Karnataka Latest News

● టూరిజం ఉత్సవాలలో మంత్రి జార్జ్‌ మైసూరు: పర్యాటక రంగ అభివృద్ధికి ప్రభుత్వం కట్టుబడి ఉందని ఇంధన, పర్యాటక శాఖ మంత్రి కె.జె. జార్జ్‌ అన్నారు. ఆదివారం మైసూరులోని అంబావిలాస్‌ ప్యాలెస్‌ ప్రాంగణంలో జిల్లా యంత్రాంగం ఆధ్వర్యంలో ప్రపంచ పర్యాటక దినోత్సవాలను నిర్వహించారు. ఆయన మాట్లాడుతూ, కోస్తా, మలెనాడు, హంపీ, బాదామి, బీజాపూర్‌, కొడగు, చిక్కమగళూరు సహా యునెస్కో గుర్తించిన వారసత్వ ప్రదేశాలను అభివృద్ధి చేస్తున్నట్లు తెలిపారు. కర్ణాటక దైవజనుల భూమి అని ఆయన అన్నారు. దసరాకు వచ్చే విదేశీ పర్యాటకులకు ఎలాంటి ఇబ్బంది కలగకుండా, గౌరవప్రదమైన సౌకర్యాలు కల్పించాలని అధికారులను ఆదేశించారు. దేవున్ని ప్రసన్నం చేసుకోవడానికి నాడహబ్బను భక్తిశ్రద్ధలతో జరుపుకొంటే రాబోయే రోజుల్లో మంచి వర్షాలు కురుస్తాయని ఆయన అన్నారు. మైసూరులో పర్యాటకాన్ని ప్రోత్సహించడానికి, దసరా సమయంలోనే కాకుండా, సంవత్సరమంతటా రోజూ అర్ధగంట పాటు రాజభవనాన్ని విద్యుద్దీపాలతో అలంకరించాలని సిటీ ఎమ్మెల్యే తన్వీర్‌ సేట్‌ కోరారు. మైసూరు, కొడగు, చామరాజనగర, హాసన్‌, మండ్య జిల్లాలను కలుపుతూ ఒక పర్యాటక సర్క్యూట్‌ను ఏర్పాటు చేయాలన్నారు. ఈ కార్యక్రమంలో ఎమ్మెల్యే అనిల్‌ చిక్కమాదు, కలెక్టర్‌ లక్ష్మీకాంతరెడ్డి తదితరులు పాల్గొన్నారు. ఈ సందర్భంగా కళాకారుల ప్రదర్శనలు అలరించాయి.

మండ్య: ప్రపంచ ఆరోగ్య సంస్థ అంచనా ప్రకారం, 2035 నాటికి 400 కోట్ల మంది ఊబకాయంతో బాధపడతారు, మధుమేహవ్యాధిగ్రస్తుల సంఖ్య 100 కోట్ల కంటే పెరుగుతోందని, ఈ రెండు సమస్యలు చాలా వేగంగా విస్తరిస్తున్నాయని ఇంటర్నేషనల్‌ అలయన్స్‌ మల్టిపుల్‌ కౌన్సిల్‌ ఛైర్మన్‌ కె.టి.హనుమంత్‌ అన్నారు. మండ్య నగరంలోని ప్రైవేటు ఆస్పత్రిలో షుగర్‌, స్థూలకాయం స్క్రీనింగ్‌ ప్రచార కార్యక్రమం ప్రారంభోత్సవంలో ఆయన మాట్లాడారు. మారుతున్న జీవనశైలి కారణంగా ప్రపంచవ్యాప్తంగా మధుమేహం, ఊబకాయం వల్ల అనేక ఆరోగ్య సమస్యలు పెరుగుతున్నాయని హెచ్చరించారు. నేడు ప్రపంచంలో 73 కోట్ల మంది మధుమేహంతో బాధపడుతుండగా, 136 కోట్ల మంది ఊబకాయ సమస్యలతో సతమతమవుతున్నారని చెప్పారు. అనారోగ్యకరమైన సమాజం ఏర్పడటానికి మనిషే కారణమని అన్నారు. ఆ ఆహారంతో అనారోగ్యం మధుమేహ నిపుణురాలు డాక్టర్‌ బి.శృతి మాట్లాడుతూ, మన పూర్వీకుల ఆహారపు అలవాట్లను పాటించని ప్రజలలో అనేక వ్యాధులు పెరుగుతున్నాయన్నారు. మానసిక ఒత్తిడి కారణంగా అనారోగ్య సమస్యలు ఏర్పడుతున్నాయన్నారు. చిన్నపిల్లలకు చక్కెర మిఠాయిలు, బేకరీ ఉత్పత్తులు, పిండి పదార్థాలు, జంక్‌ ఫుడ్‌ ఇవ్వడం వల్ల కూడా మధుమేహం తలెత్తుతోందన్నారు. వ్యాయామం లేని జీవనశైలి మధుమేహం, ఊబకాయం వ్యాప్తిని మరింత తీవ్రతరం చేస్తోందని ఆమె హెచ్చరించారు. ఈ సందర్భంగా వైద్యనిపుణులు ఆరోగ్య పరీక్షలు నిర్వహించారు. ఈవో సుహాస్‌, కె.ఆర్‌.శశిధర ఈచగెరె, చంద్రశేఖర్‌, ధనంజయ్‌ ధరసాగుప్పె పాల్గొన్నారు. ఈ సందర్భంగా వివిధ రంగాల ప్రముఖులను సన్మానించారు. మంచి అలవాట్లను పాటించాలి వైద్య నిపుణుల హెచ్చరిక

శివాజీనగర: స్నేహితురాలిని లైంగికంగా వేధిస్తున్నాడనని ఆమె మిత్రుడు రుణదాతను హత్య చేశాడు. బెళగావి జిల్లా అథని తాలూకాలోని బల్లిగేరిలో ఈ సంఘటన జరిగింది. వివరాలు ఇలా ఉన్నాయి.. శ్రీదేవి రాజపుత్‌ అనే మహిళను రణవీర్‌ రాజ్‌పుత్‌ లైంగిక వేధించేవాడు. అతడు ఆమెకు కొంత డబ్బు అప్పు ఇచ్చాడు. ఆ కారణంతో సతాయించసాగాడు. సెప్టెంబర్‌ 21న రాత్రి బైక్‌ స్టార్ట్‌ కావడం లేదని చెప్పి రణవీర్‌ను బైరు పవార్‌ అనే వ్యక్తి పిలిపించుకొన్నాడు. ఆ తరువాత గొంతుకు తాడు బిగించి హత్య చేశాడని పోలీసులు తెలిపారు. హత్య తరువాత బైరు, శ్రీదేవికి ఫోన్‌ చేసి చెప్పాడు. విచారణ చేపట్టిన అథణి పోలీసులు కాల్‌ డేటా ఆధారంగా ఇద్దరినీ అరెస్ట్‌ చేశారు. లారీని క్యాబ్‌ ఢీ, ఉద్యోగి మృతి యశవంతపుర: చెడిపోయి రోడ్డుపై నిలిచిన లారీని టొయోటా క్యాబ్‌ ఢీకొన్న ప్రమాదంలో కంపెనీ ఉద్యోగి చనిపోయాడు. బెంగళూరు కుంబళగోడు సమీపంలోని బెంగళూరు–మైసూరు హైవేలో ఆదివారం తెల్లవారుజామున జరిగింది. తిలక్‌ నగరకు చెందిన ముబారక్‌ (35) అనే ప్రైవేటు ఉద్యోగి క్యాబ్‌లో కంపెనీకి వెళ్తుండగా క్యాబ్‌ నిలిచి ఉన్న లారీని ఢీకొనింది. ముందు సీటులో కూర్చున్న ముబారక్‌ తీవ్రగాయాలతో చనిపోగా, డ్రైవర్‌తో పాటు కంపెనీకి చెందిన 11 మంది గాయపడ్డారు. కెంగేరి పోలీసులు కేసు నమోదు చేశారు. రూ.24 లక్షల డ్రగ్స్‌ పట్టివేత బనశంకరి: మంగళూరులో ఎండీఎంఏ క్రిస్టల్‌ అనే మత్తు పదార్థం విక్రయిస్తున్న ముగ్గురిని అరెస్ట్‌ చేశారు. వీరి వద్ద నుంచి రూ.24 లక్షల విలువచేసే 240 గ్రాముల ఎండీఎంఏని స్వాధీనం చేసుకున్నారు. బెంగళూరులో కొనుగోలు చేసి మంగళూరులో ప్రజలు, విద్యార్థులకు అమ్ముతున్నట్లు తెలిసి దాడి చేశారు. ఉళ్లాలవాసులైన నవాజ్‌, మహమ్మద్‌ అరిఫ్‌, లాయిడ్‌ డిసోజాలు పట్టుబడ్డారు. వీరిపై ఇదివరకే డ్రగ్స్‌, ఇతరత్రా నేరాల కేసులు ఉన్నాయి. బెళగావిలో వీడిన మిస్టరీ నిందితుడు, మహిళ అరెస్టు

● ఇస్లామీ హింద్‌ భేటీలో సిద్దరామయ్య మైసూరు: అన్ని మతాలు మానవత్వాన్ని బోధిస్తాయి. మనిషి మనిషిని ప్రేమించడమే మానవత అని మాజీ సీఎం సిద్దరామయ్య అన్నారు. ఆదివారం మైసూరు నగరంలోని జగన్‌మోహన్‌ ప్యాలెస్‌ హాల్‌లో జమాత్‌–ఎ–ఇస్లామీ హింద్‌ నిర్వహించిన ప్రవాది మొహమ్మద్‌ క్రాంతియ జ్యోతి సీరత్‌ సమావేశంలో ఆయన ప్రసంగించారు. అన్ని మతాలు మానవత్వాన్ని బోధిస్తాయి. అందువల్ల, అంతా సమానమే. మానవులందరూ ఒక్కటే. మనం ఒకరినొకరు ప్రేమించుకోవాలి, ద్వేషించుకోకూడదు అని అన్నారు. శక్తిమంతులు కులం, మతం పేరిట సమాజాన్ని విభజిస్తున్నారు, వారు గతంలోనూ ఉన్నారు, ఇప్పుడూ ఉన్నారు, నేను తీసుకొచ్చిన వేధింపుల నిరోధక చట్టం పూర్తిగా అమలు కాకుండా స్వార్థ శక్తులు అడ్డుకుంటున్నాయి అని సిద్దరామయ్య అన్నారు. అందరూ ప్రేమగా ఉంటే, ఎలాంటి వివక్ష ఉండదు. అన్ని మతాలు సామరస్యంగా ఉండాలి అని సూచించారు. ఈ కార్యక్రమంలో సెయింట్‌ ఫిలోమినా చర్చి ఫాదర్‌ స్కాన్యాని అడా, ముస్లిం ప్రముఖులు మొహమ్మద్‌ ఉస్మాన్‌ షరీఫ్‌, బెల్గామి మొహమ్మద్‌ సాద్‌, అయూబ్‌ ఖాన్‌, పలు పార్టీల నేతలు పాల్గొన్నారు. సమావేశంలో విద్యార్థులపై కూలిన గోడ ● ఒకరు మృతి యశవంతపుర: మంగళూరు సిటీ ఎమ్మెకెరె క్రాస్‌ వద్ద రామలక్ష్మీ సభాభవనంలో విద్యార్థి సంఘం పదాధికారుల ప్రమాణోత్సవంలో ప్రమాదం సంభవించింది. గోడ కూలి ఐదుమంది విద్యార్థులు గాయపడగా, అందులో ఒకరు చనిపోయారు. దీనిపై కేసు నమోదు చేసినట్లు పోలీసు కమిషనర్‌ సుధీర్‌కుమార్‌రెడ్డి తెలిపారు. ఆ సమయంలో పెద్దసంఖ్యలో విద్యార్థులు అక్కడ ఉన్నారు. ఇంతలో గోడ కూలి పడిపోయింది. తీవ్ర గాయాలతో మహమ్మద్‌ షమాజ్‌ (16) ఆస్పత్రిలో చికిత్స పొందుతూ శనివారం అర్ధరాత్రి మృతి చెందాడు. హనీఫ్‌, మహమ్మద్‌ హుస్సేన్‌, దావూద్‌ అహ్మద్‌, మరొకరు చికిత్స పొందుతున్నారు. గోడ ఎలా కూలిందనే దానిపై విచారణ చేపట్టారు. ఆత్మహత్య అంటూ హంగామా శివమొగ్గ: ఆత్మహత్య చేసుకోబోతున్నానని కుటుంబ సభ్యులకు చెప్పి చెరువు వద్దకు వచ్చిన ఒక ఇంజనీరింగ్‌ విద్యార్థిని పోలీసులు రక్షించారు. శనివారం వినోబానగర ఠాణా పరిధిలో ఈ ఘటన జరిగింది. ఇంజనీరింగ్‌ విద్యార్థి (20), తన మొబైల్‌ఫోన్‌లో కుటుంబసభ్యులకు కాల్‌ చేసి, నేను ఆత్మహత్య చేసుకుంటా, నన్ను క్షమించండి అని చెప్పాడు. ఈ విషయం విని భయపడిన కుటుంబ సభ్యులు వినోబానగర సీఐ సంతోష్‌ కుమార్‌కు తెలిపారు. ఆయన, పోలీసులు గాలింపు చేపట్టారు. నగర శివార్లలోని సోమినాకొప్ప చెరువు సమీపంలో అతనిని కనుగొన్నారు. ఇన్‌స్పెక్టర్‌ సంతోష్‌ కుమార్‌, సిబ్బంది యోగేష్‌, గురురాజ్‌లను ఎస్పీ బి.నిఖిల్‌ అభినందించారు. తండ్రిపై నమ్మకం లేదా? ● రాహుల్‌గాంధీపై బీజేపీ నేత అశోక్‌ విమర్శలు బనశంకరి: కాంగ్రెస్‌ నేత రాహుల్‌గాంధీకి తండ్రిపై నమ్మకం లేదని, అందుకే ఎన్నికల సంఘంపై కూడా నమ్మకం లేదని బీజేపీ నేత ఆర్‌.అశోక్‌ తీవ్ర ఆరోపణలు చేశారు. ఆదివారం బెంగళూరు మల్లేశ్వరంలో బీజేపీ ఆఫీసులో మాట్లాడారు. రాహుల్‌గాంధీ ఒకప్పుడు ఈవీఎంను బ్లాక్‌బాక్స్‌ అని పిలిచారని, ఈవీఎంను ఆయన తండ్రి రాజీవ్‌గాంధీ తీసుకువచ్చారనేది మరచిపోయారని విమర్శించారు. కాంగ్రెస్‌ నిరాశలో ఉందని, ఇకపై ఎన్నికల్లో గెలవలేరని ఎన్నికల సంఘం గురించి మాట్లాడుతున్నారని ధ్వజమెత్తారు. గతంలో నెహ్రు, ఇందిరాగాంధీ కాలంలో ఇంటి పనివాళ్లను ఎన్నికల సంఘంలో నియమించారన్నారు. కర్ణాటకలో వేలాది పాఠశాలలు శిథిలావస్థలో ఉన్నాయని, బొద్దింకల పార్టీ నాయకులు ఇక్కడకు వచ్చి చూడాలన్నారు. కస్తూరిరంగన్‌ నివేదిక విషయంలో అఖిలపక్ష బృందంతో ఢిల్లీకి వెళతామని, కరువు బృందంలో పాల్గొనబోమని తెలిపారు. బిడది రైతులపై తప్పుడు కేసులు: కుమారస్వామిశివాజీనగర: బిడదిలో టౌన్‌షిప్‌కు భూములు ఇవ్వబోమని రైతులు చేస్తున్న చట్టబద్దమైన పోరాటాన్ని అణచివేసేందుకు ప్రభుత్వం వారిపై తప్పుడు ఎఫ్‌ఐఆర్‌లు నమోదు చేస్తోందని కేంద్రమంత్రి హెచ్‌డీ కుమారస్వామి ఆరోపించారు. ఆదివారం ఆయన మాట్లాడుతూ రైతుల పక్షాన దృఢంగా నిలబడతామన్నారు. కరువు కాలంలో రైతులకు రూ.2,500 మాత్రమే ఇచ్చి, మిగిలిన డబ్బు కోసం కేంద్రాన్ని నిందిస్తున్నారని విమర్శించారు. తాను సీఎంగా ఉండగా రూ.2.5 వేల కోట్ల రుణాలను మాఫీ చేశానని చెప్పారు.

● ఓటరు జాబితా అక్రమాలపై పోరాటం: డీకే శివాజీనగర: సీఎం డీ.కే.శివకుమార్‌ ఆదివారం బెంగళూరులోని నివాసంలో ఏఐసీసీ అధ్యక్షుడు మల్లికార్జున ఖర్గేను కలిసి పలు రాజకీయ అంశాలపై చర్చలు జరిపారు. తరువాత ఆయన విలేకరులతో మాట్లాడారు. ఓటరు కార్డులు, జాబితాల్లోని అవకతవకలపై ఖర్గేతో సుదీర్ఘంగా చర్చించినట్లు తెలిపారు. ఎన్నికలలో భారీ అక్రమాలు జరిగాయని ఇప్పుడు ఆధారాలు వెలుగులోకి వస్తున్నాయన్నారు. దీనిపై పోరాటాన్ని ముమ్మరం చేస్తామని తెలిపారు. ఎమ్మెల్యేలకు ప్రాధాన్యం వివిధ కార్పొరేషన్‌, బోర్డుల పదవుల నియామకాల్లో పార్టీ సీనియర్‌ ఎమ్మెల్యేలకు, విధేయులైన కార్యకర్తలకు మొదటి ప్రాధాన్యతనిస్తామని సీఎం తెలిపారు. ఢిల్లీ పర్యటనలో పలు అంశాలపై చర్చిస్తానని చెప్పారు. నేడు ఢిల్లీకి సీఎం బృందం సీఎం డీకే శివకుమార్‌ నేతృత్వంలోని అఖిలపక్ష ప్రతినిధి బృందం ముఖ్యమైన అంశాలపై చర్చించేందుకు సోమవారం ఢిల్లీకి వెళ్లనుంది. కేంద్ర వ్యవసాయ, అటవీ శాఖ మంత్రులతో సహా పలువురు మంత్రులతో సమావేశమవుతారు. పశ్చిమ కనుమలపై కస్తూరి రంగన్‌ నివేదిక, కరువు సహాయంపై చర్చిస్తారని తెలిసింది. ప్రజలకు ఇబ్బంది లేకుండా కస్తూరి రంగన్‌ నివేదికను సవరించాలని కేంద్ర అటవీ మంత్రిని కోరనున్నారు.పశు వైద్యాధికారి పోస్టుకు రూ.30 లక్షలు ● బ్రోకరు కన్నాళే స్నేహితుని దందా బనశంకరి: కేపీఎస్‌సీ పశు వైద్యాధికారుల ఉద్యోగాల స్కాంలో అరెస్టయిన బ్రోకరు బసవరాజ్‌ కన్నాళే అనుచరుడైన పవన్‌ తన మిత్రునికి వైద్యాధికారి పోస్టు ఇప్పించడానికి రూ.30 లక్షలు డీల్‌ కుదుర్చుకున్నట్లు సీఐడీ దర్యాప్తులో తేలింది. దీంతో పవన్‌ కోసం గాలిస్తున్నారు. బీదర్‌ జిల్లాలో పవన్‌ స్నేహితుడైన అభ్యర్థి ఈ పరీక్ష రాశాడు. ఉద్యోగం కోసం సంప్రదించాడు కానీ ఇచ్చుకోవడానికి డబ్బులు లేవు. ఎలాగైనా సరే స్నేహితునికి కొలువు ఇప్పించాలని పవన్‌, బసవరాజ్‌ కన్నాళేకు విన్నవించాడు. డబ్బు ఇవ్వకుండా పోస్టు రాదని కన్నాళే చెప్పాడు. దీంతో పవన్‌ మరో పథకం వేశాడు, బీదర్‌ జిల్లాలో మరో అభ్యర్థితో మాట్లాడి నీకు ఉద్యోగం ఇప్పిస్తానని అతని నుంచి రూ.30 లక్షలు తీసుకున్నాడు. అందులో నుంచి రూ.17 లక్షలు కన్నాళేకు ఇచ్చి తన స్నేహితుడు ఇచ్చాడని, ఉద్యోగం కేటాయించాలని ఒప్పందం చేసుకున్నాడు. 11 మంది అభ్యర్థుల నుంచి రూ.1.45 కోట్లు కన్నాళే, అతని బృందం వసూలు చేసినట్లు సీఐడీ దర్యాప్తులో వెల్లడైంది. జయ శ్రీరామ అని రాసినందుకు పరీక్ష క్యాన్సిల్‌ కేపీఎస్‌సీ నిర్వహించిన గెజిటెడ్‌ ఉద్యోగాల భర్తీ పరీక్షలో సమాధానపత్రంలో జయ శ్రీరామ అని రాసిన అభ్యర్థి దరఖాస్తును కమిషన్‌ రద్దుచేసింది. వివరాలు.. 2025 మే 29 తేదీన నిర్వహించిన సాధారణ అధ్యయనం–3 పరీక్షలో అభ్యర్థి సమాధానపత్రంలో జయశ్రీరామ అని రాశారు. దీని గురించి వాల్యుయేషన్‌ అధికారుల సమాచారంతో ఆ అభ్యర్థికి నోటీస్‌ జారీ చేశారు. ఉద్యోగం రావాలని దేవున్ని ప్రార్థిస్తూ తనకు తెలియకుండా ఇలా రాశానని, ఎలాంటి దురుద్దేశం లేదని క్షమాపణ తెలిపారు. కానీ కేపీఎస్‌సీ నిబంధనల ప్రకారం ఓఎంఆర్‌, సమాధానపత్రంలో ఇతర వ్యాఖ్యలు, మత చిహ్నాలు రాయకూడదంటూ అతని దరఖాస్తును రద్దు చేస్తున్నట్లు కేపీఎస్‌సీ కార్యదర్శి కే.జ్యోతి ఆదేశించారు. మరో ఘటనలో.. 2021లో ఎఫ్‌డీఏ ప్రశ్నాపత్రం లీకేజీ కేసులో నిందితుడు, కరెప్పహనుమంత తుబటి అనే అభ్యర్థిని కేపీఎస్‌సీ శాశ్వతంగా డీబార్‌ చేసింది. తనపై ఉన్న ఎఫ్‌ఐఆర్‌, అరెస్ట్‌ సమాచారం దాచిపెట్టి 2024లో పీడీఓ పరీక్షకు దరఖాస్తు చేసి రాసినట్లు విచారణలో తేలింది. ఇకపై ఎలాంటి పరీక్షలకు అనుమతించకూడదని ఆదేశించారు.

శివాజీనగర: రాష్ట్రంలో కరువు తాండవిస్తోంది. వర్షాలు లేక పంటలు ఎండిపోయాయి, నదులు, డ్యాముల్లో నీటిమట్టం అంతంతమాత్రంగా ఉంది, భూగర్భ జలాలు కూడా పడిపోయి అన్నదాతలు అవస్థల్లో ఉన్నారు. ఈ నేపథ్యంలో వాస్తవ పరిస్థితిని అంచనా వేయడానికి కేంద్ర ప్రభుత్వ అధ్యయన బృందం అక్టోబర్‌ మొదటి వారంలో కర్ణాటకలో పర్యటించనుంది. కేంద్ర వ్యవసాయ శాఖ సంయుక్త కార్యదర్శి అజిత్‌కుమార్‌ సాహు నేతృత్వంలోని అధికారులు వివిధ జిల్లాల్లో కరువు పరిశీలన ఆసగిస్తారు. సీఎం డీ.కే.శివకుమార్‌తో పర్యటనకు ముందు, తరువాత సమావేశమవుతారు. కరువు తాలూకాల జాబితాను, నష్ట వివరాలను ప్రభుత్వం కేంద్ర బృందానికి అందిస్తుంది. ఎంపిక చేసిన తాలూకాలను సందర్శిస్తారు. ఈ బృందం సమర్పించిన నివేదిక ఆధారంగా కేంద్ర ప్రభుత్వం కరువు సహాయక నిధులను విడుదల చేస్తుంది. 177 తాలూకాల్లో దుర్భిక్షం రాష్ట్ర ప్రభుత్వం ఇప్పటికే 177 తాలూకాలను కరువు ప్రభావిత తాలూకాల జాబితాలో చేర్చింది. ఈ నెలాఖరులో మరిన్ని తాలూకాలు చేరే అవకాశం ఉంది. దీంతో మొత్తం 220 తాలూకాలను కరువు ప్రాంతాలుగా ప్రకటించవచ్చు. రాష్ట్ర ప్రభుత్వం రూ.23,705 కోట్ల సహాయాన్ని కోరింది. అక్టోబరులో కేంద్ర బృందం రాక

మైసూరు: ఉరుకుల పరుగుల జీవితంలో అలసిన తనువు మనసులకు కళాత్మక సాంత్వన లభించబోతోంది. నాడ హబ్బ మైసూరు దసరాలో యువతతో పాటు పెద్దలూ ఎంతో ఇష్టపడే ‘యువ సంభ్రమ’ వేడుకలు సోమవారం నుంచి ప్రారంభం కాబోతున్నాయి. మైసూరులోని మానస గంగోత్రిలో ఓపెన్‌ ఎయిర్‌ థియేటర్‌లో 8 రోజుల పాటు సాయంత్రం 4:30 నుంచి రాత్రి 9 గంటల వరకు నృత్య గాన కళా ప్రదర్శనలు ఉర్రూతలూగించబోతున్నాయి. ప్రారంభోత్సవానికి సప్తమి గౌడ ● గాయకుడు విజయ్‌ ప్రకాష్‌, అందాల నటి సప్తమి గౌడ వేడుకలకు నాంది పలుకుతారు. అక్టోబరు 5న రాత్రి వరకూ వినోదం పంచుతాయని అదనపు కలెక్టర్‌ ఆర్‌.ఐశ్వర్య తెలిపారు. ● ఈసారి యువ సంభ్రమలో ఒక రోజును పూర్తిగా మహిళా దినోత్సవానికి అంకితం చేశారు. ఆ రోజున, వేదిక నిర్వహణ, భద్రత, ఏర్పాట్ల బాధ్యతలను మహిళలే పర్యవేక్షిస్తారు. ఆ రోజున అధికారులు, విద్యార్థులు అందరూ గులాబీ రంగు దుస్తులు ధరిస్తారు అని ఆర్‌.ఐశ్వర్య తెలిపారు. ● ఈసారి మొత్తం 350కి పైగా కళాశాలలు పాల్గొంటాయి. దివ్యాంగ బాల కళాకారులతో ప్రతిరోజూ ఓ ప్రదర్శన ఉంటుంది. ● సాంస్కతిక కార్యక్రమాలతో పాటు, చిత్రసంతే, ఆహార ప్రియుల కోసం ఫుడ్‌కోర్టు ఏర్పాటవుతాయి. ● ఈ సందర్భంగా యువ సంభ్రమ టైటిల్‌ సాంగ్‌ను విడుదల చేశారు. దసరా బంటు సంభ్రం బంటు.. యువ సంభ్రం బంటు.. అని సాగే పాటను పురపాలక సంస్థ డిప్యూటి కమిషనర్‌ సోమశేఖర్‌ రచించారు. మరోవైపు యథా ప్రకారం గజ సాధన, ఫిరంగుల సంసిద్ధం తదితర కార్యక్రమాలు జరుగుతున్నాయి. నేటి నుంచి మైసూరు దసరా ‘యువ సంభ్రమ’ సాయంత్రం నుంచి రాత్రి వరకూ నృత్య, గాన వేడుకలు సందర్శకులకు కనువిందు

రాయచూరు రూరల్‌: క్రీడల్లో గెలుపోటములు సహజం. క్రీడాకారులు గెలుపు, ఓటములను సమానంగా స్వీకరించాలని జిల్లా అధికారి పూవిత అభిప్రాయపడ్డారు. ఆదివారం జిల్లా పోలీస్‌ క్రీడా మైదానంలో రాయచూర్‌ రిపోర్టర్స్‌ గిల్డ్‌ వజ్రోత్సవ వేడుకల్లో భాగంగా జిల్లా స్థాయి క్రీడా పోటీలు నిర్వహించారు. ఈ సందర్భంగా ఆమె మాట్లాడుతూ.. క్రీడలతో మానసికోల్లాసం లభిస్తుందని తెలిపారు. ఒత్తిడి నుంచి బయట పడేందుకు తరచుగా క్రీడల్లో పాల్గొనాలని సూచించారు. కార్యక్రమంలో ఎస్పీ అరుణాంగ్శు గిరి, జెడ్పీ సీఈఓ ఈశ్వర్‌ కుమార్‌ కాందూ, నగర పాలికె కమిషనర్‌ జుబీన్‌ మోహపాత్రో, క్రీడా యువజన సేవాధికారి వీరేష్‌ నాయక్‌, గురునాథ్‌, విజయ్‌ జాగటగల్‌ తదితరులు పాల్గొన్నారు. మంత్రాలయంలో భక్తుల సందడిరాయచూరు రూరల్‌: మంత్రాలయం రాఘవేంద్ర స్వామి మఠంలో ఆరాధనోత్సవాలు, సప్త రాత్రోత్సవాలు, చాతుర్మాస ఉత్సవాలు ఆదివారం అత్యంత వైభవంగా ముగిశాయి. ఉదయం నుంచే మఠంలో భక్తుల కోలాహలం నెలకొంది. ఉత్సవాల ముగింపు సందర్భంగా రాఘవేంద్ర స్వామి మూల విరాట్‌కు వేద మంత్రోచ్ఛారణల నడుమ ఊంజల (ఉయ్యాల) సేవను నిర్వహించారు. మఠం పీఠాదిపతి సుబుదేంద్ర తీర్థ శ్రీపాదంగళ్‌ సమక్షంలో మంగళ వాయిద్యాలు, మేళతాళాలు నడుమ భజనలు, కీర్తనలు ఆలపించడంతో మఠం ప్రాంగణం మార్మోగింది. అనంతరం, మఠం పీఠాధిపతి సుబుదేంద్ర తీర్థులకు భక్తులు తులాభారం వేసి, మొక్కులు చెల్లించుకున్నారు. రైతులకు పరిహారం అందించరా? రాయచూరు రూరల్‌: రాష్ట్రంలోని ఉత్తర, కళ్యాణ కర్ణాటక జిల్లాల్లో భీకరమైన కరువు సంభవించింది. ప్రభుత్వం తక్షణమే స్పందించి రైతులకు పరిహారం అందించాలి. వెంటనే కరువు సహాయక పనులు ప్రారంభించాలని మాన్వి మాజీ శాసనసభ సభ్యుడు రాజా వెంకటప్ప నాయక్‌ డిమాండ్‌ చేశారు. ఆదివారం సిరవారలోని బసవేశ్వర సర్కిల్‌ వద్ద రైతులు ఆందోళన చేపట్టారు. ఎడ్ల బండ్లపై తరలివచ్చి రైతులు, నిరసన వ్యక్తం చేశారు. అనంతరం రాజా వెంకటప్ప నాయక్‌ మాట్లాడుతూ.. కరువు పరిస్థితుల్లో రైతులు, సామాన్య ప్రజలు కొట్టుమిట్టాడుతుంటే ఇక్కడి ప్రజాప్రతినిధులు మౌనం వహించడం తగదన్నారు. తుంగభద్ర ఎడమ కాలువ ఆయకట్టు చివరి భూములకు సాగునీరు అందడం లేదని మండిపడ్డారు. గేజ్‌ నిర్వహణలో జరుగుతున్న లోపాలను అధికారులు తక్షణమే సవరించాలన్నారు. కరువుతో నష్టపోయిన రైతులకు ఎకరాకు రూ.25,000 చొప్పున పరిహారం చెల్లించాలని కోరారు. అనంతరం వివిధ సమస్యలు పరిష్కరించాలని కోరుతూ స్థానిక అధికారికి వినతిపత్రం సమర్పించారు. కనీస వేతనాలు ఇవ్వాల్సిందే..రాయచూరు రూరల్‌: వివిధ శాఖలో విధులు నిర్వహిస్తున్న కాంట్రాక్ట్‌ కార్మికులకు కనీస వేతనాలు అందించాలని ఏఐటీయూసీఐ నాయకులు డిమాండ్‌ చేశారు. శనివారం తహసీల్దార్‌ కార్యాలయం వద్ద ఆందోళన చేపట్టారు. ఈ సందర్భంగా ఆ సంఘం అధ్యక్షుడు శరణ బసవ మాట్లాడుతూ.. తక్కువ జీతాలతో పని చేస్తున్న కాంట్రాక్ట్‌ కార్మికులు ఇబ్బందులు పడుతున్నట్లు తెలిపారు. వారు ఎదుర్కొంటున్న సమస్యలను పరిష్కరించాలని సూచించారు. కనీస వేతనాలు అందించేలా ప్రభుత్వం చొరవ తీసుకోవాలని తెలిపారు. సౌకర్యాలు కల్పించాలని కోరతూ తహసీల్దార్‌ సురేష్‌ వర్మకు వినతిపత్రం అందజేశారు.

● సత్యాత్మతీర్థ స్వామి సహా ముగ్గురికి గాయాలు హుబ్లీ: బెంగళూరు బసవనగుడ ఉత్తరాధి మఠ సత్యాత్మతీర్థ స్వామి ప్రయాణిస్తున్న కారు ప్రమాదవశాత్తూ రోడ్డుపై డివైడర్‌ను ఢీకొట్టింది. ఈ ప్రమాదంలో స్వామీజీతో పాటు ముగ్గురు తీవ్రంగా గాయపడ్డారు. ధార్వాడ నుంచి సవనూరుకు వెళ్తుండగా బెంగళూరు జాతీయ రహదారిపై వాటర్‌ పార్కు సమీపంలో కారు ప్రమాదానికి గురైంది. ప్రమాదంలో సత్యాత్మ తీర్థతో పాటు ముగ్గురికి స్వల్ప గాయాలు కావడంతో తక్షణమే హుబ్లీ ప్రైవేట్‌ ఆస్పత్రిలో చేర్పించి చికిత్స అందించారు. ధార్వాడ ఉత్తరాధి మఠ సీఈఓ విద్యాదీశచార్య గుప్తా మాట్లాడుతూ.. స్వామిజీకి స్వల్ప గాయాలయ్యాయి. భక్తులు ఆందోళన చెందాల్సిన అవసరం లేదని వెల్లడించారు.

హొసపేటె: విజయ నగర జిల్లా కూడ్లిగి తాలూకా కానహోసహళ్లి సమీపంలోని రంగనాథహళ్లి వద్ద రోడ్డు పనులు ఆగిపోయాయి. మూడు నెలల క్రితం రోడ్డు పనులు ప్రారంభం కాగా.. నేటికీ తారు వేయడం పూర్తి కాలేదు. కానహోసహళ్లి–ఉజ్జిన అనుసంధాన రహదారి రెండవ దశ పనులు నింబళగెరె అటవీ ప్రాంతం వరకు విస్తరించి, కంకర వేసే పనులు పూర్తయ్యాయి. చాలా రోజులు గడిచినా తదుపరి పనులు ప్రారంభం కాలేదు. రాళ్లమయమైన రోడ్డుపై వాహనాల రాకపోకలకు ఇబ్బందిగా మారింది. దుమ్ము, వర్షాల సమయంలో బురద కారణంగా ద్విచక్ర వాహనదారులు, పాదచారులు అవస్థలు పడుతున్నారు. ఇప్పటికే చాలా మంది రోడ్డుపై పడి గాయపడిన ఘటనలు ఉన్నాయి. తారు వేసి రోడ్డు పనులు పూర్తి చేయాలని స్థానికులు కోరుతున్నారు.

హొసపేటె: దోపిడీకి కేంద్రాలుగా ఉన్న దేవాలయాల్లో పూజలు, కర్మకాండలు చేయడం ద్వారా ఎవరూ లింగాయత్‌లు కాలేరు. దేవాలయం, గర్భాలయం, గుండారాన్ని విడిచిపెట్టి, బసవతత్వానికి విశ్వాసపాత్రంగా ఉన్నప్పుడే అది సాధ్యమవుతుందని సనేహళ్లి మఠం పట్టాధ్యక్షుడు డాక్టర్‌.పండితారాధ్య శివాచార్య తెలిపారు. ఆదివారం విజయనగర జిల్లా హువిన హడగాలి తాలూకా కమ్మతహళ్లి విరక్తమఠం ప్రాంగణంలో చన్నబసవ శివయోగిజయంతి, బసవతత్వ సవతత్వ సమ్మేళనం నిర్వహించారు. ఈ సందర్భంగా ఆయన మాట్లాడుతూ.. సద్గుణాన్ని మూర్తీభవించిన వ్యక్తి దేవుడైతే.. దుర్గుణం వల్ల దెయ్యం అవుతాడు. వింత భావాలు కలిగి నాట్యం చేయడం వల్ల లింగాయతుడు గణపతియే బసవన్న అని చెప్పడానికి ధైర్యం కావాలన్నారు. ద్వైత భావనను విడిచిపెట్టి, బసవతత్వానికి కట్టుబడి ఉండాలన్నారు. కార్యక్రమంలో హువినహడగలి హుహిరిశాంత వీర స్వామిజీ, గడ్డినకెరె ఇమ్మడి మహంత్‌ స్వామిజీ, సిద్దయ్యనకోటే బసవలింగ స్వామిజీ, గురుబసవేశ్వర మఠం ప్రభు మహంత్‌ స్వామిజీ, రాష్ట్రీయ బసవదళ అధ్యక్షుడు చంద్రమౌలి ఎన్‌.లింగాయత్‌, మార్గొండనహళ్లి విరక్త మఠం అభినవ బసవలింగ స్వామిజీ, మాజీ ఎమ్మెల్యే ఎస్‌.వి.రామచంద్ర, బీడీసీసీ డైరెక్టర్‌ వైడి.అన్నప్ప, నాయకులు నాగరాజ్‌, ఎస్‌.కే.మంజునాథ్‌, పాటిల్‌ కెంచన గౌడ పాల్గొన్నారు.

హొసపేటె: ప్రధాన ఎన్నికల కమిషనర్‌ జ్ఞానేష్‌ కుమార్‌ను తొలగించాలని డిమాండ్‌ చేస్తూ నగరంలోని డాక్టర్‌.పునీత్‌రాజ్‌ కుమార్‌ సర్కిల్‌ వద్ద సీపీఐఎం కార్యకర్తలు నిరసన తెలిపారు. ఈ సందర్భంగా నాయకుడు జంబయ్య నాయక్‌ మాట్లాడుతూ.. ముగ్గురు ఎన్నికల కమిషనర్లలో ఇద్దరు కనీసం 14 నిర్ణయాలను వ్యతిరేకించారని తెలిపారు. ఓటర్ల డేటాబేస్‌ను కేంద్రీకరించడం, రాష్ట్ర స్థాయి అధికారులపై ఆంక్షలు విధించడం వంటివి జరుగుతున్నాయని ఆరోపించారు. గోవాలో 97 మంది ఓటర్లు అర్హులుగా గుర్తించినప్పటికీ, సాఫ్ట్‌వేర్‌ పరిమితుల కారణంగా వారి పేర్లు నమోదు కాలేదని పేర్కొన్నారు. ఎస్‌ఐఆర్‌ ప్రక్రియను నిలిపి వేయాలని కోరారు. ఎన్నికల కమిషన్‌ విశ్వసనీయతను పునరుద్ధరించాలన్నారు.కార్యక్రమంలో పార్టీ జిల్లా కార్యదర్శి ఆర్‌.భాస్కర్‌రెడ్డి, తాలూకా అధ్యక్షుడు ఎన్‌.యల్లలింగ, నాయకులు ఎం.గోపాల, మహేష్‌, కేఎం.సంతోష్‌ కుమార్‌, కళ్యాణయ్య, ఉమామహేశ్వర పాల్గొన్నారు.

రాయచూరు రూరల్‌: సకాలంలో వర్షాలు కురవక పంటలు ఎండిపోతున్నాయి. రాయచూరు, యాదగిరి, దేవదుర్గ ప్రాంతాల్లో వరుణ దేవుడు కరుణించాలని ప్రార్థిస్తూ ఆదివారం ప్రత్యే పూజలు చేపట్టారు. ఆదివారం ఆయా ప్రాంతాల్లో గ్రామీణ సంస్కృతి, సాంప్రదాయాలకు అద్దం పట్టేలా ‘గుర్జి జోకుమార’ అంటూ జానపద శైలిలో పాటలు పాడుతూ ఇంటింటికి తిరిగారు. గ్రామాల్లో వర్షాలు సమృద్ధిగా కురిసి, కరువు తీరాలని వేడుకున్నారు. మరోవైపు జోకుమారుడికి (మట్టితో చేసిన విగ్రహం) ప్రత్యేక పూజలు చేపట్టి, విగ్రహాన్ని పల్లెల్లో ఊరేగించారు. వానలు కురవాలంటూ పెద్ద పెట్టున కేకలు వేస్తూ, జానపద గీతాల ద్వారా ఆ దేవుడికి కష్టాలను మొరపెట్టుకున్నారు.

● హొసపేటెలో ఘనంగా హిందూ మహాగణపతి నిమజ్జనం ● ఆకట్టుకున్న కళాబృందాల ప్రదర్శన ● డీజే, డప్పుచప్పుళ్ల మధ్య యువత సందడి హొసపేటె: హొసపేటె నగరంలో 13 రోజుల పాటు భక్తుల నుంచి పూజలందుకున్న విఘ్నేశ్వరుడు.. గంగ ఒడికి తరిలాడు. హిందూ మహాగణపతి మహోత్సవ్‌ కమిటీ ఆధ్వర్యంలో ఏర్పాటు చేసిన హిందూ మహాగణపతి నిమజ్జనం వేలాది మంది భక్తుల మధ్య శనివారం రాత్రి అత్యంత వైభవంగా జరిగింది. మెయిన్‌ బజార్‌, మెయిన్‌ మసీదు రోడ్‌, గాంధీ చౌక్‌, మురంగడి సర్కిల్‌, సెంట్రల్‌ బస్టాండ్‌ రోడ్‌, రైల్వేస్టేషన్‌ రోడ్డును కాషాయ జెండాలు, బ్యానర్లు, తోరణాలతో అలకరించారు. డోల్లు, కోలాటం, తాష రాండోల్‌ వంటి వివిధ సాంస్కృతిక, జానపద కళా బృందాల ప్రదర్శన స్థానికులను ఆకట్టుకుంది. 18 అడుగుల ఎత్తైన హిందూ మహా గణపతి నిమజ్జన ఊరేగింపులో యువత డ్యాన్స్‌ చేస్తూ సందడి చేశారు. అంతకుముందు మాజీ మంత్రి ఆనంద్‌సింగ్‌ ప్రార్థనలు చేసి విశ్వహిందూ మహాగణపతి ఊరేగింపును ప్రారంభించారు. స్టేషన్‌ రోడ్డులో ఉన్న పవర్‌ కాలువ వద్ద వేలాది మంది భక్తుల హర్షద్వానాల మధ్య గణేష్‌ నిమజ్జనం ప్రశాంతంగా జరిగింది. ఎలాంటి అవాంఛనీయ ఘటనలు జరగకుండా ఎస్పీ ఎస్‌.జాహ్నవి బందోబస్తు ఏర్పాటు చేశారు. వినాయక ఊరేగింపుక్రేన్‌ సహాయంతో నిమజ్జనం

రాయచూరు రూరల్‌: దేశ వ్యాప్తంగా హిందీ భాషకు ప్రాముఖ్యత ఉంది. హిందీని అందరూ గౌరవించాలని నవోదయ పాఠశాల హిందీ అధ్యాపకుడు కె.పి.సింగ్‌ సూచించారు. హిందీ భాషా దినోత్సవాన్ని పురస్కరించుకుని తారానాథ్‌ విద్య సంస్థలో కార్యక్రమంలో నిర్వహించారు. భారతదేశ సంస్కృతిని, వైవిద్యాన్ని ఏకం చేయడంలో హిందీ భాష కీలకపాత్ర పోషిస్తుందన్నారు. హిందీ భాషపై విద్యార్థులకు అవగాహన కల్పించాల్సిన అవసరం ఉందని వెల్లడించారు. కార్యక్రమంలో అరుణ హిరేమఠ్‌్‌, వీర హనుమాన్‌, శరణస్త్ర గౌడ, ఆంజనేయ, చక్రధర్‌, దీక్షిత, హర్షిత తదితరులు పాల్గొన్నారు. అనిల్‌ కుమార్‌కు డాక్టరేట్‌బళ్లారి అర్బన్‌: బళ్లారి ఇన్‌స్టిట్యూట్‌ ఆఫ్‌ టెక్నాలజీ అండ్‌ మేనేజ్‌మెంట్‌ (బీఐటీఎం) కళాశాల సివిల్‌ ఇంజనీరింగ్‌ విభాగం అసిస్టెంట్‌ ప్రొఫెసర్‌ అనిల్‌ కుమార్‌కు బెల్గాంలోని విశ్వేశ్వరయ్య టెక్నలాజికల్‌ యూనివర్సిటీ (వీటీయూ) పీహెచ్‌డీ పట్టా ప్రదానం చేసింది. శనివారం బెల్గాంలోని వీటీయూ క్యాంపస్‌లో జరిగిన స్నాతకోత్సవంలో కర్ణాటక గవర్నర్‌ థావర్‌చంద్‌ గెహ్లోట్‌, ఉప ముఖ్యమంత్రి, విద్యాశాఖ మంత్రి తదితరుల సమక్షంలో పట్టా స్వీకరించారు. వివిధ మోలారిటీలకు మల్టీ ఫైబర్స్‌, ఎం–శాండ్‌తో కూడిన జియోపాలిమర్‌ కాంక్రీట్‌ పని తీరు మూల్యాంకనం అనే అంశంపై ఎస్‌.శోభ మార్గదర్శకత్వంలో పరిశోధన పూర్తి చేశారు. అన్నభాగ్య బియ్యం అక్రమ రవాణా హుబ్లీ: తగిన దాఖలాలు లేకుండా రేషన్‌ బియ్యం (అన్నభాగ్య బియ్యం) రవాణా చేస్తున్న లారీని తాలూకాలోని సంశి వద్ద ప్రజలే పట్టుకుని కుందగోళ పోలీసులకు అప్పచెప్పారు. అయితే దీనిపై తహసీల్దార్‌ రాజు, ఆహార సరఫరా శాఖ ఉద్యోగి సకుబాయిను విచారించగా స్పష్టమైన సమాచారం తెలియరాలేదన్నారు. పోలీస్‌ అధికారులను సంప్రదించగా.. లారీ పోలీస్‌ స్టేషన్‌లో ఉందని.. బియ్యం రవాణాపై ఎవరూ ఫిర్యాదు చేయలేదని తెలిపారు. వాహనంపై అన్నభాగ్య బోర్డు ఉండటం పలు అనుమానాలకు దారి తీస్తోంది. పాదచారి ప్రాణాలు తీసిన చోదకుడికి ఏడాది జైలు హుబ్లీ: ప్రమాదంలో పాదచారి చావుకు కారకుడైన బైక్‌ చోదకుడికి ఏడాది కారాగృహ శిక్ష, అలాగే బైక్‌ ఇచ్చిన వ్యక్తి రూ.14 వేల జరిమానా విధిస్తు ధార్వాడ ప్రధాన సీజేఎం కోర్టు తీర్పు వెలువరించింది. వికాస నగర మహబూబ్‌ అలీ జైల్‌ శిక్షకు గురైన వ్యక్తి. ఇతడికి బైక్‌ ఇచ్చిన మనకిల్లా నివాసి జాఫర్‌ సాధిక్‌కు రూ.5 వేల జరిమాన విధించారు. వివరాలు.. 2025 మే 29న రాత్రి 10 గంటలకు మహబూబ్‌ అలీ బైక్‌లో వెళ్తూ శ్రీధర నారాయణప్ప అనే వ్యక్తిని ఢీకొట్టాడు. తీవ్రంగా గాయపడిన శ్రీధర్‌ చికిత్స పొందుతూ మృతి చెందాడు. ఈ ఘటనపై ధార్వాడ ట్రాఫిక్‌ సీఐ కేసు నమోదు చేసి కోర్టులో చార్జ్‌షీట్‌ సమర్పించారు. ఈ కేసులో వాదోపవాదాలు విన్న కోర్టు న్యాయమూర్తి వెంకన హొసమని శిక్ష విధింఆచరు. లైసెన్స్‌ లేకున్నప్పటికీ బైక్‌ ఇచ్చిన నేరానికి జాఫర్‌ సాధిక్‌కు రూ.5 వేల జరిమానా విధించినట్లు ప్రభుత్వ సీనియర్‌ సహాయ ప్రభుత్వ న్యాయవాది ముకుంద దేశ్‌పాండే తెలిపారు. విద్యుత్‌ సరఫరా చేయాలని నిరసనరాయచూరు రూరల్‌: నగర పరిధిలోకి వచ్చే గ్రామీణ ప్రాంతాలకు సక్రమంగా విద్యుత్‌ సరఫరా చేయాలని రైతులు డిమాండ్‌ చేశారు. రాయచూరు నగరంలోని జెస్కాం కార్యాలయం వద్ద శనివారం రాత్రి భారీ ఆందోళన చేపట్టి, అక్కడే నిద్రించారు. గ్రామాల్లో వ్యవసాయానికి, గృహ అవసరాలకు కనీసం 12 గంటల పాటు నిరంతర విద్యుత్‌ పంపిణీ చేయాలని పట్టుబట్టారు. ఈ సందర్భంగా రైతు నాయకులు మాట్లాడుతూ.. తమ సమస్యలపై స్థానిక నగర శాసన సభ్యుడు శివరాజ్‌ పాటిల్‌ ఏమాత్రం స్పందించడం లేదన్నారు. సమస్యల పరిష్కారంలో నిర్లక్ష్యంగా వ్యవహరిస్తున్నారని మండిపడ్డారు. అధికారులు తక్షణమే స్పందించి గ్రామీణ ప్రాంతాలకు నిరంతర విద్యుత్‌ అందించేలా చర్యలు తీసుకోవాలని కోరారు. అదృశ్యమైన ఇంజినీరు కోసం గాలింపుయశవంతపుర: కాంట్రాక్టర్ల ఒత్తిడిని తట్టుకోలేక గదగ్‌లో కేఆర్‌డిఐఎల్‌ ఎఈఈ పర్వీజ్‌ ధారవాడ (34) అదృశ్యం కాగా, పోలీసులు 4 బృందాలతో గాలిస్తున్నారు. ఈ నెల 13న గదగ్‌ నుంచి రైల్లో బెంగళూరుకు వెళ్లిన ఆనవాళ్లు కనుగొన్నారు. స్థానిక పోలీసులు వ్యక్తి సమాచారంతో పాటు బ్యాంక్‌ వివరాలపై విచారణ చేస్తున్నారు. హావేరిలో ఆయన భార్య పుట్టినింటితో పాటు పలు ప్రదేశాలలో గాలించారు. ఓ బృందం ఆంధ్రప్రదేశ్‌కు వెళ్లింది. ఒక్కో బృందం ఒక్కో తరహాలో అన్వేషిస్తోందని డీఎస్పీ ముత్తుజా ఖాద్రి తెలిపారు.

భళా వ్యవసాయ మేళా ధార్వాడలోని వ్యవసాయ విజ్ఞాన విశ్వవిద్యాలయంలో జరుగుతున్న కృషి మేళా – 2026 రైతులతో పాటు అపార జనసందోహాన్ని ఆకర్షిస్తోంది. అందులో వెలసిన వందలాది స్టాల్స్‌లో మేలిరకం వ్యవసాయ ఉత్పత్తులు, సేద్య ఉపకరణాలు, ఇంకా అనేక ప్రత్యేకతలతో ఆకట్టుకుంటున్నాయి. మేళాకు ఇసుకేస్తే రాలనంతగా జనం వచ్చిన దృశ్యాలు – హుబ్లీ స్టాళ్లను వీక్షించేందుకు తరలివెళ్తున్న ప్రజలుధార్వాడ వ్యవసాయ విజ్ఞాన విశ్వవిద్యాయంలో ఏర్పాటు చేసిన కృషిమేళా–2026చరిత్రకు సాక్ష్యం సంగనకల్లుసాక్షి, బళ్లారి: వేల ఏళ్ల క్రితం మనిషి జీవనం ఎలా ఉండేది? వేట నుంచి వ్యవసాయం వైపు మానవుడు ఎలా అడుగులు వేశాడు? రాతి పనిముట్లను ఎలా తయారు చేసుకున్నాడు? ఇలాంటి ఎన్నో ప్రశ్నలకు సమాధానాలు అందించే పురావస్తు పాంతం సంగనకల్లు అని పలువురు వక్తలు తెలియజేశారు. ఆదివారం ప్రపంచ పర్యాటక దినోత్సవాన్ని పురస్కరించుకుని బళ్లారి తాలూకా సమీపంలోని సంగనకల్లు ప్రాంతాన్ని సరళా దేవి కళాశాల విద్యార్థులు సందర్శించారు. మానవువుని జీవన విధానాన్ని తెలియజేసే ఆనవాళ్లను వీక్షించారు. అనంతరం వక్తలు మాట్లాడుతూ.. సంగనకల్లు ప్రాంతంలో శిలాయుగం, నూతన శిలాయుగానికి చెందిన అనేక పురావస్తు ఆధారాలు వెలుగు చూశాయన్నారు. రాతి పనిముట్లు, మట్టి పాత్రలు అవశేషాలు, నివాస ప్రాంతాలు బయట పడినట్లు తెలిపారు. చరిత్రకు నిలయంగా సంగనకల్లు నిలుస్తోందన్నారు. ప్రజలు క్రమంగా జీనవ విధానాన్ని మార్చుకోగా.. స్థిర నివాసాలు ఏర్పాటు చేసుకున్నారని వివరించారు. సంగనకల్లు చరిత్రను తెలియజేసేందుకు ఏర్పాటు చేసిన పురావస్తు మ్యూజియంను విద్యార్థులు సందర్శించాలని సూచించారు. కార్యక్రమంలో శశికాంత్‌, నాగరాజు, అహిరాజు తదితరులు పాల్గొన్నారు. 10 మందికి గాయాలు

బనశంకరి: నీట్‌ ప్రశ్నాపత్రం లీకేజీ అయిందని న్యూఢిల్లీలో గొడవ సృష్టించిన కాక్రోచ్‌ జనతా పార్టీ, జెన్‌జీలు ఇప్పుడు ఎక్కడికి వెళ్లారు. కర్ణాటకలో జరుగుతున్న అవినీతి, కేపీఎస్‌సీలో ఏఈఈ, పశువైద్యాధికారుల ఉద్యోగాలను అమ్ముకుంటున్నా వారు ఎందుకు ప్రశ్నించడం లేదు అని కేంద్రమంత్రి హెచ్‌డీ.కుమారస్వామి మండిపడ్డారు. బీజేపీతో సమన్వయ సమావేశానికి ముందు ఆయన మీడియాతో మాట్లాడారు. కర్ణాటకలో అవినీతి ప్రభుత్వం పరిపాలిస్తోంది, దేశ, ప్రపంచ స్థాయిలో కర్ణాటకకు చెడ్డపేరు వస్తోందని దుయ్యబట్టారు. సీఎం డీకే.శివకుమార్‌ ఎన్నికల కమిషన్‌పై ధర్నా చేయడం హాస్యాస్పదమన్నారు. కేపీఎస్‌సీలో అక్రమాలను అరికట్టలేక కాంగ్రెస్‌ ప్రభుత్వం చేతులెత్తేసిందని దుయ్యబట్టారు. సిట్‌తో ఉత్తుత్తి దర్యాప్తు సాగుతోందన్నారు. ఎన్నికల కమిషన్‌ జవాబుదారీ సంస్థ అని, గత 78 ఏళ్ల నుంచి దేశంలో ప్రజాస్వామ్యాన్ని కాపాడుకుంటూ వచ్చిందంటే అది ఈసీ వల్లనే అన్నారు. ఈసీలో విభేదాలుంటే అది పెద్ద నేరమన్నట్లు ధర్నా చేస్తున్నారని మండిపడ్డారు. సీఎం ఆఫీసులో టీ, కాఫీ ఖర్చులకు రూ.200 కోట్లు కేటాయించారు, రైతులకు మాత్రం రూ.2500 ఇస్తారా?, రైతులు భిక్షగాళ్లా అని దుయ్యబట్టారు. ఉమ్మడి పోరాటానికి ప్లాన్‌ కాంగ్రెస్‌ ప్రభుత్వానికి వ్యతిరేకంగా రాష్ట్రవ్యాప్త పోరాటానికి బీజేపీ, జేడీఎస్‌ కూటమి నాయకులు ప్రణాళికను సిద్ధం చేశారు. బెంగళూరులోని ఒక హోటల్‌లో ఉమ్మడి సమావేశం జరిపారు. 4 ఎమ్మెల్సీ సీట్ల ఎన్నికలు, కరువు, రైతులకు పరిహారంపై చర్చించారు. రైతులకు ప్రభుత్వం ప్రకటించిన రూ.2,500 పరిహారం ఏమూలకూ చాలదని, కనీసం రూ.25 వేలు అందించాలని ఒత్తిడి తేవడానికి నిరసనలు చేపట్టాలని నిర్ణయించారు. ఈ సమావేశంలో ఇరు పార్టీల నుంచి కేంద్రమంత్రులు హెచ్‌.డీ.కుమారస్వామి, శోభా కరంద్లాజె, ఆర్‌.అశోక్‌, బీ.వై.విజయేంద్ర తదితరులు పాల్గొన్నారు. ఇక్కడ ప్రపంచస్థాయి అవినీతి కేంద్రమంత్రి కుమారస్వామి ధ్వజం

పట్టాదారులంమైసూరు: చామరాజనగర తాలూకా బడగలపురలో బసవణ్ణ అనే రైతును ఇటీవల చంపి తిన్న పులిని తావరెకెట్టె మోళే గ్రామం వద్ద పట్టుకున్నారు. అటవీ సిబ్బంది శనివారం ఉదయం పెంపుడు ఏనుగులు కంజన్‌, ఈశ్వర్‌ల సహాయంతో గాలింపు జరుపుతుండగా పులి ఎదురుపడింది. దీంతో తుపాకీతో మత్తుమందు కొట్టి పులిని బంధించారు. ఇది ఆరేడేళ్ల మగ పులిగా గుర్తించారు. 14న సాయంత్రం చెరకు పొలంలో ఉండగా పులి దాడిచేసి రైతు బసవణ్ణను పొట్టనబెట్టుకుంది. ఆ తర్వాత అటవీ సిబ్బంది డ్రోన్‌, థర్మల్‌ డ్రోన్‌లు, కుక్కలతో వెతుకులాటకు శ్రీకారం చుట్టారు. అడవిలోని శిబిరం నుంచి కుంకీ ఏనుగులను తెప్పించి అన్వేషణ సాగించారు. గత 12 రోజులుగా 65కు పైగా సిబ్బంది తీవ్రంగా శ్రమించారు. పులిని మైసూరు జూపార్క్‌కి తరలించారు. చిరుత బందీ మైసూరు: మైసూరు జిల్లా హెచ్‌డీకోటె తాలూకా తుంబసోగె గ్రామంలో పొలంలోని బోనులో చిరుత చిక్కింది. కొన్నిరోజులుగా గ్రామ రైతులు, పశువులు, మేకలు ఇతర మూగజీవాలకు కంటి మీద కునుకు లేకుండా చేసిన మూడేళ్ల వయస్సుగల మగ చిరుతగా గుర్తించారు. గ్రామస్తుల ఫిర్యాదు మేరకు అటవీ అధికారులు కొన్నిచోట్ల మేక పిల్లలను ఎరగా ఉంచి బోనులు పెట్టారు. శుక్రవారం రాత్రి ఓ బోనులోకి పడింది. దానిని దూరంగా తరలించడంతో గ్రామస్తులు హమ్మయ్యా అని నిట్టూర్చారు. ఇటీవల చామరాజనగర తాలూకాలో రైతు బలి పట్టుకున్న అటవీ సిబ్బంది

శివాజీనగర: నందిని పాల ధరను లీటరుకు రూ.10 పెంచాలన్న కార్మిక సంఘాల ప్రతిపాదనపై తదుపరి మంత్రివర్గ సమావేశంలో చర్చించి తగిన నిర్ణయం తీసుకుంటామని సీఎం డీ.కే.శివకుమార్‌ తెలిపారు. పాల సంఘాల నేతలు, కేఎంఎఫ్‌ డైరెక్టర్లు శనివారం సీఎంను కలిసి చర్చించారు. సీఎం సోదరుడు, బాముల్‌ అధ్యక్షుడు డీ.కే.సురేష్‌ నేతృత్వంలో ఈ భేటీ సాగింది. పలువురు ఎమ్మెల్యేలు పాల్గొన్నారు. పాల ధరను లీటరుపై రూ.10 పెంచాలని సంఘాల నేతలు కోరారు. అందులో రూ.7 రైతులకు, రూ.3 యూనియన్‌లకు కేటాయించాలని చెప్పారు. ప్రైవేటు కంపెనీల పాల ధరలు నందిని పాలకంటే ఎక్కువగా ఉన్నాయని తెలిపారు. రోజూ కేఎంఎఫ్‌ సేకరిస్తున్న కోటి లీటర్ల పాలలో 60 లక్షల లీటర్లు మాత్రమే వినియోగదారులకు అమ్ముడవుతున్నాయి. మిగిలిన 40 లక్షల లీటర్ల నుంచి ఇతర ఉత్పత్తులను తయారు చేస్తున్నట్లు వివరించారు. అంత పెంచలేం: సీఎం ధరను పెంచుతామని, అయితే ఏకంగా రూ.10 పెంచడం కుదరదని సీఎం చెప్పారు. మంత్రిమండలిలో చర్చించిన తరువాత నిర్ణయం తీసుకుంటామని హామీ ఇచ్చారు. ప్రజలకు ఇబ్బంది కలగకుండా పెంచుతామన్నారు. తరువాత డీ.కే.సురేష్‌ మాట్లాడుతూ పెట్రోల్‌, డీజిల్‌ ధరలు రోజు పెరిగినా ఎవరూ నిరసన తెలుపరు, పాల ధరపైనే అభ్యంతరం చెబుతారు, రైతుల సంక్షేమాన్ని చూడాలని సూచించారు. సీఎంకు పాల సంఘాల వినతి కేబినెట్‌లో చర్చించాకే: డీకే

శివాజీనగర: కేంద్ర ఎన్నికల సంఘం ప్రధాన కమిషనర్‌ జ్ఞానేష్‌కుమార్‌ను పదవి నుంచి తొలగించాలి, ఆయనను అరెస్టు చేయాలి అని ముఖ్యమంత్రి డీకే శివకుమార్‌ డిమాండ్‌ చేశారు. కేంద్ర ఎన్నికల సంఘానికి, సర్‌ ప్రక్రియకు వ్యతిరేకంగా శనివారం బెంగళూరు స్వతంత్ర పార్కులో సీఎం డీకే, మాజీ సీఎం సిద్దరామయ్య, మంత్రులు, కాంగ్రెస్‌ ఎమ్మెల్యేలు, ఎంపీలు, నేతలతో బృహత్‌ నిరసన సభను నిర్వహించారు. కేంద్ర ప్రభుత్వం, ప్రధాని నరేంద్ర మోదీ, హోం మంత్రి అమిత్‌ షాకు వ్యతిరేకంగా నినాదాలు చేశారు. సీఎం డీకే శివకుమార్‌ ప్రసంగిస్తూ ప్రజాస్వామ్యాన్ని కాపాడటానికి మేము ముందుకు వచ్చామని చెప్పారు. సీఈసీ జ్ఞానేష్‌కుమార్‌పై ఆరోపణలు వచ్చినందున, రాష్ట్రపతి తక్షణం ఆయనను తొలగించాలని డిమాండ్‌ చేశారు. అధికార దాహం మితిమీరకూడదు, సూర్యోదయం తరువాత సూర్యాస్తమయం అవుతుందని, ఇది ప్రధాని, కేంద్ర మంత్రులు గ్రహించాలని సీఎం అన్నారు. ప్రజాస్వామ్యవాదుల్లో ఆందోళన: సిద్దు సీఈసీ జ్ఞానేష్‌కుమార్‌ను తొలగించాలని సిద్దరామయ్య డిమాండ్‌ చేశారు. ఎన్నికల సంఘంలో పరిణామాలపై ప్రజాస్వామ్యవాదులు ఆందోళన చెందుతున్నారన్నారు. ప్రతి ఐదేళ్లకు ఓసారి ఎన్నికలు స్వతంత్రంగా జరగకపోతే, ఇది ప్రజాస్వామ్య మనుగడకు సంబంధించి ప్రశ్న అని అన్నారు. ఎన్నికల సంఘం కమిషనర్లు రాజ్యాంగానికి విరుద్ధంగా వ్యవహరించకూడదు, ఒకవేళ అలా చేస్తే, రాష్ట్రపతి వారిని పదవి నుంచి తొలగించాలని డిమాండ్‌ చేశారు. గత కొన్నేళ్లుగా ఎన్నికల సంఘం కేంద్ర ప్రభుత్వానికి కీలుబొమ్మలా మారారు. జ్ఞానేష్‌కుమార్‌ నియంతలా వ్యవహరిస్తున్నారని మరో ఇద్దరు కమిషనర్లు అభ్యంతరాలు లేవనెత్తారు. ఈ పరిణామాలకు ప్రధాని మోదీ, అమిత్‌ షాలే బాధ్యులని సిద్దరామయ్య విమర్శించారు. దేశంలో జెన్‌ జీ మోదీకి వ్యతిరేకంగా ఉన్నారు. అందుకే ఆ ఓటర్లను దూరం చేసేందుకు ప్రయత్నాలు జరుగుతున్నాయని కేపీసీసీ అధ్యక్షుడు బీ.కే.హరిప్రసాద్‌ ఆరోపించారు. దేశంలో మోదీ ప్రభావం లేదని అన్నారు. దేశంలో పుట్టిన ప్రతి ఒక్కరికీ ఓటు హక్కు ఉంటుందని, ఆ హక్కును దొంగిలించే ప్రయత్నం జరుగుతోందని విమర్శించారు. ఈ సభలో వేలాదిగా కార్యకర్తలు పాల్గొన్నారు. జ్ఞానేష్‌కుమార్‌ను తొలగించి, అరెస్టు చేయాలి సీఎం డీకే శివకుమార్‌ డిమాండ్‌ బెంగళూరు స్వతంత్రపార్కులో బృహత్‌ నిరసన సభ

హొసపేటె: విజయనగర జిల్లా కూడ్లిగి తాలూకాలో వర్షాలు లేక పోవడం వల్ల కానాహొసహళ్లి ఫిర్కా ప్రాంతంలో నెలకొన్న కరువు పరిస్థితిని, పంటల స్థితిని అంచనా వేసేందుకు వ్యవసాయ, రెవెన్యూ శాఖ, పంటల బీమా సంస్థకు చెందిన అధికారుల బృందం సర్వే నిర్వహించింది. తాలూకాలోని కానాహొసహళ్లి, హుడెం, కెంచమల్లనహళ్లి, పూజారహళ్లి, జుమ్మోబనహళ్లి గ్రామాల్లోని రైతులు భూములను అధికారులు సందర్శించి వర్షాకాలపు పంటల పరిస్థితి, వర్షపాతం, పంట పెరుగుదల, వర్షపాతం లేకపోవడం వల్ల పంటలపై కలిగే ప్రభావంపై సర్వే నిర్వహించారు. అధికారులు కరువు పరిస్థితి కారణంగా రైతులు ఎదుర్కొంటున్న సమస్యలపై వారితో చర్చించి, సమాచారం తెలుసుకున్నారు. కానాహొసహళ్లి రైతు కేంద్రం వ్యవసాయ అధికారి గురు బసవరాజ్‌ పాల్గొన్నారు.

రాయచూరు రూరల్‌: కళ్యాణ కర్ణాటకలో అపౌష్టికతతో అధిక శాతం పిల్లలు నలిగి పోతున్నారు. కళ్యాణ కర్ణాటక పరిధిలోని కొప్పళ, బీదర్‌, యాదగిరి, కలబుర్గి, రాయచూరు జిల్లాల్లోని అంగన్‌వాడీ కేంద్రాల్లో పిల్లలకు, గర్భిణులకు అపౌష్టికత నివారణ కోసం పౌష్టికాహారం అందిస్తున్నారు. భారతీయ కుటుంబ ఆరోగ్య సమీక్షలో భాగంగా 2023–24 గణాంకాల ప్రకారం కళ్యాణ కర్ణాటకలోని ఏడు జిల్లాల్లో ఐదేళ్ల లోపు వయస్సు ఉన్న బాలలు 49.5 శాతం మేర అపౌష్టికతతో విలవిల్లాడుతున్నారు. రాష్ట్రంలోని అంగన్‌వాడీ కేంద్రాల్లో 2,38,903 మంది పిల్లలు తక్కువ బరువుతో ఉన్నట్లు సర్వేలో వెల్లడైంది. రాయచూరు జిల్లాలో 2,38,903 మంది బాలలు, కొప్పళ జిల్లాలో 1,65,363 మంది బాలలు, బీదర్‌ జిల్లాలో 1,79,116 మంది బాలలు, యాదగిరి జిల్లాలో 1,59,293 మంది బాలలు, కలబుర్గి జిల్లాలో 3,16,899 మంది బాలలు, విజయ నగర, బళ్లారి జిల్లాల్లో 1,23,441 మంది బాలలున్నారు. ప్రభుత్వం పోషణ్‌ అభియాన్‌, పోషణ్‌ పక్వాడ్‌, పోషణ్‌ ట్రాకర్‌ పథకాలతో బరువు పెంచడానికి ప్రయత్నాలు చేస్తున్నారు. అంగన్‌వాడీ కేంద్రాలకు సక్రమంగా ఆహార పదార్థాలు అందించక పోవడంతో పాటు నాసిరకమైన ఆహార ధాన్యాలు, పెసలు, పొడి, గోధుమ పిండి, మిరప కాయలు, ఇతర పదార్థాలు అందించడంతో అంగన్‌వాడీ కార్యకర్తలకు తాము ఏం చేయాలో విదితం కావడం లేదు.అపౌష్టికతకు గురైన బాలురుతాలూకాలోని ఓ అంగన్‌వాడీ కేంద్రం కళ్యాణ కర్ణాటకలో అపౌష్టికత బారిన బాలలు అంగన్‌వాడీలకు సరిగా అందని ఆహార ధాన్యాలు నాసిరకమైన ఆహార పదార్థాలతో నెరవేరని ప్రభుత్వ లక్ష్యం

హోసూరు: మార్కెట్‌లో చామంతి పూల ధరలు పడిపోయాయి. లాభాలు వస్తాయని ఆశించి చామంతి సాగు చేసిన రైతులు నిరాశ చెందుతున్నారు. హోసూరు, డెంకణీకోట, కెలమంగలం, రాయకోట, అంచెట్టి, తళి తదితర ప్రాంతాల్లో పూల సాగుకు అనుకూలమైన శీతోష్ణస్థితి ఉండడంతో రైతులు ఎక్కువ విస్తీర్ణంలో వివిధ రకాల చామంతి సాగు చేశారు. ఎకరా పంట సాగుకు రూ.70 వేల నుంచి రూ.లక్ష వరకు ఖర్చు పెట్టుకున్నారు. నెల రోజుల క్రితం వరకు కిలో చామంతి మార్కెట్‌లో రూ.150 నుంచి రూ.300 వరకూ ధరలు పలికాయి. వినాయక చవితి అనంతరం మార్కెట్లో పూర్తిగా ధరలు పడిపోయాయి. కిలో చామంతి రూ.30 నుంచి రూ.50 వరకు మాత్రమే ధర పలకడంతో రైతులు నష్టపోతున్నారు. భారీగా పడిపోయిన ధరలు

హొసపేటె: కాంగ్రెస్‌ ప్రభుత్వ ఆర్థిక దివాళాను ఖండిస్తూ నగరంలో బీజేపీ కార్యకర్తలు నిరసన తెలిపారు. బీజేపీ కార్యాలయం నుంచి ఊరేగింపుగా వచ్చిన బీజేపీ కార్యకర్తలు తహసీల్దార్‌ కార్యాలయం ముందు నిరసన తెలిపి, వినతిపత్రాన్ని సమర్పించారు. పార్టీ నేత శంకర్‌ మేటి మాట్లాడుతూ రాష్ట్ర ప్రభుత్వం పూర్తిగా దివాళా తీసిందన్నారు. అభివృద్ధి పనులకు డబ్బు లేదన్నారు. ప్రభుత్వం తనంతట తానుగా ప్రకటించుకున్న ఐదు హామీలు ఇస్తూ ప్రభుత్వ ఖజానాను ఖాళీ చేస్తోందన్నారు. గృహలక్ష్మి డబ్బు రాలేదు. ముఖ్యమంత్రి కొత్త పథకాలు ప్రకటిస్తున్నారు. కరువును పరిశీలించడానికి హెలికాప్టరులో వచ్చిన ముఖ్యమంత్రి కరువును అధిగమించడానికి రైతులకు ఎలాంటి డబ్బులను ఇవ్వలేదన్నారు. నాయకులు నటరాజ్‌, సూగూరు చిదానంద, మారెప్ప, తిరుమలేశ, మహేష్‌, హొన్నూరప్ప, శ్రీనివాస్‌ తదితరులు పాల్గొన్నారు. ఎకరాకు రూ.50 వేల పరిహారం ఇవ్వాలి హుబ్లీ: కరువు కోరల్లో చిక్కి తీరని వ్యధకు గురవుతున్న రైతులకు కనీసం ఎకరాకు రూ.50 వేల పరిహారం చెల్లించాలని నవలగుంద తాలూకా బీజేపీ అధ్యక్షుడు గంగప్ప డిమాండ్‌ చేశారు. ఈమేరకు ఓ ప్రకటనలో ఆయన రాష్ట్ర ప్రభుత్వం ప్రకటించిన రూ.2500 ఇన్‌పుట్‌ సబ్సిడీ చాలా తక్కువ అని, ఇది రైతుల కంటి తడుపు చర్య అని ఆరోపించారు. పంట నష్టంతో రైతులు సాగు చేసిన విత్తనాలు, ఎరువులు, మందులు తదితర ఖర్చులకు గాను పరిహారం మొత్తాన్ని నిర్ణయించే ముందు సాగు కోసం ఖర్చు చేసిన వ్యయాన్ని సమగ్రంగా పరిగణించాలన్నారు. వ్యవసాయ, రెవెన్యూ శాఖల అధికారిక వైబ్‌సైట్లలో రైతుల మొబైల్‌ ద్వారా దాఖలాల వివరాలను నమోదు చేయాలని సూచించడం కూడా రైతన్నలకు తీవ్ర ఇబ్బంది కలిగించిందని ఆయన అసంతృప్తి వ్యక్తం చేశారు. డిమాండ్ల సాధన కోసం వచ్చే వారంలో రైతులతో కలిసి బీజేపీ ఆధ్వర్యంలో భారీ ఆందోళన చేపడతామని ఆయన హెచ్చరించారు. ఉపాధ్యాయులు నిజాయితీగా పని చేయాలి రాయచూరు రూరల్‌ : సమాజంలో ఉపాధ్యాయులు ప్రామాణికతతో విధులు నిర్వహి ంచాలని కిల్లే బృహన్మఠాధిపతి శాంత మల్ల శివాచార్య, విధాన పరిషత్‌ సభ్యులు బోసురాజు, శశీల్‌ నమోషి పేర్కొన్నారు. పండిత సిద్దరామ జంబలదిన్ని రంగ మందిరంలో రుస్మా పాఠశాలల యాజమాన్యం ఆధ్వర్యంలో డాక్టర్‌ సర్వేపల్లి రాధాకృష్ణన్‌ జయంతిని ప్రారంభించి మాట్లాడారు. ఉపాధ్యాయులు విద్యార్థుల ఉత్తమ భవిష్యత్తుకు బాటలు వేయాలన్నారు. ఉపాధ్యాయులు నిష్ట, ప్రామాణికత, దక్షతతో విధులు నిర్వహించాలన్నారు. కేశవరెడ్డి, వెంకటేష్‌, శేఖర్‌, శివ శంకర్‌, హైఫరోజ్‌, నాగిరెడ్డిలున్నారు. సీఈసీని డిస్మిస్‌ చేయాలి రాయచూరు రూరల్‌: దేశ వ్యాప్తంగా జరుగుతున్న ఓటర్ల నమోదు ప్రక్రియ దారి తప్పిస్తోందని, సర్‌ వెనుక ఉన్న ప్రధాన ఎన్నికల కమిషనర్‌(సీఈసీ) జ్ఞానేష్‌ కుమార్‌ను పదవి నుంచి తొలగించాలని సర్‌ వ్యతిరేక పోరాట సమితి సంచాలకుడు శరణ కుమార్‌ డిమాండ్‌ చేశారు. శనివారం పాత్రికేయుల భవనంలో ఏర్పాటు చేసిన విలేకరుల సమావేశంలో ఆయన మాట్లాడారు. భారత ఎన్నికల కమిషనర్లు జ్ఞానేష్‌ కుమార్‌, సుఖ్‌బీర్‌ సింగ్‌, వివేక్‌ జోషి కలిసి సర్‌ను ఏవిధంగా అమలు చేయాలనే అంశంపై చర్చించి ఓటర్లను దారి తప్పించే ప్రయత్నంలో ఉన్నారని ఆరోపించారు. దేశంలో 12 కోట్ల మంది పేర్లు జాబితాల నుంచి తొలగి పోతుండడంపై కోర్టు మెట్లెక్కాలన్నారు. ఆరోగ్య రంగంలో ఫార్మసిస్టుల పాత్ర కీలకం రాయచూరు రూరల్‌: విద్యార్థులు వైద్య రంగంలో ఫార్మసిస్టుల పాత్ర అమోఘమని రాయచూరు జిల్లా డ్రగ్స్‌ ఇన్‌స్పెక్టర్‌ ఉదయ్‌ కిశోర్‌ పిలుపు ఇచ్చారు. నవోదయ ఫార్మసీ కళాశాలలో జరిగిన ప్రపంచ ఫార్మసిస్టుల దినోత్సవం సందర్భంగా విద్యార్థులనుద్దేశించి మాట్లాడారు. ఫార్మసిస్టులు త్వరిత గతిన ఫలితాలు పొందాలనే ఆశ ఉన్నా దానికి తగ్గట్టుగా విద్య నభ్యసించాలన్నారు. నవోదయ వైద్య కళాశాల చేస్తున్న సేవలు అనన్యమన్నారు. విశేష సేవలు అందించిన ఫార్మసీ కళాశాల ప్రిన్సిపాల్‌ ప్రమోద్‌ కుమార్‌, ప్రదీప్‌ కుమార్‌లకు ఉత్తమ ఫార్మసిస్టు అవార్డులను అందించారు. నవోదయ వైద్య కళాశాల ప్రిన్సిపాల్‌ దొడ్డయ్య, బసవరాజ్‌, హాజీ మలంగ్‌, శివరాజ్‌ గౌడ, చంద్రమౌళి, సురేష్‌ బాబు, దీపాలిలున్నారు.

రాయచూరు రూరల్‌: నేటి ఆధునిక యుగంలో రైతులకు వ్యవసాయంపై శాస్త్రవేత్తలు తగిన సలహాలు, సూచనలివ్వాలని వ్యవసాయ విశ్వవిద్యాలయం వైస్‌ చాన్సలర్‌ హన్మంతప్ప పిలుపు ఇచ్చారు. రాయచూరు వ్యవసాయ విశ్వవిద్యాలయంలో రబీ సీజన్‌ విత్తన దినోత్సవాన్ని ప్రారంభించి ఆయన మాట్లాడారు. రాబోయే 25 ఏళ్లలో అమెరికాను మించి భారతదేశం ఆహార పదార్థాల ఉత్పత్తిలో ముందంజలోకి వస్తుందన్నారు. వ్యవసాయ రంగంలో వస్తున్న మార్పులకనుగుణంగా నూతన సాంకేతిక రంగాలను అభివృద్ధి పరచుకోవాలన్నారు. నేడు పర్యావరణం, జలసంరక్షణ, వాయు సంరక్షణలపై ఆలోచించాలని కోరారు. కేంద్ర, రాష్ట్ర ప్రభుత్వాలు అమలు చేస్తున్న వ్యవసాయ అంశాలపై రైతులకు వివరించాలన్నారు. పశుగ్రాసాన్ని కాపాడుకోవాలిహుబ్లీ: జిల్లాలో వర్షాభావంతో రాబోయే రోజుల్లో నీరు, పశుగ్రాసం సమస్య ఏర్పడే అవకాశం ఉన్నందున రైతులు తగిన ముందస్తు జాగ్రత్తలు తీసుకోవాలని జిల్లాధికారిణి ఆర్‌.స్నేహల్‌ రైతులకు సూచించారు. తమ పొలాల్లో పండించిన మొక్కజొన్న పంటను రైతులు కాపాడుకోవాలన్నారు. వర్షాభావంతో దిగుబడి తగ్గే అవకాశం ఉన్నా పశు, పక్ష్యాదులకు అవసరమైన గ్రాసం, నీరు లభిస్తుందన్నారు. సాధ్యమైనంత వరకు నీటిని, మేతను కాపాడుకోవాలన్నారు. గతంలో కొందరు రైతులు మొక్కజొన్న కోత కోసి సంరక్షించకుండా పొలంలోనే ఎండబెట్టి కాల్చి వేయడం తగదన్నారు. ఇలాంటి పరిస్థితి కొనసాగితే రాబోయే రోజుల్లో పశువులకు మేత దొరకడం కష్టమవుతుందన్నారు. అదనపు గ్రాసం కొనుగోలు చేసే సాధ్యత ఉంటే జిల్లా యంత్రాంగం గోశాలతో పాటు మేత బ్యాంక్‌లను ప్రారంభించాల్సిన అవసరం ఏర్పడవచ్చన్నారు. రైతులు నిల్వ చేసుకున్న అదనపు గ్రాసాన్ని జిల్లా యంత్రాంగం కొనుగోలు చేసే అవకాశం ఉందని జిల్లాధికారిణితో పాటు పశు సంవర్ధక శాఖ జిల్లా డిప్యూటీ డైరెక్టర్‌ డాక్టర్‌ ఎస్‌ వాసంతి మీడియాకు ఇచ్చిన ప్రకటనలో తెలిపారు. వర్క్‌ఫ్రం హోం సాకుతో మహిళకు వంచన హుబ్లీ: ఇంట్లో కూర్చొని డబ్బులు సంపాదించవచ్చని నమ్మించిన ఆన్‌లైన్‌ వంచకులు నగరానికి చెందిన మహిళ నుంచి రూ.2,40,212లను దోచుకున్నారు. ఐశ్వర్య అనే మహిళ వర్క్‌ఫ్రమ్‌ హోం గురించి గూగల్‌లో సెర్చ్‌ చేసి ఓ లింక్‌ను క్లిక్‌ చేయగా నేహా అనే మహిళ ఫోన్‌ చేసి తాను మింత్ర కంపెనీ నుంచి ఫోన్‌ చేస్తున్నానని నమ్మబలికింది. ఈ క్రమంలో వెబ్‌సైట్‌లో వర్క్‌ఫ్రం హోం ద్వారా ఆన్‌లైన్‌ ప్రోడక్ట్‌లను ఆర్డర్‌ చేసి ఎక్కువ డబ్బులు సంపాదించవచ్చని మోసగించి తన బ్యాంక్‌ ఖాతా వివరాలు తెలుసుకొని పైమొత్తాన్ని ఆన్‌లైన్‌ కేటుగాళ్లు తమ ఖాతాలోకి బదలాయించుకున్నారని ఆమె నగర సైబర్‌ క్రైం పోలీసులకు ఇచ్చిన ఫిర్యాదులో పేర్కొన్నారు. మహిళపై లైంగిక దాడి మరో ఘటనలో 50 ఏళ్ల మహిళపై అత్యాచార ఉదంతం వెలుగు చూసింది. స్థానిక సిద్దారూఢ మఠం పుష్కరణి వెనుక ఉన్న మరుగుదొడ్ల వెనుక గుర్తు తెలియని వ్యక్తి 50 ఏళ్ల మహిళపై అత్యాచారం చేసిన ఆరోపణలపై పాతహుబ్లీ పోలీస్‌ స్టేషన్‌లో కేసు నమోదు అయింది. కరువు పరిహారం అందించండి రాయచూరు రూరల్‌: రాష్ట్రంలోని ఉత్తర కర్ణాటక, కళ్యాణ కర్ణాటక జిల్లాల్లో తీవ్ర కరువు సంభవించినందున రైతులకు కరువు పరిహారం అందించాలని రైతు సంఘం అధ్యక్షుడు శరణప్ప పేర్కొన్నారు. శనివారం పాత్రికేయుల భనవంలో ఏర్పాటు చేసిన విలేకరుల సమావేశంలో ఆయన మాట్లాడారు. రైతులు, ప్రజలు కరువుతో కొట్టుమిట్టాడుతుంటే ప్రజా ప్రతినిధులు మౌనం వహించడం తగదన్నారు. కరువు పరిహారం కింద ఎకరాకు రూ.2500 మాత్రమే ఇవ్వడాన్ని తప్పుబట్టారు. రైతుల రుణాలు మాఫీ చేయాలని, రైతులు పండించిన పంటలకు శాసీ్త్రయ ధరలు ప్రకటించాలన్నారు. మొక్కల పంపిణీ హొసపేటె: వడకరాయ ఆలయ సమీపంలో నిర్వహిస్తున్న హిందూ మహా గణపతి ఉత్సవాల్లో భాగంగా శ్యామల సంరక్షణ సేవా ట్రస్ట్‌ ఆధ్వర్యంలో మొక్కల పంపిణీని శనివారం నిర్వహించారు. కార్యక్రమానికి ముఖ్య అతిఽథిగా హాజరైన హిందూ మహాగణపతి ఉత్సవ కమిటీ నాయకుడు జగదీష్‌ మాట్లాడుతూ నేటి ఆధునిక కాలంలో పర్యావరణ పరిరక్షణపై ప్రజల్లో అవగాహన కల్పించే కార్యక్రమాలు అవసరమన్నారు. భూమి, గాలి, నీటి కాలుష్యం పెరుగుతున్న నేపథ్యంలో ప్రపంచ ఉష్ణోగ్రతలు కూడా పెరుగుతున్నాయన్నారు. ప్రతి ఒక్కరూ పెద్ద సంఖ్యలో మొక్కలు నాటి వాటిని సంరక్షించి పర్యావరణ పరిరక్షణలో పాలుపంచుకోవాలన్నారు. ట్రస్ట్‌ అధ్యక్షుడు వీ.నాగరాజ్‌ తదితరులు పాల్గొన్నారు.

హొసపేటె: తమ విధులను నిర్లక్ష్యం చేస్తే కఠిన చర్యలు తప్పవని తహసీల్దార్‌ శృతి సిబ్బందిని కఠినంగా హెచ్చరించారు. శనివారం జిల్లా ఇండోర్‌ స్టేడియంలో నిర్వహించిన ఫిర్కా స్థాయి ప్రజా సేవా కార్యక్రమంలో తాలూకా యంత్రాంగం ప్రజల సమస్యలను ఆలకించి, పలు అభ్యర్థనలపై తక్షణమే స్పందించింది. ఈ కార్యక్రమంలో మొత్తం 270 దరఖాస్తులు అందగా, వాటిలో 220 ఇళ్లు, ప్లాట్లకు సంబంధించినవి కాగా, 10 రేషన్‌కార్డులకు, 5 నుంచి 6 పెన్షన్లకు సంబంధించినవి ఉన్నాయని ఆమె తెలిపారు. మున్సిపల్‌ కమిషనర్‌ ఎర్రగుడి శివకుమార్‌, టీపీ ఈఓ ఆలం పాషా, వ్యవసాయ శాఖ సహాయ సంచాలకులు మనోహర్‌, ప్రజా పనుల శాఖ అధికారి రవికుమార్‌, జెస్కాం ఈఈ జాన్‌ వెస్లీ, తాగునీరు, పారిశుద్ధ్య శాఖ ఇంజనీర్‌ విజయ్‌కుమార్‌, తాలూకా వైద్య అధికారి డాక్టర్‌ వినోద్‌ కుమార్‌ తదితరులు పాల్గొన్నారు.

హొసపేటె: ప్రతిరోజూ దేశ విదేశాల నుంచి వేలాది మంది పర్యాటకులు హంపీని సందర్శిస్తారు. అందువల్ల కేవలం చారిత్రక కట్టడాలు, రోడ్లు, పర్యాటక ప్రదేశాలు, హంపీ చుట్టు పక్కల ప్రాంతాల్లోనే కాకుండా నిర్ణీత ప్రదేశాల్లోనే చెత్తను పారవేయడం ద్వారా హంపీని పరిశుభ్రంగా, పచ్చగా ఉంచుదాం అని పర్యాటక శాఖ డిప్యూటీ డైరెక్టర్‌ ప్రభులింగ ఎస్‌.తళకేరి అన్నారు. ప్రపంచ పర్యాటక దినోత్సవం–2026 కార్యక్రమంలో భాగంగా శనివారం హంపీలోని విరుపాక్షేశ్వర స్వామి ఆలయం ముందు, ఎదురు బసవణ్ణకు ఎదురుగా, గ్రామ పంచాయతీ ముందు రెండో రోజు పారిశుధ్య కార్యక్రమాన్ని నిర్వహించిన అనంతరం ఆయన మాట్లాడారు. పర్యాటకులకు మెరుగైన వాతావరణాన్ని కల్పించడంలో హంపీ నివాసులు, వ్యాపారవేత్తలు సహకరించాలన్నారు. ఆటో డ్రైవర్లు పర్యాటకుల్లో పరిశుభ్రతపై అవగాహన కల్పించి, తమ వాహనాల చుట్టు ఉన్న ప్రాంతాన్ని శుభ్రంగా ఉంచాలన్నారు. వీధి వ్యాపారులు ఆహార వ్యర్థాలు, ప్లాస్టిక్‌, ఇతర చెత్తను రోడ్డుపై పారవేయకుండా చెత్తబుట్టలను ఉపయోగించాలని ఆయన అన్నారు. హంపీని పరిశుభ్రంగా, పచ్చగా, అందంగా ఉంచడం ద్వారా దేశీయ, విదేశీ పర్యాటకులకు మెరుగైన అనుభూతిని అందించాలని ఆయన అన్నారు. రాష్ట్ర పురావస్తు మ్యూజియం, వారసత్వ శాఖ సహాయ సంచాలకురాలు మంజు, భారత పురావస్తు సర్వేక్షణ సంస్థ ఇంజనీర్‌ సునీల్‌, ఎవాల్వ్‌ బ్యాక్‌ రిసార్ట్‌ జనరల్‌ మేనేజర్‌ బిపిన్‌ బిడ్డప్ప, సిబ్బంది, హంపీ గైడ్‌లు, ప్రజలు పాల్గొన్నారు.

సాక్షి,బళ్లారి/హొసపేటె: ఉమ్మడి బళ్లారి జిల్లాలోని కూడ్లిగి తాలూకా అమలాపుర గ్రామంలో పొలంలో పని చేస్తున్న రైతుపై ఎలుగుబంటి దాడి చేసి తీవ్రంగా గాయపరిచింది. శనివారం అమలాపుర గ్రామానికి చెందిన బసవరాజు(40) అనే రైతు తన పొలంలో వ్యవసాయ పనులు చేస్తుండగా ఒక్కసారిగా అతనిపై ఎలుగుబంటి దాడి చేయడంతో రైతు కిందకు పడిపోయారు. కింద పడిన రైతుపై ఎలుగుబంటి విచక్షణారహితంగా గాయపరిచింది. ఈ దాడిలో బసవరాజ్‌ తలకు, శరీరంలోని పలు భాగాలకు గాయాలయ్యాయి. స్థానికులు గుర్తించి వెంటనే ప్రభుత్వాస్పత్రికి తరలించారు. చావుబతుకుల మధ్య రైతు కొట్టుమిట్టాడుతున్నారు. ఎలుగుబంటి దాడి చేసి గాయపడిన రైతు కుటుంబ సభ్యులు కన్నీరుమున్నీరుగా విలపిస్తున్నారు. రెక్కాడితే కాని డొక్కాడని రైతులపై ఎలుగుబంట్లు దాడి చేసి గాయపరుస్తుండటంతో ఈ ప్రాంతంలోని రైతులు తీవ్ర భయాందోళన చెందుతున్నారు. పట్టించుకోని అధికారులు అమలాపురతో పాటు చుట్టుపక్కల గ్రామాల్లో ఎలుగుబంట్లు పలుమార్లు దాడి చేశాయని, అధికారులకు ఎన్నిసార్లు చెప్పినా పట్టించుకోవడం లేదని స్థానికులు ఆగ్రహం వ్యక్తం చేస్తున్నారు. కూడ్లిగి తాలూకాలో ఎలుగుబంట్ల స్వైరవిహారం భయాందోళనలో అన్నదాతలు, గ్రామీణ ప్రజలు

సాక్షి,బళ్లారి: ప్రభుత్వ స్థలాన్ని అక్రమంగా కబ్జా చేయడంతో పాటు అందులో యథేచ్ఛగా షెడ్డు నిర్మించి, అసాంఘీక కార్యకలాపాలు నడిపిస్తున్న ఓ పాత్రికేయుడి ఉదంతం వెలుగులోకి వచ్చింది. జిల్లాలోని కురుగోడు పట్టణంలో సర్వే నంబర్‌–675లో ఎకరం భూమిని అక్రమంగా ఆక్రమించుకుని, షెడ్డును నిర్మించారు. అంతటితో ఆగకుండా అందులోనే రాత్రిళ్లు ఇస్పేట్‌ జూదం ఆడిస్తున్నట్లు తెలియడంతో పోలీసులు మెరుపుదాడి చేశారు. శుక్రవారం రాత్రి కురుగోడు పోలీసులు ఇస్పేట్‌ జూదం ఆడిస్తున్న ప్రాంతానికి వెళ్లి పరిశీలించారు. అక్కడ 25 మందికి పైగా పేకాట ఆడుతూ కనిపించారు. పోలీసులు కూడా ఉన్నఫళంగా వారిని చుట్టుముట్టి ఎక్కడి వారిని అక్కడే ఆపేశారు. పోలీసులు మెరుపు దాడి చేసి దాదాపు రూ.1.25 లక్షల నగదు, ఇస్పేట్‌ కార్డులు స్వాధీనం చేసుకున్నారు. షెడ్డులో యథేచ్ఛగా ఇస్పేట్‌ జూదం నిర్వహిస్తున్న వ్యక్తితో పాటు జూదం ఆడుతున్న మౌనేష్‌, అంజినప్ప, నాగరాజు, దొడ్డబసప్ప, రమేష్‌, నాగేష్‌, తిమ్మారెడ్డి, లోకేష్‌, శరణబసవ, వన్నూరుస్వామి, మౌలాసాబ్‌, నిజాముద్దీన్‌, శరణగౌడ, కృష్ణ, చంద్ర, గాదిలింగప్ప, రవి,రఘు, కరిబసప్ప, కరేగౌడ, అక్బర్‌లను పోలీసులు అరెస్ట్‌ చేవారు. ఘటన స్థలంలో ఇస్పేట్‌ జూదరులకు, పోలీసులకు మధ్య వాగ్వాదం చోటు చేసుకుంది. ప్రభుత్వ స్థలంలో షెడ్డు నిర్మాణం జూదగృహంపై పోలీసుల దాడి 23 మంది జూదరుల అరెస్ట్‌

గౌరిబిదనూరు: కేంద్ర ఎన్నికల సంఘం చేపట్టిన ఎస్‌ఐఆర్‌ను కర్ణాటక ప్రజలు అంగీకరించరని, దీనిని వెంటనే నిలిపివేయాలని బహుభాషా నటుడు ప్రకాశ్‌రాజ్‌ డిమాండ్‌చేశారు. శనివారం ఇక్కడ హీరేబిదనూరు రామలింగేశ్వర దేవాలయం ఆవరణలో పౌర ఓటర్ల హితరక్షణ సమితి ఆధ్వర్యంలో ‘నో సర్‌’ జాగృతి సమావేశంలో ప్రకాశ్‌రాజ్‌ పాల్గొని ప్రసంగించారు. సర్‌ వల్ల అల్పసంఖ్యాకులు, మహిళలు, నిరక్ష్యరాస్యులు, వలస కార్మికులు ఓటు హక్కును కోల్పోయే ప్రమాదముందని తెలిపారు. కేంద్ర ప్రభుత్వం రాజకీయ లాభానికి ఈ ప్రక్రియను అమలు చేస్తూ ఉందన్నారు. ప్రజా ప్రభుత్వంలో ఓటరే ప్రధానభూమిక కాబట్టి అర్హతకల ఓటరుకు నష్టం జరగకూడదు అన్నారు. కార్యక్రమంలో సోమయ్య, రఫిక్‌, వైటి ప్రసన్న, ప్రజలు పాల్గొన్నారు. అదృశ్యమై.. 8 రోజుల తరువాత శవమై ● నవ వివాహిత విషాదాంతం యశవంతపుర: హాసన్‌ జిల్లా చన్నరాయపట్టణ తాలూకా చిక్కనాయకనహళ్లికి చెందిన నవ వివాహిత ప్రియాంక (27) అదృశ్యం కేసు విషాదాంతమైంది. 8 రోజుల తరువాత ఆమె మృతదేహం శ్రావణ బెళగొళ దగ్గర హేమావతి కాలువలో తేలింది. వివరాలు.. ఈ నెల 19న రాత్రి సన్నరాయపట్టణ తాలూకా చిక్కనాయకనహళ్లిలో భార్యాభర్తలు రాజశేఖర్‌, ప్రియాంక ఊరి శివార్లలోని కాలువ దగ్గరకెళ్లారు. అక్కడ గొడవ జరిగిందని, ఆమే కాలువలోకి దూకేసిందని భర్త చెబుతున్నాడు. అయితే భర్తే ప్రియాంకను నీటిలోకి తోసేసినట్లు ప్రియాంక కుటుంబసభ్యులు ఆరోపిస్తున్నారు. ఆమెకు ఈత వస్తుందని చెప్పారు. అప్పటి నుంచి పోలీసులు, ఫైర్‌ సిబ్బంది గాలింపు చేపట్టారు. కాలువలో వెతుకుతూ వెళ్లగా లోతుగా ఉన్నచోట మృతదేహం లభించింది. శ్రావణ బెళగొళ పోలీసులు కేసు నమోదు చేశారు. ప్రియాంకకు మొదటే పెళ్లయిందని, అది దాచి తనతో రెండవ పెళ్లి చేశారనే కోపంతో రాజశేఖర్‌ ఆమెను హత్య చేశాడని మృతురాలి కుటుంబీకులు ఆరోపించారు.

హొసపేటె: కూడ్లిగి తాలూకా గుడేకోటెలో ఆధార్‌ సేవా కేంద్రాన్ని ప్రారంభించాలని కర్ణాటక రక్షణ వేదిక స్వాభిమాని సేన ఆధ్వర్యంలో తహసీల్దార్‌ రాఘవేంద్రకు వినతిపత్రం సమర్పించారు. సంఘం అధ్యక్షులు శివకుమార్‌ మాట్లాడుతూ ఫిర్కా పరిధిలోని గ్రామాల ప్రజలు ఆధార్‌ నమోదు, సవరణ వంటి నిత్యావసర సేవల కోసం కూడ్లిగి, మొళకాల్మూరు, హొసపేటె వంటి ఇతర ప్రాంతాలకు వెళ్లి, రోజంతా అక్కడ క్యూలలో నిలబడాల్సి వస్తోంది. దీని వల్ల కూలీలకు, పేద కుటుంబాలకు ఆర్థిక నష్టం వాటిల్లడంతో పాటు సమయం కూడా వృథా అవుతోంది. అంతేకాకుండా కార్యాలయంలో సిబ్బంది కొరత, తాగునీటి వ్యవస్థ, మరుగుదొడ్లు, ప్రహరీ, పరిశుభ్రత వంటి వివిధ సౌకర్యాలను కల్పించాలని వినతిపత్రంలో డిమాండ్‌ చేశారు. మడివాళ నాగరాజ్‌, ఎం.రాజన్న, కుంబార రాజన్న, బీ.టీ.రఘు, మహమ్మద్‌, ఇంద్రేష్‌, కరిబసప్ప, ఆచారి, ముఖన్‌ కుబేరప్ప పాల్గొన్నారు.

శివాజీనగర: భారీ జనసమూహం మధ్య హిందూ గణపతి ఊరేగింపు వైభవంగా జరిగింది. ప్రతి సంవత్సరంలానే 13వ వార్షిక హిందూ మహాగణపతి విగ్రహాన్ని శ్రీపాదగట్టె ఆంజనేయ స్వామి ఆలయంలో ప్రతిష్టించారు. శుక్రవారం భారీ పోలీసు భద్రత నడుమ పాదగట్టె ఆంజనేయ ఆలయం నుంచి పట్టణ ప్రధాన వీధి వరకు గణపతి నిమజ్జన ఊరేగింపు జరిగింది. ఎమ్మెల్యే కే.నేమిరాజ్‌ నాయక్‌, మాజీ ఎమ్మెల్యే ఎస్‌.భీమానాయక్‌ మద్దతుదారులు, యువత, ప్రజలు వివిధ సంగీత బృందాల సంగీతానికి, డీజే సౌండ్‌ సిస్టమ్‌కు అనుగుణంగా నృత్యం చేశారు. మీడియాతో ఎమ్మెల్యే మాట్లాడుతూ మన దేశంలో ప్రాచీన కాలం నుంచి మన పూర్వీకుల ద్వారా సంక్రమించిన హిందూ సంస్కృతి పండుగలు, మత విశ్వాసాలు, ఆధ్యాత్మిక వారసత్వ సంప్రదాయాలకు ప్రత్యేక ప్రాముఖ్యత ఉందన్నారు. యువతరం మన గొప్ప వారసత్వ సంస్కృతిని ఆలవర్చుకుని కొనసాగించాలన్నారు. హిరేహడగలి హాలస్వామి, మాజీ ఎమ్మెల్యే ఎస్‌.భీమానాయక్‌, జేడీఎస్‌ జిల్లా అధ్యక్షుడు బాదామి మృత్యుంజయ, ఉపాధ్యక్షుడు కృష్ణమూర్తి శెట్రు, పురపాలక సంఘం మాజీ అధ్యక్షుడు ఎం.మరిరామణ్ణ, పీఎల్‌డీ బ్యాంకు అధ్యక్షుడు బీడీ గంగాధర్‌, బ్లాక్‌ కాంగ్రెస్‌ అధ్యక్షుడు కోరి గోణిబసప్ప తదితర నాయకులు పాల్గొన్నారు. విజయనగర జిల్లా ఎస్పీ జాహ్నవి ఆధ్వర్యంలో కూడ్లిగి డీఎస్పీ మల్లేష్‌ దొడ్డమని, హగరిబొమ్మనహళ్లి సీఐ వికాస్‌ లమాణితో పాటు కొట్టూరు, మరియమ్మనహళ్లి, తంబ్రహళ్లి ఎస్‌ఐలు, ఇతర పోలీసు సిబ్బంది గట్టి పోలీసు బందోబస్తు నిర్వహించారు.

రాయచూరు రూరల్‌: రాయచూరు రైల్వే స్టేషన్ల అభివృద్ధి పనుల్లో వేగం పెంచాలని రాయచూరు ఎంపీ కుమార నాయక్‌ పేర్కొన్నారు. హుబ్లీలోని వెస్ట్‌ రైల్వే కార్యాలయంలో జనరల్‌ మేనేజర్‌ అనంత్‌తో స్టేషన్లలో మందకొడిగా సాగుతున్న పనులపై సమీక్షించారు. గతిశక్తి పథకంలో జరుగుతున్న పనులపై ఆరా తీశారు. ఇప్పటికే కేంద్రం నుంచి రూ.29 కోట్ల నిధులు విడుదల చేసినా పనులు ప్రారంభించక పోవడంపై ఇంజనీర్లపై ఆగ్రహం వ్యక్తం చేశారు. స్టేషన్లలో తాగునీరు, మరుగుదొడ్లు, ప్లాట్‌ఫాంల శుభ్రత సమస్యలపై దృష్టి సారించాలన్నారు. పెండింగ్‌లో ఉన్న రాయచూరు–గిణిగేరా, గదగ్‌– వాడి, ఆల్మట్టి– యాదగిరి రైలు మార్గాలతో పాటు గూడ్స్‌షెడ్‌ నిర్మాణ పనులు త్వరిత గతిన పూర్తి చేయాలన్నారు. అధికారులు శ్రీనివాస్‌, బాలాజీ, సునీల్‌, మీనా బేలాలున్నారు.

బనశంకరి: భక్తులు మొక్కులు తీర్చే కల్పవల్లిగా పూజలందుకుంటున్న బెంగళూరులో బనశంకరిలోని బనశంకరీదేవి ఆలయంలో శనివారం వైభవంగా జన్మోత్సవాలను నిర్వహించారు. భాద్రపద శుద్ధ పౌర్ణమి వేకువజామున అర్చకులు ఏ.చంద్రమోహన్‌ అమ్మవారి మూలవిరాట్‌కు పంచామృత అభిషేకం, విశేష పూజలు చేపట్టారు. యాగ మండపంలో నవచండికాహోమం, కుమారిక పూజ, సువాసినీ పూజ తదితరాలను నెరవేర్చారు. శాకంబరీ దేవి ఊరేగింపు భక్తులు పెద్దఎత్తున అమ్మవారి ఆలయానికి విచ్చేసి నిమ్మకాయల ప్రమిదలతో దీపారాధన చేశారు. మధ్యాహ్నం 2:30 గంటలకు శాకంబరీ దేవికి అలంకరించి ఆలయ ఆవరణలో మేళతాళాలతో ఉరేగించారు. ఈ కార్యక్రమంలో ఆలయ ప్రముఖులు జీఎన్‌ఆర్‌.బాబు, శివనగౌడ హెచ్‌సీ, ఎన్‌.కృష్ణప్ప తదితరులు పాల్గొన్నారు. ఆలయంలో విశేష పూజలు, యాగాలు

రాయచూరు రూరల్‌: రాయచూరు జిల్లాలో తల్లీబిడ్డల మరణాల రేటును అరికట్టాలని ఆరోగ్య కుటుంబ సంక్షేమ శాఖ కలబుర్గి డివిజన్‌ అధికారి రజనీ వైద్యాధికారులను ఆదేశించారు. శనివారం రాయచూరు తాలూకా గుంజళ్లి ప్రాథమిక ఆరోగ్య కేంద్రాన్ని తనిఖీ చేసి మాట్లాడారు. 2025–26లో రూ.3 లక్షలతో చేపడుతున్న ఆరోగ్య కార్యక్రమాలను విజయవంతం చేయాలన్నారు. 2021–22లో తల్లీబిడ్డల మరణాల రేటు 68 శాతం ఉండగా, నేడు 15 శాతం అయిందన్నారు. జిల్లా ఆరోగ్య అధికారిణి నందిత, సురేంద్ర బాబు, రిమ్స్‌ డీన్‌ రమేష్‌, వైద్యులు గణేష్‌, శివకుమార్‌, షాకీర్‌, ఈశ్వర్‌, బసయ్యలున్నారు. అనంతరం రిమ్స్‌ ఆస్పత్రిలో పలు వార్డులను తనిఖీ చేశారు.

బళ్లారిఅర్బన్‌: జిల్లా ఆరోగ్య, కుటుంబ సంక్షేమ శాఖ సహకారంతో బళ్లారి తాలూకా ఉప్పార ఉద్యోగులు, వృత్తి నిపుణుల సంఘం ఆధ్వర్యంలో ఈనెల 27న ఉచిత ఆరోగ్య పరీక్ష శిబిరాన్ని నిర్వహిస్తున్నట్లు ఉప్పార ఉద్యోగుల సంఘం అధ్యక్షుడు మల్లప్ప ఉప్పార్‌ తెలిపారు. నగరంలోని 17వ వార్డు రూపనగుడి రోడ్డులోని అయ్యప్ప ఆలయ సమీపంలోని విద్యార్థి వసతి గృహంలో ఉదయం 10 నుంచి మధ్యాహ్నం 1 గంట వరకు ఉచిత ఆరోగ్య పరీక్ష శిబిరాన్ని జిల్లా ఆస్పత్రి వైద్య నిపుణుల ద్వారా నిర్వహిస్తున్నట్లు తెలిపారు. వివిధ ఆరోగ్య పరీక్షలతో పాటు వైద్యుల సలహాలను ఉచితంగా అందిస్తారన్నారు. ప్రజలు పెద్ద సంఖ్యలో పాల్గొని శిబిరాన్ని సద్వినియోగం చేసుకోవాలని సంఘం ప్రతినిధులు కోరారు. ఈసందర్భంగా విద్యార్థి వసతి గృహ ప్రాంగణంలో మొక్కలు నాటే కార్యక్రమాన్ని కూడా నిర్వహిస్తున్నట్లు తెలిపారు. సంఘం గౌరవాధ్యక్షుడు జేసీ గురుమూర్తి, కిష్కింధ వర్సిటీ ప్రొఫెసర్‌ ఈరన్న, ఉప్పార సమాజ ప్రముఖులు, జాతీయ బీసీ చైతన్య సమితి వ్యవస్థాపక అధ్యక్షుడు బీసీ రమణ, కేఈబీ నాగరాజ్‌, కార్యదర్శి జయరాం, ఉప్పార సమాజ సోదరులు పాల్గొన్నారు.

యశవంతపుర: ఉడుపి పట్టణంలోని అలెవూరు–దెందూరుకట్ట వద్ద పెట్రోల్‌ బంకుకు సమీపంలో ప్రైవేట్‌ బస్సులో మంటలు వ్యాపించి కాలిబూడిదైంది. బస్సులో మంటలు వ్యాపించగానే పెట్రోల్‌ బంకు సిబ్బంది మంటలను అదుపు చేయటంతో పెను ప్రమాదం తప్పింది. బస్సు పక్కన నిలిపిన రెండు బస్సులు, ఒక టెంపోకు మంటలు వ్యాపించకుండా బంకు సిబ్బంది అదుపు చేశారు. అగ్ని ప్రమాదంలో బస్సు కాలి బూడిదైంది. ఈ బస్సులు పెట్రోల్‌ బంకుకు చెందిన యజమానివిగా గుర్తించారు. ప్రమాదానికి గల కారణాలు తెలియరాలేదు. పోలీసులు ఘటన స్థలాన్ని పరిశీలించారు.

బనశంకరి: మధ్యవర్తుల ప్రమేయం లేకుండా పౌరకార్మికుల సంక్షేమానికి మంత్రివర్గ ఉప సంఘాన్ని ఏర్పాటు చేస్తామని ముఖ్యమంత్రి డీకే.శివకుమార్‌ తెలిపారు. శుక్రవారం ప్యాలెస్‌ మైదానంలో ఏర్పాటు చేసిన రాష్ట్ర స్థాయి పౌర కార్మికుల దినోత్సవాన్ని సీఎం ప్రారంభించి మాట్లాడారు. సాంఘిక సంక్షేమ శాఖ, నగరాభివృద్ధి శాఖ నిపుణులను ఉపకమిటీలో నియమిస్తామన్నారు. పౌరకార్మికులకు నిత్యం ఉపహార వేతనాన్ని రూ.35 నుంచి రూ.70లకు పెంచుతామన్నారు. కార్మికుల పిల్లలకు ప్రత్యేక వసతి పాఠశాలలను ఏర్పాటు చేస్తామన్నారు. పౌరభవనం నిర్మిస్తామని హామీ ఇచ్చారు. పౌరకార్మిక వాహన డ్రైవర్లకు సౌకర్యాలు కల్పించే దృష్టితో వచ్చేవారం ప్రత్యేక సమావేశం నిర్వహిస్తామన్నారు. కార్మికులు లేకపోతే స్వచ్ఛత ఉండదన్నారు. పౌరకార్మికులు స్వచ్ఛత రాయబారులు, మీ చేతులు కరునాడును కాపాడే చేతులన్నారు. మంత్రులు హెచ్‌సీ.బాలకృష్ణ, బసవంతప్ప, డాక్టర్‌ యతీంద్రసిద్దరామయ్య, కేహెచ్‌.మునియప్ప, సఫాయి కర్మచారి అభివృద్ధి కమిషన్‌ అధ్యక్షుడు పీ.రఘు, మాజీమంత్రి ఆంజనేయ, మాజీ ఎంపీ ఎల్‌ఆర్‌.శివరామేగౌడ, మాజీ ఎమ్మెల్యే వెంకట రమణయ్య, సఫాయి కర్మచారి అభివృద్ధి మండలి అధ్యక్షుడు అశోక్‌ సాలప్ప, మున్సిపల్‌ శాఖ కార్యదర్శి బీబీ.కావేరి, డైరెక్టర్‌ రవీంద్ర, పౌరకార్మికుల అభివృద్ధి సంఘం అధ్యక్షురాలు శైలా, ప్రభాకర్‌, నారాయణ పాల్గొన్నారు.

బనశంకరి: భార్యను గొంతు నులిమి చంపి మృతదేహాన్ని ఇంట్లో మూడురోజులపాటు దాచిపెట్టిన అనంతరం పరుపులో చుట్టి ఖాళీ స్థలంలో పడేసిన భర్త ఉదంతం బెంగళూరులో వెలుగు చూసింది. ఒడిశాకు చెందిన అనసూయ(28), సాగర్‌చంద్ర రావత్‌ ప్రేమ వివాహం చేసుకున్నారు. ఇద్దరూ బెంగళూరుకు వలస వచ్చి హోటళ్లలో పనిచేసేవారు. సంపిగెహళ్లి పోలీస్‌స్టేషన్‌ పరిధిలో నివాసం ఉండేవారు. ఈనెల 11న డబ్బు విషయంలో దంపతుల మధ్య గొడవ జరిగింది. కోపోద్రిక్తుడైన సాగర్‌ అనసూయను గొంతు నులిమి చంపేశాడు. అనంతరం మూడు రోజుల పాటు మృతదేహాన్ని ఇంట్లో ఉంచాడు. తర్వాత పరుపులో చుట్టి సంపిగెహళ్లి ఎంఎస్‌.నగర అగ్రహార లేఔట్‌లోని ఖాళీ స్థలంలో పడేసి అక్కడి నుంచి ఉడాయించాడు. ఖాళీ స్థలాన్ని కార్మికులు శుభ్రం చేస్తుండగా కుళ్లిన స్థితిలో కుక్కలు పీక్కుతిన్న గుర్తుతెలియని మహిళ శవం లభ్యమైంది. సంపిగెహళ్లి పోలీసులు వచ్చి పరిశీలించారు. మృతదేహంపై ఉన్న దుస్తులను పరిశీలించగా మాల్‌ట్యాగ్‌ లభించింది. దాని ఆధారంగా బిల్లు వివరాలను సేకరించి మృతురాలిని అనుసూయగా గుర్తించారు. గాలింపు చేపట్టి భర్త సాగర్‌చంద్ర రావత్‌ను శుక్రవారం అదుపులోకి తీసుకొని విచారణ చేపట్టగా తానే అంతమొందించినట్లు అంగీకరించాడు. దీంతో అతన్ని పోలీసులు అరెస్ట్‌ చేశారు. నిందితుడిని పట్టించిన మాల్‌ ట్యాగ్‌

మైసూరు: ప్రపంచ ప్రసిద్ధ మైసూరు దసరా మహోత్సవ్‌–2026 కోసం సన్నాహాలు ముమ్మరంగా జరుగుతున్నాయి. విజయదశమి జంబూ సవారీలోని ముఖ్య సంప్రదాయాల్లో ఒకటైన ప్యాలెస్‌ ప్రాంగణంలో ఫిరంగులకు పోలీసులు శుక్రవారం ప్రత్యేక పూజ నిర్వహించారు. మైసూరు ప్యాలెస్‌లో ఉన్న ఏనుగు గేటు సమీపంలోని 11 ఫిరంగులకు నగర పోలీస్‌ కమిషనర్‌ సీమా లాట్కర్‌ ఆధ్వర్యంలో రాజభవన పురోహితుడు ప్రహ్లాదరావు ధార్మిక ఆచారాలతో పూజ చేశారు. విజయదశమి రోజున జరిగే జంబూ సవారీ ఊరేగింపులో 21 ఫిరంగులను కాల్చడంతో దసరా వైభవం మరింత పెరగనుంది. ముఖ్యమంత్రితో సహా ప్రముఖులు బంగారు ఫలకంలో ప్రతిష్ఠించిన చాముండేశ్వరి అమ్మవారి ఉత్సవ విగ్రహానికి పుష్పాంజలి ఘటిస్తారు. ఆ సమయంలో జాతీయ గీతం ఆలపిస్తారు. జాతీయ గీతం ఆలపిస్తున్నప్పుడు పోలీసులు 21 సార్లు ఫిరంగులు పేలుస్తూ వందనం చేయడం ఒక ముఖ్యమైన సంప్రదాయం. ఏసీపీ సోమశేఖర్‌ నాయకత్వంలో, 35 మంది సీఏఆర్‌ పోలీసులు నగరంలోని దొడ్డకెరె మైదానంలో 7 ఫిరంగులతో మూడు రోజుల పాటు 21 సార్లు కాల్పుల విన్యాసం నిర్వహిస్తారు. అనంతరం బన్నిమంటపంలో కూడా ఈ విన్యాసం నిర్వహించనున్నారు.

బనశంకరి: పౌరకార్మికుల పితామహుడు ఐపీడీ.సాలప్ప ప్రతిమకు సీఎం డీకే.శివకుమార్‌ నివాళులర్పించారు. శుక్రవారం జీబీఏ కేంద్ర కార్యాలయం ఆవరణలోని సాలప్ప చిత్రపటం, ప్రతిమకు సీఎం శివకుమార్‌, నగరాభివృద్ధి శాఖ మంత్రి యతీంద్ర సిద్దరామయ్య, మున్సిపల్‌ శాఖ మంత్రి హెచ్‌సీ.బాలకృష్ణ, వ్యవసాయ శాఖ మంత్రి పీఎం.నరేంద్రస్వామి పౌరకార్మికులతో కలిసి పూలమాల వేసి నివాళులర్పించారు. పౌరకార్మికులకు హక్కులు, గౌరవం, ఘనత తెచ్చిన ఐపీడీ సాలప్ప సేవలు, పోరాటం గురించి సీఎం స్మరించుకున్నారు.తమిళనాడుకు నీటి విడుదల ఆదేశాన్ని అంగీకరించలేం ● జలవనరుల మంత్రి చలువరాయ మండ్య : తమిళనాడుకు నిత్యం 4,000 క్యూసెక్కుల నీటిని విడుదల చేయాలన్న కావేరి జల నియంత్రణ అధారిటీ ఆదేశాన్ని కర్ణాటక అంగీకరించలేదని జలవనరుల శాఖ మంత్రి ఎన్‌.చలువరాయస్వామి అన్నారు. కావేరి జల నిర్వహణ అథారిటీ కూడా అదే ఆదేశాన్ని సమర్థించడం రాష్ట్రంలోని ప్రస్తుత వాస్తవ పరిస్థితికి విరుద్ధంగా ఉందన్నారు. ఈ నేపథ్యంలో మనం 4 వేల క్యూసెక్కుల నీటిని ఎలా విడుదల చేయగలం? అని ఆయన ప్రశ్నించారు. పొరుగున ఉన్న తమిళనాడు కూడా ఈ విషయాన్ని అర్థం చేసుకోవాలని ఆయన విజ్ఞప్తి చేశారు. కారుణ్య నియామకం శాశ్వత హక్కు కాదు ● కర్ణాటక హైకోర్టు చరిత్రాత్మక తీర్పు శివాజీనగర: కారుణ్య ప్రాతిపదికన ఇచ్చే ప్రభుత్వ ఉద్యోగం కుటుంబ తక్షణ ఆర్థిక ఇబ్బందులను తగ్గించడానికి ఇచ్చే ఒకసారి ఉపశమనం మాత్రమేనని, దానిని నిరంతర ప్రయోజనాల హక్కుగా పరిగణించరాదని హైకోర్టు తీర్పు ఇచ్చింది. కర్ణాటక పరిపాలన ట్రిబ్యునల్‌ (కేఏటీ) నుంచి కారుణ్య ప్రాతిపదికన సెకండ్‌ గ్రేడ్‌ అసిస్టెంట్‌ (ఎస్‌డీఏ) గా నియమితులైన ఇద్దరు ఉద్యోగుల విద్యార్హతలను పరిగణనలోకి తీసుకుని, వారిని ఫస్ట్‌ గ్రేడ్‌ అసిస్టెంట్‌ (ఎఫ్‌డీఏ) పోస్టుకు పదోన్నతి కల్పించాలని ఆదేశించింది. కేఏటీ ఉత్తర్వును సవాలు చేస్తూ రాష్ట్ర ప్రభుత్వం హైకోర్టును ఆశ్రయించింది. ఈ కేసును విచారణ చేసిన జస్టిస్‌ ఎం.నాగప్రసన్న, జస్టిస్‌ హేమ కులకర్ణిలతో కూడిన డివిజన్‌ బెంచ్‌ కేఏటీ ఇచ్చిన ఉత్తర్వును రద్దు చేస్తూ తీర్పునిచ్చింది. వివిధ సుప్రీంకోర్టు తీర్పులను ఉటంకిస్తూ, ఒక వ్యక్తి కారుణ్య నియామకాన్ని అంగీకరించిన తరువాత, కేవలం ఉన్న విద్యార్హతల ఆధారంగా ఉన్నత పదవిని కోరలేరని ధర్మాసనం స్పష్టం చేసింది. కేసు నేపథ్యం: బెళగావిలోని భూ రికార్డుల సహాయ సంచాలకుల కార్యాలయంలో పని చేస్తున్న ఇద్దరు ఉద్యోగులు విధి నిర్వహణలో ఉండగానే మరణించారు. వారి కుటుంబ ఆర్థిక పరిస్థితిని పరిగణలోకి తీసుకుని, 2018 మార్చి 26న వారి వారసులకు అదే కార్యాలయంలో సెకండ్‌ డివిజన్‌ అసిస్టెంట్‌ (ఎస్‌డీఏ)గా కారుణ్య ఉద్యోగం కల్పించారు. అయితే తమకు ఉన్న విద్యార్హతల ఆధారంగా తమను ఎఫ్‌డీఏ పోస్టుకు పదోన్నతి కల్పించాలని కోరారు. ప్రభుత్వం ఈ అభ్యర్థనను తిరస్కరించడంతో వారు కేఏటీని ఆశ్రయించారు.

మైసూరు: ప్రపంచ ప్రసిద్ధ మైసూరు దసరా మహోత్సవ్‌–2026 జంబూ సవారీ ఏనుగుల కోసం చేపట్టిన మూడో దశ శిక్షణకు శుక్రవారం కురిసిన భారీ వర్షంతో అంతరాయం కలిగింది. మహేంద్ర అనే ఏనుగుకు చెక్కతో చేసి కట్టిన అంబారీని ఏర్పాటు చేశారు. మైసూరు ప్యాలెస్‌ ప్రాంగణంలోని కోడి సోమేశ్వర ఆలయం వద్ద మహేంద్ర వీపునకు ఒక పరుపు, దుప్పటి కట్టారు. దానిని రాజభవనంలోని చెక్కతో నిర్మించిన ప్రదేశానికి తీసుకొచ్చారు. మధ్యాహ్నం 2.30 గంటలకు డీసీఎఫ్‌ ప్రభుగౌడ కొట్టానికి, ఏనుగులకు సాంప్రదాయ పూజ చేసి బూడిద గుమ్మడికాయను పగలకొట్టారు. ఆ సమయంలో భారీ వర్షం ప్రారంభమైంది. మహేంద్ర ఏనుగు కొట్టాన్ని ఒక ప్లాస్టిక్‌ సంచితో కప్పారు. కానీ వర్షం తీవ్రమవడంతో చెక్కతో తయారు చేసిన బరువు, దూలాల తాళ్లు తడిసిపోయాయి. గాలి, వాన కుండపోతగా కురుస్తోంది. ఈలోగా, మావటి రాజు ఆజ్ఞ మేరకు ఏనుగు నెమ్మదిగా నడిచింది. కుమ్కి ఏనుగుల్లో లక్ష్మి మహేంద్రకు కుడివైపున, చైత్ర ఎడమవైపున నడవగా, ఏకలవ్య, శ్రీకంఠ, కావేరి, ప్రశాంత, సుగ్రీవ, గోపి, రూప, శ్రీరామ వెంట నడిచాయి. మొరాయించిన మహేంద్ర ఊరేగింపు కొంత దూరం ప్రయాణించిన తర్వాత, మహేంద్ర ప్యాలెస్‌ ప్రాంగణాన్ని విడిచి ముందుకు వెళ్లడానికి నిరాకరించింది. ఆ సమయంలో ఏనుగుపై ఉన్న అదనపు బరువును తొలగించారు. అయినా అది ముందుకు కదలకపోవడంతో, దానిని వెనక్కి తీసుకువచ్చి చెక్క అంబారిని విప్పారు. మిగిలిన ఏనుగులు కూడా శిబిరానికి వెళ్లిపోయాయి. బన్నిమంటప వరకు వెళ్లాల్సిన చెక్క అంబారి ఊరేగింపును ప్యాలెస్‌ ప్రాంగణంలోనే నిలిపివేయడంతో శిక్షణ చూడటానికి వచ్చిన వారు నిరాశ చెందారు. ఏనుగుల భద్రత, సౌకర్యం దృష్ట్యా చెక్క అంబారి శిక్షణను వాయిదా వేసినట్లు డీసీఎఫ్‌ ప్రభుగౌడ తెలిపారు. అడ్డంకిగా నిలిచిన భారీ వర్షం

రాయచూరు రూరల్‌: అంగన్‌వాడీ కేంద్రాల్లో అపౌష్టికతతో (పోషకాహార లోపంతో) బాధపడుతున్న బలహీనమైన పిల్లలను గుర్తించి, వారికి తక్షణమే నాణ్యమైన పౌష్టికాహార పదార్థాలను పంపిణీ చేయాలని సీడీపీఓ వనజాక్షి పేర్కొన్నారు. యాదగిరి జిల్లా గురుమిట్కల్‌ తాలూకా కొంకల్‌ గ్రామంలోని ప్రభుత్వ జూనియర్‌ కళాశాలలో రాయచూరు వ్యవసాయ విశ్వవిద్యాలయం, గురుమిట్కల్‌ తాలూకా మహిళా శిశు సంక్షేమ శాఖ, విద్యాశాఖ, జిల్లా అధికార యంత్రాంగం సంయుక్త ఆధ్వర్యంలో ’ప్రధానమంత్రి మాతృ వందన యోజన’ కార్యక్రమం నిర్వహించారు. ఈ సందర్భంగా వనజాక్షి జ్యోతి ప్రజ్వలన చేసి మాట్లాడారు. గర్భిణులు, బాలింతలు, చిన్న పిల్లల ఆరోగ్యంపై ప్రత్యేక శ్రద్ధ వహించాలన్నారు. అంగన్‌వాడీ కేంద్రాల ద్వారా అందుతున్న పౌష్టికాహారాన్ని లబ్ధిదారులు సద్వినియోగం చేసుకోవాలని సూచించారు. కార్యక్రమంలో కళాశాల ప్రిన్సిపాల్‌ మల్లన్న, గణాంక అధికారి యూసఫ్‌, ఉషా, ఆనంద్‌, నింగప్ప, భగవంత్‌ రెడ్డి, సాబయ్య, మారెప్ప పాల్గొన్నారు.

సాక్షి, బళ్లారి: రాష్ట్రంలో కాంగ్రెస్‌ పార్టీ అధికారంలోకి వచ్చిన తర్వాత కేఎస్‌ఆర్‌టీసీ సంస్థ తీరు మూలిగే నక్కపై తాటికాయ పడినట్లుగా ఉంది. ఆర్థిక ఇబ్బందులు, అస్తవ్యస్తంగా నడుస్తున్న కేఎస్‌ఆర్‌టీసీ సంస్థలో మహిళలకు ఉచిత ప్రయాణం కల్పించడంభారంగా మారింది. ప్రభుత్వం నుంచి వందల కోట్ల రూపాయలు సంస్థకు బకాయిలు ఉండటంతో కొత్త బస్సులు కొనుగోలు చేయడానికి ఆర్థిక సమస్యలు, వెంటాడుతున్నాయి. బస్సులను సక్రమంగా నిర్వహణ చేయలేక పాత బస్సులను నడుపుతూ ప్రయాణికుల ప్రాణాలతో చెలగాటం ఆడుతున్నారనే విమర్శలు వెల్లువెత్తున్నాయి. బస్సు డ్రైవర్ల అవస్థలు వర్ణనాతీతం.. మహిళలకు ఉచిత బస్సు ప్రయాణం ఏర్పాటు చేసిన తర్వాత బస్సుల్లో కిక్కిరిసి జనం వెళుతున్నారు. అయితే వాటి సక్రమ నిర్వహణపై శ్రద్ధ చూపకపోవడంతో పాత బస్సులను నడపలేక డ్రైవర్లు నానా ఇబ్బందులు పడుతున్నారు. ప్రయాణికులు అరచేతిలో ప్రాణాలు పెట్టుకుని బిక్కుబిక్కుమంటూ ప్రయాణం సాగిస్తున్నారు. ఇటీవల కొప్పళ జిల్లా నుంచి బయలు దేరిన కేఎస్‌ఆర్‌టీసీ బస్సు పని తీరు చూసి ప్రయాణికులు తీవ్ర భయాందోళనకు గురయ్యారు. కొప్పళ–శహాపూర్‌ మధ్య తిరుగుతున్న ఆర్‌టీసీ బస్సుకు హెడ్‌లైట్లు ఫెయిల్‌ కావడంతో డ్రైవర్‌ తన చేతిలోని మొబైల్‌ ఫోన్‌లోని టార్చిలైట్‌ను ఆన్‌ చేసుకుని బస్సు నడిపాడు. జడివాన అందులో హెడ్‌లైట్లు పని చేయకపోవడంతో దారి మధ్యలో ఏం చేయాలో అర్థం కాక డ్రైవర్‌ నిదానంగా బస్సును ముందుకు తీసుకెళ్లారు. కారు మబ్బులు, జడివానలో రోడ్డు కనిపించకపోవడంతో ప్రమాదం జరిగితే తమ పరిస్థితి ఏమిటని ప్రయాణికులు ప్రశ్నించారు. 20 శాతం పాత బస్సులే.. ఇలా ఒక్క కొప్పళ–శహాపూర్‌ మధ్య తిరిగిన బస్సులో చోటు చేసుకున్న సంఘటనే కాదు. ఉత్తర కర్ణాటక పరిధిలోనే కాకుండా రాష్ట్రంలో కేఎస్‌ఆర్‌టీసీ బస్సులు అధ్వానంగా ఉన్నప్పటికీ, పాత బస్సులనే నడపడంతో ప్రమాదాలకు హేతువుగా మారుతోందని ప్రయాణికులు వాపోతున్నారు. నిత్యం రద్దీగా తిరిగే కేఎస్‌ఆర్‌టీసీ బస్సుల్లో నూటికి 20 శాతం పైగా పాతబడి పోయాయని, వాటి నిర్వహణ కూడా సరిగా చూడటం లేదని సంస్థలో పని చేసే ఉద్యోగులు పేర్కొనడం గమనార్హం. ఏదేమైనా ఇలాంటి పాత బస్సులను గుర్తించి వాటికి తగిన మరమ్మతులు చేసైనా నడపాలి లేదా కొత్త బస్సులను మరిన్ని కొని ఏర్పాటు చేసి ప్రయాణికులకు ఇబ్బందులు కలగకుండా చూడాల్సిన అవసరం ఎంతైనా ఉంది. మార్గమధ్యంలోనే మొరాయిస్తున్న ఆర్టీసీ బస్సులు

సాక్షి, బళ్లారి: నకిలీ పత్రాలు సృష్టించి కోట్లాది రూపాయల విలువైన భూమిని అక్రమంగా విక్రయించిన ఉదంతం బళ్లారిలో వెలుగుచూసింది. శుక్రవారం బళ్లారిలోని సబ్‌ రిజిస్ట్రార్‌ కార్యాలయాన్ని బాధితులు ముట్టడించారు. కార్యాలయ సిబ్బంది అవినీతిపై ఆగ్రహం వ్యక్తం చేశారు. తమకు న్యాయం చేయాలని కోరుతూ సబ్‌ రిజిస్ట్రార్‌ కార్యాలయంలోకి ప్రవేశించారు. బళ్లారి సబ్‌ రిజిస్ట్రార్‌ కార్యాలయం అవినీతి కూపంగా మారిపోయిందని అసహనం వ్యక్తం చేశారు. కనీసం భూమి ఎవరి పేరుతో ఉందో కూడా వెరిఫికేషన్‌ చేయకుండా లంచాలకు ఆశపడి నకిలీ పత్రాలతో భూములను ఎలా రిజిస్ట్రేషన్‌ చేస్తారంటూ సబ్‌ రిజిస్ట్రార్‌ దేవప్ప, ఇతర కార్యాలయ అధికారులను నిలదీశారు. ఈ వ్యవహారంపై అధికారి మూబున్నిసా బేగంతో చర్చించారు. కోట్లాది రూపాయల ఆస్తిని నకిలీ వ్యక్తులతో ఎలా రిజిస్ట్రేషన్‌ చేస్తారని ఆగ్రహించారు. నకిలీ దాఖలాలతో రిజిస్ట్రేషన్‌ చేసే దేవప్పపై కేసు నమోదు చేసి చట్టపరమైన చర్యలు తీసుకోవాలని డిమాండ్‌ చేశారు. ఈ కుంభకోణంపై జిల్లా ఎస్పీ సుమన్‌ పన్నేకర్‌ను కలిసి ఫిర్యాదు చేస్తామని తెలిపారు. అనంతరం బుడా అధ్యక్షుడు జే.ఎస్‌.ఆంజనేయులు, బాధితుడు నారాయణప్ప విలేకరులతో మాట్లాడారు. నకిలీ వ్యక్తులతో రిజిస్ట్రేషన్లు చేయడంపై ప్రశ్నిస్తే కోర్టుకు వెళ్లాలని అధికారులు చెబుతున్నారన్నారు. సబ్‌ రిజిస్ట్రార్‌ అనుమతితోనే నకిలీ రిజిస్ట్రేషన్లు జరుగుతున్నాయని తెలిపారు. డబ్బు తీసుకుని అక్రమాలకు పాల్పడుతున్నారని ఆరోపించారు. ఈ విషయాన్ని రెవెన్యూ మంత్రి దృష్టికి తీసుకెళ్తామని వెల్లడించారు. కార్యక్రమంలో కాంగ్రెస్‌ పార్టీ నాయకుడు బోయపాటి విష్ణు తదితరులు పాల్గొన్నారు. నకిలీ రిజిస్ట్రేషన్‌ ఎలా చేశారు? బళ్లారి నగరంలోని గాంధీ నగర్‌కు చెందిన నారాయణప్ప కొంత కాలంగా బెంగళూరు నివాసం ఉంటున్నాడు. 2003 సంవత్సరంలో నారాయణప్ప తన కుమార్తె స్వప్న పేరుపై కొళగళ్లు గ్రామ సమీపంలో సర్వే నంబర్‌ 619–2లో 6.87 ఎకరాల భూమిని రిజిస్ట్రేషన్‌ చేయించాడు. అయితే స్వప్ప బెంగళూరులో నివాసం ఉండటంతో సదరు భూమిపై అక్రమార్కుల కన్ను పడింది. సబ్‌ రిజిస్ట్రార్‌ సహకారంతో వేరే మహిళను తీసుకొచ్చి స్వప్నగా నమ్మించారు. ఆమె పేరుతో ఆధార్‌కార్డు కూడా సృష్టించారు. సబ్‌ రిజిస్ట్రార్‌ కార్యాలయ సిబ్బంది సహకారం అందించడంతో దాదాపు రూ.5 కోట్ల విలువైన భూమిని ఈ ఏడాది జూన్‌ 9వ తేదీన లోకేష్‌ అనే వ్యక్తి పేరుతో రిజిస్ట్రేషన్‌ చేశారు. నెల రోజుల తరువాత లోకేష్‌ కూడా ఇదే భూమిని కొళగల్లు గ్రామానికి ఉమేష్‌ అనే వ్యక్తికి రిజిస్ట్రేషన్‌ చేయించాడు. సాధారణంగా రిజిస్ట్రేషన్‌ చేసిన తర్వాత పాణి రావాలంటే అన్ని విధాలుగా రికార్డులు సరిచేసేందుకు నెల రోజులు పడుతుంది. నిబంధనలను తుంగలోకి తొక్కి ఆస్తిని చకచకా రిజిస్ట్రేషన్‌ చేసేశారు. ఈ అక్రమాల పుట్ట బయటకు రావడంతో బాధితులు సబ్‌ రిజిస్ట్రార్‌ కార్యాలయాన్ని ముట్టిండించి నిలదీశారు. ఇదే కాకుండా హనుమంతరావు అనే వ్యక్తికి చెందిన భూమిని కూడా నకిలీ దాఖలాలు సృష్టించి వేరే వ్యక్తుల పేర్లపై రిజిస్ట్రేషన్‌ చేశారు. బళ్లారిలో సబ్‌ రిజిస్ట్రార్‌ కార్యాలయాన్ని ముట్టడించిన బాధితులు సబ్‌ రిజిస్ట్రార్‌ దేవప్పపై చర్యలు తీసుకోవాలని డిమాండ్‌

హొసపేటె: సమాచార హక్కు చట్టంతో పారదర్శక పాలన సాధ్యం అవుతుందని జిల్లా కలెక్టర్‌ కవిత ఎస్‌.మన్నికేరి అన్నారు. శుక్రవారం నగరంలోని జిల్లా పంచాయతీ హాలులో సమాచార హక్కు చట్టంపై వర్క్‌షాప్‌, సంభాషణ కార్యక్రమం నిర్వహించారు. ఈ సందర్భంగా ఆమె మాట్లాడుతూ.. సమాచార హక్కు చట్టం అనేది పరిపాలన వ్యవస్థలో పారదర్శకతను తీసుకువచ్చే చట్టపరమైన సాధనం అని పేర్కొన్నారు. ప్రభుత్వ పథకాలు, కార్యక్రమాలు పక్కాగా అమలు అవుతున్నాయో లేదో ప్రజలు తెలుసుకునేందుకు ఇది ఉపయోగపడుతుందన్నారు. అధికారులు ఈ చట్టంలోని నిబంధనలపై అవగాహన పెంచుకుని, బాధ్యతాయుతంగా వ్యవహరించాలని సూచించారు. దరఖాస్తుదారు సమాచారాన్ని కోరితే, నిర్దేశించిన సమయంలోపు సమాచారం అందించాలని ఆదేశించారు. సమాచార హక్కు చట్టాన్ని కేవలం దరఖాస్తుదారుడి హక్కుగా మాత్రమే కాకుండా.. పారదర్శకత, ప్రజల్లో ప్రభుత్వంపై విశ్వాసాన్ని పెంపొందించే యంత్రాంగంగా చూడాలని పేర్కొన్నారు. చట్టానికి సంబంధించి ఏమైనా సందేహాలు ఉంటే తెలుసుకోవాలన్నారు. కార్యక్రమంలో వ్యవసాయ శాఖ విశ్రాంత సంయుక్త సంచాలకుడు వెంకటరమణప్ప, జిల్లా పంచాయత్‌ ముఖ్య కార్యనిర్వహణ అధికారి గరిమా పన్వార్‌, అదనపు జిల్లా కలెక్టర్‌ పీఎన్‌.లోకేష్‌ పాల్గొన్నారు.

హొసపేటె: ప్రపంచ ప్రసిద్ధి చెందిన హంపీ చారిత్రక, సాంస్కృతిక, వారసత్వ వైభవాన్ని స్వదేశీ, విదేశీ పర్యాటకులకు వివరించాలి. అప్పుడు హెరిటేజ్‌ వాక్‌ విజయవంతం అవుతుందని జిల్లా కలెక్టర్‌ కవితా ఎస్‌.మన్నికేరి తెలిపారు. ప్రపంచ పర్యాటక దినోత్సవాన్ని పురస్కరించుకుని జిల్లా యంత్రాంగం, పర్యాటక శాఖ, భారత పురావస్తు శాఖ, జిల్లా యంత్రాంగం సహకారంతో శుక్రవారం హెరిటేజ్‌ వాక్‌ నిర్వహించారు. హంపీ రాణి స్నాన గృహం నుంచి లోటస్‌ మహల్‌ వరకూ నడక కొనసాగింది. అనంతరం కలెక్టర్‌ మాట్లాడుతూ.. ప్రపంచ వారసత్వాన్ని పరిరక్షించాల్సిన బాధ్యత ప్రతి ఒక్కరిపై ఉందని గుర్తు చేశారు. హంపీ చారిత్రక ప్రాముఖ్యతను భవిష్యత్‌ తరాల కోసం కాపాడుకోవాలన్నారు. హెరిటేజ్‌ వాక్‌ తదితర కార్యక్రమాలు హంపీ వైభవాన్ని పర్యాటకులకు మరింత చేరువ చేసి, దేశ విదేశాల నుంచి మరింత మంది పర్యాటకులను ఆకర్షించడంలో సహాయ పడతాయని పేర్కొన్నారు. తోలుమొమ్మల ప్రదర్శన, బంజారా మహిళల బంజారా నృత్యం, గాలి దుర్గప్ప విదేశీ సంగీత వాయిద్యాల ప్రదర్శన ఆకట్టుకుంది. కార్యక్రమంలో హంపీ అభివృద్ధి ప్రాధికార సంస్థ కమిషనర్‌ బాలకృష్ణప్ప, పర్యాటక శాఖ డిప్యూటీ డైరెక్టర్‌ ప్రభులింగ తలకేరి, హంపీ టూరిస్ట్‌ గైడ్‌లు తదితరులు పాల్గొన్నారు.

హొసపేటె: ప్రాథమిక సౌకర్యాలు, తగిన ప్రోత్సాహకాలు కల్పించకుండా సమస్త యాప్‌ను తప్పనిసరి చేయడంపై ఆశా కార్యకర్తలు ఆగ్రహం వ్యక్తం చేశారు. ఏఐయూటీయూసీ అనుబంధ కర్ణాటక రాష్ట్ర యునైటెడ్‌ ఆశా వర్కర్స్‌ అసోసియేషన్‌ ఆధ్వర్యంలో శుక్రవారం విజయనగర జిల్లా డీహెచ్‌ఓ కార్యాలయం ఎదుట నిరసన వ్యక్తం చేశారు. సంఘం జిల్లా కార్యదర్శి గౌరమ్మ మాట్లాడుతూ.. ఆరోగ్య శాఖ నుంచి నాణ్యమైన మొబైల్‌ ఫోన్లు, ట్యాబ్‌లు అందించలేదని తెలిపారు. ఆశా కార్యకర్తలు సొంత మొబైళ్లను ఉపయోగించాల్సి వస్తోందన్నారు. గతంలో అందించిన నెలకు రూ.280 మొబైల్‌ చార్జీలను నిలిపి వేశారని గుర్తు చేశారు. ఆశా కార్యకర్తలు ఎదుర్కొంటున్న సమస్యలను వెంటనే పరిష్కరించాలని కోరారు. అనంతరం జిల్లా ఆరోగ్య శాఖ అధికారి లింగారాజుకు వినతిపత్రం అందజేశారు.

బళ్లారి అర్బన్‌: రాష్ట్రంలో నెలకొన్న కరువు పరిస్థితులను ఎదుర్కొవడంలో కాంగ్రెస్‌ ప్రభుత్వం విఫలమైందని జేడీఎస్‌ నాయకులు ఆరోపించారు. జేడీఎస్‌ జిల్లా విభాగం ఆధ్వర్యంలో శుక్రవారం బళ్లారిలోని డీసీ కార్యాలయం ఎదుట నిరసన చేపట్టారు. జేడీఎస్‌ జిల్లా అధ్యక్షుడు మీనల్లి తాయన్న మాట్లాడుతూ.. వర్షాభావంతో రైతులు తీవ్రంగా నష్టపోయారని తెలిపారు. విత్తనాలు, సాగు కోసం పెట్టుబడులు పెట్టిన రైతులు అప్పుల భారంతో ఇబ్బందులు పడుతున్నారని పేర్కొన్నారు. ప్రభుత్వం ఎకరాకు రూ.2,500 పరిహారం ప్రకటించడం ఏ మాత్రం సరిపోదన్నారు. రైతుల పూర్తి వ్యవసాయ రుణాలను తక్షణమే మాఫీ చేయాలని కోరారు. గ్రామీణ ప్రాంతాల్లో తాగునీటి సమస్యలను పరిష్కరించాలని డిమాండ్‌ చేశారు. పశువుల కోసం నీరు, పశుగ్రాస బ్యాంకులు ఏర్పాటు చేయడంతో పాటు గ్రామీణ కూలీలకు వెంటనే ఉపాధి కల్పించాలన్నారు. అంతకుముందు జేడీఎస్‌ కార్యాలయం నుంచి గడగి చన్నప్ప సర్కిల్‌ వరకు ర్యాలీ చేపట్టారు. డీసీ కార్యాలయానికి చేరుకుని కలెక్టర్‌కు వినతిపత్రం అందజేశారు. కార్యక్రమంలో రాజు నాయక్‌, లక్ష్మీకాంత రెడ్డి, హొన్నూర స్వామి, అడ్డిగేరి రామన్న, వసంత కుమార్‌, పుష్ప, రవికుమార్‌ పాల్గొన్నారు.

బళ్లారి అర్బన్‌: ప్రధానమంత్రి నరేంద్ర మోదీ తల్లిపై కాంగ్రెస్‌ నాయకుడు రాహుల్‌ గాంధీ చేసిన వ్యాఖ్యలపై బీజేపీ నాయకులు ఆగ్రహం వ్యక్తం చేశారు. శుక్రవారం బీజేపీ యువ మోర్చా ఆధ్వర్యంలో బళ్లారిలోని గడగి, చన్నప్ప సర్కిల్‌ వద్ద నిరసన చేపట్టారు. మధ్యప్రదేశ్‌ రాష్‌ట్రం ఇండోర్‌లో జరిగిన ఛాత్రోన్‌కి గంజ్‌ కార్యక్రమంలో ప్రధాని మోదీని అనుకరిస్తూ, తల్లి హీరాబెన్‌పై వ్యంగ్య నాటిక ప్రదర్శించడం సరికాదన్నారు. రాజకీయ విధానాలు, ప్రభుత్వ నిర్ణయాలను విమర్శించే హక్కు ప్రతి ఒక్కరికీ ఉందని తెలిపారు. అయితే వ్యక్తిగతంగా తల్లులను దూషించడం, అగౌరవ పరచడం ప్రజాస్వామ్య విలువలకు విరుద్ధమని పేర్కొన్నారు. ఇది భారతీయ సంస్కృతి, మాతృత్వానికి జరిగిన అవమానం అని మండిపడ్డారు. యువ మోర్చా జిల్లా అధ్యక్షుడు ఆర్‌.శరణ్‌గౌడ, పదాధికారులు అడవి స్వామి, పుష్పలత, హంపీ రమణ, టీహెచ్‌.నవీన్‌ కుమార్‌, రామారెడ్డి, దొడ్డ బసవ, సింధిగేరి అంబన్న, నవీన్‌ రెడ్డి, బసవ రాజ్‌, మంజునాథ్‌ తదితరులు పాల్గొన్నారు.

రాయచూరు రూరల్‌: కేంద్ర, రాష్ట్ర ప్రభుత్వాలు ప్రజల కోసం అమలు చేస్తున్న వివిధ సంక్షేమ పథకాలను అందరూ సద్వినియోగం చేసుకోవాలని రాయచూరు జిల్లా ప్రధాన న్యాయమూర్తి సిద్ధరామప్ప పిలుపునిచ్చారు. శుక్రవారం రాయచూరు తాలూకా పరిధిలోని మటమారి గ్రామంలో జాతీయ, రాష్ట్ర న్యాయ సేవా ప్రాధికార ఆధ్వర్యంలో 171 మందికి ఆయుష్మాన్‌ భారత్‌ కార్డులు, 36 మందికి వృద్ధాప్య పింఛన్లు, 61 మందికి వితంతు పింఛన్లు, 38 మందికి కార్మిక కార్డులు, 38 మందికి వాహన లైసెన్సులు పంపిణీ చేశారు. న్యాయ సేవా అధికార సంస్థ కేవలం చట్టాలపై అవగాహన కల్పించడమే కాకుండా, ప్రభుత్వ పథకాలు ప్రజలకు చేరేలా నిర్దేశిస్తుందని తెలిపారు. పంట నష్టపరిహారం అందించాలిరాయచూరు రూరల్‌: ఖరీఫ్‌ సీజన్‌ ప్రారంభంలో కురిసిన వర్షాలకు రైతులు సాగు చేసిన పంటలకు ప్రభుత్వం తక్షణమే పంట నష్టపరిహారం అందించి ఆదుకోవాలని మాన్వి మాజీ శాసన సభ్యుడు రాజా వెంకటప్ప నాయక్‌ డిమాండ్‌ చేశారు. రైతుల సమస్యలను పరిష్కరించాలని కోరుతూ శుక్రవారం మాన్విలోని అంబేడ్కర్‌ సర్కిల్‌ వద్ద ఆందోళన నిర్వహించారు. ఈ సందర్భంగా ఆయన మాట్లాడుతూ.. రాష్ట్రంలో నెలకొన్న కరువు పరిస్థితులు, కరువు పీడిత ప్రాంతాలను సకాలంలో గుర్తించడంలో ప్రస్తుత ప్రభుత్వం పూర్తిగా విఫలమైందని ఆరోపించారు. తొలకరి వానలను నమ్ముకుని వేసిన పంటలు ఎండుముఖం పట్టాయని తెలిపారు. వాణిజ్య బ్యాంకుల్లో రైతులు తీసుకున్న పంట రుణాలను రద్దు చేయాలని కోరారు. రైతుల సమస్యలు పట్టవా?రాయచూరు రూరల్‌: ఉత్తర కర్ణాటక, కళ్యాణ కర్ణాటక జిల్లాల్లో అత్యంత భీకరమైన కరువు పరిస్థితులు నెలకొన్నాయి. నష్టపోయిన రైతులకు ప్రభుత్వం తక్షణమే కరువు పరిహారం అందించి ఆదుకోవాలని కర్ణాటక రాష్ట్ర రైతు సంఘం అధ్యక్షుడు చామరస మాలి పాటిల్‌ డిమాండ్‌ చేశారు. శుక్రవారం పాత్రికేయుల భవనంలో ఏర్పాటు చేసిన విలేకరుల సమావేశంలో ఆయన మాట్లాడారు. రైతులు, ప్రజలు వర్షాలు లేక, పంటలు పండక కరువు పరిస్థితి నెలకొని కొట్టుమిట్టాడుతున్నారని తెలిపారు. స్థానిక ప్రజాప్రతినిధులు మౌనం వహించడం ఎంతవరకు సమంజసమని ప్రశ్నించారు. తుంగభద్ర ఎడమ కాలువ పరిధిలోని చివరి ఆయుకట్టు భూములకు నీరందడం లేదన్నారు. గేజ్‌ నిర్వహణలో లోపాలు సవరించాలని కోరారు. పరిహారం కింద ఎకరాకు రూ.25 వేలు ఇవ్వాలని డిమాండ్‌ చేశారు. హెస్కాం ఎండీగా హేమంత్‌హుబ్లీ: హెస్కాం (హుబ్లీ ఎలక్ట్రిసిటీ సప్లయ్‌ కంపెనీ లిమిటెడ్‌) నూతన మేనేజింగ్‌ డైరెక్టర్‌గా ఐఏఎస్‌ అధికారి ఎన్‌.హేమంత్‌ శుక్రవారం బాధ్యతలు స్వీకరించారు. ఈయన 2020 బ్యాచ్‌ ఐఏఎస్‌ అధికారి. అంతకుముందు శివమొగ్గ జిల్లా జెడ్పీ సీఈఓగా బాధ్యతలు నిర్వర్తించారు. కళలతో నైపుణ్యాల వెలికితీతరాయచూరు రూరల్‌: సమాజంలో విద్యార్థుల అంతర్గత ప్రతిభ, నైపుణ్యాలు వెలికి తీయడానికి సాంస్కృతిక కళలు దోహదపడతాయని కిల్లే బృహన్మఠాధిపతి శాంతమల్ల శివాచార్యులు పేర్కొన్నారు. శుక్రవారం స్థానిక పండిత సిద్ధరామ జంబలదిన్ని రంగమందిరంలో జిల్లా స్థాయి సాంస్కృతిక కార్యక్రమాలు నిర్వహించారు.స్వామీజీ మాట్లాడుతూ..విద్యార్థులు విద్యను అభ్యసించి ఉన్నత స్థాయికి చేరుకోవాలని సూచించారు. సాంస్కృతిక కార్యక్రమాల్లో చురుగ్గా పాల్గొనాలని తెలిపారు. సర్కారీ ఉద్యోగుల సంఘం అధ్యక్షుడు కృష్ణ, రాజా శ్రీనివాస్‌, డీడీపీయూ అధికారి సోమశేఖరప్ప, సుదామ, రవి, పద్మరాజ్‌, నరసప్ప, కుంటెప్ప, గౌరీష్‌, రంగముని దాస్‌, బసవరాజ్‌ పాల్గొన్నారు. ట్యాంకర్లతో నీటి సరఫరా రాయచూరు రూరల్‌: నగరంలోని 18వ వార్డు ప్రజలకు నగర సభ మాజీ అధ్యక్షురాలు లలిత ట్యాంకర్లతో తాగునీరు సరఫరా చేయించారు. రెండు రోజులుగా వార్డులో విద్యుత్‌ సమస్య తలెత్తింది. తాగునీటి సమస్య నెలకొనడంతో ప్రజలు ఇబ్బందులు పడ్డారు. విషయం తెలుసుకున్న ఆర్‌డీఏ మాజీ అధ్యక్షుడు ఆంజనేయ విద్యుత్‌ లైన్‌కు మరమ్మతు చేయించారు. నగర సభ మాజీ అధ్యక్షురాలు లలిత ట్యాంకర్లతో తాగునీరు సరఫరా చేయించి ప్రజల దాహార్తి తీర్చారు.

రాయచూరు రూరల్‌: పురుషులతో సమానంగా మహిళలు అన్ని రంగాల్లో రాణించాలని మస్కి తాలుకా పంచాయితీ అధికారి అమరేష్‌ సూచించారు. శుక్రవారం మస్కి తాలూకా కోల్‌బాల్‌లో జీవన జ్యోతి పథకంలో భాగంగా మంజూరైన చెక్కులను లబ్ధిదారులకు పంపిణీ చేశారు. ఈ సందర్భంగా ఆయన మాట్లాడుతూ.. మహిళల ఆర్థికాభివృద్ధే లక్ష్యం అని పేర్కొన్నారు. బ్యాకుల నుంచి తీసుకున్న రుణాలను తిరిగి చెల్లిస్తే మరింత మందికి రుణాలు ఇచ్చేందుకు అవకాశం ఉంటుందని తెలిపారు. కార్యక్రమంలో పీడీఓ సందేశ్‌, శరణయ్య, బసవరాజ, రమేష్‌, ప్రకాష్‌, అశోక్‌ తదితరులు పాల్గొన్నారు. ఆన్‌లైన్‌ కేటుగాళ్ల వంచనహుబ్లీ: స్టాక్స్‌లో డబ్బు పెట్టుబడి పెడితే ఎక్కువ సంపాదించవచ్చని నమ్మించి స్థానిక గోకుల్‌ రోడ్డు మురుగేష్‌ అనే వ్యక్తి ఖాతా నుంచి రూ.4.86 లక్షలను బదలాయించుకుని ఆన్‌లైన్‌ కేటుగాళ్లు వంచించారు. వివరాలు.. మురుగేష్‌కు సంజన అనే గుర్తు తెలియని మహిళ ఫోన్‌ చేసింది. స్టాక్‌ మార్కెట్‌లో డబ్బు పెట్టుబడి పెడితే ఎక్కువ లాభాలు వస్తాయని నమ్మించింది. ఆమె మాటలు నమ్మిన మురుగేష్‌.. వారు పంపిన లింక్‌ను డౌన్‌లోడ్‌ చేశాడు. లాగిన్‌ అయ్యాక దశల వారీగా రూ.4.86 లక్షలను ఆన్‌లైన్‌ వంచకులు తమ ఖాతాలోకి బదలాయించుకున్నారు. అనంతరం వారి ఫోన్‌ పని చేయకపోవడంతో మోసపోయినట్లు గ్రహించిన మురుగేష్‌ నగరంలోని గోకుల్‌ రోడ్డు పోలీసులకు ఫిర్యాదు చేశాడు. సీనియర్‌ సిటిజన్లను గౌరవించడం అందరి బాధ్యత బళ్లారి టౌన్‌: సీనియర్‌ సిటిజన్లను ప్రతి ఒక్కరూ గౌరవించాలని సివిల్‌ న్యాయమూర్తి రాజేష్‌ హొసమని సూచించారు. ప్రపంచ సీనియర్‌ సిటిజన్ల దినోత్సవాన్ని పురస్కరించుకుని హిరియ నాగరికర సబలీకరణ శాఖ ఆధ్వర్యంలో బీఎంసీఆర్‌సీ మైదానంలో క్రీడా పోటీలు, వివిధ సాంస్కృతిక కార్యక్రమాలు నిర్వహించారు. మహిళా శిశు అభివృద్ధి శాఖ డీడీ రామకృష్ణ నాయక్‌ మాట్లాడుతూ.. సీనియర్ల కోసం న్యాయ సేవలు అందుబాటులో ఉన్నాయని తెలిపారు. న్యాయ సేవలను అందరూ సద్వినియోగం చేసుకోవాలని పేర్కొన్నారు. అంతకుముందు నిర్వహించిన నడక, మ్యూజికల్‌ చైర్‌, బకెట్లోకి బాల్‌ వేయడం తదితర పోటీల్లో వృద్ధులు ఉత్సాహంగా పాల్గొని అలరించారు. కార్యక్రమంలో అధికారులు గోవిందప్ప, గురుమూర్తి, వెంకమ్మ, విరుపాక్షయ్య, విఠర్‌ లుంగి, ప్రజ్ఞ, చిన్నబాలయ్య, వెంకోబప్ప, మనిరాజు తదితరులు పాల్గొన్నారు. ప్రధాన ఎన్నికల కమిషనర్‌ను తొలగించాల్సిందే రాయచూరు రూరల్‌: దేశ వ్యాప్తంగా చేపట్టిన ఓటర్ల జాబితా ప్రత్యేక సమగ్ర సవరణ ప్రక్రియలో ప్రధాన ఎన్నికల కమిషనర్‌ జ్ఞానేష్‌ కుమార్‌ ఏకపక్షంగా నిర్ణయాలు తీసుకుని ఓట్లను తొలగిస్తున్నారని సీపీఐఎంఎల్‌ నాయకులు ఆరోపించారు. శుక్రవారం టిప్పు సుల్తాన్‌ ఉద్యానవనంలో ఆందోళన చేపట్టారు. ఈ సందర్భంగా సంచాకుడు అజీజ్‌ జాగీర్దార్‌ మాట్లాడుతూ.. దేశ వ్యాప్తంగా జరుగుతున్న సర్‌ ప్రక్రియలో లోపాలు బయట పడుతున్నాయని తెలిపారు. కేంద్ర ఎన్నికల సంఘం ప్రతిష్టను దిగజార్చారని మండిపడ్డారు. దేశంలో ఐదు కోట్ల మంది పేర్లు తొలగించడంతో కోర్టు మెట్లు ఎక్కారని తెలిపారు. ఇద్దరు ఎన్నికల కమిషనర్ల అభ్యంతరాలను పరిగణలోకి తీసుకోకుండా చాలా ఓట్లు తొలగించారని ఆరోపించారు.

సాక్షి, బళ్లారి: నగరంలోని ఐటీఐ కళాశాల మైదానంలో నిర్మాణ్‌–2026 పేరుతో భారీ కన్‌స్ట్రక్షన్‌ అండ్‌ బిజినెస్‌ ఎక్స్‌పో (కట్టడ సామాగ్రి ప్రదర్శన) శుక్రవారం ప్రారంభమైంది. బళ్లారి అసోసియేషన్‌ ఆఫ్‌ సివిల్‌, ఇంజనీర్స్‌ అండ్‌ అర్కెటెక్ట్స్‌ అసోసియేషన్‌ సంయుక్తా ఆధ్వర్యంలో ఏర్పాటు చేసిన ఈ ప్రదర్శన మూడు రోజుల పాటు కొనసాగుతుంది. జ్యోతి ప్రజ్వలన చేసిన అనంతరం ఎగ్జిబిషన్‌ను జిల్లా అధికారి నాగేంద్ర ప్రసాద్‌, మేయర్‌ గాదెప్ప, జిల్లా చాంబర్‌ ఆఫ్‌ కామర్స్‌ అధ్యక్షుడు అవ్వరా మంజునాథ, ప్రముఖ పారిశ్రామికవేత్త, జిల్లా చాంబర్‌ ఆఫ్‌ కామర్స్‌ మాజీ అధ్యక్షుడు డాక్టర్‌ రమేష్‌ గోపాల్‌ తదితర ప్రముఖులు ప్రారంభించారు. మారుతున్న కాలానికి అనుగుణంగా నూతన ఇళ్ల నిర్మాణాలకు అవసరమైన అన్ని ఉత్పత్తులను ఒకే చోట ప్రదర్శనకు ఉంచారు. జిల్లా అధికారి నాగేంద్ర ప్రసాద్‌ మాట్లాడుతూ.. ఏవైనా నూతన కట్టడాల నిర్మాణంలో ఇంజనీర్లు పాత్ర కీలకం అన్నారు. అసోసియేషన్‌ అధ్యక్షుడు సత్యనారాయణ మాట్లాడుతూ.. ఇంటి నిర్మాణాలకు సంబంధించి అన్ని పరికరాలు దాదాపు 77 స్టాల్స్‌ ఏర్పాటు చేశామని తెలిపారు. అన్ని వర్గాలకు చెందిన వారు ఇళ్ల నిర్మాణాలు చేపట్టేందుకు అవసరమైన సామగ్రి అందుబాటులో ఉంచామని పేర్కొన్నారు. మూడు రోజులు పాటు ఈ ప్రదర్శన ఉంటుందని.. నగర వాసులు సద్వినియోగం చేసుకోవాలన్నారు.

● ప్రభుత్వ నిర్ణయం చారిత్రాత్మకం ● నగర ఎమ్మెల్యే నారా భరత్‌రెడ్డి సాక్షి,బళ్లారి: నగరంలోని ప్రధాన కూడలి ఎస్పీ సర్కిల్‌కు మహర్షి వాల్మీకి సర్కిల్‌గా ప్రభుత్వం నామకరణం చేసిందని నగర ఎమ్మెల్యే నారా భరత్‌రెడ్డి పేర్కొన్నారు. ఆయన ఈ మేరకు గురువారం ప్రభుత్వం వెలువరించిన అంశాన్ని ఓ ప్రకటనలో వివరించారు. ఆదికవి, రామాయణం రాసిన మహానుభావుడు మహర్షి వాల్మీకి పేరును ఎస్పీ సర్కిల్‌కు నామకరణం చేయడం ఎంతో సంతోషంగా ఉందని, ఇది చారిత్రాత్మక నిర్ణయం అని గుర్తు చేశారు. నగరంలో నిత్యం పెద్ద సంఖ్యలో జనం తిరగాడే రద్దీ ప్రాంతానికి మహర్షి వాల్మీకి పేరును పెట్టడంతో ఆ సమాజంతో పాటు అన్ని వర్గాల ప్రజలు హర్షిస్తున్నారన్నారు. మహర్షి వాల్మీకిని అన్ని కులాల వారు ఆరాధిస్తారని, అలాంటి మహానుభావుడి పేరును ఎస్పీ సర్కిల్‌కు పెట్టడం గర్వకారణంగా ఉందన్నారు. మహర్షి వాల్మీకి విగ్రహ ప్రతిష్టాపన కూడా త్వరలో ఘనంగా నిర్వహిస్తామన్నారు.

● పడుకున్నవారిపై లారీ వెళ్లి ఇద్దరు మృతి దొడ్డబళ్లాపురం: ఫ్యాక్టరీకి రక్షణగా గేట్‌ ముందు పడుకున్న సెక్యూరిటీ గార్డుల ప్రాణాలకు భద్రత లేకుండా పోయింది. లారీ డ్రైవరు నిర్లక్ష్యం వల్ల ఇద్దరి ప్రాణాలు పోయాయి. ఈ విషాద ఘటన కలబుర్గి జిల్లా ఆళంద తాలూకా నాగలేగావ్‌ గ్రామం దగ్గర బ్లూఫైన్‌ పవర్‌ విండ్‌ కంపెనీ ముందు జరిగింది. గ్రామవాసులు సంతోష్‌ (45), సంగయ్యస్వామి (46) మృతులు. వీరిద్దరూ బుధవారం రాత్రి నైట్‌ డ్యూటీలో కంపెనీ గేట్‌ ముందు పడుకున్నారు. అర్ధరాత్రి అటుగా వచ్చిన లారీ ఒకటి వారిపైకి దూసుకెళ్లింది. ఇద్దరి శరీరాలు ఛిద్రమై ప్రాణాలు వదిలారు. డ్రైవర్‌ వాహనాన్ని అక్కడే వదిలి పరారయ్యాడు. పోలీసులు కేసు నమోదు చేసుకున్నారు. తగిన పరిహారం అందించి న్యాయం చేయాలంటూ కుటుంబీకులు, స్థానికులు డిమాండ్‌ చేశారు.

మైసూరు: చామరాజనగర జిల్లా, హనూరు తాలూకాలోని సుప్రసిద్ధ దేవస్థానం మలె మహదేశ్వర బెట్టలో మాదప్పపై కనకవర్షం కురుస్తోంది. గత కొన్నేళ్లుగా హుండీ ఆదాయం ఇబ్బడిముబ్బడిగా పెరుగుతోంది. తాజాగా గత 34 రోజులకుగాను హుండీలను గురువారం లెక్కించగా, రూ.2.21 కోట్ల ఆదాయం లభ్యమైంది. బెట్టలోని బస్టాండు సమీపంలోని వాణిజ్య సముదాయంలో సాలూరు శ్రీ శాంత మల్లికార్జున స్వామిజీ, ఆలయ అథారిటీ కార్యదర్శి పురుషోత్తం సమక్షంలో ఆలయ హుండీలను తెరిచారు. గౌరీ–గణేశ పండుగ సెలవులు, అమావాస్య జాతర మహోత్సవం నేపథ్యంలో పెద్దసంఖ్యలో భక్తులు మాదప్పను దర్శించుకుని కానుకలు సమర్పించారు. నగదుతో పాటు 68 గ్రాముల బంగారం, 2 కేజీల వెండి సొత్తు లభించింది. చెలామణిలో లేని రూ. 2 వేల నోట్లు 2 నోట్లు, 21 దేశాల విదేశీ నోట్లు కూడా లభ్యమయ్యాయి. 28 నుంచి ప్రదూష్‌ విచారణ● దర్శన్‌కు ఎదురుగాలి యశవంతపుర: చిత్రదుర్గ రేణుకాస్వామి హత్య కేసులో రెండవ నిందితుడు, నటుడు దర్శన్‌కు మరిన్ని కష్టాలు చుట్టుముట్టాయి. అప్రూవర్‌గా మారిన 14వ నిందితుడు ప్రదూష్‌ను ఈ నెల 28 నుంచి సాక్షిగా విచారించాలని కోర్టు నిర్ణయించింది. ప్రదూష్‌ అప్రూవర్‌గా మారటానికీ వీల్లేదంటూ దర్శన్‌ దంపతులు హైకోర్టులో కేసులు వేసినా చెల్లలేదు. ట్రయల్‌ కోర్టు అయిన బెంగళూరు 59వ సెషన్స్‌ న్యాయాలయం ప్రదూష్‌ విచారణకు ఉత్తర్వులిచ్చింది. సుప్రీంకోర్టుకు వెళ్తామని చెబితే.. దీంతో ఇక సుప్రీంకోర్టుకే వెళ్లాలని దర్శన్‌ నిర్ణయించుకున్నట్లు తెలిసింది. ఈ మేరకు ఆయన వకీళ్లు సెషన్స్‌ కోర్టు జడ్జికి తెలిపారు. కాబట్టి అంతవరకూ ప్రదూష్‌ విచారణను వాయిదా వేయాలని మనవి చేశారు. అయినప్పటికీ జడ్జి ఈ వినతుల్ని తిరస్కరించి 28 నుంచి అప్రూవర్‌గా విచారించాలని తెలిపారు. ముందస్తు బెయిలుకు శాంత అర్జీ బనశంకరి: కేపీఎస్‌సీ పశువైద్యాధికారుల నియామకాల కుంభకోణంలో ముందస్తు బెయిల్‌ కోసం ఆ సంస్థ సభ్యురాలు శాంతా హొసమని హైకోర్టులో పిటిషన్‌ వేశారు. ఇటీవల ఆమె ముందస్తు బెయిల్‌ అర్జీని నగర 52వ సీసీహెచ్‌కోర్టు తిరస్కరించింది. దీంతో మళ్లీ హైకోర్టు మెట్లెక్కారు. భారీ అక్రమాల శాంత కేపీఎస్‌సీలో జరిగిన పలు అక్రమాల్లో శాంతా హొసమని సూత్రధారిగా ఉన్నారని సీఐడీ అధికారులు పలు సాక్ష్యాలను సేకరించారు. 384 పోస్టుల భర్తీలో ఆమె అక్రమాలకు పాల్పడినట్లు గుర్తించారు. ఆమె సహాయంతో కలబుర్గి, బీదర్‌, యాదగిరి జిల్లాల్లో 10 మంది అభ్యర్థులు కేఏఎస్‌కు ఎంపికై నట్లు సీఐడీకి సమాచారం అందింది. దీంతో శాంతతో పాటు ఇప్పుడు ఉన్నత ఉద్యోగాల్లో ఉన్న అనేకమందిలో గుబులు నెలకొంది. విద్యార్థులపై ఫీజుల బండ ● పీయూసీలో 50 శాతం పెంపు శివాజీనగర: ఎస్‌ఎస్‌ఎల్‌సీ ఫీజులను పెంచిన ప్రభుత్వం వెంటనే, పీయూసీ (ఇంటర్‌) ఫీజులను కూడా అనూహ్యంగా హెచ్చించింది. పరీక్ష ఫీజులతో సహా మొత్తం 26 రకాల సేవల రుసుములను 50 శాతం పెంచుతూ ఉత్తర్వులు జారీ చేసింది. ఈ విద్యా సంవత్సరం నుంచే అమలులోకి వచ్చాయి. 8 ఏళ్లుగా పెంచలేదు.. దీనిపై విద్యాశాఖ అధికారులు స్పందిస్తూ, గత 8 ఏళ్లుగా పీయూసీ కోర్సుల్లో ఫీజుల పెంపు లేదు. అందువల్ల ఫీజుల సవరణ అనివార్యమని అన్నారు. ముద్రణ సామగ్రి ధరలు, పరీక్షల నిర్వహణ ఖర్చులు గణనీయంగా పెరిగిన నేపథ్యంలో ఈ నిర్ణయం తీసుకున్నట్లు తెలిపారు. ఫీజులను ఆకస్మాత్తుగా 50 శాతం పెంచడం వల్ల పేద, మధ్య తరగతి విద్యార్థులు, తల్లిదండ్రులపై ఆర్థిక భారం మరింత పెరుగుతుందని పలు వర్గాల నుంచి విమర్శలు వస్తున్నాయి.

హొసపేటె: ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌) ప్రక్రియపై ఆందోళనలు వ్యక్తం చేస్తూ ప్రమఖ నటుడు, సామాజిక కార్యకర్త ప్రకాష్‌రాజ్‌ ఆధ్వర్యంలో గురువారం హొసపేటె అక్కమహాదేవి ఫంక్షన్‌ హాల్‌లో సదస్సు నిర్వహించారు. ఆయన చేపట్టిన జాగృతి యాత్ర ఇక్కడకు చేరుకుంది. పౌర సంఘాలు, కొన్ని పార్టీల నాయకులు, ప్రజలు ఈ కార్యక్రమంలో పాల్గొన్నారు. ఎస్‌ఐఆర్‌ ప్రక్రియ పేరుతో అర్హులైన ఓటర్లను జాబితాల నుంచి తొలగిస్తున్నారని ప్రకాశ్‌రాజ్‌ ఆరోపించారు. ఓటర్ల జాబితా సవరణలో పారదర్శకత, జావాబుదారీతనం ఉండాలని ఆయన డిమాండ్‌ చేశారు. ఓటు హక్కు ప్రతి పౌరుని రాజ్యాంగ హక్కు అని పేర్కొంటూ, ఓటర్ల జాబితాలో సమస్యలు ఎదుర్కొంటున్న ప్రజలు ఆధారాలను సేకరించి గొంతెత్తాలని ఆయన సూచించారు. ఢిల్లీలో నిరసన నిర్వహిస్తా ఇటీవల బెళగావి ఉత్తర నియోజకవర్గంలో కొన్ని పోలింగ్‌ కేంద్రాల పరిధిలో నకిలీ ఫారం–7ను అందజేసి ముస్లిం ఓటర్లను తొలగించారనే ఆరోపణలను ఆయన ప్రస్తావించారు. సర్‌పై రాష్ట్రంలో ఓటర్ల సమస్యలను సేకరించి సామాజిక ఆడిట్‌ నిర్వహించాలని డిమాండ్‌ చేశారు. సెప్టెంబర్‌ 30 లోగా తాను సేకరించిన సమాచారాన్ని రాష్ట్ర ప్రభుత్వానికి అందించి, తరువాత ఢిల్లీలో ప్రజా నిరసన నిర్వహించనున్నట్లు తెలిపారు. ఓటర్ల హక్కుల పరిరక్షణ కోసం ప్రజలు ఈ ఉద్యమంలో భాగస్వాములు కావాలని ఆయన పిలుపునిచ్చారు. ఎన్నికల వ్యవస్థ స్వతంత్రత, ఓటర్ల హక్కుల పరిరక్షణపై ప్రకాష్‌రాజ్‌తో పాటు పలువురు వక్తలు ప్రసంగించారు. నటుడు, సామాజిక కార్యకర్త ప్రకాష్‌రాజ్‌ ఆరోపణ హొసపేటెలో జాగృతి సదస్సు

● త్వరలో లీటరుపై రూ.4– 5 బాదుడు శివాజీనగర: అనేక రకాల వస్తు సేవల ధరల పెంపుతో అసంతృప్తిగా ఉన్న ప్రజలకు ప్రభుత్వం మరో వడ్డన ఇవ్వబోతోంది. పాల ధరను పెంచాలన్న పాడిరైతుల సంఘాల ప్రతిపాదనకు ప్రభుత్వం అంగీకరించింది. 16 జిల్లాల పాల సంఘాల ప్రతినిధి బృందం సీఎం డీకే శివకుమార్‌ను కలసి, ప్రభుత్వ నందిని పాల కొనుగోలు, విక్రయ ధరను లీటరుకు రూ.8 నుంచి 10 వరకు పెంచాలని అభ్యర్థించింది. కరువు వల్ల ఆవులు, గేదెలకు గడ్డి దొరకడం లేదని, దాణా ధరలు బాగా పెరిగాయని తెలిపారు. నిర్వహణ ఖర్చులు కూడా ఎక్కువ కావడంతో పాల సేకరణ ధరలు పెంచాల్సిందేనని డిమాండ్‌ చేయగా సీఎం ఒప్పుకున్నట్లు తెలిసింది. దీని ఫలితంగా త్వరలోనే పాల ధర లీటరుకు రూ.4–5 వరకు పెరిగే అవకాశముంది. త్వరలో ఉత్తర్వులు వెలువడవచ్చు. బడిలోనే గుండెపోటుతో... హుబ్లీ: ధార్వాడ జిల్లాలోని నవలగుందలో జగద్గురు అజాత నాగలింగస్వామి విద్యాపీఠం పాఠశాలలో 8వ తరగతి విద్యార్థిని వైష్ణవి (14) గుండెపోటుతో కన్నుమూసింది. పాఠశాలలో పరీక్షలు పూర్తి అయ్యాక మధ్యాహ్నం భోజనం చేసిన ఆమె చేతులు కడుక్కుంటుండగా ఉండగా ఎదలో నొప్పిగా ఉందంటూ ఆమె ఉపాధ్యాయులకు తెలియజేసింది. వెంటనే బాలికను స్థానిక ప్రైవేట్‌ ఆస్పత్రిలో చేర్పించారు. చికిత్స అందిస్తుండగా బాలిక ఊపిరి వదిలింది. వైష్ణవికి ముందు నుంచి గుండె జబ్బు ఉండేది. ఆమె చికిత్స పొందుతోంది. అంతలోనే చనిపోయిందని తండ్రి బసవరాజ్‌ రోదించారు.

హుబ్లీ: హోటల్‌లో రొట్టె అడిగితే చేసివ్వలేదని కుక్‌తో ఘర్షణ పడి అతనిని కొట్టి చంపిన కేసులో ఆ హోటల్‌ సప్లయర్‌కు జీవితఖైదు పడింది. చిన్న చిన్న విషయాలకే ఘర్షణలకు దిగి భారీ మూల్యం చెల్లించుకోవడానికి ఇదో ఉదాహరణ. వివరాలు.. ఫక్కీరేశ ప్యాటి, కన్యేయప్ప ధార్వాడ సంఘం సర్కిల్‌లోని విమల్‌ హోటల్‌లో పని చేసేవారు. ఫక్కీరేశ వంట చేసేవారు, కన్యేయప్ప సప్లయర్‌. పై అంతస్తులో నివసిస్తూ ఉండేవారు. తన భోజనానికి ఫక్కీరేశ రొట్టి చేసి ఇవ్వడం లేదని, అంతేగాక కస్టమర్ల ఆర్డర్లను ఆలస్యంగా చేస్తాడని, అపరిశుభ్రంగా ఉంటాడని కన్యేయప్ప అతనితో తరచూ గొడవపడేవాడు. ఈ క్రమంలోనే 2024 పిబ్రవరి 7న ఘర్షణ పడి ఇనుప రేకుతో ఫక్కీరేశను కొట్టడంతో గాయాలై చనిపోయాడు. ధార్వాడ టౌన్‌ పోలీసులు కేసు నమోదు చేసుకొని కోర్టులో చార్జిషిట్‌ సమర్పించారు. నేరం రుజువు కావడంతో ధార్వాడ మూడవ అదనపు జిల్లా సెక్షన్‌ కోర్టు జడ్జి జరీనా ఈ మేరకు తీర్పు ఇచ్చారు. అలాగే రూ.లక్ష జరిమానా కూడా విధించారు. హత్య కేసులో హోటల్‌ సప్లయర్‌కు శిక్ష జైలు వార్డర్‌ దాష్టీకం కొట్టడంతో హోటల్‌ యజమాని మృతి దొడ్డబళ్లాపురం: భోజనం అయిపోందని చెప్పడం ఓ హత్యకు దారి తీసింది. బెంగళూరు పరప్పన అగ్రహార జైలు వార్డర్‌ చేసిన దాడిలో డాబా హోటల్‌ యజమాని మృతిచెందిన సంఘటన బాగలకోట జిల్లా కలాదగి పోలీస్‌స్టేషన్‌ పరిధిలో జరిగింది. వివరాలు.. వార్డర్‌ అడివెప్ప సెలవులపై స్వంత ఊరు బాగలకోటకు వచ్చాడు. ఈ నెల 17న రాత్రి భోజనం చేయడానికి మెహబూబాసాబ్‌ పట్టేవాలాకు చెందిన డాబాకు వచ్చాడు. భోజనం అయిపోయిందని పట్టేవాలా చెప్పడంతో అడివెప్ప గొడవకు దిగాడు. రగడ పెద్దదై ఇద్దరూ కొట్టుకున్నారు. మెహబూబాసాబ్‌ కిందపడి తీవ్రంగా గాయపడగా స్థానికులు అతనిని బాగలకోటలోని ఆస్పత్రిలో చేర్పించారు. చికిత్స పొందుతూ గురువారంనాడు చనిపోయాడు. కేసు నమోదు చేసుకున్న కలాదగి పోలీసులు అడివెప్పను అరెస్టు చేశారు.

● ఆంబిడెంట్‌ కేసులో హైకోర్టుకు సర్కారు సాక్షి,బళ్లారి: ఆంబిడెంట్‌ కంపెనీ మోసం కేసులో గంగావతి ఎమ్మెల్యే గాలి జనార్దన్‌రెడ్డికి, ఆయన ఆప్త సహాయకుడు ఆలీఖాన్‌లకు న్యాయపరమైన చిక్కులు ఎదురయ్యాయి. ఆంబిడెంట్‌ కంపెనీ మోసం కేసు నుంచి గాలి జనార్దన్‌రెడ్డి, ఆలీఖాన్‌లను తప్పిస్తూ గతంలో ప్రజాప్రతినిధుల ప్రత్యేక కోర్టు ఇచ్చిన తీర్పును సవాల్‌ చేస్తూ కర్ణాటక సర్కార్‌ హైకోర్టును ఆశ్రయించింది. ఈ పిటిషన్‌పై విచారణ చేపట్టిన హైకోర్టు సదరు వ్యక్తులకు నోటీసులు జారీ చేసినట్లు సమాచారం. కాగా హైకోర్టు నోటీసులు జారీ చేసినంత మాత్రాన ఆరోపణలు రుజువైనట్లు అర్ధం కాదని, దిగువ కోర్టు ఇచ్చిన తీర్పు చట్టబద్ధతను హైకోర్టు తదుపరి విచారణలో పరిశీలించాల్సి ఉంటుందని తెలుస్తోంది. జెస్కాం అధికారికి వేడుకోలు ● గ్రామాలకు విద్యుత్‌ సక్రమంగా సరఫరా చేయండి రాయచూరు రూరల్‌: గ్రామీణ ప్రాంతాల్లో విద్యుత్‌ సక్రమంగా సరఫరా చేయాలని కోరుతూ యాపలదిన్నిలో జెస్కాం ఉప కార్యాలయం వద్ద ఆందోళన చేపట్టిన రైతులు అధికారులను ముట్టడించిన ఘటన రాయచూరు తాలూకాలో చోటు చేసుకుంది. గురువారం కార్యాలయాన్ని ముట్టడించిన ఓ రైతు అధికారికి పాదాభివందనం చేసి 12 గంటల పాటు విద్యుత్‌ పంపిణీకి చర్యలు తీసుకోవాలని కోరుతూ వినతిపత్రం సమర్పించారు. కార్మికుల సమస్యలు పరిష్కరించండిరాయచూరు రూరల్‌: హట్టి బంగారు గనుల కంపెనీలో విధులు నిర్వహిస్తున్న కార్మికుల ఏళ్ల తరబడి పెండింగ్‌లో ఉన్న సమస్యలు పరిష్కరించాలని సీఐటీయూ డిమాండ్‌ చేసింది. గురువారం జిల్లాధికారి కార్యాలయం వద్ద చేపట్టిన ఆందోళనలో శరణ బసవ మాట్లాడారు. కార్మికులకు బోనస్‌, పీఎఫ్‌, రీయింబర్స్‌, పదోన్నతులు ఇతరత్ర సమస్యలను పరిష్కరించాలని ఒత్తిడి చేశారు. కార్మికులకు 60 శాతం కనీస వేతనాలు చెల్లించాలని సుప్రీంకోర్టు ఆదేశాలు జారీ చేసిందని గుర్తు చేశారు. కార్మికుల న్యాయసమ్మతమైన డిమాండ్లను పరిష్కరించాలని కోరుతూ ఏడీసీ శివానందకు వినతిపత్రం సమర్పించారు. ఆందోళనలో పద్మ, అక్కమహాదేవి, శకుంతల, నిర్మల, కళ్యాణమ్మ, మహాదేవి, రాధమ్మ, వరలక్ష్మి, పర్వీనాలున్నారు. రూపనగుడిలో కిసాన్‌ మేళాబళ్లారిఅర్బన్‌: భారత్‌ పెట్రోలియం కార్పొరేషన్‌ లిమిటెడ్‌(బీపీసీఎల్‌) ఆధ్వర్యంలో రూపనగుడి గ్రామంలో రైతులకు అవగాహన కల్పించేందుకు కిసాన్‌ మేళా నిర్వహించారు. కార్యక్రమాన్ని జీపీ మాజీ అధ్యక్షుడు నాగరాజు ప్రారంభించారు. సంస్థ మార్కెటింగ్‌ మేనేజర్‌ కే.శంకర్‌ మాట్లాడుతూ రైతుల కోసం పంటలకు ఉపయోగపడే ప్రత్యేక సహాయక పిచికారీ నూనెను మార్కెట్లోకి తీసుకొచ్చినట్లు తెలిపారు. దీనిని పురుగుమందులతో కలిపి పంటలపై పిచికారీ చేయవచ్చన్నారు. పండ్లు, కూరగాయలు, వివిధ రకాల పంటలు, సుగంధ ద్రవ్యాల్లో తెగుళ్ల నివారణకు ఈ సహాయక నూనెను ఉపయోగించవచ్చన్నారు. రైతులు సంస్థ ఆన్‌లైన్‌ సేవ ద్వారా కూడా దీనిని పొందవచ్చని తెలిపారు. గ్రామ పెద్దలు గోవిందప్ప, లింగరాజు, లింగన్న, శ్రీనివాసులు, లింగమూర్తి, మధు తదితరులు పాల్గొన్నారు. సరిహద్దుల్లో కన్నడను ప్రోత్సహించాలిరాయచూరు రూరల్‌: సరిహద్దు ప్రాంతాల్లో కన్నడ భాషను ప్రోత్సహించాలని కన్నడ మిత్ర కూట అధ్యక్షుడు అశోక్‌ కుమార్‌ జైన్‌ పిలుపునిచ్చారు. తెలంగాణలోని నారాయణపేట జిల్లా మక్తల్‌ తాలూకా కృష్ణాలోని హైస్కూల్‌లో కన్నడ మిత్ర కూట, గడినాడు కన్నడ సంఘం ఆధ్వర్యంలో విద్యార్థులకు ప్రతిభా పురస్కారాలు అందించి ఆయన మాట్లాడారు. ఇతర భాషల నుంచి కన్నడ ఉనికికి ముప్పు ఉందన్నారు. అన్యభాషలను గౌరవిస్తూ కన్నడకు అధిక ప్రాదాన్యత కల్పించాలన్నారు. సంఘం ఉపాధ్యక్షుడు అమర దీక్షిత్‌, రామలింగప్ప, మల్లన గౌడ, బషీర్‌ అహ్మద్‌ హొసమని, ప్రధాన ఉపాధ్యాయుడు కిశోర్‌ కుమార్‌, మండల విద్యా శాఖాధికారి నిజాముద్దీన్‌, నరసింహ శెట్టి, నాగేష్‌, నాగభూషణ్‌, మ్యాదర్‌, అనిల్‌ కుమార్‌లున్నారు.

సాక్షి,బళ్లారి: నగరంలోని గాంధీభవన్‌లో ప్రతిష్టించిన హిందూ మహా గణపతి శోభాయాత్ర గురువారం రాత్రి అంగరంగ వైభవంగా జరిగింది. గాంధీభవన్‌ వద్ద నుంచి ప్రారంభమైన హిందూ మహాగణపతి శోభాయాత్ర రాయల్‌ సర్కిల్‌, బెంగళూరు రోడ్డు, మీనాక్షి సర్కిల్‌, పాత బ్రూస్‌పేట పోలీసు స్టేషన్‌, జైన్‌ మార్కెట్‌, గవియప్ప సర్కిల్‌ తదితర ప్రధాన రహదారుల మీదుగా కన్నుల పండవగా, జోరు వర్షంలో భారీ జనం సందోహంతో సాగింది. మహాగణపతికి జైకారాలు కొడుతూ, డీజేలు పెట్టుకుని, భక్తిపాటలకు నృత్యాలు చేస్తూ హోరెత్తించారు. శోభాయాత్రలో ఎలాంటి అవాంఛనీయ ఘటనలు జరగకుండా జిల్లా ఎస్పీ సుమన్‌ పన్నేకర్‌ ఆధ్వర్యంలో గట్టి పోలీసు బందోబస్తు ఏర్పాటు చేశారు. అనంతరం నగర శివార్లలోని హలకుంది సమీపంలో తుంగభద్ర ఎగువ కాలువలో వినాయక నిమజ్జనం పూర్తి చేశారు. ఈ కార్యక్రమంలో మాజీ ఎమ్మెల్యే గాలి సోమశేఖరరెడ్డి, జిల్లా బీజేపీ అధ్యక్షుడు అనిల్‌ కుమార్‌ మోకా తదితరులు పాల్గొన్నారు. (ఇన్‌సెట్‌లో) హిందూ మహాగణపతి, శోభాయాత్రలో పాల్గొన్న మాజీ ఎమ్మెల్యే సోమశేఖరరెడ్డి తదితరులు, శోభాయాత్ర పాల్గొన్న అశేష భక్తజన సందోహం ఒక వైపు జోరుగా కురిసిన వర్షం మరో వైపు ఉత్సాహంగా శోభాయాత్ర భారీ భక్తజనంతో గణేష్‌ నిమజ్జనం సామరస్యతకు ప్రతీక.. అక్కిపేటె గణపయ్య ఈసారి ముస్లిం కుటుంబంచే విగ్రహ సేవ హుబ్లీ: హుబ్లీ– ధార్వాడల్లో వినాయక చవితి వేడుకలు నెల పొడవునా సందడి సృష్టిస్తాయి. ఈ క్రమంలో మత సామరస్యానికి ప్రతీకగా పాత హుబ్లీ అక్కిపేటెలో మత సామరస్యానికి ప్రతీకగా గణపతిని ఇక్కడ కొలువు తీర్చారు. వేంకటేశ్వర ఆలయ ట్రస్ట్‌ ఈ వేడుకలను గత 75 ఏళ్లుగా నిర్వహిస్తోంది. ప్రతి ఏటా స్థానిక కుటుంబాలు వంతుల వారీగా వినాయక విగ్రహానికి కావాల్సిన ఖర్చును భరిస్తారు. ఈ సారి ఓ ముస్లిం కుటుంబానికి చెందిన స్థానిక కటగర వీధి నివాసి బుడేన్‌సాబ్‌ కిత్తూరు రూ.15 వేలతో వినాయక విగ్రహానికి సహాయం అందించారు. దీంతో మతసామరస్యతకు ప్రతీకగా ఈ వేడుకలు భక్తిశ్రద్ధలతో రోజు నెరవేరుతున్నాయి. సాధారణంగా 5, 7, 9, 11 రోజుల పాటు వినాయక విగ్రహాలను కొలువు తీర్చుతారు. అయితే అక్కిపేటె గణపతిని గత మూడేళ్ల నుంచి ఓ నెల రోజుల పాటు కొలువు తీర్చి మహానవమి(దసరా) ముగిసిన తక్షణమే నిమజ్జనం చేస్తారు. ఈ సందర్భంగా బుడేన్‌సాబ్‌ కిత్తూరు మాట్లాడుతూ ఈ సారి తాను ఇక్కడ లేకున్నా కూడా ప్రస్తుతం వేరే చోట నివసిస్తున్నానన్నారు. అయితే అక్కిపేటె గణపతికి తన వంతుగా విగ్రహానికి విరాళం అందించానన్నారు. హిందూ ముస్లింల సామరస్యానికి, సమైక్యతకు ఇక్కడి వినాయక ఉత్సవాల్లో ఎటువంటి మత విభేదాలు, విద్వేషాలు లేకుండా భక్తిశ్రద్ధలతో అందరం కలిసి లౌకిక భావంతో పాల్గొంటామన్నారు.

శివాజీనగర్‌: కేంద్ర ఎన్నికల కమిషనర్ల మధ్య విభేదాలకు, సర్‌లోని లోపాలకు నైతికంగా బాధ్యత వహించి చీఫ్‌ ఎలక్షన్‌ కమిషనర్‌ (సీఈసీ) పదవికి రాజీనామా చేయాలని, సర్‌ను రద్దు చేసి కొత్తగా నిర్వహించాలని ముఖ్యమంత్రి డీ.కే.శివకుమార్‌ డిమాండ్‌ చేశారు. గురువారం సదాశివనగరలోని తన నివాసంలో విలేకరులతో మాట్లాడారు. ఏఐసీసీ అధ్యక్షుడు మల్లికార్జున ఖర్గే, రాహుల్‌గాంధీ మొదటి నుంచి ఓట్ల రిగ్గింగ్‌కు వ్యతిరేకంగా బెంగళూరు నుంచి నిరసనను ప్రారంభించారన్నారు. భారతదేశం ప్రపంచంలో పెద్ద ప్రజాస్వామ్య దేశం. కానీ ఇక్కడ బీజేపీ అధికారాన్ని దుర్వినియోగం చేసి ప్రజల ఓటు హక్కును లాక్కోవడానికి ప్రయత్నిస్తోందని దుయ్యబట్టారు. కేంద్ర ఎన్నికల సంఘం స్వయం ప్రతిపత్తి దుర్వినియోగమవుతోందన్నారు, ముగ్గురు కమిషనర్లలో ఇద్దరు, ప్రధాన కమిషనర్‌ అభిప్రాయానికి విరుద్ధంగా తమ వైఖరిని వ్యక్తం చేశారన్నారు. నిరక్షరాస్యులు, పేదలు, నిమ్న వర్గాల ఓటు హక్కును సర్‌ ద్వారా హరించడానికి కుట్ర జరుగుతోందన్నారు. ఎన్నికల సంఘాన్ని దుర్వినియోగం చేసి పశ్చిమ బెంగాల్‌, బీహార్‌, ఇతర ప్రాంతాల ఎన్నికల్లో బీజేపీ గెలిచిందని ఆరోపించారు. కర్ణాటక, ఇతర రాష్ట్రాల్లో కూడా అదే వ్యూహాన్ని అనుసరిస్తోందన్నారు. కర్ణాటక సర్‌ గడువును పొడిగించాలని ఈసీకి లేఖ రాశానని తెలిపారు. కేపీఎస్‌సీపై... శివాజీనగర: కేపీఎస్‌సీ సమస్యపై చట్టపరమైన నిబంధనలను పరిశీలిస్తాం. విద్యార్థులకు న్యాయం అందించడం, నిష్పక్షపాతంగా, పారదర్శకంగా పరీక్షలు నిర్వహించడం ప్రతి ఒక్కరి బాధ్యత అని సీఎం అన్నారు. కరువు నేపథ్యంలో రైతులకు సహాయానికి ప్రణాళిక రూపొందిస్తామన్నారు. గృహలక్ష్మీ పథకాన్ని మూసివేసి, సాగునీటి పథకాలకు ప్రాధాన్యత ఇవ్వాలని బీజేపీ ఎమ్మెల్యే సురేష్‌గౌడ, ఇతరులు అన్నారు, దీనిని చాలా మంది వ్యతిరేకించారని తెలిపారు. సర్‌ను రద్దు చేయాలి ఈసీది అధికార దుర్వినియోగం: సీఎం డీకే ముగిసిన అసెంబ్లీ పశ్చిమ కనుమల పరిరక్షణపై కస్తూరిరంగన్‌ నివేదికను అమలు కోసం కేంద్రం జారీ చేసిన నోటిఫికేషన్‌, రాష్ట్రంలో తాండవిస్తున్న కరువు అంశాలపై నాలుగు రోజుల అసెంబ్లీ ప్రత్యేక సమావేశాలు గురువారంతో ముగిశాయి. నాలుగు రోజులూ చర్చ కంటే అధికార కాంగ్రెస్‌, ప్రతిపక్ష బీజేపీ నాయకులు పరస్పర ఆరోపణలకే పెద్దపీట వేశారు. కస్తూరి రంగన్‌ నివేదికను యథాతథంగా అమలు చేయబోమని సీఎం డీకే శివకుమార్‌ ప్రకటించడంతో కోస్తా, మల్నాడు జిల్లాల ప్రజలు కాస్త శాంతించారు. కరువు కష్టాల్లో ఉన్న రైతులకు రూ.2,500 చొప్పున ఆర్థిక సాయం అందిస్తామని తెలిపారు. చివరిరోజు సైతం ఉభయ సభల్లో ఇరుపక్షాలూ ఆరోపణలు సంధించుకున్నాయి.

రాయచూరు రూరల్‌: నగరంలో గురువారం రాత్రి ఓ మోస్తరు వర్షం కురిిసింది. ఎక్కడ చూసినా రహదారులు బురదమయంగా మారాయి. రంగమందిరం, మున్నూరువాడి, బంగికుంట, మడ్డిపేట, బైరూన్‌కిల్లా, జలాల్‌నగర, గద్వాల్‌ రోడ్డు, గాంధీచౌక్‌, మహావీర్‌చౌక్‌, కూరగాయల మార్కెట్‌లలోకి వర్షపు నీరు చొరబడ్డాయి. రాయచూరు తాలూకా ఆశాపూర్‌ వద్ద రైల్వే వంతెన కింద నీరు నిలవడంతో రైతులు, ప్రజలు రాకపోకలకు పలు ఇబ్బందులకు గురయ్యారు. మాన్వి పట్టణంలోని బస్టాండ్‌లో వర్షపు నీరు నిలవడంతో ప్రయాణికులు బస్సులు ఎక్కడానికి, దిగడానికి నానాయాతన పడ్డారు. దంచికొడుతున్న వానలు హొసపేటె: విజయనగర జిల్లా వ్యాప్తంగా వర్షాలు దంచి కొడుతున్నాయి. గత నాలుగు రోజుల నుంచి వర్షాలు జోరుగా కురుస్తున్నాయి. నగరంలోని లోతట్టు ప్రాంతంలోని ప్రముఖ రహదార్లలో వర్షం నీరు నిలబడి జలమయం అయ్యాయి. లోతట్టు కాలనీల్లోని ఇళ్ల ముంగిటకు వర్షం నీరు చొరబడింది. ఎడతెరిపి లేకుండా కురుస్తున్న వర్ష ప్రభావం వల్ల కూలీ కార్మికులు, ఉద్యోగులు, విద్యార్థులు, వాహనదారులు తీవ్ర ఇబ్బందులను ఎదుర్కొన్నారు.

బళ్లారిటౌన్‌: తాలూకాలోని రూపనగుడి ఫిర్కాలో సర్వే నెంబర్‌–253, 254లలో 56 ఎకరాల భూమికి సంబంధించి బాధిత రైతులు రిటైర్డ్‌ ఇంజనీర్‌ లక్ష్మీనారాయణ శెట్టి తమకు మోసం చేశారని బాధితులు ఆంజనేయ, సంజన్న, భీమన్న, రంగమ్మ, మచ్చు రవి, కాశీనాథ్‌, రంగన్న తదితరులు ఆరోపించారు. బుధవారం పత్రికా భవనంలో వారు విలేకరులతో మాట్లాడారు. 1992లో లక్ష్మీనారాయణశెట్టి తండ్రి తమకు భూమిని విక్రయించారన్నారు. అప్పట్లో విక్రయ అగ్రిమెంట్‌ కూడా చేసుకున్నామన్నారు. అయితే అప్పటి నుంచి తాము పొలాన్ని సాగు చేసుకుంటున్నామన్నారు. ఆ భూమిని తమ పేరున గత ఏడాది లక్ష్మీనారాయణశెట్టి రిజిస్టర్‌ చేయించారన్నారు. అయితే అదే భూమిని ఓ ప్రైవేట్‌ సోలార్‌ కంపెనీకి లక్ష్మీనారాయణ శెట్టి లీజ్‌కు ఇచ్చారన్నారు. తమ పేరున భూమి రిజిస్టర్‌ అయినా పహణి(అడంగల్‌) లేదన్నారు. సోలార్‌ కంపెనీకి పహణి ఆధారంగా 30 ఏళ్ల లీజ్‌కు ఇచ్చారన్నారు. దీంతో ఆ కంపెనీ తమ భూముల చుట్టూ ప్రహరీని నిర్మించి తమను ఖాళీ చేయిస్తున్నారన్నారు. దీనిపై తాము న్యాయపోరాటం చేస్తామన్నారు. తమకు అన్యాయం చేసిన రిటైర్డ్‌ ఇంజనీర్‌పై తగిన చర్యలు తీసుకోవాలని, తమకు న్యాయం కల్పించాలని జిల్లాధికారికి విన్నవిస్తామన్నారు.

శివాజీనగర: మరో 15 రోజుల పాటు ప్రతిరోజూ 4,000 క్యూసెక్కుల కావేరి నీటిని తమిళనాడుకు విడుదల చేయాలని సీడబ్ల్యూఆర్‌సీ కర్ణాటకకు ఆదేశించడం ద్వారా పెద్ద షాక్‌ ఇచ్చింది. కరువుతో కన్నడనాడు అల్లాడిపోతున్న సమయంలో కావేరి కమిటీల ఆదేశాలు గోరుచుట్టు మీద రోకటి పోటులా మారాయనే ఆందోళన నెలకొంది. ఢిల్లీలో ఫలించని వాదనలు కావేరీ జలాల పంపిణీపై గురువారం ఢిల్లీలో సీడబ్ల్యూఆర్‌సీ సమావేశం జరిగింది. కర్ణాటక నుంచి కావేరీ జల కార్పొరేషన్‌ ఎండీ మహేష్‌, తమిళనాడు నుంచి జలవనరుల అధికారులు పాల్గొన్నారు. తీవ్ర కరువుతో ఉన్నాం, ఇంతటి దుర్భర పరిస్థితిలో తమిళనాడుకు నీటిని విడుదల చేయలేమని కర్ణాటక అధికారులు తెలిపారు. కానీ తమ వాటా నీరు కావాలని తమిళనాడు అధికారులు పట్టుబట్టారు. కావేరి కమిటీ తమిళనాడు వైపు మొగ్గుచూపుతూ పై ఆదేశం జారీ చేసింది. సుప్రీంకోర్టులో విచారణ తమిళనాడుకు భారీగా కావేరి జలాలను విడుదల చేయాలన్న కావేరి అథారిటీ సిఫార్సులను సవాలు చేస్తూ కర్ణాటక ప్రభుత్వం సుప్రీంకోర్టులో దాఖలు చేసిన పిటిషన్‌పై గురువారం విచారణ జరిగింది. న్యాయమూర్తులు జస్టిస్‌ విక్రమ్‌ నాథ్‌, సందీప్‌ మెహ్రాలు విచారించారు. కర్ణాటక న్యాయవాది శ్యామ్‌ దివాన్‌ వాదిస్తూ రాష్ట్రం కరువును ఎదుర్కొంటోందని, సీడబ్ల్యూఎంఏ ఆదేశాల మేరకు నీటిని విడుదల చేయడానికి తీవ్ర ఇబ్బందులు పడుతోందని తెలిపారు. డ్యాముల్లో నీటి లభ్యత, వర్షాల కొరత తదితరాలను పరిగణించాలన్నారు. నీరు లేకపోయినప్పటికీ నీటి విడుదల ఆదేశాలను పాటిస్తున్నట్లు తెలిపారు. రుతుపవనాలు తిరుగుముఖం పట్టాయని, వర్షాలు కురిసే అవకాశం లేదని తెలిపారు. కానీ తమిళనాడు ఈశాన్య రుతుపవనాల వల్ల ప్రయోజనం పొందే అవకాశముందని చెప్పారు. తమిళనాడు ప్లీడరు వాదిస్తూ తమ రాష్ట్రం 20 టీఎంసీల నీటి కొరతను ఎదుర్కొంటోందన్నారు. కావేరి కమిటీలు ఆదేశించినా ఈ లోటును భర్తీ చేయలేదని కర్ణాటకపై నెపం నెట్టారు. తమ పంటలు దెబ్బతిన్నాయని, మిగిలిన నీటిని కూడా విడుదల చేయాలని కోరుతూ గణాంక సమాచారాన్ని వివరించారు. ఇరు రాష్ట్రాల వాదనలు విన్న తరువాత జడ్జిలు.. తమిళనాడు పిటిషన్‌పై స్పందన దాఖలు చేయాలని కర్ణాటక వకీళ్లను ఆదేశించారు. విచారణను అక్టోబర్‌ 12కు వాయిదా వేశారు. ఏదేమైనప్పటికీ కర్ణాటకకు తక్షణ ఉపశమనం అనేది దొరకలేదు. చామరాజనగర జిల్లాలో కావేరి నది ప్రవాహం తమిళనాడుకు మరోసారి నీటి విడుదలకు సీడబ్ల్యూఆర్‌సీ ఆదేశం 15 రోజుల్లో 60 వేల క్యూసెక్కులు ఇవ్వాలి రాష్ట్ర సర్కారు ముందు గడ్డు సమస్య మళ్లీ నిరసనలు? కావేరి జలాలను విడుదల చేయాలని ఆదేశించడం ఇది నాలుగవసారి. ఇప్పటికే మండ్య, మైసూరు జిల్లాల రైతులు తమ పొలాలకు నీరు ఇవ్వకుండా తరలిస్తున్నారని ప్రభుత్వంపై తీవ్ర ఆగ్రహంతో ఉన్నారు. తాజా ఆదేశాలతో నిరసనలు భగ్గుమనే అవకాశం కనిపిస్తోంది.

బళ్లారి అర్బన్‌: రాష్ట్రంలో మాదిగలతో పాటు దళితులపై జరుగుతున్న హత్యలు, అత్యాచారాలు, కుల దూషణల ఘటనలను అరికట్టేందుకు ప్రభుత్వం కఠిన చర్యలు తీసుకోవాలని రాష్ట్ర సఫాయి కర్మచారి అభివృద్ధి సంస్థ మాజీ అధ్యక్షుడు హెచ్‌.హనుమంతప్ప డిమాండ్‌ చేశారు. నగరంలోని పత్రికా భవన్‌లో గురువారం నిర్వహించిన విలేకరుల సమావేశంలో ఆయన మాట్లాడారు. 2023 నుంచి 2026 వరకు రాష్ట్రంలో నమోదైన ఎస్సీ, ఎస్టీ అఘాయిత్యాలపై జిల్లాల వారీగా శ్వేతపత్రం విడుదల చేయాలని డిమాండ్‌ చేశారు. దళితులపై అఘాయిత్యాల కేసుల్లో వేగవంతమైన దర్యాప్తు కోసం రాష్ట్ర స్థాయిలో ప్రత్యేక దర్యాప్తు బృందాన్ని ఏర్పాటు చేయాలని, బాధిత కుటుంబాలకు తక్షణ పరిహారం, పునరావాసం కల్పించాలని కోరారు. సాక్షులకు పోలీసు రక్షణ కల్పించి నిందితులపై చట్టపరమైన చర్యలు తీసుకోవాలని విజ్ఞప్తి చేశారు. తమ డిమాండ్లను నిర్ణీత గడువులోగా ప్రభుత్వం నెరవేర్చకపోతే హోం మంత్రి నివాసాన్ని ముట్టడించడంతో పాటు రాష్ట్ర వ్యాప్తంగా భారీ నిరసనలు చేపడతామని హెచ్చరించారు. సుంకన్న, అరుణాచలం, ప్రసాద్‌, నరసప్ప, రాజేష్‌, మారన్న, శివశంకర్‌, హులియప్ప తదితరులు పాల్గొన్నారు.

మైసూరు: మొబైల్‌ఫోన్‌ కొందరి చేతుల్లో వినాశకరంగా మారుతోంది. ఇట్టే నేరాలకు పాల్పడుతూ ఇతరుల కుటుంబాలను నాశనం చేస్తున్నారు. జిల్లాలోని హుణసూరు తాలూకాలోని లక్కనకొప్పలు గ్రామంలో ఒక మహిళ పురుగుల మందు తాగి ఆత్మహత్య చేసుకుంది. వివరాలు.. కాంత, ఎం.ఆర్‌.సంధ్య భార్యాభర్తలు, కూలిపనులు చేసుకుంటూ జీవించేవారు. వికాస్‌ అనే గ్రామస్తుడు ఆమె ఫోటోలను సేకరించి అసభ్యంగా తయారుచేసి బ్లాక్‌మెయిల్‌ చేశాడని చెబుతున్నారు. మొబైల్‌ ద్వారా అశ్లీల సందేశాలను పంపేవాడు. అతని వేధింపులను భరించలేక సంధ్య పురుగుల మందు తాగి ప్రాణాలు తీసుకుంది. భర్త ఫిర్యాదు మేరకు బిళికెరె పోలీసులు వికాస్‌, కుమార్‌, వసంత్‌లపై ఎఫ్‌ఐఆర్‌ నమోదు చేశారు. వికాస్‌ పరారు కావడంతో గాలిస్తున్నారు. నిందితున్ని అరెస్టు చేసేంతవరకు పోస్టుమార్టంకు ఒప్పుకునేది లేదని కుటుంబ సభ్యులు, గ్రామస్తులు ధర్నా చేయడంతో ఉద్రిక్తత నెలకొంది.

సాక్షి,బళ్లారి: జనావాసాల మధ్య సెల్‌ఫోన్‌ టవర్‌ ఏర్పాటు చేయడం తగదని స్థానికులు తీవ్ర వ్యతిరేకత వ్యక్తం చేశారు. నగరంలోని పటేల్‌ నగర్‌ ప్రాంతంలోని సత్యసాయి కాలనీలో నూతనంగా సెల్‌ఫోన్‌ టవర్‌ నిర్మాణానికి ఏర్పాట్లు చేస్తున్నారు. దీంతో చుట్టుపక్కల నివాసం ఉంటున్న వారు ఆందోళన చెందుతున్నారు. తమ ఇళ్ల మధ్య సెల్‌ఫోన్‌ టవర్‌ ఉండకూడదని మండిపడుతున్నారు. స్థానికుల నుంచి వ్యతిరేకత రావడంతో మాజీ ఎమ్మెల్యే గాలి సోమశేఖరరెడ్డి సత్యసాయి కాలనీలో ఏర్పాటు చేస్తున్న సెల్‌ఫోన్‌ టవర్‌ ప్రాంతాన్ని పరిశీలించారు. జనం నుంచి అభ్యంతరాలు వెల్లువెత్తాయి. కాలనీ వాసులతో ప్రత్యక్షంగా మాట్లాడి వారి అభ్యంతరాలను స్వీకరించారు. ఈ అంశంపై సంబంధిత అధికారులతో చర్చించి సమస్యను సానుకూలంగా పరిష్కరిస్తామని హామీ ఇచ్చారు. జనావాసాల మధ్య నిర్మాణానికి స్థానికుల వ్యతిరేకత పరిశీలించిన మాజీ ఎమ్మెల్యే గాలి సోమశేఖరరెడ్డి

సాక్షి,బళ్లారి: వర్షం వచ్చినప్పుడల్లా మోకా రోడ్డు సబ్‌ స్టేషన్‌లోకి నీరు చేరడంతో విద్యుత్‌, మంచినీటి సమస్య ఏర్పడుతోంది. అసలే అప్రకటిత విద్యుత్‌ కోతలతో అల్లాడుతున్న నగర వాసులకు వర్షం వచ్చినప్పుడల్లా గోరు చుట్టుపై రోకటి పోటులా మరింత విద్యుత్‌ సమస్య ఏర్పడుతోందని స్థానికులు వాపోతున్నారు. సామాజిక కార్యకర్త వెంకటరెడ్డి మాట్లాడుతూ నగరంలోని సత్యనారాయణపేట, పటేల్‌నగర్‌, రాఘవేంద్ర కాలనీ, బసవేశ్వర నగర్‌ తదితర కాలనీలకు మోకా రోడ్డు సబ్‌స్టేషన్‌ నుంచి విద్యుత్‌ సరఫరా జరుగుతుందన్నారు. మోకా రిజర్వాయర్‌ నుంచి మంచినీటి సరఫరా కూడా అందిస్తున్నారన్నారు. విద్యుత్‌ సమస్య ఏర్పడినప్పుడల్లా మంచినీరు, విద్యుత్‌ సమస్య సర్వసాధారణంగా మారుతోందన్నారు. ఈ విషయంపై జిల్లాధికారికి, మహానగర పాలికె, విద్యుత్‌ శాఖల అధికారులకు ఫిర్యాదు చేశామన్నారు. వర్షం వచ్చినప్పుడల్లా మోకా రోడ్డు సబ్‌స్టేషన్‌లోకి నీరు చేరి విద్యుత్‌ సమస్య ఏర్పడుతున్న విషయంపై సంబంధిత అధికారులకు తెలిసినా నిర్లక్ష్యంగా వ్యవహరిస్తున్నారనే విమర్శలు ఉన్నాయి. ఇకనైనా విద్యుత్‌ సబ్‌స్టేషన్‌లోకి వర్షం నీరు చేరకుండా అధికారులు, సిబ్బంది తగిన జాగ్రత్తలు తీసుకోవాలని స్థానికులు కోరుతున్నారు. వానొచ్చినప్పుడల్లా చేరుతున్న నీరు తప్పని విద్యుత్‌, మంచినీటి సమస్య

రాయచూరు రూరల్‌: రాయచూరు, కొప్పళ జిల్లాల్లో జరిగిన రోడ్డు ప్రమాదాల్లో నలుగురు దుర్మరణం పాలయ్యారు. బుధవారం రాత్రి దేవదుర్గ తాలూకా జాలహళ్లి అంబేడ్కర్‌ సర్కిల్‌ వద్ద జరిగిన బొలెరో వాహనం ద్విచక్ర వాహనాన్ని ఢీకొనడంతో నింగయ్య దొడ్డమని(28), హనుమయ్య(39) అనే ఇద్దరు మరణించారు. లింగరాజ్‌, హనుమయ్య అనే మరో ఇద్దరు గాయపడ్డారు. గాయపడిన వారిని చికిత్స నిమిత్తం రిమ్స్‌ ఆస్పత్రిలో చేర్పించారు. మృతి చెందిన కుటుంబాలకు పరిహారం అందించాలని కోరుతూ ఆందోళనకు దిగారు. శాసన సభ్యురాలు కరెమ్మ నాయక్‌ మాట్లాడుతూ రహదారులకు మరమ్మతులు చేపట్టక పోవడం వల్లే దుర్ఘటనలు సంభవిస్తున్నట్లు ఆరోపించారు. కాగా కొప్పళ తాలూకా శివపుర వద్ద హిట్నాల్‌–గంగావతి రహదారిలో టాటా ఏస్‌, ద్విచక్ర వాహనాన్ని ఢీకొనడంతో జరిగిన ప్రమాదంలో బండి హర్లాపురకు చెందిన మారుతి(32), హుల్లేష్‌ నాయక్‌(19) మరణించారు. వీరు పరిశ్రమలో విధులు ముగించుకుని ఇంటికెళుతున్న సమయంలో ఈ దుర్ఘటన జరిగింది. ఈ ఘటన నేపథ్యంలో గ్రామం వద్ద వేగనిరోధకాలు ఏర్పాటు చేయాలని, ప్రమాదాలను అరికట్టాలని, మృతుల కుటుంబాలకు న్యాయం చేయాలని గ్రామస్తులు ధర్నా చేపట్టారు.

హొసపేటె: నగరంలో బుధవారం రాత్రి జరిగిన రోడ్డు ప్రమాదంలో కేకేఆర్టీసీ బస్సు ఢీకొనడంతో ఓ వ్యక్తి అక్కడికక్కడే మృతి చెందాడు. నగరంలోని సెంట్రల్‌ బస్‌ స్టేషన్‌ సమీపంలో కుండపోత వర్షం కురుస్తున్న సమయంలో ఈ ఘటన చోటు చేసుకున్నట్లు సమాచారం. వర్షం నుంచి తప్పించుకునే ప్రయత్నంలో ఉన్న వ్యక్తిని బస్సు ఢీకొన్నట్లు తెలిసింది. బస్సు టైరు తగలడంతో వ్యక్తి ముఖానికి తీవ్ర గాయాలై, ఘటనా స్థలంలోనే మృతి చెందినట్లు పోలీసులు తెలిపారు. మృతుడి పేరు, వివరాలు తెలియరాలేదు. సమాచారం అందుకున్న పట్టణ ట్రాఫిక్‌ పోలీస్‌ స్టేషన్‌ అధికారులు సంఘటన స్థలానికి చేరుకుని పరిశీలించారు. ఘటనపై ట్రాఫిక్‌ పోలీస్‌ స్టేషన్‌లో కేసు నమోదు చేసుకుని పోలీసులు దర్యాప్తు చేపట్టారు. క్రీడల్లో గెలుపోటములు సమానంగా స్వీకరించాలిరాయచూరు రూరల్‌: క్రీడాకారులు క్రీడల్లో గెలుపు ఓటములను సమానంగా స్వీకరించాలని క్రీడా యువజన సేవాధికారి వీరేష్‌ నాయక్‌ అభిప్రాయ పడ్డారు. గురువారం మహాత్మ గాంధీ క్రీడా మైదానంలో రాయచూరు రిపోర్టర్స్‌ గిల్డ్‌ వజ్ర మహోత్సవాల సందర్భంగా ఏర్పాటు చేసిన జిల్లా స్థాయి షటిల్‌ బ్యాడ్మింటన్‌ పోటీలను ప్రారంభించి ఆయన మాట్లాడారు. పాత్రికేయులు పని ఒత్తిళ్ల మధ్య కూడా క్రీడల్లో పాల్గొనడం ముదావహమన్నారు. మానసికంగా, శారీరకంగా ఎదగడానికి క్రీడలు దోహదపడతాయన్నారు. వార్త శాఖాధికారి సురేష్‌, శివమూర్తి, విజయ్‌ జాగటగల్‌, మేటిగౌడ, చెన్న బసవణ్ణలున్నారు. హట్టి గోల్డ్‌ మైన్స్‌ ఎండీగా శశిధర్‌ కురేరరాయచూరు రూరల్‌: రాయచూరు జిల్లా లింగసూగూరు తాలూకాలోని హట్టి బంగారు గనుల కంపెనీ మేనేజింగ్‌ డైరెక్టర్‌గా శశిధర్‌ కురేరను నియమిస్తూ రాష్ట్ర ప్రభుత్వం ఆదేశాలు జారీ చేసింది. గతంలో జెడ్పీ సీఈఓగా కురేర బళ్లారి, విజయపుర జిల్లాల్లో విధులు నిర్వహించారు. పౌరకార్మికులకు సత్కార దండ హొసపేటె: మన ఊరు, నగరం శుభ్రంగా ఉండాలన్నా, మనం ఆరోగ్యంగా జీవించాలన్నా నిరంతరం శ్రమించేది పౌర కార్మికులే అని విజయనగర జిల్లాధికారిణి కవిత ఎస్‌.మన్నికేరి అన్నారు. బుధవారం నగరంలోని వెంకటేశ్వర కళ్యాణ మంటపంలో ఏర్పాటు చేసిన పౌరకార్మికుల దినోత్సవాన్ని ప్రారంభించి ఆమె మాట్లాడారు. తెల్లవారు జామునే లేచి, మన ముంగిట ఉన్న చెత్తను తొలగించి, సమాజానికి స్వచ్ఛతను అందించే పౌర కార్మికుల దినోత్సవాన్ని ఈ రోజు రాష్ట్ర వ్యాప్తంగా ఘనంగా జరుపుకుంటున్నారన్నారు. వారు సమాజానికి చేస్తున్న సేవలను కొనియాడారు. అనంతరం ఉత్తమ పౌరకార్మికులను సన్మానించారు. నగరసభ అధ్యక్షులు రూపేష్‌కుమార్‌, ఎస్పీ జాహ్నవి, అధికారులు మనోహర్‌, శివకుమార్‌ తదితరులు పాల్గొన్నారు. ఆర్థిక స్థితిపై శ్వేతపత్రం ప్రకటించండిరాయచూరు రూరల్‌: ముఖ్యమంత్రి డీ.కే.శివ కుమార్‌ సర్కార్‌ ఆర్థిక పరిస్థితిపై శ్వేత పత్రం ప్రకటించాలని బీజేపీ జిల్లాధ్యక్షుడు వీరనగౌడ డిమాండ్‌ చేశారు. గురువారం అంబేడ్కర్‌ సర్కిల్‌ వద్ద చేపట్టిన ఆందోళనలో ఆయన మాట్లాడారు. రాష్ట్రంలో అభివృద్ధి పనులు స్తంభించి పోయాయని ఆరోపించారు. రైతులు, మహిళలు, దివ్యాంగులు, కూలీ కార్మికులు, యువకులు పలు ఇబ్బందులు ఎదుర్కొంటున్నారన్నారు. రూ.4 లక్షల కోట్ల మేర అప్పులు చేసిందని దుయ్యబట్టారు. విద్యార్థులకు పంపిణీ చేసిన షూ, సాక్సులు నకిలీవని విమర్శించారు. అనంతరం ఏడీసీ ద్వారా గవర్నర్‌కు వినతిపత్రం సమర్పించారు. ఆందోళనలో రాజ్‌కుమార్‌, బండేష్‌, నాగరాజ్‌, రాఘవేంద్ర, యల్లప్ప, ఆంజనేయ, రమానంద, రవీంద్ర జాలదార్‌, శరణ బసవ, శరణమ్మ, విజయలక్ష్మి, అశ్వినిలున్నారు.

● మరియమ్మనహళ్లి సమీపంలో ఘటన ● పశువుల యజమానికి భారీగా నష్టం హొసపేటె: విజయనగర జిల్లా హొసపేటె తాలూకాలోని మరియమ్మనహళ్లి సమీపంలో గురువారం విషాద ఘటన చోటు చేసుకుంది. రైలు పట్టాలు దాటుతున్న గేదెల మందను రైలు ఢీకొనడంతో 8 గేదెలు అక్కడికక్కడే మృతి చెందాయి. గేదెలు పట్టాలు దాటుతున్న సమయంలో వేగంగా దూసుకొచ్చిన రైలు గేదెలపై నుంచి దూసుకెళ్లినట్లు సమాచారం. ఈ ప్రమాదంలో మరియమ్మనహళ్లి నివాసి కల్లప్పకు చెందిన 8 గేదెలు మృతి చెందాయి. ఈ ఘటనతో పశువుల యజమానికి భారీగా నష్టం వాటిల్లింది. సమాచారం అందుకున్న సంబంధిత అధికారులు ఘటన స్థలాన్ని పరిశీలించారు. రైలు పట్టాల వెంట పశువుల సంచారాన్ని నియంత్రించేందుకు తగిన భద్రతా చర్యలు తీసుకోవాలని స్థానికులు కోరుతున్నారు.

● దేశాన్ని దారి తప్పిస్తున్న ఓటర్ల నమోదు ● బహుభాషా నటుడు ప్రకాష్‌రాజ్‌ ఆరోపణ రాయచూరు రూరల్‌: దేశ వ్యాప్తంగా జరుగుతున్న ఓటరు నమోదు ప్రక్రియలు దారి తప్పిస్తున్నాయని, సర్‌లో ముగ్గురు ఎన్నికల కమిషనర్లు ఉన్నారని బహుభాషా నటుడు ప్రకాష్‌రాజ్‌ ఆరోపించారు. బుధవారం రాయచూరు, కలబుర్గిలలో ఏర్పాటు చేసిన సమావేశాల్లో ఆయన మాట్లాడారు. భారత ఎన్నికల కమిషనర్‌ కార్యాలయంలో ప్రధాన ఎన్నికల కమిషనర్‌ జ్ఞానేష్‌ కుమార్‌ కాగా ప్రధానమంత్రి నరేంద్ర మోదీ, హోం శాఖ మంత్రి అమిత్‌షా కలిసి సర్‌ను ఎలా చేయాలనే అంశాలపై చర్చించి ఓటర్లను దారి తప్పించే ప్రయత్నంలో ఉన్నారన్నారు. దేశంలో ఐదు కోట్ల మంది పేర్లు తొలగి పోవడంతో కోర్టు మెట్లెక్కారన్నారు. రాష్ట్రంలో ఎన్నికల అధికారి అన్బుకుమార్‌ పేర్లలో అక్షర దోషాలుంటే సరి చేసుకోవాలని కోరడం అసభ్యంగా ఉందన్నారు. పశ్చిమ బెంగాల్‌ మాదిరిగా కర్ణాటకను చేయడానికి అవకాశం కల్పించడం తగదన్నారు. ఈనెలాఖరులోగా గల్లంతైన వారి జాబితాను సేకరిస్తున్నట్లు వివరించారు. అధికారులు పేదల ఇళ్లకు వెళ్లకుండా శ్రీమంతుల ఇళ్లకు వెళ్లి సమీక్ష చేయడాన్ని తప్పు బట్టారు. అక్టోబర్‌ 15న ఢిల్లీలోని జంతర్‌ మంతర్‌ వద్ద ఆందోళన చేపడతామన్నారు. ఆర్టీసీ బస్సు, లారీ ఢీ.. ఒకరు మృతి● పలువురికి గాయాలు సాక్షి,బళ్లారి: కేఎస్‌ఆర్టీసీ బస్సు, లారీ ముఖాముఖిగా ఢీకొనడంతో ఒకరు మృతి చెందగా, 6 మందికి గాయాలయ్యాయి. బుధవారం హావేరి జిల్లా హళెరథి గ్రామ సమీపంలో జరిగిన రోడ్డు ప్రమాదంలో చెన్నూరు గ్రామానికి చెందిన ఎస్‌ఎస్‌ మఠ్‌్‌ రోడ్డు ప్రమాదంలో మృతి చెందగా, పలువురికి గాయాలయ్యాయి. 30 మందికి పైగా బస్సులో ప్రయాణిస్తుండగా ఎదురుగా లారీ రావడంతో ఢీకొన్న నేపథ్యంలో ఈ ఘోర ప్రమాదం జరిగింది. క్షతగాత్రులను హావేరి జిల్లా ఆస్పత్రికి తరలించారు. అక్టోబర్‌ 23న ఉపాధ్యాయ ఎమ్మెల్సీ ఎన్నికలురాయచూరు రూరల్‌: ఈశాన్య ఉపాధ్యాయ విధాన పరిషత్‌ స్థానానికి అక్టోబర్‌ 23న ఎన్నికలు నిర్వహిస్తున్నట్లు కలబుర్గి ప్రాంతీయ కమిషనర్‌ జహీరా నసీమ్‌ పేర్కొన్నారు. మంగళవారం తన కార్యాలయంలో ఏర్పాటు చేసిన విలేకరుల సమావేశంలో ఆమె మాట్లాడారు. ఈశాన్య ఉపాధ్యాయ క్షేత్రం పరిధిలోని రాయచూరు, బీదర్‌, బళ్లారి, కలబుర్గి, యాదగిరి, కొప్పళ, విజయ నగర జిల్లాల్లో ఎన్నికల నియమావళి ప్రకారం ఈనెల 29న నోటిఫికేషన్‌ వెలువడుతుందన్నారు. అక్టోబర్‌ 6 వరకు నామినేషన్ల సమర్పణకు గడువు, 7న పరిశీలన, 9వ తేదీ నామినేషన్ల ఉపసంహరణకు ఆఖరు తేదీ అన్నారు. అవసరమైతే 23వ తేదీన ఎన్నికలు జరుగుతాయని, 27వ తేదీన ఓట్ల లెక్కింపు నిర్వహిస్తారన్నారు. ఐసీసీ సమావేశం నిర్వహించండి బళ్లారి అర్బన్‌: తుంగభద్ర జలాశయంలో నీటిని పొదుపు చేసేందుకు రైతుల పంటలకు సకాలంలో నీరు అందించేలా తక్షణమే నీటిపారుదల సలహా సమితి(ఐసీసీ) సమావేశం నిర్వహించాలని తుంగభద్ర రైతు సంఘం అధ్యక్షుడు డాక్టర్‌ పురుషోత్తం గౌడ డిమాండ్‌ చేశారు. బుధవారం రైతుల సమక్షంలో జిల్లాధికారి కే.నాగేంద్ర ప్రసాద్‌కు వినతిపత్రాన్ని అందజేశారు. ప్రతి రోజు బోర్డు నిర్ణయించిన 9,500 క్యూసెక్కులకు బదులుగా 12 వేల క్యూసెక్కులకు పైగా నీటిని వినియోగిస్తున్నారన్నారు. రైతుల పంటలకు నవంబర్‌ 30 వరకు, మిరప పంటకు డిసెంబర్‌ 30 వరకు నీరు అవసరమన్నారు.

సాక్షి,బళ్లారి: కాంగ్రెస్‌ పార్టీ సీనియర్‌ నాయకుడు, మాజీ బుడా అధ్యక్షుడు నారా ప్రతాప్‌రెడ్డి, ఆయన సతీమణి నారా శైలజారెడ్డి మాజీ ప్రధాని హెచ్‌.డీ దేవేగౌడను కలిశారు. బుధవారం బెంగళూరులోని మాజీ ప్రధాని దేవెగౌడ నివాసానికి వెళ్లి ఆయనతో కాసేపు ముచ్చటించారు. ఆరోగ్య పరిస్థితిని అడిగి తెలుసుకున్నారు. అనంతరం ఆయన మాట్లాడుతూ మాజీ ప్రధానితో తమకు ఉన్న అనుబంధాన్ని వివరించారు. రాష్ట్రంతో పాటు దేశ రాజకీయాల్లో ప్రముఖ వ్యక్తుల్లో ఈయన ఒకరని, గొప్ప మేధావి, రైతు నాయకుడని గుర్తు చేసుకున్నారు. పౌర కార్మికుల సేవలు భేష్‌ సాక్షి,బళ్లారి/బళ్లారి టౌన్‌: నగర స్వచ్ఛతను కాపాడటంలో పౌర కార్మికుల కృషి, సేవలు వర్ణించలేనివని జిల్లాధికారి నాగేంద్ర ప్రసాద్‌ పేర్కొన్నారు. ఆయన బుధవారం పౌర కార్మికుల దినోత్సవాన్ని పురస్కరించుకుని నగరంలోని వాల్మీకి భవన్‌లో ఏర్పాటు చేసిన కార్యక్రమంలో పాల్గొని మాట్లాడారు. పౌరకార్మికుల సంక్షేమం, వారి సమస్యల పరిష్కారానికి నగర, స్థానిక సంస్థల అధికారులు బాధ్యతాయుతంగా ముందుండి పని చేయాలని సూచించారు. ప్రజలు చెత్తను ఎక్కడబడితే అక్కడ వేయకూడదన్నారు. ఇంటి ముంగిటకు చెత్త సేకరణ వాహనం వచ్చినప్పుడు చెత్తను వేయాలన్నారు. పౌర కార్మికుల సంక్షేమం, వారి సమస్యల పరిష్కారానికి నగరసభ, స్థానిక సంస్థల అధికారులు చిత్తశుద్దితో పని చేయాలన్నారు. పౌర కార్మికులు రిటైర్డ్‌ అయిన రోజునే పింఛన్‌ మినహా ఇతర అన్ని సదుపాయాలను కల్పించాలని కమిషనర్‌కు సూచించారు. నగర కమిషనర్‌ మంజునాథ్‌, ఆరోగ్య స్థాయి సమితి అధ్యక్షుడు వివేక్‌, జెడ్పీ సీఈఓ మహమ్మద్‌ హ్యారీష్‌ సుమేరా, పాలికె ఉప మేయర్‌ మొబీనా, పాలికె కమిషనర్‌ మంజునాథ్‌, కార్పొరేటర్లు నందీష్‌, పీ.వివేక్‌, కే.హనుమంతప్ప, కుబేర, నాగరత్న తదితరులు పాల్గొన్నారు. జిల్లాధికారి నిషేధాజ్ఞల కొట్టివేత బళ్లారిటౌన్‌: తాలూకాలోని కొళగల్లు గ్రామంలో శ్రీ ఎర్రితాత పుణ్యారాధన ప్రవచనాలను ఈ నెల 23 నుంచి అక్టోబర్‌ 3 వరకు నిర్వహించాల్సి ఉండగా, గ్రామంలో ఆలయ విషయంపై నెలకొన్న వివాదంతో పుణ్యారాధన జరపరాదని జిల్లాధికారి నాగేంద్ర ప్రసాద్‌ నిషేధాజ్ఞల ఆదేశాలను జారీ చేసిన సంగతి విదితమే. దీనిపై స్థానిక ఆలయం అధ్యక్షుడు ముత్తప్ప ధార్వాడ హైకోర్టును ఆశ్రయించారు. పూర్వాపరాలను విన్న జస్టిస్‌ ఎంవీఎస్‌ కమల్‌ మంగళవారం జిల్లాధికారి ఆదేశాలను రద్దు చేశారు. అంతేగాక పుణ్యారాధన నిర్వహిస్తే శాంతి భద్రతలకు ముప్పు వస్తుందనేందుకు ఎలాంటి ఆధారాలు లేవని ఈ నెల 18న ఎస్పీ ప్రస్తావించిన నివేదికలో కూడా వివరాలు లేవని డిప్యూటీ కమిషనర్‌ ముందు హామీ పత్రం ఇవ్వాలని పుణ్యారాధన సమయంలో శాంతి భద్రతలను పాటిస్తామని, ఎలాంటి అవాంఛనీయ సంఘటనలు జరగకుండా బాధ్యతలు తీసుకుంటామని, భక్తుల సంఖ్యకు తగినట్లుగా భద్రత ఏర్పాట్ల వివరాలను కూడా పిటిషనర్‌ ఇవ్వాలన్నారు. అధికారులు కూడా తగిన భద్రత, రక్షణ ఏర్పాట్లు చేయాలని, ఒక వేళ ఏమైనా అవాంఛనీయ సంఘటనలు జరిగితే జిల్లా యంత్రాంగం చట్టపరంగా చర్యలు తీసుకోవచ్చునని ఆదేశించారు. దీంతో ఆలయ పాలక మండలి పుణ్యారాధన కార్యక్రమాలను చేపట్టేందుకు సన్నద్ధమైనట్లు తెలిసింది. మందుల వాడకంపై జాగృతి ర్యాలీబళ్లారి రూరల్‌ : బీఎంసీఆర్‌సీలోని ఫార్మకాలజీ విభాగం ఆధ్వర్యంలో బుధవారం ఫార్మకోవిజిలెన్స్‌ వారోత్సవాల్లో భాగంగా వైద్యులు, వైద్య, నర్సింగ్‌ విద్యార్థులు ర్యాలీ నిర్వహించారు. ఔషధాలపై రోగులకు, సంబంధీకులకు అవగాహన కల్పించారు. గడువు ముగిసిన మందుల వాడకం వల్ల కలిగే అనర్థాలను వివరించారు. వైద్యులు సూచించకుండా మందులు, మాత్రలు వాడరాదన్నారు. అవగాహన ర్యాలీ ఫార్మకాలజీ విభాగం నుంచి ప్రారంభమై ఆసుపత్రి వరకు సాగింది. ర్యాలీలో బీఎంసీఆర్‌సీ డీన్‌ అండ్‌ డైరెక్టర్‌ డాక్టర్‌ మరిరాజ్‌ జీర్‌, ప్రిన్స్‌పాల్‌ డాక్టర్‌ మల్లికార్జున, ఎం.ఫార్మకాలజీ విభాగ హెచ్‌ఓడీ డాక్టర్‌ వై.విశ్వనాథ్‌, డాక్టర్‌ మురుగేశ్‌, డాక్టర్‌ ఉమేశ్‌, డాక్టర్‌ శోభ, డాక్టర్‌ విశ్వనాథ్‌, డాక్టర్‌ శకుంతల, డాక్టర్‌ వీణా, డాక్టర్‌ రూపవతి, డాక్టర్‌ జ్యోతి, డాక్టర్‌ బాణాపుర అంబిక తదితరులు పాల్గొన్నారు. హత్య కేసుల దర్యాప్తును సీఐడీకి అప్పగించరూ రాయచూరు రూరల్‌: జిల్లాలో జరిగిన దళితుల హత్య కేసుల దర్యాప్తును సీఐడీకి అప్పగించాలని దళిత సంఘర్ష సమితి సంచాలకుడు ఎస్‌.మారెప్ప డిమాండ్‌ చేశారు. మంగళవారం బెంగళూరులో రాష్ట్ర హోం శాఖ మంత్రి ప్రియాంక్‌ ఖర్గే, రాష్ట్ర చిన్న నీటిపారుదల శాఖ మంత్రి అజయ్‌సింగ్‌లను కలిసి మాట్లాడారు. పాత కక్షల నేపథ్యంలో దేవదుర్గ తాలూకా గబ్బూరు పోలీస్‌ స్టేషన్‌ పరిధిలోని హద్దినాళలో బీఎస్పీ, దళిత కార్యకర్త భూమానంద హత్య, కరడకల్‌లో రేణుక హత్య, సిరవార తాలూకా హొక్రాణిలో అశ్వినిని అత్యాచారం చేసి బావిలో పడేసిన ఘటనలో ప్రధాన నిందితులను అరెస్ట్‌ చేయాలని, ఈ కేసుల దర్యాప్తును సీఐడీకి అప్పగించాలన్నారు. మాజీ మంత్రి బోసురాజు, గ్రామీణ శాసన సభ్యుడు బసన గౌడ దద్దల్‌, రవీంద్ర నాథ్‌, విశ్వనాథ్‌, నరసింహులు, శివ కుమార్‌, బేరి, అంబన్న, హేమరాజ్‌లున్నారు.

బళ్లారి రూరల్‌: వాతావరణంలో మార్పుతో గత కొన్ని రోజులుగా జిల్లాలో కురుస్తున్న వానలతో రైతులు సంబరపడుతున్నారు. మెట్టభూముల్లో సాగు చేసిన జొన్న, మొక్కజొన్న, పత్తి పంటలకు పుష్కలంగా నీరందడంతో పంటలు పచ్చదనాన్ని సంతరించుకొన్నాయి. మరో పక్క తుంగభద్ర హెచ్‌ఎల్‌సీ, ఎల్‌ఎల్‌సీ కాలువల నీటితో సాగవుతున్న పంట పొలాలు కళకళలాడుతున్నాయి. అయితే ఆలస్యంగా వరినాట్లు వేసిన కొన్ని వరిపైర్లలోకి వర్షం వల్ల అధికంగా నీరు చేరి పైరు మునిగింది. అధికంగా నీరున్న పంట పొలాల్లో నుంచి రైతులు నీటిని గట్లు తెంచి బయటకు పంపుతున్నారు. విజయనగరలో.. హొసపేటె: నగరంలో మంగళవారం సాయంత్రం నుంచి కురిసిన భారీ వర్షాల కారణంగా సాధారణ జనజీవనం పూర్తిగా స్తంభించిపోయింది. సాయంత్రం 7 గంటలకు నగరంలో వాన మొదలై రాత్రి 10 గంటల వరకు సుమారు మూడు గంటల పాటు భారీగా వర్షం కురిసింది. విజయనగర జిల్లాలోని హగరిబొమ్మనహళ్లి, కూడ్లిగి, కొట్టూరు, హడగలి, హరపనహళ్లి తాలూకాల్లో కూడా చాలా చోట్ల వర్షాలు ముంచెత్తాయి. రోడ్లపై నీటి మడుగులు విజయనగర కాలేజీ రోడ్డు, టీబీ డ్యాం రోడ్డు, హరిహర రోడ్డు, హంపీ రోడ్డులో నీరు మడుగులా నిలిచి పోవడంతో ప్రజలు, మహిళలు, పిల్లలు తిరగడానికి తీవ్ర ఇబ్బందులు పడ్డారు. మంగళవారం రాత్రి కురిసిన వర్షాల కారణంగా నగరంలోని లోతట్టు ప్రాంతాలు జలమయమయ్యాయి. నగరంలోని సిద్దలింగప్ప చౌకి, ఎస్‌.ఆర్‌.నగర్‌, చిత్తవాడిగి ప్రాంతాల్లోని ఇళ్లలోకి నీరు చేరినట్లు నివేదికలు అందాయి. గత కొన్ని రోజులుగా తీవ్రమైన ఎండతో బాధపడుతున్న ప్రజలకు మంగళవారం కురిసిన వర్షం ఉపశమనం కలిగించింది. ఈ ఆకస్మిక వర్షం ప్రజలకు ఉపశమనం కలిగించినప్పటికీ వర్ష తీవ్రత వారిని తీవ్ర ఇబ్బందులకు గురి చేసింది. రోడ్లపై నీరు ఉధృతంగా ప్రవహించడంతో పాదచారులు, ద్విచక్ర వాహనదారులు నానాయాతన పడ్డారు. రాయచూరులో.. రాయచూరు రూరల్‌: జిల్లాలో భారీ వర్షం కురిిసింది. మంగళవారం రాత్రి నుంచి బుధవారం తెల్లవారు జాము వరకు జడివాన కురిసింది. జిల్లాలో 52 మీ.మీ.వర్షం కురిసింది. ఎక్కడ చూసినా రహదారులు బురదమయంగా మారాయి. మున్నూరు వాడి, గాంధీ చౌక్‌, మహావీర్‌ చౌక్‌, కూరగాయల మార్కెట్‌లోకి వర్షపు నీరు చొరబడ్డాయి. తీన్‌కందిల్‌లో రాతి ఏనుగు విగ్రహంలోకి వాన నీరు చేరాయి. అరబ్‌ మొహల్లా, షియాతలాబ్‌, ఖాదర్‌గుండా, నవాబ్‌ గడ్డలలోకి నీరు చేరాయి. బళ్లారి నగర శివార్లలోని బత్రి వద్ద వానలకు నీట మునిగిన వరిపైరు రాయచూరులో లోతట్టు ప్రాంత ఇళ్లలోకి చేరిన వర్షపు నీరు వాయుగుండం ప్రభావంతో కుండపోత సాధారణ జన జీవితానికి అంతరాయం

తుమకూరు: బంగాళాఖాతంలో తుపానులు చెలరేగడంతో రాష్ట్రంలో కొన్ని జిల్లాల్లో ఓ మోస్తరు వర్షాలు పడుతున్నాయి. అనేక జిల్లాల్లో నెలల తరబడి మంచి వానలు కురిసింది లేదు. దీంతో పంటలు ఎండిపోవడంతో పాటు మనుషులకు కూడా నీటి కొరత తీవ్రమైంది. ఇటువంటి దయనీయ పరిస్థితుల్లో పిల్లలకు పెళ్లిళ్లు, గాడిదలకు వివాహాలు, హరికథలు వంటి సంప్రదాయాలను ఆచరిస్తున్నారు. శిర తాలూకాలోని బుక్కపట్టణ గ్రామానికి చెందిన ముస్లింలు వర్షాలు కురిపించాలని అల్లాను వేడుకుంటూ సామూహిక ప్రార్థనలు చేశారు. దండిగా వానలు పడి అందరూ సుభిక్షంగా ఉండాలని ప్రార్థించారు. జామియా మసీదు, బిలాల్‌ మసీదుల ముతవల్లీలు, ముస్లింలు పెద్దసంఖ్యలో పాల్గొన్నారు. దర్శన్‌ భార్య అర్జీ కొట్టివేత● ప్రదూష్‌కు ఆమోదం బనశంకరి: చిత్రదుర్గ రేణుకాస్వామి హత్యకేసులో బెంగళూరు పరప్పన జైల్లో ఉన్న రెండవ నిందితుడు, నటుడు దర్శన్‌కు హైకోర్టులో మరో ఎదురుదెబ్బ తగిలింది. 14వ నిందితుడు ప్రదూష్‌ అప్రూవర్‌ కావడాన్ని వ్యతిరేకిస్తూ దర్శన్‌ భార్య విజయలక్ష్మి దాఖలు చేసిన పిటిషన్‌ను బుధవారం హైకోర్టు కొట్టివేసింది. జస్టిస్‌ వీ.శ్రీశానంద విచారించారు. ట్రయల్‌ కోర్టు ఉత్తర్వుల్లో జోక్యం చేసుకోవాల్సిన అవసరం లేదని పేర్కొన్నారు. ఈ కేసులో సాక్షిగా మారిన ప్రదూష్‌ ను క్రాస్‌ ఎగ్జామిన్‌ చేయడానికి మీకు పూర్తి హక్కు ఉందని విజయలక్ష్మికి జడ్జి సూచించారు. విచారణ సమయంలో మీ క్లయింట్‌ (దర్శన్‌) హాజరు కావడానికి ఇప్పటికే అనుమతి ఇచ్చారన్నారు. ప్రదూష్‌ జైల్లో మొబైల్‌ఫోన్‌తో ఇతరులను చట్టవిరుద్ధంగా సంప్రదించాడని, ఒత్తిడికిలోనై సాక్షిగా మారాడని చేసిన వాదనలను జడ్జి తిరస్కరించారు. ప్రాథమిక సమాచారం ప్రకారం ప్రదూష్‌ భార్యతో మాట్లాడారు, ఇందులో ఎలాంటి దోషం లేదన్నారు. మరుసటిరోజే సాక్షిగా మారేందుకు ప్రాసిక్యూషన్‌ అంగీకరించడంలో కూడా ఎలాంటి తప్పులేదని అభిప్రాయపడ్డారు. కారు– బస్సు ఢీ, ఇద్దరికి గాయాలు శివమొగ్గ: బుధవారం ఉదయం శివమొగ్గ వద్ద హొసనగర తాలూకాలోని సుదూర్‌ గేట్‌ దగ్గర శివమొగ్గ నుంచి కుందాపురకు వెళ్తున్న గజానన బస్సు, రిప్పన్‌పేట నుంచి శివమొగ్గ వైపు వస్తున్న ఆల్టో కారు ఢీకొన్నాయి. ఈ ప్రమాదంలో కారులోని ఇద్దరికి స్వల్ప గాయాలయ్యాయి. స్థానికులు వారిని శివమొగ్గలోని మెగ్గాన్‌ ఆసుపత్రిలో చేర్పించారు. బస్సులోనివారు క్షేమంగా బయటపడ్డారు. కారు బాగా ధ్వంసమైంది. రిప్పన్‌పేట పోలీస్‌ స్టేషన్‌ పరిశీలించి కేసు నమోదు చేశారు.

బనశంకరి: ఆదాయానికి మించి ఆస్తులు కూడబెట్టారని రాష్ట్రంలోని 8 మంది ప్రభుత్వ అదికారుల ఇళ్లు, ఆఫీసుల్లో లోకాయుక్త అధికారులు సోదాలు చేయడం తెలిసిందే. బెంగళూరు, రామనగర, చిక్కబళ్లాపుర, మండ్య, కొడగు, కలబుర్గి, ధార్వాడ, బీదర్‌ జిల్లాల్లో 33 స్థలాల్లో దాడులు జరిగాయి. పొలాలు, స్థలాలు, విలాసవంతమైన ఇళ్లు, విలువైన వస్తువులు, బంగారువెండి ఆభరణాలు, నగదుతో కలిపి మొత్తం రూ.23.24 కోట్ల విలువచేసే ఆస్తులను కనిపెట్టినట్లు ప్రకటించారు. పలు జిల్లాల్లో వర్షాలు యశవంతపుర: రాష్ట్రంలో బుధవారం అనేక ప్రాంతాలలో వర్షం కురిసింది. కొప్పళ, గదగ్‌, కార్వారలో భారీ వర్షం పడింది. రైతులు అనందం వ్యక్తం చేశారు. మళెనాడు ప్రాంతాల్లో ఓ మోస్తారు వానలు పడుతున్నాయి. ఉత్తరకన్నడ జిల్లాలో జోరువానలు కురుస్తున్నాయి. కొప్పళలో జడివానతో జనజీవనం స్తంభించింది. విద్యార్థులు, ఉద్యోగులు, వ్యాపారులకు ఆటంకం కలిగింది. గదగ్‌ జిల్లాలో నీరలగి–నాగరాళ మధ్య ఉన్న వాగు జోరందుకుంది. వాహనదారులకు ఇబ్బందిగా మారింది. ఓ కారు మధ్యలో చిక్కుకోని రాకపోకలకు అంతరాయం ఏర్పడింది. కారులో చిక్కుకున్న నలుగురిని స్థానికులు రక్షించారు. బెంగళూరులో తుంపర్లు పడ్డాయి.

● శ్వేత, కెన్నెత్‌పై 2వేల పేజీలతో చార్జిషీటు యశవంతపుర: బెంగళూరు కేఆర్‌ పురలో తల్లిదండ్రులు, చెల్లెలిని ఓ మహిళా టెక్కీ, ఆమె ప్రియునితో కలిసి హత్య చేసిన కేసులో చార్జిషీటు దాఖలు చేశారు. తమ ప్రేమకు అడ్డుగా ఉన్నారని, డబ్బుల గొడవలతో సొంత కుమార్తే తల్లిదండ్రులను నరికి చంపడం అప్పట్లో సంచలనం సృష్టించింది. జూన్‌ 23న ప్రియుడు కెన్నెత్‌తో కలిసి టెక్కీ శ్వేత తన తల్లి ముత్తులక్ష్మి, తండ్రి సోమసుందర్‌, చెల్లెలు సుప్రియాను కత్తులతో పొడిచి చంపింది. పోలీసులు సంపూర్ణ విచారణ చేసి 2,085 పేజీలతో భారీ చార్జిషీట్‌ను కోర్టుకు సమర్పించారు. శ్వేత వద్ద నుంచి తల్లిదండ్రులిద్దరూ డబ్బులు తీసుకొనేవారు. ఇది ఆమెకు నచ్చేది కాదు, వారు లేకపోతే తమ డబ్బుతో విలాసంగా ఉండవచ్చని శ్వేత అనుకుంది. అలాగే శ్వేత, కెన్నెత్‌ మధ్య రూ.55 లక్షల లావాదేవీలు జరిగాయి, ఆ డబ్బులు చెల్లించాలని కెన్నెత్‌ ఒత్తిడి చేయడంతో ఆమె అప్పు తీసుకుని కెన్నెత్‌కు ఇచ్చింది. చెల్లెలు, తల్లిదండ్రులు లేకుంటే తమను అడిగేవారు ఉండరనే ఉద్దేశంతో హత్యాకాండకు పాల్పడినట్లు పేర్కొన్నారు. కాగా నిందితులు కారాగారంలో ఉన్నారు. సీఎం డీకేపై కుమార ధ్వజం శివాజీనగర: కేపీఎస్‌సీ మూసివేతపై యోచిస్తున్నానని సీఎం డీకే శివకుమార్‌ చెప్పడం చూస్తే చట్టాల ప్రాముఖ్యతను ముఖ్యమంత్రి అర్థం చేసుకోలేదని కేంద్రమంత్రి హెచ్‌డీ కుమారస్వామి విమర్శించారు. ఆయన మాటలు నిరాశకు గురిచేయడమే కాక, మూర్ఖత్వం, బాధ్యతారహిత్యం, అజ్ఞానానికి పరాకాష్ట అని బుధవారం ఓ ప్రకటనలో దుయ్యబట్టారు. జ్వరం వస్తే దున్నపోతుకు పెన్ను పెట్టడం లాంటిది, జలుబు చేస్తే ముక్కుకు కత్తెర పెట్టడం లాంటిది అన్నట్లుగా డీకే వైఖరి ఉందని ఎద్దేవా చేశారు. కేపీఎస్‌సీలో వసూళ్ల పాపం ఎవరిదని ప్రశ్నించారు.

మైసూరు: ఐదుగురు భూబాధితులకు శాశ్వత ఉద్యోగ పత్రాలను అందించిన జిల్లాధికారి మిగతా 32 మందికి కూడా దసరా తర్వాత ఉద్యోగాలు అందిస్తామని హామీ ఇచ్చారు. నగరంలోని జిల్లాధికారి కార్యాలయం ఎదుట ఉన్న బణ్ణారి అమ్మన్‌ చక్కెర కర్మాగారం ఏర్పాటులో భూమిని కోల్పోయిన రైతు కుటుంబాల పిల్లలు ఉద్యోగాలివ్వాలని అఖిల భారత రైతు కృషి కార్మిక సంఘం, జనాందోళనల మహా మైత్రి సంఘంతో కలిసి ధర్నా చేశారు. మంగళవారంతో పోరాటం 16వ రోజుకు చేరింది. బుధవారం జిల్లాధికారి లక్ష్మికాంతరెడ్డితో ప్రతినిధులు సమావేశం తరువాత నిరసనను విరమించారు. కార్మిక శాఖ అధికారి చేతన్‌, చక్కెర కర్మాగారం పాలక మండలి మేలుస్వామి, మోహన్‌, మైత్రి ఉగ్రనరసింహేగౌడ, బొక్కళ్లి నంజుండస్వామి, బసవరాజు, భూబాధితులు పాల్గొన్నారు. ఫలించిన రైతు కుటుంబాల ఆందోళన

దొడ్డబళ్లాపురం: ఊరగాయ లేదా ఆవకాయను చాలామంది భోజనంలో ఇష్టంగా తింటూ ఉంటారు. అందులో ఉప్పు, కారం, నూనె వంటి దినుసులు అధికంగా ఉన్నా పట్టించుకోరు. కానీ ఇలా ఊరగాయ తినడం ఆరోగ్యానికి అపాయం అని పలు అధ్యయనాలు హెచ్చరించాయి. ఈ నేపథ్యంలో మద్యపానం ఆరోగ్యానికి హానికరం అని మద్యం సీసాలపై ముద్రించినట్టుగానే ఊరగాయ/ ఆవకాయ సీసాలు, పాకెట్లపై కూడా ఇలాంటి సూచన ముద్రించాలని వైద్య ఆరోగ్యశాఖ ఆలోచిస్తోంది. దుష్పరిణామాలున్నాయి: మంత్రి ఖాదర్‌ ప్రజారోగ్యానికి హానికరంగా ఉన్నందున రాష్ట్రంలో పలు రకాల ఊరగాయల వాడకాన్ని నియంత్రించాలని ఆరోగ్యశాఖ భావిస్తోంది. ఊరగాయల వాడకం వల్ల కలిగే దష్పరిణామాలను ప్రజలకు వివరించేలా పాకెట్లపై ఈ విధంగా ముద్రించాలని ఆలోచిస్తున్నామని ఆరోగ్యశాఖ మంత్రి యూటీ ఖాదర్‌ తెలిపారు. అలాగే రాష్ట్రంలో ఉప్పు, చక్కెర వాడకం విపరీతంగా పెరిగిందని, వీటిని తక్కువా వాడాలని ప్రజల్లో జాగృతి కల్పించాలన్నారు. గత ప్రభుత్వంలో చక్కెర,ఉప్పు సబ్సిడీ కింద అందించేవారని, అయితే వాటి ఉపయోగం వల్ల దష్పరిణామాలు కలుగుతాయని సబ్సిడీ ఎత్తివేశామని చెప్పారు. ఆ ప్యాకెట్లు, సీసాలపై ముద్రించాలని వైద్య ఆరోగ్యశాఖ యోచన

రాయచూరు రూరల్‌: నగరంలో తొమ్మిదో రోజున 237 వినాయక విగ్రహాల నిమజ్జనాలు వైభవంగా జరిగాయి. బుధవారం తెల్లవారు జాము నుంచి ప్రారంభమైన వినాయక విగ్రహాల ఊరేగింపు మధ్యాహ్నం 3 గంటల వరకు కొనసాగింది. తీన్‌ కందిల్‌ నుంచి సూపర్‌ మార్కెట్‌, మహావీర్‌ సర్కిల్‌, మహాబళేశ్వర చౌక్‌, షరాఫ్‌ బజారు, పేట్లా బురుజు మీదుగా ఖాస్‌ బావి వరకు డీజే శబ్దంతో నృత్యం చేస్తూ గణనాథులను నిమజ్జనం చేశారు. ఈ సందర్భంగా జిల్లాధికారిణి పూవిత, ఎస్పీ అరుణాంగ్శు గిరి, డీఎస్పీ హరీష్‌లున్నారు. మహాబళేశ్వర్‌ రహదారిలో అడ్డంగా నిలబడి ట్రాఫిక్‌ స్తంభించి పోవడంతో పొలీసులు లాఠీచార్జీ చేశారు. ప్రశాంతంగా గణేష్‌ నిమజ్జనం హొసపేటె: విజయనగర జిల్లా వ్యాప్తంగా మంగళవారం సాయంత్రం 9వ రోజు గణేష్‌ నిమజ్జనం కట్టుదిట్టమైన పోలీసు భద్రత నడుమ ప్రశాంతంగా జరిగింది. జిల్లా వ్యాప్తంగా 29 గణేష్‌ విగ్రహాలను తొమ్మిదో రోజు నిమజ్జనం చేయగా, హొసపేటె నగర పరిధిలో 4 గణేష్‌ విగ్రహాలను నిమజ్జనం చేశారు. సాయంత్రం 7 గంటలకు మొదలైన భారీ వర్షం ఊరేగింపునకు కొంత ఆటంకం కలిగించింది. అయినప్పటికీ కుండపోత వర్షంలో కూడా యువత డీజేల సంగీతానికి నృత్యం చేస్తూ, కేరింతలు కొట్టారు. రాత్రి 10 గంటల వరకు విగ్రహాల ఊరేగింపు సాగింది. ఎడతెరిపి లేకుండా కురుస్తున్న వర్షం నేపథ్యంలో డీజే పరికరాలను టార్పాలిన్‌లతో కప్పి ఊరేగింపుగా తీసుకువెళ్లారు. 9వ రోజు గణేష్‌ నిమజ్జనం నేపథ్యంలో జిల్లా ఎస్పీ ఎస్‌.జాహ్నవి భారీ పోలీసు బలగాలను బందోబస్తుకు మోహరించారు. తొమ్మిదో రోజు వినాయకుల నిమజ్జనం భారీ వర్షంలో కూడా యువత కేరింత

శివాజీనగర: రాష్ట్ర ప్రభుత్వ ఖజానా ఖాళీగా ఉంది, ఆర్థిక శాఖను నిర్వహించడంలో ముఖ్యమంత్రి డీకే శివకుమార్‌ విఫలమయ్యారు, తక్షణమే ఆయన ముఖ్యమంత్రి పదవికి రాజీనామా చేయాలి అని ప్రతిపక్ష బీజేపీ, జేడీఎస్‌ ఎమ్మెల్యేలు డిమాండ్‌ చేశారు. అసెంబ్లీ సమావేశాల మూడోరోజైన బుధవారం విధానసౌధ ముందు ధర్నా నిర్వహించారు. బీజేపీ సీనియర్లు ఆర్‌.అశోక్‌, చలవాది నారాయణస్వామి, బీ.వై.విజయేంద్ర తదితరులు కెంగల్‌ హనుమంతయ్య విగ్రహం వద్ద నిరసనకు దిగారు. రాష్ట్ర ఖజానా ఖాళీ అయ్యిందని అందరూ ఖాళీ కప్పులు, కొబ్బరి చిప్పలు పట్టుకున్నారు. ప్రభుత్వం వద్ద డబ్బు లేదని రాష్ట్ర ఆర్థిక శాఖే స్వయంగా లేఖ రాసింది, ప్రభుత్వం దిక్కుతోచని స్థితిలో ఉంది. ఆర్థిక శాఖపై సీఎం డీ.కే.శివకుమార్‌కు ఎలాంటి నియంత్రణ లేదు. ఆర్థిక పరిస్థితి అస్తవ్యస్తంగా ఉందని నినాదాలు చేశారు. రాజీనామా చేయాలి ఆర్‌.అశోక్‌ మాట్లాడుతూ, ముఖ్యమంత్రి ఆర్థిక శాఖను నిర్వహించలేకపోతున్నారని అన్నారు. ఇది ఒక అసమర్థ ప్రభుత్వం. ప్రభుత్వాన్ని నడిపే సామర్థ్యాన్ని కోల్పోయిందని, దివాళాపై తక్షణం శ్వేతపత్రాన్ని విడుదల చేయాలని కోరారు. డీ.కే.శివకుమార్‌ అభివృద్ధి పనులకు రూ.32 వేల కోట్లు ప్రకటించారు, కానీ సర్కారుతో డబ్బు లేదు, 5 నెలలుగా పేదలకు పింఛన్లు అందలేదు, ఉపాధ్యాయులకు జీతాల్లేవు అని పలు ఆరోపణలు గుప్పించారు. విజయేంద్ర మాట్లాడుతూ రాష్ట్ర ప్రభుత్వం రూ.4 లక్షల కోట్లకు పైగా కొత్త రుణాలు తీసుకుంది. రాష్ట్ర మొత్తం రుణం రూ.8 లక్షల కోట్లకు పెరిగింది, అప్పులు తప్ప ఎలాంటి అభివృద్ధి పనులు జరగలేదని ఆరోపించారు. ఆర్థిక పరిస్థితి దిగజారి దివాళా తీసిందని, ప్రభుత్వం ఐసీయూలో ఉందని దుయ్యబట్టారు. అసెంబ్లీలో తిరిగి విధానసభలో బీజేపీ నేతలు ఇదే మాదిరి ఆరోపణలతో సర్కారుపై ఆరోపణలు సంధించారు. సీఎం డీకే శివకుమార్‌ రాష్ట అభివృద్ధికి కట్టుబడి ఉన్నామని, ప్రాంతాలవారీ ప్రగతికి పెద్దపీట వేసినట్లు తెలిపారు. నేటి వరకూ సభ శాసనసభ సమావేశాలను ఒక రోజు పొడిగించారు. మొదట 3 రోజులే అని నిర్ణయించారు. అయితే కస్తూరిరంగన్‌ నివేదికపై చర్చకే ఒకటిన్నర రోజుకు పైగా పట్టినందున, కరువు పరిస్థితిపై మరింత చర్చ కోసం గురువారం సాయంత్రం వరకు విస్తరించారు. మాట్లాడుతున్న అశోక్‌, సీఎం డీకే ఎమ్మెల్యే రూపా శశిధర్‌ ఆగ్రహం విధానసభలో గొడవ దృశ్యం డీకే సర్కారుపై బీజేపీ దాడి ఆర్థిక పరిస్థితిపై శ్వేతపత్రానికి డిమాండ్‌ అసెంబ్లీ ముందు నిరసన సభలోనూ అదే మాటల యుద్ధంకరువు నివారణలో విఫలం: విజయేంద్ర దొడ్డబళ్లాపురం: వాతావరణ శాఖ ముందుగానే వర్షాభావం గురించి హెచ్చరించినప్పటికీ రాష్ట్ర ప్రభుత్వం ముందస్తు చర్యలు తీసుకోలేదని, కరువును ఎదుర్కోవడంలో ఘోరంగా విఫలమైందని రాష్ట్ర బీజేపీ అధ్యక్షుడు బీవై విజయేంద్ర విమర్శించారు. అసెంబ్లీలో కరువు చర్చలో మాట్లాడారు. ఒకవేళ కరువు లేకున్నా, ప్రభుత్వం రైతులకు వ్యవసాయ పంప్‌సెట్‌లకు విద్యుత్‌ అందించే పరిస్థితిలో లేదన్నారు. తక్కువ ధరకు విద్యుత్‌ కొనుగోలు చేసే అవకాశం ఉన్నా యూనిట్‌కి రూ.14 నుంచి రూ.15 ఇచ్చి కొంటోందని ఆరోపించారు. ఎస్‌డీఆర్‌ఎఫ్‌ కింద వచ్చిన రూ.1,229 కోట్లలో రూ.187 కోట్లు మాత్రమే ఖర్చు చేశారన్నారు. 45 శాతం వర్షమాపన యంత్రాలు పని చేయడం లేదన్నారు. ఎస్‌డీఆర్‌ఎఫ్‌లో 70 శాతం సిబ్బందిని నియమించలేదన్నారు. ఏధంగా చూసినా ప్రభుత్వం కరువు పరిస్థితులు ఎదుర్కోవడానికి సిద్ధంగా లేదని తెలుస్తోందన్నారు. గత మూడేళ్లలో రాష్ట్రంలో మూడు వేల మందికిపై పైగా రైతులు ఆత్మహత్య చేసుకున్నారన్నారు.శివాజీనగర: శాసనసభలో అధికార పార్టీ ఎమ్మెల్యేల మధ్య ఘర్షణ జరిగింది. కోలారు జిల్లాలోని బంగారుపేట ఎమ్మెల్యే నారాయణస్వామి, కేజీఎఫ్‌ ఎమ్మెల్యే రూపా శశిధర్‌ మధ్య మాటల యుద్ధం జరిగింది. వివాదం ఎలా మొదలైందంటే.. ఎమ్మెల్యే నారాయణస్వామి, బాగేపల్లి ఎమ్మెల్యే ఎస్‌.ఎన్‌.సుబ్బారెడ్డి పక్కపక్కనే కూర్చుని నవ్వుకుంటూ మాట్లాడుకుంటున్నారు. వెనుక సీటు నుంచి రూపా వచ్చి చేయి చూపిస్తూ నారాయణ స్వామితో కోపంగా మాట్లాడారు. ఈ ఘర్షణకు కచ్చితమైన కారణం ఏమిటని తెలియరాలేదు. తన గురించే ఏదో మాట్లాడుతున్నాడని ఆమె అనుమానించడమే కారణమై ఉంటుందని అనుకుంటున్నారు. రూపా టేబుల్‌పై చేత్తో కొడుతూ హెచ్చరికలు, ఆగ్రహాన్ని వ్యక్తం చేయడం కనిపించింది. ఆ సమయంలో మంత్రి, ఆమె తండ్రి మునియప్ప కూడా సభలో ఉన్నారు. బీజేఎల్పీ నేత అశోక్‌ స్పందిస్తూ.. చూడండీ.. అక్కడొక గొడవ జరుగుతోంది, మౌనంగా ఉండమ్మా, వారిని కొట్టవద్దు అని వ్యంగ్యంగా అన్నారు. ఈ రభస అందరి దృష్టినీ ఆకర్షించింది. ఏం జరిగిందో అని ఆసక్తిగా వీక్షించారు. ఒకే జిల్లా, ఒకే పార్టీ ఎమ్మెల్యేల రగడ తీవ్ర చర్చనీయాంశమంది.

రాయచూరు రూరల్‌: జిల్లాలో తుంగభద్ర ఎడమ కాలువ నుంచి ఆయకట్టు చివరి భూములకు నీరు వదలాలని డిమాండ్‌ చేస్తూ కాలువలపై రైతులు, నేతలు ఆందోళన చేపట్టారు. కాలువలకు వార బందీ పద్ధతి ప్రకారం నీటిని విడుదల చేయాలని ముఖ్యమంత్రికి విధాన పరిషత్‌ సభ్యుడు బసన గౌడ బాదర్లి విన్నవించారు. మంగళవారం బెంగళూరులో సీఎం డీ.కే.శివ కుమార్‌తో చర్చించి సింధనూరు తాలూకా గాంధీనగర్‌ 36వ కాలువ వద్ద ఆందోళన చేపట్టిన విషయాన్ని సీఎం దృష్టికి తీసుకెళ్లారు. కాలువకు నీరు విడుదల చేయాలి కళ్యాణ కర్ణాటక జిల్లాల్లోని రాయచూరు, లింగసూగూరు, దేవదుర్గ, యాదగిరి జిల్లాలోని శహాపుర, భీమరాయనగుడి, సురపుర తాలూకాల్లో నారాయణపుర కుడి కాలువకు నిరంతరం నీటిని విడుదల చేయాలని రైతు సంఘం అధ్యక్షుడు మస్తాన్‌ నాయక్‌ పేర్కొన్నారు. బుధవారం పాత్రికేయుల భవనంలో ఏర్పాటు చేసిన విలేఖర్ల సమావేఽశంలో మాట్లాడారు. ఎన్‌ఆర్‌బీసీ కాలువలకు వార బందీ పద్ధతిని స్వస్తి పలికి నిరంతరం నీటిని విడుదల చేయాలన్నారు. సంగమేష్‌ శివన గౌడ, వీరేష్‌, నాగప్ప, భీమన్నలున్నారు.

బళ్లారి అర్బన్‌/బళ్లారి రూరల్‌: ఉద్యోగం, కుటుంబ పరిస్థితులు, ఇతర కారణాలతో సంప్రదాయ విద్యాభ్యాసం కొనసాగించలేక పోయిన వారికి ఉన్నత విద్యను అభ్యసించే అవకాశం కర్ణాటక రాష్ట్ర ఓపెన్‌ యూనివర్సిటీ కల్పిస్తుందని ఆ వర్సిటీ వీసీ ఏపీ జ్ఞాన ప్రకాష్‌ తెలిపారు. బుధవారం జిల్లా పత్రికా భవనంలో ఏర్పాటు చేసిన విలేకరుల సమావేశంలో ఆయన మాట్లాడారు. ప్రతి ఒక్కరికీ ఉన్నత విద్య అందించే లక్ష్యంతో కర్ణాటక ఓపెన్‌ యూనివర్సిటీ రాష్ట్ర వ్యాప్తంగా ప్రాంతీయ అధ్యయన కేంద్రాల ద్వారా దూర విద్యను అందిస్తోందన్నారు. 2026–27వ సంవత్సరానికి ప్రవేశాలు ప్రారంభం అయ్యాయన్నారు. డిగ్రీ, పీజీ, డిప్లొమా, సర్టిఫికెట్‌ కోర్సుల్లో చేరవచ్చన్నారు. వివిధ కారణాలతో చదువు మధ్యలో నిలిపి వేసిన, అర్హులైన విద్యార్థులకు నిబంధనల ప్రకారం తదుపరి సంవత్సరాన్ని అభ్యసించే అవకాశం ఉందన్నారు. అర్హులైన విద్యార్థులకు ఫీజు రాయితీ, స్కాలర్‌షిప్‌ సౌకర్యాలు అందుబాటులో ఉన్నాయన్నారు. ఆన్‌లైన్‌లో దరఖాస్తు చేసుకొని సంబంధిత ప్రాంతీయ కేంద్రాల్లో ధృవపత్రాల పరిశీలన చేయించుకోవాలన్నారు. విద్యార్థుల కోసం స్టడీ మెటీరియల్‌, ఆన్‌లైన్‌ తరగతులు, అసైట్‌మెంట్లు, పరీక్షల సమాచారం తదితర సౌకర్యాలను డిజిటల్‌ ప్లాట్‌ఫాం ద్వారా అందిస్తున్నట్లు తెలిపారు. డాక్టర్‌ ఎన్‌.ఆనంద్‌గౌడ, అరుణ్‌, సురేష్‌, మైత్రి పాల్గొన్నారు.

హుబ్లీ: ధార్వాడ వ్యవసాయ విశ్వవిద్యాలయంలో ఈనెల 25 నుంచి 28 వరకు వ్యవసాయ మేళా ఏర్పాటు చేసినట్లు ఆ వర్సిటీ వైస్‌ ఛాన్సలర్‌ డాక్టర్‌ ఎన్‌వీ ప్రకాశ్‌ తెలిపారు. ఆయన బుధవారం విలేకరులతో మాట్లాడుతూ ఈసారి మేళాను మహిళా రైతులకు అంకితం చేస్తున్నామన్నారు. ఈసారి ఐక్యరాజ్య సమితి అంతర్జాతీయ వ్యవసాయ మహిళల ఏడాదిగా ప్రకటించిన నేపథ్యంలో ఈ కార్యక్రమాలను నిర్వహిస్తున్నామన్నారు. సాగు, ఆహార రంగంలో మహిళలు నిర్వహిస్తున్న కీలక పాత్రలను గుర్తించడం, మహిళా రైతుల స్వావలంబనకు ప్రేరణ ఇవ్వడం మేళా ప్రముఖ ఉద్దేశం అన్నారు. నాలుగు రోజుల మేళాలో సుమారు 20 లక్షల మంది పాల్గొంటారన్నారు. వ్యవసాయ రంగంలో అత్యాధునిక సాంకేతికత, కొత్త ఆవిష్కరణలు, రైతుల సమస్యలకు ప్రయోగాత్మకంగా పరిహారాలను అన్నదాతలకు వివరించడమే మేళా ఉద్దేశం అన్నారు. సందర్శకుల అనుకూలం కోసం క్యూఆర్‌ కోడ్‌ ద్వారా ఆన్‌లైన్‌ వ్యవస్థ కల్పించామన్నారు. ఈ నెల 26న ఉదయం 11.30 గంటలకు ముఖ్యమంత్రి డీకే.శివకుమార్‌ మేళాను ప్రారంభిస్తారన్నారు. ఆరోజు మధ్యాహ్నం 3 గంటల నుంచి సాయంత్రం 5 గంటల వరకు అన్నదాతలు, యువ రైతులు, మహిళలకు అవార్డులు ప్రదానం చేస్తామన్నారు.

బనశంకరి: ప్రతి పనికీ ప్రజల నుంచి లంచాలు గుంజుతూ, పథకాల్లో కమీషన్లు కొట్టేస్తూ కోట్ల రూపాయలు వెనకేసుకున్న కొందరు ప్రభుత్వ అధికారులు, ఉద్యోగులకు లోకాయుక్త షాక్‌ ఇచ్చింది. మంగళవారం ఉదయం నుంచి ఆకస్మిక దాడులను ప్రారంభించింది. పలుజిల్లాల్లో 8 మంది అధికారుల ఆఫీసులు, ఇళ్లు, వారి బంధుమిత్రుల ఇళ్లలో సోదాలు జరుగుతున్నాయి. బెంగళూరు, బీదర్‌, మండ్య, చిక్కబళ్లాపుర, కొడగు జిల్లాల్లోని అధికారుల ఇళ్లలో దాడులు జరిగాయి. భారీ ప్రమాణంలో నగదు, బంగారు నగలు, విలాసవంతమైన వస్తువులు ఆస్తిపాస్తుల పత్రాలు, పెద్దసంఖ్యలో ఖరీదైన మద్యం సీసాలు, బట్టలు లభించాయి. ఇంటినిండా విదేశీ వైన్లు ● మాణిక్‌ శెరికార్‌కు చెందిన బీదర్‌ నగరం హళ్లికాలనీ నివాసం, హుమ్నాబాద్‌, ముత్తంగి గ్రామంలోని ఫాంహౌస్‌లపై లోకాయుక్త డీఎస్పీ హనుమంతరెడ్డి నేతృత్వంలో దాడులు చేశారు. ● జెస్కాం ఏఈఈ రాజేశ్వరి ఆఫీసు, కలబుర్గి నగరం మహాలక్ష్మీ లేఔట్‌లోని రాజేశ్వరి నివాసం, ఖాద్రి చౌక్‌లో మరో ఇంటిపై దాడులు జరిగాయి. ● మండ్యలో హాస్టల్‌ అధికారి శివరాజు ఇంట్లో 50కి పైగా విదేశీ మద్యం, వైన్‌ సీసాల డంపు బయటపడింది. వాటిని ఎకై ్సజ్‌ అధికారులు సీజ్‌ చేసి కేసు నమోదు చేశారు. ● చాలామంది అధికారులు ఉదయం వాకింగ్‌కు వెళ్లి వచ్చేలోగా లోకాయుక్త సిబ్బంది ఉండడంతో నివ్వెరపోయారు. వారి ఆదాయమూలాలు, ఆస్తిపాస్తులు, ఆర్థిక వ్యవహారాల తనిఖీ కొనసాగుతోంది. ఎవరెవరి మీద దాడులు జరిగాయంటే 1.దర్శన్‌గౌడ– ఎఫ్‌డీఏ, చిక్కబళ్లాపురం కలెక్టరేటు 2.రంగనాథ్‌ హెచ్‌ఎం– విశ్రాంత అసిస్టెంట్‌ ఇంజనీర్‌ (ఏఈఈ) బీబీఎంపీ , బెంగళూరు 3. శ్రీదేవి– జిల్లా రిజిస్ట్రేషన్‌ అధికారి, బెంగళూరు 4.హెచ్‌ఆర్‌.రమేశ్‌– మడికెరి నగరసభ, కమిషనర్‌ 5. కిరణ్‌కుమార్‌ బైందూర్‌– అసిస్టెంట్‌ ఇంజనీర్‌ హెస్కాం, హుబ్లీ– ధార్వాడ 6. రాజేశ్వరి– అసిస్టెంట్‌ ఇంజనీర్‌ ఏఈఈ, జెస్కాం, కలబుర్గి 7. మాణిక్‌రావ్‌ శెరికార్‌– రిటైర్డు అసిస్టెంట్‌ డైరెక్టర్‌ వ్యవసాయశాఖ, బీదర్‌ 8. శివరాజు– బీసీ హాస్టల్‌ అధికారి, మండ్య రాష్ట్రంలో 8 మంది అధికారుల ఇళ్లు, ఆఫీసుల్లో సోదాలు పెద్దమొత్తంలో బంగారం, అక్రమాస్తుల గుర్తింపు హాస్టల్‌ అధికారి ఇంట్లో ఏకంగా బ్రాందీ షాపు

దొడ్డబళ్లాపురం: కుమార్తెను ప్రేమిస్తున్న యువకున్ని ఆమె తల్లితండ్రులు హత్య చేసిన ఘటన దావణగెరె జిల్లా మొళకాల్మూరు తాలూకా తళవారహళ్లిలో వెలుగుచూసింది. వివరాల మేరకు.. హానగల్‌ గ్రామానికి చెందిన నాగేశ్‌ (22), పొరుగూరు రుద్రమ్మనహళ్లికి చెందిన యువతి, రెండేళ్లుగా ప్రేమలో ఉన్నారు. తమ కూతురి జోలికి రావద్దని యువతి తల్లిదండ్రులు అనేకసార్లు నాగేశ్‌ను హెచ్చరించినా మార్పు రాలేదు. ఆగ్రహానికి లోనైన యువతి తల్లిదండ్రులు మాట్లాడాలని నాగేశ్‌ని తళవారహళ్లి వద్ద నిర్జన ప్రదేశానికి పిలిపించారు. అక్కడ రాళ్లు, కత్తులతో హత్య చేసి పరారయ్యారు. 2 రోజుల కిందట జరిగిన హత్య మంగళవారం బయటపడింది. మొళకాల్మూరు పోలీసులు దర్యాప్తు చేపట్టారు, ఇంతలోనే నిందితులు ఊరు వదిలి పరారయ్యారు. మొదటి భర్తే కావాలంటూ..యశవంతపుర: పలు కారణాలతో అనైతిక సంబంధాలు అధికమవుతున్నాయి. భర్తను వదిలేసి వెళ్లిన వివాహిత వైనం హాసన్‌లో సంచలనం కలిగిస్తోంది. భర్త రాజశేఖర్‌, ప్రియాంక దంపతులు ఉంటున్నారు. ఇటీవల ఇంటి నుంచి వెళ్లిపోయింది. రాజశేఖర్‌ మాట్లాడుతూ ప్రియాంకకు గతంలోనే పెళ్లయి వదిలేసింది, ఆ విషయం చెప్పకుండా తనతో పెళ్లి చేశారని ఆరోపించాడు. మొదటి భర్త వద్దకు వెళ్లిపోయి ఉంటుందని అనుమానం వ్యక్తం చేశాడు. తమను మోసం చేశారంటూ రాజశేఖర్‌ కుటుంబీకులు ప్రియాంక తల్లిదండ్రులతో గొడవకు దిగారు. వర్సిటీ వద్ద గంజాయి గుప్పుదొడ్డబళ్లాపురం: బెంగళూరు రూరల్‌లోని దొడ్డబళ్లాపురం వద్ద కళాశాలల వద్ద విద్యార్థులకు గంజాయి విక్రయిస్తున్న ముగ్గురు డ్రగ్స్‌విక్రేతలను పోలీసులు అరెస్టు చేశారు. నిందితుల నుంచి రూ.6లక్షల విలువ చేసే 5.6 కేజీల గంజాయిని స్వాధీనం చేసుకున్నారు. నాగదేనహళ్లి సమీపంలో ఉన్న గీతం యూనివర్సిటీ వద్ద నిందితులు విద్యార్థులకు గంజాయి విక్రయిస్తుండగా పోలీసులు పట్టుకున్నారు. సురేశ్‌ సహాని (34), రోహిత్‌ కుమార్‌ (25), రూపేశ్‌ కుమార్‌ (30)ను అరెస్టు చేసి విచారించగా బీహార్‌, జార్ఖండ్‌ నుంచి ఇక్కడకు వలస వచ్చి మొదట బేల్దారీ పని చేసేవారని తెలిపారు. తరువాత సులభంగా సంపాదన కోసం గంజాయి వ్యాపారులగా మారారు. గంజాయితోపాటు కొత్త బైక్‌ని స్వాధీనం చేసుకున్నారు. నన్ను జైల్లోనే చంపేస్తారు ● విచారణలో రోదించిన పవిత్రగౌడ యశవంతపుర: ‘నా బ్యారక్‌లో నైజీరియా మహిళా ఖైదీలు నన్ను హింసిస్తున్నారు. వారు నన్ను చంపేస్తామని చెబుతున్నారు’ అని నటి పవిత్రగౌడ జడ్జి ముందు విలపించింది. చిత్రదుర్గ రేణుకాస్వామి హత్యకేసులో పరప్పన జైల్లో ఉన్న ఆమె బెయిలు కోసం బెంగళూరు 59 సీసీహెచ్‌ కోర్టులో పిటిషన్‌ వేశారు. మంగళవారం వీడియో కాన్ఫరెన్స్‌ ద్వారా విచారణ జరిగింది. పవిత్రగౌడ విలపిస్తూ గోడును వెళ్లబోసుకుంది. తన బ్యారక్‌లో నైజీరియా మహిళా నిందితులు ఉన్నారని, గతంలో వేధిస్తున్నారని జైలు అధికారులకు ఫిర్యాదు చేశానని తెలిసి మరింత సతాయిస్తున్నారని, హత్య చేస్తామని బెదిరిస్తున్నారని పవిత్ర రోదించింది. తనకు చనిపోవాలని ఉందని, విషం కావాలని విలపిస్తూ చెప్పిందని ఆమె న్యాయవాదులు తెలిపారు. హైకోర్టుకు దర్శన్‌ భార్య రేణుకాస్వామి హత్యకేసులో అప్రూవర్‌గా మారతానని ప్రకటించిన ప్రదోశ్‌కు వ్యతిరేకంగా రెండో నిందితుడు, నటుడు దర్శన్‌ భార్య విజయలక్ష్మి మళ్లీ హైకోర్టులో పిటిషన్‌ దాఖలు చేశారు. అతడు దర్శన్‌కు శత్రువని, స్వార్థం కోసం అప్రూవర్‌ అవుతున్నాడని, అనుమతించరాదని కోరారు.

శివాజీనగర: డీసీపీనా మాట్లాడేది.. నా కారునే టోయింగ్‌ చేస్తావా? అని మాజీ సీఎం సిద్దరామయ్య, విధానసౌధ భద్రతాధికారి, డీసీపీ యోగేష్‌పై మండిపడ్డారు. అసెంబ్లీలో సమావేశం చూసుకుని పశ్చిమ ద్వారం మెట్లు దిగి బయటకు వచ్చినప్పుడు, అక్కడ నిలిపిన కారు లేదు. విచారించగా, డీసీపీ యోగేష్‌ ఆదేశాల మేరకు పోలీసులు కారును పార్కింగ్‌ లాట్‌కు పంపినట్లు తెలిపారు. దీంతో ఆయన కారు కోసం కొంతసేపు నిలబడ్డారు. ఈ ఘటనతో చాలా కలత చెందారు, కొందరు ముఖ్యులు కూడా ఆయన చుట్టూ చేరారు. వెంటనే డీసీపీ యోగేష్‌కు ఫోన్‌ చేసి.. ‘నా కారును ఇక్కడి నుండి ఎందుకు తీసుకువెళ్లారు?. మీపై చాలా ఆరోపణలు ఉన్నాయి. విధానసౌధకు వచ్చే ప్రజా ప్రతినిధులను, ఎమ్మెల్యేలను మీరు సరిగ్గా గౌరవించడం లేదని ఫిర్యాదులు వచ్చాయి. ప్రజాప్రతినిధులతో ఇలా ప్రవర్తించకూడదు. ఇప్పటి నుంచి మీరు చాలా జాగ్రత్తగా పనిచేయాలి’ అని మాజీ సీఎం హెచ్చరించారు. కొంతసేపు ఉద్రిక్త వాతావరణం నెలకొంది. కారు రాగానే సిద్దరామయ్య వెళ్లిపోయారు. హోంమంత్రి ప్రియాంక్‌ ఖర్గేకు కూడా సిద్దరామయ్య ఫిర్యాదు చేశారు. చివరకు డీసీపీ క్షమాపణలు చెప్పినట్లు తెలిసింది. నీపై చాలా ఫిర్యాదులు ఉన్నాయి మాజీ సీఎం సిద్దరామయ్య నిప్పులు విధానసౌధ ఆవరణలో టెన్షన్‌మంగళవారం విధానసౌధ ఆవరణ. విధానసభ లోపలి నుంచి మాజీ సీఎం సిద్దరామయ్య బయటకు వచ్చారు, అక్కడ ఉండాల్సిన తన కారు కనబడకపోవడంతో ఆయన ఆశ్చర్యపోయారు. ఆ తరువాత హైడ్రామా మొదలైంది.

బనశంకరి: పశ్చిమ కనుమల పరిరక్షణపై కస్తూరికంగన్‌ నివేదిక మీద రెండవరోజు మంగళవారం విధానసభలో వాడీవేడిగా చర్చ సాగింది. కేంద్రం ముసాయిదా నోటిఫికేషన్‌ను యథాతథంగా ఆమోదించకూడదని సర్కారు నిర్ణయించింది. ఈ మేరకు ఆరుసూత్రాల తీర్మానాన్ని ఏకగ్రీవంగా ఆమోదించింది. కస్తూరిరంగన్‌ నివేదికలోని లోపాలను సరిదిద్ది తగిన మార్పులు సూచించడానికి, రాష్ట్ర ప్రభుత్వంచే నంబర్ల వారీగా భూ సర్వే కొలతలు తీసుకోవడానికి విశ్రాంత న్యాయమూర్తి అధ్యక్షతన ఉన్నతస్థాయి కమిటీని ఏర్పాటు చేయాలని నిర్ణయించారు. వాటిని పరిరక్షించాలి: సీఎం విధానసభలో రంగన్‌ నివేదికపై చర్చలో సీఎం డీకే శివకుమార్‌ మాట్లాడారు. ‘మనం పర్యావరణాన్ని పరిరక్షించుకోవాలి, అడవి అంటే భూమి ఉంటుంది, అడవి ఉంటేనే వర్షాలు కురుస్తాయి. అలాగే రైతులను కూడా కాపాడాలి. నివేదిక సిఫార్సులపై గ్రామస్థాయిలో సర్వే నిర్వహించాలనే అభిప్రాయాలున్నాయి, దీంతో ఏకీభవిస్తున్నా. నిర్దేశిత ప్రాంతాల్లో ముందుగా వ్యవసాయం, ఉద్యానవన రంగాలకు ప్రాధాన్యత ఇవ్వాలి. రోడ్లు, ఆసుపత్రులు ఉన్నాయి, వాటి పరిరక్షణ మనతో పాటు కేంద్ర ప్రభుత్వ బాధ్యత కూడా’ అని చెప్పారు. ఆ జిల్లాలకు ఇబ్బందులు వస్తాయి నివేదిక అమలైతే ఉత్తరకన్నడ, మైసూరు, బెళగావి, ఉడుపి, చిక్కమగళూరు, శివమొగ్గ జిల్లాల్లో సమస్యలు తలెత్తుతాయని, సామాన్య ప్రజల ప్రయోజనాలు కాపాడటానికి కట్టుబడి ఉన్నామని సీఎం డీకే తెలిపారు. వెంటనే కేంద్రప్రభుత్వానికి ఒక దరఖాస్తు సమర్పించాలని చెప్పారు. రిటైర్డు జడ్జితో ఓ కమిటీని నియమించి కస్తూరిరంగన్‌ నివేదికలోని లోపాలను సరిదిద్దడానికి చర్యలు తీసుకుంటామన్నారు. రెవెన్యూ, అటవీశాఖల అధికారులు, రైతుసంఘాలు, పరిశ్రమల ప్రతినిధులు, అటవీ, పర్యావరణ సంబంధ నిపుణులు, శాస్త్రవేత్తలతో కూడిన కమిటినీ ఏర్పాటు చేస్తామని చెప్పారు. నివేదికలో పేర్కొన్న సర్వే నంబర్ల భూముల్లో కొలతలు తీస్తామన్నారు. ఈ ప్రక్రియకు ఏడాది సమయం ఇవ్వాలని కేంద్ర సర్కారును కోరతామని తెలిపారు. జూలై 27 న కేంద్ర ప్రభుత్వం జారీచేసిన 7వ ముసాయిదా, ఈఎస్‌ఏ నోటిఫికేషన్‌ను శాసనసభ ఏకగ్రీవంగా వ్యతిరేకిస్తోందని, అందులోని లోపాలు సరిదిద్దాలని కేంద్ర ప్రభుత్వాన్ని డిమాండ్‌ చేశారు. ప్రజా సంక్షేమానికి ప్రాధాన్యం నివేదికపై రిటైర్జు జడ్జి కమిటీతో అధ్యయనం ఇందుకు ఏడాది సమయం పడుతుంది కేంద్ర నోటిఫికేషన్‌ను వ్యతిరేకిస్తున్నాం అసెంబ్లీలో సీఎం డీకే శివ ప్రకటన

శివాజీనగర: రాష్ట్రంలో సగటున 852 మిల్లీమీటర్ల వర్షపాతం నమోదు కావాల్సి ఉండగా, కేవలం 642 మి.మీ. వర్షమే కురిసింది. జూన్‌ నుంచి రాష్ట్రంలో సగటున మైనస్‌ 36 శాతం వర్షపాతం లోటు నెలకొంది. వానల్లేక 82 శాతం పంట నష్టమైంది అని డిప్యూటీ సీఎం జీ.పరమేశ్వర్‌ చెప్పారు. మంగళవారం విధాన పరిషత్‌లో ఆయన మాట్లాడారు. త్వరలో మరిన్ని కరువు తాలూకాలను ప్రకటిస్తామని, దీంతో మొత్తం సంఖ్య 210కి పెరుగుతుందన్నారు. కేంద్రం నిర్దేశించిన కరువు ప్రమాణాల ప్రకారం రాష్ట్రాన్ని కరువు పీడిత ప్రాంతంగా ప్రకటించాలని కేంద్రాన్ని డిమాండ్‌ చేశారు. బీజేపీ ఎమ్మెల్సీ సీ.టీ.రవి మాట్లాడుతూ కొందరు నేతల బెదిరింపులకు తలొగ్గి కరువు తాలూకాలను చేరుస్తున్నారని దుయ్యబట్టారు. పరమేశ్వర్‌ మాట్లాడుతూ, గతంలో కరువు తాండవించి రాష్ట్రానికి రూ.39 వేల కోట్ల నష్టం జరిగింది, మేము కేంద్రాన్ని రూ.18 వేల కోట్ల సహాయం కోరామని తెలిపారు. చివరకు సుప్రీంకోర్టును ఆశ్రయిస్తే కేంద్రం రూ.3,400 కోట్లు ఇచ్చిందని చెప్పారు. ఇప్పుడు 101 తాలూకాలలో రూ.18 వేల కోట్ల నష్టం జరిగింది, రూ.3,500 కోట్ల నిధులు కోరామని తెలిపారు. 101 తాలూకాలలో రూ.18 వేల కోట్ల నష్టం డిప్యూటీ సీఎం పరమేశ్వర్‌

● పునః పరిశీలించండి ● సర్కారుకు గవర్నర్‌ లేఖ శివాజీనగర: వందేమాతరం గీతాన్ని కేవలం రెండు చరణాలు మాత్రమే పాడాలన్న రాష్ట్ర ప్రభుత్వ నిర్ణయంపై గవర్నర్‌ థావర్‌చంద్‌ గెహ్లాట్‌ అభ్యంతరం వ్యక్తం చేశారు. ఈ మేరకు సీఎం డీకే శివకుమార్‌కు 4 పేజీల లేఖ రాశారు. కేంద్ర ప్రభుత్వ మార్గదర్శకాలు, రాజ్యాంగ అంశాలను దృష్టిలో ఉంచుకుని ఈ ఉత్తర్వును పునఃపరిశీలించాలని గవర్నర్‌ సూచించారు. కేంద్ర హోం శాఖ వందేమాతరం అధికారిక వెర్షన్‌ను ఆయన గుర్తుచేశారు. రాష్ట్ర ప్రభుత్వం ప్రత్యేకంగా సవరణలు చేయడానికి ఎలాంటి నిబంధన లేదని గవర్నర్‌ స్పష్టం చేశారు. వందేమాతరం గీతాన్ని రెండు పంక్తులు పాడితే చాలని ఇటీవల డీకే సర్కారు ఆదేశించడం తెలిసిందే. దీనిపై ప్రతిపక్ష బీజేపీ ఆగ్రహం వెలిబుచ్చింది.

దొడ్డబళ్లాపురం: అక్రమంగా నాటు తుపాకులను తయారు చేస్తున్న కంత్రీ ముఠాని బెంగళూరు వద్ద ఆనేకల్‌ పట్టణ పోలీసులు అరెస్టు చేశారు. వారి నుంచి 7 పిస్టళ్లు, 10 తూటాలను స్వాధీనం చేసుకున్నారు. మధ్యప్రదేశ్‌కు చెందిన జబల్‌పూర్‌ జిల్లా బేడఘాట్‌ గ్రామం నివాసి ప్రదీప్‌ రమేశ్‌, బెంగళూరు కేజీ హళ్లి నివాసి కుళ్ల రిజ్వాన్‌, ఆనేకల్‌ నివాసులు మనోజ్‌, వెంకటరాజు, శివరాజ్‌, నంజప్ప, గోపి అరెస్టయ్యారు. ముఠా సూత్రధారి దావూద్‌ అనే నిందితుడు పరారీలో ఉన్నట్టు పోలీసులు తెలిపారు. ఇలా దొరికాడు పోలీసులు తెలిపిన మేరకు... జబల్‌పూర్‌ దావూద్‌ బెంగళూరుతోపాటు అనేక ప్రాంతాలకు నాటు తుపాకులను సరఫరా చేసేవాడు. అనుచరుడు ప్రదీప్‌ రమేశ్‌ ద్వారా మూడు పిస్టళ్లు, 10 బుల్లెట్లు ఇచ్చి రైలులో ఆనేకల్‌కు పంపించాడు. రైలు దిగి సమీపంలోని నీలగిరి తోటలో కస్టమర్‌ల కోసం వేచి చూస్తుండగా పోలీసులు చూసి అనుమానంతో ప్రశ్నించారు. దీంతో పారిపోతుండగా వెంబడించి పట్టుకున్నారు. నిందితుని నుంచి సేకరించిన సమాచారంతో, ఆ ఆయుధాలను ఆర్డర్‌ చేసిన స్థానిక రౌడీలను అరెస్టు చేశారు. సోదాల్లో మనోజ్‌, కుళ్ల రిజ్వాన్‌ల వద్ద ఒక్కో పిస్టల్‌ లభించాయి. వాటిని చూపించి దందాలకు పాల్పడుతున్నట్లు తేలింది. నిందితులపై కోకా చట్టం కింద కేసు నమోదు చేశారు. మధ్యప్రదేశ్‌ జబల్‌పూర్‌ నుంచి బెంగళూరుకు! ఆరుగురు నేరగాళ్లు, ఎంపీవాసి అరెస్టు

హొసపేటె: వర్షాకాలంలో కూడా మండే ఎండలు ఏర్పడంతో చాలా రోజులుగా వర్షాలు లేకపోవడంతో చేతికి వచ్చిన పంటలు ఎండిపోతున్న సమయంలో సోమవారం రాత్రి విజయనగర జిల్లాలో కురిసిన భారీ వర్షాలతో పంటలకు ఎంతో మేలు జరిగింది. నిరాశలో కూరుకు పోయిన రైతుల కళ్లల్లో రాత్రి కురిసిన భారీ వర్షం ఆనందం కలిగించింది. జిల్లాలోని కూడ్లిగి శివారులో రాత్రి 8 గంటలకు అకస్మాత్తుగా కుండపోత వర్షం మొదలై గంటకు పైగా కురిసింది. ఫలితంగా కూడ్లిగి పట్టణానికి వెలుపల జాతీయ రహదారి–50పై నీరు ఏరులా పారి మోకాలి లోతు వరకు చేరి వాహన రాకపోకలకు అంతరాయం కలిగించింది. భారీ వర్షం హోరుకు వాహనదారులు ఎటు వెళ్లలేక తమ వాహనాలను రోడ్డు పక్కన నిలిపివేశారు. ఆ తర్వాత వర్షపు నీరు తగ్గుముఖం పట్టింది. కూడ్లిగి వద్ద హైవేపై మోకాలి లోతున నీరు ట్రాఫిక్‌ జామ్‌లో చిక్కుకుపోయి బారులు తీరిన వాహనాలు

బొమ్మనహళ్లి : రామనగర నగరంలోని జిల్లా స్టేడియంలో జిల్లా పంచాయత్‌, ప్రజా విద్యా శాఖ ఆధ్వర్యంలో నిర్వహించిన అండర్‌–14, అండర్‌–17 ప్రాథమిక, ఉన్నత పాఠశాల విద్యార్థులకు నిర్వహించిన జిల్లా స్థాయి తైక్వాండో క్రీడల్లో 17 మంది స్వర్ణ పతకాలు సాధించారు. వీరిలో 10 మంది బాలురు, 7 మంది బాలికలు యాదగిరిలో జరగనున్న రాష్ట్ర స్థాయి పోటీలకు ఎంపికై నట్లు అధికారులు తెలిపారు. కరువు పరిహారం అందించాలికోలారు: జిల్లాలో తీవ్ర కరువు పరిస్థితులు నెలకొన్నందున ప్రభుత్వం వెంటనే కరువు పరిహార నిధులు అందించాలని, లేకుంటే బెంగళూరు చలో నిర్వహిస్తామని జేడీఎస్‌ నాయకుడు సీఎంఆర్‌ శ్రీనాథ్‌ హెచ్చరించారు. మంగళవారం కరువు పరిహార నిధుల కోసం జేడీఎస్‌ ఆధ్వర్యంలో నగరంలోని మెక్కె సర్కిల్‌లో ఏర్పాటు చేసిన ధర్నాలో పాల్గొని మాట్లాడారు. కోలారు జిల్లాలో ఈసారి తీవ్ర కరువు పరిస్థితులు నెలకొని ఉన్నాయన్నారు. ప్రజలకు తాగునీరు లభించడం కూడా కష్టంగా మారిందన్నారు. ఇలాంటి సమయంలో ప్రభుత్వం కరువు పరిస్థితులను నిర్వహించడంలో పూర్తిగా విఫలమైందని ఆరోపించారు. కరువు సమయంలో రైతులను ఆదుకోడానికి ప్రభుత్వం ముందుకు రావాలన్నారు. అనంతరం తహసీల్దార్‌ కార్యాలయం వద్ద ధర్నా నిర్వహించి తహసీల్దార్‌ ద్వారా ప్రభుత్వానికి వినతిపత్రం సమర్పించారు.విద్యార్థిని ఆత్మహత్య పావగడ: పట్టణ పోలీస్‌ స్టేషన్‌ పరిధిలోని ఆర్‌ హొసకోటె గ్రామానికి చెందిన పీయూసీ విద్యార్థిని లిఖిత(18) ఉరి వేసుకుని ఆత్మహత్యకు పాల్పడింది. గ్రామానికి చెందిన శివణ్ణ, గీత దంపతుల కుమార్తె లిఖిత స్నానానికి స్నానపు గదిలోకి వెళ్లింది. అయితే ఎంత సేపటికీ బయటకు రాకపోవడంతో అనుమానం వచ్చి తల్లి గీత స్నానపు గది తలుపులు తెరవడంతో లిఖిత ఉరికి వేలాడుతూ కనిపించింది. వెంటనే స్థానిక ప్రభుత్వ ఆస్పత్రికి ఆమెను తరలించగా అప్పటికే మృతి చెందిందని వైద్యులు ధ్రువీకరించారు. ఘటనపై స్థానిక పోలీసులు కేసు నమోదు చేసుకుని దర్యాప్తు చేపట్టారు. కుమార్తె మృతితో తల్లిదండ్రులు రోదనలు చూపరులందరికీ కన్నీళ్లు తెప్పించాయి.

రాయచూరు రూరల్‌: జిల్లాలో తుంగభద్ర ఎడమ కాలువ నుంచి ఆయకట్టు చివరి భూములకు నీరు వదలాలని డిమాండ్‌ చేస్తూ కాలువపై ఆందోళన చేపట్టారు. మంగళవారం సింధనూరు తాలూకా గాంధీనగర్‌ 36వ నంబరు ఉప కాలువ వద్ద చేపట్టిన ఆందోళనలో మాజీ మంత్రి వెంకట్రావ్‌ నాడగౌడ, శాసన సభ్యుడు హంపన గౌడ బాదర్లి, మాజీ ఎంపీ కే.విరుపాక్షప్ప మాట్లాడారు. జిల్లాధికారిణి పూవిత ఈనెల 22న కాలువలకు నీరు బంద్‌ చేయాలని ఆదేశించిన ఉత్తర్తులను ఖండిస్తూ తుంగభద్ర ఎడమ కాలువలో నీటి సామర్థ్యాన్ని తెలిపే గేజ్‌ నిర్వహణకు చర్యలు తీసుకోవాలన్నారు. 32, 36వ ఉప కాలువలను బంద్‌ చేయకుండా నీరు యథావిధిగా ప్రవహించేలా రైతులు చేతులు కల్పి పోరాడేఉతున్నా కింది భాగానికి నీరు అందక పోవడంపై విరుచుకు పడ్డారు. 69 వేల ఎకరాలకు నీరందించాలంటే 389 క్యూసెక్కుల నీటిని విడుదల చేయాలన్నారు. కాలువ పైభాగంలో అక్రమంగా వేసుకున్న పైపులను తొలగించాలన్నారు. కొప్పళ జిల్లా ఇంచార్జి మంత్రి శివరాజ్‌ తంగడిగి నీటిని కింది భాగానికి వదలకుండా అడ్డుకుంటున్నట్లు ఆరోపించారు. ఎలాంటి అవాంఛనీయ ఘటనలు జరుగకుండా గట్టి పోలీసు భద్రతను కల్పించారు. లింగసూగూరు ఏసీ నాగేంద్ర బాబు, డీఎస్పీ చంద్రశేఖర్‌లకు పైఅధికారులతో చర్చించాలని నేతలు డిమాండ్‌ చేశారు. తుంగభద్ర ఎడమ కాలువ వద్ద గుమికూడిన రైతులు సాగు నీటి కోసం ఆందోళనలో పాల్గొన్న రైతులు జిల్లాధికారిణి వ్యవహారశైలిని ఖండిస్తూ ధర్నా బైటాయించిన కాంగ్రెస్‌, బీజేపీ, జేడీఎస్‌ నేతలు ఉప కాలువలకు వెంటనే నీరు అందించాలని డిమాండ్‌

● రూ.కోట్లలో వ్యాపార లావాదేవీలు ● పట్టించుకోని ఉన్నతాధికారులు రాయచూరు రూరల్‌: ప్రజలకు రక్షణ కల్పించాల్సిన రక్షక భటుడే కాల యముడిగా మారి రియల్‌ ఎస్టేట్‌ వ్యాపారం చేస్తూ రూ.కోట్లలో వ్యాపార లావాదేవీలు నిర్వహిస్తున్న రక్షక భటుడి వ్యవహారంపై కళ్లున్నా కబోదిలా ఎస్పీ అరుణాంగ్శు గిరి వ్యవహరిస్తున్నారు. లింగసూగూరు పోలీస్‌ స్టేషన్‌లో విధులు నిర్వహిస్తున్న విజయ్‌ కుమార్‌ కుటుంబ సభ్యుల పేరు మీద ఆదాయానికి మించి ఆస్తులు, భూములు సంపాదించినట్లు ఆరోపణలు వినిపిస్తున్నాయి. విజయ్‌ కుమార్‌ కుటుంబం ఆర్‌ఓ ప్లాంట్‌, బార్‌ అండ్‌ రెస్టారెంట్‌ను నడుపుతున్నా పోలీస్‌, జిల్లా పాలన యంత్రాంగం నిమ్మకు నీరెత్తినట్లు వ్యవహరిస్తోంది. లారీ ఢీకొని వ్యక్తి మృతి క్రిష్ణగిరి: ద్విచక్ర వాహనాన్ని లారీ ఢీకొన్న ప్రమాదంలో యువకుడు మృతి చెందాడు. ఈ ఘటన క్రిష్ణగిరి డ్యాం పోలీస్‌ స్టేషన్‌ పరిధిలో చోటు చేసుకుంది. వివరాల మేరకు.. తిరుపత్తూరు జిల్లా జల్లియూరు గ్రామానికి చెందిన భూపతి కొడుకు తమిళరసన్‌ (23) కూలి పనులు చేసుకుంటూ జీవనం సాగిస్తున్నాడు. సోమవారం మిత్రుడు గోపినాథ్‌తో కలిసి బైక్‌లో క్రిష్ణగిరి డ్యాంకు వెళ్లాడు. సాయంత్రం తిరిగి వెళ్తుండగా సోక్కాడి వద్ద వీరు ప్రయాణిస్తున్న బైక్‌ను లారీ ఢీకొట్టింది. ఈ ప్రమాదంలో తీవ్రంగా గాయపడిన ఇద్దరిని స్థానికులు చికిత్స కోసం క్రిష్ణగిరి ప్రభుత్వ ఆస్పత్రికి తరలించారు. చికిత్స పొందుతూ తమిళరసన్‌ మృతి చెందాడు. ఈ ఘటనపై క్రిష్ణగిరి డ్యాం పోలీసులు కేసు నమోదు చేసుకుని విచారణ జరుపుతున్నారు. గంజాయి స్వాధీనం కేజీఎఫ్‌: మాదక ద్రవ్యాల విక్రయం కేసులో నిందితులను పోలీసులు అరెస్టు చేశారు. వారి నుంచి 792 గ్రాముల గంజాయి స్వాధీనం చేసుకున్నారు. తాలూకాలోని కేసరిహళ్లి క్రాస్‌ సమీపంలో గంజాయి విక్రయిస్తున్న నిందితుడు సంజయ్‌ను అరెస్టు చేసి 480 గ్రాముల గంజాయి పట్టుకున్నారు. అలాగే ఖాదర్‌ లేఅవుట్‌ వద్ద గంజాయి విక్రయిస్తున్న యువరాజ్‌, ప్రసన్నను అరెస్టు చేశారు. వీరి నుంచి 196 గ్రాముల గంజాయి స్వీధీనం చేసుకున్నారు. ఖాదర్‌ లేవుట్‌లో గంజాయి విక్రయిస్తున్న మరో నిందితుడు నూర్‌ మహ్మద్‌ను అరెస్టు చేసి, 116 గ్రాముల గంజాయి సీజ్‌ చేశారు. గంజాయి సేవిస్తున్న వారిపై కేసులు నమోదు చేశారు. ఆత్మరక్షణకు కరాటే అవసరం కోలారు: నగరంలోని జపాన్‌ శిటోరియా రియల్‌ కరాటే పాఠశాలలో రాము మార్షల్‌ ఆర్ట్స్‌ అకాడమి, రోటరీ క్లబ్‌ ఆధ్వర్యంలో అంతర్రాష్ట్ర కరాటే చాంపియన్‌షిప్‌– 2026 పోటీలను డీఎస్పీ కృష్ణప్ప ప్రారంభించారు. ఆత్మరక్షణ కోసం ప్రతి ఒక్కరు కరాటేను నేర్చుకోవాల్సిన అవసరం ఉందని డీఎస్పీ అన్నారు. బాల బాలికలందరూ కరాటేను తప్పనిసరిగా నేర్చుకోవాలన్నారు. కరాటే పోటీల్లో ఆంధ్రప్రదేశ్‌, తమిళనాడు, కర్ణాటక రాష్ట్రాల నుంచి సుమారు 600 మందికి పైగా పాల్గొన్నారు. జపాన్‌ శిటోరియా కరాటే పాఠశాల, రాము మార్షల్‌ ఆర్ట్స్‌ అకాడమి అధ్యక్షుడు కరాటే రాము, తారక మంజునాథ్‌ తదితరులు ఉన్నారు. అక్రమ పదోన్నతిపై చర్యలకు డిమాండ్‌ కోలారు: నకిలీ మార్కుల జాబితా తయారు చేసి పదోన్నతి పొందిన ఎల్‌.అజిత్‌కుమార్‌పై చట్టరీత్యా చర్యలు తీసుకోవాలని డిమాండ్‌ చేస్తూ ద్రావిడ విమోచన సంఘం కార్యకర్తలు మంగళవారం కలెక్టరేట్‌ ఎదుట ధర్నా నిర్వహించారు. అనంతరం డిప్యూటీ కలెక్టర్‌ ఎస్‌ఎం మంగళకు వినతిపత్రం సమర్పించారు. సంఘం రాష్ట్ర అధ్యక్షుడు అనంతకీర్తి మాట్లాడుతూ జిల్లా నగరాభివృద్ధి ప్రాధికార ఫస్ట్‌ గ్రేడ్‌ అసిస్టెంట్‌గా పని చేస్తున్న అజిత్‌కుమార్‌ గతంలో శ్రీనివాసపురం పురసభలో ద్వితీయ శ్రేణి సహాయకులుగా విధులు నిర్వహిస్తున్న సమయంలో 2021వ సంవత్సరం శాఖా పరీక్షకు హాజరై మొత్తం 7 పరీక్షలు రాసినట్లు దాఖలాల ద్వారా తెలిసింది. అయితే అజిత్‌కుమార్‌ నకిలీ మార్కుల జాబితాతో శాఖలో ప్రమోషన్‌ సాధించారని ఆరోపించారు. దీనిపై సమగ్ర దర్యాప్తు జరిపించి అజిత్‌కుమార్‌పై చర్యలు తీసుకోవాలని డిమాండ్‌ చేశారు. కేఎం వాసుదేవ్‌, మంజునాథ్‌, ఎస్‌.సంతోష్‌కుమార్‌, నవీన్‌కుమార్‌ ఉన్నారు. బెస్ట్‌ ఆగ్రోలో కొత్త ఉత్పత్తుల విడుదలసాక్షి,బళ్లారి: మారుతున్న కాలానుగుణంగా వ్యవసాయ రంగంలో రైతులు వినూత్న తరహాలో కొత్త కొత్త పంటలు పండించుకోవడంతో పాటు మంచి దిగుబడులు సాధించేందుకు బెస్ట్‌ ఆగ్రో లైఫ్‌లో నూతన ఉత్పత్తులు విడుదల చేసినట్లు ఆ సంస్థ వైస్‌ ప్రెసిడెంట్‌ సతీష్‌ మల్హోత్రా పేర్కొన్నారు. నగరంలో ఓ హోటల్‌లో బెస్ట్‌ ఆగ్రో లైఫ్‌ సంబంధించి నూతన ఉత్పత్తులను విడుదల చేశారు. రైతులు, డీలర్లు, కంపెనీ సిబ్బంది పెద్ద సంఖ్యలో పాల్గొని వ్యవసాయ రంగంలో మంచి పంటలు పండించడానికి ఈ ఉత్పత్తులు ఉపయోగపడతాయన్నారు. మంచి దిగుబడులు సాధించేందుకు, శక్తివంతమైన నేలను మార్చడానికి, రకరకాల తెగుళ్ల నివారణకు ఈ మందులు దోహదం చేస్తాయని గుర్తు చేశారు. ఉత్తర కర్ణాటక జోన్‌ ఇన్‌చార్జి రవీంద్రబాబు, దక్షిణ జోన్‌ ఇన్‌చార్జి చేతన్‌ కుమార్‌, సౌత్‌ బిజినెస్‌ హెడ్‌ సిద్దప్ప రెడ్డి, హర్షవర్ధన్‌రెడ్డి పాల్గొన్నారు.

సాక్షి,బళ్లారి: నగరంలోని ఇన్నారెడ్డి కాలనీలో దొంగలు తమ చేతివాటాన్ని చూపారు. ఓ ఇంటి కిటికీ గ్రిల్‌ కత్తిరించి, బీరువాలో భద్రపరిచిన రూ.20 లక్షల బంగారం, ఓ వెండి ఆభరణాలను దొంగలించారు. సోమవారం రాత్రి నగరంలోని వ్యాపారి ఎం.శ్రీధర్‌ ఇంట్లో కుటుంబ సభ్యులంతా కింద అంతస్తులో పడక గదిలో నిద్రిస్తుండగా పక్కనే ఉన్న మరో పడక గది కిటికీ గ్రిల్‌ను కత్తిరించి ఇంట్లోకి ప్రవేశించారు. లాకర్‌లో ఆభరణాలతో పరారీ అనంతరం గదిలో బీరువా తాళం ఉపయోగించి లాకర్‌ తెరిచి అందులో ఉన్న బంగారు, వెండి ఆభరణాలు, నగదును దోచుకెళ్లారు. చోరీకి గురైన ఆభరణాల్లో దాదాపు రూ.3 లక్షల విలువ చేసే గొలుసు, రూ.93 వేలు విలువ చేసే 11 గ్రాముల చైన్‌, రూ.1.50 లక్షల విలువ చేసే 17 గ్రాముల రెండు గాజులు, రూ.44 వేలు విలువ చేసే 6 గ్రాముల చిన్న బ్రాస్‌లెట్‌ ఇలా చిన్న చిన్న బంగారు ఆభరణాలు, వెండి మొత్తం స్వాహా చేసి గుట్టు చప్పుడు కాకుండా పరారయ్యారు. ఎస్పీ తదితరుల పరిశీలన దాదాపు రూ.20 లక్షల విలువ చేసే 212 గ్రాముల బంగారు, ఒక కేజీ వెండి దీపాలతో కలిపి 1200 గ్రాముల వెండి ఆభరణాలు చోరీకి గురైనట్లు పోలీసులు పేర్కొన్నారు. ఈ ఘటన సమాచారం తెలిసిన వెంటనే ఎస్పీ సుమన్‌ పన్నేకర్‌, పోలీసు సిబ్బంది ఘటనా స్థలానికి చేరుకొని ఇంట్లోకి దొంగలు చొరబడిన తీరును, బంగారు ఆభరణాలు చోరీ చేసిన ప్రాంతాన్ని పరిశీలించారు. కాగా నగరంలో ఇటీవల మళ్లీ దొంగల బెడద ప్రారంభం కావడంతో నగర వాసులు తీవ్ర భయాందోళన చెందుతున్నారు. రూ.20 లక్షల విలువైన ఆభరణాలు చోరీ దొంగల బెడదతో భయాందోళనలో ప్రజలు

బళ్లారి రూరల్‌ : ఇటీవల నెల రోజుల్లో 12 మంది మాదిగలు హత్యలకు గురయ్యారు. ఈ ఘటనలపై ప్రభుత్వం నిర్లక్ష్య ధోరణిని ప్రదర్శిస్తోందని కర్ణాటక ప్రదేశ మాదిగర సంఘం రాష్ట్ర అధ్యక్షుడు ప్రభురాజ్‌ కొడ్లి ఆరోపించారు. మంగళవారం పత్రికా భవన్‌లో ఏర్పాటు చేసిన సమావేశంలో పాల్గొని ఆయన మాట్లాడారు. తుమకూరు జిల్లా మధుగిరి తాలూకా కసాపుర గ్రామంలో గణేశ నిమజ్జనంలో సింహాద్రి అనే వ్యక్తి హత్యకు గురయ్యాడు. అస్పృశ్యులు గణేశ్‌ ఊరేగింపులో పాల్గొనరాదని ఆంక్షలు విధించారు. హత్య వెనుక మహిళతో అక్రమ సంబంధం ఉన్నట్లు ఆరోపణలు వస్తున్నాయి. అందువల్ల సీఐడీ దర్యాప్తు చేపట్టాలి. సిట్‌ ఏర్పాటు చేసి నిజానిజాలు బయటపెట్టాలని తెలిపారు. నిరంతరం దళిత వర్గాలపై అత్యాచారాలు, హత్యలు జరుగుతున్నాయి. ఈ ఘటనపై ప్రభుత్వం నిష్పక్షపాతంగా తనిఖీలు చేపట్టడం లేదు. ఈ నేపథ్యంలో మును ముందు సీఎం, హోంమంత్రి ఇళ్లను ముట్టడిస్తామని తెలిపారు. రాష్ట్ర హోం మంత్రి దళితుడైనా దళితుల రక్షణకు లేదని తెలిపారు. పత్రికా సమావేశంలో సంఘం ప్రముఖులు లక్ష్మణ బండారి, రాజేశ్‌, ఎస్‌.మలెయప్ప, శివశంకర్‌ యర్రగుడి, ప్రతాప్‌ అసుండి, అడవి స్వామి, కప్పగల్లు మునియప్ప తదితరులు పాల్గొన్నారు.

హొసపేటె: కమ్యూనిస్ట్‌ పార్టీ ఆఫ్‌ ఇండియా మార్క్సిస్ట్‌(సీపీఎం) తాలూకా కమిటీ ఆధ్వర్యంలో కార్యకర్తలు మంగళవారం తహసీల్దార్‌ కార్యాలయం ముందు వివిధ డిమాండ్లను నెరవేర్చాలని ఒత్తిడి చేస్తూ నిరసన చేపట్టారు. సీపీఐ(ఎం) కార్యకర్తలు అక్రమ టోల్‌ వసూళ్లకు వ్యతిరేకంగా నిరసన తెలిపారు. నిరసన చేస్తున్న సీపీఎం నాయకుల అరెస్టును ఖండించారు. రాయచూరులో దళిత మహిళపై జరిగిన హత్యాచారం, హత్య కేసులో నిందితులకు తగిన శిక్ష విధించడంతో సహా వివిధ డిమాండ్లను పరిష్కరించాలని డిమాండ్‌ చేశారు. అనంతరం వారు తహసీల్దార్‌ ద్వారా ముఖ్యమంత్రికి వినతి పత్రాన్ని అందించారు. సీపీఎం జిల్లా కార్యదర్శి ఆర్‌.భాస్కర్‌రెడ్డి మాట్లాడుతూ రాష్ట్ర హైకోర్టు ఆదేశాల మేరకు నైస్‌ కంపెనీ స్వాధీనం చేసుకున్న భూమిని రైతులకు తిరిగి ఇవ్వాలని, అక్రమ టోల్‌ వసూళ్లను నిలిపి వేయాలని అన్నారు. సీపీఎం రాష్ట్ర కార్యదర్శి కే.ప్రకాష్‌, కే.నాగరత్నమ్మ, ఎం.గోపాల్‌, ఏ.కరుణానిధి, బీ.రమేష్‌కుమార్‌, హేమంత్‌, ఈ.మంజునాథ్‌, వీ.స్వామి, కేఎం.స్వప్న, ఎస్‌.యల్లమ్మ, శకుంతల, ఎం.జంబయ్య నాయక్‌, బీ.తాయప్పనాయక్‌, కార్యకర్తలు పాల్గొన్నారు.

రాయచూరు రూరల్‌: రాష్ట్రంలోని ఆయుర్వేద, యునాని ఆస్పత్రుల్లో విధులు నిర్వహించే ఆయుష్‌ వైద్యులపై నిరంతరం దాడులు చేయడం తగదని ఆయుష్‌ ఫెడరేషన్‌ ఆఫ్‌ ఇండియా ఆందోళన చేపట్టింది. మంగళవారం నగరసభ కార్యాలయం వద్ద చేపట్టిన ఆందోళనలో సంచాలకుడు శ్రీకాంత్‌ మాట్లాడారు. గ్రామీణ ప్రాంతంలో ఆరోగ్య సేవలు చేయాలనే సదాశయంతో విధులు నిర్వహించే వైద్యులకు ఆర్టీఐ కార్యకర్తల నుంచి భయం ఉందని, అలాంటి వారిపై జిల్లా పాలన యంత్రాంగం చర్యలు చేపట్టాలని కోరారు. ఇటీవల జిల్లాలో దాడులు అధికమయ్యాయని, తమకు న్యాయం జరిగేంత వరకు ఆందోళన కొనసాగిస్తామన్నారు. ఆందోళనలో ఆనంద్‌, మోహన్‌ బిరాదార్‌, సునీల్‌ హిరేమట్‌లున్నారు. సహకార సంఘం అధికారి ఆత్మహత్య రాయచూరు రూరల్‌: ప్రాథమిక సహకార సంఘం ముఖ్య కార్యదర్శి ఆత్మహత్య చేసుకున్న ఘటన రాయచూరు జిల్లాలో చోటు చేసుకుంది. మెదికినాళ ప్రాథమిక సహకార సంఘంలో ముఖ్య కార్యదర్శిగా విధులు నిర్వహిస్తున్న బసవరాజ్‌(40) సోమవారం రాత్రి లింగసూగూరు తాలూకా మెదికినాళలో వేప చెట్టుకు ఉరేసుకుని ఆత్మహత్యకు పాల్పడ్డాడు. బసవరాజ్‌ వ్యాపారాలు చేయడానికి కొంత మంది నుంచి అప్పు తీసుకున్నారు. తీసుకున్న అప్పులను తీర్చాలని అప్పులిచ్చినవారు ఒత్తిడి చేశారు. మరో వైపు రాయచూరు జిల్లా సహకార కేంద్ర బ్యాంక్‌ మస్కి బ్రాంచ్‌ మేనేజర్‌ నాగరత్న డబ్బులు తీసుకొని ఉద్యోగం లేదా డబ్బులు వాపస్‌ ఇవ్వక పోవడంతో మనస్తాపం చెంది ఈ దుర్ఘటనకు పాల్పడినట్లు మస్కి పోలీసులు తెలిపారు. కేసు నమోదు చేసుకుని దర్యాప్తు చేస్తున్నట్లు డీఎస్పీ దత్తాత్రేయ కర్నాడ్‌ వివరించారు. పిడుగుపాటుకు నలుగురు మృతి రాయచూరు రూరల్‌: కళ్యాణ కర్ణాటక, ఉత్తర కర్ణాటకలో సోమవారం రాత్రి ఉరుములు, పిడుగులతో కూడిన వర్షాలు కురిశాయి. కళ్యాణ కర్ణాటకలోని కలబుర్గి జిల్లాలో ఇద్దరు మహిళలు, ఉత్తర కర్ణాటకలో ఇద్దరు మరణించారు. ఉత్తర కర్ణాటకలోని బెళగావి జిల్లా యరగట్టి తాలూకా మద్దూరులో మొక్కజొన్నల కల్లం చేయడానికి వెళ్లిన రైతులను కేదారప్ప బసప్ప(47) భీమప్ప కేదారప్ప(45)లుగా గుర్తించినట్లు తహసీల్దార్‌ గుండప్ప వెల్లడించారు. కళ్యాణ కర్ణాటకలోని కలబుర్గి జిల్లా కమలాపూర్‌ తాలూకా నాగూర్‌లో లక్ష్మి గుత్తేదార్‌(45), కూలీ కార్మికురాలు శహజాద్‌ బీ(60) పొలంలో పనులు చేస్తుండగా పిడుగుపాటుకు గురై మరణించారని పోలీసులు తెలిపారు. ఫార్మసిస్టుల పాత్ర అమోఘం రాయచూరు రూరల్‌: వైద్య రంగంలో నిరంతర అధ్యయనంతో పాటు ఆరోగ్య రంగంలో ఫార్మసిస్టుల పాత్ర అమోఘమని నవోదయ వైద్య కళాశాల ప్రిన్సిపాల్‌ గురుదత్త పవార్‌ పేర్కొన్నారు. నవోదయ ఫార్మసీ వైద్య కళాశాలలో జరిగిన నూతన ఫార్మసీ విద్యార్థుల ప్రవేశం సందర్భంగా పాఠ్యాంశాలపై విద్యార్థుల నుద్దేశించి ఆయన మాట్లాడారు. విద్యార్థులు త్వరిత గతిన ఫలితాలు పొందాలనే ఆశ ఉన్నా దానికి తగ్గట్టు విద్యనభ్యసించ లేకపోతున్నారన్నారు. నవోదయ వైద్య కళాశాల అందిస్తున్న వైద్యసేవలు అనన్యమన్నారు. పేదలకు ఉచిత సేవలు చేయడం అభినందనీయమన్నారు. వైద్య కళాశాల ప్రిన్సిపాల్‌ దొడ్డయ్య, రామ్‌మోహన్‌ గుప్త, ప్రకాష్‌, కౌశిక్‌ రెడ్డి, రేవణసిద్దప్ప, చంద్రమౌళి, సురేష్‌బాబు, సర్ఫరాజ్‌లున్నారు. పోషణ్‌ మాసోత్సవం హొసపేటె: జిల్లాలోని హొసపేటె తాలూకా గాదిగనూరు పోలీసు స్టేషన్‌ పరిధిలోని పాపినాయకనహళ్లి గ్రామంలోని అంగన్‌వాడీ కేంద్రం–4లో మహిళా, శిశు సంక్షేమ శాఖ మంగళవారం పోషణ్‌ మాసోత్సవం నిర్వహించింది. జోనల్‌ సూపర్‌వైజర్‌ లక్ష్మిదేవి, ఆయుర్వేద వైద్యాధికారి హేమలత, పాఠశాల ప్రధానోపాధ్యాయుడు హేమారెడ్డితో పాటు గర్భిణులు, బాలింతలు, అంగన్‌వాడీ కార్యకర్తలు హాజరయ్యారు.

సాక్షి,బళ్లారి: నగరంలోని ఐటీఐ కళాశాలలో ఈనెల 25 నుంచి మూడు రోజుల పాటు గృహ నిర్మాణాలకు సంబంధించి అన్ని వర్గాలకు అందుబాటులో ఉండేలా అన్ని రకాల గృహ నిర్మాణ సామగ్రిని ప్రదర్శిస్తున్నట్లు జిల్లా ఇంజనీర్స్‌ అండ్‌ కన్సల్టెంట్స్‌ బళ్లారి అసోసియేషన్‌, సివిల్‌ ఇంజనీర్స్‌ అసోసియేషన్‌ అధ్యక్షుడు సత్యనారాయణ పేర్కొన్నారు. ఆయన సోమవారం నగరంలో విలేకరులతో మాట్లాడారు. సర్‌ ఎం.విశ్వేశ్వరయ్య జయంతిని పురస్కరించుకుని నగరంలోని పెద్ద ఎత్తున కార్యక్రమం నిర్వహిస్తున్నామన్నారు. ఉదయం 10 నుంచి రాత్రి 9.30 గంటల వరకు ప్రదర్శన ఉంటుందన్నారు. ఇంటి నిర్మాణానికి ఉపయోగించే అన్ని రకాల సామగ్రిని ప్రదర్శిస్తారన్నారు. తక్కువ ధరకే ఇళ్లు ఎలా నిర్మించాలో ఇక్కడ తెలుసుకునేందుకు వీలవుతుందన్నారు. నగర వాసులు ప్రదర్శన వీక్షించి లబ్ధి పొందాలన్నారు. అసోసియేషన్‌ ప్రముఖులు శశిధర్‌, గజేంద్ర, రాకేష్‌, నిరంజన్‌, సుభాష్‌ తదితరులు పాల్గొన్నారు.

రాయచూరు రూరల్‌: గ్రామీణ ప్రాంతాల్లోని పేద పిల్లలు ఉన్నత చదువుల కోసం పట్టణాలకు వస్తే విద్య అలవడుతుందని హాస్టల్‌లో ఉండి చదువుకునే విద్యార్థులు అసౌకర్యాల మధ్య సరైన వెలుతురు లేక చిరిగిన గోనె సంచులతో కిటికీలకు తెరలు కట్టిన ఉదంతం నగరంలో వెలుగు చూసింది. హాస్టల్‌కు సరైన తాగునీటి సౌకర్యం కల్పించలేదు. బిజినగేర రోడ్డులోని డాక్టర్‌ బీ.ఆర్‌.అంబేడ్కర్‌ హాస్టల్‌లో ఇంటర్‌, డిగ్రీ, వృత్తి విద్యా కోర్సులు చదివే 154 మంది విద్యార్థులకు, 54 గదులు కేటాయించారు. హాస్టల్‌ వార్డెన్‌ మహబూబ్‌ తనకేమీ సంబంధం లేదన్నట్లుగా వ్యవహరిస్తున్నారు. అటవీ ప్రాంతంలో కొండగుట్టలపై హాస్టల్‌ ఉంది. రాత్రి వేళ విద్యుత్‌ కోత విధిస్తే జనరేటర్‌ను ఉపయోగించడం లేదని విద్యార్థులు వాపోయారు. మరుగుదొడ్లు, స్నానపు గదులు శుభ్రం చేయకుండా అలాగే వదిలేశారు. సోలార్‌ ఉన్నా.. ఉపయోగం లేదన్నా.. హాస్టల్‌ పైభాగంలో సోలార్‌ విద్యుత్‌ సౌకర్యం ఉన్నా ఉపయోగించకుండా నిర్లక్ష్యంగా ఉన్నారు. విద్యుత్‌ పరికరాలకు సంబంధించిన వైర్లు బోర్డు నుంచి బయటకొచ్చినా, స్విచ్‌లు విరిగిపోయినా వాటికి మరమ్మతు పనులు చేపట్టకుండా వదిలేయడంతో ఏ సమయంలో విద్యుత్‌ వైర్లు షాక్‌ కొడతాయో అనే భయం విద్యార్థుల్లో నెలకొంది. గదులకు సరైన తలుపులు లేవు. విద్యుత్‌ బల్పులు అమర్చకుండా, ఫ్యాన్లు వేయకుండా వార్డెన్‌ నిర్లక్ష్యం వహిస్తున్నారు. మూడంతస్థుల భవనంలో వర్షపు నీరు వచ్చినా పట్టించుకోక పోవడంతో విద్యార్థులు ఇబ్బందులకు గురవుతున్నారు. ఈ విషయంలో నిమ్మకు నీరెత్తినట్లు వ్యవహరిస్తున్న సాంఘీక సంక్షేమ శాఖ జిల్లా, తాలూకా స్థాయి అధికారులు ఇకనైనా మేలుకోవాల్సి ఉంది. అస్తవ్యస్తంగా డాక్టర్‌ బీఆర్‌ అంబేడ్కర్‌ బాలుర హాస్టల్‌ అసౌకర్యాల మధ్య పేద గ్రామీణ విద్యార్థులు సతమతం

రాయచూరు రూరల్‌: మహిళల ఉజ్వల భవిష్యత్తుకు సహనం పునాది కావాలని కొప్పళ కవయిత్రి రాజేశ్వరి అభిప్రాయ పడ్డారు. నగరంలోని కన్నడ భవనంలో కసాప ఏర్పాటు చేసిన దత్తి ఉపన్యాస కార్యక్రమంలో అవార్డును అందుకుని ఆమె మాట్లాడారు. కవులు, సాహితీవేత్తల ప్రతిభకు తార్కాణంగా మహిళలు భవిష్యత్తును రూపొందించుకోవాలన్నారు. రంగణ్ణ, రావుతరావ్‌, రాజేంద్ర, వసంత్‌ కుమార్‌, మంజునాథ్‌, యశోద, దండెప్ప బిరాదార్‌లున్నారు. పేదలకు ఇళ్లు మంజూరు చేయరూ రాయచూరు రూరల్‌: రాష్ట్ర ప్రభుత్వ దేవరాజ్‌ అరసు మండలి, ప్రధానమంత్రి ఆవాస్‌ పథకంలో వెనుక బడిన వర్గాల శాఖ నుంచి మురికివాడల ప్రజలకు ఇళ్లు మంజూరు చేయాలని మురికి వాడల వేదిక డిమాండ్‌ చేసింది. సోమవారం సిటీ కార్పొరేషన్‌ కార్యాలయం వద్ద చేపట్టిన ఆందోళనలో సంచాలకుడు జనార్దన్‌ మాట్లాడారు. వీధి వ్యాపారస్తులు, కుష్టురోగులు, దివ్యాంగులు, సఫాయి కర్మచారులు, దేవదాసీ మహిళలు, వితంతువులు, పేదలు ఇళ్లు నిర్మించుకోడానికి రెండేళ్ల క్రితమే దరఖాస్తు చేసుకున్నా అధికారులు నిరక్ష్యం వహిస్తున్నారని ఆరోపించారు. ప్రభుత్వం వెంటనే స్పందించి ఇళ్లు మంజూరు చేయాలని కోరుతూ స్థానికాధికారికి వినతిపత్రం సమర్పించారు. పిల్లల భవిష్యత్తుకు టీచర్లు పునాది రాయచూరు రూరల్‌: పిల్లల ఉజ్వల భవిష్యత్తుకు ఉపాధ్యాయులు పునాది కావాలని రాయచూరు మహర్షి వాల్మీకి విశ్వ విద్యాలయం వైస్‌ చాన్సలర్‌ శివానంద పేర్కొన్నారు. పండిత సిద్దరామ జంబలదిన్ని రంగమందిరంలో సంకుల కలా సంస్థ ఏర్పాటు చేసిన ఉపాధ్యాయ దినోత్సవంలో మాట్లాడారు. విద్యా శాఖలో విధులు నిర్వహించే ఉపాధ్యాయులు పిల్లల సంక్షేమం కోసం పాటుపడాలన్నారు. ప్రతిభకు తార్కాణంగా విద్యార్థులు భవిష్యత్తును రూపొందించాలన్నారు. ఉత్తమ ఉపాధ్యాయులను సన్మానించారు. సతీష్‌, అనిత, సంస్థ అధ్యక్షుడు మారుతి, కార్యదర్శి రేఖ, శ్రీదేవి నాయక్‌, సర్కారీ ఉద్యోగుల సంఘం అధ్యక్షుడు కృష్ణ, బసవరాజ్‌, రాజశేఖర్‌, శివశంకర్‌లున్నారు. డిసెంబర్‌ 12, 13 తేదీల్లో బిదరి ఉత్సవాలు హుబ్లీ: బీదర్‌లోని డాక్టర్‌ చెన్నబసవ పట్టదేవరు జిల్లా రంగమందిరంలో డిసెంబర్‌ 12, 13 తేదీల్లో బిదరి ఉత్సవాలు, రాష్ట్రస్థాయి అవార్డుల ప్రదానోత్సవం ఏర్పాటు చేసినట్లు సాంస్కృతిక వేదిక అధ్యక్షురాలు రేఖా సవది తెలిపారు. సమావేశంలో తీసుకున్న నిర్ణయాలను సోమవారం ఆమె విలేకరులకు వివరించారు. గత కొన్నేళ్లుగా మాదిరిగానే ఈ ఏడాది కూడా కన్నడ సంస్కృతి శాఖ సహకారంతో ఉత్సవాలను నిర్వహిస్తున్నామన్నారు. సీనియర్‌ రచయిత్రి భారతీ వస్త్రద్‌, పుణ్యవతి నిసాది మాట్లాడుతూ బిదరి ఉత్సవాలు జిల్లాకే గర్వకారణమన్నారు. జిల్లా రంగమందిరంలో నిర్వహించడం శుభపరిణామం అన్నారు. విలేకరుల సంఘం జిల్లా అధ్యక్షుడు ఆనంద దేవప్ప తదితరులు పాల్గొన్నారు. కొండముచ్చు తోసేయడంతో వృద్ధురాలు మృతి సాక్షి,బళ్లారి: ఇంటి ముందు నిల్చున్న వృద్ధురాలిపై కొండముచ్చు దాడి చేసి తోసేయడంతో తలకు తీవ్ర గాయాలై మృతి చెందింది. కొప్పళ నగరంలోని నజమున్నీసా బేగం(91) అనే వృద్ధురాలు తన ఇంటి ముందు నిలబడి ఉండగా కొండముచ్చు ఉన్నఫళంగా దాడి చేసి వృద్ధురాలిని తోసేసింది. దీంతో కిందపడటంతో ఆమె తలకు తీవ్ర గాయాయలై మృతి చెందడంపై స్థానికులు తీవ్ర ఆగ్రహం వ్యక్తం చేశారు. నగరంలో పెద్ద సంఖ్యలో ఉన్న కోతుల బెడద నివారణకు అధికారులు తగిన చర్యలు తీసుకోవాలని డిమాండ్‌ చేశారు. కాంగ్రెస్‌ నకిలీ దేశభక్తి తేటతెల్లం హుబ్లీ: ప్రత్యేక అసెంబ్లీ సమావేశాల్లో సోమవారం చట్టాన్ని ఉల్లంఘిస్తూ, వందేమాతరం గీతాన్ని పూర్తిగా పాడకుండా కేవలం రెండు చరణాలే పాడి కాంగ్రెస్‌ తన నకిలీ దేశభక్తిని చాటుకుందని కేంద్ర మంత్రి ప్రహ్లాద్‌ జోషి దుయ్యబట్టారు. సోమవారం ఆయన ట్వీట్‌ చేశారు. జాతీయ గీతానికి దీని వల్ల అవమానం చేశారని ఆరోపించారు. దీంతో కాంగ్రెస్‌ దేశభక్తి బూటకమని తేలిపోయిందన్నారు. ఇది అత్యంత ఖండనీయమన్నారు. కాంగ్రెస్‌కు దేశభక్తి గీతాన్ని చూసి ఎందుకు ఇంత ద్వేషం అన్నారు.

యశవంతపుర: కారు, బైకు, వ్యాన్‌ను ఢీకొనడంతో ముగ్గురు చనిపోగా, ఏడుమంది గాయపడిన ఘటన కొడగు జిల్లా కుశాలనగర– మడికెరి రహదారిలో ఆనెకాడు వద్ద ఆదివారం రాత్రి జరిగింది. మృతులు అదే జిల్లాలోని 7వహొసకోటకు చెందిన ఎలక్ట్రిషియన్‌ రతన్‌ ఉణ్ణి (36), మిత్రుడు ఆదర్శ్‌ (26), బైకిస్టు అటవీశాఖ కాంట్రాక్టు ఉద్యోగి, స్థానికుడు కుమార్‌ (42)గా గుర్తించారు. కారులోని రతన్‌, ఆదర్శ్‌లు నిమజ్జనం చూసుకుని కారులో తిరిగి 7వ హొసకోటకు వెళుతున్నారు. ఓవర్‌టెక్‌ చేయబోయి అదుపుతప్పి ఎదురుగా వస్తున్న బైకును ఢీకొన్నారు, తరువాత మరో వ్యాన్‌ను ఢీకొనడంతో అన్ని వాహనాలు నుజ్జయ్యాయి. కారులోని ఇద్దరు, బైకిస్టు అక్కడే మరణించారు. వ్యాన్‌లోని 7 మంది గాయపడి కుశాలనగర ప్రైవేట్‌ ఆస్పత్రిలో చికిత్స చేశారు. వారి పరిస్థితి విషమంగా ఉండటంతో మైసూరు, మడికెరి ఆస్పత్రులకు తరలించినట్లు పోలీసులు తెలిపారు. ముగ్గురు దుర్మరణం కొడగు జిల్లాలో ప్రమాదం

శ్రీనివాసపురం: తాలూకాలోని నంబిహళ్లి గ్రామంలో ఉన్న సత్యమ్మ దేవి ఆలయంలో అమ్మవారికి సోమవారం దీపోత్సవం, విశేష పూల అలంకరణను వైభవంగా నిర్వహించారు. అర్చకులు దేవిప్రసాద్‌ నేతృత్వంలో విశేష పూజలు జరిగాయి. పెద్ద సంఖ్యలో మహిళలు తలపై దీపాలను మోసుకుని వచ్చి అమ్మవారికి సమర్పించారు. రైతు ఉసురుతీసిన కరువు మైసూరు: చామరాజనగర జిల్లా, గుండ్లుపేట తాలూకాలోని కల్లిగౌడనహళ్లి గ్రామంలో కరువు, అప్పుల భారం భరించలేక ఒక యువ రైతు గడ్డి మందు తాగి ఆత్మహత్య చేసుకున్నాడు. శివన్న, నాగమ్మల కుమారుడు మణికాంత్‌ (24) మృతుడు. తండ్రి ఫిర్యాదు మేరకు నా కుమారుడు పంటలు పండించడానికి వివిధ బ్యాంకుల నుంచి సుమారు రూ. 15–16 లక్షల రుణాలు తీసుకున్నాడు. పంటలు పండకపోవడంతో పాటు కరువు వల్ల బోరు ఎండిపోయింది, మానసిక క్షోభకు గురై గడ్డి మందు తాగి ఆత్మహత్య చేసుకున్నాడు అని పేర్కొన్నారు. ప్రభుత్వం రూ. 5 లక్షల పరిహారం ప్రకటించిందని తహసీల్దార్‌ తన్మయ్‌ తెలిపారు. బెయిలివ్వరూ.. ప్లీజ్‌ యశవంతపుర: చిత్రదుర్గ రేణుకాస్వామి హత్య కేసులో మొదటి నిందితురాలు, పరప్పన జైల్లో ఉన్న నటి పవిత్రగౌడ.. తల్లిదండ్రులు, కూతురి యోగక్షేమాలు చూసుకోవలసి ఉన్నందున బెయిల్‌ను మంజూరు చేయాలని కోర్టులో పిటిషన్‌ దాఖలు చేసింది. ప్రభుత్వ న్యాయవాది అభ్యంతరాలు చెప్పడంతో విచారణను కోర్టు వాయిదా వేసింది. ఈ హత్య కేసు విచారణ సాగుతున్న బెంగళూరు 59న సెషన్స్‌ కోర్టులో సోమవారం బెయిల్‌ అర్జీపై వాదనలు సాగాయి. నాపై వచ్చిన ఆరోపణలు అబద్ధం, అనారోగ్య సమస్యలున్నాయి, కుటుంబాన్ని చూసుకోవాలి అని పవిత్ర పేర్కొంది. నీటి కోసం రైతు గర్జన మైసూరు: కబిని రిజర్వాయర్‌ నుంచి పంట కాలువలకు తక్షణమే నీటిని విడుదల చేయాలని రైతులు కాడా కార్యాలయాన్ని ముట్టడించారు. రైతుల నిరసనకు తలొగ్గిన అధికారుల 27 నుంచి నీరిస్తామని హామీ ఇచ్చారు. కబిని డ్యాంఅచ్చుకట్టు పరిధిలోని రైతులు ర్యాలీగా తరలివచ్చారు. తమిళనాడుకు కావేరి నీటి సరఫరాను నిలిపివేయాలని ప్రభుత్వానికి వ్యతిరేకంగా నినాదాలు చేశారు. తమిళనాడు ముఖ్యమంత్రి సంతోషం కోసం రైతులను మోసం చేసి జలాశయాన్ని ఖాళీ చేసిందని దుయ్యబట్టారు. ఎస్‌ఈ రఘుమూర్తి రైతులతో మాట్లాడారు. కబినిలో తాగునీటికి మాత్రమే సరిపడే నీరుందని చెప్పడంతో రైతులు మండిపడ్డారు. కొంతసేపటికి మరోదఫా చర్చలు సాగాయి. 27 నుంచి నీటిని విడుదల చేస్తామని హామీ ఇవ్వడంతో ధర్నా విరమించారు. కేపీఎస్‌సీపై సిట్‌ దర్యాప్తు: హైకోర్టు బనశంకరి: కేపీఎస్‌సీ పశువైద్యాధికారుల ఉద్యోగాల కుంభకోణంపై హైకోర్టు సీనియర్‌ ఐపీఎస్‌ అధికారి అలోక్‌కుమార్‌ నేతృత్వంలో సిట్‌ను ఏర్పాటు చేసింది. దాఖలైన పిటిషన్లపై సోమవారం న్యాయమూర్తి జస్టిస్‌ ఎం.నాగప్రసన్న విచారించారు. అలోక్‌కుమార్‌ చీఫ్‌గా, అనుభవజ్ఞులైన అధికారులు దివ్యా గోపినాథ్‌, అనూప్‌శెట్టి, కుశాల్‌ చౌక్సీ, శర్మ మిశ్రా సభ్యులుగా సిట్‌ను ఏర్పాటు చేయాలని సర్కారును ఆదేశించారు. ఈ కేసులో ఈడీ అదికారులకు సహకారం అందించాలని జడ్జి ఆదేశించారు. ప్రస్తుతం ఈ కేసును సీఐడీ, ఈడీ దర్యాప్తు చేస్తున్నాయి. వందరోజుల్లో విచారణ జరిపి నివేదిక అందించాలి, ప్రతి నెలకు దర్యాప్తు పురోగతి నివేదిక ఇవ్వాలన్నారు. ఈ సిట్‌కు రాష్ట్ర ప్రభుత్వం ఎలాంటి అడ్డంకులు కల్పించరాదని సూచించారు.

బనశంకరి: వేతన పెంపుతో పాటు వివిధ డిమాండ్లు పరిష్కరించాలని 108 అంబులెన్స్‌ల ఉద్యోగులు రాష్ట్ర ప్రభుత్వానికి ఇచ్చిన 15 రోజుల గడువు సోమవారంతో ముగిసింది. కానీ ప్రభుత్వం నుంచి స్పందన రాకపోవడంతో ఉద్యోగుల్లో ఆగ్రహం వ్యక్తమైంది. మంగళవారం రాత్రి 8 గంటల తరువాత అంబులెన్స్‌లను పూర్తిగా నిలిపివేయాలని తీర్మానించారు. దీంతో 108 సేవలకు అంతరాయం ఏర్పడే అవకాశముంది. ఏటా వేతనం పెంచాలని, సీనియారిటీని చూడాలని, నెల నెలా 7వ తేదీలోగా జీతాలు వేయాలని, విధుల్లో మరణిస్తే రూ.50 లక్షల పరిహారం అందించాలని పలు డిమాండ్లు ప్రకటించారు.కుక్కపిల్లల కోసం వచ్చిన కొండచిలువ శివమొగ్గ: కుక్కపిల్లలను మింగడానికి వచ్చిన ఒక కొండచిలువ దొరికిపోయింది. శివమొగ్గ నగర శివార్లలోని కల్లగంగూర్‌లో జల్లి క్రషర్‌ దగ్గర ఓ ఇంటి వద్ద తల్లి కుక్క పిల్లలను పెట్టింది. ఆదివారం రాత్రి వాటిని స్వాహా చేయాలని ఓ కొండచిలువ వచ్చింది. దానిని చూసి తల్లి కుక్క గట్టిగా మొరగసాగింది. ఏమిటోనని వచ్చిన కార్మికులు కొండచిలువను చూశారు. వారి సమాచారం మేరకు స్నేక్‌ కిరణ్‌ చేరుకుని సుమారు 6 అడుగుల పొడవున్న ఆ కొండచిలువను పట్టుకున్నాడు. తరువాత దానిని దూరంగా వదిలివేశారు.

వందేమాతరం రెండే లైన్లు శివాజీనగర: అసెంబ్లీలో వందేమాతరం గీతాలాపన గురించి కాంగ్రెస్‌, బీజేపీల మధ్య ఘర్షణ జరిగి గందరగోళం నెలకొంది. సభ ప్రారంభంలో వందేమాతరం గీతాన్ని రెండు పంక్తులు పాడి ముగించారు. గీతాన్ని పూర్తిగా ఆలపించాలని బీజేపీ సభ్యులు పట్టుబట్టి, వారే పాడసాగారు. మరోవైపు స్పీకర్‌ జీ.ఎస్‌.పాటిల్‌ రాజ్యాంగ పీఠికను పఠించారు. ఆపై దివంగత ప్రముఖులకు సంతాపం ప్రకటించారు. బీజేపీ సభ్యులు భారత్‌ మాతాకీ జై అని నినాదాలు చేశారు. ఇవి ప్రత్యేక సమావేశాలు కాదు ఇవి ప్రత్యేక సమావేశాల, కొనసాగింపా అనే అంశంపై స్థాయీ ఉత్తర్వులు ఇవ్వాలని విధానసభలో బీజేపీ పక్ష నేత ఆర్‌.అశోక్‌ కోరారు. మంత్రి కృష్ణబైరేగౌడ తాను ఇవ్వబోననడంతో బీజేపీ సభ్యులు అడ్డుపడ్డారు. నిర్ణయం తీసుకోవాల్సింది స్పీకర్‌ కానీ మంత్రి కాదనడంతో వాగ్వాదం జరిగింది. దీనిని ప్రత్యేక సమావేశం అని ఎలా అంటారు? అలాగైతే అలా ఉత్తర్వులు ముద్రించిన వ్యక్తిని మందలించండి. ఇది సమావేశాలకు కొనసాగింపు మాత్రమే అని అశోక్‌ అన్నారు. చివరకు మంత్రి కృష్ణబైరేగౌడ లేచి.. ఇది నా తప్పే, ప్రత్యేక సమావేశంగా కాకుండా, ప్రత్యేక చర్చగా పరిగణించండి అని పేర్కొన్నారు. శివాజీనగర: పశ్చిమ కనుమల పరిరక్షణ గురించి కస్తూరి రంగన్‌ కమిటీ నివేదిక, రాష్ట్రంలో నెలకొన్న కరువు కాటకాలపై చర్చ కోసం సోమవారం అసెంబ్లీ సమావేశాలు ప్రారంభమయ్యాయి. 3 రోజులు సాగే సమావేశాల్లో తొలిరోజే పెద్దఎత్తున రభస చెలరేగింది. అధికార కాంగ్రెస్‌, ప్రతిపక్ష బీజేపీ నువ్వా నేనా అనుకుంటూ సమరానికి కాలు దువ్వాయి. కరువు తీవ్రంగా ఉంది: సీఎం డీకే మొదట సీఎం డీకే శివకుమార్‌ ప్రసంగిస్తూ రాష్ట్రంలో కరువు తీవ్రంగా ఉందని, 200 తాలూకాలు ఇబ్బందుల్లో ఉన్నాయన్నారు. పరిహార చర్యలను చేపడతామని తెలిపారు. బీజేపీ సభ్యులు మాట్లాడుతూ కరువు నివారణ చర్యలు కనిపించడం లేదని ధ్వజమెత్తారు. కస్తూరి నివేదికతో ఏకీభవించం: డీసీఎం డిప్యూటీ సీఎం జీ.పరమేశ్వర్‌ కస్తూరిరంగన్‌ నివేదిక గురించి మాట్లాడుతుండగా బీజేపీ సభ్యులు అడ్డుకోవడంతో స్పీకర్‌ సభను 10 నిమిషాల పాటు వాయిదా వేశారు. కస్తూరి రంగన్‌ నివేదికతో తాము ఏకీభవించడం లేదని రాష్ట్ర ప్రభుత్వం పలుమార్లు లేఖల ద్వారా కేంద్ర ప్రభుత్వానికి తేలియజేసిందని డీసీఎం చెప్పారు. కానీ కేంద్రం పదేపదే నోటిఫికేషన్లు జారీ చేస్తోందని, తాజా నోటిఫికేషన్‌ను కూడా రాష్ట్ర ప్రభుత్వం వ్యతిరేకించిందని చెప్పారు. సీఎం డీకే శివకుమార్‌ ఆ జిల్లాల రైతులు, ప్రజలు, నాయకులతో మాట్లాడారు, ఆ అంశాలపై సభలో సమగ్రంగా చర్చించాల్సిన అవసరం ఉందని పరమేశ్వర్‌ తెలిపారు. కస్తూరి రంగన్‌ నివేదికకు ప్రతిపక్షాలు అనుకూలంగా ఉన్నాయా? అనేది చెప్పాలని కోరారు. చెప్పకపోతే అనుకూలమే అనే సందేశం వెళ్తుందని అన్నారు. దీంతో బీజేపీ సభ్యులు తలోమాట అనడంతో కోలాహలం నెలకొంది.వాయిదా తీర్మానంపై మళ్లీ రభస కస్తూరి రంగన్‌ నివేదిక మీద బీజేపీ పక్ష నేత ఆర్‌.అశోక్‌ వాయిదా తీర్మానాన్ని ప్రవేశపెట్టబోగా, మంత్రి కృష్ణబైరేగౌడ ఆ తీర్మానం అవసరం లేదని అన్నారు. ఇప్పుడు ప్రత్యేక చర్చ జరుగుతోందని చెప్పగా, బీజేపీ సభ్యులు తీర్మానం కోసం భీష్మించారు. ప్రభుత్వమే నివేదికపై చర్చను 3 రోజులు కాదు, ఒక రోజుకు పరిమితం చేసిందని అశోక్‌ ఆరోపించారు.కస్తూరి రంగన్‌ నివేదికను ఆమోదించరాదంటూ శృంగేరిలో ప్రజల ర్యాలీ సోమవారం ఆరంభమైన విధానసభ సమావేశాలు అధికారులకు లంచాలు ఇవ్వాలా? శివాజీనగర: అధికారులకు గౌరవంగా డబ్బు ఇవ్వడం ఒక సద్గుణం అని వ్యాఖ్యానించి, అవినీతిని ప్రేరేపిస్తున్నారంటూ అబ్కారీ మంత్రి శివలింగేగౌడపై సామాజిక కార్యకర్త దినేష్‌ కల్లహళ్ళి గవర్నర్‌ థావర్‌చంద్‌ గెహ్లాట్‌కు ఫిర్యాదు చేశారు. మంత్రి అవినీతిని ప్రోత్సహిస్తున్నట్లుగా కనిపిస్తోంది, రాజ్యాంగంలోని వివిధ ఆర్టికళ్ల ప్రకారం లంచం ఇవ్వడం, తీసుకోవడం తీవ్ర నేరం, మంత్రి మాటలను తీవ్రంగా పరిశీలించాలని డిమాండ్‌ చేశారు. శివలింగేగౌడను మంత్రి పదవి నుంచి తొలగించాలని విన్నవించారు. వివాదం ఏమిటి? శనివారం సకలేశపురలో తహసీల్దార్‌ కార్యాలయంలో ప్రజా సేవా అభియానలో మంత్రి మాట్లాడుతూ పని చేసిన అధికారులను గౌరవించడం మీ విధి అని ప్రజలతో అన్నారు. కానీ బలవంతంగా డబ్బు తీసుకోకపోవడం వద్దని అన్నారు. మంత్రి మాటలతో అక్కడున్న ప్రజలు ఆగ్రహానికి గురై, మేము ఎందుకు అలా ఇవ్వాలి? వారికి జీతం వస్తోంది కదా? అని ప్రశ్నించారు. ఈ వీడియో వైరల్‌ కాగా, మంత్రి వ్యాఖ్యలు సోషల్‌ మీడియాలో విమర్శలకు గురయ్యాయి. నేనలా చెప్పలేదు: మంత్రి ఈ వివాదంపై మంత్రి శివలింగేగౌడ స్పందిస్తూ డబ్బు ఇవ్వమని నేరుగా చెప్పానా? అధికారులతో గౌరవంగా ప్రవర్తించాలి అని మాత్రమే చెప్పానన్నారు. తన మాటలను తప్పుగా అర్థం చేసుకున్నారని, అధికారులతో గొడవలకు దిగకపోవడమే గౌరవంగా ప్రవర్తించడమంటే అని వివరించారు. ప్రజలు పని పూర్తయ్యాక అధికారిని గౌరవంగా చూసి వెళ్లిపోవాలని నేను చెప్పాను. కానీ ఈ మాటలను మరో విధంగా అన్వయించుకున్నారని రుసరుసలాడారు. ఎవరికీ ఒక్క పైసా కూడా లంచం ఇవ్వవద్దని సూచించారు. ఈ విషయాన్ని ఇక్కడితో ముగించండి అని కోరారు. కస్తూరి రంగన్‌ నివేదికను వ్యతిరేకిస్తున్నట్లు సర్కారు ప్రకటన ప్రతిపక్ష వైఖరేమిటో చెప్పాలని డిమాండ్‌ ఇరుపక్షాల తీవ్ర వాగ్వాదం అసెంబ్లీ సమావేశాల ప్రారంభం అబ్కారీ మంత్రి శివలింగేగౌడ వ్యాఖ్యల దుమారం గవర్నర్‌కు సామాజిక కార్యకర్త ఫిర్యాదు

రాయచూరు రూరల్‌: గ్రామీణ ప్రాంతాలకు విద్యుత్‌ సక్రమంగా సరఫరా చేయాలని కోరుతూ రాయచూరు రూరల్‌ మాజీ శాసన సభ్యుడు తిప్పరాజ్‌ హవల్దార్‌ రాయచూరు జెస్కాం కార్యాలయం వద్ద ఆందోళన చేపట్టిన రైతులతో కలిసి అధికారులను ముట్టడించిన ఘటన చోటు చేసుకుంది. సోమవారం అంబేడ్కర్‌ సర్కిల్‌ నుంచి ర్యాలీగా వెళ్లి జెస్కాం కార్యాలయాన్ని చేరుకుని ముట్టడించి 12 గంటల పాటు విద్యుత్‌ సరఫరాకు చర్యలు తీసుకోవాలన్నారు. గ్రామీణ ప్రాంతంలో విద్యుత్‌ సరఫరా లేక కరువు సహాయక పనులు చేపట్టక పోవడాన్ని ఖండించారు. కరువు నెలకొన్నందున రైతులకు రూ.50 వేలు పరిహారం అందించాలని, రైతులకు 12 గంటల పాటు విద్యుత్‌ సౌకర్యం కల్పించాలన్నారు. తుంగభద్ర ఎడమ కాలువ కింద ఉపకాలువలకు నేటికీ నీటిని విడుదలలో నిర్లక్ష్యం చేయడం తగదన్నారు. అనంతరం జిల్లాధికారి కార్యాలయం వరకు ర్యాలీగా వెళ్లి వినతిపత్రం సమర్పించారు. ఆందోళనలో మాజీ నేతలు శంకరప్ప, నిత్యానందరెడ్డి, కేశవరెడ్డి, అచ్యుతరెడ్డి, సిద్దనగౌడ, బండేష్‌, జగదీశ్‌ తదితరులు పాల్గొన్నారు.

బళ్లారి రూరల్‌ : కుటుంబలో మహిళ విద్యావంతురాలైతే ఆ కుటుంబమంతా విద్యావంతులవుతారు. కుటుంబమంతా విద్యావంతులైతే సమాజానికి, తద్వారా దేశాభివృద్ధి చెందుతుందని విజయపుర అక్కమహాదేవి మహిళా విశ్వవిద్యాలయ వైస్‌ చాన్స్‌లర్‌ ప్రొఫెసర్‌ విజయ బి.కోరిశెట్టి తెలిపారు. ఉజ్జయిని పీఠాధిపతి శ్రీశ్రీశ్రీ 1008 జగద్గురు సిద్దలింగ దేశీకేంద్ర శివాచార్య భగవత్పాద మహాస్వామి సాన్నిధ్యంలో సోమవారం నగరంలోని ఏఎస్‌ఎం కళాశాల సువర్ణ మహోత్సవంలో ముఖ్యఅతిథిగా పాల్గొని మాట్లాడారు. వీరశైవ విద్యావర్థక సంఘం 1916లో ప్రారంభమైంది. వేలాది మందికి జ్ఞానాన్ని పంచి ఉత్తమ భవితను అందించింది. మహిళ విద్యా ఉన్నతికి అల్లం సుమంగళమ్మ మహిళా విద్యాలయాన్ని ఏర్పాటు చేసి వెనుక బడిన కళ్యాణ కర్ణాటక మహిళల అభివృద్ధికి తోడ్పడ్డారని తెలిపారు. అక్క మహాదేవి మహిళా విశ్వవిద్యాలయంలో ఏఎస్‌ఎం కళాశాల మంచి గుర్తింపు తెచ్చుకొందన్నారు. రాష్ట్రంలో 158 మహిళా విద్యాలయాలు ఉన్నట్లు తెలిపారు. మహిళా విశ్వవిద్యాలయం 2013లో విజయోత్సవాలను జరుపుకొన్నట్లు తెలిపారు. మరో అతిథి బెంగళూరు జయదేవ ఆసుపత్రి వైద్యురాలు డాక్టర్‌ విజయలక్ష్మి బాళెకుంద్రి మహిళల ఉన్నత విద్య గురించి మాట్లాడారు. ప్రముఖుడు అల్లం వీరభద్రప్ప, మేయర్‌ గాదెప్ప, గురు వామదేవ మహంత శివాచార్య మహాస్వామి, జగద్గురు సిద్దలింగ రాజ దేశికేంద్ర శివాచార్య భగవత్పాద మహాస్వామి, వీవీ సంఘం అధ్యక్షుడు డాక్టర్‌ కణేకల్‌ మహంతేశ్‌, ఉపాధ్యక్షుడు జానెకుంటె బసవరాజు, కోశాధికారి బైలువద్దిగేరి ఎర్రిస్వామి, ప్రముఖులు అల్లం ప్రమోద్‌, కళాశాల పాలక మండలి అధ్యక్షురాలు కాత్యాయిని మరిదేవయ్య, ప్రిన్సిపాళ్లు డాక్టర్‌ దూపం సతీష్‌, డాక్టర్‌ బి.గోవిందరాజులు, విద్యార్థులు, సంఘం సభ్యులు పాల్గొన్నారు. రాష్ట్రంలో 158 మహిళా విద్యాలయాలు ఉన్నాయి మహిళా వర్సిటీ వీసీ ప్రొఫెసర్‌ విజయ బి.కోరిశెట్టి

ప్యాలెస్‌ ముందు పూల మొక్కల కనువిందు దసరా సంబరాల్లో మనోరంజన ప్రదర్శనలు (ఫైల్‌) మైసూరు: ప్రతిష్టాత్మక మైసూరు దసరా సంబరాలకు నగరం ముస్తాబవుతోంది. చారిత్రక కట్టడాలు, కూడళ్లలో సుందరీకరణ పనులు చకచకా సాగుతున్నాయి. ప్యాలెస్‌ పరిసరాల్లో పూల మొక్కల అమరిక సాగుతోంది. గోల్డ్‌ కార్డు టికెట్‌తో ఈ సౌలభ్యాలు మరోవైపు దసరా సందర్శకులకు సోమవారం నుంచి దసరా గోల్డ్‌ కార్డులు, సంగీత కచేరీలు, నృత్య వేడుకలు సహా వివిధ కార్యక్రమాల టికెట్ల అమ్మకాలను అధికారులు ప్రారంభించారు. ఆన్‌లైన్‌లోనూ కొనుగోలు చేయవచ్చు. దసరా గోల్డ్‌ కార్డు ధరను రూ.6,500గా నిర్ణయించారు. ఈ గోల్డ్‌ కార్డు ఉన్నవారు అన్ని కార్యక్రమాలకు మళ్లీ టికెట్‌ లేకుండా హాజరు కావచ్చు. మైసూరు ప్యాలెస్‌, జూ, చాముండి కొండలను ఒక్కసారి ఉచితంగా సందర్శించవచ్చు. ఇతర టికెట్ల వివరాలు ఇతర టికెట్ల విషయానికి వస్తే దసరా రోజున జంబూసవారీ ఏనుగుల ఊరేగింపును చూడడానికి టికెట్‌ ధర రూ.3,500. పంజీనా పరేడ్‌ను చూడాలంటే రూ.1,500 టికెట్‌ కొనాలి. డ్రోన్‌ షోను వీక్షించాలంటే రూ.1,000 టికెట్‌ ఉండాలి. ఒక టికెట్‌పై ఒక వ్యక్తికి అనుమతి ఉంటుందని జిల్లా కలెక్టర్‌ జి.లక్ష్మీ కాంతరెడ్డి తెలిపారు. చకచకా దసరా సుందరీకరణ పనులు ఉత్సవాల వీక్షణకు రూ.6500 ధరతో గోల్డ్‌ కార్డు టికెట్ల విక్రయాలు షురూ

రాయచూరు రూరల్‌: జిల్లా కాంగ్రెస్‌ అధ్యక్షుడిగా శాంతప్ప పదవీ బాధ్యతలు చేపట్టారు. ఆదివారం జిల్లా కాంగ్రెస్‌ పార్టీ కార్యాలయంలో ఏర్పాటు చేసిన కార్యక్రమంలో అధ్యక్షుడు బసవరాజ్‌ పాటిల్‌ ఇటగి శాంతప్పకు బాధ్యతలు అప్పగించారు. 30 ఏళ్ల పాటు పార్టీకి చేసిన సేవలను గుర్తించి అధ్యక్ష పదవిని అప్పగించారన్నారు. పార్టీ కార్యకర్తల సహకారంతో పార్టీని గ్రామ స్థాయి నుంచి బలోపేతం చేసి పార్టీలో ఐక్యతను సాధిస్తామన్నారు. అమరేగౌడ, రుద్రప్ప, పంపనగౌడ, ఆంజనేయ, శివమూర్తి, నరసింహులున్నారు. సమగ్ర దర్యాప్తు కోసం ధర్నారాయచూరు రూరల్‌: జిల్లాలోని సిరవార తాలూకా హొక్రాణిలో దళిత యువతి అశ్వినిపై అత్యాచారానికి పాల్పడి హత్య చేసిన నిందితులను అరెస్ట్‌ చేసి, కేసును నిష్పక్షపాతంగా విచారణ చేపట్టాలని కన్నడ దళిత సేన సంఘాలు డిమాండ్‌ చేశాయి. సోమవారం అంబేడ్కర్‌ సర్కిల్‌ వద్ద చేపట్టిన ఆందోళనలో సంచాలకురాలు పద్మ మాట్లాడారు. అశ్విని మృతికి కారకులైన వారిపై చర్యలు చేపట్టాలని ఒత్తిడి చేశారు. ఇటీవల జిల్లాలో దళిత యువతులు, మహిళలపై అధకంగా జరుగుతున్న దాడులను నియంత్రించాలని కోరుతూ వినతిపత్రం సమర్పించారు. ఆయకట్టు భూములకు నీరు వదలండి రాయచూరు రూరల్‌: జిల్లాలో తుంగభద్ర ఎడమ కాలువల నుంచి ఆయకట్టు చివరి భూములకు నీరు వదలాలని డిమాండ్‌ చేస్తూ రాస్తారోకో చేపట్టారు. సోమవారం సింధనూరులో చేపట్టిన ఆందోళనలో మాజీ మంత్రి వెంకట్రావ్‌ నాడగౌడ, శాసన సభ్యుడు హంపనగౌడ బాదర్లి, మాజీ ఎంపీ కే.విరుపాక్షప్ప ఒత్తిడి చేశారు. తుంగభద్ర ఎడమ కాలువల్లో నీటి సామర్థ్యాన్ని తెలిపే గేజ్‌ నిర్వహణకు చర్యలు తీసుకోవాలన్నారు. 54వ నంబరు ఉప కాలువ కింది భాగంలో నీరు అందక పోవడంపై విరుచుకు పడ్డారు. 69 వేల ఎకరాలకు నీరందించాలంటే 389 క్యూసెక్కుల నీటిని విడుదల చేయాలన్నారు. కాలువపై అక్రమంగా వేసుకున్న పైపులను తొలగించాలని డిమాండ్‌ చేశారు. కొప్పళ జిల్లా ఇంచార్జి మంత్రి శివరాజ్‌ తంగడిగి కాలువ పైభాగంలో నీటిని కింది భాగానికి వదలకుండా అడ్డుకుంటున్నట్లు ఆరోపించారు. వర్షంలోనూ నిమజ్జనం కెలమంగలం: కెలమంగలం పట్టణ పంచాయతీలో ఏర్పాటు చేసిన వినాయక ప్రతిమల నిమజ్జనం ఆదివారం ఘనంగా సాగింది. హిందూ సంఘాల ఆధ్వర్యంలో ఉదయం నుంచి పట్టణంలో ఊరేగింపు నిర్వహించారు. సాయంత్రం నిమజ్జనానికి ముందే ఉరుములు, మెరుపులతో కూడిన వర్షం కురుస్తున్నా భక్తులు వెనకడుగు వేయలేదు. ఊరేగింపును కొనసాగించి గంగమ్మ ఒడిలో వదిలారు. డెంకణీకోట ఏడీఎస్పీ శంకర్‌ నేతృత్వంలో పోలీసులు బందోబస్తు ఏర్పాటు చేశారు.

● బెంగళూరులో ఉపశమనంసోమవారం సాయంత్రం బెంగళూరులో మేఘాలువిధానసౌధ రోడ్డులో వర్షంలో గొడుగులతో విద్యార్థులు యశవంతపుర: బెంగళూరు నగరంలో సోమవారం కూడా వర్షం కురిసింది. మధ్యాహ్నం, మళ్లీ సాయంత్రం నుంచి అనేక చోట్ల వానలు పడ్డాయి. కొన్నినెలలుగా వర్షాలు లేక వేడితో వేసవి ఎండలను చవిచూసిన నగరం వానలతో చల్లగా మారింది. ఉదయం నుంచి భారీగా ఎండ కాచినా, మధ్యాహ్నం తరువాత ఆకాశం దట్టంగా మేఘావృతమైంది. వర్షం కురవడం బెంగళూరు ప్రజలను ఆనందపరిచింది. పలు కూడళ్లు, లోతట్టు ప్రాంతాల్లో నీరు నిలిచి వాహనదారులు ఇబ్బంది పడ్డారు.

కోలారు: తాలూకాతో పాటు జిల్లాలోని పలు ప్రాంతాల్లో కురిసిన వానలకు లోతట్టు ప్రాంతాలు, నీటికుంటల్లో నీరు నిలిచి రైతుల ముఖాల్లో మందహాసం కనిపిస్తోంది. ముంగారు వానలు సక్రమంగా కురవక తీవ్ర కరువు పరిస్థితులు ఏర్పడి పశువుల మేత కరువై పాడి పరిశ్రమ కూడా వెనుకబడుతున్న తరుణంలో కురిసిన ఈ వానలు రైతులను ఆనంద పరుస్తున్నాయి. ఈ వానలకు పచ్చిమేత మొలిచి పశువుల ఆహారానికి కొరత ఉండదని రైతులు, పాడి రైతులు ఆనంద పడుతున్నారు. బంగారుపేటె తాలూకాలో అధికంగా వర్షం కురిసింది. అర్థరాత్రి ప్రారంభమైన వాన తెల్లవారు జాము వరకు కురిసింది. దీని వల్ల బంగారుపేటె తాలూకాలోని మార్కండేయ జలాశయం, యరగోళు జలాశయం, కామసముద్రం వృషభావతి చెరువు, ముష్ట్రహళ్లి చెరువులకు నీరు చేరింది. ముంగారులో వానలు లేక వ్యవసాయ కార్యకలాపాలకు దూరంగా ఉన్న రైతులు ప్రస్తుతం ఉల్లి, జొన్నలు విత్తడానికి సిద్ధమవుతున్నారు. భారీ వానలకు బూదికోటె సమీపంలో రహదారిపై చెట్టు కొమ్మ విరిగి పడడంతో వాహన సంచారానికి అంతరాయం కలిగింది. దీంతో పోలీసులు చెట్టుకొమ్మను తొలగించి సంచారానికి అనుకూలం కల్పించారు. రాష్ట్ర వ్యాప్తంగా విస్తారంగా వానలు కురిసే అవకాశం ఉందని వాతావరణ శాఖ ప్రకటించడంతో రాష్ట్ర ప్రభుత్వం రాష్ట్రంలోని పలు జిల్లాలతో పాటు కోలారు జిల్లాలో కూడా ఎల్లో అలర్ట్‌ ప్రకటించింది.

బందోబస్తు చేపట్టిన పోలీసులుఅభ్యర్థుల హాల్‌టికెట్లను తనిఖీ చేసి పంపుతున్న దృశ్యం సాక్షి, బళ్లారి: కర్ణాటక పరీక్ష ప్రాధికార సంస్థ ఆధ్వర్యంలో కర్ణాటక స్టేట్‌ రిజర్వ్‌ పోలీస్‌ (కేఎస్‌ఆర్‌పీ), కేఎస్‌ఐఎస్‌ఎఫ్‌, ఐఆర్‌బీ విభాగాల్లోని కానిస్టేబుల్‌ పోస్టుల భర్తీ కోసం ఆదివారం రాత పరీక్ష నిర్వహించారు. బళ్లారి నగర వ్యాప్తంగా వివిధ కళాశాలల్లో ఏర్పాటు చేసిన పరీక్ష కేంద్రాల వద్ద పోలీసులు పటిష్ట బందోబస్తు చేపట్టారు. ఉదయం 10:30 గంటల నుంచి 12 గంటల వరకు పరీక్ష జరిగింది. 23 పరీక్ష కేంద్రాల్లో 14,059 మంది అభ్యర్థులు పరీక్షకు హాజరయ్యారు. పరీక్ష కేంద్రాల్లో సీసీ కెమెరాలు ఏర్పాటు చేశారు. విద్యుత్‌ సరఫరా, మంచినీటి సదుపాయం కల్పించారు. ఎస్పీ సుమన్‌ పన్నేకర్‌ పరీక్ష కేంద్రాలను తనిఖీ చేసి, అవాఛనీయ ఘటనలు జరగకుండా చర్యలు తీసుకున్నారు.

రాయచూరు రూరల్‌: వ్యక్తిగత విభేదాలను పక్కన పెట్టి జిల్లాలో కాంగ్రెస్‌ పార్టీ బలోపేతానికి అందరూ కృషి చేయాలని మాజీ మంత్రి బోసురాజ్‌ పిలుపునిచ్చారు. ఆదివారం గంజ్‌ కళ్యాణ మంటపంలో జిల్లా కాంగ్రెస్‌ కమిటీ నూతన అధ్యక్షుడి ప్రమాణ స్వీకార కార్యక్రమం నిర్వహించారు. రాయచూరు జిల్లా కాంగ్రెస్‌ నూతన అధ్యక్షుడిగా ఎంపికై న కె.శాంతప్ప బాధ్యతలు స్వీకరించారు. ఈ సందర్భంగా మాజీ మంత్రి బోసురాజ్‌ మాట్లాడుతూ.. రాష్ట్ర సర్కార్‌ కరువు సహాయక పనులు చేపట్టడం లేదని ఆరోిపణలు చేయడం తగదన్నారు. డిసెంబర్‌లో స్థానిక సంస్థల ఎన్నికల జరగనున్న నేపథ్యంలో కార్యకర్తల సహకారంతో గ్రామస్థాయి నుంచి పార్టీని బలోపేతం చేయాలని కోరారు. కార్యకర్తలు అందరూ సంఘటితం కావాలని తెలిపారు. భవిష్యత్తులో కేంద్రంలో కాంగ్రెస్‌ పార్టీ అధికారంలోకి వస్తుందని ధీమా వ్యక్తం చేశారు. నూతన అధ్యక్షుడు శాంతప్పకు మాజీ అధ్యక్షుడు బసవరాజ్‌ బాధ్యతలు అప్పగించారు. జిల్లాలో అసమ్మతి నాయకులను కలుపుకుని పార్టీని మరింత బలంగా తయారు చేస్తామని పేర్కొన్నారు. కార్యక్రమంలో శాసన సభ్యులు హంపయ్య నాయక్‌, హంపన గౌడ బాదర్లి, బసన గౌడ బాదర్లి, బసన గౌడ దద్దల్‌, వసంత కుమార్‌, మాజీ శాసన సభ్యులు హులిగేరి, శరణప్ప మట్టూరు, రామణ్ణ, సుఖాణి, రుద్రప్ప, అమరే గౌడ, జయన్న, నిర్మ, శ్రీదేవి నాయక్‌ తదితరులు పాల్గొన్నారు.

సాక్షి, బళ్లారి: 12 ఏళ్ల పరారీకి తెర పడింది. ఆరోగ్య పరీక్షల కోసం ఆస్పత్రికి వచ్చి పోలీసుల నుంచి తెలివిగా తప్పించుకుని తిరుగుతున్న ఖైదీని ఎట్టకేలకు అరెస్ట్‌ చేశారు. వివరాలు ఇలా.. బాగల్‌కోట జిల్లా ముధోల్‌కు చెందిన బసవరాజ్‌ పాటిల్‌ 2009లో హుంగుండ్‌ ప్రాంతంలో జరిగిన వ్యవసాయ అధికారి హత్య కేసులో నిందితుడు. ఈ కేసును విచారించిన న్యాయస్థానం అతడికి జీవిత ఖైదు విధించింది. 2014లో విజయపుర జిల్లా జైలులో ఉండగా అనారోగ్యం సాకుతో జిల్లాస్పత్రిలో చేరి చికిత్స పొందుతున్న సమయంలో పోలీసుల నుంచి తప్పించుకుని పరారయ్యాడు. దీనిపై విజయపుర గాంధీ చౌక్‌ పోలీస్‌ స్టేషన్‌లో కేసు నమోదైంది. అప్పటి నుంచి వేషం మార్చుకుంటూ 12 సంవత్సరాలుగా తప్పించుకుని తిరిగాడు. కుటుంబంతో సహా పాత పరిచయాలను కట్‌ చేశాడు. బెల్గాం జిల్లా బైలహోంగల్‌ తాలూకాలోని సిద్ధసముద్ర గ్రామానికి చేరుకున్నాడు. ఎవరూ గుర్తుపట్టకుండా గడ్డం, మీసాలు పెంచుకున్నాడు. రైతు అవతారం ఎత్తి ఆ గ్రామంలో పొలాన్ని లీజుకు తీసుకుని పనులు చేసుకుంటూ జీవనం సాగించాడు. ఈ క్రమంలో అక్కడ ఓ మహిళతో వివాహేతర సంబంధం కూడా పెట్టుకున్నాడు. విజయపుర జిల్లా పోలీసులు ఖైదీని పట్టుకునేందుకు ప్రత్యేకంగా ఓ టీం ఏర్పాటు చేశారు. ఆధునిక టెక్నాలజీ, ఫింగర్‌ ప్రింట్‌ సహాయంతో బసవరాజ్‌ పాటిల్‌ ఉన్న ప్రదేశాన్ని గుర్తించారు. సిద్ధసముద్ర గ్రామంలో ఉన్నట్లు గుర్తించి దాడి చేసి పట్టుకున్నారు. హత్య కేసులో తప్పించుకుని తిరుగుతున్న ఖైదీ అరెస్ట్‌

దొడ్డబళ్లాపురం: షేర్ల ట్రేడింగ్‌ పేరుతో ఒక వ్యక్తి నుంచి రూ.93 లక్షలు కాజేసిన ముగ్గురు కేటుగాళ్లను బెంగళూరు సైబర్‌ కమాండ్‌ పోలీసులు అరెస్టు చేశారు. జార్ఖండ్‌కు చెందిన అమిత్‌ మిశ్రా, బెంగళూరువాసులు తౌసిఫ్‌, పరశురాంకు సంకెళ్లు పడ్డాయి. ముగ్గురూ కలిసి హరీష్‌ అనే వ్యక్తిని షేర్ల వ్యాపారం పేరుతో నమ్మించి రూ.93 లక్షలను తమ ఖాతాలకు బదిలీ చేసుకున్నారు. ఇందుకు మోసపూరిత ఏపీకే ఫైల్స్‌ను ఉపయోగించారు. ఆ డబ్బులను అమాయకుల ద్వారా తెరిచిన నకిలీ ఖాతాల్లో నిల్వ చేశారు. బాధితుని ఫిర్యాదు మేరకు పోలీసులు దర్యాప్తు చేసి గుట్టురట్టు చేశారు. నిందితుల నుంచి 6 మొబైళ్లు స్వాధీనం చేసుకోగా వాటిలో 507 మ్యూల్‌ అకౌంట్ల వివరాలున్నాయి. టెలిగ్రామ్‌, వాట్సాప్‌లలో గ్రూపులు ఏర్పాటు చేసి వాటి ద్వారా జనం నుంచి సేవా కార్యక్రమాల కోసమంటూ వివరాలు తీసుకుని మ్యూల్‌ ఖాతాలను తెరిచేవారు.

హుబ్లీ: విజయపుర (బీజాపూర్‌) నగరంలో దర్గా రింగ్‌ రోడ్డులో ఈ విషాదకరమైన ఘటన జరిగింది. క్రేనుకు ఉరివేసుకున్న స్థితిలో ఓ యువకుడు అనుమానాస్పదంగా మృతి చెందాడు. మరణించిన యువకుడిని ఆకాష్‌ పాటిల్‌ (22) గా పోలీసులు గుర్తించారు. ఘటనా స్థలానికి చేరుకున్న పోలీసులు మృతదేహాన్ని స్వాధీనం చేసుకుని పరిశీలించారు. అయితే ఇది ఆత్మహత్యా లేక ఎవరైనా హత్య చేసి ఉరి వేశారా అనే కోణంలో పోలీసులు అనుమానాస్పద మృతిగా కేసు నమోదు చేసుకుని దర్యాప్తు చేస్తున్నారు. హుబ్లీలో పేలిన గ్యాస్‌ సిలిండర్‌● కేఈబీ ఉద్యోగితో పాటు మరొకరు మృతి, మహిళకు తీవ్ర గాయాలు హుబ్లీ: పాత హుబ్లీ పరిధిలోని అయోధ్య నగర్‌లో ఘోరం చోటు చేసుకుంది. వంట గ్యాస్‌ సిలిండర్‌ పేలడంతో కేఈబీ ఉద్యోగితో పాటు మరొకరు మృతి చెందగా.. మరొకరికి తీవ్ర గాయాలయ్యాయి. ఈ ఘటన ఆదివారం తెల్లవారుజామున జరిగింది. ఇంట్లో గ్యాస్‌ లీక్‌ అయిన అనంతరం సిలిండర్‌ పేలినట్లు తెలిసింది. ఈ ప్రమాదంలో కేఈబీ ఉద్యోగి (44) అక్కడిక్కడే మృతి చెందాడు. తీవ్రంగా గాయపడిన మోహన్‌ లాల్‌ (40) ఆస్పత్రిలో చికిత్స పొందుతూ మృతి చెందాడు. సమన కలాల్‌ మహిళకు తీవ్ర గాయాలు కావడంతో హుబ్లీ కేఎంసీ ఆస్పత్రికి తరలించి చికిత్స అందిస్తున్నారు. సమాచారం అందుకున్న పాత హుబ్లీ పోలీసులు వెంటనే ఘటనా స్థలానికి చేరుకుని పరిశీలించారు. గ్యాస్‌ లీకేజీకి కచ్చితమైన కారణాలపై కేసు నమోదు చేసుకుని దర్యాప్తు చేస్తున్నారు. రేపు వృద్ధులకు క్రీడా పోటీలుహుబ్లీ: ప్రపంచ వృద్ధుల దినోత్సవాన్ని పురస్కరించుకుని ఈనెల 22వ తేదీన (మంగళవారం) ధార్వాడ ఆర్‌ఎన్‌ శెట్టి క్రీడా మైదానంలో వృద్ధులకు వివిధ క్రీడా పోటీలు నిర్వహించనున్నట్లు జిల్లా వృద్ధులు, వికలాంగుల సంక్షేమ శాఖ అధికారులు ఓ ప్రకటనలో తెలిపారు. వేగంగా నడవడం, బకెట్‌లో రింగులు వేయడం, మ్యూజికల్‌ చైర్స్‌, ఏకపాత్రాభినయం తదితర పోటీలు, వివిధ సాంస్కృతిక కార్యక్రమాలు ఏర్పాటు చేస్తామని వెల్లడించారు. నిబంధనలు ఉల్లంఘిస్తే చర్యలు రాయచూరు రూరల్‌: జిల్లా వ్యాప్తంగా వినాయక నిమజ్జనాన్ని ప్రశాంతంగా జరుపుకోవాలి. డీజే నిషేధించాలని జిల్లా అధికారి పూవిత అధికారులను ఆదేశించారు. ఆదివారం ప్రత్యేకంగా జిల్లా అధికారి కార్యాలయంలో ఏర్పాటు చేసిన సమావేశంలో ఆమె మాట్లాడారు. శనివారం ఇద్దరు పిల్లలు మృతి చెందడంపై విచారం వ్యక్తం చేశారు. గణపతుల నిమజ్జన విషయంలో అవాంఛనీయ ఘటనలు జరగకుండా చూసుకోవాలన్నారు. ప్రభుత్వం జారీ చేసిన నియమాలను గణేష్‌ మండళి సభ్యులు తప్పకుండా పాటించేలా పోలీస్‌ అధికారులు చర్యలు తీసుకోవాలని ఆదేశించారు. ఈ విషయంలో 8 మందిపై కేసులు నమోదు చేశామని తెలిపారు. కార్యక్రమంలో ఎస్పీ అరుణాంగ్శు గిరి, అదనపు ఎస్పీ హరీష్‌, ఏసీ హంపణ్ణ, నగర పాలక కమిషనర్‌ మల్లికార్జున, డీఎస్పీ శాంతవీర, తహసీల్దార్‌ సురేష్‌ వర్మ తదితరులు పాల్గొన్నారు. ఉదయమే నిమజ్జనం చేయాలిరాయచూరు రూరల్‌: జిల్లాలో ఉదయం పూట గణపతి విగ్రహాలను నిమజ్జనం చేయాలని మాజీ శాసన సభ్యుడు పాపారెడ్డి డిమాండ్‌ చేశారు. ఆదివారం పాత్రికేయుల భవనంలో ఏర్పాటు చేసిన విలేకరుల సమావేశంలో ఆయన మాట్లాడారు. విగ్రహాల నిమజ్జనం సమయంలో ఎలాంటి అవాఛనీయ ఘటనలు జరగకుండా జిల్లా యంత్రాంగం చర్యలు తీసుకోవాలని సూచించారు. శనివారం జరిగిన దుర్ఘటనలో ఇద్దరు బాలురు దుర్మరణం చెందడంపై సంతాపం తెలిపారు. ప్రభుత్వం జారీ చేసిన నియమాలను గణేష్‌ మండలి సభ్యులు తప్పకుండా పాటించాలని కోరారు. డీజేకు పెట్టే డబ్బును ప్రతిభ కలిగిన పేద విద్యార్థుల చదువుకు ఉపయోగించాలని తెలిపారు.

సాక్షి, బళ్లారి: 18 సంవత్సరాలు నిండిన యువతీ, యువకులు ఓటరుగా నమోదు చేసుకోవాలని జిల్లా అధికారి నాగేంద్ర ప్రసాద్‌ పేర్కొన్నారు. ఆదివారం జిల్లా పరిపాలన యంత్రాంగం, జిల్లా పంచాయతీ ఆధ్వర్యంలో ఎస్‌సీసీ మైదానంలో మారథాన్‌ కార్యక్రమం నిర్వహించారు. ఓటరు జాబితాలో చేర్పించిన వారి పేర్లు లేకపోతే సంబంధిత అధికారులను సంప్రదించాలన్నారు. ప్రజా ప్రభుత్వ వ్యవస్థలో ఓటు అనే ఆయుధం ఎంతో కీలకం అన్నారు. అక్టోబర్‌ 1వ తేదీ నుంచి ఓటరు జాబితాలో తమ పేర్లు నమోదు చేసుకోవాలన్నారు. మారథాన్‌ నగర వాసులను ఆకట్టుకుంది. కార్యక్రమంలో జెడ్పీ సీఈఓ తదితరులు పాల్గొన్నారు.

రాయచూరు రూరల్‌: ఆపద సమయంలో తోటి మానవుడి ప్రాణాలు కాపాడేందుకు ప్రతి ఒక్కరూ రక్తదానానికి ముందుకు రావాలని భారతీయ వైద్య సంఘం మాజీ అధ్యక్షుడు డాక్టర్‌ రవి రాజేశ్వర్‌ పిలుపునిచ్చారు. ఆదివారం రాయచూరు నగరంలోని భారతీయ వైద్య సంఘ భవనంలో మాజీ నగరసభ ఉపాధ్యక్షుడు జయన్న జన్మదినం సందర్భంగా రక్తదాన శిబిరం నిర్వహించారు. ఇటీవల కాలంలో అత్యవసర పరిస్థితుల్లో రక్తం లభించక ఎందరో ప్రాణాలు కోల్పోతున్నారని ఆవేదన వ్యక్తం చేశారు. విపత్కర సమయంలో రక్తం అందించడం ప్రాణదానంతో సమానమనే విషయాన్ని ప్రతి ఒక్కరూ గుర్తించుకోవాలన్నారు. యువతీ యువకులు ఉత్సాహంగా పాల్గొని రక్తదానం చేశారు. కార్యక్రమంలో జాన్‌వెస్లి, శోభ, మ్యాదర్‌, సుధీర్‌, హఫీజుల్లా, రాజ్‌ కుమార్‌, ప్రభుత్వ ఉద్యోగుల సంఘం అధ్యక్షుడు కృష్ణ, మల్లిక, సత్యనారాయణ, నరసింహులు, భీమేష్‌ పాల్గొన్నారు. విద్యుత్‌ స్తంభాన్ని ఢీకొన్న కారు ● నలుగురికి గాయాలు రాయచూరు రూరల్‌: సిరవార తాలుకా కల్లూర్‌ వద్ద ఆదివారం విద్యుత్‌ స్తంభాన్ని కారు ఢీకొట్టింది. రాయచూరు నుంచి మాన్వి వైపు వెళ్తున్న సమయంలో ఈ ప్రమాదం జరిగింది. కారు ముందు భాగం దెబ్బతింది. ఈ ఘటనలో నలుగురికి గాయాలు కావడంతో వారిని చికిత్స నిమిత్తం రిమ్స్‌ ఆస్పత్రికి తరలించారు. గాయపడిన వారి వివరాలను పోలీసులు సేకరిస్తున్నారు. సిరవార పోలీసులు ఘటనా స్థలాన్ని పరిశీలించారు. ఈ మేరకు కేసు నమోదు చేసుకుని విచారిస్తున్నారు. పరామర్శ రాయచూరు రూరల్‌: నగరంలోని జహీరాబాద్‌ వద్ద ట్రాక్టర్‌లో వినాయకుడిని నిమజ్జనానికి తీసుకెళ్తున్న సమయంలో ప్రమాదవశాత్తూ ట్రాక్టర్‌ టైర్ల కిందపడి సుచిత్‌ కుమార్‌ (16), చరణ్‌ కుమార్‌ (14) మృతి చెందిన విషయం తెలిసిందే. ఆదివారం జిల్లా అధికారి పూవిత జహీరాబాద్‌కు వెళ్లి బాధిత కుటుంబాలను పరామర్శించారు. బాలుర మృతిపై విచారం వ్యక్తం చేశారు. మృతుల కుటుంబాలకు సర్కార్‌ నుంచి ఆర్థికసాయం అందేలా చర్యలు తీసుకుంటామని హామీ ఇచ్చారు. వినాయక విగ్రహాలను నిమజ్జనం చేసే సమయంలో జాగ్రత్తలు తీసుకోవాలని ప్రజలకు సూచించారు. కార్యక్రమంలో అధికారులు హంపణ్ణ, జుబీన్‌ మోహ పాత్రో, తహసీల్దార్‌ సురేష్‌ వర్మ, అదనపు ఎస్పీ హరీష్‌ పాల్గొన్నారు. కనీస వేతనాల కోసం నిరసన రాయచూరు రూరల్‌: రాష్ట్రంలోని వివిధ శాఖలు, కార్యాలయాల్లో విధులు నిర్వహిస్తున్న కాంట్రాక్ట్‌ కార్మికులకు కనీస వేతనాలు అందజేసి, సమస్యలు పరిష్కరించాలని కాంట్రాక్ట్‌ కార్మికుల సంఘం డిమాండ్‌ చేసింది. ఆదివారం దేవదుర్గ తపాల కార్యాలయం వద్ద ఆందోళన చేపట్టారు. ఈ సందర్భంగా ఆ సంఘం అధ్యక్షుడు నరహరి మాట్లాడారు. రాష్ట్ర సర్కార్‌ ఆధీనంలో విధులు నిర్వహించే కాంట్రాక్ట్‌ కార్మికులను ప్రభుత్వం పట్టించుకోవడం లేదని తెలిపారు. కనీస వేతనాలు అందించాలని కోరుతున్నా ఇప్పటి వరకూ చర్యలు తీసుకోలేదని మండిపడ్డారు. ఇప్పటికైనా సమస్యలు పరిష్కరించి, సౌలభ్యాలు సక్రమంగా అందేలా చూడాలని కోరుతూ రాష్ట్రపతికి పోస్టుకార్డులు పంపారు. రైతుల సంక్షేమమే సర్కార్‌ లక్ష్యంరాయచూరు రూరల్‌: రైతుల సంక్షేమమే సర్కార్‌ ప్రధాన లక్ష్యమని గ్రామీణ శాసన సభ్యుడు బసన గౌడ దద్దల్‌ తెలిపారు. ఆదివారం తన కార్యాలయంలో 15 మంది ఎస్టీలు, 12 మంది ఎస్సీ రైతులకు పంపు సెట్లు పంపిణీ చేశారు. ఈ సందర్భంగా ఎమ్మెల్యే మాట్లాడుతూ.. గంగ కళ్యాణ పథకాన్ని రైతులు సద్వినియోగం చేసుకోవాలని సూచించారు. ఆర్థికంగా స్వావలంబన సాధించాలని పేర్కొన్నారు. నీటిని పొదుపుగా వాడుకుని, భూగర్భ జలాల పెంపునకు కృషి చేయాలని తెలిపారు.

మండ్య: ఓ మహిళ పని మీద ప్రభుత్వ కార్యాలయానికి వెళ్లగా అక్కడి ఉద్యోగి మాయమాటలు చెప్పి, బెదిరించి ఆమెను అన్ని విధాలా దోచుకున్నాడు. జ్యూస్‌లో మత్తు మందులు ఇచ్చి అత్యాచారం చేసి, ఆ తర్వాత వీడియో తీసి బ్లాక్‌మెయిల్‌ చేస్తున్నాడని బాధితురాలు ఫిర్యాదు చేయగా జిల్లాలో నాగమంగళ తాలూకాలో ఉద్యోగిని పోలీసులు అరెస్టు చేశారు. వివరాలు.. గొండెనహళ్లి సర్కిల్‌లో గ్రామ అకౌంటెంట్‌గా పనిచేస్తున్న మరిస్వామికి పొరుగు గ్రామానికి చెందిన మహిళ భూ సమస్యపై ఫిర్యాదుచేసింది. మాట్లాడడానికి తన ఇంటికి రావాలని అతను ఆమెను పిలిచాడు. పండ్లరసంలో మత్తుమందు కలిపివ్వడంతో మత్తులోకి జారుకుంది, ఆమైపె అఘాయిత్యం చేయడంతో పాటు వీడియో తీసి బ్లాక్‌మెయిల్‌ చేసేవాడని బాధితురాలు తెలిపింది. సెప్టెంబర్‌ 16న ఆరణి పంచాయతీలో ఎస్‌ఐఆర్‌ దరఖాస్తు కోసం వెళ్లగా అతను నా మెడలోని 40 గ్రాముల బంగారు గొలుసును, స్కూటర్‌ను లాక్కున్నాడని తెలిపింది. మరుసటి రోజున మరిస్వామి, మంజుల అనే మహిళ కలిసి తన భర్తను కొట్టి, చంపేస్తామని పదేపదే వేధిస్తున్నారని ఆరోపించింది. నిందితున్ని అరెస్టు చేసి కటకటాల్లోకి పంపారు. కడుపులోనే కవలల ఛిద్రం యశవంతపుర: కడుపు పండిన మహిళ పుట్టబోయే కవల పిల్లలను గుర్తుచేసుకుని మాతృత్వపు మధుర భావనల్లో తేలియాడేది. కానీ కిరాతక భర్త ఆమె కలలను చిదిమేశాడు. భర్త దాడిలో ఆమె కడుపులోని ఇద్దరు గర్భస్థ శిశువులు కన్నుమూశారు. ఈ దుర్ఘటన బెంగళూరులో కొత్తనూరు శబరినగరలో జరిగింది. తానియా, జాఫర్‌ దంపతుల మధ్య చిన్న గొడవ జరిగింది. కోపం పట్టలేని భర్త ఆరు నెలల గర్భంతో ఉన్న భార్యను కడుపుపై తన్నాడు. ఆ తాకిడికి కడుపులో పెరుగుతున్న కవలలు మృత్యువాత పడ్డారు. తీవ్ర కడుపునొప్పితో ఆస్పత్రిలో చేరగా వైద్యులు అబార్షన్‌ చేయడంతో ఆమె తల్లడిల్లిపోయింది. ఈ ఘటనలపై తానియా, జాఫర్‌ కుటుంబాలు పోలీసులకు ఫిర్యాదు చేశారు. పనిమీద వచ్చిన మహిళపై అఘాయిత్యం వీడియోలు తీసి వేధింపులు మండ్య జిల్లాలో విలేజ్‌ అకౌంటెంటు అరెస్టు

రాయచూరు రూరల్‌: హిందూ ధర్మ రక్షణలో మఠాల కృషి అభినందనీయమని మాజీ మంత్రి శివన గౌడ నాయక్‌, గ్రామీణ మాజీ శాసన సభ్యుడు తిప్పరాజ్‌ కొనియాడారు. ఆదివారం కిల్లే బృహన్మఠంలో కోళంకి జీవైక్య గురుపాదేశ్వర జయంతి పర్వం, గురుపాదేశ్వర సద్శావన పాదయాత్ర నిర్వహించారు. కోళంకి జీవైక్య గురుపాదేశ్వర స్వామికి ప్రత్యేక పూజలు చేశారు. మఠం నుంచి ప్రారంభమైన సద్భావన పాదయాత్ర 8 కి.మీ. దూరంలోని కోళంకి వరకూ కొనసాగింది. పూర్వ కాలంలో కోళంకి జీవైక్య గురుపాదేశ్వర కరువు సమయంలో ప్రజల బాధలు తీర్చడానికి ఏడు రోజులు కొండలో తపస్సు చేసి వర్షాలు కురిపించారని కిల్లే బృహన్మఠాధిపతి శాంత మల్లశివాచార్యులు గుర్తు చేశారు. రోబోట్‌ ఏనుగు పాదయాత్రలో చేగుంట మఠాధీశులు క్షీరలింగ స్వామి, తండికేరి మఠాధీశుడు గంగాధర స్వామీజీ, సోమనాథ శివాచార్య, శంభు సోమనాథస్వామి, మాజీ మంత్రి బోసురాజ్‌, శాసన సభ్యులు శివరాజ్‌ పాటిల్‌, వసంత్‌ కుమార్‌, మాజీ నగర సభ సభ్యుడు దరూరు బసవరాజ్‌, వినయ్‌ కుమార్‌, శివ శంకర్‌, రేణుక, కేశవ మూర్తి, కేశవ రెడ్డి, పంపాపతి శాస్త్రి పాల్గొన్నారు.

శివాజీనగర: సోమవారం నుంచి బుధవారం సాయంత్రం వరకు 3 రోజుల పాటు శాసనసభ ప్రత్యేక సమావేశాలు ప్రారంభం కానున్నాయి. ఈ సమావేశాల్లో పశ్చిమ కనుమల పరిరక్షణ కోసం కస్తూరిరంగన్‌ రూపొందించిన నివేదిక, రాష్ట్రంలో నెలకొన్న తీవ్ర కరువు పరిస్థితిపై చర్చిస్తారు. గత నెలలో జరిగిన 11 రోజుల వర్షాకాల సమావేశాలు అప్పటి మంత్రి నాగేంద్ర రాజీనామా కోరుతూ బీజేపీ తీవ్ర నిరసనలు చేయడంతో రసాభాసగా మారడం తెలిసిందే. రోజూ అసెంబ్లీలో రభస చెలరేగి చర్చలు జరగక్కుండా పోయాయి. అలా వర్షకాల సమావేశాల కార్యకలాపాలు ఏమాత్రం ఫలవంతం కాలేదు. ఈ నేపథ్యంలో ప్రధానమైన సమస్యలపై చర్చ కోసం 3 రోజులు అసెంబ్లీ జరపాలని సీఎం డీకే శివకుమార్‌ నిర్ణయించారు. డీకే సర్కారు వ్యూహం అసెంబ్లీలో కస్తూరి రంగన్‌ నివేదిక, కరువు పరిస్థితిపై మాత్రమే చర్చలు జరుగుతాయి. మరో అజెండా ఉండదని ప్రభుత్వం స్పష్టం చేసింది. కరువు రైతులను ఆదుకోవడం లేదని, తాగునీరు, విద్యుత్‌ సమస్యతో సహా పలు అంశాలను లేవనెత్తాలని ప్రతిపక్ష బీజేపీ, జేడీఎస్‌లు ఉవ్విళ్లూరుతున్నాయి. ప్రతిపక్షాల ను ఎదుర్కొనాలని సీఎం డీకే ఆధ్వర్యంలో మంత్రులు, కాంగ్రెస్‌ ఎమ్మెల్యేలు సంసిద్ధంగా ఉన్నారు. కస్తూరిరంగన్‌ నివేదిక మీద కేంద్ర ప్రభుత్వమే నోటిఫికేషన్‌ ఇచ్చిందని కాంగ్రెస్‌ పార్టీ బీజేపీ మీద దాడి చేసే అవకాశముంది.నివేదికపై మల్నాడులో ఆగ్రహజ్వాలలు పశ్చిమ కనుమలపై కస్తూరి రంగన్‌ నివేదికపై కేంద్ర ప్రభుత్వం నోటిఫికేషన్‌ జారీ చేసిన వెంటనే, రాష్ట్రంలో తీవ్ర వ్యతిరేకత వ్యక్తమవుతోంది. మల్నాడు ప్రాంత ప్రజలకు ఇది ప్రాణాంతకం అవుతుందని, రాష్ట్ర ప్రభుత్వం ఎట్టి పరిస్థితుల్లోనూ ఈ నివేదికను ఆమోదించకూడదని నిరసనలు మొదలయ్యాయి. 5 జిల్లాల్లోని పశ్చిమ కనుమలలో అక్రమంగా గ్రామాలు, వ్యవసాయ ప్రాంతాలు వెలిశాయని, వాటిని తొలగించాలని నివేదికలో సిఫార్సు చేయడం కలకలానికి కారణమైంది. శనివారం చిక్కమగళూరు జిల్లాలో సీఎం డీకేను ప్రజలు ముట్టడించడం తెలిసిందే. ఈ నేపథ్యంలో నివేదికను రాష్ట్ర ప్రభుత్వం తిరస్కరించవచ్చని తెలుస్తోంది.శివాజీనగర: పశ్చిమ కనుమల పరిరక్షణ– కస్తూరి రంగన్‌ నివేదిక గురించి ఎమ్మెల్యేలు, రైతులతో సహా అందరితో మాట్లాడాను. సోమవారం నుంచి అసెంబ్లీ సమావేశాల్లో ఈ అంశంపై చర్చిచి నిర్ణయం తీసుకుంటాం అని ముఖ్యమంత్రి డీ.కే.శివకుమార్‌ తెలిపారు. సీఎం ఆదివారం హాసన్‌ జిల్లా సకలేశపురలో పర్యటించారు. ఈ సందర్భంగా స్థానిక నేతలు, ప్రజలతో చర్చలు జరిపిన తరువాత మీడియాతో మాట్లాడారు. గతంలో సిద్దరామయ్య ప్రభుత్వంలో మేము కస్తూరి రంగన్‌ నివేదికను తిరస్కరించాము. కానీ కేంద్రం దానిని పరిగణించలేదు, నిర్ణయం తీసుకోవడానికి ఈ నెల 27వ తేదీ వరకు గడువిచ్చింది. అందువల్ల నేను ప్రజల సమస్యలను వినాలని వచ్చాను. శివమొగ్గ, కొడుగు, ఉడుపి, హాసన్‌, చిక్కమగళూరు జిల్లాల్లోని ఎమ్మెల్యేలు, రైతులు, అటవీ ప్రాంతాల సమీపంలో నివసిస్తున్న ప్రజలతో చర్చించి సమస్యలను విన్నాను. నివేదిక వల్ల తలెత్తే సమస్యల గురించి నాకు తెలిసింది. అసెంబ్లీ సమావేశాల్లో ఈ సమస్యలన్నింటిపై చర్చిస్తాం. ఆ తరువాత రైతులకు అనుకూలమైన మంచి నిర్ణయం తీసుకుంటామని ఆయన హామీ ఇచ్చారు. బీజేపీ రాజకీయాల వల్ల గత సమావేశంలో కరువు, కస్తూరి రంగన్‌ నివేదిక గురించి చర్చించలేకపోయామన్నారు. నేను బాధ్యతలు చేపట్టి కేవలం 100 రోజులే అయింది, బీజేపీ వాళ్లకున్నంత అనుభవం నాకు లేదు అని అన్నారు. ఈ సందర్భంగా ఆయన సకలేశపురలో ఆర్భాటంగా రోడ్‌ షో జరిపారు. నేటి నుంచి 3 రోజులు ప్రత్యేక సమావేశాలు కరువు, పశ్చిమ కనుమలు–కస్తూరి రంగన్‌ నివేదికపై చర్చ కాంగ్రెస్‌, బీజేపీ సంసిద్ధం నివేదికపై అసెంబ్లీలో చర్చిస్తాం హాసన్‌ జిల్లా పర్యటనలో సీఎం డీకే

మైసూరు: తండ్రీ కొడుకులు మద్యానికి బానిసలు కావడంతో కుటుంబీకులు పునరావాస కేంద్రంలో చేర్పిస్తే ఒకరి ప్రాణమే పోయింది. మైసూరులోని అలనహళ్లి బెస్ట్‌ ఫ్యూచర్‌ ఫౌండేషన్‌ మద్య పునరావాస కేంద్రం యజమాని లోకేష్‌ను హత్య కేసులో అలనహళ్లి పోలీసులు అరెస్టు చేశారు. పునరావాస కేంద్రంలో ఉండే మనోజ్‌ రావు అనే యువకుడు అనుమానాస్పద పరిస్థితుల్లో మరణించాడు. సీసీ ఫుటేజీలో తేలిన నిజం వివరాలు.. గాయత్రీపురానికి చెందిన మనోజ్‌రావు (28), అతని తండ్రి రాజేంద్రరావులను ఆగస్టు 13న బెస్ట్‌ ఫ్యూచర్‌ ఫౌండేషన్‌ పునరావాస కేంద్రంలో చేర్పించారు. రక్తపోటు తగ్గిందని మనోజ్‌ను నిర్వాహకులు హడావుడిగా ఆసుపత్రిలో చేర్పించారు. అయితే, సెప్టెంబర్‌ 17 రాత్రి ఆసుపత్రిలో చనిపోయాడు. ఈ ఘటన తర్వాత, తల్లి, బంధువులు ఆ కేంద్రానికి వెళ్లి అక్కడి సీసీటీవీ ఫుటేజీని పరిశీలించారు. అక్కడి సిబ్బంది మనోజ్‌ను ఏదో కారణంతో కొట్టి హింసిస్తున్న దృశ్యాలు లభ్యం కావడంతో అక్కడే ధర్నా చేశారు. రాజేంద్ర రావు కళ్లెదుటే కుమారుడు మనోజ్‌ చేతులు, కాళ్లు కట్టేసి, నోట్లో గుడ్డ కుక్కి, మెడకు గుడ్డ కట్టి హింసిస్తున్నట్లు ఉంది. అప్పటినుంచి యజమాని లోకేష్‌ పరారీలో ఉన్నాడు. మృతుని బంధువు శివాజీరావు ఫిర్యాదు మేరకు పోలీసులు కేసు నమోదు చేసి, లోకేష్‌ను అరెస్టు చేశారు. కేంద్రంలో ఆశ్రయం పొందుతున్న 20 మందిని వారి కుటుంబాలకు అప్పగించి సీజ్‌ చేశారు. రిహాబ్‌ల పేర్లతో దందా కాగా బెంగళూరుతో సహా అనేక నగరాల్లో డ్రగ్స్‌, మద్యం వంటి దురలవాట్లను మాన్పించే పేరుతో అనేక ప్రైవేటు పునరావాస కేంద్రాలు (రిహాబ్‌లు) వెలిశాయి. వీటిలో భారీ మొత్తాల్లో ఫీజులను వసూలు చేస్తుంటారు. సిబ్బంది హింసాత్మకంగా ప్రవర్తిస్తుంటారని ఆరోపణలున్నాయి. వీటిపై ప్రభుత్వ పర్యవేక్షణ లేకపోవడంతో ఆడింది ఆటగా సాగుతోంది. మద్య వ్యసనపరున్ని కొట్టిచంపిన సిబ్బంది మైసూరులో కిరాతకం

బళ్లారి అర్బన్‌: సహకార సంఘాల సహకారం, భాగస్వామ్యంతోనే సహకార ఉద్యమం విజయవంతంగా ముందుకు సాగుతోందని బళ్లారి సెంట్రల్‌ కో–ఆపరేటివ్‌ హోల్‌సేల్‌ అసోసియేషన్‌ (జనతా బజార్‌) అధ్యక్షురాలు పల్లడ మైత్రి అన్నారు. ఆదివారం నగరంలోని రాఘవ కళామందిరంలో జనతా బజార్‌ 71వ వార్షికోత్సవం సందర్భంగా సర్వసభ్య సమావేశం నిర్వహించారు. ఈ సందర్భంగా ఆమె మాట్లాడుతూ.. జనతా బజార్‌లో జరిగి వ్యాపార, లావాదేవీలను విస్తరించేందుకు ప్రయత్నాలు జరుగుతున్నాయని తెలిపారు. ఈ విషయంలో డైరెక్టర్లు, సిబ్బంది సభ్యుల సహకారం అభినందనీయమని కొనియాడారు. భవిష్యత్తులో జనతా బజార్‌ను మరింత విస్తరించేందుకు కృషి చేస్తామన్నారు. కార్యక్రమంలో మాజీ అధ్యక్షుడు నీలకంఠప్ప, పి.దానారెడ్డి, వీరశేఖర రెడ్డి తదితరులు పాల్గొన్నారు.

సాక్షి, బళ్లారి: ఎల్‌నీనో ప్రభావంతో రాష్‌ట్రంలో తీవ్ర వర్షాభావ పరిస్థితి నెలకొంది. కర్ణాటక, ఆంధ్రప్రదేశ్‌, తెలంగాణ రాష్ట్రాలకు తాగు, సాగు నీరు అందించే తుంగభద్ర డ్యాంలో రోజు రోజుకు నీటి నిల్వ తగ్గిపోతుండటంతో రైతులు ఆందోళన చెందుతున్నారు. ఈ ఏడాది ఆలస్యంగా డ్యాంలోకి నీరు చేరడంతో కాలువలకు కూడా నీరు ఆలస్యంగా విడుదల చేశారు. డ్యాంలో ప్రస్తుతం 80 టీఎంసీల నీరు మాత్రమే నిల్వ ఉంది. డ్యాం నుంచి రోజూ హెచ్‌ఎల్‌సీ, ఎల్‌ఎల్‌సీ, ఎల్‌బీఎంసీ తదితర కాలువకు ఒక టీఎంసీకి పైగా నీరు విడుదల చేస్తున్నారు. దీంతో డ్యాంలో నీటి నిల్వ క్రమేణా తగ్గిపోతోంది. ఇక వర్షాలు కురవకపోవడంతో ఇన్‌ఫ్లో కూడా జీరోస్థాయికి పడిపోయింది. డ్యాంలో ఉన్న నీటితోనే ఖరీఫ్‌లో సాగు చేసిన పంటలకు నీరు సర్దుబాటు చేయాల్సిన పరిస్థితి నెలకొనడంతో రైతులు పరిస్థితి ఆగమ్యగోచరంగా మారింది. డ్యాం కింద ప్రధానంగా వరి, మిర్చి, మొక్కజొన్న, పత్తి పంటలు సాగు చేశారు. సమస్యలపై ఇంజనీర్‌కు వినతి గత నెల 11వ తేదిన తుంగభద్ర సలహా సమితి ఆధ్వర్యంలో నిర్వహించిన సమావేశంలో అన్ని కాలువలకు 90 రోజుల పాటు అంటే నవంబర్‌ 21వ తేదీ వరకు నీరు విడుదల చేయాలని నిర్ణయించారు. అయితే డ్యాంలో ఇన్‌ఫ్లో పూర్తిగా పడిపోవడంతో ఉన్న నీటినే రోజూ విడుదల చేస్తున్నారు. డ్యాంలో నీటి నిల్వ తగ్గిపోతుండటంతో ఆదివారం తుంగభద్ర రైతు సంఘం అధ్యక్షుడు దరూరు పురుషోత్తం గౌడ నేతృత్వంలో రైతులు ప్రత్యేక సమావేశం నిర్వహించారు. పంటలు పూర్తి అయ్యే వరకు నీరు పొదుపుగా ఉపయోగించుకునేలా గట్టి చర్యలు తీసుకోవాలని నిర్ణయం తీసుకున్నారు. ఈ మేరకు కొప్పళ జిల్లా మునిరాబాద్‌లోని జలాశయం ప్రధాన ఇంజనీర్‌ మనోజ్‌ కుమార్‌ను కలిసి రైతులు ఎదుర్కొంటున్న సమస్యలు వివరించారు. పంటలను కాపాడుకునేందుకు రైతులు అష్టకష్టాలు పడుతున్నారని తెలిపారు. రోజు రోజుకు తగ్గుతున్న నీటి నిల్వ పడిపోయిన ఇన్‌ఫ్లో పంటలకు చివరి వరకూ నీరందేనా?

● పోక్సో కేసు పెట్టారని అకృత్యం దొడ్డబళ్లాపురం: బెంగళూరు దక్షిణ జిల్లా ఎస్పీ కార్యాలయం కట్టడం 3వ అంతస్తు పై నుంచి దూకి పోక్సో కేసు నిందితుడు ఆత్మహత్య చేసుకున్నాడు. విజయనగరకు చెందిన శశిధర్‌ (49) మృతుడు. వివరాలు.. శశిధర్‌ చెన్నపట్టణ తాలూకాలోని ఎయిడెడ్‌ పాఠశాలలో 15 ఏళ్లుగా డ్రిల్‌ టీచర్‌గా పనిచేస్తున్నాడు. అయితే విద్యార్థినులను లైంగికంగా వేధించాడని ఫిర్యాదులు రావడంతో పోలీసులు శుక్రవారం అతనిపై పోక్సో కేసు నమోదు చేసి అరెస్టు చేశారు. ఆదివారంనాడు వైద్య పరీక్షలు చేయించిన మహిళా పోలీస్‌స్టేషన్‌ పోలీసులు వేలిముద్రలు తీసుకునేందుకు రామనగర ఎస్పీ కార్యాలయానికి తీసుకువచ్చారు. ఆ సమయంలో 3వ అంతస్తు నుంచి దూకాడు. తీవ్రంగా గాయపడ్డ అతడిని ఆస్పత్రికి తరలిస్తుండగా చనిపోయాడు. మృతదేహాన్ని ఆస్పత్రికి తరలించగా మృతుని కుటుంబ సభ్యులు, బంధువులు పోలీసులతో గొడవకు దిగారు. పాఠశాల ప్రిన్సిపాల్‌ కావాలనే కేసులు పెట్టించడం వల్ల ఆత్మహత్య చేసుకున్నాడని విలపించారు.

బొమ్మనహళ్లి: ఒంటరిగా నడుస్తున్న మహిళలను ఏమార్చి క్షణంలో బంగారు గొలుసు లాక్కొని పారిపోతున్న కిలాడీ పోలీసులకు చిక్కాడు. అతని వివరాలు తెలిసి వారే నోరెళ్లబెట్టారు. బుద్ధిగా ఉద్యోగం చేసుకోవాల్సిన పోస్టుమాస్టర్‌ సరదాగా ప్రారంభించిన చైన్‌ స్నాచింగ్‌ వ్యసనంగా మారినట్లు వివరించాడు. థార్‌ జీపులో తిరుగుతూ బెంగళూరు నగర జిల్లా పరిధిలోని ఆనేకల్‌ తాలూకాలోని గెరటిగనబెళే నివాసి జీవన్‌కుమార్‌ సిడి హొసకోట పోస్టాఫీసులో పోస్ట్‌మాస్టర్‌గా పనిచేస్తున్నాడు. కానీ మహిళల గొలుసులపై కన్నేశాడు. మహీంద్రా థార్‌ కారులో తిరుగుతూ ఒంటరిగా వెళ్లే మహిళలను చిరునామాలు అడిగేవాడు. తన బంధువులతో మాట్లాడాలంటూ తన మొబైల్‌ఫోన్‌ ఇస్తున్నట్లు హడావుడి చేసేవాడు, ఇంతలో వారి మెడలోని బంగారు గొలుసును లాక్కొని కారులో పారిపోయేవాడు. ఆనేకల్‌తో పాటు పొరుగునే తమిళనాడులోని తళి, హోసూరు, మత్తిగిరి ప్రాంతాల్లో జీవన్‌కుమార్‌ వరుసగా స్నాచింగ్‌లకు పాల్పడినట్లు చెబుతున్నారు. రెండు రోజుల్లోనే నలుగురు మహిళల గొలుసులు లాక్కెళ్లాడు. తళి పోలీసులు ఆనేకల్‌ పోలీసులతో కలిసి గాలించి పట్టుకున్నారు. అతని నుంచి థార్‌ జీపును, రూ. 10 లక్షల విలువైన బంగారు నగలను స్వాధీనం చేసుకున్నారు. కొట్టేసిన బంగారును అమ్మి జల్సాలు చేసేవాడు. జల్సాల కోసం పక్కదారి బెంగళూరుతో హోసూరు ప్రాంతంలోనూ చేతివాటం

● మినీ బస్సులో ఒకరి మృతి బనశంకరి: బైక్‌ వీలింగ్‌ చేసే అల్లరిమూకలకు ఓ అమాయకుడు బలికాగా ఐదుమంది గాయపడ్డారు. ఈ ఘటన ఆదివారం తెల్లవారుజామున బెంగళూరు జ్ఞానభారతి పోలీస్‌స్టేషన్‌ పరిధిలో జరిగింది. వివరాలు... లగ్గెరె నివాసి మనోజ్‌ (25) డెలివరీ బాయ్‌గా పనిచేస్తున్నాడు. ఐదుమంది స్నేహితులు ఆదివారం తెల్లవారుజామున డ్రైవర్‌ రవితో మినీ బస్సులో మైసూరు టూర్‌కి బయల్దేరారు. అన్నపూర్ణేశ్వరి నగర మహదేశ్వర ఆలయం వద్ద పోకిరీలు బైక్‌ వీలింగ్‌ చేస్తూ హఠాత్తుగా అడ్డు వచ్చారు. దీంతో మినీ బస్సు డ్రైవరు అదుపుతప్పి డివైడర్‌ ను దాటుకుని విద్యుత్‌ స్థంభాన్ని ఢీకొట్టాడు. డ్రైవరు పక్క సీట్లో కూర్చున్న మనోజ్‌ తీవ్రంగా గాయపడి చనిపోయాడు. డ్రైవరుతో సహా మిగతావారు గాయపడ్డారు. పోలీసులు సీసీ కెమెరాలను పరిశీలించి నిందితుల కోసం గాలిస్తున్నారు. ఓటరులారా.. చెక్‌ చేసుకోండిబనశంకరి: గ్రేటర్‌ బెంగళూరు అధికారులు సర్‌ జాగృతి అభియాన నిర్వహించారు. అర్హులైన ఓటర్లు పేర్లు ఉన్నాయో లేదో నూతన ఓటరు జాబితాలో తనిఖీ చేసుకోవాలని, లేని పక్షంలో పేర్లు నమోదుకు దరఖాస్తు చేయాలని మనవిచేశారు. ఈ కార్యక్రమంలో కమిషనర్‌ జగదీష్‌, అదనపు కమిషనర్‌ వెంకటాచలపతి తదితరులు పాల్గొన్నారు. బెంగళూరు దక్షిణ నగర పాలికేలో డొళ్లుకుణిత ద్వారా జాగృతి అభియాన నిర్వహించారు. కమిషనర్‌ కేఎన్‌.రమేశ్‌ అదనపు కమిషనర్‌ రాచప్ప పాల్గొన్నారు. రిజర్వు పోలీసు ఉద్యోగాలకు పరీక్షలు శివమొగ్గ: కేఎస్‌ఆర్‌పి పోలీస్‌ కానిస్టేబుల్‌, ఆర్‌పిసి కెకె కేడర్‌ కానిస్టేబుల్‌ పోస్టులకు రాత పరీక్ష ఆదివారం జరిగింది. జిల్లాలో శివమొగ్గ, భద్రావతిలోని వివిధ పరీక్షా కేంద్రాలలో 34 సెంటర్లలో సాగింది. 12 వేల మందికిపైగా అభ్యర్థులు హాజరయ్యారు. కేంద్రాల వద్ద కట్టుదిట్టమైన భద్రత చేపట్టారు. ప్రతి గదిలో సీసీ కెమెరాలను అమర్చారు. పరీక్షను చాలా విజయవంతంగా నిర్వహించినట్లు పోలీస్‌ శాఖ తెలిపింది. 2,314 పోస్టుల.. యశవంతపుర: రాష్ట్రంలో 2,314 రిజర్వు కానిస్టేబుల్స్‌ పోస్టులకు పరీక్ష ప్రశాంతంగా జరిగింది. 333 కేంద్రాలలో లక్ష 42 వేల మంది పరీక్ష రాశారు. గేట్ల వద్ద ప్రతి అభ్యర్థిని క్షుణ్ణంగా తనిఖీ చేశారు. ఉదయం 10:30 గంటలకు ప్రారంభమై మధ్యాహ్నం 3 గంటలకు ముగిశాయి. ఆ పేలుడు ప్రమాదం కాదా? దొడ్డబళ్లాపురం: బెళగావిలోని చవాట్‌ వీధిలో వినాయక చవితి రోజున ఒక ఇంట్లో ఫ్రిడ్జ్‌ పేలి అగ్నిప్రమాదం జరిగి తల్లిదండ్రులు, ముగ్గురు పిల్లలు, మరో మహిళ మృత్యువాత పడడం తెలిసింది. సీసీ కెమెరాల చిత్రాల్లో మరో సంగతి బయటపడింది. పేలుడుకు ముందు ఓ అపరిచితుడు బకెట్‌తో ఆ ఇంటి వద్దకు వచ్చి కాసేపటికి ఖాళీ బకెట్‌తో పరిగెత్తుకుంటూ వెళ్లిపోయాడు. అతనికి, ప్రమాదానికి ఏదైనా సంబంధం ఉందా అనే కోణంలో పోలీసులు దర్యాప్తు చేస్తున్నారు. ఎవరైనా కావాలనే పేలుడుకు పాల్పడి ఉంటారనే అనుమానాలు ఊపందుకున్నాయి.

రాయచూరు రూరల్‌: నగరంలోని వివిధ ప్రాంతాల్లో గంజాయి విక్రయిస్తున్న కేసులో ఇద్దరు నిందితులను అరెస్ట్‌ చేసినట్లు ఎస్పీ అరుణాంగ్శు గిరి వెల్లడించారు. శుక్రవారం సాయంత్రం ఎస్పీ తన కార్యాలయంలో విలేఖర్లతో మాట్లాడారు. అల్లమప్రభు కాలనీలో 1,810 గ్రాముల గంజాయిని స్వాధీనం చేసుకుని ఎల్‌బీఎ్‌స్‌ కాలనీకి చెందిన మహ్మద్‌ కై ఫ్‌(20), హుసేన్‌ బాషా(23) అనే ఇద్దరిని అరెస్ట్‌ చేశామన్నారు. ఎమ్మెల్యేలు భూమిపూజకే పరిమితమా?రాయచూరు రూరల్‌: జిల్లాలోని కాంగ్రెస్‌ పార్టీ శాసన సభ్యులు భూమిపూజకే పరిమితమా? అని రాయచూరు రూరల్‌ మాజీ శాసన సభ్యుడు తిప్పరాజ్‌ ఆరోపించారు. శనివారం పాత్రికేయుల భవనంలో ఏర్పాటు చేసిన విలేకరుల సమావేఽశంలో ఆయన మాట్లాడారు. గ్రామీణ ప్రాంతంలో విద్యుత్‌ సరఫరా లేక, కరువు సహాయక పనులు చేపట్టక పోవడాన్ని ఖండించారు. కరువు నెలకొన్నందున రైతులకు రూ.50 వేలు చొప్పున పరిహారం అందించాలని, రైతులకు 12 గంటల పాటు విద్యుత్‌ సౌకర్యాలు కల్పించాలన్నారు. తుంగభద్ర ఎడమ కాలువ కింద ఉపకాలువలకు నేటికీ నీటి విడుదలలో నిర్లక్ష్యం చేయడం తగదన్నారు. వీటన్నింటిని పక్కన పెట్టి భూమిపూజల పేరుతో నిధులు లేకున్నా పథకాలకు శ్రీకారం చుట్టడం భావ్యం కాదన్నారు. విలేకరుల సమావేఽశంలో నిత్యానందరెడ్డి, కేశవరెడ్డి, అచ్చుతరెడ్డి, సిద్దనగౌడ, బండేష్‌, జగదీశ్‌లున్నారు. రైతు స్నేహిగా సమాఖ్య కోలారు: ఎన్నో ఆటంకాలను అధిగమించి అరాభి కొత్తనూరు ప్రాథమిక వివిధోద్దేశ వ్యవసాయ గ్రామీణ సహకార సమాఖ్య మొదటి సంవత్సరంలోనే రూ.12 లక్షల రుణాలు అందించి రైతు స్నేహిగా సాగుతోందని కోలారు పాల ఉత్పత్తిదారుల సమాఖ్య డైరెక్టర్‌ డీ.నాగరాజప్ప చెప్పారు. అరాభికొత్తనూరు గ్రామంలోని సోమేశ్వర కల్యాణ మంటపంలో నిర్వహించిన సంఘం ప్రథమ సర్వ సభ్య సమావేశంలో పాల్గొని మాట్లాడారు. దింబ నాగరాజప్ప, దేవిక, తిమ్మయ్య, ఎం నాగేష్‌ తదితరులు పాల్గొన్నారు.

సాక్షి,బళ్లారి: వినాయక చవితిని పురస్కరించుకుని నగరంలోని వివిధ వివిధ కాలనీలు, రోడ్లలో ఏర్పాటు చేసిన దాదాపు వెయ్యికి పైగా వినాయక విగ్రహాలను నిమజ్జనం చేశారు. కొన్ని కాలనీల్లో మూడు రోజుల పాటు పూజలు చేసి వినాయక నిమజ్జనం చేయగా, మరికొన్ని కాలనీల వాసులు ఐదు రోజుల పాటు ప్రత్యేక పూజలు నిర్వహించి శుక్రవారం రాత్రి పొద్దుపోయాక నిమజ్జనం చేశారు. రాత్రంగా నగర పురవీధుల గుండా వినాయక విగ్రహాలను ఘనంగా ఊరేగింపు చేపట్టారు. డీజేలు పెట్టుకుని భక్తి, సినిమాలకు సంబంధించిన పాటలకు నృత్యాలు, డ్యాన్స్‌లు చేస్తూ హోరెత్తించారు. ట్రాక్టర్లు, ఆటోలకు ఘనంగా విద్యుత్‌ దీపాలంకరణలు చేసుకుని, అందులో వినాయకులను కూర్చోబెట్టి ఊరేగించి నగర శివార్లలోని తుంగభద్ర కాలువల్లోకి నిమజ్జనం చేశారు. ఆయా కాలనీల వాసులు పెద్ద సంఖ్యలో జనం చేరి వినాయక విగ్రహాల ఊరేగింపును తిలకించారు. అనంతపురం రోడ్డులోని సెంటినరీ హాల్‌లో ఏర్పాటు చేసిన హిందూ మహాగణపతి మినహా దాదాపు అన్ని విగ్రహాల నిమజ్జనం పూర్తయింది. జిల్లా ఎస్పీ సుమన్‌ పన్నేకర్‌ నేతృత్వంలో గట్టి పోలీసు బందోబస్తు ఏర్పాటు చేశారు. వినూత్న గణేష్‌ విగ్రహాన్ని దర్శించిన ‘గాలి’ నగరంలోని దేవినగర్‌లో వినూత్న తరహాలో ఏర్పాటు చేసిన నరసింహస్వామి ఎత్తుకున్న గణేష్‌ విగ్రహం నగర వాసులను విశేషంగా ఆకట్టుకుంటోంది. గత ఐదు రోజుల నుంచి ప్రత్యేక పూజలు, సాంస్కృతిక కార్యక్రమాలు నిర్వహించారు. ఈనేపథ్యంలో మాజీ ఎమ్మెల్యే గాలి సోమశేఖరరెడ్డి కూడా శనివారం ఆ విగ్రహాన్ని దర్శించుకున్నారు. భీమలింగ, సోమశేఖర్‌, బాషా తదితరులు పాల్గొన్నారు. విజయనగరలో... హొసపేటె: భారీ పోలీసు భద్రత నడుమ విజయనగర జిల్లా వ్యాప్తంగా శుక్రవారం రాత్రి జరిగిన గణేష్‌ నిమజ్జన కార్యక్రమం 5వ రోజు చిన్నపాటి సంఘటనలు మినహా ప్రశాంతంగా ముగిసింది. జిల్లా కేంద్రమైన హొసపేటె నగరంతో సహా జిల్లా వ్యాప్తంగా శుక్రవారం సాయంత్రం నుంచి రాత్రి వరకు మొత్తం 674 గణేశ్‌ విగ్రహాలను నిమజ్జనం చేశారు. నగర పరిధిలో ప్రతిష్టించిన 124 గణేశ్‌ విగ్రహాలను నిమజ్జనానికి తరలించారు. సాయంత్రం నుంచి రాత్రి వరకు గణేశ్‌ విగ్రహాలను నగరంలోని ప్రధాన రహదారుల గుండా ఊరేగింపుగా తీసుకువెళ్లి నిమజ్జనం చేశారు. కొన్ని గణేశ్‌ విగ్రహాలను నగర ప్రధాన రహదారి గుండా రైల్వే స్టేషన్‌ రోడ్డులోని పవర్‌ కెనాల్‌లో నిమజ్జనం చేశారు. నగరంలోని చిత్తవాడిగి, సండూరు రోడ్‌, జంబునాథ రోడ్‌, బళ్లారి రోడ్‌, హరిహర రోడ్లలో ఉన్న హెచ్‌ఎల్‌సీలో నిమజ్జనం చేశారు. ఎమ్మెల్యే గవియప్ప పూజలు 5వ రోజు గణేష్‌ నిమజ్జనం నేపథ్యంలో ఎమ్మెల్యే హెచ్‌ఆర్‌.గవియప్ప శుక్రవారం రాత్రి ప్రధాన మసీదును సందర్శించి గణేష్‌ విగ్రహానికి హారతినిచ్చారు. మహిళలు, యువతీయువకులు, వృద్ధులు గణేష్‌ నిమజ్జన ఊరేగింపులో చేరి డీజే సంగీతానికి అనుగుణంగా చిందులు వేశారు. ఊరేగింపు జరుగుతున్న ప్రధాన రహదారిపై ఉన్న మసీదు సమీపంలో ఊరేగింపును వీక్షించడానికి పెద్ద సంఖ్యలో ప్రజలు గుమిగూడారు. జైజై గణేశా.. బైబై గణేశా హోరెత్తిన ఊరేగింపు సంబరాలు

దొడ్డబళ్లాపురం: తమ కుమారులు చదువుకుని జీవితంలో ఎదిగి చెట్టులా నీడనిస్తారని ఆశించిన తల్లిదండ్రుల కలలు కల్లలయ్యాయి. బెంగళూరులో యలహంక– రాజానుకుంట మార్గంలో బైక్‌ ప్రమాదంలో వచన్‌ (20), ప్రదీప్‌ (21) అనే ఇద్దరు ఇంజనీరింగ్‌ విద్యార్థులు దుర్మరణం చెందారు. శనివారం తెల్లవారుజామున 3 గంటల సమయంలో రాజానుకుంట జంక్షన్‌లో బుల్లెట్‌ బైక్‌పై వెళ్తున్న ఇద్దరు యువకులు బైక్‌ అదుపుతప్పి రోడ్డుపక్కన దుకాణం గోడకు వేగంగా ఢీకొన్నారు. తీవ్ర గాయాలతో అక్కడే మరణించారు. మృతులు సమీపంలోని కళాశాలలో ఇంజినీరింగ్‌ విద్యార్థులు. యలహంక ట్రాఫిక్‌ పోలీసులు కేసు నమోదు చేసుకున్నారు. సిటీలో యువకులు నైట్‌ ఔట్‌, జాలీరైడ్‌ పేర్లతో షికార్లకు వెళ్తూ ప్రమాదాలను కొని తెచ్చుకుంటున్నారు. భార్య కళ్ల ముందే రైతు.. మైసూరు: జిల్లాలోని నంజనగూడు తాలూకాలోని కుడ్లపుర గ్రామం సమీపంలో రెండు బైక్‌లు ఢీకొన్న ఘటనలో ఒక రైతు మరణించగా, భార్య తీవ్రంగా గాయపడింది. కవలందే హోబ్లీ, మల్లాహళ్లి గ్రామానికి చెందిన రైతు రమణాయక (45), భార్య గాయత్రి (39) పొలంలో నుంచి ఇంటికి బైక్‌లో వెళ్తున్నారు. ఎదురుగా వస్తున్న మరో ద్విచక్ర వాహనం వారిని ఢీకొనింది. దీంతో రైతు దుర్మరణం చెందాడు. యలహంకలో గోడను ఢీకొన్న బైక్‌.. ఇద్దరు బీటెక్‌ విద్యార్థుల మృతి

రాయచూరు రూరల్‌: గ్రామీణ ప్రాంతాల్లో ప్రజల దరికి ప్రభుత్వ సంక్షేమ పథకాల ద్వారా ప్రజల వద్దకు పాలనకు ప్రజల సహకారం అవసరమని గ్రామీణ శాసన సభ్యుడు బసనగౌడ దద్దల్‌ పేర్కొన్నారు. శనివారం రాయచూరు తాలూకా గిల్లేసూగూరు ప్రభుత్వ హైస్కూలు మైదానంలో ఏర్పాటు చేసిన ప్రజా సేవ పథకం కార్యక్రమంలో ప్రజల నుంచి ఫిర్యాదులను స్వీకరించిన అనంతరం ఆయన మాట్లాడారు. ప్రజల నుంచి వచ్చిన ఫిర్యాదులను త్వరితగతిన పరిష్కరించాలన్నారు. సమావేశంలో ఏసీ హంపణ్ణ, టీపీ ఈఓ చంద్రశేఖర్‌ పవార్‌, మహిళా శిశు సంక్షేమ శాఖాధికారి మంజునాథ్‌, ఆరోగ్య అధికారి యోగేష్‌లున్నారు.

యథేచ్ఛగా జల చౌర్యం..రాయచూరు రూరల్‌: తుంగభద్ర ఎడమ కాలువ పైభాగంలో అక్రమ ఆయకట్టు సాగు అధికం కావడంతో రైతుల చివరి భూములకు నీరందక పోవడంతో జిల్లాలో లక్షలాది హెక్టార్లలో పంట నష్టం వాటిల్లే అవకాశం ఉంది. కాలువకు నెల రోజుల క్రితమే నీరు వదిలినా ఆయకట్టు చివరి భూములకు నీరందేలా నీటి గేజ్‌ నిర్వహణ సక్రమంగా చేపట్టడంలో అధికారులు జాగ్రత్తలు పాటించడం లేదు. దీంతో ఆయకట్టు చివరి భూములకు నీరందక పంటలు వాడుముఖం పట్టాయి. సిరవార, మటమారి, మస్కి, కవితాళ, రాయచూరు ప్రాంతాల్లో కంది, వరి, పత్తి, మిరప పంటల్లో రెండు లక్షల హెక్టార్లలో వరి, రాయచూరు, సిరవార తాలూకాల్లో 3 లక్షల హెక్టార్లలో పత్తి, లక్షన్నర హెక్టార్లలో మిరప పంటలను పండిస్తున్నారు. చివరి భూములకు నీటిని విడుదల చేస్తే పంటలు చేతికొచ్చే అవకాశముంది. కాలువకు ప్రతి రోజు 4,100 క్యూసెక్కుల నీరు విడుదల చేస్తున్నా పైభాగంలో చౌర్యం అవుతున్నాయని రైతులు ఆరోపిస్తున్నారు. నీటి గేజ్‌ సామర్థ్యం నిర్వహణలో అధికారుల నిర్లక్ష్యంతో పంటలకు నీటి లభ్యత కరువైంది. 0 మైల్‌ నుంచి కాలువపై 104వ మైలు వరకు నీరందాలి. 49వ మైల్‌ వద్ద రాజకీయ నాయకుల ప్రభావంతో నీరు ముందుకు ప్రవహించక అక్కడే నీటి చౌర్యం చేస్తున్నారు. 69వ మైల్‌ నుంచి 104వ మైల్‌ వరకు చివరి భూములకు నీరందడం గగన కుసుమమైంది. కాలువ పైభాగంలో అక్రమంగా ఏర్పాటు చేసిన పైపులు నీటి ప్రవాహం లేని ఎడమ కాలువ చివరి భాగం కాలువ పైభాగంలో పెరిగిన అక్రమ ఆయకట్టు ఎండుతున్న కంది, పత్తి, వరి, మిరప పంటలు

బనశంకరి: రేవు నగరి మంగళూరులో శుక్రవారం కేబినెట్‌ సమావేశం జరిపిన సీఎం డీకే.శివకుమార్‌ శనివారం ఉదయం స్థానిక చేపల ఓడరేవులో ఆకస్మికంగా పర్యటించారు. రకరకాల చేపలను చూసి వాటి ధర వివరాలు తెలుసుకున్నారు. ఉదయం 6 గంటలకు కొందరు మంత్రులు, ఎమ్మెల్యేలతో కలిసి చేపల పడవల బందరుకు దారితీశారు. పడవలకు స్థలం కావాలి మత్య్సకారుల బోటులో ప్రయాణించి ఓడరేవులో చేపట్టాల్సిన అభివృద్ధి గురించి చర్చించారు. 200 బోట్లను నిలపడానికి సౌకర్యాలు ఉన్నాయి, ఫాల్గుణి, నేత్రావతి నదులు అరేబియా సముద్రంలో కలిసే సంగమంలో కొత్త డాక్‌లను చేస్తే ఎక్కువ పడవలను నిలపవచ్చని మత్స్యకార సంఘాల నేతలు విన్నవించారు. ఓడలు సజావుగా రాకపోకలు సాగించడానికి మార్కింగ్‌లు వేయాలని అధికారులకు సీఎం ఆదేశించారు. చేపల రేవులో కార్యకలాపాలు చాలా తక్కువగా ఉండడంపై సీఎం ఆశ్చర్యం వ్యక్తంచేశారు. కారణాలు ఏమిటనేది తనకు నివేదిక ఇవ్వాలని జిల్లా కలెక్టర్‌, నగర కమిషనర్‌ ను ఆదేశించారు. దీనికి అధికారులు కారణమైతే వారిని సస్పెండ్‌ చేస్తానన్నారు. కరావళి దేశ సంపద అని, దీనిని మనం కాపాడుకోవాలని తెలిపారు. కస్తూరి రంగన్‌ నివేదికపై త్వరలో అసెంబ్లీలో చర్చిస్తామని, ఈ ప్రాంత ప్రజల అభిప్రాయం సేకరిస్తామని తెలిపారు. ఆ తరువాత కేంద్ర నోటిఫికేషన్‌పై కఠిన నిర్ణయం తీసుకుంటామన్నారు. మంగళూరు రేవులో సీఎం డీకే ఆకస్మిక పర్యటన మత్స్య సంపద పరిశీలన

హొసపేటె: నగర, పరిసర ప్రాంతాల్లో వివిధ శాఖల ఆధ్వర్యంలో చేపట్టిన పలు అభివృద్ధి పనులు, అలాగే ప్రారంభోత్సవానికి సిద్ధంగా ఉన్న పూర్తయిన పథకాలన్నింటినీ ఈనెల 29న ప్రజలకు అంకితం చేయనున్నట్లు ఎమ్మెల్యే హెచ్‌ఆర్‌.గవియప్ప తెలిపారు. నగరంలోని జిల్లాధికారి కార్యాలయ ఆడిటోరియంలో చేపట్టిన వివిధ శాఖల పురోగతిపై సమీక్ష సమావేశానికి అధ్యక్షత వహించి ఆయన మాట్లాడారు. జిల్లా ఇన్‌చార్జి, దేవదాయ, మత్స్య, ఓడరేవులు, అంతర్గత జల రవాణా శాఖ మంత్రి కేఎస్‌ బసవంతప్ప ప్రారంభోత్సవ కార్యక్రమంలో పాల్గొంటారు. పూర్తయిన అభివృద్ధి పథకాలివే.. నగరంలోని అంబేడ్కర్‌ సర్కిల్‌ సమీపంలో పర్యాటక శాఖ అందించిన రూ.5 కోట్ల గ్రాంటుతో వ్యవసాయ పర్యాటక గృహం, విద్యా శాఖ అతిథిగృహం, డీఎంఎఫ్‌ గ్రాంట్‌ కింద రూ.2 కోట్లతో హంపీ కన్నడ వర్సిటీ ఇండోర్‌ స్టేడియం నిర్మాణ పనులు పూర్తయ్యాయి. రూ.12 కోట్ల వ్యయంతో కూరగాయల మార్కెట్‌ ప్రాజెక్ట్‌ కూడా పూర్తయింది. రూ.10 కోట్లతో ఘన వ్యర్థాల నిర్వహణ కేంద్రం మహదేవపుర, కగ్గదాసపురల్లో 15వ ఆర్థిక సంఘం నిధుల కింద రూ.10 కోట్ల వ్యయంతో ఘన వ్యర్థాల నిర్వహణ కేంద్రాన్ని నిర్మించారు. రాష్ట్ర ప్రభుత్వ ప్రత్యేక గ్రాంటు కింద రూ.9 కోట్ల వ్యయంతో కబేళా నిర్మాణం పూర్తయింది. రూ.12 కోట్ల వ్యయంతో తాగునీటి సరఫరా వ్యవస్థ పునరుద్ధరణ, ఉన్నతీకరణ ప్రాజెక్టు కింద యూఎస్‌ఐక్యూఏ, నీటి శుద్ధి యూనిట్‌తో సహా ప్రస్తుత వ్యవస్థను ఉన్నతీకరించే పనులు చేపట్టారు. రూ.65 లక్షల వ్యయంతో ఆరోగ్య శాఖ ఆధ్వర్యంలో వ్యాక్సిన్‌ నిల్వ గది, జిల్లా ఆస్పత్రి నిర్మాణ పనులు పూర్తయ్యాయి. రాష్ట్ర ప్రభుత్వ గ్రాంటు కింద మహదేవపుర సమీపంలో సుమారు రూ.5 కోట్ల వ్యయంతో పోస్ట్‌–మెట్రిక్యులేషన్‌ బాలికల హాస్టల్‌ను నిర్మించారన్నారు. ఈ సందర్భంగా జిల్లాధికారిణి కవిత ఎస్‌.మన్నికేరి, అదనపు డిప్యూటీ కమిషనర్‌ పీఎన్‌ లోకేష్‌ తదితరులు హాజరయ్యారు. ఎమ్మెల్యే హెచ్‌ఆర్‌.గవియప్ప

బనశంకరి: కర్ణాటక లోకసేవా కమిషన్‌ (కేపీఎస్‌సీ)లో 400కు పైగా పశువైద్యాధికారుల ఉద్యోగ కుంభకోణంలో కటకటాల్లో ఉన్న ప్రముఖ నిందితులు ఐఏఎస్‌ అధికారి జ్ఞానేంద్రకుమార్‌ గంగ్వార్‌, దళారీ బసవరాజ్‌ కన్నాళే మరింత చిక్కుల్లో పడిపోయారు. బెంగళూరు పరప్పన అగ్రహార జైలులో ఈడీ అధికారులు వారిద్దరినీ అరెస్ట్‌ చేశారు. గత నెలాఖరులో వీరిని సీఐడీ పోలీసులు అరెస్టు చేసి విచారించి, పరప్పనలో ఉంచడం తెలిసిందే. చకచకా పరిణామాలు ఇలా కేపీఎస్‌సీ స్కాంలో ఈడీ అధికారులు నెలరోజుల కిందట సోదాలు నిర్వహించారు. కారాగారంలో ఉన్న ఇద్దరినీ ఈడీ అధికారులు గత 3 రోజుల నుంచి ప్రశ్నించారు. కానీ నోరు మెదపకపోవడంతో వారు ఆగ్రహించారు. శుక్రవారం రాత్రి జైలులోనే అరెస్ట్‌చేసి శాంతినగరలోని ఈడీ ఆఫీసుకు తీసుకెళ్లారు. కోర్టులో హాజరుపరిచి తమ కస్టడీకి తీసుకున్నారు. ఈ స్కాంలో లోతుగా విచారణ చేపట్టనున్నట్లు ఈడీ వర్గాలు తెలిపాయి. ఐఏఎస్‌, దళారీ లింకులు ఐఏఎస్‌ జ్ఞానేంద్ర గత నెలలో స్కాం బయటపడగానే ఢిల్లీకి పరారయ్యాడు. ఉత్తరప్రదేశ్‌తో పాటు దేశవ్యాప్తంగా తిరగడానికి విమానాలకు రూ.11 లక్షలు ఖర్చు చేశాడు. 2024లో కేపీఎస్‌సీలో పరీక్షల కంట్రోలర్‌గా ఉన్న జ్ఞానేంద్రకుమార్‌కు పాత స్నేహితుడైన బసవరాజ కన్నాళే జత కలిశాడు. ఉద్యోగ నియామకాల్లో అక్రమాలకు ప్లాన్‌ చేశారు. పశువైద్యాధికారుల నియామకంతో పాటు ఇతర ఉద్యోగాల భర్తీలోనూ ఒప్పందం కుదుర్చుకుని, పశ్నాపత్రాల లీకేజీ, ఉద్యోగాల విక్రయం సాగించి కోట్లాది రూపాయలను వెనకేసుకున్నట్లు తీవ్ర ఆరోపణలున్నాయి. నగదు గురించి సీఐడీ ఆధారాలను సేకరించింది. కొరడా విదిల్చిన ఈడీ ఐఏఎస్‌ జ్ఞానేంద్ర, బ్రోకరు బసవరాజు అరెస్టు పరప్పన జైలు నుంచి తరలించిన ఈడీశాంత ఇంటిలో సీఐడీ సోదాలు కేపీఎస్‌సీ ఉద్యోగాల బాగోతంలో ప్రముఖ నిందితురాలు, కేపీఎస్‌సీ సభ్యురాలు శాంత హొసమనికి చెందిన దావణగెరె నివాసంపై సీఐడీ అధికారులు దాడి చేశారు. తరళుబాళు లేఔట్‌లో ఆమెకు సొంత ఇల్లు ఉంది. ఆ ఇంట్లో ముమ్మరంగా సోదాలు నిర్వహించారు. ఇంటి డోర్‌ లాక్‌చేసి ఉండటంతో బలవంతంగా తాళం తీసి ప్రవేశించారు. కుంభకోణం తాలూకు ఫైళ్లు, రికార్డులు, నగదు తదితరాల కోసం వెతికారు. ప్రతి గది, అల్మరా, బీరువాలు తదితరాలలో క్షుణ్ణంగా పరిశీలించారు. సుమారు 8 నెలల నుంచి ఇంట్లో ఎవరూ లేనట్లు తెలిసింది. దళారీ విదేశాలకు వెళ్లే యత్నం ఉద్యోగాల స్కాం గుట్టురట్టయిన తరువాత తుమకూరు యూనివర్శిటీ సిండికేట్‌ సభ్యుడైన బసవరాజ కన్నాళే భయపడిపోయాడు. తన ఆప్త రాజకీయనేతలు కూడా కాపాడలేరని గ్రహించి దేశం విడిచిపెట్టడానికి కుట్ర రూపొందించాడు. కజకిస్థాన్‌లో నెల పాటు మకాం పెట్టడానికి వీసా తీసుకున్నాడు, ఇంతలోనే అరెస్టు కావడంతో పథకాలు పారలేదు.

శివమొగ్గ: పశ్చిమ కనుమల సంరక్షణపై కస్తూరి రంగన్‌ నివేదికపై రైతులతో చర్చించేందుకు శనివారం తీర్థహళ్లి పట్టణంలో నిర్వహించిన ప్రభుత్వ కార్యక్రమంలో, వందేమాతరం గీతంలో రెండు చరణాలే పాడటంపై గందరగోళం తలెత్తింది. ఈ కార్యక్రమంలో ముఖ్యమంత్రి డీకే శివకుమార్‌తో పాటు పలువురు ప్రజాప్రతినిధులు, అధికారులు, కాంగ్రెస్‌–బీజేపీ కార్యకర్తలు పాల్గొన్నారు. వేదికపై ఉన్న బీజేపీ ఎమ్మెల్యే చన్నబసప్ప, గాయకులు వందేమాతరం గీతాన్ని కేవలం రెండు చరణాల్లో పాడడాన్ని వ్యతిరేకించారు. సాగర్‌ ఎమ్మెల్యే బేలూరు గోపాలకృష్ణ వెంటనే ఆయనను నిలదీశారు. దీంతో వేదికపై కొంతసేపు ఉద్రిక్త వాతావరణం నెలకొంది. కాంగ్రెస్‌ నాయకులందరూ వేదికపై చన్నబసప్పను చుట్టుముట్టి, ఆయన మాట్లాడకుండా అడ్డుకున్నారు. కాంగ్రెస్‌ కార్యకర్తలు చన్నబసప్పకు వ్యతిరేకంగా నినాదాలు చేశారు. ఈలోగా, కాంగ్రెస్‌ నాయకుడు హెచ్‌.సి.యోగీష్‌ వేదికపైకి వచ్చి సీఎం డీకేకి అనుకూలంగా నినాదాలు చేశారు. దీంతో మరింత సందోహం నెలకొంది. రెండే చరణాలపై బీజేపీ ఎమ్మెల్యే ఆగ్రహం

మైసూరు: హెచ్‌ఐవి, ఎయిడ్స్‌ అవగాహన మాసంలో భాగంగా, జబ్బుల పరీక్షలు, చికిత్స గురించి ప్రజలలో అవగాహన కల్పించేందుకు శనివారం బైక్‌ ర్యాలీ నిర్వహించారు. కోట ఆంజనేయస్వామి ఆలయ ప్రాంగణం నుంచి ర్యాలీని జిల్లా ఆర్‌.సి.హెచ్‌. అధికారి డా. మహమ్మద్‌ అహ్మద్‌ జెండా ఊపి ప్రారంభించారు. వివిధ రహదారుల గుండా సాగి, నజర్‌బాద్‌లోని ఎన్‌పిసి. ఆసుపత్రికి చేరింది. వైద్య నిపుణులు, మెడికోలు పాల్గొన్నారు. కిరాతకుల అరెస్టుదొడ్డబళ్లాపురం: ఆస్తి గొడవలతో బెళగావి జిల్లా కిత్తూరు తాలూకా అవరాది గ్రామంలో తండ్రీ కుమార్తెను అతని సోదరులే దారుణంగా హత్య చేయడం తెలిసిందే. ఈ కేసులో బసప్ప, సంగప్ప, మడివాళప్ప అనే ముగ్గురిని పోలీసులు అరెస్టు చేశారు. రిటైర్డు జవాన్‌ రుద్రప్ప (67), కూతురు శశికళ (26) స్థానిక గ్రామ పంచాయితీ కార్యాలయంలో ఉండగా దుండగులు కత్తులతో నరికి చంపారు. పోలీసులు గాలించి పరారీలో ఉన్న నిందితులను అరెస్టు చేశారు. కామపిశాచికి 20 ఏళ్ల కారాగారం● మండ్య ఫాస్ట్‌ట్రాక్‌ కోర్టు కఠిన తీర్పు మండ్య: ముక్కుపచ్చలారని బాలికపై అఘాయిత్యానికి ఒడిగట్టిన కామపిశాచికి న్యాయస్థానం 20 ఏళ్ల కఠిన కారాగార శిక్ష, రూ. 1.10 లక్షల జరిమానా విధించింది. మండ్య తాలూకాలోని మోడ్జకనహళ్లి గ్రామానికి చెందిన నాగేశ్‌ (50) దోషి. వివరాలు.. ఓ బాలికపై కన్నేసిన నాగేశ్‌.. ఆమె గురించి సమాజంలో దుష్ప్రచారం చేస్తానని బెదిరించాడు. బలవంతంగా లైంగిక దాడికి పాల్పడసాగాడు. దీంతో అభాగ్యురాలు గర్భవతి అయింది. ఇది తెలిసి తల్లిదండ్రులు శివళ్లి పోలీస్‌ స్టేషన్‌లో ఫిర్యాదు చేయగా, కామాంధునిపై లైంగిక దాడి, పోక్సో కేసు నమోదు చేశారు. కెరగోడు సర్కిల్‌ ఇన్‌స్పెక్టర్‌ ఎం.మంజునాథ్‌ కోర్టులో చార్జిషీట్‌ సమ ర్పించారు. ఫాస్ట్‌ ట్రాక్‌ 2వ కోర్టు ప్రత్యేక న్యాయమూర్తి బి.దిలీప్‌కుమార్‌ విచారించారు. నేరం రుజువు కావడంతో ఏకంగా 20 ఏళ్ల కఠిన కారాగార శిక్ష, జరిమానా విధించారు. ప్రభుత్వ ప్రాసిక్యూటర్‌ హెబ్బకవాడి నాగరాజు వాదించారు.రైతు రుణ మాఫీకి కేంద్రం నిధులివ్వాలి: డీసీఎం తుమకూరు: రైతు రుణాలను మాఫీ చేసేందుకు కేంద్ర ప్రభుత్వం నిధులు ఇవ్వాలని ఉప ముఖ్యమంత్రి, రెవెన్యూ మంత్రి డా. జి. పరమేశ్వర అన్నారు. తుమకూరు జిల్లా కుణిగల్‌ తాలూకాలోని హుళియూర్‌ దుర్గలో శనివారం జరిగిన ప్రజా సేవా అభియాన్‌ సభలో ఆయన మాట్లాడారు. తమ ప్రభుత్వం తాగునీటికి అత్యంత ప్రాధాన్యత ఇస్తోందని చెప్పారు. కరువు కారణంగా రైతులు ఇబ్బందుల్లో ఉన్నారన్నారు. వారికి ఉపశమనం కల్పించాల్సిన అవసరం ఉందన్నారు. రాష్ట్ర ప్రభుత్వం ఇప్పటికే రైతుల రుణాలపై వడ్డీని మాఫీ చేసిందని, అయినప్పటికీ, పూర్తి రుణమాఫీ చేయాలని రైతు వర్గం నుంచి డిమాండ్‌ ఉంది. ఈ విషయమై కేంద్ర ప్రభుత్వానికి ఒక అభ్యర్థన కూడా సమర్పించినట్లు ఆయన తెలిపారు. డిసెంబర్‌ నాటికి ఐదు లక్షల ఇంటి స్థలాల పేదలకు పంపిణీ చేస్తామన్నారు.టూర్లలో అతి చేయొద్దు ● విద్యార్థులపై సర్కారు నియంత్రణ యశవంతపుర: ప్రభుత్వ, ప్రైవేటు కాలేజీ విద్యార్థులు విహారయాత్రలకు వెళ్లిన సమయంలో సెల్ఫీలు, వీడియోలు తీసుకోవడాన్ని రాష్ట్ర ప్రభుత్వం నిషేధించింది. కొండలు, వాగులు, నదులు వంటి చోట్ల ప్రమాదకరంగా సెల్ఫీలు తీసుకుంటూ అపాయాలకు గురికావడంతో ఈ నిర్ణయం తీసుకుంది. టూర్లకు వెళ్లాలంటే ముందు ప్రిన్సిపాల్స్‌ విద్యార్థులకు తగిన సూచనలు చేయాలి. సీనియర్‌ అధికారుల నుంచి అనుమతులతో పాటు తల్లిదండ్రుల నుంచి ఆమోదం తీసుకోవాలని ఉత్తర్వుల్లో తెలిపారు. విద్యార్థులను తప్పనిసరిగా ఉపాధ్యాయలు, అధ్యాపకులు పర్యవేక్షణ చేయాలని సూచించారు. అపాయకర ప్రాంతాల వద్దకు వెళ్లకుండా చూడాలని తెలిపారు.

బళ్లారిటౌన్‌: నగరంలోని వాజ్‌పేయి లే అవుట్‌ వెనుక భాగంలోని శివసాయి టౌన్‌షిప్‌ నుంచి స్టాండర్డ్‌ ఇన్‌ఫ్రా వరకు వేసిన సీసీ రోడ్డు నిర్మాణం మూణ్నాళ్ల ముచ్చటగా మారింది. రోడ్లు వేసి నాలుగైదు నెలలు కూడా కాకముందే సీసీ రోడ్లు బీటలు వారడంతో స్థానికుల్లో అసంతృప్తి నెలకొంది. ఈ పనులను వర్ష పీడిత పథకంలో 2022లో ఆమోదం లభించింది. మూడేళ్లుగా పనులు చేయక పోగా నాలుగు నెలల క్రితం పనులు పూర్తి చేశారు. గ్రామీణ ఎమ్మెల్యే నాగేంద్ర చొరవతో ఈ రోడ్ల పనులకు నిధులు మంజూరు చేశారు. ఈ పనులను ల్యాండ్‌ ఆర్మీకి అప్పగించారు. అయితే రోడ్లలో అండర్‌ గ్రౌండ్‌ డ్రైనేజీ(యూజీడీ) పైప్‌లైన్‌ పనులను చేపట్టి చాంబర్లను రోడ్డు కన్నా ఎత్తులో పలు చోట్ల నిర్మించి వాహన రాకపోకలకు ఆటంకం కల్గించడంతో పాటు యూజీడీ పనులు అర్థంతరంగా నిలిచిపోవడంపై స్థానికులు ఆగ్రహం వ్యక్తం చేస్తున్నారు. దేవుడు వరమిచ్చినా పూజారి వరమివ్వలేదన్న చందంగా ఈ పనులు నాసిరకంగా పూర్తి చేయడంపై స్థానికులు అధికారులు, పాలకులు, కాంట్రాక్టర్‌ తీరును విమర్శిస్తున్నారు. కొన్ని నెలలకే రోడ్లు బీటలు వారిన వైనం రోడ్డు మధ్యలో ఎత్తుగా యూజీడీ చాంబర్లు

రాయచూరు రూరల్‌: జిల్లాలో జరిగిన దళితుల హత్య కేసులను సీఐడీకి అప్పగించాలని దళిత సంఘర్ష సమితి సంచాలకుడు ఎస్‌.మారెప్ప డిమాండ్‌ చేశారు. శనివారం పాత్రికేయుల భవనంలో ఏర్పాటు చేసిన విలేకరుల సమావేశంలో ఆయన మాట్లాడారు. పాత కక్షలను మనస్సులో పెట్టుకుని దేవదుర్గ తాలూకా గబ్బూరు పోలీస్‌ స్టేషన్‌ పరిధిలోని హద్దినాళలో బీఎస్పీ, దళిత కార్యకర్త భూమానంద హత్య, కరడకల్‌లో రేణుక హత్య, సిరవార తాలూకా హొక్రాణిలో అశ్వినిపై హత్యాచారానికి పాల్పడిన ఘటనలో ప్రధాన నిందితులను అరెస్ట్‌ చేయాలని, ఈ కేసులను సీఐడీకి అప్పగించాలన్నారు. ఘటనలు జరిగి నెల రోజులు పైగా కావస్తున్నా రాష్ట్ర హోం మంత్రి ప్రియాంక్‌ ఖర్గే కనీసం జిల్లాలో పర్యటించి సాంత్వన పలకక పోవడం విడ్డూరంగా ఉందన్నారు. రవీంద్రనాథ్‌, విశ్వనాథ్‌, నరసింహులు, శివకుమార్‌, బేరి, అంబన్న, హేమరాజ్‌లున్నారు. సంక్షేమ పథకాలు ప్రజల దరి చేర్చండిరాయచూరు రూరల్‌: ప్రభుత్వ సంక్షేమ పథకాలను ప్రజల దరికి చేర్చాలని జిల్లాధికారిణి పూవిత సూచించారు.శ ఆమె శనివారం లింగసూగూరు ప్రభుత్వ జూనియర్‌ కళాశాల మైదానంలో ప్రజా సేవా పథకాన్ని ప్రారంభించి మాట్లాడారు. సర్కార్‌ మహిళలకు అమలు చేసిన శక్తి, గృహలక్ష్మి పథకాల లబ్ధిని పొందాలని అన్నారు. నెల నెలా రూ.2 వేలు మహిళల బ్యాంక్‌ ఖాతాల్లో జమ అవుతాయన్నారు. రాష్ట్ర ముఖ్యమంత్రి డీ.కే.శివకుమార్‌ ఆదేశాల మేరకు ప్రజల వద్దకు పాలనను అందించాలన్నారు. ప్రజల నుంచి వచ్చిన ఫిర్యాదులను త్వరితగతిన అధికారులు పరిష్కరించాలన్నారు. కార్యక్రమంలో జెడ్పీ సీఈఓ ఈశ్వర్‌ కుమార్‌, మహిళా శిశు సంక్షేమ శాఖాధికారిణి శరణమ్మ, జిల్లా ఆరోగ్య అధికారిణి నందితలున్నారు. డీసీసీ ఎస్టీ సెల్‌ అధ్యక్షురాలిగా మమత రాయచూరు రూరల్‌: రాయచూరు జిల్లా కాంగ్రెస్‌ పార్టీ ఎస్టీ సెల్‌ అధ్యక్షురాలిగా మమతను నియమిస్తూ రాష్ట్రాధ్యక్షుడు విజయ్‌ నాయక్‌ ఆదేశాలు వెలువరించారు. 15 ఏళ్ల పాటు పార్టీకి చేసిన సేవలను గుర్తించి అధ్యక్ష పదవిని కట్టబెట్టారు. డిసెంబర్‌లో జరగనున్న స్థానిక సంస్థల ఎన్నికల నాటికి కార్యకర్తల సహకారంతో గ్రామ స్థాయి నుంచి పార్టీని బలోపేతం చేయాలని రాష్ట్ర ప్రధాన కార్యదర్శి మదన్‌ పటేల్‌ సూచించారు. రుణాల్ని చెల్లిస్తేనే ప్రగతి కోలారు: రుణాల వసూళ్లలో పీఎల్‌డీ బ్యాంకు జిల్లాలోనే రెండవ స్థానంలో ఉంది, రైతులు తీసుకున్న రుణాలు తిరిగి చెల్లిస్తేనే అభివృద్ధి సాధ్యం అవుతుందని బ్యాంకు అధ్యక్షుడు కెందట్టి ఏ. శివకుమార్‌ తెలిపారు. శనివారం నగరంలోని టీ. చన్నయ్య రంగమందిరంలో పీఎల్‌డీ బ్యాంకు సర్వసభ్య సమావేశాన్ని ప్రారంభించి ఆయన మాట్లాడారు. బ్యాంకు ఉపాధ్యక్షుడు ఎం వెంకటరాం, డైరెక్టర్‌, విట్టప్పనహళ్లి డెయిరీ అధ్యక్షుడు వెంకటేష్‌, ఎన్‌ జీ బ్యాటప్ప తదితరులు పాల్గొన్నారు. చిరునామా అడిగినట్లు నటించి నగల చోరీ కెలమంగలం: చిరునామా అడిగినట్లు నటించి నగలు చోరీ చేసిన తపాలా ఉద్యోగిని తళి పోలీసులు అరెస్ట్‌ చేశారు. వివరాలు.. డెంకణీకోట తాలూకా తళి సమీపంలోని దొడ్డఉబ్బనూరు గ్రామానికి చెందిన భాగ్యమ్మ రెండు రోజుల క్రితం భర్తతో కలిసి ద్విచక్ర వాహనంలో వెళ్తుండగా.. నల్లకారులో వచ్చిన వ్యక్తి ఉబ్బనూరుకు వెళ్లేందుకు దారి అడిగాడు. కొత్తగా వచ్చిన వ్యక్తికి దారి తెలియక అడుగుతున్నాడని భావించిన భాగ్యమ్మ.. తాను అదే గ్రామానికి వెళ్తున్నా అని చెప్పి అతడి కారులో ఎక్కి కూర్చొంది. కొద్ది దూరం వెళ్లగానే ఆమె మెడలో ఉన్న 38 గ్రాముల బంగారు గొలుసును లాక్కొని పరారయ్యాడు. అలాగే ఉబ్బనూరు బస్టాప్‌ వద్ద నడుచుకుని వెళ్తున్న విజయమ్మ మెడలో ఉన్న 50 గ్రాముల బంగారు గొలుసు లాక్కొని ఉడాయించాడు. ఈ ఘటనలపై బాధిత మహిళలు తళి పోలీసులకు ఫిర్యాదు చేశారు. కేసు నమోదు చేసుకున్న పోలీసులు సీసీ కెమెరాల ఫుటేజీ ఆధారంగా నిందితుడిని అరెస్ట్‌ చేశారు. నిందితుడు ఆనేకల్‌ సమీపంలోని గేరెట్టిహళ్లి గ్రామానికి చెందిన జీవన్‌ కుమార్‌ అని విచారణలో తేలింది. హొసకోటె ప్రాంతంలోని తపాలా కార్యాలయంలో ఉద్యోగిగా పని చేస్తూ తరచూ దోపిడీలకు పాల్పడుతున్నట్లు ఒప్పుకున్నాడు.

రాయచూరు రూరల్‌: నగరంలో ప్రత్యేకంగా ఐదో రోజు గణపతులను నిమజ్జనం చేశారు. శుక్రవారం రాత్రి ఐదో రోజు వినాయకుల నిమజ్జనాలను భక్తిశ్రద్ధలతో చేశారు. శనివారం తెల్లవారు జామున జరిగిన ర్యాలీలో ఇద్దరు బాలురు ప్రాణాలను కోల్పోయారు. వీర సావర్కర్‌ వినాయకుడిని కాస్‌బావిలో నిమజ్జనం చేశారు. పోలీసులు గట్టి బందోబస్తును ఏర్పాటు చేశారు. నగరంలోని జహీరాబాద్‌ వద్ద ట్రాక్టర్‌లో వినాయకుడిని తీసుకెళుతున్న సమయంలో అనుకోకుండా ట్రాక్టర్‌ టైర్ల కింద పడి ఇద్దరు బాలురు మరణించారు. మృతులను సుచిత్‌ కుమార్‌(16), చరణ్‌ కుమార్‌ (14)లుగా పోలీసులు గుర్తించారు. ట్రాఫిక్‌ పోలీసులు కేసు నమోదు చేసుకుని దర్యాప్తు చేస్తున్నట్లు సీఐ ఉమేష్‌ కాంబ్లే తెలిపారు. డీజే శబ్ధంతో బాలికకు అస్వస్థత పోలీసులు డీజే శబ్దంతో ఊరేగింపును త్వరిత గతిన పూర్తి చేయాలని ఆదేశించినా గణపతి ట్రస్ట్‌ నిర్వాహకులు రాత్రి 7 గంటల నుంచి తెల్లవారు జాము వరకు మోగించడంతో అర్థ రాత్రి గోల్‌ మార్కెట్‌ నివాసి జైభీమ్‌ వల్లభ అనే చిన్నారి బాలిక ఆ శబ్ధానికి అస్వస్థతకు గురైందని జిల్లాధికారికి ఫిర్యాదు చేయడానికి వెళితే పోలీసులు కేసు స్వీకరణకు నిరాకరించారు. ఈ విషయంపై వీడియోలు వైరలయ్యాయి. ఇద్దరు బాలుర దుర్మరణం

హుబ్లీ: నగరంలోని గబ్బూరు వద్ద జాతీయ రహదారిలో రూ.700 కోట్లతో నిర్మించిన కేఎల్‌ఈ సంస్థ జగద్గురు గంగాధర స్వామి మూరుసావిర మఠం వైద్య కళాశాల, పరిశోధన కేంద్రం ఆస్పత్రిని కేంద్ర మంత్రి ప్రహ్లాద్‌ జోషి, ఆ స్వామీజీ శనివారం జాతికి అంకితం చేశారు. ఈ సందర్భంగా కేఎల్‌ఈ సంస్థ వైస్‌ ఛాన్సలర్‌ డాక్టర్‌ ప్రభాకర్‌ కోరే మాట్లాడుతూ మూరుసావిర మఠం ఆధ్వర్యంలో కేటాయించిన 23 ఎకరాల స్థలంలో వైద్య కళాశాల ఆస్పత్రి పరిశోధన కేంద్ర నిర్మించాం. మఠం పేరున సంస్థకు నామకరణం చేశాం. కేఎల్‌ఈ సంస్థ సమాజ సేవలో 110 ఏళ్ల పరంపరను కొనసాగిస్తోందని తెలిపారు.

హొసపేటె: గతంలో ప్రజలు తమ సమస్యలకు పరిష్కారం దొరుకుతుందనే ఆశ లేకుండా కార్యాలయాల చుట్టూ తిరిగే పరిస్థితి ఉండేది. దీనిని గ్రహించి ప్రభుత్వం ప్రతిష్టాత్మకమైన ప్రజాసేవ విభాగాన్ని ఏర్పాటు చేసింది. ఇక్కడ సమర్పించిన దరఖాస్తులను సకాలంలో పరిష్కరించాలి అని జిల్లా ఇన్‌చార్జి, మత్స్య, ఓడరేవులు, అంతర్గత జల రవాణా శాఖ మంత్రి కేఎస్‌.బసవంతప్ప సూచించారు. శనివారం హరపనహళ్లిలోని హొసపేటె రోడ్డులో ఉన్న డాక్టర్‌ బాబూ జగ్జీవన్‌ రామ్‌ భవన్‌లో జిల్లా, తాలూకా పరిపాలన యంత్రాంగం సంయుక్తంగా నిర్వహించిన కార్యక్రమాన్ని ప్రారంభించి ఆయన మాట్లాడారు. ప్రజాసేవ రాష్ట్ర ప్రభుత్వ ప్రతిష్టాత్మక ప్రాజెక్ట్‌ అని, ప్రజా సేవా విభాగం కింద నమోదైన ఫిర్యాదులను నిబంధనల ప్రకారం సక్రమంగా పరిశీలించి, సకాలంలో పరిష్కరించాలన్నారు. సమస్యలపై సంబంధిత అధికారులతో చర్చించి, తక్షణమే పరిష్కారాలు అందించాలని తెలిపారు. చట్టపరమైన చిక్కులు లేదా ఇతర లోపాలు ఉంటే వాటిని సరిదిద్దడానికి తగినంత సమయం ఇచ్చి, పరిష్కరించాలన్నారు. తక్షణమే పరిష్కరించలేని కేసుల్లో తదుపరి చర్యల గురించి తగిన సలహా, మార్గదర్శనం, స్పష్టమైన సమాచారం అందించాలని ఆయన అన్నారు. అధికారులు ప్రజల ఫిర్యాదులపై సానుకూలంగా స్పందించాలన్నారు. అలసత్వ అధికారులపై కఠిన చర్యలు ప్రజలను ఒక కార్యాలయం నుంచి మరో కార్యాలయానికి తిప్పడం లేదా దరఖాస్తులపై స్పందించని అధికారులపై కఠినమైన క్రమశిక్షణా చర్యలు తీసుకుంటామన్నారు. ఈ కార్యక్రమం ద్వారా తమ సమస్యలు పరిష్కారమయ్యాయనే సానుకూల సందేశం బాధిత ప్రజలకు చేరాలన్నారు. ప్రభుత్వమే స్వయంగా ప్రజల ఇంటి వద్దకే వెళ్లి వారి సమస్యలను విని, పరిష్కారం అందించే వాతావరణాన్ని సృష్టించడమే ఈ కార్యక్రమం లక్ష్యం అని ఆయన అన్నారు. ఈ సందర్భంగా జిల్లాధికారి కవిత ఎస్‌.మన్నికేరి తదితరులు పాల్గొన్నారు. ఫిర్యాదులను సత్వరం పరిష్కరించాలి జిల్లా ఇన్‌చార్జి మంత్రి బసవంతప్ప

బళ్లారి రూరల్‌: వేతనాలు ఇవ్వకుంటే ఎలా బతకాలి? అని వేడి భోజన కార్మికులు ఆగ్రహం వ్యక్తం చేశారు. కర్ణాటక రాష్ట్ర సంయుక్త అక్షర దాసోహ కార్మిక సంఘం, ఏఐయుటీయుసీ ఆద్వర్యంలో శుక్రవారం జెడ్పీ కార్యాలయం ముందు ధర్నా చేపట్టారు. ఈ సందర్భంగా సంఘ జిల్లా ప్రముఖుడు జి.సురేశ్‌ మాట్లాడుతూ.. లక్షలాది మంది కార్మికుల జీవనం దుర్భరంగా మారిందని తెలిపారు. ఒంటరి మహిళలు, తల్లులు, కుటుంబ పోషణకు అష్టకష్టాలు పడుతున్నారన్నారు. రెండు నెలలుగా వేతనాలు ఇవ్వకపోవడంతో జీవనం కష్టంగా మారిందన్నారు. వేడి భోజన కార్మికుల వేతనాలు పెంచి ప్రధానోపాధ్యాయుల ఖాతాలో కాకుండా నేరుగా కార్మికుల ఖాతాలోనే వేతనాలు జమ చేయాలని కోరారు. ఏళ్ల తరబడి బాకీ ఉన్న కోడిగుడ్ల బకాయిలు వెంటనే చెల్లించాలని డిమాండ్‌ చేశారు. సమస్యలు పరిష్కరించి, వేతనాలు పెంచాలని సూచించారు. ప్రతిఘటనలో భాగంగా తాలూకా కార్యాలయం నుంచి జెడ్పీ కార్యాలయం వరకూ ర్యాలీ నిర్వహించారు. ఈ ప్రతిఘటనలో రాష్ట్రఅధ్యక్షలు ఎ.శాంత,కార్యదర్శి సంధ్యా పి.ఎస్‌.కార్మికులు పాల్గొన్నారు.

హోసూరు: ఎంఎస్‌ఎంఈ సంగమం లఘు ఉద్యోగ్‌ భారత్‌ తమిళనాడు సంస్థ ద్వారా చిన్న, సన్నకారు పరిశ్రమల్లో ఉత్పత్తి చేస్తున్న వస్తువుల ప్రదర్శనను హోసూరు ఎమ్మెల్యే పి.బాలకృష్ణారెడ్డి శుక్రవారం ప్రారంభించారు. హోసూరు పారిశ్రామికవాడ మూకొండపల్లిలోని హిల్స్‌ హోటల్‌లో రెండు రోజుల పాటు ప్రదర్శన కొనసాగుతుంది. ఈ సందర్భంగా ఎమ్మెల్యే మాట్లాడుతూ.. పారిశ్రామిక రంగంలో హోసూరు మహా నగరం ప్రపంచ స్థాయికి ఎదిగిందన్నారు. చిన్న, సన్నకారు పరిశ్రమల ప్రోత్సాహంతోనే పెద్ద పెద్ద పరిశ్రమలు ఆదరణ పొందుతున్నాయని గుర్తు చేశారు. ఎంఎస్‌ఎంఈ సంగమం ద్వారా ఉత్పత్తుల అమ్మకదారులు, కొనుగోలుదారులను ఒక తాటిపైకి తీసుకొచ్చి యువతకు ఉద్యోగ అవకాశాలు కల్పించడమే లక్ష్యమన్నారు. తమిళనాడు, పాండిచ్చేరి, కేరళ, కర్ణాటక, ఆంధ్ర, తెలంగాణా రాష్ట్రాలకు చెందిన చిన్న, సన్నకారు పరిశ్రమలు ఉత్పత్తి చేసిన వస్తువులను ప్రదర్శనలో ఉంచారు. హోసూరు, చుట్టుపక్కల ప్రాంతాల నుంచి తరలివచ్చిన వేలాది మంది ఈ ప్రదర్శనను తిలకించారు.

● రూ.63 లక్షల నగదు జప్తు చేసిన సీఐడీ అధికారులు బనశంకరి: కేపీఎస్సీ పశువైద్యాధికారులతో పాటు వివిధ నియామకాల్లో చోటు చేసుకున్న భారీ అక్రమాల కేసులో ఐఏఎస్‌ అధికారి జ్ఞానేంద్రకుమార్‌ గంగ్వార్‌, బసవరాజ కన్నాళే సంబంధాలపై సీఐడీ దర్యాప్తును బహిర్గతం చేసింది. 2024లో జ్ఞానేంద్రకుమార్‌ గంగ్వార్‌ కేపీఎస్సీ పరీక్షల విభాగం కంట్రోలర్‌గా బాధ్యతలు స్వీకరించిన తక్షణం పాత స్నేహితుడు బసవరాజ కన్నాళేతో కేపీఎస్సీ అక్రమాలు, ప్రశ్నాపత్రం లీకేజీ, అభ్యర్థులతో డీల్‌ కుదుర్చుకోవడంపై అధికారికి సర్దిచెప్పడంలో కన్నాళే విజయం సాధించారు. విజయకుమార్‌ గంగ్వార్‌ ఢిల్లీ, ఉత్తరప్రదేశ్‌ విమాన ప్రయాణానికి సుమారు రూ.11 లక్షల ఖర్చును భరించినట్లు వెలుగులోకి వచ్చింది. బసవరాజ కన్నాళే అభ్యర్థుల నుంచి సేకరించిన డబ్బును బినామీ అకౌంట్లకు బదిలీ చేశారు. అక్రమ నగదు కార్యకలాపాల కోసం బీదర్‌లో ఓంశ్రీ లక్ష్మీ సౌహార్ద సొసైటీతో పాటు వివిధ బ్యాంకుల్లో కన్నాళే నిర్వహిస్తున్న 13 బినామీ బ్యాంకు అకౌంట్లలో ఉన్న రూ.63 లక్షల నగదును సీఐడీ అధికారులు జప్తు చేశారు. అంతేగాక సంజయ్‌నగరలోని నివాసంపై సీఐడీ అధికారులు దాడి చేసి రూ.3 లక్షల నగదును స్వాధీనం చేసుకున్నారు.నాయకుల వల్లే ఎన్నికల వ్యవస్థ బలహీనం ● మాజీ సీఎం సిద్దరామయ్య తుమకూరు: రాజకీయ నాయకుల వల్లే ఎన్నికల వ్యవస్థ క్షీణించిందని మాజీ ముఖ్యమంత్రి సిద్దరామయ్య ఆరోపించారు. శుక్రవారం శ్రీదేవి కళాశాలలో చిత్రకారుడు పీ.ఆర్‌.తిప్పేస్వామి సమగ్ర సాహిత్య సంకలనాన్ని ప్రారంభించిన అనంతరం ఆయన మాట్లాడారు. ‘నేను తొలిసారి ఎన్నికల్లో పోటీ చేసినప్పుడు, ప్రజలు నాకు డబ్బులు ఇచ్చి, ఓట్లు వేసి నన్ను గెలిపించారు. అలాంటి వ్యవస్థ ఇప్పుడు లేదు. అది క్షీణించిపోయింది. ఎన్నికల వ్యవస్థ ఖరీదైనదిగా మారిందన్నారు. అందుకే మంచివాళ్లు రాజకీయాల్లోకి రావడం లేదు. ఈ కారణంగానే భవిష్యత్‌ పరిస్థితులపై ఆధారపడినా నేను ఎన్నికల్లో పోటీ చేయనని అనేక వేదికలపైనా, కార్యక్రమాల్లోనూ చెప్పాను,‘ అని ఆయన అన్నారు. చిత్రకారుడు తిప్పేస్వామి చిత్రలేఖనం, సాహిత్యం, పరిశోధన రంగాల్లో అసాధారణ కృషి చేసిన బహుముఖ ప్రజ్ఞాశాలి. గతంలో నేను ముఖ్యమంత్రిగా ఉన్నప్పుడు, ఆయన పేరు మీద ఒక స్టడీ బెంచ్‌ కోసం రూ.2 కోట్ల గ్రాంటు ఇచ్చాను అని ఆయన గుర్తు చేశారు. శ్రీదేవి గ్రూప్‌ ఎడ్యుకేషన్‌ ఇన్‌స్టిట్యూట్‌ వ్యవస్థాపక అధ్యక్షుడు డాక్టర్‌ ఎం.ఆర్‌. హులినాయకర్‌, బుక్‌ అథారిటీ అధ్యక్షురాలు డాక్టర్‌ మనస, రాష్ట్ర సమాచార హక్కు కమిషనర్‌ రుద్రన్న హర్తికోటె, మాజీ మంత్రి కె.ఎన్‌.రాజన్న, గ్రంథ సంపాదకుడు ప్రొఫెసర్‌ చిక్కన్న ఎణ్ణెకట్టె, తుమకూరు జిల్లా కసాప అధ్యక్షుడు కె.ఎస్‌.సిద్దలింగప్ప, అథారిటీ నిర్వాహకుడు కె.బి.కిరణ్‌ సింగ్‌, బీఎంటీసీ ఉపాధ్యక్షుడు నికేత్‌రాజ్‌ తదితరులు పాల్గొన్నారు.మైసూరులో బీఐఎస్‌ అధికారుల దాడులుమైసూరు: నగరంలోని ఒక బంగారు దుకాణం నుంచి, యూనిక్‌ ఐడెంటిఫికేషన్‌ (యూఐడీ) హాల్‌ మార్క్‌ లేని 430 గ్రాముల బంగారాన్ని బ్యూరో ఆఫ్‌ ఇండియన్‌ స్టాండర్డ్స్‌ (బీఐఎస్‌) అధికారులు స్వాధీనం చేసుకున్నారు. మైసూరులోని లష్కర్‌ మొహల్లాలో ఉన్న ప్రతిభా జ్యువెల్స్‌పై బ్యూరో ఆఫ్‌ ఇండియన్‌ స్టాండర్డ్స్‌ (బీఐఎస్‌) అధికారులు దాడి చేసి తనిఖీ చేసినప్పుడు, ఆ దుకాణం బ్యూరో ఆఫ్‌ ఇండియన్‌ స్టాండర్డ్స్‌ (బీఐఎస్‌) యొక్క ప్రామాణిక గుర్తును దుర్వినియోగం చేస్తున్నట్లు గుర్తించారు. ఈ నేపథ్యంలో 430 గ్రాముల బంగారాన్ని స్వాధీనం చేసుకున్నట్లు బీఐఎస్‌ డైరెక్టర్‌ సుష్మా రావు ఒక ప్రకటనలో తెలిపారు. ఈ చర్య బీఐఎస్‌ చట్టం 2016 కింద రూపొందించిన ఆంక్షలు, నిబంధనల ఉల్లంఘన అని, ఈ విషయంలో చట్టపరమైన చర్యలు తీసుకుంటామని తెలిపారు. ప్రజలకు మళ్లీ ధరాఘాతం.! ● లీటర్‌ పాల ధరను రూ.10 పెంచాలని రాష్ట్ర ప్రభుత్వానికి విజ్ఞప్తిశివాజీనగర: రాష్ట్రంలోని సామాన్య ప్రజలు ఇప్పుడు మరో ధరల పెంపు ముప్పును ఎదుర్కొంటున్నారు. రాష్ట్రంలో లీటరు పాల ధరను రూ.10 మేర పెంచాలని పాల సంఘాలు ప్రభుత్వానికి అధికారికంగా విజ్ఞప్తి చేశాయి. ఈ ధరల పెంపుపై నిర్ణయాన్ని రాబోయే మూడు రోజుల్లోగా ప్రకటించాలని ప్రభుత్వాన్ని కోరాయి. రైతుల ద్వారా వచ్చిన తీవ్ర డిమాండ్‌ నేపథ్యంలో ఈ నిర్ణయం తీసుకున్నట్లు పాల సంఘాలు స్పష్టం చేశాయి. పాల ఉత్పత్తి వ్యయం అధికారికంగా ఉండటంతో రైతులు లీటర్‌కు రూ.10 పెంచాలని నిరంతరం డిమాండ్‌ చేస్తున్నారు. అందువల్ల రైతుల ప్రయోజనాల దృష్ట్యా పాల ధరను సవరించి, పెంచాలని మేం ప్రభుత్వాన్ని కోరుతున్నామని బమూల్‌ డైరెక్టర్‌ హరీష్‌ కుమార్‌ తెలిపారు. ఈ డిమాండ్‌ను తీవ్రంగా పరిగణించి, తదుపరి పోరాటానికి, వ్యూరచనకు కార్మిక సంఘాలు సిద్ధంగా ఉన్నాయి. ఇందుకోసం ఈనెల 22న బెంగళూరులోని ఫ్రీడం పార్కులో భారీ సభ నిర్వహించి, ప్రభుత్వానికి అధికారికంగా వినతి పత్రాన్ని సమర్పించాలని నిర్ణయించారు. ఒకవైపు రైతుల ప్రయోజనాలు, మరోవైపు వినియోగదారుల జేబుకు చిల్లు పడుతుందనే భయం నేపథ్యంలో ప్రభుత్వం తీసుకునే తుది నిర్ణయం ఎలా ఉంటుందో వేచి చూడాల్సిందే.

బళ్లారి రూరల్‌: అల్లం సుమంగళమ్మ స్మారక మహిళా కళాశాలలో ఈనెల 21 నుంచి రెండు రోజుల పాటు సువర్ణ మహోత్సవాలు నిర్వహిస్తామని వీవీ సంఘం కోశాధికారి బైలువద్దిగేరి ఎర్రిస్వామి తెలిపారు. శుక్రవారం వీవీ సంఘం పాలనా భవన్‌లో ఏర్పాటు చేసిన విలేకరుల సమావేశం నిర్వహించారు. కళాశాల పాలక మండలి అధ్యక్షుడు కాత్యాయిని మరిదేవయ్య మాట్లాడుతూ.. అల్లం సుమంగళమ్మ మహిళా స్మారక కళాశాల 1969లో కేవలం 164 మంది విద్యార్థులతో ప్రారంభించినట్లు తెలిపారు. ఇప్పుడు 2,500 మంది విద్యార్థులు విద్యాభ్యాసం చేస్తున్నట్లు పేర్కొన్నారు. ఉజ్జయిని సమర్థ సింహాసనాధీశుడు జగద్గురు సిద్దలింగ రాజదేశకేంద్ర శివాచార్య భగవత్పాద మహాస్వామి, ఎమ్మిగనూరు గురుమహంతర సంస్థాన పీఠాధిపతి, గురు వామదేవ మహంత శివాచార్య, బళ్లారి ఎంపీ తుకారాం తదితరులు అతిథులుగా హాజరవుతారని వెల్లడించారు. సమావేశంలో వీవీ సంఘం కార్యదర్శి యాల్పిమేటి పంపనగౌడ, జి.ఎం.పార్వతీశ, ప్రిన్సిపాల్‌ గోవిందరాజులు, దూపల సతీష్‌ పాల్గొన్నారు.

బనశంకరి: పరప్పన అగ్రహార కేంద్ర జైలులో ఖైదీల్లో సత్ప్రవర్తన, పునర్వసతి కల్పించే ఉద్దేశంతో అత్యంత కీలక పథకం అమల్లోకి తీసుకువచ్చింది. జైలులో విచారణ ఖైదీలు స్వావలంబన కోసం ప్రారంభించిన నవసంకల్ప బేకరీని రాష్ట్ర జైళ్ల శాఖ డీజీపీ అలోక్‌కుమార్‌ అధికారికంగా శుక్రవారం ప్రారంభించారు. బేకరీ ఉత్పత్తులను ప్రజలకు అందించే నవసంకల్ప బేకరీ ఆన్‌ వీల్స్‌ అనే ప్రత్యేక సంచార వాహనాన్ని కూడా ప్రారంభించారు. ఈ వినూత్న ప్రణాళికలో జైలుశిక్ష అనుభవిస్తున్న విచారణ ఖైదీలకు నాణ్యతతో తయారు చేయడం గురించి వృత్తిపరమైన శిక్షణ ఇస్తారు. శిక్షణ విజయవంతంగా పూర్తి చేసిన ఖైదీలకు అధికారికంగా సర్టిఫికెట్లు అందజేశారు. నగరంలోని ప్రముఖ ప్రదేశాల్లో విక్రయం నవసంకల్ప బేకరీ ఆన్‌వీల్స్‌ ట్రాఫిక్‌ వాహనాల ద్వారా బెంగళూరు నగరంలో ప్రముఖ న్యాయస్థానాల ప్రాంగణాలు, ప్రజలు రద్దీ ఎక్కువగా ఉండే ప్రముఖ బస్‌స్టేషన్లలో విక్రయిస్తారు. ఈ ప్రాజెక్టు జైలు నుంచి విడుదలైన తరువాత ఖైదీలు నేరం నుంచి విముక్తులై సమాజవాహినిలో స్వావలంబన జీవితం సాగించడానికి దోహదపడుతుంది. దీంతో పాటు అవసరమైన ఉత్పత్తుల విక్రయం ద్వారా వచ్చే ఆదాయం ప్రభుత్వ ఖజానాకు ఆసరాగా ఉంటుంది. ఖైదీల పునర్వసతి చరిత్రలోనే నవసంకల్ప బేకరీ చాలా కీలకమైంది.

హోసూరు: హోసూరు పారిశ్రామిక వాడలో తమిళనాడు ప్రభుత్వం నిషేధించిన గుట్కా ఉత్పత్తులను విక్రయిస్తున్న చిల్లర దుకాణాన్ని అధికారులు సీజ్‌ చేశారు. హోసూరు కార్పొరేషన్‌ పరిధిలో నిషేధిత గుట్కా ఉత్పత్తుల విక్రయాలు జోరుగా సాగుతున్నాయని ఆహారభద్రత శాఖ అధికారులకు ఫిర్యాదులు వచ్చాయి. ఆహారభద్రత శాఖ అధికారులు రవి, ప్రభాకరన్‌, శాంఇళంగో, హరి తదితరుల బృందం గురువారం సాయంత్రం పారిశ్రామికవాడ జూజువాడి, బేడరపల్లి ప్రాంతాల్లో ఆకస్మిక దాడి చేశారు. బేడరపల్లి ఎంజీఆర్‌ నగర్‌ ప్రాంతంలో రీఠారాయ్‌ నిర్వహిస్తున్న చిల్లర దుకాణంలో 40 కిలోల గుట్కా పట్టుబడింది. గుట్కాను స్వాధీనం చేసుకుని దుకాణాన్ని సీజ్‌ చేసి, రూ.25 వేల జరిమానా విధించారు.