Yadadri District Latest News

యాదగిరిగుట్ట రూరల్‌ : యాదగిరి శ్రీలక్ష్మీనరసింహస్వామి ఆలయానికి విచ్చేసే భక్తుల కోసం నిర్మిస్తున్న యాదాద్రి ఎంఎంటీఎస్‌ ఫేజ్‌–2 ట్రాక్‌ పనులు ముమ్మరంగా కొనసాగుతున్నాయి. ఘట్‌కేసర్‌ నుంచి యాదాద్రి, వంగపల్లి వరకు విస్తరిస్తున్న ఈ థర్డ్‌ రైల్వేట్రాక్‌ పనులు వేగం పుంజుకున్నాయి. రూ.412.26 కోట్ల అంచనా వ్యయంతో రెండు దశల్లో ప్రారంభమైన ఈ పనులు మొదటి దశలో భాగంగా యాదాద్రి నుంచి పగిడిపల్లి వరకు సాగుతున్నాయి. రెండవ దశ కింద పగిడిపల్లి నుంచి బీబీనగర్‌, ఘట్‌కేసర్‌ వరకు ట్రాక్‌ పనులు చేపడుతున్నారు. ఈ ప్రాజెక్టును 2028 మార్చి నాటికి పూర్తి చేసేలా అధికారులు ప్రణాళికాబద్ధంగా పనులు చేయిస్తున్నారు. 18,625 హెక్టార్ల భూసేకరణ ఈ ఎంఎంటీఎస్‌ రైల్వే ట్రాక్‌ పనుల కోసం మేడ్చల్‌ మల్కాజ్‌గిరి, యాదాద్రి భువనగిరి జిల్లాల పరిధిలో దాదాపు 18.625 హెక్టార్ల (46 ఎకరాలకుపైగా) భూ సేకరణ పూర్తయ్యింది. భూనిర్వాసితులకు నష్ట పరిహారం ఇచ్చే పనుల్లో అధికారులు ఉన్నారు. ప్రస్తుతం ఈ ట్రాక్‌ మార్గంలో 59 చిన్న వంతెనలు, ఒక పెద్ద వంతెన నిర్మాణానికి సంబంధించి, ఎర్త్‌వర్క్‌, మట్టి పనులు, సిగ్నలింగ్‌, టెలికమ్యూనికేషన్‌, విద్యుత్‌ పనులు, బాలాస్ట్‌ పనులు జరుగుతున్నాయి. ఈ ప్రాజెక్టును రైల్వే వికాస్‌ నిగమ్‌ లిమిటెడ్‌, సంస్ధ వారు నిర్మిస్తున్నారు. దీనిలో తెలంగాణ ప్రభుత్వం మూడింట రెండు వంతులు నిధులు భరిస్తుండగా, రైల్వే శాఖ మూడింట ఒక వంతును భరిస్తుంది. ఈ మార్గంలో ఘట్‌కేసర్‌, బీబీనగర్‌, పగిడిపల్లి, భువనగిరి, యాదాద్రి, అదనంగా వంగపల్లి స్టేషన్‌లు ఏర్పాటు చేస్తున్నారు. ఘట్‌కేసర్‌ నుంచి యాదాద్రి వరకు జరుగుతున్న ఎంఎంటీఎస్‌ ట్రాక్‌ పనులు గడువులోగా పూర్తిచేస్తాం. యాదాద్రి స్టేషన్‌ను కూడా అన్ని హంగులతో నిర్మిస్తున్నాం. హైదరాబాద్‌, సికింద్రాబాద్‌ నుంచి యాదగిరిగుట్టకు వచ్చే భక్తులకు, ప్రయాణికులకు ఎంఎంటీఎస్‌ రైలు ఎంతో ప్రయోజనకరంగా ఉంటుంది. – ప్రదీప్‌, రైల్వే సీనియర్‌ పీఆర్‌ఓ ఎంఎంటీఎస్‌ ప్రాజెక్టు పనులు నడుస్తున్న నేపథ్యంలో యాదాద్రి రైల్వే స్టేషన్‌ను ఆధునిక హంగులతో అధికారులు నిర్మిస్తున్నారు. రూ.24.45 కోట్లు వెచ్చించి, అమృత్‌ భారత్‌ స్టేషన్‌ పథకం ద్వారా, ఈ స్టేషన్‌ను పునర్నిర్మిస్తున్నారు. స్టేషన్‌లో ఆధ్యాత్మికత ఉట్టిపడేలా శ్రీలక్ష్మీనరసింహస్వామి, ఇతర చిత్రాలు ఆకట్టుకుంటున్నాయి. రాజగోపురం, సంప్రదాయ తోరణం, ఎస్కలేటర్లు, పార్కింగ్‌, వెయిటింగ్‌ హాళ్ల పనులు సాగుతున్నాయి. ఫ ప్రాజెక్టు ఫేజ్‌–2 పనులు ముమ్మరం ఫ ఘట్‌కేసర్‌–యాదాద్రి, వంగపల్లి వరకు థర్డ్‌ ట్రాక్‌ నిర్మాణం ఫ 2028 మార్చి నాటికి పూర్తి చేస్తామంటున్న రైల్వే అధికారులు

ఫ పోటీ పరీక్షలకు సన్నద్ధమవుతున్న మైనారిటీ అభ్యర్థులకు ఉచితంగాస్టడీ మెటీరియల్‌ పంపిణీ ఫ తెలంగాణ మైనారిటీస్‌ స్టడీ సర్కిల్‌, కెరీర్‌ కౌన్సెలింగ్‌ సెంటర్‌ ప్రత్యేక చొరవ ఫ ఈ నెల 12 వరకు దరఖాస్తుల స్వీకరణ ప్రభుత్వ ఉద్యోగాల కోసం శ్రమిస్తున్న పేద మైనారిటీ విద్యార్థులకు ఖరీదైన పుస్తకాల భారాన్ని తప్పించి, వారి సన్నద్ధతకు చేయూతనివ్వడమే ప్రభుత్వ ప్రధాన సంకల్పం. అర్హులైన అభ్యర్థులందరూ వెంటనే దరఖాస్తు చేసుకోవాలి. ఏమైనా సందేహాలుంటే 95056 40004 నంబరును సంప్రదించాలి. – జయమ్మ, మైనార్టీ సంక్షేమ ఇన్‌చార్జ్‌ అధికారి భువనగిరిటౌన్‌: ప్రభుత్వ ఉద్యోగమే లక్ష్యంగా రాత్రింబవళ్లు శ్రమిస్తున్న నిరుపేద మైనారిటీ యువత కలలను సాకారం చేసేందుకు ప్రభుత్వం మరో కీలక ముందడుగు వేసింది. మార్కెట్లో వేలకు వేలు వెచ్చించి పుస్తకాలు కొనుగోలు చేయలేని అభ్యర్థులకు అండగా నిలిచేందుకు తెలంగాణ మైనారిటీస్‌ స్టడీ సర్కిల్‌ మరియు కెరీర్‌ కౌన్సెలింగ్‌ సెంటర్‌ ప్రత్యేక చొరవ తీసుకుంది. మైనారిటీ వర్గాల్లోని పేద, ప్రతిభావంతులైన అభ్యర్థులకు పోటీ పరీక్షల స్టడీ మెటీరియల్‌తో పాటు ప్రామాణిక పుస్తకాలను ఉచితంగా అందజేయాలని నిర్ణయించింది. ఈ మేరకు శనివారం కలెక్టరేట్‌లోని తన కార్యాలయంలో జిల్లా మైనారిటీ సంక్షేమ శాఖ ఇన్‌చార్జ్‌ అధికారి జయమ్మ వెల్లడించారు. ఉద్యోగ సాధనే లక్ష్యంగా.. ప్రస్తుతం రాష్ట్రంలో వరుసగా ఉద్యోగ ప్రకటనలు వెలువడుతున్న తరుణంలో గ్రామీణ, పట్టణ ప్రాంతాల్లోని ఆర్థిక స్థోమత లేని మైనారిటీ యువత పోటీలో వెనుకబడిపోకూడదనే ఉద్దేశంతో ఈ కార్యక్రమానికి శ్రీకారం చుట్టారు. ముస్లిం, క్రిస్టియన్‌, బౌద్ధ, జైన్‌, పార్సీ మైనారిటీ వర్గాలకు చెందిన అభ్యర్థులకు సబ్జెక్ట్‌ నిపుణులు రూపొందించిన పుస్తకాలను ఉచితంగా అందించడం ద్వారా వారి విజయావకాశాలను మెరుగుపరచవచ్చని అధికారులు భావిస్తున్నారు. ఏయే పరీక్షలకు వర్తిస్తుంది రాష్ట్రంలో అత్యంత ప్రతిష్టాత్మకమైన రెండు ప్రధాన విభాగాల పరీక్షలకు సిద్ధమవుతున్న వారికి ఈ పుస్తకాలు పంపిణీ చేయనున్నారు. తెలంగాణ పోలీస్‌ రిక్రూట్‌మెంట్‌ బోర్డు ద్వారా భర్తీ చేసే పోలీస్‌ కానిస్టేబుల్‌, సబ్‌ ఇన్‌స్పెక్టర్‌ పోస్టుల ప్రాథమిక, ప్రధాన పరీక్షలకు సంబంధించిన పుస్తకాలు. అదేవిధంగా తెలంగాణ పబ్లిక్‌ సర్వీస్‌ కమిషన్‌ నిర్వహించే గ్రూప్‌–1, గ్రూప్‌–2, గ్రూప్‌–3, గ్రూప్‌–4 స్థాయి ఉద్యోగాల జనరల్‌ స్టడీస్‌, సంబంధిత పేపర్ల స్టడీ మెటీరియల్‌ అందజేయనున్నారు. దరఖాస్తు ప్రక్రియ ఉచిత పుస్తకాల కోసం దరఖాస్తు చేసుకునే అభ్యర్థులు తమ వివరాలతో పాటు క్రింది ధ్రువపత్రాల జీరాక్స్‌ పత్రాలను జతచేయాల్సి ఉంటుంది. ● మైనారిటీ కమ్యూనిటీ ధ్రువీకరణ పత్రం. ● విద్యార్హత ధ్రువీకరణ పత్రాలు (పదో తరగతి, ఇంటర్మీడియట్‌, లేదా డిగ్రీ మార్కుల జాబితా). ● పోటీ పరీక్షకు దరఖాస్తు చేసుకున్నట్లు నిర్ధారించే రిజిస్ట్రేషన్‌ కాపీ. ● ఆధార్‌ కార్డు జీరాక్స్‌, పాస్‌పోర్ట్‌ సైజ్‌ ఫొటో. దరఖాస్తులు ఎక్కడ సమర్పించాలి అర్హత గల అభ్యర్థులు తమ దరఖాస్తులను పూర్తి చేసి, అవసరమైన పత్రాలను జతపరిచి ఈనెల 12లోగా కార్యాలయ పనివేళల్లో స్వయంగా జిల్లా మైనారిటీల సంక్షేమ కార్యాలయంలో అందజేయాలి.

సాక్షి, యాదాద్రి : జిల్లా వ్యాప్తంగా నిర్మాణం పూర్తయిన ఇందిరమ్మ ఇళ్లలో ఆదివారం ‘మా ఇందిరమ్మ ఇంట్లో దీపావళి’ వేడుకలు పండుగ వాతావరణంలో నిర్వహించాలని కలెక్టర్‌ అనురాగ్‌ జయంతి శనివారం తెలిపారు. ప్రతి ఇంటి ఎదుట గోడపై మా ఇందిరమ్మ ఇంట్లో దీపావళి లోగో స్టిక్కర్‌ అతికించి లబ్ధిదారుల వివరాలను రాయించనున్నట్లు పేర్కొన్నారు. సాయంత్రం కుటుంబ సభ్యులతో కలిసి ఇంటి ముంగిట దీపాలు వెలిగించి, అధికారిక మొబైల్‌ యాప్‌లో వివరాలు నమోదు చేయాలని సూచించారు. ఫ మొదటి విడతలో మంజూరైన 9,618 ఇళ్లలో ఇప్పటికే 5,420 పూర్తి ఫ కొత్త ఇళ్లలో దీపాలు వెలిగించి, సెల్ఫీలు దిగి యాప్‌లో అప్‌లోడ్‌ చేయాలని ఆదేశం రామన్నపేట: ఇందిరమ్మ ఇళ్ల నిర్మాణంతో పేదల సొంతింటి కలను రాష్ట్ర ప్రభుత్వం సాకారం చేసింది. నిరుపేదల ముఖాల్లో చిరునవ్వులు పూయిస్తూ, వారి ఇళ్లలో దీపావళి వెలుగులు నింపింది. మొదటి విడతలో మంజూరైన ఇళ్లలో సగానికి పైగా నిర్మాణాలు పూర్తయి విజయవంతంగా గృహప్రవేశాలు జరిగాయి. ఈ నేపథ్యంలో గృహప్రవేశాలు పూర్తయిన ఇందిరమ్మ ఇళ్లల్లో ఆదివారం ‘మా ఇందిరమ్మ ఇంటిలో దీపావళి’ పేరిట ప్రత్యేక వేడుకలు నిర్వహించాలని గృహనిర్మాణ శాఖ నిర్ణయించింది. లబ్ధిదారుల ఖాతాల్లోకి నిధులు.. మొదటి విడత ఇందిరమ్మ పథకంలో భాగంగా జిల్లాకు 9,618 ఇళ్లు మంజూరు కాగా.. ఇప్పటివరకు 8,121 ఇళ్ల నిర్మాణాలు ప్రారంభమయ్యాయి. ఇందులో 5,420 పూర్తికాగా, మిగిలినవి వివిధ దశల్లో నిర్మాణంలో ఉన్నాయి. నిర్మాణం పూర్తయిన ఇళ్లకు సంబంధించి స్లాబ్‌ లెవల్‌ వరకు రూ.3.40 లక్షల వరకు బిల్లులను ప్రభుత్వం నేరుగా డీబీటీ (డైరెక్ట్‌ బెనిఫిట్‌ ట్రాన్స్‌ఫర్‌) పద్ధతిలో లబ్ధిదారుల బ్యాంకు ఖాతాల్లో జమ చేసింది. అలాగే వ్యక్తిగత మరుగుదొడ్ల నిర్మాణానికి సంబంధించి రూ.12 వేలు కూడా చెల్లించారు. ఈనేపథ్యంలో నిర్మాణం పూర్తయి గృహప్రవేశాలు పూర్తయిన ఇందిరమ్మ ఇళ్లల్లో ఆదివారం సాయంత్రం ‘మా ఇందిరమ్మ ఇంటిలో దీపావళి’ అని పూలతో లోగో ఏర్పాటు చేసి దీపాలు వెలిగించాలి. ఈ ఆనంద క్షణాలను కుటుంబ సభ్యులంతా కలిసి సెల్ఫీ దిగి, ‘ఇందిరమ్మ ఇళ్లు’ యాప్‌లో అప్‌లోడ్‌ చేయడంతో పాటు సోషల్‌ మీడియా ఖాతాల్లో షేర్‌ చేయాలి. స్థానిక సర్పంచ్‌లు, పంచాయతీ కార్యదర్శులు, ఇందిరమ్మ కమిటీ సభ్యులు ఈ వేడుకల్లో ఉత్సాహంగా పాల్గొనాలని ఆదేశించారు.

భువనగిరిటౌన్‌ : జిల్లాలో బియ్యం కృత్రిమ కొరత సృష్టించినా, అక్రమ నిల్వలకు పాల్పడినా, అధిక ధరలకు విక్రయించినా చర్యలు తప్పవని అదనపు కలెక్టర్‌ వెంకారెడ్డి హెచ్చరించారు. బియ్యం లభ్యత, నిల్వలు, ధరలపై శనివారం కలెక్టరేట్‌లో హోల్‌సేల్‌, రిటైల్‌ వ్యాపారులతో సమీక్ష నిర్వహించారు. ఈ సందర్భంగా అదనపు కలెక్టర్‌ మాట్లాడుతూ.. మార్కెట్లో బియ్యంతో పాటు 22 రకాల నిత్యావసర సరుకుల నిల్వలు, ధరలను పరిశీలించారు. ప్రతి వ్యాపార దుకాణం ఎదుట స్టాక్‌ బోర్డులను ఏర్పాటు చేసి బియ్యం రకం, నిల్వ పరిమాణం, కిలో విక్రయ ధరలను స్పష్టంగా రాయాలన్నారు. అక్రమ వ్యాపారం లేదా అధిక ధరలపై ఫిర్యాదుల కోసం 92814 23621 నంబర్‌ను సంప్రదించాలని సూచించారు. సమావేశంలో జేఏసీ చైర్మన్‌ మందడి ఉపేందర్‌ రెడ్డి, జిల్లా పౌరసరఫరాల అధికారి రోజారాణి, భువనగిరి ఆర్డీఓ కృష్ణా రెడ్డి, విజిలెన్స్‌ అధికారులు, రైస్‌ మిల్లర్లు, రేషన్‌ డీలర్లు, పెట్రోల్‌ బంకుల సంఘం ప్రతినిధులు పాల్గొన్నారు.

యాదగిరిగుట్ట: యాదగిరి లక్ష్మీనరసింహస్వామి వారి ఆలయంలో సంప్రదాయ పూజలు కొనసాగాయి. శనివారం స్వామి అమ్మవార్లకు సుప్రభాత సేవ నిర్వహించారు. అనంతరం గర్భాలయంలోని స్వయంభూ, ప్రతిష్ఠా అలంకారమూర్తులకు నిజాభిషేకం, సహస్రనామార్చన, కుంకుమార్చన వంటి పూజలు జరిపించారు. ఇక ముఖ మండపంలోని ఉత్సవమూర్తులకు అష్టోత్తరం, సువర్ణ పుష్పార్చన పూజలు చేపట్టారు. ప్రథమ ప్రాకార మండపంలో శ్రీసుదర్శన నారసింహ హోమం, గజవాహన సేవ, నిత్య కల్యాణం, బ్రహ్మోత్సవం వంటి పూజలు నిర్వహించారు. సాయంత్రం ఆలయ తిరు, మాడ వీధుల్లో జోడు సేవను ఊరేగించారు. రాత్రి శ్రీస్వామి అమ్మవార్లకు శయనోత్సవ సేవ నిర్వహించి, ఆలయాన్ని ద్వార బంధనం చేశారు.

ఫ మట్టి ప్రమిదలే మన సంప్రదాయం ఫ బాణసంచా కాల్చి కాలుష్యాన్ని పెంచొద్దు గ్రీన్‌ దీపావళిని ప్రోత్సహిద్దాంచీకటిని పారదోలి వెలుగులను నింపే పండుగ దీపావళి. పండుగ రోజున చెవుల పగిలే శబ్దాలతో పొగలు విరజిమ్మే బాణసంచా పేలుళ్లే కాదు.. పర్యావరణహితంగా (ఎకో ప్రెండ్లీ)గా జరుపుకోవాలి. కుటుంబ సభ్యులతో కలిసి ప్రకృతికి, జీవజాతులకు శాపంగా మారకుండా పండుగ జరుపుకోవడం ప్రతిఒక్కరూ సామాజిక బాధ్యతగా తీసుకోవాలని పర్యావరణ హితులు కోరుతున్నారు. ఆ దిశగా మార్పు ప్రతి ఇంటినుంచి ప్రారంభం కావాలి. – కోదాడ కొత్త నిర్ణయాలతో తారాజువ్వలా దూసుకుపోదాం కొత్త నిర్ణయాలతో తారాజువ్వులా దూసుకుపోదాం దీపావళి పర్వదినమంటే కేవలం బాణసంచా కాల్చ డమనే అపోహ నుంచి ముందు బయటకురావాలని పర్యావరణ హితులు అంటున్నారు. దీపావళి పర్వదినానికి అసలైన అర్థం దీపాలను వెలిగించి చీకటి ప్రారదోలడమని అవగాహన కల్పించాలి. మట్టి ప్రమిదలతోపాటు సహజమైన నూనెలను వాడడం వల్ల కాలుష్యాన్ని 90 శాతం తగ్గించవచ్చు. మార్కెట్‌లో దొరుకుతున్న బాణసంచాలో పర్యావరణంతోపాటు మానవుల ఆరోగ్యానికి హాని కలిగించే 10 రకాలలైన విషపూరిత రసాయనాలు వాడుతున్నారు. వీటికి ప్రత్యామ్నయంగా సీఎస్‌ఐఆర్‌ గుర్తింపు పొందిన ‘గ్రీన్‌ కాకర్స్‌’ (హరిత బాణసంచా) వాడడాన్ని ప్రోత్సహించాల్సిన అవసరం ఉందని ప్రకృతి ప్రేమికులు అంటున్నారు. దీపావళి పర్వదినమంటే కేవలం బాణసంచా కాల్చడమనే అపోహ నుంచి ముందు బయటకురావాలని పర్యావరణ హితులు అంటున్నారు. దీపావళి పర్వదినానికి అసలైన అర్థం దీపాలను వెలిగించి చీకటి ప్రారదోలడమని అవగాహన కల్పించాలి. మట్టి ప్రమిదలతోపాటు సహజమైన నూనెలను వాడడం వల్ల కాలుష్యాన్ని 90 శాతం తగ్గించవచ్చు. మార్కెట్‌లో దొరుకుతున్న బాణసంచాలో పర్యావరణంతోపాటు మానవుల ఆరోగ్యానికి హాని కలిగించే 10 రకాలలైన విషపూరిత రసాయనాలు వాడుతున్నారు. వీటికి ప్రత్యామ్నయంగా సీఎస్‌ఐఆర్‌ గుర్తింపు పొందిన ‘గ్రీన్‌ కాకర్స్‌’ (హరిత బాణసంచా) వాడడాన్ని ప్రోత్సహించాల్సిన అవసరం ఉందని ప్రకృతి ప్రేమికులు అంటున్నారు. దీపావళి పర్వదినం సందర్భంగా చిన్నారులు ఒకరికొకరు గ్రీన్‌గిఫ్టస్‌ (మొక్కలు) ఇచ్చుకొనే విధంగా చూడాలి. దీనివల్ల పండుగరోజు మొక్కలు నాటిన సంతోషంతోపాటు పర్యావరణ పరిరక్షణపైనా అవగాహన కలుగుతుందని పర్యావరణ వేత్తలు అంటున్నారు. బాణసంచా వల్ల పెంపుడు జంతువులకు కలిగే హాని చిన్నారులకు వివరిస్తే చాలా వరకు వాటిపై వారికి ఉండే ప్రేమ వల్ల బాణసంచా కాల్చకుండా ఉంటారని వారంటున్నారు. పెద్దలకు, ప్రముఖులకు దీపావళి కానుకగా ఇండోర్‌ప్లాంట్స్‌ బహుమతులుగా ఇచ్చే సంప్రదాయాన్ని ప్రోత్సహించాల్సిన అవసరం ఉంది. బాణసంచా కాల్చడం వల్ల ప్రకృతిపై రసాయన దాడి జరుగుతుంది. టపాసులు కాల్చినప్పుడు సల్పర్‌ డయాకై ్సడ్‌, కార్బన్‌మెనాకై ్సడ్‌ భారీగా విడుదల అవుతాయి. దీనికితోడు ఆకుపచ్చ రంగు రావడానికి బేరియం, ఎరుపురంగు కోసం స్ట్రాంటియం, తెల్లని మెరుపుల కోస అల్యూమినియం, సీసం వంటి భారీ లోహాలను వాడుతున్నారు. వీటిని పేల్చినప్పుడు 140 డెసిబుల్స్‌కు పైగా శబ్దం వస్తుంది. వీటివల పక్షులు తమ గూళ్లను వదిలిపారిపోతాయి. టపాసుల వ్యర్ధాలు నీటి వనరుల్లో కలవడం వల్ల జల, భూ కాలుష్యం ఏర్పడుతుంది. వాతావరణంలోకి చేరి తీవ్ర శ్వాసకోస వ్యాధుల బారినపడే ప్రమాదం పొంచి ఉంది. బాణసంచా కాల్చడం వల్ల ప్రకృతిపై రసాయన దాడి జరుగుతుంది. టపాసులు కాల్చినప్పుడు సల్పర్‌ డయాకై ్సడ్‌, కార్బన్‌మెనాకై ్సడ్‌ భారీగా విడుదల అవుతాయి. దీనికితోడు ఆకుపచ్చ రంగు రావడానికి బేరియం, ఎరుపురంగు కోసం స్ట్రాంటియం, తెల్లని మెరుపుల కోస అల్యూమినియం, సీసం వంటి భారీ లోహాలను వాడుతున్నారు. వీటిని పేల్చినప్పుడు 140 డెసిబుల్స్‌కు పైగా శబ్దం వస్తుంది. వీటివల పక్షులు తమ గూళ్లను వదిలిపారిపోతాయి. టపాసుల వ్యర్ధాలు నీటి వనరుల్లో కలవడం వల్ల జల, భూ కాలుష్యం ఏర్పడుతుంది. వాతావరణంలోకి చేరి తీవ్ర శ్వాసకోస వ్యాధుల బారినపడే ప్రమాదం పొంచి ఉంది. బాణసంచా కాల్చడం వల్ల పర్యావరణానికి తీవ్ర హాని జరుగుతుంది. ప్రకృతిని కాపాడుకుంటూనే దీపావళి పర్వదినాన్ని సంతోషంగా జరుపుకొనేలా అవగాహన కల్పించాలి. మట్టి ప్రమిదలతో దీపాలను వెలిగించుకోవాలి. చిన్నారులకు మొక్కలను పండుగ బహుమతిగా ఇచ్చి వాటిని నాటేలా చూడాలి. – కొల్లు లక్ష్మీనారాయణ, పర్యావరణ ప్రేమికుడు, కోదాడ ఎల్‌నినో ప్రభావంతో నిత్యావసర వస్తువులతోపాటు అన్నిరకాల ధరలు ఆకాశాన్నంటే అవకాశం ఉంది. దీనికితోడు ఉపాధి అవకాశాలు కూడా తగ్గిపోతాయి. వీటిని దృష్టితో పెట్టుకొని ఈ పండుగ నుంచే దుబారా ఖర్చులను తగ్గించుకోవాలి. ఈ సమస్యను ధైర్యంగా ఎదుర్కొవడానికి పొదుపే తారక మంత్రంగా వాడుకోవాలి. ఆర్భాటపు వేడుకలకు దూరంగా ఉండాలి. కోదాడ : శ్రీకృష్ణుడు నరకాసురుడనే రాక్షసుడితో పోరాడుతూ పడిపోతాడు.. ఆ సమయంలో సత్యభామ బాణం ఎక్కుపెట్టి నరకాసురుడిని సంహరించడంతోనే చీకట్లు పోయి వెలుగుల పండుగ దీపావళి వచ్చిందని చరిత్రకారులంటున్నారు. సత్యభామ పోరాటస్పూర్తితో ప్రస్తుతం మానవ మనగడకు ముప్పుగా మారుతున్న ఎల్‌నినోపై పోరాటం సాగించాలి. ముంచుకొస్తున్న ముప్పును సమర్థవంతంగా ఎదుర్కొని విజయం సాధించాలంటే ఆత్మ విశ్వాసంతో ముందుకెళ్లి జీవితాల్లో వెలుగులు నింపుకోవాలి. ఎల్‌నినో ప్రభావంతో తాగునీటికి కటకట ఏర్పడే అవకాశం ఉందని శాస్త్రవేత్తలు హెచ్చరిస్తున్నందున ఉన్న కొద్దిపాటి తాగునీటి వనరులను జాగ్రత్తగా సంరక్షించుకోవాలి. చుక్క నీటిని కూడా వృథా చేయవద్దు. ఇంట్లో నల్లాల లీకేజీలు లేకుండా చూసుకోవాలి. వాహనాలను కడగడం, సిమెంట్‌ రోడ్లపై రోజు నీరు చల్లడం మానుకోవాలి. జల సంరక్షణపై పిల్లలకు అవగాహన కల్పించాలి. ఎల్‌నినో ప్రభావంతో రానున్న రోజుల్లో విద్యుత్‌కు తీవ్ర కొరత ఏర్పడుతుంది. అందుకోసం ఇప్పటి నుంచే విద్యుత్‌ పొదుపు పాటించాల్సిన అవసరం ఎంతైనా ఉంది. చీకట్లు కమ్ముకోక ముందే వెలుగుల కోసం జాగ్రత్త పడాలి. అవసరం లేని చోట విద్యుత్‌ దుబారాను తగ్గించాలి. ఎల్‌నినో ప్రభావంతో రానున్న రోజుల్లో విద్యుత్‌కు తీవ్ర కొరత ఏర్పడుతుంది. అందుకోసం ఇప్పటి నుంచే విద్యుత్‌ పొదుపు పాటించాల్సిన అవసరం ఎంతైనా ఉంది. చీకట్లు కమ్ముకోక ముందే వెలుగుల కోసం జాగ్రత్త పడాలి. అవసరం లేని చోట విద్యుత్‌ దుబారాను తగ్గించాలి.

కోదాడ(కోదాడరూరల్‌) : కోదాడ ప్రాంతీయ పశువైద్యశాలలో మూగజీవాలకు అందుతున్న వైద్య సేవలు రాష్ట్రానికే ఆదర్శంగా నిలుస్తున్నాయని రాష్ట్ర పశువైద్య, పశు సంవర్ధక శాఖ అదనపు డైరెక్టర్‌ డాక్టర్‌ బి. సుబ్బారాయుడు ప్రశంసించారు. శుక్రవారం ఆయన కోదాడ పశువైద్యశాలను సందర్శించి రికార్డులను పరిశీలించారు. ఈ సందర్భంగా ఆయన మాట్లాడుతూ.. ఇక్కడ అందిస్తున్న వినూత్న చికిత్సలు, శస్త్రచికిత్సల కోసం పొరుగు జిల్లాలు, ఏపీ నుంచి కూడా పశువులను తీసుకురావడం డాక్టర్‌ పెంటయ్య పనితనానికి నిదర్శనమన్నారు. దేశంలోనే తొలిసారిగా కోదాడలో పశు ఔషధ బ్యాంకును ఏర్పాటు చేయడం గొప్ప విషయమన్నారు. డాక్టర్‌ పెంటయ్యను ఆదర్శంగా తీసుకుని పశు వైద్యులంతా మూగజీవాలకు సేవలందించాలని సూచించారు. అనంతరం పశువైద్యశాల సిబ్బందిని ఆయన సన్మానించారు. ఈ కార్యక్రమంలో డాక్టర్‌ సిరిపురపు సురేంద్ర, సిబ్బంది తదితరులు పాల్గొన్నారు. రాష్ట్ర పశువైద్య, పశుసంవర్ధక శాఖ అదనపు డైరెక్టర్‌ సుబ్బారాయుడు

హుజూర్‌నగర్‌: చెడు వ్యసనాలకు బానిసై అప్పులు చేసి, వాటిని తీర్చేందుకు దొంగతనాలకు పాల్పడుతున్న విద్యార్థిని పోలీసులు అరెస్ట్‌ చేశారు. అతడి నుంచి రూ.1.80 లక్షల విలువైన బంగారు ఆభరణాలను స్వాధీనం చేసుకుని రిమాండ్‌కు తరలించారు. శుక్రవారం హుజూర్‌నగర్‌ పోలీస్‌ స్టేషన్‌లో కోదాడ డీఎస్పీ శ్రీనివాసరెడ్డి ఈ కేసు వివరాలను వెల్లడించారు. హుజూర్‌నగర్‌ పట్టణంలోని కనకదుర్గమ్మ గుడి బజార్‌కు చెందిన మల్లెబోయిన నిఖిల్‌(19) చిన్నతనం నుంచి తన అమ్మమ్మ, తాతయ్య కోడి ఉమ, జనార్ధన్‌ వద్ద ఉంటూ పెరిగాడు. ప్రస్తుతం కోదాడలోని ఓ ప్రైవేట్‌ కళాశాలలో ఇంటర్‌ చదువుతున్నాడు. చెడు వ్యసనాలకు అలవాటుపడి గత రెండేళ్లుగా మైనర్‌ అయిన తన క్లాస్‌మేట్‌తో కలిసి కోడి పందాలు కాస్తూ పెద్ద మొత్తంలో డబ్బు పోగొట్టుకున్నాడు. అప్పులు తీర్చేందుకు మళ్లీ కోడిపందాలు ఆడి మరింత అప్పులపాలయ్యాడు. వాటిని తీర్చలేక దొంగతనాలకు పాల్పడాలని నిర్ణయించుకున్నాడు. ఈ క్రమంలో ఆరు నెలల క్రితం నిఖిల్‌ తన అమ్మమ్మ కోడి ఉమాకు చెందిన బంగారు గొలుసును చోరీ చేసి, తన స్నేహితుడితో కలిసి కొంత భాగాన్ని విక్రయించి జల్సాలు చేశాడు. మళ్లీ ఈ నెల 3న మేనత్త కోడి ఉపేంద్రకు చెందిన మూడున్నర తులాల బంగారు పుస్తెలతాడును నిఖిల్‌ దొంగిలించాడు. బాధితురాలి ఫిర్యాదుతో పోలీసులు కేసు నమోదు చేశారు. శుక్రవారం పెట్రోలింగ్‌ చేస్తున్న పోలీసులను చూసి పారిపోతున్న నిఖిల్‌, అతడి స్నేహితుడిని ఎస్‌ఐ నరేష్‌ పట్టుకున్నారు. విచారణలో వారు నేరాన్ని అంగీకరించడంతో.. వారి నుంచి తులం కరిగించిన బంగారు ముద్ద, మూడున్నర తులాల పుస్తెలతాడును స్వాధీనం చేసుకుని నిఖిల్‌ను రిమాండ్‌కు తరలించినట్లు డీఎస్పీ తెలిపారు. ఈ విలేకరుల సమావేశంలో సీఐ చరమందరాజు, ఎస్‌ఐ నరేష్‌, పోలీస్‌ సిబ్బంది పాల్గొన్నారు. రూ.1.80 లక్షల విలువైన బంగారు ఆభరణాలు స్వాధీనం రిమాండ్‌కు తరలింపు

పెద్దవూర : జిల్ల్లాలో వానా కాలం సీజన్‌లో సాగుచేసిన వరి పంట చేతికొస్తోంది. రైతులు పండించిన ధాన్యానికి ప్రభుత్వ మద్దతు ధర (ఏ గ్రేడ్‌కు రూ.2461, సాధారణ రకానికి రూ.2441) లభించాలంటే కోతలు, నూర్పిడి సమయాల్లో తగిన జాగ్రత్తలు పాటించాలని పెద్దవూర మండల వ్యవసాయ అధికారి ఎన్‌. సత్యనారాయణ సూచించారు. నాణ్యతా ప్రమాణాలు పాటిస్తేనే మార్కెట్‌లో గిట్టుబాటు ధర దక్కుతుందన్నారు. ఇప్పటికే కొన్ని చోట్ల కొనుగోలు కేంద్రాలు ప్రారంభం కాగా, వారం రోజుల్లో అన్నీ అందుబాటులోకి రానున్నాయి. రైతులు పాటించాల్సిన జాగ్రత్తలివే.. ● వరి గింజలన్నీ బంగారు రంగులోకి వచ్చిన తర్వాతనే కోతలు ప్రారంభించాలి. ● వరి కోతకు ముందు పొలంలో ఉన్న కల్తీ మొక్కలను తీసివేయాలి. ● కోతకు 15 నుంచి 20 రోజుల ముందే నీటి తడులు ఆపివేయాలి. ● 1010 వంటి రకం వరి బంగారం వర్ణంలోకి వచ్చే వరకు ఆగితే గింజలన్నీ రాలిపోతాయి. ఈ ఒక్క రకాన్ని మాత్రం గోధుమ రంగులోకి రాగానే కోయాలి. ● కోసిన వరి మెదళ్లను నాలుగు రోజుల పాటు ఎండనివ్వాలి. ● అనంతరం ఒక్కో రకం వరికి వేర్వేరు కల్లాలు చేసి, టార్ఫాలిన్‌లలో వరి మెదలు వేసి ట్రాక్టర్ల ద్వారా నూర్పిడి చేయాలి. ● ఒక రకం వరి ధాన్యాన్ని మరో రకం ధాన్యంతో కలపొద్దు. పొలం వద్దే గ్రేడింగ్‌ చేయాలి. ● గడ్డిని తీసివేసి గింజలన్నీ కుప్పగా పోసి గాలి పంకల సహాయంతో తాలు, రాళ్లు లేకుండా తూర్పార పట్టాలి. ● ధాన్యంలో 17 శాతం లోపు తేమ ఉండే వరకు ఆరబెట్టి కొనుగోలు కేంద్రాలకు తీసుకెళ్లాలి. ● హార్వెస్టర్‌తో కోస్తే మొదటిసారి పోసే డబ్బాను వేరుగా పోయాలి. ఆ తరువాత కోసినవన్నీ ఒక చోట పోయాలి. ఇలా చేయడం వలన కల్తీ ప్రమాదం తప్పుతుంది. ● వరి గింజలన్నీ సిమెంట్‌ కల్లాలు లేదా టార్ఫాలిన్‌ షీట్లపై ఆరబెట్టాలి. రెండు, మూడు రోజులు బాగా ఎండేలా పారతో, కాళ్లతో కలియదున్నాలి. ● పంట సరిగా ఆరబెట్టకపోతే గింజలు రంగు మారి, పంట నాణ్యత తగ్గే అవకాశం ఉంది. ● పంటను ఆరబెట్టే సమయంలో రాళ్లు, మట్టి పెళ్లలు, చెత్తా చెదారం వంటి వ్యర్థ పదార్థాలు చేరకుండా జాగ్రత్త వహించాలి. ● నిల్వ చేసే పక్షంలో గోనె సంచులను కింద వేయకుండా కవర్లు పరిచి లేదా బల్లలపై బస్తాలు నెట్టుగా వేయాలి. ● పురుగులు ఆశించకుండా లీటరు నీటికి 5 ఎంఎల్‌ మలాథియాన్‌ మందును కలిపి బస్తాలపై పిచికారీ చేయాలి. ● ఎలుకల నుంచి రక్షించుకోవడానికి బస్తాల మధ్య జింక్‌ ఫాస్ఫేట్‌ ట్యాబ్లెట్లు ఉంచాలి. ఒకరోజు తలుపులు పూర్తిగా మూసివేసి గాలి చొరబడకుండా జాగ్రత్తలు వహించాలి. ఇలా చేయడంతో ఎలుకలు లేకుండా పోతాయి. మరుసటి రోజు నుంచి తలుపులు తీయొచ్చు. వరి కోతల్లో జాగ్రత్తలు తప్పనిసరి

నకిరేకల్‌ : సమాజంలో గుర్తింపు ఉన్న వ్యక్తులను లక్ష్యంగా చేసుకుని వ్యక్తిగత విమర్శలు, దూషణలకు దిగడం సరికాదని రాష్ట్ర పోలీస్‌ కంప్లైంట్స్‌ అథారిటీ సభ్యుడు వర్రె వెంకటేశ్వర్లు అన్నారు. ఇలాంటి చర్యల వల్ల ప్రజల మధ్య కుల, మత వైషమ్యాలు పెరిగి శాంతిభద్రతలకు విఘాతం కలుగుతుందన్నారు. శుక్రవారం నకిరేకల్‌లోని వినాయక ఫంక్షన్‌ హాల్‌లో ఏర్పాటు చేసిన విలేకరుల సమావేశంలో ఆయన మాట్లాడారు. ప్రతి కులం, మతానికి చెందిన వారు తమ అభివృద్ధి కోసం, హక్కుల కోసం పోరాడటం తప్పు కాదని, కానీ ఇతరులను కించపరుస్తూ మాట్లాడటం దేశ ఐక్యతకు, ప్రజాస్వామ్యానికి ముప్పుగా మారుతుందన్నారు. గ్రామాల్లో, పట్టణాల్లో విద్వేషాలు సృష్టించే వారి పట్ల పోలీసులు అప్రమత్తంగా ఉండాలని సూచించారు. రాజ్యా ంగం కల్పించిన స్వేచ్ఛ, సమానత్వం, సోదరభావాన్ని ప్రతి ఒక్కరూ కాపాడుకోవాలన్నారు. ఈ సమావేశంలో సమాచార హక్కు వ్యవస్థాపక అధ్యక్షుడు యర్రమాద కృష్ణారెడ్డి, ఎస్‌ఐ వీరబాబు తదితరులు పాల్గొన్నారు. పోలీస్‌ కంప్లైంట్స్‌ అథారిటీ సభ్యుడు వర్రె వెంకటేశ్వర్లు

నల్లగొండ(కనగల్‌) : ఉన్నత చదువుల కోసం ఒక్కగానొక్క కుమార్తెను అమెరికాకు పంపిన ఆ తల్లిదండ్రులకు ఇప్పుడు కన్నీళ్లే మిగిలాయి. నల్లగొండ జిల్లా కనగల్‌ మండలం శాబ్దుల్లాపురం గ్రామానికి చెందిన కోయ యాదగిరిరెడ్డి, రూప దంపతుల ఏకై క కుమార్తె శ్రీజ(23) అమెరికాలోని బోస్టన్‌ నగరంలో ఈ నెల 2వ తేదీన అదృశ్యమైన విషయం తెలిసిందే. బోస్టన్‌ యూనివర్సిటీలో ఉన్నత విద్యనభ్యసిస్తున్న శ్రీజ ఆచూకీ శుక్రవారం రాత్రి వరకు కూడా లభించలేదని అమెరికా పోలీసులు తెలిపినట్లు బంధువులు వెల్లడించారు. ఆమె అదృశ్యమైన పరిసర ప్రాంతాల్లో అమెరికా పోలీసులు ముమ్మరంగా గాలింపు చర్యలు చేపడుతున్నారు. తమ బిడ్డ జాడ తెలియకపోవడంతో శ్రీజ తల్లిదండ్రులు తీవ్ర ఆందోళనకు గురవుతూ కన్నీరుమున్నీరవుతున్నారు. శ్రీజ క్షేమంగా తిరిగి రావాలని బంధువులు ఆశగా ఎదురుచూస్తున్నారు. మంత్రి కోమటిరెడ్డి నిరంతర పర్యవేక్షణ.. శ్రీజ అదృశ్యమైన ఘటనపై రాష్ట్ర మంత్రి కోమటిరెడ్డి వెంకట్‌రెడ్డి ప్రత్యేక దృష్టి సారించారు. ఆమె ఆచూకీ వీలైనంత త్వరగా కనుగొనేందుకు అమెరికాలోని భారత కాన్సులేట్‌ జనరల్‌, కేంద్ర విదేశాంగ శాఖ అధికారులతో నిరంతరం సంప్రదింపులు జరుపుతున్నారు. ఈ మేరకు కాన్సులేట్‌ జనరల్‌కు, కేంద్ర విదేశాంగ శాఖకు, కేంద్ర మంత్రి కిషన్‌రెడ్డికి మెయిల్స్‌ ద్వారా విజ్ఞప్తి చేశారు. బోస్టన్‌లోని తెలుగు అసోసియేషన్‌ ఆఫ్‌ నార్త్‌ అమెరికా(తానా) ప్రతినిధి కృష్ణప్రసాద్‌తో మంత్రి కోమటిరెడ్డి ఫోన్‌లో మాట్లాడి శ్రీజ ఆచూకీ కోసం చేపడుతున్న చర్యలను అడిగి తెలుసుకున్నారు. మంత్రి పంపిన ఈమెయిల్స్‌ ఆధారంగా స్థానిక పోలీసుల సహకారంతో ఆమె కోసం తీవ్రంగా గాలిస్తున్నామని కృష్ణ ప్రసాద్‌ వివరించారు. మరోవైపు శ్రీజ కుటుంబ సభ్యుల ఆవేదనను దృష్టిలో ఉంచుకుని గాలింపు చర్యలు వేగవంతం చేయాలని కాన్సులేట్‌ జనరల్‌ను మంత్రి కోరారు. మంత్రి ఆదేశాల మేరకు ఆయన కార్యాలయం ప్రత్యేకంగా ఈ వ్యవహారాన్ని పర్యవేక్షిస్తోంది. ప్రతి గంటకు ఒకసారి తాజా సమాచారాన్ని సేకరిస్తూ అమెరికాలోని ప్రతినిధులతో సమన్వయం చేసుకుంటోంది. అమెరికాలోని బోస్టన్‌లో ఈ నెల 2న అదృశ్యమైన శాబ్దుల్లాపురం యువతి ఇంకా లభించని శ్రీజ ఆచూకీ కన్నీరుమున్నీరవుతున్న తల్లిదండ్రులు ఆమె ఆచూకీ కోసం మంత్రి కోమటిరెడ్డి ప్రత్యేక చొరవ కేంద్ర మంత్రి, కాన్సులేట్‌ జనరల్‌తో నిరంతర సంప్రదింపులు

● జాతీయ పోటీలకు ఎంపికభూదాన్‌పోచంపల్లి: మండలంలోని పెద్దరావులపల్లికి చెందిన తప్పెట పవన్‌కుమార్‌ హైదరాబాద్‌లో జరుగుతున్న రాష్ట్ర 70వ స్కూల్‌ గేమ్‌ ఫెడరేషన్‌ అండర్‌–17 పోటీలలో సత్తా చాటాడు. 10 మీటర్ల ఎయిర్‌ పిస్టల్‌ విభాగంలో సిల్వర్‌ మెడల్‌ కైవసం చేసుకుని ఈ నెల 23 నుంచి 26 వరకు గోవాలో జరగనున్న స్కూల్‌ గేమ్‌ ఆఫ్‌ ఇండియా జాతీయ స్థాయి పోటీలకు ఎంపికయ్యాడు. అంతేకాకుండా, వచ్చే నెలలో హైదరాబాద్‌లో జరిగే ఖేలో ఇండియా పోటీల్లో 25 మీటర్ల ర్యాపిడ్‌ ఫైర్‌ పిస్టల్‌ విభాగంలో రాష్ట్రం తరఫున ప్రాతినిధ్యం వహించనున్నాడు. సెప్టెంబర్‌లో కేరళలోని తిరువనంతపురంలో జరిగిన 17వ సౌత్‌జోన్‌ పోటీల్లోనూ తెలంగాణ తరఫున పాల్గొని నేషనల్‌ రైఫిల్‌ అసోసియేషన్‌ పోటీలకు అర్హత సాధించాడు. పవన్‌కుమార్‌ పోచంపల్లి ప్రభుత్వ జూనియర్‌ కళాశాలలో సీజీఏ మొదటి సంవత్సరం చదువుతున్నాడు. పవన్‌కుమార్‌ను కళాశాల ప్రిన్సిపాల్‌ సురేశ్‌రెడ్డి, అధ్యాపకులు, తల్లిదండ్రులు, గ్రామస్తులు అభినందించారు. విద్యుదాఘాతంతో మహిళ మృతికోదాడ(కోదాడ రూరల్‌) : ఇల్లు శుభ్రం చేస్తుండగా విద్యుదాఘాతానికి గురై మహిళ మృతిచెందింది. ఈ ఘటన కోదాడ మండలం బీక్యాతండాలో శుక్రవారం జరిగింది. బీక్యాతండాకు చెందిన బాణోతు జ్యోతిబాయి(32) ఇల్లు శుభ్రం చేస్తుండగా.. తలుపుపై ఉన్న కూలర్‌ వైరు ప్రమాదవశాత్తు ఆమైపె పడింది. ఆ వైరుకు జాయింట్లు ఉండటంతో విద్యుదాఘాతానికి గురై అక్కడికక్కడే మృతిచెందింది. కోదాడ రూరల్‌ పోలీసులు తండాకు చేరుకుని మృతదేహాన్ని పోస్టుమార్టం నిమిత్తం కోదాడ ప్రభుత్వాస్పత్రికి తరలించారు.

అర్వపల్లి : మత సామరస్యానికి ప్రతీకగా నిలిచిన అర్వపల్లి శివారులోని హజ్రత్‌ సయ్యద్‌ ఖాజా నసీరుద్దీన్‌ బాబా దర్గా ఉర్సు శుక్రవారం రాత్రి ఘనంగా ప్రారంభమైంది. రాత్రి 7.30 గంటలకు అర్వపల్లి పోలీస్‌ స్టేషన్‌ నుంచి గంధం ఊరేగింపు నిర్వహించారు. తుంగతుర్తి ఎమ్మెల్యే మందుల సామేల్‌, వక్ఫ్‌ బోర్డు రాష్ట్ర అసిస్టెంట్‌ సెక్రటరీ అమీర్‌ అహ్మద్‌, జిల్లా ఇన్‌స్పెక్టర్‌ దస్తగిరి, కాంగ్రెస్‌ మండల అధ్యక్షుడు గుడిపల్లి మధుకర్‌రెడ్డి, అర్వపల్లి దేవాలయ చైర్మన్‌ బీరవోలు విక్రంరెడ్డి, డీసీసీ కార్యదర్శి వేల్పుల రమేష్‌, మాజీ జెడ్పీటీసీ అవిలయ్య, శిగ నసీర్‌గౌడ్‌, స్థానిక ఎస్‌ఐ పి. మధు, ముజావర్‌ అలీ గంధంతో ఊరేగింపుగా వై జంక్షన్‌ వరకు వచ్చారు. ఊరేగింపునకు ముందు పకీర్లు జరబ్‌ నిర్వహించారు. తొలిరోజు ఉదయం నుంచే భక్తులు పెద్ద సంఖ్యలో తరలివచ్చి బాబాను దర్శించుకొని మొక్కులు తీర్చుకున్నారు. ఉర్సు సందర్భంగా దర్గా వద్ద వివిధ రకాల దుకాణాలు వెలిశాయి. దర్గా ఫౌండర్‌ కుమారుడు, అసిస్టెంట్‌ ప్రొఫెసర్‌ మహ్మద్‌ అబ్దుల్‌ హుస్సేన్‌ ఆధ్వర్యంలో భక్తులకు అన్నదానం చేశారు. ఈ వేడుకల్లో సర్పంచులు చిల్లంచర్ల విద్యాసాగర్‌, లునావత్‌ కృష్ణనాయక్‌, నాయకులు అమీనుద్దీన్‌, హబీబ్‌ తదితరులు పాల్గొన్నారు. ఉర్సు సందర్భంగా తుంగతుర్తి, సూర్యాపేట రూరల్‌ సీఐలు ఉపేందర్‌రావు, రాజశేఖర్‌, స్థానిక ఎస్‌ఐ పి. మధు 80మంది పోలీసులతో బందోబస్తు నిర్వహించారు. వైభవంగా గంధం ఊరేగింపు పెద్ద సంఖ్యలో తరలివచ్చిన భక్తులు

సూర్యాపేట(పెన్‌పహాడ్‌) : ప్రభుత్వ వైద్య సేవలలో నాణ్యతా ప్రమాణాలు పాటిస్తున్న పెన్‌పహాడ్‌ మండలం చీదెళ్ళ ఆయుష్మాన్‌ ఆరోగ్య మందిర్‌ జాతీయ స్థాయిలో గుర్తింపు సాధించింది. కేంద్ర ప్రభుత్వం నిర్వహించే నేషనల్‌ క్వాలిటీ అష్యూరెన్స్‌ స్టాండర్డ్స్‌ ధ్రువీకరణలో ఏకంగా 91.84% అత్యుత్తమ స్కోరు సాధించి జాతీయ స్థాయి క్వాలిటీ సర్టిఫికేషన్‌ పొందింది. ఈ మేరకు న్యూఢిల్లీలోని నేషనల్‌ హెల్త్‌ సిస్టమ్స్‌ రిసోర్స్‌ సెంటర్‌ అధికారికంగా ధ్రువీకరణ పత్రాన్ని జారీ చేసినట్లు మండల ప్రాథమిక ఆరోగ్య కేంద్రం వైద్యాధికారి రాజేష్‌ శుక్రవారం తెలిపారు. కేంద్ర నిపుణుల బృందం వర్చువల్‌ విధానంలో ఈ తనిఖీలు నిర్వహించి, 7 రకాల ప్రాథమిక ఆరోగ్య సేవల ప్యాకేజీలను క్షుణ్ణంగా పరిశీలించారని వైద్యాధికారి పేర్కొన్నారు. గ్రామీణ ప్రజలకు అందుతున్న నిరంతర వైద్య సేవలు, ఆస్పత్రి ప్రాంగణంలో పరిశుభ్రత, ఇన్ఫెక్షన్‌ నియంత్రణ, రోగుల భద్రత, మౌలిక సదుపాయాలు, వైద్య రికార్డుల పారదర్శక నిర్వహణ తదితర అంశాల్లో అత్యున్నత ప్రమాణాలు పాటించినందుకు ఈ గుర్తింపు లభించినట్లు ఆయన వివరించారు. ఈ గుర్తింపు పట్ల మండల ప్రజలు, ప్రజాప్రతినిధులు హర్షం వ్యక్తం చేశారు.

సాక్షి, సిటీబ్యూరో : తెలంగాణ రగ్బీ అసోసియేషన్‌ ఆధ్వర్యంలో సంగారెడ్డిలోని వోక్సెన్‌ యూనివర్సిటీలో నిర్వహించిన రాష్ట్రస్థాయి అస్మితా రగ్బీ ఛాంపియన్‌షిప్‌–2026 విజయవంతంగా ముగిసింది. రెండు రోజుల పాటు జరిగిన ఈ పోటీల్లో అండర్‌–15 విభాగంలో ఖమ్మం జట్టు విజేతగా నిలవగా, అండర్‌–18 విభాగంలో మెదక్‌ జట్టు ఛాంపియన్‌గా అవతరించింది. నవంబర్‌ 4, 5 తేదీల్లో నిర్వహించిన ఈ ఛాంపియన్‌షిప్‌లో తెలంగాణలోని 17 జిల్లాల నుంచి 28 జట్లు అండర్‌–15, అండర్‌–18 బాలికల విభాగాల్లో పాల్గొన్నాయి. రాష్ట్రవ్యాప్తంగా రగ్బీ క్రీడను విస్తరించి, కొత్త ప్రతిభను ప్రోత్సహించేందుకు తమ కృషి కొనసాగుతుందని తెలంగాణ రగ్బీ అసోసియేషన్‌ పేర్కొంది. తక్కువ నీటితో సాగయ్యే పంటలు వేయాలి● రైతులకు వ్యవసాయ శాస్త్రవేత్తల సూచనహుజూర్‌నగర్‌(గరిడేపల్లి) : ప్రస్తుత ఎల్‌నినో పరిస్థితుల్లో నీటి ఎద్దడిని తట్టుకుంటూ, తక్కువ నీటితో అధిక లాభాలు అందించే పంటలను రైతులు సాగు చేయాలని వ్యవసాయ శాస్త్రవేత్తలు చంద్రశేఖర్‌, శివప్రసాద్‌ సూచించారు. ప్రొఫెసర్‌ జయశంకర్‌ తెలంగాణ వ్యవసాయ విశ్వవిద్యాలయం ఆధ్వర్యంలో.. హుజూర్‌నగర్‌ వ్యవసాయ కళాశాల, తెలంగాణ రైతు విజ్ఞాన కేంద్రం శాస్త్రవేత్తలు శుక్రవారం గరిడేపల్లిలో రైతు పొలాల్లో ఆవిష్కరణలు కార్యక్రమం నిర్వహించారు. ఈ సందర్భంగా రైతులకు పెసర, మినుము విత్తన కిట్లతో పాటు నత్రజనిని స్థిరీకరించే సూక్ష్మజీవుల మిశ్రమాన్ని పంపిణీ చేశారు. సూక్ష్మజీవుల వినియోగంతో యూరియా వాడకం తగ్గి నేల ఆరోగ్యం మెరుగుపడుతుందని శాస్త్రవేత్తలు వివరించారు. పంట మార్పిడి ద్వారా కలుపు, చీడపీడల సమస్య తగ్గుతుందన్నారు. ఈ కార్యక్రమంలో గరిడేపల్లి ఏఓ ప్రియతమ్‌ కుమార్‌, ఏఈఓలు శిరీష, సంధ్య, రైతులు నలబోలు శ్రీనివాస్‌రెడ్డి, వెంకట్‌రెడ్డి తదితరులు పాల్గొన్నారు. భార్యను హత్య చేసిన భర్త అరెస్ట్‌ముదిగొండ: కుటుంబ కలహాల కారణంగా భార్యను హతమార్చిన భర్తను పోలీసులు శుక్రవారం అరెస్ట్‌ చేశారు. వివరాలు... ఖమ్మం జిల్లా ముదిగొండ మండలం గంధసిరికి చెందిన పస్తం లక్ష్మయ్యకు సూర్యాపేట జిల్లా తిరుమలగిరికి చెందిన వెంకటమ్మ(35)తో వివాహం జరిగింది. వీరు గంధసిరిలో ఉంటుండగా.. గత నెల 20వ తేదీన ఆమె మృతి చెందింది. అనుమానాస్పద మృతిగా కేసు నమోదు చేసిన పోలీసులు దర్యాప్తు చేపట్టారు. అయితే, కుటుంబ కలహాల కారణంగా వెంకటమ్మ తలపై భర్త లక్ష్మయ్య కర్రతో బాదడంతో ఆమె మృతి చెందిందని విచారణలో బయటపడింది. ఈ మేరకు నిందితుడిని అరెస్ట్‌ చేసి రిమాండ్‌కు తరలించామని ముదిగొండ సీఐ మురళి తెలిపారు.

రామగిరి (నల్లగొండ): కార్పొరేట్‌ వ్యవసాయానికి వ్యతిరేకంగా పోరాటాన్ని ఉధృతం చేయాలని అఖిల భారత వ్యవసాయ కార్మిక సంఘం ప్రధాన కార్యదర్శి బి. వెంకట్‌ పిలుపునిచ్చారు. శుక్రవారం నల్లగొండలోని దొడ్డి కొమరయ్య భవన్‌లో ఏర్పాటు చేసిన విలేకరుల సమావేశంలో ఆయన మాట్లాడారు. నవంబర్‌ 15 నుంచి 18 వరకు నల్లగొండలో జరిగే అఖిల భారత రైతు సంఘం (కిసాన్‌ సభ) మహాసభల సందర్భంగా, 15న నిర్వహించే భారీ బహిరంగ సభకు వ్యవసాయ కార్మికులు, కౌలుదారులు, శ్రామికులు పెద్దఎత్తున తరలిరావాలని పిలుపునిచ్చారు. ఈ సమావేశంలో వ్యవసాయ కార్మిక సంఘం నాయకులు నారి ఐలయ్య, కప్పుల లింగస్వామి, బొజ్జ చిన్న వెంకులు, గంధం మల్ల రాములు తదితరులు పాల్గొన్నారు. అఖిల భారత వ్యవసాయ కార్మిక సంఘం ప్రధాన కార్యదర్శి వెంకట్‌

భువనగిరి: బునాదిగాని కాల్వ నిర్మాణంలో భూములు కోల్పోయిన తమకు ఎకరానికి రూ. 50 లక్షల చొప్పున నష్టపరిహారం చెల్లించాలని భువనగిరి సమీపంలోని తుక్కాపురం రైతులు డిమాండ్‌ చేశారు. ఈ మేరకు శుక్రవారం గ్రామ పంచాయతీ కార్యాలయం వద్ద నిరసన చేపట్టారు. భువనగిరి పట్టణానికి ఆనుకుని ఉన్న తమ గ్రామంలో బహిరంగ మార్కెట్‌ ప్రకారం ఎకరం భూమి విలువ కోటి రూపాయల వరకు పలుకుతోందని, కాబట్టి అధికారులు ప్రత్యేక దృష్టి సారించి తమకు న్యాయం చేయాలని కోరారు. అనంతరం వివిధ డిమాండ్లతో కూడిన వినతిపత్రాన్ని భూసేకరణ డిప్యూటీ కలెక్టర్‌ జగన్నాథరావుకు అందజేశారు. ఈ కార్యక్రమంలో సర్పంచ్‌ జనగాం పాండు, మాజీ సర్పంచ్‌ పుట్ట వీరేష్‌ యాదవ్‌, ఉప సర్పంచ్‌ రాసాల లింగస్వామి, మహేష్‌, మల్లయ్య, నర్సిరెడ్డి, శేఖర్‌రెడ్డి, జంగారెడ్డి పాల్గొన్నారు.

భువనగిరి : విద్యార్థినులు ఆత్మస్థైర్యంతో జీవిస్తూ అన్నిరంగాల్లో రాణించాలని, యువజనోత్సవాల్లో తమ ప్రతిభను చాటుకోవాలని భువనగిరి మున్సి పల్‌ చైర్‌పర్సన్‌ తంగళ్లపల్లి శ్రీవాణిరవికుమార్‌ అన్నారు. స్వామి వివేకానంద జయంతిని పురస్కరించుకుని యువజనోత్సవాల్లో భాగంగా శుక్రవారం భువనగిరి పట్టణంలోని ఖిలా వద్ద నిర్వహించిన జిల్లా స్థాయి సాంస్కృతిక కార్యక్రమాలను ఆమె ప్రారంభించి మాట్లాడారు. అనంతరం ప్రతిభ కనబర్చిన వారికి బహుమతులు అందజేశారు. ఈ కార్యక్రమంలో జిల్లా యువజన క్రీడల అభివృద్ధి అధికారి ధనుంజనేయులు, షెడ్యూల్‌ కులాల సంక్షేమ అధికారి శ్యామ్‌సుందర్‌, ఫుడ్‌ ఇన్‌స్పెక్టర్‌ స్వాతి, డ్రగ్‌ ఇన్‌స్పెక్టర్‌ అశ్విన్‌, డాక్టర్‌ రాజ్‌కుమార్‌, హెరిటేజ్‌ కమిటీ సభ్యులు వెంకట్‌రెడ్డి, అంజయ్య, కౌన్సిలర్‌ బండారు స్వర్ణలత, డ్యాన్స్‌ కపిల్‌, రమేష్‌రాజ్‌, శ్రీనివాస్‌, భరత్‌, గణేష్‌, నవభారత యూత్‌ అసోసియేషన్‌ అధ్యక్షుడు కరుణ్‌ పాల్గొన్నారు. విజేతలు వీరే.. జానపతం నృత్యంలో విజ్ఞాన్‌ కళాశాల (భువనగిరి) ప్రథమ, మాంటిస్సోరి స్కూల్‌ (బీబీనగర్‌) ద్వితీయ బహుమతులు పొందాయి. జానపద గేయాల విభాగంలో ప్రభుత్వ బాలికల జూనియర్‌ కళాశాల (భువనగిరి) ప్రథమ, ప్రభుత్వ జూనియర్‌ కళాశాల(నారాయణపూర్‌)ద్వితీయ స్థానాల్లో నిలిచాయి. వీధి నాటకంలో ప్రభుత్వ జూనియర్‌ కళాశాల(నారాయణపూర్‌) ప్రథమ స్థానంలో నిలిచింది.

భువనగిరి : క్రీడలతో పిల్లల్లో ఆత్మవిశ్వాసంతోపాటు ఐక్యత, స్నేహభావం పెంపొందుతాయని కలెక్టర్‌ అనురాగ్‌ జయంతి అన్నారు. శుక్రవారం భువనగిరి పట్టణంలోని ప్రభుత్వ జూనియర్‌ కళాశాలలో భవిత కేంద్రాల్లోని మానసిక వికలాంగుల పిల్లలకు చేపట్టిన క్రీడా పోటీలను ఆయన ప్రారంభించి మాట్లాడారు. ప్రత్యేక అవసరాల గల పిల్లలు ఇతర పిల్లలతో సమానంగా చదువుకోవడంతోపాటు క్రీడల్లో రాణించాలన్నారు. భవిత కేంద్రాల్లో పిల్లల్లో క్రీడాస్ఫూర్తిని పెంచాలన్నారు. పారా ఒలింపిక్స్‌లో రాణించిన క్రీడాకారుల వీరగాథలను వీడియోల ద్వారా పిల్లలకు చూపించాలన్నారు. పోటీల్లో విజేతలైన వారికి కలెక్టర్‌ చేతుల మీదుగా బహుమతులు అందజేశారు. ఈ కార్యక్రమంలో జిల్లా విద్యాశాఖ అధికారి భిక్షపతి, సమ్మిళిత విద్యా సమన్వయ కర్త పెసరు లింగారెడ్డి, ఎంఈఓ రంగరాజ్‌, ప్రధానోపాధ్యాయులుఎన్‌.అండాలు, ప్రత్యేక ఉపాధ్యాయులు తదితరులు పాల్గొన్నారు. పెండింగ్‌ పనులు వేగంగా పూర్తిచేయండి భువనగిరిటౌన్‌ : పీఎంశ్రీ పాఠశాలల్లో పెండింగ్‌లో ఉన్న పనులను వేగంగా పూర్తిచేయాలని కలెక్టర్‌ అనురాగ్‌ జయంతి అధికారులను ఆదేశించారు. శుక్రవారం హైదరాబాద్‌ నుంచి అన్ని జిల్లాల కలెక్టర్లతో రాష్ట్ర ప్రభుత్వ ప్రధాన కార్యదర్శి సంజయ్‌ జాజు వీడియో కాన్ఫరెనన్స్‌ నిర్వహించి వివిధ అంశాలపై చర్చించి పలు సూచనలు చేశారు. అనంతరం కలెక్టరేట్‌లో అధికారులతో నిర్వహించిన సమావేశంలో కలెక్టర్‌ మాట్లాడారు. జిల్లాలో ఇంకుడు గుంతలు, బోర్‌ వెల్‌ రీఛార్జ్‌ నిర్మాణాలు, పంట కుంటల తవ్వకాలపై దష్టి పెట్టాలన్నారు. ఇందిరమ్మ ఇళ్ల రెండో విడత మంజూరు ప్రక్రియను వేగవంతం చేయాలన్నారు. ఈ సమావేశంలో అదనపు కలెక్టర్‌ వెంకారెడ్డి, జెడ్పీ సీఈఓ శోభారాణి, డీఆర్‌డీఓ నాగిరెడ్డి, డీఈఓ భిక్షపతి పాల్గొన్నారు. ఫ కలెక్టర్‌ అనురాగ్‌ జయంతి

భువనగిరి : జ్యోతిర్లింగ క్షేత్రాల దర్శనం కోసం భారత్‌ గౌరవ్‌ టూరిస్ట్‌ రైలు ఈ నెల 10న హైదరాబాద్‌ నుంచి ప్రారంభం కానున్నట్లు ఐఆర్‌సీటీసీ టూరిజం అసిస్టెంట్‌ మేనేజర్‌ పీవీ వెంకటేష్‌ తెలిపారు. శుక్రవారం భువనగిరి పట్టణంలోని రైల్వేస్టేషన్‌లో గల వెయిటింగ్‌ హాల్‌లో ఏర్పాటు చేసిన విలేకరుల సమావేశంలో ఆయన మాట్లాడారు. ఉజ్జయిని, ద్వారక, సోమనాఽథ్‌, పూణె, నాసిక్‌, ఛత్రపతి సంభూజీ నగర దర్శన్‌ కోసం సికింద్రాబాద్‌ నుంచి ప్రారంభమై కామారెడ్డి, నిజామాబాద్‌, ధర్మాబాద్‌ మీదగా వెళ్తుందన్నారు. ఈనెల 20 వరకు సాగే ఈ యాత్రకు సాధారణ టికెట్‌ రూ.18వేలు, డబుల్‌ ఏసీకి రూ.27,400 వరకు ఉంటుందన్నారు. అరుణాచలం, రామేశ్వరం, మధురై, కన్యాకుమారి, చిదంబరానికి ఈ నెల 23 నుంచి డిసెంబర్‌ 1వ తేది వరకు మరో యాత్ర నసాగుతుందన్నారు. ఈ యాత్ర చేసేందుకు సాధారణ టికెట్‌ రూ.15,800, త్రి ఏసీ ధర రూ.23,200 ఉంటున్నారు. టికెట్‌ బుకింగ్‌, పూర్తి వివరాలకు సెల్‌ 9701360701, 9281030744, 9281030734 నంబర్లను సంప్రదించాలని కోరారు. సమావేశంలో ఉద్యోగులు ప్రశాంత్‌, నరేష్‌ పాల్గొన్నారు.

నాణ్యతలేని సరుకులు.. ఈ ఫొటో కనిపిస్తున్నవి నాసిరకం పల్లీలు. భువనగిరిలోని ఓ వసతి గృహానికి సరఫరా చేశారు. సెప్టెంబర్‌ నుంచి ప్రతినెలా ఇలాగే నాసిరకంగా సరఫరా అవుతున్నాయని హాస్టల్‌ వంట నిర్వాహకులు చెబుతున్నారు. ఇలాంటి పల్లీలతో చట్నీ చేస్తే విద్యార్థులకు విరేచనాలు పెట్టే ప్రమాదముందని అంటున్నారు. జిల్లాలో ప్రతి సంక్షేమ హాస్టల్‌కు ఇలాగే నాసిరకం సరుకులు సరఫరా చేస్తున్నా అధికారులు చూసీచూడనట్టుగా వ్యవహరిస్తున్నారనే విమర్శలు ఉన్నాయి. సాక్షి, యాదాద్రి : సంక్షేమ హాస్టళ్లు, గురుకులాలు, కేజీబీవీలకు సరఫరా చేస్తున్న వంట దినుసులు నాసిరకంగా ఉంటున్నాయి. సెప్టెంబర్‌ నెల నుంచి నిత్యావసర సరుకుల పంపిణీ చేపట్టిన కాంట్రాక్టు సంస్థ నిర్లక్ష్యంగా వ్యవహరిస్తోందనే ఆరోపణలు ఉన్నాయి. సరిపడా సరుకుల రాకపోవడం.. వచ్చినవి కూడా నాణ్యమైనవి కాకపోవడంతో వండి పెట్టడానికి వార్డెన్లు, ప్రిన్సిపాళ్లు భయాందోళన చెందుతున్నారు. దీంతో కావాల్సిన సరుకులను ఏ రోజుకారోజు కొనుగోలు చేస్తున్నామని వాపోతున్నారు. సరుకుల నాణ్యతపై ఆందోళన నాప్కాబ్‌ సంస్థ ద్వారా జిల్లాలోని గురుకులాలు, ఎస్సీ, ఎస్టీ, బీసీ, మైనార్టీ సంక్షేమ వసతి గృహాలు, కేజీబీవీలు, అర్బన్‌ స్కూళ్లకు సరఫరా అవుతున్న సరుకుల నాణ్యతపై ఇటీవల పెద్దఎత్తున ఆందోళనలు వ్యక్తమయ్యాయి. జిల్లాకు వేలాది మంది విద్యార్థులకు అవసరమైన సరుకులు మహబూబాబాద్‌ నుంచి సరఫరా అవుతున్నాయి. ప్రధానంగా కందిపప్పు, శనగపప్పు, పెసర పప్పు, పల్లీలు, ఆవాలు, సాజీర, ఇడ్లీపిండి, బెల్లం వంటి అన్ని నిత్యావసర సరుకులు నాసిరకంగా వస్తున్నాయని అధికారుల పరిశీలనలో గుర్తించారు. పలు వసతి గృహాలకు సరిపోను సరుకుల సరఫరా జరగడంలేదు. దీనికి తోడునాణ్యతా ఉండకపోవడంతో అవి తినడానికి పనికిరాకుండా ఉంటున్నాయని, విద్యార్థులకు పౌష్టికాహారం అందకుండా పోతుందని, నాసిరకం సరుకులతో వండిన వంట తిన్న విద్యార్థులు అస్వస్థతకు గురైతే బాధ్యులు ఎవరని వార్డెన్లు, ప్రిన్సిపాళ్లు వాపోతున్నారు. ఆన్‌లైన్‌ ప్రక్రియతో ఇబ్బందులు ఈ టెండర్‌, డెలివరీ వ్యవస్థ పూర్తిగా ఆన్‌లైన్‌ ద్వారా జరుగుతుంది. ఈ ఏడాది సెప్టెంబర్‌ 1నుంచి రాష్ట్రమంతా ఉన్న వసతి గృహాలకు సరుకులు సరఫరా చేసే కాంట్రాక్టు ఒక్కరికే అప్పగించారు. నాప్కాబ్‌ సంస్థకు ఆగస్టు 27నే ప్రభుత్వం ఆదేశాలు ఇచ్చింది. ఆయా వసతి గృహాలకు అవసరమైన సరుకుల ఇండెంట్‌ను యూనిఫైడ్‌ వెల్ఫేర్‌ హాస్టల్‌ మేనేజ్‌మెంట్‌ సిస్టమ్‌ (యూహెచ్‌ఎంఎస్‌) పోర్టల్‌లో నమోదు చేస్తే సరుకుల పంపిణీ జరుగుతోంది. అయితే స్థానికంగా తలెత్తే సమస్యలపై తక్షణ స్పందన కరువైందని, ఇండెంట్‌ జనరేట్‌ చేయడం, సరుకులు మార్చుకోవడం వంటి సమస్యలు ఎదురవుతున్నాయి. ఉన్నతాధికారుల దృష్టికి తీసుకెళ్లినా.. Æ>çÙ‰ Ýë¦Æ‡$$-ÌZ E¯]l²-™é«¨-M>Æý‡$-ÌSMýS$, MýSÌñæ-MýStÆý‡Ï §ýl–íÙŠిrP çÜÐ]l$-çÜů]l$ ¡çÜ$-MðS-ãϯé çÜÆý‡$-MýS$ÌS çÜÆý‡-çœÆ> ¡Æý‡$ Ð]l*Æý‡-MýS-´ù-Ð]lyýl… VýSÐ]l$-¯éÆý‡á…. Csîæ-Ð]lÌS ¿¶æ$Ð]l-¯]l-WÇ Ð]l$…yýl-ÌS… ¯]l…§ýl-¯]l…-ÌZ° àçÜtÌŒæ ™èl°TMìS Ð]l_a¯]l ½ïÜ çÜ…„óSÐ]l$ Ô>Q MýSÑ$çÙ-¯]lÆŠ‡ §ýl–íÙtMìS Ý린MýS A«¨M>Æý‡$-Ë$ ¡çÜ$-MðS-âêÏÆý‡$. AƇ$$-¯]l-ç³µ-sìæMîS Ð]l*Æý‡$µ MýS°í³…^èlyýl… Ìôæ§ýl$. AƇ$$™ól çÜÆý‡$-MýS$-Ë$ ¯éíÜ-Æý‡-MýS…-V> Ð]lçÜ$¢…yýl-yýl…-™ø Ð]l…yìl-ò³sôæt ÐéÆð‡z¯]l$Ï, ç³Æý‡Å-Ðól-„ìS…^ól A«¨M>Æý‡$-Ë$ ¯ðl†¢ç³-r$t-MýS$…r$-¯é²Æý‡$. Ð]l*sìæ-Ð]l*-sìæMîS Oò³A«¨M>Æý‡$-ÌSMýS$ ^ðlç³µ-ÌôæMýS, ¯éíÜ-Æý‡MýS… ¨¯]l$-çÜ$-ÌS-™ø ѧéÅ-Æý‡$¦-ÌSMýS$ Ð]l…yìl ò³rtÌôæMýS H… ^ólĶæ*-ÌZ AÆý‡¦… M>Ð]l-yýl…-Ìôæ-§ýl° ÐéÆð‡z¯]l$Ï, A«¨M>Æý‡$-Ë$ Ðé´ù-™èl$-¯é²Æý‡$. C¨Ìê E…sôæ ¯éíÜ-Æý‡MýS… Ð]lçÜ$¢-Ð]l#ÌS çÜÆý‡-çœÆ> ºíßæ-Æý‡…VýS Æý‡çßæ-çÜÅÐól$ M>° ºÄ¶æ$-rç³yìl ^ðlç³µ-Ìôæ-Ð]l$° K hÌêÏ A««¨M>Ç õ³ÆöP-¯]lyýl… VýSÐ]l$-¯éÆý‡á…. ఫ సంక్షేమ హాస్టళ్లు, గురుకులాలకు సరఫరా చేస్తున్న కాంట్రాక్టు సంస్థ ఫ చాలీచాలని సరుకులతో ఇబ్బందులు ఫ కావాల్సిన వాటిని ఏరోజుకారోజు కొంటున్న హాస్టల్‌ వార్డెన్లు ఫ సరుకుల మార్పిడిలోనూ సమస్యలే ఎదురవుతున్నాయని ఆవేదన

భూదాన్‌పోచంపల్లి : మానసిక, శారీరక రుగ్మతలు కలిగిన విద్యార్థులను తీర్చిదిద్దేందుకు పునరావాస (రిహాబిలిటేషన్‌ ) విశ్వవిద్యాలయం ఉండడం రాష్ట్రానికి ఎంతో మేలు జరగనుందని రాష్ట్ర నీటిపారుదల, పౌరసరఫరాల శాఖ మంత్రి ఉత్తమ్‌కుమార్‌రెడ్డి అన్నారు. శుక్రవారం భూదాన్‌పోచంపల్లి మండలం దేశ్‌ముఖిలోని సెయింట్‌ మేరీస్‌ రిహాబిలిటేషన్‌ యూని వర్సిటీని నల్లగొండ ఎంపీ కె.రఘువీర్‌రెడ్డి, ప్రభు త్వ విప్‌ బీర్ల అయిలయ్య, ఎమ్మెల్యే కుంభం అనిల్‌కుమార్‌రెడ్డితో కలిసి మంత్రి ఉత్తమ్‌ సందర్శించారు. క్యాంపస్‌ మొత్తం కలియదిరిగారు. సెంటర్‌లో పిల్లలు తయారు చేసిన బొమ్మలు, దీపావళి దివ్వెలు పరిశీలించారు. రూ.300 చెల్లించి దివ్వెలు కొనుగోలు చేసి పిల్లలను అభినందించారు. ఫిజి యో, ఆక్యుపెషనల్‌ థెరపీ సెంటర్లను సందర్శించి మాట్లాడారు. ఈ సందర్భంగా యూనివర్సిటీ వ్యవస్థాపకుడు రెవరెండ్‌ కేవీకే రావు యూనివర్సిటీ లక్ష్యాలను వివరించారు. ప్రభుత్వం మరింత సహకారం అందిస్తే న్యూరో పిల్లలందరికి ఉచిత సేవలందిస్తామని తెలిపారు. ఈ కార్యక్రమంలో సీఈఓ శ్రీహర్ష, సీఓఓ ఇందుఅపర్ణ, వైస్‌ఛాన్సలర్‌ లెప్టినెంట్‌ జనరల్‌ ప్రదీప్‌నాయర్‌, రిజిస్ట్రార్‌ డాక్టర్‌ శ్రీపతిద్వారకానాథ్‌, రాంబాబు, శివ, సర్పంచ్‌ దుర్గం జంగయ్య, ఉపసర్పంచ్‌ నూకల అశోక్‌, పీఏసీఎస్‌ పీఐసీ చైర్మన్లు పాక మల్లేశ్‌, కళ్లెం రాఘవరెడ్డి, మర్రి నర్సింహారెడ్డి, కాంగ్రెస్‌ మండల పార్టీ అధ్యక్షుడు ఉప్పునూతుల వెంకటేశం, ఏర్పుల శ్రీనివాస్‌, మోహన్‌రెడ్డి, జక్కలి శంకర్‌, గుండాల రాజారాం, కుమార్‌ తదితరులు పాల్గొన్నారు. ఫ రాష్ట్ర పౌరసరఫరాల శాఖ మంత్రి ఉత్తమ్‌కుమార్‌రెడ్డి

రామన్నపేట: ప్రభుత్వం అందించే చేయూత పింఛన్‌ పొందుతున్న లబ్ధిదారుడు ఏ కారణం చేతనైనా మరణిస్తే, ఇకపై ఆ పింఛన్‌ను వెంటనే అతని భార్య పేరుమీదకు బదిలీ చేయనున్నారు. ఈ మేరకు పంచాయతీరాజ్‌, గ్రామీణాభివృద్ధి శాఖ తాజా ఉత్తర్వులు జారీ చేసింది. ఇందుకు సంబంధించి ఆన్‌లైన్‌లో దరఖాస్తు చేసుకునే వెసులుబాటును ప్రభుత్వం కల్పించింది. అన్ని కేటగిరీలకూ వర్తింపు గతంలో భర్త మరణిస్తే కేవలం వృద్ధాప్య పింఛన్‌ మార్పిడికి మాత్రమే తక్షణ అవకాశం ఉండేది. మిగిలిన కేటగిరీల వారికి ఈ వెసులుబాటు ఉండేది కాదు. ప్రభుత్వ తాజా నిర్ణయంతో దివ్యాంగులు, గీత, చేనేత కార్మికులు, డయాలసిస్‌, హెచ్‌ఐవీ, ఫైలేరియా తదితర అన్ని కేటగిరీల పింఛన్‌దారుల కుటుంబాలకు ఈ ప్రయోజనం చేకూరనుంది. జిల్లాలో ప్రస్తుతం 94,288 మంది వివిధ కేటగిరీల కింద పింఛన్లు పొందుతుండగా, ప్రభుత్వం నెలకు రూ. 23.68 కోట్లు వెచ్చిస్తోంది. లబ్ధిదారుల మరణానంతరం వారి కుటుంబాలు ఆర్థికంగా ఇబ్బంది పడకూడదనే ఉద్దేశంతో ప్రభుత్వం ఈ నిర్ణయం తీసుకుంది. వయసు ఆధారంగా పింఛన్‌ ఖరారు పింఛన్‌ పొందుతున్న వ్యక్తి మరణిస్తే, అతని భార్య వయసు ఆధారంగా పింఛన్‌ కేటగిరీని మారుస్తారు. భార్య వయసు 57 సంవత్సరాలు పైబడి ఉంటే ‘వృద్ధాప్య పింఛన్‌’, 57 ఏళ్లలోపు ఉంటే ‘వితంతు పింఛన్‌’గా మార్చి మంజూరు చేస్తారు. దరఖాస్తు విధానం ఇలా.. లబ్ధిదారుడు మరణించిన పక్షంలో, భార్య తన ఆధార్‌ కార్డు, బ్యాంక్‌ పాస్‌బుక్‌ మొదటి పేజీతో పాటు మరణించిన భర్త ఆధార్‌ కార్డు, డెత్‌ సర్టిఫికెట్‌ను జతచేసి గ్రామీణ ప్రాంతాల్లో అయితే పంచాయతీ కార్యదర్శికి, పట్టణాల్లో అయితే వార్డు ఆఫీసర్‌కు అందజేయాలి. వారు ఆ దరఖాస్తును పరిశీలించిన అనంతరం ఆన్‌లైన్‌లో నమోదు చేసి, సంబంధిత మండల పరిషత్‌ డెవలప్‌మెంట్‌ అధికారి (ఎంపీడీఓ)లేదా మున్సిపల్‌ కమిషనర్‌ లాగిన్‌కు పంపుతారు. తుది దశలో కలెక్టర్‌ ఆమోదం తెలపగానే తక్షణమే పింఛన్‌ మంజూరవుతుంది.ఫ వృద్ధాప్యంతో పాటు ఇకపై అన్ని కేటగిరీల పింఛన్ల మార్పిడికి అవకాశం ఫ ఆన్‌లైన్‌లో ఆప్షన్‌ కల్పించిన ప్రభుత్వం ఫ భార్య వయసు ఆధారంగా వృద్ధాప్య లేదా వితంతు పింఛన్‌ మంజూరు ఫ అధికారులకు దరఖాస్తు చేసుకున్న వెంటనే బదిలీ

రామన్నపేట : ఇక్కత్‌ వస్త్రాలు, చేనేత డిజైన్ల రూపకల్పనలో ఆర్టిఫీషియల్‌ ఇంటెలీజెన్స్‌ (ఏఐ) సహకారం తీసుకుంటే నాణ్యమైన ఉత్పత్తులు చేయవచ్చని నాబార్డు తెలంగాణ చీఫ్‌ జనరల్‌ మేనేజర్‌ (సీజీఎం) ఉదయభాస్కర్‌ అన్నారు. శుక్రవారం షార్ప్‌ సంస్థ ఆధ్వర్యంలో వెల్లంకిలో ఏర్పాటు చేసిన సిరిపురం ఇక్కత్‌ హ్యాండ్లూమ్‌ వీవర్స్‌ క్లస్టర్‌ సమావేశంలో ఆయన మాట్లాడారు. కోష ఏఐ సహకారంతో ఇక్కత్‌ వస్త్రాలకు డిజిటల్‌ ట్రేసబిలిటీ వ్యవస్థ ద్వారా ఉత్పత్తుల మూలాలు తెలుసుకునే అవకాశం కలుగుతుందని వివరించారు. ఈ సందర్భంగా వెల్లంకి, సిరిపురం, బోగారం గ్రామాలకు చెందిన 20మంది చేనేత కార్మికులకు స్టాండ్‌ మగ్గాలు, వార్పు మిషన్లు, ఆసు మిషన్లు పంపిణీ చేసి ప్రారంభించారు. కార్యక్రమంలో నాబార్డు డీడీఎం ఝాన్సీ, అసిస్టెంట్‌ మేనేజర్‌ రణదీప్‌, ఫీల్డ్‌ ఆఫీసర్‌ హరీష్‌, షార్ప్‌ సంస్థ సీఈఓ కూరెళ్ల నర్సింహాచారి ప్రోగ్రాం మేనేజర్‌ పోలోజు నర్సింహాచారి, ఫెసిలిటేటర్‌ అంకం నాగరాజు పాల్గొన్నారు. ఫ నాబార్డు సీజీఎం ఉదయ్‌భాస్కర్‌

యాదగిరిగుట్ట : యాదగిరి శ్రీలక్ష్మీనరసింహస్వామి ఆలయంలో ఊంజల్‌ సేవోత్సవాన్ని అర్చకులు వైభవంగా నిర్వహించారు. శుక్రవారం ఆండాళ్‌ అమ్మవారికి ఇష్టమైన రోజు కావడంతో సాయంత్రం వేళ మండపంలో అమ్మవారిని ప్రత్యేకంగా అలంకరించారు. అనంతరం ఆండాళ్‌ అమ్మవారిని ప్రత్యేక పల్లకిపై అధిష్టించి ఆలయ తిరుమాడ వీధుల్లో భక్తుల నడుమ ఊరేగించారు. అద్దాల మండపంలో ఆండాళ్‌ దేవిని అధిష్టించి ఊంజల్‌ సేవోత్సవాన్ని జరిపించారు. ఆలయంలో రాత్రి వరకు పూజలు కొనసాగాయి. రేషన్‌ ఇవ్వట్లేదా.. ఫిర్యాదు చేయండిలాభువనగిరిటౌన్‌ : రేషన్‌ సరుకుల పంపిణీలో అవకతవకలు జరగకుండా, లబ్ధిదారులు కోటా పొందే విషయంలో అనుమానాలకు తావులేకుండా ప్రభుత్వం రేషన్‌ షాపుల వద్దే ప్రత్యేక సమాచార పోస్టర్లను ఏర్పాటు చేసింది. కేంద్ర ప్రభుత్వ ప్రధానమంత్రి గరీబ్‌ కళ్యాణ్‌ అన్న యోజన కింద ఉచితంగా అందుతున్న రేషన్‌ సరుకులను పోస్టర్ల ద్వారా స్పష్టంగా ప్రదర్శించారు. డీలర్లు సరుకులు ఇవ్వడానికి నిరాకరించినా, తూకంలో తేడా కనిపించినా వెంటనే 14457 నంబర్‌కు ఫోన్‌ చేసి ఫిర్యాదు చేయవచ్చు. పోస్టర్‌పై ఉన్న క్యూఆర్‌ కోడ్‌ స్కాన్‌ చేసి వాట్సాప్‌ ద్వారా సాయం పొందవచ్చని అధికారులు సూచిస్తున్నారు. నీటిని పొదుపుగా వాడాలి యాదగిరిగుట్ట : ప్రస్తుత పరిస్థితుల్లో నీటిని పొదుపుగా వాడుకోవాలని జాతీయ మానవ హక్కుల కమిషన్‌ ప్రత్యేక పర్యవేక్షకుడు డాక్టర్‌ అనిమేష్‌ భట్టాచార్య అన్నారు. తుర్కపల్లి మండల కేంద్రంలో శుక్రవారం ఆయన నీటి సరఫరా, పారిశుద్ధ్య నిర్వహణను పరిశీలించారు. ప్రతి ఇంటికి అందుతున్న తాగునీటి సరఫరాపై ప్రజల వద్దకు వెళ్లి అడిగి తెలుసుకున్నారు. అనంతరం అంగన్‌వాడీ కేంద్రం, ప్రభుత్వ పాఠశాలను సందర్శించి అక్కడ విద్యార్థులకు అందుతున్న తాగునీటి సౌకర్యాలను పరిశీలించారు. కార్యక్రమంలో గ్రామ సర్పంచ్‌ సోముల వెంకటేశం, ఎంపీఓ వెంకటేశ్వర్లు, ఎంఈఓ మంజుషారాణి, మండల వైద్యాధికారి రాంరెడ్డి, డీఈ ప్రశాంత్‌రెడ్డి, ఈఈలు అనంత్‌, శ్రీజ, ఉప సర్పంచ్‌ పల్లె నరేష్‌గౌడ్‌, కార్యదర్శి మహేందర్‌ పాల్గొన్నారు. డిసెంబర్‌ 15 నుంచి ఆశా వర్కర్ల సమ్మెభువనగిరిటౌన్‌: తమ సమస్యలు పరిష్కరించాలని డిమాండ్‌ చేస్తూ ఆశా వర్కర్స్‌ రాష్ట్ర యూనియన్‌ సమస్యల సాధన కమిటీ డిసెంబర్‌ 15 నుంచి సమ్మెకు దిగనున్నట్లు పిలుపునిచ్చింది. ఈ మేరకు భువనగిరి కలెక్టరేట్‌లో డీఎంహెచ్‌ఓకు సీఐటీయూ, బీఆర్‌టీయూ నాయకులు సమ్మె నోటీసు అందజేశారు. ఈ సందర్భంగా బీఆర్‌టీయూ రాష్ట్ర అధ్యక్షుడు రాంబాబు యాదవ్‌, సీఐటీయూ జిల్లా కార్యదర్శి కల్లూరి మల్లేశం మాట్లాడుతూ ఎన్నికల్లో ఇచ్చిన హామీ మేరకు నెలకు రూ.18వేలు కనీస వేతనం, రూ.50 లక్షల ప్రమాద బీమా, రూ.5 లక్షల రిటైర్మెంట్‌ బెనిఫిట్స్‌ కల్పించాలన్నారు. ఏఎన్‌ఎం, జీఎన్‌ఎం శిక్షణ పూర్తి చేసిన వారికి ప్రమోషన్లు ఇవ్వాలని కోరారు. ఈ కార్యక్రమంలో నాయకులు ఢిల్లీ మాధవరెడ్డి, మాయ కష్ణ, వెంకటమ్మ, లలిత, జ్యోతి, శంకరమ్మ, అమత, భవాని, సరిత, ఎల్లమ్మ పాల్గొన్నారు. అధ్యాపకులు ఏఐని వినియోగించాలినల్లగొండ టూటౌన్‌ : ప్రాజెక్టు రూపకల్పనలో ఏఐని వినియోగించాలని ఎంజీయూ వైస్‌ చాన్స్‌లర్‌ ప్రొఫెసర్‌ ఖాజాఅల్తాఫ్‌ హుస్సేన్‌ అధ్యాపకులకు సూచించారు. శుక్రవారం నల్లగొండలోని ఎంజీయూలో ఇంజినీరింగ్‌, కంప్యూటర్‌ సైన్స్‌ అధ్యాపకుల కోసం నిర్వహించిన ఫ్యాకల్టీ డెవలప్‌మెంట్‌ ప్రోగ్రామ్‌ ముగింపు సభలో మాట్లాడారు. కార్యక్రమంలో విభాగ అధిపతి జయంతి, ప్రిన్సిపాల్‌ హరీష్‌కుమార్‌, రేఖ, ఇన్‌ఫ్రాస్ట్రక్చర్‌ డెవలప్మెంట్‌ డైరెక్టర్‌ ఆకుల రవి పాల్గొన్నారు.

● తొలిరోజు గంధం ఊరేగింపు, ఖవ్వాలీ ● రేపు దీపారాధన అర్వపల్లి: మతసామరస్యానికి ప్రతీకగా నిలిచే అర్వపల్లి హజ్రత్‌ సయ్యద్‌ ఖాజా నసీరుద్దీన్‌ బాబా దర్గా ఉర్సు శుక్రవారం నుంచి రెండు రోజుల పాటు వైభవంగా జరగనున్నాయి. ఈమేరకు వక్ఫ్‌బోర్డు ఆధ్వర్యంలో ఏర్పాట్లు పూర్తి చేశారు. తొలిరోజు శుక్రవారం అర్వపల్లి పోలీస్‌స్టేషన్‌ నుంచి బాబా గంధం ఊరేగింపు కోలాహలంగా ప్రారంభమై దర్గాకు చేరుకోనుంది. అనంతరం ప్రత్యేక ప్రార్థనలు, రాత్రికి ఖవ్వాలీ కార్యక్రమం నిర్వహించనున్నారు. ఉత్సవాల్లో ముగింపు రోజైన శనివారం బాబా సన్నిధిలో దీపారాధన (చిరాగ్‌) మహోత్సవం జరగనుంది. ఉర్సు సందర్భంగా ఎలాంటి అవాంఛనీయ సంఘటనలు జరగకుండా నాగారం సీఐ నాగేశ్వరరావు, అర్వపల్లి ఎస్‌ఐ మధు ఆధ్వర్యంలో భారీ పోలీస్‌ బందోబస్తు ఏర్పాటు చేశారు. భక్తులు అధిక సంఖ్యలో తరలివచ్చి బాబాను దర్శించుకోవాలని వక్ఫ్‌బోర్డు అసిస్టెంట్‌ సెక్రటరీ అమీర్‌ అహ్మద్‌, జిల్లా ఇన్‌స్పెక్టర్‌ దస్తగిరి కోరారు.

నకిరేకల్‌(కట్టంగూర్‌) : ప్రభుత్వ విప్‌, నకిరేకల్‌ ఎమ్మెల్యే వేముల వీరేశం ప్రయాణిస్తున్న కారు ప్రమాదానికి గురైంది. ఈ ఘటనలో ఎమ్మెల్యేతో పాటు కారులో ఉన్న వారందరూ క్షేమంగా బయటపడ్డారు. కట్టంగూర్‌ మండలం అయిటిపాముల గ్రామ శివారులో చెర్వుఅన్నారం బస్టాప్‌ సమీపంలో హైదరాబాద్‌–విజయవాడ జాతీయ రహదారిపై గురువారం ఈ ప్రమాదం జరిగింది. పోలీసులు తెలిపిన వివరాల ప్రకారం.. భువనగిరి ఎంపీ చామల కిరణ్‌కుమార్‌రెడ్డి నాయనమ్మ మృతి చెందడంతో ఎమ్మెల్యే వేముల వీరేశం శాలిగౌరారంలో ఆమె భౌతికకాయానికి నివాళులర్పించి, ఎంపీ కుటుంబ సభ్యులను పరామర్శించారు. అనంతరం చిట్యాల మండలం చిన్నకాపర్తి గ్రామంలో జరిగే ఓ కార్యక్రమానికి బయల్దేరారు. మార్గమధ్యలో అయిటిపాముల గ్రామ శివారులోని చెర్వుఅన్నారం బస్టాప్‌ వద్ద జాతీయ రహదారిపై ట్రాఫిక్‌ జామ్‌ కావడంతో ఎమ్మెల్యే కారు ముందు వెళ్తున్న కాన్వాయ్‌ వాహనం నిలిచిపోయింది. దీంతో ఎమ్మెల్యే కారు డ్రైవర్‌ కూడా బ్రేక్‌ వేసి కారును నిలిపివేశాడు. అదే సమయంలో విజయవాడ నుంచి హైదరాబాద్‌ వైపు అతివేగంగా వెళ్తున్న మరో కారు అదుపుతప్పి, ఆగి ఉన్న ఎమ్మెల్యే కారును వెనుక నుంచి బలంగా ఢీకొట్టింది. దీంతో ఎమ్మెల్యే కారు ముందున్న కాన్వాయ్‌ వాహనాన్ని ఢీకొట్టింది. ఈ ప్రమాదంలో ఎమ్మెల్యే కారు స్వల్పంగా దెబ్బతింది. ఘటన జరిగిన సమయంలో కారులో ఎమ్మెల్యేతో పాటు మాజీ ఎంపీటీసీ చింత వెంకటనర్సయ్య, ఫొటోగ్రాఫర్‌ శశి, గన్‌మెన్‌ పరశురామ్‌ ఉన్నారు. ఎవరికీ ఎలాంటి గాయాలు కాలేదు. ప్రమాదానికి కారణమైన కారును పోలీసులు స్వాధీనం చేసుకుని కట్టంగూర్‌ పోలీస్‌స్టేషన్‌కు తరలించారు. అనంతరం ఎమ్మెల్యే వీరేశం అదే కారులో చిట్యాలకు పయనమయ్యారు.తరచూ ప్రమాదాలుఅయిటిపాముల శివారులోని చెర్వుఅన్నారం బస్టాప్‌ సమీపంలో హైవేపై తరచూ ప్రమాదాలు జరుగుతున్నాయి. బస్టాప్‌ వద్ద అండర్‌పాస్‌ బ్రిడ్జి దిగువకు ఉండటంతో నకిరేకల్‌ వైపు వెళ్లే వాహనాలు, నకిరేకల్‌ నుంచి కట్టంగూర్‌ వైపు వచ్చే వాహనాలు వేగంగా డివైడర్‌ వద్దకు వస్తుండటంతో ప్రమాదాలు జరుగుతున్నాయి. డివైడర్‌ నుంచి కట్టంగూర్‌ వైపు వచ్చే దారిలో హైవేపై ఉన్న కల్వర్టు ఇరుకుగా ఉంది. రద్దీ సమయంలో వాహనాలు వేగం తగ్గించాల్సి రావడంతో ట్రాఫిక్‌ జామ్‌ అవుతోంది. ఈ కల్వర్టు వద్ద ఒకేసారి మూడు వాహనాలు వెళ్లేలా రోడ్డును విస్తరించాలని స్థానికులు కోరుతున్నారు. హైవేపై ఎమ్మెల్యే కారును ఢీకొట్టిన మరో వాహనం కట్టంగూర్‌ మండలం అయిటిపాముల శివారులో ఘటన

నల్లగొండ టౌన్‌: నల్లగొండలో ఈ నెల 15 నుంచి 18వ తేదీ వరకు నిర్వహించనున్న అఖిల భారత కిసాన్‌ సభ (ఏఐకేఎస్‌) 36వ జాతీయ మహాసభలను జయప్రదం చేయాలని మిర్యాలగూడ మాజీ ఎమ్మెల్యే జూలకంటి రంగారెడ్డి పిలుపునిచ్చారు. గురువారం నల్లగొండ పట్టణంలోని దొడ్డి కొమురయ్య భవన్‌లో జరిగిన మహాసభల సన్నాహక సమావేశంలో ఆయన పాల్గొని మాట్లాడారు. ఈ మహాసభలకు దేశం నలుమూలల నుంచి 950 మందికి పైగా ప్రతినిధులు, పరిశీలకులు, నాయకులు హాజరుకానున్నారని తెలిపారు. ఈ నెల 15న నల్లగొండలో లక్ష మంది రైతులతో భారీ ప్రదర్శన నిర్వహించి, అనంతరం ఎన్జీ కాలేజీ గ్రౌండ్స్‌లో భారీ బహిరంగ సభ నిర్వహించనున్నట్లు పేర్కొన్నారు. అధిక సంఖ్యలో రైతులు, పార్టీ నాయకులు, అభిమానులు ఈ మహాసభలకు హాజరు కావాలన్నారు. ఈ సమావేశంలో సీఐటీయూ రాష్ట్ర ఉపాధ్యక్షుడు తుమ్మల వీరారెడ్డి, రైతు సంఘం జిల్లా అధ్యక్షుడు ముదిరెడ్డి సుధాకర్‌రెడ్డి, కార్యదర్శి వీరపల్లి వెంకటేశ్వర్లు, మహిళా కన్వీనర్‌ కందాల ప్రమీల, నారి ఐలయ్య, డబ్బికార్‌ మల్లేష్‌, సయ్యద్‌ హాషం, పాలడుగు ప్రభావతి, ఎండీ సలీం, దండెంపల్లి సత్తయ్య, కంబాలపల్లి ఆనంద్‌, అవిశెట్టి శంకరయ్య ,బొజ్జ చిన్న వెంకులు, చింతపల్లి బయన్న, రాచకొండ వెంకట్‌గౌడ్‌, కొండ అనురాధ రవి నాయక్‌, మల్లయ్య పాల్గొన్నారు. మాజీ ఎమ్మెల్యే జూలకంటి రంగారెడ్డి

హుజూర్‌నగర్‌(గరిడేపల్లి) : హైదరాబాద్‌లో దూరదర్శిని సప్తగిరి ఛానల్‌ నిర్వహించిన ‘మన ఊరు–మన పాట’ సీజన్‌–2లో గరిడేపల్లి మండలం తాళ్లమల్కాపురం గ్రామానికి చెందిన కళాకారుడు కోట వీరస్వామి ప్రథమ బహుమతి సాధించారు. భవిష్యత్తులో కూడా కళారంగంలో మరిన్ని విజయాలు సాధిస్తూ తమ గ్రామానికి మంచి పేరు తీసుకురావడమే తన లక్ష్యమని కోట వీరస్వామి పేర్కొన్నారు. ఈ కార్యక్రమంలో కళాకారులు మర్యాద సైదులు, జోగునూరి సుందర్‌రావు, వీరన్న, దాసరి శ్రీనివాస్‌, దారం మల్లేష్‌ యాదవ్‌, నందిపాటి సైదులు, అనంత రాములు, తురక వీరయ్య, రామ్మూర్తి తదితరులు పాల్గొన్నారు. కోట వీరస్వామికి పలువురు కళాకారులు, గ్రామస్తులు శుభాకాంక్షలు తెలియజేశారు.ఆన్‌లైన్‌ ఉచ్చులో చిక్కుకోకండిభువనగిరిటౌన్‌ : సాంకేతిక పరిజ్ఞానం నేటి వేగవంతమైన జీవనశైలికి ఎంతటి వెసులుబాటు కల్పించిందో, అంతే స్థాయిలో తీవ్రమైన ముప్పునూ తెచ్చింది. కాస్త ఏమరుపాటుగా ఉన్నా, అత్యాశకు పోయినా కష్టపడి దాచుకున్న జీవితకాల సంపాదన నిమిషాల్లో ఆవిరవుతోంది. అమాయకులే లక్ష్యంగా సైబర్‌ కేటుగాళ్లు రోజుకో కొత్త ఎత్తుగడతో మోసాల వల విసురుతున్నారు. ఈ తరహా మోసాల బారిన పడకుండా ఉండాలంటే ప్రజలు డిజిటల్‌ లావాదేవీల్లో అప్రమత్తంగా వ్యవహరించాలని తెలంగాణ సైబర్‌ సెక్యూరిటీ బ్యూరో, పోలీస్‌ యంత్రాంగం స్పష్టం చేసింది. ‘మీ డబ్బు.. క్లిక్‌.. ఎంపిక’ పేరిట ప్రజలను అప్రమత్తం చేస్తూ పోస్టర్లను రూపొందించి అవగాహన కల్పిస్తున్నారు. లాభాల ఆశ చూపి..వాట్సాప్‌, టెలిగ్రామ్‌ వంటి సామాజిక మాధ్యమాల వేదికగా స్టాక్‌ ఇన్వెస్ట్‌మెంట్‌ గ్రూపులను సృష్టిస్తూ కొందరు కేటుగాళ్లు ప్రజలను ఆకర్షిస్తున్నారు. స్వల్ప కాలంలోనే ఊహించని లాభాలు వస్తాయంటూ నకిలీ ట్రేడింగ్‌ ప్లాట్‌ఫామ్‌లలోకి ఆహ్వానిస్తున్నారు. ప్రారంభంలో స్క్రీన్‌పై భారీ లాభాలు వస్తున్నట్లు గ్రాఫిక్స్‌ ద్వారా భ్రమ కల్పిస్తూ లక్షలాది రూపాయలను జమ చేయిస్తున్నారు. ఆ తర్వాత ఖాతాదారులు తమ సొమ్మును విత్‌డ్రా చేసుకునేందుకు యత్నించినప్పుడు సాంకేతిక సమస్యల పేరుతో నిలిపివేస్తున్నారు. నిధులు విడుదల కావాలంటే అదనంగా ప్రాసెసింగ్‌ ఫీజులు, పన్నులు చెల్లించాలంటూ మరింత డబ్బు వసూలు చేసి చివరకు నిలువునా ముంచుతున్నారు. ఇలాంటి అపరిచిత ప్లాట్‌ఫామ్‌లను నమ్మి సమస్యలు కొనితెచ్చుకోవద్దని, పెట్టుబడులు పెట్టే ముందే వాటి గుర్తింపు, విశ్వసనీయతను పూర్తిగా పరిశీలించుకోవాలని అధికారులు సూచిస్తున్నారు. డిస్కౌంట్‌ల వెనుక భారీ మోసంమరోవైపు ఆన్‌లైన్‌ షాపింగ్‌ పేరిట సరికొత్త మోసాలు విస్తరిస్తున్నాయి. ఖరీదైన స్మార్ట్‌ఫోన్లు, బ్రాండెడ్‌ బూట్లు, ల్యాప్‌టాప్‌లు, ఎలక్ట్రానిక్‌ వస్తువులపై 70 నుంచి 90 శాతం వరకు భారీ తగ్గింపులు ఉన్నాయంటూ ఆకర్షణీయమైన నకిలీ లింకులు పంపిస్తున్నారు. అసలు ధరతో పోల్చితే నమ్మశక్యం కాని రీతిలో తక్కువ ధరలు చూపుతూ కొనుగోలుదారుల నుంచి ముందస్తుగా డబ్బులు లాగేస్తున్నారు. విద్యుత్‌ బిల్లులు, కొరియర్‌ పార్సిళ్ల పేరుతో వచ్చే అనుమానాస్పద వెబ్‌సైట్‌ లింకుల పట్ల కూడా అప్రమత్తంగా ఉండాలని, ఆన్‌లైన్‌ ప్రకటనలు చూసి తొందరపడి కొనుగోళ్లు జరపకుండా, వెబ్‌సైట్ల అధికారికతను నిర్ధారించుకున్న తర్వాతే నిర్ణయం తీసుకోవాలని పోలీసులు స్పష్టం చేశారు. కాల్స్‌ వస్తే అప్రమత్తంగా ఉండాలి..బ్యాంకింగ్‌ కస్టమర్‌ కేర్‌ ప్రతినిధులమంటూ ఫోన్‌ కాల్స్‌ చేసి వ్యక్తిగత సమాచారాన్ని కాజేసే ముఠాల పట్ల జాగ్రత్తగా ఉండాలని పోలీసులు సూచిస్తున్నారు. ఖాతాదారుల మొబైల్‌కు వచ్చే ఓటీపీ, ఏటీఎం లేదా యూపీఐ పిన్‌, కార్డు వెనుక భాగంలో ఉండే సీవీవీ వివరాలను ఎట్టి పరిస్థితుల్లోనూ ఎవరితోనూ పంచుకోవద్దని హెచ్చరించారు. ఏ బ్యాంక్‌ లేదా అధికారిక ఆర్థిక సంస్థ కూడా ఫోన్‌ కాల్స్‌ ద్వారా వ్యక్తిగత సమాచారాన్ని, రహస్య కోడ్‌లను అడగవని గుర్తుంచుకోవాలన్నారు. అపరిచిత వ్యక్తులు పంపే క్యూఆర్‌ కోడ్‌లను స్కాన్‌ చేయడం, తెలియని లింకుల ద్వారా అనధికారిక యాప్‌లను డౌన్‌లోడ్‌ చేయడం వంటివి చేయకూడదని సూచించారు. కొత్త పద్ధతుల్లో సైబర్‌ నేరాలకు పాల్పడుతున్న కేటుగాళ్లు అధిక లాభాలు, భారీ డిస్కౌంట్‌ల పేరిట నకిలీ లింక్‌లు పంపుతూ మోసం ఓటీపీ, పిన్‌ నంబర్లు ఎవరికీ చెప్పొద్దని అవగాహన కల్పిస్తున్న పోలీసులు మోసపోతే తక్షణమే టోల్‌ఫ్రీ నంబర్‌ 1930కు ఫిర్యాదు చేయాలని సూచనమొదటి గంటలోనే స్పందించాలి ఒకవేళ మోసపోయినట్లు గుర్తిస్తే ఏమాత్రం ఆలస్యం చేయకుండా మొదటి గంటలోనే స్పందించాలని అధికారులు పిలుపునిచ్చారు. వెంటనే జాతీయ సైబర్‌ హెల్ప్‌లైన్‌ టోల్‌ ఫ్రీ నంబర్‌ 1930కు కాల్‌ చేయాలని లేదా అధికారిక పోర్టల్‌ www.cybercrime. gov.in ద్వారా ఫిర్యాదు నమోదు చేయాలని స్పష్టం చేశారు. అలాగే వాట్సాప్‌ సైబర్‌ ఫ్రాడ్‌ రిజిస్ట్రీ నంబర్‌ 8712672222 ద్వారా కూడా సమాచారం అందించవచ్చని పోలీసులు తెలిపారు. సైబర్‌ సురక్షిత సమాజ నిర్మాణంలో ప్రజలంతా పోలీసులతో భాగస్వాములు కావాలని పోలీస్‌ యంత్రాంగం విజ్ఞప్తి చేసింది.

● మంత్రి కోమటిరెడ్డి వెంకట్‌రెడ్డికి వినతి నల్లగొండ టౌన్‌: కృష్ణానది పరీవాహక ప్రాంతంలోని పంట కాలువల్లోకి పరిశ్రమల నుంచి విడుదలవుతున్న రసాయన వ్యర్థాలను నియంత్రించాలని పర్యావరణ పరిరక్షణ సమితి జిల్లా అధ్యక్షుడు నాగసేనారెడ్డి కోరారు. ఈ మేరకు గురువారం నల్లగొండకు వచ్చిన మంత్రి కోమటిరెడ్డి వెంకట్‌రెడ్డికి ఆయన వినతి పత్రం అందజేశారు. హైదరాబాద్‌, చౌటుప్పల్‌ పరిసర ప్రాంతాల నుంచి కూడా రసాయన వ్యర్థాలను ట్యాంకర్ల ద్వారా తీసుకొచ్చి నల్లగొండ జిల్లాలోని పంట కాలువల్లో వదులుతున్నారని పేర్కొన్నారు. ఈ నెల 1న రాత్రివేళ హైదరాబాద్‌ నుంచి రెండు ట్యాంకర్ల ద్వారా రసాయన వ్యర్థాలు తెచ్చి పెద్దవూర మండలం చింతపల్లి గ్రామ సమీపంలోని 11, 12 కిలోమీటర్ల మధ్య ఎస్‌ఎల్‌బీసీ ఎలిమినేటి మాధవరెడ్డి వరద కాలువలో విడుదల చేసినట్లు వినతిపత్రంలో పేర్కొన్నారు. వినతిపత్రం అందజేసిన వారిలో అఖిల భారత శాంతి సంఘీభావ సంఘం జిల్లా అధ్యక్షుడు కట్టా వెంకటరెడ్డి, ప్రధాన కార్యదర్శి జిల్లా యాదయ్య, రైతులు ఉన్నారు. అక్రమంగా నిల్వ ఉంచిన బాణాసంచా స్వాధీనంహుజూర్‌నగర్‌ : హుజూర్‌నగర్‌ పట్టణంలో పోలీస్‌ స్టేషన్‌కు కూతవేటు దూరంలో అక్రమంగా బాణాసంచా నిల్వ ఉంచిన దుకాణాన్ని రెవెన్యూ, ఫైర్‌, పోలీసు అధికారులు గురువారం తనిఖీ చేశారు. సుమారు రూ.20 వేల విలువైన బాణాసంచాను ఫైర్‌ అధికారులు స్వాధీనం చేసుకున్నారు. ఈ మేరకు దర్యాప్తు చేసి తగిన చర్యలు తీసుకుంటామని అధికారులు తెలిపారు. బైక్‌, స్కూటీ ఢీ.. ఇద్దరికి తీవ్ర గాయాలుభూదాన్‌పోచంపల్లి: బైక్‌, స్కూటీ ఢీకొన్న ఘటనలో ఇద్దరికి తీవ్ర గాయాలయ్యాయి. ఈ ఘటన గురువారం సాయంత్రం భూదాన్‌పోచంపల్లి మున్సిపాలిటీ పరిధిలో జరిగింది. స్థానికులు తెలిపిన వివరాల ప్రకారం.. భూదాన్‌పోచంపల్లి మున్సిపాలిటీ పరిధిలోని ముక్తాపూర్‌కు చెందిన బండారు మల్లారెడ్డి స్కూటీపై పోచంపల్లి నుంచి పద్మానగర్‌ వైపు వస్తున్నాడు. ఈ క్రమంలో జగత్‌పల్లి గ్రామానికి చెందిన సప్పిడి శ్రీకాంత్‌రెడ్డి బైక్‌పై పద్మానగర్‌ నుంచి పోచంపల్లి వైపు వెళ్తూ యూటర్న్‌ తీసుకొంటున్న క్రమంలో బైక్‌, స్కూటీ ఢీకొన్నాయి. ఈ ప్రమాదంలో ఇరువురు కిందపడటంతో ఇద్దరి తలకు గాయాలయ్యాయి. బండారు మల్లారెడ్డి తల పగిలి తీవ్ర రక్తస్రావం కావడంతో స్థానికులు వెంటనే అతడిని 108 అంబులెన్స్‌లో హైదరాబాద్‌లోని ప్రైవేట్‌ ఆస్పత్రికి తరలించారు. అతడు కోమాలోకి వెళ్లినట్లు తెలిసింది. శ్రీకాంత్‌రెడ్డిని స్థానిక ప్రభుత్వాస్పత్రికి తరలించి ప్రాథమిక చికిత్స చేయించారు. అనంతరం మెరుగైన వైద్యం కోసం హైదరాబాద్‌లోని ఓ ప్రైవేట్‌ ఆస్పత్రికి తరలించారు. యాదగిరీశుడి హుండీ ఆదాయం రూ.2.60 కోట్లు యాదగిరిగుట్ట: యాదగిరి లక్ష్మీనరసింహస్వామి ఆలయ హుండీల్లో భక్తులు సమర్పించుకున్న కానుకలను కొండ దిగువన సత్యనారాయణస్వామి వ్రత మండపంలో గురువారం లెక్కించారు. ఈ లెక్కింపులో రూ.2,60,59,278 నగదు వచ్చిందని ఈఓ భవానీశంకర్‌ పేర్కొన్నారు. మిశ్రమ బంగారం 65గ్రాములు, మిశ్రమ వెండి 2కిలోల 650 గ్రాములు వచ్చిందన్నారు. వివిధ దేశాలకు చెందిన కరెన్సీ సైతం వచ్చిందన్నారు. ఈ ఆదాయం 44 రోజులదని ఈఓ పేర్కొన్నారు. వాలీబాల్‌ పోటీలకు ఎంపికనకిరేకల్‌(కట్టంగూర్‌) : సాగర్‌ తిరుమలగిరి ప్రభుత్వ ఉన్నత పాఠశాలలో గురువారం జరిగిన జిల్లా స్థాయి అండర్‌–14 వాలీబాల్‌ పోటీల్లో కట్టంగూర్‌ మండలంలోని దుగినవెల్లి హైస్కూల్‌కు చెందిన 7వ తరగతి విద్యార్థి ఏనుగుల గోపాల కృష్ణ ప్రతిభ కనబరిచి ఉమ్మడి జిల్లా పోటీలకు ఎంపికై నట్లు పాఠశాల హెచ్‌ఎం వెంకటరమణ తెలిపారు. ఎంపికై న విద్యార్థినిని పాఠశాల ఉపాధ్యాయులు, వ్యాయామ ఉపాధ్యాయుడు ఐతగోని సైదులుగౌడ్‌ అభినందించారు.

నిడమనూరు : విపత్తు సమయాల్లో ప్రాణాలను సైతం లెక్కచేయకుండా సహాయక చర్యలు చేపడుతూ ఆపదమిత్రగా పేరుగాంచాడు అనుముల మండలం ఇబ్రహీంపేట గ్రామానికి చెందిన కె. శివకుమార్‌. ఆయన నిడమనూరు మండల కేంద్రంలో నివాసముంటూ జిమ్‌ ట్రైనర్‌గా పలువురు క్రీడాకారులకు శిక్షణ ఇస్తున్నారు. పోలీసు ఉన్నతాధికారుల పిలుపు మేరకు ప్రస్తుతం భద్రాచలంలోని 5వ ప్రత్యేక పోలీస్‌ దళం(స్పెషల్‌ బెటాలియన్‌)లో విపత్తు సహాయక చర్యలపై మాస్టర్‌ ట్రైనర్‌గా శిక్షణ ఇస్తున్నారు. బుధవారం రాత్రి ఖమ్మం జిల్లా సత్తుపల్లి మండలం బేతుపల్లి చెరువులో చిక్కుకున్న ఐదుగురు మత్స్యకారులను కాపాడేందుకు వెళ్లిన ఎన్డీఆర్‌ఎఫ్‌, అగ్నిమాపక సిబ్బంది నీటిలో పడిపోయారు. పోలీసు ఉన్నతాధికారుల నుంచి సమాచారం అందడంతో శివకుమార్‌ వెంటనే ఘటనా స్థలానికి చేరుకుని రెస్క్యూ టీంతో కలిసి గురువారం తెల్లవారేసరికి ఎన్డీఆర్‌ఎఫ్‌, అగ్నిమాపక సిబ్బందితో పాటు మరో ఇద్దరు మత్స్యకారులను కాపాడటంలో కీలకపాత్ర పోషించారు. దీంతో శివకుమార్‌ను రెవెన్యూ శాఖ మంత్రి పొంగులేటి శ్రీనివాస్‌రెడ్డితో పాటు పలువురు ఉన్నతాధికారులు అభినందించారు. గతేడాది ఏడాది నిడమనూరు మండలంలోని ముకుందాపురం వద్ద నాగార్జునసాగర్‌ ఎడమ కాలువలో కారు బోల్తా పడినప్పుడు కూడా శివకుమార్‌ అక్కడకు చేరుకుని రెస్క్యూ టీంతో కలిసి కారును బయలకు వెలికితీయడంలో సహాయ సహకారాలు అందించారు. ఇటీవల హైదరాబాద్‌లో వర్ష విపత్తుల సమయంలో తీసుకోవాల్సిన చర్యలపై పలువురికి శిక్షణ ఇచ్చి హైడ్రా కమిషనర్‌ రంగనాథ్‌ నుంచి కూడా శివకుమార్‌ ప్రశంసలు అందుకున్నారు. ఖమ్మం జిల్లా సత్తుపల్లి మండలం బేతుపల్లి చెరువులో చిక్కుకున్న ఎన్డీఆర్‌ఎఫ్‌, అగ్నిమాపక సిబ్బందిని కాపాడటంలో కీలకపాత్ర ప్రశంసించి మంత్రి పొంగులేటి శ్రీనివాస్‌రెడ్డి, ఉన్నతాధికారులు

నాగార్జునసాగర్‌ : నందికొండ (హిల్‌కాలనీ) నివా సితుల ఐదు దశాబ్దాల సొంతింటి కలపై నీలినీడలు కమ్ముకున్నాయి. దశాబ్దాలుగా ఇళ్లపై యాజమాన్య హక్కుల కోసం ఎదురుచూస్తున్న స్థానికులకు ప్రభుత్వం తాజాగా జారీ చేసిన మెమో కొంత ఊరటనిచ్చినప్పటికీ, దరఖాస్తుదారులందరికీ అవకాశం లభించకపోవడం ఆందోళనకు గురిచేస్తోంది. ఐదు దశాబ్దాలుగా నిరీక్షణ నందికొండలో నివాస స్థలాల క్రమబద్ధీకరణ కోసం ప్రతి ఎన్నికల్లోనూ రాజకీయ పార్టీలు హామీలిస్తూనే ఉన్నాయి. గత బీఆర్‌ఎస్‌ ప్రభుత్వం 58, 59 జీవోల ద్వారా దరఖాస్తులు ఆహ్వానించగా, మొదటి విడతలో కొంతమందికి రిజిస్ట్రేషన్లు జరిగాయి. అయితే, రెండో విడతలో దరఖాస్తు చేసుకున్న వారికి డిమాండ్‌ నోటీసులు జారీ కాకముందే ప్రభుత్వం మారడంతో ఈ ప్రక్రియ నిలిచిపోయింది. సీఎం హామీతో చిగురించిన ఆశలు గత అసెంబ్లీ ఎన్నికల సమయంలోనూ, ఆ తర్వాత సీఎం రేవంత్‌రెడ్డి, స్థానిక ఎమ్మెల్యే కుందూరు జైవీర్‌రెడ్డి నందికొండ నివాసితులందరికీ ఇళ్లపై యాజమాన్య హక్కులు కల్పిస్తామని హామీ ఇచ్చారు. దీంతో స్థానికుల్లో ఆశలు చిగురించాయి. మెమో జారీ చేసినా.. ఎట్టకేలకు ప్రభుత్వం 48,030 నంబర్‌ మెమోను జారీ చేసి, జీవో 59 కింద 500 చదరపు గజాలలోపు నివాస స్థలాలను క్రమబద్ధీకరించేందుకు చర్యలు చేపట్టింది. అయితే, రెండో విడతలో దరఖాస్తు చేసుకున్న 1,354 మందిలో 903 మందికి మాత్రమే డిమాండ్‌ నోటీసులు జారీ చేసేందుకు అవకాశం కల్పించారు. మిగిలిన 451 మంది పేర్లు జాబితాలో లేకపోవడంతో వారు ఆందోళన చెందుతున్నారు. తమ దరఖాస్తులను ఏ ప్రాతిపదికన పక్కన పెట్టారనే దానిపై అధికారుల నుంచి స్పష్టత కోరుతున్నారు.అర్హులందరికీ న్యాయం చేయాలని డిమాండ్‌ ముఖ్యమంత్రి ఇచ్చిన మాట ప్రకారం నందికొండలో దరఖాస్తు చేసుకున్న 1,354 మంది అర్హులందరికీ తక్షణమే డిమాండ్‌ నోటీసులు జారీ చేసి రిజిస్ట్రేషన్‌ ప్రక్రియను పూర్తిచేయాలని స్థానికులు కోరుతున్నారు. ఐదు దశాబ్దాల ఈ సమస్యకు ప్రభుత్వం శాశ్వత పరిష్కారం చూపి, మిగిలిన 451 కుటుంబాలకు కూడా సంపూర్ణ న్యాయం చేయాలని డిమాండ్‌ చేస్తున్నారు. నందికొండ మున్సిపాలిటీలో ప్రభుత్వం జారీ చేసిన మెమోతో 903 మంది ఇళ్ల క్రమబద్ధీకరణ జాబితాలో లేని మరో 451 మంది దరఖాస్తుదారుల పేర్లు సీఎం ఇచ్చిన హామీని నెరవేర్చాలని వేడుకోలు

చందంపేట: ఉమ్మడి చందంపేట మండలంలో ఇసుక అక్రమ రవాణా అడ్డూఅదుపు లేకుండా సాగుతోంది. అనుమతుల పేరుతో అక్రమార్కులు రేయింబవళ్లు ఇసుక దందాను కొనసాగిస్తూ ప్రభుత్వ ఖజానాకు భారీగా గండికొడుతున్నారు. మండలంలోని మానావత్‌తండా సమీపంలోని తాటికోల్‌–పోలేపల్లి వాగు కేంద్రంగా సాగుతున్న ఈ అక్రమ దందా పలు మండలాలకు విస్తరిస్తున్నా, సంబంధిత అధికారులు మాత్రం పట్టించుకోవడం లేదనే విమర్శలు వినిపిస్తున్నాయి. మానావత్‌తండా సమీపంలోని తాటికోల్‌–పోలేపల్లి వాగులోని ఇసుకను జేసీబీలు, కూలీల సహాయంతో ట్రాక్టర్లలోకి ఎక్కిస్తూ దేవరకొండ, నేరెడుగొమ్ము, చందంపేట తదితర మండలాలకు అక్రమార్కులు తరలిస్తున్నారు. నిబంధనల ప్రకారం అనుమతులు ఒకచోట ఉంటే, క్షేత్రస్థాయిలో మాత్రం వేరే ప్రాంతాల్లో ఇసుక దందా సాగిస్తుండటం గమనార్హం. ముఖ్యంగా రాత్రి సమయాల్లో, తెల్లవారుజామున ఈ అక్రమ రవాణా జోరుగా సాగుతుండటంతో అక్రమార్కులు అందినకాడికి దండుకుంటున్నారు. అనుమతుల పేరుతో సాగుతున్న ఈ దందాను అడ్డుకోవాల్సిన అధికార యంత్రాంగం ఏమీ పట్టనట్లు వ్యవహరిస్తోందని స్థానికులు ఆరోపిస్తున్నారు. అక్రమంగా ఇసుక తరలిస్తే చర్యలు తప్పవు మండలంలో ఇసుక అక్రమ దందా నిర్వహిస్తే చట్టరీత్యా కఠిన చర్యలు తీసుకుంటాం. నిబంధనల ప్రకారం అనుమతులు ఉంటేనే ఇసుక రవాణా చేయాలి. అనుమతుల ముసుగులో అక్రమంగా తరలిస్తే ఉపేక్షించేది లేదు. – సత్యనారాయణ, తహసీల్దార్‌, చందంపేట ప్రభుత్వ ఖజానాకు భారీగా గండి మానావత్‌తండా వాగు కేంద్రంగా రేయింబవళ్లు రవాణా పట్టించుకోని అధికార యంత్రాంగం

రామన్నపేట: ఇంటర్‌లో ఉత్తమ ఫలితాల సాధనకు స్టడీ అవర్‌ నిర్వహించాలని జిల్లా ఇంటర్మీడియట్‌ అధికారి బి.సురేష్‌రెడ్డి సూచించారు. బుధవారం రామన్నపేట ప్రభుత్వ జూనియర్‌ కళాశాలను ఆయన తనిఖీ చేశారు. రికార్డులు, విద్యార్థులు, అధ్యాపకుల హాజరును పరిశీలించారు. అనంతరం స్టాఫ్‌ మీటింగ్‌లో మాట్లాడారు. విద్యార్థులపై వ్యక్తిగత శ్రద్ధచూపేందుకు కేర్‌టేకర్‌ విధానాన్ని సమర్థంగా అమలు చేయాలన్నారు. కళాశాలలో అత్యధిక అడ్మిషన్ల నమోదుకు కృషి చేసిన ప్రిన్సిపాల్‌, అధ్యాపకులను అభినందించారు. ఈ సమావేశంలో ప్రిన్సిపాల్‌ సి.జగదీష్‌, అధ్యాపకులు ప్రసూనాదేవి, పున్నారావు, వెంకట్‌రెడ్డి, కిరణ్‌, నర్సింహారావు, అశోక్‌కుమార్‌, శ్రీకాంత్‌, నగేష్‌,అశోక్‌రెడ్డి, ఉపేందర్‌రావు, నిర్మల, కవిత, రాజేశ్వరి, ఉమారాణి, కరుణ, నాగమణి, పరశురాములు, శ్రవణ్‌ పాల్గొన్నారు.

యాదగిరిగుట్ట: యాదగిరి శ్రీలక్ష్మీనరసింహస్వామి ఆలయంలో శ్రీసుదర్శన నారసింహ హోమం జరిపించారు. బుధవారం ఉదయమే సుప్రభాతం సేవ చేపట్టారు. గర్భాలయంలోని స్వయంభూ, ప్రతిష్ఠా అలంకారమూర్తులకు నిజాభిషేకం నిర్వహించి సహస్ర నామార్చన, కుంకుమార్చన చేశారు. ముఖ మండపంలోని సువర్ణ ఉత్సవమూర్తులకు అష్టోత్తర పూజలు నిర్వహించారు. ప్రథమ ప్రాకార మండపంలో శ్రీసుదర్శన హోమం, గజ వాహన సేవ, నిత్య కల్యాణ వేడుక, బ్రహ్మోత్సవం వంటి పూజలు చేశారు. సాయంత్రం జోడు సేవను ఆలయ తిరు, మాడ వీధుల్లో ఊరేగించారు.రాత్రి ఆలయాన్ని ద్వారబంధనం చేశారు.

రామన్నపేట: ప్రభుత్వ కళాశాలల్లో విద్యనభ్యసించే ఇంటర్‌ విద్యార్థులకు ప్రభుత్వం ఉచితంగా కాలేజీ బ్యాగ్స్‌, షూస్‌, సాక్స్‌, బెల్ట్‌లను పంపిణీ చేసే ప్రక్రియను ప్రారంభించింది. విద్యా సంవత్సరం ప్రారంభంలోనే పాఠ్యపుస్తకాలు, నోటు పుస్తకాలను అందజేసిన ప్రభుత్వం.. కార్పొరేట్‌ కళాశాలలకు దీటుగా నాణ్యమైన మెటీరియల్‌ అందిస్తోంది. విద్యార్థులందరిలో సమానత్వ భావనను పెంపొందించేందుకు ప్రభుత్వం ఈ చర్యలు తీసుకుంటోంది. పంపిణీకి శ్రీకారం జిల్లా వ్యాప్తంగా మొత్తం 11 ప్రభుత్వ జూనియర్‌ కళాశాలలు ఉండగా, వాటిలో 3,177 మంది విద్యార్థులు విద్యనభ్యసిస్తున్నారు. ఇందులో ప్రథమ సంవత్సరంలో 1,738 మంది, ద్వితీయ సంవత్సరంలో 1,439 మంది విద్యార్థులు ఉన్నారు. వీరికి పంపిణీ చేయడానికి గాను జిల్లాకు ఇప్పటి వరకు 2,997 కాలేజీ బ్యాగులు, 3,802 జతల షూస్‌, 5,351 జతల సాక్స్‌లు, 2,026 బెల్టులు చేరాయి. ఈ సామగ్రిని ఇప్పటికే ఆయా కళాశాలలకు చేరవేయగా.. పలు కళాశాలల్లో విద్యార్థులకు పంపిణీ చేసే కార్యక్రమం కూడా ప్రారంభమైంది. రెండు జతల యూనిఫామ్‌ ఇచ్చేందుకు.. ప్రభుత్వ పాఠశాలల విద్యార్థుల మాదిరిగానే ఇంటర్‌ విద్యార్థులకు కూడా ఉచితంగా రెండు జతల యూ నిఫామ్‌ను అందించేందుకు విద్యాశాఖ కసరత్తు చేస్తోంది. ఇప్పటికే విద్యార్థుల నుంచి కొలతలు తీసుకోవడం పూర్తయింది. కొద్దిరోజుల్లోనే ఈ యూని ఫామ్స్‌ కూడా విద్యార్థులకు పంపిణీ చేయనున్నారు.ఫ ఇంటర్‌ విద్యార్థులకు ఉచితంగా బ్యాగులు, షూస్‌ పంపిణీ ఫ జిల్లా వ్యాప్తంగా 3,177 మంది విద్యార్థులకు ప్రయోజనం. ఫ కొలతలు పూర్తి.. త్వరలో రెండు జతల ఉచిత యూనిఫామ్‌ప్రభుత్వం విద్యార్థుల కోసం అందిస్తున్న ప్రోత్సాహకాలను ప్రతి ఒక్కరూ సద్వినియోగం చేసుకోవాలి. కష్టపడి చదివి అత్యుత్తమ ఫలితాలు సాధించడం ద్వారా ప్రభుత్వ లక్ష్యాన్ని నెరవేర్చాలి. తద్వారా మీ తల్లిదండ్రుల కలలను సాకారం చేయాలి. జిల్లా వ్యాప్తంగా ప్రభుత్వ కళాశాలల్లోని విద్యార్థులందరికీ బ్యాగ్‌లు, షూస్‌, టైలు అందజేస్తాం. –బి.సురేష్‌రెడ్డి, ఇంటర్‌బోర్డు జిల్లా అధికారి

భువనగిరి: జిల్లాలోని అన్ని పాఠశాలల్లో ఉన్న దివ్యాంగ విద్యార్థులను గుర్తించడం వంద శాతం పూర్తి చేయాలని డీఈఓ భిక్షపతి కోరారు. బుధవారం భువనగిరి మండలం రాయగిరి గ్రామ పరిధిలో గల జెడ్పీ ఉన్నత పాఠశాలలో ప్రశస్త్‌ యాప్‌పై మండల రిసోర్స్‌ పర్సన్లకు ఒక రోజు శిక్షణ కార్యక్రమంలో ఆయన మాట్లాడారు. యూడైస్‌ కలిగి ఉన్న అన్ని విద్యా సంస్థల్లో 3 నుంచి 18 ఏళ్ల వయస్సు ఉన్న విద్యార్థులందరికీ స్క్రీనింగ్‌ చేయాలన్నారు. ఈ నెల 5న మండల స్థాయిలో జరిగే శిక్షణ కార్యక్రమంలో ప్రధానోపాధ్యాయులు పాల్గొనాలని కోరారు. ఈ సమావేశంలో జిల్లా సమ్మళిత విద్యా సమన్వయకర్త పెసరు లింగారెడ్డి, జిల్లా రిసోర్స్‌పర్సన్లు శివ, రాజు, రామచంద్రు పాల్గొన్నారు. రాష్ట్ర స్థాయికి నలుగురు విద్యార్థులు ఎంపిక భువనగిరి: భువనగిరి పట్టణంలోని పెన్షనర్స్‌ భవనంలో బుధవారం 32వ జాతీయ బాలల సైన్స్‌ కాంగ్రెస్‌ జిల్లా స్థాయి పోటీలు ఉత్సాహంగా ముగిశాయి. ‘సైన్స్‌, సుస్థిరత ఆవిష్కరణ కోసం’ అనే ప్రధాన అంశంపై ఈ ప్రదర్శన నిర్వహించారు. ఈ పోటీల్లో జిల్లాలోని 43 పాఠశాలల నుంచి 86 మంది విద్యార్థులు పాల్గొని తమ ప్రాజెక్టులను ప్రదర్శించారు. అనంతరం తమ ఆవిష్కరణల ఉద్దేశాన్ని, పనితీరును వారు వివరించారు. ఈ కార్యక్రమానికి ఎంఈఓ రంగరాజన్‌ హాజరై మాట్లాడారు. ఉత్తమ ప్రాజెక్టులను రాష్ట్ర స్థాయికి ఎంపిక చేశారు. కార్యక్రమంలో జిల్లా కో–ఆర్డినేటర్‌ రాజశేఖర్‌, జిల్లా అకడమిక్‌ కో–ఆర్డినేటర్‌ నరసింహాచారి, న్యాయనిర్ణేతలు రాధిక, జ్యోతిర్మయి పాల్గొన్నారు. ఎంపికై న విద్యార్థులు వీరే బి. ప్రతీక్‌ (టీజీఎంఎస్‌, గుండాల), జె. భవాని (జెడ్పీహెచ్‌ఎస్‌, వాసాలమర్రి), బి. శ్రీహరిణి (జెడ్పీహెచ్‌ఎస్‌, యాదగిరిగుట్ట),నేమతుల్లా (మోడల్‌ స్కూల్‌) నేటి నుంచి ఇన్‌ సర్వీస్‌ టీచర్లకు మాక్‌ టెస్టులుభువనగిరి: టెట్‌పై ఇన్‌ సర్వీస్‌ టీచర్లకు అవగాహన కల్పించేందుకు ఈ నెల 5, 6 తేదీల్లో మాక్‌ టెస్టులు నిర్వహించనున్నట్లు డీఈఓ భిక్షపతి బుధవారం ఓ ప్రకటనలో తెలిపారు. 237 మంది టీచర్లు టెస్టులకు హాజరుకానున్నట్లు పేర్కొన్నారు. పరీక్షలు రోజూ ఉదయం 9.30 నుంచి మధ్యాహ్నం 12.30 గంటల వరకు ఒక సెషన్‌, తిరిగి మధ్యాహ్నం 2.00 నుంచి సాయంత్రం 5.00 వరకు రెండవ సెషన్‌లో జరుగుతాయని వివరించారు. నారాయణపూర్‌, రామన్నపేట, వలిగొండ మండలాల టీచర్లకు చౌటుప్పల్‌లోని ఆన్న మెమోరియల్‌ స్కూల్‌, బీబీనగర్‌, బొమ్మలరామారం, పోచంపల్లి మండలాల వారికి బీబీనగర్‌ బిర్లా ఓపెన్‌ మైండ్స్‌ స్కూల్‌, తుర్కపల్లి, మోటకొండూరు, మోత్కూర్‌, రాజాపేట, యాదగిరిగుట్టకు చెందినవారికి భువనగిరి గౌతమ్‌ మోడల్‌స్కూల్‌, అడ్డగూడూరు, ఆలేరు, భువనగిరి, ఆత్మకూర్‌, గుండాల మండలాల వారికి భువనగిరి ప్రెసిడెన్షి స్కూల్‌, చౌటుప్పల్‌ మండలం వారికి చౌటుప్పల్‌లోని శ్రీ చైతన్య స్కూల్‌లో నిర్వహించనున్నట్లు వివరించారు.

భూదాన్‌పోచంపల్లి: భూదాన్‌పోచంపల్లి మండలం దోతిగూడెం, అంతమ్మగూడెం గ్రామాల పరిధిలో ఉన్న రసాయన కంపనీలను పీసీబీ, రెవెన్యూ, పరిశ్రమలు, వ్యవసాయ, ఆర్‌డబ్ల్యూఎస్‌, భూగర్భ జల అధికారుల బృందం తనిఖీ చేసింది. హెట్సిమ్‌ ఫార్మా, ఆప్టిమస్‌, ఎస్‌వీఆర్‌ రసాయన కంపనీలను సందర్శించి ట్రీట్‌మెంట్‌ ప్లాంట్‌లు ఉన్నాయా లేవా అని పరిశీలించింది. కంపెనీ సమీప ప్రాంతాల్లో మట్టి, భూగర్భజలాల శాంపిల్స్‌ సేకరించింది. నాలుగైదు అడుగుల్లోనే మట్టి నల్లగా మారి, భూగర్భంలో రసాయనాలతో నీళ్లు కలుషితమైనట్లు గుర్తించారు. ఈ సందర్భంగా చౌటుప్పల్‌ ఆర్డీఓ శేఖర్‌రెడ్డి మాట్లాడుతూ మూడు కంపెనీలలో మట్టి, నీళ్ల శాంపిల్స్‌ సేకరించి ల్యాబ్‌కు పంపిస్తున్నామన్నారు. నివేదిక ఆధారంగా చర్యలు తీసుకోనున్నట్లు తెలిపారు. ఈ కార్యక్రమంలో తహసీల్దార్‌ శ్రీనివాస్‌రెడ్డి, పీసీబీ టెక్నికల్‌ ఆఫీసర్‌ శంకర్‌, డీఎల్‌పీఓ ప్రతాప్‌నాయక్‌, ఏఓ శైలజ, పరిశ్రమల శాఖ ఈడీసీ రంజిత్‌కుమార్‌, ఎంఆర్‌ఐ సుధాకర్‌రావు, పోచంపల్లి, చౌటుప్పల్‌ మండలాల ఆర్‌డబ్ల్యూఎస్‌ ఏఈలు సాయినాథ్‌రెడ్డి, విశాల్‌రెడ్డి, భూగర్భజలాల శాఖ ఏఈ ఆశ్విత్‌, అసిస్టెంట్‌ హైడ్రో జియోలజిస్ట్‌ ఐశ్వర్య, ఏఈఓ నరేశ్‌, సర్పంచులు గుమ్మి జంగారెడ్డి, జంగయ్య, మాజీ సర్పంచ్‌ పగిళ్ల రాంరెడ్డి, ఉపసర్పంచులు బద్దం వెంకట్‌రెడ్డి, మురహరి, స్థానికులు ముద్దం సత్యం, ప్రసాదం విష్ణు, రావుల లింగస్వామి, గుమ్మి దామోదర్‌రెడ్డి, గుమ్మి నరేందర్‌రెడ్డి తదితరులు పాల్గొన్నారు.

భువనగిరిటౌన్‌ : ఉద్యోగుల సమస్యల పరిష్కా రానికి ఐక్యంగా పోరాడాలని తెలంగాణ గెజిటెడ్‌ అధికారుల సంఘం (టీజీవోస్‌) రాష్ట్ర అసోసియేట్‌ అధ్యక్షుడు, జిల్లా జేఏసీ చైర్మన్‌ ఎం. ఉపేందర్‌ రెడ్డి పిలుపునిచ్చారు. బుధవారం భువనగిరిలో టీజీవోస్‌ జిల్లా శాఖ సర్వసభ్య సమావేశం నిర్వహించారు. పెండింగ్‌లో ఉన్న రెండవ వేతన సవరణ సంఘం సిఫార్సులను వెంటనే అమలు చేసేలా ప్రభుత్వం దృష్టికి తీసుకెళ్లాలని ఏకగ్రీవంగా తీర్మానించారు. ఈ సందర్భంగా ఆయన మాట్లాడుతూ పెండింగ్‌ డీఏలను వెంటనే విడుదల చేయాలని డిమాండ్‌ చేశారు.ఉద్యోగులు, రిటైర్డ్‌ ఉద్యోగుల కుటుంబాల ఆరోగ్య భద్రతను దృష్టిలో ఉంచుకుని నూతన ఆరోగ్య పథకాన్ని సమర్థవంతంగా అమలు చేయాలన్నారు. ఈ సమావేశంలో భువనగిరి ఆర్డీఓ కృష్ణారెడ్డి, డీఆర్‌డీఓ నాగిరెడ్డి, టీజీవో జిల్లా అధ్యక్షుడు జగన్‌మోహన్‌ప్రసాద్‌, ప్రతినిధి శ్రీనివాస్‌ తదితరులు పాల్గొన్నారు.

టౌన్‌హాల్‌ లేదు.. భువనగిరిటౌన్‌ : భువనగిరి జిల్లా కేంద్రంగా మారిన తర్వాత అధికారిక సమీక్షలు, ప్రజాసంఘాల సమావేశాలు, సదస్సులు విస్తృతంగా జరుగుతున్నాయి. అయితే, పట్టణంలో వీటికి ఒక్క ప్రభుత్వ టౌన్‌ హాల్‌ కూడా అందుబాటులో లేదు. గతంలో సమావేశాలకు వేదికగా నిలిచిన రహదారి బంగ్లా పూర్తిగా శిథిలావస్థకు చేరింది. దీంతో ఏ చిన్న కార్యక్రమం నిర్వహించాలన్నా ప్రైవేటు ఫంక్షన్‌ హాళ్లు, హోటళ్లను ఆశ్రయించి గంటల వ్యవధికే వేలాది రూపాయలు అద్దెగా చెల్లించాల్సి వస్తోంది. ఇది నిర్వాహకులకు మోయలేని ఆర్థిక భారంగా మారుతోంది. తాళాలకే పరిమితమైన టీటీడీ కల్యాణమండపం ఈ సమస్యకు పరిష్కారంగా పట్టణ నడిబొడ్డున ఉన్న తిరుమల తిరుపతి దేవస్థానం (టీటీడీ) కల్యాణ మండపాన్ని ప్రజావసరాలకు వినియోగంలోకి తేవాలని స్థానికులు కోరుతున్నారు. కోట్ల రూపాయల వ్యయంతో నిర్మించిన ఈ భవనంలో విశాలమైన ప్రాంగణం, డైనింగ్‌ హాల్‌, స్టేజ్‌, గదులు, పార్కింగ్‌ వంటి సకల వసతులున్నాయి. కానీ, ఇక్కడ కేవలం శాకాహారానికే అనుమతి ఉండటం, సరైన ప్రచారం లేకపోవడంతో శుభకార్యాలు చేసుకునేందుకు ఎవరూ ఆసక్తి చూపడం లేదు. ఫలితంగా ఇంతటి అనువైన భవనం నిత్యం తాళాలకే పరిమితమై బోసిపోతోంది.ఫ జిల్లా కేంద్రంలో ప్రభుత్వ టౌన్‌ హాల్‌ లేక తీవ్ర ఇబ్బందులు ఫ ప్రైవేట్‌ ఫంక్షన్‌ హాళ్లు, హోటళ్ల అద్దెలతో ప్రజలపై ఆర్థిక భారం ఫ నిరుపయోగంగా టీటీడీ భవనం.. టౌన్‌ హాల్‌గా మార్చాలని డిమాండ్‌ ఫ నామమాత్రపు రుసుముతో కేటాయిస్తే ప్రజలకు ఊరట టౌన్‌ హాల్‌ లేని లోటును దృష్టిలో ఉంచుకుని అధికారులు, ప్రజాప్రతినిధులు ప్రత్యేక చొరవ చూపాల్సిన అవసరం ఉంది. నిరుపయోగంగా ఉన్న టీటీడీ భవనానికి విస్తృత ప్రచారం కల్పించి, నామమాత్రపు రుసుముతో సమావేశాలు, పుస్తకావిష్కరణలు, విద్యార్థుల సదస్సులు, అధికారిక సమీక్షలకు అనుమతి ఇవ్వాలి. దీనివల్ల మధ్యతరగతి ప్రజలు, ప్రజా సంఘాలకు ఆర్థిక ఊరట లభించడంతో పాటు, టీటీడీకి సైతం నిర్వహణ నిధులు సమకూరుతాయి. ఇప్పటికై నా జిల్లా ఉన్నతాధికారులు స్పందించి ఈ భవనాన్ని బహుళార్థ సాధక వేదికగా మార్చాలని పట్టణవాసులు విజ్ఞప్తి చేస్తున్నారు.

సాక్షి, యాదాద్రి : వ్యవసాయంలో పంటల మార్పిడికి ప్రాధాన్యమివ్వాలని కలెక్టర్‌ అనురాగ్‌ జయంతి సూచించారు. వ్యవసాయ శాఖ ఆధ్వర్యంలో చేపట్టిన మునగ సాగు, గృహ నిర్మాణ పథకం రెండో విడత మంజూరు, ఉపాధి హామీ పనుల పురోగతిపై బుధవారం కలెక్టరేట్‌ నుంచి సంబంధిత శాఖల అధికారులతో కలెక్టర్‌ వీడియో కాన్ఫరెన్స్‌ నిర్వహించి మాట్లాడారు. ప్రస్తుత వాతావరణ పరిస్థితుల దృష్ట్యా ప్రత్యామ్నాయ పంటల సాగుపై రైతుల్లో విస్తృతంగా అవగాహన కల్పించాలన్నారు. మునగ సాగు వల్ల కలిగే ఆర్థిక ప్రయోజనాలను వివరిస్తూ, ఆసక్తి గల రైతులను ప్రోత్సహించాల్సిన బాధ్యత అధికారులపై ఉందన్నారు. గృహ నిర్మాణ పథకంలో భాగంగా ఇంటి పైకప్పుల మార్పిడికి అర్హులైన వారిని గుర్తించి, గెజిటెడ్‌ అధికారితో క్షేత్రస్థాయి పరిశీలన చేయించిన అనంతరమే తుది జాబితాలు పంపాలని ఆయన స్పష్టం చేశారు. ఉపాధి హామీ పథకం కింద కూలీల సంఖ్యను పెంచాలని ఆదేశించారు. గ్రామాల్లో తాగునీటి సమస్యలు తలెత్తకుండా ముందస్తు చర్యలు చేపట్టాలని సూచించారు. ఈ సమావేశంలో జిల్లా గ్రామీణాభివృద్ధి అధికారి నాగిరెడ్డి, జిల్లా వ్యవసాయ అధికారి రమణారెడ్డి, గృహ నిర్మాణ శాఖ ప్రాజెక్ట్‌ డైరెక్టర్‌ అలివేలు, వివిధ శాఖల అధికారులు, తదితరులు పాల్గొన్నారు. సాధారణ ప్రసవాల సంఖ్య పెంచాలి భువనగిరి: ప్రాథమిక ఆరోగ్య కేంద్రాల్లో సాధారణ ప్రసవాలసంఖ్య పెంచాలని కలెక్టర్‌ అనురాగ్‌ జయంతి సూచించారు. బుధవారం భువనగిరి మండలం బొల్లేపల్లి పీహెచ్‌సీతో పాటు స్థానికంగా రైతు మహేందర్‌ 15 ఎకరాల్లో సాగు చేసిన మునగ పంటను పరిశీలించారు. ఈ సందర్భంగా ఆయన మాట్లాడారు. గర్భిణులకు మెరుగైన వైద్య సేవలందించాలన్నారు. మునగసాగు ద్వారా తక్కువ పెట్టుబడితో అధిక ఆదాయం పొందవచ్చన్నారు. అనంతరం పట్టణశివారులోని మైనార్టీ వెల్ఫేర్‌ రెసిడెన్షియల్‌ పాఠశాలను సందర్శించారు. ఆయా కార్యక్రమాల్లో డీఎంహెచ్‌ఓ డాక్టర్‌ మనోహర్‌ , డీఏఓ వెంకటరమణారెడ్డి , డీఆర్‌ఓ జయమ్మ, వైద్యాధికారి యామిని శృతి పాల్గొన్నారు.

సాక్షి, యాదాద్రి: వరంగల్‌–ఖమ్మం–నల్లగొండ పట్ట భద్రుల ఎమ్మెల్సీ నియోజకవర్గ ఓటర్ల నమోదు ప్రక్రియకు జిల్లాలో అనూహ్య స్పందన వచ్చింది. జిల్లా వ్యాప్తంగా క్లెయిమ్స్‌, అభ్యంతరాలకు సంబంధించి మంగళవారం వరకు మొత్తం 38,728 దరఖా స్తులు అందాయి. దరఖాస్తులు పోటెత్తడంతో క్షేత్రస్థాయి విచారణ నెమ్మదించి పెండింగ్‌ సంఖ్య భా రీగా పెరిగింది.కాంగ్రెస్‌, బీఆర్‌ఎస్‌, బీజేపీ, వామప క్ష పార్టీలు.. ఓట్ల నమోదుకు ప్రత్యేక కార్యక్రమాలు, క్యాంపులు చేపట్టాయి. కొందరు పట్టభద్రులు స్వ చ్ఛందంగా ఓటు నమోదుకు ఆసక్తి చూపుతున్నారు. 477 దరఖాస్తుల తిరస్కరణ జిల్లాలో మంగళవారం నాటికి 9,675 దరఖాస్తులు మాత్రమే పరిష్కారం కాగా, ఇంకా 29,053 దరఖాస్తులు పెండింగ్‌లో ఉన్నాయి. 9,198 ఫారాలను ఆమోదించి, సరైన ధ్రువీకరణ పత్రాలు లేని 477 దరఖాస్తులను అధికారులు తిరస్కరించారు. పెండింగ్‌లో ఉన్న వాటిలో అధిక భాగం బీఎల్వోల వద్దే ఆగిపోయాయి. విచారణ కోసం బీఎల్వోల వద్ద 24,223 దరఖాస్తులు నిలిచిపోగా, ఏఈఆర్వోల వద్ద 1,496, ఈఆర్వోల వద్ద 1,364 ఫారాలు ఉన్నాయి. మరో 1,970 దరఖాస్తులు ప్రాసెసింగ్‌ ఉన్నాయి. భువనగిరి డివిజన్‌లో.. భువనగిరి డివిజన్‌లోని 12 మండలాల్లో మొత్తం 24,292 దరఖాస్తులు అందగా.. 6,241 పరిష్కారమయ్యాయి. ఇంకా 18,051 పెండింగ్‌లో ఉన్నాయి. అత్యధికంగా భువనగిరి మండలంలో 5,777 దరఖాస్తులు రాగా, 5,224 పెండింగ్‌లోనే ఉన్నాయి. ఆలేరు మండలంలో 2,293కి 1,963, యాదగిరిగుట్టలో 2,504కి 1,707, బీబీనగర్‌లో 2,454కి 1,609 పెండింగ్‌లో ఉన్నాయి. అడ్డగూడూరులో 1,302, ఆత్మకూరు–ఎం 1,221, మోత్కూరు 1,203, తుర్కపల్లి 978, రాజాపేట 824, మోటకొండూరు 796, గుండాల 703, బొమ్మలరామారంలో 521 దరఖాస్తుల విచారణ పూర్తికావాల్సి ఉంది. చౌటుప్పల్‌ డివిజన్‌లో.. చౌటుప్పల్‌ డివిజన్‌లోని 5 మండలాల పరిధిలో మొత్తం 14,436 దరఖాస్తులు రాగా, 3,434 పరిష్కారమయ్యాయి. 11,002 ఫారాలు పెండింగ్‌లో ఉన్నాయి. చౌటుప్పల్‌ మండలంలో అత్యధికంగా 3,985 దరఖాస్తులు రాగా, 3,110 విచారణ దశలో ఉన్నాయి. వలిగొండలో 3,425 దరఖాస్తులకు 2,765, రామన్నపేటలో 2,801 దరఖాస్తులకు 2,201, నారాయణపూర్‌లో 1,949కి 1,493, భూదాన్‌ పోచంపల్లిలో 2,276కి 1,433 పెండింగ్‌లో ఉన్నాయి. 29వేల దరఖాస్తులు పెండింగ్‌ ఫ ఎమ్మెల్సీ ఓటరు నమోదు దరఖాస్తుల పరిశీలనలో జాప్యం ఫ వచ్చిన దరఖాస్తులు 38,728 .. పరిష్కారమైనవి 9,675 ఫ నామినేషన్ల ఆఖరు తేదీ వరకు నమోదుకు అవకాశం ఫ 25న ముసాయిదా ఓటరు జాబితాగ్రాడ్యుయేట్‌ ఓటరు నమోదు గడువును ఎమ్మెల్సీ ఎన్నికల నామినేషన్లు దాఖలు చేసే చివరి రోజు వరకు పొడిగించినట్లు రాష్ట్ర ప్రధాన ఎన్నికల అధికారి స్పష్టం చేశారు.ఈనెల 25న ముసాయిదా ఓటరు జాబితాను అధికారికంగా వెల్లడిస్తారు. ఈనెల 25 నుంచి డిసెంబర్‌ 10 వరకు మార్పులు, చేర్పులు, అభ్యంతరాలను స్వీకరిస్తారు. వాటిని క్షుణ్ణంగా పరిశీలించిన అనంతరం తుది జాబితాను రూపొందిస్తారు.

5-11-2026గడువులోగా అమృత్‌ పనులుమోత్కూరు: అమృత్‌ పథకం కింద చేపట్టిన పనులను నిర్దేశించిన గడువులోగా పూర్తి చేయాలి సీడీఎంఏ అసిస్టెంట్‌ డైరెక్టర్‌, ప్రత్యేక అధికారి జ్యోత్స్న ఆదేశించారు. మోత్కూరు మున్సిపాలిటీలో అమృత్‌ 2.0 పథకం కింద చేపట్టిన తాగునీటి సరఫరా అభివృద్ధి పనులను ఆమె బుధవారం పరిశీలించారు. పనుల పురోగతిని అధికారులను అడిగి తెలుసుకుని మాట్లాడారు. ఆమె వెంట మున్సిపల్‌ కమిషనర్‌ జి.నర్సయ్య, పబ్లిక్‌ హెల్త్‌ ఏఈ సురేష్‌ తదితరులు పాల్గొన్నారు.

మిర్యాలగూడ : దామరచర్ల మండలం వీర్లపాలెం శివారులోని యాదాద్రి థర్మల్‌ పవర్‌ స్టేషన్‌ (వైటీపీఎస్‌) పనులను జెన్‌కో సీఎండీ ఎస్‌.హరీష్‌ బుధవారం పరిశీలించారు. అధికారులతో సమీక్ష నిర్వహించి కోల్‌ హ్యాడ్లింగ్‌ ప్లాంట్‌కి సంబంధించిన అంశాలపై చర్చించారు. కోల్‌ హ్యాడ్లింగ్‌ ప్లాంట్‌లోని వ్యాగన్‌ టిప్పర్లు, క్రషర్‌ హౌస్‌ ప్రాంతాలను ఆయన పరిశీలించారు. ఆయన వెంట బీహెచ్‌ఈఎల్‌ డైరెక్టర్‌ తజీందర్‌గుప్తాతో పాటు జెన్‌కో, బీహెచ్‌ఈఎల్‌ అధికారులు వై.రాజశేఖర్‌రెడ్డి, బి.లక్ష్మయ్య, బికాశ్‌ మిశ్రా, జె.సూర్యనారాయణ తదితరులు ఉన్నారు.

మిర్యాలగూడ (మిర్యాలగూడ టౌన్‌) : సిక్కిం రాష్ట్రంలోని గ్యాంగ్‌టక్‌లో ఈ నెల 14 నుంచి 21వ తేదీ వరకు జరగనున్న యోనెక్స్‌–సన్‌రైజ్‌ 49వ ఇంటర్‌ స్టేట్‌, ఇంటర్‌ జోనల్‌, జూనియర్‌ నేషనల్‌ బ్యాడ్మింటన్‌ ఛాంపియన్‌షిప్‌–2026లో పాల్గొనే అండర్‌–19 తెలంగాణ జట్టుకు కోచ్‌గా మిర్యాలగూడ ఇండోర్‌ స్టేడియం బ్యాడ్మింటన్‌ కోచ్‌ ఎం. రామకృష్ణ ఎంపికయ్యారు. బుధవారం రామకృష్ణను డీవైఎస్‌ఓ అక్బర్‌ అలీ, జిల్లా బ్యాడ్మింటన్‌ అసోసియేషన్‌ గౌరవ అధ్యక్షుడు జి. అంజయ్య, అధ్యక్ష, కార్యదర్శులు ప్రశాంత్‌, నవీన్‌కుమార్‌ అభినందించారు. పోచంపల్లిని సందర్శించిన బెల్జియం పర్యాటకురాలుభూదాన్‌పోచంపల్లి: భూదాన్‌పోచంపల్లిలోని టూరిజం పార్కును బెల్జియం దేశానికి చెందిన పర్యాటకురాలు బుధవారం సందర్శించారు. టూరిజం పార్కులో మగ్గాలపై తయారవుతున్న చేనేత వస్త్రాలు, డిజైన్లు, నాణ్యతను పరిశీలించి చేనేత కళాకారుల నైపుణ్యాలను కొనియాడారు. ఇక్కత్‌ వస్త్రాలకు ఉన్న ప్రాముఖ్యత, భూదానోద్యమ చరిత్రను తెలుసుకున్నారు. భారతదేశ పర్యటనలో భాగంగా పోచంపల్లి సందర్శనకు వచ్చినట్లు ఆమె తెలిపారు. పేలిన ఆర్టీసీ బస్సు టైరుఫ డ్రైవర్‌ చాకచక్యంతో తప్పిన ప్రమాదం చౌటుప్పల్‌ : నల్లగొండ డిపోకు చెందిన పల్లెవెలుగు బస్సు బుధవారం దిల్‌సుఖ్‌నగర్‌కు వెళ్తుండగా.. చౌటుప్పల్‌ పట్టణంలోని పైలాన్‌ పార్కు వద్దకు చేరుకోగానే బస్సు ముందు ఎడమ వైపు టైరు పేలింది. ఆ సమయంలో బస్సు అదుపు తప్పకుండా డ్రైవర్‌ చాకచక్యంగా వ్యవహరించడంతో ప్రయాణికులంతా సురక్షితంగా ఉన్నారు. ఈ ఘటనతో జాతీయ రహదారిపై హైదరాబాద్‌ మార్గంలో ట్రాఫిక్‌ జామ్‌ అయ్యింది. బస్సులోని ప్రయాణికులు మరో బస్సులో తమ గమ్యస్థానాలకు వెళ్లిపోయారు. అనుమానాస్పద స్థితిలో వ్యక్తి మృతిదేవరకొండ: పట్టణ శివారులో బుధవారం అనుమానాస్పద స్థితిలో వ్యక్తి మృతిచెందాడు. సీఐ వెంకట్‌రెడ్డి తెలిపిన వివరాల ప్రకారం.. దేవరకొండ మండలం ఆంగోతు సీత్యతండాకు చెందిన ఆంగోతు కృష్ణ(35) హైదరాబాద్‌లో ఆటో నడుపుతూ జీవనం సాగిస్తున్నాడు. గత మూడేళ్లుగా కృష్ణ, అతడి భార్య వేర్వేరుగా ఉంటున్నారు. కృష్ణ ఈ నెల 2వ తేదీన తన అత్తగారి ఊరైన పెద్దఅడిశర్లపల్లికి వెళ్లి భార్యను చూసివస్తానని హైదరాబాద్‌ నుంచి బయల్దేరాడు. కాగా బుధవారం ఉదయం దేవరకొండ పట్టణ శివారులో బెల్లంకుంట సమీపంలోని ఓ చెట్టు కింద అతడు విగతజీవిగా పడి ఉన్నాడు. స్థానికులు గమనించి పోలీసులకు సమాచారం ఇచ్చారు. పోలీసులు మృతదేహాన్ని దేవరకొండ ప్రాంతీయ ఆస్పత్రికి తరలించారు. ఈ మేరకు కేసు నమోదు చేసి దర్యాప్తు చేస్తున్నట్లు సీఐ తెలిపారు. మరిపెడలో గంజాయి పట్టివేతఫ నిందితుల్లో సూర్యాపేట జిల్లావాసి మరిపెడ రూరల్‌ : మహబూబాబాద్‌ జిల్లా మరిపెడ పోలీసుల తనిఖీల్లో గంజాయి అక్రమ దందా వెలుగుచూసింది. రూ.లక్ష విలువైన 2కిలోల గంజాయి స్వాధీనం చేసుకుని ముగ్గురు యువకులను అరెస్ట్‌ చేసి రిమాండ్‌కు తరలించినట్లు మరిపెడ సీఐ ఎల్‌.పవన్‌కుమార్‌ బుధవారం తెలిపారు. పోలీసులు పెట్రోలింగ్‌ నిర్వహిస్తుండగా మరిపెడ శివారు తొర్రూరు రోడ్డులో నిరుపయోగంగా ఉన్న డబుల్‌ బెడ్రూం ఇళ్ల వద్ద ముగ్గురు యువకులు అనుమానాస్పదంగా కనిపించారు. పోలీసులను చూసి పారిపోయేందుకు ప్రయత్నించడంతో వారిని అదుపులోకి తీసుకుని తనిఖీ చేయగా.. వారి వద్ద ఉన్న బ్యాగులో గంజాయి లభించింది. విచారణలో నిందితులు మరిపెడకు చెందిన పవార్‌ విజయ్‌, భూపాలపల్లి జిల్లా దామరాంచపల్లి గ్రామానికి చెందిన కంది అభిరామ్‌, సూర్యాపేట జిల్లాకు చెందిన బానోతు మణిదీపక్‌గా గుర్తించారు. నిందితుల నుంచి 2కిలోల గంజాయితోపాటు మూడు సెల్‌ఫోన్లు, ఒక డిజిటల్‌ వేయింగ్‌ యంత్రాన్ని స్వాధీనం చేసుకున్నట్లు సీఐ తెలిపారు. ముగ్గురిపై కేసు నమోదు చేసి, రిమాండ్‌కు తరలించినట్లు పేర్కొన్నారు. మందుబాబులకు జైలుశిక్ష, జరిమానాకోదాడ(కోదాడరూరల్‌) : కోదాడ పట్టణంలో మంగళవారం నిర్వహించిన డ్రంకెన్‌ డ్రైవ్‌ తనిఖీల్లో 22 మంది పట్టుబడినట్లు ట్రాఫిక్‌ ఎస్సై బైరెడ్డి అంజిరెడ్డి బుధవారం తెలిపారు. వారిని కోదాడ కోర్టులో హాజరుపర్చగా.. ఏడుగురికి ఒక్కరోజు జైలుశిక్ష, రూ.1000 చొప్పున జరిమానా, మరొకరికి రెండు రోజుల జైలుశిక్ష, రూ.2వేల జరిమానా, మిగతా 14 మందికి రూ.13,500 జరిమానా విధిస్తూ జూనియర్‌ సివిల్‌ జడ్జి ఎండీ ఉమర్‌ తీర్పు వెలువరించినట్లు ఎస్సై తెలిపారు.

ఆత్మకూర్‌ (ఎస్‌)(సూర్యాపేట) : ఆలిండియా సివిల్‌ సర్వీసెస్‌, సెంట్రల్‌ సివిల్‌ సర్వీసెస్‌కు ఎంపికై హైదరాబాద్‌లోని మర్రి చెన్నారెడ్డి మానవ వనరుల అభివృద్ధి సంస్ధలో శిక్షణ పొందుతున్న 2024, 2026 బ్యాచ్‌లకు చెందిన ఐదుగురు అధికారులు క్షేత్రస్థాయి పర్యటనలో భాగంగా మూడు రోజుల పాటు ఆత్మకూర్‌(ఎస్‌) మండలం ఏపూరు గ్రామంలో పర్యటించారు. వారి పర్యటన బుధవారంతో ముగిసింది. ఏపూరు గ్రామంలో మూడు రోజులుగా వివిధ శాఖలపై సమీక్షలు, ప్రజల భాగస్వామ్యం, రైతుల స్థితిగతులు తదితర విషయాలను క్షేత్రస్థాయిలో పరిశీలించారు. గ్రామంలోని అన్ని ప్రభుత్వ శాఖల కార్యకలాపాలు, అధికారుల పనితీరు, ప్రజల భాగస్వామ్యంతో పాటు గ్రామంలో వ్యవసాయం తీరు, పంటల వివరాలు, నీటి వనరులు, వ్యవసాయంలో లాభనష్టాలు, ప్రభుత్వ పాఠశాలలు, అంగన్‌వాడీ కేంద్రాల్లో విద్యార్ధులకు అందుతున్న విద్య, పౌష్టికాహారంతో పాటు సమభావన సంఘాల్లో మహిళల భాగస్వామ్యం తదితర అంశాలపై క్షుణ్ణంగా అధ్యయనం చేసినట్లు బృందం సభ్యులు తెలిపారు. అదేవిధంగా బాలికల చదువులో ఇక్కడి ప్రాంతం ముందుందని, పరిపాలనలో సైతం మహిళల భాగస్వామ్యం ఉందని గుర్తించామన్నారు. కొన్ని ప్రాంతాలతో పోల్చుకుంటే ఇక్కడ బాల్యవివాహాలు తక్కువ అని, వ్యవసాయం బోర్లపై ఆధారపడి వ్యవసాయం చేయడం గుర్తించామని తెలిపారు. ఏపూరు గ్రామ ప్రజలతో మమేకమై ఇక్కడి ప్రజల నుంచి తో నేర్చుకున్నామని వారు తెలిపారు. ఫ ఏపూరులో పర్యటించిన సివిల్‌ సర్వీసెస్‌ అధికారులు ఫ వ్యవసాయం, మహిళ భాగస్వామ్యం తదితర అంశాలపై అధ్యయనం

నాంపల్లి : మిషన్‌ భగీరథ పథకం ద్వారా ఇంటింటికీ రక్షిత తాగునీరు అందించడం వల్ల మారుమూల తండాలలో ఫ్లోరోసిస్‌ సమస్య పూర్తిగా పోతుందని జాతీయ మానవ హక్కుల కమిషన్‌ స్పెషల్‌ మానిటర్‌ అనిమేశ్‌ భట్టాచార్య అన్నారు. బుధవారం ఆయన నాంపల్లి మండలంలోని రామదాస్‌తండా గ్రామాన్ని సందర్శించి.. ఇంటింటికీ తిరుగుతూ మిషన్‌ భగీరథ తాగునీటి సరఫరాపై ప్రజల అభిప్రాయాలను అడిగి తెలుసుకున్నారు. గతంలో బోరు నీటిపైనే ఆధారపడేవారమని, ఫ్లోరైడ్‌ నీటి కారణంగా అనేక ఆరోగ్య సమస్యలు ఎదుర్కొన్నామని గ్రామస్తులు ఆయనకు వివరించారు. అనంతరం ఆయన గ్రామ సభలో పాల్గొని మాట్లాడారు. గ్రామంలోని ప్రాథమిక పాఠశాలను సందర్శించి విద్యార్థులకు అందిస్తున్న మధ్యాహ్న భోజనాన్ని పరిశీలించారు. ఆయన వెంట మిషన్‌ భగీరథ ఎస్‌ఈ నాగేశ్వరరావు, చండూరు ఆర్డీఓ శ్రీదేవి, మిషన్‌ భగీరథ గ్రిడ్‌ ఈఈ లక్ష్మీనారాయణ, డీఈ అజయ్‌కుమార్‌, తహసీల్దార్‌ ఆంజనేయులు, ఎంపీడీఓ రామకృష్ణ శర్మ, సర్పంచ్‌ మెగావత్‌ చిట్టి శ్రీనివాస్‌ తదితరులు పాల్గొన్నారు. మర్రిగూడలో..మునుగోడు(మర్రిగూడ) : మండలంలోని రాంరెడ్డిపల్లి గ్రామాన్ని కూడా జాతీయ మానవ హక్కుల కమిషన్‌ స్పెషల్‌ మానిటర్‌ అనిమేశ్‌ భట్టాచార్య సందర్శించి గ్రామంలో తాగునీటి సరఫరా, ప్రజలకు అందుతున్న సౌకర్యాలపై ఆరా తీశారు. ప్రాథమిక ఆరోగ్య కేంద్రంలో వైద్యాధికారి శాలినిని కలిసి ఆస్పత్రిలో అందిస్తున్న వైద్య సేవలు, గతంలో గ్రామంలో ఉన్న ఫ్లోరోసిస్‌ పరిస్థితులు, మిషన్‌ భగీరధ ద్వారా రక్షిత మంచినీటి సరఫరా ప్రారంభమైన తర్వాత వచ్చిన మార్పుల గురించి అడిగి తెలుసుకున్నారు. ఆయన వెంట శిక్షణ సహాయ కలెక్టర్‌ శ్రీకాంత్‌రెడ్డి, తహసీల్దార్‌ జక్కర్తి శ్రీనివాస్‌, సర్పంచ్‌ లపంగి నరసింహ, ఉప సర్పంచ్‌ సైదులు పాల్గొన్నారు.ఫ జాతీయ మానవ హక్కుల కమిషన్‌ స్పెషల్‌ మానిటర్‌ అనిమేశ్‌ భట్టాచార్య

శాలిగౌరారం: శాలిగౌరారం పీహెచ్‌సీ(ప్రాథమిక ఆరోగ్య కేంద్రం) సంచలనాలకు నిలయంగా మారింది. జిల్లా వైద్య ఆరోగ్యశాఖ పరిధిలో ఎలాంటి సంచలనం జరిగినా శాలిగౌరారం పీహెచ్‌సీకి లింకు ఉండటం గమనార్హం. శాలిగౌరారం పీహెచ్‌సీ పరిధిలో ఆరునెలల వ్యవధిలో రెండు సంచలన సంఘటనలు జరిగాయి. అందులో ఏప్రిల్‌లో కాంట్రాక్ట్‌ ఉద్యోగుల క్రమబద్ధీకరణ పేరుతో పీహెచ్‌సీకి చెందిన స్టాప్‌నర్స్‌గా పనిచేసిన రమాకుమారి, కాంట్రాక్ట్‌ పద్ధతిలో రెండవ ఏఎన్‌ఎంగా పనిచేసిన సుప్రియ అక్రమాలకు పాల్పడటంతో కేసులు నమోదయ్యాయి. స్టాప్‌నర్స్‌ రమాకుమారిని సస్పెండ్‌ చేయగా, కాంట్రాక్ట్‌ పద్ధతిలో రెండవ ఏఎన్‌ఎంగా ఉన్న సుప్రియను విధులనుంచి పూర్తిగా తొలగిస్తూ (టర్మినేషన్‌ చేస్తూ) జిల్లా ఉన్నతాధికారులు చర్యలు తీసుకున్నారు. దీంతో శాలిగౌరారం పీహెచ్‌సీ అప్పట్లో ఈ అవినీతి కేసు విషయంలో సంచలనంగా మారింది. ఇప్పుడు మరో కేసు.. నకిరేకల్‌ మండలం ఓగోడు గ్రామానికి చెందిన చామకూరి వెంకటేశ్వర్లు శాలిగౌరారం పీహెచ్‌సీలో కాంట్రాక్ట్‌ పద్ధతిలో హెల్త్‌ అసిస్టెంట్‌గా 2007 అక్టోబర్‌లో విధుల్లో చేరాడు. అప్పటి నుంచి మండలంలోని మాధారంకలాన్‌ సబ్‌సెంటర్‌ హెల్త్‌ అసిస్టెంట్‌గా పనిచేస్తూ వచ్చాడు. ప్రభుత్వం 2023 నవంబర్‌ 26న కాంట్రాక్ట్‌ హెల్త్‌ అసిస్టెంట్లను రెగ్యులరైజ్‌ చేయడంతో డిప్యూటేషన్‌పై నకిరేకల్‌ మండలం ఓగోడు పీహెచ్‌సీకి వెళ్లాడు. అక్కడ విధులు నిర్వర్తిస్తూ 2025 మే 31న పదవీ విరమణ పొందాడు. అనంతరం ఇంటివద్ద ఉంటున్న వెంకటేశ్వర్లు అనారోగ్యానికి గురై సూర్యాపేటలో చికిత్స పొందుతూ 2025 నవంబర్‌ 17న మృతిచెందాడు. వెంకటేశ్వర్లు ఉద్యోగం పొందాలనే దురాశతో మృతుని కుటింభీకులు విధి నిర్వాహణలో ఉన్నప్పుడే మృతిచెందినట్లు తప్పుడు మరణ ధ్రువీకరణ పత్రాన్ని పొందడంతోపాటూ సంబంధిత అనుబంధ పత్రాలను పొందారు. తండ్రి ఉద్యోగానికి సంబంధించిన ఒరిజనల్‌ ప్లేస్‌(ప్రాంతం) అయిన శాలిగౌరారం పీహెచ్‌సీ నుంచి సంబంధిత ఫైల్‌ను జిల్లా కార్యాలయానికి పంపించారు. జిల్లా వైద్య ఆరోగ్య శాఖ కార్యాలయానికి చెందిన ఇద్దరు ఉద్యోగుల సూచనల మేరకే శాలిగౌరారం పీహెచ్‌సీలో ఇద్దరు కీలక ఉద్యోగులు ఫైల్‌కు సంబంధించిన పూర్తి సహకారాలు అందించారనే ప్రచారం జోరుగా సాగుతోంది. వెంకటేశ్వర్లు కుమారుడికి దామరచర్ల పీహెచ్‌సీలో అటెండర్‌గా ఉద్యోగ అవకాశం కల్పించారు. తప్పుడు ధ్రువీకరణ పత్రాలతో ఉద్యోగం పొందిన విషయం బట్టబయలు కావడం ప్రస్తుతం ఈ సంచలనానికి కూడా శాలిగౌరారం పీహెచ్‌సీనే కేంద్రబిందువు కావడం గమనార్హం. ఫ గతంలో క్రమబద్ధీకరణ వ్యవహారంలో స్టాఫ్‌ నర్స్‌, సెకండ్‌ ఏఎన్‌ఎంపై కేసు ఫ ఇప్పుడు నకిలీ మరణ ధ్రువీకరణతో కారుణ్య ఉద్యోగం ఫైల్‌ వెళ్లింది ఇక్కడి నుంచే..

గుర్రంపోడు : ఎల్‌నినో వల్ల ఖరీఫ్‌ వరి సాగు తగ్గడంతో పచ్చి పశుగ్రాసం కొరత కారణంగా పలువురు రైతులు ఎండుగడ్డిపై ఆధారపడుతున్నారు. ఎండిన వరి గడ్డిలో పచ్చిమేతలో ఉండే పోషకాలు ఉండకపోవడంతో పశువులు బక్కచిక్కిపోతున్నాయి. పలు మెళకువలు పాటిస్తే ఎండిన వరి గడ్డిలో పోషకాలు పెరిగి పచ్చిమేతగా మారుతుంది. ఎండుగడ్డిని పోషక విలువలున్న గ్రాసంగా మార్చుకునే విధానాన్ని గుర్రంపోడు మండల పశువైద్యాధికారి సాయిరాం వివరించారు. సాధారణంగా వేసవిలో పచ్చిగడ్డి కొరత కారణంగా ఎండు గడ్డిని రైతులు ఎక్కువగా పశువులకు అందిస్తుంటారు. ఎండు గడ్డితోపాటు జొన్న, మొక్కజొన్న, చొప్పను కూడా ఎండబెట్టి పశువులకు మేతకు వినియోగిస్తారు. వరి కోతల అనంతరం రైతులు ఎండు గడ్డిని నిల్వ చేసి పశువులకు వేస్తారు. వాటికి కావాల్సిన మాంసకృత్తులు, ఖనిజ లవణాలు, విటమిన్లు ఎండు గడ్డిలో లభించవు. జీర్ణం కాని పీచు పదార్థర్ధమే ఎండు వరి గడ్డిలో అధికంగా ఉంటుంది. అయితే ఎండు గడ్డిలో నాణ్యతను పెంచుకుని పశువులకు ఆహారంగా వినియోగిస్తే అన్ని కాలాల్లో పచ్చిమేతగా ఉపయోగించవచ్చు. వరి గడ్డిని మాగేయడం ఇలా .. పచ్చిమేత కొరత ఉన్న కాలంలో ఎండు గడ్డిని యూరియా ద్రావణంలో ఊరేస్తే ఈ మేతలో పోషక విలువలు పెరుగుతాయి. 60 లీటర్ల నీటిలో నాలుగు కిలోల యూరియాను కరిగించాలి. 100 కిలోల వరిగడ్డిని పొరలు, పొరలుగా వేస్తూ ప్రతి పొరపై నీళ్లు చిలకరించాలి. పొరల మధ్య గాలి ప్రవేశించకుండా తొక్కాలి. పెద్ద మొత్తంలో యూరియా గడ్డి తయారీకి వాము వేసి టార్పాలిన్‌ను కప్పాలి. 10 రోజలు తర్వాత తీసిచూస్తే, అమ్మోనియా వాసన కలిగి గోధుమరంగుకు మారిన మాగేసిన వరిగడ్డి పశువులు తినడానికి సిద్ధంగా ఉంటుంది. ప్రయోజనాలు యూరియా ద్రావణంలో మాగవేసిన వరి గడ్డిని వాడటం వల్ల గడ్డి నాణ్యత పచ్చి గడ్డిమేతతో సమానంగా ఉంటుంది. జీర్ణమయ్యే మాంసకృత్తులు లేని వరి గడ్డిలో మాగేయడం ద్వారా నాలుగు శాతం మాంసకృత్తులు లభ్యమవుతాయి. యూరియా గడ్డి గోధుమ రంగులో ఉండి, అమ్మోనియా వాసన కలిగి, రుచికి తీయగా, మెత్తగా ఉండటం వల్ల పశువులు ఇష్టంగా తింటాయి. గడ్డిలోని పోషక పదార్ధాలు మూడు నెలల వరకు నిల్వ ఉంటాయి. వరి గడ్డిలో జీర్ణంకాని సెల్యులోజ్‌, హెమి సెల్యులోజ్‌ పీచుపదార్ధాలు ఊరవేసిన తర్వాత సులభంగా జీర్ణమవుతాయి. ఫ పాడి పశువులకు ఎంతో మేలు ఫ గుర్రంపోడు పశువైద్యాధికారి సాయిరాం సూచనలుజాగ్రత్తలు పశువులు యూరియాను గాని, యూరియా నీళ్లనుగాని తాగకుండా జాగ్రత్తపడాలి. పొరల మధ్య గాలి ప్రవేశించకుండా తొక్కడం, తాళ్లతో బంధించడం చేయాలి. తమకున్న పశువుల సంఖ్య ఆధారంగా 3 మాసాలకు సరిపోయే వరిగడ్డిని మాగవేసుకుని, ఒక వాము వాడటం ప్రారంభించగానే మరొకటి తయారు చేసుకోవాలి.

నల్లగొండ టౌన్‌ : రైతులకు విరివిగా పంట రుణాలు మంజూరు చేస్తామని నల్లగొండ డీసీఓ, అఫీషియల్‌ పీఐసీ కమిటీ మెంబర్‌ మమత అన్నారు. నల్లగొండలోని జిల్లా సహకార కేంద్ర బ్యాంక్‌ ప్రధాన కార్యాలయంలో బుధవారం ఏర్పాటు చేసిన మహాజన సభలో ఆమె మాట్లాడారు. సమావేశంలో సొసైటీల చైర్మన్లు లేవనెత్తిన అంశాలైన పంట రుణాల వితరణ, వసూలు, డివిడెంట్‌ అంశాలపై సానుకూలంగా ఆమె స్పందిస్తూ త్వరలోనే అన్నీ పరిష్కరిస్తామని తెలిపారు. 2025–26 ఆర్థిక సంవత్సరానికి సంబంధించిన బ్యాంకు పరిపాలన వార్షిక నివేదికను, సర్టిఫికెట్లు, జమ ఖర్చులు, లాభనష్టాలను ఆమోదించారు. సమావేశంలో యాదాద్రి జిల్లా డీసీఓ నాగార్జున, నాబార్డ్‌ డీడీఎం వినయ్‌కుమార్‌, మైకేల్‌బోసు, బ్యాంక్‌ సీఈఓ శంకర్‌రావు, జీఎం నర్మద, సంఘం చైర్మన్లు, బ్యాంకు అధికారులు పాల్గొన్నారు.

ఖమ్మం స్పోర్ట్స్‌: రాష్ట్రస్థాయి పాఠశాలల అండర్‌–17 అథ్లెటిక్స్‌ పోటీలు ఖమ్మంలోని పోలీస్‌ పరేడ్‌ మైదానంలో బుధవారం ప్రారంభమయ్యాయి. ఈసందర్భంగా డీఈఓ వాసంతి క్రీడా పతాకాన్ని ఎగురవేశారు. తొలిరోజు 1,500 మీటర్ల పరుగు పందెం పోటీ నిర్వహించగా.. బాలుర విభాగం నుంచి ఎం.గణేష్‌(నల్లగొండ) ఎం.చరణ్‌ తేజ(ఆదిలాబాద్‌), వి.గణేష్‌(రంగారెడ్డి), బాలికల విభాగంలో ఎం.డీ.ఆస్మిన్‌(కరీంనగర్‌), ఎం.రాజేశ్వరి(ఆదిలాబాద్‌), పి.నక్షత్ర(రంగారెడ్డి) మొదటి మూడు స్థానాలు కై వసం చేసుకున్నారు. ఈ పోటీలు గురువారం కూడా కొనసాగనున్నాయి.

మిర్యాలగూడ: మండలంలోని శ్రీనివాస్‌నగర్‌కు చెందిన ఆదె సత్యనారాయణ జాతీయ స్థాయి హిప్నాసిస్‌ అవార్డు అందుకున్నారు. బుధవారం హైదరాబాద్‌లోని బిర్లా ఆడిటోరియంలోని భాస్కర ఆడిటోరియంలో నిర్వహించిన కార్యక్రమంలో మైండ్‌ సపోర్ట్‌ హిప్నాసిస్‌ అండ్‌ కౌన్సిలింగ్‌ సంస్థ ఆయనకు ఎక్స్‌లెన్స్‌ ఇన్‌ హిప్నోథెరపి–నేషనల్‌ హిప్నాసిస్‌ అవార్డు అందజేసింది. ఈ సందర్భంగా ఆయన మాట్లాడుతూ.. ఎన్‌ఎల్‌పీ, హిప్నాసిస్‌ ఆధారిత పద్ధతులు, సమాచార వినిమయ నైపుణ్యాలు, ప్రేరణాత్మక శిక్షణ ద్వారా వ్యక్తుల్లో ఆత్మవిశ్వాసం, స్వీయ అవగాహన, వ్యక్తిగత సామర్థ్యాల వికాసానికి కృషి చేస్తున్నట్లు తెలిపారు.

చౌటుప్పల్‌ : కారును సిమెంట్‌ లారీ ఢీకొట్టిన ఘటన హైదరాబాద్‌–విజయవాడ జాతీయ రహదారిపై చౌటుప్పల్‌ పట్టణంలోని వలిగొండ రోడ్డు సమీపంలో బుధవారం జరిగింది. స్థానికులు తెలిపిన వివరాల ప్రకారం.. విజయవాడ మార్గంలో వెళ్తున్న కారు అకస్మాత్తుగా హైవే పైకి వెళ్లడంతో వెనుక నుంచి వచ్చిన సిమెంట్‌ లారీ.. కారును ఢీకొట్టింది. దీంతో అండర్‌పాస్‌ బ్రిడ్జి కోసం తీసిన గుంతలో కారు పడిపోయింది. స్థానికులంతా కలిసి కారును గుంతలో నుంచి బయటకు తీశారు. ప్రమాదంలో ఎవరికీ ఎలాంటి గాయాలు కాలేదు. కొంతసేపు ట్రాఫిక్‌ జామ్‌ అయ్యింది. ట్రాఫిక్‌ పోలీసులు కారును పక్కకు తప్పించి ట్రాఫిక్‌ను క్లియర్‌ చేశారు. మహిళను వేధిస్తున్న యువకుడి రిమాండ్‌యాదగిరిగుట్ట: మహిళను వేధిస్తున్న యువకుడిపై తుర్కపల్లి పోలీసులు కేసు నమోదు చేసి బుధవారం రిమాండ్‌కు పంపించారు. తుర్కపల్లి ఎస్సై శివకృష్ణ తెలిపిన వివరాల ప్రకారం.. తుర్కపల్లి మండలం రుస్తాపురం గ్రామానికి చెందిన వంగూరి చందు కొన్ని రోజులుగా ఓ మహిళ వెంట పడుతూ.. ఆమె వేధిస్తూ ఇబ్బందులకు గురి చేస్తున్నాడు. దీంతో బాధిత మహిళ తుర్కపల్లి పోలీస్‌ స్టేషన్‌లో ఫిర్యాదు చేసింది. దీంతో వంగూరి చందుపై కేసు నమోదు చేసిన పోలీసులు బుధవారం అతడిని అదుపులోకి విచారించారు. అనంతరం కోర్టులో హాజరుపర్చి రిమాండ్‌కు తరలించారు. హాస్టల్‌కు వెళ్లడం ఇష్టంలేక విద్యార్థి ఆత్మహత్యహాలియా(నిడమనూరు) : హాస్టల్‌కు వెళ్లడం ఇష్టంలేక ఉరేసుకుని విద్యార్థి ఆత్మహత్యకు పాల్పడ్డాడు. ఈ ఘటన నిడమనూరులో బుధవారం జరిగింది. పోలీసులు తెలిపిన వివరాల ప్రకారం.. నిడమనూరు మండల కేంద్రంలోని యాదవకాలనీకి చెందిన పున్న మారయ్య, హేమలత దంపతులు తమ దూరపు బంధువులైన గట్టుప్పల్‌కు చెందిన రావిరాల నాగమణి, నాగరాజు దంపతుల కుమారుడు కార్తీక్‌(14)ను దత్తత తీసుకున్నారు. కార్తీక్‌ నిడమనూరు శివారులోని గురుకుల పాఠశాలలో 8వ తరగతి చదువుతున్నాడు. దసరా సెలవుల అనంతరం కార్తీక్‌కు హాస్టల్‌కు వెళ్లడం ఇష్టంలేక ఇంట్లోనే ఉంటున్నాడు. దీంతో మారయ్య, హేమలత దంపతులు పలుమార్లు మందలించారు. దీంతో మనస్తాపానికి గురైన కార్తీక్‌ బుధవారం ఇంట్లో ఎవరూ లేని సమయంలో ఫ్యాన్‌కు ఉరేసుకుని ఆత్మహత్యకు పాల్పడ్డాడు. హేమలత ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ విజయ్‌కుమార్‌ తెలిపారు.

ఫ మరొకరికి తీవ్ర గాయాలు మిర్యాలగూడ అర్బన్‌: నూతనంగా నిర్మిస్తున్న ఇంటికి స్లాబ్‌ వేస్తుండగా ప్రమాదవశాత్తు విద్యుదాఘాతానికి గురై ఓ భవన నిర్మాణ కార్మికుడు మృతిచెందగా.. మరొకరికి తీవ్ర గాయాలయ్యాయి. ఈ ఘటన మిర్యాలగూడ పట్టణంలో బుధవారం జరిగింది. వన్‌టౌన్‌ సీఐ నాగభూషణరావు తెలిపిన వివరాల ప్రకారం.. త్రిపురారం మండలం నీలాయిగూడెం గ్రామానికి చెందిన వేముల కృష్ణ(38), మిర్యాలగూడ పట్టణంలోని సుందర్‌నగర్‌కు చెందిన గుంజ రాము, మరికొందరు కూలీలు కలిసి మిర్యాలగూడ పట్టణంలోని చింతపల్లి ఇందిరమ్మ కాలనీలో భవన నిర్మాణ పనులకు వెళ్లారు. భవనం స్లాబ్‌ వేస్తుండగా.. విద్యుత్‌ తీగ నుంచి ఇనుప చువ్వకు కరెంట్‌ సరఫరా జరిగి నలుగురు కూలీలు విద్యుదాఘాతానికి గురయ్యారు. ఈ ఘటనలో వేముల కృష్ణ అక్కడికక్కడే మృతిచెందగా.. గుంజ రాముకు తీవ్ర గాయాలయ్యాయి. స్థానికులు రామును ప్రైవేట్‌ ఆస్పత్రికి తరలించారు. ఈ మేరకు కేసు నమోదు చేసి దర్యాప్తు చేస్తున్నట్లు సీఐ తెలిపారు.

హైవే వెంట ఉన్న మా గ్రామం వద్ద అండర్‌ పాస్‌ లేక ఇబ్బందులు ఎదుర్కొంటున్నాం. రోడ్డు దాటే క్రమంలో వాహనాలు ప్రమాదాల బారినపడుతున్నా యి. రాత్రి వేళల్లో స్టేజీ వద్దనే బస్సు దిగి గ్రామస్తులు రోడ్డును భయంతో దాటుతున్నారు. లైటింగ్స్‌ లేకపోవడంతో అతి వేగంతో వాహనాలు వచ్చి ఢీ కొడుతున్నాయి. అధికారులు అండర్‌పాస్‌లు నిర్మించాలి. –భీమగాని నర్సింహ, చిన్నకందుకూరు రామాజీపేట గ్రామం వద్ద బ్రిడ్జి నిర్మించాలి. గ్రామానికి గేట్‌ కూడా ఆనుకుని ఉండడంతో రాకపోకలకు మరింత ఇబ్బందులు పడుతున్నాం. మా గ్రామంలోని గోదాములకు నిత్యం వందలాది లారీలు వస్తున్నాయి. రైతులు హైవేను దాటి పొలాలకు వెళ్తుంటారు. రోజు ఏదో ఒక ప్రమాదం జరుగుతుంది. – మొగిలిపాక రమేష్‌, రామాజీపేట పెద్దకందుకూరు స్టేజీ వద్ద రోడ్డు దాటే సమయంలో నిత్యం ప్రమాదాలు జరగుతున్నాయి. ఇప్పటికే గ్రామంలో పలువురు మృతి చెందారు. స్పీడ్‌ బ్రేకర్‌లు, ఇండికేషన్‌లు సరిగ్గా లేవు. ఎప్పుడు ఏ ప్రమాదం జరుగుతుందో అనే భయాందోళనకు గురవుతున్నాము. అండర్‌ పాస్‌ ఏర్పాటు చేస్తే ప్రమాదాలను అరికట్టవచ్చు –కాళ్లె సురేష్‌, పెద్దకందుకూరు యాదగిరిగుట్ట రూరల్‌: హైదరాబాద్‌–వరంగల్‌ ప్రధాన జాతీయ రహదారి (ఎన్‌హెచ్‌ 163) స్థానికులకు ప్రాణసంకటంగా మారింది. యాదగిరిగుట్ట మండల పరిధిలోని పలు గ్రామాల వద్ద జాతీయ రహదారిపై అండర్‌ పాస్‌లు ఏర్పాటు చేయకపోవడంతో వాహనదారులు, పాదచారులు తరచూ ప్రమాదాల బారిన పడుతున్నారు. వాహనాలు అతివేగంగా దూసుకెళ్తున్న ఈ హైవేపై.. రాత్రి వేళల్లో రోడ్డు దాటాలంటేనే ప్రజలు ప్రాణాలు అరచేతిలో పెట్టుకోవాల్సిన దుస్థితి నెలకొంది. అండర్‌పాస్‌లు లేక తప్పని ముప్పు యాదగిరిగుట్ట మండలంలోని రామాజీపేట, పెద్దకందుకూరు, చిన్నకందుకూరు, బాహుపేట గ్రామాలు హైవేను ఆనుకుని ఉన్నాయి. ఈ గ్రామాల ప్రజలు రోజువారీ పనుల నిమిత్తం నిత్యం హైవేను క్రాస్‌ చేయాల్సి వస్తోంది. అయితే, ఆయా స్టేజీల వద్ద అండర్‌పాస్‌లు లేక అతివేగంగా వచ్చే వాహనాలు రోడ్డు దాటుతున్న ప్రయాణికులను ఢీకొడుతున్నాయి. కలవరపెడుతున్న గత ప్రమాదాలు ● పెద్దకందుకూరుకు చెందిన సీస భిక్షపతి రోడ్డు క్రాస్‌ చేస్తుండగా వాహనం ఢీకొని మృతి చెందాడు. ● ద్విచక్రవాహనంపై రోడ్డు దాటుతున్న పెద్దకందుకూరు వాసి గుర్రం లక్ష్మిని గుర్తుతెలియని వాహనం ఢీకొట్టడంతో ప్రాణాలు విడిచింది. ● చిన్నకందుకూరుకు చెందిన ర్యాకల సత్తయ్య పెద్దకందుకూరు వద్ద రోడ్డు దాటుతుండగా కారు ఢీకొని మృత్యువాత పడ్డాడు. ● చిన్నకందుకూరుకు చెందిన రాజయ్యను కారు ఢీకొనడంతో తీవ్రంగా గాయపడ్డాడు. ప్రమాదాలు నిత్యకృత్యమైనా అధికారులు కనీస భద్రతా చర్యలు చేపట్టడంలేదు. ప్రమాదాలు జరిగే క్రాసింగ్‌ల వద్ద హెచ్చరిక బోర్డులు, రేడియం స్టిక్కర్లు, స్పీడ్‌ బ్రేకర్లు, సరైన లైటింగ్‌ వ్యవస్థ లేవని ప్రజలు వాపోతున్నారు. చీకటి పడితే ఈ క్రాసింగ్‌ల వద్ద పరిస్థితి మరింత ప్రమాదకరంగా మారుతోంది. అధికారులు స్పందించి హైవే వెంట ఉన్న గ్రామాల వద్ద అండర్‌ పాస్‌లు నిర్మించాలని ప్రజలు డిమాండ్‌ చేస్తున్నారు. ఫ యాదగిరిగుట్ట మండల పరిధిలోని ఎన్‌హెడ్‌163పై తరచూ ప్రమాదాలు ఫ రోడ్డు దాటుతూ ప్రాణాలు కోల్పోతున్న స్థానికులు ఫ కనీస హెచ్చరిక బోర్డులు, లైటింగ్‌ కరువు ఫ అండర్‌పాస్‌లు నిర్మించాలని వినతి

సాక్షి యాదాద్రి : ములుగు వంటి మారుమూల ఏజెన్సీ ప్రాంతాల్లో ఆధునిక వైద్య సేవలు అందించేందుకు బీబీనగర్‌ ఎయిమ్స్‌ బృందం ముందుకు రావడం అభినందనీయమని రాష్ట్ర పంచాయతీరాజ్‌, గ్రామీణాభివృద్ధి శాఖ మంత్రి సీతక్క అన్నారు. మంగళవారం యాదాద్రి భువనగిరి జిల్లా బీబీనగర్‌ ఎయిమ్స్‌ను సందర్శించిన ఆమె.. ములుగు జిల్లాలో వైద్య సేవల కల్పన, ఆసుపత్రుల నిర్మాణంపై సమీక్షా సమావేశం నిర్వహించారు. అటవీ ప్రాంతాల్లో మౌలిక వసతుల కొరత వల్ల గిరిజనులకు సకాలంలో వైద్యం అందడం లేదని, ఎయిమ్స్‌ వైద్యులు కొంతకాలమైనా ఏజెన్సీ ప్రాంతాల్లో సేవలు అందించి ప్రజలకు అండగా నిలవాలని కోరారు. ఎయిమ్స్‌, సమ్మక్క సారలమ్మ కేంద్ర గిరిజన విశ్వవిద్యాలయం సంయుక్తంగా ములుగు జిల్లాలో వైద్య శిక్షణ కేంద్రాన్ని ఏర్పాటు చేసి, స్థానిక ఆదివాసీ యువతకు ప్రాథమిక వైద్య శిక్షణ ఇచ్చి ఆరోగ్య కార్యకర్తలుగా తీర్చిదిద్దడం మంచి పరిణామమన్నారు. తొలిదశలో ములుగు, ఏటూరునాగారంలో శాటిలైట్‌ హెల్త్‌ సెంటర్లు ప్రారంభించి, టెలీమెడిసిన్‌ సేవలను విస్తరించాలని సూచించారు. గర్భిణులు, చిన్నారుల ఆరోగ్యంపై దృష్టి సారించి రక్తహీనత, సికిల్‌ సెల్‌ వ్యాధి, మలేరియా నివారణకు చర్యలు తీసుకోవాలన్నారు. స్థానిక కోయ, గోండి, లంబాడీ భాషల్లో ఆరోగ్య అవగాహన కల్పించాలని పేర్కొన్నారు. అనంతరం ఎయిమ్స్‌ రూపొందించిన ములుగు ఆరోగ్య వికాసం పుస్తకాన్ని మంత్రి ఆవిష్కరించారు. బిర్సా ముండా చిత్రపటానికి నివాళులర్పించారు. కార్యక్రమంలో ఎయిమ్స్‌ డైరెక్టర్‌ ప్రొఫెసర్‌ అమితా అగర్వాల్‌, గిరిజన విశ్వవిద్యాలయం వైస్‌ ఛాన్స్‌లర్‌ ప్రొఫెసర్‌ వై.ఎల్‌.శ్రీనివాస్‌, రీసెర్చ్‌ డీన్‌ డాక్టర్‌ రాహుల్‌ నారాక్‌, వైద్యులు పాల్గొన్నారు. ఫ మంత్రి సీతక్క

భువనగిరి: ఎల్‌నినో కారణంగా రానున్న రోజుల్లో నీటి కొరత తీవ్రరూపం దాల్చే ప్రమాదం ఉండటంతో ప్రభుత్వం ముందస్తుగా అప్రమత్తమైంది. సాగు, తాగునీటి ఎద్దడిని నివారించేందుకు నీటి పొదుపుపై ప్రత్యేక దృష్టి సారించింది. ఇందులో భాగంగా మున్సిపల్‌ శాఖ భూగర్భ జలాల పెంపు, నీటి పొదుపు కోసం పక్కా యాక్షన్‌ ప్లాన్‌ను రూపొందించింది. మున్సిపాలిటీల్లో వాడవాడలా పర్యటిస్తూ స్థానికులకు నీటి పొదుపుపై విస్తృత స్థాయిలో అవగాహన కార్యక్రమాలు నిర్వహిస్తున్నారు. ప్రధానంగా తాగునీటి పైపుల లీకేజీలకు అడ్డుకట్ట వేసి, నీటి వృథాను అరికట్టేందుకు చర్యలు చేపట్టారు. నిబంధనలు అతిక్రమించి నీటిని వృథా చేసే వారికి జరిమానాలు సైతం విధించనున్నారు. ప్రజలు, స్వచ్ఛంద సంస్థల భాగస్వామ్యంతో.. గతంలో కొనసాగిన వినియోగదారుల సంఘాల మాదిరిగానే, ఇప్పుడు భూగర్భ జలాల పరిరక్షణ కోసం భూగర్భ జల వినియోగదారుల సంఘాలను ఏర్పాటు చేయనున్నారు. ఈ సంఘాల్లో సాధారణ ప్రజలతో పాటు స్వచ్ఛంద సంస్థలకు భాగస్వామ్యం కల్పిస్తారు. ఈ సంఘాల సభ్యులందరికీ నీటి పొదుపుపై ప్రత్యేక శిక్షణ కార్యక్రమాలు నిర్వహించనున్నారు. ప్రతి ఇంట్లో ఇంకుడు గుంత తప్పనిసరిగా ఉండేలా వీరు ప్రజల్లో అవగాహన కల్పిస్తారు. ఇంకుడు గుంత లేకుంటే ఇళ్ల నిర్మాణాలకు బ్రేక్‌ జిల్లాలో భువనగిరి, చౌటుప్పల్‌, పోచంపల్లి, యాదగిరిగుట్ట, ఆలేరు, మోత్కూర్‌ ఇలా ఆరు మున్సిపాలిటీలు ఉన్నాయి. ఈ ప్రాంతాల్లో నూతనంగా నిర్మించే ఇళ్లకు లేదా ఇతర నిర్మాణాలకు ఇంకుడు గుంత తప్పనిసరి చేశారు. ఇంకుడు గుంత లేని ఇళ్ల నిర్మాణాలకు పర్మిషన్‌ రద్దు చేయనున్నారు. మున్సిపాలిటీ సిబ్బంది ఇంటింటికీ వెళ్లి యజమానులకు ఇంకుడు గుంతల ఆవశ్యకతపై అవగాహన కల్పిస్తున్నారు. అలాగే, భూగర్భంలోకి వర్షపు నీరు ఇంకేందుకు దోహదపడే పాత బావులను పూడ్చకుండా అధికారులు పటిష్ట చర్యలు తీసుకుంటున్నారు. మూడురోజులకు ఒక్కసారి నీళ్లు వస్తున్నాయిగతంలో కంటే ఇప్పుడు నీటిసమస్య ఎక్కువగా ఉంది. ప్రస్తుతం మూడురోజులకు ఒక్కసారి నల్లా ద్వారా నీళ్లు వస్తున్నాయి. ఈ నీరుసరిపోవడం లేదు. నీటి కోసం ఇబ్బందులు పడాల్సి వస్తోంది. కాలనీలో కొత్త బోరు వేసి నీటి సరఫరా చేసేలా చర్యలు తీసుకోవాలని పలు మార్లు అధికారులకు విజ్ఞప్తి చేసినా పట్టించుకోవడం లేదు. ఇప్పటికై న కాలనీకి నీటి సరఫరా చేసేలా చర్యలు తీసుకోవాలి. –టి. చంద్రశేఖర్‌, భువనగిరి నీటి వృథాను అరికట్టి, పొదుపుగా వినియోగించుకోవడంపై ప్రజలకు అవగాహన కల్పిస్తున్నాం. వార్డుల వారీగా సభలు నిర్వహించి నీటి పొదుపుపై విస్తృతంగా ప్రచారం చేస్తున్నాం. భవిష్యత్తు అవసరాల దృష్ట్యా తాగునీటి విషయంలో ప్రజలు మున్సిపాలిటీకి సహకరించాలి. జల సంరక్షణ కోసం ప్రతి ఒక్కరూ బాధ్యతగా కృషి చేయాలి. – చంద్రప్రకాష్‌రెడ్డి, భువనగిరి మున్సిపల్‌ కమిషనర్‌ ఫ ఎల్‌నినో ప్రభావంతో నీటి ఎద్దడి నివారణకు మున్సిపాలిటీల యాక్షన్‌ ప్లాన్‌ ఫ జిల్లాలోని ఆరు మున్సిపాలిటీల్లో ఇంటింటికీ తిరిగి విస్తృత ప్రచారం ఫ పాత బావుల పరిరక్షణ.. భూగర్భ జలాల పెంపునకు వినియోగదారుల సంఘాల ఏర్పాటు

భువనగిరి : డిజిటల్‌ యుగంలో సైబర్‌ నేరాల విషయంలో ప్రతి ఒక్కరూ అప్రమత్తంగా ఉండాల్సిన అవసరం ఉందని జిల్లా ఎస్పీ అక్షాంశ్‌ యాదవ్‌ సూచించారు. మంగళవారం ఎస్పీ క్యాంప్‌ కార్యాలయంలో సైబర్‌ నేరాల నివారణ,సైబర్‌ భద్రత పై ప్రజల్లో అవగాహన కల్పించేందుకు రూపొందించిన పోస్టర్‌ను ఆవిష్కరించి మాట్లాడారు. గుర్తు తెలియని వ్యక్తుల నుంచి వచ్చే ఫోన్‌ కాల్స్‌, మెసెజ్‌లు, అనుమానాస్పదలింకులు, నకిలీ వెబ్‌సైట్ల విషయంలో జాగ్రత్తగా ఉండాలన్నారు. ఎవరితోనూ ఓటీపీ, యూపీఐ, పిన్‌ వంటి వ్యక్తిగత సమాచారాన్ని పంచుకోవద్దని చెప్పారు. సైబర్‌ మోసానికి గురైతే వెంటనే 1930 హెల్ప్‌లైన్‌ నంబర్‌తో పాటు సంబంధిత వెబ్‌సైట్‌లో ఫిర్యాదు చేయవచ్చన్నారు. ఈ కార్యక్రమంలో ఎస్‌ఐలు నాగరాజు, అశోక్‌, వెంకటేష్‌ పాల్గొన్నారు. జాతీయ హోదా ఇవ్వాలని కేంద్ర మంత్రికి విన్నపం సాక్షి, యాదాద్రి : తెలంగాణలో పెరుగుతున్న రవాణా అవసరాలు, పారిశ్రామిక అభివృద్ధిని దృష్టిలో ఉంచుకుని ప్రధాన రహదారులకు జాతీయ హోదా కల్పించాలని భువనగిరి ఎంపీ చామల కిరణ్‌కుమార్‌రెడ్డి కేంద్ర రోడ్డు రవాణా, జాతీయ రహదారుల శాఖ మంత్రి నితిన్‌ గడ్కరీకి విజ్ఞప్తి చేశారు. రాష్ట్రానికి సంబంధించి రెండు కీలక ప్రతిపాదనలను కేంద్ర మంత్రికి సమర్పించినట్లు ఎంపీ తెలిపారు. సంగారెడ్డి – నర్సాపూర్‌ – తూప్రాన్‌ – గజ్వేల్‌ – జగదేవ్‌పూర్‌ – భువనగిరి – చౌటుప్పల్‌, చౌటుప్పల్‌ – ఆమనగల్‌ – షాద్‌నగర్‌ – సంగారెడ్డి మార్గాలకు జాతీయ రహదారి హోదా కల్పించాలని కోరినట్లు వెల్లడించారు. రూ.45 వేల కోట్ల వ్యయంతో మెట్రో కారిడార్‌ వెంబడి 10 నూతన గ్రీన్‌ఫీల్డ్‌ రేడియల్‌ రహదారులను నిర్మించి, ఔటర్‌ రింగ్‌ రోడ్డును ప్రాంతీయ రింగ్‌ రోడ్డుతో అనుసంధానించాలని విజ్ఞప్తి చేశారు. ఈ ప్రతిపాదనలపై కేంద్ర మంత్రి స్పందిస్తూ, కొత్త జాతీయ రహదారుల ప్రకటనకు సంబంధించిన విధివిధానాలు ప్రస్తుతం సంప్రదింపుల దశలో ఉన్నాయని, మార్గదర్శకాలు ఖరారైన అనంతరం పరిశీలించి చర్యలు చేపడతామని హామీ ఇచ్చినట్లు ఎంపీ పేర్కొన్నారు. బస్టాండ్లను తీర్చిదిద్దాలని మంత్రి పొన్నంకు వినతిభువనగిరిటౌన్‌ : భువనగిరి, వలిగొండ బస్టాండ్‌లను ఆధునిక హంగులతో తీర్చిదిద్దడంతో పాటు నియోజకవర్గంలో అదనపు బస్సు సర్వీసులు నడపాలని భువనగిరి ఎమ్మెల్యే కుంభం అనిల్‌ కుమార్‌ రెడ్డి కోరారు. ఈమేరకు మంగళవారం సచివాలయంలో రాష్ట్ర రవాణా, బీసీ సంక్షేమ శాఖ మంత్రి పొన్నం ప్రభాకర్‌ను ఆయన కలిసి వినతిపత్రం అందజేశారు. ఈ సందర్భంగా ఎమ్మెల్యే మాట్లాడుతూ.. ప్రయాణికుల రద్దీకి అనుగుణంగా నియోజకవర్గంలో ప్రజా రవాణా వ్యవస్థను మరింత బలోపేతం చేయాల్సిన అవసరం ఉందన్నారు. భువనగిరి, వలిగొండ బస్టాండ్‌లలో మౌలిక వసతులు మెరుగుపరచడంతో పాటు కొత్త బస్సులను కేటాయించి ప్రజలకు మెరుగైన రవాణా సౌకర్యాలు కల్పించాలని కోరారు. మంత్రి సానుకూలంగా స్పందించి, తగిన చర్యలు తీసుకుంటామని హామీ ఇచ్చినట్లు ఎమ్మెల్యే తెలిపారు. 5న హుండీల లెక్కింపుయాదగిరిగుట్ట: యాదగిరి శ్రీలక్ష్మీనరసింహస్వామి వారి ఆలయ హుండీల్లో భక్తులు సమర్పించుకున్న నగదు, నగలును ఈ నెల 5వ తేదీన లెక్కించనున్నట్లు ఈఓ భవానీ శంకర్‌ మంగళవారం తెలిపారు. ఉదయం 7గంటలకు కొండ కింద గల శ్రీసత్యనారాయణస్వామి వ్రత మండపం హాల్‌లో హుండీలను లెక్కిస్తామని పేర్కొన్నారు.

భువనగిరిటౌన్‌ : పాఠశాలలు, జూనియర్‌, డిగ్రీ కళాశాలల్లో జూనియర్‌, యూత్‌ రెడ్‌ క్రాస్‌ కమిటీలను ఏర్పాటు చేసి విద్యార్థులు, యువతలో సేవాభావం పెంపొందించాలని కలెక్టర్‌, రెడ్‌ క్రాస్‌ జిల్లా అధ్యక్షుడు అనురాగ్‌ జయంతి సూచించారు. మంగళవారం కలెక్టరేట్‌లో ఆయన అధ్యక్షతన రెడ్‌ క్రాస్‌ జిల్లా మేనేజింగ్‌ కమిటీ సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ విద్యార్థి దశ నుంచే యువతను సేవా కార్యక్రమాల వైపు ప్రోత్సహించి సమాజానికి ఉపయోగపడేలా తీర్చిదిద్దాలన్నారు. విద్యార్థుల్లో సామాజిక బాధ్యతను కూడా పెంచాలని పేర్కొన్నారు. యువత రక్తదానం చేసేలా అవగాహన కల్పించాలని సూచించారు. గ్రామాలు, విద్యాసంస్థల్లో రెడ్‌ క్రాస్‌ సేవలను మరింత విస్తృతం చేసేందుకు దివీస్‌ సంస్థ సహకారం తీసుకోవాలని కలెక్టర్‌ ఆదేశించారు. ఎల్‌నినో ప్రభావంపై విద్యార్థులు, యువత, మహిళలకు అవగాహన కల్పించేలా జిల్లా వ్యాప్తంగా ప్రత్యేక కార్యక్రమాలు చేపట్టాలని ఆయన కోరారు. రెడ్‌క్రాస్‌ ఆధ్వర్యంలో సేవా కార్యక్రమాలను విస్తృతం చేయాలన్నారు. అనంతరం రెడ్‌ క్రాస్‌ సంస్థ ఆధ్వర్యంలో ఎల్‌నినోపై అవగాహన కోసం రూపొందించిన కరపత్రాలను ఈ సందర్భంగా కలెక్టర్‌ ఆవిష్కరించారు. ఈ కార్యక్రమంలో రెవెన్యూ అదనపు కలెక్టర్‌ వెంకారెడ్డి, ఇంటర్మీడియట్‌ నోడల్‌ అధికారి బి. సురేష్‌ రెడ్డి, డీఎంహెచ్‌ఓ డాక్టర్‌ మనోహర్‌, రెడ్‌ క్రాస్‌ జిల్లా చైర్మన్‌ సద్ది వెంకటరెడ్డి, వైస్‌ చైర్మన్‌ రెడ్డి బాలాజీ, ట్రెజరర్‌ ఎం.ఏ. రహీం, స్టేట్‌ కమిటీ సభ్యుడు డాక్టర్‌ జి. లక్ష్మీ నరసింహారెడ్డి, ఎస్‌ఎన్‌చారి తదితరులు పాల్గొన్నారు. ఫ కలెక్టర్‌ అనురాగ్‌ జయంతి

భువనగిరిటౌన్‌ : రోడ్డు ప్రమాదాల్లో క్షతగాత్రులను సకాలంలో ఆసుపత్రులకు చేర్చకపోవడం, చేర్చినా డబ్బులు లేక చికిత్స ఆలస్యమై ప్రాణాలు పోతున్న ఘటనలకు చెక్‌ పెట్టేందుకు కేంద్ర ప్రభుత్వం కీలక అడుగు వేసింది. కేంద్ర రోడ్డు రవాణా, రహదారుల మంత్రిత్వ శాఖ ఆధ్వర్యంలో ‘పీఎం రాహత్‌’ (ప్రధానమంత్రి రోడ్డు ప్రమాద బాధితుల ఆసుపత్రి చేరిక, ట్రామా కేర్‌ పథకం)ను పూర్తిస్థాయిలో అమల్లోకి తెచ్చింది. ప్రమాదం జరిగిన మొదటి గంట (గోల్డెన్‌ అవర్‌)లో బాధితులకు తక్షణమే పైసా ఖర్చు లేకుండా నాణ్యమైన అత్యవసర చికిత్స అందించి ప్రాణాలు నిలపడమే ఈ పథకం ప్రధాన లక్ష్యం. ప్రమాదం జరిగినప్పటి నుంచి ఏడు రోజుల పాటు ఈ పథకం కింద రోడ్డు ప్రమాదంలో గాయపడిన ప్రతి బాధితుడికి గరిష్టంగా రూ.1,50,000 వరకు నగదు రహిత అత్యవసర వైద్య సేవలు అందుతాయి. ప్రమాదం జరిగిన రోజు నుంచి గరిష్టంగా ఏడు రోజుల పాటు ఈ సేవలు వర్తిస్తాయి. ఐసీయూ బెడ్‌, శస్త్రచికిత్సలు, రక్త మార్పిడి, అత్యవసర మందులు, డయాగ్నోస్టిక్స్‌ వంటి కీలకమైన ట్రామా కేర్‌ చికిత్సలన్నీ ఈ ప్యాకేజీ పరిధిలోకి వస్తాయి. నేషనల్‌ హెల్త్‌ అథారిటీ, ఆయుష్మాన్‌ భారత్‌ జాబితాలో నమోదైన ప్రభుత్వ ఆసుపత్రులతో పాటు గుర్తింపు పొందిన ప్రైవేట్‌ ఆసుపత్రుల్లో ఈ చికిత్స లభిస్తుంది. ఎంపానెల్డ్‌ ప్రైవేట్‌ ఆసుపత్రులు ప్రమాద బాధితులను చేర్చుకోవడానికి నిరాకరించడానికి వీల్లేదు. రోగి పరిస్థితిని స్థిరీకరించే వరకు ఉచితంగా వైద్యం అందించాల్సి ఉంటుంది. బాధితులు ఎక్కడి వారైనా.. జాతీయ రహదారులు, రాష్ట్ర రహదారులతో పాటు జిల్లా, గ్రామీణ రోడ్లపై ఏ మోటారు వాహనం వల్ల ప్రమాదం జరిగినా బాధితులందరికీ ఈ పథకం వర్తిస్తుంది. ఇందులో ఎలాంటి ఆదాయ పరిమితులు లేవు. బాధితులు ఎక్కడి వారైనా, ఏ ప్రాంతంలో ప్రమాదం జరిగినా సమీపంలోని నెట్‌వర్క్‌ ఆసుపత్రిలో ఉచితంగా అత్యవసర వైద్యం పొందవచ్చు. ఫ గోల్డెన్‌ అవర్‌లో ప్రాణాలు కాపాడేందుకు కేంద్రం సరికొత్త పథకం ఫ బాధితులకు రూ.1.50 లక్షల వరకు నగదు రహిత అత్యవసర చికిత్స ఫ ఆదాయ పరిమితులు లేకుండా అందరికీ వర్తింపు క్షతగాత్రులకు ఉచిత చికిత్స అందించినందుకు అయ్యే ఖర్చును ఆసుపత్రులు.. కేంద్ర ప్రభుత్వ మోటారు వెహికల్‌ యాక్సిడెంట్‌ ఫండ్‌ నుంచి నేరుగా రీయింబర్స్‌మెంట్‌ పొందుతాయి. ఈ ప్రక్రియ మొత్తం ఆన్‌లైన్‌ పోర్టల్‌ ద్వారా జరుగుతుంది. రోడ్డు ప్రమాద సమాచారం అందిన వెంటనే పోలీసులు, రవాణా శాఖ, ఆరోగ్య విభాగాల సమన్వయంతో బాధితులకు సంబంధించిన వివరాలు పోర్టల్‌లో నమోదవుతాయి. సకాలంలో వైద్యం అందక ప్రాణాలు కోల్పోయే వారి సంఖ్యను గణనీయంగా తగ్గించేందుకు పీఎం రాహత్‌ అత్యంత కీలకమైన రక్షణ కవచంగా మారనుంది.

ఫ సీపీఎం కేంద్ర కమిటీ మాజీ సభ్యుడు చెరుపల్లి సీతారాములు చౌటుప్పల్‌ : రాచకొండ ఎత్తిపోతల పథకం ద్వారా నియోజకవర్గానికి సాగునీరు అందించాలని సీపీఎం కేంద్ర కమిటీ మాజీ సభ్యుడు చెరుపల్లి సీతారాములు, తెలంగాణ రైతు సంఘం రాష్ట్ర కార్యదర్శి టి.సాగర్‌ ప్రభుత్వాన్ని డిమాండ్‌ చేశారు. రాచకొండ లిఫ్ట్‌ పథకం సాధనకు పార్టీ నారాయణపురం మండల కమిటీ ఆధ్వర్యంలో చర్లగూడెం–శివన్నగూడెం రిజర్వాయర్‌ వద్ద ప్రారంభించిన పాదయాత్ర మంగళవారం చౌటుప్పల్‌కు చేరుకుంది. ఈ సందర్భంగా ఆర్డీఓ శేఖర్‌రెడ్డికి వినతిపత్రం అందజేసి వారు మాట్లాడారు. లిఫ్ట్‌ పథకాన్ని పూర్తిస్థాయిలో అమలు చేస్తే నారాయణపురం సస్యశ్యామలం అవుతుందన్నారు. 2014లో మొదలైన పనులు ఇప్పటికీ అతీగతిలేవన్నారు. నీళ్లు,నిధులు, నియామకాల పేరిట సాధించుకున్న తెలంగాణలో ప్రజల ఆకాంక్షలకు అనుగుణంగా సాగునీటి ప్రాజెక్టుల నిర్మాణం జరగడంలేదన్నారు. కార్యక్రమంలో సీపీఎం జిల్లా కార్యదర్శి ఎం.డి.జహంగీర్‌, రంగారెడ్డి జిల్లా కార్యదర్శి పగడాల యాదయ్య, జంగారెడ్డి, బూరుగు కృష్ణారెడ్డి, గంగదేవి సైదులు, గోశిక కరుణాకర్‌, ఎం.డి.పాష, రాగీరు కిష్టయ్య, పాదయాత్ర బృందం సభ్యులు సుర్కంటి శ్రీనివాస్‌రెడ్డి, తుమ్మల నర్సిరెడ్డి, దోడ యాదిరెడ్డి, మల్లేపల్లి లలిత, గుంటోజు శ్రీనివాసచారి, గాలయ్య,రాజు, కృష్ణ, జంగయ్య, బాలకృష్ణ, మంగమ్మ, సుందరయ్య, భరత్‌రెడ్డి, శంకరయ్య, శంకరయ్య, దోనూరు నర్సిరెడ్డి, బండ శ్రీశైలం పాల్గొన్నారు.

మంగళవారం శ్రీ 3 శ్రీ నవంబర్‌ శ్రీ 2026అర్జీల పరిష్కారంలో జాప్యం చేయవద్దు ఫ అదనపు కలెక్టర్‌ వెంకారెడ్డి భువనగిరిటౌన్‌ : ప్రజావాణిలో వచ్చిన దరఖాస్తులను పరిష్కరించడంలో జాప్యం చేయవద్దని రెవెన్యూ అదనపు కలెక్టర్‌ వెంకారెడ్డి కోరారు. సోమవారం కలెక్టరేట్‌లో నిర్వహించిన ప్రజావాణిలో జిల్లా రెవెన్యూ అధికారి జయమ్మతో కలిసి ఆయన 158 అర్జీలు స్వీకరించారు. ఈ సందర్భంగా అదనపు కలెక్టర్‌ మాట్లాడారు. రెవెన్యూ శాఖ 102, హౌసింగ్‌ 12, ఉపాధి కల్పన 7, ఎస్సీ కార్పొరేషన్‌ 5, గ్రామీణ అభివృద్ధి శాఖ 4, సర్వే ల్యాండ్స్‌ 4, స్పెషల్‌ డిప్యూటీ కలెక్టర్‌ 4, మండల పరిషత్‌ 3, విద్య 2, వైద్య ఆరోగ్య 2, మున్సిపాలిటీ 2, పంచాయతీ 2, మైన్స్‌, విద్యుత్‌, సివిల్‌ సప్లయ్‌, పంచాయతీ రాజ్‌, ఆర్‌ అండ్‌ బీ, ఈడీఎం , వ్యవసాయం, సంక్షేమం, ఇరిగేషన్‌ శాఖలకు ఒక్కొకటి చొప్పున వచ్చినట్లు వివరించారు. ఈ కార్యక్రమంలో ఆర్డీఓ కృష్ణా రెడ్డి, డిప్యూటీ కలెక్టర్‌ సాత్విక్‌, డీసీఓ శ్రీనివాస్‌ రెడ్డి, వివిధ శాఖల జిల్లా అధికారులు పాల్గొన్నారు. ఎయిమ్స్‌లో విజిలెన్స్‌ ‘అవగాహన వారం’భువనగిరి(బీబీనగర్‌): బీబీనగర్‌ ఎయిమ్స్‌లో సోమవారం విజిలెన్స్‌ వారం–2026ను పురస్కరించుకుని ప్రభుత్వ ఈ–మార్కెట్‌ ప్లేస్‌ , విజిలెన్స్‌ అంశాలపై ప్రత్యేక అవగాహన కార్యక్రమాన్ని నిర్వహించారు. ఈ కార్యక్రమానికి ప్రభుత్వ మార్కెట్‌ ప్లేస్‌ శిక్షకురాలు జి. సరిత హాజరై ఎయిమ్స్‌ సిబ్బందికి పలు కీలక అంశాలపై శిక్షణ ఇచ్చారు. ముఖ్యంగా సేకరణ పద్ధతులు, నియమాల అనుగుణ్యత, సాంకేతిక నిర్దేశాలు, విధుల పట్ల సమగ్రత, అప్రమత్తత, పర్యవేక్షణ అంశాలే వివరించారు. అనంతరం సరితను సన్మానించారు. సాంకేతిక నైపుణ్యాలతో బోధన మెరుగు నల్లగొండ టూటౌన్‌ : అధునాతన సాంకేతిక నైపుణ్యాలతో అధ్యాపకుల బోధన మెరుగుపడుతుందని ఎంజీయూ రిజిస్ట్రార్‌ కొప్పుల అంజిరెడ్డి అన్నారు. సోమవారం నల్లగొండలోని ఎంజీ యూనివర్సిటీలో అధ్యాపకులకు బోధన, సాంకేతిక నైపుణ్యాలపై ఏర్పాటు చేసిన శిక్షణలో ఆయన మాట్లాడారు. అధ్యాపకులకు పైతాన్‌, మెషిన్‌ లెర్నింగ్‌, ప్రాంప్ట్‌ ఇంజనీరింగ్‌, కృత్రిమ మేధా, సాప్‌ టెక్‌ స్కిల్స్‌పై శిక్షణ ఇచ్చారని తెలిపారు. సాక్షి, యాదాద్రి: ప్రభుత్వం, రైస్‌ మిల్లర్ల మధ్య నెలకొన్న వివాదంతో ధాన్యం కొనుగోళ్ల ప్రక్రియ పూర్తిగా నిలిచిపోయింది.ఈసారి తమ మిల్లుల్లో ధాన్యం దించుకునేది లేదని మిల్లర్లు తేల్చిచెప్పడంతో ప్రతిష్టంభన ఏర్పడింది. అధికారులు గత సోమవారం నుంచే కొనుగోలు కేంద్రాలను ప్రారంభించినా మిల్లుల కేటాయింపు జరగక ప్రభుత్వం ఇప్పటివరకు ఒక్క కిలో వడ్లను కూడా కొనుగోలు చేయలేదు.ప్రభుత్వం, మిల్లర్ల మధ్య పంచాయితీ కొలిక్కిరాకపోవడంతో రైతులు తీవ్రంగా నష్టపోతున్నారు. మూడు వారాలకు పైగా కళ్లాల్లోనే ధాన్యం రాశులు పోసి అమ్ముకోవడానికి కళ్లుకాయలు కాసేలా ఎదురుచూస్తున్నారు. సోమవారం నారాయణపురం, చౌటుప్పల్‌, రామన్నపేట, పోచంపల్లి, వలిగొండ, భువనగిరి, మోత్కూరు, అడ్డగూడూరు, ఆలేరు, ఆత్మకూర్‌(ఎం), మోటకొండూరు, యాదగిరిగుట్ట, రాజాపేట తదితర మండలాల్లోని కొనుగోలు కేంద్రాలపై నిర్వహించిన గ్రౌండ్‌ రిపోర్టులో అన్నదాతల కష్టాలు కళ్లకు కట్టినట్లు వెలుగుచూశాయి. అనుమతులు రాక.. జిల్లా వ్యాప్తంగా పీఏసీఎస్‌, ఐకేపీ, వ్యవసాయ మార్కెట్‌, ఎఫ్‌పీఓల ద్వారా దాదాపు 335 కొనుగోలు కేంద్రాలను ప్రారంభించారు. ప్రభుత్వం కొంటుందన్న ఆశతో రైతులు ధాన్యాన్ని కేంద్రాలకు తెచ్చి కుప్పలుగా పోశారు. సివిల్‌ సప్లయ్‌ అధికారులు ఇంతవరకు మిల్లులను కేటాయించలేదు. దీంతో కేంద్రాల నిర్వాహకులకు కొనుగోలు అనుమతులు రాక.. కిలో వడ్లు కూడా కొనలేదు. వణికిస్తున్న తుపాను ముప్పుఇటీవల కురిసిన వర్షాలకు భువనగిరి, వలిగొండ, రామన్నపేట, పోచంపల్లి, చౌటుప్పల్‌ మండలాల్లోని కేంద్రాల్లో కొంతమేర ధాన్యం తడిసిపోయింది. దీనికి తోడు వాతావరణ శాఖ తుపాను హెచ్చరికలు జారీ చేస్తుండటంతో రైతులు ఆందోళన చెందుతున్నారు. ప్రైవేట్‌ వ్యాపారులకే తక్కువ ధరకు.. ప్రభుత్వం సీఎంఆర్‌ వడ్ల విషయంలో తనిఖీలు ముమ్మరం చేయడంతో, ఇదే అదనుగా కొందరు మిల్లర్లు ప్రైవేట్‌గా ధాన్యాన్ని కొనుగోలు చేస్తున్నారు. కొనుగోలు కేంద్రాల్లో రోజుల తరబడి వేచిచూడలేక పలుచోట్ల రైతులు తమ ధాన్యాన్ని ఇప్పటికే ప్రైవేట్‌ వ్యాపారులకు అమ్ముకున్నారు. ఈ పరిణామాలతో మూసీయేతర ప్రాంతాల్లోని సగం కొనుగోలు కేంద్రాల్లో ధాన్యం నామమాత్రంగానే ఉండగా.. మూసీ పరివాహక మండలాల్లోని కేంద్రాల్లో ఉన్న ధాన్యాన్ని ఎవరూ కొనుగోలు చేయకపోవడం గమనార్హం. కొనుగోలు కేంద్రాలు పీఏసీఎస్‌ 188ఐకేపీ 141ఎఫ్‌పీఓలు 13 మెప్మా 03 గత నెల 18న మార్కెట్‌కు ధాన్యం తెచ్చాను. ఇప్పటివరకు కాంటాలు వేయడం లేదు. ఇటీవల కురిసిన వర్షంతో ధాన్యం తడిసింది. తడిసిన ధాన్యం ఆరబోసేందుకు అవస్థలు పడాల్సి వచ్చింది. త్వరగా కాంటాలు వేసి ధాన్యం కొనుగోలు చేస్తే ఇబ్బందులు ఉండవు. ధాన్యం తీసుకువచ్చిన రోజు నుంచి ఇప్పటివరకు రోజూ కుప్ప వద్దకు వచ్చి వెళ్తున్నాను. – సురుకంటి నర్సిరెడ్డి, రైతు, చౌటుప్పల్‌ విద్యార్థులు క్రీడల్లోనూ రాణించాలి భువనగిరి: విద్యార్థులు క్రీడల్లోనూ రాణించాలని డీఈఓ భిక్షపతి అన్నారు. సోమవారం భువనగిరి పట్టణంలోని ప్రభుత్వ జూనియర్‌ కళాశాల మైదానంలో నిర్వహించిన 70వ ఎస్‌జీఎఫ్‌ అండర్‌–17 వాలీబాల్‌ జిల్లా స్థాయి పోటీలకు ఆయన హాజరై మాట్లాడారు. క్రీడల వల్ల శారీక దృఢత్వం, క్రమశిక్షణ, ఏకాగ్రత అలవడుతుందన్నారు. అనంత రం బహుమతులు అందజేశారు. ఈ కార్యక్రమంలో యంగ్‌ ఇండియా నోడ ల్‌ ఆఫీసర్‌ కృష్ణమూర్తి, పీఆర్‌టీయూ అధ్యక్షుడు మధుసూదన్‌పాల్గొన్నారు. విజేత జట్లు ఇవే.. జిల్లా స్థాయి వాలీవాల్‌ పోటీల్లో బాలుర విభాగంలో ప్రథమ బొమ్మలరామారం, ద్వితీయ భువనగిరి జట్లు గెలుచుకోగా బాలికల విభాగంలో ప్రథమ బొమ్మలరామారం, ద్వితీయ ఆలేరు జట్లు విజేతలుగా నిలిచాయి. కలెక్టరేట్‌ ఎదుట రహదారిపై ధర్నా చేస్తున్న చౌటుప్పల్‌ వాసులుభువనగిరిటౌన్‌ : చౌటుప్పల్‌ పట్టణంలో చేపట్టిన 100 పడకల ప్రభుత్వ ఆస్పత్రి భవన నిర్మాణ పనులను వెంటనే పూర్తి చేసి ప్రజలకు అందుబాటులోకి తీసుకురావాలని డిమాండ్‌ చేస్తూ ఈఎల్వీ భాస్కర్‌ ఫౌండేషన్‌ ఆధ్వర్యంలో సోమవారం కలెక్టరేట్‌ ఎదుట వరంగల్‌–హైదరాబాద్‌ జాతీయ రహదారిపై ధర్నా నిర్వహించారు. రహదారిపై పెద్ద సంఖ్యలో బైఠాయించడంతో వాహనాల రాకపోకలకు తీవ్ర అంతరాయం ఏర్పడింది. అనంతరం తమ డిమాండ్లతో కూడిన వినతిపత్రాన్ని జిల్లా కలెక్టర్‌ కార్యాలయంలో అందజేశారు. ఫౌండేషన్‌ చైర్మన్‌ ఎరగదిండ్ల భాస్కర్‌ మాట్లాడుతూ.. చౌటుప్పల్‌ పట్టణంతో పాటు పరిసర మండలాలు, గ్రామాల ప్రజలకు మెరుగైన ఉచిత వైద్య సేవలు అందేందుకు ఈ 100 పడకల ఆస్పత్రి ఎంతో కీలకమన్నారు. పనులు నత్తనడకన సాగుతుండటంతో అత్యవసర సమయాల్లో వైద్యం అందక పేద, మధ్యతరగతి రోగులు హైదరాబాద్‌ తదితర సుదూర ప్రాంతాలకు వెళ్లాల్సి వస్తోందని, దీంతో తీవ్ర ఇబ్బందులు పడుతున్నారని ఆవేదన వ్యక్తం చేశారు. భవన నిర్మాణం పూర్తి చేసి సరిపడా వైద్య పరికరాలు, నిపుణులైన వైద్యులు, ఇతర సిబ్బందిని నియమించాలని విజ్ఞప్తి చేశారు. కార్యక్రమంలో అశోక్‌, బత్తుల దాసు, బుద్ద సురేష్‌, మార్గం శివ, బోలా వెంకటేష్‌, ఆలె చిరంజీవులు, వీఎల్వీ టీమ్‌ సభ్యులు పాల్గొన్నారు.రైతు ఉత్పత్తి సంస్థలుగా ఉమ్మడి జిల్లాలో 37 పీఏసీఎస్‌లను ప్రభుత్వం రైతు ఉత్పత్తి సంస్థలుగామారుస్తోంది. - 8లోఫ కేంద్రాల్లో ధాన్యం పోసి మూడువారాలుదాటినా కొనేదిక్కులేదు ఫ సర్కారు, మిల్లర్ల వివాదంలో నలిగిపోతున్న అన్నదాత ఫ మిల్లుల కేటాయింపు లేక నిలిచిపోయిన ధాన్యం సేకరణ ఫ తుపాను హెచ్చరికలతో రైతుల్లో ఆందోళన ఫ దిక్కుతోచక ప్రైవేట్‌ వ్యాపారులకు విక్రయం ప్రభుత్వం నిర్ణయం ప్రకారం డిఫాల్ట్‌ మిల్లులకు ధాన్యం ఇవ్వొద్దని నిర్ణయించాం. జిల్లాలో 40 మిల్లుల్లో 25 మిల్లుల వరకు ధాన్యం ఇచ్చేందుకు అర్హత ఉన్నాయి. ప్రస్తుత సీజన్‌లో కొనుగోలు చేసే ధాన్యంలో కొంత మిల్లులకు, మరికొంత ప్రభుత్వమే గోదాముల్లో నిల్వచేయడానికి ఏర్పాట్లు చేస్తోంది. గత సీజన్‌లో మిల్లుల్లో స్థలం లేక కొనుగోలు చేసిన 1.24 లక్షల మెట్రిక్‌ టన్నుల ధాన్యం గోదాముల్లో నిల్వ చేశాం. –డి. హరికృష్ణ, పౌరసరఫరాలశాఖ డీఎంచౌటుప్పల్‌ వ్యవసాయ మార్కెట్‌లో గత నెల 31న ధాన్యం కొనుగోలు కేంద్రాన్ని ప్రారంభించినా ఇప్పటివరకు కాంటాలు వేయలేదు. రైతులు మార్కెట్‌ యార్డ్‌ కు 25 రోజుల క్రితం నుంచే ధాన్యం తెస్తున్నారు. ప్రస్తుతం మార్కెట్లో 80 కి పైగా ధాన్యం కుప్పలు అమ్మకానికి ఉన్నాయి. ఇటీవల కురిసిన వర్షానికి కుప్పలు తడవగా ఆరబోసుకునేందుకు రైతులు అవస్థలు పడుతున్నారు. వాతావరణంలో మార్పులు.. గన్నీ బ్యాగులు రాకపోవడం.. రైస్‌ మిల్లుల కేటాయింపు జరగకపోవడం వంటి కారణాలతో తూకాలు ప్రారంభించ లేదు. జిల్లాలో ప్రస్తుతం రైస్‌ మిల్లుల వద్ద 2024–25, 2025–26 ధాన్యం సుమారు 4.80 లక్షల మెట్రిక్‌ టన్నులు నిల్వ ఉంది. ప్రస్తుతం మిల్లుల వద్ద ఉన్న ధాన్యం నిల్వల మిల్లింగ్‌ బియ్యం ఎఫ్‌సీఐకి డెలివరీ చేసే వరకు మిల్లర్లు కొత్త ధాన్యం దించుకునే పరిస్థితిలో లేరు. మిల్లుల్లో నిల్వలు ఖాళీ కాక ముందే కొత్త ధాన్యం కేటాయించవద్దు. ఈ మేరకు అసోసియేషన్‌ నుంచి సోమవారం అధికారులతో జరిగిన సమావేశంలో లిఖిత పూర్వకంగా వివరించాం. –మార్త వెంకటేశం, జిల్లా రైస్‌ మిల్లర్స్‌ అసోసియేషన్‌ అధ్యక్షుడు కొనుగోలు కేంద్రానికి ధాన్యం తెచ్చి 17 రోజులైంది. 95 సీరియల్‌ నంబర్‌ ఇచ్చారు. కాంటాలు ఇంకా మొదలు కాలేదు.సెంటర్‌ వరి కుప్పలతో నిండిపోయింది. స్థలం లేక పక్కనే ఉన్న డబుల్‌బెడ్‌ రూం ఇళ్లలోపోస్తే వర్షానికి వడ్లు తడిసిపోయాయి. వడ్లు ఆరబోయడం, అమ్మడం చాల ఇబ్బంది మారింది. – రావుల లలిత, రేవణపల్లి, పోచంపల్లి మండలంవడ్లను కొనుగోలు కేంద్రానికి తెచ్చి వారం రోజులుగా ఆరబెడుతున్నా. వడ్లను కొనుగోలు చేస్తలేరు. వర్షానికి ధాన్యం తడిసింది. రూ. 3500 ఖర్చు చేసి ప్రైవేట్‌ గా పరదాలు కొనుక్కుని కప్పాను. మిల్లర్లు వడ్లు తీసుకోవడం లేదని అందుకే తూకం వేయడం లేదని నిర్వాహకులు చెబుతున్నారు. –కాదూరి సత్తయ్య,ౖ మెలార్‌ గూడెం, రైతు, యాదగిరిగుట్ట మండలం

రామగిరి (నల్లగొండ) : అన్నెపర్తి 12వ బెటాలి యన్‌లో వారం రోజుల పాటు నిర్వహించిన యువ ఆపదమిత్ర రెండో బ్యాచ్‌ శిక్షణ సోమవారం ముగిసింది. ఈ శిక్షణలో నల్లగొండ, భువనగిరి ప్రాంతాలకు చెందిన 42 మంది మహిళలు, 18 మంది పురుషులు భాగస్వాములయ్యారు. ఈ సందర్భంగా అదనపు కలెక్టర్‌ శ్రీనివాస్‌ మాట్లాడుతూ.. విపత్తులు సంభవించినప్పుడు బాధితులకు తక్షణ సాయం అందించడంలో యువ ఆపదమిత్ర సభ్యుల పాత్ర కీలకమన్నారు. ఇక్కడ నేర్చుకున్న నైపుణ్యాలను కేవలం శిక్షణకే పరిమితం చేయకుండా, క్షేత్రస్థాయిలో ప్రజలకు ఆపద వచ్చినప్పుడు వినియోగించాలని సూచించారు. శిక్షణ విజయవంతంగా పూర్తి చేసుకున్న 60 మంది సభ్యులను అభినందించారు. కమాండెంట్‌ బి. రామకృష్ణ మాట్లాడుతూ.. యువతలో సామాజిక బాధ్యతను పెంపొందించడంతో పాటు అత్యవసర పరిస్థితుల్లో తక్షణమే స్పందించేలా యువ ఆపద మిత్ర శిక్షణ ఎంతగానో ఉపయోగపడుతుందన్నారు. శిక్షణ పూర్తి చేసుకున్న సభ్యులకు అభినందన పత్రాలు అందజేశారు. కార్యక్రమంలో అడిషనల్‌ కమాండెంట్‌ నాగేశ్వరరావు, అసిస్టెంట్‌ కమాండెంట్లు నర్సింగ్‌ వెంకన్న, మహేందర్‌, దేవేందర్‌, డాక్టర్‌ షర్మిలా దేవి, నితిన్‌ గౌతమ్‌ పాల్గొన్నారు.

భూదాన్‌పోచంపల్లి: కుటుంబ కలహాలతో వివాహిత ఉరేసుకుని ఆత్మహత్య చేసుకుంది. ఈ ఘటన భూదాన్‌పోచంపల్లి మండలం జూలూరులో సోమవారం జరిగింది. పోలీసులు తెలిపిన వివరాల ప్రకారం.. జూలూరు గ్రామానికి చెందిన కొత్తపల్లి చంద్రయ్య, బాలమ్మ(45) దంపతులు వ్యవసాయం చేసుకుంటూ జీవనం సాగిస్తున్నారు. వీరికి వివాహితులైన ముగ్గురు కుమారులు ఉన్నారు. ఆదివారం రాత్రి భార్యాభర్తల మధ్య గొడవ జరగడంతో బాలమ్మను భర్త కొట్టాడు. దీంతో మనస్తాపం చెందిన ఆమె సోమవారం ఉదయం భర్త పొలం పనులకు వెళ్లిన సమయంలో చీరతో ఉరేసుకుని ఆత్మహత్య చేసుకుంది. కొద్దిసేపటి తర్వాత చిన్న కోడలు గమనించి లోపలికి వెళ్లి చూడగా అప్పటికే బాలమ్మ మృతిచెందింది. పోలీసులు మృతదేహాన్ని పోస్టుమార్టం నిమిత్తం భువనగిరి ఏరియా ఆస్పత్రికి తరలించారు. మృతురాలి కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. గంజాయి తరలిస్తున్న యువకుల రిమాండ్‌ అడ్డగూడూరు: గంజాయి తరలిస్తున్న ముగ్గురు యువకులను అడ్డగూడూరు పోలీసులు రిమాండ్‌కు తరలించారు. సోమవారం ఎస్‌ఐ వెంకట్‌రెడ్డి తెలిపిన వివరాల ప్రకారం.. వరంగల్‌ జిల్లాకు చెందిన కొల్లూరి బన్ని విశాల్‌, పైసా మధు, మరో మైనర్‌ బాలుడు గంజాయికి బానిసలయ్యారు. వీరు ముగ్గురు గత నెల 31న నల్లగొండ ప్రభుత్వ మెడికల్‌ కళాశాలలో ఎంబీబీఎస్‌ చదువుతున్న వరంగల్‌కు చెందిన వసుకుల మణిదీప్‌ వద్ద 90 గ్రాముల గంజాయి కొనుగోలు చేసి ఆటోలో నల్లగొండ నుంచి వరంగల్‌కు వెళ్తుండగా.. అడ్డగూడూరు మండలం బొడ్డుగూడెం టోల్‌ ప్లాజా వద్ద పోలీసులకు పట్టుబడ్డారు. వారి నుంచి 90 గ్రాముల గంజాయి, ఆటో, మూడు సెల్‌ఫోన్లు స్వాధీనం చేసుకున్నారు. ఈ మేరకు కేసు నమోదు చేసి విచారణ చేపట్టి.. వసుకుల మణిదీప్‌ను కూడా అదుపులోకి తీసుకుని సోమవారం రామన్నపేట కోర్టులో హాజరుపర్చినట్లు ఎస్‌ఐ తెలిపారు. ఇద్దరు పిల్లలతో వివాహిత అదృశ్యం నార్కట్‌పల్లి: తన ఇద్దరు పిల్లలతో కలిసి వివాహిత అదృశ్యమైంది. ఈ ఘటన నార్కట్‌పల్లి మండల కేంద్రంలో జరిగింది. సోమవారం ఎస్‌ఐ వెంకటేశ్వర్లు తెలిపిన వివరాల ప్రకారం.. నార్కట్‌పల్లిలో నివాసముంటున్న నోముల అరుణ జ్యోతికి 8 ఏళ్ల క్రితం రామన్నపేట మండలం నీర్నేములకు చెందిన నోముల వంశీతో వివాహం జరిగింది. వీరికి ఒక కుమారుడు, కుమార్తె ఉన్నారు. భార్యాభర్తల మధ్య తరచూ గొడవలు జరుగుతుండటంతో సుమారు రెండేళ్ల క్రితం వారు నార్కట్‌పల్లికి వచ్చి నివాసముంటున్నారు. ఆదివారం రాత్రి భార్యాభర్తల మధ్య గొడవ జరగడతో అరుణ జ్యోతి తన భర్తకు చెప్పకుండా ఇద్దరు పిల్లలను తీసుకొని ఇంటి నుంచి వెళ్లిపోయింది. దీంతో వంశీ ఫోన్‌ ద్వారా అరుణ జ్యోతి కుటుంబ సభ్యులకు సమాచారం అందించాడు. ఎంత వెతికినా ఆచూకీ లభించకపోవడంతో సోమవారం ఆమె తండ్రి బాకీ నరసింహ నార్కట్‌పల్లి పోలీస్‌ స్టేషన్‌లో ఫిర్యాదు చేశాడు. కేసు నమోదు చేసి దర్యాప్తు చేస్తున్నట్లు ఎస్‌ఐ ఆయన తెలిపారు. విద్యుత్‌ వైర్లు చోరీనకిరేకల్‌ : నూతనంగా నిర్మిస్తున్న ఇంట్లో విద్యుత్‌ వైర్లు, ఇతర సామగ్రి చోరీకి గురైన సంఘటన నకిరేకల్‌లోని సంతోష్‌ నగర్‌లో సోమవారం వెలుగుచూసింది. సంతోష్‌నగర్‌కు చెందిన ఆకుల శ్రీనివాస్‌ నూతనంగా నిర్మిస్తున్న ఇంటి పనులు చివరి దశకు చేరుకున్నాయి. అయితే, ఆ ఇంట్లో వేసిన వైరింగ్‌ను, ఇతర సామగ్రిని గుర్తుతెలియని వ్యక్తులు చోరీ చేశారు. బాధితుడు స్థానిక పోలీస్‌ స్టేషన్‌లో ఫిర్యాదు చేశాడు. చోరీకి గురైన సామగ్రి విలువ రూ.2 లక్షలకుపైనే ఉంటుందని బాధితుడు తెలిపాడు.

పదో తరగతి వార్షిక పరీక్ష ఫీజు చెల్లింపునకు ఈనెల 16 వరకు గడువు ఇచ్చారు. నిర్ణీత గడువులోగా సాధారణ ఫీజు రూ.125లు చెల్లించాలి. అనంతరం రూ.50 అపరాధ రుసుముతో డిసెంబర్‌ 1 వరకు, రూ.200 అపరాధ రుసుముతో డిసెంబర్‌ 14 వరకు, రూ. 500 అపరాధ రుసుముతో డిసెంబర్‌ 28 వరకు ఫీజు చెల్లించేందుకు అవకాశం కల్పించారు. భువనగిరి: ఆర్థికంగా వెనుకబడిన విద్యార్థులకు ఊరటనివ్వాల్సిన పదో తరగతి పరీక్ష ఫీజు రాయితీ ఆచరణలో అక్కరకు రావడం లేదు. బీసీ, ఎస్సీ, ఎస్టీ విద్యార్థులకు ప్రభుత్వం కల్పిస్తున్న 100 శాతం ఫీజు రాయితీని పొందడానికి కఠినమైన నిబంధనలు అడ్డంకిగా మారుతున్నాయి. కేవలం రూ.125ల పరీక్ష ఫీజు మినహాయింపు పొందేందుకు అవసరమైన కుల, ఆదాయ ధ్రువీకరణ పత్రాల కోసం రవాణా, ఇతర ఖర్చులతో కలిపి సుమారు రూ.260 వరకు వెచ్చించాల్సి వస్తోంది. దీంతో రాయితీ పొందడం కంటే బడిలోనే నిబంధనల గోల లేకుండా ఫీజు చెల్లించడమే మేలని పేద విద్యార్థుల తల్లిదండ్రులు అభిప్రాయపడుతున్నారు. పాత ఆదాయ పరిమితులతో ఇబ్బందులు ప్రస్తుతం ప్రభుత్వం అమలు చేస్తున్న పలు సంక్షేమ పథకాలకు గ్రామీణ ప్రాంతాల్లో వార్షిక ఆదాయ పరిమితి రూ.1.50 లక్షలు, పట్టణ ప్రాంతాల్లో రూ.2 లక్షలుగా ఉంది. అయితే పదో తరగతి పరీక్ష ఫీజు రాయితీకి మాత్రం పాత జీవోలోని నిబంధనలనే పరిగణనలోకి తీసుకుంటున్నారు. ఆ నిబంధనల ప్రకారం గ్రామీణ ప్రాంతాల్లో వార్షిక ఆదాయ పరిమితి రూ.20 వేలు, పట్టణ ప్రాంతాల్లో రూ.22 వేలుగా ఉండటంతో మెజారిటీ విద్యార్థులు అర్హత సాధించలేకపోతున్నారు. మారుతున్న పరిస్థితులకు అనుగుణంగా ప్రభుత్వం తక్షణమే ఈ ఆదాయ పరిమితులను సవరించాల్సిన అవసరం ఉందని విద్యార్థుల తల్లిదండ్రులు కోరుతున్నారు. పదో తరగతి విద్యార్థులు 5,248 మంది జిల్లా వ్యాప్తంగా మొత్తం 715 ప్రభుత్వ పాఠశాలలు ఉన్నాయి. ఇందులో పదో తరగతి విద్యార్థులు ఉన్న పాఠశాలలు 175 ఉండగా, వీటిలో మొత్తం 5,248 మంది పది విద్యార్థులు చదువుతున్నారు. ఫీజు రాయితీ పొందాలంటే కుల, ఆదాయ ధ్రువీకరణ పత్రాలను తప్పనిసరిగా సమర్పించాల్సి ఉంటుంది. వీటిని పొందేందుకు మీ సేవా కేంద్రాల్లో ఒక్కో సర్టిఫికెట్‌కు రూ.80 చొప్పున మొత్తం రూ.160 చెల్లించాలి. వీటికి తోడు ప్రయాణ చార్జీలు, జీరాక్స్‌, ఫొటోలు వంటి ఖర్చులకు మరో రూ.100 వరకు అవుతున్నాయి. దీంతో మొత్తం రూ.260 వరకు వ్యయం అవుతుండటంతో, రూ.125 ఫీజు మినహాయింపు కోసం ఎక్కువ మొత్తంలో ఖర్చు చేయాల్సి రావడం పేద కుటుంబాలకు భారంగా మారింది. ఫ టెన్త్‌ పరీక్ష ఫీజు రూ.125 రాయితీ పొందేందుకు రూ.260 ఖర్చు ఫ సర్టిఫికెట్లు, రవాణా ఖర్చుల రూపంలో అదనంగా వెచ్చించాల్సిన పరిస్థితి ఫ రాయితీ కంటే ఫీజు చెల్లించడమే మేలంటున్న తల్లిదండ్రులు

● పోలీస్‌ స్టేషన్‌ను ఆశ్రయించిన విద్యార్థులుచౌటుప్పల్‌ : మండలంలోని నేలపట్ల గ్రామంలోని బీసీ బాలుర హాస్టల్‌ విద్యార్థులు సోమవారం పోలీస్‌ స్టేషన్‌ను ఆశ్రయించారు. సీఐ డి. సతీష్‌రెడ్డిని కలిసి తమ గోడును వెళ్లబోసుకున్నారు. తమ హాస్టల్‌ వార్డెన్‌ సైదులు తమను బూతులు తిడుతున్నాడని, చంపుతానని బెదిరిస్తున్నాడని వాపోయారు. నీళ్ల బకెట్లతో కొడుతున్నాడని తెలిపారు. కోడిని కోసినట్టు కత్తితో కోస్తానని బెదిరింపులకు గురిచేస్తున్నాడని ఆరోపించారు. దీంతో పోలీసులు వార్డెన్‌ను పిలిపించి మాట్లాడారు. సోమవారం ఉదయం 9.30గంటలకు హాస్టల్‌ ప్రత్యేకాధికారిగా ఉన్న మున్సిపల్‌ కమిషనర్‌ వెంకటేశ్వరనాయక్‌ వస్తున్నందున విద్యార్థులను హాస్టల్‌లో ఉండాలని నవ్యుతూ కాస్త గట్టిగా చెప్పానే తప్పిస్తే వేరే ఉద్దేశం లేదని వార్డెన్‌ చెప్పారు. పోలీసులు ఇదే విషయమై మున్సిపల్‌ కమిషనర్‌కు ఫోన్‌ చేయగా.. తాను హాస్టల్‌కు వెళ్లేది వాస్తవమే అని ఆయన చెప్పారు. విద్యార్థులను ఇకపై ఏమీ అననని వార్డెన్‌ రాతపూర్వకంగా హామీ ఇచ్చారు. దీంతో విద్యార్థులు సైతం తమ ఫిర్యాదును వాపస్‌ తీసుకున్నారని ఎస్‌ఐ నర్సిరెడ్డి తెలిపారు. పట్టభద్రులు ఓటుతో కాంగ్రెస్‌కు బుద్ధి చెప్పాలి● మాజీ ఎమ్మెల్యే చిరుమర్తి లింగయ్య నకిరేకల్‌ : త్వరలో జరగబోయే పట్టభద్రుల ఎమ్మెల్సీ ఎన్నికల్లో కాంగ్రెస్‌ ప్రభుత్వానికి ఓటుతో తగిన గుణపాఠం చెప్పాలని నకిరేకల్‌ మాజీ ఎమ్మెల్యే చిరుమర్తి లింగయ్య కోరారు. నకిరేకల్‌లోని ఓ ఫంక్షన్‌ హాల్‌లో సోమవారం సాయంత్రం బీఆర్‌ఎస్‌ ఆధ్వర్యంలో ఓటర్‌ నమోదుపై నిర్వహించిన ప్రత్యేక సమావేశంలో ఆయన పాల్గొని మాట్లాడారు. ఎన్నికల సమయంలో విద్యావంతులు, నిరుద్యోగులు, పట్టభద్రులకు కాంగ్రెస్‌ ప్రభుత్వం ఇచ్చిన హామీలను విస్మరించిందని ఆరోపించారు. ఏటా జాబ్‌ క్యాలెండర్‌ విడుదల చేస్తామని, లక్షలాది ఉద్యోగాలు భర్తీ చేస్తామని ఇచ్చిన హామీలు ఆచరణకు నోచుకోలేదన్నారు. అర్హులైన నిరుద్యోగ యువతకు నెలనెలా నిరుద్యోగ భృతి అందిస్తామన్న హామీ నెరవేర్చలేదన్నారు. విద్యా వ్యవస్థను నిర్వీర్యం చేస్తూ ఇచ్చిన హామీలను తుంగలో తొక్కిన కాంగ్రెస్‌ ప్రభుత్వ వైఫల్యాలను పట్టభద్రులు ఎమ్మెల్సీ ఎన్నికల్లో ఎండగట్టాలని కోరారు. ఈ సమావేశంలో బీఆర్‌ఎస్‌ మండల అధ్యక్షులు ప్రగడపు నవీన్‌రావు, మారం వెంకట్‌రెడ్డి, యూత్‌ మండల అధ్యక్షుడు పేర్ల కృష్ణకాంత్‌, నాయకులు రావిరాల మల్లయ్య, సామ శ్రీనివాస్‌రెడ్డి, యానాల లింగారెడ్డి, పల్లె విజయ్‌, చింత త్రిమూర్తులు, బోయిళ్ల కిశోర్‌, రాచకొండ శ్రవణ్‌, ముక్కాముల శ్రీనివాస్‌, మల్లేష్‌ తదితరులు పాల్గొన్నారు.

మునుగోడు, నాంపల్లి : పంటలు ఎండిపోయి నష్టపోయిన రైతులకు ప్రభుత్వం తక్షణమే నష్టపరిహారం చెల్లించాలని సీపీఐ జాతీయ కార్యదర్శి పల్లా వెంకట్‌రెడ్డి డిమాండ్‌ చేశారు. సోమవారం ఆయన ఎమ్మెల్సీ నెల్లికంటి సత్యంతో కలిసి మునుగోడు మండలం చొల్లేడు గ్రామంలో, నాంపల్లి మండలం నరసింహులగూడెం గ్రామంలో ఎండిపోయిన వరి, పత్తి పంటలను పరిశీలించి మాట్లాడారు. పంటలు ఎండిపోయి తీవ్రంగా నష్టపోయిన రైతాంగాన్ని ఆదుకునేందుకు జాతీయ ఉపాధి హామీ పథకానికి అదనపు నిధులు కేటాయించాలని కోరారు. అలాగే ఉపాధి హామీ పని దినాలను పెంచి, కరువు కాలం పూర్తయ్యే వరకు ప్రజలకు పనులు కల్పించాలని ప్రభుత్వాన్ని డిమాండ్‌ చేశారు. ఎమ్మెల్సీ నెల్లికంటి సత్యం మాట్లాడుతూ.. రాబోయే సీజన్‌లో అపరాధ వడ్డీ లేకుండా రైతులకు తిరిగి కొత్త రుణాలు ఇచ్చేలా ప్రభుత్వం చర్యలు తీసుకోవాలని కోరారు. ఈ కార్యక్రమంలో సీపీఐ జిల్లా కార్యవర్గ సభ్యులు ఆర్‌. అంజయ్య చారి, తిరుపారి వెంకటేష్‌, మహిళా సమాఖ్య జిల్లా కన్వీనర్‌ గిరి రమ, మండల కార్యదర్శి సుదనబోయిన రమేష్‌, సహాయ కార్యదర్శి నేతాళ్ల రాజు, కోరే సత్తయ్య, ఊరుపాక వెంకటయ్య, నేరళ్ల సైదులు, గిరి స్వామి, చెన్నోజు వెంకటాచారి, సర్పంచ్‌ బీసు అరుణ శ్రీశైలం, ఉప సర్పంచ్‌ జాల మహేష్‌ తదితరులు పాల్గొన్నారు. సీపీఐ జాతీయ కార్యదర్శి పల్లా వెంకట్‌రెడ్డి

ఈ ఫొటోలో కనబడుతున్న వారు బొమ్మలరామారం మండలం గోవింద్‌తండా పంచాయతీ పాలక వర్గ సభ్యులు. 2018లో ఏర్పడిన ఈ గ్రామ పంచాయతీకి కార్యాలయ భవనం లేక నాటినుంచి నేటికీ ఓ అద్దె భవనంలోనే అరకొర వసతుల నడుమ కొనసాగుతోంది. నెలకు రూ.1,200 చొప్పున అద్దె చెల్లిస్తున్నామని గ్రామ సర్పంచ్‌ ధీరావత్‌ మున్యా తెలిపారు. ఇలా జిల్లాలో మొత్తం 44 పంచాయతీలకు పక్కా భవనాలు లేవు. వీటిలో 38 వరకు ఇతర ప్రభుత్వ భవనాల్లో కొనసాగుతుండగా.. ఆరేడు వరకు అద్దె భవనాల్లో కొనసాగుతున్నాయి. బొమ్మలరామారం : పాలనా సౌలభ్యం కోసం గత ప్రభుత్వం ఎనిమిదేళ్ల క్రితం నూతన గ్రామ పంచాయతీలను ఏర్పాటు చేసినప్పటికీ చాలా చోట్ల పక్కా భవనాలు కరువయ్యాయి. జిల్లాలోని 427 గ్రామ పంచాయతీలకు 383 పంచాయతీలకు పక్కా కార్యాలయ భవనాలు ఉన్నాయి. మిగతా 44 గ్రామాలకు పంచాయితీకు పక్కా భవనాలు లేవు. దీంతో ఆయా పంచాయతీ కార్యాలయాలను కొన్నిచోట్ల అంగన్‌వాడీ కేంద్రాల్లో, మరికొన్ని చోట్ల పాఠశాలల తరగతి గదుల్లో, కమ్యూనిటీ, మహిళా సంఘం భవనాల్లో కొనసాగిస్తున్నారు. ఇంకొన్ని చోట్ల రేకుల గదులు, ప్రైవేటు వ్యక్తుల అద్దె ఇళ్లలో అరకొర వసతుల నడుమ కొనసాగిస్తున్నారు. ఫలితంగా పక్కా భవనాలు లేని పంచాయతీ పాలక వర్గాలు పాలనా పరమైన సమావేశాలు, అధికారిక కార్యక్రమాల నిర్వహణకు ఇబ్బందులు పడుతున్నారు. చిన్నపాటి గదుల్లో కొనసాగే పంచాయతీల్లో సమావేశాల సమయంలో ప్రజలకు కూడా సౌకర్యాలు కరువయ్యాయి. 44 పంచాయతీలకు సొంత బిల్డింగ్‌లు లేవు ఫ స్కూళ్లు, అంగన్‌వాడీలు, అద్దె ఇళ్లలో నిర్వహణ ఫ ఇబ్బందుల్లో పాలకవర్గాలు, ప్రజలు ఫ జిల్లాలో మొత్తం 427 పంచాయతీలు బొమ్మలరామారం: ఫక్కీర్‌గూడెం, మైలారం కిందితండా, గోవింద్‌తండా, మునీరాబాద్‌, ఖాజీపేట్‌, రామస్వామి తండా, వాలుతండా, యావపూర్‌, కంచల్‌తండా. ఆలేరు: కందిగడ్డతండా, సాయిగూడెం. ఆత్మకూరు(ఎం): సారగళ్లగూడెం. బీబీనగర్‌: పెద్దపలుగు తండా, రావిపహాడ్‌ తండా, ఎర్రబెట్టె తండా, నీలాతండా, మహాదేవపూర్‌, జియాపల్లి తండా. చౌటుప్పల్‌: చింతలగూడెం, ఎల్లంబావి, కై తాపురం. గుండాల: బూర్జూబావి, పాచిల్ల. మోటకొండూరు: అబింద్‌నగర్‌, ఆరెగూడెం, గిరిబోయినగూడెం, కదిరేనిగూడెం, పెద్దబా వి, సికిందర్‌నగర్‌. మోత్కూరు: రాగిబావి. నారాయణపూర్‌: బోటిమీదతండా, డాకుతండా, గంగముల్లతండా, కడపగండి తండా, లింగవారిగూడెం, మర్రిబావి తండా, పల్లెగట్టు తండా, పోర్లగడ్డ తండా, రాచకొండ, రాధానగర్‌ తండా, తుంబావి తండా, వెంకంబావి తండా, వాచ్యతండా. రాజాపేట: కొత్తజాల. రామన్నపేట: కొత్తగూడెం.

వార్డెన్‌ బూతులు తిడుతున్నాడని నేలపట్ల బీసీ బాలుర హాస్టల్‌ విద్యార్థులు పోలీస్‌ స్టేషన్‌ను ఆశ్రయించారు. - 8లోరాజాపేట మండం జాల గ్రామానికి చెందిన పల్లెపాటి సాయిలు వానాకాలంలో నాలుగు ఎకరాలు సాగు చేశాడు. వర్షాభావ పరిస్థితులతో ఎకరం ఎండిపోయింది. ఇక చేతికొచ్చిన పంట కోసి స్థానిక కొనుగోలు కేంద్రంలో పోశాడు. 10రోజులైనా తూకం వేయలేదు. ఎప్పుడు కొంటారని అడిగితే రేపు మాకు అంటూ కాలయాపన చేస్తున్నారు. తుపాను కారణంగా వర్షానికి ధాన్యం ఎక్కడ తడిసి పోతుందోనని భయపడుతున్నాడు. నిత్యం ధాన్యం ఆరబోస్తూ అది తడవకుండా పట్టాలు కప్పుతున్నాడు. అయినా కొద్దిపాటి చినుకులకే ధాన్యం తడిసి ముక్క వాసన వస్తోంది.

సాక్షి, యాదాద్రి: పౌరసరఫరాల శాఖ ఆధ్వర్యంలో సోమవారం నిర్వహించిన ఈ–వేలంలో జిల్లాకు చెందిన మిల్లర్లు సుమారు 58,210.89 మెట్రిక్‌ టన్నుల ధాన్యం టెండర్లను దక్కించుకున్నారు. 2025–26 యాసంగి సీజన్‌కు సంబంధించి జిల్లాలోని మిల్లులు, గోదాముల్లో నిల్వ ఉన్న ధాన్యాన్ని ప్రభుత్వం టెండర్ల ద్వారా విక్రయించింది. లక్ష్యానికి మించి నిల్వలు.. జిల్లాలోని మిల్లుల్లో సుమారు 92,000 మెట్రిక్‌ టన్నులు, గోదాములలో 1,30,000 మెట్రిక్‌ టన్నులు కలుపుకుని మొత్తం సుమారు 2,22,000 మెట్రిక్‌ టన్నుల ధాన్యం అందుబాటులో ఉంది. ఇందులో భాగంగా ప్రస్తుతానికి 58,210 మెట్రిక్‌ టన్నులకు టెండర్‌ ప్రక్రియ పూర్తయింది. ఈ వేలంలో క్వింటా ధాన్యం ధరను రూ. 2,394 గా నిర్ణయించారు. ఈ టెండర్‌ ప్రక్రియలో 24 మంది మిల్లర్లు పాల్గొన్నారు. నిబంధనలు కఠినం.. టెండర్‌ దక్కించుకున్న మిల్లర్లు ఆ మొత్తాన్ని 30 రోజుల్లోగా ప్రభుత్వానికి చెల్లించాల్సి ఉంటుంది. మిల్లుల వద్ద ధాన్యం ఉన్నా, లేకపోయినా ప్రభుత్వ నిబంధనల ప్రకారం కచ్చితంగా డబ్బులు చెల్లించాల్సిందే. ఒకవేళ నిల్వలు లేకపోతే మిల్లుల యజమానులు పెనాల్టీ రూపంలోనైనా ఆ మొత్తాన్ని సర్దుబాటు చేయాలి లేదా ధాన్యానికి బదులు వడ్లనైనా సమకూర్చాల్సి ఉంటుంది. ఈ–వేలం ప్రక్రియ ద్వారా ప్రభుత్వ ఖజానాకు భారీ మొత్తంలో ఆదాయం సమకూరే అవకాశం ఉందని అధికారులు భావిస్తున్నారు.ఫ 58 వేల మెట్రిక్‌ టన్నుల ధాన్యం టెండర్ల ఖరారు ఫ క్వింటాకు రూ. 2,394 చొప్పున ధర నిర్ణయం ఫ 30 రోజుల్లోగా ప్రభుత్వానికి డబ్బు చెల్లించాల్సిందేనని స్పష్టీకరణ

గట్టుప్పల్‌, రామన్నపేట : ప్రాథమిక వ్యవసాయ సహకార సంఘాలను (పీఏసీఎస్‌) మరింత బలో పేతం చేసి, రైతులను ఆర్థికంగా అభివృద్ధి చేసే దిశగా ప్రభుత్వం అడుగులు వేస్తోంది. ఇందులో భాగంగా ఈ సంఘాలను రైతు ఉత్పత్తి సంస్థలుగా(ఎఫ్‌పీఓ) మారుస్తోంది. ఉమ్మడి నల్లగొండ జిల్లాలో 131 ప్రాథమిక వ్యవసాయ సహకార సంఘాలు ఉండగా.. మొదటి దశలో 37 సొసైటీల్లో ఎఫ్‌పీఓలను ఏర్పాటు చేయుటకు రైతుల నుంచి సభ్యత్వాలు స్వీకరిస్తున్నారు. నల్లగొండ జిల్లాలో 13, సూర్యాపేట జిల్లాలో 9, యాదాద్రి భువనగిరి జిల్లాలో 15 సొసైటీలను ఎంపిక చేశారు. 750 మంది రైతులతో.. రూ.15 లక్షల సబ్సిడీరైతు ఉత్పత్తిదారుల సంస్థగా ఏర్పడే కేంద్రంలో 750 మంది రైతులకు సభ్యత్వం కల్పిస్తారు. ప్రాథమిక వ్యవసాయ సహకార సంఘాల్లో ప్రాథమిక సభ్యత్వం కలిగిన వారికి మాత్రమే రైతు ఉత్పత్తిదారుల సంస్థలో రూ.2వేలు సభ్యత్వ రుసుము చెల్లించి సభ్యులుగా చేరుటకు అవకాశం కలదు. రైతులు చెల్లించిన మొత్తానికి సమానంగా కేంద్ర ప్రభుత్వం మరో రూ.2 వేలు చొప్పున సబ్సిడీ అందజేస్తుంది. ఇలా 750 మంది రైతులు రూ.15 లక్షలు సమకూర్చుకోగా.. కేంద్ర ప్రభుత్వం మరో రూ.15 లక్షల వరకు గ్రాంట్‌ అందిస్తుంది. అంతేకాకుండా జాతీయ సహకార అభివృద్ధి సంస్థ, నాబార్డు ద్వారా రూ.2 కోట్ల వరకు రుణ సౌకర్యం కల్పిస్తుంది. ఈ నిధులతో ఎఫ్‌పీవోలు గ్రేడింగ్‌, ప్రాసెసింగ్‌ యూనిట్లు, కోల్డ్‌ స్టోరేజీలు, మినీ రైస్‌ మిల్లులు, ప్యాకింగ్‌ కేంద్రాలు, సూపర్‌ మార్కెట్‌లు, మీసేవా కేంద్రాలు, పురుగు మందుల దుకాణాలు ఏర్పాటు చేసుకొని వ్యాపారాలు నిర్వహించవచ్చు. వీటి ద్వారా వచ్చే ఆదాయాన్ని సభ్యత్వం కలిగిన రైతులు సమాన వాటాలుగా తీసుకునే అవకాశం ఉంది. దళారులకు చెక్‌.. మెరుగైన సేవలుధాన్యం కొనుగోలు కేంద్రాలతో పాటు ఎరువుల అమ్మకాల్లో మొదటగా ఎఫ్‌పీవోలకే ప్రభుత్వం ప్రాధాన్యం ఇస్తుంది. దళారుల ప్రమేయం లేకుండా సభ్యులే నేరుగా పంట ఉత్పత్తులను కొనుగోలు చేస్తారు. నేరుగా కంపెనీల నుంచే ఎరువులు, విత్తనాలను కొనుగోలు చేసి స్థానిక రైతులకు హోల్‌సేల్‌ ధరలకే విక్రయిస్తారు. అంతేకాకుండా ఎఫ్‌పీఓల ద్వారా నిర్వహించే విక్రయ కేంద్రాల ద్వారా సభ్యత్వం కలిగిన రైతులకు అవసరమైన వస్తువులను ఎమ్మార్పీ రేట్లకే సమకూర్చడంతో పాటు ఉచితంగా భూసార పరీక్షలు చేయడం, నాణ్యమైన వ్యవసాయ పనిముట్లను సబ్సిడీ రూపంలో అందించడం జరుగుతుంది. ఈ ఎఫ్‌పీఓలను క్లస్టర్‌ బేస్డ్‌ బోర్డు ఆర్గనైజేషన్‌(సీబీబీఓ) హైదరాబాద్‌ కేంద్రంగా పర్యవేక్షిసుది. ప్రతీ సంఘానికి కేంద్ర ప్రభుత్వమే ఈక్విటీ గ్రాంట్‌ క్రింద రూ.15లక్షలు, నిర్వహణకు ఏటా రూ.6 లక్షల చొప్పున మూడేళ్ల పాటు చెల్లిస్తుంది. ఉమ్మడి జిల్లాలో ఏర్పాటుకానున్న ఎఫ్‌పీఓలు ఇవే.. నల్లగొండ జిల్లా : శాలిగౌరారం, కట్టంగూర్‌, నార్కట్‌పల్లి, కేతేపల్లి, వెలిమినేడు, గుండ్రాంపల్లి, పెద్దవూర, దేవరకొండ, చండూరు, తిప్పర్తి, దామరచర్ల, గుర్రంపోడు, గొల్లగూడ. సూర్యాపేట జిల్లా : నడిగూడెం, చిలుకూరు, సూర్యాపేట, చిల్లేపల్లి, మేళ్లచెరువు, పాలకవీడు, నారాయణగూడ, చివ్వెంల, పొనుగోడు భువనగిరి జిల్లా : గుండాల, చందుపట్ల, రామన్నపేట, సంస్థాన్‌ నారాయణపురం, రాజా పేట, తుర్కపల్లి, ఆలేరు, ఆత్మకూర్‌(ఎం), అడ్డగూడూరు, చౌటుప్పల్‌, పోచంపల్లి, బీబీనగర్‌, యాదగిరిగుట్ట, మోత్కూరు, బొమ్మలరామారం. ఉమ్మడి జిల్లాలో 37 సొసైటీల ఎంపిక ఎఫ్‌పీఓల ద్వారా రైతులకు మెరుగైన సేవలు

కట్టంగూర్‌ : ద్విచక్ర వాహనాన్ని గుర్తుతెలియని వాహనం ఢీకొనడంతో ఇద్దరు దుర్మరణం చెందగా.. మరొకరికి తీవ్రగాయాలయ్యాయి. ఈ ఘటన హైదరాబాద్‌–విజయవాడ జాతీయ రహదారిపై కట్టంగూర్‌ మండలం అయిటిపాముల గ్రామ శివారులో సోమవారం జరిగింది. పోలీసులు తెలిపిన వివరాల ప్రకారం.. ఏపీలోని పల్నాడు జిల్లా సత్తెనపల్లికి చెందిన జొన్నలగడ్డ వాసు(22), అతడి బంధువు జొన్నలగడ్డ ప్రశాంత్‌ బతుకుదెరువు కోసం హైదరాబాద్‌కు వలస వెళ్లి సెంట్రింగ్‌ పనులు చేస్తూ జీవనం సాగిస్తున్నారు. సోమవారం వారిద్దరు కలిసి ద్విచక్ర వాహనంపై స్వగ్రామానికి బయల్దేరారు. మార్గమధ్యలో నార్కట్‌పల్లి వద్దకు రాగానే నకిరేకల్‌ మండలం నోముల గ్రామానికి చెందిన గోగుల స్వాతి(30) లిఫ్ట్‌ అడగటంతో ఆమెను ద్విచక్ర వాహనంపై ఎక్కించుకున్నారు. కట్టంగూర్‌ మండలం అయిటిపాముల గ్రామ శివారులోని చెర్వుఅన్నారం బస్‌స్టాప్‌ వద్దకు రాగానే వెనుక నుంచి వస్తున్న గుర్తుతెలియని వాహనం ద్విచక్ర వాహనాన్ని ఓవర్‌టేక్‌ చేసే క్రమంలో ఢీకొట్టింది. ఈ ప్రమాదంలో వాసు, స్వాతి అక్కడికక్కడే మృతిచెందగా.. ప్రశాంత్‌కు తీవ్ర గాయాలయ్యాయి. సమాచారం తెలుసుకున్న శాలిగౌరారం సీఐ రాజశేఖర్‌, కట్టంగూర్‌ ఎస్‌ఐ క్రాంతికుమార్‌ ఘటనా స్థలానికి చేరుకొని మృతదేహాలను పోస్టుమార్టం నిమిత్తం నకిరేకల్‌ ప్రభుత్వాస్పత్రికి తరలించారు. గాయపడిన ప్రశాంత్‌ను చికిత్స నిమిత్తం నకిరేకల్‌ ఏరియా ఆస్పత్రికి తరలించారు. ఈ మేరకు కేసు నమోదు చేసుకుని దర్యాప్తు చేస్తున్నట్లు ఎస్‌ఐ క్రాంతికుమార్‌ తెలిపారు. మృతురాలు స్వాతి భర్త హైదరాబాద్‌లో కూలీ పనులు చేస్తుండగా.. ఆమె టైలరింగ్‌ చేస్తూ జీవనం సాగిస్తోంది. వారికి ఇద్దరు కుమారులు ఉన్నారు. ఇద్దరు దుర్మరణం మరొకరికి గాయాలు

కట్టంగూర్‌ : ప్రాథమిక పాఠశాలల పాలిట మరణశాసనంగా మారిన జీఓ నంబర్‌ 25ను తక్షణమే సవరించాలని, జీఓను సవరించకుండా ప్రభుత్వ పాఠశాలలను బలోపేతం చేయడం సాధ్యం కాదని టీఎస్‌ యూటీఎఫ్‌ రాష్ట్ర ప్రధాన కార్యదర్శి ఆదిమూలం వెంకట్‌ అన్నారు. కట్టంగూర్‌లో గత రెండు రోజులుగా జరిగిన టీఎస్‌ యూటీఎఫ్‌ 7వ జిల్లా మహాసభలు సోమవారం ముగిశాయి. ఈ సందర్భంగా ఆ సంఘం జిల్లా అధ్యక్షుడు బక్కా శ్రీనివాసాచారి అధ్యక్షతను నిర్వహించిన ప్రతినిధుల సభకు ఆదిమూలం వెంకట్‌ ముఖ్యఅతిథిగా హాజరై మాట్లాడారు. నవంబర్‌ నెలలో ఉపాధ్యాయులు 100 శాతం హాజరు కావాలంటూ పాఠశాల విద్యాశాఖ డైరెక్టర్‌ నవీన్‌ నికోలస్‌ చేసిన ప్రకటనను స్వాగతిస్తున్నామని తెలిపారు. ఉపాధ్యాయులు, విద్యార్థులు హాజరుకావడమే సరిపోదని, ఉపాధ్యాయులు సమర్ధవంతంగా బోధన సాగేందుకు అవసరమైన పరిస్థితులను పాఠశాలల్లో ప్రభుత్వం కల్పించాని కోరారు. ప్రభుత్వ పాఠశాలల పరిరక్షణ, బలోపేతం కోసం జీఓ 25 సవరణకు ఉపాధ్యాయ సంఘాలు ఐక్యంగా ఉద్యమించాలని పిలుపునిచ్చారు. రక్తదానం చేసిన ఉపాధ్యాయులుఈ జిల్లా మహాసభల్లో ఏర్పాటు చేసిన రక్తదాన శిబిరాన్ని నల్లగొండ డీఎస్పీ శివరాంరెడ్డి ప్రారంభించి మాట్లాడారు. ఉపాధ్యాయ సంఘాలు తమ హక్కుల కోసం పోరాడుతూనే సామాజిక బాధ్యతను గుర్తించి రక్తదాన శిబిరం ఏర్పాటు చేయటం అభినందనీయమన్నారు. ఈ సందర్భంగా 60 మంది ప్రభుత్వ ఉపాధ్యాయులు రక్తదానం చేశారు. ఈ కార్యక్రమంలో టీఎస్‌ యూటీఎఫ్‌ రాష్ట్ర ఉపాధ్యక్షుడు ఎం. రాజశేఖర్‌రెడ్డి, జిల్లా ప్రధాన కార్యదర్శి పెరుమాళ్ల వెంకటేశం, ఉపాధ్యక్షుడు నర్రా శేఖర్‌రెడ్డి, ఎన్‌. సోమయ్య, మిట్టపల్లి మురళయ్య, ఎడ్ల సైదులు, పాల్వాయి అంజిరెడ్డి, చిక్కుల రామలింగయ్య, గేర నర్సింహ, బి. అరుణ, రాజు, జాల అరుణ, యాట మధుసూదన్‌రెడ్డి, రాచమల్ల రమాదేవి, నలపరాజు వెంకన్న, చిన్న వెంకన్న, పగిళ్ల సైదులు తదితరులు ఉన్నారు. టీఎస్‌ యూటీఎఫ్‌ రాష్ట్ర ప్రధాన కార్యదర్శి ఆదిమూలం వెంకట్‌

భువనగిరి: ఎల్‌నినో ప్రభావంతో జిల్లాలో తక్కువగా వర్షాలు కురిశాయి. దీని ప్రభావం వచ్చే జూలై వరకు ఉంటుందని ప్రభుత్వం ప్రకటించి, ప్రత్యామ్నాయ పంటలు వేసుకోవాలని సూచిస్తున్నా రైతులు మాత్రం వినడం లేదు. వద్దన్నా వినకుండా వరి సాగు వైపే మొగ్గుచూపుతున్నారు. జిల్లాలో వానాకాలం సీజన్‌లో లోటు వర్షపాతం నమోదు కావడంతో చాలావరకు చెరువులు, వాగుల్లో నీళ్లు లేక వెలవెలబోతున్నాయి. అయినప్పటికీ బోరు బావుల కింద వరి సాగు చేసేందుకే ఆసక్తి చూపుతున్నారు. శ్రమించాల్సిన అవసరం లేకపోవడంతో.. వరి సాగు చేస్తే ప్రస్తుతం రైతులు క్షేత్రస్థాయిలో ఎక్కువ శ్రమించాల్సిన అవసరం లేదని భావిస్తున్నారు. నాట్లు వేసేందుకు కూలీలు అందుబాటులో ఉండటం, పురుగుమందుల పిచికారీకి డ్రోన్లను ఉపయోగించడం, పంట కోతలకు యంత్రాలు లభించడమే ఇందుకు కారణం. అదే ఆరుతడి పంటల సాగుకై తే వ్యవసాయ క్షేత్రాల్లో నిరంతరం శ్రమించాల్సి వస్తోందని వెనకడుగు వేస్తున్నారు. ఒకవేళ శ్రమించి ఆరుతడి పంటలను సాగు చేసినా మార్కెట్‌లో గిట్టుబాటు ధర వస్తుందో లేదోనని ఆందోళన చెందుతున్నారు. అవగాహనా లోపం.. సాగునీటి కొరత కారణంగా రైతులు ఆరుతడి పంటలైన పెసర, మినుములు, కందులు, సజ్జలు, శనగతో పాటు కూరగాయలు, ఆకుకూరలు వేసుకోవాలని అధికారులు సూచిస్తున్నారు. అయితే క్షేత్రస్థాయిలో అవగాహన కొరవడటంతో ఎకరానికి ఎంత ఖర్చు అవుతుంది? ఎంత లాభం మిగులుతుంది? అనే విషయాలు తెలియక రైతులు వరి వైపే వెళ్తున్నారు. మరోవైపు అడవి జంతువులు, కోతుల బెడద కారణంగా ఆరుతడి పంటలు చేతికి వచ్చే అవకాశాలు తక్కువగా ఉంటాయని వాపోతున్నారు. పత్తి, వరి విత్తనాలను ఆరుతడి సీజన్‌లో ఎక్కువగా విక్రయించవద్దని సీడ్‌ వ్యాపారులకు అధికారులు సూచించినప్పటికీ అది ఎక్కడా అమలు కావడం లేదు. యాసంగి పంటల సాగు వివరాలు.. వర్షాలను, సాగునీటి కొరత అంచనాలను దృష్టిలో ఉంచుకుని వ్యవసాయ శాఖ యాసంగి యాక్షన్‌ ప్లాన్‌ సిద్ధం చేశారు. గత యాసంగి సీజన్‌లో జిల్లా వ్యాప్తంగా 3,46,454 ఎకరాల్లో వరి సాగు కాగా ఈ సారి సాగు విస్తీర్ణం 2,07,354 ఎకరాలకు పరిమితమయ్యే అవకాశం ఉంటుందని అంచనా వేశారు. కానీ ఎల్‌నినో ప్రభావంతో వర్షాభావం వల్ల అంచనాలు తలకిందులయ్యే అవకాశం ఉంది. సాధ్యమైనంత వరకు వరి సాగు చేయొద్దనే అధికారులు సూచిస్తున్నారు. ఎల్‌నినో ప్రభావం తీవ్రంగా ఉన్నందున ఆరుతడి పంటలు సాగు చేసుకోవడంపై రైతులకు అవగాహన కల్పిస్తున్నాం. రైతు వేదికల్లో సమావేశాలు నిర్వహించి ఏయే పంటలు వేయాలో సూచిస్తున్నాం. రాబోయే నీటి ఎద్దడిని దృష్టిలో పెట్టుకుని బోరు బావుల కింద వరి పంట సాగు చేయొద్దని చెబుతున్నాం. ప్రత్యామ్నాయ పంటలతోనే రైతులకు లాభదాయకంగా ఉంటుంది. – వెంకటరమణారెడ్డి, డీఏఓ ఫ సాగునీటి ఎద్దడి హెచ్చరికలు బేఖాతరు ఫ నారుమళ్లకు కసరత్తు చేస్తున్న రైతులు ఫ ఆరుతడి పంటల ఊసే లేదు ప్రభుత్వం, అధికారులు ఎన్ని హెచ్చరికలు జారీ చేసినా బోరు బావుల ఆధారంగా రైతులు మూడు నెలల్లో చేతికి వచ్చే బీపీటీ (సాంబ మసూరి) రకం వరి సాగుకే ప్రాధాన్యమిస్తున్నారు. బీపీటీ రకం వరి పండిస్తే ఇంటి అవసరాలకు పనికొస్తుందని, లేదా వ్యా పారులు అధిక ధరలకు తప్పనిసరిగా కొనుగో లు చేస్తారనే నమ్మకంతో ఈ రకంపై ఆసక్తి చూపుతున్నారు. ఇప్పటికే జిల్లాలో దుక్కులు దున్ని నారుమ ళ్లు వేసేందుకు పొలాలను సిద్ధం చేసుకుంటున్నారు.

యాదగిరిగుట్ట రూరల్‌: గ్రామీణ ప్రాంతాల్లో షెడ్యూల్డ్‌ కులాలు ఎక్కువగా నివసించే గ్రామాల్లో మౌలిక సదుపాయాలు కల్పించడానికి కేంద్ర ప్రభుత్వం ‘పీఎం ఆదర్శ్‌ గ్రామ యోజన’ పథకాన్ని అమలు చేస్తోంది. ఇందులో భాగంగా యాదగిరిగుట్ట మండలం రామాజీపేట, రామన్నపేట మండలం పల్లివాడ గ్రామాలను కేంద్రం ఎంపిక చేసింది. ఈ పథకం ద్వారా వచ్చే నిధులతో తమ గ్రామాలను అన్ని విధాలా అభివృద్ధి చేసుకుంటామని గ్రామస్తులు ధీమా వ్యక్తం చేస్తున్నారు. కేంద్రం నుంచి నిధులు ఈ పథకం ద్వారా ఎంపికై న ఒక్కో గ్రామానికి కేంద్ర ప్రభుత్వం రూ.20 లక్షలను గ్రామ పంచాయతీకి అందజేయనుంది. దీంతో పాటు పరిపాలన ఖర్చుల కోసం ప్రత్యేకంగా మరో రూ.40 వేలను ప్రస్తుతం విడుదల చేయనుంది. ఈ నిధులతో గ్రామంలో తాగునీరు, పారిశుధ్యం, విద్య, ఆరోగ్యం, రోడ్ల నిర్మాణం, సామాజిక భద్రత, హౌసింగ్‌, విద్యుద్దీకరణ, జీవనోపాధి వంటి మౌలిక వసతుల కల్పనకు పెద్దపీట వేయనున్నారు. రామాజీపేట గ్రామంలో మండల స్థాయి అధికారులు ఇటీవల సర్వే పనులు పూర్తి చేశారు. గ్రామంలో మొత్తం 298 కుటుంబాలు ఉన్నట్లు గుర్తించారు. ఈ వివరాలను ఆన్‌లైన్‌లో పొందుపరిచి, ఉన్నతాధికారులకు నివేదిక పంపించే పనిలో మండల అధికారులు నిమగ్నమయ్యారు. అదేవిధంగా పల్లివాడ గ్రామంలో 700 వరకు కుటుంబాలు ఉన్నాయి. జనాభా 2300 ఉండగా.. ఇందులో ఎస్పీ జనాభా 1100 మంది ఉన్నారు. ప్రధానమంత్రి ఆదర్శ్‌ గ్రామ యోజన కింద మా గ్రామం ఎంపిక కావడం చాలా సంతోషంగా ఉంది. ఈ నిధులతో గ్రామాన్ని మరింత అభివృద్ధి చేస్తాం. గ్రామంలో అన్ని రకాల మౌలిక వసతులు సమకూర్చుకోవడంతో పాటు, యువతకు ఉపాధి అవకాశాలు కల్పించేలా చర్యలు తీసుకుంటాం. – గడ్డం దేవేందర్‌, సర్పంచ్‌, రామాజీపేట ఫ ‘పీఎం ఆదర్శ్‌ గ్రామ యోజన పథకానికి ఎంపికై న రెండు గ్రామాలు ఫ ఒక్కో గ్రామానికి విడుదల కానున్న రూ.20 లక్షల అభివృద్ధి నిధులు ఫ పరిపాలన ఖర్చుల కోసం రూ.40 వేలు

ఆలేరురూరల్‌: జిల్లాలో మూడు నెలల విరామం తర్వాత రేషన్‌ దుకాణాల ద్వారా సన్నబియ్యం పంపిణీ సోమవారం నుంచి పునఃప్రారంభం కానుంది. నవంబర్‌ నెల కోటాకు సంబంధించి రాష్ట్ర పౌరసరఫరాల శాఖ జిల్లాకు సుమారు 4,200 మెట్రిక్‌ టన్నుల సన్నబియ్యాన్ని కేటాయించింది. జిల్లాలోని 2,52,187 రేషన్‌ కార్డుదారుల కుటుంబాలకు 515 చౌకధరల దుకాణాల ద్వారా ఈ బియ్యాన్ని అందించేందుకు అధికారులు అన్ని ఏర్పాట్లు పూర్తి చేశారు. ధరల పెరుగుదల వేళ పేదలకు ఉపశమనం గత ఆగస్టులో ప్రభుత్వం మూడు నెలలకు సంబంధించిన రేషన్‌ బియ్యాన్ని ఒకేసారి పంపిణీ చేసింది. ఆ తర్వాత మళ్లీ ఇప్పుడు (నవంబర్‌) రెగ్యులర్‌ పంపిణీ చేపడుతోంది. ఒకవైపు ఎల్‌నినో ప్రభావం, అకాల వర్షాలతో పంట నష్టాలు వాటిల్లి బహిరంగ మార్కెట్‌లో నిత్యావసరాల ధరలు పెరుగుతున్న తరుణంలో.. ప్రజా పంపిణీ వ్యవస్థ ద్వారా నాణ్యమైన సన్నబియ్యం సరఫరా కావడం పేద, మధ్యతరగతి కుటుంబాలకు ఆర్థికంగా పెద్ద ఊరటనివ్వనుంది. బ్లాక్‌ మార్కెట్‌పై నిఘా ముమ్మరం రేషన్‌ బియ్యం పంపిణీ నేపథ్యంలో అక్రమ నిల్వ లు, బ్లాక్‌ మార్కెటింగ్‌కు పాల్పడే వారిపై ప్రభుత్వం ఉక్కుపాదం మోపుతోంది. ఈ మేరకు పౌరసరఫరాల శాఖ అధికారులు ఇప్పటికే క్షేత్రస్థాయిలో అక్రమ నిల్వలపై నిఘా పెంచారు. రేషన్‌ బియ్యం పంపిణీకి అన్ని చర్యలు తీసుకుంటున్నాం. నవంబర్‌ కోటాకు సంబంధించి ప్రభుత్వం కేటాయించిన బియ్యాన్ని ఎంఎల్‌ఎస్‌ పాయింట్ల నుంచి రేషన్‌ షాపులకు రవాణా చేస్తున్నాం. ఇప్పటికే చాలా షాపులకు బియ్యం చేరుకున్నాయి. సోమవారం నుంచి లబ్ధిదారులకు పంపిణీ జరగనుంది. – హరికృష్ణ, పౌరసరఫరాల శాఖ డీఎం ఫ నేటి నుంచి మళ్లీ రేషన్‌ బియ్యం పంపిణీ ఫ నవంబర్‌ కోటా కింద జిల్లాకు 4వేల మెట్రిక్‌ టన్నుల కేటాయింపు

యాదగిరిగుట్ట: యాదగిరిగుట్ట లక్ష్మీనరసింహస్వామి వారి ఆలయంలో ఆదివారం ఉదయం నుంచి రాత్రి వరకు నిత్య కై ంకర్యాలు పాంచరాత్ర ఆగమశాస్త్రానుసారంగా నిర్వహించారు. వేకువజామున శ్రీస్వామి అమ్మవార్లకు సుప్రభాతం నిర్వహించి, గర్భాలయంలో స్వయంభూ మూర్తులకు అభిషేక పూజ జరిపించారు. అనంతరం తులసీ దళాలతో సహస్ర నామార్చన, కుంకుమార్చన వంటి పూజలు చేపట్టారు. ఆలయ ముఖ మండపంలో అష్టోత్తరం, సువర్ణ పుష్పార్చన నిర్వహించారు. ప్రథమ ప్రకార మండపంలో శ్రీసుదర్శన నారసింహ హోమం, గజ వాహన సేవ, నిత్య కల్యాణం జరిపించారు. సాయంత్రం జోడు సేవలను ఆలయ వీధుల్లో ఊరేగించారు. రాత్రి శ్రీస్వామి అమ్మవార్లకు పవళింపు సేవ నిర్వహించారు.

రామగిరి (నల్లగొండ) : డాక్టర్‌ బీఆర్‌ అంబేద్కర్‌ ఓపెన్‌ యూనివర్సిటీ (బీఆర్‌ఏఓయూ) ఉన్నత విద్య అభ్యసించాలనుకునే విద్యార్థులకు ఎన్నో అవకాశాలు కల్పిస్తోందని యూనివర్సిటీ ఎడ్యుకేషన్‌ ఎక్స్‌టెన్షన్‌ సెంటర్‌ నోడల్‌ అధికారి బి.ధర్మానాయక్‌ అన్నారు. ఆదివారం నల్లగొండ ప్రాంతీయ సమన్వయ కేంద్రంలో ప్రాంతీయ సమన్వయ కేంద్రం కోఆర్డినేటర్‌ బొజ్జ అనిల్‌కుమార్‌ అధ్యక్షతన నిర్వహించిన ఓరియంటేషన్‌ కార్యక్రమంలో ధర్మానాయక్‌ మాట్లాడారు. యూనివర్సిటీ వైస్‌ ఛాన్స్‌లర్‌ ప్రొఫెసర్‌ ఘంటా చక్రపాణి బాధ్యతలు స్వీకరించిన అనంతరం దూరవిద్యా విధానంలో అనేక మార్పులు, సంస్కరణలు తీసుకొచ్చారన్నారు. భూక్యా వీరన్న, కృష్ణారెడ్డి, మహేశ్వరీ, పద్మ హరిత, మహేష్‌, శ్రీకాంత్‌ పాల్గొన్నారు.

రామన్నపేట: ఎల్‌నినో ప్రభావంతో జిల్లాలో వాతావరణ మార్పులు ప్రజలను ఉక్కిరిబిక్కిరి చేస్తున్నాయి. సాధారణంగా వర్షాకాలం ముగిసి చలికాలం మొదలయ్యే అక్టోబర్‌, నవంబర్‌ నెలల్లో విద్యుత్‌ వినియోగం గణనీయంగా తగ్గుతుంది. కానీ ఈసారి తీవ్ర వర్షాభావ పరిస్థితులు, ఎండల తీవ్రతతో వేడి తగ్గకపోవడంతో ప్రజలు ఉక్కపోతతో అల్లాడిపోతున్నారు. ఉక్కపోత నుంచి ఉపశమనం పొందడానికి పగలు, రాత్రి అనే తేడా లేకుండా ఫ్యాన్లు, కూలర్లు, ఏసీలు వినియోగిస్తున్నారు. దీంతో గృహ విద్యుత్‌ వినియోగం విపరీతంగా పెరిగి, ప్రభుత్వం అందిస్తున్న శ్రీగృహజ్యోతిశ్రీ పథకం లబ్ధిపై ప్రభావం చూపే ప్రమాదం ఏర్పడింది. గృహజ్యోతి పథకం కింద నెలకు 200 యూనిట్ల వరకు మాత్రమే ప్రభుత్వం ఉచిత విద్యుత్‌ను అందిస్తోంది. వినియోగ పరిమితి 200 యూనిట్లు ఒక్క యూనిట్‌ దాటినా లబ్ధిదారులు ‘జీరో బిల్లు’కు నోచుకోరని అధికారులు స్పష్టం చేస్తున్నారు. పెరిగిన సబ్సిడీ భారం తీవ్ర ఉక్కపోత కారణంగా ఏప్రిల్‌, మే నెలల మాదిరిగానే జూలై, ఆగస్టు, సెప్టెంబర్‌, అక్టోబర్‌ నెలల్లోనూ గృహ విద్యుత్‌ వాడకం విపరీతంగా పెరిగింది. ఫలితంగా ప్రభుత్వంపై సబ్సిడీ భారం పెరిగింది. జిల్లాలో గత ఏప్రిల్‌ నెలతో పోలిస్తే అక్టోబర్‌ నాటికి ప్రభుత్వంపై రూ.19 లక్షల మేర అదనపు భారం పడింది. ఏప్రిల్‌లో రూ.5,20,34,201 సబ్సిడీ భారం పడగా, అక్టోబర్‌ నాటికి అది రూ.5,39,14,215 లకు చేరింది. గడిచిన ఏడు నెలల కాలంలో జిల్లాలో గృహజ్యోతి పథకం సబ్సిడీ కోసం ప్రభుత్వం మొత్తం రూ.37,10,47,912 వెచ్చించింది. పొదుపు పాటించకుంటే షాక్‌ తప్పదు గృహ వినియోగదారులు విద్యుత్‌ను పొదుపుగా వాడుకోవాల్సిన అవసరం ఎంతైనా ఉంది. వినియోగం 200 యూనిట్లు దాటితే జీరో బిల్లు అవకాశాన్ని కోల్పోతారు. ఫ్లోరోసెంట్‌ బల్బుల స్థానంలో ఎల్‌ఈడీ బల్బులు, ట్యూబ్‌లైట్లు వాడటం, పగటిపూట నిరుపయోగంగా లైట్లు వేయకపోవడం, గది నుంచి బయటకు వచ్చేటప్పుడు ఫ్యాన్లు, లైట్లు ఆఫ్‌ చేయడం, ట్యాంకులు నిండగానే మోటార్లు ఆపివేయడం వంటి జాగ్రత్తలు పాటించాలి. తద్వారా గృహజ్యోతి పథకానికి దూరం కాకుండా ఉండటమే కాకుండా ప్రభుత్వంపై పడే సబ్సిడీ భారాన్ని తగ్గించవచ్చు.ఫ పెరుగుతున్న గృహ విద్యుత్‌ వినియోగం ఫ 200 యూనిట్లు దాటితే జీరో బిల్లుకు నోచుకోని పరిస్థితి ఫ ఏప్రిల్‌తో పోలిస్తే అక్టోబర్‌లో ప్రభుత్వంపై రూ.19 లక్షల అదనపు సబ్సిడీ భారం

యాదగిరిగుట్ట: యాదగిరి లక్ష్మీనరసింహస్వామి వారి క్షేత్రానికి వచ్చే భక్తుల పాదరక్షలను ఉచితంగా భద్రపరిచే సౌకర్యాన్ని ఆదివారం నుంచి ఆలయాధికారులు కల్పించారు. గత కొన్నేళ్లుగా కొండపైన భక్తుల పాదరక్షలు భద్రపరిచే నిర్వహణను టెండర్‌ ద్వారా లీజుకు ఇచ్చేవారు. దీంతో భక్తుల పాదరక్షలు భద్రపరిచే టెండర్‌ దారులు జతకు రూ.2 వసూళ్లు చేసేవారు. ఈ క్రమంలో లైసెన్స్‌ విధానంతో భక్తులు ఇబ్బందులు పడడంతో పలుమార్లు కొండపైన వివాదాలు ఏర్పడినట్లు ఫిర్యాదులు అధికారులకు అందాయి. ఈ నేపథ్యంలో భక్తుల మనోభావాలు, దేవస్థాన ప్రతిష్టకు భంగం లేకుండా ఉండేందుకు పాదరక్షలు భద్రపరిచే నిర్వహణను టెండర్‌ ద్వారా కాకుండా భక్తుల నుంచి ఎలాంటి రుసుము వసూలు చేయకుండా ఉచితంగా అందించే సౌకర్యాన్ని కల్పించాలని ఇటీవల వైటీడీ ధర్మకర్తల మండలి తీర్మానం చేసింది. దీంతో కలెక్టర్‌, అదనపు కలెక్టర్‌తో సంప్రదించి వారి మార్గదర్శకాలతో మెప్మా సంస్థచే యాదగిరిగుట్ట పట్టణ మహిళా సంఘం ద్వారా ఉచితంగా పాదరక్షలు భద్రపరిచే కౌంటర్స్‌ను ప్రారంభించినట్లు ఆలయ ఈఓ భవాని శంకర్‌ వెల్లడించారు.

సంస్థాన్‌ నారాయణపురం: చర్లగూడెం ప్రాజెక్టు పనులు ఇప్పటికీ పూర్తికాకపోవడం ప్రభుత్వాల నిర్లక్ష్యానికి నిదర్శమని సీపీఎం కేంద్ర కమిటీ సభ్యురాలు జ్యోతి ఆరోపించారు. సీపీఎం సంస్థాన్‌ నారాయణపురం మండల కమిటీ ఆధ్వర్యంలో మర్రిగూడ మండలంలోని చర్లగూడెం ప్రాజెక్టు నుంచి సంస్థాన్‌ నారాయణపురం మీదుగా చౌటుప్పల్‌ ఆర్డీవో కార్యాలయం వరకు చేపట్టిన మహాపాదయాత్ర మండలంలోని చిల్లాపురం, వావిళ్లపల్లి, ఆరెగూడెం, జనగాం మీదుగా పుట్టపాక గ్రామానికి చేరుకుంది. పుట్టపాకలో ఆదివారం నిర్వహించిన సభలో ఆమె మాట్లాడారు. చర్లగూడెం ప్రాజెక్టు నుంచి రాచకొండ లిఫ్ట్‌ ఇరిగేషన్‌కు ప్రభుత్వం సర్వే నిర్వహించినందున డీపీఆర్‌ సిద్ధం చేసి నిధులు కేటాయించాలని డిమాండ్‌ చేశారు. ఫ్లోరోసిస్‌ సమస్యతో ఈ ప్రాంత ప్రజలు ఇప్పటికే అనేక అవస్థలు పడ్డారని తెలిపారు. రాచకొండ లిఫ్ట్‌ ఇరిగేషన్‌ పథకాన్ని వెంటనే మంజూరు చేయాలన్నారు. సీపీఎం రాష్ట్ర కార్యదర్శివర్గ సభ్యుడు ఎండీ జహంగీర్‌ మాట్లాడుతూ... మండలంలో సాగునీటి సమస్య పరిష్కరించాలన్నారు. చర్లగూడెం ప్రాజెక్టు పనులు పూర్తి చేసి నిర్వాసితులకు పెండింగ్‌లో ఉన్న పరిహారం అందించాలని డిమాండ్‌ చేశారు. ఫ సీపీఎం కేంద్ర కమిటీ సభ్యురాలు జ్యోతి

భువనగిరిటౌన్‌: భువనగిరిలోని న్యూ వివేరా హోటల్‌లో నిర్వహించిన ఆల్‌ ఇండియా లాయర్స్‌ యూనియన్‌ (ఐలు) యాదాద్రి భువనగిరి జిల్లా రెండవ మహాసభల్లో జిల్లా నూతన కమిటీని ఏకగ్రీవంగా ఎన్నుకున్నారు. జిల్లా అధ్యక్షుడిగా బోల్లెపల్లి కుమార్‌, ప్రధాన కార్యదర్శిగా వెంకట్‌ రెడ్డి, గౌరవాధ్యక్షుడిగా సోమయ్య ఎన్నికయ్యారు. ఉపాధ్యక్షులుగా మోహన్‌, ఎండీ నిహాల్‌, యాదయ్య, జయ, సహాయ కార్యదర్శులుగా భాస్కర్‌ రెడ్డి, రాజశేఖర్‌ రెడ్డి, శ్రీనివాస్‌, ఐలయ్య, కోశాధికారిగా కిషన్‌ బాధ్యతలు చేపట్టారు. వీరితో పాటు మరో 18 మందిని జిల్లా కమిటీ సభ్యులుగా ఎన్నుకున్నారు. ఈ నూతన కార్యవర్గాన్ని ఐలు రాష్ట్ర అధ్యక్షుడు కొల్లి సత్యనారాయణ, తెలంగాణ బార్‌ కౌన్సిల్‌ సభ్యుడు మందడపు శ్రీనివాసరావు, ఐలు కేంద్ర కమిటీ సభ్యుడు వై. శ్రీనివాసరావు అధికారికంగా ప్రకటించారు. ఈ సందర్భంగా నాయకులు మాట్లాడుతూ.. న్యాయవాదుల హక్కుల పరిరక్షణకు, సమస్యల పరిష్కారానికి నూతన కమిటీ కృషి చేయాలని పిలుపునిచ్చారు. స్వయం ఉపాధితో యువత ఆర్థికంగా ఎదగాలి ఆలేరురూరల్‌: యువత ఉద్యోగాల కోసం ఎదురుచూడకండా స్వయం ఉపాధి అవకాశాలను అందిపుచ్చుకొని, ఆర్థికంగా స్థిరపడి స్వశక్తితో ఎదగాలని మాజీ ఎమ్మెల్యే గొంగిడి సునీత మహేందర్‌రెడ్డి అన్నారు. ఆదివారం ఆలేరు పట్టణంలోని బస్టాండ్‌ వద్ద నూతనంగా ఏర్పాటు చేసిన హోటల్‌ను ఆమె ప్రారంభించారు. ఈ సందర్భంగా మాట్లాడుతూ యువత స్వయం ఉపాధి రంగాల్లో రాణిస్తూ మరికొందరికి ఉపాధి కల్పించే స్థాయికి ఎదగాలని ఆకాంక్షించారు. ఈ కార్యక్రమంలో హోటల్‌ యజమాని పూల శ్రవణ్‌, పార్టీ నాయకులు పుట్ట మల్లేశం, సంపత్‌, హరీష్‌, మధు, తదితరులు పాల్గొన్నారు. డీలర్ల సంఘం ఆర్గనైజింగ్‌ సెక్రటరీగా ఫయాజ్‌ కోదాడ : రేషన్‌ డీలర్ల సంక్షేమ సంఘం రాష్ట్ర ఆర్గనైజింగ్‌ సెక్రటరీగా కోదాడకు చెందిన డీలర్‌ ఎస్‌కె.ఫయాజ్‌ ఎన్నికయ్యారు. ఆదివారం హైదరాబాద్‌లోని పౌరసరఫరాల శాఖ భవనంలో జరిగిన డీలర్ల సంఘం సమావేశంలో తనను ఏకగ్రీవగా ఎన్నుకున్నట్లు ఆయన తెలిపారు. ఈ సందర్భంగా ఫయాజ్‌ మాట్లాడుతూ రాష్ట్ర వ్యాప్తంగా రేషన్‌ డీలర్లు ఎదుర్కొంటున్న సమస్యల పరిష్కారానికి తనవంతు కృషి చేస్తానని పేర్కొన్నారు.

భువనగిరి: పదో తరగతి వార్షిక పరీక్షల్లో విద్యార్థులు అత్యుత్తమ ఫలితాలు సాధించేందుకు ప్రభుత్వం ప్రత్యేక కార్యాచరణ చేపట్టింది. జిల్లాలోని జిల్లా పరిషత్‌, ప్రభుత్వ ఉన్నత పాఠశాలల్లో టెన్త్‌ విద్యార్థులకు ఈ నెల 2వ తేదీ (సోమవారం) నుంచి ప్రత్యేక అధ్యయన తరగతులు నిర్వహించనున్నారు. 2027 మార్చిలో జరగనున్న వార్షిక పరీక్షలను దృష్టిలో ఉంచుకుని విద్యార్థులను సన్నద్ధం చేసేందుకు 8 రకాల అంశాలతో కూడిన ప్రత్యేక మార్గదర్శకాలను జిల్లా విద్యాశాఖ జారీ చేసింది. కార్యాచరణ ప్రణాళిక ఇలా.. పదో తరగతికి బోధించే ప్రతి సబ్జెక్టు ఉపాధ్యాయుడు డిసెంబర్‌ నెలాఖరుకల్లా సిలబస్‌ను పూర్తి చేయాల్సి ఉంటుంది. జనవరి నుంచి పూర్తిగా రివిజన్‌ తరగతులు నిర్వహించాలి. ఆయా పాఠాల్లోని కీలక అంశాలు, అభ్యసన సామర్థ్యాల వారీగా చర్చలు జరపాలి. వార్షిక పరీక్షల నమూనాలో ప్రత్యేక పరీక్షలు నిర్వహించి, మార్కుల వివరాలను రిజిస్టర్‌లో నమోదు చేయాలి. ఈ తరగతుల నిర్వహణపై ముందుగానే తల్లిదండ్రుల సమావేశం నిర్వహించి వారి అనుమతి తీసుకోవాలి. విద్యార్థుల దత్తత వెనుకబడిన విద్యార్థులను ఉపాధ్యాయులు దత్తత తీసుకుని వారికి వ్యక్తిగత విద్యా మార్గదర్శకత్వం అందించాలి. సమయానికి చదువుకునే అలవాటు పెంపొందించేందుకు ఉదయాన్నే వేకప్‌ కాల్స్‌ చేయాలి. ఫ్రీ ఫైనల్‌ పరీక్షల అనంతరం సమగ్ర పనితీరు విశ్లేషణ జరిపి, తుది పరీక్షల సన్నద్ధతకు స్పష్టమైన వ్యూహాలు రచించాల్సి ఉంటుంది. ఉదయం, సాయంత్రం వేళల్లో.. జిల్లా వ్యాప్తంగా మొత్తం 715 పాఠశాలలు ఉండగా, వాటిలో 175 జిల్లా పరిషత్‌, ప్రభుత్వ ఉన్నత పాఠశాలలు ఉన్నాయి. వీటిలో ప్రస్తుతం 5,248 మంది పదో తరగతి విద్యార్థులు చదువుతున్నారు. నవంబర్‌ నెలాఖరు వరకు సాయంత్రం 4.15 గంటల నుంచి 5.15 గంటల వరకు ప్రత్యేక తరగతులు నిర్వహిస్తారు. అనంతరం డిసెంబర్‌ నుంచి ఉదయం 8 నుంచి 9 గంటల వరకు, సాయంత్రం 4.15 నుంచి 5.15 గంటల వరకు రెండు పూటలా ప్రత్యేక బోధన కొనసాగుతుంది.జిల్లాలో 2026–27 విద్యా సంవత్సరానికి గాను పదో తరగతి వార్షిక పరీక్షల్లో అత్యుత్తమ ఫలితాలు సాధించడమే లక్ష్యంగా ప్రత్యేక ప్రణాళిక రూపొందించాం. అందులో భాగంగా సోమవారం నుంచి ప్రత్యేక తరగతులు ప్రారంభమవుతాయి. 47 రోజుల పాటు సాగే ఈ తరగతుల నిర్వహణ ప్రణాళికను ఇప్పటికే ప్రధానోపాధ్యాయులకు పంపించాం. ప్రస్తుతం సాయంత్రం వేళల్లోనే తరగతులు నడుస్తాయి. – భిక్షపతి, డీఈఓ ఫ విద్యార్థులకు 47 రోజుల పాటు కొనసాగనున్న ప్రత్యేక తరగతులు ఫ సాయంత్రం 4.15 నుంచి 5.15 గంటల వరకు బోధన

యాదగిరిగుట్ట: యాదగిరిగుట్ట పుణ్యక్షేత్రం వేద అధ్యయన కేంద్రంగా ఎదిగేందుకు అపార అవకాశాలు ఉన్నాయని గవర్నర్‌ శివప్రతాప్‌ శుక్లా అన్నారు. యాదగిరి శ్రీలక్ష్మీనరసింహస్వామి వారిని శనివారం గవర్నర్‌ దంపతులు దర్శించుకున్నారు. ఆలయ అర్చకులు వారికి పూర్ణకుంభ స్వాగతం పలికారు. అనంతరం గర్భాలయంలోని స్వయంభూ, ప్రతిష్ఠా అలంకారమూర్తులను దర్శించుకుని ప్రత్యేక పూజలు చేశారు. అనంతరం యాదగిరి దేవస్థానం 2027 నూతన క్యాలెండర్‌ను ఆవిష్కరించారు. యాదగిరి శ్రీలక్ష్మీనరసింహస్వామి వారి దేవస్థానం, తిరుమల తిరుపతి దేవస్థానం సౌజన్యంతో కొండకు దిగువన దీక్షా పరుల మండపంలో జరుగుతున్న 26వ తెలంగాణ వేద విద్వన్మహాసభలో గవర్నర్‌ శివ ప్రతాప్‌ శుక్లా పాల్గొని ప్రసంగించారు. ప్రాచీన భారతీయ జ్ఞాన సంపదకు, ఆధునిక విజ్ఞానానికి మధ్య సార్థకమైన అనుసంధానం అవసరమన్నారు. వేద విద్యా సంస్థలు, విద్వత్‌ సభలు గురుకులాలకు మరింత ప్రోత్సాహం అందించాలని కోరారు. యాగగిరి క్షేత్రం చాలా సుందరంగా ఉందని, ఇతర ప్రదేశాల్లో శ్రీనరసింహస్వామి ఉగ్ర రూపంలో ఉంటారని, కానీ యాదగిరి క్షేత్రంలో లక్ష్మీ సమేతంగా శ్రీస్వామి వారు చాలా శాంతమైన స్వరూపంగా కనిపిస్తున్నారన్నారు. ఈ సారి వర్షపాతం కాస్త తక్కువగా ఉండటంతో ప్రజలంతా నీటిని జాగ్రత్తగా కాపాడుకోవాలని రాష్ట్ర ప్రజలకు సూచించారు. ఐటీ శాఖ మంత్రి దుద్దిళ్ల శ్రీధర్‌బాబు మాట్లాడుతూ.. వేద విద్వన్మహా సభలు నిర్వహిస్తున్న తరుణంలో వేద సభలకు సంబంధించిన పరీక్షలు రాస్తున్న విద్యార్థుల సంఖ్య మెరుగుపర్చాలన్నారు. ప్రభుత్వ విప్‌ బీర్ల ఐలయ్య మాట్లాడుతూ.. వేద విద్య /్ఞానాన్ని, ఏకాగ్రత శక్తిని పెంపొందిస్తుందన్నారు. అంతకుముందు ఋగ్వేదం, సామవేదం, వివిధ వేద పరీక్షల్లో ప్రతిభ కనబరచిన విద్యార్థులకు గవర్నర్‌ మెమొంటో అందజేశారు. ఆయా కార్యక్రమాల్లో జనార్దనా సరస్వతి స్వామి సంస్కృతి ట్రస్ట్‌ చైర్మన్‌ సాయినాథ్‌ శర్మ, గవర్నర్‌ స్పెషల్‌ సీఎస్‌ దాన కిషోర్‌, ధార్మిక సలహాదారు గోవింద్‌ హరి, దేవాదాయ శాఖ కమిషనర్‌ హనుమంతరావు, కలెక్టర్‌ అనురాగ్‌ జయంతి, ఎస్పీ అక్షాంశ్‌ యాదవ్‌, ఽవైటీడీ ధర్మకర్తల మండలి సభ్యులు లక్ష్మీనారాయణ నాయక్‌, దేవస్థానం కార్యనిర్వహణాధికారి భవానీశంకర్‌ పాల్గొన్నారు. ఫ గవర్నర్‌ శివప్రతాప్‌ శుక్లా

సాక్షి, యాదాద్రి : రాష్ట్ర స్థాయి నామినేటెడ్‌ పదవుల కోసం కాంగ్రెస్‌ పార్టీ నాయకులు గాడ్‌ ఫాదర్‌ల చుట్టూ ప్రదక్షిణలు చేస్తున్నారు. అధిష్టానం దీపావళి పండుగ నాటికి భర్తీ చేస్తామని ప్రకటించిన నేపథ్యంలో ఆశావహులు తమ అదృష్టాన్ని పరీక్షించుకునే ప్రయత్నాలు ముమ్మరం చేశారు. పార్టీ అధికారంలోకి వచ్చి మూడేళ్లు కావస్తున్న తరుణంలో తమకు నామినేటెడ్‌ పదవి ఇవ్వాలని కోరుతూ ఢిల్లీ నుంచి హైదరాబాద్‌ వరకు ప్రయత్నాలు సాగిస్తున్నారు. మంత్రి పదవి రేసులో కోమటిరెడ్డి.. మునుగోడు ఎమ్మెల్యే కోమటిరెడ్డి రాజగోపాల్‌రెడ్డి మంత్రి పదవి కోసం తీవ్రంగా ప్రయత్నిస్తున్న విషయం తెలిసిందే. మంత్రివర్గంలో ఖాళీలు భర్తీ చేసే సమయంలో తనకు పదవి ఖాయమన్న నమ్మకంతో ఆయన ఉన్నారు. తనకు తప్పకుండా మంత్రి పదవి వస్తుందని పలుమార్లు ఆయన బహిరంగంగా ప్రకటించిన విషయం తెలిసిందే. కార్పొరేషన్‌ చైర్మన్ల పదవులపై గురి.. భువనగిరి నియోజకవర్గంలో సీనియర్‌ కాంగ్రెస్‌ నాయకులు పోత్నక్‌ ప్రమోద్‌కుమార్‌, బర్రె జహంగీర్‌లు రాష్ట్ర కార్పొరేషన్‌ చైర్మన్‌ పదవి కోసం తీవ్రంగా ప్రయత్నిస్తున్నారు. వీరు ఇటీవల ఢిల్లీకి వెళ్లి ఏఐసీసీ పెద్దలను కలిశారు. సీఎం రేవంత్‌రెడ్డిని సైతం కలిసి సీనియర్లుగా తమకు అవకాశం ఇవ్వాలని కోరారు. అలాగే ఆలేరు నియోజకవర్గానికి చెందిన సీనియర్‌ కాంగ్రెస్‌ నాయకులు అండెం సంజీవరెడ్డి, నీలం పద్మ, జనగాం ఉపేందర్‌రెడ్డి, నకిరేకల్‌కు చెందిన పున్న రామలింగం తదితరులు రాష్ట్ర స్థాయి కార్పొరేషన్‌, డైరెక్టర్‌ పదవుల కోసం ప్రయత్నాలు ముమ్మరం చేశారు. సీఎం రేవంత్‌రెడ్డి, పీసీసీ అధ్యక్షుడు మహేశ్‌కుమార్‌గౌడ్‌, ఇతర ముఖ్య నేతలను కలిసి తమకు అవకాశం ఇవ్వాలని కోరారు. కాగా, కొందరికి అధిష్టానం ఇప్పటికే గ్రీన్‌ సిగ్నల్‌ ఇచ్చినట్లు ప్రచారం జరుగుతుండటంతో తమకు పదవి ఖాయమన్న నమ్మకంతో వారు ఉన్నారు. ఎమ్మెల్యేలపై తీవ్ర ఒత్తిడి.. తమకు నామినేటెడ్‌ పదవుల్లో అవకాశం ఇవ్వాలని కాంగ్రెస్‌ ఎమ్మెల్యేలపై ద్వితీయ శ్రేణి నేతల నుంచి తీవ్ర ఒత్తిడి వస్తోంది. ఇటీవల సహకార సంఘాల పర్సన్‌ ఇన్‌చార్జి పదవుల్లో కొందరికి అవకాశం దక్కింది. ఇప్పటికే మార్కెట్‌ కమిటీల పాలకవర్గాల్లోనూ అవకాశం ఇచ్చారు. అయితే పదవులు వచ్చిన వారు మరోసారి తమకే అవకాశం ఇవ్వాలని ఎమ్మెల్యేలపై ఒత్తిడి తెస్తున్నారు. వారిని కాదనలేక ఎమ్మెల్యేలు సతమతం అవుతున్నారు. మరోవైపు పార్టీలో ఎంతోకాలంగా పనిచేస్తున్న తమకు అవకాశం ఇవ్వాలని కోరుతున్న వారి సంఖ్య ప్రతి నియోజకవర్గంలోనూ రోజురోజుకూ పెరుగుతోంది. ప్రభుత్వం వచ్చి మూడేళ్లు పూర్తయిన నేపథ్యంలో, ఈ లోగా నామినేటెడ్‌ పదవులు ఇస్తే బాగుంటుందని పట్టుబడుతున్నారు. ప్రభుత్వం స్థానికసంస్థల ఎన్నికలను జాప్యం చేస్తుండటంతో క్షేత్రస్థాయిలో పదవులు ఆశిస్తున్న వారికి ఎదురుచూపులు తప్పడం లేదు. పార్టీ కోసం పనిచేసిన సీనియర్లందరికీ తగిన గుర్తింపు దక్కాలని కేడర్‌ కోరుతోంది.జిల్లాలో పలువురు కాంగ్రెస్‌ నాయకులకు దక్కిన రాష్ట్రస్థాయి, జిల్లాస్థాయి, మార్కెట్‌ కమిటీల పదవుల గడువు ముగిసింది. ప్రధానంగా ఆలేరు నియోజకవర్గానికి చెందిన బండ్రు శోభారాణి (రాష్ట్ర మహిళా సహకార అభివృద్ధి సంస్థ చైర్‌పర్సన్‌), తుంగతుర్తి నియోజకవర్గానికి చెందిన ఎస్సీ కార్పొరేషన్‌ చైర్మన్‌ నగరిగారి ప్రీతంల పదవీ కాలం పూర్తి కాగా, వారు రెన్యూవల్‌ కోసం ఎదురు చూస్తున్నారు. అలాగే ఆలేరు, భువనగిరి, వలిగొండ వ్యవసాయ మార్కెట్‌ కమిటీల చైర్మన్ల పదవీ కాలం ముగిసింది. తమ పదవిని రెన్యువల్‌ చేసి మరో అవకాశం ఇవ్వాలని వారు కోరుతుండగా.. వారికి దక్కుతుందో, లేక కొత్త వారికి అవకాశం ఇస్తారా అనేది సస్పెన్స్‌గా మారింది. ఈ పదవుల కోసం కొత్త వారు తీవ్రంగా ప్రయత్నాలు ప్రారంభించారు. నామినేటెడ్‌ పదవుల కోసం ఆశావహుల ఎదురుచూపులు ఫ రెన్యువల్‌ కోసం పాత చైర్మన్ల ముమ్మర ప్రయత్నాలు ఫ ఎమ్మెల్యేలకు తలనొప్పిగా మారిన పదవుల పంపకం

- 8లోపశువులకు జబ్బు చేస్తే వేలాది రూపాయలు వెచ్చించి మందులు కొనలేక రైతులు పడే ఆవేదనను డాక్టర్‌ పెంటయ్య గమనించారు. ఆ ఆలోచనలో నుంచి పుట్టిందే ‘పశు ఔషధ బ్యాంక్‌’. ఇక్కడికి చికిత్స కోసం వచ్చే వారు వైద్యుల సేవలకు మెచ్చి డబ్బులు ఇస్తుండగా.. వాటిని సున్నితంగా తిరస్కరించి, వాటికి బదులు పశువులకు అవసరమైన మందులను విరాళంగా ఇవ్వాలని ఆయన సూచించారు. అలా దాతల సహకారంతో ఔషధ బ్యాంక్‌ను ఏర్పాటు చేశారు. ముందుగా తానే రూ.50 వేల విరాళం అందించారు. ఆయన మిత్రులు, పలువురు దాతలు వివిధ రకాల మందులు, శస్త్రచికిత్స పరికరాలు, రక్త పరీక్ష యంత్రాలను సమకూర్చారు. దాతలను ప్రోత్సహించడానికి వారి పేర్లను వైద్యశాల గోడల మీద రాయించారు. కోదాడ: వృత్తిలో నిబద్ధత.. వైద్యంలో విశిష్టత కలిగిన డాక్టర్‌ పెంటయ్య పశు వైద్యంతోపాటు దాతల సహకారంతో వినూత్నంగా ‘పశు ఔషధ బ్యాంక్‌’ ఏర్పాటు చేసి ఉచితంగా మందులు సైతం పంపిణీ చేస్తున్నారు. ఆదివారం కూడా వైద్యశాలను తెరిచి ఉంచుతూ సేవలు అందిస్తున్నారు. ఇక్కడ జంతువుల చికిత్స కోసం వచ్చేవారు రెండు మూడు గంటలు వేచి ఉండాల్సిందే. పశువులకు 24/7 సేవలందించమే తమ లక్ష్యమని అంటున్నాడు వైద్యుడు పెంటయ్య. ప్రభుత్వ వైద్యుడు చిత్తశుద్ధితో వృత్తికి అంకితమై.. సేవే జీవితంగా పనిచేస్తే సామాన్యులకు ఎంత ప్రయోజనం చేకూరుతుందో చెప్పడానికి ఈ డాక్టర్‌ ఒక మంచి ఉదాహరణ. కోదాడ పట్టణంలోని ప్రాంతీయ పశువైద్యశాలలో అసిస్టెంట్‌ డైరెక్టర్‌(ఏడీ)గా పనిచేస్తున్న పెంటయ్య అందిస్తున్న సేవలకు మంచి గుర్తింపు వచ్చింది. పశువులకు, పెంపుడు జంతువులకు క్లిష్టమైన శస్త్రచికిత్సలు చేస్తున్నారు. కాళ్లు విరిగిన, ప్రమాదంలో గాయపడి వెన్నెముక విరిగిన జంతువులకు ఆయన ప్రత్యేక శస్త్రచికిత్సలు చేస్తాడు. ప్రాణాపాయస్థితిలో ఉన్న జంతువులకు చికిత్స అందించి వాటి ప్రాణాలు కాపాడుతున్నారు. మహబూబ్‌నగర్‌కు చెందిన పలువురు కాపరులు సైతం తమ గొర్రెలను చికిత్స కోసం కోదాడకు తీసుకురావడం విశేషం. నిత్యం 70 నుంచి 80 పశువులకు ఇక్కడ చికిత్స అందిస్తున్నారు. హైదరాబాద్‌, విజయవాడ, ఖమ్మం నుంచి సైతం పశువులు, పిల్లులు, కుక్కలను చికిత్స కోసం ఇక్కడకు తీసుకొస్తుంటారు. పశువైద్యుడిగా మూగ జీవాలకు చికిత్స చేయడం ఎంతో సంతృప్తినిస్తోంది. అన్నదాతలకు చేతనైనంతలో సేవ చేస్తున్నాను. కోదాడ పశువైద్యశాలలో ఏర్పాటు చేసిన పశు ఔషధ బ్యాంక్‌కు దాతల సహకారం మరువలేనిది. దాతలు డబ్బు రూపంలో కాకుండా వైద్యశాలకు అవసరమైన మందులను అందిస్తే, పేద రైతులకు మరింత మేలు జరుగుతుంది. – డాక్టర్‌ పెంటయ్య, ఏడీ, ప్రాంతీయ పశువైద్యశాల, కోదాడ పశువుల పాలిట దైవం.. డాక్టర్‌ పెంటయ్య ఫ క్లిష్టమైన శస్త్రచికిత్సలు కూడా చేస్తున్న పశువైద్యుడు ఫ దాతల సహకారంతో ‘పశు ఔషధ బ్యాంక్‌’ ఏర్పాటు ఫ రైతులకు ఉచితంగా మందుల పంపిణీ ఫ పశు చికిత్స కోసం తెలుగు రాష్ట్రాల నుంచి నిత్యం 80 మంది వరకు రైతులు రాక

పంట కోత సాధారణంగా పూత దశ నుంచి 30–40 రోజులకు పెసర పరిపక్వతకు చేరుకుంటుంది. కాయలు పసుపు రంగుకు, ఆ తర్వాత నలుపు రంగుకు మారతాయి. ఆకులు పసుపు వర్ణం దాల్చి నిదానంగా ఎండిపోతాయి. 80 శాతం కాయలు ఎండిన దశలో పంటను కోసినచో అత్యధిక నాణ్యత కలిగి ఉంటుంది. పంట దిగుబడి : ఐదు నుంచి ఆరు క్వింటాళ్ల వరకు దిగుబడి వస్తుంది.నడిగూడెం : నీటి సౌకర్యం ఉన్న రైతులు బోర్లు, బావుల కింద వరికి బదులుగా పెసర సాగు చేసుకోవడానికి ఇది అత్యంత అనువైన సమయమని, తక్కువ పెట్టుబడితో అధిక దిగుబడితో పాటు మంచి ఆదాయం పొందవచ్చని నడిగూడెం మండల వ్యవసాయాధికారి గోలి మల్సూర్‌ తెలిపారు. యాసంగి పెసర సాగుకు సంబంధించి రైతులు పాటించాల్సిన మెళకువలను ఆయన వివరించారు. నేలలు.. తేమను పట్టి ఉంచే అన్ని రకాల భూముల్లో పెసర సాగు చేయొచ్చు. అయితే చౌడు నేలలు, మురుగు నీరు నిలిచే భూములు మాత్రం దీనికి పనికిరావు. రబీకి అనువైన విత్తన రకాలు.. ఎంజీజీ–295, డబ్ల్యూజీజీ–37 (ఏకశిల), టీఎం–96–2, ఎంజీజీ–348 (భద్రాద్రి), ఎంజీజీ–347 (మధిర పెసర), ఎంజీజీ–351 (శ్రీరామ), డబ్ల్యూజీజీ–42 (యాదాద్రి) తదితర రకాలను సాగు చేసుకోవచ్చు. ఈ రకాల పంట కాలం 58 నుండి 75 రోజులు ఉంటుంది. ఎకరానికి 6 నుంచి 8 కిలోల విత్తనాలు సరిపోతాయి. విత్తన శుద్ధి ఇలా.. కిలో విత్తనానికి 5 గ్రాముల ఇమిడాక్లోప్రిడ్‌ లేదా 5 గ్రాముల థయోమెథాక్సామ్‌ లేదా 5 మి.లీ. మోనోక్రోటోఫాస్‌ కలిపి విత్తనశుద్ధి చేస్తే 15–20 రోజుల వరకు రసం పీల్చే పురుగుల నుండి రక్షించుకోవచ్చు. మొదటిసారి పొలంలో సాగు చేస్తున్నప్పుడు 200 గ్రాముల రైజోబియం కల్చర్‌ను ఎకరం విత్తనాలకు పట్టించి నీడలో ఆరబెట్టి విత్తుకోవాలి. ముందుగా శిలీంద్రనాశకంతో, ఆ తర్వాత రైజోబియంతో శుద్ధి చేయాలి. విత్తే దూరం సాల్ల పద్ధతిలో ఆరుతడి పంటగా విత్తుకున్నప్పుడు వరుసల మధ్య 30 సెం.మీ., మొక్కల మధ్య 10 సెం.మీ. దూరం ఉండేలా చూసుకోవాలి. కల్టివేటర్‌ లేదా గొర్రుతో మెత్తగా దున్ని చదును చేసి విత్తుకోవాలి. యాంత్రికంగా ట్రాక్టర్‌ కల్టివేటర్‌ లేదా సీడ్‌ డ్రిల్‌ ద్వారా బొదె కాలువల పద్ధతిలో కూడా విత్తుకోవచ్చు. ఎరువుల యాజమాన్యం సేంద్రియ ఎరువులు: చివరి దుక్కిలో ఎకారానికి రెండు టన్నుల పశువుల ఎరువు వేసుకోవాలి. ముందు గత పంట మోళ్లను రోటోవేటర్‌తో భూమిలో కలియదున్నాలి. రసాయన ఎరువులు : ఎకరానికి 8 కిలోల నత్రజని, 20 కిలోల భాస్వరంనిచ్చే ఎరువులను ఆఖరి దుక్కిలో వేసుకోవాలి. అనగా 18 కిలోల యూరియా 125 కిలోల సింగిల్‌ సూపర్‌ పాస్పేట్‌ లేదా 50 కిలోల డిఏపీని వాడాలి. వరి తర్వాత మాగాణిలో విత్తుకున్నప్పుడు ఎరువులు వేయడం వీలు పడదు. అవసరం మేరకు పోషకాలను పైపాటుగా పిచికారీ చేయాలి. భూసార పరీక్షల ఆధారంగా సిఫార్సు మేరకు రసాయన ఎరువులు వేయాలి. కీలక దశలు : పూత, కాత తయారయ్యే దశలో పంట బెట్టకు గురికాకుండా చూడాలి. బెట్ట పరిస్థితులలో 2 శాతం (20 గ్రాముల లీటరు నీటికి) యూరియా ద్రావణాన్ని అవసరాన్ని బట్టి 2 లేదా 3 సార్లు పిచికారీ చేయాలి. నడిగూడెం వ్యవసాయాధికారి గోలి మల్సూర్‌ సూచనలు

చిట్యాల: వర్షానికి తడిచిన ధాన్యానికి ప్రభుత్వం మద్దతు ధరను చెల్లించి వెంటనే కొనుగోలు చేయాలని నకిరేకల్‌ మాజీ ఎమ్మెల్యే చిరుమర్తి లింగయ్య డిమాండ్‌ చేశారు. చిట్యాలలోని ధాన్యం కొనుగోలు కేంద్రంలో శుక్రవారం రాత్రి కురిసిన వర్షానికి తడిచిన ధాన్యాన్ని శనివారం ఆయన బీఆర్‌ఎస్‌ నాయకులతో కలిసి పరిశీలించారు. ఈ సందర్భంగా రైతులతో మాట్లాడారు. అనంతరం ఆయన మాట్లాడుతూ.. అధికారుల నిర్లక్ష్యంతోనే కొనుగోలు కేంద్రాలలో రైతులు ఆరబోసిన ధాన్యం వర్షానికి తడిసిందని ఆరోపించారు. రైతులు ధాన్యాన్ని కొనుగోలు కేంద్రాలకు తీసుకొచ్చి ఇరవై రోజులు దాడినప్పటికీ కొనుగోళ్లు సకాలంలో ప్రారంభించక, ప్రారంభించిన కేంద్రాలలో జాప్యం చేయడం వల్లనే వర్షాలకు రైతుల పంట నష్టం జరిగిందన్నారు. బీఆర్‌ఎస్‌ ప్రభుత్వ హయాంలో ధాన్యం కొనుగోలులో ముందస్తు ప్రణాళికతో వ్యవహరించడంతో రైతులకు ఇబ్బందులు లేకుండా పోయిందన్నారు. రైతుల సమస్యలను పట్టించుకోవడంలో రాష్ట్ర ప్రభుత్వం నిర్లక్ష్యంగా వ్యవహిస్తుందని ఆరోపించారు. వర్షాలకు పంట నష్టం జరిగినప్పటికీ అధికారులు మాత్రం పట్టించుకోవడం లేదని, కొనుగోలు కేంద్రాలను సందర్శించడం లేదని అన్నారు. ఈ కార్యక్రమంలో ఏఎంసీ మాజీ చైర్మన్‌ జడల ఆదిమల్లయ్య, పీఏసీఎస్‌ వైస్‌ చైర్మన్‌ మెండె సైదులు, మున్సిపల్‌ మాజీ చైర్మన్‌ కూరెళ్ళ లింగస్వామి, కౌన్సిలర్లు షబానా అజీమోద్దీన్‌, నాయకులు జమాండ్ల శ్రీనువాస్‌రెడ్డి, జిట్ట బొందయ్య, బొబ్బల శివశంకర్‌రెడ్డి, ఆగు అశోక్‌, రుద్రవరం యాదయ్య తదితరులు పాల్గొన్నారు. నకిరేకల్‌ మాజీ ఎమ్మెల్యే చిరుమర్తి లింగయ్య

పశువైద్యుడిగా పెంటయ్య అందిస్తున్న సేవలకుగాను 18 అవార్డులు దక్కించుకున్నారు. వీటిలో ఒకటి జాతీయస్థాయి అవార్డు కాగా, నాలుగు రాష్ట్రస్థాయి, 13 జిల్లా స్థాయి అవార్డులు ఉన్నాయి. 2018లో ఆయన జాతీయ ఉత్తమ పశువైద్యుడి అవార్డు దక్కించుకున్నారు. ప్రస్తుతం పశువులను మేత కోసం బయటకు తీసుకెళ్లకపోవడం వల్ల వాటిలో మినరల్స్‌ లోపం ఏర్పడి పాల దిగుబడి తగ్గుతోంది. దీన్ని గమనించిన డాక్టర్‌ పెంటయ్య.. రైతులకు తక్కువ ఖర్చుతో కాల్షియం, మినరల్స్‌తో కూడిన పోషకాహారం అందించాలని సంకల్పించారు. బహిరంగ మార్కెట్‌లో కిలో రూ.1,250 వరకు ఉండే ఈ మిశ్రమాన్ని.. హైదరాబాద్‌లోని ఓ వర్సిటీతో మాట్లాడి కేవలం రూ.250కే కోదాడకు తెప్పించి పంపిణీ చేస్తున్నారు. దాతల విరాళాలు, ప్రభుత్వ రివాల్వింగ్‌ ఫండ్‌తో దీన్ని విజయవంతంగా అమలు చేస్తున్నారు. ఈ పోషకాహారంతో ఈనిన మూడు నెలలకే గేదెలు మళ్లీ చూడికి వస్తుండడంతో రైతులకు మేలు జరుగుతోంది.మాట్లాడుతున్న జస్టిస్‌ చంద్రకుమార్‌, చిత్రంలో శ్రీనివాసరావు, జడ్జి మాధవిలత, కొల్లు సత్యనారయణ, మామిడి వెంకట్‌రెడ్డి తదితరులు భువనగిరిటౌన్‌ : మున్సిపాలిటీల్లోని మహిళా స్వయం సహాయక సంఘాల సమగ్ర వివరాలు త్వరలోనే డిజిటల్‌ బాట పట్టనున్నాయి. మహిళా సంఘాల్లో నిధుల గోల్‌మాల్‌కు అడ్డుకట్ట వేసి సంక్షేమ పథకాలను నేరుగా అర్హులకు చేర్చేందుకు ప్రభుత్వం ప్రవేశపెట్టిన ‘లఖ్‌పతి దీదీ’ పథకంలో భాగంగా ఈ ప్రక్రియ వేగవంతమైంది. ఇప్పటికే గ్రామీణాభివృద్ధి శాఖ ఆధ్వర్యంలో గ్రామీణ డ్వాక్రా సంఘాల వివరాలను ప్రత్యేక ‘లోకోస్‌’ యాప్‌లో నమోదు చేస్తుండగా.. అదే తరహా పారదర్శక విధానాన్ని మున్సిపాలిటీల్లోని పట్టణ పేదరిక నిర్మూలన సంస్థ (మెప్మా) పరిధిలోని సంఘాలకూ వర్తింపజేసేందుకు అధికారులు అన్ని ఏర్పాట్లు పూర్తి చేశారు. క్షేత్రస్థాయిలో ఉన్న సంఘాలు, సభ్యుల పేర్లు, బ్యాంకు రుణాలు, వాటితో నిర్వహిస్తున్న వ్యాపారాలు, నెలవారీగా వస్తున్న రాబడి వంటి సమగ్ర వివరాలను సేకరించేందుకు రిసోర్స్‌ పర్సన్లకు ప్రొఫార్మా అందించారు. 32,937 మంది సభ్యులు జిల్లా పరిధిలోని ఆరు మున్సిపాలిటీల్లో పట్టణ పేదరిక నిర్మూలన సంస్థ కింద మొత్తం 32,937 మంది మహిళా సభ్యులు కొనసాగుతున్నారు. వీటి పరిధిలో 114 ఏరియా లెవల్‌ సమాఖ్యలు, 100 మంది రిసోర్స్‌ పర్సన్లు, 3,342 స్వయం సహాయక సంఘాలు ఉన్నాయి. భువనగిరి మున్సిపాలిటీలో అత్యధికంగా 1,221 సంఘాల్లో 12,122 మంది సభ్యులు ఉండగా, అత్యల్పంగా మోత్కూరు మున్సిపాలిటీలో 351 సంఘాల్లో 3,415 మంది సభ్యులు ఉన్నారు. ఈ సంఘాల వివరాలన్నీ లోకోస్‌ యాప్‌లో చేరనుండటంతో పట్టణ ప్రాంతాల్లోని మహిళా సంఘాల ఆర్థిక లావాదేవీలు మరింత పారదర్శకంగా మారనున్నాయి.

యాదగిరిగుట్ట: యాదగిరి శ్రీలక్ష్మీనరసింహస్వామి వారి ఆలయ సన్నిధిలో నిర్వహిస్తున్న వేద విద్వన్మహాసభల్లో భాగంగా శనివారం సుమారు 800 మంది వేద పండితులు, వేద విద్యార్థులు వేద మంత్రోచ్ఛారణలతో గిరి ప్రదక్షిణ చేశారు. వేద సంప్రదాయాలు, ఆధ్యాత్మిక విలువల పరిరక్షణతో పాటు భక్తులలో ధార్మిక చైతన్యాన్ని పెంపొందించే లక్ష్యంతో ఈ కార్యక్రమం నిర్వహించారు. యాదగిరి క్షేత్రంలో విశేష పూజలు యాదగిరిగుట్ట: యాదగిరి శ్రీలక్ష్మీనరసింహస్వామి వారి ఆలయంలో సంప్రదాయ పూజలు కొనసాగాయి. శనివారం వేకుజామున సుప్రభాత సేవ నిర్వహించారు. అనంతరం గర్భాలయంలోని స్వయంభూ, ప్రతిష్ఠా అలంకారమూర్తులకు నిజాభిషేకం, సహస్రనామార్చన, కుంకుమార్చన వంటి పూజలను జరిపించారు. ఇక ముఖ మండపంలోని ఉత్సవమూర్తులకు అష్టోత్తరం, సువర్ణ పుష్పార్చన పూజలను చేపట్టారు. ప్రథమ ప్రాకార మండపంలో శ్రీసుదర్శన నారసింహ హోమం, గజవాహన సేవ, నిత్య కల్యాణం, బ్రహ్మోత్సవం వంటి పూజలు నిర్వహించారు. సాయంత్రం వేళ ఆలయ తిరు, మాఢ వీధుల్లో జోడు సేవను ఊరేగించారు. రాత్రి శ్రీస్వామి అమ్మవార్లకు శయనోత్సవ సేవ నిర్వహించి ఆలయాన్ని ద్వార బంధనం చేశారు.

రన్నింగ్‌కు కేరాఫ్‌గా గ్రామ యువత పారుపల్లి గ్రామంలోని 22 నుంచి 39 ఏళ్ల లోపు యువకులు కొందరు ఉద్యోగాలు, మరికొందరు వ్యాపారాల్లో స్థిరపడ్డారు. వీరంతా ఫిట్‌నెస్‌ కోసం మొదట10 మందితో రన్నింగ్‌ ప్రారంభించారు. ఫ వంద మందితో యాదాద్రి రన్నింగ్‌ క్లబ్‌ ఏర్పాటు ఫ చందాలు వేసుకుని ఈవెంట్లకు హాజరు ఫ వ్యసనాల నుంచి యువతను కాపాడటమే లక్ష్యం క్రమంగా సభ్యుల సంఖ్య 100కు చేరింది. వారంతా కలిసి యాదాద్రి భువనగిరి రన్నింగ్‌ క్లబ్‌గా ఏర్పడ్డారు. హైదరాబాద్‌ గచ్చిబౌలిలో నిర్వహించిన ఇంటర్నేషనల్‌ మారథాన్‌ (42.1 కి.మీ)లో పారుపల్లికి చెందిన కాలె వినయ్‌, మోటె రాజు పాల్గొని సత్తా చాటారు. తెలంగాణ రన్నర్స్‌ నిర్వహించే హాఫ్‌ మారథాన్‌లోనూ పాల్గొంటున్నారు. అంతేకాకుండా హైదరాబాద్‌లో వివిధ రంగాల్లో ఉన్న గ్రామ యువకులంతా కలిసి ప్రతి ఆదివారం క్రికెట్‌ ఆడుతూ యువతను వ్యాయామం వైపు మళ్లిస్తున్నారు. రాజాపేట : ఉరుకుల పరుగుల జీవితంలో నేటి యువత ఒత్తిడితో వ్యసనాల బారిన పడుతుంటే.. ఆ పల్లె యువకులు మాత్రం ఆరోగ్యమే లక్ష్యంగా పరుగులు తీస్తున్నారు. రాజాపేట మండలంలోని పారుపల్లికి చెందిన యువకులు శారీరక దారుఢ్యం, మానసిక ఉల్లాసం కోసం రన్నింగ్‌ను ఎంచుకున్నారు. 2కే రన్‌ నుంచి 42.1 కిలో మీటర్ల మారథాన్‌లో పాల్గొని తమకంటూ ప్రత్యేక గుర్తింపు తెచ్చుకుంటున్నారు. యువతను డ్రగ్స్‌, సెల్‌ఫోన్లకు దూరంగా ఉంచేందుకు సొంత ఖర్చులతో రన్నింగ్‌ ఈవెంట్లు నిర్వహిస్తున్నారు. వివిధ ప్రాంతాల్లో ఈవెంట్లలో పాల్గొనేందుకు గ్రూపులోని ప్రతి సభ్యుడు నెలకు రూ.200 చొప్పున చందా వేసుకుంటారు. ఆ డబ్బులతోనే ఈవెంట్లకు వెళ్లి వస్తారు. డ్రగ్స్‌, స్మార్ట్‌ఫోన్‌కు యువత బానిసలవ్వకుండా వారిని సరైన దారిలో పెట్టేందుకు పారుపల్లి, బొందుగుల గ్రామాల్లో 5కే రన్నింగ్‌ ఈవెంట్‌ ఏర్పాటు చేశారు. ఇందులో 150 మంది పాల్గొనగా.. వారికి డ్రగ్స్‌ వలన కలిగే నష్టాలను వివరిస్తూ చైతన్యపరుస్తున్నారు. త్వరలో మండల వ్యాప్తంగా ఇలాంటి కార్యక్రమాలు నిర్వహించేందుకు సంసిద్ధమవుతున్నారు. పారుపల్లిలో 5కే రన్‌లో పాల్గొన్న యువకులుఫ ఈ ఏడాది ఫిబ్రవరిలో నిర్వహించిన యాదాద్రి టెంపుల్‌ రన్‌(5కే, 10కే, 21.2 కి.మీ)లో పాల్గొన్నారు. ఫ మార్చిలో నిర్వహించిన రాచకొండ ఆరోగ్య రన్‌ (5కే, 10కే)లోనూ పాల్గొన్నారు. ఫ జూన్‌ 7న తెలంగాణ రన్నింగ్‌ ఈవెంట్‌లో 5కే, 10కే, 21.2కే పరుగు పందెంలో పాల్గొన్నారు. ఫ ఈ ఏడాది ఆగస్టు 30న హైదరాబాద్‌లోని గచ్చిబౌలిలో ఎన్‌ఎండీసీ ఆధ్వర్యంలో నిర్వహించిన ఇంటర్నేషనల్‌ మారథాన్‌(42.1 కి.మీ.)లో పాల్గొన్నారు. ఫ అక్టోబర్‌ నెలలో వికారాబాద్‌లో నిర్వహించిన హిల్స్‌ 5కే, 10కే, 16కే, 32కే రన్‌లో పాల్గొన్నారు. ఫ డిసెంబర్‌లో భద్రాద్రి కొత్తగూడెం జిల్లాలో జరగనున్న గోదావరి మారథాన్‌లో పాల్గొనేందుకు సన్నద్ధమవుతున్నారు.

ఫ హైకోర్టు రిటైర్డ్‌ న్యాయమూర్తి జస్టిస్‌ చంద్రకుమార్‌ భువనగిరి: రాజ్యాంగ పరిరక్షణలో న్యాయవాదుల పాత్ర కీలకంగా ఉంటుందని హైకోర్టు రిటైర్డ్‌ న్యాయమూర్తి జస్టిస్‌ చంద్రకుమార్‌ అన్నారు. భువనగిరి పట్టణంలోని న్యూ వివేరా హోటల్‌లో నిర్వహించిన ఆల్‌ ఇండియా లాయర్స్‌ యూనియన్‌(ఐలు) జిల్లా రెండవ మహాసభలకు ఆయన ముఖ్య అతిథిగా హాజరై మాట్లాడారు. రాజ్యాంగం కల్పించిన ప్రాథమిక హక్కులను కాపాడటం న్యాయవాదుల బాధ్యత అని అన్నారు. ఐలు రాష్ట్ర అద్యక్షుడు కొత్త సత్యనారాయణ మాట్లాడుతూ.. న్యాయవాదులు ఎదుర్కొంటున్న సమస్యల పరిష్కారం కోసం ఐక్య ఉద్యమానికి సిద్ధం కావాలన్నారు. ఐలు జిల్లా అధ్యక్షుడు బొల్లేపల్లి కుమార్‌ అధ్యక్షతన నిర్వహించిన సమావేశంలో తెలంగాణ బార్‌ కౌన్సిల్‌ సభ్యుడు మందాడపు శ్రీనివాస్‌రావు, జడ్జి మాధవిలత, ఐలు జిల్లా ప్రధాన కార్యదర్శి మామిడి వెంకట్‌రెడ్డి, విద్యాసాగర్‌, కుక్కదువ్వు సోమ య్య, రవీందర్‌రెడ్డి, హనుమంతు, మోహన్‌, నేహల్‌, కిషన్‌, ఐలయ్య పాల్గొన్నారు.

భువనగిరి: సైబర్‌ నేరాలపై అప్రమత్తంగా ఉండాలని ఎస్పీ అక్షాంశ్‌యాదవ్‌ అన్నారు. పోలీస్‌ అమరవీరుల సంస్మరణ వారోత్సవాల ముగింపు సందర్భంగా భువనగిరిలో శనివారం జిల్లా పోలీస్‌ శాఖ ఆధ్వర్యంలో స్థానిక భారత్‌ పెట్రోల్‌ బంక్‌ నుంచి వినాయక చౌరస్తా వరకు సైబర్‌ సెక్యూరిటీ ఫ్లాష్‌ వాక్‌ నిర్వహించారు. కార్యక్రమంలో డీఎస్పీ రవీందర్‌, సీఐలు వెంకటేశ్వర్లు, చంద్రబాబు, సూర్యనాయక్‌, ఎస్సైలు అనిల్‌కుమార్‌, లక్ష్మీనర్సయ్య పోలీస్‌ సిబ్బంది పాల్గొన్నారు. ఉపాధ్యాయులు వృత్తి నైపుణ్యాన్ని పెంచుకోవాలి భువనగిరి: ఉపాధ్యాయులు వృత్తి నైపుణ్యాన్ని నిరంతరం పెంచుకోవాలని డీఈఓ భిక్షపతి అన్నారు. మోడల్‌, కేజీబీవీ పాఠశాలల విద్యార్థులకు జాతీయ స్థాయి నీట్‌, జేఈఈ పరీక్షలకు సన్నద్ధం చేసేందుకు భువనగిరి పట్టణంలోని ప్రభుత్వ ఉన్నత పాఠశాలలో ఉపాధ్యాయులకు నిర్వహించిన శిక్షణ శనివారం ముగిసింది. ఈ సందర్భంగా ఏర్పాటు చేసిన కార్యక్రమంలో డీఈఓ మాట్లాడుతూ.. శిక్షణ పొందిన ఉపాధ్యాయులు.. విద్యార్థులను జాతీయ స్థాయి పోటీలకు సిద్ధం చేయాల్సిన అవసరం ఉందన్నారు. అనంతరం ప్రముఖ విద్యా సంస్థ డెల్టా అకాడమీ ఛీప్‌ డైరెక్టర్‌ శ్రీకాంత్‌ విద్యార్థులకు జాతీయ స్థాయి పోటీ పరీక్షలపై అవగాహన కల్పించారు. కార్యక్రమంలో ప్లానింగ్‌ కో ఆర్డినేటర్‌ శ్రీ హరి అయ్యంగార్‌, రిసోర్స్‌ పర్సన్స్‌ శ్రీనయ్య, జితేందర్‌రెడ్డి, మూర్తి, ఈశ్వర్‌రావు, శ్రీధర్‌రావు, శివప్రసాద్‌ తదితరులు పాల్గొన్నారు. ఢిల్లీకి తరలిన కాంగ్రెస్‌ శ్రేణులు భువనగిరి: ఢిల్లీలో ఆదివారం నిర్వహించనున్న ఓట్‌ బచావో– దేశ్‌ బచావో కార్యక్రమంలో పాల్గొనేందుకు లోక్‌సభ ప్రతిపక్షనేత రాహుల్‌ గాంధీ ఇచ్చిన పిలుపుమేరకు శనివారం భువనగిరి నుంచి ఎమ్మెల్యే కుంభం అనిల్‌కుమార్‌రెడ్డితో పాటు కాంగ్రెస్‌ పార్టీకి చెందిన నాయకులు తరలివెళ్లారు. వారిలో ప్రోత్నక్‌ ప్రమోద్‌కుమార్‌, బర్రె జహంగీర్‌, జీలుగు సతీస్‌పవన్‌కుమార్‌, ఫక్కీర్‌ కొండల్‌రెడ్డి, ప్రదీప్‌, బాబురావు, శ్రీకాంత్‌, చుక్క స్వామి తదితరులున్నారు. విజ్ఞాన్స్‌ వర్సిటీకి ప్రతిష్టాత్మక అవార్డులుభూదాన్‌పోచంపల్లి: హైదరాబాద్‌లోని ఎన్‌జీఆర్‌ఐలో శుక్రవారం నిర్వహించిన ఏఎస్‌టీసీ వార్షిక సదస్సు–2026లో దేశ్‌ముఖి విజ్ఞాన్స్‌ వర్సిటీకి రెండు జాతీయ పురస్కారాలు దక్కాయి. నాణ్యమైన విద్య, పరిశోధనలను ప్రోత్సహిస్తూ.. సైన్స్‌ అండ్‌ టెక్నాలజీ అభివృద్ధికి కృషి చేస్తున్నందుకుగానూ వర్సిటీ ఛాన్స్‌లర్‌ పావులూరి సుబ్బారావు ‘లైఫ్‌టైమ్‌ అచీవ్‌మెంట్‌ అవార్డు’ను, సీఈఓ డాక్టర్‌ కూరపాటి మేఘన ‘ఎక్స్‌లెంట్‌ అకడమీషియన్‌ అవార్డు’ను అందుకున్నారు. కేంద్ర భూ విజ్ఞాన మంత్రిత్వశాఖ కార్యదర్శి డాక్టర్‌ తుమ్మల శ్రీనివాస్‌కుమార్‌ చేతుల మీదుగా వీరు ఈ అవార్డులు స్వీకరించారు. వర్సిటీకి ఒకేసారి రెండు పురస్కారాలు దక్కడం పట్ల వీసీ ప్రొఫెసర్‌ కేవీ కృష్ణకిషోర్‌, రిజిస్ట్రార్‌, ఇతర అధ్యాపక బృందం హర్షం వ్యక్తం చేశారు.

ప్రాజెక్టుల విషయంలో నల్లగొండకు తీవ్ర నష్టం కలిగిస్తున్నారని ఎమ్మెల్సీ నెల్లికంటి సత్యం ఆరోపించారు. - 8లోవృత్తిపై అంకితభావం, దాతృత్వం తోడైతే సమాజానికి ఎంత మేలు జరుగుతుందో కోదాడకు చెందిన పశువైద్యుడు పెంటయ్య నిరూపిస్తున్నారు. ప్రాణాపాయస్ధితిలో ఉన్న ఏ జంతువునైనా ఆయన దగ్గరకు చికిత్స కోసం తీసుకువస్తే దానికి పునర్జన్మ లభించినట్లే. కనీస వసతులు లేకున్నా క్లిష్టమైన శస్త్రచికిత్సలను చేస్తూ మూగజీవాలకు ప్రాణం పోస్తూ మందులు సైతం ఉచితంగా అందిస్తున్నాడు. రాష్ట్రం నలుమూలల నుండే కాకుండా ఆంధ్రప్రదేశ్‌ నుంచి కూడా తమ జంతువుల చికిత్స కోసం కోదాడకు వస్తున్నారు. కుక్కలకు శస్త్రచికిత్స చేస్తున్న డాక్టర్‌ పెంటయ్య

● 150 కేజీల గంజాయి స్వాధీనం కోదాడ: ఒడిశా నుంచి కర్ణాటక రాష్ట్ర రాజధాని బెంగళూరుకు కారులో గంజాయి తరలిస్తున్న ఇద్దరు వ్యక్తులను రాష్ట్ర ఈగల్‌ఫోర్స్‌, కోదాడ పట్టణ పోలీసులు శనివారం కోదాడ బైపాస్‌ రోడ్డులో పట్టుకున్నారు. నిందితుల నుంచి 150 కేజీల(62 ప్యాకెట్లు) గంజాయితో పాటు కారును స్వాధీనం చేసుకున్నారు. కర్ణాటకకు చెందిన సెల్వ సూర్య, రాజగౌండర్‌ మురుగన్‌ ఒడిశాలో రాజు అనే వ్యక్తి వద్ద గంజాయి తీసుకొని కారులో బెంగళూరుకు తరలిస్తుండగా పట్టుకున్నట్లు పోలీసులు తెలిపారు. ఆ గంజాయిని బెంగళూరులో గుర్తుతెలియని వ్యక్తులు తీసుకొని తమకు రూ.20 వేలు ఇస్తామని చెప్పారని నిందితులు ఒప్పుకున్నారని, దీనిపై పూర్తిస్థాయి విచారణ జరిపి అసలు నిందితులను పట్టుకుంటామని పోలీసులు తెలిపారు. పిడుగుపాటుతో గొర్రెల కాపరి మృతిపెన్‌పహాడ్‌ : పిడుగుపాటుకు గురై గొర్రెల కాపరి మృతిచెందాడు. ఈ ఘటన పెన్‌పహాడ్‌ మండలం మాచారం గ్రామంలో శుక్రవారం రాత్రి జరిగింది. హెడ్‌కానిస్టేబుల్‌ సుధాకర్‌ తెలిపిన వివరాల ప్రకారం.. మాచారం గ్రామానికి చెందిన దూబని నాగరాజు(31) శుక్రవారం రాత్రి గ్రామ శివారులోని రాయి చెరువు వద్ద గొర్రెలకు కాపలాగా వెళ్లాడు. రాత్రి కురిసిన వర్షానికి సమీపంలో పిడుగు పడటంతో నాగరాజు అక్కడికక్కడే మృతిచెందాడు. పిడుగు శబ్ధానికి గొర్రె మంద చెల్లాచెదురుగా వెళ్లాయి. మృతుడి భార్య సంధ్య ఇచ్చిన ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు హెడ్‌కానిస్టేబుల్‌ తెలిపారు. హత్యాయత్నం కేసులో నిందితుడి రిమాండ్‌భూదాన్‌పోచంపల్లి: పోచంపల్లి పట్టణంలోని ప్రకాశ్‌నగర్‌కు చెందిన కాంగ్రెస్‌ నాయకుడు జోగు శ్రీనివాస్‌పై దాడి చేసిన జినుకల జయసూర్యను శనివారం అరెస్ట్‌ చేసి రిమాండ్‌కు తరలించినట్లు ఎస్‌ఐ జగన్‌ తెలిపారు. ఈ నెల 27న ఇందిరమ్మ ఇళ్ల విషయమై జినుకల జయసూర్య 9వ వార్డు వాట్సప్‌ గ్రూపులో పోస్ట్‌ చేశాడు. ఈ పోస్ట్‌ విషయమై జోగు శ్రీనివాస్‌, జినుకల జయసూర్య మధ్య వాగ్వాదం జరిగింది. దీంతో జయసూర్య ఆవేశంతో జోగు శ్రీనివాస్‌పై దాడి చేసి అతడి తలను సీసీ రోడ్డుకు బాదడంతో తీవ్ర గాయమై కోమాలోకి వెళ్లాడు. జోగు శ్రీనివాస్‌ కుటుంబ సభ్యుల ఫిర్యాదు మేరకు జయసూర్యపై హత్యాయత్నం కింద కేసు నమోదు చేసిన పోలీసులు అతడిని అరెస్ట్‌ చేసి మెజిస్ట్రేట్‌ ముందు హాజరుపర్చి నల్లగొండ జైలుకు తరలించినట్లు ఎస్‌ఐ పేర్కొన్నారు. మత్స్యకారులకు ముగిసిన శిక్షణకూసుమంచి : ఖమ్మం జిల్లా కూసుమంచి మండలం పాలేరులోని మత్స్య పరిశోధనా కేంద్రంలో మత్స్య రైతులు, మత్స్యకారులకు దేశవాళీ తెల్లచేపల పెంపకంపై ఇస్తున్న మూడు రోజుల శిక్షణ శనివారంతో ముగిసింది. ఈ శిక్షణలో ఖమ్మం, ఆసిఫాబాద్‌, నల్లగొండ, సూర్యాపేట, ఆదిలాబాద్‌ జిల్లాల మత్స్య రైతులు పాల్గొనగా.. ఏపీ మత్స్య విశ్వవిద్యాలయం ఫార్మర్‌ డీన్‌ రవీంద్రకుమార్‌రెడ్డి పలు అంశాలపై అవగాహన కల్పించారు. దేశవాళీ చేపల పెంపకంలో యాజమాన్య పద్ధతులు, తదితర అంశాలను వివరించగా.. శిక్షణ పొందిన వారికి సర్టిఫికెట్లు అందజేశారు. కార్యక్రమంలో పాలేరు పరిశోధనా కేంద్రం ప్రధాన శాస్త్రవేత్త శ్యాంప్రసాద్‌ తదితరులు పాల్గొన్నారు.

● గరికపాటి నరసింహారావు దేవరకొండ: విద్యార్థులు తమ విద్యార్థి దశ నుంచే మంచి నడవడికను అలవర్చుకోవాలని ప్రముఖ ప్రవచనకర్త గరికపాటి నరసింహారావు సూచించారు. శనివారం దేవరకొండ పట్టణంలోని కృష్ణవేణి ఇంగ్లిష్‌ మీడియం పాఠశాలలో నిర్వహించిన ప్రతిభా వికాసం కార్యక్రమంలో ఆయన విద్యార్థులను ఉద్దేశించి ప్రసంగించారు. గతంలో విద్యార్థులకు, ఇప్పటి విద్యార్థులకు చాలా తేడా ఉందన్నారు. ఆ కాలంలో విద్యార్థులు తల్లిదండ్రులు, గురువులు, పెద్దల పట్ల ఎంతో గౌరవ మర్యాదలు కలిగి ఉండేవారని గుర్తుచేశారు. విద్యార్థులు గురువులు బోధించే పాఠ్యాంశాలను శ్రద్ధగా వినడంతో పాటు అందరికీ గౌరవ మర్యాదలు ఇవ్వాలన్నారు. తాము ఎంచుకున్న లక్ష్య సాధనకు నిరంతరం కృషిచేసి ఉన్నత శిఖరాలను అధిరోహించాలని ఆకాంక్షించారు. ఈ కార్యక్రమంలో పాఠశాల చైర్మన్‌ ఎం.ఎం. షరీఫ్‌, సీఈఓ శ్రీనివాస్‌రెడ్డి, డైరెక్టర్‌ రాజ్‌కుమార్‌రెడ్డి, ప్రిన్సిపాల్‌ నవీన్‌గౌడ్‌, ఉపాధ్యాయులు, విద్యార్థులు పాల్గొన్నారు. గిన్నిస్‌ వరల్డ్‌ రికార్డ్స్‌లో చోటుభువనగిరి : భువనగిరి పట్టణానికి చెందిన తైక్వాండో అసోసియేషన్‌ వర్కింగ్‌ ప్రెసిడెంట్‌ గుర్రం కృష్ణ గిన్నిస్‌ వరల్డ్‌ రికార్డ్స్‌లో చోటు సంపాదించారు. ఆగస్టులో హైదరాబాద్‌లోని గచ్చిబౌలి ఇండోర్‌ స్టేడియంలో నిర్వహించిన లార్జెస్ట్‌ తైక్వాండో గిన్నిస్‌ వరల్డ్‌ రికార్డు కార్యక్రమంలో 533 మంది పాల్గొనగా.. కృష్ణ పుమ్సే, క్యూరీగి, పంచెన్‌, బ్లాక్స్‌, కిక్స్‌, సెల్ఫ్‌ డిఫెన్స్‌ వంటి విభాగాలను ఒకేసారి ప్రదర్శించి వరల్డ్‌ రికార్డ్స్‌లో చోటు సాధించారు. శనివారం హైదరాబాద్‌లోని సురవరం ప్రతాపరెడ్డి తెలుగు విశ్వవిద్యాలయంలో నిర్వహించిన కార్యక్రమంలో ఆయన గిన్నిస్‌ వరల్డ్‌ రికార్డ్స్‌ సర్టిఫికెట్‌, మెడల్‌ అందుకున్నారు.

రామగిరి (నల్లగొండ): నల్లగొండ ఆర్టీసీ డిపోలో జేబీఎం ఎలక్ట్రిక్‌ బస్సు డ్రైవర్లు శనివారం ఉదయం 4 గంటలకు మెరుపు సమ్మెకు దిగారు. ముందస్తు సమాచారం లేకుండా డ్రైవర్లను విధుల నుంచి తప్పించారని ఆగ్రహం వ్యక్తం చేస్తూ డిపో ప్రాంగణంలో నిరసన చేపట్టారు. జేబీఎం, సిస్కాన్‌ మ్యాన్‌పవర్‌ సంస్థల వైఖరిని ఎండగడుతూ.. డ్రైవర్లకు న్యాయం జరిగే వరకు బస్సులు తిప్పేదే లేదని స్పష్టం చేయడంతో ప్రయాణికులు తీవ్ర ఇబ్బందులు ఎదుర్కొన్నారు. యాజమాన్యం తమ పట్ల కక్షపూరితంగా వ్యవహరిస్తోందని, నిబంధనలకు విరుద్ధంగా కొందరు డ్రైవర్లను డ్యూటీలకు దూరంగా ఉంచారని కార్మికులు ఆరోపించారు. తొలగించిన డ్రైవర్లను తక్షణమే తిరిగి విధుల్లోకి తీసుకోవాలని, అలాగే తమ వేతన పెంపుతో పాటు సుదీర్ఘకాలంగా పెండింగ్‌లో ఉన్న తమ సమస్యలను వెంటనే పరిష్కరించాలని ఎలక్ట్రిక్‌ బస్సు డ్రైవర్లు డిమాండ్‌ చేశారు. చర్చలు సఫలం..జేబీఎం, సిస్కాన్‌ మ్యాన్‌పవర్‌ యాజమాన్య ప్రతినిధులు డ్రైవర్లతో చర్చలు జరిపారు. తొలగించిన డ్రైవర్లను వెంటనే తిరిగి విధుల్లోకి తీసుకుంటామని హామీ ఇచ్చారు. అలాగే వేతన పెంపుతో పాటు ఇతర డిమాండ్లను త్వరలోనే పరిష్కరిస్తామని హామీ ఇవ్వడంతో డ్రైవర్లు విధుల్లో చేరడంతో బస్సు సర్వీసులు యథావిధిగా నడిచాయి. కొందరిని అకారణంగా విధుల్లోంచి తొలగించారని ఆగ్రహం నల్లగొండ ఆర్టీసీ డిపో ఎదుట నిరసన చర్చలు సఫలం కావడంతో పునఃప్రారంభమైన బస్సు సర్వీసులు

సంస్థాన్‌ నారాయణపురం: ఇతర జిల్లాల నాయకులు కుట్రపూరితంగా వ్యవహరిస్తుండటంతో నల్లగొండ జిల్లా రైతులకు నష్టం జరుగుతుందని సీపీఐ రాష్ట్ర కార్యవర్గ సభ్యుడు, ఎమ్మెల్సీ నెల్లికంటి సత్యం ఆరోపించారు. శివన్నగూడెం రిజర్వాయర్‌ నుంచి రాచకొండకు లిఫ్ట్‌ ద్వారా నీటిని తరలించి సాగునీరు అందించాలని డిమాండ్‌ చేస్తూ శనివారం సంస్థాన్‌ నారాయణపురంలో సీపీఐ ఆధ్వర్యంలో మహాధర్నా నిర్వహించారు. ఈ ధర్నాలో ఆయన పాల్గొని మాట్లాడారు. జానారెడ్డి, మంత్రులు ఉత్తమ్‌కుమార్‌రెడ్డి, కోమటిరెడ్డి వెంకట్‌రెడ్డి నియోజకవర్గాల్లో లిఫ్ట్‌ స్కీములు పూర్తవుతున్నా దేవరకొండ, మునుగోడు ప్రాంతాలపై నిర్లక్ష్యం వహించడం సరికాదన్నారు. 13 ఏళ్లు గడిచినా డిండి ఎత్తిపోతల పథకం పూర్తి కాలేదని, డిండి లిఫ్ట్‌కు రావాల్సిన 30 టీఎంసీల నీటిని అడ్డుకోవడం దుర్మార్గమన్నారు. బీజేపీ ఎంపీ డీకే అరుణ జిల్లాల మధ్య వైషమ్యాలు సృష్టించకుండా వ్యవహరించాలని సూచించారు. రాచకొండ లిఫ్ట్‌ స్కీంకు వెంటనే పరిపాలనా అనుమతులు, బడ్జెట్‌ మంజూరు చేయాలని, దీని ద్వారా 65వేల ఎకరాలకు సాగునీరు అందుతుందని తెలిపారు. ప్రాజెక్టు సాధనకు ముఖ్యమంత్రిని కలిసి వినతిపత్రం అందజేస్తామన్నారు. పాలమూరు–రంగారెడ్డి ప్రాజెక్టుకు బీజేపీ ఎంపీలు జాతీయ హోదా సాధించాలని డిమాండ్‌ చేశారు. ఈ ధర్నాలో సీపీఐ జిల్లా కార్యదర్శి యానాల దామోదర్‌రెడ్డి, జిల్లా కార్యవర్గ సభ్యులు బచ్చనగోని గాలయ్య, పల్లె శేఖర్‌రెడ్డి, కురిమిద్దె శ్రీనివాస్‌, మండల కార్యదర్శి దుబ్బాక భాస్కర్‌, చిలువేరు అంజయ్య, కలకొండ సంజీవ, ఏఐవైఎఫ్‌ రాష్ట్ర బాధ్యులు తీర్పారి వెంకటేశ్వర్లు, మంచాల సైదులు, జంగయ్య, గాలయ్య, సర్పంచులు, ఉపసర్పంచులు, గ్రామ శాఖ కార్యదర్శులు, రైతులు పాల్గొన్నారు. ఎమ్మెల్సీ నెల్లికంటి సత్యం

భువనగిరి : భువనగిరి మున్సిపల్‌ కార్యాలయంలో ప్రధాన పోస్టులు ఖాళీగా ఉన్నాయి. దీంతో ఆయా విభాగాల్లో పట్టణ ప్రజలకు సకాలంలో సేవలందక ఇబ్బందులు పడుతున్నారు. కార్యాలయంలో పూర్తి స్థాయిలో అధికారులు ఎప్పుడు నియమించబడుతారో తెలియని పరిస్థితి నెలకొంది. ఖాళీ పోస్టులు ఇవే.. ప్రస్తుతం మున్సిపాలిటీ మేనేజర్‌ పోస్టు ఖాళీగా ఉంది. ఇక్కడ మేనేజర్‌గా పనిచేసిన అధికారి మహబూబబాద్‌ జిల్లాలోని మరిపెడ బదిలీపై వెళ్లారు. దీంతో కార్యాలయ సిబ్బంది నియంత్రణ, రికార్డుల భద్రత, మున్సిపల్‌ సమావేశాలకు కావల్సిన సమాచారం అందించడం, పారిశుద్ధ్యం, ప్రజారోగ్యం, తాగునీటి సరఫరా, వీధి దీపాలు, రోడ్లు, పార్కులు వార్సిక బడ్జెట్‌, రూపకల్పన, నిధుల వ్యయం వంటి విధుల నిర్వహణ ప్రస్తుతమున్న అధికారులపైనే పడింది. దీనికితోడు టౌన్‌ ప్లానింగ్‌ సూపర్‌వైజర్‌ (టీపీఎస్‌) పోస్టు ఖాళీగా ఉంది. అలాగే ఇద్దరు టౌన్‌ ప్లానింగ్‌ ఆఫీసర్‌ (టీపీఓ)లు డిప్యుటేషన్‌పై యాదగిరిగుట్ట, మోత్కూరు మున్సిపాలిటీలకు వెళ్లారు. ఇద్దరు టౌన్‌ ప్లానింగ్‌ బిల్డింగ్‌ ఆఫీసర్‌ (టీపీబీఓ)లకు ఒక్కరు డిప్యుటేషన్‌పై వెళ్లారు. డిప్యూటీ ఇంజనీర్‌ (డీఈ) పోస్టు ఖాళీగా ఉంటే కోదాడ మున్సిపాలిటీ నుంచి ఇక్కడి డిప్యుటేషన్‌పై వచ్చారు. మెప్మా విభాగంలోనూ కొరతే.. భువనగిరి మున్సిపాలిటీ కార్యాలయంలో మెప్మా విభాగంలో కమ్యూనిటీ ఆర్గనైజర్స్‌ రెండు పోస్టులకు గాను రెండు ఖాళీగా ఉన్నాయి. ఇందులో ఒక్కరు సస్పెండ్‌ కాగా మరొకరు బదిలీపై వెళ్లారు. దీంతో మహిళా సంఘాలను ఆర్గనైజింగ్‌ చేయడంలో ఇబ్బందులు ఏర్పడుతున్నాయి. ఫ భువనగిరి మున్సిపాలిటీలో 8 ప్రధాన పోస్టులు ఖాళీ ఫ మేనేజర్‌ లేక కార్యాలయంలో పర్యవేక్షణ కరువు ఫ డిప్యుటేషన్‌పై వెళ్లిన టౌన్‌ ప్లానింగ్‌ సూపర్‌వైజర్‌, ఆఫీసర్లు ఇక్కడ మేనేజర్‌గా పనిచేసి వారు ఇన్‌చార్జి మున్సిపల్‌ కమిషనర్‌గా వెళ్లడంతో భువనగిరిలో ప్రస్తుతం మేనేజర్‌ లేరు. టౌన్‌ ప్లానింగ్‌ విభాగంలో పనిచేసే ఐదుగురు అధికారులు డిప్యుటేషన్‌పై ఇతర ప్రాంతాలకు వెళ్లాం. సిబ్బంది కొరతతో కొన్ని ఇబ్బందులు ఎదుర్కొంటున్నాం. ఈ విషయాన్ని ఉన్నతాధికారులకు దృష్టికి తీసుకెళ్తా. – చంద్రప్రకాష్‌ రెడ్డి, మున్సిపల్‌ కమిషనర్‌, భువనగిరి

ప్రభుత్వ మోడల్‌ స్కూళ్లలో నాలుగు కేటగిరీల్లో కొత్త పోస్టుల భర్తీకి విద్యాశాఖ ఆదేశాలు జారీ చేసింది. హైవేపై నరకయాతన చౌటుప్పల్‌లోని హైవేపై శుక్రవారం ఎటువైపు చూసినా ట్రాఫిక్‌ జామై వాహనదారులు ఇబ్బందులు పడ్డారు. - 8లోరామన్నపేట: సిరిపురంలో ధాన్యం రాశుల మధ్య నిలిచిన నీటిని తొలగిస్తున్న రైతులు భూదాన్‌ పోచంపల్లి : రోడ్డు మీద నిలిచిన వర్షపు నీరు చౌటుప్పల్‌: వ్యవసాయ మార్కెట్‌లో వర్షానికి కొట్టుకుపోయిన ధాన్యం

భూదాన్‌పోచంపల్లి : కొనుగోలు కేంద్రాలు ప్రారంభించకపోవడంతో రైతులు తాము పండించిన ధాన్యాన్ని మద్దతు ధర కంటే తక్కువకే మిల్లుల వద్దకు తీసుకెళ్లి అమ్ముకొంటున్నారు. భూదాన్‌పోచంపల్లి మండలంలోని ఏ రైస్‌మిల్లుల వద్ద చూసినా, ధాన్యం ట్రాక్టర్లు బారులుదీరి కనిపిస్తున్నాయి. ప్రభుత్వ మద్దతు ధర రూ.2,460 ఉండగా మిల్లర్లు మాత్రం క్వింటాకు రూ.2100 నుంచి రూ.2200కు కొంటున్నారు. ఈ సందర్భంగా బీఆర్‌ఎస్‌ జిల్లా నాయకుడు, మాజీ వైస్‌ ఎంపీపీ పాక వెంకటేశ్‌యాదవ్‌ మాట్లాడుతూ ధాన్యం కాంటాలు ప్రారంభించాలని డిమాండ్‌ చేశారు.

సాక్షి, యాదాద్రి : జిల్లాలో జ్వరాల తీవ్రత పెరుగుతున్న నేపథ్యంలో వైద్య పరీక్షల నిర్వహణలో జరుగుతున్న జాప్యంపై సాక్షి దినపత్రికలో గురువారం జ్వరాల వరుస శీర్షికన ప్రచురించిన ప్రత్యేక కథనానికి కలెక్టర్‌ అనురాగ్‌ జయంతి శుక్రవారం స్పందించారు. టి–హబ్‌ (తెలంగాణ డయాగ్నస్టిక్స్‌) కార్యక్రమం కింద ఉచితంగా అందించే వైద్య పరీక్షల శాంపిళ్ల సేకరణ, వాటి రిపోర్టులను రోగులకు సకాలంలో అందించడంలో తీవ్ర నిర్లక్ష్యం చోటుచేసుకోవడంపై కలెక్టర్‌ తీవ్ర ఆగ్రహం వ్యక్తం చేశారు. విధుల్లో నిర్లక్ష్యం, బాధ్యతారాహిత్యం ప్రదర్శించినందుకు గాను డీఎంహెచ్‌ఓ మనోహర్‌, ఆసుపత్రి సూపరింటెండెంట్‌ డాక్టర్‌ లక్ష్మణ్‌రావు, ప్రోగ్రాం ఆఫీసర్‌ వంశీకృష్ణలకు శుక్రవారం షోకాజ్‌ నోటీసులు జారీ చేశారు. కలెక్టర్‌ మాట్లాడుతూ పేదలకు నాణ్యమైన వైద్యసేవలు అందించాలన్నారు. విధుల్లో ఎవరైనా అలసత్వం వహిస్తే చర్యలు తీసుకుంటామని హెచ్చరించారు.

యాదగిరిగుట్ట : యాదగిరి శ్రీలక్ష్మీనరసింహస్వామి ఆలయ అభివృద్ధే ధ్యేయంగా ప్రభుత్వం ముందుకు సాగుతోందని ప్రభుత్వ విప్‌, ఆలేరు ఎమ్మెల్యే బీర్ల ఐలయ్య అన్నారు. యాదగిరి కొండపైన వైటీడీ ధర్మకర్తల మండలి చైర్మన్‌ ఎం.సత్యనారాయణరెడ్డి తన సొంత నిధులతో చేపట్టిన నిత్య కల్యాణ మండపానికి, రాయగిరి వద్ద ఆర్చి నిర్మాణానికి శుక్రవారం భువనగిరి ఎమ్మెల్యే కుంభం అనిల్‌ కుమార్‌రెడ్డి, జిల్లా కలెక్టర్‌ అనురాగ్‌ జయంతితో కలిసి భూమిపూజ చేశారు. ఈ సందర్భంగా ఆయన మాట్లాడుతూ యాదగిరి క్షేత్రానికి వచ్చే భక్తులకు అన్ని రకాల సౌకర్యాలు కల్పించాలని వైటీడీ ధర్మకర్తల మండలి సంకల్పిస్తోందన్నారు. వైటీడీ చైర్మన్‌ మన్నె సత్యనారాయణరెడ్డి తన సొంతంగా రూ.10కోట్లతో కల్యాణ మండపం, రాయగిరి వద్ద ఆర్చి నిర్మాణానికి ముందుకు రావడం చాలా సంతోషకరమన్నారు. ఆధ్యాత్మిక కేంద్రంగా, యూనివర్సిటీ, వేద పాఠశాల, డార్మింటరీ హాల్‌ నిర్మాణం చేసి తిరుమల తిరుపతి తరహాలో అభివృద్ధి చేయాలనేది సీఎం రేవంత్‌రెడ్డి సంకల్పమని పేర్కొన్నారు. అనంతరం వైటీడీ ధర్మకర్తల మండలి చైర్మన్‌ మన్నె సత్యనారాయణరెడ్డి మాట్లాడుతూ ధర్మకర్తల మండలి బోర్డు ఏర్పాటు జరిగిన నాలుగు నెలల కాలంలో కల్యాణ మండపం, స్వాగత తోరణం నిర్మాణానికి మొదటి పడుగు పడిందన్నారు. యాదగిరి క్షేత్రానికి క్షేత్రాన్ని అద్భుతంగా తీర్చిదిద్దుతామన్నారు. ఈ కార్యక్రమాల్లో భువనగిరి ఎమ్మెల్యే కుంభం అనిల్‌ కుమార్‌రెడ్డి, ధర్మకర్తల మండలి సభ్యులు, ఎమ్మెల్యే గడ్డం వినోద్‌ కుమార్‌, ధర్మకర్తల మండలి సభ్యులు ఈశ్వరమ్మ, తూళ్ళ విజయేందర్‌గౌడ్‌, లక్ష్మీనారాయణనాయక్‌, గుండా మల్లయ్య, కలెక్టర్‌ అనురాగ్‌ జయంతి, ఈఓ భవాని శంకర్‌, మున్సిపల్‌ చైర్‌పర్సన్లు గుండ్లపల్లి వాణి భరత్‌గౌడ్‌, తంగళ్ళపల్లి శ్రీవాణి రవి కుమార్‌, ఆలయాధికారులు, వివిధ విభాగాల అధికారులు పాల్గొన్నారు. ఫ ప్రభుత్వ విప్‌ బీర్ల ఐలయ్య ఫ అభివృద్ధికి ఇప్పుడే మొదటి అడుగు పడింది ఫ వైటీడీ ధర్మకర్తల మండలి చైర్మన్‌ మన్నె సత్యనారాయణరెడ్డి ఫ కల్యాణ మండపం, రాయగిరిలో ఆర్చి నిర్మాణానికి భూమిపూజ

యాదగిరిగుట్ట : యాదగిరి శ్రీలక్ష్మీనరసింహస్వామి వారిని దర్శించుకునేందుకు శనివారం రాష్ట్ర గవర్నర్‌ శివ ప్రతాప్‌ శుక్లా రానున్నారు. ఇందుకు సంబంధించి ఆలయ అధికారులు ఏర్పాట్లు చేశారు. ఉదయం 9గంటలకు లోక్‌ భవన్‌ నుంచి గవర్నర్‌ బయల్దేరి ఉదయం 10.30గంటలకు ప్రెసిడెన్షియల్‌ సూట్‌కు చేరుకుంటారు. అక్కడి నుంచి 10.55గంటలకు యాదగిరి కొండపైకి వచ్చి శ్రీస్వామి అమ్మవార్లను దర్శించుకొని ప్రత్యేక పూజలు చేస్తారు. అనంతరం 11గంటలు కొండకు దిగువన ఉన్న దీక్షాపరుల మండపంలో జనార్దననంద సరస్వతీ స్వామి సంస్కృత ట్రస్టు ఆధ్వర్యంలో నిర్వహిస్తున్న 26వ తెలంగాణ వేద విద్వాన్‌ మహాసభలో పాల్గొంటారు. మధ్యాహ్నం 12గంటలకు అక్కడి నుంచి ప్రెసిడెన్షియల్‌ సూట్‌కు చేరుకొని అక్కడ లంచ్‌ చేస్తారు. మధ్యాహ్నం 12.50గంటలకు ప్రెసిడెన్షియల్‌ సూట్‌ నుంచి హైదరాబాద్‌కు బయల్దేరి వెళ్తారు. పోలీసులు సామాజిక బాధ్యత కలిగి ఉండాలి భువనగిరి : పోలీసులు విధి నిర్వహణతోపాటు సామాజిక బాధ్యత కలిగి ఉండాలని కలెక్టర్‌ అనురాగ్‌ జయంతి, ఎస్పీ అక్షాంశ్‌ యాదవ్‌ అన్నారు. పోలీస్‌ అమరవీరుల సంస్మరణ వారోత్సవాల్లో భాగంగా శుక్రవారం భువనగిరిలోని పెద్దచెరువు కట్టపై స్వచ్ఛత మన బాధ్యత అనే నినాదంతో శ్రమదానం నిర్వహించారు. ఈ సందర్భంగా వారు మాట్లాడారు. కార్యక్రమంలో అదనపు ఎస్పీ లక్ష్మీనారాయణ, డీఎస్పీలు రవీందర్‌, శ్రీనివాస్‌నాయుడు, సురేష్‌, సీఐలు హనుమంత్‌నాయక్‌, వెంకటేశ్వర్లు, సత్యనారాయణ, చందుబాబు, ఆర్‌ఐలు శ్రీనివాస్‌, వెంకటేశ్వర్లు, ఎస్‌హెచ్‌ఓలు అనిల్‌కుమార్‌, ఎస్‌ఐలు, మున్సిపల్‌ చైర్‌పర్సన్‌ తంగళ్లపల్లి శ్రీవాణి రవికుమార్‌, వైస్‌ చైర్‌పర్సన్‌ పోతంశెట్టి మంజుల, జిల్లా గ్రంథాలయ సంస్థ చైర్మన్‌ అవెజ్‌ చిస్తీ తదితరులు పాల్గొన్నారు. రక్తహీనతను నివారిద్దాం భువనగిరి : చికిత్స ద్వారా రక్తహీనతను నివారిద్దామని జిల్లా వైద్య ఆరోగ్యశాఖ అధికారి (డీఎంహెచ్‌ఓ) డాక్టర్‌ మనోహర్‌ అన్నారు. శుక్రవారం భువనగిరి కలెక్టరేట్‌లో వైద్య ఆరోగ్యశాఖ ఆధ్వర్యంలో అనీమియా ముక్త్‌ భారత్‌ కార్యక్రమంలో భాగంగా రిపోర్టింగ్‌ సూపర్‌వైజర్లకు నిర్వహించిన శిక్షణ కార్యక్రమంలో ఆయన మాట్లాడారు. రక్తహీనత ఉన్న వారిని సకాలంలో గుర్తించి చికిత్స అందించాలని సూచించారు. కార్యక్రమంలో ప్రోగ్రాం అధికారి డాక్టర్‌ సుమన్‌ కళ్యాణ్‌, డాక్టర్‌ రామకృష్ణ, వీణ, శిక్షకులు పాల్గొన్నారు. ఉత్తమ ఫలితాలు సాధించాలివైభవంగా ఊంజల్‌ సేవోత్సవంయాదగిరిగుట్ట : యాదగిరి శ్రీలక్ష్మీనరసింహస్వామి వారి ఆలయంలో ఊంజల్‌ సేవోత్సవాన్ని అర్చకులు వైభవంగా నిర్వహించారు. శుక్రవారం ఆండాళ్‌ అమ్మవారికి ఇష్టమైన రోజు కావడంతో సాయంత్రం వేళ మండపంలో అమ్మవారిని ప్రత్యేకంగా అలంకరించారు. అనంతరం ఆండాళ్‌ అమ్మవారిని ప్రత్యేక పల్లకిపై అధిష్టించి ఆలయ మండపంలో భక్తుల నడుమ ఊరేగించారు. అద్దాల మండపంలో ఆండాళ్‌ దేవిని అధిష్టించి ఊంజల్‌ సేవోత్సవాన్ని జరిపించారు. ఈ పూజల్లో భక్తులు పాల్గొని మొక్కులు తీర్చుకున్నారు. ఆలయంలో రాత్రి వరకు పూజలు కొనసాగాయి.

జనాభాను బట్టి ఆశ కార్యకర్తలను నియమించకపోవడంతో పనిభారంతో సతమతమవుతున్నాం. 18 ఏళ్ల నుంచి విధులు నిర్వహిస్తున్నాను. వేతనం నెలకు రూ.9,900 ఇస్తున్నారు. పెరిగిన ధరలతో పోల్చుకుంటే ఎటూ సరిపోవడం లేదు. వేతనం పెంచాలి. – బి.కావ్య, ఆశ కార్యకర్త, రహీంఖాన్‌పేట ఆశ కార్యకర్తలం వివిధ కార్యక్రమాలు, సర్వేల్లో పాల్గొంటున్నా ప్రభుత్వం పారితోషితం సకాలంలో ఇవ్వడం లేదు. ఆశ కార్యకర్తల మీదనే అదనపు పనిభారం మోపుతున్నారు. ఆశ కార్యకర్తల డిమాండ్లను ప్రభుత్వం వెంటనే నెరవేర్చాలి. – రాచమల్ల సరిత, మండల అధ్యక్షురాలు ఆశ కార్యకర్తలకు ఇచ్చిన హామీ లను ప్రభుత్వం పరిష్కరించని ఝెడల డిసెంబర్‌ 5 నుంచి నిరవధిక సమ్మెను ఉధృతం చేస్తాం. 18 ఏళ్లుగా ఆశ కార్యకర్తలతో వెట్టి చేయిస్తున్నారు. ఆశ కార్యకర్తలకు నెలకు రూ.26 వేల వేతనం ఇచ్చి ఉద్యోగ భద్రత కల్పించాలి. – రావుల సంతోష, ఆశ కార్యకర్తల సంఘం జిల్లా అధ్యక్షురాలు ఆత్మకూరు(ఎం) : గ్రామీణ, పట్టణ ప్రజలకు ప్రభుత్వ ఆరోగ్య వ్యవస్థలకు వారధిగా నిలుస్తున్న ఆశ కార్యకర్తలు పనిభారంతో సతమతమవుతున్నారు. పెరిగిన నిత్యావసర సరుకుల ధరలకు అనుగుణంగా వేతనాలు పెంచకపోవడం, ప్రభుత్వం ఇచ్చిన హామీలు నెరవేర్చకపోవడంతో ఆశ కార్యకర్తలు సమ్మెకు సిద్ధమవుతున్నారు. ఆశల నియామకం, విధులు ఇలా.. దివంగత ముఖ్యమంత్రి వైఎస్‌ రాజశేఖరరెడ్డి హయాంలో 2007లో గ్రామీణ ఆరోగ్య మిషన్‌ కింద మాతా శిశు సంరక్షణ, మరణాల అరికట్టడం, జాతీయ ఆరోగ్య కార్యక్రమాలు, ప్రాథమిక చికిత్స కోసం ఆశ కార్యకర్తలను నియమించారు. ప్రస్తుతం రాష్ట్రంలో 28 వేల మంది, జిల్లాలో 683 మంది ఆశ కార్యకర్తలు విధులు నిర్వర్తిస్తున్నారు. తమకు కేటాయించిన విధులతోపాటు పల్స్‌ పోలియో, వివిధ సర్వేలు, ఆరోగ్య సిబ్బంది కొరత వల్ల సబ్‌ సెంటర్‌ డ్యూటీలను చేయాల్సి వస్తుందని వాపోతున్నారు. ఆశ కార్యకర్తల వేతనం రూ.9,900 నుంచి రూ.18,000కు పెంచుతామని, ఉద్యోగ భద్రత కల్పిస్తామని సీఎం రేవంత్‌రెడ్డి ఎన్నికల సమయంలో ఇచ్చిన హామీలు నేటికీ అమలు కాలేదని వారు ఆవేదన వ్యక్తం చేస్తున్నారు. తమ డిమాండ్ల సాధనకోసం డిసెంబర్‌ 5 నుంచి 10 వరకు నిరవధిక సమ్మెకు దిగుతున్నట్లు ఆశ కార్యకర్తల సంఘం ప్రకటించింది. డిమాండ్లు ఇవే.. ● ఫిక్స్‌డ్‌ వేతనం రూ.26 వేలకు పెంచి ఉద్యోగ భద్రత కల్పించాలి. ● పీఎఫ్‌, ఈఎస్‌ఐ సౌకర్యాలు కల్పించాలి. ● మూడేళ్ల నుంచి పెండింగ్‌లో ఉన్న వివిధ సర్వేల పారితోషికాలు వెంటనే చెల్లించాలి. ● ఆన్‌లైన్‌ సర్వేలు, సబ్‌ సెంటర్లు, ఇతర శాఖల కార్యక్రమాల డ్యూటీలు వేయకుండా పనిభారం తగ్గించాలి. ఫ పనిభారంతో సతమతం ఫ హామీలు అమలుకావట్లేదని ఆవేదన ఫ వేతనాలు పెంచాలని డిమాండ్‌ ఫ డిసెంబర్‌ 5 నుంచి సమ్మెకు సిద్ధమవుతున్న ఆశ కార్యకర్తలు

భువనగిరి(బీబీనగర్‌) : రొమ్ము క్యాన్సర్‌ అవగాహన మాసం సందర్భంగా బీబీనగర్‌ ఎయిమ్స్‌ ఆస్పత్రిలో శుక్రవారం ఒకరోజు ప్రత్యేక శస్త్ర చికిత్స వర్క్‌షాపు నిర్వహించారు. జనరల్‌ సర్జరీ, అనాటమీ విభాగం సంయుక్త ఆధ్వర్యంలో 24 మంది వైద్యులు పాల్గొని రొమ్ము క్యాన్సర్‌కు శస్త్ర చికిత్సపై అవగాహన కల్పించారు. ఈ కార్యక్రమంలో ఎయిమ్స్‌ ఆస్పత్రి డైరెక్టర్‌ అమితా అగర్వాల్‌, మెడికల్‌ సూపరింటెండెంట్‌ లక్కిరెడ్డి, అకడమిక్‌ డీన్‌ నితిన్‌ అశోక్‌, డాక్టర్‌ బీసీ రాయ్‌, ఉషాలక్ష్మీ, రఘురామ్‌ పాల్గొన్నారు.

వీబీజీ రామ్‌జీ పనులకు ఒక్కరోజే 10,917 మంది రాక ఫ కలెక్టర్‌ అనురాగ్‌ జయంతి ఆలేరురూరల్‌ : గ్రామీణ ప్రాంతాల్లో నీటి వనరులను సంరక్షించడంతోపాటు భూగర్బ జలమట్టాన్ని పెంచేందుకు జలసిరి పథకం కింద చేపట్టే పనులను వేగవంతం చేయాలని కలెక్టర్‌ అనురాగ్‌ జయంతి అధికారులకు సూచించారు. వీబీజీ రామ్‌జీ పథకంలో భాగంగా జలసిరి కింద శుక్రవారం ఆలేరు మండలం మందనపల్లి గ్రామంలో కడకంచి స్వామి భూమిలో చేపడుతున్న ఫారంపాండ్‌ నిర్మాణ పనులను క్షేత్రస్థాయిలో పరిశీలించి మాట్లాడారు. రైతులు మునగ తోటలు పెంపకంపై దృష్టి సారించాలన్నారు. ప్రతి ఇంటికి ఇంకుడు గుంత నిర్మించడంతోపాటు బోరుబావుల రీచార్జ్‌ స్ట్రక్చర్లను ఏర్పాటు చేసుకోవాలన్నారు. అనంతరం ఆలేరు మండలం గుండ్లుగూడెంలో నిర్వహించిన ప్రత్యేక గ్రామ సంఘం సమావేశంలో పాల్గొని మాట్లాడి పలు సూచనలు చేశారు. కార్యక్రమంలో గ్రామ సర్పంచ్‌ ఎసిరెడ్డి మంజుల, రేణుక, డీఆర్‌డీవో నాగిరెడ్డి, ఎంపీడీఓ సత్యాంజనేయ ప్రసాద్‌, తహసీల్దార్‌ ఆంజనేయులు, ఏపీఓ అరుణకుమారి, అధికారులు తదితరులు పాల్గొన్నారు. సాక్షి, యాదాద్రి : ఎల్‌నినో కరువు పరిస్థితుల నేపథ్యంలో జిల్లాలో ఉపాధి హామీ పనులకు డిమాండ్‌ భారీగా పెరిగింది. వర్షాభావంతో వ్యవసాయ పనులు తగ్గిపోవడంతో.. గ్రామీణ ప్రాంతాల్లో కూలీలు పెద్ద ఎత్తున పనులకు వస్తున్నారు. గతేడాది ఇదే అక్టోబర్‌ 30వ తేదీన జిల్లావ్యాప్తంగా దాదాపు 1,500 మంది మాత్రమే కూలీలు పనులకు రాగా.. ప్రస్తుత సీజన్‌లో శుక్రవారం ఒక్కరోజే ఏకంగా 10,917 మంది కూలీలు హాజరయ్యారు. వ్యవసాయ సీజన్‌ మారింది.. సాధారణంగా అక్టోబర్‌, నవంబర్‌ వ్యవసాయ పనుల సీజన్‌లో కూలీలు పొలాల్లో బిజీగా ఉంటారు. కానీ ఈసారి వర్షాలు కురవక పత్తి, వరి పంటల దిగుబడి గణనీయంగా పడిపోయింది. కానీ ప్రస్తుత పరిస్థితుల్లో పనులు లేక ఇబ్బంది పడుతున్న కూలీలకు ఉపాధి పనులు వరంగా మారాయి. జిల్లాలో మోత్కూరు, ఆలేరు మండలాల్లో తక్కువగా కూలీలు పనులు చేస్తుండగా.. నారాయణపురం, తుర్కపల్లి, భువనగిరి, రామన్నపేట మండలాల్లో అధిక సంఖ్యలో కూలీలు పనులకు వస్తున్నారు. వీబీజీ రామ్‌జీ ప్రత్యేకతలు.. కూలీలకు నిరంతరం పని కల్పించేందుకు కేంద్ర ప్రభుత్వం తీసుకొచ్చిన వీబీజీ రామ్‌జీ పథకం వరంలా మారింది. గతంలో మాదిరిగా నిర్దిష్ట పనిదినాల పరిమితి ఉండదు, బడ్జెట్‌ కేటాయింపుల ద్వారా ఎన్ని పనిదినాలైనా పనులు చేసుకోవచ్చు. జూలై 1న ప్రారంభమైన ఈ పథకం మార్చి 2027 వరకు కొనసాగుతుంది. ఇందులో కేంద్రం 60 శాతం, రాష్ట్రం 40 శాతం చొప్పున రాష్ట్రవ్యాప్తంగా రూ.6,300 కోట్లు కేటాయించాయి. కూలీలు ఎంతమంది పనిచేస్తే అన్ని పనిదినాలు కల్పిస్తారు. అలాగే ఒక జాబ్‌ కార్డ్‌పై గరిష్టంగా 125 రోజుల పనిదినాలు కల్పిస్తుండగా.. రోజు కూలీ రూ.308కి పెరిగింది. ఇందులో రైతాంగానికి ఉపయోగపడేలా ఏకంగా 375 రకాల పనులను చేర్చారు. జలసిరికే పెద్దపీట భూగర్భ జలాల పెంపు, జలసిరి కార్యక్రమానికి జిల్లా యంత్రాంగం అత్యధిక ప్రాధాన్యతనిస్తోంది. గ్రామాల్లో ఫామ్‌పాండ్స్‌ (వ్యవసాయ గుంతలు) నిర్మాణాలను ముమ్మరం చేశారు. గతేడాది జిల్లాలో కేవలం 4 లేదా 5 మాత్రమే చేయగా.. ఈసారి ఇప్పటివరకు ఏకంగా 842 ఫామ్‌పాండ్స్‌ మంజూరు చేసి పనులు వేగవంతం చేశారు. వీటితో పాటు ఇంకుడు గుంతలు, కమ్యూనిటీ సోక్‌పిట్లు, వ్యక్తిగత సోక్‌పిట్ల నిర్మాణాలు కూడా చురుగ్గా సాగుతున్నాయి.ఫ ఎల్‌నినోను ఎదుర్కొనేలా యంత్రాంగం చర్యలు ఫ కరువుతో ఇబ్బంది లేకుండా కూలీలకు పనులు

తిరుమలగిరి (తుంగతుర్తి) : తెలుగు జానపద గేయాల గొప్పదనాని విద్యార్థులకు తెలియజేయాలనే ఉద్దేశంతో తెలుగు ఉపాధ్యాయుడు ప్రత్యక్ష అనుభవం కలిగే విధంగా పాఠ్యాంశ బోధన నిర్వహించారు. గురువారం తిరుమలగిరి మండలం గుండెపురి జెడ్పీహెచ్‌ఎస్‌లో తెలుగు ఉపాధ్యాయుడు పరాల నాగరాజు 8వ తరగతి తెలుగు జానపద గేయాలు అనే పాఠ్యాంశాన్ని విద్యార్థులకు బోధించేందుకుగాను.. జానపద గేయాలు పాడి అలరించిన గ్రామానికి చెందిన 70 ఏళ్ల ఐలమ్మను పాఠశాలకు ఆహ్వానించి ఆమెతో గేయాలను పాడించారు. ఇందులో విద్యార్థులను కూడా భాగస్వాములు అయ్యే విధంగా చేశారు. ఈ సందర్భంగా పాఠశాల ప్రధానోపాధ్యాయురాలు పద్మావతి, ఉపాధ్యాయ బృందం ఆయనను అభినందించారు.

కేతేపల్లి: ఏఎమ్మార్పీ కాల్వల ద్వారా నకిరేకల్‌ నియోజకవర్గంలోని చెరువులు, కుంటలు నింపాలని నకిరేకల్‌ మాజీ ఎమ్మెల్యే చిరుమర్తి లింగయ్య ప్రభుత్వాన్ని డిమాండ్‌ చేశారు. గురువారం బీఆర్‌ఎస్‌ నాయకులతో కలిసి కేతేపల్లిలో ఏర్పాటు చేసిన విలేకరుల సమావేశంలో ఆయన మాట్లాడారు. కరువు పరిస్థితులు నెలకొన్న నేపథ్యంలో నియోజకవర్గంలోని అన్ని చెరువులను నింపి రాబోయే వేసవిలో ప్రజలకు తాగునీటి ఇబ్బందులు లేకుండా చూడాల్సిన బాధ్యత ప్రభుత్వంపై ఉందన్నారు. నాలుగు నెలలుగా కరువు పరిస్థితులు నెలకొన్నా నీటిని విడుదల చేయకుండా తాత్సారం చేసిన పాలకులు.. నేడు చెరువులు తామే నింపుతున్నట్లు ప్రచార ఆర్భాటానికి తెరలేపారని మండిపడ్డారు. సమావేశంలో నకిరేకల్‌ ఏఎంసీ మాజీ చైర్మన్‌ కొప్పుల ప్రదీప్‌రెడ్డి, బీఆర్‌ఎస్‌ మండల అధ్యక్ష, ప్రధాన కార్యదర్శులు మారం వెంకట్‌రెడ్డి, చిమట వెంకన్న, కొర్లపహాడ్‌ సర్పంచ్‌ సైదిరెడ్డి, నాయకులు కొండ సైదులు, బొప్పని సురేష్‌, సత్యనారాయణ, సైదులు, చేతన్‌, ఎస్‌కే.యూసుఫ్‌ పాల్గొన్నారు. మాజీ ఎమ్మెల్యే చిరుమర్తి లింగయ్య

వలిగొండ: పేద ప్రజలకు మెరుగైన వైద్య సేవలు అందించడంలో సిబ్బంది నిర్లక్ష్యం వహించవద్దని కలెక్టర్‌ అనురాగ్‌ జయంతి సూచించారు. గురువారం వలిగొండ మండలం వెల్వర్తి ప్రాథమిక ఆరోగ్య ఉప కేంద్రాన్ని, జిల్లా పరిషత్‌ ఉన్నత పాఠశాలను కలెక్టర్‌ తనిఖీ చేశారు. ప్రాథమిక ఆరోగ్య ఉప కేంద్రంలో రోగులకు అందిస్తున్న వైద్య సేవలు, రోగుల నమోదు, సిబ్బంది హాజరు పట్టిక, తదితర రికార్డులను కలెక్టర్‌ పరిశీలించారు. సిబ్బంది ప్రతిరోజూ యాప్‌లో హాజరు నమోదు చేస్తున్నారా లేదా అని అడిగి తెలుసుకున్నారు. ఆసుపత్రికి రోజువారీగా వచ్చే ఓపీ సంఖ్యను, రోగుల వివరాలను శ్రీఆభాశ్రీ యాప్‌లో నమోదు చేస్తున్నారా అని ఆరా తీశారు. ల్యాబ్‌లో నిర్వహిస్తున్న వైద్య పరీక్షలు, సేకరించిన నమూనాలను తదుపరి పరీక్షల కోసం ఎక్కడికి పంపిస్తున్నారనే విషయాలను అడిగి తెలుసుకున్నారు. గర్భిణుల ఏఎన్సీ రిపోర్టులను తనిఖీ చేసి, వారికి క్రమం తప్పకుండా ఆరోగ్య పరీక్షలు నిర్వహించాలని, ప్రసవాలు ఏ ఆసుపత్రుల్లో జరుగుతున్నాయో ట్రాక్‌ చేయాలని సూచించారు.వెల్వర్తి జిల్లా పరిషత్‌ ఉన్నత పాఠశాలలో మధ్యాహ్న భోజన పరిస్థితిని పరిశీలించారు. ఆరో తరగతి, పదో తరగతి విద్యార్థులతో పాఠ్యపుస్తకాలు చదివించారు.ఈ కార్యక్రమంలో జిల్లా విద్యాధికారి భిక్షపతి, డీఎంహెచ్‌ఓ మనోహర్‌, డిప్యూటీ డీఎంహెచ్‌ఓ సుమన్‌ కళ్యాణ్‌, డాక్టర్‌ ఖాజా, తహసీల్దార్‌ దశరథ, ఎంఈఓ భాస్కర్‌, ఉపాధ్యాయులు పాల్గొన్నారు.ఫ కలెక్టర్‌ అనురాగ్‌ జయంతి

భువనగిరి: స్వామి వివేకానందుని జయంతిని పురస్కరించుకుని ప్రతి ఏటా యువతలోని కళాప్రతిభను వెలికితీసేందుకు నిర్వహించే ‘యువజనోత్సవాల’కు వేళైంది. జిల్లాలో నవంబర్‌ 4వ తేదీ నుంచి ఈ ఉత్సవాలు నిర్వహించనున్నట్లు జిల్లా యువజన క్రీడల శాఖ అధికారి కె. ధనుంజనేయులు గురువారం ఒక ప్రకటనలో తెలిపారు. ఏటా జిల్లా, రాష్ట్ర, జాతీయ స్థాయిలో మూడంచెల విధానంలో ఈ పోటీలు నిర్వహిస్తుంటారు. పోటీల షెడ్యూల్‌, వేదికలు ఇవే.. ఈసారి యువజనోత్సవాల పోటీల జాబితాలో నూతనంగా ‘వీధి నాటకం’ను చేర్చారు. పోటీల తేదీల వివరాలు ఇలా ఉన్నాయి. ● నవంబర్‌ 4వ తేదీ ఉదయం 10.30 గంటలకు డ్రాయింగ్‌, పోఝెట్రీ రైటింగ్‌, వీధి నాటకం అంశాల్లో పోటీలు ఉంటాయి. ఇవి యాదగిరిగుట్టలోని ఎంపీడీఓ కార్యాలయం వెనుక గల స్కిల్‌ డెవలప్‌మెంట్‌ ట్రైనింగ్‌ సెంటర్‌లో జరుగుతాయి. ● నవంబర్‌ 6వ తేదీ ఉదయం 9.00 గంటలకు ఫోక్‌ డ్యాన్స్‌ (గ్రూప్‌), ఫోక్‌ సాంగ్‌ (గ్రూప్‌) విభాగాల్లో పోటీలు ఉంటాయి. ఇవి చారిత్రక భువనగిరి కోట వద్ద నిర్వహిస్తారు. పోటీల్లో పాల్గొనే యువతీ, యువకుల వయస్సు 15 సంవత్సరాలు పూర్తయి, 29 ఏళ్ల లోపు ఉండాలి. గత మూడు సంవత్సరాల్లో జరిగిన యువజనోత్సవాల్లో పాల్గొన్న వారికి ఈసారి పోటీల్లో పాల్గొనేందుకు అనుమతి లేదు. పోటీల్లో పాల్గొనే అభ్యర్థులు తమ అంశాలకు సంబంధించిన సామగ్రి వెంట తెచ్చుకోవాలి. నిధులు శూన్యం.. ఒకవైపు ఉత్సవాలను వైభవంగా నిర్వహించాలని రాష్ట్ర ప్రభుత్వం నుంచి ఆదేశాలు వస్తున్నా.. అందుకు అవసరమైన నిధులను మాత్రం ప్రభుత్వం విడుదల చేయలేదు. చేతిలో చిల్లిగవ్వ లేకపోవడంతో వేడుకలు ఎలా నిర్వహించాలని జిల్లా అధికారులు తలలు పట్టుకుంటున్నారు. కళాకారుల ప్రతిభ వెలుగులోకి రావడానికి ఇదో చక్కని వేదిక అయినప్పటికీ.. నిధుల లేమి వారి పాలిట ప్రతిబంధకంగా మారుతోంది.నిధుల కొరత ప్రభావం గత ఏడాది కూడా స్పష్టంగా కనిపించింది. గత సంవత్సరం జిల్లా స్థాయిలో యువజనోత్సవాలు నిర్వహించి విజేతలను రాష్ట్ర స్థాయికి పంపేందుకు ఎంపిక చేశారు. కానీ, నిధుల కొరత కారణంగా హైదరాబాద్‌లో జరగాల్సిన రాష్ట్ర స్థాయి పోటీలనే రద్దు చేశారు. పైగా గత ఏడాది ఉత్సవాలు నిర్వహించి పంపిన బిల్లులు కూడా ఇప్పటివరకు మంజూరు కాలేదు. మరి ఈ ఏడాదైనా ప్రభుత్వం నిధులు విడుదల చేసి యువ కళాకారుల కలలకు ఊపిరి పోస్తుందో లేదో వేచి చూడాలి. ఫ యాదగిరిగుట్ట, భువనగిరి కోట వేదికలుగా 4 నుంచి జిల్లా స్థాయి పోటీలు ఫ ఈసారి కొత్తగా జాబితాలోకి ‘వీధి నాటకం’ ఫ 15 నుంచి 29 ఏళ్ల లోపు యువతకే అవకాశం ఫ ఉత్సవాల నిర్వహణకు విడుదలకాని నిధులు

హాలియా : రాజ్యాధికారంతోనే బీసీల సమస్యలకు పరిష్కారం లభిస్తుందని తెలంగాణ రాజ్యాధికార పార్టీ అధ్యక్షుడు, ఎమ్మెల్సీ తీన్మార్‌ మల్లన్న అన్నారు. రాజ్యాధికార పాదయాత్రలో భాగంగా ఆయన చేపట్టిన పాదయాత్ర గురువారం రాత్రి హాలియాకు చేరుకుంది. ఈ సందర్భంగా బీసీ సంఘాల ప్రతినిధులు ఆయనకు ఘన స్వాగతం పలికారు. అనంతరం పట్టణంలోని ప్రధాన సెంటర్‌లో ఏర్పాటు చేసిన కార్నర్‌ మీటింగ్‌లో ఆయన మాట్లాడారు. 70 ఏళ్లు పాలించిన పాలకులు బీసీలను అణగదొక్కారని ఆరోపించారు. కామారెడ్డి డిక్లరేషన్‌లో కాంగ్రెస్‌ అధికారంలోకి వచ్చిన ఆరు నెలల్లో బీసీలకు 42 శాతం రిజర్వేషన్‌ ఇస్తామని హామీ ఇచ్చారని, కానీ మూడేళ్లయినా రిజర్వేషన్‌ ఇవ్వకపోగా మాజీ మంత్రి కుందూరు జానారెడ్డి కొంతమంది అగ్రవర్ణాలను ఉసిగొలిపి హైకోర్టులో బీసీల రిజర్వేషన్‌ను నిలిపివేయించారని విమర్శించారు. రాజ్యాధికారం వస్తే హక్కులు వస్తాయని ప్రతి ఒక్కరూ రాబోయే ఎన్నికల్లో బీసీలకు ఓట్లు వేసి అధికారంలోకి వచ్చేలా చూడాలని పిలుపునిచ్చారు. పార్టీ వర్కింగ్‌ ప్రెసిడెంట్‌ మాదం రజనీకుమార్‌ యాదవ్‌, క్రమశిక్షణ కమిటీ చైర్మన్‌ బంధారపు నర్సయ్య గౌడ్‌, రాష్ట్ర కార్యదర్శి బిక్కునాయక్‌, రంగారెడ్డి జిల్లా ప్రధాన కార్యదర్శి కోట్ల వాసుదేవ్‌, పూజిత, శివ. అజయ్‌, బాలు నాయక్‌, రవీంద్ర నాయక్‌, వెంకటేశ్వర్లు యాదవ్‌ పాల్గొన్నారు. తెలంగాణ రాజ్యాధికార పార్టీ అధ్యక్షుడు తీన్మార్‌ మల్లన్న

ఆత్మకూరు(ఎం): వర్షాభావ పరిస్థితులు నిరాశ పరిచినా ఆ రైతు వెనకడుగు వేయలేదు. ఉద్యాన శాఖ సాయంతో ఫామ్‌పాండ్‌ నిర్మించి.. డ్రిప్‌ ద్వారా తక్కువ నీటితోనే ‘పుచ్చ’ సాగు చేపట్టాడు. ఆత్మకూరు.ఎం మండల కేంద్రానికి చెందిన రైతు నాగం మధుసూదన్‌రెడ్డి ఆరుతడి పంటగా పుచ్చ సాగు చేస్తూ మంచి లాభాలు గడిస్తున్నాడు. ఆయన తనకున్న రెండున్నర ఎకరాల భూమిలో మునగ, బెండ పంటలను సాగు చేశాడు. గతంలో పుచ్చ సాగు చేయడం ద్వారా మంచి లాభాలు రావడంతో ఈసారి మరో నాలుగు ఎకరాలను కౌలుకు తీసుకుని పుచ్చకాయ సాగు చేపట్టాడు. సాగు విధానం..వరి సాగుకు నీరు సరిపోకపోవడంతో రైతు మధుసూదన్‌రెడ్డి క్నోన్‌ రకం పుచ్చ విత్తనాలను ఎంచుకున్నాడు. నాలుగు ఎకరాలకు ఒక ప్యాకెట్‌ (ధర రూ.4,500) గింజలు సరిపోతాయి. విత్తనానికి విత్తనానికి మధ్య రెండు అడుగులు, బోద బోదకు మధ్య ఆరు అడుగుల దూరం ఉండేలా విత్తుకున్నాడు. రెండు బోర్లలో నీళ్లు అంతంత మాత్రమే పోస్తుండటంతో ఉద్యానవన శాఖ సహకారంతో పొలంలోనే ఫామ్‌పాండ్‌ నిర్మించుకున్నాడు. బోర్ల ద్వారా వచ్చిన నీటిని ఫామ్‌పాండ్‌లో నిల్వ చేసి, డ్రిప్‌ పరిజ్ఞానంతో తోటకు అందిస్తున్నాడు. విత్తనం నాటిన మొదట్లో రోజుకు 15 నిమిషాలు, 20–30 రోజుల మధ్య రోజుకు 30 నిమిషాలు, కాత దశలో రోజుకు రెండు గంటల పాటు డ్రిప్‌ ద్వారా నీరు అందిస్తే సరిపోతుందని, వరి పంటతో పోలిస్తే నీటి వాడకం చాలా తక్కువని పేర్కొంటున్నారు. హైదరాబాద్‌ మార్కెట్‌కు ఎగుమతి విత్తనం నాటిన 70 రోజుల్లోనే కాత చేతికి వస్తుంది. ఒక్కో కాయ 3 నుంచి 4 కిలోల బరువు ఉంటుంది. ప్రస్తుతం కాత చేతికి రావడంతో కూలీల ద్వారా కాయలు కోయించి హైదరాబాద్‌ మార్కెట్‌కు తరలిస్తున్నాడు. మార్కెట్‌లో ప్రస్తుతం టన్నుకు రూ.15,000 వరకు ధర లభిస్తోందని, ఎకరానికి 10 టన్నుల చొప్పున దిగుబడి వస్తోందని తెలిపాడు. నాలుగు ఎకరాల సాగుపై రూ.5 లక్షల వరకు ఖర్చయిందని, తెగుళ్లు సోకకుండా జాగ్రత్త పడితే నీటి కొరత ఉన్నప్పటికీ పుచ్చ సాగుతో మంచి లాభాలు ఉంటాయని రైతు మధుసూదన్‌రెడ్డి చెబుతున్నాడు.

నల్లగొండ టౌన్‌: బీజేపీ ప్రభుత్వం వ్యవసాయ రంగంపై, రైతులపై కొనసాగిస్తున్న దాడులకు వ్యతిరేకంగా భవిష్యత్తులో చేపట్టాల్సిన పోరాటాల కార్యాచరణను కిసాన్‌ సభ మహాసభల్లో చర్చిస్తామని అఖిల భారత కిసాన్‌ సభ జాతీయ ప్రధాన కార్యదర్శి విజ్జు కృష్ణన్‌ తెలిపారు. నవంబర్‌ 15 నుంచి 18 వరకు నల్లగొండలో జరగనున్న మహాసభల సందర్భంగా నిర్వహించే బహిరంగ సభా స్థలాన్ని గురువారం ఆయన పరిశీలించారు. ఈ మహాసభలకు దేశవ్యాప్తంగా 1,200 మందికి పైగా ప్రతినిధులు హాజరుకానున్నారని చెప్పారు. తెలంగాణ రైతు సంఘం రాష్ట్ర ప్రధాన కార్యదర్శి తీగల సాగర్‌ మాట్లాడుతూ.. మహాసభల మొదటి రోజు లక్ష మంది రైతులతో భారీ ప్రదర్శన, బహిరంగ సభ, వేలాది మంది యువ కార్యకర్తలతో రెడ్‌ షర్ట్‌ వలంటీర్ల కవాతు ఉంటుందని వివరించారు. ఈ కార్యక్రమంలో సంఘం నాయకులు శోభనాయక్‌, ముదిరెడ్డి సుధాకర్‌రెడ్డి, ఉడుత రవీందర్‌, ఎండీ సలీం, దండంపల్లి సత్తయ్య, నలపరాజు సైదులు, పరిపూర్ణాచారి, భీమగాని గణేష్‌ పాల్గొన్నారు. అఖిల భారత కిసాన్‌ సభ జాతీయ ప్రధాన కార్యదర్శి విజ్జు కృష్ణన్‌

యాదగిరిగుట్ట: తెలంగాణలో ఉన్న మంత్రులు కమీషన్లు, స్కాములే తప్ప.. స్కీముల గురించి పట్టించుకోవడం లేదని మాజీ మంత్రి, సూర్యాపేట ఎమ్మెల్యే గుంటకండ్ల జగదీష్‌రెడ్డి విమర్శించారు. యాదగిరిగుట్ట మండలం వంగపల్లిలో గురువారం నిర్వహించిన ఖమ్మం–నల్లగొండ–వరంగల్‌ పట్టభద్రుల ఎమ్మెల్సీ ఎన్నికల సన్నాహక సమావేశంలో ఆయన మాట్లాడారు. నల్లగొండ జిల్లాలో ఉన్న మంత్రులిద్దరు హెలికాప్టర్‌ లేనిదే పర్యటన చేస్తలేరన్నారు. మంత్రులు కమీషన్లు వచ్చే పనులు తప్ప ప్రజలకు ఉపయోగపడేవి చేయట్లేదన్నారు. మంత్రులు మూటల పంపిణీ పంచాయితీలో బిజీగా ఉన్నారన్నారు. అన్ని పథకాలను ఒకదాని తరువాత ఒకటి ఎత్తి వేస్తున్నారన్నారు. ప్రధానంగా రైతుబంధు, రైతు బీమా, కేసీఆర్‌ కిట్టు, కల్యాణ లక్ష్మి వంటి పథకాలు పోయాయన్నారు. కల్యాణలక్ష్మిని బంద్‌ చేయడానికి ప్రభుత్వమే కుట్ర చేసిందని, కేసు వేయించి ప్రజలకు వ్యతిరేకమైన ఆర్డర్‌ తెప్పించిందని మండిపడ్డారు. ఐదారు గంటలే విద్యుత్‌ సరఫరాకరువు ఇంత దారుణంగా ఉంటే కనీసం జిల్లాలో ఒక్కరోజు కూడా మంత్రులు వచ్చి పర్యటన చేసింది లేదన్నారు. ప్రజల్లోకి మంత్రులు రావడానికి భయపడుతున్నారన్నారు. కేసీఆర్‌ కాలంలో వ్యవసాయరంగంలో అద్భుతంగా నలగొండ జిల్లా వెల్లివిరిసిందని, దేశంలోనే నంబర్‌ వన్‌ జిల్లాగా రికార్డు సృష్టించిందన్నారు. ప్రస్తుత కాంగ్రెస్‌ పాలనలో వ్యవసాయరంగం పాతాళానికి పడిపోయిందన్నారు. కేసీఆర్‌ ఈ రోజు ఉంటే మంచినీళ్లు, కరెంట్‌ సమస్య ఉండకపోవునని ప్రజలు అంటున్నారని తెలిపారు. ఈ రోజు వచ్చిన కరువు కాలం తెచ్చింది కాదని, కాంగ్రెస్‌ తెచ్చిందని అన్నారు. కన్నెపల్లి పంప్‌హౌజ్‌ ఆన్‌ చేసి ఉంటే గంధమల్ల, బస్వాపూర్‌లో నీళ్లు ఉండేవన్నారు. ప్రస్తుత పరిస్థితుల్లో విద్యుత్‌ ఐదారు గంటలే వస్తుందని, వ్యవసాయబావుల వద్ద రైతులు పడిగాపులు గాస్తున్నారన్నారు. మహబూబ్‌నగర్‌, నల్లగొండను ఎండబెట్టి చంద్రబాబుకు గురుదక్షిణగా సీఎం రేవంత్‌రెడ్డి నీళ్లు ఇచ్చారన్నారు. పట్టభద్రుల ఓటు నమోదు ముమ్మరంగా సాగుతోందన్నారు. సమావేశంలో ఎమ్మెల్సీ ఎన్నికల ఇన్‌చార్జి బండ నరేందర్‌రెడ్డి, మాజీ ఎమ్మెల్యేలు గొంగిడి సునితామహేందర్‌రెడ్డి, బూడిద భిక్షమయ్యగౌడ్‌, బీఆర్‌ఎస్‌ నేత రాకేష్‌రెడ్డి, జిల్లా అధ్యక్షుడు కంచర్ల రామకృష్ణారెడ్డి, కల్లూరి రామచంద్రారెడ్డి, తుంగ బాలు, తోటకూరి అనురాధ పాల్గొన్నారు. ఫ మాజీ మంత్రి గుంటకండ్ల జగదీష్‌రెడ్డి

అర్వపల్లి : మతసామరస్యానికి ప్రతీకగా నిలిచే అర్వపల్లి శివారులోని పర్వత శ్రేణుల మధ్య కొలువైన హజ్రత్‌ సయ్యద్‌ ఖాజా నసీరుద్దీన్‌ బాబా దర్గా ఉర్సుకు ముమ్మరంగా ఏర్పాట్లు జరుగుతున్నాయి. ఈ ఉత్సవాలు వచ్చే నెల 6, 7 తేదీల్లో జరగనున్నాయి. ఈ నేపథ్యంలో వక్ఫ్‌బోర్డు రాష్ట్ర, జిల్లా అధికారులు ఇప్పటికే ఏర్పాట్లను పరిశీలించారు. రెవెన్యూ, పంచాయతీరాజ్‌, వైద్యారోగ్య, పోలీసు శాఖల అధికారులతో సమన్వయం చేసుకుంటూ ఉత్సవాల నిర్వహణకు ప్రణాళికలు సిద్ధం చేశారు. ఉత్సవాల వివరాలివే..● వచ్చే నెల 6న ఉర్సు ఉత్సవాల్లో భాగంగా అర్వపల్లి పోలీస్‌ స్టేషన్‌ నుంచి గంధం ఊరేగింపు అత్యంత వైభవంగా ప్రారంభమవుతుంది. అనంతరం రాత్రి దర్గా వద్ద ప్రత్యేక ఖవ్వాలీ కార్యక్రమం నిర్వహిస్తారు. ● 7న బాబా సన్నిధిలో భక్తిశ్రద్ధలతో దీపారాధన (చిరాగ్‌) కార్యక్రమం జరుగుతుంది. భక్తులకు మౌలిక వసతుల కల్పన ఈ ఉర్సు ఉత్సవాలకు రాష్ట్రంలోని వివిధ ప్రాంతాల నుంచి వేలాది మంది భక్తులు తరలిరానున్నారు. ముస్లింలతో పాటు హిందువులు కూడా పెద్ద సంఖ్యలో హాజరై బాబాను దర్శించుకుని మొక్కులు చెల్లించుకోవడం ఇక్కడి ప్రత్యేకత. భక్తుల రాక నేపథ్యంలో జాతీయ రహదారి–365 నుంచి దర్గాకు వెళ్లే దారి సరిగా లేకపోవడంతో.. అధికారులు తాత్కాలిక మరమ్మతు పనులు చేపట్టారు. ఉర్సుకు వచ్చే భక్తులకు ఎలాంటి ఇబ్బందులు కలగకుండా అన్ని రకాల మౌలిక వసతులు కల్పిస్తున్నట్లు వక్ఫ్‌బోర్డు రాష్ట్ర అసిస్టెంట్‌ సెక్రటరీ అమీర్‌ అహ్మద్‌, జిల్లా ఇన్‌స్పెక్టర్‌ దస్తగిరి తెలిపారు. 6న గంధం ఊరేగింపు.. 7న దీపారాధన రాష్ట్ర నలుమూలల నుంచి తరలిరానున్న భక్తులు

భువనగిరి: విద్యార్థులకు చట్టాలపై అవగాహన అవసరమని అదనపు సీనియర్‌ సివిల్‌ జడ్జి ఆరిఫ్‌ అన్నారు. గురువారం భువనగిరి పట్టణంలోని విజ్ఞాన్‌ కాన్సెప్ట్‌ హైస్కూల్‌లో సురక్షిత్‌ బచ్‌పన్‌ అభియాన్‌ కార్యక్రమంలో భాగంగా నిర్వహించిన న్యాయ విజ్ఞాన సదస్సులో ఆయన మాట్లాడారు. మానవ అక్రమ రవాణా నివారణకు ప్రతి ఒక్కరూ కృషి చేయాలన్నారు. విద్యార్థులు ఫోన్‌ వాడకం పై ప్రత్యేక నిఘాఉంచాలన్నారు. న్యాయ సలహాలు, సహాయం కోసం 15100,చైల్డ్‌లైన్‌ 1098 నంబర్‌ను సంప్రదించాలన్నారు. అనంతరం వ్యాసరచన పోటీల్లో ప్రతిభ కనబర్చిన విద్యార్థులకు బహుమతులను అందజేశారు. ఈ కార్యక్రమంలో ఎస్సై భాస్కర్‌రెడ్డి, చైల్డ్‌ లైన్‌ సిబ్బంది దశరథ, పాఠశాల చైర్మన్‌ పగిడాల జలంధర్‌రెడ్డి, కరస్పాండెంట్‌ పురేందర్‌రెడ్డి, సిబ్బంది పాల్గొన్నారు. యాదగిరి క్షేత్రంలో విశేష పూజలుయాదగిరిగుట్ట: యాదగిరి శ్రీలక్ష్మీనరసింహస్వామి వారి ఆలయంలో గురువారం నిత్య పూజలు నిర్వహించారు. ఉదయాన్నే శ్రీస్వామికి సుప్రభాతం చేపట్టి, స్వయంభూ మూర్తులకు నిజాభిషేకం జరిపించారు. అనంతరం శ్రీస్వామి అమ్మవార్లకు సహస్ర నామార్చన, కుంకుమార్చన వంటి పూజలు చేపట్టారు. ఇక ముఖ మండపంలో బంగారు ఉత్సవమూర్తులకు అష్టోత్తరం, సువర్ణ పుష్పార్చన పూజ నిర్వహించారు. ఆలయ ప్రథమ ప్రాకార మండపంలో శ్రీసుదర్శన నారసింహ హోమం, గజ వా హన సేవ, నిత్య కల్యాణం, బ్రహ్మోత్సవం చేపట్టారు. సాయంత్రం వేళ శ్రీస్వామి అమ్మవార్ల వెండి జోడు సేవను ఊరేగించి, రాత్రి పవళింపు సేవ జరిపి ఆలయాన్ని మూసివేశారు. రైతుల సంక్షేమమే ప్రభుత్వ ధ్యేయంరాజాపేట : రైతుల సంక్షేమమే కాంగ్రెస్‌ ప్రభుత్వ ధ్యేయమని ఆలేరు ఎమ్మెల్యే, ప్రభుత్వ విప్‌ బీర్ల ఐలయ్య స్పష్టం చేశారు. గురువారం రాజాపేట మండలంలోని రఘునాథపురం గ్రామంలో ఐకేపీ ధాన్యం కొనుగోలు కేంద్రాన్ని ఆయన ప్రారంభించారు. ఈ సందర్భంగా మాట్లాడుతూ.. రైతులు వచ్చే యాసంగి సీజన్‌లో ఆరుతడి పంటల సాగుపై దృష్టి సారించాలని పిలుపునిచ్చారు. ఈ కార్యక్రమంలో మార్కెట్‌ కమిటీ డైరెక్టర్లు బాలరాజుగౌడ్‌, విఠల్‌నాయక్‌, మదర్‌ డెయిరీ డైరెక్టర్‌ గొల్లపల్లి రాంరెడ్డి, పీఏసీఎస్‌ చైర్మన్‌ మహేందర్‌గౌడ్‌, తహసీల్దార్‌ రవికిరణ్‌కుమార్‌, ఎంపీడీఓ నాగవేణి, ఏపీఎం మురహరి, నాయకులు పెంటయ్యగౌడ్‌, ఇంజ నరేష్‌ పాల్గొన్నారు. పోచంపల్లిని సందర్శించిన విదేశీయులు భూదాన్‌పోచంపల్లి: భూదాన్‌పోచంపల్లికి గురువారం అమెరికా, కెనడా దేశాలకు చెందిన 10 మంది టూరిస్ట్‌లు వచ్చారు. టూరిజం పార్కును సందర్శించి అక్కడ మగ్గాలపై తయారవుతున్న చేనేత వస్త్రాల తయారీ విధానాన్ని పరిశీలించారు. మగ్గంపై పనిచేస్తే చేనేత కార్మికుడికి లభిస్తున్న కూలి, జీవన విధానాలు, ఇక్కత్‌ వస్త్రాల ప్రాముఖ్యత, పోచంపల్లి భూదానోద్యమ చారిత్రక నేపఽథ్యాన్ని వారు అడిగి తెలుసుకొని అభినందించారు. ఇండియా పర్యటనలో భాగంగా పోచంపల్లికి వచ్చినట్లు వారు తెలిపారు.

● సుమోటోగా కేసు నమోదు నకిరేకల్‌: విజయ దశమి సందర్భంగా లైసెన్స్‌డ్‌ రివాల్వర్‌తో గాల్లోకి కాల్పులు జరిపిన బీఆర్‌ఎస్‌ నేతపై పోలీసులు సుమోటోగా కేసు నమోదు చేశారు. నకిరేకల్‌ మండలం నెల్లిబండ గ్రామంలో దసరా వేడుకల సందర్భంగా అదే రోజు రాత్రి బీఆర్‌ఎస్‌ రాష్ట్ర నేత, స్థానిక మాజీ సర్పంచ్‌ చింతల సోమన్న తన వద్ద ఉన్న లైసెన్స్‌డ్‌ రివాల్వర్‌తో గాల్లోకి కాల్పులు జరిపారు. గ్రామస్తులు ఈవిషయంపై జిల్లా పోలీస్‌ ఉన్నాధికారులకు పోస్టు ద్వారా ఫిర్యాదు అందించారు. ఈమేరకు చింతల సోమన్నపై నిబంధనల ఉల్లంఘన కింద గత రెండు రోజుల క్రితం సుమోటోగా కేసు నమోదు చేసినట్లు నకిరేకల్‌ సీఐ హరిబాబు తెలిపారు. కంచుగట్లగూడెంలో కొండచిలువ కలకలంనాగారం : మండలంలోని పేరబోయినగూడెం ఆవాసం కంచుగట్లగూడెంలో వరికోత మిషన్‌ కింద పడి సుమారు 7అడుగుల భారీ కొండ చిలువ మృతి చెందింది. గ్రామానికి చెందిన రైతు కంచుగట్ల నరేష్‌ గురువారం తన వరిపొలాన్ని హార్వేస్టర్‌ మిషన్‌ ద్వారా కోయిస్తున్నాడు. ఈ క్రమంలో చేనులో ఉన్న సుమారు 7 అడుగుల పొడవైన కొండచిలువ వరికోత మిషన్‌ కింద పడి మృతి చెందింది. వారం రోజుల క్రితం ఇదే గ్రామంలో రైతు బీనబోయిన లింగయ్య పొలంలో వరి కోయిస్తుండగా 8 అడుగుల కొండచిలువ వరికోత యంత్రం బెల్టులో పడి మృతి చెందింది. ఈ ఘటన మరువక ముందే ఇదే గ్రామంలో మరో కొండ చిలువ రావడంతో రైతులు భయాందోళన చెందుతున్నారు. రసాయన వ్యర్థాలు తిని 13 గొర్రెలు మృత్యువాతమునగాల: మండల పరిధిలోని మాధవరం శివారులో రసాయన వ్యర్థాలు తిని 13గొర్రెలు మృత్యువాత పడ్డాయి. మాధవరం గ్రామానికి చెందిన పలువురు గొర్రెల కాపరులు రోజు మాదిరిగా తమ గొర్రెలను మేపుకుంటూ బయలుదేరారు. ఈ క్రమంలో జాతీయ రహదారి వెంట గంగమ్మ గుడి వద్ద కొందరు గుర్తుతెలియని వ్యక్తులు రసాయన వ్యర్థాలు వదిలి వెళ్లడంతో ఆ ప్రాంతానికి వచ్చిన గొర్రెలు వాటిని తిన్నాయి. దీంతో మాధవరం గ్రామానికి చెందిన దాసరి చినసైదులుకు చెందిన మూడు గొర్రెలు, దాసరి లింగోజికి చెందిన మూడు గొర్రెలు, దాసరి భద్రయ్యకు చెందిన ఐదు గొర్రెలు, కొత్తపల్లి చెందిన రెండు గొర్రెలు మృతిచెందాయి. మరో 25గొర్రెలకు మండల పశువైద్యాఽధికారి భాస్కర్‌ ఆధ్వర్యంలో సిబ్బంది చికిత్స అందించారు. తమకు నష్టపరిహారం అందించి ఆదుకోవాలని బాధిత గొర్రెల కాపరులు కోరుతున్నారు.

సూర్యాపేట టౌన్‌ : జిల్లా కేంద్రంలో ఏర్పాటు చేసిన పోలీస్‌ భరోసా కేంద్రాన్ని యూనిసెఫ్‌ బాలల రక్షణ బృందం ప్రతినిధులు, చైల్డ్‌ ప్రొటెక్షన్‌ స్పెషలిస్ట్‌ సోనికుట్టి జార్జ్‌, టెక్నికల్‌ అడ్వైజర్‌ డాక్టర్‌ ఫిలిప్స్‌ గురువారం సందర్శించారు. ఈ సందర్భంగా కేంద్రం ద్వారా బాధితులకు అందిస్తున్న వివిధ సేవల వివరాలను అడిగి తెలుసుకున్నారు. అదనపు ఎస్పీ రవీందర్‌రెడ్డితో కలిసి భరోసా కేంద్రం, షీ టీం కార్యాలయాలను సందర్శించిన బృందం సభ్యులు.. లైంగిక దాడులకు గురైన మహిళలు, చిన్నారులకు పోలీస్‌ భరోసా కేంద్రం ద్వారా ఎలాంటి సేవలు అందిస్తున్నారు అనే అంశాలపై వివరాలు సేకరించారు. ఈ సందర్భంగా అదనపు ఎస్పీ రవీందర్‌రెడ్డి మాట్లాడుతూ.. భరోసా, షీ టీం బృందాలు మహిళా, బాలల రక్షణలో పటిష్టంగా పని చేస్తున్నాయని తెలిపారు. లైంగిక దాడి కేసుల్లో బాధితులుగా ఉన్న మహిళలు, చిన్నారులు అండగా నిలవడం, వారిలో సామాజిక ౖధైర్యం, భద్రత కల్పించడం ముఖ్య ఉద్దేశమన్నారు. భరోసా కేంద్రంలో నిర్వహిస్తున్న రికార్డ్స్‌ను, కౌన్సిలింగ్‌ విధానాన్ని పరిశీలించి భరోసా పనితీరును అభినందించారు. కార్యక్రమంలో భరోసా టీం ఎస్‌ఐ మౌనిక, షీ టీం ఎస్‌ఐ నీలిమ తదితరులు పాల్గొన్నారు.

భూదాన్‌పోచంపల్లి: శాంతిభద్రతల పరిరక్షణకు మొదటి ప్రాధాన్యం ఇవ్వాలని డీఐజీ జోయెల్‌ డేవిస్‌ పోలీస్‌ సిబ్బందికి సూచించారు. వార్షిక తనిఖీలో భాగంగా గురువారం భూదాన్‌పోచంపల్లి పోలీస్‌స్టేషన్‌ను డీఐజీ సందర్శించారు.స్టేషన్‌ నిర్వహణ, డైరీ, రికార్డులు, సిబ్బంది విధులు, వాహనాల నిర్వహణ, కోర్టు రికార్డులు, కేసులకు సంబంధించిన సాక్ష్యాధారాల సామగ్రిని క్షుణ్ణంగా పరిశీలించి మాట్లాడారు. విధి నిర్వహణలో అప్రమత్తంగా ఉంటూ క్రమశిక్షణతో పనిచేయాలన్నారు. కేసుల దర్యాప్తును వేగవంతం చేయాలని ఆదేశించారు. అనంతరం పోలీస్‌స్టేషన్‌ ఆవరణలో మొక్క నాటారు. అంతకుముందు పోలీసుల గౌరవ వందనం స్వీకరించారు. ఈ కార్యక్రమంలో జిల్లా ఎస్పీ అక్షాంశ్‌యాదవ్‌, చౌటుప్పల్‌ డీఎస్పీ మధుసూదన్‌రెడ్డి, రూరల్‌, పట్టణ సీఐలు మన్మధకుమార్‌, సతీష్‌రెడ్డి, రామన్నపేట సీఐ రవి, స్థానిక ఎస్‌ఐ జడ జగన్‌ , మహిళా ఎస్‌ఐ లైలా, ఏఎస్‌ఐలు శంకర్‌నాయక్‌, శ్రీనివాస్‌ పాల్గొన్నారు. ఫ డీఐజీ జోయెల్‌ డేవిస్‌

మోత్కూరు: చేనేత కార్మికుల అభ్యన్నతికి బ్యాంకులు సహకారం అందిస్తాయని ఆర్‌బీఐ అసిస్టెంట్‌ జనరల్‌ మేనేజర్‌ హేమలత అన్నారు. చేనేత కార్మికుల సంక్షేమం, ఆర్థికాభివృద్ధే లక్ష్యంగా మోత్కూరులో గురువారం ‘వీవర్స్‌ డెవలప్‌మెంట్‌ ప్రోగ్రామ్‌’ను నిర్వహించారు. ఈ సందర్భంగా ఆర్బీఐ, నాబార్డ్‌, చేనేత శాఖ అధికారులు, వివిధ బ్యాంకుల ప్రతినిధులు మోత్కూరు చేనేత సహకార సంఘం క్లస్టర్‌ను సందర్శించారు. అధికారులు మగ్గాలపై నేత పనులను ప్రత్యక్షంగా పరిశీలించారు. అనంతరం చేనేత కార్మికులతో ముఖాముఖి మాట్లాడి, వృత్తిపరంగా వారు ఎదుర్కొంటున్న సమస్యలను అడిగి తెలుసుకున్నారు.చేనేత రంగ అభివృద్ధికి బ్యాంకుల ద్వారా అందించే రుణ సదుపాయాలు, నాబార్డు సహకారం, కేంద్ర, రాష్ట్ర ప్రభుత్వాలు అమలు చేస్తున్న రాయితీ పథకాలు, నైపుణ్యాభివృద్ధి శిక్షణ కార్యక్రమాలపై కార్మికులకు అవగాహన కల్పించారు. ఈ కార్యక్రమంలో లీడ్‌ బ్యాంకు మేనేజర్‌ వీరన్న, నాబార్డు డీడీఎం ఝాన్సీరాణి, చేనేత జౌళి శాఖ ఏడీఓ సచిన్‌, అధికారి తేజేశ్వర్‌రావు, అసిస్టెంట్‌ లీడ్‌ బ్యాంకు మేనేజర్‌ వంశీ, ఎస్‌బీఐ మేనేజర్‌ కిరణ్‌కుమార్‌, తెలంగాణ గ్రామీణ బ్యాంకు మేనేజర్‌ సత్యనారాయణ, కెనరా బ్యాంకు మేనేజర్‌ మహేష్‌, ఈడీసీ మేనేజర్‌ రంజిత్‌, స్ఫూర్తి చైర్మన్‌ మంచె గోవర్దన్‌, చేనేత సహకార సంఘం అధ్యక్షుడు వంగరి రాములు పాల్గొన్నారు. ఇన్సూరెన్స్‌ చేయించుకోవాలి గుండాల: బ్యాంకు ఖాతా ఉన్న ప్రతి ఒక్కరూ ఇన్సూరెన్స్‌ చేయించుకోవాలని ఆర్‌బీఐ ఏజీఎం హేమలత కోరారు. గురువారం బ్రాహ్మణపల్లి గ్రామంలో ఎస్‌బీఐ, ఎస్‌ఎస్‌టీఎన్‌జీవో ఆధ్వర్యంలో ఆర్థిక అంశాలు, బ్యాంకింగ్‌ సేవలపై అవగాహన సభ నిర్వహించారు. కార్యక్రమంలో నాబార్డు డీడీఎం కె.ఝాన్సీరాణి, ఎల్‌డీఎం వంశీ, డీజీపీ మేనేజర్‌ నరేష్‌, సర్పంచ్‌ సుధాకర్‌, ఉప సర్పంచ్‌ పెద్దిరాజు, ఎస్‌ఎస్‌బీ కౌన్సిలర్లు మల్లేష్‌, ప్రవీణ్‌, ఈడీసీ మేనేజర్‌ రంజిత్‌, సీసీ వెంకటేశ్వర్లు, పంచాయతీ కార్యదర్శి సోఫియా, మారోజు మధు, నర్సమ్మ తదితరులు పాల్గొన్నారు.

భువనగిరిటౌన్‌ : భువనగిరి పట్టణంలోని సమద్‌ చౌరస్తా వద్ద గల హజ్రత్‌ లాల్‌ షా వలి బాబా ఉర్సు ఉత్సవాలను గురువారం ఘనంగా నిర్వహించారు. అహ్మద్‌ జమాల్‌ షరీఫ్‌ ఫారోఖి పర్యవేక్షణలో, ముతవల్లీలు ఇంతియాజ్‌, ఎండీ ఇస్తియాఖ్‌ ఆధ్వర్యంలో ఈ వేడుకలు భక్తిశ్రద్ధలతో జరిగాయి. ఉత్సవాల్లో భాగంగా ఇస్లాంపుర మసీదు నుంచి ఆజాద్‌ రోడ్డు మీదుగా దర్గా వరకు గంధం ఊరేగింపు నిర్వహించారు. అనంతరం బాబాకు పూల చాదర్‌ సమర్పించి ప్రత్యేక ప్రార్థనలు చేశారు. భక్తులకు అన్నదాన కార్యక్రమం నిర్వహించారు. ఉర్సు మతసామరస్యానికి, శాంతికి ప్రతీక అని ముతవల్లి ఇంతియాజ్‌ పేర్కొన్నారు.

మునుగోడు: కుండల విక్రయాలు కుమ్మరి కులస్తుల మధ్య చిచ్చురేపాయి. మునుగోడులో ప్రతి గురువారం జరిగే వారపు సంతలో కుండలు అమ్ముకునే విషయంలో కొంత కాలంగా వివాదం కొనసాగుతుండగా.. గురువారం ఏకంగా దాడులు చేసుకునే వరకు వచ్చింది. మునుగోడు పట్టణంలో తాతముత్తాల కాలం నుంచి నివాసం ఉంటూ కుండలు అమ్ముకుంటున్నవారే సంతలో కుండలు విక్రయించాలని ఒక వర్గం పట్టుబడుతుతోంది. గత 20, 30 ఏళ్ల క్రితం బతుకుదెరువు కోసం మునుగోడుకు వచ్చి ఇక్కడే స్థిరపడిన వారు కూడా సంతలో కుండలు అమ్ముకుంటామని మరొక వర్గం గత నెల క్రితం గ్రామ పంచాయతీ వద్ద ఆందోళనకు దిగారు. స్థానిక పోలీసులను ఆశ్రయించగా సర్పంచ్‌, పలువురు పెద్దలు జోక్యం చేసుకొని సంతలో ఎవరైనా కుండలు అమ్ముకోవచ్చని తెలిపారు. దీంతో తమకు మాత్రమే కుండలు అమ్ముకునే అవకాశం ఇవ్వాలని పూర్వం నుంచి ఉంటున్న వారు ఇటీవల ఎమ్మెల్యే కోమటిరెడ్డి రాజగోపాల్‌ రెడ్డికి వినతిపత్రం అందజేశారు. ఈక్రమంలో గురువారం సంతలో రెండు వర్గాల మధ్య వివాదం ముదిరి దాడులు చేసుకున్నారు. పలువురికి తీవ్రగాయాలయ్యాయి. సమాచారం అందుకున్న ఎస్‌ఐ శోభన్‌బాబు తన సిబ్బందితో అక్కడకు చేరుకుని ఇరువర్గాలను చెదరగొట్టాడు. ఇరువర్గాల వారు పోలీస్‌స్టేషన్‌లో ఫిర్యాదు చేశారు. పూర్తిస్థాయిలో విచారణ జరిపి, చట్ట వ్యతిరేకంగా వ్యవహరించిన వారిపై కేసులు నమోదు చేస్తామని ఎస్‌ఐ తెలిపారు.

యాదగిరిగుట్ట: యాదగిరి శ్రీలక్ష్మీనరసింహస్వామి వారి ఆలయ సన్నిధిలో నూతన కల్యాణ మండపాన్ని నిర్మించేందుకు శుక్రవారం భూమి పూజ చేయనున్నారు. ఇందుకు సంబంధించిన ఏర్పాట్లను ఆలయ ఈఓ భవానీ శంకర్‌ గురువారం పరిశీలించారు. శ్రీస్వామి క్షేత్రానికి వచ్చే భక్తులు అధికంగా నిత్య కల్యాణ వేడుకను నిర్వహించి, మొక్కులు తీర్చుకుంటున్నారు. ప్రస్తుతం ప్రథమ ప్రాకార మండపంలో ఈ నిత్య కల్యాణ వేడుకను జరిపిస్తున్నారు. అందులో సుమారు 80కి పైగానే జంటలు పాల్గొనేందుకు అవకాశం ఉంది. కానీ గతంలో ఆలయ పునః నిర్మాణంలో భాగంగా కొండపైన భక్తుల దర్శనార్థం ఏర్పాటు చేసిన బాలాలయం ప్రాంగణంలోనే నూతన కల్యాణ మండపాన్ని నిర్మించేందుకు శంకుస్థాపన చేశారు. ఇటీవల వైటీడీ ధర్మకర్తల మండలి సమావేశంలో చైర్మన్‌ సత్యనారాయణరెడ్డి నిత్య కల్యాణ మండపం నిర్మిస్తానని ముందుకు వచ్చారు. దీంతో శుక్రవారం ఉదయం నూతన నిత్య కల్యాణ మండపానికి భూమి పూజ చేయనున్నారు. సుమారు 1500 మంది నిత్య కల్యాణంలో పాల్గొని, వీక్షించేలా ఈ నిర్మాణం జరగనుంది. ఏడాది కాలంలోపే పనులు పూర్తి చేసేలా అధికారులు, వైటీడీ ధర్మకర్తల మండలి సభ్యులు సన్నాహాలు చేస్తున్నారు. ఇక రాయగిరి వద్ద వైటీడీ ధర్మకర్తల మండలి చైర్మన్‌ సొంత నిధులతో నిర్మించే ఆర్చి (స్వాగత తోరణం)కి సైతం ఉదయం 11.14 గంటలకు శంకుస్థాపన చేయనున్నారు. భక్తులకు ఇబ్బందులు లేకుండా.. యాదగిరి కొండపై కల్యాణ మండపానికి భూమి పూజ జరిగే సమయంలో భక్తులకు ఎలాంటి ఇబ్బందులు తలెత్తకుండా చర్యలు తీసుకుంటున్నామని ఈఓ భవానీ శంకర్‌ వెల్లడించారు. ఆయా కార్యక్రమాలకు సంబంధించి అధికారులు, ఉద్యోగులకు పలుసూచనలు చేసినట్లు తెలిపారు.

రామన్నపేట: మత్తు పదార్థాల నిర్మూలన, సైబర్‌ నేరాల నియంత్రణ ద్వారా ఆరోగ్యవంతమైన సమాజాన్ని నిర్మిద్దామని జిల్లా ఎస్పీ అక్షాంశ్‌యాదవ్‌ పిలుపునిచ్చారు. గురువారం రామన్నపేట సర్కిల్‌ ఆధ్వర్యంలో మాదక ద్రవ్యాల నిర్మూలన–సైబర్‌ నేరాల నియంత్రణపై ఏర్పాటు చేసిన అవగాహన పరుగును ఆయన ప్రారంభించారు. స్థానిక యువకులు, పోలీసు అధికారులు, సిబ్బందితో కలిసి 2కి.మీ దూరం పరుగెత్తి ఉత్సాహ పరిచారు. ఈ సందర్భంగా నిర్వహించిన సమావేశంలో ఆయన మాట్లాడారు. దేశానికి అతిపెద్ద సంపద అయిన యువత మత్తు పదార్థాలకు బానిసలు కాకుండా కాపాడుకోవాల్సిన గురుతర బాధ్యత ప్రతిఒక్కరిపై ఉందన్నారు. ఈ కార్యక్రమంలో చౌటుప్పల్‌ డీఎస్పీ మధుసూదన్‌రెడ్డి, సీఐ ఎం.రవి, ఏడుకొండలు, ఎస్‌ఐలు జి.సతీష్‌, శ్రీకాంత్‌రెడ్డి, లక్ష్మీనారాయణ, సతీష్‌, వెంకట్‌రెడ్డి ఏఎస్‌ఐ సురేందర్‌, హెడ్‌కానిస్టేబుల్‌ కమలాకర్‌, వెంకటేశ్వర్లు, సిబ్బంది లింగస్వామి, స్వామినాయక్‌, ప్రవీణ్‌, ప్రశాంత్‌, స్వామి, మధు, కృష్ణమూర్తి, నర్సింహ, లావణ్య, కవిత, సైదులు, సైదయ్య వివిధ పాఠశాలలు, కళాశాలల అధ్యాపకులు పాల్గొన్నారు. ఫ రామన్నపేటలో 2కే రన్‌ ప్రారంభ సభలో ఎస్పీ అక్షాంశ్‌యాదవ్‌

మఠంపల్లి: లోకంలోని జనులందరికీ మేరీమాత దీవెనలు అందాలని, అందుకు మరియదల మహిళా సభ్యులంతా కృషిచేయాలని నల్లగొండ మేత్రాసన పీఠాధిపతి డాక్టర్‌ దమన్‌కుమార్‌ అన్నారు. గురువారం మఠంపల్లి మండల కేంద్రంలోని మేరీమాత (శుభవార్త చర్చి) పుణ్యక్షేత్రంలో నిర్వహించిన నల్ల గొండ, మహబూబ్‌నగర్‌, సూర్యాపేట, యాదాద్రి భువనగిరి జిల్లాల స్థాయి మరియదల మహాసభకు ఆయన ముఖ్య అతిథిగా హాజరయ్యారు. ఈ సందర్భంగా మేరీమాతకు ప్రత్యేక పూజలు చేశారు. అనంతరం మాట్లాడుతూ.. లోకంలోని జనులనుద్ధరించేందుకు దైవ కుమారుడైన ఏసుక్రీస్తుకి జన్మనిన్చిన పరమ పవిత్రురాలు మేరీమాత అని అన్నారు. మరియదల సభ్యులంతా మేరీమాత ఆలయం చుట్టూ ప్రదక్షిణలు చేశారు. స్థానిక బృందం ఆలపించిన క్రైస్తవ గేయాలు విశేషంగా ఆకట్టుకున్నాయి. మహాసభకు నాలుగు జిల్లాకు చెందిన సుమారు 650 మహిళా సభ్యులు హాజరుకాగా.. స్థానిక రెవరెండ్‌ ఫాదర్‌ పోగుల రాజిరెడ్డి, రాజా, జోసెఫ్‌, భానుప్రసాద్‌, చిన్నయ్య, అనిల్‌, అల్లంబాల, శాంతిరెడ్డి, అరుణ్‌, బాలశౌరీ, లిమోజోసెఫ్‌, ఎం.జోసెఫ్‌, జోజిబాబు, సెబాస్టీన్‌, బ్రదర్‌ ప్రసాద్‌, స్థానిక పెద్దలు ఆదూరికిషోర్‌రెడ్డి, గాదె జయభారత్‌ రెడ్డి, తిరుమలరెడ్డి బాలశౌరిరెడ్డి, సెబాస్టీన్‌రెడ్డి, బోయపాటి ఆంతోనిరెడ్డి, గాలి చిన్నపురెడ్డి, ఆదూరి లూర్దురెడ్డి, మరియదల సభ్యులు ఆంతోని మేరమ్మ, ఆరోగ్యమ్మ, అన్నమ్మ, మేరమ్మ, టీ.మేరమ్మ పాల్గొన్నారు. నల్లగొండ మేత్రాసన పీఠాధిపతి దమన్‌కుమార్‌

సాక్షి, యాదాద్రి: కరువు జిల్లా యాదాద్రిలో తాగునీటి సమస్య రోజురోజుకూ తీవ్రమవుతోంది. జిల్లా వ్యాప్తంగా ప్రజల తాగునీటి డిమాండ్‌కు, క్షేత్రస్థాయిలో అందుతున్న సరఫరాకు ఏమాత్రం పొంతన లేదు. భూగర్భ జలాలు అడుగంటడంతో స్కీం బోర్లు, అద్దె బోర్లు ఆగి ఆగి పోస్తున్నాయి. అరకొరగా వస్తున్న మిషన్‌ భగీరథ నీటికి, స్థానిక బోర్ల నీటిని కలిపి గ్రామాల్లో సరఫరా చేస్తున్నారు. సరిపడా నీరు రాక కొన్ని గ్రామాల్లో రెండు రోజులకోసారి మాత్రమే కుళాయిల ద్వారా మంచినీళ్లు ఇస్తున్నారు. అక్టోబర్‌లోనే పరిస్థితి ఇలా ఉంటే, డిసెంబర్‌ నాటికి పరిస్థితి మరెంత తీవ్రంగా మారుతుందోనని ప్రజలు ఆందోళన చెందుతున్నారు. నీటి సరఫరా తగ్గిపోవడంతో.. జిల్లాలో అక్కంపల్లి బ్యాలెన్సింగ్‌ రిజర్వాయర్‌ (ఏకేబీఆర్‌), ఉదయ సముద్రం ద్వారా తాగునీటి సరఫరా తగ్గుతోంది. భువనగిరి, ఆలేరు నియోజకవర్గాల్లోని 516 గ్రామాలకు 59 ఎంఎల్‌డీల మిషన్‌ భగీరథ నీరు సరఫరా కావాల్సి ఉండగా.. ప్రస్తుతం 27 ఎంఎల్‌డీలు మాత్రమే అందుతోంది. దీంతో లోటును భర్తీ చేయడానికి స్థానిక బోర్లు, అద్దె బోర్లపై ఆధారపడాల్సిన పరిస్థితి నెలకొంది. గ్రామాల్లో తాగునీటికి తిప్పలు పట్టణాలతో పోలిస్తే గ్రామీణ ప్రాంతాల్లో నీటి కొరత మరింత దారుణంగా ఉంది. తుర్కపల్లి, యాదగిరిగుట్ట, రాజాపేట, ఆలేరు, మోటకొండూరు, ఆత్మకూర్‌, భువనగిరి మండలాల్లోని సుమారు 288 ఆవాసాలకు మిషన్‌ భగీరథ నీటి సరఫరా పూర్తిగా నిలిచిపోయింది. దీంతో గ్రామాల్లో నీటి సమస్యను అధిగమించడానికి సర్పంచ్‌లు నానా యాతన పడుతున్నారు. మరోవైపు ఏకేబీఆర్‌ పరిధిలోని చౌటుప్పల్‌, నారాయణపురం, బీబీనగర్‌, పోచంపల్లి మండలాలకు 10 ఎంఎల్‌డీల నీరు అందాల్సి ఉండగా.. కేవలం 8 ఎంఎల్‌డీల (77 శాతం) సరఫరా మాత్రమే జరుగుతోంది. పైప్‌లైన్‌ లీకేజీల కారణంగా మరో 20 ఆవాసాలకు చుక్క నీరు అందక ప్రజలు తీవ్ర ఇబ్బందులు పడుతున్నారు. లీకేజీలకు అడ్డుకట్ట వేస్తేనే.. నీరు వృథా కాకుండా పైప్‌లైన్ల లీకేజీలకు అధికారులు తక్షణమే మరమ్మతులు చేపట్టాలి. కొన్ని ప్రాంతాల్లో అధికంగా, మరికొన్ని ప్రాంతాల్లో అరకొరగా నీరు సరఫరా అవుతుండటాన్ని అధికారులు చక్కదిద్దాలని ప్రజలు కోరుతున్నారు. తాగునీటి సమస్య తీవ్రంగా ఉన్న గ్రామాలకు వెంటనే ట్యాంకర్ల ద్వారా నీటిని సరఫరా చేయాలని డిమాండ్‌ చేస్తున్నారు. ప్రభుత్వం తక్షణమే స్పందించి రాబోయే నీటి గండం నుంచి గట్టెక్కేలా ముందస్తు చర్యలు తీసుకోవాలి. మా గ్రామంలో నీటి ఎద్దడి నివారణకు చర్యలు తీసుకోవాలి. మంచినీటి కోసం ప్రజలు రెండు రోజులుగా ఎదురు చూస్తున్నారు. ప్రస్తుతం ఉన్న ట్యాంకులు కూడా భగీరథ నీరు, బోరు నీటితోనింపలేకపోతున్నాం. బోర్లు ఆగి ఆగిపోస్తున్నాయి. ప్రజలకు సరిపోను నీరివ్వాలి. – ఏసిరెడ్డి మంజుల, సర్పంచ్‌, గుండ్లగూడెంమిషన్‌ భగీరథ నుంచి సరఫరా చేయాల్సిన నీరు : 59 ఎంఎల్‌డీ సరఫరా అవుతున్నవి : 27 ఎంఎల్‌డీ గ్రామాలు : 516 ఏకేబీఆర్‌ నుంచి సరఫరా చేయాల్సిన నీరు: 10 ఎంఎల్‌డీ సరఫరా అవుతున్నవి 8 ఎంఎల్‌డీ గ్రామాలు : 131తీవ్రమవుతున్న తాగునీటి ఎద్దడి ఫ డిమాండ్‌ మేరకు సరఫరా కాని నీరు ఫ 288 గ్రామాలకు పూర్తిగా నిలిచిపోయిన మిషన్‌ భగీరథ జలాలు ఫ సగానికి పడిపోయిన నీటి వాటా.. రెండు మూడు రోజులకోసారి మంచినీళ్లు ఆలేరు మండలం గుండ్లగూడెం గ్రామంలో సుమారు 1500 మంది జనాభా ఉన్నారు. మొత్తం 5 బోర్లు (మూడు 5హెచ్‌పీ, 2 సింగిల్‌ఫేజ్‌ బోర్లు) ఉన్నాయి. గ్రామంలో రెండు రోజుల కోసారి మంచినీటి సరఫరా జరుగుతోంది. మిషన్‌ భగీరథ నీరు రెండు రోజులకు ఒకసారి వస్తుండగా గ్రామంలో ఉన్న రెండు ట్యాంకులు నిండడంలేదు. విద్యుత్‌ సమస్యలతో రాత్రి వేళ బోరు మోటార్లు సరిగా పనిచేయడంలేదు. లోఓల్టేజీ, షార్ట్‌సర్క్యూట్‌తో తరచూ మోటార్లు కాలిపోతున్నాయి.

పెద్దవూర: వానాకాలం సీజన్‌లో వేసిన వరికోతలు ప్రారంభమయ్యాయి. ఎల్‌నినో ప్రభావంతో తీవ్రవర్షాభావ పరిస్థితులతో ఈ యేడాది గతంలో కంటే వరి సాగు విస్తీర్ణం తగ్గింది. ప్రస్తుతం బియ్యం రేట్లు విపరీతంగా పెరిగాయి. వచ్చే యేడాది సైతం సూపర్‌ ఎల్‌నినో ప్రభావం ఉందన్న వాతావరణ శాఖ సూచనలతో ఈ సారి రైతులు వడ్లను కొనుగోలు చేసుకుని నిల్వ ఉంచుకోవడానికి ఆసక్తి కనపర్చుతున్నారు. రైతులు తినడానికి తాము పండించిన పంటలో కొంతభాగాన్ని భద్రపర్చుకుంటుంటారు. మరికొందరు రైతులు సీజన్‌లో ధర తక్కువగా ఉంటుందని భావించి మరికొందరు రైతులు తాము పండించిన ధాన్యాన్ని విక్రయించకుండా అధిక ధర వచ్చేదాకా ఇంట్లోనే నిల్వ చేసుకుని ధర రాగానే అమ్మేస్తుంటారు. ఇందులో భాగంగా ధాన్యాన్ని ఎలా భద్ర పర్చుకోవాలో తెలియక రైతులు తికమక పడుతుంటారు. తగిన జాగ్రత్తలు తీసుకోకపోతే పండించిన పంటలో 10 నుంచి 20 శాతం నష్టపోయే ప్రమాదం లేకపోలేదని అంటున్నారు మండల వ్యవసాయ అధికారి సత్యనారాయణ. ధాన్యం నిల్వ చేసుకోవడంలో తీసుకోవాల్సిన జాగ్రత్తలను వివరించారు. ధాన్యం నూర్పిడి తర్వాత ఇంటి అవసరాలు, విత్తనాలకు కలిపి సుమారు ఏడాదికి పైగా భద్రపరచాల్సి ఉంటుంది. దీంతో ధాన్యం రంగు, రుచి తగ్గుతుంది. సాధారణంగా వరికోతల సమయంలో ధాన్యంలో 20శాతం తేమ ఉంటుంది. వరి పంటను కోసిన తర్వాత వరి పసలను ఆరబెట్టడం వల్ల 4 నుంచి 6 శాతం తేమ తగ్గవచ్చు. ధాన్యంలో 14 శాతానికి తేమ ఉంటే బూజు పట్టే అవకాశాలు ఉంటాయి. ధాన్యాన్ని బాగా ఆరబెట్టి తేమ శాతం 14లోపు వచ్చేదాక చూసుకోవాల్సి ఉంటుంది. ధాన్యాన్ని నిల్వ చేసే సమయంలో సరైన జాగ్రత్తలు తీసుకోకపోతే కీటకాలు ఆశించి నష్టం కలుగచేస్తాయి. అంతే కాక ఎలుకలు ధాన్యాన్ని తినడమేకాక, వాటి విసర్జనలతో కలుషితమయ్యే ప్రమాదం ఉంది. నిల్వ ఉంచిన ధాన్యాన్ని నష్టపరిచే కీటకాలుముక్క పురుగు : పంట కోయడానికి ముందు నుంచి ముక్క పురుగు నష్టం కలిగిస్తుంది. బియ్యంలో తెల్లని పురుగులుగా కనిపించేవి లార్వా దశలో ఉన్న ఈ పురుగులే. తల్లి కీటకం వడ్ల గింజకు చిన్న రంధ్రం చేసి అందులో గుడ్లు పెట్టి తన నోటి నుంచి వెలువడే కొవ్వు పదార్థంతో రంధ్రాన్ని మూసి వేస్తుంది. లార్వా ప్రౌడ దశలోని ముక్క పురుగు గింజ లోపల బియ్యం తింటూ నష్టం కలిగిస్తుంది. వడ్ల చిలుక : ధాన్యానికి వడ్ల చిలుక ఆశిస్తే ధాన్యం చెడువాసన వస్తుంది. తల్లి కీటకం వడ్ల గింజలపై గుంపులుగా చేరి గుడ్లు పెడుతుంది. గుడ్లు పగిలి లార్వా గింజ లోపలికి తొలుచుకుని పోయి బియ్యపు గింజను తింటుంది. అనంతరం ప్యూపా దశ చేరక ముందే పై పొట్టులో చిన్న రంద్రం చేస్తుంది. ప్రౌఢ దశకు చేరిన తరువాత ఆ రంద్రం ద్వారా వడ్ల చిలుక బయటకు వస్తుంది. ఇది వడ్ల మూటలు, గిడ్డంగులపై కనిపిస్తుంది. నుసి పురుగు : దీనిని పుచ్చ పురుగు లేదా పెంకు పురుగు అంటారు. ఇది గొట్టపు ఆకారంలో చాలా చిన్నదిగా 3 మి.మీ పొడవు ఉంటుంది. ప్రౌఢ కీడకం ధాన్యం గింజలకు నష్టం కలిగిస్తుంది. ఇది ప్రారంభ దశలో చెత్తను, ఆ తరువాత గింజ పైపొరను, ఆ తర్వాత లోపలి బియ్యపు గింజను తిని తీవ్ర నష్టం కలిగిస్తుంది. ఎలుకల నివారణకు చర్యలుధాన్యం గిడ్డంగి చుట్టూ చెత్త లేకుండా రోజూ శుభ్రం చేస్తుండాలి. వివిధ రకాలైన బోనులు, బుట్టలను ఉపయోగించి ఎలుకలను నిర్మూలించాలి. గిడ్డంగి తలుపుల కింది భాగాలకు జింక్‌ రేకులు అమర్చాలి. రంధ్రాలకు వైర్‌ మెస్‌ మూతలు అమర్చాలి. ఇటువంటి జాగ్రత్తలు పాటిస్తే ఎక్కువ రోజులు ధాన్యాన్ని నిల్వ ఉంచుకోవచ్చు. ధాన్యం నిల్వ చేసే పద్ధతి రైతులు తక్కువ ధాన్యం నిల్వ చేసుకోవాలంటే వెదురు గాదెలు, సిమెంటు గాదెలు, లోహపు గాదెల ద్వారా నిల్వ చేసుకోవచ్చు. ఎక్కువ మొత్తంలో ధాన్యాన్ని నిల్వ చేసుకోవాలనుకుంటే గోదాములు లేదా గిడ్డంగులను సిమెంట్‌ కాంక్రీట్‌తో నిర్మించుకుంటే పూర్తి రక్షణ ఉంటుంది. ముఖ్యంగా కీటకాలు, తేమ, వర్షం నీరు లోనికి పోకుండా జాగ్రత్తలు తీసుకోవాలి. ఎలుక కన్నాలు ఉంటే గాజు ముక్కలు, సిమెంటుతో పూడ్చి వేయాలి. ధాన్యం నిల్వలో కొత్త గోనె సంచులు ఉపయోగించాలి. గోనె సంచుల పైన, లోపల మలాథియాన్‌ లేదా ఎండో సల్ఫాన్‌ ద్రావణం స్ప్రే చేయాలి. మరునాడు సంచులను ఎండలో ఆరబెట్టాలి.

గట్టుప్పల్‌ : విద్యార్థులకు పాఠాలు చెప్పడమే కాదు.. బడికి దూరమైన పిల్లలను తిరిగి అక్షరాల బాట పట్టించేందుకు ఓ ప్రధానోపాధ్యాయురాలు ప్రయత్నం చేస్తున్నారు. గట్టుప్పల్‌ మండలం, అంతంపేట గ్రామంలోని జెడ్పీ ఉన్నత పాఠశాల ప్రధానోపాధ్యాయురాలు జయప్రద.. తరగతి గదిలో విద్యార్థుల కోసం ఎదురుచూడటమే కాకుండా.. వారు బడికి రాకుంటే ఎక్కడున్నా వెతుక్కుంటూ వెళ్లి బడికి తీసుకొస్తున్నారు. పాఠశాలలో తొమ్మిదో తరగతి చదువుతున్న కొమ్ము పూజ, సురిగి స్వామి గత కొన్ని రోజులుగా పాఠశాలకు రాకపోవడాన్ని గమనించి ప్రధానోపా ధ్యాయురాలు జయప్రద ఆందోళన చెందారు. చదువులో చురుగ్గా ఉండే విద్యార్థులు కావడంతో వారిని ఎలాగైనా తిరిగి పాఠశాలకు రప్పించాలని నిర్ణయించుకున్నారు. పలుమార్లు విద్యార్థుల ఇళ్లకు వెళ్లారు. వారు అక్కడ కనిపించపోయినా ప్రయత్నం మాత్రం ఆపలేదు. ఫ పాఠశాలకు దూరమైన విద్యార్థులను తిరిగి రప్పించే ప్రయత్నం చేస్తున్న హెచ్‌ఎం

భువనగిరిటౌన్‌ : ఎల్‌నినో ప్రభావంతో తలెత్తే తీవ్ర నీటి ఎద్దడిని ముందస్తుగానే ఎదుర్కొనేందుకు జిల్లా యంత్రాంగం వినూత్న ప్రజా ఉద్యమానికి శ్రీకారం చుట్టింది. ఇందులో భాగంగా కలెక్టర్‌ మార్గదర్శకత్వంలో తొమ్మిదో తరగతి విద్యార్థులను ‘జల సంరక్షణ రాయబారులు’గా క్షేత్రస్థాయిలోకి దించింది. బృందాలుగా విడిపోయి సర్వే జిల్లావ్యాప్తంగా ఉన్న 189 ఉన్నత పాఠశాలలు, కేజీబీవీలకు చెందిన విద్యార్థులు బృందాలుగా విడిపోయి గ్రామాల్లో బుధవారం పర్యటించారు. పంచాయతీ కార్యదర్శుల సహకారంతో జల సర్వే నిర్వహించారు. గ్రామాల్లో ఉన్న ఇంకుడు గుంతలు ఎన్ని? వాటిలో పనిచేస్తున్నవి, పూడికకు గురైనవి ఎన్ని? రోజువారీ నీటి వినియోగం ఏ స్థాయిలో ఉంది? తదితర అంశాలపై లోతైన ఆడిట్‌ చేసి వివరాలు నమోదు చేసుకున్నారు. ఆలోచింపజేసిన జల పాఠాలు సర్వే అనంతరం విద్యార్థులు గ్రామస్తులను ఒకచోట చేర్చి నీటి సంరక్షణ ప్రాముఖ్యతను వివరించారు. వర్షపు నీరు డ్రెయినేజీల్లో వృథాగా పోకుండా ఇంకుడు గుంతల ద్వారా భూమిలోకి ఇంకింపజేయాలని కోరారు. తద్వారా భూగర్భ జలాలు పెరిగి భవిష్యత్‌ తరాలకు నీటి కొరత ఉండదని వారు చెప్పిన మాటలు పల్లె ప్రజలను విశేషంగా ఆలోచింపజేశాయి. ప్రతి వర్షపు బొట్టునూ ఒడిసిపట్టడమే లక్ష్యంగా చిన్నారులు చేపట్టిన ఈ కార్యక్రమం అందరి మన్ననలు పొందుతోంది.ఫ ఊరూరా విద్యార్థుల జల చైతన్యం ఫ ఎల్‌నినోపై 9వ తరగతి విద్యార్థులతో అవగాహన ఫ 189 పాఠశాలల భాగస్వామ్యంతో ఇంకుడు గుంతలపై సర్వే

యాదగిరిగుట్ట: యాదగిరి శ్రీలక్ష్మీనరసింహస్వామి వారి ఆలయంలో బుధవారం నిత్య కల్యాణం చేశారు. శ్రీస్వామి అమ్మవార్లకు సుప్రభాతం నిర్వహించిన అనంతరం గర్భాలయంలోని స్వయంభూ మూర్తులకు పంచామృతాలతో అభిషేకం, తులసీ దళాలతో సహస్ర నామార్చన, కుంకుమార్చన చేశారు. ముఖ మండపంలోని బంగారు ఉత్సవమూర్తులకు అష్టోత్తరం, సువర్ణ పుష్పార్చన జరిపించారు. ప్రథమ ప్రాకార మండపంలో శ్రీసుదర్శన నారసింహ హోమం, గజ వాహన సేవ, నిత్య కల్యాణం, బ్రహ్మోత్సవం నిర్వహించి, సాయంత్రం ఆలయ తిరు, మాడ వీధిలో జోడు సేవలను ఊరేగించారు. రాత్రి శయనోత్సవం నిర్వహించి, ఆలయాన్ని ద్వార బంధనం చేశారు.

బొమ్మలరామారం: ప్రజల అభిప్రాయాలను పరిగణలోకి తీసుకుంటూ, పర్యావరణానికి ఎలాంటి ముప్పు వాటిల్లకుండా ప్రభుత్వ నిబంధనలు విధిగా పాటిస్తేనే స్టోన్‌ క్రషర్‌లకు మైనింగ్‌ అనుమతులు లభిస్తాయని జిల్లా అదనపు కలెక్టర్‌ వెంకారెడ్డి స్పష్టం చేశారు. జుపిటర్‌ వెంచర్‌ ల్యాండ్స్‌ ప్రైవేటు లిమిటెడ్‌ ఆధ్వర్యంలో 10 హెక్టార్లలో రఫ్‌ స్టోన్‌, రోడ్‌ మెటల్‌ ఉత్పత్తి కోసం మైనింగ్‌ అనుమతుల నిమిత్తం బుధవారం బొమ్మలరామారం మండలంలోని తిర్మలగిరి గ్రామంలో పర్యావరణ ప్రజాభిప్రాయ సేకరణ సమావేశం నిర్వహించారు. తెలంగాణ కాలుష్య నియంత్రణ మండలి నల్లగొండ ప్రాంతీయ కార్యాలయం ఆధ్వర్యంలో నిర్వహించినకార్యక్రమంలో అదనపు కలెక్టర్‌ పాల్గొని మాట్లాడారు. స్థానికుల డిమాండ్లు ఈ సందర్భంగా పలువురు గ్రామస్తులు తమ అభిప్రాయాలను అధికారుల దృష్టికి తీసుకొచ్చారు. కంకర మిల్లుల ఏర్పాటుతో స్థానికులకు ఉపాధి అవకాశాలు కల్పించి, గ్రామాల అభివృద్ధికి సహకరించాలని కోరారు. మైనింగ్‌ జరిగే గ్రామాలకే ఆయా క్రషర్‌ల సీఎస్‌ఆర్‌ ఫండ్‌తో పాటు మైనింగ్‌ మినరల్‌ ఫండ్‌ను కేటాయించాలని విజ్ఞప్తి చేశారు. స్టోన్‌ క్రషర్‌ యాజమాన్యాలు ప్రభుత్వ నిబంధనలను కచ్చితంగా అమలు చేసేలా షరతులతో కూడిన అనుమతులు మాత్రమే ఇవ్వాలన్నారు. మండలంలో ఇప్పటికే ఉన్న క్రషర్‌లను అధికారుల బృందం తనిఖీ చేసి, నిబంధనలు ఉల్లంఘిస్తున్న కంకర మిల్లులపై చర్యలు తీసుకొని సీజ్‌ చేయాలని డిమాండ్‌ చేశారు. ఈ కార్యక్రమంలో ఆర్డీఓ కృష్ణారెడ్డి, జిల్లా కాలుష్య నియంత్రణ మండలి ఈఈ వెంకన్న, మండల రెవెన్యూ ఇన్‌స్పెక్టర్‌ కొండం వెంకట్‌ రెడ్డి, డీఎస్‌పీ రవీందర్‌, భువనగిరి రూరల్‌ సీఐ చంద్రబాబు, స్థానిక ఎస్‌ఐ బుగ్గ శ్రీశైలం, తిర్మలగిరి సర్పంచ్‌ భానోత్‌ కవిత్‌ కుమార్‌, మాజీ సర్పంచ్‌ నూనావత్‌ అశోక్‌, ఉప సర్పంచ్‌ ప్రీతి సుభాష్‌, బానోత్‌ సుధాకర్‌ పాల్గొన్నారు.ఫ అదనపు కలెక్టర్‌ వెంకారెడ్డి

ఆరు ఎకరాల్లో వరి సాగు చేశాను. ప్రభుత్వం కొనుగోలు కేంద్రాలను ఇంకా ఏర్పాటు చేయలేదు. వాతావరణం చూస్తే ఆకాశంలో మబ్బులు కమ్ముకుంటున్నాయి. వర్షం వస్తే తీవ్రంగా నష్టపోతాను. ప్రైవేట్‌ అమ్ముకోవడానికి గంటకు రూ. 2వేల చొప్పున పెట్టి వరి కోత మిషన్‌ సాయంతో పంటను కోస్తున్నాను. – బండ శ్రీను, కామూనిగూడెం, ఆత్మకూరు(ఎం) మండలం యాదగిరిగుట్ట: అర్నబ్‌ తుపాన్‌ రైతులను కలవరపెడుతోంది. ఇప్పటికే ఎల్‌ నినో ప్రభావంతో దిగుబడి తగ్గి ఆందోళనలో ఉన్న అన్నదాతలు.. తాజా తుపాన్‌ హెచ్చరికలతో అప్రమత్తమయ్యారు. చేతికొచ్చిన పంట ఎక్కడ వర్షార్పణం అవుతుందోననే భయంతో యంత్రాల ద్వారా వరి కోతలను ముమ్మరం చేశారు. జిల్లాలో ఈ వానాకాలంలో సుమారు 2.30 లక్షల ఎకరాల్లో రైతులు వరి సాగు చేశారు. వాతావరణం చల్లబడడంతో.. రెండు రోజులుగా వాతావరణం చల్లబడి ఎండలు లేకపోవడంతో, కోసిన ధాన్యాన్ని ఆరబెట్టుకునేందుకు రైతులు ఇబ్బందులు పడుతున్నారు. దీంతో కోతలు కోసిన వెంటనే కల్లాల వద్దే ప్రైవేటు వ్యాపారులకు ధాన్యాన్ని విక్రయిస్తున్నారు. ప్రభుత్వ కొనుగోలు కేంద్రాల వద్ద రోజుల తరబడి నిరీక్షించడం, రవాణా, తరుగు, క్లీనింగ్‌ ఖర్చుల భారం లేకుండా పొలాల వద్దే అమ్ముకునేందుకు మొగ్గు చూపుతున్నారు. ప్రభావం ఉండదంటున్న అధికారులు జిల్లాలో తుపాన్‌ ప్రభావం పెద్దగా ఉండదని అధికారులు రైతులకు భరోసా ఇస్తున్నారు. సూర్యాపేట జిల్లా సరిహద్దు మండలాలైన మోత్కూర్‌, అడ్డగూడూరులలో మాత్రమే బుధవారం చిరుజల్లులు కురిశాయని, జిల్లా వ్యాప్తంగా చల్లటి గాలులు వీయడం మినహా భారీ వర్షాలు పడే అవకాశం లేదని స్పష్టం చేశారు. రైతులు ఆందోళన చెందాల్సిన అవసరం లేదని సూచిస్తున్నారు. ఆత్మకూరు(ఎం) మండలంలో ప్రైవేట్‌ వ్యక్తులకు ధాన్యం అమ్ముతున్న రైతులు రాజాపేట మండలంలో వరి పంట కోస్తున్న యంత్రంఫ యంత్రాలతో వరి కోతలు ముమ్మరం చేసిన రైతులు ఫ వర్షం వస్తుందేమోనని కల్లాల వద్దే ప్రైవేటు వ్యాపారులకు ధాన్యం విక్రయాలు ఫ జిల్లాలో 2.30 లక్షల ఎకరాల్లో వరి సాగు

నల్లగొండ : వ్యవసాయ విద్యుత్‌ ట్రాన్స్‌ఫార్మర్లలోని కాపర్‌ వైర్లు, ఆయిల్‌ చోరీ చేస్తున్న దొంగల ముఠాను నల్లగొండ జిల్లా పోలీసులు అరెస్టు చేశారు. ఎస్పీ శరత్‌ చంద్ర పవార్‌ బుధవారం నల్లగొండ జిల్లా పోలీస్‌ కార్యాలయంలో కేసు వివరాలను వెల్లడించారు. వేములపల్లి పోలీస్‌స్టేషన్‌ పరిధిలోని నాగార్జునసాగర్‌ ఎడమ కాలువపై ఉన్న ఎల్‌–15 లిఫ్ట్‌ ఇరిగేషన్‌ స్కీమ్‌కు చెందిన 500 కేవీఏ ట్రాన్స్‌ఫార్మర్‌లో 300 కిలోల కాపర్‌, 250 లీటర్ల ఆయిల్‌ చోరీకి గురైంది. ఈ ఘటనపై అసిస్టెంట్‌ ఎగ్జిక్యూటివ్‌ ఇంజినీర్‌ ధనావత్‌ పాండు నాయక్‌ ఆగస్టు 22న ఫిర్యాదు చేయడంతో పోలీసులు కేసు నమోదు చేశారు. ఈమేరకు ప్రత్యేక బృందాలను ఏర్పాటు చేసి దర్యాప్తు చేపట్టారు. బుధవారం మధ్యాహ్నం వేములపల్లి గ్రామ శివారులోని సూర్యాపేట ఎక్స్‌రోడ్డు వద్ద పోలీసులు వాహన తనిఖీలు చేపట్టగా కారులో అనుమానాస్పదంగా వెళ్తున్న ముగ్గురిని ఆపి తనిఖీ చేశారు. వారిలో షేక్‌ చంద్‌ పాషా అనే పాత నేరస్తుడు ఉన్నట్లు గుర్తించారు. కారులో కట్టర్లు, పానాలు, గ్లౌజులు లభించడంతో ముగ్గురినీ అదుపులోకి తీసుకుని విచారించారు. వారు గతంలో పలు ప్రాంతాల్లో ట్రాన్స్‌ఫార్మర్ల నుంచి కాపర్‌, ఇతర సామగ్రిని దొంగిలించి హైదరాబాద్‌లోని హయత్‌నగర్‌ ప్రాంతానికి చెందిన పాతసామాను వ్యాపారి దేశిరామ్‌కు విక్రయించినట్లు నిందితులు అంగీకరించారు. దొంగిలించిన సామగ్రికి సంబంధించిన డబ్బులు తీసుకోవడంతోపాటు, తమ వద్ద ఉన్న మరికొంత కాపర్‌ను విక్రయించేందుకు దేశిరామ్‌ మిర్యాలగూడలోని చాంద్‌ పాషా ఇంటికి వచ్చినట్లు విచారణలో తేలింది. దీంతో దేశిరామ్‌ను కూడా అదుపులోకి తీసుకున్నారు. ఈ నలుగురు నిందితుల వద్ద సుమారు రూ.30 లక్షల విలువైన రెండు కార్లు, రూ.20 లక్షల నగదు, ట్రాన్స్‌ఫార్మర్‌ కాపర్‌ వైర్‌, రెండు కట్టర్లు, నాలుగు పానాలు, హ్యాండ్‌ గ్లౌజులు, మూడు మొబైల్‌ ఫోన్లను పోలీసులు స్వాధీనం చేసుకున్నారు. రాత్రివేళల్లో చోరీలు నిందితులు తక్కువ సమయంలో ఎక్కువ డబ్బు సంపాదించాలనే ఉద్దేశంతో ఈ మార్గాన్ని ఎంచుకున్నట్లు పోలీసుల విచారణలో వెల్లడైంది. ముఠాలుగా ఏర్పడి, గ్రామాలకు దూరంగా ఉన్న ట్రాన్స్‌ఫార్మర్లను గుర్తించేవారు. రాత్రివేళల్లో కార్లలో అక్కడికి చేరుకుని కట్టర్లు, పానాల సాయంతో ట్రాన్స్‌ఫార్మర్లను ధ్వంసం చేసి, వాటిలోని కాపర్‌ వైర్లు, ఆయిల్‌, అల్యూమినియం వైర్లతోపాటు ఇతర విలువైన భాగాలను అపహరించేవారు. దొంగిలించిన సామగ్రిని హయత్‌నగర్‌లోని పాతసామాను వ్యాపారులకు విక్రయించి, వచ్చిన డబ్బులను పంచుకునేవారని ఎస్పీ తెలిపారు. పోలీసులకు అనుమానం రాకుండా ఉండేందుకు నకిలీ నంబర్‌ ప్లేట్లు ఉన్న వాహనాలను వినియోగించడంతోపాటు, తమ ముఠాలోని మహిళలను కూడా కొన్ని సందర్భాల్లో వెంట తీసుకెళ్లేవారని వెల్లడించారు. నల్లగొండ జిల్లాలోనే 18 కేసులు ముఠా సభ్యులపై తెలుగు రాష్ట్రాల్లో మొత్తం 29 కేసులు నమోదైనట్లు పోలీసులు గుర్తించారు. తెలంగాణలో 25, ఆంధ్రప్రదేశ్‌లో నాలుగు కేసులు ఉన్నాయి. వేములపల్లి, వాడపల్లి, మాడ్గులపల్లి, అడవిదేవులపల్లి, మిర్యాలగూడ టూటౌన్‌, తిరుమలగిరిసాగర్‌, హాలియా, త్రిపురారం, కనగల్‌, చింతపల్లి, నేరెడుగొమ్ము, దేవరకొండ తదితర పోలీస్‌స్టేషన్ల పరిధిలో ట్రాన్స్‌ఫార్మర్‌ చోరీలకు పాల్పడినట్లు విచారణలో వెల్లడైంది. ఇతర ప్రాంతాల్లో ఏడు కేసులు తూప్రాన్‌, చౌటుప్పల్‌, అబ్దుల్లాపూర్‌మెట్‌, మనోహరాబాద్‌ తదితర పోలీస్‌స్టేషన్ల పరిధిలోనూ దొంగలు నేరాలకు పాల్పడినట్లు గుర్తించారు. ఆంధ్రప్రదేశ్‌లోని పల్నాడు, మాచవరం, దాచేపల్లి పోలీస్‌స్టేషన్ల పరిధి లో నాలుగు చోరీలకు పాల్పడినట్లు ఎస్పీ తెలిపారు. ముఠాలోని సంతోష్‌, నాన్కు, మోడల్‌ సాయి, ప్రియా, సునీత అనే మరో ఐదుగురు పరారీలో ఉన్నట్లు ఎస్పీ తెలిపారు. వారి ఆచూకీ కోసం ప్రత్యేక బృందాలతో గాలింపు చేపట్టినట్లు వెల్లడించారు. అరెస్టయిన నిందితులను కోర్టులో హాజరుపరచనున్నట్లు తెలిపారు. మిర్యాలగూడ డీఎస్పీ రవి ఆధ్వర్యంలో సీసీఎస్‌ ఇన్‌స్పెక్టర్‌ జితేందర్‌ రెడ్డి, మిర్యాలగూడ టూటౌన్‌ ఇన్‌స్పెక్టర్‌ సోమనర్సయ్య, మిర్యాలగూడ రూరల్‌ సర్కిల్‌ ఇన్‌స్పెక్టర్‌ పి.ఎన్‌.డి. ప్రసాద్‌, వేములపల్లి ఎస్‌ఐ సురేశ్‌ రెడ్డి తదితరులు కేసు దర్యాప్తులో కీలకంగా వ్యవహరించారని పేర్కొన్నారు. ఫ పోలీసుల అదుపులో నలుగురు నిందితులు.. పరారీలో మరో ఐదుగురు ఫ రూ.20 లక్షల నగదు, వాహనాలు, ఇతర సామగ్రి స్వాధీనం ఫ వివరాలు వెల్లడించిన నల్లగొండ ఎస్పీ శరత్‌ చంద్ర పవార్‌ షేక్‌ చంద్‌ పాషా మిర్యాలగూడలోని రాజీవ్‌నగర్‌కు చెందిన ఆటోడ్రైవర్‌. ప్రస్తుతం హయత్‌నగర్‌లోని కుంట్లూరు రోడ్డులో నివాసం ఉంటున్నాడు. రామావత్‌ సూర్య పీఏపల్లి మండలం పడమటి తండాకు చెందిన ఆటోడ్రైవర్‌.. ప్రస్తు తం హైదరాబాద్‌లోని ఇంజాపూర్‌ భవానోలి కాలనీలో నివాసం ఉంటున్నాడు. గలబ సాయి కిరణ్‌ మిర్యాలగూడలోని సాబునగర్‌కు చెందిన కూలీ. ప్రస్తుతం అబ్దుల్లాపూర్‌మెట్‌లో నివాసం ఉంటున్నాడు. దొంగిలించిన సామగ్రిని కొనుగోలు చేసిన వ్యక్తి ఇస్లావత్‌ దేశిరామ్‌. ఇతను హైదరాబాద్‌లోని హస్తినాపురం కస్తూరి కాలనీలో ఉంటాడు.

భువనగిరి : విద్యార్థులు చట్టాలపై అవగాహన కలిగి ఉండడం అవసరమని అదనపు సీనియర్‌ సివిల్‌ జడ్జి ఎస్‌కే ఆరీఫ్‌ సూచించారు. బుధవారం భువనగిరి పట్టణంలోని సాధన హైస్కూల్లో పోక్సో చట్టంపై నిర్వహించిన అవగాహన కార్యక్రమానికి ఆయన హాజరై మాట్లాడారు. ఈ సందర్భంగా డిజిటల్‌ వ్యవస్థ దుర్వి నియోగం, దాని వల్ల ఎదురయ్యే ముప్పు, బాలల హక్కుల పరిరక్షణ చట్టాలు, మానవ అక్రమ రవాణా నిరోధక చర్యలపై విద్యార్థులకు అవగాహన కల్పించారు. ఈ సందర్భంగా పాఠశాలలో నిర్వహించిన వ్యాసరచన పోటీల్లో ప్రతిభ కనబరిచిన విద్యార్థులకు బహుమతులు అందజేసి అభినందించారు. ఈ కార్యక్రమంలో భరోసా సెంటర్‌ ఎస్సై సంధ్య, అసిస్టెంట్‌ లీగల్‌ ఎయిడ్‌ డిఫెన్స్‌ కౌన్సిల్‌ సాయి శ్రీనివాస్‌, జిల్లా బాలల పరిరక్షణ అధికారి అనంతలక్ష్మి, చైల్డ్‌ హెల్ప్‌లైన్‌ ప్రతినిధి దశరథ్‌, పాఠశాల కరస్పాండెంట్‌ జిట్టా ధనపాల్‌ రెడ్డి, అడ్వకేట్‌ మల్లేష్‌, యుగేందర్‌, ఉపాధ్యాయులు, విద్యార్థులు పాల్గొన్నారు. హెచ్‌ఐవీ సేవలు మరింత సులభతరంభువనగిరి: హెచ్‌ఐవీ సేవలను మరింత సులభంగా అందించేందుకు శిక్షణ దోహదపడుతుందని జిల్లా వైద్యారోగ్య శాఖ అధికారి డాక్టర్‌ మనోహర్‌ పేర్కొన్నారు. ప్రాథమిక ఆరోగ్య కేంద్రాలు, ఆయుష్మాన్‌ ఆరోగ్య మందిరాల్లో హెచ్‌ఐవీ పరీక్షలు, వ్యాధి నిర్ధారణ, చికిత్స సేవలను సమర్థంగా అందించేందుకు చేపట్టిన పైలట్‌ ప్రాజెక్టులో భాగంగా భువనగిరిలో నిర్వహిస్తున్న శిక్షణ బుధవారం రెండో రోజు కూడా కొనసాగింది. కార్యక్రమానికి హాజరైన డీఎంహెచ్‌ఓ మాట్లాడుతూ.. క్షేత్రస్థాయిలో ప్రజలకు హెచ్‌ఐవీ పరీక్షలు, చికిత్సలు మరింత అందుబాటులోకి రానున్నాయన్నారు. కార్యక్రమంలో తెలంగాణ రాష్ట్ర ఎయిడ్స్‌ నియంత్రణ సంస్థ ప్రాజెక్టు డైరెక్టర్‌ విద్యాసాగర్‌, ప్రోగ్రాం ఆఫీసర్‌ డాక్టర్‌ వంశీకృష్ణ, ప్రతినిధులు ఆంథోని రెడ్డి, శాంతి, అశోక్‌, సుధాకర్‌ పాల్గొన్నారు. ‘వేద పాఠశాల’ అధ్యక్షుడిగా ధనుంజయ శాస్త్రి ఆలేరు రూరల్‌: అఖిల భారత పద్మ బ్రాహ్మణ వేద పాఠశాల సంఘం జాతీయ అధ్యక్షుడిగా ఆలేరు పట్టణ మార్కండేయ కాలనీకి చెందిన డాక్టర్‌ పాశికంటి ధనుంజయ శాస్త్రి నాలుగోసారి ఏకగ్రీవంగా ఎన్నికయ్యారు. తిరుపతిలోని పద్మశాలి అన్నదాన సత్రంలో పురోహిత సంఘం అధ్యక్షుడు డాక్టర్‌ కేశవమూర్తి ఆధ్వర్యంలో ఈ ఎన్నికలు నిర్వహించారు. ఈ సందర్భంగా ధనుంజయ శాస్త్రిని సంఘ సభ్యులు ఘనంగా సన్మానించారు. క్రీడలతో ఏకాగ్రత పెంపుభువనగిరి: విద్యార్థులు విద్యతో పాటు క్రీడల్లోనూ రాణించాలని డీఈఓ భిక్షపతి ఆకాంక్షించారు. భువనగిరి పట్టణంలోని ప్రభుత్వ జూనియర్‌ కళాశాలమైదానంలో నిర్వహిస్తున్న పీఎంశ్రీ పాఠశాలల జిల్లా స్థాయి క్రీడా పోటీల ముగింపు కార్యక్రమానికి బుధవారం హాజరై మాట్లాడారు. క్రీడలు విద్యార్థుల్లో ఏకగ్రాతతో పాటు శారీరక దృఢత్వాన్ని పెంపొదిస్తాయన్నారు. విజేత జట్లకు బహుమతులు అందజేశారు. ఈ కార్యక్రమంలో ఎస్‌జీఎఫ్‌ సెక్రటరీ కందాడి దశరథరెడ్డి, గడసందుల మధుసూదన్‌, వ్యాయామ ఉపాధ్యాయులు నాతి కృష్ణమూర్తి, జోసఫ్‌, రవిచంద్ర, చంద్రశేఖర్‌, సంగీత, శోభ, ఇందిరప్రియ, వీరేశం పాల్గొన్నారు. ఎన్‌హెచ్‌ఎం ఉద్యోగులను రెగ్యులరైజ్‌ చేయాలిభువనగిరిటౌన్‌ : ఎన్‌హెచ్‌ఎం ఉద్యోగులను రెగ్యులరైజ్‌ చేయాలని ఉద్యోగ జేఏసీ చైర్మన్‌ మందడి ఉపేందర్‌ రెడ్డి కోరారు. ఎన్‌హెచ్‌ఎం ఉద్యోగుల సమ్మెకు బుధవారం తెలంగాణ రాష్ట్ర గెజిటెడ్‌ ఎంప్లాయీస్‌ జేఏసీ మద్దతు ప్రకటించింది. ఏజెన్సీలను రద్దు చేసి స్టేట్‌ హెల్త్‌ సొసైటీ కిందకు తేవాలన్నారు. 5లోపు వేతనాలు, 180 రోజుల ప్రసూతి సెలవులు, మరణించిన వారి కుటుంబాలకు రూ. 20 లక్షల ఎక్స్‌గ్రేషియా ఇవ్వాలని కోరారు.

డెంగీ, ఇతర వైరల్‌ ఇన్ఫెక్షన్ల కారణంగా బాధితులకు రక్తంలో ప్లేట్‌లెట్ల సంఖ్య వేగంగా తగ్గుతోంది. ఈ లక్షణాలతో పీహెచ్‌సీలు, సీహెచ్‌సీలలో చేరిన వారి నుంచి రక్త నమూనాలు సేకరించి భువనగిరిలోని తెలంగాణ డయాగ్నోస్టిక్‌ హబ్‌కు పంపిస్తున్నారు. అయితే ఈ పరీక్షల నివేదికలు రావడానికి మూడు రోజుల వరకు సమయం పడుతోంది. ఉదాహరణకు ఆలేరు సీహెచ్‌సీ నుంచి శుక్రవారం పంపిన రక్త నమూనాల రిపోర్టులు సోమవారం వరకు కూడా రాలేదు. దీంతో అనివార్య పరిస్థితుల్లో రోగులు ప్రైవేట్‌ ల్యాబ్‌లను ఆశ్రయించి వేలకు వేలు ఖర్చు చేసుకుంటున్నారు.

రామన్నపేట: ఆర్టీసీ బస్సు అదుపుతప్పి రోడ్డు కిందకు దూసుకెళ్లింది. ఈ సంఘటన రామన్నపేట మండలం బోగారం గ్రామశివారులో బుధవారం చోటుచేసుకుంది. భువనగిరి నుంచి నల్లగొండకు 23మంది ప్రయాణికులతో వెళ్తున్న ఆర్టీసీ బస్సు బోగారం శివారులోని ఇండియన్‌ ఆయిల్‌ పెట్రోల్‌బంక్‌ వద్దకు చేరుకోగా.. వెనుక డోర్‌ వేసుకోకుండా ముందు వెళ్తున్న టిప్పర్‌లోని పశువుల పేడ పెద్దమొత్తంలో రోడ్డుమీద పడింది. ఈక్రమంలో బస్సు పేడపై నుంచి వెళ్లడంతో చక్రాలు జారి అదుపుతప్పి రోడ్డుకిందికి వెళ్లింది. డ్రైవర్‌ అదుపు చేయడంతో ప్రమాదం తప్పింది. దీంతో ప్రయాణికులు సురక్షింతంగా బయటపడ్డారు.

యాదగిరిగుట్ట: యాదగిరి శ్రీలక్ష్మీనరసింహస్వామి వారి దేవస్థానం ప్రధానార్చకులు– 2 బట్టార్‌ సురేంద్రాచార్యులు ప్లాటినం ఐకాన్‌ – 2026 అవార్డు అందుకున్నారు. బుధవారం న్యూఢిల్లీలోని తెలంగాణ భవన్‌లో ఉజ్వల శిఖరం ఆర్ట్స్‌ ఆధ్వర్యంలో నిర్వహించిన కార్యక్రమంలో ఆయనకు అవార్డును అందజేసి సన్మానించారు. ఆధ్యాత్మిక రంగంలో సేవలు అందించినందుకు ఈ అవార్డు ప్రదానం చేసినట్లు ఉజ్వల శిఖరం ఆర్ట్స్‌ ప్రతినిధులు వెల్లడించారు. కార్యక్రమంలో ఎస్‌ఎస్‌ఎస్‌ రెమిడీస్‌కు చెందిన నరసింహ తాంత్రి, లక్ష్మి, సతీష్‌ యాదవ్‌, పెండెం శ్రీనివాస్‌ గురుస్వామి, బాలరాజు, నరసింహరావు, పూల గురుస్వామి తదితరులున్నారు. భారత హాకీ జట్టు ప్రాబబుల్స్‌లో గణేష్‌కు చోటునల్లగొండ టూటౌన్‌ : తమిళనాడులోని కోయంబత్తూరులో ఇటీవల నిర్వహించిన జాతీయ స్థాయి హాకీ పోటీల్లో నల్లగొండ జిల్లాకు చెందిన క్రీడాకారుడు రావుల గణేష్‌ తెలంగాణ జట్టు తరపున ప్రాతినిధ్యం వహించాడు. ఈ పోటీల్లో గణేష్‌ ప్రతిభ కనబరచడంతో త్వరలో జరగనున్న అంతర్జాతీయ హాకీ పోటీలకు సంబంధించిన ప్రాబబుల్స్‌ జాబితాలో చోటు దక్కింది. రాష్ట్రం నుంచి గణేష్‌ ఒక్కరికే చోటు దక్కడంపై హాకీ అసోసియేషన్‌ జిల్లా అధ్యక్షుడు కూతురు శ్రీనివాస్‌రెడ్డి, కార్యదర్శి ఇమామ్‌ కరీం అభినందనలు తెలిపారు. పేకాట స్థావరంపై పోలీసుల దాడి మర్రిగూడ (చింతపల్లి) : మండలంలోని చింతపల్లి గ్రామ శివారులో నిర్వహిస్తున్న పేకాట స్థావరంపై పోలీసులు దాడి చేసి ఆరుగురిని అరెస్ట్‌ చేశారు. ఎస్‌ఐ ముత్యాల రామ్మూర్తి బుధవారం ఈ వివరాలను వెల్లడించారు. చింతపల్లి శివారులోని మహమ్మద్‌ ఖాలిద్‌కు చెందిన వ్యవసాయ భూమి వద్ద కొందరు పేకాట ఆడుతున్నారన్న పక్కా సమాచారంతో పోలీసులు దాడులు నిర్వహించారు. పోలీసులను చూసి పారిపోవడానికి ప్రయత్నించిన ఆరుగురు వ్యక్తులను వెంబడించి పట్టుకున్నారు. వారి నుంచి రూ.7,500 నగదుతో పాటు 5 సెల్‌ఫోన్లు, 104 పేక ముక్కలను స్వాధీనం చేసుకున్నారు. కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు. చట్టవ్యతిరేక కార్యకలాపాలకు పాల్పడితే కఠిన చర్యలు తప్పవని ఆయన హెచ్చరించారు. ఈ దాడుల్లో హెడ్‌ కానిస్టేబుల్‌ నట్టువ వెంకటకృష్ణ, కానిస్టేబుళ్లు ఎం.సాయి, ఎ.సాయికుమార్‌, మహేందర్‌, పోలీస్‌ సిబ్బంది పాల్గొన్నారు. వైన్‌ షాపులో నగదు, మద్యం బాటిళ్లు చోరీభువనగిరి: భువనగిరి మండలం రాయగిరి గ్రామంలోని వైన్‌ షాపులో చోరీ జరిగింది. పోలీసులు తెలిపిన వివరాల ప్రకారం.. గ్రామంలో ఉన్న సునీత వైన్‌ షాపులో ఈనెల 27న అర్ధరాత్రి గుర్తు తెలియని వ్యక్తులు షాపు పైన రేకులను పగులగొట్టి లోపలికి ప్రవేశించారు. కౌంటర్‌ ఉన్న సుమారు రూ.40వేల నగదు, కొన్ని మందు సీసాలను తీసుకుని పరారయ్యారు. షాపు నిర్వాహకుడు రోజు మాదిరిగా ఉదయం 10 గంటలకు షాపు తెరవగా.. దొంగతనం జరిగినట్లు గుర్తించి పోలీసులకు సమాచారం అందించాడు. వారు సంఘటనా స్థలానికి చేరుకుని సీసీ ఫుటేజీలను పరిశీలించారు. యాజమాని ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు. మట్టి అక్రమ తవ్వకాలపై అధికారుల విచారణ కట్టంగూర్‌ : మండలంలోని బొల్లేపల్లి గ్రామ పంచాయతీ పరిధిలో అక్రమంగా మట్టి తవ్వకాలు జరుగుతున్నాయన్న ఫిర్యాదు మేరకు అధికారులు బుధవారం క్షేత్రస్థాయిలో విచారణ చేపట్టారు. బొల్లేపల్లిలో అక్రమంగా మట్టిని తరలిస్తున్నారని ఉబ్బని రాజు ప్రభుత్వ ప్రధాన కార్యదర్శితో పాటు గనులు, భూగర్భ శాఖకు ఫిర్యాదు చేశారు. దీంతో జిల్లా గనులు, భూగర్భ శాఖ అధికారి వసుమతి, తహసీల్దార్‌ పుష్పలత, రెవెన్యూ ఇన్‌స్పెక్టర్‌ సత్యనారాయణ, గ్రామ పంచాయతీ అధికారి శోభ క్షేత్రస్థాయిని పరిశీలించి వివరాలు సేకరించారు.

రాజాపేట : సేంద్రియ పంటలతోనే సంపూర్ణ ఆరోగ్యం సిద్ధిస్తుందని హైదరాబాద్‌కు సమీపంలో గల ఔషాపూర్‌లోని అనురాగ్‌ విశ్వవిద్యాలయం ప్రొఫెసర్లు డాక్టర్‌ లక్ష్మీనారాయణ, డాక్టర్‌ రవీందర్‌ రెడ్డి, సేంద్రియ రైతు ఠాకూర్‌ స్వరణ్‌పాల్‌ సింగ్‌ అన్నారు. రాజాపేట మండల కేంద్రానికి చెందిన సేంద్రియ రైతు ఠాకూర్‌ స్వరణ్‌ పాల్‌ సింగ్‌ వ్యవసాయ క్షేత్రాన్ని ఔషాపూర్‌లోని అనురాగ్‌ విశ్వవిద్యాలయానికి చెందిన 50 మంది బీఎస్సీ అగ్రికల్చర్‌ విద్యార్థులు బుధవారం సందర్శించారు. ఈ సందర్భంగా సేంద్రియ సాగు, నేల ఆరోగ్యాన్ని కాపాడుకోవడం, ప్రకృతి వనరులను సంరక్షించడం, పర్యావరణానికి అనుకూలమైన సాగు పద్ధతులను అవలంబించడం వంటి అంశాల ప్రాధాన్యతను రైతు స్వరణ్‌పాల్‌ సింగ్‌ విద్యార్థులకు వివరించారు. సేంద్రియ వ్యవసాయం ద్వారా ప్రకృతితో సమన్వయం సాధిస్తూ, భవిష్యత్‌ తరాలకు ఆరోగ్యకరమైన పర్యావరణాన్ని అందించవచ్చని తెలిపారు. కార్యక్రమంలో అనురాగ్‌ విశ్వవిద్యాలయం అసిస్టెంట్‌ ప్రొఫెసర్‌ డాక్టర్‌ విజయ గౌరి, స్థానిక రైతులు దాచపల్లి శ్రీనివాస్‌, రాంగాళ్ల బాబు తదితరులు పాల్గొన్నారు.

సాక్షి, యాదాద్రి : జిల్లాలో జనగణన ప్రక్రియను పకడ్బందీగా, ఎలాంటి లోటుపాట్లకు తావులేకుండా నిర్వహించేందుకు అన్ని ఏర్పాట్లను ముందస్తుగా పూర్తి చేయాలని తెలంగాణ జనగణన కార్యకలాపాల సంచాలకురాలు భారతి హోలికేరి సంబంధిత అధికారులను ఆదేశించారు. బుధవారం కలెక్టరేట్‌ లో జనగణన–2027పై నిర్వహించిన విస్తృత స్థాయి సమీక్ష, శిక్షణ కార్యక్రమంలో కలెక్టర్‌ అనురాగ్‌ జయంతితో కలిసి ఆమె పాల్గొని మాట్లాడారు. జనగణన ప్రక్రియ విజయవంతానికి పక్కా ప్రణాళిక, క్షేత్రస్థాయి పరిశీలన అత్యంత కీలకమని స్పష్టం చేశారు. జనగణనలో భాగంగా నివాసాల గుర్తింపు, గణన విభాగాల విభజన, స్వీయ నమోదు ప్రక్రియ, ప్రతి పౌరుడిని గణన పరిధిలోకి తీసుకురావడం వంటి అంశాలపై సిబ్బందికి దిశానిర్దేశం చేశారు. జనగణన ప్రక్రియలో ప్రతి నివాస జాబితా విభాగానికి సంబంధించిన జనాభా వివరాలను అధికారులు క్షేత్రస్థాయిలో క్షుణ్ణంగా పరిశీలించాలని సూచించారు. ప్రభుత్వం నిర్దేశించిన మార్గదర్శకాలకు అనుగుణంగానే గణన విభాగాలను రూపొందించాలని స్పష్టం చేశారు. సాధారణంగా ఒక్కో గణన విభాగంలో సుమారు 800 మంది జనాభా ఉండేలా సమతుల్యత పాటించాలని, ఆయా ప్రాంతాల సరిహద్దులను స్పష్టంగా గుర్తించి గందరగోళానికి ఆస్కారం లేకుండా చర్యలు తీసుకోవాలని తెలిపారు. సాంకేతిక పరిజ్ఞానాన్ని సద్వినియోగం చేసుకుంటూ ప్రజలే స్వయంగా ఇంటర్నెట్‌ ద్వారా తమ కుటుంబ వివరాలను నమోదు చేసుకునే స్వీయ గణనపై ప్రజల్లో అవగాహన కల్పించాలని అధికారులను కోరారు. జనగణన వివరాల్లో విశ్వసనీయత, కచ్చితత్వాన్ని కాపాడేందుకు చార్జ్‌ అధికారులు, అదనపు చార్జ్‌ అధికారులు, సహాయక సిబ్బంది అంతా సమష్టి బాధ్యతతో, సమన్వయంతో పనిచేయాలని ఆదేశించారు.ఈ సమావేశంలో జిల్లా రెవెన్యూ అధికారి జయమ్మ, జిల్లా సమన్వయకర్త రవీందర్‌ నాయక్‌, వివిధ డివిజన్ల స్థాయి అధికారులు పాల్గొన్నారు. ఫ జనగణన కార్యకలాపాలసంచాలకురాలు భారతి హోలికేరి ఫ కలెక్టర్‌ అనురాగ్‌ జయంతితో కలిసి అధికారులతో సమీక్ష

సమష్టి కృషికి లభించిన ఫలితం పండుగ రద్దీని తట్టుకుని, ఎలాంటి అవాంఛనీయ సంఘటనలు జరగకుండా సిబ్బంది బస్సులను సురక్షితంగా నడిపారు. ఆర్టీసీపై ప్రయాణికులు ఉంచిన నమ్మకానికి సంస్థ తరఫున ప్రత్యేక కృతజ్ఞతలు. ఈ భారీ విజయంలో భాగస్వాములైన డ్రైవర్లు, కండక్టర్లు, గ్యారేజీ మెకానిక్‌లు, ట్రాఫిక్‌ సూపర్‌వైజర్లు, డిపో మేనేజర్లు, పాలనా సిబ్బంది సమష్టి కృషి వల్లే ఇది సాధ్యమైంది. – జ్యోత్స్న, రీజియన్‌ మేనేజర్‌ ఫ పండుగ రద్దీ నేపథ్యంలో నల్లగొండ రీజియన్‌కు రూ.35.98 కోట్ల ఆదాయం ఫ అత్యధికంగా సూర్యాపేట డిపోకు రూ.9.12 కోట్ల రాబడి రామగిరి(నల్లగొండ), మిర్యాలగూడ టౌన్‌ : బతుకమ్మ, దసరా పండుగల సందర్భంగా టీజీఎస్‌ ఆర్టీసీ నల్లగొండ రీజియన్‌ రికార్డు స్థాయి రాబడి సాధించింది. ఈనెల 9 నుంచి 26వ తేదీ వరకు (18 రోజుల పాటు) రీజియన్‌ వ్యాప్తంగా నడిచిన ప్రత్యేక బస్సుల ద్వారా రూ. 35.98 కోట్ల ఆదాయం సమకూరింది. నల్లగొండ రీజియన్‌ పరిధిలోని యాదగిరిగుట్ట, దేవరకొండ, నార్కట్‌పల్లి, నల్లగొండ, మిర్యాలగూడ, సూర్యాపేట, కోదాడ డిపో పరిధిలో 50.99 లక్షల కిలోమీటర్ల మేర బస్సులను నడిపిన ఆర్టీసీ, 49.34 లక్షల మంది ప్రయాణికులను సురక్షితంగా వారి గమ్యస్థానాలకు చేర్చింది. అత్యధికంగా సూర్యాపేట డిపో రూ. 9.12 కోట్లు రాబడితో అగ్రస్థానంలో నిలవగా, నల్లగొండ డిపో రూ. 7.05 కోట్లతో ద్వితీయ స్థానంలో నిలిచింది. మహాలక్ష్మితో కిక్కిరిసిన బస్సులు మహాలక్ష్మి ఉచిత ప్రయాణ పథకానికి మహిళల నుంచి ఊహించని స్పందన లభించింది. రీజియన్‌ వ్యాప్తంగా ప్రయాణించిన మొత్తం 49,34,656 మంది ప్రయాణికుల్లో, 31,18,320 మందికి పైగా మహిళలు మహాలక్ష్మి పథకం ద్వారా ఉచితంగా ప్రయాణించారు. పండుగ రోజుల్లో రీజియన్‌లోని అన్ని బస్సు సర్వీసులు ప్రయాణికులతో కిక్కిరిసిపోయాయి.డిపోల వారీగా సమకూరిన ఆదాయం డిపో ఆదాయం మొత్తం మహాలక్ష్మి (కోట్లలో) ప్రయాణికులు ప్రయాణికులు సూర్యాపేట 9.12 11,11,373 7,56,853 నల్లగొండ 7.05 9,94,115 5,95,536 దేవరకొండ 5 7,08,714 4,49,869 మిర్యాలగూడ 4.91 7,10,136 4,17,786 యాదగిరిగుట్ట 4.41 6,57,957 4,43,063 కోదాడ 4.20 5,26,270 2,91,681 నార్కట్‌పల్లి 1.26 2,26,091 1,63,532

రామన్నపేట: నిరుద్యోగ యువతీ యువకులతోపాటు అన్నివర్గాల ప్రజలను కాంగ్రెస్‌ పార్టీ మోసం చేసిందని, రానున్న పట్టఽభద్రుల ఎమ్మెల్సీ ఎన్నికల్లో తగిన బుద్ధి చెప్పాలని మాజీ ఎమ్మెల్యే చిరుమర్తి లింగయ్య అన్నారు. బుధవారం రామన్నపేటలో పట్టభద్రుల ఓటు నమోదుపై ఏర్పాటు చేసిన పార్టీ ముఖ్యుల సమావేశంలో ఆయన మాట్లాడారు. గ్రామాల్లోని పట్టుభద్రులను గుర్తించి ఓటు నమోదు చేయించాలన్నారు. రాష్ట్రంలో కరువు విలయతాండవం చేయడానికి కాంగ్రెస్‌ పార్టీ అవలంబిస్తున్న విధానాలే కారణమన్నారు. కాళేశ్వరం ప్రాజెక్టు ద్వారా గోదావరి నీళ్లు ఎత్తిపోస్తే కేసీఆర్‌కు మంచిపేరు వస్తుందనే కారణంతో సీఎం రేవంత్‌రెడ్డి తెలంగాణను ఎడారిగా మారుస్తున్నారని ఆరోపించారు. యాసంగి సాగు ప్రణాళికను విడుదల చేయాలని, వ్యవసాయానికి ఎన్ని గంటల కరెంటు ఇస్తారో స్పష్టం చేయాలని డిమాండ్‌ చేశారు. ఎల్‌నినోతో ఎదురయ్యే సమస్యలను పరిష్కరించడానికి ప్రభుత్వం గ్రామ పంచాయతీలకు ప్రత్యేక నిధులు ఇవ్వాలని డిమాండ్‌ చేశారు. సమావేశంలో పార్టీ నాయకులు పోచబోయిన మల్లేశం, బందెల రాములు, వేమవరపు సుధీర్‌బాబు, బొక్క మాధవరెడ్డి, జి.సత్తయ్య, ఎస్‌కే చాంద్‌, ఎండీ ఆమేర్‌, జాడ సంతోష్‌, ఎజాజ్‌, పులిపలుపుల వీరస్వామి, బండ శ్రీనివాస్‌రెడ్డి, రాస వెంకటేశం, రవ్వ నర్సింహ, మంటి లింగస్వామి, పిట్ట మహేందర్‌రెడ్డి, ఆవుల శ్రీధర్‌ తదితరులు పాల్గొన్నారు. ఫ మాజీ ఎమ్మెల్యే చిరుమర్తి లింగయ్య

శాలిగౌరారం: 365 నంబరు జాతీయ రహదారిపై శాలిగౌరారం మండలంలోని మాదారం కలాన్‌ వద్ద బుధవారం రాత్రి జరిగిన రోడ్డు ప్రమాదంలో బీఆర్‌ఎస్‌ నాయకుడు మృతి చెందాడు. మండలంలోని ఇటుకులపహాడ్‌ గ్రామానికి చెందిన బీఆర్‌ఎస్‌ నాయకుడు అంబటి అంజయ్య(66) చేపల చెరువు కాంట్రాక్టర్‌గా పని చేస్తూ జీవనం సాగిస్తున్నాడు. బుధవారం రాత్రి ఆయన ఇటుకులపహాడ్‌ నుంచి హైవే మీదుగా ద్విచక్రవాహనంపై అర్వపల్లికి బయలుదేరాడు. మార్గమధ్యంలో మాదారంకలాన్‌ గ్రామ శివారులో గల పెట్రోల్‌బంక్‌ వద్ద మరమ్మతులకు గురై రోడ్డుపై ఆగి ఉన్న లారీని వెనుక నుంచి ఢీకొట్టాడు. ఈ ప్రమాదంలో బైక్‌పై ప్రయాణిస్తున్న అంజయ్య తలకు తీవ్రగాయాలై అపస్మారక స్థితిలోకి వెళ్లాపోయాడు. గమనించిన స్థానికులు అంజయ్యను చికిత్స నిమిత్తం నకిరేకల్‌ ఏరియా ఆస్పత్రికి తరలించారు. అప్పటికే అంజయ్య మృతి చెందినట్లు వైద్యులు ధ్రువీకరించారు. మృతుడు అంజయ్యకు భార్య, ముగ్గురు కుమారులు ఉన్నారు.

సూర్యాపేట : ఏ హోమము, వ్రతాలు చేయలేని భక్తులు, పేదల కోసం సూర్యాపేట జిల్లా కేంద్రంలో శ్రీ బాల మానస మహా విద్యాపీఠం ఆధ్వర్యంలో శ్రీరుద్ర సహిత కాలభైరవ మహా యజ్ఞం నిర్వహిస్తున్నట్లు పీఠాధిపతులు లక్ష్మీనారాయణ సద్గురు భవాని స్వామీజీ తెలిపారు. బుధవారం జిల్లా కేంద్రంలోని యర్రంశెట్టి ఉపేందర్‌ నివాసంలో ఏర్పాటు చేసిన విలేకరుల సమావేశంలో మహా యజ్ఞంకు సంబంధించిన వివరాలను స్వామీజీ వెల్లడించారు. సమాజ శ్రేయస్సు కోరి మానవ కర్మలను తొలగించేందుకు పరమహంస పరిరజాకాచార్యులు సుదర్శన ఆశ్రమ స్వామీజీ ఆశీస్సులతో 1008 మంది దంపతులచే మొట్టమొదటిసారిగా 2012లో లక్ష్మీనారాయణ యాగం మొదలు పెట్టినట్లు తెలిపారు. తొమ్మిదవ సారి 1116 మంది దంపతులచే డిసెంబర్‌ 1న జిల్లా కేంద్రంలో శ్రీరుద్ర సహిత కాలభైరవ మహా యజ్ఞాన్ని నిర్వహించనున్నట్లు తెలిపారు. ప్రతి పేదవాడికి అందుబాటులో ఉండే విధంగా ప్రతి ఒక్కరూ ఈ యజ్ఞంలో పాల్గొనేలా రూ.1516 చెల్లించి హోమంలో పాల్గొనే అవకాశాన్ని తమ ట్రస్టు కల్పిస్తోందన్నారు. కార్యక్రమంలో కౌన్సిలర్‌ షేక్‌ జహీర్‌, నాయకులు సలిగంటి వీరేందర్‌, యర్రంశెట్టి ఉపేందర్‌ తులసి, సంకురిశెట్టి పరమేష్‌ సబిత, ప్రసాద్‌, వాసుదేవరావు సరళ, ఆనందరావు అనిత, శ్రీనివాస్‌ రెడ్డి ఉమా, సంజీవరెడ్డి ఉదయశ్రీ, శ్రీనివాస్‌ రెడ్డి పద్మ, రాంరెడ్డి రమ, వెంకట్‌ రెడ్డి కళావతి, శ్రీనివాసరావు శిల్ప, లక్ష్మారెడ్డి సంధ్య, ట్రస్టు సభ్యులు జెట్టి రవికుమార్‌, రాజిరెడ్డి, శ్రావణ్‌ కుమార్‌, క్రాంతికుమార్‌, అరుణ్‌ కుమార్‌, తదితరులు పాల్గొన్నారు.

కనగల్‌ : దర్వేశిపురం స్టేజీ వద్దగల శ్రీ రేణుకా ఎల్లమ్మ ఆలయ సన్నిధిలో సూర్యాపేట జిల్లా నాగారం మండలం డి.కొత్తపల్లి గ్రామానికి చెందిన ధనుంజయ్‌ కళాబృందం సభ్యులు బుధవారం శశిరేఖ పరిణయం యక్షగాన ప్రదర్శన నిర్వహించారు. ఇందులో సుభద్రగా ధనుంజయ్‌, బలరాముడిగా భుజంగం, అభిమన్యుడిగా బాలకృష్ణ, శశిరేఖగా కుమార్‌, ఘటోత్కచుడిగా రాము, ఇతర పాత్రలో శారద నటించారు. ఈ యక్షగాన నాటక ప్రదర్శన భక్తులను విశేషంగా ఆకట్టుకుంది. కార్యక్రమంలో ఆలయ చైర్మన్‌ చీదేటి వెంకట్‌ రెడ్డి, ఈఓ అంబటి నాగిరెడ్డి, జూనియర్‌ అసిస్టెంట్‌ కూసం ఉపేందర్‌ రెడ్డి తదితరులు పాల్గొన్నారు.

భూదాన్‌పోచంపల్లి: ఎల్‌నినో నేపథ్యంలో నీటిని వృథాచేయకుండా సంరక్షించడం మనందరి బాధ్యత అని కేంద్ర జలశక్తి మంత్రిత్వ శాఖలోని భూగర్భ జల మండలి రీజినల్‌ డైరెక్టర్‌ ఎన్‌. జ్యోతికుమార్‌ పేర్కొన్నారు. బుధవారం భూదాన్‌పోచంపల్లి మండలంలోని పిలాయిపల్లి గ్రామంలో విజిలెన్స్‌ అవేర్‌నెస్‌ వీక్‌–2026లో భాగంగా జల సంరక్షణపై అగాహహన కల్పించారు. ఈ సందర్భంగా ఆయన మాట్లాడుతూ వర్షాలు కురవక భవిష్యత్తులో కరువు పరిస్థితులు ఏర్పడనున్నాయని అన్నారు. ఈ నేపథ్యం నీటి వనరులను పొదుపువాడుకోవాలని సూచించారు. అనంతరం గ్రామస్తులచే సమూహిక ప్రతిజ్ఞ చేయించారు. ఈ కార్యక్రమంలో ఉపసర్పంచ్‌ బందారపు లక్ష్మణ్‌గౌడ్‌, పెరుమాండ్ల దానయ్య, పంచాయతీకార్యదర్శి ధనుంజయ్య, పీఏసీఎస్‌ పీఐసీ డైరెక్టర్‌ అందెల విజయశ్రీనివాస్‌, జలమండలి శాస్త్రవేత్తలు పెరిక యాదయ్య, సరిత, ఓబులేశ్‌, విఠల్‌ పాల్గొన్నారు.

పెద్దవూర: బావులు, బోర్లు, ఇతర నీటి పారుదల కింద ఆకుకూరల సాగును ఆరుతడి పద్ధతిలో తక్కువ నీటితో సాగు చేపట్టడం ద్వారా అధిక లాభాలు పొందవచ్చని పెద్దవూర మండల వ్యవసాయ అధికారి సత్యనారాయణ తెలిపారు. సాగు చేయాల్సిన ఆకుకూరల రకాలు, యాజమాన్య పద్ధతుల గురించి ఆయన మాటల్లోనే.. సాగు చేయాల్సిన ఆకుకూరలు ఇవే..పాలకూర, తోటకూర, గోంగూర, చుక్కకూర, మెంతికూర, పుదీన, కొత్తిమీర, బచ్చలికూర ప్రస్తుతం సాగు చేసేందుకు అనుకూలంగా ఉంటాయి. తోటకూరలో ఏఆర్‌ఎన్‌ఏ రకం మంచి దిగుబడి వస్తుంది. విత్తిన 15–20 రోజులకే మొదటి కోత వస్తుంది. పూసాలాల్‌ చౌలై రకం ఆకుల పైభాగం ముదురు ఎరుపు రంగులోనూ, అడుగు భాగం నీలి ఎరుపు రంగులో ఉంటుంది. విత్తిన 24–30 రోజులలో మొదటి కోతకు వస్తుంది. వీటితో పాటు ఆర్క అరుణ, కో–1,2,3 రకాలను సాగు చేయవచ్చు. పాలకూరలో ఆల్‌గ్రీన్‌ రకం మేలైనది. ఇది విత్తిన 15–20 రోజులలోనే కోతకు వస్తుంది. 6 నుంచి 7 కోతల్లో ఎకరాకు 50 టన్నుల ఆకు దిగుబడి వస్తుంది. ఆర్క అనుపమ కూడా సాగు చేయవచ్చు. మెంతికూరలో లాంసెలక్షన్‌–1 రకం గుబురుగా పెరుగుతుంది. ఎక్కువ ఆకు దిగుబడిని ఇస్తుంది. పూసాఎల్లీ బించింగ్‌ రకం కూడా తొందరగా కోతకు వస్తుంది. హిస్సార్‌ సువర్ణరకం కూడా పూసాఎల్లీ బంచింగ్‌ కంటే 20 శాతం అధిక దిగుబడి వస్తుంది. గోంగూరలో ఏఎన్‌జీఆర్‌యూ–1 రకం ఎకరాకు 4–5 టన్నుల దిగుబడి వస్తుంది. ఎంఎస్‌–3 రకం కూడా ఎర్ర గోంగూర రకానికి చెందినదే. దీనిని కూడా తడికింద ఎప్పుడైనా సాగు చేయొచ్చు. కొత్తిమీరలో స్వాతి(సీఎస్‌–6) పంట కాలం 80–85 రోజులు ఉంటుంది. సాధన (సీఎస్‌–4) రకం పంటకాలం 100–110 రోజులు ఉంటుంది. ఇది పేనుబంకను తట్టుకుంటుంది. వీటితో పాటు కరివేపాకులో సువాసిని, డీడబ్ల్యూ 1–2 రకాలు, బచ్చలిలో ఎర్ర బచ్చలి, పుదీనాలో స్పియర్‌మింట్‌ వంటి రకాలు సాగుకు అనుకూలం. దిగుబడి పెంచడానికి మార్గాలు తక్కువ కాలపరిమితి, అధిక దిగుబడులు ఇచ్చే రకాలు ఎంపిక చేసుకోవాలి. సమగ్ర ఎరువులు, సస్యరక్షణ చర్యలు చేపట్టాలి. కిలో విత్తనానికి 3 గ్రాముల మాంకోజెబ్‌ను ఉపయోగించి విత్తన శుద్ధి చేయాలి. విత్తిన 20 రోజుల నుంచి 15 రోజుల వ్యవధిలో రెండు నుంచి మూడు సార్లు కలుపు తీసి మట్టిని కదిలించాలి. విత్తే ముందు ప్లుక్లోరిలిన్‌ కలుపు మందును ఎకరాకు 800 గ్రాములు వాడాలి. ఆకు కూరల సాగుకు సాధ్యమైనంత ఎక్కువగా సేంద్రీయ ఎరువులను వాడితే నేలలో తేమను ఎక్కువ కాలం పట్టి ఉంచి సూక్ష్మజీవుల చర్యలు అధికమై పోషకాల లభ్యత పెరుగుతుంది. భూమిలో తేమను బట్టి 5–7 రోజులకు తడి ఇవ్వాలి. విత్తిన మొదటిసారి నీరు పెట్టేటప్పుడు నెమ్మదిగా పెట్టాలి. నీటి వేగం ఎక్కువైతే విత్తనాలన్నీ కింది వైపుకు కొట్టుకు వచ్చి మొలకశాతం తగ్గుతుంది. నీటి ఎద్దడిని తట్టుకోవడానికి రెండు శాతం యూరియా అంటే లీటరు నీటికి 20 గ్రాములు కలిపి చల్లాలి. విత్తే పద్ధతి పాలకూర సాగుకు వరుసల మధ్య 20 సెంటీమీటర్లు, మొక్కల మధ్య దూరం 10సెం.మీ. ఉండాలి. గోంగూరకు వరుసల మధ్య దూరం 30సెం.మీ.లు, మొక్కల మధ్య దూరం 10 సెం.మీ.లు, తోటకూరలో వరుసల మధ్య దూరం 20 సెం.మీ., మెంతికూరలో వరుసల మధ్య దూరం 25 సెం.మీ.లు, మొక్కల మధ్య దూరం 10 సెంటీమీటర్లు, బచ్చలికూరలో వరుసల మధ్య 60 సెం.మీ.లు, మొక్కల మధ్య దూరం 60 సెం.మీ.ల దూరం ఉండాలి.

శాలిగౌరారం: మండలంలోని ఆకారం గ్రామంలో పత్తి చేనును కోతులు ధ్వంసం చేయకుండా ఓ రైతు వల ఏర్పాటు చేయగా.. కొండచిలువ అందులో చిక్కుకుంది. గ్రామానికి చెందిన మంగలి సైదులు గ్రామ సమీపంలోని తన వ్యవసాయ భూమిలో వేసిన పత్తి చేనును కోతులు ధ్వంసం చేస్తుండడంతో చేను చుట్టూ వల ఏర్పాటు చేశాడు. ఈ క్రమంలో మంగళవారం 12 అడుగులకు పైగా పొడవు ఉన్న భారీ కొండచిలువ అందులో చిక్కుకుంది. రైతు సైదులు దీనిని గమనించి గ్రామస్తులకు చెప్పడంతో వారు అక్కడికి చేరుకొని కొండచిలువను చంపివేశారు.

నకిరేకల్‌: నిరుద్యోగులు, ఉద్యోగులు, యువతను మోసం చేసిన కాంగ్రెస్‌ ప్రభుత్వానికి రాబోయే పట్టభద్రుల ఎమ్మెల్సీ ఎన్నికల్లో తగిన బుద్ధి చెప్పాలని నకిరేకల్‌ మాజీ ఎమ్మెల్యే చిరుమర్తి లింగయ్య అన్నారు. మంగళవారం నకిరేకల్‌లోని సువర్ణగార్డెన్‌లో ఏర్పాటు చేసిన విలేకరుల సమావేశంలో ఆయన మాట్లాడారు. పట్టభద్రుల ఎమ్మెల్సీ ఎన్నికల నేపథ్యంలో ఓటరు నమోదు ప్రక్రియ ముమ్మరంగా చేయాలన్నారు. బీఆర్‌ఎస్‌ బలపర్చిన ఎమ్మెల్సీ అభ్యర్థి గెలుపు కోసం కృషి చేయాలని కోరారు. సమావేశంలో ఎమ్మెల్సీ ఎన్నికల నియోజకవర్గ ఇన్‌చార్జి గుజ్జ దీపిక యుగేంధర్‌రావు, స్థానిక నాయకులు పాల్గొన్నారు. ఫ మాజీ ఎమ్మెల్యే చిరుమర్తి లింగయ్య

నడిగూడెం : ఈ ఏడాది ఎల్‌నినో ప్రభావం క్షేత్ర పంటల సాగు రైతులతో పాటు, ఉద్యానవన పంటల రైతులకు కూడా కష్టతరంగా మారింది. ఖరీఫ్‌ సీజన్‌లో సరైన వర్షాలు లేవు. దీంతో చెరువులు, బోర్లలో భూగర్భ జలాలు అడుగంటాయి. దీనికి తోడు విద్యుత్‌ కోతలు విధిస్తుండడంతో క్షేత్ర పంట అయిన వరి పొలాలకు నీరందక పంట చేతికొచ్చే దశలో ఎండిపోతున్నాయి. ఇదే పరిస్థితి నిమ్మ తోటల రైతులకు ఆరంభమైంది. నడిగూడెం మండల కేంద్రంతో పాటు, బృందావనపురం, వేణుగోపాలపురం, చెన్నకేశ్వాపురం, వెంకట్రాంపురం, కరివిరాల, కాగితరామచంద్రాపురం, నారాయణపురం, ఎఖలాస్‌ఖాన్‌పేట తదితర గ్రామాల్లో దాదాపు రెండు వేల ఎకరాల వరకు నిమ్మ సాగు చేశారు. ఈ నిమ్మ తోటలు ఆయా గ్రామాల్లో బోర్లు, బావుల కింద సాగులో ఉన్నాయి. వేసవి రాక ముందే ప్రస్తుత వాతావరణం వేసవిని తలపిస్తుండడం, బోర్లు, బావుల్లో భూగర్భ అడుగంటడంతో నిమ్మ రైతులు ఆందోళన వ్యక్తం చేస్తున్నారు. సాగర్‌ నీటితో చెరువులు నింపాలి మండల పరిరిధిలోని చెన్నకేశ్వాపురం, కరివిరాల, వేణుగోపాలపురం, బృందావనపురం, నారాయణపురం, కాగితరామచంద్రాపురం గ్రామాల్లో ఉన్న చెరువులను నాగార్జున సాగర్‌ ఎడమ కాల్వకు అనుబందంగా ఉన్న ఎల్‌.35, ఎల్‌.36 ఎత్తి పోతల పధకాల ద్వారా నింపాలని రైతులు కోరుతున్నారు. నిమ్మలో పూత, పిందె రావడానికి అనువైన సమయం ఇదేనని, ఇలాంటి సమయంలో సాగు నీరుంటే పంట దిగుబడులు పెరిగే అవకాశముంటుందని పలువురు రైతులు చెబుతున్నారు. నీటి పారుదల శాఖ అధికారులు స్పందించి సాగర్‌ నీటితో చెరువులను నింపాలని నిమ్మ రైతులు కోరుతున్నారు. ఫ ఎల్‌నినో ప్రభావంతో అడుగంటిన భూగర్భ జలాలు ఫ పంట చేతికొచ్చే దశలో నీరు అందక ఎండిపోతున్న తోటలు ఫ సాగర్‌ నీటితో చెరువులను నింపాలని కోరుతున్న నిమ్మ రైతులు