Vikarabad District News

మంచాల: ముదిరాజ్‌లు మరింత బలపడాలని శాసన మండలి వైస్‌ చైర్మన్‌ బండ ప్రకాశ్‌ముదిరాజ్‌, మాజీ ఎమ్మెల్యే మంచిరెడ్డి కిషన్‌రెడ్డి అన్నారు. ఆదివారం మండలంలోని అస్మత్‌పూర్‌లో ముదిరాజ్‌ సంఘం ఆధ్వర్యంలో నిర్వహించిన పెద్దమ్మ తల్లి, గంగాదేవి నూతన విగ్రహ ప్రతిష్ఠాపన ఉత్సవాలకు హాజరయ్యారు. ఈ సందర్భంగా వారు మాట్లాడుతూ.. జనాభాలో అధిక శాతం ఉన్న ముదిరాజులు అన్ని రంగాల్లో రాణించాలన్నారు. కార్యక్రమంలో ముదిరాజ్‌ మహా సభ రాష్ట్ర ఉపాధ్యక్షుడు బి.యాదయ్యముదిరాజ్‌, మత్స్యపారిశ్రామిక సహకార సంఘం జిల్లా అధ్యక్షుడు దూస వెంకటేశ్‌ ముదిరాజ్‌, సంఘం నాయకులు బోళ్ల జగన్‌, ఎడ్ల గణేశ్‌, ధర్మంవీర్‌, సత్యం ముదిరాజ్‌, గంట భిక్షపతి, జిల్లామోని సత్తయ్య,కావలి నర్సింహ, బీఆర్‌ఎస్‌ నేతలు, పలు గ్రామాల సర్పంచ్‌లు పాల్గొన్నారు.

● మరో ముగ్గురికి గాయాలు ● పామెన బస్టాప్‌ వద్ద ప్రమాదం చేవెళ్ల: అతివేగంగా వెళ్తున్న కారు అదుపు తప్పి బోల్తాపడిన ఘటనలో ఓ యువకుడు మృతి చెందగా ముగ్గురికి గాయాలయ్యాయి. చేవెళ్ల పోలీస్‌ స్టేషన్‌ పరిధిలోని పామెన బస్‌ స్టేజీ సమీపంలో శనివారం రాత్రి ఈప్రమాదం చోటుచేసుకుంది. పోలీసులు తెలిపిన వివరాల ప్రకారం.. షాబాద్‌ మండలం పోతుగల్‌ గ్రామానికి చెందిన రాజ్‌కుమార్‌(25) తన ఇన్నోవా కారులో స్నేహితులైన మురళీగౌడ్‌, ఒగ్గు వెంకటయ్య, కార్ల శివకుమార్‌తో కలిసి చేవెళ్ల వైపు వెళ్తున్నారు. వేగంగా ఉన్న కారు పామెన స్జేజీ వద్ద అదుపుతప్పి, డివైడర్‌ను ఢీకొట్టి అవతలి రోడ్డువైపు వెళ్లి బోల్తా పడింది. ఈ ప్రమాదంలో కారు నడుతుపున్న రాజ్‌కుమార్‌తో పాటు ముగ్గురు యువకులు తీవ్రంగా గాయపడ్డారు. స్థానికులు వీరిని అంబులెన్స్‌లో మొయినాబాద్‌లోని భాస్కర ఆస్పత్రికి తరలించగా రాజ్‌కుమార్‌ అప్పటికే మృతిచెందినట్లు వైద్యులు నిర్ధారించారు. తీవ్రంగా గాయపడిన మురళి, వెంకటయ్యను మెరుగైన చికిత్స కోసం నగరంలోని ప్రైవేటుకు తరలించగా, శివకుమార్‌కు చికిత్స చేసి పంపించారు. మృతుడి తండ్రి యాదయ్య ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు.

కేశంపేట: విద్యార్థుల్లో దాగి ఉన్న సృజనాత్మకతను వెలికితీయడంతో పాటు శాసీ్త్రయ దృక్పథం, పరిశోధనాత్మక ఆలోచనలు, ఆవిష్కరణ నైపుణ్యాలను ప్రోత్సాహించేందుకు తెలంగాణ ఫ్యూచర్‌ ఇన్నోవేటర్స్‌ ఛాలెంజ్‌ (టీఎఫ్‌ఐసీ) 2026– 27 కార్యక్రమ నిర్వహణకు విద్యాశాఖ సన్నద్ధమవుతోంది. పాఠశాల స్ధాయి నుంచి కొత్త ఆలోచనలతో ముందుకు వచ్చి, సమాజానికి ఉపయోగపడే ఆవిష్కరణలు రూపొందించేందుకు ఈ పోటీలు మంచి వేదికగా నిలవనుంది. ప్రభుత్వ పాఠశాలల్లో చదువుతున్న విద్యార్థులు ఈ అవకాశాన్ని సద్వినియోగం చేసుకుని, సత్తాచాటవచ్చు. అర్హులు వీరే.. ప్రభుత్వ, స్ధానిక సంస్థలు, కేజీబీవీ, తెలంగాణ మాడల్‌ స్కూల్‌ (టీ జీఎంఎస్‌), గురుకుల పాఠశాలల్లో 6 నుంచి 10వ తరగతి చదువుతున్న విద్యార్థులు ఈ పోటీల్లో పాల్గొనేందుకు అర్హులు. ఆసక్తి కలిగిన వారు నవంబర్‌ 6లోపు ఆన్‌లైన్‌ ద్వారా దరఖాస్తు చేసుకోవచ్చు. ముగ్గురు విద్యార్థులు బృందంగా ఏర్పడి ప్రాజెక్టులను రూపొందించవచ్చు. తమ పరిధిలో ఉన్న సమస్యలను గుర్తించి వాటికి పరిష్కార మార్గాలను చూపించే ఆవిష్కరణలకు రూపం ఇవ్వవచ్చు. గతంలో ఇన్‌స్పైర్‌తో పాటు ఇతర సైన్స్‌ పోటీల్లో పాల్గొన్న వారు తమ ప్రాజెక్టుల్లో అసరమైన మార్పులు చేసి, పోటీలో పాల్గొనవచ్చు. టీఈఎల్‌ఎఎన్‌ఎజీఎ.సీఓడీఈఎంఐటీఆర్‌ఎ.ఓఆర్‌జీ అనే వెబ్‌సైట్‌లోకి వెళ్లి దరఖాస్తును చేసుకోవాలి. విద్యార్ధులు తమ పర్మినెంట్‌ ఎడ్యుకేషన్‌ నంబర్‌ (పీఈఎన్‌) నంబర్‌తో లాగిన్‌ కావాలి. ఆరు దశల్లో పోటీలు ● మొదటి దశలో విద్యార్థులు నమోదు చేసిన ఆలోచనలను అన్‌లైన్‌ పోర్టల్‌లో ప్రాజెక్టు ప్రతిపాదనలను స్వీకరిస్తారు. ● రెండో దశలో నిపుణుల కమిటీ విద్యార్థులు సమర్పించిన ప్రాజెక్టులను పరిశీలించి జిల్లా స్థాయికి 30 ఉత్తమ ఆవిష్కరణలను ఎంపిక చేస్తుంది. ● మూడో దశలో నిపుణుల కమిటీ ఎంపిక చేసిన 30 ప్రాజెక్టులతో జిల్లా స్థాయి ప్రదర్శన నిర్వహిస్తారు. ● నాలుగో దశలో ప్రాజెక్టు నాణ్యత, వినూత్న ఆలోచన, ప్రాజెక్టుతో ఉపయోగం తదితర అంశాలను పరిశీలించి, మూడు అత్యుత్తమ ప్రాజెక్టులను ఎంపిక చేసి మొదటి, రెండో స్థానంలో నిలిచిన వాటిని రాష్ట్రస్థాయి ప్రదర్శనకు ఎంపిక చేస్తారు. ● ఐదో దశలో జిల్లా నుంచి ఎంపికై న రెండు ప్రాజెక్టులకు డిజిటల్‌ లేదా భౌతిక నమూనాలను రూపొందించి రాష్ట్ర స్థాయి ప్రదర్శనకు సిద్ధం చేస్తారు. ● చివరిదశలో రాష్ట్ర స్థాయికి జిల్లాల నుంచి ఎంపికైన ప్రాజెక్టుల ఆవిష్కరణ ప్రదర్శన హైదరాబాద్‌లో నిర్వహిస్తారు. ఇన్నోవేటర్స్‌ ఛాలెంజ్‌కు ప్రాజెక్టుల ఆహ్వానం ప్రభుత్వ పాఠశాల విద్యార్థులకు సత్తాచాటే అవకాశం ఆన్‌లైన్‌ దరఖాస్తులకు ఈనెల 6 చివరి గడువు విద్యార్థులు ఈఅవకాశాన్ని సద్వినియోగం చేసుకోవాలి. నిత్య జీవితంలో ఎదురయ్యే సమస్యలకు కొత్త పరిష్కారం చూపించే దిశగా ఆవిష్కరణలు రూపొందించాలి. మరిన్ని వివరాలకు హెచ్‌ఎంలు, ఉపాధ్యాయులను సంప్రదించాలి. – శ్రీనివాసరావు, రంగారెడ్డి సైన్స్‌ అధికారి

మోమిన్‌పేట: పత్తి రైతుకు దెబ్బమీద దెబ్బ పడుతోంది. ఖరీఫ్‌ ప్రారంభంలో వర్షాలు పడటంతో పంట వేశారు. జూలై మాసంలో వానలు కురవడంతో మేలు జరిగింది. ఆ తర్వాత ఎల్‌నినో ప్రభావంతో వరుణుడు మూడు నెలలు ముఖం చాటేశాడు. ఆగస్టు, సెప్టెంబర్‌, అక్టోబర్‌ మాసాల్లో వర్షాలు లేక పంటలు ఎదగలేదు. చెట్టుకు పదికి మించి కాయలు రాలేదు. ఎండల తీవ్రత కారణంగా గూడు, పిందె రాలిపోయింది. 15 రోజలు క్రితం పత్తి కాయ విప్పుకుంది. తీసేందుకు రైతులు సమాయత్తం అవుతుండగా వర్షాలు పడి తీవ్ర నష్టం వాటిల్లిందని పలువురు ఆవేదన వ్యక్తం చేస్తున్నారు. కూలీలు కూడా దొరకడం లేదని తెలిపారు. కిలోకు రూ.15 నుంచి రూ.20 వరకు చెల్లించాల్సి వస్తోందని పేర్కొన్నారు. ఇతర ప్రాంతాల నుంచి వస్తున్న కూలీలకు వాహన చార్జీలు తడిసి మోపెడవుతున్నాయని తెలిపారు. మార్కెట్‌లో ధర బాగానే ఉన్నా దిగుబడి లేక నష్టపోయామని ఆవేదన చెందుతున్నారు. ప్రభుత్వం నష్టపరిహారం ఇచ్చి ఆదుకోవాలని పత్తి రైతులు కోరుతున్నారు.

తాండూరు: ఎల్‌నినో నేపథ్యంలో తాగునీటి సమస్య తలెత్తకుండా మున్సిపల్‌ అధికారులు చర్యలు చేపట్టారు. పట్టణంలో సేవ్‌ వాటర్‌ పేరిట స్పెషల్‌ డ్రైవ్‌ నిర్వహిస్తున్నారు. అందుబాటులో ఉన్న జలవనరులను పొదుపుగా వినియోగించుకువాలని సూచిస్తున్నారు. మున్సిపల్‌ చైర్‌పర్సన్‌ నీరజాబాల్‌రెడ్డి ఆధ్వర్యంలో చర్యలు చేపట్టారు. 31వ వార్డులో కౌన్సిలర్‌ యోగానంద్‌ నీటి వృథాను అరికట్టేందుకు కుళాయిలకు బిరడాలు బిగించారు. మున్సిపల్‌ పరిధిలో లక్షకు పైగా జనాభా ఉంది. 36 వార్డులు.. ఆరు వేల కుళాయిలు ఉన్నాయి. రోజుకు 6.50 ఎంఎల్‌డీల తాగునీటిని సరఫరా చేస్తున్నారు. అయితే చాలా చోట్ల బిరడాలు లేక నీరు వృథాగా పోతోంది. దీన్ని అరికట్టేందుకు ఆన్‌ అండ్‌ ఆఫ్‌ పైపులు ఏర్పాటుకు చర్యలు చేపట్టారు. పట్టణంలో తొమ్మిది ట్యాంకుల ద్వారా నీటి సరఫరా జరుగుతోంది. మరో 325 విద్యుత్‌ పవర్‌ బోర్లు, 122 చేతిపంపులు ఉన్నాయి. కాగ్నా నది వద్ద రెండు పంప్‌హౌస్‌లు అందుబాటులో ఉన్నాయి. 9 మంది రెగ్యులర్‌, 18 మంది కాంట్రాక్టు సిబ్బంది విధులు నిర్వహిస్తున్నారు. వీరు కుళాయిల వ్యవస్థను నిరంతరం పర్యవేక్షిస్తూ లీకేజీలను అరికడుతున్నారు. ముందస్తు ప్రణాళిక ఎల్‌నినో ప్రభావంతో వాతావరణంలో ఏర్పడిన మార్పులు, వర్షపాతం అనిశ్చితి, భూగర్భజల మట్టాలు తగ్గడం వంటి పరిణామాలు భవిష్యత్తులో తాగునీటి లభ్యతపై ప్రభావం చూపే అవకాశాలున్నాయి. పట్టణ జనభా పెరుగుతున్న కొద్దీ నీటి అవసరాలు కూడా పెరుగుతున్నాయి. ఈ నేపథ్యంలో కొత్త నీటి వనరుల అభివృద్ధి తోపాటు ప్రస్తుతం అందుబాటులో ఉన్న నీటిని సమర్థంగా వినియోగించుకోవాల్సిన అవసరం ఉంది. రోజుకు 6.50 ఎంఎల్‌డీ నీటిని సరఫరా చేస్తున్నప్పటికీ వినియోగంలో నిర్లక్ష్యం కారణంగా వృథా అయితే భవిష్యత్‌లో సమస్యలు ఎదురయ్యే ప్రమాదం ఉంది. అందులో భాగంగానే ముందస్తు చర్యలకు మున్సిపాలిటీ ప్రాధాన్యత ఇస్తోంది. కుళాయిలకు ట్యాపులు నీటి వృథాను అరికట్టేందుకు చర్యలు చేపట్టాం. 31వ వార్డులోని మార్వాడి బజార్‌లో తాగునీటి పైపులకు ట్యాప్‌లు బిగించాం. నీటిని పొదుపుగా వాడుకోవడంపై ప్రజలకు అవగాహన కల్పిస్తున్నాం. – యోగానంద్‌, 31వ వార్డు కౌన్సిలర్‌, తాండూరు

బషీరాబాద్‌: పత్తి రైతుకు కష్టాలు కంటిమీద కునుకు లేకుండా చేస్తున్నాయి. ఓవైపు పెట్టుబడులు పెరిగి.. మరోవైపు వర్షాభావంతో దిగుబడులు తగ్గి అన్నదాతలు అల్లాడుతున్నారు. దీనికితోడు మార్కెట్‌లో ధరలు పడిపోవడంతో ఆశించిన ఆదాయం దక్కడం లేదు. సీజన్‌ ప్రారంభంలో క్వింటాలుకు రూ.9,250 పలికిన ధర వారం రోజుల్లోనే రూ.350 తగ్గి తాండూరులో రూ.8,900కు చేరింది. దీనికితోడు జిన్నింగ్‌ మిల్లుల్లో నగదు చెల్లింపుల పేరుతో కోతలు విధిస్తున్నారన్న రైతుల ఆరోపణలు కలకలం రేపుతున్నాయి. ప్రాంతాల వారీగా ధరల్లో వ్యత్యాసాలు, చెల్లింపుల్లో కోతలపై అనుమానాలు వ్యక్తమవుతున్నాయి. వ్యాపారులు సిండికేట్‌గా మారి ధరలను ప్రభావితం చేస్తున్నారా? అన్న ప్రశ్నలు తలెత్తుతున్నాయి. ఎకరాకు రూ.45 వేల నుంచి రూ.50 వేల వరకు పెట్టుబడి పెట్టినా.. దిగుబడి తగ్గడంతో సాగు ఖర్చులైనా తిరిగొస్తాయో లేదోనని ఆందోళన చెందుతున్నారు. వ్యాపారుల మాయాజాలం జిల్లాలో 14 జిన్నింగ్‌ మిల్లుల ద్వారా పత్తి కొనుగోళ్లు జరుగుతున్నాయి. అక్టోబరు 31 నాటికి మార్కెట్లలో క్వింటాలుకు కనిష్ట ధర రూ.8,401, గరిష్ట ధర రూ.9,050గా నమోదైంది. తాండూరులో రూ.8,720 నుంచి రూ.8,900 వరకు ధర చేరింది. కొడంగల్‌లో రూ.8,401 నుంచి రూ.8,901 వరకు, ధారూరులో రూ.8,700 నుంచి రూ.8,900 వరకు ధరలు నమోదయ్యాయి. పరిగిలో రూ.8,700 నుంచి రూ.9,000 వరకు ధర పలికింది. మర్పల్లిలో గరిష్టంగా రూ.9,050 ధర నమోదైంది. కోటిపల్లిలో రూ.8,900 నుంచి రూ.9,000 వరకు ధర పలికింది. నాణ్యత, తేమ శాతాన్ని బట్టి ధరల్లో మార్పులుంటాయని వ్యాపారులు చెప్పుకొస్తున్నారు. ప్రాంతాల వారీగా కనిపిస్తున్న వ్యత్యాసాలు రైతులను ఆందోళనకు గురిచేస్తున్నాయి. తాండూరులో వారం రోజుల్లోనే క్వింటాలుకు రూ.350 తగ్గడంతో అన్నదాతలకు నిరాశ ఎదురవుతోంది. ఒకే నాణ్యత కలిగిన పత్తికి ధరల నిర్ణయంలో తేడాలు ఉండడం రైతుల్లో అనుమానాలకు తావిస్తోంది. కొనుగోళ్లు ఇలా.. జిల్లాలోని ఏడు వ్యవసాయ మార్కెట్‌ కమిటీల పరిధిలో 2,01,545 ఎకరాల్లో పత్తి సాగైంది. ఈ సీజన్‌లో 1,77,329 మెట్రిక్‌ టన్నుల దిగుబడి వస్తుందని మార్కెటింగ్‌ శాఖ అంచనా వేసింది. అక్టోబరు 31న ఒక్కరోజే 626.24 మెట్రిక్‌ టన్నుల పత్తి కొనుగోలు చేశారు. దీంతో ఇప్పటివరకు మొత్తం సేకరణ 8,653.78 మెట్రిక్‌ టన్నులకు చేరింది. ఇందులో తాండూరు మార్కెట్‌ పరిధిలో అత్యధికంగా 4,325.04 మెట్రిక్‌ టన్నులు, కొడంగల్‌లో 3,745.85 మెట్రిక్‌ టన్నుల పత్తి సేకరించారు. కొనుగోళ్లలో ధరల నిర్ణయం, తూకం, తేమ శాతం ఆధారంగా చేసే కోతలు, చెల్లింపులపై అధికారులు నిఘా పెంచాలని రైతులు కోరుతున్నారు. నగదు చెల్లింపుల్లో కోతలు పత్తికి క్వింటాలుకు సీసీఐ కనీస మద్దతు ధర రూ.8,667గా ఉంది. అయితే బహిరంగ మార్కెట్‌లో సీజన్‌ మొదట్లో ధరలు గరిష్టంగా రూ.9,250 వరకు పలకడంతో రైతులు నేరుగా జిన్నింగ్‌ మిల్లుల్లో విక్రయించేందుకు ఆసక్తి చూపుతున్నారు. సాగు, కూలీ, పత్తి ఏరడం, రవాణా ఖర్చులు పోను అంతంతమాత్రంగానే ఆదాయం మిగులుతోందని చెబుతున్నారు. దీనికితోడు నగదు చెల్లింపుల పేరుతో లక్ష రూపాయలకు రూ.వెయ్యి చొప్పున కమీషన్‌ కోత విధిస్తున్నారని కొందరు రైతులు ఆరోపిస్తున్నారు. వ్యాపారులు సిండికేట్‌గా మారి ధరలను నియంత్రిస్తున్నారన్న అనుమానాలు వ్యక్తం చేస్తున్నారు. ఈ ఆరోపణలపై అధికారులు విచారణ జరిపి, రైతులకు న్యాయం చేయాలని డిమాండ్‌ చేస్తున్నారు. వారం రోజుల్లో క్వింటాలుకు రూ.350 కోత తాండూరులో రూ.8,900కు పడిపోయిన ధర ఇతర ప్రాంతాలతో పోలిస్తే ధరల్లో వ్యత్యాసం నగదు చెల్లింపుల పేరుతో చేతివాటంజిల్లాలో పత్తిసాగు ఇలా.. పంట వేసింది 2.01లక్షల ఎకరాల్లో.. దిగుబడి అంచనా 1.77లక్షల మెట్రిక్‌ టన్నులు ఎంపిక చేసిన మిల్లులు 14 ఇప్పటి వరకు సేకరించింది 8,653.78 మెట్రిక్‌ టన్నులు

బీసీ సంక్షేమ సంఘం రాష్ట్ర ప్రధాన కార్యదర్శి లక్ష్మణ్‌ బంట్వారం: పట్టభద్రుల ఎమ్మెల్సీ ఎన్నికలకు సంబంధించి ఓటరు నమోదు గడువు ఈ నెల చివరి వరకు పెంచాలని బీసీ సంక్షేమ సంఘం రాష్ట్ర ప్రధాన కార్యదర్శి అత్తెల్లి లక్ష్మణ్‌ యాదవ్‌ కోరారు. ఆదివారం ఈ మేరకు ప్రకటన విడుదల చేశారు. ఇప్పటి వరకు 50శాతం కూడా నమోదు కాలేదన్నారు. గడువు తక్కువగా ఉన్నందున వేలాది మంది ఓటు హక్కు కోల్పోయే ప్రమాదం ఉందన్నారు. దీన్ని దృష్టిలో ఉంచుకొని ఎన్నికల కమిషన్‌ గడువు పెంచాలని కోరారు. ఇదే విషయమై సంఘం తరఫున ఎస్‌ఈసీని కలిసి వినతిపత్రం అందజేస్తామన్నారు. 2026 నవంబర్‌ కంటే మూడేళ్ల ముందు ఏదైనా డిగ్రీ పూర్తి చేసిన వారంతా ఓటరుగా నమోదు చేసుకోవాలని సూచించారు. అనంతగిరి: అర్హులైన పట్టభద్రులు ఓటరుగా తమ పేర్లను నమోదు చేసుకోవాలని బీజేపీ అసెంబ్లీ కోఆర్డినేటర్‌ వడ్ల నందు సూచించారు. ఆదివారం పార్టీ ఆధ్వర్యంలో ప్రత్యేక ఓటరు నమోదు కార్యక్రమం నిర్వహించారు. ఆయన పాల్గొని పట్టపద్రులతో ఓటరుగా నమోదు చేయించారు. అనంతగిరి: దేశ సంస్కృతి, సంప్రదాయాలు యావత్‌ ప్రపంచ దేశాలకు ఆదర్శంగా నిలిచాయని ఆర్‌ఎస్‌ఎస్‌ జిల్లా సంపర్క్‌ ప్రముఖ్‌ సిద్ది రామేశ్వర్‌ అన్నారు. ఆదివారం వికారాబాద్‌ పట్టణంలో పద సంచలన్‌ కార్యక్రమం నిర్వహించారు. అనంతరం జరిగిన సమావేశంలో ఆయన మాట్లాడుతూ.. ఆర్‌ఎస్‌ఎస్‌ అంటే దేశభక్తి కలిగిన సంస్థ అన్నారు. కార్యక్రమంలో వివిధ రంగాల ప్రముఖులు, నాయకులు, వ్యాపారులు, యువకులు, విద్యార్థులు పాల్గొన్నారు. మర్పల్లి: మండలంలోని పంచలింగాల గ్రామ సమీపంలో గల ఓ వ్యవసాయ పొలంలో మొసలి కలకలం రేపింది. గ్రామానికి చెందిన మొగులయ్య ఎప్పటిలాగే ఆదివారం ఉదయం పొలానికి వెళ్లాడు. మొసలి కనిపించడంతో భయాందోళన చెందాడు. చుట్టుపక్కల రైతుల సహాయంతో దాన్ని తాళ్లతో బంధించి గ్రామానికి తీసుకువచ్చాడు. ఈ విషయాన్ని ఫారెస్ట్‌ అధికారులకు తెలిపాడు. వారు గ్రామానికి చేరుకొని మొసలిని సంగారెడ్డి జిల్లా మంజీరా ప్రాజెక్టులో వదిలేందుకు తీసుకెళ్లారు. దోమ: మండల వ్యాప్తంగా శనివారం రాత్రి ఉరుములు, మెరుపులు, ఈదురు గాలులతో కూడిన వర్షం కురిసింది. మండల కేంద్రంలోని పెట్రోల్‌ బంక్‌ సమీపంలో కొబ్బరి చెట్టుపై పిడుగు పడింది. భారీ శబ్దం రావడంతో స్థానికులు ఉలిక్కిపడ్డారు. పిడుగు పాటుకు చెట్టు దెబ్బతింది. దోమ: బాలికను వేధించిన యువకుడిపై పోలీసులు పోక్సో కేసు నమోదు చేశారు. ఈ ఘటన దోమ మండలంలో ఆదివారం చోటుచేసుకుంది. ఎస్‌ఐ వసంత్‌ జాదవ్‌ తెలిపిన వివరాల ప్రకారం.. ఓ గ్రామానికి చెందిన బాలిక(16)ను సిద్ది గణేశ్‌ అనే యువకుడు మూడేళ్లుగా ప్రేమించాలని వేధిస్తున్నాడు. ఈ విషయాన్ని బాలిక తన తల్లిదండ్రులకు చెప్పింది. దీంతో వారు పోలీసులకు ఫిర్యాదు చేశారు. సదరు యువకుడిపై పోక్సో కేసు నమోదు చేసినట్లు ఎస్‌ఐ తెలిపారు.

దోమ: ఇందిరమ్మ ఇళ్ల నిర్మాణంలో వేగం పెంచాలని డీఈఈ ముక్రమ్‌ సూచించారు. ఆదివారం మండల కేంద్రంలో సర్పంచ్‌ మాలి శివకుమార్‌రెడ్డి, ఏఈ నవీన్‌తో కలిసి ఇందిరమ్మ ఇళ్ల పురోగతిని పరిశీలించారు. ఈ సందర్భంగా ఆయన మాట్లాడుతూ.. గ్రామంలో ఎంత మంది లబ్ధిదారులు ఉన్నారు.. ఎన్ని నిర్మాణాలు ప్రారంభించారు అనే విషయాలు తెలుసుకున్నారు. ప్రారంభించని వారిని గుర్తించి, పనులు మొదలయ్యేలా చర్యలు తీసుకోవాలని సర్పంచ్‌కు సూచించారు. గత ప్రభుత్వ హయాంలో నిర్మించిన డబుల్‌ ఇళ్లను పరిశీలించారు. వాటిని వినియోగంలోకి తెచ్చేందుకు చర్యలు చేపడతామన్నారు. కార్యక్రమంలో పంచాయతీ కార్యదర్శి, వార్డు సభ్యులు, కాంగ్రెస్‌ నాయకుడు మల్లేశ్‌ తదితరులు పాల్గొన్నారు. డీఈఈ ముక్రమ్‌

చేవెళ్ల: ప్రమాదవశాత్తు గాయపడి, ఆస్పత్రిలో చికిత్స పొందుతున్న వ్యక్తి ఆదివారం మృతిచెందాడు. పోలీసులు తెలిపిన ప్రకారం.. మిర్జాగూడ గ్రామానికి చెందిన గల్ల యాదయ్య(57) గత నెల 25న రాత్రి వేళ నడుచుకుంటూ వెళ్లి పోచమ్మ గుడి సమీపంలోని గుంతలో పడిపోయాడు. తలకు బలమైన గాయం కావడంతో గమనించిన కుటుంబ సభ్యులు వెంటనే అతన్ని చేవెళ్లలోని మహేందర్‌రెడ్డి ఆస్పత్రికి తరలించారు. అక్కడి నుంచి గాంధీ ఆస్పత్రికి తీసుకెళ్లగా చికిత్స పొందుతూ చనిపోయాడు. మృతుడి కుమారుడు రాఘవేందర్‌ ఫిర్యాదు మేరకు కేసు నమోదు చేసిన పోలీసులు దర్యాప్తు చేస్తున్నారు. మాజీ ఎమ్మెల్యే మంచిరెడ్డి కిషన్‌రెడ్డి మంచాల: ఎమ్మెల్సీ ఎన్నికల్లో పార్టీ అభ్యర్థి గెలుపే లక్ష్యంగా పనిచేయాలని బీఆర్‌ఎస్‌ జిల్లా అధ్యక్షుడు, మాజీ ఎమ్మెల్యే మంచిరెడ్డి కిషన్‌రెడ్డి అన్నారు. ఆదివారం మండల కేంద్రంలోని ఓ ఫంక్షన్‌హాల్‌లో పార్టీ మండల అధ్యక్షుడు రమేష్‌ ఆధ్వర్యంలో నిర్వహించిన సమావేశంలో ఆయన మాట్లాడారు. రాజకీయాల్లో పని తీరుకు ఎన్నికలే గీటు రాయన్నారు. పట్టభద్రుల ఎన్నికల నేపథ్యంలో గ్రాడ్యుయేట్లందరూ ఓటు హక్కు పొందేలా చూడాలని చెప్పారు. కార్యక్రమంలో జిల్లా గ్రంథాలయ మాజీ చైర్మన్‌ వెంకట రమణారెడ్డి, మార్కెట్‌ కమిటీ మాజీ చైర్మన్‌ చంద్రయ్య, పీఏసీఎస్‌ మాజీ చైర్మన్‌ పుల్లారెడ్డి, ఎంపీపీ మాజీ సభ్యురాలు ఇందిర, జాపాల సర్పంచ్‌ రవి, యువజన విభాగం మండల అధ్యక్షుడు భద్రినాథ్‌ గుప్తా, నాయకులు కిషన్‌రెడ్డి, రఘుపతి, శేఖర్‌, జంగారెడ్డి, ప్రకాశ్‌రెడ్డి, భిక్షపతి, కరుణాకర్‌రెడ్డి, సతీష్‌, చంద్రకాంత్‌, వీరేష్‌, జంగయ్య, సుదర్శన్‌, బాలరాజ్‌ తదితరులు పాల్గొన్నారు. ఢిల్లీ రాంలీలా మైదానానికి తరలిన నాయకులు శంకర్‌పల్లి: దేశ రాజధాని ఢిల్లీలో కాంగ్రెస్‌ పార్టీ చేపట్టిన బహిరంగ సభకు శంకర్‌పల్లి నుంచి భారీగా కాంగ్రెస్‌ ప్రజాప్రతినిధులు, నాయకులు తరలివెళ్లారు. కేంద్ర ప్రభుత్వానికి వ్యతిరేకంగా పెద్దఎత్తున నినాదాలు చేశారు. శంకర్‌పల్లి నుంచి డీసీసీ ఉపాధ్యక్షుడు గోపాల్‌రెడ్డి, శంకర్‌పల్లి, మోకిల పీఏసీఎస్‌ చైర్మన్లు బొల్లారం వెంకట్‌రెడ్డి, సత్యం, పార్టీ మున్సిపల్‌ అధ్యక్షుడు చంద్రమౌళి, మోకిల సర్పంచ్‌ చిట్టెంపల్లి శేఖర్‌, నాయకులు వెళ్లారు.

ఆమనగల్లు: ఎన్నికల్లో ఇచ్చిన హామీల అమలులో ప్రభుత్వం విఫలమైందని కల్వకుర్తి ఎమ్మెల్సీ ఎన్నికల ఇన్‌చార్జి రజిని ఆరోపించారు. నిరుద్యోగ యువతకు ఉద్యోగాలు ఇవ్వకుండా మోసం చేసిందని విమర్శించారు. నిరుద్యోగ భృతిని వెంటనే ఇవ్వాలని డిమాండ్‌ చేశారు. పట్టభద్రుల ఎమ్మెల్సీ ఎన్నికల నేపథ్యంలో ఆదివారం పట్టణంలో మిషన్‌ భగీరథ మాజీ వైస్‌ చైర్మన్‌ ఉప్పల వెంకటేశ్‌ ఆధ్వర్యంలో ఓటు నమోదు కేంద్రాన్ని ప్రారంభించారు. గ్రాడ్యుయేట్లందరూ తమ ఓటును నమోదు చేసుకోవాలని సూచించారు. బీఆర్‌ఎస్‌ ఎమ్మెల్సీ అభ్యర్థిని గెలిపించాలని కోరారు. కార్యక్రమంలో మున్సిపాలిటీ కౌన్సిలర్‌ పాపిశెట్టి రాము, రమేశ్‌, బీఆర్‌ఎస్‌ నాయకులు శ్రీశైలం, బాలస్వామి, సైదులుగౌడ్‌, రమేశ్‌, కిరణ్‌, గోపి, ప్రశాంత్‌నాయక్‌, పంతునాయక్‌, సాలయ్య, చందు, అశ్విన్‌, కిరణ్‌, మహేశ్‌, శ్రీకాంత్‌, శేఖర్‌, రాజు, సర్పంచ్‌ల సంఘం మండల అధ్యక్షుడు శ్రీనునాయక్‌ తదితరులు పాల్గొన్నారు.కల్వకుర్తి ఎమ్మెల్సీ ఎన్నికల ఇన్‌చార్జి రజిని

కడ్తాల్‌: భక్తిభావంతో మానసిక ప్రశాంతత లభిస్తుందని ఐక్యత ఫౌండేషన్‌ చైర్మన్‌, టాస్క్‌ సీఓఓ సుంకిరెడ్డి రాఘవేందర్‌రెడ్డి అన్నారు. ఆదివారం మండల పరిధి చల్లంపల్లిలో చంద్రశేఖర్‌ ఆధ్వర్యంలో నిర్వహించిన లక్ష్మీ సుదర్శన మహాయాగంలో ఆయన పూజలు చేశారు. అనంతరం యాగ నిర్వాహకులను సుంకిరెడ్డి సన్మానించారు. కార్యక్రమంలో ఆధ్యాత్మిక గురువు రవికృష్ణశర్మ, కాంగ్రెస్‌ గ్రామ అధ్యక్షుడు తిరుపతిరెడ్డి, ఫౌండేషన్‌ సభ్యులు మాజీ సర్పంచ్‌ శ్రీరాములు, నరేందర్‌గౌడ్‌, తల్లోజు రఘు, శివ తదితరులు పాల్గొన్నారు. ఆలయ అభివృద్ధికి విరాళం మండల పరిధి ముద్వీన్‌ లక్ష్మీ నర్సింహస్వామి ఆలయ అభివృద్ధికి కృషి చేస్తానని కాంగ్రెస్‌ నాయకుడు, టాస్క్‌ సీఓఓ, ఐక్యత ఫౌండేషన్‌ చైర్మన్‌ సుంకిరెడ్డి రాఘవేందర్‌రెడ్డి అన్నారు. ఆదివారం స్వామివారం ఆలయాన్ని సందర్శించారు. ఆలయ కమిటీ సభ్యుల కోరిక మేరకు ఆలయ ప్రాంగణంలో రేకుల షెడ్డు నిర్మాణానికి రూ.2 లక్షల చెక్కును విరాళంగా అందజేశారు. ఈ సందర్భంగా దాతకు కమిటీ సభ్యులు, గ్రామస్తులు కృతజ్ఞతలు తెలిపారు. సర్పంచ్‌ సంధ్య, వార్డు సభ్యులు మల్లేశ్‌, శ్రీను, మంకాల శ్రీను, కృష్ణ, జంగయ్యయాదవ్‌, శ్రీను, వినోద్‌, మధు, వెంకటేశ్‌, సురేశ్‌, సైదులు తదితరులు ఉన్నారు.

కేశంపేట: ఎమ్మెల్సీ ఎన్నికల నేపథ్యంలో గ్రామాల్లో పట్టభద్రుల ఓటరు నమోదుపై బీజేపీ కార్యకర్తలు ప్రత్యేక దృష్టి పెట్టాలని మండల అధ్యక్షుడు పాలాది శ్రీనివాస్‌ అన్నారు. మండల కేంద్రంలో నాయకులతో కలిసి ఎమ్మెల్సీ ఓటరు నమోదు, అమిత్‌షా ర్యాలీ విజయవంతంపై సన్నాహక సమావేశం నిర్వహించారు. ఈ కార్యక్రమంలో పాల్గొన్న శ్రీనివాస్‌ మాట్లాడుతూ.. రానున్న ఎమ్మెల్సీ ఎన్నికల్లో బీజేపీ బలపరిచిన అభ్యర్ధిని గెలిపించేందుకు కార్యకర్తలు కృషి చేయాలన్నారు. గ్రామాల్లో అర్హులైన ప్రతీ ఒక్కరికి ఎమ్మెల్సీ ఎన్నికల్లో ఓటు ఉండే విధంగా చూడాలని చెప్పాప. కార్యకర్తలు గ్రామాల్లో ఇంటింటికీ వెళ్లి కేంద్ర ప్రభుత్వం అమలు చేస్తున్న సంక్షేమ పథకాలను వివరించాలని ఆయన కోరారు. అలాగే హైదరాబాద్‌లో నిర్వహించ తలపెట్టిన అమిత్‌షా ర్యాలీకి మండలం నుంచి అధిక సంఖ్యలో నాయకులు తరలివచ్చే విధంగా చూడాలని సూచించారు. కార్యక్రమంలో నాయకులు వడ్డె చంద్రయ్య, సొప్పరి నర్సింహ, మున్నూరు యుగంధర్‌, కంపుకోట నర్సింహ, అంజయ్య, కానం ఉదయ్‌గౌడ్‌, మోటే శ్రీనివాసులు, భక్తవత్సలం, వెంకటేశ్‌, నర్సింగ్‌, రాజు, తట్టెపల్లి నర్సింహ, సాయి, మణికంఠ, యాదగిరి, తిరుపతి, వేణు, రాకేశ్‌ తదితరులు పాల్గొన్నారు. బీజేపీ మండల అధ్యక్షుడు శ్రీనివాస్‌

యాచారం: మొండిగౌరెల్లిలో అసైన్డ్‌ భూములు కోల్పోనున్న రైతులకు రూ.200 కోట్లకు పైగా పరిహారం అందనుంది. గ్రామంలోని 19, 68, 127 సర్వేనంబర్లలో 498 మంది రైతులకు చెందిన 677 ఎకరాల అసైన్డ్‌ భూమిని పారిశ్రామిక పార్క్‌ల కోసం సేకరించడానికి సర్కార్‌ నిర్ణయించింది. ఎకరాకు రూ.30 లక్షల పరిహారంతో పాటు అభివృద్ధి చేసిన వెంచర్‌లో 121 గజాల ప్లాటును ఇవ్వనుంది. మొదటి విడతగా రెండు రోజుల క్రితం ఇబ్రహీంపట్నం ఎమ్మెల్యే మల్‌రెడ్డి రంగారెడ్డి చేతుల మీదుగా 19 మంది రైతులకు రూ.8.7 కోట్ల పరిహారం చెక్కులు పంపిణీ చేశారు. సోమవారం (నేడు) ఆర్డీఓ కార్యాలయంలో మరో 20 మందికి పైగా రూ.7 కోట్లకు పైగా అందించేందుకు అధికారులు చెక్కులు సిద్ధం చేశారు. మూడో విడత కింద ఈ నెల 4న పెద్ద సంఖ్యలో పరిహారం అందజేయనున్నారు. విడతల వారీగా పక్షం రోజుల్లో అందరికీ పరిహారం అందిస్తామని ఆర్డీఓ శ్రీనివాస్‌రెడ్డి తెలిపారు. ఆ భూములకు ప్రాధాన్యం మొండిగౌరెల్లిలోని అసైన్డ్‌ భూమిని రైతుల పట్టాదారు, పాసుపుస్తకాల ప్రకారం కబ్జా సర్వే చేశారు. మొదటిసారి చేసిన సర్వేలో పొరపాట్లు జరిగాయంటూ బాధిత రైతుల నుంచి నిరసన వెల్లువెత్తడంతో రీ సర్వే నిర్వహించారు. మొత్తం 677 ఎకరాల అసైన్డ్‌ భూమిలో ఏ వివాదం లేకుండా 432 ఎకరాలు ఉన్నట్లు అధికారులు గుర్తించారు. ఈ భూములకు మొదటి ప్రాధాన్యం కింద పరిహారం అందజేస్తున్నారు. దాదాపు 245 ఎకరాల భూమిపై పరస్పర ఫిర్యాదులు, అక్రమణలు, నకిలీ సర్టిఫికెట్లు ఉన్నట్లు అధికారులు గుర్తించారు. వీటికి సంబంధించి వందకు పైగా ఫిర్యాదులు, అభ్యంతరాలు అందాయి. నకిలీ సర్టిఫికెట్లు, నకిలీల రైతుల పేర్లను తొలగించి, కుటుంబ పరంగా వివాదంలో ఉన్న భూములను ఇరువర్గాల మధ్య సయోధ్య కుదిరితేనే పరిహారం అందజేయాలని నిర్ణయించారు. ఈజాబితాలోని రైతులకు ఇప్పటికే సమాచారం ఇచ్చారు. ఊపందుకోనున్న క్రయవిక్రయాలు నిర్వాసితులకు రూ.200 కోట్ల మేర పరిహారం అందనున్న నేపథ్యంలో ఇక్కడ భూముల క్రయవిక్రయాలు ఊపందుకుంటాయని భావిస్తున్నారు. గ్రామంలో అధిక శాతం మంది రైతులు కూరగాయలు, ఆకుకూరలతో పాటు పాడిపరిశ్రమతో ఉపాధి పొందుతున్నవారే. వచ్చిన డబ్బులతో సమీప గ్రామాల్లో భూములు కొనుగోలు చేసే అవకాశం ఉంది. ఈక్రమంలో యాచారంతో పాటు నల్గొండ జిల్లా మర్రిగూడ, చింతపల్లి, దేవరకొండ, పెద్దవురా, రంగారెడ్డి జిల్లాలోని మాడ్గుల, కడ్తాల్‌, తలకొండపల్లి ఆమనగల్లు తదితర ప్రాంతాల్లో వ్యవసాయ భూములు కొనుగోలు చేసేందుకు ఆసక్తి చూపుతున్నారు. అయితే, గ్రామం నుంచి 50 కిలోమీటర్ల దూరం వెళ్లినా ఎకరాకు రూ.30 లక్షలకు పైగానే ఉండటంతో రైతుల్లో ఆందోళన మొదలైంది. సారవంతమైన భూములు వదులుకుని సుదూర ప్రాంతాలకు వెళ్లి భూములు కొనుగోలు చేయాల్సి వస్తోందని ఆవేదన వ్యక్తంచేస్తున్నారు. మరికొంత మంది ప్లాట్లు కొనుగోలు చేసేందుకు ఆసక్తి చూపుతున్నారు. మొండిగౌరెల్లి భూములకు విడతల వారీగా పరిహారం పక్షం రోజుల్లో అందరికీ చెక్కులు అందజేయాలని ప్రభుత్వ నిర్ణయం వ్యవసాయ భూములు, ప్లాట్ల కొనుగోలుకు ఆసక్తి చూపుతున్న రైతులు

● కరీంనగర్‌లోని హాస్టల్‌ గదిలో ఉరి వేసుకున్న చంద్రకళ ● శాతవాహన యూనివర్సిటీ, షాద్‌నగర్‌లో విషాదఛాయలుకరీంనగర్‌ సిటీ/షాద్‌నగర్‌: ఉత్తమ భవిష్యత్‌ లక్ష్యంతో.. ఉన్నత చదువుల కోసం వచ్చిన విద్యార్థిని వ్యక్తిగత కారణాలతో ఆత్మహత్య చేసుకోవడం కరీంనగర్‌ జిల్లాకేంద్రంలోని శాతవాహన యూనివర్సిటీలో కలకలం రేపింది. షాద్‌నగర్‌లోని ఫరూక్‌నగర్‌కు చెందిన డాకూరి చంద్రకళ(30) ఎస్‌యూ వర్సిటీలో ఎల్‌ఎల్‌బీ ద్వితీయ సంవత్సరం చదువుతూ, వర్సిటీ వసతిగృహంలోనే ఉంటోంది. కొద్ది రోజల క్రితం దసరా సెలవులకు ఇంటికి వెళ్లివచ్చిన ఆమె రెండు రోజులుగా ఎక్కువ సేపు ఫోన్‌ మాట్లాడుతూ, ముభావంగా ఉంటోందని స్నేహితులు తెలిపారు. ఆదివారం మధ్యాహ్నం 1.30 గంటలకు స్నేహితులు వెళ్లి లంచ్‌కు పిలిచారు. తనకు తలనొప్పిగా ఉందని, విశ్రాంతి తీసుకుంటానని చెప్పడంతో వెళ్లిపోయిన వారు తిరిగి 3.30గంటల రూమ్‌కు రాగా, లోపలి వైపు గడియపెట్టి ఉండడంతో పలుమార్లు పిలిచారు. స్పందన లేకపోవడంతో కిటికిలోంచి చూడగా చంద్రకళ ఫ్యాన్‌కు ఉరేసుకుని కనిపించింది. సెక్యూరిటీ సహాయంతో తలుపులు తీసి వర్సిటీ అధికారులు, పోలీసులకు సమాచారం అందించారు. ఆస్పత్రికి తరలించగా అప్పటికే చనిపోయినట్లు వైద్యులు తెలిపారు. సంఘటన స్థలానికి చేరుకున్న కొత్తపల్లి సీఐ బిల్లా కోటేశ్వర్‌ మృతురాలి వివరాలు సేకరించారు. ఎంతో ఇష్టంతో ఎల్‌ఎల్‌బీకి.. షాద్‌నగర్‌కు చెందిన చంద్రకళ మూడేళ్ల కోర్సులో భాగంగా 2025లో శాతవాహన వర్సిటీలో ఎల్‌ఎల్‌బీలో చేరారు. చిన్నతనంలో జరిగిన ఓ సంఘటన ఆధారంగా ఎంతో ఇష్టంతో ఎల్‌ఎల్‌బీలో చేరినట్లు తన సేహ్నితుల వద్ద తరచూ ప్రస్తావించేదని తెలిపారు. ఆమె ఎనిమిదేళ్ల వయస్సులో తన ఇంటి సమీపంలో జరిగిన ఓ నేరానికి సంబంధించి పోలీసుల విచారణ చూసిన ఆమె లాయర్‌ కావాలని నిర్ణయించుకున్నట్లు చెప్పేదని సన్నిహితులు తెలిపారు. అనుకున్న లక్ష్యాన్ని సాధించి, పేద ప్రజలకు సేవ చేస్తానని చెప్పిందని వాపోయారు. వర్సిటీ పోటీల్లో కూడా ఎంతో ఉత్సాహంగా పాల్గొనేదని, తాజాగా హిమాచల్‌ప్రదేశ్‌లోని ఎన్‌సీసీ క్యాంప్‌ ఎంపిక కోసం కూడా ప్రయత్నించిందని తెలిసింది. అప్పటివరకూ తమతో ఎంతో సరదాగా ఉన్న చంద్రకళ ఆత్మహత్య చేసుకోవడంతో వసతిగృహం నిశ్శబ్దంగా మారింది తల్లిదండ్రుల ఆశలు ఆవిరి పట్టణానికి చెందిన డాకూరి చిన్నయ్య, లక్ష్మమ్మ దంపతులకు ఏకై క కుమార్తె చంద్రకళ. వీరిది నిరుపేద కుటుంబం. ప్రస్తుతం పట్టణంలోని డబుల్‌ బెడ్‌రూం ఇళ్లలో నివాసం ఉంటున్నారు. చిన్ననాటి నుంచి చంద్రకళ చదువుల్లో ఎంతో చురుగ్గా ఉండేది. ఆమె విద్యాభ్యాసం మొత్తం ప్రభుత్వ పాఠశాల, కళాశాలల్లోనే సాగింది. లాయర్‌ లేదా కానిస్టేబుల్‌ కావాలనే కోరికతో చంద్రకళ పరీక్షలు కూడా రాసినట్లు కుటుంబ సభ్యులు తెలిపారు. నిత్యం తమ బాగోగుల గురించి ఆరా తీసే కూతురు విగత జీవిగా మారడాన్ని బాధిత తల్లిదండ్రులు జీర్ణించుకోలేకపోతున్నారు. విద్యార్థిని ఆత్మహత్యకు గల కారణాలపై పోలీసులు విచారణ చేస్తున్నారు.

కుల్కచర్ల ఎస్‌ఐ రమేష్‌ కుల్కచర్ల: నేరాల నియంత్రణలో సీసీ కెమెరాల పాత్ర ఎంతో కీలకమని కుల్కచర్ల ఎస్‌ఐ రమేష్‌ అన్నారు. ఆదివారం మండలంలోని బండవెల్కిచర్ల గ్రామంలో సీసీ కెమెరాల ఉపయోగం, సైబర్‌ క్రైం, దొంగతనాలు, మహిళలపై వేధింపులు తదితర నేరాల నిర్మూలనపై అవగాహన కల్పించారు. ఈ సందర్భంగా ఆయన మాట్లాడుతూ.. సీసీ కెమెరాలు ఉంటే గ్రామంలోకి వచ్చిపోతే ప్రతి ఒక్కరిపై నిఘా ఉంటుందన్నారు. కార్యక్రమంలో సర్పంచ్‌ మడుగు శ్రీనివాస్‌, పాంబండ ఆలయ చైర్మన్‌ కోట్ల మైపాల్‌ రెడ్డి, ఉప సర్పంచ్‌ గోవర్ధన్‌ రెడ్డి తదితరులు పాల్గొన్నారు. పూడూరు: విద్యుత్‌ షాక్‌కు గురై గేదె మృతి చెందిన ఘటన మండలంలోని శేరిగూడ గ్రామంలో ఆదివారం చోటు చేసుకుంది. సుజాతకు చెందిన గేదె పొలంలో మేస్తుండగా ప్రమాదవశాత్తు విద్యుత్‌ షాక్‌కు గురై అక్కడికక్కడే మృతి చెందింది. గేదె విలువ సుమారు 1.60 లక్షల వరకు ఉంటుందని ప్రభుత్వం ఆదుకోవాలని ఆమె కోరారు. టీఎస్‌యూటీఎఫ్‌ జిల్లా అధ్యక్షుడు గోపాల్‌నాయక్‌ కొత్తూరు: ఉపాధ్యాయులు ఎదుర్కొంటున్న సమస్యలపై ప్రభుత్వం తక్షణమే స్పందించి, పరిష్కరించాలని టీఎస్‌యూటీఎఫ్‌ జిల్లా అధ్యక్షుడు గోపాల్‌నాయక్‌ డిమాండ్‌ చేశారు. కొత్తూరులో ఆదివారం నిర్వహించిన మండల నూతన కమిటీ ఎన్నికలో ఆయన పాల్గొన్నారు. అధ్యక్షుడిగా గౌరయ్య, ఉపాధ్యక్షుడిగా శ్రీనివాస్‌రావు, ప్రధాన కార్యదర్శిగా ప్రిన్స్‌, కోశాధికారిగా లక్ష్మితో పాటు పలువురు సభ్యులను ఎన్నుకున్నారు. అనంతరం ఆయన మాట్లాడుతూ.. పెండింగ్‌లో ఉన్న పీఆర్సీ నివేదకను వెంటనే అమలు చేయాలన్నారు. జీవోలో భాగంగా స్థానికతను కోల్పోయి ఇతర జిల్లాల్లో పని చేస్తున్న ఉపాధ్యాయులను సొంత జిల్లాలకు బదిలీ చేయాలని డిమాండ్‌ చేశారు. ఈ కార్యక్రమంలో సంఘం సభ్యులు రఘుపాల్‌, రాజ్‌కుమార్‌, భాస్కర్‌రావు, నివిత, అనూష, స్వాతి, తదితరులు పాల్గొన్నారు. పోల్కంపల్లిలో విషాదం ఇబ్రహీంపట్నం రూరల్‌: తొమ్మిది రోజుల వ్యవధిలో తల్లీకొడుకులు మృతి చెందడంతో బాధిత కుటుంబ గుండెలు బాదుకుంటోంది. వివరాలు ఇలా ఉన్నాయి.. పోల్కంపల్లికి చెందిన పూల భిక్షపమ్మ (52) అనారోగ్యం బారిన పడి కొన్నేళ్లుగా మంచానికే పరిమితమైంది. ఈక్రమంలో తొమ్మిది రోజుల క్రితం చనిపోయింది. అప్పటికే ఆమె కొడుకు శంకర్‌ (32) ఆరోగ్యం బాగోలేక గాంధీ ఆస్పత్రిలో చికిత్స పొందుతున్నాడు. తల్లి అంత్యక్రియల కోసం తీసుకువచ్చి, తిరిగి ఆస్పత్రిలో చేర్పించారు. శనివారం భిక్షపమ్మ దశదినకర్మ ఉండగా, శంకర్‌ కోలుకోకపోవడంతో వాయిదా వేశారు. ఆస్పత్రిలో ఉన్న ఆయన ఆదివారం మృతిచెందడంతో గ్రామంలో విషాదఛాయలు అలుముకున్నాయి. మృతుడికి భార్య, కూతురు ఉన్నారు. ఇంటి పెద్దలను కోల్పోయి, మన్నీరుమున్నీరవుతున్నారు. మైనార్టీ విభాగం జిల్లా అధ్యక్షురాలిగా రషియాబేగం షాద్‌నగర్‌: తెలంగాణ రక్షణ సేన ముస్లిం మైనార్టీ మహిళా విభాగం జిల్లా అధ్యక్షురాలిగా షాద్‌నగర్‌ పట్టణానికి చెందిన రషియా బేగంను నియమించారు. ఈ మేరకు పార్టీ అధ్యక్షురాలు కల్వకుంట్ల కవిత ఉత్తర్వులు జారీ చేశారు. ఈ సందర్భంగా ఆదివారం రషియాబేగం పార్టీ అధ్యక్షురాలిని కలిసి కృతజ్ఞతలు తెలిపారు. గ్రామ స్థాయిలో పార్టీని బలోపేతం చేసేందుకు తన వంతు కృషిచేస్తానని రజియాబేగం తెలిపారు.

● గుండెపోటుతో సాఫ్ట్‌వేర్‌ ఇంజినీర్‌ మృతి గచ్చిబౌలి: మారథాన్‌లో అపశ్రుతి చోటుచేసుకుంది. ఇందులో పాల్గొన్న సాఫ్ట్‌వేర్‌ ఇంజినీర్‌ గుండెపోటుతో మృతి చెందారు. గచ్చిబౌలి ఇన్‌స్పెక్టర్‌ కె.సైదులు తెలిపిన వివరాల ప్రకారం.. మణికొండ అల్కాపురి కాలనీకి చెందిన కొమ్మినేని గోపి (36) నాలుగేళ్లుగా ఐబీఎం కంపెనీ సీనియర్‌ కన్సల్టెంట్‌గా పని చేస్తున్నారు. ఆదివారం ఉదయం ఎన్‌ఈబీ స్పోర్ట్స్‌ ఆధ్వర్యంలో గచ్చిబౌలి స్టేడియంలో నిర్వహించిన ‘హైదరాబాద్‌ హైటెక్‌ ఫుల్‌ మారథాన్‌’లో ఆయన పాల్గొన్నారు. పరుగు పూర్తి చేసి పతకం అందుకున్న అనంతరం 8.45 గంటల సమయంలో అల్పాహారం చేసేందుకు వెళ్లే క్రమంలో.. ఒక్కసారిగా కుప్పకూలారు. వెంటనే సహచరులు, నిర్వాహక బృందం సీపీఆర్‌ చేశారు. ఆ తర్వాత గచ్చిబౌలిలోని ఓ ప్రైవేట్‌ ఆస్పత్రికి తరలించారు. పరిశీలించిన వైద్యులు అప్పటికే గోపి అప్పటికే మృతి చెందినట్లు చెప్పారు. ప్రాథమిక విచారణలో గుండెపోటు కాణంగానే ఆయన మరణించినట్లు తెలుస్తోందని ఇన్‌స్పెక్టర్‌ తెలిపారు. మృతుడికి భార్య, మూడేళ్ల కుమారుడు ఉన్నట్లు సమాచారం. అప్పటి వరకు సరదాగా మాట్లాడిన గోపి విగతజీవిగా మారడంతో రన్నర్లు విషాదంలో మునిగారు. కేసు దర్యాప్తు చేస్తున్నట్లు పోలీసులు తెలిపారు.

మొండిగౌరెల్లి అసైన్డ్‌ రైతులకు విడతల వారీగా పరిహారం చెక్కులు అందజేస్తాం. అభ్యంతరం లేని భూములకు మొదటి ప్రాధాన్యత ఇస్తున్నాం. ఆక్రమణ, నకిలీలపై చర్యలు తీసుకుంటాం. కుటుంబ వివాదాలకు సంబంధించి సయోధ్య కుదిరితే రికార్డులు పరిశీలించి, చెక్కులు ఇస్తాం. – శ్రీనివాస్‌రెడ్డి, ఆర్డీఓ ఇబ్రహీంపట్నం అసైన్డ్‌ భూములు కోల్పోయి పరిహారం పొందే రైతులు డబ్బులను జాగ్రత్తగా వాడుకోవాలి. దూరం వెళ్లినా సరే వచ్చిన డబ్బులతో ఎకరా లేదా అరఎకరా అయినా భూమినే కొనుగోలు చేయాలి. డబ్బులు వచ్చాయని ఆర్భాటాలు, జల్సాలకు వెళితే కుటుంబాలు రోడ్డున పడుతాయి. – కోలన్‌ రమాదేవి, సర్పంచ్‌ మొండిగౌరెల్లి

● ప్రారంభించిన చినజీయర్‌స్వామిశంషాబాద్‌ రూరల్‌: శారీరక దృఢత్వంతో పాటు మానసిక ప్రశాంతత, సమానత్వం అందరి జీవితంలో భాగం కావాలని త్రిదండి శ్రీమన్నారాయణ చినజీయర్‌స్వామి ఆకాంక్షించారు. శంషాబాద్‌ మండలం ముచ్చింతల్‌ శివారులోని సమతా స్ఫూర్తి కేంద్రం వద్ద ఆదివారం ‘ఈక్వాలిటీ రన్‌– 2026’ను ఆయన ప్రారంభించారు. ఈ సందర్భంగా చినజీయర్‌ మాట్లాడుతూ.. శ్రీ భగవద్రామానుజుల సమతా దృక్పథాన్ని, సమాజంలో సోదర భావాన్ని విస్తరింపజేయడానికి ఇలాంటి క్రీడా కార్యక్రమాలు ఎంతో దోహదపడతాయని పేర్కొన్నారు. శాంతి భద్రతల పర్యవేక్షణతో పాటు ప్రజల్లో సామాజిక బాధ్యత, శారీరక దృఢత్వం ఉండేలా ప్రోత్సహించేందుకు పోలీస్‌ శాఖ ఎప్పుడూ ముందుంటుందని ఫ్యూచర్‌సిటీ కమిషనర్‌ డాక్టర్‌ తరుణ్‌ జోషి చెప్పారు. కాగా.. చినజీయర్‌స్వామి.. పరుగు పోటీలో పాల్గొని అందరిలో జోష్‌ నింపారు. కార్యక్రమంలో వేద పాఠశాల, నేత్ర విద్యాలయం విద్యార్థులతో పాటు స్థానిక యువత, పోలీసు అధికారులు, సిబ్బంది పాల్గొన్నారు.

ఇబ్రహీంపట్నం రూరల్‌: ప్రభుత్వ ప్రజా వ్యతిరేక విధానాలను తిప్పికొట్టాలని బీఆర్‌ఎస్‌ జిల్లా నాయకుడు రవీందర్‌రెడ్డి అన్నారు. ఎన్నికల్లో ఇచ్చిన హామీల అమలులో విఫలమైందని ఆరోపించారు. ఎమ్మెల్సీ ఎన్నికల నేపథ్యంలో ఆదివారం ఆదిభట్ల జీహెచ్‌ఎంసీ సర్కిల్‌ పరిధి కొంగరకలాన్‌ డివిజన్‌లో పార్టీ శ్రేణులతో కలిసి పట్టభద్రుల ఇళ్లకు వెళ్లి.. ఓటరు నమోదు ఫారాలు అందజేశారు. ఆన్‌లైన్‌లో నమోదు చేయించారు. అర్హులందరూ హక్కు వినియోగించుకోవాలని సూచించారు. నిరుద్యోగుల పాలిట కాంగ్రెస్‌ అవలంభిస్తున్న తీరుకు వ్యతిరేకంగా ఓటు వేయాలని చెప్పారు. ప్రభుత్వానికి తగిన గుణపాఠం చెప్పాలని సూచించారు. పార్టీ అభ్యర్థిని గెలిపించుకోవాలని పార్టీ శ్రేణులకు పిలుపునిచ్చారు. కార్యక్రమంలో మాజీ కౌన్సిలర్‌ శ్రీనివాస్‌, బీఆర్‌ఎస్‌ సీనియర్‌ నాయకులు నారాయణ, లక్ష్మణ్‌ తదితరులు పాల్గొన్నారు.

షాద్‌నగర్‌: పురిటి నొప్పులతో ఆస్పత్రికి వెళ్లిన కుటుంబానికి అంతులేని విషాదం ఎదురైంది. ప్రసూతి కోసం వెళ్లిన గర్భిణితో పాటు కడుపు లోని శిశువు కూడా మృతి చెందడంతో కుటుంబ సభ్యులు కన్నీరు మున్నీరయ్యారు. వైద్యుల నిర్లక్ష్యం కారణంగానే మృతి చెందారని బంధువులు ఆరోపిస్తున్నారు. ఈ ఘటన శుక్రవారం రాత్రి షాద్‌నగర్‌ ప్రభుత్వ కమ్యూనిటీ ఆస్పత్రిలో చోటు చేసుకుంది. వివరాలు ఇలా ఉన్నాయి. కొందుర్గు మండలం చెరుకుపల్లి గ్రామానికి చెందిన రమేష్‌ కుమార్‌ వివాహం కొత్తూరు మండలం ఇన్ములనర్వ గ్రామానికి చెందిన రాధ (28)తో కొన్నేళ్ల క్రితం జరిగింది. రాధకు మొదటి రెండు కాన్పులో ఆడపిల్లలు జన్మించారు. మూడో కాన్పులో అబార్షన్‌ చేయించారు. నాలుగోసారి గర్భం దాల్చిన ఆమెకు పురిటి నొప్పులు రావడంతో కుటుంబ సభ్యులు శుక్రవారం ఉదయం కొందుర్గు ప్రాథమిక ఆరోగ్య కేంద్రానికి తీసుకెళ్లారు. అక్కడి వైద్యుల సూచన మేరకు షాద్‌నగర్‌ ప్రభుత్వ ఆస్పత్రికి తీసుకొచ్చారు. పరీక్షలు నిర్వహించిన వైద్యులు సాధారణ ప్రసవం అవుతుందని కుటుంబ సభ్యులకు తెలిపారు. ఈ క్రమంలో రాధకు సాయంత్రం ఒక్కసారిగా ఫిట్స్‌ వచ్చాయని అపస్మారక స్థితిలోకి వెళ్లిందని వైద్యులు తెలిపారు. వెంటనే అత్యవసర వైద్య సేవలు అందించడంలో పాటు సీపీఆర్‌ చేసినా మృతి చెందినట్లు చెప్పారు. కడుపులో ఉన్న బిడ్డనైనా కాపాడాలని అంబులెన్స్‌ మాట్లాడి హైదరాబాద్‌లోని మెటర్నిటీ ఆస్పత్రికి పంపించారు. అక్కడికి వెళ్లే సరికే మాతా శిశువులు మరణించినట్లు వైద్యులు ధ్రువీకరించారు. దీంతో అర్ధరాత్రి షాద్‌నగర్‌ ఆస్పత్రికి వచ్చిన కుటుంబ సభ్యులు ఆందోళన చేపట్టారు. తల్లీబిడ్డల ప్రాణం పోవడానికి వైద్యుల నిర్లక్ష్యమే కారణమని ఆరోపించారు. గతంలో మగబిడ్డ కోసం అత్తింటివారు తరచూ వేధించేవారని, తమ కూతురు మృతికి వారే కారణమని మృతిరాలి తల్లి పోలీసులకు ఫిర్యాదు చేసింది. ఈ మేరకు రమేష్‌ను అదుపులోకి తీసుకుని దర్యాప్తు చేపట్టారు. విచారణ చేపట్టిన వైద్యాధికారులు ప్రభుత్వ ఆస్పత్రిలో జరిగిన ఘటనపై జిల్లా ఆస్పత్రుల నిర్వహణ అధికారిణి అనురాగిణి స్పందించారు. ఆస్పత్రికి వచ్చి విచారణ చేపట్టారు. ఘటనకు దారి తీసిన పరిస్థితులపై ఆరా తీశారు. ఈ ఘటనపై సమగ్ర విచారణ చేపట్టి నివేదిక అందిస్తామని తెలిపారు.

● జాతీయ హోదా కాదు.. నిధులు కావాలి ● సీఎంతో కలిసి ఢిల్లీకి వెళ్లడానికి సిద్ధం ● కుర్చీలు ఎవరికీ శాశ్వతం కాదు ● పాలమూరు ఎంపీ డీకే అరుణ కొడంగల్‌: పాలమూరు– రంగారెడ్డి ప్రాజెక్టును కాంగ్రెస్‌ ప్రభుత్వం పట్టించుకోవడం లేదని మహబూబ్‌నగర్‌ ఎంపీ డీకే అరుణ ఆరోపించారు. శనివారం కొడంగల్‌లో ఏర్పాటు చేసిన విలేకరుల సమావేశంలో ఆమె మాట్లాడుతూ ‘పాలమూరు– రంగారెడ్డి’లో పాలమూరు లేదు.. రంగారెడ్డి లేదు అని విమర్శించారు. ఈ రెండు జిల్లాల సాగునీటి కోసం ప్రతిపాదించిన పథకాన్ని గతంలో బీఆర్‌ఎస్‌ ప్రభుత్వం, ప్రస్తుత కాంగ్రెస్‌ ప్రభుత్వం ఉద్దేశ పూర్వకంగా పక్కన పెట్టాయని మండిపడ్డారు. కాంగ్రెస్‌ ప్రభుత్వం ఏర్పడి మూడేళ్లవుతున్నా ఇప్పటి వరకూ దీనిపై అతీగతీ లేదన్నారు. మిగిలిన రెండేళ్లలో ఏం సాధిస్తారని ప్రశ్నించారు. ఉమ్మడి పాలమూరు జిల్లా నుంచి గెలిచి ముఖ్యమంత్రి అయిన రేవంత్‌రెడ్డి జిల్లాలో ఉన్న పెండింగ్‌ ప్రాజెక్టులను పూర్తి చేయడంలో నిర్లక్ష్యం చేస్తున్నారని ఆరోపించారు. ప్రాజెక్టుకు జాతీయ హోదా కారు.. నిధులు కావాలని తెలిపారు. ఇందుకోసం సీఎం రేవంత్‌రెడ్డితో కలిసి ఢిల్లీకి వెళ్లేందుకు సిద్ధమని ప్రకటించారు. పాలమూరు జిల్లాను ఆయన పట్టించుకోవడం లేదని విమర్శించారు. కల్వకుర్తి, బీమా, నెట్టంపాడు ప్రాజెక్టుతో జిల్లాలోని కొంత ప్రాంతానికి మాత్రమే సాగునీరు అందుతుందని, మిగిలిన ప్రాంతానికి వర్షాధారమే దిక్కని ఆవేదన వ్యక్తంచేశారు. గతం మాదిరిగానే మహబూబ్‌నగర్‌ జిల్లాలో కరువు వచ్చిందన్నారు. గత, ప్రస్తుత పాలకులు ఈ జిల్లాలో సాగునీటి వనరులు కల్పించి ఉంటే ఈ దుస్థితి వచ్చి ఉండేది కాదన్నారు. కుర్చీలు ఎవరికీ శాశ్వతం కాదని, ప్రజలకు చేసిన మేలు శాశ్వతంగా గుర్తుంటుందని సీఎంను ఉద్దేశించి అన్నారు. దేశాన్ని విచ్ఛిన్నం చేయడానికి ఢిల్లీలో కుట్ర జరుగుతోందని, ప్రజలు అప్రమత్తంగా ఉండాలని సూచించారు. ఓటు చోరీ జరిగి ఉంటే తెలంగాణ, కర్నాటక, కేరళలో కాంగ్రెస్‌ పార్టీ ఎలా గెలుస్తుందని ప్రశ్నించారు. కొడంగల్‌, కోస్గి మున్సిపాలిటీలకు అమృత్‌ భారత్‌ పథకం కింద రూ.రూ.22 కోట్లు మంజూరు చేసినట్లు తెలిపారు. కమ్యూనిటీ భవనాలు, సీసీ రోడ్లు, ఇతర పనులకు ఎంపీ నిధుల నుంచి రూ.1.5 కోట్లు ఇచ్చామని స్పష్టంచేశారు. పీఎమ్‌శ్రీ కింద ఆరు పాఠశాలలకు రూ.80 లక్షలు, గ్రామాల్లో జరుగుతున్న అభివృద్ధి పనులు, మౌళిక సదుపాయాల కల్పనకు కేంద్ర ప్రభుత్వం నిధులు మంజూరు చేసిందని వివరించారు. సమావేశంలో బీజేపీ నాయకులు రతంగ్‌ పాండురెడ్డి, పున్నంచంద్‌ లాహోటీ, బస్వరాజ్‌, సత్య యాదవ్‌, ప్రతాప్‌రెడ్డి, మురళీధర్‌రెడ్డి పాల్గొన్నారు.

● సర్దార్‌ వల్లభాయ్‌ సేవలను కొనియాడిన కలెక్టర్‌, ఎస్పీ ● వికారాబాద్‌లో 2కే రన్‌ అనంతగిరి: అన్ని సంస్థానాలను ఏకం చేసి భారతదేశ ఐక్యతకు బలమైన పునాది వేసిన నాయకుడు సర్దార్‌ వల్లభాయ్‌ పటేల్‌ అని కలెక్టర్‌ దీపక్‌ తివారి కొనియాడారు. జాతీయ ఐక్యతా దినోత్సవాన్ని పురస్కరించుకుని శనివారం ఉక్కుమనిషి పటేల్‌ చిత్రపటానికి పూలమాలలు వేసి నివాళులర్పించారు. ఈ సందర్భంగా ఎన్నేపల్లి చౌరస్తా నుంచి ఎన్టీఆర్‌ చౌరస్తా వరకు 2కె రన్‌ నిర్వహించారు. ప్రతిఒక్కరూ దేశభక్తిని కలిగి ఉండాలని పిలుపునిచ్చారు. ఎస్పీ స్నేహ మెహ్ర మాట్లాడుతూ..కుల, మత, ప్రాంతీయ భేదాలకు అతీతంగా అందరూ జాతీయ భావనతో ముందుకు సాగాలన్నారు. ఈ రన్‌లో అదనపు ఎస్పీ రాజేష్‌ మీనా, వికారాబాద్‌ డీఎస్పీ అంజయ్య ఏఆర్‌ డీఎస్పీ వీరేశ్‌, వికారాబాద్‌ టౌన్‌ ఇన్‌స్పెక్టర్‌ రఘు కుమార్‌ తదితరులు పాల్గొన్నారు. దేశ సమగ్రత అందరి బాధ్యత దేశ సమగ్రతను కాపడటం ప్రతిఒక్కరి బాధ్యత అని ఎస్పీ స్నేహ మెహ్ర అన్నారు. జాతీయ ఐక్యతా దినోత్సవం (రాష్ట్రీయ ఏక్తా దివస్‌), ఉక్కు మనిషి సర్దార్‌ వల్లభాయ్‌ పటేల్‌ జయంతిని పురస్కరించుకుని శనివారం ఆయన చిత్రపటానికి పూలమాలలు వేసి నివాళులర్పించారు. అనంతరం మాట్లాడుతూ.. దేశ ఐక్యత, సమగ్రత, భద్రతను కాపాడటం, ప్రజల మధ్య ఐకమత్యం, సోదరభావాన్ని పెంపొందించడం ప్రతీ పౌరుడి బాధ్యత అని తెలిపారు. ఈ కార్యక్రమంలో అదనపు ఎస్పీ రాజేశ్‌ మీనా, డీసీఆర్‌బీ డీఎస్పీ జానయ్య, డీటీసీ డీఎస్పీ శ్రీనివాస్‌, ఏఆర్‌ డీఎస్పీ వీరేశ్‌ ఇతర పోలీస్‌ అధికారులు తదితరులు పాల్గొన్నారు.

షాద్‌నగర్‌: ప్రభుత్వ ఆస్పత్రికి వచ్చే రోగులకు నాణ్యమైన వైద్య సేవలు అందించాలని జిల్లా వైద్యాధికారి డాక్టర్‌ కల్యాణ్‌ చక్రవర్తి అన్నారు. ఫరూఖ్‌నగర్‌ మండలం చించోడ్‌ ప్రాథమిక ఆరోగ్య కేంద్రాన్ని శనివారం ఆకస్మికంగా తనిఖీ చేశారు. రికార్డులను పరిశీలించి, ఆస్పత్రిలో రోగులకు అందిస్తున్న వైద్య సేవలను అడిగి తెలుసుకున్నారు. అనంతరం ఆయన మాట్లాడుతూ.. విధి నిర్వహణలో వైద్యులు, సిబ్బంది నిర్లక్ష్యంగా వ్యవహరిస్తే కఠిన చర్యలు తప్పవని హెచ్చరించారు. ప్రాథమిక ఆరోగ్య కేంద్రంలో ప్రసవాల సంఖ్య పెంచేందుకు సిబ్బంది ప్రత్యేకంగా దృష్టి సారించాలని సూచించారు. కాంట్రాక్టు డేటా ఎంట్రీ ఆపరేటర్‌ విధులకు గైర్హాజరు కావడంపై ఆగ్రహం వ్యక్తం చేశారు. తనిఖీల్లో సీసీ సురేష్‌, హెల్త్‌ ఎడ్యుకేటర్‌ శ్రీనివాసులు తదితరులు పాల్గొన్నారు. ఆరోగ్యంపై జాగ్రత్తలు అవసరం కొత్తూరు: ఆరోగ్యంపై ప్రతి ఒక్కరూ జాగ్రత్త వహించాలని జిల్లా వైద్యాధికారి కళ్యాణ్‌ చక్రవర్తి సూచించారు. మండల కేంద్రంలోని పీహెచ్‌సీ ఆవరణలో శనివారం ఏర్పాటు చేసిన టీబీ ముక్త్‌భారత్‌ శిబిరాన్ని సందర్శించారు. ఇందులో భాగంగా టీబీ నిర్ధారణ పరీక్షలను క్షేత్రస్థాయిలో పరిశీలించారు. టీబీని ప్రాథమిక దశలో గుర్తించి పూర్తిస్థాయి చికిత్స తీసుకుంటే తగ్గిపోతుందన్నారు. కార్యక్రమంలో మండల వైద్యాధికారి దీప్తి, సిబ్బంది నగేష్‌, జ్యోతి, రవి తదితరులు పాల్గొన్నారు. జిల్లా వైద్యాధికారి డాక్టర్‌ కల్యాణ్‌ చక్రవర్తి

సాక్షి, రంగారెడ్డిజిల్లా: అటవీ శాఖ, హెచ్‌ఎండీఏ ఆధ్వర్యంలో జిల్లాలోని పలు అర్బన్‌ ఫారెస్ట్‌ పార్కులను అభివృద్ధి చేశారు. వీటిలో 47.03 లక్షల మొక్కలు నాటారు. మెజార్టీ పార్కులు ఓఆర్‌ఆర్‌కు ఆనుకుని, వెళ్లేందుకు అనువుగా ఉన్నాయి. అవసరమైన పచ్చదనాన్ని పెంపొందించడంతో పాటు స్థానిక జీవవైవిధ్యాన్ని కాపాడటం, ప్రజలకు వినోదం, పర్యావరణ అవగాహన కల్పించడం వీటి ప్రధాన ఉద్దేశం. వాకింగ్‌ ట్రాక్‌లు, సైక్లింగ్‌ మార్గాలు, వాచ్‌టవర్లు, సందర్శకులకు సదుపాయాలతో వీటి ని తీర్చిదిద్దారు. కార్తీక మాసంలో కుటుంబాలు, స్నేహితుల బృందాలు ప్రకృతి మధ్య సమయం గడిపేందుకు ఇవి ఆకర్షణీయంగా మారుతున్నాయి. ప్రకృతి ‘సంజీవని’ గుర్రంగూడలోని సంజీవని వనం వనభోజన ప్రియులకు అనువైన ప్రకృతి విడిది కేంద్రాల్లో ఒకటి. పచ్చని చెట్లు, నడక మార్గాలు, సైక్లింగ్‌ సదుపాయాలు, విశాలమైన ప్రదేశాలు ఇక్కడి ప్రత్యేకత. ప్రకృతి మధ్య నడుస్తూ స్వచ్ఛమైన గాలిని ఆస్వాదించొచ్చు. కుటుంబ సభ్యులతో కలిసి సరదాగా గడపడంతో పాటు పిల్లలకు ప్రకృతిని పరిచయం చేయొచ్చు. పెద్ద బృందాలతోవనభోజనాలు నిర్వహించాలనుకునేవారు ముందుగా పార్కు సిబ్బందిని సంప్రదించి అనుమతులు, అందుబాటులో ఉన్న ఏర్పాట్లను తెలుసుకోవాల్సి ఉంటుంది. ‘లేక్‌వ్యూ’ అందాలు గండిపేట చెరువు పరిసరాల్లోని లేక్‌వ్యూ పార్కు ప్రకృతి అందాలకు పెట్టింది పేరు. విశాలమైన వాకింగ్‌ మార్గాలు, పిక్నిక్‌ స్పేస్‌లు, ఫ్లవర్‌ టెర్రస్‌లు, ఆర్ట్‌ పెవిలియన్లు, ఓపెన్‌ ఎయిర్‌ థియేటర్‌ వంటి ఆకర్షణలు సందర్శకులకు ఆహ్లాదాన్ని పంచుతున్నాయి. ఒకవైపు పచ్చని చెట్లు.. మరోవైపు జలాశయం అందాలు.. ఆహ్లాదకరమైన వాతావరణంలో కుటుంబ సభ్యులతో గడిపేందుకు అనువుగా ఉంటుంది. వారాంతాల్లో ఈ ప్రాంతానికి సందర్శకుల తాకిడి పెరుగుతోంది. ఆకర్షణగా రాశివనం, నవగ్రహవనం మహేశ్వరం, తుక్కుగూడ పరిసరాల్లోని సంజీవని, పంచవటి, మసీదుగడ్డ, శ్రీనగర్‌, సిరిగిరిపూర్‌ తదితర అర్బన్‌ ఫారెస్ట్‌ ప్రాంతాలు ప్రకృతి ప్రేమికులకు ఆకర్షణగా ఉన్నాయి. పంచవటిలో రాశివనం, నవగ్రహ వనం ప్రత్యేకత కాగా..మసీదుగడ్డలో సైక్లింగ్‌, క్యాంప్‌ఫైర్‌ వంటి సదుపాయాలు కల్పించారు. హరిన వనస్థలి నేషనల్‌ పార్క్‌లో విహారం గుర్రంగూడలోని సంజీవని వనం అర్బన్‌ ఫారెస్ట్‌ పార్కులు రెడీ

బషీరాబాద్‌: జిల్లాలో నెలకొన్న కరువు నేపథ్యంలో పశు సంపదకు మేత కొరత రాకుండా అధికారులు ముందస్తు చర్యలు చేపట్టారు. ఇందులో భాగంగా చెరువుల శిఖం భూముల్లో పశుగ్రాసం సాగు చేయా లని నిర్ణయించారు. జిల్లాలోని 216 చెరువుల పరిధి లో ఉన్న 1,596 ఎకరాల భూములు ఇందుకు అనువైనవిగా గుర్తించి, కార్యాచరణ రూపొందిస్తున్నారు. ఒక్కరికి పది గుంటలు జిల్లాలో మొత్తం 12,309.21 ఎకరాల చెరువు భూములుండగా.. వీటిలో సాగుకు అనుకూలమైన స్థలాలను అధికారులు గుర్తించారు. తాండూరు నియోజకవర్గంలోని 76 చెరువుల పరిధిలో 717 ఎకరాలు, వికారాబాద్‌లోని 73 చెరువుల పరిధిలో 608 ఎకరాలు, పరిగి 40 చెరువుల పరిధిలోని 176 ఎకరాలు, కొడంగల్‌ 27 చెరువుల పరిధిలోని 95 ఎకరాలను గడ్డి పెంపకం కోసం ఎంపిక చేశారు. ఈ శిఖం భూముల్లో ఒక్కో పాడి రైతుకు పది గుంటల విస్తీర్ణంలో పచ్చిమేత సాగు చేసుకునే అవకాశం కల్పించనున్నారు. ఆవులు 1.33 లక్షలు.. గేదెలు 66,700 జిల్లాలో 1,33,000 ఆవులు, 66,700 గేదెలు కలిపి మొత్తం 1,99,700 పశువులున్నాయి. వీటితోపాటు 2,05,000 గొర్రెలు, 2,55,000 మేకలు ఉన్నాయి. మొత్తంగా 4,60,000 గొర్రెలు, మేకల పోషణకు అవసరమైన మేత అందుబాటులో ఉంచడం అధికారులకు సవాలుగా మారింది. ప్రస్తుతం ఉన్న మేత నిల్వలు ఫిబ్రవరి నెలాఖరు వరకు మాత్రమే సరిపోతాయని అంచనా వేస్తున్నారు. ఆ తర్వాత ఇబ్బందులు తలెత్తకుండా ఇప్పటి నుంచే ప్రత్యామ్నాయ ఏర్పాట్లు చేస్తున్నారు. బీవీజీరాంజీ పథకం కింద పది గుంటల విస్తీర్ణంలో పచ్చిమేత సాగు చేపట్టే రైతుకు రూ.18 వేల ఆర్థిక సాయం అందించనున్నారు. పశుసంవర్ధక శాఖ ఆధ్వర్యంలో ఎస్‌ఎస్‌జీ 848 రకం విత్తనాలను ఉచితంగా పంపిణీ చేస్తారు. సొంత పొలాల్లోనూ వరికి బదులుగా పచ్చిమేత సాగు చేస్తే రూ.18 వేల వరకు ఆర్థిక సాయంతోపాటు ఉచితంగా గడ్డి విత్తనాలు అందజేయనున్నారు. మూగజీవాల దాహార్తి తీరేలా.. జిల్లాలోని 580 గ్రామ పంచాయతీల పరిధిలో ఇప్పటికే 1,000 నీటి తొట్లు ఉండగా.. వీటిలో 600 మాత్రమే వినియోగంలో ఉన్నాయి. మరో 400 తొట్లకు మరమ్మతులు చేయాల్సి ఉందని అధికారులు చెబుతున్నారు. కొత్తగా మరో 1,000 నీటి తొట్లను వీబీజీరాంజీ నిధులతో ఒక్కోదానికి రూ.35 వేల చొప్పున నిర్మించేందుకు నివేదికలు సిద్ధం చేశారు. పశువులకు వేసవిలో తాగునీటి ఇబ్బందులు తలెత్తకుండా జీపీలు ప్రతిరోజూ తొట్లను నీటితో నింపి ఉంచాలని సూచిస్తున్నారు. పశుసంపద పరిరక్షణపై సర్కార్‌ నజర్‌ శిఖం భూముల్లో గడ్డిసాగుకు నిర్ణయం జిల్లాలో 216 చెరువుల పరిధిలో 1,596 ఎకరాల గుర్తింపు వీబీజీరాంజీ కింద రైతుకు రూ.18 వేల ప్రోత్సాహకం సొంత భూముల్లో పచ్చి మేత సాగు చేసినా వర్తింపు తాండూరు 76 717 వికారాబాద్‌ 73 608 పరిగి 40 176 కొడంగల్‌ 27 95పశుసంపదను కాపాడుకోవడానికి ప్రభుత్వం పాడి రైతులకు ప్రోత్సాహకం ఇస్తోంది. జాబ్‌ కార్డులేకున్నా బీవీజీరాంజీ పథకం కింద పాడి రైతులకు శిఖం భూముల్లో పచ్చిమేత సాగు కోసం రూ.18 వేలతో పాటు ఫ్రీగా గడ్డి విత్తనాలు అందజేస్తుంది. ఎంపీడీఓ దగ్గర దరఖాస్తు చేసుకుంటే వెంటనే మంజూరు చేస్తారు. రైతులు అవకాశాన్ని సద్వినియోగం చేసుకోవాలి. – సదానందం, జిల్లా పశువైద్యాధికారి

శంకర్‌పల్లి: పెండింగ్‌ కేసుల దర్యాప్తులో వేగం పెంచాలని చేవెళ్ల డీసీపీ యోగేశ్‌ గౌతమ్‌ అన్నారు. మోకిల పోలీస్‌స్టేషన్‌ని శనివారం ఆయన ఆకస్మికంగా తనిఖీ చేశారు. ఈ సందర్భంగా మాట్లాడుతూ.. ఠాణాలో సిబ్బంది ఎల్లప్పుడూ అందుబాటులో ఉండి, బాధితుల కు సత్వరమే న్యాయం జరిగేలా చొరవ తీసుకోవాలన్నారు. రికార్డులను మొయింటైన్‌ చేయాలని, నిర్లక్ష్యం వహించిన వారిపై కఠిన చర్యలుంటాయని హెచ్చరించారు. గ్రామాలు, విల్లాలు, అపార్ట్‌మెంట్లలో సీసీ కెమెరాలు, రోడ్డు భద్రతపై విస్తృతంగా అవగాహన కల్పించాని సూచించారు. అనుమానిత వ్యక్తులు కనిపిస్తే పోలీసులకు సమాచారం ఇవ్వాలన్నారు. తనిఖీల సమయంలో మోకిల సీఐ శ్రీనివాస్‌ రెడ్డి, ఎస్‌ఐలు లక్ష్మణ్‌, సురేశ్‌, పద్మ, సిబ్బంది ఉన్నారు. నిజాంపేట్‌: ట్రేడింగ్‌ పేరుతో సైబర్‌ నేరగాళ్లు రెచ్చిపోతున్నారు. సోషల్‌ మీడియా ప్రకటనలతో వల వేసి, నకిలీ యాప్‌లలో పెట్టుబడులు పెట్టించి రెండు వేర్వేరు ఘటనల్లో ఒక మహిళ నుంచి రూ.6.65 లక్షలు, రిటైర్డ్‌ ప్రొఫెసర్‌ నుంచి రూ.1.53 కోట్లు దోచుకున్నారు. బాధితులు అక్టోబర్‌ 30న సైబరాబాద్‌ సైబర్‌ క్రై మ్‌ పోలీసులకు ఫిర్యాదు చేయడంతో కేసులు నమోదు చేసి దర్యాప్తు చేస్తున్నారు. పోలీసులు తెలిపిన మేరకు.. ప్రగతినగర్‌ డాలర్‌ హిల్స్‌కు చెందిన రిటైర్డ్‌ ప్రొఫెసర్‌ శంకర తులసి రామ్‌ (69) ఫేస్‌బుక్‌లో కనిపించిన ట్రేడింగ్‌ ప్రకటనను క్లిక్‌చేశారు. జూలైలో ఓ వాట్సాప్‌ గ్రూపులో చేర్చారు. ప్రొఫెసర్‌ పేరుతో ఒకరు.. గ్రూప్‌ అనలిస్ట్‌గా మరొకరు సంప్రదింపులు జరిపారు.స్టాక్‌ మార్కెట్‌లో లాభాల పేరుతో భారీ లాభాలువస్తాయని ఆశచూపించారు. ఆగస్టు 22న రూ.90 వేలతో పెట్టుబడులు ప్రారంభించిన ఆయన సెప్టెంబర్‌ 18 వరకు మొత్తం 16 లావాదేవీల్లో రూ.1,53,85,000 బదిలీ చేశారు. ఆ తరువాత మోసపోయినట్లు గమనించి పోలీసులకు ఫిర్యాదుచేశారు. అలాగే ప్రగతినగర్‌లోని లేక్‌వ్యూ కాలనీకి చెందిన ఓ మహిళ (48) ఇన్‌స్ట్రాగామ్‌లో వచ్చిన ట్రేడింగ్‌ ప్రకటనను చూసి రూ.6.65లక్షలు మోసపోయింది. పీసీబీ అధికారికి బెదిరింపులు సనత్‌నగర్‌: తెలంగాణ కాలుష్య నియంత్రణ మండలి (పీసీబీ) అధికారికి బెదిరింపులు వచ్చిన ఘటన సనత్‌నగర్‌ పోలీస్‌స్టేషన్‌ పరిధిలో కలకలం రేపింది. పీసీబీ కార్యాలయంలో పనిచేస్తున్న ఓ కీలక అధికారిని పర్యావరణ, సమాచార హక్కు కార్యకర్తనంటూ ఓ వ్యక్తి రూ.10 లక్షలు డిమాండ్‌ చేసినట్లు సమాచారం. ఈ ఘటనపై బాధిత అధికారి పోలీసులను ఆశ్రయించారు. ఈ మేరకు పోలీసులు దీనిపై దర్యాప్తునకు సిద్ధమవుతున్నట్లు తెలిసింది.

● తాగునీరు, కరెంట్‌ సమస్యలపై అప్రమత్తంగా ఉండండి ● వివిధ శాఖల అధికారులకు కలెక్టర్‌ దీపక్‌ తివారి ఆదేశంఅనంతగిరి: వర్షాభావ పరిస్థితుల నేపథ్యంలో రానున్న ఎనిమిది నెలల పాటు అన్ని శాఖల అధికారులు సమన్వయంతో పనిచేసి, ప్రజలకు తాగునీటి ఇబ్బందులు లేకుండా చూడాలని కలెక్టర్‌ దీపక్‌ తివారి ఆదేశించారు. ఈ మేరకు శనివారం జిల్లాలో తాగునీరు, విద్యుత్‌ సరఫరా, వీబీజీరాంజీ పనుల పురోగతిపై సమీక్ష నిర్వహించారు. తాగునీటి సరఫరా, పశుగ్రాసం, నీటి వనరుల లభ్యత, వేసవిలో ఎదురయ్యే సమస్యలు, పరిష్కారానికి చేపట్టాల్సిన ముందస్తు చర్యలపై సుదీర్ఘంగా చర్చించారు. ఈ సందర్భంగా కలెక్టర్‌ మాట్లాడుతూ.. తాగునీటి సమస్యలు తలెత్తే ప్రాంతాలను ముందుగానే గుర్తించాలన్నారు. ఆయా గ్రామాలు, పట్టణాల్లో అందుబాటులో ఉన్న నీటి వనరులు, ప్రత్యామ్నాయ ఏర్పాట్లపై ప్రణాళిక రూపొందించాలని సూచించారు. గ్రామ, మండల, పట్టణ స్థాయిలో గుర్తించిన సమస్యలను వెంటనే జిల్లా అధికారుల దృష్టికి తేవాలన్నారు. పొదుపుగా వాడుకోవాలి.. జిల్లాలోని నాలుగు మున్సిపాలిటీల్లో ఉన్న బోర్లు, నీటి వనరులు, లభ్యత, డిమాండ్‌పై చర్చించారు. తాగునీరు, కరెంటును పొదుపుగా వాడుకోవాలని, ఈ అంశాలపై కళాజాతల ద్వారా ప్రజలకు అవగాహన కల్పించాలని సూచించారు. క్షేత్రస్థాయిలో రైతులు వరి సాగు చేయకుండా ప్రత్యామ్నాయ పంటలు వేసుకునేలా చూడాలన్నారు. అనుమతి లేకుండా చెరువుల్లో బోర్లు వేసినా, నీటిని వృథా చేసినా బాధ్యులపై చర్యలు తీసుకోవాలని ఆదేశించారు. ఈ సమీక్ష సమావేశంలో అదనపు కలెక్టర్‌ ఉమాశంకర్‌ ప్రసాద్‌, ట్రైనీ కలెక్టర్‌ సచిన్‌ బస్వరాజు గుటూరు, మున్సిపల్‌ కమిషనర్లు తదితరులు పాల్గొన్నారు.

వికారాబాద్‌ పౌరసరఫరాల సంస్థ స్పష్టీకరణ సాక్షి, రంగారెడ్డిజిల్లా: కస్టమ్‌ మిల్లింగ్‌ రైస్‌ (సీఎంఆర్‌) బకాయిల అంశంపై ‘సాక్షి’లో వసూళ్లు ‘కస్టమ్‌’ శీర్షికన శనివారం ప్రచురితమైన కథనానికి వికారాబాద్‌ జిల్లా పౌరసరఫరాల సంస్థ మేనేజర్‌ ఎస్‌.నరసింహ స్పందించారు. ఈ మేరకు ఒక ప్రకటన విడుదల చేశారు. జిల్లాలో 50 మిల్లర్ల నుంచి రూ.102 కోట్ల బకా యిలు వసూలు కావాల్సి ఉండగా, ఇప్పటి వరకు రూ.25 కోట్లు వసూలు చేసినట్లు ప్రకటించారు. మరో రూ.77 కోట్లు వసూలు కావాల్సి ఉందని పేర్కొ న్నారు. బకాయిల చెల్లింపులకు ప్రభుత్వం మిల్లర్లకు ఇచ్చిన తుది గడువు సెప్టెంబర్‌ 31తో ముగిసిన నేపథ్యంలో ఆయా మిల్లర్లపై ఆర్‌ఆర్‌యాక్ట్‌ను ప్రయోగించేందుకు సిద్ధమైనట్లు స్పష్టం చేశారు. రికవరీ యాక్ట్‌కు కూడా స్పందించని మిల్లర్ల విషయంలో ప్రభుత్వ ఆదేశాల మేరకు మరింత కఠినంగా వ్యవహరించబోతున్నట్లు తెలిపారు.

అనంతగిరి: సైబర్‌ నేరాల పట్ల ప్రజలు అప్రమత్తంగా ఉండాలని వికారాబాద్‌ సైబర్‌ క్రైమ్‌ డీఎస్పీ కాజల్‌ జైస్వాల్‌ అన్నారు. శనివారం రాత్రి వికారాబాద్‌లో కళాశాల విద్యార్థులతో అవగాహన ర్యాలీ నిర్వహించారు. ఈ సందర్భంగా ఆమె మాట్లాడుతూ.. ఫోన్లలో వచ్చే అనవసరమైన లింకులను ఓపెన్‌ చేయవద్దన్నారు. అపరిచిత వ్యక్తులు ఫోన్‌ చేసి ఓటీపీ అడిగితే చెప్పకూడదని తెలిపారు. ఏ బ్యాంకు కూడా మనకు ఫోన్‌ చేసి ఓటీపీ అడగదనే విషయాన్ని గ్రహించాలన్నారు. సైబర్‌ క్రైమ్‌ జరిగిన వెంటనే 1930కు ఫోన్‌ చేయాలని సూచించారు. ఈ కార్యక్రమంలో వికారాబాద్‌ టౌన్‌ సీఐ రఘుకుమార్‌, ఎస్‌ఐలు, కళాశాల విద్యార్థులు తదితరులు పాల్గొన్నారు. ● సీఎం రేవంత్‌రెడ్డి సభకు సామగ్రి తరలిస్తున్న వాహనం ● పరిగిలోని అమరవీరుల స్తూపం వద్ద పల్టీ పరిగి: కొడంగల్‌లో మూడు రోజుల పాటు కొనసాగనున్న సీఎం రేవంత్‌రెడ్డి పర్యటన కోసం సామగ్రితో వెళ్తున్న ఓ డీసీఎం వ్యాన్‌ బోల్తా పడింది. ఈ ఘటన పరిగి పట్టణంలో శుక్రవారం అర్ధరాత్రి చోటు చేసుకుంది. పోలీసులు తెలిపిన వివరాల ప్రకారం.. ఈనె 7నుంచి 9వ తేదీ వరకు సీఎం తన సొంత నియోజకవర్గంలో పర్యటించనున్నారు. స్టేజీ ఏర్పాటు కోసం సామగ్రి నింపుకొన్న డీసీఎం శుక్రవారం శంషాబాద్‌ నుంచి హకీంపేట్‌కు బయలుదేరింది. పరిగిలోని అమరవీరుల స్తూపం వద్ద అదుపుతప్పి పల్టీ కొట్టింది. సామగ్రి మొత్తం చెల్లాచెదురుగా పడిపోవడంతో హైదారాబాద్‌– బీజాపూర్‌ జాతీయ రహదారిపై కొద్దిసేపు ట్రాఫిక్‌ జామ్‌ అయింది. ఘటన స్థలానికి చేరుకున్న పోలీసులు క్యాబిన్‌లో ఇరుక్కుపోయిన డ్రైవర్‌తో పాటు మరో ఇద్దరిని ఆస్పత్రికి తరలించారు. రోడ్డుపై పడిన సామగ్రిని తొలగించి, ట్రాఫిక్‌ను క్లియర్‌ చేశారు. బొంరాస్‌పేట: దుద్యాల మండలం హకీంపేట ఎడ్యుకేషన్‌ హబ్‌లో ఈనెల 7నుంచి 9వరకు జరిగే రైతు మేళా కార్యక్రమాన్ని విజయవంతంగా నిర్వహించేందుకు అధికారులు సన్నద్ధమవుతున్నారు. ఇందుకోసం చేపట్టిన ఏర్పాట్లను శనివారం సాయంత్రం కలెక్టర్‌ దీపక్‌ తివారి, ఎస్పీ స్నేహమెహ్ర పరిశీలించారు. వీరి వెంట ట్రైనీ కలెక్టర్‌ సచిన్‌ బస్వరాజ్‌ గుట్టూరు, కడా ప్రత్యేకాధికారి వెంకట్‌రెడ్డి, ఆర్డీఓ అనిత, డీఏఓ కవిత ఉన్నారు. ప్రాణాలు కాపాడిన డయల్‌ 100 ఇబ్రహీంపట్నం: చెరువులో దూకి ఆత్మహత్య చేసుకుంటానని 100కు డయల్‌ చేసిన ఓ మహిళను ఇబ్రహీంపట్నం పోలీసులు కాపాడారు. సీఐ మహేందర్‌రెడ్డి తెలిపిన వివరాల ప్రకారం..కర్ణంగూడ వైపు నుంచి పెద్ద చెరువు వైపు వస్తూ తాను ఆత్మహత్య చేసుకుంటున్నానని ఓ మహిళ 100కు డయల్‌ చేయడంతో స్థానిక పోలీసులు అప్రమత్తమయ్యారు. తిరిగి ఆ నంబర్‌కు ఫోన్‌ చేస్తే ఎలాంటి స్పందన రాకపోవడంతో వెంటనే చెరువు పరిసర ప్రాంతాలను గాలించారు. చెరువు వైపు వెళ్తున్న మహిళను గుర్తించి స్టేషన్‌కు తీసుకొచ్చి విచారించారు. ఆమె ఎలాంటి సమాచారం ఇవ్వలేదు. మహిళ ప్రవర్తను బట్టి మానసిక స్థితి బాగాలేదని గుర్తించి హయత్‌నగర్‌లోని అనాథాశ్రమానికి తరలించారు.

● ఎస్‌ఐఆర్‌పై కేంద్రం స్పష్టత ఇవ్వాలి ● రౌండ్‌ టేబుల్‌ సమావేశంలో విద్యావంతులు, మేధావుల సూచనతాండూరు: సర్‌ ప్రక్రియపై పూర్తి స్పష్టత ఇవ్వాల్సిన బాధ్యత కేంద్ర ప్రభుత్వంపై ఉందని తాండూరు విద్యావంతులు, మేధావులు, పట్టభద్రులు సూచించారు. శనివారం బీజేపీ జిల్లా అధ్యక్షుడు రమేశ్‌కుమార్‌ ఆధ్వర్యంలో ఏర్పాటు చేసిన రౌండ్‌ టేబుల్‌ సమావేశానికి ముఖ్యఅతిథిగా హాజరైన ఎంపీ కొండా విశ్వేశ్వర్‌రెడ్డి సమక్షంలో వారి అభిప్రాయాలను వ్యక్తంచేశారు. సర్‌తో పెద్ద సంఖ్యలో ఓట్లు తొలగిపోతున్నాయంటూ వస్తున్న ఆరోపణలపై కేంద్ర ప్రభుత్వం, ఎలక్షన్‌ కమిషన్‌ స్పష్టమైన వివరణ ఇవ్వాలన్నారు. ప్రజల్లో ఉన్న అపోహలు, అనుమానాలను నివృత్తి చేయాలని కోరారు. ఓటరు జాబితాలో పేర్లు గల్లంతవుతున్నాయని ఆందోళనలు వ్యక్తమవుతున్నా సంబంధిత అధికారులు స్పందించకపోవడం అనుమానాలకు తావిస్తోందని తెలిపారు. అనంతం ఎంపీ విశ్వేశ్వర్‌రెడ్డి మాట్లాడుతూ.. సమావేశంలో తన దృష్టికి వచ్చిన అంశాలను కేంద్ర ప్రభుత్వం దృష్టికి తీసుకెళ్తానని తెలిపారు. స్థానికంగా ఎదురవుతున్న సమస్యలను కూడా పరిగణనలోకి తీసుకుని, ఓటరు హక్కులకు భంగం కలగకుండా తగిన చర్యలు తీసుకుంటామని హామీ ఇచ్చారు. కార్యక్రమంలో మున్సిపల్‌ మాజీ చైర్‌పర్సన్‌ తాటికొండ స్వప్నపరిమళ్‌, బీజేపీ నాయకులు మనోహర్‌రావు, విద్యావంతులు, మేధావులు, ప్రభుత్వ ఉపాధ్యాయులు, తపస్‌ ఉపాధ్యాయ సంఘం ప్రతినిధులు, వ్యాపారులు, ఆర్యవైశ్య సంఘం ప్రతినిధులు తదితరులు పాల్గొన్నారు.

మీర్‌పేట: వివాహిత ఆత్మహత్య కేసులో విచారణ నిమిత్తం స్వాధీనం చేసుకున్న సెల్‌ఫోన్‌లు, బంగారు ఆభరణాలకు రక్షణ కల్పించాల్సిన ఓ కానిస్టేబుల్‌ దుర్వినియోగం చేసి చివరికి కటకటాలపాలయ్యాడు. ఈ సంఘటన మీర్‌పేట పోలీస్‌స్టేషన్‌ పరిధిలో చోటుచేసుకుంది. ఇన్‌స్పెక్టర్‌ శోభన్‌ కథనం ప్రకారం.. అల్మాస్‌గూడ వినాయకహిల్స్‌లో నివసించే హేమ అదనపు కట్నం వేధింపులు తాళలేక జూలై 30న ఆత్మహత్య చేసుకుంది. కుటుంబ సభ్యుల ఫిర్యాదు మేరకు పోలీసులు మృతురాలి భర్తతో పాటు మరో నలుగురిపై కేసు నమోదు చేశారు. 31న వారిని కస్టడీలోకి తీసుకుని విచారణలో భాగంగా వారి నుంచి సెల్‌ఫోన్‌లు, సుమారు 12 తులాల బంగారు ఆభరణాలు స్వాధీనం చేసుకున్నారు. వాటిని స్టేషన్‌లో కానిస్టేబుల్‌గా పనిచేస్తున్న శ్రవణ్‌కుమార్‌కు అప్పగించారు. కానిస్టేబుల్‌ తన తండ్రి వైద్య ఖర్చులు, ఇతర కుటుంబ అవసరాల నిమిత్తం అప్పులు చేశాడు. తండ్రి కూడా ఏడాది క్రితం చనిపోయారు. అప్పుల బాధ తీవ్రమవడంతో కేసు విచారణలో భాగంగా అప్పగించిన సెల్‌ఫోన్‌ నుంచి మొదటగా తన భార్యకు యూపీఐ ద్వారా రూ.1.37 లక్షలు, శివాజీ అనే వ్యక్తికి రూ.33 వేలను పలుమార్లు బదిలీ చేశాడు. బంగారు ఆభరణాలను ముత్తూట్‌ ఫైనాన్స్‌తో పాటు ఇతర రుణాలు ఇచ్చే సంస్థల్లో తాకట్టు పెట్టి రూ.12.37 లక్షలు తీసుకున్నాడు. చివరికి చిక్కాడిలా... వివాహిత ఆత్మహత్య కేసులో జైలు నుంచి విడుదలైన ఆమె భర్త రాజ్‌కుమార్‌ ఈ నెల 27న బ్యాంకు ఖాతాను తనిఖీ చేయగా పలుమార్లు నగదు బదిలీ అయినట్లు గమనించాడు. వెంటనే స్టేషన్‌కు వెళ్లి ఫిర్యాదు చేశాడు. విచారణ నిమిత్తం స్వాధీనం చేసుకున్న బంగారు ఆభరణాలను తాకట్టు పెట్టడంతో పాటు ఫోన్‌ ద్వారా కానిస్టేబుల్‌ శ్రవణ్‌కుమార్‌ నగదు బదిలీ చేసినట్లు పోలీసుల దర్యాప్తులో తేలింది. దీంతో పాటు విచారణలో స్వాధీనం చేసుకున్న మరో సెల్‌ఫోన్‌ నిబంధనలకు విరుద్ధంగా ఓ మహిళకు ఇచ్చినట్లు సమాచారం. తండ్రి వైద్య ఖర్చులు, ఇతర అవసరాల కోసం చేసిన అప్పులు బాధలు తాళలేక విచారణ నిమిత్తం స్వాధీనం చేసుకున్న బంగారు ఆభరణాలను పలు దఫాలుగా తాకట్టు పెట్టి నగదును తీసుకున్నట్లు కానిస్టేబుల్‌ విచారణలో వెల్లడించాడు. ఈ మేరకు కానిస్టేబుల్‌పై కేసు నమోదు చేసి ఈ నెల 27న రిమాండ్‌కు తరలించి, తాకట్టు పెట్టిన సొత్తును రికవరీ చేస్తున్నామని ఇన్‌స్పెక్టర్‌ శోభన్‌ తెలిపారు. కాగా, లాక్‌ చేసి ఉన్న సెల్‌ఫోన్‌ పాస్‌వర్డ్‌, యూపీఐ పాస్‌వర్డ్‌ తెలుసుకోవడం ఎలా సాధ్యమైందన్నది ప్రశ్నార్థకంగా మిగిలింది.

వికారాబాద్‌: కేంద్ర రాష్ట్ర ప్రభుత్వాల భాగస్వామ్యంతో చేపసుడుతున్న అమృత్‌ 2.0 పథకం పనులు నత్తను తలపిస్తున్నాయి. ఈ స్కీం కింద జిల్లాలోని నాలుగు మున్సిపాలిటీలకు రూ.59 కోట్ల నిధులు మంజూరయ్యాయి. కాంట్రాక్టు దక్కించుకున్న సంస్థ బిల్లులు రావడం లేదంటూ పనులను పక్కన పెట్టేసింది. అమృత్‌ నిధులతో చేపట్టాల్సిన తాగునీటి సరఫరా పనులు లక్ష్యానికి ఆమడ దూరంలో ఉన్నాయి. రెండున్నరేళ్లు దాటినా వాటర్‌ ట్యాంకుల నిర్మాణ పనులు ఎక్కడ వేసిన గొంగళి అక్కడే అనే చందంగా మారాయి. ఎల్‌నినో ప్రభావంతో తాగునీటి ఎద్దడి నెలకొనే అవకాశమున్న ప్రస్తుత తరుణంలో అమృత్‌ పనులు ఆందోళన కలిగిస్తున్నాయి. వర్షాభావ పరిస్థితుల నేపథ్యంలో బోర్లు, బావులు అడుగంటుతున్నాయి. 2017 డీపీఆర్‌ ప్రకారమే పనులు కేంద్ర ప్రభుత్వం ప్రవేశపెట్టిన అమృత్‌ 2.0 పథకం కింద ట్యాంకుల నిర్మాణానికి నిధులు కేటాయించారు. మున్సిపాలిటీల్లో తాగునీటి ఎద్దడి లేకుండా, ప్రతీ ఇంటికి నల్లాల ద్వారా నీరు సరఫరా అయ్యేలా ట్యాంకుల నిర్మాణ పనులు ప్రారంభించారు. 2017లో రూపొందించిన డీపీఆర్‌ ప్రకారం పనులు చేస్తుడంతో పెరిగిన, ఆవాసాలు జనాభాకు అనుగుణంగా నీళ్లు అందే పరిస్థితి కనిపించడం లేదు. సదరు కాంట్రాక్టర్‌కు ప్రభుత్వం ఇప్పటికే ఏడుసార్లు షోకాజ్‌ నోటీసులు అందించినా ఎలాంటి స్పందన లేదు. ఈ పథకం కింద నూతనంగా నీటి వనరులను సృష్టించటం కాకుండా, ఉన్న వనరులను సక్రమంగా వినియోగించుకునే పనులు చేపట్టారు. మున్సిపాలిటీల్లో ఓవర్‌ హెడ్‌ ట్యాంకుల నిర్మాణం, పైప్‌లైన్‌ల ఏర్పాటు, నల్లాల కనెక్షన్లు తదితర పనులు చేపట్టాల్సి ఉంది. ● జిల్లాలో రెండు చోట్ల వాటర్‌ ట్రీట్‌మెంట్‌ ప్లాంట్లు(నీటి శుద్ధి కేంద్రాలు) అందుబాటులో ఉన్నాయి. ● పరిగి మండలం జాఫర్‌పల్లి సమీపంలోని ప్లాంటుకు రోజుకు 135 ఎంఎల్‌డీ(మిలియన్‌ లీటర్‌ పర్‌ డే) నీటిని శుద్ధి చేసే సామర్థ్యం ఉంది. ● కొడగంల్‌లోని ప్లాంటు 17 ఎంఎల్‌డీ సామర్థ్యం కలిగిన ఉంది. ● నిత్యం 18 నుంచి 22 గంటలు వీటిలో నీటిని శుద్ధి చేస్తారు. ● జిల్లాలో ప్రస్తుతం సుమారు 11.5 లక్షల జనాభా నివసిస్తుండగా, వీరికి నిత్యం 130 ఎంఎల్‌డీ నీరు అవసరం. ● రెండు ప్లాంట్లకు నిత్యం 145 ఎంఎల్‌డీ నీటిని శుద్ధి చేసి, పంపింగ్‌ చేసే సామర్థ్యం ఉన్నప్పటికీ, ట్యాంకుల నిర్మాణం పూర్తికాక, పైప్‌లైన్ల అసంపూర్తి పనులతో నీటి సరఫరా సక్రమంగా కావడం లేదు. ● కొన్ని కాలనీల్లో రెండు రోజులకు ఒకసారి, మరికొన్ని కాలనీలకు మూడు రోజులకోసారి నీటిని సరఫరా చేస్తున్నారు. పరిగిలోని తిరుమల, మైత్రి వెంచర్‌, వెంకటేశ్వర టెంపుల్‌ కాలనీల్లో రెండేళ్లుగా తాగునీటి సరఫరా నిలిచిపోయింది. ఈ కాలనీల్లో ఉన్న బోరుబావులు కూడా అడుగంటడంతో స్థానికులు ట్యాంకర్ల ద్వారా నీటిని తెచ్చుకుంటున్నారు. ఇలా మున్సిపాలిటీల పరిధిలోని అనేక కాలనీల్లో ప్రజలు తాగునీటి కోసం తీవ్ర ఇబ్బందులు పడుతున్నారు. నియోజకవర్గం నిధులు జనాభా తాండూరు రూ.27 కోట్లు 95 వేలు పరిగి రూ.15.5 కోట్లు 35 వేలు వికారాబాద్‌ రూ.12 కోట్లు 85 వేలు కొడంగల్‌ రూ.4.5 కోట్లు 25 వేలు అడుగంటుతున్న బోరుబావులు ముందుకు సాగని అమృత్‌ పథకం పనులు ప్రారంభించి రెండున్నరేళ్లు దాటినా పూర్తికాని వైనం ఏడుసార్లు నోటీసులిచ్చినా స్పందించని కాంట్రాక్ట్‌ సంస్థ

కొడంగల్‌: పట్టణంలోని కస్తూర్బాగాంధీ బాలికల విద్యాలయంలో శుక్రవారం సాయంత్రం ప్రమాదవశాత్తు పాఠశాల భవనం పైనుంచి పడిన ఇంటర్‌ విద్యార్థి గాయత్రి నిమ్స్‌లో చికిత్స పొందుతోంది. తీవ్ర గాయాలపాలైన ఆమెను ఎవరికీ తెలియకుండా కొడంగల్‌ ఆస్పత్రికి తరలించారని, విషయం బయటకు రాకుండా గోప్యత పాటించారని విద్యార్థుల తల్లిదండ్రులు ప్రిన్సిపల్‌ స్రవంతి తీరును తప్పుబడుతున్నారు. ఈ ఘటనపై పూర్తి విచారణ చేపట్టి, వాస్తవాలను వెల్లడించాలని డిమాండ్‌ చేశారు. రక్తదానం ప్రాణదానంతో సమానం కందుకూరు: రక్తదానం చేయడం ఆపదలో ఉన్నవారికి ప్రాణదానం చేయడంతో సమానమని మహేశ్వరం డీసీపీ నారాయణరెడ్డి పేర్కొన్నారు. పోలీసు అమరవీరుల సంస్కరణ వారోత్సవాల్లో భాగంగా శనివారం మహేశ్వరం మండల కేంద్రంలోని సుమంగళి కన్వెన్షన్‌ హాలులో ఏర్పాటు చేసిన మెగా రక్తదాన శిబిరాన్ని ప్రారంభించారు. ఈ సందర్భంగా ఆయన మాట్లాడుతూ.. అన్ని దానాల్లో రక్తదానం గొప్పదన్నారు. రక్తదాన శిబిరంలో పాల్గొని రక్తం ఇచ్చిన యువకులు, కార్మికులు, ప్రజా ప్రతినిధులు, వివిధ రాజకీయ పార్టీల నాయకులను అభినందించారు. రక్తదాన శిబిరంలో సుమారు 2వేల మంది పాల్గొనగా 680 యూనిట్ల రక్తాన్ని సేకరించారు. కార్యక్రమంలో మహేశ్వరం ఏసీపీ జానకిరెడ్డి, మహేశ్వరం, కందుకూరు సీఐలు రాఘవేందర్‌రెడ్డి, వెంకటేశ్వర్లు, ఎస్‌ఐలు మారయ్య, ప్రసాద్‌, ధనుంజయ్‌, ట్రాఫిక్‌ పోలీసులు, ఆయా గ్రామాల సర్పంచ్‌లు, ఉప సర్పంచ్‌లు, వివిధ పార్టీల నాయకులు పాల్గొన్నారు. పక్కాగా ఆధారాలు సేకరించి.. మరణ శిక్ష పడేలా చేసి.. ● డీఎస్పీ సాయిని శ్రీనివాసరావుకు అవార్డు తెచ్చిన కేసుసాక్షి, సిటీబ్యూరో: రాష్ట్ర విజిలెన్స్‌ అండ్‌ ఎన్‌ఫోర్స్‌మెంట్‌ విభాగంలో డీఎస్పీగా పని చేస్తున్న సాయిని శ్రీనివాసరావుకు యూనియన్‌ హోం మినిస్టర్స్‌ మెడల్‌ ఫర్‌ ఎక్సలెన్స్‌ ఇన్‌ ఇన్వెస్టిగేషన్‌ దక్కింది. కేసుల దర్యాప్తులో ఉత్తమ ప్రతిభ కనబరిచిన పోలీసులకు కేంద్ర దీన్ని అందిస్తుంది. రాష్ట్రీయ ఏక్తా దివాస్‌గా పరిగణించే సర్దార్‌ వల్లభాయి పటేల్‌ జయంతి నేపథ్యంలో శనివారం దీన్ని ప్రకటించింది. శ్రీనివాసరావు గతంలో సనత్‌నగర్‌ పోలీసుస్టేషన్‌లో ఇన్‌స్పెక్టర్‌గా విధులు నిర్వర్తించారు. ఆ సమయంలో (2011 జూలై 18న) జరిగిన ఓ మహిళ హత్య కేసులో నిందితుడికి న్యాయస్థానం మరణశిక్ష విధించేలా పక్కాగా దర్యాప్తు చేశారు. ఆరు నెలల తొమ్మిది రోజుల్లోనే దర్యాప్తు పూర్తి చేసి చార్జిషీట్‌ సమర్పించారు. ఈ కేసు ఛేదించినందుకు ఆయనకు ఈ గుర్తింపు దక్కింది. విద్యుత్‌షాక్‌తో చిన్నారి మృతి

తాండూరు రూరల్‌: తాండూరు, పెద్దేముల్‌ మండలాల్లో శుక్రవారం సాయంత్రం వర్షం కురిసింది. చాలా రోజుల తర్వాత వాన పడటంతో రైతులు సంతోషం వ్యక్తం చేశారు. కంది, ఇతర పంటలకు జీవం పోసినట్లయ్యింది. తాండూరు ఏడీఏగా పూర్ణచందర్‌ రావు తాండూరు రూరల్‌: పశు సంవర్ధక శాఖ తాండూరు డివిజన్‌ ఏడీఏగా డాక్టర్‌ పూర్ణచందర్‌ రావు నియమితులయ్యారు. ఈ మేరకు శుక్రవారం జిల్లా పశువైద్యాధికారి డాక్టర్‌ సదానందం ఉత్తర్వులు జారీ చేశారు. గతంలో ఇక్కడ పనిచేసిన ప్రవీణ్‌కుమార్‌ నగరానికి బదిలీపై వెళ్లారు. దీంతో యాలాల మండల పశువైద్యాధికారి శివదుర్గాప్రసాద్‌కు ఇన్‌చార్జ్‌ బాధ్యతలు ఇచ్చారు. తాజాగా వికారాబాద్‌ ఏడీఏ పూర్ణచందర్‌ రావుకు అదనపు బాధ్యతలు అప్పగించారు. భూగర్భ జలాలు పెంచుకుందాం జెడ్పీ డిప్యూటీ సీఈఓ హిరణ్మయి ధారూరు: భూగర్భ జలాలు పెంచుకునేందుకు ప్రతి ఒక్కరూ కృషి చేయాలని జెడ్పీ డిప్యూటీ సీఈఓ హిరణ్మయి సూచించారు. శుక్రవారం మండలంలోని రుద్రారం, ధారూరు, నాగసమందర్‌ గ్రామాల్లో ఆమె పర్యటించారు. వీబీజీరామ్‌జీ పనులను పరిశీలించారు. ఈ సందర్భంగా ఆమె మాట్లాడుతూ.. ఎల్‌నినో నేపథ్యంలో భూగర్భ జలాలను పెంచుకోవాల్సిన పరిస్థితి నెలకొందని తెలిపారు. ఇంకుడు గుంతల నిర్మాణాలను పూర్తి చేయాలని సూచించారు. కార్యక్రమంలో ఎంపీడీఓ నర్సింహులు, ఏపీఓ రాములు, ఈసీ రమేశ్‌, టెక్నికల్‌ అసిస్టెంట్లు, ఫీల్డ్‌ అసిస్టెంట్లు పాల్గొన్నారు. విజేతలకు ప్రశంసాపత్రాలు అనంతగిరి: పోలీస్‌ ఫ్లాగ్‌ డే సందర్భంగా నిర్వహించిన షార్ట్‌ ఫిల్మ్‌ పోటీల్లో ప్రతిభ కనబరిచిన పోలీస్‌ అధికారులకు కలెక్టరేట్‌లో శుక్రవారం కలెక్టర్‌ దీపక్‌ తివారి, ఎస్పీ స్నేహ మెహ అభినందించి ప్రశంసాపత్రాలు అందజేశారు. ప్రథమ బహుమతిని యాలాల ఎస్‌ఐ విఠల్‌ రెడ్డి, ద్వితీయ బహుమతిని పెద్దేముల్‌ ఎస్‌ఐ ప్రశాంత్‌ వర్ధన్‌, తృతీయ బహుమతి నవాబ్‌పేట ఎస్‌ఐ గిరి అందుకున్నారు. కార్యక్రమంలో ట్రైనీ కలెక్టర్‌ సచిన్‌ బస్వరాజ్‌ గుట్టూర్‌, ఏఎస్పీ రాజేష్‌ మీనా తదితరులు పాల్గొన్నారు. ఢిల్లీ ధర్నాకు కాంగ్రెస్‌ నేతలు అనంతగిరి: దేశ రాజధాని ఢిల్లీలో శనివారం కాంగ్రెస్‌ పార్టీ తలపెట్టిన ధర్నాకు జిల్లా నాయకులు ప్రత్యేక బస్సులో బయలుదేరారు. ఇప్పటికే పలువురు నేతలు ఢిల్లీ చేరుకున్నారు. శుక్రవారం వికారాబాద్‌, పరిగి, తాండూరు ప్రాంతాల నుంచి తరలివెళ్లారు. ఏపీఎంపై బదిలీవేటు ధారూరు: ధారూరు ఐకేపీ ఏపీఎం మంజులవాణిపై బదిలీవేటు పడింది. మహిళా సంఘాల సభ్యులకు ఇవ్వాల్సిన ప్రభుత్వ పాఠశాలల విద్యార్థుల యూనిఫాం క్లాత్‌ను కమీషన్‌ తీసుకొని ఒకరికే ఇవ్వడంపై సభ్యులు కలెక్టర్‌కు ఫిర్యాదు చేశారు. మండలంలోని ఏడు క్లస్టర్లకు ఇవ్వాల్సిన క్లాత్‌ను ఒకరికే ఇచ్చారని మహిళలు ఆరోపించారు. సంఘాలకు పంపిణీ చేసిన కోడి పిల్లల విషయంపై కూడా ఫిర్యాదులు రావడంతో కలెక్టర్‌ ఆదేశంతో ఏపీడీ నర్సింహులు విచారణ జరిపారు. అక్రమాలు జరిగినట్లు తేలడంతో నవాబుపేటకు బదిలీ చేశారు. ఆమె స్థానంలో నవాబుపేట ఏపీఎం దేవయ్యను నియమించారు.

సాక్షి, రంగారెడ్డిజిల్లా: కస్టమ్‌ మిల్లింగ్‌ రైస్‌ (సీఎంఆర్‌) బకాయిల వసూళ్లలో ఉమ్మడి జిల్లా అధికారులు నిర్లక్ష్యంగా వ్యవహరిస్తున్నారు. మిల్లర్లు తిన్నది కక్కించడంలో విఫలమవుతున్నారు. రూ.వంద కోట్లకుపైగా బకాయిలు వసూలు కావాల్సి ఉన్నా ఇప్పటి వరకు రూ.20 కోట్లు మించకపోవడమే ఇందుకు నిదర్శనం. ఇప్పటికీ కొంత మంది మిల్లర్లు సేకరించిన ధాన్యాన్ని మరాడించకపోవడం, ఆడించిన మరికొంత మంది వచ్చిన బియ్యాన్ని ప్రభుత్వానికి తిరిగి ఇవ్వకపోగా బహిరంగ మార్కెట్లో అమ్ముకున్నట్లు ఆరోపణలు ఉన్నాయి. ప్రభుత్వం ఈ అంశాన్ని సీరియస్‌గా తీసుకుని విజిలెన్స్‌ అండ్‌ ఎన్‌ఫోర్స్‌మెంట్‌ ద్వారా తనిఖీలు చేయించి, కేసులు నమోదు చేయించింది. అయినా మెజార్టీ మిల్లర్లు బకాయిల చెల్లింపునకు అంగీకరించడం లేదు. ఇప్పటికే కొన్ని రైస్‌మిల్లులు మూతపడటం, ఆయా మిల్లల నుంచి బకాయిలను వసూలు చేయడం అధికారులకు తలకుమించిన భారంగా మారింది. విధిలేని పరిస్థితుల్లో ఆయా మిల్లర్లపై రెవెన్యూ రికవరీ యాక్ట్‌ (ఆర్‌ఆర్‌)ను ప్రయోగించాలని నిర్ణయించారు. రంగారెడ్డిలో రూ.30 కోట్లకుపైగా.. రంగారెడ్డి జిల్లాలో 2015 రబీ నుంచి 2024 ఖరీఫ్‌ మధ్య కాలంలో ప్రభుత్వం రైతుల నుంచి ధాన్యం సేకరించి ఆయా మిల్లులకు అప్పగించింది. మిల్లర్లకు సరఫరా చేసిన ధాన్యానికి, వాటి నుంచి తిరిగి వచ్చిన బియ్యానికి మధ్య 16,601.319 మెట్రిక్‌ టన్నుల బియ్యం వ్యత్యాసం నమోదైంది. అక్రమాలకు పాల్పడిన మిల్లర్లపై కేసులు నమోదు చేశారు. వీటిలో ఇబ్రహీంపట్నం, కడ్తాల్‌, ఆమనగల్లులోని పది మిల్లులు ఉన్నాయి. బకాయి పడిన మొత్తానికి 25 శాతం అదనంగా జరిమానా విధించారు. ఈ జరిమానాతో కలిపి 20,805.070 మెట్రిక్‌ టన్నుల బియ్యం ప్రభుత్వానికి అప్పగించాల్సి ఉంది. తనిఖీలు, కేసుల నమోదు తర్వాత 8,497.227 మెట్రిక్‌ టన్నుల బియ్యాన్ని ఆయా మిల్లర్ల నుంచి రికవరీ చేశారు. మరో 12,307.847 మెట్రిక్‌ టన్నుల రికవరీ కావాల్సి ఉంది. 25 శాతం జరిమానాతో కలిపి ఆయా మిల్లర్ల నుంచి రూ.30,10,53,353 బకాయి వసూలు కావాల్సి ఉంది. బకాయి పడిన వాటిలో ఇప్పటికే పలు మిల్లులు మూతపడ్డాయి. వాటి నుంచి రికవరీ కష్టమవుతుండటంతో ఆర్‌ఆర్‌ను ప్రయోగించాల్సిందిగా సూచించింది. అయినా మెజార్టీ బకాయిదారుల నుంచి వసూలు చేయలేని దుస్థితి నెలకొంది. వారం రోజుల్లో క్లియర్‌ చేయాలి ఖరీఫ్‌ మార్కెటింగ్‌ సీజన్‌ (కేఎంఎస్‌) 2014–15 నుంచి ఖరీఫ్‌ 2024–25 వరకు ధాన్యం సేకరణకు సంబంధించి ప్రభుత్వం జారీ చేసిన జీఓఎంఎస్‌ నంబర్‌17 ప్రకారం రైస్‌ మిల్లర్ల నుంచి సీఎంఆర్‌ బకాయిలు వసూలు చేయాలని రంగారెడ్డి అదనపు కలెక్టర్‌ కె.చంద్రారెడ్డి సంబంధిత అధికారులకు సూచించారు. రెండు రోజుల క్రితం బకాయి పడిన రైస్‌ మిల్లర్లతో ఆయన స్వయంగా మాట్లాడి బకాయి వివరాలు సమీక్షించారు. మిల్లర్ల వారీగా పరిస్థితిని పరిశీలించి, చెల్లింపుల్లో జాప్యానికి సంబంధించిన అంశాలపై చర్చించారు. బకాయిల చెల్లింపునకు సంబంధించిన రైస్‌ మిల్లర్లకు తుది అవకాశం కల్పిస్తున్నట్లు తెలిపారు. వారం రోజుల్లోగా బకాయిలు పూర్తిగా చెల్లించాలని ఆదేశించారు. చెల్లించని రైస్‌ మిల్లర్లపై చర్యలు చేపడతామని హెచ్చరించారు. సీఎంఆర్‌కు సంబం ధించి బకాయిల వివరాలను పరిశీలించి, వసూలు ప్రక్రియను వేగవంతం చేయాలని అధికారులకు సూచించారు. సాధారణంగా రైతులు పండించిన ధాన్యాన్ని ప్రభుత్వం ఐకేపీ, డీసీఎంఎస్‌ కేంద్రాల ద్వారా కొనుగోలు చేస్తుంది. తర్వాత ఎంపిక చేసిన మిల్లర్లకు తరలిస్తుంది. ఆయా మిల్లర్లు మరాడించి 67 శాతం బియ్యాన్ని తిరిగి ప్రభుత్వానికి అప్పగించాల్సి ఉంది. ప్రభుత్వం ఆ బియ్యాన్ని వివిధ సంక్షేమ పథకాలకు మళ్లిస్తుంది. మిగిలిన బియ్యాన్ని గిడ్డంగుల్లో నిల్వ చేస్తుంది. 2022–23లో ధాన్యం దిగుబడి భారీగా వచ్చింది. జిల్లా వ్యాప్తంగా 74 రైస్‌ మిల్లులు ఉండగా, 67 మాత్రమే సీఎంఆర్‌ టెండర్లలో పాల్గొన్నాయి. క్వింటాలుకు రూ.2,235 ధర పెట్టి కొనుగోలు చేశారు. వీటిలో కొంతమంది మిల్లర్లు ఇప్పటికీ మరాడించలేదు. మరికొంత మంది వాటిని బియ్యంగా మార్చి బహిరంగ మార్కెట్లో అమ్మేశారు. జిల్లా వ్యాప్తంగా ఉన్న మిల్లర్లు ప్రభుత్వానికి రూ.102 కోట్లకుపైగా బకాయి పడ్డారు. ఓ మిల్లర్‌ ఏకంగా రూ.25 కోట్ల నుంచి రూ.30 కోట్ల వరకు, మరో మిల్లర్‌ రూ.17 కోట్లకుపైగా బకాయి పడినట్లు తెలిసింది. మెజార్టీ మిల్లుర్లు రూ.30 లక్షలల్లోపై బకాయి పడ్డారు. 25 శాతం జరిమానా కలిపి మొత్తాన్ని రెవెన్యూ రికవరీ యాక్ట్‌ద్వారా వసూలు చేయా లని నిర్ణయించి, సెప్టెంబర్‌ చివరి నాటికి రూ.20 కోట్లు మాత్రమే వసూలు చేసినట్లు తెలిసింది. వికారాబాద్‌లో రూ.వంద కోట్లకుపైనే..

కొడంగల్‌: పట్టణంలోని పద్మావతీ సమేత మహాలక్ష్మీ వేంకటేశ్వర స్వామి ఆలయ నవీకరణ పనుల్లో భాగంగా శుక్రవారం ఆలయ ప్రాకార నిర్మాణానికి శ్రీకారం చుట్టారు. కాంగ్రెస్‌ పార్టీ నియోజకవర్గ ఇన్‌చార్జ్‌ ఎనుముల తిరుపతిరెడ్డి చేతుల మీదుగా అర్చకులు ప్రథమ శిలాస్థాపన మహోత్సవాన్ని నిర్వహించారు. తిరుమల నుంచి వచ్చిన అర్చకులు వైఖానస ఆగమ శాస్త్రోక్తంగా అత్యంత వైభవంగా కార్యక్రమం జరిపించారు. ఉదయం యాగశాలలో అర్చకుల ఆధ్వర్యంలో ఆగమ శాస్త్ర సంప్రదాయం ప్రకారం విశేష వైదిక పూజలు, ప్రత్యేక హోమాలు, పూర్ణాహుతి నిర్వహించారు. ముఖ్యఅతిథిగా హాజరైన తిరుపతిరెడ్డిని ఆలయ ధర్మకర్తలు పూర్ణకుంభంతో స్వాగతం పలికారు. బాలాలయంలో స్వామివారిని దర్శించుకున్నారు. అనంతరం యాగశాలలో ప్రత్యేక పూజలు నిర్వహించారు. ఉదయం 9.20 నుంచి 9.40 గంటల వరకు శ్రీవారి ఆల య ప్రాకార ప్రథమ శిలాస్థాపన కార్యక్రమా న్ని వేద మంత్రోచ్ఛారణల మధ్య ఘనంగా నిర్వహించారు. అనంతరం ఆలయ అర్చకులు స్వామివారి తీర్థ ప్రసాదాలు అందజేశారు. కార్యక్రమంలో మున్సిపల్‌ చైర్మన్‌ నందారం ప్రశాంత్‌ గుప్తా, కడా ప్రత్యేకాధికారి వెంకట్‌రెడ్డి, స్తపతి డీఎస్‌వీ ప్రసాద్‌, పురావస్తు శాఖ పరిశోధకులు శివనాగిరెడ్డి, మాజీ ఎంపీపీ ముద్దప్ప దేశ్‌ముఖ్‌, పార్టీ మండల అధ్యక్షుడు సంజీవరెడ్డి, టెంపుల్‌ డిజైన్‌ అండ్‌ ఆర్కిటెక్చర్‌ ప్రతినిధులు, రోడ్లు భవనాల శాఖ అధికారులు, ఆలయ ధర్మకర్తలు, భక్తులు పాల్గొన్నారు. వెంకన్న కోవెలగా పేరుగాంచాలి కొడంగల్‌ వెంకన్న స్వామి కోవెల మరో తిరుమలగా పేరుగాంచాలని తిరుపతిరెడ్డి ఆకాంక్షించారు. ఆలయ నిర్మాణంలో వేగం పెంచాలని అధికారులకు సూచించారు. గడువులోపు నిర్మాణం పూర్తి కావాలన్నారు. నిర్మాణంలో జాప్యం లేకుండా అధికారులు తగిన చర్యలు తీసుకోవాలన్నారు. వైఖానస ఆగమ శాస్త్రోకంగా ప్రధాన ఆలయం, అమ్మవార్ల ఆలయాలు, ఉప ఆలయాలు, మాడ వీధులు, క్యూలైన్‌, కల్యాణ మంటపం, కల్యాణ కట్ట, పూజా మందిరాలు, వసతి గదులు, స్నాన ఘట్టాలు, ప్రత్యేక అవసరాల గదులు, పార్కింగ్‌, పుష్కరిణి, ప్రసాదం కౌంటర్లు తదితర వాటికి ఆధునాతన భవనాలు నిర్మించాలన్నారు. ముఖ్యమంత్రి రేవంత్‌రెడ్డి కొడంగల్‌ శ్రీవారి ఆలయ నవీకరణ పనులకు రూ.110 కోట్లు మంజూరు చేశారని తెలిపారు. సంప్రదాయ నిర్మాణ శైలిని కాపాడుతూ నాణ్యతా ప్రమాణాలను పాటించాలని సూచించారు.

అనంతరం: రోడ్డు ప్రమాదాల నివారణకు ప్రతి ఒక్కరూ బాధ్యతగా వ్యవహరించాలని కలెక్టర్‌ దీపక్‌ తివారి సూచించారు. శుక్రవారం కలెక్టరేట్‌లోని వీడియో కాన్ఫరెన్స్‌ హాల్‌లో రోడ్డు భద్రతపై సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ.. అన్ని శాఖలు సమన్వయంతో పనిచేసి రోడ్డు ప్రమాదాలు జరగకుండా చూసుకోవాలన్నారు. బ్లాక్‌ స్పాట్లను గుర్తించి భద్రతా చర్యలు చేపట్టాలని సూచించారు. యువకులు మత్తు పదార్థాలకు బానిసలు కాకుండా తల్లిదండ్రులు ప్రత్యేక శ్రద్ధ తీసుకోవాలన్నారు. పాఠశాలలు, కళాశాలల్లో మత్తు పదార్థాల దుష్ప్రభావాలపై విస్తృతంగా అవగాహన కార్యక్రమాలు నిర్వహించాలని అధికారులను ఆదేశించారు. అనంతరం ఎస్పీ స్నేహ మెహ్ర మాట్లాడుతూ.. వాహనదారులు తప్పనిసరిగా ట్రాఫిక్‌ నిబంధనలు పాటించాలన్నారు. మద్యం సేవించి వాహనాలు నడపరాదని సూచించారు. నిబంధనలు ఉల్లంఘించే వారిపై కఠిన చర్యలు ఉంటాయని హెచ్చరించారు. సమావేశంలో ట్రైనీ కలెక్టర్‌ సచిన్‌ బస్వరాజ్‌ గుట్టూర్‌, అడిషనల్‌ ఎస్పీ రాజేష్‌ మీనా, ఆర్‌అండీ ఈఈ శ్రీధర్‌రెడ్డి, పీఆర్‌ ఈఈ ఉమేష్‌ కుమార్‌, డీపీఓ జయసుధ, వైద్యాధికారి చంద్రశేఖర్‌, డ్రగ్‌ ఇన్‌స్పెక్టర్‌ క్రాంతికుమార్‌, మున్సిపల్‌ కమిషనర్లు, డీఎస్పీలు, సీఐలు పాల్గొన్నారు. ఎల్‌నినోను ఎదుర్కొందాం కుల్కచర్ల: ఎల్‌నినో ఇబ్బందికర పరిస్థితులను సమర్థవంతంగా ఎదుర్కొందామని కలెక్టర్‌ దీపక్‌ తివారి అన్నారు. శుక్రవారం మండలంలోని పీరంపల్లిలో వరి, కంది పంటలను పరిశీలించారు. ఈ సందర్భంగా ఆయన మాట్లాడుతూ.. ప్రస్తుత పరిస్థితులను గ్రహించి ప్రభుత్వం 20 మండలాలను కరువు ప్రాంతాలుగా ప్రకటించిందన్నారు. రైతులకు సహాయ సౌకర్యాలు అందించేందుకు ప్రతి మండలానికి ఒక ప్రత్యేక కమిటీ నియమించడం జరుగుతుందన్నారు. రైతులు వరి స్థానంలో ఆరుతడి పంటలు సాగు చేయాలని సూచించారు. పంటకు బదులుగా నీటి లభ్యతను భట్టి కూరగాయలు, పండ్ల తోటలను సాగుచేయాలని, అవసరమైనన్నీ స్పింగర్లు, డ్రిప్పులు అందించడం జరుగుతుందని పెర్కొన్నారు. ఎక్కడ కూడ ఇబ్బందులు తలెత్తకుండ అవసరమైన జాగ్రత్త చర్యలు తీసుకోవాలన్నారు. పీరంపల్లి ప్రాథమిక పాఠశాలలో కిచెన్‌ షెడ్డును పరిశీలించారు. అంగన్‌వాడీ కేంద్రం ఏర్పాటుకు సిద్ధం కావాలని అధికారులకు సూచించారు. చిన్నారులతో అక్షరాలు రాయించి శుభాకాంక్షలు తెలిపారు. గ్రామంలో ఫారం పాండ్‌ పనులను చూశారు. కార్యక్రమంలో అసిస్టెంట్‌ కలెక్టర్‌ సచిన్‌ బస్వరాజ్‌, జిల్లా వ్యవసాయాధికారి కవిత, ఏడీ మధుసూదన్‌, అదనపు డీఆర్‌డీఓ సత్యయ్య, పీఏసీఎస్‌ చైర్మన్‌ ఆంజనేయులు, తహసీల్దార్‌ పురుషోత్తం, ఎంపీఓ భాస్కర్‌, కాంగ్రెస్‌ పార్టీ మండల అధ్యక్షుడు గోపాల్‌ నాయక్‌, రైతుబంధు మాజీ అధ్యక్షుడు రాజు, సర్పంచులు వెంకటయ్య, సంతోష్‌ తదితరులు పాల్గొన్నారు. రోడ్డు ప్రమాదాల నివారణకు చర్యలు తీసుకోవాలి

తాండూరు రూరల్‌: పత్తి రైతులకు అన్యాయం చేస్తే ఊరుకోమని కోట్‌పల్లి మార్కెట్‌ కమిటీ వైస్‌ చైర్‌ పర్సన్‌ మధులత, కార్యదర్శి సాయికుమార్‌ మిల్లు యజమానులను హెచ్చరించారు. శుక్రవారం ‘సాక్షి’ దినపత్రికలో పత్తి రైతు కుదేలు అనే శీర్షికన ప్రచురితమైన కథనానికి మార్కెట్‌ కమిటీ పాలకవర్గం, అధికారులు స్పందించింది. పెద్దేముల్‌ మండలం మారేపల్లి గేటు వద్ద ఉన్న సుమిత్ర పత్తి మిల్లును సందర్శించి రైతులు, యజమానితో మాట్లాడారు. సమస్యలు అడిగి తెలుసుకున్నారు. అనంతరం ఆమె మాట్లాడుతూ.. ఎమ్మెల్యే మనోహర్‌రెడ్డి, మార్కెట్‌ కమిటీ చైర్‌పర్సన్‌ అనిత ఆదేశాలతో మిల్లును సందర్శించినట్లు చెప్పారు. రైతులకు అన్యాయం చేస్తే కలెక్టర్‌కు ఫిర్యాదు చేస్తామన్నారు. కార్యక్రమంలో డైరక్టర్‌ హర్షవర్ధన్‌రెడ్డి పాల్గొన్నారు.

వికారాబాద్‌: బోరుబావుల తవ్వకాలపై ఆంక్షలు కొనసాగుతున్నా జిల్లాలో యథేచ్ఛగా డ్రిల్లింగ్‌ దందా సాగుతోంది. వాల్టా చట్టానికి తూట్లు పొడుస్తున్నారు. ఎల్‌నినో నేపథ్యంలో అత్యవసరం అయితే తప్ప బోర్లు వేయరాదని అధికారులుస్పష్టమైన ఆదేశాలు జారీ చేశారు. కానీ ఎలాంటి అనుమతులు తీసుకోకుండా నిత్యం పదుల సంఖ్యలో డ్రిల్లింగ్‌ చేస్తున్నారు. సాధారణంగా ఫిబ్రవరి మాసం తర్వాత బోరుబావులు తవ్వే పనులు ప్రారంభించేవారు. ఎల్‌నినో ప్రభావంతో ఈ సారి విచ్ఛలవిడిగా తవ్వేస్తున్నారు. ప్రతి నెలా దాదాపు 300కి పైగా బోరుబావులు తవ్వుతున్నా ఒక్కదానికి కూడా అనుమతి తీసుకోవడం లేదు. అఽధికారులు డ్రిల్లింగ్‌ దందాకు సహకరిస్తున్నారనే ఆరోపణలు ఉన్నాయి. ప్రస్తుత సీజన్‌లో రికార్డు స్థాయిలో వర్షపాతం నమోదైనా ఇప్పటికే రికార్డు స్థాయిలో నీటిమట్టం తగ్గిపోయింది. రోజురోజుకూ పరిస్థితి చేయి దాటిపోతోంది. జిల్లాలో లక్షకుపైగా వ్యవసాయ బోరుబావులు ఉండగా 35వేల పైచిలుకు ఇళ్ల అవసరాల కోసం వేశారు. వేల సంఖ్యలో.. ప్రభుత్వ, ప్రైవేటు అవసరాల కోసం బోర్లు వేయాలంటే ముందుగా భూగర్భ జలవనరుల శాఖనుంచి అనుమతి పొందాలి. వాల్టా చట్టం ప్రకారం ముందుగా తహసీల్దార్‌ కార్యాలయంలో దరఖాస్తు చేయాలి. వారు ఆ అర్జీని భూగర్భ జలవనరుల శాఖకు పంపుతారు. ఆ శాఖ జియాలజిస్టులు నీటి లభ్యతను పరిశీలించి నీరు ఉన్నట్లు నిర్ధారణ అయితే అనుమతి ఇస్తారు. ఆ తర్వాతే బోరు వేసుకోవచ్చు. కానీ ఈ ప్రక్రియ జిల్లాలో మచ్చుకై నా అమలు కావడం లేదు. ప్రతి నెలాసగటున 300కు పైగా బోరుబావులు తవ్వుతున్నట్లు అంచనా. ఈ లెక్కన ఏడాదికి 2,500 నుంచి 3,000 వరకు డ్రిల్లింగ్‌ చేస్తున్నారు. గడిచిన ఏడాది కాలంలో కేవలం పదింటికి మాత్రమే అనుమతులు ఉన్నాయి. అవగాహన లేక.. బోర్లు తవ్వే విషయంలో రైతులకు అవగాహన ఉండటం లేదు. దీంతో పదుల సంఖ్యలో వేసి అప్పుల పాలవుతున్నారు. విధిలేని పరిస్థితుల్లో ఆత్మహత్యలు చేసుకొని భార్య పిల్లలను అనాథలను చేస్తున్నారు. అన్నదాతల ఆశలను డ్రిల్లింగ్‌ వ్యాపారులు సొమ్ము చేసుకుంటున్నారు. అవగాహన కల్పించాల్సిన అధికారులు ఏమీ పట్టనట్లు వ్యవహరిస్తున్నారు. జియాలజిస్టులు చూపుతున్న పాయింట్లు సైతం సగానికిపైగా ఫేయిల్‌ అవుతున్నాయి. ఇప్పటికీ 70 శాతం మంది రైతులు కొబ్బరికాయ, ఇతర మంత్ర తంత్రాల ద్వారా నీటి లభ్యతను తెలుసుకుంటున్నారు. 12వేలకు పైగా అనధికార బోర్లు జిల్లాలో లక్ష పైచిలుకు వ్యవసాయ బోర్లు, 35 వేల పైచిలుకు ఇళ్లకు ఉన్నాయి. 12వేలకు పైగా అనధికార బోర్లు ఉన్నట్టు అధికారులు అంచనా వేస్తు న్నారు. వ్యవసాయ రంగ విషయంలో ఒక బోరుకు మరో బోరుకు మధ్య కనీసం 80 మీటర్ల దూరం ఉండాలి. ప్రజా అసరాలకు వినియోగించే వాటికి 250 మీటర్ల దూరం ఉండాలి. కానీ ఇవేవీ అమలు కావడం లేదు. కొన్ని ప్రాంతాల్లో 1000 నుంచి 1200 అడుగుల లోతు వరుకు డ్రిల్లింగ్‌ చేస్తున్నారు. నిబంధనలు బేఖాతరు అనుమతి తప్పనిసరి బోరు డ్రిల్లింగ్‌ చేసేవారు తప్పని సరిగా అనుమతి తీసుకోవాలి. లేదంటే వాహనాన్ని సీజ్‌ చేస్తాం. బోరు వేసే వ్యక్తిపై చూడా చర్యలు ఉంటాయి. తహసీల్దార్‌ కార్యాలయాల్లో దరఖాస్తు చేసుకుంటే నీటి లభ్యతను పరిశీలించి అనుమతులు ఇస్తాం. – రవి, భూగర్భజలవనరుల శాఖ జిల్లా అధికారి

బషీరాబాద్‌: రానున్న రెండేళ్లలో అభివృద్ధిని పరుగులు పెట్టించి మండల రూపురేఖలు మారుస్తా మని తాండూరు ఎమ్మెల్యే మనోహర్‌రెడ్డి అన్నారు. మండల సమగ్ర అభివృద్ధికి మూడేళ్లలో రూ.400 కోట్లు కేటాయించినట్లు తెలిపారు. ఆర్‌అండ్‌బీ, పంచాయతీరాజ్‌ రహదారుల అభివృద్ధికి రూ.236 కోట్లు, గ్రామాల్లో మౌలిక వసతుల కల్పనకు మరో రూ.164 కోట్లు వెచ్చిస్తున్నట్లు తెలిపారు. శుక్రవా రం మండలంలోని రెడ్డిఘణాపూర్‌, మంతట్టి, నవల్గా గ్రామాల్లో రూ.32.94 కోట్లతో చేపట్టనున్న 25 అభివృద్ధి పనులకు శంకుస్థాపనలు చేశారు. అర్హులకు స్మార్ట్‌ రేషన్‌ కార్డులు పంపిణీ చేశారు. ఈ సందర్భంగా ఆయన మాట్లాడుతూ.. గ్రామాల్లో సీసీ రోడ్లు, మురుగు కాలువలు, భూగర్భ డ్రైనేజీ, అంగన్‌వాడీ, గ్రామపంచాయతీ, మహిళా సంఘాల భవనాలు, సబ్‌ సెంటర్లు, ప్రహరీలు నిర్మిస్తున్నట్లు చెప్పారు. 30 పడకల ఆస్పత్రి, తెలంగాణ పబ్లిక్‌ స్కూల్‌ ఏర్పాటుతో మెరుగైన వైద్యం, పేద పిల్లలకు కార్పొరేట్‌ స్థాయి విద్య అందుబాటులోకి వస్తాయన్నారు. అగ్గనూర్‌ – బషీరాబాద్‌, బషీరాబాద్‌ – మైల్వార్‌, బషీరాబాద్‌ – కరణ్‌కోట్‌, బండమీదిపల్లి – మైల్వార్‌ ప్రధాన రహదారుల విస్తరణ పనులను ఏడాదిలో పూర్తి చేస్తామన్నారు. నవల్గా – రుద్రారం క్రాస్‌రోడ్డు రహదారి విస్తరణకు రూ.24.24 కోట్లు, మంతట్టి – జీవన్గీ – నారాయణపూర్‌ రహదారికి రూ.6.40 కోట్లు కేటాయించినట్లు వివరించారు. మండలంలో విద్యుత్‌ అంతరాయం నివారణకు రూ.3 కోట్లతో రెండు కొత్త 33 కేవీ లైన్లు ఏర్పాటు చేస్తున్నట్లు వెల్లడించారు. నేతల్లో నయా జోష్‌ మండలంలో రెండు వర్గాలుగా ఉన్న నేతలు ఎమ్మెల్యే పర్యటనలో ఒక్కతాటిపైకి వచ్చారు. సీనియర్లు అభివృద్ధి కార్యక్రమాల్లో పాల్గొనడంతో పార్టీ శ్రేణుల్లో నూతనోత్సాహం కనిపించింది. కార్యక్రమంలో సొసైటీ చైర్‌పర్సన్‌ కరుణ, ఆత్మ కమిటీ చైర్మన్‌ శంకర్‌రెడ్డి, సర్పంచుల సంఘం మండల అధ్యక్షుడు వెంకటేశ్‌ మహరాజ్‌, సర్‌ కన్వీనర్‌ కరణం పురుషోత్తంరావు, ఏఎంసీ, సొసైటీ వైస్‌ చైర్మన్లు శంకరప్ప, విష్ణువర్ధన్‌రెడ్డి, ఎంపీడీఓ సంపత్‌కుమార్‌, తహసీల్దార్‌ షాహేదాబేగం, సర్పంచులు బసంత్‌, గిరిజ, వెంకటమ్మ, హరిత, ఏఈలు యశ్వంత్‌, వెంకట్‌, రిషికుమార్‌, కార్యదర్శులు గీత, అమృతప్ప, వెంకటయ్య, కాంగ్రెస్‌ సీనియర్‌ నాయకులు మాధవరెడ్డి, వెంకట్‌రామ్‌రెడ్డి, అజయ్‌ప్రసాద్‌, రాకేష్‌ మహరాజ్‌, శ్రీనివాస్‌రెడ్డి, సుధాకర్‌రెడ్డి, రామునాయక్‌, రాజవర్ధన్‌రెడ్డి, వెంకట్‌రెడ్డి, శాంతిభాయి, చందర్‌నాయక్‌, తలారి సురేష్‌, ఆల్తాఫ్‌, మాణిక్‌రావు, సంజయ్‌, మహేందర్‌రెడ్డి తదితరులు పాల్గొన్నారు.

శంకర్‌పల్లి: హైదరాబాద్‌–రంగారెడ్డి–మహబూబ్‌నగర్‌ పట్టభద్రుల ఎమ్మెల్సీ ఎన్నికల్లో బీజేపీ బలపరిచిన అభ్యర్థి గెలవాలని ఆ పార్టీ జిల్లా అధ్యక్షుడు రాజ్‌భూపాల్‌ గౌడ్‌ అన్నారు. మండలంలోని ప్రొద్దటూరు వద్ద శుక్రవారం పార్టీ మండల అధ్యక్షురాలు లీలావతి అధ్యక్షతన ఎమ్మెల్సీ సన్నాహక సమావేశం నిర్వహించారు. ఈ సందర్భంగా రాజ్‌భూపాల్‌ గౌడ్‌ మాట్లాడుతూ.. మూడేళ్లుగా కాంగ్రెస్‌ ప్రభుత్వం నిరంకుశంగా పాలిస్తోందని, ప్రజా సమస్యలను గాలికి వదిలేసిందని విమర్శించారు. ఎన్నికల్లో ఇచ్చిన ఏ ఒక్క హామీని అమలు చేయలేదని దుయ్యబట్టారు. దీన్ని ప్రజల్లోకి బలంగా తీసుకెళ్లాలని స్థానిక నాయకులు, కార్యకర్తలకు దిశానిర్దేశం చేశారు. కార్యక్రమంలో మాజీ ఎమ్మెల్యే కేఎస్‌ రత్నం, పార్టీ జిల్లా ప్రధాన కార్యదర్శి జ్ఞానేశ్వర్‌, మున్సిపల్‌ అధ్యక్షుడు దయాకర్‌రెడ్డి, నాయకులు ప్రభాకర్‌రెడ్డి, ప్రతాప్‌రెడ్డి, పరమేశ్వర్‌ రెడ్డి, రాములు, బండమీది వెంకటయ్య, నర్సింహ, రఘుపతిరెడ్డి తదితరులు పాల్గొన్నారు.

ఇబ్రహీంపట్నం: భూసేకరణలో అవినీతి, అక్రమాలను సహించేదిలేదని ఎమ్మెల్యే మల్‌రెడ్డి రంగారెడ్డి స్పష్టం చేశారు. యాచారం మండలం మొండిగౌరెల్లిలో భూసేకరణలో భాగంగా ప్రభుత్వ భూమిలో కబ్జాలో ఉన్న బాధిత రైతులకు ఎకరాకు రూ.30 లక్షల చొప్పున నష్టపరిహారం, 121 గజాల ప్లాట్లును సర్కార్‌ అందజేస్తుందని తెలిపారు. ఈ మేరకు శుక్రవారం ఇబ్రహీంపట్నం ప్రజాభవన్‌లో ఆ గ్రామానికి చెందిన 19 మంది బాధిత రైతులకు మొదటి విడతలో 26.36 ఎకరాల భూమికి సంబంధించి రూ.8.7 కోట్ల నష్టపరిహారం చెక్కులను అందజేశారు. అనంతరం ఎమ్మెల్యే మాట్లాడుతూ.. గత ప్రభుత్వం ఫార్మాసిటీ ఏర్పాటుకు 20 వేల ఎకరాల భూసేకరణ చేసి నామమాత్రపు పరిహారం ఇచ్చి రైతుల పొట్ట కొట్టి లూటీ చేసిందని ఆరోపించారు. విషం చిమ్మే ఫార్మాను రద్దు చేసి ప్రజలకు కాంగ్రెస్‌ సర్కార్‌ మేలు చేస్తోందన్నారు. రైతులకు అండగా నిలుస్తుందని, మొండిగౌరెల్లిలో సేకరించే 677 ఎకరాల భూమిలో విమానాల పరికరాల తయారీ ఇండస్ట్రీ ఏర్పాటు కానున్నట్లు చెప్పారు. ఇబ్రహీంపట్నం ఆర్డీవో శ్రీనివాస్‌రెడ్డి లంచాలు తినే అధికారి కాదని కితాబిచ్చారు. భూసేకరణలో ఏదైనా అన్యాయం జరిగినట్లు తెలిస్తే ఆయన దృష్టికి తీసుకెళ్లాలని సూచించారు. ఆర్డీవో మాట్లాడుతూ.. మొండిగౌరెల్లిలోని 677 ఎకరాల్లో 433 ఎకరాలు క్లియర్‌గా ఉందని, మరో 177 ఎకరాల భూమిలో కుటుంబ వివాదాలు, ఇతరత్రా అభ్యంతరాలు ఉన్నాయని తెలిపారు. వాటిని పరిష్కరించి విడతల వారీగా బాధిత రైతులకు చెక్కుల పంపిణీ చేపడతామన్నారు. కార్యక్రమంలో తహసీల్దార్‌ అయ్యప్ప, డీటీ కీర్తిసాగర్‌, సర్పంచ్‌ రమాదేవి, ఇబ్రహీంపట్నం, యాచారం ఎస్‌హెచ్‌ఓలు మహేందర్‌రెడ్డి, నందీశ్వర్‌ పాల్గొన్నారు.

ఇబ్రహీంపట్నం: రాష్ట్రంలో వెంటనే కరువు సహాయక చర్యలు చేపట్టాలని సీపీఎం రాష్ట్ర కార్యదర్శి జాన్‌వెస్లీ అన్నారు. ఇబ్రహీంపట్నంలోని పాషనరహరి స్మారక కేంద్రంలో శుక్రవారం పార్టీ జిల్లాస్థాయి ముఖ్యకార్యకర్తల సమావేశం నిర్వహించారు. ఈ సందర్భంగా ఆయన మాట్లాడుతూ.. ఎల్‌నినో ప్రభావంతో రాష్ట్రంలో తీవ్ర కరువు నెలకొందని, ప్రభుత్వం ముందస్తు కరువు నివారణ చర్యలు ప్రారంభించాలని డిమాండ్‌ చేశారు. ఇప్పటికే తాగు, సాగు నీరు దొరక్క ప్రజలు ఇబ్బందులు పడుతున్నారని ఆందోళన వ్యక్తం చేశారు. సర్వే చేసి ఎండిపోయిన పంటలకు నష్టపరిహారం చెల్లించి రైతులను ఆదుకోవాలని, రేషన్‌ షాపుల్లో 14 రకాల నిత్యావసర సరకులు అందించాలని కోరారు. పేదల హక్కుల కోసం పోరాడి ప్రాణాలు అర్పించిన కామ్రేడ్స్‌ పాష, నరహరి జ్ఞాపకార్థం 50 అడుగుల స్మారక స్థూపాన్ని జాపాల గ్రామంలో ఏర్పాటు చేస్తున్నామని.. ఈ స్థూపాన్ని ప్రారంభించేందుకు పార్టీ జాతీయ కార్యదర్శి ఎంఎ బేబి త్వరలో రానున్నట్లు తెలిపారు. పెద్ద సంఖ్యలో ప్రజలు, పార్టీశ్రేణులు తరలిరావాలని పిలుపునిచ్చారు. కార్యక్రమంలో పార్టీ జిల్లా కార్యదర్శి బి.సామేల్‌, నాయకులు కె.భాస్కర్‌, ఎం. చంద్రమోహన్‌, డి.జగదీశ్‌, జి.కవిత, ఇ.నర్సింహ్మ పాల్గొన్నారు.

కందుకూరు: ఫ్యూచర్‌సిటీ పోలీస్‌ కమిషనర్‌ తరుణ్‌జోషి శుక్రవారం జాయింట్‌ సీపీ చందనాదీప్తి, డీసీపీ నారాయణరెడ్డి తదితరులతో కలిసి ఫ్యూచర్‌సిటీలో పర్యటించారు. డిసెంబర్‌ 7,8,9 తేదీల్లో జరగనున్న గ్లోబల్‌ సమ్మిట్‌కు సంబంధించి స్కిల్స్‌ యూనివర్సిటీలో కొనసాగుతున్న ఏర్పాట్లను పరిశీలించారు. నిర్మాణ పనులు ఎప్పటి వరకు పూర్తి చేస్తారని నిర్వాహకులను అడిగి తెలుసుకున్నారు. స్కిల్స్‌ యూనివర్సిటీ ప్రాంగణంతో పాటు నిర్మాణంలో ఉన్న 330 అడుగుల రేడియల్‌ రహదారిని క్షేత్రస్థాయిలో పరిశీలించారు. సమ్మిట్‌ ప్రాంతానికి వచ్చే సీఎం, మంత్రులు, ఇతర ముఖ్య ఆహ్వానితుల కోసం చేపట్టాల్సిన బందోబస్తు ఏర్పాట్లపై పోలీసు అధికారులకు ఆదేశాలు జారీ చేశారు. అనంతరం టీజీఐఐసీ, హెచ్‌జీసీఎల్‌, ఆర్‌ అండ్‌ బీ, హెచ్‌ఎండీఏ అధికారులతో పాటు నిర్మాణ సంస్థలైన కేఎంవీ, ఆర్‌ఎన్‌ఆర్‌, రిత్విక్‌ నిర్వాహకులతో పనుల పురోగతిపై సమీక్షించి పలు సూచనలు చేశారు. వారి వెంట ఏసీపీ జానకీరెడ్డి, ట్రాఫిక్‌ ఏసీపీ చంద్రశేఖర్‌, సీఐ సత్యనారాయణ ఉన్నారు.

మొయినాబాద్‌: రోడ్డు ప్రమాదాల్లో గాయపడిన వారు ఆస్పత్రుల్లో నగదు చెల్లించకుండానే వైద్య చికిత్స పొందొచ్చు. డబ్బు లేకపోయినా ప్రమాద బాధితులకు సకాలంలో వైద్యం అందించాలనే సంకల్పంతో కేంద్ర ప్రభుత్వం కొత్త పథకానికి శ్రీకారంచుట్టింది. పీఎం–రహత్‌ (ప్రధాన మంత్రి– రోడ్డు యాక్సిడెంట్‌ విక్టిమ్స్‌ హాస్పిటలైజేషన్‌ అండ్‌ అసురెడ్‌ ట్రీట్‌మెంట్‌) పేరుతో నగదు రహిత వైద్య చికిత్స పథకాన్ని ఈ ఏడాది ఫిబ్రవరిలో ప్రారంభించింది. రోడ్డు ప్రమాదంలో గాయపడితే.. మోటారు వాహనాలతో జరిగే రోడ్డు ప్రమాదాల్లో గాయపడినవారు పీఎం–రహత్‌ పథకం ద్వారా నగదు రహితంగా వైద్య చికిత్స పొందొచ్చు. ఒక్కో బాధితుడికి గరిష్టంగా రూ.1,50,000 పరిమితి వరకు చికిత్స అందిస్తారు. ప్రమాదం జరిగిన తేదీ నుంచి వారం రోజుల వరకు చికిత్స పొందే అవకాశం ఉంది. ఈ పథకం కింద దేశంలో గుర్తింపు పొందిన అన్ని ఆస్పత్రుల్లో నగదు రహిత చికిత్స అందిస్తారు. పథకానికి అర్హులు ప్రాణాలు కాపాడటమే లక్ష్యంగా.. రోడ్డు ప్రమాదం జరిగినప్పుడు బాధితుడి ప్రాణాలను కాపాడడమే లక్ష్యంగా కేంద్ర ప్రభుత్వం ఈ పథకాన్ని అమలు చేస్తోంది. ఇందులో భాగంగా ప్రమాదం జరిగిన వెంటనే 112 అత్యవసర సేవలకోసం సమాచారం ఇవ్వాలి. అవసరమైతే అంబులెన్స్‌ కోరాలి. బాధితుడి పరిస్థితిని బట్టి సమీపంలోని తగిన ఆస్పత్రికి తరలించేందుకు సహాయం పొందాలి. బాధితుడిని పథకం కింద గుర్తింపు పొందిన ఆస్పత్రిలో చేర్పించాలి. ఆస్పత్రి వైద్యులు అత్యవసర చికిత్స ప్రారంభిస్తారు. ప్రమాద వివరాలను సంబంధిత పోలీసు వ్యవస్థ ద్వారా ధ్రువీకరించే ప్రక్రియ ప్రారంభమవుతుంది. ఆస్పత్రి పథకం పోర్టల్‌లో చికిత్స వివరాలను నమోదు చేస్తుంది. అర్హత, చికిత్స వివరాలు, సంబంధిత అనుమతులను పరిశీలిస్తారు. ఆమోదించిన వైద్య చికిత్స ఖర్చుకు సంబంధించిన క్లెయిమ్‌ను ఆస్పత్రి సమర్పిస్తుంది. పథకం అమలులో 112 అత్యవసర సేవలు, పోలీసుల ప్రమాద నివేదికలు, ఆస్పత్రుల చికిత్స వివరాలు డిజిటల్‌ విధానంలో అనుసంధానం చేస్తారు. పోలీసులకు సమాచారం ప్రమాదం జరిగిన 24 గంటల్లో.. ఈ పథకం మార్గదర్శకాల ప్రకారం ప్రమాదం జరిగిన 24 గంటల లోపే ఆస్పత్రిలో చేరి చికిత్స పొందాలి. 24 గంటల తర్వాత ఆస్పత్రిలో చేరిన బాధితులు ఈ పథకానికి అర్హులు కారు. ప్రమాదం జరిగిన వెంటనే వైద్య సహాయం పొందడం అత్యంత ముఖ్యం. ఆస్పత్రికి డబ్బుల చెల్లింపు పథకం నిబంధనల ప్రకారం ప్రమాదానికి కారణమైన వాహనం బీమా కలిగి ఉంటే, సంబంధిత సాధారణ బీమా సంస్థల నుంచి, బీమా లేని వాహనాలు, హిట్‌ అండ్‌ రన్‌ కేసుల వంటి సందర్భాల్లో కేంద్ర ప్రభుత్వ బడ్జెట్‌ ద్వారా చెల్లింపులు జరుగుతాయి. ఆస్పత్రి చికిత్స వివరాలను నమోదు చేసి, క్లెయిమ్‌ను సమర్పిస్తుంది. ఆమోదించిన క్లెయిమ్‌లకు నిబంధనల ప్రకారం చెల్లింపులు జరుగుతాయి. క్లెయిమ్‌ ఆమోదం పొందిన తర్వాత చెల్లింపుల కోసం ప్రభుత్వం పది రోజుల గడువు నిర్దేశించింది. నగదు రహిత వైద్య చికిత్స

దోమ: భూ వివాదంలో ఇరువర్గాల మధ్య ఘర్షణ చోటుచేసుకుంది. పరస్పర దాడుల్లో ఇద్దరు వ్యక్తులు తీవ్రంగా గాయపడ్డారు. ఈ ఘటన దోమ పోలీస్‌ స్టేషన్‌ పరిధిలో శుక్రవారం చోటుచేసుకుంది. ఎస్‌ఐ వసంత్‌ జాదవ్‌ తెలిపిన వివరాల ప్రకారం.. మండలంలోని బ్రాహ్మణపల్లికి చెందిన అన్వర్‌కు గ్రామంలో మూడెకరాల 25 గుంటల భూమి ఉంది. అందులో ఒక ఎకరం 35 గుంటలు ఎండోమెంట్‌ పరిధిలోకి వెళ్లగా, మిగతా భూమిని సాగు చేసుకుంటూ జీవనం సాగిస్తున్నాడు. గ్రామానికి చెందిన నరేశ్‌ ఇంటి ముందు ఉన్న ఖాలీ స్థలాన్ని గతంలో అన్వర్‌ కుటుంబం కేటాయించింది. అదనంగా కావాలంటూ ఆక్రమించుకోవడంతో కొంత కాలంగా గొడవలు చోటుచేసుకుంటున్నాయి. ఈ క్రమంలో శుక్రవారం ఇరువురి మధ్య మాటామాటా పెరిగింది. కర్రలతో దాడి చేసుకున్నారు. ఇద్దరికి తీవ్ర గాయాలయ్యాయి. ఇరువర్గాల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు. ఇద్దరికి తీవ్ర గాయాలు, కేసు నమోదు

కుల్కచర్ల: విద్యార్థులు చదువుతో పాటు క్రీడల్లో రాణించాలని పరిగి ఎమ్మెల్యే రామ్మోహన్‌ రెడ్డి సూచించారు. శుక్రవారం కుల్కచర్ల జెడ్పీ బాలుర పాఠశాలలో స్కూల్‌ గేమ్స్‌ ఫెడరేషన్‌ ఆధ్వర్యంలో జిల్లాస్థాయి వాలీబాల్‌ క్రీడాకారుల ఎంపిక, టోర్నీ నిర్వహించారు. ఈ సందర్భంగా ఆయన మాట్లాడుతూ.. పరిగి నియోజకవర్గాన్ని క్రీడారంగంలో ముందుకు తీసుకెళ్లేందుకు కృషి చేస్తామన్నారు. కార్యక్రమంలో ఎంఈఓ జైపాల్‌ రెడ్డి, పీడీ ఖాజా, ప్రవీణ్‌, పీఈటీ కేశవులు, సర్పంచ్‌ అంజిలయ్య, ఇన్‌చార్జ్‌ హెచ్‌ఎం అంజిలయ్య తదితరులు పాల్గొన్నారు. పరిగి ఎమ్మెల్యే రామ్మోహన్‌ రెడ్డి

చేవెళ్ల: అనుమతులు లేకుండా ఓ ఫామ్‌ హౌస్‌లో కళాశాల విద్యార్థులు మద్యం పార్టీ నిర్వహిస్తుండగా ఎస్‌ఓటీ, చేవెళ్ల పోలీసులు దాడులు నిర్వహించారు. ఈ సంఘటన చేవెళ్ల పోలీస్‌స్టేషన్‌ పరిధిలో చోటు చేసుకుంది. సీఐ నరేందర్‌రెడ్డి తెలిపిన వివరాల ప్రకారం.. కమ్మెట గ్రామ సమీపంలోని ఓ ఫామ్‌హౌస్‌లో శుక్రవారం పెద్ద ఎత్తున మద్యం పార్టీ జరుగుతున్నట్టు పోలీసులకు అందిన విశ్వసనీయ సమాచారం మేరకు దాడి చేశారు. ఎలాంటి అనుమతులు లేకుండా మన్నన్‌ అనే వ్యక్తి పార్టీ నిర్వహిస్తున్నట్లు గుర్తించారు. ఇన్‌స్ట్రాగామ్‌ ద్వారా ఈనెల 30న పార్టీ నిర్వహిస్తున్నట్లు ఎంట్రీ ఫీజు రూ.వెయ్యి నుంచి రూ.2 వేల వరకు వసూలు చేశాడు. డబ్బులు చెల్లించిన వారికి లొకేషన్‌ పంపించి పార్టీకి రప్పించాడు. ఈ పార్టీలో దాదాపు 108 మంది విద్యార్థులు పాల్గొన్నారు. ఈ సందర్భంగా డ్రగ్స్‌ పరీక్షలు నిర్వహించగా నిర్వాహకుడు మన్నన్‌తోపాటు మరో ముగ్గురు గంజాయి తీసుకున్నట్లు పాజిటివ్‌గా నిర్ధారణ అయ్యింది. పార్టీలో ఉపయోగించిన మద్యం బాటిళ్లు, 15 గ్రాముల గంజాయి, ఏడు కార్లు, మూడు మోటార్‌సైకిళ్లు, 70 సెల్‌ఫోన్లు స్వాధీనం చేసుకున్నారు. గంజాయి ఎక్కడి నుంచి వచ్చిందనే కోణంలో విచారణ చేస్తున్నారు. ఫామ్‌హౌస్‌ను యజమాని నుంచి వేరే వ్యక్తులు లీజుకు తీసుకొని పార్టీ నిర్వహిస్తున్నట్లు సమాచారం. లీజుకు తీసుకున్న వ్యక్తులను సైతం విచారిస్తున్నట్లు తెలుస్తోంది. ఈ మేరకు పోలీసులు కేసు నమోదు చేసుకొని దర్యాప్తు చేస్తున్నారు. ఫామ్‌ హౌస్‌పై ఎస్‌ఓటీ, పోలీసుల దాడి డ్రగ్స్‌ పరీక్షలో నలుగురికి పాజిటివ్‌గా నిర్ధారణ కేసు నమోదు చేసి దర్యాప్తు

దోమ: పాడి పశువుల ఆరోగ్యంంపై రైతులు ప్రత్యేక శ్రద్ధ చూపాలని మండల పశువైద్యాధికారి చందన, వెటర్నరీ అసిస్టెంట్‌ సర్జన్‌ ఆనంద్‌ తెలిపారు. శుక్రవారం మండలంని మైలారం గ్రామంలో రాష్ట్ర పశుగణాభివృద్ధి సంస్థ, పశుసంవర్థక శాఖ ఆధ్వర్యంలో ఉచిత పాడి పశువైద్య శిబిరం నిర్వహించారు. ఈ సందర్భంగా వారు మాట్లాడుతూ.. పశువులకు వచ్చే రోగాలపై నిర్లక్ష్యం చూపరాదన్నారు. వెంటనే వైద్యం చేయించాలని సూచించారు. పాడి పరిశ్రమ ద్వారా మెరుగైన ఆదాయం పొందవచ్చని తెలిపారు. కార్యక్రమంలో సర్పంచ్‌ శివాని నాయక్‌, ఉపసర్పంచ్‌ సాలే ప్రభావతి, గోపాలమిత్ర సూపర్‌వైజర్లు సారంగి, కేశశులు, రాజు, సైదులు, ఎంపీటీసీ మాజీ సభ్యుడు రాములు తదితరులు పాల్గొన్నారు. దోమ: బైక్‌ అదుపుతప్పి బోల్తా పడటంతో ఓ వ్యక్తి మృతి చెందాడు. ఈ ఘటన దోమ పోలీస్‌ స్టేషన్‌ పరిధిలో శుక్రవారం చోటుచేసుకుంది. ఎస్‌ఐ వసంత్‌ జాదవ్‌ తెలిపిన వివరాల ప్రకారం.. మండలంలోని మోత్కూర్‌ గ్రామానికి చెందిన రాకొండ వెంకటయ్య(42) ఉదయం ఇంటి నుంచి పని నిమిత్తం పరిగి పట్టణానికి వెళ్లాడు. పనులు ముగించుకొని తిరిగి ఇంటికి వస్తున్న క్రమంలో తిమ్మాయపల్లి సమీపంలో బెక్‌ అదుపుతప్పి కిందపడి అక్కడికక్కడే మృతి చెందాడు. భార్య పార్వతమ్మ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు. కాంగ్రెస్‌ పార్టీ మండల అధ్యక్షుడు చంద్రశేఖర్‌ కుల్కచర్ల: గ్రామానికి ఒక ఊట కుంట.. ఇంటికో ఇంకుడు గుంత నిర్మించుకోవడం ద్వారా భూగర్భజలాలను పెంచుకోవచ్చని కాంగ్రెస్‌ పార్టీ చౌడాపూర్‌ మండల అధ్యక్షుడు చంద్రశేఖర్‌ అన్నారు. గురువారం మెట్టుతండాలో ఇంకుడు గుంతల నిర్మాణానికి భూమిపూజ చేశారు. కార్యక్రమంలో సర్పంచ్‌ పద్మ, ఉప సర్పంచ్‌ గోపాల్‌ నాయక్‌, పంచాయతీ కార్యదర్శి నర్సింలు తదితరులు పాల్గొన్నారు. సంఘటితంగా పోరాడుదాం చేవెళ్ల: ఎస్సీ వర్గీకరణ, రోస్టర్‌తో మాలలకు తీవ్ర అన్యాయం జరుగుతోందని మాల మహానాడు జిల్లా అధ్యక్షుడు బేగరి మహేశ్‌ అన్నారు. చేవెళ్లలో శుక్రవారం ఆయన విలేకరుల సమావేశంలో మాట్లాడారు. ఎస్సీ వర్గీకరణతో ఇటీవల విడుదలైన ప్రభుత్వ నోటఫికేషన్‌లలో మాలలకు ఒక్క ఉద్యోగం రావటం లేదన్నారు. ఇప్పటికై నా ఉద్యమించకపోతే అస్తిత్వాన్ని కోల్పోతామని ఆవేదన వ్యక్తం చేశారు. విద్య, ఉద్యోగ రంగంలో తీవ్రంగా నష్టపోతున్నందున ఉద్యమం అనివార్యం అని పేర్కొన్నారు. మాలలంతా ఏకమై హక్కులు సాధించేవరకు పోరా డాలని పిలుపునిచ్చారు. మాల మహానాడు జాతీయ అధ్యక్షుడు చెన్నయ్య ఆదేశాల మేరకు అన్ని జిల్లా, డివిజన్‌, మండల, గ్రామ కమిటీలు ఈనెల 30 నాటితో రద్దు అవుతున్నట్లు తెలిపారు. సభ్యత్వ నమోదు ఆధారంగా నూతన కమిటీలు ఏర్పాటు చేయనున్నట్లు చెప్పారు. ఉపాధి పనుల పరిశీలన మంచాల: మండలంలోని రంగాపూర్‌లో కొనసాగుతున్న వీబీజీ రాంజీ ఉపాధి పనులను డీఆర్‌డీఓ పీడీ శ్రీలత శుక్రవారం పరిశీలించారు. గ్రామంలో కొనసాగుతున్న ఫారంపాండ్‌ పనులను పరిశీలించి కొలతల ప్రకారం చేపట్టాలని సూచించారు. అనంతరం జలాల్‌మియా గ్రామంలో మనిత అనే మహిళా రైతుకు ప్రభుత్వం అందించిన గడ్డి కుట్టు మిషన్‌, నాటు కోళ్ల షెడ్‌ను పరిశీలించారు.

పరిగి: సమాజ నిర్మాణంలో ఉపాధ్యాయుల పాత్ర కీలకమని ఎమ్మెల్యే టీ రామ్మోహన్‌రెడ్డి అన్నారు. గురువారం పట్టణంలో మండల ఉత్తమ టీచర్లను సన్మానించారు. ఈ సందర్భంగా ఆయన మాట్లాడుతూ.. విద్యార్థులను ఉత్తమ పౌరులుగా తీర్చిదిద్దడంలో టీచర్ల కృషి ఎంతో ఉంటుందన్నారు. విద్యార్థుల ప్రతిభను గుర్తించి వారిలో ఆత్మవిశ్వాసాన్ని నింపి ఉన్నత లక్ష్యాల వైపు నడిపించే బాధ్యత ఉపాధ్యాయులపైనే ఉంటుందన్నారు. మారుతున్న కాలానికి అనుగుణంగా నూతన బోధన పద్ధతులను అవలంబిస్తూ, ప్రభుత్వ పాఠశాలల్లో నాణ్యమైన విద్యను అందించాలని సూచించారు. అనంతరం పరిగి పట్టణానికి చెందిన ఇద్దరు విద్యార్థులు ఎంబీబీఎస్‌ సీటు సాధించడంతో వారి చదువుల కోసం ఎమ్మెల్యే ఒక్కొక్కరికి రూ.50 వేల చొప్పున ఆర్థిక సాయం అందజేశారు. కార్యక్రమంలో ఎంఈఓ అంజయ్య, మున్సిపల్‌ చైర్‌పర్సన్‌ రజిత, పీఏసీఎస్‌ చైర్మర్‌ పార్థసారథి పంతులు, మార్కెట్‌ కమిటీ చైర్మన్‌ పరశురాంరెడ్డి, వైస్‌ చైర్మన్‌ అయూబ్‌ తదితరులు పాల్గొన్నారు.

కొడంగల్‌: నియోజకవర్గ పరిధిలోని దుద్యాల మండలంలో జరుగుతున్న అభివృద్ధి పనులు జనం దృష్టిని ఆకర్శిస్తున్నాయి. జిల్లా వ్యాప్తంగా హకీంపేట అభివృద్ధికి కేరాఫ్‌ అడ్రస్‌గా మారింది. మండలంని లగచర్ల, పోలేపల్లి, హకీంపేట గ్రామాల్లో వందల కోట్ల రూపాయలతో వివిధ పనులకు శ్రీకారం చుట్టారు. సమీప భవిష్యత్తులో ప్రజలకు ఏ అవసరం వచ్చినా హకీంపేట ఎడ్యూకేషన్‌ హబ్‌కు వచ్చేలా తీర్చిదిద్తుతున్నారు. ముఖ్యమంత్రి రేవంత్‌రెడ్డి ప్రత్యేక దృష్టి సారించి పనులు చేయిస్తున్నారు. మెడికల్‌ కళాశాల, ప్రభుత్వ జనరల్‌ ఆసుపత్రి, నర్సింగ్‌, పారా మెడికల్‌, ఫిజియోథెరపీ, మహిళా డిగ్రీ కళాశాల, ఇంజనీరింగ్‌ కళాశాల, హాస్టల్‌ భవనాలు, సైనిక్‌ స్కూల్‌, యంగ్‌ ఇండియా ఇంటిగ్రేటెడ్‌ స్కూల్‌, ఫైర్‌ స్టేషన్‌, ఏటీసీ, స్కిల్‌ యూనివర్సిటీ, ఇలా ఒకటా రెండా అనేక రకాల భవనాలు, మౌలిక సదుపాయాలు, ప్రభుత్వ కార్యాలయాలు నిర్మిస్తున్నారు. హకీంపేట, లగచర్ల, పోలేపల్లితో పాటు పరిసర తండాల పరిధిలో సుమారు 1,300 ఎకరాల విస్తీర్ణలో ఎడ్యూకేషన్‌ హబ్‌, పారిశ్రామిక వాడ ఏర్పాటు చేస్తున్నారు. ప్రారంభానికి సిద్ధం దుద్యాల మండలంలో పలు భవనాల నిర్మాణాలు చివరి దశకు చేరుకున్నాయి. దుద్యాల గ్రామ శివారులో రూ.8.5 కోట్లతో నిర్మించిన మండల సమీకృత భవనం, హకీంపేట్‌ జిల్లా పరిషత్‌ ఉన్నత పాఠశాల ఆవరణంలో రూ.4.6 కోట్లతో నిర్మించిన సమీకృత విద్యాలయాల భవన నిర్మాణం, దుద్యాల గేట్‌ సమీపంలో జాతీయ రహదారి పక్కన నిర్మించిన పోలీస్‌ స్టేషన్‌ భవన నిర్మాణం పూర్తి కావచ్చింది. త్వరలో సీఎం చేతుల మీదుగా ప్రారంభించే అవకాశం ఉందని కాంగ్రెస్‌ పార్టీ మండల నాయకులు చెబుతున్నారు.

దౌల్తాబాద్‌: ఎల్‌నినో ప్రభావంతో భూగర్భ జలమట్టం తగ్గిపోయిందని ఎవరూ బోర్లు వేయరాదని, ఒకవేళ వేస్తే కఠిన చర్యలు ఉంటాయని కడా ప్రత్యేక అధికారి వెంకట్‌రెడ్డి హెచ్చరించారు. గురువారం దౌల్తాబాద్‌లో ఎంపీడీఓ ఉసెనప్ప అధ్యక్షతన మండల సమీక్ష సమావేశం జరిగింది. ఈ సందర్భంగా ఆయన మాట్లాడుతూ.. వచ్చే ఏడాది జూన్‌ వరకు ఎల్‌నినో ప్రభావం ఉంటుందన్నారు. రైతులు ఆరుతడి పంటలు వేసుకోవాలని సూచించారు. ప్రజలు నీటిని పొదుపుగా వాడుకోవాలన్నారు. ఇంకుడు గుంతలు, ఫాంపాండ్స్‌, రీచార్జ్‌ పిట్స్‌ నిర్మించుకోవాలని తెలిపారు. మండలంలో దెబ్బతిన్న రైతు వేదికల వివరాలు తెలియజేస్తే వాటి బాగుకు నిధులు మంజూరయ్యేలా చూస్తామన్నారు. ధాన్యం కొనుగోలు చేపట్టాలని సర్పంచ్‌లు కోరగా.. రెండు మూడు రోజుల్లో ప్రారంభిస్తామని ఏఓ తులసి తెలిపారు. గ్రామాల్లో విద్యుత్‌ సమస్యలు ఉన్నాయని, పాత తీగలతో ఇబ్బందులు పడుతున్నామని సర్పంచులు తెలపగా వాటిని సరిచేసేందుకు ప్రతిపాదనలు సిద్ధం చేయాలని ఏఈ మహిపాల్‌కు సూచించారు. వీబీజీరామ్‌జీ పథకం కింద గ్రామాల్లో పశుగ్రాసం పెంచేందుకు, పశువుల నీటితొట్లు నిర్మించేందుకు చర్యలు తీసుకోవాలని పశువైద్యాఽధికారిణి వరలక్ష్మి చెప్పారు. గ్రామాల్లో పెండింగ్‌లో ఉన్న పీఆర్‌, ఆర్‌అండ్‌బీ రోడ్లను వెంటనే పూర్తి చేయాలని కడా అధికారి ఆదేశించారు. వచ్చే నెల 7నుంచి 9వ తేదీ వరకు నియోజకవర్గంలోని హకీంపేటలో ప్రభుత్వం రాష్ట్రస్థాయి రైతుమేళా నిర్వహించనున్నట్లు తెలిపారు. ఈ కార్యక్రమాన్ని విజయవంతం చేయాలని కోరారు. కార్యక్రమంలో మండల ప్రత్యేకాధికారి సురేష్‌బాబు, ఏఈలు, సర్పంచులు తదితరులు పాల్గొన్నారు.

ఇబ్రహీంపట్నం: అనుమతిలేని నిర్మాణాలు, ఫుట్‌పాత్‌ ఆక్రమణలపై మున్సిపల్‌ అధికారులు ఉక్కుపాదం మోపారు. పోలీసుల సహకారంతో గురువారం మున్సిపల్‌ సిబ్బంది గురునానక్‌ విద్యాసంస్థ సమీపంలోని టీచర్స్‌ కాలనీలో అనుమతులకు మించి నిర్మించిన భవనాలను కొంత భాగం కూల్చివేశారు. మంచాల రోడ్డులో ఫుట్‌పాత్‌ ఆక్రమణలను తొలగించారు. ఈ సందర్భంగా మున్సిపల్‌ సిబ్బందితో కొందరు వాగ్వాదానికి దిగారు. ఫుట్‌పాత్‌లను ఆక్రమించడం, అనుమతులు లేకుండా ఇష్టానుసారంగా భవన నిర్మాణాలు చేపట్టడం చేసే ఊరుకునే ప్రసక్తే లేదని మున్సిపల్‌ కమిషనర్‌ సుదర్శన్‌ హెచ్చరించారు. ఫుట్‌ పాత్‌లను ఆక్రమించి ట్రాఫిక్‌కు అంతరాయం కలిగిస్తే సహించేదిలేదన్నారు. అక్రమ నిర్మాణాల తొలగింపు కార్యక్రమం కొనసాగుతుందని స్పష్టం చేశారు.

తాండూరు రూరల్‌: ఎల్‌నినోను దృష్టిలో ఉంచుకొని ప్రభుత్వం పశువుల తాగునీటిపై ప్రత్యేక దృష్టి సారించిందని జిల్లా పశువైద్యాధికారి డాక్టర్‌ సదానందం తెలిపారు. గురువారం తాండూరులోని ఏడీఏ కార్యాలయంలో ఆయన మాట్లాడారు. వీబీజీరామ్‌జీ పథకం కింద జిల్లాలో వెయ్యి పశువుల నీటితొట్ల నిర్మించనున్నట్లు తెలిపారు. ఒక్కో నిర్మాణానికి రూ.35 వేలు చెల్లించనున్నట్లు చెప్పారు. మరో 500 నీటి తొట్లకు మరమ్మతులు చేయనున్నట్లు వివరించారు. జిల్లాలో 1.30 లక్షల ఎకరాల్లో వరి, జొన్న, కంది, మొక్క జొన్న పంటలు సాగు చేసినట్లు తెలిపారు. ఎల్‌నినో కారణంగా కేవలం 50 శాతం దిగుబడి మాత్రమే వచ్చిందన్నారు. ఇది పశుగ్రాసంపై తీవ్ర ప్రభావం చూపుతుందని పేర్కొన్నారు. చెరువులు, కుంటల్లో నీరు తగ్గి పశువుల తాగేనీటికి ఇబ్బందులు తలెత్తే అవకాశం ఉందన్నారు. ఈ సమస్య పరిష్కారానికి ప్రభుత్వం చర్యలు చేపట్టిందని తెలిపారు. రైతులు పొలంలో కొంత భూమిని పశుగ్రాసం సాగుకు కేటాయించాలని సూచించారు. త్వరలో ఎకరాకు పది కిలోల గడ్డి విత్తనాలు పంపిణీ చేస్తామని చెప్పారు. అంతేకాకుండా సాగు ఖర్చుల కోసం ప్రభుత్వం రూ.14 వేలు చెల్లిస్తుందని తెలిపారు. రైతులు భయాందోళనకు గురికారాదన్నారు. ఎవ రూ పశువులను అమ్ముకోరాదని సూచించారు. మూగజీవాల తాగునీటిపై ప్రత్యేక శ్రద్ధ

మందు లేక వికారాబాద్‌కు తరలింపు బొంరాస్‌పేట: పాముకాటుకు గురైన వ్యక్తిని కుటుంబ సభ్యులు కొడంగల్‌ ఆస్పత్రికి తీసుకరాగా మందు లేకపోవడంతో వికారాబాద్‌ ఆస్పత్రికి తరలించారు. ఈ ఘటన గురువారం ఉదయం చోటుచేసుకుంది. వివరాలు ఇలా ఉన్నాయి.. బొంరాస్‌పేట మండలం నాందార్‌పూర్‌కు చెందిన చోటేమియా పాముకాటుకు గురయ్యాడు. కుటుంబ సభ్యులు వెంటనే కొడంగల్‌లోని ప్రభుత్వాస్పత్రికి తరలించారు. అక్కడ మందు లేకపోవడంతో వికారాబాద్‌కు తరలించారు. ప్రస్తుతం జిల్లా ఆస్పత్రిలో చికిత్స పొందుతున్నాడు. విషయం తెలుసుకున్న సర్పంచ్‌ లక్ష్మి, వార్డు సభ్యుడు శేఖర్‌ ఆస్పత్రికి వెళ్లి చోటేమియాను పరామర్శించారు. మెరుగైన వైద్యం అందించాలని డాక్టర్లను కోరారు. జిల్లా వైద్యాధికారులు స్పందించి కొడంగల్‌ ఆస్పత్రిలో పాముకాటు మందును అందుబాటులో ఉంచాలని సూచించారు. చనిపోయిన పాము చోటేమియానుపరామర్శిస్తున్న లక్ష్మి

తాండూరు రూరల్‌: మిల్లర్ల మాయాజాలంతో పత్తి రైతులు కుదేలవుతున్నారు. ఇష్టం వచ్చిన ధరకు కొనుగోలు చేసి అందిన కాడికి దోచుకుంటున్నారు. హమాలీలు, కమీషన్‌ పేరుతో వసూళ్లకు పాల్పడుతున్నట్లు రైతులు ఆరోపిస్తున్నారు. ఇంత జరుగుతున్నా మార్కెటింగ్‌ శాఖ అధికారులు పట్టించుకోవడం లేదనే విమర్శలు ఉన్నాయి. తాండూరు మండలంలో 6వేల ఎకరాల్లో, పెద్దేముల్‌ మండలంలో 13వేల ఎకరాల్లో పత్తి పంట సాగు చేశారు. విత్తు వేసింది మొదలు ఇబ్బంది పడుతూనే వచ్చారు. ఎల్‌నినో ప్రభావంతో వర్షాలు పడక విత్తనం మొలకెత్తలేదు. వేల రూపాయల నష్టం వాటిల్లింది. చాలా మంది రెండోసారి విత్తనం వేయాల్సి వచ్చింది. నీటి వసతి ఉన్న వారు పంటను కాపాడుకున్నారు. లేని వారు తీవ్రంగా నష్టపోయారు. ఇన్ని కష్టాలు భరించిన అనంతరం పంట చేతికి వస్తే మిల్లర్లు మోసం చేస్తున్నారని పలువురు ఆవేదన వ్యక్తం చేస్తున్నారు. కొర్రీలు పేడుతూ ధర తగ్గిస్తున్నారని తెలిపారు. విధిలేని పరిస్థితుల్లో వారు చెప్పిన ధరకే విక్రయించాల్సి వస్తోందన్నారు. హమాలీ, కమీషన్‌ పేరుతో.. పత్తి మిల్లు యజమానులు హమాలీ, కమీషన్‌ పేరుతో రైతులను ఇబ్బంది పెడుతున్నారు. కాటన్‌ కార్పొరేషన్‌ ఆఫ్‌ ఇండియా క్వింటాలు ఏ గ్రేడ్‌ పత్తికి రూ.8,667 ధర నిర్ణయించింది. అయితే ఇప్పటి వరకు కొనుగోలు ప్రక్రియ ప్రారంభించలేదు. మద్ద తు ధర కంటే ప్రైవేటు మిల్లుల్లో ధర ఎక్కువగా ఉండటంతో రైతులు వారికే విక్రయిస్తున్నారు. మిల్లర్లు మాత్రం ఒక్కో రోజు ఒక్కో రేటు ప్రకటిస్తున్నారు. నాణ్యత ఆధారంగా క్వింటాలుకు రూ.8,975, రూ.9000, రూ.9100 ధర నిర్ణయిస్తున్నారు. తగ్గిన దిగుబడులు ఎల్‌నినో కారణంగా పత్తి సాగుకు పెట్టుబడి పెరిగిందని రైతులు చెబుతున్నారు. విత్తనం, ఎరువులు, పురుగు మందు పిచికారీ, కూలీల రేట్లు కలుపుకొని ఎకరాకు రూ.10 వేల నుంచి రూ.15 వేల వరకు ఖర్చు వచ్చినట్లు చెప్పారు. సాధారణంగా పంట బాగా పండితే ఎకరాకు ఏడు నుంచి ఎనిమిదిక్వింటాళ్ల దిగుబడి వస్తుంది. ఈ ఏడు వర్షాలు లేక ఎకరాకు 3 నుంచి 5 క్వింటాళ్ల దిగుబడి మాత్రమే వచ్చింది. ఓ వైపు పెట్టుబడి పరిగిందని, అయినా ఆశించిన స్థాయిలో దిగుబడి రాలేదని రైతులు ఆవేదన వ్యక్తం చేస్తున్నారు. పత్తి మిల్లర్లు ఇష్టం వచ్చిన ధర వేస్తున్నా మార్కెటింగ్‌ శాఖ అధికారులు పట్టించుకోవడం లేదనే విమర్శలు వినిపిస్తున్నాయి. ధర లేకుండా బిల్లు పెద్దేముల్‌ మండలంలోని ఓ మిల్లులో ఇష్టం వచ్చిన ధర నిర్ణయిస్తున్నారని రైతులు వాపోతున్నారు. తెల్ల కాగితంపై ధర వేసి ఇస్తున్నారు. క్వింటాలు రేటు డబ్బు మాత్రమే వేసి బిల్లులు ఇస్తున్నట్లు తెలిసింది. మార్కెటింగ్‌ శాఖ నిబంధనాల ప్రకారం బిల్లుల్లో క్వింటాళ్లు.. ధర కచ్చితంగా ఉండాలి. కానీ ఇవేవీ మిల్లర్లు పట్టించుకోవడం లేదు. ఎల్‌నినోతో దెబ్బతిన్న పంట చర్యలు తీసుకుంటాం పత్తి రైతులకు నష్టం కలిగిస్తే సంబంధిత మిల్లులపై చర్యలు తీసుకుంటాం. అన్‌ లోడింగ్‌కు మాత్రమే డబ్బు తీసుకోవాలి. కమీషన్‌ తీసుకోరాదు. క్వింటాలుకు ఎంత ధర అనేది బిల్లులు స్పష్టంగా చూపించాలి. తెల్ల కాగితంపై రాసిస్తే కుదరదు. ఇలాంటి వాటిపై విచారణ చేపడతాం. రైతులకు అన్యాయం చేస్తే సహించేది లేదు. – సాయికుమార్‌, కార్యదర్శి, కోట్‌పల్లి మార్కెట్‌ కమిటీ, పెద్దేముల్‌ మండలం

పరిగి: పట్టణంలో కొలువుదీరిన లక్ష్మీనరసింహ స్వామి వార్షిక బ్రహ్మోత్సవాలు శనివారం నుంచి ప్రారంభం కానున్నట్లు నిర్వాహకులు ఎదిరే కృష్ణ గురువారం ఒక ప్రకటనలో తెలిపారు. ఈ నెల 31 నుంచి వచ్చే నెల 2వ తేదీ వరకు వేడుకలు జరగనున్నట్లు తెలిపారు. శనివారం ఉద యం 9గంటలకు వేదస్వస్తి యాగశాల ప్రవేశం, హోమం, బేరీ పూజాలు నిర్వహిస్తారు, ఆదివారం మూల మూర్తికి అభిషేకం, నిత్య హోమ కార్య క్రమా లు, సోమవారం స్వామివారి కల్యాణోత్సవం నిర్వహిస్తారు. నేడు ఆలయ ప్రాకార నిర్మాణానికి భూమిపూజ కొడంగల్‌: పట్టణంలోని బాలాజీనగర్‌లో రూ.110 కోట్లతో చేపట్టిన శ్రీవారి ఆలయ నవీకరణ పనులు జోరుగా సాగుతున్నాయి. గ్రౌండ్‌ లెవల్‌ వరకు పనులను పూర్తి చేశారు. ఆలయ ప్రాకార నిర్మాణానికి నేడు భూమిపూజ చేయనున్నారు. కాంగ్రెస్‌ పార్టీ నియోజకవర్గ ఇంచార్జీ తిరుపతిరెడ్డి చేతుల మీదుగా ఉదయం 9.20 నుంచి 9.40 గంటల వరకు ప్రథమ శిలేష్టికాన్యాస కార్యక్రమం జరుగుతుందని మున్సిపల్‌ చైర్మన్‌ నందారం ప్రశాంత్‌, ఆలయ ధర్మకర్తలు తెలిపారు. భూ వివాదాలకు శాశ్వత పరిష్కారం కొడంగల్‌: మండల పరిధిలోని ఉడిమేశ్వరం, చిన్న నందిగామ, అంగడిరాయిచూర్‌, పర్సా పూర్‌, ఉప్పరిపల్లి గ్రామాల్లో భూముల రీ సర్వే ప్రారంభించినట్లు తహసీల్దార్‌ రాంబాబు తెలిపారు. గురువారం ఆయన మాట్లాడుతూ.. ప్రతి భూ కమతానికి కచ్చితమైన హద్దులు నిర్ణయించి భవిష్యత్తులో వివాదాలు రాకుండా చూడటమే రీ సర్వే ముఖ్య ఉద్దేశమన్నారు. గ్రామ కంఠం, ప్రభుత్వ, పట్టా భూముల హద్దులు గుర్తించనున్నట్లు చెప్పారు. ఇందుకు రైతులు సహకరించాలని కోరారు. రాజ్యాధికారంతోనే బహుజనుల సంక్షేమం బీఎస్పీ జిల్లా అధ్యక్షుడు మల్లేశం తాండూరు టౌన్‌: రాజ్యాధికారం చేజిక్కించుకోవడంతోనే బహుజనుల జీవితాల్లో వెలుగులు నిండుతాయని బీఎస్పీ జిల్లా అధ్యక్షుడు కట్టెల మల్లేశం, చేవెళ్ల పార్లమెంట్‌ ఇంచార్జి సయ్యద్‌ అమీర్‌ అన్నారు.గురువారం పట్టణంలోని పార్టీ కార్యాలయంలో తాండూరు నియోజవర్గ స్థా యి కార్యకర్తల సమావేశం నిర్వహించారు. ఈ సందర్భంగా వారు మాట్లాడుతూ.. రాజకీయ అధికారమే సమస్త సమస్యల పరిష్కారం అ న్నారు.అనంతరం బీఎస్పీ నియోజకవర్గ నూత న కమిటీని ఎన్నుకున్నారు. ఇంచార్జిగా నవీన్‌ యాదవ్‌, కృష్ణయ్య గౌడ్‌, అధ్యక్షుడిగా అనిల్‌ కుమార్‌, ఉపాధ్యక్షుడిగా శ్రీనివాస్‌, ప్రధాన కార్యదర్శిగా ఎర్ర అనిల్‌, కార్యవర్గ సభ్యులుగా మల్లేశ్‌, బహుజన వలంటీర్స్‌ ఫోర్స్‌ కన్వీనర్‌గా ఎం శ్యామ్‌ను ఏకగ్రీవంగా ఎన్నుకున్నారు. సమన్వయంతోపని చేయండి అదనపు కలెక్టర్‌ ఉమాశంకర్‌ ప్రసాద్‌ అనంతగిరి: ప్రభుత్వ ఆస్పత్రులకు వచ్చే రోగులకు నాణ్యమైన వైద్య సేవలు అందించాలని, ఇందుకోసం వైద్యాధికారులు, సిబ్బంది సమన్వయంతో పనిచేయాలని అదనపు కలెక్టర్‌ ఉమాశంకర్‌ ప్రసాద్‌ సూచించారు. గురువారం ఆయన వికారాబాద్‌ పట్టణంలోని ప్రభుత్వ ఆస్పత్రిలో వికలత్వ నిర్ధారణ కేంద్రం, క్యాన్సర్‌ వార్డును సందర్శించారు. అక్కడ రోగులకు అందుతున్న వైద్య సేవలను తెలుసుకున్నారు. కార్యక్రమంలో ఆస్పత్ర సూపరింటెండెంట్‌ డాక్టర్‌ శుభోత్‌ కుమార్‌, పీఆర్‌ ఈఈ ఉమేష్‌ తదితరులు పాల్గొన్నారు.

తాండూరు: తాండూరు కందిపప్పు అంతర్జాతీయ మార్కెట్‌లోకి అగుడు పెట్టింది. తెలంగాణలో భౌగోళిక గుర్తింపు(జీఐ) పొందిన తొలి వ్యవసాయ ఉత్పత్తిగా నిలిచింది. ఈ గుర్తింపు లభించిన నాలుగేళ్ల తర్వాత విదేశీ మార్కెట్‌లో వాణిజ్య పరమైన అవకాశాలు అందివచ్చాయి. తాజాగా ఆస్ట్రేలియాకు 2.5 మెట్రిక్‌ టన్నులు ఎగుమతి అయ్యాయి. దీంతో స్థానిక వ్యవసాయ ఉత్పత్తికి అంతర్జాతీయ స్థాయిలో కీలక ముందడుగు పడింది. హైదరాబాద్‌కు చెందిన దుర్గా ఎక్స్‌పోర్ట్‌ అండ్‌ ఇంపోర్ట్‌ సంస్థ అమ్మాస్‌ బ్రాండ్‌ పేరుతో ఈ సరుకును ఎగుమతి చేస్తోంది. ఆస్ట్రేలియాకు చెందిన భారతమ్మ పీటీపై లిమిటెడ్‌ సంస్థ దిగుమతి చేసుకుంటుండగా, వ్యవసాయ ఉత్పత్తుల ఎగుమతి అభివృద్ధి సాధికార సంస్థ (అపెడా) సహకారం అందిస్తోంది. 2022లో జీఐ గుర్తింపు తాండూరు కంది పప్పునకు 2022 డిసెంబర్‌ 6న భౌగోళిక గుర్తింపు లభించగా, అదే నెల 14న కేంద్ర ప్రభుత్వం అధికారికంగా ప్రకటించింది. తెలంగాణ నుంచి జీఐ హోదా పొందిన తొలి వ్యవసాయ ఉత్పత్తిగా ప్రత్యేకతను సంతరించుకుంది. ఒక నిర్ధిష్ట భోగోళిక ప్రాంతంలో ఉత్పత్తి అయ్యే వస్తువుకు దాని ప్రత్యేక నాణ్యత, ఖ్యాతి, ప్రాంతీయ లక్షణాల ఆధారంగా జీఐ గుర్తింపు ఇస్తారు. ఈ హోదా తాండూరు కంది పప్పునకు ప్రత్యేక గుర్తింపు తెచ్చింది. ఇతర ప్రాంతాల ఉత్పత్తుల నుంచి దీనిని వేరు చేసి మార్కెట్‌ చేసుకునే అవకాశాన్ని అందించింది. సున్నపురాయి నేలలు కందికి అనుకూలం తాండూరు, బషీరాబాద్‌, పెద్దేముల్‌, యాలాల మండలాల్లో కంది ప్రధాన పంటగా సాగవుతోంది. కాగ్నా నది పరీవాహక ప్రాంతంలోని వ్యవసాయ భూముల్లో ఈ పంటకు ప్రాధాన్యత ఉంది. ఇక్కడి నల్లరేగడి నేలలు సున్నపు రాయి నిక్షేపాలు, అటాపులైట్‌ ఖనిజంతో కూడిన భౌగోళిక పరిస్థితులు ఈ ప్రాంతానికి ప్రత్యేకతను తీసుకొచ్చాయి. కందుల నాణ్యత నేలలతో పాటు వాతావరణం, సాగు పద్ధతులు కూడా ప్రభావం చూపుతాయి. తాండూరు కంది పప్పులో సుమారు 22 నుంచి 24 శాతం ప్రొటీన్లు, పప్పు రుచికరంగా ఉండటంతో పాటు త్వరగా ఉడికే గుణం, పంటలో అనుకూలత ప్రత్యేక ఆకర్షణగా నిలుస్తాయి. ఈ లక్షణాలే స్థానిక వినియోగదారులతో పాటు ఇతర ప్రాంతాల మార్కెట్లలోనూ దీనికి గుర్తింపు తీసుకొచ్చాయి. వ్యక్తిగత పార్శిళ్ల నుంచి విదేశాల స్థాయికి.. ఇక్కడి కంది పప్పును విదేశాల్లో నివసించే తెలంగాణ ప్రాంత వాసులకు వారి కుటుంబ సభ్యులు పంపుతుంటారు. ఇప్పుడు పెద్ద మొత్తంలో విదేశాలకు ఎగుమతి చేసే అవకాశం లభించింది. ఆస్ట్రేలియాకు తొలి విడతలో 2.5 మెట్రిక్‌ టన్నులు ఎగుమతి కావడం ఈ మార్పునకు నిదర్శనం. అక్కడి మార్కెట్‌లో ఈ ఉత్పత్తికి లభించే ఆదరణను బట్టి భవిష్యత్తులో మరిన్ని ఆర్డర్లు వచ్చే అవకాశం ఉంది. రైతులకు ప్రయోజనం శూన్యమేనా..? తాండూరు కందిపప్పు విదేశాలకు ఎగుమతి కావడం ఈ ప్రాంతానికి గర్వకారణమే అయినప్పటికీ, దాని ద్వారా స్థానిక రైతులకు ఎంత మేర ప్రయోజనం చేకూరుతుందనేది కీలక అంశం. అంతర్జాతీయ మార్కెట్‌లో డిమాండ్‌ పెరిగినా, ఆ ప్రభావం రైతులు విక్రయించే కందుల ధరల్లో ప్రతిఫలించాలి. రైతులకు గిట్టుబాటు ధర, మార్కెట్‌ సమాచారం నాణ్యత ప్రమాణాలపై అవగహన కల్పించడంతో పాటు రైతు ఉత్పత్తిదారుల సంఘాలు, మిల్లర్లు, వ్యాపారులు, ఎగుమతిదారుల మధ్య సమన్వయం ఏర్పరిచేలా ప్రభుత్వం చొరవ చూపాలి. మరోవైపు కందుల శుద్ధి, నాణ్యత పరీక్షలు, నిల్వలు, ప్యాకేజింగ్‌, రవాణా వంటి అంశాల్లో మెరుగైన సదుపాయాలు అందుబాటులోకి వస్తే ఎగుమతులను నిరంతరం కొనసాగించవచ్చు. అంతర్జాతీయ మార్కెట్‌ అవసరాలకు అనుగుణంగా సరఫరా చేయగలిగితే తాండూరు కందిపప్పుకు మరిన్ని దేశాల్లో మార్కెట్‌ అవకాశాలు ఏర్పడతాయి. ప్రత్యేక బ్రాండ్‌గా.. తాండూరు కంది పప్పును అంతర్జాతీయ మార్కెట్‌లో ప్రత్యేక బ్రాండ్‌గా నిలబెట్టేందుకు కృషి చేస్తున్నాం. ఆస్ట్రేలియాతో పాటు మరిన్నీ దేశాలకు ఎగుమతి అయ్యేలా చూస్తాం. స్థానికంగా మార్కెటింగ్‌, ప్రాసెసింగ్‌, ఎగుమతులను ప్రోత్సహిస్తాం. – మనోహర్‌రెడ్డి, ఎమ్మెల్యే, తాండూరు

హుడాకాంప్లెక్స్‌: సరూర్‌నగర్‌ ప్రభుత్వ జూనియర్‌ కళశాలలో ఇంటర్‌ చదువుతున్న విద్యార్థులు క్రీడల్లో సత్తా చాటారు. ఖేలో ఇండియా యూత్‌గేమ్స్‌లో భాగంగా సరూర్‌నగర్‌ స్టేడియంలో నిర్వహించిన పోటీల్లో ప్రతిభ కనబర్చారు. ఫుట్‌బాల్‌ అండర్‌–17 బాలుర విభాగంలో కె.లలిత్‌తేజ్‌, ఎస్‌.ఆకాష్‌ రాష్ట్రస్థాయిలో మొదటి స్థానంలో నిలవగా, అండర్‌–19 విభాగంలో పి.శరత్‌కుమార్‌, డి.గాంధీ, జి.ధోని, ప్రథమ స్థానంలో నిలిచారు. అండర్‌–19 బాలికల విభాగంలో బి.మధుప్రియ, బి.హరిణి తృతీయ స్థానంలో నిలిచారు. రగ్బీ అండర్‌–19 బాలికల విభాగంలో బి.హరిణి, బి.మధుప్రియ మొదటి స్థానంలో నిలవగా, అండర్‌ –19 బాలుర విభాగంలో డి.గాంధీ, ఆర్‌.ఇశాంత్‌, ఈ.పరమసింహతేజ రాష్ట్రస్థాయిలో ప్రథమ స్థానం దక్కించుకున్నారు. వీరిలో ఈ.పరమసింహతేజ, ఆర్‌.ఇషాంత్‌, లలిత్‌తేజ్‌ జాతీయ స్థాయి పోటీలకు ఎంపికయ్యారు. ఈ సందర్భంగా కళాశాల ప్రిన్సిపాల్‌ మాట్లాడుతూ.. విద్యార్థులకు చదువుతోపాటు క్రీడలు కూడా ముఖ్యమని అన్నారు. క్రీడలతో శారీరక, మానసిక ఉల్లాసం కలుగుతుందన్నారు. క్రీడాపోటీల్లో ప్రతిభ చాటిన విద్యార్థులను అభినందించారు. ప్రశంసాపత్రాలతో విద్యార్థులు

షాద్‌నగర్‌రూరల్‌: పట్టణంలోని కమ్యూనిటీ హెల్త్‌ సెంటర్‌ (సీహెచ్‌సీ)కు కాయకల్ప పురస్కారం లభించింది. పరిశుభ్రత, పారిశుద్ధ్య నిర్వహణ, రోగులకు సురక్షితమైన వైద్య సేవలు వంటి అంశాలను పరిగణనలోకి తీసుకుని ప్రభుత్వం పురస్కారాన్ని ప్రకటించింది. ఈ మేరకు గురువారం ఎమ్మెల్యే వీర్లపల్లి శంకర్‌ ఆస్పత్రి సిబ్బందిని అభినందించి పురస్కారాలు అందజేశారు. వైద్యులు, సిబ్బంది సమష్టి కృషితో ఆస్పత్రికి గుర్తింపు రావడం అభినందనీయమని అన్నారు. కార్యక్రమంలో వైద్యులు మాధవి, స్వాతి, మున్సిపల్‌ చైర్మన్‌ అగ్గనూర్‌ బస్వం, అరుంధతి, లక్ష్మణ్‌, మహ్మద్‌ అలీఖాన్‌ పాల్గొన్నారు.

షాద్‌నగర్‌: కాలుష్యం బారి నుంచి కాపాడాలని డిమాం డ్‌చేస్తూ ఫరూఖ్‌నగర్‌ మండలం కందివనం గ్రామస్తులు మొగిలిగిద్ద శివారులో ఉన్న ఓం శివశక్తి స్పాంజ్‌ ఐరన్‌ పరిశ్రమ ఎదుట చేపట్టిన ధర్నా గురువారం రెండో రోజు కొనసాగింది. గ్రామస్తులతో పాటు విద్యార్థులు పెద్ద ఎత్తున పరిశ్రమ ఎదుట భైఠాయించారు. పరిశ్రమ విడుదల చేస్తున్న కాలుష్యంతో చౌలపల్లి, కందివనం, గుండెగానితండా, పిట్టలగడ్డతండా, మొగిలిగిద్ద గ్రామాలు మసకబారుతున్నాయని, రోగాల బారిన పడుతున్నామని గ్రామస్తులు వాపోయారు. తమ ప్రాణాలు, పర్యా వరణాన్ని కాపాడాల్సిన అధికారులు నిర్లక్ష్యంగా వ్యవహరిస్తున్నారని మండిపడ్డారు. పరిశ్రమ యజ మానులపై ఎందుకు చర్యలు చేపట్టడం ప్రశ్నించారు. పరిశ్రమను మూసి వేసే వరకు తమ పోరాటం ఆగదని స్పష్టం చేశారు. ధర్నాకు బీజేపీ రాష్ట్ర నాయకుడు పాలమూరు విష్ణువర్ధన్‌రెడ్డి సంఘీభావం తెలిపారు. కాగా స్పాంజ్‌ ఐరన్‌ పరిశ్రమను షాద్‌నగర్‌ ఆర్డీఓ సరిత, ఫరూఖ్‌నగర్‌ తహిసీల్దార్‌ నాగయ్య పరిశీలించారు. ఆందోళన చేస్తున్నవారితో మాట్లాడారు. పరిశ్రమ నిర్వాహకులతో మాట్లాడి వెంటనే ఉత్పత్తి పనులు నిలిపివేయాలని ఆదేశించారు. సమగ్ర పరిశీలన చేసి నివేదికను కాలుష్య నియంత్రణ మండలి అధికారులకు అందించాలన్నారు.

యాలాల: మూర్ఛ వ్యాధితో కిందపడిన ఓ వ్యక్తి మృతి చెందాడు. ఈ ఘటన మండలంలోని దౌలాపూర్‌ శివారులో బుధవారం జరిగింది. ఎస్‌ఐ విఠల్‌రెడ్డి తెలిపిన వివరాల ప్రకారం.. తాండూరుకు చెందిన రాముగౌడ్‌(47)కు మతిస్థిమితం సరిగ్గా లేదు. దీనికితోడు మూర్ఛ వ్యాధితో బాధపడుతున్నాడు. ఈనెల 26న తాండూరు ప్రభుత్వ ఆస్పత్రిలో చికిత్స నిమిత్తం చేర్పించగా, ఎవరికి చెప్పకుండా వెళ్లిపోయాడు. దీంతో అతని భార్య జ్యోతి తాండూరు పట్టణ పోలీస్‌ స్టేషన్‌లో మంగళవారం ఫిర్యాదు చేసింది. బుధవారం ఉదయం దౌలాపూర్‌ శివారులో గుర్తు తెలియని వ్యక్తి చనిపోయాడని తెలుసుకున్న కుటుంబ సభ్యులు మృతదేహాన్ని గుర్తు పట్టారు. మృతుడికి మూర్ఛ వ్యాధి ఉండటంతో కిందపడి చనిపోయి ఉంటాడని జ్యోతి యాలాల పోలీసులకు తెలిపింది. ఈ మేరకు కేసు నమోదు చేసి ర్యాప్తు చేస్తున్నట్లు ఎస్‌ఐ తెలిపారు. యాలాల: బైక్‌ను సిమెంటు ట్యాంకర్‌ ఢీకొన్న ఘటనలో ఓ వ్యక్తి అక్కడికక్కడే మృతి చెందాడు. ఈ ఘటన మండలంలోని దౌలాపూర్‌ సమీపంలో బుధవారం జరిగింది. ఎస్‌ఐ విఠల్‌రెడ్డి కథనం ప్రకారం.. మండలంలోని పగిడియాల గ్రామానికి చెందిన సతీష్‌(23) పని నిమిత్తం కొడంగల్‌కు వెళ్లి మధ్యాహ్నం బైక్‌పై తిరిగి వస్తున్నాడు. ఈ క్రమంలో దౌలాపూర్‌ సమీపంలోకి రాగానే ఎదురుగా వేగంగా.. అజాగ్రత్తగా వస్తున్న సిమెంటు ట్యాంకర్‌ ఢీకొంది. ఈ ఘటనలో సతీష్‌ తీవ్ర గాయాలతో అక్కడికక్కడే మృతి చెందాడు. మృతుడి భార్య సుమలత ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్‌ఐ తెలిపారు. కడ్తాల్‌: యంగ్‌ ఎర్త్‌ లీడర్‌ 2025–26 వార్షిక పురస్కారాల ప్రదానోత్సవాన్ని ఈ నెల 31న (శనివారం) అన్మాస్‌పల్లి గ్రామ సమీపంలోని ఎర్త్‌ సెంటర్‌లో నిర్వహించనున్నట్లు సీజీఆర్‌ చైర్‌ పర్సన్‌ లీలా లక్ష్మారెడ్డి గురువారం ఒక ప్రకటనలో పేర్కొన్నారు. వేడుకలకు పాఠశాల విద్యాశాఖ డైరెక్టర్‌ నవీన్‌ నికోలస్‌, నాబార్డ్‌, సెబీ, ఎన్‌ఎస్‌ఈ–ఎస్‌ఎస్‌సీ సంస్థల ఉన్నతాధికారులు, విద్యాశాఖ అధికారులు, పర్యావరణవేత్తలు హాజరుకానున్నట్లు తెలిపారు. ఈ సందర్భంగా రాష్ట్ర స్థాయిలో అత్యుత్తమ ప్రతిభ కనబర్చిన ఉత్తమ వైఈఎల్పీ పాఠశాలలు, ఉత్తమ మెంటర్స్‌ టీచర్స్‌, పర్యావరణ ఉపాధ్యాయులు, ఉత్తమ యంగ్‌ ఎర్త్‌ లీడర్స్‌ విద్యార్థులకు జ్ఞాపికలు, ప్రశాంసపత్రాలు అందించి సత్కరించనున్నట్లు చెప్పారు. ఇబ్రహీంపట్నం: టీఎన్‌జీఓ జిల్లా నూతన కార్యవర్గ సభ్యులు గురువారం స్పీకర్‌ గడ్డం ప్రసాద్‌కుమార్‌ను మర్యాద పూర్వకంగా కలుసుకున్నారు. ఈ సందర్భంగా శాలువా కప్పి సన్మానించారు. కార్యక్రమంలో సంఘం జిల్లా అధ్యక్షుడు ఊటు యశ్వంత్‌, ఉపాధ్యక్షుడు రంగయ్య, అసోసియేట్‌ ప్రెసిడెంట్‌ మాధవ్‌గౌడ్‌, ట్రైజరర్‌ ఆనంద్‌సింగ్‌, జిల్లా అర్బన్‌ ప్రెసిడెంట్‌ గోపాల్‌ నాయక్‌, ట్రెజరర్‌ గోపాల్‌, షాద్‌నగర్‌, రాజేంద్రనగర్‌ ఆమనగల్లు యూనిట్‌ నేతలు శ్రీనివాస శ్రీహరి, శ్రీలత, దార రాములు, అన్నపూర్ణ, శేఖర్‌, నగేష్‌ పాల్గొన్నారు. ఇబ్రహీంపట్నం: పోలీస్‌ అమరవీరుల సంస్మరణ వారోత్సవాల్లో భాగంగా ఇబ్రహీంపట్నం డివిజన్‌ పోలీసుల ఆధ్వర్యంలో గురువారం పట్టణంలో మెగా రక్తదాన శిబిరం నిర్వహించారు. శిబిరానికి ముఖ్యఅతిథిగా హాజరైన ఫ్యూచర్‌ సిటీ పోలీస్‌ కమిషనర్‌ తరుణ్‌జోషి స్వయంగా రక్తదానం చేసి సామాజిక బాధ్యతకు ఆదర్శంగా నిలిచారు. ఈ సందర్భంగా ఆయన మాట్లాడుతూ.. రక్తదానం ఆపదలో ఉన్నవారికి ప్రాణదానం అవుతుందన్నారు. మానవత్వంతో, సామాజిక సేవ కర్తవ్యంగా భావించి పలువురు విద్యార్థులు రక్తదా నం చేయడం అభినందనీయమన్నారు. పోలీ సు అధికారులతోపాటు సుమారు 350 మంది విద్యార్థులు రక్తదానం చేశారు. కార్యక్రమంలో మహేశ్వరం డీసీపీ కె.నారాయణరెడ్డి, ఇబ్రహీంపట్నం ఎస్‌హెచ్‌ఓ మహేందర్‌రెడ్డి, ట్రాఫిక్‌ ఎస్‌హెచ్‌ఓ జితేందర్‌రెడ్డి, డివిజన్‌ పరిధిలోని పోలీసు అధికారులు, సిబ్బంది పాల్గొన్నారు.

క్రమబద్ధీకరణ.. సాక్షి, రంగారెడ్డిజిల్లా: పెండింగ్‌లో ఉన్న జీఓ నంబర్‌ 59 దరఖాస్తులకు మోక్షం కల్పించాలని ప్రభుత్వం నిర్ణయించింది. 500 గజాలలోపు ఆక్రమిత స్థలాలను ప్రస్తుత మార్కెట్‌ విలువ ప్రకారం క్రమబద్ధీకరించనున్నట్లు ప్రకటించింది. ఇప్పటి వరకు జీఓకు సంబంధించిన యాప్‌ను ఓపెన్‌ చేయకపోవడం, ఏ మండల పరిధిలో ఎన్ని దరఖాస్తులు పెండింగ్‌లో ఉన్నాయి వంటి అంశాలపై స్పష్టత ఇవ్వకపోవడంతో రెండున్నరేళ్లుగా క్రమబద్ధీకరణ కోసం ఎదురు చూస్తున్న దరఖాస్తుదారుల్లో మళ్లీ ఆందోళన మొదలైంది. తహసీల్దార్‌ కార్యాలయాలకు చేరుకుని ఆరా తీస్తుండటంతో క్షేత్రస్థాయిలోని అధికారులు సైతం ఏమీ చెప్పలేక చేతులెత్తేయాల్సిన పరిస్థితి. జిల్లాలో 3,500 మందికిపైగా దరఖాస్తులు పెండింగ్‌లో ఉండగా, హైదరాబాద్‌లో 1,300 వరకు ఉన్నట్లు అంచనా. ప్రభుత్వ తాజా ప్రకటన నేపథ్యంలో ఆయా దరఖాస్తుదారుల్లో ఆశలు చిగురించాయి. ఈ అంశంపై ప్రభుత్వం ప్రకటన చేసి మూడు వారాలు దాటినా ఇప్పటి వరకు జీఓ నంబర్‌ 59కు సంబంధించిన యాప్‌ ఓపెన్‌ కాకపోవడంపై విమర్శలు వెల్లువెత్తుతున్నాయి. ఎన్నికల నోటిఫికేషన్‌తో నిలిచిన ప్రక్రియ ఒకవైపు క్షేత్రస్థాయి పరిశీలన, ఆమోదం, డిమాండ్‌ నోటీసుల జారీ, కన్వీనియన్స్‌ డీడ్‌ల రిజిస్ట్రేషన్‌ ప్రక్రియ కొనసాగుతుండగా, మరోవైపు కలెక్టర్‌ లాగిన్‌లో మరో 3,500 దరఖాస్తులు పెండింగ్‌లో ఉండిపోయాయి. ఇదే సమయంలో 2023 అసెంబ్లీ ఎన్నికల నోటిఫికేషన్‌ రావడం, తర్వాత బీఆర్‌ఎస్‌ ఓటమి పాలై.. కాంగ్రెస్‌ అధికారంలోకి రావడం జరిగిపోయాయి. ప్రభుత్వ స్థలాల క్రమబద్ధీకరణలో పెద్ద ఎత్తున అవినీతి, అక్రమాలు చోటు చేసుకున్నట్లు ఆరోపణలు వెల్లువెత్తడంతో ప్రభుత్వం అప్పటికే క్రమబద్ధీకరించిన భూములను కూడా రద్దు చేస్తున్నట్లు ప్రకటించింది. మెజార్టీ లబ్ధిదారులు ప్రభుత్వానికి డబ్బులు కట్టి ఉండటంతో ఈ అంశంపై పునరాలోచనలో పడింది. జీఓ నంబర్‌ 59 కింద ఉన్న ఆక్రమిత భూముల దరఖాస్తులకు మోక్షం కల్పించనున్ననట్లు ఇటీవల ప్రకటించింది. ఇప్పటి వరకు జీఓకు సంబంధించిన యాప్‌ను ఓపెన్‌ చేయకపోవడంతో లబ్ధిదారుల్లో ఆందోళన మొదలైంది. జీఓ నంబర్‌ 59పై ప్రభుత్వంలో కదలిక దరఖాస్తులకు మోక్షం కల్పించాలని నిర్ణయం తెరుచుకోని ఆక్రమిత స్థలాల క్రమబద్ధీకరణ యాప్‌ పెండింగ్‌లో 3,500 అప్లికేషన్లు ఆందోళనలో దరఖాస్తుదారులు అప్పటికే కొన్ని భూముల క్రమబద్ధీకరణ పూర్తి ప్రభుత్వ భూములను ఆక్రమించి, చేపట్టిన నిర్మాణాలను రెగ్యులరైజ్‌ చేసి, లబ్ధిదారులకు హక్కు పత్రాలను జారీ చేయాలని అప్పటి బీఆర్‌ఎస్‌ ప్రభుత్వం భావించింది. ఈ మేరకు 2022, 2023లో జీఓ నంబర్‌ 58 సహా 59ని తీసుకొచ్చింది. ఈ రెండు జీఓల కింద జిల్లా వ్యాప్తంగా 50 వేలకుపైగా దరఖాస్తులు అందాయి. క్షేత్రస్థాయి తనిఖీలతోపాటు దరఖాస్తుల పరిశీలన, ఆమోదం కోసం వివిధ విభాగాలకు చెందిన జిల్లా ఉన్నతాధికారులు, తహసీల్దార్‌, ఇరిగేషన్‌ అధికారులతో ప్రత్యేక బృందాలను ఏర్పాటు చేసింది. 2014 జూన్‌ 2కు ముందు 125 గజాలలోపు ఉన్న ఆక్రమిత భూముల్లోని నిర్మాణాలను జీఓ నంబర్‌ 58 కింద ప్రభుత్వమే ఉచితంగా క్రమబద్ధీకరించింది. ఇక ఆక్రమిత ఖాళీ స్థలాలను జీఓ నంబర్‌ 59 కింద స్థానిక సబ్‌ రిజిస్ట్రార్‌ మార్కెట్‌ విలువ ప్రకారం రెగ్యులరైజ్‌ చేయాలని ప్రకటించి, ఆ మేరకు అప్పట్లోనే కొంత మందికి డిమాండ్‌ నోటీసులు జారీ చేసింది. నిర్దేశించిన ఫీజుల చెల్లింపు తర్వాత కన్వీనియన్స్‌ డీడ్‌లను ఎస్‌ఆర్‌ఓలకు పంపి, ప్రభుత్వమే స్వయంగా ఆయా లబ్ధిదారుల పేరున రెగ్యులరైజ్‌ చేసింది.

ఆమనగల్లు: గ్రామీణ ప్రాంతాల్లోని ప్రజలకు మెరుగైన వైద్యసేవలు అందించాలని జిల్లా వైద్యాధికారి డా.కళ్యాణ్‌ చక్రవర్తి అన్నారు. పట్టణంలోని ప్రభుత్వ ఆస్పత్రిని గురువారం ఆకస్మికంగా తనిఖీ చేశారు. ఈ సందర్భంగా హాజరు రిజిస్టర్‌, వివిధ రికార్డులను పరిశీలించారు. మందుల నిల్వలను తనిఖీ చేశారు. ఈ సందర్భంగా ఆయన మాట్లాడుతూ.. వైద్యసిబ్బంది విధి నిర్వహణలో నిర్లక్ష్యం వహిస్తే చర్యలు తీసుకుంటామని హెచ్చరించారు. అనంతరం నూతనంగా నిర్మిస్తున్న ఆస్పత్రి భవనాన్ని పరిశీలించారు. కార్యక్రమంలో వైద్యులు నాగరాజు, ఊర్మిల, సిబ్బంది తిరుపతిరెడ్డి, వేణు, చంద్రశేఖర్‌రెడ్డి, రాణి, శ్రీను, దేవేందర్‌ తదితరులు పాల్గొన్నారు

కందుకూరు: మండల పరిధిలోని లేమూరు సర్వే నంబర్‌ 102లోని 129 ఎకరాల భూమికి సంబంధించి భూసేకరణ కోసం గురువారం ఆర్డీఓ జగదీశ్వర్‌రెడ్డి ఆధ్వర్యంలో మండల పరిషత్‌ సమావేశపు హాల్‌లో భూసేకరణ కమిటీని ఏర్పాటు చేసి రైతులతో సమావేశం నిర్వహించారు. ఆ భూమిలో ప్రభుత్వం టీజీఐఐసీ ఆధ్వర్యంలో పారిశ్రామిక పార్కు ఏర్పాటు చేయనుంది. ఈ విషయమై అధికారులు, రైతుల మధ్య పరిహారం కోసం రెండో విడత చర్చలు నిర్వహించారు. ప్రభుత్వ ధర ప్రకారం ఎకరాకు రూ.1.32 కోట్ల పరిహారంతో పాటు అదనంగా ఎకరాకు 121 గజాల ప్లాటును కేటాయిస్తామని అధికారులు చెప్పారు. బహిరంగ మార్కెట్లో ఎకరా రూ.5 కోట్లు ఉందని, కనీసం రూ.2 కోట్లతో పాటు 2 ప్లాట్లు ఇవ్వాలని రైతులు కోరారు. రూ.1.35 కోట్లు ఇస్తామని అధికారులు తెలిపారు. కనీసం రూ.1.75 కోట్లు ఇవ్వాల్సిందేనని, లేనిపక్షంలో భూములిచ్చేదిలేదని రైతులు తేల్చి చెప్పారు. రైతుల అభిప్రాయాన్ని కలెక్టర్‌ దృష్టికి తీసుకెళ్తానని ఆర్డీఓ వారికి చెప్పి సమావేశాన్ని ముగించారు. కార్యక్రమంలో స్థానిక సర్పంచ్‌ ఎలుక మేఘనాథ్‌రెడ్డి, రెవెన్యూ, టీజీఐఐసీ అధికారులు పాల్గొన్నారు. పరిహారంపై తేల్చిచెప్పిన లేమూరు రైతులు

కందుకూరు: పట్టభద్రులు అందరూ ఓటరుగా పేర్లు నమోదు చేయించుకోవాలని ఏఈఆర్‌ఓ, ఆర్డీఓ జగదీశ్వర్‌రెడ్డి కోరారు. గురువారం కందుకూరు ఆర్డీఓ కార్యాలయంలో రాజకీయ పార్టీల ప్రతినిధులతో ఎమ్మెల్సీ ఎన్నికలకు సంబంధించి ఓటర్ల నమోదు, నామినేషన్లు, తదితర అంశాలపై అవగాహన కల్పించారు. ఓటర్ల నమోదుతో పాటు ఇతర అంశాలపై ఉన్న సందేహాలను నివృత్తి చేశారు. ఈ సందర్భంగా ఆర్డీఓ మాట్లాడారు. గత పట్టభద్రుల ఎమ్మెల్సీ ఎన్నికల్లో యాభై వేల మంది వరకు పట్టభద్రులు తమ ఓటును నమోదు చేసుకున్నారన్నా రు. ఈ దఫా ఇప్పటి వరకు కేవలం 29 వేల మంది వరకు మాత్రమే ఓటరుగా నమోదు చేసుకున్నారని తెలిపారు. నవంబర్‌ 6వరకు మాత్రమే ఓటరుగా నమోదుకు అవకాశం ఉందన్నారు. గతంలో ఓటు వేసిన వారు సైతం కొత్తగా ఓటరుగా నమోదు చేసుకోవాల్సిందేనని తెలిపారు. కార్యక్రమంలో రాజకీయ పార్టీల ప్రతినిధులు పాల్గొన్నారు.

తాండూరు టౌన్‌: చట్టాలపై అవగాహన కల్పిస్తున్న జడ్జి ప్రణయ పరిగి: సమావేశంలో మట్లాడుతున్న జడ్జి నాగుల శిల్ప తాండూరు టౌన్‌/అనంతగిరి/పరిగి: బాలల హక్కులపై విద్యార్థులకు అవగాహన ఉండాలని తాండూరు కోర్టు అడిషనల్‌ సివిల్‌ జడ్జి ప్రణయ అన్నారు. గురువారం తాండూరు పట్టణంలోని ప్రభుత్వ నంబర్‌ 2 పాఠశాలలో మండల లీగల్‌ సర్వీస్‌ కమిటీ ఆధ్వర్యంలో సురక్షిత్‌ బచ్చన్‌ అభియాన్‌ కార్యక్రమం నిర్వహించారు. ఈ సందర్భంగా ఆమె మాట్లాడుతూ విద్యార్థి దశ నుంచే చట్టాలపై అవగాహన పెంచుకోవాలని సూచించారు. కార్యక్రమంలో బార్‌ అసోసియేషన్‌ అధ్యక్షుడు కే శ్రీనివాస్‌, ప్రధాన కార్యదర్శి పాశం రవికుమార్‌, న్యాయవాదులు దేవరాజ్‌, సిబ్బంది, ఉపాధ్యాయులు, విద్యార్థులు తదితరులు పాల్గొన్నారు. చట్టాలపై అవగాహన ఉండాలి చట్టాలపై ప్రతి ఒక్కరికి అవగాహన ఉండాలని ప్రిన్సిపల్‌ జూనియర్‌ సివిల్‌ జడ్జి శాంతిలత అన్నారు. గురువారం వికారాబాద్‌లోని ఏపీఆర్‌ భ్రూంగి జూనియర్‌ కళాశాలలో జిల్లా న్యాయసేవాధికార సంస్థ ఆధ్వర్యంలో సురక్షిత్‌ బచ్చన్‌ అభియాన్‌ కార్యక్రమం నిర్వహించారు. ఈ సందర్భంగా ఆమె మాట్లాడుతూ.. బాల్య వివాహాలు చేయడం నేరమన్నారు. యువత మాదకద్రవ్యాలకు దూరంగా ఉండాలని సూచించారు. కార్యక్రమంలో న్యాయవాది శ్రీనివాస్‌, కళాశాల డైరెక్టర్లు శివప్రసాద్‌, కుమారస్వామి, ప్రిన్సిపాల్‌ మహేందర్‌ రెడ్డి తదితరులు పాల్గొన్నారు లైంగిక వేధింపులకు పాల్పడితే జైలు శిక్ష లైంగిక వేధింపులకు పాల్పడితే కఠిన చర్యలు తప్పవని పరిగి జూనియర్‌ సివిల్‌ కోర్టు జడ్జి నాగులశిల్ప హెచ్చరించారు. గురువారం పట్టణంలోని బాలికల ఉన్నత పాఠశాలలో మండల లీగల్‌ సర్వీస్‌ అథారిటీ ఆధ్వర్యంలో సురక్షిత్‌ బచ్‌పన్‌ అభియాన్‌ కార్యక్రమం నిర్వహించారు. ఆమె మాట్లాడుతూ.. బాలల హక్కులను ప్రతి విద్యార్థీ తెలుసుకోవాలన్నారు. కార్యక్రమంలో న్యాయవాదులు విజయ్‌కుమార్‌, లీగల్‌ ఏడ్‌ కౌన్సిల్‌ గౌస్‌పాష, కృష్ణ తదితరులు పాల్గొన్నారు. తాండూరు కోర్టు అడిషనల్‌ సివిల్‌ జడ్జి ప్రణయ

అనంతగిరి: రక్తదానం ప్రాణదానంతో సమానమని ఎస్పీ స్నేహ మెహ్ర అన్నారు. పోలీస్‌ ఫ్లాగ్‌ డే కార్యక్రమంలో భాగంగా జిల్లా పోలీస్‌ శాఖ ఆధ్వర్యంలో పట్టణంలోని కొండ బాలకృష్ణారెడ్డి ఫంక్షన్‌ హాల్‌లో బుధవారం మెగా రక్తదాన శిబిరం నిర్వహించారు. ఎస్పీ ముఖ్య అతిథిగా హాజరై దాతలను అభినందించారు. అనంతరం ఆమె మాట్లాడుతూ.. సమా జంలో శాంతిభద్రతల పరిరక్షణ, ప్రజల ప్రాణాలు, ఆస్తుల రక్షణ కోసం విధులు నిర్వర్తిస్తూ అమరులైన పోలీసుల త్యాగాలను స్మరించుకోవడం, వారి ఆశయాలకు అనుగుణంగా సామాజిక సేవా కార్యక్రమాలు చేపట్టడం ఈ కార్యక్రమం ప్రధాన ఉద్దేశమని తెలిపారు. కార్యక్రమంలో అదనపు ఎస్పీ రా జేష్‌ మీనా,డీఎస్పీ అంజయ్య, ఏఆర్‌ డీఎస్పీ వీరేష్‌, రెడ్‌క్రాస్‌ జిల్లా అధ్యక్షుడు సాయి చౌదరి, కార్యదర్శి డాక్టర్‌. సత్యనారాయణ గౌడ్‌, వికారాబాద్‌ టౌన్‌ ఇన్‌స్పెక్టర్‌ రఘు కుమార్‌, మోమిన్‌పేట్‌ సీఐ వెంకట్‌, ధారూర్‌ సీఐ రఘురాం, తాండూరు ఇన్‌స్పెక్టర్‌ పరమేశ్వర్‌, కరణ్‌కోట్‌ సీఐ ప్రవీణ్‌ కుమార్‌ తదితరులు పాల్గొన్నారు. మహిళల భద్రతకు ప్రాధాన్యత ఇవ్వాలి మహిళలు, బాలల భద్రతకు అత్యంత ప్రాధాన్యత ఇవ్వాలని ఎస్పీ స్నేహ మెహ్ర సూచించారు. తెలంగాణ రాష్ట్ర మహిళా భద్రతా విభాగం ఆధ్వర్యంలో జిల్లా మహిళా భద్రతా విభాగం ఏర్పాటు, పనితీరు, భరోసా కేంద్రాల నిర్వహణ, ఆర్థిక అంశాలు, టీఎస్‌ ఎస్‌ఓ పోర్టల్‌లో పెండింగ్‌ కేసులు తదితర అంశాలపై బుధవారం నిర్వహించిన వీడియో కాన్ఫరెన్స్‌లో పాల్గొన్నారు. కార్యక్రమంలో అదనపు ఎస్పీ రాజేశ్‌ మీనా, డీసీఆర్‌బీ డీఎస్పీ జానయ్య, ఏహెచ్‌టీయూ ఇన్‌స్పెక్టర్‌ అన్వర్‌ పాషా, భరోసా ఇన్‌స్పెక్టర్‌ ప్రమీల, ఎస్‌ఐలు పాల్గొన్నారు.

పోటీ పరీక్షలకు సిద్ధమవుతున్న వారికిస్టడీ మెటీరియల్‌ అందజేస్తున్న స్పీకర్‌అనిల్‌కు చెక్కు అందజేస్తున్న ప్రసాద్‌కుమార్‌ తాండూరు: కాంగ్రెస్‌ ప్రభుత్వం వచ్చాక 70వేల ఉద్యోగాలు భర్తీ చేసినట్లు స్పీకర్‌ గడ్డం ప్రసాద్‌కుమార్‌ తెలిపారు. తాండూరు పట్టణంలోని విలియం మూన్‌ స్కూల్‌లో బీఎంఆర్‌ ఫౌండేషల్‌ ఆధ్వర్యంలో పోటీ పరీక్షలకు సిద్ధమవుతున్న నిరుద్యోగ యువతకు 40 రోజులుగా శిక్షణ తరగతులు నిర్వహిస్తున్నారు. బుధవారం 250 మందికి ఫౌండేషన్‌ చైర్మన్‌, ఎమ్మెల్యే మనోహర్‌రెడ్డి సమకూర్చిన స్టడీ మెటీరియల్‌ పంపిణీ చేశారు. ఈ సందర్భంగా స్పీకర్‌ మాట్లాడుతూ.. నిరుద్యోగ యువతకు ఉచిత కోచింగ్‌ తోపాటు స్టడీ మెటీరియల్‌ అందించడం అభినందనీయమన్నారు. అభ్యర్థులు కష్టపడి చదవి ప్రభుత్వ ఉద్యోగాలు సాధించాలని ఆకాంక్షించారు. అనంతరం ఎమ్మెల్యే మనోహర్‌రెడ్డి మాట్లాడుతూ.. అభ్యర్థులు ఏకాగ్రతతో చదివి ఉద్యోగాలు సాధించాలని సూచించారు. కలెక్టర్‌ దీపక్‌ తివారి, ఎస్పీ స్నేహ మెహ్ర, మున్సిపల్‌ చైర్‌పర్సన్‌ పట్లోళ్ల నీరజాబాల్‌రెడ్డి, డీసీసీ అధ్యక్షుడు థారాసింగ్‌ జాదవ్‌, బీఎంఆర్‌ ఫౌండేషన్‌ నిర్వాహకులు తదితరులు పాల్గొన్నారు. చదువుకు పేదరికం అడ్డుకారాదు అనంతగిరి/మర్పల్లి: చదువుకు పేదరికం అడ్డుకారాదనే ఉద్దేశంతోనే తనవంతు ఆర్థిక సాయం అందిస్తున్నట్లు స్పీకర్‌ గడ్డం ప్రసాద్‌కుమార్‌ తెలిపారు. బుధవారం వికారాబాద్‌ పట్టణంలోని ఎమ్మెల్యే క్యాంపు కార్యాలయంలో మర్పిల్లి మండలం పట్లూర్‌ గ్రామానికి చెందిన మెగులయ్య కుమారుడు అనిల్‌ ఎంబీబీఎస్‌ చివరి సంవత్సరం చదువు కోసం రూ.లక్ష నగదు అందజేశారు. ఈ సందర్భంగా ఆయన మాట్లాడుతూ.. పేద విద్యార్థులకు అండగా ఉంటానని హామీ ఇచ్చారు. కార్యక్రమంలో కాంగ్రెస్‌ పార్టీ రాష్ట్ర నాయకుడు రాములు యాదవ్‌, పట్లూర్‌ ఎంపీటీసీ మాజీ సభ్యులు స్వప్న సురేష్‌, సోషల్‌ మీడియా రాష్ట్ర కో ఆర్డినేటర్‌ చామల రఘుపతి రెడ్డి తదితరులు పాల్గొన్నారు.

యాలాల: అభివృద్ధి, సంక్షేమమే ప్రజా ప్రభుత్వ లక్ష్యమని ఎమ్మెల్యే మనోహర్‌రెడ్డి అన్నారు. బుధవారం మండల కేంద్రంలో లబ్ధిదారులకు కల్యాణలక్ష్మి, షాదీముబారక్‌ చెక్కులు పంపిణీ చేశారు. ఈ సందర్భంగా ఆయన మాట్లాడుతూ.. రాష్ట్రంలో సంక్షేమ పథకాలు విజయవంతంగా అమలు చేస్తున్నట్లు తెలిపారు. రేషన్‌ కార్డులు, సన్నబియ్యం, ఉచిత కరెంటు, ఇందిరమ్మ ఇండ్లు తదితర పథకాలతో పేద ప్రజలకు దగ్గరవుతున్నట్లు తెలిపారు. అనంతరం ఎంపీడీఓ సమావేశ మందిరంలో ఎల్‌నినో ప్రభావంతో ఏర్పడనున్న నీటి ఎద్దడి అప్రమత్తత విషయంలో మంత్రి సీతక్క నిర్వహించిన వీడియో కాన్ఫరెన్స్‌ను ఎమ్మెల్యే వీక్షించారు. రానున్న కాలంలో ఎల్‌నినో కారణంగా తాగునీటి ఎద్దడి తీవ్రంగా ఉండనుందని, ఈ విషయంలో సర్పంచులు రీఛార్జ్‌ పిట్స్‌, నీటి వినియోగంపై అవగాహన కార్యక్రమాలు చేపట్టాలని సూచించారు. యాసంగిలో వరి పంటలకు బదులుగా ప్రత్యామ్నాయ పంటల సాగుపై దృష్టి పెట్టాలని రైతులకు సూచించాలన్నారు. కార్యక్రమంలో తహసీల్దార్‌ గాయత్రి, సొసైటీ చైర్మన్‌ అనిల్‌కుమార్‌, మాజీ చైర్మన్‌ సురేందర్‌రెడ్డి, పార్టీ మండల అధ్యక్షుడు మహిపాల్‌, మాజీ అధ్యక్షుడు భీమప్ప, సర్‌ నియోజకవర్గ కన్వీనర్‌ కరణం పురుషోత్తంరావు, సీనియర్‌ నాయకులు హన్మంతు, శ్రీధర్‌, మధుసూదన్‌రెడ్డి, పవన్‌కుమార్‌, ఖాసీం, రఘురాంరెడ్డి, కై లా రాఘవేందర్‌రెడ్డి, సోషల్‌ మీడియా ఇంచార్జీ గాజుల మన్నాన్‌ తదితరులు పాల్గొన్నారు.

హార్టికల్చర్‌ ఏడీఏ చంద్రశేఖర్‌ దౌల్తాబాద్‌: యాసంగి సీజన్‌లో రైతులు వరికి బదులుగా ప్రత్యామ్నాయ పంటలు సాగు చేయాలని హార్టికల్చర్‌ ఏడీఏ చంద్రశేఖర్‌ సూచించారు. బుధవారం దౌల్తాబాద్‌ రైతు వేదికలో ఉద్యాన, పట్టు పరిశ్రమ పంటల సాగుపై రైతులకు అవగాహన కల్పించారు. అనంతరం ఆయన మాట్లాడుతూ.. ఎల్‌నినో ప్రభావంతో వర్షాలు సరిగా కురవలేదని. రైతులు నీటి లభ్యత ఆధారంగా ఆరుతడి పంటలు సాగు చేయాలని సూచించారు. నీటి వనరులను కాపాడుకునేందుకు ఫాంపాండ్స్‌, ఇంకుడు గుంతలు, రీచార్జ్‌ పిట్‌ తవ్వుకోవాలన్నా రు. త్వరలో కొడంగల్‌లో ఆయిల్‌పామ్‌ ఫ్యాక్ట రీ ఏర్పాటు కానున్నందున రైతులు ఆయిల్‌ పా మ్‌ సాగుపై దృష్టి సారించాలన్నారు. కార్యక్రమంలో సర్పంచ్‌లు శ్రీనివాస్‌రెడ్డి, కూరరాజు రాంచందర్‌, రాములు, కేంద్ర స్కిల్‌ బోర్టు శాస్త్ర వేత్త తేజస్విని,ఉద్యాన శాఖ అధికారి సురేందర్‌నాథ్‌, హెచ్‌ఈఓ రాంరెడ్డి, సిబ్బంది మల్లికార్జున్‌, లక్ష్మణ్‌గౌడ్‌, నాయకులు వెంకట్రావు, వీరన్న, దస్తప్ప తదితరులు పాల్గొన్నారు. ఓటరుగా నమోదు చేసుకోండి మాజీ ఎమ్మెల్యే ఆనంద్‌ అనంతగిరి: రాబోయే ఎమ్మెల్సీ ఎన్నికల నేపథ్యంలో అర్హులైన పట్టభద్రులు ఓటరుగా తమ పేర్లను నమోదు చేసుకోవాలని మాజీ ఎమ్మెల్యే డాక్టర్‌ మెతుకు ఆనంద్‌ అన్నారు. బుధవారం వికారాబాద్‌ పట్టణంలోని సాయి డెంటల్‌ ఆస్పత్రి పీజీ విద్యార్థులకు నిర్వహించిన పట్టభద్రుల ఓటరు నమోదు కార్యక్రమంలో ఆయన పాల్గొన్నారు. ప్రతి ఒక్కరూ ఓటరుగా నమోదు చేసుకోవాలని సూచించారు. వీబీజీరామ్‌జీ పనులనుసద్వినియోగం చేసుకోవాలి సామాజిక తనిఖీ రాష్ట్ర డైరక్టర్‌ నిర్మల తాండూరు రూరల్‌: ఎల్‌నినో నేపథ్యంలో ప్రతి కూలీకి వీబీజీరామ్‌జీ పథకం పనులు కల్పించాలని సామాజిక తనిఖీ రాష్ట్ర డైరక్టర్‌ నిర్మల ఆదేశించారు. బుధవారం మండలంలోని అంతారంతండాలో సామాజిక తనిఖీ గ్రామ సభ నిర్వహించారు. ఈ సందర్భంగా ఆమె మాట్లాడుతూ.. సామాజిక తనిఖీలు పారదర్శకంగా నిర్వహించాలన్నారు. ప్రతి కూలీ జాబ్‌ కార్డుల కోసం దరఖాస్తు చేసుకోవాలని సూచించారు. కార్యక్రమంలో ఎంపీడీఓ విశ్వప్రసాద్‌, స్టేట్‌ రిసోర్స్‌ పర్సన్‌ ప్రదీప్‌కుమార్‌, ఏపీఏ నరోత్తంరెడ్డి, సర్పంచ్‌ రాంచంద్రర్‌ తదితరులు పాల్గొన్నారు. కొత్త మెనూ తయారు చేయాలి అనంతగిరి: ప్రస్తుత రేట్ల ప్రకారం వసతి గృహాల్లో కొత్త మెనూను తయారు చేయాలని హాస్టల్‌ వార్డెన్ల సంఘం జిల్లా ప్రతినిధులు కోరారు. బుధవారం ఈ మేరకు వికారాబాద్‌లో స్పీకర్‌ ప్రసాద్‌కుమార్‌, కలెక్టర్‌ దీపక్‌ తివారికి వినతిపత్రం అందజేశారు. ఈ సందర్భంగా వారు మాట్లాడుతూ.. ప్రభుత్వం 2024 డిసెంబర్‌లో డైట్‌ చార్జిలు పెంచడం జరిగిందన్నారు. అప్పటి నుంచి ఇప్పటివరకు అదే మెనూ అమలు చేస్తున్నట్లు తెలిపారు. ప్రస్తుతం ధరలు పెరిగినందున కొత్త మెనూను తయారు చేయాలన్నారు. కార్యక్రమంలో టీఎన్‌జీవో జిల్లా ప్రధాన కార్యదర్శి అజ్మత్‌ పాషా, హెచ్‌డబ్ల్యూఓ యూనియన్‌ జిల్లా అధ్యక్షుడు శుక్ల వర్ధన్‌రెడ్డి, కార్యదర్శి విజయ్‌కుమార్‌, టీఎన్‌జీవో కోశాధికారి రమేష్‌, ఉపాధ్యక్షుడు రవీందర్‌ తదితరులు పాల్గొన్నారు.

పరిగి: బాలల హక్కులను ప్రతి విద్యార్థీ తెలుసుకోవాల్సిన అవసరం ఉందని పరిగి జూనియర్‌ సివిల్‌ కోర్టు జడ్జి నాగుల శిల్ప అన్నారు. బుధవారం పట్ట ణంలోని నంబర్‌ –2 ఉన్నత పాఠశాలలో మండల లీగల్‌ సర్వీస్‌ అథారిటీ ఆధ్వర్యంలో సురక్షిత్‌ బచ్‌పన్‌ అభియాన్‌ కార్యక్రమం నిర్వహించారు. అనంతరం ఆమె మాట్లాడుతూ.. ప్రతి విద్యార్థిని చిన్ననాటి నుంచి గుడ్‌ టచ్‌ బ్యాడ్‌ టచ్‌ గురించి తెలుసుకోవాలన్నారు. బాల్య వివాహాలు, బాల కార్మిక వ్యవస్థ వంటి సామాజిక సమస్యల నిర్మూలనకు సమష్టి కృషి అవసరమని తెలిపారు. పిల్లలకు రక్షణతో కూడిన వాతావరణాన్ని కల్పించడంతో పాటు వారి హక్కులకు భంగం కలగకుండా చూడాల్సిన బాధ్యత ప్రతి ఒక్కరిపై ఉందన్నారు. పోక్సో చట్టాన్ని బాలలపై జరుగుతున్న లైంగిక దాడులను నిర్మూలించేందుకు తీసుకువచ్చిన చట్టమే అన్నారు. కార్యక్రమంలో మండల విద్యాధికారి అంజయ్య, పాఠశాల ప్రధానోపాధ్యాయుడు శంకర్‌నాయక్‌, బార్‌ అసోసియోషన్‌ అధ్యక్షుడు భక్తకుమార్‌, లీగల్‌ ఎయిడ్‌ కౌన్సిల్‌ గౌస్‌ పాష, న్యాయవాదులు శ్రీనివాస్‌, కృష్ణయ్య, కోర్టు సిబ్బంది పాల్గొన్నారు.

వికారాబాద్‌: కూరగాయలు, పండ్లు, పూలు, మాంసం, చేపలు వంటి అన్ని రకాల నిత్యావసర ఉత్పత్తులను ఒకే చోట ప్రజలకు అందుబాటులో ఉంచాలనే ఉద్దేశంతో గత ప్రభుత్వం సమీకృత మార్కెట్లకు శ్రీకారం చుట్టింది. జిల్లాలోని వికారాబాద్‌, తాండూరు, పరిగి, కొడంగల్‌ మున్సిపాలిటీల్లో నిర్మించాలని నిర్ణయించింది. ఆరేళ్ల క్రితం స్థలాలు ఎంపిక చేసి టెండర్‌ ప్రక్రియను పూర్తి చేసింది. వికారాబాద్‌లో పిల్లర్‌ స్థాయిలో.. తాండూరులో పునాదుల స్థాయిలో.. పరిగి స్లాబ్‌ దశలో ఆగిపోయాయి. కొడంగల్‌లో పనులు ప్రారంభం కాలేదు. వికారాబాద్‌ పట్టణంలో రూ.6 కోట్లతో పనులు చేపట్టారు. సకాలంలో నిధులు మంజూరు కాకపోవడంతో కాంట్రాక్టర్‌ మధ్యలో పనులు ఆపేశాడు. ప్రస్తుతం కూరగాయలు విక్రయించేందుకు రైతులు ఇబ్బంది పడుతున్నారు. ఎండకు ఎండుతూ, వానకు తడుస్తూ వ్యాపారం సాగిస్తున్నారు. జిల్లాలో అసంపూర్తిగా సమీకృత మార్కెట్‌ నిర్మాణాలు

బషీరాబాద్‌: వానలు కురవలేదు.. భూగర్భ జలాలు పెరగలేదు.. బోర్లలో నీటి నిల్వలు తగ్గుతున్నాయి. రబీ సాగు మొదలుకాకముందే రైతుల్లో ఆందోళన మొదలైంది. వేసవి ఇంకా రాకముందే తాగునీటి కష్టాలు తప్పవేమోనన్న భయాలు నెలకొన్నాయి. ఎల్‌నినో ప్రభావం, లోటు వర్షపాతం వెరసి జిల్లాలో కరువు ఛాయలు కమ్ముకున్నాయి. గత ఏడాది సెప్టెంబరుతో పోలిస్తే ఈ ఏడాది అదే నెలలో జిల్లాలో సగటు భూగర్భ జలమట్టం 5.79 మీటర్ల నుంచి 11.96 మీటర్లకు పడిపోయింది. అంటే నీరు భూమి ఉపరితలం నుంచి మరో 6.17 మీటర్ల లోతుకు వెళ్లింది. మరోవైపు ప్రభుత్వం జిల్లాలోని 20 మండలాలను కరువు ప్రభావిత ప్రాంతాలుగా ప్రకటించడంతో పరిస్థితి తీవ్రత స్పష్టమవుతోంది. ప్రమాద ఘంటికలు భూగర్భ జలాల గణాంకాలు ఆందోళన కలిగిస్తున్నాయి. దుద్యాలలో 25.95 మీటర్లు, మర్పల్లిలో 24.05 మీటర్లు, దోమలో 16.33 మీటర్లు,పెద్దే ముల్‌లో 15.61 మీటర్లు, బషీరాబాద్‌లో 15.38 మీటర్ల లోతుకు నీటిమట్టం పడిపోయింది. జిల్లాలో 20 మండలాల్లో 18 చోట్ల జలమట్టాలు తగ్గినట్లు గణాంకాలు సూచిస్తున్నాయి. వర్షాలు ఆశించిన స్థాయిలో కురవకపోవడంతో చెరువులు, కుంటల్లో నీటి నిల్వలు పెరగలేదు. ఫలితంగా భూగర్భ జలాల పునరుద్ధరణకు ఆటంకంఏర్పడింది. రానున్న నెలల్లో నీటి వినియోగం పెరిగితే పరిస్థితి మరింత ఇబ్బందికరంగా మారే ప్రమాదం ఉంది. కరువు కోరల్లో 20 మండలాలు వర్షపాతం లోటు, పంటల సాగు విస్తీర్ణం, నేలలో తేమ, భూగర్భ జలాల పరిస్థితి తదితర అంశాల ఆధారంగా ప్రభుత్వం కరువు మండలాలను గుర్తించింది. జిల్లాలో 11 మండలాలు తీవ్ర, 9 మండలా లు మధ్యస్థ కరువు ప్రభావిత ప్రాంతాలుగా వర్గీకరించినట్లు అందిన వివరాలు పేర్కొంటున్నాయి. కరువు ప్రకటన ఆరు నెలలపాటు అమల్లో ఉండనుంది. అయితే మండలాల వర్గీకరణ, ఉత్తర్వుల వివరాలను అధికారిక జాబితాతో సరిపోల్చాలి. రైతులకు రాయితీలు అందేనా? కరువు ప్రభావంతో నష్టపోయిన అర్హులైన రైతులకు పెట్టుబడి రాయితీ అందించే అవకాశం ఉంది. కేంద్ర విపత్తు సహాయ నిధుల నుంచి సాయం అందిన తర్వాత అర్హుల ఖాతాల్లో నగదు జమ చేయాలని నిబంధనలు సూచిస్తున్నాయి. పంట నష్టం అంచనా, అర్హతల పరిశీలన, నిధుల లభ్యత ఆధారంగా సాయం అందనుంది. తాగునీటి సరఫరా పెంపు, పశుగ్రాసం అందుబాటు, అవసరమైన చోట పశువుల శిబిరాలు, గ్రామీణ ఉపాధి పనులపై అధికారులు దృష్టి సారించాల్సి ఉంది. రబీ సాగుకు నీటి గండం! జలమట్టాలు తగ్గడంతో బోర్లు, బావులపై ఆధారపడే రైతులకు సాగునీటి ఇబ్బందులు ఎదురయ్యే అవకాశం ఉంది. పంటలకు సకాలంలో తడులు అందక దిగుబడులు తగ్గుతాయన్న ఆందోళన నెలకొంది. బషీరాబాద్‌ మండలం అల్లాపూర్‌, దామర్‌చెడ్‌, మైల్వార్‌ తదితర గ్రామాల్లో బోర్లపై ఆధారపడే రైతులకు నీటి లభ్యత కీలకంగా మారింది. తక్కువ నీటితో పండే పంటలకు ప్రాధాన్యమివ్వడం, బిందు, తుంపర సేద్యాన్ని అనుసరించడం ద్వారా నీటిని ఆదా చేయవచ్చని వ్యవసాయ అధికారులు సూచిస్తున్నారు. పొలం వద్దే వడ్ల కొనుగోళ్లు వానాకాలం వరి పంట కోతకు వస్తుండగా, రబీలో వరి సాగు చేయొద్దని సర్కారు ముందుగానే ప్రకటించింది. దీంతో వ్యాపారులు పొలాల వద్దకే వచ్చి వడ్ల కొనుగోలుకు అడ్వాన్సులు ఇస్తున్నట్లు రైతులు చెబుతున్నారు. సన్న వడ్లకు క్వింటాలుకు రూ. 4,500 నుంచి రూ.5 వేల వరకు చెల్లించేందుకు ముందుకొస్తు న్నట్లు సమాచారం. సన్నబియ్యం ధరలు పెరగడం, నీటి కొరత తో కూరగాయల ది గుబడులు తగ్గే అవ కాశాలు వినియోగదారులను కలవరపెడుతున్నాయి.ధరల పె రుగుదల కొనసాగితే సామాన్య కుటుంబాలపై అదనపు భారం పడనుంది. జిల్లాలో కోరలు చాచిన క్షామం జిల్లాలో భూ గర్భ జలాలు ఇలా.. మండలం గతేడాది సెప్టెంబర్‌లో ప్రస్తుతం తగ్గిన నీటి మట్టం (మిల్లీ మీటర్లలో) దోమ 3.1 16.33 13.32 మర్పల్లి 10.71 24.05 13.34 బషీరాబాద్‌ 5.42 15.38 9.96 దుద్యాల 15.98 25.95 9.97 పెద్దేముల్‌ 6.89 15.61 8.72 వికారాబాద్‌ 4.90 12.80 7.90 తాండూరు 3.0 9.53. 6.53 జిల్లా సగటు 5.79 11.96 6.17 నీటి పొదుపుతోనే ఊరట చెరువులు, కుంటల పునరుద్ధరణ, ఇంకుడు గుంతల వినియోగం, వర్షపు నీటిసంరక్షణకు ప్రాధాన్యమివ్వాలని అధికారులు సూచిస్తున్నారు. విచ్చలవిడిగా బోర్లు తవ్వకుండా నియంత్రణ చర్యలు చేపట్టాలని ఇఒప్పటికే ప్రభుత్వం ఆదేశాలు జారీ చేసింది. గ్రామాల్లో తాగునీటి వనరులను ముందుగానే పరిశీలించి ప్రత్యామ్నాయ ఏర్పాట్లు సిద్ధం చేసే పనిలో అధికారులు నిమగ్నమయ్యారు. భూగర్భ జలాల పరిస్థితిని క్రమం తప్పకుండా సమీక్షిస్తూ వేసవి కార్యాచరణ రూపొందిస్తున్నారు. ముందస్తు చర్యలు సమర్థంగా అమలైతేనే రైతులకు, గ్రామీణ ప్రజలకు కరువు కష్టాల నుంచి కొంత ఊరట లభిస్తుంది

ఇబ్రహీంపట్నం రూరల్‌: యువతి అదృశ్యమైన సంఘటన ఆదిభట్ల పోలీస్‌ స్టేషన్‌ పరిధిలో బుధవారం చోటు చేసుకుంది. సీఐ రమేష్‌ కథనం ప్రకారం.. అబ్దుల్లాపూర్‌మెట్‌ మండలం, తుర్కయంజాల్‌ ప్రభుత్వ పాఠశాల సమీపంలో సాజిదాబేగం మహ్మద్‌ అహ్మద్‌ కుటుంబం నివాసం ఉండేవారు. వీరి చిన్న కూతురు షహనాజ్‌బేగం ఇదే గ్రామానికి చెందిన మనీష్‌తో సన్నిహితంగా ఉండేది. గతంలో వీరిద్దరూ ఇంట్లో వాళ్లకు చెప్పకుండా వెళ్లిపోవడంతో వెతికి తీసుకువచ్చి, పెద్దల సమక్షంలో కౌన్సెలింగ్‌ ఇచ్చి పంపించారు. అప్పటి నుంచి ఇద్దరూ దూరంగానే ఉన్నారు. ఇదిలా ఉండగా ఈనెల 27న పనులపై వెళ్లిన తల్లిదండ్రులు రాత్రి ఇంటికి తిరిగివచ్చారు. ఇంట్లో షహనా కనిపించలేదు. దీంతో పోలీసులకు ఫిర్యాదు చేయగా, కేసు నమోదు చేసిన పోలీసులు దర్యాప్తు చేస్తున్నారు. హాస్టల్‌కు వెళ్తున్నానని.. కేశంపేట: ఓ బాలుడి అదృశ్యం ఘటన ఆలస్యంగా వెలుగులోకి వచ్చింది. పోలీసుల వివరాల ప్రకారం కాకునూరు గ్రామానికి చెందిన చాకలి నిఖిల్‌ చటాన్‌పల్లి శివారులోని గురుకుల పాఠశాలలో పదో తరగతి చదువుతూ హాస్టల్‌లో ఉండేవాడు. ఈనెల 5న పరీక్షలు ఉన్నాయంటూ ఇంటి నుంచి వసతిగృహానికి బయల్దేరాడు. ఇదే రోజు సాయంత్రం బాలుడి నానమ్మ బాలమ్మ హాస్టల్‌ సిబ్బందిని ఆరా తీయగా అక్కడికి రాలేదని చెప్పారు. నిఖిల్‌ తల్లిదండ్రులు ఏడేళ్ల క్రితమే చనిపోవడంతో ఇతని సోదరిని స్థానిక పాఠశాలలో చదివిస్తున్న నానమ్మ, నిఖిల్‌ను హాస్టల్‌లో వేసింది. గతంలో కూడా నిఖిల్‌ ఇలాగే వెళ్లి రావడంతో వస్తాడులే అని ఊరుకుంది. ఇరవై ఐదు రోజులు కావస్తున్నా బాలుడి ఆచూకీ తెలియకపోవడంతో బుధవారం పోలీసులకు ఫిర్యాదు చేసింది. కేసు నమోదు చేసి దర్యాప్తు చేస్తున్నట్లు ఎస్‌ఐ పరమేశ్‌ తెలిపారు. క్షవరం చేసుకునేందుకు వెళ్లి.. క్షవరం చేసుకునేందుకు వెళ్లిన వ్యక్తి అదృశ్యమైన సంఘటన మండల పరిధిలోని పాటిగడ్డలో చోటుచేసుకుంది. స్థానికులు, పోలీసులు తెలిపిన వివరాల ప్రకారం.. గ్రామానికి చెందిన ఆదూరి రాజారెడ్డి ఈనెల 25న క్షవరం చేయించుకునేందుకు కొత్తపేట వెళ్తున్నానని చెప్పి బయటకు వెళ్లాడు. రాత్రయినా తిరిగి రాలేదు. ఫోన్‌ చేయగా స్విచ్ఛాఫ్‌ వచ్చింది. బంధువులు, తెలిసిన వారి వద్ద వాకబు చేసిన రాజిరెడ్డి తమ్ముడు సుధాకర్‌రెడ్డి బుధవారం పోలీసులకు ఫిర్యాదు చేశారు. ఈ మేరకు మిస్సింగ్‌ కేసు నమోదైంది.

విపరీతమై కాలుష్యం పరిశ్రమ నుంచి విపరీతమైన కాలుష్యం వెలువడుతోంది. దీంతో సమీప గ్రామాల ప్రజలు రోగాల బారిన పడి, ఆస్పత్రుల చుట్టూ తిరుగుతున్నారు. కలుషిత నీరు చెరువుల్లోకి చేరి, చేపలు చనిపోతున్నాయి. వెంటనే పరిశ్రమను మూసేయాలి. – విజయ, ఉప సర్పంచ్‌, కందివనం ఫ్యాక్టరీని తరలించాలి పరిశ్రమ విడుదల చేస్తున్న కాలుష్యం కారణంగా పంటలు పూర్తిగా నాశనమవు తున్నాయి. భూగర్భ జలా లు కూడా విషతుల్యమై పశువులకు రోగాలు వస్తు న్నాయి. అధికారులు స్పందించి, కాలుష్యం వెదజల్లుతున్న ఫ్యాక్టరీని ఇక్కడి నుంచి తరలించాలి. – బాల్‌నర్సమ్మ, రైతు మూసేసే దాకా ఆందోళన దట్టమైన కాలుష్యం కారణంగా ప్రజలు, రైతులు అవస్థలు పడుతున్నారు. అధికారులు స్పందించి కాలుష్య పరిశ్రమపై చర్యలు తీసుకోవాలి. కాలుష్య పరిశ్రమను మూసి వేసే వరకు ఆందోళన కొనసాగిస్తాం. – అమృనాయక్‌, రైతు, కందినం షాద్‌నగర్‌: ‘పచ్చని పంట పొలాలకు కాలుష్యం చిచ్చు పెడుతోంది. దట్టమైన కాలుష్యపు పొగ చేల ను నాశనం చేస్తోంది. కాలువ ద్వారా పారుతున్న కలుషిత నీరు చెరువులోని చేపల మృతికి కారణమవుతోంది. మూగజీవాలతో పాటు గ్రామస్తులను సైతం వ్యాధుల బారిన పడేస్తోంది. ఇంతటి ప్రమాదకరమైన పరిశ్రుమను వెంటనే రద్దు చేయాలి’ అని కందివనం గ్రామస్తులు డిమాండ్‌ చేశారు. ఈ మేర కు బుధవారం ఫ్యాక్టరీ ఎదుట ధర్నా నిర్వహించా రు. కంపెనీని మూసేసే వరకూ ఆందోళన విరమించేది లేదన్నారు. ఫరూఖ్‌నగర్‌ మండలం మొగిలిగిద్ద పరిధిలో ఏర్పాటు చేసిన మెటల్‌ స్పాంజ్‌ ఐరన్‌ పరిశ్రమ తమకు జీవన్మరణ సమస్యగా మారిందని కందివనం సర్పంచ్‌ జెమిని, ఉప సర్పంచ్‌ విజయయాదగిరి, మాజీ సర్పంచ్‌ శివజ్యోతి, గోపాల్‌గౌడ్‌ తదితరులు ఆవేదన వ్యక్తంచేశారు. పొగబారుతున్న గ్రామాలు స్పాంజ్‌ ఐరన్‌ పరిశ్రమ వెదజల్లుతున్న కాలుష్యంతోం చుట్టు పక్కల ఉన్న కందివనం, చౌలపల్లి, గుండెగానితండా, పిట్టలగడ్డతండాలు పొగబారుతున్నాయని ఆందోళనకారులు ఆరోపించారు. గుట్టుచప్పుడు కాకుండా రాత్రి వేళల్లో విడుదల చేస్తున్న కాలుష్యంతో పంట పొలాలు నాశనమవుతున్నాయన్నారు. కందివనం పాఠశాల భవనం నల్లగా మారిపోతోందని విద్యార్థులు, ఉపాధ్యాయులు ఆవేదన వ్యక్తంచేస్తున్నారు. స్పాంజ్‌ ఐరన్‌ పరిశ్రమను మూసేయాలని కందివనంవాసుల డిమాండ్‌ మొగిలిగిద్ద శివారులోని ఫ్యాక్టరీ ఎదుట ధర్నా అధికారులు స్పందించాలని డిమాండ్‌

కొడంగల్‌: కొడంగల్‌లో డాక్టర్‌గా పనిచేసి ఎంతో మందికి ఉచితంగా సేవలు అందించిన డాక్టర్‌ కన్నోజు వెంకటేశ్వర్లు బుధవారం తెల్లవారుజామున మృతి చెందారు. ఆయన కొంత కాలంగా ఆరోగ్య సమస్యలతో బాధపడేవారు. డాక్టర్‌గా తన వృత్తి ధర్మంతో పాటు మదర్‌ థెరిస్సా సేవా సంఘం స్థాపించి పేదలకు సేవలందించారు. బహుజన రాజ్యం కోసం బహుజన లెప్ట్‌ ఫ్రంట్‌ పార్టీ నుంచి ఎమ్మెల్యేగా పోటీ చేసి ఓడిపోయారు. అనంతరం బీఎస్పీలో చేరి నియోజకవర్గ ఇన్‌ఛార్జీగా పని చేశారు. జీ 6 టీవీ స్థాపించి సమస్యలు వెలుగులోకి తెచ్చారు. హ్యూమన్‌ రైట్స్‌ కమిషన్‌ జిల్లా అధ్యక్షుడిగా పని చేశారు. బీఆర్‌ఎస్‌లో చేరి కొడంగల్‌ నియోజకవర్గ అధికార ప్రతినిధిగా చేశారు. ఆయన మృతి పట్ల పలువురు సంతాపం ప్రకటించారు. సెల్‌ ఫోన్‌కు ఛార్జింగ్‌ పెడుతూ.. షాక్‌కు గురై యువకుడి దుర్మరణం చేవెళ్ల: మొబైల్‌ ఫోన్‌కు ఛార్జింగ్‌ పెట్టే క్రమంలో విద్యుత్‌ షాక్‌కు గురై ఓ యువకుడు మృతిచెందాడు. పోలీసులు తెలిపిన వివరాలు ఇలా ఉన్నాయి. మధ్యప్రదేశ్‌ రాష్ట్రానికి చెందిన నాథునాథ్‌ తన భార్యాపిల్లలతో పాటు అల్లుడితో కలిసి బతుకు దెరువు కోసం నిమిత్తం ఐదు నెలల క్రితం హైదరాబాద్‌ వచ్చారు. మహ్మద్‌ షఫీ అనే వ్యక్తి వద్ద పనికి కుదిరి, వివిధ ప్రాంతాల్లో ప్రీకాస్ట్‌ పలకలు వేస్తున్నారు. ఇందులో భాగంగా బుధవారం నాథునాథ్‌ తన భార్య, ఓ కుమారుడు, కుమార్తెతో కలిసి శంకర్‌పల్లిలో పనులకు వెళ్లారు. మరో కుమారుడు రవినాథ్‌(18), అల్లుడు రాకేశ్‌నాథ్‌ చేవెళ్ల సమీపంలోని దామరగిద్ద సమీపంలోని వ్యవయసాయ పొలంలో ప్రీకాస్ట్‌ పనులు చేస్తున్నారు. ఈక్రమంలో రవినాథ్‌ తన మొబైల్‌ ఫోన్‌కు నేరుగా విద్యుత్‌ తీగలకు ఛార్జింగ్‌ పెట్టేందుకు ప్రయత్నిస్తుండగా షాక్‌కు గురై అక్కడికక్కడే మృతిచెందాడు. మృతదేహాన్ని చేవెళ్ల ప్రభుత్వ ఆస్పత్రికి తరలించి పోస్ట్‌మార్టం అనంతరం కుటుంబ సభ్యులకు అప్పగించారు. ఈ మేరకు కేసు నమోదు చేసి దర్యాప్తు చేస్తున్నారు.

● రూ.32 వేల జరిమానా ● తీర్పు వెల్లడించిన ఫాస్ట్‌ ట్రాక్‌ కోర్టు పహాడీషరీఫ్‌: పహాడీషరీఫ్‌ పోలీస్‌ స్టేషన్‌ పరిధిలో నమోదైన పోక్సో కేసులో నిందితుడికి ఎల్బీనగర్‌ పోక్సో కేసుల విచారణ ప్రత్యేక ఫాస్ట్‌ ట్రాక్‌ కోర్టు బుధవారం ఇరవై ఏళ్ల కఠిన కారాగార శిక్ష విధించింది. ఇన్‌స్పెక్టర్‌ బి.లక్ష్మీనారాయణ రెడ్డి తెలిపిన వివరాల ప్రకారం.. మహేశ్వరం మండలం దయ్యాలగూడెం తండాకు చెందిన జర్పుల గణేశ్‌ (25) ఓ మహిళతో సహజీవనం చేస్తూ ఆమె కుమార్తైపె కన్నేసి పలుమార్లు లైంగిక వేధింపులకు పాల్పడ్డాడు. ఎవరికై నా చెబితే తల్లికి సంబంధించిన అసభ్యకరమైన ఫోటోలు, వీడియోలు సోషల్‌ మీడియా లో వైరల్‌ చేస్తానని బెదిరించేవాడు. ఈ క్రమంలోనే 2024 అక్టోబర్‌ 29న బాలికను బలవంతంగా మామి డిపల్లిలోని నిర్మానుష్య ప్రాంతానికి తీసుకెళ్లి లైంగిక దాడికి పాల్పడి పరారయ్యాడు. బాలిక తల్లి ఇచ్చిన ఫిర్యాదు మేరకు నిందితుడిపై పోక్సో కేసు నమోదు చేసిన పోలీసులు కోర్టులో చార్జిషీట్‌ దాఖలు చేశారు. కేసును విచారించిన న్యాయమూర్తి నిందితుడికి ఇరవై ఏళ్ల జైలు శిక్ష, రూ.32 వేల జరిమానా విధిస్తూ తీర్పు వెలువరించారు. బాధితురాలికి రూ.1.50 లక్షల పరిహారం అందించాలని ఆదేశించారు.

ఇబ్రహీంపట్నం రూరల్‌: గ్రామీణ కూలీలు, రైతులకు వీబీజీరామ్‌జీ కింద పనులు కల్పించాలని, పెండింగ్‌ పనులను వేగవంతం చేయాలని అదనపు కలెక్టర్‌ డాక్టర్‌ కిరణ్మయి బుధవారం జిల్లా అధికారులకు సూచించారు. ఎల్‌నినో పరిస్థితులను సమర్థవంతంగా ఎదుర్కొనేందుక అవసరమైన చర్యలు చేపట్టాలన్నారు. అంతకుముందు రాష్ట్ర పంచాయతీరాజ్‌ శాఖ మంత్రి సీతక్క, సెర్ప్‌ సీఈఓ దివ్య దేవరాజన్‌, ప్రభుత్వ ప్రత్యేక ప్రధాన కార్యదర్శి దాన కిషోర్‌తో నిర్వహించిన వీడియో కాన్ఫర్స్‌కు హాజరయ్యారు. జిల్లాలో చేపట్టిన అంగన్‌వాడీ, పంచాయతీ భవనాలను నిర్ణిత కాలంలో పూర్తి చేస్తామని తెలిపారు. వీబీజీరామ్‌జీ పనులను విస్తతంగా కల్పించేందుకు నలభై మంది కూలీలకు ఒక మేట్‌ను నియమిస్తున్నామని మంత్రికి వివరించారు. పశుగ్రాసం పెంచే విధంగా, నీటి సంరక్షణ కోసం ప్రత్యేక చర్యలు తీసుకుంటున్నామన్నారు. కాన్ఫరెన్స్‌లో డీఆర్‌డీఓ శ్రీలత, జెడ్పీ సీఈఓ కృష్ణారెడ్డి, మిషన్‌ భగీరథ ఏస్‌ఈ రాజేశ్వర్‌రావు, డీపీఓ సురేష్‌ మోహన్‌, వ్యవసాయ శాఖ అధికారి సుజాత తదితరులు పాల్గొన్నారు. రంగారెడ్డి అదనపు కలెక్టర్‌ కిరణ్మయి

● సబ్బండ వర్గాల అభ్యున్నతికి ప్రభుత్వం కృషి ● ఎమ్మెల్యే రామ్మోహన్‌ రెడ్డి కుల్కచర్ల: బడుగు, బలహీన వర్గాల సంక్షేమానికి కాంగ్రెస్‌ ప్రభుత్వం కృషి చేస్తోందని పరిగి ఎమ్మెల్యే రామ్మోహన్‌ రెడ్డి అన్నారు. బుధవారం చౌడాపూర్‌ మండలం ఈర్లవాగు తండా, చౌడాపూర్‌ గ్రామాల్లో పలు అభివృద్ధి కార్యక్రమాలను ప్రారంభించారు. మండల కేంద్రంలో జరిగిన సర్వసభ్య సమావేశంలో పాల్గొన్నారు. ఈ సందర్భంగా ఆయన మాట్లాడుతూ.. అన్ని వర్గాల అభివృద్ధికి ప్రభుత్వం కట్టుబడి ఉందన్నారు. ఎల్‌నినో ప్రభావంతో కొంత ఇబ్బందికర పరిస్థితులు ఏర్పడ్డాయని తెలిపారు. సమర్థవంతంగా ఎదుర్కొందామని పిలుపునిచ్చారు. ప్రస్తుతం నీటి లభ్యత తక్కువగా ఉన్నందున ఆరుతడి పంటలు వేసుకోవాలని సూచించారు. అంతకుముందు కుల్కచర్లలో పటేల్‌ చెరువు తండావార్డుసభ్యులు, గ్రామస్తులు కాంగ్రెస్‌ పార్టీలో చేరారు. అనంతరం కుల్కచర్ల గ్రామానికి చెందిన మోత్కూరు వెంకటేష్‌ను పార్టీ మండల స్పోక్స్‌ పర్సన్‌గా, సాల్వీడు గ్రామానికి చెందిన లాలును మండల ప్రధాన కార్యదర్శిగా, కుల్కచర్లకు చెందిన కొమ్ము శ్రీనివాస్‌ను మండల సోషల్‌ మీడియా కన్వీనర్‌గా నియమించారు. కార్యక్రమంలో పీఏసీఎస్‌ చైర్మన్‌ భీంరెడ్డి, వైస్‌ చైర్మన్‌ ఆశోక్‌కుమార్‌, ఏఎంసీ చైర్మన్‌ ఆంజనేయులు, పార్టీ మండల కాంగ్రెస్‌ అధ్యక్షుడు గోపాల్‌ నాయక్‌, చౌడాపూర్‌ మండల అధ్యక్షుడు చంద్రశేఖర్‌, మండల ప్రత్యేకాధికారి ఉమేష్‌, తహసీల్దార్‌ వెంకటేశ్వర్లు, ఇంచార్జి ఎంపీడీఓ వెంకన్న, ఇంచార్జి ఎంపీఓ శ్రీనివాస్‌ రెడ్డి తదితరులు పాల్గొన్నారు.

● చౌడాపూర్‌లో పట్టభద్రులకు తప్పని తిప్పలు ● గెజిటెట్‌ అధికారుల సంతకాలు, ఒరిజినల్‌ మెమోలు కావాలంటూ కొర్రీలు కుల్కచర్ల: రానున్న పట్టభద్రుల ఎన్నికల్లో భాగంగా డిగ్రీ పూర్తి చేసుకున్న అభ్యర్థులు ఓటరుగా నమోదు చేసుకునేందుకు తీవ్ర ఇబ్బందులు పడుతున్నారు. చౌడాపూర్‌ మండలంలో ఈ పరిస్థితి నెలకొంది. ఇప్పటి వరకు పదుల సంఖ్యలో మాత్రమే ఓటరు దరఖాస్తులకు ఆమోదం లభించింది. ఇందుకు నిబంధనలే కారణమని తెలుస్తోంది. కొత్తగా డిగ్రీ పూర్తి చేసుకున్న వారు ఓటరుగా నమోదు చేసుకునేందుకు అవకాశం ఉంది. అయితే కొత్త ఓటర్ల నమోదుకు గెజిటెట్‌ అధికారుల సంతకాలు, ఒరిజినల్‌ మెమోలు కావాలంటూ మండల రెవెన్యూ అధికారులు చెబుతున్నట్లు తెలిసింది. వాటిని తహసీల్దార్‌ కార్యాలయంలో చూపించాలని చెబుతుండటంతో దిక్కుతోచని స్థితిలో పడ్డారు. ఇబ్బంది పడుతున్నాం పట్టభద్రుల ఓటరు నమోదుకు గెజిటెడ్‌ అధికారి సంతకం అవసరమని రెవెన్యూ అధికారులు చెప్పడం ఇబ్బందిగా మారింది. చౌడాపూర్‌ మండలంలో ఒకరిద్దరు మాత్రమే గెజిటెడ్‌ అధికారులు ఉన్నారు. ఉపాధ్యాయులు సంతకాలు పెట్టేందుకు నిరాకరిస్తున్నారు. అధికారులు వాస్తవ పరిస్థితులను గ్రహించి గ్రామస్థాయిలో బీఎల్‌ఓలతో పర్యవేక్షణ చేసి ఓటరుగా నిర్దారించే ప్రక్రియను చేపట్టాలి. – విజయకుమార్‌, చాకల్‌పల్లి నిబంధనల ప్రకారమే ఎన్నికల కమిషన్‌ నిబంధనల ప్రకారమే ప్రతి ఓటరు ఒరిజినల్‌ మెమోలు, జిరాక్స్‌ కాపీలపై గెజిటెడ్‌ అధికారుల సంతకాలు కోరుతున్నాం. క్షేత్రస్థాయిలో ఎదురవుతున్న ఇబ్బందులను జిల్లాస్థాయి అధికారుల దృష్టికి తీసుకెళ్తున్నాం. వారు సూచనల మేరకు ఓటర్ల నిర్దారణ ప్రక్రియ నిర్వహిస్తాం. – వెంకటేశ్వర్లు, తహసీల్దార్‌, చౌడాపూర్‌ మండలం ఓటుహక్కు ఇవ్వరట ఈ ఫొటోలో ఉన్న వ్యక్తి కల్మన్‌కాల్వ గ్రామ యువకుడు మడుగు శివకుమార్‌. ఉద్యోగ అన్వేషణలో భాగంగా హైదరాబాద్‌లో కోచింగ్‌ తీసుకుంటున్నాడు. పట్టభద్రుల ఓటుహక్కు నమోదులో భాగంగా తన భార్యతో కలిసి ఆన్‌లైన్‌లో దరఖాస్తు చేసుకున్నాడు. అధికారులు ఫోన్‌లో భార్య వివరాలు తెలుసుకుని నిర్దారణ చేయగా.. నివాస ధ్రువ పత్రాలలో ఏదైనా ఒకటి జిరాక్స్‌, మెమో జిరాక్స్‌ తీసుకుని వాటిపై గెజిటెడ్‌ అధికారి సంతకాలు చేయించి తమకు ఇవ్వాలని శివకుమార్‌కు చెప్పడంపై ఆందోళన వ్యక్తం చేస్తున్నారు.

తాండూరు టౌన్‌: పట్టణ పరిధిలో కుక్కల జనన నియంత్రణకు చర్యలు చేపట్టినట్లు మున్సిపల్‌ చైర్‌పర్సన్‌ పట్లోళ్ల నీరజ తెలిపారు. బుధవారం బ్లూక్రాస్‌ సొసైటీ సౌజన్యంతో, మున్సిపాలిటీ ఆధ్వర్యంలో సాయిపూర్‌, మాణిక్‌నగర్‌, పాత కూరగాయల మార్కెట్‌ ప్రాంతాల్లో సిబ్బంది పలు కుక్కలను పట్టుకున్నారు. కుక్కల బెడద నుంచి ప్రజలను రక్షించుటలో భాగంగా వాటి జనన నియంత్రణ చర్యలు చేపడుతున్నట్లు చెప్పారు. వివాహిత ఆత్మహత్య బంట్వారం: వివాహిత ఉరి వేసుకొని ఆత్మహత్య చేసుకుంది. ఈ ఘటన బుధవారం మండలంలోని సల్బత్తాపూర్‌లో చోటుచేసుకుంది. వివరాలు ఇలా ఉన్నాయి. గ్రామానికి చెందిన బీ నందిని(20)కి ఇదే ఊరికి చెందిన ఏ బసప్పతో ఆరు నెలల క్రితం వివాహం జరిగింది. సాయంత్రం బాత్‌రూంకు వెళ్లిన నందిని చాలా సేపటి వరకు బయటికి రాలేదు. కుటుంబీకులు పైకప్పు తొలగించి చూడగా విగత జీవిగా కనిపించింది. ఈ ఘటనపై తమకు ఎలాంటి అనుమానం లేదని మృతురాలి సోదరుడు శివకుమార్‌ పోలీసులకు తెలిపారు. ఈ మేరకు కేసు నమోదు చేసుకుని దర్యాప్తు చేస్తున్నట్లు ధారూరు సీఐ రఘురాములు తెలిపారు. పర్వేద నీటి పొదుపు చర్యలు భేష్‌ మంత్రి సీతక్క కితాబు రంగారెడ్డి అడిషనల్‌ కలెక్టర్‌ చంద్రారెడ్డి ఆమనగల్లు: ఓటు చోరీకి వ్యతిరేకంగా కాంగ్రెస్‌ పార్టీ ఆధ్వర్యంలో నవంబర్‌ 1న ఢిల్లీలోని రామ్‌లీలా మైదానంలో నిర్వహించనున్న ధర్నాకు కేంద్ర ప్రభుత్వం అడ్డంకులు సృష్టిస్తోందని కల్వకుర్తి ఎమ్మెల్యే కసిరెడ్డి నారాయణరెడ్డి ఆరోపించారు. నియోజకవర్గానికి చెందిన పలువురికి బుధవారం నగరంలోని తన నివాసంలో సీఎంఆర్‌ఎఫ్‌ చెక్కులు అందజేశారు. ఈ సందర్భంగా ఆయన మాట్లాడుతూ.. ఎన్ని అడ్డంకులు సృష్టించినా ఢిల్లీకి తరలివెళ్తామని స్పష్టంచేశారు. అనంతరం పలువురు నాయకులతో కలిసివెళ్లి మంత్రి పొంగులేటి శ్రీనివాస్‌రెడ్డిని జన్మదిన శుభాకాంక్షలు తెలిపారు. ఆయన వెంట పీసీసీ సభ్యులు అయిల శ్రీనివాస్‌గౌడ్‌, బ్లాక్‌ కాంగ్రెస్‌ అధ్యక్షుడు యాట నర్సింహ, డీసీసీ ఉపాధ్యక్షుడు గూడురు శ్రీనివాస్‌రెడ్డి, నాయకులు బట్టు కిషన్‌రెడ్డి, కసిరెడ్డి శ్రీనివాస్‌రెడ్డి తదితరులు పాల్గొన్నారు.

కొడంగల్‌ రూరల్‌: విద్యార్థులు చదువుతోపాటు క్రీడల్లో రాణించాలని మున్సిపల్‌ చైర్మన్‌ నందారం ప్రశాంత్‌కుమార్‌ అన్నారు. బుధవారం పట్టణంలోని జిల్లా పరిషత్‌ బాలుర ఉన్నత పాఠశాల ఆవరణలో 70వ స్కూల్‌ గేమ్స్‌ ఫెడరేషన్‌ జిల్లా స్థాయి కబడ్డీ పోటీలను ప్రారంబించారు. ఈ సందర్బంగా ఆయన మాట్లాడుతూ.. క్రీడలతో మానసిక, శారీరక ఉల్లాసం పొందవచ్చని తెలిపారు. నియోజకవర్గ విద్యార్థులు పోటీల్లో రాణించి జిల్లా, రాష్ట్ర, జాతీయ స్థాయిలో ఈ ప్రాంతానికి పేరు తేవాలని ఆకాంక్షించారు. కార్యక్రమంలో ఎంఈఓ రాంరెడ్డి, జిల్లాలోని వివిధ పాఠశాలల ఉపాధ్యాయులు, పీఈటీలు, పీడీలు, ఎన్‌సీసీ బృందం సభ్యులు, క్రీడాకారులు, విద్యార్థులు పాల్గొన్నారు.మున్సిపల్‌ చైర్మన్‌ ప్రశాంత్‌కుమార్‌

ఇబ్రహీంపట్నం రూరల్‌: జిల్లా గెజిటెడ్‌ అధికారుల సంఘం సభ్యత్వ నమోదును విజయవంతం చేయాలని ఆ సంఘం జిల్లా అధ్యక్షుడు రామారావు, కార్యదర్శి శ్రీనేష్‌కుమార్‌ కోరారు. ఈ మేరకు బుధవారం కలెక్టరేట్‌లో టీజీఓఎస్‌ కార్యవర్గ సమావేశం నిర్వహించారు. ఈ సందర్భంగా సభ్యత్వ నమోదు, హౌసింగ్‌ సొసైటీ ఏర్పాటు, నూతన సభ్యుల చేరిక, 2027–డైరీ, క్యాలెండర్‌ సేకరణపై ఏకగ్రీవ తీర్మానం చేశారు. అనంతరం సంఘం కోశాధికారిగా దేదీప్య రేవతి, వైస్‌ ప్రెసిడెంట్లుగా రాకేష్‌, శ్రీనివాస్‌, మహిళా వైస్‌ ప్రెసిడెంట్‌గా సైదమ్మ, జాయింట్‌ సెక్రటరీలుగా మహేశ్వర్‌, సూర్య, కల్చరల్‌ సెక్రటరీగా జ్యోత్స్న, ఆఫీస్‌ సెక్రటరీగా విక్టోరియా రాణి, ఈసీ మెంబర్‌గా దీప్తిని ఎన్నకున్నారు. ఈకార్యక్రమంలో నూతనకంటి వెంకట్‌, నర్సిరెడ్డి, శాంతిశ్రీ, నాగేశ్వర్‌రావు, రాకేష్‌, అనిత తదితరులు పాల్గొన్నారు .

కుల్కచర్ల: మండల కేంద్రంలోని జెడ్పీ బాలుర పాఠశాలలో ఈ నెల 30న జిల్లాస్థాయి వాలీబాల్‌ పోటీలు నిర్వహించనున్నట్లు పీడీ ప్రవీణ్‌ మంగళవారం ఒక ప్రకటనలో తెలిపారు. బాలుర, బాలికల విభాగంలో పోటీలు ఉంటాయన్నారు. ఈ కార్యక్రమానికి పరిగి ఎమ్మెల్యే రామ్మోహన్‌ రెడ్డి ముఖ్యఅతిథిగా హాజరుకానున్నారని తెలిపారు. అడిషనల్‌ కలెక్టర్‌ వెంకటాచారి, ఆర్డీఓ వాసుచంద్ర దోమ: ఇండస్ట్రియల్‌ పార్కు కోసం భూములిచ్చిన రైతులకు ఆర్‌అండ్‌ఆర్‌ ప్యాకేజీ కింద న్యాయం జరిగేలా చూస్తామని అడిషనల్‌ కలెక్టర్‌ వెంకటాచారి, ఆర్డీఓ వాసుచంద్ర తెలిపారు. మంగళవారం మండలంలోని దిర్సంపల్లిలో రైతులతో సమావేశమై ప్యాకేజీపై చర్చించారు. భూములు ఇచ్చే రైతులకు ప్రభుత్వం అండగా ఉంటుందన్నారు. ట్రైనీ డిప్యూటీ కలెక్టర్‌ చంద్రకిరణ్‌ బంట్వారం: భూ భారతి రీ సర్వేతో ఏళ్ల నాటి సమస్యలకు పరిష్కారం లభిస్తుందని ట్రైనీ డిప్యూటీ కలెక్టర్‌ పెండాల్య చంద్రకిరణ్‌ అన్నారు. మంగళవారం కోట్‌పల్లి మండలం బుగ్గాపూర్‌ రైతు వేదికలో భూ భారతి చట్టంపై అవగాహన సదస్సు నిర్వహించారు. ఈ సందర్భంగా ఆయన మాట్లాడుతూ.. సర్వే సమయంలో రైతులు తప్పని సరిగా ఉండాలన్నారు. మొదట గ్రామ శివారు భూమి, తర్వాత గ్రామ కంఠం భూములను సర్వే చేసి హద్దులు ఏర్పాటు చేస్తారన్నారు. పట్టా భూముల్లో నిర్మించిన ఇళ్లకు కొలతలు చేస్తారన్నారు. టైటిల్‌ ఆధా రంగా సర్వే నంబర్లను గుర్తించి, డిజిటల్‌ సర్వే చేస్తారన్నారు. ఇందుకు రైతులు సహకరించాలన్నారు. కార్యక్రమంలో ఆర్‌ఐ నరేష్‌కుమార్‌, జీపీఓలు లవకుమార్‌, నారాయణ, జూనియర్‌ అసిసెంట్‌ బాలరాజ్‌, రైతులు పాల్గొన్నారు. డీఆర్‌డీఓ శ్రీనివాస్‌ మోమిన్‌పేట: మండలంలో చేపట్టిన జలసిరి పనులను వెంటనే పూర్తి చేయాలని డీఆర్‌డీఓ శ్రీ నివాస్‌ సూచించారు. మంగళవారం చక్రంపల్లి, దేవరంపల్లి, అంరాధికలాన్‌, రాళ్లగుడుపల్లి, కే సారం, గోవిందాపూర్‌, సయ్యద్‌ అల్లీపూర్‌ తదితర గ్రామాల్లో చేయూత లబ్ధిదారుల ఎంపిక, జలసిరి పనులను పరిశీలించారు. ఈ సందర్భంగా ఆయన మాట్లాడుతూ.. ప్రతి గ్రామంలో ఎండిన బోరుబావులను రీచార్జ్‌ చేయాలన్నారు. సా మాజిక ఇంకుడు గుంతలు, ఫాం పాండ్లు నిర్మించుకోవాలని సూచించారు. అర్హులైన వారికి పింఛన్లు మంజూరవుతాయని పేర్కొన్నారు. కార్యక్రమంలో ఎంపీడీఓ సృజనా సాహిత్య, ఏపీఎం మధుకర్‌, ఏపీఓ శంకర్‌, టీఏలు పాల్గొన్నారు. ఆరుతడి పంటలు సాగు చేయాలి మంచాల: ఎల్‌నినో ప్రభావాన్ని దృష్టిలో ఉంచుకొని రైతులు ఆరుతడి పంటలు సాగు చేయాలని జిల్లా వ్యవసాయాధికారి సుజాత అన్నారు. మండల కేంద్రంలోని రైతు వేదిక భవనంలో మంగళవారం అవగాహన సదస్సు నిర్వహించారు. ఈ సందర్భంగా ఆమె మాట్లాడుతూ.. ఇప్పటికే 15శాతం బోరు బావులు ఎండిపోయాయని, భవిష్యత్‌లో మరో 40 శాతం ఎండిపోయే ప్రమాదం ఉందన్నారు. భూగ ర్భ జలాలు తగ్గిపోయి సాగు నీరే కాదు, తాగు నీటి సమస్య కూడా తీవ్రరూపం దాల్చనుందన్నారు. రైతులు పరిస్థితులకు అనుగుణంగా పంటలు సాగు చేయాలని సూచించారు. ఉద్యాన శాఖ ద్వారా డ్రిప్‌లు, స్ప్రింక్లర్లు సబ్సిడీపై అందించడం జరుగుతుందన్నారు. తక్కువ నీటితో ఎక్కువ విస్తీర్ణంలో పంటలు సాగు చేసుకోవడానికి అవకాశం ఉందన్నారు. కార్యక్రమంలో పీఏసీఎస్‌ చైర్మన్‌ హన్మంత్‌ రెడ్డి, కృషి విజ్ఞాన కేంద్రం శాస్త్రవేత్త శ్రీకృష్ణ, ఉద్యాన శాఖ జిల్లా అధికారి సురేష్‌ పాల్గొన్నారు.

బొంరాస్‌పేట: రాష్ట్ర స్థాయి రైతుమేళాను ఆదర్శంగా నిర్వహించి సీఎం రేవంత్‌రెడ్డితో శభాష్‌ అనిపించుకుందామని కలెక్టర్‌ దీపక్‌ తివారి అన్నారు. నవంబర్‌ 7, 8, 9 తేదీల్లో సుమారు 50వేల మంది, 200 స్టాళ్లతో కార్యక్రమం నిర్వహించనున్నట్లు తెలిపారు. దుద్యాల మండలం హకీంపేట సమీపంలో కొనసాగుతున్న ఏర్పాట్లను మంగళవారం ఎస్పీ స్నేహమెహ్ర, అదనపు కలెక్టర్‌ ఉమాశంకర ప్రసాద్‌, ట్రైనీ కలెక్టర్‌ సచిన్‌ బస్వరాజ్‌ గుట్టూరు, కడా ప్రత్యేకాధికారి వెంకట్‌రెడ్డితో కలిసి పరిశీలించారు. రైతు మేళాలో వ్యవసాయ అనుబంధ శాఖల ఆధ్వర్యంలో 200 స్టాళ్లను ఏర్పాటు చేయనున్నారు. ఆధునిక వ్యవసాయం, యంత్రాలు, సాగు విధానంపై అవగాహన కల్పించనున్నారు. ఈ కార్యక్రమాన్ని ముఖ్యమంత్రి రేవంత్‌రెడ్డి ప్రారంభించనున్నారు. చివరి రోజు సుమారు 50వేల మందిలో నిర్వహించే భారీ బహిరంగ సభకు సీఎం, మంత్రులు, ఎమ్మెల్యేలు, శాస్త్రవేత్తలు హాజరుకానున్నారు. కార్యక్రమంలో తాండూరు ఆర్‌డీఓ అనిత, డీఏఓ కవిత, తహసీల్దారు కిషన్‌నాయక్‌ తదితరులు పాల్గొన్నారు. నవంబర్‌ 7, 8, 9 తేదీల్లో కార్యక్రమాలు ఆదర్శంగా నిర్వహిద్దాం కలెక్టర్‌ దీపక్‌ తివారి స్థల పరిశీలన చేసిన అధికారుల బృందం

పరిగి: నేరాల నియంత్రణకు పటిష్ట చర్యలు తీసుకోవాలని ఎస్పీ స్నేహ మెహ్ర సూచించారు. మంగళవారం పరిగి డీఎస్పీ కార్యాలయాన్ని తనిఖీ చేశారు. రికార్డులు, కేసుల ఫైళ్లను పరిశీలించారు. అనంతరం ఆమె మాట్లాడుతూ.. సిబ్బందిని సమన్వయం చేసుకుంటూ నేరాల నియంత్రణకు కృషి చేయాలన్నారు. పెండింగ్‌ కేసుల దర్యాప్తులో వేగం పెంచి నిర్ణీత సమయంలో పరిష్కరించాలని ఆదేశించారు. ఆస్తి, మహిళలు, చిన్నారుల కేసుల దర్యా ప్తులో ప్రత్యేక శ్రద్ధ వహించాలన్నారు. సీసీ కెమెరాల సంఖ్య పెంచాలని సూచించారు. సైబర్‌ నేరాల ఫిర్యాదులపై తక్షణం స్పందించాలన్నారు. కార్యక్రమంలో డీఎస్పీ శ్రీనివాస్‌, పరిగి సీఐ కొండల్‌రెడ్డి, సీఐ చంద్రశేఖర్‌రెడ్డి తదితరులు పాల్గొన్నారు. లక్ష్యం దిశగా చదవాలి కొడంగల్‌ రూరల్‌: క్రమశిక్షణ, పట్టుదలతో చదివితే పోలీస్‌ ఉద్యోగం సాధించవచ్చని ఎస్పీ స్నేహ మెహ్ర అన్నారు. పట్టణంలోని ప్రభుత్వ జూనియర్‌ కళాశాలలో కానిస్టేబుల్‌, ఎస్‌ఐ ఉద్యోగాల కోసం నిర్వహిస్తున్న ఉచిత శిక్షణ శిబిరాన్ని మంగళవారం సందర్శించి అభ్యర్థులకు పలు సూచనలు అందించారు. కార్యక్రమంలో కడా ప్రత్యేకాధికారి వెంకట్‌రెడ్డి, పరిగి డీఎస్పీ శ్రీనివాస్‌, మున్సిపల్‌ చైర్మన్‌ నందారం ప్రశాంత్‌కుమార్‌, సీఐలు, ఎస్‌ఐలు, పోలీసు సిబ్బంది పాల్గొన్నారు. పెండింగ్‌ కేసులపై ప్రత్యేక దృష్టి సారించాలి ఎస్పీ స్నేహమోహ్ర పోలీస్‌ అమరవీరుల త్యాగం ఎప్పటికీ మరచిపోలేమని ఎస్పీ స్నేహామెహ్ర అన్నారు. పోలీస్‌ ప్లాగ్‌ డే కార్యక్రమంలో భాగంగా మంగళవారం రాత్రి పరిగి బస్టాండ్‌ నుంచి అంబేడ్కర్‌ విగ్రహం వరకు క్యాండిల్‌ ర్యాలీ నిర్వహించారు. అమరవీరులకు నివాళులర్పించారు. అనంతరం ఆమె మాట్లాడుతూ.. దేశం కోసం, విధి నిర్వహణలో ప్రాణాలర్పించిన పోలీసుల త్యాగాలు ఎన్నటికీ మరవలేనివమన్నారు. కార్యక్రమంలో అడిషనల్‌ ఎస్పీ రాజేష్‌మీనా, డీఎస్పీ శ్రీనివాస్‌, డీటీసీ డీఎస్పీ శ్రీనివాసులు, సీఐలు, ఎస్సైలు తదితరులు పాల్గొన్నారు.

సమస్యల పరిష్కారమే.. తాండూరు పరిశుభ్రత, ప్రజా సమస్యలపరిష్కారమే లక్ష్యమని ఎమ్మెల్యే మనోహర్‌రెడ్డి అన్నారు. సాక్షి, రంగారెడ్డిజిల్లా: వర్షాభావ పరిస్థితుల నేపథ్యంలో ఉమ్మడి జిల్లాలో కరువు ప్రభావిత మండలాలను ప్రభుత్వం ప్రకటించింది. ఈ మేరకు మంగళవారం ఉత్తర్వులు జారీ చేసింది. లోటు వర్షపాతం నమోదైన మండలాలు సహా భూగర్భ జలాలు వేగంగా పడిపోతున్న మండలాలను ఈ జాబితాలో చేర్చింది. ఉమ్మడి జిల్లాలో మొత్తం 38 మండలాలను కరువు ప్రభావిత ప్రాంతాలుగా నిర్ధారించింది. వీటిలో 16 మండలాలను తీవ్ర కరువు ప్రభావిత మండలాలుగా, మిగిలిన మండలాలను సాధారణ కరువు ప్రభావిత మండలాలుగా గుర్తించింది. ఆయా మండలాల్లో తాగునీటి సరఫరా, నిత్యావసరాల పంపిణీ, యాసంగిలో వరికి ప్రత్యామ్నాయంగా చేపట్టాల్సిన పంటల సాగుపై దృష్టి సారించాల్సిందిగా సంబంధిత జిల్లాల అధికారులకు ఆదేశాలు జారీ చేసింది. జిల్లాల వారీగా.. రంగారెడ్డి జిల్లాలో 27 మండలాలు ఉండగా, వీటిలో 18 కరువు మండలాలుగా నిర్ధారించింది. వీటిలో గండిపేట్‌, రాజేంద్రనగర్‌, హయత్‌నగర్‌, అబ్దుల్లాపూర్‌మెట్‌, కొత్తూరు మండలాలను అతి తీవ్ర కరువు ప్రభావిత ప్రాంతాలుగా, బాలాపూర్‌, సరూర్‌నగర్‌, ఇబ్రహీంపట్నం, యాచారం, ఆమనగల్లు, కేశంపేట, కందుకూరు, మహేశ్వరం, శంషాబాద్‌, చేవెళ్ల, షాబాద్‌, ఫరూఖ్‌నగర్‌, జిల్లేడు చౌదరిగూడను సాధారణ కరువు ప్రభావిత ప్రాంతాలుగా ప్రకటించింది. వికారాబాద్‌ జిల్లాలోని మొత్తం మండలాలను కరువు ప్రభావిత మండలాలుగా ప్రకటించింది. వీటిలో మర్పల్లి, నవాబ్‌పేట, కుల్కచర్ల, దోమ, బంట్వారం, పెద్దేముల్‌, తాండూరు, బషీరాబాద్‌, యాలాల, కొడంగల్‌, దౌల్తాబాద్‌ మండలాలను తీవ్ర కరువు ప్రభావిత ప్రాంతాలుగా గుర్తించింది. ఇక మోమిన్‌పేట, వికారాబాద్‌, పరిగి, ధారూరు, బొంరాస్‌పేట, దుద్యాల, కొట్‌పల్లి, పూడూరు, చౌడాపూర్‌ మండలాలను సాధారణ కరువు ప్రభావిత ప్రాంతాలుగా ప్రకటించింది. వికారాబాద్‌ జిల్లాలో 20 రంగారెడ్డి జిల్లాలో 18 ప్రకటించిన ప్రభుత్వం ప్రత్యామ్నాయ చర్యలు చేపట్టాలని అధికార యంత్రాంగానికి ఆదేశాలుఆయా మండలాల పరిధిలో వరికి ప్రత్యామ్నాయంగా ఆరు తడిపంటలను సాగు చేయించేలా రైతులకు అవగాహన కల్పించాల్సిందిగా ఆదేశాలు జారీ చేసింది. వచ్చే వేసవిని దృష్టిలో పెట్టుకుని తాగునీటి సరఫరాకు ఇబ్బందులు తలెత్తకుండా ఇప్పటి నుంచే ప్రత్యామ్నాయ చర్యలు చేపట్టాల్సిందిగా సూచించింది. అంతేకాకుండా పౌరసరఫరాల శాఖ నుంచి ప్రతి నెలా పేదలకు సరఫరా చేసే బియ్యం, ఇతర నిత్యావసరాలు సహా పశువుల మేత వంటి అంశాలపై కూడా దృష్టి సారించాల్సిందిగా పేర్కొంది. ఈ మేరకు మండలాల వారీగా సమగ్ర నివేదిక సిద్ధం చేయాల్సిందిగా స్పష్టం చేసింది.

అనంతగిరి: మోదీ సుపరిపాలన చూసి ఓర్వలేక కాంగ్రెస్‌ పార్టీ జాతీయ అధ్యక్షుడు మల్లికార్జున ఖర్గే లేనిపోని ఆరోపణలు చేస్తున్నారని బీజేపీ జిల్లా అధ్యక్షుడు రమేష్‌ కుమార్‌ ఆగ్రహం వ్యక్తం చేశారు. ప్రధాని, అతని తండ్రిపై అనుచిత వ్యాఖ్యలు చేయడం సమంజసం కాదన్నారు. మంగళవారం వికారాబాద్‌లోని ఎన్టీఆర్‌ చౌరస్తాలో కాంగ్రెస్‌ పార్టీ దిష్టి బొమ్మ దహన కార్యక్రమం నిర్వహించారు. ఈ సందర్భంగా ఆయన మాట్లాడుతూ.. మోదీ స్వచ్ఛమైన నాయకుడన్నారు. ఆయనపై బురదజల్లే ప్రయత్నం చేస్తున్నారని మండిపడ్డారు. ఇప్పటికై నా అనవసర ఆరోపణలు చేయడం మానుకోవాలని హితవు పలికారు. కాంగ్రెస్‌ కుట్రలను ప్రజలు గమనిస్తున్నారని తెలిపారు. రాబోయే రోజుల్లో ఆ పార్టీకి ప్రజలే బుద్ధి చెబుతారన్నారు. పోలీసులు దిష్టి బొమ్మ దహనాన్ని అడ్డుకున్నారు. బీజేపీ నాయకులను అరెస్టు చేసి పోలీస్‌ స్టేషన్‌ కు తరలించారు. కార్యక్రమంలో పార్టీ పట్టణ అధ్యక్షురాలు యాస్కీ శిరీష, రాష్ట్ర నాయకులు శివరాజ్‌, పాండు గౌడ్‌, భద్రేశ్వర్‌, కేశవులు, అనిల్‌ కుమార్‌ యాదవ్‌, వివేకానంద రెడ్డి, శ్రీధర్‌ రెడ్డి, నవీన్‌ కుమార్‌, మల్లేశ్‌, పటేల్‌ మల్లేశం, సాయి చరణ్‌ రెడ్డి, హరికృష్ణ, శ్రీకాంత్‌ రెడ్డి, రమేష్‌, ఆంజనేయులు తదితరులు పాల్గొన్నారు. బీజేపీ జిల్లా అధ్యక్షుడు రమేష్‌ కుమార్‌ వికారాబాద్‌లో నిరసన కార్యక్రమం అదుపులోకి తీసుకున్న పోలీసులు

అనంతగిరి: ఓటు చోరీని అడ్డుకొని ప్రజాస్వామ్యాన్ని పరిరక్షించుకుందామని ఏఐసీసీ ఎస్‌ఐఆర్‌ పరిశీలకుడు రంగరాజన్‌ మోహన్‌ కుమార్‌ మంగళం అన్నారు. ఓటరు జాబితాలో అక్రమాలపై ప్రజల్లో చైతన్యం తీసుకురావాలని పిలుపునిచ్చారు. మంగళవారం వికారాబాద్‌ పట్టణంలోని సత్యభారతి గార్డెన్‌లో కాంగ్రెస్‌ పార్టీ జిల్లా శాఖ ఆధ్వర్యంలో ఓటు బచావో.. దేశ్‌ బచావో కార్యక్రమం నిర్వహించారు. ఈ సందర్భంగా ఆయన మాట్లాడుతూ.. ఓటు హక్కును కాపాడుకోవాల్సిన బాధ్యత ప్రతి పౌరుడిపై ఉందన్నారు. ఓటు ప్రజాస్వామ్యానికి పునాది వంటిదన్నారు. కేంద్ర ప్రభుత్వం ఎన్నికల కమిషన్‌ను అడ్డు పెట్టుకొని ఓటు చోరీకి పాల్పడుతోందని ఆరోపించారు. నవంబర్‌ ఒకటిన ఢిల్లీలోని రాంలీల మైదానంలో నిర్వహించే నిరసన కార్యక్రమాన్ని విజయవంతం చేయాలని పిలుపునిచ్చారు. రాహుల్‌ గాంధీ పోరాటానికి ప్రజలు మద్దతు పలకాలని కోరారు. కార్యక్రమంలో పార్టీ జిల్లా అధ్యక్షుడు ధారాసింగ్‌, పీసీసీ కోఆర్డినేటర్‌ అప్సర్‌ యూసుఫ్‌ జాహి, ఎమ్మెల్యేలు రామ్మోహన్‌రెడ్డి, మనోహర్‌ రెడ్డి, పరిగి మున్సిపల్‌ చైర్మన్‌ రజిత, మాజీ చైర్మన్‌ సత్యనారాయణ, వైస్‌ చైర్మన్‌ సుధాకర్‌ రెడ్డి, జాతీయ యువ నాయకుడు సంతోష్‌ కుమార్‌, మార్కెట్‌ కమిటీ చైర్మన్‌ శ్రీనివాస్‌, విజయభాస్కర్‌ రెడ్డి, సీనియర్‌ నాయకులు కరణం పురుషోత్తంరావు, కిషన్‌ నాయక్‌, మైపాల్‌ రెడ్డి, అనంత్‌రెడ్డి, రాంచంద్రా రెడ్డి, పార్టీ మండల అధ్యక్షుడు రాజశేఖర్‌ రెడ్డి తదితరులు పాల్గొన్నారు. ప్రజాస్వామ్యాన్ని కాపాడుకుందాం ఏఐసీసీ ఎస్‌ఐఆర్‌ పరిశీలకుడు రంగరాజన్‌

కందుకూరు: గత ప్రభుత్వ హయాంలో ఫార్మాసిటీ కోసం సేకరించిన భూములకు సంబంధించి ఏళ్లు గడుస్తున్నా అభివృద్ధి చేసిన ప్లాట్లు అందక చాలా మంది రైతులు ఆందోళన చెందుతున్నారు. ఈ నెల మరో నెల అంటూ అధికారులు దాటవేస్తుండటంతో లబ్ధిదారులు ఇబ్బందులు పడుతున్నారు. ఫ్యూచర్‌సిటీ పరిధిలో భూములు కోల్పోయిన చాలా మంది రైతులు ప్రస్తుతం ఇలాంటి పరిస్థితే ఎదుర్కొంటున్నారు. ఎకరాకు 121 గజాలు గత ప్రభుత్వం ఫార్మాసిటీ పేరుతో కందుకూరు, యాచారం, కడ్తాల్‌ మండలాల్లో 19,333 ఎకరాల భూమిని సేకరించడానికి నిర్ణయించి దాదాపు 14 వేల ఎకరాల వరకు సమీకరించింది. పరిహారంతో పాటు అదనంగా ఎకరాకు 121 గజాల చొప్పున ప్లాటుకు సంబంధించి సర్టిఫికెట్లు జారీ చేసింది. అప్పట్లో మీర్‌ఖాన్‌పేట, పంజగూడ రెవెన్యూలో సుమారు 622 ఎకరాల విస్తీర్ణంలో టీజీఐఐసీ ఆధ్వర్యంలో మెగా లేఅవుట్‌ నిర్మించారు. ఏడాది దాటినా.. మొదట్లో ఏర్పాటు చేసిన ఆ లేవుట్‌లో కొంత భాగాన్ని మళ్లీ అమేజాన్‌ సంస్థకు ప్రస్తుత ప్రభుత్వం కేటాయించింది. దీంతో లబ్ధిదారులందరికీ సరిపడా ప్లాట్లు లేక కొంతమంది వరకే డ్రా ద్వారా అధికారులు కేటాయించారు. ఆ మెగా వెంచర్‌లో జూలై 2025 7వ తేదీ నుంచి 11వ తేదీ మధ్య లబ్ధిదారులకు లాటరీ ద్వారా ప్లాట్లను పంపిణీ చేశారు. కలెక్టర్‌ నారాయణరెడ్డి, ఎఫ్‌సీడీఏ కమిషనర్‌ శశాంక, ఇబ్రహీంపట్నం ఎమ్మెల్యే మల్‌రెడ్డి రంగారెడ్డి చేతుల మీదుగా డ్రా ప్రక్రియ ప్రారంభించారు. అప్పట్లో ఏర్పాటు చేసిన లేఅవుట్‌లో కందుకూరు, యాచారం మండలాల పరిధిలో రైతుల నుంచి సేకరించిన భూములకు ఎకరాకు 121 గజాల చొప్పున కేటాయించారు. అందులో అర ఎకరం నుంచి 5 ఎకరాల్లోపు రైతులకు మాత్రమే ప్లాట్లు కేటాయించారు. దీంతో వారి అవసరాన్ని బట్టి విక్రయాలు చేపట్టారు. ఒక్క కందుకూరు మండలంలో భూములు కోల్పోయిన రైతులకు 605 నుంచి 2,420 గజాల వరకు దాదాపు 199 మందికి ప్లాట్లు అందాల్సి ఉంది. వీటికి తోడు యాచారం మండలంలో లబ్ధిదారులు అదనంగా ఉన్నారు. ఐదెకరాల పైబడి భూములు కోల్పోయిన రైతుల పరిస్థితి అగమ్యగోచరంగా మారింది. ఎప్పుడు కొత్తగా లేఅవుట్‌ నిర్మిస్తారో.. మళ్లీ తమకు ఎప్పుడు ప్లాట్లు కేటాయిస్తారో తెలియక ఆందోళన చెందుతున్నారు. అవసరానికి అమ్ముకోవడానికి సర్టిఫికెట్‌ మినహా మరేమీ లేక అవస్థలు పడుతున్నారు. ఉన్నతాధికారులు స్పందించి సమస్య పరిష్కరించాలని కోరుతున్నారు. గత ప్రభుత్వ హయాంలో ఫార్మాసిటీకి భూ సేకరణ పరిహారంతో పాటు ఎకరాకు 121 గజాల చొప్పున ప్లాటు ఇస్తామని ప్రకటన టీజీఐఐసీ ఆధ్వర్యంలో మెగా లేఅవుట్‌ నిర్మాణం సర్టిఫికెట్లతో సరిపెట్టిన అధికారులు వెంచర్‌లో సరిపడా స్థలం లేక అందరికీ జరగని కేటాయింపులు ఏడాదికి పైగా నిరీక్షిస్తున్న లబ్ధిదారులు

పూడూరు: వికారాబాద్‌ను కరువు జిల్లాగా ప్రకటించి రైతులను ఆదుకోవాలని తెలంగాణ రైతు సంఘం జిల్లా కార్యదర్శి ఆర్‌ మహిపాల్‌ ప్రభుత్వాన్ని డిమాండ్‌ చేశారు. మంగళవారం తెలంగాణ రైతు సంఘం, సీఐటీయూ, ఎస్‌ఎఫ్‌ఐ, సీపీఎం ఆధ్వర్యంలో దేవనోనిగూడ, సోమన్‌గుర్తి, కెరవెళ్లి, పూడూరు గ్రామాల్లో పంటలను పరిశీలించారు. రైతులతో మాట్లాడి వారి సమస్యలు తెలుసుకున్నారు. అనంతరం ఆయన మాట్లాడుతూ.. ఎల్‌నినో ప్రభావంతో వర్షాలు లేక పంటలు దెబ్బతిన్నాయన్నారు. అప్పులు చేసి పెట్టుబడులు పెట్టిన రైతులకు తీరని నష్టం జరిగిందన్నారు. పంట రుణాలను మాఫీ చేసి ఆదుకోవాలని కోరారు. కార్యక్రమంలో సీఐటీయూ జిల్లా అధ్యక్షుడు రామకృష్ణ, జిల్లా ఉపాధ్యక్షుడు తేజ, రైతు సంఘం జిల్లా ఉపాధ్యక్షుడు నర్పింలు, నాయకులు యాదయ్య, అనంతయ్య, నర్పింలు, నారాయణ, అనంతయ్య, మహేశ్‌, మల్లేశ్‌, రాములు తదితరులు పాల్గొన్నారు. తెలంగాణ రైతు సంఘం జిల్లా కార్యదర్శి మహిపాల్‌

వార్డుల్లో పర్యటిస్తున్న ఎమ్మెల్యే బీఎంఆర్‌తాండూరు: పట్టణాన్ని పరిశుభ్రంగా తీర్చిదిద్దడంతో పాటు ప్రజా సమస్యలను పరిష్కరించడమే లక్ష్యమని ఎమ్మెల్యే మనోహర్‌రెడ్డి అన్నారు. మంగళవారం పట్టణంలో స్పెషల్‌ డ్రైవ్‌ కార్యక్రమం నిర్వహించారు. 19 నుంచి 24వ వార్డు వరకు పారిశుద్ధ్య పనులు చేపట్టారు. గొల్ల చెరువు అభివృద్ధి పనులను పరిశీలించారు. ఈ సందర్భంగా ఆయన మాట్లాడుతూ.. మురుగు కాలువలను ఎప్పటికప్పుడు శుభ్రం చేయాలని తెలిపారు. దోమల నివారణకు చర్యలు తీసుకోవాలని ఆదేశించారు. కాలువల నిర్మాణానికి ప్రతిపాదనలు సిద్ధం చేయాలని మున్సిపల్‌ కమిషనర్‌ రాకేష్‌రెడ్డికి సూచించారు. అనంతరం పారిశుద్ధ్య కార్మికులతో మాట్లాడి వారి సమస్యలు తెలుసుకున్నారు. కార్యక్రమంలో మున్సిపల్‌ చైర్‌పర్సన్‌ పట్లోళ్ల నీరజాబాల్‌రెడ్డి, వైస్‌ చైర్మన్‌ అబ్దుల్‌ రజాక్‌, కౌన్సిలర్లు జుంటిపల్లి వెంకట్‌, సభాఫాతిమా, రామకృష్ణ తదితరులు పాల్గొన్నారు.ఎమ్మెల్యే మనోహర్‌రెడ్డి

హుడాకాంప్లెక్స్‌: ఇటీవల జిల్లా వైద్యాధికారిగా బాధ్యతలు చేపట్టిన డాక్టర్‌ కళ్యాణ్‌ చక్రవర్తికి మంగళవారం తెలంగాణ మెడికల్‌ అండ్‌ హెల్త్‌ అసోసియేషన్‌ తరఫున జిల్లా కమ్యూనిటీ హెల్త్‌ ఆఫీసర్స్‌ శుభాకాంక్షలు తెలిపి సన్మానించారు. ఈ సందర్భంగా ఉద్యోగుల సమస్యలు ఎప్పటికప్పుడు పరిష్కరించాలని కోరారు. కార్యక్రమంలో కమ్యూనిటీ హెల్త్‌ ఆఫీసర్స్‌ బి.పరాంకుశం, పి.శ్రీనివాసులు, ఎండీ షాయాద్‌, చిట్టిబాబు, ఎండీ రఫీక్‌, కళమ్మ పాల్గొన్నారు. ఆమనగల్లు: రోడ్డు ప్రమాదాల నివారణకు చర్యలు తీసుకుంటున్నట్లు ఫ్యూచర్‌సిటీ ట్రాఫిక్‌ డీసీపీ శివం ఉపాధ్యయ తెలిపారు. మండలంలో ఉన్న హైదరాబాద్‌–శ్రీశైలం జాతీయ రహదారిపై ప్రమాదకర బ్లాక్‌ స్పాట్లను మంగళవారం స్థానిక పోలీసు, మున్సిపల్‌ అధికారులతో కలిసి పరిశీలించారు. ఈ సందర్భంగా ఆయన మాట్లాడుతూ.. ప్రమాదాల నివారణకు హెచ్చరిక బోర్డులు ఏర్పాటు చేయనున్నట్టు చెప్పారు. ట్రాఫిక్‌కు అంతరాయం కలిగిస్తున్న ఆక్రమణలను తొలగిస్తామన్నారు. పట్టణంలో ప్రమాదకరంగా ఉన్న దుకాణాలు, ఆక్రమణలను తొలగించి వాహనాల రాకపోకలు సజావుగా సాగేలా చూస్తామని వివరించారు. కార్యక్రమంలో సీఐ వెంకటేశ్వర్లు, ఆమనగల్లు ట్రాఫిక్‌ సీఐ శంకరయ్య, మహేశ్వరం ట్రాఫిక్‌ సీఐ అశోక్‌, మున్సిపల్‌ కమిషనర్‌ రాఘవేందర్‌రెడ్డి తదితరులు పాల్గొన్నారు. మంచాల: మండలంలోని ఆరుట్లలో బెల్ట్‌ దుకాణాలు బంద్‌ చేయాలని పంచాయతీ పాలక వర్గం తీర్మానం చేసింది. ఈ మేరకు మంగళవారం మంచాల ఎస్‌ఐ నాగేశ్వర్‌ రావుకు తీర్మాన పత్రాన్ని అందజేశారు. ఈ సందర్భంగా సర్పంచ్‌ మానుపాటి శోభ కుమార్‌, ఉప సర్పంచ్‌ విజయ్‌ కుమార్‌ మాట్లాడుతూ.. గ్రామంలో విచ్చిలవిడిగా మద్యం దుకాణాలు వెలిశాయన్నారు. యువత మద్యానికి అలవాటుపడి బంగారు భవిష్యత్‌ను పాడు చేసుకోకూడదని, గ్రామంలో ప్రశాంత వాతావరణం ఉండాలంటే కచ్చితంగా మద్యం విక్రయాలను నిలిపి వేయాలని ఈ నిర్ణయం తీసుకున్నట్టు స్పష్టం చేశారు. కార్యక్రమంలో వార్డు సభ్యులు పున్నం రాము, పద్మ, శ్రావణ్‌, శేఖర్‌, బాను, మణెమ్మ తదితరులు పాల్గొన్నారు. షాద్‌నగర్‌రూరల్‌: ఆధునిక, సాంకేతిక బోధనతో విద్యార్థులకు నాణ్యమైన విద్య అందుతుందని గిరిజన గురుకుల విద్యాసంస్థల సెక్రటరీ సీతాలక్ష్మి అన్నారు. పట్టణ సమీపంలోని నూర్‌ ఇంజనీరింగ్‌ కళాశాల భవనంలో కొనసాగుతున్న గిరిజన సంక్షేమ మహిళా డిగ్రీ, పీజీ కళాశాలలో మంగళవారం గిరిజన గురుకుల విద్యాసంస్థల ఆధ్వర్యంలో శ్రీసాంకేతిక పరిజ్ఞానంతో కూడిన విద్యకోసం ఉపాధ్యాయుల సాధికారతశ్రీ అంశంపై ఒకరోజు శిక్షణ కార్యక్రమం నిర్వహించారు. కార్యక్రమానికి ముఖ్యఅతిథిగా హాజరైన సీతాలక్ష్మి మాట్లాడుతూ.. డిజిటల్‌ సాంకేతిక సాధనాలు, సాంకేతిక పరిజ్ఞాన ఆధారిత బోధనా పద్ధతులపై ఉపాధ్యాయులు అవగాహన కలిగి ఉండాలని తెలిపారు. తరగతి గదుల్లో ఏఐ సాధనాలను వినియోగించే విధానాలను తెలుసుకోవాలని సూచించారు. ఆధునిక సాంకేతికతను బోధనలో అనుసంధానం చేయడం ద్వారా బోధనా ప్రక్రియ సులభతరం అవుతుందన్నారు. సాంకేతిక పరిజ్ఞానంలో వస్తున్న మార్పులకు అనుగుణంగా తమ నైపుణ్యాలను పెంపొందించుకోవాలని సూచించారు. విద్యా ప్రమాణాలను మెరుగుపరుచుకొని, విద్యార్థులకు సాంకేతిక ఆధారిత విద్యను అందించడంద్వారా ఉత్తమ ఫలితాలు సాధించవచ్చని చెప్పారు. కార్యక్రమంలో గురుకుల విద్యాసంస్థల జాయింట్‌ సెక్రటరీ వెంకన్న, రీజినల్‌ కో ఆర్డినేటర్‌ నాగార్జునరావు, డిగ్రీ కళాశాలల డిప్యూటీ సెక్రటరీ డాక్టర్‌ వేణుగోపాల్‌, అకాడమిక్‌ డిప్యూటీ సెక్రటరీ వెంకటేశం, కళాశాల ప్రిన్సిపాల్‌ డాక్టర్‌ నీతాపోలె, వైస్‌ ప్రిన్సిపాల్‌ డాక్టర్‌ కళాజ్యోతి తదితరులు పాల్గొన్నారు. ఆమనగల్లు: తలకొండపల్లి మండలంలోని వివిధ గ్రామాల్లో పలువురు పోగొట్టుకున్న, దొంగిలించబడిన సెల్‌ఫోన్‌లను గుర్తించి పోలీసులు తిరిగి బాధితులకు అప్పగించారు. దొంగిలించబడిన సెల్‌ఫోన్‌లను సీఈఐఆర్‌ పోర్టల్‌ ద్వారా గుర్తించి రికవరీ చేశారు. తలకొండపల్లి పోలీసు స్టేషన్‌లో మంగళవారం జరిగిన కార్యక్రమంలో 11 మంది బాధతులకు సీఐ జానకిరాంరెడ్డి, ఎస్‌ఐ కానుగుల శేఖర్‌ సెల్‌ఫోన్‌లు అప్పగించారు. రికవరీలో చొరవచూపిన క్రైం కానిస్టేబుల్‌ జాషువాను సీఐ అభినందించారు.

లక్డీకాపూల్‌: ఆలూరులో డేటా సెంటర్‌ ఏర్పాటుతో ఆ ప్రాంత ప్రజలకు నష్టమేనని, జీవితాలు నాశనమవుతాయంటూ చేవెళ్ల ఎంపీ కొండా విశ్వేశ్వర్‌రెడ్డి ఆందోళన వ్యక్తం చేశారు. డేటా సెంటర్‌తో 3, 4 డిగ్రీల మేర ఎండ పెరిగే ప్రమాదం లేకపోలేదన్నారు. హైదరాబాద్‌ ప్రెస్‌క్లబ్‌లో మంగళవారం అలూరు రైతుల అరిగోస పేరిట ఏర్పాటు చేసిన సమావేశంలో మాజీ ఎమ్మెల్యే రత్నంతో కలిసి మాట్లాడారు. ప్రభుత్వ భూములు చాలా ఉండగా రైతుల భూములను గుంజుకుంటామంటే సహించేది లేదన్నారు. తాతల నుంచి పండించుకున్న 1,248 ఎకరాల పట్టభూములపై ప్రభుత్వం సైలెంట్‌ స్కెచ్‌ వేసిందని ఆరోపించారు. ఇనామ్‌ భూములుగా పహాణి పొందిన వ్యవసాయ భూములను వక్ఫ్‌ భూముల పేరిట అధికారులు రైతుల నోట్లో మట్టికొట్టే ప్రయత్నం చేస్తోందని మండిపడ్డారు. అదేమంటే పాన్‌ మక్త భూములుగా పేర్కొంటూ.. బలవంతంగా లాక్కోవాలని చూస్తున్నారన్నారు. ఆ భూములే కావాలంటే మార్కెట్‌ విలువకు మూడింతలు అదనంగా రైతులకు ఇచ్చి స్వాధీనం చేసుకోవాలన్నారు. అలూరు రైతులు అంజయ్య, కృష్ణ, రాజు, కసిర్రే వెంకటేశ్‌, బర్ల బుచ్చయ్య, రమేష్‌, మాణిక్యం, పుప్పాల సాయన్న మాట్లాడుతూ.. తమ భూములు తమకే కావాలని స్పష్టం చేశారు. ఈ విషయంలో హైకోర్ట్‌ ఆర్డర్‌ను వెంటనే అమలు చేయాలని డిమాండ్‌ చేశారు. చేవెళ్ల ఎంపీ కొండా విశ్వేశ్వరరెడ్డి

ఇబ్రహీంపట్నం రూరల్‌: జీహెచ్‌ఎంసీ పరిధి నుంచి ఎనిమిది కిలోమీటర్ల పరిధి లోపల కార్యాలయాల్లో పని చేస్తున్న ఉద్యోగులకు 24 శాతం హెచ్‌ఆర్‌ఏ మంజూరు చేయాలని ఉద్యోగ జేఏసీ నాయకులు డిమాండ్‌ చేశారు. ఈ మేరకు మంగళవారం ఉద్యోగుల జేఏసీ ఆధ్వర్యంలో అదనపు కలెక్టర్‌ కిరణ్మయికి వినతిపత్రం అందజేశారు. ఈ సందర్భంగా జిల్లా అధ్యక్షుడు ఊటు యశ్వంత్‌, కన్వీనర్‌ డాక్టర్‌ రామారావు మాట్లాడుతూ.. గ్రేటర్‌ హైదరాబాద్‌ మున్సిపల్‌ కార్పొరేషన్‌ నుంచి ఎనిమిది కిలోమీటర్ల పరిధిలో పని చేస్తున్న ఉద్యోగులకు 24 శాతం ఇంటి అద్దె భత్యం మంజూరు చేసే అంశాన్ని పరిశీలించి, ఆర్థిక శాఖ అనుమతి కోసం ప్రభుత్వానికి ప్రతిపాదనలు పంపించాలని కోరారు. గతంలో జీహెచ్‌ఎంసీ నుంచి 8 కిమీ పరిధిలో పని చేస్తున్న ఉద్యోగులకు 24 శాతం హెచ్‌ఆర్‌ఏ వర్తింపజేసేందుకు కలెక్టర్‌ అనుమతి ఇచ్చి నట్లు సమాచారం ఉందన్నారు. ఉద్యోగుల ప్రయోజనాలను దృష్టిలో పెట్టుకొని సానుకూలంగా స్పందించాలని విజ్ఞప్తి చేశారు. కార్యక్రమంలో జేఏసీ నాయకులు మహేందర్‌రెడ్డి, రమేష్‌గౌడ్‌, శ్రీనేష్‌కుమార్‌ నోరీ, నూతనకంటి వెంకట్‌, శాంతిశ్రీ, రేవతి, నర్సిరెడ్డి, రాకేష్‌, శ్రీనివాస్‌, సైదమ్మ, అనిత, నాగేశ్వర్‌రావు, మహేశ్‌, బాలేశ్వరి, జ్యోత్స్న, రాణి, ప్రమీల, రంగయ్య, గోపాల్‌ నాయక్‌, శ్రీధర్‌రెడ్డి, శేఖర్‌, వాణి, గౌస్‌, తేజ, రాములు, మోహన్‌ తదితరులు పాల్గొన్నారు.రంగారెడ్డి అదనపు కలెక్టర్‌కు ఉద్యోగుల జేఏసీ నేతల వినతి

తాండూరు టౌన్‌: విద్యార్థులకు చట్టాలపై అవగాహన ఉండాలని తాండూరు జూనియర్‌ సివిల్‌ కోర్టు జడ్డి గిరిజ తిరందాసు సూచించారు. మండల లీగల్‌ సర్వీస్‌ కమిటీ ఆధ్వర్యంలో మంగళవారం పట్టణంలోని ప్రభుత్వ నంబర్‌ వన్‌ పాఠశాలలో సురక్షిత్‌ బచ్చన్‌ అభియాన్‌ కార్యక్రమం నిర్వహించారు. ఈ సందర్భంగా ఆమె మాట్లాడుతూ.. తెలిసీ తెలియని వయసులో విద్యార్థులు నేరాలకు పాల్పడుతుంటారని, దీంతో వారి భవిష్యత్‌ అంధకారమవుతోందన్నారు. నేరాలు, వాటికి విధించే శిక్షలపై అవగాహన ఏర్పర్చుకోవాలన్నారు. బాలల హక్కులు, బాల్యవివాహాల నిర్మూలన, పోక్సో, విద్యా హక్కు చట్టాల గురించి తెలుసుకోవాలన్నారు. వ్యసనాలకు దూరంగా ఉండాలన్నారు. క్రమశిక్షణ, చదువులో రాణిస్తూ ఉన్నత శిఖరాలకు చేరుకోవాలని సూచించారు. కార్యక్రమంలో తాండూరు బార్‌ అసోసియేషన్‌ అధ్యక్షుడు కే శ్రీనివాస్‌, ప్రధాన కార్యదర్శి పాశం రవికుమార్‌, ప్యానల్‌ న్యాయవాదులు జిలాని, అరుణ, పరమేశ్వరి, మస్తాన్‌, దేవ్‌రాజ్‌, పాఠశాల హెచ్‌ఎం గోపాల్‌, ఉపాధ్యాయులు, విద్యార్థులు తదితరులు పాల్గొన్నారు. తాండూరు జూనియర్‌ సివిల్‌ కోర్టు జడ్డి గిరిజ తిరందాసు

తుర్కయంజాల్‌: ఆదిభట్ల సర్కిల్‌ పరిధి రాగన్నగూడలోని తారా చిల్డ్రన్స్‌ అండ్‌ మల్టీస్పెషాలిటీ హాస్పిటల్‌లో డెంగీ లక్షణాలతో చికిత్స పొంది మృతి చెందిన వినూత్‌ మృతిపై విచారణ జరుపుతున్నట్టు జిల్లా వైద్యాధికారి డాక్టర్‌ కళ్యాణ్‌ చక్రవర్తి తెలిపారు. మంగళవారం ఆయన వివాదానికి కారణమైన ఆస్పత్రిని అధికారుల బృందంతో కలిసి పరిశీలించారు. అనంతరం మాట్లాడుతూ.. ఆస్పత్రిలో బాలుడికి అందించిన చికిత్స, వైద్య రికార్డులు, అందుబాటులో ఉన్న సదుపాయాలను పరిశీలిస్తున్నట్టు తెలిపారు. రెండు రోజుల్లో విచారణ పూర్తి చేస్తామని, విచారణలో నిబంధనల ఉల్లంఘన, నిర్లక్ష్యం ఉన్నట్లు తేలితే చట్టప్రకారం చర్యలు తప్పవని హెచ్చరించారు. కార్యక్రమంలో డిప్యూటీ డీఎంహెచ్‌ఓ మంజుల, మండల వైద్యాధికారి ప్రియాంక తదితరులు పాల్గొన్నారు. మొయినాబాద్‌రూరల్‌: అథ్లెటిక్స్‌లో చేవెళ్ల సాంఘిక సంక్షేమ గురుకుల పాఠశాల విద్యార్థిని వైష్ణవి అద్భుత ప్రతిభకనబరిచి రాష్ట్రస్థాయి పోటీలకు ఎంపికై ంది. ఈ సందర్భంగా మంగళవారం గురుకుల పాఠశాలలో ప్రిన్సిపాల్‌ మాలతి విద్యార్థినిని అభినందించారు. 70వ ఎస్‌జీఎఫ్‌ జిల్లా స్థాయి పోటీల్లో వైష్ణవి 100 మీటర్లు, 200 మీటర్లలో బంగారు పతకాలు సాధించిందని తెలిపారు. దీంతో రాష్ట్రస్థాయి పోటీలకు ఎంపికై ందని చెప్పారు.

ఇబ్రహీంపట్నం: పట్టభద్రుల ఎమ్మెల్సీ ఎన్నికల్లో బీఆర్‌ఎస్‌ విజయమే లక్ష్యంగా పనిచేయాలని ఎన్నికల ఇన్‌చార్జి, శాసనమండలి మాజీ చైర్మన్‌ స్వామిగౌడ్‌, ఆ పార్టీ జిల్లా ఽఅధ్యక్షుడు మంచిరెడ్డి కిషన్‌రెడ్డి పిలుపునిచ్చారు. నియోజకవర్గ బీఆర్‌ఎస్‌ సమన్వయ కమిటీ సమావేశం మంగళవారం ఇబ్రహీంపట్నంలోని పార్టీ కార్యాలయంలో నిర్వహించారు. ఈ సందర్భంగా వారు మాట్లాడుతూ.. పట్టభద్రులను కలుసుకొని, బీఆర్‌ఎస్‌ హయాంలో జరిగిన అభివృద్ధి, సంక్షేమాన్ని వివరించాలన్నారు. నిరుద్యోగులకు కాంగ్రెస్‌ ప్రభుత్వం ఇచ్చిన హామీలను అమలు చేయడంలో విఫలమైందని విమర్శించారు. పట్టభద్రుల సమస్యలను విస్మరించిన ప్రభుత్వ వైఖరిని ఎండగట్టాలన్నారు. కార్యక్రమంలో భువనగిరి పార్లమెంట్‌ బీఆర్‌ఎస్‌ ఇన్‌చార్జి క్యామ మల్లేష్‌, జిల్లా గ్రంథాలయ సంస్థ మాజీ చైర్మన్‌ సత్తు వెంకటరమణారెడ్డి, నాయకులు దండెం రాంరెడ్డి, బీఆర్‌ఎస్‌ సర్పంచ్‌లు, కౌన్సిలర్లు పాల్గొన్నారు.శాసనమండలి మాజీ చైర్మన్‌ స్వామిగౌడ్‌

ఇబ్రహీంపట్నం: పేద ప్రజల కోసం ప్రాణాలర్పించిన కామ్రేడ్స్‌ మహబూబ్‌ పాష, నరహరి ఆశయాల సాధనకు ఉద్యమించాలని సీపీఎం జిల్లా కార్యదర్శి బోడ సామెల్‌ పిలుపునిచ్చారు. పాష,నరహరి వర్దంతిని పురస్కరించుకొని సోమవారం ఇబ్రహీంపట్నం అంబేడ్కర్‌ చౌరస్తాలో వారి చిత్రపటాలకు పూలమాలలు వేసి నివాళులు అర్పించారు. ఈ సందర్భంగా సామెల్‌ మాట్లాడుతూ.. పేదల హక్కుల కోసం పోరాడిన యోధులు పాష, నరహరి అని కొనియాడారు. అనేక గ్రామాల్లో భూ పోరాటాలు నిర్వహించి పేదలకు పంచారన్నారు. ఎల్‌నినో ప్రభావంతో జిల్లాలో తీవ్ర కరువు పరిస్థితులు నెలకొన్నాయని వెంటనే కరువు జిల్లాగా ప్రకటించాలని డిమాండ్‌ చేశారు. కార్యక్రమంలో పార్టీ జిల్లా కార్యదర్శి వర్గసభ్యులు కాడిగళ్ల భాస్కర్‌, కె.జగన్‌, జిల్లా కమిటీ సభ్యులు జంగయ్య, పి.జగన్‌, మండల కార్యదర్శి బుగ్గరాములు తదితరులు పాల్గొన్నారు. పేదలకు భూ పంపిణీ వారి ఘనతే.. యాచారం: కామ్రేడ్‌ పాష, నరహరిల పోరాటాలతో నాటి కాంగ్రెస్‌ సర్కార్‌ పేదలకు భూ పంపిణీ చేసిందని సీపీఎం జిల్లా కార్యదర్శి బోడ సామెల్‌ పేర్కొన్నారు. మండల కేంద్రంలో పార్టీ మండల కార్యదర్శి ఆలంపల్లి నర్సింహ ఆధ్వర్యంలో సోమవారం పాష, నరహరి వర్ధంతిని నిర్వహించారు. ఈ సందర్భంగా ఆయన మాట్లాడుతూ.. ఈ ప్రాంత పేదల సమస్యలపై పాష, నరహరి ప్రాణం ఉన్నంత వరకు పోరాటాలు చేశారని గుర్తు చేశారు. వారు మృతి చెంది 37 ఏళ్లు అవుతున్నా పేదల గుండెల్లో చిరస్థాయిగా నిలిచారన్నారు. కార్యక్రమంలో మంచాల మాజీ ఎంపీపీ పగడాల యాదయ్య, పి.అంజయ్య తదితరులు పాల్గొన్నారు.

కొత్తూరు: పట్టణంలో ఉన్న ఓ పైపుల పరిశ్రమ నుంచి సోమవారం పెద్ద ఎత్తున మంటలు, నల్లటి పొగ వెలువడ్డాయి. దీంతో స్థానికులు భయాందోళనకు గురయ్యారు. కొందరు మంటల సమీపంలోకి వెళ్లి పరిశీలించారు. వ్యర్థాలకు నిప్పు అంటుకోవడంతో మంటలు, పొగ వ్యాపించినట్లు గుర్తించారు. ఇళ్లకు సమీపంలో ఉన్న పరిశ్రమల్లో ఇలాంటి వాటితో ప్రమాదాలు సంభవించే అవకాశం ఉందని ఆందోళన వ్యక్తం చేశారు. సంబంధిత శాఖల అధికారులు స్పందించాలని కోరారు. అనుమానాస్పదస్థితిలో యువకుడి మృతి శ్రీనగర్‌కాలనీ: అనుమానాస్పదస్థితిలో ఓ యువకుడు మృతిచెందిన ఘటన మధురానగర్‌ పోలీస్‌స్టేషన్‌ పరిధిలో చోటుచేసుకుంది. పోలీసుల వివరాల ప్రకారం..విజయవాడకు చెందిన రమేష్‌ గుప్తా(35) ఆదిలాబాద్‌కు చెందిన ఇద్దరు, నర్సరావుపేటకు చెందిన యువకుడితో కలిసి సినీ కార్మికుడిగా పనిచేస్తూ యూసుఫ్‌గూడ ఎల్‌ఎన్‌నగర్‌లో నివాసముంటున్నాడు. సోమవారం పెంట్‌హౌస్‌ నుంచి దుర్వాసన రావడంతో ఓనర్‌ మధురానగర్‌ పోలీసులకు సమాచారం ఇచ్చాడు. తలుపు తెరిచిచూసే సరికి రమేష్‌ మృతదేహం కుళ్లిపోయి కనిపించింది. రమేష్‌ స్నేహితులు ముగ్గురూ కొన్ని రోజులుగా కనిపించకుండా పరారీలో ఉన్నారు. హత్య చేసి పారిపోయారా లేక ఆత్మహత్య చేసుకున్నాడా అనే అంశాలపై క్లూస్‌టీంతో విచారణ చేపడుతున్నారు. ఘటనా స్థలాన్ని జూబ్లీహిల్స్‌ జోన్‌ డీసీపీ రమణారెడ్డి, ఏసీపీ వెంకటరెడ్డి, ఇన్‌స్పెక్టర్‌ ప్రభాకర్‌ పరిశీలించారు. మృతదేహాన్ని పోస్ట్‌మార్టం నిమిత్తం గాంధీ ఆసుపత్రికి తరలించారు. ఈ మేరకు పోలీసులు కేసు నమోదుచేసి దర్యాప్తు చేస్తున్నారు. బైక్‌ దొంగకు రిమాండ్‌ యాచారం: బైక్‌ దొంగను యాచారం పోలీసులు సోమవారం రిమాండ్‌కు తరలించారు. వివరాలివీ.. నల్లగొండ జిల్లా డిండి మండలం ఖానాపూర్‌ గ్రామానికి చెందిన కె.నవీన్‌ నగరంలోని సరూర్‌నగర్‌లో నివాసం ఉంటున్నాడు. జల్సాల కోసం పలు చోట్ల బైక్‌ల దొంగతనాలకు పాల్పడుతున్నాడు. ఆదివారం మాల్‌ మార్కెట్‌లో ఒక బైక్‌ను దొంగతనం చేస్తుండగా పోలీసులు పట్టుకున్నారు. తమదైన శైలిలో విచారించగా గతంలో సరూర్‌నగర్‌, నాగోల్‌ తదితర పోలీస్‌స్టేషన్ల పరిధిలో పలు బైక్‌లను చోరీ చేయగా ఆరు కేసులు నమోదైనట్లు గుర్తించారు. కేసు నమోదు చేసిన యాచారం పోలీసులు సోమవారం నవీన్‌ను రిమాండ్‌కు తరలించారు. బాలుడిని గాయపరిచిన యువకుడిపై కేసు నమోదు షాబాద్‌: తన చెల్లిని ఎందుకు దుర్భాషలాడావని ప్రశ్నించిన బాలుడిని గాయపరిచిన యువకుడిపై కేసు నమోదు చేసిన సంఘటన షాబాద్‌ పోలీస్‌స్టేషన్‌ పరిధిలో చోటు చేసుకుంది. సీఐ లక్ష్మిరెడ్డి తెలిపిన వివరాల ప్రకారం.. మండలంలోని కుర్వగూడ గ్రామానికి చెందిన ఓ యువకుడు ఈ నెల 24న తన ఇంటి ముందు నుంచి వెళ్తున్న బాలికను దుర్భాషలాడాడు. బాలిక విషయాన్ని తన అన్నకు చెప్పగా అతను సదరు యువకుడిని నిలదీశాడు. దీంతో ఆ బాలుడిని యువకుడు చెక్క కర్రతో తలపై గాయపరిచాడు. బాధితుడి ఫిర్యాదు మేరకు కేసు నమోదు చేసి నిందితుడిని కోర్టులో హాజరు పరిచారు. సోమవారం రిమాండ్‌కు తరలించారు.

చేవెళ్ల: రేషన్‌ డీలర్ల నియామకంలో అవకతవకలు జరిగాయని, విచారణ చేసి న్యాయం చేయాలని చేవెళ్ల డివిజన్‌లోని నాలుగు మండలాలకు సంబంధించిన పలువురు అభ్యర్థులు కోరారు. సోమవా రం కలెక్టర్‌ కార్యాలయంలోని ప్రజావాణిలో కలెక్టర్‌ నారాయణరెడ్డికి ఫిర్యాదు చేశారు. ఈ సందర్భంగా వారు మాట్లాడుతూ.. చేవెళ్ల డివిజన్‌లో ఇటీవల చేపట్టిన రేషన్‌ డీలర్ల ఎంపికలో అర్హులైన వారికి అన్యాయం చేశారని ఆరోపించారు. పరీక్షలు రాసిన అభ్యర్థుల మార్కులు, ఇంటర్వ్యూలో ఎంపికై న వారి వివరాలను నోటీస్‌ బోర్డులో పెట్టలేదన్నారు. మెరిట్‌ లిస్ట్‌ లేకుండానే ఎలా ఎంపిక చేశారో చెప్పాలని స్థానిక మండలాల్లో నిర్వహించిన ప్రజావాణిలలో, ఆర్టీఐ కింద కూడా దరఖాస్తులు చేసినా తమకు న్యాయం జరగటం లేదన్నారు. వివరాలు అడిగితే తప్పుడు సమాచారాలు అందించారని వాపోయారు. దీనిపై విచారణ చేసి తగున్యాయం చేయాలని కోరారు. దీనిపై కలెక్టర్‌ సానుకులంగా స్పందించి తప్పకుండా విచారణ చేసి న్యాయం చేస్తామని తెలిపారన్నారు. కలెక్టర్‌ను కలిసిన వారిలో గుండాలకు చెందిన సౌజన్య, కౌకుంట్లకు చెందిన శ్రీనివాస్గౌడ్‌, కృష్ణగౌడ్‌, మహేందర్‌, చిన్నమంగళారంకు చెందిన సాయికుమార్‌, వెంకటాపూర్‌కు చెందిన గడ్డం ప్రభులింగం, సురేందర్‌, సురంగల్‌కు చెందిన మధుగౌడ్‌ తదితరులు ఉన్నారు.

షాబాద్‌: సెల్‌ఫోన్‌ విషయమై జరిగిన గొడవలో భాగంగా ఓ వ్యక్తిని చితకబాదిన ముగ్గురిపై కేసు నమోదు చేసి రిమాండ్‌కు తరలించారు. ఈ సంఘటన షాబాద్‌ పోలీస్‌ స్టేషన్‌ పరిధిలో చోటుచేసుకుంది. సీఐ లక్ష్మిరెడ్డి తెలిపిన వివరాల ప్రకారం.. రేగడిదోస్వాడ గ్రామానికి చెందిన శ్రీనివాస్‌రెడ్డికి అతని వద్ద డ్రైవర్‌గా ఉండే ఖలీల్‌కు ఈనెల 22న సెల్‌ఫోన్‌ విషయమై గొడవ జరిగింది. ఖలీల్‌ తన బావమరుదులు అయిన ఆదిల్‌, అద్నాన్‌తో కలిసి కర్రలతో దాడి చేసి శ్రీనివాస్‌రెడ్డిని గాయపరిచారు. బాధితుడి ఫిర్యాదు మేరకు కేసు నమోదు చేసిన పోలీసులు ముగ్గురిని సోమవారం కోర్టులో హాజరు పర్చారు. అనంతరం నిందితులను రిమాండ్‌కు తరలించారు.

శంకర్‌పల్లి: రాబోయే విపత్తులను ముందే గుర్తించి, అందుకు తగ్గట్లు సన్నద్ధత కావాలని విద్యార్థులకు జాతీయ విపత్తు నిర్వహణ సంస్థ మాజీ ఉపాధ్యక్షుడు మర్రి శశిధర్‌రెడ్డి సూచించారు. సోమవారం మండలంలోని దొంతాన్‌పల్లిలో గల ఇక్ఫాయ్‌ డీమ్డ్‌ యూనివర్సిటీలో సాక్ష్యం, గయా క్లబ్‌ మూడు రోజుల పాటు నిర్వహించిన వర్డే–2026 సదస్సు ముగింపు కార్యక్రమానికి ఆయన ముఖ్య అతిథిగా హాజరయ్యారు. ఈ సందర్భంగా ఉత్తమ ప్రతిభ కనబరిచిన విద్యార్థులకు బహుమతులు అందజేశారు. అనంతరం ఆయన మాట్లాడుతూ.. పర్యావరణ సవాళ్లు అనేవి భౌగోళికంగా రాజకీయ పరిస్థితులను దాటి ఉంటాయని స్పష్టం చేశారు. వీటిని ప్రభుత్వాలు, పలు సంస్థలు, పౌరులు అధిగమించేందుకు నిరంతరం శ్రమించాలని కోరారు. కార్యక్రమంలో ఐఎఫ్‌హెచ్‌ఈ డైరెక్టర్‌ జనరల్‌ ప్రొ.డా.వి జయేందర్‌కుమార్‌, లా స్కూల్‌ అసిస్టెంట్‌ డీన్‌ ప్రొ.డా.అరుణ్‌కుమార్‌, కో–ఆర్డినేటర్లు హృదయ్‌తేజ్‌, డీవీఎన్‌ మూర్తి తదితరులు పాల్గొన్నారు.

షాద్‌నగర్‌: తెలంగాణ రాష్ట్ర గ్రాడ్యుయేషన్‌ అసోసియేషన్‌ వర్కింగ్‌ ప్రెసిడెంట్‌గా షాద్‌నగర్‌ మార్కెట్‌ కమిటీ డైరెక్టర్‌ కరుణాకర్‌ ఎన్నికయ్యారు. హైదరాబాద్‌లో సోమవారం తెలంగాణ లెక్చరర్ల ఫోరం చైర్మన్‌ ప్రొఫెసర్‌ డాక్టర్‌ కత్తి వెంకటస్వామి, ఫోరం అధ్యక్షుడు రామకృష్ణ ఆధ్వర్యంలో నూతన అసోసియేషన్‌ సభ్యులను ఎన్నుకున్నారు. కరుణాకర్‌ను గ్రాడ్యుయేషన్‌ అసోసియేషన్‌ రాష్ట్ర వర్కింగ్‌ ప్రెసిడెంట్‌గా నియమిస్తూ ఉత్తర్వులు జారీ చేశారు. ఈ సందర్భంగా కరుణాకర్‌ మాట్లాడుతూ.. పట్టభద్రుల సమస్యల పరిష్కారానికి కృషి చేస్తానని అన్నారు. ఎమ్మెల్సీ ఎన్నికల నేపథ్యలో అర్హులైన పట్టభద్రులు ఓటు హక్కు నమోదు చేసుకోవాలని సూచించారు. ఈ సందర్భంగా ఆయనను అసోసియేషన్‌ సభ్యులు, ఎమ్మెల్యే వీర్లపల్లి శంకర్‌ ఘనంగా సన్మానించారు.

● బెంగాల్‌కు చెందిన తల్లీకూతుళ్ల అరెస్టు ● 70 గ్రాముల బంగారం, రూ.10 వేలు స్వాధీనంసికింద్రాబాద్‌:భర్త ఆసుపత్రి ఖర్చుల నిమిత్తం నగరానికి వచ్చి చోరీల బాట పట్టిన తల్లీకూతుళ్లు కటకటాలపాలయ్యారు. ఈ ఇద్దరినీ సోమవారం సికింద్రాబాద్‌ రైల్వే పోలీసులు అదుపులోకి తీసుకుని, వారి వద్ద నుంచి 70 గ్రాముల బంగారు ఆభరణాలు, రూ.10 వేల నగదును స్వాధీనం చేసుకున్నారు. జీఆర్‌పీ డీఎస్‌పీ ఎస్‌.ఎన్‌. జావెద్‌ తెలిపిన వివరాల ప్రకారం.. పశ్చిమ బెంగాల్‌ రాష్ట్రం బార్ధమాన్‌ జిల్లాకు చెందిన జమునా బైద్య (38), మాలతి బైద్య (20)లు తల్లీకూతుళ్లు. జమునా బైద్య భర్తకు వైద్యం చేయించేందుకు జమున కుమార్తె మాలతి, మనవడితో కలిసి నగరానికి వచ్చింది. గచ్చిబౌలిలో అద్దెకు గది తీసుకుని ఏఐజీ ఆసుపత్రిలో భర్తకు చికిత్స చేయిస్తున్నారు. వైద్యం కోసం డబ్బు అవసరం పడడంతో, పాత నేరస్తులైన వీరు తిరిగి చోరీలకు పాల్పడాలని నిర్ణయించుకున్నారు.సికింద్రాబాద్‌ రైల్వేస్టేషన్‌ను వేదికగా చేసుకున్న ఈ తల్లీకూతుళ్లు, ప్రయాణికుల రద్దీ ఎక్కువగా ఉన్న రైళ్లలోకి ఎక్కే మహిళలను లక్ష్యంగా చేసుకునేవారు. ఒకరు హ్యాండ్‌ బ్యాగుల్లోని విలువైన వస్తువులు, డబ్బు దొంగిలిస్తుండగా, మరొకరు ప్రయాణికుల కదలికలను గమనిస్తూ సహకరించేవారని పోలీసులు తెలిపారు. రైల్వేస్టేషన్‌లో అనుమానాస్పదంగా తిరుగుతుండగా పోలీసులకు పట్టుబడ్డ వీరిని అదుపులోకి తీసుకుని విచారించారు. గతంలో బెంగాల్‌ రాష్ట్రంలోనూ పలు నేరాలకు పాల్పడి జైలుకు వెళ్లొచ్చినట్లు తెలిసింది. నిందితులను అదుపులోకి తీసుకుని ఆభరణాలను స్వాధీనం చేసుకున్న జీఆర్‌పీ ఎస్‌ఐలు సుబ్బారెడ్డి, టి. మాధవ్‌ బృందానికి అధికారులు రివార్డులను ప్రకటించారు.

తుర్కయంజాల్‌: అబ్దుల్లాపూర్‌మెట్‌ మండలం మన్నెగూడ రెవెన్యూ సర్వే నంబర్‌ 40, 41లోని భూమిలో ప్రహరీ కూల్చివేత వివాదానికి దారితీసింది. ఇరువర్గాల వారు సోమవారం అక్కడికి చేరుకోవడం ఉద్రిక్తతకు కారణమైంది. దీనిపై ప్రముఖ్‌ టౌన్‌షిప్‌ కాలనీ వాసులతో పాటు, జీవీఆర్‌ ఫంక్షన్‌ హాల్‌ నిర్వాహకులు ఒకరిపై మరొకరు ఆదిభట్ల పోలీసులకు ఫిర్యా దు చేసుకున్నారు. విచారణ అనంతరం చర్య లు తీసుకుంటామని పోలీసులు తెలిపారు. గంజాయి పట్టివేత అబ్దుల్లాపూర్‌మెట్‌ : గంజాయి విక్రయించేందుకు యత్నిస్తున్న ఇద్దరిని అదపులోకి తీసుకున్న పోలీసులు వారి నుంచి 168 గ్రాముల గంజాయి స్వాధీనం చేసుకుని రిమాండ్‌కు తరలించారు. ఈ సంఘటన అబ్దుల్లాపూర్‌మెట్‌ పోలీస్‌స్టేషన్‌ పరిధిలో చోటుచేసుకుంది. పోలీసులు తెలిపిన వివరాల ప్రకారం.. అబ్దుల్లాపూర్‌మెట్‌ మండల కేంద్రంలోని బాలాజీ దాబా వద్ద విజయవాడ జాతీయ రహదారిపై ఆదివారం రాత్రి ఇద్దరు వ్యక్తులు అనుమానాస్పదంగా తిరుగుతుండడాన్ని గమనించిన పోలీసులు వారిని అదుపులోకి తీసుకుని విచారించారు. వారు హయత్‌నగర్‌ శారదానగర్‌కు చెందిన మణికంఠ, అబ్దుల్లాపూర్‌మెట్‌ బీసీకాలనీకి చెందిన ప్రతాప్‌గా తేలింది. వారి నుంచి 168 గ్రాముల గంజాయితో పాటు రెండు సెల్‌ఫోన్లు స్వాధీనం చేసుకుని ఇద్దరినీ రిమాండ్‌కు తరలించారు. ఇబ్రహీంపట్నం రూరల్‌: వృత్తి నైపుణ్య శిక్షణ కోర్సులకు దరఖాస్తులు ఆహ్వానిస్తున్నట్లు జిల్లా యువజన క్రీడల అఽధికారి ఎస్‌.స్వర్ణలత సోమవారం ఒక ప్రకటనలో పేర్కొన్నారు. నవంబర్‌ 1 నుంచి తరగతులు ప్రారంభం అవుతాయని తెలిపారు. శంషాబాద్‌ మినీ స్టేయంలో నిర్వహిస్తున్న వృత్తి నైపుణ్య శిక్షణ కేంద్రంలో నిరుద్యోగ యువతీయువకులకు వివిధ స్వయం ఉపాధి కోర్సుల్లో తక్కువ ఫీజుతో శిక్షణ అందించనున్నట్లు చెప్పారు. ఇప్పటికే 12 బ్యాచ్‌ల శిక్షణ విజయవంతంగా పూర్తయిందన్నారు. బ్యూటీషియన్‌, ఫ్యాషన్‌ డిజైనింగ్‌, టైలరింగ్‌, ఎంఎస్‌ ఆఫీస్‌ కోర్సుల్లో శిక్షణ ఉంటుందని తెలిపారు. ఆసక్తిగల నిరుద్యోగ యువతీ యువకులు దరఖాస్తు చేసుకోవాలని సూచించారు. టీపీఎస్‌ పనుల్లో వేగం పెంచండి మంచాల: మండల కేంద్రంలో కొనసాగుతున్న టీపీఎస్‌ నిర్మాణ పనులను వేగవంతం చేయాలని అడిషనల్‌ కలెక్టర్‌ కిరణ్మయి ఆదేశించారు. సోమవారం రాత్రి పాఠశాల నిర్మాణ పనులను ఆమె పరిశీలించారు. నవంబర్‌లో సీఎం పర్యటన ఉన్నందున్న పనుల్లో వేగం పెంచాలన్నారు. అధికారులు పూర్తి స్థాయిలో దృష్టి సారించి పనులు చకచకా నిర్వహించాలన్నారు. కార్యక్రమంలో డీఈఓ వెంకటేశ్వర్లు, తహసీల్దార్‌ ఎం.వీ.ప్రసాద్‌, నోడల్‌ అధికారి కిషన్‌ చౌహాన్‌, పాఠశాల ఇన్‌చార్జి వాణి పాల్గొన్నారు.

● అంగన్‌వాడీ టీచర్‌, ఆయా పోస్టులకు పోటాపోటీ ● మెరిట్‌, స్థానికతకు ప్రాధాన్యమంటున్న అధికారులు 23 పోస్టులు.. తాండూరు రూరల్‌: అంగన్‌వాడీ పోస్టుల భర్తీకి అభ్యర్థుల నుంచి విశేష స్పందన లభించింది. తాండూరు క్లస్టర్‌ పరిధిలోని నాలుగు మండలాలు, ఓ మున్సిపాల్టీలో అంగన్‌వాడీ టీచర్‌, ఆయా పోస్టులకు ప్రభుత్వం నోటిఫికేషన్‌ జారీ చేసింది. ఇందులో టీచర్‌ పోస్టులు 23, ఆయా పోస్టులు 28 ఉన్నాయి. ఈనెల 10నుంచి ఆన్‌లైన్‌లో దరఖాస్తులు స్వీకరించగా, 24తో గడువు ముగిసింది. టీచర్‌ పోస్టులతో పాటు ఆయా పోస్టులను కూడా స్థానికంగా ఉండేవారికే ప్రాధాన్యం ఇస్తామని ఐసీడీఎస్‌ అధికారులు చెబుతున్నారు. దరఖాస్తులు ఇలా.. తాండూరు ఐసీడీఎస్‌ క్లస్టర్‌ పరిధిలో తాండూరు, పెద్దేముల్‌, యాలాల, బషీరాబాద్‌ మండలాలతో పాటు తాండూరు మున్సిపాలిటీ ఉంది. వీటి పరిధిలో ఖాళీగా ఉన్న 23 టీచర్‌ పోస్టులకు 548 దరఖాస్తులు వచ్చాయి. ఇందులో తాండూరు మున్సిపాల్టీలోని 6 టీచర్‌ పోస్టులకు 367 అప్లికేషన్లు రావడం అధికారులను ఆశ్చర్యానికి గురిచేసింది. 28 ఆయా పోస్టులకు 65 దరఖాస్తులు వచ్చాయి. తాండూరు మండలంలో.. తాండూరు మండలంలోని ఓగిపూర్‌ అంగన్‌వాడీ టీచర్‌ పోస్టుకు 1 దరఖాస్తు, సంగెంకలాన్‌– 6, సంకిరెడ్డిపల్లితండా– 6 దరఖాస్తులు వచ్చాయి. యాలాల మండలం నాగసముందర్‌ అంగన్‌వాడీ టీచర్‌ పోస్టుకు– 3, అగ్గనూర్‌– 27, అక్కంపల్లి– 14, మల్‌రెడ్డిపల్లి– 13, కోకట్‌– 18, తుప్పెర్లగడ్డతండా– 9 దరఖాస్తులు అందాయి. బషీరాబాద్‌ మండలంలోని కొర్విచెడ్‌లో– 11, బద్లాపూర్‌తండా– 13, జీవన్గి గ్రామంలోని మూడు టీచర్‌ పోస్టులకు– 23 దరఖాస్తులు వచ్చాయి. పెద్దేముల్‌ మండలంలోని కొండాపూర్‌లో టీచర్‌ పోస్టుకు– 9, ఉషానాయక్‌తండా–15, నెల్లిగడ్డతండా– 13 అప్లికేషన్లు అందాయి. తాండూరు మున్సిపాల్టీలో.. తాండూరు ఐసీడీఎస్‌ క్లస్టర్‌ పరిధిలోని తాండూరు మున్సిపాల్టీలో 6 అంగన్‌వాడీ టీచర్‌ పోస్టులు ఖాళీగా ఉన్నాయి. వీటికోసం ఏకంగా 367 దరఖాస్తులు వచ్చాయి. ఇందులో వడ్డెరగల్లి– 64, గడి– 60, గుమస్తానగర్‌– 118, పుటన్‌గల్లి– 62, రాజీవ్‌ గృహకల్ప– 31, మాణిక్‌నగర్‌– 32 దరఖాస్తులు వచ్చినట్లు అధికారులు తెలిపారు. 28 ఆయా పోస్టులకు 65 దరఖాస్తులు తాండూరు ఐసీడీఎస్‌ క్లస్టర్‌ పరిధిలోని పలు అంగన్‌వాడీ కేంద్రాల్లో ఖాళీగా ఉన్న 28 ఆయా పోస్టులకు గాను 65 దరఖాస్తులు వచ్చినట్లు అధికారులు తెలిపారు. గిరిజన తండాల్లోని సెంటర్లలో ఉన్న ఆయా పోస్టులను మాత్రమే భర్తీ చేస్తున్నారు. పైరవీలకు తావులేదు తాండూరు ఐసీడీఎస్‌ క్లస్టర్‌ పరిధిలోని టీచర్‌, ఆయా పోస్టుల ఎంపిక విషయంలో ఎలాంటి పైరవీలకు తావు లేదు. అభ్యర్థుల స్థానికతతో పాటు మార్కుల ఆధారంగా ఎంపిక చేస్తాం. క్షేత్రస్థాయిలో అడిషనల్‌ సీడీపీఓతో పాటు సూపర్‌వైజర్‌ వెళ్లి దరఖాస్తులను క్షుణంగా పరిశీలిస్తారు. అనంతరం అప్లికేషన్లను కలెక్టర్‌కు పంపిస్తాం. ఎంపిక అంశం కలెక్టర్‌ పరిధిలోనే ఉంటుంది. – కాంతారావు, సీడీపీఓ, తాండూరు క్లస్టర్‌

మొయినాబాద్‌: ప్రజాస్వామ్య వ్యవస్థలో అత్యంత కీలకమైన ఓటు హక్కును కాపాడుకోవాల్సిన బాధ్యత ప్రతి పౌరుడిపై ఉందని.. ఓటు హక్కు పరిరక్షణే దేశ పరిరక్షణ అని ఏఐసీసీ పరిశీలకుడు మోహన్‌ కుమారన్‌ మంగళం అన్నారు. ‘ఓట్‌ బచావో – దేశ్‌ బచావో’లో భాగంగా మొయినాబాద్‌లోని పార్టీ కార్యాలయంలో డీసీసీ అధ్యక్షురాలు చిగురింత పారిజాత, ఇతర నాయకులతో కలిసి సోమవారం విలేకరుల సమావేశంలో మాట్లాడారు. ప్రజాస్వామ్యాన్ని సజీవంగా ఉంచాలంటే ఓటు హక్కును కాపాడుకోవడం అవసరమన్నారు. ఎలక్షన్‌ కమిషన్‌ కేంద్ర ప్రభుత్వం చేతుల్లో కీలుబొమ్మగా మారిందని.. ఎస్‌ఐఆర్‌ పేరుతో ప్రతి నియోజకవర్గంలో లక్షల మంది ఓట్లు తొలగించారని మండిపడ్డారు. దేశంలో మారుతున్న రాజకీయ పరిణామాల దృష్ట్యా ప్రజలను చైతన్యవంతం చేయడానికి కాంగ్రెస్‌ పార్టీ ‘ఓట్‌ బచావో – దేశ్‌ బచావో’ కార్యక్రమాన్ని చేపట్టినట్టు చెప్పారు. ఇందులో భాగంగా నవంబర్‌ 1న ఢిల్లీలోని రామ్‌లీలా మైదానంలో అత్యంత ప్రతిష్టాత్మకంగా నిర్వహించనున్న భారీ బహిరంగ సభకు రాష్ట్రం నుంచి భారీగా తరలివచ్చి విజయవంతం చేయాలని పిలుపునిచ్చారు. సమావేశంలో రాష్ట్ర కార్పొరేషన్‌ చైర్మన్లు చల్లా నర్సింహారెడ్డి, జ్ఞానేశ్వర్‌ ముదిరాజ్‌, రఘునాథ్‌ యాదవ్‌, చేవెళ్ల, శేరిలింగంపల్లి నియోజకవర్గాల ఇన్‌చార్జులు భీమ్‌ భరత్‌, జగదీశ్వర్‌ గౌడ్‌, రాష్ట్ర యూత్‌ కాంగ్రెస్‌ అధ్యక్షుడు జక్కిడి శివ చరణ్‌ రెడ్డి, జెడ్పీ మాజీ చైర్‌పర్సన్‌ తీగల అనితా రెడ్డి, పీసీసీ అధికార ప్రతినిధి గౌరీ సతీష్‌, రాష్ట్ర నాయకులు ఏనుగు జంగారెడ్డి, షాబాద్‌ దర్శన్‌, రాంరెడ్డి, జిల్లా యూత్‌ కాంగ్రెస్‌ అధ్యక్షుడు నాగేందర్‌ రెడ్డి, జిల్లా మహిళా కాంగ్రెస్‌ అధ్యక్షురాలు జ్యోతి భీమ్‌ భరత్‌, జిల్లా మైనారిటీ సెల్‌ చైర్మన్‌ ఖాజా సలావుద్దీన్‌ అమీర్‌, మొయినాబాద్‌, చేవెళ్ల మున్సిపాలిటీల చైర్‌పర్సన్‌లు సోనియాదర్శన్‌, సమత వెంకట్‌ రెడ్డి, పార్టీ మండల అధ్యక్షుడు సత్యనారాయణ, మాజీ అధ్యక్షుడు మాణయ్య తదితరులు పాల్గొన్నారు. ఏఐసీసీ పరిశీలకుడు మోహన్‌ కుమారన్‌ మంగళం

అనంతగిరి: సమాజంలో వెట్టిచాకిరీ వంటి అమానవీయ విధానాలను పూర్తిగా నిర్మూలించేందుకు ప్రతిఒక్కరూ బాధ్యతగా వ్యవహరించాలని కలెక్టర్‌ దీపక్‌ తివారి సూచించారు. వెట్టి చాకిరీ నిర్మూలనపై ప్రజల్లో అవగాహన కల్పించేందుకు కార్మిక శాఖ ఏర్పాటు చేసిన ప్రత్యేక వాహనాన్ని సోమవారం జెండా ఊపి ప్రారంభించారు. వెట్టిచాకిరీ నిర్మూలనకు కృషి చేస్తామని, చట్టాల అమలులో నిష్పక్షపాతంగా వ్యవహరించి బాధితులకు న్యాయం జరిగేలా చూస్తామని, అందరికీ సమానత్వం, సామాజిక న్యాయం జరిగేలా పనిచేస్తామని అధికారులతో ప్రతిజ్ఞ చేయించారు. అనంతరం కలెక్టర్‌ మాట్లాడుతూ.. వెట్టిచాకిరీ బాధితులను గుర్తించి, విముక్తి కల్పిస్తామన్నారు. వీరికి పునరావాసం కల్పించడంతో పాటు సంక్షేమ పథకాలు అందేలా తగిన చర్యలు తీసుకుంటామని స్పష్టంచేశారు. ఎవరైనా బాధితులను గుర్తిస్తే వెంటనే అధికారులకు సమాచారం ఇవ్వాలని సూచించారు. వాల్మీకి మహర్షికి ఘన నివాళి బీసీ సంక్షేమ శాఖ ఆధ్వర్యంలో సోమవారం వాల్మీకి మహర్షి జయంతిని ఘనంగా నిర్వహించారు. కలెక్టరేట్‌లో ఏర్పాటు చేసిన కార్యక్రమంలో కలెక్టర్‌ దీపక్‌ తివారి వాల్మీకి చిత్రపటానికి పూలమాలలు వేసి నివాళులర్పించారు. ఆయన బోధనలు సమాజాన్ని సత్యం, ధర్మం, న్యాయం, మానవీయ విలువల మార్గంలో నడిచేందుకు స్ఫూర్తినిస్తాయని తెలిపారు. కార్యక్రమంలో ట్రైనీ కలెక్టర్‌ సచిన్‌ బస్వరాజ్‌ గుటూరు, కార్మిక శాఖ అధికారి వాల్యనాయక్‌, బీసీ, ఎస్సీ వెల్ఫేర్‌ అధికారులు మాధవరెడ్డి, జైపాల్‌రెడ్డి, డీపీఓ జయసుధ, హైదరాబాద్‌ నుంచి వచ్చిన కళాకారులు, సంబంధిత శాఖల అధికారులు, సిబ్బంది తదితరులు పాల్గొన్నారు. ప్రజావాణిలో ఫిర్యాదుల స్వీకరణ.. ప్రజావాణిలో వచ్చిన ఫిర్యాదులను అధికారులు సకాలంలో పరిష్కరించాలని జిల్లా కలెక్టర్‌ దీపక్‌ తివారి ఆదేశించారు. ఈ మేరకు సోమవారం కలెక్టరేట్‌లో నిర్వహించిన కార్యక్రమంలో ప్రజల నుంచి వచ్చిన ఫిర్యాదులను స్వీకరించి, సమస్యలను అడిగి తెలుసుకున్నారు. అనంతరం సంబంధిత శాఖ అధికారులకు ఫిర్యాదులు అందజేసి తక్షణ విచారణకు ఆదేశించారు. కలెక్టర్‌ దీపక్‌ తివారి

ఇబ్రహీంపట్నం రూరల్‌: గ్రామకంఠం భూమిని స్వాధీనం చేసుకొని ప్రజలకు పంచాలని డీఎస్‌పీ రాష్ట్ర అధ్యక్షుడు డాక్టర్‌ విశారదన్‌ మహారాజ్‌ డిమాండ్‌ చేశారు. గ్రామకంఠం భూమి కబ్జాకు గురైందని, కాపాడాలని కోరుతూ మండలంలోని దండుమైలారం గ్రామస్తులు సోమవారం కలెక్టరేట్‌ ఎదుట ధర్నా చేపట్టారు. కార్యక్రమానికి డాక్టర్‌ విశారదన్‌ మహారాజ్‌ సంఘీభావం తెలిపి మాట్లాడారు. దండుమైలారంలో ఓ భూస్వామి ఆక్రమించిన 4.20 ఎకరాల భూమిని కబ్జా నుంచి విడిపించాలని అన్నారు. పంచాయతీ రికార్డులు తారుమారు చేయడంపై సమగ్ర విచారణ చేపట్టాలన్నారు. 32 రోజులుగా ఆందోళనలు చేపడుతుంటే స్పందించకపోవడం సిగ్గు చేటన్నారు. గ్రామానికి చెందిన మరి కొందరు ఆరు ఎకరాల గ్రామకంఠం భూమి అక్రమించారని వారిపై కూడా చర్యలు తీసుకోవాలన్నారు. కార్యక్రమంలో బీసీ, ఎస్సీ, ఎస్టీ జేఎసీ నాయకులు పాల్గొన్నారు.

వికారాబాద్‌: ప్రభుత్వ శాఖలు, ప్రజలు కలిసికట్టుగా ఎల్‌నినోను ఎదుర్కోవాల్సిన అవసరం ఉందని ప్రభుత్వ ప్రత్యేక ప్రధాన కార్యదర్శి దాన కిషోర్‌ అన్నారు. వికారాబాద్‌ కలెక్టరేట్‌లో సోమవారం కలెక్టర్‌ దీపక్‌ తివారితో కలిసి జిల్లా స్థాయి అధికారులతో సమీక్ష నిర్వహించారు. జిల్లాలో ఎల్‌నినో ప్రభావం ఎలా ఉంది..? శాఖల వారీగా తీసుకుంటున్న చర్యలు ఏమిటి..? ఎన్ని గ్రామ పంచాయతీలు, ఎన్ని ఆవాసాలు, ఆయా గ్రామాల్లో నెలకొన్న సమస్యలు, ఎల్‌నినోను ఎదుర్కొనేందుకు చేపడుతున్న సంసిద్ధతా కార్యక్రమాలపై చర్చించారు. జిల్లాలో ఎన్ని చెరువులు ఉన్నాయి..? వీటి నీటి నిల్వ సామర్థ్యం ఎంత.. ప్రస్తుతం ఎంతశాతం నీరు నిల్వ ఉంది..? తదితర అంశాలను అడిగి తెలుసుకున్నారు. వీబీజీరామ్‌జీ పథకంలో కల్పిస్తున్న పనులు, వస్తున్న కూలీలు, జిల్లాకు అనుగుణంగా చేస్తున్న ప్రణాళికలు తదితర అంశాలపై క్షుణ్ణంగా సమీక్షించారు. అర్హత కలిగిన ప్రతీ కుటుంబానికి అడిగిన వెంటనే పనులు కల్పించాలని డీఆర్డీఏ అధికారులను ఆదేశించారు. ఎల్‌నినోను దృష్టిలో ఉంచుకుని పనులు ప్లాన్‌ చేసుకోవాలన్నారు. పశుపోషణ విషయంలో తీసుకుంటున్న చర్యలను తెలుసుకున్నారు. గ్రాసం కొరత రాకుండా తగిన జాగ్రత్తలు తీసుకోవాలన్నారు. పంటల సాగు విధానం మారేలా రైతులకు అవగాహన కల్పించాలని వ్యవసాయ, ఉద్యాన శాఖల అధికారులకు సూచించారు. నీటి ఎద్దడిని దృష్టిలో ఉంచుకుని అవసరమైన చర్యలు తీసుకోవాలన్నారు. నీటిని పొదుపుగా వాడేలా చూడాలని తెలిపారు. తక్కువ నీటితో పండే స్వల్పకాలిక పంటలు సాగు చేసేలా అవగాహన కల్పించాలన్నారు. ఎల్‌నినో ప్రణాళిక తప్పనిసరి అడిగిన ప్రతిఒక్కరికీ పని కల్పించాలి నీటి సంరక్షణకు ప్రాధాన్యం ఇవ్వాలి ప్రభుత్వ ప్రత్యేక ప్రధాన కార్యదర్శి దాన కిషోర్‌ వికారాబాద్‌లో జిల్లా స్థాయి అధికారుల సమీక్ష కలెక్టర్‌ దీపక్‌ తివారి మాట్లాడుతూ.. ఎల్‌నినో ప్రభావం నేపథ్యంలో జిల్లాలో తీసుకుంటున్న చర్యలను వివరించారు. వీబీజీరామ్‌జీలో నీటి నిల్వకు అవసరమైన పనులు చేపట్టేలా ప్రణాళిక సిద్ధం చేశామని తెలిపారు. నేలపై రాలిన ప్రతీ నీటి చుక్క లోనికి ఇంకేలా గుంతలు తవ్విస్తున్నామని స్పష్టంచేశారు. సాగు పద్ధతులపై ఎప్పటికప్పుడు రైతులకు సూచనలు చేస్తున్నామన్నారు. అనంతరం మండల పరిధిలోని పీలారం గ్రామాన్ని సందర్శించి బీవీజీరామ్‌జీ పనులను పరిశీలించారు. ఈ కార్యక్రమంలో అడిషనల్‌ కలెక్టర్లు వెంకటాచారి, ఉమాశంకర్‌ప్రసాద్‌, అడిషనల్‌ కమిషనర్లు రవిందర్‌, శ్రీనివాస్‌, జెడ్పీ సీఈఓ సుధీర్‌, డీఆర్డీఓ శ్రీనివాస్‌, డీపీఓ జయసుధ, డీఏఓ కవిత తదితరులు పాల్గొన్నారు.

యాలాల: భూ సమస్యలను వెంటనే పరిష్కరించి బాధితులకు న్యాయం చేయాలని ప్రజా సంఘాల నాయకులు డిమాండ్‌ చేశారు. ఈ మేరకు సోమవారం యాలాల మండల కేంద్రంలో కేవీపీఎస్‌, వ్యవసాయ కార్మిక సంఘం, ఎంఆర్‌పీఎస్‌, ప్రజా సంఘాల ఆధ్వర్యంలో రిలే నిరాహార దీక్షలు ప్రారంభించారు. ఈ సందర్భంగా నాయకులు మాట్లాడుతూ.. భూ సమస్యలతో రైతులు, పేద ప్రజలు తీవ్ర ఇబ్బందులు ఎదుర్కొంటున్నారని ఆవేదన వ్యక్తం చేశారు. పలుమార్లు అధికారుల దృష్టికి తీసుకెళ్లినా సమస్య పరిష్కరం కాకపోవడంతో దీక్షలకు దిగాల్సి వచ్చిందన్నారు. అధికారులు సమగ్ర విచారణ జరిపి బాధితులకు న్యాయం చేయలని డిమాండ్‌ చేశారు. సమస్య పరిష్కారమయ్యే వరకు పోరాటం కొనసాగిస్తామని స్పష్టంచేశారు. ఈ కార్యక్రమంలో రైతు సంఘం జిల్లా కార్యదర్శి మహిపాల్‌, కేవీపీఎస్‌ జిల్లా కార్యదర్శి ఉప్పలి మల్కయ్య, వ్యవసాయ కార్మిక సంఘం జిల్లా అధ్యక్షుడు బుగ్గప్ప, ఎమ్మార్పీఎస్‌ నాయకులు డప్పు మహేందర్‌, కేవీపీఎస్‌ నాయకులు నర్సింహులు, లాలప్ప, అనిల్‌, రైతులు తదితరులు పాల్గొన్నారు. ప్రజా సంఘాల డిమాండ్‌ యాలాలలో రిలే దీక్షలు

తాండూరు టౌన్‌: శాసన సభ స్పీకర్‌ గడ్డం ప్రసాద్‌కుమార్‌ బుధవారం తాండూరుకు రానున్నట్లు స్థానిక ఎమ్మెల్యే క్యాంపు కార్యాలయ సిబ్బంది సోమవారం ఒక ప్రకటనలో తెలిపారు. తాండూరు ఎమ్మెల్యే బుయ్యని మనోహర్‌రెడ్డికి చెందిన బీఎమ్మార్‌ ఫౌండేషన్‌ ఆధ్వర్యంలో పోటీ పరీక్షల కోసం యువతకు ఉచితంగా అందిస్తున్న శిక్షణ శిబిరాన్ని స్పీకర్‌ సందర్శిస్తారని పేర్కొన్నారు. పట్టణంలోని విలియంమూన్‌ పాఠశాలలో కొనసాగుతున్న క్యాంపులో ఎస్‌ఐ, కానిస్టేబుల్‌తో పాటు వివిధ పోటీ పరీక్షలకు సిద్ధమవుతున్న వారికి ఉచితంగా స్టడీ మెటీరియల్‌ అందజేస్తారని పేర్కొన్నారు. మధ్యాహ్నం 3గంటలకు కార్యక్రమం ప్రారంభమవుతుందని తెలిపారు. అనంతగిరి: అనంతగిరి గుట్ట వద్ద ఈనెల 3న జరిగిన రోడ్డు ప్రమాదంలో గాయపడిన వారిని కాపాడిన ఇద్దరు యువకులకు ప్రభుత్వం నగదు ప్రోత్సాహం అందజేసింది. జిల్లా ఇన్‌ఛార్జ్‌ మంత్రి శ్రీధర్‌ బాబు ఆదేశాల కలెక్టర్‌ దీపక్‌ తివారి, ఎస్పీ స్నేహమెహ్ర సోమవారం రియాజ్‌ఖాన్‌, మైతాఫ్‌కు రూ.25 వేల చొప్పున చెక్కులు అందజేశారు. అనంతగిరి: అర్హులైన పట్టభద్రులు ఎమ్మెల్సీ ఓటరుగా నమోదు చేసుకునేందుకు అన్ని చర్యలు తీసుకుంటున్నామని అదనపు కలెక్టర్‌ (రెవెన్యూ) వెంకటాచారి అన్నారు. ఈ మేరకు రాష్ట్ర ఎన్నికల ప్రధాన అధికారి సుదర్శన్‌రెడ్డి నిర్వహించిన వీడియో కాన్ఫరెన్స్‌కు హాజరయ్యారు. ఇప్పటి వరకు జిల్లావ్యాప్తంగా 20,316 మంది ఓటు హక్కు కోసం నమోదు చేసుకున్నారని తెలిపారు. ఓటరు జాబితా రూపకల్పనలో ఎలాంటి తప్పులు లేకుండా తగిన జాగ్రత్తలు తీసుకుంటున్నామని వివరించారు. ఆర్డీవో వాసుచంద్ర, సూపరింటెండెంట్‌ నేమత్‌ అలీ, తహసీల్దార్‌ రవీందర్‌ తదితరులు పాల్గొన్నారు. తాండూరు రూరల్‌: మండలంలో వీబీజీ రామ్‌జీ కింద చేపట్టిన పనులను క్షేత్రస్థాయిలో తనిఖీ చేయాలని వీబీజీ రామ్‌ జీ స్టేట్‌ రిసోర్స్‌ పర్సన్‌ ప్రదీప్‌కుమార్‌ అన్నారు. ఈ మేరకు సోమవారం తాండూరు ఎంపీడీఓ కార్యాలయంలో డీఆర్పీలతో సమావేశం నిర్వహించారు. మంగళవారం నుంచి మండలంలో 17వ విడత సామాజిక తనిఖీ నిర్వహించనున్నట్లు తెలిపారు. ఇప్పటికే రికార్డులను స్వాధీనం చేసుకున్నామని స్పష్టంచేశారు. కార్యక్రమంలో ఈసీ మధుసూధన్‌రెడ్డి, జూనియర్‌ అసిస్టెంట్‌ అమీద్‌, పంచాయతీ కార్యదర్శులు పాల్గొన్నారు. ఇబ్రహీంపట్నం రూరల్‌: మహర్షి వాల్మీకి బోధనలు సమాజానికి మార్గదర్శకం అని అదనపు కలెక్టర్‌ డాక్టర్‌ కె.కిరణ్మయి పేర్కొన్నారు. కలెక్టరేట్‌లోని జిల్లా వెనుకబడిన తరగతుల సంక్షేమ శాఖ ఆధ్వర్యంలో సోమవారం మహర్షి వాల్మీకి జయంతి వేడుకలను ఘనంగా నిర్వహించారు. ఈ సందర్భంగా అదనపు కలెక్టర్‌ మహర్షి వాల్మీకి చిత్రపటానికి పూలమాల వేసి నివాళి అర్పించారు. అనంతరం మాట్లాడుతూ.. మహర్షి వాల్మీకి జీవితం, ఆయన రచనలు నేటి తరానికి స్ఫూర్తిదాయకమని తెలిపారు. వాల్మీకి బోధించిన విలువలను ప్రతి ఒక్కరూ ఆచరిస్తూ, సమాజంలో ఐక్యత సోదరభావం, నైతిక విలువలను పెంపొందించుకోవాలని సూచించారు. కార్యక్రమంలో జిల్లా వెనకబడిన తరగతుల సంక్షేమ శాఖ అధికారి కేశురాం, వాల్మీకి సంఘం ప్రతినిధులు పాల్గొన్నారు.

మొయినాబాద్‌/మొయినాబాద్‌రూరల్‌: మొయినాబాద్‌లో కొత్తగా ఏర్పాటు చేయనున్న అజీజ్‌నగర్‌ పోలీస్‌ష్టేషన్‌, మొయినాబాద్‌ ట్రాఫిక్‌ పోలీస్‌స్టేషన్‌, మొయినాబాద్‌ డివిజన్‌ ఏసీపీ కార్యాలయం ఏర్పాటుకోసం ఫ్యూచర్‌ సిటీ కమిషనర్‌ తరుణ్‌ జోషి పలు భవనాలను పరిశీలించారు. సోమవారం అజీజ్‌నగర్‌లో బీఎస్‌ఎన్‌ఎల్‌ భవనం, పీహెచ్‌సీ, అంగన్‌వాడీ భవనం, నాగిరెడ్డిగూడలో పంచాయతీ కార్యాలయం, హిమాయత్‌నగర్‌లోని వార్డు కార్యాలయాన్ని అజీజ్‌నగర్‌ పోలీస్‌స్టేషన్‌ ఏర్పాటుకోసం పరిశీలించారు. మండల తహసీల్దార్‌ కార్యాలయం వెనకాల ఉన్న సోషల్‌ వెల్ఫేర్‌ హాస్టల్‌ భవనాన్ని, చిలుకూరు మహిళా ప్రాంగణంలోని భవనాలను ఏసీపీ కార్యాలయం, ట్రాఫిక్‌ పోలీస్‌స్టేషన్లకోసం పరిశీలించారు. వీటిలో మౌలిక సదుపాయాలు, ప్రజలకు అందుబాటులో ఉండే భవనాలు, అనుకూలమైన అంశాలను సమీక్షించారు. ఆయన వెంట చేవెళ్ల డీసీపీ యోగేష్‌గౌతమ్‌, ట్రాఫిక్‌ డీసీపీ శివం ఉపాధ్యాయ, చేవెళ్ల ఏసీపీ కిషన్‌, మొయినాబాద్‌ ఇన్‌స్పెక్టర్‌ మల్లికార్జున్‌రెడ్డి, ఎస్‌ఐలు వెంకన్న తదితరులు ఉన్నారు. క్రికెట్‌ మైదానాల పరిశీలన ఆల్‌ ఇండియా పోలీస్‌ క్రికెట్‌ టోర్నమెంట్‌ నిర్వహణ కోసం పలు క్రికెట్‌ మైదానాలను ఫ్యూచర్‌సిటీ కమిషనర్‌ తరుణ్‌ జోషి పరిశీలించారు. మొయినాబాద్‌లోని క్రికెట్‌ గ్రౌండ్‌లను పరిశీలించి టోర్నమెంట్‌లో భాగంగా రాష్ట్రాల వారీగా నిర్వహించే మ్యాచ్‌లు, క్రీడాకారులకు అవసరమైన మౌలిక సదుపాయాలను అడిగి తెలుసుకున్నారు. టోర్నమెంట్‌ను విజయవంతంగా నిర్వహించేందుకు అవసరమైన ఏర్పాటు చేయాలని సంబంధిత అధికారులకు తగిన సూచనలు చేశారు. ఆయన వెంట స్పోర్ట్స్‌ అండ్‌ వెల్ఫేర్‌ ఐజీపీ గజరావు భూపాల్‌ ఉన్నారు.

మంగళవారం శ్రీ 27 శ్రీ అక్టోబర్‌ శ్రీ 2026వికారాబాద్‌: జిల్లా రైతుల నుంచి సేకరించిన సన్న వడ్లకు సంబంధించి బోనస్‌ డబ్బులు ఇప్పటికీ చెల్లించలేదు. గత రెండు సీజన్లలో మద్దతు ధరకు సన్న, దొడ్డు రకాల ధాన్యాన్ని కొనుగోలు చేసిన ప్రభుత్వం వెంటవెంటనే డబ్బులు చెల్లించింది. కానీ, సన్న వడ్లకు ఇస్తామన్న రూ.500 బోనస్‌ పెండింగ్‌లో పెట్టింది. ఈ డబ్బుల కోసం రైతులు ఆశగా ఎదురు చూస్తున్నారు. అంచనాలకు మించి కొనుగోళ్లు గత మూడు సీజన్లతో పోలిస్తే 2025 రబీ సీజన్‌లో భారీగా ధాన్యం కొనుగోలు చేశారు. 92 వేల ఎకరాల్లో వరి సాగు చేయగా, రెండు లక్షల మెట్రిక్‌ దిగుబడి వస్తుందని వ్యవసాయ శాఖ అధికారులు అంచనా వేశారు. ఇందులో 90 వేల మెట్రిక్‌ టన్నుల ధాన్యాన్ని కొనుగోలు చేయాలని లక్ష్యంగా పెట్టుకున్నారు. కానీ, అంచనాలకు మించి లక్ష మెట్రిక్‌ టన్నుల దొడ్డు రకం ధాన్యం సేకరించారు. వీటితో పాటు 3,900 మెట్రిక్‌ టన్నుల సన్నరకం ధాన్యానిసేకరించారు. ఇందుకు గానూ క్వింటాలుకు రూ.500 చొప్పున రైతులకు రూ.1.95 కోట్ల బోనస్‌ డబ్బులు చెల్లించాల్సి ఉండగా, ఇప్పటికీ ఖాతాల్లో జమకాలేదు. 2026 యాసంగి సీజన్‌కు సంబంధించి మొత్తం 90 వేల ఎకరాల్లో వరి సాగు చేయగా 1.10 లక్షల మెట్రిక్‌ టన్నుల ధాన్యాన్ని ప్రభుత్వం కొనుగోలు చేసింది. వీటితో పాటు 8,421 మెట్రిక్‌ టన్నుల సన్నరకం వడ్లను సేకరించింది. ఇందుకు సంబంధించిన బోనస్‌ రూ.4.46 కోట్లు రైతులకు చెల్లించాల్సి ఉన్నా, ఇప్పటికీ ఎదురు చూపులు తప్పడం లేదు. ప్రైవేటు వైపు రైతన్న చూపు జిల్లాలో సాధారణ వరి సాగు విస్తీర్ణం 93 వేల ఎకరాలు కాగా, గత మూడు సీజన్లుగా అంతకు మించి నమోదైంది. గత వానాకాలం సీజన్‌లో 1.30 లక్షల ఎకరాల్లో వరి సాగు చేయగా, యాసంగిలో 90 వేలకుపైగా ఎకరాల్లో సాగైంది. ఇందులో అత్యధికంగా పరిగి వ్యవసాయ డివిజన్‌లో 46,876 ఎకరాలు, కొడంగల్‌ డివిజన్‌లో 45,137, తాండూరు 29,964, వికారాబాద్‌ డివిజన్‌లో 8,023 ఎకరాల్లో వరి సాగైంది. జిల్లాలో మొత్తం 20 మండలాలు ఉండగా ఇందులో 12 మండలాల్లో వెయ్యి నుంచి ఐదు వేల ఎకరాల్లో వరి సాగు నమోదైంది. 2023 మరియు 2024 సీజన్లతో పోలిస్తే 2025 యాసంగిలో సన్నరకం వడ్ల సాగు విస్తీర్ణం గననీయంగా పెరిగింది. రెండు మూడు వేల ఎకరాలు దాటని సన్నరకం సాగు 2025 యాసంగిలో 14 వేల ఎకరాల్లో సాగైంది. 8,421 మెట్రిక్‌ టన్నుల సన్నరకం ధాన్యాన్ని రైతులు ప్రభుత్వ కొనుగోలు కేంద్రాల్లో విక్రయించారు. బోనస్‌ డబ్బులు చెల్లించకపోవడంతో 2026 యాసంగి సీజన్‌లో కేవలం 3,900 మెట్రిక్‌ టన్నులు మాత్రమే ప్రభుత్వానికి అమ్మారు. మిగిలినవారు ప్రైవేటు వ్యాపారులకు విక్రయించారు. ఇప్పటికీ దిగుమతే.. జిల్లాలోని ప్రైవేటు వ్యాపారులు కర్నూలుతో పాటు తెలంగాణలోని మిర్యాలగూడ ప్రాంతంలో పండించిన సన్నరకం బియ్యాన్ని దిగుమతి చేసుకుంటున్నారు. ఈ తరుణంలో సన్నవడ్ల సాగు పెరగడం శుభపరిణామంగా కనిపించింది. అయితే, బోనస్‌ చెల్లించే విషయంలో ప్రభుత్వం చేస్తున్న జాప్యం ప్రభావం గత సీజన్‌తో పాటు ప్రస్తుత సీజన్‌పై కూ డా పడనుంది. ప్రభుత్వం ఇప్పటికై నా బోనస్‌ డబ్బు లు చెల్లిస్తే కొనుగోలు కేంద్రాల్లో విక్రయించే అవకాశం ఉంది. ప్రస్తుతం బహిరంగ మార్కెట్లో సన్న బియ్యం ధరలు ఆకాశన్నంటడంతో సాధ్యమైనంత త్వరగా బకాయిలు విడుదల చేయాలి. లేదంటే ఈసారి కూడా ప్రైవేటుకే మొగ్గు చూపే ఛాన్స్‌ ఉంది. బొంపల్లితండాకు చెందిన మాన్యనాయక్‌ సైతం గత రెండు సీజన్లలో సన్న రకం వడ్లు పండించి కొనుగోలు కేంద్రాల్లో విక్రయించారు. ప్రభుత్వం స్పందించి వెంటనే బోనస్‌ డబ్బులు ఇవ్వాలని డిమాండ్‌ చేస్తున్నారు. దోమ మండలం బొంపల్లి గ్రామానికి చెందిన రైతు జంగయ్య ప్రభుత్వానికి సన్న రకం వడ్లు విక్రయించారు. ఏడాదిగా ఎదురు చూస్తున్నా బోనస్‌ అందడం లేదని ఆవేదన వ్యక్తంచేస్తున్నారు. ప్రభుత్వం ఇచ్చే బోనస్‌కు ఆశపడి సన్నరకం ధాన్యం పండించినా ఫలితం లేకుండాపోతోందని అసహనం వ్యక్తంచేశారు. ప్రోత్సాహక నగదు చెల్లింపులో తీవ్ర జాప్యం రెండు సీజన్లుగా అందని బకాయిలు క్వింటాలుకు రూ.500 చొప్పున రూ.6.41 కోట్లు పెండింగ్‌

సాక్షి, రంగారెడ్డి జిల్లా: అనుమతి లేకుండా పార్టీలు నిర్వహిస్తున్న ఫామ్‌హౌస్‌లపై చేవెళ్ల డీసీపీ యోగేశ్‌ గౌతమ్‌ ఆధ్వర్యంలో పోలీసులు శనివారం రాత్రి దాడులు నిర్వహించారు. అక్రమంగా నిల్వ చేసిన 26 లీటర్ల మద్యం, నాలుగు హుక్కా పాట్స్‌ని స్వాధీనం చేసుకున్నారు. ఈ సందర్భంగా డీసీపీ మాట్లాడుతూ.. సురంగల్‌, తోలుకట్టలోని వన్‌ వ్యూ, వనం, ప్రణవిల్లా, జెడ్‌, రాయల్‌ వుడ్‌ ఫామ్‌హౌస్‌ల్లో అనుమతి లేకుండా పార్టీలు నిర్వహిస్తున్నట్లు సమాచారం అందిందని తెలిపారు. వాటిపై దాడులు చేసి, అక్రమంగా నిల్వ చేసిన మద్యం, హుక్కా పాట్స్‌ని స్వాధీనం చేసుకొని, యజమానులపై కేసు నమోదు చేసినట్టు చెప్పారు. ప్రభుత్వ నిబంధనలకు అనుగుణంగా ఫామ్‌హౌస్‌ నిర్వాహకులు నడుచుకోవాలని, చట్టవిరుద్ధ కార్యకలాపాలకు పాల్పడితే కఠిన చర్యలు తప్పవని హెచ్చరించారు. దాడుల్లో చేవెళ్ల ఏసీపీ కిషన్‌, మొయినాబాద్‌ సీఐ మల్లికార్జున్‌ రెడ్డి, డీఐ ఉపేందర్‌, సిబ్బంది పాల్గొన్నారు. చేవెళ్ల పరిధిలో ఆకస్మిక తనిఖీలు చేవెళ్ల: మండలంలోని పలు ఫామ్‌హౌస్‌ల్లో ఐదు ప్రత్యేక బృందాలతో శనివారం అర్ధరాత్రి పోలీసులు తనిఖీలు చేపట్టారు. ఈ సందర్భంగా ఎలైట్‌ ఫామ్‌హౌస్‌లో అనుమతులు లేకుండా హుక్కా వినియోగిస్తున్న ముగ్గురిని పట్టుకున్నారు. రెండు హుక్కాపాట్స్‌, వాటి పైపులను స్వాధీనం చేసుకున్నారు. ఈ మేరకు కేసు నమోదు చేశారు. ఈ సందర్భంగా చేవెళ్ల సీఐ నరేందర్‌రెడ్డి మాట్లాడుతూ.. అక్రమ కార్యకలాపాలను అరికట్టడం, శాంతిభద్రతలను పరిరక్షించడం లక్ష్యంగా చేవెళ్ల డీసీపీ యోగేష్‌ గౌతమ్‌ ఆదేశాల మేరకు ఫామ్‌హౌస్‌ల్లో ప్రత్యేక తనిఖీలు చేపట్టినట్లు తెలిపారు. ఫామ్‌హౌస్‌ యజమానులు, నిర్వాహకులు ఎలాంటి చట్ట విరుద్ధమైన కార్యకలాపాలకు పాల్పడినా చట్టరీత్య చర్యలు తప్పవని హెచ్చరించారు.

బంజారాహిల్స్‌: మద్యానికి అలవాటుపడ్డ ఓ ఆటోడ్రైవర్‌ తాను అద్దెకు తీసుకున్న ఆటోలోనే స్నాచింగ్‌లకు పాల్పడుతూ బంజారాహిల్స్‌ పోలీసులకు చిక్కాడు. నిందితుడిని పోలీసులు ఆదివారం అరెస్టు చేసి రిమాండ్‌కు తరలించారు. వివరాల్లోకి వెళితే.. భోజగుట్టలో నివసించే గువ్వా శ్రీను (31) ఆటోను అద్దెకు తీసుకుని బతుకుతున్నాడు. మద్యానికి అలవాటుపడి ఈజీ మనీ కోసం దొంగతనాలు ప్రారంభించాడు. ఈ నేపథ్యంలోనే బంజారాహిల్స్‌ రోడ్డునెంబర్‌–2లోని సాగర్‌ సొసైటీ ముగ్ధా భవన్‌ సెల్లార్‌లో అక్కడి సెక్యూరిటీగార్డ్‌ గోపాల్‌ కళ్లుగప్పి సెల్‌ఫోన్‌ దొంగిలించి ఉడాయించాడు. గంట వ్యవధిలోనే మళ్లీ బంజారాహిల్స్‌ రోడ్డునెంబర్‌–10లోని ఓ ఇంట్లోకి ప్రవేశించి దొంగతనానికి యత్నించగా భవన యజమాని గుర్తించి 100కు డయల్‌ చేశాడు. వెంటనే అక్కడికి చేరుకున్న బంజారాహిల్స్‌ పోలీసులు నిందితుడిని అదుపులోకి తీసుకుని విచారించగా, అంతకముందే సెక్యూరిటీగార్డ్‌ సెల్‌ఫోన్‌ దొంగతనం చేసిన మిస్టరీ వీడింది. సెక్యూరిటీగార్డ్‌ సెల్‌ఫోన్‌ దొంగతనం చేసి మరో ఇంట్లో దొంగతనానికి పాల్పడేందుకు స్కెచ్‌ వేసి పోలీసులకు చిక్కాడు. బంజారాహిల్స్‌ పోలీసులు కేసు దర్యాప్తు చేస్తున్నారు.

జలం..సాక్షి, రంగారెడ్డిజిల్లా: భూగర్భ జలాలు పాతాళానికి వేగంగా పడిపోతున్న జిల్లాల జాబితాలో ఉమ్మడి రంగారెడ్డి తెలంగాణలోనే ముందు వరుసలో నిలిచింది. గత ఏడాది సెప్టెంబర్‌తో పోలిస్తే ఈ ఏడాది 5.43 మీటర్ల లోతుకు పడిపోయాయి. ఆశించినస్థాయిలో వర్షపాతం నమోదు కాకపోవడానికి తోడు శివారు ప్రాంతాలు పూర్తిగా కాంక్రీట్‌ జంగిల్స్‌గా మారడం, భారీ బహుళ అంతస్తుల నిర్మాణాలు వెలుస్తుండటం, గృహ, వాణిజ్య, పారిశ్రామిక, వ్యవసాయ అవసరాల కోసం నీటిని తోడేస్తుండటంతో వేగంగా పాతాళానికి పడిపోతున్నాయి. ఇళ్లు, వ్యాపార, వాణిజ్య సముదాయాల్లోని బోరుమోటార్లు ఎండిపోతున్నాయి. గేటెడ్‌ కమ్యూనిటీలు, అపార్ట్‌మెంట్లు, ప్రభుత్వ, ప్రైవేటు కార్యాలయాలు, గురుకులాలు, హాస్టళ్లు, హోటళ్లు, ఆస్పత్రులు, వ్యాపార, వాణిజ్య సముదాయాల్లో నీటి కటకట తప్పడం లేదు. పైపులైన్ల ద్వారా కృష్ణా, గోదావరి జలాలను జలమండలి సరఫరా చేస్తున్నా అవసరాలు తీరడం లేదు. విధిలేని పరిస్థితుల్లో ప్రైవేటు ట్యాంకర్లను ఆశ్రయించాల్సి వస్తోంది. 13మండలాల్లో లోటు వర్షపాతమే.. సాధారణంగా జిల్లాలో సెప్టెంబర్‌ చివరి నాటికి 547.8 మిల్లీమీటర్ల వర్షపాతం నమోదు కావాల్సి ఉంది. ఈ ఏడాది ఇప్పటి వరకు 468 మిల్లీ మీటర్లకు మించలేదు. మైనస్‌ 14.6 శాతం లోటు నమోదైంది. 27 మండలాల్లో కేవలం ఒక మండలంలో (షాబాద్‌లో 26.2 శాతం) అధిక వర్షపాతం నమోదైంది. 13 మండలాల్లో సాధారణ వర్షపాతం నమోదైంది. వీటిలో కొందుర్గులో 18.9 శాతం, కేశంపేటలో 16.3, నందిగామలో 12.6, మొయినాబాద్‌లో 5.9, చేవెళ్లలో 3.8, మాడ్గులలో మైనస్‌ 5.0, శంకర్‌పల్లిలో మైనస్‌ 6.7, శేరిలింగంపల్లిలో మైనస్‌ 7.1, రాజేంద్రనగర్‌లో మైనస్‌ 8.0, ఫరూఖ్‌నగర్‌లో మైనస్‌ 8.6, చౌదరిగూడలో మైనస్‌ 14.5 శాతం వర్షపాతం నమోదైంది. కందుకూరు, ఆమనగల్లు, కడ్తాల్‌, గండిపేట్‌, శంషాబాద్‌, బాలాపూర్‌, హయత్‌నగర్‌, సరూర్‌నగర్‌, మంచాల, తలకొండపల్లి, యాచారం, అబ్దుల్లాపూర్‌మెట్‌, ఇబ్రహీంపట్నం మండలాల్లో సాధారణం కంటే అతి తక్కువై లోటు వర్షపాతం నమోదైంది. మరింత లోతుకు భూగర్భ జలమట్టం ఎండిపోతున్న పొలాలు, ఆందోళనలో రైతులు పంటలను కాపాడుకునేందుకు ట్యాంకర్లతో నీటి సరఫరా కరెంట్‌ కోతలపై కన్నెర్ర.. సబ్‌స్టేషన్ల ముట్టడి చేవెళ్ల, షాద్‌నగర్‌, కందుకూరు, ఇబ్రహీంపట్నం రెవెన్యూ డివిజన్ల పరిధిలో పంటలు వాడిపోతున్నాయి. మెజార్టీ బోర్లు ఇప్పటికే ఎండిపోయాయి. చెరువులు, కుంటల కింద ఉన్న బోరు బావుల్లో నీరు ఉన్నప్పటికీ.. కరెంట్‌ కోతలతో ఇబ్బందులు తలెత్తుతున్నాయి. సరఫరాలో హెచ్చుతగ్గుల సమస్యతో డిస్ట్రిబ్యూషన్‌ ట్రాన్స్‌ఫార్మర్లు సహా మోటార్లు కాలిపోతున్నాయి. జిల్లాలోని మూడు సర్కిళ్ల పరిధిలో 3,298 ట్రాన్స్‌ఫార్మర్లు కాలిపోయాయంటే క్షేత్రస్థాయిలో విద్యుత్‌ డిమాండ్‌, సరఫరా తీరు ఎంత దారుణంగా ఉందో అర్థం చేసుకోవచ్చు. కరెంట్‌ లేక పంటలు ఎండిపోతుండటంతో రైతులు సబ్‌స్టేషన్లను ముట్టడిస్తున్నారు. మహేశ్వరం, కందుకూరు, తలకొండపల్లి, కేశంపేట, కొందుర్గు, మంచాల, మాడ్గుల మండలాల్లోని రైతులు ఇప్పటికే రోడ్డెక్కి ఆందోళన చేశారు. ఎండిపోయిన పంటల వివరాలు సేకరించి, ప్రభుత్వానికి నివేదించడంలో సంబంధిత శాఖలు మొద్దునిద్ర వీడటం లేదు.

బషీరాబాద్‌: చిట్టీ పాట పాడిన తర్వాత సొమ్ము చెల్లించకుండా దుర్భాషలాడుతూ వేధిస్తున్నారని ఆరోపిస్తూ మంథట్టి గ్రామానికి చెందిన విభూతి పరమేశ్వర్‌ (30) ఆదివారం బషీరాబాద్‌ పోలీసులకు ఫిర్యాదు చేశారు. వివరాలు ఇలా ఉన్నాయి.. గ్రామానికి చెందిన సంకు మహిపాల్‌ వద్ద పరమేశ్వర్‌ రూ.5.10 లక్షల చిట్టీ వేశారు. అవసరం నిమిత్తం సెప్టెంబరు 15న పాట పాడి రూ.4.84 లక్షలకు డిక్లేర్‌ చేసుకున్నారు. అయితే సొమ్ము చెల్లించకుండా నిర్వాహకుడు తిప్పుతున్నాడని బాధితుడు ఆరోపించారు. అక్టోబరు 16న డబ్బుల కోసం వెళ్లగా.. ఇవ్వనని దూషిస్తూ ఇంటి నుంచి గెంటేశాడని ఫిర్యాదులో పేర్కొన్నారు. ఇదే తరహాలో మరికొందరు చిట్టీ సభ్యులను మోసం చేసినట్లు, మహిపాల్‌పై ఇప్పటికే ధారూరు పీఎస్‌లోనూ కేసు నమోదైనట్లు తెలిపారు. తన సొమ్ము ఇప్పించి న్యాయం చేయాలని కోరారు. ఫిర్యాదుపై దర్యాప్తు చేస్తున్నట్లు ఎస్‌ఐ విఠల్‌ తెలిపారు.

మొయినాబాద్‌ రూరల్‌: ఆరోగ్యంపై అవగాహన ఎంతో అవసరమని హైడ్రా కమిషనర్‌ రంగనాథ్‌ అన్నారు. నాగిరెడ్డిగూడ రెవెన్యూ పరిధిలోని ఆరోగ్య గ్రామంలో ఆదివారం వార్షికోత్సవాన్ని ఘనంగా నిర్వహించారు. కార్యక్రమానికి హైడ్రా కమిషనర్‌ రంగనాథ్‌తోపాటు చేవెళ్ల ఎమ్మెల్యే కాలె యాదయ్య, సినీ, వినోద రంగానికి చెందిన ప్రముఖులు సప్తగిరి, కిరాక్‌ ఆర్పీ, ఫైట్‌ మాస్టర్స్‌ రామ్‌లక్ష్మణ్‌, సంగీత దర్శకుడు వందేమాతరం శ్రీనివాస్‌ తదితరులు హాజరయ్యారు. ఈ సందర్భంగా రంగనాథ్‌ మాట్లాడుతూ.. ప్రస్తుతం ఆహారం అంతా కల్తీ అయిపోతోందని, చాలా హోటళ్లు.. రెస్టారెంట్లలో ఫుడ్‌ సేఫ్టీ పాటించడం లేదని ఆందోళన వ్యక్తం చేశారు. అలాంటి ఆహారం భుజించడం ఆరోగ్యానికి హానికరమని పేర్కొన్నారు. సంపూర్ణ జీవన విధానాన్ని అలవర్చుకోవాలని సూచించారు. ఎమ్మెల్యే కాలె యాదయ్య మాట్లాడుతూ.. మారుతున్న కాలానికి అనుగుణంగా ప్రజలు ఆరోగ్యపు అలవాట్లను మార్చుకోవాలని అన్నారు. నాణ్యతతో కూడిన ఆహారం తీసుకుంటే ఆరోగ్యంగా జీవిస్తారన్నారు. అనంతరం కార్యక్రమానికి హాజరైన ప్రముఖులను ఆరోగ్య గ్రామ నిర్వాహకుడు లక్ష్మణ్‌ సన్మానించారు. హైడ్రా కమిషనర్‌ రంగనాథ్‌

సోమవారం శ్రీ 26 శ్రీ అక్టోబర్‌ శ్రీ 2026అలంకారప్రాయం.. వికారాబాద్‌: జిల్లాలోని తెలంగాణ క్రీడా ప్రాంగణాలు అలంకారప్రాయంగా మారాయి. ఐదేళ్ల క్రితం అప్పటి ప్రభుత్వం గ్రామీణ క్రీడాకారులను ప్రోత్సహించేందుకు ప్రతి పంచాయతీలో మైదానాలు ఏర్పాటు చేసింది. భూమి కేటాయించి బోర్డులు పాతింది. క్రీడా పరికరాలు పంపిణీ మరిచింది. ఎంపిక చేసిన స్థలాలను అభివృద్ధి చేయకపోవడం, నిర్వహణను గాలికి వదిలేయడంతో అవి నిరుపయోగంగా మారాయి. ప్రస్తుతం పిచ్చి మొక్కలతో నిండిపోయాయి. అప్పట్లో పలువురు తహసీల్దార్లు ఎంతో శ్రమించి క్రీడా ప్రాంగణాలకు స్థలాలు కేటాయించారు. గత, ప్రస్తుత ప్రభుత్వాలు ఆట వస్తువులు పంపిణీ చేయకపోవడంతో యువకులు క్రీడలకు దూరమవుతున్నారు. మూడెకరాలు అవసరం గత ప్రభుత్వం క్రీడా ప్రాంగణాలకు భూములు కేటాయించి సదుపాయాలు కల్పించడం మరిచిపోయింది. ప్రతి జీపీలో అర ఎకరం మాత్రమే భూమి కేటాయించింది. ఈ స్థలం కొన్ని క్రీడలకు మాత్రమే సరిపోతుంది. క్రికెట్‌కు కనీసం మూడెకరాల స్థలం ఉండాలి. ప్రస్తుతం గ్రామీణ ప్రాంతాల్లో ఎక్కువ మంది యువకులు క్రికెట్‌కే ప్రాధాన్యత ఇస్తున్నారు. ప్రస్తుతం కేటాయించిన భూమి ఏ మాత్రం సరి పోదని రెండు మూడు గ్రామాలకు కలిపి ఒకే చోట క్రికెట్‌ గ్రౌండ్‌ ఏర్పాటు చేస్తే బాగుంటుందని పలువురు అభిప్రాయపడుతున్నారు. క్రీడాప్రాంగణాల నిర్వహణకు ఏడాదికి ఒక్కసారైనా నిధులు కేటా యించాలని కోరుతున్నారు. నిర్వహణ బాధ్యతలు గ్రామ పంచాయతీలకు అప్పగించి ఉన్నతాధికారు లు పర్యవేక్షించాలని కోరుతున్నారు. వికారాబాద్‌, పరిగి, తాండూరు మున్సిపాలిటీల్లో ఇటీవల ప్రైవేటు క్రికెట్‌ మైదానాలు అందుబాటులోకి వచ్చాయి. ఇక్కడ రోజుకు వేలకు వేలు చెల్లించి ఆటలు ఆడాల్సి వస్తోంది. పేద విద్యార్థులు, చిన్నారులు ఈ స్థాయిలో డబ్బు చెల్లించే స్థోమత లేక గల్లీల్లో క్రికెట్‌ ఆడుకోవాల్సి వస్తోంది. జిల్లాలో ఏర్పాటు చేసిన మైదానాలు 585 బోర్డులతో సరి.. నిర్వహణ గాలికి పిచ్చి మొక్కలతో నిండిన ఆట స్థలాలు క్రీడా పరికరాలుపంపిణీ చేయని వైనం ఆటలకు దూరమవుతున్న గ్రామీణ యువకులు585 గ్రామ పంచాయతీల్లో.. జిల్లాలో 585 గ్రామ పంచాయతీలు ఉండగా ప్రతిచోట క్రీడా ప్రాంగణం ఏర్పాటు చేయాలని గత ప్రభుత్వం నిర్ణయించింది. ఆ దశగా చర్యలు తీసుకుంది. ప్రతి ప్రాంగణానికి 2వేల చదరపు గజాలు లేదా 20 గుంటలకు తగ్గకుండా భూమిని కేటాయించింది. ఇందుకోసం గ్రామ సమీపంలో గల ప్రభుత్వ భూమి లేదా అటవీ భూములను సేకరించారు. ప్రభుత్వ స్థలం లేని చోట జీపీల్లో లేఅవుట్లు చేస్తే వాటి ద్వారా సామాజిక అవసరాల కింద ఇచ్చే 10శాతం భూమిని క్రీడా ప్రాంగణాల కోసం కేటాయించేలా నిర్ణయించారు. ఇలా అన్ని జీపీల్లో స్థలాలు కేటాయించారు. కొన్ని చోట్ల చిన్న చిన్న ఆట, వ్యాయామ పరికరాలు ఏర్పాటు చేయగా మెజార్టీ గ్రామాల్లో ప్రాంగణాలు బోర్డులకే పరిమితమయ్యాయి. ఎంతో ఉన్నత లక్ష్యం ఏర్పాటు చేసిన తెలంగాణ క్రీడా ప్రాంగణాలు నేడు అలంకారప్రాయంగా మారాయి. ఇప్పటికై నా అధికారులు సమస్యను ప్రభుత్వం దృష్టికి తీసుకెళ్లి గ్రామీణ క్రీడాకారులను ప్రోత్సహించేందుకు చర్యలు తీసుకోవాలని యువకులు కోరుతున్నారు.

షాద్‌నగర్‌: రాజ్యాంగ సంస్థలపై కాంగ్రెస్‌ పార్టీ నాయకులు చేస్తున్న ఆరోపణలు సరికావని బీజేపీ జిల్లా అధ్యక్షుడు రాజభూపాల్‌గౌడ్‌ అన్నారు. ఎమ్మెల్సీ ఎన్నికల నేపథ్యంలో ఆదివారం పట్టణంలోని ఏబీ ఫంక్షన్‌ హాల్‌లో నియోజకవర్గస్థాయి పార్టీ నాయకులతో సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ.. రాబోయే ఎమ్మెల్సీ ఎన్నికల్లో అర్హులైన పట్టభద్రులు తమ ఓటు హక్కును నమోదు చేసుకోవాలని కోరారు. పార్టీ నాయకులు పట్టభద్రులకు అవగాహన కల్పించి, ఓటరు నమోదు ప్రక్రియను వేగవంతం చేయాలని సూచించారు. ఎన్నికల్లో పార్టీ అభ్యర్థి గెలుపే లక్ష్యంగా ముందుకు సాగాలన్నారు. కాంగ్రెస్‌ పార్టీ నాయకులు రాజకీయ ప్రయోజనాల కోసం ఎన్నికల సంఘం, సుప్రీంకోర్టు వంటి రాజ్యాంగ సంస్థలపై ఆరోపణలు చేయడం సరికాదని హితవు పలికారు. తప్పుడు ప్రచారాలను తిప్పికొట్టాలని పిలుపునిచ్చారు. ఓటరు జాబితా సవరణ ప్రక్రియను కేంద్ర ప్రభుత్వం పారదర్శకంగా నిర్వహిస్తోందని తెలిపారు. దేశాన్ని అన్ని రంగాల్లో అభివృద్ధి చేసేందుకు ప్రధాని మోదీ ఎంతో కృషి చేస్తున్నారని చెప్పారు. దేశం అభివృద్ధి పథంలో ముందుకు సాగుతుంటే కాంగ్రెస్‌ పార్టీ నాయకులు ఓర్వలేకపోతున్నారని దుయ్యబట్టారు. సమావేశంలో నాయకులు శ్రీవర్ధన్‌రెడ్డి, దేపల్లి అశోక్‌గౌడ్‌, కక్కునూరి వెంకటేశ్‌గుప్తా, మనోహర్‌రెడ్డి, కమ్మరి భూపాల్‌చారి, ఇస్నాతి శ్రీనివాస్‌, నర్సింహ, మోహన్‌సింగ్‌, వంశీకృష్ణ, చెట్ల వెంకటేశ్‌, ఉమా మహేశ్వరి, శ్యాంసుందర్‌, బోయ అశోక్‌, రాజ్‌నాయక్‌ తదితరులు పాల్గొన్నారు. బీజేపీ రంగారెడ్డి అధ్యక్షుడు రాజభూపాల్‌గౌడ్‌

దౌల్తాబాద్‌: వికసిత్‌ భారత్‌ లక్ష్యంగా మోదీ పాలన సాగుతోందని మహబూబ్‌నగర్‌ ఎంపీ డీకే అరుణ అన్నారు. ఆదివారం మండలంలోని గోకఫసల్‌వాద్‌ గ్రామంలో మన్‌కీబాత్‌ కార్యక్రమంలో పాల్గొని మాట్లాడారు. ప్రపంచ దేశాలు భారత్‌ వైపు చూసేలా మోదీ పాలన చేస్తున్నారని తెలిపారు. దీనిని కాంగ్రెస్‌ జీర్ణించుకోలేక విదేశీ వేదికలపై రాహుల్‌గాంధీ అసత్య ఆరోపణలు చేస్తున్నారని అన్నారు. ఆపరేషన్‌ సింధూర్‌తో శత్రుదేశాలకు భయం పుట్టించారన్నారు. ఎస్‌ఐఆర్‌ ప్రక్రియ మొదటిసారి కాదని ఇప్పటికే ఎనిమిది సార్లు జరిగిందని గుర్తు చేశారు. తెలంగాణలో ప్రజా సమస్యలను పరిష్కరించకుండా ముఖ్యమంత్రి రేవంత్‌రెడ్డి ఢిల్లీలో ధర్నా చేస్తున్నారని విమర్శించారు. ప్రజలకు నష్టపరిహారం ఇవ్వకుండా కొడంగల్‌ నియోజకవర్గంలో ఇండ్లను కూల్చివేయడం దారుణమన్నారు. ఉమ్మడి జిల్లాలోని 14 నియోజకవర్గాలను కొడంగల్‌ తరహాలో అభివృద్ధి చేయాలని డిమాండ్‌ చేశారు. తెలంగాణ భవిష్యత్‌ బాగుండాలంటే బీజేపీ అధికారంలో ఉండాలన్నారు. రాబోయే పట్టభధ్రుల ఎన్నికల్లో కార్యకర్తలు బీజేపీ అభ్యర్థి గెలుపే లక్ష్యంగా పని చేయాలని పిలుపునిచ్చారు. కార్యక్రమంలో పార్టీ రాష్ట్ర కార్యవర్గ సభ్యులు పవన్‌కుమార్‌రెడ్డి, రతంగ్‌పాండ్‌ రెడ్డి, పడాకుల శ్రీనివాస్‌, జిల్లా అధ్యక్షుడు రమేష్‌, నాయకులు ప్రతాప్‌రెడ్డి, పున్నంచంద్‌ లాహోటీ, మండల అధ్యక్షులు అశోక్‌, సతీష్‌, బస్వరాజు, కేశవరెడ్డి, బుగ్గప్ప తదితరులు పాల్గొన్నారు. కాంగ్రెస్‌ అబద్దపు ప్రచారాన్ని ప్రజలు నమ్మొద్దు మహబూబ్‌నగర్‌ ఎంపీ డీకే అరుణ

సాక్షి, రంగారెడ్డిజిల్లా: ఓ ఫామ్‌హౌస్‌లో బర్త్‌డే వేడుకలు నిర్వహించగా.. మొయినాబాద్‌ పోలీసులు ఆకస్మికంగా దాడులు చేసి ఆరుగురిని అదుపులోకి తీసుకొన్నారు. డ్రగ్‌ టెస్టు చేయగా.. ఒకరికి పాజిటివ్‌గా నిర్ధారణ అయ్యింది. పోలీసుల కథనం ప్రకారం.. ఆదివారం రాత్రి కనకమామిడి గ్రామ శివారులోని మ్యాంగో వుడ్‌ ఫామ్‌హౌస్‌, విల్లా నంబర్‌ 13లో కొంత మంది యువకులు గంజాయి వాడుతున్నట్లు పోలీసులకు పక్కా సమాచారం అందింది. వెంటనే దాడులు జరిపి, ఆరుగురిని అదుపులోకి తీసుకున్నారు. వారిలో బీహార్‌ రాష్ట్రానికి చెందిన బిషు కుమార్‌(25)కి పాజిటివ్‌ వచ్చినట్లు ప్రాథమిక టెస్టులో నిర్ధారణ అయ్యింది. అతడిని ఠాణాకు తరలించి విచారించగా ఐదు నెలల క్రితం మనీష్‌ మొమోస్‌ అనే వ్యక్తి ద్వారా గంజాయి కొనుగోలు చేసి, వాడినట్లు వెల్లడించాడు. ఈ మేరకు కేసు నమోదు చేసి దర్యాప్తు చేస్తున్నారు. తుర్కయంజాల్‌: శ్రీరాముడు, రావణాసురుడి మీద విజయం సాధించడానికి గుర్తుగా.. మహాభారతంలో పాండవులు 12 ఏళ్లు అరణ్యవాసం గడిపి విజయం సాధించడానికి గుర్తుగా ఏటా విజయ దశమిని జరుపుకొంటున్నామని విశ్రాంత యువసేన అధికారి, ప్రముఖ సంఘ సేవకుడు సీబీఆర్‌ ప్రసాద్‌ తెలిపారు. ఆర్‌ఎస్‌ఎస్‌ ఆధ్వర్యంలో ఆదివారం తొర్రూర్‌ డివిజన్‌ న్యూ సూభాష్‌ నగర్‌లో నిర్వహించిన విజయదశమి పదసంచాలన్‌ కార్యాక్రమానికి ఆయన ముఖ్య అతిథిగా హాజరయ్యారు. ఈ సందర్భంగా మాట్లాడుతూ.. దేశ నిర్మాణంలో ప్రతి ఒక్క స్వయం సేవక్‌ నిమగ్నమై ఉండాలని, దేశ భవిష్యత్తు యువత చేతిలోనే ఉందని అన్నారు. కొంతమంది యువత చెడు వ్యసనాలకు అలవాటు పడి జీవితాలను నాశనం చేసుకుంటున్నారని, లవ్‌ జిహాద్‌, మత మార్పిడులను తరిమికొట్టాలని పిలుపునిచ్చారు. కార్యక్రమంలో తెలంగాణ ప్రాంత సేవ ప్రముఖ్‌ గాజుల శివ శంకర్‌ తదితరులు పాల్గొన్నారు. బస్సు కోసం ఎదురు చూస్తుండగా.. డీసీఎం ఢీకొని మహిళ మృతి మొయినాబాద్‌: రోడ్డుపై బస్సు కోసం ఎదురుచూస్తున్న మహిళను అతివేగం, అజాగ్రత్తగా వస్తున్న ఓ డీసీఎం ఢీ కొట్టింది. ఈ ఘటనలో మహిళ అక్కడికక్కడే మృతి చెందింది. పోలీసులు తెలిపిన వివరాల ప్రకారం.. చిలుకూరుకు చెందిన మల్లేశ్‌, చిన్న నాగమణి (50) దంపతులు. ఆదివారం ఉదయం చిన్న నాగమణి తన కూతురు దగ్గరకు వెళ్లేందు కోసం అజీజ్‌నగర్‌ చౌరస్తాలో బస్సు కోసం నిలబడి ఉంది. అదే సమయంలో హైదరాబాద్‌ నుంచి మొయినాబాద్‌ వైపు అతివేగం, అజాగ్రత్తగా వస్తున్న ఓ డీసీఎం డ్రైవర్‌ ఆమెను బలంగా ఢీ కొట్టాడు. దీంతో తీవ్ర గాయాలతో చిన్న నాగమణి అక్కడికక్కడే మృతి చెందింది. భర్త ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు. ఎలక్ట్రీషియన్‌ అదృశ్యం చేవెళ్ల: ఇంట్లో రాత్రి నిద్రించిన వ్యక్తి ఉదయం లేచే సరికి కనిపించకుండా పోయాడు. ఈ సంఘటన చేవెళ్ల పోలీస్‌ స్టేషన్‌ పరిధిలో చోటు చేసుకుంది. పోలీసులు తెలిపిన వివరాల ప్రకారం.. రాజేంద్రనగర్‌ మండలం పద్మాశాలిపురానికి చెందిన వరకాల నరేశ్‌ (35) ఎలక్ట్రీషియన్‌గా పనిచేస్తున్నాడు. నాలుగేళ్ల కిత్రం చేవెళ్ల మండలం కౌకుంట్ల గ్రామానికి చెందిన బాలమణితో వివాహం జరిగింది. వివాహానంతరం చేవెళ్లలో కొన్నాళ్లు అద్దె ఇంట్లో ఉన్నారు. ఆర్థిక ఇబ్బందులతో ఇల్లు ఖాళీ చేసి కౌకుంట్ల గ్రామానికి వచ్చి ఉంటున్నారు. ఈ క్రమంలో ఈనెల 23న రాత్రి ఇంట్లో పడుకున్న నరేశ్‌ శనివారం తెల్లవారి లేచి చూసే సరికి కనిపించలేదు. చుట్టుపక్కల, బంధువుల వద్ద వెతికినా ప్రయోజనం లేకపోయింది. దీంతో అతని భార్య ఆదివారం పోలీసులకు ఫిర్యాదు చేసింది. ఈ మేరకు కేసు నమోదు చేసుకొని దర్యాప్తు చేస్తున్నారు.

● ఈసీ వాగు నుంచి యథేచ్ఛగా తరలింపు ● ట్రాక్టర్‌కు రూ.4వేల నుంచి రూ.6వేల వరకు విక్రయం ● దర్జాగా సొమ్ము చేసుకుంటున్న వ్యాపారులు ● చూసీచూడనట్టు వ్యవహరిస్తున్న అధికారులు షాబాద్‌: ఈసీ వాగు నుంచి ఇసుక దందా జోరుగా సాగుతున్నా అడిగే నాథుడే కరువయ్యాడు. రాత్రిపూట అక్రమంగా రవాణా చేస్తున్నా ఎవరూ పట్టించుకోవడం లేదు. మండలంలోని నాగర్‌గూడ, తిమ్మారెడ్డిగూడ, ఏట్ల ఎర్రవల్లి, తాళ్లపల్లి, చందనవెల్లి, రుద్రారం, హైతాబాద్‌, సోలీపేట్‌ తదితర గ్రామాల మీదుగా ఈసీ వాగు ప్రవహిస్తోంది. అక్రమార్కులు అనుమతి లేకుండా వాగు నుంచి యథేచ్ఛగా ఇసుకను తరలిస్తున్నారు. ట్రాక్టర్లు, టిప్పర్లు, జేసీబీల సాయంతో ట్రాక్టర్‌ ఇసుక రూ.4వేల నుంచి రూ.6వేల వరకు విక్రయిస్తూ సొమ్ము చేసుకుంటున్నారు. అధికారులు చూసీ చూడనట్లు వ్యవహరిస్తుడండంతో వాగులో పెద్దపెద్ద గోతులు ఏర్పడ్డాయి. చుట్టు పక్కల మండలాలకు సైతం వ్యాపారులు ట్రాక్టర్ల ద్వారా ఇసుక చేరవేస్తూ క్యాష్‌ చేసుకుంటున్నారు. అభివృద్ధి పనులకు సైతం ఇసుక, మట్టిని తరలించేందుకు ఎలాంటి అనుమతులు ఇవ్వకున్నా వ్యాపారులు మాత్రం ఇష్టారాజ్యంగా తోడేస్తున్నారు. దీంతో బోరుబావులు ఎండిపోయే దశకు చేరుకున్నాయి. అధికారులు వెంటనే స్పందించి ఇసుక అక్రమ రవాణాకు అడ్డుకట్ట వేయాలని ప్రజలు కోరుతున్నారు. కళ్లముందే తరలిస్తున్నా.. ఇసుక రవాణా జోరుగా సాగుతున్నా.. కళ్ల ముందు నుంచే ట్రాక్టర్లు, టిప్పర్లలో తరలిస్తున్నా అధికారులు ఏ మాత్రం పట్టించుకోవడం లేదన్న విమర్శలు ఉన్నాయి. ఎవరైనా అధికారులను ప్రశ్నిస్తే లిఖిత పూర్వకంగా ఫిర్యాదు చేస్తే చర్యలు తీసుకుంటామని, తమ దృష్టికి రానప్పుడు ఏం చేస్తామని నిర్లక్ష్యంగా సమాధానమిస్తున్నారు. చర్యలు తీసుకుంటాం ఈసీ వాగు నుంచి ఇసుక అక్రమంగా రవాణా చేస్తున్నారని మా దృష్టికి వచ్చింది. అలాంటి వారిపై నిఘూ ఉంచి కేసులు నమోదు చేస్తాం. ఏ గ్రామంలోనైనా వాగుల్లో నుంచి తరలిస్తే సమాచారం అందించండి. వాహనాలను సీజ్‌ చేసి, వ్యాపారులపై చట్టరీత్యా చర్యలు తీసుకుంటాం. – లక్ష్మిరెడ్డి, సీఐ షాబాద్‌

దోమ: ఎలాంటి అనుమతులు లేకుండా ప్రభుత్వ భూముల్లో అక్రమంగా మట్టి తరలిస్తున్న వాహనాలను పోలీసులు స్వాధీనం చేసుకున్నారు. దోమ మండలం దిర్సంపల్లి అనుబంధ గ్రామమైన అనంతరెడ్డిపల్లి సమీపంలో అక్రమంగా మట్టి తవ్వి రోడ్డు పనులకు తరలిస్తున్నారనే ఫిర్యాదుతో రెవెన్యూ, పోలీస్‌ అధికారులు తనిఖీలు చేపట్టారు. మట్టి తవ్వేందుకు వినియోగిస్తున్న రెండు హిటాచీలు, తరలించేందుకు సిద్ధంగా ఉన్న నాలుగు టిప్పర్లను ఎస్‌ఐ వసంత్‌ జాదవ్‌ సీజ్‌ చేశారు. ఆదివారం రెవెన్యూ ఇన్‌స్పెక్టర్‌ రాంచందర్‌రావు ఫిర్యాదు మేరకు కేసు నమోదు చేశారు. దిర్సంపల్లి సమీపంలో కొంత కాలంగా ప్రభుత్వ భూమిలో ఎలాంటి అనుమతులు లేకుండా మట్టి తవ్వకాలు చేస్తున్నారు. అక్రమంగా తరలించి ప్రభుత్వ ఖజానాకు గండి కొడుతున్నారు. ఈ వ్యవహారంపై రెవెన్యూ అధికారులకు సమాచారం అందడంతో రంగంలోకి దిగారు. మట్టి తరలిస్తున్న విషయం తెలుసుకొని దాడులు చేశారు. రెవెన్యూ ఇన్‌స్టెక్టర్‌ రాంచందర్‌రావు పోలీసులతో కలిసి దాడి చేసి నాలుగు టిప్పర్లు, రెండు హిటాచీలను సీజ్‌ చేశారు. ఈ మేరకు పోలీసులు కేసు నమోదు చేశారు. రెవెన్యూ, పోలీస్‌ అధికారుల సంయుక్త దాడులు నాలుగు టిప్పర్లు, రెండు హిటాచీలు సీజ్‌ కేసులు నమోదు

సంఘం జిల్లా అధ్యక్షుడు శ్రీధర్‌ బంట్వారం: మత్స్యకారుల సంక్షేమానికి శక్తి వంచన లేకుండా కృషి చేస్తామని మత్స్య సహకార సంఘం జిల్లా అధ్యక్షుడు శ్రీధర్‌ అన్నారు. ఆదివారం కోట్‌పల్లి మండల కేంద్రంలో సంఘం సభ్యులతో మాట్లాడారు. ముదిరాజ్‌లు ఐకమత్యంగా ఉండాలన్నారు. కోట్‌పల్లి ప్రాజెక్టులో చేపలు పట్టడం ద్వారా రెట్టింపు ఆదాయం పొందాలన్నారు. మత్స్య శాఖ అధికారుల ఖాతాలో రూ.8 లక్షలు ఉన్నాయని వాటిని త్వరలోనే సంఘం సభ్యులకు పంచుతామన్నారు. సంఘంలో రూ.40 లక్షలకు పైగా దుర్వినియోగం జరిగిందని వాటిని రికవరీ చేసే వరకు పోరాడుతామన్నారు. కార్యక్రమంలో సంఘం మాజీ అధ్యక్షుడు నక్కలి బందెయ్య, సంఘం సభ్యులు పాల్గొన్నారు. పరిగి: రంగారెడ్డి జిల్లా చేవెళ్ల మండలం నాంచేరి గ్రామంలో నిర్వహించిన జిల్లాస్థాయి బాల్‌ బ్యాడ్మింటన్‌ టోర్నమెంట్‌లో ఆదివారం పరిగి ప్రగతి బాల్‌ బ్యాడ్మింటన్‌ అసోషియోషన్‌ జట్టు విజేతగా నిలిచి ప్రథమ బహుమతిని సొంతం చేసుకుంది. టోర్నీలో మొత్తం ఎనిమిది జట్లు పాల్గొన్న పరిగి జట్టు ప్రతిభ కనబరిచింది. రైల్వే క్రీడాకారుడు విజయ్‌కుమార్‌ విజేతలకు బహుమతులు ప్రదానం చేశారు. ఈ సందర్భంగా పలువురు మాట్లాడుతూ.. ప్రతి ఒక్కరూ క్రీడాల్లో పాల్గొనాలని సూచించారు. మొదటి బహుమతి గెలుపొందిన క్రీడాకారులు లక్నాపూర్‌ శ్రీనివాస్‌, శ్రీశైలం, శంకర్‌రావు, ఖదీర్‌, నరేందర్‌, నరేష్‌, మాధవరెడ్డి, లక్ష్మయ్య, కార్తికేయను పలువురు అభినందించారు. మర్పల్లి: దేశాన్ని యూనిట్‌గా కాకుండా రాష్ట్రాల వారీగా తీసుకొని నియోజకవర్గాల పెంపుపై పార్లమెంట్‌లో చర్చ చేయాలని బీసీ విద్యార్థి సంఘం జాతీయ జాయింట్‌ కన్వీనర్‌ ఈశ్వర్‌ కోరారు. ఆదివారం నగరంలో రాజ్యసభ సభ్యుడు ఆర్‌ కృష్ణయ్యకు మర్యాద పూర్వకంగా కలిసి ఈ మేరకు విజ్ఞప్తి చేశారు. అనంతరం ఆయన మాట్లాడుతూ.. బీసీలకు రాజకీయంగా, ఆర్థికంగా, విద్యాపరంగా తీరని నష్టం జరుగుతోందని తెలిపారు. కేంద్రం యూనిట్‌గా తీసుకొని డీలిమిటేషన్‌ చేస్తే తెలంగాణలోని కొన్ని జిల్లాలకు నష్టం జరుగుతుందన్నారు. ఈ విషయాన్ని ప్రధాని మోదీ దృష్టికి తీసుకెళ్లి రాష్ట్రానికి న్యాయం జరిగేలా చూడాలని ఆర్‌ కృష్ణయ్యకు విజ్ఞప్తి చేశారు. షాబాద్‌: డాక్టర్‌ బీఆర్‌ అంబేడ్కర్‌ జాతీయ అవార్డుకు మండలంలోని తాళ్లపల్లి గ్రామానికి చెందిన అప్పలి శ్రీనివాసులు ఎంపికయ్యారు. ఈ మేరకు ఆదివారం నగరంలోని బహుజన సాహిత్య అకాడమీ రాష్ట్ర కార్యాలయంలో జాతీయ అధ్యక్షుడు నల్లా రాధాకృష్ణ చేతుల మీదుగా ఎంపిక పత్రం అందుకున్నారు. ఈ సందర్భంగా అప్పలి శ్రీనివాసులు మాట్లాడుతూ.. అవార్డుకు ఎంపికవడం ఆనందంగా ఉందన్నారు. నవంబర్‌ 15న న్యూ ఢిల్లీలో జరిగే 20వ జాతీయ సదస్సులో ప్రదానం చేయనున్నట్లు తెలిపారు. కార్యక్రమంలో బీఎస్‌ఏ రాష్ట్ర నాయకులు మల్లగళ్ల మల్లేష్‌, కోటేశ్వరరావు, విజయ్‌కుమార్‌, విష్ణవర్ధన్‌, అవార్డుల ఎంపిక కమిటీ సభ్యులు, ప్రజా సంక్షేమ సంఘం వ్యవస్థాపక అధ్యక్షుడు చొక్కంపేట ఆంజనేయులు, సామాజిక ఉద్యమకారులు పాల్గొన్నారు.

అనంతగిరి: పట్టభద్రుల ఎమ్మెల్సీ ఎన్నికల నేపథ్యంలో అర్హులైన ప్రతి ఒక్కరూ ఓటరుగా నమోదు చేసుకోవాలని ప్రైవేటు పాఠశాలల సంఘం(ట్రస్మ) రాష్ట్ర అధ్యక్షుడు ఎస్‌ఎన్‌ రెడ్డి అన్నారు. ఆదివారం వికారాబాద్‌ పట్టణంలోని న్యూ గీతాంజలి విద్యాలయంలో ప్రైవేటు పాఠశాల యాజమాన్యాల సమావేశం జరిగింది. ఈ సందర్భంగా ఆయన మాట్లాడుతూ.. ప్రైవేటు పాఠశాలల యాజమాన్యాలు ఐకమత్యంతో ముందుకు సాగాలని పిలుపునిచ్చారు. ప్రభుత్వాలు మనల్ని గుర్తించాలన్నా, మన సమస్యలు పరిష్కరం కావాలన్నా ఓటు అనే ఆయుధం మన వద్ద ఉండాలని సూచించారు. రానున్న పట్టభద్రుల ఎమ్మెల్సీ ఎన్నికల్లో మన బలాన్ని భారీగా పెంచుకోవాలని కోరారు. జిల్లాలో సుమారు లక్ష ఓట్లు నమోదు చేయాలని లక్ష్యంగా నిర్ణయించారు. సమావేశంలో రాష్ట్ర కోర్‌ కమిటీ సభ్యులు ఎం నాగయ్య, రాష్ట్ర కమిటీ సభ్యులు బసవరాజ్‌, జిల్లా అధ్యక్షుడు వెంకటరెడ్డి, వికారాబాద్‌ పట్టణ అధ్యక్షుడు చంద్రశేఖర్‌, ప్రధాన కార్యదర్శి ప్రవీణ్‌ కుమార్‌ తదితరులు పాల్గొన్నారు. ప్రైవేటు పాఠశాలల సంఘంరాష్ట్ర అధ్యక్షుడు ఎస్‌ఎన్‌ రెడ్డి

బషీరాబాద్‌: సొంతింటి కల నెరవేర్చుకునేందుకు ఎదురుచూస్తున్న పేదలకు ప్రభుత్వం మరో అవకాశం కల్పించనుంది. ఇందిరమ్మ ఇళ్ల పథకంలో భాగంగా జిల్లాకు కొత్తగా 6,669 ఇళ్లను కేటాయించింది. ఎల్‌–1 జాబితాలోని అర్హుల నుంచే లబ్ధిదారులను ఎంపిక చేయనున్నారు. గతంలో మంజూరై నిర్మాణాలు ప్రారంభం కాని సుమారు 3వేల ఇళ్లను కొత్త లబ్ధిదారులకు కేటాయించనున్నారు. శిథిలావస్థకు చేరిన ఇళ్ల మరమ్మతులు చేపట్టి కొత్తగా స్లాబ్‌ వేసుకోవాలనుకునే అర్హులకు ప్రభుత్వం రూ.2 లక్షల ఆర్థిక సాయం అందించనుంది. ఇంటికి నాలుగు గోడలు ఉండటంతోపాటు ప్లింత్‌ ఏరియా 600 చదరపు అడుగులు ఉండాలనే నిబంధన వర్తిస్తుందని అధికారులు చెబుతున్నారు. స్లాబ్‌ వేసి నిర్మాణం పూర్తి చేసిన తర్వాత నిబంధనల ప్రకారం సాయం అందించనున్నారు. రూఫ్‌ రీప్లేస్‌మెంట్‌ పథకం కింద ప్రతి నియోజకవర్గానికి 500 ఇళ్ల చొప్పున కేటాయించనున్నారు. జిల్లాకు ఈ విభాగంలో కొత్తగా 2 వేల ఇళ్లు కేటాయించినట్లు అధికారులు తెలిపారు. కమిటీల ద్వారా ఎంపిక గ్రామాల్లోని ఇందిరమ్మ కమిటీలు అర్హులైన లబ్ధిదారులను ఎంపిక చేసి జాబితాలను ఎమ్మెల్యేల ద్వారా జిల్లా కలెక్టర్‌కు అందజేస్తాయి. తర్వాత అర్హులకు మంజూరు పత్రాలు జారీ చేసి, నిర్మాణాలకు మార్కింగ్‌ ఇస్తారు. కొత్తవారికి అవకాశం జిల్లాలో కొత్తగా వచ్చిన 6,669 ఇళ్లలో ఒక్కో నియోజవర్గానికి 2 వేలు కేటాయించారు. వీటితో పాటు మొదటి విడతలో మంజూరై ఇప్పటికీ ఇంటి నిర్మాణాలు ప్రారంబించని మరో 3వేల ఇళ్లు కూడా ఎల్‌–1 జాబితాలోని అర్హులైన కొత్తవారికి కేటాయించనున్నారు. ఈ నిర్ణయంతో మరిన్ని పేద కుటుంబాలకు సొంతింటి కల నెరవేరే అవకాశం ఉంది. ఎల్‌ –1 జాబితా నుంచే లబ్ధిదారుల ఎంపిక రూఫ్‌ రీప్లేస్‌మెంట్‌కూ రూ.2 లక్షల సాయం ప్రతి నియోజకవర్గానికి 500 ఇళ్ల కేటాయింపు ప్లింత్‌ ఏరియా 600 చదరపు అడుగులు తప్పనిసరి ప్రారంభం కాని 3వేల ఇళ్లు కొత్తవారికి నియోజకవర్గాల వారీగా.. నియోజకవర్గాల వారీగా ఇందిరమ్మ ఇళ్లను పంపిణీ చేశాం. గ్రామాల్లోని కమిటీలు లబ్ధిదారులను ఎంపిక చేసి జాబి తాను ఎమ్మెల్యేల ద్వా రా అందజేయాలి. వాటి ఆధారంగా అర్హులకు మంజూరు పత్రాలు జారీ చేస్తాం. ఇళ్ల నిర్మాణాలకు మార్కింగ్‌ ఇస్తాం. వీటిలోనే రూఫ్‌ రీప్లేస్‌మెంట్‌ కింద కొత్తగా 2 వేల ఇళ్లు కూడా కేటాయించాం. అర్హులు స్లాబ్‌ వేసి నిర్మాణం పూర్తి చేస్తే రూ.2 లక్షల సాయం అందుతుంది. – మత్రునాయక్‌, పీడీ హౌసింగ్‌

చేవెళ్ల: ఆరుగాలం కష్టపడి పంటలు పండించడం ఒకెత్తయితే.. పండించిన ఉత్పత్తులను అమ్ముకోవడం రైతన్నకు అంతకన్నా భారంగా మారింది. చేవెళ్ల వ్యవసాయ మార్కెట్‌కు కూరగాయల దిగుబడులు అధికంగా వస్తుండడంతో ఆశించిన ధర లభించడం లేదు. మార్కెట్‌కు తీసుకు వచ్చిన కూరగాయలు అమ్ముడుపోక మిగిలిపోతుండడంతో ఆందోళనకు గురవుతున్నారు. శ్రమించి పండించిన పంటను చివరికి పశువులకు మేతగా వేయాల్సిన దుస్థితి ఏర్పడుతోంది. ఒకవైపు ఎల్‌నినో ప్రభావంతో వర్షాలు సకాలంలో లేక నీటికొరత ఏర్పడిన పరిస్థితుల్లో పంటలను కాపాడుకుంటూ తీరా మార్కెట్‌కు తెస్తే ధర లేకపోవడంతో రైతులు తీవ్ర ఆవేదన చెందుతున్నారు. పెట్టుబడులు నష్టపోతున్నామని వాపోతున్నారు. మిగిలిపోతున్న కూరగాయల గుట్టలు వంకాయి, కాకర, మిర్చి, క్యాబేజీ, బీరకాయి, గోకర, ఇతర కూరగాయల దిగుబడులు ఎక్కువగా వస్తుండటంతో రైతులు చేవెళ్ల మార్కెట్‌కు తీసుకు వస్తున్నారు. ఆశించిన ధర లేక.. మొత్తం సరుకు విక్రయం కాక మిగిలిపోతున్నాయి. వాటిని తిరిగి తీసుకెళ్లడం కూడా భారంగా మారడంతో కొందరు రైతులు అక్కడే వదిలి వెళ్తున్నారు. దీంతో మిగిలిపోయిన కూరగాయలను పశువులు ఉన్న వారు వచ్చి మేత కోసం తమ వాహనాల్లో తీసుకెళ్తున్నారు. మార్కెట్‌లో నిత్యం విక్రయించే సరుకులకంటే ఎక్కువ దిగుబడులు రావడంతో అమ్ముడు పోవడం లేదని కమీషన్‌ ఏజెంట్లు చెబుతున్నారు. ఇక్కడ మార్కెట్‌లో అన్ని కూరగాయలు కలిపి రోజుకు 3 క్వింటాళ్ల వరకు డిమాండ్‌ ఉండగా దాదాపు 6 క్వింటాళ్ల వరకు దిగుబడులు వస్తున్నాయని తెలిపారు. ఏది ఏమైనా పండించిన రైతు మాత్రం ఇది తీరని నష్టం అని వాపోతున్నారు. చేవెళ్ల మార్కెట్‌కు అధికంగా కూరగాయల దిగుబడులు ఆశించిన ధర రాక.. తెచ్చినవి విక్రయం కాక వదిలి వెళ్తున్న రైతులు పశువులకు మేతగా మారుతున్న వైనం

అనంతగిరి: వికారాబాద్‌లో చేపట్టిన ఫ్లైఓవర్‌ పనులను వేగవంతం చేయాలని శాసనసభ స్పీకర్‌ జి.ప్రసాద్‌ కుమార్‌ సంబంధిత అధికారులను ఆదేశించారు. ఈ మేరకు శనివారం కలెక్టర్‌ దీపక్‌ తివారి, ప్రజా ప్రతినిధులు, అధికారులతో కలిసి పనులను పరిశీలించారు. ఈ సందర్భంగా స్పీకర్‌ మాట్లాడుతూ.. గడువులోపు అందుబాటులోకి తేవాలన్నారు. నాణ్యత పాటించేలా చూడాలని అధికారులకు సూచించారు. రవాణాపరంగా ప్రజలకు ఇబ్బంది కలగకుండా చూడాలని, ట్రాఫిక్‌కు అంతరాయం ఏర్పడకుండా చర్యలు తీసుకోవాలని తెలిపారు. సంబంధిత శాఖలు సమన్వయంతో పనిచేస్తూ, పనుల పురోగతిపై ఎప్పటికప్పుడు పర్యవేక్షించాలన్నారు. ఫ్లైఓవర్‌ నిర్మాణంలో ఆస్తులు కోల్పోయిన వారికి వారం రోజుల్లో పరిహారం అందేలా చర్యలు తీసుకుంటామని స్పష్టంచేశారు. ఈ కార్యక్రమంలో ఆర్డీఓ వాసుచంద్ర, ఆర్‌అండ్‌బీ ఎగ్జిక్యూటివ్‌ ఇంజనీర్‌ శ్రీధర్‌రెడ్డి, డీసీసీబీ డైరెక్టర్‌ కిషన్‌ నాయక్‌, మున్సిపల్‌ వైస్‌ చైర్మన్‌ సుధాకర్‌రెడ్డి, మార్కెట్‌ కమిటీ చైర్మన్‌ చాపల శ్రీనివాస్‌ ముదిరాజ్‌, మున్సిపల్‌ మాజీ చైర్మన్‌ సత్యనారాయణ, మాజీ వైస్‌ చైర్మన్‌ చిగుళ్లపల్లి రమేష్‌ కుమార్‌, మున్సిపల్‌ కౌన్సిలర్లు, అధికారులు తదితరులు పాల్గొన్నారు. ఫ్లైఓవర్‌ పనులను వేగవంతం చేయాలి స్పీకర్‌ గడ్డం ప్రసాద్‌కుమార్‌ కలెక్టర్‌ దీపక్‌తివారితో కలిసి పనుల పరిశీలన

● హార్వెస్టర్‌ లీజ్‌ పత్రాల పరిశీలన ● ఏపీఎంపై వచ్చిన ఆరోపణలపై ఆరా తాండూరు రూరల్‌: తాండూరు మండల మహిళా సమాఖ్య కార్యాలయంలో శనివారం విజిలెన్స్‌ అధికారులు విచారణ చేపట్టారు. వరికోత యంత్రం వినియోగంతో పాటు ఏపీఎం బాలయ్యపై వచ్చిన అభియోగాలపై వివరాలు సేకరించారు. హార్వెస్టర్‌ లీజు పత్రాలు, ఆఫీసు ఖర్చులపై ఆరా తీశారు. అనంతరం డీపీఎం శేఖర్‌, ఏపీఎం బాలయ్యతో పాటు మహిళా సమాఖ్య అధ్యక్ష, కార్యదర్శి, కోశాధికారి భాగ్యలక్ష్మి, భానుప్రియ, నాగమ్మ, అకౌంటెంట్‌ కవితతో విడివిడిగా మాట్లాడి వివరాలు సేకరించారు. ఈ నివేదికను వారం రోజుల్లో డీఆర్‌డీఓకు అందజేస్తామని వీబీజీరామ్‌జీ జిల్లా విజిలెన్స్‌ అధికారి కుసుమ మాధురి, సీబీఓఏ అడిట్‌ అధికారి ప్రవీణ్‌రెడ్డి స్పష్టంచేశారు.

ఒకప్పుడు వినోదం.. ఆహ్లాదం పంచే టూర్లంటే గోవా.. కశ్మీర్‌.. ఊటీ.. కొడైకెనాల్‌ వంటి దేశీయ నగరాలు గుర్తుకువచ్చేవి.. రానురాను ట్రెండ్‌ మారుతోంది.. గ్రామీణ ప్రాంతాలు మొదలు పట్టణ ప్రాంతాల వరకు జనం గేరు మార్చారు.. దేశాన్నే కాదు..విదేశాలను సైతం చుట్టేదాం అంటూ ముందుకు సాగుతున్నారు. విదేశాలకు సంబంధించిన ప్రత్యేక ప్యాకేజీలు.. అందుబాటులో విమానయాన చార్జీలు.. సోషల్‌ మీడియాలో విదేశాల్లో ఉన్న ఆసక్తికరమైన ప్రదేశాల గురించి వీడియోలు ఇటువైపు నడిపిస్తున్నాయి.. దీంతో విదేశాలకు వెళ్లే వారి సంఖ్య రోజురోజుకూ పెరుగుతోంది. షాద్‌నగర్‌: యాత్రల విషయంలో అందరి అభిరుచుల్లో మార్పు కనిపిస్తోంది.. చాలా మంది సకుటుంబ సమేతంగా విదేశాలకు వెళ్తున్నారు. ఇక యువకులు, సాఫ్ట్‌వేర్‌ ఉద్యోగులు, వ్యాపారులు చేసే విదేశీ ప్రయాణాల గురించి చెప్పాల్సిన పని లేదు. ఎక్కువ శాతం మంది థాయిలాండ్‌, వియత్నాం, ఇండోనేషియా, శ్రీలంక, సింగపూర్‌, మలేషియా, దుబాయ్‌ లాంటి దేశాలకు పయనమవుతున్నారు. గతంలో ఆర్థికంగా బలంగా ఉన్న వారు మాత్రమే విదేశాలకు వెళ్లే వారు. ఇప్పుడు పరిస్థితి మారింది. గ్రామీణప్రాంతాల వారు కూడా విదేశాలకు వెళ్లడంపై ఆసక్తి కనబరుస్తున్నారు. సెలవులు వచ్చాయంటే చాలు గ్లోబల్‌ బీచ్‌లకు వెళ్లేందుకు చాలామంది ఆసక్తి కనబరుస్తున్నారు. సోషల్‌ మీడియాలో ప్రచారం విదేశీ యాత్రలపై ఆసక్తి పెరగడానికి ప్రధాన కారణం సోషల్‌ మీడియా. వివిధ దేశాలు, అక్కడ ఉండే సుందరమైన ప్రదేశాలు, అందాలు, అక్కడికి వెళ్లడానికి ఉన్న మార్గాల గురించి సోషల్‌ మీడియాలో విపరీతమైన ప్రచారం జరుగుతోంది. దీంతో ఆయా ప్రాంతాలను చూడాలన్న ఆసక్తి జనంలో పెరుగుతోంది. దీనికి తోడు పర్యాటక సంస్థలు ప్రత్యేక ప్యాకేజీలు అందిస్తున్నాయి. వివిధ సాఫ్ట్‌వేర్‌ సంస్థలు, పరిశ్రమలు, వ్యాపార సంస్థలు, ఇన్సూరెన్స్‌ కంపెనీలు ఆయా సంస్థల్లో పని చేసే ఉద్యోగులకు టార్గెట్లు విధించి పూర్తి చేసిన వారిని విదేశాలకు తీసుకెళ్తున్నాయి. ఎలాంటి ఖర్చు లేకుండా విదేశాలకు వెళ్లి ఎంజాయ్‌ చేసి వస్తున్నారు. కొత్తగా పెళ్లి చేసుకున్న జంటలు హనీమూన్‌ కోసం విదేశీ టూర్లపై ఇంట్రెస్ట్‌ చూపుతున్నాయి. సెలువులు వచ్చాయంటే చాలు చాలా కుటుంబాలు తమకు నచ్చిన స్థలాలను ఎంపిక చేసుకొని వీసాలు తీసుకొని, టికెట్లు బుక్‌ చేసుకొని విదేశాలకు వెళ్తున్నారు. దేశీయ పర్యాటక ప్రాంతాలకు వెళ్లేందుకు అయ్యే ఖర్చుతోనే కొన్ని విదేశీ టూర్‌ ప్యాకేజీలు అందుబాటులో వస్తుండటంతో పర్యాటకులు మొగ్గు చూపుతున్నారు. తక్కువ ప్యాకేజీలో విదేశీ టూర్లు ట్రావెల్‌సంస్థల లెక్కల ప్రకారం ఒక మధ్యతరగతి కుటుంబం కశ్మీర్‌, కేరళ, ఊటీ వంటి పర్యటనకు వెళ్లేందుకు విమాన టికెట్లు, హోటల్‌ వసతి, ఇతరు ఖర్చులు కలిపి ఒక్కొక్కరికి రూ.40వేల వరకు ఖర్చవుతుంది. కాస్త అటు ఇటుగా థాయిలాండ్‌, వియత్నాం, ఇండోనేషియా, మలేషియా, దుబాయ్‌ తదితర దేశాలకు వెళ్లేందుకు నాలుగు నుంచి వారం రోజులకు రూ.40 వేల నుంచి రూ.1.20 లక్షల వరకు వివిధ ప్యాకేజీలు అందుబాటులో ఉన్నాయి. పర్యాటక సంస్థలు కొన్ని ప్యాకేజీలను ప్రచారం చేస్తుండడంతో విదేశీ ప్రయాణం చేయాలకునే వారికి కొత్త అవకాశాలు కనిపిస్తున్నాయి. విమాన టికెట్లు, త్రీస్టార్‌ హోటల్‌, ఎయిర్‌పోర్టు నుంచి పికప్‌, డ్రాప్‌, సైట్‌ సీయింగ్‌, గైడ్‌, వీసా, ట్రావెల్‌ ఇన్సూరెన్స్‌ అన్ని ప్యాకేజీలు ఉండటం గమనార్హం. ప్యాకేజీ ధరలు ప్రయాణ తేదీలు, విమాన టికెట్లు, హోటల్‌ వసతి, భోజనం, వీసా ఇతర ఖర్చులపై ఆధారపడి మారుతుంటాయి. ఒకవైపు సముద్రపు అలలు.. మరోవైపు ఆహ్లాదకరమైన బీచ్‌లు.. ఇంకోవైపు క్యాసినోల సందడి.. వెరసి బ్యాంకాక్‌, శ్రీలంక, వియత్నాం, ఇండోనేషియా పర్యాటకులకు సరికొత్త అనుభూతిని పంచుతున్నాయి. ప్రకృతి అందాలు, సముద్రతీరాలు, నైట్‌ లైఫ్‌, వినోద కార్యక్రమాలతో ఆయా ప్రాంతాలు పర్యాటకులను ఆకర్షిస్తున్నాయి. శ్రీలంక, గోవాలో ఉండే క్యాసినోలో సభ్యత్వం తీసుకున్న వారు నెలకోసారి వెళ్లి వస్తున్నారు. అక్కడి నిర్వాహకులు ఎక్కుడ డబ్బులు చెల్లించి సభ్యత్వం తీసుకున్న వారికి విమాన టికెట్లు, రూంలు ప్రత్యేకంగా బుక్‌ చేస్తుండడం విశేషం. యాత్రల విషయంలో మారుతున్న ట్రెండ్‌

పరిగి: జాతీయ రహదారిపై కారు టాప్‌పై కూర్చుని విన్యాసాలు చేస్తూ ట్రాఫిక్‌ నిబంధనలను ఉల్లంఘించిన వారిపై శనివారం పరిగి పోలీసులు కేసు నమోదు చేశారు. ఈవివరాలతో శనివారం సాక్షిలో ప్రచురితమైన వార్తకు స్పందించిన ఎస్‌ఐ మోహనకృష్ణ సదరు కారును గుర్తించి సీజ్‌ చేశారు. కారుతో హల్‌చల్‌ చేసి, ఇతర వాహనదారులకు ఇబ్బంది కలిగించిన నలుగురిపై కేసు నమోదు చేసి దర్యాప్తు చేస్తున్నట్టు తెలిపారు. ప్రశాంతంగా అసిస్టెంట్‌ సైంటిస్ట్‌ పరీక్ష మొయినాబాద్‌: అసిస్టెంట్‌ సైంటిస్ట్‌ (అనలిస్ట్‌ గ్రేడ్‌–2) పరీక్ష శనివారం ప్రశాంతంగా జరిగింది. ఉదయం 10 నుంచి మధ్యాహ్నం 12.30 గంటల వరకు,మధ్యాహ్నం 2.30 నుంచి సాయంత్రం 5 గంటల వరకు రెండు షిఫ్టుల్లో పరీక్ష నిర్వహించారు.సమయానికంటే గంట ముందుగానే అభ్యర్థులు పరీక్ష కేంద్రాలకు చేరుకున్నారు. మున్సిపల్‌ పరిధిలో ఏర్పాటు చేసిన ఐదు కేంద్రాల్లో 46.46 శాతం మంది మాత్రమే హాజరయ్యారు. 665 మంది అభ్యర్థులకుగాను 309 మంది మాత్రమే పరీక్ష రాశారు, 356 మంది హాజరు కాలేదు. గ్లోబల్‌ ఇంజనీరింగ్‌ కళాశాలలో 125 మందికి 65 మంది, చైతన్య డీమ్డ్‌ టూబీ యూనివర్సిటీలో 120 మందికి 53, కేజీరెడ్డి ఇంజనీరింగ్‌ కళాశాలలో 200 మందికి 80, జేబీఐఈటీ కళాశాలలో 120 మందికి 66, వీజేఐటీ కళాశాలలో 100 మందికి 45 మంది హాజరయ్యారు. పరీక్ష కేంద్రాల వద్ద ఎలాంటి అవాంఛనీయ ఘటనలు జరగకుండా పోలీసులు పటిష్ట బందోబస్తు ఏర్పాటు చేశారు. విజయం సాధించేదాకా విశ్రమించొద్దు బడంగ్‌పేట్‌: విజయం సాధించే వరకు విశ్రమించొద్దని అదనపు కలెక్టర్‌ డాక్టర్‌ కిరణ్మయి పోటీపరీక్షలకు సన్నద్ధం అవుతున్న విద్యార్థులకు సూచించారు. బడంగ్‌పేటలోని జిల్లా కేంద్ర గ్రంథాలయాన్ని శనివారం ఆకస్మికంగా తనిఖీ చేశారు. పాఠకులకు అందిస్తున్న సదుపాయాలు, నిర్వహణ తదితర అంశాలను అధికారులను అడిగి తెలుసుకున్నారు. లైబ్రరీకి వచ్చిన పాఠకులతో మాట్లాడారు. విద్యార్థుల పోటీ పరీక్షలకు అవసరమైన మెటీరియల్‌ అందుబాటులో ఉంచాలని గ్రంథ పాలకులకు సూచించారు. అదనపు కలెక్టర్‌ వెంట గ్రంథాలయ సంస్థ కార్యదర్శి పీజీవీ రాణి, గ్రంథాలయ సిబ్బంది ఉన్నారు. మేడిపల్లి: పెళ్లి చేసుకుంటానని నమ్మించి, అధిక మొత్తంలో డబ్బు తీసుకొని మోసం చేసిన వ్యక్తిపై ఓ మహిళ మేడిపల్లి పోలీసులకు ఫిర్యాదు చేసింది. పోలీసులు తెలిపిన మేరకు.. మేడిపల్లిలోని కెనరా నగర్‌కు చెందిన ఓ మహిళ (41) నారపల్లిలోని ఓ ఇంజనీరింగ్‌ కళాశాలలో అసోసియేట్‌ ప్రొఫెసర్‌గా పనిచేస్తోంది. 2024 ఆగస్టులో ఓ మాట్రిమోని వెబ్‌సైట్‌ ద్వారా పరిచయమైన ప్రదీప్‌ కోనేటి పెళ్లి చేసుకుంటానని నమ్మించి పరిచయం ఏర్పరచుకున్నాడని ఫిర్యాదులో ఆరోపించింది. వ్యాపారం పేరుతో డబ్బులు తీసుకోవడంతో పాటు బంగారు ఆభరణాలు, బ్యాంక్‌ లావా దేవీలు, ఆన్‌లైన్‌ రుణాల ద్వారా తనను ఆర్థికంగా నష్టపరిచాడని ఫిర్యాదులో పేర్కొంది. నిందితుడు, అతడి అనుచరులు కలిసి మొత్తం రూ.1,18,94,098 తీసుకున్నారని తెలిపింది. తమ వివరాలు బయట పెడతానని బెదిరింపులకు పాల్పడ్డాడని ఆరోపించింది. బాధితురాలి ఫిర్యాదుతో మేడిపల్లి పోలీసులు కేసు నమోదు చేసి దర్యాప్తు చేపట్టారు.

● రైతు సంఘం నేతల డిమాండ్‌ ● పలు గ్రామాల్లో ఎండిపోయిన పంటల పరిశీలనఅనంతగిరి: వర్షాభావ పరిస్థితులతో పంటలు ఎండిపోయి తీవ్రంగా నష్టపోయిన రైతులను ప్రభుత్వం వెంటనే ఆదుకోవాలని తెలంగాణ రైతు సంఘం జిల్లా కార్యదర్శి మహిపాల్‌ డిమాండ్‌ చేశారు. ఈ మేరకు శనివారం వికారాబాద్‌ మండల పరిధిలోని పీరంపల్లి, పులుసుమామిడి, సిద్ధులూరు గ్రామాల్లో పర్యటించిన జిల్లా బృందం, పంట నష్టాన్ని పరిశీలించింది. ఈ సందర్భంగా ఆయన మాట్లాడుతూ.. ఎల్‌నినో ప్రభావం, బోర్లలో నీటి కొరత, విద్యుత్‌ సరఫరాలో అంతరాయాల కారణంగా పత్తి, వరి, కంది పంటలతో పాటు క్యారెట్‌, బీట్‌రూట్‌, క్యాబేజీ తదితర కూరగాయల పంటలు, పూల తోటలు తీవ్రంగా దెబ్బతిన్నాయని ఆవేదన వ్యక్తం చేశారు. పెట్టుబడులు పెట్టి పంటలు సాగు చేసిన రైతులు దిగుబడులు లేక ఆర్థిక ఇబ్బందులు ఎదుర్కొంటున్నారని పేర్కొన్నారు. సీఎం రేవంత్‌రెడ్డి, స్పీకర్‌ ప్రసాద్‌కుమార్‌ స్పందించి వెంటనే వికారాబాద్‌ను కరువు జిల్లాగా ప్రకటించాలని కోరారు. రైతులను ఆదుకునేందుకు రూ.2 వేల కోట్లు కేటాయించాలని డిమాండ్‌ చేశారు. ఈ కార్యక్రమంలో తెలంగాణ రైతు సంఘం జిల్లా ఉపాధ్యక్షుడు ఇందురూపాటి గోపాల్‌రెడ్డి, తేజ, శ్రీనివాస్‌, రైతులు తదితరులు పాల్గొన్నారు.

బంట్వారం: యాంటీ డ్రగ్స్‌ నినాదంతో ఏపీలో 1,036 కిలోమీటర్లు సైకిల్‌ యాత్ర పూర్తి చేసిన బంట్వారం మండలం తొర్మామిడి నివాసి మీరాసాబ్‌ జహీర్‌ పాషాకు లెజెండ్స్‌ అవార్డు దక్కింది. శనివారం హైదరాబాద్‌లోని బిర్లా ఆడిటోరియంలో తెలంగాణ మైనార్టీ కమిషన్‌ చైర్‌పర్సన్‌ తారిఖ్‌ అన్సారీ చేతులమీదుగా అవార్డు అందుకున్నారు. ఈ సందర్భంగా పాషా మాట్లాడుతూ.. అవార్డు తన బాధ్యతను పెంచిందన్నారు. మాదక ద్రవ్యాల నిర్మూలన కోసం తెలంగాణ, ఏపీలో పలు కార్యక్రమాలు చేపట్టామన్నారు. యువతను మేల్కొల్పేందుకు, డ్రగ్స్‌ నివారణపై నిరంతర కృషి చేస్తానని స్పష్టంచేశారు.

మోమిన్‌పేట: విద్యుత్‌ షార్ట్‌ సర్క్యూట్‌ సంభవించిన వెల్‌చాల్‌ చర్చిని శనివారం స్పీకర్‌ గడ్డం ప్రసాద్‌కుమార్‌ సందర్శించారు. చర్చిలో కాలిపోయిన ఫర్నిచర్‌ను పరిశీలించారు. అనంతరం కమిటీ సభ్యులతో మాట్లాడారు. నీటి సమస్య పరిష్కారానికి బోరు మంజూరు చేస్తానని హామీ ఇచ్చారు. ఆయన వెంట సర్పంచ్‌ శ్రీనివాస్‌, మర్పల్లి మార్కెట్‌ కమిటీ చైర్మన్‌ మహేందర్‌రెడ్డి, కాంగ్రెస్‌ మండల అధ్యక్షుడు, పీఏసీఎస్‌ చైర్మన్‌ శంకర్‌, మండల సర్పంచుల సంఘం అధ్యక్షుడు సురేందర్‌ పార్టీ నాయకులు తదితరులు ఉన్నారు. పరిగి: ప్రజల భద్రతే లక్ష్యంగా పనిచేస్తామని మున్సిపల్‌ కమిషనర్‌ మల్లేశ్‌ అన్నారు. పట్టణం వీధి కుక్కల నియంత్రణ చర్యలు చేపట్టారు. ఈమేరకు శనివారం బ్లూ క్రాస్‌ ఆధ్వర్యంలో 170 శునకాలను పట్టించారు. అనంతరం ఆయన మాట్లాడుతూ.. వీధి కుక్కలను పట్టుకుని, వాటి వ్యాప్తి జరగకుండా శస్త్ర చికిత్సలు చేయించి, ఇతర ప్రాంతాలకు తరలిస్తున్నామని తెలిపారు. మిగిలిన వాటిని కూడా పట్టుకుంటామన్నారు. కార్యక్రమంలో మున్సిపల్‌ సిబ్బంది తదితరులు పాల్గొన్నారు. తాండూరు టౌన్‌: పట్టణంలోని సాయిపూర్‌ ప్రసన్న అభయాంజనేయ స్వామి ఆలయంలో శనివారం ఉత్సవాలు వైభవంగా జరిగాయి. స్థానికులు పెద్ద ఎత్తున తరలివచ్చి స్వామివారికి ప్రత్యేక పూజలు చేశారు. మున్సిపల్‌ చైర్‌పర్సన్‌ పట్లోళ్ల నీరజాబాల్‌రెడ్డి దంపతులు పల్లకీ సేవలో పాల్గొన్నారు. గ్రామ పెద్దల ఆధ్వర్యంలో భక్తులకు మహా అన్నదాన కార్యక్రమం నిర్వహించారు. కౌన్సిలర్లు బంటు వేణుగోపాల్‌, శ్రీకాంత్‌, పురవాసులు పాల్లొన్నారు. డీఆర్‌డీఓ శ్రీనివాస్‌ మర్పల్లి: అర్హులైన వితంతువులు, ఒంటరి మహిళలకు ప్రభుత్వం త్వరలోనే ఆసరా పింఛన్లు అందించనుందని డీఆర్‌డీఓ శ్రీనివాస్‌ అన్నారు. మండల పరిధిలోని కొంషెట్‌పల్లి, పట్లూర్‌, మర్పల్లి, కొత్లాపూర్‌, సిరిపురంలో ఆన్‌లైన్‌ ద్వారా వచ్చిన దరఖాస్తులపై శనివారం ఎంపీడీఓ శాంత, ఏపీఎం సమ్మయ్యతో కలిసి క్షేత్రస్థాయి విచారణ చేశారు. అనంతరం ఆయా గ్రామాల్లో ఇంకుడు గుంతలు, బోర్‌వెల్‌ స్ట్రక్చర్‌ పనులను పరిశీలించారు. ఆయన వెంట ఏపీఓ అంజిరెడ్డి, ఆయా గ్రామాల సర్పంచ్‌లు రఫియొద్దీన్‌, పరషురామ్‌, లక్ష్మి మాధవరెడ్డి, సంగీతకృష్ణారెడ్డి, వార్డు మెంబర్లు ఉన్నారు. మీర్‌పేట: అర్హులైన పట్టభద్రులంతా ఓటు హక్కు నమోదు చేసుకునేలా నాయకులు, కార్యకర్తలు అవగాహన కల్పించాలని మాజీ మంత్రి, ఎమ్మెల్యే సబితారెడ్డి, ఎమ్మెల్సీ సురభి వాణిదేవి సూచించారు. మీర్‌పేటలోని ఎమ్మెల్యే క్యాంపు కార్యాలయంలో పట్టభద్రుల ఓటర్ల నమోదు అంశంపై శనివారం నిర్వహించిన నియోజకవర్గ స్థాయి ముఖ్య కార్యకర్తల సమావేశానికి వారు హాజరయ్యారు. ఈ సందర్భంగా మాట్లాడుతూ.. నియోజకవర్గంలోని బీఆర్‌ఎస్‌ శ్రేణులంతా సమన్వయంతో పనిచేసి పెద్ద ఎత్తున పట్టభద్రులను ఓటర్లుగా నమోదు చేయాలన్నారు.

షాద్‌నగర్‌రూరల్‌: మహిళల్లో అక్షరాస్యతను పెంపొందించి, వారిని విద్యావంతులుగా తీర్చిదిద్దడమే లక్ష్యమని రాష్ట్ర వయోజన విద్యాశాఖ డైరెక్టర్‌ శ్రీనివాస్‌రెడ్డి అన్నారు. రాష్ట్రంలో తొలిసారిగా ప్రభు త్వం ఫరూఖ్‌నగర్‌ మండలంలో ఉర్దూభాష అభ్యసన (ఉల్లాస్‌) కార్యక్రమాన్ని చేపట్టింది. పట్టణంలో ని మండల పరిషత్‌ సమావేశ మందిరంలో శనివా రం ఏర్పాటు చేసిన సమావేశానికి ముఖ్యఅతిథిగా హాజరైన శ్రీనివాస్‌రెడ్డి మాట్లాడుతూ.. మహిళలు విద్యావంతులుగా ఎదిగినప్పుడే ఆ కుటుంబం, సమాజం అభివృద్ధి చెందుతుందని అన్నారు. రాను న్న మార్చి నెలాఖరు వరకు జిల్లాలో 5,500 మంది మహిళలకు విద్యను అందించి ప్రభుత్వ లక్ష్యాన్ని చేరుకోవాలని సూచించారు. మహిళల్లో అక్షరాస్యతను పెంచేందుకు అధికారులు, స్వచ్ఛంద సంస్థలు సమన్వయంతో పని చేయాలని సూచించారు. అనంతరం ఉర్దూ అభ్యసన పుస్తకాన్ని ఆవిష్కరించారు. కార్యక్రమంలో వయోజన విద్యాశాఖ డిప్యూటీ డైరెక్టర్‌ అనిత, తహసీల్దార్‌ నాగయ్య, మున్సిపల్‌ చైర్మన్‌ అగ్గనూర్‌ బస్వం, మార్కెట్‌ కమిటీ వైస్‌ చైర్మన్‌ మహ్మద్‌ అలీఖాన్‌బాబర్‌, కాంగ్రెస్‌ పార్టీ జిల్లా ప్రధానకార్యదర్శి ఎం.డి.ఇబ్రహీం తదితరులు పాల్గొన్నారు.

ఇబ్రహీంపట్నం: పేద ప్రజల కోసం ప్రాణాలర్పించిన మహబూబ్‌ పాష, నరహరిల స్ఫూర్తితో సీపీఎం ప్రజా పోరాటాలు నిర్వహిస్తోందని ఆ పార్టీ జిల్లా కార్యదర్శి బోడ సామెల్‌ అన్నారు. స్థానిక పాషనరహరి స్మారక కేంద్రంలో శనివారం విలేకరుల సమావేశంలో మాట్లాడారు. కార్మిక, కర్షక, కష్టజీవుల అభ్యున్నతికి నిరంతరం పోరాటం చేసిన పాష, నరహరిలను భూస్వాములు, మతోన్మాదులు కక్షగట్టి దారుణంగా హతమార్చారని గుర్తు చేశారు. వారి వర్ధంతి సభలను గ్రామగ్రామాన నిర్వహించాలని.. ఇబ్రహీంపట్నంలోని అంబేడ్కర్‌ చౌరస్తాలో సోమవారం నిర్వహించే సభకు పెద్ద సంఖ్యలో పార్టీ శ్రేణులు, ప్రజలు హాజరుకావాలని పిలుపునిచ్చారు. సమావేశంలో పార్టీ జిల్లా కార్యదర్శివర్గ సభ్యుడు కె.జగన్‌, జిల్లా కమిటీ సభ్యులు పి.జగన్‌, పి.అంజయ్య, ప్రకాశ్‌ కారత్‌, యాదగిరి, విజయ్‌, కార్తీక్‌, కృష్ణ పాల్గొన్నారు.

మొయినాబాద్‌: ఎదురెదురుగా కారు, బైకు ఢీకొని రోడ్డు నిర్మాణంకోసం తీసిన కాలువలో పడటంతో ఇద్దరికి గాయాలయ్యాయి. ఈ సంఘటన మొయినాబాద్‌ పోలీస్‌స్టేషన్‌ పరిధిలోని కేతిరెడ్డిపల్లి గేటు వద్ద హైదరాబాద్‌–బీజాపూర్‌ జాతీయ రహదారిపై శనివారం ఉదయం చోటుచేసుకుంది. స్థానికులు తెలిపిన వివరాల ప్రకారం.. నగరం నుంచి చేవెళ్ల వైపు బైక్‌పై ఇద్దరు వెళ్తున్నారు. అదే సమయంలో చేవెళ్ల నుంచి నగరం వైపు అతివేగంతో వచ్చిన కారు, బైక్‌ను ఢీకొట్టింది. దీంతో బైక్‌పై ఉన్న ఇద్దరు కింద పడి గాయాలయ్యాయి. ఢీకొన్న రెండు వాహనాలు రోడ్డు నిర్మాణంకోసం తవ్విన కాలువలోకి దూసుకెళ్లి పల్టీ కొట్టాయి. గాయాలైన ఇద్దరిని స్థానికులు చికిత్సకోసం నగరంలోని ఓ ప్రైవేటు ఆస్పత్రికి తరలించారు. ప్రమాదం జరిగినట్లు సమాచారం అందిన వెంటనే పోలీసులు అక్కడికి చేరుకున్నారు. గాయాలైనవారి వివరాలను మాత్రం శనివారం రాత్రి వరకు సేకరించలేదు. మరోవైపు హైదరాబాద్‌–బీజాపూర్‌ జాతీయ రహదారి విస్తరణ పనులు చేపడుతున్న కాంట్రాక్టర్‌ నిర్లక్ష్యం వాహనదారులకు శాపంగా మారింది. రోడ్డు విస్తరణ పనుల్లో కాంట్రాక్టర్‌ నిబంధనలు, జాగ్రత్తలు పాటించడంలేదని స్పష్టమవుతోంది. ప్రస్తుతం ఉన్న రోడ్డు పక్కనుంచి కొత్త రోడ్డు నిర్మాణంకోసం కాలువలు తవ్వారు. వాటికి అడ్డంగా సూచిక బోర్డులు, సిమెంటు దిమ్మెలు పెట్టాల్సి ఉన్నా.. అవేమీ పట్టించుకోవడంలేదు. దీంతోనే ప్రమాదాలు జరుగుతున్నాయని స్థానికులు, వాహనదారులు ఆరోపిస్తున్నారు. కాలువలో పడిన కారు, బైకు రోడ్డు ప్రమాదంలో ఇద్దరికి గాయాలు

షాబాద్‌: భూ వివాదం నేపథ్యంలో కత్తితో దాడి చేసిన కేసులో షాబాద్‌ పోలీసులు తొమ్మిది మంది నిందితులను అరెస్టు చేశారు. సీఐ డీకే లక్ష్మిరెడ్డి తెలిపిన వివరాల ప్రకారం.. మండలంలోని హైతాబాద్‌ సర్వేనంబర్‌ 202లోని భూమికి సంబంధించి దీర్ఘకాలిక వివాదం కొనసాగుతోంది. ఈ నేపథ్యంలో శుక్రవారం సాయంత్రం రెండు వర్గాల మధ్య ఘర్షణ చోటుచేసుకుంది. చాంద్‌పాషా, అతని కుమారులు సోహెల్‌, ఫైజల్‌పై దాడి చేయడానికి నిందితులు ముందస్తు పథకం వేసుకున్నారు. ఈ క్రమంలో రెండు కార్లు, ఒక మోటార్‌ సైకిల్‌పై ఆయుధాలతో అక్కడికి చేరుకుని దాడికి పాల్పడ్డారు. ముజఫర్‌ ఉద్దీన్‌ ఓ వ్యక్తిపై కత్తితో దాడి చేశాడు. అనంతరం జరిగిన ఘర్షణలో వాహనాలు ధ్వంసమయ్యాయి. ఈ కేసులో షాబాద్‌ పోలీసులు శనివారం తొమ్మిది మంది నిందితులను అదుపులోకి తీసుకున్నారు. రెండు కార్లు, ఒక మోటార్‌ సైకిల్‌, రెండు క్రికెట్‌ బ్యాట్‌లు, కత్తి, పలు సెల్‌ఫోన్లు స్వాధీనం చేసుకున్నారు.

ఆదివారం శ్రీ 25 శ్రీ అక్టోబర్‌ శ్రీ 2026వికారాబాద్‌: వర్షాభావ పరిస్థితులతో జిల్లాలో కరువు ఛాయలు స్పష్టంగా కనిపిస్తున్నాయి. భూగర్భ జలాలు రోజురోజుకూ అడుగంటుతున్నాయి. ఎండల తీవ్రత, లోటు వర్షపాతంతో చెరువులు, కుంటలు వెలవెలబోతున్నాయి. మొత్తం 20 మండలాలకు గాను 16 మండలాల్లో తక్కువ వర్షపాతం నమోదైంది. 11 మండలాల్లో తీవ్రమైన కరువు ఛాయలు ఉన్నట్లు ప్రభుత్వం గుర్తించింది. బావులు, బోర్లలో నీళ్లు అడుగంటి ఖరీఫ్‌ పంటలు ఎండిపోతున్నాయి. గతేడాది సెప్టెంబర్‌ చివరన జిల్లాలో సగటున 5.79 మీటర్ల లోతులో నీరు ఉండగా, ఈఏడాది అక్టోబర్‌ చివర్లోనే 11.96 మీటర్ల లోతుకు పడిపోయాయి. ఇదీ పరిస్థితి ● భూగర్భ జలాలు దుద్యాల మండలంలో 25.95, మర్పల్లిలో 24.05, పెద్దేముల్‌లో 15.61 మీటర్ల లోతుకు పడిపోయాయి. ● జిల్లావ్యాప్తంగా నాలుగు మండలాల్లో మాత్రమే సాధారణ వర్షపాతం నమోదైంది. ● వానాకాలం ప్రారంభమైన నాటి నుంచి ఇప్పటి వరకు 738.4 మిల్లీమీటర్ల సాధారణ వర్షపాతం నమోదు కావాల్సి ఉండగా.. కేవలం 475.2 మిల్లీమీటర్లుగా రికార్డయింది. ● రాష్ట్రంలో సగటున 25 శాతం లోటు వర్షపాతం నమోదు కాగా మన జిల్లాలో 36 శాతం లోటు వర్షపాతం నమోదవడం గమనార్హం. ● మిగిలిన జిల్లాలతో పోలిస్తే ఎల్‌నినో ప్రభావం మన జిల్లాపైనే అధికంగా ఉంది. ● రాష్ట్రంలో అత్యధిక కరువు ఛాయలు నెలకొన్న గద్వాల తర్వాతి స్థానంలో వికారాబాద్‌ ఉండటం ఆందోళన కలిగిస్తోంది. ● ఖరీఫ్‌లో వేసిన వరి, కంది పంటలు తీవ్ర నీటి ఎద్దడిని ఎదుర్కొంటున్నాయి. ● జిల్లాలో 2.19 లక్షల ఎకరాల్లో పత్తి, 95 వేల ఎకరాల్లో కంది, 1.2 లక్షల ఎకరాల్లో వరి, 35 వేల ఎకరాల్లో మొక్కజొన్న సాగయ్యాయి. ఇందులో మొక్కజొన్న కోత దశకు రావడంతో ఈ పంటకు ఇబ్బంది లేదు. ● కంది, పత్తి, వరి దిగుబడి 25 నుంచి 50శాతం తగ్గే అవకాశం ఉంది. రబీపై నీలినీడలు గతేడాది రబీలో వరితో కలిపి 1.85 లక్షల ఎకరాల్లో వివిధ పంటలు సాగయ్యాయి. ఇందులో వరి ఒక్కటే 90 వేల ఎకరాలకు పైగా ఉంది. ప్రస్తుతం ఈపంట జోలికి వెళ్లకపోవడమే మంచిదని అధికారులు సూచిస్తున్నారు. నీటి లభ్యత ఆధారంగా జిల్లాలో రబీ సాగు 30 వేల ఎకరాలకు పడిపోయే అవకాశం ఉంది. ఈస్థానంలో స్వల్పకాలిక, ఆరుతడి పంటలు వేసుకోవటం మేలు. శనగ, జొన్నతో పాటు తీగజాతి కూరగాయల పంటలను నాటుకోవాలి. జిల్లాలో కరువు ఛాయలు 16 మండలాల్లో లోటు వర్షపాతం అడుగంటుతున్న భూగర్భ జలాలు మండుతున్న ఎండలు.. ఎండుతున్న పంటలు నష్టనివారణ చర్యలకు అధికారుల కసరత్తు జిల్లాలో నెలకొన్న పరిస్థితిని ఎప్పటికప్పుడు ప్రభుత్వానికి వివరిస్తున్నాం. ఉద్యాన శాఖ ద్వారా ప్రభుత్వం డ్రిప్‌, స్ప్రింక్లర్లు అందిస్తోంది. మల్చింగ్‌ షీట్లు, డ్రిప్పు, మినీ స్ప్రింక్లర్లు, విత్తనాలు, షేడ్‌నెట్‌లు, రాయితీపై ఇస్తే బాగుంటుందని సిఫారసు చేశాం. గ్రామాలు, పట్టణాల్లో నీటి వృథాను అరికట్టాలి. వర్షపు నీటిని భూమిలో ఇంకించే పనులు పెరగాలి. పంటలకు నీటి వినియోగాన్ని తగ్గించుకుని పశువులు, మనుషుల తాగునీటి అవసరాలకు ఇబ్బంది లేకుండా చూసుకోవాలి. ఈనెల 22నుంచి నవంబర్‌ 30 వరకు అవగాహన కార్యక్రమాలు నిర్వహిస్తాం. కేతీ బచావో పేరుతో కేంద్ర ప్రభుత్వం చేపడుతున్న కార్యక్రమానికి అందరూ సహకరించాలి. – దీపక్‌తివారి, కలెక్టర్‌, వికారాబాద్‌ జిల్లా

● జిల్లా పంచాయతీ అధికారి జయసుధ ● చౌడాపూర్‌, మందిపల్‌లో అభివృద్ధి పనుల పరిశీలన కుల్కచర్ల: మహిళా సమాఖ్య గ్రామ సంఘాల భవనాల నిర్మాణంలో నిర్లక్ష్యం తగదని జిల్లా పంచాయతీ అధికారి జయసుధ అన్నారు. శనివారం ఆమె చౌడాపూర్‌ మండల కేంద్రంతో పాటు మందిపల్‌లో పర్యటించారు. ఆయా గ్రామాల్లో కొనసాగుతున్న అభివృద్ధి పనులను పరిశీలించారు. మందిపల్‌లో చేపట్టిన గ్రామ సంఘం భవన నిర్మాణ పూజలో పాల్గొన్నారు. గ్రామ సంఘాలు, పంచాయతీ భవనాల నిర్మాణాలు, సామూహిక మరుగుదొడ్లు, ఇంకుడు గుంతలు తదితర అభివృద్ధి పనుల నిర్వహణలో నిర్లక్ష్యం చేయకూడదన్నారు. ఆయా భవనాలకు అవసరమైన స్థలాల కోసం తహసీల్దార్లను సంప్రదించాలని సూచించారు. వీబీరాంజీ ద్వారా గ్రామాల్లో వివిధ పనులు నిర్వహించుకునేందుకు అవకాశం ఉందని, వీటిపై రైతులకు అవగాహన కల్పించాలని సూచించారు. పంచాయతీ కార్యదర్శులు సమయపాలన పాటించాలని, విధుల పట్ల నిర్లక్ష్యం వహిస్తే చర్యలు తప్పవని పేర్కొన్నారు. ఈ కార్యక్రమంలో ఇన్‌ఛార్జ్‌ ఎంపీడీఓ వెంకన్న, ఎంపీఓ శ్రీనివాస్‌రెడ్డి, ఏపీఓ చంద్రశేఖర్‌, మందిపల్‌ సర్పంచ్‌ నాగరాజు, ఆయా గ్రామాల కార్యదర్శులు తదితరులు పాల్గొన్నారు.

● ఇచ్చిన హామీలను నెరవేరుస్తున్నాం ● ఎమ్మెల్యే రామ్మోహన్‌రెడ్డి ● పరిగిలో ధాన్యం కొనుగోలు కేంద్రం ప్రారంభంపరిగి: రైతుల సంక్షేమానికి కాంగ్రెస్‌ ప్రభుత్వం కట్టుబడి ఉందని ఎమ్మెల్యే టి.రామ్మోహన్‌రెడ్డి అన్నారు. డీసీఎంఎస్‌ ఆధ్వర్యాన పట్టణంలో ఏర్పాటు చేసిన వరి ధాన్యం కొనుగోలు కేంద్రాన్ని శనివారం ఈయన ప్రారంభించారు. అనంతరం మాట్లాడుతూ.. రైతులు పండించిన ధాన్యాన్ని కొనుగోలు చేసేందుకు అన్ని ఏర్పాట్లు చేస్తున్నామన్నారు. గిట్టుబాటు ధర కల్పించేందుకు ప్రభుత్వం చర్యలు తీసుకుంటోందని తెలిపారు. ఎన్నికల్లో భాగంగా రైతులకు ఇచ్చిన హామీలను నెరవేరుస్తున్నామన్నారు. అధికారంలోకి వచ్చిన వెంటనే రూ.2 లక్షల వరకు రుణమాఫీ చేశామని, యంత్రాలు, పనిముట్లను సబ్సిడీపై అందజేస్తున్నామని తెలిపారు. వాతావరణ మార్పులు, ఎల్‌నినో వంటి పరిణామాలను రాజకీయాలతో ముడిపెట్టి ప్రజల్లో సృష్టించడం సరికాదన్నారు. ప్రభుత్వంపై ప్రతిపక్షాలు చెబుతున్న లేనిపోని మాటలను ప్రజలు నమ్మే పరిస్థితి లేదని ఎద్దేవాచేశారు. రబీలో వరి సాగు చేయకపోవడమే మంచిదని సూచించారు. తక్కువ నీటితో పండే పంటలే వేయాలన్నారు. ఈ కార్యక్రమంలో మున్సిపల్‌ చైర్మన్‌ రజిత, మార్కెట్‌ కమిటీ చైర్మన్‌ పరశురాంరెడ్డి, వైస్‌ చైర్మన్‌ అయూబ్‌, కాంగ్రెస్‌ మండల అధ్యక్షుడు వెంకట్‌రాములు, పీఏసీఎస్‌ చైర్మన్‌ పార్థసారథిపంతులు, ఆత్మకమిటీ చైర్మన్‌ శ్రీనివాస్‌రెడ్డి, నాయకులు తౌర్యనాయక్‌, తదితరులు పాల్గొన్నారు.

తాండూరు రూరల్‌: అక్రమంగా ఇసుక తరలిస్తున్న ట్రాక్టర్‌ను కరన్‌కోట్‌ పోలీసులు పట్టుకున్నారు. ఈ సంఘటన తాండూరు మండలం గోనూర్‌లో శనివారం ఉదయం చోటుచేసుకుంది. ఎస్‌ఐ అన్వేష్‌రెడ్డి కథనం ప్రకారం.. గ్రామానికి చెందిన మాచనూర్‌ శివకుమార్‌ కాగ్నా వాగు నుంచి ట్రాక్టర్‌లో అక్రమంగా ఇసుక తరలిస్తుండగా పట్టుకున్నారు. వాహనాన్ని పీఎస్‌కు తరలించి, యజమాని శివకుమార్‌తో పాటు డ్రైవర్‌పై కేసు నమోదు చేశామని ఎస్‌ఐ తెలిపారు. ఇదిలా ఉండగా ట్రాక్టర్‌ను వదిలిపెట్టాలని అధికార పార్టీ నేతల నుంచి పోలీసులకు ఒత్తిడి వచ్చినట్లు సమాచారం. అంతకుముందే గోనూర్‌లో ఓ ట్రాక్టర్‌ యజమాని పోలీసుల పట్ల దురుసుగా ప్రవర్తించడాన్ని చూసి, గ్రామస్తులు విస్తుపోయారు. పోలీసులు అతన్ని జీపులో పీఎస్‌కు తరలించారు. యజమాని, డ్రైవర్‌పై కేసు

పరిగి: ట్రాఫిక్‌ నిబంధనలను బేఖాతరు చేస్తూ ఆకతాయిలు ప్రజల ప్రాణాలతో చెలగాటమాడుతున్నారు. గురువారం రాత్రి పరిగి పట్టణంలో ఓ వ్యక్తి వేగంగా వెళ్తున్న కారు టాప్‌పై కూర్చొని ప్రమాదకర విన్యాసాలు చేశాడు. ఈ వీడియో శుక్రవారం సోషల్‌ మీడియలో వైరల్‌గా మారింది. పట్టణ పరిధిలోని బీజాపూర్‌ – హైదరాబాద్‌ జాతీయ రహదారిపై కొందరు వ్యక్తులు వేగంగా కారు నడిపారు. ఓ వ్యక్తి కారు టాప్‌పై కూర్చుని చల్‌చల్‌ చేశారు. తోటి వాహనదారులను భయాందోళనకు గురి చేశారు. ఇలాంటి వ్యక్తుల కారణంగానే ప్రమాదాలు చోటు చేసుకుంటున్నాయని పలువురు అభిప్రాయం వ్యక్తం చేశారు. ఒకరు కారు టాప్‌పై కూర్చొని మరో ముగ్గురు లోపల ఉన్నట్ల తెలిసింది. మద్యం మత్తులో కారు నడిపారని స్థానికులు ఆరోపించారు. ఆకతాయిలపై చట్టపరమైన చర్యలు తీసుకోవాలని కోరారు. ఈ విషయమై ఎస్‌ఐ మోహనకృష్ణను వివరణ కోరగా వాహనాన్ని గుర్తించామని కేసు నమోదు చేస్తామని తెలిపారు. పరిగి పట్టణంలో ఘటన ఆందోళనకు గురైన ప్రజలు, వాహనదారులు కేసు నమోదు చేస్తామన్న ఎస్‌ఐ

ఆర్‌డబ్ల్యూఎస్‌ డీఈ వెంకటేశ్‌ తాండూరు రూరల్‌: ఎల్‌నినో ప్రభావంతో గ్రామాల్లో తాగునీటి ఇబ్బందులు తలెత్తే అవకాశం ఉన్నందున ప్రజలు నీటిని వృథా చేయరాదని ఆర్‌డబ్ల్యూఎస్‌ తాండూరు డివిజన్‌ డీఈ వెంకటేశ్‌ సూచించారు. శుక్రవారం పట్టణంలో ప్రత్యేక సమావేశం నిర్వహించారు. ఈ సందర్భంగా ఆయన మాట్లాడుతూ.. పబ్లిక్‌ వాటర్‌ స్కీం కింద తాండూరు మండలంలో 105 బోర్లు, పెద్దేముల్‌లో 83, యాలాలలో 61, బషీరాబాద్‌లో 96 బోర్లు ఉన్నట్లు తెలిపారు. వీటి ద్వారా నీటిని సరఫరా చేస్తామని చెప్పారు. సింగిల్‌ ఫేజ్‌ మోటర్లతో పాటు మిషన్‌ భగీరఽథ ద్వారా కూడా తాగునీటిని సరఫరా చేస్తున్నట్లు వివరించారు. పెద్దేముల్‌, బషీరాబాద్‌ మండలాల్లో భూగర్భజలాలు అడుగంటుతున్నందున నీటిని పొదుపుగా వాడుకోవాలని సూచించారు. నల్లాలకు ఆన్‌ అండ్‌ ఆఫ్‌ సిస్టం ఏర్పాటు చేసుకోవాలన్నారు. గ్రామాల్లో ఇంకుడు గుంతలు తవ్వుకోవాలని చెప్పారు. ఎల్‌నినో నేపథ్యంలో ప్రజలు అప్రమత్తంగా ఉండాలని సూచించారు. సబితారెడ్డిని కలిసిన బీఆర్‌ఎస్‌ నాయకులు నవాబుపేట: మాజీ మంత్రి, మహేశ్వరం ఎమ్మెల్యే సబితారెడ్డిని శుక్రవారం బీఆర్‌ఎస్‌ మండల నాయకులు మర్యాదపూర్వకంగా కలిశారు. దసరా పండుగ శుభాకాంక్షులు తెలిపారు. ఈ సందర్భంగా ఆమె మాట్లాడుతూ.. రానున్న పట్టభద్రుల ఎన్నికల్లో బీఆర్‌ఎస్‌ అభ్యర్థిని భారీ మెజారిటీతో గెలిపించుకునేందుకు ప్రతి కార్యకర్తా కృషి చేయాలని సూచించారు. కార్యక్రమంలో దయాకర్‌రెడ్డి, భరత్‌రెడ్డి, పురుషోత్తం, మాణిక్‌రెడ్డి, వెంకట్‌రెడ్డి, రాజు, మల్లేశం తదితరులు పాల్గొన్నారు. గడువు పొడిగింపు అనంతగిరి: ఉద్యాన పట్టు పరిశ్రమల శాఖ పరిధిలో ఉల్లి, వాము పంటల సాగు, మల్చింగ్‌కు సబ్సిడీ పొందేందుకు దరఖాస్తు గడువును నవంబర్‌ 10వ తేదీ వరకు పొడిగించినట్లు జిల్లా ఉద్యాన పట్టు పరిశ్రమ శాఖ అధికారి ఎంఏ సత్తార్‌ శుక్రవారం ఒక ప్రకటనలో తెలిపారు. ప్రస్తుత వాతావరణ పరిస్థితులు, ఎల్‌నినో ప్రభావంతో వర్షపాతంలో హెచ్చుతగ్గులు, నీటి లభ్యతలో మార్పులను దృష్టిలో ఉంచుకుని రైతులు తక్కువ నీటితో సాగయ్యే పంటలను ఎంపిక చేసుకోవాలని సూచించారు. ప్రాంతీయ వాతావరణ పరిస్థితులు, నేల స్వభావం, నీటి లభ్యతకు అనుగుణంగా ఉద్యాన పంటలను ఎంపిక చేసుకోవాలన్నారు. మల్చింగ్‌ విధానం ద్వారా నేలలో తేమను కాపాడుకోవడం, కలుపు మొక్కల పెరుగుదలను నియంత్రించడం, నీటి వినియోగ సామర్థ్యాన్ని మెరుగుపరచుకోవడం వంటి ప్రయోజనాలు పొందవచ్చని పేర్కొన్నారు. ఆసక్తి ఉన్న రైతులు డివిజన్‌ ఉద్యాన అధికారులను సంప్రదించి దరఖాస్తులు సమర్పించాలని ఆయన కోరారు. ఓటరుగా నమోదు చేసుకోండి మాజీ ఎమ్మెల్యే ఆనంద్‌ అనంతగిరి: రానున్న ఎమ్మెల్సీ ఎన్నికలను దృష్టిలో ఉంచుకొని అర్హులైన పట్టభద్రులు ఓటరుగా నమోదు చేసుకోవాలని వికారాబాద్‌ మాజీ ఎమ్మెల్యే డాక్టర్‌ మెతుకు ఆనంద్‌ సూచించారు. శుక్రవారం బీఆర్‌ఎస్‌ పార్టీ నాయకులతో కలిసి పట్టణంలోని 4, 5వ వార్డుల్లో పట్టభద్రులను కలిశారు. ఓటరుగా నమోదు చేసు కోవాలని కోరారు. పలువురిని ఓటర్లుగా నమో దు చేయించారు. కార్యక్రమంలో పార్టీ రాష్ట్ర నాయకులు శుభప్రద్‌ పటేల్‌, విజయ్‌కుమార్‌, నాగేందర్‌గౌడ్‌, గోపాల్‌ ముదిరాజు, కడియాల వేణుగోపాల్‌ తదితరులు పాల్గొన్నారు.

వికారాబాద్‌: రేడియల్‌ రోడ్డు దిశగా వడివడిగా అడుగులు పడుతున్నాయి. ఇప్పటికే టెండర్‌ ప్రక్రియను పూర్తి చేసిన ప్రభుత్వం త్వరలో పనులు ప్రారంభించేందుకు కసరత్తు చేస్తోంది. నవంబర్‌ మొదటి వారంలో సీఎం చేతుల మీదుగా భూమిపూజ చేసేందుకు అధికారులు ఏర్పాట్లు చేస్తున్నారు. శంషాబాద్‌ సమీపంలోని బుద్వేల్‌ ఔటర్‌ రింగ్‌ రోడ్డు ఎగ్జిట్‌ నంబర్‌ 17 నుంచి శంషాబాద్‌, షాబాద్‌, పరిగి, పూడూరు, దోమ మండలాల మీదుగా కొడంగల్‌ నియోజకవర్గ పరిధిలోని హకీంపేట్‌ వరకు రేడియల్‌ రోడ్డు నిర్మించనున్నారు. ఈ రోడ్డు రాజేంద్రనగర్‌, చేవెళ్ల, పరిగి, కొడంగల్‌ నియోజకవర్గాలను కలపనుంది. ఔటర్‌ రింగు రోడ్డు నుంచి ప్రారంభమై నేషనల్‌ హైవే 167తో అనుసంధానం చేస్తుంది. నాలుగు నెలల క్రితమే సీఎం రేవంత్‌రెడ్డి ఈ విషయాన్ని ప్రకటించగా దీనికి సంబంధించిన ప్రక్రియను అధికారులు ముమ్మరం చేశారు. 81 కిలోమీటర్ల దూరం ఆరు వరుసలుగా నిర్మించనున్నారు. ఇందు కోసం రూ.3,295 కోట్లు ఖర్చు చేయనున్నారు. రింగ్‌రోడ్డును కలుపుతూ రెండవ రేడియల్‌ రోడ్డుగా అభివృద్ధి చేస్తారు. వికారాబాద్‌, రంగారెడ్డి జిల్లాల్లో భూ సేకరణ ప్రక్రియ దాదాపు పూర్తయ్యింది. టెండర్‌ ప్రక్రియను పూర్తి చేశారు. 246 అడుగుల వెడ ల్పుతో 81 కిలోమీటర్ల దూరం వరకు నాలుగు వరుసలుగా ఈ గ్రీన్‌ ఫీల్డ్‌ హైవేను నిర్మించనున్నారు. భవిష్యత్తులో మెట్రోను సైతం అనుసంధానించేలా భూసేకరణ, డిజైన్‌ చేశారు. 18 గ్రామాల మీదుగా.. జిల్లాలోని ఆరు మండలాల పరిధిలోని 18 గ్రామాల మీదుగా రేడియల్‌ రోడ్డు వెళ్లనుంది. దోమ మండలంలో తొమ్మిది గ్రామాల మీదుగా వెళ్తుంది. ఆ గ్రామాల్లో భూ సేకరణ పూర్తి చేశారు. కుల్కచర్ల, పూడూరు మండలాల్లో ఒక్కో గ్రామం మీదుగా.. పరిగి మండలంలో ఐదు గ్రామాల మీదుగా, దుద్యాల మండలంలో రెండు గ్రామాల గుండా ఈ రోడ్డు వెళ్లనుంది. పరిగి నియోజకవర్గంలో 400 పైచిలుకు ఎకరాలు, దుద్యాల మండలంలో 99 ఎకరాలు కలిపి మొత్తం 500 ఎకరాలు సేకరించారు. భూమి విలువకు కొంచం అటూ ఇటూగా నాలుగు రెట్ల అధికంగా పరిహారం ఇచ్చారు. కొంతమంది రైతులు మినహా అందరూ స్వచ్ఛందంగా భూములు ఇచ్చారు. రోడ్డు నిర్మాణం పూర్తయితే భూముల విలువ పెరగనుంది. రవాణా సౌకర్యం మెరుగు పడుతుంది. పరిగి మండలం సయ్యద్‌పల్లి, రాపోల్‌ తదితర గ్రామాల్లో ఎకరా భూమి విలువ రూ.8.40లక్షలు ఉండగా ప్రభుత్వం రూ.32 లక్షల నుంచి రూ.34 లక్షల వరకు పరిహారం రూపంలో చెల్లించింది. దోమ, దుద్యాల మండలాల్లో ఎకరానికి రూ.24 లక్షల చొప్పున పరిహారం ఇవ్వనున్నారు. రేడియల్‌ నిర్మాణ బాధ్యతలు హెచ్‌ఎండీఏ చేపడుతోంది. 18 నెలల వ్యవధిలో పనులు పూర్తి చేయాల్సి ఉంది. మూడు ప్యాకేజీలుగా విభజించి నిర్మించనున్నారు. మొదటి ప్యాకేజీ బుద్వేల్‌ నుంచి షాబాద్‌ వరకు, రెండో ప్యాకేజీ షాబాద్‌ నుంచి దోమ మండలం గూడూరు వరకు మూడో ప్యాకేజీ గూడూరు నుంచి కొడంగల్‌ సమీపంలోని జాతీయ రహదారి 167 నాచారం వరకు నిర్మించనున్నారు. ఓఆర్‌ఆర్‌ను కలుపుతూ రెండో రోడ్డుగా అభివృద్ధి పారిశ్రామిక అభివృద్ధికి ఊతం ఈ అధునాతన సువిశాల రోడ్డు (రేడియల్‌ రోడ్డు) నిర్మాణం పూర్తయితే రంగారెడ్డి జిల్లా పశ్చిమ ప్రాంతంతో పాటు వికారాబాద్‌ జిల్లా అభివృద్ధి వేగం పుంజుకునేందుకు అవకాశం ఉంది. ఓఆర్‌ఆర్‌ నుంచి నిర్మించబోయే ట్రిపుల్‌ఆర్‌ను అనుసంధానించనున్నారు. పరిగి మండలం రాపోల్‌, కాండ్లాపూర్‌ గ్రామాల్లో నిర్మించతలపెట్టిన ఇండస్ట్రియల్‌ పార్కు, షాబాద్‌ మండలం సీతారాంపూర్‌, హైతాబాద్‌ సమీపంలో ఏర్పాటైన పారిశ్రామిక కారిడార్‌, భవిష్యత్తులో దోమ మండలంలో ఏర్పాటు చేయనున్న పారిశ్రామిక వాడ, కొడంగల్‌ నియోజకవర్గ పరిధిలోని మల్టీపర్పస్‌ ఇండస్ట్రియల్‌ పార్కులకు రేడియల్‌ ద్వారా ప్రయోజనం చేకూరనుంది. యుద్ధ ప్రాతిపదికన పనులు పూర్తి చేయాలని ప్రభుత్వం భావిస్తోంది. రేడియల్‌ రోడ్డు అందుబాటులోకి వస్తే భవిష్యత్తులో ఏర్పాటయ్యే ఐటీ క్లస్టర్లు, పారిశ్రామిక వాడల అభివృద్ధికి ఎంతో ఉపయోగపడనుంది. ఇదే సమయంలో పారిశ్రామిక వాడలకు శంషాబాద్‌ కార్గో టెర్మినల్‌ ద్వారా భారీ యంత్రాలు, ముడి సరుకులను పరిశ్రమలకు తరలించటానికి సులభతరమవుతుంది. దీంతో పాటు ట్రిపుల్‌ ఆర్‌, ఓఆర్‌ఆర్‌లను అనుసంధానించడం ద్వారా అన్ని ప్రధాన జాతీయ రహదారులకు కూడా ఇక్కడి నుంచి వెళ్లడం సలువవుతుంది. శంషాబాద్‌లోని అంతర్జాతీయ విమానాశ్రయం నుంచి పారిశ్రామిక వాడలకు లింక్‌ అవుతుంది.

ఆమనగల్లు: రోడ్డు ప్రమాదంలో గ్రామ కార్యదర్శికి గాయాలయ్యాయి. వివరాలివీ.. తలకొండపల్లి మండలం వెల్జాల గ్రామ కార్యదర్శిగా పనిచేస్తున్న వాజిద్‌ ఆమనగల్లులో ఉంటూ విధులు నిర్వర్తిస్తున్నారు. విధి నిర్వహణలో భాగంగా శుక్రవారం ఉదయం బైక్‌పై వెల్జాల వెళ్తుండగా చింతలపల్లి గ్రామం దాటిన తరువాత పలుగుగుట్ట సమీపంలో ఎదురుగా వస్తున్న ఆటో ఢీకొట్టింది. ఈ ప్రమాదంలో వాజిద్‌ తీవ్రంగా గాయపడ్డాడు. వెంటనే 108 అంబులెన్స్‌లో చికిత్స కోసం వెల్దండలోని ఎన్నం ఆస్పత్రికి తరలించారు. పోలీసులు కేసు నమోదు చేసి దర్యాప్తు జరుపుతున్నారు.