australia

హాంగ్ కాంగ్ సిక్స్సెస్ 2026 టోర్నమెంట్‌లో ఆస్ట్రేలియా జట్టు తమ జైత్ర యాత్రను కొనసాగిస్తోంది. శనివారం మిషన్ రోడ్ గ్రౌండ్ వేదిక‌గా జ‌రిగిన తొలి సెమీఫైన‌ల్‌లో యూఏఈను 53 ప‌రుగుల తేడాతో ఆసీస్ చిత్తు చేసింది. దీంతో ఈ ప్ర‌తిష్టాత్మ‌క టోర్నీ ఫైన‌ల్‌కు ఆసీస్ దూసుకెళ్లింది. ఈ సెమిస్ పోరులో తొలుత బ్యాటింగ్ చేసిన ఆస్ట్రేలియా నిర్ణీత 6 ఓవ‌ర్ల‌లో 3 వికెట్ల న‌ష్టానికి 141 ప‌రుగుల భారీ స్కోర్ సాధించింది. ఆసీస్ బ్యాట‌ర్లు మ్యాక్స్ బ్రయంట్, నిక్ హాబ్సన్ మ‌రోసారి విధ్వంసం సృష్టించారు. బ్రయంట్ కేవలం 15 బంతుల్లోనే 5 ఫోర్లు, 6 సిక్స్‌లతో 60 పరుగులు చేయగా.. హాబ్సన్ 11 బంతుల్లో (4 ఫోర్లు, 6 సిక్స్‌లతో 53 రన్స్‌) హాఫ్ సెంచరీ మార్క్‌ను అందుకున్నాడు. యూఏఈ బౌలర్లలో ముహమ్మద్ జుహైబ్ ఒక్కడే వికెట్ సాధించాడు. మిగితా ఇద్దరు బ్యాటర్లు రిటైర్డ్ హార్ట్‌గా వెనుదిరిగాడు.అనంతరం 142 పరుగుల భారీ లక్ష్యంతో బరిలోకి దిగిన యూఏఈ జట్టు.. ఆస్ట్రేలియా బౌలర్ల ధాటికి క్రమం తప్పకుండా వికెట్లు కోల్పోయింది. ఆ జట్టు 5.3 ఓవర్లలో కేవలం 88 పరుగులు మాత్రమే చేసి ఆలౌట్ అయింది. ఆసీస్ బౌలర్లలో క్రిస్ గ్రీన్‌, అలెక్స్ రోస్ తలా రెండు వికెట్లు పడగొట్టగా.. జాక్ వుడ్‌, బ్రయంట్ తలా వికెట్ సాధించారు.చదవండి: విండీస్ కెప్టెన్ అరుదైన ఫీట్‌.. బంగ్లాతో టెస్టులో విజ‌యం దిశ‌గా!

సౌతాఫ్రికాతో జరుగుతున్న మూడో టెస్ట్‌లో ఆస్ట్రేలియా జట్టుకు కీలకమైన ఆధిక్యం లభించింది. తొలి ఇన్నింగ్స్‌లో 429 పరుగులకు ఆలౌటైన ఆ జట్టు 100 పరుగుల లీడ్‌ సాధించింది. జోష్‌ ఇంగ్లిస్‌ (102) సెంచరీతో పాటు అలెక్స్‌ క్యారీ (80), కెమరూన్‌ గ్రీన్‌ (65), మ్యాట్‌ రెన్షా (74) అర్ద సెంచరీలతో రాణించారు. హెడ్‌ (41) పర్వాలేదనిపించగా.. కన్నోల్లీ 29, స్టార్క్‌ 11, లియోన్‌ 1, హాజిల్‌వుడ్‌ 4 (నాటౌట్‌), కమిన్స్‌, లబూషేన్‌ డకౌట్లయ్యారు. సౌతాఫ్రికా బౌలర్లలో హార్మర్‌ 4, యాన్సెన్‌ 3, రబాడ, కొయెట్జీ, ముల్దర్‌ తలో వికెట్‌ తీశారు.సౌతాఫ్రికాకు ఆదిలోనే షాక్‌రెండో ఇన్నింగ్స్‌లో సౌతాఫ్రికాకు ఆదిలోనే షాక్‌లు తగిలాయి. మార్క్రమ్‌ (1), బెడింగ్హమ్‌ (11) తక్కువ స్కోర్లకే ఔటయ్యారు. మూడో రోజు రెండో సెషన్‌ సమయానికి ఆ జట్టు స్కోర్‌ 2 వికెట్ల నష్టానికి 38 పరుగులుగా ఉంది. అకెర్‌మన్‌ (20), బవుమా (2) క్రీజ్‌లో ఉన్నారు.అంతకుముందు సౌతాఫ్రికా తొలి ఇన్నింగ్స్‌లో 329 పరుగులకు ఆలౌటైంది. మార్క్రమ్‌ (78), అకెర్‌మన్‌ (95), బెడింగ్హమ్‌ (50), యాన్సెన్‌ (52) అర్ద సెంచరీలతో రాణించారు. రికెల్టన్‌ 42, బ్రీట్జ్కీ 2 పరుగులు చేయగా.. బవుమా, ముల్దర్‌, కొయెట్జీ, రబాడ డకౌట్లయ్యారు. ఆసీస్‌ బౌలర్లలో స్టార్క్‌ 6 వికెట్లు పడగొట్టగా.. లియోన్‌ 2, హాజిల్‌వుడ్‌, కన్నోల్లీ తలో వికెట్‌ తీశారు. కాగా, మూడు మ్యాచ్‌ల ఈ సిరీస్‌లో ఇరు జట్లు తలో మ్యాచ్‌ గెలిచి సమంగా ఉన్నాయి. ఇదీ చదవండి: చరిత్ర సృష్టించిన జోష్‌ ఇంగ్లిష్‌.. తొలి ప్లేయర్‌గా సరికొత్త రికార్డు

సౌతాఫ్రికాతో జరుగుతున్న మూడో టెస్ట్‌లో ఆసీస్‌ మిడిలార్డర్‌ ఆటగాడు జోస్‌ ఇంగ్లిస్‌ సెంచరీతో కదంతొక్కాడు. టెస్ట్‌ల్లో అతడికి ఇది రెండో శతకం. తొలి టెస్ట్‌ సెంచరీని శ్రీలంకలో చేసిన అతడు.. రెండో సెంచరీని సౌతాఫ్రికాలో బాదాడు. ఇంగ్లిస్‌ స్వల్ప కెరీర్‌లో మొత్తంగా ఇది ఆరో శతకం. టెస్ట్‌ల్లో రెండింటితో పాటు వన్డే, టీ20ల్లోనూ తలో రెండు శతకాలు బాదాడు.కేప్‌టౌన్‌ వేదికగా జరుగుతున్న మూడో టెస్ట్‌ తొలి ఇన్నింగ్స్‌లో ఇంగ్లిస్‌ సెంచరీ చేశాడు. 135 బంతుల్లో 11 ఫోర్లు, 2 సిక్సర్ల సాయంతో 102 పరుగులు చేసి ఔటయ్యాడు. ఇంగ్లిస్‌తో పాటు అలెక్స్‌ క్యారీ (80), కెమరూన్‌ గ్రీన్‌ (65), మ్యాట్‌ రెన్షా (74) అర్ద సెంచరీలతో రాణించడంతో ఆసీస్‌ మూడో రోజు తొలి సెషన్‌ నడుస్తుండగా 7 వికెట్ల నష్టానికి 397 పరుగులు చేసింది.కూపర్‌ కన్నోల్లీ (12), మిచెల్‌ స్టార్క్‌ (7) క్రీజ్‌లో ఉన్నారు. మిగతా ఆసీస్‌ ప్లేయర్లలో ట్రవిస్‌ హెడ్‌ 41, లబూషేన్‌, కమిన్స్‌ డకౌట్ అయ్యారు. సౌతాఫ్రికా బౌలర్లలో హార్మర్‌ 4 వికెట్లు​ తీయగా.. యాన్సెన్‌ 2, రబాడ ఓ వికెట్‌ పడగొట్టారు.అంతకుముందు సౌతాఫ్రికా తొలి ఇన్నింగ్స్‌లో 329 పరుగులకు ఆలౌటైంది. మార్క్రమ్‌ (78), అకెర్‌మన్‌ (95), బెడింగ్హమ్‌ (50), యాన్సెన్‌ (52) అర్ద సెంచరీలతో రాణించారు. రికెల్టన్‌ 42, బ్రీట్జ్కీ 2 పరుగులు చేయగా.. బవుమా, ముల్దర్‌, కొయెట్జీ, రబాడ డకౌట్లయ్యారు. ఆసీస్‌ బౌలర్లలో స్టార్క్‌ 6 వికెట్లు పడగొట్టగా.. లియోన్‌ 2, హాజిల్‌వుడ్‌, కన్నోల్లీ తలో వికెట్‌ తీశారు. కాగా, మూడు మ్యాచ్‌ల ఈ సిరీస్‌లో ఇరు జట్లు తలో మ్యాచ్‌ గెలిచి సమంగా ఉన్నాయి. ఇదీ చదవండి: విండీస్‌ స్పిన్నర్‌ రికార్డు ప్రదర్శన

వీధులన్నీ ఊదా రంగును పులుముకుంటే, ఎటు చూసినా ప్రకృతి అందాలు కనువిందు చేస్తే ఆ దృశ్యం ఎంత అద్భుతంగా ఉంటుంది! అలాంటి అందమైన దృశ్యాలకు వేదికగా మారింది ఆస్ట్రేలియాలోని న్యూ సౌత్‌ వేల్స్‌ రాష్ట్రంలో ఉన్న గ్రాఫ్టన్‌ నగరం. ప్రతి ఏటా అక్టోబర్, నవంబర్‌ మాసాల్లో పదిరోజుల పాటు నిర్వహించే జకరాండా ఫెస్టివల్‌ వేడుకలు గ్రాఫ్టన్‌ నగరంలో ఘనంగా సాగుతున్నాయి. ఈ ప్రకృతి పండుగలో పాల్గొనేందుకు పర్యాటకులు ఇప్పటికే ఈ నగరానికి క్యూ కట్టారు.జకరాండా చెట్లు పూసే అక్టోబర్, నవంబర్‌ నెలల్లో గ్రాఫ్టన్‌ నగరం ఊదా రంగు పూలతో అందంగా ముస్తాబవుతుంది. నగరంలోని వీధులు, పరిసర ప్రాంతాలు పూలతో కనువిందు చేస్తాయి. అందుకే ఈ ఉత్సవాన్ని జకరాండా ఫెస్టివల్‌గా పిలుస్తారు. ఈ ఏడాదికి గాను ఈ ఫెస్టివల్‌ను అక్టోబర్‌ 30 నుంచి నవంబర్‌ 8 వరకు నిర్వహిస్తున్నారు. ఈ వేడుక సమయంలో పూల సహజ అందాలను ఆస్వాదించడంతో పాటు స్థానిక సంస్కృతి, కళలను పరిచయం చేయడం ఈ పండుగ ప్రత్యేకత.షైనింగ్‌ బ్రైట్‌జకరాండా ఫెస్టివల్‌కు ఒక ప్రత్యేక చరిత్ర ఉంది. ఆస్ట్రేలియాలో 1934లో ప్రారంభమైన ఈ వేడుక పూల పండుగగా గుర్తింపు పొందింది. ఎన్నో ఏళ్ల చరిత్ర కలిగిన ఈ ఉత్సవానికి ఈ ఏడాది ‘షైనింగ్‌ బ్రైట్‌’ అనే థీమ్‌ను ప్రకటించారు. పదిరోజుల పాటు నిర్వహించే ఈ వేడుకల్లో పెద్దవారి నుంచి చిన్నపిల్లల వరకు ప్రతి ఒక్కరు పాల్గొంటారు. ఐక్యతను చాటుతూ సాంస్కృతిక కార్యక్రమాలను నిర్వహిస్తారు. ఆదివాసీ సంస్కృతి, సంప్రదాయ ఆహారాలు, నృత్యాలు, కళాకారుల ఆటపాటలు, పరేడ్‌లు, పాతకాలపు కార్ల ప్రదర్శన ఇలా ఎన్నో రకాల వినోద కార్యక్రమాలను నిర్వహిస్తారు.రాత్రివేళల్లో వెలుగుల వేడుకజకరాండా చెట్లను విద్యుత్‌ దీపాలతో అలంకరించి రాత్రివేళల్లో ప్రత్యేకంగా ప్రదర్శించడం ఈ ఉత్సవాల్లో మరో ఆకర్షణ. సీ పార్క్‌లో జరిగే ‘ఇల్యూమినేట్‌’ కార్యక్రమంలో వెలుగుల ప్రదర్శనలు సందర్శకులకు ప్రత్యేక అనుభూతిని అందిస్తాయి. అలాగే మెమోరియల్‌ పార్క్‌లో ఏర్పాటు చేసే బాణసంచా ప్రదర్శన అందరినీ ఆకట్టుకుంటుంది.చివరగా నవంబర్‌ 8న జరిగే పరుగు పందెంతో ఈ పండుగ ముగుస్తుంది. ప్రకృతి అందాలు, పూల గుబాళింపులు, సంగీతం, స్థానిక సంస్కృతిపై ఆసక్తి ఉన్నవారికి ఈ వేడుక మంచి అనుభూతిని అందిస్తుంది. ప్రపంచంలోని వివిధ ప్రాంతాల నుంచి వచ్చే సందర్శకులు జకరాండా చెట్ల అందాలను ఆస్వాదించడంతో పాటు గ్రాఫ్టన్‌ నగరంలోని స్థానిక జీవనశైలిని కూడా తెలుసుకునే అవకాశం ఉంటుంది.- రమా జంబులఇదీ చదవండి: ఓ పాత పెయింటింగ్‌.. వేలంలో దీని ధర ఎన్ని కోట్లంటే?

ఆస్ట్రేలియా స్టార్‌ ఫాస్ట్‌ బౌలర్‌ మెగన్‌ షట్‌పై క్రికెట్‌ ఆస్ట్రేలియా రెండు మ్యాచ్‌ల నిషేధం విధించింది. ప్రిస్క్రిప్షన్‌ మందుల వినియోగానికి సంబంధించిన నిబంధనలను ఉల్లంఘించడంతో ఈ చర్య తీసుకుంది. ఈ ఘటన పోటీలకు వెలుపల జరిగిందని, పనితీరును మెరుగుపరుచుకునేందుకు మందులు వాడలేదని క్రికెట్‌ ఆస్ట్రేలియా స్పష్టం చేసింది.ఈ నిషేధంతో షట్‌ న్యూజిలాండ్‌తో జరిగే చివరి టీ20తో పాటు, అక్టోబర్‌ 31న అడిలైడ్‌ స్ట్రైకర్స్‌, మెల్‌బోర్న్‌ స్టార్స్‌ మధ్య జరగనున్న డబ్ల్యూబీబీఎల్‌ మ్యాచ్‌కు దూరం కానుంది.తన తప్పును అంగీకరించిన షట్‌.. నిబంధనలను పాటించడంలో విఫలమైనందుకు క్షమాపణలు చెప్పింది. ఐదుసార్లు ప్రపంచకప్‌ విజేతగా నిలిచిన ఆమె, ఆస్ట్రేలియా తరఫున వన్డేల్లో ఇప్పటివరకు 158 వికెట్లు పడగొట్టింది. ఆ జట్టు తరఫున అత్యధిక వన్డే వికెట్లు తీసిన బౌలర్ల జాబితాలో ఎలిస్‌ పెర్రీ (167), క్యాథరిన్‌ ఫిట్జ్‌పాట్రిక్‌ (180) తర్వాతి స్థానంలో ఉంది.ఇదీ చదవండి: మరోసారి చెలరేగిన రషీద్‌ ఖాన్‌.. బంగ్లాను ఇంటికి పంపిన ఆఫ్ఘనిస్తాన్‌

గెబెర్హా వేదికగా సౌతాఫ్రికాతో జరుగుతున్న రెండో టెస్ట్‌లో పర్యాటక ఆస్ట్రేలియా ఓటమి కొరల్లో చిక్కుకుంది. తొలి ఇన్నింగ్స్‌లో 99 పరుగులకే కుప్పకూలి ఫాలో​ ఆన్‌ ఆడుతున్న ఆ జట్టు రెండో ఇన్నింగ్స్‌లో కూడా తడబడుతుంది. నాలుగో రోజు ఆట ముగిసే సమయానికి వికెట్లు కోల్పోయి 156 పరుగులు చేసింది. సౌతాఫ్రికా తొలి ఇన్నింగ్స్‌ స్కోర్‌కు ఆసీస్‌ ఇంకా 170 పరుగులు వెనుకపడి ఉంది. హెడ్‌ (87 నాటౌట్‌) ఆసీస్‌ను గట్టెక్కించే ప్రయత్నం చేస్తున్నాడు.అంతకుముందు యాన్సెన్‌ (5-33) ధాటికి ఆసీస్‌ తొలి ఇన్నింగ్స్‌లో విలవిలలాడింది. యాన్సెన్‌తో పాటు రబాడ (2-33), ముల్దర్‌ (2-14), నోర్జే (1-5) కూడా వికెట్లు తీశారు. ఆసీస్‌ ఇన్నింగ్స్‌లో 28 పరుగులతో స్టీవ్‌ స్మిత్‌ టాప్‌ స్కోరర్‌గా నిలిచాడు.దీనికి ముందు సౌతాఫ్రికా తొలి ఇన్నింగ్స్‌లో భారీ స్కోర్‌ (425-9 డిక్లేర్‌) చేసింది. 110 పరుగులకే 56 వికెట్లు కోల్పోయి కష్టాల్లో జట్టును టెంబా బవుమా వీరోచిత సెంచరీ (179)తో ఆదుకున్నాడు. టెయిలెండర్లు మార్కో యాన్సెన్‌ (85), సైమన్‌ హార్మర్‌ (82)తో కలిసి భారీ భాగస్వామ్యాలు (132, 182) నెలకొల్పి, జట్టును పటిష్ట స్థితికి చేర్చాడు. ఆసీస్‌ బౌలర్లలో బోలాండ్‌ 5, స్టార్క్‌ 3, లబూషేన్‌ ఓ వికెట్‌ పడగొట్టారు.కాగా, వర్షం కారణంగా ఈ మ్యాచ్‌ తొలి రెండు రోజులు ఆట పెద్దగా సాధ్యపడలేదు. మూడు మ్యాచ్‌ల ఈ సిరీస్‌లో ఆసీస్‌ తొలి టెస్ట్‌లో గెలిచి 1-0 ఆధిక్యంలో కొనసాగుతోంది.ఇదీ చదవండి: చరిత్ర సృష్టించిన సౌతాఫ్రికా ప్లేయర్‌.. 60 ఏళ్ల రికార్డు బ్రేక్‌

అంత‌ర్జాతీయ క్రికెట్ కౌన్సిల్ (ICC) తాజాగా ప్ర‌క‌టించిన వ‌న్డే టీమ్ ర్యాంకింగ్స్‌లో పాకిస్తాన్ అద‌ర‌గొట్టింది. స్వ‌దేశంలో జ‌రుగుతున్న ట్రైసిరీస్‌లో వ‌రుస‌గా శ్రీలంక‌, పాకిస్తాన్‌ల‌పై అద్భుత విజ‌యాలు సాధించ‌డంతో పాక్ త‌మ ర్యాంక్‌ను మెరుగు ప‌రుచుకుంది.ఆస్ట్రేలియాను వెనక్కి నెట్టి నాలుగో స్థానాన్ని కైవసం చేసుకుంది. 2027 వన్డే వరల్డ్ కప్‌నకు ఆటోమేటిక్‌గా అర్హత సాధించిన టాప్-8 జట్లలో పాక్ ఇప్పటికే ఉన్నప్పటికీ.. తాజా ర్యాంకింగ్స్ మెరుగుపడటం షాహీన్ అఫ్రిది బృందానికి మరింత ఉత్సాహాన్ని ఇస్తోంది.కాగా గతేడాది ఆఖరిలో స్వదేశంలో జరిగిన ఛాంపియన్స్ ట్రోఫీలో పేలవ ప్రదర్శన తర్వాత పాక్ జట్టు వన్డే కెప్టెన్‌గా షాహీన్ అఫ్రిది బాధ్యతలు చేపట్టాడు. అతడి సారథ్యంలో తొలి సిరీస్‌నే ఆస్ట్రేలియాపై 2-1తో పాక్ సొంతం చేసుకుంది.కానీ ఆ తర్వాత బంగ్లాదేశ్ చేతిలో వైట్‌వాష్‌కు గురైంది. దీంతో షాహీన్‌ను కెప్టెన్సీ నుంచి తప్పించనున్నారని ప్రచారం జరిగింది. కానీ పాకిస్తాన్ క్రికెట్ బోర్డు అతడినే కెప్టెన్‌గా కొనసాగించింది. ఈ క్రమంలో ముక్కోణపు సిరీస్‌లో వరుసగా రెండు మ్యాచ్‌లు గెలిచి పాక్ మంచి ఊపులో ఉంది.ఇక ఐసీసీ వన్డే ర్యాంకింగ్స్‌లో 115 రేటింగ్ పాయింట్లతో భారత్ అగ్రస్థానంలో కొనసాగుతుండగా, ఆ తర్వాత న్యూజిలాండ్ (109 రేటింగ్), సౌతాఫ్రికా (104 రేటింగ్) ఉన్నాయి. సౌతాఫ్రికా కంటే పాకిస్థాన్ కేవలం ఒక్క రేటింగ్ పాయింట్ వెనుకబడి ఉండగా, ఆస్ట్రేలియా 102 రేటింగ్ పాయింట్లతో ఐదో స్ధానంలో ఉంది.చదవండి: టీ20 ప్రపంచకప్ షెడ్యూల్ విడుదల.. భారత్, పాక్ వేర్వేరు గ్రూపుల్లో..!

మెల్‌బోర్న్: ఆస్ట్రేలియా ఇండిపెండెంట్‌ పార్లమెంటు సభ్యురాలు (ఎంపీ) హెలెన్ హైన్స్‌పై దాడి జరిగింది. విక్టోరియా రాష్ట్రం వాంగరట్టాలో ఉన్న ఆమె కార్యాలయం వెలుపల సోమవారం గుర్తుతెలియని వ్యక్తి కారుతో ఆమెను ఢీకొట్టాడు. ఈ ప్రమాదకర దాడిలో ఆమె తీవ్రంగా గాయపడ్డారు. ప్రమాదం తీవ్రతతో ఆమె తన రెండు కాళ్లను కోల్పోయినట్లు తెలుస్తోంది. ప్రస్తుతం ఆసుపత్రిలో చికిత్స పొందుతున్న ఆమె ఆరోగ్యం నిలకడగా ఉందని ఆమె భర్త ఫిల్ హైన్స్ తెలిపారు.ఈ ఘటనకు సంబంధించి 43 ఏళ్ల బ్రెండన్ న్యూజెంట్‌ను పోలీసులు అదుపులోకి తీసుకున్నారు. ప్రజా ప్రతినిధిపై దాడికి పాల్పడినట్లు ఆయనపై పలు కేసులు నమోదు చేసినట్లు అధికారులు వెల్లడించారు. ఇది యాదృచ్ఛికంగా జరిగిన ప్రమాదం కాదని, ముందస్తు పథకం ప్రకారం ఉద్దేశపూర్వకంగానే జరిపిన దాడిగా ఆస్ట్రేలియా ప్రధాని ఆంథోనీ అల్బనీస్ అభివర్ణించారు.పోలీసుల దర్యాప్తులో భాగంగా ఆసక్తికర విషయాలు వెలుగులోకి వచ్చాయి. నిందితుడి కుటుంబానికి, హెలెన్ హైన్స్‌కు గత 20 ఏళ్లకు పైగా పరిచయం ఉన్నట్లు తేలింది. అయితే, ఈ దాడికి గల అసలు కారణాలపై పోలీసులు కూపీ లాగుతున్నారు. మరోవైపు, నిందితుడి తరఫు న్యాయవాదులు కోర్టులో తమ వాదనలు వినిపించారు. అతడు అరుదైన నాడీ సంబంధిత వ్యాధితో బాధపడుతున్నాడని, ప్రస్తుతం దానికి చికిత్స తీసుకుంటున్నాడని తెలిపారు. ఇరు పకక్షాల వాదనలు విన్న కోర్టు ఈ కేసు తదుపరి విచారణను 2027 ఫిబ్రవరి 4వ తేదీకి వాయిదా వేసింది.ఇదీ చదవండి: టీడీపీకి భారీ షాక్‌.. కన్నీరు పెడుతూ కీలక నేత రాజీనామా

ఆస్ట్రేలియాతో జరుగుతున్న రెండో టెస్టులో సౌతాఫ్రికా బ్యాటర్లు ఘోరంగా తడబడ్డారు. వర్షం కారణంగా ఆటకు పలుమార్లు అంతరాయం కలిగినప్పటికీ.. ఆసీస్ బౌలర్ల ధాటికి స్వదేశంలో 60 ఏళ్ల తర్వాత తొలిసారి ఓ చెత్త రికార్డును నమోదు చేశారు.రెండో రోజు ఆట ముగిసే సమయానికి సౌతాఫ్రికా 97 పరుగులకే 5 వికెట్లు కోల్పోయింది. స్వదేశంలో చివరిసారిగా 1966 జోహన్నెస్‌బర్గ్ టెస్టులో ఇలాంటి పరిస్థితిని (35 పరుగులకే నాలుగు వికెట్లు) ఎదుర్కొన్న ఆ జట్టు.. దాదాపు ఆరు దశాబ్దాల తర్వాత మళ్లీ అదే తరహా పతనాన్ని చవిచూసింది.అయితే నాడు పతనమైనా సౌతాఫ్రికా ఆ మ్యాచ్‌లో అనూహ్య రీతిలో పుంజుకుంది. తొలి ఇన్నింగ్స్‌లో 199 పరుగులే చేసినా, రెండో ఇన్నింగ్స్‌లో ఏకంగా 620 పరుగులు చేసి, చివరకు 233 పరుగుల తేడాతో విజయం కూడా సాధించింది. ప్రస్తుత టెస్టులోనూ అదే తరహాలో పుంజుకోవాలని దక్షిణాఫ్రికా ఆశిస్తోంది.కుప్పకూలిన టాపార్డర్టాస్ గెలిచిన ఆస్ట్రేలియా సౌతాఫ్రికాను బ్యాటింగ్‌కు ఆహ్వానించింది. మేఘావృత వాతావరణం, తేమతో కూడిన పరిస్థితులు ఆసీస్‌ బౌలర్లకు అనుకూలంగా మారాయి. పేసర్లు ఈ అవకాశాన్ని సద్వినియోగం చేసుకున్నారు.స్కాట్ బోలాండ్ ఇన్‌ఫామ్ బ్యాటర్ మార్క్రమ్‌ (11)ను బౌల్డ్ చేయడంతో సౌతాఫ్రికా పతనం మొదలైంది. ఆ తర్వాతి బంతికే డేవిడ్ బెడింగ్‌హామ్ (0)వికెట్ కీపర్‌కు క్యాచ్ ఇచ్చి వెనుదిరిగాడు. రెండో రోజు అరంగేట్ర ఆటగాడు మార్కస్ అకెర్‌మన్ (6) వికెట్‌ను కోల్పోయాడు. అనంతరం మిచెల్ స్టార్క్ బౌలింగ్‌లో మాథ్యూ బ్రీట్జ్కే (4) ఔటయ్యాడు. ఈ దశలో కెప్టెన్‌ బవుమా (41 నాటౌట్‌), రికెల్టన్‌ (31) కాస్త ప్రతిఘటించాడు. అయితే బోలాండ్‌ రికెల్టన్‌ ఆట కట్టించి సౌతాఫ్రికాను మరోసారి దెబ్బేశాడు. బవుమాతో పాటు ముల్దర్‌ (2) క్రీజ్‌లో ఉన్నాడు. ఇదీ చదవండి: రషీద్‌ మాయాజాలం.. ఆఫ్ఘనిస్తాన్‌ ఘన విజయం

న్యూజిలాండ్‌తో జరిగిన తొలి టీ20లో ఆస్ట్రేలియా మహిళల జట్టు రెండు వికెట్ల తేడాతో విజయం సాధించింది. ఎల్లీస్ పెర్రీ మెరుపు అర్ధ సెంచరీతో చెలరేగి ఆసీస్‌ విజయంలో కీలక పాత్ర పోషించింది. అయితే, ఆమె ఔటైన తర్వాత ఆస్ట్రేలియా వరుసగా వికెట్లు కోల్పోవడంతో మ్యాచ్ ఉత్కంఠగా మారింది. చివరకు మరో ఏడు బంతులు మిగిలుండగానే ఆసీస్ లక్ష్యాన్ని అందుకుంది.సిడ్నీలో జరిగిన ఈ మ్యాచ్‌లో తొలుత బ్యాటింగ్ చేసిన న్యూజిలాండ్ నిర్ణీత 20 ఓవర్లలో రెండు వికెట్ల నష్టానికి 162 పరుగులు చేసింది. ఓపెనర్ జార్జియా ప్లిమ్మర్ (85), మ్యాడీ గ్రీన్ (56 నాటౌట్) అర్ధ సెంచరీలతో రాణించారు. మూడో వికెట్‌కు ఈ జోడీ 80 బంతుల్లోనే 127 పరుగులు జోడించింది. చివరి ఐదు ఓవర్లలో న్యూజిలాండ్ 54 పరుగులు సాధించింది.అనంతరం 163 పరుగుల లక్ష్యంతో బరిలోకి దిగిన ఆస్ట్రేలియాకు ఆదిలోనే షాక్‌ తగిలింది. ఓపెనర్‌ జార్జియా వాల్‌ డకౌటైంది. ఈ దశలో ఎల్లీస్ పెర్రీ (52), బెత్ మూనీ (38) ఇన్నింగ్స్‌ను నిర్మించారు. అయితే పెర్రీ ఔటవడంతో మ్యాచ్ మలుపు తిరిగింది.న్యూజిలాండ్ బౌలర్లు ఒక్కసారిగా పుంజుకున్నారు. జెస్ కెర్ ఒకే ఓవర్లో రెండు వికెట్లు తీసి ఆస్ట్రేలియాను ఒత్తిడిలోకి నెట్టింది. 102/3తో పటిష్టంగా కనిపించిన ఆసీస్ కెర్‌ ధాటికి 145/7కు చేరింది. అయితే చివర్లో కిమ్ గార్త్ బౌండరీ బాది ఆసీస్‌ను విజయతీరాలకు చేర్చింది. కాగా, న్యూజిలాండ్‌ జట్టు మూడు మ్యాచ్‌ల ఈ సిరీస్‌ కోసం ఆస్ట్రేలియాలో పర్యటిస్తుంది.ఇదీ చదవండి: ప్రియాంశ్‌ ఆర్యకు గుండెకోత.. పరుగు తేడాతో డబుల్‌ సెంచరీ మిస్‌

మూడు మ్యాచ్‌ల సిరీస్‌లో భాగంగా సౌతాఫ్రికా, ఆస్ట్రేలియా మధ్య ఇవాళ మొదలైన రెండో టెస్ట్‌ మ్యాచ్‌ ఓ అరుదైన రికార్డు సాధించింది. వర్షం కారణంగా మ్యాచ్ ప్రారంభం ఆలస్యమైనా, ఆట మొదలుకాకముందే ఇరు జట్లు వందేళ్ల నాటి రికార్డును సమం చేశాయి. ఈ మ్యాచ్‌లో ఆడుతున్న 22 మంది ఆటగాళ్లలో 19 మంది 30 ఏళ్లు లేదా అంతకంటే ఎక్కువ వయసున్నవారే. ఇంత మంది వయసు పైబడిన వారు ఓ టెస్ట్‌ మ్యాచ్‌లో ఆడటం వందేళ్ల తర్వాత ఇదే మొదటిసారి. చివరిగా 1926లో ఇంగ్లండ్, ఆస్ట్రేలియా మధ్య జరిగిన టెస్టులోనూ 19 మంది ఆటగాళ్లు 30 ఏళ్లు పైబడినవారు ఉన్నారు. ప్రస్తుత మ్యాచ్ ఆ రికార్డును సమం చేసింది.ఓవరాల్‌గా టెస్ట్‌ క్రికెట్ చరిత్ర‌లో ఒక మ్యాచ్‌లో అత్యధికంగా 30 ఏళ్లు పైబడిన ఆటగాళ్లు పాల్గొనడం 1926లోనే జరిగింది. ఆ ఏడాది నాటింగ్‌హామ్‌లో ఇంగ్లండ్‌-ఆస్ట్రేలియా మధ్య జరిగిన మ్యాచ్‌లో 20 మంది 30 ప్లస్‌ ఆటగాళ్లు ఉన్నారు.తాజా మ్యాచ్‌లో ఆస్ట్రేలియా జట్టులోని 11 మంది ఆటగాళ్లూ 30 ఏళ్లు దాటిన వారు కాగా.. సౌతాఫ్రికా జట్టులో మాథ్యూ బ్రెట్జ్కే, వియాన్ ముల్డర్, మార్కో యాన్సెన్ మినహా మిగతా 8 మంది 30 ఏళ్లు పైబడిన వారే.మ్యాచ్‌ విషయానికొస్తే.. వరుణుడి ఆటంకాల నడుమ సాగుతున్న ఈ మ్యాచ్‌లో ఆస్ట్రేలియా టాస్‌ గెలిచి బౌలింగ్‌ ఎంచుకుంది. ఆ జట్టు బౌలర్‌ స్కాట్‌ బోలాండ్‌ ఆదిలోనే రెండు వికెట్లు తీసి సౌతాఫ్రికాను దెబ్బకొట్టాడు. 12.2 ఓవర్ల తర్వాత సౌతాఫ్రికా స్కోర్‌ 20-2గా ఉంది. మార్క్రమ్‌ (11), బెడింగ్హమ్‌ (0) ఔట్‌ కాగా.. ఆకెర్‌మన్‌ (5), బవుమా (4) క్రీజ్‌లో ఉన్నారు. లంచ్‌ తర్వాత మరోసారి వరుణుడు ఆటంకం కలిగించడంతో మ్యాచ్‌ తాత్కాలికంగా నిలిపివేయబడింది. కాగా, మూడు మ్యాచ్‌ల ఈ టెస్ట్‌ సిరీస్‌లో ఆస్ట్రేలియా తొలి మ్యాచ్‌లో గెలిచి 1-0 ఆధిక్యంలో కొనసాగుతుంది. ఇదీ చదవండి: ODI Tri Series: చరిత్ర సృష్టించిన బాబర్‌ ఆజం

సహోద్యోగిని చంపేందుకు ఘోరమైన ప్లాన్‌ వేసింది ఓ మహిళ. ఆస్ట్రేలియాలోని పశ్చిమ ఆస్ట్రేలియా రాష్ట్రంలో సహోద్యోగి తెచ్చిన కర్రీలో నత్తలను చంపేందుకు ఉపయోగించే విషపదార్థాన్ని కలిపింది. నిందితురాలి(43)పై పోలీసులు కేసు నమోదు చేశారు. ఇతరుల ప్రాణాలు, ఆరోగ్యం లేదా భద్రతకు ముప్పు కలిగించినట్లు ఆమెపై అభియోగం మోపారు. ఈ కేసులో ఆమె నవంబర్‌ 5న కోర్టు ఎదుట హాజరుకావాల్సి ఉంది.పోలీసులు తెలిపిన వివరాల ప్రకారం.. పెర్త్‌ నగరానికి ఆగ్నేయంగా ఉన్న ఓల్డ్‌బరీలో ఈ ఘటన ఫిబ్రవరిలో జరిగింది. 58 ఏళ్ల మహిళ తన సహోద్యోగులతో పంచుకునేందుకు ఇంటి నుంచి కర్రీని తీసుకొచ్చారు. ఉదయం విరామ సమయంలో పలువురు ఆ ఆహారాన్ని తిన్నప్పటికీ ఎలాంటి సమస్య ఎదురుకాలేదు. మధ్యాహ్న భోజన సమయంలో మిగిలిన కర్రీని తినేందుకు వచ్చిన ఆ మహిళకు ఆహారంలో ప్రకాశవంతమైన ఆకుపచ్చ రంగులోని చిన్న రేణువులు కనిపించాయి.రుచి చూసినప్పుడు నాలుక మొద్దుబారి..కొద్దిగా రుచి చూసినప్పుడు నాలుక మొద్దుబారినట్లు అనిపించడంతో ఆమె అప్రమత్తమయ్యారు. వెంటనే ఆ ఆహారాన్ని భద్రపరిచి పోలీసులకు అప్పగించారు. విషపదార్థాన్ని గుర్తించిన పోలీసులు ఆహారాన్ని పరిశీలించిన దర్యాప్తు అధికారులు అందులో మెటల్డిహైడ్‌ అనే విషపదార్థం ఉన్న నత్తల నివారణ గుళికలను గుర్తించారు. తోటలు, పంటలకు హాని చేసే నత్తలను చంపేందుకు ఇటువంటి పదార్థాలను ఉపయోగిస్తారు.వీటిని తీసుకోవడం వల్ల తీవ్రమైన అనారోగ్యం కలగడంతో పాటు ప్రాణాపాయం కూడా ఏర్పడవచ్చు. ఈ ఘటనపై పోలీసులు నెలలపాటు దర్యాప్తు చేపట్టారు. నిందితురాలిగా పేర్కొన్న మహిళ పేరు వెల్లడించలేదు. ఆమె బాధితురాలితో సన్నిహిత సంబంధంలో ఉన్నట్లు కూడా తెలుస్తోంది. పోలీసులు తెలిపిన వివరాల ప్రకారం.. నిందితురాలు ఆహారం ఉంచిన కార్యాలయ విశ్రాంతి గదికి తిరిగి వెళ్లడానికి ముందు రసాయనాలను నిల్వ చేసే షెడ్‌ను సందర్శించారు.అనంతరం కర్రీలో విషపదార్థాన్ని కలిపినట్లు అనుమానిస్తున్నారు. అయితే, ఈ ఆరోపణలు న్యాయస్థానంలో నిరూపించాల్సి ఉంది. పశ్చిమ ఆస్ట్రేలియా పోలీసు కమిషనర్‌ కోల్‌ బ్లాంచ్‌ మాట్లాడుతూ.. ఈ విషం తీవ్రమైన గాయాలకు లేదా మరణానికి కారణమయ్యే ప్రమాదం ఉందని హెచ్చరించారు. ఆహారంలో ఏదో అసాధారణంగా ఉందని గుర్తించి బాధితురాలు అప్రమత్తమైనందుకు కృతజ్ఞతలు తెలిపారు. ఈ ఘటనలో బాధితురాలు సమయానికి అనుమానాస్పద పదార్థాన్ని గుర్తించి ఆహారాన్ని పోలీసులకు అప్పగించడం కీలకమైంది. నవంబర్‌ 5న జరిగే కోర్టు విచారణలో నిందితురాలిపై నమోదైన అభియోగాలకు సంబంధించిన తదుపరి వివరాలు వెల్లడయ్యే అవకాశం ఉంది.ఇదీ చదవండి: ఒక్కరి కోసం సొంత దేశ ప్రజలతోనే మోదీ, షా యుద్ధం: దీప్కే

వరల్డ్‌ చాంపియన్‌షిప్‌ ఆఫ్‌ లెజెండ్స్‌-2026 టీ20 టోర్నీ లీగ్‌ దశలో సౌతాఫ్రికా చాంపియన్స్‌ అదరగొట్టింది. వరుసగా నాలుగు మ్యాచ్‌లలో గెలిచిన ప్రొటిస్‌ జట్టు.. బుధవారం ఆఖరిదైన ఐదో టీ20లోనూ జయభేరి మోగించింది.210 పరుగులుషార్జా క్రికెట్‌ స్టేడియంలో జరిగిన మ్యాచ్‌లో బంగ్లాదేశ్‌ చాంపియన్స్‌ను 88 పరుగుల తేడాతో చిత్తు చేసింది. బంగ్లాతో పోరులో టాస్‌ గెలిచి తొలుత బ్యాటింగ్‌కు దిగిన ప్రొటిస్‌ జట్టు.. నిర్ణీత 20 ఓవర్లలో మూడు వికెట్ల నష్టానికి 210 పరుగులు సాధించింది.122 పరుగులకే ఆలౌట్‌‘ప్లేయర్‌ ఆఫ్‌ ది మ్యాచ్‌’ జీన్‌ పాల్‌ డుమిని అజేయ అర్ధ శతకం (49 బంతుల్లో 89)తో రాణించగా.. మోర్నీ వాన్‌ విక్‌ (19 బంతుల్లో 30), కొలిన్‌ ఇంగ్రామ్‌ (25 బంతుల్లో 40*) ఆకట్టుకున్నారు. అనంతరం లక్ష్య ఛేదనకు దిగిన బంగ్లాదేశ్‌ 18.5 ఓవర్లలో కేవలం 122 పరుగులు చేసి ఆలౌట్‌ అయింది.ఐదు వికెట్లతో చెలరేగి సౌతాఫ్రికా బౌలర్‌ హార్డస్‌ విల్‌జోయిన్‌ ఐదు వికెట్లతో చెలరేగి బంగ్లా బ్యాటింగ్‌ ఆర్డర్‌ను కుదేలు చేశాడు. రోబీ ఫ్రైలింక్‌ రెండు వికెట్లు తీయగా.. వెయినె పార్నెల్‌, షాన్‌ వాన్‌ బెర్గ్‌ చెరో వికెట్‌ దక్కించుకున్నారు.భారత్‌ అవుట్‌... సెమీ ఫైనల్లో ఆ నాలుగు జట్లుఇక ఈ గెలుపుతో సౌతాఫ్రికా లీగ్‌ దశలో అజేయంగా నిలిచి సెమీ ఫైనల్లో అడుగుపెట్టింది. మరోవైపు.. ఆస్ట్రేలియా చాంపియన్స్‌ ఐదింట మూడు, వెస్టిండీస్‌ చాంపియన్స్‌ ఐదింట మూడు.. ఇంగ్లండ్‌ చాంపియన్స్‌ ఐదింట రెండు మ్యాచ్‌లు గెలిచి సెమీస్‌ బెర్తు ఖరారు చేసుకున్నాయి.అయితే, యువరాజ్‌ సింగ్‌ సారథ్యంలోని ఇండియా చాంపియన్స్‌ ఐదింట ఒకే ఒక్కటి గెలిచి.. టోర్నీ నుంచి నిష్క్రమించింది. బంగ్లాదేశ్‌ చాంపియన్స్‌ సైతం ఒకే ఒక్క మ్యాచ్‌లో విజయం సాధించి... భారత జట్టు బాటలోనే ఇంటిబాట పట్టింది.చదవండి: IND vs WI: నీకసలు మానవత్వం, క్రీడాస్ఫూర్తి లేవా?: టీమిండియా దిగ్గజం ఫైర్‌అందుకే ఓడిపోయాం.. అతడు అవుట్‌ కావడం వల్లే ఇలా: సంజూ

వరల్డ్‌ ఛాంపియన్‌షిప్ ఆఫ్‌ లెజెండ్స్‌ 2026 టోర్నీలో మరో విజయం సాధించింది. ఇప్పటికే బంగ్లాదేశ్‌, వెస్టిండీస్‌పై విజయాలు సాధించి పాయింట్ల పట్టికలో మూడో స్థానంలో ఉండిన ఆ జట్టు.. తాజాగా ఇంగ్లండ్‌పై గెలిచి రెండో స్థానానికి ఎగబాకింది.ఇంగ్లండ్‌తో మ్యాచ్‌లో తొలుత బ్యాటింగ్‌ చేసిన ఆసీస్‌ నిర్ణీత 20 ఓవర్లలో 6 వికెట్ల నష్టానికి 218 పరుగులు చేసింది. స్టార్‌ బ్యాటర్‌ డేవిడ్‌ వార్నర్‌ మరోసారి డకౌటై నిరాశపరిచినా, ఆర్కీ​ షార్ట్‌ (60), జోనాథన్‌ వెల్స్‌ (58 నాటౌట్‌) మెరుపు అర్ద సెంచరీలు సాధించి ఆసీస్‌కు భారీ స్కోర్‌ అందించారు. ఆఖర్లో కౌల్టర్‌ నైల్‌ (21), కల్లమ్‌ ఫెర్గూసన్‌ (24) కూడా బ్యాట్‌ ఝులిపించారు. జో బర్న్స్‌ (8) తక్కువ స్కోర్‌కే ఔట్‌ కాగా.. కేన్‌ రిచర్డ్‌సన్‌ 9 పరుగులతో అజేయంగా నిలిచాడు. ఇంగ్లండ్‌ బౌలర్లలో రవి బోపారా 2, మొయిల్‌ అలీ, తైమాల్‌ మిల్స్‌, అజ్మల్‌ షెహజాద్‌, ప్లంకెట్‌ తలో వికెట్‌ తీశారు.భారీ లక్ష్య ఛేదనలో ఇంగ్లండ్‌ చివరి వరకు అద్భుతంగా పోరాడినప్పటికీ విజయానికి 17 పరుగుల దూరంలో నిలిచిపోయింది. మొయిన్‌ అలీ (94 నాటౌట్‌) వీరోచిత పోరాటం చేసినా, ఇంగ్లండ్‌ను విజయతీరాలు దాటించలేకపోయాడు. నిర్ణీత 20 ఓవర్లలో ఇంగ్లండ్‌ 4 వికెట్ల నష్టానికి 202 పరుగులు మాత్రమే చేయగలిగింది. ఈ ఓటమితో ఇంగ్లండ్‌ పాయింట్ల పట్టికలో నాలుగో స్థానానికి పడిపోయింది. సౌతాఫ్రికా ఆడిన 4 మ్యాచ్‌ల్లో గెలిచి టేబుల్‌ టాపర్‌గా కొనసాగుతోంది. భారత్‌ ఆడిన 5 మ్యాచ్‌ల్లో నాలుగింట ఓడి టోర్నీ నుంచి నిష్క్రమించింది. ఇదీ చదవండి: యువరాజ్ ఫెయిల్‌.. వెస్టిండీస్ చేతిలో టీమిండియా ఘోర ఓటమి

స్వదేశంలో బంగ్లాదేశ్‌తో జరిగిన మూడు మ్యాచ్‌ల వన్డే సిరీస్‌ను ఆస్ట్రేలియా మహిళల జట్టు 3-0తో క్లీన్‌ స్వీప్‌ చేసింది. ఇవాళ జరిగిన నామమాత్రపు చివరి వన్డేలో 8 వికెట్ల తేడాతో ఘన విజయం సాధించి, పసికూనపై ప్రతాపం చూపింది. పేసర్ మెగాన్ షట్ (4-16) బంతితో చెలరేగగా.. అన్నాబెల్ సదర్లాండ్ (74 నాటౌట్), ఎలీస్ పెర్రీ (65 నాటౌట్) అజేయ అర్ధశతకాలతో సత్తా చాటి ఆసీస్‌ను గెలిపించారు.షట్ ధాటికి విలవిలటాస్‌ ఓడి తొలుత బ్యాటింగ్‌కు దిగిన బంగ్లాదేశ్‌ను మెగాన్ షట్ పదునైన బౌలింగ్‌తో వణికించింది. ఆమెతో పాటు గార్డ్‌నర్‌ (2-49), సదర్‌ల్యాండ్‌ (2-25) కూడా రాణించడంతో బంగ్లాదేశ్‌ 172 పరుగులకే ఆలౌటైంది. బంగ్లా ఇన్నింగ్స్‌లో షర్మిన్ అక్తర్ (50), షోర్నా అక్తర్ (54) మాత్రమే అర్ధశతకాలతో రాణించారు.173 పరుగుల లక్ష్యంతో బరిలోకి దిగిన ఆస్ట్రేలియాకు ఆరంభంలోనే స్వల్ప ఎదురుదెబ్బలు తగిలినా, ఆతర్వాత అద్భుతంగా కమ్‌బ్యాక్‌ ఇచ్చింది. 11 పరుగులకే జార్జియా వాల్‌, 21 పరుగులకే బెత్‌ మూనీ ఔటైనా, ఆతర్వాత వచ్చిన పెర్రీ, సదర్‌ల్యాండ్‌ అజేయ అర్ద శతకాలతో ఆసీస్‌ను విజయతీరాలకు (కేవలం 22.4 ఓవర్లలోనే) చేర్చారు. ఇదీ చదవండి: భారీ జంప్‌ కొట్టిన శ్రేయస్‌ అయ్యర్‌

ఎక్కడ చూసినా ఎరుపు రంగు పులుముకున్నట్టే ఉంటంది. ఆ ఎరుపు మధ్యలో ఆకాశాన్ని తాకుతున్నట్టుగా ఓ అందమైన గుడి కొలువుంటుంది. దాని పేరు ఉలూరు.ఆస్ట్రేలియా అంటే సిడ్నీ కాదు, ఒపేరా హౌస్‌ కాదు. అసలు ఆస్ట్రేలియా అక్కడ లేనే లేదు. అది దేశం మధ్యలో ఉంది. ఎడారి మధ్యలో. వేల సంవత్సరాలుగా నిశ్శబ్దంగా నిలబడి ఉన్న ఒక పెద్ద ఎర్ర రాయి దగ్గర ఉంది. స్థానిక అనాంగూ ప్రజలు దాన్ని గుండె లాగా కొలుస్తారు.సందర్శనీయ ప్రదేశాలు ఉలూరు అనేది ఒక రాయి కాదు, ఒక జీవి లేదా ప్రాణం ఉన్న శక్తిగా స్థానికులు భావిస్తారు. ఉదయం పూట ఈ కొండ నారింజ రంగులో ఉంటుంది, మధ్యాహ్నం ఎర్రగా, సాయంత్రం అగ్ని లాగా మారుతుంది.సూర్యోదయం సమయంలో ఉలూరు వైభవం అనేది అక్కడి ప్రజలకు ఒక ఆధ్యాత్మిక అనుభవం. తెల్లవారుజామునే లేచి ఎడారిలో నిలబడి అప్పటి వరకు చీకటిలో నల్లగా ఉన్న కొండ ఎరుపెక్కుతుండటం చూస్తూ పరవశించిపోతారు స్థానికులు, పర్యాటకులు.ఈ కొండ చుట్టూ 10 కిలోమీటర్ల బేస్‌ వాక్‌ ఏరియా ఉంటుంది. నడుస్తూ వెళ్తే ముటిట్జులు వాటర్‌ హోల్‌ కనిపిస్తుంది. ఎడారి మధ్యలో చిన్న నీటి గుంట ఇది. ఆ నీరు చాలా చల్లగా ఉంటుంది.కునియా గార్జ్‌లో రెండు రాళ్ల మధ్య వీచే గాలి కూడా ఒక మంత్రంలా ఉంటుంది. గుహల లోపల అనాంగూ ప్రజలు గీసిన పాత పెయింటింగ్స్‌ ఉన్నాయి.సాయంత్రం అయితే కటా జుటా అనే మరో రాళ్ల సమూహం వద్దకు వెళ్లవచ్చు. ఇక్కడ 36 తలలు ఒకేచోట ఉన్నట్టు ఉంటాయి ఆ రాళ్లు. రాత్రి అయితే ఇది ఫీల్డ్‌ ఆఫ్‌ లైట్‌ గా మారిపోతుంది. ఎడారి మొత్తం 50 వేల లైట్లతో నిండిపోతుంది.ఎలా వెళ్లాలి ?హైదరాబాద్‌ నుంచి ఉలూరుకి డైరెక్ట్‌ ఫ్లైట్‌ లేదు. హైదరాబాద్‌ శంషాబాద్‌ నుంచి సింగపూర్‌ లేదా కౌలాలంపూర్‌ మీదుగా సిడ్నీ లేదా మెల్బోర్న్‌ వెళ్లాలి. 14 గంటల ప్రయాణం ఇది.సిడ్నీలో ఒక రోజు ఆగి, అక్కడి నుంచి డొమెస్టిక్‌ ఫ్లైట్‌ లో అలిస్‌ స్ప్రింగ్స్‌ కి వెళ్లాలి. 3 గంటల ఫ్లైట్‌. అలిస్‌ స్ప్రింగ్స్‌ అనేది ఎడారిలో ఉన్న చిన్న పట్టణం. అక్కడి నుంచి అయర్స్‌ రాక్‌ ఎయిర్‌పోర్ట్‌ కి మరో గంట ఫ్లైట్‌ ఉంది.రోడ్డు మీద కార్‌ లో వెళ్తే 5 గంటలు పడుతుంది. ఆ రోడ్డు ప్రయాణం కూడా అద్భుతంగా ఉంటుంది. ఎర్ర మట్టి, పొడుగ్గా ఉన్న స్పినిఫెక్స్‌ గడ్డి, అప్పుడప్పుడు దూకుతున్న కంగారూలను చూసి మైమరచిపోవచ్చు. విజయవాడ నుంచి వచ్చే వారు హైదరాబాద్‌ వచ్చి ఇదే రూట్‌ ఫాలో అవ్వాలి.ఎక్కడ ఉండాలి?ఉలూరు దగ్గర అయర్స్‌ రాక్‌ రిసార్ట్‌ లోనే ఉండాలి. అక్కడ సెయిల్స్‌ ఇన్‌ ది డెసర్ట్, డెసర్ట్‌ గార్డెన్స్‌ హోటల్, లగ్జరీగా లాటిట్యూడ్‌ 131 డిగ్రీస్‌ ఉన్నాయి. టెంట్‌ లో ఉంటే రాత్రి పడుకుని నక్షత్రాలు చూడొచ్చు. ఇక్కడ సిటీ లైట్స్‌ ఉండవు కాబట్టి పాలపుంత చాలా స్పష్టంగా కనిపిస్తుంది. ఉదయం టెంట్‌ జిప్‌ తీస్తే ఎదురుగా ఉలూరు అద్భుతంగా దర్శనం ఇస్తుంది.ఏం చూడాలి, ఏం తినాలి ఉదయం సన్‌ రైజ్, సాయంత్రం సన్‌ సెట్‌ రెండూ చూడాలి. మధ్యలో అనాంగూ గైడ్‌ తో కల్చరల్‌ వాక్‌ చేయాలి. వాళ్లు చెప్పే కథలు వింటే ఈ రాయి ఎందుకు పవిత్రమో అర్థమవుతుంది.ఇక ఫుడ్‌ విషయానికి వస్తే బుష్‌ టక్కర్‌ ట్రై చేయాలి. వాటిల్‌ సీడ్‌ తో చేసిన బ్రెడ్, లెమన్‌ మిర్టల్‌ తో చేసిన చికెన్, కంగారూ స్టీక్‌ ఇందులో ఏది నచ్చితే అది ట్రై చేయవచ్చు. రాత్రి ఎడారిలో బార్బెక్యూ ఎంజాయ్‌ చేయవచ్చు.ఇదీ చద‌వండి: సుందర్‌బన్‌ టూర్ విశేషాలు ఇవిగోఆసక్తికరమైన విషయాలుఉలూరు ఎత్తు 348 మీటర్లు, కానీ భూమి లోపల 6 కిలోమీటర్ల వరకు ఉంది. దీని వయసు 550 మిలియన్‌ సంవత్సరాలు.అనాంగూ ప్రజలు ఊలూరు రాయిని ఎక్కడం ఇష్టపడరు. 2019 నుంచి ఎక్కడం పూర్తిగా బ్యాన్‌ చేశారు.ఇక్కడికి వెళ్లడానికి ఆస్ట్రేలియా టూరిస్ట్‌ వీసా తప్పనిసరి.బెస్ట్‌ టైం మే నుంచి సెప్టెంబర్‌ వరకు, ఎండ తక్కువ ఉంటుంది.ఇదీ చద‌వండి: జిమ్ చేయ‌కుండానే కండరాలు పెరుగుతాయా?బడ్జెట్‌ హైదరాబాద్‌ నుంచి 5 రోజుల ట్రిప్‌ కి మనిషికి రూ. 1.80 లక్షల నుంచి 2.50 లక్షలు అవుతుంది. ఫ్లైట్‌ 90 వేలు, స్టే రోజుకి 12 వేల నుంచి, ఫుడ్, ఎంట్రీ టికెట్లు కలిపి. ఖర్చులు మీ లైఫ్‌ స్టైల్‌ ను బట్టి మారే అవకాశం ఉంది.

డర్బన్‌ వేదికగా సౌతాఫ్రికాతో జరుగుతున్న తొలి టెస్ట్‌లో ఆస్ట్రేలియా పట్టుబిగించింది. 314-6 స్కోర్‌ వద్ద రెండో ఇన్నింగ్స్‌ డిక్లేర్‌ చేసిన ఆ జట్టు, సౌతాఫ్రికా ముందు 421 పరుగుల భారీ లక్ష్యాన్ని ఉంచింది. తొలి ఇన్నింగ్స్‌లో వీరోచిత శతకం బాదిన మ్యాట్‌ రెన్షా, రెండో ఇన్నింగ్స్‌లోనూ (82) సత్తా చాటాడు. జట్టులో ప్రతి ఆటగాడు తలో చేయి వేయడంతో ఆసీస్‌ ప్రత్యర్దికి భారీ లక్ష్యాన్ని నిర్దేశించింది.మ్యాడిసన్‌ 48, హెడ్‌ 11, లబూషేన్‌ 37, స్టీవ్‌ స్మిత్‌ 27, క్యారీ 24, కమిన్స్‌ (32 నాటౌట్‌), వెబ్‌స్టర్‌ 39 (నాటౌట్‌) పరుగులు చేశారు. సౌతాఫ్రికా బౌలర్లలో నోర్జే, మహారాజ్‌ తలో 2, యాన్సెన్‌, హార్మర్‌ చెరో వికెట్‌ పడగొట్టారు.భారీ లక్ష్య ఛేదనకు దిగిన సౌతాఫ్రికా నాలుగో రోజు చివరి సెషన్‌ సమయానికి వికెట్‌ నష్టపోకుండా 7 పరుగులు చేసింది. ఈ మ్యాచ్‌లో ఆ జట్టు గెలవాలంటే ఇంకా 414 పరుగులు చేయాలి.అంతకుముందు సౌతాఫ్రికా తొలి ఇన్నింగ్స్‌లో 284 పరుగులకు ఆలౌటైంది. ఆసీస్‌ బౌలర్లు సత్తా చాటడంతో సౌతాఫ్రికా ఇన్నింగ్స్‌లో ఒక్కరు కూడా కనీసం హాఫ్‌ సెంచరీ చేయలేకపోయారు. 49 పరుగులు చేసిన డేవిడ్‌ బెడింగ్హమ్‌ టాప్‌ స్కోరర్‌ కాగా.. మార్క్రమ్‌ (37), స్టబ్స్‌ (32), ముల్దర్‌ (30), వెర్రిన్‌ (13), యాన్సెన్‌ (26), హార్మర్‌ (35 నాటౌట్‌), కేశవ్‌ మహారాజ్‌ (34), నోర్జే (16) రెండంకెల స్కోర్లు చేశారు. ఆసీస్‌ బౌలర్లలో కమిన్స్‌ 3 వికెట్లు తీయగా.. స్టార్క్‌, హాజిల్‌వుడ్‌, లియోన్‌ తలో 2, వెబ్‌స్టర్‌ ఓ వికెట్‌ పడగొట్టారు.అంతకుముందు మ్యాట్‌ రెన్షా (190) వీరోచిత శతకం బాదడంతో ఆస్ట్రేలియా 390 పరుగులు చేసింది. రెన్షాకు కమిన్స్‌ (43), లియోన్‌ (27), లబూషేన్‌ (37), స్టీవ్‌ స్మిత్‌ (25) సహకరించారు. సౌతాఫ్రికా బౌలర్లలో ముల్దర్‌ 4, యాన్సెన్‌ 3, నోర్జే 2, హార్మర్‌ ఓ వికెట్‌ పడగొట్టారు. ఇదీ చదవండి: సౌతాఫ్రికాతో తొలి టెస్టు.. చ‌రిత్ర సృష్టించిన ఆసీస్ బౌల‌ర్‌

ఎక్కడ చూసినా ఎరుపు రంగు పులుముకున్నట్టే ఉంటంది. ఆ ఎరుపు మధ్యలో ఆకాశాన్ని తాకుతున్నట్టుగా ఓ అందమైన గుడి కొలువుంటుంది. దాని పేరు ఉలూరు.ఆస్ట్రేలియా అంటే సిడ్నీ కాదు, ఒపేరా హౌస్‌ కాదు. అసలు ఆస్ట్రేలియా అక్కడ లేనే లేదు. అది దేశం మధ్యలో ఉంది. ఎడారి మధ్యలో. వేల సంవత్సరాలుగా నిశ్శబ్దంగా నిలబడి ఉన్న ఒక పెద్ద ఎర్ర రాయి దగ్గర ఉంది. స్థానిక అనాంగూ ప్రజలు దాన్ని గుండె లాగా కొలుస్తారు.సందర్శనీయ ప్రదేశాలు ఉలూరు అనేది ఒక రాయి కాదు, ఒక జీవి లేదా ప్రాణం ఉన్న శక్తిగా స్థానికులు భావిస్తారు. ఉదయం పూట ఈ కొండ నారింజ రంగులో ఉంటుంది, మధ్యాహ్నం ఎర్రగా, సాయంత్రం అగ్ని లాగా మారుతుంది.సూర్యోదయం సమయంలో ఉలూరు వైభవం అనేది అక్కడి ప్రజలకు ఒక ఆధ్యాత్మిక అనుభవం. తెల్లవారుజామునే లేచి ఎడారిలో నిలబడి అప్పటి వరకు చీకటిలో నల్లగా ఉన్న కొండ ఎరుపెక్కుతుండటం చూస్తూ పరవశించి΄ోతారు స్థానికులు, పర్యాటకులు.ఈ కొండ చుట్టూ 10 కిలోమీటర్ల బేస్‌ వాక్‌ ఏరియా ఉంటుంది. నడుస్తూ వెళ్తే ముటిట్జులు వాటర్‌ హోల్‌ కనిపిస్తుంది. ఎడారి మధ్యలో చిన్న నీటి గుంట ఇది. ఆ నీరు చాలా చల్లగా ఉంటుంది.కునియా గార్జ్‌ లో రెండు రాళ్ల మధ్య వీచే గాలి కూడా ఒక మంత్రంలా ఉంటుంది. గుహల లోపల అనాంగూ ప్రజలు గీసిన పాత పెయింటింగ్స్‌ ఉన్నాయి.సాయంత్రం అయితే కటా జుటా అనే మరో రాళ్ల సమూహం వద్దకు వెళ్లవచ్చు. ఇక్కడ 36 తలలు ఒకేచోట ఉన్నట్టు ఉంటాయి ఆ రాళ్లు. రాత్రి అయితే ఇది ఫీల్డ్‌ ఆఫ్‌ లైట్‌ గా మారిపోతుంది. ఎడారి మొత్తం 50 వేల లైట్లతో నిండి΄ోతుంది.ఎలా వెళ్లాలి ?హైదరాబాద్‌ నుంచి ఉలూరుకి డైరెక్ట్‌ ఫ్లైట్‌ లేదు. హైదరాబాద్‌ శంషాబాద్‌ నుంచి సింగపూర్‌ లేదా కౌలాలంపూర్‌ మీదుగా సిడ్నీ లేదా మెల్బోర్న్‌ వెళ్లాలి. 14 గంటల ప్రయాణం ఇది.సిడ్నీలో ఒక రోజు ఆగి, అక్కడి నుంచి డొమెస్టిక్‌ ఫ్లైట్‌ లో అలిస్‌ స్ప్రింగ్స్‌ కి వెళ్లాలి. 3 గంటల ఫ్లైట్‌. అలిస్‌ స్ప్రింగ్స్‌ అనేది ఎడారిలో ఉన్న చిన్న పట్టణం. అక్కడి నుంచి అయర్స్‌ రాక్‌ ఎయిర్‌పోర్ట్‌కి మరో గంట ఫ్లైట్‌ ఉంది.రోడ్డు మీద కార్‌ లో వెళ్తే 5 గంటలు పడుతుంది. ఆ రోడ్డు ప్రయాణం కూడా అద్భుతంగా ఉంటుంది. ఎర్ర మట్టి, పొడుగ్గా ఉన్న స్పినిఫెక్స్‌ గడ్డి, అప్పుడప్పుడు దూకుతున్న కంగారూలను చూసి మైమరచి΄ోవచ్చు. విజయవాడ నుంచి వచ్చే వారు హైదరాబాద్‌ వచ్చి ఇదే రూట్‌ ఫాలో అవ్వాలి.ఎక్కడ ఉండాలి?ఉలూరు దగ్గర అయర్స్‌ రాక్‌ రిసార్ట్‌ లోనే ఉండాలి. అక్కడ సెయిల్స్‌ ఇన్‌ ది డెసర్ట్, డెసర్ట్‌ గార్డెన్స్‌ హోటల్, లగ్జరీగా లాటిట్యూడ్‌ 131 డిగ్రీస్‌ ఉన్నాయి. టెంట్‌ లో ఉంటే రాత్రి పడుకుని నక్షత్రాలు చూడొచ్చు. ఇక్కడ సిటీ లైట్స్‌ ఉండవు కాబట్టి పాలపుంత చాలా స్పష్టంగా కనిపిస్తుంది. ఉదయం టెంట్‌ జిప్‌ తీస్తే ఎదురుగా ఉలూరు అద్భుతంగా దర్శనం ఇస్తుంది.ఏం చూడాలి, ఏం తినాలి ఉదయం సన్‌ రైజ్, సాయంత్రం సన్‌ సెట్‌ రెండూ చూడాలి. మధ్యలో అనాంగూ గైడ్‌ తో కల్చరల్‌ వాక్‌ చేయాలి. వాళ్లు చెప్పే కథలు వింటే ఈ రాయి ఎందుకు పవిత్రమో అర్థమవుతుంది.ఇక ఫుడ్‌ విషయానికి వస్తే బుష్‌ టక్కర్‌ ట్రై చేయాలి. వాటిల్‌ సీడ్‌ తో చేసిన బ్రెడ్, లెమన్‌ మిర్టల్‌ తో చేసిన చికెన్, కంగారూ స్టీక్‌ ఇందులో ఏది నచ్చితే అది ట్రై చేయవచ్చు. రాత్రి ఎడారిలో బార్బెక్యూ ఎంజాయ్‌ చేయవచ్చు.ఆసక్తికరమైన విషయాలుఉలూరు ఎత్తు 348 మీటర్లు, కానీ భూమి లోపల 6 కిలోమీటర్ల వరకు ఉంది. దీని వయసు 550 మిలియన్‌ సంవత్సరాలు.అనాంగూ ప్రజలు ఊలూరు రాయిని ఎక్కడం ఇష్టపడరు. 2019 నుంచి ఎక్కడం పూర్తిగా బ్యాన్‌ చేశారు.ఇక్కడికి వెళ్లడానికి ఆస్ట్రేలియా టూరిస్ట్‌ వీసా తప్పనిసరి.బెస్ట్‌ టైం మే నుంచి సెప్టెంబర్‌ వరకు, ఎండ తక్కువ ఉంటుంది.బడ్జెట్‌ హైదరాబాద్‌ నుంచి 5 రోజుల ట్రిప్‌ కి మనిషికి రూ. 1.80 లక్షల నుంచి 2.50 లక్షలు అవుతుంది. ఫ్లైట్‌ 90 వేలు, స్టే రోజుకి 12 వేల నుంచి, ఫుడ్, ఎంట్రీ టికెట్లు కలిపి. ఖర్చులు మీ లైఫ్‌ స్టైల్‌ ను బట్టి మారే అవకాశం ఉంది.

వరల్డ్‌ ఛాంపియన్షిప్‌ ఆఫ్‌ లెజెండ్స్‌ 2026 టోర్నీలో ఆస్ట్రేలియా ఛాంపియన్స్‌ రెండో విజయం సాధించింది. ఈ టోర్నీలో భారత్‌, సౌతాఫ్రికా చేతిలో ఓడి, బంగ్లాదేశ్‌పై విజయం సాధించిన ఆ జట్టు.. ఇవాళ వెస్టిండీస్‌తో జరిగిన లో స్కోరింగ్‌ మ్యాచ్‌లో 36 పరుగుల తేడాతో విజయం సాధించింది.ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఆసీస్‌ 16.2 ఓవర్లలో 119 పరుగులకే కుప్పకూలింది. అయితే స్వల్ప లక్ష్యాన్ని ఆసీస్‌ బౌలర్లు విజయవంతంగా కాపాడుకున్నారు. ఆసీస్‌ బౌలర్ల ధాటి​కి విండీస్‌ 18.1 ఓవర్లలో 83 పరుగులకే చాపచుట్టేసింది.ఆసీస్‌ ఇన్నింగ్స్‌లో డి ఆర్కీ షార్ట్‌ (34) టాప్‌ స్కోరర్‌గా కాగా.. జోనాథన్‌ వెల్స్‌ (26), బెన్‌ డంక్‌ (13), బెన్‌ లాగ్లిన్‌ (12 నాటౌట్‌) మాత్రమే రెండంకెల స్కోర్లు చేశారు. స్టార్‌ బ్యాటర్‌ డేవిడ్‌ వార్నర్‌ ఒక్క పరుగుకే ఔటై నిరాశపరిచాడు. విండీస్‌ బౌలర్లలో కాట్రెల్‌ 3, ఫిడెల్‌ ఎడ్వర్డ్స్‌, రీఫర్‌ చెరో 2, ఎమ్రిట్‌, డ్వేన్‌ బ్రావో, డేవ్‌ మొహమ్మద్‌ తలో వికెట్‌ తీశారు.స్వల్ప లక్ష్య ఛేదనలో ఆసీస్‌ బౌలర్లు చెలరేగిపోయారు. బెన్‌ హిల్ఫెన్హాస్‌, ఫవాద్‌ అహ్మద్‌ చెరో 3, షార్ట్‌ 2, బీర్‌, కౌల్టర్‌ నైల్‌ తలో వికెట్‌ తీశారు. విండీస్‌ ఇన్నింగ్స్‌లో కార్లోస్‌ బ్రాత్‌వైట్‌ (25) టాప్‌ స్కోరర్‌ కాగా.. లెండిల్‌ సిమన్స్‌ (17), బ్లాక్‌వుడ్‌ (19) మాత్రమే రెండంకెల స్కోర్లు చేశారు. విధ్వంసకర ఆటగాడు క్రిస్‌ గేల్‌ డకౌటయ్యాడు. ఇదీ చదవండి: ఊత‌ప్ప మెరుపులు వృథా.. సౌతాఫ్రికా చేతిలో భార‌త్ ఓట‌మి

డర్బన్‌ వేదికగా సౌతాఫ్రికాతో జరుగుతున్న తొలి టెస్ట్‌ మ్యాచ్‌లో ఆస్ట్రేలియా కీలక ఆధిక్యం సాధించింది. తొలి ఇన్నింగ్స్‌లో 390 పరుగులు చేసిన ఆ జట్టు.. సౌతాఫ్రికాను తొలి ఇన్నింగ్స్‌లో 284 పరుగులకు కట్టడి చేసి 106 పరుగుల లీడ్‌ పొందింది. ఆసీస్‌ బౌలర్లు సత్తా చాటడంతో సౌతాఫ్రికా బ్యాటర్లు తడబడ్డారు. ఇన్నింగ్స్‌లో ఒక్కరు కూడా హాఫ్‌ సెంచరీ చేయలేకపోయారు. 49 పరుగులు చేసిన డేవిడ్‌ బెడింగ్హమ్‌ టాప్‌ స్కోరర్‌ కాగా.. మార్క్రమ్‌ (37), స్టబ్స్‌ (32), ముల్దర్‌ (30), వెర్రిన్‌ (13), యాన్సెన్‌ (26), హార్మర్‌ (35 నాటౌట్‌), కేశవ్‌ మహారాజ్‌ (34), నోర్జే (16) రెండంకెల స్కోర్లు చేశారు. ఆసీస్‌ బౌలర్లలో కమిన్స్‌ 3 వికెట్లు తీయగా.. స్టార్క్‌, హాజిల్‌వుడ్‌, లియోన్‌ తలో 2, వెబ్‌స్టర్‌ ఓ వికెట్‌ పడగొట్టారు.అంతకుముందు మ్యాట్‌ రెన్షా (190) వీరోచిత శతకం బాదడంతో ఆస్ట్రేలియా 390 పరుగులు చేసింది. రెన్షాకు కమిన్స్‌ (43), లియోన్‌ (27), లబూషేన్‌ (37), స్టీవ్‌ స్మిత్‌ (25) సహకరించారు. సౌతాఫ్రికా బౌలర్లలో ముల్దర్‌ 4, యాన్సెన్‌ 3, నోర్జే 2, హార్మర్‌ ఓ వికెట్‌ పడగొట్టారు. వెలుతురు లేమి కారణంగా ముగిసిన ఆట106 పరుగుల కీలక ఆధిక్యంతో రెండో ఇన్నింగ్స్‌ ప్రారంభించిన ఆసీస్‌ వికెట్‌ నష్టపోకుండా 33 పరుగులు చేసింది. ఈ దశలో వెలుతురు లేమి కారణంగా మూడో రోజు ఆట ముగిసింది. ఆట ముగిసే సమయానికి ఆసీస్‌ 139 పరుగుల లీడ్‌లో ఉంది. మ్యాడిసన్‌ 17, హెడ్‌ 10 పరుగులతో క్రీజ్‌లో ఉన్నారు. ఇదీ చదవండి: వరల్డ్‌ రికార్డు బద్దలు కొట్టిన స్టీవ్‌ స్మిత్‌

డర్బన్‌ వేదికగా సౌతాఫ్రికాతో జరుగుతున్న టెస్ట్‌ మ్యాచ్‌లో ఆస్ట్రేలియా తొలి ఇన్నింగ్స్‌ ముగిసింది. టాస్‌ గెలిచి తొలుత బ్యాటింగ్‌ చేసిన ఆ జట్టు 390 పరుగులకు ఆలౌటైంది. మిడిలార్డర్‌ బ్యాటర్‌ మ్యాట్‌ రెన్షా (190) వీరోచితంగా పోరాడి అద్భుత శతకంతో మెరిశాడు. అతడికి టెయిలెండర్లు కమిన్స్‌ (43), లియోన్‌ (27), హాజిల్‌వుడ్‌ (5 నాటౌట్‌) సహకరించినప్పటికీ, తృటిలో డబుల్‌ సెంచరీ మిస్‌ చేసుకున్నాడు.124 పరుగులకే 6 వికెట్లు కోల్పోయి కష్టాల్లో ఉండిన ఆసీస్‌ను రెన్షా అద్భుతమైన ఇన్నింగ్స్‌తో ఆదుకున్నాడు. ఈ క్రమంలో కెరీర్‌లో తన రెండో టెస్ట్‌ సెంచరీని పూర్తి చేసుకోవడమే కాకుండా, తన జట్టును పట్టిష్టమైన స్థానంలో ఉంచాడు. ఆసీస్‌ ఇన్నింగ్స్‌ మొత్తాన్ని రెన్షా ఒంటిచేత్తో నిర్మించాడు. అతడికి టెయిలెండర్లు మద్దతుగా నిలిచారు.ఆసీస్‌ ఇన్నింగ్స్‌లో మ్యాడిసన్‌ డకౌట్‌ కాగా.. ట్రవిస్‌ హెడ్‌ 9, లబూషేన్‌ 37, స్టీవ్‌ స్మిత్‌ 25, అలెక్స్‌ క్యారీ 14, వెబ్‌స్టర్‌ 4, స్టార్క్‌ 6 పరుగులు చేశారు. సౌతాఫ్రికా బౌలర్లలో ముల్దర్‌ 4, యార్కో యాన్సెన్‌ 3, అన్రిచ్‌ నోర్జే 2, సైమన్‌ హార్మర్‌ ఓ వికెట్‌ పడగొట్టారు. సౌతాఫ్రికాతో మూడు మ్యాచ్‌ల టెస్ట్‌ సిరీస్‌లో భాగంగా జరుగుతున్న తొలి టెస్ట్‌ మ్యాచ్‌ ఇది. దీనికి ముందు మూడు మ్యాచ్‌ల వన్డే సిరీస్‌ను ఆసీస్‌ 1-2 తేడాతో కోల్పోయింది. వన్డే, టెస్ట్‌ సిరీస్‌ల కోసం​ ఆస్ట్రేలియా సౌతాఫ్రికాలో పర్యటిస్తుంది.ఇదీ చదవం‍డి: భారత జట్టుకు ఎంపిక కాకపోతే అది నా నష్టం కాదు..!

డర్బన్‌ వేదికగా సౌతాఫ్రికాతో జరుగుతున్న టెస్ట్‌ మ్యాచ్‌లో ఆస్ట్రేలియా మిడిలార్డర్‌ బ్యాటర్‌ మ్యాట్‌ రెన్షా అద్భుత శతకంతో చెలరేగాడు. 205 బంతుల్లో సెంచరీ పూర్తి చేసి, పతనం దిశగా సాగుతున్న తన జట్టుకు గౌరవప్రదమైన స్కోర్‌ అందించాడు. ఓ పక్క సహచరుల వికెట్లు వరుసగా పడుతున్నా, కమిన్స్‌ (43) సాయంతో వీరోచితంగా పోరాడాడు.ఈ క్రమంలో తొమ్మిదేళ్ల తన సెంచరీ దాహాన్ని తీర్చుకున్నాడు. 2016 టెస్ట్‌ అరంగేట్రం చేసిన 30 ఏళ్ల రెన్షా.. 2017పై పాకిస్తాన్‌పై తన ఏకైక సెంచరీ చేశాడు. అప్పటి నుంచి జట్టులోకి వస్తూ పోతూ ఉన్న అతడు.. ఎట్టకేలకు తొమ్మిదేళ్ల విరామం తర్వాత మరో సెంచరీ చేశాడు. ఈ సెంచరీతో రెన్షా మరిన్ని రికార్డులు కూడా సాధించాడు.12 ఏళ్ల తర్వాత సౌతాఫ్రికా గడ్డపై ఆసీస్ బ్యాటర్‌ సెంచరీ12 ఏళ్ల తర్వాత సౌతాఫ్రికా గడ్డపై టెస్టు శతకం సాధించిన తొలి ఆస్ట్రేలియన్ బ్యాటర్‌గా రెన్షా నిలిచాడు. 2014 కేప్‌టౌన్‌ టెస్ట్‌లో డేవిడ్ వార్నర్ సెంచరీ (145) చేసిన తర్వాత.. రెన్షాదే తొలి శతకం. దీంతో సౌతాఫ్రికా గడ్డ ఆసీస్‌ బ్యాటర్ల సెంచరీ కరువు తీరింది.నాలుగేళ్ల తర్వాత విదేశీ బ్యాటర్‌ శతకం2022లో బంగ్లాదేశ్ బ్యాటర్ మహ్మదుల్ హసన్ జాయ్ (137) సెంచరీ చేసిన తర్వాత డర్బన్‌లో సెంచరీ సాధించిన తొలి విదేశీ బ్యాటర్‌గా రెన్షా నిలిచాడు.17 ఏళ్ల తర్వాత ఆసీస్ ఆటగాడి సెంచరీ17 ఏళ్ల తర్వాత డర్బన్‌లో టెస్టు శతకం సాధించిన ఆస్ట్రేలియన్‌గా రెన్‌షా నిలిచాడు. 2009లో ఫిలిప్ హ్యూస్ డర్బన్‌లో టెస్ట్‌ సెంచరీ (160) చేశాడు.మ్యాచ్‌ విషయానికొస్తే.. టాస్‌ గెలిచి తొలుత బ్యాటింగ్‌ ఎంచుకున్న ఆస్ట్రేలియా రెండో రోజు రెండో సెషన్‌ సమయానికి 8 వికెట్ల నష్టానికి 312 పరుగులు చేసి తొలి ఇన్నింగ్స్‌ను కొనసాగిస్తుంది. సెంచరీ తర్వాత కూడా రెన్షా (131 నాటౌట్‌) పోరాడుతున్నాడు. అతడికి నాథన్‌ లియోన్‌ (13 నాటౌట్‌) సహకరిస్తున్నాడు. సౌతాఫ్రికా బౌలర్లు చెలరేగడంతో ఆసీస్‌ ఓ దశలో 124 పరుగులకే 6 వికెట్లు కోల్పోయి కష్టాల్లో ఉండింది. ఈ దశలో రెన్షా.. కమిన్స్‌ సాయంతో ఇన్నింగ్స్‌ను తీర్చిదిద్దాడు.ఇదీ చదవండి: చాంపియన్స్ అని ఊరికే అనలేదు.. ఇదీ కమ్‌బ్యాక్ అంటే!

భారత్‌లో జరిగే మహిళల ప్రీమియర్‌ లీగ్‌ (WPL)పై ఆసీస్‌ స్టార్‌ క్రికెటర్‌ ఎల్లిస్‌ పెర్రీ విమర్శలు చేసింది. టోర్నీ తదుపరి ఎడిషన్‌ షెడ్యూల్‌పై ఆమె అసంతృప్తి వెల్లగక్కింది. అంతర్జాతీయ క్రికెట్‌కు మరింత సమయం ఇవ్వాలని డిమాండ్ చేసింది.2027 మహిళల ప్రీమియర్ లీగ్ (WPL) జనవరి 14 నుంచి ఫిబ్రవరి 7 వరకు జరగనుంది. ఇదే సమయంలో ఆస్ట్రేలియాలో కీలక అంతర్జాతీయ షెడ్యూల్ ఉంది. WPL కారణంగా ఇందులో పాల్గొనే అవకాశాలు పరిమితంగా మారతయని పెర్రీ అభిప్రాయపడింది. WPL, అస్ట్రేలియా అంతర్జాతీయ షెడ్యూల్‌ క్లాష్‌ కావడం బాధాకరమని తెలిపింది.ఎల్లిస్‌ పెర్రీ WPLలో ఆర్సీబీకి ప్రాతినిథ్యం వహిస్తుంది. వ్యక్తిగత కారణాల చేత ఆమె గత సీజన్‌కు దూరమైంది. తదుపరి సీజన్‌కు ఆమె అందుబాటులో ఉంటుందో లేదో చూడాలి.ఇదిలా ఉంటే, WPLకి ముందు ఆస్ట్రేలియాలో మహిళల బిగ్ బాష్ లీగ్ (WBBL) 2026 సీజన్‌ ప్రారంభం కానుంది. ఈ టోర్నీ అక్టోబర్ 29 నుంచి డిసెంబర్ 5 వరకు జరగనుంది. రోజుల వ్యవధిలో WPL 2027 ప్రారంభం కానుంది.ఇదీ చదవండి: ఆసీస్‌తో తొలి టెస్ట్‌.. సౌతాఫ్రికా తుది జట్టు ప్రకటన.. స్టార్‌ ప్లేయర్‌ ఔట్‌

వరల్డ్‌ ఛాంపియన్‌షిప్‌ ఆఫ్‌ లెజెండ్స్‌ 2026 టోర్నీలో ఇవాళ ఆస్ట్రేలియా ఛాంపియన్స్‌, బంగ్లాదేశ్‌ ఛాంపియన్స్‌ జట్లు తలపడ్డాయి. షార్జా వేదికగా జరిగిన ఈ మ్యాచ్‌లో ఆస్ట్రేలియా బంగ్లాదేశ్‌పై 37 పరుగుల తేడాతో ఘన విజయం సాధించింది.ఈ మ్యాచ్‌లో తొలుత బ్యాటింగ్‌ చేసిన ఆస్ట్రేలియా నిర్ణీత 20 ఓవర్లలో 6 వికెట్ల నష్టానికి 203 పరుగులు చేసింది. కెప్టెన్‌ డేవిడ్‌ వార్నర్‌ (38 బంతుల్లో 66; 7 ఫోర్లు, 4 సిక్సర్లు), కల్లమ్‌ ఫెర్గూసన్‌ (36 బంతుల్లో 63; 7 ఫోర్లు, 2 సిక్సర్లు) మెరుపు అర్ద శతకాలతో సత్తా చాటారు. వికెట్‌ కీపర్‌ బెన్‌ డంక్‌ (45 నాటౌట్‌) కూడా బ్యాట్‌ ఝులిపించాడు. బంగ్లా బౌలర్లలో అబు జయేద్‌ 3 వికెట్లు పడగొట్టగా.. జియావుర్‌ రహ్మాన్‌ 2, రుబెల్‌ హొసేన్‌ ఓ వికెట్‌ దక్కించుకున్నారు.భారీ లక్ష్య ఛేదనలో బంగ్లాదేశ్‌ ఏ దశలోనూ గెలుపు దిశగా సాగలేకపోయింది. కెప్టెన్‌ మహ్మదుల్లా (73 నాటౌట్‌) ఒంటరిపోరాటం చేసినా తన జట్టును గెలిపించలేకపోయాడు. నిర్ణీత ఓవర్లలో ఆ జట్టు 6 వికెట్ల నష్టానికి 166 పరుగులు మాత్రమే చేయగలిగింది. ఆసీస్‌ బౌలర్లలో ఫవాద్‌ అహ్మద్‌ 2, బెన్‌ హిల్ఫెన్హాస్‌, కేన్‌ రిచర్డ్‌సన్‌, డి ఆర్కీ షార్ట్‌ తలో వికెట్‌ పడగొట్టారు. ఇదీ చదవండి: కోహ్లి రికార్డు బద్దలు కొట్టిన ఇషాన్‌ కిషన్‌

ఆస్ట్రేలియాలోని సిడ్నీలో పెళ్లి వేడుక జరుగుతుండగా తీవ్ర ఉరుములు, పిడుగులతో కూడిన వర్షం, వడగళ్ల వాన అతిథులను తీవ్ర ఆందోళనకు గురిచేసింది. వేదిక పైకప్పుపై భారీగా వర్షపు నీరు, వడగళ్లు పేరుకుపోవడంతో పైకప్పులోని ఒక భాగం కిందకు వంగింది. పెళ్లికి వచ్చిన అతిథులు చెక్క కుర్చీలను ఉపయోగించి పైకప్పును పైకి నెట్టిపట్టుకున్నారు. అది మరింత కుంగిపోకుండా అడ్డుకున్నారు.ఇందుకు సంబంధించిన వీడియో సామాజిక మాధ్యమాల్లో వైరల్‌ అవుతోంది. ఈ వీడియోలో సూట్లు, ఇతర ఫార్మల్‌ దుస్తులు ధరించిన పలువురు అతిథులు వరుసగా నిలబడి కుర్చీలను తలపైకి ఎత్తి, వంగిపోయిన పైకప్పు భాగానికి ఆనించి పట్టుకోవడం కనిపించింది. అదే సమయంలో భారీ వర్షం, వడగళ్ల వాన పడింది.వేడుక కోసం సిద్ధం చేసిన టేబుళ్లపై ప్లేట్లు, గ్లాసులు, న్యాప్‌కిన్లు ఉండగానే ఈ అనూహ్య పరిస్థితి ఎదురైంది. పైకప్పుపై పేరుకుపోయిన నీరు, వడగళ్ల బరువు కారణంగా పెద్ద నీటి మడుగు ఏర్పడినట్లు వీడియోలో కనిపించింది. అతిథులు కుర్చీల సాయంతో పైకప్పును పైకి నెట్టడం ద్వారా పరిస్థితిని అదుపులో ఉంచేందుకు ప్రయత్నించారు.వేదిక వెలుపల కూడా వాతావరణం తీవ్రంగా ఉన్నట్లు మరో వీడియోలో కనిపించింది. ప్రాంగణంలోని పచ్చికపై పెద్ద పరిమాణంలో వడగళ్ల ముక్కలు పేరుకుపోయాయి. ఈ పరిస్థితిని ఓ అతిథి అభివర్ణిస్తూ.. “ఆందోళన కలిగించడంతో పాటు కొంత హాస్యాస్పదంగా కూడా అనిపించింది” అని అన్నారు.సిడ్నీ సహా న్యూ సౌత్ వేల్స్‌ ప్రాంతంలో తుపానుల ప్రభావంతో అత్యవసర సేవలకు 180కుపైగా కాల్స్‌ వచ్చాయి. పెళ్లి వేడుకలో సంబరాలకు బదులుగా అతిథులే తాత్కాలికంగా పైకప్పును కాపాడే పనిలో పడిన ఈ దృశ్యాలు ఇప్పుడు సామాజిక మాధ్యమాల్లో వైరల్‌గా మారాయి.ROOF CAVES in at wedding during torrential downpours in SYDNEY https://t.co/BYI0gpZ92U— RTVisual (@RT_Visual_on_X) October 6, 2026

సౌతాఫ్రికాతో తొలి టెస్ట్‌కు​ ముందు ఆస్ట్రేలియాకు భారీ ఎదురుదెబ్బ తగిలింది. స్టార్ ఆల్‌రౌండర్ కెమెరాన్ గ్రీన్ పొత్తికడుపు గాయం కారణంగా ఆ మ్యాచ్‌కు దూరం కానున్నాడు. ఈ విషయాన్ని ఆస్ట్రేలియా హెడ్ కోచ్ ఆండ్రూ మెక్‌డొనాల్డ్ ఇవాళ ధృవీకరించాడు. గత వారం సౌతాఫ్రికాతోనే జరిగిన మూడో వన్డేలో బ్యాటింగ్ చేస్తుండగా గ్రీన్ గాయపడ్డాడు. కార్బిన్ బోష్ వేసిన బంతి గ్రీన్‌ పొత్తికడుపు ప్రాంతంలో బలంగా తగిలింది. దీంతో ఆ తర్వాత జరిగిన రెండు రోజుల టూర్ మ్యాచ్‌కు కూడా గ్రీన్ దూరమయ్యాడు. ప్రస్తుతం అతడు గాయం నుంచి కోలుకునే ప్రక్రియలో ఉన్నాడు. తొలి టెస్ట్‌ అక్టోబర్‌ 9 నుంచి డర్బన్‌లో జరుగనుంది. తొలి టెస్ట్‌కు గ్రీన్‌ దూరమైన నేపథ్యంలో అతడి స్థానంలో బ్యూ వెబ్‌స్టర్‌ తుది జట్టులోకి రావచ్చు.కాగా, 3 వన్డేలు, 3 మ్యాచ్‌ల టెస్ట్‌ సిరీస్‌ కోసం ఆస్ట్రేలియా జట్టు సౌతాఫ్రికాలో పర్యటిస్తుంది. తొలుత జరిగిన వన్డే సిరీస్‌ను ఆతిథ్య సౌతాఫ్రికా 2-1 తేడాతో కైవసం చేసుకుంది. అనంతరం ఆస్ట్రేలియా క్రికెట్‌ సౌతాఫ్రికా ఇన్విటేషన్‌ ఎలెవెన్‌ జట్టుతో రెండు రోజుల వార్మప్‌ మ్యాచ్‌ ఆడింది. ఈ మ్యాచ్‌ డ్రాగా ముగిసింది. ఈ మ్యాచ్‌లో ఆసీస్‌ ఆటగాడు మార్నస్‌ లబూషేన్‌ సెంచరీతో కదంతొక్కాడు. స్టార్‌ ప్లేయర్‌ స్టీవ్‌ స్మిత్‌ (61), అలెక్స్‌ క్యారీ (57) అ‍్ద సెంచరీలతో రాణించారు. ఈ సిరీస్‌లో రెండు, మూడు టెస్ట్‌లు గ్వెబెర్హా, కేప్‌టౌన్‌ వేదికలుగా అక్టోబర్‌ 18, 27 తేదీల నుంచి ప్రారంభమవుతాయి. ఇదీ చదవండి: జడేజా కంటే అక్షర్‌ బెటర్‌.. అశ్విన్‌ ఆసక్తికర వ్యాఖ్యలు

దుబాయ్‌: ఫ్లై దుబాయ్‌ విమాన ఘటనపై దర్యాప్తు ముమ్మరంగా సాగుతోంది. పలుదేశాలు ఇందులో పాలుపంచుకున్నాయి. యూఏఈ నేతృత్వంలోని దర్యాప్తు సంస్థలు నిందితుడైన కో–పైలట్‌ హమామీ ఉద్దేశాలు, ఇతరులతో అతడికి ఉన్న సంబంధాలపై దృష్టి పెట్టింది. ఒమన్‌కు చెందిన కో–పైలట్‌కు ఆ్రస్టేలియాతో ఉన్న సంబంధాలు, అతడు టెల్‌ అవీవ్‌కు వెళ్తున్న ఫ్లైదుబాయ్‌ విమాన సిబ్బందిలో ఎలా చేరాడనే దానిపై ఆస్ట్రేలియా, ఇజ్రాయెల్‌ అధికారులు విచారణ జరుపుతున్నారు. నిందితుడికి ఆస్ట్రేలియాతో ఉన్న సంబంధాలపై ఉగ్రవాద నిరోధక బృందం దర్యాప్తు చేస్తోందని ఆ్రస్టేలియన్‌ ఫెడరల్‌ పోలీస్‌ విభాగం వెల్లడించింది. విమానంలోని కాక్‌పిట్‌లో కో–పైలట్‌ క్రాష్‌ గొడ్డలితో కెప్టెన్‌పై దాడి చేసి, విమానంపై నియంత్రణ సాధించడానికి ప్రయత్నించాడని యూఏఈ అటార్నీ జనరల్‌ హమద్‌ సైఫ్‌ అల్‌ షంసీ పేర్కొన్నారు. కుట్ర కోణం త్వరలో బహిర్గతమయ్యే అవకాశం ఉందని తెలిపారు. ఫ్లై దుబాయ్‌ విమాన ఘటనకు ముందు యూఏఈ అధికారులు అందులోని ప్రయాణికులు, సిబ్బంది వివరాలను ఇజ్రాయెల్‌తో పంచుకున్నారని సంబంధిత అధికారులు ఆదివారం తెలిపారు. తీవ్రవాద భావజాలం ఉన్న కో–పైలట్‌ను అతడి సొంత దేశమే విమానం నడపకుండా నిషేధించిందని ఇప్పటికే గుర్తించారు. ఇజ్రాయెల్‌తో దౌత్య సంబంధాలు లేని ఒమన్‌ పౌరుడిని, ఇజ్రాయెల్‌ పౌరులతో నిండిన విమానాన్ని నడపడానికి ఎలా అనుమతించారన్న అనుమానాలు వ్యక్తమవుతున్నాయి.

సౌతాఫ్రికా పర్యటనలో ప్రపంచ ఛాంపియన్‌ ఆస్ట్రేలియా పరువు కాపాడుకుంది. మూడు మ్యాచ్‌ల వన్డే సిరీస్‌లో క్లీన్‌ స్వీప్‌ కాకుండా మర్యాద నిలుపుకుంది. ఈ సిరీస్‌లో తొలి రెండు వన్డేలు ఓడిన ఆ జట్టు, నిన్న జరిగిన నామమాత్రపు చివరి వన్డేలో గెలిచి 1-2తో సిరీస్‌ను ముగించింది. ఈ మ్యాచ్‌ను కూడా ఆసీస్‌ పూర్తిగా ఆడి గెలవలేదు. సౌతాఫ్రికా ఛేదన సమయంలో వర్షం​ అడ్డుపడటంతో డక్‌వర్త్‌ లూయిస్‌ పద్దతిన 45 పరుగుల తేడాతో విజయం సాధించింది.రాణించిన మార్ష్‌, క్యారీతొలుత బ్యాటింగ్‌ చేసిన ఆస్ట్రేలియా, కెప్టెన్‌ మిచెల్‌ మార్ష్‌ (56), అలెక్స్‌ క్యారీ (74) అర్ద సెంచరీలతో రాణించడంతో నిర్ణీత 50 ఓవర్లలో 9 వికెట్ల నష్టానికి 322 పరుగులు చేసింది. ట్రవిస్‌ హెడ్‌ 24, కూపర్‌ కన్నోల్లీ 23, ఒలివర్‌ పీక్‌ 48, రెన్షా 30, గ్రీన్‌ 23, బార్ట్‌లెట్‌ 2, కమిన్స్‌ 11, స్టార్క్‌ 11 (నాటౌట్‌) పరుగులు చేశారు. సౌతాఫ్రికా బౌలర్లలో కార్బిన్‌ బాష్‌ 4 వికెట్లు పడగొట్టగా.. గెరాల్డ్‌ కొయెట్జీ, లిజాడ్‌ విలియమ్స్‌ తలో 2, ఫోర్టుయిన్‌ ఓ వికెట్‌ దక్కించుకున్నారు.అనంతరం లక్ష్య ఛేదనలో సౌతాఫ్రికా 145-4 స్కోర్‌ (28 ఓవర్లు) వద్ద ఉండగా భారీ వర్షం​ మొదలైంది. వరుణుడు ఎంతకీ శాంతించకపోవడంతో డక్‌వర్త్‌ లూయిస్‌ పద్దతిన అప్పటికి ఆధిక్యంలో ఉన్న ఆస్ట్రేలియాను విజేతగా ప్రకటించారు. మ్యాచ్‌ నిలిచిపోయే సమయానికి ర్యాన్‌ రికెల్టన్‌ 71, కార్బిన్‌ బాష్‌ 13 పరుగులతో క్రీజ్‌లో ఉన్నారు. ఔటైన బ్యాటర్లలో మార్క్రమ్‌ 15, డికాక్‌ 0, బ్రీట్జ్కే 25, స్టబ్స్‌ 14 పరుగులు చేశారు. ఆసీస్‌ బౌలర్లలో బార్ట్‌లెట్‌, జంపా తలో 2 వికెట్లు పడగొట్టారు.అక్టోబర్‌ 9 నుంచి టెస్ట్‌ సిరీస్‌ ప్రారంభం​సౌతాఫ్రికా-ఆస్ట్రేలియా మధ్య అక్టోబర్‌ 9 నుంచి మూడు మ్యాచ్‌ల టెస్ట్‌ సిరీస్‌ ప్రారంభమవుతుంది. తొలి టెస్ట్‌ డర్బన్‌ వేదికగా, రెండో టెస్ట్‌ గ్వెబెర్హా వేదికగా అక్టోబర్‌ 18న, మూడో టెస్ట్‌ కేప్‌టౌన్‌ వేదికగా అక్టోబర్‌ 27న మొదలవుతాయి.ఇదీ చదవండి: వ‌న్డే చ‌రిత్ర‌లో తొలిసారి; ఒకే మ్యాచ్‌లో ఐదుగురు బ్యాట‌ర్లు శతకాలు

ఆస్ట్రేలియాలోని బ్రిస్బేన్ నగరంలో ఇండియన్ కల్చరల్ సొసైటీ ఆఫ్ క్వీన్స్‌లాండ్ (ICS) ఆధ్వర్యంలో ఐసీఎస్‌ కన్వెన్షన్ 2026 వేడుకలు ఘనంగా నిర్వహించారు. ఈ కార్యక్రమానికి ముఖ్య అతిథులుగా స్వామి రాధామనోహర్ దాస్ , తెలంగాణ బీజేపీ రాష్ట్ర అధ్యక్షులు ఎన్‌ రామచందర్‌రావు, చామకూరి మల్లారెడ్డి, కాటిపల్లి వెంకట రమణారెడ్డి, పైడి రాకేశ్ రెడ్డి, సాధినేని యామిని శర్మ పాల్గొన్నారు.భారతీయ సంస్కృతి, సంప్రదాయాలు, కళలు, కుటుంబ విలువలను ఆస్ట్రేలియాలోని తదుపరి తరాలకు పరిచయం చేయాలనే లక్ష్యంతో ఈ వేడుకలను నిర్వహించారు. వివిధ సాంస్కృతిక కార్యక్రమాలు, పిల్లల ప్రత్యేక కార్యక్రమాలు, ఫ్యాషన్ షో, ఇతర కార్యక్రమాలు ప్రేక్షకులను ఆకట్టుకున్నాయి. తెలుగు రాష్ట్రాల నుంచి విచ్చేసిన ప్రముఖుల సమక్షంలో ఈ కార్యక్రమం ఘనంగా జరిగింది. బ్రిస్బేన్‌లోని భారతీయులు పెద్ద సంఖ్యలో పాల్గొన్నారు.

సౌతాఫ్రికా పర్యటనలో మూడు మ్యాచ్‌ల వన్డే సిరీస్‌ను మరో మ్యాచ్‌ మిగిలుండగానే కోల్పోయి భంగపడ్డ ఆస్ట్రేలియాకు మరిన్ని ఎదురుదెబ్బలు తగిలాయి. చివరి మ్యాచ్‌ గెలిచి పరువు కాపాడుకోవాలని భావిస్తున్న తరుణంలో ఇద్దరు బౌలర్లు గాయాల కారణంగా జట్టుకు దూరమయ్యారు. పేసర్‌ నాథన్‌ ఎల్లిస్‌, లెఫ్ట్‌ ఆర్మ్‌ స్పిన్నర్‌ జోయెల్‌ డేవిస్‌ రేపు జరుగబోయే మూడో వన్డేకు అందుబాటులో ఉండటం లేదు. ఈ విషయాన్ని క్రికెట్‌ ఆస్ట్రేలియా అధికారికంగా ప్రకటించింది.ఎడ్వర్డ్స్‌పైనా అనుమానంబౌలింగ్‌ ఆల్‌రౌండర్‌ జాక్‌ ఎడ్వర్డ్స్‌ కూడా మూడో వన్డేకు ముందు హ్యామ్‌స్ట్రింగ్‌ సమస్యతో ఇబ్బంది పడుతున్నాడు. అతడిని వైద్య బృందం పర్యవేక్షిస్తోంది. చివరి వన్డే కోసం అతడు జట్టుతో చేరినప్పటికీ, మ్యాచ్‌లో ఆడటంపై ఇంకా స్పష్టత లేదు.కాగా, ఆస్ట్రేలియా జట్టు మూడు మ్యాచ్‌ల వన్డే, మూడు మ్యాచ్‌ల టెస్ట్‌ సిరీస్‌ కోస​ం సౌతాఫ్రికాలో పర్యటిస్తుంది. ఈ పర్యటనలో భాగంగా జరిగిన తొలి రెండు వన్డేల్లో ఆ జట్టు ఓటమిపాలైంది. మూడో వన్డే పోచఫ్‌స్ట్రూమ్‌ వేదికగా రేపు జరుగనుంది. ఈ మ్యాచ్‌ భారతకాలమానం ప్రకారం​ సాయంత్రం 5 గంటలకు ప్రారంభమవుతుంది. అనంతరం అక్టోబర్‌ 9, 18, 27 తేదీల్లో డర్బన్‌, గ్వెబెర్హా, కేప్‌టౌన్‌ వేదికలుగా మూడు టెస్ట్‌ మ్యాచ్‌లు ప్రారంభమవుతాయి.ఇదీ చదవండి: ఆసీస్‌తో తొలి టెస్ట్‌.. టీమిండియాకు భారీ ఆధిక్యం

క్రికెట్‌ ఆస్ట్రేలియాలో తీవ్ర దుమారం చెలరేగింది. బిగ్‌బాష్‌ లీగ్‌ (BBL) ప్రైవేటీకరణ అంశంపై వ్యతిరేకత వ్యక్తమవుతున్న వేళ చైర్మన్‌ మైక్‌ బైర్డ్‌ తన పదవి నుంచి తప్పుకుంటున్నట్లు ప్రకటించారు.బిగ్‌బాష్‌లోని మెల్‌బోర్న్‌ రెనెగేడ్స్‌ ఫ్రాంచైజీని విక్రయించే ప్రక్రియను క్రికెట్‌ ఆస్ట్రేలియా ముందుకు తీసుకెళ్లడంపై క్రికెట్‌ న్యూ సౌత్‌వేల్స్‌ బైర్డ్‌కు మద్దతు ఉపసంహరించుకుంది. దీంతో ఆయన చైర్మన్‌ పదవికి రాజీనామా చేయాలని నిర్ణయించుకున్నారు.“చాలా ఆలోచించిన తర్వాత క్రికెట్‌ ఆస్ట్రేలియా చైర్మన్‌, డైరెక్టర్‌ పదవుల నుంచి తప్పుకోవాలని నిర్ణయించుకున్నాను. ఆస్ట్రేలియా క్రికెట్‌ను CA బోర్డు సమర్థంగా ముందుకు తీసుకెళ్తుందని నమ్ముతున్నాను” అని బైర్డ్‌ ఒక ప్రకటనలో తెలిపారు.అక్టోబర్‌ చివర్లో జరిగే క్రికెట్‌ ఆస్ట్రేలియా వార్షిక సమావేశం తర్వాత బైర్డ్‌ అధికారికంగా బాధ్యతల నుంచి వైదొలగనున్నారు.డేవిడ్‌ బూన్‌కు తాత్కాలిక బాధ్యతలుమాజీ ఆస్ట్రేలియా టెస్టు ఓపెనర్‌ డేవిడ్‌ బూన్‌ను తాత్కాలిక చైర్మన్‌గా క్రికెట్‌ ఆస్ట్రేలియా నియమించింది. ఆటగాడిగా రిటైరైన తర్వాత బూన్‌ జాతీయ జట్టు సెలెక్టర్‌గా, రాష్ట్ర స్థాయి క్రికెట్‌ పరిపాలకుడిగా పనిచేశారు.బిగ్‌బాష్‌ ప్రైవేటీకరణపై వివాదంక్రికెట్‌ ఆస్ట్రేలియా దేశీయ టీ20 క్రికెట్‌కు ప్రైవేట్‌ పెట్టుబడులను ఆకర్షించే ప్రయత్నం చేస్తోంది. ఆర్థికంగా లీగ్‌ను మరింత బలోపేతం చేయడం ఇందులో ప్రధాన ఉద్దేశం.BBLలోని ఎనిమిది జట్లలో వాటాలను ప్రైవేట్‌ పెట్టుబడిదారులకు విక్రయించే ప్రతిపాదనను ఈ ఏడాది ప్రారంభంలో తీసుకొచ్చారు. అయితే క్రికెట్‌ నిర్వహణపై స్థానిక సంస్థల నియంత్రణ తగ్గే అవకాశం ఉందన్న ఆందోళనలతో ఆ ప్రతిపాదన ముందుకు సాగలేదు.విక్టోరియా, వెస్ట్రన్‌ ఆస్ట్రేలియా, టాస్మానియా క్రికెట్‌ సంఘాలు ఈ ఆలోచనకు మద్దతు ఇవ్వగా, సౌత్‌ ఆస్ట్రేలియా కూడా పరిశీలించేందుకు సిద్ధంగా ఉంది. మరోవైపు న్యూ సౌత్‌ వేల్స్‌, క్వీన్స్‌లాండ్‌ ఈ ప్రతిపాదనను వ్యతిరేకించాయి.ఇదీ చదవండి: జగజ్జేతలను చిత్తు చేసిన బవుమా సేన

ఒక వ్యక్తి చిన్న ఉపాధితో కెరీర్‌ని ప్రారంభించి.. అనూహ్యంగా వేరే రంగంలోకి యూటర్న్‌ తీసుకుని అనితర సాధ్యమైన సక్సెస్‌ని అందుకుని యువతకు స్ఫూర్తిగా మారాడు. కొత్తగా నేర్చుకోవాల్సి వచ్చినా సంశయం వద్దు..ధైర్యంగా ముందుకు సాగు, కష్టాన్ని నమ్ముకున్నవాడికి ఓటమి ఉండదు అని చాటి చెబుతున్నాడు. అంతేగాదు విజయానికి సరికొత్త నిర్వచనం ఇచ్చాడు. తెలియని విభిన్న రంగంలో కూడా అంచలంచెలుగా ఎలా ఎదగొచ్చో చూపించి ప్రేరణగా మారాడు. అతడే ఆండీ అలెన్‌ మాస్టర్‌ చెప్‌. ఆస్ట్రేలియాకు చెందిన అతడి కెరీర్‌ ప్రయాణం 23 ఏళ్ల వయసు నుంచి ప్రారంభమైంది. ఆ సమయంలో అతనికేమి పాకశాస్త్రంలో నైపుణ్యం లేదు. పైగా అతడు న్యూకాజిల్‌ అనే గ్రామంలో ఎలక్టీషియన్‌గా కెరీర్‌ ప్రారంభించాడు. ఆ తర్వాత అనుకోకుండా ఆస్ట్రేలియా టెలివిజన్‌ కుకింగ్‌ షోకి అప్లై చేశాడు. పోనీ అలెన్‌ వంటకాలు చేయడంలో దిట్ట కూడా కాదు. కనీసం అనుభం కూడా లేదు. పైగా యువకుడిగా ఆ షోలో పాల్గొన్నాడు. అందులో ఉన్నవాళ్లందరికంటే తనేమి బాగా వండలేనన్న విషయం తెలుసు కాబట్టి ప్రతీ వంటకం గురించి క్షుణ్ణంగా నేర్చుకుంటూ తన వంటకాలన్నింటినీ ప్రెజెంట్ చేసేవాడు. అదీగాక మిగతా పోటీదారులంతా ఎలాగో సిద్ధహస్తులు కాబట్టి చాలా కేర్‌ఫుల్‌గా ఉంటూ..పోటీలో ఉండే ఒత్తిడిని అధిగమిస్తూ ముందుకు సాగినట్లు తెలిపాడు. కట్‌చేస్తే అతడే మాస్టర్‌చెఫ్‌గా ఆ షో విజేతగా నిలిచాడు. ఆ తర్వాత మాస్టర్‌ చెఫ్‌గా కొద్ది రోజులకే తనకు అవకాశాలు తగ్గిపోవడం మొదలైంది. అలాగే ఈలోగా కొత్త మాస్టర్‌ చెఫ్‌గా మరో విజేత రావడం మళ్లీ పరిస్థితి మొదటికొచ్చేసింది అలెన్‌కి. దాంతో మళ్లీ ఎలక్ట్రిషియన్‌గా కొనసాగుదాం అనుకున్న టైంలోనే..ఆహారం గురించి మరింతగా తెలుసుకోవాలనుకుంటూ.. త్రీ బ్లూ డక్స్ రెస్టారెంట్‌లో చేరాడు. ఆ రెస్టారెంట్ గ్రూప్ వ్యవస్థాపకులు తను పాల్గొన్న షోకి గెస్ట్‌ చెఫ్‌లుగా రావడంతో వాళ్ల నుంచి మరిన్ని వంటకాల గురించి తెలుసుకునే వీలు ఉంటుంది, అలాగే వాళ్ల పనితీరు కూడా ఆకట్టుకునేలా ఉండటంతో ఈ నిర్ణయం తీసుకున్నాడు. రెండు వారాల పని అనుభవం కోసం అలెన్‌ వెళ్తే..అది కాస్తా పూర్తికాల ఉద్యోగంగా మారింది. కొన్ని నెలల తర్వాత, రోజ్‌బెరీలోని 230-సీట్ల త్రీ బ్లూ డక్స్ రెస్టారెంట్‌కి హెడ్ చెఫ్ అయ్యాడు . ఇది ఆ గ్రూప్ 50-సీట్ల సముద్రతీర కేఫ్ నుంచి ఒక పెద్ద ముందడుగు. అయితే ఈ పదోన్నతి అలెన్‌ని విపరీతమైన ఆందోళనకు గురిచేసింది. అయినప్పటికీ..ఎప్పటిలానే తన పనితీరుతో ఆకర్షించుకోవాల్సిందే అంటూ ముందుకు సాగాడు. అలా 2015లో అధికారికంగా ఆ రెస్టారెంట్‌ గ్రూప్‌లో భాగమయ్యాడు. అదీగాక ప్రస్తుతం త్రీ బ్లూ డక్స్ ఒక బహుళ-వేదికల రెస్టారెంట్ గ్రూప్‌గా ఎదిగింది. ఇప్పుడతని తాజా ప్రాజెక్ట్, 'త్రీ బ్లూ డక్స్ ఎట్ బురాడూ'. ఇది తాజాగా పండిన వ్యవసాయ ఉత్పత్తులతో కూడిన ఏడు మెనూలను అందిస్తుంది. అంతేగాదు ఆ రోజు ఏం ఆహారాలు పండాయో దాని ఆధారంగా మెనూ సిద్ధమవుతుంది. అలా అలెన్‌ ఆ రెస్టారెంట్‌ గ్రూప్‌కి సహా యజమాని స్థాయికి చేరుకున్నాడు. అతడి ధ్యాసంతా ఆ రెస్టారెంట్‌ని మరింత వృద్ధిలోకి తీసుకురావడమే. అలాగే ఈ రెస్టారెంట్‌కి మరిన్ని రెస్టారెంట్ల బ్రాంచ్‌లని జోడించి.. ప్రారంభించే ప్రయత్నంలో ఉన్నాడు. అంతేగాదు తాను పాల్గొన్న అదే కుకింగ్‌ షోకి న్యాయనిర్ణేతగా వ్యహరించే స్థాయికి చేరాడు. అంతేగాదు పోటీదారుడికి ఎంత ఒత్తిడి ఉంటుందో అలెన్‌కి బాగా తెలుసు, అలాగే జడ్డిగా తన తీసుకున్న నిర్ణయం పోటీదారుడి భవితవ్యంపై ఎలాంటి ప్రభావం చూపిస్తుందో కూడా బాగా తెలుసు. అందుకే పోటీదారుల పట్ల ఉన్న అభిప్రాయాలను పక్కన పెట్టి కేవలం రెసిపీలనే పక్కనే పెట్టే ప్రయత్నం చేస్తూ జడ్జిమెంట్‌ ఇస్తాడట. అంతేగాదు పోటీదారుడిగా, న్యాయనిర్ణేత వ్యవహరించడం వల్ల వంటకాల గురించి మరింత లోతుగా తెలుసుకోగలిగానని, అది తన రెస్టారెంట్లను మరింత విజయవంతంగా రన్‌ చేసేందుకు దోహదపడిందని చెబుతున్నాడు అలెన్‌. ఇతడి కథ ప్రతి ఒక్కరికి కెరీర్‌ గొప్ప మలుపు తిరిగి సక్సెస్‌ తలుపు తట్టినా..అవకాశాలు రావు, కానీ మనమే దాన్ని అందిపుచ్చుకుంటే..గెలుపు సదా మన వెంట ఉండి తీరుతుందని అలెన్‌ కథ చెబుతోంది కదూ..!.ఇదీ చదవండి: బొటిక్‌ వ్యాపారం చేస్తున్న మాజీ ఐఏఎఫ్‌ అధికారిణి!)

సాక్షి, విశాఖ: ఆస్ట్రేలియాలోని మెల్‌బోర్న్‌లో జరిగిన ఘోర రోడ్డు ప్రమాదంలో విశాఖపట్నా­నికి చెందిన ఇద్దరు మహిళలు దుర్మరణం పాల­య్యారు. బుధవారం (సెప్టెంబర్‌ 16) రాత్రి జరి­గిన ఈ ప్రమాదంలో విశాఖ జిల్లా క్రికెట్‌ సంఘం (వీడీసీఏ) మాజీ సంయుక్త కార్యదర్శి జి.టి.­ప్రసాద్‌ భార్య రమాదేవి (67), కోడలు నేహా బొమ్మలి (33) అక్కడికక్కడే ప్రాణాలు కోల్పో­యారు. ఈ ఘటన ప్రసాద్‌ కుటుంబంతో పాటు విశాఖ నగరంలో తీవ్ర విషాదం నింపింది. విశాఖ­లోని సీతమ్మధారలో నివాసముంటున్న జి.టి.­ప్రసాద్‌ గతంలో షిప్‌యార్డ్‌ ఉద్యోగిగా, 2017 వరకు వీడీసీఏ ఎగ్జిక్యూటివ్‌ కమిటీలో జాయింట్‌ సెక్రటరీగా పనిచేశారు. ఆయన కుమారుడు, కోడ­లు మెల్‌బోర్న్‌లో స్థిరపడ్డారు. కుమారుడి కుటుంబాన్ని చూడటంతో పాటు అక్కడ జరిగే ఒక శుభ­కా­ర్యంలో పాల్గొనేందుకు ప్రసాద్, రమాదేవి దంపతులు ఇటీవల ఆస్ట్రేలి­యా వెళ్లారు. బుధవారం రాత్రి 9:40 గంటల సమ­యంలో మెల్‌బోర్న్‌ నైరుతి శివారు పాయింట్‌ కుక్‌లోని బోర్డ్‌వాక్‌ బౌలేవార్డ్, ఇన్నిస్‌ఫైల్‌ డ్రైవ్‌ జంక్షన్‌ వద్ద వీరు ప్రయాణిస్తున్న కారును ఎదురుగా వచ్చిన కారు ఢీకొట్టింది. ఈ ప్రమాదంలో రమాదేవి, నేహా అక్క­­డికక్కడే మృతిచెందారు. కారు డ్రైవర్‌కు గాయా­లయ్యాయి. ప్రమాదానికి కారణమైన కారు డ్రైవర్‌ స్వల్పంగా గాయప­డ్డాడు. అతడిని పోలీ­సులు అదుపులోకి తీసుకుని విచారిస్తున్నారు. పదిరోజుల్లో విశాఖకు మృతదేహాలు వరుణ్‌చంద్ర గున్నా, నేహా దంపతులకు మూడు­న్న­రేళ్ల కుమారుడు హారవ్, ఏడాది వయసున్న కుమార్తె వివాన్వి ఉన్నారు. ఇటీవలే వివాన్వి మొ­దటి పుట్టినరోజు వేడుకలను కుటుంబ­సభ్యులు, స్నేహితుల సమక్షంలో ఎంతో వేడుకగా నిర్వహించారు. రమాదేవి, నేహా మృతదేహాలు విశాఖ చేరు­కోవడానికి కనీసం 10 రోజుల సమ­యం పట్టే అవకాశం ఉందని కుటుంబసభ్యులు తెలి­పారు. ఇందుకు అవసరమైన ప్రక్రియ పూర్తి­చేసి, బాధితులకు అండగా నిలిచేందుకు అక్కడి ఆస్ట్రేలియన్‌ తెలుగు కమ్యూనిటీ నిధులు సేకరిస్తోంది. ఈ ప్రమాదంలో రమాదేవి, నేహా మృతి చెందడంపై వీడీసీఏ ప్రతినిధులు, విశాఖ క్రీడాకారులు తీవ్ర సంతాపం తెలిపారు.

ఆస్ట్రేలియా ప్రభుత్వం అంతర్జాతీయ విద్యార్థులు తమ కుటుంబ సభ్యులను తోడుగా తెచ్చుకోవడంపై కొత్త విధానాలను తీసుకొచ్చింది. డిగ్రీలు, ఇతర కోర్సుల్లో చదువుకునే విద్యార్థులు ఇక నుంచి ఒంటరిగానే రావాలని, భాగస్వాములు లేదా 18 ఏండ్లలోపు పిల్లలను వెంట తీసుకురావడానికి వీళ్లేదని ఆ దేశ హోం అఫైర్స్‌ మంత్రి టోనీ బర్క్‌ వెల్లడించారు. విదేశీ వలసలను ఏడాదికి 2,50,000కు తగ్గించేందుకు ఈ నిర్ణయం తీసుకున్నట్టు సమాచారం.విద్యార్థులతో పాటు సెకండరీ వీసాలు, డిపెండెంట్‌ వీసాల ద్వారా తమ దేశానికి వస్తున్న వలసదారులతో ఇబ్బందులు వస్తున్నాయని ఆస్ట్రేలియా ప్రభుత్వం చెబుతున్నది. మౌలిక సదుపాయాల కోసం ఎక్కువ ఖర్చు చేయాల్సి వస్తోందని వాపోతున్నది. ఇప్పటికే విద్యార్థి వీసాలపై అనేక షరతులు విధిస్తూ తిరస్కరిస్తున్న ఆస్ట్రేలియా.. వీసా ఫీజులను కూడా పెంచేసింది. ఇప్పుడు కొత్త నిబంధనతో విద్యార్థులు ఆందోళన వ్యక్తం చేస్తున్నారు.ఇదీ చదవండి: ప్రపంచంలోనే అతిపెద్ద మదర్‌షిప్‌.. చైనా మాస్ట‌ర్ ప్లాన్‌!

ఆస్ట్రేలియా వెటరన్‌ వికెట్‌కీపర్‌ బ్యాటర్‌, టీ20 ప్రపంచకప్ విజేత మాథ్యూ వేడ్‌ షాకింగ్‌ నిర్ణయం తీసుకున్నాడు. స్థానికంగా జరిగే బిగ్‌బాష్‌ లీగ్‌ నుంచి తప్పుకుంటున్నట్లు (రిటైర్మెంట్‌) ప్రకటించాడు. 38 ఏళ్ల వేడ్‌ 2024లో అంతర్జాతీయ క్రికెట్‌కు రిటైర్మెంట్ ప్రకటించగా, ఇప్పుడు దేశవాళీ టీ20 లీగ్ నుంచి కూడా తప్పుకున్నాడు.బిగ్‌బాష్‌ లీగ్‌ ప్రారంభం నుంచి (2011-12) వివిధ ఫాంచైజీలకు (హోబర్ట్ హరికేన్స్, మెల్‌బోర్న్ రెనెగేడ్స్, మెల్‌బోర్న్ స్టార్స్) ప్రాతినిథ్యం వహించిన వేడ్‌.. 2026-27 సీజన్‌కు ముందు ఆటగాడిగా తన ప్రయాణాన్ని ముగించాడు. కోచింగ్ కెరీర్‌‌పై దృష్టి పెట్టేందుకే ఈ నిర్ణయం తీసుకున్నట్లు వేడ్‌ ప్రకటించాడు. ప్రస్తుతం వేడ్ ఆస్ట్రేలియా పురుషుల వైట్-బాల్ జట్టుకు బ్యాటింగ్ కోచ్‌గా పనిచేస్తున్నాడు.టెస్ట్ వికెట్‌కీపర్‌గా కెరీర్ ప్రారంభించిన వేడ్.. ఆ తర్వాత స్పెషలిస్ట్ మిడిలార్డర్ బ్యాటర్‌గా మారాడు. పరిమిత ఓవర్ల క్రికెట్‌లో వికెట్‌కీపర్-ఫినిషర్‌గా ప్రత్యేక గుర్తింపు తెచ్చుకున్నాడు. 2021 టీ20 ప్రపంచకప్ గెలిచిన ఆస్ట్రేలియా జట్టులోనూ అతను కీలక సభ్యుడిగా ఉన్నాడు. గత సీజన్‌లో హోబర్ట్ హరికేన్స్ తరఫున బీబీఎల్‌ ఆడుతూనే ఆస్ట్రేలియా పురుషుల జట్టుతో కోచింగ్, కన్సల్టింగ్ బాధ్యతల్లో పనిచేశాడు. 2020 ఎడిషన్‌లో అడిలైడ్ స్ట్రైకర్స్‌పై చేసిన విధ్వంసకర శతకం (61 బంతుల్లో 130 నాటౌట్‌) వేడ్ బీబీఎల్‌ కెరీర్‌లో అత్యుత్తమంగా నిలిచింది. వేడ్ ఇండియన్ ప్రీమియర్ లీగ్‌లోనూ పలు సీజన్లలో ఆడాడు. 2011లో ఢిల్లీ డేర్‌డెవిల్స్ తరఫున.. 2022, 2024 సీజన్లలో గుజరాత్ టైటాన్స్‌కు ప్రాతినిధ్యం వహించాడు. 2023 సీజన్‌లో చెన్నై సూపర్ కింగ్స్ తరఫున కూడా నాలుగు మ్యాచ్‌లు ఆడాడు. మొత్తంగా వేడ్ ఐపీఎల్‌లో 15 మ్యాచ్‌లు ఆడి 13.07 బ్యాటింగ్ సగటుతో 8 క్యాచ్‌లు, ఒక స్టంపింగ్ నమోదు చేశాడు.ఇదీ చదవండి: ఐసీసీలో చారిత్రక నియామకం

మూడు మ్యాచ్‌ల వన్డే సిరీస్‌ కోసం వరల్డ్‌ ఛాంపియన్‌ ఆస్ట్రేలియా జింబాబ్వేలో పర్యటిస్తుంది. ఈ పర్యటనలో భాగంగా ఇవాళ (సెప్టెంబర్‌ 15) తొలి వన్డే జరుగుతుంది. హరారే వేదికగా జరుగుతున్న ఈ మ్యాచ్‌లో ఆస్ట్రేలియా టాస్‌ గెలిచి బ్యాటింగ్‌ ఎంచుకుంది.మిడిలార్డర్‌ బ్యాటర్‌ మ్యాట్‌ రెన్షా (109) తన కెరీర్‌లో తొలి వన్డే శతకంతో కదంతొక్కడంతో ఆస్ట్రేలియా భారీ స్కోర్‌ (294-4) చేసింది. రెన్షాతో పాటు ఆసీస్‌ ఇన్నింగ్స్‌లో కూపర్‌ కన్నోల్లీ (51) కూడా రాణించాడు. కెప్టెన్‌ మిచెల్‌ మార్ష్‌ (36), ఒలివర్‌ పీక్‌ (30), అలెక్స్‌ క్యారీ (27) ఓ మోస్తరు స్కోర్లు చేయగా.. ట్రవిస్‌ హెడ్‌ (4), జోష్‌ ఇంగ్లిస్‌ (4), జేవియర్‌ బార్ట్‌లెట్‌ (5) నిరాశపరిచారు. జింబాబ్వే బౌలర్లలో న్యుమ్యాన్‌ న్యామ్హురి (5-62) ఐదు వికెట్లతో సత్తా చాటాడు. బ్రాడ్‌ ఈవాన్స్‌ 2, కెప్టెన్‌ సికందర్‌ రజా ఓ వికెట్‌ పడగొట్టాడు.ఈ మ్యాచ్‌లో బరిలోకి దిగడంతో జింబాబ్వే వెటరన్‌ వికెట్‌కీపర్‌ బ్యాటర్‌ బ్రెండన్‌ టేలర్‌ బ్యాటింగ్‌ దిగ్గజం సచిన్‌ టెండూల్కర్‌ పేరిట ఉండిన ఓ భారీ ప్రపంచ రికార్డును బద్దలు కొట్టాడు. వన్డే క్రికెట్‌లో సుదీర్ఘ కెరీర్‌ కొనసాగించిన ఆటగాడిగా అవతరించాడు. సచిన్‌ తన వన్డే కెరీర్‌ను 22 ఏళ్ల 91 రోజుల పాటు కొనసాగించగా.. టేలర్‌ 22 ఏళ్ల 148 రోజుల తర్వాత కూడా తన వన్డే కెరీర్‌ను కొనసాగిస్తున్నాడు. ఇదీ చదవండి: చరిత్ర సృష్టించిన టీమిండియా బౌలర్‌

ఆస్ట్రేలియా డాషింగ్‌ బ్యాటర్‌ డేవిడ్‌ వార్నర్‌ మరో క్రికెట్‌ లీగ్‌లోకి అడుగుపెట్టబోతున్నాడు. ఈ సీజన్‌ నేపాల్‌ ప్రీమియర్‌ లీగ్‌లో అతడు బరిలోకి దిగనున్నాడు. ఖాట్మండు గోర్ఖాస్‌ ఫ్రాంచైజీతో వార్నర్‌ ఒప్పందం చేసుకున్నాడు. నేపాల్‌ ప్రీమియర్‌లో ఆడటం వార్నర్‌కు ఇదే మొదటిసారి.ఖాట్మండు గోర్ఖాస్ జట్టులో వార్నర్‌తో పాటు మాజీ భారత వికెట్ కీపర్-బ్యాటర్ కేఎస్ భరత్ కూడా ఉన్నాడు. ఈ జట్టుకు నేపాల్ ఆటగాడు కరణ్ కేఎస్ నాయకత్వం వహిస్తాడు. 2024లో లీగ్‌ ప్రారంభమైనప్పటి నుంచి గోర్ఖాస్ ఇప్పటివరకు ఒక్కసారి కూడా ఫైనల్‌కు చేరలేదు. 2025 ఎడిషన్‌లో ఎలిమినేటర్‌లో ఓటమిపాలైంది.వార్నర్‌ అంతర్జాతీయ క్రికెట్‌కు రిటైర్మెంట్‌ ప్రకటించాక, ప్రపంచవ్తాప్తంగా లీగ్‌ క్రికెట్‌ ఆడుతున్నాడు. అతడు చివరిగా ఇదే ఏడాది పాకిస్తాన్‌ సూపర్‌ లీగ్‌ ఆడాడు. ఆ టోర్నీలో కరాచీ కింగ్స్ తరఫున బరిలోకి దిగి ఏడు ఇన్నింగ్స్‌ల్లో 51.20 సగటున, 150 స్ట్రైక్‌రేట్‌తో 256 పరుగులు చేశాడు.టీ20ల్లో మేటిగా గుర్తింపు తెచ్చుకున్న వార్నర్‌కు ఐపీఎల్‌తో ప్రత్యేక అనుబంధం ఉంది. ఐపీఎల్‌లో అతడు ఏకంగా 184 మ్యాచ్‌లు ఆడాడు. సన్‌రైజర్స్ హైదరాబాద్‌కు కెప్టెన్‌గా వ్యవహరించి 2016లో ఆ జట్టును ఛాంపియన్‌గా నిలిపాడు. అలాగే ఐపీఎల్ చరిత్రలో మూడుసార్లు ఆరెంజ్ క్యాప్ గెలిచిన ఏకైక ఆటగాడిగాయ కొనసాగుతున్నాడు.చదవండి: కొత్త అధ్యాయాన్ని ప్రారంభించనున్న టీమిండియా ప్లేయర్‌

ఆస్ట్రేలియా స్టార్‌ ఆల్‌రౌండర్‌ కామెరాన్‌ గ్రీన్‌ పెళ్లి బంధంలో అడుగుపెట్టాడు. తన చిరకాల ప్రేయసి, జీవిత భాగస్వామిగా కొనసాగుతున్న ఎమిలీ రెడ్‌వుడ్‌ను సెప్టెంబరు 4న వివాహమాడాడు. ఈ విషయాన్ని గ్రీన్‌ తాజాగా సోషల్‌ మీడియా వేదికగా వెల్లడించాడు.ఈ సందర్భంగా తమ పెళ్లికి సంబంధించిన ఫొటోలు షేర్‌ చేసిన గ్రీన్‌.. ‘‘భార్యాభర్తలుగా సెప్టెంబరు 4న ఇలా’’ అంటూ లవ్‌ ఎమోజీని జతచేశాడు. ఈ క్రమంలో కొత్త జంట గ్రీన్‌- ఎమిలీకి శుభాకాంక్షలు వెల్లువెత్తుతున్నాయి. ఐదేళ్లుగా సహ జీవనంగ్రీన్‌- ఎమిలీ ఐదేళ్లుగా సహజీవనం చేస్తున్నట్లు ఆసీస్‌ మీడియా వెల్లడించింది. ఇక గతేడాది ఫిబ్రవరిలో నిశ్చితార్థం చేసుకున్న ఈ జంట.. తాజాగా అత్యంత సన్నిహితులు, బంధువుల నడుమ పెళ్లి చేసుకున్నారు. పెర్త్‌లో జరిగిన తమ వివాహ వేడుకలో గ్రీన్‌ నల్ల రంగు టక్సిడోలో మెరిసిపోగా.. ఎమిలి తెల్లటి గౌనులో తళుక్కుమంది.ఎవరీ ఎమిలి?ఎమిలీ వృత్తి రీత్యా డైటీషియన్‌, న్యూట్రీషియన్‌. ఆమె వైద్య రంగంలో పీహెచ్‌డీ కూడా చేస్తున్నట్లు సమాచారం. గ్రీన్‌ కిడ్నీ సమస్యతో బాధపడినపుడు ఎమిలీ దగ్గరుండి అతడిని చూసుకున్నట్లు తెలుస్తోంది.కెరీర్‌ పరంగా ఒడిదుడుకులు ఎదుర్కొన్న వేళ కూడా ఎమిలీ గ్రీన్‌కు మద్దతుగా నిలిచింది. గత ఐదారేళ్లుగా ఇలా ఒకరికి ఒకరై జీవిస్తున్న గ్రీన్‌- ఎమిలీ తమ బంధాన్ని చట్టబద్ధంగా ముందుకు తీసుకువెళ్లారు.ఆసీస్‌ తరఫున కెరీర్‌ ఇలాఆస్ట్రేలియాకు చెందిన కామెరాన్‌ గ్రీన్‌.. 2020లో అంతర్జాతీయ క్రికెట్‌లో అడుగుపెట్టాడు. ఇప్పటి వరకు ఈ 27 ఏళ్ల ఈ బ్యాటింగ్‌ ఆల్‌రౌండర్‌.. 39 టెస్టులు, 37 వన్డేలు, 28 టీ20 మ్యాచ్‌లు ఆడాడు. టెస్టుల్లో 1920, వన్డేల్లో 946, టీ20లలో 638 పరుగులు సాధించాడు ఈ కుడిచేతి వాటం బ్యాటర్‌.అదే విధంగా.. ఈ రైటార్మ్‌ పేసర్‌ ఖాతాలో టెస్టుల్లో 39, వన్డేల్లో 21, టీ20లలో 14 వికెట్లు ఉన్నాయి. ఇక ఇప్పటికి 43 ఐపీఎల్‌ మ్యాచ్‌లు ఆడిన గ్రీన్‌.. 1029 పరుగులు చేయడంతో పాటు.. 23 వికెట్లు కూల్చాడు.ఐపీఎల్‌ వేలం-2026లో కోల్‌కతా నైట్‌ రైడర్స్‌ అత్యధికంగా రికార్డు ధర రూ. 25.20 కోట్లకు కామెరాన్‌ గ్రీన్‌ను కొనుగోలు చేయగా.. అతడు పెద్దగా ఆకట్టుకోలేకపోయాడు. 14 మ్యాచ్‌లు ఆడి 322 పరుగులు చేయడంతో పాటు ఏడు వికెట్లు పడగొట్టాడు.చదవండి: ఏడెకరాల భూమి.. ఫామ్‌హౌజ్‌.. ఆస్తి విలువ ఎంతంటే?

అప్పుడప్పుడు కొన్ని విచిత్రమైన సంఘటనలు జరుగుతుంటాయి. అటువంటిదే ఈ ఘటన కూడా. రోడ్డుపైకి వచ్చిన ఓ భారీ ఈము పక్షి.. ఓ పోలీస్‌ అధికారిని పరుగులు పెట్టించింది. ఈమును పట్టుకునేందుకు అధికారి చేసిన ప్రయత్నం కాసేపు సరదా ఛేజింగ్‌గా మారింది. ఆస్ట్రేలియాలో జరిగిన ఈ ఘటనకు సంబంధించిన వీడియో ఇప్పుడు సోషల్‌ మీడియాలో వైరల్‌గా మారింది.ఆస్ట్రేలియాలోని న్యూ సౌత్‌ వేల్స్‌లో నాష్‌డేల్‌ ప్రాంతంలో ఈ ఘటన చోటుచేసుకుంది. అయితే ఈము పక్షి రోడ్డుపైకి వచ్చి అటూ ఇటూ సంచరించడంతో వాహనాలకు ప్రమాదం జరిగే అవకాశం ఉందని స్థానికులు పోలీసులకు సమాచారం ఇచ్చారు.దీంతో సమాచారం అందుకున్న ఓ యువ పోలీస్‌ అధికారి అక్కడికి చేరుకున్నాడు. రోడ్డుపై నుంచి ఈమును పక్కకు పంపించేందుకు ప్రయత్నించగా.. అది ఆ అధికారిని పరుగులు పెట్టించింది. అధికారి ఎంత వేగంగా పరుగెత్తినా ఈము ఏమాత్రం దొరకకుండా ఉరకలు తీసింది. దీంతో అక్కడ కొద్దిసేపు సరదా ఛేజింగ్‌ కనిపించింది. ఎట్టకేలకు అధికారి ఆ పక్షిని రోడ్డుకు దూరంగా పంపించడంలో విజయవంతమయ్యాడు.అయితే, ఈ ఘటనకు సంబంధించిన వీడియోను న్యూ సౌత్‌ వేల్స్‌ పోలీసులు సోషల్‌ మీడియాలో ‘క్యాచ్‌ మీ ఇఫ్‌ యూ కెన్‌’ అని పేర్కొంటూ పోస్ట్‌ చేశారు. రోడ్డుపై ఈము ఉండటం వల్ల తీవ్రమైన ట్రాఫిక్‌ ప్రమాదం జరిగే అవకాశం ఉందని తెలిపారు. సాధారణంగా గ్రామీణ ప్రాంతాల్లో రోడ్డుపైకి వచ్చిన పశువులు, కంగారూలను పోలీసులు తరలిస్తుంటారు. అయితే ఈము కోసం ట్రాఫిక్‌ నిర్వహించాల్సి రావడం మాత్రం అరుదైన అనుభవమని అధికారులు పేర్కొన్నారు.ఈ వీడియోకు దాదాపు 90 వేల వ్యూస్‌ రావడంతో నెటిజన్లు కూడా ఆసక్తికరమైన కామెంట్లు చేశారు. ‘అది తిరిగి పోలీస్‌ను వెంటాడితే అసలు వేగం తెలుస్తుంది’ అంటూ కొందరు సరదాగా స్పందించారు. మరికొందరు ఈ ఘటనను 1932లో ఆస్ట్రేలియాలో జరిగిన ‘ఈము వార్‌’తో పోల్చారు. అప్పట్లో పంటలను నాశనం చేస్తున్న ఈములను నియంత్రించేందుకు సైన్యం చేసిన ప్రయత్నం పెద్దగా ఫలించకపోవడంతో ఆ ఘటన చరిత్రలో నిలిచిపోయిందని గుర్తుచేసుకున్నారు.అయితే, ఈ ఘటన సరదాగా కనిపించినప్పటికీ రోడ్డుపైకి వచ్చే పెద్ద జంతువులు వాహనదారులకు ప్రమాదకరంగా మారవచ్చు. అలాంటి పరిస్థితుల్లో డ్రైవర్లు వేగాన్ని తగ్గించి అప్రమత్తంగా ఉండాలి. పక్షులను, జంతువులను భయపెట్టకుండా దూరంగా వెళ్లి, అవసరమైతే పోలీసులకు సమాచారం ఇవ్వడం మంచిదని మరికొందరు వారి వారి అభిప్రాయాలను సోషల్‌మీడియా వేదికగా పంచుకున్నారు. View this post on Instagram A post shared by ABC News (@abcnews) ఇవి కూడా చదవండి: సన్యాసం కోసం..రూ. 47 కోట్ల కంపెనీ అమ్మకానికి!

న్యూఢిల్లీ: స్వదేశంలో ఆ్రస్టేలియా మహిళల ‘ఎ’ జట్టుతో జరిగే క్రికెట్‌ సిరీస్‌లో పాల్గొనే భారత మహిళల ‘ఎ’ జట్లను ప్రకటించారు. సెప్టెంబర్‌ 12 నుంచి అక్టోబర్‌ 2 వరకు జరిగే ఈ సిరీస్‌లో భారత్, ఆ్రస్టేలియా ‘ఎ’ జట్ల మధ్య మూడు టి20 మ్యాచ్‌లు, మూడు వన్డే మ్యాచ్‌లు, ఒక నాలుగు రోజుల మ్యాచ్‌ జరుగుతాయి. భారత ‘ఎ’ టి20 జట్టుకు అనుష్క శర్మ... వన్డే, నాలుగు రోజుల మ్యాచ్‌లో ఆడే భారత ‘ఎ’ జట్లకు యస్తిక భాటియా కెప్టెన్‌లుగా నియమితులయ్యారు. మూడు ఫార్మాట్‌ల భారత ‘ఎ’ జట్లలో ఆంధ్రప్రదేశ్‌కు చెందిన పేస్‌ బౌలర్‌ షబ్నమ్‌ షకీల్‌ చోటు సంపాదించగా... నాలుగు రోజుల మ్యాచ్‌లో ఆడే భారత ‘ఎ’ జట్టులో హైదరాబాద్‌కు చెందిన వికెట్‌ కీపర్‌ మమత మదివాలా ఎంపికైంది. మూడు టి20 మ్యాచ్‌లకు సెప్టెంబర్‌ 12న, 15న, 17న న్యూచండీగఢ్‌లోని ముల్లాన్‌పూర్‌ మైదానం ఆతిథ్యమిస్తుంది. మూడు వన్డేలను సెప్టెంబర్‌ 20న, 23న, 25న మొహాలీ మైదానంలో నిర్వహిస్తారు. నాలుగు రోజుల మ్యాచ్‌ సెప్టెంబర్‌ 29 నుంచి అక్టోబర్‌ 2 వరకు ధర్మశాలలో జరుగుతుంది. భారత ‘ఎ’ టి20 జట్టు: అనుష్క శర్మ (కెప్టెన్‌), సయాలీ సత్‌ఘరే (వైస్‌ కెప్టెన్‌), వృందా దినేశ్, సుజాత డే, తేజల్‌ హసబి్నస్, నిక్కీ ప్రసాద్, శిప్రి గిరి (వికెట్‌ కీపర్‌), శ్వేత సెహ్రావత్, ఉమా ఛెత్రి (వికెట్‌ కీపర్‌), తనుజా కన్వర్, మిన్ను మణి, వైష్ణవి శర్మ, జింతిమణి కలిత, షబ్నమ్‌ షకీల్, సిమ్రన్‌ దిల్‌ బహదూర్‌.భారత ‘ఎ’ వన్డే జట్టు: యస్తిక భాటియా (కెప్టెన్, వికెట్‌ కీపర్‌), అనుష్క శర్మ (వైస్‌ కెప్టెన్‌), వృందా దినేశ్, ప్రియా పునియా, తనీషా సింగ్, తేజల్‌ హసబ్నిస్, నిక్కీ ప్రసాద్, ఉమా ఛెత్రి, మిన్ను మణి, అమన్‌దీప్‌ కౌర్, వైష్ణవి శర్మ, సయాలీ సత్‌ఘరే, జింతిమణి కలిత, షబ్నమ్‌ షకీల్, అక్షిత భగత్‌.నాలుగు రోజుల మ్యాచ్‌కు భారత ‘ఎ’ జట్టు:యస్తిక భాటియా (కెప్టెన్, వికెట్‌ కీపర్‌), అనుష్క శర్మ (వైస్‌ కెప్టెన్‌), శుభ సతీశ్, ప్రియా పూనియా, తనీషా సింగ్, తేజల్‌ హసబ్నిస్, నిక్కీ ప్రసాద్, మమత మదివాలా (వికెట్‌ కీపర్‌), సుశ్రీ దివ్యదర్శిని, శుచి ఉపాధ్యాయ్, వైష్ణవి శర్మ, సయాలీ సత్‌ఘరే, జింతిమణి కలిత, షబ్నమ్‌ షకీల్, అక్షిత భగత్‌.

కాన్‌బెర్రా: ఆస్ట్రేలియాలోని గ్రేట్ బారియర్ రీఫ్ సముద్ర గర్భంలో దాగి ఉన్న 65,000 ఏళ్ల నాటి ప్రాచీన భూభాగాన్ని శాస్త్రవేత్తలు తాజాగా గుర్తించారు. నదులు, సరస్సులు, బీచ్‌లతో కూడిన ఈ సమగ్ర భౌగోళిక ప్రాంతం నీటి అడుగున చెక్కుచెదరకుండా నిక్షిప్తమై ఉండటం విశేషం. క్వీన్స్‌లాండ్ తీరంలో పరిశోధనా నౌక ‘ఇన్వెస్టిగేటర్’ ద్వారా చేపట్టిన 24 రోజుల అన్వేషణలో దీనిని కనుగొన్నారు.స్థానిక దారుంబల్, వొప్పాబుర్రా తెగల సాంప్రదాయ జ్ఞానంతో పాటు నౌకలోని అధునాతన సోనార్ వ్యవస్థను ఉపయోగించి ఈ ప్రాంతాన్ని మ్యాపింగ్ చేశారు. ఈ యాత్ర ప్రధాన శాస్త్రవేత్త హెలెన్ బోస్టాక్ తెలిపిన వివరాల ప్రకారం.. సుమారు 65,000 సంవత్సరాల క్రితం ప్రస్తుత సముద్ర మట్టం కంటే నీటి మట్టం 80 మీటర్ల దిగువన ఉన్న సమయంలో ఆస్ట్రేలియాకు చేరుకున్న మొదటి తరం స్థానిక తెగలు (ఫస్ట్ నేషన్స్) ఈ మైదాన ప్రాంతాల్లో జీవించారు. 7,000 సంవత్సరాల క్రితం సముద్ర మట్టాలు పెరగడంతో ఈ నేల క్రమంగా మునిగిపోయింది. సముద్ర గర్భం నుంచి సేకరించిన 20కి పైగా అవక్షేపాల (సెడిమెంట్ కోర్స్) ఆధారంగా అప్పటి శీతోష్ణస్థితి, వృక్షసంపద, శిలాజాలను విశ్లేషించి చరిత్రను పునర్నిర్మించే పనిలో పరిశోధకులు ఉన్నారు. ఈ ప్రాచీన సమాచారం ద్వారా భవిష్యత్తులో సముద్ర మార్పులు, రీఫ్ పరిణామాలను అంచనా వేయడానికి వీలవుతుందని శాస్త్రవేత్తలు పేర్కొన్నారు.ఇది కూడా చదవండి: అదుపుతప్పిన ‘ఏఐ’.. దాడికి దిగిన 688 ఓపెన్ఏఐ ఏజెంట్లు

ఆసీస్‌ మాజీ క్రికెటర్‌ విల్‌ పకోవ్‌స్కీ గుర్తున్నాడా? దాదాపు 13 సార్లు కంకషన్‌ (తలకు తీవ్ర గాయం)కు గురై వైద్యుల సలహాతో 27 ఏళ్లకే ఆటకు వీడ్కోలు పలకాల్సి వచ్చింది. అయితే తాజాగా 14 ఏళ్ల క్రితం జరిగిన తొలి కంకషన్‌ కారణంగా తన కెరీర్‌ నాశనమైందని, అప్పుడే తాను శిక్షణ తీసుకుంటున్న స్కూల్‌ కంకషన్‌ ప్రమాణాలు పాటించి ఉంటే ఇవాళ తన క్రికెట్‌ కెరీర్‌ ఎంతో సాఫీగా సాగేదని పేర్కొన్న పకోవ్‌స్కీ ప్రతీకార చర్యలకు సిద్ధమయ్యాడు.ఈ నేపథ్యంలోనే విల్ పకోవ్‌స్కీ 2014లో తాను కోచింగ్ తీసుకున్న బ్రైటన్‌ గ్రామర్ స్కూల్‌పై తాజాగా కంకషన్‌లో ప్రమాణాలు పాటించనందుకు తన కెరీర్‌ నాశనమైందంటూ సదరు సంస్థపై చట్టపరమైన చర్యలకు దిగడం సంచలనం కలిగించింది. కంకషన్‌కు సంబంధించి ప్రామాణిక ప్రొటోకాల్స్ పాటించడంలో బ్రైటన్ గ్రామర్ స్కూల్ విఫలమైందని ఆరోపించిన పకోవ్‌స్కీ న్యాయ బృందం విక్టోరియా సుప్రీంకోర్టులో రిట్ పిటిషన్ దాఖలు చేసినట్లు తెలుస్తోంది. Photo Credit: Twitterపకోవ్‌స్కీ న్యాయవాదుల వివరాల ప్రకారం.. పకోవ్‌స్కీ తన 16 ఏళ్ల వయసులో బ్రైటన్ గ్రామర్ ట్రైనింగ్ స్కూల్‌లో ఫుట్‌బాల్ శిక్షణ తీసుకున్నాడు. ట్రైనింగ్ సమయంలో పుకోవ్‌స్కీ తల సహచర ఆటగాడి మోకాలికి గట్టిగా తగలడంతో స్పృహ కోల్పోయాడని పిటిషన్‌లో ఆరోపించారు. కంకషన్‌కు గురైన పకోవ్‌స్కీకి ఆ సమయంలో సరైన వైద్య పరీక్షలు చేయకుండానే, శిక్షణ తిరిగి తీసుకోవడానికి అనుమతించారని పేర్కొన్నారు. పకోవ్‌స్కీకి గాయమైన విషయాన్ని అతడి తల్లిదండ్రులకు కూడా ఆలస్యంగా సమాచారం అందించినట్లు తెలిపారు. ఆ తర్వాత కొన్ని రోజులకు పకోవ్‌స్కీ తీవ్రమైన తలనొప్పితో బాధపడడంతో పాటు అతడి దృష్టి మసకబారడం, వికారం, వాంతులు వంటి లక్షణాలతో ఇబ్బంది పడినట్లు న్యాయవాదులు ఆరోపించారు. దీంతో పకోవ్‌స్కీని ఆసుపత్రికి తరలించగా, అతడి మెదడులో తీవ్ర గాయం అయిందని స్కానింగ్‌లో తేలినట్లు పేర్కొన్నారు. ఒకవేళ 2014లోనే విల్ పకోవ్‌స్కీ కంకషన్‌కు సంబంధించి స్కూల్ యాజమాన్యం కనీస ప్రమాణాలు పాటించి ఉంటే.. అతడు 27 ఏళ్లకే ఉజ్వల క్రికెట్ భవిష్యత్తును వదులుకోవాల్సిన అవసరం వచ్చేది కాదేమోనని అతడి తరఫు న్యాయవాదులు పిటిషన్‌లో వాపోయారు.Photo Credit: Twitterఇక విల్ పకోవ్‌స్కీ మార్చి 2024లో టస్మానియా ఫాస్ట్ బౌలర్ రిలే మెరిడిత్ బౌలింగ్‌లో పుకోవ్‌స్కీ గాయపడ్డాడు. కంకషన్‌కు గురైన పకోవ్‌స్కీని క్రికెట్ ఆడడం ఆపేయాలని వైద్యులు సూచించారు. ఎందుకంటే పదేపదే అతడి తలకు గాయాలవడంతో దాదాపు 13 సార్లు కంకషన్‌కు గురయ్యాడు. మరోసారి కంకషన్‌కు గురైతే పరిస్థితి తీవ్రమయ్యే అవకాశముందని డాక్టర్లు హెచ్చరించారు. దీంతో పకోవ్‌స్కీ 27 ఏళ్ల వయసులోనే క్రికెట్ కెరీర్‌కు గుడ్‌బై చెప్పాడు. కెరీర్‌లో ఒకే ఒక అంతర్జాతీయ మ్యాచ్ ఆడిన విల్ పకోవ్‌స్కీ 2021లో బోర్డర్ గావస్కర్ ట్రోఫీ సందర్భంగా భారత్‌తో జరిగిన సిడ్నీ టెస్టులో అరంగేట్రం చేశాడు. తొలి మ్యాచ్‌లోనే హాఫ్ సెంచరీ (62 పరుగులు) సాధించిన పకోవ్‌స్కీ రెండో ఇన్నింగ్స్‌లో 10 పరుగులు చేసి ఔటయ్యాడు. ఇక 2017లో ఫస్ట్‌క్లాస్ క్రికెట్‌లో అరంగేట్రం చేసిన విల్ పుకోవ్‌స్కీ 36 మ్యాచ్‌లాడి 2,350 పరుగులు సాధించాడు, ఇందులో ఏడు సెంచరీలు, 9 అర్ధసెంచరీలున్నాయి.చదవండి: టీమిండియా కొంపముంచిన ప్రసిధ్‌.. గంభీర్‌, జడేజా ఆగ్రహం!

ఆస్ట్రేలియా స్టార్ ఆల్‌రౌండర్, టీ20 కెప్టెన్ మిచెల్ మార్ష్ యూరోపియన్ టీ20 ప్రీమియర్ లీగ్ (ETPL) తొలి సీజన్‌కు దూరం కానున్నట్లు తెలుస్తోంది. ఆమ్‌స్టర్‌డామ్ ఫ్లేమ్స్ జట్టుకు కెప్టెన్‌గా ఎంపికైన మార్ష్.. ఆస్ట్రేలియా రాబోయే వైట్-బాల్ సిరీస్‌లకు సిద్ధం కావడంపై దృష్టి పెట్టినట్లు సమాచారం.స్టీవ్ వా నేతృత్వంలోని కన్సార్టియం యాజమాన్యంలో ఉన్న ఆమ్‌స్టర్‌డామ్ ఫ్లేమ్స్ జట్టు మార్ష్‌తో పాటు ఆస్ట్రేలియా మాజీ కెప్టెన్ స్టీవ్ స్మిత్‌ను కూడా జట్టులోకి తీసుకుంది. మార్ష్‌ను జట్టు కెప్టెన్‌గా ప్రకటించారు. అయితే కోడ్ స్పోర్ట్స్ జర్నలిస్ట్ డేనియల్ చెర్నీ కథనం ప్రకారం.. మార్ష్ తాజాగా ETPL నుంచి తప్పుకోవాలని నిర్ణయించుకున్నాడు.ఆస్ట్రేలియా జట్టు వచ్చే నెల జింబాబ్వే, దక్షిణాఫ్రికా పర్యటనల్లో వైట్-బాల్ మ్యాచ్‌లు ఆడనుంది. ఈ సిరీస్‌లకు సన్నద్ధం కావడానికే మార్ష్ యూరోపియన్ లీగ్‌కు దూరంగా ఉండాలని నిర్ణయించుకున్నట్లు సమాచారం.అయితే ఆమ్‌స్టర్‌డామ్ ఫ్లేమ్స్ యాజమాన్యం నుంచి ఈ విషయంపై ఇప్పటివరకు అధికారిక ప్రకటన వెలువడలేదు. ETPL తొలి సీజన్‌లో ఆమ్‌స్టర్‌డామ్ ఫ్లేమ్స్ తమ తొలి మ్యాచ్‌ను ఆగస్టు 26న రోటర్‌డామ్ డాకర్స్‌తో ఆడాల్సి ఉంది.కెప్టెన్సీ రేసులో స్మిత్, రహానేమార్ష్ తప్పుకుంటే ఆమ్‌స్టర్‌డామ్ ఫ్లేమ్స్‌కు కొత్త కెప్టెన్‌ను ఎంపిక చేయాల్సి ఉంటుంది. ఆస్ట్రేలియా మాజీ కెప్టెన్ స్టీవ్ స్మిత్, భారత మాజీ కెప్టెన్ అజింక్య రహానే, న్యూజిలాండ్ ఆల్‌రౌండర్ మైకేల్ బ్రేస్‌వెల్ కెప్టెన్సీ రేసులో ముందంజలో ఉన్నట్లు తెలుస్తోంది.భారత మాజీ టెస్టు కెప్టెన్ రహానే ఇటీవల భారత క్రికెట్‌కు వీడ్కోలు పలికిన అనంతరం ETPL తొలి సీజన్ కోసం ఆమ్‌స్టర్‌డామ్ ఫ్లేమ్స్‌తో ఒప్పందం చేసుకున్నాడు.ది హండ్రెడ్‌లో అదరగొట్టిన మార్ష్మార్ష్ ఇటీవల అద్భుత ఫామ్‌లో ఉన్నాడు. 2026 ఐపీఎల్‌లో లక్నో సూపర్ జెయింట్స్ తరఫున ఆడిన అతడు రెండు సందర్భాల్లో 90కి పైగా పరుగులు సాధించి ఆకట్టుకున్నాడు.ఆ తర్వాత ఇంగ్లండ్‌లో జరిగిన ది హండ్రెడ్‌లో సన్‌రైజర్స్ లీడ్స్ తరఫున విధ్వంసక బ్యాటింగ్ చేశాడు. తొమ్మిది ఇన్నింగ్స్‌ల్లో 169.80 స్ట్రైక్‌రేట్‌తో 416 పరుగులు చేశాడు. ఈ ప్రదర్శనతో టోర్నీలో అత్యధిక పరుగులు చేసిన బ్యాటర్‌గా నిలిచాడు. అతడి సహకారంతో సన్‌రైజర్స్ లీడ్స్ ప్లేఆఫ్స్‌కు చేరింది.అయితే ఎలిమినేటర్-1లో చివరకు ఛాంపియన్‌గా నిలిచిన మాంచెస్టర్ సూపర్ జెయింట్స్ చేతిలో సన్‌రైజర్స్ లీడ్స్ ఓటమి పాలైంది.చదవండి: నైట్‌క్లబ్‌ ఘటన ఎఫెక్ట్‌.. ఇంగ్లండ్‌ స్టార్‌ ప్లేయర్‌పై వేటు

ఆమ్‌స్టెల్వీన్‌ (నెదర్లాండ్స్‌): సెమీఫైనల్‌ చేరాలంటే కచ్చితంగా గెలవాల్సిన మ్యాచ్‌లో భారత మహిళల హాకీ జట్టు ‘డ్రా’తో సరిపెట్టుకుంది. ఫలితంగా ప్రపంచకప్‌ టోర్నీలో టీమిండియా సెమీఫైనల్‌కు చేరలేకపోయింది. రెండో దశలో భాగంగా ఆ్రస్టేలియాతో ఆదివారం జరిగిన గ్రూప్‌ ‘ఇ’ రెండో మ్యాచ్‌ను సలీమా టెటె సారథ్యంలోని భారత జట్టు 0–0తో ‘డ్రా’ చేసుకుంది. అంతకుముందు నెదర్లాండ్స్‌ జట్టు 4–1తో చైనాను ఓడించింది. ఫలితంగా భారత్‌ సెమీఫైనల్‌ చేరాలంటే ఆ్రస్టేలియాను కచ్చితంగా ఓడించాల్సిన పరిస్థితి ఏర్పడింది. అయితే చివరి సెకన్‌ వరకు భారత జట్టు గోల్‌ చేసేందుకు యత్నించినా సఫలం కాలేకపోయింది. గ్రూప్‌ ‘ఇ’ రెండో దశ మ్యాచ్‌లు ముగిశాక ఇప్పటికే సెమీఫైనల్‌ చేరుకున్న డిఫెండింగ్‌ చాంపియన్‌ నెదర్లాండ్స్‌ తొమ్మిది పాయింట్లతో గ్రూప్‌ టాపర్‌గా నిలిచింది. ఆ్రస్టేలియా, భారత్, చైనా 2 పాయింట్లతో సమంగా నిలిచాయి. గోల్స్‌ అంతరంలో భారత్, ఆస్ట్రేలియాలకంటే చైనా (–3) వెనుకబడి సెమీఫైనల్‌కు దూరమైంది. గోల్స్‌ అంతరంలోనూ భారత్, ఆ్రస్టేలియా (–2) సమంగా నిలిచాయి. దాంతో చేసిన గోల్స్‌ను పరిగణనలోకి తీసుకున్నారు. దాంతో భారత్‌ (2 గోల్స్‌) కంటే ఒక గోల్‌ ఎక్కువ చేసిన ఆ్రస్టేలియా (3 గోల్స్‌) జట్టుకు సెమీఫైనల్‌ బెర్త్‌ దక్కింది. ఇదే వేదికపై పురుషుల హాకీ ప్రపంచకప్‌లో నేడు అర్జెంటీనా జట్టుతో భారత జట్టు తలపడుతుంది. (సాయంత్రం గం. 6:15 నుంచి జియో హాట్‌స్టార్‌లో ప్రత్యక్ష ప్రసారం). సెమీఫైనల్‌ చేరాలంటే భారత్‌ ఈ మ్యాచ్‌లో గెలవాలి.

కొన్ని ప్రేమకథలు ఎలా మొదలవుతాయో తెలియదు. వింటుంటే చాలా ఆశ్చర్యంగా, అస్సలు అదెలా సాధ్యం అనేలా ఉంటాయి. అలాంటి అందమైన ప్రేమకథ నెట్టింట వైరల్‌గా మారింది. మూవీని తలపించే వారి ప్రేమకథ వింటుంటే ఆశ్చర్యం, బాధ కలుగక మానవు. అన్ని ఎమోషన్స్‌ పలికించే ఆ అందమైన ప్రేమకథ ఎలా చిగురించిందంటే..లోరెన్‌ స్టెఫానీ రెండేళ్ల క్రితం పర్యాటకురాలిగా భారత్‌లోకి అడుపెట్టి మరి కుటుంబం ఏర్పరచుకుని మరి తిరిగి పయనమైంది. అస్సలు ఆమె ఆస్ట్రేలియా నుంచి తమిళనాడులోని మధురైకి పర్యాటన నిమిత్తం వచ్చింది. కానీ ఆ పర్యాటన కాస్తా ఆమెకు భాగస్వామిని, ఓ కుటుంబాన్ని ఏర్పరిచింది. అది కూడా జస్ట్‌ మూడు గంటల జర్నీ ఆమె లైఫ్‌నే టర్న్‌ తిప్పింది. ప్రేమకు దారితీసిన ట్యాక్సీ జర్నీ..మధుర విమానాశ్రయంలో దిగిన లోరెనా స్టెఫానీ అక్కడ తమిళనాడు రాష్ట్రంలోని పర్యాటక ప్రాంతాలను సందర్శించేందుకు ఒక ట్యాక్సీని మాట్లాడుకుంది. ఆ డ్రైవర్‌తో కలిసి సుమారు మూడు గంటలు ప్రయాణించింది. ఆ సమయంలో వారి మధ్య సంభాషణ స్నేహంగా, ఆ తర్వాత విడదీయరాని బంధాన్ని ఏర్పరిచి ప్రేమకు దారితీసింది. ఎంతలా అంటే..ఒకరిని విడిచి ఒకరు ఉండలేనంతగా మారింది. అయితే వారి మధ్య ఖండాల అంతరమే కాదు సంస్కృతుల పరంగా కూడా చాలా భేదం ఉంది. ఇక్కడ రబీక్ ముస్లిం. లోరెనా క్యాథలిక్. అంటే రెండు మతాలు. రెండు దేశాలు. రెండు పూర్తిగా భిన్నమైన ప్రపంచాలు మధ్య సాగిన అపూర్వ ప్రేమకథ. ఆ విషయం ఇరుకుటుంబాలకు తెలియజేసినప్పుడు మాములు వ్యతిరేకత రాలేదు. అస్సలు ఎవ్వరు అంగీకరించేందుకు ముందుకు రాలేదు. దాంతో ఆ జంట ప్రత్యేక వివాహ చట్టం ప్రకారం ప్రక్రియను పూర్తిచేసి, తమ బంధాన్ని అధికారం చేసుకున్నారు. ఆ మార్గంలో ఎన్ని అడ్డంకులు ఎదురైనప్పటికీ..తమకు ఈ బంధం ఎంత ముఖ్యం అనేది ఆ క్లిష్టపరిస్థితులే అర్థమయ్యేలా చేశాయని అంటోంది ఈ జంట. సంతోషం..బాధ ఒకేసారి..ఆ ఆ తర్వాత వారి జీవితంలో సంతోషకరమైన ఘట్టం కుమార్తె జననంతో వచ్చింది. అయితే లోరెనా ఆస్ట్రేలియాలోని ఆస్పత్రిలో కుమార్తెకు జన్మనిచ్చింది. కానీ రబీక్‌ వీసా దృష్ట్యా భారత్‌లోనే ఉండిపోయాడు. ఫోన్‌లో తన బిడ్డను చూస్తూ తన ప్రేమను చాటుకుంటున్నాడు. బిడ్డ పుట్టిందని తెలిసినా రబీక్‌ వెళ్లి చూసుకోలేని పరిస్థితి అయినా..అది తనకు బాధకలిగిందని సగర్వంగా చెబుతోంది లోరెనా. ఎందుకంటే..ఈ బిడ్డ తమ ప్రేమకు చిహ్నమని, భౌతికంగా దూరంగా ఉన్నా మానిసికంగా తమ బిడ్డను కలిసే పెంచుతాం, సమంగా బాధ్యతలు పంచుకుంటామని అంటోంది లోరెనా. రెండు దేశాలు, ఒకే కుటుంబం..ఎప్పటికీ వదులుకోలేని ప్రేమ..ఇక్కడ లోరెనా ఆస్ట్రేలియాలో ఉన్నారు. రబీక్ భారతదేశంలో ఉన్నారు. వారి కుమార్తె ఈ రెండు దేశాల మధ్య పెరుగుతోందని ఆమెకు తోడుగా తల్లి ఉంది, తండ్రి వీసా మంజూరు కోసం ఎదురు చూస్తున్నారని అన్నారు. అంటే..ప్రస్తుతం మా చిన్న కుటుంబం రెండు దేశాల్లో విస్తరించి ఉంది, అని నవ్వుతూ చెబుతోంది లోరెనా . రబీక్ తమ దగ్గరకు చేరే రోజు కోసం కొండంత ఆశతో ఎదురుచూస్తున్నట్లు వెల్లడించింది. ప్రస్తుతం వీసా ప్రక్రియ కొనసాగుతూనే ఉంది, దూరం అలాగే ఉంది..అయినప్పటికీ, లోరెనా ఈ కఠిన పరిస్థితిని అధిగమించి చివరికి చేరవవుతామనే నమ్మకం సడలదని ధీమాగా చెబుతోంది. ఎందుకంటే ఇప్పటికే తాము చాలా కష్టాలు ఓర్చుకుని ఇక్కడి వరకు వచ్చాం. దీన్ని కూడా కచ్చితంగా అధిగమించుతామని, తన భర్త రబీక్‌కు కచ్చితంగా వీసా మంజూరవుతుందని నమ్మకంగా చెబుతోందామె. తమది, మతాలు, సరిహద్దులు, వ్యతిరేకతలను దాటుకుని వచ్చిన ‘’స్వచ్చమైన ‍ప్రేమ’’ అని అంటున్నారు ఈ దంపతులు. View this post on Instagram A post shared by People of India (@officialpeopleofindia) (చదవండి: ర్యాంకుల విషయంలో పిల్లల పట్ల అలా వ్యవహరించొద్దు..! హీరో సూర్య పేరెంటింగ్‌ టిప్స్‌)

ఇంగ్లండ్ టెస్ట్ జట్టు ప్రధాన కోచ్ పదవిని తాను ఎందుకు తిరస్కరించానో ఆస్ట్రేలియా మాజీ కోచ్, మాజీ ఓపెనర్ జస్టిన్ లాంగర్ ఆసక్తికరరీతిలో వెల్లడించాడు. ఆ బాధ్యతలు స్వీకరించి ఉంటే నా భార్య, కుమార్తెలతో పాటు తన ఆస్ట్రేలియా స్నేహితుల నుంచి ‘విడాకులు’ ఎదుర్కోవాల్సి వచ్చేదని సరదాగా వ్యాఖ్యానించాడు.బ్రెండన్ మెకల్లమ్‌ను ఇంగ్లండ్ టెస్ట్ కోచ్ పదవి నుంచి తప్పించిన తర్వాత ఆ పదవి కోసం లాంగర్ పేరు ప్రధానంగా వినిపించింది. అయితే చివరకు ఆ బాధ్యతలను అతను తిరస్కరించగా, న్యూజిలాండ్ మాజీ కెప్టెన్ స్టీఫెన్ ఫ్లెమింగ్ ఇంగ్లండ్ కొత్త రెడ్‌బాల్ కోచ్‌గా ఎంపికయ్యాడు.బంగ్లాదేశ్‌తో ఆస్ట్రేలియా రెండో టెస్ట్ అనంతరం రికీ పాంటింగ్‌తో కలిసి 7Cricket కార్యక్రమంలో పాల్గొన్న లాంగర్‌ను ఇంగ్లండ్ కోచ్ పదవిపై వచ్చిన వార్తల గురించి అడిగారు.దీనిపై లాంగర్ తనదైన శైలిలో స్పందించాడు. “నేను ఆ బాధ్యత తీసుకుని ఉంటే బహుశా నా భార్య నుంచి విడాకులు తీసుకోవాల్సి వచ్చేది”అంతటితో ఆగకుండా తన మాజీ ఆస్ట్రేలియా సహచరులు రికీ పాంటింగ్, మాథ్యూ హేడెన్ తదితరులు కూడా తనతో సంబంధాలు తెంచుకునేవారని నవ్వుతూ చెప్పాడు.యాషెస్‌ కారణంగానే వెనక్కి తగ్గిన లాంగర్లాంగర్ నిర్ణయం వెనుక ప్రధాన కారణం యాషెస్ సిరీస్‌. ఆస్ట్రేలియా, ఇంగ్లండ్ మధ్య జరిగే యాషెస్ సిరీస్‌ ప్రపంచ క్రికెట్‌లోనూ అత్యంత తీవ్రమైన పోటీల్లో ఒకటి.“స్టీఫెన్ ఫ్లెమింగ్ గొప్ప క్రికెట్ మేధావి. కానీ నేను ఇంగ్లండ్ కోచ్‌గా ఉండి యాషెస్‌లో ఆస్ట్రేలియాపై పోటీ పడటం, ఇంగ్లండ్ జాతీయ గీతాన్ని పాడటం ఊహించుకున్నాను. అలా చేయడం నాకు చాలా కష్టం” అని లాంగర్ చెప్పాడు.లాంగర్‌కు యాషెస్‌తో వ్యక్తిగత అనుబంధం కూడా బలంగానే ఉంది. ఆటగాడిగా అతను 21 యాషెస్ టెస్టుల్లో 50.24 సగటుతో 1,658 పరుగులు చేశాడు. ఇందులో ఐదు సెంచరీలు ఉన్నాయి. 2002లో మెల్‌బోర్న్‌లో ఇంగ్లండ్‌పై 250 పరుగులు అతడి అత్యధిక స్కోరు.అంతేకాకుండా 2018 నుంచి 2022 వరకు ఆస్ట్రేలియా ప్రధాన కోచ్‌గా పనిచేసిన అనుభవం అతడికి ఉంది. ఆ సమయంలో ఆస్ట్రేలియా డ్రెస్సింగ్‌రూమ్‌లో లాంగర్‌ వ్యవహారశైలి, అధిక పోటీ తత్వంపై కొన్ని వివాదాలు కూడా వచ్చాయి.ఇలాంటి పరిస్థితుల్లో స్టోక్స్-మెక్‌కల్లమ్ శకం ముగిసిన తర్వాత ఇంగ్లండ్‌కు కొత్త కోచ్‌గా బాధ్యతలు చేపట్టడం అంటే భారీ ఒత్తిడి, మీడియా పరిశీలన, ఆటగాళ్ల నిర్వహణ వంటి సవాళ్లను ఎదుర్కోవాల్సి వచ్చేది.అందుకే లాంగర్‌కు ఇంగ్లండ్ ఉద్యోగాన్ని తిరస్కరించడం వ్యక్తిగతంగానూ, వృత్తిపరంగానూ సరైన నిర్ణయంగానే కనిపిస్తోంది.

మెక్‌కాయ్‌ (ఆ్రస్టేలియా): సొంతగడ్డపై బంగ్లాదేశ్‌తో జరిగిన తొలి టెస్టులో అనూహ్య పరాజయం ఎదుర్కొన్న ఆ్రస్టేలియా జట్టు... రెండో టెస్టులో సత్తా చాటింది. రెండు మ్యాచ్‌ల సిరీస్‌లో భాగంగా శనివారం ప్రారంభమైన రెండో టెస్టులో కంగారూ పేసర్లు నిప్పులు చెరిగారు. దీంతో టాస్‌ ఓడి మొదట బ్యాటింగ్‌కు దిగిన బంగ్లాదేశ్‌ తొలి ఇన్నింగ్స్‌లో 34 ఓవర్లలో 64 పరుగులకే ఆలౌటైంది. పదో స్థానంలో బ్యాటింగ్‌కు దిగిన షరీఫుల్‌ (14) టాప్‌ స్కోరర్‌. ఆసీస్‌ బౌలర్లలో స్టార్క్‌ 10 ఓవర్లలో 12 పరుగులే ఇచ్చి 6 వికెట్లతో అదరగొట్టగా... కెప్టెన్‌ కమిన్స్‌ 3 వికెట్లు తీశాడు. అనంతరం తొలి ఇన్నింగ్స్‌ ప్రారంభించిన ఆస్ట్రేలియా కూడా తడబడింది. శనివారం ఆట ముగిసే సమయానికి ఆసీస్‌ 40 ఓవర్లలో 8 వికెట్ల నష్టానికి 165 పరుగులు చేసింది. కామెరాన్‌ గ్రీన్‌ (81 బంతుల్లో 51 బ్యాటింగ్‌; 8 ఫోర్లు) అజేయ అర్ధ శతకంతో రాణించగా... స్టీవ్‌ స్మిత్‌ (42) ఫర్వాలేదనిపించాడు. దీంతో తొలి రోజే 18 వికెట్లు నేలకూలాయి. బంగ్లా బౌలర్లలో షరీఫుల్‌ ఇస్లామ్‌ 6 వికెట్లు తీశాడు. చేతిలో రెండు వికెట్లు ఉన్న ఆసీస్‌ ప్రస్తుతం 101 పరుగుల ఆధిక్యంలో ఉంది.

ఆస్ట్రేలియా, బంగ్లాదేశ్‌ మధ్య మెక్‌కే వేదికగా జరుగుతున్న రెండో టెస్ట్‌ మ్యాచ్‌ రసవత్తరంగా సాగుతోంది. ఈ మ్యాచ్‌ తొలి రోజే ఏకంగా 18 వికెట్లు నేలకూలాయి. తొలుత ఆసీస్‌ బౌలింగ్‌ చేసి బంగ్లాదేశ్‌ను 64 పరుగులకే కుప్పకూల్చగా.. ఆతర్వాత బంగ్లాదేశ్‌ కూడా అద్భుతంగా పోరాడి ఆసీస్‌ను ముప్పుతిప్పలు పెట్టింది. లెఫ్ట్‌ ఆర్మ్‌ పేసర్‌ షొరీఫుల్‌ ఇస్లాం (6-35) ధాటికి ఆసీస్‌ 148 పరుగులకే 8 వికెట్లు కోల్పోయింది. కెమరూన్‌ గ్రీన్‌ (51 నాటౌట్‌), నాథన్‌ లియోన్‌ (10 నాటౌట్‌) ఆసీస్‌కు గౌరవప్రదమైన స్కోర్‌ అందించేందుకు ప్రయత్నిస్తున్నారు.BANGLADESH FAST BOWLERS ARE NIGHTMARE FOR AUSTRALIA 🥶- We are witnessing greatness in making. pic.twitter.com/pqqEDbcgCY— Johns. (@CricCrazyJohns) August 22, 2026తొలి రోజు ఆట ముగిసే సమయానికి ఆసీస్‌ తొలి ఇన్నింగ్స్‌లో 8 వికెట్ల నష్టానికి 165 పరుగులు చేసింది. ప్రస్తుతం ఆ జట్టు 101 పరుగుల కీలక ఆధిక్యంలో కొనసాగుతోంది. ఆసీస్‌ ఇన్నింగ్స్‌లో గ్రీన్‌, లియోన్‌తో పాటు హెడ్‌ (22), స్టీవ్‌ స్మిత్‌ (42) మాత్రమే రెండంకెల స్కోర్లు చేశారు. రెన్‌షా (8), లబూషేన్‌ (4), క్యారీ (5), స్టార్క్‌ (1) సింగిల్‌ డిజిట్‌ స్కోర్లకే పరిమితం కాగా.. వెబ్‌స్టర్‌, కమిన్స్‌ డకౌట్లయ్యారు. బంగ్లా బౌలర్లలో షొరీఫుల్‌తో పాటు తస్కిన్‌ అహ్మద్‌ (1-41), మెహిది హసన్‌ మిరాజ్‌ (1-4) వికెట్లు తీశారు.నిప్పులు చెరిగిన స్టార్క్‌అంతకుముందు మిచెల్‌ స్టార్క్‌ (10-6-12-6) నిప్పులు చెరగడంతో బంగ్లాదేశ్‌ 64 పరుగులకు కుప్పకూలింది. కమిన్స్‌ 3, హాజిల్‌వుడ్‌ ఓ వికెట్‌తో స్టార్క్‌కు సహకరించారు. బంగ్లా ఇన్నింగ్స్‌లో నలుగురు డకౌట్లు కాగా.. మెహిది హసన్‌ (11), హసన్‌ మహమూద్‌ (10), తైజుల్‌ ఇస్లాం (11 నాటౌట్‌), షొరీఫుల్‌ ఇస్లాం (14) మాత్రమే రెండంకెల స్కోర్లు చేశారు. కాగా, రెండు మ్యాచ్‌ల ఈ టెస్ట్‌ సిరీస్‌లో పర్యాటక బంగ్లాదేశ్‌ తొలి టెస్ట్‌లో సంచలన విజయం సాధించి 1-0 ఆధిక్యంలో కొనసాగుతోంది.

మెకే వేదికగా బంగ్లాదేశ్‌తో జరగనున్న సిరీస్ డిసైడర్ రెండో టెస్టు కోసం ఆస్ట్రేలియా తమ తుది జట్టును ప్రకటించింది. ఈ కీలక మ్యాచ్‌లో ఆసీస్ జట్టు ఒక్క మార్పుతో బరిలోకి దిగుతోంది. పేలవ ఫామ్‌తో సతమవుతున్న జేక్ వెదరాల్డ్‌పై వేటు వేసిన క్రికెట్ ఆస్ట్రేలియా.. తిరిగి మాట్ రెన్‌షాకు పిలుపునిచ్చారు.2023 మళ్లీ ఆసీస్ టెస్టు జట్టులోకి ఎంట్రీ ఇచ్చిన రెన్‌షా.. ట్రావిస్ హెడ్‌తో కలిసి ఇన్నింగ్స్‌ను ప్రారంభించనున్నాడు. అయితే వరుస మ్యాచ్‌లలో విఫలమవుతున్న మిడిలార్డర్ బ్యాటర్ మార్నస్ లబుషేన్‌కు ఆసీస్ మేనెజ్‌మెంట్ మరో అవకాశమిచ్చింది. ఈ మ్యాచ్‌లో కూడా అతడు రాణించకపోతే ఆసీస్ టెస్టు జట్టులో చోటు కోల్పోయే ఛాన్స్ ఇచ్చింది.అయితే రెండో టెస్టుకు స్పిన్నర్ నాథన్ లియోన్‌ను పక్కన పెట్టి పేసర్ స్కాట్ బోలాండ్‌ను తుది జట్టులోకి తీసుకోనున్నారని వార్తలు వచ్చాయి. కానీ ఆసీస్ మేనెజ్‌మెంట్ నాథన్ లియోన్‌వైపే ముగ్గు చూపింది. దీంతో బోలాండ్ మరోసారి బెంచ్‌కే పరిమితమయ్యాడు. కాగా డార్విన్ వేదికగా జరిగిన తొలి టెస్టులో ఆసీస్ ఘోర ఓటమి చవిచూసిన సంగతి తెలిసిందే. దీంతో మెకే టెస్టులో ఎలాగైనా గెలిచి సిరీస్‌ను సమం చేయాలని కంగారులు పట్టుదలతో ఉన్నారు. ఆగస్టు 22 నుంచి ఈ టెస్ట్‌ మ్యాచ్‌ ప్రారంభం కానుంది.ఆస్ట్రేలియా తుది జట్టు : మ్యాట్ రెన్‌షా, ట్రావిస్ హెడ్, మార్నస్ లబుషేన్, స్టీవ్ స్మిత్, గ్రీన్, అలెక్స్ కేరీ (వికెట్ కీపర్), బో వెబ్‌స్టర్, పాట్ కమిన్స్ (కెప్టెన్), మిచెల్ స్టార్క్, నాథన్ లైయన్, జోష్ హేజిల్‌వుడ్.చదవండి: రిటైర్మెంట్ ప్ర‌క‌టించిన గిల్ స‌హ‌చ‌రుడు

పంజాబ్ కింగ్స్ మాజీ ఆల్‌రౌండర్ మోయిసెస్ హెన్రిక్స్ ఆస్ట్రేలియాకు గుడ్‌బై చెప్పి త‌న సొంత దేశ‌మైన పోర్చుగల్‌కు ప్రాతినిధ్యం వహిస్తున్న సంగతి తెలిసిందే. ప్రస్తుతం ఫిన్‌లాండ్ వేదికగా జరుగుతున్న 'ఐసీసీ మెన్స్‌ టీ20 ప్రపంచకప్ సబ్ రీజినల్ యూరోప్ క్వాలిఫైయర్ C' టోర్నీలో పోర్చ్‌గల్‌ తరపున అద్భుతమైన ప్రదర్శనలతో హెన్రిక్స్ దూసుకుపోతున్నాడు. అరంగేట్ర మ్యాచ్‌లో ఇజ్రాయెల్‌పై మెరుపు అర్ధ శతకంతో విరుచుకుపడ్డ హెన్రిక్స్‌.. తాజాగా చెక్ రిపబ్లిక్‌తో జరిగిన మ్యాచ్‌లో విధ్వంసకర శతకంతో చెలరేగిపోయాడు. పోర్చుగల్ జట్టు కెప్టెన్‌గా వ్యవహరిస్తున్న హెన్రిక్స్.. కేవలం 51 బంతుల్లో 12 ఫోర్లు, 7 సిక్సర్ల సాయంతో 111 పరుగులు చేశాడు. టీ20 క్రికెట్‌లో అతడికి ఇదే తొలి సెంచరీ కావడం గమనార్హం. మోయిసెస్ విధ్వంసకర ఇన్నింగ్స్ దెబ్బకి పోర్చుగల్ నిర్ణీత 20 ఓవర్లలో 6 వికెట్ల నష్టానికి 211 పరుగుల భారీ స్కోర్ సాధించింది. అనంతరం భారీ లక్ష్య చేధనలో చెక్ రిపబ్లిక్ పూర్తిగా తేలిపోయిది. 8.5 ఓవర్లలో 24 పరుగులకే 5 వికెట్లు కోల్పోయి పీకల్లోతు కష్టాల్లో పడింది. ఈ సమయంలో వర్షం రావడంతో ఆటను నిలిపివేశారు. అయితే వర్షం ఎప్పటికి తగ్గుముఖం పట్టకపోవడంతో డక్‌వర్త్ లూయిస్ పద్దతి ప్రకారం.. పోర్చుగల్‌ను విజేతగా నిర్ణయించారు. ఈ మ్యాచ్ అనంతరం మాట్లాడిన హెన్రిక్స్‌.. టీ20 ప్రపంచకప్‌-2028కు పోర్చుగల్ జట్టును అర్హత సాధించేలా చేయడమే తన ప్రధాన లక్ష్యమని చెప్పుకొచ్చాడు.చదవండి: 'జడేజా పని అయిపోయింది.. దయచేసి అతడితో పోల్చొద్దు'

డార్విన్‌ వేదికగా ఆస్ట్రేలియాతో జరుగుతున్న తొలి టెస్ట్‌ తొలి రోజు పసికూన బంగ్లాదేశ్‌ పూర్తి ఆధిక్యత సాధించింది. తొలుత బౌలింగ్‌లో ఆసీస్‌ను 198 పరుగుల స్వల్ప స్కోర్‌కు కుప్పకూల్చి, ఆతర్వాత బ్యాటింగ్‌లోనూ సత్తా చాటింది. తొలి రోజు ఆట ముగిసే సమయానికి కేవలం వికెట్‌ మాత్రమే కోల్పోయి 96 పరుగులు చేసింది. ఆసీస్‌ తొలి ఇన్నింగ్స్‌ స్కోర్‌కు మరో 102 పరుగులు మాత్రమే వెనుకపడి ఉంది. మొత్తంగా తొలి రోజు బౌలింగ్‌లో, బ్యాటింగ్‌లో సత్తా చాటి పటిష్టమైన ఆస్ట్రేలియాను గడగడలాడించింది.నిప్పులు చెరిగిన హసన్‌టాస్‌ గెలిచి తొలుత బ్యాటింగ్‌ చేసిన ఆస్ట్రేలియా.. బంగ్లా పేస్‌ త్రయం హసన్‌ మహమూద్‌ (6-55), తస్కిన్‌ అహ్మద్‌ (2-55), ఎబాదత్‌ హొసేన్‌ (2-39) ధాటికి 198 పరుగులకే ఆలౌటైంది. వీరిలో ముఖ్యంగా హసన్‌ మహమూద్‌ ఆకాశమే హద్దుగా చెలరేగి ఆసీస్‌ బ్యాటర్లను ముప్పుతిప్పలు పెట్టాడు. అతడి ముందు ఏ ఒక్క ఆసీస్‌ బ్యాటర్‌ కూడా నిలబడలేకపోయాడు. ఆసీస్‌ తరఫున స్టీవ్‌ స్మిత్‌ (71) ఒంటరిపోరాటం చేశాడు.ప్రభావం చూపని స్టార్‌ పేసర్లుఅనంతరం తొలి ఇన్నింగ్స్‌ ప్రారంభించిన బంగ్లాదేశ్‌ను స్టార్క్‌ ఆదిలోనే దెబ్బకొట్టాడు. జట్టు స్కోర్‌ 36 పరుగుల వద్ద ఉండగా.. షద్మాన్‌ ఇస్లాంను (20) పెవిలియన్‌కు పంపాడు. అయితే ఆతర్వాత తంజిద్‌ హసన్‌ తమీమ్‌ (32 నాటౌట్‌), మొమినుల్‌ హక్‌ (35 నాటౌట్‌) ఆసీస్‌ స్టార్‌ పేసర్లను సమర్దవంతంగా ఎదుర్కొన్నారు. వీరి ముందు కమిన్స్‌, స్టార్క్‌, హాజిల్‌వుడ్‌ త్రయం తేలిపోయింది. కాగా, రెండు మ్యాచ్‌ల టెస్ట్‌ సిరీస్‌ కోసం బంగ్లాదేశ్‌ జట్టు 23 ఏళ్ల తర్వాత ఆసీస్‌ గడ్డపై కాలుమోపింది. ఈ సిరీస్‌లోని రెండో టెస్ట్‌ ఆగస్ట్‌ 22న మెక్‌కే వేదికగా ప్రారంభం కానుంది.

ఆస్ట్రేలియా స్టార్ పేసర్ మిచెల్ స్టార్క్ టెస్ట్ క్రికెట్‌లో చరిత్ర సృష్టించాడు. బంగ్లాదేశ్‌తో జరుగుతున్న తొలి టెస్ట్‌ తొలి ఇన్నింగ్స్‌లో షద్మాన్ ఇస్లామ్‌ను ఔట్ చేయడంతో టెస్ట్ క్రికెట్‌ చరిత్రలో అత్యధిక వికెట్లు (434) తీసిన లెఫ్ట్ ఆర్మ్ బౌలర్‌గా అవతరించాడు. ఈ క్రమంలో శ్రీలంక మాజీ లెఫ్ట్‌ ఆర్మ్‌ స్పిన్నర్‌ రంగన హెరాత్‌ను (433) అధిగమించాడు.ఇదివరకే లెఫ్ట్‌ ఆర్మ్‌ పేసర్లలో అత్యధిక వికెట్ల వీరుడిగా చలామణి అవుతున్న స్టార్క్‌కు ఇది మరో చారిత్రక మైలురాయి. స్టార్క్‌ 414 వికెట్లు తీసిన పాక్‌ లెఫ్ట్‌ ఆర్మ్‌ స్పీడ్‌ గన్‌ వసీం అక్రం (414) రికార్డును కొన్ని మ్యాచ్‌ల ముందే అధిగమించాడు.ప్రస్తుతం ఓవరాల్‌గా టెస్ట్ క్రికెట్‌ చరిత్రలో అత్యధిక వికెట్లు లెఫ్ట్ ఆర్మ్ బౌలర్ల జాబితాలో స్టార్క్‌ (106 టెస్ట్‌ల్లో 434 వికెట్లు) అగ్రస్థానంలో నిలువగా.. రంగన హెరాత్‌ (93 టెస్ట్‌ల్లో 433), వసీ​ం అక్రం​ (104 టెస్ట్‌ల్లో 414), డేనియల్‌ వెటోరీ (113 టెస్ట్‌ల్లో 362), చమింద వాస్‌ (111 టెస్ట్‌ల్లో 355) ఆతర్వాతి స్థానాల్లో ఉన్నారు. మ్యాచ్‌ విషయానికొస్తే.. రెండు మ్యాచ్‌ల సిరీస్‌లో భాగంగా ఇవాళే ప్రారంభమైన తొలి టెస్ట్‌లో తొలుత బ్యాటింగ్‌ చేసిన ఆస్ట్రేలియా.. హసన్‌ మహమూద్‌ (6-55), తస్కిన్‌ అహ్మద్‌ (2-55), ఎబాదత్‌ హొసేన్‌ (2=39) ధాటికి 198 పరుగులకే ఆలౌటైంది. ఆసీస్‌ తరఫున స్టీవ్‌ స్మిత్‌ (71) ఒంటరిపోరాటం చేశాడు. అనంతరం తొలి ఇన్నింగ్స్‌ ప్రారంభించిన బంగ్లాదేశ్‌ను స్టార్క్‌ ఆదిలోనే దెబ్బకొట్టాడు. 36 పరుగుల జట్టు స్కోర్‌ వద్ద స్టార్క్‌ బౌలింగ్‌లో లియోన్‌కు క్యాచ్‌ ఇచ్చి షదాన్‌ ఇస్లాం (20) ఔటయ్యాడు. ప్రస్తుతం బంగ్లా స్కోర్‌ 58-1గా ఉంది. తంజిద్‌ హసన్‌ (19), మొమినుల్‌ హక్‌ (12) క్రీజ్‌లో ఉన్నారు.

డార్విన్‌ వేదికగా బంగ్లాదేశ్‌తో జరుగుతున్న తొలి టెస్టులో ఆస్ట్రేలియాకు ఊహించని ఎదురుదెబ్బ తగిలింది. టాస్ గెలిచి తొలుత బ్యాటింగ్ చేసిన ఆ జట్టు తొలి ఇన్నింగ్స్‌లో 198 పరుగులకే ఆలౌటైంది. బంగ్లాదేశ్ పేసర్ హసన్ మహమూద్ అద్భుత బౌలింగ్‌తో ఆస్ట్రేలియా బ్యాటింగ్ లైనప్‌ను కుప్పకూల్చాడు.ఆట ప్రారంభం నుంచే అనుకూలంగా ఉన్న పరిస్థితులను బంగ్లాదేశ్ పేసర్లు పూర్తిగా సద్వినియోగం చేసుకున్నారు. ఆస్ట్రేలియా ఒక దశలో వికెట్ నష్టపోకుండా 45 పరుగులు చేసినప్పటికీ.. ఆ తర్వాత వరుస వికెట్లు కోల్పోయింది.హసన్ మహమూద్ ఆస్ట్రేలియా బ్యాటర్లకు ఏమాత్రం అవకాశం ఇవ్వలేదు. 55 పరుగులు ఇచ్చి ఏకంగా 6 వికెట్లు పడగొట్టి కెరీర్‌లో గుర్తుండిపోయే స్పెల్ నమోదు చేశాడు. అతడి బౌలింగ్‌కు తోడు మిగతా బంగ్లా పేసర్లు కూడా క్రమం తప్పకుండా వికెట్లు తీయడంతో ఆస్ట్రేలియా భారీ స్కోరు సాధించలేకపోయింది. తస్కిన్‌ అహ్మద్‌ (16-2-55-2), ఎబాదత్‌ హొసేన్‌ (11-2-39-2) కూడా ఆసీస్‌ పతనంలో తమవంతు పాత్ర పోషించారు.స్టీవ్‌ స్మిత్‌ ఒంటరిపోరాటంఓ పక్క క్రమం తప్పకుండా వికెట్లు పడుతున్నా స్టీవ్‌ స్మిత్‌ ఒంటరిపోరాటం చేశాడు. 109 బంతుల్లో 71 పరుగులు చేసి తొమ్మిదో వికెట్‌గా వెనుదిరిగాడు. అతడికి జతగా ఒక్క బ్యాటర్‌ కూడా క్రీజ్‌లో నిలువలేకపోయాడు. మొత్తం ఆసీస్‌ ఇన్నింగ్స్‌లో స్టీవ్‌తో పాటు ట్రవిస్‌ హెడ్‌ (22), జేక్‌ వెదరాల్డ్‌ (23) మాత్రమే 20కి పైగా స్కోర్లు చేశారు.మిగతా బ్యాటర్లలో గ్రీన్‌ (13), అలెక్స్‌ క్యారీ (19), వెబ​్‌స్టర్‌ (12) రెండంకెల స్కోర్లు చేయగా.. లబూషేన్‌ (1), కమిన్స్‌ (9), స్టార్క్‌ (1), లియోన్‌ (7) సింగిల్‌ డిజిట్‌ స్కోర్లకు పరిమితమయ్యారు. 4 పరుగులతో హాజిల్‌వుడ్‌ అజేయంగా నిలిచాడు. కాగా, రెండు మ్యాచ్‌ల టెస్ట్‌ సిరీస్‌ కోసం బంగ్లాదేశ్‌ జట్టు 23 ఏళ్ల తర్వాత ఆసీస్‌ గడ్డపై కాలుమోపింది. ఈ సిరీస్‌లోని రెండో టెస్ట్‌ ఆగస్ట్‌ 22న మెక్‌కే వేదికగా ప్రారంభం కానుంది.

డార్విన్ వేదికగా బంగ్లాదేశ్‌తో జరుగుతున్న తొలి టెస్టులో ఆస్ట్రేలియాకు ఆరంభంలోనే గట్టి ఎదురుదెబ్బలు తగిలాయి. టాస్ గెలిచి బ్యాటింగ్ ఎంచుకున్న ఆస్ట్రేలియా.. తొలి సెషన్ ముగిసే సమయానికి 74 పరుగులకే 4 వికెట్లు కోల్పోయి కష్టాల్లో పడింది. పిచ్‌పై అనుకూల పరిస్థితులను బంగ్లాదేశ్ పేసర్లు సమర్థంగా వినియోంచుకున్నారు.ఇన్నింగ్స్‌ను దూకుడుగా ప్రారంభించిన జేక్‌ వెదరాల్డ్‌ (23)ను జట్టు స్కోర్‌ 45 పరుగుల వద్ద ఉండగా హసన్‌ మహదుద్‌ బోల్తా కొట్టించాడు. అదే ఈ మ్యాచ్‌లో బంగ్లాదేశ్‌కు లభించిన తొలి సక్సెస్‌. ఆమరుసటి ఓవర్‌లోనే హసన్‌ మరోసారి చెలరేగాడు. జట్టు స్కోర్‌ 52 పరుగుల వద్ద ఉండగా.. ట్రవిస్‌ హెడ్‌ను (22) క్లీన్‌ బౌల్డ్‌ చేశాడు.కొద్ది సేపటికి మరో పేసర్‌ ఎబాదత్‌ హొసేన్‌ చెలరేగాడు. 61 పరుగుల జట్టు స్కోర్‌ వద్ద అప్పటికే క్రీజ్‌లో ఇబ్బందిపడుతున్న లబూషేన్‌ను (1) ఔట్‌ చేశాడు. ఆ కొద్దిసేపటికే తస్కిన్‌ అహ్మద్‌ కెమరూన్‌ గ్రీన్‌ను (13) బోల్తా కొట్టించాడు. దీంతో ఆసీస్‌ లంచ్‌ విరామం సమయానికే 4 కీలక వికెట్లు కోల్పోయి కష్టాల్లో పడింది.అయితే ఈ దశలో స్టీవ్‌ స్మిత్‌, అలెక్స్‌ క్యారీ జట్టును ఆదుకునే ప్రయత్నం చేస్తున్నారు. వీరిద్దరు మరో వికెట్‌ పడకుండా జాగ్రత్తగా ఆడుతూ ఐదో వికెట్‌కు అజేయమైన 54 పరుగులు జోడించారు. ప్రస్తుతం స్టీవ్‌ 37, క్యారీ 18 పరుగుల వద్ద బ్యాటింగ్‌ కొనసాగిస్తున్నారు. ఆసీస్‌ స్కోర్‌ 128-4గా ఉంది.కాగా, రెండు మ్యాచ్‌ల టెస్ట్‌ సిరీస్‌ కోసం బంగ్లాదేశ్‌ జట్టు 23 ఏళ్ల తర్వాత ఆసీస్‌ గడ్డపై కాలుమోపింది. ఈ సిరీస్‌లోని రెండో టెస్ట్‌ ఆగస్ట్‌ 22న మెక్‌కే వేదికగా ప్రారంభం కానుంది.

డార్విన్‌: వరల్డ్‌ టెస్టు చాంపియన్‌షిప్‌ (డబ్ల్యూటీసీ) ఫైనల్‌ లక్ష్యంగా ఆస్ట్రేలియా తమ కొత్త సీజన్‌కు సిద్ధమైంది. 2025–27 డబ్ల్యూటీసీలో ఆసీస్‌ మరో 14 టెస్టులు ఆడాల్సి ఉంది. వీటిలో 5 టెస్టులు భారత గడ్డపై ఉన్నాయి. కాబట్టి దానికి ముందే మిగిలిన 9 టెస్టుల్లో సత్తా చాటి ఫైనల్‌ బెర్త్‌ను దాదాపుగా ఖాయం చేసుకోవాలని కంగారూలు భావిస్తున్నారు. ఈ నేపథ్యంలో బలహీన బంగ్లాదేశ్‌తో సొంతగడ్డపై రెండు టెస్టుల సిరీస్‌లో జట్టు తలపడుతుంది. డార్విన్‌ వేదికగా నేటి నుంచి తొలి టెస్టు జరుగుతుంది. ఇక్కడి మరారా స్టేడియం 22 ఏళ్ల తర్వాత టెస్టు మ్యాచ్‌కు ఆతిథ్యం ఇస్తోంది. ఆసీస్‌ గడ్డపై బంగ్లాదేశ్‌ టెస్టులు ఆడటం కూడా 2003 తర్వాత ఇదే తొలిసారి. 23 ఏళ్ల క్రితం జరిగిన రెండు టెస్టుల సిరీస్‌ను ఆసీస్‌ 2–0తో గెలుచుకుంది. అనంతరం బంగ్లాదేశ్‌లో 4 టెస్టులు ఆడిన ఆస్ట్రేలియా 3 గెలిచి, ఒకదాంట్లో ఓడింది. దాంతో ఓవరాల్‌గా ఆసీస్‌ 5–1తో పైచేయిగా ఉంది. 2017 తర్వాత ఇరు జట్లు టెస్టులో తలపడనుండటం ఇదే తొలిసారి. 2020లో సిరీస్‌ జరగాల్సి ఉన్నా...కోవిడ్‌ కారణంగా రద్దయింది. బలాబలాలను చూస్తే బంగ్లాదేశ్‌కంటే ఆస్ట్రేలియా టెస్టు జట్టు ఎన్నో విధాలుగా పటిష్టంగా ఉంది. దాదాపు ఏడాది తర్వాత ప్రఖ్యాత బౌలింగ్‌ ‘చతుష్టయం’ స్టార్క్, కమిన్స్, హాజల్‌వుడ్, లయన్‌ కలిసి ఒకే మ్యాచ్‌లో మళ్లీ బరిలోకి దిగనున్నారు. బ్యాటింగ్‌లో ట్రావిస్‌ హెడ్, లబుషేన్, స్టీవ్‌ స్మిత్, అలెక్స్‌ కేరీలతో పాటు ఆల్‌రౌండర్లు కామెరాన్‌ గ్రీన్, వెబ్‌స్టర్‌లు ఒంటిచేత్తో మ్యాచ్‌ను మలుపు తిప్పగలరు. భవిష్యత్తులోనూ ఆసీస్‌ రెగ్యులర్‌ ఓపెనర్‌గా తన స్థానం పటిష్టపర్చుకునేందుకు ప్రయత్నిస్తున్న జేక్‌ వెదరాల్డ్‌కు మాత్రం ఈ సిరీస్‌ కీలకం కానుంది. మరోవైపు ప్రత్యర్థికి బంగ్లాదేశ్‌ ఏమాత్రం పోటీనివ్వగలదనేది ఆసక్తికరం. ప్రాక్టీస్‌ మ్యాచ్‌ రెండో ఇన్నింగ్స్‌లో బంగ్లాదేశ్‌ జట్టు 54 పరుగులకే కుప్పకూలింది. ఆసీస్‌ బౌలింగ్‌ దళాన్ని సమర్థంగా ఎదుర్కోవాల్సిన బాధ్యత ప్రధానంగా కెప్టెన్‌ నజు్మల్, సీనియర్లు ముష్పికర్, మోమినుల్, లిటన్‌ దాస్‌లపై ఉంది. గాయంతో పేసర్‌ నాహిద్‌ రాణా టెస్టుకు దూరం కావడం బంగ్లాకు పెద్ద దెబ్బ కాగా... పేసర్లు తస్కీన్, హసన్‌ మహమూద్, సీనియర్‌ స్పిన్నర్‌ మెహదీ హసన్‌ మిరాజ్‌లు కీలకం కానున్నారు. మరో 5 వికెట్లు తీసి హాజల్‌వుడ్‌ 300 వికెట్ల మైలురాయిని అందుకోనుండగా... మరో 7 వికెట్లు తీస్తే 440 వికెట్లతో స్టార్క్‌ ఓవరాల్‌గా అత్యధిక వికెట్లు తీసిన బౌలర్ల జాబితాలో టాప్‌–10లో చేరతాడు.

ఆస్ట్రేలియా మాజీ ఆల్‌రౌండర్‌ మోజెస్‌ హెన్రిక్స్‌ పోర్చుగల్‌ క్రికెట్‌ జట్టు కెప్టెన్‌గా ఎంపికయ్యాడు. టీ20 ప్రపంచకప్‌-2028 యూరోప్‌ సబ్‌ రీజినల్‌ క్వాలిఫయర్‌ ‘సి’లో భాగంగా నాయకుడిగా జట్టును ముందుకు నడిపించనున్నాడు. పోర్చుగల్‌ క్రికెట్‌ తాజాగా ఈ విషయాన్ని ప్రకటించింది.కాగా పోర్చుగల్‌లో జన్మించిన మోజెస్‌ హెన్రిక్స్‌ చిన్నతనంలోనే కుటుంబంతో కలిసి ఆస్ట్రేలియాకు వలస వెళ్లాడు. అక్కడే క్రికెటర్‌గా ఓనమాలు నేర్చుకుని.. దేశవాళీ క్రికెట్‌లో న్యూ సౌత్‌వేల్స్‌ తరఫున 2006లో అరంగేట్రం చేశాడు.వేల పరుగులు.. వందల వికెట్లుమొత్తంగా 131 ఫస్ట్‌క్లాస్‌ మ్యాచ్‌లు, 141 లిస్ట్‌-ఎ మ్యాచ్‌లు. 301 టీ20 మ్యాచ్‌లు ఆడిన హెన్రిక్స్‌ ఆయా ఫార్మాట్లలో 6830, 3812, 5747 పరుగులు సాధించాడు. ఈ మీడియం పేసర్‌ మొత్తంగా మూడు ఫార్మాట్లలో కలిపి 333 వికెట్లు పడగొట్టాడు. బిగ్‌బాష్‌ లీగ్‌లో 3324 రన్స్‌ చేశాడు హెన్రిక్స్‌. కెప్టెన్‌గా సిడ్నీ సిక్సర్స్‌కు 2019, 2020 సీజన్లలో వరుస టైటిళ్లు అందించాడు.ఇక అంతర్జాతీయ క్రికెట్‌లో 2009లో అడుగుపెట్టిన మోజెస్‌ హెన్రిక్స్‌.. మొత్తంగా ఆసీస్‌ తరఫున నాలుగు టెస్టులు, 16 వన్డేలు, 24 టీ20లు ఆడాడు. టెస్టుల్లో 164, వన్డేల్లో 117, టీ20 ఫార్మాట్లో 355 పరుగులు చేశాడు. అదే విధంగా టెస్టుల్లో రెండు, వన్డేల్లో ఎనిమిది, టీ20లలో ఏడు వికెట్లు పడగొట్టాడు.షెడ్యూల్‌ ఇదేఇక 2021లో ఆస్ట్రేలియా తరఫున చివరి మ్యాచ్‌ ఆడిన మోజెస్‌ హెన్రిక్స్‌ ఇటీవలే ఆసీస్‌ క్రికెట్‌కు పూర్తిగా వీడ్కోలు పలికాడు. తాజాగా పుట్టిన దేశం పోర్చుగల్‌ జట్టుకు కెప్టెన్‌గా ఎంపికయ్యాడు. టీ20 ప్రపంచకప్‌ క్వాలిఫయర్స్‌లో భాగంగా ఆగష్టు 14న ఇజ్రాయెల్‌, ఆగష్టు 15న జర్మనీ, ఆగష్టు 17న గ్రీస్‌, ఆగష్టు 20న చెజియాతో పోర్చుగల్‌ తలపడుతుంది. ఇదిలా ఉంటే.. హెన్రిక్స్‌ ఐపీఎల్‌లో సన్‌రైజర్స్‌ హైదరాబాద్‌, ఆర్సీబీ తదితర జట్లకు ప్రాతినిథ్యం వహించిన సంగతి తెలిసిందే.టీ20 ప్రపంచకప్‌-2028 క్వాలిఫయర్స్‌కు పోర్చుగల్‌ జట్టుమోజెస్‌ హెన్రిక్స్‌ (కెప్టెన్‌), క్రెయిగ్‌ కచోపా, ఎడ్వర్డ్‌ ఫ్లెమింగ్‌, క్రిస్టోఫర్‌ డే ఫ్రెయిటాస్‌, రాహుల్‌కుమార్‌ హషూ, సిరాజ్‌ ఉల్లా ఖదీం, హర్దీప్‌ ఖట్టాన్‌, జెరెమీ మార్టిన్‌స​, ధవళ్‌కుమార్‌ నొరోటామ్‌ (వికెట్‌ కీపర్‌), జోర్డాన్‌ నెట్టో, కార్లోస్‌ నూన్స్‌, సెబాస్టియన్‌ డి ఒలివెరా, ఉపేన్‌ శాంతూ, కామెరాన్‌ షెక్లెటన్‌.చదవండి: సౌతాఫ్రికాకు కొత్త కెప్టెన్‌!.. యాన్సెన్‌ కవల సోదరుడికి ఛాన్స్‌

పాశ్చాత్య దేశాలన్నీ ఆర్థిక సంక్షోభాలతో అల్లాడిపోతుంటే.. ఆస్ట్రేలియా మాత్రం అప్పట్లో ఏటా ఎదురులేకుండా దూసుకుపోతూ ప్రపంచానికి సిసలైన 'లక్కీ కంట్రీ' అనిపించుకుంది. ఎటు చూసినా ఇనుము, బంగారం, లిథియం వంటి అపారమైన సహజ వనరులు.. మరోవైపు తిరుగులేని దేశీయ మార్కెట్.. ఇవన్నీ కలిసి ఆస్ట్రేలియాను దశాబ్దాల పాటు ఆర్థిక మాంద్యం ఛాయలేకండా కాపాడుతూ వచ్చాయి. ప్రపంచ ఆర్థిక చరిత్రలోనే ఎన్నడూ లేనివిధంగా ఏకంగా మూడు దశాబ్దాల పాటు క్షణం తీరికలేకుండా నిరంతర వృద్ధిని సాధించిన ఈ అగ్రగామి దేశం కొవిడ్ మహమ్మారి తర్వాత ఒక్కసారిగా కుదేలయింది. ఒకప్పుడు ప్రపంచ సంపదలో టాప్‌లో నిలిచిన ఆస్ట్రేలియా పౌరులు, ఇప్పుడు ద్రవ్యోల్బణం దెబ్బకు, జీడీపీ పడిపోవడంతో గత ఇరవై ఏళ్లలో ఎన్నడూ లేనంతగా లబోదిబోమంటున్నారు. అసలు దశాబ్దాల పాటు ఎదురులేకుండా సాగిన ఈ సౌభాగ్య దేశంలో ఇంతటి దుస్థితికి అసలు కారణం ఏంటి?ఏప్రిల్ 2020కి ముందు దాదాపు మూడు దశాబ్దాల పాటు ప్రపంచ ఆర్థిక చరిత్రలోనే ఎన్నడూ లేనివిధంగా నిరంతరం వృద్ధి సాధించి 'లక్కీ కంట్రీ' (Lucky Country) గా పేరుగాంచిన ఆస్ట్రేలియా ఆర్థిక వ్యవస్థ, ఇప్పుడు ఊహించని సంక్షోభాన్ని ఎదుర్కొంటోంది. ఒకప్పుడు పాశ్చాత్య దేశాలన్నిటికీ అసూయ కలిగించేలా ఉన్న ఆస్ట్రేలియా ఎకానమీ.. కొవిడ్ మహమ్మారి తర్వాత తీవ్ర ప్రతికూలతలను ఎదుర్కొంటోంది. జనాభా వృద్ధిని మినహాయిస్తే తలసరి జీడీపీ (GDP per capita) పడిపోవడం, ద్రవ్యోల్బణం (Inflation) అంతుచిక్కకుండా పెరగడం, ఉత్పాదకత దెబ్బతినడంతో ఆస్ట్రేలియా ప్రజల్లో గత 20 ఏళ్లలో ఎన్నడూ లేనంతగా నిరాశ, నిస్పృహలు అలుముకున్నాయి. ప్రపంచ వ్యాప్తంగా అందరినీ వేధిస్తున్న ఈ ప్రశ్నకు అసలు సమాధానం చాలా మంది ఊహించినదాని కంటే ఎంతో సరళమైనదని ఆర్థిక నిపుణులు విశ్లేషిస్తున్నారు.సౌభాగ్యం నుంచి స్తబ్దత వైపు..ఆస్ట్రేలియా ఆర్థిక వ్యవస్థ గతంలో ఇంత బలంగా ఉండటానికి ప్రధానంగా రెండు అంశాలు కారణం. ఒకటి.. ఇనుము, బొగ్గు, ఆయిల్, బంగారం, లిథియం వంటి అపారమైన సహజ వనరులు ఉండటం, వాటిని చైనా వంటి అభివృద్ధి చెందుతున్న దేశాలకు భారీగా ఎగుమతి చేయడం. రెండు.. కేవలం ఎగుమతుల మీదే కాకుండా అత్యుత్తమ విద్య, టెక్నాలజీ, ఫైనాన్షియల్ సేవలతో కూడిన పటిష్ఠమైన దేశీయ ఆర్థిక మార్కెట్ ఉండటం. ఈ కారణంగానే ఆస్ట్రేలియా పౌరుల సగటు సంపద ప్రపంచంలోనే అత్యున్నత స్థాయిలో నిలిచింది. కానీ, మహమ్మారి తర్వాత ఈ విజయాల జోరుకు బ్రేక్ పడింది. ప్రస్తుతం కనిపిస్తున్న నామమాత్రపు జీడీపీ వృద్ధి కేవలం వలసల (Immigration) వల్ల మాత్రమే వస్తోందని, వాస్తవానికి కార్మికుల పనిగంటలు పెరిగినప్పటికీ ఉత్పాదకత (Productivity) పడిపోయిందని పరిశోధనలు చెబుతున్నాయి. దీనివల్ల వాస్తవ వేతనాలు (Real Wages) సుమారు 5 శాతం వరకు క్షీణించాయి.అంతర్గత సమస్యనా?అమెరికా టారిఫ్‌ విధానాలు, చైనా ఆర్థిక వ్యవస్థ మందగించడం, చైనా స్వీయ-సమృద్ధి విధానాల కారణంగా ఆస్ట్రేలియా ఎగుమతులు 2023 నాటికి గరిష్ఠ స్థాయికి చేరి క్షీణించడం వంటి భౌగోళిక రాజకీయ కారణాలు (Geopolitics) కూడా ఆస్ట్రేలియాను కొంతవరకు ప్రభావితం చేశాయి. అయితే, వీటన్నింటికంటే ప్రధాన సమస్య పూర్తిగా వేరే ఉందని నిపుణులు స్పష్టం చేస్తున్నారు. అదే.. దేశంలో ప్రైవేట్ రంగ పెట్టుబడులు క్రమంగా తగ్గిపోవడం! 2013 నుంచి ఆస్ట్రేలియాలో ప్రైవేట్ పెట్టుబడులు సుమారు 25 శాతం వరకు పడిపోయాయి. గనుల రంగాన్ని మినహాయించి చూస్తే, మిగతా ఆర్థిక రంగంలో పెట్టుబడులు జీడీపీలో 14% నుంచి 10%కి కుచించుకుపోయాయి. ప్రపంచంలోని ఇతర పెద్ద ఆర్థిక వ్యవస్థలతో పోల్చితే ఆస్ట్రేలియాలో ఈ పెట్టుబడుల అంతరం అత్యంత ఎక్కువగా ఉంది.హౌసింగ్ రంగంపైనే సర్వస్వం.. అసలు సమస్య ఇక్కడే!ఆస్ట్రేలియాలో వ్యాపారాలు అంతగా పెట్టుబడులు పెట్టకపోవడానికి రెండు కారణాలు కనిపిస్తున్నాయి. ఒకటి, గతంలో సాధించిన విజయాలతో కంపెనీలు విశ్రాంతి భావంలో ఉండిపోవడం. రెండవది, అత్యంత కీలకమైన నిర్మాణాత్మక సమస్య.. అక్కడి బ్యాంకులు వ్యాపారాల కంటే రియల్ ఎస్టేట్ హౌసింగ్ పెట్టుబడులకే అధికంగా రుణాలు కేటాయించడం! ఒక బ్యాంకింగ్ వ్యవస్థ హౌసింగ్‌కు ఎక్కువ అప్పులు ఇస్తే, ఆటోమేటిక్‌గా వ్యాపారాలకు అందే క్రెడిట్ తగ్గిపోతుంది. ఆస్ట్రేలియాలో రియల్ ఎస్టేట్ ధరలు విపరీతంగా పెరిగిపోవడంతో, గృహ యజమానులతో పాటు బ్యాంకులు, వ్యాపార సంస్థలు కూడా తమ వద్ద ఉన్న డబ్బునంతా ప్రాపర్టీల మీదే కుమ్మరించాయి.ఈ భారీ పెట్టుబడుల కొరతే ఆస్ట్రేలియా ఉత్పాదకతను తీవ్రంగా దెబ్బతీసింది. సరైన పరికరాలు, పెట్టుబడులు లేకపోవడం వల్ల కార్మికుల ఉత్పాదకత పడిపోయింది. ఉత్పత్తి తగ్గి, ఆర్థిక వ్యవస్థలో డబ్బు ప్రసరణ పెరగడంతో ద్రవ్యోల్బణం అంతుచిక్కకుండా పేరుకుపోయింది. ఇదంతా చూస్తుంటే, ఆకాశాన్ని తాకే ఇళ్ల ధరలు కేవలం ఇల్లు కొనాలనుకునే తొలిసారి కొనుగోలుదారులకే కాకుండా, సమగ్ర దేశ ఆర్థిక వ్యవస్థకే ఎంత ప్రమాదకరమో ఈ ఉదంతం స్పష్టం చేస్తోంది.-సాక్షి వెబ్‌డెస్క్‌

ఆస్ట్రేలియా మహిళల క్రికెట్ జట్టు వైస్‌ కెప్టెన్‌ ఆష్లే గార్డ్నర్‌పై ఆమె మాజీ భార్య మోనికా రైట్ సంచలన ఆరోపణలు చేసింది. గార్డ్నర్‌ సహచర క్రికెటర్‌ జార్జియా వోల్‌తో సంబంధం పెట్టుకుందని ఆరోపించింది. ఈ నేపథ్యంలో గార్డ్నర్‌ను నాయకత్వ బాధ్యతల నుంచి తప్పించాలని డిమాండ్ చేసింది. ఈ వ్యవహారంపై క్రికెట్ ఆస్ట్రేలియా స్పందించకపోవడాన్ని ప్రశ్నించింది. దేశానికి ప్రాతినిధ్యం వహించే ప్లేయర్లు ఆదర్శంగా ఉండాలని పేర్కొంది.కాగా, వాల్‌ చేసిన ఆరోపణలను క్రికెట్‌ ఆస్ట్రేలియా వ్యక్తిగత అంశంగా పరిగణిస్తుంది. మరోవైపు గార్డ్నర్‌కు ఆమె బిగ్‌బాష్‌ లీగ్‌ జట్టు సిడ్నీ సిక్సర్స్ మాత్రం మద్దతుగా నిలిచింది. గార్డ్నర్‌ను వచ్చే సీజన్‌లో కూడా కెప్టెన్‌గా కొనస్తామని తెలిపింది. గార్డ్నర్ గతేడాదే ఎలీస్ పెర్రీ స్థానంలో సిక్సర్స్ కెప్టెన్‌గా బాధ్యతలు చేపట్టింది.పెళ్లైన కొన్ని నెలలకే..!మోనికా రైట్, ఆష్లే గార్డ్నర్‌ 2025 ఏప్రిల్‌లో వివాహం చేసుకున్నారు. అయితే కొన్ని నెలలకే వీరి మధ్య భేదాభిప్రాయాలు వచ్చాయి. కొద్ది రోజల కిందట గార్డ్నర్‌, రైట్‌ ఇద్దరూ తమ సోషల్ మీడియా ఖాతాల నుంచి కలిసి ఉన్న ఫొటోలను తొలగించారు. ప్రస్తుతం ఇద్దరూ విడాకుల ప్రక్రియను ప్రారంభించినట్లు సమాచారం.

రెండు మ్యాచ్‌ల టెస్ట్‌ సిరీస్‌ కోసం 23 ఏళ్ల తర్వాత ఆస్ట్రేలియా గడ్డపై కాలుమోపిన బంగ్లాదేశ్‌ క్రికెట్‌ జట్టుకు తొలి మ్యాచ్‌లోనే ఘోర పరాభవం ఎదురైంది. టెస్ట్‌ సిరీస్‌కు ముందు క్రికెట్‌ ఆస్ట్రేలియా ఎలెవెన్‌తో జరిగిన మూడు రోజుల వార్మప్‌ మ్యాచ్‌లో ఆ జట్టు ఇన్నింగ్స్‌ 38 పరుగుల తేడాతో పరాజయంపాలైంది. తొలి ఇన్నింగ్స్‌లో మెహిది హసన్‌ మిరాజ్‌ అజేయ సెంచరీతో (109) ఆదుకోవడంతో ఓ మోస్తరు స్కోర్‌ (263) చేసిన బంగ్లా జట్టు.. రెండో ఇన్నింగ్స్‌లో ఆసీస్‌ యువ సంచలన పేసర్‌ క్యాంప్‌బెల్‌ థాంప్సన్‌ (11-2-25-8) ధాటికి 54 పరుగులకే కుప్పకూలింది. మధ్యలో టేగ్‌ విల్లీ (130) శతక్కొట్టడంతో క్రికెట్‌ ఆస్ట్రేలియా ఎలెవెన్‌ జట్టు తొలి ఇన్నింగ్స్‌లో 355 పరుగులు చేసింది. థాంప్సన్‌ వీర విజృంభణ దెబ్బకు ఆసీస్‌ రెండో ఇన్నింగ్స్‌లో బ్యాటింగ్‌ చేయాల్సిన అవసరం కూడా రాలేదు. ఆసీస్‌తో రెగ్యులర్‌ టెస్ట్‌ సిరీస్‌ ఆగస్ట్‌ 13 నుంచి ప్రారంభం కానుంది. తొలి టెస్ట్‌ డార్విన్‌ వేదికగా జరుగనుండగా.. రెండో టెస్ట్‌ ఆగస్ట్‌ 22 నుంచి మెక్‌కేలో ప్రారంభం కానుంది.తాజా సంచలన ప్రదర్శన తర్వాత క్యాంప్‌బెల్‌ థాంప్సన్‌ క్రికెట్‌ సర్కిల్స్‌లో హాట్‌ టాపిక్‌గా మారాడు. ఈ 22 ఏళ్ల ఎడమచేతి వాటం పేసర్‌ ఎవరా అని ఆరా తీయడం ప్రారంభించారు.ఎవరీ క్యాంప్‌బెల్‌ థాంప్సన్‌..?దక్షిణ ఆస్ట్రేలియాలోని మౌంట్‌ బార్కర్‌కు చెందిన థాంప్సన్‌ 2023లో క్లబ్‌ క్రికెట్‌లోకి అడుగుపెట్టాడు. 2025 ఆగస్టులో అడిలైడ్‌ స్ట్రైకర్స్‌ అకాడమీలో చోటు సంపాదించాడు. అక్కడ ఐదు మ్యాచ్‌లు ఆడిన తర్వాత 2025 నవంబర్‌లో ఇంగ్లాండ్‌ XIతో జరిగిన మ్యాచ్‌లో ప్రైమ్‌ మినిస్టర్స్‌ XI తరఫున అరంగేట్రం చేశాడు.2025-26 షెఫీల్డ్‌ షీల్డ్‌ సీజన్‌లో సౌత్‌ ఆస్ట్రేలియా తరఫున ఫస్ట్‌క్లాస్‌ అరంగేట్రం చేశాడు. క్వీన్స్‌లాండ్‌తో జరిగిన మ్యాచ్‌లో మూడు వికెట్లు పడగొట్టి ఆకట్టుకున్నాడు.అయితే బంగ్లాదేశ్‌తో వార్మప్‌ మ్యాచ్‌ అతడి కెరీర్‌లోనే అతిపెద్ద బ్రేక్‌థ్రూ. రెండో ఇన్నింగ్స్‌లో 8/25తో చెలరేగి ఒక్కసారిగా అందరి దృష్టిని తనవైపు తిప్పుకున్నాడు.స్టార్క్‌కు వారసుడవుతాడా..?వేగంగా బంతులు వేయడంతో పాటు కొత్త బంతితో స్వింగ్‌ చేయగల సామర్థ్యం థాంప్సన్‌కు అతిపెద్ద బలం. ఇదే అతడిని ఆస్ట్రేలియా భవిష్యత్‌ పేస్‌ దళంలో కీలక ఆటగాడిగా మార్చే అవకాశం ఉంది.ఆస్ట్రేలియా స్టార్‌ పేసర్‌ మిచెల్‌ స్టార్క్‌ కెరీర్‌ చివరి దశకు చేరుకుంటున్న నేపథ్యంలో.. అతడి స్థానాన్ని భర్తీ చేసే యువ పేసర్లను ఆస్ట్రేలియా వెతుకుతోంది. ఈ క్రమంలో థాంప్సన్‌ పేరు ఇప్పుడు తెరపైకి వచ్చింది.ప్రస్తుతం అతడి ఫస్ట్‌క్లాస్‌ అనుభవం చాలా తక్కువే. కానీ బంగ్లాదేశ్‌పై చేసిన ప్రదర్శన మాత్రం అతడి సామర్థ్యాన్ని చాటింది. ఇదే స్థాయిలో రాణిస్తే.. త్వరలోనే ఆస్ట్రేలియా జాతీయ జట్టులోకి థాంప్సన్‌కు పిలుపు రావడం ఆశ్చర్యం కలిగించకపోవచ్చు.భవిష్యత్తులో భారత్‌తో జరిగే బోర్డర్‌-గవాస్కర్‌ ట్రోఫీలోనైనా.. అంతకంటే ముందే అయినా.. ఈ యువ ఎడమచేతి పేసర్‌కు అవకాశం దక్కుతుందేమో చూడాలి. థాంప్సన్‌కు బ్యాటింగ్‌లోనూ మంచి సామర్థ్యం ఉన్నట్లు తెలుస్తోంది. అతడి ప్రొఫైల్‌ ప్రకారం అతడు కుడి చేతి వాటం బ్యాటర్‌. అతన్ని బౌలింగ్‌ ఆల్‌రౌండర్‌గా పరిగణిస్తారు.

23 ఏళ్ల తర్వాత ఆస్ట్రేలియా గడ్డపై అడుగుపెట్టిన బంగ్లాదేశ్‌కు తొలి ప్రాక్టీస్‌ మ్యాచ్‌లోనే భారీ ఊరట లభించింది. క్రికెట్‌ ఆస్ట్రేలియా ఎలెవన్‌తో జరుగుతున్న మూడు రోజుల వార్మప్‌ మ్యాచ్‌లో ఆ జట్టు స్టార్‌ ఆల్‌రౌండర్‌ మెహిదీ హసన్‌ మిరాజ్‌ అద్భుత సెంచరీతో చెలరేగాడు.మర్రారా క్రికెట్‌ గ్రౌండ్‌లో జరుగుతున్న ఈ మ్యాచ్‌లో తొలుత బ్యాటింగ్‌ చేసిన బంగ్లాదేశ్‌కు శుభారంభం లభించలేదు. 101 పరుగులకే ఆ జట్టు ఐదు వికెట్లు కోల్పోయింది.ఈ దశలో బరిలోకి దిగిన మిరాజ్‌ పట్టుదలతో బ్యాటింగ్‌ చేసి సూపర్‌ సెంచరీతో మెరిశాడు. సౌమ్య సర్కార్‌తో కలిసి కీలక భాగస్వామ్యం నెలకొల్పాడు. అనంతరం టెయిలెండర్లతో కలిసి ఇన్నింగ్స్‌ను ముందుకు నడిపించాడు. చివరి వికెట్‌కు సయ్యద్‌ ఖలేద్‌ అహ్మద్‌తో కలిసి ఏకంగా 69 పరుగుల భాగస్వామ్యం నెలకొల్పాడు. ఈ క్రమంలో 141 బంతులు ఎదుర్కొని 109 పరుగులతో అజేయంగా నిలిచాడు. మిరాజ్‌ పోరాటంతో బంగ్లాదేశ్‌ 75.5 ఓవర్లలో 263 పరుగులకు ఆలౌటైంది.బంగ్లా బౌలర్ల మెరుపు ఆరంభంబ్యాటింగ్‌లో మిరాజ్‌ ఆదుకోగా.. బౌలింగ్‌లో హసన్‌ మహమూద్‌, తస్కిన్‌ అహ్మద్‌ అదరగొట్టారు. ఆసీస్‌ ఓపెనర్లు సామ్‌ కొన్‌స్టాస్‌, క్యాంప్‌బెల్‌ కెల్లవేలను తొలి మూడు ఓవర్లలోనే పెవిలియన్‌కు పంపారు.అయితే కర్టిస్‌ ప్యాటర్సన్‌, జోష్‌ ఫిలిప్‌ కలిసి ఇన్నింగ్స్‌ను చక్కదిద్దారు. మూడో వికెట్‌కు అజేయంగా 49 పరుగులు జోడించారు. దీంతో తొలి రోజు ఆట ముగిసే సమయానికి సీఏ ఎలెవెన్‌ 2 వికెట్ల నష్టానికి 51 పరుగుఉలు చేసింది.23 ఏళ్ల తర్వాత ఆస్ట్రేలియాలో బంగ్లాదేశ్‌బంగ్లాదేశ్‌ చివరిసారిగా 2003లో ఆస్ట్రేలియాలో పర్యటించింది. అప్పటితో పోలిస్తే ప్రస్తుత బంగ్లా జట్టు చాలా మెరుగుపడింది.టెస్టులకు ముందు మంచి సన్నాహకంఆస్ట్రేలియాతో జరగబోయే రెండు టెస్టుల సిరీస్‌ కోసం బంగ్లాదేశ్‌ బలమైన జట్టుతో వచ్చింది. తస్కిన్‌ అహ్మద్‌, హసన్‌ మహమూద్‌, ఎబాదత్‌ హొస్సేన్‌, సయ్యద్‌ ఖలేద్‌ అహ్మద్‌, మహ్మద్‌ ముస్ఫిక్‌ హసన్‌లతో పేస్‌ విభాగం బలంగా కనిపిస్తోంది.

క్రీడాంశాలు తగ్గిపోయినా... పతకాల వేటలో మాత్రం భారత క్రీడాకారులు జోరు కొనసాగించారు. 2022 బర్మింగ్‌హామ్‌ గేమ్స్‌లో సాధించిన ఓవరాల్‌ నాలుగో స్థానాన్ని 2026 గ్లాస్గో గేమ్స్‌లోనూ నిలబెట్టుకున్నారు. స్కాట్లాండ్‌లో 11 రోజులపాటు జరిగిన కామన్వెల్త్‌ గేమ్స్‌కు ఆదివారం తెరపడింది. 74 దేశాల నుంచి 2,729 మంది క్రీడాకారులు 10 క్రీడాంశాల్లో పోటీపడ్డారు. ఆ్రస్టేలియా మరోసారి తమ ఆధిపత్యాన్ని చాటుకొని 171 పతకాలతో అగ్రస్థానాన్ని అలంకరించింది. 110 పతకాలతో ఇంగ్లండ్‌ రెండో స్థానం దక్కించుకోగా... 62 పతకాలతో కెనడా మూడో స్థానాన్ని సంపాదించింది. 39 పతకాలతో భారత్, స్కాట్లాండ్‌ సంయుక్తంగా నాలుగో స్థానంలో నిలిచాయి. రెండు దేశాలు 13 చొప్పున స్వర్ణాలు గెలుపొందగా... స్కాట్లాండ్‌కంటే ఎక్కువ రజతాలు నెగ్గిన భారత్‌కు నాలుగో స్థానం ఖరారైంది. 2022 బర్మింగ్‌హామ్‌ గేమ్స్‌లో భారత్‌ 61 పతకాలతో నాలుగో స్థానంలోనే నిలిచింది. బర్మింగ్‌హామ్‌ గేమ్స్‌లో భారత్‌ పతకాలు నెగ్గిన క్రీడాంశాలు బ్యాడ్మింటన్, హాకీ, టేబుల్‌ టెన్నిస్, రెజ్లింగ్, స్క్వాష్, టి20 క్రికెట్‌ ఈసారి లేకపోవడంతో ఈసారి మనం గెలిచిన పతకాల సంఖ్య తగ్గింది. తదుపరి 2030 కామన్వెల్త్‌ గేమ్స్‌కు భారత్‌ ఆతిథ్యమివ్వనుంది. గుజరాత్‌లోని అహ్మదాబాద్‌ నగరం ఈ మెగా ఈవెంట్‌కు వేదిక కానుంది. గ్లాస్గో: ఆఖరి రోజును పతకంతో ముగించాలని ఆశించిన భారత బృందానికి నిరాశ ఎదురైంది. గ్లాస్గో కామన్వెల్త్‌ గేమ్స్‌లో చివరిరోజు భారత్‌ పతకం గెలవకుండానే ముగించింది. జూడోలో మహిళల 78 కేజీల విభాగంలో భారత క్రీడాకారిణి ఇష్‌రూప్‌ నారంగ్‌ కాంస్య పతక పోరుకు అర్హత సాధించింది. అయితే కాంస్య పతక బౌట్‌లో ఇష్‌రూప్‌ కెనడా ప్లేయర్‌ కొరాలీ గాడ్‌బౌట్‌ చేతిలో ఓడిపోయింది. ఇక ఆఖరి ఈవెంట్‌ సైక్లింగ్‌ 40 కిలోమీటర్ల పాయింట్స్‌ రేస్‌లో భారత ప్లేయర్లు హర్ష్ వీర్, దినేశ్‌ క్వాలిఫయింగ్‌ రౌండ్‌లోనే వెనుదిరిగారు. వెరసి గ్లాస్గో కామన్వెల్త్‌ గేమ్స్‌ చివరిరోజు భారత్‌ ఖాతాలో ఒక్క పతకం కూడా చేరలేదు. ఓవరాల్‌గా భారత్‌ 13 స్వర్ణాలు, 17 రజతాలు, 9 కాంస్యాలతో కలిపి 39 పతకాలతో నాలుగో స్థానాన్ని సొంతం చేసుకుంది. తద్వారా 2002 మాంచెస్టర్‌ కామన్వెల్త్‌ గేమ్స్‌ నుంచి వరుసగా ఏడో గేమ్స్‌లోనూ భారత్‌ టాప్‌–5లో నిలిచింది. మరోవైపు ఆ్రస్టేలియా 70 స్వర్ణాలు, 45 రజతాలు, 56 కాంస్యాలతో కలిపి 171 పతకాలతో నంబర్‌వన్‌ ర్యాంక్‌ను కైవసం చేసుకుంది. ఇంగ్లండ్‌ 29 స్వర్ణాలు, 45 రజతాలు, 36 కాంస్యాలతో కలిపి 110 పతకాలతో రెండో స్థానం దక్కించుకుంది. కెనడా 19 స్వర్ణాలు, 20 రజతాలు, 23 కాంస్యాలతో కలిపి 62 పతకాలతో మూడో స్థానంలో నిలిచింది. గ్లాస్గో గేమ్స్‌లో చివరి స్వర్ణం ‘ఐల్‌ ఆఫ్‌ మ్యాన్‌’ దేశం ఖాతాలోకి వెళ్లింది. పురుషుల సైక్లింగ్‌ 40 కిలోమీటర్ల పాయింట్స్‌ రేస్‌ ఫైనల్లో ‘ఐల్‌ ఆఫ్‌ మ్యాన్‌’ సైక్లిస్ట్‌ మాథ్యూ బోస్టాక్‌ పసిడి పతకం గెలిచాడు. అర్ధరాత్రి గం. 1:30 నుంచి జరిగిన ముగింపు వేడుకల్లో భారత బృందానికి స్వర్ణ పతకం గెలిచిన మహిళా బాక్సర్‌ జైస్మిన్‌ లంబోరియా ఫ్లాగ్‌ బేరర్‌గా వ్యవహరించింది. తదుపరి 2030 కామన్వెల్త్‌ గేమ్స్‌కు భారత్‌లోని అహ్మదాబాద్‌ నగరం ఆతిథ్యమివ్వనుంది.45 గ్లాస్గో కామన్వెల్త్‌ గేమ్స్‌లో కనీసం ఒక్క పతకమైనా సాధించిన దేశాలు. ఇందులో 25 దేశాలు కనీసం ఒక్క స్వర్ణ పతకమైనా గెలిచాయి.5 గ్లాస్గో కామన్వెల్త్‌ గేమ్స్‌లో భారత క్రీడాకారులు ఒక్క పతకం నెగ్గని క్రీడాంశాలు జిమ్నాస్టిక్స్, స్విమ్మింగ్, సైక్లింగ్, బాస్కెట్‌బాల్, లాన్‌ బౌల్స్‌21 ఈసారి భారత్‌ గెలిచిన 39 పతకాల్లో 21 పతకాలు తొలిసారి ఈ క్రీడల్లో పాల్గొన్నవారు గెలిచారు.

ఒంటరిగా నిరసన చేయడానికి ఎంతో గుండె నిబ్బరం కావాలి. అది ప్రజల మనసును కదిలించి..అందుకు అందరూ చేయి చేయి కలిపి ముందు వచ్చేలా చేయగలగాలి. సమస్య పరిష్కారం దిశగా నడిపించగలగాలి. అందుకు నిరసనలో ప్రత్యేకత తప్పనిసరి. ముఖ్యంగా యావత్తు ప్రపంచాన్ని విస్మయానికి గురిచేసేలా ప్రేరేపించాలి. అచ్చం అలాంటి నిరసననే చేపట్టి మొత్తం ప్రపంచం దృష్టిని ఆకర్షించింది ఈ చిన్నది. పైగా ఆ సమస్యపై ప్రతి పౌరుడు బాధ్యత వహించేలా చేసి ప్రభుత్వాన్నే చైతన్యపరిచింది.ఆ అమ్మాయే మిరాండా గిబ్సన్. ఆమె ఏమి మొదటి నుంచి పర్యావరణ కర్త కాదు. ఆస్ట్రేలియాలోని క్వీన్స్‌లాండ్లో ఇప్స్‌విచ్‌లో పెరిగిన ఆమెకు అడవులు గురించి అంతగా తెలియదు, వాటితో పరిచయం కూడా లేదు. సరిగ్గా టీనేజ్‌ వయసులో విశ్వవిద్యాలయ చదువుల సమయంలో అటవీ కార్యకలాపాల్లో పాలుపంచుకుంది. టాస్మానియా అడవులు ఎలా అంతరించిపోతున్నాయో తెలుసుకుంది. అలా ఆ చెట్ల నరికివేతకు వ్యతిరేకంగా జరుగుతున్న ప్రచారాల గురించి తెలుసుకోవడం ప్రారంభించింది. ఆ తర్వాత ఆ అడవులు ఉండే రాష్ట్రాన్ని సందర్శించి ఆ సమస్యను కళ్లారా చూసి.. చలించిపోయింది. అక్కడ అప్పర్ ఫ్లోరెంటైన్ లోయకు ఒక పర్యటనలో అప్పటికే మొద్దుగా మారిపోయిన ఒక భారీ చెట్టు ఆమెకు ఎదురైంది. ఆ దృశ్యం రానున్న రోజుల్లో ఎంతటి నష్టాన్ని దారితీయనున్నదో తెలియజేసిందామెకు. దాంతో సెలవుల్లో నిరసనలలో చేరేందుకు టాస్మానియాకు తిరిగి రావడం ప్రారంభించింది. ఆ తర్వాత ప్రచార కార్యకర్తలతో పనిచేయడం మొదలుపెట్టడమే కాకుండా అక్కడే స్థిరపడింది. అలా ఆమె అప్పర్ ఫ్లోరెంటైన్ లోయ దిగ్బంధంలో సంవత్సరాలు గడిపింది. కానీ అడువులు కనుమరుగవుతూ ఉండటాన్ని సాంప్రదాయ నిరసనలు తగినంత ప్రభావాన్ని చూపించడం లేదని గుర్తించింది. టాస్మానియా అడవులను దాటి ఈ విధ్వంసాన్ని ప్రపంచానికి కనిపించేలా చేయడానికి ఒక మార్గం కోసం వెతికి మరి.. 'ట్రీ సిట్ నిరసన'ను ఎంచుకుందామె. అదీగాక కలప నరికివేత ఉన్న ప్రాంతంలో ఇంటర్నెట్ కనెక్షన్ అందుబాటులో ఉందని తెలుసుకుందామె. ఆ కనెక్షన్ ద్వారా, ఆమె అడవిలోని చిత్రాలను నేరుగా ప్రపంచవ్యాప్తంగా ఉన్న ప్రజలకు ప్రసారం చేయగలిగితే తన పని సులువవుతుందని అనుకుంది. అలా గిబ్సన్‌ డిసెంబర్‌ 14, 2011న అడవిలోని ఒక చెట్టుని ఎంచుకుని, దానిపై సుమారు 60 కిలోమీటర్ల ఎత్తులో ఒక చిన్న వేదికపై కూర్చొని నిరసన ప్రారంభించింది. అంతేగాదు అడవికి రక్షణ లభించేంత వరకు 'ట్రీ సిట్' నిరసన కొనసాగిస్తానని ప్రకటించింది. ఆమె చెట్టుపై ఏర్పాటు చేసుకున్న ఆవాసం చాలా సాధారణమైనది. కేవలం 1.5 మీటర్ల వెడల్పుతో పరిమిత స్థలాన్ని మాత్రమే అందించింది. అలా ఆమె ఏకంగా 449 రోజులు ఒంటరిగా ఆ చెట్టుపైనే గడిపింది. టాస్మానియా అనూహ్య వాతావరణం మార్పులన్నింటిని తట్టుకుంది. తాజా సమాచారాన్ని పంచుకునేందుకు సౌరశక్తితో నడిచే కంప్యూటర్‌ని వినియోగించింది. చురుకుగా ఉండటానికి ఒక చిన్న వాకింగ్ మెషీన్‌, యోగ సాధన వంటి దినచర్యతో ఒంటరిగా ఆ చెట్టుపైనే నిరసన చేసింది. ఈ నిరసన ఫలితంగా ఆమె కనీస అవసరాలను తీర్చుకోవడానికి చాలా కష్టపడాల్సి వచ్చినా వెనక్కి తగ్గలేదు. ఆ చెట్టుపైనే ఉంటూ.. పచ్చి ఆహారమే తింటూ నిరసన కొనసాగించింది. ముఖ్యంగా ఒంటరితనం, నిత్యావసరాలను సర్దుకుని మరి కొనసాగించక తప్పని స్థితి అయినా అధైర్యపడలేదు. అనుకున్నట్లుగానే నెలలు గడిచేకొద్దీ, గిబ్సన్ చెట్టుపై కూర్చోవడం అంతర్జాతీయ దృష్టిని ఆకర్షించింది. అంతేగాదు ప్రజల నుంచి అమితమైన స్పందన మద్దతు లభించాయి. అలా 2013 ప్రారంభంలో టాస్మానియా ప్రపంచ వారసత్వ సంపదగా గుర్తించడమే గాక అడవుల విస్తరణకు కూడా గ్రీన్‌సిగ్నల్‌ ఇచ్చింది. అయితే అదంతా అధికారికంగా గుర్తింపు లభించేంత వరకు ఆ చెట్టుపైనే ఉండి నిరసన చేద్దాం అనుకుంటే ప్రకృతి కార్చిచ్చు రూపంలో వ్యతిరేకించడంతో నిరసనను విరమించక తప్పలేదు గిబ్సన్‌కి. ఎలాగైతేనేం ఆమె పోరాటం ఫలించింది. గిబ్సన్‌ గడిపిన చెట్టుతో సహా అటవీ ప్రాంతాలకు అదనపు రక్షణను ప్రపంచ వారసత్వ కమిటీ ఆమోదించింది. గిబ్సన్‌ 449 రోజులు గడిపిన ఆ నివాస చెట్టుకి అధికారిక గుర్తింపు లభించింది. అయితే గిబ్సన్ ఆ తర్వాత పూర్తికాల కార్యకర్తగా తన వృత్తిని విడిచిపెట్టి, మెల్బోర్న్‌లో ఉపాధ్యాయురాలిగా పనిచేయడం ప్రారంభించింది. టాస్మానియా అడవులపై జరుగుతున్న విస్తృత పోరాటంలో ఆ చెట్టుపై ఆమె గడిపిన సమయం ఒక కీలక అధ్యాయంగా నిలిచింది.(చదవండి: సీతగా అలరించనున్న సాయిపల్లవి జపమాల ఎందుకు ధరిస్తుందంటే..!)

కాన్‌బెర్రా: ఆస్ట్రేలియన్ క్యాపిటల్ టెరిటరీ (ఏసీటీ) విద్యార్ధి సంక్షోభం, అవినీతి ఆరోపణల నేపథ్యంలో ఆ రాష్ట్ర విద్యాశాఖ మంత్రి ఇవెట్ బెర్రీ తన పదవికి రాజీనామా చేశారు. తన శాఖలోని ఇద్దరు సీనియర్ ప్రభుత్వ ఉద్యోగులు అవినీతికి పాల్పడినట్లు సమగ్ర విచారణలో తేలడంతో ఆమె ఈ నిర్ణయం తీసుకున్నారు. ఈ కుంభకోణంలో తనకు ఎటువంటి ప్రమేయం లేదని విచారణ కమిషన్ స్పష్టం చేసినప్పటికీ, నైతిక బాధ్యత వహిస్తూ బెర్రీ కేబినెట్ నుంచి వైదొలగడం విశేషం. రూ. 18.2 మిలియన్ల విలువైన పాఠశాల కాంట్రాక్ట్‌ను రియల్ ఎస్టేట్ సంస్థకు కట్టబెట్టడంతో ఈ అవినీతి జరిగినట్లు ఏబీసీ నివేదిక వెల్లడించింది.భారతదేశంలో అత్యంత కీలకమైన వైద్యవిద్య ప్రవేశ పరీక్షల పేపర్ లీకేజీ అంశంపై విద్యార్థులు పెద్ద ఎత్తున రోడ్లపైకి వచ్చి ఆందోళనలు చేపట్టడంతో, విద్యాశాఖ మంత్రి ధర్మేంద్ర ప్రధాన్ తన పదవికి రాజీనామా చేయాల్సి వచ్చింది. ఆస్ట్రేలియాలోని బెర్రీ రాజీనామా ఉదంతంతో భారత విద్యాశాఖ మంత్రి వైదొలగిన తీరును పలువురు పోల్చి చూస్తున్నారు. ఏసీటీ రాజకీయాల్లో కీలక నేతగా, సుదీర్ఘకాలం డిప్యూటీ ముఖ్యమంత్రిగా పనిచేసిన బెర్రీ ఉదంతం ప్రస్తుతం అంతర్జాతీయ స్థాయిలో చర్చనీయాంశమైంది.ఇది కూడా చదవండి: జైలుపాలైన లాలూ ప్రసాద్ పెద్ద కుమారుడు!

ఆస్ట్రేలియాతో జరుగబోయే రెండు మ్యాచ్‌ల టెస్ట్‌ సిరీస్‌కు ముందు బంగ్లాదేశ్‌ కెప్టెన్‌ నజ్ముల్ హొస్సేన్ శాంటో ఆసక్తికర వ్యాఖ్యలు చేశాడు. ఈ సిరీస్‌ కోసం క్రికెట్‌ ఆస్ట్రేలియా తమ అత్యుత్తమ జట్టును ప్రకటించడం బంగ్లాదేశ్ క్రికెట్‌కు గౌరవకరమైన విషయమని పేర్కొన్నాడు. ఈ సిరీస్‌ను ఆస్ట్రేలియా ఏమాత్రం తేలికగా తీసుకోవడం లేదని అభిప్రాయపడ్డాడు."గతంలో మా జట్టుతో ఆడేటప్పుడు ప్రత్యర్థులు తరచూ ప్రయోగాలు చేసేవారు. కానీ ఈసారి ఆస్ట్రేలియా పూర్తి బలంతో కూడిన జట్టును పంపడం మా జట్టు సాధించిన గుర్తింపుగా భావిస్తున్నాను. ఇది ప్రపంచ స్థాయి జట్టుతో మా సామర్థ్యాన్ని నిరూపించుకునే గొప్ప అవకాశం" అని శాంటో అన్నాడు.ఆస్ట్రేలియా జట్టులో స్టీవ్ స్మిత్, మార్నస్ లబుషేన్, ట్రావిస్ హెడ్, మిచెల్ స్టార్క్, జోష్ హేజిల్‌వుడ్, స్కాట్ బోలాండ్, నాథన్ లియాన్, కామెరూన్ గ్రీన్, బో వెబ్‌స్టర్ వంటి స్టార్ ఆటగాళ్లు చోటు దక్కించుకున్నారు.అయితే సిరీస్‌కు ముందు బంగ్లాదేశ్‌కు గాయాల సమస్యలు వెంటాడుతున్నాయి. వికెట్‌కీపర్ బ్యాటర్ లిట్టన్ దాస్ ఇంకా కాఫ్ గాయం నుంచి కోలుకోలేదు. అలాగే ఫాస్ట్‌ బౌలర్లు నహీద్ రానా (సైడ్ స్ట్రెయిన్), షోరిఫుల్ ఇస్లాం (హామ్‌స్ట్రింగ్ గాయం) కూడా ఫిట్‌నెస్ సమస్యలతో బాధపడుతున్నారు.మరో పేసర్ ఎబాదోత్ హొస్సేన్ ఇటీవలే జన్మించిన తన బిడ్డతో ఉండేందుకు ఈ సిరీస్‌కు దూరంగా ఉండాలని నిర్ణయించుకున్నాడు. అయితే అవసరమైతే తిరిగి జట్టుతో చేరే అవకాశముందని సమాచారం.తొలి టెస్ట్‌ డార్విన్‌ వేదికగా ఆగస్టు 13-17 వరకు, రెండో టెస్ట్‌ మెక్‌కే వేదికగా ఆగస్టు 22-26 మధ్య జరగనుంది. దీనికి ముందు పర్యాటక బంగ్లాదేశ్‌ క్రికెట్‌ ఆస్ట్రేలియా ఎలెవెన్‌తో ఓ మూడు రోజుల వార్మప్‌ మ్యాచ్‌ ఆడనుంది. ఈ మ్యాచ్‌ ఆగస్టు 6-8 వరకు డార్విన్‌ వేదికగా జరుగనుంది.

నెలకు దాదాపు రూ.4 లక్షల ఆదాయం, ఖర్చులు తక్కువ, మంచి పొదుపు.. అయినప్పటికీ భారత్‌లో భవిష్యత్తు కనిపించడం లేదని, విదేశాలకు వెళ్లి స్థిరపడాలని కోరుకుంటున్న 26 ఏళ్ల రిమోట్ ఉద్యోగి వ్యాఖ్యలు సోషల్ మీడియాలో చర్చనీయాంశంగా మారాయి. ఈ అంశం వ్యక్తిగత ఆర్థిక ప్రణాళికతో పాటు యువతలో పెరుగుతున్న వలస ధోరణిపై మరోసారి చర్చకు దారితీసింది.'ఫిక్స్ యువర్ ఫైనాన్స్' అనే పోడ్‌కాస్ట్‌లో పర్సనల్ ఫైనాన్స్ కోచ్ అన్షుమన్ శర్మతో మాట్లాడిన డేనియల్ (మార్చిన పేరు కావచ్చని భావిస్తున్నారు) ప్రస్తుతం యూరప్‌కు చెందిన ఒక సంస్థలో రిమోట్‌గా పనిచేస్తున్నట్లు తెలిపాడు. తనకు నెలకు సుమారు 3,700 యూరోలు జీతంగా వస్తోందని, భారత కరెన్సీలో అది సుమారు రూ.4 లక్షలు ఉంటుందని వివరించాడు. తన నెలవారీ ఖర్చులు కేవలం రూ.1.20 లక్షల వరకు మాత్రమే ఉండటంతో మిగిలిన మొత్తాన్ని పొదుపు చేస్తున్నానని చెప్పాడు.ఆస్ట్రేలియాకు వెళ్తాడట..ఈ ఏడాది చివర్లో ఆస్ట్రేలియా పర్మినెంట్ రెసిడెన్సీ (PR) కోసం దరఖాస్తు చేసుకోవాలని భావిస్తున్నట్లు డేనియల్ వెల్లడించాడు. దీనిపై స్పందించిన అన్షుమన్ శర్మ, ప్రతి నెలా రూ.1.5 లక్షలను రికరింగ్ డిపాజిట్ (RD)లో పెట్టుబడి పెడితే, కొన్ని నెలల్లోనే పీఆర్ ప్రక్రియకు అవసరమైన నిధులు సిద్ధమవుతాయని సూచించారు."డబ్బు కాదు.. జీవన నాణ్యత ముఖ్యం"ఇంత మంచి ఆదాయం ఉన్నప్పటికీ ఎందుకు విదేశాలకు వెళ్లాలని అనుకుంటున్నావని అడగగా, డేనియల్ ఆసక్తికర సమాధానం ఇచ్చాడు. తన నిర్ణయం పూర్తిగా జీవన నాణ్యత (Quality of Life), పాలన, పిల్లల భవిష్యత్తు వంటి అంశాలపై ఆధారపడి ఉందని చెప్పాడు. భారత్‌లో దీర్ఘకాలికంగా తన కుటుంబానికి ఆశించిన స్థాయి అవకాశాలు కనిపించడం లేదని అభిప్రాయపడ్డాడు.అన్షుమన్ శర్మ కూడా యువతలో పెరుగుతున్న వలస ఆలోచనలపై మాట్లాడుతూ, అధిక పన్నులు, కాలుష్యం, విద్యా వ్యవస్థలోని సమస్యలు, ఉద్యోగాలపై అనిశ్చితి వంటి కారణాలు చాలా మందిని విదేశాల వైపు ఆకర్షిస్తున్నాయని వ్యాఖ్యానించారు.సోషల్ మీడియాలో భిన్న స్పందనలుఈ వీడియో వైరల్ కావడంతో నెటిజన్లు మిశ్రమ అభిప్రాయాలు వ్యక్తం చేశారు. "ఆస్ట్రేలియాలో కూడా ఆదాయపు పన్ను చాలా ఎక్కువే" అని కొందరు గుర్తుచేశారు. మరికొందరు "అక్కడ జీవన వ్యయం కూడా భారీగా ఉంటుంది. నెలకు 3,700 యూరోలు లేదా దానికి సమానమైన ఆదాయంతో ఆస్ట్రేలియాలో పెద్దగా పొదుపు చేయడం కష్టమే" అని వ్యాఖ్యానించారు.ఇంకొందరు విదేశాల్లో నివసిస్తున్న భారతీయులు మాత్రం, "విదేశాల్లో అవకాశాలు ఉన్నప్పటికీ భారత్‌లో కుటుంబ బంధాలు, తక్కువ జీవన వ్యయం వంటి ప్రయోజనాలు కూడా ఉన్నాయి. ప్రతి ఒక్కరి పరిస్థితి వేరు" అని అభిప్రాయపడ్డారు.వాస్తవ పరిస్థితి ఏమిటి?ఇటీవలి సంవత్సరాల్లో ఆస్ట్రేలియా, కెనడా వంటి దేశాలు నైపుణ్యం కలిగిన వలసదారులపై ఇమ్మిగ్రేషన్ నిబంధనలను మరింత కఠినతరం చేస్తున్నాయి. అలాగే అక్కడ ఇంటి అద్దెలు, ఆరోగ్య సేవలు, జీవన వ్యయం గణనీయంగా పెరిగాయి. అందువల్ల విదేశాలకు వెళ్లే ముందు ఉద్యోగ భద్రత, వీసా నిబంధనలు, పన్నులు, జీవన వ్యయం, కుటుంబ అవసరాలు వంటి అన్ని అంశాలను సమగ్రంగా పరిశీలించాలని ఆర్థిక నిపుణులు సూచిస్తున్నారు.

భారత సంతతికి చెందిన మరో ఇద్దరు క్రికెటర్లు ఆస్ట్రేలియాలో వేగంగా గుర్తింపు తెచ్చుకుంటున్నారు. ఇటీవలే ఢిల్లీలో పుట్టిన నిఖిల్‌ చౌదరి ఆసీస్‌ తరఫున అరంగేట్రం చేయగా.. తాజాగా జెర్సిస్ వాడియా, ఆర్యన్ శర్మ అనే ఇద్దరు కుర్రాళ్లు క్రికెట్‌ ఆస్ట్రేలియాకు చెందిన వేర్వేరు జట్లకు ఎంపికయ్యారు.ముంబైలో జన్మించిన జెర్సిస్ వాడియా దక్షిణ ఆస్ట్రేలియా తరఫున దేశవాళీ క్రికెట్ ఆడుతున్నాడు. స్వదేశంలో బంగ్లాదేశ్‌తో జరగనున్న మూడు రోజుల ప్రాక్టీస్ మ్యాచ్ కోసం క్రికెట్ ఆస్ట్రేలియా ఎలెవన్ జట్టులో అతడికి అవకాశం లభించింది. ఇటీవల బిగ్ బాష్ లీగ్‌లో అడిలైడ్ స్ట్రైకర్స్ తరఫున బ్రిస్బేన్ హీట్‌పై తొలి మూడు బంతులకే వరుసగా మూడు సిక్సర్లు బాది సంచలనంగా మారాడు.మరోవైపు 18 ఏళ్ల ఆల్‌రౌండర్ ఆర్యన్ శర్మను చెన్నైలోని ఎంఆర్ఎఫ్ పేస్ అకాడమీ కార్యక్రమం కోసం ఆస్ట్రేలియా డెవలప్‌మెంట్ స్క్వాడ్‌లోకి ఎంపిక చేశారు. కుడిచేతి బ్యాటర్, ఎడమచేతి స్పిన్ బౌలర్ అయిన ఆర్యన్ ప్రస్తుతం ఆస్ట్రేలియా అండర్-19 జట్టు, మెల్‌బోర్న్ స్టార్స్‌కు ప్రాతినిధ్యం వహిస్తున్నాడు.వలస కుటుంబంలో జన్మించిన ఆర్యన్ శర్మ చిన్నప్పటి నుంచే ఆస్ట్రేలియా తరఫున ఆడాలని లక్ష్యంగా పెట్టుకున్నాడు. 10 ఏళ్ల వయసులోనే "18 ఏళ్లకు ఆస్ట్రేలియా జట్టుకు ఆడాలి" అని రాసుకున్న లక్ష్యాన్ని అండర్-19 జాతీయ జట్టులో చోటు దక్కించుకుని నిజం చేసుకున్నాడు.వీరిద్దరి ఎంట్రీతో క్రికెట్‌ ఆస్ట్రేలియాలో భారత సంతతి ఆటగాళ్ల సంఖ్య ఐదుకు చేరింది. నిఖిల్‌ చౌదరికి ముందు గురిందర్‌ సంధు, తన్వీర్‌ సంఘా ఆస్ట్రేలియా తరఫున అరంగేట్రం చేయగా.. తాజాగా జెర్సిస్ వాడియా, ఆర్యన్ శర్మ ఆసీస్‌ అరంగేట్రానికి రెడీ అయ్యారు. ఇంకా చాలామంది భారత సంతతి చెందిన క్రికెటర్లు ఆస్ట్రేలియాలో క్రికెట్‌ అవకాశాల కోసం ఎదురుచూస్తున్నారు.

సాక్షి, హైదరాబాద్‌: ఆ్రస్టేలియాలోని బాండీ బీచ్‌లో గతేడాది డిసెంబర్‌ 14న యూదులు లక్ష్యంగా ఐసిస్‌ సానుభూతిపరులైన సాజిద్‌ అక్రమ్, నవీద్‌ అక్రమ్‌ మారణహోమానికి తెగబడ్డ వేళ 20 మందిని కాపాడిన హైదరాబాదీ వీరుడు రెహ్మత్‌ పాషాకు ఆ దేశ ప్రభుత్వం అరుదైన గౌరవం అందించింది. క్యాబ్‌ డ్రైవర్‌గా పనిచేస్తున్న రెహ్మత్‌ పాషా ప్రదర్శించిన తెగువను పరిగణనలోకి తీసుకొని అతనికి శాశ్వత పౌరసత్వం కల్పించింది. అలాగే అసమాన ధైర్యసాహసాలు ప్రదర్శించే వారికి అందించే ఓజెడ్‌ బ్రేవరీ అవార్డుకు సైతం నామినేట్‌ చేసింది. ప్రజలను కాపాడే సమయంలో పాషా వినియోగించిన టోపీని మ్యూజియంలో పెట్టింది. వీలున్నంత వరకు సహకరించాలని... బాండీ బీచ్‌లో హనుక్కా వేడుకలు జరుపుకుంటున్న స్థానిక యూదులు లక్ష్యంగా ఇద్దరు దుండగులు విచక్షణారహితంగా కాల్పులు జరుపుతుండటంతో అప్రమత్తమైన రెహ్మత్‌ పాషా క్షతగాత్రులను కాపాడాలని నిర్ణయించుకున్నారు. క్షతగాత్రులను చెట్లు, బెంచీలు, స్టీల్‌ కిచెన్‌ నిర్మాణాల వెనుకకు ఈడ్చుకెళ్లారు. బాధితులను అంబులెన్సుల వరకు తరలించడంలోనూ కీలకపాత్ర పోషించారు. కానీ ఆ తర్వాత పాషా పోస్ట్‌ ట్రామాటిక్‌ స్ట్రెస్‌ డిజార్డర్‌ (పీడీఎస్‌డీ) బారినపడ్డారు. దీంతో తాత్కాలికంగా క్యాబ్‌ డ్రైవర్‌ ఉద్యోగానికి సైతం దూరమయ్యారు.దీనిపై స్పందించిన ఆ్రస్టేలియా ప్రభుత్వం.. పాషాకు ఆర్థిక సాయం, వైద్య చికిత్స, కౌన్సెలింగ్‌ అందించింది. తాజాగా ఆ్రస్టేలియా మంత్రి టోనీ బర్క్‌ స్వయంగా పాషాకు ఫోన్‌ చేసి పర్మనెంట్‌ రెసిడెన్సీ మంజూరు చేస్తున్నట్లు, ‘ఓజెడ్‌ బ్రేవరీ అవార్డు కోసం సిఫార్సు చేసినట్లు తెలిపారు. కాగా, ఈ మారణహోమానికి పాల్పడ్డ సాజిద్, నవీద్‌లు సైతం హైదరాబాదీలే కావడం గమనార్హం. పోలీసుల ఎదురుకాల్పుల్లో సాజిద్‌ మృతిచెందగా నవీద్‌ జైల్లో ఉన్నాడు.

ఆస్ట్రేలియాకు చెందిన 34 ఏళ్ల జెనిటార్ సా నా’అమోవానా ఒక ఆశ్చర్యకరమైన పరిస్థితిని ఎదుర్కొంటోంది. ఈమె ఇటీవల నలుగురు ఆడపిల్లలకు జన్మనిచ్చింది. నలుగురూ ఎంతో ఆరోగ్యంగా ఉన్నారు. అప్పటికే నలుగురు చిన్న పిల్లలను పెంచుతున్న ఆ దంపతుల ఇల్లు ఈ నలుగురు పాపల రాకతో మొత్తం ఎనిమిది మంది సభ్యుల కుటుంబంగా మారింది. కానీ ఈ సంతోషకరమైన పరిణామం రాత్రికి రాత్రే వారికి సరికొత్త సవాళ్లను తెచ్చిపెట్టింది.నలుగురు ఆడపిల్లలు పుట్టడం తల్లిదండ్రులు తాము మర్చిపోలేని ఆశీర్వాదంగా అభివర్ణించారు. కానీ వారిని సంరక్షించేందుకు ఆర్థిక వనరులు అవసరమం. ముఖ్యంగా డైపర్లు, ఫార్ములా పాలు, బట్టలు లాంటి రోజువారీ ఖర్చులు ఊహించని భారమే. అయితే ఒకేసారి నలుగురు నవజాత శిశువులను పోషించేందుకు స్నేహితులు, అభిమానులు మొదట్లో చాలా సాయంగా నిలిచారు. మరికొంతమంది ఆ దంపతుల పట్ల ప్రశంసలు కురిపిస్తూ ప్రోత్సాహాన్ని అందిస్తున్నారు. ఇంత పెద్ద కుటుంబాన్ని నిర్వహించే క్రమంలో సమాజం నుండి లభిస్తున్న ఈ మద్దతు వారికి ఎంతో విలువైందిగా మారింది.అయితే వీరికి ఇంకో సమస్య వచ్చి పడింది. వీళ్లందరితో ప్రయాణించేందుకు ప్రస్తుతం ఉన్న కారులో అందరూ సురక్షితంగా కూర్చోవడానికి సరిపడా సీట్లు లేవు. ఆసుపత్రి పర్యటనలు, స్కూల్ డ్రాప్‌లు, ఇతర ప్రయాణాలు సులభంగా సాగేందుకు 10 సీట్ల వ్యాన్ (10-seater van)అవసరం ఉంటుందని ఆ కుటుంబం భావిస్తోంది. అలాంటి వ్యాన్‌ను కొనుగోలు చేయడానికి ఆ తల్లి ఆన్‌లైన్‌లో విరాళాల సేకరణను (fundraising) ప్రారంభించడం విశేషంగా నిలిచింది. తమ ఏడుగురు పిల్లలందరికీ సౌకర్యవంతమైన, సురక్షితమైన వాతావరణాన్ని అందించడానికి సరైన వాహనం, వనరులు ఉన్నాయని నిర్ధారించుకోవడమే ఆ కుటుంబం తక్షణ లక్ష్యంగాపెట్టుకుంది.డాక్టర్ అలెక్సా బెండాల్ ఏమన్నారంటేమోనోజైగోటిక్ క్వాడ్రప్లెట్స్ (ఒకే ఫలదీకరణం చెందిన అండం నుండి ఏర్పడిన ఒకేలా ఉండే నలుగురు శిశువులు) ప్రపంచంలోనే అత్యంత అరుదైన గర్భధారణ రకాల్లో ఒకటి. నామోనా విషయంలో విశేషం ఏమిటంటే, ఆమెకు పుట్టిన ఈ నలుగురు శిశువులకు ఒకే మాయ (placenta) అని నామెనాకు వైద్యం చేసిన డాక్టర్‌, రాయల్ బ్రిస్బేన్ అండ్ ఉమెన్స్ హాస్పిటల్‌కు చెందిన ఫీటల్ మెడిసిన్,ప్రసూతి వైద్యురాలు డాక్టర్ అలెక్సా బెండాల్ తెలిపారు. 1.5 కోట్ల కేసుల్లో ఒకరికి మాత్రమే జరుగుతుందని భావిస్తున్నామన్నారు. ప్రపంచంలో ఇతర ప్రాంతాల్లో ఒకటి రెండు కేసులు ఉండి ఉండవచ్చు కానీ ఆస్ట్రేలియాలో తమకు తెలిసినంత వరకు ఇదే ఏకైక కేసు అని చెప్పారు. View this post on Instagram A post shared by Brisbane Times (@brisbane_times) ఇదీ చదవండి: ఉద్యోగిని పెర్‌ఫామెన్స్‌ బాలేదని పెయిడ్‌ లీవ్‌ : కంపెనీకి భారీ క్రేజ్‌.

ఆస్ట్రేలియా వెటరన్‌ క్రికెటర్‌ మోజెస్‌ హెన్రిక్స్‌ రిటైర్మెంట్‌ ప్రకటించాడు. బిగ్‌ బాష్‌ లీగ్‌తో పాటు ఆసీస్‌ దేశవాళీ క్రికెట్‌కూ వీడ్కోలు పలికాడు. కాగా 2009 -2021 మధ్య హెన్రిక్స్‌ ఆస్ట్రేలియా తరఫున అంతర్జాతీయ క్రికెట్‌ ఆడాడు.ఈ బ్యాటింగ్‌ ఆల్‌రౌండర్‌ తన అంతర్జాతీయ కెరీర్‌లో మొత్తంగా నాలుగు టెస్టులు, 16 వన్డేలు, 24 టీ20 మ్యాచ్‌లు ఆడాడు. టెస్టుల్లో 164, వన్డేల్లో 117, టీ20లలో 355 పరుగులు సాధించిన మోజెస్‌ హెన్రిక్స్‌.. ఆయా ఫార్మాట్లలో వరుసగా రెండు, ఎనిమిది, ఏడు వికెట్లు కూల్చాడు.ఐపీఎల్‌లోనూ..ఇక ఐపీఎల్‌లో 62 మ్యాచ్‌లు ఆడిన హెన్రిక్స్‌.. 1000 పరుగులు చేయడంతో పాటు 42 వికెట్లు పడగొట్టాడు. సన్‌రైజర్స్‌ హైదరాబాద్‌ జట్టుకు ప్రాతినిథ్యం వహించాడు. కాగా 2021లో ఆసీస్‌ తరఫున చివరి మ్యాచ్‌ ఆడిన హెన్రిక్స్‌.. బిగ్‌ బాష్‌ లీగ్‌ (బీబీఎల్‌), దేశీ క్రికెట్లో యాక్టివ్‌గా ఉన్నాడు. బీబీఎల్‌లో సిడ్నీ సిక్సర్స్‌ తరఫున కీలకంగా వ్యవహరించిన ఈ ఆల్‌రౌండర్‌.. దేశవాళీ క్రికెట్‌లో న్యూ సౌత్‌ వేల్స్‌కు ఆడుతున్నాడు.పోర్చుగల్‌లో జన్మించి..అయితే, టీ20 ప్రపంచకప్‌-2028 టోర్నీకి అంతర్జాతీయ క్రికెట్‌ మండలి కొత్త ఫార్మాట్‌ రూపొందించిన తరుణంలో మోజెస్‌ హెన్రిక్స్‌ ఆసీస్‌ క్రికెట్‌ నుంచి పూర్తిస్థాయిలో తప్పుకోవడం గమనార్హం. కాగా మోజెస్‌ హెన్రిక్స్‌ పోర్చుగల్‌లో జన్మించాడు. ఆ తర్వాత క్రికెట్‌ కెరీర్‌ కోసం ఆస్ట్రేలియాకు వలస వచ్చాడు.ఇక ఇప్పుడు తన సొంత దేశం పోర్చుగల్‌ తరఫున క్రికెట్‌ ఆడాలని మోజెస్‌ హెన్రిక్స్‌ నిర్ణయించుకున్నాడు. టీ20 ప్రపంచకప్‌-2028లో భాగంగా యూరోపియన్‌ క్వాలిఫయింగ్‌ పోటీల్లో పోర్చుగల్‌ తరఫున అతడు ఆడేందుకు సిద్ధమయ్యాడు. ఈ నేపథ్యంలో పూర్తిస్థాయిలో ఈ టోర్నీపై దృష్టి సారించేందుకు 39 ఏళ్ల హెన్రిక్స్‌ ఆసీస్‌ క్రికెట్‌కు దూరమైనట్లు తెలుస్తోంది.పరుగుల వరద.. వికెట్ల వీరుడుఆస్ట్రేలియా దేశవాళీ క్రికెట్‌లో న్యూ సౌత్‌వేల్స్‌ జట్టు తరఫున 2006లో అరంగేట్రం చేశాడు మోజెస్‌ హెన్రిక్స్‌. అదే ఏడాది లిస్ట్‌-ఎ క్రికెట్‌లోనూ అడుగుపెట్టి సత్తా చాటాడు. ఈ క్రమంలోనే రెండేళ్ల తర్వాత అంతర్జాతీయ క్రికెట్‌లో అరంగేట్రం చేశాడు.మొత్తంగా 131 ఫస్ట్‌క్లాస్‌ మ్యాచ్‌లు, 141 లిస్‌​-ఎ మ్యాచ్‌లు, 301 టీ20 మ్యాచ్‌లు ఆడిన హెన్రిక్స్‌.. 6830, 3812, 5747 పరుగులు సాధించాడు. మీడియం పేసర్‌ అయిన అతడు మొత్తంగా మూడు ఫార్మాట్లలో కలిపి 333 వికెట్లు కూల్చాడు. ఇక బీబీఎల్‌లో 3324 పరుగులు సాధించడంతో పాటు.. సిడ్నీ సిక్సర్స్‌ కెప్టెన్‌గా 2019, 2020లో టైటిల్‌ అందించాడు.చదవండి: ఇంగ్లండ్‌ టెస్టు కోచ్‌గా అశ్విన్‌?

మహిళామణులకు పట్టు చీర అంటే ఎంత ఇష్టమో ప్రత్యేకంగా చెప్పక్కర్లేదు. అదివాళ్లకు ఒక వస్త్రం మాత్రమే కాదు ఒక హుందాతనాన్ని, పండుగ వాతావరణాన్ని అందించే జ్ఞాపకాల చీర. ఆ చీరలో వాళ్లకు ఏళ్ల తరబడి పదిలంగా దాచుకున్న జ్ఞాపకాలు ఉంటాయి. అలాంటి చీర భారతీయ మహిళలకే కాదు విదేశీ వనితల మనసులను సైతం గెలుచుకుంది. అలాంటి మన భారతీయ పట్టుచీరను కొనుకున్న ఓ విదేశీ మహిళ దాన్ని ఎలా ఉతకాలో తెలియక ఇబ్బందిపడుతున్నా..దయచేసి ఏదైన సలహా ఇవ్వరు అంటూ వీడియో రికార్డు చేసి మరి సోషల్‌ మీడియాలో షేర్‌ చేసింది.నెట్టింట పంచుకున్న వీడియోలో ఆ విదేశీ మహిళ భారతీయ మహిళలను ఉద్దేశించి ఒక అభ్యర్థన చేసింది. తన అందమైన పట్టు చీరను చూపిస్తూ..దాని లేబుల్‌పై డ్రైక్లీనింగ్‌ చేసి ఉతకాలని ఉంది. అయితే తాను ఉండే ఆస్ట్రేలియన్‌ బుష్‌లో డైక్లీనింగ్‌ సర్వీస్‌ సమీపంలో లేదని, అందువల్ల ఈ పట్టుచీరను ఎలా ఉతకాలో సలహా ఇవ్వరా ప్లీజ్‌ అని కోరింది. తాను ఆస్ట్రేలియాలోని ఓ మారుమూల ప్రాంతంలో ఉంటానని, అందువల్ల ఇది పాడవ్వకుండా ఎలా ఉతకాలో చక్కటి చిట్కా గానీ సలహా గానీ చెప్పమని అభ్యర్థించిందామె. తాను భారత పర్యటనలో ఈ అందమైన చీర కొన్నానని చెప్పింది. ఈ సున్నితమైన పట్టు వస్త్రంపై ఉన్న క్లిష్టమైన ఎంబ్రాయిడరీ కారణంగా ఉతకడానికి భయపడుతున్నట్లు పేర్కొంది. ఉతకడంలో ఏ చిన్న పొరపాటు జరిగినా..చీర మొత్తం పాడైపోతుంది, అందువల్ల ఎలా ఉతకాలో నేర్పించరు అంటూ తన వీడియోని ముగించింది. అంతేగాదు అందుకు సంబంధించిన చిట్కాలు, సలహాలు కామెంట్‌ బాక్స్‌లో పంచుకోమని, తాను వినడానికి సిద్ధంగా ఉన్నానని చెప్పుకొచ్చింది. అలాగే ఎల్లప్పుడూ తన అనుమానాలు, సందేహాలు నివృత్తి చేసే ఆన్‌లైన్‌ కమ్యూనిటీకి ధన్యావాదాలు కూడా చెప్పారామె. ఆమె అభ్యర్థనకు నెటిజన్లు స్పందించడమే కాదు పలు రకాల సలహాలు, సూచనలు అందించారు. చాలామంది మహిళలు కఠినమైన డిటర్జెంట్‌కి బదులుగా షాంపుతో ఉతికి నీడలో ఆరేసి భద్రపరచుకుంటే సరిపోతుందని సలహాలు ఇచ్చారు. అంతేగాదు బ్రష్‌ ఉపయోగించొద్దని, చేతులతోనే సున్నితంగా రుద్దమని కూడా సూచించారు. View this post on Instagram A post shared by Lea Murray (@lea_murray90) (చదవండి: శస్త్ర చికిత్స లేకుండా ఏఐ ఎండోమెట్రియోసిస్‌ను నిర్థారించగలదా? బ్రయాన్ జాన్సన్ గర్లఫ్రెండ్‌..)

ప్రధానమంత్రి నరేంద్ర మోదీ ఇటీవల ఆస్ట్రేలియాలో నిర్వహించిన 'మెల్‌బోర్న్‌ మీట్స్‌ మోదీ' కార్యక్రమం రాజకీయ దుమారం రేపుతోంది. ఆ సభకు వచ్చినవారిని 'పెయిడ్‌ క్రౌడ్‌'(డబ్బులిస్తే వచ్చారు) అంటూ కాంగ్రెస్‌ నేతలు చేసిన వ్యాఖ్యలపై ఆ కార్యక్రమం నిర్వాహకులు తీవ్రంగా స్పందించారు. కాంగ్రెస్‌ అగ్రనేత రాహుల్‌ గాంధీ, ఆ పార్టీ అధ్యక్షుడు మల్లికార్జున ఖర్గేకు బహిరంగ లేఖ ద్వారా క్షమాపణలు చెప్పాలని డిమాండ్‌ చేశారు. జూలై 9న మెల్‌బోర్న్‌లోని మార్వెల్‌ స్టేడియంలో జరిగిన ఈ కార్యక్రమానికి సుమారు 30 వేల మంది హాజరయ్యారు. సభకు హాజరైన వారిని డబ్బులు ఇచ్చి తీసుకొచ్చారంటూ కాంగ్రెస్‌ నేత పవన్‌ ఖేరా ఆరోపించారు. విదేశీ మీడియా కథనాలను ప్రస్తావిస్తూ చార్టర్డ్‌ విమానాల ద్వారా ప్రజలను తరలించారని, ఇందుకోసం నిధులు వినియోగించారని విమర్శించారు. అయితే ఈ ఆరోపణలను నిర్వాహకులు పూర్తిగా ఖండించారు. 'మోదీ ఎయిర్‌వేస్‌' పేరుతో సిడ్నీ నుంచి మెల్‌బోర్న్‌కు ప్రత్యేక చార్టర్‌ విమానాన్ని సమన్వయం చేసిన కమ్యూనిటీ ప్రతినిధులు.. సభకు వచ్చిన వారంతా స్వచ్ఛందంగానే వచ్చారని స్పష్టం చేశారు. ప్రయాణం, వసతి, ఇతర ఖర్చులను ఎక్కువ మంది స్వయంగా భరించారని, మరికొందరికి స్థానిక భారతీయ సంఘాలు మాత్రమే సహకరించాయని పేర్కొన్నారు.నిర్వాహకుల్లో ఒకరైన అమిత్‌ కరంత్‌ మాట్లాడుతూ.. "ఆస్ట్రేలియాలోని సిడ్నీ, అడిలైడ్‌, బ్రిస్బేన్‌, పెర్త్‌ తదితర ప్రాంతాల నుంచి వచ్చిన వారిలో ఒక్కరికీ కూడా బీజేపీ, భారత ప్రభుత్వం, ఆస్ట్రేలియా ప్రభుత్వం డబ్బులు ఇవ్వలేదు. వారంతా స్వచ్ఛందంగా వచ్చారు. 'పెయిడ్‌ క్రౌడ్‌' అనడం వేలాది మంది భారతీయ-ఆస్ట్రేలియన్లను అవమానించడమే అని అన్నారు.బహిరంగ లేఖలో నిర్వాహకులు మూడు ప్రధాన డిమాండ్లు చేశారు. చార్టర్‌ విమానానికి బీజేపీ, భారత ప్రభుత్వం నిధులు సమకూర్చిందనే ఆరోపణలకు ఎలాంటి ఆధారాలు లేవని కాంగ్రెస్‌ అంగీకరించాలి. సభకు వచ్చినవారిని 'పెయిడ్‌ క్రౌడ్‌'గా అభివర్ణించిన వ్యాఖ్యలను వెనక్కి తీసుకోవాలి. నిర్వాహకులు, వాలంటీర్లు, ప్రయాణికులు, భారతీయ-ఆస్ట్రేలియన్‌ సమాజానికి బహిరంగ క్షమాపణ చెప్పాలి అని కోరారు.అలాగే భారతీయ-ఆస్ట్రేలియన్‌ సమాజం ఏ ఒక్క రాజకీయ పార్టీకి చెందినది కాదని కూడా వారు స్పష్టం చేశారు. కొందరు కాంగ్రెస్‌కు, మరికొందరు బీజేపీకి, ఇంకొందరు ఇతర పార్టీలకు మద్దతు ఇస్తారని, చాలా మందికి ఎలాంటి రాజకీయ అనుబంధం కూడా ఉండదని పేర్కొన్నారు. అందువల్ల దేశీయ రాజకీయాల కోసం ప్రవాస భారతీయులను లక్ష్యంగా చేసుకుని విమర్శించడం తగదని సూచించారు.కాగా, మెల్‌బోర్న్‌లో జరిగిన 'మెల్‌బోర్న్‌ మీట్స్‌ మోదీ' కార్యక్రమంలో ప్రధానమంత్రి నరేంద్ర మోదీతో పాటు ఆస్ట్రేలియా ప్రధాని ఆంథోనీ అల్బనీస్‌, విక్టోరియా రాష్ట్ర ప్రీమియర్‌ జసింటా అలన్‌ కూడా పాల్గొన్నారు. భారత్‌-ఆస్ట్రేలియా సంబంధాలు, ప్రవాస భారతీయుల సేవలను ఈ కార్యక్రమంలో ప్రస్తావించారు.

జూలై నెల ఇంకా సగం కూడా గడవ లేదు. ఇంకా చెప్పాలంటే ఈ నెలలో 31 రోజులు అయినందున మూడవ వంతే అయినట్లు లెక్క. ఈ కొద్ది కాలంలోనే జపాన్‌ ప్రధాని భారత రాజధానికి వచ్చి వెళ్లగా, భారత ప్రధాని మూడు ముఖ్య మైన దేశాలు ఇండోనేషియా, ఆస్ట్రేలియా, న్యూజిలాండ్‌లలో పర్యటించి స్వదేశానికి చేరుకున్నారు. ఏ కొలమానం ప్రకారం చూసినా ఇది అసాధారణమైనది. ఈ నాలుగింటిలో ఏదీ అపుడపుడు జరుగుతుండే సౌహార్ద్రపూరితమైన సందర్శన కాదు. అన్నింటికి అన్నీ వ్యూహాత్మకమైన కోణాలు గలవి. ఎందుకట్లా?కొత్త అస్థిరతలుఆ చర్చలోకి వెళ్లే ముందు కొన్ని విషయాలు అర్థం చేసుకోవటం అవసరం. లేనట్లయితే ఇన్నిన్ని పర్యటనలు, ఒప్పందాలు ఎందుకు, ఇంత వేగంగా ఎందుకు అన్నది తెలుసుకోలేము. ఈ నెల పర్యటనలకు గత ఆరుమాసాల ప్రయాణాలను కూడా జోడించి చూసిన ప్పుడు విషయం ఇంకా బాగా అర్థమవుతుంది. మొదటిది, ఒకటి రెండేళ్ల క్రితంతో పోల్చితే ప్రపంచ పరిస్థితులు వేగంగా మారుతుండటం. రెండవది, మార్పులన్నవి రాజకీయం, ఆర్థికం, సైనికం, వేర్వేరు కూటములు, శాస్త్ర సాంకేతిక రంగాలు, ఉద్యోగ ఉపాధుల కోసం ఇతర దేశాలకు తరలిపోవటం, పెరుగుతున్న జాతివాదాలు, వీటితో పాటు తీవ్ర రూపం తీసుకుంటున్న వాతావరణ పరిస్థితుల న్నిటా కనిపిస్తున్నాయి. పర్యవసానంగా ప్రపంచమంతటా కొత్త అస్థిరతలు ఏర్పడుతున్నాయి. ఇటువంటి స్థితి ఎప్పుడూ లేదు.ఇటువంటి పరిణామాల మధ్య ఆసియాతోపాటు మధ్య ఆసియా, పశ్చిమాసియా, ఆఫ్రికా, దక్షిణ అమెరికా, యూరప్‌లే గాక, ఉత్తర అమెరికాలో భాగమైన కెనడా వరకు కూడా కొత్త ఒత్తిడులు ఏర్పడుతూ, కొత్త ఆలోచనలు కనిపిస్తున్నాయి. సముద్రాలలో ఎక్కడో విసిరివేసినట్లుండే డజన్లకొద్దీ దేశాల పరిస్థితి కూడా ఇదే విధంగా ఉంది. వాటి సమస్యలు మరింత ప్రమాదకర మైనవి. పెద్ద దేశాలు తమ అభివృద్ధి పేరిట పర్యావరణాన్ని లెక్క చేయనందువల్ల సముద్ర మట్టాలు పెరుగుతూ, ఆ ద్వీప దేశాలు మునిగి పోగల వేగం కూడా పెరుగుతున్నది. అందుకే అటువంటి వారంతా గత నెల మొదటిసారిగా పెద్ద దేశాలు వేటినీ ఆహ్వానించకుండా, ఐక్యరాజ్యసమితితో సైతం నిమిత్తం లేకుండా, కొలంబియాలో సమావేశమయ్యారు. అన్ని ఖండాలలోని అన్ని దేశాలకూ ఆర్థికం, రక్షణలన్నవి అనిశ్చయమవుతున్నాయన్నది గమనార్హం.బహుళ ధ్రువ ప్రపంచంభారత దేశానికిగానీ, మరే దేశానికిగానీ ఆర్థికాభివృద్ధి, దేశ రక్షణ, ఇతర ప్రయోజనాల పరిరక్షణ, నిరాటంకమైన రీతిలో పురోగతి అనే నాలుగు ఆలోచనలు ఎప్పుడూ ఉండేవే. లోగడ కూడా ఇవి సజావుగా ఏమీ సాగలేదు. కానీ సమస్యలు ఇటీవల మరింత పెరుగుతున్నాయి. అందరికీ పెరగటమన్నది ఒక సామాన్య లక్షణంగా మారింది. అందువల్లనే ఇండియా వలెనే అన్ని దేశాలూ ఈ స్థితి నుంచి బయటపడేందుకు ముమ్మరమైన ప్రయత్నాలు చేస్తున్నాయి. దక్షిణ అమెరికా మొదలు కెనడా, యూరప్, ఆఫ్రికాలపైగా తూర్పు ఆసియా, ఆస్ట్రేలియా, న్యూజిలాండ్‌ల వరకు ఆర్థిక, రక్షణ ఒప్పందాల కోసం భారత ప్రధాని పర్యటనలు చేయటమే కాదు, ఒప్పందాల అవసరాన్ని గుర్తించి వారు కూడా ఇటు వస్తున్నారు.ఇండియాను అట్లుంచి వారిలో వారు కూడా పరస్పర ప్రయాణాలు, ఒప్పందాలు చేసుకుంటున్నారు. వేర్వేరు దేశాధినేతల ఆకాశయా నాలు ఇంతగా బహుశా లోగడ ఎప్పుడూ జరిగి ఉండవు. ఆర్థిక, రక్షణ విషయాలతో ముడిపడిన ఇటువంటి మార్పులు రెండవ ప్రపంచ యుద్ధానంతర ప్రపంచంలోగానీ, ఏకధ్రువ ప్రపంచావ తరణ జరిగిన తర్వాతగానీ, ప్రపంచ చరిత్రలో ఒక కొత్త అధ్యాయ మంటే అతిశయోక్తి కాకపోవచ్చు.ఏ దేశమైనా అభివృద్ధి చెందాలనీ, భద్రంగా ఉండాలనీ కోరుకుంటుంది. రెండవ ప్రపంచ యుద్ధం, ఆ తర్వాత ఆర్థిక సంస్క రణల కాలం నుంచి ఒకవైపు వస్తూత్పత్తి, వినియోగాలు చరిత్రలో ఎన్నడూ లేనట్లు పెరుగుతుండగా, మరొకవైపు అన్ని దేశాలలో ప్రజల అవసరాలు, ఆకాంక్షలు అదే స్థాయిలో పెరగసాగాయి. ఈ రెండింటికి తగిన విధంగా అభివృద్ధిని సాధించి, దేశ భద్రతా ఏర్పాట్లను కూడా పెంచవలసిన బాధ్యత సహజంగానే ప్రభుత్వాలపై పడింది. ఆ బాధ్యతలను నెరవేర్చలేని ప్రభుత్వాలు ఓటింగ్‌ ద్వారానో, తిరుగుబాట్ల వల్లనో కూలిపోవటాన్ని చూస్తు న్నాము. ఈ విధమైన పరిణామాలు అంతర్గతమైన ఒత్తిడులు కాగా, అదే విధమైన ఒత్తిడులు వేరే రూపాలలో, బయటి పరిణామాల వల్ల ఏర్పడటం ఇటీవలి కాలంలో పెరగటం మొదలైంది. అందుకు నాంది ఆర్థిక సంస్కరణలు వర్ధమాన దేశాలకు, మరీ ముఖ్యంగా సాధారణ సామాజిక వర్గాలకు ప్రతికూలమై అసమానతలను పెంచటంతో పడింది. ఇటీవలికి వచ్చేసరికి, పాశ్చాత్య దేశాలు తాము సృష్టించి ఇతరులపై రుద్దిన పలు అంతర్జాతీయ నియమ నిబంధనలు తాము కోరుకున్న ఫలితాలనివ్వటం తగ్గటంతో వాటిని భంగపరచటం మొదలైంది. వారు కొత్త వ్యవస్థలనూ సృష్టించలేక పోతున్నారు. ఈ పరిణామాలన్నింటి ఫలితంగా బహుళ ధ్రువ ప్రపంచ భావనలు బలపడటం, ఇండియాతో పాటు కొన్ని ప్రముఖ దేశాలు ‘బ్రిక్స్‌’ వంటి ప్రత్యామ్నాయ సంస్థలను ఏర్పరచటం జరిగింది. బయటకు స్పష్టంగా ప్రకటించకున్నా అమెరికన్‌ డాలర్‌కు సమాంతర కరెన్సీల వినియోగం క్రమంగా విస్తరిస్తున్నది. పులి మీద పుట్ర వలె ట్యారిఫ్‌లు, బలవంతపు వాణిజ్య ఒప్పందాలు, అక్కర లేని యుద్ధాలు, అందరినీ ఉక్కిరి బిక్కిరి చేస్తున్నాయి.బద్దలవుతున్న చట్రంవీటన్నింటివల్ల వీరువారని గాక అందరికీ ఎదురవుతున్న సమస్యలు ఏమిటో ఏకరువు పెట్టనక్కరలేదు. ఆ సమస్యలలో ఆర్థిక మైనవి, రక్షణపరమైనవి, ఇతరాలు కూడా ఉన్నాయి. ఈ రెండు రంగాలకు సంబంధించి అమెరికాకు సన్నిహిత దేశాలైన యూరప్, కెనడా, జపాన్, ఆస్ట్రేలియా, న్యూజిలాండ్, ఫిలిప్పీన్స్, మెక్సికో, గల్ఫ్‌ రాజ్యాల వంటివి సైతం తమలో తామే గాక ఇండియా, బ్రెజిల్, దక్షిణ అమెరికా, దక్షిణాఫ్రికా వంటి ఇతర దేశాలతోనూ ఇటీవలి ఆరు మాసాలలో చేసుకుంటూ వస్తున్న ఆర్థిక ఒప్పందాలు ఈ పరిస్థితికి అద్దం పడుతున్నాయి. కెనడా, యూరప్‌ల వంటివి అమెరికా వద్దన్నా... చైనాతో ఒప్పందాలను ఆర్థిక భద్రత కోసం చేసుకుంటున్నాయి. ఈ మార్పులు, మలుపులు ప్రపంచాన్ని అను కోని రీతిలో పాత చట్రం నుంచి బయటకు తెస్తున్నాయి. రెండవ ప్రపంచ యుద్ధం తర్వాత బ్రెట్టన్‌వుడ్స్‌ సంస్థల నుంచి ఆర్థిక సంస్కరణల వరకుండిన ఒక చట్రం, అప్పటి నుంచి ఉండిన రెండవ చట్రం ఇప్పుడు భగ్నమవుతున్న దృశ్యాన్ని మనమిపుడు చూస్తున్నాము. మన జూలై ఒప్పందాలు కూడా విస్తృతార్థంలో అదే పరిధి లోకి వస్తాయి. అంతటా అందరూ క్రమంగా స్వతంత్ర నిర్ణయా లతో, పరస్పర ఒప్పందాలతో, స్వతంత్రంగా ఎదిగేందుకు,భద్రంగా జీవించేందుకు ప్రయత్నాలు సాగిస్తున్నారు.టంకశాల అశోక్‌వ్యాసకర్త సీనియర్‌ సంపాదకుడు

ఉన్నత చదువులు చదవాలన్నా, ఉపాధి కోసం విదేశాలకు వెళ్లాలన్నా నేడు భారతీయుల మొదటి ఛాయిస్‌ల్లో ఆస్ట్రేలియా ఒకటి. అయితే, తాజాగా ఆ దేశ ప్రభుత్వం తీసుకున్న నిర్ణయం అక్కడికి వెళ్లాలనుకునే లక్షలాది మంది భారతీయుల ఆశలపై ఆర్థిక భారాన్ని మోపింది. ముందస్తు సంప్రదింపులు లేకుండానే అంతర్జాతీయ విద్యార్థులు, తాత్కాలిక కార్మికుల వీసా దరఖాస్తు రుసుములను 25 శాతం వరకు పెంచుతూ ఆస్ట్రేలియా హోం శాఖ ఉత్తర్వులు జారీ చేసింది.గత రెండేళ్లుగా వరుసగా పెరుగుతూ వస్తున్న ఈ వీసా ఫీజు తాజా పెంపుతో అంతర్జాతీయంగా ఆస్ట్రేలియాను అత్యంత ఖరీదైన గమ్యస్థానంగా మార్చేసింది. నేషనల్ సెక్యూరిటీ బడ్జెట్ ఖర్చులను భర్తీ చేయడానికే ఈ పెంపు అని అక్కడి ప్రభుత్వం చెబుతున్నప్పటికీ ఇది అంతర్జాతీయ విద్యార్థులను ఒక ఆదాయ వనరులాగా వాడుకోవడమేనని నిపుణులు మండిపడుతున్నారు.కొత్తగా మారిన వీసా ధరల స్వరూపం (ఆస్ట్రేలియన్ డాలర్లలో)వీసా రకంపాత ఫీజుసవరించిన కొత్త ఫీజుపెంపు శాతంస్టూడెంట్ వీసా (సబ్‌క్లాస్‌ 500) (యూనివర్సిటీ, వొకేషనల్)2,0002,500 (సుమారు రూ.1.38 లక్షలు)25%తాత్కాలిక గ్రాడ్యుయేట్ వీసా (సబ్‌క్లాస్‌ 485) (వర్క్ పర్మిట్)4,6005,750 (సుమారు రూ.3.17 లక్షలు)25%ఇండిపెండెంట్ ELICOS (ఇంగ్లీష్ లాంగ్వేజ్ కోర్సులు)2,0002,0502.5%గమనిక: స్టూడెంట్ వీసా ఫీజులు 2024 జులైకి ముందు కేవలం 710 డాలర్లు మాత్రమే ఉండేవి. రెండు సంవత్సరాల వ్యవధిలోనే ఇది 710 నుంచి 1600, ఆపై 2000 డాలర్లు... ఇప్పుడు ఏకంగా 2,500 డాలర్లకు చేరింది. అంటే దాదాపు 252 శాతం పెంపు నమోదైంది!భారతీయులపై పడే ప్రభావం ఏమిటి?1. రీఫండ్ లేని భారీ రుసుము: ఆస్ట్రేలియా వీసా విధానంలో అత్యంత కఠినమైన నిబంధన ఏంటంటే.. వీసా దరఖాస్తు తిరస్కరణకు గురైనా ఈ ఫీజు తిరిగి ఇవ్వరు. లక్షల రూపాయలు పోసి దరఖాస్తు చేసుకున్న తర్వాత వీసా రాకపోతే ఆ డబ్బు బూడిదలో పోసిన పన్నీరే అవుతుంది. ఇది మధ్యతరగతి భారతీయ కుటుంబాలకు పెద్ద రిస్క్.2. ఆస్ట్రేలియా ప్రభుత్వం ఈ పెంపు నుంచి ఏషియన్‌(ఆగ్నేయాసియా దేశాల కూటమి) దేశాలకు, పసిఫిక్ దీవుల విద్యార్థులకు మినహాయింపు ఇచ్చి పాత ఫీజులనే వర్తింపజేసింది. కానీ, ఆస్ట్రేలియాకు రెండో అతిపెద్ద విద్యార్థుల వనరుగా ఉన్న భారతదేశానికి ఎలాంటి మినహాయింపు లభించకపోవడం గమనార్హం.3. ఉపాధి వీసాలూ ఖరీదే: చదువు పూర్తయిన తర్వాత ఆస్ట్రేలియాలోనే ఉండి పని చేసుకోవడానికి దరఖాస్తు చేసుకునే ‘తాత్కాలిక గ్రాడ్యుయేట్ వర్క్ వీసా’ ఫీజు ఏకంగా 5,750 డాలర్లకు పెరగడం వల్ల అక్కడ స్థిరపడాలనుకునే యువతపై తీవ్ర ఆర్థిక ఒత్తిడి పడనుంది.అంతర్జాతీయ విద్యారంగం స్పందనఆస్ట్రేలియా ప్రభుత్వ నిర్ణయంపై ‘యూనివర్సిటీస్ ఆస్ట్రేలియా’, భారతీయ విద్యా ప్రతినిధుల సంఘం (ఏఏఈఆర్‌ఐ) అభ్యంతరం వ్యక్తం చేశాయి. ప్రపంచంలోనే అత్యుత్తమ ప్రతిభావంతులను ఆకర్షించాలనుకుంటూ ప్రవేశ రుసుములను ఇంతలా పెంచడం ఆస్ట్రేలియా అంతర్జాతీయ ప్రతిష్టను దెబ్బతీస్తుందని హెచ్చరించాయి. వీసా ఫీజును ఒకేసారి కాకుండా అప్రూవల్ అయ్యాక రెండో విడతగా తీసుకునే ‘టూ-స్టేజ్ పేమెంట్’ విధానాన్ని తేవాలని భారతీయ ఏజెంట్లు డిమాండ్ చేస్తున్నారు.ఇదీ చదవండి: బీఎస్ఎన్ఎల్ శాటిలైట్ ఫోన్ లాంచ్!

ఆస్ట్రేలియా దిగ్గజ ఓపెనర్‌ డేవిడ్‌ వార్నర్‌ సోషల్‌ మీడియా యాక్టివ్‌గా ఉంటాడు. తన కెరీర్‌, వ్యక్తిగత విషయాలకు సంబంధించిన అప్‌డేట్లను ఎప్పటికప్పుడు అభిమానులతో పంచుకుంటాడు. అయితే, తాజాగా వార్నర్‌ ఇన్‌స్టాగ్రామ్‌లో పెట్టిన స్టోరీ వైరల్‌గా మారింది.నేను సిద్ధంగా ఉన్నానుబిగ్‌బాష్‌ లీగ్‌లో భాగమైన సిడ్నీ థండర్‌ జెర్సీలో ఉన్న ఫొటోను పంచుకుంటూ.. ‘‘ప్రపంచంలో ఎక్కడైనా.. నా దేశం కోసమైనా సరే ఆడటానికి నేను సిద్ధంగా ఉన్నాను’’ అని వార్నర్‌ స్టోరీలో రాసుకొచ్చాడు. దీంతో అతడు అంతర్జాతీయ క్రికెట్‌ రిటైర్మెంట్‌ను వెనక్కి తీసుకోబోతున్నాడనే ప్రచారం ఊపందుకుంది.అన్ని ఫార్మాట్లకూ గుడ్‌బైకాగా పదిహేనేళ్ల సుదీర్ఘ కెరీర్‌ అనంతరం 2024లో వార్నర్‌ అంతర్జాతీయ క్రికెట్‌కు వీడ్కోలు పలికాడు. వన్డే ప్రపంచకప్‌-2023 తర్వాత (నవంబరులో) వన్డేలకు రిటైర్మెంట్‌ ప్రకటించిన ఈ లెఫ్టాండర్‌ బ్యాటర్‌.. 2024 జనవరిలో టెస్టు ఫార్మాట్‌కూ గుడ్‌బై చెప్పాడు.వన్డేల్లో చివరగా టీమిండియా.. టెస్టుల్లో పాకిస్తాన్‌తో వార్నర్‌ మ్యాచ్‌లు ఆడాడు. ఇక అదే ఏడాది జూన్‌లో అంతర్జాతీయ టీ20 క్రికెట్‌కూ వీడ్కోలు పలికాడు.ఇక తన కెరీర్‌లో 2009- 2024 మధ్య ఆస్ట్రేలియా తరఫున మొత్తంగా 161 వన్డేలు, 112 టెస్టులు, 110 టీ20 మ్యాచ్‌లు ఆడాడు వార్నర్‌. వన్డేల్లో 6932, టెస్టుల్లో 8786, టీ20లలో 3277 పరుగులు సాధించాడు. అతడి ఖాతాలో 22 వన్డే, 26 టెస్టు, ఒక టీ20 శతకం ఉన్నాయి.టీ20 లీగ్‌లలో యాక్టివ్‌గా..ప్రపంచవ్యాప్తంగా టీ20 లీగ్‌లలో అలరిస్తున్న వార్నర్‌.. చివరగా బిగ్‌ బాష్‌ లీగ్‌, పాకిస్తాన్‌ సూపర్‌ లీగ్‌లలో భాగమయ్యాడు. గతంలో ఐపీఎల్‌లో 184 మ్యాచ్‌లు ఆడిన ఈ లెఫ్టాండర్‌ 6565 పరుగులు సాధించాడు. ప్రస్తుతం లీగ్‌ క్రికెట్‌తో యాక్టివ్‌గానే ఉన్న వార్నర్‌.. నిజంగానే యూటర్న్‌ తీసుకుని ఆస్ట్రేలియా క్రికెట్‌లో వస్తాడా? అంటే.. ప్రస్తుత పోటీ దృష్ట్యా అది సాధ్యం కాకపోవచ్చు. కానీ 39 ఏళ్ల వార్నర్‌ మాత్రం అందుకు సుముఖంగానే ఉన్నానని తన పోస్టు ద్వారా చెప్పకనే చెప్పాడు. చదవండి: చరిత్ర సృష్టించిన శ్రేయస్‌ అయ్యర్‌

పిల్లలను రక్షణను దృష్టిలో ఉంచుకుని.. ఆస్ట్రేలియా తీసుకున్న నిర్ణయాలను భారత ప్రధాని నరేంద్ర మోదీ ప్రశంసించారు. 16 ఏళ్లలోపు పిల్లలు సోషల్ మీడియా ప్లాట్‌ఫామ్‌లను ఉపయోగించకుండా ఆంక్షలు విధించే ఆస్ట్రేలియా చట్టాలు డిజిటల్ ప్రపంచాన్ని సురక్షితంగా మార్చేందుకు ఉపయోగపడతాయని ఆయన అన్నారు. ఈ విధానాల నుంచి భారత్‌తో పాటు.. ప్రపంచ దేశాలు కూడా ఎన్నో విషయాలు నేర్చుకోవచ్చని మోదీ పేర్కొన్నారు.మెల్‌బోర్న్‌లో జరిగిన ఆస్ట్రేలియా-భారత్ వార్షిక నేతల సదస్సులో.. ఆస్ట్రేలియా ప్రధాని ఆంథోనీ ఆల్బనీస్‌తో కలిసి పాల్గొన్న మోదీ, సమాచార సాంకేతికత (IT), సోషల్ మీడియా నియంత్రణ, ఆన్‌లైన్ భద్రత విషయంలో ఆస్ట్రేలియా తీసుకుంటున్న చర్యలను అభినందించారు. ముఖ్యంగా చిన్నారులను, సోషల్ మీడియా వల్ల కలిగే హానికర ప్రభావాల నుంచి రక్షించేందుకు చేస్తున్న ప్రయత్నాలు ప్రపంచానికి ఆదర్శంగా నిలుస్తాయని తెలిపారు.పిల్లలకు సోషల్ మీడియా నిషేధం!ఆస్ట్రేలియా కొత్త నిబంధనల ప్రకారం.. 16 ఏళ్లలోపు పిల్లలు సోషల్ మీడియా ఖాతాలు సృష్టించకుండా ప్రముఖ ప్లాట్‌ఫామ్‌లు చర్యలు తీసుకోవాల్సి ఉంటుంది. ఆన్‌లైన్ వేధింపులు, మానసిక ఆరోగ్యంపై సోషల్ మీడియా ప్రభావం వంటి సమస్యలను తగ్గించడమే ఈ చట్టం ప్రధాన లక్ష్యం.భారత్‌లో నిషేధంపై మోదీ హింట్ ఇచ్చారా?భారత్‌లో కూడా చిన్నారుల సోషల్ మీడియా వినియోగంపై నియంత్రణలు తీసుకురావాలనే చర్చలు పెరుగుతున్న వేళ మోదీ వ్యాఖ్యలు అత్యంత ప్రాధాన్యత సంతరించుకున్నాయి. బహుశా ఈ నియమాలు మనదేశంలో కూడా అమలవుతాయా?, మోదీ హింట్ ఇచ్చారా?, అని పలువురు అభిప్రాయపడుతున్నారు.కాగా.. ఇటీవల కర్ణాటక ప్రభుత్వం 16 ఏళ్లలోపు పిల్లలకు సోషల్ మీడియా వినియోగంపై పరిమితులు విధించే దిశగా అడుగులు వేసింది. ఇతర రాష్ట్రాలు కూడా ఇలాంటి చర్యలను పరిశీలిస్తున్నట్లు సమాచారం. దీన్నిబట్టి చూస్తే మన దేశంలో కూడా సోషల్ మీడియా వినియోగాన్ని కఠినతరం చేసే అవకాశం ఉన్నట్లు తెలుస్తోంది.ఇదీ చదవండి: ఓపెన్‌ఏఐలో కీలక పరిణామం.. ఏజీఐ సీఈఓ రాజీనామా!

భారతీయ సంస్కృతీ వైభవం స్వదేశానికి తిరిగి వస్తోంది. దశాబ్ద కాలంలో అమెరికా, యూకే, కెనెడా సహా అనేక దేశాల్లో దశాబ్దాలుగా మగ్గిన 300కుపైగా అరుదైన, అపురూప కళాఖండాలు ఇప్పటికే భారత్‌కు తిరిగి రాగా తాజాగా ఆస్ట్రేలియా చోళుల కాలం నాటి మూడింటిని అప్పగించింది. దొంగల చేత చిక్కి సముద్రాలు దాటిన ఈ కళాఖండాలు ఘనమైన భారత చారిత్రక వారసత్వానికి ప్రతీకలు! భారత ప్రధాని నరేంద్ర మోడీ పర్యటన సందర్భంగా ఆ్రస్టేలియా ప్రభుత్వం ఆరు తలల కార్తికేయ విగ్రహం, నంది విగ్రహం, భద్రకాళి త్రిశూలాలను అప్పగించింది. ఇవన్నీ తమిళనాడు నుంచి అక్రమ మార్గాల్లో ఆ్రస్టేలియాలోని నేషనల్‌ గ్యాలరీ కలెక్షన్‌లోకి చేరాయి. ఇవి చోరీకి గురైనవని తమిళనాడు సీఐడీలోని ప్రత్యేక విభాగం స్పష్టమైన ఆధారాలతో నిరూపించడంతో మ్యూచువల్‌ లీగల్‌ అసిస్టెన్స్‌ ఒప్పందానికి అనుగుణంగా తమకు అప్పగించాలని భారత్‌ కోరింది. ఇందుకు ఆస్ట్రేలియ అంగీకరించడంతో త్వరలో స్వదేశానికి తిరిగి రానున్నాయి.షణ్ముఖ/కార్తికేయ విగ్రహంతమిళుల ఇష్టదైవం, తమ రక్షకుడిగా భావించే కార్తికేయుడిని సుబ్రమణ్యుడు, స్కంద, మురుగన్‌ అని కూడా పిలుస్తారు. ఆ్రస్టేలియా అప్పగిస్తున్న ఆరుతలల రాతి విగ్రహం 12వ శతాబ్ధానికి చెందినది. తమిళనాడులో కుంభకోణం సమీపంలోని మనంబాడి గ్రామంలోని నాగనాథస్వామి దేవాలయం నుంచి చోరీకి గురైంది. సుమారు 130 సెం.మీ ఎత్తు ఉంటుంది. చోళుల శిల్పకళా శైలికి ప్రతిబింబంగా సౌష్టవాకారం, లెక్కకట్టినంత సైజులో ఉండే ఆభరణాలతో కూడి ఉంది. ఆరుతలలను కొందరు ఆరు దిశలుగా, మరికొందరు జ్ఞానం, బలం, కీర్తి, ఐశ్వర్యం, వైరాగ్యం, విజ్ఞానం ఆరు గుణాలుగా, ఇంకొందరు కృతికా నక్షత్ర మండలంలోని దేవతలుగా నమ్ముతారు.మీటర్‌ పొడవైన నంది 13–16వ శతాబ్దాల మధ్యకాలం నాటి నంది విగ్రహం తంజావూరు ప్రాంతంలోని తిరువారూర్‌ జిల్లా కడువంకుడి గ్రామంలోని కైలాసనాథర్‌ ఆలయానికి చెందినది. ఏకశిల విగ్రహం. మీటరు పొడవుతో శిల్పకళ నైపుణ్యానికి అద్దం పడుతుంది. తమిళనాడు సీఐడీలోని విగ్రాహాల విభాగం అంచనాల ప్రకారం దీని విలువ రూ.నాలుగు కోట్లు. భద్రకాళి త్రిశూలంసాధారణంగా త్రిశూలం అనగానే శివుడు గుర్తు వస్తాడు కానీ దక్షిణాది ఆలయాల్లో అమ్మవారు కూడా త్రిశూలంతో దర్శనమిస్తూంటుంది. ఆ్రస్టేలియా అప్పగిస్తున్న మూడో కళాఖండం చోళుల అనంతర కాలపు అరుదైన లోహ త్రిశూలం. శ్రీ కాశీ విశ్వనాథస్వామి ఆలయానికి చెందినది. సుమారు 46 సెం.మీ ఎత్తు, మీటర్‌కి పైగా వెడల్పు ఉంటుంది. పైభాగంలో భద్రకాళి దేవి ప్రతిమ కనిపిస్తూంటుంది. ఊరేగింపులు, జాతరల్లో శక్తి, రక్షణలకు చిహ్నంగా వాడేవారని అంచనా. 2016లో తమిళనాడు సీఐడీలోని విగ్రహ విభాగం ఈ విగ్రహాల చోరీపై ఎఫ్‌ఐఆర్‌ నమోదు చేసింది. ఆ తరువాత ఆలయ రికార్డులు, పాత ఫోటోలు, ప్రభుత్వ దస్తావేజులు, మ్యూజియం క్యాటలాగులన్నీ జల్లెడ పట్టారు. ఇవి ఎక్కడి నుంచి ఎప్పుడు గల్లంతయ్యాయో ఎలా విదేశాలకు చేరాయో నిరూపించారు. – సాక్షి, నేషనల్‌ డెస్క్‌

మెల్‌బోర్న్‌: మూడు దేశాల పర్యటనలో భాగంగా ఆస్ట్రేలియాకు చేరుకున్న ప్రధానమంత్రి నరేంద్ర మోదీకి మెల్‌బోర్న్‌లో ఘన స్వాగతం లభించింది. గురువారం ఆయనకు అధికారిక గౌరవ వందనం (గార్డ్‌ ఆఫ్‌ ఆనర్‌) నిర్వహించారు. అనంతరం ఆస్ట్రేలియా ప్రధాని ఆంథోనీ అల్బనీస్‌తో కలిసి భారత్‌-ఆస్ట్రేలియా వార్షిక సదస్సులో పాల్గొన్నారు.మోదీ పర్యటనలో భాగంగా ఇరు దేశాల మధ్య వ్యూహాత్మక భాగస్వామ్యాన్ని మరింత బలోపేతం చేయడంపై ప్రధానంగా చర్చలు జరిగాయి. రక్షణ, వాణిజ్యం, విద్య, కీలక ఖనిజాలు, ఇంధనం, నైపుణ్యాభివృద్ధి, ప్రజల మధ్య సంబంధాలు వంటి అంశాలు చర్చకు వచ్చినట్లు తెలుస్తోంది.వ్యాపార దిగ్గజాలతో మోదీ భేటీమెల్‌బోర్న్‌లో జరిగిన భారత్‌-ఆస్ట్రేలియా సీఈఓ ఫోరం, ఎకనామిక్‌ రోడ్‌మ్యాప్‌ బిజినెస్‌ రిసెప్షన్‌లో ప్రధాని మోదీ పాల్గొన్నారు. ఇరు దేశాల మధ్య పెట్టుబడులు, వాణిజ్య అవకాశాలను మరింత విస్తరించాల్సిన అవసరం ఉందని ఆయన పేర్కొన్నారు. భారత్‌-ఆస్ట్రేలియా భాగస్వామ్యం కేవలం రెండు రాజధానులకే పరిమితం కాకుండా.. రాష్ట్రాలు, నగరాలు, విశ్వవిద్యాలయాలు, పరిశ్రమల స్థాయిలోనూ విస్తరించాలని మోదీ సూచించారు. రాష్ట్రాల మధ్య, రంగాల మధ్య ప్రత్యేక భాగస్వామ్యాలను గుర్తించి కొత్త అవకాశాలను సృష్టించాలని పిలుపునిచ్చారు.ఆస్ట్రేలియా పెట్టుబడులకు ఆహ్వానంఆస్ట్రేలియా పెన్షన్‌ ఫండ్స్‌ను భారత్‌లో పెట్టుబడులు పెట్టాలని ప్రధాని మోదీ ఆహ్వానించారు. ఆ దేశ పెన్షన్‌ ఫండ్స్‌ నిర్వహిస్తున్న భారీ నిధులు సురక్షితమైన, స్థిరమైన దీర్ఘకాలిక వృద్ధికి భారత్‌లో అవకాశాలను పొందగలవని చెప్పారు. భారత్‌లో మౌలిక వసతులు, రహదారులు, రైల్వేలు, పోర్టులు, విమానాశ్రయాలు, పట్టణాభివృద్ధి రంగాల్లో పెట్టుబడులకు విస్తృత అవకాశాలు ఉన్నాయని వివరించారు.గ్రీన్‌ ఎనర్జీపై దృష్టిభారత్‌ స్వచ్ఛ ఇంధన రంగంలో వేగంగా ముందుకు సాగుతోందని మోదీ తెలిపారు. హరిత హైడ్రోజన్‌, సౌర విద్యుత్‌, వాయు విద్యుత్‌, జల విద్యుత్‌ రంగాల్లో భారీ అవకాశాలు ఉన్నాయని చెప్పారు. 2030 నాటికి పునరుత్పాదక ఇంధన సామర్థ్యాన్ని భారీగా పెంచే లక్ష్యంతో భారత్‌ పనిచేస్తోందని, ఈ ప్రయాణంలో ఆస్ట్రేలియా సాంకేతికత, పెట్టుబడులు కీలక పాత్ర పోషించగలవని పేర్కొన్నారు.అల్బనీస్‌తో కీలక భేటీ.. సెల్ఫీ వైరల్‌ఆస్ట్రేలియా ప్రధాని ఆంథోనీ అల్బనీస్‌తో మోదీ భేటీ అయ్యారు. ఇరు దేశాల మధ్య సంబంధాలపై చర్చించారు. అనంతరం ఇద్దరు నేతలు కలిసి దిగిన సెల్ఫీ సోషల్‌ మీడియాలో వైరల్‌గా మారింది. అలాగే మాజీ ఆస్ట్రేలియా ప్రధాని స్కాట్‌ మారిసన్‌తోనూ మోదీ సమావేశమయ్యారు.భారత ప్రవాసులతో..మెల్‌బోర్న్‌లో భారతీయ ప్రవాసులతో మోదీ సమావేశం కానున్నారు. ఆస్ట్రేలియాలో నివసిస్తున్న భారతీయులతో సంబంధాలను మరింత బలోపేతం చేయడంలో ఈ సమావేశం కీలకంగా మారనుంది.మొత్తంగా.. మోదీ ఆస్ట్రేలియా పర్యటన భారత్‌-ఆస్ట్రేలియా మధ్య పెరుగుతున్న వ్యూహాత్మక, ఆర్థిక భాగస్వామ్యానికి మరింత ఊతమిస్తుందని విదేశాంగ నిపుణులు భావిస్తున్నారు. రక్షణ నుంచి వాణిజ్యం వరకు పలు రంగాల్లో సహకారాన్ని విస్తరించడమే ఈ పర్యటన ప్రధాన లక్ష్యంగా కనిపిస్తోంది.

సాక్షి, అమరావతి/తిరుపతి మంగళం: మహానేత, దివంగత మాజీ సీఎం వైఎస్‌ రాజశేఖర్‌రెడ్డి జయంతిని విదేశాల్లో ప్రవాసాంధ్రులు ఘనంగా నిర్వహించారు. వైఎస్సార్‌సీపీ ఎన్‌ఆర్‌ఐ సౌత్‌ ఆఫ్రికా ఆధ్వ ర్యంలో జోహన్నెస్‌బర్గ్‌లోని మిడ్రాండ్‌లో జరిగిన కార్యక్రమానికి వైఎస్సార్‌సీపీ ఎన్‌ఆర్‌ఐ సౌత్‌ ఆఫ్రికా కన్వీనర్ విక్రమ్‌ రెడ్డి పెట్లూరు అధ్యక్షత వహించారు. వైఎస్సార్‌ చిత్రపటానికి పూలమాల వేసి నివాళులర్పించారు. అనంతరం భారీ కేక్‌ను కట్‌ చేసి అన్నదానం చేపట్టారు. కెనడాలోని టొరొంటో నగరంలో వైభవంగా వైఎస్సార్‌ జయంతి వేడుకలు కార్యక్రమంలో వైఎస్సార్‌సీపీ ఎన్‌ఆర్‌ఐ సౌత్‌ ఆఫ్రికా ప్రతినిధులు నరసింహ రెడ్డి కల్లా, సూర్య రామిరెడ్డి, మురళి సోమిశెట్టి, శివ రాజవరపు, బి వెంకట సుబ్బా రెడ్డి , వాసు సింగారెడ్డి , వీరయ్య కట్టెపోగు, ఆంజనేయులు బిక్కా, మోహన్‌ పోలుబోయెన, అంజలి అవనిగడ్డ, మధుసూదన్‌ రెడ్డి పల్లె, అంజిరెడ్డి, వెంకట్‌ రెడ్డి ఎనుముల, శ్రీకృష్ణ రెడ్డి గరిస, కృష్ణమోహన్‌ రెడ్డి, సుధాకర్‌ కుప్పిరెడ్డి, కిషోర్‌ మారంరెడ్డి, హరీష్‌ గోరంట్ల, హరి ఆత్మకూరి, వెంకట్‌ మాగంటి, రాజేష్‌ యార్లగడ్డ , శ్రీమతి కల్పన జోసెఫ్, శివమోహన్‌ రెడ్డి తదితరులు పాల్గొన్నారు. ఆస్ట్రేలియాలోని బ్రిస్బేన్‌లో దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి జయంతి వేడుకలు కెనడాలో.. కెనడాలోని టొరంటోలో వైఎస్సార్‌ అభిమానులు, వైఎస్సార్‌సీపీ ఎన్‌ఆర్‌ఐ కమిటీ సభ్యులు కేక్‌ కట్‌ చేసి వైఎస్సార్‌ జయంతిని ఘనంగా నిర్వహించారు. ఈ కార్యక్రమంలో వైఎస్సార్‌సీపీ నేతలు అలూరు సాంబశివరెడ్డి, చల్లా మధుసూదన్‌ రెడ్డి, కార్తీక్‌ ఎల్లాప్రగడ, డాక్టర్‌ జగన్‌మోహన్‌ రెడ్డి, డాక్టర్‌ ప్రదీప్‌ చింతా, పార్టీ కెనడా కన్వీనర్ వేణు చుక్కలూరు వర్చువల్‌గా పాల్గొన్నారు. టొరంటోలో జరిగిన కార్యక్రమంలో నరసింహ రెడ్డి గుట్టిరెడ్డి, చెన్న కేశవ, ప్రతాప్‌ బొల్లారం, ఆరిఫ్, నూర్, శ్రీనివాస్‌ రెడ్డి మరెక్కగారి, చంద్రహాస్‌ చల్లా, శాలిని బెక్కం, కృష్ణ రెడ్డి అల్లంపాటి, కృష్ణ చిదిరాల, శ్రీకాంత్‌ మద్దిరెడ్డి, రమేష్‌ తుంపర, సుబ్బా రావు, గుణశేఖర్‌ కొనపల్లి, విష్ణు వంగాల, కల్యాణ్‌ గుర్రంకొండ, శైలేష్‌ పాల్యం తదితరులు పాల్గొన్నారు. వైఎస్సార్‌సీపీ ఎన్‌ఆర్‌ఐ సౌత్‌ ఆఫ్రికా ఆధ్వర్యంలో జోహన్నెస్‌బర్గ్‌లో భారీ కేక్‌ కట్‌ చేస్తున్న అభిమానులు ఆస్ట్రేలియాలో.. ఆ్రస్టేలియాలోని బ్రిస్బేన్‌లో వైఎస్సార్‌సీపీ స్థానిక నాయకులు, అభిమానులు వైఎస్సార్‌ చిత్రపటానికి నివాళులు అరి్పంచారు. అనంతరం కేక్‌ను కట్‌ చేశారు. ఈ వేడుకల్లో బ్రహ్మరెడ్డి ఎరువూరి, కిషోర్, జస్వంత్‌ బొమ్మిరెడ్డి, వంశీ చాగంటి, శ్రీనివాసులు రెడ్డి, చిన్నప్ప, శౌర్య పాల్గొన్నారు. అలాగే, కందుల భరత్‌ రెడ్డి ఆధ్వర్యంలో ఆస్ట్రేలియాలోని అన్ని రాష్ట్రాల్లో వైఎస్సార్‌ జయంతి వేడుకలు ఘనంగా నిర్వహించారు. నార్తన్‌ టెరిటోరీలోని డారి్వన్‌ నగరంలో కొమ్మిరెడ్డి చంద్ర శేఖర్‌ రెడ్డి, శివ హర్షవర్థన్‌ రెడ్డి వంగ, లక్ష్మణ్‌ రెడ్డి, రాఘవేంద్ర రావు, శ్యామ్‌ సుందర్‌ రెడ్డి, రవితేజ మదినేని ఈ కార్యక్రమాన్ని నిర్వహించారు. పెర్త్‌లో జరిగిన కార్యక్రమంలో వంశీ కృష్ణా రెడ్డి, యశ్వంత్, సతీష్‌ త్రినాథ్, వినయ్, శరత్‌ తదితరులు పాల్గొన్నారు. ఆస్ట్రేలియాలోని డార్విన్‌ నగరంలో కేక్‌ కట్‌ చేస్తున్న వైఎస్సార్‌ అభిమానులు మెల్బోర్న్‌లో జరిగిన కార్యక్రమంలో వైఎస్సార్‌సీపీ ఆ్రస్టేలియా కన్వీనర్ భరత్, విక్టోరియా కన్వీనర్ కృష్ణా రెడ్డి, సహ కన్వీనర్ రామాంజి, కోర్‌ టీమ్‌ సభ్యులు శిరీష, స్వాతి, యశు, బ్రహ్మ రెడ్డి, పవన్, సురేష్‌ రెడ్డి, శ్రీకాంత్‌ రెడ్డి, అబ్దుల్, రవి వర్మ, తేరా జయవర్ధన్‌ రెడ్డి, శ్రీనాథ్, నితీష్, ప్రణీత్, రోహిత్, అభిష్‌క్, ఉదయ్, భార్గవ్, యశ్వంత్, దశరథ్‌ రెడ్డి, పార్థసారథి పాల్గొన్నారు. ఈ సందర్భంగా వైఎస్సార్‌సీపీ ఎన్‌ఆర్‌ఐ విభాగం గ్లోబల్‌ కో–ఆర్డినేటర్‌ ఆలూరు సాంబశివారెడ్డి, పార్టీ నేతలు నూర్‌ ఫాతిమా, గోపిరెడ్డి శ్రీనివాస రెడ్డి, కారుమూరి వెంకటరెడ్డి వీడియో కాన్ఫరెన్స్‌ ద్వారా పాల్గొని ప్రసంగించారు.ఆస్ట్రేలియాలోని పెర్త్‌లో వైఎస్సార్‌ జయంతి వేడుకలు

ఆస్ట్రేలియా మహిళా క్రికెట్‌ దిగ్గజం ఎల్లిస్‌ పెర్రీ చరిత్ర సృష్టించింది. అంతర్జాతీయ క్రికెట్‌లో (పురుషులు, మహిళలు) తొమ్మిది ఐసీసీ టైటిళ్లు (7 టీ20 ప్రపంచకప్‌లు, 2 వన్డే ప్రపంచకప్‌లు) సాధించిన తొలి ప్లేయర్‌గా సరికొత్త రికార్డు నెలకొల్పింది . టీ20 ప్రపంచకప్‌ 2026 గెలుపుతో ఈ ఘనత సాధించింది.పెర్రీ తర్వాత అత్యధిక ఐసీసీ టైటిళ్లు సాధించిన ప్లేయర్ల జాబితాలో రెండు, మూడు స్థానాల్లో కూడా ఆస్ట్రేలియా మహిళా క్రికెటర్లే ఉన్నారు. మాజీ వికెట్‌కీపర్ బ్యాటర్ అలిస్సా హీలీ (7 టీ20 ప్రపంచకప్‌లు, ఓ వన్డే ‍ప్రపంచకప్‌), మాజీ కెప్టెన్‌ మెగ్‌ లానింగ్‌ (5 టీ20 వరల్డ్‌కప్‌లు, ఓ వన్డే వరల్డ్‌కప్‌, 2 మహిళల ఛాంపియన్‌షిప్‌లు) తలో ఎనిమిది ఐసీసీ టైటిళ్లు సాధించారు.ఈ జాబితాలో నాలుగో స్థానంలో ఉన్నది కూడా ఆస్ట్రేలియనే. అయితే అతను పురుష క్రికెటర్‌. ఆసీస్‌ పురుషుల జట్టు మాజీ కెప్టెన్‌ రికీ పాంటింగ్‌ తన కెరీర్‌లో 3 ఐసీసీ టైటిళ్లు (2 వన్డే వరల్డ్‌కప్‌లు, ఛాంపియన్స్‌ ట్రోఫీ) సాధించాడు.ఈ జాబితాలో భారత పురుష దిగ్గజ ప్లేయర్లు విరాట్‌ కోహ్లి (వన్డే ప్రపంచకప్, ఒక టీ20 ప్రపంచకప్, రెండు ఛాంపియన్స్ ట్రోఫీలు), రోహిత్‌ శర్మ (టీ20 ప్రపంచకప్, ఛాంపియన్స్ ట్రోఫీ, రెండు వన్డే ప్రపంచకప్‌లు) తలో 4 ఐసీసీ టైటిళ్లతో ఐదు, ఆరు స్థానాల్లో ఉన్నారు.ఆతర్వాతి స్థానంలో భారత మాజీ కెప్టెన్‌ మహేంద్ర సింగ్ ధోని ( 3 టైటిళ్లు.. టీ20 ప్రపంచకప్, వన్డే ప్రపంచకప్, ఛాంపియన్స్ ట్రోఫీ) ఉన్నాడు.కాగా, తాజా టీ20 ప్రపంచకప్‌ గెలుపుతో ఆస్ట్రేలియా మహిళల క్రికెట్‌లో తమ ఏకఛత్రాధిపత్యాన్ని నిరాటంకంగా కొనసాగించింది. ఈ జట్టు ఏడో టీ20 ప్రపంచకప్‌ గెలుచుకోవడంతో తమ వరల్డ్‌కప్‌ల సంఖ్య 14కు చేర్చుకుంది. వన్డేల్లో కూడా ఏడు సార్లు ప్రపంచ ఛాంపియన్లుగా ఉన్న ఆసీస్‌ మహిళలు.. రెండు ఫార్మాట్లలో కలిపి ఎవరూ సాధించినన్ని టైటిళ్లు సాధించారు. పురుషుల క్రికెట్‌లోనూ ఆస్ట్రేలియాది ఇంచుమించు ఇలాంటి హవానే కొనసాగుతోంది. ఆ జట్టు ఇప్పటివరకు 6 వన్డే ప్రపంచకప్‌లు, ఓ టీ20 ప్రపంచకప్‌ సహా పలు ఐసీసీ టైటిళ్లు (2 ఛాంపియన్స్‌ ట్రోఫీలు, ఓ వరల్డ్‌ టెస్ట్‌ ఛాంపియన్‌షిప్‌) సాధించింది. ఆస్ట్రేలియా మహిళల జట్టు కామన్‌వెల్త్‌ క్రీడల్లో కూడా బంగారు పతకం​ సాధించింది. ఈ లెక్కన పురుషుల విభాగామైనా, మహిళల విభాగమైనా క్రికెట్‌పై ఆస్ట్రేలియా తిరుగులేని ఆధిపత్యాన్ని కొనసాగిస్తుంది.

ఢిల్లీ: ప్రధాని నరేంద్ర మోదీ మూడు దేశాల పర్యటనకు బయలుదేరారు. ఈ నెల 11 వరకు ఇండోనేషియా, ఆస్ట్రేలియా, న్యూజిలాండ్‌లో మోదీ పర్యటించనున్నారు. జులై 6 నుంచి 8 వరకు ఇండోనేషియాలో పర్యటించనున్న ప్రధాని.. బ్రహ్మోస్ క్షిపణి కొనుగోలు ఒప్పందంపై చర్చలు జరపనున్నారు. ఇండో - పసిఫిక్ రీజియన్‌లో వ్యూహాత్మక సమన్వయంపై ద్వైపాక్షిక చర్చలు జరపనున్నారు.ప్రధాని మోదీ.. తొలుత సోమవారం ఇండోనేసియాకు చేరుకుంటారు. 2016 తర్వాత మోదీ ఆ దేశానికి వెళ్తుండడం ఇదే మొదటిసారి. ఇండో–పసిఫిక్‌ ప్రాంతంలో భారత్, ఇండోనేసియా మరింత సన్నిహితంగా కలిసి పనిచేయాల్సిన అవసరం ఉందని నిపుణులు చెబుతున్నారు. ఈ ప్రాంతంలో మారుతున్న భౌగోళిక రాజకీయ పరిస్థితులు, సముద్ర భద్రతపై పెరుగుతున్న ఆందోళనల నేపథ్యంలో మోదీ పర్యటన ప్రాధాన్యత సంతరించుకుంది.ఇండోనేసియా అధ్యక్షుడు సుబియాంటోతో మోదీ సమావేశమవుతారు. ఇరుదేశాల సంబంధాలు, ద్వైపాక్షిక అంశాలపై చర్చిస్తారు. ఇండో–పసిఫిక్‌లో సము ద్ర సహకారాన్ని, సరఫరా గొలుసులను పటిష్టం చేయడం, ఆర్థిక మరియు వ్యూహాత్మక సంబంధాలు, కీలక ఖనిజాలు, స్వచ్ఛ ఇంధనం, తయారీ రంగంలో సహకారం, వాణిజ్యాన్ని ప్రోత్సహించడం, డిజిటల్‌ ప్రజా మౌలిక సదుపాయాలపై చర్చించే అవకాశం ఉంది.ఇరు దేశాల మధ్య సమగ్ర వ్యూహాత్మక భాగస్వామ్యాన్ని వారు సమీక్షిస్తారు. రాజధాని జకార్తాలో ప్రవాస భారతీయులతోనూ మోదీ భేటీ అవుతారు. వారిని ఉద్దేశించి ప్రసంగిస్తారు. ఇండోనేసియాలోని ప్రఖ్యాత ప్రాంబనన్‌ ఆలయాన్ని మోదీ దర్శించుకుంటారు. మోదీ ఇండోనేసియా పర్యటన ముగించుకున్న తర్వాత వెంటనే ఆ్రస్టేలియా, న్యూజిలాండ్‌లో పర్యటించబోతున్నారు. ఇండోనేసియా ప్రస్తుత అధ్యక్షుడు సుబియాంటో గత సంవత్సరం భారత్‌లో పర్యటించారు. ఢిల్లీలో గణతంత్ర దినోత్సవాలకు ఆయన ముఖ్య అతిథిగా హాజరయ్యారు.

న్యూఢిల్లీ: ప్రధానమంత్రి నరేంద్ర మోదీ సోమవారం నుంచి మూడు రోజులపాటు ఇండోనేసియా, ఆస్ట్రేలియా, న్యూజిలాండ్‌ దేశాల్లో పర్యటించబోతున్నారు. ఆయన తొలుత సోమవారం ఇండోనేసియాకు చేరుకుంటారు. 2016 తర్వాత మోదీ ఆ దేశానికి వెళ్తుండడం ఇదే మొదటిసారి. ఇండో–పసిఫిక్‌ ప్రాంతంలో భారత్, ఇండోనేసియా మరింత సన్నిహితంగా కలిసి పనిచేయాల్సిన అవసరం ఉందని నిపుణులు చెబుతున్నారు.ఈ ప్రాంతంలో మారుతున్న భౌగోళిక రాజకీయ పరిస్థితులు, సముద్ర భద్రతపై పెరుగుతున్న ఆందోళనల నేపథ్యంలో మోదీ పర్యటన ప్రాధాన్యత సంతరించుకుంది. ఇండోనేసియా అధ్యక్షుడు సుబియాంటోతో మోదీ సమావేశమవుతారు. ఇరుదేశాల సంబంధాలు, ద్వైపాక్షిక అంశాలపై చర్చిస్తారు. ఇండో–పసిఫిక్‌లో సము ద్ర సహకారాన్ని, సరఫరా గొలుసులను పటిష్టం చేయడం, ఆర్థిక మరియు వ్యూహాత్మక సంబంధాలు, కీలక ఖనిజాలు, స్వచ్ఛ ఇంధనం, తయారీ రంగంలో సహకారం, వాణిజ్యాన్ని ప్రోత్సహించడం, డిజిటల్‌ ప్రజా మౌలిక సదుపాయాలపై చర్చించే అవకాశం ఉంది.ఇరు దేశాల మధ్య సమగ్ర వ్యూహాత్మక భాగస్వామ్యాన్ని వారు సమీక్షిస్తారు. రాజధాని జకార్తాలో ప్రవాస భారతీయులతోనూ మోదీ భేటీ అవుతారు. వారిని ఉద్దేశించి ప్రసంగిస్తారు. ఇండోనేసియాలోని ప్రఖ్యాత ప్రాంబనన్‌ ఆలయాన్ని మోదీ దర్శించుకుంటారు. మోదీ ఇండోనేసియా పర్యటన ముగించుకున్న తర్వాత వెంటనే ఆ్రస్టేలియా, న్యూజిలాండ్‌లో పర్యటించబోతున్నారు. ఇండోనేసియా ప్రస్తుత అధ్యక్షుడు సుబియాంటో గత సంవత్సరం భారత్‌లో పర్యటించారు. ఢిల్లీలో గణతంత్ర దినోత్సవాలకు ఆయన ముఖ్య అతిథిగా హాజరయ్యారు.

లండన్‌: ప్రతిష్టాత్మక మహిళల టి20 ప్రపంచకప్‌లో ఆస్ట్రేలియా విజేతగా నిలిచింది. టోర్నీ ఆసాంతం అపజయం ఎరగకుండా ఫైనల్‌కు చేరిన ఆసీస్‌... తుదిపోరులోనూ అదే దూకుడు కనబర్చింది. ఆదివారం ప్రఖ్యాత లార్డ్స్‌ మైదానంలో జరిగిన పూర్తి ఏకపక్ష ఫైనల్లో సోఫీ మోలినెక్స్‌ సారథ్యంలోని ఆస్ట్రేలియా 7 వికెట్ల తేడాతో ఇంగ్లండ్‌ను చిత్తుచేసి ఏడోసారి వరల్డ్‌కప్‌ ట్రోఫీని హస్తగతం చేసుకుంది. టాస్‌ ఓడి మొదట బ్యాటంగ్‌కు దిగిన ఆతిథ్య ఇంగ్లండ్‌ నిర్ణీత 20 ఓవర్లలో 4 వికెట్ల నష్టానికి 150 పరుగులు చేసింది. కెప్టెన్‌ నాట్‌ సివర్‌ బ్రంట్‌ (53 బంతుల్లో 58 నాటౌట్‌; 5 ఫోర్లు) అజేయ అర్ధశతకంతో ఆకట్టుకోగా... ఫ్రెయా కెంప్‌ (28 బంతుల్లో 44 నాటౌట్‌; 4 ఫోర్లు, 1 సిక్స్‌) వేగంగా ఆడింది. డానీ వ్యాట్‌ (8), అమీ జోన్స్‌ (6), హీతర్‌ నైట్‌ (2) విఫలమయ్యారు. ఆ్రస్టేలియా బౌలర్లలో కిమ్‌ గార్త్, లూసీ హామిల్టన్, సోఫీ మోలినెక్స్‌ , అనాబెల్‌ సదర్లాండ్‌ తలా ఒక వికెట్‌ పడగొట్టారు. అనంతరం టి20 ప్రపంచకప్‌ ఫైనల్లో అత్యధిక పరుగుల లక్ష్యఛేదనకు దిగిన ఆ్రస్టేలియా ఆడుతూ పాడుతూ గమ్యాన్ని చేరింది. ఆసీస్‌ 17.1 ఓవర్లలో 3 వికెట్ల నష్టానికి 153 పరుగులు చేసింది. జార్జియా వాల్‌ (9) రెండో ఓవర్‌లోనే అవుటైనా... బెత్‌ మూనీ (49 బంతుల్లో 64; 10 ఫోర్లు), లిచ్‌ఫీల్డ్‌ (35 బంతుల్లో 48; 6 ఫోర్లు, 2 సిక్స్‌లు) రెండో వికెట్‌కు 67 బంతుల్లోనే 100 పరుగులు జోడించి గెలుపుదిశగా నడిపించారు. బ్యాటింగ్‌లో ప్రభావం చేయలేకపోయిన ఇంగ్లండ్‌... బౌలింగ్‌లోనూ ఎలాంటి మ్యాజిక్‌ కనబర్చలేక నాలుగోసారి రన్నరప్‌తో సరిపెట్టుకుంది. బెత్‌ మూనీకే ‘ప్లేయర్‌ ఆఫ్‌ ద ఫైనల్‌’...‘ప్లేయర్‌ ఆఫ్‌ ద టోర్నీ’ అవార్డులు దక్కాయి. విజేత ఆస్ట్రేలియాకు 23 లక్షల 40 వేల డాలర్లు (రూ. 22 కోట్ల 34 లక్షలు)... రన్నరప్‌ ఇంగ్లండ్‌కు 11 లక్షల 70 వేల డాలర్లు (రూ. 11 కోట్ల 17 లక్షలు) ప్రైజ్‌మనీ లభించింది.7 మహిళల టి20 ప్రపంచకప్‌ ట్రోఫీ సాధించడం ఆస్ట్రేలియాకిది ఏడోసారి. 2010, 2012, 2013, 2018, 2020, 2023లో చాంపియన్‌గా నిలిచిన ఆసీస్‌... 2016 ఫైనల్లో ఓడింది.4 మహిళల టి20 వరల్డ్‌కప్‌ ఫైనల్లో ఓడడం ఇంగ్లండ్‌కు ఇది నాలుగోసారి. ఆ నాలుగుసార్లు ప్రత్యర్థి ఆస్ట్రేలియానే కావడం గమనార్హం. 2009లో ట్రోఫీ నెగ్గిన ఆ జట్టు... 2012, 2014, 2018 రన్నరప్‌గా నిలిచింది.

లండన్‌: మహిళల టి20 ప్రపంచకప్‌ ఫైనల్‌కు రంగం సిద్ధమైంది. టోర్నీ ఆరంభం నుంచి అజేయంగా దూసుకెళ్తున్న ఆస్ట్రేలియా, ఇంగ్లండ్‌ మధ్య... లార్డ్స్‌ వేదికగా నేడు తుదిపోరు జరగనుంది. ఇప్పటి వరకు జరిగిన తొమ్మిది టి20 ప్రపంచకప్‌లలో ఆ్రస్టేలియా ఆరుసార్లు (2010, 2012, 2014, 2018, 2020, 2023) చాంపియన్‌గా నిలవగా... 2009 ఆరంభ సీజన్‌లో ట్రోఫీ చేజిక్కించుకున్న ఇంగ్లండ్‌ రెండో కప్పు కోసం 17 ఏళ్లుగా నిరీక్షిస్తోంది. ఈ మధ్యలో మూడుసార్లు (2012, 2014, 2018) ఫైనల్‌కు చేరిన ఇంగ్లండ్‌... ఆసీస్‌ చేతిలోనే పరాజయం పాలై రన్నరప్‌తో సరిపెట్టుకుంది. ఈ సారి సొంతగడ్డపై టోర్నీ జరుగుతుండటంతో అభిమానుల మద్దతుతో ముందంజ వేయాలని ఇంగ్లండ్‌ భావిస్తోంది. గ్రూప్‌–1లో ఆడిన ఐదు మ్యాచ్‌ల్లోనూ నెగ్గిన ఆ్రస్టేలియా... సెమీఫైనల్లో వెస్టిండీస్‌ను చిత్తుచేయగా... గ్రూప్‌–2లో ఐదు విజయాలు సాధించిన ఇంగ్లండ్‌... సెమీస్‌లో దక్షిణాఫ్రికాను మట్టికరిపించింది. మూనీ, వాల్, లిచ్‌ఫీల్డ్, గార్డ్‌నర్, సదర్లాండ్‌తో ఆస్ట్రేలియా బ్యాటింగ్‌ లైనప్‌ అత్యంత పటిష్టంగా ఉంది. బౌలింగ్‌లో కెప్టెన్‌ మొలినెక్స్, గార్త్, అలానా కింగ్‌ కీలకం కానున్నారు. మరోవైపు కెప్టెన్‌ సీవర్‌ బ్రంట్, వ్యాట్, జోన్స్, నైట్, కాప్సీతో ఇంగ్లండ్‌ బ్యాటింగ్‌ కూడా శత్రుదుర్బేధ్యంగా ఉంది. ఎకిల్‌స్టోన్, కెంప్, లిన్సే బౌలింగ్‌ను కంగారూలు ఎలా ఎదుర్కొంటారో చూడాలి. పిచ్‌ అటు బౌలింగ్‌ ఇటు బ్యాటింగ్‌కు సమానంగా సహకరించనుంది. మ్యాచ్‌కు వర్ష సూచనలేదు.

ఆస్ట్రేలియా పర్యటన వేళ.. ప్రధాని నరేంద్ర మోదీకి బెదిరింపులు కలకలం రేపుతున్నాయి.. ఆసీస్‌ పర్యటనకు ముందు మోదీకి ఆన్‌లైన్‌లో బెదిరింపులు వచ్చాయి. ఈ నెల 9న ఆ దేశ పర్యటనకు ప్రధాని మోదీ వెళ్లనున్న క్రమంలో.. ఆస్ట్రేలియా వస్తే చంపేస్తామంటూ వచ్చిన వార్నింగ్‌పై ఆ దేశ పోలీసులు దర్యాప్తు చేపట్టారు.జులై 9న మార్వెల్ స్టేడియంలో జరగాల్సిన ‘మెల్‌బోర్న్ మీట్స్ మోదీ (Melbourne Meets Modi) కమ్యూనిటీ ఈవెంట్‌ను ప్రకటిస్తూ ఫేస్‌బుక్‌లో పెట్టిన ఒక పోస్ట్ కింద ఈ బెదిరింపు కామెంట్ ప్రత్యక్షమైంది. అబు ముస్తఫా అనే పేరుతో ఉన్న ఖాతా నుండి వచ్చిన ఆ కామెంట్‌లో ‘ఈ కార్యక్రమం జరిగే సమయంలో స్టేడియం రూఫ్ టాప్‌లను (పైకప్పును) మూసివేయడం మంచిది. లేదంటే ఆయన తన మరణం కోసమే ఆస్ట్రేలియాకు వస్తున్నట్లు లెక్క’’ అంటూ బెదిరింపులకు దిగారు. ఈ బెదిరింపులపై ఆస్ట్రేలియా ఫెడరల్ పోలీస్ (AFP)కి ఫిర్యాదు అందినట్లు ది ఆస్ట్రేలియా టుడే తెలిపింది.ఈ పోస్ట్‌కు సంబంధించిన ఐపీ (IP) అడ్రస్‌ను ర్యాప్తు అధికారులు గుర్తించినట్లు సమాచారం. ఈ బెదిరింపులపై పలు కోణాల్లో అధికారులు దర్యాప్తు చేపట్టారు. కాగా, ఈ పర్యటనలో ప్రధాని మోదీ ద్వైపాక్షిక చర్చల్లో పాల్గొనడంతో పాటు.. మెల్‌బోర్న్ సమావేశంతో సహా పలు కమ్యూనిటీ ఈవెంట్లలో కూడా పాల్గొననున్నారు. పర్యటనకు వచ్చే ఇతర దేశాల ప్రభుత్వాధినేతలకు వచ్చే బెదిరింపులను ఆస్ట్రేలియా చట్టం అత్యంత తీవ్రంగా పరిగణిస్తుంది. హై-ప్రొఫైల్ అంతర్జాతీయ పర్యటనల భద్రతా ప్రణాళికలో ఆస్ట్రేలియా ఫెడరల్ పోలీస్, స్టేట్ పోలీస్, స్పెషలిస్ట్ ప్రొటెక్టివ్ సెక్యూరిటీ యూనిట్లతో సహా పలు సంస్థలు భాగస్వామ్యమవుతాయి.

ఫిఫా ప్ర‌పంచ‌క‌ప్‌లో ఈజిప్ట్ ప్రిక్వార్ట‌ర్స్‌లో అడుగుపెట్టింది. రౌండ్ ఆఫ్ 32లో భాగంగా ఆస్ట్రేలియాతో జ‌రిగిన మ్యాచ్‌లో ఈజిప్ట్ పెనాల్టీ షూటౌట్‌లో 4-2తో విజ‌యం సాధించింది. నిర్ణీత స‌మ‌యం ముగిసేలోగా ఇరుజ‌ట్లు 1-1తో స‌మంగా ఉండ‌డంతో మ్యాచ్ డ్రా అయింది. దీంతో మ్యాచ్‌లో విజేత‌ను తేల్చేందుకు పెనాల్టీ షూటౌట్ అనివార్య‌మైంది. ఫ‌లితంగా పెనాల్టీ షూటౌట్ ద్వారా ఆస్ట్రేలియా టోర్నీ నుంచి నిష్క్ర‌మించింది. మ్యాచ్‌లో ఈజిప్ట్ త‌ర‌ఫున ఇమామ్ అశోర్ (13వ నిమిషం) గోల్ కొట్ట‌గా.. 55వ నిమిషంలో మొహ‌మ్మ‌ద్ హ‌నీ సెల్ఫ్‌ గోల్ కొట్ట‌డంతో అది ఆస్ట్రేలియా ఖాతాలోకి వెళ్లిపోయింది. ఎక్స్‌ట్రా టైమ్‌లోనూ ఇరుజ‌ట్లు మ‌రో గోల్‌కొట్ట‌డంలో విఫ‌ల‌మ‌య్యాయి. అయితే పెనాల్టీ షూటౌట్‌లో తొలి కిక్‌లో ఆస్ట్రేలియా త‌ర‌ఫున హారి సౌట్ట‌ర్ బంతిని కిక్ చేయ‌గా అది క్రాస్‌బార్‌ను తాకుతూ వెళ్లిపోయింది. ఈజిప్ట్ త‌ర‌ఫున మ‌హ్మూద్ సాబెర్ స్కోర్ చేశాడు. ఇక రెండో కిక్‌లో ఆస్ట్రేలియా త‌ర‌ఫున జాక్స‌న్ ఇర్విన్‌, ఈజిప్ట్ త‌ర‌ఫున రామి ర‌బియా స్కోర్ చేశారు. మూడో కిక్‌లో ఈజిప్ట్ త‌ర‌ఫున మ‌హ్మ‌ద్ సాలా, ఆసీస్ త‌ర‌ఫున అవ‌ర్ మాబిల్ స్కోర్ చేయ‌డంతో ఆధిక్యం 3-2కు త‌గ్గింది. కీల‌క‌మైన నాలుగో కిక్‌లో ఆస్ట్రేలియా మిస్ చేయ‌గా, ఈజిప్ట్ త‌ర‌ఫున అబ్దెల్‌మిగుడ్ స్కోర్ చేయ‌డంతో 4-2తో ఈజిప్ట్ జ‌య‌కేతనం ఎగురవేసింది. ఆస్ట్రేలియాపై విజ‌యంతో ఫిఫా చ‌రిత్ర‌లో ఈజిప్ట్ తొలిసారి ప్రిక్వార్ట‌ర్స్‌లో అడుగుపెట్టింది. అంతేకాదు ఆఫ్రికా నుంచి ఫిఫాలో రౌండ్‌-16కు అర్హ‌త సాధించిన రెండో దేశంగా ఈజిప్ట్ నిలిచింది. ఇక రౌండ్‌-16లో అర్జెంటీనా, కేప్‌వెర్డె మ‌ధ్య విజేత‌తో ఈజిప్ట్ త‌ల‌ప‌డ‌నుంది.సెల్ఫ్ గోల్స్ రికార్డుఈసారి ఫిఫా ప్ర‌పంచ‌క‌ప్‌లో సెల్ఫ్ గోల్స్ విష‌యంలో ఒక చెత్త రికార్డు న‌మోద‌య్యింది. ఈ టోర్నీలో ఈజిప్ట్ ఆట‌గాడు మొహ్మ‌ద్ హ‌నీ కొట్టిన సెల్ఫ్ గోల్ 13వది కాగా.. గ‌తంలో ఫిఫా టోర్నీలో న‌మోదైన 12 సెల్ఫ్ గోల్స్ రికార్డు బ‌ద్ద‌ల‌య్యింది. 13 సెల్ఫ్ గోల్స్‌తో ఫిఫా ప్ర‌పంచ‌క‌ప్‌ 2026 కొత్త రికార్డు సృష్టించింది. 2018లో ర‌ష్యాలో జ‌రిగిన ఫిఫా టోర్నీలో 12 సెల్ఫ్ గోల్స్ న‌మోద‌వ్వ‌గా, 1998లో ఫ్రాన్స్ వేదిక‌గా జ‌రిగిన ఫిఫాలో ఆరు గోల్స్‌, 2014లో బ్రెజిల్ వేదిక‌గా జ‌రిగిన ఫిఫాలో ఐదు సెల్ఫ్ గోల్స్ న‌మోద‌య్యాయి.Egypt won their first ever knockout match at worldcup, i loved their celebration. But in whole match Mo salah has been carried by mostafa ziko and Emam ashour, he showed his mediocrity today at global level. One penalty is enough to satisfy his dumbass fans😭 pic.twitter.com/Mhmraf5Vy0— shaurya nirjhar (@Shaurya_Nirjhar) July 3, 2026

మైనర్‌ బాలికపై లైంగిక దాడి కేసులో ఆస్ట్రేలియా ఫాస్ట్‌ బౌలర్‌ ఆరోన్‌ సమ్మర్స్‌కు జైలు శిక్ష ఖరారయ్యే అవకాశం ఉంది. 2018లో నమోదైన ఈ కేసుకు సంబంధించి జడ్జిమెంట్‌ త్వరలో రాబోతుంది. ఈ కేసులో ఆరోన్‌ నేరాన్ని అంగీకరించాడు. ప్రస్తుతం ఈ కేసు టాస్మానియా సుప్రీం కోర్టులో శిక్ష ఖరారు దశలో కొనసాగుతోంది.2018లో ఆరోన్‌ హోబార్ట్‌లో 15 ఏళ్ల బాలికపై లైంగిక దాడికి పాల్పడ్డాడని ఆరోపణలు ఉన్నాయి. సోషల్ మీడియా ద్వారా బాలికతో పరిచయం ఏర్పరుచుకున్న అతడు.. ఓ పాఠశాల ప్రాంగణంలో లైంగిక దాడికి పాల్పడినట్లు కేసు వివరాలు చెబుతున్నాయి. ఈ ఘటన జరిగిన సమయంలో అరోన్‌ బిగ్‌బాష్‌ లీగ్‌లో హోబార్ట్ హరికేన్స్‌కు ఆడుతున్నాడు.ఆరోన్‌పై గతంలోనూ మైనర్లపై లైంగిక దాడుల కేసుల్లో చాలా ఆరోపణలు ఉన్నాయి. చాన్నాళ్ల కాలంపాటు అతడు బెయిల్‌పైనే ఉన్నాడు. 2020లో ఆరోన్‌ పాకిస్తాన్‌ దేశవాలీ క్రికెట్‌ కూడా ఆడాడు. తద్వారా పాక్‌లో దేశవాలీ క్రికెట్‌ ఆడిన తొలి ఆస్ట్రేలియన్‌గా రికార్డుల్లోకెక్కాడు.30 ఏళ్ల ఆరోన్‌ ఒకప్పుడు ప్రతిభావంతమైన ఫాస్ట్ బౌలర్‌గా గుర్తింపు పొందాడు. అతడు ఆసీస్‌ జాతీయ జట్టులోకి రావడం ఖాయమని అంతా అనుకున్నారు. ఈ దశలో అతడు నేరాలకు పాల్పడుతూ కెరీర్‌ను నాశనం చేసుకున్నాడు. ఆరోన్‌ బిగ్‌బాష్‌ లీగ్‌, పాకిస్తాన్‌ సూపర్‌ లీగ్‌తో పాటు యూరో టీ20 స్లామ్‌ తదితర విదేశీ లీగ్‌ల్లో పాల్గొన్నాడు.

ఆస్ట్రేలియా వెట‌ర‌న్‌ ఆల్-రౌండర్ మోయిసెస్ హెన్రిక్స్ కీలక నిర్ణయం తీసుకున్నాడు. 39 ఏళ్ల హెన్రిక్స్ ఇకపై పోర్చుగల్ జాతీయ జట్టు తరపున అంతర్జాతీయ క్రికెట్ ఆడనున్నాడు. ఈ ఏడాది ఆగస్టులో జరగబోయే టీ20 ప్రపంచకప్ క్వాలిఫైయర్స్‌లో అతడు తన సొంత దేశమైన పోర్చుగల్‌కు ప్రాతినిథ్యం వహించనున్నాడు. హెన్రిక్స్ ఆస్ట్రేలియా తరపున చివరగా 2021లో ఇంటర్ననేషనల్ క్రికెట్ ఆడాడు. ఆ త‌ర్వాత పేల‌వ ఫామ్ కార‌ణంగా అత‌డికి జాతీయ జ‌ట్టులో చోటు ద‌క్క‌లేదు. కానీ దేశ‌వాళీ క్రికెట్‌లో మాత్రం రెగ్యూలర్‌గా ఆడుతూ వ‌చ్చాడు. న్యూసౌత్‌వేల్స్‌కు కెప్టెన్‌గా, ప్లేయ‌ర్‌గా త‌న సేవ‌ల‌ను అందించాడు. అయితే హెన్రిక్స్‌ అనుహ్యంగా గ‌తేడాది మార్చిలో ఫ‌స్ట్‌క్లాస్ క్రికెట్‌కు రిటైర్మెంట్ ప్ర‌కటించి అంద‌రికి షాకిచ్చాడు. ఇప్పుడు ఆసీస్ జట్టులో అవకాశాలు రాకపోవడంతో త‌న మకాంను పోర్చుగ‌ల్‌కు మార్చాడు. అయిన‌ప్ప‌టికి బిగ్‌బాష్ లీగ్‌లో మాత్రం మోయిసెస్ ఆడ‌నున్నాడు. ఐసీసీ నిబంధ‌న‌ల ప్ర‌కారం.. ఫుల్ మెంబ‌ర్ నేష‌న్ నుంచి అసోసియేట్ దేశానికి వెళ్లే ఆటగాళ్లు మూడేళ్ల కూలింగ్-ఆఫ్ పీరియడ్‌ను పూర్తి చేయాలి. అయితే హెన్రిక్స్ ఆస్ట్రేలియా త‌ర‌పున 2021లో ఆడ‌డంతో అత‌డి కూలింగ్ పీరియ‌డ్ కూడా పూర్తి అయినట్లే. పోర్చుగ‌ల్ త‌ర‌పున ఆడేందుకు అత‌డికి ఎలాంటి చిక్కులు లేవు.కాగా హెన్రిక్స్ అంత‌ర్జాతీయ క్రికెట్ ఎక్కువ‌గా ఆడ‌క‌పోయిన‌ప్ప‌టికి, డొమాస్టిక్ క్రికెట్‌లో మాత్రం అపార‌మైన అనుభ‌వం ఉంది. 131 ఫస్ట్ క్లాస్ మ్యాచ్‌లతో పాటు 141 లిస్ట్-ఎ, 301 టీ20 మ్యాచ్‌లు ఆడాడు. ఐపీఎల్‌లో కేకేఆర్, ఢిల్లీ, ఆర్‌సీబీ, సన్‌రైజర్స్ హైద‌రాబాద్‌,పంజాబ్ కింగ్స్ వంటి జ‌ట్ల‌కు అత‌డు ప్రాతినిథ్యం వ‌హించాడు. ఐపీఎల్‌-2016 విజేతగా నిలిచిన ఎస్‌ఆర్‌హెచ్‌ జట్టులో అతడు సభ్యుడిగా ఉన్నాడు.ఇక ఇది ఇలా ఉండ‌గా.. ఒక ఆస్ట్రేలియా ఆటగాడు అసోసియేట్ దేశానికి మారడం ఇదే మొదటిసారి కాదు. గ‌తంలో ఆస్ట్రేలియా మాజీ ఓపెనర్ జో బర్న్స్ తన కుటుంబ నేపథ్యం కారణంగా ఇటలీకి మకాం మార్చాడు. 2025లో ఇట‌లీ త‌ర‌పున అత‌డు అంత‌ర్జాతీయ క్రికెట్ ఆడాడు.చదవండి: నేడే ప్రపంచకప్‌ తొలి సెమీఫైనల్‌

ఐసీసీ మహిళల టీ20 వరల్డ్‌కప్‌ 2026లో నేడు (జూన్‌ 30) తొలి సెమీఫైనల్‌ జరుగనుంది. కెన్నింగ్టన్‌ ఓవల్‌ వేదికగా ఆరు సార్లు ప్రపంచ ఛాంపియన్‌ ఆస్ట్రేలియాను ఓ సారి ఛాంపియన్‌ అయిన వెస్టిండీస్‌ ఢీకొట్టనుంది. ఈ మ్యాచ్‌పై భారీ అంచనాలు ఉన్నాయి.ఈ సీజన్‌లో వెస్టిండీస్‌ అండర్‌ డాగ్‌ హోదాలో బరిలోకి దిగి సెమీస్‌ బెర్త్‌ దక్కించుకుంది. మరోవైపు ఆస్ట్రేలియా గ్రూప్‌ దశలో అజేయ జట్టుగా ఫైనల్‌-4కు చేరింది. వెస్టిండీస్‌ తమ చివరి రెండు గ్రూప్‌ మ్యాచ్‌ల్లో (ఇంగ్లండ్‌, ఐర్లాండ్‌) చేతుల్లో ఓడినా సెమీస్‌కు చేరడం ఆసక్తికర పరిణామం.ఆస్ట్రేలియా విషయానికొస్తే.. ఈ జట్టు టీమిండియా సెమీస్‌ ఆశలను ఆవిరి చేసి ఫైనల్‌-4కు చేరింది. తమ చివరి గ్రూప్‌ మ్యాచ్‌లో భారత్‌పై విజయం సాధించడంతో సౌతాఫ్రికాకు సెమీస్‌ బెర్త్‌ దక్కింది. జులై 2న జరిగే రెండో సెమీఫైనల్లో గ్రూప్‌-బి టాపర్‌ ఇంగ్లండ్‌తో సౌతాఫ్రికా అమీతుమీ తేల్చుకుంటుంది. విండీస్‌-ఆసీస్‌ తొలి సెమీఫైనల్‌ భారతకాలమానం ప్రకారం ఇవాళ రాత్రి 7 గంటల​కు ప్రారంభమవుతుంది. ఈ మ్యాచ్‌కు ముందు విండీస్‌ కెప్టెన్‌ హేలీ మాథ్యూస్‌ ఆసక్తికర విషయాలను వెల్లడించింది. ఈ టోర్నీలో తాము అండర్‌ డాగ్స్‌ అని చెప్పుకుంటూ, అదే తమ బలమని పేర్కొంది."మా నుంచి ఎవరూ విజయం ఆశించడం లేదు. ఇలాంటి పరిస్థితుల్లో ఒత్తిడి లేకుండా స్వేచ్ఛగా ఆడే అవకాశం ఉంటుంది. నేటి సెమీఫైనల్లో ఒత్తిడి అంతా ఆస్ట్రేలియాపైనే ఉంటుంది. వాళ్లు గెలవాల్సిందేనని అందరూ భావిస్తున్నారు. కానీ మేం గెలిస్తే మాత్రం అది సంచలనం అవుతుంది. అందుకే మేం నిర్భయంగా ఆడగలం.వెస్టిండీస్ గతంలో ఎన్నోసార్లు అంచనాలను తలకిందులు చేసింది. ముఖ్యంగా ప్రపంచకప్‌లలో తమ జట్టు ప్రత్యేకంగా రాణిస్తుంది. తమను తక్కువ అంచనా వేయడం ఆటగాళ్లలో మరింత పోరాటస్ఫూర్తిని పెంచుతుంది" అని చెప్పింది.ఇటీవల ఐర్లాండ్ చేతిలో ఓడిన విషయాన్ని ప్రస్తావిస్తూ, "ఆ మ్యాచ్‌లో మేం ఒత్తిడికి లోనయ్యాం. కానీ ఎవరైనా మమ్మల్ని తక్కువగా అంచనా వేస్తే, మాలో మరో రకమైన జోష్ కనిపిస్తుందని వివరించింది.

ఇల్లు అమ్మకానికి పెట్టడం చూశాం... భూమి అమ్మడం చూశాం... కానీ ఒక ఊరినే అమ్మకానికి పెట్టడం ఎప్పుడైనా విన్నారా? నిజమే! ఆస్ట్రేలియాలోని క్వీన్స్ ల్యాండ్‌ ప్రాంతంలోని ‘కూలాడ్డి’ అనే ఊరు ఇప్పుడు కొత్త యజమాని కోసం ఎదురుచూస్తోంది! ఒకప్పుడు 270 మంది జనాభాతో కళకళలాడిన ఈ ఊరు, రైల్వే మార్గాలు మారిపోవడంతో క్రమంగా ఖాళీ అయిపోయింది. ప్రస్తుతం కేవలం ఇద్దరు నివాసితులతోనే నడుస్తోంది. అందుకే దీనిని ‘ఆస్ట్రేలియాలోనే అతి చిన్న పట్టణం‘ అని కూడా పిలుస్తారు. ఈ ఊరిలో ఒక రోడ్‌హౌస్, మోటెల్, జనరల్‌ స్టోర్, పబ్, అంతేకాదు నాలుగు నక్షత్రాల రెస్టారెంట్‌ కూడా ఉన్నాయి. మరి ధర ఎంత అనుకుంటున్నారా? ఈ మొత్తం ఊరు దాదాపు నాలుగు లక్షల ఆస్ట్రేలియా డాలర్లకు, అంటే మన కరెన్సీలో సుమారు రూ. 2.67 కోట్లకు అమ్మకానికి సిద్ధంగా ఉంది! అందుకే, ఇది కొంటే, ఏకంగా ఒక చిన్న రాజ్యాన్నే కొన్నట్టే! అనుకొని చాలామంది వెళ్లారు. కాని, వెళ్లాక వాళ్లకి తెలిసింది ఏమిటంటే, ఈ క్రేజీ డీల్‌తో పాటు బాధ్యతలు కూడా ఫ్రీగా వస్తున్నాయని వెనక్కు వెళ్లిపోతున్నారు. కొత్త యజమాని పోస్టుమ్యాన్ గా, షాప్‌ యజమానిగా, పబ్‌ నిర్వాహకుడిగా, మోటెల్‌ మేనేజర్‌గా, అవసరమైతే వంటమనిషిగా కూడా మారాల్సి ఉంటుంది! సాధారణంగా, ఇల్లు కొంటే ఓ అడ్రస్‌ వస్తుంది. కానీ ఈ ఊరు కొంటే ఏకంగా మీ సొంత పోస్టల్‌ కోడ్‌ కూడా వస్తుంది!

ఐసీసీ మహిళల టీ20 ప్రపంచకప్‌లో ఆదివారంతో లీగ్ దశ మ్యాచ్‌లకు ఎండ్‌కార్డ్ పడనుంది. గ్రూప్‌-బి నుంచి ఇంగ్లండ్ జట్టు మాత్రమే ఇప్పటివరకు నాకౌట్ దశకు చేరుకోగా, మిగిలిన మూడు బెర్తులు ఏ జట్లు ఖరారు చేసుకుంటుందనేది ఆసక్తిగా మారింది. గ్రూప్‌-బి నుంచి వెస్టిండీస్‌, న్యూజిలాండ్ మధ్య పోటీ నెలకొని ఉంది. ఈ రెండు జట్లలో ఎవరు సెమీస్‌లో అడుగుపెట్టనున్నారనేది ఇవాళ తేలిపోనుంది. మరోవైపు గ్రూప్‌-ఏలో ఆస్ట్రేలియా జట్టు అనధికారికంగా నాకౌట్‌కు చేరుకున్నప్పటికీ అధికారికంగా మాత్రం ఇంకా ఆ జట్టు సెమీస్ బెర్తును ఖరారు చేసుకోలేదు. ఈ నేపథ్యంలో ఆదివారం డబుల్ హెడర్ పోరులో భాగంగా ఆస్ట్రేలియాతో భారత్‌, సౌతాఫ్రికాతో బంగ్లాదేశ్ తలపడనున్నాయి. ఇప్పటికే ఆస్ట్రేలియా 8 పాయింట్లతో తొలి స్థానంలో ఉంది. టీమిండియా, సౌతాఫ్రికాలు చెరో 6 పాయింట్లతో సంయుక్తంగా ఉన్నాయి. అయితే రన్‌రేట్ విషయంలో సౌతాఫ్రికాతో (0.734) పోలిస్తే భారత్ (2.268) మెరుగైన స్థితిలో ఉంది. ఈ నేపథ్యంలో హర్మన్ సేన సెమీస్ బెర్తు ఖరారు చేసుకోవాలంటే ఆస్ట్రేలియాపై తప్పనిసరి గెలవాల్సిందే. భార‌త్ సెమీస్ చేరే క్ర‌మంలో స‌మీక‌ర‌ణాలు ఒక‌సారి పరిశీలిద్దాం.ఆసీస్ చేతిలో ఓడిపోతే..రేపు ఆస్ట్రేలియాతో జ‌రిగే మ్యాచ్‌లో హ‌ర్మ‌న్ సేన ఓడిపోతే మ‌న ఖాతాలో ఆరు పాయింట్లు ఉంటాయి. అప్పుడు బంగ్లాదేశ్‌, సౌతాఫ్రికా మ్యాచ్ ఫ‌లితం మ‌న‌కు కీల‌కంగా మార‌నుంది. బంగ్లాదేశ్ చేతిలో సౌతాఫ్రికా ఓడిపోవాల‌ని కోరుకోవాలి. అప్పుడు ఆ జ‌ట్టు కూడా 6 పాయింట్లతోనే ఉంటుంది. ఇక్క‌డ నెట్‌ర‌న్‌రేట్ కీల‌కం కానుంది. ర‌న్‌రేట్ విష‌యంలో సౌతాఫ్రికా కంటే మ‌నం మెరుగ్గా ఉండ‌డంతో ఆసీస్‌తో క‌లిసి సెమీస్‌లో అడుగుపెడ‌తాం. ఒక‌వేళ బంగ్లాపై సౌతాఫ్రికా గెలిస్తే మాత్రం టీమిండియా ఇంటిబాట ప‌ట్ట‌నుంది.👉ఒక‌వేళ ఆస్ట్రేలియాతో టీమిండియా గెలిచి, బంగ్లాపై సౌతాఫ్రికా గెలిచినా మెరుగైన ర‌న్‌రేట్ కార‌ణంగా హ‌ర్మ‌న్ సేన సెమీస్‌లో అడుగుపెట్ట‌నుంది. సౌతాఫ్రికా ఓడితే ఎలాంటి స‌మీక‌ర‌ణాల‌తో సంబంధం లేకుండా భార‌త్ నేరుగా సెమీస్‌లో అడుగుపెట్ట‌నుంది.వ‌ర్షం ప‌డి ర‌ద్ద‌యితే..ఒక‌వేళ ఆస్ట్రేలియా, టీమిండియా మ్యాచ్ వ‌ర్షంతో ర‌ద్ద‌యితే, అప్పుడు కూడా టీమిండియాకు అవ‌కాశం ఉంటుంది. వ‌ర్షంతో మ్యాచ్ ర‌ద్ద‌యితే హ‌ర్మ‌న్ సేన ఖాతాలో 7 పాయింట్లు ఉంటాయి. అదే స‌మ‌యంలో బంగ్లాదేశ్ చేతిలో సౌతాఫ్రికా ఓడిపోవాల్సి ఉంటుంది. అప్పుడు భార‌త్ ఏడు పాయింట్ల‌తో నేరుగా సెమీస్‌లో అడుగుపెట్ట‌నుంది. ఒక‌వేళ సౌతాఫ్రికా గెలిస్తే మాత్రం స‌మీక‌ర‌ణాల‌తో సంబంధం లేకుండా ఆసీస్‌తో పాటు స‌ఫారీలు నాకౌట్‌లో అడుగుపెట్ట‌నుంది.చదవండి: అరువు తెచ్చుకున్న పోల్‌తో జాతీయ రికార్డు!

ప్రపంచ దేశాలన్నీ ఆదర్శంగా చూసిన ఆస్ట్రేలియా సోషల్ మీడియా బ్యాన్‌ ఆశించిన ఫలితాలు ఇవ్వలేదా? 16 ఏళ్లలోపు పిల్లలను సోషల్ మీడియాకు దూరంగా ఉంచాలనే ఉద్దేశం నెరవేరడం కష్టంగా ఉందా?. ప్రపంచంలోనే ఈ తరహా తొలి చట్టం అమల్లోకి తెచ్చిన ఆ దేశానికి.. ఆరు నెలలు తిరిగే సరికి పెద్ద షాక్‌ తగిలింది. 85 శాతం మంది పిల్లలు.. ఇప్పటికీ ఇప్పటికీ సోషల్ మీడియాను వినియోగిస్తున్నట్లు సర్వేలు చెబుతున్నాయి.పిల్లల్లో సోషల్ మీడియా వ్యసనం, మానసిక ఆరోగ్య సమస్యలు, ఆన్‌లైన్‌ ప్రమాదాలను దృష్టిలో ఉంచుకుని 2025 డిసెంబర్‌ 10న చట్టం అమల్లోకి తెచ్చింది ఆంథోనీ అల్బనీస్‌ నేతృత్వంలోని ప్రభుత్వం. దీని ప్రకారం.. ఇన్‌స్టాగ్రామ్‌, యూట్యూబ్‌, టిక్‌టాక్‌, ఫేస్‌బుక్‌ వంటి ప్రముఖ వేదికలు 16 ఏళ్లలోపు వారికి ఖాతాలు ఇవ్వకుండా ఈ చట్టం ఆదేశించింది. కాదని ముందుకు వెళ్తే.. భారీ జరిమానాలతో కఠిన చర్యలు తీసుకుంటామని హెచ్చరించింది. ఆరంభంలో మంచి ఫలితం ఇవ్వడంతో.. ఈ నిర్ణయాన్ని ప్రపంచవ్యాప్తంగా అనేక దేశాలు ఆదర్శంగా తీసుకున్నాయి.అయితే, ఆ చట్టం అమల్లోకి వచ్చి ఆరు నెలలు గడిచిన తర్వాత పరిస్థితిలో పెద్దగా మార్పు కనిపించలేదని తాజా అధ్యయనాలు చెబుతున్నాయి. బ్రిటిష్ మెడికల్ జర్నల్ (BMJ)లో ప్రచురితమైన అధ్యయనం ప్రకారం.. 12 నుంచి 15 ఏళ్ల వయసున్న ఆస్ట్రేలియా పిల్లల్లో దాదాపు 85 శాతం మంది ఇప్పటికీ సోషల్ మీడియాను ఉపయోగిస్తున్నారు.ఈ అధ్యయనంలో పాల్గొన్న చిన్నారుల్లో దాదాపు మూడింట రెండొంతుల మంది.. నిబంధనల్లోని లొసుగులను వినియోగించుకున్నట్లు తేలింది. 16 ఏళ్లకు పైబడిన వారికే ఖాతాలు అనుమతించే నిబంధనను తప్పించుకునేందుకు.. తమ వయసును 16 ఏళ్లు దాటినట్లు నమోదు చేయడమో లేదంటే సెల్ఫీ ఆధారిత వయస్సు ధ్రువీకరణను దాటేయడమో చేస్తున్నారాట. తద్వారా ఎలాంటి ఇబ్బందులు లేకుండా సోషల్‌ మీడియా ఖాతాలను యథావిధిగా కొనసాగించినట్లు అధ్యయనం వెల్లడించింది. దీంతో బ్యాన్‌ అమలులోని లోపాలు బహిర్గతమయ్యాయి.దీంతో ప్రపంచానికి ఆదర్శంగా నిలిచిన ఈ మోడల్‌పై ఇప్పుడు ప్రశ్నలు తలెత్తుతున్నాయి. ఇదే సమయంలో చట్టం అమలులో లోపాలను సరిదిద్దేందుకు ఆస్ట్రేలియా ప్రభుత్వం మరింత కఠిన వైఖరిని అవలంభించాలని నిర్ణయించింది. ఇప్పటికే పలు వేదికలు ఈ నిర్ణయంపై కోర్టుల్ని ఆశ్రయించాయి. దీంతో న్యాయపరమైన సవాళ్లను కూడా తట్టుకునేలా చట్టాన్ని బలోపేతం చేయడమే కాకుండా.. దేశంలోని ఈ-సేఫ్టీ కమిషన్‌కు మరిన్ని అధికారాలు ఇవ్వాలని ప్రభుత్వం భావిస్తోంది. నిబంధనలు పాటించని సోషల్ మీడియా సంస్థలపై.. 49.5 మిలియన్ ఆస్ట్రేలియన్ డాలర్ల(సుమారు 322 కోట్ల రూపాయలు) వరకు జరిమానా విధించే అవకాశం కూడా ఉంది. ఇప్పటికే కొన్ని వేదికలపై చట్టపరమైన చర్యలకు సైతం అల్బనీస్‌ ప్రభుత్వం సిద్ధమైనట్లు తెలుస్తోంది.ఇక.. ఆస్ట్రేలియా ప్రయోగాన్ని అనుసరించేందుకు ఇప్పటికే పలు దేశాలు అడుగులు వేస్తున్నాయి. టీనేజర్లకు(16 ఏళ్లలోపు) సోషల్ మీడియాతో పాటు గేమింగ్‌, లైవ్‌-స్ట్రీమింగ్‌ వేదికలపైనా బ్రిటన్ ఆంక్షలు విధించే ప్రణాళికను ప్రకటించింది. ఫ్రాన్స్, స్పెయిన్, గ్రీస్, నార్వే వంటి దేశాలు కూడా చిన్నారుల సోషల్ మీడియా వినియోగంపై పరిమితులు లేదంటే నిషేధాల దిశగా కసరత్తు చేస్తున్నాయి.మొత్తానికి, ప్రపంచానికి ఆదర్శంగా నిలిచిన ఆస్ట్రేలియా సోషల్ మీడియా బ్యాన్‌ ఇప్పటివరకు ఆశించిన స్థాయిలో ఫలితాలు ఇవ్వలేదని తాజా అధ్యయనాలు సూచిస్తున్నాయి. అయితే దీన్ని వైఫల్యంగా అంగీకరించకుండా.. చట్టంలోని లోపాలను సరిదిద్దుతూ మరింత సమర్థవంతంగా అమలు చేయడంపైనే ఆస్ట్రేలియా ప్రభుత్వం ఇప్పుడు దృష్టి పెట్టింది.

ఐసీసీ మ‌హిళ‌ల‌ టీ20 ప్ర‌పంచ‌క‌ప్‌లో పాకిస్తాన్ వ‌రుస‌గా నాలుగో ప‌రాజ‌యాన్ని చ‌విచూసింది. ఇప్ప‌టికే టోర్నీ నుంచి నిష్క్ర‌మించిన పాకిస్తాన్ గ్రూప్‌-ఏలో మంగ‌ళ‌వారం ఆస్ట్రేలియాతో జ‌రిగిన మ్యాచ్‌లో చిత్తుగా ఓడింది. 200 ప‌రుగుల లక్ష్యంతో బ‌రిలోకి దిగిన పాకిస్తాన్ 13.4 ఓవ‌ర్ల‌లో 86 ప‌రుగుల‌కే కుప్ప‌కూల‌డంతో ఆస్ట్రేలియా 113 ప‌రుగుల తేడాతో భారీ విజ‌యాన్ని అందుకుంది. పాక్ బ్యాట‌ర్ల‌లో ఓపెన‌ర్ మునీబా అలీ (32) టాప్ స్కోర‌ర్‌గా నిలిచింది. ఆస్ట్రేలియా బౌల‌ర్ల‌లో సోఫీ, స‌ద‌ర్లాండ్‌, ఎలిస్ పెర్రీలు త‌లా రెండు వికెట్లు తీశారు. అంత‌క‌ముందు తొలుత బ్యాటింగ్ చేసిన ఆస్ట్రేలియా జ‌ట్టు 20 ఓవ‌ర్ల‌లో 7 వికెట్ల న‌ష్టానికి 199 ప‌రుగులు చేసింది. ఎలిస్ పెర్రీ (79) అర్ధ‌శ‌త‌కంతో రాణించ‌గా, జార్జియా వోల్ (39), స‌ద‌ర్లాండ్ (27), నికోలా కేరీ (26 నాటౌట్‌) రాణించారు. పాక్ బౌల‌ర్లలో సాదియా ఇక్బాల్‌, ర‌మీన్ ష‌మీమ్‌, న‌ష్రా సంధూ త‌లా రెండు వికెట్లు తీశారు. ఆల్‌రౌండ్ ప్ర‌ద‌ర్శ‌న‌తో అద‌ర‌గొట్టిన ఎలీస్ పెర్రీ 'ప్లేయ‌ర్ ఆఫ్ ది మ్యాచ్' అవార్డు గెలుచుకుంది. పాక్‌పై విజ‌యంతో ఆస్ట్రేలియా నాకౌట్‌లో అడుగుపెట్టింది. మ‌రో బెర్తు కోసం భార‌త్‌, సౌతాఫ్రికా, బంగ్లాదేశ్‌ల మ‌ధ్య తీవ్ర పోటీ నెల‌కొంది. గురువారం భార‌త మ‌హిళ‌ల జ‌ట్టు బంగ్లాదేశ్ జ‌ట్టుతో కీల‌క మ్యాచ్ ఆడ‌నుంది.

ఫిఫా వరల్డ్‌కప్ 2026కు సహ ఆతిథ్య దేశమైన యూఎస్‌ఏ గ్రూప్‌ దశలో (గ్రూప్‌-డి) వరుసగా రెండో విజయాన్ని నమోదు చేసి నాకౌట్‌కు అర్హత సాధించింది. ఆస్ట్రేలియాపై 2-0 గోల్స్ తేడాతో విజయం సాధించి రౌండ్ ఆఫ్ 32కు చేరింది. గ్రూప్‌ దశలో మరో మ్యాచ్ (తుర్కియేతో) మిగిలి ఉండగానే ఆరు పాయింట్లు సాధించి తదుపరి దశలోకి ప్రవేశించింది.ఆసీస్‌తో మ్యాచ్‌కు స్టార్ ఆటగాడు క్రిస్టియన్‌ పులిసిక్‌ గాయంతో దూరమైనప్పటికీ అమెరికా జట్టు ఏమాత్రం తడబడలేదు. మ్యాచ్ ప్రారంభమైన 11వ నిమిషంలో ఆస్ట్రేలియా డిఫెండర్ కెమరూన్‌ బుర్గెస్‌ చేసిన సెల్ఫ్ గోల్ అమెరికాకు తొలి ఆధిక్యాన్ని అందించింది.ఆ తర్వాత తొలి అర్ధభాగం ముగియడానికి కొద్దిసేపటి ముందు అలెక్స్‌ ఫ్రీమన్‌ హెడ్డర్ ద్వారా రెండో గోల్ సాధించాడు. మొదట ఆఫ్‌సైడ్‌గా ప్రకటించిన ఈ గోల్‌ను వీడియో అసిస్టెంట్ రిఫరీ (VAR) సమీక్ష అనంతరం చెల్లుబాటు అయ్యే గోల్‌గా నిర్ధారించారు.

ప్రభుత్వం ఉద్యోగం, అదీ ఎస్‌ఐ ఉద్యోగం అంటే ఎవరైనా ఎగిరి గంతేస్తారు. కానీ ఢిల్లీ పోలీస్ శాఖలో ఎస్‌ఐ ఉద్యోగాన్ని వదిలేసి, ఆస్ట్రేలియా వలస వెళ్లి అక్కడ రియల్ ఎస్టేట్ ఏజెంట్‌గా సెటిల్‌ అయ్యాడు. ఆశ్చర్యంగా అనిపిస్తోంది కదా. నిశాంత్ తోమర్ అనే మాజీ పోలీస్ ఆఫీసర్ తన ఇన్‌స్టాగ్రామ్ వీడియో ద్వారా పంచుకున్న స్ఫూర్తిదాయక ప్రయాణ వివరాలేంటో తెలుసుకుదాం.నిశాంత్ తోమర్ భారతదేశంలోఢిల్లీ పోలీసు విభాగంలో సబ్-ఇన్‌స్పెక్టర్‌గా పనిచేసేవారు. అది ఆయనకి తృప్తి నివ్వలేదు. రిస్క్‌ తీసుకుంటే తప్పజీవితంలో ఏమీ సాధించలేననున్నారు. అంతే జీవితాన్ని మలుపు తీప్పే నిర్ణయం తీసుకున్నారు. ప్రభుత్వ ఉద్యోగం వదిలేసి ఏంటి ఈ నిర్ణయం పిచ్చా అని అందరూ ఖండించారు. అయినా సరే తన మనసు మాటే విన్నారు. 2023లో ప్రభుత్వ ఉద్యోగానికి రాజీనామా చేసి ఆస్ట్రేలియా విమానం ఎక్కేశారు. (రోజుకు 12 గంటలు, అయినా : 82 ఏళ్ల మన్సుఖ్ కాకా స్టోరీ తెలిస్తే!)అక్కడ భవిష్యత్తుపై ఎలాంటి గ్యారంటీ లేదు. అయినా రిస్క్‌ చేశారు. జీరో నుంచే జీవితాన్ని మళ్లీ ప్రారంభించారు. ఈ పయనంలో ఎన్నో కష్టనష్టాలు తప్పలేదు. ఒక గౌరవప్రదమైన హోదా ఉన్న ఉద్యోగం నుంచి విదేశాలలో ఎంట్రీ-లెవెల్ జాబ్స్‌ చేయడం, తన సొంతవాళ్లకు దూరంగా కొత్త వాతావరణం, ఒంటరితనం ఇలాంటి ఎన్నో మానసిక, సామాజిక సవాళ్లను ఎదుర్కోవాల్సి వచ్చింది. అన్నిఅడ్డంకులను అధిగమించి ఆస్ట్రేలియాలో సొంత ఇల్లు నిర్మించుకోవడమే కాకుండా, ప్రస్తుతం అక్కడ ఒక విజయవంతమైన రియల్ ఎస్టేట్ ఏజెంట్‌గా మారారు. అంతేకాదు ఆస్ట్రేలియాలో వారి మొదటి సొంత ఇంటి కలని సాకారం చేసుకోవాలనుకునే వారు నిశాంత్‌ను సంప్రదిస్తున్నారు. ఆయన సాయంతో తమ డ్రీమ్‌ హౌస్‌ను సొంతం చేసుకుంటూ ఉండటం విశేషం.అంత ఈజీగా కాలం కలిసి రాలేదు. అవకాశాలను అందుపుచ్చుకోవడం, కొత్త ప్రదేశానికి అనుగుణంగా తనను తాను మార్చు కోవడం, కష్టాలొచ్చాయని కుంగిపోకుండా, వెనకడుగు వేయకుండా ముంకు సాగడం వల్లే ఇది సాధ్యమైంది అంటారు నిశాంత్. కొన్నిసార్లు మిమ్మల్ని ఎక్కువగా భయపెట్టే నిర్ణయాల నుండే జీవితంలో అతిపెద్ద అవకాశాలొస్తాయి అని విదేశాల్లో కరియర్‌ వెతుక్కునే వారికి సలహా ఇస్తారు. View this post on Instagram A post shared by Nishant Tomar Realtor (@nishant.in.australia) నిశాంత్‌ చేసిన వీడియో నెట్టింట పలువుర్ని ఆకర్షిస్తోంది.విదేశాల్లో స్థిరపడాలని కలలుకుంటున్న ఎంతో మంది భారతీయులకు ఈ కథ బాగా కనెక్ట్ అయింది. నెటిజన్లు ఆయన నిర్ణయాన్ని అభినందిస్తూ, "ఆస్ట్రేలియా వెళ్లాక రియల్ ఎస్టేట్ రంగంలోకి రావడానికి ఎలాంటి కోర్సులు లేదా ఉద్యోగాలు చేశారు?" అని కామెంట్ల రూపంలో ఆసక్తిగా అడుగుతున్నారు. ఈ వీడియోకి వేలాది లైక్స్‌ వ్యూస్‌ వచ్చాయి.ఇదీ చదవండి : అపుడు నెలకు రూ. 25 వేలు, క్యాబ్‌ డ్రైవర్‌గా ఇపుడు లక్ష

డిఫెండింగ్‌ వరల్డ్‌ ఛాంపియన్స్‌, ఆరుసార్లు వన్డే ప్రపంచకప్‌ విన్నర్‌ అస్ట్రేలియా బంగ్లాదేశ్‌ పర్యటనలో ఎట్టకేలకు తొలి విజయం సాధించింది. మూడు మ్యాచ్‌ల సిరీస్‌లో భాగంగా ఇవాళ (జూన్‌ 14) జరిగిన నామమాత్రపు మూడో వన్డేలో అతికష్టం మీద వికెట్‌ తేడాతో గెలుపొందింది. ఫలితంగా బంగ్లాదేశ్‌ ఆధిపత్యాన్ని 1-2కు తగ్గించి, క్లీన్‌ స్వీప్‌ పరాభవాన్ని తప్పించుకుంది. ఈ మ్యాచ్‌ ఫలితంతో సంబంధం లేకుండా ఇదివరకే సిరీస్‌ను చేజార్చుకున్న ఆసీస్‌.. నేటి మ్యాచ్‌లోనూ మరో ఘోర పరాభవాన్ని తృటిలో తప్పించుకుంది.275 పరుగుల లక్ష్య ఛేదనలో కూపర్‌ కన్నోల్లీ (149) సూపర్‌ సెంచరీతో చెలరేగడంతో ఆసీస్‌ ఓ దశలో సునాయాసంగా గెలిచేలా కనిపించింది. అయితే గెలుపుకు అతి చేరువలో 5 పరుగుల వ్యవధిలో 4 వికెట్లు కోల్పోయి, మరో ఘోర ఓటమికి చేరువైంది. నానా కష్టాలు పడ్డ అనంతరం చివరి ఓవర్‌ మూడో బంతికి ఆడమ్‌ జంపా (4 నాటౌట్‌) బౌండరీ సాధించి, ఆసీస్‌ను మరో ఘోర పరాభం నుంచి తప్పించడంతో సిరీస్‌ క్లీన్‌ స్వీప్‌ అయ్యే అవమానం నుంచి కూడా గట్టెక్కించాడు. చివర్లో జంపాకు మెరిడిత్‌ (2 నాటౌట్‌) సహకరించాడు. ఫలితంగా ఆసీస్‌ 49.3 ఓవర్లలో 9 వికెట్లు కోల్పోయి అతికష్టం మీద లక్ష్యాన్ని ఛేదించింది. సూపర్‌ సెంచరీ అనంతరం కన్నోల్లీ గెలుపు వాకిట ఔటై ఆసీస్‌ శిబిరంలో ఉత్కంఠ రేపాడు.ఈ మ్యాచ్‌లో తొలుత బ్యాటింగ్‌ చేసిన బంగ్లాదేశ్‌ .. తౌహిద్‌ హృదోయ్‌ (83), లిటన్‌ దాస్‌ (58 నాటౌట్‌), మొసద్దెక్‌ హొసేన్‌ (56 నాటౌట్‌) అర్ద సెంచరీలతో రాణించడంతో నిర్ణీత 50 ఓవర్లలో 5 వికెట్ల నష్టానికి 274 పరుగులు చేసింది. ఆసీస్‌ బౌలర్లలో బార్ట్‌లెట్‌, రెన్షా తలో 2 వికెట్లతో రాణించారు. ఆసీస్‌ ఇన్నింగ్స్‌లో కన్నోల్లీ ఒంటరిపోరాటం​ చేశాడు. అతడికి లబూషేన్‌ (29), గ్రీన్‌ (27), పీక్‌ (27) కాసేపు అండగా నిలబడ్డారు. గెలుపు ఖరారయ్యాక బంగ్లా బౌలర్లు ఒక్కసారిగా చెలరేగడంతో ఆసీస్‌ బ్యాటర్లు ఒత్తిడికి లోనయ్యారు. కాస్త అటుఇటు అయ్యుంటే ఈ మ్యాచ్‌ కూడా ఆసీస్‌ చేజారేది. షోరిఫుల్‌ ఇస్లాం (10-1-48-6) అద్భుతంగా బౌలింగ్‌ చేసి ఆసీస్‌ శిబిరంలో రైళ్లు పరిగెట్టించాడు. ఈ పర్యటనలో ఆసీస్‌ తదుపరి మూడు మ్యాచ్‌ల టీ20 సిరీస్‌ ఆడనుంది. తొలి మ్యాచ్‌ చట్టోగ్రామ్‌ వేదికగా జూన్‌ 17న జరుగనుంది.

ఆస్ట్రేలియా స్టార్ బ్యాటర్ స్టీవ్‌ స్మిత్‌ మరోసారి నాయకత్వ బాధ్యతలు చేపట్టనున్నాడు. మేజర్ లీగ్ క్రికెట్ (MLC) ఫ్రాంచైజీ అయిన వాషింగ్టన్‌ ఫ్రీడం 2026 సీజన్‌ కోసం స్టీవ్‌ను కెప్టెన్‌గా నియమించింది. స్టీవ్‌ గతంలోనూ ఈ ఫ్రాంచైజీ కెప్టెన్‌గా వ్యవహరించాడు. 2024 సీజన్‌లో వ్యక్తిగతంగానూ సత్తా చాటి టైటిల్‌ గెలిపించాడు.గత సీజన్‌లో ఆస్ట్రేలియాకే చెందిన గ్లెన్‌ మ్యాక్స్‌వెల్‌ వాషింగ్టన్‌కు కెప్టెన్‌గా వ్యవహరించగా, ఈసారి ఆ బాధ్యతలు స్మిత్‌కు అప్పగించారు. వాషింగ్టన్‌ బృందం ఆస్ట్రేలియా ప్రస్తుత, మాజీ ఆటగాళ్లతో నిండిపోయి ఉంది. ఈ జట్టుకు రికీ పాంటింగ్‌ హెడ్‌ కోచ్‌గా వ్యవహరిస్తున్నాడు.టోర్నీ విషయానికొస్తే.. 2026 సీజన్‌ జూన్ 18న ప్రారంభం కానుంది. తొలి మ్యాచ్‌లో టెక్సాస్‌ కింగ్స్‌, సీయాటిల్‌ ఓర్కాస్‌ తలపడనున్నాయి. వాషింగ్టన్‌ తమ తొలి మ్యాచ్‌ను జూన్ 20న సియాటిల్‌తో ఆడనుంది. కాగా, ఈ టోర్నీ 2023లో ప్రారంభం కాగా.. ఎంఐ న్యూయార్క్‌ రెండు సార్లు, వాషింగ్టన్‌ ఓసారి టైటిల్‌ సాధించాయి. గత ఎడిషన్‌లో ఎంఐ న్యూయార్క్‌ విజేతగా నిలువగా.. వాషింగ్టన్‌ ఫ్రీడం రన్నరప్‌గా నిలిచింది.

ఫిఫా వరల్డ్ కప్ 2026 టోర్నీలో ఆస్ట్రేలియా శుభారంభం చేసింది. కెనడాలోని వాంకోవర్ వేదికగా జరిగిన గ్రూప్-డి ఆరంభ మ్యాచ్‌లో టర్కీపై 2-0 తేడాతో ఆస్ట్రేలియా ఘన విజయం సాధించింది. దాదాపు 24 ఏళ్ల సుదీర్ఘ విరామం తర్వాత ప్రపంచకప్ బరిలోకి దిగిన టర్కీ జట్టుకు ఆస్ట్రేలియా యువ ఆటగాళ్లు గట్టి షాక్ ఇచ్చారు. మ్యాచ్ ప్రారంభమైన 27వ నిమిషంలోనే ఆస్ట్రేలియా ఫార్వర్డ్ ఆటగాడు నెస్టోరీ ఇరాన్‌కుందా అద్భుతమైన కౌంటర్ ఎటాకింగ్ గోల్‌తో జట్టుకు 1-0 ఆధిక్యాన్ని అందించాడు. ఈ గోల్‌తో ఫిఫా ప్ర‌పంచ‌క‌ప్ చరిత్రలో ఆస్ట్రేలియా తరఫున గోల్ చేసిన అతి పిన్న వయస్కుడిగా ఇరాన్‌కుందా సరికొత్త రికార్డు సృష్టించాడు.ఆ తర్వాత టర్కీ ఆటగాళ్లు మ్యాచ్‌ను డ్రా చేయడానికి తీవ్రంగా శ్రమించినప్పటికీ ఆస్ట్రేలియా డిఫెన్స్ దాన్ని తిప్పికొట్టింది. ముఖ్యంగా 75వ నిమిషంలో మిడ్‌ఫీల్డర్ కానర్ మెట్‌కాఫ్ బాక్స్ వెలుపల నుంచి ఒక అద్భుతమైన లో-షాట్‌తో రెండో గోల్ కొట్టి ఆస్ట్రేలియా విజయాన్ని పూర్తిగా ఖాయం చేశాడు. ఈ మ్యాచ్‌లో ఆస్ట్రేలియా 22 ఏళ్ల యువ గోల్‌కీపర్ పాట్రిక్ బీచ్ అసాధారణ ప్రదర్శనతో అందరినీ ఆకట్టుకున్నాడు. టర్కీ జట్టు చేసిన పలు ప్రమాదకరమైన గోల్ ప్రయత్నాలను సమర్థవంతంగా అడ్డుకుని క్లీన్ షీట్ సాధించడంలో అతడు కీలక పాత్ర పోషించాడు. ఈ విజయంతో ఆస్ట్రేలియా బోణీ కొట్టింది. ప్రస్తుతం ఈ గ్రూప్‌లో పరాగ్వేపై 4-1తో గెలిచిన అమెరికా జట్టు అగ్రస్థానంలో ఉండగా, ఆస్ట్రేలియా రెండో స్థానంలో కొనసాగుతోంది.🔥METCALFE PUSO EL SEGUNDO PARA #Australia Ahora se lo ganan 2-0 al #Turquía de Arda Güler y compañía. pic.twitter.com/urOXI5u65W— Facundo Aquino 🎙️ (@FFacundoAquino) June 14, 2026చదవండి: న్యూజిలాండ్‌కు షాకిచ్చిన వెస్టిండీస్‌!

బంగ్లాదేశ్‌ వన్డే జట్టు సరికొత్త చరిత్ర సృష్టించింది. డిఫెండింగ్‌ ఛాంపియన్స్‌, ఆరు సార్లు వరల్డ్‌ ఛాంపియన్స్‌ అయిన ఆస్ట్రేలియాపై తొలిసారి ద్వైపాక్షిక సిరీస్‌లో విజయం సాధించింది. స్వదేశంలో మూడు మ్యాచ్‌ల సిరీస్‌లో భాగంగా ఇవాళ (జూన్‌ 11) జరిగిన రెండో మ్యాచ్‌లో విజయం సాధించడంతో ఈ ఘనత సొంతం చేసుకుంది. ఈ సిరీస్‌ తొలి మ్యాచ్‌లోనూ ఆసీస్‌ను చిత్తు చేసిన బంగ్లా జట్టు, మరో మ్యాచ్‌ మిగిలుండగానే 2-0 తేడాతో సిరీస్‌ను హస్తగతం​ చేసుకుంది. 2005లో తొలిసారి ఆస్ట్రేలియాపై ఓ వన్డేలో విజయం సాధించిన బంగ్లాదేశ్‌.. తాజాగా రెండు వరుస విజయాలు సాధించి సంచలనం సృష్టించింది.మ్యాచ్‌ విషయానికొస్తే.. వరుణుడు అంతరాయాల నడుమ సాగిన ఈ మ్యాచ్‌లో తొలుత బ్యాటింగ్‌ చేసిన ఆస్ట్రేలియా 42 ఓవర్లలో 8 వికెట్ల నష్టానికి 187 పరుగులు చేసింది. ఈ దశలో వర్షం మరోసారి ఆటకు అంతరాయం కలిగించడంతో బంగ్లా లక్ష్యాన్ని 41 ఓవర్లలో 192 పరుగులకు మార్చారు. లక్ష్య ఛేదనలో బంగ్లా జట్టు రెండో బంతికే వికెట్‌ కోల్పోయినప్పటికీ.. ఆతర్వాత ఎక్కడా ఒత్తిడికి లోను కాకుండా 35 ఓవర్లలో 5 వికెట్లు కోల్పోయి విజయతీరాలకు చేరింది. ఫలితంగా డక్‌వర్త్‌ లూయిస్‌ పద్దతిలో 5 వికెట్ల తేడాతో గెలుపొందింది. తౌహిద్‌ హృదోయ్‌ (40), కెప్టెన్‌ మెహిది హసన్‌ మిరాజ్‌ (22) అజేయమైన ఇన్నింగ్స్‌లతో బంగ్లాను గెలుపుతీరాలకు చేర్చారు. అంతకుముందు సౌమ్య సర్కార్‌ (42), నజ్ముల్‌ షాంటో (41) బాధ్యతాయుతమైన ఇన్నింగ్స్‌లు ఆడారు. మిగతా ఆటగాళ్లలో తంజిద్‌ హసన్‌ డకౌట్‌ కాగా.. లిటన్‌ దాస్‌ 21, తొలి వన్డే హీరో మొసద్దెక్‌ హొసేన్‌ 15 పరుగులు చేశారు. ఆసీస్‌ బౌలర్లలో బార్ట్‌లెట్‌, మెరిడిత్‌, జంపా, రెన్షా, గ్రీన్‌ తలో వికెట్‌ తీశారు.అంతకుముందు ఆసీస్‌ ఖాతా తెరవకుండానే 3 వికెట్లు కోల్పోయి చరిత్రలో ఎన్నడూ లేని అపవాదును మూటగట్టుకుంది. లబూషేన్‌ (55 నాటౌట్‌), బార్ట్‌లెట్‌ (52) అర్ద సెంచరీలతో రాణించి, ఈ మాత్రం స్కోరైనా అందించారు. మిగతా ఆటగాళ్లలో కెప్టెన్‌ ఇంగ్లిస్‌ (34), గ్రీన్‌ (25), అలెక్స్‌ క్యారీ (13) రెండంకెల స్కోర్లు చేయగా.. షార్ట్‌, కన్నోల్లీ, రెన్షాతో పాటు జంపా డకౌటయ్యారు. బంగ్లా బౌలర్లలో ముస్తాఫిజుర్‌ (7-2-27-3), తస్కిన్‌ అహ్మద్‌ (8-1-33-3), తన్వీర్‌ ఇస్తాం (10-0-45-2) చెలరేగి బౌలింగ్‌ చేశారు. ఈ సిరీస్‌లోని నామమాత్రపు మూడో వన్డే జూన్‌ 14న జరుగనుంది. కాగా, ఆసీస్‌కు ఇది వరుసగా రెండో ద్వైపాక్షిక సిరీస్‌ ఓటమి. ఈ సిరీస్‌కు ముందు ఆ జట్టు పాకిస్తాన్‌ చేతిలో 1-2 తేడాతో సిరీస్‌ను కోల్పోయింది.

ఢాకా వేదికగా బంగ్లాదేశ్‌తో ఇవాళ (జూన్‌ 11) జరుగుతున్న రెండో వన్డేలో ఆస్ట్రేలియా జట్టులో ఓ ఆశ్చర్యం చోటు చేసుకుంది. ఆ జట్టు ఫాస్ట్‌ బౌలర్‌ రిలే మెరిడిత్‌ ముందుగా ప్రకటించిన జట్టులో లేకపోయినా, అనూహ్యంగా తుది జట్టులో ప్రత్యక్షమయ్యాడు. మరో ఆశ్చర్యం ఏంటంటే, మెరిడిత్‌ దాదాపుగా ఐదేళ్లుగా వన్డే జట్టులో లేడు. అలాంటి ఆటగాడు హఠాత్తుగా తుది జట్టులో ప్రత్యక్షం కావడం అందరిని ఆశ్యర్యానికి గురి చేసింది.ముందుగా జట్టులో లేని మెరిడిత్‌ను తుది జట్టులో తీసుకోవడం ఆసీస్‌ వ్యూహాత్మక నిర్ణయంగా భావిస్తున్నారు. తొలి వన్డేలో భారీ ఓటమి తర్వాత సిరీస్‌ను కాపాడుకోవాలన్న ఒత్తిడిలో ఈ నిర్ణయం తీసుకున్నట్లు తెలుస్తోంది. మెరిడిత్‌ చివరిగా 2021 జులైలో వెస్టిండీస్‌పై ఓ వన్డే ఆడాడు. ఇదే అతని కెరీర్‌లో చివరిది, మొదటది. ఆ మ్యాచ్‌లో 5 ఓవర్లు వేసిన మెరిడిత్‌ 36 పరుగులు ఇచ్చి, ఒక్క వికెట్ కూడా‌ తీయలేకపోయాడు. ఆ తర్వాత అతను వన్డేల్లో అవకాశాలు రాక, టీ20 ఫార్మాట్‌కు మాత్రమే పరిమితం అయ్యాడు.మ్యాచ్‌ విషయానికొస్తే.. బంగ్లాతో జరుగుతున్న రెండో వన్డేలోనూ ఆసీస్‌ బ్యాటింగ్‌ కష్టాలు ఎదుర్కొంది. ఈ మ్యాచ్‌లో ఆ జట్టు మరింత దారుణంగా ఖాతా తెరవకుండానే ఏకంగా 3 వికెట్లు కోల్పోయింది. ఆ దేశ వన్డే క్రికెట్‌ చరిత్రలో ఇలా జరగడం ఇదే మొదటిసారి. గత మూడు వన్డేల్లోనూ ఆ జట్టు ఖాతా తెరవకుండానే తొలి వికెట్‌ కోల్పోయింది. తాజా ఉదంతంలో ఓపెనర్లు షార్ట్‌, కన్నోల్లీ, నాలుగో నంబర్‌ ఆటగాడు రెన్షా డకౌట్లయ్యారు.లబూషేన్‌ (55 నాటౌట్‌), బార్ట్‌లెట్‌ (52) బాధ్యతాయుతంగా ఆడటంతో ఆసీస్‌ అతికష్టం​ మీద 42 ఓవరల్లో 8 వికెట్ల నష్టానికి 187 పరుగులు చేసింది. ఈ దశలో వరుణుడు అంతరాయం కలిగించాడు. ప్రస్తుతానికి మ్యాచ్‌ ఇం​కా ప్రారంభం కాలేదు. ఆసీస్‌ ఇన్నింగ్స్‌లో లబూషేన్‌, బార్ట్‌లెట్‌తో పాటు కెప్టెన్‌ ఇంగ్లిస్‌ (34), గ్రీన్‌ (25) ఓ మోస్తరు స్కోర్లు చేయగా.. మరో బ్యాటర్‌ (జంపా) కూడా డకౌటయ్యాడు. బంగ్లా బౌలర్లలో ముస్తాఫిజుర్‌ (7-2-27-3), తస్కిన్‌ అహ్మద్‌ (8-1-33-3) చెలరేగి బౌలింగ్‌ చేశారు. ఆసీస్‌ ఈ మ్యాచ్‌ కూడా కోల్పోతే, వరుసగా రెండో సిరీస్‌ను చేజార్చుకున్నట్లవుతుంది. ఈ సిరీస్‌కు ముందు పాక్‌ చేతిలోనూ ఆసీస్‌ 1-2 తేడాతో వన్డే సిరీస్‌ కోల్పోయింది. డిఫెండింగ్‌ ఛాంపియన్‌ అయిన ఆసీస్‌ నుంచి ఇలాంటి చెత్త ప్రదర్శనలు రావడం అభిమానులను ఆశ్చర్యానికి గురి చేస్తుంది.

ఆరు సార్లు విశ్వవిజేత, ప్రస్తుత డిఫెండింగ్‌ ఛాంపియన్‌ కూడా అయిన ఆస్ట్రేలియా వన్డే జట్టుకు ఘోర అవమానం జరిగింది. మూడు మ్యాచ్‌ల సిరీస్‌లో భాగంగా బంగ్లాదేశ్‌తో నిన్న (జూన్‌ 9) జరిగిన తొలి వన్డేలో ఘోర పరాజయంపాలైన ఆ జట్టు.. మరో చెత్త రికార్డును మూటగట్టుకుంది. ఈ మ్యాచ్‌లో ఓపెనర్ మాథ్యూ షార్ట్ తొలి బంతికే డకౌట్ అయ్యాడు. దీంతో వరుసగా మూడో ఇన్నింగ్స్‌లోనూ ఆస్ట్రేలియా ఓపెనింగ్ జోడీ ఖాతా తెరవకుండానే కుప్పకూలింది.ఇటీవల పాకిస్తాన్‌తో జరిగిన వన్డే సిరీస్‌లోనూ ఆస్ట్రేలియా ఓపెనర్లు రెండుసార్లు (చివరి రెండు వన్డేలు) ఒక్క పరుగు కూడా జోడించలేకపోయారు. తాజాగా బంగ్లాదేశ్ మ్యాచ్‌లోనూ అదే పరిస్థితి పునరావృతం కావడంతో, వన్డే చరిత్రలో వరుసగా మూడు ఇన్నింగ్స్‌ల్లో ఓపెనింగ్ వికెట్‌కు ఖాతా తెరవని జట్ల జాబితాలో ఆస్ట్రేలియా చేరింది.ఈ అవాంఛనీయ జాబితాలో ఇప్పటికే న్యూజిలాండ్‌ (2015) ఉండగా, తాజాగా ఆస్ట్రేలియా వారి సరసన నిలిచింది. అయితే అత్యంత చెత్త రికార్డు మాత్రం పసికూన పపువా న్యూ గినియా పేరిట ఉంది. 2022లో పపువా న్యూ గినియా వరుసగా నాలుగు వన్డే ఇన్నింగ్స్‌ల్లో ఓపెనింగ్ వికెట్‌కు ఒక్క పరుగు కూడా నమోదు చేయలేదు.మ్యాచ్‌ విషయానికొస్తే.. ఆస్ట్రేలియాపై బంగ్లాదేశ్‌ 86 పరుగుల తేడాతో సంచలన విజయం (డక్‌వర్త్‌ లూయిస్‌) సాధించింది. తొలుత బ్యాటింగ్‌ చేసిన బంగ్లాదేశ్‌.. ఆరో నంబర్‌ ఆటగాడు మొసద్దెక్‌ హొస్సేన్‌ (86 నాటౌట్‌) సంచలన ఇన్నింగ్స్‌ ఆడటంతో నిర్ణీత 50 ఓవర్లలో 8 వికెట్ల నష్టానికి 284 పరుగులు చేసింది. లక్ష్య ఛేదనలో నహీద్ రాణా (10-1-41-4) దెబ్బకు కంగారూలు కుదేలైపోయారు.బ్యాటింగ్‌లో సత్తా చాటిన మొసద్దెక్‌ (10-1-37-2) బౌలింగ్‌లోనూ చెలరేగడంతో ఆస్ట్రేలియా 42.2 ఓవర్లలో 9 వికెట్ల నష్టానికి 191 పరుగులు చేసింది. ఈ దశలో వర్షం​ అంతరాయం కలిగించడంతో డీఎల్ఎస్ పద్ధతిలో బంగ్లాదేశ్‌ను విజేతగా ప్రకటించారు.36 ఏళ్ల చరిత్రలో బంగ్లాదేశ్‌ ఆస్ట్రేలియాపై వన్డేల్లో విజయం సాధించడం ఇది రెండోసారి మాత్రమే. 2005లో కార్డిఫ్‌లో జరిగిన మ్యాచ్‌లో తొలిసారి బంగ్లా జట్టు ఆసీస్‌కు షాకిచ్చింది.

భారత్-ఆస్ట్రేలియా క్రికెట్ సంబంధాల్లో కొత్త మలుపు తీసుకురావచ్చని భావిస్తున్న ఓ ప్రతిపాదన ప్రస్తుతం అంతర్జాతీయ క్రికెట్ వర్గాల్లో చర్చనీయాంశంగా మారింది. ఆస్ట్రేలియాలోని ప్రముఖ ఫ్రాంచైజీ టి20 లీగ్ అయిన బిగ్‌బాష్‌ లీగ్‌ మ్యాచ్‌లను తొలిసారిగా భారత్‌లో నిర్వహించే దిశగా ప్రాథమిక చర్చలు జరుగుతున్నట్టు తెలుస్తోంది. ఈ ప్రతిపాదన నిజమైతే, ప్రపంచ క్రికెట్ చరిత్రలో ఇది ఓ కీలక పరిణామంగా మారే అవకాశం ఉంది.ఈ ప్రణాళికలో భాగంగా చెన్నై నగరం ప్రధాన వేదికగా పరిశీలనలో ఉన్నట్లు పలు రిపోర్టులు చెబుతున్నాయి. ఐకానిక్ క్రికెట్ స్టేడియంగా పేరుగాంచిన చిదంబరం స్టేడియంను ఓ ప్రత్యేక బీబీఎల్‌ రెగ్యులర్ మ్యాచ్‌కు ఆతిథ్యమివ్వడానికి అనుకూలమైన వేదికగా గుర్తించినట్టు తెలుస్తోంది. ఈ విషయమై గత కొన్ని నెలలుగా క్రికెట్ ఆస్ట్రేలియా , బీసీసీఐ మరియు తమిళనాడు క్రికెట్ అసోసియేషన్‌ మధ్య అనధికారిక చర్చలు కొనసాగుతున్నాయని సమాచారం.తాజాగా ఈ అంశానికి అధిక ప్రాధాన్యత లభించడానికి కారణం, భారత ప్రధానమంత్రి నరేంద్ర మోదీ త్వరలో ఆస్ట్రేలియా పర్యటనకు వెళ్లనున్నారని వస్తున్న వార్తలు. ఆ పర్యటనలో మోదీ బిగ్‌బాష్‌ లీగ్‌ భారత ఎంట్రీపై "గ్రౌండ్ బ్రేకింగ్" ప్రకటన చేస్తారని అంతర్జాతీయ నివేదికలు పేర్కొంటున్నాయి. అలాగే భారత్‌-ఆస్ట్రేలియా క్రికెట్‌ సంబంధాలపై పలు సానుకూల ప్రకటనలు చేస్తారని సమాచారం.ఒకవేళ బిగ్‌బాష్‌ లీగ్‌ భారత ఎంట్రీ ప్రాజెక్ట్ సాకారమైతే, అంతర్జాతీయ టీ20 లీగ్‌లు పరస్పర దేశాల్లో మ్యాచ్‌లు నిర్వహించే కొత్త ట్రెండ్ ప్రారంభమవుతుంది. అయితే ఈ ప్రతిపాదనకు కొన్ని సవాళ్లు కూడా ఉన్నాయి. ముఖ్యంగా భారత ఆటగాళ్లు విదేశీ లీగ్‌లలో పాల్గొనడంపై ఉన్న పరిమితులు, ఐపీఎల్ షెడ్యూల్‌తో సర్దుబాటు, ప్రసార హక్కుల పంపకం, లాజిస్టిక్స్ వంటి అంశాలు పరిష్కరించుకోవాల్సి ఉంటుంది.

ప్రపంచ ఛాంపియన్‌ ఆస్ట్రేలియాకు పసికూన బంగ్లాదేశ్‌ ఊహించని షాకిచ్చింది. స్వదేశంలో మూడు మ్యాచ్‌ల వన్డే సిరీస్‌లో భాగంగా ఇవాళ (జూన్‌ 9) జరిగిన తొలి మ్యాచ్‌లో 86 పరుగుల తేడాతో సంచలన విజయం (డక్‌వర్త్‌ లూయిస్‌) సాధించింది. తద్వారా సిరీస్‌లో 1-0 ఆధిక్యంలోకి వెళ్లింది.36 ఏళ్ల చరిత్రలో బంగ్లాదేశ్‌ ఆస్ట్రేలియాపై వన్డేల్లో విజయం సాధించడం ఇది రెండోసారి మాత్రమే. 2005లో కార్డిఫ్‌లో జరిగిన మ్యాచ్‌లో తొలిసారి బంగ్లా జట్టు ఆసీస్‌కు షాకిచ్చింది.ఢాకాలోని షేర్-ఏ-బంగ్లా స్టేడియం వేదికగా జరిగిన తాజా మ్యాచ్‌లో టాస్‌ ఓడి తొలుత బ్యాటింగ్‌ చేసిన బంగ్లాదేశ్‌.. ఆరో నంబర్‌ ఆటగాడు మొసద్దెక్‌ హొస్సేన్‌ (86 నాటౌట్‌) సంచలన ఇన్నింగ్స్‌ ఆడటంతో నిర్ణీత 50 ఓవర్లలో 8 వికెట్ల నష్టానికి 284 పరుగులు చేసింది. బంగ్లా ఇన్నింగ్స్‌లో తంజిద్‌ హసన్‌ తమీమ్‌ (54), నజ్ముల్‌ హొస్సేన్‌ షాంటో (67) కూడా అర్ద సెంచరీలతో రాణించారు. తౌహిద్‌ హృదోయ్‌ (31), తస్కిన్‌ అహ్మద్‌ (20) ఓ మోస్తరు స్కోర్లతో పర్వాలేదనిపించారు. ఆసీస్‌ బౌలర్లలో నాథన్‌ ఇల్లిస్‌ (10-1-38-3) అద్భుతంగా బౌలింగ్‌ చేయగా.. లియామ్‌ స్కాట్‌, మ్యాట్‌ రెన్షా తలో 2 వికెట్లతో పర్వాలేదనిపించారు. బార్ట్‌లెట్‌కు ఓ వికెట్‌ దక్కింది.లక్ష్య ఛేదనలో ఆస్ట్రేలియా బ్యాటర్లు ఘోరంగా విఫలమయ్యారు. కామెరూన్ గ్రీన్ (52) ఒక్కడే అర్ధశతకంతో పోరాడగా.. మిగతా బ్యాటర్లు నిరాశపరిచారు. బంగ్లాదేశ్ పేసర్ నహీద్ రాణా (10-1-41-4) దెబ్బకు కంగారూలు కంగారు పడిపోయారు. బ్యాటింగ్‌లో సత్తా చాటిన మొసద్దెక్‌ (10-1-37-2) బౌలింగ్‌లోనూ చెలరేగడంతో ఆస్ట్రేలియా 42.2 ఓవర్లలో 9 వికెట్ల నష్టానికి 191 పరుగులు చేసింది. ఈ దశలో వర్షం​ అంతరాయం కలిగించడంతో డీఎల్ఎస్ పద్ధతిలో బంగ్లాదేశ్‌ను విజేతగా ప్రకటించారు. బంగ్లా బౌలర్లలో ముస్తాఫిజుర్‌ (5.2-0-24-2), తస్కిన్‌ (5-0-28-1) కూడా రాణించారు.

3 మ్యాచ్‌ల వన్డే‌, 3 మ్యాచ్‌ల టీ20 సిరీస్‌ కోసం ఆస్ట్రేలియా జట్టు బంగ్లాదేశ్‌లో పర్యటించనుంది. జూన్‌ 9 నుంచి మొదలుకానున్న ఈ పర్యటనలో తొలుత వన్డేలు, ఆతర్వాత టీ20లు జరుగనున్నాయి. వన్డే సిరీస్‌లోని తొలి 2 మ్యాచ్‌ల కోసం​ బంగ్లాదేశ్‌ జట్టును ఇవాళ (జూన్‌ 3) ప్రకటించారు.స్టార్‌ ఆల్‌రౌండర్ మొసద్దెక్‌ హొసేన్‌ దాదాపు నాలుగేళ్ల తర్వాత జట్టులోకి రీఎంట్రీ ఇచ్చాడు. 2022 ఆగస్టులో చివరిసారిగా వన్డే ఆడిన మొసద్దెక్, ప్రస్తుతం జరుగుతున్న ఢాకా ప్రీమియర్ లీగ్‌లో అద్భుత ప్రదర్శనతో సెలెక్టర్ల దృష్టిని ఆకర్షించాడు. అబాహని లిమిటెడ్‌ తరఫున ఆడుతున్న అతడు ఆరు ఇన్నింగ్స్‌ల్లో 77.50 సగటుతో 310 పరుగులు చేశాడు. ఇందులో ఓ సెంచరీ, రెండు అర్ధ సెంచరీలు ఉన్నాయి. అలాగే ఏడు ఇన్నింగ్స్‌ల్లో 12 వికెట్లు కూడా పడగొట్టాడు.మొసద్దెక్‌తో పాటు నురుల్‌ హసన్‌ కూడా గ్యాప్‌ తర్వాత జట్టులోకి రీఎంట్రీ ఇచ్చాడు. లిట్టన్‌ దాస్‌, నజ్ముల్‌ హొసేన్‌ షాంటో, తౌహిద్‌ హృదోయ్‌, కెప్టెన్‌ మెహిది హసన్‌ మిరాజ్‌ తదితర బ్యాటర్లు జట్టులో కొనసాగుతున్నారు. బౌలింగ్ విభాగంలో ముస్తాఫిజుర్‌ రహ్మాన్‌, తస్కిన్‌ అహ్మద్‌, షొరిఫుల్‌ ఇస్లాం, నహిద్‌ రాణా వంటి పేసర్లు జట్టులో స్థానం తిరిగి పొందారు.ఈ సిరీస్‌లోని వన్డేలు జూన్‌ 9, 11, 14 తేదీల్లో ఢాకాలోని షేరే బంగ్లా స్టేడియంలో జరుగనున్నాయి. అనంతరం మూడు టీ20లు జూన్‌ 17, 19, 21 తేదీల్లో చట్టోగ్రామ్‌లో జరుగనున్నాయి.ఆస్ట్రేలియాతో తొలి రెండు వన్డేలకు బంగ్లాదేశ్‌ జట్టు..మెహిది హసన్ మిరాజ్ (కెప్టెన్), సౌమ్య సర్కార్, సైఫ్ హసన్, తాంజిద్ హసన్, నజ్ముల్ హొస్సేన్ శాంటో, తౌహిద్ హృదయ్, లిట్టన్ దాస్, మొసద్దెక్ హొస్సేన్, నూరుల్ హసన్ సోహన్, రిషద్ హుస్సేన్, తన్వీర్ ఇస్లాం, ముస్తాఫిజుర్ రహ్మాన్‌, తస్కిన్‌ అహ్మద్‌, షొరీఫుల్‌ ఇస్లాం, నహిద్‌ రాణా

ఇంగ్లండ్‌ మాజీ ఆల్‌రౌండర్‌ ఆండ్రూ ఫ్లింటాఫ్‌ తొలిసారి విదేశీ లీగ్‌లో కోచ్‌గా వ్యవహరించనున్నాడు. ఆస్ట్రేలియా బిగ్‌ బాష్‌ లీగ్‌ (బీబీఎల్‌) ఫ్రాంఛైజీ సిడ్నీ థండర్‌ తమ హెడ్‌కోచ్‌గా ఫ్లింటాఫ్‌ను నియమించింది. ఇందుకు సంబంధించి మంగళవారం అధికారిక ప్రకటన విడుదల చేసింది.ఒకసారి ఫైనల్‌.. కానీ రెండుసార్లు..కాగా ఆస్ట్రేలియా మాజీ ఆటగాడు ట్రెవర్‌ బేలిస్‌ గత ఐదేళ్లుగా సిడ్నీ థండర్‌కు హెడ్‌కోచ్‌గా వ్యవహరిస్తున్నాడు. అతడి మార్గదర్శనంలోనే 2024-2025లో జట్టు ఫైనల్‌కు చేరింది. అయితే, 2023-24, 2025-26 సీజన్లలో మాత్రం దారుణంగా పాయింట్ల పట్టికలో అట్టడుగున నిలిచింది.ఈ నేపథ్యంలో సిడ్నీ థండర్‌ బేలిస్‌పై వేటు వేసి అతడి స్థానంలో ఆండ్రూ ఫ్లింటాఫ్‌ను తీసుకువచ్చింది. కాగా ఫ్లింటాఫ్‌ గతంలో ది హండ్రెడ్‌ లీగ్‌లో నార్తర్న్‌ సూపర్‌చార్జర్స్‌కు కోచ్‌గా పనిచేశాడు.అత్యుత్తమ ఆల్‌రౌండర్‌అంతేకాదు.. ఇంగ్లండ్‌ పరిమిత ఓవర్ల జట్లకు 2023-24 సీజన్‌కు గానూ కన్సల్టెంట్‌గా ఫ్లింటాఫ్‌ వ్యవహరించాడు. అదే విధంగా ఇంగ్లండ్‌ లయన్స్‌ జట్టుకు మార్గదర్శనం చేశాడు. కాగా ఇంగ్లండ్‌ అందించిన అత్యుత్తమ ఆల్‌రౌండర్లలో ఆండ్రూ ఫ్లింటాఫ్‌ ఒకడు.అంతర్జాతీయ క్రికెట్లో ఇంగ్లండ్‌ తరఫున 1998- 2010 వరకు ఫ్లింటాఫ్‌ 79 టెస్టులు, 141 వన్డేలు, 7 టీ20లు ఆడాడు. వన్డేల్లో 3845 పరుగులు చేసిన ఈ పేస్‌ బౌలింగ్‌ ఆల్‌రౌండర్‌.. 226 వికెట్లు పడగొట్టాడు. వన్డేల్లో 3394 పరుగులు చేయడంతో పాటు 169 వికెట్లు కూల్చాడు.ఇక ఏడు టీ20లలో కలిపి 76 పరుగులు చేయడంతో పాటు.. ఐదు వికెట్లు తన ఖాతాలో వేసుకున్నాడు ఆండ్రూ ఫ్లింటాఫ్‌ . కాగా సిడ్నీ థండర్‌ తొలుత డాన్‌ క్రిస్టియన్‌, షేన్‌ వాట్సన్‌లను సంప్రదించినట్లు సమాచారం. అయితే, వారి కంటే 48 ఏళ్ల ఫ్లింటాఫే తమ జట్టుకు సరైన కోచ్‌ అని భావించి.. అతడితో రెండేళ్లకు ఒప్పందం కుదుర్చుకుంది.చదవండి: ODI WC: రోహిత్‌ శర్మ ఎందుకిలా చేస్తున్నాడు?

ప్రపంచ భద్రతా సమీకరణాల్లో మరో కీలక పరిణామం చోటుచేసుకుంది. ఇండో-పసిఫిక్ ప్రాంతంలో పెరుగుతున్న భద్రతా సవాళ్లకు ఎదుర్కొనేందుకు అమెరికా, బ్రిటన్, ఆస్ట్రేలియా దేశాలు కలిసి అత్యాధునిక అండర్‌వాటర్ డ్రోన్ టెక్నాలజీ అభివృద్ధికి శ్రీకారం చుట్టాయి. AUKUS రక్షణ కూటమి కింద చేపడుతున్న ఈ ప్రాజెక్ట్‌ ద్వారా సముద్ర గర్భంలో పనిచేసే మానవరహిత అత్యాధునిక అండర్‌వాటర్ డ్రోన్లను రూపొందించనున్నారు. ఇందులో భాగంగా తొలి దశ సామర్థ్యాలను 2027 నాటికి అందుబాటులోకి తీసుకురావడమే లక్ష్యంగా ప్రకటించారు.సింగపూర్‌లో జరిగిన ప్రతిష్ఠాత్మక షాంగ్రి-లా డైలాగ్‌ సమావేశంలో అమెరికా రక్షణ మంత్రి పీట్ హెగ్సెత్‌, బ్రిటన్ రక్షణ మంత్రి జాన్ హీలీ, ఆస్ట్రేలియా ఉప ప్రధాని రిచర్డ్ మార్లెస్ ఈ ప్రాజెక్ట్‌ను అధికారికంగా ప్రకటించారు. AUKUS “పిల్లర్-2” కింద ప్రకటించిన తొలి ప్రధాన ప్రాజెక్ట్‌ ఇదే కావడం విశేషం. కాగా, ఈ అండర్‌వాటర్ డ్రోన్లు కేవలం నిఘా కోసమే కాకుండా.. శత్రు జలాంతర్గాములను గుర్తించడం, సముద్ర గర్భంలోని మైన్లను నిర్వీర్యం చేయడం, ఎలక్ట్రానిక్ వార్‌ఫేర్‌, సముద్ర యుద్ధ కార్యకలాపాల్లో కీలక పాత్ర పోషించనున్నాయి. అవసరమైతే లక్ష్యాలపై దాడులు చేయగల సామర్థ్యాన్ని కూడా వీటికి కల్పించనున్నారు.2021లో ఏర్పడిన AUKUS కూటమి రెండు ప్రధాన భాగాలుగా పనిచేస్తోంది. “పిల్లర్-1” కింద ఆస్ట్రేలియాకు అణుశక్తితో నడిచే జలాంతర్గాముల సాంకేతికత అందిస్తుండగా, “పిల్లర్-2” కింద ఆర్టిఫిషియల్ ఇంటెలిజెన్స్, హైపర్‌సోనిక్ ఆయుధాలు, క్వాంటమ్ కంప్యూటింగ్, సైబర్ టెక్నాలజీ, అండర్‌సీ వార్‌ఫేర్ వంటి అత్యాధునిక రక్షణ సాంకేతికతలను సంయుక్తంగా అభివృద్ధి చేస్తున్నారు.⚡️ US, UK and Australia ANNOUNCE UNDERWATER DRONES projectDeveloped under their military alliance known as AUKUS, technology is expected to be ready by next year pic.twitter.com/yW4pmf3RKc— RT (@RT_com) May 30, 2026ప్రస్తుతం ప్రపంచ ఇంటర్నెట్ ట్రాఫిక్‌లో దాదాపు 95 శాతం సముద్ర గర్భంలోని ఫైబర్ ఆప్టిక్ కేబుళ్ల ద్వారానే జరుగుతోంది. అలాగే అనేక దేశాల గ్యాస్, ఇంధన సరఫరా వ్యవస్థలు కూడా సముద్ర అడుగునే ఉన్నాయి. ఇటీవల బాల్టిక్ సముద్రం, తైవాన్ సముద్ర జలసంధి ప్రాంతాల్లో అండర్‌సీ కేబుళ్లు దెబ్బతిన్న ఘటనలు ప్రపంచ దేశాలను అప్రమత్తం చేశాయి. ఈ నేపథ్యంలో కీలక మౌలిక వసతుల రక్షణ కోసం అండర్‌వాటర్ డ్రోన్లను ఉపయోగించాలని AUKUS దేశాలు భావిస్తున్నాయి. ఈ నేపథ్యంలో సముద్ర గర్భం ఇప్పుడు కొత్త యుద్ధ రంగంగా మారుతోందని, అక్కడి ముప్పులను ఎదుర్కొనేందుకు ఈ టెక్నాలజీ కీలకమని వారు పేర్కొన్నారు.అంతేకాదు, ఈ ప్రాజెక్ట్ ద్వారా డ్రోన్లలో ఉపయోగించే సెన్సర్లు, నావిగేషన్ వ్యవస్థలు, AI ఆధారిత నిర్ణయ సామర్థ్యాలు, కమ్యూనికేషన్ నెట్‌వర్క్‌లు వంటి కీలక టెక్నాలజీలను కూడా మూడు దేశాలు సంయుక్తంగా అభివృద్ధి చేయనున్నాయి. జీపీఎస్‌ అందుబాటులో లేని సముద్ర గర్భంలో కూడా స్వతంత్రంగా ప్రయాణించే సామర్థ్యంపై ప్రత్యేక దృష్టి పెట్టారు.విశ్లేషకుల అభిప్రాయం ప్రకారం ఈ మొత్తం వ్యూహం వెనుక ప్రధాన కారణం ఇండో-పసిఫిక్ ప్రాంతంలో చైనా పెరుగుతున్న నౌకాదళ శక్తి. దక్షిణ చైనా సముద్రం, తైవాన్ పరిసర ప్రాంతాల్లో బీజింగ్ దూకుడు పెరుగుతున్న నేపథ్యంలో అమెరికా నేతృత్వంలోని మిత్రదేశాలు సముద్ర ఆధిపత్యాన్ని కాపాడుకునేందుకు ఈ ప్రాజెక్ట్‌ను వేగవంతం చేస్తున్నాయి. అయితే చైనా మాత్రం ఈ ఒప్పందాన్ని తీవ్రంగా విమర్శిస్తూ, ఇది ప్రాంతీయ ఆయుధ పోటీని మరింత పెంచే ప్రమాదం ఉందని హెచ్చరిస్తోంది.

ఉందో, ముగిసిపోయిందో తెలియని స్థితిలో ఏడాదిగా దారీతెన్నూ లేకుండా ఉండిపోయిన చతుర్భుజ కూటమి(క్వాడ్‌)లో ఎందుకనో కొంత చలనం వచ్చింది. మంగళవారం సభ్య దేశాలైన భారత్, అమెరికా, జపాన్, ఆస్ట్రేలియా విదేశాంగ మంత్రుల సమావేశం జరగటం, చివరిలో ఒక ఉమ్మడి ప్రకటన వెలువడటం ఆర్నెల్ల ముందు కూడా ఊహకందనిది. ఎందుకంటే నిరుడు జనవరిలో రెండోసారి అధికారంలోకి వచ్చినప్పటి నుంచి అమెరికా అధ్యక్షుడు డోనాల్డ్‌ ట్రంప్‌ మిత్రులు, శత్రువులన్న విచక్షణ మరిచి అందరితో గిల్లికజ్జాలకు దిగడం మొదలెట్టారు. నిర్విచక్షణగా సుంకాలు విధిస్తూ అందరినీ సమానంగా ఇబ్బందిపెట్టారు. ఇలాంటి స్థితిలో అమెరికా చొరవతో ఏర్పడ్డ క్వాడ్‌ ఇక ముగిసిన అధ్యాయమని అందరూ అనుకున్నారు. నిజానికి ఆరంభంనుంచి క్వాడ్‌ ఏదో కారణంతో అస్తిత్వ సంక్షోభాన్ని ఎదుర్కొంటూనేవుంది. చైనాకు వ్యతిరేకంగా 2007లో తొలి సమావేశం జరుపుకోగా ఆ మరుసటి ఏడాదికే జపాన్, ఆస్ట్రేలియాలు వైదొలగాయి. ఆ రెండుచోట్లా పాలకులు మారటం ఇందుకొక కారణం. 2008లో అప్పటి మన ప్రధాని మన్మోహన్‌ సింగ్‌ ‘చైనాను కట్టడిచేసే ఎలాంటి కూటమిలోనూ భాగస్వాములం కాదల్చుకోలేదు’ అని కుండబద్దలుకొట్టారు. దాంతో దాదాపు పదేళ్లపాటు అది అచేతనావస్థలో పడింది. 2017 నాటికి దక్షిణ చైనా సముద్రం, తూర్పు చైనా సముద్రం ప్రాంతాల్లో చైనా పెత్తనం పెరగటంతో ట్రంప్‌ చొరవ తీసుకుని దానికి ప్రాణప్రతిష్ఠ చేశారు. అయినా కోవిడ్‌ కారణంగా తొలి శిఖరాగ్ర సమావేశం జరగటానికి నాలుగేళ్లు పట్టింది. కీలక ఖనిజాలు, ఇంధన భద్రత, సముద్రజలాల్లో ఇంటర్నెట్‌ కేబుల్స్‌ ఏర్పాటు, టెలికాం సాంకేతికత తదితర అంశాల్లో పరస్పరం సహకరించుకోవాలని విదేశాంగ మంత్రుల సదస్సు నిర్ణయించటం తాజా ప్రపంచ పరిణామాల పర్యవసానమే. హార్మూజ్‌ జలసంధి ప్రతిష్ఠంభన... ఇంధన సరఫరా నిలిచిపోవటం, ఆ ప్రాంతంవైపు నుంచి వచ్చే అండర్‌ సీ కేబుల్స్‌ సైతం ప్రమాదంలో పడటం వగైరా అంశాలను దృష్టిలో ఉంచుకుని ఈ నిర్ణయాలు తీసుకున్నారు. ఆ ప్రాంతంలో నౌకలను అడ్డగిస్తున్న ఇరాన్‌ వైఖరిని, వచ్చే పోయే నౌకలవద్ద సుంకాలు వసూలు చేసే ఆలోచనను క్వాడ్‌ సమావేశం తప్పుబట్టింది. అనవసర యుద్ధంతో ఇంత వివాదానికి కారణమై, తాను సైతం హార్మూజ్‌ను దిగ్బంధించిన అమెరికాకు జనాంతికంగానైనా మిగిలిన దేశాలు హితవు పలికాయా అన్నది తెలియదు.చైనాను నిరోధించి, ఇండో–పసిఫిక్‌ దేశాల భద్రతకు కృషిచేయాలని గతంలో చెప్పుకున్న సంకల్పం ఇప్పుడు తాత్కాలికంగా వెనక్కిపోయింది. ఈ ప్రాంతంలో నిఘా వ్యవస్థను పటిష్టం చేసి, ఎప్పటికప్పుడు క్వాడ్‌ దేశాలమధ్య సమాచారాన్ని ఇచ్చిపుచ్చు కోవాలని నిర్ణయించినా దీనర్థం క్వాడ్‌ను సైనికీకరణ చేయటం కాదని మన విదేశాంగ శాఖ వివరణనిచ్చింది. క్వాడ్‌ ఇంధన వేదికను ఈ ఏడాది ఆఖరులోగా నిర్వహించ బోతున్నామని అమెరికా విదేశాంగమంత్రి మార్కో రూబియో ప్రకటించారు. కానీ ఈ సంస్థ శిఖరాగ్ర సమావేశాలు ఎప్పుడో చెప్పకపోవటం సందేహాలకు తావిచ్చింది. విదే శాంగ మంత్రుల సమావేశంలోనే శిఖరాగ్ర తేదీలు ప్రకటించటం ఆనవాయితీ. వాస్తవా నికి అది 2024లోనే భారత్‌లో నిర్వహించాలి. కానీ వాయిదా పడింది. ఈలోగా సుంకాల వివాదం నేపథ్యంలో ట్రంప్‌ మన దేశం రావటానికి చొరవ చూపటం లేదు. క్వాడ్‌ మొదలయ్యే నాటికి చైనా దూకుడు మీదుంది. ముఖ్యంగా హిందూ సముద్ర ప్రాంత దేశాలమీదుగా అది ప్రారంభించదల్చుకున్న బెల్ట్‌ అండ్‌ రోడ్‌ ఇన్షియేటివ్‌ (బీఆర్‌ఐ) ప్రాజెక్టు భారత్‌ భద్రతకు ముప్పు తెస్తుందన్న సందేహం ఉంది. ఇక ఇరు దేశాల సరిహద్దుల్లో ఆ దేశం తరచు సృష్టించే వివాదాలు సరేసరి. ఇలాంటి నేపథ్యంలో క్వాడ్‌లో భాగస్వామ్యం కావటానికి మన దేశం ముందుకొచ్చింది. ఆనాటి పరిస్థితుల మాటెలావున్నా ఎవరికీ అంతుచిక్కని ట్రంప్‌ వంటి అధినేతను నమ్మి ముందుకెళ్లటం ఇప్పుడు సాధ్యమేనా? ఆయన చైనాతో సాన్నిహిత్యం కోసం తహతహలాడుతున్నారు. అది ఒక రూపం తీసుకుంటే క్వాడ్‌ కాడిపడేయరన్న గ్యారెంటీ ఏం లేదు. అందుకే రక్షణేతర రంగాల్లో భాగస్వామ్యం వరకూ ఫర్వాలేకున్నా, ఇతర విషయాల్లో మన దేశం ఆచితూచి అడుగేయక తప్పదు.

ఈ నెల 30వ తేదీ నుంచి పాకిస్తాన్‌ వేదికగా ఆస్ట్రేలియాతో జరుగబోయే మూడు మ్యాచ్‌ల వన్డే సిరీస్‌కు ఉగ్రముప్పు పొంచి ఉంది. ఈ నేపథ్యంలో పాక్‌ ప్రభుత్వం ఇప్పటివరకు ఎప్పుడూ చూడని స్థాయిలో భద్రతా చర్యలు చేపట్టింది. ముఖ్యంగా మే 30న రావల్పిండి క్రికెట్‌ స్టేడియంలో జరగనున్న తొలి వన్డే కోసం భారీ ఎత్తున పోలీసు బలగాలను మోహరించింది.ఈసారి ప్రత్యేకత ఏమిటంటే.. కేవలం ఆస్ట్రేలియా జట్టుకే కాదు, భద్రత కల్పిస్తున్న పోలీసు సిబ్బందికి సైతం రక్షణ కల్పించేందుకు ప్రత్యేక "సెక్యూరిటీ అండ్‌ డిసిప్లిన్‌ యూనిట్‌"ను ఏర్పాటు చేశారు. ఉగ్రదాడుల హెచ్చరికల నేపథ్యంలో ఈ నిర్ణయం తీసుకున్నట్లు పాక్‌ అధికారులు వెల్లడించారు.కాగా, రావల్పిండి, లాహోర్‌ వేదికలుగా మే 30, జూన్‌ 2, 4 తేదీల్లో మూడు వన్డేలు జరుగనున్నాయి. ఈ మూడు మ్యాచ్‌లు భారతకాలమానం ప్రకారం సాయంత్రం 5 గంటలకు ప్రారంభమవుతాయి. ఈ సిరీస్‌ కోసం ఇరు జట్లను ఇదివరకే ప్రకటించారు. ఐపీఎల్‌ కారణంగా చాలామంది ఆసీస్‌ ఆటగాళ్లు ఈ సిరీస్‌కు అందుబాటులో లేరు.జట్ల వివరాలు..పాకిస్తాన్‌: అబ్దుల్‌ సమద్‌, బాబర్‌ ఆజం, సాహిబ్‌జాదా ఫర్హాన్‌, షమిల్‌ హుసేన్‌, సల్మాన్‌ అఘా, మాజ్‌ సదాకత్‌, షాదాబ్‌ ఖాన్‌, ఘాజీ ఘోరీ, రోహైల్‌ నజీర్‌, షాహీన్‌ అఫ్రిది (కెప్టెన్‌), అబ్రార్‌ అహ్మద్‌, అహ్మద్‌ దనియాల్‌, అరాఫత్‌ మిన్హాస్‌, హరీస్‌ రౌఫ్‌, నసీం షా, సూఫియాన్‌ ముఖీమ్‌ఆస్ట్రేలియా: మార్నస్‌ లబూషేన్‌, మాథ్యూ షార్ట్‌, మ్యాట్‌ రెన్షా, మిచెల్‌ మార్ష్‌ (కెప్టెన్‌), కెమరూన్‌ గ్రీన్‌, లియామ్‌ స్కాట్‌, ఒలివర్‌ పీక్‌, అలెక్స్‌ క్యారీ, జోష్‌ ఇంగ్లిస్‌, రిలే మెరిడిత్‌, తన్వీర్‌ సంఘా, నాథన్‌ ఇల్లిస్‌, మాథ్యూ కుహ్నేమన్‌, బిల్లీ స్టాన్‌లేక్‌, ఆడమ్‌ జంపా

స్వదేశంలో న్యూజిలాండ్‌తో జరుగుతున్న మూడు మ్యాచ్‌ల టీ20 సిరీస్‌లో ఇంగ్లండ్‌ ఘనంగా బోణీ కొట్టింది. డెర్బీ వేదికగా నిన్న (మే 20) జరిగిన తొలి మ్యాచ్‌లో 7 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన న్యూజిలాండ్‌ నిర్ణీత 20 ఓవర్లలో 7 వికెట్ల నష్టానికి 136 పరుగులు చేసింది. సోఫీ డివైన్‌ (45) ఓ మోస్తరు స్కోర్‌తో రాణించింది. మిగతా ప్లేయర్లలో ఇజ్జీ షార్ప్‌ 26 (నాటౌట్‌), మ్యాడీ గ్రీన్‌ 23, ఇసబెల్లా గేజ్‌ 12, బ్రూక్‌ హ్యాలిడే 14, కెప్టెన్‌ అమేలియా కెర్‌ 8, జెస్‌ కెర్‌ 5, జార్జియా ప్లిమ్మర్‌ డకౌటయ్యారు. ఇంగ్లండ్‌ బౌలర్లలో లారెన్‌ బెల్‌, ఛార్లోట్‌ డీన్‌ తలో 2 వికెట్లు తీయగా.. లిన్సే స్మిత్‌, డేనియెలా గిబ్సన్‌ చెరో వికెట్‌ దక్కించుకున్నారు.అనంతరం 137 పరుగుల స్వల్ప లక్ష్యాన్ని ఇంగ్లండ్‌ 17.2 ఓవర్లలో 3 వికెట్లు మాత్రమే కోల్పోయి ఛేదించింది. అలైస్‌ క్యాప్సీ (74 నాటౌట్‌) అద్భుత ఇన్నింగ్స్‌తో ఇంగ్లండ్‌ను గెలిపించింది. ఆమెకుయ ఫ్రేయా కెంప్‌ (31 నాటౌట్‌) సహకరించింది. మిగతా ప్లేయర్లలో హీథర్‌ నైట్ 19, సోఫీ డంక్లీ 8, మియా బౌచర్‌ 5 పరుగులకు ఔటయ్యారు. న్యూజిలాండ్‌ బౌలర్లలో బ్రీ ఇల్లింగ్‌ 2, జెస్‌ కెర్‌ ఓ వికెట​్‌ పడగొట్టారు. కాగా, ఈ సిరీస్‌లో రెండో టీ20 మే 23న జరుగనుంది.

కాన్‌బెర్రా: ఆస్ట్రేలియాలో స్థిరపడాలనే ఆశతో వెళ్లిన ఓ భారతీయ కుటుంబానికి అక్కడ తీవ్రమైన అన్యాయం జరుగుతోంది. తమ ఆరేళ్ల కుమారుడికి ఉన్న శారీరక ఎదుగుదల లోపాన్ని కారణంగా చూపిస్తూ, ఆస్ట్రేలియా ప్రభుత్వం ఆ కుటుంబానికి పర్మనెంట్ రెసిడెన్సీ (పీఆర్‌) నిరాకరించింది. అంతటితో ఆగకుండా, వారిని దేశం నుంచి బహిష్కరించేందుకు సిద్ధమైంది. కేరళలోని కన్నూర్ జిల్లాకు చెందిన ఈ కుటుంబం ప్రస్తుతం విక్టోరియాలోని బెండిగో నగరంలో తీవ్ర ఆందోళనతో కాలం వెళ్లదీస్తోంది.కన్నీరు పెట్టిస్తున్న విసా తిరస్కరణ ఈ కుటుంబానికి చెందిన క్రిస్టిన్ దాస్ విక్టోరియాలోని ప్రాంతీయ ఆస్పత్రిలో ఎమర్జెన్సీ విభాగంలో రిజిస్టర్డ్ నర్సుగా సేవలందిస్తున్నారు. ఆమె భర్త జినీష్ జోసెఫ్ క్వాలిఫైడ్ చెఫ్, అలాగే కొడుకు బాగోగులు చూసుకునే పూర్తి స్థాయి కేర్‌గివర్‌గా ఉన్నారు. వీరికి జాజియల్ (6), హేజెల్ (2) అనే ఇద్దరు పిల్లలు ఉన్నారు. విక్టోరియాలో ఎమర్జెన్సీ కేర్, హాస్పిటాలిటీ రంగాలలో సేవలు అందిస్తున్నారు. అయినప్పటికీ, కొడుకు అనారోగ్యాన్ని సాకుగా చూపి వీసా నిరాకరించడంపై వారు తీవ్రంగా కలత చెందుతున్నారు.ఐర్లాండ్ వదిలి వస్తే నడిరోడ్డుపైనేనా? గతంలో ఈ కుటుంబం ఐర్లాండ్‌లో ఉండేది. ఆస్ట్రేలియా వీసా లభించడంతోనే వారు అక్కడి నుంచి ఇక్కడికి తరలివచ్చారు. వీసా దరఖాస్తు ప్రక్రియలోనే తమ కుమారుడి ఆరోగ్య పరిస్థితిని తాము స్పష్టంగా తెలియజేశామని వారు చెబుతున్నారు. ఒకవేళ అప్పుడే వీసా తిరస్కరించి ఉంటే, తాము ఐర్లాండ్‌లోనే ఉండేవారమని, ఇప్పుడు ఇక్కడ అన్నీ సెట్‌ చేసుకున్నాక నడిరోడ్డుపై వదిలేశారని ఆవేదన వ్యక్తం చేస్తున్నారు. ప్రస్తుతం ఆస్ట్రేలియాలో తమ కుమారునికి అందుతున్న వైద్య సహాయం ఆగిపోతే, వాడి భవిష్యత్తు ఏమిటని తల్లిదండ్రులు కన్నీరు మున్నీరవుతున్నారు.న్యాయం కోసం డిజిటల్ పోరాటం తమకు జరుగుతున్న అన్యాయంపై ఈ కేరళ కుటుంబం 'Change.org' వేదికగా డిజిటల్ పిటిషన్ వేసింది. ఆస్ట్రేలియా ప్రభుత్వం తమను దేశం నుంచి బహిష్కరించకుండా నిలిపివేయాలని, మానవతా దృక్పథంతో వీసా మంజూరు చేయాలని వారు ప్రజల మద్దతు కోరుతున్నారు. ఈ పిటిషన్‌కు ఆస్ట్రేలియా ప్రజల నుంచి భారీ మద్దతు లభిస్తోంది. ఇప్పటికే 7,000 మందికి పైగా దీనిపై సంతకాలు చేసి ఆ కుటుంబానికి అండగా నిలిచారు. ‘మా పిల్లలు ఇక్కడే పెరుగుతున్నారు. ఇదే వారి ఇల్లు... మమ్మల్ని వెళ్లగొడితే మా బాబుకు భవిష్యత్తు ఉండదు’ అంటూ ఆ తల్లిదండ్రులు చేస్తున్న అభ్యర్థన నెటిజన్లను కదిలిస్తోంది.ఇది కూడా చదవండి: ట్రంప్, నెతన్యాహు మధ్య విభేదాలు

కాన్‌బెర్రా: ఆస్ట్రేలియాలో దారుణం జరిగింది. భారత సంతతికి చెందిన సుమిత్‌ అనే వ్యక్తి 61మందిని మసాజ్‌ పేరుతో వేధించాడు. దీనిపై విచారణ జరిపిన కోర్టు నేరం రుజువు కావడంతో అతనికి 13 సంవత్సరాల జైలు శిక్ష విధించింది. అనంతరం దేశబహిష్కరణ చేసింది.అక్కడి అధికారులు వివరాల ప్రకారం 39 ఏళ్ల సుమిత్ అనే వ్యక్తి 2011లో ఢిల్లీ నుంచి ఆస్ట్రేలియాకు వెళ్లారు. అతను అక్టోబర్ 2021 నుంచి జూలై 2022 మధ్య ఒక మసాజ్ పార్లర్‌లో పని చేశారు. కాగా ఆ సమయంలో మసాజ్ పేరుతో మహిళలను లైంగికంగా వేధించాడు. మహిళల రహస్య వీడియోలు తీసి వారని లైంగికంగా వేదించాడు.కాగా ఈ కేసులో అతనిపై 97 అభియోగాలను నమోదు కాగా అ‍న్నింటిని కోర్టులో అంగీకరించాడు.అయితే ఈ కోసును విచారించిన కోర్టు తాజాగా తీర్పు ఇచ్చింది. 61 మంది మహిళలపై లైంగిక దాడి చేసినందుకు గాను సుమిత్‌కు 13 సంవత్సరాల 10 నెలల జైలు శిక్ష విధించింది. అతను మహిళల నమ్మకాన్ని ఉల్లంఘించి, మసాజ్‌ల సమయంలో అనుచితమైన చర్యలకు పాల్పడ్డాడని కోర్టు వ్యాఖ్యానించింది. చికిత్స కోసం వచ్చని మహిళలను వారి నమ్మకాన్ని, భద్రతను దుర్వినియోగం చేశాడని కోర్టు ఆగ్రహం వ్యక్తం చేసింది.అయితే సుమిత్‌కు సుమిత్‌కు మసాజ్ థెరపీలో ఎలాంటి అధికారిక అర్హతలు లేనప్పటికీ అక్రమంగా మసాజ్‌ సెంటర్‌లో విధులు నిర్వహస్తున్నారని శిక్షాకాలం పూర్తి చేసుకున్న తర్వాత అతడిని ఆస్ట్రేలియా బహిష్కరించవచ్చని కోర్టు తీర్పు ఇచ్చింది.

ఇంగ్లండ్‌ అండ్‌ వేల్స్‌ ఆతిథ్యమివ్వనున్న మహిళల టీ20 ప్రపంచకప్‌ 2026 కోసం క్రికెట్‌ ఆస్ట్రేలియా 15 మంది సభ్యుల పటిష్టమైన జట్టును ఇవాళ ప్రకటించింది. ఈ జట్టుకు కెప్టెన్‌గా స్టార్ ఆల్‌రౌండర్ సోఫీ మోలినెక్స్‌ ఎంపిక కాగా.. ఆష్లే గార్డ్‌నర్‌ ఆమెకు డిప్యూటీగా (వైస్ కెప్టెన్‌) వ్యవహరించనుంది.ఈ జట్టులో ఎల్లిస్‌ పెర్రీ, బెత్‌ మూనీ, తహ్లియా మెక్‌గ్రాత్‌ వంటి స్టార్‌ ప్లేయర్లు కూడా చోటు దక్కించుకున్నారు. ఈసారి సెలెక్టర్లు స్పిన్ బౌలింగ్‌పై ప్రత్యేక దృష్టి పెట్టారు. ఇంగ్లండ్ పరిస్థితులకు అనుగుణంగా జార్జియా వేర్హమ్‌, అలానా కింగ్‌ వంటి లెగ్ స్పిన్నర్లను ఎంపిక చేశారు. అయితే ఫాస్ట్‌ బౌలర్ డార్సీ బ్రౌన్‌కు ఈ జట్టులో చోటు దక్కకపోవడం ఆశ్చర్యం కలిగించింది. ఆమె స్థానంలో 20 ఏళ్ల యువ లెఫ్ట్ ఆర్మ్ సీమర్ లూసీ హ్యామిల్టన్‌కు అవకాశం దక్కింది.ఇక భారత అభిమానులకు ఆసక్తికరమైన విషయం ఏమిటంటే.. డబ్ల్యూపీఎల్‌ ఫ్రాంచైజీ ఆర్సీబీకి చెందిన ముగ్గురు కీలక ప్లేయర్లకు ఈ ఆసీస్‌ ప్రపంచకప్‌ జట్టులో చోటు దక్కింది. గ్రేస్‌ హ్యారిస్‌, ఎల్లిస్‌ పెర్రీ, సోఫీ మోలినెక్స్ డబ్ల్యూపీఎల్‌లో ఆర్సీబీ ఆడతారు. తమ ఫ్రాంచైజీకి చెందిన ముగ్గురు ప్లేయర్లకు ప్రపంచకప్‌ జట్టులో చోటు దక్కడం ఆర్సీబీ అభిమానుల్లో ఆనందం నింపింది.జూన్‌ 12 నుంచి జూలై 5 వరకు జరిగే ప్రపంచకప్‌లో ఆస్ట్రేలియా.. భారత్‌, సౌతాఫ్రికా, పాకిస్తాన్‌, బంగ్లాదేశ్‌, నెదర్లాండ్స్‌ వంటి పటిష్టమైన జట్లతో కలిసి గ్రూప్‌-1లో ఉంది. ఆసీస్‌.. జూన్ 13న మాంచెస్టర్‌లో దక్షిణాఫ్రికాతో తమ తొలి మ్యాచ్ ఆడనుంది. అనంతరం బంగ్లాదేశ్, నెదర్లాండ్స్, పాకిస్తాన్‌, భారత్‌తో గ్రూప్ దశ పోరాటాలు ఉంటాయి. ముఖ్యంగా జూన్ 28న లార్డ్స్ మైదానంలో భారత్‌తో జరిగే మ్యాచ్‌పై ఇప్పటి నుంచే భారీ అంచనాలు నెలకొన్నాయి.ఆస్ట్రేలియా మహిళల T20 ప్రపంచ కప్ 2026 జట్టుసోఫీ మోలినెక్స్ (కెప్టెన్), ఆష్లే గార్డ్‌నర్ (వైస్ కెప్టెన్), తహ్లియా మెక్‌గ్రాత్ (వైస్ కెప్టెన్), నికోలా క్యారీ, కిమ్ గార్త్, లూసీ హామిల్టన్, గ్రేస్ హారిస్, అలనా కింగ్, ఫోబ్ లిచ్‌ఫీల్డ్, బెత్ మూనీ (వికెట్ కీపర్), ఎలిస్ పెర్రీ, మేగన్ షుట్, అన్నబెల్ సదర్లాండ్, జార్జియా వోల్, జార్జియా వేర్‌హామ్. రిజర్వ్: తాలియా విల్సన్ (వికెట్ కీపర్).

ఆస్ట్రేలియా టెన్నిస్ దిగ్గ‌జం మాల్ అండ‌ర్స‌న్ (91) క‌న్నుమూశాడు. అనారోగ్య సమస్యలతో సోమవారం తన ఇంట్లోనే తుదిశ్వాస విడిచాడు. ఆస్ట్రేలియా త‌ర‌ఫున యూఎస్ ఓపెన్ గ్రాండ్‌స్లామ్ నెగ్గిన తొలి అన్‌సీడెడ్ ప్లేయ‌ర్‌గా మాల్ అండ‌ర్స‌న్ చ‌రిత్ర సృష్టించాడు. వ్య‌వ‌సాయక్షేత్రంలోని మ‌ట్టికోర్టుపై ప్రాక్టీస్‌ను ఆరంభించిన అండ‌ర్స‌న్ ఆ త‌ర్వాత టెన్నిస్‌లో దిగ్గ‌జ ఆట‌గాడిగా గుర్తింపు పొందాడు. 1957లో యూఎస్ క్రౌన్ టైటిల్ నెగ్గిన అండ‌ర్స‌న్‌, మూడు డ‌బుల్స్ టైటిల్స్ కూడా సాదించాడు. యునైటెడ్ స్టేట్స్ చాంపియ‌న్‌షిప్ సాధించిన అన్‌సీడెడ్ క్రీడాకారుడిగా అండ‌ర్స‌న్ నిలిచాడు. ఇక ప్ర‌తిష్ఠాత్మ‌క డేవిస్ క‌ప్‌ను కూడా అండ‌ర్స‌న్ రెండుసార్లు సాధించి చ‌రిత్ర సృష్టించాడు.ఆట‌కు వీడ్కోలు ప‌లికిన తర్వాత అండర్సన్, ప్రపంచ నంబర్ వన్‌గా ఎదిగిన పాట్ రాఫ్టర్‌ సహా ఎంతోమంది యువ ఆస్ట్రేలియన్ ఆటగాళ్లకు మార్గనిర్దేశ‌నం చేశాడు. మాల్ అండ‌ర్స‌న్ మ‌ర‌ణంపై పాట్ రాఫ్ట‌ర్ స్పందించాడు. మాల్ మరణవార్త విని నేను చాలా బాధపడ్డాను. నా కెరీర్ ప్రారంభంలో టెన్నిస్‌లో మెళుకువ‌లు తీర్చిదిద్దడంలో మాల్ అండ‌ర్స‌న్ ఎంత‌గానో స‌హాయ‌ప‌డ్డారు. ఆయ‌న ఆత్మ‌కు శాంతి చేకూరాల‌ని ప్రార్థిస్తున్నా" అని పాట్‌ రాఫ్టర్ పేర్కొన్నాడు.

ఐపీఎల్‌ 2026 కారణంగా పలువురు ఆసీస్‌ స్టార్‌ ఆటగాళ్లు జాతీయ విధులకు డుమ్మా కొట్టారు. త్వరలో జరుగబోయే పాక్‌, బంగ్లాదేశ్‌ పరిమిత ఓవర్ల సిరీస్‌లకు జట్లను ప్రకటించగా.. అందులో పాట్‌ కమిన్స్‌, మిచెల్‌ స్టార్క్‌, జోష్‌ హాజిల్‌వుడ్‌, మార్కస్‌ స్టోయినిస్‌, గ్లెన్‌ మ్యాక్స్‌వెల్‌ తదితరుల పేర్లు కనిపించలేదు.అండర్‌-19 జట్టు సారధి ఓల్లీ పీక్‌ తొలిసారి జాతీయ జట్టు నుంచి పిలుపునందుకున్నాడు. ఇతను పాకిస్తాన్‌తో జరిగే వన్డే సిరీస్‌కు మాత్రమే ఎంపికయ్యాడు. ఐపీఎల్‌ స్టార్లు రిటర్న్‌ రావడంతో బంగ్లాదేశ్‌ సిరీస్‌కు పీక్‌ను ఎంపిక చేయలేదు.కమిన్స్‌ గైర్హాజరీలో మిచెల్‌ మార్ష్‌ రెండు సిరీస్‌లకు (పాక్‌, బంగ్లాదేశ్‌) కెప్టెన్‌గా వ్యవహరించనున్నాడు. అలాగే ఇంగ్లిస్‌, గ్రీన్‌లకు మూడు జట్లలో చోటు దక్కింది. స్టోయినిస్‌, మ్యాక్స్‌వెల్‌ బంగ్లాదేశ్‌ సిరీస్‌కు అందుబాటులో ఉన్నా సెలెక్టర్లు పట్టించుకోలేదు. వెటరన్‌ స్టార్‌ స్టీవ్‌ స్మిత్‌కు కూడా మూడు జట్లలో చోటు దక్కలేదు. ట్రవిస్‌ హెడ్‌ బంగ్లాదేశ్‌ వన్డే, టీ20 సిరీస్‌లకు మాత్రమే ఎంపికయ్యాడు.ఐపీఎల్‌ ప్లే ఆఫ్స్‌కు చేరే జట్లతో ఉన్న కూపర్‌ కన్నోల్లీ, డ్వార్షుయిస్‌, బార్ట్‌లెట్‌ను కూడా పాక్‌ వన్డే సిరీస్‌కు ఎంపిక చేయలేదు. కాగా, ఐపీఎల్‌ ముగిసిన తర్వాత ఆస్ట్రేలియా జట్టు పాక్‌ పర్యటనకు వెళ్తుంది. ఆ పర్యటనలో మే 30, జూన్‌ 2, 4 తేదీల్లో మ్యాచ్‌లు జరుగనున్నాయి.పాకిస్తాన్ వన్డేల కోసం ఆస్ట్రేలియా జట్టుమిచెల్ మార్ష్ (కెప్టెన్), అలెక్స్ క్యారీ, నాథన్ ఎల్లిస్, కామెరాన్ గ్రీన్, జోష్ ఇంగ్లిస్, మాథ్యూ కునెమాన్, మార్నస్ లాబుషేన్, రైలీ మెరెడిత్, ఆలివర్ పీక్, మాథ్యూ రెన్‌షా, తన్వీర్ సంఘా, లియామ్ స్కాట్, మాట్ షార్ట్, బిల్లీ స్టాన్లేక్, ఆడమ్ జంపాఅనంతరం ఆస్ట్రేలియా జట్టు మూడు మ్యాచ్‌ల వన్డే, టీ20 సిరీస్‌ల కోసం బంగ్లాదేశ్‌కు వెళ్తుంది. ఈ పర్యటనలో వన్డేలు జూన్‌ 9, 11, 14 తేదీల్లో.. టీ20లు 17, 19, 21 తేదీల్లో జరుగన్నాయి.బంగ్లాదేశ్ వన్డేల కోసం ఆస్ట్రేలియా జట్టుమిచెల్ మార్ష్ (కెప్టెన్), జేవియర్ బార్ట్‌లెట్, అలెక్స్ క్యారీ, కూపర్ కానలీ, బెన్ డ్వార్షుయిస్, నాథన్ ఎల్లిస్, కామెరాన్ గ్రీన్, ట్రావిస్ హెడ్, జోష్ ఇంగ్లిస్, మాథ్యూ కునెమాన్, మార్నస్ లాబుషేన్, మాథ్యూ రెన్‌షా, తన్వీర్ సంఘా, లియామ్ స్కాట్, ఆడమ్ జంపాబంగ్లాదేశ్ టీ20ల కోసం ఆస్ట్రేలియా జట్టుమిచెల్ మార్ష్ (కెప్టెన్), జేవియర్ బార్ట్‌లెట్, కూపర్ కానలీ, టిమ్ డేవిడ్, జోయెల్ డేవిస్, నాథన్ ఎల్లిస్, కామెరాన్ గ్రీన్, ఆరోన్ హార్డీ, ట్రావిస్ హెడ్, జోష్ ఇంగ్లిస్, స్పెన్సర్ జాన్సన్, మాథ్యూ కుహ్నెమాన్, రిలే మెరెడిత్, జోష్ ఫిలిప్, మాథ్యూ రెన్‌షా, ఆడమ్ జంపా

ఈసారైనా వర్షాలు టైంకి పడతాయా? అనే కోట్లాది దేశ ప్రజలకు మదిలో మెదిలే ప్రశ్న. ప్రతీసారి అంచనాలు వేయడం.. అవి తప్పడం.. గత కొన్నేళ్లుగా క్రమం తప్పకుండా చూస్తున్నది. అయితే ఈసారి కచ్చితమైన సమాచారం ఉందని.. ఆన్‌ టైంకే వర్షాలు పడతాయని బల్ల గుద్ది మరీ చెబుతోంది భారత వాతావరణ శాఖ. మునుపెన్నంతగా.. ఈ మే నెలలో అకాల వర్షాలు కురుస్తున్నాయి. ద్రోణి ప్రభావంతో తీర రాష్ట్రాలైన తమిళనాడు, ఆంధ్రప్రదేశ్‌, కేరళ.. పుదుచ్చేరిలోనూ ఉరుములు, మెరుపులతో కూడిన వర్షపాతం నమోదవుతోంది. అయితే దీనిని రుతుపవనాల రాకకు సంకేతంగానే భావిస్తున్నారు వాతావరణ నిపుణులు. వాళ్ల అంచనా ప్రకారం.. మరో రెండు వారాల్లోనే అండమాన్, నికోబార్ దీవులకు వర్షాలు మొదలవుతాయి. కాబట్టి.. జూన్ 1వ తేదీనాటికి కేరళ తీరాన్ని రుతుపవనాలు తాకుతాయన్నమాట. ఇందుకు స్పష్టమైన సంకేతాలు ఉన్నాయని చెబుతున్నారు. తాజాగా.. తమ దేశంలో వర్షాకాలం ముగిసిందని ఆస్ట్రేలియా వాతావరణ శాఖ ప్రకటించింది. సాధారణ ప్రజలకు అది మరో దేశపు వెదర్‌ బులిటెన్‌ మాత్రమే కావొచ్చు. భారత రుతుపవనాల కదలికలను గమనించే వాతావరణ శాస్త్రజ్ఞులకు మాత్రం ఈ ప్రకటన ఎంతో కీలకం. ఈ ప్రకటన ఆధారంగానే భారత్‌కు రుతుపవనాల రాకను అంచనా వేస్తారు.భారత మాన్సూన్‌ను అర్థం చేసుకోవాలంటే.. భూమధ్యరేఖ చుట్టూ తిరుగుతూ ఉండే ఒక అజ్ఞాత మేఘాల బెల్ట్‌ను ఊహించుకోవాలి. భూమధ్యరేఖ వద్ద ఉన్న ఈ మేఘాల బెల్ట్ ప్రతి సంవత్సరం సూర్యుడి కదలికను అనుసరిస్తూ దిశ మార్చుకుంటుంది. అంటే.. ఉత్తరార్థగోళం వేసవిలో ఉత్తర దిశగా, దక్షిణార్థగోళం వేసవిలో దక్షిణ దిశగా కదులుతూ ఎక్కడికి వెళ్తే అక్కడికి వర్షాలను మోసుకెళ్తుంది. ఆస్ట్రేలియాలో రుతుపవనాల ప్రభావం తగ్గిపోవడంతో దక్షిణ భాగం తన ప్రభావాన్ని కోల్పోతుంది. అప్పుడది కచ్చితంగా ఉత్తర దిశగా కదిలి, సముద్రం నుంచి తేమతో నిండిన గాలులను దక్షిణ ఆసియాకు లాగి వర్షాలు కురిపిస్తుంది. తద్వారా ఆ ప్రాంతంలో రుతుపవనాలు సమయానికి రావడానికి మార్గం సుగమం చేస్తుంది. ఆస్ట్రేలియాలో వర్షాకాలం ముగిసిన వెంటనే ఈ బెల్ట్ ఉత్తర దిశగా భూమధ్యరేఖ దాటి మాల్దీవులు, శ్రీలంక వైపు కదిలి, భారతదేశంలోని అండమాన్–నికోబార్ దీవులకు చేరుకుంటుంది. అక్కడి నుంచి ఇది కేరళ తీరానికి చేరి, దేశమంతా వర్షాలను విస్తరింపజేస్తుంది. అందువల్ల ఆస్ట్రేలియా వాతావరణ శాఖ ప్రకటన.. భారత్‌కు రుతుపవనాలు సకాలంలో వస్తాయన్న స్పష్టమైన సంకేతంగా భావించబడుతోంది. ఈ సహజ చక్రం వల్ల.. మే–సెప్టెంబర్ మధ్య నైరుతి రుతుపవనాల రాకతో భారత్‌లో వర్షాలు పడతాయి. సెప్టెంబర్ చివరికి ఈ బెల్ట్ తిరిగి దక్షిణ దిశగా కదిలి, ఆస్ట్రేలియాలో వర్షాకాలం మొదలవుతుంది. ప్రస్తుతం ఈ పరిస్థితులు కనిపిస్తుండడం.. సరైన దిశలో మేఘాల బెల్ట్‌ కదలికలు ఉండడంతో.. రుతుపవనాల రాక సమీపిస్తోందని వాతావరణ శాఖ ధీమాగా చెబుతోంది. అయితే.. ఈసారైనా ఆ అంచనా ఫలిస్తుందో చూడాలి.

భారత్‌-ఆస్ట్రేలియా మధ్య జరిగే ప్రతిష్టాత్మక బోర్డర్‌-గవాస్కర్‌ ట్రోఫీ 2027 సిరీస్‌ షెడ్యూల్‌ను క్రికెట్‌ ఆస్ట్రేలియా అధికారికంగా ప్రకటించింది. ఐదు మ్యాచ్‌ల ఈ టెస్ట్‌ సిరీస్‌ కోసం భారత్‌లో పర్యటించనున్న ఆస్ట్రేలియా.. వచ్చే ఏడాది జనవరి 21న తొలి టెస్ట్‌ ఆడనుంది. ఈ మ్యాచ్‌ నాగ్‌పూర్‌ వేదికగా జరుగనుంది.అనంతరం జనవరి 29 నుండి చెన్నై వేదికగా రెండో టెస్ట్‌.. ఫిబ్రవరి 11 నుండి గౌహతి వేదికగా మూడో టెస్ట్‌.. ఫిబ్రవరి 19 నుండి రాంచీ వేదికగా నాలుగో టెస్ట్‌.. ఫిబ్రవరి 27 నుండి అహ్మదాబాద్‌ వేదికగా ఐదో టెస్ట్‌ ఆడనుంది.కాగా, బోర్డర్‌​ గవాస్కర్‌ ట్రోఫీ 2027 తేదీల ప్రకటనతో పాటు భారత పర్యటనలోని మరిన్ని సిరీస్‌ల వివరాలను కూడా క్రికెట్‌ ఆస్ట్రేలియా ప్రకటించింది. బీజీటీ 2027కు ముందు ఆస్ట్రేలియా-ఏ జట్టు భారత ఏ జట్టుతో మల్టీ ఫార్మాట్‌ సిరీస్‌ ఆడనుంది.అలాగే ఆస్ట్రేలియా మహిళల ఏ జట్టు, పురుషుల అండర్‌-19 జట్టు కూడా సంబంధిత జట్లతో మల్టీ ఫార్మాట్‌ సిరీస్‌లు ఆడనుంది. ఈ సిరీస్‌లకు సంబంధించిన షెడ్యూల్‌ ఇలా ఉంది.ఆస్ట్రేలియా-ఏతో సిరీస్సెప్టెంబర్ 22- తొలి మల్టీ డే మ్యాచ్ (పుదుచ్చేరి)సెప్టెంబర్ 29- రెండో మల్టీ డే మ్యాచ్ (పుదుచ్చేరి)అక్టోబర్ 6- తొలి వన్డే (పుదుచ్చేరి)అక్టోబర్ 9- రెండో వన్డే (పుదుచ్చేరి)అక్టోబర్ 11- మూడో వన్డే (పుదుచ్చేరి)అండర్-19 జట్టుతో సిరీస్‌భారత అండర్‌-19 జట్టు స్వదేశంలో ఆస్ట్రేలియా అండర్-19 జట్టుతో మూడు వన్డేలు, రెండు మల్టీ డే మ్యాచ్‌లు ఆడనుంది.సెప్టెంబర్ 18- తొలి వన్డే (రాజ్‌కోట్)సెప్టెంబర్ 21- రెండో వన్డే (రాజ్‌కోట్)సెప్టెంబర్ 23- మూడో వన్డే (రాజ్‌కోట్)సెప్టెంబర్ 27- తొలి మల్టీ డే మ్యాచ్ (రాజ్‌కోట్)అక్టోబర్ 5- రెండో మల్టీ డే మ్యాచ్ (అహ్మదాబాద్)మహిళల ఏ జట్టుతో సిరీస్‌ఆస్ట్రేలియా జట్టుతో భారత మహిళల ఏ జట్టు సెప్టెంబర్‌లో మల్టీ ఫార్మాట్‌ సిరీస్ ఆడనుంది. ఇందులో 3 టీ20లు (సెప్టెంబర్‌ 12, 15, 17-మొహాలి), 3 వన్డేలు (20, 23, 25- ధర్మశాల), ఓ మల్టీ డే మ్యాచ్‌ (29- ధర్మశాల) జరుగనున్నాయి.

ఆస్ట్రేలియా క్రికెట్‌ జట్టు మరోసారి పాకిస్తాన్‌ పర్యటనకు సిద్ధమైంది. మే-జూన్ నెలల్లో జరిగే ఈ పర్యటనలో మూడు మ్యాచ్‌ల వన్డే సిరీస్ జరుగనుంది. ఈ సిరీస్‌కు సంబంధించిన షెడ్యూల్‌ ఇవాళ విడుదలైంది.తొలి వన్డే మే 30న రావల్సిండిలో జరుగనుండగా.. మిగతా వన్డేలు జూన్‌ 2, 4 తేదీల్లో లాహోర్‌లోని గడాఫీ స్టేడియంలో జరుగనున్నాయి. ఈ సిరీస్‌ కోసం ఆస్ట్రేలియా మే 23న ఇస్లామాబాద్ చేరుకోనుంది.స్టార్ ఆటగాళ్లపై సందేహాలుపాక్‌ సిరీస్‌ ఐపీఎల్‌ ముగింపు సమయానికి ప్రారంభమవుతుండటంతో ఆసీస్‌ ఆటగాళ్ల లభ్యతపై సందేహాలు నెలకొన్నాయి. కెప్టెన్‌ పాట్‌ కమిన్స్‌ సహా పలువురు సీనియర్ ఆటగాళ్ల అందుబాటుపై స్పష్టత లేదు.ప్రపంచకప్‌కు ముందు టీ20 సిరీస్‌ఆస్ట్రేలియా జట్టు ఈ ఏడాది జనవరిలో, టీ20 ప్రపంచకప్‌కు ముందు కూడా పాకిస్తాన్‌లో పర్యటించింది. ఆ పర్యటనలో 3 మ్యాచ్‌ల టీ20 సిరీస్‌ ఆడింది. ఆ సిరీస్‌ను పాక్‌ 3-0 తేడాతో క్లీన్‌ స్వీప్‌ చేయడం విశేషం.బంగ్లాదేశ్ చేతిలో ఓటమిఇటీవల పాక్‌ బంగ్లాదేశ్ చేతిలో 2-1 తేడాతో వన్డే సిరీస్ కోల్పోయింది. ఈ సిరీస్‌ కోసం పాక్‌ బంగ్లాదేశ్‌ పర్యటనకు వెళ్లింది.రేపటి నుంచి టెస్ట్‌ సిరీస్‌ప్రస్తుతం పాక్‌ జట్టు రెండు మ్యాచ్‌ల టెస్ట్‌ సిరీస్‌ కోసం బంగ్లాదేశ్‌లో పర్యటిస్తుంది. తొలి టెస్ట్‌ ఢాకా వేదికగా రేపటి నుండి ప్రారంభం కానుంది. రెండో టెస్ట్‌ సిల్హెట్‌ వేదికగా మే 16 నుండి మొదలవుతుంది.తర్వాత బంగ్లాదేశ్ టూర్పాకిస్తాన్ సిరీస్ అనంతరం ఆస్ట్రేలియా జట్టు జూన్ 9 నుంచి బంగ్లాదేశ్‌ పర్యటనకు వెళ్లనుంది. ఈ పర్యటనలో 3 వన్డేలు, 3 టీ20 మ్యాచ్‌ల సిరీస్‌లు జరుగనున్నాయి.

సోషల్ మీడియా దిగ్గజాలు మెటా (ఫేస్‌బుక్, ఇన్‌స్టాగ్రామ్), గూగుల్, టిక్‌టాక్‌లకు ఆస్ట్రేలియా ప్రభుత్వం గట్టి షాక్ ఇచ్చింది. జర్నలిజం మనుగడ కోసం, వార్తా సంస్థలకు చెల్లింపులు చేయని పక్షంలో భారీగా పన్ను వసూలు చేసేలా రూపొందించిన కొత్త ముసాయిదా చట్టాన్ని విడుదల చేసింది.వార్తలకు విలువివ్వాల్సిందేజర్నలిస్టుల కష్టానికి తగిన ద్రవ్య విలువ ఉండాలని ఆస్ట్రేలియా ప్రధాని ఆంథోనీ అల్బనీస్ స్పష్టం చేశారు. ఈ సందర్భంగా ఆయన మాట్లాడుతూ.. ‘సృజనాత్మకమైన వార్తా కంటెంట్‌ను ఉపయోగించుకుని బహుళజాతి సంస్థలు లాభాలు గడించడం తగదు. ఆ కంటెంట్‌ను ఉత్పత్తి చేసే వారికి తగిన పరిహారం అందాలి. ఆరోగ్యకరమైన ప్రజాస్వామ్యానికి నాణ్యమైన జర్నలిజం వెన్నెముక వంటిది’ అని పేర్కొన్నారు.ప్రతిపాదిత చట్టం ముఖ్యాంశాలువార్తా సంస్థలతో వాణిజ్య ఒప్పందాలు కుదుర్చుకోవడానికి నిరాకరించే ప్లాట్‌ఫారమ్‌లపై ఈ చట్టం కొరడా ఝుళిపించనుంది.వార్తా ప్రచురణకర్తలతో ఒప్పందాలు చేసుకోని పక్షంలో, సదరు కంపెనీల వార్షిక ఆదాయంపై 2.25 శాతం పన్ను విధిస్తారు.వార్తా సంస్థలకు చెల్లింపులు చేసే ప్లాట్‌ఫారమ్‌లకు పన్ను మినహాయింపులు (ఆఫ్‌సెట్లు) లభిస్తాయి.ఈ పన్ను ద్వారా వచ్చే ఆదాయాన్ని (సుమారు 200 - 250 మిలియన్ ఆస్ట్రేలియన్ డాలర్లు), ఆయా వార్తా సంస్థల్లో పనిచేస్తున్న జర్నలిస్టుల సంఖ్య ఆధారంగా ప్రభుత్వం పంపిణీ చేయనుంది.పాత చట్టంలో లొసుగులు 2021లో తెచ్చిన 'న్యూస్ మీడియా బేరసారాల కోడ్' నుండి తప్పుకోవడానికి కొన్ని సంస్థలు తమ ప్లాట్‌ఫారమ్‌ల నుంచి వార్తలను తొలగించాయి. తాజా చట్టాన్ని అటువంటి లొసుగులను అరికట్టేలా రూపొందించారు.భగ్గుమంటున్న టెక్ దిగ్గజాలుప్రభుత్వ నిర్ణయంపై మెటా, గూగుల్ తీవ్ర అసహనం వ్యక్తం చేశాయి. ‘వార్తా సంస్థలు తమ ప్రయోజనం కోసమే మా ప్లాట్‌ఫారమ్‌లపై కంటెంట్‌ను పోస్ట్ చేస్తాయి. ఇది కేవలం ఒక పరిశ్రమ నుంచి మరో పరిశ్రమకు సంపదను బదిలీ చేసే పన్ను మాత్రమే’ అని మెటా విమర్శించింది. ఇప్పటికే తాము వార్తా సంస్థలతో ఒప్పందాలు కలిగి ఉన్నామని, మైక్రోసాఫ్ట్, ఓపెన్ ఏఐ వంటి ప్లాట్‌ఫారమ్‌లను మినహాయించి కేవలం తమనే లక్ష్యంగా చేసుకోవడం సరికాదని గూగుల్ పేర్కొంది. ప్రజాస్వామ్య వ్యవస్థలో వార్తల ప్రాముఖ్యతను కాపాడటమే లక్ష్యమని ఆస్ట్రేలియన్ ప్రభుత్వం చెబుతుండగా, ఇది డిజిటల్ రంగంపై అనవసరపు భారమని టెక్ సంస్థలు వాదిస్తున్నాయి. ఈ ప్రతిపాదన చట్టరూపం దాల్చితే ప్రపంచవ్యాప్తంగా ఇతర దేశాలు కూడా ఇదే బాట పడతాయేమో చూడాలి.

ప్ర‌తిష్ఠాత్మ‌క థామ‌స్ క‌ప్‌లో భార‌త జ‌ట్టు క్వార్ట‌ర్ ఫైన‌ల్‌కు దూసుకెళ్లింది. గ్రూప్‌-ఏలో భాగంగా సోమ‌వారం ఆస్ట్రేలియాతో జ‌రిగిన మ్యాచ్‌లో భార‌త్ 5-0తో విజ‌యం సాధించింది. ఇప్ప‌టికే కెనడాను 4-1తో మ‌ట్టిక‌రిపించిన భార‌త్ గ్రూప్‌-ఏలో టేబుల్ టాప‌ర్‌గా కొన‌సాగుతుంది. ఆస్ట్రేలియాతో మ్యాచ్‌కు భార‌త్ ఒక మార్పుతో బ‌రిలోకి దిగింది. సింగిల్స్‌లో కిడాంబి శ్రీకాంత్ స్థానంలో హెచ్ఎస్ ప్ర‌ణ‌య్ ఆడాడు.తొలుత సింగిల్స్‌లో ల‌క్ష్య‌సేన్ 21-14, 21-16తో స్టీఫెన్ సామ్‌పై విజ‌యం సాధించాడు. ఆ త‌ర్వాత మ‌రో సింగిల్స్‌లో ఆయుశ్ శెట్టి 21-8, 21-6తో శ్రేయ్ ధండ్‌పై విజ‌యం సాధించ‌డంతో భార‌త్ 2-0తో ఆధిక్యంలోకి వెళ్లింది. ఆ త‌ర్వాత డ‌బుల్స్‌లో సాత్విక్‌-చిరాగ్ జోడి 21-14, 21-16తో రిజ్కీ హిద‌య‌త్‌-జాక్ యూ జంట‌పై గెలుపొందింది. ఆ త‌ర్వాత రివ‌ర్స్ సింగిల్స్‌లో హెచ్ఎస్ ప్ర‌ణ‌య్ 21-11, 21-17తో రిషి హొండా భూప‌తిని, డ‌బుల్స్‌లో హ‌రిహ‌ర‌న్‌-అర్జున్ జోడి 21-12, 21-10తో అండికా ర‌మ‌డియ‌న్‌-సామ్ జంట‌పై విజ‌యం సాధించ‌డంతో భార‌త్ 5-0తో స్ప‌ష్ట‌మైన ఆధిక్యంతో ఆస్ట్రేలియాను చిత్తు చేసింది. ఇక బుధ‌వారం భార‌త్ త‌మ చివ‌రి లీగ్ మ్యాచ్‌లో టాప్ సీడ్ చైనాతో త‌ల‌ప‌డ‌నుంది. గ‌త థామస్ క‌ప్‌లో చైనా చేతిలో ఓడిన‌ భార‌త్ క్వార్ట‌ర్స్‌కే ప‌రిమిత‌మైంది. అయితే ఈసారి మాత్రం టైటిల్ సాధించాల‌నే ధృడ నిశ్చ‌యంతో ఉంది.Thomas Cup: India march into QF with 5-0 win over Australia in their 2nd group stage tie. India will take on powerhouse China in their final group stage clash. #ThomasCup2026 pic.twitter.com/DCeqYEeXZq— India_AllSports (@India_AllSports) April 27, 2026చదవండి: వైభవ్ ఇదేం పని.. ఫొటోకు వంద రూపాయలా?

ఆఫ్ఘనిస్తాన్‌ స్టార్‌ క్రికెటర్‌ రషీద్‌ ఖాన్‌ సంచలన విషయాలను వెల్లడించాడు. భారత్‌, ఆస్ట్రేలియా నుంచి వచ్చిన పౌరసత్వ ఆఫర్లను తిరస్కరించినట్లు తెలిపాడు. ఈ విషయాలను తన రాబోయే పుస్తకం "Rashid Khan: From Streets to Stardom"లో ప్రస్తావించాడు. 2023 ఐపీఎల్‌ సీజన్ సందర్భంగా ఈ ఆఫర్లు వచ్చినట్లు పేర్కొన్నాడు. భారత్, ఆస్ట్రేలియా నుండి పౌరసత్వంతో పాటు వారి జట్లకు ఆడే అవకాశం ఇచ్చినా, తాను వాటిని సున్నితంగా తిరస్కరించానని తెలిపాడు. నేను నా దేశానికి ఆడకపోతే, మరే దేశానికి ఆడనని స్పష్టం చేసినట్లు పుస్తకంలో చెప్పాడు.భారత్ నుంచి వచ్చిన ఆఫర్ గురించి రషీద్ విపులంగా వివరించాడు. ఐపీఎల్‌ 2023 సమయంలో భారత క్రికెట్ బోర్డు ఉన్నతాధికారి ఒకరు తనను కలిశారని తెలిపాడు. ఆ సమావేశంలో ఆఫ్ఘనిస్తాన్ పరిస్థితులు క్లిష్టంగా ఉన్నాయని, భారత్‌లోనే స్థిరపడాలని, పౌరసత్వం ఇవ్వడంతో పాటు క్రికెట్ అవకాశాలు కూడా కల్పిస్తామని సూచించారని పేర్కొన్నాడు. అయితే ఆ ఆఫర్‌కు కృతజ్ఞతలు తెలుపుతూ, తాను ఆఫ్ఘనిస్తాన్‌కే ప్రాతినిధ్యం వహిస్తానని చెప్పినట్లు వివరించాడు.కాగా, రషీద్ ఖాన్ దేశభక్తి గతంలో కూడా వార్తల్లో నిలిచింది. 2018 ఐపీఎల్‌ సమయంలో భారత అభిమానులు ఆయనకు పౌరసత్వం ఇవ్వాలని సోషల్ మీడియాలో ప్రచారం చేశారు. ఈ అంశంపై అప్పటి విదేశాంగ మంత్రి సుష్మా స్వరాజ్‌ స్పందిస్తూ, పౌరసత్వ నిర్ణయాలు హోం మంత్రిత్వ శాఖ పరిధిలో ఉంటాయని తెలిపారు. అదే సమయంలో ఆఫ్ఘనిస్తాన్ అధ్యక్షుడు అష్రఫ్‌ రషీద్‌ను దేశ గర్వంగా అభివర్ణిస్తూ, అతన్ని కోల్పోమని స్పష్టం చేశారు.ఆఫ్ఘనిస్తాన్‌లోని నంగర్‌హార్ వీధుల నుంచి అంతర్జాతీయ క్రికెట్‌లో అగ్రస్థానానికి ఎదిగిన రషీద్ ఖాన్ ప్రయాణం ఎంతో ప్రేరణాత్మకంగా ఉంటుంది. తన ప్రతిభతో ప్రపంచవ్యాప్తంగా గుర్తింపు పొందిన ఆయన, 2020లో ఐసీసీ ప్లేయర్ ఆఫ్ ది డికేడ్‌గా కూడా నిలిచాడు. అయినప్పటికీ, ఎన్ని అవకాశాలు వచ్చినా తన దేశం పట్ల ఉన్న నిబద్ధతను విడువకపోవడం ఆయన వ్యక్తిత్వాన్ని మరింత గొప్పగా నిలబెడుతోంది. మొత్తంగా రషీద్ ఖాన్ తీసుకున్న ఈ నిర్ణయం దేశభక్తి, విలువలపై నిలబడే ధైర్యానికి ప్రతీకగా నిలుస్తోంది.

కాన్‌బెర్రా: ఆస్ట్రేలియా ప‍్రభుత్వం చారిత్రక నిర్ణయం తీసుకుంది. మొట్టమొదటిసారి ఆర్మీ చీఫ్‌గా ఓ మహిళను నియమించింది. దేశ రక్షణ దళ నాయకత్వంలో మార్పుల‍్లో భాగంగా ఆర్మీకి ఒక మహిళ నాయకత్వం వహించనున్నట్లు ప్రకటించింది. ప్రస్తుతం జాయింట్ కెపాబిలిటీస్‌ చీఫ్‌గా ఉన్న లెఫ్టినెంట్ జనరల్ సుసాన్ కాయిల్ జూలై నుంచి ఆర్మీ చీఫ్‌గా బాధ్యతలు చేపడతారని ప్రభుత్వం తెలిపింది. ఆమె లెఫ్టినెంట్ జనరల్ సైమన్ ఆండ్రూ స్టువర్ట్ స్థానంలోకి ఆ‍ర్మీ చీఫ్‌గా బాధ్యతలు స్వీకరిస్తారు. ఆస్ట్రేలియా సైన్యంలో మహిళా అధికారుల సంఖ్యను పెంచే ప్రయత్నాల మధ్య కోయిల్ నియామకం జరిగింది. సైన్యంలో వ్యవస‍్థాపరమైన లైంగిక వేధింపులు, వివక్ష ఆరోపణలు ఎదురవుతున్నాయి.ఆస్ట్రేలియా ఆర్మీ 125 సంవత్సరాల చరిత్రలో తొలిసారిగా ఓ మహిళ ఆర్మీ చీఫ్‌గా ఉండనున్నారని ఆస్ట్రేలియా ప్రధానమంత్రి ఆంటోనీ అల్బనీస్‌ అన్నారు. రక్షణ మంత్రి రిచర్డ్‌ మాట్లాడుతూ.. కోయిల్ నియామకాన్ని చరిత్రాత్మక ఘట్టంగా అభివర్ణించారు. “ప్రస్తుతం ఆస్ట్రేలియా రక్షణ దళంలో సేవ చేస్తున్న మహిళలకు, భవిష్యత్తులో చేరాలని ఆలోచిస్తున్న మహిళలకు ఇది ప్రేరణగా ఉంటుంది” అని తెలిపారు.కోయిల్‌కు 55 ఏళ్లు. 1987లో సైన్యంలో చేరి అనేక ఉన్నత కమాండ్ బాధ్యతలు నిర్వహించారు. సైన్యంలో ఏ శాఖకైనా నాయకత్వం వహించే తొలి మహిళగా నిలుస్తారని మార్లెస్ చెప్పారు. ప్రస్తుతం ఆస్ట్రేలియా రక్షణ దళంలో మహిళలు సుమారు 21% మంది ఉండగా, ఉన్నత నాయకత్వ స్థానాల్లో 18.5% మంది ఉన్నారు. 2030 నాటికి మొత్తం 25% మహిళలు ఉండాలని ఆస్ట్రేలియా లక్ష్యంగా పెట్టుకుంది. మహిళను ఆర్మీ చీఫ్‌గా నియమించడానికి ప్రధాన కారణాలుసైన్యంలో మహిళల ప్రాతినిధ్యం పెంచడంమహిళా అధికారుల సంఖ్య తక్కువగా ఉండడంతో, నాయకత్వ స్థాయిలో మహిళను నియమించి ప్రోత్సాహం ఇవ్వాలనే లక్ష్యంలైంగిక వేధింపులు, వివక్ష ఆరోపణల నేపథ్యంలో మార్పు అవసరంసైన్యంలో వ్యవస్థపరమైన లైంగిక వేధింపులు, వివక్ష ఆరోపణలు రావడంతో, నాయకత్వంలో మార్పు ద్వారా సానుకూల సంకేతం ఇవ్వాలనే ఉద్దేశంసుసాన్ కోయిల్‌కు దీర్ఘకాల సైనిక అనుభవం, ఉన్నత కమాండ్ బాధ్యతలు నిర్వహించిన నేపథ్యం ఉందిమహిళలు కూడా ఉన్నత స్థాయికి చేరగలరని చూపించడం. ఇది ప్రస్తుత సైనిక మహిళలకు, భవిష్యత్తులో చేరే వారికి ప్రేరణ.దేశంలో 2030 నాటికి సైన్యంలో మహిళల భాగస్వామ్యం 25%కి పెంచాలనే లక్ష్యానికి ఇది ఒక వ్యూహాత్మక అడుగు

ఉసేన్ బోల్ట్.. ఈ పేరు చెప్పగానే రేసింగ్ ట్రాక్ మీద చిరుతలా పరుగులు పెట్టిన స్ప్రింటర్ గుర్తుకువస్తాడు. పరుగుపందెంలో మిగిలిన వారికీ, ఉసేన్ బోల్ట్‌కి మధ్య ఉన్న దూరం చూసి, ప్రపంచం విస్తుపోయింది. 100, 200, 400 మీట‌ర్ల ఈవెంట్స్‌లో బోల్ట్ ప్ర‌పంచ రికార్డులు నెల‌కొల్పాడు. తాజాగా 200 మీటర్ల స్ప్రింట్ ఈవెంట్‌లో బోల్ట్ నెలకొల్పిన రికార్డును ఆస్ట్రేలియాకు చెందిన 18 ఏళ్ల కుర్రాడు గౌట్‌ బద్దలుకొట్టడం విశేషం. ఆస్ట్రేలియన్ అథ్లెటిక్స్ చాంపియన్‌షిప్‌లో ఆదివారం ఈ అద్భుతం చోటుచేసుకుంది. 200 మీటర్ల ఫైనల్ రేసులో గౌట్ 19.67 సెకన్లలో గమ్యాన్ని చేరి సరికొత్త సృష్టించాడు. ఇంతకముందు ఉసేన్ బోల్ట్ 200 మీటర్ల రేసును 19.93 సెకన్లలో పూర్తి చేశాడు. గతంలో గౌట్ ఇదే 200 మీటర్ల రేసును 20.02 సెకన్లలో పూర్తి చేశాడు. తాజాగా తన రికార్డును మరింత సవరించడమే గాకుండా ఏకంగా జమైకా చిరుత బోల్ట్ రికార్డుకు ఎసరు పెట్టి నయా చిరుతగా ఆవిర్భవించాడు. ఇక ఫైనల్లో తన ప్రత్యర్థుల నుంచి గౌట్‌కు పోటీ ఎదురైంది. ఐడాన్ మర్ఫీ 19.88 సెకన్లతో రెండో స్థానంలో, కాలబ్ లా 20.21 సెకన్లతో మూడో స్థానంలో నిలిచారు. అయితే ఫైనల్‌కు ముందే లాచ్లెన్ కెన్నెడీ వైదొలగడం కూడా గౌట్‌కు కలిసొచ్చింది.ఎవరీ గౌట్‌?గౌట్ పేరెంట్స్ అత‌డు పుట్ట‌కముందే ద‌క్షిణ సుడాన్ నుంచి ఆస్ట్రేలియాకు వ‌ల‌స వ‌చ్చారు. క్వీన్స్‌లాండ్‌లో నివాసం ఏర్ప‌ర‌చుకున్న మోనికా, బోనా దంప‌తుల‌కు ఏడుగురు సంతానం. అయితే గౌట్ పూర్వీకుల‌ది ఈజిప్ట్ కావ‌డంతో అత‌డికి ఆ పేరు పెట్టారు. సౌత్ఈస్ట్ క్వీన్స్‌లాండ్‌లోని ఇప్స్‌విచ్ గ్రామర్ స్కూల్‌లో చ‌దువుకున్న గౌట్ చిన్న‌ప్ప‌టి నుంచి సాక‌ర్ ఆడ‌డం నేర్చుకున్నాడు. అలా అథ్లెటిక్స్‌పై ఇష్టం పెంచుకున్నాడు. ఆ త‌ర్వాత పూర్తి అథ్లెటిక్స్‌లోకి మారిన గౌట్ అండ‌ర్ 16 విభాగంలో 100, 200 మీట‌ర్ల ప‌లు రికార్డులు నెల‌కొల్పాడు. 14 ఏళ్ల వ‌య‌సులో గౌట్ 100 మీట‌ర్ల రేసును 10.57 సెక‌న్ల‌లో పూర్తి చేసిస స‌రికొత్త చ‌రిత్ర సృష్టించాడు. 15 ఏళ్ల వ‌య‌సులో గౌట్ అండ‌ర్‌-18 విభాగంలో 200 మీట‌ర్ల రేసును 20.87 సెకన్ల‌లో పూర్తి చేసి దేశ‌వాలీలో రికార్డు నెల‌కొల్పాడు. అంత‌ర్జాతీయ అథ్లెటిక్స్ టోర్నీల్లోనూ స‌త్త చాటిన గౌట్ ఓషినియా అండ‌ర్ 18 అథ్లెటిక్స్ చాంపియ‌న్‌షిప్స్‌లో 200 మీట‌ర్లు, 4x400 మీట‌ర్ల రిలేలో స్వ‌ర్ణ ప‌త‌కాలు కైవ‌సం చేసుకున్నాడు. ఇక ఉసేన్ బోల్ట్, 2009లో 100 మీటర్ల పరుగు పందెన్ని 9.58 సెకన్లలో పూర్తి చేసి వరల్డ్ రికార్డు క్రియేట్ చేశాడు. అలాగే 150 మీటర్లను 14.35 సెకన్లు, 200 మీటర్లను 19.19 సెకన్లలో పూర్తి చేసి ప్రపంచ రికార్డులు నెలకొల్పాడు. 2008 బీజింగ్ ఒలింపిక్స్‌లో 2, 2012 లండన్ ఒలింపిక్స్‌లో 3, 2016 రియో ఒలింపిక్స్‌లో 3 స్వర్ణాలు సాధించిన ఉసేన్ బోల్ట్, వరల్డ్ ఛాంపియన్‌షిప్స్‌లో 11 స్వర్ణాలు సాధించాడు. 18-year-old GOUT GOUT 🇦🇺 19.67s (1.7) over 200m at Australian Championships in Sydney!!🤯🤯A new U20 World Record ☑️National Record ☑️ First Australian man under 20 seconds ☑️A star is born!pic.twitter.com/1GTfFJ4gst— Track & Field Gazette (@TrackGazette) April 12, 2026 చదవండి: దేశ ప్రజలను అవమానించిన పాక్‌ క్రికెటర్‌!

ఆస్ట్రేలియా స్టార్‌ బ్యాటర్‌ స్టీవ్‌ స్మిత్‌ పాకిస్తాన్‌ సూపర్‌ లీగ్‌ 2026 ఆడుతుండగానే మరో లీగ్‌తో ఒప్పందం చేసుకున్నాడు. అమెరికా వేదికగా జరిగే మేజర్‌ లీగ్‌ క్రికెట్‌లోని వాషింగ్టన్‌ ఫ్రీడం ఫ్రాంచైజీతో అతను డీల్‌ కుదుర్చుకున్నాడు. ఈ ఫ్రాంచైజీకి స్టీవ్‌ 2024 ఎడిషన్‌లోనూ ఆడాడు. ఆ సీజన్‌లో ఫ్రీడంకు కెప్టెన్‌గానూ వ్యవహరించి టైటిల్‌ గెలిపించాడు. ఆ సీజన్‌లో ఫ్రీడం​ టైటిల్‌ గెలవడంలో స్టీవ్‌ది కీలకపాత్ర (9 ఇన్నింగ్స్‌ల్లో 56 సగటున, 148.67 స్ట్రయిక్‌రేట్‌తో 336 పరుగులు). ఇతరత్రా కారణాల వల్ల గత సీజన్‌ మిస్‌ అయిన స్టీవ్‌, ఇప్పుడు (2026) మళ్లీ ఫ్రీడంతో జతకట్టాడు.ఈ జనరేషన్‌లో అత్యుత్తమ టెస్ట్‌ క్రికెటర్‌గా పేరు తెచ్చుకున్న స్టీవ్‌, ఇప్పుడిప్పుడే టీ20ల్లోనూ తన మార్కు చూపిస్తున్నాడు. బిగ్‌బాష్‌ లీగ్‌ గత రెండు ఎడిషన్లలో ఆకాశమే హద్దుగా చెలరేగిన స్టీవ్‌.. ప్రస్తుతం పాకిస్తాన్‌ సూపర్‌ లీగ్‌లోనూ అదే ఫామ్‌ కొనసాగిస్తున్నాడు. పీఎస్‌ఎల్‌లో ముల్తాన్‌ సుల్తాన్స్‌కు ఆడుతున్న స్టీవ్‌.. ఇప్పటివరకు ఆడిన 5 మ్యాచ్‌ల్లో 154కు పైగా స్ట్రయిక్‌రేట్‌తో పరుగులు సాధించాడు. ఈ సీజన్‌లో స్టీవ్‌ సాహిబ్‌జాదా ఫర్హాన్‌తో కలిసి ముల్తాన్‌కు మెరుపు ఆరంభాలు అందిస్తున్నాడు. స్టీవ్‌ రాణిస్తుండటంతో పీఎస్‌ఎల్‌ 2026లో ముల్తాన్‌ పాయింట్ల పట్టికలో అగ్రస్థానంలో ఉంది. ఇప్పుడిప్పుడే ప్రపంచవ్యాప్తంగా ఉన్న అన్ని టీ20 లీగ్‌ల్లో ఆడటం మొదలుపెట్టిన స్టీవ్‌కు ఐపీఎల్‌లో మాత్రం అవకాశం దక్కలేదు. ఈ సీజన్‌ వేలంలో పాల్గొన్నా స్టీవ్‌ను ఏ ఫ్రాంచైజీ కొనుగోలు చేయలేదు.

ఆస్ట్రేలియా స్టార్‌ ఆల్‌రౌండర్‌ మోసస్‌ హెన్రిక్స్‌ షాకింగ్‌ నిర్ణయం తీసుకున్నట్లు తెలుస్తుంది. త్వరలో అతను ఆస్ట్రేలియాను వదిలి పోర్చుగల్‌కు వలస వెళ్లనున్నాడని సమాచారం. ఈ విషయాన్ని పోర్చుగల్‌ క్రికెటర్‌ సిరాజ్‌ ఉల్లా ఖదెమ్‌ ఇటీవల ఓ ఇంటర్వ్యూ సందర్భంగా లీక్‌ చేశాడు. త్వరలో మన జట్టులో ఓ బిగ్‌బాష్‌ లీగ్‌ ప్లేయర్‌ జాయిన్‌ కాబోతున్నాడని హింట్‌ ఇచ్చాడు.హెన్రిక్స్‌ పోర్చుగల్‌కు మకాం మార్చడానికి ఓ ప్రధాన కారణముంది. అతనికి ఆస్ట్రేలియా జట్టు తరఫున అవకాశాలు రావడం లేదు. స్టోయినిస్‌, మిచెల్‌ మార్ష్‌ వంటి ఆటగాళ్ల వల్ల అతని అవకాశాలు కనుమరుగయ్యాయి. పైగా అతని వయసు ప్రస్తుతం 37 ఏళ్లు. వయసు కూడా అతనికి అడ్డంకిగా మారింది. దీంతో అతను తన స్వస్థలమైన పోర్చుగల్‌కు మారాలని నిశ్చయించుకున్నట్లు తెలుస్తుంది. హెన్రిక్స్‌కు ఆస్ట్రేలియాతో పాటు పోర్చగల్‌ పౌరసత్వం కూడా ఉంది.హెన్రిక్స్‌ 1989లో పోర్చుగల్‌లో జన్మించాడు. అతడి తండ్రి ఆల్వారో ఓ ప్రొఫెషనల్‌ ఫుట్‌బాలర్‌. చిన్న వయసులోనే హెన్రిక్స్‌ కుటుంబం ఆస్ట్రేలియాకు వలస వెళ్లింది. 2013లో ఆస్ట్రేలియా తరఫున అరంగేట్రం చేసిన హెన్రిక్స్‌ 4 టెస్టులు, 16 వన్డేలు, 24 టీ20లు ఆడాడు. పేస్‌ బౌలింగ్‌ ఆల్‌రౌండర్‌ అయిన హెన్రిక్స్‌ అంతర్జాతీయ కెరీర్‌లో 636 పరుగులు చేసి, 17 వికెట్లు సాధించాడు. బిగ్‌బాష్‌ లీగ్‌లో హెన్రిక్స్‌కు ఘనమైన ట్రాక్‌ రికార్డు ఉంది. సిడ్నీ సిక్సర్స్‌ తరఫున 3324 పరుగులు చేసి, రెండు టైటిల్స్‌ (2019/20, 2020/21) గెలిపించాడు. అసోసియేట్‌ దేశాలు అంతర్జాతీయ క్రికెట్‌లో బలంగా ఎదుగుతున్న తరుణంలో హెన్రిక్స్‌ లాంటి ఆటగాడు పోర్చుగల్‌కు వలస వెళ్లడం ఆ దేశ క్రికెట్‌ తలరాతనే మార్చే అవకాశం ఉంది. ఇటీవల జరిగిన టీ20 ప్రపంచకప్‌లో ఇటలీ లాంటి చిన్న జట్టు అద్భుతాలు చేసి, ప్రపంచ దృష్టిని ఆకర్శించిన విషయం విధితమే.అసోసియేట్‌ జట్లలో చేరిన ప్రముఖ క్రికెటర్లు- ఉన్ముక్త్‌ చంద్‌ (భారత్‌) – యూఎస్‌ఏ - రోల్ఫ్‌ వాన్‌ డెర్‌ మెర్వే – నెదర్లాండ్స్‌ - కోరె ఆండర్సన్‌ – యూఎస్‌ఏ - డేవిడ్‌ వీస్‌ – నమీబియా - వేన్‌ మాడ్సన్‌ – ఇటలీ - రాస్‌ టేలర్‌ – సమోవా

ఆస్ట్రేలియా దిగ్గ‌జ ఓపెనర్ డేవిడ్ వార్నర్ చిక్కుల్లో పడ్డాడు. సిడ్నీలోని మారుబ్రాలో మధ్యం సేవించి వాహనం నడుపుతూ పోలీసులకు పట్టుబడ్డాడు. ఆస్ట్రేలియా మీడియా కథనాల ప్రకారం.. ఆదివారం సాయంత్రం న్యూ సౌత్ వేల్స్ పోలీసులు మరూబ్రాలోని మలబార్ రోడ్డులో వాహన తనిఖీలు నిర్వహించారు.ఆ సమయంలో అటుగా వస్తున్న వార్నర్ చెకింగ్ పాయింట్‌ను చూసి తన కారును రోడ్డు పక్కన పార్క్ చేసేందుకు ప్రయత్నించాడు. ఇది గ‌మ‌నించిన పోలీసులు అనుమానంతో అక్క‌డి వెళ్లి వార్న‌ర్‌ను బ్రీత్ ఎనలైజర్ టెస్ట్ చేశారు. ఈ టెస్టులో అత‌డు పరిమితికి మించి మద్యం సేవించినట్లు తేలింది.వెంటనే అతడిని మరూబ్రా పోలీస్ స్టేషన్‌కు తరలించి రెండో సారీ పరీక్షలు నిర్వహించారు. అతడి రక్తంలో ఆల్కహాల్ శాతం 0.104 గా ఉన్నట్లు తేలింది. ఇది ఆస్ట్రేలియాలోని అనుమతించిన పరిమితి కంటే రెండు రెట్లు ఎక్కువ కావడం గమనార్హం. దీంతో వార్నర్‌పై డ్రంక్ అండ్ డ్రైవ్ కేసు నమోదైంది. అనంతరం అతడిని విడుదల చేస్తూ.. 2026, మే 7వ తేదీన సిడ్నీలోని డౌనింగ్ సెంటర్ లోకల్ కోర్టులో హాజరుకావాలని నోటీసులు జారీ చేశారు.వార్నర్ ప్రస్తుతం పాకిస్తాన్ సూపర్ లీగ్‌-2026లో కరాచీ కింగ్స్ కెప్టెన్‌గా వ్యవహరిస్తున్నాడు. అయితే ఈ టోర్నీలో వారి తదుపరి మ్యాచ్‌కు వారం రోజుల గ్యాప్ రావడంతో తన ఫ్యామిలీతో గడిపేందుకు వార్నర్ తిరిగి ఆస్ట్రేలియాకు వచ్చాడు. ఈ క్రమంలోనే అతడు మద్యం మత్తులో వాహనం నడుపుతూ పోలీసులకు చిక్కాడు. అయితే అతడు తిరిగి ఏప్రిల్ 7న పాకిస్తాన్‌కు చేరుకోనున్నట్లు సమాచారం.చదవండి: నోటితో కాదు.. ఆటతో సమాధానం చెప్పు: సెహ్వాగ్‌ ఫైర్‌

కాన్‌బెర్రా: ఇరాన్‌లో సాధించాల్సింది ఇంకేముందంటూ అమెరికాను ఆస్ట్రేలియా ప్రధాని ఆంటోనీ అల్బనీస్‌ ప్రశ్నించారు. ‘‘ఇరాన్‌ సంఘర్షణలో నిర్దేశించుకున్న ప్రాథమిక లక్ష్యాలు నెరవేరాయని.. ఇకపై అక్కడ సాధించాల్సింది ఏముందో స్పష్టంగా తెలియడం లేదు. యుద్ధం ముగింపు ఎలా ఉంటుంది’ అంటూ అల్బనీస్‌ ఆగ్రహం వ్యక్తం చేశారు. అమెరికా-ఇజ్రాయెల్ దాడుల వల్ల ఇరాన్ వైమానిక దళం, నౌకాదళం, సైనిక పారిశ్రామిక కేంద్రాలు దెబ్బతిన్నాయన్నారు. ఉద్రిక్తతలను తగ్గించాలని అల్బనీస్ పిలుపునిచ్చారు.రాజధాని కాన్‌బెర్రాలో జరిగిన ఓ కార్యక్రమంలో ఆయన ప్రసంగిస్తూ.. ఒకటి మాత్రం స్పష్టం.. ఈ యుద్ధం ఎంత కాలం కొనసాగితే ప్రపంచ ఆర్థిక వ్యవస్థపై అంత తీవ్ర ప్రభావం పడుతుందని ఆయన ఆందోళన వ్యక్తం చేశారు. మరోవైపు, అమెరికా అధ్యక్షుడు డొనాల్డ్ ట్రంప్.. ఇరాన్‌పై మరో రెండు మూడు వారాల పాటు అత్యంత కఠినమైన దాడులు కొనసాగుతాయని ప్రకటించిన నేపథ్యంలో అల్బనీస్ ఈ వ్యాఖ్యలు చేశారు.కాగా, ఇరాన్‌పై జరుగుతున్న యుద్ధంలోకి తమను ఎవరూ లాగలేరని బ్రిటిష్‌ ప్రధానమంత్రి కీర్‌ స్టార్మర్‌ ఇప్పటికే తేల్చిచెప్పారు. ఈ యుద్ధంలో తాము పాల్గొనే ప్రసక్తే లేదని పేర్కొన్నారు. హార్మూజ్‌ జలసంధిని తిరిగి తెరవడమే లక్ష్యంగా దౌత్య, రాజకీయ చర్యలపై చర్చించడానికి ఈ వారంలోనే అంతర్జాతీయ సదస్సు నిర్వహించనున్నట్లు ఆయన తెలిపారు. నాటోపై అమెరికా అధ్యక్షుడు డొనాల్డ్‌ ట్రంప్‌ వ్యాఖ్యలను కొట్టిపారేశారు.పశ్చిమాసియా యుద్ధం బ్రిటన్‌ భవిష్యత్తును ప్రభావితం చేస్తుందని స్టార్మర్‌ చెప్పారు. ఈ తుఫాను ఎంత తీవ్రమైనదైనా, తట్టుకునేందుకు సిద్ధంగా ఉన్నామన్నారు. నాటో అనేది ప్రపంచంలోనే అత్యంత సమర్థవంతమైన సైనిక కూటమి అని తెలిపారు. ఈ కూటమి ఎన్నో దశాబ్దాలుగా తమను కాపాడుతోందని వెల్లడించారు. ఇరాన్‌పై జరుగుతున్న యుద్ధంతో తమకు ఎలాంటి సంబంధం లేదన్నారు. ఆ యుద్ధాన్ని తాము ప్రారంభించలేదని, అందులోకి అడుగుపెట్టబోమని స్టార్మర్‌ స్పష్టంచేశారు.

ఐపీఎల్‌ 2026 ప్రారంభానికి ముందు చెన్నై సూపర్ కింగ్స్‌లో (CSK) కీలక మార్పు చోటు చేసుకుంది. నాథన్‌ ఇల్లిస్‌ గాయంతో సీజన్‌ మొత్తానికి దూరం కావడంతో, అతని స్థానంలో మరో ఆస్ట్రేలియా పేసర్‌ స్పెన్సర్ జాన్సన్‌ జట్టులో చేరాడు. ఎడమ చేతి వాటం పేసర్‌ అయిన జాన్సన్‌ను సీఎస్‌కే రూ. 1.5 కోట్లకు సొంతం​ చేసుకుంది.జాన్సన్‌కు ఇదివరకే ఐపీఎల్‌లో ఆడిన అనుభవం ఉంది. 2024లో గుజరాత్ టైటాన్స్ అతన్ని రూ. 10 కోట్ల భారీ బిడ్‌తో దక్కించుకుంది. ఆ తర్వాత 2025లో కోల్‌కతా నైట్ రైడర్స్ తరఫున నాలుగు మ్యాచ్‌లు ఆడాడు. ఇప్పటివరకు ఐపీఎల్‌లో తొమ్మిది మ్యాచ్‌లు ఆడిన జాన్సన్‌.. ఐదు వికెట్లు మాత్రమే తీశాడు. అతని ఎకానమీ రేట్ (10.39) చాలా దారుణంగా ఉంది. అయినా, సీఎస్‌కే అతన్ని తీసుకోవడం ఆశ్చర్యాన్ని కలిగిస్తుంది.జాన్సన్‌కు ఐపీఎల్‌లో మంచి రికార్డు లేకపోయినా, ఆస్ట్రేలియా తరఫున ఓ మోస్తరు రికార్డు ఉంది. ఆసీస్‌ తరఫున అతను 8 టీ20ల్లో 14 వికెట్లు, 5 వన్డేల్లో 4 వికెట్లు తీశాడు. ఈ ఐపీఎల్‌ ఆఫర్‌కు ముందు జాన్సన్‌కు పాకిస్తాన్‌ సూపర్‌ లీగ్‌లో క్వెట్టా గ్లాడియేటర్స్‌ నుంచి భారీ ఆఫర్‌ వచ్చింది. గ్లాడియేటర్స్‌ ఇతన్ని నేరుగా సంతకం చేసుకున్నా, వ్యక్తిగత కారణాలతో అతను ఆ లీగ్‌ నుంచి తప్పుకున్నాడు. తాజాగా ఐపీఎల్‌ నుంచి బంపర్‌ ఆఫర్‌ రావడంతో అన్నీ పక్కకు పెట్టి ఓకే చెప్పేశాడు. ఆజానుబాహుడైన జాన్సన్‌ బ్యాటింగ్‌లోనూ మెరుపులు మెరిపించగలడు.కాగా, ఐపీఎల్‌ 2026లో సీఎస్‌కే ప్రయాణం మార్చి 30 నుంచి మొదలవుతుంది. గౌహతిలొ జరిగే మ్యాచ్‌లో సీఎస్‌కే రాజస్థాన్‌ రాయల్స్‌తో తలపడుతుంది. ఈ ఐపీఎల్‌ సీజన్‌ మార్చి 28న ఆర్సీబీ-సన్‌రైజర్స్‌ మ్యాచ్‌తో మొదలవుతుంది. బెంగళూరులోని చిన్నస్వామి స్టేడియం ఈ మ్యాచ్‌కు వేదిక కానుంది. ఐపీఎల్‌-2026లో సీఎస్‌కే జట్టుఎంఎస్‌ ధోని (వికెట్‌ కీపర్‌), అన్షుల్ కాంబోజ్, జేమీ ఓవర్టన్, సంజూ శాంసన్ (ట్రేడింగ్‌ ద్వారా, వికెట్‌ కీపర్‌), గుర్జప్నీత్ సింగ్, రామకృష్ణ ఘోష్, రుతురాజ్ గైక్వాడ్ (కెప్టెన్‌), ముఖేష్ చౌదరి, శివమ్ దూబే, ఆయుష్ మాత్రే, స్పెన్సర్‌ జాన్సన్‌ , శ్రేయాస్ గోపాల్, ఉర్విల్ పటేల్‌ (వికెట్‌ కీపర్‌), ఖలీల్‌ అహ్మద్‌, అకీల్‌ హొసేన్‌, ప్రశాంత్‌ వీర్‌, కార్తిక్‌ శర్మ, మాథ్యూ షార్ట్‌, అమన్‌ ఖాన్‌, జాక్‌ ఫౌల్క్స్‌, సర్ఫరాజ్‌ ఖాన్‌, రాహుల్‌ చహర్‌, మ్యాట్‌ హెన్రీ.

ఆస్ట్రేలియా స్టార్ క్రికెట‌ర్ స్టీవ్ స్మిత్ పాకిస్తాన్ సూప‌ర్ లీగ్‌-2026లో ఆడేందుకు ల‌హోర్‌కు చేరుకున్నాడు. ఓ వైపు పాకిస్థాన్‌ వ్యతిరేక సాయుధ దళం జమాత్‌ ఉల్‌ అహ్రార్‌ నుంచి బెదిరింపులు వ‌చ్చిన‌ప్ప‌టికి.. స్మిత్ మాత్రం పాక్ గ‌డ్డ‌పై అడుగుపెట్టాడు. ల‌హోర్ ఎయిర్‌పోర్ట్‌లో స్మిత్‌కు ఘ‌న స్వాగ‌తం ల‌భించింది. క‌ట్టుదిట్ట‌మైన భ‌ద్ర‌త మ‌ధ్య అత‌డు ముల్తాన్ సుల్తాన్ టీమ్ బ‌స చేసే హోట‌ల్‌కు చేరుకున్నాడు. ఇందుకు సంబంధించిన వీడియోలు ప్ర‌స్తుతం సోష‌ల్ మీడియాలో వైర‌లవుతున్నాయి.చంపేస్త‌మంటూ వార్నింగ్‌!కాగా నిషేధిత ఉగ్రవాద సంస్థ ‘తహ్రీక్-ఇ-తాలిబాన్ పాకిస్థాన్’ (TTP)కి చెందిన జమాత్-ఉల్-అహ్రార్ విభాగం విదేశీ ఆటగాళ్లను లక్ష్యంగా చేసుకుని హెచ్చరికలు జారీ చేసింది. డేవిడ్ వార్నర్, స్టీవ్ స్మిత్, డారిల్ మిచెల్ వంటి ఆటగాళ్లు వెంటనే టోర్నీ నుండి తప్పుకోవాలని, లేదంటే వారి భద్రతకు తాము బాధ్యులం కాదని ఓ ప్ర‌క‌ట‌న‌లో జమాత్-ఉల్-అహ్రార్ పేర్కొంది. అయిన‌ప్ప‌టికి విదేశీ ఆట‌గాళ్లు ఒక్కొక్క‌రుగా పాక్‌కు చేరుకుంటున్నారు.పీసీబీ కీల‌క నిర్ణ‌యం..ఈ హెచ్చరిక‌ల‌ నేప‌థ్యంలో పాకిస్తాన్ క్రికెట్ బోర్డు కీల‌క నిర్ణ‌యం తీసుకుంది. భద్రత, ఇంధన సంక్షోభం దృష్ట్యా ఈసారి మ్యాచ్‌లను ఖాళీ స్టేడియాల్లో నిర్వహించనున్నారు. అంతేకాకుండా కేవ‌లం రెండు వేదిక‌ల‌లో ఈ మ్యాచ్‌లు జ‌ర‌గ‌నున్నాయి. ఇక పీఎస్ఎల్ 11వ సీజ‌న్ మార్చి 26 నుంచి ప్రారంభం కానుంది.చదవండి: ICC: పాక్ ఆటగాడికి ఐసీసీ ప్రతిష్టాత్మక అవార్డు

దుబాయ్: పశ్చిమాసియాలో యుద్ధ మేఘాలు మరింతగా ముసురుతున్నాయి. ఇరాన్ కేంద్రంగా సాగుతున్న దాడులు గల్ఫ్ దేశాలను ఉక్కిరిబిక్కిరి చేస్తున్నాయి. తాజాగా ఇరాక్ పరిధిలోని కుర్దిస్థాన్ రీజియన్‌లో ఉన్న యునైటెడ్ అరబ్ ఎమిరేట్స్ (యూఏఈ) కాన్సులేట్‌పై డ్రోన్ దాడి జరగడం అంతర్జాతీయంగా కలకలం రేపింది. ఈ పరిణామాల నేపథ్యంలో యూఏఈకి ఆస్ట్రేలియా అండగా నిలిచింది. అత్యాధునిక గగనతల క్షిపణులను సరఫరా చేయడంతో పాటు నిఘా విమానాలను రంగంలోకి దించుతున్నట్లు ఆస్ట్రేలియా ప్రకటించింది.ఇరాక్‌లోని ఎర్బిల్‌లో ఉన్న యూఏఈ కాన్సులేట్ జనరల్ భవనంపై మంగళవారం డ్రోన్ దాడి జరిగింది. ఈ ఘటనలో భవనం పాక్షికంగా దెబ్బతిన్నప్పటికీ, ఎవరికీ గాయాలు కాలేదు. ఈ దాడిని యూఏఈ విదేశీ వ్యవహారాల శాఖ తీవ్రంగా ఖండించింది. అంతర్జాతీయ దౌత్య నిబంధనలను ఉల్లంఘిస్తూ, సాగుతున్న ఇటువంటి చర్యలు ప్రాంతీయ భద్రతకు ముప్పుగా పరిణమిస్తాయని ఆందోళన వ్యక్తం చేసింది. బాధ్యులెవరో తేల్చేందుకు దర్యాప్తు జరపాలని స్థానిక అధికారులకు ఆదేశాలు జారీ చేసింది.ఇరాన్ నుంచి ఎదురవుతున్న ముప్పును తిప్పికొట్టేందుకు యూఏఈకి ఆస్ట్రేలియా సైనిక సాయాన్ని ప్రకటించింది. అత్యాధునిక ‘అడ్వాన్స్‌డ్ మీడియం రేంజ్ ఎయిర్-టు-ఎయిర్’ క్షిపణులను యూఏఈకి పంపనున్నట్లు ఆస్ట్రేలియా ప్రధాని ఆంథోనీ అల్బనీస్, రక్షణ మంత్రి రిచర్డ్ మార్లెస్ వెల్లడించారు. గల్ఫ్ ప్రాంతంలో చిక్కుకున్న తమ దేశ పౌరులను సురక్షితంగా వెనక్కి తీసుకురావడానికి గగనతలం సురక్షితంగా ఉండటం అత్యవసరమని వారు అభిప్రాయపడ్డారు. ఇప్పటివరకు యూఏఈ సుమారు 1,500కు పైగా క్షిపణులు, డ్రోన్లను విజయవంతంగా అడ్డుకుందని, పౌర భద్రత దృష్ట్యా ఈ సాయం చేస్తున్నట్లు స్పష్టం చేశారు.మరోవైపు ఇరాన్ తన దాడులను ఇంధన కేంద్రాల వైపు మళ్లించింది. బహ్రెయిన్‌లోని అల్ మామీర్ చమురు శుద్ధి కర్మాగారంపై జరిగిన దాడితో అక్కడ భారీగా మంటలు చెలరేగాయి. దీంతో బహ్రెయిన్ ప్రభుత్వ ఇంధన సంస్థ ‘బాప్కో’ ఫోర్స్ మెజ్యూర్ ప్రకటించింది. ఈ పరిణామాల ప్రభావం ప్రపంచ మార్కెట్లపై పడింది. సరఫరాలో అంతరాయం ఏర్పడుతున్నదన్న ఆందోళనతో ముడి చమురు ధరలు ఒక్కసారిగా భగ్గుమన్నాయి. హార్ముజ్ జలసంధి గుండా రవాణా నిలిచిపోవడంతో భారత్ నుంచి వెళ్లే బియ్యం, ఇండోనేషియా కాఫీ రవాణాపై తీవ్ర ప్రభావం పడింది.అమెరికా అధ్యక్షుడు డొనాల్డ్ ట్రంప్ ఈ ఉద్రిక్తతలపై స్పందిస్తూ ఇరాన్‌తో యుద్ధం అతి త్వరలోనే ముగుస్తుందని ఆశాభావం వ్యక్తం చేశారు. అయితే ఇరాన్ రెవల్యూషనరీ గార్డ్స్ మాత్రం దీనికి భిన్నంగా స్పందించాయి. యుద్ధం ఎప్పుడు ముగియాలో అమెరికా కాదు.. తామే నిర్ణయిస్తామని సవాల్ విసిరాయి. కాగా నిత్యావసరాల ధరలు పెరగకుండా దుబాయ్ ప్రభుత్వం పకడ్బందీ చర్యలు చేపట్టింది. వచ్చే కొన్ని నెలల వరకు సరిపడా ఆహార నిల్వలు ఉన్నాయని, ప్రజలు ఆందోళన చెందవద్దని పేర్కొంది.

మల్టీ ఫార్మాట్‌ సిరీస్‌ (3 టీ20, 3 వన్డేలు, ఏకైక టెస్ట్‌) కోసం ఆస్ట్రేలియాలో పర్యటిస్తున్న భారత మహిళల జట్టుకు ఘోర పరాభవం ఎదురైంది. పెర్త్‌లోని వాకా స్టేడియంలో జరుగుతున్న ఏకైక టెస్ట్‌ మ్యాచ్‌లో టీమిండియా 10 వికెట్ల తేడాతో చిత్తుగా ఓడింది. తొలుత టీ20 సిరీస్‌ను 2-1 తేడాతో కైవసం చేసుకున్న భారత్‌.. ఆతర్వాత జరిగిన వన్డే సిరీస్‌లో క్వీన్‌ స్వీప్‌ అయ్యింది. ఇప్పుడు టెస్ట్‌ మ్యాచ్‌లో కూడా ఓడి, సిరీస్‌ మొత్తాన్ని కోల్పోయింది.మ్యాచ్‌ విషయానికొస్తే.. తొలుత బ్యాటింగ్‌ చేసిన భారత్‌.. అన్నాబెల్‌ సదర్‌ల్యాండ్‌ (17-5-46-4), లూసీ హ్యామిల్టన్‌ (11-3-31-3), డార్సీ బ్రౌన్‌ (12.4-0-41-2) ధాటికి 62.4 ఓవర్లలో 198 పరుగులకే కుప్పకూలింది. భారత ఇన్నింగ్స్‌లో జమీమా రోడ్రిగ్స్‌ (52) ఒక్కరే అర్ద సెంచరీతో రాణించారు. షఫాలీ వర్మ (35), ఆఖర్లో కశ్వీ గౌతమ్‌ (34 నాటౌట్‌) ఓ మోస్తరు స్కోర్లు చేయడంతో భారత్‌ ఈ మాత్రం స్కోరైనా చేయగలిగింది.అనంతరం బ్యాటింగ్‌కు దిగిన ఆస్ట్రేలియా 323 పరుగుల భారీ స్కోర్‌ చేసింది. బంతితో సత్తా చాటిన సదర్‌ల్యాండ్‌ బ్యాట్‌తోనూ చెలరేగి సూపర్‌ సెంచరీ (129) చేసింది. ఎల్లిస్‌ పెర్రీ (76) అర్ద సెంచరీతో రాణించగా.. మిగతా ప్లేయర్లు ఎవ్వరూ చెప్పుకోదగ్గ స్కోర్లు చేయలేకపోయారు. భారత బౌలర్లలో సయాలీ సత్ఘరే 4, క్రాంతి గౌడ్‌, దీప్తి శర్మ చెరో 2, స్నేహ్‌ రాణా, షఫాలీ వర్మ చెరో వికెట్‌ తీశారు.125 పరుగులు వెనుకపడి రెండో ఇన్నింగ్స్‌ ‍ప్రారంభించిన భారత్‌.. ఆసీస్‌ బౌలర్ల ధాటికి మరోసారి దారుణంగా పతనమైంది. హ్యామిల్టన్‌ (8-1-32-3), అలానా కింగ్‌ (10-2-23-2), ఆష్లే గార్డ్‌నర్‌ (4.2-1-8-2), సదర్‌ల్యాండ్‌ (6-2-15-2), డార్సీ బ్రౌన్‌ (14-2-45-1) దెబ్బకు 149 పరుగులకే ఆలౌటైంది. ప్రతీక రావల్‌ (63) ఒంటరిపోరాటం చేయగా.. స్టార్‌ బ్యాటర్లంతా చేతులెత్తేశారు. కెప్టెన్‌ హర్మన్‌(11), జెమీమా (14) అతికష్టం మీద రెండంకెల స్కోర్లు చేయగా.. ఆఖర్లో స్నేహ్‌ రాణా (30) ఇన్నింగ్స్‌ పరాజయాన్ని తప్పించింది.అనంతరం 25 పరుగుల నామమాత్రపు లక్ష్యాన్ని ఛేదించేందుకు బరిలోకి దిగిన ఆస్ట్రేలియా.. కేవలం 4.3 ఓవర్లలో వికెట్‌ కోల్పోకుండా విజయతీరాలకు చేరింది. జార్జియా వాల్‌ 16, లిచ్‌ఫీల్డ్‌ 11 పరుగులతో అజేయంగా నిలిచారు. ఈ మ్యాచ్‌ మూడో రోజు తొలి సెషన్‌లోనే ముగిసింది.

పెర్త్‌: భారత్, ఆ్రస్టేలియా మహిళల మధ్య శుక్రవారం మొదలైన ఏకైక టెస్టు మ్యాచ్‌ (డే అండ్‌ నైట్‌)లో తొలి రోజు బౌలర్ల హవా సాగింది. పింక్‌ బంతితో జరుగుతున్న ఈ టెస్టులో ఇరు జట్లు కలిపి మొదటి రోజు 13 వికెట్లు చేజార్చుకున్నాయి. టాస్‌ గెలిచిన ఆస్ట్రేలియా ఫీల్డింగ్‌ ఎంచుకుంది. ముందుగా బ్యాటింగ్‌కు దిగిన భారత మహిళల జట్టు తొలి ఇన్నింగ్స్‌లో 62.4 ఓవర్లలో 198 పరుగులకే ఆలౌటైంది. దాదాపు 20 నెలల తర్వాత టెస్టు మ్యాచ్‌ ఆడుతున్న భారత జట్టు గులాబీ బంతిని సమర్థంగా ఎదుర్కోలేక తడబడింది. జెమీమా రోడ్రిగ్స్‌ (84 బంతుల్లో 52; 7 ఫోర్లు) అర్ధ సెంచరీ సాధించగా... షఫాలీ వర్మ (48 బంతుల్లో 35; 6 ఫోర్లు), కాశ్వీ గౌతమ్‌ (54 బంతుల్లో 34 నాటౌట్‌; 3 ఫోర్లు) ఫర్వాలేదనిపించారు. ఆసీస్‌ ఫీల్డర్లు నాలుగు క్యాచ్‌లు వదిలేసి భారత్‌కు కొంత మేలు చేశారు. అనాబెల్‌ సదర్లాండ్‌ 4 వికెట్లు పడగొట్టగా, తొలి టెస్టు ఆడుతున్న లూసీ హామిల్టన్‌కు 3 వికెట్లు దక్కాయి. అనంతరం ఆ్రస్టేలియా మహిళల జట్టు ఆట ముగిసే సమయానికి తొలి ఇన్నింగ్స్‌లో 27 ఓవర్లలో 3 వికెట్లకు 96 పరుగులు చేసింది. ఎలైస్‌ పెరీ (62 బంతుల్లో 43 బ్యాటింగ్‌; 7 ఫోర్లు), అనాబెల్‌ సదర్లాండ్‌ (20 బ్యాటింగ్‌) ప్రస్తుతం క్రీజ్‌లో ఉన్నారు. కెరీర్‌లో చివరి మ్యాచ్‌ ఆడుతున్న అలీసా హీలీ (13) విఫలమైంది. సయాలీ సత్గరేకు 2 వికెట్లు లభించాయి. ప్రస్తుతం ఆ్రస్టేలియా మరో 102 పరుగులు వెనుకబడి ఉంది. నలుగురి అరంగేట్రం... భారత జట్టు తరఫున ఒకేసారి నలుగురు ప్లేయర్లు టెస్టు క్రికెట్‌లోకి అడుగు పెట్టడం విశేషం. ఈ మ్యాచ్‌ ద్వారా వరుసగా కాశ్వీ గౌతమ్, క్రాంతి గౌడ్, ప్రతీక రావల్, సయాలీ సత్గరే టెస్టుల్లో అరంగేట్రం చేశారు. భారత్‌ తరఫున టెస్టు ఆడిన 95, 96, 97, 98వ ప్లేయర్లుగా వీరు నిలిచారు. స్కోరు వివరాలు భారత మహిళల తొలి ఇన్నింగ్స్‌: స్మృతి (బి) హామిల్టన్‌ 4; షఫాలీ (సి) మూనీ (బి) సదర్లాండ్‌ 35; ప్రతీక (సి) హామిల్టన్‌ (బి) సదర్లాండ్‌ 18; జెమీమా (సి) గార్డ్‌నర్‌ (బి) హామిల్టన్‌ 52; హర్మన్‌ప్రీత్‌ (బి) బ్రౌన్‌ 19; దీప్తి (సి) మూనీ (బి) సదర్లాండ్‌ 7; రిచా (సి) అలానా కింగ్‌ (బి) గార్డ్‌నర్‌ 11; స్నేహ్‌ రాణా (సి) తాలియా (బి) హామిల్టన్‌ 5; కాశ్వీ (నాటౌట్‌) 34; సయాలీ (సి) మూనీ (బి) సదర్లాండ్‌ 7; క్రాంతి (సి) సదర్లాండ్‌ (బి) బ్రౌన్‌ 1; ఎక్స్‌ట్రాలు 5; మొత్తం (62.4 ఓవర్లలో ఆలౌట్‌) 198. వికెట్ల పతనం: 1–18, 2–54, 3–61, 4–84, 5–107, 6–150, 7–150, 8–157, 9–195, 10–198. బౌలింగ్‌: డార్సీ బ్రౌన్‌ 12.4–0–41–2, హామిల్టన్‌ 11–3–31–3, అనాబెల్‌ సదర్లాండ్‌ 17–5–46–4, తాలియా 4–2–15–0, యాష్లీ గార్డ్‌నర్‌ 15–3–39–1, అలానా కింగ్‌ 3–0–23–0. ఆ్రస్టేలియా మహిళల తొలి ఇన్నింగ్స్‌: జార్జియా వోల్‌ (బి) సయాలీ 2; ఫోబీ లిచ్‌ఫీల్డ్‌ (సి) జెమీమా (బి) క్రాంతి 9; పెరీ (బ్యాటింగ్‌) 43; అలీసా హీలీ (సి) జెమీమా (బి) సయాలీ 13; అనాబెల్‌ సదర్లాండ్‌ (బ్యాటింగ్‌) 20; ఎక్స్‌ట్రాలు 9; మొత్తం (27 ఓవర్లలో 3 వికెట్లకు) 96. వికెట్ల పతనం: 1–2, 2–31, 3–58. బౌలింగ్‌: సయాలీ 8–1–24–2, క్రాంతి 11–2–28–1, కాశ్వీ 7–1–29–0, స్నేహ్‌ రాణా 1–0–9–0.

ముంబైలోని వాంఖడే స్టేడియం​ వేదికగా నిన్న (మార్చి 5) జరిగిన టీ20 ప్రపంచకప్‌ 2026 రెండో సెమీఫైనల్లో ఇంగ్లండ్‌పై భారత్‌ 7 పరుగుల తేడాతో విజయం​ సాధించి వరుసగా రెండో ఎడిషన్‌లో (2024, 2026), ఓవరాల్‌గా నాలుగోసారి (2007, 2014, 2024, 2026) ఫైనల్‌కు చేరింది.ఈ క్రమంలో టీమిండియా ఓ ప్రపంచ రికార్డు బద్దలు కొట్టింది. ఐసీసీ టోర్నీల్లో అత్యధిక సార్లు ఫైనల్‌కు చేరిన జట్టుగా చరిత్ర సృష్టించింది. తాజా ఫైనల్స్‌తో భారత్‌ ఐసీసీ టోర్నీల ఫైనల్స్‌ సంఖ్య 15కు చేరింది. గతంలో ఈ వరల్డ్‌ రికార్డు భారత్‌, ఆస్ట్రేలియా పేరిట సంయుక్తంగా ఉండేది. తాజాగా భారత్‌ ఆసీస్‌ ఆధిపత్యానికి తెరదించి, హోల్‌ అండ్‌ సోల్‌గా ప్రపంచ రికార్డు సొంతం చేసుకుంది.టీమిండియా ఫైనల్స్‌కు చేరిన ఐసీసీ టోర్నీలు.. భారత్ ఇప్పటివరకు 14 ఫైనల్స్‌లో 6 గెలిచింది, 7 ఓడింది. 2002 ఛాంపియన్స్ ట్రోఫీ ఫైనల్ వర్షం కారణంగా రద్దవగా, భారత్‌..శ్రీలంకతో పాటు సంయుక్తంగా ట్రోఫీని పంచుకుంది. - వన్డే వరల్డ్ కప్: 1983, 2011 విజయాలు, 2003, 2023 (రన్నరప్‌) - టీ20 వరల్డ్ కప్: 2007, 2024 విజయాలు, 2026 (లోడింగ్‌) - ఛాంపియన్స్ ట్రోఫీ: 2002 (సంయుక్త విజేత), 2013, 2025 విజయాలు, 2002, 2017 (రన్నరప్‌) - వరల్డ్ టెస్ట్ ఛాంపియన్‌షిప్: 2021, 2023 (రన్నరప్‌) ఐసీసీ టోర్నీల్లోఅత్యధిక సార్లు ఫైనల్స్‌కు చేరిన జట్లు 1. భారత్ – 15 2. ఆస్ట్రేలియా – 14 3. ఇంగ్లాండ్ – 9 4. న్యూజిలాండ్ – 8 5. వెస్టిండీస్ – 8 6. శ్రీలంక – 8 7. పాకిస్తాన్ – 7 8. దక్షిణాఫ్రికా – 3ఫైనల్లో న్యూజిలాండ్‌తో ఢీ2026 టీ20 వరల్డ్‌కప్‌ ఫైనల్లో భారత్‌ న్యూజిలాండ్‌ను ఢీ కొట్టనుంది. ఈ మ్యాచ్‌ అహ్మదాబాద్లోని నరేంద్ర మోదీ స్టేడియం వేదికగా మార్చి 8న జరుగనుంది. న్యూజిలాండ్ సెమీఫైనల్‌లో దక్షిణాఫ్రికాను చిత్తుగా ఓడించి ఫైనల్‌కు చేరింది. ఫిన్ అలెన్ 33 బంతుల్లో విధ్వంసకర సెంచరీ చేసి కివీస్‌ను ఒంటిచేత్తో ఫైనల్‌కు చేర్చాడు.చరిత్రాత్మక అవకాశం టీ20 వరల్డ్ కప్‌లో ఇప్పటివరకు ఏ జట్టు టైటిల్‌ను రక్షించుకోలేదు. భారత్‌కు ఈసారి ఆ అవకాశం వచ్చింది. గత ఎడిషన్‌లో ఛాంపియన్‌గా నిలిచిన భారత్‌.. చరిత్ర తిరగరాయాలని పట్టుదలగా ఉంది. మరోవైపు, న్యూజిలాండ్ తమ తొలి టైటిల్ కోసం ఉవ్విళ్లూరుతుంది.

పెర్త్‌: ఆ్రస్టేలియా పర్యటనను టి20 సిరీస్‌ విజయంతో మొదలుపెట్టిన భారత మహిళల జట్టు వన్డే సిరీస్‌ మొదలవడంతోనే కంగారు పడింది. అన్నీ ఓడి వైట్‌వాష్‌ అయ్యింది. ఇప్పుడు హర్మన్‌ప్రీత్‌ కౌర్‌ నేతృత్వంలోని భారత్‌కు మిగిలిందల్లా ఈ ‘టెస్టే’. నాలుగు రోజులపాటు జరిగే ఏకైక డే అండ్‌ నైట్‌ పింక్‌బాల్‌ టెస్టును గెలుచుకొని అత్యంత సంతృప్తికరంగా స్వదేశం చేరవచ్చు. ఓవరాల్‌ చాంపియన్‌షిప్‌లో ఇరు జట్లు చెరో సిరీస్‌ గెలుచుకున్నాయి. అయితే పాయింట్ల పరంగా చూస్తే భారత అమ్మాయిలు బాగా వెనుకబడి ఉన్నారు. పరిమిత ఓవర్ల మ్యాచ్‌ విజేతకు 2 పాయింట్లు లభించడంతో ఒక టి20, అన్నీ వన్డేలు గెలుపొందిన ఆ్రస్టేలియా 8 పాయింట్లతో పైచేయిగా ఉంది. రెండు టి20 విజయాలతో భారత్‌ ఖాతాలో 4 పాయింట్లే ఉన్నాయి. ఇప్పుడు టెస్టు గెలిస్తేనే 4 పాయింట్లు వస్తాయి. అప్పుడే భారత్‌ 8–8 పాయింట్లతో ఓవరాల్‌ చాంపియన్‌షిప్‌ను పంచుకుంటుంది. ఒకవేళ ‘డ్రా’ చేసుకున్నా... ఆతిథ్య జట్టుకే ట్రోఫీ దక్కుతుంది. అజేయమే కానీ... ఇక్కడి వన్డే సిరీస్‌ను పక్కనబెడితే సంప్రదాయ ఫార్మాట్‌లో హర్మన్‌ బృందం అజేయంగా ఉంది. 2023 నుంచి ఇప్పటివరకు ఆడిన మూడు టెస్టుల్లో ఒక్కటి కూడా ఓడిపోలేదు. ఇంగ్లండ్, ఆ్రస్టేలియా, దక్షిణాఫ్రికాలపై వరుసగా గెలిచింది. అయితే ఈ మూడు సొంతగడ్డపై జరిగాయి. బ్యాటింగ్‌లో స్మృతి మంధాన ఫామ్‌లో ఉంది. ప్రతీకతో కలిసి చక్కని ఆరంభం ఇవ్వగలిగితే జెమీమా, హర్మన్, షఫాలీ వర్మ మిగతా బ్యాటింగ్‌ భారాన్ని పంచుకుంటారు. దీప్తి, రిచా ఘోష్‌లు కూడా ఆతిథ్య బౌలింగ్‌ను దీటుగా ఎదుర్కొంటే బ్యాటింగ్‌లో ఏ బెంగా ఉండదు. బౌలింగే మెరుగు పడాల్సి ఉంది. క్రాంతి, స్నేహ్‌ రాణా, సయాలీ, కాశీ్వలు సమష్టిగా రాణించాలి. ఆత్మవిశ్వాసంతో ఆసీస్‌ ఓడినా, గెలిచినా... సొంతగడ్డపై ఆ్రస్టేలియా దుర్బేధ్యమైన ప్రత్యర్థి. అంతర్జాతీయ మహిళల క్రికెట్‌లో ఇప్పటివరకు జరిగిన మూడు ‘పింక్‌ బాల్‌’ టెస్టులు ఇక్కడే జరిగాయి. డేనైట్‌ టెస్టులో ఈ జట్టుకున్నంత అనుభవం ఇంకే జట్టుకు లేదు. ఫోబీ లిచ్‌ఫీల్డ్, జార్జియా వోల్, ఎలీస్‌ పెరీ, కెప్టెన్ అలీసా హీలీ సొంతగడ్డపై తప్పకుండా రాణిస్తారు. తాలియా, ల్యూసీ హామిల్టన్, అలనా కింగ్, డార్సీ బ్రౌన్‌లతో కూడిన బౌలింగ్‌ దళమైతే మనకంటే ఎంతో మెరుగ్గా ఉంది. ఈ మ్యాచ్‌ తర్వాత అన్ని ఫార్మాట్‌ల అంతర్జాతీయ క్రికెట్‌కు వీడ్కోలు పలకనున్న అలీసా హీలీకి గెలుపు బహుమతి అందించాలని ఆసీస్‌ బృందం భావిస్తోంది. పిచ్, వాతావరణం ఇది పోటాపోటీ పిచ్‌. నాణ్యమైన బౌలింగ్‌కు... పాతుకుపోతే బ్యాటింగ్‌కు సమాన అవకాశముంది. దేశవాళీ షెఫీల్డ్‌ షీల్డ్‌ టోర్నీలో సీజన్‌ అంతా అదే జరిగింది. పచ్చికతో తొలిరోజు బౌలింగ్‌కు బాగా అనుకూలించడంతో బ్యాటర్లకు కష్టాలు తప్పవు. పిచ్‌ పాతబడే కొద్దీ స్పిన్నర్లు మాయ చేస్తారు. తుది జట్లు (అంచనా) భారత్‌: హర్మన్‌ప్రీత్‌ (కెప్టెన్ ), స్మృతి మంధాన, ప్రతీక, షఫాలీ, జెమీమా, దీప్తి శర్మ, రిచా ఘోష్, అమన్‌జోత్‌/సయాలీ, కాశ్వీ గౌతమ్, స్నేహ్‌ రాణా, క్రాంతి గౌడ్‌. ఆ్రస్టేలియా: అలీసా హీలీ (కెప్టెన్ ), ఫోబీ లిచ్‌ఫీల్డ్, జార్జియా వోల్, ఎలీస్‌ పెరీ, అనాబెల్‌ సదర్లాండ్, బెత్‌ మూనీ, యాష్లీ గార్డ్‌నర్, తాలియా, అలానా కింగ్, ల్యూసీ హామిల్టన్, డార్సీ బ్రౌన్‌.

ఓ మధ్య తరగతి కుటుంబానికి చెందిన నగరవాసులు దివ్య, జాన్‌ రాజేష్‌ సొంతింటి కల నెరవేర్చుకునేందుకు రూ.16లక్షలు కూడబెట్టారు. ఈలోపు వీరికి ఆ్రస్టేలియాలో స్థిరపడే అవకాశం వచి్చంది. దీంతో పెంపుడు శునకం ‘స్కై’ని తమ వెంట తీసుకెళ్లాలని సంకల్పించి.. ఇంటికోసం దాచుకున్న మొత్తాన్ని దాని కోసం వెచి్చంచారు. ఈ జంతు ప్రేమికుల కథ ప్రస్తుతం ఇన్‌స్టాలో డాక్యుమెంటరీగా వైరల్‌ అయ్యింది. ‘స్కై ది మేజికల్‌ డాగ్‌’ పేరుతో ఏకంగా ఓ పేజీ ఏర్పడింది. దీనిపై అనూహ్యంగా స్పందిస్తున్న నెటిజనులు తమ పెట్స్‌తో ఉన్న అనుబంధాన్ని, అనుభవాలను పంచుకుంటున్నారు. నగరంలోని ఓ సాఫ్ట్‌వేర్‌ కంపెనీలో పని చేసిన టెక్కీలు దివ్య, జాన్‌లకు గతేడాది ఉద్యోగరీత్యా ఆ్రస్టేలియాలోని మెల్‌బోర్న్‌ వెళ్లి స్థిరపడే అవకాశం వచి్చంది. ఏళ్లుగా తాము పెంచుకుంటున్న జాగిలం స్కై దగ్గరకు వచ్చేసరికి వారికి ఇబ్బంది అనిపించింది. తమ కుటుంబ సభ్యుడిగా భావించి ప్రేమగా పెంచుకుంటున్న దానిని ఇక్కడ వదిలి వెళ్లడానికి మనసొప్పలేదు. దాన్నీ తమతోపాటు ఆ్రస్టేలియా తీసుకెళ్లాలని భావించారు. అందుకు అవసరమైన ఫార్మాలిటీస్‌ పూర్తి చేసేందుకు ఆ దేశ యంత్రాంగాన్ని సంప్రదించారు. ఒక్క రేబిస్‌ కేసు కూడా నమోదుకాని కంట్రీగా ఉన్న తమ దేశానికి పెట్స్‌ను నేరుగా తీసుకురావడం సాధ్యం కాదని వాళ్లు స్పష్టం చేశారు.సన్నిహితులు వద్దన్నా.. తాహతకు మించిన ఖర్చే అయినా.. స్కై మీద ప్రేమ ఇంటి కోసం దాచుకున్న మొత్తాన్ని వెచి్చంచేలా చేసింది. విషయం తెలిసిన బంధువులు, స్నేహితులు, సన్నిహితులు వీరి నిర్ణయాన్ని వారించారు. అవసరమైతే మరో మేలి జాతి జాగిలాన్ని ఖరీదు చేసుకోవాలని సూచించారు. స్కై మీద ప్రేమతో అంత పెద్ద మొత్తాన్ని ఖర్చుచేయవద్దని వారించారు. ఏమాత్రం వెనుకాడక.. ఎలాగైనా స్కైని తెసుకెళ్లాలని భావించి అనేక మార్గాలను అన్వేషించారు. మరో రేబిస్‌ ఫ్రీ దేశంలో ఆరు నెలలు పెట్‌ను ఉంచినట్లు, వైద్య పరీక్షలతో ధ్రువీకరణ పొందితే ఆ్రస్టేలియాలో అడుగుపెట్టొచ్చని తెలిసింది. అంతే క్షణం ఆలోచించకుండా ఆ పనులకు శ్రీకారం చుట్టారు. స్కైని తొలుత దుబాయ్‌ తీసుకెళ్లి ఆరు మాసాలు ఉంచాలని నిర్ణయించుకున్నారు. రవాణా, పెట్‌ కేర్, షెల్డర్‌ హోమ్, ఇతర వైద్య పరీక్షలకు ఏజెన్సీలకు సంప్రదించారు. హైదరాబాద్‌ నుంచి దుబాయ్‌ మీదుగా ఆస్ట్రేలియాకు చేరేందుకు రూ.15 లక్షలు అవుతుందని లెక్కతేలింది.కథ సుఖాంతం.. తొలుత స్కైని హైదరాబాద్‌ నుంచి దుబాయ్‌ తీసుకెళ్లారు. తక్కువ ఖర్చుతో ఆరు నెలలు ఉంచే రేబిస్‌ ఫ్రీ దేశాలు మరికొన్ని ఉన్నా.. స్కైకితో హిందీలో సంప్రదింపులు జరపాల్సి ఉండటంతో దుబాయ్‌నే ఎంచుకున్నారు. అక్కడి పెట్‌ కేర్‌ సెంటర్‌లో ఆరు మాసాలు ఉంచి తాము ఆ్రస్టేలియా వెళ్లిపోవాలని భావించారు. కొత్త ప్రాంతం, వాతావరణం కావడంతో నెల రోజులు దాంతో పాటే దుబాయ్‌లో ఉన్నారు. ఆపై మెల్‌బోర్న్‌ వెళ్లిపోయారు.. ఐదు నెలల రోజూ ఉదయం, సాయంత్రం వీడియో కాల్స్‌ ద్వారా స్కైని పలుకరించారు. చివరికి 180 రోజుల అనంతరం స్కై మెల్‌బోర్న్‌ చేరింది. అక్కడి క్వారంటైన్‌ సెంటర్‌లో మరో పది రోజులు ఉంచిన తర్వాత వారి ఇంటికి తీసుకువెళ్లారు. దీని ఆధారంగా ‘కహానీ ఆఫ్‌ టేల్స్‌’ అనే హ్యాండిల్‌ డాక్యుమెంటరీ చేయడంతో వైరల్‌ అయ్యింది.

పెర్త్‌లోని ప్రసిద్ధ WACA మైదానం వేదికగా మార్చి 6 నుంచి 9 వరకు భారత్‌తో జరుగబోయే ఏకైక టెస్ట్‌ మ్యాచ్‌ కోసం 13 మంది సభ్యుల ఆస్ట్రేలియా జట్టును నిన్న (మార్చి 2) ప్రకటించారు. ఈ మ్యాచ్‌ డే అండ్‌ నైట్ ఫార్మాట్‌లో పింక్ బాల్‌తో జరుగుతుంది. పేసర్ కిమ్ గార్త్ గాయం కారణంగా ఈ మ్యాచ్‌కు దూరం కాగా.. రాచెల్ ట్రెనమన్, మైట్‌లాన్ బ్రౌన్ జట్టులోకి వచ్చారు. వీరిద్దరు గాయాల బారిన పడిన స్టార్ ఆల్‌రౌండర్ ఎల్లిస్‌ పెర్రీ, స్పిన్నర్ సోఫీ మోలినెక్స్‌ ప్రత్యామ్నాయంగా ఎంపికయ్యారు.24 ఏళ్ల ట్రెనమన్‌కు సీనియర్ జట్టు తరఫున ఇది తొలి అవకాశం. ఇటీవలికాలంలో ఆమె అద్భుతమైన ఫామ్‌లో ఉంది. ఈ సీజన్ విమెన్స్ నేషనల్ క్రికెట్ లీగ్‌లో టస్మానియా తరఫున ఓపెనింగ్ చేస్తూ 81 సగటున 648 పరుగులు చేసి సెలెక్టర్లను ఆకట్టుకుంది. బ్రౌన్ విషయానికొస్తే.. ఈ 28 ఏళ్ల పేసర్ 2021 తర్వాత జట్టులోకి రీఎంట్రీ ఇచ్చింది. ఇటీవల ఆమె న్యూ సౌత్ వేల్స్ తరఫున 10 మ్యాచ్‌ల్లో 16 వికెట్లు తీసి మంచి ఫామ్‌లో ఉంది. గత ఆగస్టులో ఇండియా-ఏతో జరిగిన నాలుగు రోజుల మ్యాచ్‌లో ఆస్ట్రేలియా A తరఫున ఆడి 4 వికెట్లతో సత్తా చాటింది. చివరి మ్యాచ్‌ఈ మ్యాచ్‌ ఆస్ట్రేలియా కెప్టెన్‌ అలైస్సా హీలీకి అంతర్జాతీయ క్రికెట్‌లో చివరి మ్యాచ్‌. హీలీ చాలా రోజుల ముందే తన రిటైర్మెంట్‌ నిర్ణయాన్ని ప్రకటించింది. హీలీ.. తాజాగా ఆడిన తన చివరి వన్డేలో అద్భుత శతకంతో (158) చెలరేగిన విషయం తెలిసిందే. తాజాగా భారత్‌తో జరిగిన మూడు మ్యాచ్‌ల సిరీస్‌ను ఆసీస్‌ 3-0తో క్లీన్‌ స్వీప్‌ చేసింది. అంతకుముందు జరిగిన మూడు మ్యాచ్‌ల టీ20 సిరీస్‌ను భారత్‌ 2-1 తేడాతో కైవసం చేసుకుంది. భారత జట్టు ఈ మల్టీ ఫార్మాట్‌ సిరీస్‌ కోసం ఆస్ట్రేలియాలో పర్యటిస్తుంది.భారత్‌తో ఏకైక టెస్ట్‌ కోసం ఆస్ట్రేలియా జట్టు.. - అలీస్సా హీలీ (కెప్టెన్) - డార్సీ బ్రౌన్ - మైట్‌లాన్ బ్రౌన్ - అశ్లే గార్డ్నర్ - లూసీ హామిల్టన్ - అలానా కింగ్ - ఫీబీ లిచ్‌ఫీల్డ్ - బెత్ మూనీ - తాలియా మెక్‌గ్రాత్ - ఎలీస్ పెర్రీ - అన్నాబెల్ సతర్లాండ్ - జార్జియా వోల్ - జార్జియా వారెహామ్

హోబర్ట్‌: ఆ్రస్టేలియా పర్యటనలో భాగంగా టి20 సిరీస్‌ చేజిక్కించుకున్న భారత మహిళల క్రికెట్‌ జట్టు... వన్డే సిరీస్‌లో ‘వైట్‌వాష్‌’కు గురైంది. ఇప్పటికే తొలి రెండు వన్డేలు ఓడి సిరీస్‌ కోల్పోయిన హర్మన్‌ప్రీత్‌ సారథ్యంలోని భారత జట్టు... చివరి మ్యాచ్‌లోనూ పరాజయం పాలైంది. ఆదివారం జరిగిన ఈ పోరులో వన్డే ప్రపంచ చాంపియన్‌ టీమిండియాపై 185 పరుగుల తేడాతో ఆ్రస్టేలియా విజయం సాధించి 3–0తో సిరీస్‌ కైవసం చేసుకుంది. టాస్‌ ఓడి మొదట బ్యాటింగ్‌కు దిగిన ఆస్ట్రేలియా... నిర్ణీత 50 ఓవర్లలో 7 వికెట్ల నష్టానికి 409 పరుగులు చేసింది. కెరీర్‌లో చివరి వన్డే ఆడిన ఆసీస్‌ కెప్టెన్ అలీసా హీలీ (98 బంతుల్లో 158; 27 ఫోర్లు, 2 సిక్స్‌లు) మెరుపు శతకం చేసింది. బెత్‌ మూనీ (84 బంతుల్లో 106 నాటౌట్‌; 10 ఫోర్లు, 1 సిక్స్‌) అజేయ సెంచరీతో ఆకట్టుకోగా... జార్జియా వోల్‌ (52 బంతుల్లో 62; 7 ఫోర్లు, 1 సిక్స్‌) హాఫ్‌సెంచరీ సాధించింది. ఆఖర్లో నికోలా కేరీ (15 బంతుల్లో 34 నాటౌట్‌; 4 ఫోర్లు, 1 సిక్స్‌) ధనాధన్‌ షాట్‌లతో స్కోరును నాలుగొందలు దాటించింది. భారత బౌలర్లలో శ్రీచరణి, స్నేహ్‌ రాణా చెరో 2 వికెట్లు పడగొట్టారు. తెలుగమ్మాయి శ్రీచరణి 10 ఓవర్లలో 106 పరుగులిచ్చింది. తద్వారా అంతర్జాతీయ వన్డేల్లో అత్యధిక పరుగులు ఇచ్చుకున్న భారత బౌలర్‌గా చెత్త రికార్డును ఆమె మూటగట్టుకుంది. వరుస వికెట్లు కోల్పోయి... అనంతరం భారీ లక్ష్యఛేదనలో టీమిండియా తడబడింది. 45.1 ఓవర్లలో 224 పరుగులకు ఆలౌటైంది. కొండంత లక్ష్యఛేదనలో టీమిండియా ఏ దశలోనూ పోటీలో కనిపించలేదు. వరుస విరామాల్లో వికెట్లు కోల్పోయిన హర్మన్‌ బృందం లక్ష్యానికి చాలా దూరంలో నిలిచిపోయింది. స్టార్‌ ఓపెనర్‌ స్మృతి మంధాన (0) డకౌట్‌ కాగా... ప్రతీక రావల్‌ (27; 6 ఫోర్లు), జెమీమా రోడ్రిగ్స్‌ (29 బంతుల్లో 42; 9 ఫోర్లు) కాస్త పోరాడారు. వీరిద్దరూ రెండో వికెట్‌కు 35 బంతుల్లో 54 పరుగులు జోడించారు. ఆ తర్వాత వచ్చినవాళ్లు దాన్ని కొనసాగించలేకపోయారు.కెప్టెన్ హర్మన్‌ప్రీత్‌ కౌర్‌ (25; 2 ఫోర్లు), హర్లీన్‌ డియోల్‌ (14), దీప్తి శర్మ (29; 2 ఫోర్లు), రిచా ఘోష్‌ (18; 2 ఫోర్లు, 1 సిక్స్‌) విఫలమయ్యారు. స్నేహ్‌ రాణా (74 బంతుల్లో 44; 6 ఫోర్లు) టాప్‌ స్కోరర్‌ కాగా... మిగిలినవాళ్లు పెద్దగా ఆకట్టుకోలేకపోయారు. ఆసీస్‌ బౌలర్లలో అలానా కింగ్‌ 4 వికెట్లు పడగొట్టింది. అలీసా హీలీకి ‘ప్లేయర్‌ ఆఫ్‌ ద మ్యాచ్‌’ అవార్డు దక్కింది. ఇరు జట్ల మధ్య ఈ నెల 6 నుంచి పెర్త్‌లో ఏకైక టెస్టు జరగనుంది. ఈ మ్యాచ్‌తో అంతర్జాతీయ వన్డేలకు గుడ్‌బై చెప్పిన అలీసా తన కెరీర్‌లో 126 వన్డేలు ఆడి 3777 పరుగులు చేసింది. ఇందులో 8 సెంచరీలు, 19 అర్ధ సెంచరీలు ఉన్నాయి.

హోబర్ట్‌: ఆ్రస్టేలియా పర్యటనలో టి20 సిరీస్‌ నెగ్గిన భారత మహిళల జట్టు వన్డే సిరీస్‌ను కోల్పోయింది. ఇప్పుడు క్లీన్‌స్వీప్‌ నుంచి తప్పించుకునేందుకు, గెలుపు తృప్తితో ముగించేందుకు ఆఖరి వన్డే బరిలోకి దిగుతోంది. ఒత్తిడిలో ఉన్న హర్మన్‌ప్రీత్‌ సేన జోరు మీదున్న ఆసీస్‌ను సొంతగడ్డపై ఎలా నిలువరిస్తుందో చూడాలి. వన్డే సిరీస్‌కు వచ్చేసరికి భారత బ్యాటింగ్‌ తడబడుతోంది. టాపార్డర్‌లో స్మృతి మంధాన, మిడిలార్డర్‌లో కెప్టెన్ హర్మన్‌ప్రీత్‌ మెరుగ్గా ఆడుతున్నప్పటికీ సహచరులంతా ఆసీస్‌ బౌలింగ్‌కు దాసోహం కావడం జట్టుకు ప్రతికూలంగా పరిణమిస్తోంది. బ్యాటింగ్‌లో షఫాలీ, జెమీమా, రిచా ఘోష్, దీప్తిశర్మలు రాణించాలి. అలాగే బౌలింగ్‌ విభాగం కూడా మెరుగవ్వాలి. రేణుక, క్రాంతి, కాశ్వీ గౌతమ్‌లు ఆరంభంలో వికెట్లు తీయగలిగితే పటిష్టమైన ఆ్రస్టేలియాపై వన్డే సిరీస్‌ను సంతృప్తికరంగా ముగిస్తుంది. లేదంటే వైట్‌వాష్‌ ఖాయమవుతుంది. గత రెండు మ్యాచ్‌ల్లోనూ కంగారూ జట్టు అద్భుతంగా ఆడింది. బౌలింగ్‌తో కట్టడి చేసి... బ్యాటింగ్‌లో అదరగొట్టింది. ఇప్పుడు ఇదే జోరుతో ‘హ్యాట్రిక్‌’ విజయంపై కన్నేసింది. ఇదే జరిగితే ఓవరాల్‌ చాంపియన్‌షిప్‌ (టి20, వన్డే, ఏకైక టెస్టు సిరీస్‌)లోనూ ఆ్రస్టేలియా పైచేయి సాధిస్తుంది. ఒకే ఒక టెస్టును డ్రా చేసుకున్నా... ఆసీసే ఓవరాల్‌ చాంప్‌గా నిలుస్తుంది. ఉ. గం. 9:20 నుంచి ‘స్టార్‌స్పోర్ట్స్‌’లో ప్రసారం

స్వదేశంలో గెలుపు ఖాతా తెరవడంలో విఫలమైన భారత పురుషుల హాకీ జట్టు విదేశీ గడ్డపై ఎట్టకేలకు గెలుపు బోణీ కొట్టింది. రెండో అంచె చివరి లీగ్‌ మ్యాచ్‌లో నిర్ణీత సమయంలో నేరుగా కాకపోయినా ‘షూటౌట్‌’లో విజయాన్ని అందుకుంది. ప్రపంచ, ఒలింపిక్‌ మాజీ చాంపియన్‌ ఆ్రస్టేలియాను వారి గడ్డపైనే ‘షూటౌట్‌’లో ఓడించిన భారత జట్టు మూడో అంచె మ్యాచ్‌లను జూన్‌లో నెదర్లాండ్స్‌లో ఆడనుంది. హోబర్ట్‌: మొదటి ఐదు మ్యాచ్‌ల్లో నిర్ణీత సమయంలో పరాజయం... ఆ తర్వాతి రెండు మ్యాచ్‌ల్లో ‘షూటౌట్‌’లో ఓటమి... ఎలాగైతేనేం వరుసగా ఏడు పరాజయాలు... కానీ ఎనిమిదో ప్రయత్నంలో భారత పురుషుల హాకీ జట్టు గెలుపు రుచి చూడటంలో సఫలమైంది. ఆ్రస్టేలియాలాంటి పటిష్ట జట్టును వారి గడ్డపైనే ‘షూటౌట్‌’లో ఓడించి రెండో అంచె లీగ్‌ను భారత జట్టు ముగించింది. బుధవారం జరిగిన ప్రొ లీగ్‌ ఎనిమిదో మ్యాచ్‌లో హార్దిక్‌ సింగ్‌ బృందం ‘షూటౌట్‌’లో 3–1 గోల్స్‌ తేడాతో ఆ్రస్టేలియాపై జట్టుపై గెలిచింది. భారత్‌కు రెండు పాయింట్లు, ఆ్రస్టేలియాకు ఒక పాయింట్‌ లభించాయి. నిర్ణీత సమయంలో రెండు జట్లు 1–1తో సమంగా నిలిచాయి. విజేతను నిర్ణయించేందుకు ‘షూటౌట్‌’ నిర్వహించగా... భారత్‌ తరఫున గోల్‌కీపర్‌ శశికుమార్‌ మోహిత్‌ హొన్నేణహళ్లి హీరోగా అవతరించాడు. ముగ్గురు ఆ్రస్టేలియా ఆటగాళ్ల షాట్‌లను మోహిత్‌ అడ్డుకొని భారత్‌ను గెలిపించాడు. భారత్‌ తరఫున ‘షూటౌట్‌’లో శిలానంద్‌ లాక్రా, మణీందర్‌ సింగ్, విష్ణుకాంత్‌ సింగ్‌ సఫలంకాగా... అభిషేక్‌ విఫలమయ్యాడు. ఆ్రస్టేలియా తరఫున మొదటి మూడు షాట్‌లు తీసుకున్న టిమ్‌ బ్రాండ్, లియామ్‌ హెండర్సన్, కూపర్‌ బర్న్స్‌ విఫలమవ్వగా... నాలుగో షాట్‌లో జెరెమీ హేవార్డ్‌ సఫలమయ్యాడు. అంతకుముందు రెగ్యులర్‌ సమయంలోని మూడు క్వార్టర్స్‌లో రెండు జట్లు గోల్స్‌ చేయలేకపోయాయి. చివరి క్వార్టర్‌లోని 49వ నిమిషంలో జెరెమీ హేవార్డ్‌ పెనాల్టీ కార్నర్‌ను లక్ష్యానికి చేర్చాడు. దాంతో ఆ్రస్టేలియా 1–0తో ఆధిక్యంలోకి వెళ్లింది. అయితే ఆ ఆనందం రెండు నిమిషాల్లో ఆవిరైంది. 51వ నిమిషంలో భారత ఫార్వర్డ్‌ శిలానంద్‌ లాక్రా గోల్‌ చేసి స్కోరును 1–1తో సమం చేశాడు. చివరి తొమ్మిది నిమిషాల్లో ఇరు జట్ల ఆటగాళ్లు మరో గోల్‌ చేయడానికి ప్రయత్నించి సఫలం కాలేకపోయారు. మ్యాచ్‌ మొత్తంలో భారత జట్టు తమకు లభించిన ఐదు పెనాల్టీ కార్నర్‌లను వృథా చేసింది. ఆ్రస్టేలియా తమకు దక్కిన ఏడు పెనాల్టీ కార్నర్‌లలో ఒక దానిని సద్వినియోగం చేసుంది. జూన్‌ 14 నుంచి 21 వరకు రోటర్‌డామ్‌లో మూడో అంచె మ్యాచ్‌లు జరుగుతాయి. భారత జట్టు జూన్‌ 14న నెదర్లాండ్స్‌తో... 17న జర్మనీతో... 18న మళ్లీ జర్మనీతో... 21న మళ్లీ నెదర్లాండ్స్‌తో ఆడుతుంది. అనంతరం 23 నుంచి 28 వరకు లండన్‌లో నాలుగో అంచె మ్యాచ్‌లు జరుగుతాయి. భారత జట్టు జూన్‌ 23న పాకిస్తాన్‌తో... 25న ఇంగ్లండ్‌తో... 26న మళ్లీ పాకిస్తాన్‌తో... 28న మళ్లీ ఇంగ్లండ్‌తో తలపడుతుంది.

టీమిండియా మాజీ క్రికెటర్‌ శిఖర్‌ ధావన్‌కు ఊరట లభించింది. పాటియాలా హౌజ్‌ కోర్టు అతడికి అనుకూలంగా ఆదేశాలు ఇచ్చింది. అసలేం జరిగిందంటే.. ఆస్ట్రేలియా నివాసి ఆయేషా ముఖర్జీతో ధావన్‌కు సోషల్‌ మీడియా ద్వారా ఏర్పడిన పరిచయం ప్రేమ, పెళ్లికి దారితీశాయి.ఆయేషాతో విడాకులుడివోర్సీ, ఇద్దరు ఆడపిల్లల తల్లి అయిన ఆయేషా (Ayesha)ను ధావన్‌ 2012లో వివాహం చేసుకున్నాడు. ఈ జంటకు కుమారుడు జొరావర్‌ జన్మించాడు. అయితే, కొంతకాలం తర్వాత ధావన్‌- ఆయేషా మధ్య తలెత్తిన విభేదాలు విడాకులకు దారితీశాయి. ఢిల్లీ కోర్టు 2023లో వీరికి అధికారికంగా విడాకులు మంజూరు చేసింది.సోఫీతో ఇటీవలే వివాహం ఈ క్రమంలో చాన్నాళ్లు ఒంటరిగా ఉన్న శిఖర్‌ ధావన్‌.. ఐర్లాండ్‌కు చెందిన సోఫీ షైన్‌తో ప్రేమలో పడ్డాడు. ఇటీవలే (ఫిబ్రవరి 22) అత్యంత సన్నిహితుల సమక్షంలో ఆమెను పెళ్లి చేసుకున్నాడు. ఇలా శిఖర్‌ ధావన్‌ కొత్త జీవితం ఆరంభించిన సమయంలో.. మాజీ భార్య విషయంలో న్యాయస్థానం నుంచి అతడికి గొప్ప ఊరట లభించింది.రూ. 5.7 కోట్లు తిరిగి చెల్లించాలిశిఖర్‌ ధావన్‌ నుంచి ఆయేషా తీసుకున్న రూ. 5.7 కోట్లను అతడికి తిరిగి చెల్లించాల్సిందిగా కోర్టు ఆదేశించింది. కాగా ఆయేషా- ధావన్‌ల ఆస్తులకు సంబంధించి ఆస్ట్రేలియా కోర్టు ఆయేషాకు 15 శాతం కేటాయించింది. దీని ప్రకారం.. రూ. 7.46 కోట్లతో పాటు ధావన్‌ నుంచి అదనంగా రూ. 15.95 కోట్లు, దీనితో పాటు కొంత ఆస్తి ఆయేషా పేరిట రాయాలని ఆదేశించింది.ఈ మేరకు ఆస్తులకు సంబంధించి 2021-2024 మధ్య ఆస్ట్రేలియా కోర్టు ఇప్పటికే పలు ఆదేశాలు జారీ చేసింది. అయితే, భారత వివాహ చట్టాల ప్రకారం తాను ఆస్ట్రేలియా కోర్టు ఆదేశాలకు అనుగుణంగా నడుచుకోవాల్సిన పనిలేదని ధావన్‌ వాదించాడు. ఇందుకు సంబంధించి పాటియాలా హౌజ్‌ కోర్టులో వివరాలు సమర్పించాడు.కట్టుకథలు అల్లిపెళ్తైన కొన్ని నెలల తర్వాత నుంచే ఆయేషా.. కట్టుకథలు అల్లి తన కెరీర్‌ను దెబ్బతీస్తానని బెదిరించిందని ధావన్‌ కోర్టుకు చెప్పాడు. అంతేకాదు.. తన కష్టార్జితంతో కొనుగోలు చేసే ప్రతి ఆస్తిని ఇద్దరి పేరిట లేదంటే.. ఆయేషా ఒక్కదాని పేరిటే కొనాలని ఆమె ఒత్తిడి చేసేదని వాపోయాడు.ఇందుకు తగ్గట్లుగానే ఒకానొక సమయంలో ధావన్‌ కొన్న ఆస్తులలో దాదాపు 99 శాతం ఆయేషా పేరిటే ఉన్నట్లుగా కోర్టుకు ఆధారాలు సమర్పించాడు. ఈ పరిణామాల నేపథ్యంలో పాటియాలా హౌజ్‌ కోర్టు జడ్జి జస్టిస్‌ దేవేందర్‌ కుమార్‌ గార్గ్‌.. ఆస్ట్రేలియా కోర్టు ఇచ్చిన ఆదేశాలకు ధావన్‌ కట్టుబడి ఉండాల్సిన అవసరం లేదని తేల్చిచెప్పారు.బెదిరించి డబ్బు గుంజాలనే యత్నంసెటిల్‌మెంట్‌ సమయంలో ధావన్‌ను బెదిరింపులకు గురిచేసి డబ్బు గుంజాలనే ప్రయత్నం జరిగినట్లు గుర్తించామన్నారు. కాబట్టి ఆయేషా ధావన్‌ నుంచి పొందిన రూ. 5.7 కోట్లను తిరిగి ఇచ్చేయాలని గార్గ్‌ ఆదేశించారు.అంతేకాదు.. ధావన్‌ ఇందుకు సంబంధించి కేసు నమోదు చేసిన నాటి నుంచి ఏడాదికి 9 శాతం చొప్పున వడ్డీతో సహా తిరిగి చెల్లించాలని ఆయేషాను న్యాయస్థానం ఆదేశించింది. మాజీ దంపతుల వివాదంలో ఆస్ట్రేలియా కోర్టుకు ఎలాంటి అధికారం లేదని.. ఆ కోర్టు ఇచ్చిన ఆదేశాలకు ఇక్కడ విలువలేదని కొట్టిపారేసింది. దీంతో ధావన్‌కు ఉపశమనం దక్కింది.కుమారుడికి దూరంకాగా కుమారుడు జొరావర్‌ కస్టడీ తనకు కావాలని ధావన్‌ కోరగా.. న్యాయస్థానం అతడికి శాశ్వత ప్రాతిపదికన కుమారుడిని అప్పగించలేమని తెలిపింది. అయితే, ఇండియా, ఆస్ట్రేలియాలో ఉన్న సమయంలో వీడియో కాల్స్‌ ద్వారా కుమారుడిని చూడవచ్చని పేర్కొంది. అయితే, ఆయేషా మాత్రం కుమారుడితో తనకు ఎలాంటి సంబంధం లేకుండా చేసేందుకు సోషల్‌ మీడియాతో సహా అన్ని కనెక్షన్‌లను కట్‌ చేసిందని ధావన్‌ వాపోయాడు. కుమారుడిని ఎంతగానో మిస్‌ అవుతున్నట్లు సోషల్‌ మీడియా పోస్టుల ద్వారా ధావన్‌ తరచూ వెల్లడిస్తూ ఉంటాడు.చదవండి: T20 WC 2026: రింకూ సింగ్‌కు సంబంధించి బిగ్‌ అప్‌డేట్‌

బంగ్లాదేశ్‌ క్రికెట్‌ జట్టు 23 ఏళ్ల తర్వాత టెస్ట్‌ సిరీస్‌ కోసం ఆస్ట్రేలియాలో పర్యటించనుంది. ఈ పర్యటనలో ఆ జట్టు రెండు టెస్ట్‌ మ్యాచ్‌లు ఆడనుంది. తొలి టెస్ట్‌ మ్యాచ్‌ డార్విన్‌ వేదికగా ఆగస్ట్‌ 13-17 మధ్య తేదీల్లో జరుగుతుంది. రెండో టెస్ట్‌ మెక్‌కే వేదికగా ఆగస్ట్‌ 22-26 మధ్య జరుగనుంది. బంగ్లాదేశ్‌-ఆస్ట్రేలియా మధ్య ఇది నాలుగో టెస్ట్‌ సిరీస్‌ ఆవుతుంది. ఇందులో​ ఆరు మ్యాచ్‌లు జరగ్గా ఆస్ట్రేలియా ఐదు మ్యాచ్‌ల్లో గెలిచింది. 2017లో మీర్పూర్‌లో జరిగిన టెస్ట్‌ మ్యాచ్‌లో బంగ్లాదేశ్‌ ఆసీస్‌పై సంచలన విజయం సాధించింది.కాగా, బంగ్లాతో హోం సిరీస్‌తోనే 2026-27 సీజన్‌ ఆసీస్‌ టెస్ట్‌ షెడ్యూల్‌ మొదలవుతుంది. ఈ సిరీస్‌ తర్వాత ఆసీస్‌ మూడు టెస్ట్‌ల కోసం సౌతాఫ్రికాలో పర్యటిస్తుంది. ఆతర్వాత నవంబర్‌ నుంచి 2027 జనవరి మధ్యలో న్యూజిలాండ్‌ జట్టు నాలుగు టెస్ట్‌ల కోసం ఆస్ట్రేలియాలో పర్యటించనుంది. జనవరి, ఫిబ్రవరి మాసాల్లో భారత్‌లో 5 మ్యాచ్‌ల బోర్డర్‌-గవాస్కర్‌ ట్రోఫీ జరుగనుంది. అనంతరం మార్చిలో ఇంగ్లండ్‌తో ఎంసీజీలో 150వ వార్షికోత్సవ టెస్ట్‌ మ్యాచ్‌ జరుగుతుంది.సౌతాఫ్రికాలో టెస్ట్‌ సిరీస్‌అక్టోబర్‌ 9-13: తొలి టెస్ట్‌, డర్బన్‌అక్టోబర్‌ 18-22: రెండో టెస్ట్‌, గ్వెబెర్హాఅక్టోబర్‌ 27-31: మూడో టెస్ట్‌, కేప్‌టౌన్‌ఈ పర్యటనలో ఆసీస్‌ మూడు వన్డేలు కూడా ఆడనుంది. ఆ మ్యాచ్‌లు సెప్టెంబర్‌ 24 (డర్బన్‌), 27 (జోహనెస్‌బర్గ్‌), 30 (పోచెఫ్‌స్ట్రూమ్‌) తేదీల్లో జరుగుతాయి.ఇంగ్లండ్‌తో 150వ వార్షికోత్సవ టెస్ట్‌ 2027, మార్చి 11-15: ఏకైక టెస్ట్‌, ఎంసీజీఆసీస్‌లో న్యూజిలాండ్‌ పర్యటన.. భారత్‌లో ఆసీస్‌ పర్యటనకు సంబంధించిన పూర్తి షెడ్యూల్‌ ప్రకటించాల్సి ఉంది.ఇదిలా ఉంటే, టీ20 ప్రపంచకప్‌-2026 గ్రూప్‌ దశలోనే వైదొలిగిన ఆస్ట్రేలియా జట్టు ప్రస్తుతం ఖాళీగా ఉంది. ఆ జట్టు పునఃదర్శనం స్వదేశంలో బంగ్లాదేశ్‌తో టెస్ట్‌ సిరీస్‌తోనే ఉంటుంది. ఈ మధ్యలో ఆ జట్టు ఆటగాళ్లు ఐపీఎల్‌, పాకిస్తాన్‌ లీగ్‌ తదితర ప్రైవేట్‌ లీగ్‌లతో పాటు దేశవాలీ టోర్నీల్లో ఆడతారు.

న్యూఢిల్లీ: భారత బ్యాటింగ్‌ లెజెండ్‌ సచిన్‌ టెండూల్కర్‌ను ఎల్బీడబ్ల్యూగా అవుటివ్వడం ముమ్మాటికీ తప్పేనని వెస్టిండీస్‌ దిగ్గజ అంపైర్‌ స్టీవ్‌ బక్నర్‌ అంగీకరించారు. అంతర్జాతీయ క్రికెట్‌లో విశేషానుభవం కలిగిన ఆయన 2009లో అంపైరింగ్‌ కెరీర్‌కు రిటైర్మెంట్‌ ప్రకటించారు. 1989 నుంచి 2009 వరకు వరుసగా జరిగిన ఐదు వన్డే ప్రపంచకప్‌లకు ఫీల్డ్‌ అంపైర్‌గా పనిచేశారు. తాజాగా 79 ఏళ్ల బక్నర్‌ రెండు దశాబ్దాల తర్వాత విండీస్‌ క్రికెట్‌ అంపైర్స్‌ అసోసియేషన్‌ ఇంటర్వ్యూలో తన పొరపాటును అంగీకరించారు. అంపైరింగ్‌ కెరీర్‌లోనే అది అత్యంత పేలవమైన నిర్ణయంగా చెప్పుకొచ్చారు. 2003–04లో ఆ్రస్టేలియా పర్యటనలో భారత్‌ ఆడిన టెస్టు సిరీస్‌లో సచిన్‌ను వికెట్ల ముందు దొరికిపోయినట్లు (ఎల్బీడబ్ల్యూ)గా బక్నర్‌ ప్రకటించారు. కానీ రిప్లేలో బంతి వికెట్లకు దూరంగా పైనుంచి వెళుతున్నట్లు స్పష్టమైంది. దీనిపై అప్పటి మేటి టీవీ వ్యాఖ్యాత టోనీ గ్రెగ్‌ అంపైరింగ్‌లోనే అత్యంత చెత్త నిర్ణయమని ఘాటుగా వ్యాఖ్యానించారు. అసలు ఏమైందంటే... ఇది 22 ఏళ్ల క్రితం సంగతి. బ్రిస్బేన్‌లో భారత్, ఆసీస్‌ జట్ల మధ్య జరుగుతున్న టెస్టు మ్యాచ్‌లో జాసన్‌ గిలెస్పీ వేసిన బంతిని సచిన్‌ డిఫెండ్‌ చేయబోగా అది అతని ప్యాడ్లను తగిలింది. వెంటనే బౌలర్, జట్టు సహచరులంతా ఎల్బీడబ్ల్యూ కోసం గట్టిగా అరుస్తూ అప్పీల్‌ చేశారు. ఫీల్డ్‌ అంపైర్‌ బక్నర్‌ అప్పీలుకు బదులుగా తన చేతి వేలు పైకెత్తాడు. ఎంతో అనుభవజ్ఞుడైన సచిన్‌కు బంతి గమనం బాగా గుర్తు. అది ఎల్బీడబ్ల్యూ కానేకాదని అతని గట్టి నమ్మకం అందుకే నిరాశగా వెనుదిరిగాడు. మరుసటి ఏడాది (2005) పాక్‌తో కోల్‌కతాలో జరిగిన మ్యాచ్‌లోనూ సచిన్‌ను తప్పుడు నిర్ణయంతో బక్నర్‌ పెవిలియన్‌కు పంపించారు. రజాక్‌ సంధించిన బంతి టెండూల్కర్‌ బ్యాట్‌ తగలకుండా ఫీల్డర్‌ చేతుల్లో పడింది. అప్పుడు క్యాచ్‌ అవుట్‌గా ప్రకటించారు.

హోబర్ట్‌: వేదిక మారినా... ప్రత్యర్థులు మారినా... కెప్టెన్సీ మారినా... తాజా సీజన్‌లో భారత పురుషుల హాకీ జట్టు ఆటతీరు మాత్రం మారడంలేదు. ప్రొ లీగ్‌ రెండో అంచె పోటీల్లో భాగంగా ఆస్ట్రేలియాకు వచ్చిన భారత హాకీ జట్టుకు వరుసగా రెండో పరాజయం ఎదురైంది. భారత్‌ వేదికగా జరిగిన తొలి అంచె పోటీల్లో ఆడిన నాలుగు మ్యాచ్‌ల్లో ఓడిపోయిన టీమిండియా... ఆస్ట్రేలియా గడ్డపై ఆడిన రెండు మ్యాచ్‌ల్లో ఓటమి పాలైంది. ఆదివారం జరిగిన సీజన్‌ ఆరో మ్యాచ్‌లో హార్దిక్‌ సింగ్‌ సారథ్యంలోని టీమిండియా ‘షూటౌట్‌’లో 4–5 గోల్స్‌ తేడాతో పరాజయాన్ని చవిచూసింది. నిర్ణీత సమయం ముగిసేసరికి రెండు జట్లు 2–2తో సమంగా నిలిచాయి. దాంతో విజేతను నిర్ణయించేందుకు ‘షూటౌట్‌’ను నిర్వహించారు. ‘షూటౌట్‌’లో ఆ్రస్టేలియా తరఫున టిమ్‌ బ్రాండ్, లియామ్‌ హెండర్సన్, టిమ్‌ హోవర్డ్, జాక్‌ వెల్‌్చ, టామ్‌ క్రెయిగ్‌ గోల్స్‌ చేశారు. భారత్‌ తరఫున శిలానంద్‌ లాక్రా, మణీందర్‌ సింగ్, రాజ్‌కుమార్‌ పాల్, జుగ్‌రాజ్‌ సింగ్‌ గోల్స్‌ సాధించగా... ఆదిత్య అర్జున్‌ తీసుకున్న చివరిదైన ఐదో షాట్‌ను ఆస్ట్రేలియా గోల్‌కీపర్‌ జేడ్‌ స్నోడెన్‌ అడ్డుకోవడంతో భారత్‌కు ఓటమి తప్పలేదు. అంతకుముందు నిర్ణీత సమయంలో భారత్‌ తరఫున అమిత్‌ రోహిదాస్‌ (15వ నిమిషంలో), జుగ్‌రాజ్‌ సింగ్‌ (43వ నిమిషంలో) ఒక్కో గోల్‌ చేయగా... ఆ్రస్టేలియా జట్టుకు జోయెల్‌ రింటాలా (47వ, 56వ నిమిషంలో) రెండు గోల్స్‌ అందించాడు. స్పెయిన్‌తో శనివారం జరిగిన మ్యాచ్‌లో 0–2తో ఓడిన భారత్‌ ఈ మ్యాచ్‌లో మెరుగైన ఆటతీరు కనబరిచింది. ఒకదశలో 2–0తో ఆధిక్యంలోకి వెళ్లి తొలి విజయం దిశగా సాగిపోయింది. అయితే చివర్లో తప్పిదాలు చేసి తొమ్మిది నిమిషాల వ్యవధిలో రెండు గోల్స్‌ సమర్పించుకుంది. మ్యాచ్‌లో లభించిన రెండు పెనాల్టీ కార్నర్‌లను భారత్‌ సది్వనియోగం చేసుకుంది. మరోవైపు ఆస్ట్రేలియా ఏకంగా 14 పెనాల్టీ కార్నర్‌లు సంపాదించినా... రెండింటిని మాత్రమే లక్ష్యానికి చేర్చింది. ‘షూటౌట్‌’లో ఓడినందుకు భారత జట్టుకు ఒక్క పాయింట్‌... ఆ్రస్టేలియాకు రెండు పాయింట్లు లభించాయి. నిర్ణీత సమయంలో విజయం సాధిస్తే మూడు పాయింట్లు దక్కుతాయి. సోమవారం విశ్రాంతి దినం. మంగళవారం జరిగే మ్యాచ్‌లో స్పెయిన్‌ జట్టుతో భారత్‌ ఆడుతుంది. మొత్తం తొమ్మిది జట్లు పోటీపడుతున్న ప్రొ లీగ్‌లో భారత జట్టు ఆరు మ్యాచ్‌లు ఆడి ఒక్క పాయింట్‌తో ఎనిమిదో స్థానంలో ఉంది.

అడిలైడ్‌: ఆస్ట్రేలియా గడ్డపై దశాబ్దం తర్వాత భారత మహిళల జట్టు టి20 సిరీస్‌ గెలిచింది. శనివారం జరిగిన ఆఖరి మూడో టి20లో హర్మన్‌ప్రీత్‌ కౌర్‌ సారథ్యంలోని భారత్‌ 17 పరుగుల తేడాతో ఆతిథ్య జట్టుపై గెలిచింది. తద్వారా ఓవరాల్‌ చాంపియన్‌షిప్‌లో పైచేయి సాధించింది. టాస్‌ నెగ్గిన భారత్‌ మొదట బ్యాటింగ్‌ ఎంచకుంది. నిర్ణీత 20 ఓవర్లలో 6 వికెట్ల నష్టానికి 176పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ స్మృతి మంధాన (55 బంతుల్లో 82; 8 ఫోర్లు, 3 సిక్స్‌లు) ధనాధన్‌ ఆటతో ఆసీస్‌ బౌలర్లపై చెలరేగింది. జెమీమా రోడ్రిగ్స్‌ (46 బంతుల్లో 59; 4 ఫోర్లు) అర్ధసెంచరీతో రాణించింది. ఆతిథ్య బౌలర్లలో అనాబెల్‌ సదర్లాండ్‌కు 2 వికెట్లు దక్కాయి. అనంతరం లక్ష్యఛేదనకు దిగిన ఆ్రస్టేలియా 20 ఓవర్లలో 9 వికెట్ల నష్టానికి 159 పరుగులు చేసి ఓడింది. ఒక్క యాష్లే గార్డ్‌నర్‌ (45 బంతుల్లో 57; 5 ఫోర్లు, 1 సిక్స్‌) మాత్రమే పోరాడింది. స్పిన్నర్లు శ్రేయాంక పాటిల్‌ (3/22), శ్రీచరణి (3/32) ప్రత్యర్థి బ్యాటర్లను తిప్పేశారు. చివరిసారిగా భారత అమ్మాయిల జట్టు 2016లో కంగారూ గడ్డపై టి20 సిరీస్‌ నెగ్గింది. ఇప్పుడు మూడు ఫార్మాట్ల (టి20, వన్డే, టెస్టు)లకు కలిపి ఓవరాల్‌ చాంపియన్‌షిప్‌ నిర్వహిస్తున్నారు. మ్యాచ్‌ గెలిస్తే రెండు పాయింట్లు, ఏకైక టెస్టు నెగ్గితే 4 పాయింట్ల ఆధారంగా ఓవరాల్‌ విజేతను ఖరారు చేస్తారు. దీంతో ఈ టి20ల్లో భారత్‌ 4–2 పాయింట్లతో పైచేయి సాధించింది. చెలరేగిన మంధాన ఆట మొదలైన మూడో ఓవర్లోనే షఫాలీ వర్మ (7) అవుటైంది. క్రీజులోకి వచి్చన జెమీమాతో కలిసి స్మృతి మంధాన కంగారూ బౌలర్ల భరతం పట్టింది. దీంతో పవర్‌ ప్లేలో భారత్‌ 54/1 స్కోరు చేసింది. స్మృతి జోరు కొనసాగడంతో 38 బంతుల్లో అర్ధసెంచరీ పూర్తి చేసుకుంది. అంతర్జాతీయ టి20 క్రికెట్లో ఆమెకిది 33వ అర్ధసెంచరీ కావడం విశేషం.మరోవైపు జెమీమా సైతం ధాటిగా పరుగులు సాధించడంతో ఈ భాగస్వామ్యాన్ని విడగొట్టేందుకు ఆతిథ్య బౌలర్లు ఎంతోసేపు శ్రమించాల్సివచ్చింది. ఎట్టకేలకు 17వ ఓవర్లో స్టార్‌ ఓపెనర్‌ మంధాన దూకుడుకు అనాబెల్‌ బ్రేకులేసింది. దీంతో రెండో వికెట్‌కు 121 పరుగుల భారీభాగస్వామ్యం ముగిసింది. చివర్లో హిట్టర్‌ రిచా ఘోష్‌ (7 బంతుల్లో 18; 2 ఫోర్లు, 1 సిక్స్‌) ధాటిగా పరుగులు రాబట్టింది. గార్డ్‌నర్‌ పోరాటం వృథా భారత బౌలర్ల పవర్‌కు ఆసీస్‌ బ్యాటింగ్‌ ‘పవర్‌ ప్లే’ టాపార్డర్‌ కుదేలైంది. రెండో ఓవర్లోనే బౌలింగ్‌కు దిగిన శ్రేయాంక తన వరుస ఓవర్లలో జార్జియా వోల్‌ (10), ఎలైస్‌ పెరి (1)లను అవుట్‌ చేసింది. రేణుక... బెత్‌ మూని (6) పనిపట్టడంతో ఆస్ట్రేలియా ఒక దశలో టాపార్డర్‌ వికెట్లను కోల్పోయి 32/3 స్కోరు వద్ద కష్టాల్లో పడింది. ఫోబ్‌ లిచ్‌ఫీల్డ్‌ (17 బంతుల్లో 26; 4 ఫోర్లు), యాష్లే గార్డ్‌నర్‌ కాసేపు వికెట్ల పతనాన్ని అడ్డుకున్నారు. అయితే ఆంధ్ర లెఫ్టార్మ్‌ స్పిన్నర్‌ శ్రీ చరణి రెడ్డి (3/32), హైదరాబాదీ పేసర్‌ అరుంధతి రెడ్డి (2/35)లు కట్టుదిట్టంగా బౌలింగ్‌ చేయడంతో వరుస విరామాల్లో వికెట్లు కోల్పోయిన ఆసీస్‌ లక్ష్యానికి దూరమైంది. జట్టును గెలిపించేందుకు గార్డ్‌నర్‌ చేసిన పోరాటానికి అరుంధతి చెక్‌ పెట్టడంతోనే మ్యాచ్‌ భారత్‌ చేతుల్లోకి వచ్చేసింది.

టీ20 ‍ప్రపంచకప్‌ 2026 చివరి గ్రూప్‌ స్టేజీ మ్యాచ్‌లో మాజీ ఛాంపియన్‌ ఆస్ట్రేలియా పసికూన ఒమన్‌పై ప్రతాపం చూపింది. తొలుత బౌలింగ్‌లో 104 పరుగులకే (16.2 ఓవర్లలో) ఒమన్‌ను ఆలౌట్‌ చేసి, ఆతర్వాత లక్ష్యాన్ని 9.4 ఓవర్లలో వికెట్‌ మాత్రమే కోల్పోయి ఛేదించింది. తద్వారా 9 వికెట్ల తేడాతో ఘన విజయం సాధించింది.ఈ మ్యాచ్‌ ఫలితంతో సంబంధం లేకుండా ఇరు జట్లు ఇదివరకే టోర్నీ నుంచి నిష్క్రమించిన విషయం తెలిసిందే. ఈ టోర్నీలో భారత్‌, సౌతాఫ్రికా, వెస్టిండీస్‌, జింబాబ్వే, న్యూజిలాండ్‌, ఇంగ్లండ్‌, శ్రీలంక, పాకిస్తాన్‌ ఇదివరకే సూపర్‌-8కి చేరాయి. సూపర్‌-8 మ్యాచ్‌లు రేపటి నుంచి ప్రారంభమవుతాయి.ఒమన్‌ పతనాన్ని స్పిన్నర్లు ఆడమ్‌ జంపా (3.2-0-21-4), గ్లెన్‌ మ్యాక్స్‌వెల్‌ (3-0-13-2) శాశించారు. పేసర్లు జేవియర్‌ బార్ట్‌లెట్‌ (4-0-27-2), నాథన్‌ ఇల్లిస్‌ (2-0-14-1), మార్కస్‌ స్టోయినిస్‌ (2-0-16-1) కూడా పర్వాలేదనిపించారు. మొత్తంగా ఆసీస్‌ బౌలర్ల ధాటికి ఒమన్‌ ఆటగాళ్లు విలవిలలాడిపోయారు. ఆ జట్టులో వసీం అలీ (32) ఒక్కడే చెప్పుకోదగ్గ స్కోర్‌ చేశాడు. కెప్టెన్‌ జతిందర్‌ సింగ్‌ (17), హమ్మద్‌ మీర్జా (16), కరణ్‌ సోనావాలే (12) అతికష్టం మీద రెండంకెల స్కోర్లు చేశారు. మిగతా ఆటగాళ్లంతా సింగిల్‌ డిజిట్‌ స్కోర్లకే పరిమితమయ్యారు.అనంతరం స్వల్ప లక్ష్య ఛేదనలో ఓపెనర్‌ మిచెల్‌ మార్ష్‌ చెలరేగిపోయాడు. 33 బంతుల్లో 7 ఫోర్లు, 4 సిక్సర్ల సాయంతో అజేయమైన 64 పరుగులు చేసి ఆసీస్‌ను విజయతీరాలకు చేర్చాడు. అతనికి ట్రవిస్‌ హెడ్‌(32), ఇంగ్లిస్‌ (12 నాటౌట్‌) సహకరించారు. హెడ్‌ వికెట్‌ షకీల్‌ అహ్మద్‌కు దక్కింది.

టీ20 ప్రపంచకప్‌ 2026లో ఆస్ట్రేలియా జట్టు అంతా అయిపోయాక లైన్‌లోకి వచ్చింది. ఈ మెగా టోర్నీలో ఇదివరకే నిష్క్రమించిన ఈ మాజీ ఛాంపియన్‌.. ఇవాళ (ఫిబ్రవరి 20) పసికూన ఒమన్‌తో జరుగుతున్న నామమాత్రపు మ్యాచ్‌లో సామర్థ్యం మేరకు సత్తా చాటింది. టాస్‌ గెలిచి తొలుత బౌలింగ్‌ చేసిన ఆసీస్‌.. ఒమన్‌ను 104 పరుగులకే (16.2 ఓవర్లలో) కుప్పకూల్చింది.ఒమన్‌ పతనాన్ని స్పిన్నర్లు ఆడమ్‌ జంపా (3.2-0-21-4), గ్లెన్‌ మ్యాక్స్‌వెల్‌ (3-0-13-2) శాశించారు. పేసర్లు జేవియర్‌ బార్ట్‌లెట్‌ (4-0-27-2), నాథన్‌ ఇల్లిస్‌ (2-0-14-1), మార్కస్‌ స్టోయినిస్‌ (2-0-16-1) కూడా పర్వాలేదనిపించారు. మొత్తంగా ఆసీస్‌ బౌలర్ల ధాటికి ఒమన్‌ ఆటగాళ్లు విలవిలలాడిపోయారు. ఆ జట్టులో వసీం అలీ (32) ఒక్కడే చెప్పుకోదగ్గ స్కోర్‌ చేశాడు. కెప్టెన్‌ జతిందర్‌ సింగ్‌ (17), హమ్మద్‌ మీర్జా (16), కరణ్‌ సోనావాలే (12) అతికష్టం మీద రెండంకెల స్కోర్లు చేశారు. మిగతా ఆటగాళ్లంతా సింగిల్‌ డిజిట్‌ స్కోర్లకే పరిమితమయ్యారు.ఈ మ్యాచ్‌కు ముందు ఒమన్‌ కెప్టెన్‌ జతిందర్‌ ఆసీస్‌కు చుక్కలు చూపిస్తామని బీరాలు పలికి ఏమీ చేయలేకపోయాడు. ఈ టోర్నీ నుంచి ఆసీస్‌తో పాటు ఒమన్‌ కూడా గ్రూప్‌ దశలోనే నిష్క్రమించింది. ఈ మ్యాచ్‌ గ్రూప్‌ దశ మొత్తంలో చివరిది. ఈ టోర్నీలో భారత్‌, సౌతాఫ్రికా, వెస్టిండీస్‌, జింబాబ్వే, న్యూజిలాండ్‌, ఇంగ్లండ్‌, శ్రీలంక, పాకిస్తాన్‌ ఇదివరకే సూపర్‌-8కి చేరాయి.