భువనగిరిటౌన్‌ : వినాయక నిమజ్జనోత్సవ శబ్దాలు ఆ దంపతుల ప్రాణాలను కాపాడాయి. ఇంట్లో అగ్నిప్రమాదం జరిగి మంటలు వ్యాపిస్తున్న సమయంలో ఊరేగింపు సందడికి మేల్కొన్న దంపతులు ప్రాణాపాయం నుంచి బయటపడ్డారు. ఈ ఘటన భువనగిరి పట్టణంలోని 33వ వార్డు విద్యానగర్‌లో బుధవారం తెల్లవారుజామున చోటుచేసుకుంది. బాధితులు, అగ్నిమాపక శాఖ తెలిపిన వివరాల ప్రకారం.. పట్టణంలోని వినాయక చౌరస్తా సమీపంలో గల విద్యానగర్‌కు చెందిన ఎండీ జలాల్‌ దంపతులు తమ ఇంట్లోని మొదటి అంతస్తులో నివాసముంటున్నారు. బుధవారం తెల్లవారుజామున ఇంట్లో విద్యుత్‌ షార్ట్‌ సర్క్యూట్‌ జరిగి మంటలు చెలరేగాయి. నిమిషాల వ్యవధిలోనే మంటలు వేగంగా వ్యాపించాయి. అదే సమయంలో పట్టణ ప్రధాన రహదారి మీదుగా సాగుతున్న వినాయక నిమజ్జనం ఊరేగింపు శబ్దాలకు జలాల్‌ దంపతులు నిద్రలేచారు. అప్పటికే ఇల్లంతా పొగ, మంటలు వ్యాపించడాన్ని గమనించి బయటకు పరుగులు తీశారు. అగ్నిమాపక సిబ్బంది వచ్చి మంటలను అదుపు చేశారు. రూ. 6 లక్షల నగదు, ఫర్నీచర్‌, ధ్రువపత్రాలు కాలి బూడిదయ్యాయి. బాధితుల ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు భువనగిరి పట్టణ సీఐ రమేష్‌ తెలిపారు. ఫ గణేష్‌ నిమజ్జన ఊరేగింపు సందడితో మేల్కొన్న దంపతులు ఫ అప్రమత్తమై బయటకు పరుగులు తీయడంతో తప్పిన ప్రాణాపాయం

ఫ ఇన్‌చార్జి కలెక్టర్‌ భాస్కర్‌రావు భువనగిరిటౌన్‌ : జిల్లాలో మాతృ మరణాల నివారణకు పకడ్బందీ ముందస్తు చర్యలు చేపట్టాలని జిల్లా ఇన్‌చార్జి కలెక్టర్‌ భాస్కర్‌ రావు వైద్యాధికారులను ఆదేశించారు. మాతృ మరణాలపై బుధవారం కలెక్టరేట్‌లో డీఎంహెచ్‌ఓ మనోహర్‌ ఆధ్వర్యంలో సమావేశం నిర్వహించారు. ఈ ఏడాది జిల్లాలో నమోదైన రెండు మాతృ మరణాలపై సమీక్షించారు. ఈ సందర్భంగా ఇన్‌చార్జి కలెక్టర్‌ మాట్లాడారు. గర్భిణుల వివరాలు, రక్త, మూత్ర పరీక్షలు, స్కానింగ్‌ నివేదికలను తప్పనిసరిగా మాతాశిశు సంరక్షణ కార్డుల్లో నమోదు చేయాలని స్పష్టం చేశారు. సమావేశంలో జిల్లా అధికారులు శ్రీనివాస్‌, సూర్యశ్రీరావు, సుమన్‌ కళ్యాణ్‌, ప్రోగ్రామ్‌ ఆఫీసర్‌ శ్రీలక్ష్మి, వైద్య నిపుణులు డాక్టర్‌ ఆబిద్‌ అలీ, డాక్టర్‌ వీణ, డాక్టర్‌ ఉమామహేశ్వరి పాల్గొన్నారు. నారసింహుడికి నిత్యారాధనలుయాదగిరిగుట్ట రూరల్‌: యాదగిరిగుట్ట శ్రీ లక్ష్మీనరసింహాస్వామి వారి ఆలయంలో నిత్యపూజలను శాస్త్రోక్తంగా ఆలయ అర్చకులు బుధవారం నిర్వహించారు. వేకువజామునే స్వామి వారిని మేల్కొల్పిన అర్చకులు, ప్రధానాలయంలోని స్వయంభువులకు సుప్రభాత సేవ చేపట్టారు. బిందెతీర్థం, నిజాభిషేకం, ఆరాధన, అర్చనలు చేశారు. ప్రధానాలయం ముఖమండపంలోని ఉత్సవ మూర్తులకు సువర్ణ పుష్పార్చన సేవలు నిర్వహించారు. ఇక ప్రాకార మండపాల్లో శ్రీ సుదర్శన నారసింహా హోమం, నిత్యకల్యాణం, గజవాహాన సేవలు జరిపించారు. ఇక సాయంత్రం జోడు సేవలను అర్చకులు ఊరేగించారు. రాత్రి స్వామి అమ్మవార్లకు శయనోత్సవం జరిపించి, ఆలయాన్ని ద్వార బంధనం చేశారు. ఆయా పూజల్లో భక్తులు పాల్గొని మొక్కులను చెల్లించుకున్నారు. నాణ్యమైన విత్తనోత్పత్తితో అధిక దిగుబడులుమోత్కూరు : నాణ్యమైన విత్తనోత్పత్తితోనే రైతులు మెరుగైన దిగుబడులు సాధించొచ్చని ఆత్మ జిల్లా ప్రాజెక్టు డైరెక్టర్‌ దేవ్‌సింగ్‌ అన్నారు. వరిలో నాణ్యమైన విత్తనోత్పత్తి అంశంపై మోత్కూరు మండలం అనాజిపురం గ్రామంలో బుధవారం రైతులకు శిక్షణ కార్యక్రమం నిర్వహించారు. ఈ కార్యక్రమంలో వ్యవసాయ శాస్త్రవేత్తలు శ్రీలత, వి.శ్రీధర్‌, శివకుమార్‌ , ఆలేరు ఏడీఏ కె.నిర్మల, ఏఓ కీర్తి, పీఏసీఎస్‌ డైరెక్టర్‌ జె.లక్ష్మయ్య, సీఈవో వరలక్ష్మి, రైతులు, అధికారులు పాల్గొన్నారు.

సీజింగ్‌ పేరుతో బైక్‌లను తీసుకెళ్లి వేరే వారికి విక్రయిస్తున్నారు. మరికొందరు కుదవపెట్టి డబ్బులు పంచుకుంటున్నారు. ఇటీవల మా బైక్‌ను తీసుకెళ్లిన ఓ వ్యక్తి, దాన్ని విడిచిపెట్టాలంటే రూ.5 వేలు ఇవ్వాలని డిమాండ్‌ చేశాడు. ఆ డబ్బుల్లో ఫైనాన్స్‌ మేనేజర్‌కు కొంత, తమకు కొంత వస్తాయని, తిరిగి మీరు ఫైనాన్స్‌ కట్టుకోవాలని సదరు వ్యక్తి చెబుతున్నాడు. – గుండా నాగరాజు, మిర్యాలగూడ ఫైనాన్స్‌ సీజింగ్‌ పేరుతో బైక్‌లను అక్రమంగా తీసుకెళ్తున్నారనే సమాచారం మా దృష్టికి వచ్చింది. బాధితుల ఫిర్యాదు మేరకు కేసు నమోదు చేసి దర్యాప్తు చేస్తున్నాం. నిబంధనలకు విరుద్ధంగా వ్యవహరించే వారిపై కఠిన చర్యలు తీసుకుంటాం. – నాగభూషణరావు, వన్‌టౌన్‌ సీఐ, మిర్యాలగూడ

మిర్యాలగూడ అర్బన్‌ : ఫైనాన్స్‌లో తీసుకున్న వాహనాల కిస్తీలు చెల్లించని వారిని లక్ష్యంగా చేసుకుని కొందరు కేటుగాళ్లు ఇలాంటి నయా దందాకు తెరలేపారు. సదరు ఫైనాన్స్‌ సంస్థల సిబ్బందితో కుమ్మకై ్క, రికవరీ ఏజెంట్ల పేరుతో దౌర్జన్యంగా వాహనాలను లాక్కెళ్తున్నారు. అలా సీజ్‌ చేసిన వాహనాలను కంపెనీలకు అప్పగించకుండా వేరే వ్యక్తులకు విక్రయించడం లేదా కుదవబెట్టి సొమ్ము చేసుకుంటున్నారు. మిర్యాలగూడలో ఓ మహిళ ఇచ్చిన ఫిర్యాదుతో ఈ మోసం వెలుగులోకి వచ్చింది. దందా సాగుతోందిలా.. ఫైనాన్స్‌లో వాహనం తీసుకున్న వ్యక్తులు కొద్ది నెలలు బాగానే కిస్తీలు కట్టినా, ఆర్థిక ఇబ్బందుల వల్ల చెల్లింపులు ఆగిపోతే ఆ వాహనం నంబర్‌ను ఓ ప్రత్యేక యాప్‌లో అప్‌లోడ్‌ చేస్తున్నారు. సీజింగ్‌ ఏజెంట్లుగా చెలామణి అవుతున్న కొందరు ఒక ముఠాగా ఏర్పడి, ఆ యాప్‌ ద్వారా బైక్‌ ఎక్కడ తిరుగుతుందో పసిగడతారు. పలు కూడళ్లలో కాపుకాసి దౌర్జన్యంగా వాహనాలను లాక్కెళ్తున్నారు. బండిపై కుటుంబ సభ్యులు ఉన్నా సరే నడిరోడ్డుపై దించేసి తీసుకెళ్తున్నారు. నిబంధనల ప్రకారం.. సీజ్‌ చేసిన వాహనాన్ని ఫైనాన్స్‌ కార్యాలయంలో అప్పగించి, సీజింగ్‌ లెటర్‌ను వాహనదారుడికి ఇవ్వాలి. కానీ, ఫైనాన్స్‌ మేనేజర్లతో కుమ్మక్కవుతున్న ఈ వ్యక్తులు ఆ బైక్‌లను అమ్ముకోవడం లేదా కుదవబెట్టి డబ్బులు పంచుకుంటున్నారు. వీరికి స్థానిక రాజకీయ నాయకుల అండదండలు కూడా ఉండటంతో ఇన్నాళ్లూ అడ్డూఅదుపు లేకుండా పోయింది. మహిళ ఫిర్యాదుతో వెలుగులోకి.. మిర్యాలగూడకు చెందిన ఓ మహిళ తన పేరిట ఫైనాన్స్‌లో బైక్‌ తీసుకుంది. కొన్ని కిస్తీలు కట్టాక ఆర్థిక ఇబ్బందులతో చెల్లింపులు ఆగిపోయాయి. దీంతో ఫైనాన్స్‌ సీజింగ్‌ పేరుతో వచ్చిన వ్యక్తి ఆమె బైక్‌ను తీసుకెళ్లాడు. అనంతరం దాన్ని తన సొంత ఖర్చుల కోసం మరొకరి వద్ద కుదవబెట్టాడు. కొద్దిరోజుల తర్వాత ఆ బైక్‌ వేరొకరి వద్ద కనిపించడంతో ఆమె సదరు ఫైనాన్స్‌ సంస్థను నిలదీసింది. బైక్‌ సీజింగ్‌ వ్యవహారం తమకు తెలియదని వారు చెప్పడంతో మోసపోయానని గ్రహించిన మహిళ మిర్యాలగూడ వన్‌టౌన్‌ పోలీసులకు ఫిర్యాదు చేసింది. రంగంలోకి దిగిన పోలీసులు సదరు యువకుడిని అదుపులోకి తీసుకుని నాలుగు బైక్‌లను స్వాధీనం చేసుకున్నారు. నల్లగొండకు చెందిన ఓ మధ్యతరగతి కుటుంబం ప్రైవేట్‌ ఫైనాన్స్‌లో ఓ స్కూటీని తీసుకుంది. కిస్తీలన్నీ సక్రమంగా చెల్లించినా చివరి కిస్తీ రూ.3,300 ఆగిపోయింది. రెండు నెలల తర్వాత ఆ స్కూటీపై వెళ్తున్న సదరు కుటుంబ సభ్యులను కొందరు వ్యక్తులు అడ్డగించి.. కిస్తీ పెండింగ్‌ ఉందని చెప్పి స్కూటీని లాక్కెళ్లారు. బాధితుడు రెండు రోజుల తర్వాత సదరు ఫైనాన్స్‌ కార్యాలయానికి వెళ్లి డబ్బులు చెల్లిస్తానని అడగగా.. ‘మేము బండి సీజ్‌ చేయలేదు.. చేస్తే ఇక్కడే ఉండాలి కదా’ అని వారు సమాధానం చెప్పారు. దీంతో అతడు అవాక్కయ్యాడు. కాగా.. ఆ స్కూటీ ఏడాది తర్వాత మిర్యాలగూడ పట్టణంలో మరో వ్యక్తి వద్ద కనిపించడం గమనార్హం. ఫ రికవరీ ఏజెంట్ల పేరిట ఘరానా మోసం ఫ ప్రత్యేక యాప్‌తో వాహనాల గుర్తింపు.. దౌర్జన్యంగా పట్టివేతఫ ప్రైవేట్‌ వ్యక్తుల చేతుల్లోకి సీజ్‌ చేసిన వాహనాలు ఫ ఫైనాన్స్‌ సంస్థల కనుసన్నల్లోనే వ్యవహారం ఫ ఓ మహిళ ఫిర్యాదుతో కదిలిన డొంక ఫ నాలుగు బైక్‌లను స్వాధీనం చేసుకున్న పోలీసులు

సూర్యాపేటటౌన్‌ : వినాయకుని నిమజ్జన వేడుకలను పురస్కరించుకుని సూర్యాపేట పట్టణంలోని మినీ ట్యాంక్‌బండ్‌పై ప్రభుత్వ ఉపాధ్యాయుడు బుధవారం వినూత్న అవగాహన కార్యక్రమం నిర్వహించారు. మద్దిరాల మండలం గోరంట్ల జెడ్పీహెచ్‌ఎస్‌ తెలుగు ఉపాధ్యాయుడు, సామాజిక కార్యకర్త రాచకొండ ప్రభాకర్‌ వినాయకుని వేషధారణలో.. వాహనదారులు హెల్మెట్‌ పెట్టుకోవాలని, డ్రగ్స్‌, గంజాయికి దూరంగా ఉండాలని అవగాహన కల్పించారు. వినాయకుడికి తల తొలగితే మరో తల వచ్చినా.. మనుషులకు అలా జరగదని, ద్విచక్ర వాహనదారులు తప్పనిసరిగా హెల్మెట్‌ ధరించాలని సూచించారు. కార్లలో ప్రయాణించే వారు సీట్‌బెల్ట్‌ పెట్టుకో వాలని, మద్యం, మత్తు పదార్థాలు సేవించి వాహనాలు నడపరాదన్నారు. అతివేగాన్ని నియంత్రించి రోడ్డు భద్రతా నియమాలను పాటిస్తూ క్షేమంగా గమ్యస్థానాలకు చేరుకోవాలని కోరారు. యువత, విద్యార్థులు డ్రగ్స్‌, గంజాయి, ఇతర మత్తు పదార్థాలకు దూరంగా ఉండాలని ప్రభాకర్‌ సూచించారు. కరపత్రాలు, ఫ్లెక్సీలు, మైక్‌సెట్‌ ద్వారా ప్రజలకు సందేశాన్ని అందించారు. హెల్మెట్‌, సీట్‌ బెల్ట్‌ పెట్టుకోండి నాయనా.. గణపయ్య వేషధారణలో ప్రజలకు అవగాహన కల్పించిన ఉపాధ్యాయుడు

రామన్నపేట: ప్రజల కోసం పనిచేసిన కమ్యూనిస్టులు వారి హృదయాలలో చిరస్థాయిగా నిలిచి పోతారని సీపీఎం రాష్ట్ర కార్యదర్శి జాన్‌వెస్లీ పేర్కొన్నారు. బుధవారం రామన్నపేట మండలంలోని శోభనాద్రిపురం గ్రామంలో అనారోగ్యంతో మృతిచెందిన మాజీ వైస్‌ఎంపీపీ పబ్బతి లింగయ్య మృతదేహం వద్ద ఆయన పుష్పగుచ్ఛాలు ఉంచి నివాళులు అర్పించారు. అనంతరం నిర్వహించిన సంతాపసభలో జాన్‌వెస్లీ మాట్లాడారు. లింగయ్య తుది శ్వాసవరకు నమ్మిన సిద్ధాంతానికి కట్టుబడి ఎర్రజెండాను చేబూని ప్రజల కోసం పనిచేసిన ఆదర్శ నాయకుడని కొనియాడారు. పార్టీ మాజీ కేంద్రకమిటీ సభ్యుడు సీతారాములు మాట్లాడుతూ లింగయ్య మృతి .. పార్టీకి ప్రజా ఉద్యమానికి తీరని లోటని అన్నారు. గ్రామంలో నిర్వహించిన అంత్యక్రియల్లో పార్టీశ్రేణులు పెద్దసంఖ్యలో పాల్గొన్నాయి. ఈ కార్యక్రమంలో పార్టీ జిల్లా కార్యదర్శి ఎం.డీ జహంగీర్‌, నాయకులు మేక అశోక్‌రెడ్డి, కల్లూరి మల్లేశం, కొండమడుగు నర్సింహ, పైళ్ల ఆశయ్య, జెల్లెల పెంటయ్య పి. అచ్చాలు, రాగిరి కిష్టయ్య, బి.జయరాములు, సిర్పంగి స్వామి, వెంకటేశం, కల్లూరి నాగేష్‌, కందుల హన్మంత్‌, ఆనంద్‌, నాగటి ఉపేందర్‌, ఐలయ్య, రశీద్‌, రజిత, మల్లేశం, ఉదయ్‌కుమార్‌, అంజయ్య, లింగస్వామి పాల్గొన్నారు. ఫ సీపీఎం రాష్ట్ర కార్యదర్శి జాన్‌వెస్లీ

ఫ ఎన్‌ఆర్‌ఎస్‌సీ ఆధ్వర్యంలో అంతరిక్ష పరిశోధనలు, ఉపగ్రహాలపై పాఠశాల విద్యార్థులకు అవగాహన ఫ స్లాట్‌ బుక్‌ చేసుకుంటే బస్సు ద్వారా నేరుగా పాఠశాలల్లోనే ఇస్రో నమూనాల ప్రదర్శనచిలుకూరు : ఇస్రో చేస్తున్న అద్భుతమైన అంతరిక్ష పరిశోధనలు, సాధిస్తున్న ప్రగతిని విద్యార్థులకు, యువతకు కళ్లకు కట్టినట్లు వివరించేందుకు ఎన్‌ఆర్‌ఎస్‌సీ (నేషనల్‌ రిమోట్‌ సెన్సింగ్‌ సెంటర్‌) ‘స్పేస్‌ ఆన్‌ వీల్స్‌’ బస్సు ద్వారా విస్తత ప్రచారం నిర్వహిస్తోంది. శ్రీహరికోట లాంటి రాకెట్‌ ప్రయోగ కేంద్రాలకు నేరుగా వెళ్లి చూసే అవకాశం అందరికీ ఉండదు కాబట్టి, ఆయా ప్రయోగాల నమూనాలను విద్యార్థుల ముంగిటకు తీసుకెళ్లడమే లక్ష్యంగా ఎన్‌ఆర్‌ఎస్‌సీ ఈ కార్యక్రమాన్ని చేపట్టింది. ఇందులో భాగంగా మంగళవారం చిలుకూరు జిల్లా పరిషత్‌ పాఠశాలలో శక్తి యూత్‌ చొరవతో ఈ బస్సును ప్రదర్శనకు ఉంచారు. జీడిమెట్ల ఔట్‌రీచ్‌ ఫెసిలిటీ కేంద్రంగా.. హైదరాబాద్‌లోని జీడిమెట్లలో ఎన్‌ఆర్‌ఎస్‌సీకి చెందిన ఔట్‌రీచ్‌ ఫెసిలిటీ కేంద్రం ఉంది. ఇస్రో పరిశోధనల నమూనాలతో అక్కడ ప్రత్యేక ఎగ్జిబిషన్లు ఉంటాయి. పాఠశాలలు, కళాశాలల యాజమాన్యాలు ముందుగా ఈ–మెయిల్‌ ద్వారా స్లాట్‌ బుకింగ్‌ చేసుకుంటే, ప్రతిరోజూ 180 నుంచి 200 మంది విద్యార్థులకు (8, 9, 10, ఇంటర్‌ విద్యార్థులకు) ఆ కేంద్రాన్ని సందర్శించే అవకాశం కల్పిస్తారు. అయితే, నగరానికి వెళ్లలేని గ్రామీణ ప్రాంత విద్యార్థుల కోసం ఈ ‘స్పేస్‌ ఆన్‌ వీల్స్‌’ బస్సును నేరుగా పాఠశాలలకే తీసుకెళ్లి ప్రదర్శనలు ఏర్పాటు చేస్తున్నారు. ఈ క్రమంలోనే స్థానిక చిలుకూరు శక్తి యూత్‌ సభ్యులు ఎన్‌ఆర్‌ఎస్‌సీ ప్రతినిధులను సంప్రదించి, జెడ్పీ పాఠశాలలో విద్యార్థుల కోసం ఈ ప్రదర్శనను ఏర్పాటు చేశారు. భావి భారత శాస్త్రవేత్తలుగా తీర్చిదిద్దేలా.. విద్యార్థులు, యువతను భావి భారత శాస్త్రవేత్తలుగా తీర్చిదిద్దడమే లక్ష్యంగా ఎన్‌ఆర్‌ఎస్‌సీ అడుగులు వేస్తోంది. ఇందులో భాగంగా తెలంగాణ, ఆంధ్రప్రదేశ్‌, మహారాష్ట్ర, కర్ణాటక, ఉత్తరప్రదేశ్‌, మధ్యప్రదేశ్‌ తదితర రాష్ట్రాల్లోని పాఠశాలలకు వెళ్లి ఈ ఎగ్జిబిట్ల ద్వారా ప్రచారం చేస్తున్నారు. ప్రపంచ దేశాల్లో భారత అంతరిక్ష పరిశోధనలకు ఉన్న గుర్తింపును, ప్రయోగాలను నిపుణులు విద్యార్థులకు వివరిస్తున్నారు. ప్రధానంగా ఇస్రో మిషన్స్‌, అంతరిక్ష ప్రయోగ వాహక నౌకలు (లాంచింగ్‌ వెహికల్స్‌), గగన్‌యాన్‌, చంద్రయాన్‌, భారత అంతరిక్ష స్టేషన్‌, ఉపగ్రహాల నమూనాలతో పాటు భూమి, చంద్రుడికి సంబంధించిన త్రీడీ నమూనాలను విద్యార్థులు స్వయంగా వీక్షించే అవకాశం కల్పిస్తున్నారు.

భువనగిరి: బీఎన్‌ తిమ్మాపురం పునరావాస గ్రామాన్ని సకల హంగులతో అభివృద్ధి చేస్తామని ఎమ్మెల్యే కుంభం అనిల్‌కుమార్‌రెడ్డి తెలిపారు. బుధవారం భువనగిరి పట్టణ శివారులోని బస్వాపూర్‌ రిజర్వాయర్‌లో ముంపునకు గురవుతున్న బీఎన్‌ తిమ్మాపురం పునరావాస కాలనీలో మౌలిక వసతుల కల్పన పనులను ప్రారంభించి మాట్లాడారు. గ్రామాన్ని ఖాళీ చేస్తే రిజర్వాయర్‌లోకి నీటిని నింపే అవకాశం ఉంటుందన్నారు.అందువల్ల ప్రభుత్వం ముందుగా పరిహారం కింద రూ. 30కోట్లు, అనంతరం సీఎం రేవంత్‌రెడ్డి, నీటి పారుదల శాఖ మంత్రి ఉత్తమ్‌లను కోరితే వెంటనే రూ. 206 కోట్లు మంజూరు చేశారన్నారు. ఇందులో రూ. 45 కోట్లతో కాలనీలో మౌలిక వసతులు కల్పిస్తామన్నారు. కార్యక్రమంలో మున్సిపల్‌ చైర్‌ పర్సన్‌ తంగళ్లపల్లి శ్రీవాణిరవికుమార్‌, జిల్లా గ్రంథాలయ సంస్థ చైర్మన్‌ అవెజ్‌చిస్తీ, పీఏసీఎస్‌ చైర్మన్‌ ఫక్కీర్‌ కొండల్‌రెడ్డి,మున్సిపల్‌ వైస్‌ చైర్‌పర్సన్‌ పోతంశెట్టి మంజుల, కాంగ్రెస్‌పార్టీ పట్టణ, మండల కమిటీల అధ్యక్షులు కూర వెంకటేశం, ఎల్లంల జంగయ్య, గ్రామ సర్పంచ్‌ ఎడ్ల వెంకట్‌రెడ్డి, కౌన్సిలర్‌ తుమ్మెటి పాండు తదితరులు పాల్గొన్నారు.

దేవరకొండ : మంటలంటుకొని వృద్ధ దంపతులు మృతిచెందారు. ఈ ఘటన దేవరకొండ పట్టణంలో బుధవారం జరిగింది. దేవరకొండలోని బీఎన్‌ఆర్‌ కాలనీకి చెందిన ఎండీ దాదుమియా(80), సఫియాబేగం(68) దంపతులకు తొమ్మిది మంది సంతానం. అందరికీ వివాహాలు అయ్యాయి. దాదుమియా దంపతులు గతంలో గాజులు అమ్మే వ్యాపారం చేసేవారు. ప్రస్తుతం వారి చిన్న కుమారుడు అఫ్జల్‌ ఈ వ్యాపారం నిర్వహిస్తున్నాడు. మంగళవారం రాత్రి దాదుమియా దంపతులు ఇంట్లోని తమ గదిలో నిద్రించగా.. బుధవారం తెల్లవారుజామున వారి గది నుంచి పొగలు వస్తుండటాన్ని చిన్న కోడలు చూసి భర్తను నిద్ర లేపింది. వెంటనే తలుపులు తెరిచి చూడగా అప్పటికే దాదుమియా దంపతులు కాలిన గాయాలతో మృతిచెంది ఉన్నారు. దేవరకొండ సీఐ వెంకట్‌రెడ్డి ఘటనా స్థలానికి చేరుకుని మృతదేహాలను స్థానిక ప్రభుత్వాస్పత్రికి తరలించారు. షార్ట్‌ సర్క్యూట్‌ కారణంగానే గదిలో మంటలు చెలరేగి వృద్ధ దంపతులు మృతిచెందినట్లు పోలీసులు భావిస్తున్నాడు. మృతుల పెద్ద కుమారుడు మునీర్‌ ఫిర్యాదు మేరకు.. క్లూస్‌టీంను పిలిపించి ఆధారాలు సేకరించినట్లు పోలీసులు పేర్కొన్నారు.

మోత్కూరు: మోత్కూరు పట్టణంలోని పెద్ద చెరువు కట్ట రోడ్డు పరిస్థితి అధ్వానంగా తయారైంది. సూర్యాపేట, ఖమ్మం, కొత్తగూడెం జిల్లాలకు వెళ్లాలంటే ఇదే ప్రధాన రహదారి. ప్రతిరోజూ వందలాది వాహనాలు, వేలాది మంది ప్రయాణికులు ఈ మార్గం గుండానే ప్రయాణిస్తుంటారు. సరైన నిర్వహణ లేక ఈ రోడ్డుపై ప్రయాణించాలంటేనే జంకుతున్నారు. కంకరతేలి ప్రమాదకరంగా.. గత ప్రభుత్వ హయాంలో మినీ ట్యాంక్‌బండ్‌ ప్రాజెక్టులో భాగంగా సుమారు రూ. 6 కోట్లతో చెరువు కట్ట మరమ్మతులు, ఫుట్‌పాత్‌లు, రెయిలింగ్‌ నిర్మాణం వంటి అభివృద్ధి పనులు చేపట్టారు. కానీ ప్రస్తుతం కట్టంతా గుంతలమయమై, కంకర తేలి ప్రమాదకరంగా మారింది. ఫుట్‌పాత్‌లు పూర్తిగా పగిలిపోయి నడవడానికి వీలులేకుండా ఉన్నాయి. ఇనుప రెయిలింగ్‌ తుప్పుపట్టి, పలు చోట్ల విరిగిపోయింది. రూ. 36 లక్షలు వెచ్చించినా తీరని బురద తిప్పలు గత వర్షాకాలంలో కట్ట రోడ్డు కుంగిపోవడంతో, ఇటీవల అధికారులు రూ. 36 లక్షలతో సుమారు 20 మీటర్ల మేర బీటీ వేయకుండా మట్టితో మరమ్మతులు చేసి వదిలేయడంతో పరిస్థితి యథాస్థితికి వచ్చింది. కొద్దిపాటి వర్షం పడినా బురదమయంగా మారి వాహనాలు జారిపడే ప్రమాదం పొంచి ఉంది. ప్రధానంగా ఫుట్‌పాత్‌లు మధ్య మధ్యన తెగి నామరూపాలు లేకుండా పోయాయి. సిమెంటు స్లాబు, పలు చోట్ల ఇనుప రెయిలింగ్‌ ధ్వంసమైంది. రోడ్డుపై పలు చోట్ల గుంతలు ఏర్పడ్డాయి. మినీ ట్యాంక్‌బండ్‌ వద్ద ప్రకృతిని ఆస్వాదిండ లేకుండా పోయింది. ఇరిగేషన్‌, రోడ్లు, భవనాల శాఖల అధికారులు స్పందించి మరమ్మతులు చేయించాలి. – సోమిరెడ్డి, సీనియర్‌ సిటిజన్‌ అధ్వానంగా మోత్కూరు పెద్ద చెరువు కట్ట రోడ్డు ఫ ధ్వంసమైన ఫుట్‌పాత్‌లు ఫ తుప్పుపట్టి విరిగిన రెయిలింగ్‌ ఫ ఇబ్బందుల్లో పాదచారులు, వాహనదారులు

భువనగిరిటౌన్‌ : కలెక్టరేట్‌లో ఉద్యోగుల సమయపాలనను కట్టుదిట్టం చేసేందుకు పటిష్ట చర్యలు చేపట్టారు. వివిధ శాఖల అధికారులు, సిబ్బంది విధులకు ఆలస్యంగా రావడం, సాయంత్రం వేళల్లో నిర్దేశిత సమయం కంటే ముందే కార్యాలయాన్ని విడిచి వెళ్తున్నారనే ఫిర్యాదులు వెల్లువెత్తాయి. ఇటీవల సిబ్బంది తీరుపై కఠినంగా వ్యవహరించిన అధికారులు ఉదయం 10:45 గంటలకే ప్రధాన గేటుకు తాళం వేసిన విషయం తెలిసిందే. సిబ్బందిలో క్రమశిక్షణ, జవాబుదారీతనం పెంచే లక్ష్యంతో కలెక్టరేట్‌ ఆవరణలోని ప్రధాన గేటు వద్ద ప్రత్యేకంగా సీసీ కెమెరాలను ఏర్పాటు చేశారు. కార్యాలయ ప్రవేశ మార్గం గుండా ఎవరు వస్తున్నారు? ఎవరు బయటకు వెళ్తున్నారు? అనే అంశాలను కలెక్టర్‌ తన చాంబర్‌లోని టీవీ మానిటర్ల ద్వారా నిరంతరం ప్రత్యక్షంగా పర్యవేక్షిస్తున్నారు. కలెక్టర్‌ తీసుకున్న ఈ నిర్ణయం పట్ల జిల్లా ప్రజలు హర్షం వ్యక్తం చేస్తున్నారుబాధితులకు న్యాయం చేస్తాంఫ ఎస్సీ,ఎస్టీ కమిషన్‌ చైర్మన్‌ బక్కి వెంకటయ్య భువనగిరి: బస్వాపూర్‌ ప్రాజెక్టు నిర్మాణంలో భూములు కోల్పోతున్న ఎస్సీ, ఎస్టీ కుటుంబాలకు న్యాయం జరిగేలా చూస్తానని రాష్ట్ర ఎస్సీ, ఎస్టీ కమిషన్‌ చైర్మన్‌ బక్కి వెంకటయ్య హామీ ఇచ్చారు. భువనగిరి మండలం బస్వాపూర్‌ ప్రాజెక్టు పరిధిలోని ఎస్సీ, ఎస్టీ కుటుంబాలకు నష్టపరిహారం, పునరావాసం అందించడంలో జరుగుతున్న అలసత్వం, ప్రాజెక్టు నిర్మాణంలో నాణ్యతా లోపాలపై పలు ఫిర్యాదులు అందడంతో బుధవారం ఆయన క్షేత్రస్థాయి పరిశీలన చేపట్టారు. ఈ సందర్భంగా ఆయన మాట్లాడుతూ సీఎం రేవంత్‌ రెడ్డి ఆదేశాల మేరకు వాస్తవ పరిస్థితులను తెలుసుకోవడానికే వచ్చానన్నారు. ఎస్సీ, ఎస్టీల హక్కులు, ప్రయోజనాలకు ఎలాంటి భంగం కలగకుండా చూస్తామన్నారు. సమగ్ర నివేదికను సీఎంకు అందజేస్తామని తెలిపారు. యాదగిరి క్షేత్రంలో పూజలుయాదగిరిగుట్ట రూరల్‌: యాదగిరిగుట్ట శ్రీ లక్ష్మీనరసింహస్వామిని రాష్ట్ర ఎస్సీ, ఎస్టీ కమిషన్‌ చైర్మన్‌ బక్కి వెంకటయ్య బుధవారం దర్శించుకున్నారు. ఈ సందర్భంగా ఆలయ అర్చకులు ఆయనకు సంప్రదాయ రీతిలో స్వాగతం పలికారు. ప్రధానాలయంలోని స్వయంభువులను దర్శించుకున్న చైర్మన్‌ ప్రత్యేక పూజలు నిర్వహించారు. అనంతరం మొక్కులు చెల్లించుకున్నారు. ప్రధానాలయం ముఖ మండపంలో ఉన్న ఉత్సవ మూర్తుల వద్ద అష్టోత్తర పూజల్లో పాల్గొన్నారు. ఆ తర్వాత వేదమండపంలో వేదపండితులు వేద ఆశీర్వచనం చేశారు. ఆలయ అధికారులు స్వామి వారి లడ్డూ ప్రసాదం అందజేశారు. ఫ ప్రధాన గేటు వద్ద సీసీ కెమెరాల నిఘా ఫ ఉద్యోగుల రాకపోకలపై కలెక్టర్‌ పర్యవేక్షణ ఫ సమయపాలన పాటించకుంటే చర్యలు తప్పవని హెచ్చరిక

బిందు సేద్యం ద్వారా మొత్తం 13 రకాల పండ్ల తోటలను సాగు చేసుకునేందుకు ప్రభుత్వం అవకాశం కల్పించింది. ఇందులో మామిడి, దానిమ్మ, కొబ్బరి, జామ, సపోట, సీతాఫలం, డ్రాగన్‌ ఫ్రూట్‌, మునగ, బత్తాయి, జీడిమామిడి, అల్లనేరేడు, నిమ్మ తదితర రకాలు ఉన్నాయి.ఆలేరు రూరల్‌: పండ్లు, కూరగాయల కొరత తీవ్రంగా ఉంది. వాతావరణ మార్పులు, తెగుళ్ల కారణంగా దిగుబడి తగ్గి పండ్ల ధరలు ఆకాశాన్ని తాకుతున్నాయి. దీంతో ఇతర రాష్ట్రాలపై ఆధారపడాల్సిన పరిస్థితి ఏర్పడింది. దీనిని అధిగమించేందుకు ప్రతి జిల్లాలో పండ్ల తోటల సాగును తప్పనిసరి చేస్తూ కేంద్ర, రాష్ట్ర ప్రభుత్వాలు ప్రత్యేక దృష్టి సారించాయి. వీబీజీ రాంజీ పథకం కింద జిల్లాలో ఈ ఏడాది 300 ఎకరాల్లో పండ్ల తోటలను సాగు చేయాలని లక్ష్యంగా నిర్దేశించారు. ఇప్పటి వరకు 135 మంది రైతులు దరఖాస్తు చేసుకోగా, 179 ఎకరాల్లో 29 వేల మొక్కలు నాటారు. రాయితీలు, ఆర్థిక సాయం రైతులు ఆసక్తి మేరకు మొక్కలను ఎంచుకుని నాటుకుంటే, కొనుగోలు ఖర్చులను ప్రభుత్వమే భరిస్తుంది. ఉపాధి హామీ కూలీలతో ఉచితంగా గుంతలు తవ్విస్తారు. మొక్కల నిర్వహణ కోసం ఒక్కో మొక్కకు నెలకు రూ. 12 చొప్పున ఆర్థిక సాయం అందజేస్తారు. ఎరువుల కొనుగోలు కోసం మొక్కకు ఏడాదికి రూ. 50 చొప్పున చెల్లిస్తారు. ఈ సారి కొత్తగా బిందు సేద్యంపై ఎస్సీ, ఎస్టీలకు 90 శాతం, బీసీ చిన్న, సన్నకారు రైతులకు 80 శాతం ఇతర సామాజిక వర్గాలకు పెద్ద రైతులకు 70 శాతం రాయితీపై పరికరాలు అందజేయనున్నారు. రైతులు పండ్ల తోటల మధ్య ఖాళీ స్థలంలో అంతర పంటలు వేసుకుని అదనపు ఆదాయం పొందవచ్చు.ఆసక్తి ఉన్న రైతులు స్థానిక ఎంపీడీఓ కార్యాలయంలో దరఖాస్తు చేసుకోవాలి. అనంతరం ఫీల్డ్‌ అసిస్టెంట్లు క్షేత్రస్థాయిలో భూమిని పరిశీలించి అర్హులను ఎంపిక చేస్తారు. ఎల్‌నినో కారణంగా ఆశించిన మేర వర్షాలు కురవడం లేదు. దీంతో జిల్లాలో పండ్ల తోటల పెంపకాన్ని పోత్సహిస్తున్నాం. ఆసక్తి ఉన్న వారు పండ్ల తోటల సాగుకు ముందుకు రావాలి. అర్హులైన చిన్న, సన్నకారు రైతులు ఈ అవకాశాన్ని వినియోగించుకోవాలి. – నాగిరెడ్డి, డీఆర్‌డీఓ ఫ ఈ ఏడాది లక్ష్యం 300 ఎకరాలు ఫ ఇప్పటి వరకు 135 మంది దరఖాస్తు ఫ వీబీజీ రాంజీ పథకం కింద ఉచితంగా మొక్కలు, గుంతల తవ్వకం పనులు ఫ రాయితీపై బిందుసేద్యం పరికరాలు

ఆలేరు : అంబేడ్కర్‌ ఓపెన్‌ యూనివర్సిటీ ఆలేరు స్టడీ సెంటర్‌కు పూర్వవైభవం తేవాలని ఓపెన్‌ యూనివర్సిటీ జాయింట్‌ డైరెక్టర్‌(అడ్మిషన్‌ ఇన్‌చార్జి) ప్రొఫెసర్‌ ధర్మానాయక్‌ కోరారు. మంగళవారం ఆయన ఆలేరు స్టడీసెంటర్‌లో కౌన్సిలర్లతో నిర్వహించిన సమావేశంలో మాట్లాడారు. వర్సిటీ టీసీఎస్‌,ఐయాన్‌,వి–హబ్‌, రాశి తదితర సంస్థలతో కుదిరిన ఒప్పందాల ద్వారా విద్యార్థులకు చదువుతోపాటు శిక్షణ, ఉద్యోగ, నైపుణ్యాభివృద్ధి,ఉపాధి అవకాశాలు కల్పించే ప్రయత్నాలు జరుగుతున్నాయని వివరించారు. జియో ఫిజిక్స్‌ వంటి కొత్త కోర్సులను అందుబాటులోకి తీసుకువస్తున్నట్టు పేర్కొన్నారు. ఆలేరు విద్యార్థులకు ప్రాక్టికల్స్‌ భువనగిరిలో నిర్వహించే అవకాశం కల్పించినట్టు తెలిపారు. సమావేశంలో ప్రభుత్వ జూనియర్‌ కళాశాల ప్రిన్సిపాల్‌ డాక్టర్‌ రాజారామ్‌, స్టడీ సెంటర్‌ సిబ్బంది పాల్గొన్నారు.

సాక్షి, యాదాద్రి: రాష్ట్రంలో పారిశ్రామిక రంగాన్ని బలోపేతం చేసే దిశగా తెలంగాణ పారిశ్రామిక మౌలిక సదుపాయాల సంస్థ (టీజీఐఐసీ) జిల్లాపై ప్రత్యేక దృష్టి సారించింది. కేంద్ర ప్రభుత్వం ఇటీవల ప్రవేశపెట్టిన ప్రతిష్టాత్మక భవ్య పథకం కింద అభివృద్ధి చేయడానికి జిల్లాలోని దండుమల్కాపురం, ఎం. తుర్కపల్లి ఎంపికయ్యాయి. దీంతో జిల్లా రూపురేఖలు మారడమే కాకుండా స్థానిక యువతకు ఉద్యోగ, ఉపాధి అవకాశాలు పుష్కలంగా లభించనున్నాయి. తొలి ప్రాధాన్యతగా దండుమల్కాపురం విస్తరణ భూముల లభ్యత అనుకూలంగా ఉండటంతో చౌటుప్పల్‌ మండలంలోని దండుమల్కాపురం విస్తరణకు అధికారులు తొలి ప్రాధాన్యమిచ్చారు. ఇప్పటికే ఇక్కడ 2019లో 1,850 ఎకరాల్లో ఏర్పాటు చేసిన గ్రీన్‌ ఇండస్ట్రియల్‌ పార్క్‌లో మైక్రో, స్మాల్‌, మీడియం పరిశ్రమల కోసం 580 ఎకరాలు కేటాయించగా, 550 పరిశ్రమలకు భూమి కేటాయింపులు పూర్తయ్యాయి. ప్రస్తుతం అందులో 300కు పైగా పరిశ్రమలు ఉత్పత్తులను కొనసాగిస్తున్నాయి. ఈ పార్క్‌కు అనుబంధంగా అందుబాటులో ఉన్న దాదాపు 450 ఎకరాలను కేంద్ర భవ్య పథకం కింద ప్రాసెస్‌ చేయడానికి టీజీఐఐసీ ఎంపిక చేసింది. ప్రత్యేక కన్సల్టెన్సీ ద్వారా డీపీఆర్‌ రూపొందించి ఇప్పటికే కేంద్రానికి పంపారు. ఆరు నెలల నుంచి ఏడాది కాలంలో అనుమతులతో పాటు కేంద్రం ప్రకటించే రాయితీలు కూడా ఖరారయ్యే అవకాశముంది. రెండో విడతలో తుర్కపల్లి ఇండస్ట్రియల్‌ పార్క్‌ భవ్య పథకం రెండో విడతలో భాగంగా ఎం. తుర్కపల్లి మండలంలో ఇండస్ట్రియల్‌ పార్క్‌ ఏర్పాటు చేయనున్నారు. ఇందుకు సంబంధించి దాదాపు 150 ఎకరాల భూసేకరణ ఇప్పటికే పూర్తయింది. దండుమల్కాపురం ప్రాజెక్టు పరిమాణంలో పెద్దది కావడంతో తొలి ప్రాధాన్యం ఇవ్వగా, ఎం. తుర్కపల్లిని రెండో ప్రాధాన్యత కింద వేగవంతంగా అభివృద్ధి చేసేందుకు ప్రణాళికలు సిద్ధం చేస్తున్నారు. అనుకూలత అంశాలు ఏమిటంటే.. దండుమల్కాపురం, తుర్కపల్లి ప్రాంతాలు హైదరాబాద్‌ నగరానికి సమీపంలో ఉండటం అతిపెద్ద ప్లస్‌ పాయింట్‌. జాతీయ రహదారులు, రైల్వే నెట్‌వర్క్‌, శంషాబాద్‌ అంతర్జాతీయ విమానాశ్రయం అతి చేరువలో ఉండటం వల్ల పారిశ్రామికవేత్తలు ఇక్కడ పెట్టుబడులు పెట్టేందుకు ఆసక్తి చూపుతున్నారు. ఇక్కడ ప్రధానంగా ఏరోస్పేస్‌, ఇంజనీరింగ్‌, ఎలక్ట్రిక్‌ వాహనాలు, ఎలక్ట్రానిక్స్‌, పునరుత్పాదక ఇంధన పరికరాల ఉత్పత్తి పరిశ్రమలు రానున్నాయి.ఫ కేంద్ర భవ్య పథకం కింద దండుమల్కాపురం, తుర్కపల్లి ఎంపిక ఫ ఇప్పటికే డీపీఆర్‌ సిద్ధం ఫ ఈవీ, ఏరోస్పేస్‌, ఎలక్ట్రానిక్స్‌ రంగాలకు ప్రాధాన్యం ఫ స్థానిక యువతకు భారీగా ఉపాధి అవకాశాలు ఫ పారిశ్రామిక ప్రగతి దిశగా జిల్లా ముందడుగుదండుమల్కాపురం, తుర్కపల్లి ఇండస్ట్రియల్‌ పార్క్‌లు పూర్తిస్థాయిలో అందుబాటులోకి వస్తే జిల్లా ఆర్థిక పరిస్థితి గణనీయంగా పుంజుకుంటుంది. పారిశ్రామికవేత్తలకు అవసరమైన భూమి, మౌలిక వసతులు కల్పించడాన్ని ప్రభుత్వం అత్యంత ప్రాధాన్యత అంశంగా తీసుకుంది. రాబోయే రోజుల్లో ఈ పార్కుల ద్వారా వేలాది మంది స్థానిక యువతకు ప్రత్యక్షంగా, పరోక్షంగా ఉపాధి అవకాశాలు లభించనున్నాయి.

యాదగిరిగుట్ట: ఏకాదశిని పురస్కరించుకొని యాదగిరి శ్రీలక్ష్మీనరసింహస్వామి వారి ఆలయంలో మంగళవారం లక్ష పుష్పార్చనను అర్చకులు పాంచరాత్ర ఆగమశాస్త్ర రీతిలో నిర్వహించారు. ముఖ మండపంలో సువర్ణ పుష్పార్చన మూర్తులను ప్రత్యేకంగా అలంకరించి సుగ్రంధ పరిమళాలు వెదజల్లె రంగురంగుల పుష్పాలతో లక్ష పుష్పార్చన పూజలు చేశారు. తులసీ దళాలతో శ్రీస్వామి అమ్మవార్లను విశేషంగా పూజించారు. ఇక ఆలయంలో స్వయంభూ, ప్రతిష్ఠా అలంకారమూర్తులకు ఉదయం నుంచి రాత్రి వరకు నిత్య పూజలు జరిపించారు. ఆలయ ప్రాకార మండపంలో శ్రీసుదర్శన నారసింహ హోమం, నిత్య కల్యాణం, గజవాహనసేవ, బ్రహ్మోత్సవం, వెండి జోడు సేవలను వైభవంగా నిర్వహించారు. మంగళవారం కావడంతో క్షేత్రపాలకుడు ఆంజనేయస్వామికి ఆకుపూజను చేపట్టారు.

యాదగిరిగుట్ట : యాదగిరిగుట్ట లక్ష్మీనరసింహస్వామి ఆలయంలో జరుగుతున్న వివిధ అభివృద్ధి పనులకు హైదరాబాద్‌లోని బడంగ్‌పేటకు చెందిన ఆశయంగారి నర్సింహారెడ్డి, కృష్ణారెడ్డి, చంద్రశేఖర్‌రెడ్డి సోదరులు రూ.12.41 లక్షల విరాళం అందజేశారు. మంగళవారం యాదగిరీశుడిని దర్శించుకున్న అనంతరం వారు ఈఓ భవానీశంకర్‌ను కలిసి చెక్కులు ఇచ్చారు. కొండ కింద నిర్మించనున్న రెండవ కల్యాణ కట్టకు రూ.9లక్షలు, విష్ణు పుష్కరిణి వద్ద కోతుల బెడద నుంచి రక్షించేందుకు సోలార్‌ ఫెన్సింగ్‌ ఏర్పాటుకు రూ.3.41లక్షలు అందించారు. దాతలు యాదగిరి క్షేత్ర అభివృద్ధికి ముందుకు రావాలని ఈఓ కోరారు. నేడు మంత్రి ఉత్తమ్‌ రాకఅడ్డగూడూరు: అడ్డగూడూరు మండలం ధర్మారంలో బుధవారం పలు అభివృద్ధి పనుల ప్రారంభోత్సవానికి నీటిపారుదల, పౌరసరఫరా శాఖ మంత్రి నలమాద ఉత్తమ్‌ కుమార్‌రెడ్డి, భువనగగిరి ఎంపీ చామల కిరణ్‌ కుమార్‌రెడ్డి రానున్నట్లు ఎమ్మెల్యే మందుల సామేల్‌ విలేకరుల సమావేశంలో వెల్లడించారు. ధర్మారంలో బిక్కేరు వాగుపై నిర్మించిన చెక్‌ డ్యామ్‌ను ప్రారంభించి, గ్రామ ఊరు చెరువు అభివృద్ధి పనులను పరిశీలించనున్నట్లు పేర్కొన్నారు. 24గంటలు మద్యం దుకాణాలు బంద్‌భువనగిరిటౌన్‌ : వినాయక నిమజ్జనోత్సవాల నేపథ్యంలో జిల్లాలోని అన్ని మున్సిపాలిటీల పరిధిలో 24 గంటల పాటు మద్యం దుకాణాలు మూసివేయాలని ఇన్‌చార్జి కలెక్టర్‌ ఎ. భాస్కర్‌ రావు మంగళవారం ఉత్తర్వులు జారీ చేశారు. బుధవారం ఉదయం 10:00 గంటల నుంచి ఈనెల 24వ తేదీ ఉదయం 10:00 గంటల వరకు అన్ని మున్సిపాలిటీలు, వాటి సరిహద్దు నుంచి 2 కిలోమీటర్ల పరిధిలోని ఏ4 మద్యం దుకాణాలు, 2బీ బార్లు, కల్లు దుకాణాలు, కల్లు డిపోలతో పాటు మద్యం విక్రయాలు, సరఫరా చేసే అన్ని కేంద్రాలు మూసిఉంచాలని ఆదేశించారు. పోచంపల్లిని సందర్శించిన స్విట్జర్లాండ్‌ దేశస్తులుభూదాన్‌పోచంపల్లి: పోచంపల్లి ఇక్కత్‌ పరిశ్రమ తీరు తెన్నులను తెలుసుకోవడానికి స్విట్జర్లాండ్‌ దేశానికి చెందిన ముగ్గురు పర్యాటకులు పోచంపల్లిని సందర్శించారు. టూరిజం పార్కులో గల మగ్గాలను పరిశీలించారు. అక్కడ వస్త్ర తయారీ ప్రక్రియల ఫొటోగ్యాలరీని తిలకించారు. అనంతరం ఇక్కత్‌ వస్త్రాలు, డిజైన్లు, పోచంపల్లి సాంస్కృతిక, చారిత్రక నేపథ్యాన్ని, చేనేత కళాకారుల నేత నైపుణ్యాలను అడిగితెలుసుకొని అభినందించారు. దివ్యాంగ విద్యార్థుల సంరక్షణ తల్లిదండ్రుల బాధ్యతభువనగిరి: దివ్యాంగ విద్యార్థుల సంరక్షణ తల్లిదండ్రుల బాధ్యత అని ఇన్‌చార్జి కలెక్టర్‌ భాస్కర్‌రావు పేర్కొన్నారు. మంగళవారం రాయగిరి జెడ్పీ ఉన్నత పాఠశాలలో సమగ్ర శిక్ష, అలింకో సంయుక్త ఆధ్వర్యంలో ఏర్పాటు చేసిన దివ్యాంగ విద్యార్థుల ఉపకరణాల గుర్తింపు శిబిరానికి హాజరై మాట్లాడారు. కార్యక్రమంలో డీఈఓ భిక్షపతి, సమన్వయకర్త లింగారెడ్డి, ఎంఈఓ రంగరాజన్‌, హెచ్‌ఎం అండాలు, శివరాజు, షాజహాన్‌, నరేష్‌, జ్యోతి, సంధ్యారాణి, బాలరాజు, రవీందర్‌రెడ్డి, శ్రీనివాస్‌,సత్యం, సుజాత, షబానా పాల్గొన్నారు.

చౌటుప్పల్‌ : హైదరాబాద్‌–విజయవాడ జాతీయ రహదారిపై చౌటుప్పల్‌ మండల పరిధిలో అదనంగా అండర్‌పాస్‌లు నిర్మించాలని బీజేపీ రాష్ట్ర మాజీ ప్రధాన కార్యదర్శి డాక్టర్‌ గంగిడి మనోహర్‌రెడ్డి కోరారు. ఈ మేరకు మంగళవారం హైదరాబాద్‌లోని ఎన్‌హెచ్‌ఏఐ కార్యాలయానికి వెళ్లిన బీజేపీ బృందం హైవే అఽథారిటీ రీజినల్‌ ఆఫీసర్‌ శివశంకర్‌ను కలిసి వినతిపత్రం అందజేశారు. ఈ సందర్భంగా ఆయన మాట్లాడారు. పట్టణంలో తంగడపల్లి క్రాస్‌ రోడ్డు నుంచి వలిగొండ క్రాస్‌రోడ్డు మధ్యన యూపీసీ, వీపీసీ అండర్‌పాస్‌లు ఏర్పాటు చేయాలన్నారు. ఎల్లగిరి గ్రామ స్టేజీ వద్ద మనుషులు, మూగజీవాలు దాటేందుకు పీయూపీ కేటాయించాలన్నారు. అదే విధంగా కొయ్యలగూడెంలో ప్రస్తుతం ఉన్న అండర్‌పాస్‌ ఇరుకుగా మారినందున అక్కడ అండర్‌పాస్‌ ఎత్తు, వెడల్పు పెంచి కొత్తగా నిర్మాణం చేయాలని సూచించారు. ప్రస్తుతం జరుగుతున్న అండర్‌పాస్‌ నిర్మాణ పనులను మరింత వేగంగా జరిపించాలని కోరారు. ఈ కార్యక్రమంలో దూడల భిక్షం, రమనగోని శంకర్‌, పోలోజు శ్రీధర్‌బాబు, కది లక్ష్మారెడ్డి, రిక్కల సుధాకర్‌రెడ్డి, కడారి అయిలయ్య, బుడ్డ సురేష్‌, పోలేపల్లి ముత్తయ్య, చెరుకు శివ, బొడ్డు అంజిరెడ్డి తదితరులు పాల్గొన్నారు.

ఫ మాజీ ఎమ్మెల్యే కూసుకుంట్ల ప్రభాకర్‌రెడ్డి చౌటుప్పల్‌ : రాష్ట్రంలోని కాంగ్రెస్‌ ప్రభుత్వం వ్యవసాయానికి సక్రమంగా కరెంటు ఇవ్వకుండా రైతాంగాన్ని ఇబ్బందులకు గురిచేస్తుందని మాజీ ఎమ్మెల్యే కూసుకుంట్ల ప్రభాకర్‌రెడ్డి ద్వజమెత్తారు. రైతుల ఆగ్రహానికి గురికాక తప్పదని హెచ్చరించారు. చౌటుప్పల్‌ పట్టణ పరిధిలోని తంగడపల్లి రోడ్డులోగల విద్యుత్‌ సబ్‌స్టేషన్‌ను బీఆర్‌ఎస్‌ పార్టీ ఆధ్వర్యంలో మంగళవారం ముట్టడించారు. ఈ సందర్భంగా కూసుకుంట్ల మాట్లాడారు. ఓవైపు వర్షాభావం, మరోవైపు విద్యుత్‌ కోతల కారణంగా పంటలు ఎండి రైతులు తీవ్రంగా నష్టపోయే పరిస్థితులు దాపురించాయన్నారు. వ్యవసాయానికి కోతలు లేకుండా విద్యుత్‌ సరఫరా చేయాలని, లేనిపక్షంలో సబ్‌స్టేషన్లను ఎక్కడకక్కడ ముట్టడిస్తామని హెచ్చరించారు. కాగా లాగ్‌ బుక్‌ చూపించాలని డీఈని కోరగా ..సరఫరా వివరాలను ఆన్‌లైన్‌లో అప్‌డేట్‌ చేస్తామని చెప్పి పంపించారు. ఈ కార్యక్రమంలో మండల పార్టీ అధ్యక్షుడు గిర్కటి నిరంజన్‌, మున్సిపల్‌ కన్వీనర్‌ బొమ్మిరెడ్డి వెంకట్‌రెడ్డి, సింగిల్‌విండో మాజీ చైర్మన్‌ చింతల దామోదర్‌రెడ్డి, మాజీ జెడ్పీటీసీ పెద్దిటి బుచ్చిరెడ్డి, సర్పంచ్‌ల ఫోరం మండల అధ్యక్షుడు సుర్వి మల్లేష్‌, నారాయణపురం మండల పార్టీ అధ్యక్షుడు నర్రి నర్సింహ, వివిధ గ్రామాల సర్పంచ్‌లు, మున్సిపల్‌ కౌన్సిలర్లు, నాయకులు పాల్గొన్నారు.

● భువనగిరి పట్టణంలోని 27వ వార్డుకు చెందిన నసీర్‌ కుమారుడు బషీర్‌ (2.5 సంవత్సరాలు) మంగళవారం ఇంటి ఎదుట ఆడుకుంటున్నాడు. ఒక్కసారిగా వీధి కుక్కలు బాలుడిపై దాడి చేసి గాయపరిచాయి. గాయాలపాలైన బాలుడిని భువనగిరి ఏరియా ఆసుపత్రికి తరలించి అత్యవసర చికిత్స అందించారు. ● గత నెల 7న మున్సిపాలిటీలోని 25వ వార్డులో విధులు నిర్వహిస్తున్న మున్సిపల్‌ పారిశుద్ధ్య కార్మికురాలు వడ్డేపల్లి అలివేలుపై వీధి కుక్క దాడి చేసి తీవ్రంగా గాయపరిచింది. ● ఆరు నెలల క్రితం తారకరామ నగర్‌కు చెందిన ప్రియాన్ష్‌ అనే చిన్నారి ఇంటి బయట ఆడుకుంటుండగా కుక్క దాడి చేసింది. దీంతో చిన్నారి కన్ను బయటికి వచ్చేసింది. దీంతో ఆ బాలుడు శాశ్వతంగా చూపు కోల్పోయాడు. భువనగిరిటౌన్‌: భువనగిరి మున్సిపాలిటీ పరిధిలో వీధి కుక్కల బెడద రోజురోజుకూ తీవ్రరూపం దాల్చుతోంది. ప్రధాన రహదారులతో పాటు అంతర్గత వీధుల్లోనూ పదుల సంఖ్యలో కుక్కలు గుంపులు గుంపులుగా సంచరిస్తున్నాయి. ప్రజలు, పాదచారులు, ద్విచక్ర వాహనదారులపై దాడులు చేసి గాయపరుస్తున్నాయి. దీంతో జనం రోడ్లపైకి రావాలంటేనే జంకుతున్నారు. లక్షల నిధులు వృథా.. వీధి కుక్కల నియంత్రణకు, వాటికి కుటుంబ నియంత్రణ (ఏబీసీ) శస్త్రచికిత్సలు చేయడానికి మున్సిపాలిటీ ఖాతా నుంచి లక్షల రూపాయల నిధులు ఖర్చు చేస్తున్నారు. అయినా ఎలాంటి ఫలితాలు కన్పించడంలేదు.అధికారులు కుక్కలను పట్టుకెళ్లి ఆపరేషన్లు చేసి, మళ్లీ పట్టుకొచ్చిన ప్రాంతాల్లోనే వదిలేయడం వల్ల దాడుల సంఖ్య ఏమాత్రం తగ్గడం లేదని ప్రజలు ఆగ్రహం వ్యక్తం చేస్తున్నారు. శాశ్వత పరిష్కారం చూపాలని డిమాండ్‌భువనగిరి మున్సిపల్‌ అధికారులు యుద్ధప్రాతిపదికన ప్రత్యేక బృందాలను రంగంలోకి దించాలని పట్టణ ప్రజలు కోరుతున్నారు. వీధి కుక్కల బెడద నుంచి తమకు శాశ్వత విముక్తి కల్పించాలని విజ్ఞప్తి చేస్తున్నారు.ఫ భువనగిరిలో తీవ్రమైన కుక్కల బెడద ఫ తాజాగా చిన్నారిపై దాడి ఫ గతంలో కుక్కల దాడిలో కన్ను కోల్పోయిన మరో చిన్నారి.. పారిశుద్ధ్య కార్మికురాలికి గాయాలు ఫ శునకాల నియంత్రణకు రూ.లక్షలు వెచ్చిస్తున్నా కానరాని ఫలితం

యాదగిరిగుట్ట : యాదగిరిగుట్ట లక్ష్మీనరసింహస్వామి ఆలయ హుండీల్లో భక్తులు సమర్పించుకున్న నగదు, నగలను మంగళవారం కొండ దిగువన సత్యనారాయణస్వామి వ్రత మండపంలో లెక్కించారు. ఈ లెక్కింపులో రూ.2,59,03,628 నగదు వచ్చినట్లు యాదగిరిక్షేత్రం కార్యనిర్వహణ అధికారి భవానీ శంకర్‌ వెల్లడించారు. మిశ్రమ బంగారం 32గ్రాములు, మిశ్రమ వెండి 3 కిలోల 950 గ్రాములు వచ్చినట్లు ఆయన వివరించారు. వీటితో పాటు వివిధ దేశాలకు చెందిన కరెన్సీ కూడా వచ్చినట్లు ఈఓ పేర్కొన్నారు. ఈ హుండీల ఆదాయం 33 రోజులదని చెప్పారు.

భువనగిరి: తొమ్మిది రోజుల పాటు భక్తుల విశేష పూజలందుకున్న గణనాథులు బుధవారం గంగమ్మ ఒడికి చేరనున్నారు. వినాయక నవరాత్రోత్సవాలు మంగళవారంతో ముగియడంతో 23న జిల్లా వ్యాప్తంగా నిమజ్జన కార్యక్రమాన్ని ఘనంగా నిర్వహించేందుకు అధికారులు అన్ని ఏర్పాట్లు పూర్తి చేశారు. ఈ సారి ఎల్‌నినో ప్రభావంతో వర్షాభావ పరిస్థితులు ఉండటంతో, తగినంత నీటి వసతి ఉన్న చెరువులను మాత్రమే నిమజ్జనం కోసం ఎంపిక చేశారు. మున్సిపల్‌, విద్యుత్‌, పోలీస్‌, రెవెన్యూ, ఇరిగేషన్‌ శాఖల సమన్వయంతో ఏర్పాట్లు పూర్తయ్యాయి. సిద్ధంగా గజ ఈతగాళ్లు జిల్లా వ్యాప్తంగా మొత్తం 3,964 మండపాలను ఏర్పాటు చేశారు. జిల్లా కేంద్రమైన భువనగిరి పట్టణంలోనే 200లకు పైగా విగ్రహాలు కొలువుదీరాయి. చెరువుల వద్ద భారీ బారికేడ్లతో పాటు క్రేన్లు, విద్యుత్‌, తాగునీరు, బోట్లు, లైటింగ్‌ తదితర సదుపాయాలు కల్పించారు. అగ్నిమాపక, ఆరోగ్య, ఎన్‌డీఆర్‌ఎఫ్‌ సిబ్బందితో పాటు భువనగిరి పెద్ద చెరువు వద్ద 15 మంది, రాయగిరి చెరువు వద్ద 5 గురు గజ ఈతగాళ్లను సిద్ధంగా ఉంచారు. శోభాయాత్ర మార్గాల్లో విద్యుత్‌ వైర్లు తగలకుండా హై రైజింగ్‌ చేయడంతో పాటు, చెట్ల కొమ్మలను తొలిగించారు. శోభాయాత్ర వెళ్లేది ఇలా.. భువనగిరి పట్టణంలో గణేష్‌ ఉత్సవ సమితి ఆధ్వర్యంలో ప్రధాన రహదారులు, కూడళ్లలో కాషాయ తోరణాలు, స్వాగత వేదికలు ఏర్పాటు చేశారు. పాత బస్టాండ్‌, హనుమాన్‌ వాడ, సంజీవనగర్‌, గంజ్‌ ఏరియా నుంచి వచ్చే విగ్రహాలు నేరుగా ప్రిన్స్‌ చౌరస్తా మీదుగా చెరువు వైపు వెళ్తాయి. శ్రీరామ్‌ తండా చౌరస్తా, జంఖానగూడెం, ఇందిరానగర్‌, ఎల్‌బీనగర్‌ తదితర ప్రాంతాల నుంచి వచ్చే విగ్రహాలు శంకర్‌ విలాస్‌, సమ్మద్‌ చౌరస్తాల మీదుగా ప్రిన్స్‌ చౌరస్తాకు చేరుకుని అక్కడినుంచి చెరువుకు వెళ్లేలా రూట్‌ మ్యాప్‌ సిద్ధం చేశారు. భువనగిరితో పాటు చౌటుప్పల్‌, ఆలేరు, యాదగిరిగుట్ట, పోచంపల్లి, మోత్కూర్‌ తదితర ప్రాంతాల్లో కూడా నిమజ్జనానికి నిర్వాహకులు సిద్ధమయ్యారు. పటిష్టమైన పోలీస్‌ బందోబస్తు నిమజ్జనం సందర్భంగా ఎలాంటి అవాంఛనీయ సంఘటనలు జరగకుండా పోలీసులు భారీ బందోబస్తు ఏర్పాటు చేశారు. శోభాయాత్ర జరిగే మార్గంలో సీసీ కెమెరాల నిఘా ఉంచారు. ఇద్దరు అదనపు ఎస్పీలు, నలుగురు డీఎస్పీలు, 15 మంది సీఐలు, 30 మంది ఎస్సైలతో పాటు సుమారు 500 మంది ట్రాఫిక్‌ పోలీస్‌, సాయుధ బలగాలు, స్పెషల్‌ పార్టీ, ఉమెన్స్‌ టీమ్‌ రంగంలోకి దిగాయి. నిర్వాహకులు డీజేలు ఏర్పాటు చేయడానికి అనుమతి లేదని పోలీసులు స్పష్టం చేశారు. నేడు విద్యా సంస్థలకు సెలవు.. జిల్లాలో వినాయక నిమజ్జనాన్ని పురస్కరించుకుని కలెక్టర్‌ ఆదేశాల మేరకు ప్రభుత్వ, ప్రైవేటు విద్యా సంస్థలకు బుధవారం సెలవు ప్రకటిస్తున్నట్లు డీఈవో భిక్షపతి, డీఐఈఓ సురేష్‌రెడ్డి వెల్లడించారు. దీనికి బదులు వచ్చే రెండో శనివారం స్కూళ్లు, కాలేజీలు నడపాలని సూచించారు. ఇప్పటికే 750 విగ్రహాల నిమజ్జనం పూర్తయింది. బుధవారం 2 వేల నుంచి 3 వేల వరకు విగ్రహాలు నిమజ్జనానికి వచ్చే అవకాశం ఉంది. కార్యక్రమం ప్రశాంతంగా జరిగేలా ఉత్సవ కమిటీలు, యువజన సంఘాలు పోలీసులకు సహకరించాలి. – అక్షాంశ్‌ యాదవ్‌, ఎస్పీపెద్ద చెరువు వద్ద నిమజ్జనానికి వివిధ శాఖలు, మున్సిపాలిటీకి చెందిన 180 మంది సిబ్బందిని, 15 మంది గజ ఈతగాళ్లను సిద్ధంగా ఉంచాం. ఇక్కడ 7 క్రేన్లు, రాయగిరి చెరువు వద్ద 2 క్రేన్లు ఏర్పాటు చేశాం. –చంద్రప్రకాష్‌రెడ్డి, మున్సిపల్‌ కమిషనర్‌, భువనగిరి ఫ జిల్లావ్యాప్తంగా శోభాయాత్రగా తరలనున్న 3,964 వినాయక విగ్రహాలు ఫ నిమజ్జనం కోసం 14 ప్రదేశాల ఎంపిక ఫ భారీ పోలీస్‌ బందోబస్తు.. డీజేలకు అనుమతి నిరాకరణభువనగిరి పట్టణంలోని పెద్ద చెరువు, బస్వాపురం చెరువు, రాయగిరి చెరువు, బీబీనగర్‌ పెద్ద చెరువు, చౌటుప్పల్‌ మండలం పెద్దకొండూరు, మల్కాపురం, పోచంపల్లి చెరువు, రామన్నపేట మండలం తుమ్మలగూడెం చెరువు, వలిగొండ మండలం సంగెం గ్రామం వద్ద మూసీ కెనాల్‌, మోత్కూర్‌ చెరువు, యాదగిరిగుట్ట నల్ల చెరువు, గోధుమకుంట, ఆలేరు మండలంలోని సాయిగూడెం చెరువు, బాహుపేట పరిధిలో గోధుమకుంటలను అధికారులు ఎంపిక చేశారు. ప్రశాంత వాతావరణంలో నిమజ్జనం చేయాలిభువనగిరి: ప్రశాంత వాతావరణంలో వినాయక నిమజ్జనం చేసేందుకు చర్యలు తీసుకోవాలని ఇన్‌చార్జి కలెక్టర్‌ భాస్కర్‌రావు సూచించారు. మంగళవారం భువనగిరి పట్టణంలోని పెద్ద చెరువు వద్ద నిమజ్జనం ఏర్పాట్లను పరిశీలించి మాట్లాడారు. నిమజ్జన ప్రాంతంలో భక్తులకు ఇబ్బందులు తలెత్తకుండా వసతులు కల్పించాలన్నారు. ట్రాఫిక్‌ సమస్య ఏర్పడకుండా చర్యలు తీసుకోవాలని సూచించారు. కార్యక్రమంలో మున్సిపల్‌ కమిషనర్‌ చంద్రప్రకాష్‌రెడ్డి, డీఈ, సిబ్బంది ఉన్నారు.

భువనగిరిటౌన్‌ : ఎన్‌హెచ్‌–930పీ నిర్మాణంలో భూములు కోల్పోతున్న తమకు పూర్తిస్థాయిలో పరిహారం ఇచ్చిన తర్వాతే పనులు చేపట్టాలని భూ నిర్వాసితులు డిమాండ్‌ చేశారు. సోమవారం కలెక్టరేట్‌ ఎదుట పోచంపల్లి, వలిగొండ మండలాల రైతులు ధర్నా నిర్వహించారు. రూ. 12 లక్షలే ఇస్తారా.. బహిరంగ మార్కెట్లో ఎకరాకు రూ. 2 కోట్లకు పైగా విలువ పలుకుతున్నా తమ భూములకు ప్రభుత్వం కేవలం రూ. 11 లక్షల నుంచి రూ. 12 లక్షలు పరిహారంగా ఇవ్వడం అన్యాయమని కలెక్టర్‌తో నిహించిన సమావేశంలో ఆవేదన వ్యక్తం చేశారు. ఆర్‌ఆర్‌ఆర్‌, చౌటుప్పల్‌ పరిధిలో మాదిరిగా పరిహారాన్ని ఇవ్వాలని అప్పటి వరకు పనులు కొనసాగనివ్వబోమన్నారు. ఇన్‌చార్జ్‌ కలెక్టర్‌ భాస్కర్‌ రావు మాట్లాడుతూ వారం రోజుల్లోగా ఆర్బిట్రేషన్‌ ప్రక్రియ ప్రారంభిస్తామని హామీ ఇచ్చారు. సమావేశంలో అదనపు కలెక్టర్‌ వెంకారెడ్డి, ఆర్డీఓ శేఖర్‌రెడ్డి, భూబాధితుల జేఏసీ కన్వీనర్‌ వారాల శేఖర్‌ రెడ్డి, పాక మల్లేశ్‌ యాదవ్‌, సామ మధుసూదన్‌ రెడ్డి, కోట రామచంద్ర రెడ్డి, సామ రవీందర్‌ రెడ్డి, సుర్కంటి వెంకట్‌ రెడ్డి, తనేషా, నోముల జంగా రెడ్డి, మహేశ్‌, రవీందర్‌, బుచ్చి రెడ్డి పాల్గొన్నారు,

సాక్షి, యాదాద్రి : బీఆర్‌ఎస్‌ పార్టీలో నాయకుల మధ్య ఐక్యతకు మాజీ మంత్రి, బీఆర్‌ఎస్‌ సీనియర్‌ నాయకుడు హరీష్‌రావు రంగంలోకి దిగారు. ఆదివారం మోటకొండూరు మండల కేంద్రంలో జరిగిన సభ ద్వారా ఆయన ఈ ప్రయత్నాలు చేశారు. జిల్లాలోని సీనియర్‌ నాయకులను ఒకే వేదికపైకి తీసుకురావడంలో సక్సెస్‌ అయ్యారు. కేవలం స్థానిక నాయకులే కాకుండా, ఉమ్మడి జిల్లాకు చెందిన కొందరు మాజీ ఎమ్మెల్యేలను కూడా ఆహ్వానించారు. కొంతకాలంగా మాట్లాడుకోని నాయకులను.. ఒకరినొకరు కలుసుకునేలా చేశారు. మాజీ ఎమ్మెల్సీ కర్నె ప్రభాకర్‌, మాజీ ఎమ్యెల్యేలు కుసుకుంట్ల ప్రభాకర్‌రెడ్డి, చిరుమర్తి లింగయ్య, పైళ్ల శేఖర్‌రెడ్డి, బూడిద భిక్షమయ్యగౌడ్‌, సీనియర్‌ నాయకులు బండా నరేందర్‌రెడ్డి, కంచర్ల రామకృష్ణారెడ్డిని ఒకే వేదికపైకి తీసుకువచ్చారు. శ్రీమేమంతా ఒక్కట్ఙే అనే బలమైన సందేశాన్ని పార్టీ క్యాడర్‌లో కల్పించారు. పదవులు కోల్పోయిన తర్వాత తొలిసారిగా ఇంత భారీ స్థాయిలో మాజీ ప్రజాప్రతినిధులందరినీ ఆహ్వానించి కార్యక్రమంలో భాగస్వాములను చేయడం విశేషం. నాయకుల మధ్య అంతర్గతంగా విభేదాలు ఉన్నప్పటికీ, బహిరంగంగా మాత్రం పార్టీ ప్రయోజనాలకే మొదటి ప్రాధాన్యం అనే భావనను కలిగించడంలో హరీష్‌రావు వ్యూహాత్మకంగా వ్యవరించారు. అందరిని ఒకే వేదికపైన కూర్చో బెట్టారు. కాంగ్రెస్‌ ప్రభుత్వం చేపడుతున్న ప్రజావ్యతిరేక విధానాలపై పోరాడాలంటే ముందుగా బీఆర్‌ఎస్‌లో ఐక్యత అవసరమని భావించిన ఆయన మోటకొండూరు వేదిక ద్వారా గులాబీ శ్రేణుల్లో కొత్త ఉత్సాహం నింపారు. ప్రజా సమస్యలపై దృష్టి ప్రభుత్వ వైఫల్యాలపై బీఆర్‌ఎస్‌ క్యాడర్‌ను హరీష్‌రావు అప్రమత్తం చేశారు. ప్రస్తుతం ఎదురవుతున్న విద్యుత్‌ కోతలపై ఆందోళనలు చేయాల్సిన అవసరాన్ని చెప్పారు. రైతులకు రుణమాఫీ, ఎరువుల కొరత, 22–ఏ నిషేధిత భూముల వివాదాలు, రైతు భరోసా, ఆరు గ్యారంటీల అమలులో కాంగ్రెస్‌ ప్రభుత్వం విఫలమైందని ఆరోపిస్తూ ప్రజా ఉద్యమాలకు పిలుపునిచ్చారు. తమపై వ్యక్తిగతంగా జరుగుతున్న ఇతర ఆరోపణలను పక్కనపెట్టి, కేవలం ప్రజల నిత్య సమస్యల ఆధారంగానే ప్రభుత్వాన్ని నిలదీయాలని దిశానిర్దేశం చేశారు. ఎన్నికలకు ఇంకా సమయం ఉండగానే చేరికలకు శ్రీకారం చుట్టారు. బీఆర్‌ఎస్‌లో చేరిన వారికి స్వయంగా గులాబీ కండువాలు కప్పి పార్టీలోకి ఆహ్వానించిన హరీష్‌రావు.. క్షేత్రస్థాయిలో పార్టీకి ఇంకా బలమైన మద్దతు ఉందని నిరూపించే ప్రయత్నం చేశారు. అధికారం కోల్పోయిన తర్వాత శ్రేణుల్లో నెలకొన్న నిరాశను, నాయకుల మధ్య విభేదాలను తొలగించడమే లక్ష్యంగా మోటకొండూరు సభ సాగింది. ఒకవైపు సొంత పార్టీ నాయకులను సమన్వయం చేస్తూ, మరొకవైపు అధికార పార్టీ విధానాలపై సూటిగా విమర్శలు గుప్పించడంలో హరీష్‌ రావు తన మార్కును చూపించారు. ఫ హరీష్‌రావు సభతో బీఆర్‌ఎస్‌ పార్టీకి కొత్త ఊపు ఫ ప్రజా సమస్యలపై పోరుకు దిశానిర్దేశం ఫ చేరికలతో క్యాడర్‌లో ఉత్సాహం

భూదాన్‌పోచంపల్లి : పోచంపల్లి సంప్రదాయ చేనేత వస్త్రాలు ఎంతో బాగున్నాయని తమిళనాడు రాష్ట్ర చేనేత, జౌళిశాఖ ప్రిన్సిపల్‌ సెక్రటరీ టీఎన్‌. వెంకటేశ్‌ కొనియాడారు. సోమవారం పోచంపల్లి పట్టణంలోని చేనేత సహకార సంఘం, టూరిజం పార్కును ఆయన సందర్శించి మగ్గాలు, చేనేత వస్త్రాలను పరిశీలించారు. ఈ సందర్భంగా ఆయన విలేకరులతో మాట్లాడుతూ.. తమిళనాడులో ఎక్కువగా ధోతీ కల్చర్‌ ఉంటుందని, కానీ తెలంగాణలోని పోచంపల్లి ఇక్కత్‌, నారాయణపేట, గద్వాల, సిద్దిపేట గొల్లభామ చీరలకు ప్రాంతాల వారీగా అనేక ప్రత్యేకతలు ఉంటాయన్నారు. తెలంగాణలోని త్రిఫ్ట్‌ పథకం తరహాలోనే తమిళనాడులో కూడా ‘సొసైటీ బెనిఫిట్‌ స్కీమ్‌’ కింద చేనేత కార్మికులు తమ ఆదాయం నుంచి 8 శాతం జమచేస్తే, ప్రభుత్వం 16 శాతం ఇస్తుందని తెలిపారు. కార్యక్రమంలో జిల్లా చేనేత, జౌళిశాఖ ఏడీ శ్రీనివాసరావు, చేనేత సహకార సంఘం అధ్యక్షుడు భారత లవకుమార్‌, వెంకటరమణ సిల్క్‌ సొసైటీ అధ్యక్షుడు చింతకింది రమేశ్‌ తదితరులు పాల్గొన్నారు.ఫ తమిళనాడు చేనేత, జౌళి శాఖ ప్రిన్సిపల్‌ సెక్రటరీ టీఎన్‌. వెంకటేశ్‌

రామన్నపేట, ఆలేరురూరల్‌ : పన్నుల రూపంలో వసూలు చేసిన నిధులను ఇక నుంచి ట్రెజరీలలో కాకుండా గ్రామ పంచాయతీ సేవింగ్‌ ఖాతాలో జమ చేసుకునే వెసులుబాటును ప్రభుత్వం కల్పించింది. ఈ మేరకు ఇటీవల చట్టం చేసింది. గ్రామసభల ఆమోదంతో నిధులు డ్రా చేసుకొని అభివృద్ధికి వాడుకోవచ్చు. ప్రభుత్వ నిర్ణయంతో గ్రామాల్లో అభివృద్ధి పనులు శరవేగంగా జరిగే అవకాశం ఉంది. గతంలో ట్రెజరీల్లో జమ జిల్లాలోని 17 మండలాల పరిధిలో 427 గ్రామ పంచాయతీలు ఉన్నాయి. గ్రామ పంచాయతీలకు ఇంటిపన్నులు, నల్లా బిల్లులు, మ్యుటేషన్లు, ట్రేడింగ్‌, షాపింగ్‌, తైబజార్‌, లే అవుట్‌, పరిశ్రమలు నుంచి అనేక రకాల ఆదాయం వస్తుంది. ఈ ఆదాయాన్ని గతంలో పంచాయతీలు తమకు అవసరమైన సమయంలో వాడుకునే అవకాశం లేకుండా ట్రెజరీల్లో జమ చేయాల్సి ఉండేది. దీంతో వీధిదీపాల నిర్వహణ, పారిశుద్ధ్యం మెరుగునకు, తాగునీటి అవసరాలు తీర్చడం వంటి అవసరాలకు ఉపయోగపడేవి కావు. పల్లెల ప్రగతికి అవరోధంగా మారిన చట్టాన్ని సవరించడం శుభపరిణామం. గ్రామ సభ నిర్మాణంతో నిధులు ఖర్చుప్రభుత్వ ఆదేశాలతో ఇకపై పంచాయతీ సొంత ఆదాయాన్ని ఖజానాలో కాకుండా ఏదేని జాతీయ బ్యాంకులో జమ చేయాల్సి ఉంటుంది. అందుకోసం అవసరమైతే పంచాయతీలు ప్రత్యేకంగా బ్యాంకు ఖాతాలు తెరిచి పన్నుల రూపంలో వసూలైన ఆదాయాన్ని అందులో జమచేయాలి. ఒకవేళ కేంద్ర, రాష్ట్ర ప్రభుత్వాల నుంచి నిధులు సకాలంలో విడుదల కాకపోతే జనరల్‌ ఫండ్‌ కింద అత్యవసర పనులు చేసి వెంటనే డబ్బులు డ్రా చేసుకోవచ్చు. ఇందుకు పంచాయతీలు గ్రామసభ తీర్మానం చేయాల్సి ఉంటుంది. దీంతో గ్రామాల్లో సమస్యలు సత్వర పరిష్కారానికి నోచుకునే అవకాశం ఉంది. రాష్ట్ర ప్రభుత్వం పంచాయతీరాజ్‌ చట్టంలో తీసుకొచ్చిన సవరణ వల్ల పల్లెల ప్రగతికి తోడ్పాటు ఇస్తుంది. ఈ చట్టం ద్వారా మన నిధులను మనమే ఉపయోగించుకొని గ్రామాలను అభివృద్ధి చేసుకునే వీలు ఉంది. పంచాయతీరాజ్‌ చట్టానికి సవరణ చేసిన రాష్ట్ర ప్రభుత్వానికి కృతజ్ఞతలు. – మారెపల్లి మల్లారెడ్డి, సర్పంచ్‌ కొమ్మాయిగూడెం ఫ గ్రామ పంచాయతీ సేవింగ్‌ ఖాతాలో జమ చేసుకునే అవకాశం ఫ పల్లెల్లో వేగవంతం కానున్న అభివృద్ధి పనులు ఫ జిల్లాలో 427 గ్రామ పంచాయతీలు

చౌటుప్పల్‌ : వ్యవసాయానికి నాణ్యమైన విద్యుత్‌ సరఫరా చేస్తామని ఎస్‌పీడీసీఎల్‌ సీఎండీ జితేష్‌పాటిల్‌ తెలిపారు. ఇందులో ఎలాంటి రాజీ ఉండబోదన్నారు. చౌటుప్పల్‌ మండల పరిధిలోని జైకేసారం గ్రామంలోని విద్యుత్‌ సబ్‌స్టేషన్‌ను సోమవారం సందర్శించారు. విద్యుత్‌ సరఫరాపై అక్కడి ఆపరేటర్లు, అధికారులను వివరాలు అడిగి తెలుసుకున్నారు. రైతులతో మాట్లాడి విద్యుత్‌ సరఫరాపై ఆరా తీశారు. ఈ సందర్భంగా ఆయన మాట్లాడారు. వ్యవసాయానికి అనుకున్న ప్రకారంగా సరఫరా ఉంటుందన్నారు. ఎక్కడ కూడా చిన్నపాటి అంతరాయం లేకుండా సరఫరా చేయాలని అధికారులను ఆదేశించారు. రైతులు ఎలాంటి సమస్యలు ఉన్నా తమ అధికారులు, సిబ్బంది దృష్టికి తీసుకెళ్లాలని సూచించారు. తమ శాఖ నిరంతరం అప్రమత్తంగా ఉంటూ అన్ని కేటగిరీలకు నాణ్యమైన విద్యుత్‌ను సరఫరా చేస్తుందన్నారు. ఆయన వెంట ట్రాన్స్‌కో రూరల్‌ జోన్‌ సీజీఎం బాలస్వామి, ఎస్‌ఈ సురేష్‌, డీఈ మల్లికార్జున, ఏడీఈ పద్మ, ఏఈ రాజుల సతీష్‌యాదవ్‌, సిబ్బంది, రైతులు ఉన్నారు. ఫ ఎస్‌పీడీసీఎల్‌ సీఎండీ జితేష్‌పాటిల్‌

యాదగిరిగుట్ట: ప్రధాని నరేంద్రమోదీని ఆదర్శంగా తీసుకొని నేటి యువత సేవా కార్యక్రమాలు చేస్తూ రాజకీయాల్లోకి రావాలని బీజేపీ రాష్ట్ర అధ్యక్షుడు ఎన్‌.రాంచందర్‌రావు పిలుపునిచ్చారు. ప్రధాని నరేంద్రమోడీ ప్రజా జీవితంలో 25 సంవత్సరాలు పూర్తి చేసుకున్న సందర్భంగా యాదగిరిగుట్ట పట్టణంలో సోమవారం సేవా సంకల్ప్‌ అభియాన్‌ కార్యక్రమంలో భాగంగా రక్త దాన శిబిరం నిర్వహించారు. ఈ సందర్భంగా రాంచందర్‌రావు మాట్లాడుతూ యువమోర్చా ఆధ్వర్యంలో రాష్ట్ర వ్యాప్తంగా 25వేల మంది యువకులతో రక్త దానం చేయాలని సేవా సంకల్ప్‌ అభియాన్‌ కార్యక్రమం నిర్వహిస్తోందన్నారు. యాదగిరీశుడి సన్నిధిలోని వైకుంఠద్వారం వద్ద చాలా మంది రక్తదానం చేసేందుకు ముందుకు వచ్చారని తెలిపారు. దేశ వ్యాప్తంగా పేద ప్రజల కోసం ప్రధాన మంత్రి జన్‌ధన్‌ యోజన, ప్రధాన మంత్రి గరీబ్‌ కల్యాణ్‌, కిసాన్‌ యోజన్‌ వంటి పథకాలను తీసుకువచ్చారన్నారు. ఈ కార్యక్రమంలో పార్టీ జిల్లా అధ్యక్షుడు ఉట్కూరి అశోక్‌గౌడ్‌, ప్రధాన కార్యదర్శులు కాధూరి అచ్చయ్య, చందా మహేందర్‌, జిల్లా మాజీ అధ్యక్షుడు పాశం భాస్కర్‌, సీనియర్‌ నాయకులు మాయ దశరథ, రచ్చ శ్రీనివాస్‌, పట్టణ అధ్యక్షుడు కర్రె ప్రవీణ్‌, జిల్లా కార్యవర్గ సభ్యుడు బెలిదె అశోక్‌, జిల్లా మహిళా మోర్చా అధ్యక్షురాలు మాధూరి, గుంటిపల్లి సత్యం, నల్ల వెంకట్‌రెడ్డి, మందోజు నరేష్‌, సురేష్‌, కర్ణ, బుచ్చిబాఆబు, సూధగాని శివ, వినోద్‌, శ్రీశైలం, విజయ్‌, దేవేందర్‌ పాల్గొన్నారు.ఫ బీజేపీ రాష్ట్ర అధ్యక్షుడు రాంచందర్‌రావు

సాక్షి ప్రతినిధి, నల్లగొండ : వరంగల్‌ – ఖమ్మం – నల్లగొండ గ్రాడ్యుయేట్‌ ఎమ్మెల్సీ స్థానం నుంచి ఎవరిని బరిలో ఉంటారన్నది త్వరలోనే తేలనుంది. మూడు ప్రధాన రాజకీయ పార్టీలు అభ్యర్థుల ఎంపికపై కసరత్తు చేస్తున్నాయి. బీఆర్‌ఎస్‌ పార్టీ.. పోటీలో నిలిపే అభ్యర్థి విషయంలో ఓ స్పష్టతకు రాగా, కాంగ్రెస్‌ పార్టీ ఇంకా సర్వేలు చేస్తోంది. భారతీయ జనతా పార్టీ అభ్యర్థి విషయంలో ఆలోచనలు చేస్తోంది. ఈ నెల 28వ తేదీన ఓటర్ల జాబితా ఖరారుకు నోటిఫికేషన్‌ వెలువడనున్న నేపథ్యంలో అభ్యర్థులను ప్రకటించేందుకు ప్రధాన పార్టీలు సిద్ధం అవుతున్నాయి. అధికార పార్టీలో ఆశావహులపై సర్వే ఎమ్మెల్సీగా పోటీ చేసేందుకు ఆసక్తి చూపుతున్న వారు కాంగ్రెస్‌ పార్టీలో ఎక్కువ మంది ఉన్నారు. దీంతో ఆ పార్టీ ఆశావహుల పేర్లతో సర్వే చేస్తోంది. నల్లగొండ జిల్లా నుంచి గుత్తా అమిత్‌రెడ్డి, పున్నా కై లాష్‌ నేత, సూర్యాపేట జిల్లా నుంచి పటేల్‌ రమేష్‌రెడ్డి, రాంరెడ్డి సర్వోత్తమ్‌రెడ్డి, వరంగల్‌ జిల్లా నుంచి సింగారపు ఇందిర, దొమ్మాటి సాంబయ్య, ఖమ్మం జిల్లా నుంచి లోకేష్‌యాదవ్‌ పేర్లపై చేపట్టిన సర్వే పూర్తి కావచ్చింది. ఎమ్మెల్సీ ఓటర్ల జాబితా రూపకల్పనకు ఎన్నికల సంఘం నోటిఫికేషన్‌ను విడుదల చేయడానికి ముందే కాంగ్రెస్‌ అభ్యర్థిని ప్రకటించే అవకాశం ఉంది. అభ్యర్థిపై స్పష్టతతో బీఆర్‌ఎస్‌ బీఆర్‌ఎస్‌ తరఫున పోటీలో ఉండబోయే అభ్యర్థి విషయలో ఆ పార్టీ ఇప్పటికే ఓ స్పష్టతకు వచ్చినట్లు తెలుస్తోంది. గతంలో పోటీ చేసి రెండో స్థానానికి పరిమితమైన రాకేష్‌రెడ్డినే బరిలో నిలిపే అవకాశం ఉంది. అందుకు అనుగుణంగా ఆయన ఇప్పటికే క్షేత్రస్థాయిలో పర్యటిస్తున్నారు. అయితే బీఆర్‌ఎస్‌ ఇంకా అధికారికంగా మాత్రం ప్రకటన చేయలేదు. అనధికారికంగా రాకేష్‌రెడ్డికి గ్రీన్‌సిగ్నల్‌ ఇచ్చినట్లు తెలిసింది. ఆలోచనలు చేస్తున్న బీజేపీ పోటీలో నిలిపే అభ్యర్థి విషయంలో బీజేపీ ఇంకా ఆలోచనలు చేస్తోంది. బీజేపీ అభ్యర్థినికి ప్రకటించకపోగా, పార్టీ పరంగానే మెంబర్‌షిప్‌ డ్రైవ్‌ చేపట్టాలని భావిస్తున్నట్లు తెలిసింది. అయితే సీనియర్‌ నాయకులు గంగిడి మనోహర్‌రెడ్డి, కాసం వెంకటేశ్వర్లు పేర్లు బీజేపీ నుంచి ప్రముఖంగా వినిపిస్తున్నాయి. వరంగల్‌ నుంచి రాణి రుద్రమ కూడా పోటీకి ఉత్సాహం చూపుతున్నట్లు తెలిసింది. గతంలో ఎమ్మెల్సీ అభ్యర్థిగా వరంగల్‌ వారికే అవకాశం ఇచ్చిన నేపథ్యంలో ఈసారి నల్లగొండ వారికే అవకాశం ఇవ్వాలని కోరుతున్నట్లు తెలిసింది. ఫ వరంగల్‌–ఖమ్మం–నల్లగొండ గ్రాడ్యుయేట్‌ స్థానంలో కాంగ్రెస్‌ పార్టీ సర్వే ఫ ఇప్పటికే ఓ అభిప్రాయానికి వచ్చిన బీఆర్‌ఎస్‌ ఫ బరిలో ఎవరిని నిలుపాలన్న దానిపై బీజేపీ కసరత్తు ఫ ఓటర్ల జాబితా షెడ్యూల్‌ జారీతో పెరిగిన రాజకీయ వేడిబీఆర్‌ఎస్‌ నుంచి ఓసీ అభ్యర్థిని పోటీలో నిలిపే అంశంపై స్పష్టత రాగా, కాంగ్రెస్‌, బీజేపీలో బీసీ అంశంపైనా చర్చ జరుగుతోంది. ఈ స్థానంలో ఏ సామాజికవర్గానికి చెందిన అభ్యర్థిని బరిలో నిలుపాలన్న విషయంలో చర్చ జరుగుతోంది. హైదరాబాద్‌ – రంగారెడ్డి – మహబూబ్‌నగర్‌ స్థానంలో బీసీని పోటీలో నిలిపితే వరంగల్‌ – ఖమ్మం – నల్లగొండ స్థానంలో ఓసీకి ఇవ్వాలని, ఇక్కడ బీసీకి ఇస్తే, అక్కడ ఓసీ అభ్యర్థిని బరిలో దింపాలని రెండు పార్టీలు ఆలోచన చేస్తున్నట్లు తెలిసింది.

ఫ భువనగిరి మున్సిపాలిటీలో రికార్డు స్థాయికి చేరిన నల్లా బకాయిలు ఫ స్పెషల్‌ డ్రైవ్‌ చేపట్టిన అధికారులు భువనగిరిటౌన్‌ : భువనగిరి మున్సిపాలిటీ పరి ధిలో తాగునీటి (నల్లా) పన్ను బకాయిలు గుదిబండలా మారా యి. అధికా రుల నిర్లక్ష్యం, బకాయిల వసూళ్లలో జాప్యం కారణంగా పాత, కొత్త బకాయిలు కలిపి ఏకంగా రూ. 6.12 కోట్లకు చేరుకున్నాయి. దీంతో అధికారులు స్పెషల్‌ డ్రైవ్‌ చేపడుతున్నారు. రూ.11.55లక్షలు మాత్రమే వసూలు మున్సిపాలిటీ రికార్డుల ప్రకారం పట్టణంలో మొత్తం 10,226 అధికారిక నల్లా కనెక్షన్లు ఉన్నాయి. వీటిలో 10,098 సాధారణ గృహ కనెక్షన్లు, 128 వాణిజ్య కనెక్షన్లు ఉన్నాయి. గతానికి సంబంధించి పాత బకాయిలు ఏకంగా రూ. 4.98 కోట్లు పేరుకుపోగా.. ప్రస్తుత డిమాండ్‌ రూ. 1.26 కోట్లుగా ఉంది. మొత్తంగా రూ. 6.24 కోట్లు రావాల్సి ఉండగా, ఇప్పటివరకు కేవలం రూ. 11.55 లక్షలు మాత్రమే వసూలయ్యాయి. ఇంకా రూ. 6.12 కోట్లు రావాల్సి ఉంది.. మున్సిపల్‌ కమిషనర్‌ ఆదేశాల మేరకు ప్రస్తుతం ప్రత్యేక డ్రైవ్‌ చేపట్టారు. పట్టణంలోని అన్ని వార్డుల్లో బిల్‌ కలెక్టర్లు ఇంటింటికీ వెళ్లి బకాయిదారులకు నేరుగా డిమాండ్‌ నోటీసులు అందజేస్తున్నారు.

ఫ తూప్రాన్‌ పేటలో 5.5 ఎకరాలు గుర్తింపు సాక్షి, యాదాద్రి: చౌటుప్పల్‌ మండలం తూప్రాన్‌పేటలో 5.5 ఎకరాల ఈడీ కేసు భూమిని నిషేధిత జాబితాలో అధికారులు చేర్చారు. ‘ఈడీ, సిట్‌ కేసులు ఉన్నా ఆగని రిజిస్ట్రేషన్‌లు’ అనే శీర్షికన ఈనెల 19న జిల్లా పేజీలో కథనం ప్రచురితమైన విషయం తెలిసిందే. దీనికి స్పందించి విచారణ ప్రారంభించిన ఎన్‌ఫోర్స్‌ మెంట్‌ డైరెక్టర్‌, ఇన్‌కం టాక్స్‌డిపార్ట్‌ మెంట్‌లు తూప్రాన్‌ పేటలో 5. 5 ఎకరాల భూమిని 22 ఏ నిషేధిత జాబితాలో యథావిధిగా చేర్చారు. 13 ఇ,1లో 2.250 ఎకరాలు, 14.అ,1 లో2.200 ఎకరాలు ఇందులో ఉన్నాయి. కాగా ఈ భూములను రిజిస్ట్రేషన్‌ చేయడానికి స్లాట్‌ బుక్‌ కాగా హోల్డ్‌లో పెట్టడంతో విషయం బయటపడింది. విషయం వెలుగు చూడడంతో జిల్లా యంత్రాంగం అప్రమత్తమై భూములను ఈనెల 20న నిషేధిత జాబితాలో తిరిగి చేర్చారు. కాగా నిషేధిత జాబితాలో ఉన్న భూములు ఎలా తొలగించారు, స్లాట్‌ఎలా బుక్‌ అయ్యింది అనే కోణంలో విచారణ జరుగుతోంది.భూ సేకరణ పనులు వేగవంతం చేయాలిసాక్షి, యాదాద్రి : రాష్ట్రంలోని నీటిపారుదల ప్రాజెక్టులకు సంబంధించి పెండింగ్‌లో ఉన్న భూసేకరణ, అటవీ భూముల పరిహారం, సహాయ–పునరావాస (ఆర్‌అండ్‌ఆర్‌) పనులను త్వరితగతిన పూర్తి చేయాలని రాష్ట్ర నీటిపారుదల శాఖ మంత్రి ఎన్‌. ఉత్తమ్‌ కుమార్‌ రెడ్డి అధికారులను ఆదేశించారు. సోమవారం రాష్ట్ర సచివాలయం నుంచి రవాణా శాఖ మంత్రి పొన్నం ప్రభాకర్‌, రాష్ట్ర ప్రభుత్వ ప్రధాన కార్యదర్శి సంజయ్‌ జాజులతో కలిసి మంత్రి ఉత్తమ్‌ అన్ని జిల్లాల కలెక్టర్లతో వీడియో కాన్ఫరెన్స్‌ నిర్వహించారు. సాగునీటి ప్రాజెక్టుల పురోగతి, అటవీ క్లియరెన్సులు, నిర్వాసితులకు పరిహారం పంపిణీపై చర్చించారు. ఈ వీడియో కాన్ఫరెన్స్‌లో కలెక్టరేట్‌లో ఇన్‌చార్జ్‌ కలెక్టర్‌ భాస్కర్‌ రావు, రెవెన్యూ అదనపు కలెక్టర్‌ వెంకా రెడ్డి , రెవెన్యూ డివిజనల్‌ అధికారి కృష్ణా రెడ్డి, ఇరిగేషన్‌ ఎస్‌ఈ రవీందర్‌, భువనగిరి తహసీల్దార్‌ జగన్‌ మోహన్‌ ప్రసాద్‌ పాల్గొన్నారు. ప్రజల భద్రతకు ప్రాధాన్యంవలిగొండ : నిమజ్జన కేంద్రాల వద్ద ప్రజల భద్రతకే మొదటి ప్రాధాన్యత ఇవ్వనున్నట్లు ఎస్పీ అక్షాంశ్‌యాదవ్‌ పేర్కొన్నారు. వినాయక నిమజ్జనాన్ని పురస్కరించుకొని వలిగొండ మండల పరిధిలోని అక్కాచెల్లెళ్ల చెరువు, సంగెం చెరువు వద్ద ఏర్పాటు చేసిన ఘాట్లను సోమవారం ఆయన పరిశీలించిమాట్లాడారు. గణేశ్‌ నిమజ్జన కార్యక్రమాలను అత్యంత ప్రశాంతంగా, సురక్షితంగా, ఎలాంటి అవాంఛనీయ సంఘటనలు జరగకుండా నిర్వహించుకోవాలని ఉత్సవ కమిటీ నిర్వాహకులకు సూచించారు. నిమజ్జనం సమయంలో భక్తులకు ఎలాంటి ఇబ్బందులు కలగకుండా చూడాలని అధికారులను ఆదేశించారు. కార్యక్రమంలో చౌటుప్పల్‌ డీఎస్పీ మధుసూదన్‌ రెడ్డి, రామన్నపేట సీఐ రవి, ఎస్‌ఐ శ్రీకాంత్‌ రెడ్డి, ఎంపీడీఓ జలంధర్‌ రెడ్డి పాల్గొన్నారు. గడువులోగా ఎస్‌ఐఆర్‌ ప్రక్రియ సాక్షి, యాదాద్రి : ఓటరు జాబితా ప్రత్యేక సవరణ (ఎస్‌ఐఆర్‌) ప్రక్రియను 30 నుంచి 40 రోజుల్లోగా పూర్తి చేయాలని రాష్ట్ర ప్రధాన ఎన్నికల అధికారి సి.సుదర్శన్‌ రెడ్డి ఆదేశించారు. సోమవారం హైదరాబాద్‌ నుంచి కలెక్టర్లతో నిర్వహించిన వీడియో కాన్ఫరెన్స్‌లో ఆయన మాట్లాడారు. ఈ సమీక్షలో కలెక్టరేట్‌లో జిల్లా ఇన్‌చార్జ్‌ కలెక్టర్‌ భాస్కర్‌ రావు, అదనపు కలెక్టర్‌ వెంకారెడ్డి, ఆర్డీఓ కృష్ణారెడ్డి పాల్గొన్నారు. ఓపెన్‌ టెన్త్‌, ఇంటర్‌లో 2,380 ప్రవేశాలే లక్ష్యం భువనగిరి: ఓపెన్‌ టెన్త్‌, ఇంటర్‌లో 2026–27లో 2,380మంది ప్రవేశాలే లక్ష్యమని ఓపెన్‌స్కూల్‌ సొసైటీ రాష్ట్ర ఇన్‌చార్జి, విద్యాశాఖ జాయింట్‌ డైరెక్టర్‌ రాజీవ్‌ వెల్లడించారు. ఓపెన్‌ టెన్త్‌, ఇంటర్‌ ప్రవేశాలపై సోమవారం భువనగిరి పట్టణంలో నిర్వహించిన సమీక్ష సమావేశంలో ఆయన మాట్లాడారు. ఓపెన్‌ టెన్త్‌, ఇంటర్‌లో ఇప్పటి వరకు 26శాతం మంది ప్రవేశాలు పొందారని, మిగిలిన 74శాతం మంది అడ్మిషన్లు పొందేలా మహిళా సమాఖ్య ద్వారా కృషి చేయాలన్నారు. టాస్‌కు సంబంధించిన పోస్టర్‌ ఆవిష్కరించారు. ఈ కార్యక్రమంలో డీఈఓ భిక్షపతి, ఎంఈఓలు పాల్గొన్నారు.

భువనగిరిటౌన్‌ : ప్రజావాణిలో ప్రజల నుంచి అందిన అర్జీలను పెండింగ్‌లో పెట్టకుండా సత్వరమే పరిష్కరించాలని జిల్లా ఇన్‌చార్జ్‌ కలెక్టర్‌ భాస్కర్‌ రావు అధికారులను ఆదేశించారు. సోమవారం కలెక్టరేట్‌లో నిర్వహించిన ప్రజావాణి కార్యక్రమంలో రెవెన్యూ అదనపు కలెక్టర్‌ వెంకారెడ్డితో కలిసి ప్రజల నుంచి అర్జీలను స్వీకరించారు. ఈ సందర్భంగా ఇన్‌చార్జ్‌ కలెక్టర్‌ మాట్లాడుతూ ప్రజల నుంచి వచ్చిన వినతులను సంబంధిత అధికారులు బాధ్యతతో పరిశీలించి, నిర్దేశిత గడువులోగా పరిష్కరించాలని స్పష్టం చేశారు. మొత్తం 94 అర్జీలు అందినట్లు తెలిపారు. ప్రజావాణికి ఆరుగురు మున్సిపల్‌ కమిషనర్లు హాజరు కావాల్సి ఉండగా ఎవరూ రాలేదు. కాగా భువనగిరి మున్సిపాలిటీ నుంచి ఆర్వో హాజరయ్యారు. కార్యక్రమంలో డిప్యూటీ కలెక్టర్లు కృతిక, సాత్విక్‌, వివిధ శాఖల అధికారులు పాల్గొన్నారు.ఫ ఇన్‌చార్జ్‌ కలెక్టర్‌ భాస్కర్‌రావు

ఆలేరు రూరల్‌: ప్రభుత్వ పాఠశాలల్లో చదువుతున్న పేద, మధ్యతరగతి కుటుంబాల బాలికల ఆరోగ్యం, వ్యక్తిగత పరిశుభ్రతకు ప్రభుత్వం ప్రత్యేక ప్రాధాన్యమిస్తోంది. బాలికల శ్రేయస్సును దృష్టిలో ఉంచుకుని ఈ ఏడాది నుంచి ఉచితంగా శానిటరీ ప్యాడ్ల సరఫరాకు శ్రీకారం చుట్టింది. 7వ తరగతి నుంచి 10వ తరగతి వరకు చదువుతున్న విద్యార్థినులకు ఏడాదికి సరిపడా ప్యాడ్లను అందించేందుకు ఏర్పాట్లు చేసింది. రాష్ట్ర విద్యాశాఖ కార్యాలయం నుంచి సరఫరా అయిన ప్యాడ్లు ఇప్పటికే మండల వనరుల కేంద్రాలకు చేరగా, అక్కడ నుంచి పాఠశాలల వారీగా పంపిణీ చేస్తున్నారు. వ్యక్తిగత పరిశుభ్రత పాటించడం అవసరం యుక్తవయస్సులో బాలికలు రుతుస్రావం సమయంలో వ్యక్తిగత పరిశుభ్రత పాటించడం అవసరం. సరైన శానిటరీ ఉత్పత్తులు అందుబాటులో లేకపోవడం వల్ల ఎదురయ్యే ఇబ్బందులు తగ్గించేందుకు ప్రభుత్వం ఉచితంగా ప్యాడ్లను అందిస్తుంది. ఒక్కో విద్యార్థినికి ప్రతి త్రైమాసికానికి 4 చొప్పున నాలుగు త్రైమాసికాలకు కలిపి 16 ప్యాడ్లను అందజేస్తున్నారు. విద్యార్థినుల సంఖ్య ఆధారంగా ప్యాడ్లను పాఠశాలల వారీగా కేటాయించారు. ఎమ్మార్పీకి సరఫరా అయినా ప్యాడ్లను ఆయా ప్రధానోపాధ్యాయులకు సిబ్బంది పంపిణీ చేస్తున్నారు. పాఠశాలల్లో నీటి సదుపాయం, పరిశుభ్రమైన మరుగుదొడ్లు, ప్యాడ్లను సురక్షితంగా పారవేసే ఏర్పాట్లు ఉంటే కార్యక్రమం మరింత ప్రయోజనకరంగా ఉంటుంది. ప్యాడ్ల పంపిణీతో పాటు వాటి వినియోగం, పారవేతపై అవగాహన కల్పించి అవసరమైన మౌలిక సదుపాయాలను అందుబాటులో ఉంచితేనే కార్యక్రమం పూర్తిస్థాయిలో సత్ఫలితాలు ఇస్తుందని ఉపాధ్యాయులు, పోషకులు పేర్కొంటున్నారు. ఎమ్మార్సీల ద్వారా పంపిణీ జిల్లాలో 17 ఎమ్మార్సీలు ఉండగా 35,571 శానిటరీ ప్యాడ్ల ప్యాకెట్లను మంజూరు చేసింది. ఒక్కో ప్యాకెట్‌లో 8 శానిటరీ ప్యాడ్లు ఉంటాయి. ఎంఈఓల ద్వారా ఆయా పాఠశాలలకు పంపిణీ చేయనున్నారు. ఎంపిక చేసిన మహిళా ఉపాధ్యాయురాలు, ఓ విద్యార్థిని బాధ్యత తీసుకొని శానిటరీ ప్యాడ్లను అవసరమైన బాలికలకు అందిస్తారు. ఫ ఉచితంగా శానిటరీ ప్యాడ్ల పంపిణీ ఫ ఇప్పటికే పాఠశాలలకు చేరిన ప్యాడ్లు ఫ ఒక్కో విద్యార్థినికి ఏడాదికి 16చొప్పున అందించేలా ఏర్పాట్లు

యాదగిరిగుట్ట : తిరుమల వేంకటేశ్వరస్వామి భక్తుల మనోభావాలను దెబ్బతీసే విధంగా ఏపీ సీఎం చంద్రబాబునాయుడు వ్యవహరిస్తున్నారని టీటీడీ లోకల్‌ అడ్వైజరీ కమిటీ మాజీ సభ్యుడు వడ్లోజు వెంకటేష్‌ ఆరోపించారు. తిరుమల శ్రీవారి ప్రసాదాల తయారీలో ఉపయోగించిన నెయ్యిలో ఎలాంటి జంతు కొవ్వు లేదని ఈడీ తేల్చడంపై యాదగిరిగుట్టలో ఆదివారం వేంకటేశ్వరస్వామి, ఏపీ మాజీ సీఎం వైఎస్‌ జగన్‌మోహన్‌రెడ్డి చిత్రపటాలకు పాలాభిషేకం చేశారు. ఈ సందర్భంగా వడ్లోజు వెంకటేష్‌ మాట్లాడుతూ.. ఈడీ ఇచ్చిన తీర్పుతో చంద్రబాబునాయుడు అసత్య ప్రచా రాలను మానుకోవాలని సూచించారు. స్వామి వారి బ్రహ్మోత్సవాల వేళ వైఎస్‌ జగన్‌మోహన్‌రెడ్డికి తిరుమలేశుడి ఆశీస్సులు ఉన్నాయని, అందుకే చంద్రబాబు చేసిన అసత్య ఆరోపణలకు బుద్ధి చెప్పే విధంగా నెయ్యిలో జంతు కొవ్వు కలవలేదని తీర్పు వచ్చిందన్నారు.

సూర్యాపేట అర్బన్‌ : మార్కెట్‌లో విద్యుత్‌ సామగ్రి ధరలు అమాంతం పెరగడంతో సామాన్యులు, మధ్యతరగతి కుటుంబాలతో పాటు రైతులపై తీవ్ర ఆర్థిక భారం పడుతోంది. గృహ అవసరాలకు వాడే ఎలక్ట్రికల్‌ వస్తువులపై 20 నుంచి 30 శాతం వరకు ధరలు పెరగ్గా, వ్యవసాయానికి ఉపయోగించే కేబుల్‌ వైర్లు, స్టార్టర్లు, బుష్‌ల ధరలు ఏకంగా 40 శాతానికి పైగా పెరిగాయి. దీనికి తోడు కూలీల చార్జీలు కూడా తోడవడంతో కొత్తగా ఇల్లు నిర్మించుకునేవారు, బోరు మోటార్లు మరమ్మతు చేయించుకునే రైతులు తీవ్ర ఇబ్బందులు ఎదుర్కొంటున్నారు. కొత్త ఇంటి నిర్మాణదారులకు కష్టం..విద్యుత్‌ సామగ్రి ధరల మంట కొత్తగా నిర్మిస్తున్న ఇళ్లపై ప్రత్యక్ష ప్రభావం చూపుతోంది. గతంలో ఒక సింగిల్‌ బెడ్‌రూమ్‌ ఇంటికి పూర్తిస్థాయి ఎలక్ట్రికల్‌ వైరింగ్‌ చేసేందుకు సుమారు రూ.45,000 నుంచి రూ.50,000 వరకు ఖర్చయ్యేది. కానీ, ప్రస్తుత పరిస్థితుల్లో అది రూ.65,000 నుంచి రూ.70,000 వరకు చేరుకుంది. అంటే ప్రతి ఇంటిపై సగటున రూ.20,000 మేర అదనపు భారం పడుతోంది. పైపులు, వైర్లు, స్విచ్‌ బోర్డులు, లేబర్‌ చార్జీలు అన్నీ కలసి బడ్జెట్‌ను దాటిపోతున్నాయి. రైతన్నపై రెట్టింపు భారంవ్యవసాయ రంగానికి అత్యవసరమైన మోటారు కేబుల్‌ వైర్లు, వైండింగ్‌ వైర్లు, స్టార్టర్లు, బుష్‌లు వంటి సామగ్రి ధరలు విపరీతంగా పెరిగాయి. పంట పొలాల్లో బోరు మోటారు ఏ చిన్న సమస్యకు గురైనా రిపేరు చేయించడం రైతులకు గగనంగా మారింది. వైండింగ్‌ చార్జీలతో పాటు విడిభాగాల ధరలు పెరగడంతో ప్రతి చిన్న మరమ్మతుకు వేలాది రూపాయలు సమర్పించుకోవాల్సి వస్తోంది. ఇప్పటికే ఎరువులు, విత్తనాలు, సాగు ఖర్చులు పెరిగి ఇబ్బందుల్లో ఉన్న రైతులకు ఈ ధరల పెరుగుదల మరింత అగ్నికి ఆజ్యం పోసినట్లయింది. 40 శాతం వరకు పెరిగిన విద్యుత్‌ పరికరాలు, కేబుల్‌ వైర్లు, స్టార్టర్ల ధరలు సామాన్యులు, రైతులపై అదనపు భారం

రామన్నపేట : రామన్నపేట మండల కేంద్రం నుంచి పల్లెపాడు వరకు దెబ్బతిన్న రోడ్డుకు మరమ్మతులు చేపట్టాలని సీపీఎం జిల్లా కార్యదర్శివర్గ సభ్యుడు జెల్లెల పెంటయ్య, మునిపంపుల, దుబ్బాక సర్పంచులు బొడ్డుపల్లి వెంకటేశం, గట్టు నర్సింహ డిమాండ్‌ చేశారు. ఆదివారం దుబ్బాక, మునిపంపుల గ్రామాల్లో గుంతలమయంగా మారిన రోడ్లు, మురుగునీరు నిలిచిన ప్రదేశాల్లో సీపీఎం నాయకులు నిరసన వ్యక్తం చేశారు. గుంతలు ఏర్పడి వాహనదారులు ఇబ్బంది పడుతున్నారని, అధికారులు కనీసం గుంతలను పూడ్చే ప్రయత్నం కూడా చేయకపోవడం సరికాదన్నారు. ఈ కార్యక్రమంలో నాయకులు కల్లూరి నాగేష్‌, జంపాల అండాలు, తొల్పునూరి శ్రీనివాస్‌, మేడి గణేష్‌, పావిరాల మత్స్యగిరి, తాళ్లపల్లి జితేందర్‌, తొల్పునూరి చంద్రశేఖర్‌, పుట్టల ఉదయ్‌, గంటెపాక శివకుమార్‌, దండిగ నర్సింహ, ఉండ్రాతి నర్సింహ, జోగుల శ్రీనివాస్‌, గాదె పరమేష్‌, మేడి బాషయ్య తదితరులు పాల్గొన్నారు.

ఆత్మకూరు(ఎం) : పోరాటాల మార్గంతోనే సమస్యలు పరిష్కారమవుతాయని సీపీఐ జాతీయ కార్యదర్శి పల్లా వెంకట్‌రెడ్డి అన్నారు. ఆత్మకూరు(ఎం) మండలంలో లోలెవల్‌ బ్రిడ్జిలను హైలెవల్‌ బ్రిడ్జిలుగా నిర్మించాలని సీపీఐ జిల్లా కార్యవర్గ సభ్యుడు ఉప్పల ముత్యాలు, మండల కార్యదర్శి మారుపాక వెంకటేశం ఆధ్వర్యంలో రెండు రోజుల పాటు పాదయాత్ర చేపట్టారు. ఈ సందర్భంగా ఆదివారం రాయిపల్లి వద్ద సీపీఐ జాతీయ కార్యదర్శి పల్లా వెంకట్‌రెడ్డి మాట్లాడుతూ.. ప్రజా పోరాటాలతోనే చట్టాలు వస్తాయని, వాటి అమలు కోసం పోరాటాలు చేయాల్సి వస్తుందన్నారు. పాదయాత్రలో నాయకులు ఎండీ నయీం, గుర్రం రాజమణి, జక్క దయాకర్‌రెడ్డి, కల్వల నర్సయ్య, జల్ధి రాములు, బొబ్బల లాల్‌రెడ్డి, సోలిపురం లింగారెడ్డి, గాజుల సిద్దులు పాల్గొనగా.. సీపీఐ జిల్లా కార్యదర్శి యానాల దామోదర్‌రెడ్డి జెండా ఊపి ప్రారంభించారు. ఈ కార్యక్రమంలో జిల్లా సహాయ కార్యదర్శులు బొలగాని సత్యనారాయణ, చేడె చంద్రయ్య, చేనేత కార్మిక సంఘం రాష్ట్ర నాయకులు పాశికంటి లక్ష్మీనర్సయ్య, జిల్లా కార్యవర్గ సభ్యులు కళ్లెం కృష్ణ, ఎండీ ఇమ్రాన్‌, చెక్క వెంకటేష్‌, కుసుమరి హరిశ్చంద్ర, పేరబోయిన మహేందర్‌, బండి జంగమ్మ, బబ్బురి శ్రీధర్‌ పాల్గొన్నారు. సీపీఐ జాతీయ కార్యదర్శి పల్లా వెంకట్‌రెడ్డి

మా నాన్న రిటైర్డ్‌ ఆర్మీ ఆఫీసర్‌, నా పేరు మీ, భువనగిరి దగ్గర్లో ఉన్న రియల్‌ వెంచర్‌లో 150 గజాల ప్లాట్‌ను నా పేరు మీద, 2017 సంవత్సరంలో తీసుకున్నాడు. మొత్తం ఈఎంఐ రూపంలో డబ్బులు అన్నీ యాజమాన్యానికి చెల్లించాడు. ఆఫీసుకు వెళ్లి అడిగితే, ఇంకా టైం పడుతుంది. పర్మిషన్‌ రాలేదు అనే సమాధానాలు చెబుతున్నారు. వెంచర్‌ డైరెక్టర్‌ను అడిగితే, నేను డైరెక్టర్‌ను కాదు అని సమాధానం చెబుతున్నాడు. మమ్మల్ని మోసం చేశారు. అరుణ్‌ కుమార్‌, హైదరాబాద్‌, బాలాజీనగర్‌

యాదగిరిగుట్ట రూరల్‌ : జిల్లాలో కొంతమంది రియల్టర్‌లు కొనుగోలుదారుల నుంచి డబ్బులు తీసుకుని ప్లాట్లను వారికి అప్పగించకుండా మోసం చేస్తున్నారు.. తాజాగా తుర్కపల్లి మండలం పెద్ద తండాలో ఓ రియల్‌ సంస్థ గత పన్నెండేళ్ల క్రితం ఓ వెంచర్‌ను ఏర్పాటు చేశారు. ఈ వెంచర్‌లో సామాన్యులకు, ఈఎంఐ రూపంలో ఆశ చూపి, తక్కువ ధరలో వస్తుందని, బ్రోచర్‌లను చూపించి, ప్లాట్‌లను విక్రయించారు. తీరా ప్లాట్‌లను తీసుకున్న తర్వాత, పూర్తిగా డబ్బులు చెల్లించినా, విక్రయదారులకు మాత్రం ప్లాట్‌ను ఇవ్వడం లేదు. గత కొన్ని సంవత్సరాలుగా ఆఫీసుల చుట్టూ తిప్పుకుంటున్నారని, తమకు మాత్రం పొజిషన్‌ ప్లాట్‌లను ఇవ్వడం లేదని ప్లాట్‌లు తీసుకున్న బాధితులు ఆవేదన వ్యక్తం చేస్తున్నారు. ఈ వెంచర్‌ యాజమాన్యం, తుర్కపల్లి, పెద్దతండాతో పాటుగా, రుస్తాపురం, రాళ్లజనగాం, జంగంపల్లి, తిమ్మాపురం శివారుల వరకు సుమారుగా 200 ఎకరాల వరకు పలు సర్వే నెంబర్‌లల్లో, పన్నెండేళ్ల క్రితం వెంచర్‌ను ఏర్పాటు చేశారు. ఆర్మీ ఉద్యోగులే అధికం.. ఫ తుర్కపల్లి మండలంలో వెంచర్‌ ఏర్పాటు చేసిన ప్రముఖ సంస్థ ఫ డబ్బులు చెల్లించినా.. ప్లాట్‌లు ఇవ్వని వైనం ఫ ప్లాట్‌లు చూపించకపోవడంతో లబోదిబోమంటున్న బాధితులు

యాదగిరిగుట్ట : యాదగిరి శ్రీలక్ష్మీనరసింహస్వామి వారి క్షేత్రంలో ఆదివారం శ్రీసుదర్శన నారసింహ హోమం నిర్వహించారు. స్వయంభూ పంచనారసింహులకు బిందే తీర్థం, ఆరాధన, బాలభోగం నిర్వహించి, నిజాభిషేకం జరిపించారు. సహస్రనామార్చన చేపట్టి, తులసీ దళాలతో అర్చించారు. అనంతరం గజ వాహన సేవ, నిత్య కల్యాణం, జోడు సేవలు చేపట్టారు. రాత్రి స్వామి వారికి శయనోత్సవం నిర్వహించి ఆలయాన్ని ద్వార బంధనం చేశారు. ఇక.. ఆదివారం సెలవు రోజు కావడంతో యాదగిరి శ్రీలక్ష్మీనరసింహస్వామి వారి ఆలయంలో భక్తుల కోలాహలం నెలకొంది. హైదరాబాద్‌ – సికింద్రాబాద్‌ జంట నగరాలతో పాటు వివిధ ప్రాంతాలకు చెందిన భక్తులు అధికంగా శ్రీస్వామిని దర్శించుకునేందుకు తరలివచ్చారు. దీంతో శ్రీస్వామి వారి ధర్మ దర్శనానికి 3గంటలు, వీఐపీ దర్శనానికి 30నిమిషాల సమయం పట్టింది. శ్రీస్వామి వారిని 30వేలమందికి పైగా భక్తులు దర్శించుకొని తమ మొక్కులు తీర్చుకున్నారు. వివిధ పూజలతో శ్రీనృసింహస్వామికి నిత్యాదాయం రూ.30,06, 857 వచ్చినట్లు అధికారులు వెల్లడించారు.

నార్కట్‌పల్లి : కాంగ్రెస్‌ ప్రభుత్వం అధికారంలోకి వచ్చిన తర్వాత రాష్ట్రంలో రైతులకు కష్టాలు పెరిగాయని, వ్యవసాయానికి అవసరమైన విద్యుత్‌, సాగునీరు సక్రమంగా అందకపోవడం వల్ల రైతులు తీవ్ర ఇబ్బందులు ఎదుర్కొంటున్నారని నకిరేకల్‌ మాజీ ఎమ్మెల్యే చిరుమర్తి లింగయ్య అన్నారు. నార్కట్‌పల్లి మండలం కొండపాకగూడెం గ్రామంలో ఆదివారం ఆయన పలువురు రైతుల పొలాలను పరిశీలించి వారి సమస్యలు అడిగి తెలుసుకున్నారు. అనంతరం ఆయన మాట్లాడుతూ.. బ్రాహ్మణవెల్లెంల గ్రామ పరిధిలోని ఉదయ సముద్రం ప్రాజెక్టుకు గత బీఆర్‌ఎస్‌ ప్రభుత్వ హయాంలో నిధులు కేటాయించి పనులు పూర్తిచేసి ట్రయల్‌ రన్‌ నిర్వహించామని తెలిపారు. అయితే కాంగ్రెస్‌ ప్రభుత్వం అధికారంలోకి వచ్చిన తర్వాత గత ప్రభుత్వ హయాంలో పూర్తయిన పనులకు కొత్తగా ప్రారంభోత్సవాలు, రిబ్బన్‌ కటింగ్‌లు చేయడం తప్ప రైతులకు సాగునీరు అందించడంలో పూర్తిగా విఫలమైందన్నారు. రోజుకు 12 గంటల విద్యుత్‌ ఇస్తామని చెప్పి, కనీసం 5 గంటలు కూడా సక్రమంగా విద్యుత్‌ అందించడం లేదన్నారు. కాంగ్రెస్‌ ప్రభుత్వం ఎన్నికల సమయంలో ఇచ్చిన హామీలను అమలు చేయడంపై దృష్టి పెట్టకుండా రాజకీయ కక్ష సాధింపు చర్యలకు పాల్పడటం సరికాదన్నారు. ప్రజలకు ఇచ్చిన 420 హామీల అమలుపై కాంగ్రెస్‌ ప్రభుత్వం దృష్టి సారించాలన్నారు. ఈ కార్యక్రమంలో చెర్వుగట్టు ఆలయ మాజీ చైర్మన్‌ మేకల రాజిరెడ్డి, కొండూరు శంకర్‌, వెంకట్‌రెడ్డి, దశరథరెడ్డి, బీఆర్‌ఎస్‌ నాయకులు పాల్గొన్నారు. నకిరేకల్‌ మాజీ ఎమ్మెల్యే చిరుమర్తి లింగయ్య

సంస్థాన్‌ నారాయణపురం : మండలంలోని సర్వేల్‌ గురుకుల పాఠశాలలో చదువుతున్న విద్యార్థులు కష్టపడి జీవితంలో ఉన్నత శిఖరాలను అధిరోహించాలని రాష్ట్ర ఎస్సీ, ఎస్టీ కమిషన్‌ చైర్మన్‌ బక్కి వెంకటయ్య ఆకాంక్షించారు. ఆదివారం సర్వేల్‌ గురుకుల పాఠశాలను బక్కి వెంకటయ్యతో పాటు కమిషన్‌ పభ్యులు జిల్లా శంకర్‌, కొంకటి లక్ష్మీనారాయణ, నేనవత్‌ రాంబాబునాయక్‌ సందర్శించి పాఠశాల ఆవరణలో మొక్కలు నాటారు. అనంతరం తరగతి గదులు, వసతి గదులు, డైనింగ్‌ హాల్‌ను పరిశీలించారు. విద్యార్థులకు అందుతున్న సౌకర్యాలు, సమస్యలపై ఆరా తీశారు. డైనింగ్‌ హాల్‌లో భోజనం చేసి ఆహారం నాణ్యతను పరిశీలించారు. ఈ సందర్భంగా విద్యార్థులతో మాట్లాడుతూ.. సర్వేల్‌ గురుకుల పాఠశాలలో చదివిన విద్యార్థులు ఆలిండియా సర్వీసులతో పాటు ప్రజాప్రతినిధులుగా సేవలందించారని, సర్వేల్‌ గురుకులానికి ఎంతో పేరుప్రతిష్టలు ఉన్నాయని అన్నారు. తరగతి గదిలోనే దేశ భవిష్యత్తు ఉందని పేర్కొన్నారు. తల్లిదండ్రులతో పాటు పాఠశాలకు మంచి పేరు తీసుకురావాలని విద్యార్థులకు సూచించారు. పాఠశాలలో ఏమైనా సమస్యలు ఉంటే ప్రభుత్వం దృష్టికి తీసుకురావాలన్నారు. గురుకులాల్లో ఇప్పటి వరకు గుర్తించిన సమస్యలను ఈ నెల 22న జరిగే హైపవర్‌ సమావేశంలో ముఖ్యమంత్రి దృష్టికి తీసుకెళ్తామన్నారు. ఈ సందర్భంగా బక్కి వెంకటయ్యతో పాటు కమిషన్‌ సభ్యులను ఘనంగా సన్మానించారు. ఈ కార్యక్రమంలో బీఆర్‌ఎస్‌వీ మునుగోడు నియోజకవర్గ అధ్యక్షుడు నలపరాజు రమేష్‌, సర్వేల్‌ మాజీ సర్పంచ్‌ కట్టెల భిక్షపతి, బీఆర్‌ఎస్‌వీ మునుగోడు నియోజకవర్గ కార్యదర్శి గుమ్మాల ప్రవీణ్‌కుమార్‌, మల్లేష్‌ తదితరులు ఉన్నారు. రాష్ట్ర ఎస్సీ, ఎస్టీ కమిషన్‌ చైర్మన్‌ బక్కి వెంకటయ్య

మిర్యాలగూడ : నూతన గ్రామ పంచాయతీలను రెవెన్యూ గ్రామాలుగా గుర్తించాలని తెలంగాణ పంచాయతీరాజ్‌ చాంబర్స్‌ అధ్యక్షుడు సత్యనారాయణరెడ్డి ప్రభుత్వాన్ని కోరారు. నల్లగొండలోని ఎస్‌బీఆర్‌ గార్డెన్‌లో ఆదివారం చాంబర్స్‌ జిల్లా కన్వీనర్‌ బెజ్జం సాయి అధ్యక్షతన జరిగిన సర్పంచుల సంఘం సమావేశంలో ఆయన మాట్లాడారు. ఉమ్మడి రాష్ట్రంలో అమలు చేసిన విధంగానే గ్రామ పంచాయతీల విద్యుత్‌ బిల్లులను ప్రభుత్వమే చెల్లించాలన్నారు. స్థానిక సెస్‌లు, స్టాంపు డ్యూటీలు, సీనరేజ్‌, మైనింగ్‌ తదితర పన్నుల నిధులను నేరుగా పంచాయతీల ఖాతాల్లోకే జమ చేయాలని డిమాండ్‌ చేశారు. అలాగే 73వ రాజ్యాంగ సవరణ చట్టంలోని 243 ఆర్టికల్‌, 11వ షెడ్యూల్‌లో పేర్కొన్న 29 అధికారాలు, విధులు, నిధులను పంచాయతీలకు బదలాయించాలని కోరారు. ఈ సమావేశంలో సర్పంచుల సంఘం రాష్ట్ర మాజీ అధ్యక్షుడు పురుషోత్తంరెడ్డి, రాష్ట్ర పంచాయతీరాజ్‌ చాంబర్స్‌ ప్రధాన కార్యదర్శి బాదేపల్లి సిద్ధార్థ, రాష్ట్ర చాంబర్స్‌ కార్యదర్శి మందిపల్లి వెంకట్‌, బత్తుల వెంకట్రాములు తదితరులు పాల్గొన్నారు.ఫ తెలంగాణ పంచాయతీరాజ్‌ చాంబర్స్‌ అధ్యక్షుడు సత్యనారాయణరెడ్డి

వలిగొండ : విద్యుత్‌ ట్రాన్స్‌ఫార్మర్‌ వద్ద ఏబీ స్విచ్‌ ఆన్‌ చేస్తుండగా విద్యుదాఘాతానికి గురై రైతు మృతిచెందాడు. ఈ ఘటన వలిగొండ మండలం వేములకొండ గ్రామంలో శనివారం రాత్రి జరిగింది. పోలీసులు తెలిపిన వివరాల ప్రకారం.. వేములకొండకు చెందిన ఎనుగుల ఐలయ్య(41) శనివారం రాత్రి తన కుమారుడితో కలిసి వ్యవసాయ బావి వద్దకు వెళ్లారు. అక్కడ బోరు మోటారు ఆన్‌ చేయగా.. విద్యుత్‌ సరఫరా కావట్లేదని గమనించారు. దీంతో ఐలయ్య పక్కనే ఉన్న విద్యుత్‌ ట్రాన్స్‌ఫార్మర్‌ వద్దకు వెళ్లి ఏబీ స్విచ్‌ ఆన్‌ చేస్తుండగా విద్యుదాఘాతానికి గురై స్పృహతప్పి కింద పడిపోయాడు. అతడి కుమారుడు వెంటనే చికిత్స నిమిత్తం ఐలయ్యను రామన్నపేట ప్రభుత్వాస్పత్రికి తరలించగా అప్పటికే మృతిచెందాడు. ఆదివారం మృతుడి కుటుంబ సభ్యులు ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ శ్రీకాంత్రెడ్డి తెలిపారు. భార్య కనిపించడం లేదని భర్త ఫిర్యాదు మర్రిగూడ : తన భార్య కనిపించడం లేదని ఓ వ్యక్తి ఆదివారం మర్రిగూడ పోలీస్‌ స్టేషన్‌లో ఫిర్యాదు చేశాడు. పోలీసులు తెలిపిన వివరాల ప్రకారం.. మర్రిగూడ మండలం యరగండ్లపల్లి గ్రామానికి చెందిన తోకల లక్ష్మి ఇంట్లో ఎవరికీ చెప్పకుండా బయటకు వెళ్లి తిరిగి రాలేదు. ఎంత వెతికినా లక్ష్మి ఆచూకీ లభించకపోవడంతో ఆమె భర్త యాదయ్య స్థానిక పోలీస్‌ స్టేషన్‌లో ఫిర్యాదు చేశాడు. ఈ మేరకు కేసు నమోదు చేసుకుని దర్యాప్తు చేపట్టినట్లు ఎస్‌ఐ రాంబాబు తెలిపారు. మోసగాడి రిమాండ్‌ మర్రిగూడ : తక్కువ ధరకే బంగారం ఇస్తానని నమ్మించి ఓ వ్యక్తి వద్ద రూ.6,20,000 కాజేసిన మోసగాడిపై కేసు నమోదు చేసి ఆదివారం రిమాండ్‌కు తరలించినట్లు నాంపల్లి సీఐ దూది రాజు తెలిపారు. పోలీసులు తెలిపిన వివరాల ప్రకారం.. ఏపీలోని పశ్చిమగోదావరి జిల్లా తణుకు మండలం మందపాక గ్రామానికి చెందిన మాచర్ల వెంకటేష్‌.. మర్రిగూడ మండలం శివన్నగూడెం గ్రామానికి చెందిన ఒక వ్యక్తితో పరిచయం పెంచుకున్నాడు. తక్కువ ధరకే బంగారు నాణాలు ఇప్పిస్తానని నమ్మించి అతడి వద్ద నుంచి సొమ్మును తీసుకుని మోసం చేసినట్లు సీఐ తెలిపారు. బాధితుడి ఫిర్యాదు మేరకు కేసు నమోదు చేసిన పోలీసులు.. వెంకటేష్‌ను అరెస్ట్‌ చేసి రిమాండ్‌కు తరలించారు.

భువనగిరి, రామన్నపేట: రాష్ట్ర ప్రభుత్వం దసరా నాటికి కొత్తగా చేయూత పింఛన్లు మంజూరు చేయనున్న నేపథ్యంలో జిల్లాలో విచారణ ప్రక్రియ వేగవంతమైంది. ఈ నెల 15 వరకు అర్హుల నుంచి కొత్తగా దరఖాస్తులు స్వీకరించిన విషయం తెలిసిందే. గడువు ముగిసిన తర్వాత పరిశీలిస్తే జిల్లా వ్యాప్తంగా 18,308 అర్జీలు వచ్చాయి. వీటిలో అత్యధికంగా వితంతువులే 8,478 మంది పింఛన్‌ కోసం దరఖాస్తు చేసుకున్నారు. దరఖాస్తుదారుల్లో 35 నుంచి 50 సంవత్సరాల వయస్సు కలిగిన మహిళలే ఎక్కువగా ఉండటం గమనార్హం. వీరే కాకుండా ఒంటరి మహిళలు 917 మంది పింఛన్‌ కోసం ఎదురుచూస్తున్నారు. దివ్యాంగులు 4410, చేనేత 1573, కల్లుగీత కార్మికులు 2930 మంది దరఖాస్తులు చేసుకున్నారు. క్షేత్రస్థాయి పరిశీలన వేగవంతం జిల్లాలోనే అత్యధికంగా వలిగొండ మండలం నుంచి 1,438 దరఖాస్తులు రాగా, అతి తక్కువగా మోత్కూరు మండలం నుంచి 310 దరఖాస్తులు నమోదయ్యాయి. అందిన దరఖాస్తులను ఎంపీడీఓ, మున్సిపల్‌ కార్యాలయాల్లోని సిబ్బంది ఇప్పటికే ఆన్‌లైన్‌లో నమోదు చేశారు. ప్రస్తుతం మండల స్థాయి అధికారులు ప్రత్యేక బృందాలుగా ఏర్పడి దరఖాస్తుదారుల ఇళ్లకు వెళ్లి నేరుగా విచారణ చేపడుతున్నారు. నిశితంగా తనిఖీ లబ్ధిదారుల రేషన్‌ కార్డు, కుల, ఆదాయ వివరాలు, కుటుంబంలో ఎవరైనా ప్రభుత్వ, ప్రైవేట్‌ ఉద్యోగులు ఉన్నారా?.. 7.5 ఎకరాల కంటే ఎక్కువ వ్యవసాయ భూమి ఉందా? ఇంట్లో వేరే ఎవరైనా పింఛన్‌ పొందుతున్నారా? అనే అంశాలను నిశితంగా తనిఖీ చేస్తున్నారు. నాలుగు చక్రాల వాహనం ఉన్నా, పరిమితికి మించి భూమి ఉన్నా దరఖాస్తులను తిరస్కరిస్తున్నారు. వివరాలన్నింటినీ నేరుగా చేయూత యాప్‌లో నమోదు చేస్తూ దరఖాస్తుదారుల ఫొటోలను అప్‌లోడ్‌ చేస్తున్నారు. ఈ విచారణ ప్రక్రియను ఈ నెలాఖరు నాటికి పూర్తి చేసి, అర్హులైన ప్రతి ఒక్కరికీ దసరా పండుగ నాటికి నూతన పింఛన్లను అందించేలా అధికారులు చర్యలు వేగవంతం చేశారు. ఫ వితంతు దరఖాస్తులే అధికం ఫ ముమ్మరంగా క్షేత్రస్థాయి విచారణ ఫ మండల స్థాయి అధికారులతో ప్రత్యేక బృందాల ఏర్పాటు ఫ చేయూత యాప్‌లో దరఖాస్తుదారుల వివరాలు నమోదు ఫ దసరా నాటికి కొత్త పింఛన్ల మంజూరుకు చర్యలు

భువనగిరిటౌన్‌ : ప్రభుత్వ రంగ సంస్థల పరిరక్షణ, నాలుగు లేబర్‌ కోడ్ల రద్దుకు ఉద్యోగులు, కార్మికులు సంఘటితంగా పోరాడాలని సీఐటీయూ రాష్ట్ర ఉపాధ్యక్షుడు ఈశ్వర్‌రావు పిలుపునిచ్చారు. ఆదివారం భువనగిరిలో జిల్లా అధ్యక్షుడు కోమటిరెడ్డి చంద్రారెడ్డి అధ్యక్షతన నిర్వహించిన సమావేశంలో ఆయన మాట్లాడారు. కేంద్రంలోని బీజేపీ ప్రభుత్వం విద్యుత్‌, రైల్వే, ఎల్‌ఐసీ వంటి కీలక ప్రభుత్వ రంగాలను కార్పొరేట్‌ శక్తులకు కట్టబెట్టేందుకు చూస్తోందని మండిపడ్డారు. విద్యుత్‌ సంస్కరణలు, స్మార్ట్‌ మీటర్లతో వినియోగదారులపై చార్జీల భారం పడటంతో పాటు రైతులకు ఉచిత విద్యుత్‌ దూరం అవుతుందని ఆందోళన వ్యక్తం చేశారు. కేంద్ర ప్రభుత్వ విధానాలకు వ్యతిరేకంగా ఢిల్లీలో డిసెంబర్‌ 1, 2, 3 తేదీల్లో జరిగే నిరసన కార్యక్రమాలకు విద్యుత్‌, రైల్వే, ఎల్‌ఐసీ, ఆర్టీసీ సహా అన్ని రంగాల ఉద్యోగులు పెద్ద సంఖ్యలో పాల్గొని విజయవంతం చేయాలని కోరారు. కార్యక్రమంలో సీఐటీయూ నాయకులు దాసరి పాండు, మాయ కృష్ణ, శ్రీనివాస్‌, మల్లేశం, యాదప్ప, మహేష్‌ తదితరులు పాల్గొన్నారు. ఫీజుల నియంత్రణకు కమిషన్‌ ఏర్పాటు చేయాలినల్లగొండ : ప్రైవేటు పాఠశాలలు, కళాశాలల్లో ఫీజుల నియంత్రణతోపాటు సీట్ల నియంత్రణకు ప్రత్యేక కమిషన్లను ఏర్పాటు చేయాలని డెమొక్రటిక్‌ ఆల్‌ టీచర్స్‌ అసోసియేషన్‌ (డేటా) సంఘం నాయకులు అన్నారు. ఆదివారం నల్లగొండలోని టీఎన్‌యూటీఓ భవన్‌లో నిర్వహించిన రౌండ్‌టేబుల్‌ సమావేశంలో వారు మాట్లాడారు. ఈ సమావేశంలో సంఘం రాష్ట్ర అధ్యక్షుడు డాక్టర్‌ మహ్మద్‌ మొహినొద్దీన్‌, డీటీఎఫ్‌ జిల్లా ప్రధాన కార్యదర్శి ఏడుకొండలు, ఉస్మానియా యూనివర్సిటీ ప్రొఫెసర్‌ వెంకటదాసు, హైకోర్టు న్యాయవాది పద్మారావు, డి.రాములు, డీటీఎఫ్‌ జిల్లా ప్రధాన కార్యదర్శి ఏడుకొండలు, టీపీఎఫ్‌ జిల్లా అధ్యక్షుడు సీహెచ్‌.సుధాకర్‌, టీజేఎస్‌ నాయకులు పన్నాల గోపాల్‌రెడ్డి, రవి కిశోర్‌, పన్నాల గోపాల్‌రెడ్డి, నాగలక్ష్మి, పి.రజిత, సీహెచ్‌.సుధాకర్‌ పాల్గొన్నారు.

గుర్రంపోడు : పంట దిగుబడి తగ్గడానికి తెగుళ్లు, చీడపీడలే ప్రధాన కారణం. వీటి నివారణకు రైతులు విచ్చలవిడిగా క్రిమిసంహారక మందులు వాడుతుండటంతో పెట్టుబడి పెరగడమే కాకుండా, మిత్ర పురుగులు నశిస్తున్నాయి. దీనికితోడు ఆశించిన ఫలితాలు కూడా రావడం లేదు. ఈ క్రమంలో రైతులు ఖర్చు తగ్గించుకుని, మిత్ర పురుగులను కాపాడుకుంటూ పంటను రక్షించుకోవడానికి లింగాకర్షణ బుట్టలు, పసుపు రంగు అట్టలు (ఎల్లో స్టిక్కీ ట్రాప్స్‌) ఎంతగానో ఉపయోగపడతాయని ప్రాంతీయ ఉద్యానవన అధికారి మురళి సూచిస్తున్నారు. వాటి వినియోగంపై రైతులకు పలు సూచనలు చేశారు. లింగాకర్షణ బుట్టలు (ఫిరమోన్‌ ట్రాప్స్‌)పంటలను ఆశించే పురుగులు.. ఒకదాని నుంచి మరో దానికి వచ్చే వాసనల ద్వారా ఆకర్షితమై వృద్ధి చెందుతాయి. వీటిని అరికట్టేందుకు లింగాకర్షణ బుట్టలు అమర్చాలి. ఇందులో ఉండే ఆడ పురుగు వాసనకు మగ పురుగులు ఆకర్షితమై బుట్టలో పడిపోతాయి. పురుగుల ఉధృతిని ప్రాథమికంగా గుర్తించేందుకు ఎకరాకు 4 బుట్టలు, వాటిని పూర్తిగా నివారించేందుకు ఎకరాకు 10 బుట్టలు అమర్చాలి. ప్రతి 25 నుంచి 30 రోజులకు ఒకసారి ఇందులో ఎరను (ల్యూర్‌) మార్చాలి. వరి, మొక్కజొన్న, పత్తితో పాటు అన్ని రకాల కూరగాయల పంటలకు వీటిని ఉపయోగించవచ్చు. ఆయా పంటలను ఆశించే పురుగును బట్టి దానికి సంబంధించిన ఎరను బుట్టలో అమర్చుకోవాలి. పసుపు రంగు అట్టలు (ఎల్లో స్టిక్కీ ట్రాప్స్‌)రసం పీల్చే పురుగుల నివారణకు ఇవి అద్భుతంగా పనిచేస్తాయి. తెల్లదోమ, పచ్చదోమ, పేనుబంక, తామర పురుగు, ఆకుముడత, పచ్చదీపపు పురుగులను వీటితో అరికట్టవచ్చు. పురుగులు పసుపు రంగుకు ఆకర్షితమై అట్టలకు ఉన్న జిగురుకు అతుక్కుపోతాయి. పంట తొలిదశ నుంచే వీటిని వాడాలి. ఎకరాకు 10 చొప్పున తూర్పు, పడమర దిశల్లో వీటిని అమర్చాలి. అమర్చిన తర్వాత మొక్కలను కదల్చడం ద్వారా ఆకులపై ఉన్న తెల్లదోమ, ఇతర పురుగులు ఎగిరి అట్టలకు అంటుకుంటాయి. అట్టపై 50 శాతానికి మించి పురుగులు అతుక్కున్న తర్వాత పాతవి తీసేసి కొత్తవి అమర్చుకోవాలి. కూరగాయలు, పండ్లతోటల్లో కాయతొలుచు పురుగుల నివారణకు ఈ ఎరలు ఎంతో మేలు చేస్తాయి. లింగాకర్షణ బుట్టల వినియోగంపై ప్రాంతీయ ఉద్యానవన అధికారి మురళి సూచనలు

భువనగిరి: జిల్లా వ్యాప్తంగా ఈ నెల 23న గణనాథుల నిమజ్జనం జరగనుంది. గతేడాది జిల్లాలో సుమారు 4 వేల వరకు మండపాలు ఏర్పాటు కాగా, ఈ సారి ఆన్‌లైన్‌ ద్వారా 3,695 మండపాలు నమోదయ్యాయి. మ్యాపింగ్‌, జియో ట్యాగింగ్‌తో భద్రత ఎలాంటి అవాంఛనీయ సంఘటనలు జరగకుండా పోలీస్‌ శాఖ పటిష్ట బందోబస్తు ఏర్పాటు చేసింది. ఇందులో భాగంగానే శాంతిభద్రతల పరిరక్షణ కోసం జిల్లాలోని అన్ని మండపాలను జియో ట్యాగింగ్‌ చేసి, గూగుల్‌ మ్యాప్‌లో గుర్తించారు. అంతేకాకుండా శోభాయాత్ర ప్రశాంత వాతావరణంలో సాగేలా ఆయా మార్గాల్లో సీసీ కెమెరాలను కూడా ఏర్పాటు చేస్తున్నారు. వర్షాభావ పరిస్థితుల కారణంగా ఈసారి చాలా చెరువుల్లో నీరు లేకపోవడంతో నీటి లభ్యత ఉన్న ప్రధాన చెరువులు, జలాశయాలను మాత్రమే నిమజ్జనానికి ఎంపిక చేశారు. ఆయా ప్రాంతాల్లో క్రేన్లు, బారికేడ్లు, లైటింగ్‌, తాగునీరు, బోటింగ్‌, అగ్నిమాపక శకటాలు, వైద్య సిబ్బంది, గజ ఈతగాళ్లను అందుబాటులో ఉంచుతున్నారు. ఉత్సవాల్లో డీజేల వాడకాన్ని పూర్తిగా నిషేధించారు. నిమజ్జనానికి ఎంపిక చేసిన చెరువులివే.. భువనగిరి పట్టణంలో పెద్ద చెరువు, బస్వాపురం చెరువు, రాయగిరి, బీబీనగర్‌ చెరువు, పెద్ద యాదగిరిగుట్ట మండలం కందుకూరు చెరువు, చౌటుప్పల్‌ మండలం మల్కాపురం చెరువు, పోచంపల్లి చెరువు, రామన్నపేట మండలం తుమ్మలగూడెం చెరువు, వలిగొండ మండలం సంగెం వద్ద మూసీ నది, మోత్కూర్‌ చెరువు, యాదగిరిగస్టీ వద్ద నల్ల చెరువు, గోధుమకుంట, ఆలేరులోని సాయిగూడెం చెరువు, ఆలేరు మండలంలోని బాహుపేటవద్ద గోధుమకుంటలో నిమజ్జనం చేసేందుకు ఏర్పాట్లు చేస్తున్నారు. ఫ శోభాయాత్ర మార్గాల్లో సీసీ కెమెరాలు ఫ ఉత్సవాల్లో డీజేల వాడకం నిషేధం సీసీ కెమెరాలు ఏర్పాటు చేస్తున్నాం వినాయక నిమజ్జనం ప్రశాంతవాతావరణంలో జరిగే విధంగా ప్రణాళికలు రూపొందించాం. ఇప్పటికే మండలపాలను జియో ట్యాగింగ్‌ చేయడం పూర్తయింది. నిమజ్జనం ప్రశాంతంగా జరిగేలా శోభాయాత్ర జరిగే మార్గంలో సీసీ కెమెరాలను ఏర్పాటు చేస్తున్నాం. ఎలాంటి అవాంచనీయ సంఘటనలు జరగకుండా పోలీస్‌ బందోబస్తు ఉంటుంది. – రవీందర్‌, డీఎస్పీ, భువనగిరి

మోటకొండూర్‌ : కాంగ్రెస్‌ ప్రభుత్వ కుంభ కోణాలను, తప్పులపై ప్రశ్నిస్తే అరెస్టులు, ప్రజల సమస్యలను, ఇచ్చిన హామీలను అడిగితే కేసులు పెడుతూ బీఆర్‌ఎస్‌ నాయకులను భయపెట్టే ప్రయత్నం చేస్తున్నారని మాజీ మంత్రి, సిద్దిపేట ఎమ్మెల్యే తన్నీరు హరీష్‌రావు అన్నారు. ఆదివారం మోటకొండూర్‌ మండల కేంద్రంలో సిరబోయిన మల్లేష్‌ యాదవ్‌ ఆధ్వర్యంలో 150 మంది కాంగ్రెస్‌ పార్టీ నాయకులు బీఆర్‌ఎస్‌ పార్టీలో చేరారు. ఈ సందర్భంగా ఏర్పాటు చేసిన సభలో హరీష్‌రావు మాట్లాడుతూ.. హామీలు అమలు చేతకాక సీఎం రేవంత్‌రెడ్డి ప్రజలను మభ్యపెట్టే ప్రయత్నం చేస్తున్నారన్నారు. రోజుకు 24 గంటల నాణ్యమైన విద్యుత్‌ను కేసీఆర్‌ ప్రభుత్వం అందిస్తే.. ప్రస్తుతం 7 గంటలు మాత్రమే, అది కూడా లోఓల్టేజ్‌ విద్యుత్‌ సరఫరా చేస్తుంటే కోమటి రెడ్డి వెంకట్‌రెడ్డికి కనిపించటం లేదా అని నిలదీశారు. అన్ని వర్గాల ప్రజలు రాష్ట్రంలో కాంగ్రెస్‌ ప్రభుత్వాన్ని చీదరించుకుంటున్నారని ఎప్పులు ఎన్నికలు వచ్చిన బీఆర్‌ఎస్‌ ప్రభుత్వం రావడం తథ్యమని ధీమా వ్యక్తం చేశారు. ఈ సందర్భంగా మండల కేంద్రానికి వచ్చిన హరీష్‌ రావుకు పార్టీ శ్రేణులు హైస్కూల్‌ వద్ద ఘన స్వాగతం పలికి ర్యాలీగా సభా స్థలానికి వచ్చారు. అంబేద్కర్‌ చౌరస్తా వద్ద విగ్రహానికి పూలమాల వేసి నివాళ్లు అర్పించారు. అనంతరం సభలో పార్టీలో చేరిన 150 మందికి పార్టీ కండువా కప్పి ఆహ్వానించారు. మాజీ ప్రభుత్వ విప్‌ గొంగిడి సునీత మాట్లాడుతూ.. రాష్ట్రంలో రేవంత్‌రెడ్డి అండ్‌ కో కలిసి భూదందాలు చేస్తున్నారని, స్థానిక ఎమ్మెల్యే భూదందాలలో పాటు, క్రషర్‌లు, చెరువు మట్టి, సెటిల్‌మెంట్‌లు, దోపిడీలకు పాల్ప డుతున్నారని ఆరోపించారు. కార్యక్రమంలో మాజీ ఎమ్మెల్యే బూడిద భిక్షమయ్య గౌడ్‌, పైళ్ల శేఖర్‌రెడ్డి, చిరుమర్తి లింగయ్య, కూసుకుంట్ల ప్రభాకర్‌రెడ్డి, కర్నె ప్రభాకర్‌, క్యామ మల్లేష్‌, మహేందర్‌రెడ్డి, రామకృష్ణారెడ్డి, విద్యాసాగర్‌, ఎర్రోల శ్రీనివాస్‌, బాలు, కల్లూరి రామచంద్రారెడ్డి, బొట్ల యాదయ్య, అనంతుల శోభన్‌రెడ్డి, గాజుల వెంకటేష్‌, తండ రాజు, శ్రీకర్‌రెడ్డి, పల్లా వెంకట్‌రెడ్డి, శ్రీలత పాల్గొన్నారు. ఫ బీఆర్‌ఎస్‌ నాయకులను భయపెట్టే ప్రయత్నం చేస్తున్నారు ఫ మాజీ మంత్రి తన్నీరు హరీష్‌రావు

కట్టంగూర్‌ : మండలంలోని మునుకుంట్ల గ్రామ శివారులో చెరువు కట్టపై శనివారం రాత్రి కొందరు వ్యక్తులు పేకాట ఆడుతున్నారని పక్కా సమాచారం అందడంతో టాస్క్‌ఫోర్స్‌ సిబ్బంది, కట్టంగూర్‌ పోలీసులు దాడి చేసి 8మందిని పట్టుకున్నారు. మరో నలుగురు పరారైనట్లు ఎస్‌ఐ రవీందర్‌ తెలిపారు. పట్టుబడిన వారి నుంచి రూ.5,610 నగదు, ఆరు సెల్‌ఫోన్లు, 6 ద్విచక్ర వాహనాలు స్వాధీనం చేసుకుని, 12 మందిపై కేసు నమోదు చేసి దర్యాప్తు చేస్తున్నట్లు ఎస్‌ఐ పేర్కొన్నారు. అనుమానాస్పద స్థితిలో వ్యక్తి మృతి చౌటుప్పల్‌ : మండల పరిధిలోని దండుమల్కాపురం గ్రామంలో అనుమానాస్పద స్థితిలో వ్యక్తి మృతిచెందాడు. పోలీసులు తెలిపిన వివరాల ప్రకారం.. ఆదివారం మధ్యాహ్నం సమయంలో దండుమల్కాపురం గ్రామంలోని వైన్స్‌ సమీపంలో చెట్ల పొదల్లో వ్యక్తి మృతదేహాన్ని గుర్తించిన స్థానికుడు వెంటనే పోలీసులకు సమాచారం అందించాడు. పోలీసులు ఘటనా స్థలానికి చేరుకుని విచారణ చేపట్టారు. ఘటనా స్థలంలో లభించిన ఆధారాల మేరకు మృతుడు ఏపీలోని కృష్ణా జిల్లా తోట్లవల్లూరు మండలం కుమ్మమూరు గ్రామానికి చెందిన అన్నవరపు నాగరాజు(35)గా పోలీసులు గుర్తించారు. మృతుడికి భార్య, ఇద్దరు పిల్లలు ఉన్నారని, వెల్డింగ్‌ పనిచేసుకుంటూ జీవనం సాగిస్తున్నట్లు పేర్కొన్నారు. మృతుడి భార్యాపిల్లలు హైదరాబాద్‌లోని జూబ్లీహిల్స్‌లో ఉంటుండగా.. అతడు మాత్రం వెల్డింగ్‌ పని నిమిత్తం దండుమల్కాపురంలో ఉంటున్నట్లు పోలీసులు తెలిపారు. ఈ మేరకు కేసు నమోదు చేసుకొని.. నాగరాజు ఎలా మృతిచెందాడనే కోణంలో దర్యాప్తు చేస్తున్నట్లు చౌటుప్పల్‌ సీఐ మన్మథకుమార్‌ తెలిపారు. డివైడర్‌ను ఢీకొని కారు బోల్తా ● వృద్ధురాలికి గాయాలు అడ్డగూడూరు : కారు అదుపుతప్పి డివైడర్‌ ఢీకొని పల్టీ కొట్టడంతో అందులో ప్రయాణిస్తున్న వృద్ధురాలికి గాయాలయ్యాయి. ఈ ఘటన అడ్డగూడూరు మండలం చౌల్లరామరం గ్రామ స్టేజీ ఆదివారం జరిగింది. పోలీసులు తెలిపిన వివరాల ప్రకారం.. తుంగతుర్తి మండలం గొట్టిపర్తి గ్రామానికి చెందిన డ్రైవర్‌ పొన్నం సందీప్‌ తన అమ్మమ్మ బండారి సోమక్కతో కలిసి కారులో హైదరాబాద్‌ నుంచి తిరుమలగిరికి వెళ్తుండగా.. అడ్డగూడూరు మండలం చౌల్లరామారం గ్రామ స్టేజీ వద్దకు రాగానే కారు అదుపుతప్పి డివైడర్‌ను ఢీకొని పల్టీ కొట్టింది. ఈ ప్రమాదంలో సోమక్క తలకు గాయాలయ్యాయి. వెంటనే ఆమెకు ఆస్పత్రికి తరలించారు. కారు ఢీకొని మహిళ మృతి నాంపల్లి : కారు ఢీకొని మహిళ మృతిచెందిన ఘటన నాంపల్లి మండలంలో ఆదివారం చోటుచేసుకుంది. గ్రామస్తులు, పోలీసులు తెలిపిన వివరాల ప్రకారం.. మండలంలోని బండ తిమ్మాపురం గ్రామ పంచాయతీ ఆవాస గ్రామమైన పాటిమీదగూడేనికి చెందిన గుణబోయిన లక్ష్మమ్మను అదే గ్రామానికి చెందిన బోదాసు రాజు అనే వ్యక్తి గ్రామంలో కారుతో ఢీకొట్టడంతో తీవ్ర గాయాలయ్యాయి. మెరుగైన చికిత్స కోసం లక్ష్మమ్మను దేవరకొండ ప్రభుత్వ ఆస్పత్రికి తరలించగా.. అప్పటికే ఆమె మృతి చెందినట్లు వైద్యులు నిర్ధారించారు. మృతురాలి కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ కె. లింగారెడ్డి తెలిపారు.

యాదగిరిగుట్ట: యాదగిరి శ్రీలక్ష్మీనరసింహస్వామి వారి క్షేత్రంలో ఆదివారం శ్రీసుదర్శన నారసింహ హోమం నిర్వహించారు. స్వయంభూ పంచనారసింహులకు బిందే తీర్థం, ఆరాధన, బాలభోగం నిర్వహించి, నిజాభిషేకం జరిపించారు. సహస్రనామార్చన చేపట్టి, తులసీ దళాలతో అర్చించారు. అనంతరం గజ వాహన సేవ, నిత్య కల్యాణం, జోడు సేవలు చేపట్టారు. ముఖ మండపంలో సువర్ణ పుష్పార్చన, ప్రథమ ప్రాకార మండపంలో వేద ఆశీర్వచనం పూజల్లో భక్తులు పాల్గొని మొక్కులు తీర్చుకున్నారు. రాత్రి స్వామి వారికి శయనోత్సవం నిర్వహించి ఆలయాన్ని ద్వార బంధనం చేశారు.

యాదగిరిగుట్ట రూరల్‌: మోటకొండూర్‌ మండల కేంద్రం పర్యటనకు వెళ్లిన మాజీ మంత్రి హరీష్‌ రావు యాదగిరిగుట్ట మండంలంలోని మహబూబ్‌పేట గ్రామంలో కొద్దిసేపు ఆగారు. ఈ సందర్భంగా రాష్ట్ర ప్రభుత్వ ఆరు గ్యారంటీలు అమలవుతున్నాయా అని మహిళలను అడిగారు. కేసీఆర్‌ పాలన బాగుందా..? రేవంత్‌ రెడ్డి పాలన బాగుందా.. అని, పెన్షన్‌లు ఎంత వస్తున్నాయి? మహిళలకు రూ.2500 వస్తున్నాయా? అని అడిగారు. అంతకుముందు ఆయనకు వంగపల్లి గ్రామం వద్ద ఘన స్వాగతం పలికారు. అనంతరం బైక్‌ ర్యాలీగా మోటకొండూర్‌ మండల కేంద్రానికి చేరుకున్నారు. కార్యక్రమంలో మండల అధ్యక్షుడు కర్రె వెంకటయ్య, మిట్ట వెంకటయ్య, బీమగాని నర్సింహ, కవిడె మహేందర్‌, కానుగు లక్ష్మణ్‌, మదర్‌ డెయిరీ డైరెక్టర్‌ కందాల అలివేల రంగారెడ్డి, ఉపసర్పంచ్‌ సోకం అనిత పాల్గొన్నారు.

ఈడీ, సిట్‌ కేసులు ఉన్నా.. 22ఏ నిషేధిత జాబితా సవరణపై అనుమానాలు సాక్షి, యాదాద్రి : 22ఏ నిషేధిత జాబితాను సవరించిన అధికారుల తీరుపై అనుమానాలు వ్యక్తమవుతున్నాయి. చౌటుప్పల్‌ మండలం తూప్రాన్‌పేటలో నిషేధిత జాబితాలో ఉన్న ఈడీ, సిట్‌ కేసుల భూముల రిజిస్ట్రేషన్‌ ప్రక్రియ వివాదం శుక్రవారం తెరపైకి వచ్చింది. గత డిసెంబర్‌లో వ్యవసాయ భూములు, నివేశన స్థలాలను రిజిస్ట్రేషన్‌ యాక్ట్‌–1908 సెక్షన్‌ 22ఏలో చేర్చి రిజిష్ట్రేషన్లకు అడ్డుకట్ట వేసిన విషయం తెలిసిందే. ప్రతిపక్షాలు, ప్రజలు, సొంతపార్టీ ఎమ్మెల్యే నుంచి వచ్చిన వినతుల నేపథ్యంలో ప్రభుత్వం నిషేధిత జాబితాను ఈ వారంలోనే సవరించింది. 422 గ్రామ పంచాయతీల్లో.. జిల్లాలో 17 మండలాలు, ఆరు మున్సిపాలిటీల్లో మొత్తం 319 రెవెన్యూ గ్రామాలు ఉన్నాయి. ఇందులో 422 గ్రామ పంచాయతీల్లో నిషేధిత జాబితాల్లో 39,468 ఇళ్లు, 2450 సర్వే నంబర్లలో 28,549 ఎకరాల వ్యవసాయ భూమి ఉంది. వ్యవసాయ భూములు, ఇళ్ల స్థలాలను ఈడీ, సీఐడీ, సిట్‌, ఆర్‌ఆర్‌, ఏసీబీ కేసుల్లో ఉన్న భూములు 258 ఎకరాలు, ప్రభుత్వ స్థలాలు 964 ఎకరాలు నిషేధిత జాబితాలో చేర్చారు. వీటీతోపాటు అసైన్డ్‌ భూములు, భూదాన్‌, ఇనామ్‌, వక్ఫ్‌, దేవాదాయ శాఖ, చెరువులు, అటవీ, ప్రభుత్వ, భూములు, రోడ్లు, శ్మశానాలు వంటివి చేర్చారు. చిక్కుల్లో తూప్రాన్‌పేట భూములు నయీమ్‌ కేసుకు సంబంధించి ప్రత్యేక విచారణ కమిటీ (సిట్‌ )నుంచి క్లియరెన్స్‌ ఉన్నా, ఎన్‌ఫోర్స్‌మెంట్‌ డైరెక్టరేట్‌ (ఈడీ) ఆంక్షల కారణంగా చౌటుప్పల్‌ మండలం తూప్రాన్‌పేట భూముల రిజిస్ట్రేషన్ల వ్యవహారం మళ్లీ చిక్కుల్లో పడింది. ఆ ఐదెకరాల భూమి వివాదాస్పదం.. తూప్రాన్‌పేట పరిధిలోని సర్వే నంబర్లు 12, 13, 14లో ఉన్న సుమారు 45 ఎకరాల నాన్‌ అగ్రికల్చర్‌ (లేఅవుట్‌, ప్లాట్లు) భూములు 22ఏ నిషేధిత జాబితాలో ఉన్నాయి. గతంలో నయీమ్‌ ముఠా బెదిరింపుల ద్వారా ఈ భూములను ఆక్రమించినట్లు కేసులు నమోదయ్యాయి. సీసీఎల్‌ఏ విచారణ తర్వాత సిట్‌ అధికారులు ఈ భూములకు క్లియరెన్స్‌ ఇస్తూ, నిషేధిత జాబితా నుంచి మినహాయింపు ఇచ్చినట్లు సమాచారం. అయితే సిట్‌ క్లియరెన్స్‌ ఇచ్చి నిషేధిత జాబితా నుంచి తొలగించినప్పటికీ, ఈ 45 ఎకరాల భూమిలోనే 5 ఎకరాల భూమిపై ఈడీ ముందే ఆంక్షలు విధించినట్లు వెలుగు చూసింది. గతంలో సబ్‌రిజిస్ట్రార్‌ కార్యాలయానికి ఈడీ పంపిన జాబితా ఆధారంగా పాత ఐజీఆర్‌ఎస్‌ డేటాలో ఈ వివరాలు ఉన్నాయి. సిట్‌ నిషేధిత జాబితా నుంచి తొలగించిందని కొందరు వ్యాపారులు రిజిస్ట్రేషన్లకు సిద్ధమయ్యారు. ఇందుకు చౌటుప్పల్‌ రెవెన్యూ, రిజిస్ట్రేషన్‌ అధికారులు సహకరించినట్లు తెలుస్తోంది. అయితే ఈడీ ఆంక్షలు స్పష్టంగా తేలకపోవడంతో సబ్‌రిజిస్ట్రార్‌ కార్యాలయ అధికారులు ఈ భూముల రిజిస్ట్రేషన్లను హోల్డ్‌లో పెట్టారని తెలుస్తోంది. అయితే నిషేధిత జాబితాలో ఉన్న వాటిని ఎలా రిజిస్ట్రేషన్‌కు అనుమతించారనే కోణంలో విచారణ ప్రారంభమైంది. రిజిష్ట్రేషన్లు జరిగాయని వాదన కూడా వెలుగులోకి వచ్చింది. ఈ క్రమంలో జిల్లా రెవెన్యూ యంత్రాంగం అప్రమత్తమై విచారణ చేపట్టింది. చౌటుప్పల్‌ తహసీల్దార్‌, సబ్‌ రిజిస్ట్రార్‌లను విచారిస్తోంది. ఇప్పటివరకు ఎలాంటి కొత్త రిజిస్ట్రేషన్లు జరగలేదని వారు తెలిపినట్లు సమాచారం. ఫ తూప్రాన్‌పేటలో 45 ఎకరాల వివాదాస్పద భూములకు రెవెన్యూ క్లియరెన్స్‌! ఫ అందులోని 5 ఎకరాలపై ముందు నుంచే ఉన్న ‘ఈడీ’ ఆంక్షలు ఫ ఆ ప్లాట్ల రిజిస్ట్రేషన్‌ స్లాట్‌ బుకింగ్‌తో విషయం వెలుగులోకి.. ఫ అధికారుల సహకారంపై విచారణ

ఉదయం 10.40 గంటలకు కలెక్టరేట్‌ గేటుకు తాళం సాక్షి, యాదాద్రి : భువనగిరి కలెక్టరేట్‌ ఉద్యోగుల సమయపాలనపై జిల్లా ఇన్‌చార్జి కలెక్టర్‌ ప్రత్యేక దృష్టి సారించారు. మీ ప్రమాణం లొకేషన్‌ ఆధారిత హాజరు విధానం తీసుకొచ్చినా కొందరు ఉద్యోగులు 10.30 గంటలకు కార్యాలయానికి రావాల్సిన ఉన్నా ఆలస్యంగా వస్తున్నారు. దీన్ని నివారించడానికి శుక్రవారం ఉదయం 10:40 గంటలకు కలెక్టరేట్‌ ప్రధాన గేటుకు తాళం వేశారు. దీంతో ఆలస్యంగా వచ్చిన వివిధ శాఖలకు చెందిన కొందరు ఉద్యోగులు గేటుబయటే నిలబడాల్సి వచ్చింది. పది నిమిషాల తర్వాత గేట్‌ తీయడంతో ఉద్యోగులు విధులకు హాజరయ్యారు. మీ ప్రమాణంలో 900 మందే నమోదు రాష్ట్ర వ్యాప్తంగా అమలు చేస్తున్న ఉద్యోగుల హాజరు విధానం మీ ప్రమాణంలోకి ఉద్యోగులు చేరడంలేదు. జిల్లా కలెక్టరేట్‌లోని విభాగాల్లో 1250 మంది వరకు ఉద్యోగులు, అధికారులు, సిబ్బంది ఉన్నారు. వీరిలో సుమారు 900 మంది వరకు మీ ప్రమాణంలో నమోదయ్యారు. ఇందులో కేవలం 500లోపే ముఖ ఆధారిత హాజరు ఉదయం, సాయంత్రం వేస్తున్నారు. సకాలంలో రాని ఉద్యోగులపై ప్రజావాణిలో పలు రకాల ఫిర్యాదులు అందాయి. ఇక.. హాజరు ఆధారంగానే జీతం మీ ప్రమాణం హాజరు అధారంగానే జీతం చెల్లించాలని ఆయా శాఖల హెచ్‌ఓడీలకు, జిల్లా ట్రెజరీ అఽధికారులకు ఇన్‌చార్జి కలెక్టర్‌ భాస్కర్‌రావు సర్క్యులర్‌ జారీచేశారు. దీంతో ఉద్యోగుల్లో అలజడి ప్రారంభమైంది. కాగా సాంకేతిక కారణాలు, ఆనారోగ్యం, డిప్యుటేషన్లతో వివిధ ప్రాంతాల్లో ఉన్న ఉద్యోగులకు మీ ప్రమాణం హాజరు నుంచి మినహాయింపు ఇవ్వాలని ఉద్యోగ సంఘాల నాయకులు కోరుతున్నారు. సమయపాలన పాటించని ఉద్యోగులపై నిబంధనల ప్రకారం చర్యలు ఉంటాయి. హెచ్‌ఓడీలు ఇచ్చే బయోమెట్రిక్‌ హాజరు ఆధారంగా జీతాలు చెల్లించేలా నిబంధనలు కఠినతరం చేస్తాం. – భాస్కర్‌రావు, ఇన్‌చార్జి కలెక్టర్‌ ఫ ఆలస్యంగా వచ్చిన పలువురు ఉద్యోగులు గేటు బయటే.. ఫ పది నిమిషాల తర్వాత తాళం తీయడంతో లోపలికి.. ఫ ‘మీ ప్రమాణం’ హాజరు ఆధారంగా జీతం చెల్లించాలని ఇన్‌చార్జి కలెక్టర్‌ ఆదేశాలు

‘సర్‌’లో సందేహాలా.. పోరాట స్ఫూర్తితో ప్రజాపాలనపట్టభద్రుల ఓటరు నమోదు షెడ్యూల్‌శుక్రవారం శ్రీ 18 శ్రీ సెప్టెంబర్‌ శ్రీ 2026ఓటరు జాబితా ప్రత్యేక సవరణ(సర్‌)లో భాగంగా అనామలీస్‌, నో మ్యాపింగ్‌ జాబితాలోని ఓటర్లకు నోటీసులు జారీ అయ్యాయి. దీంతో తమ ఓటు ఉంటుందా పోతుందా అనే అనుమానాలు వ్యక్తమవుతున్నాయి. నోటీసులు అందుకున్న వారు ఎలాంటి ధ్రువీకరణ పత్రాలతో హియరింగ్‌(విచారణ)కు హాజరుకావాల్సి ఉంటుందని ఓటర్లు ఆరా తీస్తున్నారు. ఓటర్ల సందేహాలకు సాక్షి ఆధ్వర్యంలో నిర్వహించే ఫోన్‌ ఇన్‌ కార్యక్రమం ద్వారా అదనపు కలెక్టర్‌ వెంకారెడ్డి సమాధానాలు ఇవ్వనున్నారు. సాక్షి, యాదాద్రి: రాచరిక నిరంకుశ పాలన సంకెళ్లను తెంచుకుని ప్రజాస్వామ్య వ్యవస్థ వైపు అడుగులు వేసిన చారిత్రక ఘట్టం సెప్టెంబర్‌ 17 అని, నాటి అమరుల పోరాట స్ఫూర్తితోనే రాష్ట్రంలో ప్రజా పాలన కొనసాగుతోందని రాష్ట్ర శాసనమండలి చైర్మన్‌ గుత్తా సుఖేందర్‌ రెడ్డి స్పష్టం చేశారు. యాదాద్రి భువనగిరి జిల్లా కలెక్టరేట్‌లో గురువారం నిర్వహించిన తెలంగాణ ప్రజా పాలన దినోత్సవానికి సుఖేందర్‌ రెడ్డి హాజరై జాతీయ పతాకాన్ని ఆవిష్కరించి, పోలీసుల గౌరవ వందనం స్వీకరించారు. అనంతరం అమరవీరులు, తెలంగాణ తల్లి చిత్రపటాలకు పూలమాలలు వేసి నివాళులర్పించారు. ఈ సందర్భంగా గుత్తా మాట్లాడుతూ సెప్టెంబర్‌ 17 కేవలం క్యాలెండర్‌లో ఒక తేదీ కాదని, అది తెలంగాణ ప్రజల ఆత్మగౌరవం, విముక్తి పోరాటానికి సజీవ సాక్ష్యమని పేర్కొన్నారు. ప్రజా సంక్షేమమే ప్రభుత్వ పరమావధి ప్రస్తుత ప్రభుత్వం ప్రజల సంక్షేమం, సామాజిక న్యాయమే పరమావధిగా ముందుకు సాగుతోందన్నారు. మహిళలకు ఆర్టీసీ బస్సుల్లో ఉచిత ప్రయాణం, రూ 500లకే గ్యాస్‌ సిలిండర్‌, గృహజ్యోతి కింద 200 యూనిట్ల ఉచిత విద్యుత్‌, రైతు భరోసా, ఇందిరమ్మ ఇళ్ల నిర్మాణం వంటి సంక్షేమ పథకాలను పారదర్శకంగా అమలు చేస్తున్నట్లు చెప్పారు. అర్హులైన ప్రతి ఒక్కరికీ కొత్త రేషన్‌ కార్డులు, కార్డుదారులకు నాణ్యమైన సన్నబియ్యం, విద్యార్థులకు నాణ్యమైన భోజనం, యువతకు ఉపాధి కల్పన దిశగా ప్రభుత్వం చిత్తశుద్ధితో కృషి చేస్తోందన్నారు. ప్రత్యామ్నాయ పంటలు సాగు చేయాలి ఎల్‌నినో నేపథ్యంలో నీటి వినియోగం తక్కువగా ఉండే ఆయిల్‌ పామ్‌ సాగుపై రైతులు దృష్టి సారించాలన్నారు. యాదాద్రి భువనగిరి జిల్లాను అన్ని రంగాల్లో అగ్రగామిగా నిలపడానికి అధికారులు, ప్రజాప్రతినిధులు కలిసికట్టుగా పనిచేయాలని కోరారు. అనంతరం ఇంటర్‌ పరీక్షల్లో ప్రతిభ కనబరిచిన 28 మంది విద్యార్థులను, విధి నిర్వహణలో విశిష్ట సేవలందించిన వివిధ శాఖలకు చెందిన 8 మంది ఉద్యోగులను సత్కరించారు. ఈ వేడుకల్లో భువనగిరి ఎమ్మెల్యే కుంభం అనిల్‌ కుమార్‌ రెడ్డి, జిల్లా ఇన్‌చార్జి కలెక్టర్‌ భాస్కర్‌ రావు, జిల్లా ఎస్పీ అక్షాంశ్‌ యాదవ్‌, అదనపు కలెక్టర్‌ వెంకారెడ్డి, మున్సిపల్‌ చైర్‌పర్సన్‌ శ్రీవాణి, జిల్లా గ్రంథాలయ సంస్థ చైర్మన్‌ అవేజ్‌ చిస్తీ, అడిషనల్‌ ఎస్పీ లక్ష్మీనారాయణ, ఆర్డీఓ కృష్ణారెడ్డి, జేఏసీ చైర్మన్‌ మందడి ఉపేందర్‌ రెడ్డి పాల్గొన్నారు. జెండాకు సెల్యూట్‌ చేస్తున్న మండలి చైర్మన్‌ గుత్తా, ఎమ్మెల్యే అనిల్‌కుమార్‌రెడ్డి, ఇన్‌చార్జి కలెక్టర్‌ భాస్కర్‌రావు, ఎస్పీ అక్షాంశ్‌ యాదవ్‌విద్యార్థినుల నృత్య ప్రదర్శన తేది. 19.09.2026 (శనివారం) సమయం : ఉదయం 9.00 నుంచి 10.00 గంటల వరకు డయల్‌ చేయాల్సిన ఫోన్‌ నంబర్‌ : 83319 97002ఎంజీయూ పీజీ ఫలితాలు విడుదలనల్లగొండ టూటౌన్‌ : నల్లగొండలోని మహాత్మాగాంధీ విశ్వవిద్యాలయ పరిధిలోని పీజీ 4వ సెమిస్టర్‌ రెగ్యులర్‌, 1, 2, 3 బ్యాక్‌లాగ్‌ పరీక్ష ఫలితాలను రిజిస్ట్రార్‌ కొప్పుల అంజిరెడ్డి గురువారం విడుదల చేశారు. పీజీ 4వ సెమిస్టర్‌లో మొత్తం 1265 మంది విద్యార్థులకు 967 మంది, (76.44శాతం), బ్యాక్‌లాగ్‌లో మొదటి సెమిస్టర్‌లో 427 మంది విద్యార్థులకు 158 మంది (37శాతం), 2వ సెమిస్టర్‌లో 382 మందికి 65 మంది (17.02శాతం), 3వ సెమిస్టర్‌లో 34 మంది విద్యార్థులకు 168 మంది (48.84శాతం) ఉత్తీర్ణత సాధించినట్లు సీఈఓ జి.ఉపేందర్‌రెడ్డి తెలిపారు. ఫలితాల పూర్తి వివరాలను ఎంజీయూ వెబ్‌సైట్‌లో పొందుపరిచినట్లు పేర్కొన్నారు. కార్యక్రమంలో పరీక్షల విభాగం అధికారులు డి.సంధ్యారాణి, కళ్యాణి, ప్రవళిక పాల్గొన్నారు. సాక్షి ప్రతినిధి, నల్లగొండ : వరంగల్‌ – ఖమ్మం – నల్లగొండ పట్టభద్రుల ఎమ్మెల్సీ ఎన్నిక వేడి మొదలు కానుంది. ఈ నియోజవర్గంలో ఓటరు జాబితా రూపకల్పనకు కేంద్ర ఎన్నికల సంఘం గురువారం షెడ్యూల్‌ ప్రకటించింది. ఈనెల 28వ తేదీన ఎన్నికల సంఘం నోటిఫికేషన్‌ను జారీ చేయనుంది. వెంటనే నమోదు నమోదు ప్రక్రియ ప్రారంభం కానుంది. నవంబరు 6వ తేదీ వరకు ఓటరుగా పేరు నమోదు చేసుకోవాల్సి ఉటుంది. నవంబర్‌ 20వ తేదీన ముసాయిదా ఓటర్ల జాబితాను ప్రకటిస్తారు. డిసెంబర్‌ 10 వరకు ముసాయిదా జాబితాపై అభ్యంతరాల స్వీకరించి, 25వ తేదీలోగా పరిష్కరిస్తారు. డిసెంబర్‌ 30వ తేదీన తుది ఓటర్ల జాబితాను ప్రకటిస్తారు. గతంలో పట్టభద్రుల నియోజకవర్గ ఓటర్లుగా నమోదైన వారు కూడా మళ్లీ కొత్తగా ఫారం–18 ద్వారా పేరు నమోదు చేసుకోవాల్సిందే. వరంగల్‌ – ఖమ్మం – నల్లగొండ పట్టభద్రుల నియోజకవర్గ పరిధిలో 2024 ఎమ్మెల్సీ ఎన్నికలు జరిగాయి. అప్పుడు 4,63,839 ఓట్లుండగా 3,36,013 ఓట్లు పోలయ్యాయి. ఈసారి ఎంత మంది ఓటర్లుగా పేర్లు నమోదు చేసుకుంటారో చూడాల్సిందే. భూమిని మింగేస్తున్నారు! ఆలేరు మున్సిపాలిటీ పరిధిలో విలువైన ప్రభుత్వ, మున్సిపల్‌ స్థలాలకు రక్షణ లేకుండాపోయింది.- 8లోఫ శాసన మండలి చైర్మన్‌ సుఖేందర్‌రెడ్డి ఫ కలెక్టరేట్‌లో ఘనంగా తెలంగాణ ప్రజా పాలన దినోత్సవం ఫ 28న నోటిఫికేషన్‌ ఫ డిసెంబర్‌ 30న తుది ఓటరు జాబితా ఫ పాత ఓటర్లు కూడా నమోదు చేసుకోవాల్సిందే..

సాక్షి, యాదాద్రి : గ్రామీణ ప్రాంతాల్లో ఉన్నత విద్యనభ్యసించిన నిరుద్యోగ యువతీ యువకులకు ఉపాధి, ఉద్యోగ అవకాశాలు కల్పించి వారి జీవితాల్లో వెలుగులు నింపడమే ప్రజా ప్రభుత్వ ధ్యేయమని రాష్ట్ర నీటిపారుదల, పౌరసరఫరాల శాఖ మంత్రి నలమాద ఉత్తమ్‌కుమార్‌ రెడ్డి స్పష్టం చేశారు. ఉమ్మడి నల్లగొండ జిల్లాతో పాటు పరిసర ప్రాంతాల నిరుద్యోగుల కోసం ఈనెల19న సూర్యాపేట జిల్లా కోదాడలోని కేఆర్‌ఆర్‌ కళాశాల ప్రాంగణంలో మెగా జాబ్‌ మేళా నిర్వహిస్తున్నట్లు ప్రకటించారు. గురువారం యాదాద్రి భువనగిరి జిల్లా కలెక్టరేట్‌లో భువనగిరి, ఆలేరు ఎమ్మెల్యేలు కుంభం అనిల్‌ కుమార్‌ రెడ్డి, బీర్ల ఐలయ్య, జిల్లా ఇన్‌చార్జి కలెక్టర్‌ ఎ. భాస్కర్‌రావు, ఎస్పీ అక్షాంశ్‌యాదవ్‌, జిల్లా ఉన్నతాధికారులు, విద్యాసంస్థల ప్రతినిధులతో కలిసి జాబ్‌ మేళాపై మంత్రి సమీక్షించి మాట్లాడారు. గూగుల్‌, మైక్రోసాఫ్ట్‌, ఫాక్స్‌కాన్‌, ఐటీసీ, అపోలో, విప్రో, ఐసీఐసీఐ బ్యాంక్‌ వంటి 300 ప్రముఖ కంపెనీలు ఈ మేళాకు వస్తున్నాయని వివరించారు. దాదాపు 15 వేల నుంచి 20 వేల మంది నిరుద్యోగులు ఆన్‌లైన్‌లో పేర్లు నమోదు చేసుకుని ఇంటర్వ్యూలకు హాజరయ్యేలా ఏర్పాట్లు చేసినట్లు చెప్పారు. ఇందులో కనీసం 3 వేల నుంచి 4 వేల మందికి పైగా యువతకు ఉద్యోగాలు లభిస్తాయని ధీమా వ్యక్తం చేశారు. జాబ్‌ మేళా ప్రారంభోత్సవానికి శాసనసభ స్పీకర్‌ గడ్డం ప్రసాద్‌ కుమార్‌, శాసనమండలి చైర్మన్‌ గుత్తా సుఖేందర్‌ రెడ్డి హాజరవుతారని, ఎంపికై న అభ్యర్థులకు ఐటీ, పరిశ్రమల శాఖ మంత్రి దుద్దిళ్ల శ్రీధర్‌ బాబు, మంత్రులు కోమటిరెడ్డి వెంకటరెడ్డి, తుమ్మల నాగేశ్వరరావు చేతుల మీదుగా సాయంత్రం ఆఫర్‌ లెటర్లు అందజేస్తామని చెప్పారు. మంత్రికి ప్రత్యేక కృతజ్ఞతలు భువనగిరి, ఆలేరు ఎమ్మెల్యేలు కుంభం అనిల్‌ కుమార్‌ రెడ్డి, బీర్ల ఐలయ్య మాట్లాడుతూ యాదాద్రి భువనగిరి జిల్లా ప్రాజెక్టులపై ప్రత్యేక దృష్టి సారించిన మంత్రి ఉత్తమ్‌కు కృతజ్ఞతలు తెలిపారు. సమావేశంలో జిల్లా అదనపు కలెక్టర్‌ వెంకారెడ్డి, మున్సిపల్‌ చైర్‌పర్సన్‌ తంగళ్ళపల్లి శ్రీవాణి తదితరులు పాల్గొన్నారు. ఎన్ని ఆర్థిక ఇబ్బందులు ఉన్నా సాగునీటి ప్రాజెక్టులకు నిధుల కొరత లేకుండా చూస్తామన్నారు. గంధమల్ల రిజర్వాయర్‌ కోసం రూ. 530 కోట్ల సవరించిన అంచనాలతో సీఎం శంకుస్థాపన చేశారని, తాజాగా రూ. 130 కోట్లు విడుదల చేసి పనులను ముందుకు తీసుకెళ్తున్నామని తెలిపారు. బస్వాపూర్‌ రిజర్వాయర్‌కు రూ. 206 కోట్లు కేటాయించామని, 5.5 టీఎంసీల నీటిని నిల్వ చేసి ఆలేరు, భువనగిరి నియోజకవర్గాల్లో ఆయకట్టును సస్యశ్యామలం చేస్తామన్నారు. బునాదిగాని, పిలాయిపల్లి, ధర్మారెడ్డి కాలువల పునరుద్ధరణకు రూ. 480 కోట్లు విడుదల చేశామన్నారు. పేద ప్రజలకు ఒక్కొక్కరికి 6 కిలోల చొప్పున నాణ్యమైన సన్నబియ్యం అందిస్తున్న ఘనత ప్రజా ప్రభుత్వానిదేనని పేర్కొన్నారు. రాష్ట్రవ్యాప్తంగా 3.42 కోట్ల మంది లబ్ధిదారుల కోసం 1.06 కోట్ల స్మార్ట్‌ రేషన్‌ కార్డులను ముద్రించి సిద్ధం చేశామని, త్వరలోనే స్థానిక ప్రజాప్రతినిధుల చేతుల మీదుగా పంపిణీ చేస్తామని తెలిపారు. ఫ 19న కోదాడలో మెగా జాబ్‌ మేళా ఫ హాజరుకానున్న 300 కంపెనీలు ఫ ఎన్ని ఇబ్బందులెదురైనా సాగునీటి ప్రాజెక్టులకు నిధుల కొరత రానివ్వం ఫ కలెక్టరేట్‌లో నీటిపారుదల, పౌరసరఫరాల శాఖ మంత్రి ఉత్తమ్‌కుమార్‌రెడ్డి సమీక్ష

కోదాడ : హైదరాబాద్‌లోని సుందరయ్య విజ్ఞాన కేంద్రంలో ఈ నెల 20న జరిగే బీసీ కవులు అలయ్‌ బలయ్‌ కార్యక్రమాన్ని విజయవంతం చేయాలని తెలంగాణ సాహిత్య అకాడమీ మాజీ చైర్మన్‌ జూలూరి గౌరీశంకర్‌ కోరారు. బుధవారం కోదాడలో జరిగిన ఓ కార్యక్రమంలో ‘వెంటాడే కలాలు–వెనుకబడిన కులాలు’ సంకలన రజతోత్సవ పోస్టర్‌ను ఆయన ఆవిష్కరించి మాట్లాడారు. తెలంగాణ సాహిత్యంలో చరిత్ర సృష్టించిన వెంటాడే కలాలు–వెనుకబడిన కులాలు సంకలనం రజతోత్సవంతో పాటు బీసీ కవుల అలయ్‌ బలయ్‌ కార్యక్రమాన్ని నిర్వహించ తలపెట్టామన్నారు. రాష్ట్రం నలుమూలల నుంచి 300 మంది బీసీ కవులు ఈ కార్యక్రమానికి హాజరవుతున్నారన్నారు. 25 మంది బీసీ కవుల ఆత్మఘోషగా ఆవిష్కరించబడిన ఈ కవితా సంకలనానికి పుట్టినిల్లు కోదాడ కావడం ఆనందంగా ఉందన్నారు. కార్యక్రమంలో రాయపూడి చిన్ని, బంగారు నాగమణి, బాణాల వసంత, వేముల వెంకటేశ్వర్లు, జీఎల్‌ఎన్‌ రెడ్డి, సిరికొండ శ్రీనివాస్‌, పుప్పాల కృష్ణమూర్తి, సరికొండ నరసింహారాజు పాల్గొన్నారు.

దయనీయంగా బత్తాయి రైతుల పరిస్థితి ఫ పెట్టుబడులు భారీగా పెరిగి.. దక్కని గిట్టుబాటు ధర ఫ అప్పుల ఊబిలో రైతులు.. తోటల నరికివేత ఫ 3లక్షల నుంచి 35వేల ఎకరాలకు పడిపోయిన సాగునాగార్జునసాగర్‌ : ఉమ్మడి నల్లగొండ జిల్లాలో బత్తాయి రైతుల పరిస్థితి దయనీయంగా మారింది. బత్తాయి తోటలను ఏళ్ల తరబడి కంటికి రెప్పలా కాపాడుకున్న రైతులు.. గిట్టుబాటు ధర లేక, పెట్టిన పెట్టుబడి కూడా తిరిగి రాక అప్పుల ఊబిలో కూరుకుపోతున్నారు. ఒకప్పుడు ఉమ్మడి నల్లగొండ జిల్లాలో సుమారు 3 లక్షల ఎకరాల్లో బత్తాయి సాగు జరిగేది. కానీ ప్రస్తుతం జిల్లాలో బత్తాయి సాగు విస్తీర్ణం 35వేల ఎకరాల దిగువకు పడిపోయింది. ఎరువులు, పురుగు మందులు, తెగుళ్ల నివారణ, అంతర సేద్యం, కలుపు నివారణ మందులు, కూలీల రేట్లు, నీటి నిర్వహణ ఖర్చులు ఏటేటా పెరుగుతున్నాయి. మరోవైపు మార్కెట్‌లో ధర మాత్రం రైతు చేతిలో ఉండటం లేదు. పంట చేతికొచ్చిన సమయంలో ధరలు పడిపోవడంతో రైతులు తమ సరుకును తక్కువ ధరకే విక్రయించాల్సి వస్తోంది. ధర తగ్గే సమయానికి మార్కెట్‌లో సరుకు వెల్లువెత్తుతోంది. దళారుల చేతుల్లో ధర.. బత్తాయి ధరను మార్కెట్‌లో మధ్యవర్తులు, దళారులు నిర్ణయిస్తున్నారు. ఉత్పత్తుల నిల్వ, రవాణా, కోల్డ్‌ స్టోరేజీలు, ప్రాసెసింగ్‌ సదుపాయాలు లేకపోవడంతో రైతుకు పంటను ఎక్కువ కాలం నిల్వ ఉంచుకునే అవకాశం దక్కడం లేదు. దీంతో తప్పనిసరి పరిస్థితుల్లో తక్కువ ధరకు అమ్ముకోవాల్సి వస్తోంది. ఐదు వేల ఎకరాలకు పైగా తోటల తొలగింపు వర్షాభావ పరిస్థితులు, భూగర్భజలాలు అడుగంటడం, బోర్ల తవ్వకాల కోసం భారీగా ఖర్చు చేయాల్సి రావడం బత్తాయి రైతులను మరింత కుంగదీస్తున్నాయి. ఉమ్మడి జిల్లాలో ఈ ఏడాదిలోనే ఇప్పటికే సుమారు 5,000 ఎకరాలకు పైగా బత్తాయి తోటలను తొలగించినట్లు రైతులు చెబుతున్నారు. మరికొన్ని వేల ఎకరాల తోటలు కూడా తొలగింపు దశలో ఉన్నట్లు సమాచారం. ఆయకట్టు ప్రాంతాల్లో నీటి వసతి పుష్కలంగా ఉన్న చోట కూడా కొందరు రైతులు బత్తాయి సాగును వదులుకుంటున్నారు. బత్తాయి సాగుపై పూర్తిగా నమ్మకం కోల్పోతున్న రైతులు నీటి వసతి ఉన్న ప్రాంతాల్లో వరి సాగు వైపు, మరికొందరు ఆయిల్‌ పామ్‌ వైపు వెళ్తున్నారు. ‘అమూల్‌’ తరహాలో రైతు సహకార వ్యవస్థ గుజరాత్‌లోని ‘అమూల్‌’ తరహాలో రైతులే యజమానులు, భాగస్వాములుగా ఉండే బలమైన సహకార మార్కెటింగ్‌ వ్యవస్థను బత్తాయి సాగు చేసే ప్రాంతాల్లో ఏర్పాటు చేయాల్సిన ఆవశ్యకత ఉంది. ప్రతి పట్టణానికి సమీపంలోని ప్రధాన రహదారులపై రైతుల ఆధ్వర్యంలోనే విక్రయ కేంద్రాలు ఏర్పాటు చేయాలి. ఏ మార్కెట్‌లో ఎంత ధర ఉంది? ఎక్కడ ఎంత డిమాండ్‌ ఉంది? ఎప్పుడు ఎంత సరుకు అవసరం? వంటి సమాచారాన్ని రైతులకు అందుబాటులోకి తీసుకురావాలి. ముందస్తు బుకింగ్‌, రవాణా, నిల్వల వంటి సదుపాయాలను ఈ సంఘం ద్వారానే నిర్వహించేలా చర్యలు తీసుకోవాలి. బత్తాయి రైతును కాపాడాలంటే కేవలం తాత్కాలిక సబ్సిడీలతో సరిపెట్టకుండా, రైతుకు అండగా నిలిచే సమగ్ర వ్యవస్థను ప్రభుత్వం ఏర్పాటు చేయాలి. చీడపీడల నివారణకు సబ్సిడీపై నాణ్యమైన పురుగు మందులు సరఫరా చేయాలి. నీటి వసతి కల్పనకు ప్రత్యేక ప్రోత్సాహకాలు ఇవ్వాలి. పంట నష్టపోతే తక్షణమే అందేలా సమర్థవంతమైన బీమా పరిహారాన్ని వర్తింపజేయాలి. గిట్టుబాటు ధర కోసం ప్రభుత్వమే మార్కెట్‌ జోక్యం చేసుకోవాలి. శీతల గిడ్డంగులు, గ్రేడింగ్‌, ప్యాకింగ్‌ కేంద్రాలు, బత్తాయి రసం/జ్యూస్‌ మరియు ఇతర ఉత్పత్తుల ప్రాసెసింగ్‌ యూనిట్లను తక్షణమే నెలకొల్పాలి. రైతు నుంచి వినియోగదారుడికి నేరుగా విక్రయించే మార్కెటింగ్‌ వ్యవస్థను బలోపేతం చేయాలి. దేశంలోని ఇతర రాష్ట్రాలతో పాటు విదేశీ మార్కెట్లకు బత్తాయి ఎగుమతి అయ్యేలా ప్రోత్సాహకాలు అందించాలి. పంట ధరలు, మార్కెట్‌ డిమాండ్‌పై ముందస్తు సమాచారాన్ని రైతులకు అందించే వ్యవస్థను అందుబాటులోకి తీసుకురావాలి.

మునగాల : తెలంగాణ సాయుధ రైతాంగ సాయుధ పోరాట యోధుల స్ఫూర్తిని కొనసాగిస్తామని అఖిల భారత ప్రజాతంత్ర మహిళా సంఘం(ఐద్వా) రాష్ట్ర ప్రధాన కార్యదర్శి మల్లు లక్ష్మి స్పష్టం చేశారు. బుధవారం ఐద్వా ఆధ్వర్యంలో మునగాల మండలం నర్సింహలగూడెంలో నిర్వహించిన పోరు వనితల స్ఫూర్తి యాత్ర బాటలో ఆమె పాల్గొని మాట్లాడారు. భూమి కోసం, భూస్వామ్య దోపిడీకి వ్యతిరేకంగా తెలంగాణ రైతాంగ సాయధ పోరాటం సాగిందిన్నారు. ఈ పోరాటంలో వేలాది మంది ప్రజలు ప్రాణత్యాగం చేశారని, అనేక గ్రామాలను వెట్టిచాకిరి నుంచి విముక్తి చేశారని, ఫలితంగా లక్షలాది ఎకరాల భూమి పేదలకు పంపిణీ చేయడం జరిగిందన్నారు. ఈ సందర్భంగా గ్రామంలో అమరవీరుల స్మారక స్థూపాల వద్ద నివాళులర్పించారు. ఈ కార్యక్రమంలో ఐద్వా రాష్ట్ర అధ్యక్షురాలు ఆర్‌. అరుణ, రాష్ట్ర సహాయ కార్యదర్శి బుగ్గవీటి సరళ, కేఎన్‌ ఆశాలత, జిల్లా ప్రధాన కార్యదర్శి మద్దెల జ్యోతి, వ్యవసాయ కార్మిక సంఘం జిల్లా ప్రధాన కార్యదర్శి మట్టిపల్లి సైదులు, సీఐటీయూ జిల్లా నాయకురాలు చెరుకు లక్ష్మి, ఐద్వా రాష్ట్ర కమిటీ సభ్యులు జూలకంటి విజయలక్ష్మి, మేకనబోయిన సైదమ్మ పాల్గొన్నారు. ఫ ఐద్వా రాష్ట్ర ప్రధాన కార్యదర్శి మల్లు లక్ష్మి

చౌటుప్పల్‌ : హైదరాబాద్‌–విజయవాడ జాతీయ రహదారిపై ప్రమాదాల నివారణకు చేపట్టిన తూప్రాన్‌పేట అండర్‌పాస్‌ నిర్మాణ పనులు పూర్తయ్యాయి. ప్రస్తుతం తుదిమెరుగులు మాత్రమే మిగిలాయి. త్వరలోనే దీనిని ప్రారంభించేందుకు అధికారులు సన్నాహాలు చేస్తున్నారు. చౌటుప్పల్‌ మండలం తూప్రాన్‌పేట నుంచి ఆంధ్రప్రదేశ్‌ రాష్ట్రంలోని నందిగామ శివారు వరకు అధికారులు గుర్తించిన 17బ్లాక్‌స్పాట్‌లలో తూప్రాన్‌పేట బ్లాక్‌స్పాట్‌ ఒకటి. ఇక్కడ ప్రమాదాలను అరికట్టేందుకు గతేడాది ఈ అండర్‌పాస్‌ నిర్మాణాన్ని ప్రారంభించారు. బ్రిడ్జి పైభాగంలో పనులు పూర్తి కావడంతో ప్రస్తుతం హైదరాబాద్‌ మార్గంలో వాహనాలను అనుమతిస్తూ అధికారులు ట్రయల్‌ రన్‌ నిర్వహిస్తున్నారు. బ్రిడ్జిపై వెలుతురు కోసం హైమాస్ట్‌ లైట్లను బిగించడమే కాకుండా, మధ్యలోని డివైడర్‌పై పటిష్టమైన ఇనుప కంచె (ఐరన్‌ బారికేడ్‌) ఏర్పాటు చేశారు. బ్రిడ్జి కింది భాగంలో అండర్‌పాస్‌ పనులు చివరి దశకు చేరుకున్నాయి. ఇవి పూర్తయిన వెంటనే పూర్తిస్థాయి రాకపోకలు మొదలుకానున్నాయి. ఈ బ్రిడ్జి అందుబాటులోకి వస్తే జాతీయ రహదారి వాహనాలు పైనుంచి, స్థానిక మరియు చుట్టుపక్కల గ్రామాల వాహనాలు కింద ఉన్న సర్వీస్‌ రోడ్డు ద్వారా వెళ్తాయి.ఇదిలా ఉండగా మండలంలో మరో రెండు బ్లాక్‌స్పాట్లు అయిన ధర్మోజిగూడెం, చౌటుప్పల్‌ ప్రాంతాలలో మాత్రం పనులు కొనసాగుతున్నాయి.

భూదాన్‌పోచంపల్లి : బైక్‌ను లారీ ఢీకొనడంతో ఇద్దరు విద్యార్థులతో పాటు మరో యువకుడికి గాయాలయ్యాయి. ఈ ఘటన భూదాన్‌పోచంపల్లి మండలం జూలూరు గ్రామ శివారులో బుధవారం ఉదయం జరిగింది. బాధితుల కుటుంబ సభ్యులు తెలిపిన వివరాల ప్రకారం.. భూదాన్‌పోచంపల్లి మండలం కప్రాయిపల్లి గ్రామానికి చెందిన పోశమోని నందువర్ధన్‌ పోచంపల్లిలోని జెడ్పీ బాలుర ఉన్నత పాఠశాలలో 9వ తరగతి చదువుతున్నాడు. అతడి అన్న చరణ్‌ కూడా ప్రభుత్వ జూనియర్‌ కళాశాలలో ఇంటర్‌ ఫస్టియర్‌ చదువుతున్నాడు. అన్నదమ్ములిద్దరు ప్రతిరోజు ఆర్టీసీ బస్సులో పాఠశాలకు, కళాశాలకు వచ్చేపోయేవారు. బుధవారం బస్సు వెళ్లిపోవడంతో గ్రామం నుంచి బైక్‌పై లిఫ్ట్‌ అడిగి జూలూరు వరకు వచ్చారు. తిరిగి జూలూరు వద్ద అలీనగర్‌కు చెందిన ఎలక్ట్రీషియన్‌ చిలువేరు శివకుమార్‌ బైక్‌పై పోచంపల్లికి వెళ్తుండగా.. లిఫ్ట్‌ అడిగి అతడి బైక్‌ ఎక్కారు. జూలూరు శివారులోకి రాగానే ఎదురుగా వేగంగా వచ్చిన లారీ బైక్‌ను ఢీకొట్టింది. దీంతో ముగ్గురు ఎగిరి కిందపడటంతో కాళ్లు విరిగి నుజ్జునుజ్జయ్యాయి. అటుగా వెళ్తున్న వాహనదారులు గమనించి వారిని అంబులెన్స్‌లో ఉప్పల్‌లోని ఓ ప్రైవేట్‌ ఆస్పత్రికి తరలించారు. విషయం తెలుసుకున్న పోలీసులు ఘటనా స్థలానికి చేరుకుని చౌటుప్పల్‌ మండలం తేరట్‌పల్లికి చెందిన లారీ డ్రైవర్‌ బొడ్డుపల్లి శంకర్‌ను అదుపులోకి తీసుకున్నారు. అతడితో పాటు లారీని పోలీస్‌ స్టేషన్‌కు తరలించారు. ఈ మేరకు కేసు నమోదు చేసుకొని దర్యాప్తు చేస్తున్నట్లు పోలీసులు తెలిపారు. యువతి అదృశ్యం.. కేసు నమోదుహుజూర్‌నగర్‌ : పట్టణానికి చెందిన యువతి అదృశ్యమైంది. ఎస్‌ఐ నరేష్‌ తెలిపిన వివరాల ప్రకారం.. హుజూర్‌నగర్‌ పట్టణంలోని పీర్ల కొట్టం బజారులో నివాసముంటున్న బత్తుల మానస బుధవారం కనిపించకుండా పోయింది. ఎంత వెతికినా మానస ఆచూకీ లభించకపోవడంతో దీంతో ఆమె తల్లి రమణ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు. చెరువులో మునిగి వ్యక్తి మృతిమోతె : పశువులను తోలుకొచ్చేందుకు చెరువులోకి వెళ్లిన వ్యక్తి నీటిలో మునిగి మృతిచెందాడు. ఈ ఘటన మోతె మండలం నామవరం గ్రామంలో బుధవారం జరిగింది. పోలీసులు తెలిపిన వివరాల ప్రకారం.. నామవరం గ్రామానికి చెందిన వ్యవసాయ కూలీ చిట్యాల ఉప్పయ్య (40) తన పశువులను గ్రామ శివారులో మేపుతుండగా.. అవి నీటి కోసమని చెరువులోకి వెళ్లాయి. ఆ పశువులను బయటకు తీసుకొచ్చే క్రమంలో ఉప్పయ్య చెరువులోకి దిగగా.. ఆయన కట్టుకున్న లుంగీ నీటిలో కాళ్ల మధ్య చిక్కుకోవడంతో ఈత రాక నీటిలో మునిగి మృతిచెందాడు. మృతుడి కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ లచ్చిరెడ్డి తెలిపారు.

మాగ్రామం లో వీరుడు చింతలపురి రామిరెడ్డి విగ్రహం ఉంది. రజాకార్లకు వ్యతిరేకంగా ఆరోజు వీరోచిత పోరాటం చేసి అమరులయ్యారు. ఆయన సార్మకంగా మా గ్రామంలో విగ్రహం ఏర్పాటు చేశామని మా పెద్దలు చెప్పారు. ప్రజల స్వేచ్ఛా స్వాతంత్య్రాల కోసం ప్రాణాలను తృణప్రాయంగా అర్పించిన గొప్పనాయకుని గురించి తెలుసుకోవాలని ఉంది. –దాసరి రాకేష్‌ రేణికుంటరజాకార్ల సైన్యానికి వ్యతిరేకంగా పోరాడిన వీరుడు చింతలపురి రామిరెడ్డి. ఆయన గురించి భావి తరాలకు తెలియడానికి గ్రామంలో విగ్రహం ఏర్పాటు చేశారు. పోరాటంలో ప్రాణాలు కూడా వదిలేశారని చెప్పారు.ఇలాంటి నాయకుని గురించి పా ఠ్యాంశాల్లో చేర్చి రేపటి తరాలకు భోదించాలి. –బి. హేమంత్‌ కుమార్‌, ఇంటర్‌ విద్యార్థి, రేణికుంట గ్రామంలో పోరాట వీరుడు రామిరెడ్డి విగ్రహం చూస్తే మాలో చైతన్యం కలుగుతుంది. నిజాం మిలటరీకి వ్యతిరేకంగా ఆయన సాగించిన పోరాటంపై గ్రామంలో ఇప్పటికీ పాటలు పాడుతారు. కథలు కథలుగా చెబుతారు. – బి. సంజీవరెడ్డి

మిర్యాలగూడ : కేంద్రంలోని బీజేపీ ప్రభుత్వం చిన్న, సన్నకారు రైతుల నుంచి బలవంతపు భూసేకరణ చేస్తుందని, ఇటువంటి నయా జమీందారీ శక్తులపై పోరాడాలని అఖిల భారత కిసాన్‌ సభ(ఏఐకేఎస్‌) జాతీయ కార్యదర్శి విజ్జు కృష్ణన్‌ అన్నారు. బుధవారం మిర్యాలగూడ మండలం గూడూరు గ్రామంలో తెలంగాణ సాయుధ పోరాట వార్షికోత్సవం, నల్లగొండలో జరిగే ఏఐకేఎస్‌ జాతీయ మహాసభల జయప్రదం కోసం ఫండ్‌ క్యాంపెయినింగ్‌ నిర్వహించారు. ఈ సందర్భంగా గ్రామంలోని అమరవీరుల స్థూపాలకు ఆయనతో పాటు మాజీ ఎమ్మెల్యే జూలకంటి రంగారెడ్డి నివాళులర్పించారు. అనంతరం విజ్జు కృష్ణన్‌ మాట్లాడుతూ.. భూమి, భుక్తి, విముక్తి కోసం నాడు జరిగిన తెలంగాణ సాయుధ రైతాంగ పోరాటం ఆదర్శనీయమని అన్నారు. ఈ పోరాట ఫలితంగా 10లక్షల ఎకరాల భూమిని పేదలకు పంచారని, 4వేల గ్రామ స్వరాజ్యాలు ఏర్పాటు చేశారని పేర్కొన్నారు. దేశవ్యాప్తంగా భూసంస్కరణలు, భూదానోద్యమానికి పాలకులు పూనుకోవాల్సిన పరిస్థితిని ఈ పోరాటం కల్పించిందన్నారు. దేశంలోని ఖనిజ సంపదను బడా కార్పొరేట్లకు కేంద్రం కట్టబెడుతుందని ఆరోపించారు. నల్లగొండలో జరిగే అఖిల భారత మహాసభలను జయప్రదం చేయాలని కోరారు. ఈ కార్యక్రమంలో నాయకులు వెంకట్‌, పోతినేని సుదర్శన్‌, తీగల సాగర్‌, ముదిరెడ్డి సుధాకర్‌రెడ్డి, వీరేపల్లి వెంకటేశ్వర్లు, నూకల జగదీశ్‌చంద్ర, బొగ్గారపు కృష్ణయ్య, వరలక్ష్మి, గోవర్ధన, అరుణ, కౌసల్య తదితరులు పాల్గొన్నారు. రైతు సమస్యలపై ఐక్య పోరాటాలు అవసరం మేళ్లచెరువు : రైతాంగ సమస్యలపై ఐక్య పోరాటాలు అవసరమని అఖిల భారత కిసాన్‌ సభ(ఏఐకేఎస్‌)జాతీయ ప్రధాన కార్యదర్శి విజ్జు కృష్ణన్‌ అభిప్రాయపడ్డారు. బుధవారం చింతలపాలెం మండల కేంద్రానికి వచ్చిన ఆయన గ్రామంలో రైతాంగ పోరాటంలో ప్రాణాలర్పించిన రైతుల స్థూపం వద్దకు చేరుకొని నివాళులర్పించి మాట్లాడారు. భూముల పరిరక్షణ, ఉచిత విద్యుత్‌, గిట్టుబాటు ధరపై రైతులను సమీకరించి దేశవ్యాప్త ఉద్యమాలు నిర్వహిహిస్తామన్నారు. ఆయన వెంట రైతు సంఘం జిల్లా అధ్యక్షుడు మల్లు నాగార్జునరెడ్డి, పల్లె వెంకట్‌రెడ్డి, వట్టెపు సైదులు, సుందరమౌళేశ్వరరెడ్డి తదితరులు ఉన్నారు. ఫ ఏఐకేఎస్‌ జాతీయ ప్రధాన కార్యదర్శి విజ్జు కృష్ణన్‌

హుజూర్‌నగర్‌ : సంఘటిత, అసంఘటిత రంగాల్లో పనిచేస్తున్న కార్మిక కుటుంబాలకు ఈ–శ్రమ్‌ ఇన్సూరెన్స్‌ అండగా నిలుస్తుందని దత్తోపంత్‌ టెంగడీ నేషనల్‌ బోర్డు ఫర్‌ వర్కర్స్‌ ఎడ్యుకేషన్‌ అండ్‌ డెవలప్‌మెంట్‌ (డీటీఎన్‌బీడబ్ల్యూడీ) తెలంగాణ రీజనల్‌ డైరెక్టర్‌ ఎంఆర్‌ దేశ్‌పాండే అన్నారు. బుధవారం జాతీయ కార్మిక విద్యా దినోత్సవాన్ని పురస్కరించుకుని హుజూర్‌నగర్‌ పట్టణంలోని పద్మశాలీ భవన్‌లో ఐఎన్‌టీయూసీ రాష్ట్ర ప్రధాన కార్యదర్శి యరగాని నాగన్నగౌడ్‌ అధ్యక్షతన కార్మికులకు ఈ–శ్రమ్‌ ఇన్సూరెన్స్‌ కార్డులను ఆయన పంపిణీ చేశారు. ఈ సందర్భంగా ఆయన మాట్లాడుతూ.. 18 నుంచి 59 ఏళ్ల లోపు వివిధ రంగాల్లో పనిచేసే కార్మికులందరూ ఈ–శ్రమ్‌ ఇన్సూరెన్స్‌ కార్డులు తీసుకోవాలన్నారు. ఈ–శ్రమ్‌ కార్డు ఉంటేనే మిగతా ఇన్సూరెన్స్‌లు కూడా కార్మిక కుటుంబాలకు సులభంగా అందుతాయన్నారు. కార్మికులకు వారి హక్కులు, చట్టాలు గురించి కార్మిక విద్యాసంస్థల ద్వారా అవగాహన కల్పిస్తున్నామని చెప్పారు. భారత కార్మిక రంగ అభ్యున్నతకై తమ సంస్థ ద్వారా ఎంతగానో కృషి చేస్తున్నామని తెలిపారు. సమావేశంలో వర్కర్స్‌ ఎడ్యుకేషన్‌ ఆఫీసర్‌ మహేశ్వర్‌ బాబు, సీనియర్‌ ఆఫీసర్లు సంశీర్‌, అభిలాష్‌, నరసింహ, మున్సిపల్‌ చైర్మన్‌ దొంతగాని శ్రీనివాస్‌, నాయకులు యరగాని నాగరాజు, యరగాని మురళి, ఐఎన్‌టీయూసీ జిల్లా అధ్యక్షుడు బాలకృష్ణ, రాష్ట్ర ప్రచార కార్యదర్శి బంటు చుక్కయ్య, నియోజకవర్గ, మండల నాయకులు బెల్లంకొండ గురవయ్య, అమర్‌నాథ్‌రెడ్డి, మేళ్లచెర్వు ముక్కంటి, మద్దం నాగేందర్‌, ఎస్‌.జానయ్య, జి.కరుణాకర్‌రెడ్డి, శ్రీనివాస్‌, కె.రవీంద్ర తదితరులు పాల్గొన్నారు. ఫ డీటీఎన్‌బీడబ్ల్యూడీ రీజనల్‌ డైరెక్టర్‌ ఎంఆర్‌ దేశ్‌పాండే

కనగల్‌ : కనగల్‌ మండలం తిమ్మన్నగూడెం సబ్‌స్టేషన్‌ ఎదుట బుధవారం సాయంత్రం రైతులు ఆందోళనకు దిగారు. వారం రోజులుగా విద్యుత్‌ కోతలు విధిస్తున్నారంటూ రైతులు ఆగ్రహం వ్యక్తం చేశారు. విద్యుత్‌ కోతల కారణంగా పంటలు ఎండిపోతున్నాయన్నారు. రాత్రివేళ కూడా విద్యుత్‌ కోతలు విధించడంతో పొలాలకు నీరు పారించుకోలేక తీవ్ర ఇబ్బందులు ఎదుర్కొంటున్నామని తెలిపారు. సమస్యను అధికారులకు తెలియజేసినప్పటికీ పరిష్కారం కాలేదని రైతులు వాపోయారు. సక్రమంగా విద్యుత్‌ సరఫరా చేసి పంటలను కాపాడాలని డిమాండ్‌ చేశారు. ఏడీ శ్రీనివాస్‌, ఏఈ సుధాకర్‌, ఎస్‌ఐ రాజీవ్‌రెడ్డి సబ్‌ స్టేషన్‌ వద్దకు చేరుకొని రైతులతో మాట్లాడారు. గురువారం నుంచి విద్యుత్‌ కోతలు లేకుండా చూసుకుంటామని హామీ ఇవ్వడంతో ఆందోళన విరమించారు.

నేరేడుచర్ల : నూతనంగా నిర్మిస్తున్న భవనంపై నుంచి పడి వ్యక్తి కూలీ మృతిచెందాడు. ఈ ఘటన నేరేడుచర్ల మండలం దిర్శించర్ల గ్రామంలో జరిగింది. బుధవారం ఎస్‌ఐ గోపాల్‌రెడ్డి తెలిపిన వివరాల ప్రకారం.. దిర్శించర్ల గ్రామానికి చెందిన పత్తేపురం వెంకటేశ్వర్లు నూతనంగా ఇంటిని నిర్మించుకుంటున్నాడు. అదే గ్రామానికి చెందిన అంతని సావిత్రి(27) అనే వ్యక్తి ఈ నెల 14న వెంకటేశ్వర్లు నిర్మిస్తున్న ఇంటికి సుతారీ పనికి వెళ్లాడు. రెండో అంతస్తు స్లాబ్‌ వేస్తుండగా సావిత్రి ప్రమాదవశాత్తు భవనంపై నుంచి కిందపడ్డాడు. ఈ ప్రమాదంలో అతడి తలకు తీవ్ర గాయాలయ్యాయి. చికిత్స నిమిత్తం మిర్యాలగూడ ఏరియా ఆస్పత్రికి తరలించారు. అక్కడి నుంచి నల్లగొండ ప్రభుత్వాస్పత్రికి తరలించగా.. చికిత్స పొందుతూ అదే రోజు రాత్రి మృతిచెందాడు. మృతుడి తల్లి కోటమ్మ ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్‌ఐ తెలిపారు. మృతుడు అవివాహితుడు. అతడు తన తల్లి వద్దనే ఉంటూ సుతారీ పనికి వెళ్తూ జీవనం సాగిస్తున్నాడు. మృతుడి అన్న, చెల్లెలు ఇతర ప్రాంతాల్లో ఉంటుండటంతో మృతదేహాన్ని ఆస్పత్రి మార్చురీలోనే ఉంచి బుధవారం అంత్యక్రియల నిమిత్తం స్వగ్రామానికి తరలించారు. అయితే బిల్డింగ్‌ యాజయాని మొదట ఇస్తానన్న నష్టపరిహారం ఇవ్వనని చెప్పడంతో సావిత్రి మృతదేహంతో నూతనంగా నిర్మిస్తున్న భవనం ఎదుట బుధవారం కుటుంబ సభ్యులు, బంధువులు ఆందోళనకు దిగారు. ఫ మృతదేహంతో కుటుంబ సభ్యుల ధర్నా

భువనగిరిటౌన్‌ : రాష్ట్ర ప్రభుత్వం నిర్బంధాలతో కార్మిక ఉద్యమాలను అణచలేదని సీఐటీయూ రాష్ట్ర ఉపాధ్యక్షుడు వీరయ్య అన్నారు. సీఐటీయూ రాష్ట్ర కమిటీ పిలుపు మేరకు బుధవారం భువనగిరి జిల్లా కేంద్రంలోని రైతు బజార్‌ వద్ద జిల్లా కమిటీ ఆధ్వర్యంలో నిరసన దీక్ష నిర్వహించారు. ఈ సందర్భంగా ఆయన మాట్లాడుతూ.. ఎన్నికల ముందు ఇచ్చిన హామీలను అమలు చేయాలని కోరుతూ అంగన్‌వాడీ, ఆశా, గ్రామ పంచాయతీ కార్మికులు ఆందోళనలు చేస్తుంటే ప్రభుత్వం అణచివేతకు దిగడం దారుణమన్నారు. మహిళలని కూడా చూడకుండా ముందస్తు అరెస్టులు చేయడం, లాఠీచార్జీ లకు పాల్పడటం ప్రజాస్వామ్య స్ఫూర్తికి విరుద్ధమన్నారు. అనంతరం ఇన్‌చార్జి కలెక్టర్‌ భాస్కర్‌ రావు, జిల్లా ఎస్పీ అకాంక్ష యాదవ్‌లకు వినతిపత్రాలు అందజేశారు.ఈ కార్యక్రమంలో సీఐటీయూ జిల్లా అధ్యక్ష, ప్రధాన కార్యదర్శులు కోమటిరెడ్డి చంద్రారెడ్డి, కల్లూరి మల్లేశం, నాయకులు దాసరి పాండు, ఎం.డి. పాషా, దోనూరి నర్సిరెడ్డి, మాయ కృష్ణ, తుర్కపల్లి సురేందర్‌, గొరిగే సోములు, సిలివేరు రామకుమారి, చెక్క రమేష్‌, పైళ్ళ గణపతి రెడ్డి, పొట్ట యాదమ్మ, ఆదిమూలం నందీశ్వర్‌, మంచాల మధు, తూటి వెంకటేష్‌, మారయ్య, మెంటే ఎల్లయ్య తదితరులు పాల్గొన్నారు. ఫ సీఐటీయూ రాష్ట్ర ఉపాధ్యక్షుడు వీరయ్య

వలిగొండ : మండలంలోని రెడ్లరేపాక గ్రామానికి చెందిన 76 ఏళ్ల వృద్ధురాలు ఊదరి నర్సమ్మ అదృశ్యమైంది. ఈ నెల 11న ఆమె ఇంటి నుంచి బయటకు వెళ్లి తిరిగి రాలేదని కుటుంబ సభ్యులు పేర్కొన్నారు. ఎంత వెతికినా నర్సమ్మ ఆచూకీ లభించకపోవడంతో బుధవారం ఆమె కుటుంబ సభ్యులు పోలీసులకు ఫిర్యాదు చేశారు. ఈ మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ శ్రీకాంత్రెడ్డి తెలిపారు. నర్సమ్మ ఆచూకీ తెలిసిన వారు 87126 62484 87126 62810 నంబర్లకు సమాచారం ఇవ్వాలని సూచించారు. గుర్తుతెలియని మహిళ మృతదేహం లభ్యంవేములపల్లి : మండలంలోని అన్నపరెడ్డిగూడెం గ్రామ శివారులో సాగర్‌ ఎడమ కాల్వలో బుధవారం గుర్తుతెలియని మహిళా మృతదేహం లభ్యమైనట్లు ఎస్‌ఐ డి. వెంకటేశ్వర్లు తెలిపారు. ఎస్‌ఐ తెలిపిన వివరాల ప్రకారం.. సుమారు 35 నుంచి 40 సంవత్సరాల మధ్య వయస్సు గల మహిళ మృతదేహం కాల్వలో కొట్టుకొస్తుండగా స్థానికులు గమనించి పోలీసులకు సమాచారం అందించారు. వెంటనే అక్కడికి చేరుకుని మృతదేహాన్ని స్వాధీనం చేసుకుని మిర్యాలగూడ ఏరియా ఆస్పత్రికి తరలించి మార్చురీలో భద్రపర్చినట్లు ఎస్‌ఐ తెలిపారు. మృతురాలి వివరాలు తెలిసిన వారు వేములపల్లి పోలీస్‌ స్టేషన్‌లో సంప్రదించాలని లేదా 87126 70190, 87126 70808 నంబర్లకు సమాచారం ఇవ్వాలని సూచించారు. బుజిలాపురంలో వ్యక్తి మృతదేహం లభ్యంమోత్కూర్‌ : మోత్కూర్‌ మున్సిపాలిటీ పరిధిలోని బుజిలాపురంలో బుధవారం ఓ వ్యక్తి మృతదేహాన్ని స్థానికులు గుర్తించి పోలీసులు సమాచారం ఇచ్చారు. పోలీసులు ఘటనా స్థలానికి చేరుకుని వివరాలు సేకరించారు. మృతుడు అడ్డగూడూరు మండలం గోవిందపురానికి చెందిన పొట్టపాక మల్లేష్‌(35)గా గుర్తించారు. మల్లేష్‌ తన భార్య, కుమారుడితో విడిపోయి సుమారు పదేళ్లుగా ఒంటరిగా జీవిస్తున్నట్లు పోలీసులు తెలిపారు. మద్యానికి బానిసై తరచూ రోడ్లపై తిరుగుతుండేవాడని పేర్కొన్నారు. బుజిలాపురంలో ఉంటున్న తన చిన్నమ్మ గుగ్గిళ్ల ఎల్లమ్మ ఇంటికి అప్పుడప్పుడు వచ్చి వెళ్లేవాడని, మంగళవారం ఉదయం కూడా ఆమె ఇంటికి వచ్చినట్లు తెలిపారు. సరైన ఆహారం తీసుకోకపోవడంతో మల్లేష్‌ మృతిచెంది ఉండవచ్చని పోలీసులు భావిస్తున్నారు. మృతదేహాన్ని పోస్టుమార్టం నిమిత్తం రామన్నపేట ఏరియా ఆస్పత్రికి తరలించినట్లు ఇన్‌స్పెక్టర్‌ వెంకటేశ్వర్లు తెలిపారు. పాత కక్షలతో వ్యక్తిపై దాడికనగల్‌ : పాత కక్షలతో ఓ వ్యక్తిపై కత్తితో దాడి జరిగింది. కనగల్‌ ఎస్‌ఐ రాజీవ్‌రెడ్డి తెలిపిన వివరాల ప్రకారం.. కనగల్‌ మండలం బుడుమర్లపల్లి గ్రామానికి చెందిన బొంత అంజయ్యకు అదే గ్రామానికి చెందిన నకిరేకంటి రాములు కుటుంబానికి కొన్నేళ్లుగా బాట పంచాయితీ జరుగుతోంది. ఈ క్రమంలో బుధవారం ఉదయం గ్రామ శివారు వ్యవసాయ భూముల వద్ద రాములు అంజయ్యతో ఘర్షణకు దిగాడు. ఈ సమయంలో చేతిలో ఉన్న కల్లు గీసే కత్తితో అంజయ్యపై రాములు దాడి చేయడంతో అంజయ్య ఎడమ భుజానికి గాయాలయ్యాయి. చుట్టుపక్కల వారు గమనించి 108 వాహనంలో అంజయ్యను నలగొండలోని ఓ ప్రైవేట్‌ ఆస్పత్రికి తరలించారు. అంజయ్య భార్య ముత్తమ్మ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ వివరించారు.

నకిరేకల్‌ : నకిరేకల్‌కు చెందిన సీపీఎం నాయకుడు బిచినేపల్లి ప్రకాష్‌రావు (85) అనారోగ్యంతో బుధవారం మృతిచెందారు. ప్రకాష్‌రావు మండల పరిషత్‌ సూపరిండెంట్‌గా పనిచేసి 28 ఏళ్ల క్రితం ఉద్యోగ విరమణ పొందారు. సీనియర్‌ సిటిజన్స్‌ డివిజన్‌ అధ్యక్షుడిగా, లయన్స్‌ క్లబ్‌ అధ్యక్షుడిగా కూడా ఆయన పనిచేశారు. ఉద్యగ విరమణ అనంతరం లాయర్‌గా ప్రాక్టీస్‌ చేయడంతో పాటు సీపీఎంలో కూడా క్రియాశీలకంగా పనిచేశారు. ప్రకాష్‌రావు అంత్యక్రియలు ఆయన స్వగ్రామం మంగళపల్లిలో నిర్వహించారు. ప్రకాష్‌రావు భౌతికకాయానికి సీపీఎం జిల్లా కార్యదర్శి తుమ్మల వీరారెడ్డి, మాజీ జిల్లా కార్యదర్శి ముదిరెడ్డి సుధాకర్‌రెడ్డి, రాష్ట్ర నాయకులు నారి అవిలయ్య, కందాల ప్రమీల, బొజ్జ చినవెంకులు, మాజీ ఎంపీపీ మర్రి వెంకటయ్య, ఆలిండియా బ్‌లైండ్‌ డెవలప్‌మెంట్‌ అసోసియేషన్‌(డ్వాబ్‌) ప్రధాన కార్యదర్శి పొనుగోటి చొక్కారావు, అసోసియేషన్‌ ప్రతినిధులు తదితరులు నివాళులర్పించారు. నేత్రాలు దానం.. స్థానిక లయన్స్‌ క్లబ్‌, నవ్య క్లబ్‌ ఆధ్వర్యంలో నల్లగొండ లయన్స్‌ చారిటబుల్‌ ట్రస్ట్‌, ఐ డోనేషన్‌ సెంటర్‌ డాక్టర్లు వచ్చి ప్రకాష్‌రావు నేత్రాలను సేకరించారు. ఈ క్రార్యక్రమంలో ఆయా క్లబ్‌ల అధ్యక్షులు ఎన్‌. సూర్యచంద్రరావు, పద్మజ తదితరులు ఉన్నారు. వాచ్యాతండా లిఫ్టుకు రూ.25.20 లక్షలుమిర్యాలగూడ : వాచ్యాతండా లిఫ్టు మరమ్మతులకు రూ.25.20 లక్షలు మంజూరు చేసినట్లు నీటిపారుదల శాఖ డివిజన్‌ 3, ఈఈ గోపయ్య తెలిపారు. మూసీ నదిపై ఏర్పాటు చేసిన వాచ్యాతండా ఎత్తిపోతల పథకం వద్ద రెండు ట్రాన్స్‌ఫార్మర్లను దుండగులు ధ్వంసం చేసి కాపర్‌ వైరు, ఆయిల్‌ చోరీ చేశారు. జూలై 6న రైతుల ఫిర్యాదు మేరకు వాడపల్లి పోలీస్‌స్టేషన్‌లో కేసు నమోదైంది. దీనిపై నిరుపయోగంగా వాచ్చాతండా లిఫ్టు శీర్షికన గత నెల 31న ‘సాక్షి’లో ప్రచురితమైన కథనానికి అధికారులు స్పందించారు. రెండు ట్రాన్స్‌ఫార్మర్లను మరమ్మతు చేసి లిఫ్టును నడిపించేందుకు ఈఎన్‌సీ నిధులు మంజూరు చేసినట్లు ఈఈ తెలిపారు.

మర్రిగూడ : మర్రిగూడ మండల కేంద్రానికి చెందిన స్వాతంత్య్ర సమరయోధుడు పొనుగోటి మాధవరావు 100వ పుట్టినరోజు వేడుకలను బుధవారం ఆయన నివాసంలో గ్రామస్తులు, వివిధ పార్టీల నాయకులు ఘనంగా నిర్వహించారు. ఈ సందర్భంగా పలువురు నాయకులు మాట్లాడుతూ.. మాధవరావు స్వాతంత్రోద్యమంలో, నిజాం నిరంకుశ పాలనకు వ్యతిరేకంగా చేసిన పోరాటం చిరస్మరణీయమని కొనియాడారు. అంతేకాకుండా ఆయన మర్రిగూడకు మూడుసార్లు సర్పంచ్‌గా పనిచేసి అభివృద్ధికి పాటుపడ్డారని అన్నారు. ఈ సందర్భంగా మాధవరావు కేక్‌ను కట్‌ చేశారు. ఈ కార్యక్రమంలో న్యాయవాది పొనుగోటి విజయరామారావు, పందుల రాములుగౌడ్‌, మాజీ సర్పంచ్‌ నల్ల యాదయ్య, శర్మ, గ్రామస్తులు పాల్గొన్నారు.

సాక్షి, యాదాద్రి : జిల్లాలో వానాకాలానికి సంబంధించి 3లక్షల మెట్రిక్‌ టన్నుల ధాన్యం కొనుగోలు చేయాలని లక్ష్యంగా పెట్టుకున్నట్లు ఇన్‌చార్జి కలెక్టర్‌ భాస్కర్‌రావు తెలిపారు. వానాకాలం 2026–27 ధాన్యం కొనుగోళ్ల ఏర్పాట్లపై మంగళవారం కలెక్టరేట్‌లో రెవెన్యూ అదనపు కలెక్టర్‌ వెంకారెడ్డితో కలిసి నిర్వహించిన సమీక్ష సమావేశంలో భాస్కర్‌రావు మాట్లాడారు. జిల్లాలో 325 ధాన్యం కొనుగోలు కేంద్రాలు ప్రారంభించేందుకు ఏర్పాట్లు చేయాలన్నారు. అక్టోబర్‌ నుంచి వరి ధాన్యం కొనుగోలు కేంద్రాలకు వస్తుందని వ్యవసాయశాఖ అధికారులు అంచనా వేస్తున్నారని తెలిపారు. అదనపు టార్పాలిన్లు, ఆటోమేటిక్‌ ప్యాడీ క్లీనర్లు , గ్రెయిన్‌ కాలిపర్స్‌ , తేమ యంత్రాలు, ఎలక్ట్రానిక్‌ వేయింగ్‌ యంత్రాలు, డ్రయ్యర్స్‌ అందుబాటులో ఉండాలని సూచించారు. కొనుగోలు చేసిన ధాన్యం నిల్వచేసేందుకు గోదాములను గుర్తించాలన్నారు. ఈ సమావేశంలో డీఆర్డీఓ నాగిరెడ్డి, డీసీఎస్‌ఓ రోజారాణి , డీఎం హరికష్ణ , డీఏఓ రమణా రెడ్డి పాల్గొన్నారు. 17న ప్రజాపాలన దినోత్సవాన్ని నిర్వహించాలి ఈనెల 17న తెలంగాణ ప్రజా పాలన దినోత్సవాన్ని ఘనంగా నిర్వహించేందుకు ఏర్పాట్లు పూర్తి చేయాలని జిల్లా ఇన్‌చార్జి కలెక్టర్‌ భాస్కర్‌ రావు ఆదేశించారు. తెలంగాణ ప్రజా పాలన దినోత్సవం ఏర్పాట్లపై మంగళవారం కలెక్టరేట్లో రెవెన్యూ అదనపు కలెక్టర్‌ వెంకా రెడ్డితో కలిసి నిర్వహించిన సమావేశంలో భాస్కర్‌రావు మాట్లాడారు. వేడుకలకు ముఖ్య అతిథిగా శాసన మండలి చైర్మన్‌ గుత్తా సుఖేందర్‌ రెడ్డి హాజరు కానున్నట్లు తెలిపారు. సమావేశంలో డీఆర్‌ఓ జయమ్మ, డీఆర్‌డీఓ నాగిరెడ్డి, అడ్మినిస్ట్రేటివ్‌ అధికారి అంజిరెడ్డి పాల్గొన్నారు. ఫ ఇన్‌చార్జి కలెక్టర్‌ భాస్కర్‌రావు

సాక్షి, యాదాద్రి: ఓటర్ల జాబితా సవరణ ప్రక్రియలో చోటుచేసుకుంటున్న సాంకేతిక లోపాలు, సాఫ్ట్‌వేర్‌ అనువాద పొరపాట్లు గ్రామీణ ప్రాంత ప్రజలకు తీవ్ర ఇబ్బందులు సృష్టిస్తున్నాయి. ఊర్లలో ఓటర్లు భౌతిక డిక్లరేషన్‌ ఫామ్‌లను సరిగ్గా నింపి ఇచ్చినప్పటికీ, సిస్టమ్‌లోని ఆటో–ట్రాన్స్‌లేషన్‌ లోపాల కారణంగా వేలాది మందికి నోటీసులు జారీ అవుతుండటం తీవ్ర ఆందోళనకు దారితీస్తోంది. పేర్ల అనువాదంలో దొర్లిన తప్పులు ప్రజలు సర్వే ఫామ్‌లలో తమ పేర్లను తెలుగులో స్పష్టంగా రాసిచ్చినప్పటికీ, పాత రికార్డుల్లోని ఇంగ్లిష్‌ పేర్లను ఆటోమేటిక్‌ సాఫ్ట్‌వేర్‌ ద్వారా తెలుగులోకి తర్జుమా చేయడం వల్ల తీవ్ర వ్యత్యాసాలు వచ్చాయి. ఇంటిపేర్లు మారడం, పేర్లలో ఒత్తులు, దీర్ఘాలు ఎగిరిపోవడం (ఉదాహరణకు ‘చంద్రయ్య’ అనే పేరులో ‘య’ వత్తు దూరంగా జరగడం) వంటి చిన్న చిన్న తప్పులను కూడా సాఫ్ట్‌వేర్‌ తేడాగా గుర్తించి ఆటోమేటిక్‌గా నోటీసులను జనరేట్‌ చేసింది.అధికారులు క్షేత్రస్థాయిలో సేకరించిన కొత్త భౌతిక డిక్లరేషన్‌ ఫామ్‌ల డేటాను పక్కనబెట్టి, పాత ఆటోమేషన్‌ సిస్టమ్‌నే వాడటంతో సమస్య మొదటికి వచ్చింది. క్షేత్రస్థాయిలో సర్టిఫికెట్ల రగడ ఎన్నికల సంఘం ఓటరు గుర్తింపు ధ్రువీకరణ కు 14 రకాల కార్డుల్లో ఒకటి ఆధారంగా చూపవచ్చని తెలిపింది. క్షేత్రస్థాయి అధికారులు మాత్రం కులం సర్టిఫికెట్‌ తీసుకురావాలని ఒత్తిడి చేస్తుండటంతో కార్యాలయాల చుట్టూ తిరగాల్సి వస్తోంది. 97,102 మందికి నోటీసులు ఆలేరు, భువనగిరి నియోజకవర్గాల వ్యాప్తంగా 4.59 లక్షల మందికి పైగా ఓటర్లున్నారు. వీరిలో 97,102 మందికి నోటీసులు జారీ చేసే ప్రక్రియను ప్రారంభించారు. ఇప్పటివరకు 77,518 మందికి నోటీసులు అందజేశారు.కేవలం 15,000 మందికి మాత్రమే హియరింగ్‌ ప్రక్రియ పూర్తయ్యింది. సమస్యకు పరిష్కార మార్గాలు పాత ఇంగ్లిష్‌–తెలుగు ఆటో–ట్రాన్స్‌లేషన్‌ను నిలిపివేసి, ఏఐ ఆధారిత వాయిస్‌, తెలుగు టైపింగ్‌ టూల్స్‌ ద్వారా డేటాను సరిచేయాలి. ఓటర్లు బీఎల్‌ఓలకు అందించిన భౌతిక డిక్లరేషన్‌ ఫామ్‌ల ఆధారంగానే సిస్టమ్‌లో మార్పులు చేపట్టాలి. సాఫ్ట్‌వేర్‌ పంపే నోటీసులపైనే ఆధారపడకుండా, నిజమైన దొంగ ఓట్లను అరికట్టేందుకు బీఎల్‌ఓలు, ఉన్నతాధికారులు స్వయంగా క్షేత్రస్థాయి విచారణ జరిపి సవరణలు చేయాలి. ఫ ఆటో–ట్రాన్స్‌లేషన్‌ లోపాల వల్ల వేలాది మందికి నోటీసులు ఫ సర్టిఫికెట్ల కోసం మీసేవ కేంద్రాలకు పరుగులు ఫ 97 వేల మందిపై నోటీసుల భారం ఫ భౌతిక డిక్లరేషన్‌ ఫామ్‌ల ఆధారంగా మార్పులు చేయాలని వినతి

భువనగిరి: నిమజ్జన సమయంలో భక్తులకు ఎలాంటి ఇబ్బందులు కలగనీయవద్దని జిల్లా ఎస్పీ అక్షాంశ్‌ యాదవ్‌ సూచించారు. మంగళవారం బీబీనగర్‌ పెద్ద చెరువు వద్ద నిమజ్జన ఏర్పాట్లను ఎస్పీ పరిశీలించి మాట్లాడారు. ఈ కార్యక్రమంలో సీఐ ప్రభాకర్‌రెడ్డి, తహసీల్దార్‌ శ్యామ్‌ సుందర్‌రెడ్డి, ఎంపీడీఓ శ్రీనివాస్‌రెడ్డి, పీఏసీస్‌ చైర్మన్‌ శ్యామ్‌గౌడ్‌ పాల్గొన్నారు. సాయుధ రైతాంగ పోరాట చరిత్రను వక్రీకరిస్తున్న బీజేపీ భువనగిరిటౌన్‌ : తెలంగాణ సాయుధ రైతాంగ పోరాటాన్ని బీజేపీ, ఆర్‌ఎస్‌ఎస్‌లు హిందూ–ముస్లింల ఘర్షణగా చిత్రీకరిస్తూ చరిత్రను వక్రీకరిస్తున్నాయని సీపీఎం రాష్ట్ర కార్యదర్శివర్గ సభ్యుడు జహంగీర్‌ విమర్శించారు. మంగళవారం భువనగిరిలో సీపీఎం నేత సీతారాం ఏచూరి వర్ధంతి సందర్భంగా సెమినార్‌ నిర్వహించారు. కార్యక్రమంలో కె. నర్సింహ, బట్టుపల్లి అనురాధ, బాలరాజు, బట్టు రామచంద్రయ్య, వెంకటేష్‌, సురేష్‌, అనిల్‌ కుమార్‌, అంజయ్య, వి.వెంకటేష్‌ పాల్గొన్నారు.

ఫ 3,500కు పైగా యువతకు ఉద్యోగావకాశాలు ఫ మంత్రి ఎన్‌.ఉత్తమ్‌ కుమార్‌రెడ్డి వెల్లడి భానుపురి (సూర్యాపేట) : గ్రామీణ ప్రాంత యువతలో ప్రతిభకు కొదవ లేదని.. ఉపాధి కల్పించే లక్ష్యంతో కంపెనీలను వారి చెంతకు తీసుకొస్తున్నామని రాష్ట్ర నీటిపారుదల, పౌర సరఫరాలశాఖ మంత్రి ఎన్‌న్‌.ఉత్తమ్‌కుమార్‌రెడ్డి అన్నారు. ఈ నెల 19న కోదాడలో నిర్వహించనున్న మెగా జాబ్‌మేళా ఏర్పాట్లపై మంగళవారం సూర్యాపేట కలెక్టరేట్‌లో నిర్వహించిన సన్నాహక సమావేశంలో ఆయన మాట్లాడారు. అభ్యర్థుల విద్యార్హత, నైపుణ్యాలకు అనుగుణంగా ఒక్కొక్కరు ఐదు సంస్థల్లో ఇంటర్వ్యూలకు హాజరయ్యేలా ఏర్పాట్లు చేస్తున్నామన్నారు. కోదాడలో నిర్వహించే జాబ్‌మేళాకు సుమారు 300 కంపెనీలను ఆహ్వానించినట్లు మంత్రి వెల్లడించారు. రాష్ట్ర ప్రభుత్వం, పరిశ్రమల శాఖ, సింగరేణి సంస్థ సమన్వయంతో ఈ జాబ్‌మేళా నిర్వహిస్తున్నట్లు తెలిపారు. జాబ్‌మేళా ద్వారా 3,500 మందికి పైగా యువతకు ఉద్యోగాలు లభించే అవకాశం ఉందని మంత్రి చెప్పారు. రాష్ట్ర పరిశ్రమల శాఖ మంత్రి దుద్దిళ్ల శ్రీధర్‌బాబు ముఖ్య అతిథిగా హాజరై ఎంపికై న అభ్యర్థులకు ఆఫర్‌ లెటర్లు అందజేస్తారని వెల్లడించారు.

యాదగిరిగుట్ట: యాదగిరి శ్రీలక్ష్మీనరసింహస్వామి వారి జన్మ నక్షత్రం స్వాతిని పురస్కరించుకొని ఆలయంలో శతఘటాభిషేకం పూజను ఆలయ అర్చకులు మంగళవారం పాంచరాత్ర ఆగమశాస్త్రానుసారంగా నిర్వహించారు. వేకువజామునే ఆలయాన్ని తెరచిన అర్చకులు శ్రీస్వామి అమ్మవార్లకు సుప్రభాత సేవను జరిపించి మేల్కొల్పారు. అనంతరం ఆలయ ముఖ మండపంలో స్వాతి హోమంతో పాటు బంగారు, వెండి కలశాలలో నింపిన శుద్ధ జలాలు, సుగ్రంధ పరిమళాలు వెదజల్లే పంచామృతాలకు ప్రత్యేక పూజలు నిర్వహించారు. పూజల అనంతరం కలశాలతో స్వయంభూ, ప్రతిష్ఠా అలంకారమూర్తులకు శతఘటాభిషేకం పూజ చేపట్టారు. అనంతరం సహస్ర నామార్చన, కుంకుమార్చన, ప్రథమ ప్రాకార మండపంలో గజవాహన సేవ, నిత్య కల్యాణం, బ్రహ్మోత్సవం వంటి పూజలు చేశారు. సాయంత్రం వేళ జోడు సేవలను ఆలయ తిరు, మాడ వీధుల్లో ఊరేగించారు.

అడుగంటిన భూగర్భ జలాలకుతోడు విద్యుత్‌ లోవోల్టేజీ, సరఫరాలో అంతరాయంఈ చిత్రంలోని రైతు సంస్థాన్‌నారాయణపురం మండలం జనగామ గ్రామానికి చెందిన నెల్కంటి బాబు. ఆయన తనకున్న 15 ఎకరాలతోపాటు, మరో ఏడు ఎకరాలు కౌలుకు తీసుకుని మొత్తం 22 ఎకరాలకు 18 ఎకరాల్లో పత్తి సాగు చేశాడు. రెండు ఎకరాలు వరి, ఎకరం కంది, ఎకరం దోస సాగు చేశాడు. ఈ పంటలన్నింటికీ పెట్టుబడిగా సుమారు రూ.5 లక్షల వరకు పెట్టాడు. వర్షాలు పడక పత్తి, కంది చేలు ఎదగలేదు. కరెంట్‌ కోతలతో వరి, దోస ఎండిపోయింది. సంస్థాన్‌నారాయణపురం మండలం జనగాంలో ఎండిపోయిన పత్తి మొక్కలుఅనాజిపురంలో నెర్రెలు బారిన వరి పొలం సాక్షి, యాదాద్రి: జిల్లాలో బోరు, బావుల ఆధారంగా సాగు చేసిన వరి, వర్షాధారంగా సాగు చేసిన పత్తి చేలు నీరు లేక ఎండిపోతున్నాయి. జిల్లా వ్యాప్తంగా ఈ వానాకాలం సీజన్‌లో 2.26 లక్షల ఎకరాల్లో వరి, 1.12 లక్షల ఎకరాల్లో పత్తి, 17 వేల ఎకరాల్లో కంది సాగు చేశారు. విత్తనాలు, కలుపు తీత, మందులు, కూలీలు తదితర ఖర్చుల కోసం రైతులు లక్షల రూపాయలు పెట్టుబడి పెట్టారు. అడుగంటిన భూగర్భ జలాలకు తోడు, లో–వోల్టేజీ, విద్యుత్‌ సరఫరాలో అంతరాయాలతో చేతికొచ్చే దశలో పంటలు ఎండిపోతున్నాయి. కొన్నిచోట్ల ఎండిపోయిన వరిని పశువులకు మేతగా వదిలేస్తున్నారు. నాన్‌ ఆయకట్టు ప్రాంతాల్లో.. నాన్‌ ఆయకట్టు ప్రాంతాల్లో పరిస్థితి దయనీయంగా ఉంది. ఆలేరు, తుంగతుర్తి, భువనగిరి, మునుగోడు నియోజకవర్గాల్లోని మండలాల్లో భూగర్భ జలాలు, వర్షాలపై ఆధారపడి సాగు చేసిన వరి, పత్తి, కంది పంటలతో పాటు కూరగాయలు పంటలు తీవ్రంగా దెబ్బతింటున్నాయి. కాలిపోతున్న స్టార్టర్లు విద్యుత్‌ సరఫరాలో నిరంతరం ఏర్పడుతున్న హెచ్చుతగ్గులు, సాంకేతిక లోపాల కారణంగా వ్యవసాయ విద్యుత్‌ మోటార్లు, స్టార్టర్లు కాలిపోతున్నాయి. భువనగిరి మండలం నాగిరెడ్డిపల్లి, గౌస్‌ నగర్‌, భువనగిరి తదితర గ్రామాల్లో పదుల సంఖ్యలో స్టార్టర్లు, మోటార్లు కాలిపోతుండటంతో రైతులు ఇబ్బందులు ఎదుర్కొంటున్నారు. ఒక్కో స్టార్టర్‌, మోటార్‌ బాక్స్‌ మరమ్మతు చేయడానికి రూ.5 వేల నుంచి రూ.8 వేల వరకు ఖర్చవుతుండటంతో రైతులపై అదనపు భారం పడుతోంది. సబ్‌ స్టేషన్ల ఎదుట నిరసనలు నాణ్యమైన విద్యుత్‌ సరఫరా చేయాలని డిమాండ్‌ చేస్తూ రైతులు ప్రతిపక్షాల ఆధ్వర్యంలో సబ్‌స్టేషన్ల ఎదుట ధర్నాలకు దిగుతున్నారు. బీఆర్‌ఎస్‌ ఆధ్వర్యంలో భువనగిరి మండలం తుక్కాపురం, ఆలేరు మండలం కొలనుపాక, సంస్థాన్‌ నారాయణపురం, జనగాం సబ్‌ స్టేషన్ల వద్ద రైతులు ఆందోళనలు చేపట్టారు. అలాగే బీజేపీ ఆధ్వర్యంలో పోచంపల్లి, బీబీనగర్‌ మండలాల్లో రైతులు ధర్నాలు నిర్వహించారు.ఫ నీరు లేక బీటలు వారుతున్న వరిచేలు ఫ నిలువునా ఎండిపోతున్న పత్తి మొక్కలు ఫ దిక్కుతోచని స్థితిలో రైతులు

యాదగిరిగుట్ట రూరల్‌ : పర్యావరణాన్ని పరిరక్షణే ధ్యేయంగా యాదగిరిగుట్ట మండలం కాచారం గ్రామానికి చెందిన ప్రముఖ ఆధ్యాత్మికవేత్త, రాష్ట్ర ధార్మిక పరిషత్‌ చైర్మన్‌ వంగపల్లి అంజయ్యస్వామి కృషి చేస్తున్నారు. ప్రతి ఏటా మట్టి గణపతులను ఉచితంగా పంపిణీ చేస్తూ ఆదర్శంగా నిలుస్తున్నారు. గత పదేళ్లుగా ఆలేరు నియోజకవర్గంలోని యాదగిరిగుట్ట, ఆలేరు, రాజాపేట మండలాలతో పాటు కొలనుపాక, రాఘవపురం, తూర్పుగూడెం, భువనగిరి ప్రాంతాల్లో ఏటా 1,500 మట్టి విగ్రహాలను సొంత ఖర్చులతో పంచుతున్నారు. ఏపీలోని గుంటూరు జిల్లా పొన్నూరుకు చెందిన కళాకారులను రప్పించి, తన స్వగృహంలోనే ఎలాంటి రసాయనాలు, కృత్రిమ రంగులు వాడకుండా ఈ మట్టి విగ్రహాలను తయారు చేయిస్తున్నారు. గతంలో సాక్షి దినపత్రిక ఆధ్వర్యంలో కూడా అంజయ్యస్వామి ఈ మట్టి విగ్రహాలు పంపిణీ చేశారు.

చౌటుప్పల్‌ : చౌటుప్పల్‌లో హైదరాబాద్‌– విజయవాడ హైవేపై పండుగ రద్దీ నెలకొంది. హైదరాబాద్‌ నుంచి చౌటుప్పల్‌కు వచ్చేందుకు సాధారణ సమయాలతో పోలిస్తే శనివారం గంట అదనపు సమయం పట్టింది. తూప్రాన్‌పేట, ధర్మోజిగూడెం, చౌటుప్పల్‌ ప్రాంతాల్లో అండర్‌పాస్‌ నిర్మాణ పనులు కొనసాగుతుండడంతో విజయవాడ మార్గం పూర్తిగా ట్రాఫిక్‌ మయంగా మారింది. ఇదిలా ఉండగా.. లక్కారం శివారులో హైదరాబాద్‌ వైపు వెళ్తున్న రాజస్తాన్‌కు చెందిన కెమికల్‌ ట్యాంకర్‌ ఎయిల్‌లాక్‌ అయి ఆగిపోయింది. మరికొద్ది సేపటికే అటుగా వెళ్తున్న డీసీఎం ఇంజిన్‌లో పొగలు రావడంతో నడిరోడ్డులో ఆగిపోయింది. ఒకే చోట రెండు వాహనాలు ఆగడంతో వెనుక వైపు నుంచి వచ్చే వాహనాలు బారులుదీరాయి.

ఆలేరు : ఆలేరు పీఎంశ్రీ జెడ్పీహెచ్‌ఎస్‌(బాలుర) పాఠశాల ఉపాధ్యాయుడు సైదులు తెలంగాణ పాఠశాల విద్యాశాఖ ఆధ్వర్యంలో నిర్వహిస్తున్న ‘టీచర్స్‌ ఎక్స్‌పోజర్‌ విజిట్‌ అండ్‌ ఎడ్యుకేషనల్‌ ఎక్స్ఛేంజ్‌ ప్రోగ్రామ్‌–ఫిన్‌లాండ్‌(బ్యాచ్‌–2)’కు ఎంపికయ్యారు. రాష్ట్రవ్యాప్తంగా 33మంది ఉపాధ్యాయుల్లో ఆయనకు చోటు దక్కింది. విద్యారంగంలో ప్రత్యేక గుర్తింపు పొందిన ఫిన్‌లాండ్‌లో అమలవుతున్న ఆధునిక విద్యావిధానాలు, బోధనా పద్ధతులు, పాఠశాలల నిర్వహణ, విద్యార్థి కేంద్రిత బోధన తదితర అంశాలను అధ్యయనం చేయనున్నారు. ఈనెల 26 నుంచి వచ్చే నెల 3వ వరకు ఈ పర్యటన కొనసాగుతుందని ఆయన పేర్కొన్నారు. ఫిన్‌లాండ్‌లో అమలవుతున్న విద్యావిధానాలను ప్రత్యక్షంగా పరిశీలించి, వాటి ద్వారా పొందిన అనుభవాలను స్థానిక పాఠశాల విద్యకు అన్వయించుకోవడమే ఈ పర్యటన ఉద్దేశమని సైదులు తెలిపారు. పోచంపల్లిని సందర్శించిన బిహార్‌ ట్రైనీ అధికారులు భూదాన్‌పోచంపల్లి: హైదరాబాద్‌లోని మర్రిచెన్నారెడ్డి మానవ వనరుల సంస్థలో భారత్‌ దర్శన్‌ ప్రోగ్రాంలో పాల్గొన్న 114 మంది బిహార్‌ రాష్ట్రానికి ట్రైనీ సివిల్‌ సర్వీసెస్‌ అధికారుల బృదం శనివారం భూదాన్‌పోచంపల్లిని సందర్శించారు. ఈ సందర్భంగా చేనేత వస్త్రాలు, డిజైన్‌లను పరిశీలించారు. జిల్లా చేనేత, జౌళిశాఖ ఏడీ శ్రీనివాసరావు.. ఇక్కత్‌ పరిశ్రమ ప్రాముఖ్యతను వారికి వివరించారు.

కులవృత్తిపై మమకారం.. పర్యావరణానికి ఉపకారంరాజాపేట : ప్రస్తుత సాంకేతిక యుగంలో యువత చదువు పూర్తిచేసి ఉద్యోగాల వైపు పరుగులు తీస్తుంటే.. ఓ యువకుడు మాత్రం తన కులవృత్తిపై ఉన్న మమకారాన్ని చాటుకుంటున్నాడు. రాజాపేట మండలం కుర్రారం గ్రామానికి చెందిన తరిగొప్పుల భాస్కర్‌ ఇటు పర్యావరణ హితాన్ని, అటు తన పూర్వీకుల వృత్తిని బతికిస్తూ శభాష్‌ అనిపించుకుంటున్నాడు. భాస్కర్‌ తల్లిదండ్రులు మల్లయ్య, లక్ష్మి వ్యవసాయం చేస్తుంటారు. పూర్వీకుల నుంచి వస్తున్న కుమ్మరి వృత్తిని కొనసాగించాలనే ఉద్దేశంతో ఎమ్మెస్సీ చదువుతూనే మట్టి విగ్రహాల తయారీని ఎంచుకున్నాడు భాస్కర్‌. చెరువులు, కుంటల నుంచి బంకమట్టిని సేకరించి తన స్వగ్రామంలోనే గణనా థులను తయారు చేస్తున్నాడు. రంగులు కూడా సహజ సిద్ధమైనవే వాడుతున్నాడు. మట్టి వినాయకులను తక్కువ ధరలతో అందించాలనే లక్ష్యంతో పనిచేస్తున్నాడు. అంతేకాకుండా భాస్కర్‌ యూట్యూబ్‌లో ఫోక్‌ సాంగ్స్‌కు దర్శకత్వంతో పాటు పొలిటికల్‌ సాంగ్స్‌కు మ్యూజిక్‌ డైరెక్టర్‌గా పనిచేసి పలు అవార్డులు కూడా అందుకున్నాడు. ఫ ఎకో–ఫ్రెండ్లీ వినాయకుడికి పెద్దపీట వేస్తున్న పర్యావరణ ప్రేమికులు ఫ పర్యావరణ పరిరక్షణే ధ్యేయంగా అడుగులువినాయక చవితి అనగానే వాడవాడలా వెలిసే మండపాలు, కోలాహలం కళ్ల ముందు కదలాడుతుంది. అయితే పండుగ ఉత్సాహంతో పాటు పర్యావరణ పరిరక్షణ కూడా ఎంతో ముఖ్యమని చాటిచెబుతున్నారు ఉమ్మడి జిల్లా వాసులు. మట్టి గణపతులను ప్రతిష్ఠించడమే కాకుండా.. మట్టి విగ్రహాలను ఉచితంగా పంచుతూ పర్యావరణ పరిక్షణకు పాటు పడుతున్నారు. పర్యావరణ హితంగా వినాయక ఉత్సవాలను జరుపుకుంటున్న వారిపై సాక్షి ప్రత్యేక కథనం.. భువనగిరి : భువనగిరి పట్టణంలోని కిసాన్‌నగర్‌కు చెందిన కిసాన్‌ యూత్‌ అసోసియేషన్‌ ఏర్పడి 48 సంవత్సరాలు అవుతోంది. అప్పటి నుంచి నవరాత్రోత్సవాలు ఘనంగా నిర్వహిస్తున్న యువకులు.. గత 20 సంవత్సరాలుగా కేవలం మట్టి విగ్రహాలనే ప్రతిష్ఠిస్తున్నారు. పర్యావరణ పరిరక్షణే ప్రధాన ధ్యేయంగా ఒడిశాకు చెందిన కళాకారులతో 30 నుంచి 40 రోజుల పాటు శ్రమించి మండపం వద్దే విగ్రహాన్ని తయారు చేయిస్తారు. మట్టి విగ్రహాల తయారీకి పట్టణ శివారులోని హన్మాపురం చెరువు నుంచి మట్టి తీసుకొస్తారు. మట్టితో పాటు గడ్డిని ఉపయోగించి, సహజ రంగులు అద్దుతారు. దీంతో నిమజ్జనం చేసిన వెంటనే విగ్రహం కరిగిపోతుంది. మట్టితో ఎత్తైన విగ్రహాలను తయారు చేయడం కష్టమనే అపోహలను తొలగిస్తూ.. ఈసారి ఖైరతాబాద్‌ తరహాలో 26 అడుగుల ఎత్తైన పంచముఖ సంకటహర వినాయక విగ్రహాన్ని తీర్చిదిద్దారు. ఏటా గణనాథుడితో పాటు ఇతర దేవతామూర్తుల ప్రతిమలను కూడా మట్టితోనే రూపొందిస్తారు. ఈసారి మహాకాళి, రుద్రావతారం, సుబ్రహ్మణ్య స్వామి ప్రతిమలను మట్టితోనే సుందరంగా తయారు చేశారు. పర్యావరణ హితం కోసమే మట్టి వినాయక విగ్రహాలను ఏర్పాటు చేస్తూ ఇతర మండపాల నిర్వాహకులకు ఆదర్శంగా నిలుస్తున్నారు.

సాక్షి, యాదాద్రి : భూ సేకరణకు ప్రధాన అడ్డంకిగా మారుతున్న భూముల విలువల పెంపు కోసం యంత్రాంగం చర్యలు ప్రారంభించింది. భూమి మార్కెట్‌ విలువల సవరణ కమిటీ చర్చలు ప్రారంభించింది. వివిధ ప్రాజెక్టులు, కాలువల నిర్మాణానికి భూములిచ్చిన నిర్వాసితులకు న్యాయం చేకూర్చేలా మార్కెట్‌ విలువు పెంచేందుకు ఉన్న అవకాశాలను పరిశీలిస్తోంది. భూములు, గజాల విలువ పెంచడం ద్వారా నిర్వాసితులకు అవార్డు, ఆర్బిట్రేషన్‌లో ఎక్కువ పరిహారం ఇచ్చే వీలుంటుంది. ఇప్పటి వరకు వచ్చిన భూసేకరణ నోటిఫికేషన్లకు ఇది వర్తించదు. కొత్తగా వచ్చే భూసేకరణ నోటిఫికేషన్లకు వర్తిస్తుంది. తాజాగా భూముల విలువల పెంపు ప్రభుత్వం వ్యవసాయ, వాణిజ్య భూముల విలువను ఈ సంవత్సరం పెంచింది. గత ప్రభుత్వంలో 2022, 2021, 2015లో భూముల విలువలను సవరించారు. అయితే భూసేకరణ సందర్భంగా పరిహారం తక్కువగా వస్తుందని బాధితులు ఆందోళనలకు దిగుతున్నారు. బహిరంగ మార్కెట్‌లో రూ.కోట్లు పలుకుతున్న భూములకు రూ.లక్షల్లో పరిహారం ఇవ్వడం అన్యాయమని రైతులు వాపోతున్నారు. దీంతో భూ సేకరణ ప్రక్రియను అడ్డుకోవడంతో ప్రాజెక్టుల పనుల్లో తీవ్ర జాప్యం జరుగుతోంది. ఈ క్రమంలో కలెక్టర్‌, రెవెన్యూ అదనపు కలెక్టర్‌, జిల్లా రిజిస్టార్‌ల అధ్వర్యంలో భూమి మార్కెట్‌ విలువ సవరణ కమిటీ (అనామలీ కమిటీ) సమావేశం ఏర్పాటు చేశారు. ఈ కమిటీ బేసిక్‌ వాల్యూమీద అదనపు రేట్లు పెంచడానికి నిర్ణియించింది. బాధితులకు భూ సేకరణ పరిహారం మరింత ఇవ్వాలన్నది ప్రభుత్వ లక్ష్యం. అయితే ఎంత పెంచారు అనేది ప్రభుత్వం ఆమోదం పొందిన తర్వాత తెలియనుంది. అనామలి కమిటీ పరిశీలన భూసేకరణ నోటిఫికేషన్‌ సమయంలో నిర్దేశించిన భూమి విలువ తక్కువగా ఉంటే, ల్యాండ్‌ అక్విజిషన్‌ చట్టంలోని నిబంధనల ప్రకారం అనామలి కమిటీ ద్వారా రేట్లను సమీక్షించి, రివైజ్‌ చేయడానికి అవకాశం ఉంది. ఇక్కడ రేట్లు పెరిగితే దాని ఆధారంగా అవార్డు పాస్‌ చేసే సమయంలో కమిటీ పెంచిన రేటు ఆధారంగా ఎక్కువ పరిహారం బాధితులకు లభిస్తుంది. భూమి మార్కెట్‌ విలువలు సవరించిన తర్వాత పెంచిన భూసేకరణ అవార్డు పరిహారం తక్కువని భావిస్తే, బాధితులు ఆర్బిట్రేషన్‌ కు వెళ్లే అవకాశం ఉంటుంది. కమిటీలో సభ్యులు ఎవరంటే.. భూముల రేట్లను సమీక్షించేందుకు అనామలీ కమిటీని ఏర్పాటు చేశారు. ఈ కమిటీలో గ్రామీణ ప్రాంతాల్లో అదనపు(రెవెన్యూ) కలెక్టర్‌ చైర్మన్‌గా వ్యవహరిస్తారు. ఆర్డీఓ, డీఐజీ (రిజిస్ట్రేషన్ల శాఖ), సబ్‌ రిజిస్ట్రార్‌, స్థానిక అధికారులు సభ్యులుగా ఉంటారు. అలాగే మున్సిపాలిటీల్లో జిల్లా కలెక్టర్‌ చైర్మన్‌గా ఉంటారు. మున్సిపల్‌ కమిషనర్‌, హెచ్‌ఎండీఏ అఅధికారులు, డీఐజీ (రిజిస్ట్రేషన్ల శాఖ), తహసీల్దార్‌ సంబంధిత అధికారులు సభ్యులుగా వ్యవహరిస్తారు. నోటిఫికేషన్‌ సమయానికే మార్కెట్‌ విలువలను పెంచి రివైజ్డ్‌ రేట్లు అమలు చేయడం ద్వారా పరిహారం పెరిగి బాధితులకు, రైతులకు ఆర్థికంగా న్యాయం జరగనుంది. జిల్లాలో తాజాగా రైల్వే మార్గాల విస్తరణ, రోడ్ల వెడల్పు, ఆధునీరకరణ, సాగునీటి కాలువల భూసేకరణ, ఇంకా వివిధ ప్రాజెక్టులకు మరికొన్ని ప్రజా ప్రయోజనాల కోసం తీసుకునే భూములు, ఓపెన్‌ ప్లాట్లకు తాజా భూముల సవరణ వర్తిస్తుంది. ఫ భూముల విలువల సవరణకు కార్యాచరణ ఫ కొత్తగా భూ సేకరణకు అడ్డంకులు రాకుండా చర్యలు ఫ రేట్లను సమీక్షించేందుకు అనామలీ కమిటీ ఏర్పాటు ఫ బేసిక్‌ విలువ పెంపునకు నిర్ణయం రానున్న రోజుల్లో భూసేకరణ సందర్భంగా పరిహారం మరింత పెంచి ఇవ్వాలనే లక్ష్యంతో అనామలి కమిటీ రేట్లను సమీక్షిస్తుంది. నోటిఫికేషన్‌ వేసే నాటికి ఉన్న రేట్లను పెంచడానికి కమిటీ నిర్ణయించింది. – కె.వెంకారెడ్డి, అదనపు కలెక్టర్‌ రెవెన్యూ

యాదగిరిగుట్ట: శ్రావణ మాసంలో యాదగిరి శ్రీలక్ష్మీనరసింహస్వామి వారి ఆలయ హుండీ ఆదాయం పెరిగింది. శ్రావణ మాసం ప్రారంభమైనప్పటి నుంచి భక్తులు స్వామివారిని దర్శించుకునేందుకు అధికంగా తరలివచ్చారు. దీంతో శ్రీస్వామి వారికి ఈ మాసంలో రూ.12,69, 50,890 ఆదాయం వచ్చినట్లు ఆలయాధికారులు శుక్రవారం వెల్లడించారు. ఇక గతేడాది శ్రావణ మాసంలో రూ.10,27, 06,792 ఆదాయం రాగా.. ఈఏడాది రూ.2, 42,44,098 అధికంగా వచ్చినట్లు తెలిపారు. శ్రావణ మాసంలో వచ్చిన నాలుగు ఆదివారాలతో పాటు వరలక్ష్మీ వ్రతం, ప్రత్యేక సెలవు రోజుల్లో, స్వాతి నక్షత్రం రోజుల్లో భక్తులు శ్రీస్వామిని అధికంగా దర్శించుకున్నట్లు ఆలయాధికారులు పేర్కొన్నారు. రంగాపురం ఉపాధ్యాయుడికి అంతర్జాతీయ గుర్తింపుగరిడేపల్లి: జపాన్‌లో జరిగిన అంతర్జాతీయ విద్యా అధ్యయన పర్యటనలో గరిడేపల్లి మండలంలోని రంగాపురం పాఠశాల ఉపాధ్యాయుడు, ప్రముఖ వ్యక్తిత్వ వికాస నిపుణుడు చారుగుండ్ల రాజశేఖర్‌ ఉత్తమ పరిశోధనా పత్రంతో ప్రత్యేక గుర్తింపు పొందారు. సెప్టెంబర్‌ 5 నుంచి 12 వరకు జరిగిన ఈ పర్యటనలో పాఠశాల విద్యాశాఖ డైరెక్టర్‌ డాక్టర్‌ నవీన్‌ నికోలస్‌ నేతృత్వంలో తెలంగాణ నుంచి 29 మంది ఉపాధ్యాయులు, విద్యా నిపుణులు పాల్గొన్నారు. జపాన్‌లోని ప్రముఖ విద్యాసంస్థలను సందర్శించిన ఈ బృందం.. రోబోటిక్స్‌, సాంకేతిక విద్య, ఉపాధ్యాయుల నైపుణ్యాభివృద్ధి, సీడబ్ల్యూఎస్‌ఎన్‌ బోధనా పద్ధతులపై అధ్యయనం చేసింది. ఈ వేదికపై రాజశేఖర్‌ సమర్పించిన పరిశోధనా పత్రానికి విశేష స్పందన లభించింది. ఆయన ప్రతిభను అభినందిస్తూ జపాన్‌ విద్యాశాఖ సంచాలకులు డాక్టర్‌ ఆఖావో చేతుల మీదుగా రాజశేఖర్‌ ప్రశంసాపత్రం అందుకున్నారు. ఈ సందర్భంగా ఆయనను విద్యాశాఖ డైరెక్టర్‌ డాక్టర్‌ నవీన్‌ నికోలస్‌ ప్రత్యేకంగా అభినందించారు. జాతీయ స్థాయి ‘ప్రేరణ’కు కల్మల్‌ చెరువు విద్యార్థిగరిడేపల్లి: సూర్యాపేట జిల్లా విద్యా రంగానికి సంబంధించి కల్మల్‌ చెరువు విద్యార్థి అరుదైన ఘనత సాధించాడు. గరిడేపల్లి మండలం కల్మల్‌ చెరువు జెడ్పీ ఉన్నత పాఠశాలకు చెందిన 10వ తరగతి విద్యార్థి గుండెబోయిన శ్రీరామ్‌.. కేంద్ర విద్యా మంత్రిత్వ శాఖ ప్రతిష్టాత్మకంగా నిర్వహిస్తున్న జాతీయ స్థాయి శ్రీప్రేరణశ్రీ (అనుభవాత్మక విద్యా కార్యక్రమం)కు ఎంపికయ్యాడు. 2025 నవంబర్‌లో జవహర్‌ నవోదయ విద్యాలయంలో నిర్వహించిన జిల్లా స్థాయి ప్రేరణ ఉత్సవ్‌లో శ్రీరామ్‌ తన సృజనాత్మకత, నాయకత్వ లక్షణాలు, ప్రతిభతో అత్యుత్తమ ప్రదర్శన కనబరిచి జాతీయ స్థాయికి అర్హత సాధించినట్లు జిల్లా నోడల్‌ నవోదయ ప్రిన్సిపాల్‌ ఆదినారాయణ ప్రకటించారు. గుజరాత్‌లోని వాద్‌నగర్‌లో ఉన్న ‘ది వెర్నాక్యులర్‌ స్కూల్‌’లో (ప్రధాని మోదీ చదివిన పాఠశాల) 2026 నవంబర్‌ 15 నుంచి 21 వరకు జరిగే రెసిడెన్షియల్‌ శిక్షణలో శ్రీరామ్‌ పాల్గొననున్నాడు. 13 మంది యువకుల బైండోవర్‌హుజూర్‌నగర్‌ : వినాయక చవితి ఉత్సవాల నిర్వహణ గురించి జరిగిన గొడవలో ఇరువర్గాలకు చెందిన 13 మంది యువకులను బైండోవర్‌ చేసినట్లు ఎస్‌ఐ నరేష్‌ శుక్రవారం తెలిపారు. హుజూర్‌నగర్‌లోని పీర్లకొట్టం వద్ద నిమ్మతోట బజారులో ఇరువర్గాలకు చెందిన 13మంది యువకుల మధ్య ఉత్సవ నిర్వహణపై గొడవ జరిగింది. దీంతో వారిని స్థానిక తహసీల్దార్‌ సమక్షంలో వారిని బైండోవర్‌ చేసినట్లు పేర్కొన్నారు.

మర్రిగూడ : విద్యార్థిని మౌనిక ఆత్మహత్యకు కారణమైన నిందితులను అరెస్ట్‌ చేసి తమ కుటుంబానికి న్యాయం చేయాలని డిమాండ్‌ చేస్తూ బాధిత కుటుంబసభ్యులు, బంధువులు, గ్రామస్థులు శుక్రవారం మర్రిగూడ పోలీస్‌స్టేషన్‌ ఎదుట ధర్నా నిర్వహించారు. మండల పరిధిలోని లెంకలపల్లి గ్రామానికి చెందిన డిగ్రీ మొదటి సంవత్సరం విద్యార్థిని వరికుప్పల మౌనిక ఈ నెల 2న తన ఇంట్లో ఉరివేసుకుని ఆత్మహత్యకు పాల్పడింది. గ్రామానికి చెందిన ఇద్దరి వేధింపుల కారణంగానే మౌనిక మనస్తాపంతో ఆత్మహత్య చేసుకుందని కుటుంబసభ్యులు ఆరోపించారు. బాలిక రాసిన సూసైడ్‌ నోట్‌ను కూడా పోలీసులకు అందజేశామని తెలిపారు. ఘటన జరిగిన రోజే మౌనిక తండ్రి శ్రీనివాస్‌ ఫిర్యాదు చేసినప్పటికీ, నిందితులను అరెస్ట్‌ చేయకుండా పోలీసులు కాలయాపన చేస్తున్నారని ఆవేదన వ్యక్తం చేశారు. పోలీసు ఉన్నతాధికారులు సమగ్ర విచారణ జరిపి నిందితులపై చట్టరీత్యా కఠిన చర్యలు తీసుకుంటామని హామీ ఇవ్వడంతో ఆందోళన విరమించారు.

ఫ గాంధీ గ్లోబల్‌ ఫ్యామిలీ రాష్ట్ర అధ్యక్షుడు గున్నా రాజేందర్‌రెడ్డి భూదాన్‌పోచంపల్లి : భూదానోద్యమానికి ఆద్యుడైన ఆచార్య వినోబాభావే ప్రతిఒక్కరికీ ఆదర్శమూర్తని గాంధీ గ్లోబల్‌ ఫ్యామిలీ రాష్ట్ర అధ్యక్షుడు గున్నా రాజేందర్‌రెడ్డి పిలుపునిచ్చారు. శుక్రవారం వినోబాభావే జయంతిని పురస్కరించుకుని పోచంపల్లిలోని టూరిజం పార్కు ఆవరణలో ఉన్న ఆయన కాంస్య విగ్రహానికి మున్సిపల్‌ చైర్మన్‌ తడక వెంకటేశ్వర్లుతో కలిసి ఆయన పూలమాల వేసి నివాళులర్పించారు. ఈ సందర్భంగా మాట్లాడుతూ వినోబాభావే దేశవ్యాప్తంగా పాదయాత్ర చేసి 44 లక్షల ఎకరాల భూమిని సేకరించి పేదలకు పంచిపెట్టారన్నారు. కార్యక్రమంలో వినోబాభావే సేవా సమితి నాయకులు ఏలే భిక్షపతి, కొయ్యడ నర్సింహ, వేశాల మురళి, చింతకింది రమేశ్‌, భారత భూషణ్‌, భారత భాస్కర్‌ తదితరులు పాల్గొన్నారు.

బొమ్మలరామారం : బొమ్మలరామారం మండలంలోని రంగాపూర్‌ గ్రామ సమీపంలో ఉన్న ‘ఎన్‌అండ్‌ఎన్‌’ టైర్‌ కంపెనీ వెదజల్లుతున్న కాలుష్యంతో చుట్టుపక్కల గ్రామాల ప్రజలు ఉక్కిరిబిక్కిరి అవుతున్నారు. గ్రామానికి అర కిలోమీటర్‌ దూరంలో ఏర్పాటు చేసిన టైర్ల కంపెనీ నుంచి ప్రజారోగ్యానికి హానికరమైన కాలుష్యాన్ని విడుదల చేస్తోంది. ఈ కంపెనీని మూసేయాలని ఇటీవలే రంగాపూర్‌తో పాటు కాలుష్యం బారిన పడుతున్న పెద్ద పర్వతాపూర్‌, బొమ్మలరామారం గ్రామాల ప్రజలు అఖిల పక్షం ఆధ్వర్యంలో ధర్నాలు చేసి అధికారులకు వినతిపత్రాలు ఇచ్చినా ఎలాంటి స్పందన లేదు. ఆందోళనలు చేపట్టినా.. కాలుష్యాన్ని వెదజల్లుతున్న టైర్ల కంపెనీని మూసివేయాలని గతంలో ఉన్న కలెక్టర్‌ హనుమంతరావు, కాలుష్య నియంత్రణ మండలి, మండల అధికారులకు ప్రజలు ఎన్నో వినతులు సమర్పించారు. రంగాపూర్‌ గ్రామ పంచాయతీలో గతనెల 4న ఏకగ్రీవ తీర్మానం కూడా చేశారు. దీనికితోడు గతనెల 11న రంగాపూర్‌, పెద్ద పర్వతాపూర్‌, బొమ్మలరామారం ప్రజలు అఖిల పక్షం ఆధ్వర్యంలో టైర్‌ల కంపెనీ ఎదుట ధర్నా, నిరసనలు చేపట్టారు. గతనెల 14న ప్రభుత్వ విప్‌ బీర్ల ఐలయ్య సైతం టైర్ల కంపెనీని పరిశీలించి ప్రజారోగ్యానికి ముప్పు ఉందని గమనించారు. ఫ్యాక్టరీని మూసేయాలని జిల్లా అధికారులకు ఫిర్యాదు చేశారు. కనీసం జిల్లా పొల్యూషన్‌ కంట్రోల్‌ బోర్డు అధికారులు కంపెనీ వైపు కన్నెత్తి చూడడం లేదు. జనావాసాల్లోకి కాలుష్యం టైర్ల రీసైక్లింగ్‌ కంపెనీ నుంచి జనావాసాల్లోకి వదులుతున్న పొగతో గాలిలో కార్బన్‌ డైయాక్సడ్‌ పెరిగి ఆక్సిజన్‌ స్థాయి పడిపోయి కళ్లు మండడంతో పాటు ప్రజలు ఊపిరి కూడా పీల్చుకోలేకపోతున్నారు. ఫలితంగా శ్వాస సంబంధిత సమస్యతో పాటు గుండె, ఊపిరితిత్తులు పాడవడం, జలుబు, ఎలర్జీ లాంటి అనారోగ్యం బారిన పడుతున్నామని ఆయా గ్రామాల ప్రజలు ఆందోళన చెందుతున్నారు. సమీపంలోని కూరగాయల పంటలపై నల్లటి బొగ్గులాంటి పదార్థం పేరుకుపోతుందని రైతుల వాపోతున్నారు. కంపెనీపై విచారణ జరిపి మూసివేయాలని బా ధిత గ్రామాల ప్రజల డిమాండ్‌ చేస్తున్నారు. ప్రజల నుంచి ఫిర్యాదులు అందాయి. ఈ మేరకు రంగాపూర్‌ గ్రామ సమీపంలోని కాలుష్యం వెదజల్లుతున్నట్లు ఎన్‌అండ్‌ఎన్‌ టైర్‌ల కంపెనీపై త్వరలోనే చర్యలు తీసుకుంటాం. ఎలాంటి చర్యలు తీసుకుంటున్నామో.. ఎన్ని రోజుల్లో అమలు చేస్తామనే వివరాలు తెలుసుకునేందుకు ఆర్‌టీఐ ద్వారా దరఖాస్తు చేసుకోవాలి. – వెంకన్న, జిల్లా పొల్యూషన్‌ కంట్రోల్‌ బోర్డు అధికారియాదగిరిగుట్ట : పలు గ్రామాల ప్రజలకు ఇబ్బందులు కలిగేలా ఉన్న బొమ్మలరామారం మండలం రంగాపూర్‌లోని టైర్ల పరిశ్రమపై చర్యలు తీసుకోవాలని ప్రభుత్వ విప్‌, ఆలేరు ఎమ్మెల్యే బీర్ల ఐలయ్య అసెంబ్లీ వేదికగా కోరారు. అసెంబ్లీ సమావేశాల్లో భాగంగా శుక్రవారం ఆయన మాట్లాడుతూ టైర్ల పరిశ్రమ నుంచి వెలువరించి పొగ కాలుష్యం వల్ల రంగాపూర్‌పాటు చుట్టుపక్కల గ్రామాల్లో ప్రజలు తీవ్ర అనారోగ్యాలకు గురవుతున్నారని పేర్కొన్నారు. టైర్ల పరిశ్రమలో తనిఖీలు చేసి, కాలుష్య నియంత్రన నిబంధనలు పాటిస్తున్నాయా లేదా అనే అంశాలను పరిశీలించాలన్నారు. అలాగే తుర్కపల్లి మండలంలో ఐటీ పార్క్‌ను ఏర్పాటు చేసిన నిరుద్యోగ యువతకు ఉపాధి అవకాశాలు కల్పించాలని ప్రభుత్వం దృష్టికి తీసుకెళ్లారు. ఐటీ పార్క్‌ ఏర్పాటు కోసం 110 ఎకరాల భూమిని ఇప్పటికే సేకరించడం జరిగిందని తెలిపారు. ఫ ఎన్‌అండ్‌ఎన్‌ టైర్ల కంపెనీతో కాలుష్యం ఫ అనారోగ్యం బారిన ప్రజలు ఫ మూసేయాలని రంగాపూర్‌ పంచాయతీ తీర్మానం ఫ మరో రెండు గ్రామాల ప్రజలూ ఆందోళనబాట

నల్లగొండ : అన్నెపర్తిలోని 12వ బెటాలియన్‌ కమాండెంట్‌ బి.రామకృష్ణ శుక్రవారం హైదరాబాద్‌లో రాష్ట్ర రోడ్లు, భవనాల శాఖ మంత్రి కోమటిరెడ్డి వెంకట్‌రెడ్డిని కలిసి మొక్కను అందజేశారు. పోలీసు సిబ్బందికి పెండింగ్‌లో ఉన్న డీఏలు, టీఏలు, సరెండర్‌ లీవ్‌ల బకాయిలను అతి త్వరలోనే క్లియర్‌ చేయనున్నట్లు మంత్రి ఆయనకు హామీ ఇచ్చారు. ఉపేందర్‌కు సేవా రత్న అవార్డు నల్లగొండ టూటౌన్‌ : తెలంగాణ సాంస్కృతిక శాఖ సౌజన్యంతో జి.సి.ఎస్‌.వల్లూరి ఫౌండేషన్‌ ఆధ్వర్యంలో హైదరాబాద్‌లోని రవీంద్రభారతిలో నిర్వహించిన తెలంగాణ లిబరేషన్‌ డే అవార్డుల కార్యక్రమంలో అడవిదేవులపల్లి మండలం చిట్యాల ప్రాథమిక పాఠశాల ఉపాధ్యాయుడు నాగవెల్లి ఉపేందర్‌ ‘మౌలానా అబుల్‌ కలాం సేవా రత్న’అవార్డు అందుకున్నారు. కరోనా కాలంలో పేదలు, కులవృత్తుల వారికి నిత్యావసర సరుకులు అందజేయడం లాంటి సామాజిక కార్యక్రమాలు చేసినందుకు ఉపేందర్‌ రాజ్యసభ ఎంపీ ఆర్‌.కృష్ణయ్య, ఎమ్మెల్సీ కోదండరామ్‌, మాజీ కేంద్ర మంత్రి వేణుగోపాలచారి, మాజీ మంత్రి బాబుమోహన్‌ చేతుల మీదుగా అవార్డు అందుకున్నారు.

అడ్డగూడూరు : విద్యార్ధులకు నాణ్యమైన విద్యతోపాటు మౌలిక వసతులు కల్పించాలి స్థానిక సంస్థల అదనపు కలెక్టర్‌ భాస్కర్‌రావు అన్నారు. శుక్రవారం అడ్డగూడూరు మండలం కంచనపల్లిలోని కస్తూర్బా గాంధీ బాలికల విద్యాలయం ((కేజీబీవీ)ను ఆయన తనిఖీ చేశారు. విద్యార్థినులకు అందున్న విద్య, వసతుల గురించి ఆరా తీశారు. విద్యార్థినుల సామర్థ్యాలను పరీక్షించారు. అనంతరం ఆయన మాట్లాడారు. విద్యార్థినులు ఆరోగ్యం,భ భద్రతకు ప్రాధాన్యత ఇవ్వాలన్నారు. ఆయన వెంట పాఠశాల ఎస్‌ఓ పద్మ, ఉపాధ్యాయులు ఉన్నారు.

గరిడేపల్లి: యాసంగి సీజన్‌లో పెసర, మినుము పంటలను సాగు చేసేందుకు ప్రస్తుతం అనువైన సమయమని కేవీకే గడ్డిపల్లి మృత్తిక శాస్త్రవేత్త అరిగెల కిరణ్‌కుమార్‌ తెలి పారు. తేమను నిల్వ ఉంచే అన్ని రకాల భూముల్లో పెసర సాగు చేసుకోవచ్చని, మినుము సాగుకు నల్లరేగడి నేలలు అత్యంత అనుకూలమని, చౌడు నేలలు, మురుగు నీరు నిలిచే భూములు ఈ పంటల సాగుకు అనుకూలం కాదని పేర్కొన్నారు. పెసర, మినుము సాగులో రైతులు పాటించాల్సిన సస్యరక్షణ చర్యలు, విత్తనశుద్ధిపై పలు సలహాలు, సూచనలు ఆయన మాటల్లోనే. సెప్టెంబర్‌ 15 నుంచి విత్తుకోవచ్చు యాసంగిలో పెసర, మినుము పంటలను సెప్టెంబర్‌ 15 నుంచి అక్టోబర్‌ వరకు విత్తుకోవచ్చు. పెసరలో డబ్ల్యూజీజీ– 42 (యాదాద్రి), ఎంజీజీ– 295, డబ్ల్యూఆర్‌జీ– 37 రకాలు అనుకూలంగా ఉంటాయి. ఇవి 60 నుంచి 65 రోజుల పంట కాలాన్ని కలిగి ఉండి ఎకరానికి సుమారు 4 నుంచి 6 క్వింటాళ్ల దిగుబడి వస్తుంది. మినుములో మధిర మినుము–01 (ఎంబీజీ–1070), ఎల్‌బీజీ–752, ఎల్‌బీజీ– 20, ఎంబీజీ– 207, పీయూ–31 రకాలను సాగు చేసుకోవచ్చు. ఈ రకాలు 70 నుంచి 85 రోజుల పంటకాలాన్ని కలిగి ఉండి ఎకరానికి 4 నుంచి 6 క్వింటాళ్ల వరకు దిగుబడి ఇచ్చే అవకాశం ఉంది. విత్తనశుద్ధితో పురుగుల నివారణ ఎకరాకు 6 నుంచి 8 కిలోల విత్తనం అవసరమవుతుంది. కిలో విత్తనానికి 5 గ్రాముల ఇమిడాక్లోప్రిడ్‌ లేదా 5 గ్రాముల థయోమిథాక్సామ్‌తో విత్తనశుద్ధి చేయడం ద్వారా సుమారు 15 నుంచి 20 రోజుల వరకు రసం పీల్చు పురుగుల నుంచి పంటను రక్షించుకోవచ్చు. పొలంలో మొదటిసారిగా ఈ పంటలను సాగు చేస్తున్న రైతులు విత్తనాలకు రైజోబియం కల్చర్‌ను పట్టించాలి. ఎకరాకు అవసరమైన విత్తనాలకు 200 గ్రాముల రైజోబియం కల్చర్‌ను బాగా కలిపి, నీడలో ఆరబెట్టి విత్తుకోవాలి. ముందుగా శిలీంధ్రనాశక మందుతో విత్తనశుద్ధి చేసి, ఆరబెట్టిన తర్వాతే రైజోబియం కల్చర్‌ను విత్తనాలకు పట్టించాలి. రైతులు పంట సాగులో సమగ్ర సస్యరక్షణ విధానాలను పాటించాలి. సరైన సమయంలో విత్తడం, నాణ్యమైన విత్తనాలను ఎంపిక చేసుకోవడం, విత్తనశుద్ధి చేయడం, అవసరమైన సస్యరక్షణ చర్యలు చేపట్టడం ద్వారా పంటలో చీడపీడలను సమర్థంగా నియంత్రించి అధిక దిగుబడులు పొందవచ్చు. ఫ పంట సాగులో విత్తనశుద్ధి, సస్యరక్షణ చర్యలపై కేవీకే శాస్త్రవేత్త సూచనలు

ఖాకీ కొలువుకుపోలీస్‌ ఉద్యోగమే లక్ష్యంగా శ్రమిస్తున్న యువత ఫ మైదానాల్లో ప్రాక్టీస్‌ ఫ గ్రంథాలయాల్లో ప్రిపరేషన్‌రామగిరి (నల్లగొండ): పోలీసు ఉద్యోగాల నోటిఫికేషన్‌ వెలువడిన నేపథ్యంలో నల్లగొండ జిల్లాలో అర్హులైన అభ్యర్థులు పోటీ పరీక్షలకు సన్నద్ధమవుతున్నారు. నిరుద్యోగ యువత ఖాకీ చొక్కా ధరించడమే లక్ష్యంగా ప్రణాళికాబద్ధంగా అడుగులు వేస్తున్నారు. అభ్యర్థులతో నిండిపోతున్న లైబ్రరీలు యువతీ యువకులు నల్లగొండలోని ఎన్జీ కళాశాల ఆవరణతోపాటు, క్రీడా మైదానాలకు వేకువజామునే వచ్చి రన్నింగ్‌, లాంగ్‌జంప్‌, షాట్‌పుట్‌ ప్రాక్టీస్‌ చేస్తున్నారు. శరీర దారుఢ్యాన్ని పెంపొందించుకుంటూ ఫిజికల్‌ ఈవెంట్లలో అత్యుత్తమ మార్కులు సాధించడమే లక్ష్యంగా సన్నద్ధమవుతున్నారు. మరోవైపు జిల్లా కేంద్ర గ్రంథాలయం, ప్రైవేట్‌ స్టడీ హాళ్లు, కోచింగ్‌ సెంటర్లు అభ్యర్థులతో నిండిపోతున్నాయి. ప్రిలిమ్స్‌, మెయిన్స్‌ పరీక్షలకు సిద్ధమవుతూ అభ్యర్థులు గంటల తరబడి పుస్తకాలతో కుస్తీ పడుతున్నారు. వయోపరిమితి పెంపుతో.. పోలీసు నియామకాలకు సంబంధించి ప్రభుత్వం తీసుకున్న నిర్ణయం వేలాది మంది అభ్యర్థులకు ఊరటనిచ్చింది. గతంలో ఎస్సై ఉద్యోగాలకు వయోపరిమితి 32 ఏళ్లు, కానిస్టేబుళ్లకు 29 ఏళ్లుగా ఉండేది. ఈ వ్యత్యాసంపై అభ్యంతరాలు రావడంతో స్పందించిన ప్రభుత్వం కానిస్టేబుల్‌ పోస్టులకు కూడా వయోపరిమితిని మరో మూడేళ్లు పెంచుతూ జీవో విడుదల చేసింది. ఈ సడలింపు సివిల్‌, ఏఆర్‌, ఫైర్‌, జైళ్లు, ఎస్పీఎఫ్‌ విభాగాల్లోని కానిస్టేబుల్‌ పోస్టులకు వర్తిస్తుంది. దీంతో చివరి అవకాశంగా భావిస్తున్న వందలాది మంది సీనియర్‌ అభ్యర్థులకు మళ్లీ ఆశలు చిగురించాయి.

ఫ ఇన్‌చార్జి కలెక్టర్‌గా భాస్కర్‌రావు సాక్షి, యాదాద్రి : జిల్లా కలెక్టర్‌ అనురాగ్‌ జయంతి శనివారం ఈనెల 28వ తేది వరకు సెలవుపై వెళ్లారు. తన వ్యక్తిగత పనులపై ఆయన సెలవులో వెళ్తున్నారు. కాగా జిల్లా స్థానిక సంస్థల అదనపు కలెక్టర్‌ ఏ.భాస్కర్‌రావు పూర్తి అదనపు బాధ్యతలతో ఇన్‌చార్జి కలెక్టర్‌గా వ్యవహరిస్తారు. చాకలి ఐలమ్మ స్ఫూర్తితో పోరాడాలిభువనగిరి : చాకలి ఐలమ్మ, జెన్‌జీ స్ఫూర్తితో కేంద్ర, రాష్ట్ర ప్రభుత్వాలు అవలబిస్తున్న విద్యా వ్యతిరేక విధానాలపై పోరాడాలని ఎస్‌ఎఫ్‌ఐ రాష్ట్ర అధ్యక్షుడు శనిగారపు రజనీకాంత్‌ అన్నారు. భువనగిరి పట్టణంలోని వెన్నెల కళాశాలలో జరుగుతున్న ఎస్‌ఎఫ్‌ఐ రాష్ట్ర గర్ల్స్‌ శిక్షణ తరగతుల ముగింపు కార్యక్రమంలో ఆయన మాట్లాడారు. నూతన విద్య విధానం తేవడం పేద వర్గాలకు ఉన్నత విద్యను దూరం చేయడమేనన్నారు. రాష్ట్ర ప్రభుత్వం పెండింగ్‌లో ఉన్న ఫీజు రీయింబర్స్‌మెంట్‌, స్కాలర్‌షిప్‌లను విడుదల చేయాలన్నారు. ఈ కార్యక్రమంలో ఎస్‌ఎఫ్‌ఐ రాష్ట్ర గర్ల్స్‌ కన్వీనర్‌ మేడబోయిన మమత, ఎస్‌ఎఫ్‌ఐ జిల్లా కార్యదర్శి లావుడియా రాజు, రాష్ట్ర మాజీ అధ్యక్షుడు కల్లూరి మల్లేశం,ఐద్వా జిల్లా కార్యదర్శి బట్టుపల్లి అనురాధ, ఎస్‌ఎఫ్‌ఐ జిల్లా మాజీ కార్యదర్శి వనం రాజు,రాష్ట్ర అఫీస్‌ బేరర్స్‌ దీపిక, సుమ, నాయకులు వేముల నాగరాజు,ఇందురాణి, ఈర్ల రాహుల్‌, పుట్టల ఉదయ్‌, జగన్‌, నేహల్‌, నరేందర్‌, కార్తీక్‌, ప్రసన్న పాల్గొన్నారు. డీవైఎఫ్‌ఐ జిల్లా నూతన కార్యవర్గం ఎన్నికఫ అధ్యక్షుడిగా కవిడే సురేష్‌, కార్యదర్శిగా బుర్రు అనిల్‌ కుమార్‌ భువనగిరిటౌన్‌, చౌటుప్పల్‌ : డెమోక్రటిక్‌ యూత్‌ ఫెడరేషన్‌ ఆఫ్‌ ఇండియా (డీవైఎఫ్‌ఐ) జిల్లా నూతన కార్యవర్గాన్ని చౌటుప్పల్‌లో నిర్వహించిన ఆ సంఘం జిల్లా 3వ మహాసభల్లో ఏకగ్రీవంగా ఎన్నుకున్నట్టు ఆ సంఘం నాయకులు శుక్రవారం ఒక ప్రకటన విడుదల చేశారు. జిల్లా అధ్యక్షుడిగా కవిడే సురేష్‌, కార్యదర్శిగా బుర్రు అనిల్‌ కుమార్‌, ఉపాధ్యక్షులుగా వనం రాజు, ఎండీ ఖాయం, శానుగొండ రాము, పల్లె శివ, దొంతగాని అమరేందర్‌, సహాయ కార్యదర్శులుగా పల్లె మధుకృష్ణ, ఎండీ సలీం, చుక్క రజినీకాంత్‌, మొంగాడి పృథ్వీతోపాటు మొత్తం 33మందితో కమిటీ ఎన్నికై ంది. ఇందులో 11 మందితో ఆఫీస్‌ బేరర్స్‌ కమిటీ ఏర్పాటైంది. నూతన కార్యవర్గానికి పలువురు నాయకులు అభినందనలు తెలిపారు. జాతీయ రహదారిపై వాహనాల బారులుచౌటుప్పల్‌ : హైదరాబాద్‌–విజయవాడ జాతీ య రహదారిపై శుక్రవారం వాహనాల రద్దీ ఏర్పడింది. వరుస సెలవుల నేపఽథ్యంలో ఈ రద్దీ నెలకొంది. వీకెండ్‌, వరుస సెలవులు, వినాయక చవితి వేడుకలు ఉండడంతో ప్రజలు వివిధ ప్రాంతాలకు ప్రయాణాలను ప్రారంభించారు. దీంతో జాతీయ రహదారిపై వాహనాలు బారులుదీరాయి. విపరీతమైన రద్దీ కారణంగా వాహనాలు బంపర్‌ టు బంపర్‌గా ముందుకు సాగాయి. ప్రధానంగా విజయవాడ మార్గంలో రద్దీ అత్యధికంగా కొనసాగుతుంది. సాధారణ రోజులతో పోలిస్తే రద్దీ కారణంగా హైదరాబాద్‌ నుంచి చౌటుప్పల్‌కు చేరుకునేందుకు సుమారుగా రెండింతల సమయం పడుతోంది. ట్రాఫిక్‌ మూలంగా అటు వాహనదారులు, ఇటు ప్రయాణికులు నానా అవస్థలకు గురయ్యారు. పట్టణంలో రోడ్డు నిర్మాణ పనులు సాగుతుండడంతో వాహనాలు సర్వీస్‌ రోడ్ల మీదుగా వెళ్తున్నాయి. ఈ క్రమంలో పట్టణవాసులు తీవ్ర ఇబ్బందులకు గురికావాల్సి వస్తుంది.

గతంలో నాలుగు సార్లు పోలీసు పరీక్షలు రాశాను. ప్రతిసారీ మెయిన్స్‌లో కొద్దిపాటి మార్కులతో ఉద్యోగం చేజారింది. ప్రభుత్వం వయోపరిమితి పెంచడంతో నాకు ఇది ఐదో అవకాశం లభించింది. లేకపోతే నా వయస్సు దాటిపోయేది. ఈసారి ఎలాగైనా ఖాకీ చొక్కా తొడగాలనే పట్టుదలతో చదువుతున్నాను. – సింగారపు జానయ్య ఇంతకుముందు ఒకసారి పరీక్ష రాసినా సెలెక్ట్‌ కాలేకపోయాను. దాంతో విసిగిపోకుండా గత ఏడాది కాలంగా తీవ్రంగా శ్రమిస్తున్నాను. లోపాలను సరిదిద్దుకుంటూ ఈసారి కచ్చితంగా ఉద్యోగం సాధిస్తాననే నమ్మకం ఉంది. – సంపంగి శివ గతంలో ప్రిలిమ్స్‌, ఫిజికల్‌ ఈవెంట్లలో క్వాలిఫై అయినా మెయిన్స్‌ పరీక్షలో తడబడ్డాను. ఈసారి మెయిన్స్‌లో ఎక్కువ మార్కులు సాధించేందుకు సబ్జెక్టుల వారీగా ప్రత్యేక షెడ్యూల్‌ వేసుకుని చదువుతున్నాను. – రిషిత గత ఐదేళ్లుగా వివిధ కాంపిటేటీవ్‌ పరీక్షలకు ప్రిపేర్‌ అవుతున్నాను. పోలీసు మెయిన్స్‌లో మ్యాథ్స్‌ విభాగం కీలకం కాబట్టి, ఆన్‌లైన్‌ కోచింగ్‌ ద్వారా క్లిష్టమైన లెక్కలను తక్కువ సమయంలో చేసే షార్ట్‌కట్‌ పద్ధతులు నేర్చుకున్నాను. – అన్షూ ఇది నాకు రెండో ప్రయత్నం. జిల్లా కేంద్ర గ్రంథాలయానికి ప్రతిరోజూ వచ్చి సొంతంగా నోట్స్‌ తయారు చేసుకుంటున్నాను. మెయిన్స్‌లో మంచి స్కోర్‌ సాధించడానికి ఆన్‌లైన్‌ కోచింగ్‌ క్లాసులు కూడా ఉపయోగించుకుంటున్నాను. – హరీష్‌ బీటెక్‌ మూడో సంవత్సరం చదువుతూనే స్టాఫ్‌ సెలక్షన్‌ కమిషన్‌ పరీక్షకు సిద్ధమవుతున్నాను. రాతపరీక్షకు సొంతంగా ప్రిపేర్‌ అవుతూ, రోజువారీ ఫిజికల్‌ ప్రాక్టీస్‌ కోసం క్రమం తప్పకుండా గ్రౌండ్‌కు వస్తున్నాను. – వాత్సల్యత

సంస్థాన్‌ నారాయణపురం : వ్యవసాయానికి నిరంతరాయంగా నాణ్యమైన విద్యుత్‌ సరఫరా చేయాలని డిమాండ్‌ చేస్తూ బీఆర్‌ఎస్‌ పార్టీ ఆధ్వర్యంలో రైతులు, వ్యవసాయ కూలీలు శుక్రవారం సంస్థాన్‌ నారాయణపురం మండల కేంద్రంలో రాస్తారోకో నిర్వహించారు. అనంతరం విద్యుత్‌ శాఖ కార్యాలయం ముందు మహాధర్నా చేపట్టారు. ఈ సందర్భంగా బీఆర్‌ఎస్‌ పార్టీ రాష్ట్ర నాయకుడు, సర్పంచుల ఫోరం రాష్ట్ర జేఏసీ మాజీ అధ్యక్షుడు సుర్వి యాదయ్యగౌడ్‌ మాట్లాడుతూ లోవోల్టేజ్‌ సమస్యలు ఉన్న ప్రాంతాల్లో కొత్త ట్రాన్స్‌ఫార్మర్లు ఏర్పాటు చేయాలన్నారు. అనంతరం తమ డిమాండ్లతో కూడిన వినతిపత్రాన్ని ట్రాన్స్‌కో ఏఈ దివ్యకు అందజేశారు. కార్యక్రమంలో తెలంగాణ భిక్షం, చిలువేరు భిక్షపతి, బొడ్డుపెళ్లి గాలయ్య, జక్కిడి యాదిరెడ్డి, ఉపల ఆంజనేయులు, పాలకూర్ల సతీష్‌ గౌడ్‌, డాక్టర్‌ ఎర్రోళ్ల లింగస్వామి, రాసాల వెంకటేశం, చిలువేరు శంకర్‌, ఎడ్ల సత్తయ్య యాదవ్‌, ఎర్రోళ్ల వెంకటేష్‌, చిలువేరు వెంకటేశం, బి.రమేష్‌ గౌడ్‌, పవన్‌ కళ్యాణ్‌, జగ్గు, వెంకటేశం పాల్గొన్నారు.

భువనగిరిటౌన్‌ : యునైటెడ్‌ ఫోరం ఆఫ్‌ బ్యాంక్‌ యూనియన్స్‌ (యూఎఫ్‌బీయూ) ఇచ్చిన పిలుపు మేరకు శుక్రవారం జిల్లా వ్యాప్తంగా చేపట్టిన బ్యాంకు ఉద్యోగుల సమ్మె విజయవంతమైంది. ఈ సందర్భంగా భువనగిరి పట్టణంలోని తెలంగాణ గ్రామీణ బ్యాంకు రీజినల్‌ ఆఫీస్‌ నుంచి పాత బస్టాండ్‌ మీదుగా వినాయక చౌరస్తా వరకు ఉద్యోగులు భారీ నిరసన ర్యాలీ చేపట్టారు. అనంతరం నిర్వహించిన సమావేశంలో జిల్లా బ్యాంకు ఉద్యోగుల సమాఖ్య జిల్లా కార్యదర్శి కె.సురేష్‌ మాట్లాడారు. బ్యాంకింగ్‌ రంగంలో చాలా కాలంగా పెండింగ్‌లో ఉన్న 5 రోజుల పనిదినాలను ప్రభుత్వం వెంటనే అమల్లోకి తీసుకురావాలని డిమాండ్‌ చేశారు. తమ న్యాయమైన డిమాండ్లను పరిష్కరించకపోతే 28, 29, 30 తేదీల్లో దేశవ్యాప్త సమ్మె చేపడతామని హెచ్చరించారు. ఈ కార్యక్రమంలో బ్యాంక్‌ ఉద్యోగుల సమాఖ్య ఆఫీసర్స్‌ అసోసియేషన్‌ సీసీ సభ్యుడు ఈ.రఘు, కెనరా, యూనియన్‌, తెలంగాణ గ్రామీణ బ్యాంకులతోపాటు, నల్లగొండ డీసీసీబీ ఉద్యోగులు తదితరులు పాల్గొన్నారు. మూడు రోజులు బ్యాంకు సేవలకు విరామమే.. జిల్లా వ్యాప్తంగా బ్యాంకులకు వరుసగా సెలువు వచ్చాయి. శుక్రవారం బ్యాంకు ఉద్యోగుల సమ్మెతో సేవలు నిలిచిపోయాయి. ఇక, రెండో శనివారం, ఆదివారం, సోమవారం (వినాయక చవితి) కావడంతో బ్యాంకులకు వరుస సెలవులు వచ్చాయి. దీంతో సోమవారం వరకు బ్యాంకు లావాదేవీలకు విరామం కలగనుంది. దీంతో ఏటీఎంలలో నగదు కొరత ఏర్పడే అవకాశం ఉండడంతో ఖాతాదారులు ఆందోళన చెందుతున్నారు. ఈ నేపథ్యంలో ఈ మూడు రోజులు ఆన్‌లైన్‌ సేవలు ప్రత్యామ్నాయం కానున్నాయి. అయితే చెక్కుల క్లియరెన్స్‌, డీడీల చెల్లింపులు, పెద్ద మొత్తంలో నగదు డిపాజిట్లు, విత్‌డ్రాల వంటి కార్యకలాపాలు బ్యాంకులు తిరిగి తెరిచే వరకు నిలిచిపోనున్నాయి. ఫ డిమాండ్లు నెరవేర్చాలని బ్యాంకు ఉద్యోగుల సమ్మె

నల్లగొండ టూటౌన్‌ : సౌత్‌ ఇండియన్‌ హిస్టరీ కాంగ్రెస్‌ 45వ సెషన్‌కు ఎంజీయూ ఆతిథ్యం ఇవ్వనున్నట్లు వీసీ ఖాజా అల్తాఫ్‌ హుస్సేన్‌ తెలిపారు. గురువారం ఆయన యూనివర్సిటీలో ఏర్పాటు చేసిన సమావేశంలో మాట్లాడారు. నవంబర్‌ 13 నుంచి 15 వరకు జరగనున్న ఈ కార్యక్రజువఛజులో దక్షిణ భారతదేశం నుంచి చరిత్రకారులు, అధ్యాపకులు హాజరై వారి పరిశోధనా పత్రాలను సమర్పించనున్నట్లు తెలిపారు. దేశవ్యాప్తంగా సుమారు 1200 మందికి పైగా చరిత్రకారులు ఈ కార్యక్రమానికి హాజరుకానున్నట్లు పేర్కొన్నారు. అనంతరం పోస్టర్‌ను విడుదల చేశారు. ఈ సమావేశంలో రిజిస్ట్రార్‌ కొప్పుల అంజిరెడ్డి, సిబ్బంది విజయబాబు, అరుణప్రియ, వసంత, హరీష్‌ కుమార్‌, శ్రీదేవి, అల్వాల రవి, మిరియాల రమేష్‌, ఉపేందర్‌రెడ్డి, మారం వెంకటరమణారెడ్డి తదితరులు పాల్గొన్నారు.

క్యాంపస్‌ సమాచారంనల్లగొండ టూటౌన్‌ : విద్యార్థులు క్రీడల్లో పాల్గొనడం ద్వారా క్రమశిక్షణ, ఏకాగ్రత, ఆత్మ విశ్వాసం, నాయకత్వ లక్షణాలు పెంపొందుతాయని మహాత్మాగాంధీ యూనివర్సిటీ(ఎంజీయూ) వైస్‌ ఛాన్స్‌లర్‌(వీసీ) ఖాజా ఆల్తాఫ్‌ హుస్సేన్‌ అన్నారు. గురువారం ఎంజీయూలో స్పోర్ట్స్‌ బోర్డు ఆధ్వర్యంలో 2026–27 విద్యా సంవత్సరానికి సంబంధించిన ఐసీటీ, ఐయూసీ చెస్‌ టోర్నమెంట్‌ను వీసీ ప్రారంభించి మాట్లాడారు. చెస్‌ ఆడటం ద్వారా తార్కిక ఆలోచన, వ్యూహాత్మక ప్రణాళిక, సహనం, ఓర్పు, సమస్యలను పరిష్కరించే నైపుణ్యాలను అభివృద్ధి చేస్తుందన్నారు. ఈ కార్యక్రమంలో స్పోర్ట్స్‌ బోర్డు సెక్రటరీ మద్దిలేటి పుసుపుల, ఫిజికల్‌ డైరెక్టర్లు మురళి, శ్రీనివాస్‌రెడ్డి, చెస్‌ సెలెక్టర్‌ కరుణాకర్‌రెడ్డి తదితరులు పాల్గొన్నారు. ఫ ఎంజీయూ వీసీ ఖాజా అల్తాఫ్‌ హుస్సేన్‌

రామగిరి(నల్లగొండ) : పాలిటెక్నిక్‌ విద్యలో శక్తి ప్రోగ్రామ్‌ను కలపవద్దని, తక్షణమే జీవో నంబర్‌ 97ను రద్దుచేయాలని డిమాండ్‌ చేస్తూ పాలిటెక్నిక్‌ విద్యార్థులు మండిపడ్డారు. గురువారం నల్లగొండపట్టణంలో ప్రభుత్వ పాలిటెక్నిక్‌ కళాశాల విద్యార్థుల ఆధ్వర్యంలో వందలాది మంది విద్యార్థులు మహాధర్నా, భారీ నిరసన ర్యాలీ చేపట్టారు. విద్యార్థుల ర్యాలీని పోలీసులు అడ్డుకోవడంతో కాసేపు ఉద్రిక్త వాతావరణం నెలకొంది. అనంతరం విద్యార్థులు రోడ్డుపై బైఠాయించి ప్లకార్డులు ప్రదర్శిస్తూ నినాదాలు చేశారు. ఉమ్మడి నల్లగొండ జిల్లాలోని ఐదు ప్రభుత్వ పాలిటెక్నిక్‌ కళాశాలలకు చెందిన విద్యార్థులు ఈ ఆందోళనలో పాల్గొన్నారు. శక్తి విధానం వల్ల పాలిటెక్నిక్‌ పూర్తి చేసిన విద్యార్థులు ఇంజనీరింగ్‌కు దూరమయ్యే ప్రమాదం ఉందని విద్యార్థులు ఆవేదన వ్యక్తం చేశారు. జీవో 97 విద్యార్థుల భవిష్యత్తును దెబ్బతీసేలా ఉందన్నారు. ప్రభుత్వం వెంటనే స్పందించి ఈ జీవోను రద్దు చేయకపోతే ఆందోళనను మరింత ఉధృతం చేస్తామని హెచ్చరించారు. ఫ నల్లగొండలో పాలిటెక్నిక్‌ విద్యార్థుల మహా ధర్నా, ర్యాలీ

సాక్షి యాదాద్రి : హైదరాబాద్‌–కాజీపేట ప్రధాన రైల్వే మార్గంలో విపరీతమైన రద్దీని నియంత్రించేందుకు కేంద్ర ప్రభుత్వం కీలక నిర్ణయం తీసుకుంది. ఘట్కేసర్‌ నుంచి కాజీపేట మధ్య 110 కిలోమీటర్ల మేర రూ.2,419 కోట్ల అంచనా వ్యయంతో చేపడుతున్న మల్టీట్రాకింగ్‌ (నాలుగో లైన్‌) ప్రాజెక్టుకు ఆమోదం తెలిపింది. 2029–30 నాటికి పూర్తి చేయాలని లక్ష్యంగా పెట్టుకున్న ఈ ప్రాజెక్టుతో హైదరాబాద్‌–వరంగల్‌ కారిడార్‌లో రైళ్ల క్రాసింగ్‌, నిరీక్షణ తప్పుతుంది. ప్యాసింజర్లు, ఉద్యోగులు, విద్యార్థులు, యాదాద్రి భక్తులకు ప్రయాణం మరింత సులభతరం కానుంది. అందుబాటులోకి వస్తే.. హైదరాబాద్‌, వరంగల్‌–కాజీపేట ప్రాంతాల మధ్య యాదాద్రి భువనగిరి జిల్లా కీలక అనుసంధానకర్తగా ఉంది. బీబీనగర్‌, భువనగిరి, యాదగిరిగుట్ట, ఆలేరు పరిసర ప్రాంతాల నుంచి రోజూ వేలాది మంది ఉద్యోగ, వ్యాపార, విద్యా, వైద్య అవసరాల కోసం హైదరాబాద్‌, వరంగల్‌ వైపు రాకపోకలు సాగిస్తుంటారు. ప్రస్తుతం ఉన్న మార్గంలో విపరీతమైన రద్దీ కారణంగా ప్యాసింజర్‌ రైళ్లను క్రాసింగ్‌ కోసం గంటల తరబడి నిలిపివేస్తున్నారు. నాలుగో లైన్‌ అందుబాటులోకి వస్తే ఈ నిరీక్షణలు తగ్గి రైళ్ల వేగం, సమయపాలన మెరుగవుతాయి. యాదగిరిగుట్ట భక్తులకు మరింత సౌకర్యం ప్రసిద్ధ పుణ్యక్షేత్రమైన యాదగిరిగుట్టకు తెలంగాణతో పాటు దేశ నలుమూలల నుంచి నిత్యం వేలాది మంది భక్తులు తరలివస్తుంటారు. ఈ మార్గంలో ట్రాక్‌ సామర్థ్యం పెరిగితే భక్తుల కోసం ప్రత్యేక రైళ్లు, అదనపు సర్వీసులు కేటాయించే వెసులుబాటు కలుగుతుంది. ముఖ్యంగా పండుగలు, బ్రహ్మోత్సవాలు, వరుస సెలవుల రోజుల్లో పెరిగే రద్దీని సులువుగా నిర్వహించవచ్చు. ప్రస్తుతం ఘట్కేసర్‌ నుంచి వంగపల్లి వరకు ఎంఎంటీఎస్‌ పొడిగింపు పనులు పురోగతిలో ఉండగా, తాజాగా నాలుగో లైన్‌ కూడా తోడైతే ఈ కారిడార్‌లో రైల్వే రద్దీ సమస్యకు శాశ్వత పరిష్కారం లభిస్తుంది. పారిశ్రామిక రంగానికి ఊతం జిల్లాలో వేగంగా విస్తరిస్తున్న పారిశ్రామిక, వాణిజ్య కార్యకలాపాలకు ఈ నాలుగో లైన్‌ ఊతమివ్వనుంది. అదనపు ట్రాక్‌ అందుబాటులోకి రావడం వల్ల సిమెంట్‌, ఉక్కు, బొగ్గు, ఎరువులు, ఆహార ధాన్యాలు, పెట్రోలియం ఉత్పత్తుల సరుకు రవాణా వేగవంతం కానుంది. ఉపాధి అవకాశాలు పెరగడంతో పాటు లాజిస్టిక్స్‌, వేర్‌హౌసింగ్‌ రంగాలు మరింత అభివృద్ధి చెందుతాయి.ఫ రూ.2,419 కోట్లతో ఏర్పాటు ఫ యాదాద్రి భువనగిరి జిల్లా మీదుగా కీలక విస్తరణ ఫ క్రాసింగ్‌ కష్టాలు, నిరీక్షణకు తెర ఫ ‘గుట్ట’ భక్తులకు మరింత సులభంగా రైలు ప్రయాణం రైల్వే ప్రాజెక్టు ముఖచిత్రం ప్రాజెక్టు పేరు ఘట్కేసర్‌–కాజీపేట నాలుగో లైన్‌ (మల్టీట్రాకింగ్‌) మొత్తం పొడవు 110 కిలోమీటర్లు అంచనా వ్యయంరూ. 2,419 కోట్లు కావాల్సిన భూమి 124 హెక్టార్లు కాలపరిమితి 2029-30 నాటికి

భూదాన్‌పోచంపల్లి : పల్లెల్లో పారిశుద్ధ్యం మెరుగుపై పంచాయతీ కార్యదర్శులు ప్రత్యేక దృష్టిసారించాలని జెడ్పీ సీఈఓ శోభారాణి అన్నారు. గురువారం ఆమె పోచంపల్లిలోని మండల పరిషత్‌ కార్యాలయాన్ని సందర్శించి రికార్డులను పరిశీలించారు. అనంతరం పంచాయతీ కార్యదర్శులు, వివిధ శాఖల అధికారులతో నిర్వహించిన సమావేశంలో ఆమె మట్లాడారు. గ్రామాల్లో వీబీజీ రాంజీ పనులు, ఇందిరమ్మ ఇళ్ల ప్రగతిని అడిగి తెలుసుకున్నారు. ఇందిరమ్మ ఇళ్లను వేగవంతం చేయాలని అన్నారు. సమావేశంలో ఎంపీడీఓ విజయ, సూపరింటెండెంట్‌ ఏపాల సత్యనారాయణరెడ్డి, ఏపీఓ కృష్ణమూర్తి, హౌజింగ్‌ ఏఈ శివాజీ, కార్యదర్శులు పాల్గొన్నారు. 10బిఎన్‌జి33 విద్యార్థులతో డిప్యూటీ కమిషనర్‌ సంతోష్‌కుమార్‌, కేవీ సిబ్బంది కేవీఎస్‌లో ఉత్సాహంగా యోగాసన పోటీలుభువనగిరిటౌన్‌ : పీఎం శ్రీ కేంద్రీయ విద్యాలయ సంఘటన్‌ (కేవీఎస్‌)భువనగిరిలో నిర్వహిస్తున్న 55వ కేవీఎస్‌ జాతీయ స్థాయి క్రీడాపోటీలు రెండోరోజు గురువారం ఉత్సాహంగా సాగాయి. విద్యార్థులు యోగాసనాల్లో తమ ప్రతిభను చాటారు. హైదరాబాద్‌ రీజియన్‌ డిప్యూటీ కమిషనర్‌ సంతోష్‌ కుమార్‌ ముఖ్య అతిథిగా హాజరై పోటీలను పరిశీలించి, క్రీడాకారులను అభినందించారు. గురువారం అండర్‌–17, 19 ఆర్టిస్టిక్‌ యోగాసన, అండర్‌–19 బాలుర యోగాసన ఫైనల్‌ పోటీలు ముగిశాయని ప్రిన్సిపాల్‌ చంద్రమౌళి తెలిపారు. కార్యక్రమంలో సూర్యప్రకాశ్‌, రతీష్‌, నందారం కృపాకర్‌ పాల్గొన్నారు. రైతులు సాంకేతిక పరిజ్ఞానం పెంచుకోవాలిబొమ్మలరామారం: వ్యవసాయంలో సాంకేతిక పరిజ్ఞానం పెంచుకోవాలని డీఏఓ వెంకట రమణా రెడ్డి సూచించారు. బొమ్మలరామారం మండలం మర్యాలలో గురువారం రైతులకు శిక్షణ ఇచ్చారు. కార్యక్రమంలో నియోజకవర్గ ఆత్మ చైర్మన్‌ ఎనగండ్ల సుధాకర్‌, ఏఓ దుర్గేశ్వరి, సర్పంచ్‌లు సంగి గణేష్‌, వెంకటేష్‌, రవీందర్‌ నాయక్‌, ఉప సర్పంచ్‌ శ్రీనివాస్‌ రెడ్డి, ఎనగండ్ల వీరేశం, శ్రీను నాయక్‌, మౌనిక రెడ్డి, మదన్‌, సీమ, వరలక్ష్మి, ఆదిల్‌ పాల్గొన్నారు.

సాక్షి యాదాద్రి : తీవ్ర సంక్షోభంలో కూరుకుపోతున్న రైస్‌ ఇండస్ట్రీని ప్రభుత్వం వెంటనే ఆదుకోవాలని రైస్‌ మిల్లర్స్‌ అసోసియేషన్‌ రాష్ట్ర కార్యదర్శి పసుపునూరి నాగభూషణం, జిల్లా అధ్యక్షుడు మార్త వెంకటేశం డిమాండ్‌ చేశారు. తమ సమస్యలను పరిష్కరించాలని కోరుతూ గురువారం కలెక్టరేట్‌ ఎదుట తెలంగాణ రాష్ట్ర రైస్‌ మిల్లర్స్‌ అసోసియేషన్‌ ఆధ్వర్యంలో ధర్నా చేశారు. అంతకుముందు ర్యాలీ నిర్వహించారు. ఈ సందర్భంగా వారు మాట్లాడుతూ మిల్లర్లను దోషులుగా చిత్రీకరించే ప్రక్రియను మానుకోవాలన్నారు. ఉడకబెట్టిన బియ్యం లక్ష్యాన్ని కేటాయించకపోవడం, ఎఫ్‌సీఐ గోదాముల్లో నిల్వకు స్థలం కొరత ఏర్పడటం వల్ల ధాన్యం తరలింపులో తీవ్ర జాప్యం జరుగుతోందన్నారు. ఈ నేపథ్యంలో రబీ 2025–26 నాటి మిగులు ధాన్యాన్ని వెంటనే బహిరంగ మార్కెట్లో విక్రయించేలా ప్రభుత్వం చర్యలు తీసుకోవాలన్నారు. గత పంటలకు సంబంధించిన సీఎంఆర్‌ డెలివరీలు పూర్తయ్యే దాకా మిల్లులకు కొత్త ధాన్యాన్ని కేటాయించవద్దన్నారు.మిల్లుల్లో సార్టెక్స్‌ శుద్ధి ప్రక్రియలో నష్టం, అధిక నూకలు ఏర్పడటం, అకాల వర్షాలు, నిల్వల్లో సహజంగా తేమ తగ్గడం, నాణ్యత క్షీణత తదితర కారణాల వల్ల 18 నుంచి 20 శాతం వరకు ధాన్యం నష్టం తప్పడం లేదని వారు పేర్కొన్నారు. క్షేత్రస్థాయి తనిఖీల సమయంలో అధికారులు ఈ వాస్తవాలను పరిగణనలోకి తీసుకోవాలని కోరారు. పెరిగిన విద్యుత్‌, కార్మిక, యంత్రాల నిర్వహణ ఖర్చుల దృష్ట్యా మిల్లింగ్‌ చార్జీలను క్వింటాకు రూ. 150 చొప్పున పెంచి చెల్లించాలని కోరారు. డీఎస్‌ఓ రోజారాణి, కలెక్టరేట్‌ ఏఓ అంజిరెడ్డిలకు మిల్లర్ల ప్రతినిధులు వినతి పత్రం అందజేశారు. ఈ ధర్నా కార్యక్రమంలో మిల్లర్స్‌ అసోసియేషన్‌ ప్రతినిధులు జిల్లా వెంకటరమణ, ఇల్లెందుల మల్లేష్‌, మంచుకంటి భాస్కర్‌, పసుపునూరి మనోహర్‌, వలిగొండ అశోక్‌, మోత్కూరుతోపాటు జిల్లా వ్యాప్తంగా ఉన్న మిల్లర్లు తదితరులు పాల్గొన్నారు. ఫ పెండింగ్‌ సీఎంఆర్‌ ఇచ్చాకే కొత్త ధాన్యం కేటాయించాలి ఫ మిల్లింగ్‌ చార్జీలు క్వింటాకు రూ. 150కి పెంచాలి ఫ మిల్లర్స్‌ అసోసియేషన్‌ ప్రతినిధుల డిమాండ్‌

నకిరేకల్‌ : కాంగ్రెస్‌ ప్రభుత్వం మాదిగలను తీవ్రంగా అవమానిస్తోందని నకిరేకల్‌ మాజీ ఎమ్మెల్యే చిరుమర్తి లింగయ్య ఆరోపించారు. కేసీఆర్‌ హయాంలో మాదిగలకు గౌరవం దక్కిందని, దళితులకు వివిధ సంక్షేమ పథకాలు అందాయన్నారు. ఎల్లప్పుడూ కేసీఆర్‌కు మాదిగలు అండగా ఉంటారని స్పష్టం చేశారు. మాజీ సీఎం కేసీఆర్‌కు మద్దతుగా గురువారం బీఆర్‌ఎస్‌ ఆధ్వర్యంలో నకిరేకల్‌లో డప్పులు మోగించి కేసీఆర్‌ ఫ్లెక్సీకి పాలాభిషేకం చేశారు. ఈ సందర్బంగా ఆయన మాట్లాడుతూ.. కాంగ్రెస్‌ ప్రభుత్వం బడ్జెట్‌లో ఎస్సీ సబ్‌ప్లాన్‌ నిధులు కేటాయిస్తున్నామని చెబుతున్నప్పటికీ ఆ నిధులు పూర్తిస్థాయిలో ఖర్చు చేయడం లేదన్నారు. స్పీకర్‌ పదవిని అవమానపరిచేలా గడ్డం ప్రసాద్‌కుమార్‌ను పదే పదే దళితుడు అంటూ ఆ పార్టీ నేతలే ప్రస్తావిస్తున్నారని అన్నారు. ప్రతి పక్షాల ప్రశ్నలకు సమాధానం చెప్పలేకనే బీఆర్‌ఎస్‌ ఎమ్మెల్యేలను అసెంబ్లీ సమావేశాల నుంచి సస్పెండ్‌ చేశారని విమర్శించారు. సీఎం రేవంత్‌రెడ్డి తన వైఖరి మార్చుకోకపోతే తెలంగాణ వ్యాప్తంగా మాదిగలను ఏకం చేసి ఆయన ఇంటిని 2లక్షల డప్పులతో ముట్టడిస్తామన్నారు. రాబోయే రోజుల్లో మళ్లీ బీఆర్‌ఎస్‌ ప్రభుత్వం వస్తుందని సీఎం గా కేసీఆర్‌ అసెంబ్లీలో అడుగుపెడతారని అన్నారు. పాలాభిషేకం కార్యక్రమంలో మున్సిపల్‌ మాజీ చైర్మన్‌ రాచకొండ శ్రీనివాస్‌గౌడ్‌, నకిరేకల్‌, కేతేపల్లి బీఆర్‌ఎస్‌ మండల అధ్యక్షులు ప్రగడపు నవీన్‌రావు, మారం వెంకట్‌రెడ్డి, యూత్‌ మండలాధ్యక్షుడు పేర్ల కృష్ణకాంత్‌, నాయకులు పల్‌రెడ్డి మహేందర్‌రెడ్డి, నోముల కేశవరాజులు, పెండెం సదానందం, తక్కళ్లపల్లి ప్రబాకర్‌రావు, వీర్లపాటి రమేష్‌, అమీర్‌ పాష, ఇమడపాక వెంకన్న, చెట్టిపల్లి జానయ్య, రావిరాల మల్లయ్య, రాచకొండ వెంకన్న, యానాల లింగారెడ్డి, గుర్రం గణేష్‌, మల్లేష్‌, దైద పరమేశం, జిల్లా సంపత్‌ తదితరులు పాల్గొన్నారు.ఫ సీఎం ఇంటిని 2లక్షల డప్పులతో ముట్టడిస్తాం ఫ నకిరేకల్‌ మాజీ ఎమ్మెల్యే చిరుమర్తి లింగయ్య ఫ కేసీఆర్‌ మద్దతుగా డప్పుల మోత

యాదగిరిగుట్ట : యువతలో సామాజిక చైతన్యం, ప్రశ్నించేతత్వం, శాసీ్త్రయ ఆలోచనా విధానం పెంపొందించాల్సిన అవసరం ఉందని సీపీఐ రాష్ట్ర కార్యదర్శి, కొత్తగూడెం ఎమ్మెల్యే కూనంనేని సాంబశివరావు అన్నారు. యాదగిరిగుట్టలో నిర్వహిస్తున్న ఏఐవైఐఎఫ్‌ రాష్ట్ర 3వ మహాసభలు గురువారం ముగిశాయి. ఈ సందర్భంగా ఆయన హాజరై మాట్లాడుతూ.. యువత కేవలం ఉద్యోగాల కోసం ఎదురుచూడకుండా సమాజంలో జరుగుతున్న పరిణామాలను అర్థం చేసుకొని, ప్రజా సమస్యల పరిష్కారానికి ముందుకు రావాలని పిలుపునిచ్చారు. దేశ భవిష్యత్తును నిర్ణయించే శక్తి యువత చేతుల్లో ఉందని, యువతలో చైతన్యం పెరిగేతేనే సమాజంలో మార్పు సాధ్యమవుతుందన్నారు. యువత సమస్యలపై ఏఐవైఎఫ్‌ మరింత బలమైన ఉద్యమాలు నిర్మించి పోరాటాలు ఉధృతం చేయాలని సూచించారు. ప్రస్తుతం నక్సల్‌ అనే పదం పోయిందని ప్రధాని మోదీ, హోంమంత్రి అమిత్‌షా అంటున్నారని. కానీ జెన్‌జీ రూపంలో కేంద్ర ప్రభుత్వాన్ని పడగొట్టేందుకు యువత ముందుకు వచ్చారన్నారు. స్థానిక సమస్యలపై యువత దృష్టి పెట్టాలని, యువత ప్రజల అభిమానాన్ని సంపాదించి రాజకీయాల్లోకి రావాలని పిలుపునిచ్చారు. యువత అమరుల త్యాగాలను యువత గుర్తుపెట్టుకొని వారి ఆశయాలను సాధించే దిశగా పని చేయాలన్నారు. ఈ ప్రతినిధుల సభలో సౌహార్ధ సందేశాలను ఏఐటీయూసీ రాష్ట్ర ప్రధాన కార్యదర్శి మోటి నరసింహ, ఏఐఎస్‌ఎఫ్‌ రాష్ట్ర ప్రధాన కార్యదర్శి పుట్ట లక్ష్మణ్‌ ఇచ్చారు. ఈ కార్యక్రమంలో ఏఐవైఎఫ్‌ జాతీయ అధ్యక్షుడు రోషన్‌ కుమార్‌ సిన్హా, ప్రధాన కార్యదర్శి సుఖ్‌జిందర్‌ మహేశ్వరీ, ఏఐవైఎఫ్‌ రాష్ట్ర అధ్యక్షుడు వలి ఉల్లా ఖాద్రి, ప్రధాన కార్యదర్శి ధర్మేంద్ర, వర్కింగ్‌ ప్రెసిడెంట్‌ నేర్లకంటి శ్రీకాంత్‌, ఏఐవైఎఫ్‌ రాష్ట్ర ఆఫీస్‌ బేరర్స్‌ లింగం రవి, టి.సత్య ప్రసాద్‌, శ్రీమాన్‌, యుగంధర్‌, చేపూరి కొండల్‌, సీసీఐ జిల్లా కార్యదర్శి యానాల దామోదర్‌రెడ్డి, జిల్లా సహాయ కార్యదర్శులు బోలగాని సత్యనారాయణ, చెడే చంద్రయ్య, సీపీఐ రాష్ట్ర కమిటీ సభ్యుడు గోద శ్రీరాములు, జిల్లా కార్యవర్గ సభ్యులు కళ్లెం కృష్ణ, బండి జంగమ్మ, కొల్లూరి రాజయ్య, చెక్క వెంకటేష్‌, ఎండీ ఇమ్రాన్‌, ఏఐవైఎఫ్‌ జిల్లా అధ్యక్షుడు ఎండీ నహీం, ప్రధాన కార్యదర్శి పేరబోయిన మహేందర్‌ తదితరులు పాల్గొన్నారు. ఫ సీపీఐ రాష్ట్ర కార్యదర్శి, ఎమ్మెల్యే సాంబశివరావు ఫ యాదగిరిగుట్టలో ముగిసిన ఏఐవైఎఫ్‌ రాష్ట్ర 3వ మహాసభలు

భూదాన్‌పోచంపల్లి : పర్యావరణ పరిరక్షణకు హరిత ఇంధనం వైపు మళ్లాల్సిన అవసరం ఉందని ఐఐటీ తిరుపతి ప్రొఫెసర్‌ కెఎస్‌ఎంఎస్‌ రాఘవరావు అన్నారు. గురువారం భూదాన్‌పోచంపల్లి మండలం దేశ్‌ముఖిలోని విజ్ఞాన్స్‌ యూనివర్సిటీలో ‘హార్నెసింగ్‌ క్లీన్‌ ఎనర్జీ టెక్నాలజీస్‌ టూ డ్రైవ్‌ సస్టెనబిలిటీ అండ్‌ కాంట్యాట్‌ క్‌లైమేట్‌ ఛేంజ్‌ వరల్డ్‌వైడ్‌’ అనే అంశంపై నిర్వహించిన మూడు రోజుల జాతీయ సదస్సులో ఆయన ముఖ్యఅతిథిగా పాల్గొని ఆయన మాట్లాడారు. గ్లోబల్‌ వార్మింగ్‌ వేగంగా పెరుగుతున్న ప్రస్తుత తరుణంలో హరిత సాంకేతికత ఎంతో అవసరమని అన్నారు. అనంతరం గుజరాత్‌లోని గాంధీనగర్‌లోని పండిట్‌ దీన్‌దయాళ్‌ ఎనర్జీ యూనివర్సిటీ ప్రొఫెసర్‌ రమేశ్‌ కె. గూడురు మాట్లాడుతూ.. ప్రపంచవ్యాప్తంగా పెరుగుతున్న ఇంధన అవసరాలను తీర్చడానికి కాలుష్య రహిత క్లీన్‌ ఎనర్జీ, ఉత్పాదక టెక్నాలజీని అభివృద్ది చేయడం ఎంతో ఆవసరం అన్నారు.ఈ సదస్సులో ఏఐ, రోబోటిక్స్‌, బయోడైవర్సిటీ, క్లీన్‌ ఎనర్జీ, క్‌లైమేట్‌ ఛేంజ్‌ వంటి సాంకేతిక అంశాలపై విస్తృతంగా చర్చించారు. ఈ కార్యక్రమంలో సీఎస్‌ఐఆర్‌–ఐఐసీటీ శాస్త్రవేత్త డాక్టర్‌ రెడ్డి కామేశ్‌, ప్రొఫెసర్‌ జెఎస్‌ఎస్‌ ప్రకాశ్‌, యూనివర్సిటీ అడ్వైజర్‌, మాజీ ఐఏఎస్‌ అధికారిణి డాక్టర్‌ పూనం మాలకొండయ్య, డైరెక్టర్‌ ప్రొఫెసర్‌ వైవీ దాసేశ్వర్‌రావు, డీన్లు, హెచ్‌ఓడీలు, అధ్యాపకులు, రీసెర్చ్‌ స్కాలర్స్‌ తదితరులు పాల్గొన్నారు. ఫ ఐఐటీ తిరుపతి ప్రొఫెసర్‌ కెఎస్‌ఎంఎస్‌ రాఘవరావు

కనగల్‌ : నల్లగొండ మండలం మేళ్లదుప్పలపల్లిలో జన్మించిన బుచ్చిరెడ్డికి తొలి నుంచి సాహిత్యమంటే మక్కువ. ఆయన రాసిన ఊగుతున్న ఉయ్యాల బాలగేయాల పుస్తకం నుంచి కంప్యూటర్‌ పిల్లలం గేయాన్ని మహారాష్ట్ర ప్రభుత్వ పాఠ్యాంశాల కమిటీ ఎంపిక చేసింది. తెలంగాణ నుంచి ఇతర రాష్ట్రాల పాఠ్యపుస్తకాల్లో చోటు దక్కించుకున్న అతికొద్ది మందిలో ఆయన ఒకరు. రెండు దశాబ్దాలుగా బాల సాహిత్య సేవ గత 28 ఏళ్లుగా ప్రభుత్వ ఉపాధ్యాయుడిగా పనిచేస్తున్న ఆయన.. రెండు దశాబ్దాలకు పైగా బాలసాహిత్యానికి విశేష సేవలందిస్తున్నారు. ఇంటర్మీడియట్‌ నుంచే సాహిత్యంపై ఆసక్తి పెంచుకున్న ఆయన.. తెలంగాణ ఉద్యమ సమయంలో సాహిత్యం వైపు దృష్టి సారించారు. చిన్నారుల కోసం సులువుగా అర్థమయ్యే రీతిలో 350కి పైగా కథలు, కవితలు, గేయాలు రాశారు. గతంలో మండల రీసోర్స్‌పర్సన్‌గా పనిచేసినప్పుడు వినూత్న విద్యా కార్యక్రమాల్లో కీలకపాత్ర పోషించారు. రాజీవ్‌ విద్యామిషన్‌ (సర్వశిక్షా అభియాన్‌) ఆధ్వర్యంలో నల్లగొండ నుంచి వెలువడిన జాబిల్లి పిల్లల మాసపత్రిక సంపాదక వర్గ సభ్యుడిగా కూడా సేవలందించారు. విద్యార్థులకు ముందుగా మాతృభాషలో అవగాహన కల్పిస్తే, ఆంగ్లాన్ని సులువుగా నేర్చుకోగలరన్నది ఆయన అభిప్రాయం. విద్యార్థుల్లో సృజనాత్మకతకు పెద్దపీట ప్రౌఢ సాహిత్యంలో ధీరుల మొగసాల, డమరుకం, మాలిమి తదితర పుస్తకాలు రాసిన ఆయన.. బాల సాహిత్యంలో మొలకలు, బంతి పూలు, బహుమతి, మార్గదర్శి వంటి పిల్లల కథల పుస్తకాలను వెలువరించారు. వీటిని ఎలాంటి లాభాపేక్ష లేకుండా 70కి పైగా ప్రభుత్వ పాఠశాలల గ్రంథాలయాలకు ఉచితంగా అందించారు. హెచ్‌ఎం, ఇతర ఉపాధ్యాయుల సహకారంతో పాఠశాలలో వర్క్‌షాప్‌లు నిర్వహిస్తూ విద్యార్థుల్లో రచనా సామర్థ్యాన్ని ప్రోత్సహిస్తున్నారు. విద్యార్థులు రాసిన కథలతో మాదారం మందారాలు అనే సంపుటిని వెలువరించేందుకు సిద్ధమయ్యారు. పిల్లలు రాసిన అంశాలు మొలక, బాల చెలిమి వంటి పత్రికల్లో అచ్చయ్యేలా ప్రోత్సహిస్తున్నారు. అంతేకాకుండా దాతల సహకారాన్ని కూడగట్టి పాఠశాల అభివృద్ధికి కృషి చేస్తున్నారు. అక్షరంతో పిల్లల భవిష్యత్తును తీర్చిదిద్దుతూ.. బాల సాహిత్యంతో సరిహద్దులు దాటి గుర్తింపు పొందారు కనగల్‌ మండలం చిన్న మాదారం ప్రభుత్వ ఉన్నత పాఠశాల ఆంగ్ల ఉపాధ్యాయుడు(స్కూల్‌ అసిస్టెంట్‌) కోమటిరెడ్డి బుచ్చిరెడ్డి. ఆయన రచించిన కంప్యూటర్‌ పిల్లలం అనే బాల గేయాన్ని మహారాష్ట్ర ప్రభుత్వం.. ఈ విద్యా సంవత్సరానికి గాను అక్కడి నాలుగో తరగతి తెలుగు బాలభారతి పాఠ్యపుస్తకంలో పాఠ్యాంశంగా ఎంపిక చేసింది. ఫ రెండు దశాబ్దాలుగా బాల సాహిత్యానికి విశేష సేవలందిస్తున్న ప్రభుత్వ ఉపాధ్యాయుడు కోమటిరెడ్డి బుచ్చిరెడ్డి ఫ ఆయన రాసిన కంప్యూటర్‌ పిల్లలం గేయానికి అరుదైన గుర్తింపు ఫ మహారాష్ట్రలోని నాలుగో తరగతి తెలుగు బాలభారతిలో పాఠ్యాంశంగా ఎంపిక

చౌటుప్పల్‌, భువనగిరి: చౌటుప్పల్‌, భువనగిరి పట్టణాల్లో మారెమ్మ సినిమా యూనిట్‌ గురువారం సందడి చేసింది. ఆయా పట్టణాల్లో శ్రీనివాస, వసుంధర థియేటర్లలో ఆ సినిమాను హీరోయిన్‌ దీపాబాలు.. యూనిట్‌ సభ్యులు ..ప్రేక్షకులతో కలిసి తిలకించారు. వారితో మాట్లాడారు. హీరోయిన్‌ను చూసేందుకు స్థానికులు పెద్ద సంఖ్యలో తరలివచ్చారు. సినిమా యూనిట్‌తో సెల్ఫీలు తీసుకోవడానికి ఆసక్తి చూపారు. ఈ సందర్భంగా హీరోయిన్‌ దీపా బాలు, బండారు సుభాష్‌రెడ్డి, ఇతర సభ్యులు కున్‌రెడ్డి, సందీప్‌రెడ్డిలు మాట్లాడారు. పల్లెప్రజల జీవన విధానం, ఆచార వ్యవహారాలు సినిమాలో మలచిన విధానం ఎంతో బాగుందని ప్రేక్షకులు చెబుతున్నారని వారు తెలిపారు.

867 మందికి ఇందిరమ్మ ఇళ్ల బిల్లు రామన్నపేట: ఇందిరమ్మ ఇళ్ల బిల్లులు వచ్చాయి. జిల్లాలో ఇప్పటి వరకు 867మంది లబ్ధిదారుల ఖాతాల్లో సుమారు రూ.9.40కోట్లను ప్రభుత్వం జమ చేసింది. రాష్ట్రప్రఽభుత్వం గత ఆర్థిక సంవత్సరంలో మొదటి దశలో జిల్లాకు 9,861 ఇళ్లను మంజూరు చేసింది. వాటిలో 5,200 ఇళ్ల నిర్మాణం పూర్తయ్యింది. వీటిలో బేస్‌మెంట్‌ పూర్తయిన తరువాత రూ. 1లక్ష, గోడలు నిర్మించిన తరువాత మరో లక్ష, స్లాబ్‌వేసిన వెంటనే రూ 1.40లక్షల చొప్పున చెల్లించింది. వ్యక్తిగత మరుగుదొడ్డి నిర్మాణానికి ఈజీఎస్‌ నుంచి రూ 12వేలు జమ అయ్యాయి. 90రోజుల పని కల్పించడం ద్వారా రోజుకు రూ .307ల చొప్పున చెల్లిస్తోంది. ఇంటి నిర్మాణం పూర్తయిన 5,200మంది లబ్ధిదారులకుగాను రాష్ట్ర ప్రభుత్వం చివరిబిల్లు కింద 700 మంది లబ్ధిదారులకు రూ 1,20,000ల చొప్పున వారి ఖాతాల్లో జమ చేసింది. అదేవిధంగా పైలట్‌ప్రాజెక్టులో భాగంగా ఇళ్లు కట్టుకొని స్లాబ్‌దశలో రూ. 2లక్షల బిల్లు పొందిన 167మంది లబ్ధిదారులకు రూ. 60వేల చొప్పున జమ చేసింది.

భువనగిరిటౌన్‌ : సమయానికి విద్యుత్‌ సరఫరా చేయకపోవడంతో పాటు లో–ఓల్టేజీ, సప్లయ్‌లో తీవ్ర అంతరాయాలను నిరసిస్తూ భువనగిరి మండల పరిధిలోని తుక్కాపూర్‌ గ్రామ రైతులు, ప్రజాప్రతినిధులు స్థానిక విద్యుత్‌ సబ్‌స్టేషన్‌ గురువారం ముట్టడించారు. ఈ సందర్భంగా తుక్కాపూర్‌ సర్పంచ్‌ జనగాం పాండు మాట్లాడుతూ గ్రామంలో వ్యవసాయానికి సరైన సమయానికి విద్యుత్‌ అందించడం లేదన్నారు. సరఫరా సమయంలోనూ తీవ్ర లోఓల్టేజీ ఉంటుందని పేర్కొన్నారు. గ్రామానికి చెందిన లైన్‌మన్‌ ఎల్‌సీ పేరుతో రోజులో అనేకసార్లు విద్యుత్‌ సరఫరాను నిలిపివేస్తున్నారని ఆయన మండిపడ్డారు. రోజుకు కనీసం 7 నుంచి 8 గంటల విద్యుత్‌ కూడా సరిగ్గా సరఫరా కాకపోవడంతో పంటలు ఎండిపోయే పరిస్థితి ఏర్పడిందని, అధికారుల నిర్లక్ష్య వైఖరి నచ్చకే రైతులంతా కలిసి సబ్‌స్టేషన్‌ ఎదుట ఆందోళనకు దిగాల్సి వచ్చిందని తెలిపారు. కార్యక్రమంలో మాజీ సర్పంచ్‌ నోముల మహేందర్‌ రెడ్డి, మాజీ ఎంపీటీసీ రాసాల మల్లేష్‌ యాదవ్‌, నల్లమాస సత్యనారాయణ, గ్రామ శాఖ అధ్యక్షుడు రాసాల శేఖర్‌ యాదవ్‌, ఉప సర్పంచ్‌ రాసాల లింగస్వామి యాదవ్‌, వార్డు సభ్యులు ఎలకొండ శేఖర్‌ రెడ్డి, శరత్‌, ఎలకొండ సుధాకర్‌ రెడ్డి, దండమోని నరసింహ, దండేమోని పాండు, దానయ్య, రైతులు ఏదునూరి వెంకయ్య, కొసని వెంకటేష్‌, జక్కిడి శేఖర్‌ రెడ్డి, కంటం రాజమోహన్‌, జనగాం మహేష్‌, రాసాల భూలోక్‌, రత్నపురం శ్రీనివాస్‌, రాసాల మల్లయ్య, రాసాల క్రాంతి, దండముని రాజు తదితరులు పాల్గొన్నారు.

సాక్షి, యాదాద్రి: జిల్లాలోని నిరుద్యోగ యువతకు నైపుణ్యాభివృద్ధి (స్కిల్‌ డెవలప్‌మెంట్‌) ద్వారా మెరుగైన ఉద్యోగ, ఉపాధి అవకాశాలు కల్పించడమే లక్ష్యంగా ప్రణాళికలు సిద్ధం చేసినట్లు కలెక్టర్‌ అనురాగ్‌ జయంతి తెలిపారు. గురువారం సాయంత్రం కలెక్టరేట్‌లో ఏర్పాటు చేసిన విలేకరుల సమావేశంలో ఆయన మాట్లాడారు. జిల్లా యంత్రాంగం నిరుద్యోగుల కోసం ప్రభుత్వ ఉద్యోగాల శిక్షణతో పాటు ప్రైవేట్‌ సెక్టార్‌ ఉద్యోగావకాశాలు కల్పిస్తుందన్నారు. తెలంగాణ అకాడమీ ఫర్‌ స్కిల్‌ అండ్‌ నాలెడ్జ్‌ భాగస్వామ్యంతో రెండు మోడల్స్‌లో శిక్షణ ఇస్తున్నట్లు కలెక్టర్‌ తెలిపారు. మొదటిది టాస్క్‌ ట్రైనర్ల ద్వారా నేరుగా నైపుణ్య శిక్షణ ఇవ్వడం. రెండోది ప్రైవేట్‌ కంపెనీలతో ఒప్పందం కుదుర్చుకుని ఉద్యోగాధారిత శిక్షణ అందించనున్నట్లు చెప్పారు. శిక్షణ అంశాలు ఏమిటంటే..ఏఐ , మెషిన్‌ లెర్నింగ్‌, పైథాన్‌, జావా, హెచ్‌టీఎంఎల్‌, జావాస్క్రిప్ట్‌, యానిమేషన్స్‌ వంటి ఐటీ, సాంకేతిక కోర్సులలో శిక్షణ ఇవ్వనున్నట్లు వివరించారు. వైఎస్కే ఇన్ఫోటెక్‌, టెలిపెర్ఫార్మెన్స్‌, మైండ్‌ ప్లస్‌ వంటి కంపెనీలు ఫ్రెషర్లకు 15 నుంచి 45 రోజుల పాటు శిక్షణ ఇచ్చి ఇందులో ప్రతిభ చూపిన వారికి రూ. 1.8 లక్షల వార్షిక ప్యాకేజీతో ఉద్యోగాలు కల్పిస్తాయన్నారు. దరఖాస్తుల సంఖ్య ఆధారంగా భువనగిరి, చౌటుప్పల్‌, రామన్నపేట, మోత్కూర్‌ వంటి ప్రాంతాల్లోనూ శిక్షణ కేంద్రాలు ఏర్పాటు చేసే ఆలోచన ఉంది. ఐటీ రంగానికే పరిమితం కాకుండా రీటైల్‌ సేల్స్‌, హోటల్‌ మేనేజ్‌మెంట్‌ వంటి ఆధునిక కోర్సులలోనూ శిక్షణ ఇవ్వనున్నట్లు తెలిపారు. జిల్లా గ్రంథాలయ సంస్థ సహకారంతో భువనగిరిలోని లైబ్రరీ ప్రాంగణంలో బ్యాంకింగ్‌, ఎస్‌ఎస్సీ, ఆప్టిట్యూడ్‌, జనరల్‌ స్టడీస్‌ వంటి పోటీ పరీక్షలన్నింటికీ ఉపయోగపడేలా 8 నెలల శిక్షణ తరగతులు నిర్వహిస్తారన్నారు. వచ్చేవారం శిక్షణ తరగతులు ప్రారంభం శిక్షణకు ఇప్పటికే 46 దరఖాస్తులు వచ్చాయని, ప్రతి కోర్సుకు కనిష్టంగా 50 మంది విద్యార్థులకు అవకాశం కల్పిస్తామని చెప్పారు. వచ్చే వారంలో శిక్షణ ప్రారంభమవుతుందన్నారు. మహిళలు, దివ్యాంగులకు రవాణా సౌకర్యవంతంగా ఉండి, కంప్యూటర్‌ ల్యాబ్‌ వసతి ఉన్న వేదికను త్వరలోనే ఖరారు చేయనున్నట్లు వెల్లడించారు. ఈ సమావేశంలో ట్రెయినీ డెప్యూటీ కలెక్టర్లు కృతిక, సాత్విక్‌ నాయక్‌ పాల్గొన్నారు.ఫ ప్రైవేట్‌, ప్రభుత్వ సంస్థల భాగస్వామ్యంతో శిక్షణ ఫ కలెక్టర్‌ అనురాగ్‌ జయంతి వెల్లడి

నల్లగొండ టూటౌన్‌ : యూనివర్సిటీలను రాష్ట్ర ప్రభుత్వం నిర్వీర్యం చేస్తే సహించేది లేదని ఏబీవీపీ రాష్ట్ర సంయుక్త కార్యదర్శి ఛత్రపతి చౌహన్‌ అన్నారు. ఏబీవీపీ రాష్ట్ర కమిటీ పిలుపు మేరకు గురువారం మహాత్మాగాంధీ యూనివర్సిటీలో ధర్నా నిర్వహించారు. ఈ సందర్భంగా ఆయన మాట్లాడుతూ.. యూనివర్సిటీల్లో ప్రభుత్వం కనీస మౌలిక సదుపాయాలు కల్పించకుండా వివక్ష చూపిస్తుందని ఆరోపించారు. యూనివర్సిటీలలో సెల్ఫ్‌ ఫైనాన్స్‌ కోర్సులను రెగ్యులర్‌ చేయకుండా యూనివర్సిటీ ఫిక్స్‌డ్‌ డిపాజిట్లను కాజేయాలని ప్రభుత్వం ప్రయత్నిస్తుందన్నారు. ఫిక్స్‌డ్‌ డిపాజిట్‌లను స్వాధీనం చేసుకోవాలనే ఆలోచన ప్రభుత్వం వెంటనే విరమించుకోవాలని డిమాండ్‌ చేశారు. అనంతరం పలు డిమాండ్లతో కూడిన వినతిపత్రాన్ని వీసీకి అందజేశారు. ఈ కార్యక్రమంలో యూనివర్సిటీ కార్యదర్శి మోహన్‌, రాష్ట్రకార్యవర్గ సభ్యులు శంకర్‌, నగేష్‌, అజయ్‌, సంపత్‌, మౌనేష్‌, రాజేష్‌, గణేష్‌, మల్లిఖార్జున్‌, సాయి, సిద్దు, సిరిచందన, శివానీ పాల్గొన్నారు. ఫ ఏబీవీపీ రాష్ట్ర సంయుక్త కార్యదర్శి ఛత్రపతి చౌహన్‌

భువనగిరిటౌన్‌ : విద్యార్థినులకు రక్షణ కల్పించడంలో కేంద్ర, రాష్ట్ర ప్రభుత్వాలు పూర్తిగా విఫలమవుతున్నాయని ఎస్‌ఎఫ్‌ఐ జాతీయ ఉపాధ్యక్షురాలు శిల్ప, రాష్ట్ర కార్యదర్శి టి. నాగరాజు అన్నారు. భువనగిరి పట్టణంలోని వెన్నెల కళాశాలలో ఎస్‌ఎఫ్‌ఐ తెలంగాణ రాష్ట్ర గర్ల్స్‌ శిక్షణా తరగతులు గురువారం ప్రారంభమయ్యాయి. ఈ సందర్భంగా శిల్ప మాట్లాడుతూ.. దేశంలో మహిళలు, విద్యార్థినులపై హింస, వేధింపులు, వివక్ష కొనసాగుతున్నప్పటికీ ప్రభుత్వాలు సరైన చర్యలు తీసుకోవడం లేదన్నారు. జెన్‌జీ విద్యార్థి ఉద్యమాల్లో విద్యార్థినులు, యువత పెద్ద సంఖ్యలో పాల్గొని తమ పోరాట స్ఫూర్తిని చాటారని అన్నారు. తమ విద్యా హక్కులు, ప్రజాస్వామ్య హక్కులు, సామాజిక న్యాయం కోసం యువత ముందుకు వస్తున్న తరుణంలో వారి స్వరాన్ని అణిచివేయకుండా ప్రభుత్వాలు సమస్యలను పరిష్కరించాలని సూచించారు. నూతన జాతీయ విద్యా విధానం–2020 వల్ల పేద, మధ్యతరగతి విద్యార్థులు, ముఖ్యంగా విద్యార్థినులు విద్యకు దూరమయ్యే పరిస్థితులు ఉన్నాయని విమర్శించారు. అనంతరం రాష్ట్ర కార్యదర్శి టి. నాగరాజు మాట్లాడుతూ.. మహిళలకు సమాన విద్యా అవకాశాలు కల్పించాల్సిన బాధ్యత ప్రభుత్వాలపై ఉందన్నారు. కార్యక్రమంలో ఉమ్మడి ఆంధ్రప్రదేశ్‌ మాజీ రాష్ట్ర అధ్యక్షుడు కల్లూరి మల్లేష్‌, ఐద్వా జిల్లా కార్యదర్శి బి. అనురాధ, ఎస్‌ఎఫ్‌ఐ రాష్ట్ర ఉపాధ్యక్షుడు దామెర కిరణ్‌, రాష్ట్ర సహాయ కార్యదర్శులు దీపిక, సుమ, కృపా జార్జీ, జిల్లా అధ్యక్ష, కార్యదర్శులు వేముల నాగరాజు, లావుడియ రాజు, జిల్లా గర్ల్స్‌ కన్వీనర్‌ ఇందు రాణి, జిల్లా ఉపాధ్యక్షులు ఈర్ల రాహుల్‌, పట్టల ఉదయ్‌, ధరావత్‌ జగన్‌, జిల్లా కమిటీ సభ్యులు పాల్గొన్నారు. ఫ ఎస్‌ఎఫ్‌ఐ జాతీయ ఉపాధ్యక్షురాలు శిల్ప

ఫ 930పి జాతీయ రహదారి భూ నిర్వాసితుల డిమాండ్‌ భూదాన్‌పోచంపల్లి : పోచంపల్లి మండలం మీదుగా వెళ్తున్న 930పి గౌరెల్లి–భద్రాద్రి జాతీయ రహదారి భూ నిర్వాసితులకు ఎకరాకు రూ.1.20 కోట్ల పరిహారం ఇవ్వాలని అఖిలపక్షాల రైతు నాయకుడు పాక మల్లేశ్‌ డిమాండ్‌ చేశారు. గురువారం పోచంపల్లి మండలం కనుముకుల గ్రామంలో జరుగుతున్న జాతీయ రహదారి పనులను రైతులు అడ్డుకున్నారు. ఈ సందర్భంగా ఆయన మాట్లాడుతూ.. పోచంపల్లి మండలం పక్కనే ఉన్న రంగారెడ్డి జిల్లాలోని గ్రామాలతో పాటు చౌటుప్పల్‌లో ఎకరానికి రూ.కోటికి పైగా పరిహారం ఇస్తున్నారని అన్నారు. అంతేకాక వలిగొండలో రీజినల్‌ రింగ్‌రోడ్డు భూ నిర్వాసితులకు రూ.50 లక్షలకు పైగా పరిహారం చెల్లిస్తున్నారని పేర్కొన్నారు. పోచంపల్లి మండల రైతులకు మాత్రం ఎకరానికి రూ.24లక్షలు నిర్ణయించడం సరికాదన్నారు. పరిహారం పెంచాలని కలెక్టర్‌కు విన్నవించినా ఎలాంటి చర్యలు తీసుకోలేదని అన్నారు. పరిహారం పెంచిన తర్వాతే రోడ్డు నిర్మాణ పనులు చేపట్టాలన్నారు. ఈ కార్యక్రమంలో రైతు నాయకులు సామ మధుసూధన్‌రెడ్డి, కోట రాంచంద్రారెడ్డి, చుక్క శంకర్‌, ఇటమోని మహేశ్‌, వారాల శేఖర్‌రెడ్డి, బానాల ఎల్లారెడ్డి తదితరులు పాల్గొన్నారు.

● రక్త నమూనాల సేకరణసంస్థాన్‌ నారాయణపురం : మండల కేంద్రంలోని గిరిజన గురుకుల పాఠశాల విద్యార్థులను జ్వరాలు కలవరపెడుతున్నాయి. పాఠశాలలో 8వ తరగతి చదువుతున్న 15 మంది విద్యార్థులు గత రెండు రోజులుగా జ్వరాల బారిన పడినట్లు తెలిసింది. విద్యార్థులను పాఠశాల సిబ్బంది ప్రభుత్వాస్పత్రికి తరలించి వైద్య పరీక్షలు నిర్వహించారు. విద్యార్థుల రక్త నమూనాలను సేకరించి పరీక్షలకు పంపించారు. అంతేకాకుండా పాఠశాలలో మరికొందరు విద్యార్థులు కూడా జ్వరం, జలుబు వంటి సమస్యలతో బాధపడుతున్నట్లు తెలిసింది. దీంతో ప్రభుత్వాస్పత్రి వైద్యురాలు జ్యోత్స్న, వైద్య సిబ్బంది పాఠశాలను సందర్శించి విద్యార్థులకు కూడా వైద్య పరీక్షలు నిర్వహించారు. అవసరమైన వారికి మందులు పంపిణీ చేశారు. వైరల్‌ జ్వరాల బారిన పడకుండా తీసుకోవాల్సిన జాగ్రత్తలపై డాక్టర్‌ జ్యోత్స్న అవగాహన కల్పించారు.ద్విచక్ర వాహనాన్ని ఢీకొట్టిన లారీఫ యువకుడి దుర్మరణం చౌటుప్పల్‌ : ద్విచక్ర వాహనంపై వెళ్తున్న యువకుడిని లారీ ఢీకొనడంతో మృతిచెందాడు. ఈ ఘటన హైదరాబాద్‌–విజయవాడ జాతీయ రహదారిపై చౌటుప్పల్‌ మండలం కై తాపురం గ్రామం వద్ద గురువారం జరిగింది. పోలీసులు తెలిపిన వివరాల ప్రకారం.. చౌటుప్పల్‌ మండలం ధర్మోజిగూడెం మాజీ సర్పంచ్‌ భద్రి లింగయ్య కుమారుడు భద్రి రాహుల్‌ అలియాస్‌ రాము(22) వరంగల్‌లో హాస్టల్‌లో ఉంటూ చదువుకుంటున్నాడు. అక్కడే పార్ట్‌టైం జాబ్‌ సైతం చేస్తున్నాడు. కాగా ధర్మోజిగూడెం గ్రామంలో గురువారం బోనాల వేడుకలు ఉండటంతో రాహుల్‌ను ఊరికి రమ్మని కుటుంబ సభ్యులు పిలిచారు. దీంతో వరంగల్‌ నుంచి హైదరాబాద్‌కు వెళ్లిన రాహుల్‌ అక్కడ తన మిత్రుడి వద్ద ద్విచక్ర వాహనాన్ని తీసుకొని స్వగ్రామానికి వస్తున్నాడు. మార్గమధ్యలో చౌటుప్పల్‌ మండలం కై తాపురం గ్రామం వద్దకు రాగానే వెనుక నుంచి వస్తున్న లారీ ద్విచక్ర వాహనాన్ని ఢీకొట్టింది. ఈ ప్రమాదంలో రాహుల్‌ తీవ్రంగా గాయపడ్డాడు. అతడిని చికిత్స నిమిత్తం చౌటుప్పల్‌ ప్రభుత్వాస్పత్రికి తీసుకెళ్లగా అక్కడ మృతిచెందాడు. ప్రమాదానికి కారణమైన లారీని డ్రైవర్‌ ఆపకుండా పరారు కాగా.. స్థానికులు వెంబడించి పట్టుకున్నారు. ఈ మేరకు కేసు నమోదు చేసి దర్యాప్తు చేస్తున్నట్లు సీఐ మన్మథకుమార్‌ తెలిపారు. కుటుంబ సభ్యులతో గొడవపడి వ్యక్తి ఆత్మహత్యభువనగిరి : కుటుంబ సభ్యులతో గొడవపడి మనస్తాపానికి గురైన వ్యక్తి ఉరేసుకుని ఆత్మహత్య చేసుకున్నాడు. ఈ ఘటన భువనగిరి మండలం బీఎన్‌ తిమ్మాపురం గ్రామంలో గురువారం జరిగింది. పోలీసులు తెలిపిన వివరాల ప్రకారం.. బీఎన్‌ తిమ్మాపురం గ్రామానికి చెందిన ఇండ్ల కుమార్‌(33)కు ఐదేళ్ల క్రితం తుర్కపల్లి మండలం వీరారెడ్డిపల్లి గ్రామానికి చెందిన మమతతో వివాహం జరిగింది. వీరికి ఇద్దరు పిల్లలు ఉన్నారు. బస్వాపురం రిజర్వాయర్‌ ముంపు కింద కుమార్‌ కుటుంబానికి చెందిన భూములు కోల్పోవడంతో ప్రభుత్వం నష్టపరిహారం చెల్లించింది. ఆ డబ్బులతో కుమార్‌ తరచూ మద్యం తాగుతూ దానికి బానిసయ్యాడు. డబ్బుల వృథా విషయమై కుమార్‌తో గొడవ పడిన అతడి భార్య పిల్లలతో కలిసి ఆరు నెలల క్రితం పుట్టింటికి వెళ్లింది. అయినప్పటికీ తరచూ మద్యం తాగి వచ్చి ఇంట్లోని కుటుంబ సభ్యులతో గొడవపడేవాడు. గురువారం కూడా కుటుంబ సభ్యులతో గొడవపడిన తర్వాత ఇంట్లో ఎవరూ లేని సమయంలో ఇంటి ముందు ఉన్న చెట్టుకు ఉరేసుకుని ఆత్మహత్య చేసుకున్నారు. మృతుడి కుటుంబ సభ్యుల ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్‌ఐ అనిల్‌కుమార్‌ తెలిపారు.

చౌటుప్పల్‌ : స్థానిక పరిశ్రమల్లో స్థానికులకే ఉద్యోగాలివ్వాలనే డిమాండ్‌తో ఉద్యమించనున్నామని డీవైఎఫ్‌ఐ రాష్ట్ర అధ్యక్షుడు కోట రమేష్‌, కార్యదర్శి ఆనగంటి వెంకటేష్‌ తెలిపారు. చౌటుప్పల్‌లో గురువారం డీవైఎఫ్‌ఐ జిల్లా మహాసభలో వారు మాట్లాడారు. యువత సమస్యలపై ప్రభుత్వాలు నిర్లక్ష్యంగా వ్యవహరిస్తున్నాయని ఆరోపించారు. సమస్యల పరిష్కారం కోసం చిత్తశుద్ధితో పనిచేయాలన్నారు. స్థానిక పరిశ్రమల్లో స్థానిక నిరుద్యోగులకు ఉద్యోగాలు ఇచ్చేలా ప్రభుత్వం చట్టం తీసుకురావాలన్నారు. సభలో డీవైఎఫ్‌ఐ రాష్ట్ర కార్యదర్శి గడ్డం వెంకటేష్‌, జిల్లా అధ్యక్షుడు పల్లె మధుకృష్ణ, నాయకులు సురేష్‌దయ్యాల, మల్లేష్‌, సలీం, రత్నం శ్రీకాంత్‌, పల్లె శివకుమార్‌, గండని లక్ష్మీపతి, బోదాసు నరేష్‌, నత్తి నరేష్‌, జంగిలి సాయి, బాలెం నరేష్‌, బర్రె రాజు,శశి తదితరులు పాల్గొన్నారు. ఫ డీవైఎఫ్‌ఐ రాష్ట్ర అధ్యక్షుడు కోట రమేష్‌, కార్యదర్శి వెంకటేష్‌

సూర్యాపేటటౌన్‌ : గుజరాత్‌లో నవంబర్‌ 15 నుంచి 21 వరకు జరగనున్న జాతీయ స్థాయి ప్రేరణ అనుభవపూర్వక విద్యా కార్యక్రమానికి సూర్యాపేట జిల్లా నుంచి ఇద్దరు విద్యార్థులు ఎంపికై నట్లు ప్రేరణ నోడల్‌ స్కూల్‌, జవహర్‌ నవోదయ విద్యాలయ ప్రిన్సిపాల్‌ ఆదినారాయణ గురువారం ఒక ప్రకటనలో పేర్కొన్నారు. గరిడేపల్లి మండలం కల్మలచెరువు జెడ్పీహెచ్‌ఎస్‌ 9వ తరగతి విద్యార్థి జి. శ్రీరామ్‌, సూర్యాపేట మండలం ఇమాంపేట టీఎస్‌ఎంఎస్‌ 9వ తరగతి విద్యార్థిని ముప్పని రిత్వికారెడ్డి ఎంపికై నట్లు చెప్పారు. దేశవ్యాప్తంగా 20మంది విద్యార్థులు ఈ కార్యక్రమంలో పాల్గొననున్నారు. విద్యార్థుల ప్రయాణ ఏర్పాట్లు తదితర అంశాలను పర్యవేక్షిస్తున్నట్లు ప్రిన్సిపాల్‌ పేర్కొన్నారు.

ఫ సీపీఐ జాతీయ కార్యదర్శి పల్లా వెంకట్‌రెడ్డి యాదగిరిగుట్ట : యువత ప్రజా ఉద్యమాల వారసత్వాన్ని ముందుకు తీసుకెళ్తూ సోషలిస్టు సమాజ నిర్మాణం కోసం పోరాటం చేయాలని సీపీఐ జాతీయ కార్యదర్శి పల్లా వెంకట్‌రెడ్డి పిలుపునిచ్చారు. యాదగిరిగుట్ట పట్టణంలో జరుగుతున్న ఏఐవైఎఫ్‌ రాష్ట్ర మూడో మహాసభల్లో భాగంగా బుధవారం రెండో రోజు ఆయన ముఖ్య అతిథిగా పాల్గొని ప్రసంగించారు. యువత ప్రశ్నించేతత్వాన్ని అలవర్చుకోవాలని సూచించారు. సోషలిస్టు సమాజ నిర్మాణమే లక్ష్యంగా యువత ముందుకు సాగాలన్నారు. అమరుల త్యాగాలను స్మరించడమే కాకుండా వారి ఆశయాలను ఆచరణలో పెట్టడమే వారికి నిజమైన నివాళి అన్నారు. అనంతరం ఏఐవైఎఫ్‌ జాతీయ ప్రధాన కార్యదర్శి సుఖ్‌జిందర్‌ మహేశ్వరీ మాట్లాడుతూ.. ఉద్యోగాలు, విద్య, ప్రజాస్వామ్య హక్కులు, సామాజిక న్యాయం కోసం ప్రశ్నిస్తున్న జెన్‌–జీ యువతను దిమాగీ నక్సల్స్‌ అంటూ ముద్ర వేయడం చాలా బాధకరమన్నారు. యువతకు ఉపాధిని హక్కుగా కల్పించేందుకు ఏఐవైఎఫ్‌ ప్రతిపాదిస్తున్న భగత్‌సింగ్‌ జాతీయ ఉపాధి హామీ చట్టాన్ని కేంద్ర ప్రభుత్వం వెంటనే అమలు చేయాలని డిమాండ్‌ చేశారు. అంతకుముందు రాష్ట్ర మహాసభల ఆహ్వాన సంఘం అధ్యక్షుడు యానాల దామోదర్‌రెడ్డి స్వాగతోపన్యాసం చేయగా, సీనియర్‌ నాయకుడు రేగు సిద్దయ్య అమరుల స్థూపానికి నివాళులర్పించారు. అనంతరం ఏఐవైఎఫ్‌ రాష్ట్ర వర్కింగ్‌ ప్రెసిడెంట్‌ నేర్లకంటి శ్రీకాంత్‌ తీర్మానాలను ప్రవేశపెట్టారు. ఈ ప్రతినిధుల సభకు అధ్యక్ష వర్గంగా వలి ఉల్లా ఖాద్రీ, గంగోత్రి, ఉమా, మమత, కునుకుట్ల శంకర్‌, తీర్పారీ వెంకటేశ్వర్లు, బిజ్జా శ్రీనివాసులు, పేరబోయిన మహేందర్‌ వ్యవహరించారు. సౌహార్ధ సందేశాలను ఏఐవైఎఫ్‌ ఏపీ రాష్ట్ర అధ్యక్ష, ప్రధాన కార్యదర్శులు సంతోష్‌ కుమార్‌, యుగంధర్‌, భారత జాతీయ మహిళా సమాఖ్య రాష్ట్ర ప్రధాన కార్యదర్శి ఎన్‌.జ్యోతి, ప్రజానాట్య మండలి రాష్ట్ర అధ్యక్షులు కురుమీద్ది శ్రీనివాస్‌, డీవైఎఫ్‌ఐ రాష్ట్ర ప్రధాన కార్యదర్శి ఆనగంటి వెంకటేష్‌ అందజేశారు. ఈ కార్యక్రమంలో ఏఐవైఎఫ్‌ జాతీయ అధ్యక్షులు రోషన్‌ కుమార్‌ సిన్హా, రాష్ట్ర ప్రధాన కార్యదర్శి కల్లూరి ధర్మేంద్ర, రాష్ట్ర ఆఫీస్‌ బేరర్లు లింగం రవి, టి. సత్యప్రసాద్‌, శ్రీమాన్‌, యుగంధర్‌, చేవూరి కొండల్‌, సీపీఐ జిల్లా సహాయ కార్యదర్శి బోలగాని సత్యనారాయణ, చేడే చంద్రయ్య, రాష్ట్ర కమిటీ సభ్యులు గోద శ్రీరాములు, జిల్లా కార్యవర్గ సభ్యులు కళ్లెం కృష్ణ, బండి జంగమ్మ, కొల్లూరి రాజయ్య, ఏఐవైఎఫ్‌ జిల్లా అధ్యక్షులు నహీం, బద్దుల శ్రీనివాస్‌, శేఖర్‌రెడ్డి, కల్లెపల్లి మహేందర్‌, బబ్బూరి శ్రీధర్‌ తదితరులు పాల్గొన్నారు.

చౌటుప్పల్‌, చిట్యాల : హైదరాబాద్‌–విజయవాడ జాతీయ రహదారి వెంబడి చౌటుప్పల్‌, చిట్యాల పరిధిలోని హోటళ్లు, దాబాలు, రెస్టారెంట్లు, కేఫ్‌లలో బుధవారం ఫుడ్‌ సేఫ్టీ అధికారులు ఆకస్మిక తనిఖీలు నిర్వహించారు. ఉమ్మడి నల్లగొండ జిల్లా అసిస్టెంట్‌ ఫుడ్‌ కంట్రోలర్‌ జ్యోతిర్మయి పర్యవేక్షణలో ఫుడ్‌ సేఫ్టీ అధికారి ఎన్‌. శివశంకర్‌రెడ్డి, జిల్లా డిజిగ్నేటెడ్‌ ఆఫీసర్‌ పి. స్వాతి తనిఖీలు నిర్వహించి ఆహార పదార్థాల నాణ్యత, పరిశుభ్రత, నిల్వ విధానాలను పరిశీలించారు. కుళ్లిన మాంసం.. ఆహార పదార్ధాలు.. చౌటుప్పల్‌ మండలం తూప్రాన్‌పేటలోని చాచా దాబాలో కుళ్లిన మాంసం నిల్వలను అధికారులు గుర్తించారు. ఆహార పదార్థాలను నేలపై పడేయడం, సింథటిక్‌ కలర్స్‌ వినియోగించడం, ఫ్రిజ్‌లలో ఫంగస్‌, పరిసరాలలో మురికి పేరుకుపోవడాన్ని గుర్తించి దాబాను సీజ్‌ చేసి, లైసెన్స్‌ సస్పెండ్‌ చేశారు. కుళ్లిన మాంసం, ఇతర ఆహార పదార్థాలను అక్కడికక్కడే ధ్వంసం చేయడంతో పాటు శాంపిళ్లను పరీక్షల నిమిత్తం ల్యాబ్‌కు తరలించారు.అదేవిధంగా మల్కాపురంలోని సంగం హోటల్‌లోనూ ఫంగస్‌ సోకిన కూరగాయలు, ఉష్ణోగ్రత నియంత్రణ లేని ఫ్రిజ్‌లు, కుళ్లిపోయిన మాంసం, కూరగాయలను గుర్తించి ధ్వంసం చేశారు. చిట్యాల పట్టణంలోని బ్లూఫాక్స్‌ మినర్వా కేఫ్‌లో ఆహార పదార్థాలను సక్రమంగా నిల్వ చేయకపోవటం, గడువు ముగిసిన ఆహార పదార్థాలను నిల్వ ఉంచడం, వంట గదిలో పరిశుభ్రత లోపించడం తదితర అంశాలను అధికారులు గుర్తించారు. ఈ మేరకు 55 కిలోల నాణ్యత లేని ఆహార పదార్థాలను అక్కడికక్కడే ధ్వంసం చేసి నోటీసులు జారీ చేశారు. అంతేకాకుండా ఆహార పదార్థాలకు సంబంధించిన ఆరు నమూనాలను సేకరించి ప్రయోగశాలకు పంపించారు. నిబంధనలు ఉల్లంఘిస్తే కఠిన చర్యలు : అసిస్టెంట్‌ ఫుడ్‌ కంట్రోలర్‌ జ్యోతిర్మయి నాసిరకం ఆహార పదార్థాలతో వ్యాపారం చేయడం ద్వారా ప్రజల ప్రాణాలకు తీవ్ర ముప్పు వాటిల్లే అవకాశం ఉందని ఉమ్మడి జిల్లా అసిస్టెంట్‌ ఫుట్‌ కంట్రోలర్‌ జ్యోతిర్మయి ఆందోళన వ్యక్తం చేశారు. ఆహార తయారీలో నాణ్యతతో పాటు పరిశుభ్రత చాలా ముఖ్యమని స్పష్టం చేశారు. గడువు ముగిసిన ఆహార పదార్థాలను ఎట్టి పరిస్థితుల్లోనూ వినియోగించరాదని, మాంసాన్ని నిల్వ చేసి తిరిగి మరుసటి రోజు వాడుకుంటే కఠిన చర్యలు తప్పవని హెచ్చరించారు. ఫ హైదరాబాద్‌–విజయవాడ హైవేపై గల హోటళ్లు, రెస్టారెంట్లు, దాబాలలో లోపాలను గుర్తించిన అధికారులు ఫ పలు హోటళ్ల సీజ్‌, నోటీసులు జారీ

నాగారం : పాత కక్షలు, భూ తగాదాల నేపథ్యంలో వ్యక్తి దారుణ హత్యకు గురయ్యాడు. ఈ ఘటన నాగారం మండలం డి.కొత్తపల్లి గ్రామంలో బుధవారం సాయంత్రం జరిగింది. స్థానికులు, మృతుడి బంధువులు తెలిపిన వివరాల ప్రకారం.. డి.కొత్తపల్లి గ్రామానికి బయ్యం యాకస్వామి (43), బయ్యం నవీన్‌ వరుసకు చిన్నాన్న, పెద్దనాన్న కొడుకులు. గతంలో వీరి తండ్రులైన బయ్యం భిక్షం, బయ్యం అర్వపల్లి మధ్య భూ పంపకాల సమయంలో అవకతవకలు జరిగానే నెపంతో ఇరు కుటుంబాలు తరచూ గొడవలు పడుతుండేవారు. మంగళవారం బయ్యం యాకస్వామి తన గొర్రెలను వివాదంలో ఉన్న భూమిలో మేపుతుండగా బయ్యం నవీన్‌ తల్లి ధనమ్మ గమనించడంతో ఇద్దరి మధ్య గొడవ జరిగింది. బుధవారం కూడా యాకస్వామి తన గొర్రెలను వివాదాస్పద భూమిలో మేపుతుండగా.. మరోసారి ఇరు కుటుంబాలు ఘర్షణకు దిగారు. ఈ క్రమంలో బయ్యం యాకస్వామి.. నవీన్‌ తల్లిని తిట్టడంతో కోపోద్రిక్తుడైన నవీన్‌ తన దగ్గర ఉన్న గొడ్డలి తీసుకొని యాకస్వామి తలపై బలంగా కొట్టడంతో తలకు బలమైన గాయమై అక్కడే కుప్పకూలాడు. నవీన్‌ భయంతో అక్కడి నుంచి పారిపోయాడు. చుట్టుపక్కల వారు గమనించి పోలీసులకు సమాచారం ఇచ్చారు. పోలీసులు ఘటనా స్థలానికి చేరుకుని యాకస్వామిని చికిత్స నిమిత్తం సూర్యాపేట ఏరియా ఆస్పత్రికి తరలించగా.. అప్పటికే మృతి చెందినట్లు వైద్యులు నిర్ధారించారు. మృతుడికి భార్య, ఇద్దరు కుమార్తెలు, ఒక కుమారుడు ఉన్నారు. ఈ ఘటనపై కేసు నమోదు చేసుకొని దర్యాప్తు చేస్తున్నట్లు ఎస్‌ఐ చిరంజీవి తెలిపారు.

చిట్యాల : ఉపాధి హామీ పనులకు వెళ్లిన కూలీ అస్వస్థతకు గురై మృతి చెందాడు. ఈ ఘటన చిట్యాల మండలం ఎలికట్టె గ్రామంలో బుధవారం జరిగింది. గ్రామస్తులు, మృతుడి కుటుంబ సభ్యులు తెలిపిన వివరాల ప్రకారం.. ఎలికట్టె గ్రామానికి చెందిన గొలనుకొండ లింగయ్య(59) ఉపాధి హామీ పథకంలో భాగంగా చేపట్టిన ఫాం పాండ్‌ పనులు చేస్తుండగా అస్వస్థతకు గురయ్యాడు. తోటి కూలీలు అతడిని చికిత్స నిమిత్తం ఆస్పత్రికి తరలిస్తుండగా మార్గమధ్యలో మృతి చెందాడు. మృతుడికి భార్య, కుమార్తె ఉన్నారు. నిజాయితీ చాటుకున్న కరాటే మాస్టర్‌ హాలియా : ఏటీఎంలో మరొకరు మర్చిపోయిన నగదును తిరిగి అప్పగించి నిజాయితీ చాటుకున్నారు ఓ కరాటే మాస్టర్‌. హాలియాలోని ఎస్‌బీఐ ఏటీఎంలో ఈ నెల 6న సత్యనారాయణరెడ్డి అనే వ్యక్తి రూ.43,000 నగదు డిపాజిట్‌ చేసేందుకు వచ్చారు. ఏటీఎంలో నగదు డిపాజిట్‌ అయిందని భావించిన ఆయన అక్కడి నుంచి వెళ్లిపోయారు. అయితే, ఆ నగదు ఏటీఎం నుంచి తిరిగి బయటకు వచ్చింది. ఆ సమయంలో ఆయన వెనుకనే ఉన్న కరాటే మాస్టర్‌ తంగేళ్ల సత్యనారాయణరాజు ఆ డబ్బును గమనించారు. ఆ రూ.43000 నగదును భద్రంగా తనవద్దే ఉంచుకుని.. బుధవారం ఎస్‌బీఐ మేనేజర్‌ లావూరి మోహన్‌నాయక్‌ సమక్షంలో సంబంధిత వ్యక్తికి అందజేశారు. సత్యనారాయణరాజు నిజాయితీని బ్యాంకు మేనేజర్‌ లావూరి మోహన్‌నాయక్‌ అభినందించారు. ఏఐటీయూసీ రాష్ట్ర కార్యదర్శిగా ఎం.డీ ఇమ్రాన్‌ భువనగిరిటౌన్‌ : కరీంనగర్‌లో జరిగిన ఏఐటీయూసీ రాష్ట్ర 4వ మహాసభల్లో భువనగిరికి చెందిన ఎం.డీ ఇమ్రాన్‌ రెండోసారి ఏఐటీయూసీ రాష్ట్ర కార్యదర్శిగా ఏకగ్రీవంగా ఎన్నికయ్యారు. ఆయన ప్రస్తుతం యాదాద్రి భువనగిరి జిల్లా ఏఐటీయూసీ ప్రధాన కార్యదర్శిగా, సీపీఐ జిల్లా కార్యవర్గ సభ్యుడిగా బాధ్యతలు నిర్వర్తిస్తున్నారు. ఇమ్రాన్‌ ఎంపిక పట్ల స్థానిక కార్మిక వర్గాలు, ఏఐటీయూసీ నాయకులు హర్షం వ్యక్తం చేశారు. అప్పుల బాధతో కౌలు రైతు ఆత్మహత్యచండూరు : అప్పుల బాధతో పురుగుల మందు తాగి కౌలు రైతు ఆత్మహత్య చేసుకున్నాడు. ఈ ఘటన చండూరు మండలం బోడంగిపర్తిలో బుధవారం జరిగింది. బోడంగిపర్తి గ్రామానికి చెందిన మహ్మద్‌ జానీ(42) తనకున్న అర ఎకరంతో పాటు మరో 10 ఎకరాలు కౌలుకు తీసుకుని పత్తి పంట సాగు చేస్తున్నాడు. ఈ సంవత్సరం వర్షాలు సరిగా పడకపోవడంతో పంట పూర్తిగా వాడుపట్టి ఎండుతుందని తీవ్ర మనోవేదనకు గురయ్యాడు. గతేడాది, ఈసారి కలిసి రూ.6 లక్షల వరకు అప్పు చేశాడు. ఈ ఏడాది కూడా పంట చేతికి రాదని గ్రహించిన ఆయన అప్పులు కట్టే మార్గం లేక బుధవారం సాయంత్రం వ్యవసాయ భూమి వద్ద పురుగుల మందు తాగాడు. చుట్టుపక్కల రైతుల సమాచారం మేరకు కుటుంబ సభ్యులు ఘటనా స్థలానికి చేరుకుని ఆటోలో జానీని మునుగోడు ఆస్పత్రికి.. అక్కడి నుంచి అంబులెన్స్‌లో నల్లగొండ ప్రభుత్వాస్పత్రికి తరలించగా చికిత్స పొందుతూ మృతిచెందాడు. మృతుడికి భార్య, ముగ్గురు కుమారులు ఉన్నారు. బైక్‌, ఆటో ఢీ.. ఒకరు మృతిమేళ్లచెరువు : బైక్‌, ఆటో ఎదురెదురుగా ఢీకొనడంతో వ్యక్తి మృతిచెందాడు. ఈ ఘటన చింతలపాలెం మండలం శోభనాద్రిపురం పరిధిలో బుధవారం జరిగింది. స్థానికులు తెలిపిన వివరాల ప్రకారం.. శోభనాద్రిగూడెం గ్రామానికి చెందిన ఆకారపు సత్యనారాయణ(35) మేళ్లచెరువులో నివాసముంటూ స్థానికంగా ఓ సిమెంట్‌ పరిశ్రమలో పనిచేస్తున్నాడు. బుధవారం తన అత్తగారి ఊరైన చింత్రియాలకు వెళ్లి తిరిగి వస్తుండగా.. శోభనాద్రిగూడెం గ్రామ పరిధిలోకి రాగానే రోడ్డు మధ్యలో ఉన్న గోతినితప్పించబోయి ఎదురుగా వచ్చిన ఆటోను ఢీకొట్టాడు. ఈ ప్రమాదంలో సత్యనారాయణ తలకు తీవ్ర గాయమైంది. ఆస్పత్రికి తరలిస్తుండగా మార్గమధ్యలో మృతిచెందాడు. ఈ మేరకు కేసు నమోదు చేసినట్లు ఎస్‌ఐ పరమేష్‌ తెలిపారు. మృతుడికి భార్య ఉంది.

నకిరేకల్‌ : రాష్టంలో కాంగ్రెస్‌ పాలనలో శాంతిభద్రతలు అదుపుతప్పాయని నకిరేకల్‌ మాజీ ఎమ్మెల్యే చిరుమర్తి లింగయ్య ఆరోపించారు. బుధవారం రాత్రి ఆయన నకిరేకల్‌లో విలేకరులతో మాట్లాడారు. మాజీ సీఎం కేసీఆర్‌ చావును కోరుతూ చావు డప్పు కొట్టించి ఆయనపై హత్యాయత్నానికి పాల్పడం చూస్తే సీఎం రేవంత్‌రెడ్డి, డీజీపీ కనుసన్నల్లోనే ఈ తతంగం జరిగిందని అనిపిస్తోందన్నారు. రేవంత్‌రెడ్డి సీఎం హోదాలో ఉండి కూడా అనేక సందర్భాల్లో బండబూతులు మాట్లాడతున్నారని అన్నారు. కేసీఆర్‌ చావును కోరడం ఎంతవరకు సమంజసమన్నారు. నకిరేకల్‌ ఎమ్మెల్యే వేముల వీరేశంకు కూడా రాజకీయ భిక్ష పెట్టింది కేసీఆరే అని గుర్తుంచుకోవాలన్నారు. ఆలేరు ఎమ్మెల్యే బీర్ల ఐలయ్య కూడా తన ఇష్టమొచ్చినట్లు మాట్లాడుతున్నారన్నారు. వీరందరు కూడా కేసీఆర్‌ రాజకీయ భిక్షతో వచ్చి ఆయనపైనే విమర్శలు చేయడం సరికాదన్నారు. సీఎం రేవంత్‌రెడ్డి తన 1000 రోజుల పాలనలో ఘోరంగా విఫలమయ్యారని, బీఆర్‌ఎస్‌ శ్రేణులు వెళ్లి ఆయన ఇంటి ముందు చావు డప్పు కొట్టలేమా అని ప్రశ్నించారు. ఇకనైనా రేవంత్‌రెడ్డి ఇలాంటి నీచమైన పనులకు ఒడిగట్టకుండా అసెంబ్లీని సజావుగా నడపాలని కోరారు. ఫ నకిరేకల్‌ మాజీ ఎమ్మేల్యే చిరుమర్తి లింగయ్య

మేళ్లచెరువు : చేపల వేటకు వెళ్లిన వ్యక్తి ప్రమాదవశాత్తు నీటిలో మునిగి మృతి చెందాడు. ఈ ఘటన మేళ్లచెరువు కేంద్రంలోని ఎన్‌ఎస్‌పీ ముక్త్యాల బ్రాంచ్‌ కెనాల్‌ వద్ద మంగళవారం సాయంత్రం జరిగింది. బుధవారం పోలీసులు తెలిపిన వివరాల ప్రకారం.. ఏపీలోని పల్నాడు జిల్లా సత్తెనపల్లి పట్టణానికి చెందిన బోగం ఏసుబాబు (30) రెండు రోజుల క్రితం మేళ్లచెరువు మండల కేంద్రంలోని బంధువుల ఇంటికి వచ్చాడు. ఏసుబాబుతో పాటు అతడి బంధువులైన ఏడుకొండలు, ప్రవీణ్‌ కలిసి మంగళవారం సాయంత్రం మేళ్లచెరువు మండల కేంద్రం పరిధిలోని ఎన్‌ఎస్‌పీ ముక్త్యాల బ్రాంచ్‌ కాలువలో చేపలు పట్టడానికి వెళ్లారు. ఈ క్రమంలో ఏసుబాబు వల విసరగా, అది నీటిలో ఎక్కడో చిక్కుకుంది. ఆ వలను బయటికి తీసేందుకు ఏసుబాబు కాలువలోకి దిగాడు. ఆ సమయంలో నీటి ప్రవాహం ఎక్కువగా ఉండడంతో ఆయన కాలుజారి నీటిలో మునిగి మృతి చెందాడు. బుధవారం మృతుడి భార్య ఫిర్యాదు మేరకు కేసు నమోదు చేసినట్లు ఎస్‌ఐ నవీన్‌కుమార్‌ తెలిపారు. రైలు కింద పడి దుర్మరణంమిర్యాలగూడ : విష్ణుపురం–కొండ్రపోల్‌ రైల్వేస్టేషన్ల మధ్య బుధవారం సాయంత్రం సుమారు 50 నుంచి 55 సంవత్సరాల వయస్సు కలిగిన గుర్తుతెలియని వ్యక్తి రైలు కింద పడి మృతిచెందాడు. మృతుడు పచ్చ రంగు చొక్కా, నలుపు రంగు ప్యాంట్‌ ధరించి ఉన్నాడని రైల్వే ఎస్‌ఐ రామకృష్ణ అన్నారు. నల్లగొండ రైల్వే స్టేషన్‌ మాస్టర్‌ అభినవ్‌కుమార్‌ ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు తెలిపారు. మృతుడి వివరాలు తెలిసినవారు 87126 58595, 87125 13805 నంబర్లకు సమాచారం అందించాలని సూచించారు.

సూర్యాపేట టౌన్‌ : కోదాడ పట్టణంలో తాళాలు వేసిన ఇళ్లను లక్ష్యంగా చేసుకుని వరుస చోరీలకు పాల్పడుతున్న దొంగను కోదాడ పట్టణ, సీసీఎస్‌ పోలీసులు అరెస్ట్‌ చేశారు. ఈ కేసుకు సంబంధించిన వివరాలను సూర్యాపేట ఎస్పీ కె. నరసింహ బుధవారం జిల్లా పోలీస్‌ కార్యాలయంలో ఏర్పాటు చేసిన మీడియా సమావేశంలో వెల్లడించారు. హైదరాబాద్‌లోని జగద్గిరిగుట్టకు చెందిన పట్నంశెట్టి రాజు అలియాస్‌ రాజిరెడ్డి కారు డ్రైవర్‌గా పనిచేస్తూ, సులభంగా డబ్బు సంపాదించాలనే ఉద్దేశంతో దొంగతనాల బాటపట్టాడు. 2021 నుంచి కోదాడలో మొత్తం 10 ఇళ్లలో చోరీలు చేయగా, ఈ ఏడాదిలోనే ఏడు ఇళ్లలో దొంగతనాలు చేశాడు. హైదరాబాద్‌ నుంచి ప్రయాణికులను కోదాడకు తీసుకొచ్చిన అనంతరం రాత్రి వేళ అక్కడే ఉండి, కారును నిర్మానుష్య ప్రాంతంలో పార్కింగ్‌ చేసేవాడు. తెల్లవారుజామున తాళాలు వేసి ఉన్న ఇళ్లను గుర్తించి, స్క్రూడ్రైవర్‌తో తాళాలు పగులగొట్టి బంగారం, వెండి, నగదును అపహరించేవాడు. పోలీసులకు చిక్కకుండా ఉండేందుకు తన కారు అసలు నంబర్‌కు బదులుగా నకిలీ నంబర్‌ ప్లేట్‌ను ఉపయోగించేవాడు. బుధవారం ఉదయం కోదాడ పట్టణంలో చేపట్టిన పోలీసులు వాహనాలు తనిఖీ చేస్తుండగా.. పోలీసులను చూసి తప్పించుకునేందుకు ప్రయత్నించిన రాజిరెడ్డిని అదుపులోకి తీసుకున్నట్లు ఎస్పీ తెలిపారు. నిందితుడి కారును తనిఖీ చేయగా 37.2 తులాల బంగారం, 470 గ్రాముల వెండి, రూ.3.60 లక్షల నగదు లభించిందన్నారు. వాటి విలువ సుమారు రూ.60 లక్షలు ఉంటుందని తెలిపారు. దొంగతనాలకు ఉపయోగించిన స్క్రూడ్రైవర్లు, షూ సాక్స్‌లు, కారు, సెల్‌ఫోన్‌ను స్వాధీనం చేసుకున్నట్లు ఎస్పీ వెల్లడించారు. దొంగిలించిన ఆభరణాల్లో కొన్నింటిని విక్రయించగా, మరికొన్నింటిని కరిగించారని, ఇంకొన్నింటిని ఫైనాన్స్‌ సంస్థల్లో కుదవపెట్టి వచ్చిన డబ్బును వ్యక్తిగత అవసరాలకు ఉపయోగించినట్లు అదేవిధంగా అప్పుల చెల్లింపులకు వినియోగించినట్లు తమ విచారణలో తేలిందని తెలిపారు. నిందితుడిని అరెస్ట్‌ చేసి రిమాండ్‌కు తరలించినట్లు ఎస్పీ పేర్కొన్నారు. ఫ రూ.60 లక్షల విలువైన సొత్తు స్వాధీనం ఫ వివరాలు వెల్లడించిన సూర్యాపేట జిల్లా ఎస్పీ నరసింహ

కనగల్‌ : గణేష్‌ నవరాత్రి ఉత్సవాల సందర్భంగా బుధవారం కనగల్‌, చండూరు, మునుగోడు, గట్టుప్పల్‌ మండలాలకు చెందిన 30 మంది పాత నేరస్తులను పోలీసులు బైండోవర్‌ చేశారు. తొలుత కనగల్‌ పోలీస్‌ స్టేషన్‌లో చండూరు సీఐ రాము వారికి కౌన్సిలింగ్‌ నిర్వహించారు. గణేష్‌ నవరాత్రి ఉత్సవాలు ప్రశాంత వాతావరణంలో జరిగేందుకు సహకరించాలన్నారు. అనంతరం ఆయా మండలాల తహసీల్దార్ల ఎదుట పాత నేరస్తులను బైండవర్‌ చేశారు. ఈ కార్యక్రమంలో ఎస్‌ఐలు కె. రాజీవ్‌రెడ్డి, శివకుమార్‌, శోభన్‌బాబు పాల్గొన్నారు.

మెట్ల మార్గంలో పైకప్పు నిర్మాణానికి శంకుస్థాపనఐఐటీ–హెచ్‌ను సందర్శించిన ఎంజీయూ అధ్యాపకులు ఫ అక్టోబర్‌ 1 నుంచి పంజాబ్‌లో జరిగే జాతీయ స్థాయి టీ10 పోటీలకు ఎంపిక సంస్థాన్‌ నారాయణపురం : పట్టుదల, నిరంతర సాధనతో సంస్థాన్‌ నారాయణపురం గ్రామానికి చెందిన యువ క్రీడాకారుడు సుక్క గిరిబాబు జాతీయ స్థాయి క్రికెట్‌ పోటీలకు ఎంపికయ్యారు. ఈ నెల 7న హైదరాబాద్‌లో జరిగిన రాష్ట్ర స్థాయి టీ–10 క్రికెట్‌ ఎంపిక పోటీల్లో ఆయన అత్యుత్తమ ప్రతిభ కనబరిచారు. దీంతో టీ–10 క్రికెట్‌ ఫెడరేషన్‌ ఆఫ్‌ ఇండియా ఆధ్వర్యంలో పంజాబ్‌లోని బటాలాలో అక్టోబర్‌ 1 నుంచి 4వ తేదీ వరకు జరగనున్న 3వ సీనియర్‌ నేషనల్‌ టీ–10 క్రికెట్‌ ఛాంపియన్‌షిప్‌లో పాల్గొనే అవకాశం దక్కించుకున్నారు. గ్రామం నుంచే క్రీడా ప్రస్థానం.. న్ననాటి నుంచే క్రీడలపై ఆసక్తి పెంచుకున్న గిరిబాబు.. చదువుతో పాటు ఆటల్లోనూ రాణిస్తూ వస్తున్నారు. నారాయణపురంలోని జెడ్పీహెచ్‌ఎస్‌లో పాఠశాల విద్యను, స్థానిక ప్రభుత్వ జూనియర్‌ కళాశాలలో ఇంటర్మీడియట్‌ పూర్తి చేశారు. చౌటుప్పల్‌లోని మాతశ్రీ డిగ్రీ కళాశాలలో డిగ్రీ చదివారు. క్రీడలనే భవిష్యత్తుగా ఎంచుకుని తంగడపల్లిలోని కళాశాలలో బీపీఈడీ, ఎంపీఈడీ అభ్యసిస్తూనే క్రికెట్‌లో ప్రత్యేక శిక్షణ తీసుకున్నారు. జాతీయ స్థాయిలో సత్తా చాటేందుకు.. రాష్ట్ర స్థాయి ఎంపికల్లో సత్తా చాటి జాతీయ స్థాయికి ఎంపికై న గిరిబాబు.. పంజాబ్‌లో జరిగే సీనియర్‌ నేషనల్‌ ఛాంపియన్‌షిప్‌ కోసం ముమ్మరంగా సన్నద్ధమవుతున్నారు. అక్కడ కూడా అత్యుత్తమ ప్రతిభ కనబరిచి ఉన్నత శిఖరాలను అధిరోహించాలనే లక్ష్యంతో ఉన్నారు. సాధారణ గ్రామీణ నేపథ్యం నుంచి జాతీయ స్థాయికి ఎదగడం పట్ల గ్రామస్తులు, యువత హర్షం వ్యక్తం చేస్తున్నారు. గిరిబాబు ఎంపిక పట్ల పలువురు ప్రజాప్రతినిధులు, క్రీడాకారులు, గ్రామ పెద్దలు, స్నేహితులు అభినందనలు తెలిపారు. జాతీయ స్థాయిలోనూ రాణించి గ్రామానికి మంచి పేరు తీసుకురావాలని ఆకాంక్షించారు. క్రికెట్‌ ఆడుతున్న గిరిబాబు వందేళ్ల పుట్టినరోజు వేడుకలుచిలుకూరు : మండలంలోని నారాయణపురం గ్రామానికి చెందిన రెణబోతు రాములమ్మ వందేళ్ల పుట్టినరోజు వేడుకలను కుటుంబ సభ్యులు బుధవారం ఘనంగా నిర్వహించారు. ఈ సందర్భంగా కేక్‌ కట్‌ చేశారు. వేడుకల్లో ఆమె ఇద్దరు కొడుకులు, నలుగురు కూతుళ్లు, మనవళ్లు, మునిమనవలు, మనవరాళ్లు, మునిమనవరాళ్లు పాల్గొన్నారు.యాదగిరిగుట్ట : యాదగిరి లక్ష్మీనరసింహస్వామి క్షేత్రంలో వైకుంఠద్వారం నుంచి కొండపైకి వెళ్లే మెట్ల మార్గం వరకు భక్తులకు నీడను కల్పించేందుకు ఏర్పాటు చేయనున్న పైకప్పు(టెన్సిల్‌ కానోపి) పనులకు బుధవారం ఈఓ భవానీశంకర్‌ ఆధ్వర్యంలో శంకుస్థాపన చేశారు. ఈ సందర్భంగా ఈఓ మాట్లాడుతూ.. ఎం.ఎస్‌. అగర్వాల్‌ ఫౌండ్రీస్‌ సంస్థ తరఫున ప్రమోద్‌ అగర్వాల్‌ రూ.1.50 కోట్లతో ఈ పైకప్పు నిర్మాణ పనులను చేయిస్తున్నారని వెల్లడించారు. సదరు కంపెనీ ప్రెసిడెంట్‌ సుజయ్‌ సమక్షంలో ఈ శంకుస్థాపన పూజలు నిర్వహించినట్లు ఆయన పేర్కొన్నారు. భక్తులకు ఎలాంటి ఇబ్బందులు కలగకుండా త్వరలోనే ఈ పనులను ప్రారంభించి, పూర్తి చేయనున్నట్లు ఈఓ వివరించారు. నల్లగొండ టూటౌన్‌ : మహాత్మాగాంధీ యూనివర్సిటీ (ఎంజీయూ) అధ్యాపకుల బృందం మంగళవారం హైదరాబాద్‌లోని ఇండియన్‌ ఇన్‌స్టిట్యూట్‌ ఆఫ్‌ టెక్నాలజీ (ఐఐటీ) హైదరాబాద్‌ను సందర్శించారు. ఈ పర్యటనలో భాగంగా ఐఐటీలోని వివిధ విభాగాలలో కొనసాగుతున్న అత్యాధునిక పరిశోధనలు, అక్కడ అందుబాటులో ఉన్న మెరుగైన విద్యా వసతుల గురించి అక్కడి ప్రొఫెసర్లను అడిగి తెలుసుకున్నారు. భవిష్యత్తులో ఎంజీయూ, ఐఐటీహెచ్‌ సంయుక్తంగా చేపట్టదగిన పరిశోధనా అంశాలపై అధ్యాపకులు చర్చించారు. ఈ పర్యటనలో ప్రిన్సిపాళ్లు అరుణప్రియ, హరీష్‌కుమార్‌, వై. ప్రశాంతి తదితరులు పాల్గొన్నారు.ప్రస్తుతం గిరిబాబు నారాయణపురం గిరిజన గురుకుల పాఠశాలలో కాంట్రాక్ట్‌ పద్ధతిన పీఈటీగా విధులు నిర్వర్తిస్తున్నారు. ఓ వైపు ఉద్యోగ బాధ్యతలు చూసుకుంటూనే, మరోవైపు లక్ష్య సాధన కోసం మైదానంలో నిరంతరం శ్రమిస్తున్నారు. విధులు ముగిసిన తర్వాత క్రికెట్‌ ప్రాక్టీస్‌కు సమయం కేటాయిస్తూ తన ఆటతీరును మెరుగుపరుచుకుంటూ ఈ స్థాయికి చేరుకున్నారు.

ఆలేరురూరల్‌ : బైక్‌పై వెళ్తున్న ఇద్దరు యువకులను గుర్తుతెలియని వాహనం ఢీకొనడంతో మృతిచెందారు. ఈ ఘటన హైదరాబాద్‌–వరంగల్‌ జాతీయ రహదారిపై ఆలేరు పట్టణ శివారులో బుధవారం తెల్లవారుజామున జరిగింది. పోలీసులు తెలిపిన వివరాల ప్రకారం.. యాదాద్రి భువనగిరి జిల్లా మోత్కూరు మండలం రాగిబావి గ్రామానికి చెందిన రాంపాక శ్రీధర్‌(23) హైదరాబాద్‌లోని నేరేడ్‌మెట్‌లో హాస్టల్‌లో ఉంటూ ప్రైవేట్‌ ఉద్యోగం చేస్తున్నాడు. జనగామ జిల్లా స్టేషన్‌ ఘన్‌పూర్‌కు చెందిన కలకోటి నివాస్‌(22) కూడా పెయింటింగ్‌ పనిచేస్తూ అదే హాస్టల్‌లో ఉంటున్నాడు. శ్రీధర్‌, నివాస్‌ స్నేహితులు. వారిద్దరు బుధవారం తెల్లవారుజామున హైదరాబాద్‌ నుంచి స్టేషన్‌ ఘనపూర్‌కు బైక్‌పై వెళ్తుండగా.. మార్గమధ్యలో హైదరాబాద్‌–వరంగల్‌ జాతీయ రహదారిపై ఆలేరు పట్టణ శివారులోని భాను మెస్‌ సమీపంలోకి రాగానే గుర్తుతెలియని వాహనం బైక్‌ను ఢీకొట్టింది. ఈ ప్రమాదంలో శ్రీధర్‌, నివాస్‌ అక్కడికక్కడే మృతిచెందారు. సమాచారం తెలుసుకున్న పోలీసులు ఘటనా స్థలానికి చేరుకుని ఇద్దరి మృతదేహాల్ని ఆలేరు ప్రభుత్వాస్పత్రికి తరలించారు. మృతుడు శ్రీధర్‌ తండి పాపయ్య ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌హెచ్‌ఓ ఉదయ్‌కిరణ్‌ తెలిపారు. ఫ ఇద్దరు యువకులు దుర్మరణం

భువనగిరి (బీబీనగర్‌) : మానసిక సమస్యలపై సమాజంలో ఉన్న అపోహలను నిరంతరం చర్చించడం ద్వారానే తొలగించవచ్చని బీబీనగర్‌ ఎయిమ్స్‌ డైరెక్టర్‌ అమితా అగర్వాల్‌ అన్నారు. బుధవారం బీబీనగర్‌ ఎయిమ్స్‌లో నిర్వహించిన ఆత్మహత్యల నివారణ వారోత్సవాల ముగింపు కార్యక్రమంలో ఆమె పాల్గొని మాట్లాడారు. మానసిక ఒత్తిడి, తీవ్ర కుంగుబాటుకు గురైన వారు ఏమాత్రం ఆలస్యం చేయకుండా వెంటనే వైద్యుల సహాయం తీసుకోవాలని సూచించారు. ఈ సందర్భంగా తీవ్ర మానసిక ఆందోళనకు గురవుతున్న వారిని ముందస్తుగానే గుర్తించేలా ఎంబీబీఎస్‌, నర్సింగ్‌ విద్యార్థులకు ‘గేట్‌ కీపర్‌ ట్రైనింగ్‌’ పేరిట ప్రత్యేక శిక్షణ తరగతులు నిర్వహించారు. అనంతరం ‘వాల్‌ ఆఫ్‌ హోప్‌’ కార్యక్రమాన్ని ప్రారంభించారు. ఈ వేడుకల్లో విద్యార్థులు ప్రదర్శించిన నాటిక ఎంతగానో ఆకట్టుకుంది. అనంతరం వారోత్సవాల సందర్భంగా నిర్వహించిన వివిధ పోటీల్లో ప్రతిభ కనబర్చిన విద్యార్థులకు బహుమతులు అందజేశారు. ఈ కార్యక్రమంలో ఆస్పత్రి సూపరింటెండెంట్‌ డాక్టర్‌ మహేశ్వర లక్కిరెడ్డితో పాటు పలువురు వైద్యులు, విద్యార్థులు తదితరులు పాల్గొన్నారు. ఫ బీబీనగర్‌ ఎయిమ్స్‌ డైరెక్టర్‌ అమితా అగర్వాల్‌

భువనగిరిటౌన్‌ : జిల్లాలోని అన్ని కోర్టుల్లో ఈ నెల 12న శనివారం జాతీయ లోక్‌ అదాలత్‌ నిర్వహించనున్నట్లు జిల్లా న్యాయసేవా అధికార సంస్థ కార్యదర్శి వి.మాధవీలత తెలిపారు. లోక్‌ అదాలత్‌ ఏర్పాట్లపై బుధవారం ఆమె పోలీస్‌ అధికారులు, న్యాయవాదులతో ఆమె సమీక్ష నిర్వహించారు. జిల్లాలోని అన్ని పోలీస్‌ స్టేషన్ల ఎస్‌హెచ్‌ఓలు, డీసీఆర్‌బీ ఇన్‌స్పెక్టర్‌ హనుమంతుతో వీడియో కాన్ఫరెన్స్‌ నిర్వహించి మాట్లాడారు. భువనగిరి బార్‌ అసోసియేషన్‌లో సభ్యులతో సమావేశమయ్యారు. కార్యక్రమంలో అసోసియేషన్‌ అధ్యక్షుడు ఎన్‌.విద్యాసాగర్‌, న్యాయవాదులు పాల్గొన్నారు. 15 వరకు ఓపెన్‌ స్కూల్‌ దరఖాస్తుల గడువుభువనగిరి : ఓపెన్‌ స్కూల్‌ సొసైటీ ద్వారా పదో తరగతి, ఇంటర్మీడియట్‌ చదివేందుకు 2026–27 విద్యా సంవత్సరానికి ఎటువంటి అపరాద రుసుము లేకుండా ఈ నెల 15వ తేదీ వరకు గడువు ఉందని తెలంగాణ ఓపెన్‌ స్కూల్‌ సొసైటీ రాష్ట్ర కోఆర్డినేటర్‌ అరుంధతి తెలిపారు. బుధవారం ఆమె భువనగిరికి వచ్చిన సందర్భంగా ఓపెన్‌ స్కూల్‌కు సంబంధించిన పోస్టర్‌ను డీఆర్‌డీఓ నాగిరెడ్డి, డీఈఓ భిక్షపతి, డీఐఈఓ సురేష్‌రెడ్డిలతో కలిసి ఆవిష్కరించి మాట్లాడారు. ఈ కార్యక్రమంలో జిల్లా కమ్యూనిటీ మొబిలైజేషన్‌ అధికారి పెసరు లింగారెడ్డి తదితరులు పాల్గొన్నారు. ‘మల్టీ ట్రాకింగ్‌ ప్రాజెక్టు’కు ఆమోదం హర్షణీయంసాక్షి యాదాద్రి : ఘట్కేసర్‌ నుంచి ఖాజీపేట వరకు రైల్వే మార్గాన్ని నాలుగు లైన్లుగా విస్తరించే మల్టీ ట్రాకింగ్‌ ప్రాజెక్టుకు కేంద్ర మంత్రివర్గం ఆమోదం తెలపడం పట్ల భువనగిరి మాజీ ఎంపీ డాక్టర్‌ బూర నర్సయ్య గౌడ్‌ బుధవారం ఒక ప్రకటనలో హర్షం వ్యక్తం చేశారు. పెరుగుతున్న ప్రయాణికుల రద్దీ, సరుకు రవాణా అవసరాలను దృష్ట్యా ప్రధాని నరేంద్రమోదీ అధ్యక్షతన జరిగిన కేంద్ర కేబినెట్‌ సమావేశంలో ఈ ప్రాజెక్టుకు రూ.2,419 కోట్ల నిధులను మంజూరు చేస్తూ నిర్ణయం తీసుకోవడం శుభపరిణామమని పేర్కొన్నారు. ఈ ప్రాజెక్టు అందుబాటులోకి వస్తే ఖాజీపేట వరకు సబర్బన్‌ రైలు సర్వీసుల విస్తరణకు మార్గం సుగమమవుతుందని తెలిపారు. తాజా నిర్ణయంతో ఘట్కేసర్‌–ఖాజీపేట మార్గంలో అదనపు లైన్లు ఏర్పాటు కానున్నాయని పేర్కొన్నారు. ఈ మల్టీ ట్రాకింగ్‌ పనులను 2029 నాటికి పూర్తి చేయాలనే స్పష్టమైన లక్ష్యంతో కేంద్ర ప్రభుత్వం ముందుకు సాగుతోందని వెల్లడించారు. నిధులు కేటాయించినందుకు ప్రధానమంత్రి నరేంద్రమోదీకి, కేంద్ర మంత్రివర్గానికి ప్రత్యేక కతజ్ఞతలు తెలియజేశారు.

వినాయక చవితి ఉత్సవాల వేళ ఎలాంటి విద్యుత్‌ ప్రమాదాలు జరగకుండా ప్రజలు, ఉత్సవ నిర్వాహకులు తగిన భద్రతా నిబంధనలు పాటించాలని టీజీఎస్పీడీసీఎల్‌ విజ్ఞప్తి చేసింది. పండుగ సంబరాల్లో విద్యుత్‌ భద్రతపై సంస్థ ప్రత్యేక అవగాహన మార్గదర్శకాలను విడుదల చేసింది. భువనగిరిటౌన్‌ : వినాయక చవితి ఉత్సవాలను పురస్కరించుకుని మండపాల ఏర్పాటు, నిమజ్జన ఊరేగింపుల కోసం నిర్వాహకులు పోలీస్‌ స్టేషన్ల చుట్టూ తిరగాల్సిన అవసరం లేకుండా పోలీసు శాఖ సాంకేతిక సేవలను అందుబాటులోకి తీసుకొచ్చింది. ఉత్సవాల నిర్వహణ అనుమతుల కోసం ప్రత్యేకంగా తెలంగాణ రాష్ట్ర పోలీస్‌ శాఖ ఈ–పోర్టల్‌ సేవలను ప్రారంభించింది. డిజిటల్‌ ఎన్‌ఓసీ పొందే విధానం పోలీసు శాఖ మార్గదర్శకాలు ● ప్రధాన రహదారులు, రద్దీ కూడళ్లలో పాదచారులు, వాహనాల రాకపోకలకు ఎలాంటి ఆటంకం కలగకుండా మండపాలు ఏర్పాటు చేయాలి. ● మండపాల వద్ద పూజా సామగ్రి, అగ్గిపెట్టెలు, హారతుల విషయంలో అప్రమత్తంగా ఉండాలి. అగ్నిమాపక జాగ్రత్తలు అందుబాటులో ఉంచాలి. ● అనుమతించిన సమయంలో మాత్రమే మైకులు వాడాలి. డీజేలు, అధిక శబ్ధాలు చేసే స్పీకర్లను పూర్తిగా నివారించి ధ్వని కాలుష్య నిబంధనలు పాటించాలి. ● స్థానిక ప్రజలకు ఎలాంటి అసౌకర్యం కలిగించకుండా ఉత్సవాలను ప్రశాంత వాతావరణంలో నిర్వహించాలి. ● ఏవైనా సమస్యలు లేదా అనుమానాస్పద పరిస్థితులు ఎదురైతే నిర్వాహకులు, ప్రజలు డయల్‌ 100 లేదా 112 నంబర్లకు ఫోన్‌ చేసి పోలీసుల సహకారం తీసుకోవాలి. నిర్వాహకులు పాటించాల్సిన జాగ్రత్తలు ● విద్యుత్‌ లైన్లకు తగినంత దూరంలో మాత్రమే మండపాలను ఏర్పాటు చేయాలి. లైన్ల కింద లేదా వాటికి దగ్గరగా మండపాలు, అలంకరణలు చేయొద్దు. ● విద్యుత్‌ తీగలను తాకేలా ఎలాంటి లైటింగ్‌, స్వాగత తోరణాలు ఏర్పాటు చేయొద్దు. ● విద్యుత్‌ స్తంభాలకు జెండాలు, బ్యానర్లు, అలంకరణ సామగ్రి కట్టడం అత్యంత ప్రమాదకరం. ● ప్రతి మండపంలో సరైన ఎర్తింగ్‌ ఉండేలా చూసుకోవడంతో పాటు షార్ట్‌ సర్క్యూట్లు, షాక్‌ నివారణకు ఈఎల్సీబీ లేదా ఆర్సీసీబీ పరికరాలను తప్పనిసరిగా అమర్చాలి. ● ఎక్కడైనా తీగలు తెగిపడినా, స్పార్కింగ్‌ లేదా విద్యుత్‌ లీకేజీ గమనించినా వెంటనే అధికారులకు తెలపాలి. ఫ సాంకేతిక సేవలను అందుబాటులోకి తీసుకొచ్చిన పోలీసు శాఖ ఫ డిజిటల్‌ ఎన్‌ఓసీ పత్రాన్ని నేరుగా డౌన్‌లోడ్‌ చేసుకునే అవకాశం

యోగాసన పోటీల్లో పాల్గొన్న క్రీడాకారులు భువనగిరి : యోగాసనాల ద్వారా క్రీడాకారుల్లో ఏకాగ్రత పెరుగుతుందని భువనగిరి కేంద్రీయ విద్యాలయం ప్రిన్సిపాల్‌ చంద్రమౌళి అన్నారు. బుధవారం భువనగిరిలోని కేంద్రీయ విద్యాలయంలో 55వ కేవీఎస్‌ 2026–27 జాతీయ క్రీడాపోటీలు ప్రారంభించి మాట్లాడారు. విద్యార్థుల సాంస్కృతిక కార్యక్రమాలు ఆకట్టుకున్నారు. తొలిరోజు యోగాసనాల విభాగంలో బాలుర అండర్‌–14, 17, 19 విభాగాల్లో పోటీలు కొనసాగాయి. కార్యక్రమంలో కేవీ ఉపాధ్యాయులు, క్రీడాకారులు పోల్గొన్నారు.

ఈయన గుండాల మండలం నూనెగూడెం గ్రామానికి చెందిన మలిపెద్ది మాధవరెడ్డి. తన తల్లి పేరిట నకిలీ మరణ ధ్రువీకరణ పత్రం సృష్టించి, తహసీల్దార్‌ సహకారంతో 4 ఎకరాల 1 గుంట భూమిని తన బంధువు అక్రమంగా పట్టా చేసుకున్నాడని ఆధారాలతో ఫిర్యాదు చేసినా ఇంత వరకు అతడిపై చర్యలు తీసుకోలేదని మాధవరెడ్డి పేర్కొంటున్నాడు. ఇలా పరిష్కారానికి నోచుకోని ప్రజావాణి ఫిర్యాదులో జిల్లావ్యాప్తంగా 71 శాతం ఉన్నాయి. సాక్షి, యాదాద్రి : ప్రజా సమస్యల పరిష్కారానికి ఏర్పాటు చేసిన ప్రజావాణి కార్యక్రమం నామమాత్రంగా మారిందన్న విమర్శలు వెల్లువెత్తుతున్నాయి. హైదరాబాద్‌ ప్రజాభవన్‌, జిల్లా కలెక్టరేట్‌, ఆర్డీఓ, ఎంపీడీఓ కార్యాలయాల్లో నిర్వహిస్తున్న ఈ కార్యక్రమంలో ప్రజలు పెద్ద ఎత్తున ఫిర్యాదులు చేస్తున్నా, వాటికి సరైన పరిష్కారం లభించడం లేదని అసంతృప్తి వ్యక్తమవుతోంది. అయితే 2023 డిసెంబర్‌ 12 నుంచి 2026 సెప్టెంబర్‌ 09 వరకు మొత్తం 2,152 దరఖాస్తులు రాగా అందులో కేవలం 624 (29 శాతం) పరిష్కరించారు. మిగతావి పెండింగ్‌లోనే ఉన్నాయి. ఇందులో రెవెన్యూ శాఖకు వచ్చిన భూ సమస్యల ఫిర్యాదులే అధికంగా ఉండడం గమనార్హం. 2023 డిసెంబర్‌ 12 నుంచి ఇప్పటి వరకు వచ్చిన దరఖాస్తులు మొత్తం దరఖాస్తులు 2,152 పరిష్కరించినవి 624 పెండింగ్‌లో ఉన్నవి 1,528 చర్యలు ప్రారంభించినవి 1,432ప్రజావాణి అర్జీలపై అలసత్వం ఫ సమస్యలు విని పెడచెవిన పెడుతున్న అధికారులు ఫ రెండున్నరేళ్లలో వచ్చిన అర్జీలు 2,152 ఫ ఇప్పటి వరకు 29 శాతమే పరిష్కారం ఫ అత్యధికంగా భూ సమస్యలఫిర్యాదులే పెండింగ్‌

మాకు మగ్గమే జీవనాధారం. మగ్గం నేయగా వచ్చిన ఆదాయం నుంచి భార్యాభర్తలిద్దరం ప్రతినెలా 2,400 త్రిఫ్ట్‌ కట్టుకుంటున్నాం. ప్రభుత్వం నెలకు రెండింతలు డబ్బులు జమ చేయాలి. కానీ రెండు నెలలు మాత్రమే వేసింది. గత సంవత్సరం జూన్‌ నుంచి డబ్బులు పడలేదు. వెంటనే బకాయి మొత్తాన్ని జమ చేసి మమ్మల్ని ఆదుకోవాలి. – మంగళపల్లి శ్రీహరి, చేనేత కార్మికుడు, భూదాన్‌పోచంపల్లిప్రభుత్వం మే నెల వరకు చేనేత కార్మికుల ఆర్‌డీ–2 ఖాతాలో డబ్బులు జమ చేసింది. ప్రభుత్వం నెలనెలా జమచేయకపోయినా కార్మికులు ఆందోళన చెందాల్సిన అవసరం లేదు. ఆలస్యమైనా ప్రభుత్వం ఒకేసారి డబ్బులను జమ చేస్తుంది. కార్మికులు మాత్రం క్రమం తప్పకుండా నెలనెలా పొదుపు డబ్బులు కట్టుకోవాలి. – శ్రీనివాస్‌రావు, జిల్లా చేనేత, జౌళిశాఖ ఏడీ భూదాన్‌పోచంపల్లి: చేనేత వృత్తిపై ఆధారపడి జీవనాన్ని సాగిస్తున్న నేతన్నలకు ఆర్థిక భరోసా కల్పించేందుకు రాష్ట్ర ప్రభుత్వం ప్రతిష్టాత్మకంగా అమలు చేస్తున్న త్రిఫ్ట్‌ (పొదుపు) పథకం లక్ష్యం నీరుగారుతోంది. కార్మికులు క్రమం తప్పకుండా తమ వాటా చెల్లిస్తున్నా, ప్రభుత్వం నుంచి రావాల్సిన మ్యాచింగ్‌ గ్రాంట్‌ 15 నెలలుగా ఖాతాల్లో జమ కాకపోవడంతో ఏకంగా రూ.32.55 కోట్ల బకాయిలు పేరుకుపోయాయి. దీంతో చేనేత కార్మికులకు ఈ పథకం నామమాత్రంగా మారిందని ఆవేదన వ్యక్తం చేస్తున్నారు. 10,690 మంది కార్మికులు చేనేత ప్రభావిత మండలాలు, గ్రామాలలో త్రిఫ్ట్‌ పథకంపై అధికారులు పెద్ద ఎత్తున అవగాహన సదస్సులు నిర్వహించారు. దీంతో జిల్లా వ్యాప్తంగా 10,690 మంది మగ్గం నేసే కార్మికులు, అనుబంధ కార్మికులు ఈ పథకంలో చేరారు. ప్రభుత్వం నేతన్నలకు అండగా ఉండేందుకు ఈ పథకాన్ని అమలు చేస్తున్నప్పటికీ 15 నెలలుగా ప్రభుత్వ వాటా కింద చేనేత కార్మికుల ఆర్‌డీ–2 అకౌంట్‌లో జమచేయాల్సిన డబ్బులను చెల్లించలేదు. పథకం అమలు ఇలా.. చేనేత కార్మికులు తమ ఆదాయం నుంచి 8 శాతం వాటాను రికరింగ్‌ డిపాజిట్‌ (ఆర్‌డీ అకౌంట్‌–1)లో జమచేస్తే, ప్రభుత్వం ఆ మొత్తానికి రెండింతలు అనగా 16 శాతం మ్యాచింగ్‌ గ్రాంటును ఆర్‌డీ–2 అకౌంట్‌లో జమ చేస్తుంది. గరిష్టంగా నెలకు రూ. 1200 (అనుబంధ కార్మికుడైతే రూ. 800) బ్యాంకులో జమచేసుకోవచ్చు. పవర్‌లూమ్‌ కార్మికులకు ప్రభుత్వం సమాన వాటా (1:1) ఇస్తుంది. కార్మికుడు గరిష్టంగా నెలకు రూ. 1000 (అనుబంధ కార్మికుడు రూ. 600) జమచేస్తే, ప్రభుత్వం కూడా అంతే మొత్తాన్ని ఆర్‌డీ–2లో జమ చేస్తుంది.రెండేళ్ల అనంతరం జమ అయిన మొత్తం డబ్బును కార్మికుడు డ్రా చేసుకునే వెసులుబాటు ఉంది. మరో 6 నెలల్లో ముగియనున్న పథకం రాష్ట్ర ప్రభుత్వం త్రిఫ్ట్‌ పథకం మెచ్యూరిటీ కాలాన్ని మూడేళ్ల నుంచి రెండేళ్లకు కుదించింది. గత సంవత్సరం ఏప్రిల్‌లో ప్రారంభమైన ఈ పథకం 2026 మార్చితో ముగుస్తుంది. మరో ఆరు నెలల్లో పథకం ముగుస్తుండటంతో నేతన్నల్లో ఆందోళన మొదలైంది. జిల్లా వ్యాప్తంగా కార్మికులు తమ వాటా కింద ప్రతినెలా రూ.కోటి 85 లక్షలు జమ చేస్తున్నారు. ప్రభుత్వం కూడా తన వాటా కింద నెలకు రూ.2.17 కోట్ల చొప్పున జమ చేయాల్సి ఉండగా, గత సంవత్సరం జూన్‌ నెల నుంచి ఆ నిధులు పెండింగ్‌లోనే ఉన్నాయి.ఫ 15 నెలలుగా నిలిచిపోయిన ప్రభుత్వ వాటా నిధులు ఫ జిల్లా వ్యాప్తంగా పేరుకుపోయిన రూ.32.55 కోట్ల బకాయిలు ఫ మరో ఆరు నెలల్లో ముగియనున్న పథకం గడువు ఫ ఆందోళనలో 10 వేల మందికి పైగా చేనేత కార్మికులు

సాక్షి, యాదాద్రి : గణేశ్‌ నవరాత్రి ఉత్సవాలను ప్రశాంతంగా జరుపుకోవాలని కలెక్టర్‌ అనురాగ్‌ జయంతి అన్నారు. బుధవారం భువనగిరి కలెక్టరేట్‌లో గణేశ్‌ నవరాత్రి ఉత్సవ ఏర్పాట్లపై జిల్లా ఎస్పీ అక్షాంశ్‌ యాదవ్‌, స్థానిక సంస్థల అదనపు కలెక్టర్‌ భాస్కర్‌ రావు, అడిషనల్‌ ఎస్పీ లక్ష్మీనారాయణలతో కలిసి నిర్వహించిన సమీక్షా సమావేశంలో కలెక్టర్‌ మాట్లాడారు. ఈ నెల 14న ప్రారంభం కానున్న వినాయక చవితి ఉత్సవాలకు ప్రజలకు ఎలాంటి ఇబ్బందులు కలగకుండా ఏర్పాట్లు చేయాలని అధికారులను ఆదేశించారు. నిమజ్జనానికి రూట్‌ మ్యాపులు, అవసరమైన మార్గాల్లో రోడ్ల మరమ్మతులు త్వరగా పూర్తిచేయాలని సూచించారు. నిమజ్జన ఘాట్ల వద్ద భారీ క్రేన్లు, నిరంతర విద్యుత్‌ సరఫరా, వైద్య శిబిరాలు, ఫస్ట్‌ ఎయిడ్‌ కిట్లు అందుబాటులో ఉంచాలన్నారు. అనంతరం తెలంగాణ కాలుష్య నియంత్రణ మండలి రూపొందించిన వాల్‌ పోస్టర్‌ను ఆవిష్కరించారు. జిల్లా ఎస్పీ అక్షాంక్‌ యాదవ్‌ మాట్లాడుతూ గణేశ్‌ విగ్రహాలను ఏర్పాటు చేసే నిర్వాహకులు తప్పనిసరిగా ఆన్‌లైన్‌లో కమిటీ వివరాలను నమోదు చేసుకోవాలన్నారు. నిమజ్జనం వరకు పటిష్ట పోలీసు బందోబస్తు ఏర్పాటు చేస్తున్నట్లు పేర్కొన్నారు. ఈ సమావేశంలో జిల్లా రెవెన్యూ అధికారి జయమ్మ, ఆర్డీఓలు కృష్ణారెడ్డి, శేఖర్‌రెడ్డి, భువనగిరి మున్సిపల్‌ చైర్మన్‌ శ్రీవాణిరవికుమార్‌, భువనగిరి ఉత్సవ కమిటీ అధ్యక్షులు పసుపునూరి నాగభూషణం, జిల్లా అధికారులు, మున్సిపల్‌ కమిషనర్లు, తహసీల్దార్లు, ఉత్సవ కమిటీ సభ్యులు పాల్గొన్నారు. పర్యాటక ప్రాంతాల అభివృద్ధికి కృషిచేద్దాం జిల్లాలోని పర్యాటక ప్రాంతాల సమగ్ర అభివృద్ధికి అన్ని శాఖల అధికారుల సమన్వయంతో పనిచేయాలని కలెక్టర్‌ అనురాగ్‌ జయంతి సూచించారు. ప్రపంచ పర్యాటక దినోత్సవాన్ని పురస్కరించుకుని ఈ నెల 27న జిల్లాల్లో వివిధ కార్యక్రమాల నిర్వహణపై రాష్ట్ర పర్యాటక, సాంస్కతిక శాఖ ప్రత్యేక ప్రధాన కార్యదర్శి వాణీప్రసాద్‌ బుధవారం హైదరాబాద్‌ నుంచి అన్ని జిల్లాల కలెక్టర్లు, అటవీ శాఖ అధికారులతో వీడియో కాన్ఫరెన్స్‌ నిర్వహించి పలు సూచనలు చేశారు. ఈ సందర్భంగా కలెక్టర్‌ మాట్లాడుతూ పలు వివరాలు వెల్లడించారు. ఈ వీడియో కాన్ఫరెన్స్‌లో జిల్లా గ్రామీణాభివృద్ధి అధికారి నాగిరెడ్డి, జిల్లా యువజన, క్రీడల అధికారి ధనంజనేయులు, ఇతర అధికారులు పాల్గొన్నారు. పోస్టర్‌ ఆవిష్కరిస్తున్న అనురాగ్‌ జయంతి, ఎస్పీ అక్షాంశ్‌ యాదవ్‌, అధికారులుఫ కలెక్టర్‌ అనురాగ్‌ జయంతి

యాదగిరిగుట్ట రూరల్‌ : జీవ వైవిధ్యాన్ని కాపాడుకుందామని నాబార్డు జిల్లా డెవలప్‌మెంట్‌ మేనేజర్‌ ఝాన్సీ అన్నారు. యాదగిరిగుట్ట మండలం వంగపల్లి గ్రామంలోని రైతు వేదికలో అజీవ ఫార్మర్స్‌, ప్రొడ్యూసర్‌ కంపెనీ లిమిటెడ్‌ ఆధ్వర్యంలో నిర్వహించిన వార్షిక సర్వసభ్య సమావేశంలో జీవ వైవిధ్యం ఉత్సవం నిర్వహించారు. ఈ సందర్భంగా ఆమె మాట్లాడుతూ రైతులు రసాయనిక ఎరువులు లేకుండా సేంద్రియ వ్యవసాయ పద్ధతులు ఉపయోగించి పంటలను సాగు చేయాలన్నారు. స్థానిక పంటలను సంప్రదాయ విత్తనాలను పరిరక్షించడం ద్వారా భవిష్యత్‌ తరాలకు వ్యవసాయ జీవ వైవిధ్యాన్ని అందించవచ్చన్నారు. జీవ వైవిధ్యమే పరిరక్షణ లక్ష్యంగా నాబార్డు ముందుకు వెళ్తుందన్నారు. ఈ కార్యక్రమంలో పీస్‌ సంస్థ డైరెక్టర్‌ నిమ్మయ్య, ఏఓ సుధారాణి, పీఏసీఎస్‌ చైర్మన్‌ చీర శ్రీశైలం, నెమ్మాని సుబ్రమణ్యం, మాజీ జెడ్పీటీసీ అనురాధ, అజీవ ఏపీఓ సీఈఓ మహేష్‌, కోర్డినేటర్‌ వినోద్‌, డైరెక్టర్‌ కె.అరుణ, ఎల్లుబాయ్‌, స్వరూప, మౌనిక, లావణ్య, సుగుణమ్మ, లక్ష్మి, సునీత పాల్గొన్నారు.

సాక్షి, యాదాద్రి : ముఖ్యమంత్రి రేవంత్‌రెడ్డిని ప్రభుత్వ విప్‌, ఆలేరు ఎమ్మెల్యే బీర్ల ఐలయ్య బుధవారం శాసనసభలోని సీఎం పేషీలో కలిశారు. ఆలేరు నియోజకవర్గంలో కొనసాగుతున్న సంక్షేమ కార్యక్రమాలు, అభివృద్ధి పనులకు నిధులు కేటాయించాలని విజ్ఞప్తి చేశారు. నియోజకవర్గంలో ఇంటిగ్రేటెడ్‌ స్కూల్‌తోపాటు కాళేశ్వరం ప్రాజెక్టు 15వ ప్యాకేజీ కాలువ తవ్వకం పనుల రాజాపేట మండలం జాలసింగారం వరకు వేగవంతం పూర్తిచేయాలని కోరారు. రూ.45 కోట్లతో చేపట్టే ఈ పనుల ద్వారా దాదాపు 100 చెరువులను నింపడంతో పాటు 7,200 ఎకరాల కొత్త ఆయకట్టుకు సాగునీరు అందుతుందని సీఎంకు వివరించారు. ప్రధాన రహదారులకు అనుసంధానంగా గ్రామీణ రోడ్ల అభివృద్ధి పనులకు రూ.5కోట్లు విడుదల చేయాలని కోరినట్లు చెప్పారు. అనంతరం రాష్ట్ర దేవాదాయ శాఖ మంత్రి జూపల్లి కృష్ణారావును కలిసిన ఐలయ్య ఆలేరు మండలం కొలనుపాకలోని సోమేశ్వరస్వామి ఆలయ ప్రాంగణ అభివృద్ధికి రూ.5 కోట్ల నిధులు మంజూరు చేయించాల్సిందిగా కోరగా మంత్రి విడుదల చేసినట్టు ఐలయ్య పేర్కొన్నారు. ఫ సీఎం రేవంత్‌రెడ్డికి ప్రభుత్వ విప్‌ బీర్ల ఐలయ్య విజ్ఞప్తి

పెద్దవూర : అనారోగ్య కారణాలతో పెద్దవూర మండల మాజీ వైస్‌ ఎంపీపీ గోన వివేక్‌రావు(59) సోమవారం తెల్లవారుజామున ఆత్మహత్య చేసుకున్నాడు. ఎస్‌ఐ గోపాల్‌రావు తెలిపిన వివరాల ప్రకారం... పెద్దవూర మండలం బసిరెడ్డిపల్లి గ్రామానికి చెందిన గోన వివేక్‌రావు కొంతకాలంగా అనారోగ్యంతో బాధపడుతున్నాడు. వివేక్‌రావు భార్య సుకన్య, కుమార్తె ఐశ్వర్య గత పదేళ్లుగా హైదరాబాద్‌లో నివాసముంటున్నాడు. వివేక్‌రావు మాత్రం తన తల్లి గోన యాదమ్మతో కలిసి స్వగ్రామంలోనే ఉంటున్నారు. సోమవారం తెల్లవారుజామున వివేక్‌రావు పురుగుల మందు తాగి తన భార్య సుఖన్యకు ఫోన్‌ చేసి చెప్పాడు. ఆమె తన బావగారైన విష్ణువర్ధన్‌రావుకు ఫోన్‌ చేసి విషయం చెప్పింది. విష్ణువర్ధన్‌రావు పక్క ఇంటి వాళ్లకు సమాచారం అందించడంతో వాళ్లు వెళ్లేసరికి వివేక్‌రావు తన ఇంటి మిద్దైపె నుంచి దూకాడు. వివేక్‌రావును చికిత్స నిమిత్తం నాగార్జునసాగర్‌లోని ప్రభుత్వాస్పత్రికి తరలించారు. మెరుగైన వైద్యం కోసం నల్లగొండ ప్రభుత్వాస్పత్రికి తరలించగా చికిత్స పొందుతూ మృతిచెందాడు. మృతుడి తల్లి యాదమ్మ ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్‌ఐ గోపాల్‌రావు తెలిపారు. పలువురు నివాళి.. వివేక్‌రావు భౌతికకాయానికి నాగార్జునసాగర్‌ మాజీ ఎమ్మెల్యే నోముల భగత్‌ నివాళులర్పించారు. అంతిమయాత్రలో పాల్గొని వివేక్‌రావు పాడె మోశారు. అదేవిధంగా బుసిరెడ్డి ఫౌండేషన్‌ చైర్మన్‌ బుసిరెడ్డి పాండురంగారెడ్డి కూడా నివాళులర్పించారు.

భువనగిరిటౌన్‌ : ప్రభుత్వ రికార్డుల్లో 15 ఏళ్ల క్రితమే పింఛన్‌ మంజూరైనట్లు చూపిస్తున్నా, ఆ నగదు ఇప్పటివరకు ఏ ఒక్క నెల కూడా తన చేతికి అందలేదని బాధితుడు రామగిరి రాంబాబు ఆవేదన వ్యక్తం చేశాడు. ప్రజావాణిలో ఆయన కలెక్టర్‌ను కలిసి తన గోడు వెళ్లబోసుకుంటూ వినతిపత్రం అందజేశారు. విషయం ఏమిటంటే.. ఫైలేరియా వ్యాధితో బాధపడుతున్న రాంబాబు ఇటీవల కొత్త పింఛన్‌ కోసం దరఖాస్తు చేసుకోవడానికి వెళ్లాడు. అక్కడ అధికారులు ఆయన ఆధార్‌ నంబర్‌ నమోదు చేయగా, ఇప్పటికే పింఛన్‌ మంజూరై అందుతున్నట్లు పోర్టల్‌లో స్పష్టంగా చూపించింది. పోర్టల్‌ వివరాల ప్రకారం 15 ఏళ్లుగా పింఛన్‌ మంజూరై ఉన్నప్పటికీ, వాస్తవానికి తనకు రూపాయి కూడా అందలేదని, ఈ విషయాన్ని తాను వారం రోజుల క్రితమే గుర్తించానని బాధితుడు వాపోయాడు. ఈ సమస్యపై మున్సిపల్‌ కార్యాలయాల చుట్టూ తిరిగినా ఫలితం లేకపోవడంతోనే నేరుగా కలెక్టర్‌ను ఆశ్రయించాల్సి వచ్చిందని తెలిపాడు. తన పేరిట రికార్డుల్లో జమ అవుతున్న పింఛన్‌ సొమ్ము ఇన్నాళ్లూ ఎవరి ఖాతాలోకి వెళ్తుందో అధికారులు సమగ్ర విచారణ జరిపించాలని, బాధ్యులపై చర్యలు తీసుకుని తనకు న్యాయం చేయాలని రామగిరి రాంబాబు కోరారు.

యాదగిరిగుట్ట: ఏకాదశిని పురస్కరించుకొని యాదగిరి శ్రీలక్ష్మీనరసింహస్వామి వారి ఆలయంలో సోమవారం లక్ష పుష్పార్చన పూజలను అర్చకులు పాంచరాత్ర ఆగమశాస్త్రానుసారంగా నిర్వహించారు. ముఖ మండపంలో సువర్ణ పుష్పార్చన మూర్తులను ప్రత్యేకంగా అలంకరించి సుగ్రంధ పరిమళాలు వెదజల్లె రంగురంగుల పుష్పాలతో లక్ష పుష్పార్చన పూజలు చేశారు. తులసీ దళాలతో శ్రీస్వామి అమ్మవార్లను విశేషంగా పూజించారు. ఇక ఆలయంలో స్వయంభూ, ప్రతిష్ఠా అలంకారమూర్తులకు ఉదయం నుంచి రాత్రి వరకు నిత్య పూజలు విశేషంగా జరిపించారు. ఆలయ ప్రాకార మండపంలో శ్రీసుదర్శన నారసింహ హోమం, గజవాహనసేవ, నిత్య కల్యాణం, బ్రహ్మోత్సవం, వెండి జోడు సేవలను వైభవంగా నిర్వహించారు. శివాలయంలో విశేష పూజలుయాదగిరి క్షేత్రానికి అనుబంధంగా కొనసాగుతున్న శ్రీపర్వత వర్ధిని సమేత రామలింగేశ్వరస్వామి వారి ఆలయంలో సోమవారం విశేష పూజలు జరిగాయి. శ్రీస్వామి వారికి నిత్య పూజలు జరిపించి, మండపంలో నిత్య రుద్ర హవనం పూజను పూజారులు నిర్వహించారు. ఇక మహాశివుడికి అభిషేక, అర్చనలు జరిపించారు. శివ గర్భాలయంలో, ముఖ మండపంలోని స్పటిక లింగానికి పూజలు చేసి, హారతినిచ్చారు. సాయంత్రం ఆలయంలో నిర్వహించిన శివపార్వతుల సేవోత్సవంలో భక్తులు పాల్గొన్నారు.

భువనగిరిటౌన్‌ : గౌరవెల్లి–భద్రాచలం ఎన్‌హెచ్‌ 930పీ జాతీయ రహదారి నిర్మాణంలో భూములు కోల్పోతున్న తమకు 2022 నాటి పాత రిజిస్ట్రేషన్‌ ధరల ప్రకారం కాకుండా, ప్రస్తుత మార్కెట్‌ విలువ ప్రకారమే నష్టపరిహారం చెల్లించాలని పోచంపల్లి, వలిగొండ మండలాల బాధిత రైతులు డిమాండ్‌ చేశారు. సోమవారం కలెక్టరేట్‌ ముందు నిరసన ప్రదర్శన నిర్వహించిన అనంతరం కలెక్టర్‌కు వినతిపత్రం అందజేశారు. రైతుల ప్రధాన డిమాండ్లు బాధిత రైతులు మాట్లాడుతూ బహిరంగ మార్కెట్‌లో ఎకరా భూమి ధర రూ.1.5 కోట్ల నుంచి రూ.2 కోట్ల వరకు ఉండగా, ప్రభుత్వం 2022 నాటి పాత విలువల ఆధారంగా నామమాత్రపు పరిహారం నిర్ణయించడం సరికాదన్నారు. పోచంపల్లి మండలంలో మార్కెట్‌ విలువ ఎకరాకు రూ.24–25 లక్షలు ఉంటే, రిజిస్ట్రేషన్‌ విలువ కేవలం రూ.11–13 లక్షలుగానే ఉందని, వలిగొండ మండలంలో రూ.28–29 లక్షలుగా చూపించారన్నారు. ప్రభుత్వం ఇచ్చే నామమాత్రపు పరిహారంతో 5 గుంటల భూమి కూడా కొనలేమని ఆవేదన వ్యక్తం చేశారు. చౌటుప్పల్‌ మండలంలో రీజినల్‌ రింగ్‌ రోడ్డు బాధితులకు ఎకరాకు రూ.38 లక్షల నుంచి రూ1.20 కోట్ల వరకు పరిహారం ఇస్తూ, ఎన్‌హెచ్‌ 930పీ రైతులకు మాత్రం అన్యాయం చేస్తున్నారన్నారు. గతంలో కలెక్టర్‌తో జరిగిన చర్చల్లో 80 శాతం వరకు అదనపు పరిహారం వచ్చేలా చూస్తామని ఇచ్చిన హామీని నిలబెట్టుకోవాలనికోరారు. ఈ నిరసనలో బాధిత రైతులు వారాల శేఖర్‌రెడ్డి, పాక మల్లేష్‌యాదవ్‌, కోడ రామచంద్రారెడ్డి, మల్గా రవీందర్‌, వెంకట్‌రెడ్డి, మల్లారెడ్డి, మల్గా వెంకటేశ్‌, రాములు, రామచందర్‌, మహేష్‌, బాణాల ఎల్లారెడ్డి, గూడూరు బుచ్చిరెడ్డి, నొముల మహేందర్‌రెడ్డి, సుదర్శన్‌రెడ్డి, కర్ణాటి ధనుజయ్‌, పాండు తదితరులు పాల్గొన్నారు.ఫ ప్రస్తుత మార్కెట్‌ విలువ ప్రకారమేచెల్లించాలని కలెక్టర్‌కు వినతి

భువనగిరిటౌన్‌ : ప్రజావాణిలో వచ్చిన దరఖాస్తులను పెండింగ్‌ లేకుండా సత్వరమే పరిష్కరించాలని కలెక్టర్‌ అనురాగ్‌ జయంతి సూచించారు. సోమవారం కలెక్టరేట్‌లో నిర్వహించిన ప్రజావాణిలో కలెక్టర్‌, స్థానిక సంస్థల అదనపు కలెక్టర్‌ భాస్కర్‌ రావు తో కలిసి వివిధ ప్రాంతాల ప్రజల నుంచి వచ్చిన 77 అర్జీలను స్వీకరించారు. అందులో రెవెన్యూ శాఖ 53 , సర్వే ల్యాండ్స్‌ 5 శిశు సంక్షేమ 5, మున్సిపాలిటీ 3, డీపీఓ 2, హౌసింగ్‌ 2, జిల్లా గ్రామీణ అభివృద్ధి శాఖ, విద్య, మత్స్య, విద్యుత్‌, లీడ్‌ బ్యాంకు, ఇరిగేషన్‌ శాఖలకు ఒక్కొక్కటి చొప్పున వచ్చాయి. ఈ కార్యక్రమంలో డీఆర్‌ఓ జయమ్మ, డిప్యూటీ కలెక్టర్‌ కతిక పాల్గొన్నారు. నిర్లక్ష్యం వహిస్తే సస్పెన్షన్‌ తప్పదు సాక్షి, యాదాద్రి: ప్రభుత్వ సంక్షేమ హాస్టళ్ల తనిఖీల్లో అలసత్వం వహించినా, ఫేషియల్‌ అటెండెన్స్‌ నమోదు చేసుకోకపోయినా, ప్రజావాణి ఫిర్యాదులపై నిర్లక్ష్యం వహించే అధికారులను సస్పెండ్‌ చేస్తానని కలెక్టర్‌ అనురాగ్‌ జయంతి హెచ్చరించారు. సోమవారం కలెక్టరేట్‌లో వివిధ శాఖల జిల్లా స్థాయి అధికారులతో నిర్వహించిన సమీక్షా సమావేశంలో ఆయన మాట్లాడారు. ఈ నెలాఖరు నాటికి కూడా నిర్దేశించిన హాస్టళ్ల తనిఖీలు పూర్తి చేయకపోతే సస్పెండ్‌ చేస్తామని హెచ్చరించారు. జిల్లాలోని అన్ని ప్రభుత్వ శాఖల ఉద్యోగులకు ఫేషియల్‌ రికగ్నిషన్‌ అటెండెన్స్‌ విధానం తప్పనిసరి అని కలెక్టర్‌ స్పష్టం చేశారు. జిల్లాలో మొత్తం 1205 మంది ఉద్యోగులకు గాను ఇప్పటివరకు 995 మంది మాత్రమే ఈ విధానంలో నమోదయ్యారైనట్లు కలెక్టర్‌ తెలిపారు. ఫ కలెక్టర్‌ అనురాగ్‌ జయంతి

త్రిపురారం : కారు ఢీకొని గేదె మృతిచెందింది. ఈ ఘటన 165వ నంబర్‌ జాతీయ రహదారిపై త్రిపురారం గ్రామ పరిధిలో చోటుచేసుకుంది. సోమవారం బాధిత రైతు తెలిపిన వివరాల ప్రకారం.. త్రిపురారం మండల కేంద్రానికి చెందిన వలసాని రమ్య, శ్రీను దంపతులు వ్యవసాయం చేసుకుంటూ జీవనం సాగిస్తున్నారు. ఈ సీజన్‌లో సాగు నీరు లేకపోవడంతో జీవనోపాధి నిమిత్తం గేదెను కొనుగోలు చేశారు. రోజు మాదిరిగానే ఆదివారం ఉదయం గేదెను మేత కోసం పొలాల్లోకి తోలారు. రాత్రయినా గేదె ఇంటికి రాకపోవడంతో గేదెను వెతుక్కుంటూ వెళ్లేసరికి త్రిపురారం గ్రామ పరిధిలో సాగర్‌ రోడ్డుపై కారు ఢీకొని గేదె చనిపోయి కనిపించింది. మరికొన్ని రోజుల్లో ఈనడానికి సిద్ధంగా ఉన్న గేదె మృతిచెందడంతో కన్నీరుమున్నీరుగా విలపించారు. బాధిత రైతు రమ్య పోలీస్‌ స్టేషన్‌లో ఫిర్యాదు చేసింది. గేదెను రూ.1,30,000తో కొనుగోలు చేశామని, తాము జీవనోపాధి కోల్పోయామని, ప్రభుత్వం ఆదుకోవాలని బాధిత రైతు కోరుతున్నారు. ప్రేమ పేరుతో మోసం చేసిన వ్యక్తికి జైలుశిక్ష రామగిరి(నల్లగొండ) : ప్రేమ పేరుతో యువతిని మోసం చేసిన వ్యక్తికి మూడేళ్లు జైలుశిక్ష విధిస్తూ నల్లగొండ ఎస్సీ, ఎస్టీ కోర్టు జడ్జి ఎన్‌. రోజారమణి సోమవారం తీర్పు వెలువరించారు. ప్రాసిక్యూషన్‌ కథనం ప్రకారం... కనగల్‌ మండలం తుర్కపల్లి గ్రామానికి చెందిన బైరు గణేష్‌ ఓ యువతిని ప్రేమిస్తున్నానని, పెళ్లి చేసుకుంటానని చెప్పి శారీరకంగా లోబర్చుకున్నాడు. పెళ్లి చేసుకోమని ఆ యువతి నిలదీయడంతో పెద్దలు ఒప్పుకోవడం లేదని చెప్పాడు. దీంతో ఆ యువతి 2020 నవంబర్‌ 11న కనగల్‌ పోలీస్‌ స్టేషన్‌లో ఫిర్యాదు చేసింది. అప్పటి ఎస్‌ఐ సతీష్‌రెడ్డి కేసు నమోదు చేయగా.. డీఎస్పీ వెంకటేశ్వరరెడ్డి విచారణ చేసి నిందితుడిని కోర్టులో హాజరుపర్చారు. పబ్లిక్‌ ప్రాసిక్యూటర్‌ వాదనలతో ఏకీభవించిన జడ్జి ఎన్‌. రోజారమణి నిందితుడికి మూడేళ్లు జైలుశిక్ష, రూ.3 వేల జరిమానా విధిస్తూ తీర్పు వెలువరించారు. ప్రభుత్వ ఉద్యోగం ఇప్పిస్తానని మోసం ● పంచాయతీ సెక్రటరీపై ఎంపీడీఓకు ఫిర్యాదుమేళ్లచెరువు : ప్రభుత్వ ఉద్యోగం ఇప్పిస్తానని రూ.లక్ష తీసుకొని మోసం చేసిన పంచాయతీ సెక్రటరీపై బాధితుడు సోమవారం గ్రీవెన్స్‌లో ఎంపీడీఓకు ఫిర్యాదు చేశాడు. బాధితుడు తెలిపిన వివరాల ప్రకారం.. చింతలపాలెం మండలం పీక్లానాయక్‌ తండాకు అజ్మీర శ్రీనివాస్‌కు ప్రభుత్వ ఉద్యోగం ఇప్పిస్తానని ఆ గ్రామ పంచాయతీ సెక్రటరీ రూ.లక్ష తీసుకున్నాడు. ఉద్యోగం ఇప్పించకపోగా.. తన డబ్బులు తిరిగి ఇవ్వమంటే బెదిరింపులకు పాల్పడుతుండడంతో పంచాయతీ సెక్రటరీపై ఎంపీడీఓకు ఫిర్యాదు చేసినట్లు బాధితుడు తెలిపాడు. విద్యుదాఘాతంతో మహిళ మృతి త్రిపురారం : ఇంట్లో దుస్తులు ఆరేస్తుండగా విద్యుదాఘాతానికి గురై మహిళ మృతిచెందింది. ఈ ఘటన త్రిపురారం మండలం రాజేంద్రనగర్‌ గ్రామ పంచాయతీ పరిధిలో సోమవారం జరిగింది. ఎస్‌ఐ గైకూరి నరేష్‌ తెలిపిన వివరాల ప్రకారం.. రాజేంద్రనగర్‌ గ్రామ పంచాయతీకి చెందిన ఇస్లావత్‌ సేలి(52) కూలీ పనులు చేసుకుంటూ జీవనం సాగిస్తుంది. రోజు మాదిరిగా సోమవారం ఇంట్లో దుస్తులు ఉతికి ఇనుప తీగపై ఆరేస్తుండగా.. కరెంట్‌ సరఫరా జరిగి విద్యుదాఘాతానికి గురై మృతిచెందింది. ఇంట్లో రేకుల కింద ఉన్న విద్యుత్‌ వైరుకు దుస్తులు ఆరేసే తీగ ఆనుకొని ఉండడంతో విద్యుత్‌ సరఫరా జరిగి మృతిచెందినట్లు కుటుంబ సభ్యులు పేర్కొన్నారు. మృతురాలికి భర్త, కుమారుడు ఉన్నారు. ఆమె కుమారుడు శివ ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్‌ఐ తెలిపారు.

మఠంపల్లి : మట్టపల్లిలోని రాజ్యలక్ష్మి, చెంచులక్ష్మి సమేత లక్ష్మీనరసింహస్వామి ఆలయంలో సోమవారం స్వామివారి నిత్య కల్యాణాన్ని అర్చకులు అత్యంత వైభవంగా నిర్వహించారు. ఈ సందర్భంగా ఆలయంలో ప్రత్యేక పూజలు, అర్చనలు చేశారు. మూలవిరాట్‌కు పంచామృతాభిషేకం నిర్వహించారు. క్షేత్రంలోని శివాలయంలో పార్వతీ రామలింగేశ్వర స్వామికి మహాన్యాసపూర్వక రుద్రాభిషేకం చేశారు. కార్యక్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, విజయ్‌కుమార్‌, ఈఓ చలపతి, అర్చకులు కృష్ణమాచార్యులు, పద్మనాభాచార్యులు, లక్ష్మీనరసింహమూర్తి, ఆంజనేయాచార్యులు, బ్రహ్మాచార్యులు, దుర్గాప్రసాద్‌శర్మ, భక్తులు పాల్గొన్నారు.

ఫ యువకుడికి తీవ్ర గాయాలు యాదగిరిగుట్ట : బైక్‌పై వెళ్తున్న యువకుడు పోలీసు వాహనాన్ని ఢీకొని తీవ్రంగా గాయపడ్డాడు. ఈ ఘటన యాదగిరిగుట్ట పట్టణంలో సోమవారం జరిగింది. స్థానికులు తెలిపిన వివరాల ప్రకారం.. రాజాపేట మండలం బేగంపేటకు చెందిన అరవింద్‌ ఎలక్ట్రీషియన్‌గా పనిచేస్తున్నాడు. పనిలో భాగంగా సోమవారం బైక్‌పై యాదగిరిగుట్టకు వచ్చిన అతడు.. ఎంపీడీఓ కార్యాలయం వద్ద యూటర్న్‌ తీసుకుంటున్న పోలీసు వాహనాన్ని వస్తున్న ఢీకొని పక్కనే ఉన్న ఆటో కిందపడిపోయాడు. దీంతో అరవింద్‌కు తీవ్ర గాయాలయ్యాయి. పోలీసు వాహనం వెనుక అద్దం పగిలిపోయింది. వెంటనే స్థానికులు అరవింద్‌ను రోడ్డు పక్కన ఖాళీ ప్రదేశంలోకి తీసుకెళ్లి 108 అంబులెన్స్‌కు ఫోన్‌ చేశారు. సమయానికి రాని అంబులెన్స్‌.. 108 అంబులెన్స్‌ సమయానికి ఘటనా స్థలానికి రాకపోవడంతో 30 నిమిషాలకు పైగా అరవింద్‌ రక్తస్రావంతో అక్కడే పడి ఉన్నాడు. స్థానికులు, పోలీసులు వైద్యుడి సహాయంతో ప్రథమ చికిత్స అందించి ఆటోలో భువనగిరిలోని ఏరియా ఆస్పత్రికి తరలించారు.

భువనగిరిటౌన్‌ : కాంగ్రెస్‌ ప్రభుత్వం అధికారంలోకి వచ్చిన వెయ్యి రోజుల్లో ప్రజా వ్యతిరేక విధానాలు చేపడుతూ ప్రభుత్వం అట్టర్‌ ప్లాప్‌ అయిందని భువనగిరి మాజీ ఎమ్మెల్యే పైళ్ల శేఖర్‌రెడ్డి ఆరోపించారు. బీఆర్‌ఎస్‌ ఏడు రోజుల నిరసన కార్యక్రమంలో భాగంగా ఆయన పార్టీ నాయకులతో కలిసి సోమవారం కలెక్టరేట్‌ ఎదుట ధర్నా చేశారు. ఈ సందర్భంగా పైళ్ల మాట్లాడారు. అనంతరం కలెక్టర్‌ అనురాగ్‌ జయంతికి వినతి పత్రం అందజేశారు. ఈ కార్యక్రమంలో చింతల వెంకటేశ్వర్లు, కొలుపుల అమరేందర్‌, జడల అమరేందర్‌గౌడ్‌ పాల్గొన్నారు. హైవేపై రాస్తారోకో భువనగిరి: కాంగ్రెస్‌ ప్రభుత్వం ఎన్నికల సమయంలో ఇచ్చిన హామీల అమల్లో పూర్తిగా విఫలం అయ్యిందని మాజీ ఎమ్మెల్యే పైళ్ల శేఖర్‌రెడ్డి అన్నారు. అసెంబ్లీ ఎదుట బీఆర్‌ఎస్‌ పార్టీకి చెందిన ఎమ్మెల్యేలు, ఎమ్మెల్సీల అక్రమ అరెస్టులను నిరసిస్తూ సోమవారం రాయగిరి పరిధిలో గల హైదరాబాద్‌–వరంగల్‌ హైవేపై రాస్తారోకో చేశారు. సీఎం ఫ్లెక్సీని దహనం చేయబోతుండగా పోలీసులు ఽఅడ్డుకున్నారు. రాస్తారోకోను విరమించుకోవాలని కోరినా ససే మిరా అనడంతో బలవంతంగా అక్కడి నుంచి తరలించే క్రమంలో ఉద్రిక్తత వాతావరణం ఏర్పడింది. ఈ క్రమంలో శేఖర్‌రెడ్డితో పాటు మొత్తం 18 మందిని అరెస్టు చేసి వాహనంలో పోలీస్‌ స్టేషన్‌కు తరలించారు. కార్యక్రమంలో చింతల వెంకటేశ్వరరెడ్డి, అమరేందర్‌, ఏవీ కిరణ్‌కుమార్‌, రచ్చ శ్రీనివాస్‌రెడ్డి, కిష్టయ్య, అబ్బగాని వెంకట్‌, వీరేషం, జక్కా రాఘవేందర్‌రెడ్డి, సుధాకర్‌ తదితరులు పాల్గొన్నారు. ఫ మాజీ ఎమ్మెల్యే పైళ్ల శేఖర్‌రెడ్డి

ఆలేరు: బాధితురాలి కిడ్నీ తొలగించిన ఘటనపై వైద్యాధికారులు, పోలీసులు ఉమ్మడిగా కఠిన చర్యలు చేపట్టారు. రాష్ట్ర ప్రజారోగ్య, కుటుంబ సంక్షేమ శాఖ డైరెక్టర్‌ ఆదేశాల మేరకు ఆలేరులోని ఆర్టీసీ బస్టాండ్‌ సమీపంలో ఉన్న అర్పిత నర్సింగ్‌ హోంను సోమవారం రాత్రి అధికారులు సీజ్‌ చేశారు. వైద్య సేవల నిలిపివేత – కేసు నమోదు ఈ వ్యవహారంలో ఆలేరు ఎస్‌ఐ ఉదయ్‌కిరణ్‌ తెలిపిన వివరాల ప్రకారం.. నర్సింగ్‌ హోం నిర్వాహకుడు డాక్టర్‌ ప్రభాకర్‌తో పాటు శస్త్రచికిత్స నిర్వహించిన హైదరాబాద్‌కు చెందిన డాక్టర్‌ మహేష్‌పై కేసు నమోదు చేశారు. ఆసుపత్రిలోని రెండు వార్డులను, కన్సల్టేషన్‌ గదిని డీఎంహెచ్‌ఓ మనోహర్‌, డీసీహెచ్‌ఎస్‌ సూర్యశ్రీ, తహసీల్దార్‌ ఆంజనేయులు సమక్షంలో తాళాలు వేసి సీజ్‌ చేశారు. విచారణ పూర్తయ్యే వరకు ఎలాంటి కొత్త ఔట్‌ పేషెంట్‌, ఇన్‌ పేషెంట్‌ నమోదు చేయకూడదని, ప్రస్తుతం చికిత్స పొందుతున్న రోగులను వెంటనే డిశ్చార్జ్‌ చేసి ఇతర ఆసుపత్రులకు తరలించాలని ఆదేశించారు. అనుమతులపై ఆరా కిడ్నీ వంటి కీలకమైన అవయవాలకు శస్త్రచికిత్స చేయడానికి అర్పిత నర్సింగ్‌ హోంకు ప్రభుత్వ నిబంధనల ప్రకారం చట్టబద్ధమైన అనుమతులు, తగిన మౌలిక వసతులు, నిపుణులైన సిబ్బంది ఉన్నారా లేదా అనే అంశమే ప్రస్తుతం విచారణలో ప్రధానాంశంగా మారింది. అర్హత లేకుంటే ఇటువంటి ఆపరేషన్లు ఎలా నిర్వహించారనే దానిపై అధికారులు వివరాలు సేకరిస్తున్నారు.అనుమానాస్పద రీతిలో కిడ్నీ తొలగించిన తీరును రాష్ట్ర స్థాయి వైద్యాధికారులు తీవ్రంగా పరిగణించారు. స్థానిక అధికారులు సేకరించిన ప్రాథమిక ఆధారాలు, నివేదిక ఆధారంగా డైరెక్టర్‌ ఆఫ్‌ మెడికల్‌ ఎడ్యుకేషన్‌ పర్యవేక్షణలోని రాష్ట్రస్థాయి నిపుణుల బృందం తదుపరి విచారణను వేగవంతం చేయనుంది. ఫ ఆలేరులోని అర్పిత నర్సింగ్‌ హోంలో వైద్య సేవల నిలిపివేత ఫ ఇద్దరు డాక్టర్లపై కేసు నమోదు ఫ అవయవ శస్త్రచికిత్సల అనుమతులపై అధికారుల ఆరా ఫ డీఎంఈ పర్యవేక్షణలో రాష్ట్రస్థాయికి చేరిన విచారణ

నాగార్జునసాగర్‌ : నాగార్జునసాగర్‌ ప్రాజెక్టు నిర్మాణ సమయంలో వేలాది మంది కార్మికులు, ఉద్యోగులు, ఇంజినీర్లకు వినోదాన్ని అందించేందుకు హిల్‌కాలనీలో నిర్మించిన రంగనాథ రంగశాల నేడు నిర్వహణ లోపంతో శిథిలావస్థకు చేరుకుంది. ఒకప్పుడు నాటకాలు, సాంస్కృతిక కార్యక్రమాలతో కళకళలాడిన ఈ ప్రాంగణం ప్రస్తుతం కంపచెట్లతో నిండిపోయి కనుమరుగయ్యే దుస్థితికి చేరింది. చారిత్రక వైభవానికి నిలువెత్తు సాక్ష్యంగా నిలిచిన ఈ భవనాన్ని కాపాడి, ఆధునిక అవసరాలకు అనుగుణంగా పునరుద్ధరించాలని స్థానికులు కోరుతున్నారు. నాడు కళలకు కాణాచి నాగార్జునసాగర్‌ ప్రాజెక్టు నిర్మాణ సమయంలో సాగర్‌లోని మూడు కాలనీల్లో సుమారు 30వేల మంది నివసించేవారు. చుట్టుపక్కల గ్రామాలు, తండాల ప్రజలు సైతం ప్రాజెక్టు పనుల్లో భాగస్వాములయ్యారు. వీరికి వినోదం కోసం ఏర్పాటు చేసిన ఈ రంగనాథ రంగశాల కళలకు కాణాచిగా పేరొందిందని పాతతరం వారు గుర్తు చేసుకుంటున్నారు. పౌరాణిక, సాంఘిక నాటకాలతో పాటు వివిధ సాంస్కృతిక కార్యక్రమాలు ఇక్కడ నిర్వహించేవారు. అప్పటి ప్రముఖ నటీనటులు నూతనప్రసాద్‌, సావిత్రి, రేలంగి, జగ్గారావు, గిరిజ, రాజనాల తదితరులు ఇక్కడ నాటకాలు ప్రదర్శించారని చెబుతున్నారు. ప్రాజెక్టును సందర్శించేందుకు వచ్చిన ఉన్నతాధికారులు, విదేశీ ప్రతినిధులు సైతం ఇక్కడి నాటకాలను వీక్షించి అబ్బురపడేవారు. కంపచెట్ల మధ్య కనుమరుగు సాగర్‌ కాలనీల్లో సినిమా థియేటర్ల రాకతో క్రమంగా రంగనాథ రంగశాలలో నాటకాల ప్రదర్శనలు తగ్గిపోయాయి. అనంతరం కొంతకాలం సభలు, సమావేశాలకు ఉపయోగించారు. గత కృష్ణా పుష్కరాల సమయంలో సుమారు రూ.50 లక్షలు వెచ్చించి విద్యుత్‌ సౌకర్యం, ఫ్లోరింగ్‌, వాష్‌రూమ్‌లు, కుర్చీలు ఏర్పాటు చేశారు. ప్రస్తుతం సరైన నిర్వహణ లేకపోవడంతో రంగశాల ఆవరణ అంతా కంపచెట్లతో నిండిపోయింది. విద్యుత్‌ బోర్డులు, ఫ్యాన్లు అపహరణకు గురయ్యాయి. బస్టాండ్‌కు సమీపంలో ఉండటంతో ఈ ప్రాంగణం అసాంఘిక కార్యకలాపాలకు అడ్డాగా మారుతోందని ఆందోళన వ్యక్తం చేస్తున్నారు. మినీ థియేటర్‌గా మారిస్తే.. గతంలో సాగర్‌ కాలనీల్లో మూడు సినిమా థియేటర్లు ఉండగా.. ప్రస్తుతం ఒక్కటి కూడా లేదు. దీంతో వినోదం కోసం స్థానికులు హాలియా, మాచర్ల, మిర్యాలగూడ వెళ్లాల్సి వస్తోంది. ఈ నేపథ్యంలో రంగనాథ రంగశాలను అద్దెకు ఇచ్చి మినీ థియేటర్‌గా అభివృద్ధి చేస్తే.. ప్రజలకు వినోదం అందడంతో పాటు భవనానికి నిరంతర నిర్వహణ ఉంటుందని స్థానికులు సూచిస్తున్నారు. సాగునీటి శాఖ అధికారులు సమావేశాలు నిర్వహించుకునేందుకు కూడా ఇది ఉపయోగపడుతుందని పేర్కొంటున్నారు. ఫ నిర్వహణ లేక కనుమరుగవుతున్న నాగార్జునసాగర్‌లోని చారిత్రక వేదిక ఫ ఒకప్పుడు ప్రముఖ నటీనటుల నాటకాలతో కళకళ ఫ ప్రస్తుతం కంపచెట్లు, అసాంఘిక కార్యకలాపాలకు అడ్డా ఫ మినీ థియేటర్‌గా మార్చాలని స్థానికుల విజ్ఞప్తి

పెన్‌పహాడ్‌ : కోళ్లకు మందు పెట్టి చంపిన భార్యాభర్తలపై పోలీసులు కేసు నమోదు చేశారు. ఈ ఘటన పెన్‌పహాడ్‌ మండలం తంగెళ్లగూడెం గ్రామంలో సోమవారం చోటు చేసుకుంది. ఏఎస్‌ఐ రాములు తెలిపిన వివరాల ప్రకారం.. తంగెళ్లగూడెం గ్రామానికి చెందిన కాకునూరి బాబురావుకు చెందిన రెండు కోళ్లను అదే గ్రామానికి చెందిన కానుగు ఉపేందర్‌, అతడి భార్య సునీత కలిసి మందు పెట్టి చంపారని బాబురావు పోలీసులకు ఫిర్యాదు చేశాడు. ఈ మేరకు ఇద్దరిపై కేసు నమోదు చేసి దర్యాప్తు చేస్తున్నట్లు ఏఎస్‌ఐ తెలిపారు. పెద్దకాపర్తి చెరువులో డెవిల్‌ ఫిష్‌లు ప్రత్యక్షంచిట్యాల : మండలంలోని పెద్దకాపర్తి చెరువులో సోమవారం చేపలు పట్టేందుకు స్థానిక మత్స్యకారులు వలలు విసరగా డెవిల్‌ ఫిష్‌లు చిక్కాయి. మరోవైపు చెరువులోకి తాము వదిలిన రవ్య, బొచ్చ, బురదమట్టలు వంటి చేపలు పెరగాల్సిన సైజులు పెరగలేదని మత్స్యకారులు చెబుతున్నారు. ఈ చెరువుపై సుమారు వంద మత్స్యకార్మికులు ఆధారపడి ఉన్నారు. డెవిల్‌ ఫిష్‌ల నివారణకు అధికారులు తగిన చర్యలు, తీసుకోవాలని మత్స్యకారులు కోరుతున్నారు.

భూదాన్‌పోచంపల్లి: భూదాన్‌ పోచంపల్లి మండలం జూలూరు–రుద్రవెల్లి గ్రామాల మధ్య మూసీ నదిపై చేపట్టిన హైలెవెల్‌ బ్రిడ్జి నిర్మాణం పదేళ్లు గడుస్తున్నా అసంపూర్తిగానే దర్శనమిస్తోంది. నిధులు మంజూరవుతున్నా, అధికారుల నిర్లక్ష్యం, కాంట్రాక్టర్ల ఉదాసీనత వల్ల పనులు టెండర్ల దశ దాటడం లేదు. మూడుసార్లు నిధులు.. నిజాం కాలం నాటి పాత లోలెవల్‌ బ్రిడ్జి శిథిలంకావడంతో, 2016 జూన్‌లో నాబార్డు కింద రూ.8.50 కోట్లతో పనులు ప్రారంభించారు. కానీ భూసేకరణ జాప్యం వల్ల 2021 నాటికి నిధులు ల్యాప్స్‌ అయ్యాయి. అనంతరం ఎస్సీ, ఎస్టీ సబ్‌–ప్లాన్‌ కింద రూ.10.50 కోట్లు మంజూరు చేయగా, కేవలం 8 పిల్లర్లు నిర్మించిన కాంట్రాక్టర్‌ బిల్లులు రావడం లేదంటూ పనులను మధ్యలోనే నిలిపివేశారు. ఇటీవల ప్రభుత్వం హెచ్‌ఎండీఏ కింద రూ.18.50 కోట్లు కేటాయించింది. మొదటిసారి టెండర్లకు ఎవరూ రాకపోగా, రెండోసారి పిలిచిన టెండర్లు ప్రస్తుతం పరిశీలన దశలోనే మూలుగుతున్నాయి. వర్షాకాలంలో రాకపోకలు బంద్‌ పోచంపల్లి, బీబీనగర్‌ మండలాల ప్రజలకు ఈ రోడ్డే ప్రధాన మార్గం. మూసీ నదికి వరద వచ్చిన ప్రతీసారి లోలెవల్‌ బ్రిడ్జి మునిగిపోతోంది. దీనివల్ల రుద్రవెల్లి గ్రామానికి చెందిన విద్యార్థులు జూలూరు జెడ్పీ హైస్కూల్‌కు వెళ్లలేక బంద్‌ అవుతున్నారు. బీబీనగర్‌లోని పరిశ్రమలకు వెళ్లే స్థానిక యువకులు, వ్యాపారులు గమ్యస్థానాలకు చేరుకోలేక నానా అవస్థలు పడుతున్నారు. ఫ పదేళ్లుగా సాగుతున్న పనులు ఫ మూసీ నది ఉప్పొంగితే నిలిచిపోతున్న రాకపోకలు ఫ హెచ్‌ఎండీఏ ద్వారా రూ.18.50 కోట్లు మంజూరైనా ముందుకుసాగని టెండర్ల ప్రక్రియ ప్రభుత్వాలు మారినా పదేళ్లుగా జూలూరు–రుద్రవెల్లి మూసీ బ్రిడ్జి నిర్మాణం పూర్తికాలేదు. ప్రతి వర్షాకాలంలో రాకపోకలు నిలిచిపోయి తీవ్ర ఇబ్బందులు పడుతున్నాం. నిధులు మంజూరైనా పనులు ఎందుకు చేపట్టడం లేదో అధికారులు చెప్పాలి. స్థానిక ఎమ్మెల్యే చొరవ తీసుకుని పనులు త్వరగా పూర్తి చేయించాలి. – దిండు బాలరాజు, జూలూరు టెండర్లకు ఎవరూ ముందుకు రాకపోవడంతో కొంత జాప్యం జరిగింది. ప్రస్తుతం టెండర్ల పరిశీలన ప్రక్రియ నడుస్తోంది. ఇది పూర్తయిన వెంటనే నెల రోజుల్లో పనులు ప్రారంభించి నిర్ణీత గడువులోగా పూర్తి చేస్తాం. – వెంకన్న, హెచ్‌ఎండీఏ ఏఈ

భువనగిరి: సీఈఐఆర్‌ వ్యవస్థ సమర్థంగా పనిచేయడం వల్లే జిల్లాలో పోగొట్టుకున్న మొబైల్‌ ఫోన్లను వేగంగా రికవరీ చేయగలుగుతున్నామని ఎస్పీ అక్షాంశ్‌ యాదవ్‌ తెలిపారు. జిల్లా పోలీసులు రికవరీ చేసిన రూ. 20 లక్షల విలువైన 100 మొబైల్‌ ఫోన్లను సోమవారం జిల్లా పోలీస్‌ కార్యాలయంలో బాధితులకు ఆయన స్వయంగా అందజేశారు. ఫోన్‌ పోగొట్టుకున్న వెంటనే బాధితులు ఏమాత్రం ఆలస్యం చేయకుండా వెంటనే పోలీసులకు ఫిర్యాదు చేయాలన్నారు. ఫిర్యాదు అందగానే వివరాలను సీఈఐఆర్‌ పోర్టల్‌లో నమోదు చేస్తామన్నారు. ఐఎంఈఐ నంబర్ల ఆధారంగా ఫోన్లను ట్రాక్‌ చేసి స్వాధీనం చేసుకుంటున్నట్లు తెలిపారు. ఈ కార్యక్రమంలో అదనపు ఎస్పీ లక్ష్మీనారాయణ, సీసీఎస్‌ ఇన్‌స్పెక్టర్‌ ప్రవీణ్‌ బాబు, ఇతర పోలీస్‌ సిబ్బంది పాల్గొన్నారు. తూకం వేయకుండానే బియ్యం సరఫరా చేశారు భువనగిరిటౌన్‌ : జిల్లాలోని రేషన్‌ దుకాణాలకు తూకం వేయకుండానే ఆగస్టు మాసం బియ్యం సరఫరా చేశారని రేషన్‌ డీలర్ల సంఘం ఆరోపించింది. ఈ మేరకు సంఘం జిల్లా అధ్యక్షుడు ఎలుగల రాజయ్య ఆధ్వర్యంలో కలెక్టర్‌తో పాటు జిల్లా పౌర సరఫరాల అధికారికి వినతిపత్రాలు అందజేశారు. ఈ సందర్భంగా డీలర్ల సంఘం ప్రతినిధులు మాట్లాడుతూ.. దుకాణాలకు సరఫరా చేసే క్రమంలో తూకం వేయకపోవడం వల్ల బియ్యం పరిమాణం తగ్గి లబ్ధిదారులకు పంపిణీ చేసే సమయంలో తీవ్ర ఇబ్బందులు ఎదురవుతున్నాయని తెలిపారు. గత 2025 ఏప్రిల్‌ నెల నుంచి రేషన్‌ దుకాణాల్లో నిల్వ ఉన్న దొడ్డు బియ్యం స్టాక్‌ను ప్రభుత్వం వెంటనే వెనక్కి తీసుకోవాలని విజ్ఞప్తి చేశారు. ఈ కార్యక్రమంలో సంఘం జిల్లా ప్రధాన కార్యదర్శి కోయిలగూడెం వెంకటేష్‌, రాష్ట్ర మాజీ కార్యదర్శి రేపాక రమేష్‌, జిల్లా గౌరవ అధ్యక్షుడు మన్నె యాదగిరి, రాష్ట్ర మాజీ కోశాధికారి గంగాదేవి మహేష్‌, జిల్లా సభ్యుడు శ్రీనివాస్‌, మోత్కూరు ఐఎంజీ పాయింట్‌ అధ్యక్షుడుసైదులు, వివిధ మండలాల అధ్యక్షులు హరి కిషన్‌, బుచ్చయ్య, దశరథ, నవీన్‌, సోమకాని రాజు, ప్రధాన కార్యదర్శులు నరసింహ, కృష్ణ, కూరాకుల శ్రీనివాస్‌, ఉపాధ్యక్షులు మల్లేష్‌, సత్యం, కోశాధికారి పగిడిపల్లి ఆంజనేయులు, డీలర్లు అమతమ్మ, కృష్ణవేణి, పిట్టల అశోక్‌, వెంకట్‌ రెడ్డి, అంజయ్య, కుమార్‌, ప్రవీణ్‌ పాల్గొన్నారు. కేంద్ర వేతన సలహా బోర్డులో సీఐటీయూను చేర్చాలిభువనగిరిటౌన్‌ : కేంద్ర కనీస వేతనాల సలహా బోర్డులో సీఐటీయూ, ఏఐటీయూసీ , ఐఎన్‌టీయూసీ వంటి ప్రధాన సెంట్రల్‌ ట్రేడ్‌ యూనియన్లకు తగిన ప్రాతినిధ్యం కల్పించాలని సీఐటీయూ జిల్లా ఉపాధ్యక్షుడు మాయ కృష్ణ డిమాండ్‌ చేశారు. భువనగిరి మున్సిపల్‌ కార్మికుల ఆధ్వర్యంలో సోమవారం పట్టణంలో నిరసన ప్రదర్శన నిర్వహించారు. ఈ సందర్భంగా మాయ కృష్ణ మాట్లాడుతూ కార్పొరేట్లకు కొమ్ముకాసే బీఎంఎస్‌ వంటి సంఘాలకు మాత్రమే బోర్డులో చోటు కల్పించి, కార్మికుల పక్షాన నిలిచే యూనియన్లను పక్కన పెట్టడం దారుణమన్నారు. కార్యక్రమంలో మున్సిపల్‌ కార్మికులు గాయపాక శీను, బానోత్‌ శంకర్‌, మన్నే రాజు, ఇటికల రాజలింగం, కొండ యాదమ్మ, కంచనపల్లి సునీత, కుశంగల నిర్మల, రంగా ఎల్లమ్మ పాల్గొన్నారు.

రంగనాథ రంగశాలను అద్దెకిస్తే నిరంతర నిర్వహణ ఉంటుంది. భవనం వినియోగంలోకి వస్తుంది. ప్రాజెక్టు అధికారులు కూడా అవసరమైనప్పుడు ఇక్కడ సమావేశాలు నిర్వహించుకోవచ్చు. ముఖ్యంగా అసాంఘిక కార్యకలాపాలకు అడ్డుకట్ట పడుతుంది. – శివ, స్థానిక వ్యాపారి మినీ థియేటర్‌ ఏర్పాటు చేస్తా రంగనాథ రంగశాలను అద్దెకిస్తే మినీ థియేటర్‌ ఏర్పాటు చేస్తానని రాష్ట్ర సాగునీటి శాఖ మంత్రికి, స్థానిక ఎమ్మెల్యేకు దరఖాస్తు అందజేశాను. అధికారులను కలిసి విజ్ఞప్తి చేసినా ఎవరూ పట్టించుకోలేదు. అనుమతిస్తే మినీ థియేటర్‌గా అభివృద్ధి చేసి నిర్వహించేందుకు సిద్ధంగా ఉన్నాను. – మహేశ్వర్‌రెడ్డి, స్థానికుడు

నేలకొండపల్లి : బాకీ డబ్బులు తిరిగి చెల్లించాలని కోరిన వృద్ధురాలిపై దంపతులు దాడి చేశారు. సూర్యాపేట జిల్లా కేంద్రానికి ధరావత్‌ బిచ్చు ఖమ్మం జిల్లా నేలకొండపల్లి మండలంలోని శంకరగిరి తండాకు చెందిన తేజావత్‌ చిట్టిబాబు–శామిని దంపతులకు రూ.12 వేలు అప్పుగా ఇచ్చింది. సోమవారం బిచ్చు శంకరగిరి తండాలోని తన కుమార్తె ఇంటికి వచ్చిన సందర్భంగా అప్పుగా ఇచ్చిన డబ్బు తిరిగి ఇవ్వాలని చిట్టిబాబు దంపతులను అడిగింది. దీంతో వారు తమకు డబ్బే ఇవ్వలేదంటూ వృద్ధురాలిపై దాడి చేశారు. ఈ మేరకు వృద్ధురాలి కుమార్తె శారద ఇచ్చిన ఫిర్యాదుతో కేసు నమోదు చేసినట్లు ఎస్‌ఐ శ్రీనివాసరెడ్డి తెలిపారు. విద్యుత్‌ స్తంభం ఎక్కి యువకుడి హల్‌చల్‌భువనగిరి(బీబీనగర్‌) : బిహార్‌ రాష్ట్రానికి చెందిన ధర్మేంర్‌ సోమవారం మద్యం మత్తులో బీబీనగర్‌ మండల కేంద్రంలోని ప్రధాన రహదారి పక్కన విద్యుత్‌ స్తంభం ఎక్కి యువకుడు హల్‌చల్‌ చేశాడు. స్థానికులు పోలీసులకు సమాచారం ఇవ్వడంతో వారు వచ్చి విద్యుత్‌ సరఫరా నిలిపివేసి యువకుడిని కిందకు దింపి పోలీస్‌ స్టేషన్‌కు తరలించారు. రైతు సోదరుల ఆత్మహత్యాయత్నం ● తమ భూమిలో కమ్యూనిటీ హాల్‌ నిర్మిస్తుండటంతో ట్యాంక్‌ ఎక్కి ఆందోళన మునగాల : తమకు వారసత్వంగా వస్తున్న సాగు భూమిలో ఎస్సీ కమ్యూనిటీ హాల్‌ నిర్మించడాన్ని నిరసిస్తూ ఇద్దరు రైతు సోదరులు ఆత్మహత్యాయత్నానికి పాల్పడ్డారు. ఈ ఘటన మునగాల మండలంలోని ముకుందాపురంలో సోమవారం చోటుచేసుకుంది. గ్రామానికి చెందిన పందిరి సత్యనారాయణరెడ్డి, పందిరి పుల్లారెడ్డి సాధారణ మధ్య తరగతి రైతులు. వీరికి ఉన్న భూమిలో కొంత ఎన్‌ఎస్‌పీ కాలువ కింద పోగా, మిగిలిన భూమిలో సేద్యం చేసుకుంటూ జీవనం సాగిస్తున్నారు. అయితే నెల రోజుల క్రితం వారి భూమిలో ఎస్సీ కమ్యూనిటీ హాల్‌ నిర్మించాలని గ్రామ పెద్దలు తీర్మానించారు. ఈ క్రమంలో సోమవారం మండల ఆర్‌ఐ, ఆర్‌అండ్‌బీ అధికారులు, గ్రామ పంచాయతీ కార్యదర్శి, సర్పంచ్‌, ఉపసర్పంచ్‌తో పాటు కొందరు వార్డు సభ్యులు అక్కడికి చేరుకున్నారు. జేసీబీ సాయంతో భూమిలో ఉన్న గడ్డివాములను తొలగించారు. తమ భూమిలో భవనం నిర్మించవద్దని ఎంత వారించినా అధికారులు వినలేదని రైతులు వాపోయారు. కమ్యూనిటీ హాల్‌ నిర్మాణం చేపట్టి తీరుతామని స్పష్టం చేయడంతో వారు తీవ్ర మనస్తాపానికి గురయ్యారు. దీంతో పక్కనే ఉన్న వాటర్‌ ట్యాంక్‌ ఎక్కి ఉరేసుకునే ప్రయత్నం చేశారు. గ్రామస్తులు వాటర్‌ ట్యాంక్‌ వద్దకు చేరుకుని, ఆ కుటుంబానికి అండగా ఉంటామని నచ్చజెప్పడంతో వారు కిందికి దిగివచ్చారు.

బొమ్మలరామారం మండలం రాముని తండా ప్రాథమిక పాఠశాల 2022– 24 వరకు మూతపడి ఉంది. ఏకోపాధ్యాయురాలు నీలం శ్రీదేవి ఈ పాఠశాలకు పునరుజ్జీవం పోశారు. 2024– 25లో తండాలోని ప్రతి ఇంటికి తిరిగి 27 మంది విద్యార్థులతో పాఠశాలను పునః ప్రారంభించారు. 2025– 25లో విద్యార్థుల సంఖ్య 30కి చేరుకుంది. పాఠశాలలోని కిచెన్‌ గార్డెన్‌లోని ఆర్గానిక్‌ కూరగాలతో పాటు సన్నబియ్యంతో మధ్యాహ్నం రుచికరమైన భోజనం వండిపెట్టడం ద్వారా విద్యార్థులను పాఠశాలకు క్రమం తప్పకుండా వచ్చేలా చూస్తున్నారు. సాక్షి యాదాద్రి: ప్రభుత్వ పాఠశాలల్లో నాణ్యమైన విద్యాబోధన అందించేందుకు, విద్యార్థుల అభ్యసన సామర్థ్యాలను మెరుగుపర్చేందుకు విద్యాశాఖ పకడ్బందీ కార్యాచరణను అమలు చేస్తోంది. సర్కారు కల్పిస్తున్న మౌలిక వసతులు, బ్రేక్‌ఫాస్ట్‌, సన్నబియ్యంతో మధ్యాహ్న భోజనం, యూనిఫామ్‌, ఉచిత పాఠ్యపుస్తకాల పంపిణీ, ఉపాధ్యాయుల నిబద్ధతతో.. మూతబడిన స్కూళ్లు సైతం తెరుచుకుని నడుస్తున్నాయి. అంతర్జాతీయ అక్షరాస్యత దినోత్సవం సందర్భంగా జిల్లాలో విద్యాభివృద్ధిపై ప్రత్యేక కథనం. ఉపాధ్యాయుల సర్దుబాటు ఏ ఒక్క విద్యార్థీ చదువులో వెనుకబడకూడదన్న సంకల్పంతో విద్యాశాఖ సమగ్ర మార్పులకు శ్రీకారం చుట్టింది. జిల్లాలో ఉపాధ్యాయుల సర్దుబాటు ప్రక్రియను ఇప్పటికే పూర్తి చేశారు. పది నుంచి ఇరవై వరకు విద్యార్థులున్న పాఠశాలలకు అదనంగా మరో ఉపాధ్యాయుడిని కేటాయించారు. పది లోపు విద్యార్థులున్న ఏకోపాధ్యాయ బడుల్లో టీచర్‌ అత్యవసర సెలవు పెడితే, సీఆర్పీలతో నడిపిస్తున్నారు. డ్రాపౌట్స్‌కు చెక్‌.. బడి ఈడు పిల్లలు బడి బయట ఉండకుండా చూడటమే లక్ష్యంగా వేసవిలో నిర్వహించిన ప్రత్యేక సర్వే సత్ఫలితాలనిచ్చింది. బడి మానేసిన పిల్లలను వయస్సును బట్టి సాధారణ విద్యా స్రవంతిలోకి తీసుకొచ్చారు. బాలికలను కస్తూర్బా గాంధీ బాలికా విద్యాలయాల్లో (కేజీబీవీ), బాలురను స్థానిక జెడ్పీ, గురుకుల, వసతి గృహ పాఠశాలల్లో చేర్పించడంతో జిల్లాలో బడి మానేసే వారి శాతం గణనీయంగా తగ్గింది. పునాది అభ్యసన బలోపేతానికి.. పునాది అభ్యసనం బలోపేతానికి ఎంపిక చేసిన 150 సముదాయ పాఠశాలల్లో ప్రత్యేక పరిశీలన బృందాలు తరగతులను నిశితంగా పరిశీలిస్తున్నాయి. అభ్యాస దీపికలు, సూచిక పుస్తకాలు, నల్లబల్ల సాధనతో పాటు ఉపాధ్యాయులు స్వయంగా పిల్లల పక్కన కూర్చుని అక్షరాలు దిద్దించడం, పదాలు చదివించడం చేస్తున్నారు. లెక్కల్లో కూడికలు, తీసివేతలపై పట్టు సాధించేలా విద్యార్థులను దత్తత తీసుకుని వినూత్న పద్ధతుల్లో బోధిస్తున్నారు. అక్షరాస్యత సాధనలో సవాళ్లు.. జిల్లాలో అక్షరాస్యత 65.53శాతం ఉండగా ఇందులో స్త్రీల అక్షరాస్యత 55.02శాతంగా ఉంది. వందశాతం అక్షరాస్యత సాధనకు అడ్డంకిగా మారిన ప్రధాన సమస్యలపై అధికార యంత్రాంగం ప్రత్యేక దృష్టి సారించింది. బాలికల డ్రాపౌట్‌కు ప్రధాన కారణమైన బాల్యవివాహాలను అరికట్టి, అనాథ,పేద బాలికలను కేజీబీవీలు, ఆశ్రమ పాఠశాలల్లో చేర్పించి ఉచిత విద్య, వసతి కల్పిస్తున్నారు. చౌటుప్పల్‌, మోత్కూర్‌, ఆలేరు, ఆత్మకూర్‌(ఎం), మోటకొండూరు ప్రాంతాల్లో పత్తి ఏరే పనులకు పిల్లలను తీసుకెళ్లే ధోరణిని అరికట్టేందుకు ప్రత్యేక డ్రైవ్‌ నిర్వహిస్తున్నారు. ఇటుక బట్టీలు, రియల్‌ ఎస్టేట్‌ వెంచర్లు, మిల్లుల్లో పనిచేసే వలస కార్మికుల పిల్లల కోసం ప్రత్యేక విద్యా ఏర్పాట్లు చేశారు. ఫ రూపురేఖలు మారిన సర్కారు బడులు ఫ బ్రేక్‌ఫాస్ట్‌, మధ్యాహ్న భోజనం, యూనిఫాం, ఉచిత పుస్తకాల పంపిణీ ఫ బోధనకు ఆటంకం లేకుండా ఉపాధ్యాయుల సర్దుబాటు ఫ బడి మానేసిన వారిపై ప్రత్యేక దృష్టి ఫ ప్రైవేట్‌ నుంచి సర్కారు బడిబాట పడుతున్న విద్యార్థులుప్రభుత్వ పాఠశాలలు 656విద్యార్థుల సంఖ్య 39,447బ్రేక్‌ఫాస్ట్‌, మధ్యాహ్నభోజనంతో 12 శాతం పెరిగిన హాజరు డ్రాపౌట్స్‌ 3 శాతం కంటే తక్కువ తండాలు, మారుమూల గ్రామీణ ప్రాంతాల బడులల్లో ఉపాధ్యాయుల కొరత వల్ల అకడమిక్‌ నష్టం జరగకుండా చర్యలు చేపట్టాం. విద్యార్థుల సంఖ్య ఎక్కువగా ఉన్న పాఠశాలల నుంచి లేదా సమీప బడుల నుంచి రొటేషన్‌ పద్ధతిలో టీచర్లను డిప్యుటేషన్‌పై పంపించాం. విద్యార్థులు స్వయంగా నేర్చుకునేలా డిజిటల్‌ స్క్రీన్ల ద్వారా బోధన అందిస్తున్నాం. అక్షరాస్యత శాతం పెంచడానికి కృషి చేస్తున్నాం. – భిక్షపతి, డీఈఓ

నాగారం : సొంతింటి కల నెరవేర్చుకోవడం కోసం కూలీ పనులు చేసి కూడబెట్టిన డబ్బులను అప్పుగా ఇస్తే.. తీసుకున్న వారు తిరిగి ఇవ్వకపోవడంతో తీవ్ర మనస్తాపానికి గురైన మహిళ గుండెపోటుతో మృతి చెందింది. ఈ ఘటన నాగారం మండలం పసునూర్‌ గ్రామంలో సోమవారం జరిగింది. స్థానికులు తెలిపిన వివరాల ప్రకారం.. పసునూర్‌ గ్రామానికి చెందిన పుట్టబంతి రాంబాబు, ఉమ(42) దంపతులకు నవీన్‌, ప్రభాస్‌ ఇద్దరు కుమారులు. భర్త రాంబాబు కొన్నేళ్ల క్రితమే అనారోగ్యంతో చనిపోగా, ఉమ కూలీ పనులు చేసుకుంటూ కుమారులను పోషిస్తోంది. వీరికి సొంత ఇల్లు లేకపోవడంతో, ఇల్లు నిర్మించుకోవాలనే ఉద్దేశంతో కూలీ పనులు చేస్తూ సుమారు రూ.5 లక్షల వరకు ఆదా చేసి, గ్రామంలోని పలువురికి అప్పుగా ఇచ్చింది. కాగా, ఇటీవల ఆమెకు ప్రభుత్వం నుంచి ఇందిరమ్మ ఇల్లు మంజూరు కావడంతో ఇంటి నిర్మాణ పనులు ప్రారంభించి బేస్‌మెంట్‌ వరకు పూర్తి చేసింది. ఇంటి నిర్మాణానికి డబ్బులు అవసరం ఉండటంతో, తాను అప్పుగా ఇచ్చిన వారిని డబ్బులు తిరిగి ఇవ్వాలని ఉమ కోరింది. అయితే, వారు నిర్లక్ష్యంగా వ్యవహరిస్తూ డబ్బులు ఇవ్వకుండా కాలయాపన చేయడంతో ఇంటి నిర్మాణం బేస్‌మెంట్‌ దశలోనే నిలిచిపోయింది. దీంతో తీవ్ర మానసిక వేదనకు గురైన ఆమె అనారోగ్యం పాలై, ఆస్పత్రిలో చికిత్స పొందుతూ సోమవారం గుండెపోటుతో మృతి చెందింది. ఉమకు పుట్టింటి, అత్తింటి వైపు నుంచి ఎలాంటి బంధుగణం లేకపోవడంతో ఆమె ఇద్దరు కుమారులు అనాథలుగా మారారు. పెద్ద కుమారుడు నవీన్‌ ఇటీవల డిగ్రీ పూర్తి చేయగా, చిన్న కుమారుడు ప్రభాస్‌ ప్రస్తుతం పదో తరగతి చదువుతున్నాడు. తల్లి మృతితో ఆ కుమారులు రోదించిన తీరు గ్రామస్తులను కంటతడి పెట్టించింది. అనంతరం సర్పంచ్‌, గ్రామస్తులు చందాలు సేకరించి ఉమ అంత్యక్రియలు పూర్తి చేశారు. ఫ సొంతింటి కోసం దాచుకున్న రూ.5 లక్షలు అప్పుగా ఇచ్చిన వైనం ఫ తీసుకున్న డబ్బులు తిరిగి ఇవ్వకుండా నిర్లక్ష్యంగా వ్యవహరించిన రుణగ్రస్తులు ఫ మనస్తాపంతో గుండెపోటుకు గురైన బాధితురాలు ఫ అనాథలైన ఇద్దరు కుమారులు.. చందాలు సేకరించి అంత్యక్రియలు

చౌటుప్పల్‌ : హైదరాబాద్‌–విజయవాడ జాతీయ రహదారిపై వాహనాల రద్దీ కొనసాగుతూనే ఉంది. గత మూడు రోజులుగా విజయవాడ మార్గంలో రద్దీ నెలకొనగా.. సోమవారం మాత్రం హైదరాబాద్‌ మార్గంలో వాహనాలు బారులదీరాయి. వివాహాలు, గ్రామ దేవతల పండుగలకు గ్రామాలకు వెళ్లిన వారంతా తిరుగు ప్రయాణమవ్వడంతో హైదరాబాద్‌ వైపునకు వాహనాల రద్దీ పెరిగింది. ఉదయం నుంచి అర్ధరాత్రి వరకు రద్దీ కొనసాగింది. జాతీయ రహదారిపై అండర్‌పాస్‌ బ్రిడ్జిల నిర్మాణ పనులు కొనసాగుతున్న చౌటుప్పల్‌, ధర్మోజిగూడెం, తూప్రాన్‌పేట గ్రామాల వద్ద వాహనదారులు, ప్రయాణికులు అవస్థలు పడ్డారు. ట్రాఫిక్‌లో చిక్కుకొని తీవ్ర ఇబ్బందులకు గురయ్యారు.