TV
మున్సిపల్ ఎన్నికల నిర్వహణకు చర్యలు
ఆసిఫాబాద్: జిల్లాలో మున్సిపల్ ఎన్నికల నిర్వహణకు పకడ్బందీ చర్యలు చేపట్టినట్లు కలెక్టర్ కె.హరిత అన్నారు. జిల్లా కేంద్రంలోని కలెక్టరేట్ సమావేశ మందిరంలో ఏర్పాటు చేసిన వెబ్కాస్టింగ్ ద్వారా మంగళవారం ఆసిఫాబాద్, కాగజ్నగర్ మున్సిపాలిటీల్లోని పోలింగ్ కేంద్రాల్లో ఏర్పాట్లను పరిశీలించారు. కలెక్టర్ మాట్లాడుతూ మున్సిపల్ ఎ న్నికలు ప్రశాంతంగా జరిగేలా అధికారులు, సిబ్బంది కృషి చేయాలన్నారు. ఎన్నికల ప్రవర్తన నియమావళికి లోబడి విధులు నిర్వర్తించాలని ఆదేశించారు. పోలింగ్ సరళిని వెబ్కాస్టింగ్ ద్వారా పర్యవేక్షిస్తామని తెలిపారు. కార్యక్రమంలో ఈ–డిస్ట్రిక్ట్ మేనేజర్ గౌతమ్ రాజు, సిబ్బంది పాల్గొన్నారు.
