భాగంగా గోలేటి టౌన్‌షిప్‌లోని సింగరేణి పాఠశాల మైదానంలో సోమవారం డిపార్ట్‌మెంటల్‌ స్థాయి వాలీబాల్‌ పోటీలు నిర్వహించారు. ఆయన మాట్లాడుతూ సింగరేణి ఉద్యోగులు దైనందిన జీవితంలో గంటపాటు మైదానంలో గడిపితే ఆరోగ్యంగా ఉంటారన్నారు. సెల్‌ఫోన్‌ వాడకం తగ్గించి నిత్యం నచ్చిన ఆట కోసం సమయం కేటాయించడం అలవాటుగా మార్చుకోవాలని సూచించారు. అనంతరం ఆయన క్రీడాకారులను పరిచయం చేసుకుని పోటీలను ప్రారంభించారు. కాగా, ఎస్వోటూజీఎం జట్టుపై ఖైరిగూర పీవో జట్టు విజయం సాధించింది. ఆయా కార్యక్రమాల్లో ఏఐటీయూసీ నాయకులు బయ్య మొగిళి, డబ్ల్యూపీఎస్‌ అండ్‌ జీఏ గౌరవ కార్యదర్శి ప్రశాంత్‌, స్పోర్ట్స్‌ కోఆర్డినేటర్‌ కిరణ్‌బాబు, జనరల్‌ కెప్టెన్‌ అబ్బాస్‌ తదితరులు పాల్గొన్నారు.

ఆసిఫాబాద్‌: సర్వ విఘ్నాలను తొలగించి.. సకల శుభాలను ప్రసాదించే ఆ బొజ్జ గణపయ్యను ప్రతిష్టించుకోవడానికి జిల్లా అంతా భక్తిపారవశ్యంతో ఎదురుచూస్తోంది. విఘ్నేశ్వరుడిని కొలిచేందుకు వాడవాడలా మండపాలు ముస్తాబవుతున్నాయి. ఆదిదేవుడి ఆగమనం కోసం నిర్వాహకులు విద్యుత్‌ కాంతులు, డెకరేషన్లు, పందిళ్లు, షామియానాలతో అలంకరించారు. కొందరు పర్యావరణ స్పృహతో మట్టి గణపతులను పూజించేందుకు సిద్ధమయ్యారు. సోమవారం వినాయక చవితి సందర్భంగా ఈ ఏడాది జిల్లావ్యాప్తంగా సుమారు 800 నుంచి 1000 వరకు విగ్రహాలను ప్రతిష్టించే అవకాశం ఉంది. జిల్లా కేంద్రంలోనే సుమారు 50కి పైగా మంటపాలు ఏర్పాటు చేస్తున్నారు. గ్రామాలకు చేరుతున్న విగ్రహాలువినాయక చవితి సందర్భంగా ఆసిఫాబాద్‌, కాగజ్‌నగర్‌ పట్టణాల్లో భారీ విగ్రహాలు అమ్మకానికి సిద్ధంగా ఉంచారు. నిర్వాహకులు వారం ముందు నుంచే ఏర్పాట్లలో నిమగ్నం కాగా, విగ్రహాలను ముందస్తుగా బుకింగ్‌ చేసుకున్నారు. కొందరు శని, ఆదివారం నుంచే ప్రత్యేక వాహనాల్లో గ్రామాలకు తరలించారు. మంచిర్యాల, కోరుట్ల వంటి ప్రాంతాల నుంచి కూడా విగ్రహాలను తెప్పించుకుంటున్నారు. జిల్లా కేంద్రంలోని బజార్‌వాడి సంఘసేవా గణేశ్‌ మండలి వద్ద 18 అడుగుల భారీ గణనాథుడిని ప్రతిష్టించనున్నారు. ఆదివారం మార్కెట్లు విగ్రహాలు, పూజా సామగ్రి కొనుగోళ్లతో కళకళలాడాయి. భక్తులు పూజకు అవసరమైన పువ్వులు, పత్రి, పూజా సామగ్రి కొనుగోలు చేస్తున్నారు. ఇప్పటికే అన్ని మండలాల్లో పోలీసులు ఉత్సవ కమిటీ ప్రతినిధులతో శాంతి కమిటీ సమావేశాలు నిర్వహించారు. విగ్రహాల ఏర్పాటు నుంచి నిమజ్జనం వరకు అనుసరించాల్సిన నిబంధనలపై దిశానిర్దేశం చేశారు.

కౌటాల: వరుస పండుగల నేపథ్యంలో జిల్లాలో కోడి పందేలు జోరందుకున్నాయి. గ్రామీణ ప్రాంతాల్లో గుట్టుచప్పుడు కాకుండా రహస్యంగా నిర్వహిస్తున్నారు. పక్కా ప్లానింగ్‌తో పోలీసులు, జన సంచారం లేని స్థలాల్లో ఈ స్థావరాలు కొనసాగడం విశేషం. ఆదివారం ఒక్కరోజే జిల్లాలో రెండు మండలాల్లో పోలీసులు దాడులు చేసి నిందితులపై కేసు నమోదు చేశారు. బెజ్జూర్‌ మండలం ముంజంపల్లి గ్రామ శివారులో ఆదివారం కోడి పందేల స్థావరంపై దాడి చేసి పది మందిని అదుపులోకి తీసుకున్నారు. మూడు పందెం కోళ్లు, మూడు కత్తులు, నగదు స్వాధీనం చేసుకున్నారు. అదే రోజు చింతలమానెపల్లి మండలం గూడెం గ్రామ శివారులోనూ కోడి పందేలు నిర్వహిస్తున్న ఏడుగురిని పట్టుకున్నారు. ఐదు కోళ్లతోపాటు రూ.1560 నగదు, రెండు కత్తులు, మూడు బైక్‌లు స్వాధీనం చేసుకున్నారు. అలాగే ఈ నెల 12న సైతం బెజ్జూర్‌ మండలం కొత్తగూడెం శివారులో ముగ్గురు నిందితులపై కేసు నమోదు చేశారు. మూడు పందెం కోళ్లు, రెండు కత్తులు, రూ.600 నగదు స్వాధీనం చేసుకున్నారు. దాడులు చేస్తున్నా..పొలాల పండుగ నుంచి కాగజ్‌నగర్‌ డివిజన్‌ పరిధిలోని గ్రామాల్లో ఈ కోడి పందేలు జోరుగా సాగుతున్నాయి. పందెం ఆడేవారు కోళ్లను బైక్‌లపై స్థావరాలకు తరలిస్తున్నారు. వారంతపు సెలవుల్లో నిర్వహిస్తున్న కోడి పందేలపై పోలీసులు దాడులు చేస్తున్నా.. నిందితుల్లో మార్పు రావడం లేదు. పోలీసుల నిఘాకు దొరకకుండా నిత్యం స్థావరాలు మారుస్తున్నారు. ఈ ఆటపై నిషేధం ఉండగా, జంతు హింస నిరోధక చట్టం– 1960 ప్రకారం సెక్షన్‌– 11 కింద కేసులు నమోదు చేస్తారు.

శ్రీరాంపూర్‌: సింగరేణిలో ఎన్నికల వార్‌ మొదలైంది. గుర్తింపు సంఘం ఎన్నికల కాలపరిమితిపై కార్మిక సంఘాలు పోరుబాట పట్టాయి. గుర్తింపు సంఘం ఎన్నికల కాలపరిమితి రెండేళ్లే అని ప్రతిపక్ష సంఘాలు.. కాదు నాలుగేళ్లని గుర్తింపు సంఘం ఏఐటీయూసీ వాదిస్తోంది. ఇంతటితో ఆగకుండా టీబీజీకేఎస్‌, హెచ్‌ఎంఎస్‌, సీఐటీయూ లాంటి కార్మిక సంఘాలు ఎన్నికల కాలపరిమితిపై కోర్టులో రిట్‌ పిటిషిన్‌ దాఖలు చేశాయి. సింగరేణిలో ఏడో దఫా గుర్తింపు సంఘం ఎన్నికలు డిసెంబర్‌ 27, 2023న నిర్వహించారు. ఈ ఎన్నికల్లో ఐదు ఏరియాల్లో గెలిచి కంపెనీ వ్యాప్తంగా అత్యధిక ఓట్లు రావడంతో గుర్తింపు సంఘంగా ఏఐటీయూసీ, ఆరు ఏరియాల్లో గెలిచినా తరువాత స్థానంలో ఓట్లు రావడంతో ఐఎన్‌టీయూసీ ప్రాతినిధ్య సంఘంగా నిలిచింది. ఎన్నికలు జరిగిన తొమ్మిది నెలల తర్వాత అక్టోబర్‌ 9, 2024న ఏఐటీయూసీకి గుర్తింపు పత్రం, ఐఎన్‌టీయూసీకి ఆయా ఏరియాల్లో ప్రాతినిధ్య హోదా కల్పిస్తూ కంపెనీ అధికారికంగా ఉత్తర్వులు జారీ చేసింది. ఈ ఉత్తర్వుల్లో రెండేళ్ల కాలపరిమితిని పెట్టింది. దీని ప్రకారం కాలపరిమితి ముగిసినందున వెంటనే ఎన్నికలు నిర్వహించాలని ఏఐటీయూసీ మినహా సంఘాలన్నీ డిమాండ్‌ చేస్తున్నాయి. డిప్యూటీ సీఎల్‌సీ విడుదల చేసిన ఎన్నికల షెడ్యూల్‌లోనూ ఈ నిబంధన ఉందని వాదిస్తున్నాయి. కాగా, ఇప్పటివరకు ఏడుసార్లు గుర్తింపు సంఘం ఎన్నికలు నిర్వహించగా మొదటిసారి 1998లో మాత్రమే రెండేళ్ల కాలపరిమితితో ఎన్నికలు జరిగాయి. తరువాత గెలిచిన అన్ని సంఘాలు నాలుగేళ్లు అఽధికారంలో కొనసాగాయి. ఎన్నికల సమయంలో డిప్యూటీ సీఎల్‌సీ నుంచి, కంపెనీ నుంచి కాలపరిమితిపై స్పష్టత ఇవ్వకపోవడం, అప్పుడు అధికారంలో ఉన్న పార్టీలు తమ అనుకూలత కోసం ఉన్న కార్మిక సంఘాలకు అనుకూలంగా వ్యవహరిస్తూ రావడంతో నాలుగేళ్ల అధికారాన్ని అనుభవించాయి. 15న కోర్టులో వాదనలుగుర్తింపఎన్నికలు వెంటనే నిర్వహించాలని టీబీజీకేఎస్‌, సీఐటీయూ, హెచ్‌ఎంఎస్‌ నాయకులు హైకోర్టులో రిట్‌ పిటిషన్‌ దాఖలు చేశారు. దీనిపై కోర్టు డిప్యూటీ సీఎల్‌సీ, సింగరేణి యాజమాన్యానికి నోటీసులు జారీ చేసింది. టీబీజీకేఎస్‌ వేసిన పిటిషన్‌పై ఈ నెల 15న వాదనలు జరగనున్నాయి. కాగా, మళ్లీ ఎన్నికలు జరిగేవరకు అన్ని సంఘాలను సమానంగా గౌరవించాలని ఆయా సంఘాలు లేఖలు రాసి యాజమాన్యంపై ఒత్తిడి తెస్తున్నాయి. ఏడో దఫా ఎన్నికల ముందు సమాన హోదా కల్పిస్తూ కంపెనీ ఇచ్చిన ఉత్తర్వులను ఉటంకిస్తూ డిమాండ్‌ చేస్తున్నాయి. దీన్ని ఏఐటీయూసీ నేతలు తోసిపుచ్చుతున్నారు. తెరపైకి లేబర్‌ కోడ్‌లుఎన్నికలు ఎప్పుడు జరిగినా కేంద్ర ప్రభుత్వం తీసుకువచ్చిన కొత్త లేబర్‌ కోడ్‌లు అమలు చేయాలని సీఎల్సీ నిశ్చయంతో ఉంది. ఈ మేరకు డిప్యూటీ సీఎల్సీ కొత్త లేబర్‌ కోడ్‌లకు అనుగుణంగా ఎన్నికలు నిర్వహించనున్నట్లు తెలిసింది. దీని ప్రకారం ఇకముందు గుర్తింపు సంఘం కాలపరిమితి మూడేళ్లు ఉంటుందని, గుర్తింపు సంఘం, యాజమాన్యం ఒకే అభిప్రాయంతో ఉంటే దీన్ని గరిష్టంగా ఐదేళ్లు కొనసాగించుకునేలా కొత్త చట్టంలో అవకాశముంది. ఈ లేబర్‌కోడ్‌ల ప్రకారం ఎన్నికలు జరిగితే 51శాతం ఓట్లు వస్తేనే గుర్తింపు హోదా దక్కుతుంది. అంతకంటే తక్కువ వస్తే, అది కూడా 20శాతం మించి ఓట్లు వస్తేనే వారికి ప్రాతినిధ్య హోదా ఇస్తారు. ఎన్ని సంఘాలకు 20శాతం మించి ఓట్లు వస్తే అన్ని సంఘాల నుంచి ప్రతినిధులను కంపెనీ కార్మికుల ప్రతినిధులుగా (నెగోసేషన్‌ కౌన్సిల్‌ మెంబర్‌గా)గా గుర్తిస్తుంది. ఇదే జరిగితే కార్మిక సంఘాలన్నీ నిర్వీర్యం కావడం ఖాయమని, కార్మికుల డిమాండ్లకు బలం ఉండదనే వాదన వినిపిస్తోంది.

ఆసిఫాబాద్‌రూరల్‌: ఇప్పటివరకు సొంత పాఠశాలల్లోనే జరుగుతున్న ఎస్‌ఏ– 1, ఎస్‌ఏ– 2 జ వాబు పత్రాల మూల్యాంకనం ఇక కుదరదు. మండల విద్యా వనరుల కేంద్రాల్లో ఎక్స్‌టర్నల్‌ ఎవాల్యుయేషన్‌ పద్ధతిలో జవాబు పత్రాలు మూల్యాంకనం చేయాలని విద్యాశాఖ నిర్ణయించింది. ఈ మేరకు విద్యాశాఖ నుంచి ఉత్తర్వులు జారీ అయ్యాయి. అయితే బాహ్య మూ ల్యంకన విధానంపై ఉపాధ్యాయ వర్గాలు అ సంతృప్తి వ్యక్తం చేస్తున్నాయి. బోధన చేయాల్సి న సమయాన్ని ఎమ్మార్సీ కేంద్రాల్లో మూల్యాంకనానికి కేటాయించడం ద్వారా టీచర్‌పై ఒత్తిడి పెంచుతుందని చెబుతున్నారు. అలాగే తరగతి గది బోధన దెబ్బతిని, విద్యార్థుల చదువుపై ప్రతికూల ప్రభావం చూపుతుందని, మండల కేంద్రాలకు వెళ్లాల్సి రావడంతో సమయం వృథా అవ్వడమే కాక, రవాణా పరమైన ఇబ్బందులు ఎదురవుతాయని పేర్కొంటున్నారు. ఏకపక్ష నిర్ణయాలు తీసుకోకుండా క్షేత్రస్థాయిలోని పరిస్థితులు, అన్ని వర్గాల అభిప్రాయాలను పరిగణనలోకి తీసుకున్న తర్వాతే మూల్యాంకన విధానంపై తుది నిర్ణయం ప్రకటించాలని ఉపాధ్యాయ సంఘాలు డిమాండ్‌ చేస్తున్నాయి. ఆన్‌లైన్‌లో మార్కులుప్రాథమిక పాఠశాల, ప్రాథమికోన్నత పాఠశాల, ఉ న్నత పాఠశాలకు ఒకరు చొప్పున ఎవాల్యుయేషన్‌ ఇన్‌చార్జీలను నియమించాలని ఉత్తర్వుల్లో పేర్కొన్నారు. 3 నుంచి ఐదు రోజుల్లో జవాబు పత్రాలను మూల్యాంకనం చేసి ఆన్‌లైన్‌లో మార్కులు నమో దు చేయనున్నారు. తరగతులు, సబ్జెక్టుల వారీగా ఆ న్‌లైన్‌లో మార్కులు అందుబాటులో ఉంచుతారు. అలాగే 1 నుంచి 5వ తరగతి వరకు రూ.2లు, 6 నుంచి 10వ తరగతి వరకు రూ.3 చొప్పున ఉపాధ్యాయులకు ఎన్యూమరేషన్‌ చెల్లిస్తారు.ఎమ్మార్సీకి జవాబు పత్రాలుజిల్లాలో 733 ప్రభుత్వ పాఠశాలల్లో 45,273 మంది విద్యార్థులు చదువుకుంటున్నారు. 2,447 మంది ఉపాధ్యాయులు పనిచేస్తున్నారు. ఇప్పటివరకు ఎస్‌ఏ– 1, 2 పరీక్షలకు సంబంధించిన జవాబు ప త్రాలను అయా పాఠశాలల్లోనే ఉపాధ్యాయుల దిద్దేవారు. కొత్త విధానం అమల్లో కి వస్తే ఈ పరిస్థితి ఉండదు. అన్ని ప్రభు త్వ పాఠశాలల విద్యార్థులకు సంబంధించిన జవాబు పత్రాలను మండల కేంద్రాల్లోని ఎమ్మార్సీలకు చేరుస్తారు. అక్కడ ఒక పాఠశాలకు చెందిన పరీక్ష పత్రాలను వేరే పాఠశాల ఉపాధ్యాయులతో దిద్దిస్తా రు. విద్యార్థుల ప్రతిభను నిష్పక్షపాతంగా అంచనా వేయడం, మూల్యాంకనంలో పారదర్శకత తీసుకురావడమే లక్ష్యంగా నూతనం విధానం తీసుకొచ్చినట్లు అధి కారులు చెబుతున్నారు. త్వరలోనే అమలు పాఠశాలల్లో నిర్వహించే ఎస్‌ఏ– 1, 2 పరీక్షలకు సంబంధించి మూల్యాంకనా న్ని ఎమ్మార్సీల్లో చేసేలా ప్రభుత్వం ఈ విధానం తీసుకొచ్చింది. విద్యాశాఖ ఆదేశాల మేరకు జిల్లాలో త్వరలోనే కొత్త ఎ క్స్‌టర్నల్‌ ఎవాల్యుయేషన్‌ విధానం అమలు చేసేందుకు చర్యలు తీసుకుంటాం. – సచ్చిదానంద చారి, డీఈవో

వేలాది మందికి ఉపాధి వినాయక ఉత్సవాల కోసం ఏడాది మొత్తం ఎదురుచూస్తుంటాం. జిల్లాలో సుమారుగా ఎనిమిది వేల మంది ప్రత్యక్షంగా, పరోక్షంగా ఉపాధి పొందుతున్నారు. ఉత్సవాల నిర్వాహకులు సైతం స్థానికంగా కొనుగోళ్లకు ఆసక్తి చూపిస్తున్నారు. – మిథున్‌ మండల్‌, రవీంద్రనగర్‌, మం.చింతలమానెపల్లి అమ్మకాలు పెరుగుతాయి పండగ వేళల్లో దుకాణాల్లో అమ్మకాలు పెరుగుతాయి. తద్వారా మాకు ఆదాయం లభిస్తుంది. గ్రామీణ షాపులతోపాటు సూపర్‌ మార్కెట్లలోనూ రద్దీ పెరిగి గణనీయంగా విక్రయాలు జరుగుతాయి. – బొద్దున శ్రీనివాస్‌, వ్యాపారి, కౌటాలచింతలమానెపల్లి: పండగలంటే కేవలం నోములు, వ్రతాలు, పూజలు మాత్రమే కాదు. అన్ని వర్గాల ప్రజలకు ఆర్థిక భరోసా.. రాఖీ పౌర్ణమి, పొలాల అమావాస్య, వినాయక చవితి, దసరా, దీపావళి తదితర పండుగలు మారెట్లకు ఊతం ఇస్తున్నాయి. జిల్లాలో పర్వదినాలను పురస్కరించుకుని నిత్యావసరాలు, పూజా సామగ్రి, అలంకరణ వస్తువులు, కూరగాయల కొనుగోళ్లతో మార్కెట్లు కళను సంతరించుకున్నాయి. పొలాల అమావాస్యకు మట్టి ఎద్దుల తయారీ, వినాయక చవితికి మట్టి విగ్రహాలు, దీపావళికి ప్రమిదల తయారీతో మట్టి కళాకారులకు ఉపాధి లభిస్తోంది. దసరాకు తయారు చేసే అమ్మవారి విగ్రహాలు ప్రత్యేకంగా నిలుస్తున్నాయి. జిల్లా వ్యాప్తంగా మట్టి రూపాల తయారీతో వేలాది కుటుంబాలు జీవనం సాగిస్తున్నాయి. చింతలమానెపల్లి, బెజ్జూర్‌, కౌటాల, జైనూర్‌, కెరమెరి, వాంకిడి వంటి గ్రామీణ మండలాల్లో తయారు చేసిన మట్టి ఆకృతులను కాగజ్‌నగర్‌, ఆసిఫాబాద్‌, మంచిర్యాల తదితర పట్టణాలకు తరలించి విక్రయిస్తున్నారు. అలాగే పండుగ సమయాల్లో కిరాణా దుకాణాల నుంచి సూపర్‌ మార్కెట్ల వరకు కొనుగోలుదారులతో సందడిగా మారుతున్నాయి. వినాయక చవితి సందర్భంగా శనివారం నుంచే మండల కేంద్రాలు సందడిగా మారగా కాగజ్‌నగర్‌, ఆసిఫాబాద్‌ల్లో రద్దీగా మారాయి. వినాయక చవితికి విద్యుత్‌ అలంకరణ వస్తువులు, వెదురు బొంగులకు డిమాండ్‌ పెరిగింది. కాగజ్‌నగర్‌, ఆసిఫాబాద్‌తోపాటు మంచిర్యాల, చంద్రపూర్‌, హైదరాబాద్‌ వరకు నిర్వాహకులు వెళ్లి అలంకరణ వస్తువులు కొంటున్నారు. అలంకరణలు, సౌండ్‌, లైటింగ్‌పై సుమారుగా ఎనిమిది వేల మంది వరకు ఆధారపడి ఉపాధి పొందుతున్నారు.

వాంకిడి: వినాయక మండపాల వద్ద నిర్వాహకులు జాగ్రత్తలు పాటించాలని విద్యుత్‌ శాఖ ఎస్‌ఈ ఉత్తమ్‌ జాడె అన్నారు. మండల కేంద్రంలోని 33/11 కేవీ విద్యుత్‌ ఉప కేంద్రాన్ని ఆదివారం తనిఖీ చేశారు. విద్యుత్‌ సిబ్బందితోపాటు గణేష్‌ మండపాల నిర్వాహకులకు సూచనలు చేశారు. మండపాలు, రహదారులు, నిమజ్జన ప్రాంతాల వద్ద తెగిపోయిన తీగలు, లూజ్‌ వైర్లు, ప్రమాదకర స్తంభాలను గుర్తించి సిబ్బంది చర్యలు చేపట్టాలన్నారు. ప్రజలు 1912 టోల్‌ ఫ్రీ నంబర్‌కు సమాచారం ఇవ్వాలని సూచించారు. తడిసిన తీగలు, స్విచ్‌లు, విద్యుత్‌ పరికరాలు తాకొద్దన్నారు. స్విచ్‌ బోర్డులు పిల్లలకు అందకుండా ఉండేలా ఏర్పాటు చేసుకోవాలన్నారు. నిర్వాహకులు తప్పనిసరిగా భద్రత నియమాలు పాటించాలని కోరారు. కార్యక్రమంలో మండల ఇంజినీర్‌లు దినేష్‌, శ్రీనివాస్‌, ప్రేమ్‌సాగర్‌, సిబ్బంది పాల్గొన్నారు.

మందమర్రిరూరల్‌: మందమర్రి ఏరియాలోని సీఈఆర్‌ క్లబ్‌ ఆవరణలో ఆదివారం డబ్ల్యూపీఎస్‌ అండ్‌ జీఏ ఆధ్వర్యంలో ఏరియా స్థాయి ఇండోర్‌ గేమ్స్‌ నిర్వహించారు. ఈ పోటీలను ఏరియా సీనియర్‌ పీవో కార్తీక్‌ ప్రారంభించా రు. ఇందులో భాగంగా క్యారమ్స్‌, చెస్‌, బాడీ బిల్డింగ్‌, వెయిట్‌ లిఫ్టింగ్‌, పవర్‌ లిఫ్టింగ్‌ పోటీలు నిర్వహించారు. ఈ కార్యక్రమంలో ఏఐటీయూసీ నాయకులు వెంకటేశ్వర్లు, క్లబ్‌ సెక్రెట రీ బానయ్య, స్పోర్ట్స్‌ కోఆర్డినేటర్‌ శివకృష్ణ, జనరల్‌ కేప్టెన్‌ శ్రీనివాస్‌, తదితరులు పాల్గొన్నారు.

ఉమ్మడి జిల్లాలో 47 మందిబెల్లంపల్లి: అనాథగా మిగిలిపోయిన చిన్నారులకు అమ్మానాన్నల ప్రేమ లభిస్తోంది. అర్హులైన దంపతులకు పిల్లలను చట్టబద్ధంగా దత్తత ఇవ్వడం ద్వారా వారికీ ఓ కుటుంబం ఏర్పడుతోంది. అనాథ పిల్లలను కుటుంబం చెంతకు చేర్చడంలో ఉమ్మడి ఆదిలాబాద్‌ జిల్లా ముందంజలో ఉంది. దత్తత పొందిన దంపతులు చిన్నారులను అక్కున చేర్చుకుని మమతానురాగాలు పంచుతున్నారు. పేగుబంధాని కన్నా మిన్నగా అనుబంధాన్ని పెనవేసుకుంటున్నారు. దత్తత ద్వారా చిన్నారులు కొత్త కుటుంబాల్లోకి అడుగు పెడుతుండడం వారికి ఆనందాన్ని పంచుతోంది. మరో 123 మంది ఎదురుచూపుసంతానం లేని దంపతులు పిల్లల దత్తత కోసం తీవ్రంగా ఆరాట పడుతున్నారు. 2021 నుంచి 2026 ఆగస్టు 31 వరకు ఏకంగా 123 మంది దత్తత కోసం దరఖాస్తు చేసుకుని ఎదురు చూస్తున్నారు. తమవంతు ఎప్పుడెప్పుడా అని పడిగాపులు కాస్తున్నారు. కాగా 2000 సంవత్సరానికి ముందు దాదాపు 5 వరకు దరఖాస్తులు తిరస్కరించారు. దరఖాస్తు దారు ఆర్థిక స్థితిగతులు, గుణ గణాలు ఇతర అంశాలు ప్రతికూలంగా ఉన్నట్లు నిర్ధారించుకుని దత్తతకు నిరాకరించారు. కాగా ప్రత్యేక అవసరాలు కలిగిన చిన్నారులనూ ఆదరించడానికి ఎవరైనా ముందుకు రావల్సిన అవసరం ఉంది. చిన్నారులను దత్తత తీసుకోవాలనే ఆసక్తి కలిగిన దంపతులు వివరాల కోసం ఆదిలాబాద్‌లోని శిశుగృహ కేంద్రాన్ని సంప్రదించవచ్చు. శిశుగృహ మేనేజర్‌ విజయలక్ష్మిని ఫోన్‌ నంబరు 70958 21533లో సంప్రదించవచ్చు. ఆదిలాబాద్‌ జిల్లా కేంద్రంలోని శిశుగృహ 57 మంది అనాథ చిన్నారులకు ఆశ్రయం కల్పించింది. వీరిలో ఇప్పటి వరకు 47 మంది బాలబాలికలు దత్తతకు వెళ్లగా ప్రస్తుతం ఆరుగురు మా త్రమే ఉన్నారు. ఇందులో ముగ్గురు దివ్యాంగులు ఉన్నారు. మరో నలు గురు చిన్నారులు తా త్కాలిక వసతి పొంది వెళ్లిపోయారు. దత్తత వె ళ్లిన చిన్నారుల్లో 26 మంది బాలికలు, 21 మంది బాలురు ఉన్నారు. ఇందులో 2000 సంవత్సరా నికి పూర్వం దరఖాస్తు చేసుకున్న వ్యక్తులకు 32 మంది చిన్నారులను దత్తత ఇవ్వగా ఆ తర్వాత ఏడాది 2021 నుంచి 2026 ఆగస్టు 31 వరకు ద రఖాస్తు చేసుకున్న దంపతుల్లో అర్హతల ప్రాతిపదికన 15 మంది చిన్నారులను దత్తతఇచ్చారు. ఇతర రాష్ట్రాల నుంచి.. ఉమ్మడి జిల్లాకు చెందిన చిన్నారులను ఇతర రాష్ట్రాల తల్లిదండ్రులు దత్తత తీసుకుంటున్న మాదిరిగానే ఇతర జిల్లాలు, పరాయి రాష్ట్రాలకు చెందిన బాలబాలికలను మన ఉమ్మడి జిల్లా దంపతులు దత్తత తీసుకోవడంలో ఆదర్శంగా నిలుస్తున్నారు. 2000 నుంచి 2026 ఆగస్టు నెలాఖరు వరకు 42 మంది చిన్నారులను దత్తత తెచ్చుకున్నారు. అందరూ వంచితులే.. నవ మాసాలు మోసి జన్మనిచ్చిన తర్వాత పిల్లలు ఏదో రకంగా వంచితులు అవుతున్నారు. కారణమేదైనా కొందరు శిశువులు పసిప్రాయంలోనే అనాథలుగా మారుతున్నారు. ఆడపిల్లలు అనే వివక్షతో వదిలి వెళ్తుండగా.. కుటుంబ ఆర్థిక పరిస్థితులు, పోషణ భారం తదితర అంశాలతో శిశుగృహకు చేరుతున్నారు.

జన్నారం: హైదరాబాద్‌లోని దూలపెల్లి అకాడమీకి చెందిన 57 మంది శిక్షణ రేంజ్‌ అధికారులు డిప్యూటీ డైరెక్టర్‌ మంజుల ఆధ్వర్యంలో ఆదివారం కవ్వాల్‌ టైగర్‌జోన్‌ పరిధిలోని జన్నారం అటవీ డివిజన్‌లో పర్యటించారు. జన్నారం అటవీ డివిజన్‌లోని బైసన్‌కుంట, గొండుగూడ బేస్‌క్యాంపు, వాచ్‌టవర్‌, తదితర ప్రాంతాల్లో కాలినడకన కలియతిరిగారు. అడవి అందాలను చూస్తూ, ఆహ్లాదం పొందారు. అడవుల రక్షణ, వన్యప్రాణుల సంరక్షణకు డివిజన్‌లో తీసుకుంటున్న చర్యల గురించి ఎఫ్‌డీవో రామ్మోహన్‌ వారికి వివరించారు. అడవులు, గడ్డి క్షేత్రాల అభివృద్ధి, వన్యప్రాణుల కోసం ఏర్పాటు చేసిన కుంటలు, గడ్డి మైదానాలు, ఆవాసాలు, కలప స్మగ్లింగ్‌ నిరోధానికి తీసుకుంటున్న జాగ్రత్తలు వివరించారు. డాగ్‌స్క్వాడ్‌ వల్ల ఉపయోగం, స్మగ్లర్లను పట్టుకునే విధానం గురించి డాగ్‌స్క్వాడ్‌ బీట్‌ అధికారి అనిల్‌ వివరించారు. వారి వెంట రేంజ్‌ అధికారి ఖాదర్‌వలీ, సెక్షన్‌ అధికారులు మమత, శంకర్‌, బీట్‌ అధికారులు ఉన్నారు. ఈ సందర్భంగా వారిని పలుకరించిన ‘సాక్షి’తో తమ అభిప్రాయాలు వెల్లడించారు. వారి మాటల్లోనే..గేట్‌ నంబర్‌1 వద్ద శిక్షణ రేంజ్‌ అధికారులు

ఆసిఫాబాద్‌రూరల్‌: జిల్లా కేంద్రంలోని గిరిజన సంక్షేమ గురుకుల కళాశాల విద్యార్థిని జంగుబాయి జాతీయస్థాయి అథ్లెటిక్స్‌ పోటీలకు ఎంపికైంది. ఆదివారం కళాశాల ఆవరణలో ప్రిన్సిపాల్‌ అరుణ శ్రీ, వైస్‌ ప్రిన్సిపాల్‌ అనిత, పీడీ లక్షితో కలిసి అభినందించారు. వారు మాట్లాడుతూ ఆగస్టు 26 నుంచి 27 వరకు హనుమకొండలో జరిగిన రాష్ట్రస్థాయి అండర్‌– 16 బాలికల జావెలిన్‌ త్రో పోటీల్లో మడా వి జంగుబాయి ప్రతిభ చూపిందన్నారు. ఈ నెల 14 నుంచి 18 వరకు పాండిచ్చేరిలో జరిగే జాతీయస్థాయి జూనియర్‌ అథ్లెటిక్స్‌ చాపియన్‌ షిప్‌కు తెలంగాణ రాష్ట్రానికి ప్రాతినిధ్యం వహిస్తుందని తెలిపారు. జాతీయ స్థాయిలోనూ విజయం సాధించాలని కోచ్‌ విద్యాసాగర్‌ ఆకాంక్షించారు.

ఆసిఫాబాద్‌: లోక్‌ అదాలత్‌ ద్వారా 1,264 కేసులు పరిష్కరించి రూ.2,68,770 జరిమానా విధించినట్లు జిల్లా లీగల్‌ సెల్‌ సర్వీసెస్‌ అథారిటీ చైర్మన్‌ వి.శారదాదేవి తెలిపారు. జిల్లా కేంద్రంలోని కోర్టు సముదాయ భవనంలో శనివారం లోక్‌ అదాలత్‌ నిర్వహించారు. ఈ సందర్భంగా శారదాదేవి మాట్లాడారు. రాజీ మార్గంలో కేసులు పరిష్కరించుకుంటే డబ్బు, సమయం ఆదా అవుతుందని తెలిపా రు. కక్షిదారులు దీర్ఘకాలిక వివాదాలకు స్వస్తి పలకాలని సూచించారు. సాధారణ కేసుల్లో ఒకరి గెలుపు, ఒకరి ఓటమి ఉంటుండడంతో ఇరువర్గాల మధ్య వైషమ్యాలు పెరుగుతాయ ని, లోక్‌ అదాలత్‌ ద్వారా పరిష్కారమయ్యే కే సుల్లో ఇరుపక్షాలు విజయం సాధించినట్లేనని పేర్కొన్నారు. పైగా, స్నేహపూర్వక వాతావరణంలో వివాదాలు సమసిపోతాయని తెలిపా రు. సీనియర్‌ సివిల్‌ జడ్జి సంకేత్‌ మిత్ర, డీఎల్‌ఎస్‌ఏ సెక్రటరీ డి.అనూష, ప్రిన్సిపల్‌ జూని యర్‌ సివిల్‌ జడ్జి అనంతలక్ష్మి, బార్‌ అసోసియేషన్‌ అధ్యక్షుడు బోనగిరి సతీశ్‌బాబు, చీఫ్‌ అడ్మినిస్ట్రేటివ్‌ అధికారి కిరణ్‌కుమార్‌, డీఎస్పీ అశోక్‌, పోలీస్‌ అధికారులు పాల్గొన్నారు.

ఆసిఫాబాద్‌: గోమాతకు జాతీయ మాత హో దా కల్పించాలని గో సమ్మాన్‌ రాష్ట్ర ఇన్‌చార్జి సంకాదిక్‌ దాస్‌ కోరారు. గో సమ్మాన్‌ అభియాన్‌ మూడో దశలో భాగంగా శనివారం జి ల్లా కేంద్రానికి చేరుకుని విలేకరులతో మాట్లాడారు. డిసెంబర్‌ 17న భాగ్యనగరంలో ‘శ్రీ రాం జయ జయ రాం’ మహామంత్ర జ పం నిర్వహించిన అనంతరం ఆసిఫాబాద్‌ ము న్సిపాలిటీ స్థాయిలో సేకరించిన గోప్రేమికు ల సంతకాలను ముఖ్య కార్యదర్శికి అందించనున్నట్లు తెలిపారు. గోమాతకు జాతీయ మా త హోదా కల్పించాలనే ఉద్యమాన్ని ఉధృతం చేయడానికి ప్రస్తుతం సంతకాల సేకరణ కొ నసాగుతుందని పేర్కొన్నారు. ఈ కార్యక్రమంపై ప్రజల్లో మరింత అవగాహన కల్పించడమే తమ ఉద్దేశమని తెలిపారు. ఆదివారం జిల్లా కేంద్రంలోని కేశవనాథ ఆలయం వద్ద నిర్వహించనున్న కార్యక్రమానికి జిల్లాలోని గో భక్తులు, ప్రేమికులు అధికసంఖ్యలో హాజ రై విజయవంతం చేయాలని కోరారు. హిందూ సమాజ్‌ అధ్యక్షుడు రాజేశ్వర్‌ మసాదే, ప్రతినిధులు ఖాండ్రే విశాల్‌, ప్రవీణ్‌ దేశ్‌ముఖ్‌, గంగిశెట్టి వేణుగోపాల్‌, ఒరగంటి శ్రవణ్‌, వెంకన్న, గణేశ్‌, గో ప్రేమికులు పాల్గొన్నారు.

● సమ్మెకు దిగినా స్పందించని ప్రభుత్వం ఆసిఫాబాద్‌అర్బన్‌: ఏళ్లు గడుస్తున్నా, ప్రభుత్వాలు మారుతున్నా తమ సమస్యలు మాత్రం పరిష్కారం కావడం లేదని సమగ్ర శిక్షా అభియాన్‌ ఉద్యోగులు ఆవేదన వ్యక్తం చేస్తున్నారు. మూడేళ్ల క్రితం ఇదేరోజు అప్పుడు పీసీసీ అధ్యక్షుడి హోదాలో ఉన్న ప్రస్తుత ముఖ్యమంత్రి రేవంత్‌రెడ్డి కాంగ్రెస్‌ ప్రభుత్వం ఏర్పడగానే సమగ్ర శిక్ష ఉద్యోగుల సమస్యలు పరిష్కరిస్తామని హామీ ఇచ్చారు. కానీ, నేటికి మూడేళ్లయినా పట్టించుకోవడంలేదని ఉద్యోగులు వాపోతున్నారు. డిమాండ్ల సాధనకు నెలపాటు సమ్మెబాట కూడా పట్టారు. విద్యాశాఖ ఆధ్వర్యంలో సంక్షేమ పథకాలు, మౌలిక వసతుల కల్పనలో కార్యక్రమాలు క్షేత్రస్థాయిలో అమలు కావడంలో సమగ్ర శిక్ష ఉద్యోగులు కీలకపాత్ర పోషిస్తున్నారు. ఉచిత పుస్తకాలు, ఉచిత యూనిఫాంలు, మధ్యా హ్న భోజనం బియ్యం సరఫరా, ఉపాధ్యాయుల హాజరు నమోదు, ఆన్‌లైన్‌లో విద్యార్థుల నమోదు, బడీడు పిల్లలను గుర్తించి పాఠశాలల్లో చేర్పించడం లాంటి విధులు నిర్వహిస్తున్నారు. గురుకులాల్లో సీ ఆర్టీలు, పీజీ సీఆర్టీలు బోధన విధులు నిర్వహిస్తుండగా, బోధనేతర సిబ్బంది తమకు కేటాయించిన విధులు నిర్వర్తిస్తున్నారు. ప్రత్యేకాధికారులు కేజీబీ వీల నిర్వహణ బాధ్యతలు పర్యవేక్షిస్తున్నారు. అ కౌంటెంట్లు, ఏఎన్‌ఎంలు, కంప్యూటర్‌ ఇన్‌స్ట్రక్టర్లు, మండల స్థాయిలో సీఆర్పీలు, ఎంఐఎస్‌ కో ఆర్డినేటర్లు, డాటా ఎంట్రీ ఆపరేటర్లు, ఐఈఆర్‌పీలు, వ్యా యామ, ఒకేషనల్‌ ఉపాధ్యాయులు, కంప్యూటర్‌ ఇన్‌స్ట్రక్టర్లు, డే అండ్‌ నైట్‌ వాచ్‌మెన్లు, స్వీపర్లు, స్కా వెంజర్లు, జిల్లా స్థాయిలో ఏపీవోలు, సిస్టం ఎనలిసిస్ట్‌లు, టెక్నికల్‌ పర్సన్లు, డీఎల్‌ఎంటీ మెస్సెంజర్లు, మోడల్‌ స్కూళ్లల్లో పనిచేసే వార్డెన్లు, ఆపరేటర్లు, కేర్‌ టేకర్లు కూడా సమగ్ర శిక్ష పరిధిలోకి వస్తారు. జిల్లాలో 440 మంది.. జిల్లా వ్యాప్తంగా 440 మంది సమగ్ర శిక్ష ఉద్యోగులు పని చేస్తున్నారు. కస్తూరిబా విద్యాలయాల్లో 347 మంది పని చేస్తుండగా 54 మంది సీఆర్పీ లుగా, 10 మంది సీసీవోలుగా, 11మంది ఎంఐఎస్‌సీవోలుగా, 18 మంది ఐఈఆర్పీలుగా విధులు నిర్వరిస్తున్నారు. రాష్ట్ర ఉన్నతాధికారులకు కలెక్టర్‌ పంపించే యూడైస్‌, మధ్యాహ్న భోజన పథకం నివేదికల తయారీలో వీరు కీలక పాత్ర పోషిస్తున్నారు. ప్రభుత్వ పాఠశాలల్లో క్రాప్ట్‌, ఆర్ట్స్‌, ఫిజికల్‌ ఎడ్యుకేషన్‌ బోధించే ప్రత్యేక ఉపాధ్యాయులు సమగ్ర శిక్ష పరిధిలోకి వస్తారు. వీరు చాలీచాలని వేతనాలతో తీవ్ర ఇబ్బందులు ఎదుర్కొంటున్నారు. పెరుగుతున్న నిత్యావసరాల ధరలకు అనుగుణంగా వేతనాలు పెరగక కుటుంబాన్ని పోషించుకోలేక ఇక్కట్లు పడుతున్నారు. రెగ్యులర్‌ ఉద్యోగులతో సమానంగా పని చేస్తున్నా వచ్చే వేతనాలతో కనీస అవసరాలు తీర్చుకోలేక ఇబ్బందులు పడుతూ మానసికంగా కుంగిపోతున్నారు. ఉద్యోగుల డిమాండ్లు ఇవే.. తమను విద్యాశాఖలో విలీనం చేసి రెగ్యులర్‌ ఉద్యోగులుగా గుర్తించాలని సమగ్ర శిక్ష ఉద్యోగులు కోరుతున్నారు. పార్ట్‌టైం ఉద్యోగులను ఫుల్‌టైం ఉద్యోగులుగా గుర్తించి వేతనం పెంచాలని, రెగ్యులర్‌ ఉద్యోగుల మాదిరిగానే సదుపాయాలు కల్పించాలని విజ్ఞప్తి చేస్తున్నారు. 61 ఏళ్లు నిండిన ఉద్యోగులకు రూ.20లక్షల రిటైర్మెంట్‌ బెనిఫిట్స్‌, మరణించిన ఉద్యోగి కుటుంబానికి రూ.15 లక్షల చొప్పున పరిహారాన్ని చెల్లించాలని, ప్రతీ ఉద్యోగికి రూ.10 లక్షల జీవిత బీమా, రూ.5లక్షల ఆరోగ్య బీమా సదుపాయాన్ని కల్పించాలని డిమాండ్‌ చేస్తున్నారు. కలెక్టరేట్‌ ఎదుట చేపట్టిన నిరవధిక దీక్ష శిబిరంలో సమగ్ర శిక్ష ఉద్యోగులు (ఫైల్‌)

● వాడుతున్న పంటలకు జీవం ఆసిఫాబాద్‌/ఆసిఫాబాద్‌ రూరల్‌: జిల్లాలో శుక్రవారం రాత్రి నుంచి శనివారం సాయంత్రం వరకు వర్షం కురిసింది. వానలు లేక పక్షం రోజులుగా వివిధ పంటలు వాడిపోతుండగా తాజాగా కురిసిన వర్షం జీవం పోసినట్లయింది. దీంతో అన్నదాతలు ఆనందం వ్యక్తంజేస్తున్నారు. ఎల్‌నినో ప్రభావంతో జిల్లాలో సాధారణం కంటే 15నుంచి 20శాతం తక్కువగా వర్షాలు కురుస్తాయని వాతావరణశాఖ ప్రకటించింది. జిల్లాలో ఇప్పటివరకు సాధారణం కంటే లోటు వర్షపాతమే నమోదైంది. పంటలకు జీవం పోసిన వాన జిల్లాలో ఈ ఏడాది ఖరీఫ్‌లో 4.52 లక్షల ఎకరాల్లో వివిధ పంటలు సాగు చేశారు. వీటిలో 3.70 లక్షల ఎకరాల్లో పత్తి, 47వేల ఎకరాల్లో వరి, 21వేల ఎకరాల్లో కంది, 7.5 వేల ఎకరాల్లో మక్క, 5,700 ఎకరాల్లో ఇతర పంటలు సాగు కానున్నట్లు అధికారుల అంచనా. కాగా, ఇప్పటివరకు 1,40,760 ఎకరాల్లో వివిధ పంటలు సాగు చేయగా, వీటిలో 1,32,150 ఎకరాల్లో పత్తి, 8,250 ఎకరాల్లో కంది, 35 ఎకరాల్లో పెసర సాగు చేసినట్లు వ్యవసాయశాఖ అధికారులు పేర్కొంటున్నారు. పత్తి విత్తినప్పటి నుంచి దశలవారీగా రైతులు కలుపు తీస్తూ, ఎరువులు వేస్తూ కంటికి రెప్పలా కాపాడుకుంటూ వస్తున్నారు. ఈ క్రమంలో మొక్కలు ఏవుగా పెరిగి పూత, కాత దశలో ఉండగా, వర్షాలు లేక వాడిపోతున్నాయి. చేలల్లో చెట్ల మధ్య కలుపు తొలగించి, దౌర కొట్టి ఎరువు వేశారు. ఏపుగా పెరిగిన పత్తి, సోయా పంటలకు ఈ వర్షం ఎంతో మేలు చేసింది. జిల్లాలో వరి నాట్లు కూడా కొనసాగుతున్నాయి. 26మిల్లీ మీటర్ల వర్షపాతం శనివారం జిల్లాలో 47.24 మిల్లీ మీటర్ల సగటు వర్షపాతం నమోదు కాగా, అత్యధికంగా రెబ్బెన మండలంలో 93.5 మిల్లీ మీటర్లు కురిసింది. కాగజ్‌నగర్‌లో 78.8, కెరమెరిలో 64.3, వాంకిడిలో 48.8, ఆసిఫాబాద్‌లో 38.5, పెంచికల్‌పేట్‌లో 38.0, దహెగాంలో 33.0, సిర్పూర్‌(టీ)లో 28.5, బెజ్జూర్‌లో 24.5, తిర్యాణిలో 14.5, జైనూర్‌లో 10.0 మిల్లీ మీటర్ల వర్షపాతం నమోదైంది. ఆసిఫాబాద్‌ మండలంలోని కుమురంభీమ్‌ ప్రాజెక్ట్‌లో ఎగువనుంచి వరదనీరు చేరడంతో రెండు గేట్లు ఎత్తివేశారు. ప్రాజెక్ట్‌ గరిష్ట నీటి మట్టం 10.393 క్యూసెక్కులు కాగా, 6.137 క్యూసెక్కులకు చేరింది. ఇన్‌ఫ్లో 2,172 క్యూసెక్కులు ఉండగా, అవుట్‌ఫ్లో 1,378 కూసెక్కులున్నట్లు ప్రాజెక్ట్‌ అధికారులు తెలిపారు. పత్తి పంటకు మేలు పక్షం రోజులుగా రైతులు వర్షం కోసం ఎదురుచూస్తున్నారు. తాజాగా కురిసిన వర్షాలు పత్తి పంటకు మేలు చేశాయి. జిల్లాలో పంటల సర్వే కొనసాగుతోంది. సర్వేయర్లు పొలాల వద్దకు వచ్చినప్పుడు రైతులు అందుబాటులో ఉండి, సాగు చేసిన పంటల వివరాలు నమోదు చేసుకోవాలి. వివరాలు ఆన్‌లైన్‌లో నమోదైతేనే పండించిన పంటను విక్రయించే వీలుంటుంది. – మిలింద్‌, ఏడీఏ కుమురంభీం ప్రాజెక్ట్‌ రెండు గేట్ల నుంచి దిగువకు వెళ్తున్న నీరు నిలిచిన బొగ్గు ఉత్పత్తి.. రెబ్బెన: బెల్లంపల్లి ఏరియాలో శనివారం తెల్లవారుజాము నుంచి ఎడతెరిపి లేకుండా కురిసిన వర్షం కారణంగా బొగ్గు ఉత్పత్తి నిలిచిపోయింది. ఏరియాలోని ఖైరిగూ ర ఓసీపీ రోజువారీ ఉత్పత్తి లక్ష్యం సుమా రు 8వేల టన్నులు కాగా, క్వారీ లోపలి బొగ్గు ఉత్పత్తి ప్రాంతాలు వర్షపు నీటితో నిండాయి. దీంతో ఉత్పత్తి ప్రక్రియ నిలిపివేశారు. రెండో షిఫ్టు సమయానికి వర్షం తగ్గకపోవడంతో అధికారులు ఉత్పత్తి చేపట్టలేకపోయారు. సాయంత్రం కాస్త విరా మం ఇచ్చినా రాత్రి నుంచి ముసురు మొ దలైంది. దీంతో నైట్‌షిఫ్టులోనూ ఉత్పత్తి కొనసాగించే అవకాశాలు కనిపించలేదు. క్వారీలోని హాల్‌రోడ్లు బురదమయంగా మారడంతో డంపర్లను ఉపరితలంలో నిలిపివేశారు. వర్షం కారణంగా క్వారీ లోపలికి చేరుతున్న నీటిని ప్రత్యేక మోటర్ల ద్వారా తోడి బయటకు పంపిస్తున్నారు. మొదటి, రెండో షిఫ్టులో సుమారు 5వేల టన్నుల బొగ్గు ఉత్పత్తి నష్టపోయినట్లు సింగరేణి అధికారులు తెలిపారు. నష్టపోయిన బొగ్గు ఉత్పత్తి విలువ సుమారు రూ.2.5 కోట్లు ఉంటుందని అంచనా వేశారు.కుమురంభీం ప్రాజెక్ట్‌ గేట్లు ఎత్తివేత ఆసిఫాబాద్‌ మండలంలోని కుమురంభీమ్‌ ప్రాజెక్ట్‌ సామర్థ్యం 10.393 టీఎంసీలు (238 మీటర్లు) కాగా, ప్రస్తుతం 6.137 టీఎంసీలుగా ఉంది. 2,172 క్యూసెక్కుల ఇన్‌ఫ్లో వస్తుండగా రెండు గేట్లు ఎత్తి 1,378 క్యూసెక్కులను దిగువకు వదులుతున్నారు. ప్రాజెక్ట్‌ దిగువనున్న రాజుర, గుండి, రహపల్లి గ్రామాల ప్రజలు జాగ్రత్తగా ఉండాలని, మత్స్యకారులు చేపల వేటకు వెళ్లవద్దని ప్రాజెక్ట్‌ అధికారులు సూచించారు.

సాక్షి ప్రతినిధి, మంచిర్యాల: రేషన్‌ బియ్యం కేసులో అక్రమాలకు పాల్పడుతూ ఆధారాలతో దొరికిన బెజ్జూర్‌ ఎస్సై సర్తాజ్‌ పాషాపై వేటు పడింది. బెజ్జూరు పీఎస్‌ బాధ్యతల నుంచి తప్పించి జిల్లా కేంద్రానికి అటాచ్‌ చేస్తూ ఈ నెల 11న ఉత్తర్వులు వెలువడ్డాయి. గత నెల 30న ‘సాక్షి’లో ‘ఆ ఎస్సైపై వేటు?’ శీర్షికన కథనం ప్రచురితమైంది తెలిసిందే. ఇప్పటికే ఈ వ్యవహారంపై ఎస్పీ నితికాపంత్‌ సీరియస్‌గా తీసుకుని విచారణకు ఆదేశించి శాఖాపరమైన చర్యలకు సిద్ధమయ్యారు. తాజాగా అటాచ్‌ చేశారు. ఉన్నతాధికారుల తదుపరి ఆదేశాల మేరకు సస్పెన్షన్‌ వేటు వేస్తారా?.. లేదా? అనేది తేలాల్సి ఉంది. తొలినాళ్లలోనే వసూళ్ల పర్వం! శిక్షణ పూర్తయిన తొలినాళ్లలోనే సదరు ఎస్సై వసూళ్లకు పాల్పడడం విస్మయానికి గురి చేసింది. బెజ్జూరు పోలీస్‌స్టేషన్‌లో పని చేస్తున్న సమయంలో పీడీఎస్‌ బియ్యం వ్యాపారుల నుంచి నెలనెలా వసూళ్లకు పాల్పడ్డారు. అక్రమ దందా చేసే వర్గాల మధ్య ఉన్న విభేదాలను క్యాష్‌ చేసుకోవాలని యత్నించారు. గత నెలలో మహారాష్ట్రకు రేషన్‌ బియ్యం తరలిస్తూ పట్టుబడిన ఆటోలను సీజ్‌ చేసి వారిపై కేసు నమోదు చేశారు. అయితే, మరోచోట డంప్‌ చేసిన పీడీఎస్‌ బియ్యాన్ని సీజ్‌ చేయకుండా నిందితుడికి తెలియకుండానే మరో వ్యక్తితో అమ్మించారు. ఆ డబ్బులు తనకు తెలిసిన మంచిర్యాల జిల్లాకు చెందిన వ్యక్తికి ఫోన్‌ పే చేయించారు. ఈ విషయం డీసీసీ మైనార్టీ చైర్మన్‌ అర్షద్‌ హుస్సేన్‌కు బాధితులు తెలియజేయడంతో ఆధారాలతో ఎస్పీకి అందజేశారు. దీనిపై విచారణ చేపట్టగా, ఎస్సై డబ్బులు తీసుకున్న విషయం నిజమేనని తేలింది. దీంతో చర్యలు తీసుకోక తప్పలేదు. చర్యలు ఖాయమని తెలిసిన తర్వాత కూడా.. బెజ్జూర్‌ ఎస్సై వ్యవహారం జిల్లాలో హాట్‌టాపిక్‌గా మారింది. తనపై చర్యలు తీసుకోవడం ఖాయమని తెలిసి కూడా సదరు ఎస్సై వసూళ్లకు పాల్పడడం మరింత ఆఽశ్చర్యానికి గురి చేస్తోంది. ‘‘సర్‌ ట్రాన్స్‌ఫరై పోతున్నాడు.. నెలనెలా ఇచ్చే మామూళ్లు ఇప్పుడే ఇవ్వాలి’’ అంటూ స్టేషన్‌లో పని చేస్తున్న ఓ ప్రైవేట్‌ వ్యక్తితో ఎస్సై ఫోన్‌ చేయించారు. దీనిపై ఫోన్‌ సంభాషణ ఆడియో కూడా బయటపడింది. గతంలో ఇదే పోలీస్‌స్టేషన్‌లో పని చేస్తున్న ఓ వ్యక్తికి పలుసా ర్లు చెల్లించిన డబ్బుల వివరాలూ బయటకు రావడంతో మరింత లోతుగా విచారణ సాగుతోంది. మరోవైపు కుమురంభీం ఆసిఫాబాద్‌ జిల్లా టాస్క్‌ఫోర్స్‌లో ఏళ్లపాటు పాతుకుపోయి, అనేక అక్రమ దందాల్లో ఆరోపణలు ఎదుర్కొంటున్న మరో హెడ్‌ కానిస్టేబుల్‌నూ ములుగు జిల్లాకు బదిలీ చేశారు. అయితే, డీపీవోలో పని చేస్తున్న మరో కానిస్టేబుల్‌పై ఆరోపణలు వస్తున్న తరుణంలో ఎలాంటి చర్యలు తీసుకుంటారనే చర్చ డిపార్ట్‌మెంట్‌లో నడుస్తోంది.

సమ్మె సమయంలో సమగ్ర శిక్ష అభియాన్‌ ఉద్యోగులకు ఇచ్చిన హామీని రాష్ట్ర ప్రభుత్వం నిలబెట్టుకోవాలి. సమగ్ర శిక్షను పూర్తి స్థాయిలో విద్యాశాఖలో విలీనం చేసి ఆర్థికేతర సమస్యల పరిష్కారానికి వెంటనే ఉత్తర్వులు జారీ చేయాలి. పేస్కేల్‌ అమలు కోసం మంత్రివర్గ ఉపసంఘం సమావేశం ఏర్పాటు చేసి నిర్ణయం ప్రకటించాలి. ఉద్యోగులకు అప్పటి పీసీసీ హోదాలో ఇచ్చిన హామీని ప్రస్తుత సీఎం రేవంత్‌రెడ్డి అమలు చేయాలి. సమ్మెకాలపు వేతనాలు విడుదల చేసేలా చర్యలు తీసుకోవాలి. – సంతోష్‌, సమగ్ర శిక్ష ఉద్యోగుల జేఏసీ అధికార ప్రతినిధి

ఆసిఫాబాద్‌/ఆసిఫాబాద్‌అర్బన్‌: జిల్లా కేంద్రంలోని బ్రాహ్మణవాడలోగల గణేశ్‌ మందిర్‌లో వందేళ్లకు పైబడి గణేశ్‌ నవరాత్రోత్సవాలను ఘనంగా నిర్వహిస్తున్నారు. ఆలయంలో వినాయకుడిని గరిక ప్రియుడిగా భక్తులు కొలుస్తారు. జిల్లాలోని ఏకై క అతి పురాతన ఆలయం కావడంతో గణనాథుడిని దర్శించుకునేందుకు తెలంగాణతోపాటు ఆంధ్రప్రదేశ్‌, మహారాష్ట్ర నుంచి కూడా భక్తులు వస్తుంటారు. ఆలయంలో ప్రతినెలా నిర్వహించే సంకష్టహర చతుర్థి పూజలు, కోజాగిరి, ఎక్కాహంతోపాటు పర్వదినాల్లోనూ భక్తులు అధికసంఖ్యలో పాల్గొంటారు. గణేశ్‌ నవరాత్రుల్లో భాగంగా ఇప్పటివరకు దాతల సహాయంతోనే విగ్రహాన్ని ఏర్పాటు చేస్తున్నారు. ఎప్పుడు కొనుగోలు చేసిన దాఖలాలు లేవు. వినాయకుడి విగ్రహ దాతగా నిలిచేందుకు భక్తులు పోటీ పడుతుంటారు. ప్రస్తుతం మరో పదేళ్ల వరకు దాతల పేర్లు ఇదివరకే నమోదై ఉన్నాయి. భక్తుల సహకారంతో ఆలయంలో ఉత్సవాలు ఘనంగా భక్తిశ్రద్ధలతో నిర్వహిస్తున్నారు. నిమజ్జనోత్సవం అంగరంగ వైభవంగా నిర్వహిస్తారు. శోభాయాత్రగా వెళ్లి పెద్దవాగులో గణనాథుడిని నిమజ్జనం చేస్తారు. కేశవనాథస్వామి ఆలయంలో 106 ఏళ్లుగా.. జిల్లా కేంద్రంలోని బ్రాహ్మణవాడలో కొలువున్న కేశవనాథుడు భక్తుల కొంగు బంగారంగా వెలుగొందుతున్నాడు. చోళుల కాలంలో సిర్పూర్‌ గ్రామంలో చెత్తకుప్పలో దొరికి బ్రాహ్మణవాడ పెద్దలతో ఆసిఫాబాద్‌ బ్రాహ్మణవాడలో వెలిసిన శ్రీకేశవనాథస్వామిని 300 ఏళ్ల క్రితం ఆలయంలో ప్రతిష్ఠించారు. ఆలయంలో 106 ఏళ్లుగా నవరాత్రోత్సవాలను ఘనంగా నిర్వహిస్తున్నారు. ఇటీవలే ఆలయంలో శతాబ్ది ఉత్సవాలను అంగరంగ వైభవంగా నిర్వహించారు. గణపతి నవరాత్రుల్లో నిత్యం భజన, ప్రసాద వితరణ, మహా అన్నప్రసాద వితరణ కార్యక్రమాలు చేపడతారు. పూర్వం పట్టణంలో నాలుగు ప్రాంతాల్లోనే గణేశ్‌ నవరాత్రులు నిర్వహించేవారు. ఆలయంలో గణేశ్‌ నవరాత్రులతోపాటు శారదాదేవి ఉత్సవాలు, కార్తీక మాసం కాకడహారతి నెలరోజులు భక్తి శ్రద్ధలతో నిర్వహిస్తారు. ప్రస్తుతం ఆలయం దేవాదాయ, ధర్మాదాయ శాఖ పరిధిలో ఉంది. నిత్య పూజలతో ఈ ఆలయం దేదీప్యమానంగా వెలుగొందుతోంది. శివకేశవ మందిర్‌లో 103 ఏళ్లుగా.. జిల్లా కేంద్రంలోని శివకేశవ మందిర్‌ (వాసవీ) గణే శ్‌ మండలికి 103 ఏళ్ల చరిత్ర ఉంది. పట్టణానికి చెందిన శిర్ప వంశీయుల ఆధ్వర్యంలో ఆలయ నిర్మా ణం చేపట్టారు. ఆలయంలో శివకేశవుల విగ్రహాలు ఏర్పాటు చేయగా, 26 ఏళ్లక్రితం వాసవీ మాత విగ్రహాన్ని ప్రతిష్ఠించారు. పట్టణ ఆర్యవైశ్యుల ఆధ్వర్యంలో 1923లో తొలిసారి గణేశ్‌ నవరాత్రి వేడుకలు ప్రారంభించారు. వందేళ్ల క్రితం ప్రారంభించిన ఉ త్సవాలు నేటికీ నిర్విఘ్నంగా కొనసాగుతున్నాయి. గతంలో ఆలయంలోపలి గదిలో గణనాఽఽథుడిని ప్రతి ష్ఠించగా, మారుతున్న పరిస్థితులకు అనుగుణంగా ప్రస్తుతం ఆలయం పక్కన ఏర్పాటు చేసిన వరండాలో నెలకొల్పుతున్నారు. గతంలో శివకేశవ మందిర్‌ పేరిట ఏర్పాటు చేసిన గణేశ్‌ మండలి ప్రస్తుతం వా సవీ గణేశ్‌ మండలిగా మార్పు చెందింది. మూడు దశాబ్దాల క్రితం వరకు గణేశ్‌ నవరాత్రుల సందర్భంగా ప్రతిరోజూ ఆంధ్రప్రదేశ్‌లోని విజయవాడ కు చెందిన భాగవతార్‌లతో హరికథ చెప్పించేవా రు. సాంస్కృతిక కార్యక్రమాలు నిర్వహించేవారు. అంతటా గణపతి నవరాత్రోత్సవాలను తొమ్మిదిరోజుల పాటు నిర్వహిస్తుండగా, ఇక్కడ మాత్రం 11రాత్రుల అనంతరం 12వ రోజు విగ్రహాన్ని నిమజ్జనం చేయడం అనవాయితీగా వస్తోంది.

రెబ్బెన: గణేశ్‌ నవరాత్రోత్సవాల్లో భాగంగా మట్టి విగ్రహాలను నెలకొల్పి పర్యావరణ పరిరక్షణకు తోడ్పడాలని బెల్లంపల్లి ఏరియా జీఎం శ్రీరమేశ్‌ సూచించారు. గోలేటి టౌన్‌షిప్‌లో సింగరేణి ఆధ్వర్యంలో శనివారం మట్టి వినాయక విగ్రహాలను ఉచితంగా పంపిణీ చేశారు. ఈ సందర్భంగా జీఎం మాట్లాడారు. ప్రకృతిలో మమేకమై జీవిస్తేనే అన్ని రకాల జీవరాసులకు ఆరోగ్యకరమైన మనుగడ ఉంటుందని తెలిపారు. పీవోపీ, రసాయనాలతో తయారు చేసిన విగ్రహాలను చెరువులు, వాగుల్లో నిమజ్జనం చేస్తే జలవనరులు కలుషితమవుతాయని పేర్కొన్నారు. దేవుడిని భక్తితో పూజించడంతోపాటు పర్యావరణాన్ని కాపాడుకోవాల్సిన బాధ్యత అందరిపై ఉందని సూచించారు. ఏఐటీయూసీ నాయకుడు మారం శ్రీనివాస్‌, సీఎంవోఏఐ అధ్యక్షుడు నరేందర్‌, ఎస్వోటూ జీఎం రాజమల్లు, ఏరియా ఇంజినీర్‌ వీరన్న, ఏరియా సేఫ్టీ అధికారి స్వామి రాజు, డీజీఎం ఉజ్వల్‌కుమార్‌ బెహరా, సీనియర్‌ పీవో శ్రీనివాస్‌, ప్రశాంత్‌, ఇన్‌చార్జి ఎన్విరాన్‌మెంట్‌ అధికారి రమేశ్‌ తదితరులున్నారు.

సాక్షి ప్రతినిధి, మంచిర్యాల: ప్రత్యేక సమగ్ర పరిశీలన(ఎస్‌ఐఆర్‌)లో అన్‌మ్యాపింగ్‌, అనామలీస్‌ ఓటర్ల పరిశీలనతో బీఎల్‌వోలు, అధికారులకు తీవ్ర ఇబ్బందులు వస్తున్నాయి. ఓటర్లకు నోటీసుల జారీ నుంచి విచారణ(హియరింగ్‌) చేపట్టడం వరకు ప్రయాసగా మారింది. ఓటర్లకు తగిన రుజువులు లేకపోతే మరోసారి రావడం, ఓటర్లు నిర్ణీత సమయంలో బీఎల్‌వోల ముందు హాజరు కావడం లేదు. ఆ తేదీలు రద్దు(ల్యాప్స్‌) అవుతున్నాయి. బీఎల్‌వోలు ప్రతీ ఓటరు ఫొటో తీసుకుని యాప్‌లో అప్‌లోడ్‌ చేయాల్సి ఉంది. దీంతో చాలా చోట్ల వేలాది మంది ఓటర్ల పరిశీలనలో జాప్యం జరుగుతోంది. ఒక్కో రోజు ఒక అసెంబ్లీ నియోజకవర్గ పరిధిలో సగటున కనీసం వెయ్యికి పైనే ఓటర్ల పరిశీలన చేయాలని లక్ష్యంగా పెట్టుకున్నారు. కొందరు తగిన రుజువులు తీసుకురాకపోవడంతో మళ్లీ మళ్లీ హియరింగ్‌ ఏర్పాట్లు చేయాల్సి వస్తోంది. వృద్ధులు, మహిళలకు చాలామంది పదో తరగతి మార్కుల మెమో, బ్యాంకు పాస్‌బుక్‌, లేదా కుల ధ్రువీకరణలు అడుగుతున్నారు. ఆధార్‌, పాన్‌, రేషన్‌ కార్డులు ధ్రువీకరణకు ఆమోదించకపోవడంతోనూ ఇబ్బందులు వస్తున్నాయి. గడువులోపు పూర్తయ్యేనా?ప్రస్తుతం ముసాయిదా ఓటరు జాబితా ప్రకారం ఓటర్ల నుంచి అభ్యంతరాలు, ఫిర్యాదుల స్వీకరణ కొనసాగుతోంది. అదే సమయంలో ఓటర్ల తప్పుల ను సరిచేస్తున్నారు. చాలావరకు చిన్న పొరపాట్లు ఉన్నప్పటికీ తప్పనిసరిగా రుజువు చూపించాలి. వేలాది ఓటర్లకు నోటీసుల జారీ, హియరింగ్‌, తేదీ లు, బీఎల్‌వోలు ధ్రువపత్రాల పరిశీలన నుంచి ఆ ర్వోలు, ఎన్నికల సిబ్బంది, జిల్లా ఎన్నికల అధికా రుల వరకు పరిశీలన చేయాలి. దీంతో గడువులోపు సర్‌ ప్రక్రియ పూర్తవుతుందా? అనే సందేహాలు వ స్తున్నాయి. ఇప్పటికే ఎన్నికల కమిషన్‌ తుది జాబి తా ప్రచురణకు అక్టోబర్‌ 15నుంచి నవంబర్‌ 9వరకు గడువు పొడగించింది. నవంబర్‌ 5వరకు అభ్య ంతరాలు, ఫిర్యాదులను పరిష్కరించాల్సి ఉంది. ఈ క్రమంలో అనేక మంది ఓటర్లు సకాలంలో స్పందించకపోతే ఓటు హక్కు కోల్పోయే ప్రమాదం ఉంది.నియోజకవర్గాల వారీగా నోటీసుల వివరాలు ని.వర్గం నోటీసులు జారీ చేసింది పెండింగ్‌ హియరింగ్‌ హియరింగ్‌ ల్యాప్స్‌ సిర్పూర్‌ 53,245 37,474 15,771 7,564 17,081 ఆసిఫాబాద్‌ 52,647 30,990 21,657 6,608 14,398 చెన్నూరు 57,380 43,445 13,935 1,586 39,674 బెల్లంపల్లి 45370 39,629 5,741 1,828 21,344 ఆదిలాబాద్‌ 85525 23,596 61,929 3,339 56,722 బోథ్‌ 64,900 54,386 10,514 10,671 32,762 ఖానాపూర్‌ 68,052 62,436 5,616 13,964 25,462 నిర్మల్‌ 83,370 65,818 17,552 14,377 57,800 ముథోల్‌ 70,581 65,348 5,233 20,019 28,582 మంచిర్యాల 68,218 43,481 24,737 10,019 16,407

కెరమెరి: ప్రతీరోజు పుస్తకాలు, నోటు బుక్కులతో నిండిన బ్యాగును భుజాని వేసుకుని బడిబాట పట్టే విద్యార్థులకు ఇక నెలలో ఒకరోజు బ్యాగు భారం ఉండదు. పాఠ్య పుస్తకాలకు పరిమితమైన విద్యకు భిన్నంగా ఆటలు, పాటలు, కళలు, ప్రయోగాలు, సృజనాత్మకత, తదితర కార్యక్రమాలతో ఆహ్లాదకర అభ్యసన వాతావరణాన్ని కల్పించేందుకు రాష్ట్ర విద్యాశాఖ ‘నో బ్యాగ్‌ డే’కు శ్రీకారం చుట్టింది. గతంలో ప్రతీ శనివారం ‘నో బ్యాగ్‌ డే’ పాటించాలని ఆదేశాలు ఉన్నప్పటికీ ఎక్కడా అమలుకు నోచుకోవడం లేదు. దీంతో ఇక నుంచి ప్రతీనెల మూడో శనివారం ప్రభుత్వ పాఠశాలల్లో నో బ్యాగ్‌ డేను కచ్ఛితంగా అమలు చేయాలని విద్యాశాఖ ఆదేశాలు జారీ చేసింది. కళలకు పెద్దపీట..చిత్రలేఖనం, కథలు, పాటలు, నృత్యం, హస్తకళలు, వ్యాసరచన, వృక్తృత్వం, క్విజ్‌ వంటి కార్యక్రమాలకు అవకాశం కల్పించనున్నారు. విద్యార్థుల్లో దాగి ఉన్న ప్రతిభను గుర్తించి ప్రోత్సహించేందుకు ఇది మంచి వేదికగా మారనుంది. తరగతి గదిలో పె ద్దగా మాట్లాడని విద్యార్థులు సైతం తమ ప్రతిభను ప్రదర్శించే అవకాశం పొందనున్నారు. విజ్ఞానశాస్త్రంపై ఆసక్తి పెంచేందుకు చిన్నచిన్న ప్రయోగాలు, నమూనాల తయారీ, పరిశీలన కార్యక్రమాలు నిర్వహించనున్నారు. పుస్తకంలో చదివిన అంశాలను ఆచరణలో చూపించడం ద్వారా విద్యార్థుల్లో ప్రశ్నించే తత్వం, పరిశీలన శక్తి, తార్కిక ఆలోచన పెంపొందించడమే లక్ష్యంగా పెట్టుకున్నారు. ఉపాధ్యాయులకు సవాల్‌..విద్యార్థులు కేవలం ఆటలు, వినోదాలకే పరిమితం కాకుండా ప్రతీ కార్యక్రమం ద్వారా ఏదో ఒక విషయాన్ని నేర్చుకునేలా ఉపాధ్యాయులు కార్యాచరణ రూపొందించాలి. తరగతుల వారీగా విద్యార్థుల వయస్సు, ఆసక్తి, సామర్థ్యాలకు అనుగుణంగా కార్యక్రమాలు అమలు చేయాలి. ప్రతీ విద్యార్థి ఇందులో భాగస్వామ్యం అయ్యేలా చూడాలి. బడి అంటే చదువొక్కటే కాదు..విద్యార్థి సమగ్ర అభివృద్ధికి పాఠ్య పుస్తక జ్ఞానంతో పాటు సృజనాత్మకత, సామాజిక అవగాహన, క్రీడానైపుణ్యం, కళా ప్రతిభ కూడా అవసరం. ఈ నేపథ్యంలో ‘నో బ్యాగ్‌ డే’ ద్వారా విద్యార్థులకు విభిన్న అనుభవం అందించేందుకు విద్యాశాఖ ప్రయత్నం చేస్తోంది. నెలలో ఒక్కరోజైనా పుస్తకాల ప్రపంచం నుంచి బయటికి వచ్చి తమ చుట్టూ ఉన్న ప్రపంచాన్ని పరిశీలిస్తూ నేర్చుకునే అవకాశం విద్యార్థులకు లభించనుంది. కార్యక్రమం విజయవంతానికి తల్లిదండ్రుల సహకారం కూడా అవసరం. ఆరోజు పుస్తకాలు, నోట్‌ బుక్కులతో కూడిన బ్యాగ్‌ను పంపకుండా పాఠశాల సూచించిన కార్యక్రమాల్లో విద్యార్థులు పాల్గొనేలా ప్రోత్సహించాల్సి ఉంటుంది. పక్కాగా అమలు చేయాలి ఇక నుంచీ ప్రతీనెల మూడో శనివారం ‘నో బ్యాగ్‌ డే’ను ప్రతీ పాఠశాలలో పక్కాగా అమలు చేయాలి. కేటాయించిన తేదీల్లో పుస్తకాలతో రావద్దని విద్యార్థులకు చెప్పాలి. ఆటలు, పాటలు, సృజనాత్మకతకు పెద్దపీట వేయాలి. పాఠశాలల్లో పుస్తకేతర కార్యక్రమాలు అమలు చేయాలి. విద్యార్థులు ఒక్కరోజు స్వేచ్ఛగా ఉండేందుకు ఈ కార్యక్రమం ఉపయోగపడనుంది. – సచ్చిదానందచారి, జిల్లా విద్యాధికారి బరువుకు బ్రేక్‌విద్యార్థులకు చదువుపై ఒత్తిడిని తగ్గించడంతో పాటు విద్యను మరింత ఆసక్తికరంగా మార్చడమే ‘నో బ్యాగ్‌ డే’ ముఖ్య ఉద్దేశం. సాధారణ రోజుల్లో పాఠ్యాంశాల బోధనకు ప్రాధాన్యం ఇస్తే మూడో శనివారం మాత్రం ఆచరణాత్మక అభ్యసనకు పెద్దపీట వేయనున్నారు. విద్యార్థులు స్వయంగా పాల్గొని అనుభవం ద్వారా నేర్చుకునేలా కార్యక్రమాలు నిర్వహించనున్నారు. ఈ సందర్భంగా విద్యార్థులకు వివిధ రకాల ఆటల ద్వారా క్రమశిక్షణ, బృంద స్ఫూర్తి, నాయకత్వ లక్షణాలు, సమన్వయం వంటి అంశాలను నేర్పించనున్నారు. శారీరక దృఢత్వంతో పాటు మానసిక ఉల్లాసం కలిగేలా కార్యక్రమాలు రూపొందించనున్నారు.

ఆసిఫాబాద్‌అర్బన్‌: అటవీశాఖలో విధులు నిర్వహిస్తూ అమరులైన వారి త్యాగాలు మరువలేనివని జిల్లా అటవీ అధికారి బాలమణి అన్నారు. అటవీ అమరుల సంస్మరణ దినోత్సవాన్ని పురస్కరించుకుని శుక్రవారం జిల్లా కేంద్రంలోని అటవీశాఖ కార్యాలయ ఆవరణలో ఘనంగా నివాళులర్పించారు. ఈ సందర్భంగా ఆయన మాట్లాడుతూ గంధపు చెక్కల స్మగ్లర్‌ వీరప్పన్‌ చేతిలో ప్రాణాలు కోల్పోయిన ఐఎఫ్‌ఎస్‌ అధికారి శ్రీనివాస్‌ జ్ఞాపకార్థం ఏటా సంస్మరణ దినోత్సవం నిర్వహిస్తున్నట్లు తెలిపారు. అటవీ సంరక్షణలో అమరులైన 26 మంది త్యాగాలు వెలకట్టలేనివన్నారు. రాత్రిపూట వచ్చే సమాచారాలకు జట్టుగా వెళ్లాలని సూచించారు. అనంతరం జెండా ఊపి బైక్‌ర్యాలీని ప్రారంభించారు. ఈ కార్యక్రమంలో అటవీ అధికారులు మహేందర్‌, రమాదేవి, గోవింద్‌ చంద్‌ సర్దార్‌, రమేశ్‌, మజారుద్దీన్‌, జానియర్‌ ఫారెస్టు అసోసియేషన్‌ అధ్యక్షుడు యోగేష్‌ కులకర్ణి, సభ్యులు సద్దాం హుస్సేన్‌, సాయి, డిప్యూటి రేంజ్‌ అధికారులు విజయ్‌ ప్రకాష్‌, ఝాన్సీరాణి, ఇక్బాల్‌, జమీల్‌, శాబాజ్‌, తదితరులు పాల్గొన్నారు.

ఆసిఫాబాద్‌అర్బన్‌: జిల్లాలో శాంతి భద్రతలకు విఘాతం కలిగించే వారిపై కఠిన చర్యలు తప్పవని ఎస్పీ నితిక పంత్‌ అన్నారు. శుక్రవారం జిల్లా కేంద్రంలోని పోలీస్‌ కార్యాలయంలో నెలవారీ నేర సమీక్ష నిర్వహించారు. ఈ సందర్భంగా ఎస్పీ మాట్లాడుతూ అధికారులు, సిబ్బంది నిరంతరం ప్రజలకు అందుబాటులో ఉండాలన్నారు. డయల్‌ 112కు త్వరగా స్పందించాలన్నారు. కేసుల విచారణలో జాప్యం చేయరాదని, పోలీసు అధికారులు బాధ్యతగా వ్యవహరించాలన్నారు. అనంతరం జిల్లాలోని పోలీస్‌ స్టేషన్‌ల పరిధిలో ఉన్న పలు కేసుల వివరాలను అడిగి తెలుసుకొని, వాటి పురోగతికి కృషి చేయాలని ఆదేశించారు. కేసుల నమోదు, దర్యాప్తు, నేరస్తుల వివరాల నిర్వహణ, డేటా సమన్వయంలో సీసీటీఎన్‌ఎస్‌ను సమర్థవంతంగా వినియోగించాలన్నారు. మత్తు పదార్థాలు, మట్కా, జూదం, బెట్టింగ్‌ లాంటి అసాంఘిక కార్యకలాపాలకు పాల్పడే వ్యక్తులపై ప్రత్యేక నిఘా ఏర్పాటు చేయాలన్నారు. ప్రతీ పోలీస్‌స్టేషన్‌ పరిధిలో నాకాబంది, కమ్యునిటీ కాంటాక్ట్‌ ప్రోగ్రామ్స్‌ నిర్వహించాలన్నారు. సమావేశంలో ఆసిఫాబాద్‌ డీఎస్పీ అశోక్‌, కాగజ్‌నగర్‌ డీఎస్పీ వహీదుద్దీన్‌, తదితరులు పాల్గొన్నారు.

ఆసిఫాబాద్‌అర్బన్‌: వినియోగదారులకు మె రుగైన విద్యుత్‌ అందించాలని విద్యుత్‌శాఖ ఎస్‌ఈ ఉత్తం జాడె అన్నారు. శుక్రవారం ఆసిఫాబాద్‌ 132/33 కేవీ సబ్‌స్టేషన్‌ను సందర్శించారు. ఫీడర్ల వారీగా విద్యుత్‌ లోడ్‌, పీక్‌ అవర్స్‌లో డిమాండ్‌, ట్రాన్స్‌ఫార్మర్ల సామర్థ్యంపై అధికారులతో సమీక్షించారు. ఏడీఈ (ఆపరేషన్‌) దుస్సా శ్రీనివాస్‌ పాల్గొన్నారు. విద్యుత్‌ ప్రమాదాల నివారణకు చర్యలువిద్యుత్‌ ప్రమాదాల నివారణకు ‘జీరో యా క్సిడెంట్‌’ లక్ష్యంతో సమగ్ర భద్రతా చర్యలు చేపడుతున్నట్లు ఎస్‌ఈ ఉత్తమ్‌ జాడె ఒక ప్రకటనలో తెలిపారు. జనవరి నుంచి ఇప్పటి వర కు 467 మిడిల్‌ పోల్స్‌, 173 స్తంభాలు, 8 వేల మీటర్ల నూతన విద్యుత్‌లైన్‌ ఏర్పాటు చేసినట్లు పేర్కొన్నారు.

ఆసిఫాబాద్‌: దేశవ్యాప్తంగా జరుగుతున్న జనగణనలో ఓబీసీ కాలం చేర్చాలని, ప్రతీ కులానికి ఒక యూనిక్‌ కోడ్‌ కేటాయించాలని బీసీ సంక్షేమ సంఘం జిల్లా అధ్యక్షుడు రూప్‌నర్‌ రమేశ్‌ అన్నారు. బీసీల ధర్మపోరాట దీక్షలో భాగంగా శుక్రవారం జిల్లా కేంద్రంలో రిలే నిరాహార దీక్షలు చేపట్టారు. ఈ సందర్భంగా ఆయన మాట్లాడుతూ బీసీలకు జ నాభా ప్రాతిపదికన న్యాయం జరగాలంటే సమగ్ర కుల గణన ఎంతో అవసరమన్నారు. బీసీలకు న్యాయం జరిగే వరకు ఉద్యమాలను మరింత ఉధృతం చేస్తామన్నారు. కాంగ్రెస్‌ నియోజకవర్గ ఇన్‌చార్జి అజ్మీర శ్యాంనాయక్‌, ఏఎంసీ చైర్మన్‌ ఇరుకుల్ల మంగ, ఎమ్మార్పీఎస్‌ నాయకులు రేగుంట కేశవరావు దీక్షా శిబిరాన్ని సందర్శించి సంఘీభావం ప్రకటించారు. ఈ కార్యక్రమంలో బీసీ యువజన సంఘం జిల్లా అధ్యక్షుడు అవిడపు ప్రణయ్‌, రైతు సంఘం జిల్లా అధ్యక్షుడు వైరాగడే మారుతి పటేల్‌, బీసీ విద్యార్థి సంఘం జిల్లా అధ్యక్షుడు లోబడే లవ్‌కుమార్‌, ప్రధాన కార్యదర్శి గాజుల జక్కయ్య, ఉపాధ్యక్షుడు పురుషోత్తం బాలేశ్‌, మాలి సంఘం నాయకులు శంకర్‌, పద్మశాలి సంఘం పట్టణ అధ్యక్షుడు అనుమాండ్ల శ్రీకాంత్‌, తదితరులు పాల్గొన్నారు.

తిర్యాణి: వలసలు నివారించడంతో పాటు దారిద్య్రరేఖకు దిగువన ఉన్న నిరుపేదలకు ఉపాధి కల్పించాలనే ఉద్దేశంతో రూపొందించిన ఉపాధి హామీ పథకం పేరు ఇటీవల వీబీజీ రాంజీగా మార్చారు. దీంతో పాటు గతంలో జాబ్‌కార్డులో కలిగిన కుటుంబాలకు గరిష్టంగా వందరోజుల పనిదినాలే కల్పించగా ప్రస్తుతం వాటిని 125 రోజులకు పెంచారు. పథకంలో భాగంగా 2027–28, 2028–29, 2029–30 ఆర్ధిక సంవత్సరాలకు సంబంధించి క్షేత్రస్థాయిలో పనుల ప్రణాళికలను సిద్ధం చేయడానికి రెండు దఫాలుగా గ్రామసభలు నిర్వహిస్తున్నారు. క్షేత్రస్థాయిలో పనుల ప్రణాళికక్షేత్రస్థాయిలో పనుల ప్రణాళిక సిద్ధం చేయడానికి రెండు దఫాలుగా గ్రామసభలు నిర్వహిస్తున్నా రు. మొదటి గ్రామసభలో వీబీ జీ రాంజీ చట్టం ఉద్దేశాలతో పాటు గ్రామానికి సంబంధించిన ప్రగతి నివేదికను చదివి వినిపించడం, గత ఆర్థిక సంవత్సరంలో చేపట్టిన పనులు, ఖర్చు వివరాలు తెలియజేయడం, పురోగతిలో ఉన్న పనుల వివరాలను వెల్లడించడం, వీజీ జీ రాంజీలో అనుమతించిన 318 పనుల జాబితాను రైతులకు అర్థమయ్యేలా వివరించడం వంటివి చేపడుతారు. రెండో గ్రామసభలో ప్రతిపాదిత పనిపేరు, లబ్ధి దారుల వివరాలు, అంచనా వ్యయం, గుర్తించిన పనులు, ప్రాధాన్యత సంఖ్య, ఆశించిన ఫలితం వంటి వివరాలను సంబంధిత అధికారులు నమో దు చేసుకుంటారు. పనుల ప్రణాళికలను గ్రామసభలో రూపొందించేందుకు ఇప్పటికే అధికారులతో కూడిన మూడు బృందాలను ఏర్పాటు చేశారు. ఎంపీడీవో లేదా ప్రోగాం అధికారి టీం లీడర్‌ ఒక బృందం, అడిషనల్‌ ప్రోగాం ఆఫీసర్‌ అధ్యక్షతన మరో టీం, ఇంజనీరింగ్‌ కన్సల్టెంట్‌ టీం లీడర్‌గా మరో బృందం పని చేయనున్నారు. ఆయా బృందాల్లో టెక్నికల్‌ అసిస్టెంట్‌లు, ఫీల్డ్‌ అసిస్టెంట్‌లు, పంచాయతీ కార్యదర్శులు సభ్యులుగా ఉంటారు. అయితే మూడేళ్లకు సంబంధించి రూపొందించిన ప్రణాళికలో మొదటి ప్రాధాన్యత ఉన్న పనులను 2027–28 ఆర్థిక సంవత్సరంలో నిర్వహించనున్నారు.జిల్లా వివరాలుప్రణాళికలు సిద్ధం చేస్తున్నాం మూడు ఆర్థిక సంవత్సరాలకు సంబంఽధించి వీబీ జీ రాంజీ ద్వారా చేపట్టే పనులకు సంబంధించి గ్రామసభల ద్వారా ప్రణాళికలు సిద్ధం చేస్తున్నాం. ప్రస్తుతం మొదటి విడత గ్రామసభలు జరుగుతున్నాయి. త్వరలోనే రెండో విడత గ్రామసభలు నిర్వహిస్తాం. – షాకీర్‌ ఉస్మాని, అసిస్టెంట్‌ ప్రోగ్రాం అధికారి

కాగజ్‌నగర్‌టౌన్‌: వినాయక నవరాత్రి ఉత్సవాలు ప్రశాంత వాతావరణంలో జరుపుకోవాలని సబ్‌ కలెక్టర్‌ హర్ష్‌ చౌదరి అన్నారు. శుక్రవారం పట్టణంలోని ఎస్పీఎం క్లబ్‌లో వినాయక మండపాల నిర్వాహకులు, హిందూ ఉత్సవ సమితి సభ్యులతో సమావేశం ఏర్పాటు చేశారు. ఈ సందర్భంగా ఆయన వినాయక మండపాల వద్ద తీసుకోవాల్సిన జాగ్రత్తలు సూచించారు. విద్యుత్‌ శాఖ నుంచి అవసరమైన అనుమతులు పొందాలన్నారు. పట్టణంలోని గుంతల మయమైన రోడ్లకు మరమ్మతు చేయించాలని మున్సిపల్‌, ఆర్‌అండ్‌బీ అధికారులకు సూచించా రు. సమావేశంలో తహసీల్దార్‌ మధుకర్‌, మున్సిప ల్‌ కమిషనర్‌ తిరుపతి, డిప్యూటీ డీఎంఅండ్‌హెచ్‌వో సీతారాం, తదితరులు పాల్గొన్నారు. మోడల్‌ గ్రామసభకాగజ్‌నగర్‌టౌన్‌: పట్టణంలోని సిర్పూర్‌(టి) ఏకల వ్వ మోడల్‌ రెసిడెన్షియల్‌ స్కూల్‌లో సైన్స్‌ విభాగం ఆధ్వర్యంలో శుక్రవారం మోడల్‌ గ్రామసభ నిర్వహించారు. కార్యక్రమానికి ముఖ్యఅతిథిగా కాగజ్‌నగర్‌ సబ్‌ కలెక్టర్‌ హర్ష్‌చౌదరి హాజరయ్యారు. ఈ సందర్భంగా ఆయన మాట్లాడుతూ విద్యార్థుల్లో దాగి ఉన్న నైపుణ్యాలను వెలికితీసేందుకు ఇలాంటి కార్యక్రమాలు ఎంతగానో దోహదం చేస్తాయన్నా రు. ఈ కార్యక్రమంలో ప్రిన్సిపాల్‌ జి.రమేశ్‌, వైస్‌ ప్రిన్సిపాల్‌ కనికవర్మ, ఉపాధ్యాయులు మనీషా, రవిశంకర్‌, విద్యార్థులు పాల్గొన్నారు.

కాగజ్‌నగర్‌టౌన్‌: యునైటెడ్‌ ఫోరం ఆఫ్‌ బ్యాంక్‌ యూనియన్స్‌ పిలుపు మేరకు దీర్ఘకాలికంగా పెండింగ్‌లో ఉన్న డిమాండ్ల సాధనకు పట్టణంలోని ఏడీసీసీ బ్యాంక్‌ ఉద్యోగులు శుక్రవారం బ్యాంకు ఎదుట నిరసన వ్యక్తం చేశారు. పెండి ంగ్‌లో సమస్యలు పరిష్కరించాలని, ఐదు రో జుల పని విధానం అమలు చేయాలని డిమాండ్‌ చేశారు. కార్యక్రమంలో యూనియన్‌ వైస్‌ప్రెసిడెంట్‌ ఆజ్మీరా రాజేందర్‌, డైరెక్టర్లు గోగర్ల శ్రీనివాస్‌, సాయిచరణ్‌, శ్రీనివాస్‌, అనిల్‌కుమార్‌, తిరుపతి, గణపతి, హేమంత్‌, అజయ్‌ కుమార్‌, శ్రీవాణి, రవితేజ పాల్గొన్నారు.

ఆసిఫాబాద్‌: జిల్లాలోని ప్రభుత్వ వైద్య కళాశాలలో ఖాళీగా ఉన్న పోస్టుల భర్తీకి చర్యలు తీ సుకోవడం జరుగుతుందని అదనపు కలెక్టర్లు యువరాజ్‌ మర్మాట్‌, ఎం.డేవడ్‌ తెలిపారు. శుక్రవారం జిల్లా కేంద్రంలోని ప్రభుత్వ వైద్యకళాశాలలో వాక్‌ ఇన్‌ ఇంటర్వ్యూ నిర్వహించా రు. ప్రొఫెసర్లు, అసోసియేట్‌ ప్రొఫెసర్లు, అసిస్టెంట్‌ ప్రొఫెసర్లు, సీనియర్‌ రెసిడెంట్‌ పోస్టులను ఒక సంవత్సర కాల పరిమితికి ఒప్పంద ప్రాతిపదికన భర్తీ చేయనున్నట్లు తెలిపారు. ప్రభుత్వ వైద్య కళాశాలలో విద్యార్థులకు నాణ్యమైన వైద్య విద్య, శిక్షణ అందించడంతో పాటు అనుబంధ ప్రభుత్వ ఆసుపత్రికి వచ్చే రోగులకు మెరుగైన వైద్య సేవలందించేందుకు అవసరమైన వైద్యబోధనా సిబ్బంది ని సమకూర్చనున్నట్లు పేర్కొన్నారు.

కాగజ్‌నగర్‌టౌన్‌: జిల్లాలో ఆర్టీసీకి అధిక ఆదాయం సమకూరుస్తున్న కాగజ్‌నగర్‌లో ప్రత్యేక బస్‌ డిపో ఏర్పాటు చేయాలని ఎమ్మెల్యే పాల్వాయి హరీశ్‌బా బు డిమాండ్‌ చేశారు. దివంగత ఎమ్మెల్యే పాల్వా యి పురుషోత్తం హయాంలోనే డిపో ఏర్పాటుకు నాలుగెరాలు కేటాయించినా, 20 ఏళ్లుగా డిపో ఏర్పాటు ప్రతిపాదనలకే పరిమితమైందన్నారు. శా సన సభ సమావేశాల్లో భాగంగా గురువారం ఆయ న పలు అంశాలను అసెంబ్లీలో ప్రస్తావించారు. 114 రోజులుగా ఎస్పీఎం కార్మికులు సమ్మె చేస్తున్నా పట్టించుకోవడం లేదని, మిల్లులో వెంటనే గుర్తింపు సంఘం ఎన్నికలు నిర్వహించాలన్నారు. ప్రమాదా లు జరుగుతున్నా యాజమాన్యం కనీస ప్రమాణా లు పాటించడం లేదని ఆరోపించారు. ఉద్యోగ భద్ర త లేక ఔట్‌సోర్సింగ్‌ ఉద్యోగులు ఆందోళన చెందుతున్నారని, ప్రత్యేక కార్పొరేషన్‌ ఏర్పాటు చేయాలన్నారు. మున్సిపల్‌ కార్మికుల ఇబ్బందుల దృష్ట్యా 118 జీవోను రద్దు చేయాలని డిమాండ్‌ చేశారు. సిర్పూర్‌ నియోజకవర్గంలో పత్తిసాగు ఎక్కువగా ఉందని, కౌటాలలో రీసెర్చ్‌ సెంటర్‌ కోసం ప్రతిపాదనలు పంపించినట్లు తెలి పారు.

ఆసిఫాబాద్‌అర్బన్‌: అణగారిన వర్గాల హక్కులు, సామాజిక సమానత్వం, బలహీన వర్గాల శ్రేయస్సు కోసం వీరనారి చాకలి ఐలమ్మ సాగించిన పోరాటం నేటి తరానికి స్ఫూర్తిదాయకమని అదనపు కలెక్టర్‌ యువరాజ్‌ మర్మాట్‌ అన్నారు. జిల్లా కేంద్రంలోని కలెక్టరేట్‌లో వెనుకబడిన తరగతుల సంక్షేమ శాఖ ఆధ్వర్యంలో గురువారం నిర్వహించిన చాకలి ఐలమ్మ వర్ధంతికి అదనపు కలెక్టర్‌ డేవిడ్‌, జిల్లా గ్రంథాలయ సంస్థ చైర్మన్‌ అనిల్‌కుమార్‌, ఏఎంసీ చైర్‌పర్సన్‌ ఇరుకుల్ల మంగతో కలిసి హాజరయ్యారు. ఐల మ్మ చిత్రపటానికి పూలమాలలు వేసి నివాళులర్పించారు. ఐలమ్మ అణగారిన వర్గాల ప్రజల భూమి హక్కులు, ఆత్మగౌరవం కోసం చేసిన పోరాటాలు చిరస్మరణీయమని కొనియాడారు. కార్యక్రమంలో బీసీ సంక్షేమ శాఖ అధికారి నదీం మజీద్‌, బీసీ నాయకులు, అధికారులు పాల్గొన్నారు.

ఆసిఫాబాద్‌రూరల్‌: జిల్లా కేంద్రంలోని తెలంగాణ మోడల్‌ స్కూల్‌ గురువారం జిల్లాస్థాయి జూనియర్‌, సబ్‌ జూనియర్‌ బాలబాలికల నె ట్‌బాల్‌ ఎంపిక పోటీలు రసవత్తరంగా సాగా యి. జిల్లా నలుమూలల నుంచి 100 బాలికలు, 40 మంది బాలురు హాజరయ్యారు. సబ్‌ జూనియర్‌ విభాగంలో 24 మంది, జూనియ ర్‌ విభాగంలో 24 మంది బాలబాలికలను రాష్ట్రస్థాయి పోటీలకు ఎంపిక చేసినట్లు అసో సియేషన్‌ జిల్లా అధ్యక్షుడు అలీబిన్‌, ప్రధాన కార్యదర్శి తిరుపతి తెలిపారు. కాగా, ఈ పో టీలను మున్సిపల్‌ వైస్‌ చైర్మన్‌ ఎండీ అహ్మద్‌, యంగ్‌ ఇండియా జిల్లా అధికారి మీనారెడ్డి ప్రారంభించారు. ప్రిన్సిపాల్‌ మహేశ్వర్‌, కోచ్‌లు విద్యాసాగర్‌, అరవింద్‌, ఏడుకొండలు, రాకేశ్‌, పీడీలు, పీఈటీలు పాల్గొన్నారు.

చింతలమానెపల్లి మండలం రుద్రాపూర్‌లో 1,123 మంది రైతులకు చెందిన సుమారు మూడు వేల ఎకరాలకు పైగా భూములు 22ఏ జాబితాలో ఉన్నాయి. ఏళ్లుగా సాగు చేసుకుంటున్న భూములు నిషేధిత జాబితాలోకి చేరడంతో బ్యాంకు అధికారులు లోన్లు ఇవ్వడం లేదని, అత్యవసర సమయాల్లో అమ్ముకోలేకపోతున్నామని బాధిత రైతులు వాపోతున్నారు. ఆసిఫాబాద్‌: ప్రభుత్వ, ప్రైవేటు భూముల క్రయవిక్రయాల్లో పారదర్శకత కోసం అమలు చేస్తున్న 22ఏ జాబితా సామాన్య, మధ్య తరగతి ప్రజలకు కొత్త చిక్కులు తెచ్చిపెడుతోంది. జిల్లాలోని వేలాది ఎకరాల పట్టా భూములను ప్రభుత్వం 22ఏ జాబితాలో చేర్చడంతో క్రయవిక్రయాలకు ఆటంకం ఏర్పడుతోంది. రూ.లక్షలు పెట్టి వ్యవసాయ భూములు, ప్లాట్లు కొనుగోలు చేసిన ప్రజల పరిస్థితి అగమ్యగోచరంగా మారింది. వివాహాలు, ఇతర అత్యవసర అవసరాలకు సొంత భూమిని అమ్ముకోలేక, బ్యాంకులో తాకట్టు పెట్టలేక ఇబ్బందులు ఎదుర్కొంటున్నారు. జిల్లాలో చాలామందికి అవగాహన లేక 22ఏ జాబితా గురించి తెలియడం లేదు. క్రయవిక్రయాలు, బ్యాంకు లోన్లు, ఇతర అవసరాల సమయంలోనే తమ భూములు నిషేధిత జాబితాలో ఉన్నట్లుగా గుర్తిస్తున్నారు. పాస్‌ పుస్తకాలు ఉన్నా..జిల్లాలో 2023లో 1,97,869 ఎకరాల అసైన్డ్‌ భూ ములు ఉండగా, ప్రస్తుతం 1,85,286 ఎకరాలు ఉ న్నాయి. 2023లో 5,26,945 ఎకరాల ప్రభుత్వ భూ మి ఉండగా, 2026లో 5,32,725 ఎకరాలు, 2023 లో 19,000 ఇతర ప్రభుత్వ భూములు ఉండగా, 2026లో 17,00 ఎకరాలు ఉన్నట్లు అధికారిక లెక్కలు చెబుతున్నాయి. సాధారణంగా దేవాదాయ, వక్ఫ్‌ భూములు, కేంద్ర/రాష్ట్ర ప్రభుత్వ సంస్థల భూములు, సీలింగ్‌, అసైన్డ్‌ భూములు, కోర్టు వివా దాలు/విజిలెన్స్‌ ఆస్తులు, ప్రభుత్వం ప్రత్యేకంగా రిజిస్ట్రేషన్‌ నిషేధించిన భూములను 22ఏ జాబి తాలోకి చేర్చుతున్నారు. జిల్లాలో ప్రస్తుతం రెండు లక్షల ఎకరాలను ఈ నిషేధిత జాబితాలో చేర్చినట్లు సమాచారం. కానీ తాతల కాలం నుంచి సాగు చేసుకుంటూ పట్టా పాసుపుస్తకాలు ఉన్నా కూడా 22ఏ జాబితాలో చూపించడంపై రైతులు ఆందోళన చెందుతున్నారు. రాష్ట్ర రెవెన్యూశాఖ మంత్రి తప్పిదాలు సరిచేస్తామని ప్రకటించినా క్షేత్రస్థాయిలో ఇబ్బందులు తొలగడం లేదు. జిల్లాలో సుమారు 40 వేల ఎకరాల పట్టా భూములను ఈ జాబితాలో చేర్చారంటూ ఇటీవల మాజీ ఎమ్మెల్యే కోనేరు కోనప్ప నేతృత్వంలో బీఆర్‌ఎస్‌ మాజీ మంత్రి హరీశ్‌రావు బాధితులతో కలిసి కౌటాలలో బహిరంగ సభ నిర్వహించిన విషయం తెలిసిందే. అధికారుల తప్పిదం.. ఆన్‌లైన్‌ చిక్కులుకబ్జాలను అడ్డుకునే లక్ష్యంతో ప్రభుత్వ భూముల రక్షణ కోసం వాటి వివరాలను సేకరిస్తున్నారు. కానీ అధికారుల తప్పిదం, ఆన్‌లైన్‌ చిక్కులతో పట్టా భూములు కూడా 22ఏ నిషేధిత జాబితాలో చేరా యి. రైతులు, భూయజమానులు సబ్‌ రిజిస్ట్రార్‌ కార్యాలయానికి వెళ్తేగానీ భూములు నంబర్‌ 22ఏ లో ఉన్నట్లు తెలియడం లేదు. రెవెన్యూ శాఖ అధికారులు అన్‌లైన్‌ సర్వేలో జరిగిన పొరపాటే ఇందుకు కారణమని తెలుస్తోంది. ప్రభుత్వ, అసైన్డ్‌ భూములతోపాటు పట్టా భూములను క్షేత్రస్థాయిలో విచారణ లేకుండా గుడ్డిగా జాబితా తయారు చేశారని రైతులు మండిపడుతున్నారు. సంబంధిత అధికారులు క్షేత్రస్థాయిలో సర్వే చేపట్టి ప్రైవేటు భూములను 22ఏ జాబితా నుంచి తొలగించాలని కోరుతున్నారు. జిల్లా కేంద్రంలోనూ సమస్యగ్రామీణ ప్రాంతాలతోపాటు ఏకంగా జిల్లా కేంద్రంలోనూ పట్టా భూములు 22ఏ జాబితాలోకి వెళ్లిపోయాయి. ఆసిఫాబాద్‌ పట్టణంలో 66 ఎకరాల ప్రభుత్వ భూముల్లో ప్రభుత్వ కార్యాలయాలు ఉన్నట్లు రెవెన్యూ అధికారులు ఉత్తర్వులు జారీ చేశారు. తాజాగా మరిన్ని భూములు ఈ జాబితాలో చేర్చారు. సర్వే నంబర్‌ 61, 62లో పైకాజీనగర్‌ కాలనీ ఉంది. ఈ కాలనీల్లో వందలాది మంది ప్లాట్లు కొనుగోలు చేసి ఇళ్లు నిర్మించుకుని నివాసం ఉంటున్నారు. 61 సర్వే నంబర్‌ వక్ఫ్‌ బోర్డు జాబితాలో ఉండగా, తాజాగా 62 సర్వే నంబర్‌ను 22ఏ జాబితాలో చేర్చారు. సర్వే నం.62లో సుమారు 16 ఎకరాలు ప్రైవేటు భూమి, మూడెకరాల బీడీపీపీ భూమి ఉంది. రెవెన్యూ అధికారులు ఈ సర్వే నంబర్‌ మొత్తాన్ని నిషేధిత జాబితా కింద చేర్చడంతో రిజిస్ట్రేషన్లు నిలిచిపోయాయి. భూములు కొనుగోలు చేసిన యజమానులు ఆందోళనకు గురవుతున్నారు. జిల్లా కేంద్రంలోని పైకాజీనగర్‌కు చెందిన అనార్థం తిరుపతి సర్వే నం.62లో 25 ఏళ్ల క్రితం ఓ ప్లాట్‌ కొనుగోలు చేశాడు. ఇటీవల సొంత అవసరాల కోసం ప్లాట్‌ను మరొకరికి విక్రయించాడు. మూడు రోజుల క్రితం రూ.1.30 లక్షల చలాన్‌ డబ్బులు చెల్లించి రిజిస్ట్రేషన్‌ కార్యాలయానికి వెళ్తే మీ భూమి 22ఏ నిషేధిత జాబితాలో ఉందని అధికారులు చెప్పారు. గతంలో ఈ సర్వే నంబర్‌లో క్రయవిక్రయాలు జరిగాయి. కానీ ఇప్పుడు పట్టా భూములను నిషేధిత జాబితాలో చేర్చారని బాధితుడు చెబుతున్నాడు.పరిష్కార మార్గాలు ఇవే..నిషేధిత జాబితాలో పట్టా భూములు ఉంటే ఆందోళన చెందకుండా వివిధ మార్గాల్లో సమస్యను పరిష్కరించుకోవాలని అధికారులు సూచిస్తున్నారు. bhubharati.telengana.gov.in లేదా dharani.telangana. gov. in పోర్టల్‌లో లాగిన్‌ అయ్యి ఫోన్‌ నంబర్‌ ద్వారా దరఖాస్తు చేసుకోవచ్చు. ప్రభుత్వం ప్రతీ సోమవారం 22ఏ ఫిర్యాదులపై సమీక్ష నిర్వహిస్తుంది. దరఖాస్తులను మూడు రోజుల్లో పరిశీలించి పరిష్కారానికి అర్హమైనవా.. కాదా.. అని నిర్ణయిస్తారు. వక్ఫ్‌, ఎండోమెంట్‌ భూములకు సంబంధించిన ఫిర్యాదులకు వక్ఫ్‌ సీఈవో లేదా ఎండోమెంట్‌ కమిషనర్‌ను సంప్రదించాల్సి ఉంటుంది. అన్ని పత్రాలు సక్రమంగా ఉంటే నిషేధిత జాబితా నుంచి భూమి వివరాలు తొలగిస్తారు.

రెబ్బెన: రెబ్బెన ప్రభుత్వ జూనియర్‌ కళాశాలలో హిందీ జూనియర్‌ అధ్యాపకుడిగా పనిచేస్తున్న కిర్మరే సుధాకర్‌ ఉస్మానియా యూనివర్సిటీలో పీహెచ్‌డీ పూర్తి చేసి డాక్టరేట్‌ పట్టా అందుకున్నారు. యూనివర్సిటీలో జరిగిన 85వ స్నాతకోత్సవంలో రాష్ట్ర గవర్నర్‌ శివప్రతాప్‌ శుక్లా, భారత్‌ బయోటెక్‌ వ్యవస్థాపకులు, చైర్మన్‌ డాక్టర్‌ కృష్ణ ఎం.ఎల్లా, ఉపకులపతి ప్రొఫెసర్‌ కుమార్‌ మొలుగారం సమక్షంలో సుధాకర్‌ పట్టా స్వీకరించారు. తన పరిశోధన ప్రస్థానంలో సహకరించిన కుటుంబ సభ్యులు, గురువులు, పరిశోధన మార్గదర్శకులు, కళాశాల ప్రిన్సిపాల్‌, సహచర అధ్యాపకులకు ఆయన కృతజ్ఞతలు తెలిపారు.

కాగజ్‌నగర్‌టౌన్‌: సిర్పూర్‌ నియోజకవర్గంలో రాజకీయం వేడెక్కింది. ఎలాంటి ఎన్నికలు లేకపోయినా అధికార కాంగ్రెస్‌, బీఆర్‌ఎస్‌ పార్టీల మధ్య పొలిటికల్‌ వార్‌ నడుస్తోంది. ప్రధాన నాయకులతోపాటు మండల నాయకులు, సర్పంచ్‌లు నిత్యం ప్రెస్‌మీట్‌లు ఏర్పాటు చేస్తూ ఒకరిపై ఒకరు ఆరోపణలు, విమర్శలు చేసుకుంటున్నారు. ఉమ్మడి ఆదిలాబాద్‌ ఎమ్మెల్సీ దండె విఠల్‌, మాజీ ఎమ్మెల్యే కోనేరు కోనప్ప వర్గీయులు సోషల్‌ మీడియాలో ఒకరినొకరు విమర్శించుకుంటున్నారు. బీజేపీ నేతలు, స్థానిక ఎమ్మెల్యే పాల్వాయి హరీశ్‌బాబు వర్గీయులు మాత్రం ఈ వివాదాలకు దూరం ఉంటూ వ్యూహాత్మక మౌనం పాటిస్తున్నారు. హరీశ్‌రావు బహిరంగ సభ తర్వాత.. కౌటాల మండలంలో బీఆర్‌ఎస్‌ పార్టీ మాజీ ఎమ్మెల్యే కోనేరు కోనప్ప ఆధ్వర్యంలో ఈ నెల 4న ఏర్పాటు చేసిన బహిరంగ సభకు బీఆర్‌ఎస్‌ పార్టీ మాజీ మంత్రి తన్నీరు హరీశ్‌రావు హాజరయ్యారు. 22ఏ భూముల సమస్యలను ప్రస్తావించారు. అలాగే పలువురు నేతలు కాంగ్రెస్‌ పార్టీ, స్థానిక ఎమ్మెల్యే, ఎమ్మెల్సీలపై విమర్శలు చేశారు. ఈ క్రమంలో మాజీ ఎమ్మెల్యే కోనేరు కోనప్ప, ఎమ్మెల్సీ దండె విఠల్‌ మధ్య మాటల యుద్ధం మొదలైంది. ఒకరిపై ఒకరు తీవ్ర విమర్శలు చేసుకుంటుండటంతో ఎన్నికల వాతావరణం తలపిస్తోంది. కింది స్థాయి నాయకులు కూడా తమ నాయకులపై ఉన్న అభిమానాన్ని చాటుకుంటూ మండలాల్లో సైతం ఒకరిపై ఒకరు విమర్శలు చేసుకుంటున్నారు. సోషల్‌ మీడియాలో రచ్చ సిర్పూర్‌ నియోజకవర్గంలో పొలిటికల్‌ వార్‌ ఇప్పుడు చాయ్‌ దుకాణాల నుంచి సోషల్‌ మీడియాకు చేరింది. బీఆర్‌ఎస్‌, కాంగ్రెస్‌ పార్టీల నాయకులు, కార్యకర్తలు వాట్సాప్‌ గ్రూప్‌లు, ఫేస్‌బుక్‌, ఇన్‌స్టాగ్రామ్‌లో ఒకరిపై ఒకరు ఆరోపణలు, విమర్శలు చేసుకుంటూ రీల్స్‌తో రచ్చ చేస్తున్నారు. మండల కేంద్రాలతోపాటు గ్రామాల్లో సైతం ప్రస్తుతం ఇదే చర్చనీయాంశంగా మారింది. రెండు పార్టీల మధ్య రాజకీయ వేడి రగులుతుండగా, స్థానిక ఎమ్మెల్యే, మరో ప్రధాన పార్టీ బీజేపీ మాత్రం ఎలాంటి జోక్యం చేసుకోవడం లేదు. మౌనంగా ఉండడంతో భారతీయ జనతా పార్టీ ఏ వ్యూహం పాటిస్తుందోనని జనం చర్చించుకుంటున్నారు.

కౌటాల: పత్తి పంటలో సస్యరక్షణ చర్యలు చేపట్టడం ద్వారా అధిక దిగుబడి సాధించవచ్చని జిల్లా వ్యవసాయశాఖ అధికారి బి.వెంక ట్‌ అన్నారు. కౌటాల మండలం నాగేపల్లి గ్రా మ శివారులోని పంట చేలను గురువారం ప రిశీలించారు. ఈ సందర్భంగా రైతులకు పురు గు, తెగులు, పోషక, పోషక తదితర మందులను ఎంత మోతాదులో వినియోగించాలో వి వరించారు. పలు తెగుళ్లు సోకుతున్న నేపథ్యంలో వ్యవసాయ అధికారుల సూచన మే రకు మందులు పిచికారీ చేయాలన్నారు. వ లంటీర్‌ ద్వారా పంటల వివరాలను ఈ నెల 30లోగా నమోదు చేయించుకోవాలని సూచించారు. సర్పంచ్‌ కావుడే బిక్కు, ఏఈవో అంజన్న, రైతులు పాల్గొన్నారు.

ఆసిఫాబాద్‌అర్బన్‌: విద్యుత్‌ శాఖకు చెందిన సిబ్బంది ఫీల్డ్‌ ఆపరేషన్ల సమయంలో ప్రతిఒక్కరూ భద్రత ప్రమాణాలు పాటించడం ముఖ్యమని ఆ శాఖ డీఈ సుధాకర్‌, ఆసిఫాబాద్‌ సర్కిల్‌ ఎస్‌ఈ ఉత్తమ్‌ జాడె అన్నారు. జిల్లా కేంద్రంలోని సబ్‌ డివిజన్‌ కార్యాలయంలో బుధవారం అధికారులతో భద్రతా నియమాలు, జాగ్రత్తలపై సమీక్ష ని ర్వహించారు. ఫీల్డ్‌ ఆపరేషన్ల సమయంలో ప ని విధానం, సేఫ్టీ నిబంధనల గురించి వివరించారు. సమావేశంలో ఏఈలు, ఎస్‌బీఈ లు, ఆర్టిజన్లు, కాంట్రాక్ట్‌ కార్మికులు, అన్‌మ్యా న్డ్‌ సిబ్బంది, ఎలక్ట్రీషియన్లు పాల్గొన్నారు.

బెల్లంపల్లి: ప్రయాణికుల సౌలభ్యం, సరుకుల రవాణా రద్దీని అధిగమించడానికి బల్లార్షా–కాజీపేట మార్గంలో నాలుగో రైల్వే లైన్‌ నిర్మాణానికి రైల్వే శాఖ తుది దశ సర్వే, తనిఖీకి సిద్ధమైంది. గురు, శుక్రవారాల్లో దక్షిణ మధ్య రైల్వే జోన్‌, సికింద్రాబాద్‌ డివిజన్‌ అధికారులు ఉమ్మడిగా తనిఖీ చేపట్టనున్నారు. నాలుగో లైన్‌ నిర్మాణం సాధ్యాసాధ్యాలపై రైల్వే ఉన్నతాధికారులకు నివేదిక అందజేస్తారు. ఈ నెల 15లోగా సర్వే, తనిఖీ నివేదిక సమర్పించాలని రైల్వే అధికారులకు ఉత్తర్వులు జారీ అయ్యాయి. బొగ్గు, సరుకుల రవాణా దక్షిణ మధ్య రైల్వే జోన్‌ పరిధిలో నిత్యం బొగ్గు, సరుకుల రవాణా జోరుగా సాగుతోంది. ఈ క్రమంలో రైళ్ల రద్దీ కారణంగా సరిపడా లైన్లు లేక గూడ్స్‌ రైళ్లు నెమ్మదిగా ప్రయాణం సాగించాల్సి వస్తోంది. అనివార్యంగా వేగాన్ని నియంత్రించాల్సిన ప్రతికూల పరిస్థితులు ఉత్పన్నం అవుతున్నాయి. దీని నివారణ కోసం రైల్వేశాఖ నాలుగో లైన్‌ సర్వే, తనిఖీకి సిద్ధపడింది. బొగ్గు, సరుకుల రవాణాతోపాటు అవసరాలకు అనుగుణంగా ప్రయాణికుల రైళ్లను మరిన్ని ప్రవేశ పెట్టడానికి నాలుగో లైన్‌ ఉపయోగపడుతుందని అధికారులు భావిస్తున్నారు. ఎగువ, దిగువ మార్గాల్లో ఒకేసారి సమాంతరంగా రెండు రైళ్ల చొప్పున నడిచే అవకాశాలు ఉన్నట్లు సూత్రప్రాయంగా అంచనా వేశారు. మూడో లైన్‌పై రైళ్ల పరుగులు కాజీపేట నుంచి బల్లార్షా మధ్య 235 కిలోమీటర్ల దూరం ఉంటుంది. రాష్ట్రంలోని హనుమకొండ, కరీంనగర్‌, పెద్దపల్లి, మంచిర్యాల, కుమురంభీం ఆసిఫాబాద్‌, మహారాష్ట్రలోని చంద్రాపూర్‌ జిల్లాల మీదుగా నాలుగో రైల్వే మార్గం వెళ్తుంది. ఢిల్లీ–చెన్నయ్‌ గ్రాండ్‌ ట్రంక్‌ రైల్వేలో ఈ మార్గం భాగంగా కాగా ఇటీవలే రెండు నెలల క్రితం కాజీపేట–బల్లార్షా మార్గంలో నిర్మించిన మూడో మార్గం పూర్తి స్థాయిలో అందుబాటులోకి వచ్చింది. ఎలాంటి అంతరాయం లేకుండా మూడో మార్గంలో రైల్వే పరుగులు పెడుతున్నాయి. ప్రస్తుతం ఈ మార్గంలో బొగ్గు, సరుకు రవాణా రైళ్ల రద్దీ అధికంగా ఉంది. ముఖ్యంగా సింగరేణి ప్రాంతాలైన మందమర్రి, రవీంద్రఖని, బెల్లంపల్లి, రామగుండం నుంచి బొ గ్గు రవాణా రైళ్లు ఎక్కువగా నడుస్తున్నాయి. మహా రాష్ట్రలోని పర్భనీ, కర్ణాటకలో యాదగిరి దగ్గరకి రైళ్ల రాకపోకలు సాగుతున్నాయి. మూడో మార్గం మొత్తం పూర్తిగా ఒకే మార్గం(దిగువ మార్గంలో)లో లేదు, కొన్ని చోట్ల ఎగువ మార్గంలో, మరికొన్ని చోట్ల దిగువ మార్గంలో ఉండడం గమనార్హం. నాలుగో లైన్‌ నిర్మాణంతో.. ప్రస్తుతం సర్వే, తనిఖీ కోసం ప్రతిపాదించిన నాలుగో లైన్‌ నిర్మాణం పూర్తయితే బహుళ ప్రయోజనాలు కలుగనున్నాయి. అప్‌, డౌన్‌ మార్గాల్లో ఒకే పర్యాయం రెండు రైళ్లు చొప్పున ఏమాత్రం అవాంతరాలు లేకుండా, సిగ్నల్‌ సమస్య ఏర్పడకుండా పట్టాలపై పరుగులు పెట్టడానికి అవకాశాలు ఉన్నాయి. రైళ్ల రాకపోకలకు సమయం గణనీయంగా తగ్గే అవకాశం ఉంది. సరుకు రవాణా రైళ్ల వేగం కూడా పెరగనుంది.

ఆసిఫాబాద్‌అర్బన్‌: కాళోజీ నారాయణరావు కేవలం కవి మాత్రమే కాదని, సామాన్యుల సమస్యలను రచనలతో బలంగా వినిపించిన ప్రజాగొంతుక అని పోలీసు స్పెషల్‌ బ్రాంచ్‌ ఇన్‌స్పెక్టర్‌ సతీష్‌, ఆర్‌ఐ అడ్మిన్‌ వామనమూర్తి అన్నారు. తెలంగాణ ప్రజాకవి, సాహితీవేత్త కాళోజీ నారాయణరావు 112వ జయంతిని బుధవారం జిల్లా కేంద్రంలోని పోలీసు కార్యాలయంలో ఘనంగా నిర్వహించారు. ఆయన చిత్రపటానికి పూలమాలలు వేసి నివాళులర్పించారు. పోలీసు అధికారులు మాట్లాడుతూ తెలంగాణ యాస, భాషలో సామాజిక అంశాలను రచనలతో ప్రజలకు చేరువ చేసి చైతన్యం కల్పించిన గొప్ప ప్రజాకవి కాళోజీ అని కొనియాడారు. కాళోజీ సాహిత్యం నేటి తరానికి స్ఫూర్తిదాయకమన్నారు. ప్రజాసేవలో ఉన్న పోలీసు అధికారులు, సిబ్బంది బాధ్యతాయుతంగా పనిచేయాలని సూచించారు. నివాళులర్పిస్తున్న పోలీసు అధికారులు

ఆసిఫాబాద్‌: ఈ నెల 17 నుంచి అక్టోబర్‌ 17 వరకు బీజేపీ ఆధ్వర్యంలో సేవా సంకల్ప్‌ అభియాన్‌ కార్యక్రమం నిర్వహిస్తున్నట్లు ఆ పార్టీ జిల్లా అధ్యక్షుడు దోని శ్రీశైలం తెలిపారు. జిల్లా కేంద్రంలోని పార్టీ కార్యాలయంలో బుధవారం జిల్లాస్థాయి వర్క్‌షా పు నిర్వహించారు. ఆయన మాట్లాడుతూ నెల రో జుల పాటు వివిధ సేవ, సాంస్కృతిక, చైతన్య కార్యక్రమాలు బూత్‌స్థాయి నుంచి జిల్లాస్థాయి వరకు విజయవంతంగా నిర్వహించాలని సూచించారు. ఈ నెల 17న సాయంత్రం ప్రధాని నరేంద్ర మోడీ 25 ఏళ్ల ప్రజా సేవకు, వికసిత్‌ భారత్‌ 2047 సంకల్పానికి కృతజ్ఞతగా ప్రతీ బూత్‌లోని ప్రభుత్వ పథకాల లబ్ధిదారుల ఇళ్లలో దీపం వెలిగించేలా కార్యకర్తలు కృషి చేయాలన్నారు. సంబంధిత ఫొటోలు, వీడియోలను సోషల్‌ మీడియాలో పంచుకోవాలని కోరారు. కార్యక్రమంలో సేవా సంకల్ప్‌ అభియాన్‌ జిల్లా కన్వీనర్‌ కోట్నాక విజయ్‌కుమార్‌, జిల్లా ప్రధాన కార్యదర్శులు అరిగెల మల్లికార్జున్‌, రాపర్తి ధనుంజయ్‌ తదితరులు పాల్గొన్నారు.

రెబ్బెన: సింగరేణిలో గుర్తింపు, ప్రాతినిధ్య సంఘా ల కాలపరిమితి ముగిసినందున యాజమాన్యం అన్ని కార్మిక సంఘాలకు సమాన ప్రాధాన్యత ఇవ్వాలని టీబీజీకేఎస్‌ ఏరియా కార్యదర్శి ఓరం కిరణ్‌ కోరారు. బుధవారం ఖైరిగూర ఓసీపీలో ఇన్‌చార్జి మేనేజర్‌ విజయ్‌కుమార్‌ సాహూకు వినతిపత్రం అందించారు. ఆయన మాట్లాడుతూ ఈ నెల 8న గుర్తింపు, ప్రాతినిధ్య సంఘాల కాలపరిమితి ముగి సిందని తెలిపారు. ఇక నుంచి కార్మిక సమస్యల, హక్కుల పరిష్కారంలో అన్ని సంఘాలకు ప్రాతి నిధ్యం కల్పించాలని డిమాండ్‌ చేశారు. కార్యక్రమంలో కేంద్ర కమిటీ సభ్యులు సంపతి తిరుపతి, ఏరి యా నాయకులు కాయిత స్వామి, ఆర్గనైజింగ్‌ కార్యదర్శి సంఘీ ప్రశాంత్‌, ఫిట్‌ కార్యదర్శి బొంగు వెంకటేష్‌, సీనియర్‌ నాయకులు సంపత్‌రావు, షిఫ్ట్‌ ఇన్‌చార్జీలు రవి, అబ్దుల్‌ అజీమ్‌ పాల్గొన్నారు.

కలల కొలువుకు ఆసిఫాబాద్‌అర్బన్‌: ఆర్థిక ఇబ్బందులు, ప్రైవేటు కోచింగ్‌ సెంటర్ల భారీ ఫీజులు భరించలేక ఉద్యోగ కలలకు దూరమవుతున్న పేద నిరుద్యోగులకు జిల్లా పోలీసు శాఖ అండగా నిలిచింది. ఇటీవల కానిస్టేబుల్‌, ఎస్సై పోస్టుల భర్తీకి నోటిఫికేషన్‌ విడుదల కాగా, ఎస్పీ నితిక పంత్‌ ప్రత్యేక చొరవతో ఉచిత శిక్షణ కేంద్రం ఏర్పాటు చేశారు. జిల్లావ్యాప్తంగా 160 మంది అభ్యర్థులను ఎంపిక చేసి 90 రోజుల పాటు ఉచిత భోజనం, వసతితో కూడిన నాణ్యమైన శిక్షణ అందిస్తూ వారి కలల కొలువుకు ఊపిరి పోస్తున్నారు. నిష్ణాతులైన అధ్యాపకులతో ప్రిలిమ్స్‌, మెయిన్స్‌తో పాటు ఉదయం పూట ఫిజికల్‌ ఈవెంట్లకు ప్రత్యేక శిక్షణ ఇస్తున్నారు. జిల్లాలో 139 పోస్టులు రాష్ట్ర ప్రభుత్వం విడుదల చేసిన పోలీసు నియామక నోటిఫికేషన్‌లో వివిధ విభాగాల్లో జిల్లాలో 139 పోస్టులు ఖాళీగా ఉన్నాయి. ప్రభుత్వ ఉద్యోగం సాధించి సమాజంలో ఉన్నత స్థానంలో నిలవాలన్నది చాలామంది ఆకాంక్ష. ముఖ్యంగా యువత ఖాకీ కొలువుపై ఆశలు పెంచుకుంటారు. కానీ ఆ కలను నిజం చేసుకునే క్రమంలో ఎన్నో ఆర్థిక ఇబ్బందులు, ఒడిదొడుకులు వారిని వెనక్కి నెడుతుంటాయి. ముఖ్యంగా అన్నిరంగాల్లో వెనుకబడిన కుమురంభీం ఆసిఫాబాద్‌ జిల్లాలో ఆర్థిక స్థోమత లేక ప్రైవేటు కోచింగ్‌కు నిరుద్యోగులు దూరమవుతున్నారు. అలాంటి పేద నిరుద్యోగుల కలలకు ఊపిరి పోస్తూ జిల్లా పోలీసు శాఖ వారికి అండగా నిలుస్తోంది. 15 మండలాల పరిధిలో నిరుద్యోగులకు ప్రత్యేక పరీక్ష నిర్వహించి 160 మందిని ఎంపిక చేశారు. వీరికి 90 రోజుల పాటు భోజనం, వసతి కల్పిస్తూ ఉచిత శిక్షణ అందిస్తున్నారు. తెలుగు, ఇంగ్లిష్‌లో తరగతులు ఉచిత శిక్షణ కేంద్రాన్ని జిల్లా పోలీసు కార్యాలయంలోనే ఏర్పాటు చేయడంతో పాటు ఎస్పీ నితిక పంత్‌ ప్రత్యేక పర్యవేక్షణ చేస్తున్నారు. అభ్యర్థులకు అందుతున్న వసతులతో పాటు శిక్షణను గమనిస్తూ పలు సూచనలు, సలహాలు ఇస్తున్నారు. ఎలాంటి ఇబ్బందులు కలగకుండా పర్యవేక్షిస్తూ సిబ్బందికి ఎప్పటికప్పుడు ఆదేశాలు జారీ చేస్తున్నారు. శిక్షణలో పాల్గొన్న వారిలో అత్యధిక మంది ఉద్యోగాలు సాధించేలా కృషి చేస్తున్నారు. పోలీసు ఉద్యోగం సాధించాలంటే విషయ పరిజ్ఞానంతో పాటు ఫిజికల్‌ ఫిట్‌నెస్‌ కూడా ఎంతో ముఖ్యం. ఉచిత శిక్షణకు ఎంపికై న నిరుద్యోగులకు ఉదయం 6 గంటల నుంచి 7.30 గంటల వరకు ఫిజికల్‌ శిక్షణ ఇస్తున్నారు. దాంతో పాటు ప్రిలిమ్స్‌, మెయిన్స్‌ పరీక్షల్లో విజయం సాధించేందుకు తెలుగు, ఇంగ్లీష్‌ మా ధ్యమాల్లో శిక్షణను అందిస్తున్నారు. ఇందుకోసం నిష్ణాతులైన అధ్యాపకులను నియమించారు.

ఆసిఫాబాద్‌: వానాకాలం సీజన్‌ వరిధాన్యం కొనుగోళ్లకు ముందస్తు ఏర్పాట్లు చేయాలని కలెక్టర్‌ కె.హరిత అన్నారు. జిల్లా కేంద్రంలోని కలెక్టరేట్‌లో జిల్లా పౌరసరఫరాల శాఖ అధికారులు, ఇతర అధికారులతో బుధవారం సమీక్ష సమావేశం నిర్వహించారు. కలెక్టర్‌ మాట్లాడుతూ ధాన్యం నిల్వలకు అవసరమైన గోదాములు సిద్ధంగా ఉండాలన్నారు. సంబంధిత ఏజెన్సీలతో ముందస్తు సమావేశాలు నిర్వహించి కార్యాచరణ, ప్రణాళిక రూపొందించుకోవాలని సూచించారు. అవసరమైన మౌలిక సదుపాయాలు సమకూర్చుకుని అక్టోబర్‌ 1 నాటికి కొనుగోళ్లు ప్రారంభించాలని ఆదేశించారు. గత సీజన్‌కు సంబంధించిన వరిధాన్యం, గన్నీ సంచుల లెక్కలు సరిచూడాలన్నారు. వానాకాలం సీజన్‌లో ధాన్యం కొనుగోళ్లు పూర్తిగా ఆన్‌లైన్‌ విధానంలో నిర్వహించాలని కలెక్టర్‌ సూచించారు. ఘనంగా కాళోజీ జయంతి ఆసిఫాబాద్‌: జిల్లా కేంద్రంలోని కలెక్టరేట్‌లో కాళోజీ నారాయణ రావు 112వ జయంతి, తెలుగు భాషా దినోత్సవం బుధవారం ఘనంగా నిర్వహించారు. కలెక్టర్‌ కె.హరిత అదనపు కలెక్టర్లు యువరాజ్‌ మర్మాట్‌, ఎం.డేవిడ్‌, జిల్లా గ్రంథాలయ సంస్థ చైర్మన్‌ కామ్టే అనిల్‌కుమార్‌, తెలంగాణ కాలుష్య నియంత్రణ మండలి నోడల్‌ అధికారి భాస్కర్‌, ఏఎంసీ చైర్మన్‌ ఇరుకుల్ల మంగతో కలిసి ఆయన చిత్రపటానికి పూలమాలలు వేసి నివాళులర్పించారు. కాళోజీ సేవలను కలెక్టర్‌ కొనియాడారు. ప్రజల్లో సామాజిక చైతన్యం, పర్యావరణ పరిరక్షణపై అవగాహన కల్పించేందుకు ప్రతిఒక్కరూ కృషి చేయాలని సూచించారు. అనంతరం కాలుష్య నియంత్రణ మండలి ఆధ్వర్యంలో మట్టి గణపతుల విగ్రహాలను పంపిణీ చేశారు. రసాయనాలు, ప్లాస్టర్‌ ఆఫ్‌ పారిస్‌తో తయారయ్యే విగ్రహాలకు బదులుగా పర్యావరణ హితమైన మట్టి గణపతులను ప్రతిష్టించాలన్నారు. సమావేశంలో బీసీ సంక్షేమ అధికారి అహ్మద్‌, బాలల సంరక్షణ అధికారి మహేశ్‌, సంబంధిత అధికారులు పాల్గొన్నారు.

దహెగాం: ఎన్నిక సంఘం నిబంధనల మేరకు సర్‌ ప్రక్రియలో అర్హులు ఓటు కోల్పోకుండా చర్యలు తీసుకుంటున్నామని కాగజ్‌నగర్‌ సబ్‌ కలెక్టర్‌ హర్ష్‌ చౌదరి తెలిపారు. మండల కేంద్రంలోని తహసీల్దార్‌ కార్యాలయాన్ని బుధవారం తనిఖీ చేసి సిబ్బందితో సమావేశమయ్యారు. దహెగాం మండలంలో 6,432 మందికి నోటీసులు జారీ చేయాల్సి ఉండగా, 2,390 మందికి మాత్రమే అందించడంపై ఆగ్రహం వ్యక్తం చేశారు. నోటీసులు అందుకున్న వ్యక్తులు ధ్రువపత్రాలు అందించేలా అవగాహన కల్పించాలని ఆదేశించారు. బీఎల్‌వోలు సక్రమంగా పని చేయడం లేదన్నారు. పనితీరు మార్చుకుని సర్‌ ప్రక్రియ గడువులోగా పూర్తయ్యేలా చర్యలు చేపట్టాలన్నారు. సమావేశంలో తహసీల్దార్‌ మునవార్‌ షరీఫ్‌, సిబ్బంది పాల్గొన్నారు.

కాగజ్‌నగర్‌టౌన్‌: ఐదు రోజుల శిక్షణలో భాగంగా కాగజ్‌నగర్‌ మండలం కోసిని గ్రామంలోని ప్రకృతి వ్యవసాయ క్షేత్రాలను క్లస్టర్‌ రిసోర్స్‌పర్సన్లు(సీఆర్పీలు) బుధవారం డీఏవో వెంకట్‌, ఇతర అధికారులతో కలిసి సందర్శించారు. ఏడాదిగా ప్రకృతి వ్యవసాయం చేస్తున్న గ్రామానికి చెందిన రైతులు వెంకటేశ్వర్లు, సురేశ్‌ జీవామృతం, బీజామృతం వంటి సహజ ఎరువుల గురించి వివరించారు. అనంతరం హెచ్‌పీడీఎస్‌ పత్తి చేలు, ఆయిల్‌పామ్‌ తోటలను పరిశీలించారు. కార్యక్రమంలో వ్యవసాయ సంచాలకులు మనోహర్‌, ఏవో రామకృష్ణ, రైతు విజ్ఞాన కేంద్రం కోఆర్డినేటర్‌ డాక్టర్‌ మధు, టెక్నికల్‌ అధికారి దీప్తి తదితరులు పాల్గొన్నారు.

కాగజ్‌నగర్‌టౌన్‌: అటవీ సంపద, వన్యప్రాణులు, సహజ పర్యావరణాన్ని కాపాడేందుకు అటవీశాఖ ఆధ్వర్యంలో రక్షణ చర్యలను మరింత బలోపేతం చేస్తున్నట్లు ఎఫ్‌డీవో భార్గవ్‌కుమార్‌ తెలిపారు. కాగజ్‌నగర్‌ ఫారెస్ట్‌ డివిజన్‌ కార్యాలయంలో బుధవారం డివిజన్‌ పరిధిలోని అటవీ అధికారులు, సిబ్బందితో సమీక్ష సమావేశం నిర్వహించారు. ఎఫ్‌డీవో మాట్లాడుతూ అటవీ భూముల ఆక్రమణ, వన్యప్రాణుల వేట, చెట్ల నరికివేత, ఇతర అక్రమ కార్యకలాపాలను ఉపేక్షించేది లేదని స్పష్టం చేశారు. అడవుల్లో పెట్రోలింగ్‌, రక్షణ, గస్తీ, వాహనాల తనిఖీలు ముమ్మరం చేయాలని ఆదేశించారు. సున్నిత ప్రాంతాల్లో ప్రత్యేక నిఘా ఉంచాలని, అనుమానస్పద కార్యకలాపాలపై తక్షణమే చర్యలు తీసుకోవాలన్నారు. అవసరమైన ప్రాంతాల్లో కెమెరా ట్రాప్స్‌, మొబైల్‌ పెట్రోలింగ్‌, సాంకేతిక పర్యవేక్షణ వంటి ఆధునిక పద్ధతులను వినియోగించాలని సూచించారు. నీటి వనరులను పర్యవేక్షించాలని, వన్యప్రాణుల కదలికల పరిశీలనకు డ్రోన్లను వినియోగించాలని సూచించారు. సమావేశంలో కాగజ్‌నగర్‌, సిర్పూర్‌(టి), కర్జెల్లి, బెజ్జూర్‌, పెంచికల్‌పేట్‌ రేంజ్‌ల అధికారులు, సిబ్బంది పాల్గొన్నారు.

జిల్లా కేంద్రంలోని గిరిజన ఆదర్శ క్రీడాపాఠశాలలో బుధవారం జరిగిన జిల్లాస్థాయి ఎస్‌జీఎఫ్‌ క్రీడాపోటీలు ఆకట్టుకున్నాయి. అండర్‌ –14, 17 విభాగాల్లో బాలబాలికలకు అథ్లెటిక్స్‌, ఖోఖో, హ్యాండ్‌బాల్‌ పోటీలు నిర్వహించగా 800 మంది హాజరయ్యారు. అదనపు కలెక్టర్‌ యువరాజ్‌ మర్మాట్‌ హాజరై క్రీడాకారులకు ఆల్‌ ది బెస్ట్‌ చెప్పారు. క్రీడలతో శారీరక, మానసిక వికాసం మెరుగుపడుతుందన్నారు. ఉత్తమ ప్రతిభ చూపిన వారిని ఉమ్మడి జిల్లాస్థాయి పోటీలకు ఎంపిక చేస్తామని ఎస్‌జీఎఫ్‌ కార్యదర్శి రామ్మోహన్‌ తెలిపారు. కార్యక్రమంలో డీఈవో సచ్చిదానందచారి, గ్రంథాయ చైర్మన్‌ అనిల్‌, డీవైఎస్‌వో అశ్వక్‌, డీఎస్‌వో షేకు, పీడీ మీనారెడ్డి, కోచ్‌లు విద్యాసాగర్‌, అరవింద్‌ తదితరులు పాల్గొన్నారు. – ఆసిఫాబాద్‌రూరల్‌

ఆసిఫాబాద్‌అర్బన్‌: తెలంగాణ శాసనసభ స్పీకర్‌ గడ్డం ప్రసాద్‌పై అనుచిత వ్యాఖ్యలు చేశారని ఆరోపిస్తూ బీఆర్‌ఎస్‌ ఎమ్మెల్సీ తాతా మధు దిష్టిబొమ్మను మంగళవారం జిల్లా కేంద్రంలోని అంబేడ్కర్‌ చౌక్‌ వద్ద కాంగ్రెస్‌ పార్టీ శ్రేణులు దహనం చేసి నిరసన తెలిపాయి. ఏఎంసీ చైర్‌పర్సన్‌ ఇరుకుల మంగ, కాంగ్రెస్‌ మండల అధ్యక్షుడు రాపర్తి మురళి, కౌన్సిలర్‌ వినోద్‌ మాట్లాడుతూ శాసనసభ స్పీకర్‌పై అనుచిత వ్యాఖ్యలు చేసిన ఎమ్మెల్సీ తాతా మధును వెంటనే శాసన మండలి నుంచి తొలగించాలని డిమాండ్‌ చేశారు. శాసన సభ గౌరవాన్ని కాపాడేందుకు అవసరమైన చర్యలు చేపట్టాలన్నారు. ఈ కార్యక్రమంలో డీసీసీ ఉపాధ్యక్షులు తారీఖ్‌, భీంరావు, నాయకులు రవీందర్‌, జక్కన్న, రాంచందర్‌, మారుతి పటేల్‌, విశ్వనాథ్‌, ఇమ్రాన్‌ హష్మి, అసద్‌, నారాయణ, మొండి, నాగోరావ్‌, సంతోష్‌, రాము, భానుచందర్‌, ప్రవీణ్‌చారి తదితరులు పాల్గొన్నారు.

సివిల్‌ సర్వీస్‌లోకి రావడానికి తనకు ఒక విషాద అనుభవమే ప్రేరణ అని, చైన్నె వరదల సమయంలో ఐఏఎస్‌, ఐ పీఎస్‌ అధికారులు అందించిన సేవలు నన్ను ప్రభావితం చేశాయని కాగజ్‌నగర్‌ సబ్‌ కలెక్టర్‌ హర్ష్‌ చౌదరి తెలిపారు. ఆ తర్వాత సివిల్‌ సర్వీస్‌లో చేరాలనే తపన మినహా రెండో ఆలోచనే రాలేదని, సివిల్స్‌ సాధనకు నిద్రలేని రాత్రులు గడిపానని పేర్కొన్నారు. మంగళవారం ఆయన ‘సాక్షి’తో ప్రత్యేకంగా మాట్లాడారు. 8లోu ఆకాశం చాలావరకు మేఘావృతమై ఉంటుంది. ఉష్ణోగ్రతలు స్వల్పంగా తగ్గుతాయి. ఉక్కపోత అధికంగా ఉంటుంది. ఒకటి, రెండు చోట్ల వర్షం కురిసే అవకాశం ఉంది.

ఆసిఫాబాద్‌అర్బన్‌/కాగజ్‌నగర్‌టౌన్‌: గణేష్‌ ఉత్సవాల నేపథ్యంలో నిమజ్జన ప్రాంతాల్లో ఎలాంటి అవాంఛనీయ ఘటనలు చోటు చేసుకోకుండా తప్పనిసరిగా ముందస్తు జాగ్రత్తలు చేపట్టాలని ఎస్పీ నితిక పంత్‌ ఆదేశించారు. ప్రశాంతంగా, సురక్షితంగా నిమజ్జన కార్యక్రమం నిర్వహించేందుకు జిల్లా పోలీసు శాఖ సన్నద్ధమవుతుందని తెలిపారు. ఆసిఫాబాద్‌, కాగజ్‌నగర్‌లోని పెద్దవాగు ప్రాంతాలను మంగళవారం పరిశీలించారు. కాగజ్‌నగర్‌ పట్టణంలోని ప్రధాన చౌరస్తాలైన అంబేడ్కర్‌ చౌరస్తా, పొట్టి శ్రీరాములు చౌరస్తా తదితర ప్రాంతాలను తనిఖీ చేశారు. ఎస్పీ మాట్లాడుతూ వినాయక విగ్రహాలను తీసుకెళ్లే రూట్లలో వేలాడుతున్న విద్యుత్‌ తీగలను సరిచేయాలన్నారు. బారికేడింగ్‌, రోప్‌ బ్యారియర్స్‌, తగినంత లైటింగ్‌ ఏర్పాటు చేయాలన్నారు. విగ్రహాలతో వచ్చే వాహనాల కోసం ప్రత్యేక రూట్‌ మ్యాప్‌ రూపొందించి ట్రాఫిక్‌కు అంతరాయం లేకుండా చూడాలని ఆదేశించారు. ప్రత్యేక పార్కింగ్‌ ప్రదేశాలను గుర్తించాలన్నారు. క్రౌడ్‌ మేనేజ్‌మెంట్‌పై నిరంతర పోలీసు పర్యవేక్షణ ఉండాలని సూచించారు. అవసరమైన ప్రాంతాల్లో సీసీటీవీ, డ్రోన్‌ నిఘా, పబ్లిక్‌ అడ్రస్‌ సిస్టం ద్వారా పరిస్థితులను పర్యవేక్షించాలన్నారు. వైద్య, అగ్నిమాపక, రక్షణ బృందాల సమన్వయంతో పనిచేయాలని ఆదేశించారు. మహిళలు, పిల్ల లు, వృద్ధుల భద్రతపై శ్రద్ధ వహించాలని, తప్పిపోయిన వారికి సాయం అందించేందుకు హెల్ప్‌డెస్క్‌ ఏర్పాటు చేయాలన్నారు. ప్రజలు పోలీసుశాఖకు సహకరించాలని కోరారు. డీఎస్పీ వహీదుద్దీన్‌, కాగజ్‌నగర్‌ రూరల్‌ సీఐ కుమారస్వామి, టౌన్‌ సీఐ ప్రేమ్‌కుమార్‌, ఎస్సైలు పాల్గొన్నారు.

కెరమెరి: మండల కేంద్రంలోని పీహెచ్‌సీలో అరకొర మందులతో కాలం వెల్లదీస్తున్నారు. సీజనల్‌ వ్యాధుల నేపథ్యంలో ప్రతిరోజూ 80 నుంచి 100 మంది వరకు ఆస్పత్రికి వస్తున్నారు. ప్యాన్‌టాప్‌, మెట్రోజిల్‌, జెల్లోప్రొమైడ్‌ తదితర అత్యవసర మాత్రలు అందుబాటులో లేవు. ‘సాక్షి’ ఉదయం 9 గంటలకు ఆస్పత్రిని విజిట్‌ చేయగా, ఎల్‌టీ ఉద్దవ్‌, సీహెచ్‌వో నాందేవ్‌ విధుల్లో ఉన్నారు. పీఎంజన్‌మన్‌ సిబ్బంది ఆలస్యంగా వచ్చి తమకు కేటాయించిన గ్రామాలకు వెళ్లారు. అప్పటికే బీసీ హాస్టల్‌ విద్యార్థులు, సాధారణ రోగులు వైద్యం కోసం వచ్చారు. ఉదయం 10 గంటల తర్వాత వైద్యుడు, సీహెచ్‌వో, స్టాఫ్‌నర్సులు వచ్చారు. రెండు డాక్టర్‌, ఫార్మసిస్ట్‌, వాచ్‌మెన్‌, నర్సుల పోస్టులు ఖాళీగా ఉండగా, ఇన్‌చార్జీలతో నెట్టుకువస్తున్నారు. ఎనిమిది సబ్‌సెంటర్లలో 16 మంది ఏఎన్‌ఎంలకు 11 మంది పనిచేస్తున్నారు.

కెరమెరి: మండలంలోని రింగన్‌ఘాట్‌ ప్రాథమిక పాఠశాలను మంగళవారం డీపీవో భిక్షపతిగౌడ్‌ తనిఖీ చేశారు. తరగతి గదులను పరిశీలించి విద్యార్థులతో మాట్లాడారు. అనంతరం కిచెన్‌ గార్డెన్‌ను పరిశీలించారు. పాఠశాల వాతావరణం, బడి నిర్వహణపై హెచ్‌ఎం అజయ్‌కుమార్‌ను అభినందించారు. ఇంకుడు గుంత మంజూరు చేస్తున్నట్లు ప్రకటించారు. అనంతరం పంచాయతీ కార్యాలయంలో రికార్డుల నమోదుపై ఆరా తీశారు. చెత్తాచెదారం, పిచ్చిమొక్కలు తొలగించాలన్నారు. నూతన పంచాయతీ భవనాన్ని పరిశీలించారు. సర్పంచ్‌ మండాడి అనసూయ, పంచాయతీ కార్యదర్శి ప్రేంసాగర్‌ ఉన్నారు.

తిర్యాణి: మండలంలోని చింతలమాదర జలపాత సందర్శనకు బుధవారం నుంచి పర్యాటకులను అనుమతిస్తున్నట్లు ఎఫ్‌డీవో అప్పయ్య తెలిపారు. మందగూడలో మంగళవారం గ్రామ సభ నిర్వహించారు. ఈ సందర్భంగా జలపాతానికి వచ్చే పర్యాటకుల నుంచి వసూలు చేసే మొత్తంలో 20 శాతం నిధులు గ్రామాభివృద్ధికి ఖర్చు చేయడానికి అటవీ అధికారులు అంగీకరించడంతో సమస్య సద్దుమణిగింది. ఎఫ్‌డీవో మాట్లాడుతూ గ్రామాభివృద్ధికి అటవీ శాఖ కట్టుబడి ఉందని తెలిపారు. అటవీ శాఖతో ఎలాంటి ఇబ్బందులు తలెత్తినా తన దృష్టికి తీసుకురావాలని సూచించారు. కార్యక్రమంలో సర్పంచ్‌ తుంరం గోపాల్‌, గిన్నెధరి ఇన్‌చార్జి రేంజ్‌ అధికారి సరోజని రాణి, గ్రామస్తులు పాల్గొన్నారు.

ఆసిఫాబాద్‌రూరల్‌: పుస్తక పఠనంతో విద్యార్థుల్లో భాషా నైపుణ్యాలు, పదజాలం, ఆలోచన శక్తి, సృజనాత్మక మెరుగుపడుతుందని డీఈవో సచ్చిదానంద చారి అన్నారు. ‘నా మాటలు– నా కథ పఠనోత్సవం’లో భాగంగా మంగళవారం మండలంలోని తుంపెల్లి పాఠశాలలో రీడ్‌ ఏ థాన్‌ కార్యక్రమం నిర్వహించారు. డీఈవో మాట్లాడుతూ ప్రాథమిక స్థాయి నుంచే పిల్లల్లో పఠన సంస్కృతిని పెంపొందించాలన్నారు. డ్రాప్‌ ఎవ్రీథింగ్‌ అండ్‌ రీడ్‌ ఏ బుక్‌ అనే కాన్సెప్ట్‌తో ఉదయం 11 గంటల నుంచి 11.30 గంటల వరకు కథల పుస్తకాలు, ఇతర పఠన సామగ్రిని చదవాలని సూచించారు. కార్యక్రమంలో ఎస్‌వో శ్రీనివాస్‌, హెచ్‌ఎం నాగేశ్వర్‌ పాల్గొన్నారు. విద్యార్థినితో చదివిస్తున్న డీఈవో సచ్చిదానంద చారి

ఆసిఫాబాద్‌: జిల్లా ప్రభుత్వ ఆస్పత్రిని వైద్య కళా శాలకు అనుబంధంగా బోధనాస్పత్రిగా అప్‌గ్రేడ్‌ చేసి మూడేళ్లయినా పూర్తిస్థాయిలో ప్రొఫెసర్లు లేరు. ఇన్‌చార్జి సూపరింటెండెంట్‌తో నెట్టుకొస్తున్నారు. 305 మంది వైద్యులకు కేవలం 38 మంది మాత్రమే విధులు నిర్వర్తిస్తున్నారు. 210 ప్రొఫెసర్‌, అసిస్టెంట్‌ ప్రొఫెసర్లకు 22 మంది ఉండగా, 188 పోస్టులు ఖాళీగా ఉన్నాయి. ఇద్దరు అడ్మినిస్ట్రేటివ్‌ ఆఫీసర్లకు ఒక్కరే ఉన్నారు. 95 మంది కాంట్రాక్టు వైద్యులకు 11 మంది ఉండగా, ఏడుగురు ఆర్‌ఎంవోలు, ఆరుగురు క్యాజు వాలిటీ మెడికల్‌ అధికారులు, 11 మంది స్పెషలైజేషన్‌ వైద్యులకు ఒక్కరూ లేరు. అసిస్టెంట్‌ ప్రొఫెసర్లే అదనపు బాధ్యతలు చేపడుతున్నారు. రౌండ్‌ది క్లాక్‌ 18 మంది మత్తు డాక్టర్లకు ఒక్కరే ఉన్నారు. ఐసీయూ సెటప్‌ వైద్యులు లేక సర్జరీలు జరగడం లేదు. ఈఎన్‌టీ, ఫోరెన్సిక్‌, మైక్రో బ యాలజీ నిపుణులు లేరు. ఆర్థో మిషన్‌, సర్జరీ ఎక్విప్‌మెంట్‌, సిటి స్కాన్‌, ఎమ్మారై స్కానింగ్‌ యంత్రాలు లేవు. బ్లడ్‌ బ్యాంకులో టెక్నీషియన్లు, యంత్రాలు లేకపోవడంతో నిల్వకు ఇబ్బందులు తలెత్తుతున్నాయి. ఇటీవల కాగజ్‌నగర్‌కు చెందిన ఓ గైనకాలజిస్టు రావడంతో ఐదు సిజేరియ న్లు చేసినట్లు డీసీహెచ్‌ డాక్టర్‌ కిరణ్‌ తెలిపారు. మందుల కొరతజిల్లా ఆస్పత్రిలో బీపీ, షుగర్‌, ఇన్ఫెక్షన్లతో పాటు హృద్రోగులకు అవసరమైన అప్‌గ్రేడ్‌ మందులు అందుబాటులో ఉండడం లేదు. 10, 15 ఏళ్ల క్రితం నుంచి వాడుతున్నవే ఉన్నాయి. ఆస్పత్రి ప్రొఫెసర్లు అధునాతన మందులు రాస్తుండగా అవి దొరక్కక కొంతమంది బయట కొనుగోలు చేస్తున్నారు. మూడు నెలలుగా ప్యాన్‌టాప్‌ ఇంజెక్షన్లు, ఎవిల్స్‌, సిరంజీలు, హైడ్రో కార్టిసన్‌ ఇంజెక్షన్లు అవసరానికి సరిపడా సరఫరా చేయడం లేదు. ప్యాన్‌టాప్‌ ఇంజెక్షన్లకు బదులు ట్యాబ్లెట్లు వాడుతున్నారు. పీహెచ్‌సీల్లో అవసరమైన మందులు అందుబాటులో ఉన్నాయని డీఎంహెచ్‌వో నాగేంద్ర తెలిపారు. నెల రోజులుగా లిఫ్ట్‌ పని చేయకున్నా పట్టించుకునే వారు కరువయ్యారు. జిల్లాలోని ప్రభుత్వ ఆస్పత్రుల్లో వైద్యులు, సిబ్బంది కొరత వేధిస్తోంది. 17 పీహెచ్‌సీల్లో 44 మంది వైద్యులకు కేవలం 14 మంది మాత్రమే విధులు నిర్వర్తిస్తున్నారు. వైద్యుల కొరతతో ఒక్కో డాక్టర్‌ రెండు, మూడు పీహెచ్‌సీలకు ఇన్‌చార్జిగా వ్యవహరిస్తున్నారు. మరోవైపు సీజనల్‌, విష జ్వరాలతో ప్రజలు ప్రాథమిక ఆరోగ్య కేంద్రాలకు క్యూ కడుతున్నారు. చాలా పీహెచ్‌సీలు సాయంత్రం 4 గంటల వరకే పనిచేస్తుండటంతో అత్యవసర పరిస్థితుల్లో స్థానిక ఆర్‌ఎంపీలు, ప్రైవేట్‌ ఆస్పత్రులను ఆశ్రయించాల్సి వస్తోంది. పాముకాటు, పురుగుల మందు ప్రభావానికి గురైన సందర్భాల్లో అత్యవసర చికిత్స అందేలా 24గంటలు ఆస్పత్రి కొనసాగించాలని జిల్లా ప్రజలు విన్నవిస్తున్నారు. జిల్లాలోని ప్రభుత్వ ఆస్పత్రులను ‘సాక్షి’ మంగళవారం విజిట్‌ చేయగా, పలు సమస్యలు వెలుగు చూశాయి.కౌటాల: కౌటాల పీహెచ్‌సీ రౌండ్‌ ది క్లాక్‌ ఆస్పత్రి కావడంతో కౌటాల, చింతలమానెపల్లి మండలాల రోగులకు ఇదే ప్రధాన దిక్కు. ప్రతిరోజూ సుమారు 80 మందికి పైగా ఓపీ వస్తున్నారు. ఇద్దరు వైద్యులకు ప్రస్తుతం ఒక్కరే పనిచేస్తున్నారు. ప్రసవాలు, ఓపీల కారణంగా ప్రస్తుత డాక్టర్‌ కార్తీక్‌పై పనిభారం పడుతుండగా, స్థాని కుడు కావడంతో ఆయన నిత్యం అందుబాటులో ఉంటున్నారు. నలుగురు స్టాఫ్‌ నర్సులు, ఫార్మసిస్ట్‌, ల్యాబ్‌ టెక్నీషియన్లు ఉన్నారు. ప్రతీ సోమవారం, గురువారం రోగులకు రక్త, మూత్ర పరీక్షలు చేసి నమూనాలను ఆసిఫాబాద్‌కు పంపిస్తున్నారు. పాము, కుక్క కాటు వ్యాక్సిన్లు, ఇతర మందులు అందుబాటులో ఉన్నా యి. ప్రతినెలా 20కి పైగా సాధారణ కాన్పులు చేస్తున్నారు. కౌటాల పీహెచ్‌సీకి మరో వైద్యుడిని నియమించడంతోపాటు 50 పడకలకు అప్‌గ్రేడ్‌ చేయాలని, డయాలసిస్‌ కేంద్రం వెంటనే ప్రారంభించాలని స్థానికులు కోరుతున్నారు. జిల్లా ఆస్పత్రిలో 38 మందే..గర్భిణులకు అందని సేవలు లింగాపూర్‌: లింగాపూర్‌ పీహెచ్‌సీలో ఎంబీబీఎస్‌ వైద్యులు లేకపోవడంతో ఆయుష్‌ వైద్యులే సేవలందిస్తున్నారు. ముఖ్యంగా గర్భిణులు సిర్పూర్‌(యూ), జైనూర్‌కు వెళ్లాల్సి వస్తుంది. హెల్త్‌ అసిస్టెంట్లు లేరు. నిత్యం సుమారు 80 మంది వరకు ఓపీ నమోదవుతుంది. రాత్రిపూట అత్యవసరమైతే వైద్యం అందడం లేదు. ఆస్పత్రిని 24 గంటలపాటు నిర్వహించాలని మండల ప్రజలు కోరుతున్నారు.ప్రతిరోజూ 80 మందికి పరీక్షలుపెంచికల్‌పేట్‌: పెంచికల్‌పేట్‌ పీహెచ్‌సీలో ఇద్దరు వైద్యులకు మంగళవారం ఒకరు సెలవులో ఉండగా మరొకరు విధులకు హాజరయ్యారు. అన్ని రకాల మందులు అందుబాటులో ఉన్నాయి. ప్రతిరోజూ సుమారు 80 మంది రోగులను పరీక్షించి మందులు అందిస్తున్నారు. పీహెచ్‌సీ పరిధిలోని ఐదు సబ్‌ సెంటర్లలో ఐదు ఏఎన్‌ఎం పోస్టులు ఖాళీగా ఉన్నాయి.

ఆసిఫాబాద్‌: జిల్లాలోని పీహెచ్‌సీల్లో మల్టీ పారామెట్రిక్‌ డయాగ్నోస్టిక్‌ సిస్టం ద్వారా 75 రకాల వైద్య పరీక్షలు నిర్వహించన్నుట్లు కలెక్టర్‌ కె.హరిత తెలిపారు. జిల్లా కేంద్రంలోని కలెక్టరేట్‌లో మంగళవారం హిందుస్థాన్‌ ఎరోనాటిక్స్‌ లిమిటెడ్‌, ఏవియానిక్స్‌ డివిజన్‌ హైదరాబాద్‌, ఓమిని యాక్టివ్‌ ఫౌండేషన్‌ సహకారంతో సీఎస్‌ఆర్‌ కార్యక్రమం కింద సమకూర్చిన మల్టీ పారామెట్రిక్‌ డయాగ్నోస్టిక్‌ సిస్టంను అదనపు కలెక్టర్‌ యువరాజ్‌ మర్మాట్‌, ఓమిని యాక్టివ్‌ ఫౌండేషన్‌ మేనేజింగ్‌ డైరెక్టర్‌ సందీప్‌ భాటియాతో కలిసి ప్రారంభించారు. కలెక్టర్‌ మాట్లాడుతూ అధునాతన వైద్య పరికరాలతో పీహెచ్‌సీల్లోనే రోగుల వైటల్స్‌ మానిటరింగ్‌, రక్త పరీక్షలు నిర్వహిచి, ఆరోగ్య సమస్యలను ముందుగానే గుర్తించే అవకాశం ఉంటుందన్నారు. గ్రామీణ ప్రాంత ప్రజలకు మెరుగైన సేవలందించాలనే లక్ష్యంతో ఈ సేవలు అందుబాటులోకి తీసుకువచ్చామని తెలిపారు. డీఎంహెచ్‌వో నాగేంద్ర, ఆకాంక్షిత జిల్లా సమన్వయ కర్త బాలరాజు పాల్గొన్నారు. ఎస్సీ నిరుద్యోగులకు స్వయం ఉపాధిఆసిఫాబాద్‌: జిల్లాలోని ఎస్సీ నిరుద్యోగులకు స్వయం ఉపాధి అవకాశం కల్పించేందుకు చర్యలు తీసుకుంటున్నామని కలెక్టర్‌ కె.హరిత తెలిపారు. కలెక్టరేట్‌లో 2025– 26 షెడ్యూల్డ్‌ కులాల అభ్యర్థులకు స్వయం ఉపాధి పథకం కింద ఆర్థిక పురోగతిపై మంగళవారం నిర్వహించిన జిల్లాస్థాయి కమిటీ సమావేశానికి అదనపు కలెక్టర్‌ యువరాజ్‌ మర్మాట్‌తో కలిసి హాజరయ్యారు. స్వయం ఉపాధి పథకం కింద మంజూరైన యూనిట్లను అర్హులకు అందించేందుకు చర్యలు తీసుకుంటామని తెలిపారు. సమావేశంలో ఎస్సీ సహకార సంస్థ కార్యనిర్వాహక సంచాలకుడు సురేశ్‌కుమార్‌, ఎస్సీ అభివృద్ధి అధికారి ఎం.అశోక్‌, లీడ్‌ డిస్ట్రిక్ట్‌ మేనేజర్‌ జనార్దన్‌, ఎంవీఐ మసూద్‌ అలీ పాల్గొన్నారు.వినాయక మండపాలకు పటిష్ట భద్రతఆసిఫాబాద్‌: వినాయక మండపాలు, నిమజ్జన కార్యక్రమాలకు పటిష్ట భద్రత కల్పించాలని కలెక్టర్‌ కె.హరిత ఆదేశించారు. కలెక్టరేట్‌లో మంగళవారం ఏర్పాట్లపై ఎస్పీ నితిక పంత్‌, అదనపు కలెక్టర్‌ యువరాజ్‌ మర్మాట్‌, ఎం.డేవిడ్‌, కాగజ్‌నగర్‌ సబ్‌ కలెక్టర్‌ హర్ష్‌ చౌదరి, డీఆర్వో దాసరి వేణు, ఆర్డీవో లోకేశ్వర్‌రావు, ట్రెయినీ డిప్యూటీ కలెక్టర్‌ జోస్తిన్‌ జోల్‌తో కలిసి సమీక్ష సమావేశం నిర్వహించారు. కలెక్టర్‌ మాట్లాడుతూ వినాయక నిమజ్జనం జరిగే ప్రాంతాలను ముందుగానే గుర్తించాలని, ట్రాఫిక్‌ నియంత్రణ, తాగునీరు, విద్యుత్‌, పారిశుద్ధ్యం, అగ్నిమాపక, వైద్య సదుపాయాలు అందుబాటులో ఉంచాలన్నారు. కాగజ్‌నగర్‌, ఆసిఫాబాద్‌ మున్సిపాలిటీల పరిధిలో నిమజ్జనం కోసం క్రేన్లను అందుబాటులో ఉంచేందుకు చర్యలు తీసుకోవాలని ఆదేశించారు. సమావేశంలో డీఎస్పీలు అశోక్‌, వహీదుద్దీన్‌, ట్రాన్స్‌కో ఎస్‌ఈ ఉత్తమ్‌ జాడె, మున్సిపల్‌ కమిషనర్లు అంజయ్య, తిరుపతి, తహసీల్దార్లు మధుకర్‌, రియాజ్‌ తదితరులు పాల్గొన్నారు.

ఆసిఫాబాద్‌అర్బన్‌: రైతులకు ప్రకృతి సాగుపై అవగాహన కల్పించాలని డీఏవో వెంకట్‌ అన్నారు. జిల్లా కేంద్రంలోని జన్కాపూర్‌ రైతువేదికలో మంగళవారం రెండోరోజూ వ్యవసాయశాఖ, రైతు విజ్ఞాన కేంద్రం ఆధ్వర్యంలో శిక్షణ తరగతులు నిర్వహించారు. ఆయన మాట్లాడుతూ ప్రస్తుతం రసాయన మందుల వాడకం పెరిగిన నేపథ్యంలో రైతులను ప్రకృతి వ్యవసాయం వైపు మళ్లించాలన్నారు. విత్తన శుద్ధి, జీవామృతం, కంపోస్టు ఎరువుల వాడకంతో దిగుబడి పెరుగుతుందని తెలిపా రు. కార్యక్రమంలో టెక్నికల్‌ వ్యవసాయ అధికారి దీప్తి, వ్యవసాయ విస్తరణ అధికారి తాండవ కృష్ణ, శిక్షకులు రోహిణి ఆనంద్‌రావు తదితరులు పాల్గొన్నారు.

చింతలమానెపల్లి: మండలంలో ఒకే ప్రాథమిక ఆరోగ్య కేంద్రం రవీంద్రనగర్‌లో ఉంది. ఇక్కడ ఉదయం ఒంటి గంట నుంచి సాయంత్రం 4గంటల వరకు మాత్రమే వైద్య సేవలందుతున్నాయి. కీలక వైద్యాధికారి పోస్టు ఖాళీగా ఉండగా ప్రస్తుతం కమ్యూనిటీ వైద్యాధికారి అజ్మీర రాజ్‌కుమార్‌ ఇన్‌చార్జిగా వ్యవహరిస్తున్నారు. బెజ్జూర్‌ స్టాఫ్‌నర్స్‌ దుర్గ ఇన్‌చార్జిగా విధులు నిర్వర్తిస్తున్నారు. ల్యాబ్‌ టెక్నీషియన్‌గా స్వప్నను బెజ్జూర్‌కు కేటాయించగా బుధవారం నుంచి తిరిగి ఇదే పీహెచ్‌సీకి కేటాయించారు. ప్రతిరోజూ సుమారుగా 60 నుంచి 70 మంది వరకు రోగులు వస్తుంటారు. మంగళవారం ఇన్‌చార్జి వైద్యాధికారి రాజ్‌కుమార్‌ అధికారికంగా జిల్లా కేంద్రానికి వెళ్లగా స్టాఫ్‌నర్స్‌ దుర్గ రోగులకు వైద్య పరీక్షలు నిర్వహించారు. మరో వైద్యాధికారి పోస్టు, స్టాఫ్‌నర్స్‌, ఏఎన్‌ఎంలను అదనంగా కేటాయించాలని మండల వాసులు కోరుతున్నారు.

కాగజ్‌నగర్‌టౌన్‌: పట్టణంలోని గిరిజన ఆశ్ర మ పాఠశాల విద్యార్థులకు డీఆర్‌డీవో దత్తారావు సోమవారం డీటీడీవో అంబాజీతో కలిసి యూనిఫాం పంపిణీ చేశారు. డీఆర్‌డీవో మాట్లాడుతూ జిల్లాలోని 14 ఆశ్రమ పాఠశాలల్లో 2,751 మంది విద్యార్థులు ఉండగా, అందరికీ యూనిఫాం క్లాత్‌ వచ్చిందని తెలిపా రు. ప్రస్తుతం 80 జతలు మాత్రమే పంపిణీ చేశామన్నారు. త్వరలోనే ప్రతీ విద్యార్థికి రెండు జతల యూనిఫాం అందించేందుకు చర్యలు తీసుకుంటామని పేర్కొన్నారు. కార్యక్రమంలో ఏటీడబ్ల్యూ భాస్కర్‌, వార్డెన్‌ రామకృష్ణ, హెచ్‌ఎం రాజేంద్ర ప్రసాద్‌, మెప్మా అధికారులు మోతీరాం, ఏపీఎం ఇందారపు వెంకటరమణ పాల్గొన్నారు.

ఆసిఫాబాద్‌అర్బన్‌: ఎలాంటి అవాంఛనీయ ఘటనలకు తావు లేకుండా ప్రశాంత వాతావరణంలో గణేశ్‌ నవరాత్రి ఉత్సవాలు జరుపుకోవాలని ఎస్పీ నితిక పంత్‌ అన్నారు. జిల్లా కేంద్రంలోని పోలీసు కార్యాలయంలో సోమవారం గణేశ్‌ మండపాల నిర్వాహకులతో సమగ్ర సమావేశం నిర్వహించారు. ఈ సందర్భంగా నిర్వాహకులకు ఎస్పీ పలు సూచనలు చేశారు. నిబంధనలకు అనుగుణంగా సౌండ్‌ సిస్టం వినియోగించాలని, రాత్రి పది గంటలు దాటి తే వాడొద్దన్నారు. ప్రతీ మండపం వద్ద సీసీ కెమెరాలు ఏర్పాటు చేసుకుని వలంటీర్లను అందుబాటులో ఉంచాలన్నారు. విద్యుత్‌ భద్రతపై దృష్టి సారించాలని, ప్రమాదాల నివారణకు ఏర్పాటు చేసుకో వాలని సూచించారు. అత్యవసర సమయంలో 112 కు సమాచారం అందించాలని కోరారు. సమావేశంలో డీఎస్పీలు అశోక్‌, వహీదుద్దీన్‌, పోలీసు అధికారులు తదితరులు పాల్గొన్నారు. సమస్యల పరిష్కారానికే ప్రజావాణిఆసిఫాబాద్‌అర్బన్‌: ప్రజల సమస్యలను నేరుగా తెలుసుకుని చట్టపరమైన పరిష్కరించేందుకే ప్రతీ సోమవారం పోలీసు ప్రజావాణి నిర్వహిస్తున్నట్లు ఎస్పీ నితిక పంత్‌ తెలిపారు. జిల్లా కేంద్రంలోని పోలీసు కార్యాలయంలో సోమవారం ఫిర్యాదులు స్వీకరించారు. సంబంధిత అధికారులతో ఫోన్‌ ద్వా రా మాట్లాడి సమస్యల పరిష్కారానికి సూచనలు చేశారు. నిర్లక్ష్యం వహించకుండా నిర్ణీత సమయంలో చర్యలు తీసుకోవాలని ఆదేశించారు.

ఆసిఫాబాద్‌అర్బన్‌: జిల్లా కేంద్రంలోని కలెక్టరేట్‌లోని ఎన్‌ఐసీ సమావేశ మందిరంలో సోమవారం నిర్వహించిన ప్రజావాణిలో వివిధ ప్రాంతాలకు చెందిన ప్రజలు వచ్చి అర్జీలు అందించారు. సమస్యలు పరిష్కరించాలని అధికారులకు విన్నవించారు. అదనపు కలెక్టర్‌ డేవిడ్‌ మాట్లాడుతూ ప్రజావాణి కార్యక్రమంలో స్వీకరించిన అర్జీలను క్షేత్రస్థాయిలో పరిశీలించి సత్వరమే పరిష్కరించాలని ఆదేశించారు. ఈ సందర్భంగా జైనూర్‌ మండలం ఉషేగాం గ్రామానికి చెందిన జయ కళాబాయి, కోవ కమలాబాయి, రెబ్బెన మండలం గోలేటి టౌన్‌షిప్‌కు చెందిన గుండేటి స్వరూప ఇందిరమ్మ ఇళ్లు మంజూరు చేయాలని వేర్వేరుగా దరఖాస్తు చేసుకున్నారు. ఒంటరి మహిళా పింఛన్‌ ఇప్పించాలని కాగజ్‌నగర్‌ మండలం కోయవాగు గ్రామానికి చెందిన కాంపెల్లి అరుణ అర్జీ అందించారు. తన పట్టా భూమిని ఆన్‌లైన్‌లో నమోదు చేయాలని రెబ్బెన మండలం వంకులం జూపాక పోచం దరఖాస్తు చేసుకున్నాడు. చింతలమానెపల్లి బూరెపల్లి గ్రామానికి చెందిన జాడి భగవాన్‌ తన పట్టా భూమి ఇతరుల పేరిట నమోదైందని, వెంటనే సవరించి తన పేరిట పాసుపుస్తకం ఇప్పించాలని అధికారులకు విన్నవించాడు. కార్యక్రమంలో డీఆర్‌వో దాసరి వేణు, సంబంధిత అధికారులు పాల్గొన్నారు.

ఆసిఫాబాద్‌: ప్రజాస్వామ్యాన్ని కాంగ్రెస్‌ పార్టీ ఖూనీ చేస్తుందని ఎమ్మెల్యే కోవ లక్ష్మి అన్నారు. నల్ల టీషర్టులతో అసెంబ్లీకి వెళ్తున్న బీఆర్‌ఎస్‌ ఎమ్మెల్యేలను అరెస్టు చేయడాన్ని ఖండిస్తూ సోమవారం హైదరాబాద్‌లో విలేకరులతో మాట్లాడారు. కేటీఆర్‌, హరీశ్‌రావును లక్ష్యంగా చేసుకుని అరెస్టులు చేయడం ఎంత వరకు సమంజసమని ప్రశ్నించారు. తోపులాటలో పలువురు నాయకులకు గాయాలయ్యాయని తెలిపారు. మహిళా ఎమ్మెల్యేలకు రక్షణ కల్పించాల్సిన పోలీసులే ఇష్టారాజ్యంగా ప్రవర్తించ డం సిగ్గుచేటని ధ్వజమెత్తారు.

ఆసిఫాబాద్‌రూరల్‌: ప్రభుత్వ పాఠశాలల్లో ప్రమాణాలు మరింత మెరుగుపర్చేందుకు చ ర్యలు తీసుకుంటున్నామని విద్యాశాఖ కార్యదర్శి యోగితా రాణా తెలిపారు. జిల్లా కేంద్రంలోని బాలుర ఉన్నత పాఠశాలలను సో మవారం సందర్శించారు. ఈ సందర్భంగా అదనపు కలెక్టర్‌ యువరాజ్‌ మర్మాట్‌ విద్యాప్లస్‌ గురించి విద్యాశాఖ కార్యదర్శి, కలెక్టర్‌ హరితకు వివరించారు. జిల్లాలోని ప్రభుత్వ పాఠశాలల రూపురేఖలు మార్చేందుకు సాంకేతికత ఆధారిత, రియల్‌టైం పర్యవేక్షణతో కూడిన బోధనా వ్యవస్థను అందుబాటులోకి తీసుకురావడమే విద్యాప్లస్‌ లక్ష్యమని తెలిపా రు. విద్యార్థుల అభ్యసన సామర్థ్యాలు గుర్తించి బోధనా విధానాల్లో మార్పులు తీసుకువచ్చి మెరుగైన ఫలితాలు సాధించేందుకు దో హదపడుతుందన్నారు. యోగితా రాణా మా ట్లాడుతూ జిల్లాలో వినూత్న ఆలోచనలతో నూతన విద్యాప్లస్‌ కార్యక్రమం అభినందనీ యమని కొనియాడారు. ఏఐ ఆధారిత బోధ న సహయక వ్యవస్థను వినియోగించడం ఆనందంగా ఉందన్నారు. కాగజ్‌నగర్‌ సబ్‌ కలెక్టర్‌ హర్ష్‌ చౌదరి, ఆర్డీవో లోకేశ్వర్‌రావు, ఎంఈవో సుభాష్‌ తదితరులు పాల్గొన్నారు.

ఆసిఫాబాద్‌: జిల్లాలో హియరింగ్‌ ప్రక్రియ వేగవంతం చేయాలని విద్యాశాఖ ప్రిన్సిపల్‌ సెక్రెటరీ, సర్‌ పరిశీలకురాలు డాక్టర్‌ యోగితా రాణా అన్నారు. జిల్లా కేంద్రంలోని కలెక్టరేట్‌లో సోమవారం కలెక్టర్‌ కె.హరిత, అదనపు కలెక్టర్‌ యువరాజ్‌ మర్మాట్‌, కాగజ్‌నగర్‌ సబ్‌ కలెక్టర్‌ హర్ష్‌ చౌదరి, ఆర్డీవో లోకేశ్వర్‌రావు, ట్రైనీ డిప్యూటీ కలెక్టర్‌ జాస్తిన్‌ జోల్‌తో కలిసి తహసీల్దార్లతో హియరింగ్‌ ప్రక్రియ, నోటీసుల జారీ పురోగతిపై సమీక్ష సమావేశం నిర్వహించారు. యోగితా రాణా మాట్లాడుతూ మ్యాపింగ్‌ కాని, అనామలిస్‌ జాబితాలోని ఓటర్లకు నోటీసులు జారీ చేసి హియరింగ్‌ పకడ్బందీగా చేపట్టాలన్నారు. అనామలిస్‌ జాబితాలోని చిన్న చిన్న సవరణలను వెంటనే పూర్తి చేయాన్ని ఆదేశించారు. ప్రతీ పోలింగ్‌ కేంద్రం నుంచి ఓటర్లు వందశాతం ధ్రువపత్రాలు అందించేలా కార్యాచరణ చేపట్టాలన్నారు. కలెక్టర్‌ కె.హరిత మాట్లాడుతూ నోటీసుల జారీపై ఇప్పటికే తహసీల్దార్లకు ఆదేశాలు జారీ చేసినట్లు తెలిపారు. ప్రతీ పోలింగ్‌ కేంద్రంలో హియరింగ్‌ నిర్వహిస్తామని పేర్కొన్నారు. నిర్ణీత గడువులోగా పూర్తి చేయాలిఆసిఫాబాద్‌: సర్‌ ప్రక్రియలో భాగంగా హియరింగ్‌ నిర్ణీత గడువులోగా పూర్తి చేయాలని రాష్ట్ర ముఖ్య ఎలక్టోరల్‌ అధికారి సుదర్శన్‌రెడ్డి అన్నారు. సోమవారం హైదరాబాద్‌ నుంచి వీడియో కాన్ఫరెన్స్‌ ద్వారా కలెక్టర్లు, అదనపు కలెక్టర్లు, ఆర్డీవోలతో సమీక్షించారు. ఆయన మాట్లాడుతూ బీఎల్‌వోల ద్వారా నోటీసులు అందించి రశీదు తీసుకోవాలన్నారు. ప్రతీ వారం రాజకీయ పార్టీల ప్రతినిధులతో సమావేశం నిర్వహించి, హియరింగ్‌లో భాగస్వాములను చేయాలని సూచించారు. జిల్లా కేంద్రంలోని కలెక్టరేట్‌ వీడియో కాన్ఫరెన్స్‌ హాల్‌ నుంచి కలెక్టర్‌ కె.హరిత, కాగజ్‌నగర్‌ సబ్‌ కలెక్టర్‌ హర్ష్‌ చౌదరి, ఆర్డీవో లోకేశ్వర్‌రావు హాజరయ్యారు. కలెక్టర్‌ మాట్లాడుతూ ఇప్పటివరకు జిల్లాలో 1,05,692 నోటీసులు ఓటర్లకు అందించినట్లు తెలిపారు. ప్రతీ గురువారం రాజకీయ పార్టీల ప్రతినిధులతో సమావేశం నిర్వహిస్తున్నామని వివరించారు.

మంచిర్యాలఅర్బన్‌: మంచిర్యాలలోని ఆర్టీసీ ఆస్పత్రిలో మందుగోలీల కొరత నెలకొంది. దీంతో మంచిర్యాల, కుమురంభీం ఆసిఫాబాద్‌ జిల్లాల్లోని వందలాది మంది ఆర్టీసీ ఉద్యోగులతోపాటు విశ్రాంత సిబ్బంది ఇబ్బందులు పడాల్సి వస్తోంది. షుగర్‌, ఇతరత్రా జబ్బుల బారిన పడిన కార్మికులు, వారి కుటుంబాలు మందులు లేకపోవడంతో బయట కొనుగోలు చేయాల్సి వస్తోంది. ప్రతీ నెల 8నుంచి 12వ తేదీ మధ్య మందుల కోసం ఇండెంట్‌ పంపిస్తున్నా అవసరమైన మేరకు రాకపోవడంతో తిప్పలు తప్పడం లేదు. రెండు జిల్లాలకు చెందిన 820మంది ఉద్యోగులతోపాటు రిటైర్డు ఉద్యోగులు, వారి కుటుంబ సభ్యులు వైద్య సేవలు పొందుతుంటారు. ఏ చిన్న అనారోగ్యమైనా ఇక్కడికి వచ్చి చికిత్స పొంది మందులు తీసుకోవాల్సి ఉంటుంది. ప్రభుత్వ ఆర్టీసీ డిస్పెన్సరీలో శాశ్వత వైద్యుడిని నియమించాల్సి ఉన్నా కాంట్రాక్టు పద్ధతిన వైద్యుడు, ఔట్‌సోర్సింగ్‌ స్టాఫ్‌నర్స్‌, ఫార్మాసిస్టు, ల్యాబ్‌, వార్డుబాయ్‌లు సేవలందిస్తున్నారు. దీంతో ఆస్పత్రి కాస్త కాంట్రాక్టు మయంగా మారింది. నాలుగు నెలలుగా నిరాశే..అనారోగ్యం పాలైన కార్మికులు మందుల కోసం వస్తే లేవనే సమాధానం నిరాశకు గురి చేస్తోంది. ముఖ్యమైన మందులు, రోగులు నిత్యం వాడే షుగర్‌ గోలీలు నాలుగు నెలలుగా అందుబాటులో లేవు. బస్సు డ్రైవర్లు, కండక్టర్లకు శారీరక నొప్పులు సహజం. నొప్పి నివారణ మాత్రల కొరత ఏర్పడుతోంది. కీళ్లు, శరీర నొప్పుల కోసం వాడే గోలీలు రెండు నెలలుగా సరఫరా కావడం లేదు. జ్వరం గోలీలూ లేవు. ప్రతీ నెల 10నుంచి 20వ తేదీ వరకు వంద మందికి పైగా మందులు తీసుకెళ్తుంటారు. మిగతా రోజుల్లో 20 నుంచి 30మంది వస్తుండగా.. మందులు లేక సోమవారం ఒకరిద్దరు కూడా కనిపించలేదు. నెలకోసారి మందుల ఇండెంట్‌ పంపినా సరిపడా రావడం లేదని తెలుస్తోంది. కడుపులో మంట, ఎసిడిటీ నివారణ మాత్రలు స్వల్ప మొత్తంలోనే సరఫరా అవుతున్నాయని తెలిసింది. షుగర్‌, బీపీ గోలీలు రిటైర్డు కార్మికులకు రెండు నెలలు, ఆర్టీసీ ఉద్యోగులకు నెలకు సరిపడా ఇవ్వాల్సి ఉన్నా కొసరి కొసరి ఇస్తుండడంపై పెదవి విరుస్తున్నారు. నిరంతరం ప్రజారవాణాకు శ్రమించే ఆర్టీసీ ఉద్యోగులు, రిటైర్డ్‌ సిబ్బంది వైద్యం కోసం ప్రైవేట్‌ మందుల దుకాణాలను ఆశ్రయించాల్సి వస్తోంది. ఉన్నతాధికారులు అత్యవసరమైన మందులు సరఫరా చేయాలని కార్మికులు డిమాండ్‌ చేస్తున్నారు. ఆసుపత్రిలో మందుల విషయమై ఎప్పటికప్పుడు ఉన్నతాధికారులకు సమాచారం ఇస్తామని, ప్రస్తుతం ఇండెంట్‌లో సరఫరాయ్యే మందులను రోగులకు ఇబ్బందులు లేకుండా పంపిణీ చేస్తామని ఆర్టీసీ వైద్యుడు తెలిపారు.

తిర్యాణి: రోడ్డు నిర్మించాలని తిర్యాణి మండలం గుండాల గ్రామస్తులు సోమవారం జిల్లా కేంద్రంలోని కలెక్టరేట్‌కు సుమారు 40కిలో మీటర్ల దూరం పాదయాత్ర చేపట్టారు. కలెక్టరేట్‌లో అధికారులకు వినతిపత్రం అందజేశారు. గ్రామస్తులు మాట్లాడుతూ ప్రభుత్వాలు మారుతున్నా గ్రామంలో మౌలిక సదుపాయాలు కల్పించడం లేదన్నారు. సరైన రోడ్డు లేక దాదాపు ఆరు కిలోమీటర్ల మేర దట్టమైన అటవీ ప్రాంతం గుండా కాలినడకన వెళ్లాల్సి వస్తుందని ఆవేదన వ్యక్తం చేశారు. గ్రామస్తులు దౌలత్‌రావు, రాందాస్‌, ఓనిరావు తదితరులు ఉన్నారు.

ఆసిఫాబాద్‌: అసెంబ్లీలోకి వెళ్లకుండా బీఆర్‌ఎస్‌ ఎమ్మెల్యేలను పోలీసులు అడ్డుకోవడాన్ని నిరసిస్తూ సోమవారం జిల్లా కేంద్రంలోని కలెక్టరేట్‌ ఎదుట ఆ పార్టీ నాయకులు ధర్నా చేపట్టారు. నాయకులు మాట్లాడుతూ ముఖ్య మంత్రి రేవంత్‌ రెడ్డి పోలీసులను అడ్డుపెట్టుకుని ప్రజాస్వామ్య గొంతు నొక్కే ప్రయత్నం చేస్తున్నారని మండిపడ్డారు. కార్యక్రమంలో సింగిల్‌ విండో చైర్మన్‌ అలీబిన్‌ అహ్మద్‌, ము న్సిపల్‌ చైర్మన్‌ మెంగ్రె ఆకాశ్‌, వైస్‌ చైర్మన్‌ అ హ్మద్‌, కౌన్సిలర్‌ సాలం, నాయకులు మర్సోకోల సరస్వతి, గంధం శ్రీనివాస్‌, జాబరే రవీందర్‌, అహ్మద్‌ బిన్‌ అబ్దుల్లా, నిసార్‌ పాల్గొన్నారు.

ఆదిలాబాద్‌టౌన్‌: ఆదివాసీల రాజ్యాంగ హక్కుల పరిరక్షణ కోసం ఢిల్లీలో వేలాది మంది గిరిజనులు గళమెత్తారు. ఆదివాసీ అధికార్‌ రాష్ట్రీయ మంచ్‌ ఆధ్వర్యంలో ఢిల్లీలోని సాయి పార్క్‌లో సోమవారం ధర్నా, ప్రదర్శన, బహిరంగ సభ నిర్వహించారు. దేశంలోని 21 రాష్ట్రాలకు చెందిన ఆదివాసీలు పెద్ద సంఖ్యలో పాల్గొన్నారు. ఐదు, ఆరో షెడ్యూళ్లను పూర్తిస్థాయిలో అమలు చేయాలని, అటవీ హక్కుల చట్టం, పెసా చట్టాలను పటిష్టంగా అమలు చేయాలని డిమాండ్‌ చేశారు. ఈ సందర్భంగా టీఏజీఎస్‌ తెలంగాణ రాష్ట్ర ప్రధాన కార్యదర్శి పూసం సచిన్‌ మాట్లాడుతూ అటవీ సంరక్షణ చట్టం–2023తో ఆదివాసీ గ్రామసభల హక్కులకు భంగం కలిగే పరి స్థితి ఏర్పడిందన్నారు. మైనింగ్‌ పేరుతో ఆదివాసీ లను భూముల నుంచి తరలించడం నిలిపివేయాలని, అడవులను కార్పొరేట్‌ కంపెనీలకు అప్పగించరాదని డిమాండ్‌ చేశారు. ఆదివాసీ అధికార్‌ రాష్ట్రీ య మంచ్‌ జాతీయ చైర్మన్‌ జితిన్‌ చౌదరి, జాతీయ కన్వీనర్‌, మాజీ ఎంపీ ఫు లీన్‌ బిహారి బస్కే, జాతీయ ఉపాధ్యక్షురాలు బృందాకర్‌, మాజీ ఎంపీ డాక్టర్‌ మీడియం బాబురావు, వ్యవసాయ కార్మిక సంఘం జాతీయ కార్యదర్శి బి.వెంకట్‌, టీజేజీఎస్‌ జిల్లా అధ్యక్షుడు ఉయిక విష్ణు, ఉపాధ్యక్షులు సక్కు, పెందూర్‌ గోవింద్‌, తదితరులు పాల్గొన్నారు.

బెల్లంపల్లి: గంజాయి కేసులో యువకుడిని అరెస్టు చేసినట్లు వన్‌టౌన్‌ ఎస్‌హెచ్‌వో కె.శ్రీనివాసరావు తెలిపారు. సోమవారం విలేకరుల సమావేశంలో వివరాలు వెల్లడించారు. ఎస్సై రామకృష్ణ ఆదివారం జాతీయ రహదా రి పక్కన వాహనాలు తనిఖీ చేస్తుండగా బైక్‌ పై వస్తున్న ఆసిఫాబాద్‌ జిల్లా బెజ్జూర్‌ మండలం సల్గుపల్లికి చెందిన గోమాస ప్రకాష్‌ వద్ద 200 గ్రాముల గంజాయి లభించింది. మహా రాష్ట్రలోని బల్లార్షాలో తక్కువ ధరకు కొనుగో లు చేసి ఇక్కడ అధిక ధరకు విక్రయిస్తున్నట్లు పోలీసులు గుర్తించారు. నిందితుడి వద్ద నుంచి బైక్‌, గంజాయి, ఫోన్‌ స్వాధీనం చేసుకున్నట్లు తెలిపారు.

ఇచ్చోడ: నేషనల్‌ హైవే అఽథారిటీ అధికారుల తప్పిదం ప్రయాణికులకు శాపంగా మారుతోంది. 44వ జాతీయ రహదారి కుప్టి పాత బ్రిడ్జికి బుంగ పడటంతో వాహనాల రాకపోకాలను పూర్తిగా నిలిపివేశారు. పాత బ్రిడ్జికి రెండు వందల మీటర్ల దూరంలో డ్రైవర్షన్‌ ఏర్పాటు చేసి వాహనాలను నూతన బ్రిడ్జి వైపు మళ్లిస్తుండడంతో ఒక్కో వాహనం అక్కడి నుంచి పాస్‌ కావడానికి కనీసం గంట సమయం పడుతోంది. పూర్తిగా డౌన్‌ ఉన్న చోట డైవర్షన్‌ ఏర్పాటు చేశారు. అక్కడ కూడా రాత్రి వేళల్లో ప్రమాదాలు చోటు చేసుకునే అవకాశాలు ఉన్నాయి. ఆదిలాబాద్‌ నుంచి నిర్మల్‌ వైపు వెళ్లే వాహనాలు డైవర్షన్‌ నుంచి వన్‌వేలోకి వెళ్లడానికి చాలా సమయం పడుతోంది. దీంతో జాతీయ రహదారిపై మూడు, నాలుగు కిలో మీటర్ల మేర వాహనాలు నిలిచిపోతుండడంతో ప్రయాణికులకు నరకప్రాయంగా మారింది. ప్రారంభంకాని మరమ్మతులు..నెల రోజుల క్రితం కుప్టి పాత బ్రిడ్జి మధ్యలో బుంగ ఏర్పడింది. అధికారులు గుర్తించినప్పటికీ ఇప్పటి వరకూ మరమ్మతులు చేయకపోవడంతో నిర్లక్ష్యానికి నిదర్శనంగా నిలుస్తోంది. ఫలితంగా వేలాది మంది ప్రయాణికులు నిత్యం నరకయాతన అనుభవిస్తున్నారు. అంతేకాకుండా బ్రిడ్జిపై 320 మీటర్ల పొడవున 12 జాయింట్‌ల వద్ద మరమ్మతులు చేపట్టాల్సి ఉందని స్థానిక ఇంజనీరింగ్‌ అధికారులు పేర్కొంటున్నారు. బ్రిడ్జి నిర్మాణ సమయంలో రెండు వైపులా రక్షణగా రెయిలింగ్‌ నిర్మించారు. అది అక్కడక్కడ కూలిపోవడంతో దాని స్థానంలో రక్షణ గోడ నిర్మిస్తున్నారు. ఈ నిర్మాణంతో కూడా బ్రిడ్జిపై భారం పడినట్లు, రక్షణ గోడ నిర్మించే సమయంలో బ్రిడ్జిపై నెల రోజుల నుంచి వన్‌వే చేయడంతో ఒకే వైపు నుంచి వాహనాలు రాకపోకలు సాగించడం కూడా బ్రిడ్జిపై బుంగ పడేందుకు కారణం కావచ్చని అభిప్రాయాలు వ్యక్తమవుతున్నాయి. మూడేళ్ల క్రితమే నిపుణుల నివేదిక..బ్రిడ్జి నాణ్యత ప్రమాణాలపై మూడేళ్ల క్రితమే నిపుణులు నేషనల్‌ హైవే అథారిటీ అధికారులకు నివేదిక అందజేశారు. పాత బ్రిడ్జి పక్కన నూతనంగా బ్రిడ్జి నిర్మించాలని నివేదికలో పేర్కొనట్లు సమాచారం. నేషనల్‌ హైవే అఽథారిటీ అధికారులు మాత్రం నివేదికను బుట్టదాఖలు చేసి నూతన బ్రిడ్జి నిర్మాణం కోసం చర్యలు తీసుకోక పోవడం ప్రస్తుతం జిల్లాలో చర్చనీయాంశంగా మారింది. కుప్టి బ్రిడ్జి విషయమై నేషనల్‌ హైవే అథారిటీ పీడీ వివరణ కోసం సాక్షి ప్రయత్నించగా ఆయన అందుబాటులోకి రాలేదు.

చెన్నూర్‌రూరల్‌: పత్తి పంటను ఆశించి రసం పీల్చే వాటిలో పిండినల్లి పురుగులు ప్రధానమైనవి. ఆగస్టు నుంచి అక్టోబర్‌ వరకు ఈ పురుగులు పత్తి పంటను ఆశిస్తాయి. ఇవి చిన్నవిగా, మెత్తగా, లేత గులాబీరంగులో ఉంటాయి. కొమ్మలు, కాండం, మొగ్గలు, కాయల నుంచి రసాన్ని పీలుస్తాయి. ఫలితంగా మొక్కల్లో సాధారణంగా జరిగే ఆవశ్యక మూలకాలు, పదార్థాల సరఫరాలో అంతరాయం ఏర్పడి గిడసబారి పోతాయి. కణుపుల మధ్య దూరం తగ్గి మొక్క గుబురుగా చిన్నదిగా కనిపిస్తుంది. దీని నివారణకు చర్యలు చేపట్టాలని చెన్నూర్‌ ఏడీఏ బానోతు ప్రసాద్‌ సూచించారు. నివారణచర్యలుపురుగు ఆశించిన మొక్కలను పీకి కాల్చి వేయాలి. ఇలా చేయడం ద్వారా దాని విస్తరణను అదుపులో ఉంచవచ్చు. పొలం గట్లపైన ఉండే కలుపు మొక్కలు మఖ్యంగా వయ్యారిభామ, తుత్తురబెండ, గడ్డిచామంతి, వంటి కలుపు మొక్కలను పీకి కాల్చి వేయాలి. జైగోగ్రామ బైకోలరేట్‌ మిత్ర పురుగులను హెక్టారుకు 500 నుంచి 1000 వరకు విడుదల చేయాలి. తద్వారా వయ్యారిభామ, కలుపు మొక్కలను నివారించవచ్చు. దీని ద్వారా పిండినల్లి ఉధృతి తగ్గించవచ్చు. పత్తి ఏరిన తర్వాత ఎండు కర్రలను పీకి కాల్చి వేయాలి. వేసవి దుక్కుల ద్వారా నేలలో దాగి ఉండే పిల్ల పురుగులను నియంత్రించవచ్చు. అంతర పంటగా అలసంద, బబ్బెర, సోయాబీన్‌, మినుము వంటి పంటలను సాగు చేయడం ద్వారా మిత్ర పురుగుల సంఖ్యను వృద్ధి చేయవచ్చు. కంచె పంటగా లేదా రక్షక పంటగా రెండు వరుసల సజ్జ లేదా కందులను దట్టంగా పెంచాలి. దీని ద్వారా ప్రధాన పంట అయిన పత్తిలో పిండినల్లి ఉధృతి తగ్గించుకోవచ్చు. మొక్కలను పురుగు ఆశిస్తే లీటరు నీటిలో 10 మిల్లీలీటర్ల వేపనూనెతో పాటు ఒక గ్రాము సబ్బు పొడిని కలిపి 10 నుంచి 12 రోజుల తేడాతో మొక్కలపై పిచికారీ చేయాలి. దీంతో చీడ, పీడలు తగ్గుతాయి, తద్వారా మంచి దిగుబడులు పొందవచ్చు. ఏవిధంగా ఆశిస్తుందిపిండినల్లి పురుగులు ముఖ్యంగా పొలంగట్లపై, పనికి రాని భూముల్లో పెరిగే కలుపు మొక్కల ద్వారా వ్యాపిస్తాయి. బెండ, టమాటా, వంగ, క్యాబేజీ, బొప్పాయి, నిమ్మ, జామ, మందార, గోగు, చామంతి, గడ్డి చామంతి, రామబాణం, వయ్యారిభామ, తుత్తర బెండ, సీతాఫలం, సుబాబుల్‌, గ్‌లైరిసిడియా వంటివి పిండినల్లికి అతిథి మొక్కలు. పురుగుపై తెల్లని మైనపు పొర ఉండటం చేత, అది పురుగు మందుల ప్రభావం నుంచి ఇతర సహజ మరణం నుంచి రక్షణ పొందుతుంది. ఈ పురుగు సాధారణంగా సంవత్సర కాలంలో 15 తరాలకు అభివృద్ధి చెందగలదు. అలాగే ఆడ పురుగు పెట్టే ఒక గుడ్ల సంచిలో దాదాపు 600 వరకు గుడ్లు ఉంటాయి. పంట పొలంలో సహజంగా పెరిగే మిత్ర పురుగులు అంతరించి పోవడం వలన పురుగు విసర్జించే తేనె వంటి ద్రవం కొరకు వచ్చే చీమల ద్వారా ఒక మొక్క నుంచి మరో మొక్కకు పిండినల్లి వ్యాపిస్తుంది. అంతే కాకుండా పురుగు సహజంగా పంట ఉత్పత్తుల ద్వారా, పత్తి కర్రల ద్వారా గాలి, నీటి కాలువలు, వర్షం, పక్షులు, పశువుల ద్వారా వ్యాపిస్తుంది. మనుషులు ఈ పురుగులు ఆశించిన ప్రాంతం నుంచి ఆశించని ప్రాంతానికి తిరగడం ద్వారా కూడా వ్యాపిస్తుంది.

నిర్మల్‌ఖిల్లా: ప్రభుత్వ విద్యారంగం బలోపేతం, గ్రామీణ, గిరిజన ప్రాంతాల విద్యార్థులకు మెరుగై న విద్య అందించేందుకు ప్రభుత్వం తెలంగాణ ప బ్లిక్‌ స్కూల్స్‌ (టీపీఎస్‌) ఏర్పాటుకు ప్రాధాన్యమి స్తోంది. రాష్ట్ర వ్యాప్తంగా 73 ప్రభుత్వ పాఠశాలలను తెలంగాణ పబ్లిక్‌ స్కూళ్లుగా అభివృద్ధి చేయడానికి ప్రభుత్వం పరిపాలనా అనుమతులు ఇచ్చింది. ఇందులో భాగంగా ఉమ్మడి ఆదిలాబాద్‌ జిల్లాలోని ఎని మిది పాఠశాలలను ఎంపిక చేసింది. ఈ మేరకు నిఽ దులు కేటాయిస్తూ విద్యాశాఖ కార్యదర్శి యోగితా రాణా తాజాగా ఉత్తర్వులు జారీ చేశారు. ఆయా పాఠశాలల్లో మౌలిక వసతులు, అభివృద్ధి పనులకు రూ.83.19 కోట్లు కేటాయించారు. ప్రీప్రైమరీ నుంచి 12వ తరగతి వరకు విద్యార్థుల అభ్యసన ఫలి తాలను మెరుగుపరిచేలా నాణ్యమైన, సమగ్ర విద్యా వాతావరణాన్ని కల్పించేలా అభివృద్ధి చేస్తా రు. ప్రస్తుతం ఉన్న జెడ్పీహెచ్‌ఎస్‌లు, మోడల్‌ స్కూళ్లను తెలంగాణ పబ్లిక్‌ స్కూళ్లుగా తీర్చిదిద్దేందుకు ఎంపిక చేశారు. ప్రభుత్వ విద్యకు కొత్త రూపు ప్రభుత్వ పాఠశాలల్లో విద్యా ప్రమాణాల ను మరింత మెరుగుపర్చడంతో పాటు ప్రైవేట్‌ పాఠశాలలకు ధీటుగా మౌలిక వసతులు, నాణ్యమైన బోధన అందించాలనే లక్ష్యంతో తెలంగాణ పబ్లిక్‌ స్కూళ్లను అభివృద్ధి చేయాలని ప్రభుత్వం లక్ష్యంగా పెట్టుకుంది. పేద, మధ్యతరగతి కుటుంబాల విద్యార్థులకు మెరుగైన విద్యను అందుబాటులోకి తీసుకురావడం, ప్రభుత్వ విద్యపై తల్లిదండ్రుల్లో విశ్వాసాన్ని పెంచడం ఈ పాఠశాలల ప్రధాన ఉద్దేశం. ఆధునిక తరగతి గదులు, డిజిటల్‌ బోధన, సైన్స్‌, కంప్యూటర్‌ ల్యాబ్‌లు, గ్రంథాలయం, క్రీడా మైదానాలు, కళలు, సాంస్కృతిక కార్యక్రమాలకు వేదికలు వంటి సదుపాయాలు కల్పించనున్నారు. విద్యార్థులకు పరిశుభ్రమైన తాగునీరు, మరుగుదొడ్లు, సురక్షితమైన పాఠశాల వాతావరణం అందించడంపై దృష్టి సారించనున్నారు. విద్యార్థుల సమగ్ర వికాసంపాఠ్యపుస్తకాల బోధనకే పరి మితం కాకుండా విద్యార్థుల మేధో, శారీరక, మానసిక, సా మాజిక, సాంస్కృతిక వికాసానికి వేదికగా నిలువనున్నా యి. క్రీడలు, కళలు, సైన్స్‌, సాంకేతికత, తదితర రంగా ల్లో విద్యార్థుల ప్రతిభ ను వెలి కితీసేలా అవకాశాలు కల్పించనున్నారు. ప్రైవేట్‌ పాఠశాలల్లో అధిక ఫీజుల కారణంగా ఆర్థికంగా ఇబ్బందులు పడుతున్న కుటుంబాలకు ప్రభుత్వ పబ్లిక్‌ స్కూళ్లు ప్ర త్యామ్నాయంగా నిలిచే అవకాశం ఉంది. నాణ్యమై న విద్యతో పాటు ఆధునిక సదుపాయాలు ప్రభు త్వ పాఠశాలల్లోనే అందుబాటులోకి వస్తే తల్లిదండ్రులపై విద్యా ఖర్చుల భారం తగ్గనుంది.జిల్లా పాఠశాల నిధులు (రూ.కోట్లలో) కుమురంభీం ఆసిఫాబాద్‌ జెడ్పీహెచ్‌ఎస్‌ 8.40 కాగజ్‌నగర్‌ జెడ్పీహెచ్‌ఎస్‌ 10.09 మందమర్రి మోడల్‌ స్కూల్‌ 10.70 మంచిర్యాల కాసిపేట మోడల్‌ స్కూల్‌ 10.30 సీతారాంపల్లి జెడ్పీహెచ్‌ఎస్‌ 12 నిర్మల్‌ కుంటాల మోడల్‌ స్కూల్‌ 9 నర్సాపూర్‌(జీ) జెడ్పీహెచ్‌ఎస్‌ 12.50 ఆదిలాబాద్‌ యాపల్‌గూడ జెడ్పీహెచ్‌ఎస్‌ 10.20 ఉమ్మడి జిల్లాలో ఎంపిక చేసిన పాఠశాలలు, కేటాయించిన నిధులు

నిర్మల్‌టౌన్‌: పులుల సంరక్షణ, అటవీ పరిరక్షణకు అన్ని ప్రభుత్వ శాఖల సమన్వయం కీలకమని ఫీల్డ్‌ డైరెక్టర్‌ శాంతారాం, బాసర సర్కిల్‌ కన్జర్వేటర్‌ ఆఫ్‌ ఫారెస్ట్‌ అర్పణ అన్నారు. నిర్మల్‌ జిల్లా కేంద్రంలోని సమీకృత భవనంలో సోమవారం అటవీశాఖ ఆధ్వర్యంలో ‘ఫారెస్ట్‌ ప్రొటెక్షన్‌ అండ్‌ మేనేజ్‌మెంట్‌ ఆఫ్‌ టైగర్‌ ల్యాండ్‌స్కేప్‌’ అంశంపై అంతర్‌ జిల్లా సమన్వయ వర్క్‌షాప్‌ నిర్వహించారు. జిల్లా అటవీ అధికారి సుశాంత్‌ సుఖదేవ్‌ బోబ్డే అధ్యక్షతన జరిగిన కార్యక్రమంలో నిర్మల్‌, ఆదిలాబాద్‌, నిజామాబాద్‌, జగిత్యాల, కామారెడ్డి, కుమురంభీం ఆసిఫాబాద్‌, మంచిర్యాల జిల్లాల అధికారులు పాల్గొన్నారు. ఈ సందర్భంగా వారు మాట్లాడుతూ ఉమ్మడి ఆదిలాబాద్‌ జిల్లా పులుల సంచారానికి అత్యంత అనుకూలమైన ప్రాంతమని, ప్రస్తుతం తిప్పేశ్వర్‌, తడోబా టైగర్‌ రిజర్వ్‌ల నుంచి పులులు ఈ ప్రాంతంలోకి వస్తున్నాయన్నారు. పులుల సంరక్షణతో పాటు వాటి ఆవాస ప్రాంతాలను కాపాడడం అందరి బాధ్యత అన్నారు. ఈ కార్యక్రమంలో డీఎఫ్‌ఓలు ప్రశాంత్‌ పాటిల్‌ (నిజామాబాద్‌), రాహుల్‌ జాదవ్‌ (మంచిర్యాల), నీరజ్‌ టెబ్రివాల్‌ (కామారెడ్డి), రవిప్రసాద్‌ (జగిత్యాల), డీఆర్‌డీఏ పీడీ విజయలక్ష్మి, డీపీవో శ్రీనివాస్‌, తదితరులు పాల్గొన్నారు.

జైపూర్‌: బౌన్సర్‌ అంటే కేవలం కండలు తిరిగిన శరీ రం కాదు.. క్రమశిక్షణ, అప్రమత్తత, బాధ్యతకు ప్రతిరూపం. షాపింగ్‌ మాల్స్‌ నుంచి ఫంక్షన్‌ హాళ్ల వరకు.. ప్రముఖుల కార్యక్రమాల నుంచి భారీ ఈవెంట్ల వరకు ఎక్కడ జన సందోహం ఉంటే అక్కడ వీరి విధులు కనిపిస్తాయి. అలాంటి బౌన్సర్ల ను తీర్చిదిద్దుతూ గ్రామీణ యువతకు ఉపాధి బాట చూపుతోంది జైపూర్‌ మండలం రసూల్‌పల్లిలోని ఒలంపియా జిమ్‌. వ్యాయామంతో శరీరాన్ని దృఢంగా తీర్చిదిద్దుకోవడంతో పాటు..అదే ఫిటెనెస్‌ను ఉపాధిగా మలుచుకుంటున్న యువతకు ఈజిమ్‌ అడ్డాగా మారుతోంది. ఉపాధి కోసం ఎదురుచూస్తున్న ఎంతో మంది యువకులు నేడు పట్టణ ప్రాంతాల్లో బౌన్సర్లుగా విధులు నిర్వహిస్తూ తమకంటూ గుర్తింపు తెచ్చుకుంటున్నారు. ఉద్యోగం చేస్తూనే..ఒలంపియా జిమ్‌లో శిక్షణ పొందుతున్న వారంతా ప్రభుత్వ, ప్రైవేటు రంగాల్లో ఉద్యోగాలు చేస్తూనే బౌన్సర్‌గా విధులు నిర్వహిస్తున్నారు. తమకు లభించే ఖాళీ సమయాన్ని జిమ్‌లో వ్యాయామానికి కేటాయిస్తూ ఫిట్‌నెస్‌ను కొనసాగిస్తున్నారు. యువతలో శారీరకధారుఢ్యంతో పాటు ఆత్మవిశ్వాసం పెరుగుతోంది. వ్యసనాలకు దూరంగా.. యువత చెడు మార్గాల వైపు వెళ్లకుండా క్రీడలు, వ్యాయామం వైపు మళ్లించాలన్నదే లక్ష్యం. జిమ్‌ ద్వారా క్రమశిక్షణతో కూడిన జీవన విధానంతో పాటు ఉపాధి అవకాశాలు లభిస్తాయి. గ్రామీణ ప్రాంత యువతలో ప్రతిభ, శారీరక సామర్థ్యం పుష్కలంగా ఉన్నప్పటికీ సరైన మార్గదర్శకత్వం లేక అవకాశాలను అందిపుచ్చుకోవడం లేదు. నిరుపేద యువతకు ఉచితంగా శిక్షణ అందిస్తాం. – ప్రవీణ్‌, ఒలంపియా జిమ్‌ నిర్వాహకుడు 15 ఏళ్ల క్రితం మొదలై..రసూల్‌పల్లికి చెందిన కుమ్మరి ప్రవీణ్‌ 15 ఏళ్ల క్రితం ఒలంపియా జిమ్‌ను ఏర్పాటు చేశాడు. మొదట చిన్నస్థాయిలో ప్రారంభమైన ఆయన ప్రయత్నం క్రమంగా విస్తరించి ప్రస్తుతం మంచిర్యాల పట్టణంలో రెండు, చెన్నూర్‌లో రెండు, రసూల్‌పల్లిలో ఒకటి మొత్తంగా ఐదు బ్రాంచ్‌ల వరకు చేరింది. జిమ్‌లో వ్యాయామంతో పాటు శారీరకధారుఢ్యం, క్రమశిక్షణ, ఫిట్‌నెస్‌పై యువతకు శిక్షణ ఇస్తున్నారు. ప్రస్తుతం సుమారు 40 మంది యువకులు, 10 మంది యువతులు ఇక్కడ శిక్షణ పొందుతూ హైదరాబాద్‌, సూర్యాపేట, సిద్దపేట, వరంగల్‌, నిజామాబాద్‌, ఉమ్మడి ఆదిలాబాద్‌తో పాటు తెలంగాణ రాష్ట్ర వ్యాప్తంగా, బెంగళూర్‌ వంటి పట్టణాల్లో సేవలందిస్తున్నారు. పెద్ద సంఖ్యలో ప్రజలు హాజరయ్యే కార్యక్రమాల్లో రద్దీని నియంత్రించడం, ప్రవేశ మార్గాలను క్రమబద్ధీకరించడం, ప్రముఖులు, నిర్వాహకులకు భద్రత కల్పించడం వంటి బాధ్యతలు చేపడుతున్నారు. షాపింగ్‌ మాల్స్‌, ఫంక్షన్‌ హాళ్లు, ప్రైవేట్‌ ఈవెంట్లలో అవసరాన్ని బట్టి భద్రతా విధులు నిర్వహిస్తున్నారు.

కాసిపేట: మందమర్రి ఏరియా కాసిపేట–2 గనిలో సోమవారం రెండో షిప్ట్‌లో మిస్‌ఫై ర్‌ జరిగి నలుగురు కా ర్మికులకు తీవ్ర గాయాలయ్యాయి. తోటి కార్మికులు తెలిపిన వివరాల ప్రకారం... గనిలోని నార్త్‌ డిస్ట్రిక్‌ 22 లెవల్‌ 18 ఎక్స్‌ డీప్‌లో విధులు నిర్వహిస్తుండగా మ్యాన్‌హోల్‌ చేసే క్రమంలో డిటోనేటర్‌ పేలి సపోర్ట్‌మెన్‌న్‌ కార్మికులు క్రాంతికుమార్‌, పుప్పాల శ్రీనివాస్‌, కోల్‌ కట్టర్‌ కార్మికులు రమేశ్‌, రాజ్‌కుమార్‌కు గాయాలయ్యాయి. క్షతగాత్రులను ముందుగా మందమర్రి డిస్పెన్సరీకి అక్కడి నుంచి రామకృష్ణాపూర్‌ ఏరియా ఆస్పత్రికి తరలించి చికిత్స అందిస్తున్నారు. అందులో అమర్చిన డిటోనేటర్‌ 1 పేలకుండా ఉండటంతో కార్మికులు దగ్గరకు వెళ్లి పరిశీలిస్తున్న క్రమంలో పేలినట్లు తెలిసింది.చికిత్స పొందుతున్న క్రాంతికుమార్‌చికిత్స పొందుతున్న రమేశ్‌

కాగజ్‌నగర్‌టౌన్‌: కాగజ్‌నగర్‌ రైల్వేస్టేషన్‌లోని ప్లాట్‌ఫాం నంబర్‌2లో అక్రమంగా తరలిస్తు న్న నిషేధిత గడ్డిమందును సోమవారం పట్టుకున్నట్లు ఆర్పీఎఫ్‌ సీఐ శ్రీరామ్‌మీనా తెలిపా రు. తమకు అందిన సమాచారం మేరకు బల్లార్షా నుంచి మంచిర్యాల వైపు వెళ్తున్న రామగిరి ఎక్స్‌ప్రెస్‌ రైలులో సోదాలు నిర్వహించగా 81 గడ్డి మందు ప్యాకెట్లు, 5 లీటర్ల 5 క్యాన్లు, 5 లీటర్‌ క్యాన్లు పట్టుకున్నట్లు పే ర్కొన్నారు. గడ్డి మందును కాగజ్‌నగర్‌ మండల వ్యవసాయాధికారి రామకృష్ణకు అప్పగించినట్లు తెలిపారు. తనిఖీల్లో ఆర్పీఎఫ్‌ ఎస్సై ప్రాచీదేవి, ఏఎస్సై ఆర్‌.దాసు, సిబ్బంది కమలేశ్‌కుమార్‌ సింగ్‌, ప్రేమానంద్‌ పాల్గొన్నారు.